Dinamani - திருப்பூர் - http://www.dinamani.com/all-editions/edition-coimbatore/tiruppur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3021876 கோயம்புத்தூர் திருப்பூர் அரசுப் பள்ளிகளுக்கு ரூ 26.75 லட்சம் மானியம் DIN DIN Wednesday, October 17, 2018 07:14 AM +0530 வெள்ளக்கோவில் ஒன்றிய பகுதிக்கு உள்பட்ட  56 அரசுப் பள்ளிகளுக்கு ரூ. 26.75 லட்சம் மானியம் செவ்வாய்க்கிழமை ஒதுக்கீடு செய்யப்பட்டுள்ளது.
 இப்பகுதியைச் சேர்ந்த 40 தொடக்கப்  பள்ளிகள், 16 ஊராட்சி ஒன்றிய நடுநிலைப் பள்ளிகளுக்கு அரசிடமிருந்து இந்த நிதி கிடைக்கப் பெற்றுள்ளது. ரூ. 16.50 லட்சம் நடுநிலைப் பள்ளிகளுக்கும், ரூ.10.25 லட்சம் தொடக்கப் பள்ளிகளுக்கும் அனுமதிக்கப்பட்டுள்ளது .
 இந்த நிதியைப் பயன்படுத்தி பள்ளிகளின் பராமரிப்புப் பணிகள், மின்வசதி, குடிநீர் வசதி உள்ளிட்ட அடிப்படைத் தேவைகளைச் செய்து கொள்ளலாம் என அதிகாரிகள் தெரிவித்தனர். இதுகுறித்து தொடர்புடைய 56 பள்ளிகளின் தலைமை ஆசிரியர்களுக்கு, வட்டார வள மையத்தில் விவரம் தெரிவிக்கப்பட்டது. மாணவர்களின் எண்ணிக்கை குறைவாக இருக்கும் சில பள்ளிகளுக்கு இந்த மானியம் வழங்கப்படவில்லை என்பது குறிப்பிடத்தக்கது.

]]>
http://www.dinamani.com/all-editions/edition-coimbatore/tiruppur/2018/oct/17/அரசுப்-பள்ளிகளுக்கு-ரூ-2675-லட்சம்-மானியம்-3021876.html
3021875 கோயம்புத்தூர் திருப்பூர் பல்லடத்தில் இன்று மின்நுகர்வோர் குறைகேட்பு DIN DIN Wednesday, October 17, 2018 07:14 AM +0530 பல்லடத்தில் மின் நுகர்வோர் குறைகேட்பு முகாம் புதன்கிழமை(அக்டோபர் 17) நடைபெறவுள்ளது.
இதுகுறித்து தமிழ்நாடு மின் உற்பத்தி மற்றும் பகிர்மானக் கழகத்தின் பல்லடம் செயற்பொறியாளர் ஆர்.கோபால் தெரிவித்ததாவது: 
பல்லடம் பகுதி மின் நுகர்வோர் குறைகேட்பு முகாம் பல்லடம் மின் பகிர்மான வட்டத்தின் மேற்பார்வை பொறியாளர் கே.தமிழ்சேகரன் தலைமையில் பல்லடம் மின்சார வாரிய செயற்பொறியாளர் அலுவலகத்தில் புதன்கிழமை (அக்டோபர் 17) காலை 11 மணிக்கு நடைபெறவுள்ளது. இதில் மின் நுகர்வோர் பங்கேற்று தங்களது மின்சார விநியோகம் குறித்த குறைகள், புகார்கள் ஏதேனும் இருந்தால் தெரியப்படுத்தலாம் என தெரிவித்துள்ளார்.
 

]]>
http://www.dinamani.com/all-editions/edition-coimbatore/tiruppur/2018/oct/17/பல்லடத்தில்-இன்று-மின்நுகர்வோர்-குறைகேட்பு-3021875.html
3021874 கோயம்புத்தூர் திருப்பூர் ஆனைமலை-நல்லாறு திட்டம் குறித்து விவசாய சங்கப் பிரதிநிதிகளுடன் ஆலோசனை DIN DIN Wednesday, October 17, 2018 07:13 AM +0530 ஆனைமலை,  நல்லாறு திட்டத்தை நிறைவேற்றுவது தொடர்பாக விவசாய சங்கப் பிரதிநிதிகளுடனான ஆலோசனைக் கூட்டம் திருப்பூர் மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது. 
கூட்டத்துக்கு,  ஆட்சியர் கே.எஸ். பழனிசாமி முன்னிலை வகித்தார். கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் தலைமை வகித்து பேசியதாவது:  விவசாயிகளின் நீண்ட நாள் கோரிக்கையான ஆனைமலை- நல்லாறு திட்டத்தை விரைவில் தொடங்குவது தொடர்பாக திட்டத்தின் முழு விவரங்கள் குறித்து ஆராய்வதற்காக அனைத்துத் துறைகளின் சார்பில் சிறப்பு நிபுணர் குழு அரசு  அனுமதியுடன் விரைவில் அமைக்கப்படவுள்ளது. மேலும், இந்த மாத இறுதிக்குள் விவசாய சங்கப் பிரதிநிதிகள் தமிழக முதல்வரை வரைவு திட்டத்துடன் சந்திக்க ஏற்பாடு செய்யப்படும். 
மேலும்,  இத்திட்டமானது கேரள அரசுடன் இணைந்து செயல்பட வேண்டியுள்ளதால் தமிழக முதல்வர் எடப்பாடி பழனிசாமி, கேரள மாநில முதல்வருடன் பேசி விரைவில் சுமார் 4.25 லட்சம் ஏக்கர் பாசன வசதி பெறும் வகையில் ஆனைமலை-நல்லாறு திட்டத்தினை விரைவில் தொடங்கிவைப்பார் என்றார். 
இக்கூட்டத்தில், மாவட்ட வருவாய் அலுவலர் ச.பிரசன்ன ராமசாமி, மாவட்ட ஆட்சியர் நேர்முக உதவியாளர் (பொது) சாதனைக்குறள், அரசு அலுவலர்கள்,  பரம்பிக்குளம்- ஆழியாறு பாசனத் திட்ட திருமூர்த்தி நீர்த் தேக்க திட்டக் குழு நிர்வாகிகள் மற்றும் விவசாய சங்க பிரதிநிதிகள் பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/17/ஆனைமலை-நல்லாறு-திட்டம்-குறித்து-விவசாய-சங்கப்-பிரதிநிதிகளுடன்-ஆலோசனை-3021874.html
3021873 கோயம்புத்தூர் திருப்பூர் தொற்றுநோய்கள் பரவாமல் தடுக்க முன்னெச்சரிக்கை நடவடிக்கை: மாநகராட்சி அலுவலகத்தில் கலந்தாய்வுக் கூட்டம் DIN DIN Wednesday, October 17, 2018 07:13 AM +0530 திருப்பூர் மாநகராட்சிப் பகுதிகளில் தொற்று நோய்கள் பரவாமல் தடுக்க முன்னெச்சரிக்கை நடவடிக்கை மேற்கொள்வதற்கான கலந்தாய்வுக் கூட்டம் செவ்வாய்க்கிழமை நடைபெற்றது.    
கூட்டத்துக்கு,  மாநகராட்சி ஆணையர் க.சிவகுமார் தலைமை வகித்து பேசியதாவது:
டெங்கு தடுப்பு பணிகளை சம்பந்தப்பட்ட  அலுவலர்கள் மேற்பார்வையிட்டு கொசு உற்பத்தி ஆகும் இடங்களைக் கண்டறிந்து அவற்றை அழிக்க நடவடிக்கைகள் எடுக்க  வேண்டும். குடிநீரில் குளோரின் அளவினை ஆய்வு செய்து குளோரின் கலந்த குடிநீரை வழங்க வேண்டும். காய்ச்சலால் பாதிக்கப்பட்டவர்களின் பட்டியலை அரசு, தனியார் மருத்துவமனையில் பெற்று அவர்கள் வசிக்கும் இடங்களில் டெங்கு தடுப்பு பணிகள் மற்றும்  மருத்துவ முகாம் அமைக்க வேண்டும். தொடர்ந்து காய்ச்சல் இருந்து வந்தால் மாநகராட்சி, அரசு மருத்துவமனைக்கு அனுப்பி வைக்க வேண்டும். 
கொசுக்களைக் கட்டுப்படுத்த அனைத்து வீடுகளிலும் கொசுப் புகை மருந்து அடிக்கப்பட வேண்டும். பொதுமக்கள் மற்றும் பள்ளியில் பயிலும் மாணவ, மாணவிகளுக்கு நிலவேம்பு கஷாயம் வழங்க வேண்டும். 
  மேலும், மாநகராட்சிப் பகுதியில் குப்பைகள் உருவாகும் இடத்திலேயே மேலாண்மை செய்ய அதற்கான நுண் உரமாக்கும் மையங்களை செயல்பாட்டுக்கு கொண்டு வர வேண்டும்.
அனைத்து  பூங்காக்கள் மற்றும் 100 கிலோவுக்கு அதிகமாக குப்பைகள் சேகரமாகும்  இடங்களில் உரமாக்கும் மையம் அமைக்க நடவடிக்கை எடுக்க வேண்டும். மாநகராட்சியால் விநியோகிக்கப்படும் குடிநீரில் குளோரின் கலந்து  வழங்க வேண்டும். தனி நபர் கழிவறை கட்டும் திட்டத்தினை உடனடியாக முடித்து பொதுமக்களின் பயன்பாட்டுக்கு கொண்டுவர வேண்டும். தற்போது மழைக்காலம் என்பதால் வெள்ள நிவாரண பணிகள், டெங்கு தடுப்பு முன்னெச்சரிக்கை நடவடிக்கைகள், திடக்கழிவு மேலாண்மை பணிகள், ஆகியவற்றை சிறப்பாக மேற்கொள்ளப்பட வேண்டும் என்றார். 
இக்கூட்டத்தில், மாநகர் நல அலுவலர் மருத்துவர் கே.பூபதி,  மண்டல உதவி ஆணையர்கள், அனைத்து மருத்துவ அலுவலர்கள், மண்டல சுகாதார அலுவலர்கள், சுகாதார ஆய்வாளர்கள், அனைத்து உதவி பொறியாளர்கள், குழாய்  ஆய்வாளர்கள், துப்புரவு பணி மேற்பார்வையாளர்கள்,  தூய்மை இந்தியா திட்ட பணியாளர்கள்  பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/17/தொற்றுநோய்கள்-பரவாமல்-தடுக்க-முன்னெச்சரிக்கை-நடவடிக்கை-மாநகராட்சி-அலுவலகத்தில்-கலந்தாய்வுக்-கூட்டம்-3021873.html
3021872 கோயம்புத்தூர் திருப்பூர் உடுமலை வனப் பகுதிகளில் நக்ஸல்கள் நடமாட்டம்?  எஸ்பி ஆய்வு DIN DIN Wednesday, October 17, 2018 07:13 AM +0530 உடுமலை அருகே தமிழக-கேரள எல்லையில் உள்ள மலைக்கிராமங்களில் நக்ஸல்கள் நடமாட்டம் இருப்பதாக எழுந்துள்ளப் புகாரை அடுத்து திருப்பூர் மாவட்ட காவல் கண்காணிப்பாளர் கயல்விழி வனப் பகுதியில் செவ்வாய்க்கிழமை ஆய்வு மேற்கொண்டார்.
உடுமலையில் இருந்து தெற்கே 25 கிலோ மீட்டர் தொலைவில் தமிழக-கேரள எல்லையில் அமைந்துள்ள மேற்குத் தொடர்ச்சி மலைகளுக்கு நடுவே 15- க்கும் மேற்பட்ட செட்டில்மெண்டுகள் உள்ளன. இங்கு 4 ஆயிரத்துக்கும் மேற்பட்ட மலைவாழ் மக்கள் வசித்து வருகின்றனர். இதில் தமிழக வனப் பகுதிக்கு உள்பட்ட குழிப்பட்டி, குருமலை, ஆட்டுமலை, கோடந்தூர் ஆகிய மலைக்கிராமங்களில் சந்தனக் கட்டைகளை கடத்தும் நபர்கள் வந்துபோவதாக வந்த புகாரை அடுத்து இந்த மலைக்கிராமங்களில் உளவுத் துறையினர் ஆண்டு முழுவதும் தீவிரக் கண்காணிப்புப் பணிகளில் ஈடுபட்டு வருகின்றனர்.
இந்நிலையில், மலைக் கிராமங்களில் மர்ம நபர்கள் சிலர் ஆயுதங்களுடன் நடமாடி வருவதை மலைவாழ் மக்கள் பார்த்துள்ளனர். இதுகுறித்து வனத்துறையினருக்கு புகார் வந்தது. இதைத் தொட ர்ந்து, திருப்பூர் மாவட்ட காவல் துறை கண்காணிப்பாளர் கயல்விழி தலைமையில் நக்ஸல் தடுப்பு பிரிவு போலீஸார் மலைக் கிராமங்களில் உள்ள வனப் பகுதிகளில் செவ்வாய்க்கிழமை ஆய்வு நடத்தினர். அப்போது மலைவாழ் மக்களிடம் விசாரணை நடைபெற்றது. இந்த ஆய்வின்போது உடுமலை டிஎஸ்பி ஜெயச்சந்திரன் உள்ளிட்ட அமராவதி நகர்  போலீஸார் உடன் சென்றனர்.
இது குறித்து காவல் துறையினர் கூறியதாவது:
தமிழக-கேரள எல்லையில் உள்ள மலைக்கிராமங்களில் நடமாடும் மர்ம நபர்கள் நக்ஸல்களா? அல்லது விலங்குகளை வேட்டையாட வந்த நபர்களா? அல்லது சந்தனக்கட்டைகளை கடத்தும் நபர்களா?  என விசாரணை நடைபெற்று வருகிறது.  ஆனாலும் தமிழக-கேரள எல்லையில் உள்ள  மலைக்கிராமங்கள் தொடர் கண்காணிப்புக்கு உள்ளாக்கப்பட்டு வருகிறது என்றனர்.

]]>
http://www.dinamani.com/all-editions/edition-coimbatore/tiruppur/2018/oct/17/உடுமலை-வனப்-பகுதிகளில்-நக்ஸல்கள்-நடமாட்டம்--எஸ்பி-ஆய்வு-3021872.html
3021871 கோயம்புத்தூர் திருப்பூர் இருசக்கர வாகனங்கள் மோதல்: இளைஞர் சாவு DIN DIN Wednesday, October 17, 2018 07:12 AM +0530 பல்லடம் அருகே வாவிபாளையம்  பகுதியில் 2 இருசக்கர வாகனங்கள் மோதிய விபத்தில் இளைஞர் உயிரிழந்தார்.
பல்லடம் அருகேயுள்ள குள்ளம்பாளையத்தைச் சேர்ந்த ரவி மகன் பழனிசாமி என்கிற ராமராஜ் (27). விவசாய  கூலித் தொழிலாளியாக வேலை செய்து வந்தார்.  இவர், தனது உறவினர் கிருஷ்ணமூர்த்தி (24) என்பவருடன்   வாவிபாளையத்தில் இருந்து இருசக்கர வாகனத்தில் வீட்டுக்கு திங்கள்கிழமை இரவு சென்று கொண்டிருந்தார். 
பல்லடம் - உடுமலை சாலையில் வந்தபோது,  எதிரே  கோவை, காளப்பட்டியைச் சேர்ந்த அமல்தாஸ்,  தனது மனைவி சுகுணா, 2 குழந்தைகளுடன் இருசக்கர வாகனத்தில் வந்து கொண்டிருந்தார். அப்போது எதிர்பாராதவிதமாக 2 இருசக்கர வாகனங்களும் நேர்நேருக்கு மோதிக் கொண்டன.  
இதில் ராமராஜ்,  அவரது உறவினர் கிருஷ்ணமூர்த்தி,  அமல்தாஸ் ஆகியோர் காயம் அடைந்தனர்.  பலத்த காயம் அடைந்த ராமராஜ் பல்லடம் அரசு மருத்துவமனையில் முதலுதவி சிகிச்சைக்கு பின் கோவை அரசு மருத்துவமனைக்கு அனுப்பி வைக்கப்பட்டார். அங்கு அவர் செவ்வாய்க்கிழமை உயிரிழந்தார்.  இதுகுறித்து காமநாயக்கன்பாளையம் போலீஸார் வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-coimbatore/tiruppur/2018/oct/17/இருசக்கர-வாகனங்கள்-மோதல்-இளைஞர்-சாவு-3021871.html
3021870 கோயம்புத்தூர் திருப்பூர் தொழிலாளிக்கு கத்திக் குத்து: கடை உரிமையாளர் கைது DIN DIN Wednesday, October 17, 2018 07:12 AM +0530 பல்லடத்தில் முடிதிருத்தும் தொழிலாளியைக் கத்தியால் குத்தியது தொடர்பாக அவர் வேலை செய்த கடை உரிமையாளரை போலீஸார்  கைது செய்தனர். 
பல்லடம்,  செஞ்சேரிப்புத்தூரைச் சேர்ந்த பரமசிவம் மகன் கோகிலகிருஷ்ணன் (21). இவர் முடிதிருத்தும் நிலையம் வைத்துள்ளார். அவரது கடையில் செல்லத்துரை மகன் ஜெயராஜ் (47) வேலை செய்து வந்தார். 
இந்நிலையில், ஜெயராஜ் கடையில் முடிதிருத்தத்திற்கு யாரும் வராத நிலையில் மின்விசிறி போட்டுள்ளார். இதை கோகிலகிருஷ்ணன் கண்டித்தாராம். இது தொடர்பாக  இருவருக்கும் வாக்குவாதம் ஏற்பட்டுள்ளது.  
இதில் ஆத்திரமடைந்த கோகிலகிருஷ்ணன்,  சவரம் செய்ய வைத்திருத்த கத்தியை எடுத்து ஜெயராஜின் கழுத்தில் குத்தியுள்ளார்.  இதில் காயமடைந்த ஜெயராஜ் கோவை அரசு மருத்துவமனையில் சேர்க்கப்பட்டுள்ளார். 
இதுகுறித்து வழக்குப் பதிவு செய்த  பல்லடம் போலீஸார், கோகிலகிருஷ்ணனை கைது செய்து கோவை மத்திய சிறையில் அடைத்தனர்.

