Dinamani - கோயம்புத்தூர் - http://www.dinamani.com/all-editions/edition-coimbatore/coimbatore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3037833 கோயம்புத்தூர் கோயம்புத்தூர் சௌரிபாளையம் பகுதியில் சாலைகளை சீரமைக்கக் கோரி பொது மக்கள் மனு DIN DIN Tuesday, November 13, 2018 03:47 AM +0530
செளரிபாளையம் சுற்று வட்டாரப் பகுதிகளில் சேதமடைந்த சாலைகளை உடனடியாகச் சீரமைக்கக் கோரி அப்பகுதி மக்கள் திங்கள்கிழமை நடைபெற்ற மக்கள் குறைதீர் கூட்டத்தில் மாவட்ட ஆட்சியரிடம் மனு அளித்தனர்.
இதுகுறித்து, காங்கிரஸ் கட்சியின் மாநகர் மாவட்டப் பொதுச் செயலர் வி.நந்தகோபால், நிர்வாகிகள் பாபு, ராஜி, கணேசன், நல்லதம்பி மற்றும் சௌரிபாளையம் பகுதி மக்கள் ஆகியோர் அளித்த மனு விவரம்:
செளரிபாளையம் பகுதியை இணைக்கும் பிரதான சாலைகளான பீளமேடு சாலை, புலியகுளம் சாலை, உப்பிலிபாளையம் சாலை, பேருந்து நிலையச் சாலை உள்ளிட்ட சாலைகள் பாதாள சாக்கடைத் திட்டப் பணிக்காகத் தோண்டப்பட்டன.
ஆனால், பணிகள் தொடங்கி இரண்டு ஆண்டுகளாகியும் பணிகள் காலதாமதமாக நடைபெறுவதால், அப்பகுதி முழுவதும் சேறும்சகதியுமாகவும், குண்டும்குழியுமாகவும் காட்சி அளிக்கிறது.
இதனால் சாலையைப் பயன்படுத்த முடியாத நிலை ஏற்பட்டுள்ளதுடன், அடிக்கடி விபத்துகள் ஏற்படுகின்றன. இதனால் மாணவர்கள், தொழிலாளர்கள், வாகன ஓட்டிகள் உள்ளிட்ட அனைத்துத் தரப்பினரும் கடும் சிரமத்துக்கு ஆளாகியுள்ளனர்.
இதனால், சுமார் 3 கிலோ மீட்டர் தொலைவு சுற்றிச் செல்ல வேண்டிய நிலை உள்ளது. மேலும், ஆம்புலன்ஸ், தீயணைப்பு வாகனங்கள் வந்து செல்வதிலும் சிரமம் ஏற்படுகிறது. எனவே, இப்பகுதியில் சேதமடைந்துள்ள சாலைகளைச் சீரமைக்கவும், பேருந்துகள் செளரிபாளையம் பேருந்து நிலையம் வழியாக வந்து செல்லவும் நடவடிக்கை எடுக்க வேண்டும் என அதில் தெரிவிக்கப்பட்டுள்ளது.
குடியிருப்புகளை காலி செய்ய அவகாசம் வழங்க வேண்டும்:
கோவை, சங்கனூர் பள்ளம் அருகே உள்ள வ.உ.சி. நகர், பெரியார் நகர் பகுதி மக்கள், மாணவ, மாணவிகள் அளித்துள்ள மனு விவரம்:
கோவை சங்கனூர் பள்ளம் அருகே ஆக்கிரமிப்புகளை அகற்றுவதாக வ.உ.சி. நகர், பெரியார் நகர் பகுதியில் உள்ள குடியிருப்புகளை காலி செய்ய அறிவுறுத்தப்பட்டது. இதற்கு மாற்றாக தமிழ்நாடு குடிசை மாற்றும் வாரியம் சார்பில் கீரணத்தத்தில் குடியிருப்புகள் ஒதுக்கீடு செய்யப்பட்டுள்ளது.
ஆனால், தற்போது உள்ள பகுதி அருகே அமைந்துள்ள பள்ளிகளில் எங்கள் குழந்தைகள் படித்து வருகின்றனர். இதில், பலர் 10, 12ஆம் வகுப்பு பொதுத் தேர்வு எழுத உள்ளனர்.
இந்நிலையில், நாங்கள் வீடுகளை காலி செய்து கீரணத்தம் பகுதிக்கு குடியேறினால் எங்கள் குழந்தைகள் பள்ளிகளுக்கு வந்து செல்ல 15 கிலோ மீட்டர் தூரம் பயணம் செய்ய வேண்டிய நிலை உள்ளது. இதனால் எங்கள் குழந்தைகளின் கல்வி பாதிக்கப்படும் சூழல் ஏற்பட்டுள்ளது.
எனவே, இந்தக் கல்வியாண்டு முடிவடையும் வரையில் குடியிருப்புகளை காலி செய்ய அவகாசம் அளிக்க வேண்டும் என தரிவிக்கப்பட்டுள்ளது.
வெளிநாட்டில் வேலை வாங்கித் தருவதாக மோசடி:
இதுகுறித்து, கோவை, ராம் நகரைச் சேர்ந்த சபாபதி அளித்துள்ள மனு:
சிங்கப்பூர் வேலைக்கு செல்வதற்காக கோவை, ராமநாதபுரத்தில் உள்ள தனியார் நிறுவனத்தை அணுகினேன். அவர்கள் ரூ. 1.5 லட்சம் வாங்கிக் கொண்டு சுற்றுலா விசாவில் மலேசியாவுக்கு அனுப்பிவைத்தனர். இதனால் ஒரு மாதத்தில் மீண்டும் நாடு திரும்பிவிட்டேன். எனவே, வேலை வாங்கித் தருவதாகக் கூறி பணத்தை பெற்றுக் கொண்டு மோசடி செய்த அந்த நிறுவனத்தின் மீது நடவடிக்கை எடுக்க வேண்டும் என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/coimbatore/2018/nov/13/சௌரிபாளையம்-பகுதியில்-சாலைகளை-சீரமைக்கக்-கோரி-பொது-மக்கள்-மனு-3037833.html
3037832 கோயம்புத்தூர் கோயம்புத்தூர் மின் இணைப்பு துண்டிப்பு: வீடுகளை காலி செய்த சி.எம்.சி. காலனி மக்கள் DIN DIN Tuesday, November 13, 2018 03:47 AM +0530  

மாநகராட்சி நிலத்தை ஆக்கிரமித்துக் கட்டப்பட்டு இருந்து குடியிருப்புகளை உக்கடம் - ஆத்துப்பாலம் மேம்பாலப் பணிக்காக காலி செய்யுமாறு மாநகாரட்சி நோட்டீஸ் அளித்து இருந்தது. இந்நிலையில், காலி செய்யாத குடியிருப்புகளின் மின் இணைப்பு திங்கள்கிழமை துண்டிக்கப்பட்டதால் சி.எம்.சி. காலனி மக்கள் தங்களது வீடுகளை காலி செய்தனர்.
கோவை, உக்கடம் பகுதியில் போக்குவரத்து நெரிசலைத் தவிர்க்க தமிழக அரசு சார்பில் ரூ. 121 கோடி மதிப்பில் உக்கடம் - ஆத்துப்பாலம் இடையே மேம்பாலம் அமைக்கத் திட்டம் தயாரிக்கப்பட்டுப் பணிகள் தொடங்கப்பட்டுள்ளன. இதற்கான பணிகள் வேகமாக நடைபெற்று வருகின்றன.
இந்நிலையில் மேம்பாலப் பணிக்காகத் தேவைப்படும் நிலத்தை மாநகராட்சி கையகப்படுத்தி நெடுஞ்சாலைத் துறையிடம் ஒப்படைக்க வேண்டும்.
இதில், பேரூர் பைபாஸ் சாலை அமைந்துள்ள சி.எம்.சி. காலனி பகுதி வழியாக மேம்பாலம் அமைக்கப்படுகிறது. இந்த இடம் மாநகராட்சிக்குச் சொந்தமானது. அங்கு ஒரு ஏக்கர் பரப்பளவில் உள்ள நிலத்தில் 209 குடியிருப்புகள் அமைந்துள்ளன.
அந்த நிலத்தைக் கையகப்படுத்த அங்குள்ள குடியிருப்புகளை காலி செய்ய கடந்த ஜூன் மாதம் நோட்டீஸ் அளிக்கப்பட்டது.
அந்த நோட்டீஸை ஏற்று பெரும்பாலான மக்கள் தங்களது வீடுகளை காலி செய்து மலுமிச்சம்பட்டியில் தமிழ்நாடு குடிசை மாற்று வாரியத்தால் கட்டப்பட்டு ஒதுக்கீடு செய்யப்பட்ட குடியிருப்புகளுக்கு குடிபெயர்ந்தனர்.
ஆனால், சிலர் வீடுகளை காலி செய்யாமல் அப்பகுதியிலேயே வசித்து வந்தனர். இதையடுத்து, பலமுறை எச்சரித்தும் அவர்கள் வீடுகளை காலி செய்யவில்லை. இதனால் மேம்பாலப் பணிகளின் தாமதம் ஏற்படும் சூழல் உருவானது.
இதையடுத்து, காலி செய்யாத குடியிருப்புகளின் மின் இணைப்பை மின்வாரிய ஊழியர்கள் திங்கள்கிழமை துண்டித்தனர். இதையடுத்து குடியிருப்புவாசிகள் தங்களது வீடுகளை காலி செய்யத் தொடங்கினர்.

 

]]>
http://www.dinamani.com/all-editions/edition-coimbatore/coimbatore/2018/nov/13/மின்-இணைப்பு-துண்டிப்பு-வீடுகளை-காலி-செய்த-சிஎம்சி-காலனி-மக்கள்-3037832.html
3037831 கோயம்புத்தூர் கோயம்புத்தூர் குடியிருப்புகள் அருகே சட்ட விரோத மது விற்பனை: பொது மக்கள் புகார் DIN DIN Tuesday, November 13, 2018 03:47 AM +0530
சூலுர் அருகே உள்ள காங்கேயம்பாளையம் பகுதியில் உள்ள குடியிருப்புகளின் அருகில் சட்ட விரோதமாக மது விற்பனை நடைபெறுவதாக அப்பகுதி மக்கள் காவல் நிலையத்தில் புகார் தெரிவித்தனர்.
சூலூர் அருகே உள்ளது காங்கேயம்பாளையம் கிராமம். இக்கிராமத்தில் ஆதிதிராவிடர் குடியிருப்புகள் உள்ளன. இப்பகுதியில் 500க்கும் மேற்பட்டோர் வசித்து வருகின்றனர். இந்நிலையில், இப்பகுதியில் சிலர் சட்டவிரோதமாக மது விற்பனை செய்வதாகவும், அதனால் பள்ளி செல்லும் குழந்தைகள் மற்றும் அப்பகுதி பெண்கள் பாதிக்கப்படுவதாகவும் 20க்கும் மேற்பட்ட பெண்கள் சூலூர் காவல் நிலையத்தில் புகார் தெரிவித்தனர். மனுவின் மீது உடனடியாக உரிய நடவடிக்கை எடுப்பதாக காவல் துறையினர் தெரிவித்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/குடியிருப்புகள்-அருகே-சட்ட-விரோத-மது-விற்பனை-பொது-மக்கள்-புகார்-3037831.html
3037830 கோயம்புத்தூர் கோயம்புத்தூர் கிணத்துக்கடவு பகுதி மாணவர்களுக்கு பாடநூல்கள் வழங்கவில்லை என புகார் DIN DIN Tuesday, November 13, 2018 03:46 AM +0530  

கோவையை அடுத்துள்ள கிணத்துக்கடவு ஒன்றியத்துக்கு உள்பட்ட அரசுப் பள்ளிகளில் 5ஆம் வகுப்பு மாணவர்களுக்கு இரண்டாம் பருவத்துக்கான பாடநூல்கள் இன்னும் வழங்கப்படவில்லை என மாவட்ட ஆட்சியரிடம் திங்கள்கிழமை புகார் தெரிவிக்கப்பட்டுள்ளது.
இது தொடர்பாக கிணத்துக்கடவு பகுதியைச் சேர்ந்த சமூக ஆர்வலர் பெரியார் மணி, கலை ஆசிரியர் நலச் சங்கத்தின் மாநிலத் தலைவர் எஸ்.ஏ.ராஜ்குமார் ஆகியோர் மாவட்ட ஆட்சியரிடம் அளித்துள்ள மனுவில் கூறியிருப்பதாவது:
மாவட்டத்தின் பல்வேறு பகுதிகளிலும் அரசுப் பள்ளிகளில் இரண்டாம் பருவத்துக்கான பாடநூல்கள் அக்டோபர் முதல் வாரத்திலேயே வழங்கப்பட்டு, பாடங்கள் நடத்தப்பட்டு வருகின்றன. கிணத்துக்கடவு ஒன்றியத்தில் உள்ள 75 தொடக்க, நடுநிலைப் பள்ளிகளில் சுமார் 5 ஆயிரம் மாணவ, மாணவிகள் பயின்று வரும் நிலையில், 5ஆம் வகுப்பில் மட்டும் சுமார் ஆயிரம் மாணவ, மாணவிகள் பயில்கின்றனர்.
அவர்களுக்கு சுமார் 40 நாள்களாகப் பாடநூல்கள் வழங்கப்படாததால், வகுப்பில் ஆசிரியர்கள் பாடம் நடத்துவதில்லை.
இதனால் மாணவர்களின் கல்வி பாதிக்கப்பட்டுள்ளது. எனவே இந்த விவகாரத்தில் மாவட்ட நிர்வாகம் போர்க்கால அடிப்படையில் நடவடிக்கை எடுத்து, மாணவ-மாணவிகளுக்குப் பாடநூல்களை உடனடியாக வழங்க வேண்டும் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/13/கிணத்துக்கடவு-பகுதி-மாணவர்களுக்கு-பாடநூல்கள்-வழங்கவில்லை-என-புகார்-3037830.html
3037829 கோயம்புத்தூர் கோயம்புத்தூர் மூதாட்டியிடம் 12 பவுன் நகைப் பறிப்பு DIN DIN Tuesday, November 13, 2018 03:46 AM +0530
மூதாட்டியிடம் 12 பவுன் நகையைப் பறித்துச் சென்ற மர்ம நபர்களை காவல் துறையினர் தேடி வருகின்றனர்.
கோவை, ஆர்.எஸ்.புரத்தைச் சேர்ந்தவர் மூர்த்தி (70). இவரது மனைவி சாந்தகுமாரி (62). இவர்கள் இருவரும் திருச்சி சாலையில் உள்ள திருமண மண்டபத்தில் சனிக்கிழமை நடைபெற்ற திருமண நிகழ்ச்சிக்கு காரில் வந்துள்ளனர். திருமண மண்டபத்துக்கு எதிரே காரை நிறுத்தி விட்டு சாலையை கடந்துள்ளனர்.
அப்போது, இருசக்கர வாகனத்தில் வந்த மர்ம நபர்கள் சாந்தகுமாரி அணிந்திருந்த 12 பவுன் நகையைப் பறித்துக் கொண்டு தப்பிச் சென்றுவிட்டனர். மர்ம நபர்கள் நகையைப் பறித்தபோது நிலை தடுமாறிக் கீழே விழுந்ததில் சாந்தகுமாரிக்குத் தலை, கழுத்துப் பகுதியில் பலத்த காயம் ஏற்பட்டது. இதையடுத்து, அவர் மருத்துவமனையில் அனுமதிக்கப்பட்டுள்ளார்.
இதுகுறித்து மூர்த்தி அளித்த புகாரின் பேரில் ராமநாதபுரம் குற்றப் பிரிவுக் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
வீட்டின் பூட்டை உடைத்து நகை, பணம் திருட்டு
பொள்ளாச்சி, நவ. 12: பொள்ளாச்சி அருகே மருந்துக் கடை உரிமையாளரின் வீட்டுப் பூட்டை உடைத்து 13 பவுன் நகை, ரூ. 60 ஆயிரம் ரொக்கத்தை திருடிச் சென்றவர்களைக் காவல் துறையினர் தேடி வருகின்றனர்.
பொள்ளாச்சியை அடுத்த ஏரிப்பட்டி கிராமத்தைச் சேர்ந்தவர் செந்தில்குமார் (43). மருந்துக்கடை உரிமையாளர். இவர், வீட்டைப் பூட்டிவிட்டு குடும்பத்துடன் ஞாயிற்றுக்கிழமை காலையில் வெளியூர் சென்றுவிட்டார். பின்னர், மீண்டும் மாலையில் வீட்டுக்கு வந்து பார்த்தபோது, வீட்டின் பூட்டு உடைக்கப்பட்டிருந்தது. வீட்டினுள் சென்று பார்த்தபோது பீரோவில் வைத்திருந்த 13 பவுன் நகை மற்றும் ரூ. 60 ஆயிரம் திருட்டுப் போயிருப்பது தெரியவந்தது.
இதுகுறித்து செந்தில்குமார் அளித்த புகாரின்பேரில் நெகமம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/மூதாட்டியிடம்-12-பவுன்-நகைப்-பறிப்பு-3037829.html
3037828 கோயம்புத்தூர் கோயம்புத்தூர் இன்றைய மின் தடை: காரமடை DIN DIN Tuesday, November 13, 2018 03:46 AM +0530
மருதூர் துணை மின் நிலையத்தில் பராமரிப்புப் பணிகள் காரணமாக செவ்வாய்க்கிழமை காலை 9 முதல் மாலை 4 மணி வரை கீழ்க்கண்ட பகுதிகளில் மின்விநியோகம் இருக்காது என கோவை மின் பகிர்மான வடக்கு வட்டம், மேட்டுப்பாளையம் செயற்பொறியாளர் ராஜா சந்திரசேகரன் தெரிவித்துள்ளார்.
மின்நிறுத்தம் செய்யப்படும் பகுதிகள்: தோலம்பாளையம், வெள்ளியங்காடு, சீலியூர், தாயனூர், மருதூர், சென்னிவீரம்பாளையம், காரமடை, சிக்காரம்பாளையம், கண்ணார்பாளையம், புஜங்கனூர், எம்.ஜி.புதூர், குந்தா காலனி.

 

]]>
http://www.dinamani.com/all-editions/edition-coimbatore/coimbatore/2018/nov/13/இன்றைய-மின்-தடை-காரமடை-3037828.html
3037827 கோயம்புத்தூர் கோயம்புத்தூர் 19 ஆண்டுகளாக வீட்டின் நடுவில் இருக்கும் மின் கம்பம் DIN DIN Tuesday, November 13, 2018 03:46 AM +0530
வீட்டின் நடுவில் 19 ஆண்டுகளாக இருக்கும் மின் கம்பத்தை அகற்றாத நிலையில் குழந்தைக்கு கட்டப்படும் தொட்டிலிலும் மின் கசிவு ஏற்படும் சூழல் உருவாகியுள்ளது.
கோவை மாவட்டம், மேட்டுப்பாளையம் அருகே உள்ள ஓடந்துறை ஊராட்சிக்கு உள்பட்ட கோத்தகிரி செல்லும் சாலையில் உள்ளது ராமசாமி நகர். இப்பகுதியில் 30க்கும் மேற்பட்ட குடியிருப்புகள் உள்ளன. இந்தக் கிராமத்தில் வசித்து வரும் உமர்பாருக் என்பவரது வீட்டின் நடுவில் மின் கம்பம் உள்ளது. அதை அப்புறப்படுத்த வேண்டும் என மின் வாரியம் மற்றும் ஊராட்சி அதிகாரிகளிடம் பலமுறை புகார் அளிக்கப்பட்டது. ஆனால், இதுவரை எவ்வித நடவடிக்கையும் எடுக்கப்படவில்லை.
இந்நிலையில், குடியிருப்புப் பகுதியில் உள்ள மரக் கிடங்குக்கு இரவு நேரம் மட்டுமின்றி பகல் நேரத்திலும் லாரிகள் வந்து செல்கின்றன. அவ்வாறு வரும் லாரிகள் மின் கம்பிகளில் உரசிச் செல்கின்றன. இதனால் மின் கம்பிகள் அறுந்துவிழும் நிலை ஏற்படுகிறது.
இதுகுறித்து, வீட்டின் உரிமையாளர் உமர்பாருக் கூறியதாவது: கடந்த 19 ஆண்டுகளாக வீட்டின் நடுவில் மின் கம்பம் இருந்து வருகிறது. இந்த வழியாக மர அறுப்பு மில்களுக்குச் செல்லும் 16 சக்கர லாரிகள் மின் கம்பிகளில் மோதி செல்வதால் மின் கம்பம் உடையும் நிலையில் உள்ளது.
இதுதொடர்பாக மின்வாரிய அதிகாரிகளிடம் தகவல் தெரிவித்தால் எங்களை மிரட்டுகின்றனர். வீட்டில் குழந்தைக்கு கட்டும் தொட்டிலில்கூட மின்சாரம் கசிந்து வருகிறது. மேலும், வீட்டில் உள்ள மிக்ஸி, கிரைண்டர், டி.வி. உள்ளிட்ட பல்வேறு மின்சாதனப் பொருள்களும் பழுதடைந்து வருகின்றன.
இப்பிரச்னை தொடர்பாக கடந்த 2015ஆம் ஆண்டு முதல் 10 புகார்கள் அளிக்கப்பட்டுள்ளது. ஆனால், மினவாரிய அதிகாரிகள் நடவடிக்கை எவ்வித நடவடிக்கையும் எடுக்கவே இல்லை என்றார்.
இதுகுறித்து, மின்வாரிய அதிகாரிகள் கூறுகையில், ராமசாமி நகர் பகுதியில் இருந்து மின்கம்பத்தை மாற்றிஅமைத்துத் தரக்கோரி எந்தப் புகாரும் வரவில்லை. அவ்வாறு மின்கம்பத்தை மாற்றி அமைக்க வேண்டுமானால் அந்தக் கிராமத்தில் உள்ள 10 பேர் இணைந்து புகார் அளிக்க வேண்டும்.
அப்போது ஷிப்டிங் முறைப்படி மின்கம்பத்தை மாற்றி அமைக்க ஏற்படும் செலவை சம்பந்தப்பட்ட கிராமப் பகுதியில் இருப்பவர்கள்தான் ஏற்க வேண்டும். தனிப்பட்ட ஒருவரது குடியிருப்பில் செல்லும் இணைப்பை மாற்றி அமைக்க வேண்டும் எனில், அவர்களே அதற்கான செலவை ஏற்க வேண்டும் என்றார்.

 

]]>
http://www.dinamani.com/all-editions/edition-coimbatore/coimbatore/2018/nov/13/19-ஆண்டுகளாக-வீட்டின்-நடுவில்-இருக்கும்-மின்-கம்பம்-3037827.html
3037826 கோயம்புத்தூர் கோயம்புத்தூர் கருவூலத் துறை கணினிமயமாக்கல் ஆய்வுக் கூட்டம் DIN DIN Tuesday, November 13, 2018 03:45 AM +0530
கருவூலத் துறையை முழு கணினி மயமாக்கல் தொடர்பான ஆய்வுக் கூட்டம் கோவையில் திங்கள்கிழமை நடைபெற்றது.
கோவை அவிநாசி சாலையில் உள்ள தனியார் கல்லூரியில் நடைபெற்ற இந்த ஆய்வுக் கூட்டத்தில் கோவை, திருப்பூர், ஈரோடு, கரூர், நீலகிரி மாவட்டங்களின் கருவூல அதிகாரிகள், கணக்கு அலுவலர்கள், உதவிக் கருவூல அலுவலர்கள் உள்ளிட்டோர் கலந்துகொண்டனர். இந்தக் கூட்டத்தில், அரசின் முதன்மைச் செயலரும், கருவூலத் துறை ஆணையருமான தென்காசி எஸ்.ஜவஹர் பங்கேற்று ஆய்வுப் பணிகளை மேற்பார்வையிட்டார்.
அதைத் தொடர்ந்து, கூட்டத்தில் ஜவஹர் பேசியதாவது:
நிதி மேலாண்மை தொடர்பான அரசுப் பணிகள் திறம்பட நடைபெற கருவூலத் துறை கணினி மயமாக்கப்பட உள்ளது. இதற்காக ரூ. 288.91 கோடி ஒதுக்கீடு செய்யப்பட்டுள்ளது. இதன் மூலமாக மாநிலம் முழுவதிலும் உள்ள 29 ஆயிரம் பணம் பெற்று வழங்கும் அலுவலர்கள், நேரடி இணையத்தின் மூலமாக சம்பளப் பட்டியல், இதர பட்டியல்களைக் கருவூலத்தில் சமர்ப்பிக்க முடியும்.
இத்திட்டத்தின் மூலமாக 9 லட்சத்துக்கும் மேற்பட்ட அரசுப் பணியாளர்களின் பணிப் பதிவேடு பராமரிப்பு எளிமையான முறையில் கணினி மயமாக்கப்பட்டு சம்பளப் பட்டியல், பதவி உயர்வு, மாறுதல்கள், விடுப்பு, இதர விவரங்கள் உடனுக்குடன் பதியப்படும். அரசுப் பணியில் சேர்ந்தது முதல் ஓய்வுபெறும் வரை உள்ள அரசுப் பணியாளர்களின் பணி வரலாறானது முழுமையாக இத்திட்டத்தின் மூலமாக கணினிமயமாகிறது.
இதன் மூலமாகப் பணிப் பதிவேடுகளைப் பராமரிக்கும் பணியில் இருந்து அலுவலர்கள் விடுபட்டு தங்களது துறையின் ஆக்கப்பூர்வப் பணிகளில் ஈடுபட முடியும். பணிப் பதிவேடுகள் ஊருக்கு ஊர் மாற்றப்படுவதால் ஏற்படும் காலவிரயம் குறைவதுடன், பணிப் பதிவேடு காணாமல் போவதும் முடிவுக்கு வரும் என்றார்.இந்த ஆய்வுக் கூட்டத்தில் கருவூலத் துறையின் கூடுதல் இயக்குநர் மகாபாரதி, மண்டல இணை இயக்குநர் செல்வசேகர், வேளாண் பல்கலைக்கழக நிதிக் காப்பாளர் சசிகலா உள்ளிட்ட அதிகாரிகள் கலந்துகொண்டனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/கருவூலத்-துறை-கணினிமயமாக்கல்-ஆய்வுக்-கூட்டம்-3037826.html
3037825 கோயம்புத்தூர் கோயம்புத்தூர் ரூ. 1.66 கோடி மோசடிதலைமறைவாக இருந்த ஈமு கோழிப் பண்ணை உரிமையாளர் கைது DIN DIN Tuesday, November 13, 2018 03:45 AM +0530
ரூ. 1.66 கோடி மோசடி வழக்கில் கடந்த ஓர் ஆண்டாகத் தலைமறைவாக இருந்த ஈமு கோழிப் பண்ணை உரிமையாளர் திங்கள்கிழமை கைது செய்யப்பட்டார்.
கோவை, பொள்ளாச்சி சாலை, கிணத்துக்கடவு அருகே உள்ள காமநாயக்கன்பாளையம் பகுதியைச் சேர்ந்த ஜெயகுமார், பத்மநாபன், ராஜேஷ்வரன் ஆகியோர் சேர்ந்து அதே பகுதியில் ஈமு கோழிப் பண்ணை நடத்தி வந்தனர்.
அவர்கள், ஈமு கோழி வளர்ப்பில் அதிக வட்டி தருவதாக கூறியதை நம்பி கோவை, திருப்பூர், ஈரோடு உள்ளிட்ட பல்வேறு பகுதிகளைச் சேர்ந்தவர்கள் முதலீடு செய்துள்ளனர். ஆனால், முதலீடு செய்தவர்களுக்கு வட்டி கொடுக்காமல் ரூ. 1.66 கோடி மோசடி செய்ததாக பாதிக்கப்பட்டவர்கள் கோவை பொருளாதாரக் குற்றப் பிரிவு காவல் துறையினரிடம் கடந்த சில ஆண்டுகளுக்கு முன்னர் புகார் அளித்தனர்.
அதன்பேரில் ஈமு கோழிப் பண்ணை உரிமையாளர்களான ஜெயகுமார், பத்மநாபன், ராஜேஷ்வரன் ஆகியோர் கைது செய்யப்பட்டனர். இந்த வழக்கு விசாரணை கோவை டான்பிட் நீதிமன்றத்தில் நடைபெற்று வந்தது.
இந்த வழக்கில் மூன்று பேரும் ஜாமீனில் வந்துள்ளனர். அதைத் தொடர்ந்து வழக்கு விசாரணையின்போது நீதிமன்றத்தில் ஆஜராகாமல் கடந்த ஓராண்டுக்கும் மேலாக ஜெயகுமார் தலைமறைவாக இருந்து வந்துள்ளார்.
இதையடுத்து, அவரைக் கைது செய்ய டான்பிட் நீதிமன்றம் உத்தரவிட்டது. அதன்பேரில், பொருளாதார குற்றப் பிரிவு துணைக் கண்காணிப்பாளர் ராஜேந்திரன், ஓர் ஆண்டாகத் தலைமறைவாக இருந்த ஜெயகுமாரை திங்கள்கிழமை கைது செய்தார்.
பின்னர் அவர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.

]]>
http://www.dinamani.com/all-editions/edition-coimbatore/coimbatore/2018/nov/13/ரூ-166-கோடி-மோசடிதலைமறைவாக-இருந்த-ஈமு-கோழிப்-பண்ணை-உரிமையாளர்-கைது-3037825.html
3037824 கோயம்புத்தூர் கோயம்புத்தூர் டாஸ்மாக் ஊழியர்களிடம் ரூ. 3 லட்சம் கொள்ளை DIN DIN Tuesday, November 13, 2018 03:45 AM +0530  

டாஸ்மாக் ஊழியர்களிடம் இருந்து ரூ. 3 லட்சத்தை மர்ம நபர்கள் 4 பேர் ஞாயிற்றுக்கிழமை இரவு கொள்ளையடித்துச் சென்றனர்.
கோவை மாவட்டம், சூலூர் அருகே உள்ள காங்கேயம்பாளையத்தில் டாஸ்மாக் மதுக்கடை உள்ளது. இக்கடையில், திருப்பூர் மாவட்டம், பெதப்பம்பட்டியைச் சேர்ந்த வீரன் மகன் வேலுசாமி, தருமபுரி மாவட்டம், ஒட்டப்பட்டியைச் சேர்ந்த மாதையன் மகன் ஜெகதீஷ் ஆகியோர் பணியாற்றி வந்தனர்.
இவர்கள், கடையின் அன்றைய விற்பனைத் தொகையான ரூ. 3 லட்சத்தை எடுத்துக் கொண்டு ஞாயிற்றுக்கிழமை இரவு 10.30 மணியளவில் காங்கேயம்பாளையத்தில் இருந்து இருசக்கர வாகனத்தில் சென்றுகொண்டிருந்தனர். அப்போது, அவர்களுக்கு எதிரே 2 இருசக்கர வாகனங்களில் வந்த 4 பேர், வேலுசாமி, ஜெகதீஷ் மீது மிளகாய் பொடியைத் தூவியுள்ளனர்.
நிலைகுலைந்த அவர்களது முதுகு, வயிறு, கை உள்ளிட்ட இடங்களில் கத்தியால் குத்திய மர்ம நபர்கள், வேலுசாமி, ஜெகதீஷ் ஆகியோர் வைத்திருந்த ரூ. 3 லட்சத்தை கொள்ளையடித்துக் கொண்டு தப்பிச் சென்றுவிட்டனர்.
காயம் அடைந்த இருவரும் சூலூரில் உள்ள தனியார் மருத்துவமனையில் அனுமதிக்கப்பட்டனர்.
இதுகுறித்த தகவலின்பேரில் கோவை மாவட்டக் காவல் கண்காணிப்பாளர் பாண்டியராஜன் சம்பவ இடத்துக்குச் சென்று ஆய்வு மேற்கொண்டார்.
மேலும், கருமத்தம்பட்டி காவல் துணைக் கண்காணிப்பாளர் பாஸ்கர் தலைமையில் சூலூர் காவல் துறையினர் தீவிர விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/டாஸ்மாக்-ஊழியர்களிடம்-ரூ-3-லட்சம்-கொள்ளை-3037824.html
3037822 கோயம்புத்தூர் கோயம்புத்தூர் கவையன்புதூர் தமிழ்ச் சங்கம் சார்பில் தொல்லியல் கருத்துரை, குழந்தைகள் நாள் விழா DIN DIN Tuesday, November 13, 2018 03:44 AM +0530 கோவில்பாளையம், கவையன்புதூர் தமிழ்ச் சங்கம் சார்பில் தொல்லியல் கருத்துரை மற்றும் குழந்தைகள் நாள் விழா ஞாயிற்றுக்கிழமை நடைபெற்றது.
கோவில்பாளையம் விவேகானந்தா மேலாண்மைக் கல்லூரியில் நடைபெற்ற இந்நிகழ்ச்சியில் ஓய்வுபெற்ற ஆசிரியர் நடராசன் அனைவரையும் வரவேற்றார்.
தொல்லியல் துறை கருத்துறையில் ந.கணேசன் பேசியதாவது: மண்பானையின் 2000 ஆண்டு கால வரலாறும், மனிதர்கள் அடக்கம் செய்த முறைகள் குறித்தும் விளக்கினார். இந்நிகழ்சியில் முன்னிலை உரையாற்றிய கல்லூரித் தாளாளர் வே.குழந்தைசாமி பேசும்போது அனைத்து இடங்களிலும் தமிழிலேயே பெயர்ப் பலகைகள் வைக்க வேண்டும், தமிழிலேயே பேச வேண்டும், தமிழ் உணர்வு குறித்து குழந்தைகளுக்கு எடுத்துரைக்க வேண்டும் என்றார். மேலும் பல்வேறு தமிழ் ஆர்வலர்கள் பல்வேறு தலைப்புகளில் பேசினர். தொடர்ந்து மாணவர்களுக்கு இலக்கியப் போட்டி, கட்டுரைப் போட்டி, பேச்சுப்போட்டி உள்ளிட்டவை நடத்தப்பட்டு பரிசுகள் வழங்கப்பட்டது.
இந்நிகழ்ச்சியில் ஓய்வுபெற்ற ஆசிரியர்கள் சதாசிவம், கந்தசாமி, உதவிப்பேராசிரியர் கணேசன், கவிஞர் பெ.தருமலிங்கம், என்.ஜி.பி. கல்வியியல் கல்லூரி முதல்வர் ராமசாமி, மருத்துவர் தாமரைச்செல்வன், மருதாச்சலம் உள்ளிட்டோர் கலந்துகொண்டனர்.
நிகழ்சிக்கான ஏற்பாடுகளை கவையன்புதூர் தனிச்சங்க நிர்வாகிகள் ந.கணேசன், தாமோதரசாமி, கதிர்வேல், ரத்தினசாமி, கருப்புசாமி உள்ளிட்டோர் செய்திருந்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/கவையன்புதூர்-தமிழ்ச்-சங்கம்-சார்பில்-தொல்லியல்-கருத்துரை-குழந்தைகள்-நாள்-விழா-3037822.html
3037695 கோயம்புத்தூர் கோயம்புத்தூர் தேக்கம்பட்டியில் கோயில் யானைகள் புத்துணர்வு முகாம்: முன்னேற்பாட்டுப் பணிகள் தீவிரம் DIN DIN Tuesday, November 13, 2018 02:59 AM +0530  

மேட்டுப்பாளையம் தேக்கம்பட்டியில் கோயில் யானைகளுக்கான புத்துணர்வு முகாம் நடத்த முன்னேற்பாட்டுப் பணிகள் திங்கள்கிழமை முதல் தீவிரமாக நடைபெற்று வருகின்றன.
தமிழகம் முழுவதும் உள்ள கோயில் யானைகளை ஆண்டுக்கு ஒரு முறை அரசு சார்பில் புத்துணர்வு முகாமுக்கு அனுப்புவது வழக்கம். அதன்படி, ஆரம்பக் கட்டத்தில் நீலகிரி மாவட்டம், முதுமலை, தெப்பக்காடு பகுதியில்கோயில் யானைகளுக்கான முகாம் நடைபெற்று வந்தது.
இந்த முகாமுக்கு யானைகளை மலைப்பாதை வழியாக கொண்டு செல்வதில் சிரமம் ஏற்பட்டது. மேலும், தெப்பக்காடு பகுதியில் காட்டு யானைகள் தொந்தரவு அதிக அளவில் இருந்ததால் மாற்று ஏற்பாடாக கோவை மாவட்டம், மேட்டுப்பாளையம் அருகே உள்ள தேக்கம்பட்டியில் முகாம் நடத்த அரசு சார்பில் ஏற்பாடு செய்யப்பட்டது. அதன்படி கடந்த 5 ஆண்டுகளாக தேக்கம்பட்டி ஊராட்சிக்கு உள்பட்ட வன பத்ரகாளியம்மன் கோயில் பகுதியில் முகாம் நடத்தப்பட்டு வருகிறது.
இந்நிலையில், இந்த ஆண்டு கோயில் யானைகளுக்கான சிறப்பு முகாம் நடத்த வன பத்தரகாளியம்மன் கோயில் பகுதியில் முன்னேற்பாட்டுப் பணிகள் திங்கள்கிழமை தொடங்கப்பட்டன. அதன்படி யானைகளைக் குளிக்க வைக்க ஷவர் பாத் வசதி, யானைகளை வாகனங்களில் இறக்கும் பகுதிகளைச் சமன்படுத்தும் பணி உள்ளிட்டவை மேற்கொள்ளப்பட்டு வருகின்றன.

