Dinamani - கோயம்புத்தூர் - http://www.dinamani.com/all-editions/edition-coimbatore/coimbatore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3007285 கோயம்புத்தூர் கோயம்புத்தூர் சிறுவாணி அணைப் பகுதியில் நீர்க் கசிவு: கேரள அதிகாரிகள் ஆய்வு DIN DIN Tuesday, September 25, 2018 08:02 AM +0530 சிறுவாணி அணைப் பகுதியில் ஏற்பட்டுள்ள நீர்க் கசிவு குறித்து கேரள பொதுப் பணித் துறை அதிகாரிகள் ஆய்வு நடத்தி வருகின்றனர்.
 கோவை மாவட்டத்தின் குடிநீர் ஆதாரமாகத் திகழும் சிறுவாணி அணையில் இருந்து மாநகாரட்சியில் உள்ள 26 வார்டுகள் மற்றும் வழித்தடத்தில் உள்ள கிராமங்களுக்கு குடிநீர் விநியோகம் செய்யப்படுகிறது. மேற்குத் தொடர்ச்சி மலைகளின் அடிவாரத்தில் அமைந்துள்ள சிறுவாணி அணை, கடல் மட்டத்தில் இருந்து 863.4 மீட்டர் உயரத்தில் அமைந்துள்ளது. இந்த அணையில் 863.4  மீட்டரில் இருந்து 878.5 மீட்டர் (50 அடி) அளவுக்குத் தண்ணீரைத் தேக்கிவைக்க முடியும். 
 கேரள மாநில எல்லையில் சிறுவாணி அணை அமைந்துள்ளதால் அணையின் கட்டுப்பாடு கேரள அரசின் பொதுப் பணித் துறையிடம் உள்ளது. மேலும், அணையில் இருந்து குடிநீர் பெறுவதால் அணைப் பராமரிப்புக்கு ஆன செலவினத் தொகை மாநகராட்சி சார்பில் ஆண்டுதோறும் கேரள அரசுக்கு வழங்கப்பட்டு வருகிறது.
 மேலும், சிறுவாணி அணையில் இருந்து நாளொன்றுக்கு குடிநீர் விநியோகத்துக்காக சராசரியாக 10 கோடி லிட்டர் அளவுக்குத் தண்ணீர் எடுக்கப்படும். இந்நிலையில், கேரள மாநிலத்தில் கடந்த ஜூன் மாதத்தில் தொடங்கிய தென்மேற்குப் பருவமழை தீவிரமடைந்தது. இதனால் மேற்குத் தொடர்ச்சி மலைகளில் பெய்த பலத்த மழை காரணமாக ஜூலை மாதத்தில் சிறுவாணி அணை தனது முழுக் கொள்ளளவை இரண்டு முறை எட்டியது.  
 இதனால் அணைப் பகுதிகளில் போதிய அளவுக்குப் பராமரிப்பு பணிகள் மேற்கொள்ள முடியாத நிலை ஏற்பட்டது. தென்மேற்குப் பருவ மழை முடிவடைந்து, அணையின் நீர்மட்டம் படிப்படியாகக் குறையத் தொடங்கியது. அதைத் தொடர்ந்து அணையில் ஆங்காங்கே நீர்க் கசிவு ஏற்பட்டது.
 இதையடுத்து, நீர்க் கசிவை சரி செய்ய கேரள பொதுப் பணித் துறை அதிகாரிகள் அணைப் பகுதியில் ஆய்வு நடத்தி வருகின்றனர்.

]]>
http://www.dinamani.com/all-editions/edition-coimbatore/coimbatore/2018/sep/25/சிறுவாணி-அணைப்-பகுதியில்-நீர்க்-கசிவு-கேரள-அதிகாரிகள்-ஆய்வு-3007285.html
3007284 கோயம்புத்தூர் கோயம்புத்தூர் கோயிலை சேதப்படுத்திய யானைகள் DIN DIN Tuesday, September 25, 2018 08:02 AM +0530 வால்பாறை எஸ்டேட் பகுதிக்குள் ஞாயிற்றுக்கிழமை இரவு நுழைந்த யானைகள், அங்கிருந்த கோயிலை இடித்து சேதப்படுத்தின.
வால்பாறை எஸ்டேட் பகுதிகளில் யானைகளின் நடமாட்டம் சமீபகாலமாக அதிகரித்து காணப்படுகிறது. சின்கோனா எஸ்டேட்டை ஒட்டியுள்ள வனங்களில் இருந்து வெளியேறும் யானைகள் எஸ்டேட் பகுதிகளுக்குள் நுழைந்து பல்வேறு சேதங்களை ஏற்படுத்தி வருகின்றன.  
இந்நிலையில், பெரியகல்லாறு எஸ்டேட் பகுதிக்கு கடந்த  ஞாயிற்றுக்கிழமை இரவு வந்த 5 யானைகள்,  அங்குள்ள மாரியம்மன் கோயிலை இடித்து சேதப்படுத்தின.  இதைத் தொடர்ந்து சம்பவ இடத்தை வனத் துறையினர் திங்கள்கிழமை நேரில் பார்வையிட்டனர்.


 

]]>
http://www.dinamani.com/all-editions/edition-coimbatore/coimbatore/2018/sep/25/கோயிலை-சேதப்படுத்திய-யானைகள்-3007284.html
3007282 கோயம்புத்தூர் கோயம்புத்தூர் கோவையில் எரிக்கப்பட்ட  நிலையில் ஆண் சடலம் மீட்பு DIN DIN Tuesday, September 25, 2018 08:01 AM +0530 கோவை, பீளமேடு  அருகே, எரிக்கப்பட்ட நிலையில் ஆண் சடலம் திங்கள்கிழமை மீட்கப்பட்டது.
கோவை, பீளமேட்டில் உள்ள தனியார் கல்லூரியின் பின்புறம், ரயில் தண்டவாளத்தை ஒட்டிய பகுதியில், எரிக்கப்பட்ட நிலையில் ஆண் சடலம் கிடப்பதாக காவல் துறையினருக்கு அப்பகுதியினர் தகவல் தெரிவித்தனர்.
அதன்பேரில், பீளமேடு காவல் துறையினர் சம்பவ இடத்துக்குச் சென்று விசாரணை மேற்கொண்டனர். அதில், உயிரிழந்தவருக்கு சுமார் 20 வயது இருக்கலாம் என்பதும்,  உடல் எரிக்கப்பட்டு 10 முதல் 15 நாள்கள் இருக்கும் என்பதும் தெரியவந்தது. ஆனால், அவர் யார், எந்த ஊர் என்பன போன்ற விவரங்கள் தெரியவில்லை. 
இதுகுறித்து ரயில்வே காவல் துறையினர் கூறியதாவது:
 தண்டவாளத்தில் இருந்து 10 மீட்டர் தொலைவில் சடலம் கிடந்துள்ளது. ரயிலில் அடிபட்டிருந்தால் சுமார் 3 முதல் 4 மீட்டர் தொலைவில்தான் சடலம் கிடந்திருக்கும்.
எனவே, அவரை வேறு பகுதியில் கொலை செய்து, சடலத்தை இங்கு கொண்டு வந்து எரித்திருக்கவும் வாய்ப்பு உள்ளது. எனினும், சடலம் முற்றிலுமாக எரிந்தும், அழுகிய நிலையிலும் இருப்பதால் பிரேதப் பரிசோதனைக்குப் பின்னரே அவர் கொலை செய்யப்பட்டாரா என்பது குறித்த விவரம் தெரியவரும் என்றனர்.
கணபதி அருகே ரயில் மோதி இருவர் சாவு: கோவை, கணபதி டெக்ஸ்டூல் மேம்பாலத்தின் கீழே உள்ள ரயில்வே தண்டவாளத்தில் 70 வயது மதிக்கத்தக்க ஆண் ஒருவர் ரயிலில் அடிபட்டு இறந்துகிடப்பதை ஞாயிற்றுக்கிழமை இரவு அவ்வழியே சென்றவர்கள் பார்த்துள்ளனர். 
இதுகுறித்து அவர்கள் அளித்த தகவலின்பேரில் கோவை ரயில்வே காவல் துறையினர் சம்பவ இடத்துக்குச் சென்று சடலத்தை மீட்டு பிரேதப் பரிசோதனைக்காக அரசு மருத்துவமனைக்கு அனுப்பிவைத்தனர். 
இதேபோல, அதேபகுதியில் சுமார் 50 வயது மதிக்கத்தக்க ஆண் ரயில் மோதி இறந்துகிடப்பதை திங்கள்கிழமை காலையில் அவ்வழியே சென்றவர்கள் பார்த்துள்ளனர்.
தகவலின்பேரில் சம்பவ இடத்துக்குச் சென்ற ரயில்வே காவல் துறையினர் சடலத்தை மீட்டு பிரேதப் பரிசோதனைக்காக கோவை அரசு மருத்துவமனைக்கு அனுப்பிவைத்தனர்.
விசாரணையில், ரயிலில் மோதி இறந்தவர் கோவை, டாடாபாத் பகுதியைச் சேர்ந்த ஆர்.வெங்கடேஸ்வரன் என்பதும், மருத்துவமனைகளில் கிழிந்துள்ள படுக்கைகளைத் தைத்துக் கொடுக்கும் தொழில் செய்துவந்தவர் என்பதும் தெரியவந்தது.
இந்த இரு சம்பவங்கள் குறித்தும் கோவை ரயில்வே காவல் உதவி ஆய்வாளர் சாந்தி வழக்குப் பதிவு செய்து விசாரணை நடத்தி வருகிறார்.

]]>
http://www.dinamani.com/all-editions/edition-coimbatore/coimbatore/2018/sep/25/கோவையில்-எரிக்கப்பட்ட--நிலையில்-ஆண்-சடலம்-மீட்பு-3007282.html
3007280 கோயம்புத்தூர் கோயம்புத்தூர் செப்டம்பர் 25 மின் தடை- குனியமுத்தூர் DIN DIN Tuesday, September 25, 2018 08:01 AM +0530 கோவை, குனியமுத்தூர் துணை மின் நிலையத்தில் பராமரிப்புப் பணிகள் நடைபெறுவதால் கீழ்க்கண்ட பகுதிகளில் புதன்கிழமை (செப்டம்பர் 26) காலை 9 மணி முதல் மாலை 4 மணி வரை மின்சார விநியோகம் இருக்காது என்று செயற்பொறியாளர் நந்தகுமார் தெரிவித்துள்ளார்.
மின்விநியோகம் தடைபடும் பகுதிகள்:  குனியமுத்தூர், புட்டுவிக்கி, இடையர்பாளையம், சுந்தராபுரத்தின் ஒரு பகுதி, பி.கே.புதூர், கோவைப்புதூர், நரசிம்மபுரம்.

]]>
http://www.dinamani.com/all-editions/edition-coimbatore/coimbatore/2018/sep/25/செப்டம்பர்-25-மின்-தடை--குனியமுத்தூர்-3007280.html
3007279 கோயம்புத்தூர் கோயம்புத்தூர் டாஸ்மாக் கடையின் சுவரைத் துளையிட்டு ரூ. 60 ஆயிரம் மதிப்பிலான மது பாட்டில்கள் திருட்டு DIN DIN Tuesday, September 25, 2018 08:00 AM +0530 பொள்ளாச்சி அருகே டாஸ்மாக் கடையின் சுவரை துளையிட்டு ரூ. 60 ஆயிரம் மதிப்புள்ள மது பாட்டில்களை மர்ம நபர்கள் திருடிச் சென்றனர்.
கோவை மாவட்டம்,  வால்பாறை உட்கோட்டம்,  கோட்டூர் காவல் நிலைய எல்லைக்கு உள்பட்டது அய்யாமடைபிரிவு. இங்கு டாஸ்மாக் கடை செயல்பட்டு வருகிறது. இந்த கடை அமைந்துள்ள பகுதி சுற்றிலும் விவசாய தோட்டங்கள் நிறைந்த பகுதியாகும். 
இந்நிலையில், கடையின் விற்பனையாளர் செல்வம் வழக்கம்போல் ஞாயிற்றுக்கிழமை இரவு கடையை பூட்டிச் சென்றுள்ளார். திங்கள்கிழமை மதியம் வந்து பார்த்தபோது, கடையின் சுவரைத் துளையிட்டு,  உள்ளே இருந்த ரூ. 60 ஆயிரம் மதிப்பிலான மது பாட்டில்களை மர்ம நபர்கள் திருடிச் சென்றது தெரியவந்தது. இதுகுறித்த புகாரின்பேரில் கோட்டூர் போலீஸார் விசாரித்து வருகின்றனர்.

]]>
http://www.dinamani.com/all-editions/edition-coimbatore/coimbatore/2018/sep/25/டாஸ்மாக்-கடையின்-சுவரைத்-துளையிட்டு-ரூ-60-ஆயிரம்-மதிப்பிலான-மது-பாட்டில்கள்-திருட்டு-3007279.html
3007278 கோயம்புத்தூர் கோயம்புத்தூர் தூய்மை இந்தியா திட்டத்தை வலியுறுத்தி  மாற்றுத் திறனாளி விழிப்புணர்வுப் பிரசாரம் DIN DIN Tuesday, September 25, 2018 08:00 AM +0530 தூய்மை இந்தியா திட்டம் மற்றும் சாலைப் பாதுகாப்பு குறித்து விழிப்புணர்வை ஏற்படுத்தும் வகையில் மாற்றுத் திறனாளி திங்கள்கிழமை விழிப்புணர்வுப் பிரசாரத்தைத் தொடங்கினார்.
 கோவை, குனியமுத்தூர், பி.கே.புதூரைச் சேர்ந்தவர் பிரின்ஸ் (41). இவர், வெள்ளலூரில் உள்ள இ.எஸ்.ஐ. மருத்துவமனையில் மருந்தாளுநராகப் பணியாற்றி வருகிறார். இந்நிலையில் தனது சொந்த காரில் தூய்மை இந்தியா திட்டம் மற்றும் சாலைப் பாதுகாப்பின் அவசியம் குறித்த விழிப்புணர்வு வாசகங்களுடன் 10 நாள் விழிப்புணர்வுப் பிரசாரத்தில் ஈடுபட உள்ளார்.
 அதன்படி, தனது கார் மூலமாக மாநிலம் முழுவதும் 10 நாளில் 3 ஆயிரம் கிலோ மீட்டர் பயணிக்க முடிவு செய்துள்ளார். கோவை மாவட்ட ஆட்சியர் அலுவலகத்தில் இருந்து புறப்பட்ட அவரது விழிப்புணர்வுப் பிரசாரப் பயணத்தை மாவட்ட ஆட்சியர் த.ந.ஹரிஹரன் கொடியசைத்து தொடக்கிவைத்தார். 
42 நகரங்கள் வழியாக நடைபெற உள்ள விழிப்புணர்வுப் பிரசாரத்துக்கு கோவை கிழக்கு ரோட்டரி சங்கமும், ஆலயம் நலச் சங்கமும் இணைந்து ஏற்பாடு செய்துள்ளன.
 

]]>
http://www.dinamani.com/all-editions/edition-coimbatore/coimbatore/2018/sep/25/தூய்மை-இந்தியா-திட்டத்தை-வலியுறுத்தி--மாற்றுத்-திறனாளி-விழிப்புணர்வுப்-பிரசாரம்-3007278.html
3007276 கோயம்புத்தூர் கோயம்புத்தூர் குடும்பத் தகராறில் குழந்தைகளுக்கு விஷம்: தற்கொலைக்கு முயன்ற தாய்: சிறுமி சாவு DIN DIN Tuesday, September 25, 2018 08:00 AM +0530 கோவையில் குடும்பத் தகராறு காரணமாக குழந்தைகளுக்கு விஷம் கொடுத்துவிட்டு பெண் தற்கொலைக்கு முயன்றார்.
இதுகுறித்து காவல் துறையினர் கூறியதாவது:
கோவை, செளரிபாளையம் பகுதியைச் சேர்ந்தவர் தனபால் (36), லேத் பட்டறை வைத்துள்ளார். இவரது மனைவி திவ்யா (26). இவர்களது குழந்தைகள் நிகிதா (7), தேவ் (3). தனபாலுக்கு மது அருந்தும் பழக்கம் உள்ளதாம். இதனால் திவ்யாவுக்கும், தனபாலுவுக்கும் இடையே அடிக்கடி தகராறு ஏற்பட்டு வந்ததாகவும் கூறப்படுகிறது.
 இந்த நிலையில், அது தொடர்பாக இருவருக்கும் இடையே திங்கள்கிழமையும் தகராறு ஏற்பட்டதாகத் தெரிகிறது. தனபால் வீட்டை விட்டு வெளியே சென்றிருந்த நிலையில், தனது இரு குழந்தைகளுக்கும் விஷம் கொடுத்துவிட்டு திவ்யாவும் விஷம் அருந்தி தற்கொலைக்கு முயன்றுள்ளார். 
முன்னதாக, தான் விஷம் அருந்திவிட்டதாகக் கணவருக்கும்,  உறவினர்களுக்கும் செல்லிடப்பேசி மூலமாக அவர் தகவல் தெரிவித்துள்ளார்.
 இதையடுத்து, அவர்கள் வீட்டுக்குச் சென்று பார்த்தபோது மூவரும் வாயில் நுரை தள்ளியவாறு மயங்கிக் கிடந்துள்ளனர். இதையடுத்து அவர்களை மருத்துவமனைக்கு கொண்டு சென்றனர். 
அப்போது நிகிதா ஏற்கெனவே உயிரிழந்திருப்பது தெரியவந்தது. சிறுவன் தேவ், திவ்யா இருவரும் உயிருக்கு ஆபத்தான நிலையில் அரசு மருத்துவமனையில் சிகிச்சை பெற்று வருகின்றனர். இது குறித்து காவல் துறையினர் வழக்குப் பதிவு செய்து விசாரிக்கின்றனர்.

]]>
http://www.dinamani.com/all-editions/edition-coimbatore/coimbatore/2018/sep/25/குடும்பத்-தகராறில்-குழந்தைகளுக்கு-விஷம்-தற்கொலைக்கு-முயன்ற-தாய்-சிறுமி-சாவு-3007276.html
3007275 கோயம்புத்தூர் கோயம்புத்தூர் பீரோவை உடைத்து 2 பவுன் திருட்டு DIN DIN Tuesday, September 25, 2018 07:59 AM +0530 அன்னூர் அருகே வீட்டில் பீரோவை உடைத்து 2 பவுன் நகையை மர்ம நபர்கள் திருடிச் சென்றுள்ளனர்.
அன்னூர் அருகே உள்ள கஞ்சப்பள்ளி பகுதியைச் சேர்ந்தவர் ஜான்சன் (52). இவர், மனைவியுடன் உறவினர் திருமணத்துக்கு செப்டம்பர் 22ஆம் தேதி  சென்றுள்ளார். மீண்டும் 23ஆம் தேதி காலை வீட்டுக்கு வந்து பார்த்தபோது வீட்டின் பூட்டு உடைக்கப்பட்டிருந்துள்ளது. 
மேலும், வீட்டினுள் சென்று பார்த்தபோது வீட்டில் வைக்கப்பட்டிருந்த பீரோவும் உடைக்கப்பட்டு அதில் இருந்த 2 பவுன் சங்கிலியை மர்ம நபர்கள் திருடிச் சென்றது தெரியவந்தது. இதையடுத்து, ஜான்சன் அளித்த புகாரின் பேரில் அன்னூர் காவல் துறையினர் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-coimbatore/coimbatore/2018/sep/25/பீரோவை-உடைத்து-2-பவுன்-திருட்டு-3007275.html
3007274 கோயம்புத்தூர் கோயம்புத்தூர் சத்துணவு ஊழியர்கள் ஆர்ப்பாட்டம் DIN DIN Tuesday, September 25, 2018 07:59 AM +0530 ஊழல் முறைகேட்டில் ஈடுபடும் ஆட்சியரின் நேர்முக உதவியாளர் மீது நடவடிக்கை எடுக்க வலியுறுத்தி சத்துணவு ஊழியர் சங்கத்தினர் ஆட்சியர் அலுவலக வளாகத்தில் திங்கள்கிழமை ஆர்ப்பாட்டத்தில் ஈடுபட்டனர்.
 தமிழ்நாடு சத்துணவு ஊழியர் சங்கத்தின் மாவட்டத் தலைவர் இன்னாசிமுத்து தலைமையில், ஆட்சியர் அலுவலக வளாகத்தில் இந்த ஆர்ப்பாட்டம் நடைபெற்றது. இதில், தமிழ்நாடு சத்துணவு ஊழியர் சங்கத்தின் மாநிலப் பொருளாளர் பேயத்தேவன் உரையாற்றினார்.
 கோவை மாவட்ட சத்துணவுத் துறையில் ஆட்சியரின் நேர்முக உதவியாளர் பதவியில் உள்ளவர், ஊழியர்கள் நியமனம் உள்ளிட்ட அனைத்து வகைப் பணிகளிலும் ஊழல் முறைகேட்டில் ஈடுபட்டு வருகிறார். இந்நிலையில், சத்துணவு ஊழியர் சங்கத்தினர் போராடிப் பெற்ற சிறு, சிறு சலுகைகளைப் பெறுவதற்குக்கூட அவர் பணம் பெற்றுக் கொண்டு செயல்படுகிறார்.  இதனால் ஆத்திரமடைந்த அவர், தன்னால் ஆதாயம் அடைந்த அமைப்புகளுடன் இணைந்து சத்துணவு ஊழியர் சங்கத்தின் மீது பொய்ப் பிரசாரத்தை மேற்கொண்டுள்ளார் என இந்த ர்ஆப்பாட்டத்தில் ஈடுபட்டவர்கள் குற்றம்சாட்டினர். 
இந்த ஆர்ப்பாட்டத்தில் தமிழ்நாடு அரசு ஊழியர் சங்கத்தின் கோவை மாவட்டத் தலைவர்  பழனிசாமி, செயலாளர் குமார் உள்ளிட்ட மற்றும் நூற்றுக்கும் மேற்பட்ட சத்துணவு ஊழியர்கள் 
கலந்துகொண்டனர்.
 

]]>
http://www.dinamani.com/all-editions/edition-coimbatore/coimbatore/2018/sep/25/சத்துணவு-ஊழியர்கள்-ஆர்ப்பாட்டம்-3007274.html
3007273 கோயம்புத்தூர் கோயம்புத்தூர் ஹார்வர்டு பல்கலைக்கழகத் தமிழ் இருக்கை: 3 மாதத்துக்குள் ஆய்வுகள் குறித்த அறிவிப்பு வரும்: அமைச்சர் க.பாண்டியராஜன் DIN DIN Tuesday, September 25, 2018 07:59 AM +0530 ஹார்வர்டு பல்கலைக்கழகத் தமிழ் இருக்கையில் என்னென்ன தலைப்புகளில் ஆய்வுகள் மேற்கொள்ளப்பட உள்ளன என்பது குறித்த அறிவிப்பு 3 மாதங்களில் வெளியாகும் என தமிழ் வளர்ச்சி, தொல்லியல் துறை அமைச்சர் க.பாண்டியராஜன் தெரிவித்துள்ளார்.
 கோவையில் உள்ள உற்பத்தித் திறன் குழுவின் வைர விழா திங்கள்கிழமை நடைபெற்றது. அமைப்பின் தலைவர் ஏ.எம்.நடராஜன் தலைமை வகித்தார். முன்னாள் தலைவர் கவிதாசன், செயலர் எஸ்.சுதாகர் ஆகியோர் முன்னிலை வகித்தனர். 
இதில், நகராட்சி நிர்வாகம், ஊரக வளர்ச்சித் துறை அமைச்சர் எஸ்.பி.வேலுமணி, தமிழ் வளர்ச்சி, தொல்லியல் துறை அமைச்சர் க.பாண்டியராஜன் ஆகியோர் சிறப்பு அழைப்பாளர்களாகப் பங்கேற்றுப் பேசினர்.
அதைத் தொடர்ந்து, அமைச்சர் க.பாண்டியராஜன் செய்தியாளர்களிடம் கூறியதாவது: புதிய தொழில் முனைவோரை உருவாக்கக் கூடிய நீட்ஸ் திட்டத்தின்கீழ் பயனாளிகளுக்கு குறைந்த வட்டியில் ரூ. 5 கோடி வரை கடன் வழங்கப்படுகிறது. இதற்காக ஆண்டுக்கு ஆயிரம் பயனாளிகள் தேர்வு செய்யப்படுவர் என அறிவிக்கப்பட்ட நிலையில், தற்போது ஆண்டுக்கு 750 விண்ணப்பங்கள் மட்டுமே பெறப்படுகின்றன. இந்தத் திட்டத்தின் கீழ் பயனாளிகளைக் கண்டறிவதில் சிக்கல் ஏதும் இல்லை என்றாலும் ஆர்வம் இருப்பவர்களுக்கு மட்டுமே வாய்ப்பு அளிக்கப்படுவதால் எண்ணிக்கை குறைவாக இருக்கிறது.
 ஹார்வர்டு பல்கலைக்கழகத்தில் தமிழ் இருக்கை அமைப்பதற்கான முழுத் தொகையும் கடந்த மார்ச் மாதமே செலுத்தப்பட்டுவிட்டது. அதைத் தொடர்ந்து, அங்கு எந்தெந்த தலைப்புகளில் ஆய்வுகள் மேற்கொள்ளப்படும் என்பதற்கான ஆய்வறிக்கை அடுத்த 3 மாதங்களுக்குள் வெளியாகும் என நம்புகிறோம். மேலும், மலாய், யாழ்ப்பாணப் பல்கலைக்கழகங்களிலும் இதேபோல எந்தெந்தத் தலைப்புகளில் ஆய்வுகள் நடத்துவது என்பது தொடர்பாக அதிகாரிகள் அளவிலான ஆலோசனை நடைபெறுகிறது. மறைந்த முதல்வர் எம்.ஜி.ஆர். குறித்து ஓர் ஆய்வும் யாழ்ப்பாணப் பல்கலைக்கழகத்தில் நடத்தப்படும் என்றார்.
 இந்நிகழ்ச்சியில், பெங்களூரு டிசால்வ் குரூப்பின் தலைவர் வி.வீரப்பன், அமைப்பின் துணைத் தலைவர் கே.அருள், பொருளாளர் அதியமான், இணைச் செயலர் கே.பழனிசாமி உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/coimbatore/2018/sep/25/ஹார்வர்டு-பல்கலைக்கழகத்-தமிழ்-இருக்கை-3-மாதத்துக்குள்-ஆய்வுகள்-குறித்த-அறிவிப்பு-வரும்-அமைச்சர்-க-3007273.html
3007272 கோயம்புத்தூர் கோயம்புத்தூர் மாநகராட்சி எல்லைக்குள் மாற்று இடம் வழங்கவேண்டும்: ஜீவா நகர் பகுதி மக்கள் மனு DIN DIN Tuesday, September 25, 2018 07:58 AM +0530 கோவை மாநகராட்சி எல்லைக்குள் மாற்று இடம் வழங்காமல் தங்களை வெளியேற்றக் கூடாது என ஜீவா நகர் பகுதி மக்கள் ஆட்சியரிடம் மனு அளித்துள்ளனர். 
இதுகுறித்து, அப்பகுதி மக்கள் மாவட்ட ஆட்சியர் த.ந.ஹரிஹரனிடம் அளித்துள்ள மனு விவரம்:
கோவை, ஜீவா நகர் பகுதியில் கடந்த 1979ஆம் ஆண்டு முதல் வீடு கட்டி வசித்து வருகிறோம். கடந்த 1988 ஆம் ஆண்டு முதல் தமிழ்நாடு குடிசை மாற்று வாரியத்துடன் குத்தகை மற்றும் நிலக்கிரைய ஒப்பந்தம் ஏற்படுத்தி, வாரியத்துக்கு தவணைத் தொகையை செலுத்தி வருகிறோம். 
நாங்கள் வசிக்கும் குடியிருப்புப் பகுதி எவ்வித இடையூறும் இல்லாமல் அமைந்துள்ளது. எனவே, இதை காலி செய்ய வேண்டிய அவசியம் இல்லை என முந்தைய மாவட்ட ஆட்சியர்கள் தெரிவித்துள்ளனர்.
எங்கள் குடியிருப்புக்கு அருகில் உள்ள தனியார் அடுக்குமாடிக் குடியிருப்புக்கு கார் செல்ல வழி ஏற்படுத்துவதே தற்போது எங்களது குடியிருப்புகளை அகற்றுவதற்கு காரணமாகும். 
கல்வி, வேலைவாய்ப்புகள் மாநகராட்சி எல்லைக்குள்ளேயே அமைந்திருப்பதால் தற்போது வசிக்கும் பகுதிக்கு அருகிலேயே எங்களுக்கு இடம் ஒதுக்கித்தர வேண்டும். 
எங்களுக்கு மாற்று இடம் ஒதுக்கீடு செய்யும் வரையில் குடியிருப்புகளை அப்புறப்படுத்தக் கூடாது என அந்த மனுவில் தெரிவித்துள்ளனர்.
 போத்தனூர் ரயில் நிலையத்தில் ரயில்கள் நின்று செல்ல வேண்டும்...:
இதுகுறித்து போத்தனூர் ரயில் பயணிகள் சங்கம் சார்பில் அளித்துள்ள மனு விவரம்: 
போத்தனூர் ரயில் நிலையத்தில் அனைத்து ரயில்களும் நின்று செல்வதற்கு தெற்கு ரயில்வே நிர்வாகம் நடவடிக்கை எடுக்கவேண்டும். இதன் மூலமாக போத்தனூர் மற்றும் அதைச் சுற்றியுள்ள 15 லட்சம் மக்கள் பயனடைவர். 
மேலும், கோவை ரயில் நிலையத்தில் இட நெருக்கடியால் வாகனங்களை நிறுத்தவும், நகரில் ஏற்பட்டுள்ள போக்குவரத்து நெரிசல் காரணமாக ரயில் நிலையத்தை சென்றடைவதிலும் காலதாமதம் ஏற்படுகிறது. எனவே, இதைக் கணக்கில் கொண்டு போத்தனூர் ரயில் நிலையத்தில் அனைத்து ரயில்களும் நின்று செல்ல நடவடிக்கை எடுக்க வேண்டும்.
மேலும் கோவை - மேட்டுப்பாளையம், கோவை - நாகர்கோயில் பயணிகள் ரயிலை போத்தனூர் வரையில் இயக்க நடவடிக்கை எடுக்க வேண்டும். 
எர்ணாகுளம் - பாலக்காடு வரையில் இயக்கப்படும் பயணிகள் ரயிலை கோவை ரயில் நிலையம் வரை இயக்கவேண்டும். கோவை - பொள்ளாச்சி இடையே அகல ரயில் பாதை அமைக்கப்பட்டதைத் தொடர்ந்து பயணிகளின் நலன் கருதி புதிய ரயில்கள் இயக்க வேண்டும் என தெரிவிக்கப்பட்டுள்ளது.
 தனியார் பள்ளியில் காலாண்டு விடுமுறை அளிக்க வேண்டும்...:
இதுகுறித்து ரகுநாத் என்பவர் அளித்துள்ள மனு: 
கோவை, நல்லாம்பாளையத்தில் உள்ள தனியார் பள்ளியில் காலாண்டுத் தேர்வுக்குப் பின்னர் விடுமுறை அளிக்காமல் பள்ளி தொடர்ந்து செயல்பட்டு வருகிறது. இதனால் மாணவர்கள் மன உளைச்சலுக்கு ஆளாகி உள்ளனர். எனவே, தமிழக அரசின் அரசாணையை செயல்படுத்தும் விதமாக பள்ளிக்கு விடுமுறை அளிக்க வேண்டும். 
மேலும், பள்ளியின் அங்கீகாரம் முடிவடைந்து 17 மாதங்கள் ஆகிறது. ஆனால், பள்ளி நிர்வாகம் அங்கீகாரத்தைப் புதுப்பிக்காமல் செயல்பட்டு வருகிறது. 
எனவே, பள்ளியின் அங்கீகாரத்தைப் புதுப்பிக்க நடவடிக்கை எடுக்கவேண்டும். பள்ளியில் பெற்றோர் - ஆசிரியர் சங்கம் செயல்பட நடவடிக்கை எடுக்க வேண்டும் என தெரிவிக்கப்பட்டுள்ளது.
அரசு கோப்புகளில் தமிழில் கையெழுத்திட வேண்டும்...: 
இதுகுறித்து மக்கள் பாதை அமைப்பு சார்பில் அளிக்கப்பட்டுள்ள மனு: 
அரசுப் பணியாளர்கள் தமிழில் கையெழுத்திட வேண்டும் என 1978இல் அரசாணை வெளியிடப்பட்டுள்ளது. ஆனால், தமிழகத்தில் இந்த அரசாணை செயல்படுத்தப்படாத நிலை உள்ளது. எனவே, மாவட்ட அரசு அலுவலங்களில் பதிவு செய்யப்படும் பதிவேடுகள், கடிதங்கள், ஆணைகள், காலமுறை அறிக்கைகள், நாள் குறிப்புகள், பெயர்ப் பலகைகள், முத்திரைகள் ஆகியவை அனைத்தும் தமிழிலேயே அமைக்கப்பட வேண்டும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/coimbatore/2018/sep/25/மாநகராட்சி-எல்லைக்குள்-மாற்று-இடம்-வழங்கவேண்டும்-ஜீவா-நகர்-பகுதி-மக்கள்-மனு-3007272.html
3007271 கோயம்புத்தூர் கோயம்புத்தூர் பௌர்ணமி கிரிவலம் DIN DIN Tuesday, September 25, 2018 07:58 AM +0530 மதுக்கரை தர்மலிங்கேசுவரர் கோயிலில் பக்தர்கள் திங்கள்கிழமை பௌர்ணமி கிரிவலம் சென்றனர்.
கோவையை அடுத்துள்ள மதுக்கரை, மரப்பாலம் பகுதியில் அமைந்துள்ள மலைக் கோயிலான தர்மலிங்கேசுவரர் கோயிலில் மாதம்தோறும் பௌர்ணமி தினத்தன்று பக்தர்கள் கிரிவலம் செல்வது வழக்கம். 
அதன்படி, இம்மாத பௌர்ணமி கிரிவலம் திங்கள்கிழமை நடைபெற்றது. இதில், மதுக்கரை பகுதிகளிலிருந்தும், அதன் சுற்றுவட்டார கிராமங்களில் இருந்தும் 500-க்கும் மேற்பட்டோர் கலந்துகொண்டு தர்மலிங்கேசுவரரை தரிசனம் செய்தனர்.

