Dinamani - திருப்பூர் - http://www.dinamani.com/all-editions/edition-coimbatore/tiruppur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3058931 கோயம்புத்தூர் திருப்பூர் காங்கயம் அரசு மேல்நிலைப் பள்ளியில் 273 மாணவர்களுக்கு விலையில்லா சைக்கிள்கள் DIN DIN Sunday, December 16, 2018 03:20 AM +0530
காங்கயத்தில் பள்ளிக் கல்வித் துறை சார்பில் நடைபெற்ற விழாவில் 273 மாணவ, மாணவியருக்கு விலையில்லா சைக்கிள்கள் சனிக்கிழமை வழங்கப்பட்டன.
காங்கயம் அரசு மேல்நிலைப் பள்ளியில் நடைபெற்ற விழாவில் பள்ளிக் கல்வித் துறை அமைச்சர் கே.ஏ.செங்கோட்டையன், கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் ஆகியோர் சிறப்பு அழைப்பாளராகக் கலந்து கொண்டு மாணவர்களுக்கு விலையில்லா சைக்கிள்களை வழங்கினர். இதில், காங்கயம் அரசு மேல்நிலைப் பள்ளியைச் சேர்ந்த 154 மாணவர்கள், 119 மாணவியர் என மொத்தம் 273 மாணவ, மாணவியருக்கு ரூ.10 லட்சம் மதிப்பிலான விலையில்லா சைக்கிள்கள் வழங்கப்பட்டன.
இந்த நிகழ்ச்சியில், மாவட்ட முதன்மைக் கல்வி அலுவலர் செ.சாந்தி, காங்கயம் எம்.எல்.ஏ. உ.தனியரசு, முன்னாள் எம்.எல்.ஏ., என்.எஸ்.என்.நடராஜ், காங்கயம் தொடக்க வேளாண்மைக் கூட்டுறவு கடன் சங்கத் தலைவர் ஜி.மணிமாறன் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/காங்கயம்-அரசு-மேல்நிலைப்-பள்ளியில்-273-மாணவர்களுக்கு-விலையில்லா-சைக்கிள்கள்-3058931.html
3058930 கோயம்புத்தூர் திருப்பூர் மர்ம நபர்களால் குடிநீர் குழாய் உடைப்பு DIN DIN Sunday, December 16, 2018 03:19 AM +0530
வெள்ளக்கோவிலை அடுத்த வீரசோழபுரம் அருகே மர்ம நபர்களால் குடிநீர் குழாய் சனிக்கிழமை உடைக்கப்பட்டுள்ளது.
வெள்ளக்கோவில் ஒன்றியத்தைச் சேர்ந்த வீரசோழபுரம் ஊராட்சிக்கு உள்பட்ட வீரசோழபுரம், பொன்பரப்பி ஆகிய ஊர்களுக்கு குடிநீர் வழங்க கரட்டாங்காடு என்ற இடத்தில் மேல்நிலை நீர்த்தேக்கத் தொட்டி உள்ளது. அருகிலுள்ள ஆழ்குழாய் கிணற்றிலிருந்து தண்ணீர் நிரப்பி தினமும் மக்களுக்கு குடிநீர் வழங்கப்படுகிறது.
மேல்நிலைத் தொட்டியில் இருந்து வரும் குடிநீர் விநியோகக் குழாய்களை மர்ம நபர்கள் உடைத்து விட்டனர். இதனால் குடிநீர் விநியோகம் தடைபட்டுள்ளதால் இரண்டு ஊர்களையும் சேர்ந்த 250 பேர் தண்ணீரின்றி தவித்து வருகின்றனர். ஊராட்சி ஒன்றிய அலுவலகத்துக்குத் தகவல் தெரிவிக்கப்பட்டு அதிகாரிகள் நேரில் பார்வையிட்டு ஆய்வு செய்தனர்.
இதுகுறித்து திருப்பூர் மாவட்ட ஊராட்சிகள் உதவி இயக்குநருக்கு தகவல் தெரிவிக்கப்பட்டது. உடைக்கப்பட்ட குழாய்களுக்குப் பதிலாக புதிய குழாய்கள் பொருத்த நடவடிக்கை மேற்கொள்ளப்பட்டுள்ளது.
குழாய்களை உடைத்த மர்ம நபர்கள் மீது நடவடிக்கை எடுக்குமாறு வட்டார வளர்ச்சி அலுவலர் (கிராம ஊராட்சி) மணிகண்டன், வெள்ளக்கோவில் காவல் நிலையத்தில் புகார் அளித்துள்ளார்.

 

 

]]>
http://www.dinamani.com/all-editions/edition-coimbatore/tiruppur/2018/dec/16/மர்ம-நபர்களால்-குடிநீர்-குழாய்-உடைப்பு-3058930.html
3058929 கோயம்புத்தூர் திருப்பூர் கணக்கம்பாளையம் ஊராட்சிப் பகுதியில் சாயப்பட்டறைகளைஅகற்ற வலியுறுத்தல் DIN DIN Sunday, December 16, 2018 03:19 AM +0530
உடுமலை ஒன்றியம், கணக்கம்பாளையம் ஊராட்சியில் செயல்பட்டு வரும் சாயப்பட்டறைகளை உடனடியாக அகற்ற மாவட்ட நிர்வாகம் நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
கணக்கம்பாளையம் ஊராட்சி குடியிருப்போர் நலச் சங்க பொதுக் குழு கூட்டம் ஜீவா நகரில் உள்ள தனியார் மண்டபத்தில் சனிக்கிழமை நடைபெற்றது. தலைவர் சு.சங்கரலிங்கம் தலைமை வகித்தார். செயலர் இரா.ராஜே ந்திரன் தீர்மானங்களை விளக்கி பேசினார்.கூட்டத்தில் நிறைவேற்றப்பட்ட தீர்மானங்கள்:
கணக்கம்பாளையம் ஊராட்சியில் சுமார் 30 ஆயிரம் பேர் வசித்து வரும் நிலையில் 13 லட்சம் லிட்டர் தண்ணீர் வழங்கப்பட்டு வருகிறது. எனவே மக்கள் தொகைக்கேற்ப தினசரி 25 லட்சம் லிட்டர் தண்ணீர் வழங்கப்பட வேண்டும். மேலும் குடி
நீர் இணைப்புகளும் கூடுதலாக வழங்க வேண்டும். இரண்டு நாள்களுக்கு ஒரு முறை தண்ணீர் வழங்க வேண்டும். குடிநீர் இணைப்புக் கொடுப்பதில் நடைபெற்ற ஊழலில் தொடர்புடையவர்கள் மீது கடும் நடவடிக்கை எடுக்க வேண்டும்.
ஊராட்சிக்கு உட்பட்ட பல்வேறு பகுதிகளில் குப்பைகள் அகற்றப்படாததால் நோய் பரவும் அபாயம் நிலை உள்ளது. எனவே தினசரி குப்பைகளை அகற்றும் பணிகளை ஊராட்சி நிர்வாகம் கவனிக்க வேண்டும். மேலும் மக்கள் தொகைக்கேற்ப துப்புரவுத் தொழிலாளர்களை நியமிக்க வேண்டும். ஊராட்சி பகுதியில் உள்ள மண் சாலைகளை தார் சாலைகளாக மாற்ற நடவடிக்கைஎடுக்க வேண்டும்.
குறிப்பாக ஊராட்சி பகுதியில் செயல்பட்டு வரும் சாயப்பட்டறை மற்றும் பிளாஸ்டிக் குடோன்களை அப்புறப்படுத்த வேண்டும். தெருக்களுக்கு பெயர் பலகை வைக்க வேண்டும். அமிர்தா விரைவில் ரயில் உடுமலையில் நின்று செல்ல நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
பொருளாளர் சே.தம்புராஜ், நிர்வாகிகள் பேச்சியப்பன், மு.பாலச்சந்திரமூர்த்தி உள்ளிட்ட பலர்
கலந்துகொண்டனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/கணக்கம்பாளையம்-ஊராட்சிப்-பகுதியில்-சாயப்பட்டறைகளைஅகற்ற-வலியுறுத்தல்-3058929.html
3058928 கோயம்புத்தூர் திருப்பூர் அரசுப் பேருந்து மோதி பெண் சாவு DIN DIN Sunday, December 16, 2018 03:19 AM +0530
திருப்பூரில் இருசக்கர வாகனத்தின் மீது அரசுப் பேருந்து மோதி விபத்தில் பெண் உயிரிழந்தார்.
திருப்பூர் அருகே வாவிபாளையத்தைச் சேர்ந்தவர் செல்வம் (56). பனியன் நிறுவனத் தொழிலாளி. இவருடைய மனைவி மாலதி (50). இவர்கள் இருவரும் பி.என்.சாலையில் இருந்து திருப்பூர் நோக்கி இருசக்கர வாகனத்தில் சென்று கொண்டிருந்தனர். மில்லர் பேருந்து நிறுத்தம் அருகே வரும் போது, அந்த வழியாக வந்த அரசுப் பேருந்து இருசக்கர வாகனத்தின் மீது மோதியது. இதில் படுகாயம் அடைந்த மாலதி திருப்பூர் தனியார் மருத்துவமனையில் அனுமதிக்கப்பட்டு அங்கு உயிரிழந்தார்.
இந்த விபத்து குறித்து, திருப்பூர் வடக்கு போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/அரசுப்-பேருந்து-மோதி-பெண்-சாவு-3058928.html
3058927 கோயம்புத்தூர் திருப்பூர் இளம்பெண் தற்கொலை: போலீஸார் விசாரணை DIN DIN Sunday, December 16, 2018 03:19 AM +0530
முத்தூர் அருகே இளம்பெண் தூக்குப் போட்டு தற்கொலை செய்து கொண்டார்.
செங்கோடம்பாளையத்தை அடுத்த கல்லேரியைச் சேர்ந்தவர் குமார் (23). இவருக்கும் விருதுநகர் மாவட்டம், அல்லம்பட்டி, குமாரசாமி தெருவைச் சேர்ந்த நாகராஜ் - ராஜேஸ்வரி தம்பதியின் மகள் சரோஜாதேவிக்கும் (19) கடந்த 25ஆம் தேதி திருமணம் நடைபெற்றது.
இந்நிலையில் கணவர் வீட்டில் இருந்த சரோஜாதேவி வீட்டின் விட்டத்தில் சேலையால் தூக்குப் போட்டுத் தற்கொலை செய்து கொண்டார். சம்பவ இடத்துக்குச் சென்ற வெள்ளக்கோவில் போலீஸார் சரோஜாதேவியின் சடலத்தை பிரேதப் பரிசோதனைக்காக காங்கயம் அரசு மருத்துவமனைக்கு அனுப்பி வைத்தனர். மேலும், வழக்குப் பதிவு செய்து விசாரிக்கின்றனர்.
திருமணமாகி மூன்று வாரங்களே ஆவதால் காங்கயம் காவல் துணை கண்காணிப்பாளர் கிருஷ்ணசாமி, தாராபுரம் கோட்டாட்சியர் கிரேஸ் பச்சாவு ஆகியோரும் விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/இளம்பெண்-தற்கொலை-போலீஸார்-விசாரணை-3058927.html
3058926 கோயம்புத்தூர் திருப்பூர் தாழ்த்தப்பட்ட, பழங்குடியின விவசாயிகளுக்கு உழவு மானியம் DIN DIN Sunday, December 16, 2018 03:18 AM +0530
வெள்ளக்கோவில் அருகே இரண்டு வருவாய் கிராமங்களைச் சேர்ந்த தாழ்த்தப்பட்ட, பழங்குடியின விவசாயிகளுக்கு உழவு மானியம் வழங்கப்படுகிறது.
அரசின் நீடித்த நிலையான மானாவாரி இயக்கத்தின் கீழ் தேர்வு செய்யப்படும் கிராமங்களில் உழவு மானியத் திட்டம் செயல்படுத்தப்பட்டு வருகிறது. அக்கிராமங்களில் உள்ள தாழ்த்தப்பட்ட, பழங்குடியினர் வகுப்பைச் சார்ந்த விவசாயிகளுக்கு தங்கள் நிலத்தினை உழவு செய்ய உழவு மானியமாக ஏக்கருக்கு ரூ.500 வழங்கப்படுகிறது. இத்துடன் விதைகள் மற்றும் உயிர் உரங்களும் 50 சதவீத மானியத்தில் வழங்கப்படுகிறது.
அந்த வகையில் வெள்ளக்கோவில் வேளாண் மையம் சார்பில் பச்சாபாளையம், வீரசோழபுரம் ஆகிய இரண்டு வருவாய் கிராமங்கள் தேர்வு செய்யப்பட்டுள்ளன. எனவே, தகுதியுள்ள நபர்கள் தகுந்த ஆவணங்களுடன் வேளாண்மை அலுவலகத்தில் பதிவு செய்து பயன்பெறலாம் என வெள்ளக்கோவில் வேளாண்மை உதவி இயக்குநர் சுமதி தெரிவித்துள்ளார்.

 

]]>
http://www.dinamani.com/all-editions/edition-coimbatore/tiruppur/2018/dec/16/தாழ்த்தப்பட்ட-பழங்குடியின-விவசாயிகளுக்கு-உழவு-மானியம்-3058926.html
3058925 கோயம்புத்தூர் திருப்பூர் பிகார் இளைஞரை தாக்கிய 3பேர் மீது வழக்கு DIN DIN Sunday, December 16, 2018 03:18 AM +0530
அவிநாசி அருகே பிகார் மாநில தொழிலாளர்களுக்கு இடையே ஏற்பட்ட தகராறில் தாக்கப்பட்டு படுகாயம் அடைந்த பனியன் நிறுவன தொழிலாளி தனியார் மருத்துவமனையில் சேர்க்கப்பட்டார்.
பிகார் மாநிலத்தைச் சேர்ந்த ராம்ஜீவன் மகன் கஜேந்திரன் (33). இவர் பெருமாநல்லூர் அருகே தனியார் பனியன் நிறுவனத்தில் பணியாற்றி வருகிறார். தேவம்பாளையம் பகுதியில் வசித்து வருகிறார். இவருக்கும், இவரது குடியிருப்புக்கு அருகில் வசிக்கும் அதே மாநிலத்தைச் சேர்ந்த பப்புலு என்பவருக்கும் இடையே ஏற்பட்ட தகராறில் பப்புலு மற்றும் அவரது நண்பர்களால் கஜேந்திரன் தாக்கப்பட்டுள்ளார். இதில் படுகாயம் அடைந்து அவர் திருப்பூர் தனியார் மருக்துவமனையில் அனுமதிக்கப்பட்டுள்ளார். இதுகுறித்து அவிநாசி போலீஸார் வழக்குப் பதிவு செய்து பப்புலு உள்பட 3 பேரை தேடி வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/பிகார்-இளைஞரை-தாக்கிய-3பேர்-மீது-வழக்கு-3058925.html
3058924 கோயம்புத்தூர் திருப்பூர் பெட்ஷீட், போர்வைகளுக்கு கடும் கிராக்கி DIN DIN Sunday, December 16, 2018 03:18 AM +0530
வெள்ளக்கோவில் பகுதியில் உற்பத்தி செய்யப்படும் விசைத்தறி பெட்ஷீட், போர்வைகளுக்கு கடும் கிராக்கி ஏற்பட்டுள்ளது.
வெள்ளக்கோவில் பகுதியில் நூற்பாலைகளுக்கு அடுத்தபடியாக விசைத் தறித் தொழில் பிரதானமாக நடைபெற்று வருகிறது. இங்குள்ள 7 ஆயிரம் விசைத் தறிகளில் பெட்ஷீட், போர்வை ரகங்கள் அதிக அளவில் உற்பத்தி செய்யப்படுகின்றன.
இங்கு இருப்பு வைக்கப்பட்டிருந்த ஏராளமான ரகங்கள் தன்னார்வலர்களால் வாங்கப்பட்டு கஜா புயலால் பாதிக்கப்பட்ட பகுதிகளுக்கு அனுப்பி வைக்கப்பட்டன.
அனைத்து ரகங்களும் ஒரே சமயத்தில் விற்றுத் தீர்ந்ததால் அந்தளவுக்கு உற்பத்தி செய்ய முடியவில்லை. மேலும், தற்போது நிலவும் பனிமூட்டம், நூல் விலையேற்றம் உள்ளிட்ட காரணங்களால் உற்பத்தி வெகுவாகப் பாதிக்கப்பட்டுள்ளது. இருப்பினும் தற்போது வெளிமாநில ஆர்டர்கள் அதிகமாக இருப்பதால் பெட்ஷீட், போர்வை ரகங்களுக்கு கடும் கிராக்கி நிலவுகிறது.

 

]]>
http://www.dinamani.com/all-editions/edition-coimbatore/tiruppur/2018/dec/16/பெட்ஷீட்-போர்வைகளுக்கு-கடும்-கிராக்கி-3058924.html
3058920 கோயம்புத்தூர் திருப்பூர் பெருமாநல்லூர் அரசு தொடக்கப் பள்ளி பெண்கள் உயர்நிலைப் பள்ளியாக தரம் உயர்வு: அமைச்சர்கள் திறந்து வைத்தனர் DIN DIN Sunday, December 16, 2018 03:17 AM +0530
பெருமாநல்லூரில் காமராஜரால் துவங்கப்பட்ட அரசு தொடக்கப் பள்ளி, பெண்கள் உயர்நிலைப் பள்ளியாக மாற்றப்பட்டுள்ளது. இதை அமைச்சர்கள் கே.ஏ.செங்கோட்டையன், கே.ராதாகிருஷ்ணன் ஆகியோர் சனிக்கிழமை திறந்து வைத்தனர்.
திருப்பூர் மாவட்டம், பெருமாநல்லூரில் 1957ஆம் ஆண்டு அப்போதைய முதல்வர் காமராஜரால் அரசு துவக்கப் பள்ளி தொடங்கப்பட்டது. இதையடுத்து பள்ளி வளர்ச்சிக் குழு, முன்னாள் மாணவர்கள் பங்களிப்புடன் ரூ.30 லட்சம் மதிப்பில் பள்ளி புனரமைப்பு செய்யப்பட்டது. இந்நிலையில் இப்பள்ளி தற்போது அரசு பெண்கள் உயர்நிலைப் பள்ளியாக மாற்றப்பட்டுள்ளது.
இதை பள்ளிக் கல்வித் துறை அமைச்சர் கே.ஏ.செங்கோட்டையன், கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் ஆகியோர் சனிக்கிழமை திறந்து வைத்தனர். நிகழ்ச்சியில் 454 மாணவ, மாணவியருக்கு ரூ.16.89 லட்சம் மதிப்பிலான விலையில்லா மிதிவண்டிகளை வழங்கி பள்ளிக் கல்வித் துறை அமைச்சர் கே.ஏ.செங்கோட்டையன் பேசியதாவது:
கல்வித் துறையில் தமிழகம் வளர்ந்து வருகிறது. தற்போது தரம் உயர்த்தப்பட்டுள்ள பெருமாநல்லூர் பெண்கள் உயர்நிலைப் பள்ளி பொதுமக்களின் கோரிக்கைக்கு ஏற்ப விரைவில் மேல்நிலைப் பள்ளியாக தரம் உயர்த்தப்படும்.
தமிழகத்தில் 671 பள்ளிகளில் ரூ.20 லட்சம் மதிப்பில் ஜனவரி 2019க்குள் ( ஆட்டோ திங்க் லேப்) தானியங்கி சிந்தனை ஆய்வகம் உருவாக்கப்படும்.
இதில் இந்த பெருமாநல்லூர் அரசுப் பள்ளியும் இடம் பெறும். இதன் மூலம் ஆளில்லா விமானத்தை உருவாக்கலாம். சந்திர மண்டலத்தில் ஆராய்ச்சி மேற்கொள்ளலாம். மேலும் அனைவருக்கும் நவீன ஸ்மார்டு கார்டு வழங்கப்படும்.
படிப்பு மட்டுமின்றி வேலைவாய்ப்பையும் மாணவர்களே உருவாக்கிக் கொள்ளும் அளவில் மாணவர்களுக்கு திறன் மேம்பாட்டு பயிற்சி (ஸ்கில் டிரெய்னிங்) வழங்கப்படும். இத்தனை வசதிகளையும் மாணவர்கள் பயன்படுத்திக்கொண்டு முன்னேற வேண்டும் என்றார்.
நிகழ்ச்சியில் முன்னாள் அமைச்சர் எம்.எஸ்.எம். ஆனந்தன், சட்டப் பேரவை உறுப்பினர்கள் கே.என்.விஜயகுமார் (திருப்பூர் வடக்கு), சு. குணசேகரன் (திருப்பூர் தெற்கு) , மாவட்ட வருவாய் அலுவலர் ச.பிரசன்னா ராமசாமி, மாவட்ட முதன்மைக் கல்வி அலுவலர் செ.சாந்தி, திருப்பூர் ஊராட்சி ஒன்றிய முன்னாள் தலைவர் அ.சாமிநாதன், பொறுப்பாளர் சந்திரசேகர் உள்ளிட்டோர் பங்கேற்றனர்.
அம்மா இருசக்கர வாகனங்கள் வழங்கல்
திருப்பூர் தெற்கு வட்டத்தைச் சார்ந்த திருப்பூர் மாநகராட்சி, 21 வார்டுக்கு உள்பட்ட 296 மகளிருக்கு மானிய விலையில் அம்மா இருசக்கர வாகனங்களும், 26 மகளிர் சுய உதவிக் குழுக்களுக்கு ரூ.21.90 லட்சத்திற்கான வங்கி கடனுதவிகளும் வழங்கப்பட்டன.
திருப்பூர் அருகே மங்கலம் அரசு மேல்நிலைப் பள்ளியில் மாணவர்களுக்கு துணிப் பைகளும், 341 மாணவர்களுக்கு ரூ.12.68 லட்சம் மதிப்பில் மிதிவண்டிகளும் வழங்கப்பட்டன. இந்நிகழ்ச்சிக்கு ஆட்சியர் கே.எஸ்.பழனிசாமி தலைமை வகித்தார். சட்டப் பேரவை உறுப்பினர் கரைப்புதூர் ஏ.நடராஜன், மாவட்ட ஊரக வளர்ச்சி முகமை திட்ட இயக்குநர் ரமேஷ்குமார் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/பெருமாநல்லூர்-அரசு-தொடக்கப்-பள்ளி-பெண்கள்-உயர்நிலைப்-பள்ளியாக-தரம்-உயர்வு-அமைச்சர்கள்-திறந்து-வைத்த-3058920.html
3058919 கோயம்புத்தூர் திருப்பூர் தீப்பிடித்து எரிந்த கார்: 4 பேர் உயிர் தப்பினர் DIN DIN Sunday, December 16, 2018 03:17 AM +0530
பெருமாநல்லூர் அருகே சென்று கொண்டிருந்த கார் திடீரென தீப்பிடித்து எரிந்தது. இதில் அதிர்ஷ்டவசமாக இரு குழந்தைகள் உள்பட 4 பேர் உயிர் தப்பினர்.
கோவை, சிவானந்தா காலனியைச் சேர்ந்தவர் பிரதீப் ராஜ்குமார் (39). இவரது மனைவி சுபா(38). இவர்களது குழந்தைகள் ஹரிணி (3), சுபாஷினி (10). இவர்கள் குடும்பத்துடன் சேலத்தில் இருந்து கோவை நோக்கி காரில் சனிக்கிழமை இரவு வந்து கொண்டிருந்தனர்.
பெருமாநல்லூர் அருகே வரும்போது கார் திடீரென தீப் பிடித்துள்ளது. இதையறிந்து பிரதீப் ராஜ்குமார் குடும்பத்தினர் காரை விட்டு கீழே இறங்கி ஓடினர். தகலறிந்த வந்த அவிநாசி தீயணைப்புத் துறையினர் போராடி தீயை அணைத்தனர். இருப்பினும் கார் முற்றிலும் எரிந்து சேதமானது. இதில் அதிர்ஷ்டவசமாக குடும்பத்தினர் அனைவரும் உயிர் தப்பினர்.
இந்த விபத்து குறித்து பெருமாநல்லூர் போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/தீப்பிடித்து-எரிந்த-கார்-4-பேர்-உயிர்-தப்பினர்-3058919.html
3058918 கோயம்புத்தூர் திருப்பூர் சிறுமியை பாலியல்ரீதியாக துன்புறுத்திய முதியவர் கைது DIN DIN Sunday, December 16, 2018 03:17 AM +0530
பல்லடம் அருகே கரைப்புதூரில் சிறுமியை பாலியல்ரீதியாக துன்புறுத்திய முதியவர் போலீஸாரால் கைது செய்யப்பட்டார்.
பல்லடம் ஒன்றியம், கரைப்புதூர் கிராமத்தைச் சேர்ந்தவர் முருகன் (50), கூலி தொழிலாளி. இவரது 16 வயது மகள் அதே பகுதியில் உள்ள அரசுப் பள்ளியில் 9ஆம் வகுப்பு படித்து விட்டு தொடர்ந்து படிக்காமல் கடந்த 2 ஆண்டுகளாக வீட்டிலேயே இருந்துள்ளார்.
இடுவாய் ஊராட்சி, பாரதி நகரைச் சேர்ந்த தர்மன் (52) என்ற உறவினர், கடந்த ஆண்டு ஒரு துக்க நிகழ்ச்சிக்காக கரைப்புதூர் வந்துள்ளார். அப்போது முருகன் மகளிடம் பேசி அவரது செல்லிடப்பேசி எண்ணை வாங்கிச் சென்றதோடு தொடர்ந்து அவரிடம் பேசி வந்துள்ளார்.
இந்நிலையில் கடந்த 9ஆம் தேதி வீட்டை வீட்டுச் சென்ற சிறுமி மீண்டும் வீடு திரும்பவில்லை. அவர்களது பெற்றோர் பல இடங்களில் தேடியும் அவரைக் காணாததால் பல்லடம் அனைத்து மகளிர் காவல் நிலையத்தில் புகார் செய்துள்ளனர்.
இந்நிலையில் கடந்த 10ஆம் தேதி தர்மனிடம் செல்லிடப்பேசியில் முருகன் பேசியபோது காணாமல் போன மகள் தர்மனுடன் இருப்பது தெரியவந்தது. இத்தகவலை போலீஸாரிடம் முருகன் தெரிவித்தார்.
இதையடுத்து தர்மன் வீட்டுக்குச் சென்ற போலீஸார் சிறுமியை மீட்டனர். தலைமறைவான தர்மனை தேடி வந்தனர். இந்நிலையில் பல்லடத்தை அடுத்த சின்னகாளிபாளையம் குட்டை பகுதியில் பதுங்கி இருந்த தர்மனை பல்லடம் போலீஸார் சனிக்கிழமை பிடித்து போக்úஸா சட்டத்தின் கீழ் அவரை கைது செய்து கோவை மத்திய சிறையில் அடைத்தனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/சிறுமியை-பாலியல்ரீதியாக-துன்புறுத்திய-முதியவர்-கைது-3058918.html
3058917 கோயம்புத்தூர் திருப்பூர் வஞ்சிபாளையம் பள்ளியை தரம் உயர்த்த கோரிக்கை DIN DIN Sunday, December 16, 2018 03:16 AM +0530  

அவிநாசி ஒன்றியம், வஞ்சிபாளையம் உயர்நிலைப் பள்ளியை, மேல்நிலைப் பள்ளியாக தரம் உயர்த்தும்படி பள்ளிக் கல்வித் துறை அமைச்சர் செங்கோட்டையனிடம் அப்பகுதி பொதுமக்கள் சனிக்கிழமை கோரிக்கை மனு அளித்தனர்.
மங்கலம் மேல்நிலைப் பள்ளியில் நடைபெற்ற விழாவில் பங்கேற்ற பள்ளிக் கல்வித் துறை அமைச்சர் கே.ஏ.செங்கோட்டையனிடன் புதுப்பாளையம் ஊராட்சி மன்ற முன்னாள் தலைவர் பி.முத்துசாமி மற்றும் பொதுமக்கள் அளித்த மனுவில் கூறியிருப்பது:
வஞ்சிபாளையம் அரசு உயர்நிலைப் பள்ளியில் தற்போது 360 மாணவர்கள் படித்து வருகின்றனர். இப்பள்ளி ஒவ்வொரு ஆண்டு 10ஆம் வகுப்பு பொதுத் தேர்விலும் நூறு சதவிகிதம் தேர்ச்சி அடைந்து வருகிறது. ஆனால் இங்கு 10ஆம் வகுப்பு பயின்று வெளியே செல்லும் மாணவர்களில் சுமார் 30 சதவிகிதம் பேர் பல்வேறு காரணங்களால் மேல்நிலைக் கல்வியைத் தொடர இயலாத நிலை உள்ளது.
இந்த 30 சதவீதம் பேரில் பெரும்பாலான பெற்றோர்கள் பொருளாதாரத்தில் பின் தங்கியவர்களாகவும், தாழ்த்தப்பட்ட சமூகத்தைச் சேர்ந்தவர்களாகவும் உள்ளனர்.
இவர்களின் குழந்தைகள் மேல்நிலைக் கல்வி வாய்ப்பு தொடர்வதற்கு வசதியாக வஞ்சிபாளையம் அரசுப் பள்ளியை மேல்நிலைப் பள்ளியாக தரம் உயர்த்த வேண்டும் என்று அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/tiruppur/2018/dec/16/வஞ்சிபாளையம்-பள்ளியை-தரம்-உயர்த்த-கோரிக்கை-3058917.html
3058916 கோயம்புத்தூர் திருப்பூர் பூமிக்கு அருகில் வரும் வால் நட்சத்திரம்: பொதுமக்கள் பார்க்க அறிவியல் கழகம் அழைப்பு DIN DIN Sunday, December 16, 2018 03:16 AM +0530
வானில் வால் நட்சத்திரம் தோன்றும் அரிய நிகழ்வை ஞாயிற்றுக்கிழமை (டிசம்பர் 16) பொதுமக்கள், மாணவர்கள் பார்ப்பதற்காக உடுமலையில் கலிலியோ அறிவியல் கழகம் ஏற்பாடு செய்துள்ளது.
இதுகுறித்து அந்த அமைப்பின் ஒருங்கிணைப்பாளர் கண்ணபிரான் விடுத்துள்ள செய்தி குறிப்பு:
விண்வெளியில் அவ்வப்போது வால் நட்சத்திரங்கள் நகர்வு இருக்கும்.
தற்போது 46 பி விர்ட்டனேன் என்ற வால் நட்சத்திரம் பூமிப் பாதையில் நகர உள்ளது. இந்த வால் நட்சத்திரம் டிசம்பர் 15 முதல் 17 வரை பூமிக்கு மிக அருகில் வருகிறது.
வடகிழக்கு திசையில் நீல வண்ணத்தில் சுடர் விட்டு நகரும் இந்த வால் நட்சத்திரத்தை இந்தியா முழுவதும் தொலை நோக்கி இன்றி வெறும் கண்களால் கூட காண இயலும்.
இந்த வால் நட்சத்திரத்தை கார்ல் விர்ட்டனேன் என்பவர் 1948ஆம் ஆண்டு கண்டுபிடித்தார். இது ஜூபிடர் குடும்பத்தைச் சேர்ந்தது.
இது குறைந்த கால வால்நட்சத்திரம் ஆகும். இதனுடைய விட்டம் 600 மீட்டர். 1950க்கு பிறகு பூமிக்கு அருகில் வரக்கூடிய வால் நட்சத்திரத்திரங்களின் தொலைவில் இது 10ஆவது குறைந்த பட்ச தொலைவாகும். இந்த விர்ட்டனேன் வால் நட்சத்திரம் ஞாயிற்றுக்கிழமை (டிசம்பர் 16) பூமியில் இருந்து 0.078 வானவியல் அலகு தூரத்தில் வர உள்ளது. இது பூமியில் இருந்து சந்திரன் உள்ள தொலைவைப் போல 30 மடங்கு ஆகும்.
ஞாயிற்றுக்கிழமை இரவு 8 மணிக்கும், திங்கள்கிழமை இரவு 7 மணிக்கும் இந்த வால் நட்சத்திரத்தை பார்க்கலாம். இதையடுத்து 20 ஆண்டுகளுக்குப் பின்தான் இவ்வளவு பிரகாசமான வால் நட்சத்திரத்தைப் பார்க்க முடியும்.
ஆன்ட்ராய்டு செல்லிடப்பேசியில் நந்ஹ் ஞ்ன்ண்க்ங் என்ற செயலி மூலம் வால் நட்சத்திரம் உள்ள இடத்தை கண்டறியலாம்.
இந்த அரிய வானியல் நிகழ்வை பார்ப்பதற்காக உடுமலை காந்தி நகர், செல்லம் குடியிருப்பு அருகில் உள்ள மைதானத்தில் ஞாயிற்றுக்கிழமை (டிசம்பர் 16 ) மாலை 7 மணி முதல் தொலைநோக்கி மூலம் பார்க்க ஏற்பாடு செய்யப்பட்டுள்ளது. மாணவர்கள் மற்றும் பொதுமக்கள் அரிய நிகழ்வை கண்டு களிக்கும் இந்த வாய்ப்பைப் பயன்படுத்திக்கொள்ளலாம் என்று தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/tiruppur/2018/dec/16/பூமிக்கு-அருகில்-வரும்-வால்-நட்சத்திரம்-பொதுமக்கள்-பார்க்க-அறிவியல்-கழகம்-அழைப்பு-3058916.html
3058915 கோயம்புத்தூர் திருப்பூர் சாலை விபத்தில் முதியவர் சாவு DIN DIN Sunday, December 16, 2018 03:16 AM +0530
கர்நாடக மாநிலம், கோலார் தங்கவயல் பகுதியைச் சேர்ந்தவர் கமலேஷ்குமார் (58). இவர் பல்லடம் அருகேயுள்ள மகாலட்சுமி நகரில் குடும்பத்துடன் வசித்து வந்தார். பின்னலாடை உள்ளிட்ட தனியார் நிறுவனங்களுக்கு வேலைக்கு ஆள்களை சேர்த்துவிடும் வேலைவாய்ப்பு நிறுவனத்தை நடத்தி வந்தார். இவர் பல்லடம் - திருச்சி சாலையில் உள்ள மாதப்பூரில் ஒரு நிறுவனத்துக்குச் சென்றுவிட்டு பைக்கில் வெள்ளிக்கிழமை வீடு திருப்பிக் கொண்டிருந்தார்.
அப்போது அவ்வழியே வந்த லாரி, பைக் மீது மோதியதில் படுகாயம் அடைந்தார். அவரை மீட்டு பல்லடம் அரசு மருத்துவமனையில் சேர்த்து பின் கோவை தனியார் மருத்துவமனையில் சேர்த்தனர். அங்கு அவர் இறந்தார்.
இதுகுறித்து பல்லடம் போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/சாலை-விபத்தில்-முதியவர்-சாவு-3058915.html
3058914 கோயம்புத்தூர் திருப்பூர் லாரி மோதி காவலாளி சாவு DIN DIN Sunday, December 16, 2018 03:16 AM +0530
வெள்ளக்கோவில் அருகே லாரி மோதியதில் காவலாளி உயிரிழந்தார்.
சொரியங்கிணத்துப்பாளையத்தைச் சேர்ந்தவர் முத்துசாமி (70). இவர் பழைய சந்தைப் பேட்டை அருகில் உள்ள ஒரு தனியார் மருத்துவமனையில் காவலாளியாக வேலை செய்து வந்தார். சம்பவத்தன்று இருசக்கர வாகனத்தில் கரூர் தேசிய நெடுஞ்சாலையில் சேனாபதிபாளையம் பிரிவு அருகே சென்று கொண்டிருந்தார். அப்போது எதிரே வந்த லாரி மோதியதில் சம்பவ இடத்திலேயே உயிரிழந்தார்.
வெள்ளக்கோவில் காவல் ஆய்வாளர் மு.ஜெயபாலன் வழக்குப் பதிவு செய்து விசாரணை நடத்தி வருகிறார்.