 

]]>
http://www.dinamani.com/all-editions/edition-coimbatore/coimbatore/2018/nov/13/தேக்கம்பட்டியில்-கோயில்-யானைகள்-புத்துணர்வு-முகாம்-முன்னேற்பாட்டுப்-பணிகள்-தீவிரம்-3037695.html
3037694 கோயம்புத்தூர் கோயம்புத்தூர் அன்னூர்: அனுமதியின்றி ஆர்ப்பாட்டத்தில் ஈடுபட்ட 103 பேர் கைது DIN DIN Tuesday, November 13, 2018 02:59 AM +0530
அன்னூரில் அனுமதியின்றி ஆர்ப்பாட்டத்தில் ஈடுபட்ட 103 பேர் திங்கள்கிழமை கைது செய்யப்பட்டனர்.
அன்னூர் ஒன்றியம், ஆம்போதி ஊராட்சியில் இரு பிரிவினருக்கு இடையே கடந்த அக்டோபர் 27ஆம் தேதி மோதல் ஏற்பட்டது. இதையடுத்து, இரு பிரிவினர் மீதும் காவல் துறையினர் வழக்குப் பதிவு செய்தனர்.
இந்நிலையில் ஒரு பிரிவினர் தங்கள் மீது பொய் வழக்குப் பதிவு செய்யப்பட்டுள்ளதாகக் கூறி அன்னூர் பயணியர் மாளிகை முன்பு திங்கள்கிழமை ஆர்ப்பாட்டம் நடத்த அனுமதி கேட்டிருந்தனர். ஆனால், சட்டம் - ஒழுங்குப் பிரச்னை ஏற்படும் என கூறி காவல் துறையினர் ஆர்ப்பாட்டத்துக்கு அனுமதி மறுத்திருந்தனர்.
இதையடுத்து, அவர்கள் அனுமதியின்றி ஆர்ப்பாட்டத்தில் ஈடுபட்டனர். மேலும், திடீரென சாலை மறியலிலும் ஈடுபட்டனர். இதையடுத்து, கோவை மாவட்டக் கூடுதல் கண்காணிப்பாளர் முத்தரசு உத்தரவின்பேரில் கருமத்தம்பட்டி காவல் துணைக் கண்காணிப்பாளர் பாஸ்கரன் மேற்பார்வையில் பாதுகாப்பு பணியில் இருந்த காவல் துறையினர், மறியலில் ஈடுபட முயன்ற 103 பேரைக் கைது செய்தனர். பின்னர் மாலையில் அனைவரும் விடுவிக்கப்பட்டனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/அன்னூர்-அனுமதியின்றி-ஆர்ப்பாட்டத்தில்-ஈடுபட்ட-103-பேர்-கைது-3037694.html
3037693 கோயம்புத்தூர் கோயம்புத்தூர் 6 வயது சிறுமிக்குப் பாலியல் தொல்லை: வியாபாரிக்கு 5 ஆண்டுகள் சிறை DIN DIN Tuesday, November 13, 2018 02:58 AM +0530
கோவையில் 6 வயது சிறுமிக்குப் பாலியல் தொல்லை கொடுத்த வழக்கில் வியாபாரிக்கு 5 ஆண்டுகள் சிறைத் தண்டனை விதித்து மகளிர் நீதிமன்றம் திங்கள்கிழமை தீர்ப்பளித்தது.
கோவை, பி.என்.புதூர் பகுதியைச் சேர்ந்தவர் செல்வராஜ் (50). இவர், அதே பகுதியில் உள்ள கோயிலில் இரவு நேரக் காவலாளியாகப் பணியாற்றி வந்தார். பகலில், வீட்டின் அருகிலேயே பெட்டிக்கடை வைத்து வியாபாரம் செய்து வந்தார்.
இந்நிலையில், கடைக்கு மிட்டாய் வாங்க வரும் சிறுமிகளுக்கு இவர் பாலியல் தொல்லை கொடுத்து வந்ததாகக் கூறப்படுகிறது.
இதனிடையே, கடையின் அருகே வசித்து வந்த 6 வயது சிறுமி 2016 செப்டம்பர் 12ஆம் தேதி மிட்டாய் வாங்கச் சென்றுள்ளார். அப்போது செல்வராஜ் அந்தச் சிறுமிக்குப் பாலியல் தொல்லை கொடுத்ததாகத் தெரிகிறது. இதுகுறித்து சிறுமியின் பெற்றோர் அளித்த புகாரின்பேரில் கோவை அனைத்து மகளிர் காவல் நிலையத்தில் செல்வராஜ் மீது குழந்தைகள் பாலியல் தாக்குதல் தடுப்புச் சட்டத்தின்கீழ் வழக்குப் பதிவு செய்யப்பட்டது.
இந்த வழக்கு கோவை மாவட்ட மகளிர் நீதிமன்றத்தில் நடைபெற்று வந்தது. வழக்கின் மீதான இறுதிக் கட்ட விசாரணை நிறைவடைந்து நீதிபதி ஸ்ரீதேவி திங்கள்கிழமை தீர்ப்பளித்தார். அதில், செல்வராஜுக்கு 5 ஆண்டுகள் சிறைத் தண்டனை விதித்து உத்தரவிட்டார். இந்த வழக்கில் அரசுத் தரப்பில் வழக்குரைஞர் ஆர்.சரோஜினி ஆஜரானார்.

 

]]>
http://www.dinamani.com/all-editions/edition-coimbatore/coimbatore/2018/nov/13/6-வயது-சிறுமிக்குப்-பாலியல்-தொல்லை-வியாபாரிக்கு-5-ஆண்டுகள்-சிறை-3037693.html
3037691 கோயம்புத்தூர் கோயம்புத்தூர் மிரட்டிப் பணம் பறிக்கும் நபர் மீது நடவடிக்கை எடுக்கக் கோரி பொது மக்கள் புகார் DIN DIN Tuesday, November 13, 2018 02:58 AM +0530
கோவை சுபாஷ் நகர் பகுதியைச் சேர்ந்த மக்கள் குறித்து அவதூறு பேசி, மிரட்டல் விடுத்துப் பணம் பறிக்கும் நபர் மீது நடவடிக்கை எடுக்க கோரி அப்பகுதி மக்கள் காவல் துறையினரிடம் புகார் அளித்துள்ளனர்.
இதுகுறித்து, மாநகரக் காவல் துறையினரிடம் அப்பகுதி மக்கள் அளித்துள்ள புகார் மனு விவரம்:
எங்களது பகுதியில் வசித்து வரும் ரகுநாதன் என்பவர் எங்கள் பகுதியில் வசித்து வரும் பெண்கள் குறித்து அவதூறு பேசுவதும், அவர்களுக்கு முன்பு அருவருக்கத்தக்க வகையிலும் செயல்பட்டு வருகிறார்.
இதுகுறித்து, சரவணம்பட்டி காவல் நிலையத்தில் புகார் அளித்தும் நடவடிக்கை எடுக்கப்படவில்லை. இவர், தனது மாமியாரை கொலை செய்ய முயற்சித்ததாகவும் வழக்கு நிலுவையில் உள்ளது.
மேலும், எங்களது பகுதியில் வணிகர்களை மிரட்டும் வகையில் பொய்ப் புகார் அளித்து அவர்களிடம் பணம் பறிக்கும் முயற்சியிலும் ஈடுபட்டு வருகிறார். இதேபோல, எங்களது பகுதியில் உள்ள அரசு ஊழியர்கள் குறித்தும் அவதூறு புகார்களை அதிகாரிகளுக்கு அனுப்பி மிரட்டல் விடுத்தும் வருகிறார். இவரது சட்டவிரோத நடவடிக்கையைத் தடுத்து நடவடிக்கை எடுக்கவில்லை என்றால் எங்கள் பகுதியில் பொது அமைதிக்கு பாதிப்பு ஏற்படும் நிலை உள்ளது.
மேலும், இவர் தன்னை செய்தியாளர் எனக் கூறுவதால் காவல் துறையினர் நடவடிக்கை எடுக்கத் தயக்கம் காட்டுகின்றனர். எனவே, இவர் விஷயத்தில் தனி விசாரணை அதிகாரியை நியமித்து உரிய நடவடிக்கை எடுக்க வேண்டும் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/13/மிரட்டிப்-பணம்-பறிக்கும்-நபர்-மீது-நடவடிக்கை-எடுக்கக்-கோரி-பொது-மக்கள்-புகார்-3037691.html
3037690 கோயம்புத்தூர் கோயம்புத்தூர் வானிலைத் தகவல்: ரைம்ஸ் நிறுவனத்துடன் வேளாண் பல்கலை. புரிந்துணர்வு ஒப்பந்தம் DIN DIN Tuesday, November 13, 2018 02:58 AM +0530
வானிலை, பேரிடர் மேலாண்மைத் தொடர்பான தகவல்களைப் பரிமாறிக் கொள்வதற்காக மண்டல ஒருங்கிணைந்த பல்வகைப் பேரிடர் முன்னறிவிப்பு அமைப்பு (ரைம்ஸ்), தமிழ்நாடு வேளாண்மைப் பல்கலைக்கழகம் ஆகியன புரிந்துணர்வு ஒப்பந்தம் மேற்கொண்டுள்ளன.
சுனாமி, புயல், மழை போன்ற வானியல், நிலவியல் இடர்களை எதிர்கொள்ளத் தயார் நிலையில் இருந்திடவும், அதன் தாக்கத்தைக் குறைத்திடவும் தேவை அடிப்படையிலான முன்னெச்சரிக்கை சேவைகளைஅளிக்கவும் ஆப்பிரிக்கா, ஆசியா, பசிபிக் மண்டலங்களுக்கான மண்டல ஒருங்கிணைந்த பல்வகைப் பேரிடர் முன்னறிவிப்பு அமைப்பு”ஒப்பந்தத்தின் கீழ் கடந்த 2009ஆம் ஆண்டில் ரைம்ஸ் அமைப்பு உருவாக்கப் பட்டது.
திறமையான பேரிடர் மேலாண்மைக்கான வானிலை முன்னறிவிப்புகளின் அடிப்படையிலான உத்திகளை உருவாக்க இந்த நிறுவனம் இந்திய வானிலை ஆய்வு மையம், தமிழ்நாடு அரசு ஆகியவற்றுடன் இணைந்து செயல்பட்டு வருகிறது. கூட்டுப் பணிகளின் மூலமாக கண்டறியப்படும் தகவல்கள், வகுக்கப்படும் உத்திகள், அனுபவங்கள் ரைம்ஸ் நிறுவனத்தின் 45 பங்கேற்பு நாடுகளுடன் பகிர்ந்து கொள்ளப்படும்.
இந்நிலையில், தமிழ்நாடு வேளாண்மைப் பல்கலைக்கழகம், வேளாண்மையில் ஏற்படும் இடர்களை மேலாண்மை செய்வதற்குத் தேவையான வானிலை குறித்த தகவல்களை ஒருங்கிணைக்கும் பொருட்டு ரைம்ஸ் அமைப்புடன் புரிந்துணர்வு ஒப்பந்தத்தில் திங்கள்கிழமை கையெழுத்திட்டுள்ளது. பல்கலைக்கழக துணைவேந்தர் கு.ராமசாமி, ரைம்ஸ் நிறுவனத்தின் கெளரவ ஆலோசகரும், ஓய்வுபெற்ற அரசுச் செயலருமான சாந்தா ஷீலா நாயர் ஆகியோர் இந்த ஒப்பந்தத்தில் கையெழுத்திட்டனர்.
இதன் மூலமாக, இரு நிறுவனங்களும் பல்வேறு வேளாண் தட்பவெப்பம், சமூகப் பொருளாதாரச் சூழல்களில் வானிலை மாறுதல்களைத் திறமையாக கையாளுவதற்கு விவசாயிகள் மேம்பட்ட முடிவுகளை எடுக்கவும், பல்வேறு காலநிலைகளில் வானிலை, தட்பவெப்பத் தகவல்கள் அமைப்பை உருவாக்கிச் செயல்படுத்தவும், ஆராய்ச்சி அடிப்படையிலான முன்னோடித் திட்டங்களை உருவாக்கவும் வழிவகை ஏற்படும் என வேளாண் பல்கலைக்கழகம் தெரிவித்துள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/13/வானிலைத்-தகவல்-ரைம்ஸ்-நிறுவனத்துடன்-வேளாண்-பல்கலை-புரிந்துணர்வு-ஒப்பந்தம்-3037690.html
3037689 கோயம்புத்தூர் கோயம்புத்தூர் சுல்தான்பேட்டை அருகே சாலை விபத்து: இருவர் சாவு DIN DIN Tuesday, November 13, 2018 02:58 AM +0530
சூலூரை அடுத்துள்ள சுல்தான்பேட்டை அருகே நேரிட்ட சாலை விபத்தில் திங்கள்கிழமை இருவர் உயிரிழந்தனர்.
சுல்தான்பேட்டை அருகே உள்ள பச்சார்பாளையத்தைச் சேர்தவர் கந்தன் மகன் பொன்னுசாமி (55). அதே பகுதியைச் சேர்ந்தவர் பழனி மகன் ராஜேந்திரன் (36). இருவரும் சுல்தான்பேட்டையில் இருந்து பச்சார்பாளையம் நோக்கித் தங்களது இருசக்கர வாகனத்தில் சென்றுகொண்டிருந்தனர். வாகனத்தை ராஜேந்திரன் ஓட்டியதாகத் தெரிகிறது. அவர்கள் பச்சார்பாளையம் அருகே சென்றபோது, அதே பாதையில் சுல்தான்பேட்டை நோக்கி வந்த வேன் இருசக்கர வாகனத்தின் மீது மோதியது. இதில், பலத்த காயமடைந்த பொன்னுசாமி, ராஜேந்திரன் இருவரும் சம்பவ இடத்திலேயே உயிரிழந்தனர். இதுகுறித்த தகவலின் பேரில் சம்பவ இடத்துக்குச் சென்ற சுல்தான்பேட்டை காவல் துறையினர் இது குறித்து வழக்குப் பதிவு செய்து விசாரிக்கின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/சுல்தான்பேட்டை-அருகே-சாலை-விபத்து-இருவர்-சாவு-3037689.html
3037688 கோயம்புத்தூர் கோயம்புத்தூர் மூதாட்டியிடம் 12 பவுன் நகைப் பறிப்பு DIN DIN Tuesday, November 13, 2018 02:57 AM +0530
மூதாட்டியிடம் 12 பவுன் நகையைப் பறித்துச் சென்ற மர்ம நபர்களை காவல் துறையினர் தேடி வருகின்றனர்.
கோவை, ஆர்.எஸ்.புரத்தைச் சேர்ந்தவர் மூர்த்தி (70). இவரது மனைவி சாந்தகுமாரி (62). இவர்கள் இருவரும் திருச்சி சாலையில் உள்ள திருமண மண்டபத்தில் சனிக்கிழமை நடைபெற்ற திருமண நிகழ்ச்சிக்கு காரில் வந்துள்ளனர். திருமண மண்டபத்துக்கு எதிரே காரை நிறுத்தி விட்டு சாலையை கடந்துள்ளனர்.
அப்போது, இருசக்கர வாகனத்தில் வந்த மர்ம நபர்கள் சாந்தகுமாரி அணிந்திருந்த 12 பவுன் நகையைப் பறித்துக் கொண்டு தப்பிச் சென்றுவிட்டனர்.
மர்ம நபர்கள் நகையைப் பறித்தபோது நிலை தடுமாறிக் கீழே விழுந்ததில் சாந்தகுமாரிக்குத் தலை, கழுத்துப் பகுதியில் பலத்த காயம் ஏற்பட்டது. இதையடுத்து, அவர் மருத்துவமனையில் அனுமதிக்கப்பட்டுள்ளார்.
இதுகுறித்து மூர்த்தி அளித்த புகாரின் பேரில் ராமநாதபுரம் குற்றப் பிரிவுக் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

 

 

]]>
http://www.dinamani.com/all-editions/edition-coimbatore/coimbatore/2018/nov/13/மூதாட்டியிடம்-12-பவுன்-நகைப்-பறிப்பு-3037688.html
3037687 கோயம்புத்தூர் கோயம்புத்தூர் 475 கிலோ பதுக்கல் புகையிலைப் பொருள்கள் பறிமுதல் DIN DIN Tuesday, November 13, 2018 02:57 AM +0530
கோவையில் கிடங்கில் பதுக்கி வைக்கப்பட்டு இருந்த 475 கிலோ தடை செய்யப்பட்ட புகையிலைப் பொருள்களை உணவுப் பாதுகாப்புத் துறையினர் திங்கள்கிழமை பறிமுதல் செய்தனர்.
தமிழக அரசால் தடை செய்யப்பட்ட புகையிலைப் பொருள்கள் கோவை, தாமஸ் வீதி, பொரிக்கார சந்தில் உள்ள ஒரு கிடங்கில் பதுக்கி வைக்கப்பட்டு இருப்பதாக உணவுப் பாதுகாப்புத் துறையினருக்குத் தகவல் கிடைத்தது.
அதன்பேரில், உணவுப் பாதுகாப்புத் துறை நியமன அலுவலர் டாக்டர் விஜயலலிதாம்பிகை தலைமையில் உணவுப் பாதுகாப்பு அலுவலர்கள் குறிப்பிடப்பட்ட இடத்துக்கு ஞாயிற்றுக்கிழமை நேரில் சென்றனர்.
ஆனால், கிடங்கு பூட்டப்பட்டு இருந்ததையடுத்து அதற்கு சீல் வைத்தனர். பின்னர், கிடங்குக்கு வைக்கப்பட்ட சீல் திங்கள்கிழமை அகற்றப்பட்டு சோதனை நடத்தப்பட்டது. அப்போது, தமிழக அரசால் தடை செய்யப்பட்ட 475 கிலோ புகையிலைப் பொருள்கள் இருப்பது தெரியவந்தது. அதன் மதிப்பு ரூ. 4.5 லட்சம் ஆகும்.
இந்தக் கிடங்கை வட மாநிலத்தைச் சேர்ந்த வாகாராம் என்பவர் வாடகைக்கு எடுத்துப் புகையிலைப் பொருள்களைப் பதுக்கி வைத்திருப்பது தெரியவந்தது.
இதையடுத்து, தடை செய்யப்பட்ட 475 கிலோ புகையிலைப் பொருள்களையும் உணவுப் பாதுகாப்புத் துறை அலுவலர்கள் பறிமுதல் செய்தனர். பின்னர் புகையிலை மாதிரிகளைப் பரிசோதனைக்கு அனுப்பி வைத்தனர்.
மேலும் புகையிலைப் பொருள்கள் பதுக்கி வைக்கப்பட்டு இருந்த கிடங்குக்கு சீல் வைத்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/13/475-கிலோ-பதுக்கல்-புகையிலைப்-பொருள்கள்-பறிமுதல்-3037687.html
3037685 கோயம்புத்தூர் கோயம்புத்தூர் ரூ. 1.66 கோடி மோசடி: தலைமறைவாக இருந்த ஈமு கோழிப் பண்ணை உரிமையாளர் கைது DIN DIN Tuesday, November 13, 2018 02:57 AM +0530
ரூ. 1.66 கோடி மோசடி வழக்கில் கடந்த ஓர் ஆண்டாகத் தலைமறைவாக இருந்த ஈமு கோழிப் பண்ணை உரிமையாளர் திங்கள்கிழமை கைது செய்யப்பட்டார்.
கோவை, பொள்ளாச்சி சாலை, கிணத்துக்கடவு அருகே உள்ள காமநாயக்கன்பாளையம் பகுதியைச் சேர்ந்த ஜெயகுமார், பத்மநாபன், ராஜேஷ்வரன் ஆகியோர் சேர்ந்து அதே பகுதியில் ஈமு கோழிப் பண்ணை நடத்தி வந்தனர்.
அவர்கள், ஈமு கோழி வளர்ப்பில் அதிக வட்டி தருவதாக கூறியதை நம்பி கோவை, திருப்பூர், ஈரோடு உள்ளிட்ட பல்வேறு பகுதிகளைச் சேர்ந்தவர்கள் முதலீடு செய்துள்ளனர். ஆனால், முதலீடு செய்தவர்களுக்கு வட்டி கொடுக்காமல் ரூ. 1.66 கோடி மோசடி செய்ததாக பாதிக்கப்பட்டவர்கள் கோவை பொருளாதாரக் குற்றப் பிரிவு காவல் துறையினரிடம் கடந்த சில ஆண்டுகளுக்கு முன்னர் புகார் அளித்தனர்.
அதன்பேரில் ஈமு கோழிப் பண்ணை உரிமையாளர்களான ஜெயகுமார், பத்மநாபன், ராஜேஷ்வரன் ஆகியோர் கைது செய்யப்பட்டனர். இந்த வழக்கு விசாரணை கோவை டான்பிட் நீதிமன்றத்தில் நடைபெற்று வந்தது.
இந்த வழக்கில் மூன்று பேரும் ஜாமீனில் வந்துள்ளனர். அதைத் தொடர்ந்து வழக்கு விசாரணையின்போது நீதிமன்றத்தில் ஆஜராகாமல் கடந்த ஓராண்டுக்கும் மேலாக ஜெயகுமார் தலைமறைவாக இருந்து வந்துள்ளார்.
இதையடுத்து, அவரைக் கைது செய்ய டான்பிட் நீதிமன்றம் உத்தரவிட்டது. அதன்பேரில், பொருளாதார குற்றப் பிரிவு துணைக் கண்காணிப்பாளர் ராஜேந்திரன், ஓர் ஆண்டாகத் தலைமறைவாக இருந்த ஜெயகுமாரை திங்கள்கிழமை கைது செய்தார்.
பின்னர் அவர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.

 

]]>
http://www.dinamani.com/all-editions/edition-coimbatore/coimbatore/2018/nov/13/ரூ-166-கோடி-மோசடி-தலைமறைவாக-இருந்த-ஈமு-கோழிப்-பண்ணை-உரிமையாளர்-கைது-3037685.html
3037684 கோயம்புத்தூர் கோயம்புத்தூர் வெளிநாட்டில் வேலை வாங்கித் தருவதாக இளைஞர்களிடம் ரூ. 18 லட்சம் மோசடி DIN DIN Tuesday, November 13, 2018 02:57 AM +0530
வெளிநாட்டில் வேலை வாங்கித் தருவதாகக் கூறி ரூ. 18 லட்சம் மோசடி செய்ததாக பாதிக்கப்பட்ட பட்டதாரி இளைஞர்கள் மாநகரக் காவல் ஆணையரிடம் புகார் அளித்துள்ளனர்.
இதுகுறித்து, கோவை சின்னவேடம்பட்டியைச் சேர்ந்த பிரகாஷ், போத்தனூரைச் சேர்ந்த தீபன்பாலாஜி, காந்தி மாநகரைச் சேர்ந்த சௌந்தரராஜன், ஒப்பணக்கார வீதியைச் சேர்ந்த ஜெகதீஷ், இருகூரைச் சேர்ந்த கௌதம், வேலாண்டிபாளையத்தைச் சேர்ந்த பாலாஜி ஆகியோர் மாநகரக் காவல் ஆணையரிடம் அளித்துள்ள புகார் மனு விவரம்:
கோவையில் உள்ள கண்ணாடி கடையில் நாங்கள் வேலைபார்த்து வந்தோம். எங்களுக்கு வேலூர், கே.வி.குப்பத்தைச் சேர்ந்த உமாமகேஸ்வரன் (31) கடந்த 2017 ஆம் ஆண்டு அறிமுகமானார். அவர் கனடாவில் உள்ள ஒரு ஹோட்டலில் பணியாற்றி வருவதாகவும், அங்கு மாதம் ரூ. 1.30 லட்சம் சம்பளத்தில் வேலை காலி இருப்பதாகவும் தெரிவித்தார்.
அதை நம்பி நாங்கள் 6 பேரும் அவரது வங்கிக் கணக்கில் ரூ. 14 லட்சம் செலுத்தினோம். ஆனால் பணத்தை வாங்கிக் கொண்டு அவர் எங்களுக்கு வேலை வாங்கித்தரவில்லை.
இதற்கிடையே ஹாங்காங்கில் இருந்து வேலைக்கான பணி ஆணை அனுப்பினார்.
அதுகுறித்து விசாரித்தபோது அது போலியானது என தெரியவந்தது.
இதையடுத்து, பணத்தை திரும்பிக் கொடுக்குமாறு கேட்டபோது, வங்கிக் காசோலையாகக் கொடுத்தார். அதை வங்கியில் செலுத்தியபோது அவரது கணக்கில் பணம் இல்லாததால் காசோலை செல்லுபடியாகவில்லை.
இதுகுறித்து காவல் துறையில் புகார் அளித்தால் கடிதம் எழுதி வைத்துவிட்டுத் தற்கொலை செய்து கொள்வேன் என மிரட்டல் விடுக்கிறார்.
இதேபோல சேலத்தைச் சேர்ந்த இரண்டு பட்டதாரி இளைஞர்களிடமும் அவர் ரூ. 4 லட்சம் மோசடி செய்துள்ளார். எனவே அவர் மீது உரிய நடவடிக்கை எடுக்க வேண்டும் என தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/13/வெளிநாட்டில்-வேலை-வாங்கித்-தருவதாக-இளைஞர்களிடம்-ரூ-18-லட்சம்-மோசடி-3037684.html
3037683 கோயம்புத்தூர் கோயம்புத்தூர் டாஸ்மாக் ஊழியர்களிடம் ரூ. 3 லட்சம் கொள்ளை DIN DIN Tuesday, November 13, 2018 02:56 AM +0530
டாஸ்மாக் ஊழியர்களிடம் இருந்து ரூ. 3 லட்சத்தை மர்ம நபர்கள் 4 பேர் ஞாயிற்றுக்கிழமை இரவு கொள்ளையடித்துச் சென்றனர்.
கோவை மாவட்டம், சூலூர் அருகே உள்ள காங்கேயம்பாளையத்தில் டாஸ்மாக் மதுக்கடை உள்ளது. இக்கடையில், திருப்பூர் மாவட்டம், பெதப்பம்பட்டியைச் சேர்ந்த வீரன் மகன் வேலுசாமி, தருமபுரி மாவட்டம், ஒட்டப்பட்டியைச் சேர்ந்த மாதையன் மகன் ஜெகதீஷ் ஆகியோர் பணியாற்றி வந்தனர்.
இவர்கள், கடையின் அன்றைய விற்பனைத் தொகையான ரூ. 3 லட்சத்தை எடுத்துக் கொண்டு ஞாயிற்றுக்கிழமை இரவு 10.30 மணியளவில் காங்கேயம்பாளையத்தில் இருந்து இருசக்கர வாகனத்தில் சென்றுகொண்டிருந்தனர். அப்போது, அவர்களுக்கு எதிரே 2 இருசக்கர வாகனங்களில் வந்த 4 பேர், வேலுசாமி, ஜெகதீஷ் மீது மிளகாய் பொடியைத் தூவியுள்ளனர்.
நிலைகுலைந்த அவர்களது முதுகு, வயிறு, கை உள்ளிட்ட இடங்களில் கத்தியால் குத்திய மர்ம நபர்கள், வேலுசாமி, ஜெகதீஷ் ஆகியோர் வைத்திருந்த ரூ. 3 லட்சத்தை கொள்ளையடித்துக் கொண்டு தப்பிச் சென்றுவிட்டனர்.
காயம் அடைந்த இருவரும் சூலூரில் உள்ள தனியார் மருத்துவமனையில் அனுமதிக்கப்பட்டனர்.
இதுகுறித்த தகவலின்பேரில் கோவை மாவட்டக் காவல் கண்காணிப்பாளர் பாண்டியராஜன் சம்பவ இடத்துக்குச் சென்று ஆய்வு மேற்கொண்டார்.
மேலும், கருமத்தம்பட்டி காவல் துணைக் கண்காணிப்பாளர் பாஸ்கர் தலைமையில் சூலூர் காவல் துறையினர் தீவிர விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/coimbatore/2018/nov/13/டாஸ்மாக்-ஊழியர்களிடம்-ரூ-3-லட்சம்-கொள்ளை-3037683.html
3037074 கோயம்புத்தூர் கோயம்புத்தூர் "இளைய பாரதமே எழுந்திரு' முகாம் : கோவையில் நவம்பர் 30இல் தொடக்கம் DIN DIN Monday, November 12, 2018 07:52 AM +0530 கோவை மாவட்டம், பெரியநாயக்கன்பாளையத்தில் உள்ள ராமகிருஷ்ண மிஷன் வித்யாலயத்தில் நவம்பர் 30 முதல் டிசம்பர் 2ஆம் தேதி வரை "இளைய பாரதமே எழுந்திரு' எனும் தலைப்பில் தமிழக அளவிலான இளைஞர் முகாம் நடைபெற உள்ளது. 
125 ஆண்டுகளுக்கு முன்னர் 1893ஆம் ஆண்டு அமெரிக்காவில் உள்ள சிகாகோவில் நடைபெற்ற சர்வசமய மாநாட்டில் சுவாமி விவேகானந்தர் சொற்பொழிவாற்றியதை நினைவு கூறும் வகையில் நடைபெறவுள்ள இந்த முகாம் குறித்து வித்யாலயக் கல்வி நிறுவனங்களின் செயலர் சுவாமி கரிஷ்டானந்தர் கூறியதாவது:
இதில் பங்கேற்கும் இளைஞர்களின் நற்பண்புகளையும், தனித்தன்மையையும் ஊக்குவிக்கும் பொருட்டு அறிவு, சமுதாயம் மற்றும் கலாசாரம் தொடர்புடைய பல நிகழ்ச்சிகள் ஏற்பாடு செய்யப்பட்டுள்ளன. மூன்று நாள்கள் நடைபெறும் இந்த முகாமில் இந்தியப் பாரம்பரியமும் பண்பாடும், சுவாமி விவேகானந்தரும் தேசப்பற்றும், சமுதாய வளர்ச்சியையும் மத நல்லிணக்கத்தையும் சார்ந்ததே ஒரு நாட்டின் முன்னேற்றம், இன்றைய இளைஞர்களுக்கு சுவாமி விவேகானந்தரின் செய்தி, மகளிர் மேம்பாட்டில் இளைஞர்களின் பங்கு, மனிதனை முழுமைபெறச் செய்யும் கல்வி, ராமாயணம் கூறும் வாழ்வியல் நெறிமுறைகள் போன்ற பல்வேறு தலைப்புகளில் கட்டுரைப் போட்டி நடைபெற உள்ளது.
இதில் பங்கேற்க விருப்பமுள்ளவர்கள் தாங்கள் சமர்ப்பிக்க விரும்பும் கட்டுரையின் நகலை நவம்பர் 
20ஆம் தேதிக்குள் அனுப்பி வைக்கவேண்டும். இதுதவிர இந்திய அளவில் பிரபலமான சிறந்த ஆளுமைகளின் சொற்பொழிவுகளும் நடைபெற உள்ளன.
 இவை மட்டுமின்றி தியானம்,யோகா, விளையாட்டு, உரையாடல், கலைநிகழ்ச்சி ஆகியவையும் நடைபெறும். 
இந்த முகாமில் தமிழக முழுவதில் இருந்தும் இருபாலரும் பங்கேற்கலாம். 
இதற்கான விண்ணப்பங்களை WW​W.​S​R​K​V.​O​RG  எனும் இணையதளத்தில் இருந்து பதிவிறக்கம் செய்து, பாஸ்போர்ட் அளவிலான புகைப்படம், முழு முகவரியுடன் நவம்பர் 20ஆம் தேதிக்குள் செயலாளர், ராமகிருஷ்ண மிஷன் வித்யாலயம், பெரியநாயக்கன்பாளையம், கோவை-641020 எனும் முகவரிக்கு அனுப்பி வைக்க வேண்டும்.
மேலும், கூடுதல் விவரங்களுக்கு 9944941427 எனும் செல்லிடப்பேசி எண்ணில் தொடர்பு கொள்ளலாம்.

]]>
http://www.dinamani.com/all-editions/edition-coimbatore/coimbatore/2018/nov/12/இளைய-பாரதமே-எழுந்திரு-முகாம்--கோவையில்-நவம்பர்-30இல்-தொடக்கம்-3037074.html
3037073 கோயம்புத்தூர் கோயம்புத்தூர் பேருந்து பழுது: பயணிகள் போராட்டம் DIN DIN Monday, November 12, 2018 07:51 AM +0530 வால்பாறை மலைப் பாதையில் அரசுப் பேருந்து பழுதாகி நின்றதால் ஆவேசமடைந்த பயணிகள் ஞாயிற்றுக்கிழமை சாலை மறியலில் ஈடுபட்டனர்.
அரசுப் போக்குவரத்துக்கழகம், வால்பாறை கிளை மூலமாக இயக்கப்படும் பெரும்பாலான பேருந்துகள் பல ஆண்டுகள் பழைமையானவை. 
நீலகிரி மாவட்டத்துக்குப் புதிய பேருந்துகள் வந்தால், அங்கு இயக்கப்பட்ட பழைய பேருந்துகளை வால்பாறை கிளைக்கு வழங்குவது வழக்கம். கடந்த 15 ஆண்டுகளில் ஒரு புதிய பேருந்துகூட வால்பாறை கிளைக்கு வழங்கப்படவில்லை.
இந்நிலையில், பொள்ளாச்சியில் இருந்து வந்த அரசுப் பேருந்து அட்டகட்டி 9ஆவது கொண்டை ஊசி வளைவில் ஞாயிற்றுக்கிழமை அதிகாலை 5 மணிக்குப் பழுதாகி நின்றுவிட்டது. கடும் குளிர் நிலவி வந்த நிலையில், பேருந்து பழுதானதையடுத்து ஆத்திரமடைந்த பயணிகள் சிலர் சாலை மறியலில் ஈடுபட்டனர்.
இதனால் அவ்வழித்தடத்தில் போக்குவரத்து பாதிக்கப்பட்டது. சுமார் ஒரு மணி நேரத்துக்குப் பின்னர் வந்த மற்றொரு பேருந்தில் பயணிகள் வால்பாறைக்கு அனுப்பி வைக்கப்பட்டனர்.  
இதனால் சுமார் 1 மணி நேரம் பொள்ளாச்சி வால்பாறை இடையே போக்குவரத்து பாதிக்கப்பட்டது. இதுகுறித்து ஆழியார் காவல் துறையினர் விசாரித்து வருகின்றனர்.

]]>
http://www.dinamani.com/all-editions/edition-coimbatore/coimbatore/2018/nov/12/பேருந்து-பழுது-பயணிகள்-போராட்டம்-3037073.html
3037072 கோயம்புத்தூர் கோயம்புத்தூர் எஸ்டேட் பகுதியில் மளிகைக் கடையை சேதப்படுத்திய யானைகள் DIN DIN Monday, November 12, 2018 07:50 AM +0530 எஸ்டேட் பகுதிக்கு வந்த யானைகள் அங்குள்ள மளிகைக் கடையை சேதப்படுத்திச் சென்றன.
வால்பாறை எஸ்டேட் பகுதியில் கடந்த சில வாரங்களாகவே யானைகள் நடமாட்டம் அதிகரித்துக் காணப்படுகிறது. இரவு நேரத்தில் மட்டும் சேதங்களை ஏற்படுத்திவரும் யானைகளை விரட்ட முடியாமல் வனத் துறையினர் தவித்து வருகின்றனர். 
இந்நிலையில், வால்பாறையை அடுத்துள்ள பன்னிமேடு எஸ்டேட்  பங்களா டிவிஷன் பகுதிக்கு ஞாயிற்றுக்கிழமை இரவு வந்த 6 யானைகள் அங்குள்ள தாமஸ் என்பருக்குச் சொந்தமான மளிகைக் கடையின் சுவரை முட்டி தள்ளின. 
இதில், சுவர்கள் முழுவதும் இடிந்து விழுந்து பெரும் சேதம் ஏற்பட்டது. கடைக்குள் இருந்த ஏராளமான மளிகைப் பொருள்களும் சேதமாகியுள்ளன. 
இதுறித்து தகவல் அறிந்த வனத் துறையினர் அப்பகுதிக்கு நேரடியாகச் சென்று சேதம் குறித்து ஆய்வு மேற்கொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/12/எஸ்டேட்-பகுதியில்-மளிகைக்-கடையை-சேதப்படுத்திய-யானைகள்-3037072.html
3037071 கோயம்புத்தூர் கோயம்புத்தூர் 170 பயனாளிகளுக்கு குடிசை மாற்று வாரியக் குடியிருப்பு ஒதுக்கீடு DIN DIN Monday, November 12, 2018 07:50 AM +0530 கோவை மலைநகர் பகுதியில் குடிசை மாற்று வாரியம் சார்பில் கட்டப்பட்ட குடியிருப்புகளில் 170 பயனாளிகளுக்கு ஒதுக்கப்பட்டுள்ள குடியிருப்புகளுக்கான உத்தரவை  நகராட்சி நிர்வாகத் துறை அமைச்சர் எஸ்.பி.வேலுமணி வழங்கினார். 
 கோவை, பாலக்காடு சாலை, காயிதே மில்லத் நகர், முத்தண்ணன் குளம் தெற்குப் பகுதி, ஆர்.எஸ்.புரம் மேதவர் காலனி, செல்வபுரம் சாலை உள்ளிட்ட பகுதிகளில் ஆக்கிரமித்து கட்டப்பட்ட குடியிருப்புகள் அண்மையில் அகற்றப்பட்டன. 
 அப்பகுதியில் வசித்து வந்தவர்களுக்கு மலைநகர், அண்ணாநகர் ஆகிய பகுதிகளில் தமிழ்நாடு குடிசை மாற்று வாரியம் சார்பில் கட்டப்பட்ட குடியிருப்புகள் ஒதுக்கீடு செய்யப்பட்டன. 
 கோவைப்புதூர் அண்ணாநகர், மலை நகர் பகுதிகளில் உள்ள சமுதாயக் கூடத்தில் ஞாயிற்றுக்கிழமை நடைபெற்ற விழாவில் அப்பகுதிகளில் ஏற்கெனவே ஒதுக்கீடு பெற்ற 148 பயனாளிகள் குடியிருப்புக்கு செலுத்திய ரூ. 44 லட்சத்து 75 ஆயிரம் முன்பணத்துக்கான காசோலையையும், புதிய ஒதுக்கீடு பெற்ற 170 பயனாளிகளுக்க ஒதுக்கீடு உத்தரவையும் நகராட்சி நிர்வாகத் துறை அமைச்சர் எஸ்.பி.வேலுமணி வழங்கினர்.
அதைத் தொடர்ந்து அவர் பேசியதாவது: அண்ணாநகர் பகுதியில் சாலை, குடிநீர், மின் விளக்கு போன்ற அடிப்படை வசதிகள் ஏற்படுத்தப்பட்டுள்ளன. மேலும் அப்பகுதியில் இருந்து காந்திபுரம், கணபதி, வ.உ.சி. நகர் வழியாக சேரன் மாநகர் வரை பேருந்து வழித்தட வசதியும் ஏற்படுத்தப்பட்டுள்ளது என்றார்.
 இந்நிகழ்ச்சியில், மாவட்ட ஆட்சியர் த.ந.ஹரிஹரன், மாநகராட்சி ஆணையர் விஜயகார்த்திகேயன், கிணத்துக்கடவு சட்டப் பேரவை உறுப்பினர் எட்டிமடை சண்முகம், குடிசை மாற்று வாரியக் கண்காணிப்புப் பொறியாளர் ஆர்.ராஜேந்திரன் உள்ளிட்ட பலர் கலந்துகொண்டனர்.