]]>
http://www.dinamani.com/all-editions/edition-coimbatore/coimbatore/2018/sep/25/பௌர்ணமி-கிரிவலம்-3007271.html
3007270 கோயம்புத்தூர் கோயம்புத்தூர் அன்னூரில் இருசக்கர  வாகனம் மோதி பெண் சாவு DIN DIN Tuesday, September 25, 2018 07:58 AM +0530 அன்னூர் அருகே காரனூரில், நடந்து சென்ற பெண்ணின் மீது இருசக்கர வாகனம் மோதியதில் பெண் ஞாயிற்றுக்கிழமை உயிரிழந்தார்.
அன்னூர் அருகே அய்யம் அக்கரை செங்கப்பள்ளி பகுதியை சேர்ந்தவர் நாச்சிமுத்து, இவரது மனைவி குப்பம்மாள்(45), இவர் கடந்த 22-ஆம் தேதி நியாயவிலை கடைக்கு செல்வதற்காக அன்னூர்-ஓதிமலை சாலையில், காரனூர் அருகே நடந்து சென்று கொண்டிருந்துள்ளார். அப்போது பின்னால் வந்த இருசக்கர வாகனம் குப்பம்மாள் மீது மோதியது. இதில், பலத்த காயமடைந்த குப்பாம்மாளை அருகில் இருந்தவர்கள் மீட்டு கோவை அரசு மருத்துவமனைக்கு அனுப்பி வைத்தனர். ஆனால், அங்கு  23-ஆம் தேதி உயிரிழந்தார்.
இதுகுறித்து அன்னூர் காவல் துறையினர் வழக்கு பதிவு செய்து விசாரித்து வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/25/அன்னூரில்-இருசக்கர--வாகனம்-மோதி-பெண்-சாவு-3007270.html
3007269 கோயம்புத்தூர் கோயம்புத்தூர் மின் கம்பத்தின் மீது பொக்லைன் இயந்திரம் மோதி  100 வீடுகளில் மின் சாதனப் பொருள்கள் சேதம் DIN DIN Tuesday, September 25, 2018 07:57 AM +0530 அன்னூர் அருகே முதலிபாளையம் பகுதியில் மின் கம்பத்தின் மீது பொக்லைன் இயந்திரம் மோதியதில் 100 வீடுகளில் மின்சாதனப் பொருள்கள் சேதமடைந்தன.
அன்னூர் ஒன்றியம், காட்டம்பட்டி ஊராட்சி, முதலிபாளையம் பகுதியில் குடிநீர்க் குழாய் அமைக்கும் பணிக்காக குழி தோண்டும் பணி நடைபெற்று வந்தது.  அப்போது அந்தப் பகுதியில் இருந்த சீமைக் கருவேல மரங்களை பொக்லைன் இயந்திரத்தின் மூலமாக அகற்றி வந்தனர். இப்பணியின்போது அருகில் இருந்த மின் கம்பத்தின் மீது பொக்லைன் இயந்திரம் மோதியுள்ளது. 
இதில், மின் கம்பிகள் அறுந்து இயந்திரத்தின் மீது விழுந்தன. இதையடுத்து, அருகில் இருந்த  முதலிபாளையம், காட்டம்பட்டி, ராஜா நகர், சிவா கார்டன் உள்ளிட்ட பகுதிகளில் உள்ள 100க்கும் மேற்பட்ட வீடுகளில் டி.வி., குளிர்சாதனப் பெட்டி, மின் விளக்குகள் உள்பட பல்வேறு மின்சாதனப் பொருள்கள் சேதமடைந்தன. 
இதையடுத்து, அப்பகுதி மக்கள் பொக்லைன் இயந்திரத்தை சிறைபிடித்துப் போராட்டத்தில் ஈடுபட்டனர். 
இதையடுத்து, போராட்டத்தில் ஈடுபட்டவர்களிடம் அன்னூர் காவல் துறையினர் பேச்சுவார்த்தை நடத்தினர். அப்போது, சம்பவம் குறித்து காவல் நிலையத்தில் புகார் தெரிவித்தால் உரிய நடவடிக்கை மேற்கொள்ளப்படும் தெரிவித்தனர். 
இதையடுத்து, பொது மக்கள் போராட்டத்தைக் கைவிட்டனர்.
 

]]>
http://www.dinamani.com/all-editions/edition-coimbatore/coimbatore/2018/sep/25/மின்-கம்பத்தின்-மீது-பொக்லைன்-இயந்திரம்-மோதி-100-வீடுகளில்-மின்-சாதனப்-பொருள்கள்-சேதம்-3007269.html
3007268 கோயம்புத்தூர் கோயம்புத்தூர் "தேயிலை தோட்டத் தொழிலாளர்களுக்கு 10 நாள்களில் நிலுவைத் தொகை' DIN DIN Tuesday, September 25, 2018 07:57 AM +0530 தேயிலை தோட்டத் தொழிலாளர்களுக்கு 10 நாள்களில் நிலுவைத் தொகை கிடைக்க நடவடிக்கை எடுக்கப்படும் என வால்பாறை அதிமுக நிர்வாகிகள் ஆலோசனை கூட்டம் தொழிற்சங்க அலுவலகத்தில் திங்கள்கிழமை நடைபெற்றது. 
அதிமுக தொழிற்சங்கத் தலைவரும், கூட்டுறவு நகர வங்கித் தலைவருமான வால்பாறை அமீது தலைமை வகித்தார். நகர துணைச் செயலாளர் பொன்கணேஷ், மாவட்டப் பாசறை இணைச் செயலாளர் சலாவுதீன் ஆகியோர் முன்னிலை வகித்தனர். 
இக்கூட்டத்தில், எம்.ஜி.ஆர். மன்றச் செயலாளர் அண்ணா வரவேற்று பேசினார். இக்கூட்டத்தில் தொழிற்சங்கத் தலைவர் அமீது பேசியதாவது: 
தேயிலை தோட்டத் தொழிலாளர்களுக்கு 16 ஆண்டு காலமாக நிலுவையில் உள்ள குறைக்கப்பட்ட சம்பளத்தை 10 தினங்களுக்குள்  ரூ. 1,400 பெற்றுத் தர அமைச்சர் எம்,எல்,ஏ மூலமாக உரிய நடவடிக்கை எடுக்கப்படும்.  கோவையில் அமைச்சர் எஸ்.பி.வேலுமணி தலைமையில் செவ்வாய்க்கிழமை நடைபெற உள்ள கண்டனப் பொதுக் கூட்டத்தில் வால்பாறை பகுதியில் இருந்து ஆயிரக்கனக்கானோர் கலந்து கொள்ள வேண்டும் என்று அமீது பேசினார். பேரவை செயலாளர் நரசப்பன், மணிகன்டன், சசி, முருகன் உள்ளிட்ட நிர்வாகிகள், கிளை நிர்வாகிகள் திரளானோர் கூட்டத்தில் கலந்து கொண்டனர்.

]]>
http://www.dinamani.com/all-editions/edition-coimbatore/coimbatore/2018/sep/25/தேயிலை-தோட்டத்-தொழிலாளர்களுக்கு-10-நாள்களில்-நிலுவைத்-தொகை-3007268.html
3007267 கோயம்புத்தூர் கோயம்புத்தூர் புதுச்சேரியில் இருந்து மது கடத்தி விற்பனை: இருவர் கைது DIN DIN Tuesday, September 25, 2018 07:57 AM +0530 புதுச்சேரியில் இருந்து மது கடத்தி வந்த இருவரை பெரியநாயக்கன்பாளையம் மதுவிலக்கு காவல் துறையினர் ஞாயிற்றுக்கிழமை கைது செய்தனர். 
இதுகுறித்து, காவல் துறையினர் கூறியதாவது:
 புதுச்சேரியில் இருந்து மது கடத்தி வந்து கோவையில் அதிக விலைக்கு சிலர் விற்பனை செய்வதாக மாவட்டக் காவல் கண்காணிப்பாளர் ஆர்.பாண்டியராஜனுக்குத் தகவல் கிடைத்தது. 
அதன்பேரில் பெரியநாயக்கன்பாளையம் மதுவிலக்கு காவல் துறையினர் கோவை மாவட்டம், அன்னூர் பகுதியில், செப்டம்பர் 22ஆம் தேதி இரவு 11 மணி அளவில் வாகனச் சோதனையில் ஈடுபட்டிருந்தனர். 
அப்போது அந்த வழியாக வந்த காரைத் தடுத்து நிறுத்தி சோதனை நடத்தினர்.  அப்போது, அந்த காரில் புதுச்சேரியில் இருந்து மது கடத்தி வந்தது தெரியவந்தது. 
இதையடுத்து, கடத்தலுக்குப் பயன்படுத்தப்பட்ட காரும், அதில் இருந்த 90 மதுபாட்டில்களும் பறிமுதல் செய்யப்பட்டன. 
இதுதொடர்பாக கோவை மாவட்டம், கருமத்தம்பட்டியை அடுத்த கணியூரைச் சேர்ந்த சி.பிரபு (34), புதுக்கோட்டை மாவட்டம், ஆலங்குடியைச் சேர்ந்த பி.தாஸ் (எ) ஆரோக்கியதாஸ் (48) ஆகிய இருவரும் கைது செய்யப்பட்டனர். 
விசாரணையில், இருவரும் புதுச்சேரியில் இருந்து மது பாட்டில்களை வாங்கி வந்து, அதில் கூடுதலாக போதை கலந்து, சாலை ஓரங்களில் உள்ள உணவகங்களுக்கு விற்பனை செய்துவந்தது தெரியவந்தது. 
 இதில், ஏற்கெனவே மது கடத்திய வழக்கில் ஆரோக்கியதாஸ் குண்டர் சட்டத்தின்கீழ் கைது செய்து சிறையில் அடைக்கப்பட்டு சில நாள்களுக்கு முன்னர்தான் விடுதலையானவர் என்பது குறிப்பிடத்தக்கது.
 

]]>
http://www.dinamani.com/all-editions/edition-coimbatore/coimbatore/2018/sep/25/புதுச்சேரியில்-இருந்து-மது-கடத்தி-விற்பனை-இருவர்-கைது-3007267.html
3007266 கோயம்புத்தூர் கோயம்புத்தூர் ஆதிதிராவிடர் நல அலுவலகத்தை ஜப்தி செய்ய நோட்டீஸ் DIN DIN Tuesday, September 25, 2018 07:57 AM +0530 பொள்ளாச்சி ஆதிதிராவிடர் நலத் துறை அலுவலகத்தை ஜப்தி செய்ய பொள்ளாச்சி சார்பு நீதிமன்றம் உத்தரவிட்டதை அடுத்து அங்கு ஜப்தி நோட்டீஸ் திங்கள்கிழமை ஒட்டப்பட்டது.
பொள்ளாச்சியை அடுத்த நெகமம்  அருகேயுள்ள கள்ளிப்பட்டியைச் சேர்ந்தவர் சேதுபதி. இவருக்கு கள்ளிப்பட்டியில் 2  ஏக்கர் நிலம் இருந்தது.  இதனை ஆதிதிராவிடர்களுக்கு வீட்டுமனைகளாக வழங்க பொள்ளாச்சி ஆதிதிராவிட நலத் துறையினர்  1999 ஆம் ஆண்டு ஆர்ஜிதம் செய்தனர். 
இந்த இடத்துக்கு இழப்பீட்டுத் தொகையாக ஏக்கருக்கு ரூ. 25 ஆயிரம் நிர்ணயம் செய்யப்பட்டது. நிலத்தின் உரிமையாளர் சேதுபதி ஏக்கருக்கு ரூ. 1.50 லட்சம் கேட்டு  பொள்ளாச்சி சார்பு நீதிமன்றத்தில் 2000 ஆம் ஆண்டு வழக்குத் தொடர்ந்தார்.
 இதையடுத்து நில உரிமையாளருக்கு தீர்ப்பு தேதியிலிருந்து 1 ஆண்டுக்குள் ரூ. 2 லட்சத்து 87 ஆயிரத்து 500 அரசு வழங்க வேண்டும். வழங்கத் தவறினால் 15 சதவீத வட்டியுடன் வழங்க வேண்டும் என நீதிமன்றத்தில் 2003 இல் தீர்ப்பு வழங்கப்பட்டது.  இந்த தீர்ப்பை எதிர்த்து அரசு தரப்பில் சென்னை உயர் நீதிமன்றத்தில் 2004 இல் மேல்முறையீடு செய்யப்பட்டது. இவ்வழக்கில் கீழ் நீதிமன்ற உத்தரவை உறுதிசெய்து சென்னை உயர் நீதிமன்றம்  2016இல் தீர்ப்பு வழங்கியது.
 இழப்பீடு தொகை வழங்கப்படாததால் பொள்ளாச்சி சார்பு நீதிமன்றத்தில்  நிறைவேற்றுதல் மனு 2017 ஆம் ஆண்டு தாக்கல் செய்யப்பட்டது. இதையடுத்து பொள்ளாச்சி சார்பு நீதிமன்ற நீதிபதி ரவி,  பொள்ளாச்சி ஆதி திராவிடர் நலத் துறை அலுவலகத்தை ஜப்தி செய்ய உத்தரவிட்டார்.  இதைத் தொடர்ந்து, பொள்ளாச்சி சார் ஆட்சியர் அலுவலகத்தில் உள்ள ஆதி திராவிடர் நலத் துறை அலுவலகத்தை ஜப்தி செய்யும் நோட்டீஸ் திங்கள்கிழமை ஒட்டப்பட்டது.

]]>
http://www.dinamani.com/all-editions/edition-coimbatore/coimbatore/2018/sep/25/ஆதிதிராவிடர்-நல-அலுவலகத்தை-ஜப்தி-செய்ய-நோட்டீஸ்-3007266.html
3007265 கோயம்புத்தூர் கோயம்புத்தூர் கோவையில் பலத்த மழை; மேலும் 2 நாள்களுக்கு நீடிக்கும் DIN DIN Tuesday, September 25, 2018 07:56 AM +0530 கோவையில், மாநகரின் பல்வேறு பகுதிகளிலும் திங்கள்கிழமை இரவு பலத்த மழை பெய்தது.
கோவை மாநகரில் கடந்த சில நாள்களாகவே வெயிலின் தாக்கம் கடுமையாக இருந்தது. இதனால் பகல் நேரங்களில் வெளியில் செல்வதை வாகன ஓட்டிகள் மற்றும் பொதுமக்கள் பெரும்பாலும் தவிர்த்து வந்தனர். 
இந்நிலையில், திங்கள்கிழமை பிற்பகலில் இருந்தே வானம் சற்று மேகமூட்டத்துடன் காணப்பட்டது. இந்நிலையில், கோவை ராமநாதபுரம், சிட்ரா, காளப்பட்டி, திருச்சி சாலை, ரயில் நிலையம், அவிநாசி சாலை மேம்பாலம் உள்ளிட்ட பல பகுதிகளில் திங்கள்கிழமை மாலையில் பலத்த மழை பெய்தது. 
 இந்த மழையானது சில மணி நேரம் நீடித்தது. இதனால் வாகன ஓட்டிகள் மற்றும் பொது மக்கள் கடும் அவதிக்குள்ளாகினர். ராமநாதபுரம், இருந்து பங்கஜா மில் சாலையில் சாக்கடையில் மழை நீர் செல்ல வழியில்லாததால் சாலைகளில் வெள்ளம் பெருக்கெடுத்து ஓடியது.
இதனால், வாகன ஓட்டிகள், பொது மக்கள் கடும் அவதிக்குள்ளாகினர்.  மாநகரில், சேரன் மாநகர், கணபதி உள்ளிட்ட பல்வேறு பகுதிகளில் சில மணி நேரம் மின்விநியோகம் தடைபட்டிருந்தது. 
இதேபோல, கோவை புறநகர் பகுதிகளான மதுக்கரை, சூலூர், கண்ணம்பாளையம், துடியலூர்,  கே.ஜி.சாவடி உள்ளிட்ட பல்வேறு பகுதிகளிலும் மழை பெய்தது. 
 மேற்குத் தொடர்ச்சி மலைப் பகுதியில் உள்ள கோவையின் குடிநீர் ஆதாரமான சிறுவாணி அணைப் பகுதியிலும் மழை நீடித்தது. 
சிறுவாணி அணைப் பகுதியில் ஞாயிற்றுக்கிழமை 17 மில்லி மீட்டர் மழை பதிவாகியுள்ளது. திங்கள்கிழமை காலை நிலவரப்படி அணையின் நீர்மட்டம் 39 அடியாக இருந்தது. 
வீடுகளுக்குள் கழிவு நீர்...: 
பலத்த மழை காரணமாக நகரின் பல்வேறு பகுதிகளிலும் வெள்ளம் பெருக்கெடுத்து ஓடியது. மேலும், பல இடங்களில் கழிவுநீருடன் மழை நீர் கலந்து சாலையில் ஓடியது. இதனால், தாழ்வான பகுதிகளில் உள்ள வீடுகளுக்குள் மழை நீருடன், சாக்கடை நீர் கலந்தது.
மாநகரம் முழுவதும் சாக்கடைகளில் உள்ள அடைப்புகள் முறையாக தூர்வாரப்படாததால் கழிவு நீர் செல்ல முடியவில்லை. 
இந்நிலையில், பலத்த மழை காரணமாக மழைநீருடன் கழிவுநீர் கலந்து தாழ்வான பகுதிகளுக்குள் வெள்ளம் புகுந்தது.
கோவை மாநகராட்சி, 64 ஆவது வார்டுக்கு உள்பட்ட வரதராஜபுரம் பகுதியில் மழைநீருடன், கழிவுநீர் கலந்து வீடுகளுக்குள் புகுந்தது. 
மேலும், இரவு நேரம் என்பதாலும், மாநகராட்சிப் பணியாளர்கள் வராத காரணத்தாலும் கழிவுநீரை வெளியேற்ற முடியாமல் பொதுமக்கள் பெரிதும் பாதிக்கப்பட்டனர். 
மேலும், மழைநீருடன் கழிவுநீர் கலந்ததால் தூர்நாற்றம் வீசியதுடன், சுகாதாரச் சீர்கேடும் ஏற்பட்டதால் குழந்தைகள், முதியவர்கள் உள்பட அனைத்துத் தரப்பினரும் பாதிக்கப்பட்டனர்.
மரம் சாய்ந்தது...:
கோவை வேளாண்மைப் பல்கலைக்கழகம் அருகே, மழை காரணமாக சாலை ஓரத்தில் இருந்த மரம் சாலையின் குறுக்கே சாய்ந்தது. இதனால், அந்தச் சாலையில் கடுமையான போக்குவரத்து பாதிப்பு ஏற்பட்டது. இதுகுறித்த தகவல் அறிந்து சம்பவ இடத்துக்கு வந்த தீயணைப்புத் துறையினர் மரத்தை அகற்றும் பணியில் ஈடுபட்டனர். 
மழை நீடிக்கும்...:
கோவையில் அடுத்த இரு நாள்களுக்கு மழை நீடிக்கும் வாய்ப்பு இருப்பதாகத் தமிழ்நாடு வேளாண்மைப் பல்கலைக்கழகத்தின் காலநிலை ஆராய்ச்சி மையம் தெரிவித்துள்ளது.
இது தொடர்பாக ஆராய்ச்சி மையத்தின் தலைவர் பன்னீர்செல்வம் கூறியதாவது: 
தமிழகத்தில் தென்மேற்குப் பருவ மழை நீடிக்கிறது. இந்த மழை செப்டம்பர் 30ஆம் தேதி வரை நீடிக்கும் என எதிர்பார்க்கப்படுகிறது.
கோவைக்கு இந்தப் பருவத்தில் 209  மில்லி மீட்டர் மழை கிடைக்கும்  என கணிக்கப்பட்டிருந்த  நிலையில், 198 மில்லி மீட்டர் மழை ஏற்கெனவே கிடைத்துள்ளது. இந்நிலையில்,  மாவட்டம் முழுவதும் திங்கள்கிழமை இரவு பரவலாக மழை பெய்துள்ளது. 
இது சராசரியாக 20 மில்லி மீட்டர் அளவு வரை பதிவாகும் வாய்ப்பு உள்ளது. எனவே, கணிக்கப்பட்ட அளவுக்கு அதிகமாக இந்தப் பருவத்தில் கோவைக்கு மழை கிடைத்துள்ளது.
கோவையில் மேலும் 2 நாள்களுக்கு இந்த மழை நீடிக்கும். அத்துடன் வானம் தொடர்ந்து மேகமூட்டத்துடன் இருக்கவும் வாய்ப்பு உள்ளது. பகல் நேரத்தில் அதிகபட்சமாக 33 டிகிரியும், இரவு நேரத்தில் 23 முதல் 24 டிகிரி வரையிலும் வெப்பநிலை இருக்கும். காற்றின் வேகம் மணிக்கு 5 முதல் 7 கிலோ மீட்டர் வேகத்தில் இருக்கும் என்றார்.

]]>
http://www.dinamani.com/all-editions/edition-coimbatore/coimbatore/2018/sep/25/கோவையில்-பலத்த-மழை-மேலும்-2-நாள்களுக்கு-நீடிக்கும்-3007265.html
3007038 கோயம்புத்தூர் கோயம்புத்தூர் ரூ. 1 கோடி கையாடல்: கணக்காளர் மீது வழக்குப் பதிவு DIN DIN Tuesday, September 25, 2018 01:18 AM +0530 கோவை துடியலூரில் உள்ள பின்னலாடைத் தொழிற்சாலையில் ரூ. 1 கோடி கையாடல் செய்த கணக்காளர் மீது மாவட்டக் குற்றப் பிரிவுக் காவல் துறையினர் வழக்குப் பதிவு செய்துள்ளனர். 
கோவை, துடியலூரில் தனியாருக்குச் சொந்தமான பின்னலாடைத் தொழிற்சாலை செயல்பட்டு வருகிறது. இந்தத் தொழிற்சாலையில் இருகூரைச் சேர்ந்த உதயநிதி (31) கணக்காளராகப் பணியாற்றி வந்தார். பின்னலாடை தயாரிக்க மூலப் பொருள்கள் அனுப்பும் நிறுவனங்களுக்கு வங்கிகள் மூலமாகப் பணம் அனுப்பும் பொறுப்பையும் கவனித்து வந்தார். 
இந்நிலையில், தொழிற்சாலைக்கு சொந்தமான ரூ. 1 கோடியே 1 லட்சத்தை தனது பெயரிலும், தனது உறவினர்கள் பெயரிலும் வங்கியில் செலுத்தி கையாடல் செய்தது தெரியவந்தது. 
இதுகுறித்து, கோவை மாவட்டக் குற்றப் பிரிவு காவல் துறையில் நிறுவனத்தின் அதிகாரி சக்தி புகார் அளித்துள்ளார்.
 அதன்பேரில் வழக்குப் பதிவு செய்த காவல் துறையினர் உதயநிதியைப் பிடித்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/25/ரூ-1-கோடி-கையாடல்-கணக்காளர்-மீது-வழக்குப்-பதிவு-3007038.html
3006782 கோயம்புத்தூர் கோயம்புத்தூர் மலைப் பாதையில் சைக்கிள் பந்தயம் DIN DIN Monday, September 24, 2018 08:53 AM +0530 வால்பாறை இஞ்சிப்பாறை எஸ்டேட் மலைப் பாதையில் சைக்கிள் பந்தயம் ஞாயிற்றுக்கிழமை நடைபெற்றது.
வால்பாறை பகுதியில் உள்ள உட்பிரியர் தேயிலை தோட்ட நிர்வாகத்தின் சார்பில் ஆண்டுதோறும் எஸ்டேட் பகுதி தேயிலைத் தோட்டங்களுக்கு இடையே உள்ள மலைப் பாதையில் சைக்கிள் பந்தயம் நடத்தப்படும். 
 இந்த போட்டியில் பல்வேறு மாநிலங்களைச் சேர்ந்த போட்டியாளர்கள் கலந்து கொள்வார்கள். இந்நிலையில், இந்த ஆண்டுக்கான சைக்கிள் பந்தயம் இஞ்சிப்பாறை எஸ்டேட் மலைப் பாதையில் ஞாயிற்றுக்கிழமை நடைபெற்றது. 
போட்டியை உட்பிரியர் எஸ்டேட் பொதுமேலாளர் ரஞ்சித் துவக்கி வைத்தார். இதில் பல்வேறு மாநிலங்களைச் சேர்ந்த 40-க்கும் மேற்பட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/24/மலைப்-பாதையில்-சைக்கிள்-பந்தயம்-3006782.html
3006781 கோயம்புத்தூர் கோயம்புத்தூர் கோவை குற்றாலத்துக்கு ஒரே நாளில் 2,800 பேர் வருகை: ரூ.1.51 லட்சம் வசூல் DIN DIN Monday, September 24, 2018 08:53 AM +0530 கோவை குற்றாலம் அருவியை காண விடுமுறை நாளான ஞாயிற்றுக்கிழமை 2,808 சுற்றுலாப் பயணிகள் வருகை தந்துள்ளனர். 
இதன் மூலமாக வனத் துறைக்கு ரூ.1.51 லட்சம் வசூலாகியுள்ளது. கோவையை அடுத்த மேற்குத் தொடர்ச்சி மலை அடிவாரத்தில் உள்ள கோவை குற்றாலம் அருவிக்கு பல்வேறு மாவட்டங்களில் இருந்து சுற்றுலாப் பயணிகள் வருவது வழக்கம்.  
அதிலும் வார விடுமுறை நாள்களாக சனி, ஞாயிற்றுக்கிழமைகளில் அதிக அளவிலான சுற்றுலாப் பயணிகள் வருவது வழக்கம்.   இந்நிலையில்,  இந்த அருவியில் வாரவிடுமுறையான ஞாயிற்றுக்கிழமை அதிகாலை முதலே கூட்டம் அதிகரித்துக் காணப்பட்டது. 
 காலை 10 முதல் மாலை 4 மணி வரையில் பெரியவர்கள் 2,442 பேர், சிறியவர் 366 பேர் என மொத்தம் 2,808 பேர் அருவியைப் பார்வையிட்டுச் சென்றுள்ளனர். 
இதில், பார்வையாளர் நுழைவுக் கட்டணம் , இரு மற்றும் நான்கு சக்கர வாகனம் நிறுத்தக் கட்டணம் என மொத்தம் ரூ.1 லட்சத்து 51 ஆயிரத்துக்கு 721 வசூலாகியுள்ளதாக போளுவாம்பட்டி வனச் சரகர் பழனிராஜா தெரிவித்துள்ளார்.
 

]]>
http://www.dinamani.com/all-editions/edition-coimbatore/coimbatore/2018/sep/24/கோவை-குற்றாலத்துக்கு-ஒரே-நாளில்-2800-பேர்-வருகை-ரூ151-லட்சம்-வசூல்-3006781.html
3006780 கோயம்புத்தூர் கோயம்புத்தூர் இரு பெண்களிடம் 7 பவுன் நகைப் பறிப்பு DIN DIN Monday, September 24, 2018 08:53 AM +0530 கோவை, காந்திபுரம் பகுதியில் இரு பெண்களிடம்  இருசக்கர வாகனத்தில் வந்த நபர்கள் 7  பவுன் நகையை சனிக்கிழமை பறித்துச் சென்றனர்.
இதுகுறித்து போலீஸார் கூறியதாவது: 
கன்னியாகுமரி மாவட்டம், நாகர்கோவிலை அடுத்த மலையடி கிராமத்தைச் சேர்ந்தவர் சத்யதாஸ். இவரது மனைவி இந்திரா நோபல் (58).  இவர்கள் கடந்த சில நாள்களுக்கு முன்னர் உதகைக்கு சுற்றுலாச் சென்றுள்ளனர். 
இதன் பிறகு சொந்த ஊர் திரும்புவதற்காக கோவைக்கு சனிக்கிழமை வந்துள்ளனர்.  அப்போது அவரது கணவர் டிக்கெட் எடுப்பதற்காகச் சென்றுவிட  இந்திரா நோபல் மட்டும் காந்திபுரம் பேருந்து நிலையத்தில் 
தனியாக நின்று கொண்டிருந்தார். அப்போது 
இருசக்கர வாகனத்தில் வந்த நபர்கள் இந்திரா நோபல் அணிந்திருந்த 5 பவுன் நகையைப் பறித்துவிட்டு தப்பிச் சென்றனர். 
மற்றொரு சம்பவம்:  சென்னை, வேளச்சேரியைச் சேர்ந்தவர் அன்பரசன். இவரது மனைவி லீலாவதி (45), இவர் தனது உறவினரைப் பார்ப்பதற்காக கோவைக்கு சனிக்கிழமை  வந்துள்ளார். 
பின்னர் உறவினர் பணம் எடுக்க ஏடிஎம் மையத்துக்கு சென்றதால் ராம் நகரில் சாலையில் தனியாக நின்று கொண்டிருந்தார்.  அப்போது இருசக்கர வாகனத்தில் வந்த நபர்கள் லீலாவதியிடம் இருந்து 2 பவுன் நகையைப் பறித்துவிட்டு தப்பிச் சென்றனர். இந்த இரு சம்பவங்கள் குறித்து காட்டூர் போலீஸார் வழக்குப் பதிவு செய்து விசாரணை நடத்தி வருகின்றனர்.
இந்த இரு சம்பவங்களும் ஒரு குறிப்பிட்ட இடைவெளியில் நடந்துள்ளதால் இதில் ஈடுபட்டது ஒரே கும்பலாக இருக்கலாம் என போலீஸார் தெரிவிக்கின்றனர். மேலும்,  காந்திபுரம் பகுதியில் நடந்து சென்ற 3 இளைஞர்களிடம் இருந்து செல்லிடப்பேசிகளையும் இந்தக் கும்பல் பறித்துச் சென்றது தெரியவந்தது. 
 

]]>
http://www.dinamani.com/all-editions/edition-coimbatore/coimbatore/2018/sep/24/இரு-பெண்களிடம்-7-பவுன்-நகைப்-பறிப்பு-3006780.html
3006779 கோயம்புத்தூர் கோயம்புத்தூர் மேட்டுப்பாளையத்தில் 1008 யாக குண்ட மஹா வேள்வி DIN DIN Monday, September 24, 2018 08:53 AM +0530 மேட்டுப்பாளையத்தில் ஆனந்த வாழ்வு வேண்டி பல்வேறு அமைப்புகள் சார்பில் 1,008 யாக குண்டங்களுடன் மஹா வேள்வி ஞாயிற்றுக்கிழமை நடத்தப்பட்டது. 
ஸ்ரீ தேவி ஆஸ்ரமம்,  சர்வமங்கள தியான பீடம்,  அகத்தியர் ஞானபீடம்,  முருக பக்தர்கள் பேரவை,  வனவாசி சேவா கேந்திரம்,  சிவனடியார்கள்  மற்றும் வி. ஹெச். பி. தர்ம பிரசார் சமிதி ஆகியவை சார்பில் மேட்டுப்பாளையம் சர்வமங்களம் தியான பீடம் மைதானத்தில்  நடைபெற்ற இந்நிகழ்ச்சி நடைபெற்றது.   
 இதையொட்டி, காலை 6 மணிக்கு கோ பூஜையும், 108 ஏழைகளுக்கு வஸ்திர தானமும் வழங்கப்பட்டது. 
இதைத் தொடர்ந்து 1,008 யாக குண்டங்களுடன் மஹா வேள்வியை ஆச்சாரியர் செந்தில் குருஜி நடத்தி வைத்தார். 
இந்த நிகழ்ச்சியில்,  மன்னார்குடி ஸ்ரீ ஸ்ரீ செண்பக மன்னார் ஜீயர்  சுவாமிகள்,  வேதாந்தா ஆனந்தா  ஆகியோர் சிறப்புரையாற்றினர். 
இதில், டாக்டர் செந்தாமரை, சண்முகம், என்.எஸ்.வி.ஆறுமுகம் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-coimbatore/coimbatore/2018/sep/24/மேட்டுப்பாளையத்தில்-1008-யாக-குண்ட-மஹா-வேள்வி-3006779.html
3006778 கோயம்புத்தூர் கோயம்புத்தூர் வால்பாறையில் காணப்படும்  37 வகையான பறவைகள் DIN DIN Monday, September 24, 2018 08:52 AM +0530 வால்பாறை எஸ்டேட் பகுதிகளில் 37 வகையான பறவைகள் உள்ளன.
வால்பாறை  முழுவதும் தேயிலைத் தோட்டங்கள் நிறைந்த பகுதியாகும்.  தேயிலை தோட்டங்களை ஒட்டி அடர்ந்த வனப் பகுதி அமைந்துள்ளது. இதையொட்டி கேரள மாநில வனப்பகுதி இணைந்துள்ளது. இந்தப் பகுதிகளுக்கு நாட்டின்  பல்வேறு பகுதிகளில் இருந்து பலவகையான பறவைகள் வந்து செல்கின்றன.  இதில் குறிப்பாக இங்கு காணப்படும் இருவாச்சி பறவைகளை புகைப்படம் எடுப்பதற்காக ஏராளமான சுற்றுலா பயணிகள், பறவை ஆர்வலர்கள் வந்து செல்வார்கள். 
இனப்பெருக்க காலத்தில் இருவாச்சி பறவை மரத்தின் மீது துளையிட்டு பின் குஞ்சுகளுக்கு உணவு கொண்டு செல்லும் காட்சிகளைப் புகைப்படம் எடுக்க பறவை ஆர்வலர்கள் பல மணி நேரம் காத்திருப்பார்கள். இதனிடையே வால்பாறை பகுதியில் உள்ள ஒரு தனியார் எஸ்டேட் நிர்வாகத்தினர்  பறவை ஆராய்ச்சியாளர்களிடம் கேட்டறிந்து அந்தப் பகுதி வனத்தில்  இருக்கும் பறவைகள் மற்றும் வனத்துக்கு வெளியே இருக்கும் பறவை என்று மொத்தம் 37 வகையான பறவைகளின் பெயர்களை பலகையில் எழுதி வைத்துள்ளனர்.
இந்த பலகை வால்பாறைக்கு வரும் சுற்றுலா பயணிகளுக்கு பயனுள்ளதாக அமைந்துள்ளது.
 