]]>
http://www.dinamani.com/all-editions/edition-coimbatore/tiruppur/2018/oct/17/தொழிலாளிக்கு-கத்திக்-குத்து-கடை-உரிமையாளர்-கைது-3021870.html
3021869 கோயம்புத்தூர் திருப்பூர் உடுமலை அருகே சாலை விபத்து:  2 இளைஞர்கள் சாவு DIN DIN Wednesday, October 17, 2018 07:12 AM +0530 உடுமலை அருகே செவ்வாய்க்கிழமை அதிகாலை நிகழ்ந்த சாலை விபத்தில் 2 இளைஞர்கள் உயிரிழந்தனர்.
உடுமலை வட்டம், கண்ணம்மநாயக்கனூர் கிராமத்தைச் சேர்ந்தவர்கள் கருணாநிதி மகன் பார்த்திபன்(25) . கூரியர் நிறுனத்தில் பணியாற்றி வந்தார். சண்முகராஜ் மகன் ராஜா கவின் (27) . எலக்ட்ரீசியன்.  ஆனந்தன் மகன் அருண்(24) .  
நண்பர்களான இவர்கள் மூவரும் தங்களது கிராமத்தில் இருந்து ஒரே இருசக்கர வாகனத்தில் உடுமலையை நோக்கி செவ்வாய்க்கிழமை அதிகாலை வந்து கொண்டிருந்தனர்.  பெரியகோட்டை பிரிவு இடத்தில் வந்து கொண்டிருந்தபோது எதிரே கோவையில் இருந்து செங்கோட்டை நோக்கி சென்று கொண்டிருந்த அரசு பேருந்தும், இருசக்கர வாகனமும் நேருக்கு நேர் மோதிக் கொண்டன.  இதில்  பார்த்திபன், ராஜா கவின் ஆகியோர் சம்பவ இடத்திலேயே உயிரிழந்தனர். 
படுகாயமடைந்த அருண் உடுமலை அரசு மருத்துவமனையில் அனுமதிக்கப்பட்டு பின்னர் உயர் சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டார். 
இதுகுறித்து உடுமலை போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/17/உடுமலை-அருகே-சாலை-விபத்து--2-இளைஞர்கள்-சாவு-3021869.html
3021868 கோயம்புத்தூர் திருப்பூர் கூட்டுறவு சர்க்கரை ஆலை நிர்வாகக் குழு தலைவர், உறுப்பினர்கள் பொறுப்பேற்பு DIN DIN Wednesday, October 17, 2018 07:12 AM +0530 உடுமலையை அடுத்துள்ள கிருஷ்ணாபுரத்தில் இயங்கி வரும் அமராவதி கூட்டுறவு சர்க் கரை ஆலையின் தலைவர் உள்ளிட்ட நிர்வாக குழு உறுப்பினர்கள் செவ்வாய்க்கிழமை பொறுப்பேற்றுக் கொண்டனர்.
கோவை, திருப்பூர், திண்டுக்கல் ஆகிய மூன்று மாவட்டங்களுக்கு உள்பட்ட பகுதிகளில் இயங்கி வரும் ஒரே கூட்டுறவு சர்க்கரை ஆலை கிருஷ்ணாபுரம் அமராவதி கூட்டுறவு சர்க்கரை ஆலை. இதில் உடுமலை, ஆலைப்பகுதி, குமரலிங்கம், கணியூர், பல்ல டம், நெய்க்காரபட்டி, பழனி கிழக்கு, பழனி மேற்கு என 8 கோட்டங்களை உள்ளடக்கிய விவசாயிகளிடம் இருந்து ஒப்பந்த அடிப்படையில் கரும்புகள் பெறப்பட்டு இந்த ஆலை இயங்கி வருகிறது. 
இந்நிலையில் இந்த சர்க்கரை ஆலையின் நிர்வாகக் குழுவுக்கு தேர்வு செய்யப்பட்ட 17 உறுப்பினர்கள் செவ்வாய்க்கிழமை பதவியேற்றுக் கொண்டனர். இதில், தலைவராக தாராபுரத்தைச் சேர்ந்த எஸ்.பழனிசாமி, துணைத் தலைவராக மடத்துக்குளத்தைச் சேர்ந்த என்.முத்துராமலிங்கம் ஆகியோர் பொறுப்பேற்றுக் கொண்டனர்.  கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் சிறப்பு விருந்தினராக கலந்து கொண்டு பொறுப்பேற்றவர்களை வாழ்த்தினார்.  இதில் மேலாண்மை இயக்குநர் டி.ரமணிதேவி, சார் பதிவாளர் சாகுல்அமீது, ஆலை நிர்வாக அலுவல ர்கள், விவசாயிகள், அதிமுக பிரமு கர்கள் கலந்து கொண்டனர்.
உடுமலை வேளாண் உற்பத்தியாளர் கூட்டுறவு சங்கத்தில் தேர்வு செய்யப்பட்ட 11 இயக்குநர்கள் செவ்வாய்க்கிழமை பொறுப்பேற்றுக் கொண்டனர். இதில் தலைவராக பெரிய கோட்டை முருகேசன், துணைத் தலைவராக தங்கவேல் ஆகியோர் பொறுப்பேற்றுக் கொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/17/கூட்டுறவு-சர்க்கரை-ஆலை-நிர்வாகக்-குழு-தலைவர்-உறுப்பினர்கள்-பொறுப்பேற்பு-3021868.html
3021867 கோயம்புத்தூர் திருப்பூர் தனியார் கட்டுமான நிறுவனத்துடன் பில்டர்ஸ் பொறியியல் கல்லூரி புரிந்துணர்வு ஒப்பந்தம் DIN DIN Wednesday, October 17, 2018 07:11 AM +0530 அருகே, நத்தக்காடையூரில் உள்ள பில்டர்ஸ் பொறியியல் கல்லூரி புரிந்துணர்வு ஒப்பந்தத்தில் கையெழுத்திட்டுள்ளது.
கல்லூரி வளாகத்தில் நடைபெற்ற இந்த நிகழ்ச்சி குறித்து கல்லூரி முதல்வர் (பொறுப்பு) எம்.தமிழரசி கூறியதாவது : 
மாணவர்கள் தொழில் துறை விஜயம்,  வேலை வாய்ப்பு உள்ளிட்டவை தொடர்பாக    குஜராத்தில் உள்ள சிமெம் கட்டுமான நிறுவனத்துடன் புரிந்துணர்வு ஒப்பந்தம் செய்யப்பட்டுள்ளது.  பில்டர்ஸ் பொறியியல் கல்லூரியின் தாளாளர் கே.ஆர்.தனசேகர், சிமெம் கட்டுமானம் மற்றும் சுற்றுச்சூழல் பொறியியல் நிறுவனத்தின் இயக்குநர் ஆனந்த் சாலி ஆகியோர் இந்த புரிந்துணர்வு ஒப்பந்தத்தில் கையெழுத்திட்டுள்ளனர் என்றார். 
இந்நிகழ்ச்சிக்கு பில்டர்ஸ் பொறியியல் கல்லூரியின் அறக்கட்டளை உறுப்பினர் ஆர்.பி.அருள்சுந்தரம் தலைமை வகித்தார். இதில், பேராசிரியர் ஜி.ராமசாமி, இயந்திரவியல் துறைத் தலைவர் பி.அசோக்குமார், வேலைவாய்ப்பு தலைமை அலுவலர் அப்துல் பாசித் உள்பட கல்லூரியின் அனைத்துத் துறை தலைவர்களும், பேராசிரியர்களும் கலந்து கொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/17/தனியார்-கட்டுமான-நிறுவனத்துடன்-பில்டர்ஸ்-பொறியியல்-கல்லூரி-புரிந்துணர்வு-ஒப்பந்தம்-3021867.html
3021866 கோயம்புத்தூர் திருப்பூர் உடுமலையில் இன்று வீட்டுமனை வரன்முறை முகாம் DIN DIN Wednesday, October 17, 2018 07:11 AM +0530 உடுமலை நகராட்சியில் அனுமதியற்ற வீட்டு மனைப் பிரிவுகளில் உள்ள மனைகளை வரன்முறைப்படுத்த சிறப்பு முகாம் புதன்கிழமை (அக்டோபர் 17)  நடைபெற உள்ளது.
இது குறித்து உடுமலை நகராட்சி ஆணையர் ஓ.ராஜாராம் விடுத்துள்ள செய்திக் குறிப்பு:
உடுமலை நகராட்சி எல்லைக்கு உள்பட்ட அனுமதியற்ற வீட்டுமனைப் பிரிவில் உள்ள தனி மனைகளை வரன் முறைப்படுத்திக் கொள்வதற்காக சிறப்பு முகாம் புதன்கிழமை நடைபெற உள்ளது. உடுமலை தளி சாலையில் உள்ள நகராட்சி அலுவலகத்தில் காலை 10 மணி முதல் மாலை 5 மணி வரை இந்த முகாம் நடைபெற உள்ளது. முகாமில் உரிய ஆவணங்களுடன் கட்டணங்களை செலுத்தி மனைகளை வரன்முறைப்படுத்திக் கொள்ளலாம். விவரங்களை நகராட்சி அலுவலகத்தில் கேட்டுத் தெரிந்து கொள்ளலாம். இந்தத் திட்டம் நவம்பர் 3 ஆம் தேதியுடன் முடிவடைகிறது.  மனைகள் வரன்முறைப்படும் பட்சத்தில் மட்டுமே நகராட்சியால் அடிப்படை வசதிகள் செய்து கொடுக்கப்படும் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/tiruppur/2018/oct/17/உடுமலையில்-இன்று-வீட்டுமனை-வரன்முறை-முகாம்-3021866.html
3021865 கோயம்புத்தூர் திருப்பூர் உணவுப் பொருள்களில் கலப்படம் குறித்து விழிப்புணர்வு DIN DIN Wednesday, October 17, 2018 07:11 AM +0530 வெள்ளக்கோவிலை அடுத்த முத்தூர் அரசு மேல்நிலைப் பள்ளியில் உணவுப் பொருள்களில் கலப்படம் குறித்த விழிப்புணர்வு நிகழ்ச்சி செவ்வாய்க்கிழமை நடைபெற்றது. 
உலக உணவு தினத்தையொட்டி நடத்தப்பட்ட இந்நிகழ்ச்சியில், வெள்ளக்கோவில் வட்டார உணவுப் பாதுகாப்பு அலுவலர் ராமச்சந்திரன் கலந்து கொண்டு, உணவுப் பாதுகாப்புச் சட்டம், கலப்படம், அதனால் ஏற்படும் தீமைகள், தடுக்கும் வழிமுறைகள் குறித்து மாணவர்களுக்கு எடுத்துக் கூறினார். 
மேலும் அரிசி, பருப்பு, சமையல் எண்ணெய், கடுகு போன்றவற்றில் கலப்படம் கண்டு பிடிப்பது குறித்து செயல்முறை விளக்கம் செய்து காண்பிக்கப்பட்டது.
200 மாணவர்கள் எடுத்து வந்த உப்பில் பரிசோதனை செய்து, மூன்று மாணவர்கள் கொண்டு வந்த உப்பில் அயோடின் சத்து மிகவும் குறைவாக இருப்பது  கண்டுபிடிக்கப்பட்டது. பள்ளியின் தலைமை ஆசிரியர் நரேந்திரன் இந்நிகழ்ச்சிக்கான ஏற்பாடுகளைச் செய்திருந்தார். 
 

]]>
http://www.dinamani.com/all-editions/edition-coimbatore/tiruppur/2018/oct/17/உணவுப்-பொருள்களில்-கலப்படம்-குறித்து-விழிப்புணர்வு-3021865.html
3021864 கோயம்புத்தூர் திருப்பூர் அனைத்து தொழிற்சங்கத்தினர் ஆர்ப்பாட்டம் DIN DIN Wednesday, October 17, 2018 07:11 AM +0530 பல்வேறு கோரிக்கைகளை வலியுறுத்தி அனைத்து தொழிற்சங்கங்கள் சார்பில் திருப்பூரில் செவ்வாய்க்கிழமை ஆர்ப்பாட்டம் நடைபெற்றது. 
சென்னையில் தனியார் நிறுவனத் தொழிற்சாலைகளில் நடைபெறும் தொழிலாளர் போராட்டத்துக்கு தீர்வு காண அரசு நடவடிக்கை எடுக்க வேண்டும். ஒப்பந்த முறையையும்,  அவுட்சோர்சிங் பணி முறைகளை ரத்து செய்ய வேண்டும்,  தமிழகத்தில் முத்தரப்புக் குழு உடனே அமைக்க வேண்டும்,  அமைப்பு சாரா நலவாரியங்களை செயல் இழக்க செய்யும் போக்கை தமிழக அரசு கைவிட வேண்டும், போக்குவரத்து தொழிலாளர்களிடம் பிடித்தம் செய்த தொகைகளை கையாடல் செய்ததை கண்டித்தும்,  
மின்சாரம் வழங்குவதில் ஊழல்,  கரும்புக்கு கட்டுபடியான விலை வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடைபெற்றது.
ஆர்ப்பாட்டத்துக்கு, எம்.எல்.எப். தொழிற்சங்கத் தலைவர் பாண்டியராஜன் தலைமை வகித்தார்.  எம்.சந்திரன் (சிஐடியூ), ரங்கசாமி (தொமுச) , சேகர் (ஏஐடியூசி),  முத்துசாமி (எச்எம்எஸ்), சிவசாமி (ஐஎன்டியூசி)  ஆகியோர் உரையாற்றினர்.

]]>
http://www.dinamani.com/all-editions/edition-coimbatore/tiruppur/2018/oct/17/அனைத்து-தொழிற்சங்கத்தினர்-ஆர்ப்பாட்டம்-3021864.html
3020988 கோயம்புத்தூர் திருப்பூர் வேருடன் பெயர்த்த அரச மரம் மறு நடவு DIN DIN Tuesday, October 16, 2018 12:44 AM +0530
வெள்ளக்கோவிலில் 18 வயதுடைய அரசமரம் திங்கள்கிழமை மறு நடவு செய்யப்பட்டது.
சிவநாதபுரத்தில் தாராபுரம் சாலை ஓரத்தில் ஊர்க் கோயில் அருகில் பெரிய அரசமரம் இருந்தது. இது 18 வருடங்களுக்கு முன்னர் நடப்பட்டதாக அப்பகுதி மக்கள் தெரிவித்தனர். இதனருகில் மின் கம்பிகள் செல்வதால் அவ்வப்போது அவற்றில் உரசும் மரக்கிளைகள் வெட்டி அகற்றப்பட்டன.
அடிக்கடி மின் கம்பிகளுக்கு இடையூறு ஏற்பட்டதால் இந்த மரத்தை முற்றிலுமாக அகற்ற முடிவு செய்யப்பட்டது. இதை அறிந்த வெள்ளக்கோவில் நிழல்கள் அறக்கட்டளையினர் மரத்தை வேரோடு இயந்திரம் மூலம் பெயர்த்து அருகில் உள்ள தீர்த்தாம்பாளையத்தில் மறு நடவு செய்தனர்.
எட்டு மணி நேர தொடர் பணியில் இந்த மறுநடவு நடைபெற்றது. பெரிய அரச மரத்துக்கு மறுவாழ்வு கொடுத்த நிழல்கள் அறக்கட்டளையினருக்கு பொதுமக்கள் பாராட்டுத் தெரிவித்தனர்.

]]>
http://www.dinamani.com/all-editions/edition-coimbatore/tiruppur/2018/oct/16/வேருடன்-பெயர்த்த-அரச-மரம்-மறு-நடவு-3020988.html
3020986 கோயம்புத்தூர் திருப்பூர் ஆனைமலையாறு- நல்லாறு அணைத் திட்டத்தை நிறைவேற்றக் கோரி பிஏபி விவசாயிகள் திருப்பூரில் கவன ஈர்ப்புப் பேரணி DIN DIN Tuesday, October 16, 2018 12:44 AM +0530
ஆனைமலையாறு- நல்லாறு அணைத் திட்டத்தை உடனே நிறைவேற்ற வலியுறுத்தி, கோவை, திருப்பூர் மாவட்டங்களைச் சேர்ந்த 3000-க்கும் மேற்பட்ட பிஏபி பாசன விவசாயிகள் திருப்பூரில் கவன ஈர்ப்புப் பேரணியில் திங்கள்கிழமை ஈடுபட்டனர்.
திருப்பூர்- பல்லடம் சாலை, வீரபாண்டி பிரிவில் துவங்கிய பேரணி, மாவட்ட ஆட்சியர் அலுவலகத்தில் நிறைவடைந்தது. இதையடுத்து மாவட்ட ஆட்சியர் கே.எஸ்.பழனிசாமி, திருப்பூர் வந்திருந்த சட்டப்பேரவை துணைத் தலைவர் பொள்ளாச்சி வ.ஜெயராமன், பொள்ளாச்சி மக்களவை உறுப்பினர் மகேந்திரன் ஆகியோரிடம் விவசாயிகள் மனு அளித்தனர்.
இப்பேரணிக்கு பிஏபி திட்டக்குழுத் தலைவர் பரமசிவம் தலைமை வகித்தார். கூட்டுக்குழு தலைவர் ராஜகோபால், பகிர்மானக் குழு தலைவர் அருண் உள்ளிட்டோர் பங்கேற்றனர். இது குறித்து பரம்பிக்குளம்-ஆழியாறு பாசன விவசாயிகள் வாழ்வுரிமை இயக்கத்தினர் கூறியதாவது:
கோவை, திருப்பூர் மாவட்டங்களைச் சேர்ந்த பரம்பிக்குளம்- ஆழியாறு பாசனத் திட்டத்தின் மூலம் 4.25 லட்சம் ஏக்கர் விவசாய விளைநிலங்கள் பாசன வசதி பெறுகின்றன. கடந்த சில ஆண்டுகளாக பரம்பிக்குளம்- ஆழியாறு நீர்ப்பிடிப்புப் பகுதிகளில் போதிய மழையின்மையால் அணைகள் நிரம்புவதில்லை. இதனால், பிஏபி பாசன விவசாயிகளுக்கு ஆண்டு முழுவதும் பாசன வசதி கிடைப்பது கேள்விக்குறியானது.
இரு மாநில ஒப்பந்தப்படி கேரளத்துக்கு 19.55 டிஎம்சி தண்ணீர் வழங்கப்படுகிறது. சோலையாற்றிலிருந்து 12.30 டிஎம்சி யும், ஆழியாற்றிலிருந்து 7.25 டிஎம்சி யும் ஆண்டுதோறும் வழங்கப்படுகிறது. ஆனைமலையாறு அணைத் திட்டத்தை நிறைவேற்றாததால் ஆண்டுதோறும் 2.50 டிஎம்சி தண்ணீர் கிடைப்பதில்லை. இதனால், பரம்பிக்குளம்-ஆழியாறு பாசன விவசாயிகளுக்கு தண்ணீர் கிடைப்பதில்லை.
கேரளா அரசு இடைமலையாறு அணைத் திட்டத்தை கடந்த 1970ஆம் ஆண்டு துவங்கி 1985ஆம் ஆண்டு பணிகள் முடிக்கப்பட்டு தண்ணீர் தேக்கி வருகின்றனர். ஆனால், அணைக் கட்டுமானப்பணி முடியவில்லையென தவறான தகவலை கேரள அரசு அளித்து வருகிறது. ஆனைமலையாறு அணை திட்டத்தை கேரள அரசு எதிர்க்கும் பட்சத்தில் சோலையாற்றிலிருந்து கேரளத்துக்குக் கொடுக்கும் தண்ணீரிலிருந்து 2.50 டிஎம்சி தண்ணீரை குறைத்துக் கொடுக்கவேண்டும்.
நீர்ப்பகிர்வு ஒப்பந்தத்தில், நீராற்றில் கிடைக்கும் தண்ணீர் முழுவதும் தமிழகத்துக்கே சொந்தமானது என்று கூறப்பட்டுள்ளது. மேல் நீராறு, கீழ் நீராறு ஆகிய இரு அணைகளிலிருந்து வெளியேறும் தண்ணீர் திருமூர்த்தி அணைக்கு வர 100 கி.மீ. தொலைவுக்குப் பயணிக்க வேண்டியுள்ளது. இந்த இரண்டு அணைகளிலிருந்து வருடத்துக்கு 11.50 டிஎம்சி தண்ணீர் தமிழகத்துக்கு கிடைக்கும். இந்தத் தூரத்தைக் குறைக்க 14.40 கி.மீ. நீளத்துக்கு மலைப்பகுதியில் சுரங்கப் பாதை அமைத்து காண்டூர் கால்வாய் மூலம் திருமூர்த்தி அணைக்கு தண்ணீர் கொண்டு வர தமிழக அரசு நடவடிக்கை எடுக்க வேண்டும்.
நமது பகுதியில் தண்ணீர் தேக்கி வைக்க போதிய அணைகள் இல்லாததால், மழைப் பொழிவுக் காலங்களில் 8 டிஎம்சி தண்ணீர் வீணாக அரபிக்கடலில் கலக்கிறது. நல்லாறு அணைத் திட்டத்தை நிறைவேற்றினால் பிஏபி பாசனப் பகுதியான 4.25 லட்சம் ஏக்கர் விவசாய விளைநிலங்களில் பாசன வசதி கிடைத்து உணவு உற்பத்தி அதிகரிக்கும்; 250 மெ.வா. மின்சாரத்தையும் உற்பத்தி செய்யலாம்.
இடைமலையாறு திட்டப்பணிகள் முடிந்தால் அக்டோபர் முதல் ஜனவரி 31ஆம் தேதி வரை மேல் நீராறு அணையிலிருந்து சோலையாறு அணைக்கு தண்ணீர் எடுக்ககூடாது என ஒப்பந்தத்தில் கூறப்பட்டுள்ளது. எனவே இடைமலையாறு அணைத் திட்டம் முடிந்து 33 ஆண்டுகள் கடந்த நிலையில், நான்கு மாதங்களில் பெய்யும் மழை நீரை தமிழகத்துக்குத் திருப்பிக்கொள்ள தமிழக அரசு விரைவில் நடவடிக்கை எடுக்க வேண்டும் என்றனர்.
இந்தப் பேரணியில் திமுக, காங்கிரஸ் கட்சிகளைச் சார்ந்தவர்களும் விவசாயிகளுக்கு ஆதரவாகப் பேணியில் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/oct/16/ஆனைமலையாறு--நல்லாறு-அணைத்-திட்டத்தை-நிறைவேற்றக்-கோரி-பிஏபி-விவசாயிகள்-திருப்பூரில்-கவன-ஈர்ப்புப்-பேர-3020986.html
3020985 கோயம்புத்தூர் திருப்பூர் பள்ளிகள் சுகாதாரமாக இருக்க வேண்டும்: தலைமையாசிரியர்களுக்கு ஆட்சியர் அறிவுறுத்தல் DIN DIN Tuesday, October 16, 2018 12:44 AM +0530
பள்ளி வளாகங்கள் முழு சுகாதாரத்துடன் இருப்பதை உறுதி செய்ய வேண்டும் என்று பள்ளித் தலைமையாசியர்களை ஆட்சியர் கே.எஸ்.பழனிசாமி அறிவுறுத்தியுள்ளார்.
திருப்பூர் மாநகராட்சிக்கு உள்பட்ட மேட்டுப்பாளையம் மாநகராட்சி நடுநிலைப் பள்ளி, சின்னசாமி அம்மாள் மாநகராட்சி மேல்நிலைப் பள்ளி வளாகம் உள்ளிட்டவற்றில் மாவட்ட ஆட்சியர் கே.எஸ்.பழனிசாமி, திடீர் ஆய்வு மேற்கொண்டார். அப்போது அவர் கூறியதாவது:
பள்ளி மாணவ, மாணவியருக்கு டெங்கு கொசு ஒழிப்பு குறித்த விழிப்புணர்வை ஆசிரியர்கள் ஏற்படுத்த வேண்டும். மேலும், மாணவ, மாணவிகள் தங்கள் பெற்றோர், சுற்றத்தாரிடம் டெங்கு கொசுவால் ஏற்படும் தீமைகள் குறித்து விளக்கிக் கூற வேண்டும்.
பள்ளி வளாகங்கள், வீட்டைச் சுற்றியுள்ள பகுதிகளில் தண்ணீர் தேங்கும் பொருள்கள் இருப்பின் அவற்றை உடனடியாக அப்புறப்படுத்த வேண்டும். மேலும், தலைமையாசிரியர்களும் ஆசிரியர்களும் தங்களது பள்ளி வளாகங்கள் முழு சுகாதாரத்துடன் இருப்பதை உறுதி செய்ய வேண்டும் என அறிவுறுத்தினார்.
திருப்பூர் வடக்கு வட்டாட்சியர் ஜெயகுமார், தலைமையாசிரியர்கள், துறை சார்ந்த அலுவலர்கள் உள்ளிட்டோர் உடன் பங்கேற்றனர்.