 

]]>
http://www.dinamani.com/all-editions/edition-coimbatore/coimbatore/2018/nov/12/170-பயனாளிகளுக்கு-குடிசை-மாற்று-வாரியக்-குடியிருப்பு-ஒதுக்கீடு-3037071.html
3037070 கோயம்புத்தூர் கோயம்புத்தூர் குரூப் 2 தேர்வு: கோவையில் 16,951 பேர் எழுதினர் DIN DIN Monday, November 12, 2018 07:50 AM +0530 தமிழ்நாடு அரசுப் பணியாளர் தேர்வாணையத்தின் (டி.என்.பி.எஸ்.சி.) குரூப் 2 தேர்வை கோவையில் 16,951 பேர் ஞாயிற்றுக்கிழமை எழுதினர்.
சார் பதிவாளர், வருவாய்த் துறை உதவியாளர், தொழிலாளர் உதவி ஆய்வாளர், இளநிலை வேலைவாய்ப்பு அதிகாரி உள்ளிட்ட 1,199 காலிப் பணியிடங்களுக்கான குரூப் 2 தேர்வு அறிவிக்கப்பட்டிருந்தது. 
இந்தத் தேர்வுக்கு மாநிலம் முழுவதிலும் சுமார் 6.26 லட்சம் பேர் விண்ணப்பித்திருந்தனர். கோவை மாவட்டத்தில் 25,641 பேர் விண்ணப்பித்திருந்தனர்.
இவர்களுக்காக மாவட்டம் முழுவதிலும் 90 தேர்வு மையங்கள் அமைக்கப்பட்டிருந்தன. தேர்வுகளில் முறைகேடுகள் ஏதும் நடைபெறாமல் தடுப்பதற்காக துணை ஆட்சியர்கள் நிலையில் 11 பறக்கும் படை அலுவலர்கள், துணை வட்டாட்சியர் நிலையில் 24 அலுவலர்கள், 90 அறைக் கண்காணிப்பாளர்கள், 58 முதன்மைக் கண்காணிப்பாளர்கள் பணியில் ஈடுபடுத்தப்பட்டிருந்தனர்.
 மாவட்டம் முழுவதும் 16,951 பேர் தேர்வு எழுதினர். 8,690 பேர் தேர்வுக்கு வரவில்லை. காலை 10 மணிக்குத் தொடங்கிய தேர்வு பகல் 1 மணி வரை நடைபெற்றது. 
இந்தத் தேர்வு கடந்த ஆண்டுகளைக் காட்டிலும் எளிதாக இருந்ததாகத் தேர்வு எழுதியவர்கள் தெரிவித்தனர்.
 

]]>
http://www.dinamani.com/all-editions/edition-coimbatore/coimbatore/2018/nov/12/குரூப்-2-தேர்வு-கோவையில்-16951-பேர்-எழுதினர்-3037070.html
3037069 கோயம்புத்தூர் கோயம்புத்தூர் ரூ. 8 லட்சம் மோசடி: ஆன்லைன் வர்த்தக நிறுவன உரிமையாளர் உள்பட 3 பேர் கைது DIN DIN Monday, November 12, 2018 07:49 AM +0530 ஆன்லைன் மூலமாக அரிசி வர்த்தகம் செய்து ரூ. 8 லட்சம் மோசடி செய்ததாக வர்த்தக நிறுவன உரிமையாளர் உள்பட மூன்று பேரை காவல் துறையினர் கைது செய்துள்ளனர்.
கோவை, போத்தனூரைச் சேர்ந்தவர் அஷ்ரப் (31). இவர், ஆன்லைன் வர்த்தக நிறுவனம் நடத்தி வருகிறார். இந்நிலையில், சென்னையைத் தலைமையிடமாகக் கொண்டு செயல்படும் நிறுவனத்திடம் இருந்து 21 டன் அரிசி கொள்முதல் செய்துள்ளார். 
 இதற்காக அஷ்ரப் ரூ. 2 லட்சம் ரொக்கமாகவும், மீதமுள்ள ரூ. 8 லட்சத்து 8 ஆயிரத்துக்கு காசோலையும் கொடுத்துள்ளார். அந்தக் காசோலையை வங்கியில் செலுத்தியபோது அவரது கணக்கில் போதிய பணம் இல்லாததால் காசோலை திருப்பி அனுப்பப்பட்டுவிட்டது. 
இதையடுத்து, அரிசி அனுப்பிய நிறுவனத்தின் விற்பனைப் பிரிவு மேலாளரான போத்தனூரைச் சேர்ந்த கௌதம் (22), அஷ்ரப்பின் நிறுவனத்துக்கு நேரில் சென்று பணத்தைக் கேட்டுள்ளார்.
 ஆனால், அஷ்ரப் மற்றும் அவரது நிறுவன ஊழியர்களான அப்துல் சாலி (37), ஷான் பாட்ஷா (32) ஆகியோர் கௌதமை மிரட்டினராம். 
இதுகுறித்து, போத்தனூர் காவல் நிலையத்தில் கௌதம் புகார் தெரிவித்தார். அதன்பேரில், அஷ்ரப் உள்ளிட்ட மூன்று பேர் மீது மோசடி, கொலை மிரட்டல் உள்ளிட்ட 3 பிரிவுகளின் கீழ் வழக்குப் பதிவு செய்யப்பட்டு, கைது செய்யப்பட்டனர்.
 

]]>
http://www.dinamani.com/all-editions/edition-coimbatore/coimbatore/2018/nov/12/ரூ-8-லட்சம்-மோசடி-ஆன்லைன்-வர்த்தக-நிறுவன-உரிமையாளர்-உள்பட-3-பேர்-கைது-3037069.html
3037068 கோயம்புத்தூர் கோயம்புத்தூர் திருடப்பட்ட 38 இருசக்கர வாகனங்கள் திருநெல்வேலியில் மீட்பு DIN DIN Monday, November 12, 2018 07:49 AM +0530 கோவை, சென்னை உள்பட பல்வேறு இடங்களில் 150 இருசக்கர வாகனங்கள் திருடப்பட்ட வழக்கில் 38 இருசக்கர வாகனங்களை தனிப்படையினர் திருநெல்வேலியில் மீட்டனர்.
 கோவை மாநகரின் பல்வேறு பகுதிகளில் நிறுத்தி வைக்கப்பட்டிருந்த இருசக்கர வாகனங்களை திருடிச் செல்லும் மர்ம நபர்களைப் பிடிக்க காவல் ஆணையரின் உத்தரவின் பேரில் தனிப்படை அமைக்கப்பட்டது. இந்தத் தனிப்படையினருக்கு கிடைத்த ரகசியத் தகவலின்பேரில் ரேஸ்கோர்ஸ் குற்றப் பிரிவு காவல் ஆய்வாளர் மோகன்ராஜ், வெரைட்டிஹால் சாலை குற்றப் பிரிவு ஆய்வாளர் ஆனந்த் ஆகியோர் தலைமையிலான தனிப்படையினர் திருநெல்வேலி புதிய பேருந்து நிலையம் அருகே வாகனச் சோதனையில் அண்மையில் ஈடுபட்டிருந்தனர். அப்போது இருசக்கர வாகனத்தில் வந்த நபரை சந்தேகத்தின்பேரில் பிடித்து விசாரணை நடத்தினர். 
அதில், வாகனத்தை ஓட்டி வந்தவர் திருநெல்வேலி மாவட்டம், ஏர்வாடியைச் சேர்ந்த ஜெ.ரசூல் முகைதீன் (43) என்பது தெரியவந்தது. அவர் ஓட்டி வந்த வாகனம் கோவையில்  திருடப்பட்டது என்பதும் தெரியவந்தது.
  இதையடுத்து, அவரைக் கைது செய்த காவல் துறையினர் அவரிடம் நடத்திய விசாரணையில், கோவை, திருப்பூர், ஈரோடு, சேலம், தருமபுரி, மதுரை, சென்னை உள்ளிட்ட பல்வேறு இடங்களில் இருந்து 150 இருசக்கர வாகனங்கள் திருடப்பட்டது தெரியவந்தது. மேலும், வாகனங்களைத் திருடியவுடன் தனியார் பேருந்துகள் மூலமாக திருநெல்வேலிக்கு அனுப்பிவைத்ததும், அங்கு ரசூல் முகைதீனின் நண்பர்களான இசக்கிபாண்டி, மாடசாமி, துரை, மொய்தீன், மூசா ஆகியோர் அந்த வாகனங்களை விற்று அவருக்குச் சேரவேண்டிய தொகையைக் கொடுத்து வந்ததும் தெரியவந்தது.  இதையடுத்து, ரசூல் முகைதீனின் வீடு, அலுவலகம் உள்ளிட்ட பல்வேறு இடங்களில் சோதனை நடத்தப்பட்டு ரூ. 10 லட்சம் மதிப்பிலான 42 இருசக்கர வாகனங்கள் மீட்கப்பட்டன.
 இதற்கிடையில், காட்டூர் குற்றப் பிரிவு ஆய்வாளர் சாந்தி, திருநெல்வேலியைச் சேர்ந்த இசக்கிபாண்டி என்பவரை அக்டோபர் 27 ஆம் தேதி கைது செய்து, அவரிடம் இருந்து 7 இருசக்கர வாகனங்களையும் மீட்டார். 
அதன் தொடர்ச்சியாகவே ரசூல் முகைதீனும் கைது செய்யப்பட்டு சிறையில் அடைக்கப்பட்டார். அவரிடம் நடத்தப்பட்ட விசாரணை அடிப்படையில் திருநெல்வேலியில் மறைத்து வைக்கப்பட்டு இருந்த 38 இருசக்கர வாகனங்களை தனிப்படையினர் ஞாயிற்றுக்கிழமை மீட்டனர்.

]]>
http://www.dinamani.com/all-editions/edition-coimbatore/coimbatore/2018/nov/12/திருடப்பட்ட-38-இருசக்கர-வாகனங்கள்-திருநெல்வேலியில்-மீட்பு-3037068.html
3037067 கோயம்புத்தூர் கோயம்புத்தூர் அன்னூரில் பா.ஜ.க. நெசவாளர் அணி செயற்குழுக் கூட்டம் DIN DIN Monday, November 12, 2018 07:49 AM +0530 அன்னூரில் பா.ஜ.க. நெசவாளர் அணி செயற்குழுக் கூட்டம் ஞாயிற்றுக்கிழமை நடைபெற்றது.
அன்னூர், தென்னம்பாளையம் சாலையில் உள்ள தனியார் வணிக வளாகத்தில் நடைபெற்ற இக்கூட்டத்துக்கு பா.ஜ.க. நெசவாளர் அணி மாவட்டத் தலைவர் நடராஜ் தலைமை வகித்தார். கோவை வடக்கு மாவட்டப் பொதுச் செயலாளர் சத்தியமூர்த்தி முன்னிலை வகித்தார். நெசவாளர் அணி மாவட்ட துணைத் தலைவர் வெற்றிகணேஷ் வரவேற்றார். 
இக்கூட்டத்தில் விசைத்தறிகளுக்கு சூரிய ஒளி மின்சக்தி ஒளி விளக்கு அமைத்து நெசவாளர்களுக்கு மானிய விலையில் வழங்க வேண்டும். விசைத்தறிக்கு வழங்கும் மின்சாரக் கட்டணத்தை அண்டை மாநிலங்களைப் போல யூனிட்டுக்கு ரூ. 4.60 நிர்ணயிக்க வேண்டும். விசைத்தறி நெசவாளர்களின் குழந்தைகளுக்கு முதுநிலை கல்வி வரை இலவசக் கல்வி வழங்க வேண்டும்.  
மேலும் விசைத்தறிகள் மூலமாக உற்பத்தி செய்யப்படும் காடா துணிகளை மதிப்புக் கூட்டப்பட்ட பொருளாக மாற்றி விற்பனை செய்யத் தனி அமைப்பை ஏற்படுத்த வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
இந்தக் கூட்டத்தில் நெசவாளர் அணி மாவட்டச் செயலாளர் பரசுராமன், அன்னூர் நகர பா.ஜ.க. தலைவர் ராஜராஜசாமி, அன்னூர் நகர் மண்டலப் பொதுச் செயலாளர் நடராஜன், ஒன்றியத் தலைவர் விஜயகுமார் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/12/அன்னூரில்-பாஜக-நெசவாளர்-அணி-செயற்குழுக்-கூட்டம்-3037067.html
3037066 கோயம்புத்தூர் கோயம்புத்தூர் "குளக்கரைகளில் இளைப்பாறும் வரலாறு': நூல் வெளியீட்டு விழா DIN DIN Monday, November 12, 2018 07:48 AM +0530 "குளக்கரைகளில் இளைப்பாறும் வரலாறு' எனும் மொழிபெயர்ப்பு நூல் வெளியீட்டு விழா கோவையில் ஞாயிற்றுக்கிழமை நடைபெற்றது.
தன்னறம், கோவை குளங்கள் பாதுகாப்பு அமைப்பு, பசும்புலரி, குக்கூ - குழந்தைகள் வெளி ஆகிய அமைப்புகளின் சார்பில், தீத்திப்பாளையம் அருகே உள்ள கருமலை அடிவாரத்தில் நூல் வெளியீட்டு விழா நடைபெற்றது. மேலும், இவ்விழாவில் பனை விதைக்கும் களப்பணியும் நடைபெற்றது. 
இந்நிகழ்ச்சியில், சுற்றுச்சூழல் ஆர்வலர் அனுபம் மிஸ்ராவால் எழுதப்பட்டு, பிரதீப் பாலுவால் மொழிபெயர்க்கப்பட்ட "குளக்கரைகளில் இளைப்பாறும் வரலாறு' எனும் நூல் வெளியிடப்பட்டது. 
கோவை மாவட்ட வன அலுவலர் வெங்கடேஷ் நூலை வெளியிட, மாவட்ட முன்னாள் வன அலுவலர் பத்ரசாமி, ராக் அமைப்பின் நிர்வாகி ரவீந்திரன், சிறுதுளி அமைப்பின் மணியன், கெளசிகா நதிப் பாதுகாப்பு அமைப்பின் செல்வராஜ், குறிச்சி குளம் பாதுகாப்பு அமைப்பின் தீபம் சுவாமிநாதன், கோவை குளங்கள் பாதுகாப்பு அமைப்பின் மணிகண்டன், குக்கூ - குழந்தைகள் வெளி அமைப்பின் சிவராஜன் ஆகியோர் அதைப் பெற்றுக் கொண்டனர்.
முன்னதாக, கங்கை நதிப் பாதுகாப்புக்காக 114 நாள்கள் உண்ணாவிரதம் இருந்து உயிர் நீத்த நிகமானந்தாவின் புகைப்படத்துக்கு தீபம் ஏற்றி மரியாதை செலுத்தப்பட்டது. 
மேலும், கோவை குளங்கள் பாதுகாப்பு அமைப்பின் 92ஆவது வார களப்பணியாக 500 பனை விதைகள் விதைக்கும் பணியும் நடைபெற்றது.  இதில், திரளான தன்னார்வலர்கள் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/12/குளக்கரைகளில்-இளைப்பாறும்-வரலாறுநூல்-வெளியீட்டு-விழா-3037066.html
3037065 கோயம்புத்தூர் கோயம்புத்தூர் பொள்ளாச்சி நகராட்சியில் இரவில் குப்பைகளை அகற்றும் பணி தொடக்கம் DIN DIN Monday, November 12, 2018 07:47 AM +0530 பொள்ளாச்சி நகராட்சியில் இரவு நேரத்தில் குப்பைகளை அகற்றும் பணி சனிக்கிழமை தொடங்கியது.
பொள்ளாச்சி நகராட்சியில் மொத்தம் 36 வார்டுகள் உள்ளன. இந்த வார்டுகளில் 95 ஆயிரத்துக்கும் மேற்பட்டோர் வசித்து வருகின்றனர். நகராட்சி வார்டுகளில் தினமும் சேகரமாகும் குப்பைகளை அப்புறப்படுத்த 107 நிரந்தரப் பணியாளர்களும், 191 தற்காலிகப் பணியாளர்களும் பணியமர்த்தப்பட்டுள்ளனர்.
தினமும் சேகரமாகும் குப்பைகள் மற்றும் கழிவுகள் காலை 6 முதல் மாலை 5 மணி வரை அப்புறப்படுத்தப்படுகின்றது.  நகரப் பகுதியில், வர்த்தக நிறுவனங்கள் அதிகம் உள்ள பகுதிகளில் பகல் நேரத்தில் குப்பைகளை அப்புறப்படுத்துவதில் சிரமம் இருந்து வருகிறது.  இப்பிரச்னைக்குத் தீர்வு காண  அதிகாரிகள் தரப்பில் ஆலோசனை செய்யப்பட்டு, நகரில் வணிக நிறுவனங்கள் அதிகம் உள்ள பகுதியில் இரவு 7 மணி முதல் நள்ளிரவு 12 மணி வரை குப்பைகளை அகற்ற முடிவு செய்யப்பட்டது. 
இந்தப்பணி சனிக்கிழமை தொடங்கி நடைபெற்றுவருகிறது. முதலில் 6 துப்புரவுப் பணியாளர்களும், ஒரு லாரியும் இப்பணியில் ஈடுபடுத்தப்படுகின்றனர். 
இத்திட்டத்தின் பயன்பாடுகளின் அடிப்படையில் இப்பணியை மேலும் விரிவுபடுத்துவது குறித்து அதிகாரிகள் முடிவு  செய்வர் என அதிகாரிகள் தெரிவித்தனர்.
 

]]>
http://www.dinamani.com/all-editions/edition-coimbatore/coimbatore/2018/nov/12/பொள்ளாச்சி-நகராட்சியில்-இரவில்-குப்பைகளை-அகற்றும்-பணி-தொடக்கம்-3037065.html
3037064 கோயம்புத்தூர் கோயம்புத்தூர் காரமடை ரயில் நிலையத்தில் பன்றிக் காய்ச்சல் விழிப்புணர்வு  DIN DIN Monday, November 12, 2018 07:47 AM +0530 மேட்டுப்பாளையம் அருகே உள்ள காரமடை ரயில் நிலையத்தில் டெங்கு தடுப்பு நடவடிக்கை சனிக்கிழமை மேற்கொள்ளப்பட்டது.
கோவை மாவட்ட பேரூராட்சிகள் இணை இயக்குநர் கணேஷ்ராம் உத்தரவின் பேரில், பேரூராட்சி செயலர் பார்த்திபன் தலைமையில் காரமடை ரயில் நிலையத்தில் டெங்கு, பன்றிக் காய்ச்சல் தடுப்பு நடவடிக்கையாக சுகாதாரப் பணிகள் மேற்கொள்ளப்பட்டன. இந்நிகழ்ச்சியில், துப்புரவு மேற்பார்வையாளர்கள் ரவிகுமார், கார்த்திகேயன் மற்றும் அலுவலக உதவியாளர்கள் கலந்துகொண்டனர். 
இதற்கான ஏற்பாடுகளை சுகாதார ஆய்வாளர் பரமசிவம் செய்திருந்தார்.
 

]]>
http://www.dinamani.com/all-editions/edition-coimbatore/coimbatore/2018/nov/12/காரமடை-ரயில்-நிலையத்தில்-பன்றிக்-காய்ச்சல்-விழிப்புணர்வு-3037064.html
3037063 கோயம்புத்தூர் கோயம்புத்தூர் சிற்றுந்து கவிழ்ந்து ஒருவர் சாவு; 20 பேர் காயம் DIN DIN Monday, November 12, 2018 07:47 AM +0530 பொள்ளாச்சி அருகே சிற்றுந்து கவிழ்ந்து விபத்துக்குள்ளானதில் ஞாயிற்றுக்கிழமை இரவு ஒருவர் உயிரிழந்தார்; 20க்கும் மேற்பட்டோர் காயமடைந்தனர்.
கேரள மாநிலம், எர்ணாகுளத்தில் இருந்து கொடைக்கானலுக்கு சிற்றுந்தில் 28 பேர் நவம்பர் 9ஆம் தேதி சுற்றுலா சென்றனர். 
அவர்கள் கொடைக்கானலில் இருந்து மீண்டும் எர்ணாகுளத்துக்கு ஞாயிற்றுக்கிழமை இரவு திரும்பிச் சென்றுள்ளனர். அந்தச் சிற்றுந்து பொள்ளாச்சி, அம்பராம்பாளையம் அருகே ஞாயிற்றுக்கிழமை இரவு வந்துகொண்டிருந்தபோது சிற்றுந்தின் முன்பக்க டயர் வெடித்ததாகக் கூறப்படுகிறது. இதில், சிற்றுந்து நிலை தடுமாறிக் கவிழ்ந்து விபத்துக்குள்ளானது.
இதில், எர்ணாகுளத்தைச் சேர்ந்த ஸ்ரீராஜ் சம்பவ இடத்திலேயே உயிரிழந்தார். 
நந்தலால், அமிர்தன், கிரீஷ், ஜித்து உள்ளிட்ட 20க்கும் மேற்பட்டோர் காயம் அடைந்தனர். அவர்கள் பொள்ளாச்சி அரசு மருத்துவமனையிலும், தனியார் மருத்துவமனையிலும் சிகிச்சை பெற்று வருகின்றனர்.
இந்த விபத்து குறித்து ஆனைமலை காவல் துறையினர் விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/coimbatore/2018/nov/12/சிற்றுந்து-கவிழ்ந்து-ஒருவர்-சாவு-20-பேர்-காயம்-3037063.html
3037062 கோயம்புத்தூர் கோயம்புத்தூர் ஏவிபி பள்ளியில் பாரம்பரிய உணவுத் திருவிழா DIN DIN Monday, November 12, 2018 07:47 AM +0530 பெரியநாயக்கன்பாளையத்தில் உள்ள ஏவிபி மெட்ரிக். மேல்நிலைப் பள்ளியில் இந்தியப் பாரம்பரிய உணவுத் திருவிழா அண்மையில் நடைபெற்றது.
இந்திய உணவு வகைகளின் முக்கியத்துவத்தை அறிந்து கொள்ளவும், பாரம்பரிய உணவுப் பொருள்களின் அவசியத்தை மாணவ, மாணவிகளுக்கு உணர்த்தும் வகையிலும் நடைபெற்ற இந்த உணவுத் திருவிழாவை பள்ளித் தாளாளர் வெங்கடேஷ்வரன் தொடக்கிவைத்தார். கல்வி இயக்குநர்கள் சண்முகம், குணசேகரன், திருநாவுக்கரசு ஆகியோர் முன்னிலை வகித்தனர்.  இந்நிகழ்ச்சியின் நோக்கம் குறித்து முதல்வர் சுப்புலட்சுமி விளக்கினார். 
தொடர்ந்து, தாங்கள் தயாரித்துக் கொண்டு வந்திருந்த உணவுப் பொருள்களை மாணவ, மாணவிகள் காட்சிப்படுத்தியிருந்தனர். அதைத் தொடர்ந்து சமையல் போட்டியும் நடைபெற்றது. 
இதில் பங்கேற்ற பெற்றோர்கள் பல்வேறு வகையான உணவுகளைச் சமைத்துக் காட்டினர். அதில் வெற்றி பெற்றவர்களுக்குப் பரிசுகள் வழங்கப்பட்டன. கல்விப் பிரிவு இயக்குநர் தமிழ்வாணன் நன்றி கூறினார்.

]]>
http://www.dinamani.com/all-editions/edition-coimbatore/coimbatore/2018/nov/12/ஏவிபி-பள்ளியில்-பாரம்பரிய-உணவுத்-திருவிழா-3037062.html
3037061 கோயம்புத்தூர் கோயம்புத்தூர் தலித் சிறுமி படுகொலை குறித்து  மத்திய, மாநில அரசுகள் மெளனம்: ஜிக்னேஷ் மேவானி குற்றச்சாட்டு DIN DIN Monday, November 12, 2018 07:46 AM +0530 சேலத்தைச் சேர்ந்த தலித் சிறுமி படுகொலை செய்யப்பட்ட விவகாரத்தில் மத்திய, மாநில அரசுகள் தொடர்ந்து மெளனம் காத்து வருவதாக குஜராத்தைச் சேர்ந்த சமூக ஆர்வலரும், எம்.எல்.ஏ.வுமான ஜிக்னேஷ் மேவானி குற்றஞ்சாட்டியுள்ளார்.
 கோவையில் நடைபெற்ற சமூக நீதிக் கட்சியின் ஆண்டு விழாவில் பங்கேற்ற ஜிக்னேஷ் மேவானி செய்தியாளர்களிடம் ஞாயிற்றுக்கிழமை கூறியதாவது:
 தமிழகத்தை ஆளும் அதிமுக அரசு மத்திய பாஜக அரசின் கைப்பாவையாகவே செயல்பட்டு வருகிறது. விவசாயிகள் தற்கொலை, ரஃபேல் ஊழல், வேலைவாய்ப்பின்மை, பொருளாதாரச் சிக்கல்கள் என எந்த விஷயத்திலும் மத்திய அரசின் செயலற்ற தன்மை குறித்து தமிழக அரசு கேள்வி எழுப்பியதே இல்லை. இந்தியாவில், குறிப்பாக தமிழ்நாட்டில் ஏழை, எளிய மக்கள் அதிலும் குறிப்பாக எஸ்.சி., எஸ்.டி. சிறுபான்மையின மக்கள் தொடர்ந்து குறிவைத்துத் தாக்கப்படுகின்றனர்.
 தமிழகத்தில் அண்மைக் காலத்தில் மட்டும் 12 பெண் குழந்தைகள் பாலியல் வன்கொடுமைக்கு ஆளாக்கப்பட்டு கொலை செய்யப்பட்டுள்ளனர். சேலம் மாவட்டத்தில் தலித் சிறுமி கொடூரமான முறையில் கொலை செய்யப்பட்டுள்ளார். 
இந்த விவகாரத்தில் பிரதமர், தமிழக முதல்வர் மட்டுமின்றி வடமாநில ஊடகங்களும் மெளனமாகவே உள்ளன. 
பாஜக அரசு ஆட்சிக்கு வந்த பின்னர் நாட்டில் எஸ்.சி., எஸ்.டி. மக்கள், பெண் குழந்தைகள் தொடர்ந்து குறி வைத்துத் தாக்கப்படுகின்றனர். தவறுகளைச் சுட்டிக்காட்டும் ஊடகவியலாளர்கள் கொல்லப்படுகின்றனர். ஜனநாயகத் தன்மையுடனும், மதச்சார்பற்றும் இருக்கும் இந்தியாவை ஹிந்து நாடாகவும், பெருநிறுவனங்களுக்கான நாடாகவும் மாற்றத் திட்டமிட்டு அவர்கள் செயல்பட்டு வருகின்றனர் என்றார்.
 

]]>
http://www.dinamani.com/all-editions/edition-coimbatore/coimbatore/2018/nov/12/தலித்-சிறுமி-படுகொலை-குறித்து--மத்திய-மாநில-அரசுகள்-மெளனம்-ஜிக்னேஷ்-மேவானி-குற்றச்சாட்டு-3037061.html
3037060 கோயம்புத்தூர் கோயம்புத்தூர் ஸ்டேன்ஸ் மில் தியாகிகளின் 72ஆம் ஆண்டு நினைவு தினம் அனுசரிப்பு DIN DIN Monday, November 12, 2018 07:46 AM +0530 கோவை ஸ்டேன்ஸ் மில் தியாகிகளின் 72ஆம் ஆண்டு நினைவு தினத்தையொட்டி சிஐடியூ சார்பில் ஞாயிற்றுக்கிழமை அஞ்சலி செலுத்தப்பட்டது.
இந்திய சுதந்திர விடுதலைப் போராட்டம் தீவிரமாக நடைபெற்றுக் கொண்டிருந்தபோது  1946இல் தொழிலாளர்களின் உரிமைக்கான போராட்டமும் நடைபெற்று கொண்டிருந்தது. அதன் ஒரு பகுதியாக கோவையில் பஞ்சாலைத் தொழிலாளர்களின் உரிமைக்களுக்காகப் போராடியவர்கள் மீது துப்பாக்கிச்சூடு நடத்தி 11 தொழிலாளர்கள் கொல்லப்பட்டனர்.
இதையொட்டி, ஆண்டுதோறும் நவம்பர் 11ஆம் தேதி சிஐடியூ சார்பில் அஞ்சலி செலுத்தப்பட்டு வருகிறது. 
இந்நிலையில் ஸ்டேன்ஸ் பஞ்சாலைத் தியாகிகளின் 72ஆம் ஆண்டு நினைவு தினத்தையொட்டி, கோவை அவிநாசி மேம்பாலம் அருகில் உள்ள சிஎஸ்டபிள்யூ  பஞ்சாலை முன்பு நடைபெற்ற நினைவேந்தல் நிகழ்ச்சிக்கு கோவை மாவட்டப் பஞ்சாலைத் தொழிலாளர் சங்க நிர்வாகி முத்துகிருஷ்ணன் தலைமை வகித்தார்.
சங்கத்தின் துணைத் தலைவர் சிற்றரசு, தியாகிகள் நினைவாகக் கொடி ஏற்றினார். 
இதில், சிஐடியூ மாவட்டத் தலைவர் சி.பத்மநாபன், மாவட்டச் செயலாளர் எஸ்.கிருஷ்ணமூர்த்தி, ஆட்டோ சங்க மாவட்டப் பொதுச் செயலாளர் பி.கே.சுகுமாரன், தங்க நகைத் தொழிலாளர் யூனியன் பொதுச் செயலாளர் சந்திரன் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-coimbatore/coimbatore/2018/nov/12/ஸ்டேன்ஸ்-மில்-தியாகிகளின்-72ஆம்-ஆண்டு-நினைவு-தினம்-அனுசரிப்பு-3037060.html
3037059 கோயம்புத்தூர் கோயம்புத்தூர் மகாராஷ்டிரத்தில் புலி சுட்டுக் கொலை: வன விலங்கு ஆர்வலர்கள் கோவையில் கண்டன ஊர்வலம் DIN DIN Monday, November 12, 2018 07:46 AM +0530 மகாராஷ்டிர மாநிலத்தில் பெண் புலி சுட்டுக் கொல்லப்பட்டதைக் கண்டித்து கோவையில் வன விலங்கு ஆர்வலர்கள் ஞாயிற்றுக்கிழமை கண்டன ஊர்வலம் நடத்தினர். 
 மகாராஷ்டிர மாநிலம், யவத்மால் மாவட்ட வனப் பகுதியை ஒட்டியுள்ள கிராமங்களில் கடந்த 2 ஆண்டுகளில் 13 பேர் புலி தாக்கி இறந்திருப்பதாகவும், அதற்கு அவ்னி என பெயரிடப்பட்ட பெண் புலிதான் காரணம் என்றும் கூறப்பட்டது. இதையடுத்து, அந்தப் புலியை உயிருடன் பிடிப்பதற்கு தொடர்ந்து முயற்சிகள் மேற்கொள்ளப்பட்ட நிலையில், அந்தப் புலி நவம்பர் 2ஆம் தேதி இரவு சுட்டுக் கொல்லப்பட்டது. இந்தச் சம்பவத்துக்கு மகாராஷ்டிர மாநில வன விலங்கு ஆர்வலர்கள் கடும் கண்டனம் தெரிவித்தனர்.
மேலும், அவர்கள் போராட்டங்களிலும் ஈடுபட்டு வருகின்றனர்.
 அதன் ஒரு பகுதியாக அவ்னி கொல்லப்பட்டதைக் கண்டித்து நாடு தழுவிய அளவிலான போராட்டத்துக்கு வன விலங்கு ஆர்வலர்கள் அழைப்பு விடுத்திருந்தனர். 
அதன்படி கோவையில் மகளிர் பாலிடெக்னிக் கல்லூரி பகுதியில் இருந்து வ.உ.சி. மைதானம் வரையிலும் கண்டன ஊர்வலம் நடத்தப்பட்டது. ஹியூமன் அனிமல் சொசைட்டி எனும் தன்னார்வத் தொண்டு நிறுவனத்தின் சார்பில் நடத்தப்பட்ட இந்த ஊர்வலத்தில் தொண்டு நிறுவனத்தின் நிர்வாக அறங்காவலர் மினி வாசுதேவன், ஒருங்கிணைப்பாளர் அல்போன்ஸ் சேவியர் ஆகியோரது தலைமையில் வன விலங்கு ஆர்வலர்கள் திரளானோர் பங்கேற்றனர்.
 இதுகுறித்து, அவர்கள் கூறியதாவது: 
பெண் புலி அவ்னியை மகாராஷ்டிர அரசு சட்டத்துக்குப் புறம்பாகச் சுட்டுக் கொலை செய்துள்ளது. அதை உயிருடன் பிடித்து இடமாற்றம் செய்வதற்குத் தேவையான முயற்சிகளை மேற்கொள்ளாமல், கொலை செய்யும் நோக்கத்துடனேயே தொடர்ந்து நடந்து கொண்டனர். புலியை சுடுவதற்கு ஒருவருக்கு மட்டுமே அனுமதி வழங்கப்பட்டிருந்த நிலையில், அனுமதி பெறாத மற்றொருவர் அதைச் சுட்டுள்ளார்.
 மேலும், இரவு நேரத்தில் சுடக் கூடாது என்பது உள்ளிட்ட பல்வேறு சட்ட விதிகள் பின்பற்றப்படவில்லை. அத்துடன், அந்தப் புலியின் இரண்டு குட்டிகளையும் கண்டுபிடித்து, காப்பாற்றுவதற்கான முயற்சிகளில் மகாராஷ்டிர அரசு ஈடுபடவில்லை. அதைக் கண்டித்தும், இனி இதுபோன்ற நிகழ்வுகள் நாட்டில் எங்கும் நடைபெறக் கூடாது என வலியுறுத்தியும் இந்த ஊர்வலம் நடத்தப்படுகிறது என்றனர்.
 