]]>
http://www.dinamani.com/all-editions/edition-coimbatore/coimbatore/2018/sep/24/வால்பாறையில்-காணப்படும்-37-வகையான-பறவைகள்-3006778.html
3006777 கோயம்புத்தூர் கோயம்புத்தூர் கருப்பு மணலை மறுசுழற்சி செய்வதற்கான  தொழிற்சாலை அமைக்க மானியம் வழங்க வேண்டும்: குறு, சிறு வார்ப்பட தொழிலதிபர்கள் வலியுறுத்தல் DIN DIN Monday, September 24, 2018 08:52 AM +0530 சுற்றுச்சூழலை பாதுகாக்க கருப்பு மணலை மறுசுழற்சி செய்வதற்கான தொழிற்சாலை ஏற்படுத்த மத்திய, மாநில அரசுகள் 85 சதவீதம் மானியம் வழங்க வேண்டும் என கோவை குறு மற்றும் சிறு வார்ப்பட தொழிலதிபர்கள் சங்கத்தினர் வலியுறுத்தியுள்ளனர்.
 இச்சங்கத்தின் ஆண்டு பொதுக் குழுக் கூட்டம் அதன் தலைவர் ஏ.சிவசண்முககுமார் தலைமையில் ஞாயிற்றுக்கிழமை நடைபெற்றது. 
கூட்டத்தில்  நிறைவேற்றப்பட்ட தீர்மானங்கள்:
 ரூ. 1.5 கோடிக்கு கீழ் தொழில் செய்யும் குறு மற்றும் சிறு வார்ப்பட தொழிற்சாலைகளுக்கும், பெரிய வார்ப்பட தொழிற்சாலைகளுக்கும் முன்பு இருந்தது போல வரியில் வித்தியாசம் இருக்க வேண்டும். குறு, சிறு வார்ப்பட தொழிற்சாலைகளில் பிற மாநில தொழிலாளர்கள் அதிகபட்சமாக 3 மாதங்கள் மட்டுமே வேலை செய்வதால் இ.எஸ்.ஐ., வருங்கால வைப்பு நிதியில் இருந்து விலக்கு அளிக்க வேண்டும். 
உலக பொருளாதாரம் மற்றும் போட்டி காரணமாக குறு, சிறு தொழிலுக்கான வருவாய் குறைந்துள்ளது.  அதனால் முதலீட்டுக் கடனை 7 ஆண்டுக்குள் திருப்பிச் செலுத்த முடியாத நிலை ஏற்பட்டுள்ளது. எனவே கடனை திருப்பி செலுத்தும் காலத்தை 15 ஆண்டுகளாக நீட்டிக்க வேண்டும். தொழிற்சாலைகளுக்கு வழங்கப்படும் குறைந்த அழுத்த மின் அளவு என்பது 150 எச்.பி.யாக உள்ளது. 
தற்போது உள்ள இயந்திரமயமாக்கலில் குறைந்த அழுத்த மின் அளவை பிற மாநிலங்களில்  குறு, சிறு தொழிற்சாலைகளுக்கு வழங்கப்படுவதுபோல 250 எச்.பி.யாக உயர்த்தி வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.  
 இது குறித்து சங்கத்தின் தலைவர் சிவசண்முககுமார் செய்தியாளர்களிடம் கூறியதாவது:
 வார்ப்படத் தொழிற்சாலையில் உற்பத்திக்கு பயன்படுத்தப்படும் மணல் பயன்பாட்டுக்குப் பிறகு கருப்பு மணலாக மாறிவிடுகிறது. இதனை வெளியில் கொட்டுவதால் சுற்றுச்சூழல் மாசு ஏற்படுகிறது. வார்ப்பட தொழிற்சாலைகளில் இருந்து வெளியாகிற கழிவுகளை பூஜ்ஜியம் சதவிகிதம் என்ற நிலையை எட்ட கழிவுகளை மறுசுழற்சி செய்து உபயோகிக்கும் வகையில் தனியார் நிறுவனத்துடன் ரூ. 5 கோடி மதிப்பில் புரிந்துணர்வு ஒப்பந்தம் ஏற்படுத்தப்பட்டுள்ளது.
 அதன்படி வெளியாகிற கருப்பு மணலை மறுசுழற்சி செய்து அதில் 65 சதவீதம் அந்தந்த தொழிற்சாலைகளே பயன்படுத்தவும், மீதமுள்ள 35 சதவீதம் செங்கல் உற்பத்தி துறையில் பயன்படுத்தவும் முடியும். தற்போது கிடைக்கும் மணலை விட உற்பத்தி செலவு அதிகமாக உள்ளதாலும், சுற்றுச்சூழல் மாசடைவதை தடுக்கும் விதமாக அதற்கான கட்டமைப்பை ஏற்படுத்தவும் மத்திய, மாநில அரசுகள் 85 சதவீதம் நிதியுதவியை மானியமாக வழங்க வேண்டும் என்றார்.


 

]]>
http://www.dinamani.com/all-editions/edition-coimbatore/coimbatore/2018/sep/24/கருப்பு-மணலை-மறுசுழற்சி-செய்வதற்கான--தொழிற்சாலை-அமைக்க-மானியம்-வழங்க-வேண்டும்-குறு-சிறு-வார்ப்பட-த-3006777.html
3006776 கோயம்புத்தூர் கோயம்புத்தூர் கடன் தொல்லையால் வியாபாரி தற்கொலை: தாய், தந்தை உயிருக்குப் போராட்டம் DIN DIN Monday, September 24, 2018 08:51 AM +0530 கோவையில் கடன் தொல்லையால் குடும்பத்துடன் விஷம் அருந்தி பழ வியாபாரி ஞாயிற்றுக்கிழமை தற்கொலை செய்து கொண்டார். அவரது தாய்,  தந்தை உயிருக்கு ஆபத்தான நிலையில் கோவை அரசு மருத்துவமனையில் சிகிச்சை பெற்று வருகின்றனர்.
இதுகுறித்து போலீஸார் கூறியதாவது: 
கோவை,  ஆவாரம்பாளையம் இளங்கோ நகர் முதலாவது வீதியில் வசித்து வருபவர் எஸ்.நாகராஜ் (45). இவரது மனைவி தேன்மொழி (42). மகன் ஆனந்தகுமார் (25),  மகள் சௌந்தர்யா (22). இவர்களுக்கு திருமணமாகி விட்டது. 
ஆனந்தகுமார் மற்றும் அவரது தந்தை நாகராஜ்  தள்ளுவண்டியில் பழவியாபாரம் செய்து வந்தனர். இந்த நிலையில்,  ஆனந்தகுமார் தனது மனைவி சரோஜினியை திருப்பூரில் உள்ள பெற்றோர் வீட்டுக்கு ஞாயிற்றுக்கிழமை அனுப்பி வைத்துள்ளார். 
இதைத் தொடர்ந்து, வீட்டில் நாகராஜ், தேன்மொழி, ஆனந்தகுமார் ஆகிய மூவர் மட்டும்  இருந்துள்ளனர்.  அப்போது அவர்களது மகள் சௌந்தர்யா நாகராஜூக்கு போன் செய்துள்ளார். ஆனால் அவர் எடுக்காததால் வீட்டுக்கு வந்து பார்த்துள்ளார்.
அப்போது மூவரும் சாணி பவுடர் குடித்து மயங்கிய நிலையில் கிடந்துள்ளனர். இதைத் தொடர்ந்து, அக்கம் பக்கத்தினர் உதவியுடன் மூவரையும் மீட்டு கோவை அரசு மருத்துவமனையில் சேர்த்துள்ளார்.  அங்கு மருத்துவர்கள் நடத்திய பரிசோதனையில் ஆனந்தகுமார் வரும் வழியிலேயே உயிரிழந்தது தெரியவந்தது.  நாகராஜ், தேன்மொழி ஆகியோருக்கு தொடர்ந்து சிகிச்சை அளிக்கப்பட்டு  வருகிறது. 
இதுகுறித்து பீளமேடு போலீஸார் வழக்குப் பதிவு செய்து விசாரணை நடத்தி வருகின்றனர். விசாரணையில்,  கடன் தொல்லை காரணமாகவே மூவரும் சாணி பவுடர் குடித்தது தெரியவந்துள்ளது. தற்கொலை செய்வதற்கு முன்னர் வீட்டில் கடிதம் ஏதாவது எழுது வைத்துள்ளனரா என்பது குறித்த விவரங்களை போலீஸார் ஆய்வு செய்து வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/24/கடன்-தொல்லையால்-வியாபாரி-தற்கொலை-தாய்-தந்தை-உயிருக்குப்-போராட்டம்-3006776.html
3006775 கோயம்புத்தூர் கோயம்புத்தூர் பைக் மீது லாரி மோதியதில் இருவர் சாவு DIN DIN Monday, September 24, 2018 08:51 AM +0530 பொள்ளாச்சி அருகே இருசக்கர வாகனம் மீது லாரி மோதிய விபத்தில் இருவர் உயிரிழந்தனர். 
பொள்ளாச்சியை அடுத்த பெரியாகவுண்டனூரைச் சேர்ந்தவர் ராஜா (36). கூலித் தொழிலாளி.  அதே பகுதியைச் சேர்ந்தவர் ஜெயராமன் (42).  ஓட்டுநர். இவர்கள் இருவரும் இருசக்கர வாகனத்தில் தாராபுரம் சாலை வழியாக பொள்ளாச்சி நோக்கி வெள்ளிக்கிழமை இரவு சென்று கொண்டிருந்தனர். ஊஞ்சவேலாம்பட்டி அருகே வந்தபோது, இருசக்கர வாகனத்தின் மீது லாரி மோதியது. 
இதில் படுகாயமடைந்த ராஜா பொள்ளாச்சி அரசு மருத்துவமனைக்கு கொண்டுச் செல்லும் வழியில் உயிரிழந்தார். ஜெயராமன் கோவை அரசு மருத்துவமனை கொண்டுச் செல்லும் வழியில் உயிரிழந்தார் . 
இதுகுறித்து பொள்ளாச்சி கிழக்கு  போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/24/பைக்-மீது-லாரி-மோதியதில்-இருவர்-சாவு-3006775.html
3006774 கோயம்புத்தூர் கோயம்புத்தூர் அனைத்துக் காவல் நிலையங்களிலும் நூலகம் அமைக்கப்படும்: அமைச்சர் எஸ்.பி.வேலுமணி DIN DIN Monday, September 24, 2018 08:50 AM +0530 தமிழகத்தில் உள்ள அனைத்துக் காவல் நிலையங்களிலும் நூலகம் அமைக்க நடவடிக்கை எடுக்கப்படும் என்று தமிழக ஊரக வளர்ச்சித் துறை அமைச்சர் எஸ்.பி. வேலுமணி தெரிவித்தார். 
கோவை மாநகர காவல் துறை மற்றும் அரிமா சங்கம் சார்பில் மாநகரில்  உள்ள 24 காவல் நிலையங்களில் நூலகம் அமைக்கும் திட்டத் தொடக்க விழா உப்பிலிபாளையத்தில் உள்ள காவலர் சமுதாயக் கூடத்தில் ஞாயிற்றுக்கிழமை நடைபெற்றது.
இந்தத் திட்டத்தைத் தொடங்கிவைத்து அமைச்சர் எஸ்.பி.வேலுமணி பேசியதாவது: தமிழக காவல் துறை சிறப்பான முறையில் செயல்பட்டு வருகிறது. காவல் நிலையங்களில் நூலகம் அமைக்கும் திட்டமானது மிகச் சிறந்த திட்டம். இது மன உளைச்சலுடன் காவல் நிலையத்துக்கு வரும் பொதுமக்கள் மற்றும் பணியாற்றும் காவலர்களுக்கு மிகவும் பயனுள்ளதாக அமையும்.  கோவை புறநகர் மற்றும் மாநகர் பகுதியில் இந்தத் திட்டம் செயல்படுத்தப்பட்டுள்ளது. 
இத்திட்டத்தை தமிழகம் முழுவதும் உள்ள காவல் நிலையங்களுக்கும் விரிவுபடுத்த முதல்வரிடம் பரிந்துரைத்து நடவடிக்கை மேற்கொள்ளப்படும் என்றார்.
முன்னதாக, கோவை மாநகர காவல் ஆணையர் கு.பெரியய்யா பேசியதாவது: பொதுமக்கள் பல்வேறு தேவைகளுக்காக காவல் நிலையங்களுக்கு வரும்போது காத்திருக்கும் நேரத்தைப் பயனுள்ளதாக கழிக்கவே இத்திட்டம் தொடங்கப்பட்டுள்ளது.   காவலர்கள் குடும்பத்தைச் சேர்ந்தவர்கள் பயனடையும் வகையில் ஐ.ஏ.எஸ்., ஐ.பி.எஸ்., குரூப் 1 தேர்வுகளுக்கான பயிற்சி மையமும் விரைவில் அமைக்கப்படும் என்றார். 
இந்த நிகழ்ச்சியில்,  கோவை சரக டிஐஜி கார்த்திகேயன், சட்டப் பேரவை உறுப்பினர் அம்மன் கே.அர்ச்சுணன்,  கவிஞர் கவிதாசன்,  அரிமா மாவட்ட ஆளுநர் (324 பி1)  மோதிலால் கட்டாரியா,  துணை ஆணையர்கள்  எஸ்.லட்சுமி, சுஜித்குமார், எஸ்.செல்வகுமார், நிகழ்ச்சி ஒருங்கிணைப்புக்குழு தலைவர் சுபா என்.சுப்பிரமணியன் உள்ளிட்ட பலர் கலந்து கொண்டனர்.  

]]>
http://www.dinamani.com/all-editions/edition-coimbatore/coimbatore/2018/sep/24/அனைத்துக்-காவல்-நிலையங்களிலும்-நூலகம்-அமைக்கப்படும்-அமைச்சர்-எஸ்பிவேலுமணி-3006774.html
3006128 கோயம்புத்தூர் கோயம்புத்தூர் கீரணத்தம் ஊராட்சியில் பொது இடத்தில் குப்பை கொட்டிய லாரி பறிமுதல் DIN DIN Sunday, September 23, 2018 03:26 AM +0530
கீரணத்தம் ஊராட்சியில் பொது இடத்தில் குப்பை கொட்டிய லாரியை அதிகாரிகள் வெள்ளிக்கிழமை பறிமுதல் செய்தனர். லாரி உரிமையாளருக்கு ரூ.20 ஆயிரம் அபராதம் விதித்து வசூலித்தனர்.
எஸ்.எஸ்.குளம் ஒன்றியம், கீரணத்தம் ஊராட்சிக்கு உள்பட்ட பண்ணாரியம்மன் நகர், குறிஞ்சி நகருக்கு அருகில் உள்ள ஊராட்சிக்குச் சொந்தமான இடத்தில் மர்ம நபர்கள் கட்டட கழிவுகள், குப்பைகள், இறைச்சிக் கழிவுகளை தொடர்ந்து கொட்டி வந்தனர். இதனால் அந்தப் பகுதியில் அதிக அளவில் துர்நாற்றம் வீசியுள்ளது. இதுகுறித்து அப்பகுதி பொதுமக்கள் ஊராட்சி அதிகாரிகளுக்கு தகவல் தெரிவித்தனர்.
இதையடுத்து அதிகாரிகள் தொடர்ந்து கண்காணித்து வந்தனர். இந்நிலையில் கடந்த வெள்ளிக்கிழமை தனியாருக்கு சொந்தமான லாரியில் கட்டட கழிவுகள், குப்பைகளை கொண்டு வந்து அங்கு கொட்ட முயன்றுள்ளனர். இதுகுறித்து மண்டல துணை வட்டார வளர்ச்சி அலுவலர் முத்துராஜு, ஊராட்சிச் செயலர் பாலசுந்தரம் ஆகியோருக்கு தகவல் கிடைத்துள்ளது. இதையடுத்து அங்கு வந்த அதிகாரிகள் லாரியை பறிமுதல் செய்து ஊராட்சி அலுவலகத்துக்கு கொண்டு சென்றனர். மேலும், ஊராட்சிக்குச் சொந்தமான இடத்தில் கழிவுகளை கொட்டியதற்காக லாரி உரிமையாளருக்கு ரூ. 20 ஆயிரம் அபராதம் விதித்தனர். மேலும், அந்தப் பகுதியில் ஏற்கனவே கொட்டியுள்ள 10 டன் குப்பைகளையும் அகற்ற லாரி உரிமையாளருக்கு அதிகாரிகள் அறிவுறுத்தினர்.

 

]]>
http://www.dinamani.com/all-editions/edition-coimbatore/coimbatore/2018/sep/23/கீரணத்தம்-ஊராட்சியில்-பொது-இடத்தில்-குப்பை-கொட்டிய-லாரி-பறிமுதல்-3006128.html
3006127 கோயம்புத்தூர் கோயம்புத்தூர் பழங்குடியின மக்களுக்கு வனத் துறை உதவி DIN DIN Sunday, September 23, 2018 03:26 AM +0530
மழை வெள்ளத்தால் பாதிக்கப்பட்ட பழங்குடியின மக்களுக்கு வனத் துறை சார்பில் நிவாரணப் பொருள்கள் வழங்கப்பட்டன.
வால்பாறையில் கடந்த மாதம் பெய்த கனமழையால் ஷேக்கல்முடி எஸ்டேட் பகுதி ஒட்டி அமைந்துள்ள பாலக்கினாறு செட்டில்மெண்டில் உள்ள குடியிருப்புகள் பெரிதும் பாதிக்கப்பட்டன.
இப்பகுதியில் வசிக்கும் பழங்குடியின மக்கள் தங்கள் பொருள்களை இழுந்தனர்.
இதையடுத்து செட்டில்மெண்ட் பகுதியில் சனிக்கிழமை நடைபெற்ற நிகழச்சியில் மானாம்பள்ளி வனச் சரக அலுவலர் நடராஜ், வெள்ளத்தால் பாதிக்கப்பட்ட பழங்குடியின குடும்பங்களுக்கு வனத் துறை சார்பில் நிவாரணப் பொருள்களை வழங்கினார்.

 

]]>
http://www.dinamani.com/all-editions/edition-coimbatore/coimbatore/2018/sep/23/பழங்குடியின-மக்களுக்கு-வனத்-துறை-உதவி-3006127.html
3006126 கோயம்புத்தூர் கோயம்புத்தூர் மாற்றுத்திறன் மாணவர்களுக்கு மருத்துவ முகாம் DIN DIN Sunday, September 23, 2018 03:26 AM +0530
மாற்றுத்திறனுடைய மாணவர்களுக்கான மருத்துவ முகாம் வால்பாறையில் செவ்வாய்கிழமை (செப்டம்பர் 25) நடைபெறுகிறது.
அணைவருக்கும் கல்வி இயக்கம் நகர்புற வள மையம் சார்பில் நடத்தப்பட உள்ள இந்த முகாம் வால்பாறை அரசு மேல்நிலைப் பள்ளி வளாகத்தில் நடைபெறுகிறது. காலை 10 மணி முதல் மதியம் 2 மணி வரை நடைபெற உள்ள இந்த சிறப்பு மருத்துவ முகாமுக்கு வரும் மாற்றுத்திறன் கொண்ட மாணவர்கள் தங்களின் பிறப்புச் சான்றிதழ், ரேஷன் கார்டு, ஆதார் அட்டை மற்றும் 5 புகைப்படங்களைக் கொண்டு வர வேண்டும் என்று அதிகாரிகள் தெரிவித்துள்ளனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/மாற்றுத்திறன்-மாணவர்களுக்கு-மருத்துவ-முகாம்-3006126.html
3006125 கோயம்புத்தூர் கோயம்புத்தூர் மருத்துவமனைகள் இருந்தும் சிகிச்சை பெற முடியாமல் அவதி DIN DIN Sunday, September 23, 2018 03:25 AM +0530  

வால்பாறையில் அரசு மருத்துவமனை இருந்தும் பெரும்பாலான நோயாளிகள் பொள்ளாச்சி அரசு மருத்துவமனைக்கு அனுப்பப்படுவதாக புகார் எழுந்துள்ளது.
வால்பாறையில் அரசு மருத்துமனை மற்றும் அரசு ஆரம்ப சுகாதர நிலையம் உள்ளன. படுக்கை வசதிகள் கொண்ட இந்த மருத்துமனைகளில் அறுவை சிகிச்சை அறை மற்றும் அணைத்து உபகரணங்களும் உள்ளன. ஆனால் போதுமான மருத்துவர்கள் இல்லாத காரணத்தால் உயர் சிகிச்சை அளிப்பதை தவிர்த்து அவசர சிகிச்சைக்கு வரும் அனைத்து நோயாளிகளையும் பொள்ளாச்சி மருத்துவமனைக்கு மருத்துவர்கள் அனுப்பி வருகின்றனர். இதில் சமீபகாலமாக பிரசவத்துக்கு வரும் கார்ப்பிணி பெண்களையும் பல காரணங்களைக் கூறி பொள்ளாச்சி மருத்துவமனைக்கு அனுப்பி வருவதாகவும், இதனால் பெரும் சிரமம் ஏற்படுவதாகவும் பொதுமக்கள் புகார் தெரிவித்துள்ளனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/மருத்துவமனைகள்-இருந்தும்-சிகிச்சை-பெற-முடியாமல்-அவதி-3006125.html
3006124 கோயம்புத்தூர் கோயம்புத்தூர் சூலூர் அருகே பணம் வைத்து சூதாடிய 20 பேர் கைது: ரூ.10.85 லட்சம், வாகனங்கள் பறிமுதல் DIN DIN Sunday, September 23, 2018 03:25 AM +0530  

சூலூரை அடுத்த ஆச்சாங்குளக்கரையில் பணம் வைத்து சூதாடிய 20 பேரை சூலூர் போலீஸார் கைது செய்தனர். அவர்களிடம் இருந்து ரூ. 10 லட்சத்து 85 ஆயிரம், கார்கள், இரு சக்கர வாகனங்கள் பறிமுதல் செய்யப்பட்டன.
கோவை மாவட்டம், சூலூரை அடுத்த குளத்தூரில் ஆச்சாங்குளம் உள்ளது. இக்குளத்தில் மீனவர்கள் மீன் பிடித்து வருகின்றனர். குளக்கரையில் மீனவர்கள் தங்க கொட்டகை உள்ளது. இக்கொட்டகைக்கு அடிக்கடி வெளி ஆள்கள் வந்து செல்வதாகவும், இரவில் மர்ம நபர்களின் நடமாட்டம் இருப்பதாகவும் போலீஸாருக்கு தகவல் வந்தது. இதுகுறித்து விசாரிக்க அப்பகுதிக்கு சூலூர் காவல் ஆய்வாளர் தங்கராஜ் தலைமையில் போலீஸார் சென்றனர்.
அப்போது, ஆச்சாங்குளம் மீனவர் குடிலில் குளத்தூர் அதிமுக முன்னாள் ஊராட்சி மன்ற உறுப்பினர் மாரிக்குட்டி உள்பட 20 பேர் பணம் வைத்து சீட்டு விளையாடிக்கொண்டிருந்தனர். அவர்களைப் பிடித்து சூலூர் காவல் நிலையம் அழைத்துவந்து விசாரித்தனர். விசாரணையில் அவர்கள் கோவை, ஆவாரம்பாளையத்தைச் ஜி.துரைசாமி(44), ஆர்.எஸ்.புரம் அருணாச்சலம் வீதியைச் சேர்ந்த கண்ணன்(43), காந்திபுரம் ரத்தினபுரி சுப்பாத்தம்மாள் லே அவுட் பகுதியைச் சேர்ந்த ராஜசேகர்(27), வெள்ளானைப்பட்டி முத்துகுமாரசாமி (48), அதே பகுதி மாரியம்மன் கோயில் வீதியைச் சேர்ந்த ராஜேஷ்(24), கணபதி ராஜவீதி சுரேந்தர்பாபு (42), கோவை பழையன்தொட்டம் ஹவுஸிங் யூனிட்டைச் சேர்ந்த சுரேஷ்குமார்(37), பாப்பநாயக்கன்பாளையம் நேதாஜி சாலை சதீஷ்குமார்(30), சூலூர் கருப்பபோயன்வீதி ராமசந்திரன்(40), திருப்பூர் அனுப்பர்பாளையம் திலகர் வீதியைச் சேர்ந்த நாகராஜ்(38), நீலம்பூர் மேற்கு வீதியைச் சேர்ந்த தியாகராஜன்(35), திருப்பூர் பாண்டியன் நகர் பாண்டி (28), கோவை, செல்வபுரம் சிராஜுதீன்(39), வேலாண்டிபாளையம் ஜீவானந்தம் வீதியைச் சேர்ந்த ஸ்ரீனிவாச பெருமாள்(44), சுக்ரவார்பேட்டை, பட்டிநாயக்கர் வீதியைச் சேர்ந்த அங்குராஜ்(40), சீரநாயக்கன்பாளையம் திலகர் வீதியைச் சேர்ந்த பாபு (38), பூமார்க்கெட் மகாலிங்கம் கோயில் வீதியைச் சேர்ந்த நாகராஜ் (36), செல்வபுரம் எல்.ஐ.சி. காலனி வெங்கடேஷ்வரா லே அவுட்டைச் சேர்ந்த ராமு (43), குளத்தூர் அதிமுக ஊராட்சி மன்ற முன்னாள் உறுப்பினர் மாரிக்குட்டி(50) உள்ளிட்டோர் என தெரிய வந்தது.
இவர்கள் அனைவரும் பணம் வைத்து சூதாடிய வழக்கில் கைது செய்யப்பட்டனர். இவர்கள் பயன்படுத்திய நான்கு சொகுசு கார்கள், நான்கு இரு சக்கரவாகனங்கள் மற்றும் அவர்களிடம் இருந்த ரூ.10 லட்சத்து 85 ஆயிரத்தை போலீஸார் பறிமுதல் செய்தனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/சூலூர்-அருகே-பணம்-வைத்து-சூதாடிய-20-பேர்-கைது-ரூ1085-லட்சம்-வாகனங்கள்-பறிமுதல்-3006124.html
3006123 கோயம்புத்தூர் கோயம்புத்தூர் பாதுகாப்புத் துறை கண்டுபிடிப்புகளை ஊக்குவிக்க விழிப்புணர்வு நிகழ்ச்சி: கோவையில் 26இல் நடக்கிறது DIN DIN Sunday, September 23, 2018 03:25 AM +0530  

பாதுகாப்புத் துறையில் புதிய கண்டுபிடிப்புகளை ஊக்குவிக்கும் விதமாக கோவையில் வரும் 26ஆம் தேதி (புதன்கிழமை) விழிப்புணர்வு நிகழ்ச்சி நடைபெறுகிறது.
இந்திய பாதுகாப்புத் துறையை மேம்படுத்தும் நோக்கில் தொழில்நுட்பம் சார்ந்த புதிய கண்டுபிடிப்புகளை ஊக்குவித்து, அதை பயன்பாட்டுக்குத் தேவையான வகையில் வடிவமைப்பதற்கு தேவையான உதவிகளை மத்திய அரசு செய்து வருகிறது.
பாதுகாப்புத் துறைக்குத் தேவையான கண்டுபிடிப்புகள் உருவாக்குவதை ஊக்குவிப்பதற்காக புதிய தொழில் நிறுவனங்களுக்கு மத்திய அரசு போட்டியை அறிவித்துள்ளது.
இந்தப் போட்டி குறித்து தொழில் நிறுவனங்கள், தொழில் முனைவோர், ஆராய்ச்சியாளர்கள், மாணவர்களுக்கு விளக்குவதற்கான விழிப்புணர்வு நிகழ்ச்சி சரவணம்பட்டியில் உள்ள போர்ஜ் தனியார் நிறுவனத்தில் நடைபெறுகிறது.
இது தொடர்பான மேலும் விவரங்களுக்கு இணையதளத்தைக் காணலாம் என்று போர்ஜ் நிறுவனம் தெரிவித்துள்ளது.

 

]]>
http://www.dinamani.com/all-editions/edition-coimbatore/coimbatore/2018/sep/23/பாதுகாப்புத்-துறை-கண்டுபிடிப்புகளை-ஊக்குவிக்க-விழிப்புணர்வு-நிகழ்ச்சி-கோவையில்-26இல்-நடக்கிறது-3006123.html
3006122 கோயம்புத்தூர் கோயம்புத்தூர் ஆண் சடலம் மீட்பு: போலீஸார் விசாரணை DIN DIN Sunday, September 23, 2018 03:24 AM +0530
சிங்காநல்லூர் அருகே சாலையில் இறந்து கிடந்த ஆண் சடலம் குறித்து போலீஸார் விசாரணை நடத்தி வருகின்றனர்.
கோவை, சிங்காநல்லூர் காவல் எல்லைக்கு உள்பட்ட சூலூர்-முத்துக்கவுண்டன்புதூர் சாலையில் 40 வயது மதிக்கத்தக்க ஆண் ஒருவர் வெள்ளிக்கிழமை இரவு இறந்து கிடப்பதை அவ்வழியே சென்றவர்கள் பார்த்துள்ளனர். இதுகுறித்து அவர்கள் கொடுத்த தகவலின்படி சிங்காநல்லூர் போலீஸார் சம்பவ இடத்துக்குச் சென்று நடத்திய விசாரணையில் அந்த நபர் விஷம் குடிந்து இறந்தது தெரியவந்தது.
இதையடுத்து,அந்த சடலத்தை மீட்டு பிரேதப் பரிசோதனைக்காக கோவை அரசு மருத்துவமனைக்கு அனுப்பி வைத்தனர். இது குறித்து போலீஸார் விசாரித்து வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/ஆண்-சடலம்-மீட்பு-போலீஸார்-விசாரணை-3006122.html
3006121 கோயம்புத்தூர் கோயம்புத்தூர் இந்து முன்னணி பிரமுகர் சசிகுமாரின் 2ஆம் ஆண்டு நினைவு தினம் அனுசரிப்பு DIN DIN Sunday, September 23, 2018 03:24 AM +0530
இந்து முன்னணி சார்பில் சசிகுமாரின் 2ஆம் ஆண்டு நினைவு தினப் பொதுக்கூட்டம் கோவையில் சனிக்கிழமை நடைபெற்றது.
இந்து முன்னணி கோவை மாநகர் மாவட்ட செய்தித் தொடர்பாளராக இருந்தவர் சசிகுமார் (37), இவர் 2016 செப்டம்பர் 22ஆம் தேதி கவுண்டம்பாளையம் அருகே வெட்டிக் கொலை செய்யப்பட்டார். இதைத் தொடர்ந்து, இந்து முன்னணி சார்பில் ஒவ்வோர் ஆண்டும் செப்டம்பர் 22ஆம் தேதி சசிகுமார் நினைவு தினம் கடை பிடிக்கப்பட்டு வருகிறது.
இந்நிலையில், கோவை ஆர்.எஸ்.புரம் லைட்ஹவுஸ் மைதானத்தில் சசிகுமாரின் 2ஆம் ஆண்டு நினைவு தினம் சனிக்கிழமை அனுசரிக்கப்பட்டது. இதில், இந்து முன்னணி மாநிலத் தலைவர் காடேஸ்வரா சி.சுப்பிரமணியம், மாவட்டத் தலைவர் கே.தசரதன், மாநிலச் செயலாளர் ஜெ.எஸ்.கிஷோர் குமார், மாநிலப் பேச்சாளர் மூகாம்பிகை மணி, மாநில அமைப்பாளர் பக்தன், மாநில நிர்வாகக் குழு உறுப்பினர் குணா, மாவட்ட செய்தித் தொடர்பாளர் தனபால் உள்ளிட்ட முக்கியப் பிரமுகர்கள் சசிகுமாரின் உருவப்படத்துக்கு மலரஞ்சலி செலுத்தினர்.
இதைத் தொடர்ந்து நடந்த பொதுக்கூட்டத்தில் மூன்று ஆயிரத்துக்கும் மேற்பட்டோர் பங்கேற்றனர். இதனிடையே, சசிகுமாரின் நினைவு தினத்தை ஒட்டி கோவை மாநகரில் வெள்ளிக்கிழமை இரவு முதலே ஆயிரத்துக்கும் மேற்பட்ட போலீஸார் பாதுகாப்பு பணியில் ஈடுபடுத்தப்பட்டனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/இந்து-முன்னணி-பிரமுகர்-சசிகுமாரின்-2ஆம்-ஆண்டு-நினைவு-தினம்-அனுசரிப்பு-3006121.html
3006120 கோயம்புத்தூர் கோயம்புத்தூர் பெண் தூக்கிட்டு தற்கொலை: சாவில் மர்மம் என போலீஸில் புகார் DIN DIN Sunday, September 23, 2018 03:23 AM +0530
சூலூரை அடுத்த சிந்தாமணிப்புதூரில் பெண் தூக்கிட்டு சனிக்கிழமை தற்கொலை செய்துகொண்டார். சாவில் மர்மம் உள்ளதாக பெண் வீட்டார் சூலூர் காவல் நிலையத்தில் புகார் தெரிவித்துள்ளனர்.
திருச்சி மாவட்டம், செந்தண்ணீர்புரம் பகுதியைச் சேர்ந்தவர் ஜெயராஜ். இவர் தனது மனைவி மற்றும் மகனுடன் சென்னையில் வசித்து வருகிறார். ஜெயராஜின் மகள் சண்முக பிரியா (36). முதுநிலை பட்டதாரியான இவர் கடந்த 2010ஆம் திருமணமாகி, சூலூர் அடுத்த சிந்தாமணிப்புதூர் பகுதியில் கட்டட ஒப்பந்ததாரரான தனது கணவர் நாகபிரபு மற்றும் அவரது பெற்றோரோடு வசித்து வந்தார். இவர்களுக்கு 6 வயதில் மகனும், ஒன்றரை வயதில் மகளும் உள்ளனர்.
இந்நிலையில், நாகபிரபு அடிக்கடி குடித்து விட்டு வந்து தன்னை துன்புறுத்துவதாக சென்னையில் உள்ள தனது பெற்றோருக்கு போன் மூலம் சண்முக பிரியா தெரிவித்துள்ளார். சனிக்கிழமை நேரில் வந்து அவரை அழைத்துச் செல்வதாக அவரின் பெற்றோர் தெரிவித்துள்ளனர்.
இந்நிலையில், சண்முக பிரியா தூக்கிட்டு தற்கொலை செய்து கொண்டதாக சண்முக பிரியாவின் தந்தைக்கு தொலைபேசி மூலம் நாகபிரபு தகவல் கொடுத்துள்ளார். சூலூர் போலீஸார் உடலை கைப்பற்றி பிரேத பரிசோதனைக்காக கோவை அரசு மருத்துவமனைக்கு அனுப்பி வைத்தனர்.
இதனிடையே, தங்கள் மகள் சாவில் சந்தேகம் இருப்பதாக அவரது குடும்பத்தினர் சூலூர் காவல் நிலையத்தில் புகார் தெரிவித்தனர். புகாரை பெற்றுக் கொண்ட சூலூர் போலீஸார் தற்கொலையை சந்தேக வழக்காக பதிவு செய்து கொண்டனர். மேலும், இது குறித்து நாகபிரபுவிடம் விசாரித்து வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/பெண்-தூக்கிட்டு-தற்கொலை-சாவில்-மர்மம்-என-போலீஸில்-புகார்-3006120.html
3006119 கோயம்புத்தூர் கோயம்புத்தூர் காரமடை அரங்கநாதர் கோயிலில் திரளான பக்தர்கள் சுவாமி தரிசனம் DIN DIN Sunday, September 23, 2018 03:23 AM +0530
காரமடை அரங்கநாத சுவாமி கோவிலில் புரட்டாசி சனிக்கிழமையை ஒட்டி ஆயிரக்கணக்கான பக்தர்கள் சுவாமி தரிசனம் செய்தனர்.
கோவை மாவட்டம், காரமடையில் உள்ள அரங்கநாதசுவாமி கோவிலில் ஆண்டுதோறும் புரட்டாசி மாத சனிக்கிழமைகளில் அதிக அளவிலான பக்தர்கள் சுவாமி தரிசனம் செய்வது வழக்கம். அதே போல், நிகழாண்டு புரட்டாசி சனிக்கிழமையை ஒட்டி கோயிலில்அதிகாலை முதலே நீண்ட வரிசையில் நின்று சுவாமி தரிசனம் செய்தனர்.
மேலும், பக்தர்கள் தாங்கள் கொண்டுவந்த அரிசி, பருப்பு, காய்கறிகளை பெருமாளின் அடியார்களான தாசர்களுக்கு படையலிட்டு வழிபட்டனர். கோயில் வளாகத்தில்நூற்றுக்கணக்கான தாசர்கள் சங்கு ஊதி , சேகண்டி அடித்துப் பெருமாளை வழிபட்டனர்.கோவை, ஈரோடு, திருப்பூர், நீலகிரி உள்பட பல்வேறு மாவட்டங்களில் இருந்து ஆயிரக்கணக்கான பக்தர்கள் சுவாமி தரிசனம் செய்ய வந்திருந்தனர்.
ஏற்பாடுகளை கோயில் தக்கார் மற்றும் உதவி ஆணையர் விமலா, செயல் அலுவலர் பெரிய மருதுபாண்டியன் மற்றும் கோயில் பணியாளர்கள் மற்றும் அர்ச்சகர்கள் செய்திருந்தனர்.
தமிழ்நாடு அரசு போக்குவரத்துக்கழகம் சார்பில் கோவை, மேட்டுப்பாளையத்தில் இருந்து காரமடைக்கு சிறப்பு பேருந்துகள் இயக்கப்பட்டன. காரமடை காவல் நிலைய ஆய்வாளர் சக்திவேல் தலைமையில், உதவி ஆய்வாளர் பொன்ராஜ் மற்றும் போலீஸார் பாதுகாப்புப் பணியில் ஈடுபட்டனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/காரமடை-அரங்கநாதர்-கோயிலில்-திரளான-பக்தர்கள்-சுவாமி-தரிசனம்-3006119.html
3006118 கோயம்புத்தூர் கோயம்புத்தூர் முருங்கை, காளானில் மதிப்பு கூட்டப்பட்ட பொருள்கள் தயாரிக்க பயிற்சி DIN DIN Sunday, September 23, 2018 03:23 AM +0530
கோவையில் உள்ள தமிழ்நாடு வேளாண்மைப் பல்கலைக்கழகத்தில் முருங்கை, காளானில் மதிப்பு கூட்டப்பட்ட பொருள்கள் தயாரிக்கும் பயிற்சி அளிக்கப்பட உள்ளது.
பல்கலைக்கழகத்தின் அறுவடை பின்சார் தொழில்நுட்பத் துறை சார்பில் வரும் 25, 26ஆம் தேதிகளில் இந்த பயிற்சி அளிக்கப்பட உள்ளது. இதில், முருங்கையில் இருந்து பருப்புப் பொடி, சாம்பார் பொடி, சூப் மிக்ஸ், முருங்கைப் பொடி, அடை மிக்ஸ், ஊறுகாய், நூடுல்ஸ் போன்றவை தயாரிக்கப் பயிற்சி அளிக்கப்படும்.
அதேபோல், காளானில் இருந்து சூப் மிக்ஸ், பிஸ்கெட், காளான் பொடி, ஊறுகாய், பிரியாணி மிக்ஸ், பிழிதல் தொழில்நுட்பம் தொடர்பான பயிற்சிகளும், தொழில் தொடங்குவதற்கான உரிமம் பெற்றுக் கொள்ளும் வழிமுறைகளும் பயிற்றுவிக்கப்படும்.
இதில் பங்கேற்க விருப்பமுள்ளவர்கள் ரூ.1,500 கட்டணம் செலுத்த வேண்டும்.
இதுதொடர்பான மேலும் விவரங்களுக்கு துறைத் தலைவரை நேரிலோ, 0422 - 6611268 , 6611340 என்ற எண்கள் மூலமாகவோ தொடர்பு கொள்ளலாம் என்று அறிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/coimbatore/2018/sep/23/முருங்கை-காளானில்-மதிப்பு-கூட்டப்பட்ட-பொருள்கள்-தயாரிக்க-பயிற்சி-3006118.html
3006117 கோயம்புத்தூர் கோயம்புத்தூர் மருதூர் அனுமந்தராயசாமி கோயிலில் புரட்டாசி பூஜை DIN DIN Sunday, September 23, 2018 03:23 AM +0530
காரமடையை அடுத்த மருதூர் அனுமந்தராயசாமி கோயிலில் புரட்டாசி சனிக்கிழமை விமரிசையாக நடைபெற்றது.
மருதூரில் மிகவும் பழைமை வாய்ந்த அனுமந்தராயசாமி கோயில் உள்ளது. இக்கோயிலில் ஒவ்வொரு தமிழ் மாத முதல் சனிக்கிழமையும் சிறப்பு பூஜைகளும், அபிஷேகம், ஆராதனைகளும் நடைபெறும். அதேபோல், புரட்டாசி சனிக்கிழமையை ஒட்டி அனுமந்தராயசாமிக்கு சிறப்பு அபிஷேகம், அலங்கார பூஜை முடிந்து திருமண் காப்பு அலங்காரத்தில் பக்தர்களுக்கு ஸ்ரீ ஜெயமங்கள ஆஞ்சநேயர் அருள்பாலித்தார்.
முன்னதாக, புலவர் தாச.அரங்கசாமியின் வில்லி பாரதம் தொடர் சொற்பொழிவும், முத்துக்கல்லூரி மற்றும் சுற்று வட்டார பஜனைக் குழுவினரின் சிறப்பு பஜனைகளும் நடைபெற்றன.
இந்த வழிபாட்டில் காரமடை, பெரியநாயக்கன்பாளையம், மேட்டுப்பாளையம், தேக்கம்பட்டி, புஜங்னூர், வெள்ளியங்காடு மற்றும் தோலம்பாளையம் சுற்றுவட்டாரப் பகுதியிலிருந்து திரளான பக்தர்கள் கலந்து கொண்டனர். பக்தர்களுக்கு ஸ்ரீஆஞ்சநேயா அறக்கட்டளை சார்பில் அன்னதானம் வழங்கப்பட்டது.