 

 

]]>
http://www.dinamani.com/all-editions/edition-coimbatore/tiruppur/2018/dec/16/லாரி-மோதி-காவலாளி-சாவு-3058914.html
3058718 கோயம்புத்தூர் திருப்பூர் விளைநிலங்களில் மின்பாதை அமைக்க எதிர்ப்பு: 8 மாவட்டங்களில் 17இல் விவசாயிகள் போராட்டம் DIN DIN Sunday, December 16, 2018 12:53 AM +0530
தமிழகத்தில் விளைநிலங்களின் வழியாக மின்கோபுரப் பாதை அமைக்க எதிர்ப்புத் தெரிவித்து 8 மாவட்டங்களில் திங்கள்கிழமை (டிசம்பர் 17) முதல் விவசாயிகள் தொடர் காத்திருப்பு போராட்டத்தில் ஈடுபட உள்ளதாக, தமிழ்நாடு விவசாயிகள் பாதுகாப்பு சங்கத் தலைவர் கொங்கு ராஜாமணி கூறினார்.
திருப்பூர் மாவட்டம், பல்லடம் அருகிலுள்ள வி.கள்ளிப்பாளையத்தில் விவசாய விளைநிலங்கள் வழியாக மின்கோபுரப் பாதை அமைக்க எதிர்ப்புத் தெரிவித்து விவசாயிகள் பங்கேற்கும் காத்திருப்புப் போராட்டம் திங்கள்கிழமை நடைபெற உள்ளது.
இதுகுறித்த ஆலோசனைக் கூட்டம் வி.கள்ளிப்பாளையத்தில் சனிக்கிழமை நடைபெற்றது. இதில் பங்கேற்க வந்த தமிழ்நாடு விவசாயிகள் பாதுகாப்பு சங்கத் தலைவர் கொங்கு ராஜாமணி செய்தியாளர்களிடம் கூறியதாவது:
மத்திய அரசின் பவர் கிரிட் நிறுவனம், தமிழ்நாடு மின் தொடரமைப்புக் கழகம் ஆகியவை கோவை, திருப்பூர், ஈரோடு, நாமக்கல், கரூர், திண்டுக்கல், திருச்சி, சேலம், தர்மபுரி, கிருஷ்ணகிரி, வேலூர், திருவண்ணாமலை, விழுப்புரம் ஆகிய 13 மாவட்டங்களில் விளைநிலங்களின் வழியாக மின்கோபுரங்களை நிறுவும் பணியை மேற்கொண்டுள்ளன. இத்திட்டத்தால் 2.50 லட்சம் விவசாயிகளின் வாழ்வாதாரம் பாதிக்கப்படும்.
கேரளத்தில் உள்ளது போல சாலையோரம் கேபிள் மூலம் மின்பாதை அமைக்கும் திட்டத்தை தமிழகத்தில் செயல்படுத்த வேண்டும். குஜராத் மாநிலத்தில் ஏற்கெனவே நிறுவப்பட்ட மின்கோபுரங்களை அகற்றிவிட்டு புதிய வழித்தடத்தில் கேபிள் மூலம் மின்சாரம் கொண்டுசெல்ல திட்ட மதிப்பீடு தயாரிக்கப்பட்டு வருவதை தமிழக அரசு உணர வேண்டும்.
தமிழகத்தில் விவசாய விளைநிலத்தின் வழியாக மின்கோபுரப் பாதை அமைக்கக் கூடாது. அதற்குப் பதிலாக சாலையோரம் கேபிள் வழியாக மின்சாரம் கொண்டுசெல்ல வேண்டும் என்று வலியுறுத்தி, தமிழகத்தில் திங்கள்கிழமை (டிசம்பர் 17) காலை 10 மணி முதல் வி.கள்ளிப்பாளையம் (திருப்பூர்), சுல்தான்பேட்டை (கோவை), மூலக்கரை (ஈரோடு), படைவீடு (நாமக்கல்), வாழப்பாடி (சேலம்), கிளிப்பட்டு (திருவண்ணாமலை), பென்னாகரம் (தர்மபுரி) வேலூர் உள்ளிட்ட 8 இடங்களில் விவசாயிகள் சார்பில் தொடர் காத்திருப்புப் போராட்டம் நடைபெற உள்ளது என்றார்.
இந்தக் கூட்டத்தில் வாவிபாளையம் ஊராட்சி முன்னாள் தலைவர் பார்த்தசாரதி, தமிழ்நாடு விவசாயிகள் பாதுகாப்பு சங்கத்தின் மாநிலச் செயலாளர் முத்துவிஸ்வநாதன், திருப்பூர் மாவட்டத் தலைவர் நாச்சிமுத்து, தமிழ்நாடு விவசாயிகள் சங்கத்தின் ஒன்றியச் செயலாளர் வை.பழனிசாமி, பூமலூர் சிவகுமார், விஸ்வநாதன் உள்பட பலர் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/16/விளைநிலங்களில்-மின்பாதை-அமைக்க-எதிர்ப்பு-8-மாவட்டங்களில்-17இல்-விவசாயிகள்-போராட்டம்-3058718.html
3058457 கோயம்புத்தூர் திருப்பூர் சோடஷ மகாலட்சுமி மகா யாகம்: பணிகள் தீவிரம் DIN DIN Saturday, December 15, 2018 04:57 AM +0530
பல்லடம் அருகே பொங்கலூரில் இந்து முன்னணி சார்பில் டிசம்பர் 23 முதல் 25 ஆம் தேதி வரை நடைபெறவுள்ள சோடஷ மகாலட்சுமி மகா யாக நிகழ்ச்சிக்கான ஏற்பாடுகள் தீவிரமாக நடைபெற்று வருகின்றன.
இதுகுறித்து இந்து முன்னணி மாநிலச் செயலாளர் கிஷோர்குமார் கூறியதாவது:
தொழில் வளம், விவசாயம் செழிக்க இந்து முன்னணி சார்பில் சோடஷ மகாலட்சுமி மகா யாகம் திருப்பூர் மாவட்டம், பல்லடம் அருகேயுள்ள பொங்கலூர் தில்லை நகரில் வரும் டிசம்பர் 23 ஆம் தேதி முதல் 25 ஆம் தேதி வரை நடைபெறவுள்ளது. இதில் ஒரு லட்சம் குடும்பத்தினர் பங்கேற்கின்றனர்.
யாக குண்ட வளாகத்தில் ஐம்பொன்னாலான மகாலட்சுமி சிலை பிரதிஷ்டை செய்யப்பட்டுள்ளது. இதற்கு தினமும் அபிஷேகம் நடைபெற்று வருகின்றது. யாக வேள்வி பகுதிக்கு வருவதற்கு ஒரு வழியும், வெளியே செல்வதற்கு மற்றொரு வழியும் ஏற்படுத்தப்பட்டுள்ளது. கார், இருசக்கர வாகனங்கள் நிறுத்துவதற்கு வசதியாக 300 ஏக்கர் நிலம் ஏற்பாடு செய்யப்பட்டுள்ளது.
பொதுமக்கள் தங்களது வாகனங்களை வசதியாக நிறுத்திவிட்டு விழா நடக்கும் இடத்துக்கு வருவதற்கும், மீண்டும் வாகன நிறுத்துமிடத்துக்கு செல்வதற்கும் இந்து முன்னணி சார்பில் தனியாக வாகன ஏற்பாடு செய்யப்பட்டுள்ளது. யாக நிகழ்ச்சியை அனைத்து மக்களும் காண வசதியாக 15 இடங்களில் பெரிய அளவிலான எல்இடி டி.வி.க்கள் அமைக்கப்பட உள்ளன. மூன்று நாள்களும் நடக்கும் யாக நிகழ்ச்சியில் 5 லட்சம் பேருக்கு அன்னதானம் வழங்குவதற்கான ஏற்பாடு செய்யப்பட்டுள்ளது. பொதுமக்களுக்கு வசதியாக பல்வேறு இடங்களில் மொபைல் டாய்லெட் அமைக்கப்படவுள்ளது. யாக ஏற்பாடுகளை கவனிக்க 44 குழுக்கள் அமைக்கப்பட்டுள்ளன. இந்தக் குழுவில் 5 ஆயிரம் பேர் இடம் பெற்றுள்ளனர் என்றார்.

]]>
http://www.dinamani.com/all-editions/edition-coimbatore/tiruppur/2018/dec/15/சோடஷ-மகாலட்சுமி-மகா-யாகம்-பணிகள்-தீவிரம்-3058457.html
3058456 கோயம்புத்தூர் திருப்பூர் திருப்பூரில் ரசாயன கிடங்கில் தீ விபத்து DIN DIN Saturday, December 15, 2018 04:57 AM +0530
திருப்பூரில் ரசாயன கிடங்கில் ஏற்பட்ட தீ விபத்தில் பல லட்சம் மதிப்பிலான பொருள்கள் எரிந்து சேதமாயின.
திருப்பூர் வாலிபாளையம் பகுதியைச் சேர்ந்தவர் சக்திவேல். இவருக்கு சொந்தமான ரசாயன கிடங்கு குமரன் சாலையில் செயல்பட்டு வருகிறது. இந்நிலையில் இங்கு வெள்ளிக்கிழமை திடீர் தீ விபத்து ஏற்பட்டுள்ளது. தகவலறிந்து சம்பவ இடத்துக்கு வந்த திருப்பூர் தெற்கு மற்றும் வடக்கு தீயணைப்புத் துறையினர் 6 தீயணைப்பு வாகனங்களில் தீயை அணைக்கும் பணியில் ஈடுபட்டனர்.
முழுவதும், சாயமிட பயன்படும் வேதிப் பொருள்கள் வைத்திருந்ததால் கேன்களில் தீப் பிடித்து வெடித்து சிதற துவங்கின. இதனால் தீயை அணைப்பதில் தாமதம் ஏற்பட்டது. மேலும் கிடங்கில் இருக்கும் ஒரே கதவு வழியாக தீயணைப்பு வீரர்கள் தீயை அணைக்க வேண்டி இருந்ததால் பெரும் சவாலான நிலைமை ஏற்பட்டது.
இதையடுத்து, தீயை அணைக்க நுரைவகை தீயணைப்பான்கள் பயன்படுத்தப்பட்டு தீயை அணைக்கும் முயற்சி மேற்கொள்ளப்பட்டும் தீ கட்டுக்குள் வராததால் மண் மற்றும் சுண்ணாம்புகளை கொட்டி 2 மணி நேரம் போராடி தீயைக் கட்டுக்குள் கொண்டுவந்தனர்.

 

]]>
http://www.dinamani.com/all-editions/edition-coimbatore/tiruppur/2018/dec/15/திருப்பூரில்-ரசாயன-கிடங்கில்-தீ-விபத்து-3058456.html
3058455 கோயம்புத்தூர் திருப்பூர் நகராட்சி துவக்கப் பள்ளியில் உணவுத் திருவிழா DIN DIN Saturday, December 15, 2018 04:56 AM +0530
திருப்பூர் புதுராமகிருஷ்ணபுரம் நகராட்சி துவக்கப் பள்ளியில் உணவுத் திருவிழா வெள்ளிக்கிழமை நடைபெற்றது.
இந்நிகழ்ச்சிக்கு கிராம கல்விக் குழுத் தலைவர் முருகசாமி தலைமை வகித்தார். பள்ளி தலைமை ஆசிரியை செல்வராணி வரவேற்றார். மேல்நிலைப் பள்ளி தலைமை ஆசிரியர் குமாரசாமி, பள்ளி வளர்ச்சிக் குழு உறுப்பினர் ஈஸ்வரன் ஆகியோர் வாழ்த்துரை வழங்கினர்.
இவ்விழாவில், ஆசிரியர்கள், மாணவர்கள், பெற்றோர்களின் ஒத்துழைப்போடு 200க்கும் மேற்பட்ட சத்தான, பாரம்பரிய, ஆரோக்கியமான உணவு வகைகள் தயாரிக்கப்பட்டு பார்வைக்கு வைக்கப்பட்டன. உதவி ஆசிரியர் மோகன் நன்றி கூறினார்.

 

]]>
http://www.dinamani.com/all-editions/edition-coimbatore/tiruppur/2018/dec/15/நகராட்சி-துவக்கப்-பள்ளியில்-உணவுத்-திருவிழா-3058455.html
3058454 கோயம்புத்தூர் திருப்பூர் வளர்ச்சிப் பணிகளை விரைவில் முடிக்க அதிகாரிகளுக்கு அமைச்சர் அறிவுரை DIN DIN Saturday, December 15, 2018 04:56 AM +0530
வளர்ச்சித் திட்டப் பணிகளை விரைவில் முடிக்க வேண்டும் என கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் அதிகாரிகளுக்கு அறிவுரை வழங்கினார்.
உடுமலை சட்டப் பேரவைத் தொகுதிக்கு உள்பட்ட குடிமங்கலம் ஒன்றியத்தில் குப்பம்பாளையம் ஊராட்சி, ஆமந்தகடவு ஊராட்சி, கொசவம்பாளையம் ஊராட்சி, வாகத்தொழுவு ஊராட்சி, அணிக்கடவு ஊராட்சி, ராமசந்திராபுரம் ஊராட்சி, விருகல்பட்டி ஊராட்சி, புதுப்பாளையம் ஊராட்சி, குடிமங்கலம் ஊராட்சி ஆகிய ஊராட்சிகளுக்கு உள்பட்ட பகுதிகளில் தார் சாலைப் பணிகள், மேல்நிலைத் தொட்டி, கான்கிரீட் சாலை, பேவர் பிளாக் அமைக்கும் பணிகள் ஆகியவற்றுக்கு ரூ. 3 கோடியே 67 லட்சம் மதிப்பிலான பணிகள் மேற்கொள்ளத் திட்டமிடப்பட்டது.
அதன்படி, இப்பணிகளுக்கான நிதிகள் ஒதுக்கப்பட்டு அதற்கான பூமிபூஜைகள் வெள்ளிக்கிழமை நடைபெற்றது.
கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் சிறப்பு விருந்தினராப் பங்கேற்று இதற்கான பணிகளைத் தொடக்கிவைத்தார். அப்போது, வளர்ச்சித் திட்டப் பணிகளை விரைவில் முடிக்க வேண்டும் என அதிகாரிகளுக்கு அமைச்சர் ராதாகிருஷ் ணன் உத்தரவிட்டார். இதில், மாவட்ட ஊரக முகமைத் திட்ட இயக்குநர் ரமேஷ்குமார், வட்டார வளர்ச்சி அலுவலர்கள் இ.எம்.சுப்பிரமணியம், செ.மகேந்திரன், துறை அதிகாரிகள், அதிமுக நிர்வாகிகள் கலந்துகொண்டனர்.

 

]]>
http://www.dinamani.com/all-editions/edition-coimbatore/tiruppur/2018/dec/15/வளர்ச்சிப்-பணிகளை-விரைவில்-முடிக்க-அதிகாரிகளுக்கு-அமைச்சர்-அறிவுரை-3058454.html
3058453 கோயம்புத்தூர் திருப்பூர் திருப்பூரில் போலீஸார், குடும்பத்தினருக்குப் பயிற்சி முகாம் DIN DIN Saturday, December 15, 2018 04:56 AM +0530
போலீஸார், அவர்களது குடும்பத்தினருக்கான பயிற்சி முகாம் திருப்பூரில் வெள்ளிக்கிழமை தொடங்கியது.
திருப்பூர் மாவட்டத்தில் பணியாற்றும் போலீஸாருக்கு, காவலர் மன நிறை வாழ்வு என்ற பயிற்சி முகாம், திருப்பூர் மாவட்ட காவல் கண்காணிப்பாளர் அலுவலகத்தில் தொடங்கியது. முகாமை கோவை சரக காவல் துறை துணைத் தலைவர் கார்த்திகேயன் தொடக்கிவைத்தார். மாவட்ட கூடுதல் கண்காணிப்பாளர் குணசேகரன், மனித உரிமைப் பிரிவு துணைக் காவல் கண்காணிப்பாளர் கலிவரதன் ஆகியோர் முன்னிலை வகித்தனர்.
இந்தப் பயிற்சி முகாம், ஓராண்டு காலத்துக்குள் மாவட்டத்தில் உள்ள அனைத்து போலீஸாருக்கும் நடைபெற உள்ளது. இதில், மன உளைச்சல், மன அழுத்தத்தைப் போக்கும் விதமாக யோகா உள்ளிட்ட பயிற்சிகள் அளிக்கப்படுகின்றன.
வாரம்தோறும் மூன்று நாள்கள் நடைபெறும் இந்த முகாமில், வெள்ளி, சனிக்கிழமை ஆகிய இரு நாள்கள் போலீஸாருக்கும், ஞாயிற்றுக்கிழமை அவர்களது குடும்பத்தினர் மற்றும் குழந்தைகள் பங்கேற்பர்.

 

]]>
http://www.dinamani.com/all-editions/edition-coimbatore/tiruppur/2018/dec/15/திருப்பூரில்-போலீஸார்-குடும்பத்தினருக்குப்-பயிற்சி-முகாம்-3058453.html
3058452 கோயம்புத்தூர் திருப்பூர் அரசு மருத்துவமனையை தரம் உயர்த்தக் கோரி ஆர்ப்பாட்டம் DIN DIN Saturday, December 15, 2018 04:56 AM +0530
உடுமலை அரசு மருத்துவமனையை மாவட்ட தலைமை மருத்துவமனையாக தரம் உயர்த்தக் கோரி ஆர்ப்பாட்டம் வெள்ளிக்கிழமை நடைபெற்றது.
இந்திய ஜனநாயக வாலிபர் சங்கம் சார்பில், உடுமலை வட்டாட்சியர் அலுவலகம் எதிரில் நடைபெற்ற இந்த ஆர்ப்பாட்டத்துக்கு, நகரச் செயலாளர் டி.சுரேஷ் தலைமை வகித்தார். நிர்வாகிகள் சு.தமிழ்தென்றல், த.பிரியா, எம்.அய்யனார் ஆகியோர் முன்னிலை வகித்தனர்.
ஆர்ப்பாட்டத்தில், உடுமலை அரசு மருத்துவமனையில் மருத்துவர், செவிலியர் பற்றாக்குறையைப் போக்க வேண்டும். போதிய படுக்கை வசதிகளை உருவாக்க வேண்டும். உடுமலை அரசு மருத்துவமனைக்கு எதிரில் உள்ள நகராட்சிக்குச் சொந்தமான 96 சென்ட் இடத்தை மருத்துவமனை விரிவாக்கத்துக்கு எடுத்துக் கொள்ள தமிழக அரசு நடவடிக்கை எடுக்க வேண்டும். சி.டி. ஸ்கேன், எம்.ஆர்.ஐ. ஸ்கேன் ஆகிய வசதிகளை செய்து கொடுக்க வேண்டும். நோயாளிகளை தனியார் மருத்துவமனைக்கு அனுப்பி வைக்கக் கூடாது. பிரஷர், சுகர் மாத்திரைகள் தங்குதடையின்றி கிடைக்க ஏற்பாடு செய்ய வேண்டும்.
மருத்துவமனைக்குள் லஞ்சத்தை தடுத்து நிறுத்த வேண்டும். தீ காயங்களுக்கு முறையான சிகிச்சை கிடைக்க ஏற்பாடு செய்ய வேண்டும். மருத்துவமனை வளாகத்தில் நிலவும் சுகாதார சீர்கேட்டைப் போக்க வேண்டும். ஒப்பந்தத் தொழிலாளர்களைப் பணி நிரந்தரம் செய்ய வேண்டும். மருத்துவமனை வளாகத்துக்குள் மதப் பிரசாரம், பூஜைகள் நடத்த அனுமதிக்கக் கூடாது. உடுமலை அரசு மருத்துவமனையை மாவட்ட தலைமை மருத்துவமனையாகத் தரம் உயர்த்த வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன.
இதில், திருப்பூர் மாவட்டச் செயலாளர் செ.மணிகண்டன், பொருளாளர் ஆர்.ஓம்பிரகாஷ், ஒன்றியச் செயலாளர் த.லோகேஷ்வரன் உள்ளிட்ட 50 க்கும் மேற்பட்டோர் கலந்துகொண்டனர்.

 

]]>
http://www.dinamani.com/all-editions/edition-coimbatore/tiruppur/2018/dec/15/அரசு-மருத்துவமனையை-தரம்-உயர்த்தக்-கோரி-ஆர்ப்பாட்டம்-3058452.html
3058451 கோயம்புத்தூர் திருப்பூர் கராத்தே போட்டி: ஸ்ரீராஜராஜேஸ்வரி மெட்ரிக் பள்ளி மாணவர்கள் சிறப்பிடம் DIN DIN Saturday, December 15, 2018 04:55 AM +0530
திருப்பூரில் நடைபெற்ற மாநில கராத்தே போட்டியில் ஸ்ரீராஜராஜேஸ்வரி மெட்ரிக் மேல்நிலைப் பள்ளி மாணவர்கள் அதிகப் பதக்கங்களைப் பெற்றுள்ளனர்.
ஷேடோகாய் கராத்தே அமைப்பு சார்பில் 17ஆவது மாநிலஅளவிலான கராத்தே போட்டி, 2ஆவது ஷிகான் ஷா கோப்பைக்கான கராத்தே போட்டிகள் திருப்பூரில் நடைபெற்றன. இதில், காங்கயம் ஸ்ரீராஜராஜேஸ்வரி மெட்ரிக் பள்ளியைச் சேர்ந்த 12ஆம் வகுப்பு மாணவர் ஆர்.ஹரிஷ் சீனியர் பிளாக் பெல்ட் பிரிவில் தங்கம் வென்றார்.
மேலும், இவர் மாநில அளவிலான போட்டிக்கும் தகுதி பெற்றுள்ளார்.
12ஆம் வகுப்பு மாணவர் என்.பிரவீன்குமார் ஜூனியர் பிரிவில் தனது திறமையை வெளிப்படுத்தினார். கட்டா என்னும் போட்டியில் 11-12 வயதுப் பிரிவில் மாணவி கே.கவிப்பிரியா, மாணவன் ஆர்.ஏ.கெளசிக் ஆகியோர் வெண்கலப் பதக்கம் பெற்றுள்ளனர்.
போட்டியில் வெற்றி பெற்ற மாணவர்களை பள்ளித் தாளாளர் கே.வைத்தீஸ்வரன், பள்ளி முதல்வர் மு.ப.பழனிவேலு மற்றும் ஆசிரிய, ஆசிரியைகள் பாராட்டினர்.

 

]]>
http://www.dinamani.com/all-editions/edition-coimbatore/tiruppur/2018/dec/15/கராத்தே-போட்டி-ஸ்ரீராஜராஜேஸ்வரி-மெட்ரிக்-பள்ளி-மாணவர்கள்-சிறப்பிடம்-3058451.html
3058450 கோயம்புத்தூர் திருப்பூர் இன்றைய (டிசம்பர் 15) மின்தடை: காங்கயம் DIN DIN Saturday, December 15, 2018 04:55 AM +0530
காங்கயம் துணை மின் நிலையத்தில் பராமரிப்புப் பணிகள் நடைபெற உள்ளதால் கீழ்க்கண்ட பகுதிகளில் சனிக்கிழமை (டிசம்பர் 15) காலை 9 முதல் மாலை 5 மணி வரை மின் விநியோகம் இருக்காது.
மின் விநியோகம் தடைபடும் இடங்கள்: காங்கயம் நகரம், அகஸ்திலிங்கம்பாளையம், செம்மங்காளிபாளையம், அர்த்தநாரிபாளையம், பொத்தியபாளையம், சிவன்மலை, நால்ரோடு, படியூர்.