]]>
http://www.dinamani.com/all-editions/edition-coimbatore/coimbatore/2018/nov/12/மகாராஷ்டிரத்தில்-புலி-சுட்டுக்-கொலை-வன-விலங்கு-ஆர்வலர்கள்-கோவையில்-கண்டன-ஊர்வலம்-3037059.html
3035902 கோயம்புத்தூர் கோயம்புத்தூர் பண மதிப்பிழப்பு நடவடிக்கை: கோவையில் காங்கிரஸ் கட்சியினர் ஆர்ப்பாட்டம் DIN DIN Saturday, November 10, 2018 07:42 AM +0530 மத்திய அரசின் பண மதிப்பிழப்பு நடவடிக்கையைக் கண்டித்து கோவையில் காங்கிரஸ் கட்சியினர் வெள்ளிக்கிழமை ஆர்ப்பாட்டம் நடத்தினர்.
கோவை, தெற்கு வட்டாட்சியர் அலுவலகம் அருகே, மாநகர் மாவட்ட காங்கிரஸ் சார்பில் மாநகர் மாவட்டத் தலைவர் மயூரா ஜெயகுமார் தலைமையில் ஆர்ப்பாட்டம் நடைபெற்றது. 
இதில் அவர் பேசியதாவது:
பாஜக தலைமையிலான மத்திய அரசு கடந்த 2016 நவம்பர் 8ஆம் தேதி பண மதிப்பிழப்பு நடவடிக்கையை அறிவித்தது. இதனால் பொதுமக்கள் பல்வேறு துயரங்களுக்கும் ஆளாக நேரிட்டது. எனவே, அந்த நாளை  கருப்பு தினமாக அனுசரிக்கும் பொருட்டு காங்கிரஸ் கட்சி சார்பில் இந்த ஆர்ப்பாட்டம் நடத்தப்படுகிறது. மத்திய அரசின் தவறான அவசர முடிவால் இந்தியப் பொருளாதாரம் தொடர்ந்து சரிவை சந்தித்து வருகிறது.
தற்போது நடைபெற்ற கர்நாடக இடைத் தேர்தலில் பா.ஜ.க.வுக்கு மக்கள் பாடம் புகட்டியுள்ளனர். காங்கிரஸ் தலைவர் ராகுல் காந்தியின் தலைமையிலான ஆட்சிக்கு மக்கள் ஆதரவு அதிகரித்து வருவதையே இந்தத் தேர்தல் முடிவு காட்டுகிறது என்றார். 
இந்த ஆர்ப்பாட்டத்தில் காங்கிரஸ் கட்சி நிர்வாகிகள் மகேஷ்குமார், வீனஸ் மணி, கே. பி. எஸ்.மணி, பச்சமுத்து, கணபதி சிவகுமார், கே.பி.துரை, செளந்தர்குமார், வழக்குரைஞர் கருப்பசாமி, பழையூர் செல்வராஜ், கே.வி.செல்வராஜ், ராமநாகராஜ், கோவை போஸ், இளைஞர் காங்கிரஸ் மாவட்டத் தலைவர் கே. குமரேசன் உள்ளிட்ட பலர் கலந்துகொண்டனர்.
இதேபோல, கோவை வடக்கு மாவட்ட காங்கிரஸ் சார்பில் வடக்கு மாவட்டத் தலைவர் வி.எம்.சி.மனோகரன் தலைமையில் காந்தி பூங்காவில் ஆர்ப்பாட்டம் நடைபெற்றது. 
இந்த ஆர்ப்பாட்டத்தில் மாவட்ட முன்னாள் தலைவர் சின்னையன், முன்னாள் மேயர் வெங்கடசாலம், இளைஞர் காங்கிரஸ் தலைவர் நவீன்குமார் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-coimbatore/coimbatore/2018/nov/10/பண-மதிப்பிழப்பு-நடவடிக்கை-கோவையில்-காங்கிரஸ்-கட்சியினர்-ஆர்ப்பாட்டம்-3035902.html
3035901 கோயம்புத்தூர் கோயம்புத்தூர் மாவட்ட அளவிலான விநாடி - வினா போட்டி: வெற்றி பெற்ற மாணவர்களுக்குப் பரிசு DIN DIN Saturday, November 10, 2018 07:42 AM +0530 தமிழ்நாடு அறிவியல் இயக்கம், சித்தாபுதூர் மேல்நிலைப் பள்ளி முன்னாள் மாணவர் சங்கம், சி.ஆர்.ஐ. பம்ப்ஸ் நிறுவனம் ஆகியவற்றின் சார்பில் நடத்தப்பட்ட மாவட்ட அளவிலான விநாடி - வினா போட்டிகளில் வெற்றி பெற்றவர்களுக்குப் பரிசளிப்பு விழா அண்மையில் நடைபெற்றது.
 கோவை, சித்தாபுதூர் மாநகராட்சி மேல்நிலைப் பள்ளியில் நடைபெற்ற இந்த விழாவுக்கு பள்ளியின் முன்னாள் மாணவர் சங்கத் தலைவர் ஜி.வி.ரவி, தமிழ்நாடு அறிவியல் இயக்கத்தின் மண்டல ஒருங்கிணைப்பாளர் கண்ணபிரான் ஆகியோர் முன்னிலை வகித்தனர். இதில், சி.ஆர்.ஐ. பம்ப்ஸ் நிறுவனத்தின் தலைமை நிர்வாக அதிகாரி நித்தியானந்தன் தேவராஜ் சிறப்பு விருந்தினராகப் பங்கேற்று வெற்றி பெற்ற மாணவர்களுக்குப் பரிசுகளை வழங்கிப் பாராட்டிப் பேசினார்.
 இந்தப் போட்டியில், 6 முதல் 8 ஆம் வகுப்பு வரையிலான, தமிழ் வழி மாணவர்களுக்கான பிரிவில் சித்தாபுதூர் மாநகராட்சி ஆண்கள் மேல்நிலைப் பள்ளி முதலிடம் பிடித்தது. சின்னவேடம்பட்டி, ராமானந்த அடிகளார் உயர்நிலைப் பள்ளி 2ஆவது இடத்தைப் பிடித்தது.  9, 10ஆம் வகுப்பினருக்கான பிரிவில் சித்தாபுதூர் மாநகராட்சி ஆண்கள் மேல்நிலைப் பள்ளி முதலிடமும், ஒப்பணக்கார வீதி ஆண்கள் மேல்நிலைப் பள்ளி இரண்டாம் இடமும் பிடித்தன. 11, 12 ஆம் வகுப்பினருக்கான பிரிவில் சித்தாபுதூர் மாநகராட்சி ஆண்கள் மேல்நிலைப் பள்ளி முதலிடமும், காளப்பட்டி, அரசுப் பள்ளி இரண்டாம் இடமும் பிடித்தது.
 6 - 8ஆம் வகுப்பு ஆங்கில வழிப்பாட மாணவர்களுக்கான பிரிவில் கணபதி சி.எம்.எஸ். மெட்ரிக். மேல்நிலைப் பள்ளி முதலிடமும், வீரபாண்டி பிரிவு விவேகம் மெட்ரிக். மேல்நிலைப் பள்ளி 2ஆவது இடமும் பிடித்தன. 9, 10ஆம் வகுப்பினருக்கான பிரிவில் சி.எம்.எஸ். பள்ளி முதலிடமும், கடலைக்கார சந்து ஜி.டி. மெட்ரிக். மேல்நிலைப் பள்ளி 2ஆவது இடமும் பிடித்தன. 11, 12ஆம் வகுப்பினருக்கான பிரிவில் சி.எம்.எஸ். பள்ளி முதலிடத்தையும், விளாங்குறிச்சி ஸ்ரீ தர்மசாஸ்தா மெட்ரிக். மேல்நிலைப் பள்ளி 2ஆவது இடத்தையும் பிடித்தன.

]]>
http://www.dinamani.com/all-editions/edition-coimbatore/coimbatore/2018/nov/10/மாவட்ட-அளவிலான-விநாடி---வினா-போட்டி-வெற்றி-பெற்ற-மாணவர்களுக்குப்-பரிசு-3035901.html
3035900 கோயம்புத்தூர் கோயம்புத்தூர் பாரதியார் பல்கலைக்கழகத்தில் உயர் கல்வி முதன்மைச் செயலர் ஆய்வு DIN DIN Saturday, November 10, 2018 07:41 AM +0530 கோவை பாரதியார் பல்கலைக்கழகத்தில் உயர் கல்வித் துறை முதன்மைச் செயலர் மங்கத் ராம் சர்மா வெள்ளிக்கிழமை ஆய்வு மேற்கொண்டார்.
பல்கலைக்கழகத்தின் துணைவேந்தர் தேர்வுக் குழு உறுப்பினரும், முதன்மைச் செயலருமான மங்கத் ராம் சர்மா, பல்கலைக்கழகப் பேராசிரியர்களுக்குப் பணி மேம்பாட்டுத் திட்டத்தின் கீழ் வழங்கப்படும் பதவி உயர்வு குறித்து பல்கலைக்கழக நிர்வாகக் குழுவினருடன் ஆலோசனையில் ஈடுபட்டதாகத் தகவல்கள் தெரிவிக்கின்றன. இதற்கிடையே, பதிவாளர், தேர்வுக் கட்டுப்பாட்டு அதிகாரி, தொலைநிலைக் கல்வி மைய இயக்குநர், மக்கள் தொடர்பு அலுவலர் உள்ளிட்ட பணியிடங்களை நிரப்புவதற்கான விண்ணப்பங்கள் வியாழக்கிழமை வரை பெறப்பட்ட நிலையில், அந்த விண்ணப்பங்களைச் சிறப்புக் குழு மூலமாக ஆய்வு செய்வது குறித்தும் அவர் ஆலோசனைகளை வழங்கியிருப்பதாக கூறப்படுகிறது.

]]>
http://www.dinamani.com/all-editions/edition-coimbatore/coimbatore/2018/nov/10/பாரதியார்-பல்கலைக்கழகத்தில்-உயர்-கல்வி-முதன்மைச்-செயலர்-ஆய்வு-3035900.html
3035899 கோயம்புத்தூர் கோயம்புத்தூர் வேலைவாய்ப்பற்ற இளைஞர்கள் சுய தொழில் தொடங்கக் கடன் உதவி: மாவட்ட ஆட்சியர் அழைப்பு DIN DIN Saturday, November 10, 2018 07:41 AM +0530 வேலைவாய்ப்பற்ற இளைஞர்களுக்கு வேலைவாய்ப்பை உருவாக்குவதற்கான திட்டத்தின் கீழ் (யூ.ஒய்.இ.ஜி.பி.) கடன் உதவி பெற மாவட்டத் தொழில் மையத்தை அணுகலாம் என அழைப்பு விடுக்கப்பட்டுள்ளது.
இதுகுறித்து மாவட்ட ஆட்சியர் த.ந.ஹரிஹரன் வெளியிட்டுள்ள செய்திக் குறிப்பு:
தமிழகத்தின் அனைத்து கிராமங்கள், நகரங்களில் உள்ள வேலைவாய்ப்பற்ற இளைஞர்களுக்கு வேலைவாய்ப்பை அளிக்கும் வகையில் யூ.ஒய்.இ.ஜி.பி. திட்டம் செயல்படுத்தப்படுகிறது. இந்தத் திட்டத்தின் கீழ் உற்பத்தித் தொழில்களை அதிகபட்சம் ரூ. 10 லட்சம் முதலீட்டிலும், சேவைத் தொழில்களை அதிகபட்சம் ரூ. 3 லட்சம் முதலீட்டிலும், வியாபாரத்தை அதிகபட்சம் ரூ. 1 லட்சம் முதலீட்டிலும் தொடங்கலாம். மேற்கண்ட மனுதாரர்களுக்கு மாநில அரசால் 25 சதவீதம் மானியம், அதிகபட்சமாக ரூ. 1.25 லட்சம் வழங்கப்படும். 
இதற்கு 5 சதவீதம் சுய முதலீடு அவசியம். இந்தத் திட்டத்தின் கீழ் தொழில் தொடங்க 18 வயதுக்கு மேற்பட்ட தனிநபர்கள் விண்ணப்பிக்கலாம். விண்ணப்பதாரரின் குடும்ப ஆண்டு வருமானம் ரூ. 1.50 லட்சத்துக்கு மிகாமல் இருக்க வேண்டும். இந்தக் கடன்களைப் பெறுவதற்கு சொத்துப் பிணையம் தேவையில்லை. மேலும் இத்திட்டத்தில் விண்ணப்பிக்க பொதுப் பிரிவினருக்கு அதிகபட்ச வயது வரம்பு 35 ஆகவும், சிறப்புப் பிரிவினருக்கு 45 ஆகவும் நிர்ணயிக்கப்பட்டுள்ளது. மனுதாரர் குறைந்தபட்சம் 8ஆம் வகுப்புத் தேர்ச்சி பெற்றிருக்க வேண்டும். இதற்காக இணையதளத்தின் மூலமாக விண்ணப்பிக்க வேண்டும். தகவல்களைச் சரிபார்த்த பின்னர் உரிய ஆவணங்கள், சான்றிதழ்களை ஸ்கேன் செய்து இணையதளம் மூலமாகப் பதிவேற்றம் செய்ய வேண்டும். அதைத் தொடர்ந்து மாவட்டத் தொழில் மையத்தில் நடைபெறும் நேர்காணலின்போது ஆவணங்கள் சரிபார்க்கப்படும். இந்தத் திட்டத்தின் கீழ் இந்த ஆண்டில் 325 பேருக்கு ரூ. 1.75 கோடி மானியத்துடன், ரூ. 6 கோடி முதலீட்டில் தொழில் தொடங்க இலக்கு நிர்ணயிக்கப்பட்டுள்ளது. எனவே, படித்த வேலைவாய்ப்பற்ற இளைஞர்கள் இந்த வாய்ப்பைப் பயன்படுத்திக் கொள்ளலாம் என அதில் தெரிவித்துள்ளார்.

]]>
http://www.dinamani.com/all-editions/edition-coimbatore/coimbatore/2018/nov/10/வேலைவாய்ப்பற்ற-இளைஞர்கள்-சுய-தொழில்-தொடங்கக்-கடன்-உதவி-மாவட்ட-ஆட்சியர்-அழைப்பு-3035899.html
3035898 கோயம்புத்தூர் கோயம்புத்தூர் ரூ. 1.22 லட்சம் மதிப்பிலான பொருள்களைத் திருடியவர் கைது DIN DIN Saturday, November 10, 2018 07:41 AM +0530 மேட்டுப்பாளையத்தில் வேலை செய்த கடைகளில் ரூ. 1.22 லட்சம் மதிப்பிலான பொருள்களைத் திருடிய தொழிலாளி கைது செய்யப்பட்டார்.
 மேட்டுப்பாளையம், கே.கே.நகர் கிராமத்தைச் சேர்ந்தவர் ஜெயசூரியன் மகன் ஜெயந்த். இவர், பேருந்து நிலையம் அருகில் முள்கம்பி வேலி அமைக்கும் பணிக்கான பொருள்களை விற்பனை செய்யும் கடை வைத்துள்ளார். 
ஜெயந்தின் கடைக்குச் சொந்தமான கிடங்கு மேட்டுப்பாளையம், பங்களா மேடு பகுதியில் உள்ளது. இங்கு சிறுமுகை, ஏளகம்பாளையத்தைச் சேர்ந்த ராஜேந்திரன் மகன் மனோகரன் (34) கடந்த 6 ஆண்டுகளாக வேலை பார்த்து வந்தார். கிடங்கில் குறிப்பிட்டசில பொருள்கள் காணாமல் போனது தொடர்பாக ஜெயந்துக்கு மனோகரன் மீது சந்தேகம் ஏற்பட்டுள்ளது. இந்நிலையில், ஒப்பந்ததாரர் ஒருவருக்கு முள்கம்பி அமைக்க சில பொருள்களை கடைக்கு எடுத்து வருமாறு ஜெயந்த், மனோகரனிடம் கூறியுள்ளார். 
அப்போது, ஜெயந்த் கூறியதைவிட அதிகமான பொருள்களை மனோகரன் எடுத்து வந்தது கண்டுபிடிக்கப்பட்டது. இதனையடுத்து, மனோகரனை பின்தொடர்ந்து சென்ற ஜெயந்த் கூடுதலாக எடுத்து வரப்பட்ட பொருள்களுடன் மனோகரனை பிடித்து மேட்டுப்பாளையம் காவல் நிலையத்தில் ஒப்படைத்தார். 
புகாரின்பேரில் வழக்குப் பதிவு செய்த மேட்டுப்பாளையம் காவல் உதவி ஆய்வாளர் பாஸ்கரன், தலைமைக் காவலர் தங்கவேல் ஆகியோர் மனோகரிடம் விசாரணை நடத்தினர். அதில், கடந்த ஆகஸ்ட் மாதத்தில் இருந்து இதுவரை ரூ. 1.22 லட்சம் மதிப்பிலானபொருள்களை மனோகரன் திருடியது தெரியவந்தது. 
இதையடுத்து, காவல் துறையினர் மனோகரனை மேட்டுப்பாளையம் மாஜிஸ்திரேட் சரவணபாபு முன்னிலையில் ஆஜர்படுத்தி, கோவை மத்தியச் சிறையில் அடைத்தனர்.
 

]]>
http://www.dinamani.com/all-editions/edition-coimbatore/coimbatore/2018/nov/10/ரூ-122-லட்சம்-மதிப்பிலான-பொருள்களைத்-திருடியவர்-கைது-3035898.html
3035897 கோயம்புத்தூர் கோயம்புத்தூர் பள்ளி மாணவ, மாணவிகள் 657 பேருக்கு விலையில்லா மடிக்கணினி: அமைச்சர் எஸ்.பி.வேலுமணி வழங்கினார் DIN DIN Saturday, November 10, 2018 07:41 AM +0530 கோவையில் பள்ளி மாணவ, மாணவிகள் 657 பேருக்கு தமிழக அரசின் விலையில்லா மடிக்கணினியை நகராட்சி நிர்வாகத் துறை அமைச்சர் எஸ்.பி.வேலுமணி வெள்ளிக்கிழமை வழங்கினார்.
 கோவை மாவட்டம், தொண்டாமுத்தூர் சட்டப் பேரவைத் தொகுதிக்கு உள்பட்ட தொண்டாமுத்தூர் பெண்கள் மேல்நிலைப் பள்ளி, சென்னனூர், ஆலாந்துறை மற்றும் மத்வராயபுரம் அரசு மேல்நிலைப் பள்ளிகளில் பயிலும் 657 மாணவ, மாணவிகளுக்கு தமிழக அரசின் விலையில்லா மடிக்கணினிகளை நகராட்சி நிர்வாகத் துறை அமைச்சர் எஸ்.பி.வேலுமணி வழங்கினார். 
அதைத் தொடர்ந்து அவர் பேசியதாவது: 
 தமிழக அரசால் செயல்படுத்தப்படும் கல்வி வளர்ச்சித் திட்டங்களால் மாநிலத்தில் கல்விப் புரட்சி ஏற்பட்டு இந்தியாவிலேயே முன்மாதிரி மாநிலமாகத் தமிழகம் திகழ்ந்து வருகிறது. 
 கோவை மாவட்டம் தமிழகத்தின் கல்வி வளர்ச்சி, தொழில் வளர்ச்சி, உள்கட்டமைப்பு என பல நிலைகளிலும் வளர்ச்சி அடைந்த நிலையில் உள்ளது. வசதியற்ற ஏழை, எளிய மாணவ, மாணவிகள் அனைவருக்கும் கல்விச் செல்வத்தை எளிமையாகவும், மிகக் குறைந்த கட்டணத்தில் கல்வி அளிக்க வேண்டும் எனும் நோக்கிலும் தொண்டாமுத்தூர், பொள்ளாச்சி, மேட்டுப்பாளையம் ஆகிய பகுதிகளிலும் புதிய அரசு கலை, அறிவியல் கல்லூரி தொடங்கப்பட்டுள்ளது என்றார். 
 இந்நிகழ்ச்சியில் மாவட்ட முதன்மைக் கல்வி அலுவலர் பெ.அய்யண்ணன், வருவாய் கோட்டாட்சியர் தனலிங்கம் மற்றும் மாவட்ட ஆட்சியரின் நேர்முக உதவியாளர் (பொது) ராஜன், மாவட்ட ஆதிதிராவிடர் நல அலுவலர் செந்திவேல், மாவட்ட சமூக நல அலுவலர் தங்கமணி உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/10/பள்ளி-மாணவ-மாணவிகள்-657-பேருக்கு-விலையில்லா-மடிக்கணினி-அமைச்சர்-எஸ்பிவேலுமணி-வழங்கினார்-3035897.html
3035896 கோயம்புத்தூர் கோயம்புத்தூர் காய்ச்சல் தடுப்புப் பணி: மாநகராட்சி பகுதிகளில் கூடுதலாக 500 பேர் நியமனம் DIN DIN Saturday, November 10, 2018 07:40 AM +0530 கோவை மாநகராட்சிப் பகுதிகளில் காய்ச்சல் தடுப்புப் பணிகளில் கூடுதலாக 500 பேர் நியமிக்கப்பட்டுள்ளனர்.
 தமிழகம் முழுவதும் டெங்கு, வைரஸ் மற்றும் பன்றிக் காய்ச்சல் வேகமாக பரவி வருகிறது. இந்தக் காய்ச்சல்கள் காரணமாக பாதிக்கப்பட்ட மக்கள் அரசு மருத்துவமனை மற்றும் தனியார் மருத்துவமனைகளில் சிகிச்சை பெற்று வருகின்றனர். தமிழகத்தின் பிற மாவட்டங்களில் இல்லாத அளவுக்கு கோவை மாவட்டத்தில் டெங்கு, பன்றிக் காய்ச்சல், வைரஸ் காய்ச்சல் உள்ளிட்டவை காரணமாக உயிரிழப்பவர்களின் எண்ணிக்கை தொடர்ந்து அதிகரித்து வருகிறது.
 கடந்த சில நாள்களில் மட்டும் சுமார் 40க்கும் மேற்பட்டோர் உயிரிழந்துள்ளனர். கோவை மாநகராட்சிப் பகுதிகளைச் சேர்ந்தவர்கள் காய்ச்சலால் உயிரிழப்பது குறைவு என்றாலும் மாநகராட்சிப் பகுதியைச் சேர்ந்த சிலர் மேற்கண்ட நோய் அறிகுறி காரணமாக சிகிச்சை பெற்று வருகின்றனர். காய்ச்சல் வேகமாக பரவி வருவதையொட்டி மாநகராட்சி நிர்வாகத்தினர் சார்பில் மாநகரில் நோய்த் தடுப்புப் பணிகள் தீவிரப்படுத்தப்பட்டுள்ளன.
 டெங்கு, பன்றிக் காய்ச்சல் நோய்த் தடுப்புப் பணி தீவிரப்படுத்தப்பட்டுள்ளது. மாநகராட்சியில் 2,500க்கும் மேற்பட்ட நிரந்தரத் துப்புரவுப் பணியாளர்கள், 2,300க்கும் மேற்பட்ட ஒப்பந்தத் தொழிலாளர்கள் உள்ளனர். இவர்கள் மூலமாக குப்பை அள்ளுதல், சாக்கடைகள் தூர்வாரும் பணிகளும், நோய்த் தடுப்புப் பணிகளும் மேற்கொள்ளப்படுகிறது.
சில மாதங்களுக்கு முன்னர் 500 பணியாளர்கள் நியமிக்கப்பட்டு, டெங்கு கொசு உற்பத்திக்கு காரணமான பொருள்களை அப்புறப்படுத்துவது, நோய்த் தடுப்பு மருந்து தெளித்தல், நன்னீரில் தடுப்புப் மருந்து கலத்தல் போன்ற பணிகள் மேற்கொள்ளப்பட்டு வந்தன. தற்போது மேலும் 500 ஒப்பந்தப் பணியாளர்கள் காய்ச்சல் தடுப்புப் பணிக்காக மாநகராட்சியால் நியமிக்கப்பட்டுள்ளனர்.

]]>
http://www.dinamani.com/all-editions/edition-coimbatore/coimbatore/2018/nov/10/காய்ச்சல்-தடுப்புப்-பணி-மாநகராட்சி-பகுதிகளில்-கூடுதலாக-500-பேர்-நியமனம்-3035896.html
3035895 கோயம்புத்தூர் கோயம்புத்தூர் சர்கார் விவகாரம்: கோவையில் திரையரங்குகள், அதிமுக அலுவலகத்துக்குப் பாதுகாப்பு DIN DIN Saturday, November 10, 2018 07:40 AM +0530 சர்கார் திரைப்பட விவகாரம் தொடர்பாக கோவையில் அப்படம் திரையிடப்பட்டுள்ள திரையரங்குகள் மற்றும் அதிமுக அலுவலகத்துக்கு போலீஸ் பாதுகாப்பு அளிக்கப்பட்டுள்ளது. 
 சர்கார் திரைப்படத்தில் அதிமுகவுக்கு எதிராக காட்சிகள், கருத்துகள் இடம்பெற்று இருப்பதாக கூறி அப்படம் திரையிடப்பட்டுள்ள திரையரங்குகள் முன்பாக அதிமுகவினர் வியாழக்கிழமை போராட்டத்தில் ஈடுபட்டனர். அப்போது, நடிகர் விஜய் ரசிகர்களால் வைக்கப்பட்டு இருந்த பேனர்களை அதிமுகவினர் சேதப்படுத்தினர்.
 கோவையில், மாவட்டக் காவல் கண்காணிப்பாளர் அலுவலகம் எதிரே சர்கார் திரைப்படம் திரையிடப்பட்டுள்ள திரையரங்கின் முன்பு திரண்ட அதிமுகவினர் நடிகர் விஜய், இயக்குநர் ஏ.ஆர்.முருகதாஸ் ஆகியோருக்கு எதிராகக் கோஷங்களை எழுப்பினர்.
 மேலும், திரையரங்கின் முகப்பில் வைக்கப்பட்டிருந்த பேனர் மற்றும் போஸ்டர்களையும் கிழித்து சேதப்படுத்தினர்.
 இந்நிலையில், அதிமுகவினரின் போராட்டத்தைத் தொடர்ந்து கோவையில் சர்கார் திரைப்படம் திரையிடப்பட்டுள்ள 13 திரையரங்குகளுக்கும் போலீஸார் வெள்ளிக்கிழமை பாதுகாப்பு அளித்தனர்.  
மேலும், ஹுசூர் சாலையில் உள்ள அதிமுக மாவட்டத் தலைமை அலுவலகம், தெற்கு சட்டப் பேரவை உறுப்பினர் அம்மன் கே.அர்ச்சுணனின் அலுவலகம் ஆகியவற்றுக்கும் போலீஸார் பாதுகாப்பு அளித்துள்ளனர்.
பொள்ளாச்சியில்...: பொள்ளாச்சியை அடுத்து வேட்டைக்காரன்புதூரில் உள்ள திரையரங்கில் சர்கார் படம் திரையிடப்பட்டுள்ளது. இந்தத் திரையரங்கின் முன்பு சர்கார் படத்தின் பேனர்கள் வைக்கப்பட்டிருந்தன. இந்நிலையில், ஆனைமலை மேற்கு ஒன்றிய அதிமுக செயலாளர் கார்த்திக் அப்புசாமி தலைமையிலான அதிமுகவினர் அந்தத் திரையரங்கை முற்றுகையிட்டுப் போராட்டம் நடத்தினர். 
இதையடுத்து, காவல் துறையினர் அங்கு வந்து போராட்டத்தில் ஈடுபட்டவர்களிடம் பேச்சுவார்த்தை நடத்தினர். பின்னர், தியேட்டர் நிர்வாகம் சார்பில் பேனர்கள் அகற்றப்பட்டதால் போராட்டம் கைவிடப்பட்டது.

]]>
http://www.dinamani.com/all-editions/edition-coimbatore/coimbatore/2018/nov/10/சர்கார்-விவகாரம்-கோவையில்-திரையரங்குகள்-அதிமுக-அலுவலகத்துக்குப்-பாதுகாப்பு-3035895.html
3035894 கோயம்புத்தூர் கோயம்புத்தூர் எஸ்டேட் பகுதியில் மீண்டும் யானைகள் நடமாட்டம் DIN DIN Saturday, November 10, 2018 07:40 AM +0530 வால்பாறை எஸ்டேட் பகுதிகளில் மீண்டும் யானைகள் நடமாட்டம் அதிகரித்துள்ளது.
வனத்தை விட்டு வெளியேறும் யானைகள் கடந்த ஒரு வார காலமாகவே எஸ்டேட் குடியிருப்புப் பகுதிகளுக்குச் சென்று பல்வேறு சேதங்களை ஏற்படுத்தி வருகின்றன. 
இந்நிலையில், வால்பாறையை அடுத்த காஞ்சமலை எஸ்டேட் பகுதிக்கு வந்த யானைகள் அங்குள்ள இரண்டு குடியிருப்புகள் மற்றும் மளிகைக் கடை ஆகியவற்றை முட்டித் தள்ளியதில், சுவர்கள் இடிந்து விழுந்தன. 
தீப்பந்தங்கள் ஏற்றி யானைகளை விரட்ட முயற்சித்தும் பலன் அளிக்கவில்லை என கூறிய அப்பகுதி மக்கள், சமீபகாலமாக யானைகள் நடமாட்டம் குறித்து வனத் துறையினருக்குத் தகவல் தெரிவித்தால் உடனடியாக அப்பகுதிக்கு வராமல் அலட்சியம் காட்டுவதாகவும் வருத்தம் தெரிவித்தனர்.


 

]]>
http://www.dinamani.com/all-editions/edition-coimbatore/coimbatore/2018/nov/10/எஸ்டேட்-பகுதியில்-மீண்டும்-யானைகள்-நடமாட்டம்-3035894.html
3035893 கோயம்புத்தூர் கோயம்புத்தூர் கல்வித் துறை சார்பில் கலையருவித் திருவிழா DIN DIN Saturday, November 10, 2018 07:39 AM +0530 வால்பாறையில் உள்ள அரசு தொடக்கப் பள்ளிகளுக்கு இடையிலான கலையருவித் திருவிழா வெள்ளிக்கிழமை நடைபெற்றது.
மேல்நிலைப் பள்ளிகள், தொடக்கப் பள்ளிகளுக்கு இடையே கல்வித் துறை சார்பில் வருடந்தோறும் கலையருவித் திருவிழா நடத்தப்படுகிறது. 
அதன்படி, வால்பாறை அரசு தொடக்கப் பள்ளியில் தொடக்கப் பள்ளிகளுக்கிடையிலான கலையருவித் திருவிழா வெள்ளிக்கிழமை நடைபெற்றது. 
இவ்விழாவை உதவித் தொடக்கக் கல்வி அலுவலர் காளிமுத்து தொடக்கிவைத்தார். இதில், பாட்டு, நடனம், குழு நடனம் எனப் பல்வேறு போட்டிகள் நடைபெற்றன.  இதில், வால்பாறை வட்டாரத்தில் உள்ள 16 அரசுத் தொடக்கப் பள்ளிகளைச் சேர்ந்த 70 மாணவர்கள் கலந்துகொண்டனர்.
 

]]>
http://www.dinamani.com/all-editions/edition-coimbatore/coimbatore/2018/nov/10/கல்வித்-துறை-சார்பில்-கலையருவித்-திருவிழா-3035893.html
3035892 கோயம்புத்தூர் கோயம்புத்தூர் தோட்டத்தில் மது அருந்தியவர்களை வெளியேறச் சொன்ன விவசாயி மீது தாக்குதல் DIN DIN Saturday, November 10, 2018 07:39 AM +0530 சூலூர் அருகே உள்ள கருமத்தம்பட்டி, ஊஞ்சப்பாளையத்தில் தனது தோட்டத்தில் மது அருந்தியவர்களை வெளியேறச் சொன்ன விவசாயியைத் தாக்கியவர்கள் மீது வழக்குப் பதிவு செய்யப்பட்டுள்ளது.
கருமத்தம்பட்டி, ஊஞ்சப்பாளையம் பகுதியைச் சேர்ந்தவர் ராமசாமி. இவருக்கு சொந்தமான தோட்டத்தில் 9க்கும் மேற்பட்டோர்  வியாழக்கிழமை மாலையில் மது அருந்திக் கொண்டிருந்தனர். 
அவர்களைத் தோட்டத்தில் இருந்து வெளியேறுமாறு ராமசாமி கூறியுள்ளார். அதற்கு மது அருந்திக் கொண்டிருந்தவர்கள் எதிர்ப்பு தெரிவித்து ராமசாமியை அடித்து உதைத்துள்ளனர். இதில் பலத்த காயமடைந்த ராமசாமி கோவை, சின்னியம்பாளையம் பகுதியில் உள்ள தனியார் மருத்துவமனையில் அனுமதிக்கப்பட்டார்.
இது குறித்த புகாரின்பேரில் கருமத்தம்பட்டி காவல் துறையினர், ஊஞ்சப்பாளையத்தை சேர்ந்த செந்தில்குமார், மாயவன், ஆறுமுகம், செல்வம் ஆகிய 4 மீது வழக்குப் பதிவு செய்தனர். 
இதில், செந்தில்குமார்(33) என்பவரை  வெள்ளிக்கிழமை கைது செய்தனர். மேலும், தலைமறைவாக உள்ள 3 பேரையும் தேடி வருகின்றனர்.

]]>
http://www.dinamani.com/all-editions/edition-coimbatore/coimbatore/2018/nov/10/தோட்டத்தில்-மது-அருந்தியவர்களை-வெளியேறச்-சொன்ன-விவசாயி-மீது-தாக்குதல்-3035892.html
3035891 கோயம்புத்தூர் கோயம்புத்தூர் டாஸ்மாக் மேலாளர் அலுவலகத்தில்  லஞ்ச ஒழிப்புத் துறையினர் சோதனை DIN DIN Saturday, November 10, 2018 07:39 AM +0530 திருப்பூர் மாவட்ட  டாஸ்மாக் மேலாளர் அலுவலகத்தில் லஞ்ச ஒழிப்புத் துறை போலீஸார் வெள்ளிக்கிழமை சோதனையில் ஈடுபட்டனர்.
திருப்பூர், அங்கேரிபாளையம் சாலையில் திருப்பூர் மாவட்ட டாஸ்மாக் மேலாளர் அலுவலகம் , டாஸ்மாக் கிடங்கு ஆகியவை செயல்பட்டு வருகின்றன. இங்கு மாவட்ட லஞ்ச ஒழிப்புத் துறை போலீஸார் வெள்ளிக்கிழமை இரவு திடீர் சோதனையில் ஈடுபட்டனர். அப்போது  டாஸ்மாக் மேலாளர் அலுவலகத்தில் கணக்கில் வராத பணத்தை லஞ்ச ஒழிப்புத் துறையினர் பறிமுதல் செய்தனர். மேலும் இது தொடர்பாக லஞ்ச ஒழிப்புத் துறை டிஎஸ்பி ரவிச்சந்திரன் தலைமையிலான போலீஸார் மாவட்ட டாஸ்மாக் உதவி மேலாளர் கார்த்தி உள்பட 16 பேரிடம் விசாரணை மேற்கொண்டு வருகின்றனர்.


 

]]>
http://www.dinamani.com/all-editions/edition-coimbatore/coimbatore/2018/nov/10/டாஸ்மாக்-மேலாளர்-அலுவலகத்தில்--லஞ்ச-ஒழிப்புத்-துறையினர்-சோதனை-3035891.html
3035890 கோயம்புத்தூர் கோயம்புத்தூர் கோவை தொழிலாளர் நலத் துறை அலுவலகத்தில் லஞ்ச ஒழிப்பு சோதனை: ரூ. 48 ஆயிரம் பறிமுதல் DIN DIN Saturday, November 10, 2018 07:38 AM +0530 கோவை தொழிலாளர் நலத் துறை கூடுதல் ஆணையர் அலுவலகத்தில் ஊழல் தடுப்பு, கண்காணிப்புத் துறை அதிகாரிகள் வெள்ளிக்கிழமை திடீர் சோதனையில் ஈடுபட்டனர். இதில் கணக்கில் வராத ரூ. 48 ஆயிரம் பறிமுதல் செய்யப்பட்டுள்ளது.
 கோவை, டாக்டர் பாலசுந்தரம் சாலையில் தொழிலாளர் நலத் துறையின் கூடுதல் ஆணையர் அலுவலகம் செயல்பட்டு வருகிறது. இந்த அலுவலகத்தில் ஊழல் தடுப்பு, கண்காணிப்புத் துறை துணைக் கண்காணிப்பாளர் ராஜேஷ், ஆய்வாளர்கள் ஆறுமுகம், பரிமளா ஆகியோரைக் கொண்ட குழுவினர், கூடுதல் ஆணையர் செந்தில்குமாரி, அமலாக்கப் பிரிவு உதவி ஆணையர்கள் ராஜசேகரன், லெனின் ஆகியோரது அறைகளில் வெள்ளிக்கிழமை சோதனை நடத்தினர்.
 இரவு 9 மணி வரையில் நடைபெற்ற இந்தச் சோதனையில் ராஜசேகரன், லெனின் ஆகியோரது அறைகளில் இருந்து கணக்கில் வராத ரூ. 48 ஆயிரத்தையும், கூடுதல் ஆணையர் அலுவலகத்தில் இருந்து சில ஆவணங்களையும் பறிமுதல் செய்திருப்பதாகக் கூறப்படுகிறது. இது தொடர்பாக யாரும் கைது செய்யப்படவில்லை எனவும், பறிமுதல் செய்யப்பட்டுள்ள தொகைக்கு உரிய கணக்கு காட்டப்படாதபட்சத்திலும், கைப்பற்றப்பட்டுள்ள ஆவணங்களை ஆய்வு செய்த பின்னருமே அடுத்தகட்ட நடவடிக்கை மேற்கொள்ளப்படும் என ஊழல் தடுப்பு, கண்காணிப்புத் துறை வட்டாரங்கள் தெரிவித்துள்ளன.
 