 

]]>
http://www.dinamani.com/all-editions/edition-coimbatore/coimbatore/2018/sep/23/மருதூர்-அனுமந்தராயசாமி-கோயிலில்-புரட்டாசி-பூஜை-3006117.html
3006116 கோயம்புத்தூர் கோயம்புத்தூர் நாளைய மின் தடை: மயிலம்பட்டி DIN DIN Sunday, September 23, 2018 03:23 AM +0530
மயிலம்பட்டி துணை மின் நிலையத்தில் மாதாந்திர பராமரிப்புப்பணி நடைபெற உள்ளதால் திங்கள்கிழமை (செப்டம்பர் 24) காலை 9 முதல் 4 மணி வரை கீழ்கண்ட பகுதிகளில் மின் விநியோகம் தடை செய்யப்பட உள்ளதாக தமிழ்நாடு மின் உற்பத்தி மற்றும் பகிர்மானக் கழகம் அறிவித்துள்ளது.
மின் விநியோகம் தடை செய்யப்படும் பகுதிகள்:
கரையாம்பாளையம், சின்னியம்பாளையம், மயிலம்பட்டி, ஆர்.ஜி.புதூர், கைகோலம்பாளையம், வெங்கிட்டாபுரம்.

 

]]>
http://www.dinamani.com/all-editions/edition-coimbatore/coimbatore/2018/sep/23/நாளைய-மின்-தடை-மயிலம்பட்டி-3006116.html
3006115 கோயம்புத்தூர் கோயம்புத்தூர் மேற்கு மண்டல கூட்டுறவு சங்க முறைகேடு விசாரணை அக்டோபரில் தொடங்கும்: விசாரணைக்குழு தலைவர் எஸ்.ராஜேஸ்வரன் DIN DIN Sunday, September 23, 2018 03:22 AM +0530
மேற்கு மண்டல கூட்டுறவு சங்கத் தேர்தல் முறைகேடு விசாரணை வரும் அக்டோபர் மாதம் தொடங்கும் என்று விசாரணைக் குழுவின் தலைவரும், ஓய்வுபெற்ற நீதிபதியுமான எஸ்.ராஜேஸ்வரன் தெரிவித்தார்.
கூட்டுறவு சங்கங்களில் நடந்த முறைகேடு தொடர்பாக விசாரணை நடத்த சென்னை உயர்நீதிமன்றம் நான்கு ஓய்வு பெற்ற நீதிபதிகளை நியமித்துள்ளது. இதில், கோவை, நீலகிரி, திருப்பூர், ஈரோடு, சேலம், நாமக்கல், திண்டுக்கல், கரூர் ஆகிய 8 மாவட்டங்களை உள்ளடக்கிய மேற்கு மண்டலத்துக்கு ஓய்வுபெற்ற நீதிபதி எஸ்.ராஜேஸ்வரனை விசாரணைக் குழுவின் தலைவராக நியமித்தது.
இந்நிலையில்,கோவை மண்டல மத்திய கூட்டுறவு வங்கி அலுவலகத்தில் செயல்படும் விசாரணைக் குழு அலுவலகத்தைப் பார்வையிடுவதற்காக எஸ்.ராஜேஸ்வரன் சனிக்கிழமை கோவை வந்தார். அப்போது அவர் செய்தியாளர்களிடம் அவர் கூறியதாவது:
கூட்டுறவு சங்கத் தேர்தலில் நடந்த முறைகேடுகள், அதன் வாக்காளர் பட்டியலில் உள்ள முறைகேடுகள், வேட்பாளர் பட்டியலில் உள்ள முறைகேடுகள் உள்ளிட்ட கூட்டுறவு சங்கத் தேர்தல் முறைகேடுகள் தொடர்பாக கோவை உள்ளிட்ட 8 மாவட்டங்களைச் சேர்ந்தவர்கள் புகார் அளிக்கலாம். அதாவது, கடந்த ஆகஸ்ட் 3ஆம் தேதிக்கு முன்னர் இச்சங்க தேர்தல் முறைகேடுகள் தொடர்பாக புகார் அளித்தவர்கள் மட்டுமே இங்கு புகார் அளிக்க முடியும்.
மேற்கு மண்டலத்துக்கு தலைநகராக கோவை அறிவிக்கப்பட்டு இங்கு விசாரணைக்கான நீதிமன்றம் அமைக்கப்பட்டுள்ளது. ஒவ்வொரு விசாரணை குழுவிலும் இரண்டு ஐஏஎஸ் அதிகாரிகள் உறுப்பினர்களாக இருப்பர். அதன்படி, மேற்கு மண்டல விசாரணை குழுவில் கோவை, திருப்பூர்மாவட்ட ஆட்சியர்கள் உறுப்பினர்களாக இருப்பர். மேலும், விசாரணை நடக்கும் மாவட்டங்களைச் சேர்ந்த ஆட்சியர்கள், கூட்டுறவு சங்கப் பதிவாளர், இணைபதிவாளர் உள்ளிட்டஅதிகாரிகளும் விசாரணையில் பங்கேற்பர்.
மேலும், செப்டம்பர் 16 முதல் 30ஆம் தேதி வரையில் கோவை மாவட்ட மத்திய கூட்டுறவு வங்ககியின் தலைமை அலுவலத்தில் நேரடியாகவும், தபால் மூலமாகவும் புகார் அளிக்கலாம். கடந்த வெள்ளிக்கிழமை ( செப்டம்பர் 21) வரையில் 21 புகார்கள் வந்துள்ள நிலையில், அதிகபட்சமாக ஈரோடு மாவட்டத்தில் 12 புகார்களும், நாமக்கல் மாவட்டத்தில் 4 புகார்களும், கோவை மாவட்டத்தில் 3 புகார்களும், சேலம் மாவட்டத்தில் 2 புகார்களும் வந்துள்ளன.
இந்தப் புகார்கள் அக்டோபர் முதல் வாரத்தில் பரிசீலிக்கப்பட உள்ளன. இதன்பிறகு ஓரிரு நாள்களில் கூட்டுறவு சங்க தேர்தல் முறைகேடு தொடர்பான விசாரணை தொடங்கப்படும். அதே வேளையில், விசாரணையை முடிக்க காலக்கெடு எதுவும் நிர்ணயிக்கப்படவில்லை என்றார்.

 

]]>
http://www.dinamani.com/all-editions/edition-coimbatore/coimbatore/2018/sep/23/மேற்கு-மண்டல-கூட்டுறவு-சங்க-முறைகேடு-விசாரணை-அக்டோபரில்-தொடங்கும்-விசாரணைக்குழு-தலைவர்-எஸ்ராஜேஸ்வர-3006115.html
3006114 கோயம்புத்தூர் கோயம்புத்தூர் தனியார் நிறுவனத்தில் ரூ.8.71 லட்சம் மோசடி: ஊழியர் கைது DIN DIN Sunday, September 23, 2018 03:22 AM +0530
கோவை அருகே இரு சக்கர வாகன உதிரிபாகங்கள் தயாரிக்கும் தொழிற்சாலையில் போலி ஆவணம் தயாரித்து ரூ.8.71 லட்சம் மோசடி செய்த ஊழியர் வெள்ளிக்கிழமை கைது செய்யப்பட்டார்.
கோவை மாவட்டம், அன்னூர் அருகே உள்ள வையம்பாளையத்தில் இரு சக்கர வாகனங்களுக்கு உதிரி பாகங்கள் தயாரிக்கும் தொழிற்சாலை உள்ளது. இந்த நிறுவனத்தில் உதவி மேலாளராகப் பணியாற்றி வரும் ராம்குமார் என்பவர் மாவட்ட குற்றப்பிரிவு போலீஸாரிடம் ஒரு புகார் அளித்துள்ளார்.
அதில், எங்களது நிறுவனத்தில் கோவை, பூ மார்க்கெட்டைச் சேர்ந்த ஆனந்தகுமார் (40) என்பவர் பிளான்ட் அதிகாரியாக 2014-15ஆம் ஆண்டு பணியாற்றி வந்தார். அப்போது தனது அதிகாரத்தைப் பயன்படுத்தி போலி ஆவணங்கள் தயாரித்து ரூ.8.71லட்சம் மோசடி செய்துள்ளது தணிக்கையில் தெரியவந்தது. ஆகவே இதுகுறித்து உரிய விசாரணை நடத்த வேண்டும் என்று தெரிவித்திருந்தார்.
இந்தப் புகாரின் பேரில் வழக்குப் பதிவு செய்த மாவட்ட குற்றப்பிரிவு போலீஸார் ஆனந்தகுமாரைக் கைது செய்தனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/தனியார்-நிறுவனத்தில்-ரூ871-லட்சம்-மோசடி-ஊழியர்-கைது-3006114.html
3006113 கோயம்புத்தூர் கோயம்புத்தூர் கல்லீரல் மாற்று அறுவை சிகிச்சை செய்து கொண்டவர்களுடன் கலந்துரையாடல் DIN DIN Sunday, September 23, 2018 03:22 AM +0530
கோவை ஜெம் மருத்துவமனையில், கல்லீரல் மாற்று அறுவை சிகிச்சை செய்து கொண்டவர்களுடன் கலந்துரையாடல் நிகழ்ச்சி சனிக்கிழமை நடைபெற்றது.
ராமநாதபுரம் பகுதியில் உள்ள ஜெம் மருத்துவமனை, லேபராஸ்கோப்பி, ஜீரண மண்டல சிகிச்சை நிறுவனத்தில் கல்லீரல் விழிப்புணர்வு முகாம், கல்லீரல் சுருக்கம், கல்லீரல் பாதிப்பை எதிர்த்து வென்றவர்களுடன் சிறப்புக் கலந்துரையாடல் ஆகியவை நடைபெற்றன. மருத்துவமனை கலையரங்கில் நடைபெற்ற இந்த நிகழ்ச்சியில், கடந்த 2013ஆம் ஆண்டு முதல் கல்லீரல் மாற்று அறுவை சிகிச்சை செய்து கொண்ட 25 பேர்கள் பங்கேற்றனர்.
அவர்கள், கல்லீரல் பாதிப்பால் தங்களுக்கு ஏற்பட்ட பிரச்னைகள் குறித்தும் அறுவை சிகிச்சைக்குப் பிறகான தற்போதைய நிலைமை குறித்தும் உரையாற்றினர். இந்த நிகழ்ச்சியில் மருத்துவமனை அறுவை சிகிச்சை நிபுணர்கள் செந்தில்நாதன், ஸ்ரீவத்ஸன், நலங்கிள்ளி, சந்தீப் உள்ளிட்டோர் பங்கேற்றனர். முன்னதாக, கல்லீரல் பாதிப்பு, அதற்கான அறுவை சிகிச்சை முறைகள், லேபராஸ்கோப்பியின் பங்கு உள்ளிட்டவை குறித்து டாக்டர் ஆனந்த விஜய் விளக்கினார். இதைத் தொடர்ந்து இலவச மருத்துவ முகாம் நடைபெற்றது. நிகழ்ச்சியில், கல்லீரல் தானம் செய்தவர்கள், நோயாளிகள், பொதுமக்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/coimbatore/2018/sep/23/கல்லீரல்-மாற்று-அறுவை-சிகிச்சை-செய்து-கொண்டவர்களுடன்-கலந்துரையாடல்-3006113.html
3006112 கோயம்புத்தூர் கோயம்புத்தூர் அன்னூரில் 117 வாக்குச் சாவடி மையங்களில் சிறப்பு முகாம் DIN DIN Sunday, September 23, 2018 03:21 AM +0530
அன்னூர் ஒன்றியத்தில் 117 வாக்குச் சாவடி மையங்களில் ஞாயிற்றுக்கிழமை (செப்டம்பர் 23) சிறப்பு முகாம் நடைபெற உள்ளது.
அன்னூர் ஒன்றியத்தில் 117 வாக்குச்சாவடி மையங்கள் உள்ளன. இந்த மையங்களில் ஞாயிற்றுக்கிழமை வாக்காளர் பெயர் சேர்த்தல், நீக்கல், முகவரி மாற்றம் உள்ளிட்ட திருத்தங்களை செய்ய ஏற்பாடு செய்யப்பட்டுள்ளது. அந்தந்த வாக்குச்சாவடி மையங்களில் உரிய ஆவணங்களுடன் விண்ணப்பித்து பயன்பெறலாம் என்று வருவாய்த் துறை அதிகாரிகள் தெரிவித்துள்ளனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/அன்னூரில்-117-வாக்குச்-சாவடி-மையங்களில்-சிறப்பு-முகாம்-3006112.html
3006111 கோயம்புத்தூர் கோயம்புத்தூர் பள்ளி மாணவர் தூக்கிட்டுத் தற்கொலை DIN DIN Sunday, September 23, 2018 03:21 AM +0530
சிங்காநல்லூர் அருகே 10ஆம் வகுப்பு படிக்கும் மாணவர் தூக்கிட்டு தற்கொலை செய்து கொண்டார்.
கோவை, ஒண்டிப்புதூரை அடுத்த திருவள்ளுவர் நகரைச் சேர்ந்தவர் சிவகுமார். இவரது 15 வயது மகன் சிங்காநல்லூர் அரசு ஆண்கள் மேல்நிலைப்பள்ளியில் 10ஆம் வகுப்பு படித்து வந்தார்.
இந்நிலையில், தனது செல்லிடப்பேசியில் ரீசார்ஜ் செய்ய பெற்றோரிடம் வெள்ளிக்கிழமை பணம் கேட்டதாகக் கூறப்படுகிறது.
அப்போது அவர்கள் பணம் தரமறுத்ததாகத் தெரிகிறது. இதனால் மனமுடைந்த மாணவர் வீட்டில் தனியாக இருந்தபோது தூக்கிட்டு தற்கொலை செய்து கொண்டார்.
இதுகுறித்து சிங்காநல்லூர் போலீஸார் வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/பள்ளி-மாணவர்-தூக்கிட்டுத்-தற்கொலை-3006111.html
3006110 கோயம்புத்தூர் கோயம்புத்தூர் பணம் வைத்து சூதாடிய 20 பேர் கைது: ரூ.10.85 லட்சம், வாகனங்கள் பறிமுதல் DIN DIN Sunday, September 23, 2018 03:21 AM +0530
சூலூரை அடுத்த ஆச்சாங்குளக்கரையில் பணம் வைத்து சூதாடிய 20 பேரை சூலூர் போலீஸார் கைது செய்தனர். அவர்களிடம் இருந்து ரூ. 10 லட்சத்து 85 ஆயிரம், கார்கள், இரு சக்கர வாகனங்கள் பறிமுதல் செய்யப்பட்டன.
கோவை மாவட்டம், சூலூரை அடுத்த குளத்தூரில் ஆச்சாங்குளம் உள்ளது. இக்குளத்தில் மீனவர்கள் மீன் பிடித்து வருகின்றனர். குளக்கரையில் மீனவர்கள் தங்க கொட்டகை உள்ளது. இக்கொட்டகைக்கு அடிக்கடி வெளி ஆள்கள் வந்து செல்வதாகவும், இரவில் மர்ம நபர்களின் நடமாட்டம் இருப்பதாகவும் போலீஸாருக்கு தகவல் வந்தது. இதுகுறித்து விசாரிக்க அப்பகுதிக்கு சூலூர் காவல் ஆய்வாளர் தங்கராஜ் தலைமையில் போலீஸார் சென்றனர்.
அப்போது, ஆச்சாங்குளம் மீனவர் குடிலில் குளத்தூர் அதிமுக முன்னாள் ஊராட்சி மன்ற உறுப்பினர் மாரிக்குட்டி உள்பட 20 பேர் பணம் வைத்து சீட்டு விளையாடிக்கொண்டிருந்தனர். அவர்களைப் பிடித்து சூலூர் காவல் நிலையம் அழைத்துவந்து விசாரித்தனர்.
விசாரணையில் அவர்கள் கோவை, ஆவாரம்பாளையத்தைச் ஜி.துரைசாமி(44), ஆர்.எஸ்.புரம் அருணாச்சலம் வீதியைச் சேர்ந்த கண்ணன்(43), காந்திபுரம் ரத்தினபுரி சுப்பாத்தம்மாள் லே அவுட் பகுதியைச் சேர்ந்த ராஜசேகர்(27), வெள்ளானைப்பட்டி முத்துகுமாரசாமி (48), அதே பகுதி மாரியம்மன் கோயில் வீதியைச் சேர்ந்த ராஜேஷ்(24), கணபதி ராஜவீதி சுரேந்தர்பாபு (42), கோவை பழையன்தொட்டம் ஹவுஸிங் யூனிட்டைச் சேர்ந்த சுரேஷ்குமார்(37), பாப்பநாயக்கன்பாளையம் நேதாஜி சாலை சதீஷ்குமார்(30), சூலூர் கருப்பபோயன்வீதி ராமசந்திரன்(40), திருப்பூர் அனுப்பர்பாளையம் திலகர் வீதியைச் சேர்ந்த நாகராஜ்(38), நீலம்பூர் மேற்கு வீதியைச் சேர்ந்த தியாகராஜன்(35), திருப்பூர் பாண்டியன் நகர் பாண்டி (28), கோவை, செல்வபுரம் சிராஜுதீன்(39), வேலாண்டிபாளையம் ஜீவானந்தம் வீதியைச் சேர்ந்த ஸ்ரீனிவாச பெருமாள்(44), சுக்ரவார்பேட்டை, பட்டிநாயக்கர் வீதியைச் சேர்ந்த அங்குராஜ்(40), சீரநாயக்கன்பாளையம் திலகர் வீதியைச் சேர்ந்த பாபு (38), பூமார்க்கெட் மகாலிங்கம் கோயில் வீதியைச் சேர்ந்த நாகராஜ் (36), செல்வபுரம் எல்.ஐ.சி. காலனி வெங்கடேஷ்வரா லே அவுட்டைச் சேர்ந்த ராமு (43), குளத்தூர் அதிமுக ஊராட்சி மன்ற முன்னாள் உறுப்பினர் மாரிக்குட்டி(50) உள்ளிட்டோர் என தெரிய வந்தது.
இவர்கள் அனைவரும் பணம் வைத்து சூதாடிய வழக்கில் கைது செய்யப்பட்டனர். இவர்கள் பயன்படுத்திய நான்கு சொகுசு கார்கள், நான்கு இரு சக்கரவாகனங்கள் மற்றும் அவர்களிடம் இருந்த ரூ.10 லட்சத்து 85 ஆயிரத்தை போலீஸார் பறிமுதல் செய்தனர்.

 

]]>
http://www.dinamani.com/all-editions/edition-coimbatore/coimbatore/2018/sep/23/பணம்-வைத்து-சூதாடிய-20-பேர்-கைது-ரூ1085-லட்சம்-வாகனங்கள்-பறிமுதல்-3006110.html
3006109 கோயம்புத்தூர் கோயம்புத்தூர் ஸ்ரீ ராமகிருஷ்ணா பல் மருத்துவக் கல்லூரி பட்டமளிப்பு விழா DIN DIN Sunday, September 23, 2018 03:21 AM +0530  

கோவை ஸ்ரீ ராமகிருஷ்ணா பல் மருத்துவக் கல்லூரியின் 14ஆவது பட்டமளிப்பு விழா சனிக்கிழமை நடைபெற்றது.
எஸ்.என்.ஆர். அரங்கில் நடைபெற்ற இந்த நிகழ்ச்சியில், எஸ்.என்.ஆர். அறக்கட்டளையின் அறங்காவலர் ஆர்.விஜயகுமார், இணை அறங்காவலர் டி.லட்சுமி நாராயணசாமி உள்ளிட்ட நிர்வாக அறங்காவலர்கள் முன்னிலை வகித்தனர். கல்லூரி முதல்வர் வி.பிரபாகர் வரவேற்றார்.
விழாவில், சென்னை மீனாட்சியம்மாள் பல்கலைக்கழக துணைவேந்தர் டாக்டர் ஆர்.எஸ். நீலகண்டன் சிறப்பு விருந்தினராகக் கலந்து கொண்டு படிப்பு முடித்த மாணவ, மாணவியருக்கு பட்டங்களை வழங்கினார். நிகழ்ச்சியில், 97 இளநிலை மாணவர்களுக்கும், 18 முதுநிலை மாணவர்களுக்கும் பட்டங்கள் வழங்கப்பட்டன.
முதலாம் ஆண்டு முதல் இறுதியாண்டு வரையிலான மிகச் சிறந்த மாணவருக்கான பதக்கத்தை மாணவி சுப்ரஜா பெற்றார்.
இறுதியாண்டின் சிறந்த மாணவருக்கான பதக்கத்தை மாணவர் தருண்குமார் பெற்றார். இதேபோல் பல் மருத்துவப் படிப்பில் வெவ்வேறு துறைகளில் முதல் மதிப்பெண் பெற்ற மாணவர்களுக்கு தங்கப் பதக்கங்கள் வழங்கப்பட்டன.
விழாவில், ஸ்ரீ ராமகிருஷ்ணா கல்விக் குழுமத்தின் முதல்வர்கள், பேராசிரியர்கள், பல் மருத்துவக் கல்லூரி பேராசிரியர்கள், பெற்றோர்கள் உள்ளிட்ட ஏராளமானோர் பங்கேற்றனர். துணை முதல்வர் வி.ஆர்.திருமூர்த்தி நன்றி கூறினார்.

 

]]>
http://www.dinamani.com/all-editions/edition-coimbatore/coimbatore/2018/sep/23/ஸ்ரீ-ராமகிருஷ்ணா-பல்-மருத்துவக்-கல்லூரி-பட்டமளிப்பு-விழா-3006109.html
3006108 கோயம்புத்தூர் கோயம்புத்தூர் அக்சரம் சர்வதேசப் பள்ளியில் குடும்ப விழா DIN DIN Sunday, September 23, 2018 03:20 AM +0530
பெரியநாயக்கன்பாளையத்தை அடுத்த மத்தம்பாளையத்தில் உள்ள அக்சரம் சர்வதேசப் பள்ளியில் குழந்தைகள், பெற்றோர்கள் கலந்து கொண்ட குடும்ப விழா சனிக்கிழமை நடந்தது. பள்ளித் தலைவர் வெங்கடேஸ்வரன் தலைமை வகித்தார்.
செயலாளர் ரமேஷ் முன்னிலை வகித்தார். முதல்வர் பப்பிராய் அனைவரையும் வரவேற்றார்.
விழாவில் முதலில் மழலையர் பிரிவுகளில் படிக்கும் குழந்தைகளுக்கும், பின்னர் பெற்றோர்களுக்கு விளையாட்டுப் போட்டிகள் நடத்தப்பட்டன.
இறுதியில் வெற்றி பெற்றவர்களுக்கு பரிசுகள் வழங்கப்பட்டன. இதற்கான ஏற்பாடுகளை பள்ளி நிர்வாகம் செய்திருந்தது.

 

 

]]>
http://www.dinamani.com/all-editions/edition-coimbatore/coimbatore/2018/sep/23/அக்சரம்-சர்வதேசப்-பள்ளியில்-குடும்ப-விழா-3006108.html
3005530 கோயம்புத்தூர் கோயம்புத்தூர் திருட்டு வழக்கில் இளைஞர் கைது: 3 இருசக்கர வாகனங்கள் பறிமுதல் DIN DIN Saturday, September 22, 2018 08:53 AM +0530 கோவையில் இருசக்கர வாகனங்களைத் திருடியதாக இளைஞரை செல்வபுரம் போலீஸார் வெள்ளிக்கிழமை கைது செய்தனர். அவரிடமிருந்து 3 இருசக்கர வாகனங்களையும் பறிமுதல் செய்தனர். 
கோவை மாநகரின் பல்வேறு பகுதிகளில் இருசக்கர வாகனங்கள் திருடுபோவதாக காவல் ஆணையருக்கு புகார்கள் வரத்தொடங்கின. 
இதைத் தொடர்ந்து காவல் ஆணையர் கு.பெரியய்யா உத்தரவின்பேரில்,  உதவி ஆணையர் சோமசுந்தரம் மேற்பார்வையில் செல்வபுரம் காவல் ஆய்வாளர் முத்துமணி தலைமையில் தனிப் படை அமைக்கப்பட்டது. 
இந்தத் தனிப்படையினர் நடத்திய விசாரணையில், ராமநாதபுரம் மாவட்டம்,  சத்திரக்குடி, ஸ்ரீநகரைச் சேர்ந்த எஸ்.குருபிரசாத் (22) என்பவரைக் கைது செய்தனர்.  அவரிடமிருந்து கோவையின் பல்வேறு இடங்களில் திருடப்பட்ட 3 இருசக்கர வாகனங்களையும் பறிமுதல் செய்தனர். 

]]>
http://www.dinamani.com/all-editions/edition-coimbatore/coimbatore/2018/sep/22/திருட்டு-வழக்கில்-இளைஞர்-கைது-3-இருசக்கர-வாகனங்கள்-பறிமுதல்-3005530.html
3005528 கோயம்புத்தூர் கோயம்புத்தூர் உலக வன உயிரின வார விழா: மாணவர்களுக்கு நாளை போட்டிகள் DIN DIN Saturday, September 22, 2018 08:52 AM +0530 உலக வன உயிரின வாரவிழாவை ஒட்டி பள்ளி, கல்லூரி மாணவர்களுக்கான ஓவியம்,  விநாடி-வினா உள்ளிட்ட போட்டிகள் கோவையில் வரும் ஞாயிற்றுக்கிழமை (செப்டம்பர் 23) நடைபெற உள்ளது. 
இதுகுறித்து கோவை மாவட்ட வன அலுவலர் (பொறுப்பு) எஸ்.செண்பகப்பிரியா வெளியிட்டுள்ள செய்தி: 
உலக வன உயிரின வார விழா ஆண்டுதோறும் அக்டோபர் 1 முதல் 8 ஆம் தேதி வரையில் கொண்டாடப்படுகிறது. இதை முன்னிட்டு, வடகோவையில் உள்ள தமிழ்நாடு வனவியல் பயிற்சிக் கழகத்தில்  பள்ளி, கல்லூரி மாணவர்களுக்கு ஓவியம், விநாடி-வினா, பேச்சு ஆகிய போட்டிகள் ஞாயிற்றுக்கிழமை நடைபெற உள்ளன. போட்டியில் பங்கேற்கும் மாணவ, மாணவியர் ஞாயிற்றுக்கிழமை காலை 8 மணி அளவில் நேரில் வந்து பெயரை பதிவு செய்துகொள்ள வேண்டும். 
இதில் 9 ஆம் வகுப்பு முதல் கல்லூரி மாணவர்களுக்கான பேச்சுப் போட்டியில் வன உயிரினங்களைப் பாதுகாத்தலின் அவசியம் குறித்து தமிழ், ஆங்கிலத்தில் பேசலாம்.  ஆனால் ஒரு கல்லூரியில் இருந்து 2 மாணவர்கள் மட்டுமே பங்கேற்கலாம்.  வன உயிரினங்கள் பாதுகாப்பில் நமது பங்களிப்பு, வன உயிரினங்களைப் பாதுகாத்தலின்அவசியம் என்ற தலைப்புகளில்  எல்.கே.ஜி.முதல் கல்லூரி மாணவர்கள் வரை மாணவர்களுக்கு ஓவியப் போட்டி நடைபெற உள்ளது. இந்தப் போட்டியில் பங்கேற்கும் மாணவர்கள் வெள்ளை நிற வரைதாள்களையும்,  வரைபொருள்களையும் கொண்டுவர வேண்டும். 
இதுதொடர்பான கூடுதல் விவரங்களுக்கு மாவட்ட வன அலுவலகம் 0422-2456911,  தினேஷ்குமார், உதவி வனப் பாதுகாவலர் 94430-82214,  எஸ்.சுரேஷ்,  கோவை வனச் சரகர் 90470-66460 ஆகியோரின் செல்லிடப்பேசி எண்களுக்கு தொடர்பு கொள்ளலாம் என்று தெரிவிக்கப்பட்டுள்ளது. 

]]>
http://www.dinamani.com/all-editions/edition-coimbatore/coimbatore/2018/sep/22/உலக-வன-உயிரின-வார-விழா-மாணவர்களுக்கு-நாளை-போட்டிகள்-3005528.html
3005527 கோயம்புத்தூர் கோயம்புத்தூர் தமிழக சிறைச்சாலைகள் அபாயகரமானதாக மாறி வருகின்றன DIN DIN Saturday, September 22, 2018 08:52 AM +0530 தமிழக சிறைச் சாலைகள் அபாயகரமானதாக மாறி வருகின்றன என்று பாஜக மாநிலத் தலைவர் தமிழிசை சௌந்தரராஜன் குற்றம்சாட்டியுள்ளார்.
இந்து முன்னணி நிர்வாகியாக இருந்த சசிகுமாரின் இரண்டாம் ஆண்டு நினைவு தின நிகழ்ச்சியில் பங்கேற்க கோவை வந்த அவர் செய்தியாளர்களிடம் கூறியதாவது:
கோவை மாவட்ட இந்து முன்னணி நிர்வாகியாக இருந்த சசிகுமார் படுகொலை செய்யப்பட்டது போன்ற சம்பவங்கள் இனிமேல் நடைபெறாமல் தடுக்க தமிழக அரசு நடவடிக்கை எடுக்க வேண்டும். தமிழக காவல் துறையினரின் தவறான, பலவீனமான நடவடிக்கையால் குற்றவாளிகள் வெளியே வந்துள்ளனர். 
ஆடிட்டர் ரமேஷ்,  டாக்டர் அரவிந்த ரெட்டி,  பாடி சுரேஷ், வெள்ளையப்பன் ஆகியோரின் கொலை வழக்குகளில் கைது செய்யப்பட்டு புழல் சிறையில் அடைக்கப்பட்டுள்ள குற்றவாளிகளிடம் இருந்து தொலைக்காட்சிப் பெட்டி, அரிசி, பருப்பு, செல்லிடப்பேசி போன்றவை பறிமுதல் செய்யப்பட்டுள்ளன. இதற்கு காரணமான சிறைக் காவலர்கள் மாற்றப்பட வேண்டும். இந்த சம்பவத்தை தொடர்ந்துதான் தமிழக சிறைகளில் சோதனை நடத்தப்பட்டு வருகிறது. பொதுவாக தமிழக சிறைச்சாலைகள் அபாயகரமானதாக மாறி வருகின்றன. சிறைகளில் குற்றவாளிகளுக்கு இதுபோன்ற வசதிகள் கிடைக்காமல் தடுக்க தமிழக அரசு நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-coimbatore/coimbatore/2018/sep/22/தமிழக-சிறைச்சாலைகள்-அபாயகரமானதாக-மாறி-வருகின்றன-3005527.html
3005526 கோயம்புத்தூர் கோயம்புத்தூர் 20 ஆண்டு காலமாக  சீரமைக்கப்படாமல் உள்ள பாலம் DIN DIN Saturday, September 22, 2018 08:52 AM +0530 வால்பாறையில் பழுதடைந்த நிலையில் உள்ள பாலம் 20 ஆண்டு காலமாக சீரமைக்கப்படாமல் இருப்பதால் அப்பகுதி மக்கள் அதிருப்தி தெரிவித்துள்ளனர்.
வால்பாறை, வாழைத் தோட்டம் பகுதியில் பொதுமக்கள் வசதிக்காக குடியிருப்பு பகுதியில் இருந்து ஆற்றைக் கடந்து செல்வதற்காக பாலம் அமைக்கப்பட்டது. இந்த பாலம் சுமார் 20 ஆண்டுகளுக்கு முன் இடிந்து விழந்தது. பழுதடைந்த இந்த பாலத்தை பல ஆண்டுகளாக சீரமைக்காமல் கிடப்பில் போட்டுள்ளனர். 
பொள்ளாச்சி மக்களவை உறுப்பினர் சி.மகேந்திரன் அண்மையில் வால்பாறைக்கு வந்தபோது வாழைத்தோட்டம் பழுதடைந்த பாலத்தை சீரமைப்பதாக உறுதியளித்தார்.  
இந்நிலையில், வால்பாறை நகராட்சி சார்பில் பல்வேறு வளர்ச்சிப் பணிகள் மேற்கொள்ளப்பட்டு வரும் நிலையில் இந்த பாலத்தை சீரமைக்க நடவடிக்கை எடுக்காமல் உள்ளதாக அப்பகுதி பொதுமக்கள் புகார் தெரிவிக்கின்றனர். 
இதுதொடர்பாக நகராட்சி அதிகாரி ஒருவர் கூறுகையில்,  இரண்டு முறை பாலம் சீரமைப்பதற்கு ஒப்பந்தம் விடப்பட்டும் யாரும் பணி மேற்கொள்ள முன்வரவில்லை. பாலத்தை சீரமைக்க மீண்டும் ஒப்பந்தம் விட  உள்ளோம் என்றார்.
 