 

]]>
http://www.dinamani.com/all-editions/edition-coimbatore/tiruppur/2018/dec/15/இன்றைய-டிசம்பர்-15-மின்தடை-காங்கயம்-3058450.html
3058449 கோயம்புத்தூர் திருப்பூர் வீட்டின் பூட்டை உடைத்து ரூ. 30 லட்சம், 15 பவுன் திருட்டு DIN DIN Saturday, December 15, 2018 04:55 AM +0530
உடுமலை நகரை ஒட்டியுள்ள பகுதியில் வீட்டின் பூட்டை உடைத்து ரூ. 30 லட்சம், 15 பவுன் நகையை திருடிச் சென்ற மர்ம நபர்கள் குறித்து போலீஸார் விசாரணை நடத்தி வருகின்றனர்.
உடுமலை அருகே உள்ள கணக்கம்பாளையம் ஊராட்சி ஆர்.ஜி.நகர் மூன்றாவது வீதியைச் சேர்ந்தவர் ஈஸ்வரமூர்த்தி (52). ராணுவத்தில் சுபேதாராகப் பணியாற்றி ஓய்வுபெற்றவர். இந்நிலையில், பொள்ளாச்சியை அடுத்துள்ள ஆனைமலைக்கு திருமண விழாவில் பங்கேற்பதற்காக தனது மனைவி சங்கீதாவுடன் வியாழக்கிழமை மாலை சென்றுள்ளார்.
பின்னர், இருவரும் நள்ளிரவில் வீடு திரும்பியபோது, வீட்டின் முன்பக்க கதவு உடைக்கப்பட்டிருப்பது கண்டு இருவரும் அதிர்ச்சி அடைந்தனர்.
வீட்டுக்குள் சென்று பார்த்தபோது, பீரோ உடைக்கப்பட்டிருப்பதும், அதில் இருந்த ரூ. 30 லட்சம், 15 பவுன் நகை ஆகியவை காணாமல் போனதும் தெரியவந்தது.
இதைத் தொடர்ந்து, ஈஸ்வரமூர்த்தி அளித்த தகவலின்பேரில், டி.எஸ்.பி. வேலுமணி (பொ) தலைமையிலான உடுமலை போலீஸார் சம்பவ இடத்துக்குச் சென்று வெள்ளிக்கிழமை விசாரணை நடத்தினர். இதுகுறித்து வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/15/வீட்டின்-பூட்டை-உடைத்து-ரூ-30-லட்சம்-15-பவுன்-திருட்டு-3058449.html
3058065 கோயம்புத்தூர் திருப்பூர் கோயில் நிலத்தில் நீதிமன்ற உத்தரவை மீறி பால் பண்ணை கட்டுமானப் பணி: இந்து அறநிலையத் துறை உதவி ஆணையர் புகார் DIN DIN Saturday, December 15, 2018 12:55 AM +0530
ஊதியூர் அருகே கோயில் நிலத்தில் நீதிமன்ற உத்தரவை மீறி கட்டுமானப் பணிகள் நடைபெறுவதை வருவாய்த் துறையினர் தடுக்க முனையாததோடு, அதற்கு போலீஸ் பாதுகாப்பும் வழங்கப்பட்டிருப்பதாக இந்து சமய அறநிலையத் துறை உதவி ஆணையர் புகார் தெரிவித்துள்ளார்.
திருப்பூர் மாவட்டம், காங்கயம் தாலுகா, ஊதியூர் அருகே குண்டடம் செல்லும் சாலையில் ஊதியூர் மலை அடிவாரத்தில் 95 ஏக்கர் பரப்பளவில் தனியார் பால் நிறுவனம் ஒன்று, பால் பண்ணை அமைப்பதற்காக கட்டுமானப் பணிகளை கடந்த ஆண்டு ஜனவரி மாதம் தொடங்கியது. கட்டுமானப் பணிகள் விரைந்து நடைபெற்று வந்த நிலையில், கட்டுமானப் பணிகள் நடைபெறும் நிலம் முழுவதும் ஊதியூரில் உள்ள புகழ்பெற்ற உத்தண்ட வேலாயுதசாமி கோயிலுக்குச் சொந்தமானது எனக் கூறி, இந்துசமய அறநிலையத் துறை சார்பில் புகார் கொடுக்கப்பட்டது. அத்துடன், கட்டுமானப் பணிகளைத் தடுத்து நிறுத்த வலியுறுத்தி இந்து முன்னணி உள்ளிட்ட இந்து அமைப்பினர் போராட்டத்தில் ஈடுபட்டனர்.
இதையடுத்து, ஆட்சியர் உத்தரவின்பேரில், காங்கயம் வட்டாட்சியர் கடந்த ஆண்டு நவம்பர் மாதம் கட்டுமானப் பணிகளை நிறுத்த உத்தரவிட்டார். அதைத் தொடர்ந்து கட்டுமானப் பணிகள் நிறுத்தப்பட்டன. அத்துடன் அந்த இடத்துக்கு சிவன்மலை கோயில் நிர்வாகம் சார்பில் காவலுக்குப் பணியாளர்களும் நியமிக்கப்பட்டனர். அத்துடன் சம்பந்தப்பட்ட பால் நிறுவனத்தின் காவலர்களும் இருந்து வந்தனர்.
இந்நிலையில், தனியார் பால் நிறுவனத்தின் கட்டுமானப் பணி நடைபெறும் இடத்தில் டிசம்பர் 10 ஆம் தேதி காலை திடீரென போலீஸார் குவிக்கப்பட்டதோடு, 100 க்கும் மேற்பட்ட தொழிலாளர்கள் பணிகளில் ஈடுபட்டு வந்தனர்.
இதுகுறித்து, போலீஸ் தரப்பில் விசாரித்தபோது தாராபுரம் உதவி ஆட்சியரிடம் கட்டுமானப் பணிகளைத் தொடர சம்பந்தப்பட்ட பால் நிறுவனம் அனுமதி பெற்றிருப்பதாகத் தெரிவித்தனர். காங்கயம் வட்டாட்சியர் மகேஸ்வரனும் இதே கருத்தை தெரிவித்தார்.
இந்நிலையில், சிவன்மலை இந்து சமய அறநிலையத் துறை உதவி ஆணையர் கண்ணதாசன், நீதிமன்ற உத்தரவை மீறி கோயில் நிலத்தில் காவல் துறை, வருவாய்த் துறை உதவியோடு கட்டுமானப் பணிகளை மேற்கொள்வதாக புகார் தெரிவித்துள்ளார்.
இதுகுறித்து, உதவி ஆணையர் கண்ணதாசன் கூறியதாவது:
தற்போது பால் பண்ணை கட்டுமானப் பணிகள் நடைபெறும் நிலம் முழுவதும் ஊதியூர் உத்தண்ட வேலாயுதசாமி கோயிலுக்குச் சொந்தமானதாகும். இங்கு கட்டுமானப் பணிகள் நடப்பது குறித்த தகவல் கிடைத்தவுடன் நடவடிக்கை மேற்கொண்டு, கட்டுமானப் பணிகளைத் தடுத்து நிறுத்தினோம். அதன் பின்னர் அந்த நிலம் கோயிலுக்கு பாத்தியப்பட்ட நிலம் இல்லை என்று பிப்ரவரி 2 ஆம் தேதி தாராபுரம் உதவி ஆட்சியர் உத்தரவு பிறப்பித்திருந்தார். அந்த உத்தரவை ரத்து செய்யக் கோரி, சென்னை உயர் நீதிமன்றத்தில் ரிட் மனு தாக்கல் செய்யப்பட்டது. உயர் நீதிமன்றம் உதவி ஆட்சியரின் உத்தரவை ரத்து செய்த நிலையில், பால் நிறுவனத்தினர் மேல்முறையீடு செய்தனர். மேல் முறையீட்டு மனுவும் ஜூன் 20 ஆம் தேதி உயர் நீதிமன்றத்தால் தள்ளுபடி செய்யப்பட்டுவிட்டது.
நிலைமை இவ்வாறு இருக்க, நீதிமன்ற உத்தரவை மீறி தனியார் நிறுவனத்தினர் கட்டுமானப் பணியில் ஈடுபட்டுள்ளனர். இது தொடர்பாக மேல் நடவடிக்கை எடுக்க ஏற்பாடு செய்து வருகிறோம் என்றார்.
இதுதொடர்பாக, உத்தண்ட வேலாயுதசாமி கோயில் பக்தர்கள் கூறியதாவது:
ஊதியூரைச் சுற்றிலும் உத்தண்ட வேலாயுதசாமி கோயிலுக்குச் சொந்தமாக பல நூற்றுக்கணக்கான ஏக்கர் நிலம் உள்ளது. அந்த நிலங்களை விவசாயிகள் குத்தகைக்கு எடுத்து அனுபவித்து வருகின்றனர். இதில், சிலர் போலியாக பட்டா தயார் செய்து விற்பனை செய்துள்ளனர். அவ்வாறு விற்பனை செய்யப்பட்ட நிலங்களை சம்பந்தப்பட்ட அதிகாரிகள் பாரபட்சமின்றி நடவடிக்கை மேற்கொண்டு, மீட்க வேண்டும் என்றனர்.
இப்பிரச்னை தொடர்பாக இந்து முன்னணியின் திருப்பூர் கிழக்கு மாவட்டத் தலைவர் தமிழ்செல்வன் கூறியதாவது:
உத்தண்ட வேலாயுதசாமி கோயில் நிலத்தில் சட்டவிரோதமாக கட்டுமானப் பணிகள் நடைபெறுவதாக அறிந்தோம். இதுதொடர்பாக மாநில நிர்வாகிகளுடன் ஆலோசனை செய்து வருகிறோம். கட்டுமானப் பணிகளை நிறுத்தக் கோரியும், கோயில் நிலத்திலிருந்து சம்பந்தப்பட்ட நிறுவனத்தை வெளியேற்றவும் வலியுறுத்தி மிகப் பெரிய போராட்டத்தை இந்து முன்னணி சார்பில் விரைவில் நடத்த உள்ளோம் என்றார்.

 

]]>
http://www.dinamani.com/all-editions/edition-coimbatore/tiruppur/2018/dec/15/கோயில்-நிலத்தில்-நீதிமன்ற-உத்தரவை-மீறி-பால்-பண்ணை-கட்டுமானப்-பணி-இந்து-அறநிலையத்-துறை-உதவி-ஆணையர்-ப-3058065.html
3057534 கோயம்புத்தூர் திருப்பூர் குத்துச்சண்டை போட்டி: தாமரை மெட்ரிக். பள்ளி மூன்றாமிடம் DIN DIN Friday, December 14, 2018 01:49 AM +0530
திருப்பூரில் நடைபெற்ற பள்ளிகளுக்கு இடையேயான மாநில அளவிலான குத்துச் சண்டை போட்டியில், கொடுமுடியை அடுத்த தாமரைப்பாளையம் தாமரை மெட்ரிக். பள்ளி மாணவர் மூன்றாமிடம் பிடித்துள்ளார்.
திருப்பூர் மாவட்டம், முத்தூர் விவேகானந்தா மெட்ரிக் பள்ளி வளாகத்தில் கடந்த 10 நாள்களாக நடைபெற்ற பள்ளிகளுக்கு இடையேயான குத்துச் சண்டை போட்டியில் தமிழகம் முழுவதும் இருந்து 1,200 க்கும் மேற்பட்ட மாணவர்கள் பங்கேற்றனர்.
இதில், தாமரை மெட்ரிக். பள்ளியில் பயிலும் 12 ஆம் வகுப்பு மாணவர் கார்த்திக் பங்கேற்று மூன்றாவது இடம் பெற்றார்.
வெற்றி பெற்ற மாணவர் கார்த்திக், உடற்கல்வி இயக்குநர் சுரேஷ்குமார் ஆகியோரை பள்ளித் தாளாளர் ராஜா, செயலாளர் ஆனந்த், பள்ளி முதல்வர் அசோக், ஆசிரியர்கள், பெற்றோர் பாராட்டினர்.

 

]]>
http://www.dinamani.com/all-editions/edition-coimbatore/tiruppur/2018/dec/14/குத்துச்சண்டை-போட்டி-தாமரை-மெட்ரிக்-பள்ளி-மூன்றாமிடம்-3057534.html
3057357 கோயம்புத்தூர் திருப்பூர் அரசுப் பள்ளியில் 940 மாணவர்களுக்கு விலையில்லா மிதிவண்டிகள் DIN DIN Friday, December 14, 2018 12:53 AM +0530
திருப்பூர் குமார் நகர் மேல்நிலைப்பள்ளியில் 3 பள்ளிகளைச் சேர்ந்த மாணவ, மாணவியருக்கு தமிழக அரசின் விலையில்லா மிதிவண்டிகளை எம்.எல்.ஏ. கே.என்.விஜயகுமார் வியாழக்கிழமை வழங்கினார்.
திருப்பூர் வடக்கு தொகுதிக்கு உள்பட்ட குமார் நகர் மாநகராட்சி மேல்நிலைப் பள்ளி, பத்மாவதிபுரம் மாநகராட்சி உயர்நிலைப் பள்ளி, வெங்கமேடு வி.கே. அரசு மேல்நிலைப் பள்ளிகளைச் சேர்ந்த மாணவ, மாணவியருக்கு விலையில்லா மிதிவண்டிகள் வழங்கும் விழா குமார் நகர் பள்ளியில் வியாழக்கிழமை நடைபெற்றது.
விழாவுக்கு மாவட்ட கல்வி அலுவலர் சித்ரா தலைமை வகித்தார். குமார் நகர் பள்ளி தலைமையாசிரியை காயத்ரி வரவேற்றார். இதில் திருப்பூர் வடக்குத் தொகுதி சட்டப் பேரவை உறுப்பினர் கே.என்.விஜயகுமார் பங்கேற்று 3 பள்ளிகளைச் சேர்ந்த 940 மாணவர்களுக்கு மிதிவண்டிகளை வழங்கினார்.
இதில் மண்டல தலைவர்கள் ராதாகிருஷ்ணன், ஜான், முன்னாள் கூட்டுறவு சங்க நிர்வாகி கருணாகரன், பொறுப்பாளர் கணேஷ், முன்னாள் கவுன்சிலர்கள் ஈஸ்வரன், சின்னசாமி, பாலசுப்பிரமணியம், சுப்பு, ஐஸ்வர்ய மகாராஜா உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/அரசுப்-பள்ளியில்-940-மாணவர்களுக்கு-விலையில்லா-மிதிவண்டிகள்-3057357.html
3057356 கோயம்புத்தூர் திருப்பூர் பிளாஸ்டிக் பைகளுக்கு மாற்றாக துணிப் பை வழங்கும் நிகழ்ச்சி DIN DIN Friday, December 14, 2018 12:52 AM +0530
பள்ளிக் கல்வித் துறையின் சார்பில் மாணவர்களுக்கு பிளாஸ்டிக் பைகளுக்கு மாற்றாக துணிப் பை வழங்கும் நிகழ்ச்சி ஊத்துக்குளி கொங்கு மெட்ரிக் மேல்நிலைப்பள்ளி வளாகத்தில் வியாழக்கிழமை நடைபெற்றது.
நிகழ்ச்சிக்கு ஆட்சியர் கே.எஸ்.பழனிசாமி தலைமை வகித்து, 1900 மாணவ, மாணவியருக்கு துணிப் பைகளை வழங்கி பேசியதாவது:
மாணவர்கள், தங்களின் பெற்றோர்கள், நண்பர்கள் மற்றும் சுற்றத்தார் அனைவரிடமும் பிளாஸ்டிக் பொருள்களால் ஏற்படும் கொடிய நோய்கள் மற்றும் தீமைகள் குறித்து எடுத்துரைக்க வேண்டும்.
ஒவ்வொரு மாணவ, மாணவியருக்கும் தங்களுடைய வீட்டின் அருகாமையில் அதிக அளவில் மரக்கன்றுகள் நட்டு அவற்றைப் பேணிக் காக்க வேண்டும்.
பிளாஸ்டிக் பொருள்களை தவிர்த்து சுற்றுப்புற சுகாதாரம் மற்றும் நீர்நிலைகளை பேணிக் காத்து திருப்பூர் மாவட்டத்தை பிளாஸ்டிக் இல்லா முழு சுகாதார மாவட்டமாக திகழ செய்ய வேண்டும் என்றார்.
நிகழ்வில் மாவட்ட முதன்மை கல்வி அலுவலர் சாந்தி, ஊத்துக்குளி வட்டாட்சியர் ரவீந்திரன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/பிளாஸ்டிக்-பைகளுக்கு-மாற்றாக-துணிப்-பை-வழங்கும்-நிகழ்ச்சி-3057356.html
3057355 கோயம்புத்தூர் திருப்பூர் வாக்காளர் பட்டியல் திருத்தம் குறித்த கலந்தாய்வுக் கூட்டம் DIN DIN Friday, December 14, 2018 12:52 AM +0530
வாக்காளர் பட்டியல் சிறப்பு சுருக்க முறை திருத்தம் குறித்த கலந்தாய்வுக் கூட்டம் திருப்பூர் மாநகராட்சி அலுவலகத்தில் வியாழக்கிழமை நடைபெற்றது.
வாக்காளர் பட்டியல் சிறப்பு சுருக்க முறை திருத்தம் மேற்கொள்ளப்படுவது தொடர்பாகவும், பிழையில்லாத வாக்காளர் பட்டியல் தயார் செய்வது தொடர்பாகவும் வாக்குச்சாவடி நிலை அலுவலர்களுக்கான கலந்தாய்வுக் கூட்டம் திருப்பூர் மாநகராட்சி அலுவலகத்தில் நடைப்பெற்றது. கூட்டத்தில் மாநகராட்சி ஆணையரும், வாக்காளர் பதிவு அலுவலருமான க.சிவகுமார் பேசியது:
2019 ஜனவரி முதல் தேதியன்று 18 வயது பூர்த்தியடைந்தவர்களை வாக்காளர் பட்டியலில் சேர்க்க வேண்டும்.
இருமுறை பதிவு மற்றும் பலமுறை பதிவு, ஒரே வகையான வாக்களர் பதிவுகள் போன்றவற்றை நீக்கம் செய்ய வேண்டும். கண்டறியப்பட்ட இறந்த வாக்காளர்கள் மற்றும் நிரந்தரமாக குடிபெயர்ந்த வாக்காளர்களை வாக்காளர் பட்டியலில் இருந்து நீக்கம் செய்ய பரிந்துரை மேற்கொள்ள வேண்டும்.
மாற்றுத் திறனாளிகளை இனம் கண்டு வாக்காளர் பட்டியலில் விடுபடாமல் சேர்க்க வேண்டும். வாக்குச் சாவடிகளை 100 சதவிகிதம் தணிக்கை செய்து சரி செய்ய பரிந்துரைக்க வேண்டும் என்றார்.
கூட்டத்தில் துணை வட்டாட்சியர் (தேர்தல்) ஜெயமாலா, வாக்குச் சாவடி நிலை அலுவலர்கள் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/வாக்காளர்-பட்டியல்-திருத்தம்-குறித்த-கலந்தாய்வுக்-கூட்டம்-3057355.html
3057354 கோயம்புத்தூர் திருப்பூர் திருப்பூர் மாவட்டத்தில் இன்று அம்மா திட்ட முகாம் DIN DIN Friday, December 14, 2018 12:52 AM +0530
திருப்பூர் மாவட்டத்தில் உள்ள ஒன்பது வட்டாரங்களில் அம்மா திட்ட முகாம் வெள்ளிக்கிழமை (டிசம்பர் 14) நடைபெறுகிறது.
திருப்பூர் வடக்கு வட்டம், 15 வேலம்பாளையம் சிறுபூலுவபட்டிதொடக்க வேளாண்மை கூட்டுறவு, தெற்கு வட்டம், நல்லூர் சமுதாய நலக் கூடம், அவிநாசி வட்டம், நம்பியாம்பாளையம் கிராம நிர்வாக அலுவலகம், ஊத்துக்குளி வட்டம், நடுப்பட்டி பல்லேகவுண்டம்பாளையம் தொடக்க வேளாண்மை கூட்டுறவு, பல்லடம் வட்டம், சுக்கம்பாளையம் கிராம நிர்வாக அலுவலகம், தாராபுரம் வட்டம், முளையாம்பட்டி கருப்பண்ணன் வலசு ஊராட்சி மன்ற அலுவலகம், காங்கயம் வட்டம், பூமாண்டன்பாளையம் முத்தம்பாளையம் தொடக்க வேளாண்மை கூட்டுறவு, உடுமலை வட்டம், குறிச்சிக் கோட்டை நில வருவாய் ஆய்வாளர் அலுவலகம், மடத்துக்குளம் வட்டம் மைவாடி-1 கிராம நிர்வாக அலுவலகம் ஆகிய 9 இடங்களில் வருவாய்த் துறை சார்பில் அம்மா திட்ட முகாம் வெள்ளிக்கிழமை நடைபெறுகிறது.

 

]]>
http://www.dinamani.com/all-editions/edition-coimbatore/tiruppur/2018/dec/14/திருப்பூர்-மாவட்டத்தில்-இன்று-அம்மா-திட்ட-முகாம்-3057354.html
3057353 கோயம்புத்தூர் திருப்பூர் ஆற்றங்கரையோரம் வசித்த மக்களை அப்புறப்படுத்தியதால் போராட்டம்திருப்பூர், டிச. 13: திருப்பூரில் நொய்யல் ஆற்றின் கரையோரம் வசித்து வந்த பொதுமக்களை மாநகராட்சி நிர்வாகத்தினர் வியாழக்கிழமை அப்புறப்படுத்தியதால் அப்பகுதியில் பரபரப்பு ஏற்பட்டது. திருப்பூர் வளர்மதி பேருந்து நிறுத்தம் நொய்யல் ஆற்றின் கரையோரம் 80 க்கும் மேற்பட்ட குடும்பங்கள் சிறு குடிசை அமைத்து வசித்து வந்தனர். இவர்கள் பினாயில் விற்பனை, கூடை பின்னுதல் உள்ளிட்ட குடிசைத் தொழிலை மேற்கொண்டு வருகின்றனர். கடந்த 15 ஆண்டுகளாக அவர DIN DIN Friday, December 14, 2018 12:51 AM +0530  

திருப்பூரில் நொய்யல் ஆற்றின் கரையோரம் வசித்து வந்த பொதுமக்களை மாநகராட்சி நிர்வாகத்தினர் வியாழக்கிழமை அப்புறப்படுத்தியதால் அப்பகுதியில் பரபரப்பு ஏற்பட்டது.
திருப்பூர் வளர்மதி பேருந்து நிறுத்தம் நொய்யல் ஆற்றின் கரையோரம் 80 க்கும் மேற்பட்ட குடும்பங்கள் சிறு குடிசை அமைத்து வசித்து வந்தனர்.
இவர்கள் பினாயில் விற்பனை, கூடை பின்னுதல் உள்ளிட்ட குடிசைத் தொழிலை மேற்கொண்டு வருகின்றனர்.
கடந்த 15 ஆண்டுகளாக அவர்களது குழந்தைகள் அருகில் உள்ள அரசுப் பள்ளியில் பயின்று வருகின்றனர். இந்நிலையில் நொய்யல் ஆற்றங்கரையோரம் வசித்து வந்த மக்களை காவல் துறையினர் உதவியோடு, மாநகராட்சி நிர்வாகம் அப்புறப்படுத்தியது. இருப்பினும் மாநகராட்சி நிர்வாகம் ஒதுக்கப்பட்ட இடத்துக்கு பொதுமக்கள் சென்றனர்.
பின் தேவையான அடிப்படை வசதிகள் இல்லாததால் அதே பகுதிக்கு வந்து சாலை ஓரத்தில் அமர்ந்து போராட்டத்தில் ஈடுபட்டனர். இதையடுத்து மீண்டும் மாநகராட்சி நிர்வாகத்தினர் மாற்று இடம் வழங்கி தங்க வைத்தனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/ஆற்றங்கரையோரம்-வசித்த-மக்களை-அப்புறப்படுத்தியதால்-போராட்டம்திருப்பூர்-டிச-13-திருப்பூரில்-நொய்யல்-3057353.html
3057352 கோயம்புத்தூர் திருப்பூர் திருப்பூரில் பனியன் தொழில் உதிரிபாக நிறுவனத்தில் தீ விபத்து DIN DIN Friday, December 14, 2018 12:51 AM +0530
பனியன் தொழில் உதிரிபாக நிறுவனத்தில் வியாழக்கிழமை அதிகாலை ஏற்பட்ட தீ விபத்தில் பல லட்சம் மதிப்பிலான பொருள்கள் எரிந்து சேதமானது.
திருப்பூர், லட்சுமி நகர் பகுதியைச் சேர்ந்தவர் இம்ரான். அப்பகுதியில் பனியன் தொழில் உதிரி பாக நிறுவனம் நடத்தி வருகிறார். இந்நிலையில் அந்நிறுவனத்தில் வியாழக்கிழமை அதிகாலை தீ விபத்து ஏற்பட்டுள்ளது. தகவலறிந்து வந்த திருப்பூர் வடக்கு தீயணைப்புத் துறையினர் தீயை அணைக்கும் பணியில் ஈடுபட்டனர். இருப்பினும் பல லட்சம் ரூபாயம் மதிப்பிலான பொருள்கள் எரிந்து சேதமானது.
இதுகுறித்து திருப்பூர் வடக்கு போலீஸார் விசாரிக்கின்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/திருப்பூரில்-பனியன்-தொழில்-உதிரிபாக-நிறுவனத்தில்-தீ-விபத்து-3057352.html
3057351 கோயம்புத்தூர் திருப்பூர் தனியார் பேருந்து சிறைபிடிப்பு DIN DIN Friday, December 14, 2018 12:51 AM +0530
முத்தூரில் தனியார் பேருந்து வியாழக்கிழமை சிறைபிடிக்கப்பட்டது.
ஈரோட்டில் இருந்து முத்தூர், வெள்ளக்கோவில் வழியாக மூலனூருக்கு தனியார் பேருந்து சென்று வருகிறது. வெள்ளக்கோவில் பேருந்து நிலையத்தில் இருந்து புறப்பட்ட இந்தப் பேருந்தில் ஏறிய 8 பெண்கள் முத்தூர் ந.கரையூருக்கு டிக்கெட் வாங்கியுள்ளனர். ஆனால், பேருந்தை அங்கு நிறுத்தாமல் அடுத்து நிறுத்தமான முத்துமங்களத்தில் நிறுத்தி அப்பெண்கள் இறக்கி விடப்பட்டுள்ளனர். இதனால் அப்பெண்களும், அவர்கள் கொடுத்து தகவலால் அங்கு வந்த அப்பகுதியைச் சேர்ந்தவர்களும் பேருந்தை சிறை பிடித்து ஓட்டுநரிடம் வாக்குவாதத்தில் ஈடுபட்டனர். பேருந்து சாலையின் குறுக்கே நின்றதால் ஈரோடு, மூலனூர், தாராபுரம், மதுரை வழியாகச் செல்லும் வாகனங்களின் போக்குவரத்து பாதிக்கப்பட்டது.
சம்பவ இடத்துக்கு வந்த வெள்ளக்கோவில் போலீஸார் நடத்திய பேச்சுவார்த்தையில் ந.கரையூரில் பேருந்து நின்று செல்லும் என உறுதியளித்ததைத் தொடர்ந்து மக்கள் கலைந்து சென்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/தனியார்-பேருந்து-சிறைபிடிப்பு-3057351.html
3057350 கோயம்புத்தூர் திருப்பூர் நல வாழ்வு முகாமுக்குச் சென்ற  23 யானைகளுக்கு காங்கயத்தில் தீவனம் ஏற்பாடு DIN DIN Friday, December 14, 2018 12:50 AM +0530  

தேக்கம்பட்டி நல வாழ்வு முகாமுக்கு காங்கயம் வழியாகக் கொண்டு செல்லப்பட்ட 23 யானைகளுக்கு வரவேற்பும், தீவனமும் வழங்கப்பட்டன.
கோவை மாவட்டம், மேட்டுப்பாளையம் அருகே உள்ள தேக்கம்பட்டியில் ஆண்டுதோறும் கோயில் யானைகள் மற்றும் தனியார் யானைகளுக்கு சிறப்பு நல வாழ்வு முகாம் தமிழக அரசின் இந்துசமய அறநிலையத் துறை மற்றும் வனத் துறை சார்பில் நடத்தப்படுகிறது. இந்த ஆண்டு யானைகள் நலவாழ்வு முகாம் வெள்ளிக்கிழமை (டிசம்பர் 14) தொடங்குகிறது.
இந்த முகாமில் பங்கேற்பதற்காக பழனி, ராமேசுவரம், திருப்பத்தூர், சங்கரன்கோவில், மதுரை, திருச்செந்தூர் உள்ளிட்ட பகுதிகளில் இருந்து கோயில் யானைகள் அழைத்துச் செல்லப்பட்டன. இதில் காங்கயம் வழியாக 23 கோயில் யானைகள் லாரிகள் மூலம் கொண்டு செல்லப்பட்டன.
இந்த யானைகள் நெடுந்தூரம் பயணித்து வருவதால், உணவு, தண்ணீர் மற்றும் ஓய்வு தேவைப்படும் என்பதால் காங்கயம் ரவுண்டானா அருகில் இந்துசமய அறநிலையத் துறை சார்பில் யானைகள் சாப்பிட தீவனம் மற்றும் தண்ணீர் வழங்கப்பட்டது. இதில் அவ்வழியாக வந்த 23 யானைகளும் தீவனங்கள் எடுத்துக் கொண்டன. இதற்கான ஏற்பாடுகளை இந்து சமய அறநிலையத் துறை தாராபுரம் ஆய்வாளர் சுமதி, ஈரோடு கொங்காளம்மன் கோயில் செயல் அலுவலர் முத்துசாமி ஆகியோர் தலைமையில் கோயில் பணியாளர்கள் செய்திருந்தனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/நல-வாழ்வு-முகாமுக்குச்-சென்ற--23-யானைகளுக்கு-காங்கயத்தில்-தீவனம்-ஏற்பாடு-3057350.html
3057349 கோயம்புத்தூர் திருப்பூர் மாற்றுத்திறனாளிகள் தின விழா DIN DIN Friday, December 14, 2018 12:50 AM +0530
உடுமலையை அடுத்துள்ள பாலம்பம்பட்டி ருத்ரவேணி முத்துசாமி பாலிடெக்னிக் கல்லூரியில் மாற்றுத் திறனாளிகள் தின விழா மற்றும் தொழில் மேம்பாட்டு பயிற்சி மையம் திறப்பு விழா வியாழக்கிழமை நடைபெற்றது.
கோவை செஷயர் ஹோம்ஸ், ருத்ரவேணி முத்துசாமி பாலிடெக்னிக் கல்லூரி, ஜிவிஜி குழுமம் ஆகியவற்றின் சார்பில் நடைபெற்ற இந்த விழாவில் ரூ.10 லட்சம் மதிப்பிலான உதவிகள் மாற்றுத் திறனாளிகளுக்கு வழங்கப்பட்டன. தொழில் மேம்பாட்டு பயிற்சி மையத்தை கல்லூரி இயக்குநர் சுமதி கிருஷ்ணபிரசாத் திறந்து வைத்தார். உடுமலை நகராட்சி ஆணையாளர் ஓ.ராஜாராம் பெயர் பலகையை திறந்து வைத்தார். கல்லூரி ஆலோசகர் டாக்டர் ஜெ.மஞ்சுளா முன்னிலை வகித்தார். முதல்வர் கண்ணன் வரவேற்றார். விழாவில் மாற்றுத் திறனாளிகளுக்கு சக்கர நாற்காலி, கையால் இயக்கப்படும் சைக்கிள்கள், பார்வையற்றோ ருக்கான உபகரணங்கள், சுய தொழில் செய்வதற்கான பொருள்கள், துணி வகைகள், டீ கடை உபகரணங்கள் மற்றும் ஆட்டுக் குட்டிகள் உள்ளிட்டவைகள் ரூ.10 லட்சம் மதிப்பில் வழங்கப்பட்டன. இதில் 268 பயனாளிகள் பயன் அடைந்தனர்.
இதையொட்டி கல்லூரி மாணவ, மாணவியரின் கலை நிகழ்ச்சிகள் நடைபெற்றன. செஷயர் ஹோம்ஸ் தலைவர் ஜி.ஆர்.கோவிந்தராஜன், நிர்வாகி ஜி.தனலட்சுமி, மாற்றுத் திறனாளிகள் நல அலுவலர் சந்திரசேகர் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/மாற்றுத்திறனாளிகள்-தின-விழா-3057349.html
3057348 கோயம்புத்தூர் திருப்பூர் திருப்பூரில் மாதர் சங்கத்தினர் போராட்டம் DIN DIN Friday, December 14, 2018 12:50 AM +0530
திருப்பூரில் திரைப்பட ஆபாச போஸ்டரை கிழித்து இந்திய ஜனநாயக மாதர் சங்கத்தினர் வியாழக்கிழமை ஆர்ப்பாட்டத்தில் ஈடுபட்டனர்.
சமீபத்தில் வெளியான ஒரு தமிழ் படத்தில் ஆபாச காட்சிகள் அதிகம் உள்ளதாகவும், பெண்களை கேலி செய்யும் வசனங்கள் அதிக அளவில் இடம்பெற்றுள்ளதாகவும் புகார்கள் எழுந்துள்ளன. இதையடுத்து அனைத்திந்திய ஜனநாயக மாதர் சங்கத்தினர் 10க்கும் மேற்பட்டோர், அச்சங்கத்தின் மாவட்டத் தலைவர் மைதிலி தலைமையில், திருப்பூர் - அவிநாசி சாலையில் உள்ள அந்தப் படம் வெளியாகியுள்ள தியேட்டர் வளாகத்தில் ஒட்டப்பட்டிருந்த படத்தின் போஸ்டர்களை கிழித்ததோடு, அதன் மீது கருப்பு பெயிண்ட் அடித்து போராட்டத்தில் ஈடுபட்டனர்.
இதுகுறித்து தகவலறிந்து சம்பவ இடத்துக்கு விரைந்து வந்த திருப்பூர் வடக்கு போலீசார் அவர்களுடன் பேச்சுவார்த்தை நடத்தி உரிய நடவடிக்கை எடுக்கப்படும் என உறுதியளித்தனர். இதையடுத்து, அவர்கள் போராட்டத்தை கைவிட்டனர். மேலும், இதுபோன்ற ஆபாச சுவரொட்டிகள் ஒட்டுவதை மாவட்ட நிர்வாகமும், காவல் துறையும் அனுமதிக்கக்கூடாது. படத்தை திரையிட தடை விதிக்க வேண்டும் என்றனர்.