 

]]>
http://www.dinamani.com/all-editions/edition-coimbatore/tiruppur/2018/oct/16/பள்ளிகள்-சுகாதாரமாக-இருக்க-வேண்டும்-தலைமையாசிரியர்களுக்கு-ஆட்சியர்-அறிவுறுத்தல்-3020985.html
3020984 கோயம்புத்தூர் திருப்பூர் பிரதமரின் பயிர்க் காப்பீட்டுத் திட்டம்: நெல் விவசாயிகளுக்கு அழைப்பு DIN DIN Tuesday, October 16, 2018 12:44 AM +0530
தாராபுரம் வட்டாரத்தைச் சேர்ந்த நெல் விவசாயிகள் பிரதமரின்  பயிர்க் காப்பீட்டுத் திட்டத்தில் சேர்ந்து பயன் பெறலாம் என வேளாண்மைத் துறை அறிவித்துள்ளது.
இதுகுறித்து தாராபுரம் வட்டார வேளாண்மை உதவி இயக்குநர் எஸ்.எம்.ஞானசேகரன் திங்கள்கிழமை வெளியிட்டுள்ள செய்திக்குறிப்பு:
தாராபுரம் வட்டாரத்தில் அமராவதி பழைய  ஆயக்கட்டு, புதிய ஆயக்கட்டு பாசனப் பகுதிகளில் உள்ள விவசாயிகள் நாற்று விடும்பணி, நேரடி விதைப்புப் பணிகளை மேற்கொண்டு வருகின்றனர்.  அவர்கள் பிரதமரின்  பயிர்க் காப்பீட்டுத் திட்டத்தில் விவசாயிகள் இணைய முன்வர வேண்டும். தாராபுரம் வட்டாரத்துக்கு உள்பட்ட விவசாயிகள் சம்பா பருவத்தில் நெல் சாகுபடிக்கு நிலத்தைப் பண்படுத்தி வருகின்றனர். அவர்கள் பல்வேறு காரணங்களால் விதைப்பு முதல் அறுவடைக்குப் பின்னர் வரை ஏற்படும் இழப்புகள் மற்றும் இயற்கை பேரிடர் பாதிப்புகளுக்கு காப்பீட்டுத் திட்டத்தில் சேர்ந்து பயன்பெறலாம்.
இந்தக்  காப்பீட்டுத்  திட்டத்தில் இணைவதற்கு ஆதார் எண், சிட்டா, அடங்கல், வங்கி  சேமிப்பு புத்தக நகல், விவசாயிகளின் இரண்டு பாஸ்போர்ட் அளவு புகைப்படங்கள் ஆகியவற்றைக் கொண்டுவர வேண்டும்.
இந்த ஆவணங்களைக் கொண்டு தாராபுரம் வட்டாரத்தில் உள்ள தேசிய மயமாக்கப்பட்ட வங்கிகள், கூட்டுறவு சங்கங்கள், பொது சேவை மையங்கள் ஆகியவற்றில் பதிவு செய்யலாம். மேலும்   வங்கிகளும், கூட்டுறவு சங்கங்களும்  பயிர்க்கடன் வாங்கும்போதே பிரதமரின்  பயிர்க் காப்பீட்டுத் திட்டத்துக்கான பிரீமியத் தொகையைப் பிடித்தம் செய்து கொள்வதால் அவர்கள் தனியாக விண்ணப்பிக்க வேண்டியதில்லை.
இந்தக் காப்பீட்டுத்  திட்டம் தொடர்பான விழிப்புணர்வு சிறப்பு முகாம்கள் நடைபெற உள்ளன. வரும் 20ஆம் தேதி நஞ்சியம்பாளையம்,  22ஆம் தேதி அலங்கியம், 23ஆம் தேதி பொன்னாபுரம், 24ஆம் தேதி தளவாய்பட்டினம், 25ஆம் தேதி ஆலம்பாளைம், 26 ம் தேதி வீராட்சிமங்கலம், 29ஆம் தேதி சத்திரம்   ஆகய இடங்களில்  சிறப்பு முகாம்கள் நடைபெற உள்ளன. இந்த முகாம்கள் அனைத்தும் காலை 10.30 மணிக்குத் தொடங்கும்.
இது தொடர்பாக  மேலும் தகவல்களைப் பெற, உதவி வேளாண்மை அலுவலர்கள்  ரவிகுமார், பாலுசாமி ஆகியோரைத் தொடர்பு கொள்ளலாம். தாராபுரம் வட்டாரத்தைச் சேர்ந்த அனைத்து விவசாயிகளும் இத்திட்டத்தில் சேர்ந்து பயனடையலாம்.

]]>
http://www.dinamani.com/all-editions/edition-coimbatore/tiruppur/2018/oct/16/பிரதமரின்-பயிர்க்-காப்பீட்டுத்-திட்டம்-நெல்-விவசாயிகளுக்கு-அழைப்பு-3020984.html
3020982 கோயம்புத்தூர் திருப்பூர் திருப்பூர் கோயிலில் திருட்டு முயற்சி DIN DIN Tuesday, October 16, 2018 12:43 AM +0530
திருப்பூர் குலாலர் பிள்ளையார் கோயிலின் பூட்டை உடைத்து திருட இருவர் முயற்சி செய்துள்ளனர்.
திருப்பூர், காமராஜ் சாலையில் குலாலர் பிள்ளையார் கோயில் உள்ளது . இக்கோயிலில் ஞாயிற்றுக்கிழமை மாலை வழக்கம்போல பூஜைகள் முடித்து கோயில் பூசாரி மற்றும் அலுவலர்கள் பூட்டிச் சென்றுள்ளனர் . திங்கள்கிழமை காலை கோயிலைத் திறக்க வந்த போது, கோயில் உண்டியல் தள்ளி வைக்கப்பட்டிருந்தது.
மேலும் அலுவலக அறைகளின் பூட்டுகள், அலுவலகத்தில் இருந்த பீரோக்கள் உடைக்கப்பட்டிருந்தன. தகவலறிந்து வந்த போலீஸார் சோதனை மேற்கொண்டனர். கோயில் அலுவலகத்தில் வைக்கப்பட்டிருந்த கண்காணிப்பு கேமராக்களில் இருந்த பதிவுகளைக் கொண்டு, இருவர் திருட்டு முயற்சியில் ஈடுபட்டது தெரியவந்துள்ளது. அதன் அடிப்படையில் விசாரணை மேற்கொண்டு வருவதாக போலீஸார் தெரிவித்தனர்.

 

]]>
http://www.dinamani.com/all-editions/edition-coimbatore/tiruppur/2018/oct/16/திருப்பூர்-கோயிலில்-திருட்டு-முயற்சி-3020982.html
3020981 கோயம்புத்தூர் திருப்பூர் அரசுப் பள்ளி அருகில் காவல் நிலையம் அமைக்க எதிர்ப்பு DIN DIN Tuesday, October 16, 2018 12:43 AM +0530
திருமுருகன்பூண்டி அரசு தொடக்கப் பள்ளி அருகே காவல் நிலையம் அமைக்க எதிர்ப்புத் தெரிவித்து அப்பகுதி மக்கள் மாவட்ட ஆட்சியர் கே.எஸ்.பழனிசாமியிடம் கோரிக்கை மனு அளித்தனர்.
திருப்பூர் மாவட்ட வாராந்திர மக்கள் குறைதீர் கூட்டம் ஆட்சியர் அலுவலகத்தில் திங்கள்கிழமை நடைபெற்றது. இக் கூட்டத்துக்கு ஆட்சியர் கே.எஸ்.பழனிசாமி தலைமை வகித்தார். இதில் திருமுருகன்பூண்டி பொதுமக்கள், அனைத்துக் கட்சிகள் சார்பில் அளிக்கப்பட்ட மனு:
திருமுருகன்பூண்டியில் 200க்கும் மேற்பட்ட குழந்தைகள் பயிலும் அரசு தொடக்கப் பள்ளி உள்ளது. இப்பள்ளியை நடுநிலைப் பள்ளியாகத் தரம் உயர்த்த வேண்டும் எனக் கோரி பொதுமக்கள் சார்பில், தமிழக சட்டப்பேரவைத் தலைவர் ப.தனபாலிடம் மனு அளித்துள்ளோம். இம்மனுவைப் பெற்ற சட்டப்பேரவைத் தலைவர் விரைவில் பள்ளியை தரம் உயர்த்துவதாக உறுதி அளித்துள்ளார்.
இந்நிலையில் பள்ளி வளாகம் அருகே திருமுருகன்பூண்டி புதிய காவல் நிலையம் அமைப்பதற்கான பணிகளை மாநகர போலீஸார் விரைந்து செய்து வருகின்றனர். இந்தக் காவல் நிலையம் பள்ளி வளாகத்தை ஒட்டி அமைந்தால் பள்ளியின் சூழல் முழுமையாகக் கெடும். ஆகவே எங்கள் பகுதியில் பள்ளி வளாகத்தை ஒட்டி புதிய காவல் நிலையம் அமைக்கக் கூடாது என்று வலியுறுத்தி உள்ளனர்.

 

]]>
http://www.dinamani.com/all-editions/edition-coimbatore/tiruppur/2018/oct/16/அரசுப்-பள்ளி-அருகில்-காவல்-நிலையம்-அமைக்க-எதிர்ப்பு-3020981.html
3020979 கோயம்புத்தூர் திருப்பூர் காலமானார் வி.சத்யநாதன் DIN DIN Tuesday, October 16, 2018 12:43 AM +0530
உடுமலை வித்யாசாகர் கலை, அறிவியல் கல்லூரியின் செயலரும், தொழில் அதிபருமான வி.சத்யநாதன் (73) காலமானார்.
உடல் நலக் குறைவால் பாதிக்கப்பட்டதால் கோவையில் உள்ள தனியார் மருத்துவமனையில் அனுமதிக்கப்பட்டிருந்த இவர் திங்கள்கிழமை காலமானார்.
இவரது உடலுக்கு உடுமலையில் உள்ள அனைத்து கட்சித் தலைவர்கள், பொது நல அமைப்பின் நிர்வாகிகள், ஆசிரியர்கள், மாணவ, மாணவிகள் உள்ளிட்ட ஆயிரக்கணக்கானோர் அஞ்சலி செலுத்தினர்.
இவரது உடல் அடக்கம் உடுமலை மின் மயானத்தில் செவ்வாய்க்கிழமை காலை 11 மணி அளவில் நடைபெற உள்ளது.
உடுமலை பழனியாண்டவர் காட்டன் அண்ட் சின்தெடிக் ஸ்பின்னர்ஸ் தலைவர் மறைந்த வி.வித்யாசாகர் மகனான வி.சத்யநாதனுக்கு மனைவி, மகன் உள்ளனர்.
இவர் ரோட்டரி சங்கத்தில் மாவட்ட அளவில் பல்வேறு பொறுப்புகளை வகித்தவர். உடுமலை கிளை நூலகம் எண் 1இல் நூலக வாசகர் வட்டத் தலைவராக இருந்தவர்.

 

]]>
http://www.dinamani.com/all-editions/edition-coimbatore/tiruppur/2018/oct/16/காலமானார்-விசத்யநாதன்-3020979.html
3020978 கோயம்புத்தூர் திருப்பூர் செல்வக்குமார கவுண்டன்வலசில் கலாம் நினைவு கிரிக்கெட் போட்டி DIN DIN Tuesday, October 16, 2018 12:42 AM +0530  

மறைந்த குடியரசு முன்னாள் தலைவர் அப்துல் கலாம் நினைவு கிரிக்கெட் போட்டி முத்தூர் அருகே செல்வக்குமார கவுண்டன்வலசில் திங்கள்கிழமை நடைபெற்றது.
கலாம் நற்பணி மன்றம் சார்பில் கலாமின் பிறந்த நாளை முன்னிட்டு நடத்தப்பட்ட இந்த முதலாம் ஆண்டுப் போட்டியில் ஜேடர்பாளையம், வெள்ளக்கோவில், நாமக்கல், ஈரோடு, சின்ன தாராபுரம், காங்கயம், தென்னிலை உள்ளிட்ட பல்வேறு பகுதிகளைச் சேர்ந்த 24 அணிகள் பங்கேற்றன.
அரையிறுதிப் போட்டிக்கு காங்கயம் கொங்குநாடு அணி, சின்ன தாராபுரம் லெவன்ஸ் கிளப், யங் பாய்ஸ், ஏபிஜே எஸ்கேவி ஆகிய நான்கு அணிகள் தகுதி பெற்றன.
இறுதிப் போட்டியில் காங்கயம் கொங்குநாடு அணி வெற்றி பெற்றது. லெவன்ஸ் கிளப் அணி இரண்டாவது இடத்தைப் பிடித்தது.
போட்டி நாயகனாக தட்சிணாமூர்த்தி, சிறந்த மட்டை வீச்சாளராக மாதேஷ், சிறந்த பந்து வீச்சாளராக ராகவன் ஆகியோர் தேர்வு செய்யப்பட்டனர்.
வெற்றி பெற்ற அணிகளுக்கும் சிறப்பிடம் பெற்ற அனைவருக்கும் கோப்பைகள், ரொக்கப் பரிசுகள் வழங்கப்பட்டன.

 

]]>
http://www.dinamani.com/all-editions/edition-coimbatore/tiruppur/2018/oct/16/செல்வக்குமார-கவுண்டன்வலசில்-கலாம்-நினைவு-கிரிக்கெட்-போட்டி-3020978.html
3020977 கோயம்புத்தூர் திருப்பூர் காங்கயம் ஸ்ரீ ராஜராஜேஸ்வரி பள்ளியில் இளைஞர் எழுச்சிநாள் விழா DIN DIN Tuesday, October 16, 2018 12:42 AM +0530
குடியரசு முன்னாள் தலைவர்அப்துல் கலாமின் பிறந்த நாள் இளைஞர் எழுச்சி தினமாக, காங்கயம் ஸ்ரீ ராஜராஜேஸ்வரி மெட்ரிக். மேல்நிலைப் பள்ளியில் அறிவியல் கண்காட்சி மற்றும் சாதனையாளர்களுக்குப் பாராட்டு விழா ஆகிய நிகழ்வுகளுடன் திங்கள்கிழமை நடைபெற்றது.
பள்ளி வளாகத்தில் நடைபெற்ற இந்த விழாவுக்கு பள்ளித் தாளாளர் கே.வைத்தீஸ்வரன் தலைமை வகித்தார். பள்ளி முதல்வர் மு.ப.பழனிவேலு வரவேற்றார். பள்ளியின் அறக்கட்டளை அறங்காவலர் விசாலாட்சி வைத்தீஸ்வரன் முன்னிலை வகித்தார்.
இதில் நடைபெற்ற அறிவியல் கண்காட்சியில் மாணவர்கள் 150 அறிவியல் படைப்புகளை செயல்முறை விளக்கத்துடன் அரங்கேற்றினர்.
இந்த அறிவியல் கண்காட்சியை காங்கயம் வட்டாரக் கல்வி அலுவலர் பி.சுசீலா துவக்கி வைத்தார். இதில் சிறப்பு அழைப்பாளராகக் கலந்துகொண்ட காங்கயம் பாரத ஸ்டேட் வங்கியின் முதன்மை மேலாளர் கே.சி.ராஜா பள்ளிக் கல்வித் துறை நடத்திய விளையாட்டுப் போட்டிகள், பல்வேறு போட்டிகளில் வெற்றி பெற்ற மாணவர்களுக்குப் பரிசுகள் வழங்கினார்.
பின்னர் நடைபெற்ற பரிசளிப்பு விழாவில், டாக்டர் ராதாகிருஷ்ணன் நல்லாசிரியர் விருது பெற்ற படியூர் அரசு மேல்நிலைப் பள்ளித் தலைமையாசிரியை எஸ்.நாகரத்தினம், பொருளாதாரத்தில் பின்தங்கிய மாணவர்களுக்கு இலவசக் கல்வி அளித்து மருத்துவம், ஐஏஎஸ் அதிகாரிகளாக உருவாக்கி வரும் சென்னை முகவரி ஃபவுண்டேஷன் நிறுவனர் கே.ரமேஷ், சென்னிமலை சமூகசேவை அமைப்பு மூலம் முதியோர் மற்றும் சமூகத்தில் பாதிக்கப்பட்டோருக்கு தானாக முன்வந்து சேவை செய்து வரும் எ.சொக்கலிங்கம் ஆகியோருக்கு அப்துல் கலாம் சாதனையாளர் விருது வழங்கப்பட்டது.

 

]]>
http://www.dinamani.com/all-editions/edition-coimbatore/tiruppur/2018/oct/16/காங்கயம்-ஸ்ரீ-ராஜராஜேஸ்வரி-பள்ளியில்-இளைஞர்-எழுச்சிநாள்-விழா-3020977.html
3020654 கோயம்புத்தூர் திருப்பூர் அப்துல் கலாம் பிறந்த நாள்:  இலவச மருத்துவ முகாம் DIN DIN Monday, October 15, 2018 09:23 AM +0530 மறைந்த குடியரசு முன்னாள் தலைவர் அப்துல் கலாம் பிறந்தாளையொட்டி திருப்பூர், பெரிச்சிபாளையத்தில் இளைஞர்கள் மற்றும் பல்வேறு தனியார் அமைப்புகள் சார்பில் பல்துறை இலவச மருத்துவ முகாம் ஞாயிற்றுக்கிழமை நடைபெற்றது. 
பெரிச்சிபாளையம் மாநகராட்சி நடுநிலைப் பள்ளியில் நடைபெற்ற இம்முகாமில் குழந்தைகள் முதல் பெரியவர்கள் வரையிலானோர் பங்கேற்றனர்.  
இந்நிகழ்ச்சிக்கு, பள்ளியின் பெற்றோர் - ஆசிரியர் சங்கத் தலைவர் பாலசுப்பிரமணியம் தலைமை வகித்தார். 
இதில், கண், மாரடைப்பு, ஆஞ்சியோகிராம், ஆஞ்சியோபிளாஸ்ட்டி, கல்லீரல், கணையம், புற்றுநோய், ஆஸ்துமா, நுரையீரல், டெங்கு, பக்கவாதம் உள்ளிட்ட அனைத்து வகையான நோய்களுக்கும் இலவசமாகப் பரிசோதனை மேற்கொள்ளப்பட்டது. 
மேலும், முழங்கால் மற்றும் இடுப்பு மூட்டு, முழங்கால் ரத்தக் கொதிப்பு ஆகிய நோய்களுக்கும் இலவச அறுவை சிகிச்சைக்காகப் பரிந்துரைக்கப்பட்டது.
 

]]>
http://www.dinamani.com/all-editions/edition-coimbatore/tiruppur/2018/oct/15/அப்துல்-கலாம்-பிறந்த-நாள்--இலவச-மருத்துவ-முகாம்-3020654.html
3020653 கோயம்புத்தூர் திருப்பூர் ஆனைமலையாறு - நல்லாறு அணைத் திட்டத்தை நிறைவேற்ற விவசாயிகள் வலியுறுத்தல் DIN DIN Monday, October 15, 2018 09:23 AM +0530 ஆனைமலையாறு - நல்லாறு அணைத் திட்டத்தை நிறைவேற்ற வேண்டும் என்று பி.ஏ.பி.பாசன சபை விவசாயிகள் வலியுறுத்தியுள்ளனர். 
இதுகுறித்து, திருமூர்த்தி நீர்த்தேக்கம் பி.ஏ.பி. பாசனத் சபைத் தலைவர் கண்டியன்கோயில் டி.கோபால், உடுக்கம்பாளையம் சபைத் தலைவர் பரமசிவம், உழவர் உழைப்பாளர் கட்சி மாநில துணைத் தலைவர் சின்னக்காளிபாளையம் ஈஸ்வரன், மாவட்ட இளைஞரணித் தலைவர் வாவிபாளையம் சோமசுந்தரம் ஆகியோர் பல்லடத்தில் ஞாயிற்றுக்கிழமை செய்தியாளர்களிடம் கூறியதாவது:  
ஆனைமலையாறு - நல்லாறு அணைத் திட்டத்தை நிறைவேற்றினால் ஆண்டுதோறும் 2.50 டி.எம்.சி. தண்ணீர் தமிழகத்துக்கு கிடைக்கும். மேல் நீராறு, கீழ் நீராறு அணைகளில் இருந்து கிடைக்கும் தண்ணீர் சோலையாறு, பரம்பிக்குளம், தூணக்கடவு, சர்க்கார்பதி வழியாகச் சென்று காண்டூர் கால்வாய் மூலமாகத் திருமூர்த்தி அணையில் சேருவதற்கு 100 கிலோ மீட்டர் தூரம் பயணிக்க வேண்டும். 
கேரள - தமிழக ஒப்பந்தப்படி மேல் நீராறு தண்ணீர் முழுவதும் தமிழகத்துக்கு மட்டுமே சொந்தமானதாகும். எனவே, 14 கிலோ மீட்டர் தூரத்துக்கு ஒரு சுரங்கப்பாதை அமைத்து நல்லாறு பகுதிக்கு கொண்டு வந்து அங்கிருந்து 4 கிலோ மீட்டர் தூரத்துக்கு காண்டூர் கால்வாய் அமைத்து, திருமூர்த்தி அணைக்கு 9 டி.எம்.சி.  தண்ணீரை வருடந்தோறும் கொண்டுவர முடியும். இடைமலையாறு பணிகள் முடிக்கப்பட்டவுடன் அக்டோபர் 1ஆம் தேதி முதல் ஜனவரி 31ஆம் தேதி வரை 4 மாதங்களில் கிடைக்கும் 2 டி.எம்.சி. தண்ணீரை தமிழகம் திருப்பிக் கொள்ளலாம் என ஒப்பந்தத்தில் கூறப்பட்டு இருப்பதை 33 ஆண்டுகள் ஆகியும் அமல்படுத்தவில்லை. 2 டி.எம்.சி. தண்ணீரைப் பெற தமிழகம் நடவடிக்கை எடுக்க வேண்டும். 
இக்கோரிக்கையை வலியுறுத்தி திங்கள்கிழமை காலை 10 மணிக்கு திருப்பூர், வீரபாண்டி பிரிவில் இருந்து பி.ஏ.பி. விவசாயிகளின் வாழ்வுரிமையை காக்கும் எழுச்சிப் பேரணி புறப்பட்டுப் சென்று மாவட்ட ஆட்சியரை சந்தித்து கோரிக்கை மனு அளிக்கப்படும் என்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/15/ஆனைமலையாறு---நல்லாறு-அணைத்-திட்டத்தை-நிறைவேற்ற-விவசாயிகள்-வலியுறுத்தல்-3020653.html
3020652 கோயம்புத்தூர் திருப்பூர் காங்கயத்தில் காவல் நிலைய கட்டடம் கட்டும் பணி தீவிரம் DIN DIN Monday, October 15, 2018 09:23 AM +0530 காங்கயத்தில் காவல் நிலையத்துக்கு புதிய கட்டடம் கட்டும் பணி தீவிரமாக நடைபெற்று வருகிறது.
காங்கயத்தில் 111 வருடம் பழைமை வாய்ந்த காவல் நிலையக் கட்டடம் இடிக்கப்பட்டது. இதையடுத்து, அனைத்து மகளிர் காவல் நிலையம் இருந்த கட்டடத்தில் சட்டம் - ஒழுங்கு காவல் நிலையம் தற்காலிகமாக செயல்பட்டு வருகிறது. காவல் ஆய்வாளர் குடியிருப்பில் மகளிர் காவல் நிலையம் செயல்பட்டு வருகிறது.
இந்நிலையில், இடிக்கப்பட்ட காவல் நிலையம் இருந்த இடத்தில் மீண்டும் புதிய காவல் நிலையக் கட்டடம் கட்டும் பணி தற்போது துரிதமாக நடைபெற்று வருகிறது. 
இதில், ரூ. 86 லட்சம் மதிப்பில் நவீன வசதிகளுடன், மூன்று தளங்களுடன் கட்டடம் கட்டப்படும் என அதிகாரிகள் தெரிவித்தனர். இதில், முதல் தளத்தில் காவல் ஆய்வாளர், உதவி ஆய்வாளர், எழுத்தர், பெண் கைதிகளுக்கான அறைகளும், 2ஆவது தளத்தில் ஆண் கைதிகள் அறை, பெண் காவலர்கள் ஓய்வு அறை, கைதிகள் விசாரணை அறை, ஸ்டோர் ரூம் ஆகிய அறைகளும், மூன்றாவது தளத்தில் கூட்ட அரங்கு, ஆண் காவலர்கள் ஓய்வு அறை மற்றும் கூடுதல் அறைகளும் அமைய உள்ளன.
 