]]>
http://www.dinamani.com/all-editions/edition-coimbatore/coimbatore/2018/sep/22/20-ஆண்டு-காலமாக-சீரமைக்கப்படாமல்-உள்ள-பாலம்-3005526.html
3005525 கோயம்புத்தூர் கோயம்புத்தூர் இன்று சசிகுமார் நினைவு தினம்:  ஆயிரம் போலீஸார் பாதுகாப்பு DIN DIN Saturday, September 22, 2018 08:51 AM +0530 இந்து முன்னணி பிரமுகர் சசிகுமாரின் இரண்டாம் ஆண்டு  நினைவு தினம் சனிக்கிழமை அனுசரிக்கப்படுவதால் மாநகர் முழுவதிலும் ஆயிரம் போலீஸார் பாதுகாப்புப் பணியில் ஈடுபடுத்தப்பட உள்ளனர். 
இந்து முன்னணி அமைப்பின் கோவை மாநகர் மாவட்ட செய்தித் தொடர்பாளராக இருந்தவர் சசிகுமார் (37). இவர் 2016 செப்டம்பர் 22 ஆம் தேதி வெட்டிக் கொலை செய்யப்பட்டார். அவரது இரண்டாம் ஆண்டு நினைவு தினம் இந்து முன்னணி சார்பில் சனிக்கிழமை அனுசரிக்கப்படுகிறது.  இதையொட்டி,  கோவை, கென்னடி திரையரங்கம் பின்புறம் உள்ள லைட்ஹவுஸ் மைதானத்தில் இந்து முன்னணி சார்பில் 
பொதுக்கூட்டம் நடைபெறுகிறது. இதில், இந்து முன்னணி மாநிலத் தலைவர் காடேஸ்வரா சி.சுப்பிரமணியம் உள்ளிட்ட பலர் பங்கேற்க உள்ளனர். 
 ஆகவே,  கோவை மாநகரில் அசம்பாவிதங்களைத் தடுக்கும் வகையில் முன்னெச்சரிக்கை நடவடிக்கையாக ஆயிரம் போலீஸார் பாதுகாப்பு பணியில் ஈடுபடுத்தப்பட உள்ளதாக மாநகர காவல் ஆணையர் கு.பெரியய்யா தெரிவித்துள்ளார். 
 

]]>
http://www.dinamani.com/all-editions/edition-coimbatore/coimbatore/2018/sep/22/இன்று-சசிகுமார்-நினைவு-தினம்-ஆயிரம்-போலீஸார்-பாதுகாப்பு-3005525.html
3005524 கோயம்புத்தூர் கோயம்புத்தூர் தனியார் கல்லூரி நிர்வாகிக்கு எதிராக மாதர் சங்கத்தினர் புகார் DIN DIN Saturday, September 22, 2018 08:51 AM +0530 பாலியல் குற்றச்சாட்டுக்கு ஆளான கோவை சரவணம்பட்டியில் உள்ள தனியார் கல்லூரி தாளாளர் மீது  வன்கொடுமை தடுப்புச் சட்டத்தின் கீழ் நடவடிக்கை எடுக்கக் கோரி காவல் துறையிடம் மாதர் சங்கத்தின் சார்பில் வலியுறுத்தப்பட்டுள்ளது.
 இதுகுறித்து அனைத்திந்திய ஜனநாயக மாதர் சங்கத்தின் மாவட்டச் செயலாளர் ஏ.ராதிகா, தலைவர் அமுதா, பொருளாளர் ஜோதிமணி, மாநிலக்குழு உறுப்பினர் ராஜலட்சுமி உள்ளிட்டோர் துடியலூர் அனைத்து மகளிர் காவல் நிலையத்தில் புகார் அளித்தனர்.
 பாதிக்கப்பட்ட பெண் புகார் அளிக்காத நிலையில் இந்தப் புகாரை காவல்துறையினர் வாங்க மறுத்துள்ளனர். ஆனால், பாதிக்கப்பட்ட பெண்கள் புகார் அளிக்க வேண்டிய அவசியமில்லை. போதுமான ஆதாரங்கள் இருந்தால் காவல் துறையினரே வழக்குப் பதிவு செய்யலாம் என மாதர் சங்கத்தினர் காவல் துறையினரிடம் வலியுறுத்தினர். எனவே, சம்பந்தப்பட்ட கல்லூரி நிர்வாகி மீது நடவடிக்கை எடுக்க வேண்டும் என வலியுறுத்தினர். 
  மேலும், பெண்கள் பணிபுரியும் இடங்களில் விசாகா கமிட்டி அமைக்க வேண்டும் என்கிற நீதிமன்ற உத்தரவை இக்கல்லூரி நிர்வாகம் அமைத்துள்ளதா என்பது குறித்து விசாரிக்க வேண்டும் எனவும் வலியுறுத்தினர்.

]]>
http://www.dinamani.com/all-editions/edition-coimbatore/coimbatore/2018/sep/22/தனியார்-கல்லூரி-நிர்வாகிக்கு-எதிராக-மாதர்-சங்கத்தினர்-புகார்-3005524.html
3005522 கோயம்புத்தூர் கோயம்புத்தூர் சுப்ரீம் மொபைல்ஸ் 30ஆவது கிளை கோவை நூறடி சாலையில் திறப்பு DIN DIN Saturday, September 22, 2018 08:51 AM +0530 கோவை நூறடி சாலையில் சுப்ரீம் மொபைல்ஸின் 30ஆவது கிளை வெள்ளிக்கிழமை திறக்கப்பட்டது.
இக்கிளையை திரைப்பட நடிகை நிக்கி கல்ராணி திறந்துவைத்தார். இதில், முன்னாள் அமைச்சர் எம்.எஸ்.எம்.ஆனந்தன், தம்பு கார்ஸ் பாலசந்தர், கே.பி.கே.செல்வராஜ், ஸ்ரீ வாரி கார்டன் இயக்குநர் வெங்கடேஷ், ஆர்.ஏ.குருப்ஸ் ஜெயபால், வஜ்துபால் ரஜினிகாந்த், தங்கவேல், எவரெஸ்ட் மனோஜ், சுப்ரீம் நிறுவன இயக்குநர்கள் தீபபிரியா, ராதாகிருஷ்ணன், சர்வேஸ் ஆதித்தியா, பகவதி ராஜா, கீர்த்தனா நவீன் ஆகியோர் கலந்துகொண்டனர். 
இந்நிறுவனத்தின் திறப்பு விழா சலுகையாக முதல் 100 வாடிக்கையாளர்களுக்கு ரூ. 999 மதிப்பிலான செல்லிடப்பேசி ரூ.100க்கும், இரண்டாவது வரும் 200 வாடிக்கையாளர்களுக்கு ரூ. 200க்கும் என 1,500 வாடிக்கையாளர்களுக்கு வழங்கப்பட்டது. 
அதுமட்டுமின்றி ரூ. 1,000 மதிப்பிலான செல்லிடப்பேசி வாங்குவோருக்கு குக்கர் இலவசமாகவும், மேலும் ஆச்சரியம் ஊட்டும் சலுகைகளுடன் ஞாயிற்றுக்கிழமை வரையிலும் விற்பனை நடைபெறும் எனவும் விற்பனை மேலாளர்கள் ஆர்எஸ்எம், அருள்ஜோதி, மகேந்திரன், சிவராஜ், பூபாலன் தெரிவித்தனர். 
மேலும், வாடிக்கையாளர்களுக்கு எலைட் கார்டு திட்டமும் அறிமுகப்படுத்தப்பட்டுள்ளது என மண்டல விற்பனை மேலாளர்கள் ரகு, வினோத் ஆகியோர் தெரிவித்தனர்.

]]>
http://www.dinamani.com/all-editions/edition-coimbatore/coimbatore/2018/sep/22/சுப்ரீம்-மொபைல்ஸ்-30ஆவது-கிளை-கோவை-நூறடி-சாலையில்-திறப்பு-3005522.html
3005521 கோயம்புத்தூர் கோயம்புத்தூர் சூதாட்டத்தில் ஈடுபட்ட 14 பேர் கைது DIN DIN Saturday, September 22, 2018 08:50 AM +0530 கோவையில் இரு இடங்களில் பணம் வைத்து சூதாட்டத்தில் ஈடுபட்ட 14 பேரை ரேஸ்கோர்ஸ் போலீஸார் வியாழக்கிழமை கைது செய்தனர். இவர்களிடமிருந்து ரூ. 68 ஆயிரம் பணத்தையும் பறிமுதல் செய்தனர். 
இதுகுறித்து போலீஸார் கூறியதாவது: 
 கோவை, பாப்பநாயக்கன்பாளையத்தில் உள்ள கோயில் அருகே சிலர் பணம் வைத்து சூதாட்டத்தில் ஈடுபடுவதாக ரேஸ்கோர்ஸ் போலீஸாருக்கு தகவல் கிடைத்தது. இதன்படி அங்கு வந்த போலீஸார் சூதாட்டத்தில் ஈடுபட்ட நந்தகுமார் (25), நடராஜன் (72), லோகேஷ் (38), செந்தில்குமார் (45), சுப்பிரமணியன் (33) சக்திவேல் (38) ஆகிய 6 பேரைக் கைது செய்தனர்.   அதே போல, மற்றொரு இடத்தில் சூதாட்டத்தில் ஈடுபட்ட அஷ்ரப் அலி (30), சண்முகசுந்தரம் (40), பிரகாஷ் (41), துரைசாமி (35), சக்திவேல் (28), முத்துபாண்டி (43), பழனிசாமி (46), ராமகிருஷ்ணன் (37)ஆகிய 8 பேரைக் கைது செய்தனர். இவர்களிடமிருந்து ரூ. 68 ஆயிரம் பணத்தையும் பறிமுதல் செய்தனர். 

]]>
http://www.dinamani.com/all-editions/edition-coimbatore/coimbatore/2018/sep/22/சூதாட்டத்தில்-ஈடுபட்ட-14-பேர்-கைது-3005521.html
3005520 கோயம்புத்தூர் கோயம்புத்தூர் "இருதய பாதிப்புகளால் உயிரிழப்பு அதிகரித்து வருகிறது' DIN DIN Saturday, September 22, 2018 08:50 AM +0530 இருதய நோயால் பாதிக்கப்பட்டு உயிரிழப்பவர்களின் எண்ணிக்கை அதிகரித்து வருவதாக ஆய்வில் தெரியவந்துள்ளது.
 இதுகுறித்து கோவை ராம் நகரில் உள்ள நீரழிவு நோய் சிகிச்சை மையத்தின் தலைவர் டாக்டர் பாலமுருகன், குப்புசாமி நாயுடு மருத்துவமனை இருதய சிகிச்சை நிபுணர் டாக்டர் வைத்தியநாதன் ஆகியோர் செய்தியாளர்களிடம் கூறியதாவது:
 பொதுவாக தொற்று நோய்களின் எண்ணிக்கை குறைந்து வரும் நிலையில் தொற்றாத நோய் பாதிப்புகளின் எண்ணிக்கை அதிகரித்து வருகிறது. வாழ்க்கை முறை, உணவுப் பழக்க வழக்கத்தில் மாற்றம், உடற்பயிற்சியின்மை போன்ற காரணங்களால் சர்க்கரை நோய், ரத்த அழுத்தம் போன்ற நோய்களால் பாதிக்கப்படுவர்களின் எண்ணிக்கை அதிகரித்துள்ளது. 
 குறிப்பாக இதில் 30 வயதுக்கு உட்பட்டவர்களின் எண்ணிக்கை 50 சதவீதமாக அதிகரித்துள்ளது. அகில இந்திய மருத்துவ கல்வி நிறுவனம், இந்திய மருத்து ஆராய்ச்சி மையம் நடத்திய ஆய்வில் மாரடைப்பால் உயரிழப்பவர்களில் 35 சதவீதம் 50 வயதுக்கு உட்பட்டோரும், 10 சதவீதம் பேர் 30 வயதுக்கு உட்பட்டோர் எனத் தெரியவந்துள்ளது. 
 உலக அளவில் நீரழிவு நோயால் பாதிக்கப்படுவர்களின் எண்ணிக்கையில் சீனாவுக்கு அடுத்து இந்தியா உள்ளது. புகைப் பழக்கத்தால் மாரடைப்பு ஏற்படுபவர்களுக்கு இணையாக சர்க்கரை நோயால் பாதிக்கப்பட்டவர்களுக்கும் அதிக அளவில் மாரடைப்பு ஏற்படுவதாக ஆய்வில் தெரிவந்துள்ளது. பொதுவாக 40 வயதுக்கு மேற்பட்டோர் உயிரிழக்கும் 5 பேரில் இருவர் இருதய நோயால் உயிரிழப்பதாக புள்ளி விவரங்கள் தெரிவிக்கின்றன. 
மேலும் சர்க்கரை நோயால் பாதிக்கப்பட்டு உயிரிழக்கும் 3 பேரில் இருவர் இருதய பாதிப்பால் உயிரிழக்கின்றனர்.  எனவே 35 வயதுக்கு மேல் உள்ளவர்கள் முறையாக முழு உடல் பரிசோதனை செய்துகொண்டு உடலில் 
ஏற்படும் நோய்க்கு சிகிச்சை மேற்கொள்வது மூலம் உயிரிழப்புகளை குறைக்க முடியும் என்றனர். 
 

]]>
http://www.dinamani.com/all-editions/edition-coimbatore/coimbatore/2018/sep/22/இருதய-பாதிப்புகளால்-உயிரிழப்பு-அதிகரித்து-வருகிறது-3005520.html
3005518 கோயம்புத்தூர் கோயம்புத்தூர் கோ-ஆப்டெக்ஸ் விற்பனை மையம் ரூ. 1.5 கோடியில் நவீனமயம்: அமைச்சர் தொடங்கிவைத்தார் DIN DIN Saturday, September 22, 2018 08:50 AM +0530 கோவையில் ரூ.1.5 கோடி மதிப்பில் நவீனப்படுத்தப்பட்டுள்ள கோ-ஆப்டெக்ஸ் விற்பனை மையத்தை நகராட்சி நிர்வாகத் துறை அமைச்சர் எஸ்.பி.வேலுமணி வெள்ளிக்கிழமை தொடங்கிவைத்தார். 
 கோவை நேரு விளையாட்டு மைதானம் அருகே நவீனப்படுத்தப்பட்டுள்ள மருதம் கோ-ஆப்டெக்ஸ் விற்பனை மையத்தை அமைச்சர் எஸ்.பி.வேலுமணி தொடங்கிவைத்து பேசியதாவது: 
 கைத்தறி நெசவாளர்களுக்கு வாழ்வளிக்கும் வகையில் கோ-ஆப்டெக்ஸ் நிறுவனம் தொடங்கப்பட்டது. சந்தை போட்டியை சமாளிக்க இங்கு புதுப்புது துணி ரகங்கள் அறிமுகம் செய்யப்பட்டு வருகிறது. 2017-18 ஆம் ஆண்டில் நாடு முழுவதும் கோ-ஆப்டெக்ஸ் நிறுவனம் ரூ. 316 கோடி அளவுக்கு விற்பனை மேற்கொண்டது. தீபாவளி சிறப்பு தள்ளுபடியாக அண்ணாவின் பிறந்த நாளான செப்டம்பர் 15 ஆம் தேதி முதல் கைத்தறி ரகங்களுக்கு 30 சதவீத தள்ளுபடி வழங்கப்படுகிறது. கோவை மருதம் கோ-ஆப்டெக்ஸ் விற்பனை மையத்தில் கடந்த ஆண்டு தீபாவளியையொட்டி ரூ.3.18 கோடி அளவுக்கு விற்பனை செய்யப்பட்டுள்ளது. நடப்பு ஆண்டில் ரூ. 5 கோடிக்கு விற்பனை செய்ய இலக்கு நிர்ணயிக்கப்பட்டுள்ளது.
 நெசவாளர்களின் வாழ்வாதாரத்தை பாதுகாக்க கோ-ஆப்டெக்ஸ் நிறுவனத்தில் துணி வகைகளை பொதுமக்கள் வாங்க வேண்டும் என்றார். இந்நிகழ்ச்சியில், ஆட்சியர் த.ந.ஹரிஹரன், சட்டப் பேரவை உறுப்பினர்கள் அம்மன் கே.அர்ச்சுணன், பி.ஆர்.ஜி.அருண்குமார், ஓ.கே.சின்னராஜ், வி.சி.ஆறுக்குட்டி, ஆர்.கனகராஜ், கோ-ஆப்டெக்ஸ்  நிறுவனத் தலைவர் மனோகரன், முதன்மை பொதுமேலாளர் அலோக்பப்லே, மண்டல பொது மேலாளர் சுரேஷ்குமார் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-coimbatore/coimbatore/2018/sep/22/கோ-ஆப்டெக்ஸ்-விற்பனை-மையம்-ரூ-15-கோடியில்-நவீனமயம்-அமைச்சர்-தொடங்கிவைத்தார்-3005518.html
3005517 கோயம்புத்தூர் கோயம்புத்தூர் "லட்சியத்தில் உறுதியுடன் செயல்பட்டால் இலக்கை எளிதில் அடையலாம்' DIN DIN Saturday, September 22, 2018 08:50 AM +0530 லட்சியத்தில் உறுதியுடன் செயல்பட்டால் இலக்கை எளிதில் அடையலாம் அடல் இன்னோவேஷன் மிஷன் நிறுவனத்தின் இயக்குநர் பேசினார்.
கோவை நேரு பொறியியல் மற்றும் தொழில்நுட்பக் கல்லூரியில் 8 ஆவது பட்டமளிப்பு விழா அண்மையில் நடைபெற்றது.
இதில், நேரு கல்வி குழும நிறுவனங்களின் தலைமை நிர்வாக அதிகாரியும், செயலாளருமான கிருஷ்ணகுமார்,  தலைவரும்,  நிர்வாக அறங்காவலருமான கிருஷ்ணதாஸ் ஆகியோர் பங்கேற்றனர். கல்லூரியின் ஆண்டு அறிக்கையை கல்லூரி முதல்வர் மணியரசன் வாசித்தார். 
விழாவில்,  சிறப்பு விருந்தினராக மத்திய அரசின் அடல் இன்னோவேஷன் மிஷன் நிறுவனத்தின் மிஷன் இயக்குநர் ஆர்.ரமணன் பங்கேற்று மாணவர்களுக்கு பட்டங்களை வழங்கி பேசியதாவது : 
மாணவ, மாணவியர் தங்களின் அறிவையும், திறனையும் சமூக மேம்பாட்டுக்காகப் பயன்படுத்த வேண்டும். மாணவ சமூகம் வேலை தேடுபவர்களாக இல்லாமல், வேலை வழங்குபவர்களாக மாற வேண்டும். லட்சியத்தில் உறுதியுடன் செயல்பட்டால் நிச்சயம் இலக்கை எளிதில் அடைந்துவிடலாம் என்றார். 
இதையடுத்து, 452 மாணவ, மாணவிகளுக்கு பட்டங்களை வழங்கினார். இவர்களில் 388 மாணவர்கள் இளங்கலைப்பட்டமும்,  64 மாணவர்கள் முதுகலைப் பட்டமும் பெற்றனர்.

]]>
http://www.dinamani.com/all-editions/edition-coimbatore/coimbatore/2018/sep/22/லட்சியத்தில்-உறுதியுடன்-செயல்பட்டால்-இலக்கை-எளிதில்-அடையலாம்-3005517.html
3005516 கோயம்புத்தூர் கோயம்புத்தூர் அதிமுக ஆட்சியின் ஊழல் விரைவில் அம்பலமாகும்: டிடிவி  தினகரன் பேச்சு DIN DIN Saturday, September 22, 2018 08:49 AM +0530 அதிமுக ஆட்சியில் நடைபெறும் ஊழல்களும், முறைகேடுகளும் விரைவில் வெளிவரும் என அம்மா மக்கள் முன்னேற்ற கழகத்தின் துணைப் பொதுச் செயலாளர் டிடிவி. தினகரன் தெரிவித்தார்.
பொள்ளாச்சியை அடுத்த கோலார்பட்டியில் வியாழக்கிழமை இரவு நடைபெற்ற பிரசார கூட்டத்தில் அவர் பேசியதாவது:  
 தமிழகத்தில் மக்கள் விரோத ஆட்சி நடைபெற்றுக் கொண்டிருக்கிறது. ஜெயலலிதாவின் பெயரைச் சொல்லி ஏமாற்றி வருகிறார்கள். தற்போது ஆட்சியில் உள்ளவர்கள் செய்யும் முறைகேடுகளும், ஊழல்களும் விரைவில் அம்பலத்துக்கு வரும். 18 எம்எல்ஏக்கள் தகுதி நீக்க வழக்கு தீர்ப்பு வரும்போது நிச்சயமாக ஆட்சி மாற்றம் ஏற்படும். ஜெயலலிதா அனுமதிக்காமல் தடை செய்த திட்டங்களை மத்திய அரசுக்கு பயந்து தற்போதைய தமிழக அரசு அனுமதித்து வருகிறது. பெட்ரோல், டீசல் விலை பலமடங்கு உயர்ந்து வருவதால் மக்கள் வெகுவாக பாதிக்கப்படுகிறார்கள் என்றார்.

]]>
http://www.dinamani.com/all-editions/edition-coimbatore/coimbatore/2018/sep/22/அதிமுக-ஆட்சியின்-ஊழல்-விரைவில்-அம்பலமாகும்-டிடிவி--தினகரன்-பேச்சு-3005516.html
3005515 கோயம்புத்தூர் கோயம்புத்தூர் டாக்டர் ஜி.பக்தவத்சலத்துக்கு தேசிய விருது DIN DIN Saturday, September 22, 2018 08:49 AM +0530 கே.ஜி.மருத்துவமனை மற்றும் அதன் தலைவர் டாக்டர் ஜி.பக்தவத்சலத்துக்கு தேசிய தேர்வு வாரியம் சார்பில் விருது வழங்கப்பட்டுள்ளது.
புது தில்லியில் உள்ள தேசிய தேர்வு வாரியம் சார்பில் எமிரிட்டஸ் ஆசிரியர் விருதுக்கு, கே.ஜி. மருத்துவமனை தலைவர் டாக்டர் ஜி.பக்தவத்சலம் தேர்வு செய்யப்பட்டார்.  
டிஎன்பி திட்டத்தைக் கற்பிப்பதில் சிறப்பான நிறுவன விருதுக்கு கே.ஜி.மருத்துவமனை தேர்வு செய்யப்பட்டது. புதுதில்லியில் உள்ள விக்யான் பவனில் வெள்ளிக்கிழமை நடைபெற்ற விழாவில், குடியரசு துணைத் தலைவர் வெங்கய்யா நாயுடு, கே.ஜி. மருத்துவமனை தலைவர் டாக்டர் பக்தவத்சலத்துக்கு விருதை வழங்கினார். 
 இந்நிகழ்ச்சியில் மத்திய சுகாதாரத் துறை அமைச்சர் ஜே.பி.நட்டா, இணை அமைச்சர்கள் அஸ்வின்குமார் சௌபே, அனுப்பிரியா படேல் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-coimbatore/coimbatore/2018/sep/22/டாக்டர்-ஜிபக்தவத்சலத்துக்கு-தேசிய-விருது-3005515.html
3005514 கோயம்புத்தூர் கோயம்புத்தூர் அரசு நிலத்தில் கழிவுகளைக் கொட்டியவருக்கு ரூ.20 ஆயிரம் அபராதம் DIN DIN Saturday, September 22, 2018 08:49 AM +0530 கீரணத்தம் ஊராட்சிக்கு சொந்தமான நிலத்தில் கட்டடக் கழிவு மற்றும் இறைச்சிக் கழிவுகளை கொட்டியவருக்கு ரூ. 20 ஆயிரம் அபராதம் விதிக்கப்பட்டுள்ளது.
கீரணத்தம் ஊராட்சிக்கு உள்பட்ட பண்ணாரி அம்மன் நகர், குறிஞ்சி நகர் அருகில் ஊராட்சிக்கு சொந்தமான சுமார் 2 ஏக்கர் நிலம் உள்ளது. இந்த இடத்தில் மருத்துவக் கழிவு, இறைச்சிக் கழிவு மற்றும் கட்டடக் கழிவுகளை சில சமூகவிரோதிகள் கொட்டிச் செல்வதாக புகார் எழுந்தது. இதனால், இப்பகுதியில் துர்நாற்றமும் வீசுவதுடன் சுகாதார சீர்கேடுகளும் ஏற்பட்டு வந்தன. 
இதுகுறித்து அப்பகுதி மக்கள் ஊராட்சி அதிகாரிகளிடம் தொடர்ந்து புகார் அளித்து வந்தனர். இதைத் தொடர்ந்து அப்பகுதியை ஊராட்சி அதிகாரிகள் தொடர்ந்து கண்காணித்து வந்தனர்.  இந்நிலையில் அங்கு கட்டடம் மற்றும் இறைச்சிக் கழிவுகளை கொட்ட வெள்ளிக்கிழமை வந்த லாரியை அதிகாரிகள் பறிமுதல் செய்து ஊராட்சி அலுவலகத்துக்கு கொண்டுச் சென்றனர். 
இதைத் தொடர்ந்து பொது இடத்தில் குப்பை கொட்டியதற்காக கீரணத்தம் ஊராட்சி தனி அலுவலர் பி.சுந்தரியின் உத்தரவின்பேரில், மண்டல துணை வட்டார வளர்ச்சி அலுவலர் ஆர்.முத்துராஜு, ஊராட்சி செயலாளர் பாலசுந்தரம் ஆகியோர் லாரி உரிமையாளர் ராஜுக்கு ரூ. 20 ஆயிரம் அபராதம் விதித்தனர். மேலும் அப்பகுதியில் கொட்டப்பட்ட 10 டன்னுக்கும் அதிகமான கழிவுகளை அகற்றவும் உத்தரவிட்டனர்.
 

]]>
http://www.dinamani.com/all-editions/edition-coimbatore/coimbatore/2018/sep/22/அரசு-நிலத்தில்-கழிவுகளைக்-கொட்டியவருக்கு-ரூ20-ஆயிரம்-அபராதம்-3005514.html
3005513 கோயம்புத்தூர் கோயம்புத்தூர் கோவை சிறையில் இருந்து 14 கைதிகள் விடுதலை DIN DIN Saturday, September 22, 2018 08:49 AM +0530 எம்.ஜி.ஆர்.நூற்றாண்டு விழாவையொட்டி, நன்னடத்தை அடிப்படையில் கோவை மத்திய சிறையில் இருந்து 14 ஆயுள் தண்டனை கைதிகள் வெள்ளிக்கிழமை விடுதலை செய்யப்பட்டனர்.
தமிழக அரசு உத்தரவுப்படி மாநிலம் முழுவதும் உள்ள மத்திய சிறைகளில் 10 ஆண்டுகளுக்கு மேலாக தண்டனை அனுபவித்து வரும் கைதிகள் எம்.ஜி.ஆர். நூற்றாண்டையொட்டி, நன்னடத்தை அடிப்படையில் விடுதலை செய்யப்பட்டு வருகின்றனர். 
இதன்படி,  கோவை மத்திய சிறையில் இருந்து முதல்கட்டமாக ஆயுள் தண்டனை கைதிகள் 48 பேர் நன்னடைத்தை காரணமாக விடுதலை செய்யப்பட்டனர்.
இதைத் தொடர்ந்து இரண்டாவது கட்டமாக சிறையில் இருந்து 14 கைதிகள் வெள்ளிக்கிழமை விடுதலை செய்யப்பட்டுள்ளனர். சிறையில் இருந்து வெளியே வந்த கைதிகளை அவர்களது குடும்பத்தினர், உறவினர்கள் மற்றும் நண்பர்கள் வரவேற்று அழைத்துச் சென்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/22/கோவை-சிறையில்-இருந்து-14-கைதிகள்-விடுதலை-3005513.html
3005512 கோயம்புத்தூர் கோயம்புத்தூர் அன்னூரில் இந்திய கம்யூனிஸ்ட் கட்சி பிரசாரம் DIN DIN Saturday, September 22, 2018 08:48 AM +0530 இந்திய கம்யூனிஸ்ட் கட்சி மற்றும் ஏஐடியூசி  தொழிற்சங்கம் சார்பில் நடைபெற்று வரும் பிரசார பயணக் குழு அன்னூருக்கு வெள்ளிக்கிழமை வந்தது.
திருப்பூரில் இந்திய கம்யூனிஸ்ட் கட்சி சார்பில் அரசியல் எழுச்சி மாநாடு செப்டம்பர் 23 ஆம் தேதி நடைபெற உள்ளது. 
இதற்காக அக்கட்சி சார்பில் தமிழகத்தில் 6 இடங்களில் இருந்து பிரசார பயணம் கடந்த 17 ஆம் தேதி துவங்கியது.  இதில், வேலூர் மாவட்டத்தில் இருந்து புறப்பட்ட குழு,  தருமபுரி, சேலம், ஈரோடு வழியாக அன்னூருக்கு வெள்ளிக்கிழமை வந்தது. 
இந்தக் குழுவினர் அன்னூர் கைகாட்டியில் பிரசாரம் மேற்கொண்டனர். இதில் இந்திய கம்யூனிஸ்ட் கட்சி மாநிலப் பொருளாளர் ஆறுமுகம், தேசியக்குழு உறுப்பினர் சேதுராமன், மாவட்ட செயலாளர் சுந்தரம் ஆகியோர் பேசினர். 
இந்நிகழ்ச்சியில், மாவட்டக் குழு உறுப்பினர்கள் பி.ஆர்.பழனிசாமி, என்.ஏ.பழனிசாமி,  ஒன்றியக் குழு உறுப்பினர்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/coimbatore/2018/sep/22/அன்னூரில்-இந்திய-கம்யூனிஸ்ட்-கட்சி-பிரசாரம்-3005512.html
3005511 கோயம்புத்தூர் கோயம்புத்தூர் இருதய ரத்தக் குழாய் பாதிக்கப்பட்ட  பச்சிளம் குழந்தைக்கு நவீன சிகிச்சை DIN DIN Saturday, September 22, 2018 08:48 AM +0530 இருதயத்துக்கு ரத்தம் கொண்டுச் செல்லும் ரத்தக் குழாய் பாதிக்கப்பட்ட பச்சிளம் குழந்தைக்கு நவீன அறுவை சிகிச்சை மேற்கொண்டு ஸ்ரீராமகிருஷ்ணா மருத்துவமனை மருத்துவர்கள் குணப்படுத்தியுள்ளனர்.
 திருநெல்வேலி மாவட்டத்தைச் சேர்ந்த தம்பதிக்கு கடந்த சில வாரங்களுக்கு முன்பு ஆண் குழந்தை பிறந்துள்ளது. இக்குழந்தை பிறந்து ஒருசில நாள்களில் இருந்தே மூச்சுத் திணறலால் பாதிக்கப்பட்டது. நாளடைவில் குழந்தையின் உடல் நிலை மோசமடைந்தது. இதையடுத்து, அந்தக் குழந்தை கோவை ஸ்ரீராமகிருஷ்ணா மருத்துவமனையில் அண்மையில் அனுமதிக்கப்பட்டது. ஸ்ரீராமகிருஷ்ணா மருத்துவமனையின் குழந்தை அறுவை சிகிச்சை பிரிவுத் தலைவர் டாக்டர் விஜய் சதாசிவம்,  குழந்தைக்கு சிகிச்சை அளித்துள்ளார்.  அப்போது,  குழந்தையின் நுரையீரலில் பாதிப்பு இருந்தது தெரியவந்தது. 
இதையடுத்து, பச்சிளம் குழந்தை இருதய அறுவை சிகிச்சை நிபுணர் டாக்டர் தேவபிரசாத்,  எக்கோ கார்டியோகிராம் மூலம் குழந்தையை பரிசோதனை செய்தார். பரிசோதனையில், குழந்தையின் நுரையீரலில் இருந்து இருதயத்தின் இடது பக்கத்துக்கு செல்ல வேண்டிய சுத்திகரிக்கப்பட்ட ரத்தம் கல்லீரலுக்கு சென்றது கண்டுபிடிக்கப்பட்டது. 
 இதையடுத்து,  மருத்துவமனையின் குழந்தை அறுவை சிகிச்சை பிரிவுத் தலைவர் டாக்டர் விஜய் சதாசிவம் தலைமையிலான மருத்துவக் குழுவினர் உடனடியாக குழந்தைக்கு திறந்த நிலையில் நவீன அறுவை சிகிச்சை மேற்கொண்டு குழந்தையை குணப்படுத்தினர்.
 இதுகுறித்து அவர் கூறியதாவது:
 பொதுவாக ஒருவரது நுரையீரலில் இருந்து சுத்திகரிக்கப்பட்ட ரத்தம், ரத்தக் குழாய் மூலம் இருதயத்தின் இடது பக்க அறைக்கு செல்லும். ஆனால், இக் குழந்தைக்கு நுரையீரலில் இருந்து கல்லீரலுக்கு சென்றது தெரியவந்தது. இதற்கு உடனடியாக திறந்த நிலை அறுவை சிகிச்சை செய்யத் தொடங்கினோம். அப்போது, குழந்தையின் இருதயம் செயலிழந்தது. உடனடியாக இருதயத்துக்கு செயற்கை முறையில் அழுத்தம் கொடுத்து அறுவை சிகிச்சை மேற்கொள்ளப்பட்டது.
 சுமார் 5 மணி நடைபெற்ற சிக்கலான அறுவை சிகிச்சையைத் தொடர்ந்து நுரையீரலில் இருந்து சுத்த ரத்தம் எடுத்து செல்லும் ரத்தக் குழாயை இருதயத்தின் இடது அறையுடன் இணைக்கப்பட்டது என்றார்.
 இந்த மருத்துவக் குழுவில் இருதய அறுவை சிகிச்சை நிபுணர்கள் டாக்டர் தியாகராஜமூர்த்தி, டாக்டர் சுஜித், மயக்கவியல் நிபுணர்கள் நரேந்திர மேனன், கிருபாஆனந்த் உள்ளிட்டோர் இடம் பெற்றிருந்தனர். 