]]>
http://www.dinamani.com/all-editions/edition-coimbatore/coimbatore/2018/nov/10/கோவை-தொழிலாளர்-நலத்-துறை-அலுவலகத்தில்-லஞ்ச-ஒழிப்பு-சோதனை-ரூ-48-ஆயிரம்-பறிமுதல்-3035890.html
3035889 கோயம்புத்தூர் கோயம்புத்தூர் நிலுவைத் தொகை வழங்குவதில் தாமதம்: தோட்டத் தொழிலாளர்கள் ஏமாற்றம் DIN DIN Saturday, November 10, 2018 07:38 AM +0530 பேச்சுவார்தையில் உடன்பாடு ஏற்பட்டு ஒரு மாதத்துக்கு மேலாகியும் தோட்டத் தொழிலாளர்களுக்கு எஸ்டேட் நிர்வாகத்தினர் நிலுவைத் தொகை வழங்காமல் இருப்பது தோட்டத் தொழிலாளர்கள் மத்தியில் ஏமாற்றத்தை ஏற்படுத்தியுள்ளது. 
வால்பாறையில் உள்ள தேயிலை தோட்டத் தொழிலாளர்கள் கடந்த 2002ஆம் ஆண்டு தினக்கூலியாக ரூ. 76.85 பெற்று வந்தனர். அப்போது சர்வதேசப் பொருளாதார மந்தநிலையைக் காரணம் கூறி எஸ்டேட் நிர்வாகத்தினர், தொழிலாளர்களின் தினக்கூலியில் ரூ. 4.85ஐ குறைத்தனர். மூன்று ஆண்டுகளுக்கு குறைக்கப்பட்ட தொகையை வழங்க வலியுறுத்தியும் நிர்வாகத்தினர் வழங்க மறுத்ததால், அனைத்துத் தொழிற்சங்கத்தினர் சார்பில் சென்னை தொழிலாளர் தீர்ப்பாயத்தில் முறையிடப்பட்டது. 
பல வருடங்களாக விசாரணை நடைபெற்ற நிலையில் தொழிற்சங்கத்தினர் நிர்வாகத்தினருடன் பேச்சுவார்த்தை நடத்தி தீர்வுகாண தனித் தீர்ப்பாயம் வலியுறுத்தியது. இதையடுத்து, பல்வேறு கட்டப் பேச்சுவார்த்தை நடத்தி, இறுதியாக கடந்த அக்டோபர் 1ஆம் தேதி நடைபெற்ற 7ஆவது கட்டப் பேச்சுவார்த்தையில் தொழிலாளர்களுக்கு நிலுவைத் தொகையாக ரூ. 1,400 வழங்க நிர்வாகத்தினர் ஒப்புக்கொண்டு தொழிற்சங்கத்தினர் இடையே உடன்பாடு ஏற்பட்டது. ஆனால், அதன்பின் நிலுவைத் தொகை வழங்குவது தொடர்பாக தொழிலாளர்கள் மத்தியில் எந்த ஒரு அறிவிப்பையும் வெளியிடாமல் எஸ்டேட் நிர்வாகத்தினர் உள்ளனர். 
இது தொடர்பாக தோட்டத் தொழிலாளி ஒருவர் கூறுகையில், 16 ஆண்டுகளுக்குப் பின் நிலுவைத் தொகை வழங்க நிர்வாகத்தினர் ஒப்புக்கொண்டுள்ள நிலையில், தொழிலாளர்களுக்குத் தொகை வழங்காமல் காலதாமதம் செய்வது ஏமாற்றம் அளிப்பதாக உள்ளது என்றார்.

]]>
http://www.dinamani.com/all-editions/edition-coimbatore/coimbatore/2018/nov/10/நிலுவைத்-தொகை-வழங்குவதில்-தாமதம்-தோட்டத்-தொழிலாளர்கள்-ஏமாற்றம்-3035889.html
3035888 கோயம்புத்தூர் கோயம்புத்தூர் அன்னூரில் அனைத்துத் துறை ஆலோசனைக் கூட்டம் DIN DIN Saturday, November 10, 2018 07:38 AM +0530 அன்னூர் ஊராட்சி ஒன்றிய அலுவலகத்தில் அனைத்துத் துறை சார்பில் கிராம வளர்ச்சித் திட்டத்தைச் செயல்படுத்துதல் மற்றும் தயாரித்தல் குறித்து வெள்ளிக்கிழமை ஆலோசனைக் கூட்டம் நடைபெற்றது.
வட்டார வளர்ச்சி அலுவலர்கள் விஜயராணி, ராஜலட்சுமி ஆகியோர் தலைமை வகித்தனர். இந்தக் கூட்டத்தில் அனைத்து கிராம ஊராட்சிகளில் 2019-2020ஆம் ஆண்டுக்கான பொது மக்கள் பங்களிப்பு மற்றும் அனைத்துத் துறை அலுவர்களைக் கொண்டு அவசிய, அத்தியாவசமானப் பணிகளைத் தேர்வு செய்து, திட்டச் செயலாக்கம் செய்வது குறித்து அனைத்துத் துறை அலுவலர்களுக்கும் விளக்கமளிக்கப்பட்டது. 
மேலும் அடுத்த ஆண்டில் ஊராட்சிகளில் உள்ள அனைத்துத் துறைகள் சார்பில் என்னென்ன பணிகள் மேற்கொள்ள வேண்டும் என்பது குறித்த பட்டியலை ஊராட்சி ஒன்றிய அலுவலகத்துக்கு வழங்க வேண்டும் என அறிவுறுத்தப்பட்டது. 
இந்தக் கூட்டத்தில் வட்டாரக் கல்வி அலுவலர் ரங்கராஜ், வேளாண்மைத் துறை சார்பில் தனஞ்செயன், தீயணைப்புத் துறை அலுவலர் பசும்பொன், வருவாய் ஆய்வாளர்  மோகனபிரியா,  கால்நடை பராமரிப்புத் துறை மேற்பார்வையாளர் பாசுமணி, ஊராட்சி செயலர்கள், துணை வட்டார வளர்ச்சி அலுவலர்கள் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/10/அன்னூரில்-அனைத்துத்-துறை-ஆலோசனைக்-கூட்டம்-3035888.html
3035887 கோயம்புத்தூர் கோயம்புத்தூர் தேசிய அளவிலான குத்துச்சண்டைப் போட்டிக்கு ஸ்ரீ சரஸ்வதி வித்யா மந்திர் பள்ளி மாணவர்கள் தேர்வு DIN DIN Saturday, November 10, 2018 07:38 AM +0530 தேசிய அளவிலான குத்துச்சண்டை  போட்டிக்கு மேட்டுப்பாளையம் ஸ்ரீ சரஸ்வதி வித்யா மந்திர் பள்ளி மாணவர்கள் தேர்வு பெற்றுள்ளனர். 
 தென்மண்டல அளவிலான சிபிஎஸ்இ பள்ளிகளுக்கு இடையிலான குத்துச்சண்டை (பாக்ஸிங்) போட்டி கர்நாடக மாநிலம், பெங்களூரு ராஷ்ட்ரிய மிலிட்டரி பள்ளியில் நவம்பர் 3, 5ஆம் தேதிகளில் நடைபெற்றது. 
 இதில், தமிழகத்தில் இருந்து கோவை, மேட்டுப்பாளையம் 
ஸ்ரீ சரஸ்வதி வித்யா மந்திர் பள்ளி மாணவர்கள் பங்கேற்று ஒட்டுமொத்த சாம்பியன் பட்டத்தை வென்றனர்.
இதையடுத்து, தேசிய அளவிலான போட்டியில் பங்கேற்க அவர்கள் தகுதி பெற்றுள்ளனர். அவர்களுக்கு பள்ளியின் குத்துச்சண்டைப் பயிற்சியாளர் மகேஸ்வரன் பயிற்சி அளித்தார். வெற்றி பெற்ற மாணவர்களை பள்ளித் தாளாளர் மணிமேகலை மோகன், செயலர் மோகன்தாஸ் மற்றும் பள்ளி முதல்வர்கள் சுகுணாதேவி, சாந்திகுமாரி ஆகியோர் பாராட்டினர்.
 

]]>
http://www.dinamani.com/all-editions/edition-coimbatore/coimbatore/2018/nov/10/தேசிய-அளவிலான-குத்துச்சண்டைப்-போட்டிக்கு-ஸ்ரீ-சரஸ்வதி-வித்யா-மந்திர்-பள்ளி-மாணவர்கள்-தேர்வு-3035887.html
3035886 கோயம்புத்தூர் கோயம்புத்தூர் காட்டு யானைகள் நுழைவதைத் தடுக்க வரப்பாளையத்துக்கு கும்கிகள் வரவழைப்பு DIN DIN Saturday, November 10, 2018 07:37 AM +0530 கோவை மாவட்டம், துடியலூர் அருகே உள்ள ஆனைகட்டி, சின்னத்தடாகம் வட்டாரங்களில் ஊருக்குள் யானைகள் நுழைந்து சேதம் ஏற்படுத்துவதைத் தடுக்க சாடிவயல் யானைகள் முகாமில் இருந்து இரண்டு கும்கி யானைகள் வெள்ளிக்கிழமை வரவழைக்கப்பட்டுள்ளன.
ஆனைகட்டி மலைக் கிராமங்கள் மற்றும் சின்னத்தடாகம், வரப்பாளையம், நஞ்சுண்டாபுரம், பாப்பநாயக்கன்பாளையம், பன்னிமடை உள்ளிட்ட மலையடிவார கிராமங்களில் கடந்த ஒருமாதமாக இரண்டு யானைகள் இரவு நேரங்களில் ஊருக்குள் நுழைந்து சேதங்களை ஏற்படுத்தி வருகின்றன. அதுமட்டுமின்றி இந்த யானைகளால் மனித உயிர்களும் பலியாகியுள்ளன. குறிப்பாக பாப்பநாயக்கன்பாளையம் கிராமத்துக்குள் அண்மையில் நுழைந்த ஒற்றை யானை, வேட்டைத் தடுப்புப் பணியில் ஈடுபட்டிருந்த வெங்கடேஷ் எனும் வனத் துறை பணியாளரை மிதித்துக் கொன்றது.
இதையடுத்து அந்த இரண்டு யானைகளையும் பிடிக்க வேண்டும் எனும் கோரிக்கை வலுத்தது. இந்நிலையில், சாடிவயல் யானைகள் முகாமில் இருந்து சேரன், ஜான் எனும் இரண்டு கும்கி யானைகள் லாரிகள் மூலமாக அழைத்துவரப்பட்டன. 
இவை, வரப்பாளையத்தில் உள்ள கோபால் தோட்டத்தில் தங்கவைக்கப்பட்டுள்ளன. கோவை மாவட்ட வனத் துறை உயரதிகாரிகளின் உத்தரவு கிடைத்தவுடன் அந்த யானைகளைப் பிடிக்கும் பணியில் இவை ஈடுபடுத்தப்படும் என கோவை வனத் துறையினர் தெரிவித்துள்ளனர்.

]]>
http://www.dinamani.com/all-editions/edition-coimbatore/coimbatore/2018/nov/10/காட்டு-யானைகள்-நுழைவதைத்-தடுக்க-வரப்பாளையத்துக்கு-கும்கிகள்-வரவழைப்பு-3035886.html
3035367 கோயம்புத்தூர் கோயம்புத்தூர் மூளைச்சாவு அடைந்த ஆசிரியரின் உடல் உறுப்புகள் தானம் DIN DIN Friday, November 9, 2018 07:50 AM +0530 உடல் நலக் குறைவால் மூளைச்சாவு அடைந்த உடற்கல்வி ஆசிரியரின் உடல் உறுப்புகளை தானமாக வழங்கியதன் மூலமாக 7 பேர் மறுவாழ்வு பெற்றுள்ளனர்.
கிருஷ்ணகிரி மாவட்டம், ஒசூரைச் சேர்ந்தவர் ஏ.சச்சிதானந்தம் (59). இவரது மனைவி சிவகாமசுந்தரி. சச்சிதானந்தம் அதே பகுதியில் உள்ள தனியார் பள்ளியில் உடற்கல்வி ஆசிரியராகப் பணியாற்றி வந்தார். 
 இந்நிலையில், உயர் ரத்த அழுத்தம் காரணமாக நவம்பர் 5ஆம் தேதி அவருக்கு மூளையில் ரத்தக் கசிவு ஏற்பட்டுள்ளது. இதையடுத்து, அருகில் உள்ள தனியார் மருத்துவமனையில் அனுமதிக்கப்பட்டார். பின்னர் உயர் சிகிச்சைக்காக கோவையில் தனியார் மருத்துவமனையில் அனுமதிக்கப்பட்டார்.
  அங்கு தீவிர சிகிச்சை பெற்று வந்த சச்சிதானந்தம் மூளைச்சாவு அடைந்ததாக அவரைப் பரிசோதித்த மருத்துவர்கள் புதன்கிழமை தெரிவித்தனர். இதையடுத்து, அவரது உடல் உறுப்புகளை தானமாக வழங்க அவரது குடும்பத்தினர் சம்மதம் தெரிவித்தனர்.
 அதைத் தொடர்ந்து, அவரது உடலில் இருந்து கல்லீரல், இரண்டு சிறுநீரகங்கள் ஆகியவை அதே மருத்துவமனையில் அனுமதிக்கப்பட்டுள்ளவர்களுக்கு வியாழக்கிழமை தானமாக வழங்கப்பட்டன. மேலும், கண்கள், தோல் மற்றும் எலும்பு ஆகியவை கோவையில் உள்ள வேறு தனியார் மருத்துவமனையில் அனுமதிக்கப்பட்டுள்ளவர்களுக்கு தானமாக வழங்கப்பட்டன.
 

]]>
http://www.dinamani.com/all-editions/edition-coimbatore/coimbatore/2018/nov/09/மூளைச்சாவு-அடைந்த-ஆசிரியரின்-உடல்-உறுப்புகள்-தானம்-3035367.html
3035366 கோயம்புத்தூர் கோயம்புத்தூர் கோவையில் காய்ச்சலுக்கு 4 பேர் சாவு DIN DIN Friday, November 9, 2018 07:50 AM +0530 கோவை அரசு மருத்துவமனையில் டெங்கு, வைரஸ், மூளை, பன்றிக் காய்ச்சல் பாதிப்பு காரணமாக 4 பேர் உயிரிழந்துள்ளனர். 
 கோவை போத்தனூரைச் சேர்ந்தவர் முத்துகுமார் (52). இவர் காய்ச்சல் காரணமாக கடந்த சில தினங்களாகத் தனியார் மருத்துவமனையில் சிகிச்சை பெற்று வந்தார். இந்நிலையில், அவரது உடல் நிலை மோசமடைந்ததைத் தொடர்ந்து கோவை அரசு மருத்துவக் கல்லூரி மருத்துவமனையில் அண்மையில் அனுமதிக்கப்பட்டார். அவருக்கு பன்றிக் காய்ச்சல் பாதிப்பு இருப்பது தெரியவந்தது. இதையடுத்து மருத்துவர்கள் அவரை தனி வார்டில் அனுமதித்து சிகிச்சை அளித்து வந்தனர். ஆனால்,  அவர் புதன்கிழமை உயிரிழந்தார்.
 பொள்ளாச்சி, சோமந்துறை அருகே உள்ள சித்தூரைச் சேர்ந்தவர் ரத்தினம் (60). இவர் கடந்த சில தினங்களாக டெங்கு காய்ச்சலால் பாதிக்கப்பட்டு பொள்ளாச்சியில் உள்ள தனியார் மருத்துவமனையில் சிகிச்சை பெற்று வந்தார். இந்நிலையில், அவரது உடல் நிலை மோசமடைந்ததைத் தொடர்ந்து கோவை அரசு மருத்துவமனைக்கு மாற்றப்பட்டார். அங்கு புதன்கிழமை 
உயிரிழந்தார்.
 கோவை அருகே உள்ள கருமத்தம்பட்டி, ராயர்பாளையத்தைச் சேர்ந்தவர் சரவணன் (52)  மூளைக் காய்ச்சல் காரணமாக கோவை அரசு மருத்துவமனையில் அண்மையில் அனுமதிக்கப்பட்டார். அவர் புதன்கிழமை உயிரிழந்தார். ஈரோடு, திண்டல் புதுக் காலனி, பி.கே.என்.நகரைச் சேர்ந்தவர் ஓய்வுபெற்ற வங்கி ஊழியர் முத்துசாமி (62). வைரஸ் காய்ச்சல் காரணமாக ஈரோட்டில் உள்ள தனியார் மருத்துவமனையில் சிகிச்சை பெற்று வந்தார். 
 இந்நிலையில், உடல் நிலை மோசமடைந்ததைத் தொடர்ந்து கோவை அரசு மருத்துவமனைக்கு மாற்றப்பட்டார். அங்கு அவர் வியாழக்கிழமை உயிரிழந்தார்.
 கோவை அரசு மருத்துவமனையில் பன்றிக் காய்ச்சலுக்கு 9 பேரும், டெங்கு காய்ச்சலுக்கு 4 பேரும், வைரஸ் காய்ச்சலுக்கு 84 பேரும் என மொத்தம் 97 பேர் சிகிச்சை பெற்று வருகின்றனர். 
கடந்த 15 நாள்களில் டெங்கு, வைரஸ், பன்றிக் காய்ச்சல் பாதிப்பு காரணமாக  கோவை அரசு மருத்துவமனையில் 41 பேர் உயிரிழந்துள்ளனர் என்பது குறிப்பிடத்தக்கது.

]]>
http://www.dinamani.com/all-editions/edition-coimbatore/coimbatore/2018/nov/09/கோவையில்-காய்ச்சலுக்கு-4-பேர்-சாவு-3035366.html
3035365 கோயம்புத்தூர் கோயம்புத்தூர் தண்ணீரில் மூழ்கிய பாலம்: 4 மாதங்களாக பரிசலில்  பயணம் செய்யும் மக்கள் DIN DIN Friday, November 9, 2018 07:50 AM +0530 பாலம் தண்ணீரில் மூழ்கியதால் காந்தவயல், லிங்காபுரம் கிராமங்களுக்கு கடந்த 4 மாதங்களாக அப்பகுதி மக்கள் பரிசலிலேயே சென்று வருகின்றனர்.
கோவை மாவட்டம், மேட்டுப்பாளையம் அருகே மேற்குத் தொடர்ச்சி மலை அடிவாரத்தில் உள்ளது பில்லூர் அணை. 100 அடி நீர்மட்ட உயரம் கொண்ட இந்த அணையில் கடந்த 4 மாதங்களுக்கு முன்னர் பெய்த மழை காரணமாக நீர்வரத்து அதிகரித்து, நீர்மட்டம் 97 அடியை எட்டியது. 
பின்னர் அணையின் பாதுகாப்பு கருதி அணையில் இருந்து தண்ணீர் வெளியேற்றப்பட்து. 
இதனால் மேட்டுப்பாளையம், சிறுமுகையை அடுத்த லிங்காபுரம் அருகே, காந்தையாற்றின் குறுக்கே இருந்த பாலம் 20 அடி ஆழத்தில் நீரில் மூழ்கியது. 
இதனால் ஆற்றின் மறு கரையில் உள்ள காந்தவயல், காந்தையூர், உளியூர் ஆகிய கிராமங்களைச் சேர்ந்த பழங்குடியின மக்கள், விவசாயக் கூலித் தொழிலாளர்கள், பள்ளி, கல்லூரிகளுக்குச் செல்லும் மாணவ, மாணவிகள் என அனைத்துத் தரப்பினரும் பாதிக்கப்பட்டனர்.  கடந்த 4 மாதங்களாகத் தண்ணீர் வடியாததால் மறுகரையில் உள்ள காந்தவயல் உள்ளிட்ட கிராமங்களில் இருந்து அனைத்துத் தரப்பினரும் பரிசல் மூலமாக ஆற்றைக் கடந்து லிங்காபுரம் வந்து தங்கள் பணிகளுக்குச் சென்று வருகின்றனர். 

]]>
http://www.dinamani.com/all-editions/edition-coimbatore/coimbatore/2018/nov/09/தண்ணீரில்-மூழ்கிய-பாலம்-4-மாதங்களாக-பரிசலில்-பயணம்-செய்யும்-மக்கள்-3035365.html
3035364 கோயம்புத்தூர் கோயம்புத்தூர் மருதமலையில் கந்தசஷ்டி விழா தொடக்கம் DIN DIN Friday, November 9, 2018 07:49 AM +0530 கோவையை அடுத்த மருதமலையில் உள்ள சுப்பிரமணிய சுவாமி கோயிலில் கந்தசஷ்டி விழா வியாழக்கிழமை தொடங்கியது. 
இதையொட்டி, விநாயகர் பூஜை, இறை அனுமதி பெறுதல், மண் எடுத்தல், முளைப் பாலிகை இடுதல், கங்கணம் கட்டுதல் உள்ளிட்ட பல்வேறு நிகழ்ச்சிகளும் வியாழக்கிழமை காலை 7.30 மணி அளவில் நடைபெற்றன.  இதையடுத்து, நாள்தோறும் காலை 9 மணிக்கும், மாலை 4.30 மணிக்கும் யாக சாலை பூஜைகள் நடைபெற உள்ளன. 
விழாவின் முக்கிய நிகழ்வான சூரசம்ஹாரம் நவம்பர் 13ஆம் தேதி பிற்பகல் 2.45 மணி அளவில் நடைபெற உள்ளது. இதையடுத்து, காலை 6 மணிக்கு யாகசாலை பூஜையும், 8.30 மணிக்கு யாகசாலைக் கலசங்கள், மூலவருக்கு அபிஷேகம் ஆகியவை நவம்பர் 14ஆம் தேதி நடைபெறுகின்றன. 
 இதையடுத்து, வள்ளி, தெய்வானை, சுப்பிரமணிய சுவாமி திருக்கல்யாண உற்சவம் காலை 9 முதல் 10.30 மணிக்குள்ளும் , சுவாமி திருவீதி உலா காலை 11 மணிக்கும் நடைபெறும். அதைத் தொடர்ந்து, பாலிகை நீர்த் துறை சேற்றுதல், பூஜை, தீபாரதனையுடன் கந்தசஷ்டி விழா நிறைவடைகிறது.
வால்பாறையில்...: வால்பாறை சுப்பிரமணிய சுவாமி கோயிலில் 6ஆம் ஆண்டு கந்தசஷ்டி விழா தொடங்கியது.
  விழாவையொட்டி, வியழாக்கிழமை காலை 10 மணிக்கு கொடியேற்ற நிகழ்ச்சி நடைபெற்றது. தொடர்ந்து, காமாட்சியம்மன் கோயிலில் இருந்து நவம்பர் 11ஆம் தேதி காலை 11 மணிக்கு பால் குடம் எடுத்து வந்து அபிஷேக பூஜை நடைபெறும். 
   அதைத் தொடர்ந்து, சூரசம்ஹார விழா நவம்பர் 13ஆம் தேதி மாலை 4 மணிக்கு நடைபெறவுள்ளது. 
  இதையடுத்து, சுப்பிரமணியசுவாமிக்கு நவம்பர் 14ஆம் தேதி மாலை 3 மணி முதல் 6 மணிக்குள் திருக்கல்யாண நிகழ்ச்சி நடைபெறும்.  விழா இறுதி நாளான நவம்பர் 15ஆம் தேதி பகல் 11 மணிக்கு அன்னதானமும், மாலை 6 மணிக்கு சுவாமி திருவீதி உலா வருதலுடன் விழா நிறைவு பெற இருப்பதாக  விழாக் குழுவினர் தெரிவித்தனர்.
குருந்தமலை குழந்தை வேலாயுதசுவாமி கோயிலில்...: மேட்டுப்பாளையம் அருகே உள்ள குருந்தமலை குழந்தை வேலாயுதசுவாமி கோயிலில் நவம்பர் 13ஆம் தேதி சூரசம்ஹார விழா நடைபெறவுள்ளது. 
 மேட்டுப்பாளையம் அருகே உள்ள குருந்தமலையில் முருகப் பொருமான் குழந்தை வேலாயுதசுவாமியாக நின்ற கோலத்தில் பக்தர்களுக்கு அருள்பாலித்து வருகிறார்.
சூரசம்ஹார விழாவை முன்னிட்டு வியாழக்கிழமை கொடியேற்றம் நடைபெற்றது. அதைத் தொடர்ந்து,  தினசரி காலை குழந்தை வேலாயுதசுவாமிக்கு அபிஷேக அலங்கார பூஜைகள் நடைபெறும். 
  விழாவின் முக்கிய நிகழ்வான சூரனை வதம் செய்யும் சூரசம்ஹார நிகழ்ச்சி நவம்பர் 13ஆம் தேதி மாலை 4 மணி அளவில் நடைபெறும்.  
  தொடர்ந்து, திருக்கல்யாண உற்சவமும், சுவாமி திருவீதி உலாவும் நவம்பர் 14ஆம் தேதி காலை 10 மணிக்கு நடைபெறும்.   இதற்கான ஏற்பாடுகளை கோயில் செயல் அலுவலரும், தக்காருமான பெரிய மருதுபாண்டியன் செய்து வருகிறார்.
 

]]>
http://www.dinamani.com/all-editions/edition-coimbatore/coimbatore/2018/nov/09/மருதமலையில்-கந்தசஷ்டி-விழா-தொடக்கம்-3035364.html
3035363 கோயம்புத்தூர் கோயம்புத்தூர் விசாரணை அறிக்கையின் அடிப்படையில் அரசுதான் நடவடிக்கை எடுக்க வேண்டும்: நீதிபதி எஸ்.ராஜேஸ்வரன் DIN DIN Friday, November 9, 2018 07:49 AM +0530 விசாரணை ஆணையம் சமர்ப்பிக்கும் அறிக்கையின் அடிப்படையில் அரசுதான் நடவடிக்கை எடுக்கவேண்டும் என மேற்கு மண்டலக் கூட்டுறவுச் சங்க முறைகேடுகளை விசாரிக்கும் ஆணையத்தின் தலைவரும், நீதிபதியுமான எஸ்.ராஜேஸ்வரன் தெரிவித்துள்ளார். 
ஜல்லிக்கட்டு கலவரம் தொடர்பான விசாரணைஆணையத்தின் தலைவரும், மேற்கு மண்டலக் கூட்டுறவுச் சங்க முறைகேடுகளை விசாரிக்கும் ஆணையத்தின் தலைவரும், நீதிபதியுமான எஸ்.ராஜேஸ்வரன் கோவையில் செய்தியாளர்களிடம் வியாழக்கிழமை கூறியதாவது:
கூட்டுறவுச் சங்கத் தேர்தல் முறைகேடு தொடர்பாக கோவையில் முதல் கட்டமாக மூன்று நாள்கள் விசாரணை நடைபெற உள்ளது. கோவை , திருப்பூர், ஈரோடு, சேலம் உள்ளிட்ட 8 மாவட்டங்களில் இருந்து 247 மனுக்களும், நீதிமன்ற உத்தரவின்படி ஒரு வழக்கும் விசாரிக்கப்பட உள்ளன. கூட்டுறவுச் சங்கம் தொடர்பான வழக்குகள் விரைந்து முடிக்கப்படும்.  ஜல்லிக்கட்டு கலவரம் தொடர்பான ஒட்டுமொத்த விசாரணை 6 அல்லது 7 மாதங்களில் நடத்தி முடிக்கப்பட்டு அறிக்கை சமர்ப்பிக்கப்படும். 
இதுதொடர்பாக 1,956 சாட்சிகளை விசாரிக்க வேண்டியிருப்பதால் இந்தக் கால அவகாசம் தேவைப்படுகிறது. விசாரணை ஆணையத்தை  ஒரு சாரார் கண்துடைப்பாக  நினைக்கின்றனர். விசாரணை ஆணையம் சமர்ப்பிக்கும் அறிக்கை மீது நடவடிக்கை எடுக்க வேண்டியது அரசின் கடமையாகும். ஆனால் அவர்கள் நடவடிக்கை எடுக்காத காரணத்தால்தான் மக்கள் இவ்வாறு நினைக்கின்றனர் என்றார்.
 

]]>
http://www.dinamani.com/all-editions/edition-coimbatore/coimbatore/2018/nov/09/விசாரணை-அறிக்கையின்-அடிப்படையில்-அரசுதான்-நடவடிக்கை-எடுக்க-வேண்டும்-நீதிபதி-எஸ்ராஜேஸ்வரன்-3035363.html
3035362 கோயம்புத்தூர் கோயம்புத்தூர் "ஈஷா கிராமோத்ஸவ்' கபடி போட்டி: மாநிலம் முழுவதும் நாளை தொடக்கம் DIN DIN Friday, November 9, 2018 07:48 AM +0530 ஈஷா கிராமப் புத்துணர்வு இயக்கம், தமிழ்நாடு அமெச்சூர் கபடி கழகத்துடன் இணைந்து நடத்தும் மாநில அளவிலான கபடி போட்டி தமிழகம் முழுவதும் சனிக்கழமை (நவம்பர் 10) தொடங்குகிறது. 
ஈஷா கிராமப் புத்துணர்வு இயக்கம் சார்பில், விளையாட்டு மீதான ஆர்வத்தை கிராமப்புற இளைஞர்கள் மற்றும் பெண்கள் மத்தியில் அதிகரிக்கும் நோக்கத்தில் "ஈஷா கிராமோத்ஸவ்' எனும் விளையாட்டுத் திருவிழா ஆண்டுதோறும் நடத்தப்பட்டு வருகிறது. இதில் கைப்பந்து, எறிபந்து, கபடி ஆகிய போட்டிகள் பிரதானமாக நடத்தப்பட்டு வருகின்றன. இதுதவிர, பாரா ஒலிம்பிக் போட்டிகள், கிராமிய விளையாட்டுப் போட்டிகள், கலை நிகழ்ச்சிகளும் நடத்தப்படுகின்றன. 
இதில், 2018ஆம் ஆண்டுக்கான 14ஆவது "ஈஷா கிராமோத்ஸவ்' விளையாட்டுப் போட்டிகள் தமிழகம் முழுவதும் அக்டோபர் 20ஆம் தேதி தொடங்கின. அனைத்து மாவட்டங்களிலும் முதல்கட்ட கைப்பந்து மற்றும் எறிபந்துப் போட்டிகள் நிறைவடைந்துள்ளன. இந்நிலையில், ஈஷா கிராமப் புத்துணர்வு இயக்கம், தமிழ்நாடு அமெச்சூர் கபடி கழகத்துடன் இணைந்து நடத்தும் கபடி போட்டிகள் சனிக்கிழமை (நவம்பர் 10) தொடங்க உள்ளன.
இந்தப் போட்டிகள் மாவட்டம், மண்டலம், மாநிலம் என 3 கட்டங்களாக நடைபெற உள்ளன. மாவட்ட அளவிலான போட்டிகள் நவம்பர் 10, 11, 17, 18 ஆகிய தேதிகளில் 32 மாவட்டங்களிலும் நடைபெறும். இதையடுத்து, கோவை, வேலூர், திருச்சி மற்றும் மதுரை ஆகிய இடங்களில் மண்டல அளவிலான கபடி போட்டிகள் நடத்தப்படும். 
மாநில அளவிலான இறுதிப் போட்டிகள் டிசம்பர் 8, 9 ஆம் தேதிகளில் நடைபெற உள்ளன.
இந்த கபடி போட்டிகளில் மட்டும் 2,250 கிராமப்புற அணிகளில், 27,000 வீரர், வீராங்கனைகளும் பங்கேற்கின்றனர். மொத்தம் ரூ. 20 லட்சத்து 50 ஆயிரம் பரிசுத் தொகையாக வழங்கப்பட உள்ளது. ஆண்களுக்கான கபடி போட்டியில் மாநில அளவில் முதல் 4 இடங்களைப் பிடிக்கும் அணிகளுக்கு முறையே ரூ. 2 லட்சம், ரூ. 1 லட்சம், ரூ. 50 ஆயிரம், ரூ.50 ஆயிரம் பரிசுத் தொகையாக வழங்கப்படும்.
இதேபோல, பெண்களுக்கான கபடி போட்டியில் முதல் 4 இடங்கள் பிடிக்கும் அணிகளுக்கு முறையே ரூ.1 லட்சம், ரூ. 50 ஆயிரம், ரூ. 25 ஆயிரம், ரூ. 25 ஆயிரம் பரிசுத் தொகையாக வழங்கப்படும்.  இதுதவிர, மண்டலம் மற்றும் மாவட்ட அளவிலான போட்டிகளில் முதல் 4 இடங்களைப் பிடிக்கும் அணிகளுக்கும் ரொக்கப் பரிசுகள் வழங்கப்படும்.
 

]]>
http://www.dinamani.com/all-editions/edition-coimbatore/coimbatore/2018/nov/09/ஈஷா-கிராமோத்ஸவ்-கபடி-போட்டி-மாநிலம்-முழுவதும்-நாளை-தொடக்கம்-3035362.html
3035361 கோயம்புத்தூர் கோயம்புத்தூர் சாலையில் நடமாடும் கால்நடைகள்:அபராதம் விதிக்க வலியுறுத்தல் DIN DIN Friday, November 9, 2018 07:48 AM +0530 மேட்டுப்பாளையம் நகரப் பகுதியில் உள்ள சாலைகளில் கூட்டமாக நடமாடி வரும் கால்நடைகளின் உரிமையாளர்களுக்கு அபராதம் விதிக்க வேண்டும் என வலியுறுத்தப்பட்டுள்ளது. 
மேட்டுப்பாளையம் நகரப் பகுதியில் 50க்கும் மேற்பட்ட ஆடு, மாடு, எருமை உள்ளிட்ட கால்நடைகள் நடமாடி வருகின்றன. இவை, ஆற்றுபாலம் அருகே உள்ள உருளைக்கிழங்கு, முட்டைக் கோஸ், பூண்டு மொத்த விற்பனை மண்டிகள் மற்றும் காய்கறிக் கழிவுகளைச் சாப்பிட்டு வருகின்றன. 
இந்தக் கால்நடைகள் மேட்டுப்பாளையம் பேருந்து நிலையத்தில் இருந்து அன்னூர், உதகை,  கோத்தகிரி, கோவை உள்ளிட்ட பகுதிகளுக்குச் செல்லும் சாலைகளில் நடுவில் படுத்து வாகனப் போக்குவரத்துக்கும் இடையூறு ஏற்படுத்தி வருகின்றன. 
எனவே, சாலைகளில் போக்குவரத்துக்கு இடையூறாக நடமாடும் கால்நடைகளைப் பிடித்து, அதன் உரிமையாளர்களுக்கு அபராதம் விதிக்க சம்பந்தப்பட்ட அதிகாரிகள் நடவடிக்கை எடுக்கவேண்டும் என வாகன ஓட்டுநர்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/coimbatore/2018/nov/09/சாலையில்-நடமாடும்-கால்நடைகள்அபராதம்-விதிக்க-வலியுறுத்தல்-3035361.html
3035360 கோயம்புத்தூர் கோயம்புத்தூர் ஆதிதிராவிடர் நலத் துறை பள்ளிகள் தரமற்றவையாக உள்ளன: தேசியத் தாழ்த்தப்பட்டோர் ஆணைய துணைத் தலைவர் DIN DIN Friday, November 9, 2018 07:48 AM +0530 தமிழகத்தில் ஆதிதிராவிடர் நலத் துறை சார்பில் நடத்தப்படும் பள்ளிகள், விடுதிகள் தரமற்றவையாக உள்ளன என தேசியத் தாழ்த்தப்பட்டோர் ஆணைய துணைத் தலைவர் எல்.முருகன் குற்றம்சாட்டியுள்ளார். 
கோவை மாநகராட்சி, ஆதிதிராவிடர் மற்றும் பழங்குடியினர் நலத் துறை சார்பில் துப்புரவுத் தொழிலாளர்களுக்கு நலத் திட்ட உதவிகள் வழங்கும் விழா கோவையில் வியாழக்கிழமை நடைபெற்றது. 
இதில், துப்புரவுத் தொழிலாளர்களுக்கு நலத் திட்ட உதவிகளை தேசியத் தாழ்த்தப்பட்டோர் ஆணையத்தின் துணைத் தலைவர் எல்.முருகன் வழங்கினார்.
முன்னதாக அவர் செய்தியாளர்களிடம் கூறியதாவது:
நாடு முழுவதும் தாழ்த்தப்பட்ட மக்களின் பிரச்னைகள் தொடர்பாக 150 மாவட்டங்களில் ஆய்வு மேற்கொண்டோம். அதில்,  தமிழகத்தில் 19 மாவட்டங்களில் ஆய்வு நடத்தப்பட்டது. இந்த ஆய்வில் பல்வேறு பிரச்னைகள் கண்டறியப்பட்டு அவற்றுக்குத் தீர்வுகாண முயற்சித்து வருகிறோம்.
தமிழகத்தில் 1.80 லட்சம் சென்ட் பஞ்சமி நிலங்கள் கண்டறியப்பட்டுள்ளன. பல்வேறு மாவட்டங்களிலும் பஞ்சமி நில ஆக்கிரமிப்புகள் தொடர்பாக ஆயிரத்துக்கும் மேற்பட்ட வழக்குகள் நடைபெற்று வருகின்றன. பஞ்சமி நிலங்களை மீட்டுப் பயனாளிகளுக்கு வழங்கவும் அந்தந்த மாவட்ட நிர்வாகத்துக்கு கடிதம் அனுப்பியுள்ளோம். 
 சேலம் சிறுமி ராஜலட்சுமி படுகொலை வழக்கில் மாவட்ட ஆட்சியர், காவல் கண்காணிப்பாளருக்கு தேசியத் தாழ்த்தப்பட்டோர் ஆணையம் நோட்டீஸ் அனுப்பியது. அதைத் தொடர்ந்து,  சம்பந்தப்பட்ட நபர் கைது செய்யப்பட்டு, சிறுமி குடும்பத்துக்கு ரூ. 4.5 லட்சம் இழப்பீடு வழங்கப்பட்டுள்ளது. மேலும், கூடுதல் இழப்பீடு, குடும்பத்தில் ஒருவருக்கு அரசு வேலை, ஓய்வூதியம் வழங்குதல் மற்றும் 15 நாள்களுக்குள் குற்றப்பத்திரிகை தாக்கல் செய்வது தொடர்பாக மாவட்ட நிர்வாகம், காவல் துறைக்கு கடிதம் அனுப்பியுள்ளோம்.
தமிழகத்தில் ஆதிதிராவிட நலத் துறையால் 1,000க்கும் மேற்பட்ட பள்ளிகள், விடுதிகள் நடத்தப்பட்டு வருகின்றன. ஆனால், அங்கு உரிய தரமோ, அடிப்படை வசதிகளோ இல்லாதது கவலையளிக்கிறது. மத்தியப் பிரதேசம், தெலங்கானா, ஹரியாணா உள்ளிட்ட மாநிலங்களில் தாழ்த்தப்பட்டோருக்கான பள்ளிகள் மற்றும் விடுதிகள் சிறப்பாகச் செயல்பட்டு வருகின்றன. அவற்றில் பயின்ற பல மாணவர்கள், தொழிற்கல்வி உள்ளிட்ட தேர்வுகளில் தேர்ச்சி பெற்றுள்ளனர். 
 ஆனால், தமிழகத்தில் உள்ள ஆதிதிராவிடர் பள்ளிகள், விடுதிகளில் உள்ள மாணவர்கள் நீட், ஐஐடி தேர்வுகளில் தேர்ச்சி பெறுவதில்லை. இத்தகைய நிலையை மாற்ற வேண்டும். 
 தமிழக பட்ஜெட்டில் எஸ்.சி., எஸ்.டி. சமூக மக்களுக்கு 20 சதவீதம் நிதி ஒதுக்குவதாகக் கூறப்பட்டாலும் சிறப்புத் திட்டங்கள் எதுவும் செயல்படுத்தப்படுவதில்லை. பொதுவான திட்டங்களில் பயனடையும் எஸ்.சி., எஸ்.டி. பயனாளிகளின் எண்ணிக்கையை இந்தக் கணக்கில் சேர்த்துவிடுகிறார்கள். 
 இது தொடர்பாக தேசியத் தாழ்த்தப்பட்டோர் ஆணையம் முழு அளவிலான ஆய்வு மேற்கொள்ள உள்ளது. உள்ளாட்சி அமைப்புகளில் பணிபுரியும் ஒப்பந்தத் தொழிலாளர்களுக்கு உரிய ஊதியம், மருத்துவக் காப்பீடு, வருங்கால வைப்பு நிதி ஆகிய வசதிகளை செய்து கொடுக்குமாறு தாழ்த்தப்பட்டோர் ஆணையம் வலியுறுத்தி வருகிறது. மனிதக் கழிவுகள் மற்றும் கழிவுநீர்த் தொட்டிகளை சுத்தம் செய்யும் பணியில் மனிதர்களை நேரடியாகப் பயன்படுத்துவதை முற்றிலும் தவிர்க்கவேண்டும். மீறிப் பயன்படுத்துவோர் மீது வன்கொடுமை தடுப்புச் சட்டத்தின்கீழ் நடவடிக்கை எடுக்குமாறும் அறிவுறுத்தியுள்ளோம் என்றார். 
தொடர்ந்து நடைபெற்ற நலத் திட்ட உதவிகள் வழங்கும் விழாவில், கோவை மாநகராட்சி ஆணையர் க.விஜயகார்த்திகேயன், துணை ஆணையர் காந்திமதி, மாநில ஆதிதிராவிடர் நலக் குழு உறுப்பினர் எஸ்.செல்வகுமார், நகர் நல அலுவலர் மருத்துவர் சந்தோஷ், மாவட்ட ஆதிதிராவிடர் நல அலுவலர் செந்திவேல் உள்ளிட்ட பலர் கலந்துகொண்டனர்.