 

]]>
http://www.dinamani.com/all-editions/edition-coimbatore/tiruppur/2018/dec/14/திருப்பூரில்-மாதர்-சங்கத்தினர்-போராட்டம்-3057348.html
3057347 கோயம்புத்தூர் திருப்பூர் டிஜிட்டல் வங்கி பயிற்சி முகாம் DIN DIN Friday, December 14, 2018 12:49 AM +0530
உடுமலை ஜிவிஜி விசாலாட்சி மகளிர் கல்லூரியில் டிஜிட்டல் வங்கி என்ற தலைப்பில் ஒரு நாள் பயிற்சி முகாம் வியாழக்கிழமை நடைபெற்றது.
ஸ்டேட் பாங்க் ஆப் இந்தியா மற்றும் கல்லூரி வணிகவியல் மற்றும் மேலாண்மைத் துறை சார்பில் இந்த முகாம் நடைபெற்றது. இதில் எஸ்பிஐ யோனோ அப்ளிகேஷன்ஸ் என்ற தலைப்பில் பயிற்சிகள் வழங்கப்பட்டன. கோவை ஸ்டேட்
பேங்க் ஆப் இந்தியா அதிகாரிகள் ராஜேந்திரன், ஜிபி.சௌத்திரி, அங்குராஜ் ஆகியோர் இதுகுறித்து விரிவான செயல் விளக்கங்களை அளித்தனர்.
பண மதிப்பிழப்பு, டிஜிட்டல் வங்கி ஆகியவை குறித்து வங்கி அதிகாரி நவீன் பயிற்சி அளித்தார். வங்கி அதிகாரிகள் அளித்த பயிற்சிகளின் அடிப்படையில் தேர்வு செய்யப்பட்ட கல்லூரி மாணவியர் மூலம் திருப்பூர் ஸ்டேட் பாங்க் ஆப் இந்தியா கிளைக்குச் சென்று பொதுமக்களுக்கு விழிப்புணர்வுகளை ஏற்படுத்த முடிவு செய்யப்பட்டது. இந்தப் பயிற்சி முகாமில் 400 க்கும் மேற்பட்ட மாணவிகள், ஆசிரியர்கள் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/14/டிஜிட்டல்-வங்கி-பயிற்சி-முகாம்-3057347.html
3057346 கோயம்புத்தூர் திருப்பூர் ஆதர்ஷ் பள்ளிக்கு தூய்மை விருது DIN DIN Friday, December 14, 2018 12:49 AM +0530  

உடுமலையை அடுத்துள்ள பள்ளபாளையம் ஆதர்ஷ் மெட்ரிக் மேல்நிலைப் பள்ளிக்கு தூய்மை பள்ளிக்கான விருது வழங்கப்பட்டுள்ளது.
இந்தப் பள்ளி வளாகத்தில் தண்ணீர், தூய்மை, சுகாதாரம் சார்ந்து சிறப்பாக இருப்பதாக ஒருங்கிணைந்த பள்ளிக் கல்வி திட்டத்தின் கீழ் உறுதிபடுத்தப்பட்டுள்ளது.
இதையடுத்து கோவை மாவட்ட கல்வி அலுவலர் சார்பில் வழங்கப்பட்ட இந்த விருதை பள்ளி முதல்வர் ஜீ.ஜீவராஜ் பெற்றுக் கொண்டார்.
இதையொட்டி பள்ளித் தலைவர் டாக்டர் பி.எம்.பா லசுப்பிரமணியம், செயலர் டாக்டர் கே.பாலசுந்தரம் மற்றும் இயக்குநர்கள் பள்ளி நிர்வாகிகளை வாழ்த்தினர்.

 

]]>
http://www.dinamani.com/all-editions/edition-coimbatore/tiruppur/2018/dec/14/ஆதர்ஷ்-பள்ளிக்கு-தூய்மை-விருது-3057346.html
3057345 கோயம்புத்தூர் திருப்பூர் உடுமலையில் 16இல் ஹாக்கி வீரர்கள் தேர்வு முகாம் DIN DIN Friday, December 14, 2018 12:49 AM +0530
மாவட்டங்களுக்கு இடையே நடைபெறும் போட்டிகளில் பங்கேற்க உள்ள திருப்பூர் மாவட்ட ஹாக்கி வீரர்களின் தேர்வு முகாம் உடுமலையில் ஞாயிற்றுக்கிழமை (டிசம்பர் 16) நடைபெற உள்ளது.
இதுகுறித்து திருப்பூர் மாவட்ட ஹாக்கி சங்க செயலாளர் எம்.மோகன்குமார் விடுத்துள்ள செய்தி குறிப்பு:
ஹாக்கி யூனிட் ஆப் தமிழ்நாடு நடத்தும் மாவட்டங்களுக்கு இடையேயான ஹாக்கிப் போட்டிகளில் கலந்து கொள்ள திருப்பூர் மாவட்ட ஹாக்கி அணி வீரர்களுக்கான தேர்வு முகாம் நடைபெற உள்ளது.
இதில் சீனியர் ஆண்கள் அணி, ஜுனியர் பெண்கள் அணி, சப்-ஜூனியர் ஆண்கள் அணி ஆகிய அணிகளுக்கான வீரர்கள் தேர்வு நடைபெற உள்ளது.
உடுமலையை அடுத்துள்ள குறிச்சிக்கோட்டை ஆர்விஜி மேல்நிலைப் பள்ளி விளையாட்டு மைதானத்தில் காலை 10 மணிக்கு இந்தத் தேர்வு முகாம் நடைபெற உள்ளது.
விருப்பம் உள்ளவர்கள் பங்கேற்கலாம். இதுகுறித்து மேலும் விவரம் அறிய 8220270128, 9965631046 என்ற செல்லிடப்பேசி எண்களில் தொடர்பு கொள்ளலாம் என தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/tiruppur/2018/dec/14/உடுமலையில்-16இல்-ஹாக்கி-வீரர்கள்-தேர்வு-முகாம்-3057345.html
3056822 கோயம்புத்தூர் திருப்பூர் ஜெருசலேம் புனிதப் பயணத்துக்கு நிதி உதவி பெற அழைப்பு DIN DIN Thursday, December 13, 2018 01:56 AM +0530 ஜெருசலேம் புனிதப் பயணம் மேற்கொள்ள தமிழக அரசு சார்பில் வழங்கப்படும் ரூ. 20 ஆயிரம் நிதி உதவியைப் பெற்ற தகுதியானவர்கள் விண்ணப்பிக்கலாம்.
இது குறித்து, திருப்பூர் மாவட்ட ஆட்சியர் கே.எஸ்.பழனிசாமி வெளியிட்டுள்ள செய்தி:
தமிழகத்தைச் சேர்ந்த கிறிஸ்தவர்கள் ஜெருசலேம் புனிதப் பயணம் மேற்கொள்ள தமிழக அரசால் ஒவ்வொருவருக்கும் தலா 20 ஆயிரம் ரூபாய் நிதியுதவி வழங்கப்படுகிறது. இதற்கான விண்ணப்பங்கள் வரவேற்கப்படுகின்றன. விண்ணப்பப் படிவங்களை மாவட்ட பிற்படுத்தப்பட்டோர், சிறுபான்மையினர் நல அலுவலகங்களில் இருந்து கட்டணம் இன்றி பெற்றுக்கொள்ளலாம். இதற்கான நிபந்தனைகள், விதிமுறைகள், விண்ணப்பப்படிவம் ஆகியவற்றை ‌w‌w‌w.​b​c‌m​b​c‌m‌w.‌t‌n.‌g‌o‌v.‌i‌n  என்ற இணையதளத்தில் காணலாம். இணையதளத்திலிருந்து விண்ணப்பங்களை பதிவிறக்கம் செய்து கொள்ளலாம். 
பூர்த்தி செய்யப்பட்ட விண்ணப்பங்களைத் தேவையான அனைத்து இணைப்புடன், ஜெருசலேம் புனிதப் பயணத்துக்கான விண்ணப்பம்' என தபால் உறையில் குறிப்பிட்டு  மேலாண்மை இயக்குநர், தமிழ்நாடு சிறுபான்மையினர் பொருளாதார மேம்பாட்டுக் கழகம், கலச மஹால் பாரம்பரியக் கட்டடம், சேப்பாக்கம், சென்னை என்ற முகவரிக்கு அனுப்ப வேண்டும் எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/tiruppur/2018/dec/13/ஜெருசலேம்-புனிதப்-பயணத்துக்கு-நிதி-உதவி-பெற-அழைப்பு-3056822.html
3056821 கோயம்புத்தூர் திருப்பூர் நுண் உரக் கிடங்கு அமைக்கும் பணி: எம்எல்ஏ  துவக்கிவைத்தார் DIN DIN Thursday, December 13, 2018 01:56 AM +0530 திருப்பூர் அருகே வெங்கமேட்டில் ரூ. 70 லட்சம் மதிப்பில் நுண் உரக் கிடங்கு அமைக்கும் பணியை திருப்பூர் வடக்கு சட்டப் பேரவை உறுப்பினர் கே.என்.விஜயகுமார் புதன்கிழமை தொடங்கிவைத்தார்.
திருப்பூர் மாநகராட்சி முதலாவது மண்டலம் 4ஆவது வார்டுக்கு உள்பட்ட  வெங்கமேடு, மாதேஸ்வரன் கோயில் அருகில் தூய்மை இந்திய திட்டத்தின் கீழ் ரூ. 70 லட்சம் மதிப்பில் நுண் உரக் கிடங்கு அமைக்கும் பணி புதன்கிழமை தொடங்கப்பட்டது. 
இப்பணியை திருப்பூர் வடக்கு சட்டப் பேரவை உறுப்பினர் கே.என்.விஜயகுமார் தொடங்கிவைத்தார்.
உதவி ஆணையர் வாசுக்குமார், முன்னாள் மண்டலத் தலைவர்கள் ராதாகிருஷ்ணன், ஜான்,  மாமன்ற முன்னாள் உறுப்பினர் பட்டுலிங்கம், கணேசன், சின்னசாமி, சுப்பிரமணியம், பாலசுப்பிரமணியம், கூட்டுறவு சங்க முன்னாள் தலைவர் கருணாகரன், உதவிப் பொறியாளர் ராம்மோகன்,  பொறுப்பாளர் சேதுமாதவன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/dec/13/நுண்-உரக்-கிடங்கு-அமைக்கும்-பணி-எம்எல்ஏ--துவக்கிவைத்தார்-3056821.html
3056820 கோயம்புத்தூர் திருப்பூர் காமநாயக்கன்பாளையம் -அன்னூர் சாலை: ரூ. 11 கோடியில் மேம்படுத்தும் பணி துவக்கம் DIN DIN Thursday, December 13, 2018 01:55 AM +0530 பல்லடம் அருகே நெடுஞ்சாலைத் துறை சார்பில் ரூ. 11 கோடி மதிப்பீட்டில் காமநாயக்கன்பாளையம் - அன்னூர் சாலையை மேம்படுத்தும் பணி புதன்கிழமை பூமி பூஜையுடன் துவங்கியது. 
பல்லடம் அருகே காமநாயக்கன்பாளையம்-அன்னூர் வரையிலான சாலை பழுதடைந்தது உள்ளது. இந்த சாலையை சீரமைக்க வேண்டும் என்று  பொதுமக்கள், வாகன ஓட்டுநர்கள் வலியுறுத்தி வந்தனர்.
இந்நிலையில்,  இந்த சாலையில் பல்லடம் சட்டப் பேரவை தொகுதிக்கு உள்பட்ட காமநாயக்கன்பாளையம் முதல் பருவாய் வரை, கோடங்கிபாளையம் முதல் கருகம்பாளையம் வரை என மொத்தம் 14 கிலோ மீட்டர் தொலைவுக்கு  ரூ. 11 கோடி மதிப்பில் ஒருங்கிணைந்த சாலை மேம்பாட்டுத் திட்டத்தின் கீழ் மேம்படுத்தத் திட்டமிடப்பட்டுள்ளது.
இந்த சாலை மேம்பாட்டுப் பணியை சட்டப் பேரவை உறுப்பினர் கரைப்புதூர் ஏ.நடராஜன் பூமி பூஜை செய்து புதன்கிழமை துவக்கிவைத்தார். 
இதில், பல்லடம் நெடுஞ்சாலைத் துறை உதவிக் கோட்ட பொறியாளர் நித்தியானந்தம், உதவிப் பொறியாளர் அருண்கார்த்திக், காமநாயக்கன்பாளையம் காவல் ஆய்வாளர் அருள், கூட்டுறவு வங்கித் தலைவர்கள் ஏ.சித்துராஜ், கரடிவாவி பக்தவத்சலம், அனுப்பட்டி ஜெயக்குமார், பருவாய் மாணிக்கம், தங்கவேல் உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/13/காமநாயக்கன்பாளையம்--அன்னூர்-சாலை-ரூ-11-கோடியில்-மேம்படுத்தும்-பணி-துவக்கம்-3056820.html
3056819 கோயம்புத்தூர் திருப்பூர் தொழிற்சங்க நிர்வாகிகள் கூட்டம் DIN DIN Thursday, December 13, 2018 01:55 AM +0530 அனைத்து மத்திய தொழிற்சங்க நிர்வாகிகள் கூட்டம் உடுமலையில் புதன்கிழமை நடைபெற்றது.
இதற்கு கே.நாகமாணிக்கம் (எல்பிஎப்) தலைமை வகித்தார். வி.சௌந்திரராஜன்(ஏஐடியூசி) முன்னிலை வகித்தார். இதில் மத்தியில் ஆளும் பாஜக  அரசின் தொழிலாளர் விரோதப் போக்கை கண்டித்து 2019 ஜனவரி 8, 9 ஆகிய தேதிகளில் நடைபெறும் பொது வேலைநிறுத்தத்தில் அனைத்துத் தொழிங்சங்கத்தைச் சேர்ந்த தொழிலாளர்களும் பங்கேற்பது என்பது உள்ளிட்ட தீர்மானங்கள் நிறைவேற்றப்பட்டன.
இதில்,  கே.முருகானந்தம் (எல்பிஎப்), ஜெயராஜ் (ஐஎன்டியூசி), சக்திவேல் (சிஐடியூ), ஈஸ்வரன்(எம்எல்எப்) உள்ளிட்ட தொழிற்சங்க நிர்வாகிகள் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/13/தொழிற்சங்க-நிர்வாகிகள்-கூட்டம்-3056819.html
3056818 கோயம்புத்தூர் திருப்பூர் ஊரக வளர்ச்சித் துறை அலுவலர்கள் ஆர்ப்பாட்டம் DIN DIN Thursday, December 13, 2018 01:54 AM +0530 வெள்ளக்கோவிலில் தமிழ்நாடு ஊரக வளர்ச்சித் துறை அலுவலர்கள் சங்கத்தினர்  புதன்கிழமை ஆர்ப்பாட்டத்தில் ஈடுபட்டனர்.
வெள்ளக்கோவில் ஊராட்சி ஒன்றிய அலுவலகம் முன்பு நடைபெற்ற ஆர்ப்பாட்டத்துக்கு சங்கத்தின் வட்டாரச் செயலாளர் முத்துச்செல்வன் தலைமை வகித்தார். வட்டார வளர்ச்சி அலுவலர் (கிராம ஊராட்சி) மணிகண்டன், சங்க மாவட்டச் செயலாளர் செந்தில்குமார் முன்னிலை வகித்தனர்.
ஆர்ப்பாட்டத்தில், திருப்பத்தூர் சட்டப் பேரவை முன்னாள் உறுப்பினரும்,  அம்மா மக்கள் முன்னேற்றக் கழக மாவட்டச் செயலாளருமான உமாதேவன் சிவகங்கை மாவட்ட ஆட்சியரகத்தில் உள்ள திட்ட இயக்குநர் அறைக்குள் கும்பலாக புகுந்து திட்ட இயக்குநர், ஊழியர்களைத் தாக்க முயன்றுள்ளார். இச்சம்பவம் கண்டிக்கத்தக்கது. மேலும், பொய் புகார் அளித்துள்ள அவர் மீது நடவடிக்கை எடுக்க வேண்டும் என  வலியுறுத்தப்பட்டது. சங்கத்தின் வட்டாரப் பொருளாளர் செந்தில்குமார் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/dec/13/ஊரக-வளர்ச்சித்-துறை-அலுவலர்கள்-ஆர்ப்பாட்டம்-3056818.html
3056817 கோயம்புத்தூர் திருப்பூர் பூலாங்கிணறு துப்புரவுப் பணியாளர்களுக்கு பயிற்சி முகாம் DIN DIN Thursday, December 13, 2018 01:54 AM +0530 உடுமலை, தாராபுரம்  நகராட்சிகளில் பணியாற்றி வரும் துப்புரவுப் பணியாளர்களுக்கு திடக்கழிவு மேலாண்மை திட்டத்தின் மூலம் சிறப்புப் பயிற்சி முகாம் புதன்கிழமை நடைபெற்றது.
உடுமலை நகராட்சி திருமண மண்டபத்தில் நடைபெற்ற இந்த முகாமை நகராட்சி ஆணையாளர் ராஜாராம் துவக்கிவைத்தார். தாராபுரம் நகராட்சி ஆணையாளர் லட்சுமணன் முன்னிலை வகித்தார். உடுமலை, தாராபுரம் நகராட்சிகளைச் சேர்ந்த 60 துப்புரவுத் தொழிலாளர்கள் பயிற்சியில் முகாமில் பங்கேற்றனர்.
முகாமில், திடக்கழிவுகளின் வகைகள், உருவாகும் இடத்தில் தரம் பிரித்தல், அதிக குப்பைகள் உருவாகும் இடத்தில் மேலாண்மை,  நுண் உரக்குடில் செயல்பாடுகள், மண்புழு உரம் தயாரித்தல், தோட்டக்கழிவு மேலாண்மை, பணியிடங்களில் ஏற்படும் சிக்கல்கள் அதை சமாளிக்கும் முறை உள்ளிட்டவை குறித்து பயிற்சி அளிக்கப்பட்டது.
இதில், பிரம்மகுமாரிகள்அமைப்பின் பொறுப்பாளர்  மீனா உள்ளிட்டோர் பேசினர். சுகாதார ஆய்வாளர்கள் எம்.சிவகுமார், ஆர்.செல்வம்,  நகர் நல அலுவலர் (பொ) இளங்கோ ஆகியோர் பயிற்சி அளித்தனர்.
 

]]>
http://www.dinamani.com/all-editions/edition-coimbatore/tiruppur/2018/dec/13/பூலாங்கிணறு-துப்புரவுப்-பணியாளர்களுக்கு-பயிற்சி-முகாம்-3056817.html
3056816 கோயம்புத்தூர் திருப்பூர் 430 மாணவர்களுக்கு கல்வி உபகரணங்கள் DIN DIN Thursday, December 13, 2018 01:53 AM +0530 அரசுப் பள்ளி மாணவர்கள் 430 பேருக்கு கல்வி உபகரணங்கள் புதன்கிழமை வழங்கப்பட்டன.
வெள்ளக்கோவில், தீத்தாம்பாளையம் அரசு நடுநிலைப் பள்ளியில் படிக்கும் மாணவ, மாணவிகளுக்குப் பல்வேறு கல்வி உபகரணங்கள் தேவைப்படுவதாகத் தெரியவந்ததை அடுத்து வெள்ளக்கோவில் மகாத்மா காந்தி நற்பணி மன்ற அறக்கட்டளையினர் இதற்கான ஏற்பாடுகளை செய்தனர்.   அதையடுத்து, இப்பள்ளியில் 6, 7, 8ஆம் வகுப்பு படிக்கும் மாணவர்கள் 100 பேருக்கு தரமான பேனாவும், 3, 4, 5 ஆம் வகுப்புப் படிக்கும் மாணவர்கள் 330 பேருக்கு சிலேடுகள், வாய்ப்பாடுகளை நற்பணி மன்ற அறக்கட்டளைத் தலைவர் ராஜ்குமார் உள்ளிட்டோர் வழங்கினர். இந்நிகழ்வில் பள்ளித் தலைமையாசிரியர் கார்த்திகேயன், தமிழாசிரியர் பாலசுப்பிரமணியம் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-coimbatore/tiruppur/2018/dec/13/430-மாணவர்களுக்கு-கல்வி-உபகரணங்கள்-3056816.html
3056815 கோயம்புத்தூர் திருப்பூர் க.அய்யம்பாளையம் ஊராட்சி அலுவலகத்தை குடிநீர் கோரி முற்றுகையிட்ட கிராம மக்கள் DIN DIN Thursday, December 13, 2018 01:53 AM +0530 பல்லடம் அருகே க.அய்யம்பாளையம் கிராம மக்கள் குடிநீர் கோரி ஊராட்சி மன்ற அலுவலகத்தை புதன்கிழமை முற்றுகையிட்டனர்.
பல்லடம் ஒன்றியம், க.அய்யம்பாளையம் ஊராட்சிப் பகுதியில் கடந்த 15 நாள்களாக பில்லூர் கூட்டுக் குடிநீர்த் திட்டத்தில்  குடிநீர் விநியோகம் செய்யப்படவில்லை எனக் கூறி, கிராம மக்கள்100க்கும் மேற்பட்டோர் குடிநீர் கேட்டு ஊராட்சி மன்ற அலுவலகத்தை முற்றுகையிட்டனர்.  அங்கு  சென்ற பல்லடம் காவல் உதவி ஆய்வாளர்கள் விஜயகுமார், கார்த்திகேயன் உள்ளிட்ட போலீஸார் கிராம மக்களிடம் பேச்சுவார்த்தையில் ஈடுபட்டனர்.
இந்நிலையில், அங்கு சென்ற பல்லடம் வட்டார வளர்ச்சி அலுவலர் (கிராம ஊராட்சிகள்) எம்.கந்தசாமி போராட்டத்தில் ஈடுபட்டவர்களிடம் கூறியதாவது:
க.அய்யம்பாளையம் ஊராட்சிக்கு அரசால் நிர்ணயிக்கப்பட்ட பில்லூர் குடிநீர் தினமும் 1.30 லட்சம் லிட்டர் அளவுக்கு வழங்கப்பட்டு வருகிறது. விநியோகத்தைச் சீரமைத்து அனைத்துப் பகுதிகளுக்கும் சீரான வகையில் குடிநீர் கிடைக்க ஏற்பாடு செய்யப்படும். மேலும், தோட்டத்து சாலைகளில் வசிப்போரின் நலன் கருதி ஊராட்சி மன்ற அலுவலகம் முன்பாக புதியதாக  குடிநீர்த் தொட்டி அமைத்து குடிநீர் விநியோகிக்கப்படும் என்றார். இதையடுத்துப் போராட்டம் கைவிடப்பட்டது.

]]>
http://www.dinamani.com/all-editions/edition-coimbatore/tiruppur/2018/dec/13/கஅய்யம்பாளையம்-ஊராட்சி-அலுவலகத்தை-குடிநீர்-கோரி-முற்றுகையிட்ட-கிராம-மக்கள்-3056815.html
3056814 கோயம்புத்தூர் திருப்பூர் ஆங்கில திறன் தேர்வில் சிறப்பிடம் பெற்ற மாணவர்களுக்குப் பாராட்டு DIN DIN Thursday, December 13, 2018 01:51 AM +0530 வாய்மொழித் திறனில் சிறப்பிடம் பெற்ற மாணவ, மாணவியருக்கு பாராட்டு நிகழ்ச்சி செவ்வாய்க்கிழமை நடைபெற்றது. 
கொல்கத்தாவில் உள்ள விஷ் தேசிய உச்சரிப்புத் திறன் மையம் சார்பில் ஆங்கில வாய் மொழி உச்சரிப்பு திறன் தகுதித் தேர்வு நடந்தது. இதில் உடுமலையை அடுத்துள்ள கோமங்கலம்புதூர் வித்யநேத்ரா மெட்ரிக் மேல்நிலைப் பள்ளியைச் சேர்ந்த 111 மாணவ, மாணவியர் கலந்து கொண்டனர். 
இதில் ஆங்கில சொல் திறன், உச்சரிப்புத் திறன், வெளிக் கொணர் திறன் ஆகியவற்றை தகுதிகளாகக் கொண்டு தேர்வுகள் நடத்தப்பட்டன. இதில் இப் பள்ளியைச் சேர்ந்த 76 பேர் இரண்டாம் நிலை தேர்வுக்கு தகுதி பெற்றனர். இந்நிலையில் இம் மாணவ, மாணவியரை பள்ளி தலைவர் பி.எஸ்.சார்லஸ் பாபு, செயலர் டாக்டர் கே.பாலசுந்தரம், அறங்காவலர் தம்பு (எ) நந்தகோபாலகிருஷ்ணன், முதல்வர் கோபாலகிருஷ்ணன் ஆகியோர் வாழ்த்தினர்.

]]>
http://www.dinamani.com/all-editions/edition-coimbatore/tiruppur/2018/dec/13/ஆங்கில-திறன்-தேர்வில்-சிறப்பிடம்-பெற்ற-மாணவர்களுக்குப்-பாராட்டு-3056814.html
3056813 கோயம்புத்தூர் திருப்பூர் உடுமலையில் விரைவில் ரயில் மறியல் போராட்டம் DIN DIN Thursday, December 13, 2018 01:51 AM +0530 திருவனந்தபுரம்-மதுரை இடையேயான அமிர்தா விரைவு ரயில் உடுமலையில் நின்று செல்ல வேண்டும் என்பதை வலியுறுத்தி விரைவில் ரயில் மறியல் போராட்டம் நடத்தப்படும் என பொள்ளாச்சி மக்களவை உறுப்பினர் சி. மகேந்திரன் தெரிவித்துள்ளார்.
திருவனந்தபுரம்-பாலக்காடு வரை இயக்கப்பட்டு வந்த அமிர்தா விரைவு ரயில் 2017 நவம்பர் முதல் மதுரை வரை 
நீட்டிக்கப்பட்டது. இந்த விரைவு ரயில் உடுமலையில் நிற்காது என அப்போது தென்னக ரயில்வே அறிவிப்பு வெளியிட்டது.
சொர்னூர், பாலக்காடு, பொள்ளாச்சி, பழனி ஆகிய ஊர்களில் நின்று செல்லும் அமிர்தா விரைவில் ரயில் உடுமலையில் நிற்காது என்ற அறிவிப்பு உடுமலைப் பகுதி மக்களிடம் அதிருப்தியை ஏற்படுத்தி உள்ளது.  இந்த ரயில் உடுமலையில் நின்று செல்ல வேண்டும் என வலியுறுத்தி  பல்வேறு பொதுநல அமைப்புக்கள், அரசியல் கட்சிகள் சார்பில் கடந்த ஓராண்டாக  தொடர் போராட்டங்கள் நடத்தப்பட்டு வருகின்றன.
 இந்நிலையில்,  உடுமலை,  மடத்துக்குளம் பகுதிளில் சுமார் 5 லட்சம் பேர் வாழ்ந்து வருகின்றனர். பிரசித்த பெற்ற சுற்றுலா தலங்களான மூணாறு, திருமூர்த்தி மலை, அமராவதி அணை இப்பகுதியில் உள்ளன. ஏராளமான காகித ஆலைகள், நூற்பாலைகள், தென்னை நார்  தொழிற்சாலைகள் அமைந்துள்ளன. தென் மாவட்டங்களைச் சேர்ந்த  ஆயிரக்கணக்கானோர் உடுமலையில் வாழ்ந்து வருகின்றனர். எனவே, அமிர்தா விரைவு ரயில் உடுமலையில் நின்று செல்ல வேண்டியது அவசியம் என்பதை வலியுறுத்தி ரயில் பயணிகள் நலச் சங்கம் சார்பில் பொதுமக்களிடம்  ஒரு லட்சம் கையெழுத்து பெறும் இயக்கம் நடத்தப்பட்டு வருகிறது.
இந்நிலையில்,  இந்த விவகராம் குறித்து பொள்ளாச்சி மக்களவை உறுப்பினர் சி.மகேந்திரன் புதன்கிழமை கூறியது:
இந்தக் கோரிக்கை குறித்து மத்திய ரயில்வே துறை அமைச்சகத்தில் பல முறை கோரிக்கை மனு  அளிக்கப்பட்டுள்ளது. மதுரையில் உள்ள மண்டல அலுவகத்தில் நடைபெறும் கூட்டத்திலும் வலியுறுத்தப்பட்டது. ஆனாலும், எந்த நடவடிக்கையும் எடுக்கப்படவில்லை.   உடுமலையில் அமிர்தா விரைவு ரயில் நின்று செல்ல நடவடிக்கை எடுக்கவில்லை என்றால் விரைவில் உடுமலை ரயில் நிலையத்தில் மறியல் போராட்டம் நடத்தப்படும் என்றார்.

]]>
http://www.dinamani.com/all-editions/edition-coimbatore/tiruppur/2018/dec/13/உடுமலையில்-விரைவில்-ரயில்-மறியல்-போராட்டம்-3056813.html
3056812 கோயம்புத்தூர் திருப்பூர் ரூ. 17 லட்சத்துக்கு தேங்காய் பருப்பு ஏலம் DIN DIN Thursday, December 13, 2018 01:51 AM +0530 வெள்ளக்கோவில் ஒழுங்குமுறை விற்பனைக் கூடத்தில் புதன்கிழமை நடைபெற்ற ஏலத்தில் ரூ. 17.66 லட்சத்துக்கு தேங்காய்ப் பருப்பு ஏலம்போனது.
ஏலத்துக்கு மொத்தம் 452 மூட்டைகளில் தேங்காய்ப் பருப்பு கொண்டுவரப்பட்டன.  இதன் மொத்த எடை 22,876 கிலோ. மதுரை, குமாரபாளையம், அய்யம்பாளையம், மார்க்கம்பட்டி, வில்வாதம்பட்டி, கணபதிபாளையம் உள்ளிட்ட பகுதிகளில் இருந்து 50 விவசாயிகள் தேங்காய்ப் பருப்புகளை கொண்டு வந்திருந்தனர். காங்கயம், வெள்ளக்கோவில், முத்தூர், ஈரோடு, கரூரிலிருந்து வியாபாரிகள் வந்திருந்தனர். விற்பனைக்கூடக் கண்காணிப்பாளர் ரா.மாரியப்பன் முன்னிலையில் ஏலம் நடைபெற்றது.
தேங்காய்ப் பருப்பு  கிலோ ரூ. 48.85 முதல் ரூ.107.85 வரை விலைபோனது. சராசரி விலை கிலோ ரூ.103.75 ஆக காணப்பட்டது. ஒட்டு மொத்த விற்பனைத் தொகை ரூ.17 லட்சத்து 66 ஆயிரம் அந்தந்த விவசாயிகளின் வங்கிக் கணக்குகளில் செலுத்தப்பட்டது.
 