]]>
http://www.dinamani.com/all-editions/edition-coimbatore/tiruppur/2018/oct/15/காங்கயத்தில்-காவல்-நிலைய-கட்டடம்-கட்டும்-பணி-தீவிரம்-3020652.html
3020651 கோயம்புத்தூர் திருப்பூர் திடீர் மழையால் சேறும், சகதியுமாக மாறிய வாரச் சந்தை DIN DIN Monday, October 15, 2018 09:22 AM +0530 வெள்ளக்கோவிலில் ஞாயிற்றுக்கிழமை பெய்த திடீர் மழையால் வாரச் சந்தை சேறும், சகதியுமாக மாறியது.
 முத்தூர் சாலை, புதிய பேருந்து நிலையம் அருகே வாரந்தோறும் ஞாயிற்றுக்கிழமை சந்தை செயல்பட்டு வருகிறது. அதிகாலை 5 மணி முதல் மாலை 7 வரை சந்தை நடைபெறும்.
 இங்கு கொண்டு வரப்படும் காய்கறிகளை வியாபாரிகள் வாங்கி, பிற பொருள்களையும் சேர்த்து சந்தையில் கடை அமைத்து, விற்பனை செய்து வருகின்றனர். சந்தைக்கு வெளியில், நடைபாதைக் கடைகளிலும் விறுவிறுப்பாக விற்பனை நடைபெறும்.
  இந்நிலையில், மாலை நான்கு மணியளவில் பெய்த திடீர் மழையால் சந்தை சேறும்,சகதியுமாக மாறியது. இதனால், வியாபாரிகள், பொது மக்கள் கடும் அவதிக்குள்ளாகினர். 
 மேலும்,  மழைக் காரணமாக சந்தைக்கு வருபவர்களின் எண்ணிக்கை குறைந்ததால் வியாபாரமும் வெகுவாகக் குறைந்தது.
 

]]>
http://www.dinamani.com/all-editions/edition-coimbatore/tiruppur/2018/oct/15/திடீர்-மழையால்-சேறும்-சகதியுமாக-மாறிய-வாரச்-சந்தை-3020651.html
3020650 கோயம்புத்தூர் திருப்பூர் மூலனூரில் முருங்கை பவுடர் தொழிற்சாலை அமைக்க விவசாயிகள் கோரிக்கை DIN DIN Monday, October 15, 2018 09:22 AM +0530 மூலனூரில் முருங்கை பவுடர் தொழிற்சாலை அமைக்கவேண்டும் என விவசாயிகள் கோரிக்கை விடுத்துள்ளனர். 
இதுகுறித்து, கட்சி சார்பற்ற தமிழக விவசாயிகள் சங்கத்தின் மாநிலத் தலைவர் ஏ. காளிமுத்து செய்தியாளர்களிடம் ஞாயிற்றுக்கிழமை கூறியதாவது:
தமிழகத்தில் விளையும் முருங்கைகளில் கொடி முருங்கை, செடி முருங்கை, மரமுருங்கை, செம்முருங்கை என நான்கு வகைகள் உள்ளன. கொடிக்கால் பகுதிகளில் சாகுபடி செய்வது கொடிமுருங்கை. தமிழகத்தின் தென்பகுதிகளில் விளைவது செம்முருங்கை. செடிமுருங்கை, மரமுருங்கை போன்றவை திருப்பூர் மாவட்டம், தாராபுரம் மற்றும் மூலனூர் பகுதிகளில் சாகுபடி செய்யப்படுகின்றன. இப்பகுதியின் மண்வளம் முருங்கை வளர்ப்பதற்கு உகந்ததாக உள்ளது. இப்பகுதியில் விளையும் காய்கள் குட்டையாகவும், இனிப்பு கலந்த சுவையுடனும் இருக்கும். இவை அதிக சத்துள்ளதாகவும், மருத்துவ குணம் கொண்டுள்ளதாலும் மாநிலத்தின் பல்வேறு பகுதிகளிலிருந்து வர்த்தகர்கள் தாராபுரம், மூலனூர் சந்தைக்கு வந்து கொள்முதல் செய்து வந்தனர். இங்கிருந்து வெளிநாடுகளுக்கும் இவை ஏற்றுமதி செய்யப்பட்டன. 
இதன் காரணமாக மூலனூர், தாராபுரம் பகுதியில் முருங்கை சாகுபடி பரப்பு அதிகரித்தது. கிளாங்குண்டல், இடைக்கல்பாடி, எரிசனம்பாளையம், தூரம்பாடி, கள்ளிவலசு, எம்.குமாரபாளையம் உள்ளிட்ட நூற்றுக்கும் மேற்பட்ட கிராமங்களில் 7 ஆயிரத்துக்கும் அதிகமான ஏக்கரில் முருங்கை சாகுபடி செய்யப்படுகிறது. மூலனூர் முருங்கையின் ருசியை விரும்பிய பெங்களூரு, மைசூர், விஜயவாடா பகுதி வர்த்தகர்கள் இதன் விதையை தங்கள் பகுதியில் பயிரிட்டனர். 
இதையடுத்து, போதிய முருங்கை கிடைத்ததாலும், தமிழ்நாட்டுக்கு வந்து செல்லும் செலவு மிச்சமானதாலும் வர்த்தகர்கள் வருகையை நிறுத்திவிட்டனர். இதன் காரணமாக மூலனூர் பகுதியில் இருந்து பிற மாநிலங்களுக்கு ஏற்றுமதி செய்யப்படும் முருங்கைக்காயின் அளவு வெகுவாக குறைந்துவிட்டது. 
இந்நிலையில், இப்பகுதியில் விளையும் முருங்கைகளை ஒட்டன்சத்திரம், சென்னை போன்ற பெரிய சந்தைகளுக்குச் சென்று தற்போது விவசாயிகள் விற்பனை செய்துவருகின்றனர்.  முருங்கைக்காயைக் காயவைத்து, பவுடர் ஆக்கும் தொழிற்சாலை அமைக்க வேண்டும் என பல ஆண்டுகளாக அரசிடம் கோரிக்கை விடுத்து வருகிறோம்.
முருங்கைக்காய் பவுடரை வெளிநாடுகளுக்கு ஏற்றுமதி செய்வதன் மூலமாக இப்பகுதி விவசாயிகள் வளம் பெறுவதுடன் அரசுக்கும் வருவாய் கிடைக்கும். மேலும், பல்வேறு மருத்துவ சிறப்புகள் கொண்ட மூலனூர் முருங்கையின் பயனை அனைவரும் பெற்றுப் பயனடையும் வகையில் மூலனூர் பகுதியில் முருங்கை பவுடர் தொழிற்சாலை அமைக்க அரசு நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-coimbatore/tiruppur/2018/oct/15/மூலனூரில்-முருங்கை-பவுடர்-தொழிற்சாலை-அமைக்க-விவசாயிகள்-கோரிக்கை-3020650.html
3020649 கோயம்புத்தூர் திருப்பூர் வெள்ளக்கோவிலில் முருங்கைக் காய் விலை உயர்வு DIN DIN Monday, October 15, 2018 09:22 AM +0530 வெள்ளக்கோவில் தனியார் கொள்முதல் நிலையங்களில் முருங்கைக் காய் விலை உயர்ந்து ஞாயிற்றுக்கிழமை கிலோ ரூ. 25க்கு விற்பனையானது.
 இங்கு வாரந்தோறும் செயல்படும் இரண்டு கொள்முதல் நிலையங்களுக்கு விவசாயிகள் முருங்கைக் காய்களை விற்பனைக்குக் கொண்டு வருகின்றனர். இங்கு கொள்முதல் செய்யப்படும் முருங்கைக் காய்களை பல்வேறு முக்கிய நகரங்களுக்கும் வியாபாரிகள் அனுப்பி வைக்கின்றனர். 
 கடந்த வாரம் 16 டன் வரத்து இருந்த நிலையில், இந்த வாரம் 12 டன் மட்டுமே இருந்தது. வரத்து குறைந்ததால் முருங்கைக் காய் விலை கிலோவுக்கு ரூ. 5 உயர்ந்தது. மர முருங்கைக் காய் ரூ. 16க்கும், செடி முருங்கைக் காய் ரூ. 26 வரையிலும் விலை போனது.
 இன்னும் சில வாரங்களுக்கு இதே விலை நிலவரம் நீடிக்கும் என வியாபாரிகள் தெரிவித்தனர்.
 

]]>
http://www.dinamani.com/all-editions/edition-coimbatore/tiruppur/2018/oct/15/வெள்ளக்கோவிலில்-முருங்கைக்-காய்-விலை-உயர்வு-3020649.html
3020648 கோயம்புத்தூர் திருப்பூர் உலக இருதய தினம்: திருப்பூரில் நடைப் போட்டி DIN DIN Monday, October 15, 2018 09:21 AM +0530 உலக இருதய தினத்தையொட்டி திருப்பூரில் நடைப் போட்டி (வாக்கத்தான்) ஞாயிற்றுக்கிழமை நடைபெற்றது. 
உலக இருதய தினத்தையொட்டி திருப்பூர் இந்திய மருத்துவக் கழகம் சார்பில் சிக்கண்ணா அரசு கலை, அறிவியல் கல்லூரியில் இருந்து 5 கிலோ மீட்டர் தூரம் நடைப் போட்டி நடைபெற்றது. 
இந்நிகழ்ச்சியில் சிறியவர்கள், பெரியவர்கள், பெண்கள் என 1,000க்கும் மேற்பட்டோர் பங்கேற்றனர். 
இப்போட்டியை சட்டப் பேரவை உறுப்பினர்கள் சு.குணசேகரன்(திருப்பூர் தெற்கு), கே.என்.விஜயகுமார் (திருப்பூர் வடக்கு), கரைப்புதூர் ஏ.நடராஜன் (பல்லடம்) ஆகியோர் தொடக்கிவைத்தனர். 
போட்டியில் முதலாவதாக வந்த 5 பேருக்குப் பரிசுகள் வழங்கப்பட்டன. மேலும், போட்டியில் பங்கேற்றவர்களில் வயதான ஆண், பெண் இருவருக்கும் சிறப்புப் பரிசுகளும் வழங்கப்பட்டன. இதில் திரளனோர் கலந்துகொண்டனர்.
 

]]>
http://www.dinamani.com/all-editions/edition-coimbatore/tiruppur/2018/oct/15/உலக-இருதய-தினம்-திருப்பூரில்-நடைப்-போட்டி-3020648.html
3020647 கோயம்புத்தூர் திருப்பூர் வெள்ளக்கோவிலில் அதிமுக  வாக்குச் சாவடிக் குழு ஆலோசனைக் கூட்டம் DIN DIN Monday, October 15, 2018 09:21 AM +0530 வெள்ளக்கோவில் ஒன்றிய அதிமுக வாக்குச் சாவடிக் குழு ஆலோசனைக் கூட்டம் ஞாயிற்றுக்கிழமை நடைபெற்றது.
வெள்ளக்கோவில் ஒன்றியத்தைச் சேர்ந்த 9 ஊராட்சிகளில் வேலப்பநாயக்கன்வலசு ஊராட்சியைத் தவிர்த்து மற்ற 8 ஊராட்சிகளில் கூட்டம் நடைபெற்றது. இக்கூட்டத்துக்கு மாநில கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் தலைமை வகித்தார். 
அவர் பேசுகையில், "தலா 18 உறுப்பினர்கள் கொண்ட வாக்குச் சாவடிக் குழு அமைக்கப்பட்டுள்ளது. இவற்றில் உள்ள இளைஞர்கள், பெண்கள் முனைப்புடன் செயல்பட வேண்டும்.  கட்சி யாரை வேட்பாளராக அறிவித்தாலும், அனைத்துத் தரப்பினரும் பாடுபட்டு அவரை வெற்றி பெறச் செய்யவேண்டும்' என்றார். 
மேட்டுப்பாளையம் ஊராட்சியில் தொடங்கிய கூட்டம், வேலம்பாளையம், வள்ளியிரச்சல், வீரசோழபுரம், பச்சாபாளையம், நாகமநாயக்கன்பட்டி, லக்கமநாயக்கன்பட்டி, புதுப்பை ஆகிய ஊராட்சிகளில் நடைபெற்றது.  இதில், முன்னாள் அமைச்சர் துரைராமசாமி, கட்சியின் ஒன்றியச் செயலாளர் எஸ்.என்.முத்துகுமார், மேட்டுப்பாளையம் கூட்டுறவு வங்கித் தலைவர் ஆர்.வி.சுதர்சன் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/15/வெள்ளக்கோவிலில்-அதிமுக--வாக்குச்-சாவடிக்-குழு-ஆலோசனைக்-கூட்டம்-3020647.html
3020646 கோயம்புத்தூர் திருப்பூர் பெட்டிக் கடை மீது லாரி கவிழ்ந்து மூதாட்டி சாவு DIN DIN Monday, October 15, 2018 09:21 AM +0530 வெள்ளக்கோவிலை அடுத்த மூலனூர் அருகே பெட்டிக் கடை மீது லாரி கவிழ்ந்ததில் மூதாட்டி ஞாயிற்றுக்கிழமை உயிரிழந்தார்.
மூலனூர் - கள்ளிமந்தயம் சாலை, பேரநாயக்கன்வலசு, ராஜீவ் காந்தி நகரைச் சேர்ந்தவர் நாச்சம்மாள் (70). இவர், தனது வீட்டின் அருகில், சாலையோரத்தில் பெட்டிக் கடை வைத்து நடத்தி வந்தார்.
 இந்நிலையில், விருதுநகர் மாவட்டம், சாத்தூரில் இருந்து ஈரோட்டுக்கு விறகு பாரம் ஏற்றிய லாரி வந்து கொண்டிருந்துள்ளது. அந்த லாரி நாச்சம்மாளின் பெட்டிக் கடை அருகே வந்த போது திடீரென நிலைதடுமாறி, கடையின் மீது கவிழ்ந்தது. இதில், சம்பவ இடத்திலேயே நாச்சம்மாள் உயிரிழந்தார். 
லாரி ஓட்டுநரான சாத்தூரைச் சேர்ந்த லோகேஸ்வரன் காயமின்றி உயிர் தப்பினார். இது குறித்து மூலனூர் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/tiruppur/2018/oct/15/பெட்டிக்-கடை-மீது-லாரி-கவிழ்ந்து-மூதாட்டி-சாவு-3020646.html
3020645 கோயம்புத்தூர் திருப்பூர் காங்கயம் இன மாட்டுச் சந்தை: ரூ. 44 லட்சத்துக்கு விற்பனை DIN DIN Monday, October 15, 2018 09:21 AM +0530 காங்கயத்தை அடுத்துள்ள பழையகோட்டையில் ஞாயிற்றுக்கிழமை நடைபெற்ற காங்கயம் இன மாட்டுச் சந்தையில் ரூ. 44 லட்சத்துக்கு விற்பனை நடைபெற்றது.
காங்கயம் அருகே, நத்தக்காடையூர், பழையகோட்டையில் காங்கயம் இன மாடுகளுக்கான சந்தை ஞாயிற்றுக்கிழமை தோறும் நடைபெற்று வருகிறது. இந்தச் சந்தையில் காங்கயம் இன மாடுகள் மட்டுமே விற்பனைக்கு அனுமதிக்கப்படுகின்றன.
இந்நிலையில், ஞாயிற்றுக்கிழமை நடைபெற்ற சந்தையில் மாடுகள், காளைகள், இளங்கன்றுகள் என 200 மாடுகள் விற்பனைக்கு கொண்டு வரப்பட்டிருந்தன. இதில், 65 மாடுகள் ரூ. 44 லட்சத்துக்கு விற்பனையாகின.  இந்தச் சந்தையில் அதிகபட்சமாக ரூ.1 லட்சத்து 1,000க்கு கன்றுக்குட்டியுடன் காங்கயம் இன மயிலைப் பசு விற்பனையானது.

]]>
http://www.dinamani.com/all-editions/edition-coimbatore/tiruppur/2018/oct/15/காங்கயம்-இன-மாட்டுச்-சந்தை-ரூ-44-லட்சத்துக்கு-விற்பனை-3020645.html
3020644 கோயம்புத்தூர் திருப்பூர் மக்களவைத் தேர்தலில் பாஜக கூட்டணியை வெளியேற்றுவோம்: திரிபுரா முன்னாள் முதல்வர் மாணிக் சர்க்கார் DIN DIN Monday, October 15, 2018 09:20 AM +0530 மக்களவைத் தேர்தலில் பாஜக மற்றும் அதன் கூட்டணிக் கட்சிகளை வெளியேற்றத் தமிழக மக்களுக்கு மார்க்சிஸ்ட் கம்யூனிஸ்ட் கட்சியின் தலைமைக் குழு உறுப்பினரும், திரிபுரா மாநில முன்னாள் முதல்வருமான மாணிக் சர்க்கார் வேண்டுகோள் விடுத்துள்ளார். 
திருப்பூரில் மார்க்சிஸ்ட் கம்யூனிஸ்ட் கட்சி சார்பில் ஹர்கிஷண் சிங் சுர்ஜித் பவன் கட்டட நிதி வழங்கல், 101ஆவது நவம்பர் புரட்சி தினக் கொண்டாட்டம் ஆகிய நிகழ்ச்சிகள் ஞாயிற்றுக்கிழமை நடைபெற்றன. 
இந்நிகழ்ச்சியில் பங்கேற்ற மார்க்சிஸ்ட் கம்யூனிஸ்ட் கட்சியின் தலைமைக் குழு உறுப்பினரும், திரிபுரா மாநில முன்னாள் முதல்வருமான மாணிக் சர்க்கார் பேசியதாவது: 
உழைப்பாளிகள், விவசாயிகள், விவசாயத் தொழிலாளிகள், பெண்கள், இளைஞர்கள், மாணவர்கள், சிறுபான்மையினர், தாழ்த்தப்பட்ட மக்கள், பழங்குடியினர், ஜனநாயகத்தை நேசிக்கக்கூடிய ஏகாதிபத்திய எதிர்ப்பு தேசபக்தர்கள் என அனைவரும் ஒன்று சேர்ந்து சோஷலிச அமைப்பை உருவாக்கத் தொடர்ச்சியாகப் போராடி வருகிறோம்.  
ஆளும் வர்க்கங்கள் நம் நாட்டின் சூழலை மிகச் சிக்கலானதாக மாற்றி  வருகின்றன.
 கடந்த நான்கரை ஆண்டு காலத்தில் நாட்டின் நிலை மிகச் சிக்கலானதாக மாறியுள்ளது. பெட்ரோல், டீசல் விலை மிகக் கடுமையாக உயர்ந்து வருகிறது. கடந்த 71 ஆண்டுகளில் இல்லாத அளவுக்கு இந்திய ரூபாயின் மதிப்பு சரிவைச் சந்தித்து வருகிறது. பணவீக்கம் கடுமையாக அதிகரித்து மக்கள் பயன்படுத்தும் அத்தியாவசியப் பொருள்களின் விலைவாசி கடுமையாக உயர்ந்து வருகிறது.
விவசாயிகள் கடன் நெருக்கடியில் சிக்கி, நிலத்தையும், நகைகளையும் அடகு வைத்து, தற்கொலை செய்து கொள்ளும் நிலை அதிகரித்து வருகிறது. விவசாயிகள் தற்கொலை முந்தைய காங்கிரஸ் ஆட்சிக் காலத்தைவிட 40 சதவீதம் அதிகரித்துள்ளது. தற்கொலை செய்து கொள்வது தீர்வல்ல; மத்திய, மாநில ஆட்சியாளர்களின் கொள்கைகளுக்கு எதிராக விவசாயிகள் ஒன்று திரண்டு போராட முன்வர வேண்டும்.
மோடி அரசு ஆட்சிக்கு வரும்போது ஆண்டுக்கு 2 கோடிப் பேருக்கு வேலை கொடுப்போம் என்றனர். நான்கரை ஆண்டுகளில் 9 கோடிப் பேருக்கு வேலை கொடுத்திருக்க வேண்டும். ஆனால் தற்போது, இருக்கும் வேலைகளும் பறிக்கப்படுகின்றன. ஜிஎஸ்டி வரி அமலாக்கத்தால் ஏராளமான சிறு, குறுந்தொழில் துறையினர் வேலையிழப்பைச் சந்தித்துள்ளனர். ஊழலும் பெருமளவு அதிகரித்துள்ளது.
எனவே, வரும் 2019ஆம் ஆண்டு மக்களவைத் தேர்தலில் பாஜக மற்றும் அதன் கூட்டணிக் கட்சிகளை வெளியேற்ற அனைவரும் ஒருங்கிணைந்து பாடுபட வேண்டும் என்றார். 
இதில், மார்க்சிஸ்ட் கம்யூனிஸ்ட் கட்சியின் திருப்பூர் மாவட்டச் செயலாளர் செ.முத்துக்கண்ணன், வடக்கு மாநகரச் செயலாளர் பி.முருகேசன், மாநிலச் செயற்குழு உறுப்பினர்கள் கே.தங்கவேல், கே.கனகராஜ், என்.குணசேகரன், மாநிலக்குழு உறுப்பினர் கே.காமராஜ் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-coimbatore/tiruppur/2018/oct/15/மக்களவைத்-தேர்தலில்-பாஜக-கூட்டணியை-வெளியேற்றுவோம்-திரிபுரா-முன்னாள்-முதல்வர்-மாணிக்-சர்க்கார்-3020644.html
3020643 கோயம்புத்தூர் திருப்பூர் சூதாட்டம்: 6 பேர் கைது;  ரூ. 1.49 லட்சம் பறிமுதல் DIN DIN Monday, October 15, 2018 09:20 AM +0530 வெள்ளக்கோவிலில் சூதாட்டத்தில் ஈடுபட்ட 6 பேர் ஞாயிற்றுக்கிழமை கைது செய்யப்பட்டனர். அவர்களிடமிருந்து ரூ. 1.49 லட்சம் பறிமுதல் செய்யப்பட்டது.
வெள்ளக்கோவில் காவல் ஆய்வாளர் மு.ஜெயபாலன் தலைமையிலான காவல் துறையினர் ரோந்து பணியில் ஈடுபட்டிருந்தனர். அப்போது, சிவநாதபுரம், செங்காளிபாளையம் பகுதியில் விவசாயத் தோட்டத்தில் சூதாட்டம் நடைபெற்று வருவது கண்டுபிடிக்கப்பட்டது.
இதையடுத்து, சூதாட்டத்தில் ஈடுபட்டதாக சிவநாதபுரம் சக்திவேல் (43), சுந்தர்ராஜ் (40), செங்காளிபாளையம் செல்லதுரை (31), வெள்ளக்கோவில் தங்கவேல் (40) , கார்த்திகேயன் (45), சதீஷ்குமார் (33)  ஆகியோரைக் காவல் துறையினர் கைது செய்தனர். மேலும், அவர்களிடம் இருந்து ரூ. 1 லட்சத்து 49 ஆயிரம் பறிமுதல் செய்யப்பட்டது.
 