ஹிந்தியில் கையேடு வழங்கப்பட்டதால் தொழிலாளர்கள் அதிர்ச்சி...
இதனிடையே, துப்புரவுத் தொழிலாளர்களுக்கு மாநகராட்சி சார்பில் வழங்கப்பட்ட விளக்கக் கையேட்டில் குறிப்புகள் அனைத்தும் ஹிந்தியில் இருந்தன. துப்புரவுத் தொழிலாளர்கள் பணியின்போது பயன்படுத்த வேண்டிய பாதுகாப்பு உபகரணங்கள், கடைப்பிடிக்க வேண்டிய வழிமுறைகள் ஆகியவை குறித்துப் படத்துடன் தெரிவிக்கப்பட்டிருந்தது.
 ஆனால், அந்தக் குறிப்புகள் அனைத்தும் ஹிந்தியில் இருந்ததால் வழங்கப்பட்ட கையேட்டை தொழிலாளர்கள் பயன்படுத்த முடியாத நிலை ஏற்பட்டுள்ளது. 
 தேசியத் திறன் மேம்பாட்டு ஆணையத்தால் வழங்கப்படும் இந்தக் கையேடுகள் தமிழ் மொழியில் அச்சிடப்பட்டிருந்தால் எங்களுக்குப் பயனுள்ளதாக இருந்திருக்கும். ஆனால், ஹிந்தியில் வழங்கப்பட்டுள்ளதால் எங்களுக்கு எவ்விதப் பயனும் இல்லை என தொழிலாளர்கள் அதிருப்தியை வெளிப்படுத்தினர்.
 அதே வேளையில், தொழிலாளர்களுக்கு வழங்கப்பட்ட பிளாஸ்டிக் கையுறையும் தரமற்றதாகவும், மிகவும் மெல்லியதாக இருப்பதாகவும் அவர்கள் குற்றம்சாட்டினர்.

]]>
http://www.dinamani.com/all-editions/edition-coimbatore/coimbatore/2018/nov/09/ஆதிதிராவிடர்-நலத்-துறை-பள்ளிகள்-தரமற்றவையாக-உள்ளன-தேசியத்-தாழ்த்தப்பட்டோர்-ஆணைய-துணைத்-தலைவர்-3035360.html
3035358 கோயம்புத்தூர் கோயம்புத்தூர் ஆவின் பால் கொள்முதல் நிலையத்தில் ஆய்வு DIN DIN Friday, November 9, 2018 07:47 AM +0530 அன்னூர் அருகே உள்ள அல்லிக்காரன்பாளையம் ஆவின் பால் கொள்முதல் நிலையத்தில் வியாழக்கிழமை ஆய்வு மேற்கொள்ளப்பட்டது. 
அன்னூர் அருகே உள்ள அல்லிக்காரன்பாளையத்தில் ஆவின் பால் குளிரூட்டும் கொள்முதல்  நிலையத்தில் பல்வேறு முறைகேடுகள் நடப்பதாக விவசாயிகள் புகார் தெரிவித்திருந்தனர். இந்நிலையில், புதிதாகப் பதவியேற்றுள்ள ஆவின் தலைவர் கே.பி.ராஜு, அல்லிக்காரன்பாளையம் பால் கொள்முதல் நிலையத்தில் ஆய்வு மேற்கொண்டார்.
அப்போது, பால் கொள்முதல் செய்யும்போது சரியாக அளவீடு செய்ய வேண்டும். பால் உற்பத்தியாளர்களுக்கு வருடத்துக்கு ஒருமுறை கொள்முதல் விலையை உயர்த்தி வழங்கவேண்டும் என்பன உள்ளிட்ட பல்வேறு கோரிக்கைகளை  அவரிடம் தெரிவித்தனர்.
இதையடுத்து அவர், தமிழக முதல்வரை நேரில் சந்திப்பதற்கு நவம்பர் 18ஆம் தேதி அனுமதி கிடைத்திருப்பதாகவும், அப்போது கோரிக்கைகள் குறித்து முதல்வரிடம் தெரிவித்து உரிய நடவடிக்கை எடுப்பதாகவும் தெரிவித்தார். 
இந்த ஆய்வின்போது ஆவின் துணை மேலாளர் கல்பனா, அல்லப்பாளையம் கூட்டுறவுப் பால் உற்பத்தியாளர்கள் சங்கச் செயலாளர் ஜெகநாதன் உள்ளிட்டோர் உடன் இருந்தனர்.

]]>
http://www.dinamani.com/all-editions/edition-coimbatore/coimbatore/2018/nov/09/ஆவின்-பால்-கொள்முதல்-நிலையத்தில்-ஆய்வு-3035358.html
3035357 கோயம்புத்தூர் கோயம்புத்தூர் முகநூலில் நட்பு: ஆசிரியைக்கு பாலியல் தொல்லை DIN DIN Friday, November 9, 2018 07:46 AM +0530 முகநூலில் ஏற்பட்ட பழக்கம் காரணமாக மயக்க மருந்து கொடுத்து ஆசிரியையை பாலியல் பலாத்காரம் செய்ததாக இளைஞர் மீது வழக்குப் பதிவு செய்யப்பட்டுள்ளது. 
கோவை, சிங்காநல்லூர் பகுதியைச் சேர்ந்த 40 வயது பெண் அரசுப் பள்ளியில் ஆசிரியையாகப் பணியாற்றி வருகிறார். கணவரைப் பிரிந்து தனியாக வசித்து வரும் இவருக்கு மதுரை மாவட்டம், பாப்பம்பட்டியைச் சேர்ந்த ஆர்.ராஜபிரவீண் (30) முகநூல் மூலமாக அறிமுகமாகியுள்ளார். அதன்பின் இருவரும் அடிக்கடி செல்லிடப்பேசியில் பேசி வந்துள்ளனர்.
 இந்நிலையில், குரூப் 2 தேர்வு எழுத உள்ளதாகவும், அதற்குப் பணம் தேவைப்படுவதாகவும் கூறி ஆசிரியையிடம் ராஜபிரவீண் பல முறை பணம் வாங்கியுள்ளார். இதனிடையே, கடந்த சில நாள்களுக்கு முன்னர் கோவை வந்த ராஜபிரவீண், சின்னியம்பாளையம் பகுதியில் உள்ள ஹோட்டலுக்கு ஆசிரியையை அழைத்துச் சென்றுள்ளார். பின்னர் மயக்க மருந்து கலந்து கொடுத்து அவருக்குப் பாலியல் தொல்லை கொடுத்துள்ளார். 
அதை விடியோவாக எடுத்து வைத்துக் கொண்டு ஆசிரியையை மிரட்டி ரூ. 2 லட்சம் கேட்டுள்ளார். மேலும், அவரிடம் இருந்த 10 பவுன் நகை, ரூ. 10 ஆயிரத்தையும் எடுத்துக் கொண்டு தப்பிச் சென்றுவிட்டாராம். 
இதுகுறித்து ஆசிரியை அளித்த புகாரின்பேரில் சிங்காநல்லூர் காவல் துறையினர் ராஜ பிரவீண் மீது மோசடி, நம்பிக்கை மோசடி உள்ளிட்ட பிரிவுகளின்கீழ் வழக்குப் பதிவு செய்தனர். 
இதையடுத்து, இந்த வழக்கு அனைத்து மகளிர் காவல் நிலையம் கிழக்குப் பிரிவுக்கு மாற்றப்பட்டது.
 

]]>
http://www.dinamani.com/all-editions/edition-coimbatore/coimbatore/2018/nov/09/முகநூலில்-நட்பு-ஆசிரியைக்கு-பாலியல்-தொல்லை-3035357.html
3035356 கோயம்புத்தூர் கோயம்புத்தூர் கோவையில் 16, 17இல் தேசிய வார்ப்படத் தொழில் மாநாடு DIN DIN Friday, November 9, 2018 07:46 AM +0530 இந்தியத் தொழிற் கூட்டமைப்பு மற்றும் இந்திய பவுண்டரிமேன் அமைப்பு  சார்பில் கோவையில் 9ஆவது தேசிய வார்ப்படத் தொழில் (பவுண்டரி) மாநாடு நவம்பர் 16, 17ஆம் தேதிகளில் நடைபெறவுள்ளது.
இதுகுறித்து, இந்தியத் தொழிற் கூட்டமைப்பின் கோவை கிளைத் தலைவர் எம்.ரமேஷ், இந்திய பவுண்டரிமேன் அமைப்பின் தலைவர் ஜி.எழில், மாநாட்டுத் தலைவர் ஆர்.சரவணன், துணைத் தலைவர் ஜே.கணேஷ்குமார் ஆகியோர் கோவையில் செய்தியாளர்களிடம் கூறியதாவது:
கோவையின் அடையாளங்களில் ஒன்றாக வார்ப்படத் தொழில் (பவுண்டரி) திகழ்ந்து வருகிறது. கோவையில் மட்டும் 600க்கும் மேற்பட்ட வார்ப்படத் தொழிற்சாலைகள் செயல்பட்டு வருகின்றன. இந்தியாவில் ஆண்டுக்கு ரூ. 11.50 மில்லியன் டன் காஸ்டிங்குகள் தயாரிக்கப்படுகின்றன. கோவையில் மட்டும் 10 லட்சம் டன் அளவுக்கு காஸ்டிங்குகள் தயாரிக்கப்படுவது குறிப்பிடத்தக்கது.
பல்வேறு நாடுகளுக்கு ஆண்டுதோறும் ரூ. 20 ஆயிரம் கோடி மதிப்பிலான பவுண்டரி தயாரிப்புகள் ஏற்றுமதி செய்யப்படுகின்றன. 
இதில் சீனாவின் போட்டி இந்திய ஏற்றுமதியாளர்களுக்கு கடுமையான சவாலாக உள்ளது. இத் தொழிலுக்கு சீன அரசு அதிக அளவிலான மானியங்கள், சலுகைகளை வழங்கி வருகிறது. அதேபோல, இந்திய அரசும் சலுகைகள், மானியங்கள் வழங்கினால் ஏற்றுமதி அதிகரிக்கும்.
மேலும், மூலப் பொருள்களின் விலை உயர்வாலும் வார்ப்படத் தொழில் பாதிக்கப்பட்டுள்ளது. எனவே, மத்திய அரசு மூலப் பொருள்களின் விலையைக் கட்டுப்படுத்த நடவடிக்கை எடுக்கவேண்டும். மேலும், போதுமான தொழிலாளர்கள் கிடைப்பதிலும் சிக்கல் நீடிக்கிறது. 
இதைக் கருத்தில் கொண்டு கோவையில் 9ஆவது தேசிய வார்ப்படத் தொழில் மாநாடு நவம்பர் 16, 17ஆம் தேதிகளில் நடைபெறுகிறது. 
வார்ப்படத் தொழிலில் புதிய நடைமுறைகள், புதிய கண்டுபிடிப்புகள், ஆலோசனைகளைப் பரிமாறிக் கொள்ளுதல், தொழில்நுட்ப வளர்ச்சி, போக்குவரத்து வசதிகள், திறன் மேம்பாடு, பாதுகாப்புத் துறையில் உள்ள வாய்ப்புகள் ஆகியவை குறித்து இந்த மாநாட்டில் விவாதிக்கப்பட உள்ளது.
இம்மாநாட்டில் ஜெர்மனி, பிரான்ஸ், இத்தாலி, ஜப்பான், இங்கிலாந்து, தாய்லாந்து நாடுகளைச் சேர்ந்த தொழில் நிபுணர்களும் பங்கேற்று, தொழில்நுட்ப வளர்ச்சி, அண்மைக்கால முன்னேற்றம் குறித்து விளக்கமளிக்க உள்ளனர். 
மேலும், இம்மாநாட்டை ஒட்டி வார்ப்படப் பொருள்கள் தொடர்பான கண்காட்சியும் நடைபெறவுள்ளது என்றனர்.
 

]]>
http://www.dinamani.com/all-editions/edition-coimbatore/coimbatore/2018/nov/09/கோவையில்-16-17இல்-தேசிய-வார்ப்படத்-தொழில்-மாநாடு-3035356.html
3035355 கோயம்புத்தூர் கோயம்புத்தூர் குடியிருக்க நிலம் கேட்டு முற்றுகை DIN DIN Friday, November 9, 2018 07:46 AM +0530 சூலூரில் குடியிருக்க  நிலம் கேட்டு தலித் மக்கள் வியாழக்கிழமை முற்றுகையில் ஈடுபட்டனர். 
சூலூர் அருகே  உள்ளமுத்துக்கவுண்டன்புதூர் செல்லும் சாலையில், தனியார் கல்லூரிக்கு அருகில் நீர்நிலைப் புறம்போக்கு நிலம், தனியாருக்குச் சொந்தமான பட்டா நிலம் உள்ளது. 
கண்ணம்பாளையத்தைச் சேர்ந்த தலித் மக்கள் தங்களுக்கு குடியிருக்க அங்கு நிலம் வழங்கவேண்டும் என கேட்டு வியாழக்கிழமை நிலத்தை சுத்தம் செய்யும் பணியை மேற்கொண்டனர். அது பஞ்சமி நிலம் எனவும் தலித் அமைப்பினர் தெரிவித்தனர். அவர்களுடன் பா.ஜ.க. தலித் அமைப்பின் கோவை மாவட்டத் தலைவர் இளங்கோவன் உள்ளிட்டோரும் தலித் மக்களுக்கு நிலம் வழங்கவேண்டும் என கோரிக்கை விடுத்தனர். 
அப்போது, தலித் மக்கள் தங்கள் பட்டா இடத்துக்குள் நுழைந்து ஆக்கிரமிப்பில் ஈடுபட முயற்சி செய்வதாகக் கூறி அப்பகுதி விவசாயிகள் வாக்குவாதத்தில் ஈடுபட்டனர். 
மேலும், ஆக்கிரமிப்புக்கு எதிராக சூலூர் - முத்துக்கவுண்டன்புதூர் சாலையில் மறியல் போராட்டத்தில் ஈடுபடவும் அவர்கள் முயன்றனர். 
தகவலறிந்து அங்கு வந்த சூலூர் வட்டாட்சியர் ஜெகதீசன், தலித் அமைப்பினருடன் பேச்சுவார்த்தை நடத்தினார். 
அப்போது, இதற்கு முன்னர் பதவியில் இருந்த சூலூர் வட்டாட்சியர் அந்த இடத்தில் தங்களுக்குப் பட்டா வழங்குவதாகத் தெரிவித்தார். அதற்குப்பின் தாங்கள் அந்த நிலத்துக்கு ரூ, 50,000துக்கும் அதிகமாக செலவு செய்து சுத்தம் செய்ததாகத் தெரிவித்தனர். 
ஆனால், இதுவரை அந்த இடத்தைத் தங்களுக்கு வழங்க நடவடிக்கை எடுக்கவில்லை. 
இதுசம்பந்தமாக பலகட்டப் போராட்டம் நடத்தி உள்ளதாகவும், எனவே, தங்களுக்கு அங்கு இடம் வழங்க வேண்டும் என்றும் தலித் அமைப்பினர் கூறினர். 
அதற்கு பதிலளித்த வட்டாட்சியர், சம்பந்தப்பட்ட இடம் நீர்நிலைப் புறம்போக்காக இருப்பதால் அதில் நிலம் தர இயலாது. நீர்நிலைப் புறம்போக்கில் எவ்வித ஆக்கிரமிப்புக்கும் இடம் அளிக்கக் கூடாது என உயர் நீதிமன்றம் உத்தரவிட்டுள்ளது. 
மேலும், குறிப்பிட்ட இடத்துக்கு அருகில் பட்டா இடம் உள்ளது. எனவே, இப்பகுதியில் இருந்து வெளியேற வேண்டும். இப்பகுதியில் வேறு ஏதேனும் குடியிருக்க ஏற்றவாறு புறம்போக்கு நிலம் ஏதும் இருக்கிறதா என ஆராய்ந்து, அப்படி இருந்தால் நிலம் வழங்க நடவடிக்கை எடுப்பதாகவும் தெரிவித்தார்
தொடர்ந்து அப்பகுதியில் தலித் மக்கள் கூடி இருந்ததால் சிங்காநல்லூர் காவல் துறையினரிடம் வட்டாட்சியர் புகார் தெரிவித்தார். இதையடுத்து சிங்காநல்லூர் காவல் ஆய்வாளர் போஸ் தலைமயிலான காவல் துறையினர் அனைவரையும் அப்பகுதியில் இருந்து அப்புறப்படுத்தினர். பின்னர் விவசாயிகளையும் அங்கிருந்து செல்லுமாறு கூறினர். 
 

]]>
http://www.dinamani.com/all-editions/edition-coimbatore/coimbatore/2018/nov/09/குடியிருக்க-நிலம்-கேட்டு-முற்றுகை-3035355.html
3035354 கோயம்புத்தூர் கோயம்புத்தூர் "கோயில்களில் சேகரமாகும் திட, திரவக் கழிவுகளில் இருந்து உயிரி எரிவாயு, உரம் தயாரிக்க முடிவு' DIN DIN Friday, November 9, 2018 07:45 AM +0530 இந்து சமய அறநிலையத் துறையின்கீழ் உள்ள கோயில்களில் சேகரமாகும் திட, திரவக் கழிவுகளில் இருந்து உயிரி எரிவாயு (பயோகாஸ்), உரம் தயாரிக்கத் திட்டமிடப்பட்டுள்ளது.
தமிழகம் முழுவதும் இந்து சமய அறநிலையத் துறையின் கீழ் உள்ள கோயில்களில் பசுமைக் கோயில் இயக்கம் தொடங்கப்பட்டுள்ளது. இந்த இயக்கம் மேற்கொள்ள வேண்டிய பணிகள் குறித்து தமிழகத்தில் உள்ள 6 மண்டலங்களில் கருத்தரங்கம் நடத்த முடிவு செய்யப்பட்டது. 
அதன்படி, கோவை  சித்தாபுதூர் ஐயப்பன் கோயிலில் இந்து சமய அறநிலையத் துறை சார்பில் கருத்தரங்கம் வியாழக்கிழமை நடைபெற்றது.
இக்கருத்தரங்கில் அறநிலையத் துறையின் இணை ஆணையர் (சட்டம்) பி.ஆர்.அசோக் பங்கேற்றுப் பேசியதாவது:
இந்து சமய அறநிலையத் துறையின் கட்டுப்பாட்டில் உள்ள கோயில்களில் சுவாமிக்கு செய்யப்படும் அபிஷேகத் தீர்த்தம், பக்தர்களால் வழங்கப்படும் பிரசாதம், கோயில்களில் வழங்கப்படும் அன்னதானம், மாலைகள், மலர்கள், தேங்காய் ஆகியவற்றில் இருந்து சேகரமாகும் கழிவுப் பொருள்கள் மக்கும், மக்காத குப்பைகளாகத் தரம் பிரிக்கப்படுகின்றன. இதில், தரம் பிரிக்கப்பட்ட திட, திரவக் கழிவுகளைக் கொண்டு உயிரி எரிவாயு மற்றும் உரம் தயாரிக்க முடிவு செய்யப்பட்டுள்ளது.இதில் கழிவுகளை எவ்வாறு தரம் பிரிப்பது, மேலாண்மை செய்வது என்பது குறித்து கோயில் அதிகாரிகள், பணியாளர்களுக்குப் பயிற்சி அளிக்கப்படும். அதைத் தொடர்ந்து திட, திரவக் கழிவுகளைக் கொண்டு உயிரி எரிவாயு மற்றும் உரம் தயாரிக்கும் பணி தொடங்கப்படும் என்றார்.
தொடர்ந்து அவர் செய்தியாளர்களிடம் கூறியதாவது:
  திட, திரவக் கழிவுகள் மூலமாக மறுசுழற்சி செய்யப்பட்டு கிடைக்கப் பெறும் உயிரி எரிவாயு மடப் பள்ளியில் அன்றாட சமையலுக்குப் பயன்படுத்தப்படும். உரம், நந்தவனத்தில் உள்ள செடிகளுக்குப் பயன்படுத்தப்படும். இதில், பயன்பாடு போக கூடுதலாக கிடைக்கும் பட்சத்தில் விவசாயிகளுக்கு குறைந்த விலையில் விற்பனை செய்யப்படும் என்றார்.
இக்கருத்தரங்கில் கோவை, சேலம் மண்டலத்துக்கு உள்பட்ட அறநிலையத் துறை உதவி ஆணையர்கள், கோயில் செயல் அலுவலர்கள், பணியாளர்கள் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/09/கோயில்களில்-சேகரமாகும்-திட-திரவக்-கழிவுகளில்-இருந்து-உயிரி-எரிவாயு-உரம்-தயாரிக்க-முடிவு-3035354.html
3035353 கோயம்புத்தூர் கோயம்புத்தூர் சர்கார் திரைப்படத்தின் பேனர் கிழிப்பு DIN DIN Friday, November 9, 2018 07:45 AM +0530 கோவையில் சர்கார் திரைப்படம் திரையிடப்பட்டுள்ள திரையரங்கில் வைக்கப்பட்டிருந்த பேனரை கிழித்து அதிமுகவினர் வியாழக்கிழமை ஆர்ப்பாட்டத்தில் ஈடுபட்டனர். 
 தமிழகம் முழுவதிலும் சர்கார் திரைப்படத்துக்கு எதிர்ப்புத் தெரிவித்து அதிமுகவினர் போராட்டங்களில் ஈடுபட்டு வருகின்றனர். கோவை மாவட்டக் காவல் கண்காணிப்பாளர் அலுவலகம் எதிரே உள்ள திரையரங்கில் சர்கார் திரைப்படம் திரையிடப்பட்டுள்ளது. திரையரங்கின் முகப்பில் பேனர்கள் வைக்கப்பட்டுள்ளன. 
 இந்நிலையில் அதிமுகவைச் சேர்ந்த 30க்கும் மேற்பட்டோர் திரையரங்குகின் முன்பு வியாழக்கிழமை பிற்பகல் திரண்டனர். பின்னர் நடிகர் விஜய், இயக்குநர் ஏ.ஆர்.முருகதாஸ் ஆகியோருக்கு எதிராக கோஷங்கள் எழுப்பினர்.  மேலும், திரையரங்கின் முகப்பில் வைக்கப்பட்டிருந்த பேனர் மற்றும் போஸ்டர்களை கிழித்து ஆர்ப்பாட்டத்தில் ஈடுபட்டனர். இதுகுறித்த தகவலறிந்து அங்கு வந்த ரேஸ்கோர்ஸ் காவல் துறையினர் போராட்டத்தில் ஈடுபட்டவர்களிடம் பேச்சுவார்த்தை நடத்தினர். 
அதைத் தொடர்ந்து ஆர்ப்பாட்டத்தில் ஈடுபட்டவர்கள் கலைந்து சென்றனர்.

]]>
http://www.dinamani.com/all-editions/edition-coimbatore/coimbatore/2018/nov/09/சர்கார்-திரைப்படத்தின்-பேனர்-கிழிப்பு-3035353.html
3035352 கோயம்புத்தூர் கோயம்புத்தூர் பாரதியார் பல்கலைக்கழகக் கல்லூரிகளின் முதல்வர்கள் சங்கப் பயிலரங்கம் DIN DIN Friday, November 9, 2018 07:44 AM +0530 கோவை பாரதியார் பல்கலைக்கழகம் மற்றும் கல்லூரிகளின் முதல்வர்கள் சங்கம் சார்பில் தேசியத் தரநிர்ணயக் குழுவின் புதிய விதிமுறைகள் தொடர்பான பயிலரங்கம் நடைபெற்றது.
கோவை பாரதியார் பல்கலைக்கழக வளாகத்தில் நடைபெற்ற இந்தப் பயிலரங்கில் கல்லூரி முதல்வர்கள் சங்கத்தின் தலைவர் கே.கருணாகரன் வரவேற்றார்.
இதில், சிறப்பு விருந்தினராகப் பங்கேற்ற அண்ணா பல்கலைக்கழக முன்னாள் துணை வேந்தர் இ.பாலகுருசாமி பேசியதாவது:
பல்கலைக்கழகங்கள் மற்றும் கல்லூரிகள் தங்களது தரத்தை உயர்த்துவதுடன் நவீன தொழில்நுட்பத்தை பயன்படுத்தி மாணவர்களின் அறிவை வளர்க்க வேண்டும். தற்போது கல்லூரிகளின் தரத்தை நிர்ணயம் செய்யும் குழுவின் புதிய விதிமுறைகளின் படி 70 சதவீதம் நவீனத் தொழில்நுட்பம் கல்லூரிகளில் இடம்பெற்றிருக்க வேண்டும் என வகுக்கப்பட்டுள்ளது.
கணினி முறையில் மதிப்பெண் வழங்கும் முறை, பாடத் திட்டம், வருகைப் பதிவு போன்றவை நவீனத் தொழில்நுட்ப முறையில் இடம்பெற்று இருக்க வேண்டும் என விதிமுறை வகுக்கப்பட்டுள்ளது. 
மாணவர்களின் கல்வி அறிவைக் காட்டிலும் அவர்களுடைய தனித் திறன்களை வளர்க்கும் முறைகளில் தனிக் கவனம் செலுத்தவேண்டும். மேலும் மனித வாழ்வின் மேம்பாட்டு மதிப்புகளைக் கற்றுத் தரும் வகையில் அனைத்துக் கல்லூரிகளும் முனைப்புடன் செயல்பட வேண்டும் என்றார்.
இப்பயிலரங்கில் பாரதியார் பல்கலைக்கழகத் துணைவேந்தர் தேர்வுக் குழு உறுப்பினர் என்.ஜெயகுமார், பல்கலைக்கழக உள்தர மதிப்பீட்டு மைய இயக்குநர் பொன்பாண்டியன், பல்வேறு கல்லூரிகளைச் சேர்ந்த முதல்வர்கள், துணை முதல்வர்கள் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/nov/09/பாரதியார்-பல்கலைக்கழகக்-கல்லூரிகளின்-முதல்வர்கள்-சங்கப்-பயிலரங்கம்-3035352.html
3034639 கோயம்புத்தூர் கோயம்புத்தூர் சூலூர் அருகே கோயிலில் பூட்டை உடைத்து சிலை, நகை திருட்டு DIN DIN Thursday, November 8, 2018 03:18 AM +0530
சூலூர் அருகே கண்ணம்பாளையத்தில் கோயில் பூட்டை உடைத்து ஐம்பொன் சிலை, தங்கம், வெள்ளி நகைகள், பணம் ஆகியவை திருடப்பட்டன.
கோவை மாவட்டம், சூலூரை அடுத்த கண்ணம்பாளையம் பேரூராட்சிக்கு உள்பட்ட பகுதியில் சுமார் 500 ஆண்டுகள் பழமையான கண்ணம்மை அம்மன் கோயில் உள்ளது. கண்ணம்பாளையம் என்று ஊர் பெயர் வர காரணமான இக்கோயிலில் திங்கள்கிழமை நள்ளிரவு புகுந்த சில மர்ம நபர்கள் கோயிலின் பூட்டை உடைத்து பீரோவில் இருந்த சிலை, நகைகள், பணம் ஆகியவற்றை திருடிச் சென்றனர்.
இது தொடர்பாக கோயில் நிர்வாகி செந்தில்குமார் கூறியதாவது: வழக்கம்போல் திங்கள்கிழமை இரவு பூஜை முடிந்து இரவு 9 மணிக்கு கோயில் கதவு சாத்தப்பட்டது. அடுத்த நாளான செவ்வாய்க்கிழமை காலை வந்து பார்த்தபோது கோயில் கதவின் பூட்டு உடைக்கப்பட்டு, கதவு திறந்துகிடந்தது. உள்ளே சென்று பார்த்தபோது பீரோவில் இருந்து தங்க பொட்டுத் தாலிகள், தங்க நகை என சுமார் 6 பவுன் தங்கம், 7 கிலோ வெள்ளிக் கவசம், ஐம்பொன்னிலான ஒரு முருகன் சிலை, தட்டு காணிக்கை ரூ. 4 ஆயிரம் ஆகியவற்றை மர்ம நபர்கள் திருடிச் சென்றது தெரியவந்தது. திருடப்பட்ட முருகன் சிலை முக்கால் அடி உயரமும், 1.5 கிலோ எடையும் உள்ளது என்றார்.
இது குறித்து சூலூர், பல்லடம் வட்ட இந்து அறநிலையத் துறை ஆய்வாளர் சண்முகசுந்தரம் கூறியதாவது: முருகன் சிலை ஐம்பொன்னால் ஆனது என்பதற்கு எவ்விதச் சான்றும் அறநிலையத் துறையிடம் இல்லை. சிலை பித்தளையால் செய்யப்பட்டது என்றார்.
இது குறித்து தகவல் அறிந்த சூலூர் ஆய்வாளர் தங்கராஜ், சிறப்பு தனிப் பிரிவு காவலர் செந்தில் மற்றும் போலீஸார், கோயிலில் ஆய்வு மேற்கொண்டனர். கைரேகை நிபுணர்கள் தடயங்களை சேகரித்தனர்.
இதே போல, அக்கோயிலின் அருகே உள்ள மகாலட்சுமி அம்மன் கோயிலிலும், பாரதிபுரத்தில் உள்ள முத்துமாரியம்மன் கோயிலிலும் கடந்த 15 நாள்களுக்கு முன்பும், நடுப்பாளையத்தில் மாகாளியம்மன் கோயிலில் ஒரு மாதத்துக்கு முன்பு திருட்டு நடந்தது குறிப்பிடத்தக்கது.

 

]]>
http://www.dinamani.com/all-editions/edition-coimbatore/coimbatore/2018/nov/08/சூலூர்-அருகே-கோயிலில்-பூட்டை-உடைத்து-சிலை-நகை-திருட்டு-3034639.html
3034635 கோயம்புத்தூர் கோயம்புத்தூர் கோவை அரசு மருத்துவமனையில் டெங்கு, பன்றிக் காய்ச்சலுக்கு 5 பேர் சாவு DIN DIN Thursday, November 8, 2018 03:15 AM +0530
கோவை மாவட்டம், பொள்ளாச்சியைச் சேர்ந்தவர் ராமகிருஷ்ணன். இவரது மகள் சுபஸ்ரீ (14). இவர் கடந்த சில தினங்களாக காய்ச்சலால் பாதிக்கப்பட்டிருந்தார். இந்நிலையில், கோவை அரசு மருத்துவமனையில் அண்மையில் அனுமதிக்கப்பட்டார். அவரைப் பரிசோதனை செய்ததில் பன்றிக் காய்ச்சல் பாதிப்பு இருப்பது தெரியவந்தது. தனி வார்டில் அனுமதிக்கப்பட்ட அவருக்கு மருத்துவர்கள் தீவிர சிகிச்சை அளித்து வந்த நிலையில் அவர் புதன்கிழமை உயிரிழந்தார்.
தொண்டாமுத்தூர் பகுதியைச் சேர்ந்தவர் கதிர்வேல் (32). இவரும் பன்றிக் காய்ச்சல் காரணமாக கோவை அரசு மருத்துவமனையில் அனுமதிக்கப்பட்டு இருந்தார். இந்நிலையில் அவர் செவ்வாய்க்கிழமை உயிரிழந்தார். நீலகிரி மாவட்டம், அணிக்கொரை பகுதியைச் சேர்ந்தவர் சந்திரசேகர் (56). இவர் கடந்த 10 நாள்களுக்கு முன்னதாக பன்றி காய்ச்சல் பாதிப்புக் காரணமாக கோவையில் உள்ள தனியார் மருத்துவமனையில் அனுமதிக்கப்பட்டார். இந்நிலையில், அவர் செவ்வாய்க்கிழமை உயிரிழந்தார். மேட்டுப்பாளையம் அருகே உள்ள சாமநாயக்கன்பாளையத்தைச் சேர்ந்தவர் போத்திராஜ் (57). டெங்கு காய்ச்சல் காரணமாக கோவை அரசு மருத்துவமனையில் அனுமதிக்கப்பட்டார். இவர் புதன்கிழமை உயிரிழந்தார். சேலம் மாவட்டத்தைச் சேர்ந்தவர் ராஜ்குமார் (39). இவர் டெங்கு காய்ச்சல் காரணமாக கோவை அரசு மருத்துவமனையில் அனுமதிக்கப்பட்டிருந்தார். இந்நிலையில், அவர் செவ்வாய்க்கிழமை உயிரிழந்தார். கோவை அரசு மருத்துவமனையில் கடந்த 14 நாள்களில் டெங்கு, வைரஸ், பன்றிக் காய்ச்சல் காரணமாக 34 பேர் உயிரிழந்துள்ளனர் என்பது குறிப்பிடத்தக்கது.