]]>
http://www.dinamani.com/all-editions/edition-coimbatore/coimbatore/2018/sep/22/இருதய-ரத்தக்-குழாய்-பாதிக்கப்பட்ட-பச்சிளம்-குழந்தைக்கு-நவீன-சிகிச்சை-3005511.html
3005509 கோயம்புத்தூர் கோயம்புத்தூர் பிணையில் விடுவிக்க போலி மருத்துவச் சான்றிதழ்:  வழக்குரைஞர் மற்றும் 2 அரசு மருத்துவர்கள் மீது வழக்குப் பதிவு DIN DIN Saturday, September 22, 2018 08:48 AM +0530 போதைப் பொருள் வழக்கில் கைதான இளைஞரை பிணையில் விடுவிக்க போலி மருத்துவச் சான்றிதழை தாக்கல் செய்தது தொடர்பாக, மனுதாரரின் வழக்குரைஞர்,  2 அரசு மருத்துவர்கள் உள்பட 6 பேர் மீது வியாழக்கிழமை வழக்குப் பதிவு செய்யப்பட்டது. 
பெங்களூருவில் இருந்து போதை ஊசி, மருந்துகளை வாங்கி வந்து கோவையில் விற்பனை செய்தது தொடர்பாக, கோவையைச் சேர்ந்த சாய் இமானுவேல் (28),  முகமது ஷிகாப் (22),  ஜுல்பிகர் அலி (24), முகமது அனாஸ் (24) ஆகியோரை கோவை- காட்டூர் காவல் துறையினர் ஜூலை 24 ஆம் தேதி கைது செய்தனர். 
இந்த நிலையில், முகமது ஷிகாப் தனக்கு வலிப்பு நோய் இருப்பதாலும், திருமணம் நடைபெற உள்ளதாலும், பிணையில் விடுவிக்கும்படி கோவை இன்றியமையாப் பண்டங்கள் தனி சிறப்பு நீதிமன்றத்தில் மனு தாக்கல் செய்தார்.
இதற்காக , சித்தாபுதூரில் கிளினிக் நடத்தி வரும் நரம்பியல் நிபுணர் மருத்துவர் ராமகிருஷ்ணன் பரிந்துரையின்பேரில் கோவை அரசு மருத்துவமனை மருத்துவர்கள் உஷா, மன்சூர் ஆகியோர் மருத்துவச் சான்றிதழ் வழங்கியுள்ளனர்.  ஆனால் அந்த மருத்துவச் சான்றிதழ் மீது நீதிமன்றத்துக்கு சந்தேகம் எழுந்தது. 
ஆகவே, இதுகுறித்து உரிய விசாரணை நடத்தி அறிக்கை சமர்ப்பிக்குமாறு கோவை அரசு மருத்துவக் கல்லூரி முதன்மையர் (டீன்) அசோகனுக்கு நீதிபதி உத்தரவிட்டிருந்தார். அதன்படி விசாரணை அறிக்கையை டீன் அசோகன் நீதிமன்றத்தில் சமர்ப்பித்திருந்தார். 
அதில்,  ஷிகாப்புக்கு வலிப்பு நோய் இருப்பதாக தாக்கல் செய்யப்பட்ட மருத்துவச் சான்றிதழ் போலியானது என்று தெரியவந்தது. எனவே, போலி மருத்துவச் சான்றிதழை நீதிமன்றத்தில் தாக்கல் செய்த அவரது வழக்குரைஞர் ஜக்காரியா, அரசு மருத்துவமனை ஊழியர் பீர் முகமது, நரம்பியல் சிகிச்சை நிபுணர் ராமகிருஷ்ணன்,  அரசு மருத்துவர்கள் உஷா, மன்சூர்,  ஷிகாப்பின் சகோதரர் முகமது ஷாகிப் ஆகியோர் மீது வழக்குப் பதிவு செய்து நடவடிக்கை எடுக்குமாறு, கோவை இன்றியமையாப் பண்டங்கள் நீதிமன்ற (பொறுப்பு) நீதிபதி சி.சஞ்சய்பாபா செப்டம்பர் 11ஆம் தேதி உத்தரவிட்டிருந்தார்.
இதுகுறித்து கோவை இன்றியமையாப் பண்டங்கள் நீதிமன்ற தலைமை எழுத்தர் வசந்தகுமாரி மாநகர குற்றப் பிரிவு காவல் நிலையத்தில் புகார் அளித்திருந்தார். 
அதன் அடிப்படையில், வழக்குரைஞர் ஜக்காரியா, அரசு மருத்துவர்கள் உஷா,  மன்சூர், நரம்பியல் நிபுணர் ராமகிருஷ்ணன் உள்பட 6 பேர் மீதும்  போலி ஆவணங்களைத் தயாரித்தல்,  நீதிமன்ற நடவடிக்கைகளுக்காக போலி ஆவணங்களைத் தயாரித்தல், ஏமாற்றும் நோக்கத்துடன் ஆவணங்களைத் தயாரித்தல்,  போலி ஆவணங்களை உண்மை ஆவணங்களைப் போல பயன்படுத்துதல்,  மோசடி உள்ளிட்ட  7 பிரிவுகளின்கீழ் மாநகர குற்றப் பிரிவு போலீஸார் வழக்குப் பதிவு செய்து, விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/22/பிணையில்-விடுவிக்க-போலி-மருத்துவச்-சான்றிதழ்-வழக்குரைஞர்-மற்றும்-2-அரசு-மருத்துவர்கள்-மீது-வழக்குப்-3005509.html
3005508 கோயம்புத்தூர் கோயம்புத்தூர் வார்ப்படத் தொழிற்சாலையால் விவசாயம் பாதிப்பு: அதிகாரிகள் ஆய்வு DIN DIN Saturday, September 22, 2018 08:47 AM +0530 கோவை மாவட்டம், மலுமிச்சம்பட்டி பகுதியில் செயல்பட்டு வரும் வார்ப்படத் தொழிற்சாலையால் சுற்றுப் பகுதிகளில் உள்ள விவசாயம் பாதிக்கப்படுவதாக விவசாயிகள் அளித்த புகாரை அடுத்து அதிகாரிகள் ஆய்வு நடத்தியுள்ளனர்.
கோவை மாவட்டம், மதுக்கரை வட்டம், மலுமிச்சம்பட்டி கிராமத்தில் ஏராளமான விவசாயிகள் தென்னை, வாழை, முசுக்கொட்டை, சப்போட்டா போன்ற பயிர்களை பயிரிட்டு வருகின்றனர். இந்தப் பகுதியில் தனியாருக்கு சொந்தமான வார்ப்படத் தொழிற்சாலை செயல்பட்டு வருகிறது. இந்த ஆலையில் இருந்து வெளியேறும் இரும்பு, சாம்பல் துகள்கள் பயிர்களின் மீது கருமை நிறத்தில் படிந்து வருகிறது.
இதனால் பயிர்கள் பாதிக்கப்படுவதாகவும், தீவனப் புல்கள் மீது இந்தத் துகள்கள் படிந்திருப்பதால் இவற்றை உண்ணும் கால்நடைகள் பாதிக்கப்படுவதாகவும், விவசாயிகளுக்கு சுவாசக் கோளாறு உள்ளிட்ட பிரச்னைகள் நேரிடுவதாகவும் மாசுக் கட்டுப்பாட்டு வாரியத்தில் கட்சி சார்பற்ற விவசாயிகள் சங்கத்தின் பொதுச் செயலர் பி.கந்தசாமி உள்ளிட்ட விவசாயிகள் புகார் தெரிவித்திருந்தனர்.
 இதையடுத்து கோவை தெற்கு மாசுக் கட்டுப்பாட்டு வாரியத்தின் செயற்பொறியாளர் மணிமாறன், மதுக்கரை வட்டார வேளாண் அதிகாரிகள் உள்ளிட்டோர் சம்பந்தப்பட்ட பகுதியில் வியாழக்கிழமை ஆய்வு நடத்தினர். அவர்களிடம் பாதிக்கப்பட்ட விவசாயிகள் தங்களது பிரச்னைகள் குறித்துத் தெரிவித்தனர். இது தொடர்பாக ஊராட்சி மன்ற முன்னாள் தலைவரும், விவசாயியுமான ராமசாமி கூறும்போது, இந்த நிறுவனத்தில் இருந்து வெளியேறும் நுண்ணிய மாசுக்கள் தென்னை மரத்தின் பாளைகளிலும், ஓலைகளிலும் படிவதால் மகசூல் இழப்பு ஏற்படுகிறது. மேலும், முசுக்கொட்டை இலைகளின் மீது படியும் இந்தத் துகள்களை பட்டுப்புழுக்கள் சாப்பிடுவதால் பட்டு நூல் உற்பத்தியும் பாதிக்கப்படுகிறது.  ஆலையில் இருந்து வெளியேறும் துர்நாற்றத்தால் தோட்டத்துக்கு வேலை செய்ய ஆள்கள் வருவதில்லை. கடந்த 2 ஆண்டுகளாக தொடரும் இந்த பிரச்னை குறித்து பலமுறை கூறியும் அந்த நிறுவனத்தினர் உரிய நடவடிக்கை எடுக்கவில்லை. இதையடுத்து மாசுக் கட்டுப்பாட்டு வாரியத்தில் புகார் தெரிவித்துள்ளோம். நேரடி ஆய்வில் ஈடுபட்ட அதிகாரிகள் உடனடியாக நடவடிக்கை எடுப்பதாக உறுதி அளித்துள்ளனர். இந்த பிரச்னைக்கு விரைவில் தீர்வு காணாவிட்டால் விவசாயிகளைத் திரட்டி உண்ணாவிரதப் போராட்டத்தில் ஈடுபடுவேன் என்றார்.
 அப்பகுதியில் மேற்கொள்ளப்பட்ட ஆய்வு குறித்து மாசுக்கட்டுப்பாட்டு வாரிய அதிகாரிகள் தரப்பில் கூறும்போது,  மலுமிச்சம்பட்டி பகுதியில் உள்ள தனியார் வார்ப்படத் தொழிற்சாலையால் விவசாயிகள் பாதிக்கப்படுவது உண்மைதான். 
மேலும் ஆலையில் நடத்திய ஆய்வில் அங்கு கழிவுப் பொருள்கள் குவித்து வைக்கப்பட்டிருப்பது தெரிய வந்துள்ளது. அவற்றை உடனடியாக அகற்ற வேண்டும் என்று நோட்டீஸ் வழங்க உள்ளோம். 
இப்பகுதியில் காற்று மாசு எந்த அளவில் உள்ளது என்பதை ஆய்வு செய்யும்படி சம்பந்தப்பட்ட அதிகாரிகளுக்கு கடிதம் எழுதியிருக்கிறோம். காற்றின் தரம் குறித்த அறிந்த பிறகு சம்பந்தப்பட்ட நிறுவனத்தின் மீது உரிய நடவடிக்கை மேற்கொள்ளப்படும் என்றனர்.

]]>
http://www.dinamani.com/all-editions/edition-coimbatore/coimbatore/2018/sep/22/வார்ப்படத்-தொழிற்சாலையால்-விவசாயம்-பாதிப்பு-அதிகாரிகள்-ஆய்வு-3005508.html
3004648 கோயம்புத்தூர் கோயம்புத்தூர் முத்தலாக் சட்டம் அவசர கதியில்  நிறைவேற்றப்பட்டுள்ளது: ஜவாஹிருல்லா DIN DIN Friday, September 21, 2018 07:11 AM +0530 முத்தலாக் சட்டத்தை மத்திய அரசு அவசர கதியில் நிறைவேற்றியுள்ளதாக மனிதநேய மக்கள் கட்சித் தலைவர் ஜவாஹிருல்லா தெரிவித்துள்ளார். 
இதுகுறித்து அவர் கோவையில் செய்தியாளர்களிடம் கூறியதாவது:
முத்தலாக் சட்டத்தை மத்திய அரசு அவசர கதியில் நிறைவேற்றியுள்ளது. இது அரசியல் சாசன நெறிமுறைகளுக்கு எதிரானது ஆகும். இது முஸ்லிம் பெண்களுக்குப் பாதுகாப்பான சட்டமாக அமையாது. தலாக் என்பது குறித்த வரையறை குழப்பமாக உள்ளது. இதனை எதிர்த்து முஸ்லிம் மற்றும் ஜனநாயக அமைப்புகளுடன் இணைந்து போராட்டம் நடத்த உள்ளோம். 
 மேலும், மனித நேய மக்கள் கட்சி சார்பில் அக்டோபர் 7ஆம் தேதி திருச்சியில் அரசமைப்புச் சட்ட பாதுகாப்பு மாநாடு நடைபெற உள்ளது. 
கோவையில் இந்து இயக்கத் தலைவர்களைக் கொலை செய்ய சதித் திட்டம் தீட்டியதாக 7 பேரை போலீஸார் கைது செய்துள்ளது அநீதி ஆகும்.  அவர்கள் என்ன தவறு செய்தார்கள் என்பது குறித்து காவல் துறையால் இது வரையில் தெரிவிக்க முடியவில்லை. ஊகங்களின் அடிப்படையில் சிறையில் அடைத்துள்ளனர்.
ராஜீவ் கொலை வழக்கில் சிறையில் அடைக்கப்பட்டுள்ள 7 பேரையும் உடனடியாக விடுவிக்க வேண்டும். தமிழகத்தில் நடைபெற்ற ஊழல்கள் தொடர்பான விசாரணையை முறையாக நடத்த வேண்டுமெனில், சம்பந்தப்பட்ட அமைச்சர்கள் பதவி விலக வேண்டும் என்றார்.  
 

]]>
http://www.dinamani.com/all-editions/edition-coimbatore/coimbatore/2018/sep/21/முத்தலாக்-சட்டம்-அவசர-கதியில்-நிறைவேற்றப்பட்டுள்ளது-ஜவாஹிருல்லா-3004648.html
3004647 கோயம்புத்தூர் கோயம்புத்தூர் வியாபாரியைக் கொலை செய்த வழக்கில் சகோதரர்களுக்கு ஆயுள் தண்டனை DIN DIN Friday, September 21, 2018 07:11 AM +0530 கோவை அருகே பழைய இரும்பு வியாபாரியைக் கொலை செய்த வழக்கில் சகோதரர்களுக்கு ஆயுள் தண்டனை விதித்து கோவை நீதிமன்றம் வியாழக்கிழமை தீர்ப்பளித்துள்ளது.
நெல்லை மாவட்டம்,  ராதாபுரம் சீலாத்திக்குளத்தைச் சேர்ந்தவர் வன்னியராஜ் (34). அதே பகுதியைச் சேர்ந்தவர் தங்கமணி (37), அவரது சகோதரர் ராமச்சந்திரன் (35). இவர்கள் மூவரும் கோவை க.க.சாவடி அருகே உள்ள மாவுத்தம்பதி பகுதியில் வீடு வாடகைக்கு எடுத்து தங்கி பழைய இரும்பு வியாபாரம் செய்து வந்துள்ளனர். இவர்களது குடும்பத்தினர் சொந்த ஊரில் வசித்து வந்துள்ளனர். 
இந்நிலையில் மூன்று பேரும் அடிக்கடி சொந்த ஊருக்கு சென்று வந்துள்ளனர். அப்போது,  தங்கமணியின் மனைவிக்கும், வன்னியராஜுக்கும் இடையே பழக்கம் ஏற்பட்டுள்ளது. இதுகுறித்து தங்கமணிக்கு தெரியவந்ததையடுத்து, வன்னியராஜுக்கும் அவருக்கும் இடையே அடிக்கடி தகராறு ஏற்பட்டுள்ளது.  
க.க.சாவடியில் உள்ள வீட்டில் இவர்களுக்குள் 2013 மார்ச் 4 ஆம் தேதி தகராறு ஏற்பட்டுள்ளது. இதில்,  ஆத்திரமடைந்த சகோதரர்கள் தங்கமணி, ராமச்சந்திரன் ஆகியோர் சேர்ந்து வன்னியராஜின் கழுத்தை இறுக்கி கொலை செய்துள்ளனர். மேலும் கொலையை மறைக்க அவரது உடலைத் தூக்கில் தொங்கவிட்டுள்ளனர். 
இதுகுறித்து க.க.சாவடி போலீஸார் வழக்குப் பதிவு செய்து சகோதரர்கள் இருவரையும் கைது செய்து சிறையில் அடைத்தனர். இந்த வழக்கு விசாரணை கோவை நான்காவது கூடுதல் குற்றவியல் நடுவர் நீதிமன்றத்தில் நடைபெற்று வந்தது.  வழக்கை விசாரித்த நீதிபதி ஸ்ரீதேவி, குற்றம்சாட்டப்பட்ட சகோதரர்களுக்கு ஆயுள் தண்டனையும்,  தலா ரூ. 6 ஆயிரம் அபராதமும் விதித்து வியாழக்கிழமை தீர்ப்பளித்தார். இந்த வழக்கில் அரசு கூடுதல் வழக்குரைஞர் விஜயகுமார் ஆஜராகினார்.
 

]]>
http://www.dinamani.com/all-editions/edition-coimbatore/coimbatore/2018/sep/21/வியாபாரியைக்-கொலை-செய்த-வழக்கில்-சகோதரர்களுக்கு-ஆயுள்-தண்டனை-3004647.html
3004646 கோயம்புத்தூர் கோயம்புத்தூர் வன எல்லை ஆய்வு குறித்து பயிற்சி DIN DIN Friday, September 21, 2018 07:11 AM +0530 வன எல்லை ஆய்வு செய்து அளவை மேற்கொள்வது குறித்து 4  நாள்கள் நடைபெற்ற பயிற்சி முகாம் வியாழக்கிழமை நிறைவுபெற்றது.
வனப் பகுதி எல்லைகளைக் கண்டறிந்து அளவை செய்ய வனத் துறையினர் முடிவு செய்துள்ளனர். இப்பணியில் ஈடுபடவுள்ள வனத் துறையினருக்கான பயிற்சி வகுப்பு வால்பாறையை அடுத்த அட்டகட்டி வனத்துறை பயிற்சி மையத்தில் திங்கள்கிழமை தொடங்கியது. 
பயிற்சி முகாமை ஆனைமலை புலிகள் காப்பக கள இயக்குநர் கணேசன் துவக்கி வைத்தார். 
முகாமில்,  வன எல்லையைக் கண்டறிந்து நில அளவை மேற்கொள்வது எப்படி என்று பயிற்சி அளிக்கப்பட்டது. இந்த பயிற்சி முகாமில்,  பொள்ளாச்சி, திருப்பூர் வனக்கோட்டத்தை சேர்ந்த வனச் சரக அலுவலர்கள், வனவர்கள் மற்றும் வனக் காவலர்கள் பங்கேற்றனர்.

]]>
http://www.dinamani.com/all-editions/edition-coimbatore/coimbatore/2018/sep/21/வன-எல்லை-ஆய்வு-குறித்து-பயிற்சி-3004646.html
3004645 கோயம்புத்தூர் கோயம்புத்தூர் உடற்கல்வி இயக்குநர்களுக்கு புத்தாக்கப் பயிற்சி DIN DIN Friday, September 21, 2018 07:11 AM +0530 கோவை நேரு விளையாட்டு அரங்கில் 2 நாள்கள் நடைபெற்ற உடற்கல்வி இயக்குநர்கள், ஆசிரியர்களுக்கான புத்தாக்கப் பயிற்சி வியாழக்கிழமை நிறைவடைந்தது.
அரசுப் பள்ளி மாணவர்களின் விளையாட்டுத் திறனை மேம்படுத்தவும், விளையாட்டுப் போட்டிகள் குறித்து பயிற்சி அளிக்கவும் தமிழ்நாடு விளையாட்டு மேம்பாட்டு ஆணையம் சார்பில், உடற்கல்வி இயக்குநர்கள், ஆசிரியர்களுக்கான புத்தாக்கப் பயிற்சி முகாம் கடந்த செப்டம்பர் 18 ஆம் தேதி தொடங்கியது.
இதில், கோவை மாவட்டத்தை சேர்ந்த சுமார் 50 பேர் பங்கேற்றனர். 
இந்தப் பயிற்சியில், வாள் சண்டை, சிலம்பம், தடகளம், ஜூடோ, ஜிம்னாஸ்டிக், தேக்வாண்டோ, கேரம், சைக்கிளிங் உள்ளிட்ட விளையாட்டுகள் குறித்து பயிற்சி அளிக்கப்பட்டது. 
பயிற்சி முடித்த இயக்குநர்கள், ஆசிரியர்களுக்கு மாவட்ட விளையாட்டு அலுவலர் (பொறுப்பு) ஜெயச்சந்திரன், பயிற்சி நிறைவுக்கான சான்றிதழ்களை வழங்கினார்.

]]>
http://www.dinamani.com/all-editions/edition-coimbatore/coimbatore/2018/sep/21/உடற்கல்வி-இயக்குநர்களுக்கு-புத்தாக்கப்-பயிற்சி-3004645.html
3004644 கோயம்புத்தூர் கோயம்புத்தூர் கைவினைப் பொருள்கள்கண்காட்சி தொடக்கம் DIN DIN Friday, September 21, 2018 07:10 AM +0530 தமிழ்நாடு கைவினைப் பொருள் கவுன்சில் தொண்டு நிறுவனத்தின் சார்பில் கோவையில் கைவினைப் பொருள்கள் கண்காட்சி, விற்பனை வியாழக்கிழமை தொடங்கியது.
கோயில்கள், வீடுகளில் பயன்படுத்தப்படும் ஆபரணங்கள், மாலைகளை ஆவணப்படுத்துவது, கற்கள், பனை ஓலைகள், உலோகத் தகடுகளைக் கொண்டு கைவினைப் பொருள்களை உருவாக்குபவர்களுக்கு ஊக்கம் அளிப்பது போன்ற பணிகளில் ஈடுபட்டு வரும் இந்த நிறுவனத்தின் சார்பில், ஆண்டுதோறும் சிருஷ்டி என்ற பெயரில் கைவினைப் பொருள்கள் கண்காட்சி, விற்பனை நடத்தப்படுகிறது.
கோவை அவிநாசி சாலையில் உள்ள சுகுணா திருமண மண்டபத்தில்,  வரும் 22 ஆம் தேதி வரை நடைபெற உள்ள இந்தக் கண்காட்சியில் காஞ்சிபுரம் சில்க் காட்டன், கோடஸ், துஸார்ஸ், பனாரஸ், பெங்கால் காட்டன் சேலைகள், ஆந்திர சேலைகள், குழந்தைகள், ஆடவர்களுக்கான ஆடைகள், பரிசுப் பொருள்கள், ஆபரணங்கள், வீட்டு உபயோகப் பொருள்கள் போன்ற பல்வேறு பொருள்கள் காட்சிக்கும், விற்பனைக்கும் வைக்கப்பட்டுள்ளன.

]]>
http://www.dinamani.com/all-editions/edition-coimbatore/coimbatore/2018/sep/21/கைவினைப்-பொருள்கள்கண்காட்சி-தொடக்கம்-3004644.html
3004643 கோயம்புத்தூர் கோயம்புத்தூர் தென்னிந்திய விவசாயிகள் ஆலோசனைக் கூட்டம் DIN DIN Friday, September 21, 2018 07:10 AM +0530 தென்னிந்திய விவசாயிகள் கூட்டமைப்பின் ஆலோசனைக் கூட்டம் சூலூரில் புதன்கிழமை நடைபெற்றது. 
கூட்டத்துக்கு,  உழவர் உழைப்பாளர் கட்சியின் தலைவர் கு.செல்லமுத்து தலைமை வகித்தார். இந்தக் கூட்டத்தில், கேரள மாநில  விவசாயிகள் சங்கத் தலைவர்கள் மோகன், டேவிட்சன்,  கர்நாடக மாநில விவசாயிகள் சங்கத்  தலைவர்கள் கங்காதரன், ராமன், தென்னிந்திய கரும்பு விவசாயிகள் ஆலை தலைவர் ராஜ்குமார், விவசாயிகள் கூட்டு நடவடிக்கைக் குழுத் தலைவர் வெங்கடேசன், மரவள்ளி உற்பத்தி குழுத் தலைவர் கோபாலகிருஷ்ணன்,  உழவர் உழைப்பாளர் கட்சி பொருளாளர் பாலகிருஷ்ணன் உள்ளிட்டோர் கலந்து கொண்டனர். 
இதில்,  தில்லியில் அக்டோபர் 2 ஆம் தேதி நடைபெறும் விவசாயிகள் மாநாட்டில்  நிறைவேற்றப்பட வேண்டிய தீர்மானங்கள் குறித்து ஆலோசிக்கப்பட்டது. 
மேலும், விளைபொருள் குறித்து சாமிநாதன் கமிட்டி பரிந்துரை செய்த விலையை நிர்ணயம் செய்ய வேண்டும், விவசாய கடன்கள் அனைத்தும் ரத்து செய்யப்பட வேண்டும், நதிகள் தேசியமயமாக்கப்பட வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
இதில் தென்னிந்திய விவசாயிகள் சங்க கூட்டமைப்பின் சார்பில் சுமார் ஆயிரம் பேர் கலந்து கொள்ளவது எனவும் முடிவு செய்யப்பட்டது.
 

]]>
http://www.dinamani.com/all-editions/edition-coimbatore/coimbatore/2018/sep/21/தென்னிந்திய-விவசாயிகள்-ஆலோசனைக்-கூட்டம்-3004643.html
3004642 கோயம்புத்தூர் கோயம்புத்தூர் கோவை அரசுக் கலைக் கல்லூரியில்  செப்டம்பர் 23 இல் விருது வழங்கும் விழா DIN DIN Friday, September 21, 2018 07:10 AM +0530 கோவை அரசு கலைக் கல்லூரியின் முன்னாள் மாணவர்கள் சங்கம் சார்பில் கவிஞர் புவியரசு உள்ளிட்ட 3 பேருக்கு செப்டம்பர் 23 ஆம் தேதி விருதுகள் வழங்கப்பட உள்ளன.
கோவை ரேஸ்கோர்ஸ் பகுதியில் உள்ள அரசு கலைக் கல்லூரியின் முன்னாள் மாணவர் சந்திப்பு நிகழ்ச்சி வரும் 23 ஆம் தேதி கல்லூரி வளாகத்தில் நடைபெற உள்ளது. இதில், சாகித்ய அகாதெமி விருதுபெற்ற கவிஞர் புவியரசு, நீதிபதி எஸ்.ஜெகநாதன், திரைப்பட இயக்குநர் ஆர்.வி.உதயகுமார் ஆகியோருக்கு சிறந்த முன்னாள் மாணவர் விருது வழங்கப்பட உள்ளது.
இந்த விழாவுக்கு, சங்கத் தலைவர் கே.ரத்தினசாமி தலைமை வகிக்கிறார். இதில் தமிழக நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சர் எஸ்.பி.வேலுமணி, கல்லூரிக் கல்வி இணை இயக்குநர் ச.கலா, கல்லூரி முதல்வர் கே.சித்ரா, ரூட்ஸ் குழும இயக்குநர் கவிஞர் கவிதாசன்  மற்றும் எம்.பி.க்கள், எம்எல்ஏ-க்கள் உள்ளிட்டோர் பங்கேற்கின்றனர்.
இதற்கான ஏற்பாடுகளை சங்கச் செயலாளர் பி.ஜெயச்சந்திரன், நிர்வாகிகள் கே.பி.பாலகிருஷ்ணன், பி.செல்வராஜ்,  வெ.சுப்பிரமணியன் உள்ளிட்டோர் செய்துவருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/21/கோவை-அரசுக்-கலைக்-கல்லூரியில்-செப்டம்பர்-23-இல்-விருது-வழங்கும்-விழா-3004642.html
3004641 கோயம்புத்தூர் கோயம்புத்தூர் ஜி.எஸ்.டி.யில் உள்ளீட்டு வரிப் பயனை திரும்பப் பெறுவதில் காலதாமதம்: ஜி.எஸ்.டி. உறுப்பினரிடம் தொழில் அமைப்புகள் முறையீடு DIN DIN Friday, September 21, 2018 07:09 AM +0530 சரக்கு, சேவை வரி விதிப்பு முறையில் உள்ளீட்டு வரிப் பயனை திரும்பப் பெறுவதில் காலதாமதம் ஏற்பட்டு வருவதாகவும், இதை சரி செய்ய சிறப்பு முகாம்கள் நடத்தப்பட வேண்டும் என்றும் ஜி.எஸ்.டி. உறுப்பினரிடம் கோவை தொழில் அமைப்பின் பிரதிநிதிகள் வலியுறுத்தியுள்ளனர்.
 ஜி.எஸ்.டி.யில் கோவை தொழில் அமைப்புகள் எதிர்கொள்ளும் பிரச்னைகள் குறித்த கலந்தாய்வுக் கூட்டத்தை கோவை கொடிசியா வளாகத்தில் ஜி.எஸ்.டி. கவுன்சில் வியாழக்கிழமை நடத்தியது.
 ஜி.எஸ்.டி. உறுப்பினர் மகேந்தர் சிங் தலைமையிலான அதிகாரிகள் பங்கேற்ற இந்தக் கூட்டத்தில், கொடிசியா, சீமா, தங்க நகை தயாரிப்பாளர்கள் உள்ளிட்ட 10-க்கும் மேற்பட்ட தொழில் அமைப்புகளின் நிர்வாகிகள் பங்கேற்றனர்.
 இந்தக் கூட்டத்தில், தொழில் அமைப்புகளின் நிர்வாகிகள் பேசும்போது, ஜி.எஸ்.டி.யால் கோவையில் செயல்பட்டு வரும் ஏராளமான குறு, சிறு தொழில் நிறுவனங்கள் பல்வேறு நெருக்கடிகளுக்கு ஆளாகியுள்ளன. உள்ளீட்டு வரிப் பயன்களை திரும்பப் பெறுவதில் தொடர்ந்து காலதாமதம் செய்யப்படுகிறது. பம்ப்செட் உற்பத்தியாளர்கள் தங்களுக்கான மூலப் பொருள்களை 18 சதவீத வரியில் வாங்கி, உற்பத்தி செய்த பொருள்களை 12 சதவீத வரிக்கு விற்பனை செய்கின்றனர். இவர்களுக்கு மட்டுமே பல கோடி ரூபாய் உள்ளீட்டு வரியை திரும்ப அளிக்க வேண்டியுள்ளது.
 தொடர்ந்து சுமார் 4 மாதங்கள் வரையிலும் இவர்களுக்கான பயன்களை வழங்காததால் அவர்கள் தங்களின் தொழில்களுக்கு முதலீடு இல்லாமல் அவதிப்பட்டு வருகின்றனர். அத்துடன், கோவையில் பெரும்பாலான குறுந்தொழில் கூடங்கள் ஜாப் ஒர்க்கில் ஈடுபட்டு வருகின்றன. இந்த நிலையில் ஜவுளித் தொழில்களில் ஜாப் ஒர்க்கில் ஈடுபட்டிருப்பவர்களுக்கு 5 சதவீத வரி மட்டுமே விதிக்கப்படும் நிலையில், உற்பத்தித் தொழில்களில் ஈடுபட்டிருப்பவர்களுக்கு மட்டும் 18 சதவீதம் வரி விதிக்கப்படுகிறது. இதனால் ஜாப் ஒர்க் செய்பவர்கள் பாதிக்கப்படுகின்றனர். எனவே, அனைவருக்கும் ஒரே மாதிரியாக 5 சதவீத வரி விதிப்பை அமல்படுத்த வேண்டும்.
 வரிப் பயன்களைத் திரும்பப் பெறும் முறையை எளிதாக்குவதற்காக கோவையில் சிறப்பு முகாம் நடத்தப்பட வேண்டும். மேலும், இ-வே பில் நடைமுறைகளை மேலும் எளிதாக்க வேண்டும் என்று பல்வேறு கோரிக்கைகளை வலியுறுத்திப் பேசினர். இறுதியில் அவர்களின் கோரிக்கைகளுக்கு பதிலளித்துப் பேசிய ஜி.எஸ்.டி. அதிகாரிகள், தொழில் அமைப்புகளின் கோரிக்கைகள் குறித்து தில்லியில் உள்ள அதிகாரிகளிடம் கலந்து பேசி உரிய நடவடிக்கை எடுப்பதாக உறுதி அளித்தனர்.