]]>
http://www.dinamani.com/all-editions/edition-coimbatore/tiruppur/2018/oct/15/சூதாட்டம்-6-பேர்-கைது--ரூ-149-லட்சம்-பறிமுதல்-3020643.html
3020642 கோயம்புத்தூர் திருப்பூர் திருப்பூர் மாவட்டத்தில் வாக்காளர் பட்டியல் திருத்த சிறப்பு முகாம் DIN DIN Monday, October 15, 2018 09:20 AM +0530 திருப்பூர் மாவட்டத்தில் வாக்காளர் பட்டியல் சிறப்பு சுருக்கமுறைத்  திருத்தம் - 2019, மாவட்டத்தில் உள்ள அனைத்து வாக்குச் சாவடி மையங்களிலும் ஞாயிற்றுக்கிழமை நடைபெற்றது.
திருப்பூர் மாவட்டத்தில் உள்ள 8 சட்டப் பேரவைத் தொகுதிகளுக்கு உள்பட்ட  வாக்குச் சாவடி மையங்களில் சிறப்பு சுருக்கமுறைத் திருத்தம் - 2019 தொடர்பாக சிறப்பு முகாம் நடைபெற்றது.
இம்முகாமை வாக்காளர் பட்டியல் சிறப்புப் பார்வையாளர் சுன் சோங்கம் ஜடக் சிரு, மாவட்ட ஆட்சியர் கே.எஸ்.பழனிசாமி ஆகியோர் ஆய்வு செய்தனர்.  
இதில், திருப்பூர் மாவட்டத்தில் உள்ள திருப்பூர் வடக்கு, திருப்பூர் தெற்கு, பல்லடம், அவிநாசி, காங்கயம், தாராபுரம், உடுமலைப்பேட்டை மற்றும் மடத்துக்குளம் ஆகிய 8 சட்டப் பேரவைத் தொகுதிகளில் உள்ள 2,482 வாக்குச் சாவடிகளை உள்ளடக்கிய 1,028 வாக்குச் சாவடி மையங்களிலும் வாக்காளர் பட்டியல் சிறப்பு சுருக்கமுறைத் திருத்த சிறப்பு முகாம் நடைபெற்றது. 
இதில் பெயர் இடம் பெறாதவர்கள், வாக்காளர்  பட்டியலில்  உள்ள பதிவுகளில் திருத்தம், பெயர் நீக்கம், ஒரே தொகுதிக்குள் குடியிருப்பு மாறியவர்கள், முகவரி மாற்றம் உள்ளிட்டவற்றுக்கு விண்னப்பித்தனர். 
இதற்கிடையே வாக்காளர் பதிவு அலுவலர் மற்றும் உதவி வாக்காளர் பதிவு அலுவலர்களுடனான ஆய்வுக் கூட்டம் ஆட்சியர் அலுவலகத்தில் நடைபெற்றது. 
வாக்காளார் பட்டியல் சிறப்புப் பார்வையாளர் சுன் சோங்கம்  ஜடக் சிரு தலைமை வகித்தார். மாவட்ட ஆட்சியர் கே.எஸ்.பழனிசாமி முன்னிலை வகித்தார். 
இதில், மாவட்ட வருவாய் அலுவலர் ச.பிரசன்ன ராமசாமி, சார் ஆட்சியர்கள் ஷ்ரவண்குமார்(திருப்பூர்), கிரேஸ் பச்சாவு (தாராபுரம்), திருப்பூர் மாநகராட்சி ஆணையர் சிவகுமார், தேர்தல் வட்டாட்சியர் முருகதாஸ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/oct/15/திருப்பூர்-மாவட்டத்தில்-வாக்காளர்-பட்டியல்-திருத்த-சிறப்பு-முகாம்-3020642.html
3019736 கோயம்புத்தூர் திருப்பூர் வாக்காளர் விழிப்புணர்வுப் பேரணி DIN DIN Sunday, October 14, 2018 01:18 AM +0530 உடுமலையில் வருவாய்த் துறை சார்பில் வாக்காளர் விழிப்புணர்வுப் பேரணி சனிக்கிழமை நடைபெற்றது.
குட்டைத் திடலில் இருந்து தொடங்கிய பேரணியை உடுமலை வருவாய்க் கோட்டாட்சியர் எஸ்.அசோகன் கொடி அசைத்து துவக்கி வைத்தார். 
வட்டாட்சியர் தங்கவேல் முன்னிலை வகித்தார். இதைத் தொடர்ந்து கச்சேரி வீதி, கல்பனா மைதானம், நகராட்சி அலுவலகம் வழியாகச் சென்ற பேரணி மீண்டும் குட்டைத் திடலை அடைந்தது. 
பேரணியில் பள்ளி, கல்லூரி மாணவ, மாணவியர் கலந்து கொண்டனர். வாக்களிப்பதன் அவசியம் குறித்த முழக்கங்களை எழுப்பியபடி சென்ற மாணவர்கள் இதுகுறித்த வாசகங்கள் அடங்கிய பதாகைகளையும் கைகளில் ஏந்தியபடி சென்றனர். துணை வட்டாட்சியர் பொன்ராஜ் மற்றும் வருவாய்த் துறையினர் கலந்து கொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/14/வாக்காளர்-விழிப்புணர்வுப்-பேரணி-3019736.html
3019735 கோயம்புத்தூர் திருப்பூர் போலீஸார் மிரட்டல்:  திருநங்கைகள் புகார் DIN DIN Sunday, October 14, 2018 01:18 AM +0530 விசாரணை என்ற பெயரில் திருநங்கைகளுக்கு தொல்லை கொடுக்கும் போலீஸாரிடம்  இருந்து பாதுகாப்பு வழங்க வேண்டும் எனக் கூறி திருப்பூர் மாவட்ட காவல் கண்காணிப்பாளரிடம் நெருபெரிச்சல் பகுதியில் வசித்து வரும்திருநங்கைகள் சனிக்கிழமை புகார் மனு அளித்தனர்.
இதுகுறித்து அந்த மனுவில் கூறியிருப்பதாவது:
திருப்பூர் மாவட்டம், குடிமங்கலம் பகுதியைச் சேர்ந்த ராம்குமார் என்பவர் திருநங்கையாக மாறியுள்ளதாக அவர்களது பெற்றோர் போலீஸாரிடம் புகார் அளித்துள்ளனர். இதனடிப்படையில், அவரை தேடுவதாகக் கூறி திருப்பூர் மாவட்டத்தில் திருநங்கைகள் தங்கியுள்ள குடிமங்கலம், அம்மாபாளையம், பூலுவப்பட்டி உள்ளிட்ட பகுதிகளில் போலீஸார் விசாரணை என்ற பெயரில்  திருநங்கைகளை மிரட்டி வருகின்றனர். இதனால், திருநங்கைகளுக்கு உரிய பாதுகாப்பு வழங்க வேண்டும், திருநங்கைகளை மிரட்டும் குடிமங்கலம் போலீஸார் மீது உரிய நடவடிக்கை எடுக்க வேண்டும் என்று அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/oct/14/போலீஸார்-மிரட்டல்--திருநங்கைகள்-புகார்-3019735.html
3019733 கோயம்புத்தூர் திருப்பூர் நாய்கள் கடித்து 10 ஆடுகள் பலி DIN DIN Sunday, October 14, 2018 01:18 AM +0530 தாராபுரம் அருகே நாய்கள் கடித்ததில் 10 ஆடுகள் சனிக்கிழமை உயிரிழந்தன.
தாராபுரம், சகுனிபாளையத்தைச் சேர்ந்தவர் செல்லத்துரை (50). இவர் ஆடு, மாடு, கோழிகளை வளர்த்து வருகிறார். இவர் வழக்கம் போல் ஆடுகளை பட்டியில் அடைத்து விட்டு வெள்ளிக்கிழமை மாலை வீட்டுக்குச் சென்று விட்டார்.  பின்னர் காலையில் வந்து பார்த்தபோது 10 ஆடுகள் உயிரிழந்து கிடந்தது கண்டு அதிர்ச்சி அடைந்தார். இதுகுறித்து கால்நடைத் துறையினருக்கு தகவல் தெரிவிக்கப்பட்டது. கால்நடை மருத்துவர்கள் நடத்திய ஆய்வில் நாய்கள் கடித்ததில் ஆடுகள் உயிரிழந்தது தெரியவந்தது.
 

]]>
http://www.dinamani.com/all-editions/edition-coimbatore/tiruppur/2018/oct/14/நாய்கள்-கடித்து-10-ஆடுகள்-பலி-3019733.html
3019732 கோயம்புத்தூர் திருப்பூர் பல்லடத்தில் தென்னை மரத்தில் இடி விழுந்து தீப் பற்றி எரிந்தது DIN DIN Sunday, October 14, 2018 01:17 AM +0530 பல்லடத்தில் தென்னை மரத்தில் சனிக்கிழமை இடி விழுந்ததில் மரம் தீப் பிடித்து எரிந்தது.   
பல்லடம், மங்கலம் சாலையில் உள்ள ஒழுங்கு முறை விற்பனைக் கூடத்தின் எதிரில் தனியாருக்குச் சொந்தமான தென்னந்தோப்பு உள்ளது. இங்குள்ள ஒரு தென்னை மரத்தில் சனிக்கிழமை மாலை பலத்த சத்தத்துடன் இடி விழுந்தது. இதில் பச்சை மரம் தீப்பிடித்து எரிந்தது.  இதுகுறித்து தகவலறிந்து வந்த பல்லடம் தீயணைப்புப் படையினர் இடி விழுந்த அந்த தென்னை மரத்தை கீழே சாய்த்து அகற்றினர். பல்லடம் வட்டாட்சியர் அருணா, வருவாய் ஆய்வாளர் சித்தையன் ஆகியோர் இடி விழுந்த மரத்தைப் பார்வையிட்டனர்.

]]>
http://www.dinamani.com/all-editions/edition-coimbatore/tiruppur/2018/oct/14/பல்லடத்தில்-தென்னை-மரத்தில்-இடி-விழுந்து-தீப்-பற்றி-எரிந்தது-3019732.html
3019731 கோயம்புத்தூர் திருப்பூர் திருப்பூர் தலைமை அஞ்சல் நிலையத்தில் வணிகர் வளர்ச்சி தினம் கொண்டாட்டம் DIN DIN Sunday, October 14, 2018 01:17 AM +0530 திருப்பூர் தலைமை அஞ்சல் நிலையத்தில் வணிகர் வளர்ச்சித் தினம் சனிக்கிழமை கொண்டாடப்பட்டது.
இந்திய அஞ்சல் துறை சார்பில் அனைத்து அஞ்சல் நிலையங்களிலும்  தேசிய அஞ்சல் வார விழா அக்டோபர் 9ஆம் தேதி முதல் 15ஆம் தேதி கொண்டாடப்படுகிறது. திருப்பூர் தலைமை அஞ்சல் நிலையத்தில் வணிகர் வளர்ச்சித் தினத்தையொட்டி வணிகர்கள், வாடிக்கையாளர்கள் சந்திப்பு சனிக்கிழமை நிகழ்ச்சி நடைபெற்றது. 
நிகழ்ச்சிக்கு திருப்பூர் அஞ்சல் கோட்டக் கண்காணிப்பாளர் எஸ்.கோபிநாதன் தலைமை வகித்தார். இதில் வெளிநாடு, உள்நாடுகளுக்கு அஞ்சல் துறை மூலம்  எளிய முறையில் கடிதங்கள், பார்சல் அனுப்புதல் உள்ளிட்ட அஞ்சல் சேவைகள் குறித்து விளக்கம் அளிக்கப்பட்டது.  இதில் ஏராளமான வணிக நிறுவனத்தார், வாடிக்கையாளர்கள் பங்கேற்றனர். இன்று ஞாயிற்றுக்கிழமை தபால் தினம் கொண்டாடப்படுகிறது.

]]>
http://www.dinamani.com/all-editions/edition-coimbatore/tiruppur/2018/oct/14/திருப்பூர்-தலைமை-அஞ்சல்-நிலையத்தில்-வணிகர்-வளர்ச்சி-தினம்-கொண்டாட்டம்-3019731.html
3019729 கோயம்புத்தூர் திருப்பூர் ஏழுமலையான் கோயிலில் பூஜை: திரளான பக்தர்கள் பங்கேற்பு DIN DIN Sunday, October 14, 2018 01:17 AM +0530 தமிழக - கேரள எல்லையில் மேற்கு தொடர்ச்சி மலைப் பகுதியில் அமைந்துள்ள ஏழுமலையான் கோயிலில் புரட்டாசி சனிக்கிழமையை ஒட்டி சிறப்பு பூஜைகள் நடைபெற்றன.
உடுமலையில் இருந்து சுமார் 20 கிலோ மீட்டர் தொலைவில் தமிழக - கேரள எல்லையில் அட ர்ந்த வனப் பகுதியில் ஏழுமலையான் கோவில் உள்ளது. இங்கு ஆண்டு தோறும் புரட்டாசி மாதம் ஒவ்வொரு சனிக்கிழமையும் சிறப்பு பூஜைகள் நடைபெறும். 
இந்நிலையில் புரட்டாசி நான்காவது சனிக்கிழமையை ஒட்டி கோயிலில் சிறப்பு பூஜைகள் ந டைபெற்றன. இதையொட்டி ஆயிரக்கணக்கான பக்தர்கள் நீண்ட வரிசையில் நின்று பெருமாளை வழிபட்டனர்.  பக்தர்கள் வசதிக்காக தமிழ்நா டு அரசு போக்குவரத்துக் கழகம் சார்பில் உடுமலையில் இருந்து சிறப்புப் பேருந்துகள் இயக்கப்பட்டன. மேலும் காவல்துறை, வனத் துறை, வேட்டைத் தடுப்புக் காவலர்கள் என நூற்றுக்கணக்கானோர் பாதுகாப்புப் பணியில் ஈடுபடுத்தப்பட்டனர்.
கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன், சட்டப் பேரவைத் துணை சபாநாயகர் பொள்ளாச்சி வ.ஜெயராமன் ஆகியோர் சிறப்பு பூஜைகளில் கலந்து கொண்டனர்.
வள்ளியிரச்சல் வரதராஜப் பெருமாள் கோயிலில்...
வெள்ளக்கோவில் அருகே உள்ள வள்ளியிரச்சல் வரதராஜ பெருமாள் கோயிலில் புரட்டாசி  சனிக்கிழமையை ஒட்டி சிறப்பு பூஜைகள் நடைபெற்றது. முன்னதாக கோயில் வளாகத்தில் லட்சுமி ஹோமம், சுதர்சன ஹோமம் நடத்தப்பட்டது. பின்னர் கோயிலில் வீற்றிருக்கும் முத்தேவிகள் சமேத வரதராஜப் பெருமாளுக்கு சிறப்பு அபிஷேகம், ஆராதனைகள் செய்யப்பட்டு பக்தர்களுக்குப் பிரசாதம் வழங்கப்பட்டது. 

]]>
http://www.dinamani.com/all-editions/edition-coimbatore/tiruppur/2018/oct/14/ஏழுமலையான்-கோயிலில்-பூஜை-திரளான-பக்தர்கள்-பங்கேற்பு-3019729.html
3019728 கோயம்புத்தூர் திருப்பூர் உடுமலை ரயில் நிலையத்தில் சிற்றுண்டி நிலையம்: பயணிகள் மகிழ்ச்சி DIN DIN Sunday, October 14, 2018 01:16 AM +0530 உடுமலை ரயில் நிலைய வளாகத்துக்குள் சிற்றுண்டி நிலையம் திறக்கப்பட்டதுடன், சுகாதாரமான குடிநீர் வழங்கவும் ஏற்பாடுகள் செய்யப்பட்டுள்ளதால் ரயில் பயணிகள் மகிழ்ச்சி அடைந்துள்ளனர்.
உடுமலை ரயில் நிலையத்தில் பாலக்காடு - சென்னை விரைவு ரயில், கோவை - மதுரை மற்றும் பொள்ளாச்சி - திருச்செந்தூர் பயணிகள் ரயில் ஆகிய ரயில்கள் நின்று செல்கின்றன. தினமும் ஆயிரக்கணக்கான பயணிகள் இங்கு வந்து செல்லும் நிலையில் உடுமலை ரயில் நிலைய வளாகத்துக்குள் சிற்றுண்டி நிலையமும், சுகாதாரமான குடிநீர் வழங்கவும் நடவடிக்கை எடுக்க வேண்டும் என ரயில் பயணிகள் தொடர்ந்து கோரிக்கை விடுத்து வந்தனர். 
இந்நிலையில் உடுமலை ரயில் நிலைய வளாகத்துக்குள் ஒரு சிற்றுண்டி நிலையமும், சுகாதாரமான குடிநீர் வழங்கவும் தெற்கு ரயில்வே மதுரை மண்டல அலுவலகம் ஒப்புதல் வழங்கியது. இதன்படி சிற்றுண்டி நிலையத்தில் பிஸ்கட், ரொட்டி, குழந்தைகளுக் கான திண்பண்டங்கள், குடிநீர் பாட்டல்கள் ஆகியவைகள் விற்கப்படுகின்றன. மேலும் இலவசமாக சுகாதாரமான குடிநீர் (ஆர்ஓ வாட்டர்)  வழங்கவும் தனியாக ஒரு யூனிட் திறக்கப் பட்டுள்ளது. இதனால் பொதுமக்கள் மற்றும் ரயில் பயணிகள் மகிழ்ச்சி அடைந்துள்ளனர். 
இதுகுறித்து பயணிகள் நலச் சங்கத் தலைவர் ஆடிட்டர் ஆர்.கந்தசாமி கூறியதாவது:
பயணிகளின் நீண்ட நாள் கோரிக்கை பரிசீலிக்கப்பட்டு சிற்றுண்டி நிலையம் மற்றும் சுகாதாரமான குடிநீர் வழங்க தெற்கு ரயில்வே நிர்வாகம் நடவடிக்கை எடுத்ததற்காக நன்றி தெரிவித்துக் கொள்கிறோம். இங்கு வரும் பயணிகள் தங்களது இரு மற்றும் நான்கு சக்கர வாகனங்களை நிறுத்த வசதியாக ஒரு ஸ்டேண்ட் அமைக்கவும் நடவடிக்கை எடுக்க வேண்டும் என கோரிக்கை விடுத்துள்ளோம் என்றார்.                                                                  


 

]]>
http://www.dinamani.com/all-editions/edition-coimbatore/tiruppur/2018/oct/14/உடுமலை-ரயில்-நிலையத்தில்-சிற்றுண்டி-நிலையம்-பயணிகள்-மகிழ்ச்சி-3019728.html
3019726 கோயம்புத்தூர் திருப்பூர் பொது விநியோகத் திட்ட குறை தீர் முகாம் DIN DIN Sunday, October 14, 2018 01:16 AM +0530 வெள்ளக்கோவிலில் பொது விநியோகத் திட்ட சிறப்பு குறைதீர் முகாம் சனிக்கிழமை நடைபெற்றது. 
முத்தூர் சாலை தொடக்க வேளாண்மை கூட்டுறவு கடன் சங்கத்தில் நடைபெற்ற முகாமுக்கு காங்கயம் வட்ட வழங்கல் அலுவலர் பிரபு தலைமை வகித்தார். தனி வருவாய் ஆய்வாளர் கனகராஜ் முன்னிலை வகித்தார். முகாமில், முகவரி மாற்றம், புதிய குடும்ப அட்டை, சர்க்கரை அட்டையை அரிசி பெறும் அட்டையாக மாற்ற வேண்டியும் 14 பேர் விண்ணப்பம் செய்தனர். இவை அனைத்துக்கும் உடனடியாகத் தீர்வு காணப்பட்டது. 
வெள்ளக்கோவில் வருவாய்த் துறை அலுவலர்கள் உள்ளிட்ட பலர் முகாமில் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/oct/14/பொது-விநியோகத்-திட்ட-குறை-தீர்-முகாம்-3019726.html
3019725 கோயம்புத்தூர் திருப்பூர் புரட்டாசி சனிக்கிழமை  பெருமாள் மலை கோயிலில் பக்தர்கள் தரிசனம் DIN DIN Sunday, October 14, 2018 01:15 AM +0530 காங்கயம் அருகே பெருமாள் மலையில் உள்ள பிரசன்ன வெங்கட ரமணர் கோயிலில் புரட்டாசி சனிக்கிழமையை ஒட்டி நடைபெற்ற சிறப்பு வழிபாட்டில் ஆயிரக்கணக்கான பக்தர்கள் தரிசனம் செய்தனர்.
காங்கயம் அடுத்துள்ள பெருமாள் மலையில் பிரசன்ன வெங்கட ரமணர் மலைக் கோயில் உள்ளது. இந்தக் கோயிலில் ஒவ்வொரு ஆண்டும் புரட்டாசி சனிக்கிழமைகளில் சிறப்பு பூஜை நடக்கும். இந்த ஆண்டு புரட்டாசி கடைசி சனிக்கிழமை பூஜை அக்டோபக் 13இல் நடந்தது. இதனால் அதிகாலை 5 மணி முதல் சிறப்பு வழிபாடு நடைபெற்றது.
பக்தர்கள் கோயிலில் பொங்கல் வைத்து வழிபட்டனர்.  பூலோக நாயகி சமேத பிரசன்ன வெங்கட ரமணர் மதியம் 12 மணிக்கு சிறப்பு அலங்காரத்தில் பல்லக்கில் கோயிலை வலம் வந்து பக்தர்களுக்கு அருள்பாலித்தார்.  காங்கயம், சிவன்மலை, திருப்பூர், ஊதியூர் உள்பட பல்வேறு பகுதிகளைச் சேர்ந்த ஏராளமான பக்தர்கள்  நீண்ட வரிசையில் நின்று சாமி தரிசனம் செய்தனர்.
 