 

]]>
http://www.dinamani.com/all-editions/edition-coimbatore/coimbatore/2018/nov/08/கோவை-அரசு-மருத்துவமனையில்-டெங்கு-பன்றிக்-காய்ச்சலுக்கு-5-பேர்-சாவு-3034635.html
3034604 கோயம்புத்தூர் கோயம்புத்தூர் பெரியார் நகர், சங்கனூர் குடிசைப் பகுதி மக்களை காலி செய்யும் நடவடிக்கையை கைவிட வலியுறுத்தல் DIN DIN Thursday, November 8, 2018 03:02 AM +0530
பெரியார் நகர் மற்றும் சங்கனூர் பகுதியில் கடந்த பல ஆண்டுகளாக குடியிருந்து வரும் மக்களை காலி செய்யும் நடவடிக்கையை கைவிட வலியுறுத்தி இந்திய கம்யூனிஸ்ட் கட்சி சார்பில் மாவட்ட நிர்வாகத்திடம் மனு அளிக்கப்பட்டுள்ளது.
இது குறித்துஅக்கட்சியின் மாநிலப் பொருளாளர் எம்.ஆறுமுகம் தலைமையில் அளித்த மனு விவரம்:
கோவை மாநகராட்சிக்கு உள்பட்ட வ.உ.சி. வீதி, பெரியார் நகர், சங்கனூர் பகுதியையொட்டி உள்ள பல இடங்களில் ஏழை மக்கள் குடிசை அமைத்து பல ஆண்டுகளாக வசித்து வருகின்றனர்.
இப்பகுதிகளில் குடியிருந்து வரும் மக்களுக்குப் பட்டா வழங்க கோரி பல முறை மனு அளித்தும் நடவடிக்கை எடுக்கப்படவில்லை. இவர்கள்,
அரசுக்கு செலுத்த வேண்டிய சொத்து வரி, குடிநீர்க்கட்டணம், இணைப்பு வரி, மின் கட்டணம் ஆகியவற்றை முறையாகச் செலுத்தி வருகின்றனர். அவர்களுக்கு குடும்ப அட்டை, ஆதார் அட்டை, வாக்காளர் அட்டை போன்றவையும் வழங்கப்பட்டுள்ளது.
இந்நிலையில், குடிசை மாற்றும் வாரியம் பெரியார் நகர் பகுதியில் உள்ள ஆக்கிரமிப்புதாரர்களை காலி செய்யுமாறு அறிவிப்பு வெளியிட்டுள்ளது.
சங்கனூர் ஓடை சிங்காநல்லூர் குளம் வரையில் செல்லும் பாதைகளில் உள்ள மருத்துவமனைகள், அடுக்குமாடிக் குடியிருப்புகள் என பல்வேறு கட்டடங்கள் அமைந்துள்ளன. இந்த இடங்களை முறையாக அளவீடு செய்தால் பல கட்டடங்களை அகற்ற நேரிடும். அவ்வாறு உள்ள கட்டடங்களை அகற்றாமல் ஏழை மக்களை மட்டுமே வெளியேற்றுவது முறையற்ற செயல் ஆகும்.
ஜவாஹர்லால் நேரு தேசிய புனரமைப்புத் திட்டத்தின் கீழ் நகர்புற ஏழைகளுக்கு அடிப்படை வசதி செய்து தரும் நோக்கில் மாநகராட்சியால் ரூ.1.60 லட்சம் மானியம் வழங்கப்பட்டுள்ளது. தனிநபர் கழிவறை திட்டத்தின் கீழ் ரூ.12 ஆயிரத்தில் கழிவறை கட்டி கொடுக்கப்பட்டுள்ளது.
இப்பகுதியில் வசிக்கும் 49 பேருக்கு ஏற்கெனவே 1988 ஆம் ஆண்டு பட்டா வழங்கப்பட்டுள்ளது.
எனவே 50 ஆண்டுகளாக இதே பகுதியில் வசித்தும் வரும் மக்களை காலி செய்யும் நடவடிக்கை கைவிட வேண்டும் என மனுவில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/08/பெரியார்-நகர்-சங்கனூர்-குடிசைப்-பகுதி-மக்களை-காலி-செய்யும்-நடவடிக்கையை-கைவிட-வலியுறுத்தல்-3034604.html
3034603 கோயம்புத்தூர் கோயம்புத்தூர் ஆதரவற்றோர் இல்லத்தில் தீபாவளிக் கொண்டாட்டம் DIN DIN Thursday, November 8, 2018 03:01 AM +0530
சூலூர் அருகே பள்ளபாளையத்தில் உள்ள ஆதரவற்றோர் இல்லத்தில் உள்ள குழந்தைகளுடன் தொண்டு நிறுவனத்தினர் செவ்வாய்க்கிழமை தீபாவளிப் பண்டிகையைக் கொண்டாடினர்.
சூலூர் அருகே உள்ள சிவராம்ஜி தொண்டு நிறுவனத்தினர் கடந்த 6 வருடங்களாக பள்ளபாளையம் ஸ்ரீராமகிருஷ்ண ஆஸ்ரமத்தில் ஆதரவற்றோர் இல்லத்தில் குழந்தைகளுடன் தீபாவளி கொண்டாட்டங்களில் ஈடுபட்டு வருகின்றனர். செவ்வாய்க்கிழமை தீபாவளிப் பண்டிகையை முன்னிட்டு சிவராம்ஜி தொண்டு நிறுவனத்தைச் சேர்ந்த 50க்கும் மேற்பட்ட குடும்பங்களில் உள்ள 160 பேர் ஆதரவற்றோர் இல்லத்துக்குச் சென்றனர். அங்கு, 60க்கும் மேற்பட்ட ஆதரவற்ற குழந்தைகளுடன் சேர்ந்து பட்டாசு வெடித்துப் பண்டிகையைக் கொண்டாடினர்.
குழந்தைகளுக்கு பல்வேறு போட்டிகள் நடத்தப்பட்டு பரிசுகள் வழங்கப்பட்டன. ஆதரவற்ற குழந்தைகளின் மகிழ்ச்சிக்காக ஆண்டுதோறும் இங்கு தீபாவளிப் பண்டிகையைக் கொண்டாடி வருவதாக தொண்டு நிறுவனத்தைச் சேர்ந்த முருகேசன் தெரிவித்தார்.

 

]]>
http://www.dinamani.com/all-editions/edition-coimbatore/coimbatore/2018/nov/08/ஆதரவற்றோர்-இல்லத்தில்-தீபாவளிக்-கொண்டாட்டம்-3034603.html
3034602 கோயம்புத்தூர் கோயம்புத்தூர் முதியோருக்கு இலவசமாக வேட்டி, சேலை DIN DIN Thursday, November 8, 2018 03:01 AM +0530
மக்கள் நீதி மய்யத்தின் நிறுவனரான நடிகர் கமல்ஹாசன் 64 ஆவது பிறந்தநாளை முன்னிட்டு பெரியநாயக்கன்பாளையத்தில் புதன்கிழமை நடைபெற்ற விழாவில் முதியோர்களுக்கு இலவசமாக வேட்டி, சேலைகள் வழங்கப்பட்டன.
பெரியநாயக்கன்பாளையம் பேருந்து நிலையத்தில் நடைபெற்ற இந்த விழாவுக்கு மக்கள் நீதி மய்யப் பொறுப்பாளர் ஈஸ்வரமூர்த்தி தலைமை வகித்தார். நிர்வாகிகள் ஜெயப்பிரகாஷ், குழந்தைவேல், கணேஷ் ஆகியோர் முன்னிலை வகித்தனர். ஆலோசகர் மோகன் சிறப்பு விருந்தினராகப் பங்கேற்று முதியோர்களுக்கு வேட்டி, துண்டு, சேலைகளை வழங்கினார். பொதுமக்களுக்கு இனிப்பு வழங்கப்பட்டது.
கவுண்டம்பாளையத்திலுள்ள வாராஹி மணிகண்ட சுவாமிகள் ஆசிரமத்தில் உள்ள 150 ஆதரவற்ற குழந்தைகளுக்கு அன்னதானம் வழங்கப்பட்டது. மக்கள் நீதி மய்யத்தின் கோவை வடக்கு மாவட்ட பொறுப்பாளர் தம்புராஜ் தலைமை வகித்தார்.
துடியலூர் மனோகரன், சசிகுமார், மேட்டுப்பாளையம ரசூல்கான், தட்சிணாமூர்த்தி உள்பட பலர் கலந்து கொண்டனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/முதியோருக்கு-இலவசமாக-வேட்டி-சேலை-3034602.html
3034601 கோயம்புத்தூர் கோயம்புத்தூர் தீபாவளி: கோவை மாவட்டத்தில் ரூ.12.88 கோடிக்கு மது விற்பனை DIN DIN Thursday, November 8, 2018 03:01 AM +0530
தீபாவளியையொட்டி கோவை மாவட்டத்தில் உள்ள டாஸ்மாக் கடைகள் மூலமாக ஒரே நாளில் ரூ.12.88 கோடி அளவுக்கு மது விற்பனை நடைபெற்று உள்ளது.
கோவை வடக்கு, கோவை தெற்கு மண்டலத்திற்கு உள்பட்ட 300க்கும் மேற்பட்ட டாஸ்மாக் கடைகளில் தீபாவளியையொட்டி வழக்கத்தைவிடவும் கூடுதலாக மது விற்பனை நடைபெற்றது. கோவை தெற்கு மண்டலத்திற்கு உள்பட்ட டாஸ்மாக் கடைகளில் தீபாவளி நாளான செவ்வாய்க்கிழமை ரூ. 6 கோடியே 3 லட்சத்து 26 ஆயிரத்துக்கு மது விற்பனை நடைபெற்றது. கோவை வடக்கு மண்டலத்திற்கு உள்பட்ட டாஸ்மாக் கடைகளில் ரூ.6 கோடியே 85 லட்சத்து 72 ஆயிரத்துக்கு மது விற்பனை செய்யப்பட்டுள்ளது. மொத்தமாக ரூ.12 கோடியே 88 லட்சத்து 99 ஆயிரத்துக்கு மது விற்பனை செய்யப்பட்டுள்ளது.
தீபாவளிக்கு முந்தைய நாளான திங்கள்கிழமைதான் அதிகமாக மது விற்பனை நடைபெற்றுள்ளது. கோவை வடக்கு மண்டலத்திற்கு உள்பட்ட கடைகளில் ரூ. 7 கோடியே 34 லட்சத்து 75 ஆயிரத்துக்கும், கோவை தெற்கு மண்டலத்திற்கு
உள்பட்ட கடைகளில் ரூ.6 கோடியே 14 லட்சத்து 45 ஆயிரத்து க்கும் மது விற்பனை நடைபெற்றுள்ளது. மொத்தமாக ரூ.13 கோடியே 49 லட்சத்து 20 ஆயிரத்துக்கு மது விற்பனை நடைபெற்றுள்ளதாகத் தெரியவந்துள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/08/தீபாவளி-கோவை-மாவட்டத்தில்-ரூ1288-கோடிக்கு-மது-விற்பனை-3034601.html
3034600 கோயம்புத்தூர் கோயம்புத்தூர் வாகன சக்கரத்தில் சேலை சிக்கி பெண் சாவு DIN DIN Thursday, November 8, 2018 03:00 AM +0530
சூலூர் அருகே கணவருடன் இருசக்கர வாகனத்தில் சென்றுகொண்டிருந்த பெண்ணின் சேலை சக்கரத்தில் சிக்கியதில் அவர் கீழே விழுந்து புதன்கிழமை உயிரிழந்தார்.
கோவை, சிங்காநல்லூர் அருகே நீலிகோணாம்பாளையத்தில் வசிப்பவர் செல்வராஜ். இவரது மனைவி சகுந்தலா (42). சூலூர் அருகே குரும்பபாளையத்தில் உள்ள வீரமாச்சியம்மன் கோயிலுக்கு செல்வராஜ், சகுந்தலா, இவர்களது மகன் விக்னேஷ் ஆகிய மூவரும் சென்றுவிட்டு இரு சக்கர வாகனத்தில் புதன்கிழமை வீடு திரும்பிக்கொண்டிருந்தனர்.
வழியில், முத்துக்கவுண்டன்புதூர்-குரும்பபாளையத்துக்கு இடையே அரசு மின்பகிர்மான நிறுவனம் அருகே சென்றபோது இருசக்கர வாகனத்தின் பின் சக்கரத்தில் சகுந்தலாவின் சேலை சிக்கியுள்ளது. இதனால், அவர் கீழே விழுந்துள்ளார். தலையில் பலத்த காயமடைந்த நிலையில் அவர் நீலாம்பூரில் உள்ள தனியார் மருத்துவமனையில் அனுமதிக்கப்பட்டார். அங்கு அவர் உயிரிழந்தார்.
இது குறித்து சூலூர் போலீஸார் வழக்குப் பதிவு செய்து விசாரித்துவருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/வாகன-சக்கரத்தில்-சேலை-சிக்கி-பெண்-சாவு-3034600.html
3034599 கோயம்புத்தூர் கோயம்புத்தூர் வீட்டின் பூட்டை உடைத்து 8 பவுன் திருட்டு DIN DIN Thursday, November 8, 2018 03:00 AM +0530
பொள்ளாச்சி அருகே வீட்டின் பூட்டை உடைத்து 8 பவுன் நகையை மர்ம நபர்கள் திருடிச் சென்றனர்.
பொள்ளாச்சியை அடுத்த புளியம்பட்டியைச் சேர்ந்தவர் முருகேசன், வாழைக்காய் வியாபாரி. இவர், தீபாவளி பண்டிகைக்காக வெளியூர் சென்றுவிட்டு புதன்கிழமை வீடு திரும்பினார். அப்போது, வீட்டின் முன்புறக் கதவு பூட்டு உடைக்கப்பட்டு, பீரோவில் இருந்த 8 பவுன் நகையும், ரூ. 20 ஆயிரம் ரொக்கம் திருடுபோனது தெரியவந்தது.
அதே பகுதியில் புளியம்பட்டி ஊராட்சி அலுவலகத்தில் பணியாற்றும் ஊராட்சி செயலாளர் சரவணன், எலக்ட்ரீஷியன் பாலசுப்ரமணியம் ஆகியோரின் வீட்டுகளிலும் திருட்டு முயற்சி நடைபெற்றதாகத் தெரியவந்துள்ளது.
இது குறித்து பொள்ளாச்சி மகாலிங்கபுரம் போலீஸார் வழக்குப் பதிவு செய்து விசாரிக்கின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/வீட்டின்-பூட்டை-உடைத்து-8-பவுன்-திருட்டு-3034599.html
3034598 கோயம்புத்தூர் கோயம்புத்தூர் சித்தநாயக்கன்பாளையத்தில் லாரி மோதி மின் வாரிய ஊழியர் சாவு DIN DIN Thursday, November 8, 2018 03:00 AM +0530
சூலூர் அருகே சித்தநாயக்கன்பாளையம் லாரி மோதி மின் வாரிய ஊழியர் புதன்கிழமை உயிரிழந்தார்.
சூலூர் அருகே பாப்பம்பட்டியைச் சேர்ந்தவர் வேலன் மகன் ஆனந்தன் (47). இவருக்கு மனைவியும், மூன்று பெண் குழந்தைகளும் உள்ளனர். இவரது சொந்த ஊர் பல்லடம் அருகே உள்ள அய்யம்பாளையம் ஆகும். இவர்சித்தநாயக்கன்பாளையத்தில் மின் வாரிய உதவியாளராகப் பணியாற்றி வந்தார்.
இந்நிலையில், இவர் சித்தநாயக்கன்பாளையத்தில் சாலையோரமாக தனது இருசக்கர வாகனத்தில் அமர்ந்தவாறு செல்லிடப்பேசியில் புதன்கிழமை பேசிக் கொண்டிருந்தார். அப்போது, அவருக்கு எதிரே செட்டிபாளையத்திலிருந்து பல்லடம் நோக்கி வந்து கொண்டிருந்த லாரி நிலை தடுமாறி ஆனந்தன் மீது மோதியது. பின்னர் அங்குள்ள சிவக்குமார் என்பவரது வீட்டின் சுற்றுச் சுவரில் மோதி நின்றது. இவ்விபத்தில் ஆனந்தன் சம்பவ இடத்திலேயே பலி யானார். இது குறித்து சுல்தான்பேட்டை காவல் துறையினர் வழக்குப் பதிவு செய்து விசாரிக்கின்றனர்.

]]>
http://www.dinamani.com/all-editions/edition-coimbatore/coimbatore/2018/nov/08/சித்தநாயக்கன்பாளையத்தில்-லாரி-மோதி-மின்-வாரிய-ஊழியர்-சாவு-3034598.html
3034597 கோயம்புத்தூர் கோயம்புத்தூர் தனியார் நிறுவன ஊழியர் அடித்துக் கொலை: 7 பேர் கைது DIN DIN Thursday, November 8, 2018 02:59 AM +0530
பொள்ளாச்சியில் தனியார் நிறுவன ஊழியரை அடித்துக் கொலை செய்ததாக 7 பேர் கைது செய்யப்பட்டனர்.
பொள்ளாச்சி, வடுகபாளையத்தைச் சேர்ந்தவர் ஆனந்த் (42). இவர், கோவை, ஒண்டிப்புதூரில் உள்ள மெத்தை தயாரிக்கும் தனியார் நிறுவனத்தில் மேற்பார்வையாளராகப் பணியாற்றி வந்தார்.
இந்நிலையில், திங்கள்கிழமை மதியம் 12.30 மணி அளவில் ஆனந்த் பொள்ளாச்சி நகராட்சி அலுவலக வீதியில் உள்ள டாஸ்மாக் மதுக்கூடத்தில் மது அருந்திக்கொண்டிருந்தார். அப்போது இவருக்கும், அங்கு மது அருந்திக்கொண்டிருந்த பொள்ளாச்சி அழகப்பா லே-அவுட்டை சேர்ந்த அம்பான் (எ) சிவமூர்த்தி (39) என்பவருக்கும் இடையே தகராறு ஏற்பட்டுள்ளது. இவர்கள் இருவருக்கும் இடையே கைகலப்பு ஏற்பட்டதை அடுத்து சிவமூர்த்தியும், அவரது நண்பர்கள் 6 பேரும் சேர்ந்து ஆனந்தை தாக்கியுள்ளனர். மதுக் கூடத்தை விட்டு வெளியே ஓடிசென்ற ஆனந்தை அவர்கள் மீண்டும் துரத்திச் சென்று தாக்கியுள்ளனர். இதில், பலத்த காயமடைந்த ஆனந்த் மருத்துவமனை கொண்டு செல்லும் வழியில் உயிரிழந்தார்.
இது குறித்து பொள்ளாச்சி மேற்கு போலீஸார் வழக்குப் பதிவு செய்து ஆனந்தை தாக்கி கொலை செய்ததாக அம்பான்(எ) சிவமூர்த்தி (39), சதீஷ்குமார் (33), பொள்ளாச்சி குமரன் நகர் வின்சென்ட் (26), நேதாஜி சாலையைச் சேர்ந்த கார்த்திகேயன் (18), பழனியப்பா லே-அவுட்டை சேர்ந்த காளிதாஸ் ( 25), குமரன் நகரைச் சேர்ந்த ஜெயகுமார் (19), குட்டப்பன் (எ) விவின்தாஸ் (30) ஆகிய 7 பேரை காவல் ஆய்வாளர் ஜெயகுமார், உதவி ஆய்வாளர் சின்னக்காமனன் ஆகியோர் தலைமையிலான போலீஸார் கைது செய்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/தனியார்-நிறுவன-ஊழியர்-அடித்துக்-கொலை-7-பேர்-கைது-3034597.html
3034595 கோயம்புத்தூர் கோயம்புத்தூர் தீபாவளிப் பண்டிகை: கோயில்களில் சிறப்பு வழிபாடு DIN DIN Thursday, November 8, 2018 02:59 AM +0530
தீபாவளிப் பண்டிகையையொட்டி பெரியநாயக்கன்பாளையத்தில் உள்ள பல்வேறு கோயில்களில் செவ்வாய்க்கிழமை சிறப்பு வழிபாடுகள் நடைபெற்றன.
பழையபுதூர் ஆதிமூர்த்தி பெருமாள் கோயில், பெரியநாயக்கன்பாளையம் கரிவரதராஜ பெருமாள் கோயில் ஆகியவற்றில் அதிகாலை நடைதிறக்கப்பட்டு பெருமாளுக்கு சிறப்பு திருமஞ்சனம் நடைபெற்றது. பஜனை கோஷ்டியினருடன் பெருமாள் சிறப்பு அலங்காரத்தில் நகரின் முக்கிய வீதிகளில் திருவீதி உலா வந்து பக்தர்களுக்கு சேவை சாதித்தார்.
பெரியநாயக்கன்பாளைம் விவேகானந்தபுரத்தில் உள்ள அருள்மிகு பட்டாளம்மன் திருக்கோயிலில் நடைபெற்ற வழிபாட்டில் பஜனைக் குழுவினர் சிறப்பு பஜனையில் ஈடுபட்டனர். வீரபாண்டி மாரியம்மன் கோயில், பாலமலை சாலையில் உள்ள வீரமாஸ்தியம்மன் கோயில், காமராஜர் நகர் ராஜேஸ்வரி அம்மன் கோயில், பாலாஜி நகர் வஞ்சியம்மன் கோயில் உள்ளிட்ட பல்வேறு கோயில்களில் நடைபெற்ற வழிபாட்டில் பெண்கள் திரளாகக் கலந்து கொண்டு தரிசனம் செய்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/தீபாவளிப்-பண்டிகை-கோயில்களில்-சிறப்பு-வழிபாடு-3034595.html
3034594 கோயம்புத்தூர் கோயம்புத்தூர் தீபாவளி: கோவையில் காற்று மாசு அதிகரிப்பு, ஒலி மாசு குறைவு DIN DIN Thursday, November 8, 2018 02:59 AM +0530
தீபாவளியையொட்டி மாசுக் கட்டுப்பாட்டு வாரியம் சார்பில் நடத்தப்பட்ட ஆய்வில் அன்றைய தினத்தில் காற்று மாசு அதிகரித்தும், ஒலி மாசு குறைந்தும் காணப்பட்டுள்ளது.
உச்ச நீதிமன்ற உத்தரவைத் தொடர்ந்து தீபாவளியன்று காலை 6 மணி முதல் 7 மணி வரையிலும், மாலையில் 7 மணி முதல் 8 மணி வரையில் மட்டுமே பட்டாசு வெடிக்க அனுமதி அளிக்கப்பட்டு இருந்தது. பொதுவாக தமிழ்நாடு மாசுக் கட்டுப்பாட்டு வாரியம் சார்பில் தீபாவளிக்கு முந்தைய நாளிலும், தீபாவளியன்றும் என இரு நாள்கள் மட்டுமே காற்று மாசு, ஒலி மாசு குறித்து ஆய்வு நடத்தப்படுவது வழக்கம். இந்த ஆண்டு உச்ச நீதிமன்ற உத்தரவைத் தொடர்ந்து பட்டாசு வெடிப்பதால் ஏற்படும் சுற்றுச்சூழல் பாதிப்பு குறித்து கண்டறிய மாசுக் கட்டுப்பாட்டு வாரியம் சார்பில் அக்டோபர் 31 ஆம் தேதி முதல் தொடர்ந்து 14 நாள்கள் ஆய்வு நடத்த முடிவு செய்யப்பட்டது. அதனடிப்படையில் கோவை ஆட்சியர் அலுவலகத்திலும், கவுண்டம்பாளையம் பகுதியிலும் மாசுக்கட்டுப்பாட்டு வாரியம் சார்பில் கருவி பொருத்தப்பட்ட ஆய்வு நடத்தப்பட்டது.
இந்த ஆய்வின்படி தீபாவளி நாளில் கடந்த ஆண்டை விட காற்று மாசு அதிகரித்தும், ஒலி மாசு குறைந்து காணப்பட்டுள்ளது. ஆட்சியர் அலுவலகத்தில் நடத்தப்பட்ட ஆய்வில் காற்றில் ஒரு க்யூபிக் மீட்டரில் 204 மைக்ரோ கிராம் துகள் காணப்பட்டுள்ளது. கடந்த ஆண்டுடன் ஒப்பிடும்போது 32 மைக்ரோ கிராம் அதிகம் ஆகும். கவுண்டம்பாளையம் பகுதியில் காற்றில் ஒரு க்யூபிக் மீட்டரில் 266 மைக்ரோ கிராம் துகள் காணப்பட்டுள்ளது. கடந்த ஆண்டுடன் ஒப்பிடும்போது 201 மைக்ரோ கிராம் அதிகரித்துள்ளது.
சல்பர்டையாக்ஸ்சைடு அளவு குறைந்த காணப்பட்டுள்ளது. கவுண்டம்பாளையம் பகுதியில் ஒரு க்யூபிக் மீட்டரில் 9.9 மைக்ரோ கிராம் என பதிவாகி உள்ளது. இது கடந்த ஆண்டை விட 1.6 மைக்ரோ கிராம் குறைவு ஆகும். ஆட்சியர் அலுவலகத்தில் ஒரு க்யூபிக் மீட்டரில் 10.80 மைக்ரோ கிராம் என பதிவாகி உள்ளது. இது கடந்த ஆண்டை விட 1.7 மைக்ரோ கிராம் குறைவு ஆகும்.
நைட்ரஸ் டையாக்ஸ்சைடு அளவும் குறைந்துள்ளது. கடந்த ஆண்டு ஒரு க்யூபிக் மீட்டரில் 25.2 மைக்ரோ கிராமாக இருந்து நைட்ரஸ் டையாக்ஸ்சைடு அளவு இந்த ஆண்டு 19.5 மைக்ரோ கிராமாக பதிவாகி உள்ளது. ஆட்சியர் அலுவலகத்தில் 22.9 மைக்ரோ கிராம் ஆக பதிவாகி உள்ளது. இது கடந்த ஆண்டை விட 13.2 மைக்ரோ கிராமாக குறைந்துள்ளது.
ஒலி மாசு என்பது கவுண்டம்பாளையம் பகுதியில் கடந்த ஆண்டு 71.9 டெசிபெல்லாக இருந்தது. இந்த ஆண்டு 71.2 ஆக பதிவாகி உள்ளது. ஆட்சியர் அலுவலகத்தில் 66.6 டெசிபெல்லாக பதிவாகி உள்ளது.

 

]]>
http://www.dinamani.com/all-editions/edition-coimbatore/coimbatore/2018/nov/08/தீபாவளி-கோவையில்-காற்று-மாசு-அதிகரிப்பு-ஒலி-மாசு-குறைவு-3034594.html
3034592 கோயம்புத்தூர் கோயம்புத்தூர் ஐசிஎஸ்ஐ சார்பில் கார்ப்பரேட் க்விஸ்-2018 போட்டி DIN DIN Thursday, November 8, 2018 02:57 AM +0530
இந்திய கம்பெனி செயலாளர்கள் அமைப்பு (ஐசிஎஸ்ஐ) கோவைக் கிளை, தி நியூ இந்தியன் எக்ஸ்பிரஸ், தினமணி நாளிதழ் சார்பில் நவம்பர் 10 ஆம் தேதி கார்ப்பரேட் க்விஸ்- 2018 போட்டி நடைபெற உள்ளது.
கோவை பீளமேட்டில் உள்ள இந்துஸ்தான் கலை, அறிவியல் கல்லூரி வளாகத்தில் விநாடி-வினா போட்டி நடைபெற உள்ளது. மாணவர்களின் மேலாண்மை நிர்வாகம், தொழில் திறன்களை ஊக்குவிக்கும் வகையில் வணிக நிறுவனங்களில் பயன்படுத்தப்படும் சுருக்கச் சொல், பிரபலமான பெயர் பெற்ற நிறுவனங்களின் குறியீட்டில் இருந்து சரியாக அடையாளம் காட்டுதல், தொழிலதிபர்கள் மற்றும் இந்தியா, வெளிநாடுகளில் உள்ள பெரிய வணிக நிறுவனங்கள் குறித்த கேள்விகள் இடம் பெற உள்ளன.
இந்தப் போட்டியில் ஒரு குழுவில் தலா இருவர் கலந்து கொள்ளலாம். இப்போட்டியில் பங்கேற்க நவம்பர் 9 ஆம் தேதி (வெள்ளிக்கிழமை) பகல் 12 மணிக்குள் விண்ணப்பிக்க வேண்டும். மேலும் விவரங்களுக்கு உதவி இயக்குநர், இந்திய கம்பெனி செயலாளர்கள் நிறுவனம், கோவை கிளை, கே.எஸ்.ஜ. வளாகம், சாஸ்திரி சாலை, ராம்நகர். மேலும் விவரங்களுக்கு 0422-2237006, 9486477497 ஆகிய எண்ணகளில் தொடர்பு கொள்ளலாம்.

 

]]>
http://www.dinamani.com/all-editions/edition-coimbatore/coimbatore/2018/nov/08/ஐசிஎஸ்ஐ-சார்பில்-கார்ப்பரேட்-க்விஸ்-2018-போட்டி-3034592.html
3034591 கோயம்புத்தூர் கோயம்புத்தூர் பேருந்து மோதி இளைஞர் சாவு : கேரள அரசுப் பேருந்துகள் மீது தாக்குதல் DIN DIN Thursday, November 8, 2018 02:57 AM +0530
கோவை, செல்வபுரம் அருகே கேரள அரசுப் பேருந்து மோதியதில் இரு சக்கர வாகனத்தில் சென்ற இளைஞர் செவ்வாய்க்கிழமை உயிரிழந்தார். இதனால் ஆத்திரமடைந்த பொதுமக்கள் 2 கேரள அரசுப் பேருந்துகள் மீது தாக்குதல் நடத்தியுள்ளனர்.
கோவை, செல்வபுரம் சுண்டக்காமுத்தூர் சாலை சேத்துமாவாய்க்கால் பகுதியைச் சேர்ந்தவர் ஆறுமுகம். இவரது மகன் மருதுபாண்டி (39), கட்டடத் தொழிலாளி. இவர் செவ்வாய்க்கிழமை உக்கடத்தில் இருந்து செல்வபுரம் செல்லும் புறவழிச் சாலையில் இரு சக்கர வாகனத்தில் சென்று கொண்டிருந்தார். வழியில் செல்வபுரம் ரவுண்டான அருகே எதிர்பாரத விதமாக இரு சக்கர வாகனத்தில் இருந்து தவறி விழுந்துள்ளார். அப்போது, எதிரே கேரளத்தில் இருந்து உக்கடம் நோக்கி வந்து கொண்டிருந்த கேரள அரசுப் பேருந்து மருதுபாண்டியின் மீது மோதியுள்ளது. இந்த விபத்தில் மருதுபாண்டி சம்பவ இடத்திலேயே உயிரிழந்தார்.
இதனால் ஆத்திரமடைந்த அப்பகுதி பொதுமக்கள் பேருந்து ஓட்டுநரான பாலக்காட்டைச் சேர்ந்த ராதாகிருஷ்ணனை (51) தாக்கியுள்ளனர். விபத்தை ஏற்படுத்திய பேருந்தின் கண்ணாடிகளை உடைத்ததுடன், அந்த வழியாக வந்த மற்றொரு கேரள அரசுப் பேருந்து மீதும் தாக்குதல் நடத்தியுள்ளனர்.
இது குறித்து கோவை மாநகரப் போக்குவரத்து புலனாய்வு மேற்குப் பிரிவு காவல் துறையினர் வழக்குப் பதிவு செய்து பேருந்து ஓட்டுநரான ராதாகிருஷ்ணனிடம் விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/பேருந்து-மோதி-இளைஞர்-சாவு--கேரள-அரசுப்-பேருந்துகள்-மீது-தாக்குதல்-3034591.html
3034589 கோயம்புத்தூர் கோயம்புத்தூர் சூலூரில் சாலை விபத்தில் இளைஞர் சாவு DIN DIN Thursday, November 8, 2018 02:56 AM +0530
சூலூர் அருகே இருசக்கர வாகனத்தில் வந்த மூவர் காரில் மோதி கீழே விழுந்தனர். அவர்களில் இருவர் மீது பேருந்து ஏறியதில் சக்கரத்தில் சிக்கி இளைஞர் உயிரிழந்தார். மற்றோர் இளைஞர் படுகாயமடைந்தார்.
கோவை மாவட்டம், சூலூர் அருகே உள்ள காங்கேயம்பாளையத்தைச் சேர்ந்த ஊராட்சி மன்ற முன்னாள் உறுப்பினர் குமார் மகன் கெளதம் (20). இவர் டிப்ளமோ படித்துவிட்டு காங்கேயம்பாளையத்தில் தனியார் நிறுவனத்தில் பணியாற்றிவந்தார். இவரது நண்பர் விஜய் (20). இவர் காரணம்பேட்டையில் உள்ள தனியார் பால் பொருள் நிறுவனத்தில் பணிபுரிகிறார். மற்றொரு நண்பர் தீபக் (21).
காங்கேயம்பாளையத்திலிருந்து மூவரும் இருசக்கர வாகனத்தில் புதன்கிழமை மாலை சூலூர் நோக்கி வந்துள்ளனர். இருசக்கர வாகனத்தை விஜய் இயக்கினார்.
சூலூர் அருகே உள்ள பிரபல தனியார் மருத்துவமனை அருகே வந்தபோது, எதிரே கோவையிலிருந்து பல்லடம் வந்து கொண்டிருந்த கார் மீது மோதினர். அதில் கீழே விழுந்த இருவர் மீது கோவையிலிருந்து திருப்பூர் சென்ற அரசுப் பேருந்தின் முன்சக்கரம் ஏறியது. பேருந்தின் ஓட்டுநர் பிரேக்கை பிடித்தும் பேருந்து நிற்காமல் இருவரையும் சாலையில் சிறிது தூரம் இழுத்துச் சென்றது. இதில் கெளதம் சம்பவ இடத்திலேயே உயிரிழந்தார். பேருந்தின் மற்றொரு முன் சக்கரத்தில் விஜயின் கால் சிக்கிக் கொண்டது. அங்கிருந்தவர்கள் அவரை மீட்டு அருகில் உள்ள தனியார் மருத்துவமனையில் சேர்த்தனர். வாகனத்திலிருந்து கீழே விழுந்த தீபக் லேசான காயமடைந்தார்.
இந்த விபத்தால் சுமார் ஒரு மணி நேரத்துக்கும் மேலாக அப்பகுதியில் போக்குவரத்து நெரிசல் ஏற்பட்டது.
தகவலறிந்த சூலூர் போலீஸார் அப்பகுதியில் வைத்திருந்த சாலைத் தடுப்பை அகற்றினர். மேலும், இது குறித்து வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/சூலூரில்-சாலை-விபத்தில்-இளைஞர்-சாவு-3034589.html
3034588 கோயம்புத்தூர் கோயம்புத்தூர் கோவையில் அனுமதி மறுக்கப்பட்ட நேரத்தில் பட்டாசு வெடித்த 184 பேர் மீது வழக்கு DIN DIN Thursday, November 8, 2018 02:56 AM +0530
கோவை மாநகர், புறநகர் பகுதிகளில் அனுமதி மறுக்கப்பட்ட நேரத்தில் பட்டாசுகள் வெடித்ததாக 184 பேர் மீது காவல் துறையினர் செவ்வாய்க்கிழமை வழக்குப் பதிவு செய்துள்ளனர்.
தமிழகத்தில் தீபாவளி தினத்தில் இரண்டு மணி நேரம் மட்டும் பட்டாசு வெடித்துக் கொள்ள உச்ச நீதிமன்றம் அனுமதி வழங்கியிருந்தது. இதன்படி, செவ்வாய்க்கிழமை காலை 6 முதல் 7 மணி வரையிலும், இரவு 7 முதல் 8 மணி வரையிலும் பட்டாசு வெடித்துக் கொள்ளலாம் என்று தமிழக அரசு அறிவுறுத்தியிருந்தது.
மேலும், மற்ற நேரங்களில் பட்டாசு வெடிக்கும் நபர்களைக் கண்காணித்து வழக்குப் பதிவு செய்ய வேண்டும் என்று காவல் துறையினருக்கு உத்தரவிடப்பட்டிருந்தது. இந்த உத்தரவைத் தொடர்ந்து கோவை மாநகரில் ஒவ்வொரு காவல் நிலையத்துக்கும் தலா 2 உதவி ஆய்வாளர்கள், 4 காவலர்கள் அடங்கிய 15 தனிப்படைகள் அமைக்கப்பட்டன. தனிப்படையினர் திங்கள்கிழமையில் இருந்தே கண்காணிப்புப் பணியில் ஈடுபட்டிருந்தனர்.
மாநகரில் 125 பேர் மீது
வழக்கு: இந்நிலையில், கோவை மாநகரில் அனுமதி மறுக்கப்பட்ட நேரத்தில் பட்டாசு வெடித்ததாக 125 பேர் மீது வழக்குப் பதிவு செய்யப்பட்டுள்ளது. இதில், மேற்கு உட்கோட்டத்தில் 32 பேர், மத்திய உட்கோட்டத்தில் 44 பேர், தெற்கு உட்கோட்டத்தில் 22 பேர் மற்றும் கிழக்கு உட்கோட்டத்தில் 27 பேர் என மொத்தமாக 125 பேர் மீது வழக்குப் பதிவு செய்யப்பட்டுள்ளது.
புறநகரில் 59 பேர் மீது வழக்கு: கோவை புறநகர் பகுதிகளில் 59 பேர் மீது வழக்குப் பதிவு செய்யப்பட்டுள்ளது. இதில், பெரியநாயக்கன்பாளையம் உட்கோட்டத்தில் 14 பேர், பேரூர் உட்கோட்டத்தில் 10 பேர், கருமத்தம்பட்டி உட்கோட்டத்தில் 8 பேர், பொள்ளாச்சி உட்கோட்டத்தில் 12 பேர், வால்பாறை உட்கோட்டத்தில் 15 பேர் என மொத்தமாக 59 பேர் மீது வழக்குப் பதிவு செய்யப்பட்டுள்ளது.
பொது இடத்தில் நெருப்பு வைத்து இடையூறு செய்தல், உச்ச நீதிமன்ற உத்தரவை மீறுதல் ஆகிய இரு பிரிவுகளின் கீழ் இவர்கள் மீது வழக்குப் பதிவு செய்யப்பட்டுள்ளது. இதன் மூலமாக 6 மாதங்கள் சிறைத் தண்டனை, அபராதம் விதிக்க வாய்ப்பு உள்ளதாகத் தெரிகிறது.