]]>
http://www.dinamani.com/all-editions/edition-coimbatore/tiruppur/2018/dec/13/ரூ-17-லட்சத்துக்கு-தேங்காய்-பருப்பு-ஏலம்-3056812.html
3056811 கோயம்புத்தூர் திருப்பூர் அவிநாசி-அத்திக்கடவு திட்டப் பணி விரைவில் துவங்கும்: சட்டப் பேரவை தலைவர் DIN DIN Thursday, December 13, 2018 01:50 AM +0530 அத்திக்கடவுத் திட்டம் உள்ளிட்ட மக்களின் நீண்ட காலக் கோரிக்கைகள் இந்த அரசால் நிறைவேற்றப்பட்டு வருகிறது என்று சபாநாயகர் ப.தனபால் தெரிவித்தார்.
மகளிர் திட்டம், வருவாய்த் துறை ஆகியவை சார்பில் நலத் திட்ட உதவிகள் வழங்கும் விழா அவிநாசியில் புதன்கிழமை நடைபெற்றது. இதற்கு ஆட்சியர் கே.எஸ்.பழனிசாமி தலைமை வகித்தார்.
இதில், நலத் திட்ட உதவிகளை வழங்கி சட்டப் பேரவைத் தலைவர் ப.தனபால் பேசியதாவது:
மறைந்த முதல்வர் ஜெயலலிதா அளித்திருந்த வாக்குறுதிப்படி தற்போது, உழைக்கும் மகளிருக்கு மானிய விலையில் இருசக்கர வாகனங்கள் வழங்கும் திட்டம் தமிழகம் முழுவதும் சிறப்பாக செயல்படுத்தப்பட்டு வருகிறது.  
மேலும், இப்பகுதி பொது மக்களின் 60 ஆண்டுகாலக் கோரிக்கையான அவிநாசி அத்திக்கடவு திட்டப் பணிகளுக்காக தமிழக அரசின் சார்பில் ரூ.1, 532 கோடிக்கு ஒப்பந்தப்புள்ளி விடப்பட்டுள்ளது. இதற்கான பணிகள் விரைவில் தொடங்கப்படும்.
அவிநாசியில் அரசு கலைக் கல்லூரி துவங்கப்பட்டு வகுப்புகள் நடைபெற்று வருகின்றன. கல்லூரிக்கான புதிய கட்டடம் கட்டும் பணிகளும் நடைபெற்று வருகின்றன. குடிநீர் எவ்வித தங்குதடையுமின்றிக் கிடைக்க புதிய குடிநீர் திட்டப் பணிகள் துவங்கப்பட்டுள்ளன. குடிசை மாற்று வாரியத்தின் மூலமாக வீடற்ற ஏழைகளுக்கு அடுக்குமாடிக் குடியிருப்புகள் கட்டுவதற்கும் நடவடிக்கைகள் மேற்கொள்ளப்படும். 
தமிழக அரசு அளிக்கும் அனைத்து நலத்திட்ட உதவிகளையும் பொது மக்கள் நல்ல முறையில் பெற்று பயன்பெற வேண்டும் என்றார்.
இதில், அவிநாசி, திருமுருகன்பூண்டி பேரூராட்சி ஆகிய பகுதிகளைச் சேர்ந்த 264 பயனாளிகளுக்கு அம்மா இருசக்கர வாகனங்கள் வழங்க ஆணைபிறப்பிக்கப்பட்டு,161 உழைக்கும் மகளிருக்கு தலா ரூ.25,000 மதிப்பில் மானிய விலையில் அம்மா இரு சக்கர வாகனங்கள் வழங்கப்பட்டன.  மேலும், திருமண உதவித் தொகை, முதியோர் உதவித் தொகை, கிராமப்புற கோயில்களின் திருப்பணிகளுக்கான தொகை  என 388 பயனாளிகளுக்கு ரூ. 69 லட்சத்து 33 ஆயிரம் மதிப்பிலான  நலத் திட்ட உதவிகளும்,  மாநில ஊரக வாழ்வாதார இயக்கம், மகளித் திட்டத்தின் சார்பில் 17 மகளிர் சுய உதவிக் குழுக்களுக்கு ரூ.27.10 லட்சம் மதிப்பிலான வங்கி கடனுதவி மற்றும் மூலதன நிதியும் வழங்கப்பட்டன.
மாவட்ட வருவாய் அலுவலர் ச.பிரசன்ன ராமசாமி, மாவட்ட ஊரக வளர்ச்சி முகமைத் திட்ட இயக்குநர் ரமேஷ்குமார், இந்துசமய அறநிலையத் துறை இணை ஆணையர் ராஜமாணிக்கம், உதவி ஆணையர் ஹர்சினி, அவிநாசி வட்டாட்சியர் வாணிஜெகதாம்பாள்,  அரசு அலுவலர்கள் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/dec/13/அவிநாசி-அத்திக்கடவு-திட்டப்-பணி-விரைவில்-துவங்கும்-சட்டப்-பேரவை-தலைவர்-3056811.html
3056810 கோயம்புத்தூர் திருப்பூர் சிறுமிக்கு பாலியல் தொல்லை: முதியவர் கைது DIN DIN Thursday, December 13, 2018 01:50 AM +0530 திருப்பூரில் 8 வயது சிறுமிக்கு பாலியல் தொல்லை கொடுத்ததாக முதியவர் புதன்கிழமை கைது செய்யப்பட்டார்.
 திருப்பூர், வீரபாண்டி பகுதியைச் சேர்ந்தவர் ஹனிபா (62), கட்டடத் தொழிலாளி. இவர், தனது வீட்டிற்கு அருகே விளையாடிக் கொண்டிருந்த 8 வயது சிறுமியை வீட்டின் மாடிக்கு அழைத்து சென்று பாலியல் துன்புறுத்தல் செய்துள்ளார்.
  இது குறித்து திருப்பூர் தெற்கு அனைத்து மகளிர் போலீஸார் வழக்குப் பதிவு செய்து ஹனிபாவைக் கைது செய்தனர்.
 

]]>
http://www.dinamani.com/all-editions/edition-coimbatore/tiruppur/2018/dec/13/சிறுமிக்கு-பாலியல்-தொல்லை-முதியவர்-கைது-3056810.html
3056343 கோயம்புத்தூர் திருப்பூர் திருப்பூர் அருகே 2 சுவாமி சிலைகள் திருட்டு DIN DIN Wednesday, December 12, 2018 07:49 AM +0530 திருப்பூரை அடுத்த சாமளாபுரம் அருகே உள்ள வேணுகோபால் சுவாமி கோயிலின் பூட்டை உடைத்து 2 சுவாமி சிலைகளை மர்ம நபர்கள் திருடிச் சென்றனர். 
திருப்பூரை அடுத்த சாமளாபுரம் அருகே உள்ள கள்ளப்பாளையம் பகுதியில் வேணுகோபால் சுவாமி கோயில் உள்ளது. இந்தக் கோயிலில் வழக்கம் போல் திங்கள்கிழமை பூஜைகளை முடித்துவிட்டு பூசாரி கோயிலை பூட்டிச் சென்றுள்ளார். 
இந்த நிலையில் செவ்வாய்க்கிழமை காலை வந்து பார்த்தபோது கோயிலின் கதவு உடைக்கப்பட்டிருந்தது தெரியவந்தது. மேலும், கோயில் இருந்த இரண்டே முக்கால் அடி உயர வேணுகோபால் சுவாமி சிலை மற்றும் இரண்டரை அடி உயர ருக்மணி சிலையை மர்ம நபர்கள் திருடிச் சென்றது தெரியவந்தது. 
இதுகுறித்து கோயில் பூசாரி கொடுத்த தகவலின்படி சம்பவ இடத்துக்கு வந்த மங்கலம் காவல் துறையினர் விசாரணை நடத்தி வருகின்றனர். இந்த சிலைகள் ஐம்பொன்னால் செய்யப்பட்டதா என்பது குறித்தும் விசாரிக்கின்றனர். 
 

]]>
http://www.dinamani.com/all-editions/edition-coimbatore/tiruppur/2018/dec/12/திருப்பூர்-அருகே-2-சுவாமி-சிலைகள்-திருட்டு-3056343.html
3056342 கோயம்புத்தூர் திருப்பூர் மக்களிடம் ஆதரவு திரட்டிய கிராம நிர்வாக அலுவலர்கள் DIN DIN Wednesday, December 12, 2018 07:48 AM +0530 வெள்ளக்கோவிலில் கிராம நிர்வாக அலுவலர்கள் மக்களை நேரடியாகச் சந்தித்து தங்களது காலவரையற்ற வேலைநிறுத்தப் போராட்டத்துக்கு செவ்வாய்க்கிழமை ஆதரவு திரட்டினர்.  இது தொடர்பாக பொதுமக்களிடம் விநியோகிக்கப்பட்ட துண்டுப் பிரசுரங்களில் தெரிவிக்கப்பட்டுள்ளதாவது:
 தமிழ்நாட்டில் பணிபுரியும் 9,462 கிராம நிர்வாக அலுவலர்களில் 7,000 பேர் தங்களது பணியின் அவல நிலையை எடுத்துக் கூறி நியாயம் கோரும் விதமாக மக்களைத் தேடி என்கிற போராட்டம் நடத்தப்படுகிறது. எங்களின் கோரிக்கைகள் சம்பள உயர்வு பற்றியதல்ல. அடிப்படை வசதிகள் பற்றியதாகும்.
 கிராம நிர்வாக அலுவலகங்களுக்கு குடிநீர், கழிப்பறை, மின்சார வசதி செய்து தரவேண்டும். 2013ஆம் ஆண்டு முதல் இணையதளத்தில் சான்றிதழ் வழங்கப்படுகிறது. இதற்கான செலவை கிராம நிர்வாக அலுவலர்கள் செய்து வருகின்றனர். ஆகவே கணினி, இணையதள வசதி தேவை.
 காலிப்பணியிடங்களை நிரப்ப வேண்டும். பட்டா மாறுதல்களில் கிராம நிர்வாக அலுவலர்களுக்கு எவ்விதத் தொடர்பும் இல்லாத நிலையில் நீதிமன்றங்களில் சாட்சியளிக்க வேண்டியுள்ளது. எனவே கிராம நிர்வாக அலுவலர்களின் ஒப்புதல் பெற்ற பின்பே பட்டா மாறுதல் வழங்க வேண்டும்.
 பெண் கிராம நிர்வாக அலுவலர்கள் அவரவர் சொந்த மாவட்டத்தில் பணிபுரிய மாவட்ட மாறுதல் தேவை. செலவுகள் இல்லாத இந்தக் கோரிக்கைகளை அரசு நிறைவேற்றித் தரவேண்டும் எனத் தெரிவிக்கப்பட்டுள்ளது.  கிராம நிர்வாக அலுவலர்கள் சங்கம் சார்பில் பல்வேறு பகுதிகளில் பொதுமக்களிடம் துண்டுப் பிரசுரங்கள் விநியோகம் செய்யப்பட்டன.

]]>
http://www.dinamani.com/all-editions/edition-coimbatore/tiruppur/2018/dec/12/மக்களிடம்-ஆதரவு-திரட்டிய-கிராம-நிர்வாக-அலுவலர்கள்-3056342.html
3056341 கோயம்புத்தூர் திருப்பூர் சாலையில் திடீரென தீப்பிடித்து எரிந்த கார் DIN DIN Wednesday, December 12, 2018 07:48 AM +0530 வெள்ளக்கோவில் - கரூர் சாலையில் சென்று கொண்டிருந்த கார் செவ்வாய்க்கிழமை திடீரென தீப்பிடித்து எரிந்து சேதம் அடைந்தது.
கரூரை அடுத்த வடகம்பாடியைச் சேர்ந்தவர் ராஜலிங்கம் (29). இவர் தனது மனைவி, மூன்று வயது மகன், மாமியார் ஆகியோருடன் ஆம்னி வேனில் கோவை மருத்துவமனைக்குச் சென்று விட்டு ஊர் திரும்பிக் கொண்டிருந்தார்.திருப்பூர் மாவட்டம், வெள்ளக்கோவில் - கரூர் சாலையில் தென்னிலைகரைப்பாளையம் அருகே சென்றுகொண்டிருந்தபோது வேனின் என்ஜின் பகுதியில் சப்தம் கேட்டுள்ளது. இதையடுத்து அனைவரும் அவசரமாக இறங்கிப் பார்த்தபோது வேன் திடீரென தீப்பிடித்து எரியத் தொடங்கியது.
உடனடியாக வெள்ளகோவில் தீயணைப்புத் துறையினருக்குத் தகவல் தெரிவிக்கப்பட்டது. இதையடுத்து சம்பவ இடத்துக்கு விரைந்து சென்ற தீயணைப்பு நிலைய அலுவலர் வேலுசாமி தலைமையிலான வீரர்கள், தண்ணீரைப் பீய்ச்சியடித்து தீயை அணைத்தனர்.
அதற்குள் வேனின் 75 சதவீதப் பகுதி எரிந்து சேதமடைந்தது. இந்த விபத்தில் யாருக்கும் காயம் எதுவும் ஏற்படவில்லை. இந்த வேன் எரிவாயு மூலம் இயங்கியது குறிப்பிடத்தக்கது. தேசிய நெடுஞ்சாலையில் நடந்த இந்தச் சம்பவத்தால் நீண்ட நேரம் போக்குவரத்து பாதிக்கப்பட்டது.
 

]]>
http://www.dinamani.com/all-editions/edition-coimbatore/tiruppur/2018/dec/12/சாலையில்-திடீரென-தீப்பிடித்து-எரிந்த-கார்-3056341.html
3056340 கோயம்புத்தூர் திருப்பூர் காமநாயக்கன்பாளையத்தில் இன்று வாகன எல்.எல்.ஆர்.சிறப்பு முகாம் DIN DIN Wednesday, December 12, 2018 07:47 AM +0530 பல்லடத்தை அடுத்துள்ள காமநாயக்கன்பாளையத்தில் புதன்கிழமை (டிசம்பர் 12) வாகன எல்.எல்.ஆர்.சிறப்பு முகாம் நடைபெறவுள்ளது. 
பல்லடம் - பொள்ளாச்சி சாலையில் உள்ள காமநாயக்கன்பாளையம் காவல் நிலையம் எதிரில் பிற்பகல் 3 மணிக்கு சிறப்பு முகாம் துவங்குகிறது. இதில் 18 வயது பூர்த்தி அடைந்தவர்கள் தங்களுடைய ஆதார், வாக்காளர் அடையாள அட்டை உள்ளிட்ட இருப்பிடச் சான்று, பள்ளி, கல்லூரி மாற்றுச்சான்று அல்லது மதிப்பெண் சான்று, பிறப்புச் சான்று, ரத்த வகைச் சான்று மற்ரும் புகைப்படங்களைக் கொண்டு வந்து உரிய கட்டணம் செலுத்தி எல்.எல்.ஆர். பழகுநர் உரிமம் பெற்றுக் கொள்ளலாம் என்று திருப்பூர் தெற்கு வட்டார போக்குவரத்து அலுவலர் முருகானந்தம், பல்லடம் மோட்டார் வாகன ஆய்வாளர் பாஸ்கர் ஆகியோர் தெரிவித்துள்ளனர்.

]]>
http://www.dinamani.com/all-editions/edition-coimbatore/tiruppur/2018/dec/12/காமநாயக்கன்பாளையத்தில்-இன்று-வாகன-எல்எல்ஆர்சிறப்பு-முகாம்-3056340.html
3056339 கோயம்புத்தூர் திருப்பூர் டி.எஸ்.பி அலுவலகத்துக்கு புதிய கட்டடம்: பேரவைத் தலைவர் ப.தனபால் திறந்துவைத்தார் DIN DIN Wednesday, December 12, 2018 07:47 AM +0530 அவிநாசியில் புதிதாக அமைக்கப்பட்ட காவல் துணை கண்காணிப்பாளர் அலுவலகத்தை சட்டப் பேரவைத் தலைவர் ப.தனபால்  செவ்வாய்க்கிழமை திறந்து வைத்தார்.
அவிநாசி- கோவை சாலையில் நாயக்கன் தோட்டம் பகுதியில் ரூ.37.30 லட்சம் மதிப்பில் தரைதளம் மற்றும் முதல் தளத்துடன் அனைத்து வசதிகளுடன் காவல்துணை கண்காணிப்பாளர் அலுவலகத்துக்கு புதிய கட்டடம் கட்டப்பட்டது. 
இதையடுத்து இதன் திறப்பு விழா செவ்வாய்க்கிழமை நடைபெற்றது. நிகழ்ச்சிக்கு ஆட்சியர் கே.எஸ்.பழனிசாமி  தலைமை வகித்தார். மாவட்ட காவல் கண்காணிப்பாளர் அ.கயல்வி, திருப்பூர் வடக்கு சட்டப் பேரவை உறுப்பினர் கே.என்.விஜயகுமார் ஆகியோர் முன்னிலை வகித்தனர்.  சட்டப் பேரவைத் தலைவர் ப.தனபால் புதிய கட்டடத்தை  திறந்து வைத்தார். 
மாவட்ட கூடுதல் காவல் கண்காணிப்பாளர்கள் குணசேகரன், மாடசாமி, துணை காவல் கண்காணிப்பாளர் பரமசாமி, கூட்டுறவு சங்கத் தலைவர்கள் சேவூர் ஜி.வேலுசாமி, அ.ஜெகதீசன், மு. சுப்பிரமணியம், வேலுசாமி, காவல்துறையினர், அரசு அலுவலர்கள் உள்ளிட்டோர் பங்கேற்றனர்.


 

]]>
http://www.dinamani.com/all-editions/edition-coimbatore/tiruppur/2018/dec/12/டிஎஸ்பி-அலுவலகத்துக்கு-புதிய-கட்டடம்-பேரவைத்-தலைவர்-பதனபால்-திறந்துவைத்தார்-3056339.html
3056338 கோயம்புத்தூர் திருப்பூர் துப்புரவுத் தொழிலாளர்கள் பணியை புறக்கணித்துப் போராட்டம் DIN DIN Wednesday, December 12, 2018 07:47 AM +0530 பி.எப். தொகையை தங்கள் கணக்கில் முறையாக  செலுத்தக் கோரி பணிகளை புறக்கணித்துவிட்டு துப்புரவுத் தொழிலாளர்கள் உடுமலை நகராட்சி முன்பு செவ்வாய்க்கிழமை காத்திருப்புப் போராட்டத்தில் ஈடுபட்டனர். 
உடுமலை நகராட்சியில் நூற்றுக்கணக்கான துப்புரவுத் தொழிலாளர்கள் பணியாற்றி வருகின்றனர். தொழிலாளர்களுக்கான பி.எப். கணக்கில் நகராட்சி நிர்வாகம் முறையாக பணம் செலுத்தவில்லை என புகார் இருந்து வருகிறது. இந்நிலையில் தங்களது கணக்கில் முறையாக பி.எப். தொகையை செலுத்தக் கோரி பணிகளை புறக்கணித்துவிட்டு நகராட்சி முன்பு செவ்வாய்க்கிழமை காத்திருப்புப் போராட்டத்தில் தொழிலாளர்கள் ஈடுபட்டனர். இதை வலியுறுத்தி முழக்கங்களையும் எழுப்பினர். 
இதைத் தொடர்ந்து கோரிக்கையை பரிசீலிப்பதாக நகராட்சி நிர்வாகம் கூறியதால் போராட்டம் விலக்கிக் கொள்ளப்பட்டது. மார்க்சிஸ் ட் கம்யூனிஸ்ட் கட்சி நிர்வாகி  தண்டபாணி உள்ளிட்டோர் இந்தப் போராட்டத்தை ஒருங்கிணைத்தனர்.


 

]]>
http://www.dinamani.com/all-editions/edition-coimbatore/tiruppur/2018/dec/12/துப்புரவுத்-தொழிலாளர்கள்-பணியை-புறக்கணித்துப்-போராட்டம்-3056338.html
3056337 கோயம்புத்தூர் திருப்பூர் சுற்றுச்சூழல் விழிப்புணர்வு முகாம் DIN DIN Wednesday, December 12, 2018 07:47 AM +0530 உடுமலையை அடுத்துள்ள திருமூர்த்திமலையில் சுற்றுச் சூழல் விழிப்புணர்வு முகாம் செவ்வாய்க்கிழமை நடைபெற்றது.
ரோட்ராக்ட் சங்கத்தின் சார்பில் நடைபெற்ற இந்த முகாமில் திருமூர்த்திமலையில் உள்ள கோயில் மற்றும் அதைச் சுற்றியுள்ள பகுதியிலும், பஞ்சலிங்கம் அருவிக்குச் செல்லும் வழியிலும்  உள்ள பிளாஸ்டிக் மற்றும் குப்பைகளை அகற்றும் பணி நடைபெற்றது. 
உடுமலை தேஜஸ் ரோட்டரி சங்கத்தின் பட்டைய தலைவர் சக்கரபாணி முகாமை துவக்கி வைத்தார் இதன் மூலம் சுமார் 50 டன் குப்பைகள் அகற்றப்பட்டது. இதில் ரோட்ராக்ட் சங்கம், உடுமலை யுவாஸ் சங்கம், ஈரோடு செங்குந்தர் சங்கம், திருப்பூர் சௌத் ஆர்மி, சௌத் சிகரம், உயிர்மெய், சிறகுகள்  உள்ளிட்ட பல்வேறு பொது நல அமைப்புகளின் உறுப்பினர்கள் இணைந்து இந்த தூய்மைப் பணியைச் செய்தனர். மேலும் இதையொட்டி சுற்றுச் சூழல் விழிப்புணர்வு கருத்தரங்கமும் நடைபெற்றது.

]]>
http://www.dinamani.com/all-editions/edition-coimbatore/tiruppur/2018/dec/12/சுற்றுச்சூழல்-விழிப்புணர்வு-முகாம்-3056337.html
3056336 கோயம்புத்தூர் திருப்பூர் பி.எஸ்.என்.எல். ஊழியர்கள் ஆர்ப்பாட்டம் DIN DIN Wednesday, December 12, 2018 07:46 AM +0530 மூலனூரில் பி.எஸ்.என்.எல். ஊழியர்கள் செவ்வாய்க்கிழமை ஆர்ப்பாட்டம் நடத்தினர்.
 மூலனூர் தொலைபேசி நிலையம் முன்பு நடந்த ஆர்ப்பாட்டத்துக்கு ஊழியர்கள் சங்கத்தைச் சேர்ந்த துரைசாமி தலைமை வகித்தார். சங்கப் பொருளாளர் ராமன், பாலசுப்பிரமணி ஆகியோர் முன்னிலை வகித்தனர்.
 மூலனூரில் பணிபுரியும் பி.எஸ்.என்.எல். ஒப்பந்தத் தொழிலாளர்களுக்கு கடந்த இரண்டு மாதங்களாகச் சம்பளம் வழங்கப்படவில்லை. உடனே அதை வழங்க வலியுறுத்தி நிரந்தர ஊழியர்கள் மற்றும் ஒப்பந்தத் தொழிலாளர்கள் கண்களில் கருப்புத்துணி கட்டி ஆர்ப்பாட்டம் நடத்தினர்.
ஒப்பந்தத் தொழிலாளர்கள் சங்கச் செயலாளர் செந்தில்குமார் நன்றி கூறினார். 

]]>
http://www.dinamani.com/all-editions/edition-coimbatore/tiruppur/2018/dec/12/பிஎஸ்என்எல்-ஊழியர்கள்-ஆர்ப்பாட்டம்-3056336.html
3056335 கோயம்புத்தூர் திருப்பூர் மயான வசதி அமைத்துத் தர கிராம மக்கள் வலியுறுத்தல் DIN DIN Wednesday, December 12, 2018 07:46 AM +0530 காங்கயம் அருகே உள்ள சிவன்மலை ஊராட்சியில் சுடுகாடு வசதி இல்லாததால், இறந்து போனவர்களின் சடலங்களை சாலையோரத்தில் புதைத்து வருகின்றனர். இதனால் மயான வசதி செய்து தரவேண்டும் என அப்பகுதி பொதுமக்கள் கோரிக்கை விடுத்துள்ளனர்.
காங்கயம் ஒன்றியம், சிவன்மலை ஊராட்சிக்கு உள்பட்ட ராமபட்டிணம் கிராமத்தில் 70 குடும்பங்களைச் சேர்ந்த சுமார் 300க்கும் மேற்பட்டோர் வசித்து வருகின்றனர். இந்த ஊருக்கு சுடுகாடு வசதி இல்லை. இதுகுறித்து இந்த ஊர் பொதுமக்களின் சார்பில் பல முறை மாவட்ட ஆட்சியர் அலுவலகத்திலும், வட்டாட்சியர் அலுவலகத்திலும் மனுக்கள் மூலமும் கோரிக்கை வைத்தும் இதுவரை பலனில்லை. 
சுடுகாடு இல்லாததால் சாலையோரத்தில் இறந்தவர்களின் சடலங்களைப் புதைத்து வருவதாகவும், தங்கள் ஊருக்கு மயான வசதி ஏற்படுத்தித் தர வேண்டும் என்று அப்பகுதி பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/tiruppur/2018/dec/12/மயான-வசதி-அமைத்துத்-தர-கிராம-மக்கள்-வலியுறுத்தல்-3056335.html
3056334 கோயம்புத்தூர் திருப்பூர் பாரதியார் படத்துக்கு  பள்ளி மாணவியர் மரியாதை DIN DIN Wednesday, December 12, 2018 07:46 AM +0530 திருப்பூர் மாவட்டத்தில் உள்ள பள்ளிகளில் மகாகவி பாரதியாரின் பிறந்த நாள் விழா செவ்வாய்க்கிழமை  கொண்டாடப்பட்டது.
மகாகவி பாரதியாரின் பிறந்த நாள் விழாவை ஒட்டி திருப்பூரில் உள்ள அரசு மற்றும் தனியார் பள்ளிகளில் அவரது படத்துக்கு பள்ளி மாணவிகள் மலர் தூவி  செவ்வாய்க்கிழமை மரியாதை செலுத்தினர். திருப்பூர் ஜெய்வாபாய் பெண்கள் மேல் நிலைப்பள்ளியில் பாரதியார் உருவப்படத்துக்கு மாணவியர் மலர்தூவி மரியாதை செய்தனர்.
மேலும், பாரதியாரின் நினைவுகளைப் போற்றும் வகையில் அவரின் வாழ்க்கை வரலாறு கற்றுக் கொடுக்கப்பட்டது. இந்த நிகழ்ச்சியில், பள்ளி மாணவிகள், ஆசிரியர்கள் உள்ளிட்ட பலர் கலந்து கொண்டனர்.


 

]]>
http://www.dinamani.com/all-editions/edition-coimbatore/tiruppur/2018/dec/12/பாரதியார்-படத்துக்கு--பள்ளி-மாணவியர்-மரியாதை-3056334.html
3056333 கோயம்புத்தூர் திருப்பூர் மாநகராட்சி அதிகாரிகள் மெத்தனம்: மார்க்சிஸ்ட் கம்யூனிஸ்ட் கட்சி குற்றச்சாட்டு DIN DIN Wednesday, December 12, 2018 07:46 AM +0530 திருப்பூர் மாநகரப் பகுதிகளில் குடிநீர் விநியோகிப்பதிலும், குப்பை அகற்றுவதிலும்  மாநகராட்சி அதிகாரிகள் அலட்சியத்துடன் செயல்பட்டு வருவதாக மார்க்சிஸ்ட் கம்யூனிஸ்ட் கட்சி குற்றம் சாட்டியுள்ளது. 
மார்க்சிஸ்ட் கம்யூனிஸ்ட் கட்சியின் திருப்பூர் வடக்கு மாநகரக் குழுக்  கூட்டம் மாநகரக் குழு உறுப்பினர் கே.நாகராஜ் தலைமையில் திங்கள்கிழமை நடைபெற்றது. இதில், திருப்பூர் மாநகரின் பல்வேறு பகுதிகளில் கடந்த சில நாள்களாக மாநகராட்சி சார்பில் சீரான குடிநீர் விநியோகம் செய்யப்படவில்லை. மேலும் ஒரு சில பகுதிகளில் 10 நாள்களும், சில பகுதிகளிலும் 15 நாள்களுக்கு ஒரு முறைதான் மாநகராட்சி சார்பில் குடிநீர் விநியோகம் செய்யப்படுகிறது. 
அவிநாசி சாலை, தாராபுரம் சாலை உள்ளிட்ட பகுதிகளில் ஆங்காங்கே பிரதான குடிநீர் குழாயில் உடைப்பு ஏற்பட்டு பல நாள்களாக  குடிநீர் சாலைகளில் வீணாகிச் செல்கிறது. மாநகரின் பெரும்பாலான பகுதிகளில் குப்பைகள் அதிக அளவில் குவிந்துள்ளதால், டெங்கு, வைரஸ், பன்றிக் காய்ச்சல் வேகமாகப் பரவி வருகிறது. இதை மாநகராட்சி அதிகாரிகள் கண்டிகொள்ளாமல் அலட்சியமாக இருந்து வருகின்றனர்.  மாநகராட்சி நிர்வாகம் உடனடியாக கவனம் செலுத்தி  நடவடிக்கை எடுக்க வேண்டும் என்று வலியுறுத்தப்பட்டது.
 

]]>
http://www.dinamani.com/all-editions/edition-coimbatore/tiruppur/2018/dec/12/மாநகராட்சி-அதிகாரிகள்-மெத்தனம்-மார்க்சிஸ்ட்-கம்யூனிஸ்ட்-கட்சி-குற்றச்சாட்டு-3056333.html
3056332 கோயம்புத்தூர் திருப்பூர் புதிய தார் சாலை அமைக்கக் கோரி நாற்று நடும் போராட்டம் DIN DIN Wednesday, December 12, 2018 07:45 AM +0530 திருப்பூர் மாநகராட்சிக்கு உள்பட்ட பழவஞ்சிபாளையம் பகுதியில் புதியதாக தார் சாலை அமைக்கக்கோரி பொதுமக்கள் நாற்று நடும் போராட்டத்தில் செவ்வாய்க்கிழமை ஈடுபட்டனர். 
திருப்பூர் மாநகராட்சி 52 ஆவது வார்டுக்கு உள்பட்ட பலவஞ்சிபாளையம் பகுதியில் நூற்றுக்கணக்கான குடும்பத்தினர் வசித்து வருகின்றனர். இப்பகுதியில் அதிக அளவிலான தொழிற்சாலைகளும் உள்ளன. இப்பகுதியில் சாலை வசதி இல்லாததால் புதிதாக தார் சாலை அமைத்துக் கொடுக்கும்படி மாநகராட்சிக்கு பலமுறை கோரிக்கை விடுத்துள்ளனர்.  ஆனால் எந்தவிதமான நடவடிக்கையும் எடுக்கப்படவில்லை என்று தெரிகிறது. சாக்கடை கழிவு நீர் சாலைகளில் வழிந்தோடுவதால் பொதுமக்கள் அவதிக்குள்ளாகி வந்தனர்.
இதையடுத்து, அப்பகுதி பொதுமக்கள் சுமார் 50 பேர் செவ்வாய்க்கிழமை மாலை பலவஞ்சிபாளையம் பகுதியில் திரண்டு சாலையில் நாற்றுகளை நட்டு போராட்டத்தில் ஈடுபட்டனர். இதனால் அப்பகுதியில் சில மணி நேரம் பரபரப்பு ஏற்பட்டது.
 

]]>
http://www.dinamani.com/all-editions/edition-coimbatore/tiruppur/2018/dec/12/புதிய-தார்-சாலை-அமைக்கக்-கோரி-நாற்று-நடும்-போராட்டம்-3056332.html
3056331 கோயம்புத்தூர் திருப்பூர் டிசம்பர் 12 மின் தடை DIN DIN Wednesday, December 12, 2018 07:45 AM +0530 பெருமாநல்லூர்
பெருமாநல்லூர் துணை மின் நிலையத்தில் மாதாந்திர பராமரிப்புப் பணிகள் நடைபெற இருப்பதால் கீழ்கண்ட பகுதிகளில் புதன்கிழமை (டிசம்பர் 12) காலை 9 மணி முதல் மாலை 5 மணி வரை மின் நிறுத்தம் செய்யப்பட உள்ளதாக மின்வாரியத்தினர்அறிவித்துள்ளனர்.
மின்விநியோகம் தடைபடும் பகுதிகள்:  பெருமாநல்லூர், கணக்கம்பாளையம், காளிப்பாளையம், புதுப்பாளையம், சடையம்பதி, பூலுவப்பட்டி, பாண்டியன் நகர், எம்.தொட்டிப்பாளையம், மேற்குபதி, வலசுப்பாளையம், கந்தம்பாளையம், அய்யம்பாளையம், ஆண்டிப்பாளையம்,  நெருப்பெரிச்சல், செட்டிப்பாளையம், வாவிபாளையம், தொரவலூர்.

]]>
http://www.dinamani.com/all-editions/edition-coimbatore/tiruppur/2018/dec/12/டிசம்பர்-12-மின்-தடை-3056331.html
3056123 கோயம்புத்தூர் திருப்பூர் செல்லிடப்பேசி திருடிய வழக்கு: நீதிமன்ற ஊழியர்கள் 2 பேருக்கு 2 ஆண்டு சிறை DIN DIN Wednesday, December 12, 2018 01:38 AM +0530 தாராபுரம் குற்றவியல் நீதித் துறை நடுவர் மன்றத்தில் செல்லிடப்பேசி திருடிய வழக்கில் நீதிமன்ற ஊழியர்கள் 2 பேருக்கு 2 ஆண்டுகள் சிறை தண்டனை விதிக்கப்பட்டது.
திருப்பூர் மாவட்டம், தாராபுரம் குற்றவியல் நீதித் துறை நடுவர் மன்றத்தில் பல்வேறு வழக்குகள் தொடர்பாக வைக்கபட்டிருத்த 31 செல்லிடப்பேசிகள் 2015 ஆம் ஆண்டு காணாமல் போயின. இதுதொடர்பாக தாராபுரம் காவல் நிலையத்தில் நீதிமன்ற தலைமை எழுத்தர் புகார் அளித்திருந்தார். 
இந்தப் புகாரின் பேரில் காவல் துறையினர் நடத்திய விசாரணையில், நீதிமன்றத்தில் அலுவலக உதவியாளர்களாகப் பணியாற்றி வந்த கீதா, சதீஷ்குமார் ஆகியோர் செல்லிடப்பேசிகளைத் திருடியது தெரியவந்தது. இதையடுத்து, இருவரையும் கைது செய்த காவல் துறையினர், நீதிமன்றத்தில் ஆஜர்படுத்தி சிறையில் அடைத்தனர். 
இந்த வழக்கு தாராபுரம் குற்றவியல் நடுவர் நீதிமன்றத்தில் நடைபெற்று வந்தது. இந்த வழக்கின் மீதான இறுதிக் கட்ட விசாரணை நிறைவடைந்த நிலையில் குற்றவியல் நீதித் துறை நடுவர் சசிகுமார் திங்கள்கிழமை தீர்ப்பு வழங்கினார். இதில், கீதா, சதீஷ்குமார் ஆகியோருக்கு 2 ஆண்டுகள் சிறை தண்டனை மற்றும் தலா ரூ.2 ஆயிரம் அபராதம் விதித்தார். மேலும், பணியில் கவனக்குறைவாக இருந்ததற்காக தலைமை எழுத்தாளர் ஆஷியாபேகம் மீது துறைரீதியிலான நடவடிக்கை எடுக்கவும் உத்தரவிட்டார்.