]]>
http://www.dinamani.com/all-editions/edition-coimbatore/tiruppur/2018/oct/14/புரட்டாசி-சனிக்கிழமை--பெருமாள்-மலை-கோயிலில்-பக்தர்கள்-தரிசனம்-3019725.html
3019723 கோயம்புத்தூர் திருப்பூர் முத்தூர் விற்பனைக் கூடத்தில் 7.60 டன் தேங்காய் விற்பனை DIN DIN Sunday, October 14, 2018 01:15 AM +0530 முத்தூர் ஒழுங்கு முறை விற்பனைக் கூடத்தில் 7.60 டன் தேங்காய் மற்றும் கொப்பரைகள் சனிக்கிழமை விற்பனை செய்யப்பட்டன.
இங்கு 18,575 தேங்காய்கள் விற்பனைக்கு கொண்டு வரப்பட்டிருந்தன. இதில் ஒரு கிலோ குறைந்தபட்சமாக ரூ.16.35க்கும், அதிகபட்சமாக ரூ.27.10க்கும் விற்பனையானது. சராசரி விலை ரூ.25.30. மொத்தம் ரூ. ஒரு லட்சத்து 88 ஆயிரத்து 537க்கு விற்பனையானது.
கொப்பரை 290 கிலோ வரத்து இருந்தது. இதில் ஒரு கிலோ குறைந்தபட்சமாக ரூ.50.10 முதல் அதிகபட்சமாக ரூ.85.40 வரை விற்பனையானது. 
மொத்தம் ரூ.21 ஆயிரத்து 889க்கு விற்பனையானது. மொத்தத்தில் 7.60 டன் தேங்காய் மற்றும் கொப்பரை விற்பனையானது. ஒட்டு மொத்த விற்பனைத் தொகை ரூ.2.10 லட்சம் விவசாயிகளுக்கு உடனுக்குடன் பட்டுவாடா செய்யப்பட்டதாக விற்பனைக் கூட மேற்பார்வையாளர் ஸ்ரீரங்கன் தெரிவித்தார்.
 

]]>
http://www.dinamani.com/all-editions/edition-coimbatore/tiruppur/2018/oct/14/முத்தூர்-விற்பனைக்-கூடத்தில்-760-டன்-தேங்காய்-விற்பனை-3019723.html
3019722 கோயம்புத்தூர் திருப்பூர் சாக்கடையில் சடலமாக கிடந்த பெண் சிசு மீட்பு DIN DIN Sunday, October 14, 2018 01:15 AM +0530 உடுமலை அருகே சாக்கடையில் சடலமாகக் கிடந்த பெண் சிசு சனிக்கிழமை மீட்கப்பட்டது. 
உடுமலை தாலுகா, சின்னவீரம்பட்டி கிராமத்தில் சாக்கடையில் ஒரு பச்சிளம் குழந்தை சாக்கடையில் கிடப்பதாக வருவாய்த் துறை அதிகாரிகளுக்கு தகவல் வந்தது. இதையடுத்து உடுமலை போலீஸார் மற்றும் வருவாய்த் துறை அலுவலர்கள் சம்பவ இடத்துக்குச் சென்று பார்வையிட்டனர். ஒரு பெண் சிசு தொப்புள் கொடியுடன் உயிரிழந்த நிலையில் கிடந்துதம், அதன் அருகில் 30 வயது மதிக்கத்தக்க பெண் ஒருவர் அமர்ந்திருந்ததும் தெரிய வந்தது. 
இதையடுத்து அதிகாரிகள் அந்தப் பெண்ணிடம் விசாரணை நடத்தியபோது அவர் மனநிலை பாதிக்கப்பட்டவர் என்று தெரியவந்தது. இறந்து கிடந்த சிசுவையும், மனநிலம் பாதிக்கப்பட்ட அந்தப் பெண்ணையும் மீட்ட அதிகாரிகள் உடுமலை அரசு மருத்துவமனைக்கு கொண்டு வந்தனர். பின்னர் அந்தப் பெண் மேல் சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டார்.
இதுகுறித்து வருவாய்த் துறை அதிகாரிகள் கூறியதாவது: சின்னவீரம்பட்டியில் சாக்கடையில் இறந்து கிடந்த பெண் சிசு மீட்கப்பட்ட நிலையில் அதன் அருகில் அமர்ந்திருந்த  மனநலம் பாதிக்கப்பட்ட ஒரு பெண் மீட்கப்பட்டார். அவர் யார், எந்த ஊரைச் சேர்ந்தவர் என்பது குறித்து விசாரணை நடைபெற்று வருகிறது என்றனர்.

]]>
http://www.dinamani.com/all-editions/edition-coimbatore/tiruppur/2018/oct/14/சாக்கடையில்-சடலமாக-கிடந்த-பெண்-சிசு-மீட்பு-3019722.html
3019721 கோயம்புத்தூர் திருப்பூர் திருப்பூரில் டிசம்பர் 23 முதல் மகாலட்சுமி யாகம்,  1008 கோமாதா பூஜை DIN DIN Sunday, October 14, 2018 01:14 AM +0530 இந்துமுன்னணி சார்பில் திருப்பூரை அடுத்த பொங்கலூர் பயணியர் தில்லைநகரில் லட்சம் குடும்பங்கள் பங்கேற்கும் ஷோடச ஸ்ரீமகாலட்சுமி மகா யாகம் , 1008 கோமாதாபூஜை, கஜபூஜை, 108 அஷ்வபூஜை ஆகியவை டிசம்பர் 23 முதல் 25ஆம் தேதி வரை 3 நாள்கள் நடைபெறவுள்ளன. 
 இப்பூஜைக்கு அனைவரையும் அழைக்கும் விதத்தில் திருப்பூர் வடக்கு ஒன்றிய இந்து முன்னணி சார்பில் புதிய திருப்பூர் பேருந்து நிலையம் அருகில் கோட்டை ஈஸ்வரன் கோயிலில் சிறப்பு அழைப்புக் கூட்டம் சனிக்கிழமை நடைபெற்றது. கூட்டத்திற்கு மாநில நிர்வாகக் குழு உறுப்பினர் சேவுகன் தலைமை வகித்தார். மாவட்ட செய்தித் தொடர்பாளர் முருகேசன்,  செயற்குழு உறுப்பினர்கள் வெங்கடேஷ், சிவா ஆகியோர் முன்னிலை வகித்தனர். ஆன்மிக சொற்பொழிவாளர் அனந்தகிருஷ்னன் சிறப்புரையாற்றினார்.

]]>
http://www.dinamani.com/all-editions/edition-coimbatore/tiruppur/2018/oct/14/திருப்பூரில்-டிசம்பர்-23-முதல்-மகாலட்சுமி-யாகம்--1008-கோமாதா-பூஜை-3019721.html
3019273 கோயம்புத்தூர் திருப்பூர் வரத்து இல்லாததால் சூரியகாந்தி விதை ஏலம் ரத்து DIN DIN Saturday, October 13, 2018 07:26 AM +0530 வரத்து இல்லாததால் வெள்ளக்கோவில் ஒழுங்குமுறை விற்பனைக் கூடத்தில் சூரியகாந்தி விதை ஏலம் ரத்து செய்யப்பட்டது.
 இங்கு, வாரந்தோறும் வியாழக்கிழமை சூரியகாந்தி விதை ஏலம் மூலமாக விற்பனை செய்யப்படுகிறது. வெள்ளக்கோவில் சுற்றுவட்டாரத்தைச் சேர்ந்த பகுதிகள் மற்றும் அருகில் உள்ள முத்தூர், மூலனூர் பகுதிகளில் அதிக அளவு சூரியகாந்தி சாகுபடி செய்யப்பட்டது.
 அப்போது வரத்து அதிக அளவில் இருந்த நிலையில், இப்பகுதியில் எண்ணெய் ஆலைகளும் இருப்பதால் வெள்ளக்கோவில் விற்பனைக் கூடம் சூரியகாந்தி விதை விற்பனைக்குப் பெயர் பெற்று விளங்கியது. 
 தற்போது, உள்ளூர் பகுதி விவசாயிகள் மாற்றுப் பயிருக்கு மாறிவிட்டதாலும், வறட்சி காரணமாகவும் உள்ளூரில் வரத்து குறைந்துவிட்டது.
 இருப்பினும் திருச்சி, கரூர், திண்டுக்கல் மாவட்டங்களில் இருந்து சூரியகாந்தி வரத்து இருந்ததால் விற்பனை தொடர்ந்து நடைபெற்று வந்தது. ஆனால், வரத்து முற்றிலும் வரத்து இல்லாமல் போனதால் ஏலம் ரத்து செய்யப்பட்டது.
 சூரியகாந்தி விதை வரத்து தொடங்கியதும் மீண்டும் வழக்கம்போல விற்பனை நடைபெறும் என விற்பனைக்கூட வட்டாரங்கள் தெரிவித்துள்ளன.

]]>
http://www.dinamani.com/all-editions/edition-coimbatore/tiruppur/2018/oct/13/வரத்து-இல்லாததால்-சூரியகாந்தி-விதை-ஏலம்-ரத்து-3019273.html
3019272 கோயம்புத்தூர் திருப்பூர் பாஜக வாக்குச் சாவடி முகவர்கள் ஆலோசனைக் கூட்டம் DIN DIN Saturday, October 13, 2018 07:26 AM +0530 அவிநாசி தொகுதிக்கு உள்பட்ட வாக்குச் சாவடி முகவர்கள் ஆலோசனைக் கூட்டம் அவிநாசியில் வெள்ளிக்கிழமை நடைபெற்றது. 
இக்கூட்டத்துக்கு பாஜக மாவட்டத் தலைவர் ஆர்.சின்னசாமி தலைமை வகித்தார். மாவட்டப் பொதுச் செயலாளர் செந்தில் சண்முகசுந்தரம், மாவட்டச் செயலாளர்கள் ஏ.கே.சண்முகம், தர்மலிங்கம், அவிநாசி சட்டப் பேரவைத் தொகுதிப் பொறுப்பாளர்கள் கதிர்வேல், நந்தகுமார், பிற்படுத்தப்பட்டோர் அணி பாபாஸ் பாபு,  கோட்ட இணைப் பொறுப்பாளர் பாயிண்ட் மணி, அமைப்புச் செயலர் பாலகுமார், நீலகிரி மக்களவைத் தொகுதிப் பொறுப்பாளர் சண்முகம் ஆகியோர் சிறப்புரையாற்றினர். 
இதில், மத்திய அரசின் திட்டங்களை மக்களிடம் கொண்டு செல்வது, பூத் கமிட்டி அமைப்பது உள்ளிட்ட பணிகள் குறித்து ஆலோசிக்கப்பட்டது.  ஒன்றியத் தலைவர் கணேசன் நன்றி கூறினார்.

]]>
http://www.dinamani.com/all-editions/edition-coimbatore/tiruppur/2018/oct/13/பாஜக-வாக்குச்-சாவடி-முகவர்கள்-ஆலோசனைக்-கூட்டம்-3019272.html
3019271 கோயம்புத்தூர் திருப்பூர் விபத்தில் உயிரிழந்தவரின்  குடும்பத்துக்கு நிவாரண நிதி DIN DIN Saturday, October 13, 2018 07:25 AM +0530 திருப்பூர் தெற்கு சட்டப் பேரவைத் தொகுதிக்கு உள்பட்ட தம்பதி விபத்தில் உயிரிழந்ததைத் தொடர்ந்து அவரது குடும்பத்தினருக்கு விபத்து நிவாரண நிதி வெள்ளிக்கிழமை வழங்கப்பட்டது.
திருப்பூர் மாநகராட்சி, 56ஆவது வார்டு, செல்லம் நகரைச் சேர்ந்தவர் செளந்தரபாண்டியன். இவர், தனது மனைவி, இரு குழந்தைகளுடன் திண்டுக்கல் அருகே உள்ள அம்மைநாயக்கனூர் (கொடை ரோடு) எனும் இடத்தில் 2017 ஆகஸ்ட் 8ஆம் தேதி நேரிட்ட விபத்தில் சௌந்தரபாண்டியனும், அவரது மனைவியும் உயிரிழந்தனர். 
இதையடுத்து, திருப்பூர் தெற்குத் தொகுதி சட்டப் பேரவை உறுப்பினர் சு.குணசேகரன் பரிந்துரையின் பேரில் தமிழக அரசின் சாலை விபத்து நிவாரண நிதித் தொகை ரூ. 2 லட்சத்துக்கான காசோலையை தெற்கு வட்டாட்சியர் ரவிச்சந்திரன், உயிரிழந்த சௌந்தரபாண்டியனின் குடும்பத்தினரிடம் வழங்கினார். 
இந்நிகழ்ச்சியின்போது மாநகராட்சி முன்னாள் உறுப்பினர்கள் அன்பகம் திருப்பதி, கண்ணப்பன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-coimbatore/tiruppur/2018/oct/13/விபத்தில்-உயிரிழந்தவரின்-குடும்பத்துக்கு-நிவாரண-நிதி-3019271.html
3019270 கோயம்புத்தூர் திருப்பூர் அவிநாசியில் வீட்டுமனை வரன்முறைப்படுத்துதல் சிறப்பு முகாம் DIN DIN Saturday, October 13, 2018 07:25 AM +0530 அவிநாசியில் நடைபெற்ற வீட்டுமனை வரன்முறைப்படுத்துதல்  சிறப்பு முகாமை மாவட்ட ஆட்சியர் கே.எஸ்.பழனிசாமி வெள்ளிக்கிழமை ஆய்வு செய்தார். 
அனுமதியற்ற மனைப் பிரிவுகளை வரன்முறைப்படுத்திக் கொள்ள தமிழக அரசு நவம்பர் 3ஆம் தேதி வரை கால அவகாசம் வழங்கியுள்ளது. அதைத் தொடர்ந்து, அவிநாசி ஊராட்சி ஒன்றியத்துக்கு உள்பட்ட ( புதுப்பாளையம் மற்றும் கணியாம்பூண்டி தவிர )  29 ஊராட்சிகள், அவிநாசி பேரூராட்சி  ஆகிய பகுதிகளைச் சேர்ந்தவர்களுக்கு அவிநாசி, சேவூர் சாலையில் உள்ள தனியார் திருமண மண்டபத்தில் வெள்ளிக்கிழமை சிறப்பு முகாம் நடைபெற்றது. இம்முகாமை ஆட்சியர் கே.எஸ். பழனிசாமி ஆய்வு செய்து மனை வரன்முறை மேற்கொண்டதற்கான உத்தரவை வழங்கினார். 
இதில், உதவி இயக்குநர் (ஊராட்சிகள்)  பாலசுப்பிரமணியன், அவிநாசி வட்டார வளர்ச்சி அலுவலர்கள் மீனாட்சி, சாந்தி லட்சுமி, வட்டாட்சியர் வாணி ஜெகந்தாம்பாள், அவிநாசி பேரூராட்சி செயல் அலுவலர் சுந்தர்ராஜன் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-coimbatore/tiruppur/2018/oct/13/அவிநாசியில்-வீட்டுமனை-வரன்முறைப்படுத்துதல்-சிறப்பு-முகாம்-3019270.html
3019269 கோயம்புத்தூர் திருப்பூர் பல்லடம் அருள்புரத்தில் துர்கா பூஜை வழிபாடு தொடக்கம் DIN DIN Saturday, October 13, 2018 07:23 AM +0530 பல்லடம் அருள்புரத்தில் வடமாநில நவராத்திரி துர்கா பூஜை வழிபாடு அண்மையில் தொடங்கியது. 
பல்லடம் பகுதியில் பின்னலாடை, விசைத்தறி, கோழிப் பண்ணை நிறுவனங்களில் வட மாநிலத்தைச் சேர்ந்த தொழிலாளர்கள் ஆயிரக்கணக்கானோர் பணியாற்றி வருகின்றனர். பல்லடம் அருள்புரத்தில் நவ துர்கா பூஜா சமிதி சார்பில் நவராத்திரி துர்கா பூஜை விழா துவங்கியது. 
இதற்காக சிலை பிரதிஷ்டை செய்ய கொல்கத்தா, காளிகாட் பகுதியில் இருந்து அருள்புரத்துக்கு களிமணி எடுத்து வந்து ரூ. 1 லட்சம் செலவில் விநாயகர், முருகன், லட்சுமி, சரஸ்வதி மற்றும் மகிஷாசுரனை வதம் செய்யும் துர்கா தேவி சிலைகள் உருவாக்கப்பட்டு வழிபாடு நடத்தி வருகின்றனர். 
இவ்விழாவில் சயலபுத்ரி தேவி பூஜை, பிரம்மசாரணி தேவி பூஜை, பிரமசாரணி தேவி தர்ஷன், சந்திரகண்டா தேவி பூஜை, குஷ்மண்டா தேவி பூஜை, ஷ்கந்தமாதா தேவி பூஜை, காத்யாயனி தேவி பூஜை, மஹாகாளி தேவி பூஜை, மஹா அஷ்டமி பூஜை (கௌரி பூஜை), மஹா நவமி சித்தி தாத்ரி பூஜை மற்றும் ஹோமம் நடைபெறவுள்ளது. 
தொடர்ந்து, அக்டோபர் 19ஆம் தேதி காலை 8 மணி முதல் மாலை 7 மணி வரை பூஜையும், இரவு 8 மணி முதல் 10 மணி வரை பஜனையும் நடைபெறும். 
 18ஆம் தேதி வரை துர்கா தேவி முகம் மறைக்கப்பட்டு பூஜைகள் நடத்தப்பட்டு பின்னர் சூரனை வதம் செய்ய துர்கா தேவி கண்கள் திறக்கப்பட்டு சிறப்பு வழிபாடுகள் நடத்தப்படும். 19ஆம் தேதி இரவு 9 மணி முதல் முழு இரவு பஜனை நடைபெறும். 20ஆம் தேதி பவானி கூடுதுறையில் சிலை கரைக்கப்பட்டு விழா நிறைவு செய்யப்படவுள்ளது. 
இந்த வழிபாட்டு நிகழ்ச்சியில் வடமாநிலத் தொழிலாளர்கள், உள்ளூர் மக்கள் பங்கேற்று வருகின்றனர்.


 

]]>
http://www.dinamani.com/all-editions/edition-coimbatore/tiruppur/2018/oct/13/பல்லடம்-அருள்புரத்தில்-துர்கா-பூஜை-வழிபாடு-தொடக்கம்-3019269.html
3019268 கோயம்புத்தூர் திருப்பூர் மானிய நிதிச் செலவினம்: ஆசிரியர்களுக்குப் பயிற்சி DIN DIN Saturday, October 13, 2018 07:23 AM +0530 வெள்ளக்கோவில் வட்டார வள மையத்தில் மானிய நிதிச் செலவின வழிமுறைகள் குறித்து ஆசிரியர்களுக்கு வெள்ளிக்கிழமை பயிற்சி அளிக்கப்பட்டது.
 ஒன்றியத்தைச் சேர்ந்த 16 அரசு நடுநிலைப் பள்ளிகள், 40 ஊராட்சி ஒன்றிய ஆரம்பப் பள்ளிகளுக்கு ஒருங்கிணைந்த கல்வித் திட்ட மானிய நிதி ஒதுக்கீடு செய்யப்பட்டுள்ளது. இதன் மூலமாகப் பள்ளிகளுக்கு என்னென்ன பணிகள் மேற்கொள்ளலாம் என்பது குறித்து விளக்கமளிக்கப்பட்டது.  இதில், கற்றல் - கற்பித்தல் பொருள்கள், குடிநீர், கழிப்பிட வசதி, மின்சார வசதி, பதிவேடுகள் வாங்குவது, பள்ளி பராமரிப்புப் பணி போன்றவற்றுக்கு நிதியைப் பயன்படுத்தலாம் என வட்டார வள மைய மேற்பார்வையாளர் விமலா எஸ்தர் ராணி குறிப்பிட்டார்.  இப்பயிற்சியில், மானியத் திட்ட ஒருங்கிணைப்பாளர் சாந்தி, ஆசிரியப் பயிற்றுநர்கள் கலந்துகொண்டனர்.
 