 

]]>
http://www.dinamani.com/all-editions/edition-coimbatore/coimbatore/2018/nov/08/கோவையில்-அனுமதி-மறுக்கப்பட்ட-நேரத்தில்-பட்டாசு-வெடித்த-184-பேர்-மீது-வழக்கு-3034588.html
3034587 கோயம்புத்தூர் கோயம்புத்தூர் கோவை மாநகர துணை ஆணையர் பொறுப்பேற்பு DIN DIN Thursday, November 8, 2018 02:56 AM +0530
கோவை மாநகர சட்டம்- ஒழுங்கு துணை ஆணையராக நியமிக்கப்பட்டுள்ள எல்.பாலாஜி சரவணன் புதன்கிழமை பொறுப்பேற்றுக் கொண்டார்.
கோவை மாநகரக் காவல் துறையில் சட்டம்-ஒழுங்கு துணை ஆணையராகப் பணியாற்றி வந்த எஸ்.லட்சுமி சென்னை லஞ்ச ஒழிப்புக் கண்காணிப்பாளராக நியமிக்கப்பட்டுள்ளார். இவருக்குப் பதிலாக ஈரோடு மதுவிலக்கு அமலாக்கப் பிரிவில் கூடுதல் காவல் கண்காணிப்பாளராகப் பணியாற்றி வந்த பாலாஜி சரவணன் (44) பதவி உயர்வு பெற்று கோவை மாநகர துணை ஆணையராக நியமிக்கப்பட்டுள்ளார்.
கோவை மாநகரக் காவல் ஆணையர் அலுவலகத்தில் பாலாஜி சரவணன் புதன்கிழமை பொறுப்பேற்றுக் கொண்டார்.
பின்னர் அவர் செய்தியாளர்களிடம் கூறியதாவது:
கஞ்சா பழக்கத்துக்கு இளைஞர்கள் அடிமையாகி வருகிறார்கள். வெளி மாநிலங்களில் இருந்து கோவைக்கு கஞ்சா கடத்தி வந்து விற்பனை செய்யப்படுகிறது. இந்த கடத்தலில் ஈடுபடும் நபர்களைப் பிடிக்க அமைக்கப்பட்ட தனிப்படை சிறப்பாக செயல்பட்டு வருகிறது. இதில் தொடர்புடைய வியாபாரிகள் பலர் கைது செய்யப்பட்டு அவர்களிடமிருந்து கஞ்சா பறிமுதல் செய்யப்பட்டு வருகிறது. கஞ்சா விற்பனையை முழுமையாகத் தடை செய்ய நடவடிக்கை எடுக்கப்படும். இந்தச் செயலில் தொடர்ந்து ஈடுபடும் நபர்களை குண்டர் தடுப்புச் சட்டத்தில் கைது செய்யவும் நடவடிக்கை எடுக்கப்படும் என்றார்.
இவர் ஏற்கெனவே கோவை மாநகரக் காவல் துறையில் 2008- 2011ஆம் ஆண்டு வரை உதவி ஆணையராகப் பணியாற்றியவர் என்பது குறிப்பிடத்தக்கது.

 

]]>
http://www.dinamani.com/all-editions/edition-coimbatore/coimbatore/2018/nov/08/கோவை-மாநகர-துணை-ஆணையர்-பொறுப்பேற்பு-3034587.html
3034586 கோயம்புத்தூர் கோயம்புத்தூர் வால்பாறையில் 2 நாள்களில் மது விற்பனை ரூ. 36 லட்சம் DIN DIN Thursday, November 8, 2018 02:56 AM +0530
தீபாவளிப் பண்டிகையையொட்டி, திங்கள், செவ்வாய்க்கிழமை ஆகிய இரு தினங்கள் வால்பாறையில் உள்ள டாஸ்மாக் கடைகளில் மொத்தம் ரூ. 36 லட்சத்துக்கு மது விற்பனையாகி உள்ளது.
வால்பாறையை அடுத்த ரொட்டிக்கடை எஸ்டேட்டில் இரண்டு டாஸ்மாக் கடைகளும், சோலையாறு அணைப் பகுதியில் ஒரு டாஸ்மாக் கடையும் உள்ளன. சோலையாறு அணைப் பகுதியில் செயல்படும் டாஸ்மாக் கடை கேரள மாநில எல்லையில் அமைந்திருப்பதால் அங்கு மது விற்பனை எப்போதும் அதிகமாக இருக்கும்.
தீபாவளிப் பண்டிகை தினமான செவ்வாய்க்கிழமை, அதற்கு முந்தைய தினமான திங்கள்கிழமை ஆகிய இரு தினங்களில்
3 டாஸ் மாக் கடைகளிலும் மொத்தம் ரூ. 36 லட்சத்துக்கு மது விற்பனை நடைபெற்றதாக டாஸ்மாக் அதிகாரிகள் தெரிவித்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/வால்பாறையில்-2-நாள்களில்-மது-விற்பனை-ரூ-36-லட்சம்-3034586.html
3034584 கோயம்புத்தூர் கோயம்புத்தூர் மனைவி கொலை :கணவன் கைது DIN DIN Thursday, November 8, 2018 02:55 AM +0530  

போதையில் மனைவியை கொலை செய்த கணவனை போலீஸார் புதன்கிழமை கைது செய்தனர். தேனி மாவட்டம், சாலிமரத்துப்பட்டியைச் சேர்ந்தவர் தினேஷ் (31). இவரது மனைவி பிரியா (22). இருவரும் கடந்த இரண்டு மாதங்களாக பொள்ளாச்சி அடுத்த கொங்கநாட்டான்புதூரில் உள்ள தனியார் கோழிப்பண்ணையில் தங்கி பணியாற்றி வந்துள்ளனர்.
இந்நிலையில், இருவருக்கும் இடையே அடிக்கடி தகராறு இருந்து வந்ததாகக் கூறப்படுகிறது. தினேஷ் குடித்துவிட்டு வந்து கடந்த இரண்டு நாட்களாக மனைவியின் நடத்தையில் சந்தேகமடைந்தது தகராறில் ஈடுபட்டதாகவும் கூறப்படுகிறது. தகராறு முற்றி புதன்கிழமை மதியம் பிரியாவை தாக்கியுள்ளார்.
இதில் தலையில் காயமடைந்த பிரியா உயிரிழந்தார். தகவல் அறிந்த வடக்கிபாளையம் போலீஸார் தினேஷை கைது செய்து விசாரணை நடத்திவருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/மனைவி-கொலை-கணவன்-கைது-3034584.html
3034583 கோயம்புத்தூர் கோயம்புத்தூர் சூலூர் அருகே பழமையான கோயிலில் பூட்டை உடைத்து சிலை, நகை திருட்டு DIN DIN Thursday, November 8, 2018 02:55 AM +0530
சூலூர் அருகே கண்ணம்பாளையத்தில் கோயில் பூட்டை உடைத்து ஐம்பொன் சிலை, தங்கம், வெள்ளி நகைகள், பணம் ஆகியவை திருடப்பட்டன.
கோவை மாவட்டம், சூலூரை அடுத்த கண்ணம்பாளையம் பேரூராட்சிக்கு உள்பட்ட பகுதியில் சுமார் 500 ஆண்டுகள் பழமையான கண்ணம்மை அம்மன் கோயில் உள்ளது. கண்ணம்பாளையம் என்று ஊர் பெயர் வர காரணமான இக்கோயிலில் திங்கள்கிழமை நள்ளிரவு புகுந்த சில மர்ம நபர்கள் கோயிலின் பூட்டை உடைத்து பீரோவில் இருந்த சிலை, நகைகள், பணம் ஆகியவற்றை திருடிச் சென்றனர்.
இது தொடர்பாக கோயில் நிர்வாகி செந்தில்குமார் கூறியதாவது: வழக்கம்போல திங்கள்கிழமை இரவு பூஜை முடிந்து இரவு 9 மணிக்கு கோயில் கதவு சாத்தப்பட்டது. அடுத்த நாளான செவ்வாய்க்கிழமை காலை வந்து பார்த்தபோது கோயில் கதவின் பூட்டு உடைக்கப்பட்டு, கதவு திறந்துகிடந்தது. உள்ளே சென்று பார்த்தபோது பீரோவில் இருந்து தங்க பொட்டுத் தாலிகள், தங்க நகை என சுமார் 6 பவுன் தங்கம், 7 கிலோ வெள்ளிக் கவசம், ஐம்பொன்னிலான ஒரு முருகன் சிலை, தட்டு காணிக்கை ரூ. 4,000 ஆகியவற்றை மர்ம நபர்கள் திருடிச் சென்றது தெரியவந்தது. திருடப்பட்ட முருகன் சிலை முக்கால் அடி உயரமும், 1.5 கிலோ எடையும் உள்ளது என்றார்.
இது குறித்து சூலூர், பல்லடம் வட்ட இந்து அறநிலையத் துறை ஆய்வாளர் சண்முகசுந்தரம் கூறுகையில், முருகன் சிலை ஐம்பொன்னால் ஆனது என்பதற்கு எவ்விதச் சான்றும் அறநிலையத் துறையிடம் இல்லை. சிலை பித்தளையால் செய்யப்பட்டது என்றார்.
இதுகுறித்து தகவல் அறிந்த சூலூர் காவல் ஆய்வாளர் தங்கராஜ், சிறப்பு தனிப் பிரிவு காவலர் செந்தில் மற்றும் போலீஸார், கோயிலில் ஆய்வு மேற்கொண்டனர். கைரேகை நிபுணர்கள் தடயங்களைச் சேகரித்தனர்.
இக்கோயிலின் அருகிலுள்ள மகாலட்சுமி அம்மன் கோயிலிலும், பாரதிபுரத்தில் உள்ள முத்துமாரியம்மன் கோயிலிலும் கடந்த 15 நாள்களுக்கு முன்னரும், நடுப்பாளையத்தில் மாகாளியம்மன் கோயிலில் ஒரு மாதத்துக்கு முன்னரும் திருட்டு நடந்தது குறிப்பிடத்தக்கது.

]]>
http://www.dinamani.com/all-editions/edition-coimbatore/coimbatore/2018/nov/08/சூலூர்-அருகே-பழமையான-கோயிலில்-பூட்டை-உடைத்து-சிலை-நகை-திருட்டு-3034583.html
3034581 கோயம்புத்தூர் கோயம்புத்தூர் தமிழகம் முழுவதிலும் 150 இரு சக்கர வாகனங்களைத் திருடியவர் கைது: 41 இரு சக்கர வாகனங்கள் பறிமுதல் DIN DIN Thursday, November 8, 2018 02:54 AM +0530
கோவை, சென்னை உள்பட பல்வேறு இடங்களில் 150 இரு சக்கர வாகனங்களைத் திருடியதாக திருநெல்வேலியைச் சேர்ந்த நபரை தனிப்படையினர் செவ்வாய்க்கிழமை கைது செய்தனர்.
கோவை மாநகரின் பல்வேறு பகுதிகளில் இரு சக்கர வாகனங்களை மர்ம நபர்கள் திருடிச் செல்வதாக காவல் ஆணையருக்குப் புகார் தெரிவிக்கப்பட்டது. இதையடுத்து, இரு சக்கர வாகனத் திருட்டில் ஈடுபடும் நபர்களைப் பிடிக்க தனிப்படை அமைத்து உத்தரவிட்டார்.
தனிப்படையினருக்குக் கிடைத்த ரகசியத் தகவலின்பேரில் கோவை, ரேஸ்கோர்ஸ் குற்றப்பிரிவு காவல் ஆய்வாளர் மோகன்ராஜ், வெரைட்டிஹால் சாலை குற்றப் பிரிவு ஆய்வாளர் ஆனந்த் ஆகியோர் தலைமையிலான போலீஸார் திருநெல்வேலியில் புதிய பேருந்து நிலையம் அருகே வாகனச் சோதனையில் ஈடுபட்டிருந்தனர். அப்போது,
சந்தேகத்தின்பேரில் இரு சக்கர வாகனத்தில் வந்த நபரைப் பிடித்து விசாரணை நடத்தினர். விசாரணையில், அந்த நபர் திருநெல்வேலி மாவட்டம், ஏர்வாடியைச் சேர்ந்த ஜெ.ரசூல் முகைதீன் (43) என்பதும், இவர் ஓட்டி வந்த வாகனம் கோவையில் இருந்து திருடப்பட்டதாகவும் தெரியவந்தது.
இதையடுத்து, அவரைக் கைது செய்த காவல் துறையினர் அவரிடம் தீவிர விசாரணை நடத்தினர். இதில், கோவை, திருப்பூர், ஈரோடு, சேலம், தருமபுரி, மதுரை, சென்னை உள்ளிட்ட இடங்களில் இருந்து 150 இரு சக்கர வாகனங்களை அவர் திருடியதாகத் தெரியவந்தது. இவர் திருடிய இரு சக்கர வாகனங்களை ஆம்னி பேருந்துகள் மூலமாகத் திருநெல்வேலிக்கு அனுப்பிவைத்துள்ளார். அங்கு இவரது நண்பர்களான இசக்கிப்பாண்டி, மாடசாமி, துரை,மொய்தீன், மூசா ஆகியோர் அந்த வாகனங்களை விற்று அவருக்கு சேரவேண்டிய தொகையை ரசூலின் வங்கிக் கணக்கில் செலுத்தி வந்துள்ளனர்.
இதையடுத்து, ரசூல் முகைதீனின் வீடு, அலுவலகம் உள்ளிட்ட பல்வேறு இடங்களில் சோதனை நடத்தி ரூ. 10 லட்சம் மதிப்புள்ள 41 இரு சக்கர வாகனங்களை தனிப்படையினர் பறிமுதல் செய்தனர். இதனிடையே, திருநெல்வேலியைச் சேர்ந்த இசக்கிப்பாண்டியை காட்டூர் குற்றப்பிரிவு ஆய்வாளர் சாந்தி அக்டோபர் 27 ஆம் தேதி கைது செய்து அவரிடமிருந்து 7 இரு சக்கர வாகனங்களைப் பறிமுதல் செய்திருந்தார்.
இதன் தொடர்ச்சியாகவே ரசூல் முகைதீனும் கைது செய்யப்பட்டுள்ளதாக காவல் துறையினர் தெரிவித்தனர்.

 

]]>
http://www.dinamani.com/all-editions/edition-coimbatore/coimbatore/2018/nov/08/தமிழகம்-முழுவதிலும்-150-இரு-சக்கர-வாகனங்களைத்-திருடியவர்-கைது-41-இரு-சக்கர-வாகனங்கள்-பறிமுதல்-3034581.html
3034579 கோயம்புத்தூர் கோயம்புத்தூர் பேரூரில் பிறவாப்புளி மரக் கிளை முறிந்து விழுந்தது DIN DIN Thursday, November 8, 2018 02:53 AM +0530  

பேரூர் பட்டீஸ்வரர் கோயில் எதிரே உள்ள பழமைவாய்ந்த பிறவாப்புளி மரத்தின் கிளை அண்மையில் முறிந்து விழுந்தது.
கோவை மாவட்டம், பேரூர் பட்டீஸ்வரர் கோயில் எதிரே பல ஆண்டுகள் பழமைவாய்ந்த பிறவாப்புளி மரம் உள்ளது. இந்த மரம் பேரூர் கோயிலின் சிறப்புகளில் ஒன்றாகத் திகழ்ந்து வருகிறது. இந்த மரத்தின் கிளை ஒன்று திங்கள்கிழமை திடீரென முறிந்து விழுந்தது. இதனால் பக்தர்கள் அதிர்ச்சி அடைந்தனர். மரக் கிளை முறிந்து சாலையில் விழுந்ததால் அப்பகுதியில் சிறுது நேரம் போக்குவரத்து தடைபட்டது.
இதையடுத்து, முறிந்து விழுந்த மரக் கிளையை கோயில் அலுவலக ஊழியர்கள் அகற்றினர். கோயிலுக்கு வரும் பெரிய வாகனங்கள் மரத்தையொட்டி நிறுத்தி, எடுத்து செல்வதால் வாகனங்கள் உரசி மரக் கிளை சேதமடைந்ததாகக் கூறப்படுகிறது. மேலும் கோயில் நிர்வாகத்தினர் முறையாகப் பராமரிக்காத காரணத்தால் மரக் கிளை முறிந்து விழுந்ததாக பக்தர்கள் குற்றம்சாட்டியுள்ளனர்.

 

 

]]>
http://www.dinamani.com/all-editions/edition-coimbatore/coimbatore/2018/nov/08/பேரூரில்-பிறவாப்புளி-மரக்-கிளை-முறிந்து-விழுந்தது-3034579.html
3034061 கோயம்புத்தூர் கோயம்புத்தூர் இணையதளம் மூலமாக நில ஆவணங்களைப் பெறலாம் DIN DIN Tuesday, November 6, 2018 07:44 AM +0530 கோவை மாவட்டத்தில் 9 வருவாய் வட்டத்துக்கு உள்பட்ட நிலங்களுக்கான ஆவணங்கள் மற்றும் வரைபடம் ஆகியவற்றை இணையதளம் மூலமாகப் பெற்றுக் கொள்ளலாம். 
இதுகுறித்து, மாவட்ட ஆட்சியர் (பொறுப்பு ) துரை.ரவிச்சந்திரன் வெளியிட்டுள்ள செய்திக் குறிப்பு:
தமிழகத்தில் நில நிர்வாகத்தையும், நில அளவை ஆவணங்களையும் மேம்படுத்தி நவீனப்படுத்தி இணையதளம் மூலமாக நிலஅளவை ஆவணங்களின் நகல்களை அரசு அலுவலகங்களுக்கு சென்று சிரமமின்றி எளிய முறையில் பொதுமக்கள் பெற்றுக் கொள்ள தமிழக அரசு வழிவகை செய்துள்ளது. 
கோவை மாவட்டத்தில் உள்ள 10 வருவாய் வட்டங்களில் வால்பாறை வட்டம் தவிர உள்ள 294 வருவாய் கிராமங்களின் நில ஆவணங்கள் மற்றும் வரைபடங்கள் அனைத்தும் கணினி மூலமாகத் தயார் செய்யப்பட்டு இணையதளத்தில் வெளியிடப்பட்டுள்ளன.
இத்திட்டத்தின் கீழ் பொது மக்கள் கிரையம் பாகப் பிரிவினை, உயில் மற்றும் தான செட்டில்மெண்ட் மூலமாக நிலஉரிமைகளை மாற்றுவதற்கான பத்திரங்களை, பத்திரப் பதிவு அலுவலகத்தில் பதிவு செய்த உடனேயே முழு உள்பிரிவாக இருந்தால் கிராம நிர்வாக அலுவலருக்கும், உள்பிரிவு செய்வது உள்வட்ட நிலஅளவருக்கும் இணையதளம் மூலமாக மனு அனுப்பப்படும். இதனால் பட்டா மாறுதல் கோரி வட்டாட்சியர் அலுவலகங்களில் மனு அளித்துக் காத்திருக்க வேண்டிய நிலை முற்றியலும் தவிர்க்கப்படுகிறது.
 விண்ணப்பத்தின் நிலை குறித்து மனுதாரருக்கு குறுஞ்செய்தி அனுப்பப்படும் என்பதால் மீண்டும் பட்டா மாறுதல் கோரி மனு செய்ய வேண்டிய அவசியமில்லை.
ஏற்கெனவே பல ஆண்டுகளுக்கு முன்னர் கிரையம் மற்றும் பாகசாசனம் மூலமாக நிலம் வாங்கியவர்களும் பட்டா மாறுதல் கோரி வட்டாட்சியர் அலுவலகங்களுக்குச் சென்று சிரமமின்றி அருகில் உள்ள இ - சேவை மையத்தில் இணையதளம் மூலமாக மனு செய்து பெற்றுக் கொள்ளலாம்.
 மேலும், நில ஆவணங்கள், வரைபடங்கள் ஆகியவற்றின் நகல்களையும் வட்டாட்சியர் அலுவலகங்களுக்கு செல்லாமலேயே இணையதளம்  H​T​T​P://​E​S​E​R​V​I​C​E​S.​T​N.​G​O​V.​I​N/​E​S​E​R​V​I​C​E​S​N​EW  மூலமாக இலவசமாகப் பதிவிறக்கம் செய்து கொள்ளவும் வழிவகை செய்யப்பட்டுள்ளது. 
இவ்வாறான ஆவணங்களில் எந்த அலுவலரின் கையொப்பமும் தேவையில்லை. இது சட்டபூர்வமாக செல்லத்தக்கது எனவும் தமிழக அரசால் ஆணை வெளியிடப்பட்டுள்ளது.
 இது தொடர்பான தகவல்கள் குறித்து பொதுமக்களுக்கு விழிப்புணர்வு ஏற்படுத்தப்பட்டுள்ளது என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/coimbatore/2018/nov/06/இணையதளம்-மூலமாக-நில-ஆவணங்களைப்-பெறலாம்-3034061.html
3034060 கோயம்புத்தூர் கோயம்புத்தூர் மீன் பண்ணைக் குட்டை,  குளங்கள் அமைக்க 40% மானியம் DIN DIN Tuesday, November 6, 2018 07:43 AM +0530 மீன் பண்ணைக் குட்டைகள், குளங்கள் அமைத்தல், சீரமைத்தல், புதுப்பித்தல் மற்றும் மீன் வளர்ப்பு இடுபொருள் செலவினம் ஆகியவற்றுக்கு 40 சதவீதம் மானியம் வழங்கப்படுகிறது. 
இது குறித்து மாவட்ட ஆட்சியர் (பொறுப்பு) துரை.ரவிச்சந்திரன் வெளியிட்டுள்ள செய்திக் குறிப்பு: 
ஒருங்கிணைந்த வளர்ச்சி, மீன்வள மேலாண்மை மற்றும் நீலப் புரட்சித் திட்டத்தின் கீழ் தமிழக அரசின் மீன்வளத் துறை மூலமாக மத்திய அரசின் ஒருங்கிணைந்த வளர்ச்சி, மீன்வள மேலாண்மை மற்றும் நீலப் புரட்சித் திட்டத்தின் கீழ் மீன்வளர்ப்பில் ஆர்வமுள்ளவர்கள் நன்னீர் மீன் வளர்ப்பு, உவர்நீர் இறால் வளர்ப்பு மேற்கொள்ள வசதியாக கீழ்க்கண்ட திட்டங்கள் செயல்படுத்தப்பட உள்ளன.
புதிய மீன் பண்ணைக் குளங்கள், குட்டைகள் அமைப்பதற்கு ஒரு ஹெக்டேர் மீன் வளர்ப்புக் குளம் அமைத்திட ஆகும் செலவினத் தொகையில் ரூ. 7 லட்சத்துக்கு 40 சதவீதம் அதிகபட்சமாக ரூ. 2.80 லட்சம் மானியத் தொகை வழங்கப்படும். 
ஏற்கெனவே உள்ள மீன் வளர்ப்புக் குளங்கள், தொட்டிகளைச் சீரமைத்தல், புதுப்பித்தலுக்கு ஒரு ஹெக்டேருக்கு ஆகும் செலவினத் தொகை ரூ. 3.50 லட்சத்தில் 40 சதவீதம் மானியம் ரூ. 1.40 லட்சம் வழங்கப்படும். நன்னீர் மீன் வளர்ப்பு இடுபொருள் செலவினமாக ஒரு ஹெக்டேர் மீன் வளர்ப்புக்கு இடுபொருள்களுக்கு ஆகும் செலவினத் தொகை ரூ. 1.50 லட்சத்தில் 40 சதவீதம் மானியம் ரூ. 60 ஆயிரம் வழங்கப்படும்.
இந்த மானியத்தைப் பெற விவசாயிகளிடம் விண்ணப்பம் பெறப்பட்டு முன்னுரிமை மற்றும் தகுதியின் அடிப்படையில் தேர்வு செய்யப்படுவர். விருப்பமுள்ள விவசாயிகள் மீன் வளர்ப்போர் நவம்பர் 30 ஆம் தேதிக்குள் மாவட்ட மீன்வளத் துறை உதவி இயக்குநர் அலுவலகத்தில் விண்ணப்பிக்கலாம்.  மேலும் விவரங்களுக்கு மீன்வள உதவி இயக்குநர் அலுவலகத்தைத் தொடர்பு கொண்டு உரிய விவரங்களைப் பெற்றுப் பயனடையலாம் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/coimbatore/2018/nov/06/மீன்-பண்ணைக்-குட்டை--குளங்கள்-அமைக்க-40-மானியம்-3034060.html
3034059 கோயம்புத்தூர் கோயம்புத்தூர் மும்பை - பெங்களூரு பொருளாதார வழித்தடத்தை கோவை வரை நீட்டிக்க வலியுறுத்தல் DIN DIN Tuesday, November 6, 2018 07:42 AM +0530 மும்பை - பெங்களூரு பொருளாதார வழித்தடத்தை கோவை வரையில் நீட்டிக்க வேண்டும் என கட்சி சார்பற்ற விவசாயிகள் சங்கம் வலியுறுத்தியுள்ளது. 
இதுதொடர்பாக கட்சி சார்பற்ற விவசாயிகள் சங்கத்தின் மாநிலப் பொதுச் செயலாளர் பி.கந்தசாமி, பிரதமர் மோடிக்கு மின்னஞ்சலில் அனுப்பியுள்ள மனு விவரம்: 
நாட்டின் வளர்ச்சிக்காக மஹாராஷ்டிர மாநிலம் மும்பையில் இருந்து பெங்களூரு வரையில் பொருளாதார வழித்தடத்தை விரிவாக்கம் செய்ய மத்திய அரசு முடிவு செய்துள்ளது. இதில், மொத்தம் 1,500 கிலோ மீட்டருக்கு ஒரு லட்சம் கோடி ரூபாய் ஒதுக்கீடு செய்யப்பட்டுள்ளது. இதனால் 25 பேருக்குப் புதிதாக வேலைவாய்ப்புகள் உருவாக்கப்படும் என கூறப்படுகிறது. மேலும், இந்த வழித்தடத்துக்கு இடையில் நான்கு புதிய நகரங்கள் உருவாக்கப்பட்டு புதிதாக தொழிற்சாலைகளும் தொடங்கப்பட உள்ளன. இத்தகைய பயனுள்ள திட்டத்தை கோவை வரையில் நீட்டித்தால் தமிழகமும் பொருளாதார ரீதியில் வளர்ச்சியடையும். 
 மேலும், மின்சார உயர் வழித்தடங்களால் விவசாயிகளுக்கு ஏற்படும் பாதிப்புகளைத் தவிர்க்கும் வகையிலும், கெயில் பைப் லைன், டெலிபோன் கேபிள் போன்றவற்றையும் இந்தத் திட்டத்தின் மூலமாகச் செயல்படுத்த வேண்டும் என தெரிவித்தல் போன்றவற்றையும் இந்தத் திட்டத்தின் மூலமாகச் செயல்படுத்த வேண்டும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/coimbatore/2018/nov/06/மும்பை---பெங்களூரு-பொருளாதார-வழித்தடத்தை-கோவை-வரை-நீட்டிக்க-வலியுறுத்தல்-3034059.html
3034058 கோயம்புத்தூர் கோயம்புத்தூர் பொள்ளாச்சி - வால்பாறைக்கு 10 நிமிடத்துக்கு ஒரு பேருந்து இயக்கம் DIN DIN Tuesday, November 6, 2018 07:42 AM +0530 பயணிகள் வசதிக்காக பொள்ளாச்சி வால்பாறை இடையே 10 நிமிடத்துக்கு ஒரு பேருந்து இயக்கப்பட்டது.
வால்பாறை பகுதியைச் சேர்ந்த ஆயிரக்கணக்கானோர் திருப்பூர், கோவை உள்ளிட்ட பல்வேறு பகுதிகளில் வேலைசெய்து வருகின்றனர். இவர்கள், வருடந்தோறும் தீபாவளி சமயத்தில் தங்கள் பெற்றோர் வசிக்கும் வால்பாறை எஸ்டேட் பகுதிக்கு வருவது வழக்கம். இதனால் தீபாவளி பண்டிகைக்கும் முன்தினம் கூடுதல் பேருந்துகள் இயக்கப்படுகின்றன. அதன்படி, ஒவ்வொரு 10 நிமிடத்துக்கு ஒரு முறையும் பொள்ளாச்சியில் இருந்து வால்பாறைக்கு திங்கள்கிழமை காலை முதல் அரசுப் பேருந்து இயக்கப்பட்டது.  இதனால் பயணிகள் சிரமமின்றி வால்பாறைக்கு பயணிக்க முடிந்தது. இதேபோல, வால்பாறையில் இருந்து அனைத்து எஸ்டேட் பகுதிகளுக்கும் இடைவிடாது அரசுப் பேருந்துகள் இயக்கப்பட்டன.
 

]]>
http://www.dinamani.com/all-editions/edition-coimbatore/coimbatore/2018/nov/06/பொள்ளாச்சி---வால்பாறைக்கு-10-நிமிடத்துக்கு-ஒரு-பேருந்து-இயக்கம்-3034058.html
3034057 கோயம்புத்தூர் கோயம்புத்தூர் வால்பாறை நகரில் அலைமோதிய மக்கள் கூட்டம் DIN DIN Tuesday, November 6, 2018 07:41 AM +0530 தீபாவளி பண்டிகையை முன்னிட்டு வால்பாறை நகரில் உள்ள துணிக் கடைகளில் மக்கள் கூட்டம் திங்கள்கிழமை அலைமோதியது.
வால்பாறை நகர் பகுதி சாலைகள் மிகவும் குறுகலாக இருப்பதால் வாகனங்கள் நிறுத்துவதில் கடும் சிரமம் ஏற்பட்டு வருகிறது. தற்போது தீபாவளி பண்டிக்கைகாக துணிகள், பட்டாசுகள்,  பலகாரங்கள் வாங்கவும் ஆயிரக்கணக்கானோர் இருசக்கர வாகனங்களில் வால்பாறை நகர் பகுதியில் உள்ள கடைகளுக்கு வந்தனர். 
இதனால், சாலை ஓரங்களில் இருசக்கர வாகனங்களை நிறுத்த இடமின்றி பொது மக்கள் கடும் அவதிக்குள்ளாகினர். 
மேலும், பல்வேறு ஊர்களைச் சேர்ந்த சாலையோர வியாபாரிகளும் வால்பாறை நகருக்குத் துணிகள் கொண்டு வந்து விற்பனை செய்தனர். இதனால் வால்பாறை நகர் பகுதி களைகட்டியது.

]]>
http://www.dinamani.com/all-editions/edition-coimbatore/coimbatore/2018/nov/06/வால்பாறை-நகரில்-அலைமோதிய-மக்கள்-கூட்டம்-3034057.html
3034056 கோயம்புத்தூர் கோயம்புத்தூர் அனுமதியற்ற நேரத்தில் பட்டாசு வெடிப்பதை கண்காணிக்க கோவையில் 15 தனிப் படைகள் DIN DIN Tuesday, November 6, 2018 07:41 AM +0530 அனுமதியற்ற நேரங்களில் பட்டாசு வெடிப்பதைக் கண்காணிக்க கோவை மாநகரில் 15 தனிப் படைகள் அமைக்கப்பட்டுள்ளன. 
தமிழகத்தில் தீபாவளி தினத்தில் இரண்டு மணி நேரம் மட்டுமே பட்டாசுகள் வெடிக்க உச்ச நீதிமன்றம் அனுமதி வழங்கியுள்ளது. அதன்படி தீபாவளி தினத்தன்று காலை 6 முதல் 7 மணி வரையிலும், இரவு 7 முதல் 8 மணி வரையிலும் மட்டுமே பட்டாசுகள் வெடிக்கலாம் என தமிழக அரசு அறிவுறுத்தியுள்ளது. 
இந்நிலையில், கோவை மாநகரில் அனுமதியற்ற நேரங்களில் பட்டாசுகள் வெடிக்கும் நேரத்தைக் கண்காணிக்க ஒரு காவல் நிலையத்துக்கு 2 உதவி ஆய்வாளர்கள், 4 காவலர்கள் அடங்கிய 15 தனிப் படைகள் அமைக்கப்பட்டுள்ளன. இந்தத் தனிப் படையினர் செவ்வாய்க்கிழமை காலை முதல் ரோந்துப் பணியில் ஈடுபட உள்ளனர். 
மேலும், அனுமதியற்ற நேரங்களில் பட்டாசுகள் வெடிக்கும் நபர்கள் மீது பொது இடத்தில் நெருப்பு வைத்து இடையூறு செய்தல், உச்ச நீதிமன்ற உத்தரவை மீறுதல் போன்ற பிரிவுகளில் வழக்குப் பதிவு செய்ய உள்ளனர். இதன் மூலமாக 6 மாத சிறைத் தண்டனை மற்றும் அபராதம் விதிக்கப்படவும் வாய்ப்பு உள்ளதாக மாநகர காவல் துறை உயர் அதிகாரி ஒருவர் தெரிவித்தார்.  இதனிடையே, கோவை மாநகரின் பல்வேறு பகுதிகளில் திங்கள்கிழமை மாலை முதலே பொது மக்கள் பட்டாசுகளை வெடிக்கத் தொடங்கினர். இச்சம்பவம் காவல் துறையினரிடையே சிக்கலை ஏற்படுத்தி உள்ளது.

]]>
http://www.dinamani.com/all-editions/edition-coimbatore/coimbatore/2018/nov/06/அனுமதியற்ற-நேரத்தில்-பட்டாசு-வெடிப்பதை-கண்காணிக்க-கோவையில்-15-தனிப்-படைகள்-3034056.html
3034055 கோயம்புத்தூர் கோயம்புத்தூர் காய்ச்சலுக்கு 6 பேர் சாவு DIN DIN Tuesday, November 6, 2018 07:41 AM +0530 கோவை அரசு மருத்துவமனையில் டெங்கு, வைரஸ் காய்ச்சல் பாதிப்பு காரணமாக 6 பேர் திங்கள்கிழமை உயிரிழந்தனர்.
கோவை, திருப்பூர், நீலகிரி மாவட்டங்களில் கடந்த சில நாள்களாக டெங்கு, பன்றிக் காய்ச்சல் மற்றும் வைரஸ் காய்ச்சல் ஆகியவை பரவி வருகின்றன. இந்நிலையில், திருப்பூர் மாவட்டம், கன்னிவாடி பகுதியைச் சேர்ந்தவர் பன்னீர்செல்வம் மனைவி கவிதா (24), ஈரோடு மாவட்டம், சென்னிமலை பகுதியைச் சேர்ந்த சின்னராஜ் மகன் பிரேம்குமார் (45), ஈரோடு மாவட்டம், பெத்தாம்பாளையம் பகுதியைச் சேர்ந்த பழனிசாமி மகன் அண்ணாமலை (45) ஆகியோர் காய்ச்சல் காரணமாக கோவை அரசு மருத்துவக் கல்லூரி மருத்துவமனையில் அண்மையில் அனுமதிக்கப்பட்டனர்.
பரிசோதனையில் அவர்களுக்கு டெங்கு காய்ச்சல் பாதிப்பு இருப்பது உறுதி செய்யப்பட்டது. இதையடுத்து அவர்களுக்கு மருத்துவர்கள் தீவிர சிகிச்சை அளித்து வந்தனர். ஆனால், அவர்கள் திங்கள்கிழமை உயிரிழந்தனர். 
இதேபோல, கோவை மாவட்டம், சோமனூர் பகுதியைச் சேர்ந்த சுப்பன் (70), நீலகிரி மாவட்டத்தைச் சேர்ந்த பெரியசாமி மனைவி சுமித்ரா (38) ஆகியோர் மூளைக் காய்ச்சல் பாதிப்பு காரணமாக கோவை அரசு மருத்துவமனையில் அனுமதிக்கப்பட்டிருந்தனர். அவர்களும் திங்கள்கிழமை உயிரிழந்தனர். மேலும், திருப்பூர் மாவட்டத்தைச் சேர்ந்த பழனிசாமி மகன் தெய்வசிகாமணி (45) வைரஸ் காய்ச்சல் காரணமாக கோவை அரசு மருத்துவமனையில்  அண்மையில் அனுமதிக்கப்பட்டார். இவரும் திங்கள்கிழமை உயிரிழந்தார்.
கோவை அரசு மருத்துவமனையில் கடந்த 12 நாள்களில் டெங்கு, பன்றிக் காய்ச்சல் மற்றும் வைரஸ் காய்ச்சல் காரணமாக அனுமதிக்கப்பட்ட 25 பேர் உயிரிழந்துள்ளனர் என்பது குறிப்பிடத்தக்கது. 
கோவை அரசு மருத்துவமனையில் பன்றிக் காய்ச்சலுக்கு 17 பேரும், டெங்கு காய்ச்சலுக்கு ஒருவரும், வைரஸ் காய்ச்சலுக்கு 59 பேரும் என மொத்தம் 77 பேர் சிகிச்சை பெற்று 
வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/nov/06/காய்ச்சலுக்கு-6-பேர்-சாவு-3034055.html
3034054 கோயம்புத்தூர் கோயம்புத்தூர் தென்னை மரத்தில் இருந்து தவறி விழுந்த தொழிலாளி சாவு DIN DIN Tuesday, November 6, 2018 07:41 AM +0530 சிறுமுகையில் தென்னை மரத்தில் இருந்து தவறி விழுந்த தொழிலாளி திங்கள்கிழமை உயிரிழந்தார். 
ஈரோடு மாவட்டம், புளியம்பட்டி தேவம்பாளையம் கிராமத்தைச் சேர்ந்தவர் கருப்புசாமி (40). இவர்,  சிறுமுகை நால்ரோடு பகுதியில் மகாலிங்கம் என்பவருக்கு சொந்தமான தோட்டத்தில் உள்ள தென்னை மரத்தை சுத்தப்படுத்த மரத்தில் ஏறி உள்ளார்.  மரத்தை சுத்தப்படுத்தி விட்டு கீழே இறங்கும்போது திடீரென மரத்தில் இருந்து தவறி கீழே விழுந்தார். 
இதில் படுகாயமடைந்த கருப்புசாமி சம்பவ இடத்திலேயே உயிரிழந்துள்ளார். இதுகுறித்து கருப்புசாமி மனைவி ராசாம்மாள் அளித்த புகாரின்பேரில் சிறுமுகை போலீஸார் வழக்குப் பதிவு செய்து விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/nov/06/தென்னை-மரத்தில்-இருந்து-தவறி-விழுந்த-தொழிலாளி-சாவு-3034054.html