]]>
http://www.dinamani.com/all-editions/edition-coimbatore/coimbatore/2018/sep/21/ஜிஎஸ்டியில்-உள்ளீட்டு-வரிப்-பயனை-திரும்பப்-பெறுவதில்-காலதாமதம்-ஜிஎஸ்டி-உறுப்பினரிடம்-தொழில்-அ-3004641.html
3004640 கோயம்புத்தூர் கோயம்புத்தூர் ஆனைமலை புலிகள் காப்பக வனத் துறையினர் மீது போலீஸார் வழக்குப் பதிவு DIN DIN Friday, September 21, 2018 07:09 AM +0530 ஆனைமலை புலிகள் காப்பக வனத் துறையினர் மீது போலீஸார் வழக்குப் பதிவு செய்துள்ளனர். 
 ஆனைமலை புலிகள் காப்பகத்தில் காண்டூர் கால்வாய் பகுதியில் கடந்த செப்டம்பர் 6 ஆம் தேதி சிறுத்தை ஒன்று சுருக்கு வைத்து கொலை செய்யப்பட்டு அதன் நகம், பற்கள் திருடப்பட்டிருந்தன. சுருக்கு வைத்த ஆதாரத்தை மறைப்பதற்காக சிறுத்தை தலை முழுவதுமாக வெட்டி அகற்றப்பட்டிருந்தது. 
இதுதொடர்பாக வனத் துறையினர், பந்தக்கல் அம்மன்பதியைச் சேர்ந்த சிலரை ஆழியாறு சோதனைச் சாவடிக்கு அழைத்துச் சென்று விசாரணை நடத்தினர்.  அப்போது அங்கு சென்ற 30-க்கும் மேற்பட்டோர் வனத் துறையினரை மிரட்டி விசாரணை வளையத்தில் இருந்தவர்களை அழைத்துச் சென்றனர்.                                                                                                       மேலும் வனத் துறை அலுவலகம்,  சார் ஆட்சியர் அலுவலகம்,  ஆழியாறு சோதனைச்சாவடி முன்பு தொடர் போராட்டங்களை நடத்தினர். 
வனத் துறையினர் மீது மாவட்ட ஆட்சியர் அலுவலகம், மாவட்ட காவல் கண்காணிப்பாளர் அலுவலகம், ஆழியாறு காவல் நிலையம், சார் ஆட்சியர் அலுவலகங்களில் புகார் தெரிவித்தனர். 
வனத் துறையைச் சேர்ந்தவர்கள் வருவாய்த் துறை, போலீஸார், வனத் துறை உயர் அதிகாரிகள் ஆகியோருக்கு விளக்கம் கொடுத்து வந்தனர். 
இதைத் தொடர்ந்து,  சிறுத்தை வேட்டை பிரச்னை தொடர்பாக பொள்ளாச்சி சார் ஆட்சியர் காயத்ரியை விசாரணை அதிகாரியாக நியமித்து கோவை மாவட்ட ஆட்சியர் உத்தரவிட்டார்.  இதுதொடர்பாக  சிறுத்தையை வேட்டையாடிதாக வனத் துறையால் சந்தேகிக்கப்படும் நபர்களிடமும்,  வனத் துறையினரிடம் வரும் 26 ஆம் தேதி விசாரணை நடத்த உள்ளதாக சார் ஆட்சியர் அறிவித்திருந்தார். 
இந்நிலையில்,  வனத் துறையினர் மீது மூன்று பிரிவுகளில் ஆழியாறு போலீஸார் வியாழக்கிழமை வழக்குப் பதிவு செய்துள்ளனர்.  இந்த சம்பவம் தமிழக வனத் துறை வட்டாரத்தை அதிர்ச்சிக்குள்ளாக்கியுள்ளது. இயற்கை ஆர்வலர்களும் அதிருப்தி அடைந்துள்ளதுடன், கண்டனமும் தெரிவித்துள்ளனர். 
வனக் குற்றம் செய்ததாக சந்தேகிக்கப்பட்டு, விசாரணைக்கு உட்படுத்தப்பட்டவர்கள் கொடுத்த புகாரை போலீஸார் பெற்று வனத் துறையினர் மீது வழக்குப் பதிவு செய்வது நாட்டிலேயே இதுவே முதல் முறை என்றும் தன்னார்வலர்கள் தெரிவிக்கின்றனர். வனத் துறையினர் கொடுத்த புகாரின் அடிப்படையில் பந்தக்கல் அம்மன்பதியைச் சேர்ந்த பரமசிவம் உள்பட சிலர் மீதும் சில பிரிவுகளில் போலீஸார் வழக்குப் பதிவு செய்துள்ளனர். 
இதுகுறித்து ஓசை சுற்றுச்சூழல் அமைப்பின் தலைவர் காளிதாஸ் கூறியதாவது: 
காட்டில் வன உயிரினங்கள் வேட்டையாடப்படுவது என்பதை ஏற்றுக்கொள்ளமுடியாது. புலி, சிறுத்தை வேட்டை என்பது சாதாரண நபர்கள் செய்வது அல்ல. இதுபோன்ற விலங்குகளை வேட்டையாடுபவர்கள், விற்பவர்கள் சர்வதேச அளவில் தொடர்பில் இருப்பவர்கள்.  ஆகவே சிறுத்தை, புலி வேட்டை போன்றவற்றில் அதை வேட்டையாடியவர்கள் மட்டுமில்லாமல் அதை விற்பனை செய்பவர்கள் வரை அனைவரையும் கண்டறிந்து நடவடிக்கை எடுக்கவேண்டும். ஆனைமலை புலிகள் காப்பகத்தில் சிறுத்தை கொல்லப்பட்ட பிரச்னை அங்கு வேட்டைத் தடுப்புக் குறைவாக இருப்பதுடன், அங்கு புலி, சிறுத்தை போன்ற வன உயிரினங்களுக்கு போதிய பாதுகாப்பு இல்லை என்பதையும் வெளிக்காட்டுகிறது. ஆகவே அங்கு வேட்டை தடுப்பை அதிகப்படுத்த வேண்டும். தற்போது சிறுத்தை நகம், பற்கள்  எடுக்கப்பட்ட பிரச்னையில் சிலர் மீது வனத் துறை சந்தேகத்தின் அடிப்படையில் விசாரணை நடத்தியுள்ளனர். அப்படி விசாரணை வளையத்துக்குள் இருப்பவர்கள் வனத் துறைக்கு எதிராக போலீஸில் புகார் கொடுத்து, வனத்துறையினர் மீது போலீஸார் வழக்குப் பதிவு செய்துள்ளது கண்டனத்திற்குரியது என்றார்.  
இந்து மக்கள் கட்சி கோவை தெற்கு மாவட்ட பொதுச்செயலாளர் செல்வராஜ் கூறுகையில், குற்றம் செய்ததாக சந்தேகிக்கப்படுவர்கள் மீது போலீஸாரும் விசாரணை நடத்தித்தான் நடவடிக்கை எடுப்பார்கள். அதேபோல், வனத் துறையினரும் வனக் குற்றம் செய்ததாக சந்தேகிக்கும் நபர்களை விசாரணை நடத்த அதிகாரம் உள்ளது. விசாரணை வளையத்திற்குள் வந்தவர்கள், வனத் துறை மீது போலீஸில் புகார் தெரிவித்தவுடன், வனத் துறை மீது போலீஸார் வழக்குப் பதிவு செய்துள்ளது வனத் துறையை செயல்பட முடியாதபடி செய்துவிடும். இனிமேல், சிறுத்தை, புலி என எந்த வன உயிரினங்கள் வேட்டையாடப்பட்டாலும், எந்த வனக் குற்றங்கள் செய்தாலும் வனத் துறையினர் குற்றவாளிகளை கண்டறிந்து நடவடிக்கை எடுக்க தயக்கம் காட்டுவார்கள்.  மேலும், அரசியலில் பின்புலம் உள்ளவர்கள், போராட்ட குணம் உள்ளவர்கள் வனக் குற்றம் செய்தால் வனத் துறையினர் கண்டுகொள்ளாமல் இருந்துகொள்ளவும் வாய்ப்புள்ளது. இது தமிழக வனத்தின் பாதுகாப்புக்கு விடப்படும் சவால் என்றே கருதுகிறேன் என்றார்.
 இயற்கை ஆர்வலர் சுரேஷ் கூறுகையில், இயற்கைக்கு எதிராக குற்றச்செயலில் ஈடுபடுபவர்கள் யாராக இருந்தாலும் தப்பிக்கக் கூடாது. வனத் துறையினரின் விசாரணை பாதிக்கப்பட்டால் குற்றவாளிகள் தப்பிக்க வாய்ப்புள்ளது. வனத் துறையினர் மீது வழக்கு பதிவு செய்துள்ளது அவர்களின் பணிகளுக்கு இடையூறாக இருக்கும் என்றார்.
 

]]>
http://www.dinamani.com/all-editions/edition-coimbatore/coimbatore/2018/sep/21/ஆனைமலை-புலிகள்-காப்பக-வனத்-துறையினர்-மீது-போலீஸார்-வழக்குப்-பதிவு-3004640.html
3004639 கோயம்புத்தூர் கோயம்புத்தூர் பூம்புகார் விற்பனை நிலையத்தில் கொலு பொம்மைகள் கண்காட்சி DIN DIN Friday, September 21, 2018 07:09 AM +0530 கோவை பெரிய கடை வீதி பூம்புகார் விற்பனை நிலையத்தில் கொலு பொம்மைகள் கண்காட்சி, விற்பனை வியாழக்கிழமை தொடங்கியது.
 தமிழ்நாடு கைத்திறத் தொழில்கள் வளர்ச்சிக் கழகத்தின் சார்பில் கோவையில் பூம்புகார் விற்பனை நிலையம் செயல்பட்டு வருகிறது. இங்கு ஆண்டுதோறும் விழாக் காலங்களில் பல்வேறு கண்காட்சி, சிறப்பு விற்பனை நடத்தப்படுகிறது. இந்த நிலையில், இந்த ஆண்டு நவராத்திரி பண்டிகைக்காக கொலு பொம்மைகள் கண்காட்சி, விற்பனை தொடங்கியுள்ளது.
 இதற்கான நிகழ்ச்சியில் கோவை இந்திய தொழில் வர்த்தக சபைத் தலைவர் வி.லட்சுமி நாராயணசாமி சிறப்பு விருந்தினராகக் கலந்து கொண்டு கண்காட்சியைத் தொடங்கி வைத்தார். அக்டோபர் 20 ஆம் தேதி வரை தினசரி காலை 10 மணி முதல் இரவு 8 மணி வரை நடைபெறும் இந்த கண்காட்சியில், மரப்பாச்சி பொம்மைகள், அஷ்டலட்சுமி, தசாவதாரம், ராமர், கடோத்கஜன், பக்த பிரகலாத பட்டாபிஷேகம், கிருஷ்ண லீலை, உரியடி, கோபியர், ஜலக் கிரீடை, ராகு கேது உள்ளிட்ட பல்வேறு கொலு பொம்மைகள், கோயில், வீடுகளின் மாதிரிகள், கொலு அலங்காரப் பொருள்கள், பரிசுப் பொருள்கள் போன்றவை விற்பனைக்கு வைக்கப்பட்டுள்ளன.
 கண்காட்சியில் விற்பனை செய்யப்படும் பொருள்களுக்கு 10 சதவீத தள்ளுபடி உள்ளது என்றும் இந்தக் கண்காட்சி மூலம் ரூ.50 லட்சத்துக்கு விற்பனை நடைபெறும் என்றும் பூம்புகார் விற்பனை நிலைய மேலாளர் ரா.நரேந்திர போஸ் தெரிவித்துள்ளார்.
 

]]>
http://www.dinamani.com/all-editions/edition-coimbatore/coimbatore/2018/sep/21/பூம்புகார்-விற்பனை-நிலையத்தில்கொலு-பொம்மைகள்-கண்காட்சி-3004639.html
3004638 கோயம்புத்தூர் கோயம்புத்தூர் காடம்பாடியில் கால்நடை பராமரிப்பு குறித்து பயிற்சி வகுப்பு DIN DIN Friday, September 21, 2018 07:08 AM +0530 சூலூர் வட்டார வேளாண் துறை அட்மா திட்டம் சார்பில், கால்நடை பராமரிப்பு குறித்த பயிற்சி வகுப்பு சூலூரை அடுத்த காடம்பாடியில் வியாழக்கிழமை நடைபெற்றது. 
இதில் பண்ணை பள்ளி வெள்ளாடு, செம்மறி ஆடு வளர்ப்பு என்ற தலைப்பில் நடந்த வகுப்பில், வட்டார வேளாண் உதவி இயக்குநர் ஷபி அகமது பேசினார். இளங்குட்டிகளைப் பராமரிக்கும் முறைகள் மற்றும் தீவன மேலாண்மை குறித்து சூலூர் கால்நடை மருத்துவர் முகமது ஜுல்பர் அலி விளக்கி கூறினார். இதைத் தொடர்ந்து செங்கத்துறை கால்நடை உதவி மருத்துவர் பிரேம்குமார் பேசினார்.  
தொடர்ந்து, ஆடு வளர்ப்போர் கேட்ட சந்தேகங்களுக்கு கால்நடை மருத்துவர்கள் விளக்கம் தந்தனர்.அட்மா திட்ட தொழில் நுட்ப மேலாளர் மலர்விழி நன்றி கூறினார். இந்நிகழ்ச்சியில், அப்பகுதியைச் சேர்ந்த விவசாயிகள், பொதுமக்கள் கலந்து கொண்டனர். 
இந்நிகழ்ச்சிக்கான ஏற்பாடுகளை உதவி மேலாளர்கள் லோகேஷ், மகேந்திரன் ஆகியோர் செய்திருந்தனர்.
 

]]>
http://www.dinamani.com/all-editions/edition-coimbatore/coimbatore/2018/sep/21/காடம்பாடியில்-கால்நடை-பராமரிப்பு-குறித்து-பயிற்சி-வகுப்பு-3004638.html
3004637 கோயம்புத்தூர் கோயம்புத்தூர் விதிகளை மீறி செயல்பட்ட  6 சாயப்பட்டறைகளுக்கு "சீல்' DIN DIN Friday, September 21, 2018 07:08 AM +0530 கோவையில் விதிகளை மீறி செயல்பட்ட 6 சாயப்பட்டறைகளுக்கு தமிழ்நாடு மாசுக் கட்டுப்பாட்டு வாரிய அதிகாரிகள் "சீல்' வைத்தனர்.
 கோவை, தெலுங்குபாளையம் பிரிவு, செல்வபுரம், பொன்னையராஜபுரம் உள்ளிட்ட பகுதிகளில் நூல்களுக்கு சாயம்போடும் நூற்றுக்கணக்கான சாயப்பட்டறைகள் இயங்கி வருகின்றன. இதில் சில சாயப்பட்டறைகள் உரிய அனுமதி பெறாமலும், சில சாயப்பட்டறைகள் சாயக் கழிவுகளை சுத்திகரிப்பு செய்து வெளியேற்ற தேவையான இயந்திரங்கள் இல்லாமலும் செயல்படுவதாக பொதுமக்கள் புகார் தெரிவித்தனர். 
 மேலும் இதுபோன்ற சாயப்பட்டறைகள் சாயக் கழிவுகளை விதிமுறையை மீறி நொய்யல் ஆற்றிலும், சில நீர்நிலைகளிலும் வெளியேற்றுவதாக புகார் எழுந்தது. இதையடுத்து மாசுக் கட்டுப்பாட்டு வாரிய அதிகாரிகள் அப்பகுதியில் புதன்கிழமை ஆய்வு நடத்தினர்.  இதில் 6 சாயப்பட்டறைகள் உரிய அனுமதி இல்லாமல் செயல்பட்டது தெரியவந்தது. இதையடுத்து அதிகாரிகள் அந்த பட்டறைகளுக்கு "சீல்' வைத்தனர்.
 கடந்த ஆகஸ்ட் மாதம் நடத்தப்பட்ட ஆய்வில் 12 சாயப் பட்டறைகளுக்கு "சீல்' வைக்கப்பட்ட நிலையில், தற்போது மேலும் 6 பட்டறைகளுக்கு மாசுக் கட்டுப்பாட்டு வாரிய அதிகாரிகள் "சீல்' வைத்துள்ளது 
குறிப்பிடத்தக்கது.

]]>
http://www.dinamani.com/all-editions/edition-coimbatore/coimbatore/2018/sep/21/விதிகளை-மீறி-செயல்பட்ட-6-சாயப்பட்டறைகளுக்கு-சீல்-3004637.html
3004636 கோயம்புத்தூர் கோயம்புத்தூர் கவுண்டம்பாளையம் பேரூராட்சியில்  தார் சாலை அமைக்க பூமிபூஜை DIN DIN Friday, September 21, 2018 07:08 AM +0530 கூடலூர் கவுண்டம்பாளையம் பேரூராட்சிக்கு உள்பட்ட பாரதி நகரில் தார் சாலை அமைக்கும் பணிக்கான பூமி பூஜை வியாழக்கிழமை நடைபெற்றது. 
இப்பேரூராட்சிக்குள்பட்ட 13 ஆவது வார்டில் உள்ள பாரதி நகரிலிருந்து தண்டி பெருமாள் கோயில் வரை தமிழ்நாடு நகர்புற சாலை கட்டமைப்பு நிதியின்கீழ் ரூ.1.10 கோடியில் தார் சாலை  அமைக்கப்பட உள்ளது. இதற்கான பூமிபூஜை வியாழக்கிழமை நடைபெற்றது. 
இதற்கு, பெ.நா.பாளையம் தொடக்க வேளாண்மை கூட்டுறவு வங்கியின் முன்னாள் தலைவர் கே.குருந்தாசலம், பேரூராட்சி செயல் அலுவலர் ரவிக்குமார் ஆகியோர் முன்னிலை வகித்தனர். கோவை வடக்கு சட்டப் பேரவை உறுப்பினர் பி.ஆர்.ஜி.அருண்குமார், மேட்டுப்பாளையம் சட்டப்பேரவை உறுப்பினர் ஓ.கே.சின்னராஜ் ஆகியோர் தலைமை வகித்து பணிகளைத் தொடக்கி வைத்தனர். நிகழ்ச்சியில் பேரூராட்சி முன்னாள் துணைத் தலைவர் செல்வராஜ், வீரபாண்டி பேரூராட்சியின் முன்னாள் தலைவர் கே.வி.என்.ஜெயராமன் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-coimbatore/coimbatore/2018/sep/21/கவுண்டம்பாளையம்-பேரூராட்சியில்-தார்-சாலை-அமைக்க-பூமிபூஜை-3004636.html
3004635 கோயம்புத்தூர் கோயம்புத்தூர் தசை சிதைவு நோய் விழிப்புணர்வு தினம் DIN DIN Friday, September 21, 2018 07:07 AM +0530 கோவையில் உலக டுஷீன் தசைச் சிதைவு நோய் குறித்து விழிப்புணர்வு நிகழ்ச்சி அண்மையில் நடைபெற்றது. 
 ஆண்டுதோறும் செப்டம்பர் 7 ஆம் தேதி உலக டுஷீன் தசைச் சிதைவு நோய் விழிப்புணர்வு தினம் அனுசரிக்கப்பட்டு வருகிறது. 
இந்நிலையில், டுஷீன் தசைச் சிதைவு மரபணு பரிசோதனை,  கலந்தாய்வு, பராமரிப்பு மற்றும் ஆராய்ச்சி நிறுவனம் சார்பில் தசைச் சிதைவு நோயால் பாதிக்கப்பட்ட குழந்தைகளுக்கான நிகழ்ச்சி அண்மையில் நடைபெற்றது.
 இந்த நிகழ்ச்சிக்கு,  கோவை அரசு மருத்துவக் கல்லூரி மருத்துவமனை முதல்வர் டாக்டர் அசோகன் தலைமை வகித்தார். ராயல் கேர் மருத்துவமனை தலைவர் டாக்டர் மாதேஸ்வரன் சிறப்பு அழைப்பாளராக கலந்து கொண்டார்.  இதில் ஆராய்ச்சி நிறுவனத்தின் நிறுவனர் பி.ஆர்.லட்சுமி பேசியதாவது:
 உலகம் முழுவதும் 3,500 குழந்தைகளில் ஒரு ஆண் குழந்தைக்கு தசைச் சிதைவு நோய் பாதிக்கப்படுகிறது. இந்த நோய் மரபு வழியாக ஏற்படுவதாக ஆராய்ச்சியாளர்கள் கண்டறிந்துள்ளனர். ஆண் குழந்தைகளை மட்டும் தாக்கும் இவ்வகை தசைச் சிதைவு நோய்க்கு இதுவரையில் மருந்து கண்டுபிடிக்கப்படவில்லை என்றார். இந் நிகழ்ச்சியில் டுஷீன் தசைச் சிதைவு நோயால் பாதிக்கப்பட்ட குழந்தைகளின் கலை நிகழ்ச்சியும், கீதாஞ்சலி பள்ளி மாணவர்களின் நாட்டிய நிகழ்ச்சியும் நடைபெற்றன.

]]>
http://www.dinamani.com/all-editions/edition-coimbatore/coimbatore/2018/sep/21/தசை-சிதைவு-நோய்-விழிப்புணர்வு-தினம்-3004635.html
3004634 கோயம்புத்தூர் கோயம்புத்தூர் அரசுப் பள்ளி குழந்தைகளுக்கு விளையாட்டு உபகரணங்கள் DIN DIN Friday, September 21, 2018 07:07 AM +0530 கோவை ரோட்டரி டவுன் சங்கத்தின் சார்பில் கஸ்தூரிநாயக்கன்பாளையத்தில் உள்ள அரசு நடுநிலைப்பள்ளிக்கு விளையாட்டு உபகரணங்கள் வழங்கும் நிகழ்ச்சி நடைபெற்றது.
கோவை ரோட்டரி டவுன் சங்கத்தின் சார்பில் இப்பள்ளியில் குழந்தைகள் விளையாடுவதற்கான விளையாட்டு உபகரணங்கள் பள்ளி வளாகத்தில் நிறுவப்பட்டுள்ளன. அதைப் பள்ளிக்கு அர்ப்பணிப்பதற்கான நிகழ்ச்சிக்கு சங்கத்தின் தலைவர் ஜி.பாபுதுரை தலைமை வகித்தார். பள்ளித் தலைமை ஆசிரியர் முருகன் வரவேற்றார். சங்கத்தின் சமுதாய பணிப் பிரிவுத் தலைவர் எஸ்.சக்திவேல் முன்னிலை வகித்தார்.
அனைவருக்கும் கல்வி இயக்க வட்டார மேற்பார்வையாளர் தா.பிளாரன்ஸ் வாழ்த்துரை வழங்கினார். டாக்டர் ஏ.வி.பதி சிறப்பு விருந்தினராகப் பங்கேற்று கல்வெட்டைத் திறந்துவைத்தார்.
தொடர்ந்து, இங்கு படிக்கும் அனைத்துக் குழந்தைகளுக்கும் இலவச சீருடைகள், காலணிகள், புத்தகம் உள்ளிட்ட பொருள்கள் இலவசமாக வழங்கப்பட்டன.
இதையடுத்து, பள்ளி வளாகத்தில் மரக்கன்றுகள் நடப்பட்டன. சங்கத்தின் எஸ்.சக்திவேல் நன்றி கூறினார்.

]]>
http://www.dinamani.com/all-editions/edition-coimbatore/coimbatore/2018/sep/21/அரசுப்-பள்ளி-குழந்தைகளுக்கு-விளையாட்டு-உபகரணங்கள்-3004634.html
3004633 கோயம்புத்தூர் கோயம்புத்தூர் ஸ்ரீ ராமகிருஷ்ணா கல்லூரியில் தேசிய தொழில்நுட்பக் கருத்தரங்கு DIN DIN Friday, September 21, 2018 07:07 AM +0530 துடியலூருக்கு மேற்கே வட்டமலைப்பாளையத்திலுள்ள ஸ்ரீ ராமகிருஷ்ணா பொறியியல் கல்லூரி இயந்திரவியல் துறை சார்பில் தேசிய அளவிலான தொழில்நுட்ப கருத்தரங்கு அண்மையில் நடைபெற்றது. 
ராமகிருஷ்ணா பாலிடெக்னிக் கல்லூரியின் முதல்வர் பி.எல்.சிவகுமார் தொடக்கி வைத்தார். கல்லூரியின் துணை முதல்வர் பி.கருப்புசாமி முன்னிலை வகித்தார். 
கருத்தரங்கில் மாணவர்களின் ஆய்வு கட்டுரைத் தொகுப்புகள் அடங்கிய நூல் வெளியிடப்பட்டது. இதில் 20 கல்லூரிகளிலிருந்து 200-க்கும் மேற்பட்ட மாணவர்கள் பங்கேற்று தங்கள் திறமைகளை வெளிப்படுத்தினர். நிகழ்ச்சியில் பங்கேற்ற மாணவர்களுக்கு சான்றிதழ்கள் வழங்கப்பட்டன.

]]>
http://www.dinamani.com/all-editions/edition-coimbatore/coimbatore/2018/sep/21/ஸ்ரீ-ராமகிருஷ்ணா-கல்லூரியில்-தேசிய-தொழில்நுட்பக்-கருத்தரங்கு-3004633.html
3004632 கோயம்புத்தூர் கோயம்புத்தூர் இருசக்கர வாகனம் திருட்டு DIN DIN Friday, September 21, 2018 07:07 AM +0530 சூலூரில் வெவ்வேறு இடங்களில் 2 இருசக்கர வாகனங்கள் வியாழக்கிழமை திருடுபோனது.
கோவை, சுந்தராபுரம், சிட்கோ ஹவுஸிங் யூனிட் பகுதியைச் சேர்ந்த சங்கர் மகன் கார்த்தி (29). பெயிண்டர் தொழில் செய்து வருகிறார். 
இவர்,  சூலூர் அருகே உள்ள பாப்பம்பட்டி பகுதியில் உள்ள ஒரு வீட்டுக்கு பெயிண்ட் அடிக்க தனது இருசக்கர வாகனத்தில் சென்றுள்ளார். வீட்டின் வெளியே வாகனத்தை நிறுத்தி விட்டு பெயிண்ட் பூசும் பணியில் ஈடுபட்டுள்ளார். 
மதிய உணவு வேளையில், வெளியே வந்து பார்த்தபோது, இருசக்கர வாகனத்தை காணவில்லை. இதுகுறித்த புகாரின் பேரில் சூலூர் போலீஸார் விசாரணை நடத்தி வருகின்றனர்.  

]]>
http://www.dinamani.com/all-editions/edition-coimbatore/coimbatore/2018/sep/21/இருசக்கர-வாகனம்-திருட்டு-3004632.html
3004631 கோயம்புத்தூர் கோயம்புத்தூர் என்.ஜி.பி. கல்லூரியில் கருத்தரங்கம் DIN DIN Friday, September 21, 2018 07:06 AM +0530 டாக்டர் என்.ஜி.பி. கலை, அறிவியல் கல்லூரி மேலாண்மைத் துறை சார்பில் பெண் தொழில் முனைவோர் மற்றும் மகளிர் மேம்பாடு குறித்து தேசியக் கருத்தரங்கம் வியாழக்கிழமை நடைபெற்றது.
கருத்தரங்குக்கு என்.ஜி.பி. கல்விக் குழுமங்களின் செயலாளர் டாக்டர் தவமணிதேவி பழனிசாமி முன்னிலை வகித்தார். கல்லூரி முதல்வர் வி.ராஜேந்திரன் வரவேற்றார். கருத்தரங்கம் குறித்து மேலாண்மைத் துறைத் தலைவர் எஸ்.மோகன் பேசினார்.
கருத்தரங்கில் கே.எம்.சி.எச். தலைவர் டாக்டர் நல்ல ஜி.பழனிசாமி பேசுகையில்,  விளையாட்டு, அறிவியல், பாதுகாப்பு மற்றும் தொழில் துறைகளில் பெண்கள் சாதனை படைத்து வருகின்றனர் என்றார். 
 என்.ஜி.பி. கல்விக் குழுமங்களின் முதன்மை செயலாளர் ஓ.டி.புவனேஷ்வரன், இயக்குநர் பி.ஆர்.முத்துசாமி ஆகியோர் வாழ்த்துரை வழங்கினர். கேரள மாநிலம், பாலக்காடு ஆர்.ஐ.டி. மற்றும் சிஏடி மையத்தின் உரிமையாளர்
ஜாஸ்மின் கரீம் கருத்தரங்கை தொடங்கி வைத்து பேசுகையில், 
பெண்களுக்கான சுயதொழில் வேலைவாய்ப்புகள் அதிக அளவில் உள்ளன. பெண்கள் புதிய நவீன தொழில்நுட்ப வாய்ப்புகளை உருவாக்கிக் கொள்ள வேண்டும் என்றார். 
 

]]>
http://www.dinamani.com/all-editions/edition-coimbatore/coimbatore/2018/sep/21/என்ஜிபி-கல்லூரியில்-கருத்தரங்கம்-3004631.html
3004630 கோயம்புத்தூர் கோயம்புத்தூர் தனியார் கல்லூரியில் மாணவர்கள் போராட்டம் DIN DIN Friday, September 21, 2018 07:06 AM +0530 கோவை சரவணம்பட்டி பகுதியில் செயல்படும் தனியார் கல்லூரியில், மாணவர்கள் வகுப்புகளைப் புறக்கணித்து வியாழக்கிழமை திடீர் போராட்டத்தில் ஈடுபட்டனர்.
கோவையைச் சேர்ந்த பிரபல கல்விக் குழுமத்துக்கு சரவணம்பட்டி அருகேயுள்ள சின்ன வேடம்பட்டி, சத்தியமங்கலம் சாலை ஆகிய பகுதிகளில் பொறியியல், கலை - அறிவியல் கல்லூரிகள் உள்ளன. இந்த கல்விக் குழுமத்தின் தலைவர், தனது அலுவலகத்தில் பணியாற்றும் பெண்களிடம் தவறாக நடந்து கொள்வதைப் போன்று வியாழக்கிழமை ஊடகங்களில் செய்தி வெளியானது.
இதைக் கண்டு அதிர்ச்சி அடைந்த சரவணம்பட்டி கல்லூரியின் மாணவர்கள் நூற்றுக்கணக்கானவர்கள், வகுப்புகளைப் புறக்கணித்து வெளியேறி கல்லூரி நுழைவாயில் பகுதியில் திரண்டனர். அவர்கள் கல்லூரிக்கு சொந்தமான 15 பேருந்துகளை சிறைப் பிடித்து திடீர் போராட்டத்தில் ஈடுபட்டனர். பெண்களை தவறாக நடத்திய கல்லூரித் தலைவரை கைது செய்ய வலியுறுத்தி அவர்கள் கோஷங்கள் எழுப்பினர்.  அதேபோல, இந்திய மாணவர் சங்கத்தின் கோவை மாவட்ட நிர்வாகிகள் மாரியப்பன், பிரபாகரன், காவியா உள்ளிட்டோர் தலைமையில் ஏராளமான மாணவர்கள் கல்லூரி எதிரில் திரண்டு நிர்வாகியை கைது செய்து விசாரிக்க வேண்டும் என்று ஆர்ப்பாட்டத்தில் ஈடுபட்டனர். இதனால் அந்த பகுதியில் பரபரப்பான சூழல் உருவானது. இது குறித்து தகவல் அறிந்ததும் சரவணம்பட்டி போலீஸார் சம்பவ இடத்துக்கு விரைந்து சென்று மாணவர்களை சமாதானப்படுத்தி அனுப்பி வைத்தனர்.
 

]]>
http://www.dinamani.com/all-editions/edition-coimbatore/coimbatore/2018/sep/21/தனியார்-கல்லூரியில்-மாணவர்கள்-போராட்டம்-3004630.html
3004629 கோயம்புத்தூர் கோயம்புத்தூர் பெட்டிக் கடைக்கு தீ வைத்த இளைஞர் குண்டர் சட்டத்தில் கைது DIN DIN Friday, September 21, 2018 07:06 AM +0530 சிகரெட் தர மறுத்ததால் பெட்டிக் கடைக்கு தீ வைத்து முதியவரை கொலை செய்ய முயன்ற வழக்கில் கைது செய்யப்பட்ட இளைஞரை குண்டர் சட்டத்தின் கீழ் கைது செய்ய மாநகர காவல் ஆணையர் பெரியய்யா உத்தரவிட்டுள்ளார்.
கோவை, சிவானந்த காலனி, காந்தி நகரைச் சேர்ந்தவர் சையது அலவி (63). இவர் அதே பகுதியில் பெட்டிக் கடை நடத்தி வருகிறார். 
இந் நிலையில் கடந்த ஆகஸ்ட் 8 ஆம் தேதி  இரவு கடையை பூட்டி விட்டு வெளியே நின்று கொண்டிருந்தார்.
 அப்போது, அங்கு வந்த அதே பகுதியைச் சேர்ந்த விக்கி (என்கிற) விக்னேஷ் (24), சூர்யா (23) ஆகியோர் சையதுவிடம் சிகரெட் மற்றும் மது அருந்த பிளாஸ்டிக் டம்ளர் கேட்டுள்ளனர்.
ஆனால், சையது தர மறுத்ததால் இளைஞர்கள் இருவரும் அவரிடம் தகராறில் ஈடுபட்டனர். இதையடுத்து, அருகில் இருந்தவர்கள் அவர்களை சமசரம் செய்து அனுப்பி வைத்தனர்.  ஆனால், ஆத்திரமடைந்த விக்னேஷ், சூர்யா ஆகியோர் சிறிது நேரம் கழித்து வந்து பெட்டிக் கடைக்கு தீ வைத்துள்ளனர்.
அப்போது கடைக்குள் உறங்கிக்கொண்டிருந்த சையது மேற்கூரையை பிரித்து அங்கிருந்து தப்பினார். ஆனாலும், அவருக்கு உடலில்  தீக்காயம் ஏற்பட்டுள்ளது. 
இதுகுறித்து அவர் அளித்த புகாரின்பேரில் ரத்தினபுரி போலீஸார் வழக்குப் பதிவு விக்னேஷ், சூர்யா ஆகியோரை கைது செய்து சிறையில் அடைத்தனர். இவர்களில் சூர்யா மீது ஏற்கெனவே பல வழக்குகள் இருப்பது தெரியவந்தது. இதையடுத்து அவரைக் குண்டர் சட்டத்தில் கைது செய்ய மாநகர காவல் ஆணையர் பெரியய்யா உத்தரவிட்டார்.
 

]]>
http://www.dinamani.com/all-editions/edition-coimbatore/coimbatore/2018/sep/21/பெட்டிக்-கடைக்கு-தீ-வைத்த-இளைஞர்-குண்டர்-சட்டத்தில்-கைது-3004629.html
3004628 கோயம்புத்தூர் கோயம்புத்தூர் சீரான முறையில் குடிநீர் விநியோகம் செய்ய வேண்டும்: நா.கார்த்திக் எம்.எல்.ஏ. மனு DIN DIN Friday, September 21, 2018 07:05 AM +0530 சிங்காநல்லூர் சட்டப் பேரவைத் தொகுதிக்கு உள்பட்ட பகுதிகளில் சீராக குடிநீர் விநியோகம் செய்ய வேண்டுமென சட்டப் பேரவை உறுப்பினர் நா.கார்த்திக் வலிறுத்தியுள்ளார்.
இதுகுறித்து மாநகராட்சி ஆணையர் டாக்டர் விஜயகார்த்திகேயனிடம், அவர் வியாழக்கிழமை அளித்த மனு விவரம்:
கோவை, சிங்காநல்லூர் சட்டப் பேரவைத் தொகுதிக்கு உள்பட்ட பகுதிகளில் 12 முதல் 15 நாள்களுக்கு ஒருமுறை மட்டுமே குடிநீர் விநியோகம் செய்யப்படுகிறது. 
சில இடங்களில் 20 நாள்களுக்கு ஒருமுறை குடிநீர் விநியோகம் செய்யப்படுகிறது. இதனால் ஏற்பட்டுள்ள கடும் குடிநீர்த் தட்டுப்பாட்டால் பொதுமக்கள் வெகுவாக பாதிக்கப்பட்டுள்ளனர்.
 கோவை மாவட்டத்தில் அண்மையில் பெய்த மழை காரணாக அனைத்து நீர் நிலைகளிலும் தண்ணீர் நிறைந்து காணப்படுகிறது. 
எனவே சீரான முறையில் குடிநீர் விநியோகம் செய்ய நடவடிக்கை எடுக்க வேண்டும். பொலிவுறு நகரம் திட்டத்தின் கீழ் செயல்படுத்தப்படும் பணிகள் தொடர்பாக மாநகரின் அனைத்து தரப்பினரையும் அழைத்து கருத்துக் கேட்பு கூட்டம் நடத்த வேண்டும். மேலும், பராமரிப்பு இல்லாத தெரு விளக்குகளை சரி செய்ய நடவடிக்கை எடுக்க வேண்டும். 
சாக்கடைகள், மழைநீர் வடிகால்கள் சரிவர தூர்வாராமல் உள்ளதாலும், குப்பைகள் அகற்றப்படாமல் தேங்கிக் கிடப்பதாலும் சுகாதார சீர்கேடு ஏற்பட்டுள்ளது. இதனை சரிசெய்ய நடவடிக்கை எடுக்க வேண்டும் என மனுவில் தெரிவித்துள்ளார். கட்சியின் மாவட்ட பொறுப்புக் குழு உறுப்பினர்கள் பி.நாச்சிமுத்து, மெட்டல் எம்.மணி உள்ளிட்டோர் உடனிருந்தனர்.