]]>
http://www.dinamani.com/all-editions/edition-coimbatore/tiruppur/2018/dec/12/செல்லிடப்பேசி-திருடிய-வழக்கு-நீதிமன்ற-ஊழியர்கள்-2-பேருக்கு-2-ஆண்டு-சிறை-3056123.html
3056122 கோயம்புத்தூர் திருப்பூர் பல்லடம் அருகே கே.என்.புரத்தில் கிணற்றில் 2 பேர் சடலம் மீட்பு DIN DIN Wednesday, December 12, 2018 01:37 AM +0530 பல்லடம் கே.என்.புரத்தில் சாலையோர விவசாய கிணற்றிலிருந்து 2 பேரின் சடலம் செவ்வாய்க்கிழமை மீட்கப்பட்டது. 
மதுரை மாவட்டம், பரவை அண்ணா நகரைச் சேர்ந்த முருகன் மகன் சரவணகுமார் (34). இவர் திருப்பூரில் உள்ள தனியார் பின்னலாடை நிறுவனத்தில் வாகன ஓட்டுநராகப் பணியாற்றி வருகிறார். இவருக்கு ஜீவிதா (29) என்ற மனைவியும், விஷ்ணுதேவன், கிருஷ்ணதேவன் ஆகிய இரண்டு ஆண் குழந்தைகளும் உள்ளனர். 
மதுரை மாவட்டம், பரவை காந்தி கிரவுன் வீதியைச் சேர்ந்த குமார் மகன் ராஜேஷ்வரன் (34) அப்பகுதியில் வாகன ஓட்டுநராகப் பணியாற்றி வருகிறார். இவர் சரவணகுமாரின் உறவினர் ஆவார். பெங்களூரு சென்று விட்டு ஞாயிற்றுக்கிழமை மாலை சரவணக்குமாரைப் பார்க்க காரில் வந்துள்ளார். பின் அவரை அழைத்துக் கொண்டு கோவை நோக்கி சென்றுள்ளனர்.  செல்லும் வழியில் பல்லடம் அருகே செம்மிபாளையம் ஊராட்சி  கே.என்.புரம் பகுதியில் தனியார் தொழிற்சாலை அருகில் அவ்வழியாக வந்த அரசுப் பேருந்து மீது கார் மோதியதில் விபத்து நிகழ்ந்துள்ளது. பின்னர் இரு தரப்பினரும் பேச்சுவார்த்தை நடத்தியதில் சமரசம் ஏற்பட்டுள்ளது.
இந்நிலையில் மது போதையில் இருந்த சரவணகுமார் மற்றும் ராஜேஷ்வரன் ஆகியோர்  இருளில் சாலையோரம் இருந்த குட்டைக்காட்டு தோட்டத்தில் இருந்த கிணற்றில் தவறி விழுந்து இறந்துள்ளனர். அவர்கள் வந்த கார் சாலையோரமாக கேட்பாரற்ற நிலையில் நின்று கொண்டு இருந்துள்ளது. அத்தோட்டத்துக்குச் சென்ற நடராஜன் என்பவர் கிணற்றை தற்செயலாகப் பார்த்தபோது கிணற்று தண்ணீரில் இரண்டு பேரின் சடலம் மிதப்பது செவ்வாய்க்கிழமை தெரியவந்தது. அதைத் தொடர்ந்து அச்சடலத்தை பல்லடம் தீயணைப்பு படையினர் கயிறு கட்டி மீட்டனர். பல்லடம் போலீஸார் சடலத்தைக் கைப்பற்றி கோவை அரசு மருத்துவமனைக்கு பிரேத பரிசோதனைக்கு அனுப்பிவைத்து வழக்குப் பதிவு செய்து விசாரனை மேற்கொண்டுள்ளனர்.

]]>
http://www.dinamani.com/all-editions/edition-coimbatore/tiruppur/2018/dec/12/பல்லடம்-அருகே-கேஎன்புரத்தில்-கிணற்றில்-2-பேர்-சடலம்-மீட்பு-3056122.html
3055777 கோயம்புத்தூர் திருப்பூர் திருப்பூரில் வங்கதேச தொழிலாளர்கள் 12 பேர் கைது DIN DIN Tuesday, December 11, 2018 08:17 AM +0530 திருப்பூரில் உரிய ஆவணம் இன்றி தங்கியிருந்ததாக வங்கதேசத்தைச் சேர்ந்த தொழிலாளர்கள் 12 பேர் திங்கள்கிழமை கைது செய்யப்பட்டனர்.
இது குறித்து காவல் துறையினர் கூறியதாவது:
 திருப்பூர் மாநகரம் 15 வேலம்பாளையம் காவல் நிலையத்துக்கு உள்பட்ட சிறுபூலுவபட்டி,  அத்திமரத்தோட்டம் பகுதியில் வெளிநாட்டைச் சேர்ந்த நபர்கள் தங்கியிருப்பதாக காவல் துறையினருக்குத் தகவல் கிடைத்துள்ளது. அதையடுத்து, அங்கு சென்ற காவல் துறையினர் நடத்திய விசாரணையில், வங்கதேசத்தைச் சேர்ந்த பலர் உரிய ஆவணம் இன்றி திருப்பூரில் தங்கி பின்னலாடை நிறுவனத்தில் பணியாற்றி வந்தது தெரியவந்தது.
    இதில், வங்கதேசத்தைச் சேர்ந்த முகமதுசலீம் ஹஷீம் (38), ஃபக்ருல்ஹக் (40), முகமது ராபீன் ஹுசைன் (23), இப்ராஹீம் காசீம் (25), முகமது லசன் (26), ரிஷிதுல் (27), பாஹார் (26) முகமது பிஸ்வாஸ் (26), ஜுல்வார் ஹுசைன் (26), முகமது அன்வர் ஹுசன் (25) மற்றும் 17 வயது சிறுவர்கள் 2 பேர் உள்பட 12 பேரை காவல் துறையினர் கைது செய்தனர். 
முன்னதாக 2 பேர் கைது: இதனிடையே, உரிய ஆவணங்கள் இன்றி இதே பகுதியில் தங்கியிருந்த வங்கதேசம், டாக்காவைச் சேர்ந்த கே.சபுஷ்(29), அப்துல் ரஷித் (25) ஆகியோரை காவல் துறையினர் ஞாயிற்றுக்கிழமை கைது செய்தது குறிப்பிடத்தக்கது.

]]>
http://www.dinamani.com/all-editions/edition-coimbatore/tiruppur/2018/dec/11/திருப்பூரில்-வங்கதேச-தொழிலாளர்கள்-12-பேர்-கைது-3055777.html
3055776 கோயம்புத்தூர் திருப்பூர் சோனியா காந்தி பிறந்த நாள் DIN DIN Tuesday, December 11, 2018 08:17 AM +0530 காங்கிரஸ் தலைவர் சோனியா காந்தி பிறந்த நாள் விழா உடுமலையில் ஞாயிற்றுக்கிழமை கொண்டாடப்பட்டது.
உடுமலை நகர காங்கிரஸ் கமிட்டி சார்பில் நடைபெற்ற இந்த விழாவுக்கு நகரத் தலைவர் கோ.ரவி தலைமை வகித்தார். இதையொட்டி, உடுமலை அருள்மிகு மாரியம்மன் கோயிலில் சிறப்பு பூஜைகள் நடைபெற்றன.
இதைத் தொடர்ந்து நேரு வீதியில் உள்ள மகாத்மா காந்தி உண்டு உறைவிடப் பள்ளியில் படித்து வரும் மாணவ, மாணவிகளுக்கு இனிப்பு வழங்கப்பட்டது. மாநிலப் பொதுக்குழு உறுப்பினர் பொன்.பலராமன், நிர்வாகிகள் வெற்றிவேல் குமார், மலர்வண்ணப்பாண்டியன் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-coimbatore/tiruppur/2018/dec/11/சோனியா-காந்தி-பிறந்த-நாள்-3055776.html
3055775 கோயம்புத்தூர் திருப்பூர் தென்னை மரங்களை தாக்கும் வெள்ளை ஈக்களை  கட்டுப்படுத்த அரசு நடவடிக்கை எடுக்க வேண்டும்: விவசாயிகள் சங்கம் வலியுறுத்தல் DIN DIN Tuesday, December 11, 2018 08:17 AM +0530 தென்னை மரங்களை தாக்கும் வெள்ளை ஈக்களை கட்டுபடுத்த அரசு நடவடிக்கை எடுக்க வேண்டும் என்று கட்சி சார்பற்ற தமிழக விவசாயிகள் சங்கம் வலியுறுத்தியுள்ளது. 
பல்லடம் அருகேயுள்ள நாதேகவுண்டம்பாளையத்தில் கட்சி சார்பற்ற தமிழக விவசாயிகள் சங்கக் கூட்டம் திங்கள்கிழமை நடைபெற்றது. மாநில செயல் தலைவர் என்.எஸ்.பி.வெற்றி தலைமை வகித்தார்.
இதில், மாநிலத் தலைவராக ஏ.கே.சண்முகம், மாநிலப் பொருளாளராக மருத்துவர் சி.தங்கராஜ், மாநிலச் செயலாளராக கே.கே.சந்திரசேகர், அவைத் தலைவராக என்.டி.பாலசுப்பிரமணியம்,
துணைத் தலைவராக கே.பி.சண்முகசுந்தரம், மாநில கொள்கை பரப்பு செயலாளராக குண்டடம் எம்.ராசு, கோவை மாவட்டத் தலைவராக கே.செந்தில்குமார், திருப்பூர் மாநகர் மாவட்டத் தலைவராக கோகுல்ரவி ஆகியோர் தேர்வு செய்யப்பட்டனர்.
இதில், அத்திக்கடவு - அவிநாசி திட்டத்திற்கு நிதி ஒதுக்கிய தமிழக அரசுக்கு நன்றி தெரிவிக்கப்பட்டது. ஆனைமலையாறு - நல்லாறு திட்டத்தை உடனடியாக நிறைவேற்ற வேண்டும். உயர் மின் கோபுரங்களுக்கு எதிராக வரும் 17ஆம் தேதி நடக்கவிருக்கும் விவசாயிகள் காத்திருப்புப் போராட்டத்தில் விவசாயிகளை திரளாகப் பங்கேற்க வேண்டும். தென்னை மரங்களைத் தாக்கியுள்ள வெள்ளை ஈக்களை கட்டுபடுத்த அரசு தீவிரமாக நடவடிக்கை எடுக்க 
வேண்டும்.
திருப்பூர் உழவர் சந்தை மற்றும் தென்னம்பாளையம் தினசரி மார்க்கெட்டில் விவசாயிகளின் பல்வேறு பிரசனைகளுக்கு துணை ஆட்சியர் தலைமையில் நடைபெற்ற முத்தரப்புப் பேச்சுவார்த்தைக்கு பிறகும் அரசு தரப்பில் எந்த நடவடிக்கையும் எடுக்கபடாததைக் கண்டித்து அனைத்து விவசாய சங்கத்தினர் பங்கேற்க ஒருநாள் காய்கறி விற்பனை நிறுத்தப் போராட்டத்தை விரைவில் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-coimbatore/tiruppur/2018/dec/11/தென்னை-மரங்களை-தாக்கும்-வெள்ளை-ஈக்களை-கட்டுப்படுத்த-அரசு-நடவடிக்கை-எடுக்க-வேண்டும்-விவசாயிகள்-சங்க-3055775.html
3055774 கோயம்புத்தூர் திருப்பூர் கட்டுமானத் தொழிலாளர்களுக்கு பணிப் பாதுகாப்பு வழங்கக் கோரிக்கை DIN DIN Tuesday, December 11, 2018 08:16 AM +0530 கட்டுமானத் தொழிலாளர்களுக்குப் பணி பாதுகாப்பு வழங்க வேண்டும் என திருப்பூர் மாவட்ட அமைப்புசாரா தொழிற்சங்கங்களின் கூட்டமைப்பு கோரிக்கை விடுத்துள்ளது.
இந்த அமைப்பின் கூட்டம் திருமூர்த்திமலையில் திங்கள்கிழமை நடைபெற்றது. இதற்கு  எம்.மணியன் (ஐஎன்டியூசி) தலைமை வகித்தார். நிர்வாகிகள் சி.எம்.பொன்னுச்சாமி, ஆர்.முருகன் ஆகியோர் தலைமை வகித்தனர்.
இதில் நிறைவேற்றப்பட்ட தீர்மானங்கள் விவரம்:
 நல வாரியத்தில் பதிவு செய்து 60 வயது பூர்த்தியான அனைத்துத் தொழிலாளர்களுக்கும் ஓய்வூதியம் வழங்க வேண்டும். மத்திய, மாநில அரசுகள் கட்டுமானத் தொழிலாளர்களுக்குப் பணி பாதுகாப்பை உறுதி செய்ய வேண்டும். நல வாரியத்தில் பணப் பலன்கள் கோரும் விண்ணப்பங்களுக்கு 2 மாதத்தில் உதவித் தொகைகளை வழங்க வேண்டும். நல வாரியத்தில் புதிதாகப் பதிவு செய்யும் மற்றும் அடையாள அட்டைகளைப் புதுப்பித்தல் பணிகளை தொழிற்சங்கப் பிரதிகளிடம் ஒப்படைக்க வேண்டும்.
இதில், புதிய நிர்வாகிகள் தேர்வு செய்யப்பட்டனர். தலைவராக மு.சிவசாமி (ஐஎன்டியூசி), செயலாளராக பி.ஏ.சுகுமார் (ஏடிபி), பொருளாளராக மு.குணசேகரன் (உடல் உழைப்புத் தொழிலாளர் சங்கம்) ஆகியோர் தேர்வு செய்யப்பட்டனர். 

]]>
http://www.dinamani.com/all-editions/edition-coimbatore/tiruppur/2018/dec/11/கட்டுமானத்-தொழிலாளர்களுக்கு-பணிப்-பாதுகாப்பு-வழங்கக்-கோரிக்கை-3055774.html
3055772 கோயம்புத்தூர் திருப்பூர் பல்லடம் அருகே காதலன் வீட்டில் காதலி தற்கொலை: காதலன் கைது DIN DIN Tuesday, December 11, 2018 08:16 AM +0530 பல்லடம் உப்பிலிபாளையத்தில் காதலன் வீட்டில் அவரது காதலி தற்கொலை செய்து கொண்டதை அடுத்து தற்கொலைக்கு தூண்டியதாக  காதலனை போலீஸார் திங்கள்கிழமை கைது செய்தனர்.
திருப்பூர் மாவட்டம், பல்லடம் அருகேயுள்ள கரைப்புதூர் ஊராட்சி,  உப்பிலிபாளையத்தில்  வால்பாறை அருகே முடீஸ் பகுதியைச் சேர்ந்தவர் திருமலைக்குமார் குடும்பத்துடன் வசித்து வருகிறார்.
இவரது  மனைவி  வசந்தா. இவர்களது மகள் மஞ்சுளா (20), 13 வயதில் ஒரு மகனும்  உள்ளனர். இவர்கள் வாடகை வீட்டில் கடந்த 2 ஆண்டுகளாக வசித்து வருகின்றனர். அப்பகுதியில் உள்ள தனியார் பின்னலாடை நிறுவனத்தில் வேலை செய்து வந்தனர்.
இந்நிலையில், மஞ்சுளா தன்னுடன் பின்னலாடை நிறுவனத்தில் வேலை செய்து வரும் கார்த்திகேயன் (21)  என்வரைக் காதலித்துள்ளார். இவர்களது காதலவை திருமலைக்குமார் ஏற்றுக்கொள்ளவில்லை எனக் கூறப்படுகிறது.
கடந்த  5 மாதங்களுக்கு முன்பு  தனது மனைவி வசந்தா, மகள் மஞ்சுளாஆகியோரை  சொந்த ஊரான  முடீஸ்க்கு அனுப்பிவிட்டார். காதலனைப் பிரிந்த  மஞ்சுளா செல்லிடப்பேசி முலம்  தனது  காதலனுடன் தொடர்பில் இருந்துள்ளார். 
இந்த நிலையில்,   முடீஸில் இருந்து 5.12.2018ஆம் தேதி  பல்லடம் உப்பிலிபாளையத்தில்  வசிக்கும் தனது பெரியம்மா வீட்டிற்கு மஞ்சுளா வந்துள்ளார்.  அடுத்த நாள் அதே பகுதியில் உள்ள தனது காதலன்  கார்த்திகேயன்  வீட்டிற்கு மஞ்சுளா சென்றதாகக் கூறப்படுகிறது.
இது குறித்து தகவல் கிடைத்ததும் திருமலைக்குமார் செல்லிடப்பேசி மூலம் மஞ்சுளாவை அழைத்துக் கண்டித்துள்ளார். வீட்டிற்குத் திரும்பி வருமாறு அழைத்துள்ளார். அதனை ஏற்க மறுத்த மஞ்சுளா  கார்த்திகேயன்  வீட்டிலேயே தொடர்ந்து தங்கி உள்ளார். கார்த்திகேயன்  வீட்டில்  தங்கிருந்த  மஞ்சுளா ஞாயிற்றுக்கிழமை இரவு வீட்டின்  விட்டத்தில்   தூக்கிட்டுத் தற்கொலை செய்துகொண்டார்.
இது குறித்து தகவல் கிடைத்ததும் போலீஸார் மஞ்சுளா உடலை கைப்பற்றி தீவிர விசாரணை மேற்கொண்டனர்.
விசாரணையில்,மஞ்சுளா தன்னை திருமணம் செய்து கொள்ளுமாறு கார்த்திகேயனை வலியுறுத்தியுள்ளார். மஞ்சுளாவை கார்த்திகேயன் குடும்பத்தினர் ஏற்றுக்கொள்ளவில்லையாம். சிறிது காலம் கழித்து திருணம் செய்து கொள்கிறேன். அது வரை உனது தந்தை வீட்டிற்கோ அல்லது விடுதிக்கோ சென்று தங்கி கொள்ளுமாறு கார்த்திகேயன் கூறியுள்ளார். இதனால் மனவேதனையடைந்த மஞ்சுளா தற்கொலை செய்து கொண்டதாகத் தெரியவந்தது.
இதைத் தொடர்ந்து தற்கொலைக்கு தூண்டியதாக கார்த்திகேயனை பல்லடம் போலீஸார் திங்கள்கிழமை கைது செய்து கோவை மத்திய சிறையில் அடைத்தனர்.
 

]]>
http://www.dinamani.com/all-editions/edition-coimbatore/tiruppur/2018/dec/11/பல்லடம்-அருகே-காதலன்-வீட்டில்-காதலி-தற்கொலை-காதலன்-கைது-3055772.html
3055771 கோயம்புத்தூர் திருப்பூர் குட்டையில் சிறுவன் சடலம் மீட்பு DIN DIN Tuesday, December 11, 2018 08:16 AM +0530 பல்லடம் அருகேயுள்ள அவரைப்பாளையம் குட்டையில் சிறுவன் சடலம் திங்கள்கிழமை மீட்கப்பட்டது.  
கரைப்புதூர் ஊராட்சி அய்யம்பாளையம் கிராமத்தைச் சேர்ந்தவர் முருகன் மகன் ஈஸ்வரன் (14). இவர் பள்ளிப் படிப்பை இடையிலேயே  நிறுத்திவிட்டார்.  ஞாயிற்றுக்கிழமை விளையாடச்  சென்ற ஈஸ்வரன் வீடு திரும்பவில்லை.
இந்நிலையில் அவரைப்பாளையம் குட்டையின் மேற்கரையில் சிறுவனின் சட்டை துணி கிடப்பதாக அப்பகுதியினர் பல்லடம் போலீஸாருக்கு திங்கள்கிழமை தகவல் கொடுத்தனர். 
அதையடுத்து, போலீஸார், பல்லடம் தீயணைப்புப் படையினர் அங்கு சென்று சிறுவனின் சடலத்தை சேறு மீட்டனர். இறந்து கிடந்தது ஈஸ்வரனின் சடலம் எனத் தெரியவந்தது.
இது பற்றி பல்லடம் போலீஸார் வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-coimbatore/tiruppur/2018/dec/11/குட்டையில்-சிறுவன்-சடலம்-மீட்பு-3055771.html
3055770 கோயம்புத்தூர் திருப்பூர் வெள்ளக்கோவில் சிறப்பு முகாமில் 150 பேருக்கு பழகுநர் உரிமம் DIN DIN Tuesday, December 11, 2018 08:16 AM +0530 வெள்ளக்கோவிலில் நடைபெற்ற சிறப்பு முகாமில் 150 பேருக்கு எல்.எல்.ஆர். பழகுநர் உரிமம் திங்கள்கிழமை வழங்கப்பட்டது.
  ஊராட்சி ஒன்றிய அலுவலக வளாகத்தில் நடந்த இந்த முகாமுக்கு கோவை சரக போக்குவரத்து இணை ஆணையர் கே.ஆர்.கிருஷ்ணமூர்த்தி தலைமை வகித்தார். 
திருப்பூர் வட்டாரப் போக்குவரத்து அலுவலர் முருகானந்தம், காங்கயம் மோட்டார் வாகன ஆய்வாளர் சுகந்தி ஆகியோர் முன்னிலை வகித்தனர்.
  முகாமில் 18 வயது முடிந்தவர்கள் தங்களுடைய இருப்பிடச் சான்று, பிறப்புச் சான்று, புகைப்படங்களை பதிவு செய்தனர். இவர்களில் தகுதியான 150 பேருக்கு பழகுநர் உரிமம் வழங்கப்பட்டது. 30 நாள்கள் கழித்து காங்கயம் மோட்டார் வாகன ஆய்வாளர் அலுவலகம் சென்று வாகனத்தை ஓட்டிக் காண்பித்து ஓட்டுநர் உரிமம் பெற்றுக் கொள்ளலாம் எனத் தெரிவிக்கப்பட்டது.
 

]]>
http://www.dinamani.com/all-editions/edition-coimbatore/tiruppur/2018/dec/11/வெள்ளக்கோவில்-சிறப்பு-முகாமில்-150-பேருக்கு-பழகுநர்-உரிமம்-3055770.html
3055769 கோயம்புத்தூர் திருப்பூர் குடிமங்கலம் ஒன்றியத்தில் ரூ. 6 கோடி வளர்ச்சிப் பணிகளுக்கு பூமி பூஜை DIN DIN Tuesday, December 11, 2018 08:15 AM +0530 உடுமலை சட்டப் பேரவைத் தொகுதிக்கு உள்பட்ட குடிமங்கலம் ஒன்றியத்தில் ரூ. 6 கோடி மதிப்பிலான வளர்ச்சித் திட்டப் பணிகளுக்கு பூமி பூஜை ஞாயிற்றுக்கிழமை நடைபெற்றது.
குடிமங்கலம் ஒன்றியத்துக்கு உள்பட்ட சோமவாரபட்டி, இலுப்ப நகரம், மூங்கில்தொழுவு, வடுகபாளையம், கொங்கல்நகரம், தொட்டம்பட்டி, புக்குளம், பொன்னேரி ஆகிய ஊராட்சிகளுக்கு உள்பட்ட பகுதிகளில் தார் சாலைப் பணிகள், மேல்நிலை குடிநீர்த் தொட்டி, கான்கிரீட் சாலை அமைப்பது உள்பட மொத்தம் ரூ. 6 கோடியே 23 லட்சம் மதிப்பீட்டிலான பணிகள் மேற்கொள்ளப்படுகின்றன. இப்பணிகளுக்கான பூமி பூஜை ஞாயிற்றுக்கிழமை நடைபெற்றது. கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் சிறப்பு விருந்தினராகக் கலந்து கொண்டு பணிகளை துவக்கி வைத்தார். மாவட்ட ஆட்சியர் கே.எஸ்.பழனிசாமி, பொள்ளாச்சி மக்களவை உறுப்பினர் சி.மகேந்திரன், துறை அதிகாரிகள், அதிமுக நிர்வாகிகள் கலந்து கொண்டனர்.
 மானிய விலையில் இருச்கர வாகனங்கள் வழங்கல்...தமிழ்நாடு மாநில ஊரக வாழ்வாதார இயக்கம் மகளிர் திட்டத்தின் சார்பில் உடுமலை, மடத்துக்குளம் வட்டத்தைச் சேர்ந்த 168 பயனாளிகளுக்கு மொத்தம் ரூ. 42 லட்சம் மதிப்பீட்டில் மானிய விலையில் அம்மா இரு சக்கர வாகனங்கள் உடுமலையில் வழங்கப்பட்டன.  கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் இவற்றை வழங்கினார்.  மாவட்ட ஊரக வளர்ச்சி முகமைத்  திட்ட இயக்குநர் ரமேஷ்குமார், உடுமலை வருவாய்க் கோட்டாட்சியர் எஸ்.அசோகன், அதிமுக நிர்வாகிகள் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/11/குடிமங்கலம்-ஒன்றியத்தில்-ரூ-6-கோடி-வளர்ச்சிப்-பணிகளுக்கு-பூமி-பூஜை-3055769.html
3055768 கோயம்புத்தூர் திருப்பூர் உடுமலை அருகே கார்பன் தொழிற்சாலை அமைக்க எதிர்ப்பு: ஆட்சியரிடம் கிராம மக்கள் புகார் மனு DIN DIN Tuesday, December 11, 2018 08:15 AM +0530 உடுமலை அருகே கார்பன் தொழிற்சாலை அமைப்பதற்கு எதிர்ப்புத் தெரிவித்து பொதுமக்கள் சார்பில் மாவட்ட ஆட்சியரிடம் மனு அளிக்கப்பட்டது.
திருப்பூர் மாவட்ட ஆட்சியர் அலுவலகத்தில் மக்கள் குறைதீர்க்கும் முகாம் திங்கள்கிழமை நடைபெற்றது. இதில், உடுமலை வட்டம், அந்தியூர், பெரியபாப்பனூத்து, சடையபாளையம், விளாமரத்துப்பட்டி ஆகிய கிராமங்களைச்  சேர்ந்த பொதுமக்கள் ஆட்சியர் கே.எஸ்.பழனிசாமியிடம் அளித்த மனுவில் கூறியுள்ளதாவது: 
சின்னபாப்பனூத்து கிராமத்தில் உள்ள விவசாயிக்குச் சொந்தமான நிலம் அந்தியூரில் உள்ளது. இந்த நிலத்தில் தனியார் நிறுவனம் சார்பில் கார்பன் தொழிற்சாலை அமைக்கும் பணிகள் நடைபெற்று வந்தன. இந்தத் தொழிற்சாலையால் விளைநிலங்களைப் பாதிக்கும், சுற்றிலும் நிலத்தடி நீரும் மாசடையும் எனக்கூறி,  தொழிற்சாலையின் கட்டுமானப் பணிகளை நிறுத்தக் கோரி 2012ஆம் ஆண்டு சட்டப் பேரவை உறுப்பினர், மாவட்ட ஆட்சியர், மாசுக்கட்டுப்பட்டு வாரிய அதிகாரி ஆகியோரிடம் புகார் மனு அளிக்கப்பட்டது.
இதன்பேரில் மாசுக்கட்டுப்பாட்டு வாரிய அதிகாரிகள் ஆய்வு நடத்தி கட்டுமானப் பணிகளைக்குத் தடை விதித்து ஆணையையும் வெளியிட்டனர். 
இந்த நிலையில், கடந்த செப்டம்பர் மாதத்தில் கார்பன் தொழிற்சாலை அமைக்கும் பணிகள் தொடங்கப்பட்டன. இதுகுறித்து ஏற்கெனவே புகார் அளித்தும் எந்தவிதமான நடவடிக்கையும் எடுக்கப்படவில்லை. ஆகவே, பொதுமக்களின் நலன் கருதி கார்பன் தொழிற்சாலை அமைப்பதற்குத் தடை விதிக்க நடவடிக்கை எடுக்க வேண்டும் எனத் தெரிவிக்கப்பட்டுள்ளது. 
கால் இழந்த தனியார் நிறுவன காவலாளி மனு...: காங்கயம் வட்டம், ஆண் டிபுதூரைச் சேர்ந்த பி.சுப்பன் அளித்துள்ள மனுவில் கூறியுள்ளதாவது: 
நான் கடந்த 2 ஆண்டுகளான சென்னையில் உள்ள தனியார் நிறுவனத்தில் ஊதியம் பெற்றுக் கொண்டு ஆண்டிபுதூரில் உள்ள கல்குவாரியில் காவலாளியாக வேலை செய்து வந்தேன். கல்குவாரி உரிமையாளர்கள் வாங்கிய கடனுக்காக திருச்செங்கோட்டில் உள்ள தேசியமயமாக்கப்பட்ட வங்கி இதை சுவாதீனம் எடுத்துக் கொண்டது.
இந்த நிலையில்,  கடந்த நவம்பர் 16 ஆம் தேதி நான் பணியில் இருந்தபோது மற்றொரு காவலாளி கவனக்குறைவாக கம்ப்ரஸரை இயக்கியதால் ஏற்பட்ட விபத்தில்  எனது இடது கால் துண்டாகிவிட்டது. இதுகுறித்து நான் ஊதியூர் காவல் நிலையத்தில் அளித்துள்ள புகாரில் கவனக்குறைவாக விபத்துக்கு காரணமாக இருந்த எங்களது நிறுவன உரிமையாளர்கள், திருச்செங்கோடு வங்கி மேலாளரின் பெயரை விட்டுவிட்டேன். ஆகவே, விபத்துக்குக் காரணமாக இருந்த மூன்று பேரையும் இந்த வழக்கில் சேர்க்க காவல் துறையினருக்கு உத்தரவிட வேண்டும் என்று தெரிவிக்கப்பட்டுள்ளது. 
அடிப்படை வசதி கோரி மனு: காங்கயம் வட்டம், அய்யம்பாளையம் சாலை ஸ்ரீ சாய்ராம் நகர் பொதுமக்கள் அளித்துள்ள புகார் மனுவில் கூறியுள்ளதாவது: 
எங்களது பகுதியில் தெருவிளக்கு, குடிநீர், சாலை, இலவசக் கழிப்பிடம் இல்லாததால் மிகவும் அவதிக்குள்ளாகி வருகிறோம். ஆகவே எங்களது பகுதியில் அடிப்படை வசதி ஏற்படுத்திக் கொடுக்க நடவடிக்கை எடுக்க வேண்டும் எனத் தெரிவிக்கப்பட்டுள்ளது. 
தார் சாலை அமைக்கக் கோரி மனு: திருப்பூர் வெள்ளியங்காடு, முத்தையன் கோயில் 3 ஆவது வீதியைச் சேர்ந்த பி.செல்வி என்பவர் ஊர்பொதுமக்கள் சார்பாக அளித்துள்ள மனுவில் கூறியிருப்பதாவது: 
திருப்பூர் மாநகராட்சி 4 ஆவது மண்டலம் 50 ஆவது வார்டு தென்னம்பாளையம் மாகாளி அம்மன் கோயில் எதிர்புறம் இருந்து ஆர்.வி.லே. அவுட் வரை மாநகராட்சிக்குச் சொந்தமான 30 அடி அகல சாலையை தனி நபர் ஆக்கிரமித்துப் பயன்படுத்தி வருகிறார். ஆக்கிரமிப்பு நிலத்தை மீட்டு தார் சாலை, வடிகால் அமைத்துக் கொடுக்க வேண்டும் எனத் தெரிவிக்கப்பட்டுள்ளது. 
குறைதீர்க்கும் முகாமில் வீட்டுமனைப் பட்டா, முதியோர் உதவித் தொகை, புதிய குடும்ப அட்டை, சாலை, குடிநீர் வசதி உள்ளிட்ட பல்வேறு கோரிக்கைகள் தொடர்பாக பொதுமக்களிடம் இருந்து 243 மனுக்கள் பெறப்பட்டன. 
காங்கயம், அவிநாசி, உடுமலை வட்டங்களை சார்ந்த 4 பயனாளிகளுக்கு சமூகப் பாதுகாப்புத் திட்டத்தின் கீழ் மாற்றுத் திறனாளிகளுக்கான ரூ. 48 ஆயிரத்துக்கான மாதாந்திர உதவித் தொகையை ஆட்சியர் வழங்கினார்.