]]>
http://www.dinamani.com/all-editions/edition-coimbatore/tiruppur/2018/oct/13/மானிய-நிதிச்-செலவினம்-ஆசிரியர்களுக்குப்-பயிற்சி-3019268.html
3019267 கோயம்புத்தூர் திருப்பூர் ஊர் பொது மக்கள் சார்பில் அரசுப் பள்ளிக்கு நூலகம் DIN DIN Saturday, October 13, 2018 07:22 AM +0530 ஊர் பொது மக்கள் சார்பில் அமைக்கப்பட்ட நூலகம் வெள்ளக்கோவில், செம்மாண்டம்பாளையம் அரசு ஆரம்பப் பள்ளியில் வெள்ளிக்கிழமை திறக்கப்பட்டது.
 இப்பள்ளியில் சுத்திகரிக்கப்பட்ட குடிநீர், அனைத்து வகுப்புகளுக்கும் மின்விசிறி, மாணவ, மாணவிகளுக்குத் தனித்தனி இருக்கை, கணினி வழிக் கற்றல், நவீன கழிப்பறை வசதிகள் உள்ளன. மேலும், தமிழ் வழி மற்றும் ஆங்கில வழிக் கல்வியும் உள்ளது. 
 இப்பள்ளிக்குத் தேவையான பல்வேறு வசதிகள் அரசு உதவியுடன் தனியார் நன்கொடை மூலமாகச் செய்யப்பட்டுள்ளது. இங்கு கற்கும் குழந்தைகளுக்கு நூலகம் இருந்தால் பயனுள்ளதாக இருக்கும் என அறிந்த ஊர்மக்கள் அதற்கான முயற்சியில் ஈடுபட்டனர்.  வெளிநாடு வாழ் இந்தியர் எஸ்.மணிவேல் வழங்கிய ரூ. 1 லட்சம் நிதியுடன் சேர்த்து பள்ளியில் ஏராளமான புத்தககங்களுடன் நூலகம் அமைக்கப்பட்டது. மேலும், சிவநாதபுரம் மேற்குத் தோட்டம் சிவகுமார் வழங்கிய ரூ.22 ஆயிரம் நிதியில் பள்ளிக்குத் தேவையான ஒலி அமைப்புகள் செய்யப்பட்டன.  இதன் திறப்பு விழாவில் பள்ளித் தலைமை ஆசிரியர் கி.பாலசிவகுமார், பெற்றோர் ஆசிரியர் சங்கத் தலைவர் என்.ராஜேந்திரன் மற்றும் ஊர் மக்கள் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/13/ஊர்-பொது-மக்கள்-சார்பில்-அரசுப்-பள்ளிக்கு-நூலகம்-3019267.html
3019266 கோயம்புத்தூர் திருப்பூர் சிறப்பு இலவச மருத்துவ முகாம் DIN DIN Saturday, October 13, 2018 07:22 AM +0530 உடுமலை சட்டப் பேரவைத் தொகுதிக்கு உள்பட்ட குடிமங்கலம் ஒன்றியம், கொங்கல் நகரம் ஊராட்சியில் தமிழக அரசின் சிறப்பு இலவச மருத்துவ முகாம் வெள்ளிக்கிழமை நடைபெற்றது.
தமிழ்நாடு பொது சுகாதாரத் துறை சார்பில் நடைபெற்ற இந்த முகாமுக்கு மாவட்ட ஆட்சியர் கே.எஸ்.பழனிசாமி தலைமை வகித்தார். உடுமலை வருவாய்க் கோட்டாட்சியர் எஸ்.அசோகன் முன்னிலை வகித்தார். 
கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் சிறப்பு விருந்தினராகப் பங்கேற்று முகாமைத் தொடக்கிவைத்தார். இம்முகாமில் பொது மருத்துவம், சர்க்கரை நோய், இருதய நோய், பல் மருத்துவம், காது, மூக்கு, தொண்டை மருத்துவம், புற்று நோய், பால்வினை நோய், குடும்ப மருத்துவம், மகப்பேறு மருத்துவம், குழந்தை மருத்துவம், எலும்பு - மூட்டு நோய் மருத்துவம், காச நோய் மருத்துவம், இசிஜி, ரத்தம், சிறுநீர்ப் பரிசோதனைகள், சித்த மருத்துவம் உள்ளிட்ட பல்வேறு மருத்துவ சிகிச்சைகள் அளிக்கப்பட்டன. 
இம்முகாமில் 500க்கும் மேற்பட்டோர் பங்கேற்றுப் பயன்பெற்றனர். இதில், உடுமலை வட்டாட்சியர் தங்கவேல், குடிமங்கலம் வட்டார மருத்துவ அலுவலர் கீதாராணி மற்றும் அதிமுக பிரமுகர்கள் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/13/சிறப்பு-இலவச-மருத்துவ-முகாம்-3019266.html
3019265 கோயம்புத்தூர் திருப்பூர் நேஷனல் பிரீமியர் கபடி லீக் போட்டி திருப்பூரில் ஜனவரி 26இல் தொடக்கம் DIN DIN Saturday, October 13, 2018 07:22 AM +0530 நேஷனல் பிரீமியர் கபடி லீக் போட்டி 2019 ஜனவரி 26ஆம் தேதி முதல் திருப்பூரில் நடைபெறவுள்ளது.
இதுகுறித்து திருப்பூர் மாவட்ட கபடி கழக சேர்மன் பாலசுப்பிரமணியம், தலைவர் ரத்தினசாமி, செயலாளர் முத்துசாமி, பொருளாளர் சென்னியப்பன் ஆகியோர் செய்தியாளர்களிடம் வெள்ளிக்கிழமை கூறியதாவது:
புதிய கபடி கழகத்தின் தேசிய சம்மேளனம், "டி' ஸ்போர்ட்ஸ் ஆகியன இணைந்து நடத்தும் நேஷனல் பிரீமியர் கபடி லீக் போட்டி 2019 ஜனவரி 26ஆம் தேதி முதல் நடைபெற உள்ளது. இதில், சென்னை சீட்டாஸ், பெங்களூர் புல்ஸ், டெல்லி டுமார்ஸ், தெலங்கானா புல்ஸ், பாட்னா பேந்தர்ஸ், 
ஹரியானா அரிகேன்ஸ், கொல்கத்தா டைகர்ஸ் ஆகிய 8 அணிகள் பங்கேற்கின்றன. 
இதில், உலக அளவில் விளையாட்டு வீரர்கள் தேர்வு நடைபெற்று வருகிறது. மொத்தம் ஆயிரம் வீரர்கள் தேர்வு செய்யப்பட உள்ளனர். தேர்வு நாள் மற்றும் இடம் பின்னர் அறிவிக்கப்படும். "டி' ஸ்போர்ட்ஸ் மற்றும் டிஸ்கவரி சேனல் மூலமாக உலகம் முழுவதும் 62 போட்டி ஆட்டங்கள் ஒளிபரப்பு செய்யப்பட உள்ளன. 
அனைத்து கபடி வீரர்களும் இந்த வாய்ப்பைப் பயன்படுத்திக் கொள்ளலாம். இப்போட்டியில் பங்கேற்க விரும்புபவர்கள் h‌t‌t‌p://​c‌p.‌n‌e‌w‌k​a​b​a‌d‌d‌i.‌o‌r‌g/‌r‌e‌g‌i‌s‌t‌e‌r  எனும் இணையதளத்தில் அக்டோபர் 30ஆம் தேதிக்குள் விண்ணப்பிக்க வேண்டும்.

]]>
http://www.dinamani.com/all-editions/edition-coimbatore/tiruppur/2018/oct/13/நேஷனல்-பிரீமியர்-கபடி-லீக்-போட்டி-திருப்பூரில்-ஜனவரி-26இல்-தொடக்கம்-3019265.html
3019264 கோயம்புத்தூர் திருப்பூர் மூலனூர் விற்பனைக் கூடத்தில் ரூ. 36 லட்சத்துக்கு பருத்தி விற்பனை DIN DIN Saturday, October 13, 2018 07:21 AM +0530 வெள்ளக்கோவிலை அடுத்த மூலனூர் ஒழுங்குமுறை விற்பனைக் கூடத்தில் ரூ. 36 லட்சத்துக்கு வெள்ளிக்கிழமை பருத்தி விற்பனை செய்யப்பட்டது. 
 இந்த வார ஏலத்துக்கு திண்டுக்கல், கரூர், மணப்பாறை, அரவக்குறிச்சி, தாராபுரம், சின்னதாராபுரம் உள்ளிட்ட பகுதிகளில் இருந்து 149 விவசாயிகள் தங்களது 1,787 மூட்டை பருத்திகளை விற்பனைக்கு கொண்டு வந்திருந்தனர்.
 பொள்ளாச்சி, திண்டுக்கல், திருப்பூர், உடுமலைப்பேட்டை, காரமடை உள்ளிட்ட இடங்களில் இருந்து 10 வணிகர்கள் பருத்தி வாங்குவதற்காக வந்திருந்தனர். விற்பனைக் கூடக் கண்காணிப்பாளர் தர்மராஜ் முன்னிலையில் ஏலம் நடைபெற்றது.
 குவிண்டால் ரூ. 5,109 முதல் ரூ. 6,769 வரை விற்பனையானது. இதன் மொத்த விற்பனைத் தொகை ரூ. 36 லட்சம் அந்தந்த விவசாயிகளின் வங்கிக் கணக்கில் செலுத்தப்பட்டது.
 

]]>
http://www.dinamani.com/all-editions/edition-coimbatore/tiruppur/2018/oct/13/மூலனூர்-விற்பனைக்-கூடத்தில்-ரூ-36-லட்சத்துக்கு-பருத்தி-விற்பனை-3019264.html
3019263 கோயம்புத்தூர் திருப்பூர் நீராதாரப் பிரச்னைகளுக்குத் தீர்வு காண வலியுறுத்தி திருப்பூரில் கொமதேக ஆர்ப்பாட்டம் DIN DIN Saturday, October 13, 2018 07:21 AM +0530 நீராதாரப் பிரச்னைகளுக்குத் தீர்வு காண வலியுறுத்தி திருப்பூரில் கொங்குநாடு மக்கள் தேசியக் கட்சியினர் ஆர்ப்பாட்டத்தில் ஈடுபட்டனர்.
திருப்பூர் குமரன் சிலை முன்பு நடைபெற்ற இந்த ஆர்ப்பாட்டத்துக்கு கட்சியின் மாநிலப் பொருளாளர் கே.கே.சி.பாலசுப்பிரமணியம் தலைமை வகித்தார். மாநிலத் தலைமை நிலையச் செயலாளர் சுரேஷ் பொன்னுவேல், திருப்பூர் மாநகர் மாவட்டச் செயலாளர் ரோபோ ரவிச்சந்திரன்,  மாவட்டச் செயலாளர்கள் வி.லோகநாதன் (வடக்கு), கங்கா சக்திவேல் (புறநகர்), கரைப்புதூர் ராஜேந்திரன் (மேற்கு),  சுப்பிரமணியம் (கிழக்கு), ரகுபதி ராகவன் (தெற்கு) ஆகியோர் முன்னிலை வகித்தனர்.  
இந்த ஆர்ப்பாட்டத்தில், அமராவதி அணையில் இருந்து வெளியேறும் உபரி நீரைப் புதிய நீர்வழித்தடம் அமைத்து அப்பகுதியில் உள்ள உப்பாறு அணை, நல்லதங்காள் அணை, வட்டமலைக்கரை ஆகிய அணைகளை நிரப்ப நடவடிக்கை எடுக்க வேண்டும். திருமூர்த்தி அணைக்கட்டுப் பகுதிகளைத் தூர்வார நடவடிக்கை எடுக்க வேண்டும். உடுமலை மற்றும் சுற்றுவட்டாரப் பகுதி மக்களும், விவசாயிகளும் பயன்படுத்தும் முக்கிய நீர் ஆதாரமாக விளங்கும் திருமூர்த்தி நீர்பாசன வசதித் திட்டத்தை மேம்படுத்த நடவடிக்கை எடுக்க வேண்டும். வெள்ளக்கோவில், தசாவநாயக்கன்பட்டி அனைக்கட்டுக்கு மழைக் காலங்களில் தண்ணீர் வர நடவடிக்கை மேற்கொள்ள வேண்டும். 
அவிநாசியில் உள்ள தாமரைக்குளம் நிரம்பி வெளியேறும் உபரி நீர் அருகில் உள்ள புதுப்பாளையம் குளத்துக்குச் செல்ல நீர் வழிப்பாதை அமைத்திட நடவடிக்கை எடுக்கவேண்டும். 
அவிநாசி - அத்திக்கடவுத் திட்டம், ஆணைமலை - நல்லாறு திட்டம் உள்ளிட்டவற்றை உடனடியாக நிறைவேற்ற வேண்டும். நொய்யல் சாயக் கழிவுநீரால் பாதிக்கப்பட்ட விவசாயிகளுக்கு முறையான இழப்பீடு வழங்க நடவடிக்கை எடுக்க வேண்டும். நொய்யல் ஆறு, நல்லாறு கெளசிகா நதி ஆகிய அணைகளில் உள்ள நீர்வழிப் பாதையைத் தூர்வாரி அப்பகுதியில் உள்ள குளம், குட்டைகளில் நீர் நிரப்ப நடவடிக்கை எடுக்க வேண்டும். உயர் மின் அழுத்த கோபுரப் பாதை விவசாயிகளை பாதிக்காத வகையில், நெடுஞ்சாலை ஓரத்தில் அமைக்க நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன. அதைத் தொடர்ந்து, கோரிக்கைகளை வலியுறுத்தி மாவட்ட ஆட்சியர் அலுவகத்தில் மனு அளித்தனர்.
இந்த ஆர்ப்பாட்டத்தில், கட்சியின் மாநகர நிர்வாகிகள் தம்பி வெங்கடாசலம், வேலுமணி, சுரேஷ்குமார், செல்வகுமார், ஆனந்தகுமார், மண்டல நிர்வாகிகள் வேலுசாமி, பொன்னுசாமி, விஜயசாரதி, கண்ணன் உள்பட திரளானோர் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/13/நீராதாரப்-பிரச்னைகளுக்குத்-தீர்வு-காண-வலியுறுத்தி-திருப்பூரில்-கொமதேக-ஆர்ப்பாட்டம்-3019263.html
3019262 கோயம்புத்தூர் திருப்பூர் திருப்பூரில் 18 புதிய பேருந்துகள் இயக்கம் DIN DIN Saturday, October 13, 2018 07:20 AM +0530 அரசுப் போக்குவரத்துக் கழகம் சார்பில் 18 புதிய பேருந்துகள் வெள்ளிக்கிழமை இயக்கப்பட்டன.
இந்நிகழ்ச்சிக்கு மாவட்ட ஆட்சியர் கே.எஸ்.பழனிசாமி முன்னிலை வகித்தார். கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் கொடியசைத்து புதிய பேருந்துகள் போக்குவரத்தைத் தொடக்கிவைத்தார்.
இதில், அரசு போக்குவரத்துக் கழகத்தின் திருப்பூர் மண்டலம் சார்பில், திருப்பூர் 1, 2, பல்லடம், காங்கயம், தாராபுரம், உடுமலைப்பேட்டை, பழனி 1,2 ஆகிய கிளைகளின் சார்பில் திருப்பூர் - உடுமலைப்பேட்டை, திருச்செந்தூர், செங்கோட்டை, அறந்தாங்கி, பட்டுக்கோட்டை, கோயம்புத்தூர், மதுரை, அந்தியூர், கரூர், திருச்சி, கும்பகோணம், ஈரோடு, கடலூர் ஆகிய 18 புறநகர் பேருந்துகள் இயக்கப்பட்டன. 
இந்நிகழ்ச்சியில், மாநகரக் காவல் ஆணையர் மனோகரன், காங்கயம் சட்டப் பேரவை உறுப்பினர் உ. தனியரசு, அரசு போக்குவரத்துக்கழகத்தின் திருப்பூர் மண்டலப் பொது மேலாளர் கோவிந்தராஜ், துணை மேலாளர்கள் முத்துகிருஷ்ணன் (வணிகம்), வேலுசாமி (தொழில்நுட்பம்) உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/13/திருப்பூரில்-18-புதிய-பேருந்துகள்-இயக்கம்-3019262.html
3018529 கோயம்புத்தூர் திருப்பூர் படைப் புழு தாக்குதலை கட்டுப்படுத்த விவசாயிகளுக்கு செயல்விளக்க முகாம் DIN DIN Friday, October 12, 2018 01:49 AM +0530 மக்காச்சோளப் பயிர்களை தாக்கும் படைப் புழுக்களை கட்டுப்படுத்துவது குறித்து விவசாயிகளுக்கான பயிற்சி முகாம் வியாழக்கிழமை நடைபெற்றது.
தமிழ்நாடு வேளாண் பல்கலைக் கழக மாணவர்கள் கிராம தங்கல் திட்டத்தின் கீழ் உடுமலை வட்டம், ஜல்லிபட்டி கிராமத்தில் தங்கியுள்ளனர். மேலும் சுற்று வட்டார கிராமங்களுக்கும் சென்று களப் பணியாற்றி வருகின்றனர். இதன் ஒரு பகுதியாக உடுமலையை அடுத்துள்ள சின்னக்குமாரபாளையம் கிராமத்தில் விவசாயிகளுக்கு செயல் விளக்க பயிற்சி முகாம் வியாழக்கிழமை நடைபெற்றது. 
இதில் மக்காச்சோளப் பயிர்களை தாக்கும் படைப் புழுக்களை கட்டுப்படுத்துவது குறித்து களப் பயிற்சிகள் விவசாயிகளுக்கு வழங்கப்பட்டது. இந்த புழுக்கள் வட அமெரிக்காவில் இருந்து இந்தியாவுக்குள் வந்தது என்பதும், எந்த செயற்கை பூச்சிக் கொள்ளிக்கும் இந்த புழுக்கள் கட்டுப்படாது என்பது குறித்தும் விவசாயிகளுக்கு அப்போது விளக்கிக் கூறப்பட்டது. இதனால் இந்த புழுக்களின் இனப் பெருக்கத்தைக் கட்டுப்படுத்த மண் கரைசலை பயிர்களின் குருத்தில் ஊற்ற வேண்டும் என வேளாண்துறையால் வழங்கப்பட்ட அறிவுரைகளை விவசாயிகளுக்கு மாணவர்கள் எடுத்துக் கூறினர். மேலும் செயல் விளக்கமும் அளித்தனர்.
 

]]>
http://www.dinamani.com/all-editions/edition-coimbatore/tiruppur/2018/oct/12/படைப்-புழு-தாக்குதலை-கட்டுப்படுத்த-விவசாயிகளுக்கு-செயல்விளக்க-முகாம்-3018529.html
3018528 கோயம்புத்தூர் திருப்பூர் தந்தை பெரியார் விருது பெற விண்ணப்பிக்கலாம் DIN DIN Friday, October 12, 2018 01:48 AM +0530 தமிழக அரசால் வழங்கப்பட்டு வரும் சமூக நீதிக்கான தந்தை பெரியார் விருது பெற தகுதியுடையோர் விண்ணப்பிக்கலாம் என திருப்பூர் மாவட்ட ஆட்சியர் கே.எஸ்.பழனிசாமி தெரிவித்துள்ளார்.
இதுகுறித்து அவர் வெளியிட்டுள்ள அறிக்கை:
ஒவ்வொரு ஆண்டும், சமூக நீதிக்காக பாடுபடுபவர்களை சிறப்பு செய்வதற்காக சமூக நீதிக்கான தந்தை பெரியார் விருது தமிழக அரசால் வழங்கப்பட்டு வருகிறது. இந்த விருதைப் பெறுவோருக்கு ஒரு லட்சம் ரூபாய் பொற்கிழியும், ஒரு பவுன் தங்கப் பதக்கமும், தகுதியுரையும் வழங்கப்பட்டு வருகிறது.
நடப்பு 2018 ஆம் ஆண்டுக்கான தமிழக அரசின் "சமூக நீதிக்கான தந்தை பெரியார் விருது' வழங்குவதற்கு உரிய விருதாளர் தேர்ந்தெடுக்கப்பட உள்ளார். எனவே, சமூக நீதிக்காக பாடுபட்டு மக்களின் வாழ்க்கைத் தரம் உயர மேற்கொள்ளப்பட்ட பணிகள் மற்றும் சாதனைகள் ஆகியவற்றுடன் விண்ணப்பதாரரின் பெயர், சுயவிவரம் மற்றும் முழு முகவரியுடன் அக்டோபர் 31க்குள் விண்ணப்பிக்கலாம் என்று தெரிவித்துள்ளார். 

]]>
http://www.dinamani.com/all-editions/edition-coimbatore/tiruppur/2018/oct/12/தந்தை-பெரியார்-விருது-பெற-விண்ணப்பிக்கலாம்-3018528.html
3018527 கோயம்புத்தூர் திருப்பூர் அரசுப் பள்ளியில் மரக்கன்றுகள் நடும் விழா DIN DIN Friday, October 12, 2018 01:48 AM +0530 பல்லடம் வே.கள்ளிப்பாளையம் அரசு மேல்நிலைப் பள்ளியில் மரக்கன்றுகள் நடும் விழா வியாழக்கிழமை நடைபெற்றது. 
வனம் இந்தியா அறக்கட்டளை கெளரவத் தலைவர் எஸ்.கே.டி. நாச்சிமுத்து, செயலாளர் ஸ்கை சுந்தரராஜ் ஆகியோர் முன்னிலை வகித்தனர். தலைமை ஆசிரியர் ஐரின்கீதா வரவேற்றார். பள்ளி வளாகத்தில் 260 மரக்கன்றுகளை நடும் பணியை பல்லடம் வட்டாட்சியர் அருணா துவக்கி வைத்தார். 
இதில் பள்ளி கல்விக் குழுத் தலைவர் கோபாலகிருஷ்ணன், வனம் இந்தியா அறக்கட்டளை அறங்காவலர்கள் கே.எம்.ஈஸ்வரமூர்த்தி, எல்.ஐ.சி.தங்கவேல், தங்கலட்சுமி, நடராஜன் உள்பட பலர் பங்கேற்றனர். விழாவில் பள்ளியில் கடந்தாண்டு நடப்பட்ட மரங்களை சிறப்பாக பராமரித்த மாணவ, மாணவியருக்கு பணி ஊக்குவிப்பு பரிசுகளை  வனம் இந்தியா பொருளாளார் பி.எம்.ஆர்.சுந்தரமூர்த்தி வழங்கினார்.  ஆசிரியர் சிவகுமார் நன்றி கூறினார்.

]]>
http://www.dinamani.com/all-editions/edition-coimbatore/tiruppur/2018/oct/12/அரசுப்-பள்ளியில்-மரக்கன்றுகள்-நடும்-விழா-3018527.html
3018526 கோயம்புத்தூர் திருப்பூர் உத்தமபாளையத்தில் நாளை இலவச மருத்துவ முகாம் DIN DIN Friday, October 12, 2018 01:47 AM +0530 வெள்ளக்கோவிலை அடுத்த உத்தமபாளையத்தில் சனிக்கிழமை  (அக்டோபர் 13) அரசு சார்பில் இலவச பொது மருத்துவ முகாம் நடைபெற உள்ளது. 
தமிழ்நாடு அரசின் பொது சுகாதாரம் மற்றும் நோய் தடுப்பு மருந்துத் துறை சார்பில் உத்தமபாளையம் ஊராட்சி ஒன்றிய ஆரம்பப் பள்ளியில் காலை 9 முதல் மாலை 4 மணி வரை இலவச மருத்துவ முகாம் நடைபெறுகிறது. காது, மூக்கு, தொண்டை, சர்க்கரை நோய், காச நோய், மூல நோய் உள்பட பல்வேறு உடல்நல பாதிப்புகளுக்குச் சிகிச்சை, ஆலோசனை, மருந்து, மாத்திரைகள் வழங்கப்படுகிறது.  வெள்ளக்கோவில் வட்டாரத் தலைமை மருத்துவர் டி.ராஜலட்சுமி தலைமையில், மருத்துவர்கள் செந்தில்குமார், சௌமியா, பிரசாத், தாமரைக் கண்ணன் உள்ளிட்டோர் சிகிச்சை அளிக்கின்றனர். 