]]>
http://www.dinamani.com/all-editions/edition-coimbatore/coimbatore/2018/sep/21/சீரான-முறையில்-குடிநீர்-விநியோகம்-செய்ய-வேண்டும்-நாகார்த்திக்-எம்எல்ஏ-மனு-3004628.html
3003971 கோயம்புத்தூர் கோயம்புத்தூர் வரதட்சிணைக் கொடுமை: குன்னூர் சிறைக் காவலர் பணியிடை நீக்கம் DIN DIN Thursday, September 20, 2018 08:11 AM +0530 வரதட்சிணை கேட்டு மனைவியைக்  கொடுமைப்படுத்திய புகாரின்பேரில் குன்னூர் கிளைச் சிறைக் காவலர் புதன்கிழமை பணியிடை நீக்கம் செய்யப்பட்டார். 
கோவை, பாரதியார் சாலையில் உள்ள புதிய சிறைக் காவலர் குடியிருப்பில் வசித்து வருபவர் கே.பூபதி (38). இவர், நீலகிரி மாவட்டம், குன்னூர் கிளைச் சிறையில் காவலராகப் பணியாற்றி வந்தார்.
இவருக்கும், சேலம் மாவட்டம், அன்னதானப்பட்டியைச் சேர்ந்த கே.சுதா (34) என்பவருக்கும் 2007 ஆம் ஆண்டு திருமணம் நடைபெற்றது. இவர்களுக்கு 8 வயதில் பெண் குழந்தை உள்ளது. கருத்து வேறுபாடு காரணமாக இருவரும் 10 ஆண்டுகளாகப் பிரிந்து வாழ்ந்தனர். இதனிடையே, நீதிமன்றத்தின் மூலமாக சமரசம் ஏற்பட்டு சில மாதங்களுக்கு முன்னர் சேர்ந்து வாழத் தொடங்கினர். இந்த நிலையில்,  சுதா மீண்டும் கர்ப்பம் அடைந்துள்ளார். அப்போது பெற்றோரிடம் இருந்து ரூ. 5 லட்சம் வரதட்சிணை வாங்கிவருமாறும், கருவைக் கலைக்குமாறும் பூபதி துன்புறுத்தினாராம். இதுகுறித்து கோவை மத்தியப் பிரிவு அனைத்து மகளிர் காவல் நிலையத்தில் சுதாவின் பெற்றோர் புகார் அளித்தனர். இந்தப் புகாரின் எதிரொலியாக அவரைக் பணியிடை நீக்கம் செய்து கோவை மத்திய சிறை கண்காணிப்பாளர் எம்.செந்தில்குமார் புதன்கிழமை உத்தரவிட்டார்.

]]>
http://www.dinamani.com/all-editions/edition-coimbatore/coimbatore/2018/sep/20/வரதட்சிணைக்-கொடுமை-குன்னூர்-சிறைக்-காவலர்-பணியிடை-நீக்கம்-3003971.html
3003970 கோயம்புத்தூர் கோயம்புத்தூர் இளம்பெண் கொலை வழக்கு: கேரள இளைஞருக்கு ஆயுள் DIN DIN Thursday, September 20, 2018 08:10 AM +0530 அன்னூரில் ஒருதலைக் காதலால் இளம் பெண்ணைக் கொலை செய்த வழக்கில் கேரள இளைஞருக்கு ஆயுள் தண்டனை வழங்கி கோவை நீதிமன்றம் புதன்கிழமை தீர்ப்பளித்துள்ளது.
கோவை மாவட்டம்,  அன்னூரை அடுத்த தென்னம்பாளையம் சாலையைச் சேர்ந்தவர் தன்யா (23). பட்டதாரியான இவர் பொங்கலூரில் உள்ள தனியார் நிறுவனத்தில் பணியாற்றி வந்தார். கேரள மாநிலம், பாலக்காடு மாவட்டம், குத்தனூரைச் சேர்ந்தவர் ஹெச்.ஜாகீர் (32). இவர், அன்னூரில் உள்ள தேநீர் விடுதியில் பணியாற்றி வந்தார். அப்போது, தன்யாவை 
ஒருதலையாகக் காதலித்து வந்துள்ளார். இந்த நிலையில், தன்யாவுக்கு அவரது பெற்றோர் திருமணம் செய்து வைக்க முடிவு செய்தனர்.  இந்த நிலையில், தன்யாவை தனியாக வீட்டில் விட்டுவிட்டு அவரது பெற்றோர் 2016 செப்டம்பர் 14 ஆம் தேதி மருத்துவமனைக்குச் சென்றுவிட்டனர். இதன் பிறகு திரும்பி வந்து பார்த்தபோது ரத்தக் காயங்களுடன் தன்யா இறந்து கிடந்துள்ளார்.
 இதுகுறித்து தன்யாவின் பெற்றோர் கொடுத்த புகாரின் பேரில் அன்னூர் காவல் துறையினர் வழக்குப் பதிவு செய்து விசாரணை நடத்தினர். இதில், தன்யாவின் வீட்டுக்குள் ஜாகீர் அத்துமீறி நுழைந்து, திருமணம் செய்து கொள்ள சொல்லி வற்புறுத்தியுள்ளார். அவர் மறுக்கவே, ஆத்திரமடைந்த ஜாகீர்,  தன்யாவைக் குத்திக் கொலை செய்துவிட்டு தப்பிச் சென்றது தெரியவந்தது.
இதனிடையே, ஜாகீரும் சாணி பவுடர் குடித்து தற்கொலைக்கு முயன்று செப்டம்பர் 15 ஆம் தேதி பாலக்காடு அரசு மருத்துவமனையில் அனுமதிக்கப்பட்டிருந்தார். இதுகுறித்த தகவலின்படி அங்கு சென்ற  அன்னூர் காவல் துறையினர் சிகிச்சைக்குப் பிறகு  அவரைக் கைது செய்து சிறையில் அடைத்தனர்.  மேலும், கோவை மாவட்ட ஆட்சியரின் உத்தரவின்பேரில் ஜாகீர் குண்டர் தடுப்புச் சட்டத்திலும் கைது செய்யப்பட்டார்.  
கோவை முதலாவது கூடுதல் மாவட்ட அமர்வு நீதிமன்றத்தில் நடைபெற்று வந்த இந்த வழக்கில், நீதிபதி எம்.குணசேகரன் புதன்கிழமை தீர்ப்பு வழங்கினார். 
இதில், கொலைக் குற்றத்துக்காக ஜாகீருக்கு ஆயுள் தண்டனை, ரூ.1,000 அபராதமும், அத்துமீறி உள்ளே நுழைந்து கொலை செய்ததற்கு 10 ஆண்டு சிறை மற்றும் ரூ.1,000 அபராதமும் விதித்தார். 
  மேலும்,  தற்கொலை முயற்சிக்கு ஓர் ஆண்டு சிறைத் தண்டனையும் விதித்தார். இந்த தண்டனைகளை ஏககாலத்தில் அனுபவிக்க வேண்டும் என்று தீர்ப்பில் குறிப்பிட்டுள்ளார். இந்த வழக்கில் கூடுதல் அரசு வழக்குரைஞர் வி.வி.நாகராஜன்ஆஜராகினார். 

]]>
http://www.dinamani.com/all-editions/edition-coimbatore/coimbatore/2018/sep/20/இளம்பெண்-கொலை-வழக்கு-கேரள-இளைஞருக்கு-ஆயுள்-3003970.html
3003969 கோயம்புத்தூர் கோயம்புத்தூர் சிறுமுகை வனப் பகுதியில் கண்காணிப்பு  கேமராக்களை உடைத்த 6 பேர் கைது DIN DIN Thursday, September 20, 2018 08:10 AM +0530 கோவை மாவட்டம், சிறுமுகை வனப் பகுதியில் கண்காணிப்பு கேமராவை உடைத்த 6 பேர் புதன்கிழமை கைது செய்யப்பட்டனர். 
கோவை வனக் கோட்டத்துக்கு உள்பட்ட சிறுமுகை வனச் சரகத்தில் வன விலங்குகள் நடமாட்டத்தைக் கண்காணிக்க கேமராக்கள் பொருத்தப்பட்டுள்ளன. இந்த நிலையில் கண்காணிப்பு கேமராக்களை சிலர் உடைத்துள்ளது வனத் துறையினருக்குத் தெரிய வந்தது. 
இதுகுறித்து சிறுமுகை வனச் சரக அலுவலர் மனோகரன் தலைமையில் வனத் துறையினர் தீவிர சோதனையில் ஈடுபட்டனர். அப்போது வனப் பகுதியில் சுற்றித் திரிந்த மேட்டுப்பாளையம், கரட்டுமேட்டைச் சேர்ந்த ராஜ்குமார் (25 ),  பாலப்பட்டி எம்.ஜி.ஆர். நகரைச் சேர்ந்த மகேந்திரன் (25), வச்சினம்பாளையத்தைச் சேர்ந் மனோஜ், வெள்ளிப்பாளையம் ரங்கநாதன் ( 30) ஆகிய 4  பேரைக் கைது செய்தனர். அவர்களிடம் விசாரணை நடத்தியதில்  வேடர் காலனி  பகுதியில் சந்தன மரம் மற்றும் மான் வேட்டைக்கு சென்றபோது கண்காணிப்பு கேமராவில் இருந்து வெளிச்சம் வந்ததாம்.  ஆகவே, வனத் துறையினரிடம் பிடிபட்டு விடுவோம் என்ற அச்சத்தில் கேமராவை உடைத்து பவானி ஆற்றில் வீசி விட்டதாக தெரிவித்துள்ளனர். 
மேலும், ஆளூர் வனப் பகுதியில் கண்காணிப்பு கேமராவை திருடிச் சென்றது தொடர்பாக கருப்புசாமி (55),  ராஜன் (50 ) ஆகியோரைக் கைது செய்தனர். 
இவர்களிடமிருந்து வேடர் காலனி பகுதியில் மண்ணில் புதைத்து வைத்திருந்த இரண்டு கண்காணிப்பு கேமரா, மான் வேட்டையாட பயன்படுத்திய சுருக்குக் கம்பி, அரிவாள் ஆகியவற்றை பறிமுதல் செய்தனர். மேலும் தலைமறைவாக உள்ள கொண்ணி, முனியப்பன், தம்பி, செல்வராஜ், கார்த்தி, மணிகண்டன் ஆகிய 6 பேரை வனத் துறையினர் தேடி வருகின்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/20/சிறுமுகை-வனப்-பகுதியில்-கண்காணிப்பு-கேமராக்களை-உடைத்த-6-பேர்-கைது-3003969.html
3003968 கோயம்புத்தூர் கோயம்புத்தூர் குறுந்தொழில் முனைவோருக்கு தனியாக தொழிற்பேட்டை அமைக்க கோரிக்கை DIN DIN Thursday, September 20, 2018 08:10 AM +0530 குறுந்தொழில் முனைவோருக்கு தனியாக தொழில்பேட்டை அமைக்க வேண்டும் என்று தமிழ்நாடு கைத்தொழில், குறுந்தொழில் முனைவோர் சங்கம் (டேக்ட்) வலியுறுத்தியுள்ளது.
டேக்ட், மாவட்டத் தொழில் மையம், ஆந்திர மாநில தொழில், தொழில்நுட்ப ஆலோசனை மையம் (அபிட்கோ) ஆகியவற்றின் சார்பில் சிறுதொழில் முனைவோருக்கான வங்கிக் கடன் குறித்த கருத்தரங்கு கோவை சிந்தாமணிபுதூரில் புதன்கிழமை நடைபெற்றது. இந்த கருத்தரங்கில் மாவட்டத் தொழில் மையத்தின் உதவிப் பொறியாளர் பிருந்தாதேவி பங்கேற்றுப் பேசும்போது, மாவட்டத் தொழில் மையத்தின் மூலம் சிறு, குறு தொழில் முனைவோருக்கு ரூ.25 ஆயிரத்துக்குள் தொழில் தொடங்குபவர்களுக்கு 25 சதவீதம் வரை மானியம் வழங்கப்படுகிறது. இதைத் தவிர குறிப்பிட்ட சில பொருள்களின் உற்பத்திக்காக இயந்திரங்கள் வாங்குவதற்கு ரூ. 5 கோடி வரை மானியம் வழங்கப்படுகிறது. மேலும், பிரதமரின் தொழில் முனைவோர் திட்டத்தின் கீழும் மானியம் வழங்ப்படுகிறது. இது தொடர்பான விவரங்களுக்கு மாவட்டத் தொழில் மையத்தை அணுகலாம் என்றார்.
டேக்ட் சங்கத் தலைவர் ஜே.ஜேம்ஸ் பேசும்போது, ஏற்கெனவே உள்ள தொழில்பேட்டைகளில் போதுமான அளவுக்கு இடம் இல்லாததால், குறுந்தொழில் முனைவோருக்கு என கோவையில் தனியாக ஒரு தொழில்பேட்டை அமைக்க வேண்டும். தமிழகத்தில் பரவலாக மின்வெட்டு அமலில் இருந்தாலும் கோவையில் மட்டும் இல்லாதிருப்பதற்கு இங்குள்ள தொழில் முனைவோர் ஒற்றுமையாக இருப்பதே காரணம். குறுந்தொழிலை மேம்படுத்துவதன் மூலம் புதிய வேலைவாய்ப்புகளை உருவாக்க மத்திய, மாநில அரசுகள் முன்வர வேண்டும் என்றார்.
கருத்தரங்கில் கிளஸ்டர் கிராப்ட் நிர்வாக இயக்குநர் ராஜ வீர் சிங், அபிட்கோ அலுவலர் ஸ்ரீதர், சிட்பி மேலாளர் ராஜூ, டேக்ட் செயலர் பிரதாப் தனசேகர், துணைத் தலைவர் ஏ.விஸ்வநாதன், சிவா உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-coimbatore/coimbatore/2018/sep/20/குறுந்தொழில்-முனைவோருக்கு-தனியாகதொழிற்பேட்டை-அமைக்க-கோரிக்கை-3003968.html
3003967 கோயம்புத்தூர் கோயம்புத்தூர் உடனே சம்பளம் வழங்குவதாக உறுதி:  டேன்டீ தொழிலாளர்  போராட்டம் ரத்து DIN DIN Thursday, September 20, 2018 08:09 AM +0530 உடனடியாக சம்பளம் வழங்குவதாக நிர்வாகம் உறுதியளித்ததால்,  டேன்டீ தொழிலாளர்கள் போராட்ட முடிவைக் கைவிட்டனர்.
கடந்த சில மாதங்களாகவே சின்கோனா (டேன்டீ) எஸ்டேட்களில் பணியாற்றும் தொழிலாளர்களுக்கு நிர்வாகத்தினர் குறிப்பிட்ட தேதியில் சம்பளம் வழங்கவில்லை. 
இம்மாதமும் 7 ஆம் தேதி தொழிலாளர்களுக்கு வழங்க வேண்டிய சம்பளத்தை இதுவரை வழங்கவில்லை. 
இதனால் பாதிக்கப்பட்ட தொழிலாளர்கள் போராட்டம் நடத்த  புதன்கிழமை தயாராயினர்.  
இதை அறிந்த டேன்டீ நிர்வாகத்தினர் தொழிலாளர்களைத் தொடர்பு கொண்டு வியாழக்கிழமை சம்பளம் வழங்குவதாக உறுதியளித்தனர். எனவே, தொழிலாளர்கள் போராட்ட முடிவைக் கைவிட்டனர்.

]]>
http://www.dinamani.com/all-editions/edition-coimbatore/coimbatore/2018/sep/20/உடனே-சம்பளம்-வழங்குவதாக-உறுதி--டேன்டீ-தொழிலாளர்-போராட்டம்-ரத்து-3003967.html
3003966 கோயம்புத்தூர் கோயம்புத்தூர் வன விலங்கு நடமாட்டம் உள்ள பகுதிகளில் கூடுதல் தெரு விளக்கு அமைக்க வலியுறுத்தல் DIN DIN Thursday, September 20, 2018 08:09 AM +0530 வனவிலங்குகளின் நடமாட்டம் உள்ள எஸ்டேட் பகுதிகளில் கூடுதல் தெருவிளக்குகள் அமைக்குமாறு தொழிலாளர்கள் வலியுறுத்தியுள்ளனர்.
வால்பாறை எஸ்டேட் பகுதியை ஒட்டியுள்ள வனங்களில் ஏராளமான வனவிலங்குகள் உள்ளன. குறிப்பாக, சிறுத்தை, யானைகளின் நடமாட்டம் தொழிலாளர்கள் வசிக்கும் பகுதிகளிலேயே  அதிக அளவில் காணப்படுகிறது. இதனால் இரவு நேரங்களில் தொழிலாளர்கள் குடியிருப்புகளை விட்டு வெளிவருவதைத் தவிர்த்து வருகின்றனர். 
இதனிடையே வால்பாறை எஸ்டேட் பகுதிகளில் போதுமான தெருவிளக்குகள் அமைக்கப்படவில்லை. இருக்கும் தெருவிளக்குகளின் பராமரிப்பை நகராட்சி நிர்வாகம் தனியாருக்கு ஒதுக்கியுள்ளது. இதனால் எரியாத தெருவிளக்குகள் குறித்து புகார் அளித்தாலும் உரிய நேரத்தில் சரி செய்யப்படுவதில்லை.
வால்பாறை நகராட்சி மூலம் பல்வேறு வளர்ச்சிப் பணிகள் மேற்கொள்ள உள்ள நிலையில், வனவிலங்குகளின் நடமாட்டத்தைக் கருத்தில் கொண்டு,  எஸ்டேட் குடியிருப்புகள் அமைந்துள்ள பகுதிகளில் கூடுதல் தெருவிளக்குகளை அமைக்க வேண்டும் என்று தோட்டத் தொழிலாளர்கள் வலியுறுத்தி வருகின்றனர்.

]]>
http://www.dinamani.com/all-editions/edition-coimbatore/coimbatore/2018/sep/20/வன-விலங்கு-நடமாட்டம்-உள்ள-பகுதிகளில்-கூடுதல்-தெரு-விளக்கு-அமைக்க-வலியுறுத்தல்-3003966.html
3003965 கோயம்புத்தூர் கோயம்புத்தூர் சர்வதேச விளையாட்டுப் போட்டி:  கோவை தீயணைப்பு வீரர்கள் சாதனை DIN DIN Thursday, September 20, 2018 08:09 AM +0530 தென்கொரியாவில் நடைபெற்ற தீயணைப்பு வீரர்களுக்கான சர்வதேச அளவிலான விளையாட்டுப் போட்டியில் கோவையைச் சேர்ந்த 2 வீரர்கள் பதக்கங்களை வென்று சாதனை படைத்துள்ளனர். 
தென்கொரியாவில் உள்ள ஜுங்ஜு என்ற பகுதியில் தீயணைப்பு வீரர்களுக்கான 13-ஆவது சர்வதேச அளவிலான விளையாட்டுப் போட்டிகள் நடைபெற்றன. 
இதில், இந்தியா உள்ளிட்ட பல்வேறு நாடுகளைச் சேர்ந்த 7 ஆயிரத்துக்கும் மேற்பட்ட தீயணைப்பு வீரர்கள் கலந்து கொண்டனர். 
இதில், இந்தியா சார்பில் பங்கேற்ற தீயணைப்பு வீரர்கள் மொத்தம் 80 பதக்கங்களை வென்றனர். இதில் கோவை விமான நிலையத்தைச் சேர்ந்த தீயணைப்பு வீரர்களான ஏ.பி. திலீப், ஓ.பி. மிதுன் ஆகியோர் 3 பதக்கங்களைக் கைப்பற்றி சாதனை படைத்துள்ளனர். 
இவர்களில் ஏ.பி. திலீப் 400 மீட்டர் தொடர் ஓட்டப் பந்தயத்தில் வெள்ளிப் பதக்கமும்,  ஓ.பி. மிதுன் வாட்டர் போலாவில் வெள்ளியும், மல்யுத்தத்தில் வெண்கலமும் வென்றார். 
போட்டியில் வெற்றி பெற்று கோவை திரும்பிய வீரர்களை விமான நிலைய அதிகாரிகள் மற்றும் தீயணைப்பு வீரர்கள் புதன்கிழமை வரவேற்று கௌரவித்தனர்.

]]>
http://www.dinamani.com/all-editions/edition-coimbatore/coimbatore/2018/sep/20/சர்வதேச-விளையாட்டுப்-போட்டி-கோவை-தீயணைப்பு-வீரர்கள்-சாதனை-3003965.html
3003964 கோயம்புத்தூர் கோயம்புத்தூர் தேவாரம், திருவாசகம் ஒப்பித்தல் போட்டி DIN DIN Thursday, September 20, 2018 08:08 AM +0530 கோவை மாவட்டம் காரமடை, புஜங்கனூர் ஸ்ரீ விநாயகா வித்யாலயா சி.பி.எஸ்.இ. பள்ளி சார்பில் தேவாரம், திருவாசகம் ஒப்பித்தல் போட்டி நடத்தப்படுகிறது.
பள்ளியின் செங்காந்தள் தமிழ் இலக்கிய மன்றம் சார்பில் மெட்ரிக், சி.பி.எஸ்.இ. பள்ளி மாணவர்களுக்கு மாநில அளவிலான இந்தப் போட்டி அக்டோபர் 6 ஆம் தேதி நடைபெறுகிறது.
போட்டியில் வெற்றி பெறும் மாணவ,மாணவிகளுக்கு அக்டோபர் 13 ஆம் தேதி நடைபெறும் விழாவில் பரிசுகள் வழங்கப்படும். இதில் பங்கேற்க விரும்பும் மாணவ, மாணவிகள் ஒருங்கிணைப்பாளர்களை 99423 74723, 99444 72130, 04254 - 28455 என்ற எண்களில் தொடர்பு கொண்டு மேலும் விவரங்கள் பெறலாம் என்று பள்ளி நிர்வாகம் அறிவித்துள்ளது.

]]>
http://www.dinamani.com/all-editions/edition-coimbatore/coimbatore/2018/sep/20/தேவாரம்-திருவாசகம்ஒப்பித்தல்-போட்டி-3003964.html
3003963 கோயம்புத்தூர் கோயம்புத்தூர் பிபிஜி கல்லூரியில் மண்டல அளவிலான கபடி போட்டி DIN DIN Thursday, September 20, 2018 08:08 AM +0530 கோவை பிபிஜி தொழில்நுட்பக் கல்லூரியில் நடைபெற்ற அண்ணா பல்கலைக்கழகத்தின் 11 ஆவது மண்டல அளவிலான ஆண்களுக்கான கபடி போட்டியில் ஸ்ரீசக்தி பொறியியல் கல்லூரி அணி வெற்றி பெற்றது. 
கோவை, சரவணம்பட்டியில் உள்ள பிபிஜி தொழில்நுட்பக் கல்லூரியில் செப்டம்பர் 17, 18 ஆகிய தேதிகளில் நடைபெற்ற அண்ணா பல்கலைக்கழகத்தின் 11 ஆவது மண்டல அளவிலான ஆண்களுக்கான கபடி போட்டியை பிபிஜி கல்விக் குழுமங்களின் தலைவர் டாக்டர் எல்.பி.தங்கவேலு, கல்லூரி முதல்வர் இரா.பிரகாசம், முதன்மை நிர்வாக அலுவலர் தட்சிணாமூர்த்தி ஆகியோர் தொடங்கி வைத்தனர். 
இப்போட்டியில் மண்டலத்துக்கு உள்பட்ட பல்வேறு கல்லூரி அணிகள் பங்கேற்றன. இதில் முதல் அரையிறுதி ஆட்டத்தில் யூஐடி பொறியியல் கல்லூரி 35-29 என்ற புள்ளிக் கணக்கில் ஸ்ரீகுரு பொறியியல் கல்லூரி அணியை வீழ்த்தியது. இரண்டாவது அரையிறுதி ஆட்டத்தில் காரமடை ஸ்ரீசக்தி பொறியியல் கல்லூரி அணி 42-31 என்ற புள்ளிக் கணக்கில் ஏ.ஐ.டி. பொறியியல் கல்லூரி அணியை வென்றது. 
இதைத் தொடர்ந்து நடைபெற்ற இறுதி ஆட்டத்தில் ஸ்ரீசக்தி பொறியியல் கல்லூரி அணி 41-31 என்ற புள்ளிக் கணக்கில் யூஐடி பொறியியல் கல்லூரி அணியை தோற்கடித்து சாம்பியன் பட்டத்தை வென்றது. 
வெற்றி பெற்ற அணிக்கு பிபிஜி கல்விக் குழுமங்களின் தலைவர் டாக்டர் எல்.பி.தங்கவேலு, கல்லூரி முதல்வர் பிரகாசம் ஆகியோர் பரிசுகளை வழங்கினர். 
இந்தப் போட்டிக்கான ஏற்பாடுகளை கல்லூரியின் உடற்கல்வி இயக்குநர் மனோகரன் செய்திருந்தார்.

]]>
http://www.dinamani.com/all-editions/edition-coimbatore/coimbatore/2018/sep/20/பிபிஜி-கல்லூரியில்-மண்டல-அளவிலான-கபடி-போட்டி-3003963.html
3003962 கோயம்புத்தூர் கோயம்புத்தூர் வாக்காளர் பட்டியலில் பெயர் சேர்க்க செப்டம்பர் 23 இல் சிறப்பு முகாம் DIN DIN Thursday, September 20, 2018 08:08 AM +0530 கோவை மாவட்டத்தில் வாக்காளர் பட்டியலில் பெயர் சேர்த்தல், நீக்கல் மற்றும் திருத்தம் செய்ய வசதியாக அனைத்து வாக்குப் பதிவு மையங்களில் செப்டம்பர் 23 ஆம் தேதி சிறப்பு முகாம் நடைபெறுகிறது. 
கோவை மாவட்டத்தில் 2019 ஜனவரி 1-ஆம் தேதியை தகுதி நாளாக கருதி வாக்காளர் பட்டியல் சிறப்பு சுருக்கத் திருத்தப் பணிகள் செப்டம்பர் 1 ஆம் தேதி முதல் அக்டோபர் 31 ஆம் தேதி வரையில் நடைபெறும் என அறிவிக்கப்பட்டது. 
இதில் அந்தந்த வாக்குப்பதிவு மையங்கள் மற்றும் வட்டாட்சியர் அலுவலகங்களில் விண்ணப்ப படிவங்களை பெற்று பூர்த்தி செய்து தகுந்த ஆவணங்களுடன் விண்ணப்பிக்கலாம்.
2019 ஜனவரி 1 ஆம் தேதி 18 வயது பூர்த்தி அடையும் நபர்கள், வாக்காளர் பட்டியலில் பெயர் விடுபட்டவர்கள், ஏற்கெனவே உள்ள சட்டப் பேரவைத் தொகுதியில் இருந்து வேறு தொகுதிக்கு குடிபெயர்ந்தவர்கள் ஆகியோர் வாக்காளர் பட்டியலில் பெயர் சேர்க்க தகுதியுடையவர்கள். 
இவர்கள் வாக்குப்பதிவு மையங்கள், கோட்டாட்சியர் அலுவலகங்கள், வட்டாட்சியர் அலுவலகங்கள், மாநகராட்சி மண்டல அலுவலகங்கள் மற்றும் நகராட்சி அலுவலகங்களில் விண்ணப்பங்களை அளிக்கலாம்.
வாக்காளர் பட்டியலில் பெயர் சேர்க்க படிவம் 6-, பெயர் நீக்கம் செய்வதற்கு படிவம் 7-ம், பெயர் மற்றும் முகவரி திருத்தங்கள் மேற்கொள்வதற்கு படிவம் 8-ம், குறிப்பிட்ட சட்டப் பேரவைத் தொகுதியில் ஒரு பகுதியில் இருந்து வேறு பகுதிக்கு குடிபெயர்ந்தவர்கள் முகவரி மாற்றம் செய்ய படிவம் 8 ஏ ஆகியவற்றை பயன்படுத்தலாம். மேலும் செப்டம்பர் 22, அக்டோபர் 6 மற்றும் 13-ஆம் தேதிகளில் சிறப்பு கிராம சபை, குடியிருப்போர் நலச் சங்க கூட்டங்கள் நடத்தப்படவுள்ளன. இதைத் தொடர்ந்து செப்டம்பர் 23, அக்டோபர் 7 மற்றும் 14 ஆகிய தேதிகளில் (ஞாயிற்றுக்கிழமை) அனைத்து வாக்குப்பதிவு மையங்களிலும் சிறப்பு முகாம் நடத்தப்பட்டு மனுக்கள் பெற நடவடிக்கை எடுக்கப்பட்டுள்ளன.
 

]]>
http://www.dinamani.com/all-editions/edition-coimbatore/coimbatore/2018/sep/20/வாக்காளர்-பட்டியலில்-பெயர்-சேர்க்க-செப்டம்பர்-23-இல்-சிறப்பு-முகாம்-3003962.html
3003876 கோயம்புத்தூர் கோயம்புத்தூர் கோவை மண்டலத்தில் 10 ஆண்டுகளில் 11.25 லட்சம் கடவுச்சீட்டுகள் விநியோகம்: மண்டல கடவுச்சீட்டு அலுவலர் தகவல்  DIN DIN Thursday, September 20, 2018 07:35 AM +0530 கோவை மண்டலத்தில் கடந்த 10 ஆண்டுகளில் 11.25 லட்சம் கடவுச்சீட்டுகள் விநியோகம் செய்யப்பட்டுள்ளதாக மண்டல கடவுச்சீட்டு அலுவலர் ஜி.சிவகுமார் தெரிவித்தார். 
இதுகுறித்து செய்தியாளர்களிடம் அவர் புதன்கிழமை கூறியதாவது: 
கோவையில் 2008 ஆம் ஆண்டு செப்டம்பர் 14 ஆம் தேதி மண்டல கடவுச்சீட்டு  அலுவலகம் திறக்கப்பட்டது. இது, கோவை,  திருப்பூர், நீலகிரி, ஈரோடு, சேலம், நாமக்கல் ஆகிய 6 மாவட்டங்களை உள்ளடக்கியது. 
இதில், கடந்த 10 ஆண்டுகளில் 11 லட்சத்து 52 ஆயிரத்து 711 விண்ணப்பங்கள் பெறப்பட்டன. இதில், 11 லட்சத்து 25 ஆயிரத்து 178 பேருக்கு கடவுச்சீட்டுகள் விநியோகிக்கப்பட்டுள்ளன.  அதே வேளையில், 2011 இல் டிசிஎஸ் நிறுவனத்துடன் இணைந்து  அவிநாசி சாலையில் விமான நிலையம் அருகே கடவுச்சீட்டு  சேவை மையம் தொடங்கப்பட்டது. முழுமையாக டிஜிட்டல் வசதிகளுடன் இயங்கும் இந்த மையத்தில், கடவுச்சீட்டு விநியோக நடைமுறைப் பணிகள் மிகவும் எளிதாக்கப்பட்டன. 
முன்பு கடவுச்சீட்டு விநியோக நடைமுறைக்கு 45 நிமிடங்களாக இருந்த நிலையில் தற்போது 14 நிமிடம்தான் ஆகிறது.  அதேபோல, காவல் துறையினர் கடவுச்சீட்டு விண்ணப்ப விசாரணைக்கு 30 நாள்கள் எடுத்துக் கொண்டனர். ஆனால்,  தற்போது அனைத்து காவல் நிலையங்களுக்கும் டேப் (சிறிய கணினி) கொடுக்கப்பட்டுள்ளது. 
மேலும்,  அனைத்தும் செயலி மூலமாக மேற்கொள்ளப்படுவதால் காவல் துறையினரின் விசாரணை சராசரியாக 9 நாள்களாகக் குறைந்துள்ளது. 
நாமக்கல் மாவட்டத்தில் 5 நாள்களிலும், சேலம், கோவை புறநகரில் 9 நாள்களிலும்,  நீலகிரியில் 6 நாள்களிலும், ஈரோட்டில் 7 நாள்களிலும் காவல் துறையினரின் சரிபார்ப்பு பணிகள் முடிவடைகின்றன.  ஆனால் கோவை மாநகரில் மட்டும் 13 நாள்கள் ஆகிறது. 
இதற்கு முக்கியக் காரணம் கடவுச்சீட்டுக்காக விண்ணப்பிப்போரின் எண்ணிக்கை மற்ற இடங்களைக் காட்டிலும் இங்கு அதிகமாகும். எனினும் இந்த நாள்களைக் குறைக்க மாநகர காவல் ஆணையருடன் பேசி நடவடிக்கை மேற்கொள்ளப்படும்.  அஞ்சலகங்களில் கடவுச்சீட்டு பெற்றுக் கொள்ளும் சேவையை சேலம் மாவட்டத்தில் 2017 ஆம் ஆண்டு மார்ச் மாதம் தொடங்கினோம். 
அங்கு தற்போது வரையில் 31,678 கடவுச்சீட்டுகள் விநியோகம் செய்யப்பட்டுள்ளன. நாமக்கல் மாவட்டம், ராசிபுரம் அஞ்சலகத்தில் இந்த சேவை 2018 ஆம் ஆண்டு மார்ச் மாதம் தொடங்கப்பட்டு தற்போது வரையில் 2,742 கடவுச்சீட்டுகள் விநியோகம் செய்யப்பட்டுள்ளன. 

குன்னூர், ஈரோடு அஞ்சலகங்களில் அக்டோபர் 1-க்குள் கடவுச்சீட்டு சேவை மையம் 
நீலகிரி, ஈரோடு மக்கள் பயனடையும் வகையில் வரும் அக்டோபர் 31 ஆம் தேதிக்குள் குன்னூர், ஈரோடு அஞ்சலகங்களில் கடவுச்சீட்டு சேவை மையம் அமைக்கப்படும். திருப்பூரில் உள்ள அஞ்சலகத்தில் சேவை மையம் அமைப்பதற்கான இடவசதி இல்லை. எனினும், விரைவில் மாற்று ஏற்பாடு செய்யப்பட்டு கடவுச்சீட்டு சேவை மையம் தொடங்க நடவடிக்கை எடுக்கப்படும். 
கடவுச்சீட்டுக்கு விண்ணப்பிக்க திருமணச் சான்றிதழ், பிறப்புச் சான்றிதழ், நோட்டரி சான்றிதழ்  தவிர்க்கப்பட்டுள்ளது.  
தற்போது ஆதார் அட்டை, பள்ளி சான்றிதழ் போன்ற ஆவணங்கள் இருந்தாலே போதுமானது. கடவுச்சீட்டுக்கான நடைமுறைகள் மிகவும் எளிதாக்கப்பட்டுள்ளதால் சாதாரணமாக விண்ணப்பிப்பவர்களுக்கு 15 நாள்களிலும்,  தட்கல் முறையில் 3 வேலை நாள்களிலும் கடவுச்சீட்டுகள் விநியோகிக்கப்படும். 
5 வயதுக்கும் கீழ் உள்ள குழந்தைகளுக்கும்,  60 வயதுக்கு மேற்பட்டவர்களுக்கும் 10 சதவீத கட்டணச் சலுகை வழங்கப்படுகிறது. மேலும், கடவுச்சீட்டுக்கான அனைத்து நடைமுறைகளும் டிஜிட்டல் மயமாக்கப்பட்டுள்ளதால் போலி கடவுச்சீட்டு எடுப்பது முற்றிலும் தவிர்க்கப்பட்டுள்ளது. ஆகவே, பொதுமக்கள் இந்த வாய்ப்பைப் பயன்படுத்தி கடவுச்சீட்டுகளை எளிதில் பெறலாம் என்றார்.
 

]]>
http://www.dinamani.com/all-editions/edition-coimbatore/coimbatore/2018/sep/20/கோவை-மண்டலத்தில்-10-ஆண்டுகளில்-1125-லட்சம்-கடவுச்சீட்டுகள்-விநியோகம்-மண்டல-கடவுச்சீட்டு-அலுவலர்-தக-3003876.html