]]>
http://www.dinamani.com/all-editions/edition-coimbatore/tiruppur/2018/dec/11/உடுமலை-அருகே-கார்பன்-தொழிற்சாலை-அமைக்க-எதிர்ப்பு-ஆட்சியரிடம்-கிராம-மக்கள்-புகார்-மனு-3055768.html
3055767 கோயம்புத்தூர் திருப்பூர் மாற்றுத் திறனாளிகளுக்கு இலவசமாக மூன்று சக்கர வாகனங்கள் DIN DIN Tuesday, December 11, 2018 08:15 AM +0530 மாற்றுத் திறனாளிகளுக்கு இலவசமாக மூன்று சக்கர வாகனங்கள் வழங்கும் நிகழ்ச்சி உடுமலையில் ஞாயிற்றுக்கிழமை நடைபெற்றது.
  வட்டாட்சியர் அலுவலக வளாகத்தில் நடைபெற்ற இந்த நிகழ்ச்சிக்கு பொள்ளாச்சி மக்களவை உறுப்பினர் சி.மகேந்திரன் தலைமை வகித்தார். மாவட்ட ஆட்சியர் கே.எஸ்.பழனிசாமி முன்னிலை வகித்தார். இதில், மக்களவை உறுப்பினர் தொகுதி மேம்பாட்டு நிதியின் கீழ் ரூ. 8 லட்சத்து 40 ஆயிரம் மதிப்பீட்டில் 14 மாற்றுத் திறனாளிகளுக்கு மூன்று சக்கர வாகனங்கள் வழங்கப்பட்டன.
  கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் சிறப்பு விருந்தினராகக் கலந்து கொண்டு இவற்றை வழங்கினார். உடுமலை வருவாய்க் கோட்டாட்சியர் எஸ்.அசோகன், வட்டாட்சியர் தங்கவேல், தனி வட்டாட்சியர் கி.தயானந்தன், அதிமுகவினர் கலந்து கொண்டனர்.
ரயில் நிலையத்தில் குடிநீர் சுத்திகரிப்புக் கருவி... உடுமலை ரயில் நிலையத்தில் ரயில் பயணிகளின் நலனை முன்னிட்டு 
குடிநீர் சுத்திகரிப்புக் கருவி பொருத்தப்பட்டுள்ளது. பொள்ளாச்சி மக்களவை உறுப்பினர் தொகுதி மேம்பாட்டு நிதியின் கீழ் ரூ. 4.30 லட்சம் மதிப்பீட்டில் இந்தக் கருவி பொருத்தப்பட்டுள்ளது. இந்நிலையில், இங்கு சுத்திகரிக்கப்பட்ட குடிநீர் வழங்கும் பணியை கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் ஞாயிற்றுக்கிழமை தொடக்கிவைத்தார். பொள்ளாச்சி எம்பி சி.மகேந்திரன், ரயில்வே துறை அதிகாரிகள், பொதுமக்கள் கலந்து கொண்டனர்.
 

]]>
http://www.dinamani.com/all-editions/edition-coimbatore/tiruppur/2018/dec/11/மாற்றுத்-திறனாளிகளுக்கு-இலவசமாக-மூன்று-சக்கர-வாகனங்கள்-3055767.html
3055766 கோயம்புத்தூர் திருப்பூர் பறிமுதல் வாகனங்கள் டிசம்பர் 13இல் ஏலம் DIN DIN Tuesday, December 11, 2018 08:15 AM +0530 திருப்பூரில் காவல் துறையினரால் பறிமுதல் செய்யப்பட்ட 108 வாகனங்கள் வரும் வியாழக்கிழமை ஏலத்தில் விடப்படும் எனத் தெரிவிக்கப்பட்டுள்ளது.
இது குறித்து திருப்பூர் வடக்கு வட்ட நிர்வாக நடுவர் பா.ஜெயகுமார் திங்கள்கிழமை வெளியிட்டுள்ள செய்தி: 
திருப்பூர் வடக்கு காவல் நிலைய சரகத்துக்கு உள்பட்ட பகுதிகளில் பறிமுதல் செய்யப்பட்டு, உரிமை கோரப்படாத 108 வாகனங்கள் மாநகர காவல் ஆணையர் அலுவலகத்தில் நிறுத்திவைக்கப்பட்டுள்ளன. இந்த வாகனங்களை வரும் வியாழக்கிழமை பொது ஏலத்தில் விட முடிவு செய்யப்பட்டுள்ளது. ஏலம் எடுக்க விரும்பும் நபர்கள் திருப்பூர் வடக்கு காவல் ஆய்வாளரை அணுகி, ஏலத்தில் விடப்படும் வாகனங்களை பார்வையிடலாம் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/dec/11/பறிமுதல்-வாகனங்கள்-டிசம்பர்-13இல்-ஏலம்-3055766.html
3055765 கோயம்புத்தூர் திருப்பூர் பெண் குத்திக் கொலை:  கணவர் கைது DIN DIN Tuesday, December 11, 2018 08:14 AM +0530 திருப்பூரில் குடும்பப் பிரச்னை காரணமாக மனைவியைக் கத்தியால் குத்திக் கொலை செய்த கணவர் திங்கள்கிழமை கைது செய்யப்பட்டார். 
  திருவாரூர் மாவட்டம்,  குடவாசலை அடுத்த குமாரமங்கலத்தைச் சேர்ந்தவர் கணேசன் மகன் மூர்த்தி. இவர் கடந்த 20 ஆண்டுகளாக திருப்பூரில் தங்கி பிரிண்டிங் தொழிலாளியாக வேலை செய்து வருகிறார். இவருக்கும், திருப்பூரைச் சேர்ந்த கோமதி (30) என்பவருக்கும் கடந்த 14 ஆண்டுகளுக்கு முன்பு திருமணம் நடைபெற்றது. இந்தத் தம்பதிக்கு 13 வயதில் மகனும், 9 வயதில் மகளும் உள்ளனர். இவர்கள் தற்போது கே.வி.ஆர்.நகரில் உள்ள அண்ணா நகரில் வசித்து வருகின்றனர். தம்பதி இருவரும் அதே பகுதியில் உள்ள பிரிண்டிங் தொழிற்சாலையில் வேலை செய்து வந்தனர். மூர்த்தி அடிக்கடி மது அருந்திவிட்டு வருவதால் கணவன், மனைவிக்கு இடையே தகராறு ஏற்பட்டது.
   இந்நிலையில், வீட்டில் இருந்த தம்பதிக்கு இடையே  ஞாயிற்றுக்கிழமை தகராறு ஏற்பட்டுள்ளது. அப்போது, ஆத்திரமடைந்த மூர்த்தி கத்தியால் கோமதியைக் குத்தியுள்ளார்.இதில், அவர் சம்பவ இடத்திலேயே உயிரிழந்தார். அபோது, தடுக்க வந்த கோமதியின் தாயார் ஜோதியையும் கத்தியால் குத்திவிட்டு மூர்த்தி தப்பி விட்டார். அருகிலிருந்தவர்கள் ஜோதியை மீட்டு திருப்பூர் அரசு மருத்துவமனையில் சேர்த்தனர்.
 இது குறித்து திருப்பூர் மத்திய காவல் துறையினர் வழக்குப் பதிவு செய்து மூர்த்தியைப் பிடித்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/tiruppur/2018/dec/11/பெண்-குத்திக்-கொலை--கணவர்-கைது-3055765.html
3055764 கோயம்புத்தூர் திருப்பூர் கருவலூரில் எரிவாயு உருளை கிடங்கு அமைக்க எதிர்ப்பு DIN DIN Tuesday, December 11, 2018 08:14 AM +0530 அவிநாசி அருகே கருவலூரில் குடியிருப்புப் பகுதியில் எரிவாயு உருளைக் கிடங்கு அமைவதற்கு எதிர்ப்புத் தெரிவித்து அப்பகுதி மக்கள் மாவட்ட ஆட்சியர் அலுவலகத்தில் திங்கள்கிழமை மனு அளித்தனர்.
  இது குறித்து கருவலூர் சல்லிமேடு ஆதி திராவிடர் காலனி பொதுமக்கள் ஆட்சியர் அலுவலகத்தில் அளித்த மனுவில் கூறியிருப்பது:
  கருவலூரில் சல்லிமேடு ஆதி திராவிடர் காலனியைத் சேர்ந்த முதியவர்கள் இறந்துவிட்டால் அவர்களது உடல் சல்லிமேடு ஆற்றுப்படுகையில் இப்பகுதி மக்களுக்கு என ஒதுக்கப்பட்ட இடத்தில் வைத்து எரியூட்டி, இறுதிச் சடங்கு செய்வது வழக்கம். இதற்கு இடையூறு ஏற்படும் விதமாக அப்பகுதிக்கு  அருகாமையில் எரிவாயு உருளைக் கிடங்கு அமைக்கும் பணி நடைபெற்று வருகிறது. எனவே, எரிவாயு உருளைக் கிடங்கை வேறு இடத்திற்கு மாற்ற நடவடிக்கை எடுக்க வேண்டும் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/dec/11/கருவலூரில்-எரிவாயு-உருளை-கிடங்கு-அமைக்க-எதிர்ப்பு-3055764.html
3055763 கோயம்புத்தூர் திருப்பூர் குழந்தைகள் பாதுகாப்புப் பயிலரங்கம் DIN DIN Tuesday, December 11, 2018 08:14 AM +0530 திருப்பூரில் தமிழ்ப் பண்பாட்டு மையம், அரிமா சங்கம் ஆகியவை சார்பில் குழந்தைகள் பாதுகாப்பு தொடர்பான பயிலரங்கம் ஞாயிற்றுக்கிழமை நடைபெற்றது. 
திருப்பூர், குமரன் சாலையில் உள்ள அரிமா சங்கத்தில் நடைபெற்ற இந்நிகழ்ச்சியில்  மாநகரக் காவல் துணை ஆணையர் இ.எஸ்.உமா பேசியதாவது:
பெற்றோர்கள் குழந்தைகளுடன் போதுமான நேரத்தை செலவிட வேண்டும்.  குழந்தைகளுக்கு நல்ல நட்பு வட்டத்தையும், சூழலையும் உருவாக்கிக் கொடுக்க வேண்டும். சில முரண்பாடுகளை மட்டும் கருதாமல் அனைவருடனும் குழந்தைகள் கலந்து பேசி விளையாட வேண்டும். பெற்றோர்கள் தங்கள் விருப்பத்தை குழந்தைகள் மேல் திணிக்கக்கூடாது என்றார்.
முன்னதாக மறைந்த  விவசாயி நெல் ஜெயராமனுக்கு அஞ்சலி செலுத்தப்பட்டது.  அரிமா சங்க நிர்வாகிகள், குழந்தைகள், பெற்றோர் கலந்து கொண்டனர்.

]]>
http://www.dinamani.com/all-editions/edition-coimbatore/tiruppur/2018/dec/11/குழந்தைகள்-பாதுகாப்புப்-பயிலரங்கம்-3055763.html
3055762 கோயம்புத்தூர் திருப்பூர் வைகுண்ட ஏகாதசி: ஒரு லட்சத்து 8 ஆயிரம் லட்டு தயாரிக்கும்  பணியில் பங்கேற்க பக்தர்களுக்கு அழைப்பு DIN DIN Tuesday, December 11, 2018 08:14 AM +0530 வைகுண்ட ஏகாதசியை முன்னிட்டு திருப்பூர் ஸ்ரீவாரி டிரஸ்ட் சார்பில் ஒரு லட்சத்து எட்டாயிரம் லட்டு பிரசாதம் தயாரிக்கும் பணி ஞாயிற்றுக்கிழமை (டிசம்பர் 16)  தொடங்கப்பட உள்ளது.
இது குறித்து திருப்பூர் ஸ்ரீவாரி டிரஸ்ட் செயலர் என்.ராமகிருஷ்ணன் வெளியிட்டுள்ள செய்தி:
திருப்பூர் ஸ்ரீவீரராகவப் பெருமாள் கோயிலில் வைகுண்ட ஏகாதசிப் பெருவிழா டிசம்பர் 18 ஆம் தேதி நடைபெற உள்ளது. அன்று அதிகாலையில் நடை திறக்கப்பட்டு சொர்க்கவாசல் கடந்து வரும் பக்தர்களுக்கு ஸ்ரீவாரி டிரஸ்ட் பக்தர்கள் குழு சார்பில் லட்டுப் பிரசாதம் இலவசமாக வழங்கப்படும். கடந்த 9 ஆண்டுகளாக இலவசமாக லட்டுப் பிரசாதம் வழங்கப்பட்டு வருகிறது.   திருப்பூர் பழைய பேருந்து நிலையம் அருகே உள்ள காமாட்சியம்மன் திருமண மண்டபத்தில் ஒரு லட்சத்து எட்டாயிரம் லட்டு பிரசாதம் தயாரிக்கும் பணி வரும் ஞாயிற்றுக்கிழமை தொடங்கப்பட உள்ளது.  லட்டுப் பிரசாதம் தயாரிக்கும்   பணியில் பக்தர்கள் அனைவரும் பங்கேற்கலாம்.  இந்தப் பணியில் திருப்பூர், வெளி மாவட்டங்களைச் சேர்ந்த 75 சமையல் கலைஞர்களும் ஈடுபடுத்தப்பட உள்ளனர்.
இது தொடர்பான கூடுதல் விவரங்களுக்கு தாராபுரம் சாலையில் உள்ள திருமலை திருப்பதி தேவஸ்தான அலுவலகத்தை 0421-2424401 எண்ணில் தொடர்பு கொள்ளலாம் எனத் தெரிவிக்கப்பட்டுள்ளது.


 

]]>
http://www.dinamani.com/all-editions/edition-coimbatore/tiruppur/2018/dec/11/வைகுண்ட-ஏகாதசி-ஒரு-லட்சத்து-8-ஆயிரம்-லட்டு-தயாரிக்கும்-பணியில்-பங்கேற்க-பக்தர்களுக்கு-அழைப்பு-3055762.html
3055761 கோயம்புத்தூர் திருப்பூர் வெள்ளக்கோவிலில்  ரத யாத்திரைக்கு வரவேற்பு DIN DIN Tuesday, December 11, 2018 08:13 AM +0530 வெள்ளக்கோவில் பகுதியில்  மகாலட்சுமி  ரத யாத்திரை திங்கள்கிழமை நடைபெற்றது.
  பொங்கலூரில் இந்து முன்னணி சார்பில் வரும் டிச. 23, 24, 25 ஆகிய மூன்று நாள்கள் உலக நலன் வேண்டி மகா யாகம் நடைபெற உள்ளது. இது குறித்து பொதுமக்களுக்கு தெரியப்படுத்தும் வகையில் பல்வேறு பகுதிகளில் ரத யாத்திரை நடைபெற்று வருகிறது. இந்த வீரலட்சுமி ரதம் வெள்ளக்கோவில் ஒன்றியம், நகரப் பகுதிகளைச் சேர்ந்த பல்வேறு இடங்களில் வலம் வந்தது.
அப்போது, யாகத்துக்குத் தேவையான செங்கல், நெய், பூஜைப் பொருள்களை வழங்குமாறு கேட்டுக் கொள்ளப்பட்டது. யாகத்தில் பொதுமக்கள் திரளாகக் கலந்து கொள்ளுமாறு அழைப்பு விடுக்கப்பட்டது.

]]>
http://www.dinamani.com/all-editions/edition-coimbatore/tiruppur/2018/dec/11/வெள்ளக்கோவிலில்--ரத-யாத்திரைக்கு-வரவேற்பு-3055761.html
3055760 கோயம்புத்தூர் திருப்பூர் மங்கரசுவலையபாளையம் அரசுப் பள்ளியில் மாணவர் சேர்க்கையை அதிகரிக்க ஆலோசனை DIN DIN Tuesday, December 11, 2018 08:13 AM +0530 அவிநாசி அருகே உள்ள மங்கரசுவலையபாளையம் ஊராட்சி ஒன்றிய தொடக்கப் பள்ளியில் மாணவர் சேர்க்கையை அதிகரிப்பது தொடர்பான ஆலோசனைக் கூட்டம் திங்கள்கிழமை நடைபெற்றது.
 இதற்கு, பெற்றோர், ஆசிரியர் கழகத் தலைவர் வெங்கடேசன் தலைமை வகித்தார்.  பள்ளி வளர்ச்சி குழுத் தலைவர் தம்பி (எ) தாமோதரன் முன்னிலை வகித்தார். தலைமை ஆசிரியர் சூர்யப்பிரகாஷ் வரவேற்றார். பள்ளியில் உள்ள 62  மாணவர்கள் எண்ணிக்கையை விரைவில் 75 ஆக உயர்த்துதல்,  பள்ளியின் 3ஆம் ஆண்டு விழாவை சிறப்பாக நடத்துவது,  மாணவர்களுக்கு யோகா, கராத்தே, ஹிந்தி, கணினி உள்ளிட்ட சிறப்பு வகுப்புகள் நடத்துவது, பள்ளி உள்கட்டமைப்பு வசதிகளை மேம்படுத்துவது, புரவலர் திட்டத்தின் கீழ் வங்கியில் ரூ. 1 லட்சத்து ஆயிரம் இருப்பு வைப்பது என்பன உள்ளிட்டத் தீர்மானங்கள் நிறைவேற்றப்பட்டன.
 பெற்றோர், ஆசிரியர் கழகம், பள்ளி வளர்ச்சிக் குழு, பள்ளி மேலாண்மை குழு, பொதுமக்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/11/மங்கரசுவலையபாளையம்-அரசுப்-பள்ளியில்-மாணவர்-சேர்க்கையை-அதிகரிக்க-ஆலோசனை-3055760.html
3055758 கோயம்புத்தூர் திருப்பூர் விசைத்தறி, பின்னலாடைத் தொழிலை பாதுகாக்க வேண்டும்: ஈ.ஆர்.ஈஸ்வரன் பேட்டி DIN DIN Tuesday, December 11, 2018 08:13 AM +0530 விசைத்தறி, பின்னலாடைத் தொழிலை பாதுகாக்க அரசு நடவடிக்கை எடுக்க வேண்டும் என்று கொங்குநாடு மக்கள் தேசியக் கட்சிப் பொதுச்செயலாளர் ஈ.ஆர்.ஈஸ்வரன் தெரிவித்தார்.
 கொங்கு நாடு மக்கள் தேசிய கட்சியின் திருப்பூர் மேற்கு மாவட்டப் பொதுக்குழுக் கூட்டம் அவிநாசிபாளையத்தில்
திங்கள்கிழமை நடைபெற்றது.  மாவட்டச் செயலாளர் கரைப்புதூர் ராஜேந்திரன் தலைமை வகித்தார். மாவட்டத் தலைவர் ராமசாமி, பொருளாளர் ஆராக்குலம் சுப்பிரமணியம், பொங்கலூர் ஒன்றியத் தலைவர் தேவராஜ் பல்லடம் ஒன்றியத் தலைவர் மணியன் ஆகியோர் முன்னிலை வகித்தனர். பொங்கலூர் ஒன்றிய செயலாளர் நாகராஜன் வரவேற்றார்.
 மாநில செயக்குழு உறுப்பினர் கோம்பக்காடு துரைசாமி,திருப்பூர் மேற்கு மண்டல இளைஞர் அணிச் செயலாளர் பெரியசாமி, மகளிர் அணி நிர்வாகிகள் விஜயலட்சுமி, நாகரத்திணம், கிருஷ்ணவேணி உள்ளிட்டோர் பங்கேற்று பேசினர்.
 இதில், வரும் பிப்ரவரி 3 ஆம் தேதி நாமக்கலில் நடைபெறும் 2ஆவது உலக கொங்கு தமிழர் மாநாட்டில் பல லட்சம் பேர் கலந்து கொள்ளும் வகையில் சிறப்பான ஏற்பாடுகளை செய்து என்று தீர்மானிக்கப்பட்டது. 
  பின்னர் பொதுச்செயலாளர் ஈ.ஆர்.ஈஸ்வரன் கூறியதாவது:
 விசைத்தறி, பின்னலாடைத் தொழிலை காப்பாற்ற மத்திய, மாநில அரசுகள் நடவடிக்கை எடுக்க வேண்டும்.
முத்ரா திட்டத்தின் கீழ் விசைத்தறியாளர்களுக்கு கடன் வழங்கி நலிந்து வரும் விசைத்தறித் தொழிலை மேம்படுத்த வேண்டும். பல்லடத்தில் ஜவுளி சந்தை அமைக்க வேண்டும். 2014ஆம் ஆண்டு ஏற்படுத்தப்பட்ட ஜவுளி உற்பத்தியாளர்கள், விசைத்தறியாளர்களுக்கு இடையேயான கூலி உயர்வு ஒப்பந்தத்தை முழுமையாக செயல்படுத்த அதிகாரிகள் நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-coimbatore/tiruppur/2018/dec/11/விசைத்தறி-பின்னலாடைத்-தொழிலை-பாதுகாக்க-வேண்டும்-ஈஆர்ஈஸ்வரன்-பேட்டி-3055758.html
3055757 கோயம்புத்தூர் திருப்பூர் விவசாயத்துடன் இணைந்த சுற்றுச்சூழல்: மாணவர்களுக்கு களப் பயிற்சி DIN DIN Tuesday, December 11, 2018 08:12 AM +0530 நமது பாரம்பரிய விவசாயத்துடன் இணைந்த சுற்றுசூழல்,  நாட்டு மாடுகள் குறித்த களப் பயிற்சி காங்கயம் அருகே உள்ள குட்டப்பாளையம் சேனாபதி காங்கயம் கால்நடை ஆரய்ச்சி மையத்தில் நடைபெற்றது. இதில், பள்ளி மாணவ, மாணவிகள் கலந்து கொண்டனர்.
  விவசாயத்துடன் இணைந்த சுற்றுச்சூழல், மழைநீர் சேகரிப்பு, இயற்கை விவசாயம் குறித்து வளரும் இளம் தலைமுறையினருக்குக் கொண்டு செல்லும் வகையில் பள்ளி மாணவ, மாணவிகளுக்கு இயற்கை விவசாயம், பாரம்பரிய கால்நடைகள், மழைநீர் சேகரிப்பு குறித்த களப் பயிற்சி குட்டப்பாளையம் கிராமத்தில் உள்ள சேனாபதி காங்கயம் கால்நடை ஆராய்ச்சி மையத்தில் நடைபெற்றது. இதில், 50-க்கும் மேற்பட்ட மாணவ, மாணவிகள் கலந்து கொண்டனர்.
  இதில் பங்கேற்ற பள்ளி மாணவர்கள் கூறியதாவது:  மழைநீர் சேகரிப்பு, நமது நாட்டு ரக கால்நடைகள், விவசாயம் குறித்தும் அறிந்து கொள்ள முடிந்தது.  பாரம்பரிய உணவு முறைகள், மரம் வளர்ப்பதன் அவசியம்  என பல தகவல்களை நேரிடையாகத் தெரிந்து கொள்ள முடிந்தது என்றனர்.

]]>
http://www.dinamani.com/all-editions/edition-coimbatore/tiruppur/2018/dec/11/விவசாயத்துடன்-இணைந்த-சுற்றுச்சூழல்-மாணவர்களுக்கு-களப்-பயிற்சி-3055757.html
3055064 கோயம்புத்தூர் திருப்பூர் பைக் மீது கார் மோதல்: இளைஞர் சாவு DIN DIN Monday, December 10, 2018 08:11 AM +0530 வெள்ளக்கோவிலில் ஞாயிற்றுக்கிழமை பைக் மீது கார் மோதிய விபத்தில் இளைஞர் உயிரிழந்தார்.
வெள்ளக்கோவில், வள்ளியிரச்சல் சாலை திருவள்ளுவர் நகரில் வசிப்பவர் சங்கரன் பிள்ளை. இவரது மகன் மாதவன் (20). இவர் கட்டட சென்ட்ரிங் வேலை செய்து வந்தார்.
 இந்நிலையில், மாதவன், காங்கயம் சாலை, தீரன் சின்னமலை நகரில் உள்ள நண்பரைப் பார்த்து விட்டு பைக்கில் ஞாயிற்றுக்கிழமை வந்துகொண்டிருந்தார். நகராட்சி அலுவலகம் அருகே வந்தபோது,  கோவையில் இருந்து கரூர் நோக்கி வந்த கார், மாதவன் சென்ற வாகனத்தின் மோதியது.  இதில் மாதவன் தலையில் பலத்த அடிபட்டு, மருத்துவமனைக்குக் கொண்டு செல்லும் வழியில் உயிரிழந்தார். வெள்ளக்கோவில் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/tiruppur/2018/dec/10/பைக்-மீது-கார்-மோதல்-இளைஞர்-சாவு-3055064.html
3055063 கோயம்புத்தூர் திருப்பூர் வெள்ளக்கோவில் முருங்கைக்காய் சந்தை ரத்து DIN DIN Monday, December 10, 2018 08:11 AM +0530 வெள்ளக்கோவில் ஞாயிற்றுக்கிழமை முருங்கைக்காய் சந்தை வரத்து இல்லாததால் ரத்தானது.
வெள்ளக்கோவில், முத்தூர் சாலையில் வாரந்தோறும் தனியார் கொள்முதல் மையத்தில் முருங்கைக்காய் சந்தை செயல்படுகிறது. சுற்றுவட்டாரத்தைச் சேர்ந்த விவசாயிகள் தங்களுடைய முருங்கைக்காய்களை இங்கு கொண்டு வந்து விற்பனை செய்கின்றனர்.  தற்போது விளைச்சல் பருவம் முடிந்ததால் கொள்முதல் மையத்துக்கு வரத்து அறவே இல்லை. இதனால் சந்தை ரத்தானதால் வியாபாரிகள் ஏமாற்றத்துடன் திரும்பிச் சென்றனர். இன்னும் ஒன்றரை மாதத்துக்குப் பிறகுதான் முருங்கைக்காய்கள் விற்பனைக்கு வருமெனத் தெரிகிறது. நகரின் சில கடைகளில் ஒரு முருங்கைக்காய் 10 ரூபாய்க்கு விற்கப்பட்டது. 

]]>
http://www.dinamani.com/all-editions/edition-coimbatore/tiruppur/2018/dec/10/வெள்ளக்கோவில்-முருங்கைக்காய்-சந்தை-ரத்து-3055063.html
3055062 கோயம்புத்தூர் திருப்பூர் அடையாளம் தெரியாத வாகனம்  மோதி ஆட்டோ ஓட்டுநர் சாவு DIN DIN Monday, December 10, 2018 08:11 AM +0530 பல்லடத்தில் அடையாளம் தெரியாத வாகனம் மோதியதில் ஆட்டோ ஒட்டுநர் உயிரிழந்தார்.
பல்லடம், காந்தி நகரைச் சேர்ந்தவர் அன்பரசு (37). ஆட்டோ ஓட்டுநர். இவர்,  ஆட்டோவை நிறுத்தி விட்டு தனது வீட்டுக்கு சனிக்கிழமை இரவு நடந்து சென்று கொண்டிருந்துள்ளார். கொசவம்பாளையம் சாலைப் பிரிவில் சாலையைக் கடக்க  முயன்றபோது அந்த வழியாக சென்ற  அடையாளம்  தெரியாத ஒரு வாகனம் மோதியதில் அன்பரசு  பலத்த காயமடைந்தார்.  அப்பகுதி மக்கள் கொடுத்த  தகவலின்பேரில் பல்லடம்  போலீஸார்  ஆம்புலன்ஸ் வாகனம் முலம் அவரை மீட்டு  பல்லடம் அரசு மருத்துவமனைக்கு அனுப்பி வைத்தனர். அங்கு அன்பரசுவை  பரிசோதித்த  மருத்துவர்கள்  அவர்  ஏற்கெனவே இறந்து விட்டதாகத் தெரிவித்தனர். 
மற்றொரு சம்பவம்
பல்லடம்,  ஊஞ்சப்பாளையம் பகுதியில் வசிப்பவர் சேகர் ( 50).  இவர், கரடிவாவியில் உள்ள தனியார் நூற்பாலையில் வேலை செய்து வந்தார். வேலையை முடிந்து தனது பைக்கில் வீட்டுக்கு சனிக்கிழமை இரவு சென்று கொண்டிருந்தார். 
பல்லடம் - பூமலூர் சாலையில்  உள்ள காளிவேலம்பட்டி  பிரிவு  அருகே  வரும்போது,  நிலைதடுமாறி அருகில் உள்ள பள்ளத்தில் விழுந்துவிட்டார். அவ்வழியே  சென்றவர்கள் கொடுத்த  தகவலின்படி  ஆம்புலன்ஸ் வாகனம் முலம்  அவரை மீட்டு பல்லடம்  அரசு  மருத்துவமனைக்கு கொண்டு வந்தனர். அவரைப்  பரிசோதித்த  மருத்துவர்கள் அவர் ஏற்கெனவே இறந்து விட்டதாக  தெரிவித்தனர். இந்த விபத்துகள் குறித்து  பல்லடம்  போலீஸார் வழக்குப்  பதிவு  செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-coimbatore/tiruppur/2018/dec/10/அடையாளம்-தெரியாத-வாகனம்--மோதி-ஆட்டோ-ஓட்டுநர்-சாவு-3055062.html
3055061 கோயம்புத்தூர் திருப்பூர் விசைத்தறியாளர்களின் வங்கிக் கடனை தள்ளுபடி செய்ய வேண்டும் DIN DIN Monday, December 10, 2018 08:10 AM +0530 தமிழகத்தில் விசைத்தறியாளர்கள் வங்கியில் வாங்கிய கடனைத் தள்ளுபடி செய்ய வேண்டும் என்று தமிழ் மாநில காங்கிரஸ் கட்சித் தலைவர் ஜி.கே.வாசன் தெரிவித்தார்.
பல்லடத்தில் கட்சியின் நகரத் தலைவர் பிரண்ட்ஸ் முத்துகுமாரின் இல்ல விழாவில் ஞாயிற்றுக்கிழமை பங்கேற்ற அவர் செய்தியாளர்களிடம் கூறியதாவது:  
மேக்கேதாட்டு பகுதியில் அணை கட்டுவதற்கான விரிவான திட்ட அறிக்கை தயாரிக்க கர்நாடக அரசுக்கு மத்திய அரசு அனுமதி வழங்கியதை கண்டிக்கிறேன். இத்திட்டத்தை தடுத்து நிறுத்த தமிழக அரசு நடவடிக்கை எடுக்க வேண்டும். 52 ஆண்டுகளாக கிடப்பில் உள்ள ஆனைமலையாறு - நல்லாறு திட்டத்தை உடனே செயல்படுத்த வேண்டும். தமிழகத்தில் உள்ள கூலிக்கு நெசவு செய்யும் விசைத்தறியாளர்கள் பல்வேறு காரணங்களால் தொழில் நலிவடைந்து பாதிப்படைந்துள்ளனர். அதனால் அவர்கள் வங்கியில் வாங்கிய சுமார் ரூ. 65 கோடி கடன் தொகையை அரசு தள்ளுபடி செய்து அத்தொழிலை காப்பாற்ற வேண்டும். 
முத்ரா திட்டத்தின் கீழ் கடன் வழங்கி விசைத்தறித் தொழிலை மேம்படுத்த வேண்டும். 2014 ஆம் ஆண்டு போடப்பட்ட ஜவுளி உற்பத்தியாளர்கள் - விசைத்தறியாளர்களின் கூலி ஒப்பந்தத்தை முழுமையாக செயல்படுத்த அதிகாரிகள் நடவடிக்கை எடுக்க வேண்டும். பல்லடம் அரசு மருத்துவமனையில் அவசர விபத்து மற்றும் அறுவை சிகிச்சை பிரிவு இருந்தும் ரத்த வங்கி இல்லாததால் கோவை, திருப்பூருக்கு செல்ல வேண்டியது உள்ளது. இக்குறையைத் தீர்க்க சுகாதாரத் துறையினர் நடவடிக்கை எடுக்க வேண்டும். 
பல்லடம் நகரில் வாகனப் போக்குவரத்து நெருக்கடி மற்றும் விபத்துகள் அதிகரித்து வருவதைத் தடுக்க புறவழிச்சாலை அமைக்க வேண்டும். பல்லடத்தில் கோழிப் பண்ணைகளில் இறக்கும் ஆயிரக்கணக்கான கோழிகளை எரியூட்டி  அழிக்க மின்சார எரியூட்டு அமைப்பு ஏற்படுத்த வேண்டும் என்றார்.  இந்த பேட்டியின்போது, முன்னாள் சட்டப் பேரவை உறுப்பினர் விடியல் சேகர்,  மாவட்ட நிர்வாகிகள் ஒ.கே.சண்முகம், காரணம்பேட்டை சின்னசாமி,  என்.வி.ராமசாமி, எஸ்.ஜெகதீசன், இ.எஸ்.பி.கார்த்திக் உள்பட பலர் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/dec/10/விசைத்தறியாளர்களின்-வங்கிக்-கடனை-தள்ளுபடி-செய்ய-வேண்டும்-3055061.html
3055060 கோயம்புத்தூர் திருப்பூர் லாட்டரி, மது விற்பனை: 6 பேர் கைது DIN DIN Monday, December 10, 2018 08:04 AM +0530 திருப்பூர் மாநகர் பகுதிகளில் லாட்டரி, மதுபானம் விற்பனை செய்தது தொடர்பாக  6 பேரைக் காவல் துறையினர் சனிக்கிழமை கைது செய்தனர். அவர்களிடமிருந்து 83 மது பாட்டில்களையும் பறிமுதல் செய்தனர். 
திருப்பூர், வெள்ளியங்காடு பகுதி அருகே லாட்டரி சீட்டு விற்பனை செய்த சஞ்சீவன் (26) என்பவரை தெற்கு காவல் துறையினர் கைது செய்து 10 லாட்டரி சீட்டு மற்றும் ரூ.150 ரொக்கம் ஆகியவற்றை பறிமுதல் செய்தனர்.  
திருப்பூர் பழைய பேருந்து நிலையம், காமாட்சியம்மன் கோயில் அருகே மதுபானம் விற்பனை செய்ததாக சக்திவேல் (36), அருண் (24), சேவியர் ராஜா(21), முத்துக்குமார்(37), சந்தோஷ்குமார் ஆகியோரை காவல் துறையினர் கைது செய்தனர்.  அவர்களிடமிருந்து 83 மது பாட்டில்களையும் பறிமுதல் செய்து மது விலக்கு காவல் துறையினர் விசாரணை நடத்தி வருகின்றனர். 

]]>
http://www.dinamani.com/all-editions/edition-coimbatore/tiruppur/2018/dec/10/லாட்டரி-மது-விற்பனை-6-பேர்-கைது-3055060.html
3055059 கோயம்புத்தூர் திருப்பூர் சோனியா காந்தி பிறந்த நாள் விழா DIN DIN Monday, December 10, 2018 08:04 AM +0530 திருப்பூரில்...

 சோனியா காந்தியின் 72 ஆவது பிறந்தை நாளையொட்டி திருப்பூர் வடக்கு மாவட்ட காங்கிரஸ் கட்சி சார்பில் சர்வ சமய பிரார்த்தனை ஞாயிற்றுக்கிழமை நடைபெற்றது. 
 பூங்கா சாலையில் உள்ள ஐஎன்டியூசி சங்க வளாகத்தில் நடைபெற்ற சர்வசமய  பிரார்த்தனைக்கு திருப்பூர்  வடக்கு  மாவட்ட காங்கிரஸ்  தலைவர் ப.கோபி தலைமை  வகித்தார். இதைத் தொடர்ந்து, மாவட்ட நிர்வாகிகளின் கூட்டம் நடைபெற்றது.  இதில், மக்களவை தேர்தல் பணிகள் உள்ளிட்ட பல்வேறு  தீர்மானங்கள்  நிறைவேற்றப்பட்டன. இந்நிகழ்ச்சியில்,  மாநில பொதுக் குழு உறுப்பினர்கள், மாவட்ட நிர்வாகிகள் உள்ளிட்ட பலர் கலந்து கொண்டனர்.

அவிநாசியில்...
அவிநாசி அருகே  சோனியா காந்தி பிறந்த நாளை ஒட்டி, காங்கிரஸ் கமிட்டி சார்பில் திருமுருகன்பூண்டி விவேகானந்தா சேவாலய மாணவர்களுக்கு ஞாயிற்றுக்கிழமை உணவு வழங்கப்பட்டது.
காங்கிரஸ் கமிட்டி  மக்களவைக் குழுத் தலைவர் சோனியா காந்தி பிறந்த நாளை ஒட்டி,  திருப்பூர் மாவட்ட காங்கிரஸ் கமிட்டி சார்பில் கோயில்களில் சிறப்பு வழிபாடுகள்  நடைபெற்றன.  இதையடுத்து கட்சி கொடியேற்றப்பட்டு,  அவிநாசி அருகே திருமுருகன்பூண்டி விவேகானந்தா சேவாலயத்தில் உள்ள மாணவர்களுக்கு உணவு வழங்கப்பட்டது.  
இந்நிகழ்ச்சிக்கு மாவட்ட காங்கிரஸ் கமிட்டித் தலைவர் ஆர்.கிருஷ்ணன் தலைமை வகித்தார். மாநிலக் குழு உறுப்பினர்கள் வி.ஆர்.ஈஸ்வரன், ராமசாமி, கோபால்சாமி, வழக்குரைஞர் பழனிசாமி உள்பட பலர் பங்கேற்றனர். விவேகானந்தா சேவாலய பொறுப்பாளர் செந்தில்நாதன் நன்றி கூறினார்.

]]>
http://www.dinamani.com/all-editions/edition-coimbatore/tiruppur/2018/dec/10/சோனியா-காந்தி-பிறந்த-நாள்-விழா-3055059.html
3055058 கோயம்புத்தூர் திருப்பூர் பல்லடம் அருகே காதலன் வீட்டில் இளம்பெண் தற்கொலை DIN DIN Monday, December 10, 2018 08:03 AM +0530 பல்லடம்,  உப்பிலிபாளையத்தில் காதலன் வீட்டில் இளம்பெண் தற்கொலை செய்து கொண்டார். 
வால்பாறை, முடீஸ் பகுதியைச் சேர்ந்தவர் திருமலைக்குமார். இவரது  மனைவி வசந்தா. இவர்களுக்கு,  மஞ்சுளா (20) என்ற மகளும், 13 வயதில் மகனும்  உள்ளனர். 
இவர்கள் பல்லடம் அருகே கரைப்புதூர் ஊராட்சி,  உப்பிலிபாளையத்தில்  
வாடகை வீட்டில் கடந்த 2 ஆண்டுகளாக வசித்துக் கொண்டு அங்குள்ள  பின்னலாடை நிறுவனத்தில் வேலை செய்து வந்தனர். மகன் அங்குள்ள ஒரு பள்ளியில்  படித்து வருகிறான்.  
இந்நிலையில்,  மஞ்சுளா தன்னுடன் பின்னலாடை நிறுவனத்தில் வேலை பார்த்த கார்த்திகேயன் (21) என்பவரைக் காதலித்துள்ளார். கடந்த ஒன்றரை ஆண்டுகளாக காதலித்து வந்த நிலையில் இதுகுறித்து அறிந்த திருமலைக்குமார் அதனை ஏற்றுக்கொள்ளவில்லை என்று கூறப்படுகிறது. கடந்த  5 மாதங்களுக்கு முன்பு  மனைவி  வசந்தா, மகள் மஞ்சுளாஆகியோரை  சொந்த ஊரான வால்பாறைக்கு அனுப்பிவிட்டு மகனுடன் உப்பிலிபாளையத்தில் தங்கி வேலைக்கு சென்று வந்துள்ளார். 
இந்நிலையில், மஞ்சுளா செல்லிடப்பேசி முலம்  காதலன் கார்த்திகேயனுடன் தொடர்பில் இருந்துள்ளார். 
இந்த நிலையில் வால்பாறை முடீஸில் இருந்து  கடந்த  5 ஆம் தேதி  பல்லடம், உப்பிலிபாளையத்தில் வசிக்கும் தனது பெரியம்மா வீட்டுக்கு மஞ்சுளா வந்துள்ளார்.  அங்கிருந்து  6 ஆம் தேதி அதே பகுதியில் உள்ள கார்த்திகேயன் வீட்டுக்கு சென்றதாக கூறப்படுகிறது. 
இதுபற்றி அறிந்த திருமலைக்குமார் செல்லிடப்பேசியில் மஞ்சுளாவை  தொடர்பு கொண்டு கண்டித்துள்ளார். அத்துடன் வீட்டுக்கு திரும்பி வருமாறு அழைத்துள்ளார். அதனை ஏற்க மறுத்த மஞ்சுளா தொடர்ந்து கார்த்திகேயன்  வீட்டிலேயே  தங்கி உள்ளார். 
இதைத் தொடர்ந்து சனிக்கிழமை இரவு  கார்த்திகேயன்  வீட்டில்  தங்கியிருந்த  மஞ்சுளா அங்கு தூக்கிட்டுத் தற்கொலை செய்துகொண்டதாக கூறப்படுகிறது. இதுகுறித்து கார்த்திகேயன் தரப்பில்  பல்லடம் போலீஸாருக்கு தகவல் கொடுத்தனர்.  சம்பவ இடத்துக்கு வந்த போலீஸார் மஞ்சுளா உடலை கைப்பற்றி தீவிர விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-coimbatore/tiruppur/2018/dec/10/பல்லடம்-அருகே-காதலன்-வீட்டில்-இளம்பெண்-தற்கொலை-3055058.html
3055057 கோயம்புத்தூர் திருப்பூர் நீதிமன்றக் கட்டுமானப் பணி: மாவட்ட நீதிபதி ஆய்வு DIN DIN Monday, December 10, 2018 08:03 AM +0530 திருப்பூர் மாவட்ட ஆட்சியர் அலுவலகத்தில் புதிதாகக் கட்டப்பட்டு வரும் ஒருங்கிணைந்த நீதிமன்ற வளாகத்தை முதன்மை மாவட்ட நீதிபதி எஸ்.அல்லி ஆய்வு செய்தார்.
திருப்பூர் மாவட்ட ஆட்சியர் அலுவலக பெருந்திட்ட வளாகத்தில் ரூ. 3.33 கோடி மதிப்பீட்டில் 16 நீதிமன்றங்கள் ஒரே இடத்தில் இயங்கக் கூடிய வகையில் 10 ஏக்கர் நிலப்பரப்பில் ஒருங்கிணைந்த நீதிமன்ற வளாகம் கட்டப்பட்டு வருகிறது. 
இந்த நீதிமன்ற கட்டுமானப் பணிகளை முதன்மை மாவட்ட நீதிபதி எஸ்.அல்லி சனிக்கிழமை ஆய்வு செய்தார். அப்போது, கட்டுமானப் பணிகளை விரைந்து முடிக்கவும், தரமானப் பொருள்களைக் கொண்டு பணிகளை மேற்கொள்ளவும் பொதுப்பணித் துறை அதிகாரிகளுக்கு அறிவுறுத்தினர். 
இந்த ஆய்வின்போது, திருப்பூர் மாவட்ட உரிமையியல் நீதிமன்ற நீதிபதி மோகனரம்யா,  நீதிமன்ற மேலாளர் திருநாவுக்கரசு, பொதுப்பணித் துறை பொறியாளர்கள் உடனிருந்தனர்.

]]>
http://www.dinamani.com/all-editions/edition-coimbatore/tiruppur/2018/dec/10/நீதிமன்றக்-கட்டுமானப்-பணி-மாவட்ட-நீதிபதி-ஆய்வு-3055057.html
3055056 கோயம்புத்தூர் திருப்பூர் கம்ப ராமாயணத்தில் 2 லட்சம் சொற்கள் பயன்படுத்தப்பட்டுள்ளன: சென்னை உயர் நீதிமன்ற நீதிபதி எம்.எம்.சுந்தரேஷ் DIN DIN Monday, December 10, 2018 08:03 AM +0530 கம்ப ராமாயணத்தில் 2 லட்சம் சொற்கள் உபயோகப்படுத்தப்பட்டுள்ளதாக சென்னை உயர் நீதிமன்ற நீதிபதி எம்.எம்.சுந்தரேஷ் பேசினார். 
திருப்பூர் கம்பன் கழகத்தின் 10 ஆவது ஆண்டு விழா ஹார்வி குமாரசாமி திருமண மண்டபத்தில் ஞாயிற்றுக்கிழமை நடைபெற்றது. இந்த நிகழ்ச்சியில் கம்பன் கழக உப தலைவரும், ராம்ராஜ் காட்டன் நிறுவனருமான கே.ஆர்.நாகராஜன் வரவேற்புரையாற்றினார். 
கம்பன் கழகச் செயலர் சோ.இராமகிருஷ்ணன் எழுதிய "21 ஆம் நூற்றாண்டில் கம்பன் கற்றுத் தரும் வாழ்க்கைப் பாடம்' என்ற நூலை  சென்னை உயர் நீதிமன்ற நீதிபதி எம்.எம்.சுந்தரேஷ் வெளியிட, திருப்பூர் கம்பன் கழக உப தலைவர் சோழா ஏ.பி.அப்புக்குட்டி பெற்றுக் கொண்டார். 
விழாவில் நீதிபதி எம்.எம்.சுந்தரேஷ் பேசியதாவது:
கம்பனின் ராமாயணம் ஒரு வாழ்க்கைப் பாடம். மனிதன் எப்படி வாழ வேண்டும் என்பதை ஒவ்வொரு பாடலும் எடுத்துரைக்கிறது. உலகில் எந்த  கவிஞரும் ஏன் ஷேக்ஸ்பியர் கூடச் செய்யாததை கம்பர் செய்துள்ளார். கம்ப ராமாயணத்தில் மட்டுமே 2 லட்சம் சொற்கள் உபயோகப்படுத்தப்பட்டுள்ளன. சில சொற்களுக்கு 10 அர்த்தங்கள் உள்ளன.  இன்றைய வாழ்க்கைச் சூழலில் நாம் அனைவரும் கம்பரைப் பற்றித் தெரிந்து கொள்ளவேண்டும். நாட்டை ஆளுபவர் எப்படி இருக்க வேண்டும் என்பது கம்பன் கற்றுக் கொடுக்கும் பாடம். இதை நாம் புரிந்து கொள்ளத் தவறிவிட்டோம் என்றார். 
இதையடுத்து, கம்ப ராமாயணம் பெரிதும் போற்றிச் சிறப்பு தருவது? என்ற தலைப்பில் ராஜாராம் தலைமையில் சிறப்பு பட்டிமண்டபம் நடைபெற்றது. இந்த விழாவில், பொருளாளர் டி.ஆர்.சிவராமன், துணைச் செயலர் கௌசல்யா வேலுசாமி, தேசிய நல்லாசிரியர் விருது பெற்ற கோ.பாலகிருஷ்ணன் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-coimbatore/tiruppur/2018/dec/10/கம்ப-ராமாயணத்தில்-2-லட்சம்-சொற்கள்-பயன்படுத்தப்பட்டுள்ளன-சென்னை-உயர்-நீதிமன்ற-நீதிபதி-எம்எம்சுந்த-3055056.html
3055055 கோயம்புத்தூர் திருப்பூர் வெள்ளக்கோவிலில் சாலை விபத்து: 6 பேர் படுகாயம் DIN DIN Monday, December 10, 2018 08:02 AM +0530 திருப்பூர் மாவட்டம், வெள்ளக்கோவிலில் ஞாயிற்றுக்கிழமை நிகழ்ந்த சாலை விபத்தில் 4 ஆண்கள், 2 பெண்கள் ஆகியோர் படுகாயமடைந்தனர்.
கோவை, காளப்பட்டியைச் சேர்ந்தவர் கண்ணன் (44). வாடகை கார் உரிமையாளர். இவருடைய மனைவி சித்ரா (44). இவர்களது மகன்கள் கோகுலகிருஷ்ணன் (24), ரஞ்சித்குமார் (22). இவர்களுடைய உறவினர் திருப்பூர், வீரபாண்டி, எல்என்கே நகரைச் சேர்ந்தவர் கற்பகம் (46). இவருடைய மகன் கிஷோர்குமார் (26). இவர்கள் அனைவரும் காரில் திருநள்ளாறு சனீஸ்வரன் கோயிலுக்குச் சென்றுவிட்டு திருப்பூர் திரும்பிக் கொண்டிருந்தனர்.
வெள்ளக்கோவில் நடேசன் நகர் அருகே தேசிய நெடுஞ்சாலையில் வந்து கொண்டிருந்தபோது, எதிரே வந்த நாகாலாந்து மாநிலத்தைச் சேர்ந்த லாரி, கார் மீது மோதியது. இதில் காரில் வந்த 6 பேரும் பலத்த காயமடைந்தனர். காயமடைந்தவர்கள் மீட்கப்பட்டு கோவை தனியார் மருத்துவமனைக்கு அனுப்பிவைக்கப்பட்டனர். காரை ஓட்டி வந்தவர் யாரென்று  தெரியவில்லை. லாரி ஓட்டுநர் தப்பியோடிவிட்டார். வெள்ளக்கோவில் போலீஸார் வழக்குப் பதிவு செய்து விசாரிக்கின்றனர்.
 

]]>
http://www.dinamani.com/all-editions/edition-coimbatore/tiruppur/2018/dec/10/வெள்ளக்கோவிலில்-சாலை-விபத்து-6-பேர்-படுகாயம்-3055055.html
3054757 கோயம்புத்தூர் திருப்பூர் மூலனூரில் கார்கள் மோதல்: குழந்தை சாவு DIN DIN Sunday, December 9, 2018 05:43 AM +0530
வெள்ளக்கோவிலை அடுத்த மூலனூர் அருகே இரண்டு கார்கள் நேருக்கு நேர் மோதிக் கொண்ட விபத்தில் குழந்தை சனிக்கிழமை உயிரிழந்தது. இதில் 5 பேர் படுகாயம் அடைந்தனர்.
திருப்பூர் மாவட்டம், உடுமலைப்பேட்டையைச் சேர்ந்த மென்பொறியாளர்கள் சுரேஷ் (25), கௌதம் (26), தனலட்சுமி (25), திவ்யா (26). இவர்கள் சென்னையில் உள்ள ஒரு மென்பொருள் நிறுவனத்தில் பணி புரிந்து வருகின்றனர். இவர்கள் அனைவரும் சொந்த ஊருக்கு காரில் வந்து கொண்டிருந்துள்ளனர். காரை ஆன்ட்ரோஸ் (25) என்பவர் ஓட்டி வந்தார்.
மூலனூர் - தாராபுரம் சாலை மல்லம்பாளையம் அருகே வந்தபோது எதிரில் உடுமலைப்பேட்டையிலிருந்து வந்த மற்றொரு காருடன் இந்தக் கார் நேருக்கு நேர் மோதியது. அப்போது கரூர் நோக்கி வந்த அரசுப் பேருந்தும் இவற்றுடன் லேசாக உரசியது.
இந்த விபத்தில் உடுமலைப்பேட்டையில் இருந்து வந்த காரை ஓட்டி வந்த அதே ஊரைச் சேர்ந்த தீபன் சக்கரவர்த்தி (30), அவரது மனைவி சத்யா (27), அவர்களுடைய 11 மாத கைக்குழந்தை திரோனா ஆகியோர் படுகாயம் அடைந்தனர். சிகிச்சைக்காக கரூர் தனியார் மருத்துவமனைக்குக் கொண்டு செல்லும் வழியில் குழந்தை பரிதாபமாக உயிரிழந்தது.
சென்னையிலிருந்து வந்த மென்பொறியாளர்களில் மூன்று பேர் படுகாயத்துடன் மருத்துவமனையில் சிகிச்சை பெற்று வருகின்றனர். இரண்டு கார்களும் எதிரெதிரே ஒரு லாரி, அரசுப் பேருந்தை முந்திச் செல்ல முயன்ற போது விபத்து ஏற்பட்டுள்ளது தெரியவந்துள்ளது. இதுகுறித்து மூலனூர் காவல் ஆய்வாளர் வனிதாமணி வழக்குப் பதிவு செய்து விசாரணை நடத்தி வருகிறார்.

 

]]>
http://www.dinamani.com/all-editions/edition-coimbatore/tiruppur/2018/dec/09/மூலனூரில்-கார்கள்-மோதல்-குழந்தை-சாவு-3054757.html
3054613 கோயம்புத்தூர் திருப்பூர் மேக்கேதாட்டு: அனுமதியை திரும்பப் பெற வேண்டும் DIN DIN Sunday, December 9, 2018 03:32 AM +0530
மேக்கேதாட்டுவில் அணை கட்ட விரிவான அறிக்கை தயாரிக்க வழங்கிய அனுமதியை மத்திய அரசு திரும்பப் பெற வேண்டும்என்று பாட்டாளி மக்கள் கட்சியின் மாநிலத் தலைவர் ஜி.கே.மணி கூறினார்.
பாட்டாளி மக்கள் கட்சியின் திருப்பூர் மாநகர் மாவட்ட பொதுக் குழுக்கூட்டம் சனிக்கிழமை நடைபெற்றது. இதில், பங்கேற்ற அவர் செய்தியாளர்களிடம் பேசியதாவது:
கஜா புயல் தாக்கிய டெல்டா மாவட்டங்களில் மக்கள் இன்னும் துயரத்தில் இருந்து மீளவில்லை. நிவாரணப் பணிகளை மத்திய, மாநில அரசுகள் போர்க்கால அடிப்படையில் துரிதப்படுத்த வேண்டும். மாநில அரசு கேட்ட நிவாரணத் தொகையை மத்திய அரசு வழங்க வேண்டும். மேக்கேதாட்டுவில் அணை கட்ட விரிவான அறிக்கை தயாரிக்க வழங்கிய அனுமதியை மத்திய அரசு திரும்பப் பெற வேண்டும்.
பின்னலாடைத் தொழிலாளர்களுக்கு கடந்த அக்டோபர் மாதத்தில் இருந்து டிராபேக்கை நிறுத்திவிட்டனர். இதனால் 30 சதவீத அளவுக்கு உற்பத்தி குறைந்துவிட்டது. இதனால் ஏற்றுமதியும் குறைந்துவிட்டது. இதுதொழில் துறையில் தமிழகத்துக்கு ஏற்பட்டுள்ள பின்னடைவாகும். எனவே, திருப்பூர், கோவை மாவட்டங்களில் பின்னலாடை, டெக்ஸ்டைல் தொழில் குறித்து மத்திய அரசு அதிக அக்கறை கொள்ளவேண்டும்.
மாநகராட்சிப் பகுதிகளில் குடிநீர் கட்டணம், வீட்டுவரி, கடை வரி உயர்த்தப்பட்டுள்ளது. புதிதாக குப்பை வரி, பாதாள சாக்கடை வரி விதிக்கின்றனர். இதனால் மாநகராட்சி, நகராட்சி, பேரூராட்சி பகுதிகளில் வசிக்கும் மக்கள் பாதிக்கப்படுகின்றனர்.
மேற்கு மண்டலத்தில் பாசனத் திட்டங்களை தமிழக அரசு முறையாக செயல்படுத்த வேண்டும். தமிழகத்தில் 20 நீர்ப் பாசன திட்டங்களை நிறைவேற்றினால் குடிநீர்ப் பிரச்னையே வராது. மேற்கு மாவட்ட மக்களின் நீண்டநாள் கோரிக்கையான அத்திக்கடவு-அவிநாசி திட்டம், ஆனைமலை -நல்லாறு திட்டத்தை நிறைவேற்ற வேண்டும். பாண்டியாறு -புன்னம்புழா, பரம்பிக்குளம் -ஆழியாறு திட்டங்களை மேம்படுத்த வேண்டும்.
உயர் மின் கோபுரங்களை பூமிக்கு அடியில் கேபிள் மூலமாக எடுத்துச் செல்ல வேண்டும். உதகையில் உள்ள உருளைக்கிழங்கு ஆராய்ச்சி மையத்தை மூடும் நடவடிக்கையை மத்திய அரசு கைவிட வேண்டும் என்றார்.

 

 

]]>
http://www.dinamani.com/all-editions/edition-coimbatore/tiruppur/2018/dec/09/மேக்கேதாட்டு-அனுமதியை-திரும்பப்-பெற-வேண்டும்-3054613.html
3054352 கோயம்புத்தூர் திருப்பூர் கல்வித் துறைக்கு ரூ.25 ஆயிரம் கோடி ஒதுக்கீடு: அமைச்சர் உடுமலை கே.ராதாகிருஷ்ணன் பேச்சு DIN DIN Sunday, December 9, 2018 01:19 AM +0530
தமிழக அரசு கல்வித் துறைக்காக ஆண்டுதோறும் ரூ.25 ஆயிரம் கோடி ஒதுக்கீடு செய்து வருகிறது என கால்நடை பராமரிப்புத் துறை அமைச்சர் உடுமலை கே.ராதா கிருஷ்ணன் பேசினார்.
உடுமலை அரசு பெண்கள் மேல் நிலைப்பள்ளி, அரசு ஆண்கள் மேல் நிலைப்பள்ளி மற்றும் விசாலாட்சி பெண்கள் மேல் நிலைப் பள்ளி ஆகிய மூன்று பள்ளிகளைச் சேர்ந்த மாணவ, மாணவியருக்கு விலையில்லா மிதிவண்டிகள் வழங்கும் விழா உடுமலையில் சனிக்கிழமை நடைபெற்றது. விழாவுக்கு மாவட்ட ஆட்சித் தலைவர் கே.எஸ்.பழனிசாமி தலைமை வகித்தார். கோட்டாட்சியர் எஸ்.அசோகன் முன்னிலை வகித்தார். விழாவில் சிறப்பு விருந்தினராக கலந்து கொண்டு கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் பேசியது:
இந்தியாவிலேயே முதன் முதலாக தமிழகத்தில்தான் மாணவ, மாணவிகளுக்கு மடிக் கணினி வழங்கும் திட்டம் அமுல் படுத்தப்பட்டது. தமிழகத்தைப் பார்த்து மற்ற மாநிலங்களிலும் இந்த திட்டம் செயல்படுத்தப்பட்டு வருகிறது. அகில இந்திய அளவில் தமிழகத்தை முதன்மை மாநிலமாக மாற்ற கல்வித் துறைக்கு மட்டும் ஆண்டுதோறும் ரூ.25 ஆயிரம் கோடி ஒதுக்கப்பட்டு வருகிறது.
குறிப்பாக, தொடக்கப் பள்ளி முதல் கல்லூரி கல்வி வரை மாணவ, மாணவிகளுக்கு தமிழக அரசு எண்ணற்ற திட்டங்களை அறிவித்து நடைமுறைப்படுத்தி வருகிறது என்றார்.
தொடர்ந்து மூன்று பள்ளிகளைச் சேர்ந்த 1468 மாணவ, மாணவியருக்கு ரூ.55 லட்சம் மதிப்புள்ள விலையில்லா மதிவண்டிகளை அமைச்சர் வழங்கினார்.
பொள்ளாச்சி மக்களவை உறுப்பினர் சி.மகேந்திரன், மாவட்ட முதன்மை கல்வி அலுவலர் சாந்தி மற்றும் அரசுத் துறை அதிகாரிகள், அதிமுக நிர்வாகிகள் விழாவில் கலந்து கொண்டனர்.
திருப்பூரில் 643 பேருக்கு அம்மா இரு சக்கர வாகனம்
திருப்பூர் மற்றும் பல்லடத்தில் நடந்த இரு வேறு நிகழ்ச்சிகளில் 643 பெண்களுக்கு ரூ.1.60 கோடி மானிய விலையில் அம்மா இரு சக்கர வாகனங்களை கால்நடை பராமரிப்புத் துறை அமைச்சர் உடுமலை ராதாகிருஷ்ணன் சனிக்கிழமை வழங்கிப் பேசியதாவது:
அனைத்து தரப்பு மக்களும் பயன்பெறும் வகையில் எண்ணற்ற திட்டங்களை தமிழக அரசு செயல்படுத்தி வருகிறது. இதில், மாணவ, மாணவிகளுக்கு 14 வகையான கல்வி உபகரணங்கள், விலையில்லா மடிக்கணினி, இலவச பேருந்து பயண அட்டை, படித்த ஏழை பெண்களின் திருமணத்துக்கு திருமண நிதியுதவியும் மற்றும் தாலிக்கு 8 கிராம் தங்கம் வழங்கும் திட்டம், அடித்தட்டு மக்களின் உயர் மருத்துவ சிகிச்சை பெறுவதற்காக விரிவான மருத்துவக் காப்பீட்டுத் திட்டமும் அடங்கும்.
கால்நடை பராமரிப்புத் துறையின் சார்பில் ஏழை, எளியோருக்கு விலையில்லா ஆடுகள், கறவை பசுக்கள் வழங்கப்பட்டு வருகின்றன. ரூ.50 கோடி செலவில் நாட்டுக் கோழிகள் வழங்கும் திட்டம் தமிழக முதல்வரால் தொடங்கப்பட உள்ளது என்றார்.
நிகழ்ச்சியில், திருப்பூர் மாவட்ட ஆட்சியர் கே.எஸ்.பழனிசாமி, சட்டப் பேரவை உறுப்பினர்கள் கே.என்.விஜயகுமார், கரைப்புதூர் ஏ. நடராஜன் உள்ளிட்ட பலர் கலந்து கொண்டனர்.
நிகழ்ச்சிக்குப் பின்னர் செய்தியாளர்களிடம் அவர் கூறியதாவது: திருப்பூர் மாவட்டத்தில் 45 குழுக்கள் அமைக்கப்பட்டு கோமாரி நோய் தடுப்பூசிகள் போடப்பட்டுள்ளன. இதனால் தற்போது கோமாரி நோய் கட்டுப்படுத்தப்பட்டுள்ளது. இந்நோய் மற்ற கால்நடைகளுக்குப் பரவாமல் தடுக்கும் வகையில் திருப்பூர், ஈரோடு மாவட்டங்களில் வரும் 25ஆம் தேதி வரை கால்நடை சந்தை நடத்த தடை விதிக்கப்பட்டுள்ளது என்றார்.

 

]]>
http://www.dinamani.com/all-editions/edition-coimbatore/tiruppur/2018/dec/09/கல்வித்-துறைக்கு-ரூ25-ஆயிரம்-கோடி-ஒதுக்கீடு-அமைச்சர்-உடுமலை-கேராதாகிருஷ்ணன்-பேச்சு-3054352.html