]]>
http://www.dinamani.com/all-editions/edition-coimbatore/tiruppur/2018/oct/12/உத்தமபாளையத்தில்-நாளை-இலவச-மருத்துவ-முகாம்-3018526.html
3018525 கோயம்புத்தூர் திருப்பூர் கலாசாரத்துக்கு எதிரான தீர்ப்புகளை ரத்து செய்ய வலியுறுத்தல் DIN DIN Friday, October 12, 2018 01:47 AM +0530 கலாசாரத்துக்கு எதிரான உச்நீ திமன்றத் தீர்ப்புகளை ரத்து செய்ய வேண்டும் என தமிழர் பண்பாட்டு கலாசாரப் பேரவையினர் கோரிக்கை விடுத்துள்ளனர்.
அவிநாசி தமிழர் பண்பாட்டு கலாசாரப் பேரவை செயற்குழுக் கூட்டம் அவிநாசியில் வியாழக்கிழமை நடைபெற்றது. இதில் திருமணமான கணவன், மனைவி தகாத உறவு வைத்துக் கொள்வது தண்டனைக்குரிய குற்றமில்லை, ஓரினச் சேர்க்கை தவறில்லை, சபரிமலையில் அனைத்து வயது பெண்களும் வழிபாடு செய்யலாம் என்பன உள்ளிட்ட கலாசாரத்துக்கு எதிரான உச்ச நீதிமன்ற தீர்ப்புகளை ரத்து செய்ய வேண்டும். 
அவிநாசி பேரூராட்சியில் வீட்டு வரி 50 சதவீதமும், சொத்து வரி 100 சதவீதமும் உயர்த்தப்பட்டுள்ளதை உள்ளாட்சித் தேர்தல் வரை நிறுத்தி வைக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-coimbatore/tiruppur/2018/oct/12/கலாசாரத்துக்கு-எதிரான-தீர்ப்புகளை-ரத்து-செய்ய-வலியுறுத்தல்-3018525.html
3018524 கோயம்புத்தூர் திருப்பூர் மயில்ரங்கம் அமராவதி ஆற்றில் மணல் திருட்டைத் தடுக்க நடவடிக்கை DIN DIN Friday, October 12, 2018 01:47 AM +0530 வெள்ளக்கோவில் அருகே மயில்ரங்கம் அமராவதி ஆற்றில் மணல் திருட்டைத் தடுக்க அதிகாரிகள் வியாழக்கிழமை நடவடிக்கை மேற்கொண்டனர். 
மயில்ரங்கம் அமராவதி ஆற்றில் மணல் திருட்டு தொடர்வதாக அதிகாரிகளுக்கு புகார் சென்றது. அதில் நள்ளிரவு நேரத்தில் அமராவதி ஆற்றில் மயில்ரங்கம், ஒரத்துப்பாளையம் பகுதியில் சாக்குப் பைகளில் மணலை நிரப்பி அவற்றைப் பதிவு எண் இல்லாத டெம்போவில் ஏற்றிக் கடத்தப்படுகிறது. அருகிலுள்ள புதுப்பை, முளையாம்பூண்டி, மணலூர் பகுதிகளில் ஜேசிபி இயந்திரம் மூலம் டிப்பர் லாரிகள், டிராக்டர்களில் மணல் கடத்தல் நடைபெறுகிறது. 
 முளையாம்பூண்டி முதல் மணலூர் வரை மணல் அள்ள உச்ச நீதிமன்றம் தடை விதித்துள்ளது. இருப்பினும் ஆளும் கட்சி, எதிர்க்கட்சியினர் ஒன்று சேர்ந்து மணல் திருட்டில் தொடர்ந்து ஈடுபட்டு வருகின்றனர். இதைத் தடுத்து நிறுத்த வேண்டும் என அதில் தெரிவிக்கப்பட்டது. 
இதையடுத்து தாராபுரம் வட்டாட்சியர் சிவகுமார், காங்கயம் வட்டாட்சியர் மகேஷ்வரன் ஆகியோர் குறிப்பிடப்பட்ட இடத்துக்குச் சென்று ஆய்வு செய்தனர். அப்போது மணல் நிரப்பி வைக்கப்பட்டிருந்த 14 சாக்குப் பைகள் கண்டுபிடிக்கப்பட்டன.
இதைத் தொடர்ந்து மயில்ரங்கம் அருகே ஆற்றுப் படுகையில் வாகனங்கள் செல்ல முடியாதவாறு இயந்திரம் மூலம் குழி வெட்டப்பட்டது. சாக்குப் பைகளில் இருந்த மணல் மீண்டும் ஆற்றில் கொட்டப்பட்டது. திருட்டைத் தடுக்க தொடர்ந்து நடவடிக்கை எடுக்கப்படும் என அதிகாரிகள் தெரிவித்தனர். வெள்ளக்கோவில் பகுதி காவல் துறையினர், வருவாய்த் துறை அதிகாரிகள் உடனிருந்தனர். 

]]>
http://www.dinamani.com/all-editions/edition-coimbatore/tiruppur/2018/oct/12/மயில்ரங்கம்-அமராவதி-ஆற்றில்-மணல்-திருட்டைத்-தடுக்க-நடவடிக்கை-3018524.html
3018523 கோயம்புத்தூர் திருப்பூர் சொத்து வரி உயர்வை திரும்பப் பெறாவிட்டால் நீதிமன்றத்தில் வழக்கு: கம்யூனிஸ்ட் கட்சிகள் முடிவு DIN DIN Friday, October 12, 2018 01:46 AM +0530 சொத்து வரி உயர்வை திருப்பூர் மாநகராட்சி திரும்பப் பெறாவிட்டால் நீதிமன்றத்தில் வழக்கு  தொடரப்படும் என இந்தியக் கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சியினர் அறிவித்துள்ளனர்.
இதுகுறித்து இந்திய கம்யூனிஸ்ட் கட்சியின் மாவட்டச் செயலாளர் ரவி திருப்பூரில் செய்தியாளர்களிடம் வியாழக்கிழமை கூறியதாவது: 
திருப்பூர் மாநகராட்சியில் வசிக்கும் மக்கள் சொத்து வரி உயர்வால் பாதிக்கப்பட்டு வருகின்றனர். வரிசீராய்வு என்ற பெயரில் 2017ஆம் ஆண்டு இறுதியில் எவ்வித ஆய்வும் மேற்கொள்ளாமல் சொத்துவரியை உயர்த்தி உள்ளனர். கடந்த பிப்ரவரி மாதம் பொதுமக்கள் சொத்துவரியைச் செலுத்தத் சென்றபோது, டிமான்ட் நோட்டீஸ் (கேட்பு அறிவிப்பு) எதுவும் வெளியிடாமல் சத்தமின்றி  பல மடங்கு வரியை உயர்த்தினர்.  
சொத்தின்அரசு மதிப்பை விட கூடுதலாக சொத்து வரியை திருப்பூர் மாநகராட்சி நிர்வாகம் விதித்துள்ளது. இது 20,000 சதவீதம் அதிமாகும்.  பிப்ரவரி மாதம் மாநகராட்சியை முற்றுகையிட்டபோது அங்கு வந்து பேசிய உதவி ஆணையர் சந்தான நாராயணன், உயர்த்திய வரியை யாரும் கட்ட வேண்டியதில்லை. வரி உயர்வுக்கான டிமான்ட் நோட்டீஸ் இனி யாருக்கும் வழங்கமாட்டோம் என்று அறிவித்தார். ஆனால்  மீண்டும் டிமான்ட் நோட்டீஸ் வழங்கி சொத்துவரியைக் கட்டச்சொல்லி மாநகராட்சி நிர்வாகம் வற்புறுத்துகிறது. 
மேலும், குடிநீர் குழாய் இணைப்பு துண்டிப்பு உள்பட பல்வேறு நடவடிக்கைகளில் மாநகராட்சி இறங்குகிறது. வரி உயர்வை உடனடியாக ரத்து செய்ய வேண்டும். இல்லாவிட்டால் மாநகரில்  பாதிக்கப்பட்ட பல்லாயிரக்கணக்கானோரிடம்  ஆட்சேபனை மனுக்களை பெற்று நீதிமன்றத்தில் விரைவில் வழக்கு தொடரப்படும் என்றார். 
மார்க்சிஸ்ட் கம்யூனிஸ்ட் கட்சி சார்பில்...: இதேபோல் மார்க்சிஸ்ட் கம்யூனிஸ்ட் கட்சியின் திருப்பூர் மாவட்ட செயற்குழுக் கூட்டம் வியாழக்கிழமை நடைபெற்றது. இதற்கு  மாநிலக் குழு உறுப்பினர் கே.காமராஜ் தலைமை வகித்தார். மாநில செயற்குழு உறுப்பினர் என்.குணசேகரன், மாவட்டச் செயலாளர் செ.முத்துக்கண்ணன் உள்பட மாவட்ட செயற்குழு உறுப்பினர்கள் கலந்து கொண்டனர்.
இதில், திருப்பூர் மாநகராட்சியில் அநியாயமான முறையில் சொத்து வரி உயர்த்தப்பட்டுள்ளது. சட்டத்துக்குப் புறம்பாக இரண்டு விதமான வரி விதிக்கப்பட்டிருக்கிறது. இதை மாநகராட்சி நிர்வாகம் உடனடியாக கைவிட வேண்டும். இல்லாவிட்டால் போராட்டம் நடத்துவது, மேலும் சொத்து வரி விதிப்புக்கு எதிராக நீதிமன்றத்தில் வழக்குத் தொடர்ந்து சட்டரீதியான போராட்டத்தை நடத்துவது என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-coimbatore/tiruppur/2018/oct/12/சொத்து-வரி-உயர்வை-திரும்பப்-பெறாவிட்டால்-நீதிமன்றத்தில்-வழக்கு-கம்யூனிஸ்ட்-கட்சிகள்-முடிவு-3018523.html
3018522 கோயம்புத்தூர் திருப்பூர் முறைகேடாக இயங்கும் மதுக்கூடங்களை அகற்றக் கோரி மனு DIN DIN Friday, October 12, 2018 01:44 AM +0530 திருப்பூர் மாவட்டத்தில் முறைகேடாக இயங்கும் 139 மதுக்கூடங்களை அகற்ற நடவடிக்கை எடுக்கக் கோரி  மாவட்ட நிர்வாகத்திடம் டாஸ்மாக் ஊழியர்கள் சங்கத்தினர்(சிஐடியூ) புதன்கிழமை மனு அளித்தனர்.
சங்கத்தின் மாவட்டச் செயலாளர் அன்பு,  மாவட்டத் தலைவர் எம்.ஆறுமுகம் ஆகியோர் தலைமையில் டாஸ்மாக் ஊழியர்கள் அளித்த மனுவில் கூறியிருப்பது:
திருப்பூர்,  உடுமலைப்பேட்டை, தாராபுரம், காங்கயம், அவிநாசி, பல்லடம், ஊத்துக்குளி, வெள்ளகோவில், முத்தூர், மூலனூர் உள்ளிட்ட நகரங்களில் உள்ள  238 டாஸ்மாக் மதுபானக் கடைகளில்  இணைந்து செயல்பட்டு வரும் 97 மதுபானக்கூடங்கள் தவிர, மீதமுள்ள 139 மதுக்கூடங்கள் அனுமதிக்கப்பட்ட காலத்துக்கும் மேலாக, புதுப்பிக்கப்படாமல் சட்டத்துக்கு புறம்பாக இயங்கி வரும் நிலை தொடர்ந்து நீடிக்கிறது. 
இத்தகைய மதுக்கூடங்களால் அரசுக்கு எவ்வித வருமானமும் இல்லாமல், தனி நபர்களுக்கு வருமானம் சேர்க்கும் வகையில் உள்ளது. சட்டத்துக்கு புறம்பாக இயங்கி வரும் 139 மதுக்கூடங்களை மாவட்ட நிர்வாகம் தயக்கமின்றி அகற்ற வேண்டும் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/oct/12/முறைகேடாக-இயங்கும்மதுக்கூடங்களை-அகற்றக்-கோரி-மனு-3018522.html
3018521 கோயம்புத்தூர் திருப்பூர் கணித கருத்தரங்கம் DIN DIN Friday, October 12, 2018 01:44 AM +0530 உடுமலை எஸ்கேபி மேல்நிலைப் பள்ளியில் மாவட்ட அளவிலான கணித கருத்தரங்கம் வியாழக்கிழமை நடைபெற்றது.
திருப்பூர் மாவட்ட முதன்மை கல்வி அலுவலர் சாந்தி தலைமை வகித்தார். தலைமை ஆசிரியர் கே.டி.பூரணி முன்னிலை வகித்தார். பெதப்பம்பட்டி அரசு மேல் நிலைப் பள்ளி தலைமை ஆசிரியர் அப்துல் காதர் வரவேற்றார். உடுமலை வருவாய்க் கோட்டாட்சியர் எஸ்.அசோகன் சிறப்பு விருந்தினராக கலந்து கொண்டு பேசினார். 
கருத்தரங்கில் பேசி சிறப்பிடம் பெற்ற மாணவ, மாணவியர் மாநில அளவிலான கருத்தரங்கில் கலந்து கொள்ள தேர்வு செய்யப்பட்டனர். 

]]>
http://www.dinamani.com/all-editions/edition-coimbatore/tiruppur/2018/oct/12/கணித-கருத்தரங்கம்-3018521.html
3018520 கோயம்புத்தூர் திருப்பூர் ஜல்லிபட்டியில் சொட்டுநீர் பாசனப் பயிற்சி DIN DIN Friday, October 12, 2018 01:44 AM +0530 உடுமலையை அடுத்துள்ள ஜல்லிபட்டி கிராமத்தில் சொட்டு நீர்ப் பாசனம் குறித்த கள பயிற்சி செவ்வாய்க்கிழமை நடைபெற்றது.
தமிழ்நாடு வேளாண் பல்கலைக் கழக மாணவர்கள், கிராமத் தங்கல் திட்டத்தின் கீழ் உடுமலை மற்றும் அதன் சுற்று வட்டார கிராமங்களில் களப் பயிற்சி பெற்று வருகின்றனர். 
இதில், பண்ணை இயந்திரமாக்கல், அட்மா திட்டம், பயிர் வளர்ப்பு முறைகள், பயிர்களைத் தாக்கும் நோய்கள் மற்றும் பூச்சிகளைப் பற்றிய விவரங்கள், மண்வளம் சார்ந்த விஷயங்கள் ஆகியவை குறித்து தோட்டங்களுக்குச் சென்று விவசாயிகளிடம் இருந்து நேரடியாகப் பயிற்சி பெற்று வருகின்றனர். 
இந்நிலையில், தண்ணீர் பற்றாக்குறை அதிகரித்து வரும் தற்போதையச் சூழ்நிலையில் சொட்டு நீர்ப் பாசனம் குறித்தும் அதன் தேவைகள் குறித்தும் விவசாயிகளுக்கு நேரடியாக விளக்கங்கள் அளித்தனர். இதில், வேளாண் கல்லூரி மாணவ, மாணவிகள் பலர் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/12/ஜல்லிபட்டியில்-சொட்டுநீர்-பாசனப்-பயிற்சி-3018520.html
3018519 கோயம்புத்தூர் திருப்பூர் வீட்டின் கதவை உடைத்து ரூ.3 லட்சம் மதிப்பு நகை, பணம் திருட்டு DIN DIN Friday, October 12, 2018 01:43 AM +0530 காங்கயம் அருகே வீட்டின் கதவை உடைத்து 14 பவுன் நகை மற்றும் ரூ.28 ஆயிரத்தை மர்ம நபர்கள் திருடிச் சென்றனர்.
காங்கயம் அருகே, திருப்பூர் சாலையில் ஜெஜெ நகரில் உள்ள தனியார் பெண்கள் கல்லூரியின் பின்புறம் உள்ள குடியிருப்பில் வசித்து வருபவர் ரமேஷ் (40). இவர் குண்டடம் நான்கு ரோட்டில் உள்ள ஒரு பனியன் கம்பெனியில் வேலை பார்த்து வருகிறார். இவர் வழக்கம் போல வியாழக்கிழமை வேலைக்கு சென்று விட்டார். வீட்டில் ரமேஷின் மனைவி அன்புசெல்வி மட்டும் இருந்துள்ளார்.
இந்நிலையில், அவர் காங்கயம் சென்று விட்டு மாலை 4.30 மணிக்கு வீட்டுக்கு வந்தபோது வீட்டின் கதவு உடைக்கப்பட்டிருப்பது அதிர்ச்சியடைந்தார். வீட்டுக்குள் சென்று பார்த்த போது பீரோ திறக்கப்பட்டு, அதில் இருந்த 14 பவுன் நகை மற்றும் ரூ.28 ஆயிரம் ஆகியவை திருடுபோயிருப்பது தெரிந்தது. இதன் மதிப்பு ரூ .3 லட்சம் ஆகும். 
இதையடுத்து காங்கயம் போலீஸாருக்கு  தகவல் தெரிவிக்கப்பட்டது. காவல் ஆய்வாளர் முருகேசன் தலைமையிலான போலீஸார் சம்பவம் நடந்த வீட்டுக்குச் சென்று விசாரணை நடத்தினார்.

]]>
http://www.dinamani.com/all-editions/edition-coimbatore/tiruppur/2018/oct/12/வீட்டின்-கதவை-உடைத்து-ரூ3-லட்சம்-மதிப்பு-நகை-பணம்-திருட்டு-3018519.html
3017866 கோயம்புத்தூர் திருப்பூர் அமராவதி நகர் சைனிக் பள்ளி மாணவர் சேர்க்கை அறிவிப்பு DIN DIN Thursday, October 11, 2018 05:49 AM +0530 உடுமலையை அடுத்த அமராவதி நகரில் உள்ள சைனிக் பள்ளியில் 2019-20ஆம் ஆண்டுக்கான மாணவர் சேர்க்கை அறிவிப்பு வெளியிடப்பட்டுள்ளது.
இது குறித்து பள்ளி நிர்வாகம் வெளியிட்டுள்ள செய்திக் குறிப்பு:
அமராவதி நகர் சைனிக் பள்ளியில் 2019-2020 ஆம் கல்வி ஆண்டில் 6 மற்றும் 9ஆம் வகுப்பில் மாணவர் சேர்க்கைக்கான விண்ணப்பங்கள் வரவேற்கப்படுகின்றன. 6ஆம் வகுப்பில்  2019 மார்ச் 31 நிலவரப்படி 10 வயது முதல் 12 வயதுக்குள் இருக்க வேண்டும். (1-4-2007 இருந்து 31-3-2009 ஆம் தேதிக்குள் பிறந்திருக்க வேண்டும்). இந்த மாணவர்கள் மட்டுமே 6ஆம் வகுப்பில் சேர முடியும்.
மேலும், 9 ஆம் வகுப்புக்கு 31 மார்ச் 2019 அன்று 13 வயது முதல் 15 வயது உடையவர்களாக இருக்க வேண்டும். (1-4-2004 முதல் 31-3-2006க்குள் பிறந்திருக்க வேண்டும்) அங்கீகாரம் பெற்ற பள்ளியில் 8 ஆம் வகுப்பில் படித்துக் கொண்டிருக்கும் மாணவர்கள் மட்டுமே 9ஆம் வகுப்பில் சேர முடியும்.
பெற்றோர்களின் மாத வருமான அடிப்படையில் ரூ. 50 ஆயிரம் வரை மத்திய, மாநில அரசு களின் உதவித் தொகை வரையறுக்கப்பட்ட விதிமுறைகளின்படி வழங்கப்படும்.  6ஆம் வகுப்பு நுழைவுத் தேர்வு மையங்கள் அமராவதி நகர், புதுச்சேரி,  9 ஆம் வகுப்பு வகுப்பு நுழைவுத் தேர்வு மையங்கள் உடுமலை, புதுச்சேரி, சென்னையில் அமைக்கப்பட்டுள்ளன.   விளக்கக் குறிப்பேடும், விண்ணப்பப் படிவமும் பெற விரும்புவர்கள் பொதுப் பிரிவு மற்றும் படைத் துறையைச் சேர்ந்தவர்கள் ரூ.400, தாழ்த்தப்பட்ட இனத்தவர் மற்றும் பழங்குடி வகுப்பினர்  ரூ.250 செலுத்தி பெற்றுக் கொள்ளலாம். முதல்வர், சைனிக் பள்ளி அமராவதி நகர் என்ற பெயரில் வரைவோலை (டிடி) எடுத்து அனுப்ப வேண்டும்.  எந்த வகுப்பு, எந்தப் பிரிவினர் என்பதை தெளிவாகக் குறிப்பிட வேண்டும்.  விண்ணப்பமும், குறிப்பேடும் நவம்பர் 26ஆம் தேதி வரை வழங்கப்படும். மேலும் இணையதளத்திலும் விண்ணப்பப் படிவங்களை முழுமையாக பூர்த்தி செய்து அனுப்பலாம். விவரங்களுக்கு 04252-256246 என்ற தொலைபேசி எண்ணில் தொடர்பு கொள்ளலாம். 
 

]]>
http://www.dinamani.com/all-editions/edition-coimbatore/tiruppur/2018/oct/11/அமராவதி-நகர்-சைனிக்-பள்ளி-மாணவர்-சேர்க்கை-அறிவிப்பு-3017866.html
3017865 கோயம்புத்தூர் திருப்பூர் வெள்ளக்கோவிலில் கொசு மருந்து தெளிக்கும் பணி தீவிரம் DIN DIN Thursday, October 11, 2018 05:48 AM +0530 வெள்ளக்கோவில் நகராட்சி சார்பில் கொசு மருந்து தெளிக்கும் பணி தீவிரமாக நடைபெற்று வருகிறது.
வெள்ளக்கோவிலில் மொத்தம் 21 வார்டுகள் உள்ளன. தற்போதைய வடகிழக்குப் பருவமழை காலத்தில் பள்ளமான பகுதிகள், கழிவுநீர் ஓடைகள், சாக்கடைகளில் மழைநீர் தேங்கிக் காணப்படுகிறது. இதனால் கொசுத் தொல்லை அதிகரித்துள்ளதாக பொது மக்கள் புகார் தெரிவித்துள்ளனர்.
இதையடுத்து, கொசுக்களை ஒழிக்க புகை மருந்து அடிக்கும் பணியை நகராட்சி நிர்வாகம் துவங்கியுள்ளது. இதர சுகாதாரப் பணிகளும் வேகமாக நடைபெற்று வருகின்றன. சுழற்சி முறையில் ஒவ்வொரு வார்டுகளிலும் சாக்கடை, திறந்த வெளியிடங்கள், குப்பை மேடுகள் மற்றும் இறைச்சிக் கடைகள், உணவகங்களின் சுற்றுப் பகுதிகளில் பணியாளர்கள் புகை மருந்து அடித்து வருகின்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/வெள்ளக்கோவிலில்-கொசு-மருந்து-தெளிக்கும்-பணி-தீவிரம்-3017865.html
3017864 கோயம்புத்தூர் திருப்பூர் கிறிஸ்துவ தேவாலயங்கள் நிதி பெற மாவட்ட நிர்வாகம் அழைப்பு DIN DIN Thursday, October 11, 2018 05:47 AM +0530 தமிழகத்தில் சொந்தக் கட்டடங்களில் இயங்கும் கிறிஸ்தவ தேவாலயங்களில் பழுது பார்த்தல் மற்றும் சீரமைத்தல் பணிகளை மேற்கொள்ள நடப்பு ஆண்டில் (2018-19) அரசு நிதி வழங்க உள்ளது.
இந்த நிதியைப் பெறுவதற்கு தேவாலயங்கள் 10 ஆண்டுகளுக்கு மேலாக சொந்தக் கட்டடத்தில் இயங்கியிருக்க வேண்டும். தேவாலயத்தைப் பதிவு செய்திருக்க வேண்டும். வெளிநாட்டில் இருந்து எந்த நிதியுதவியும் பெற்றிருக்கக் கூடாது. ஒரு முறை நிதி பெற்ற தேவாலயத்துக்கு 5 ஆண்டுகளுக்கு பின்னர்தான் நிதி உதவி வழங்கப்படும். 
இதற்கான நிதியைப் பெற விரும்புவோர்  உரிய ஆவணங்களுடன் ஆட்சியர் அலுவலகத்தில் விண்ணப்பிக்க வேண்டும் என ஆட்சியர் கே.எஸ்.பழனிசாமி தெரிவித்துள்ளார்.

]]>
http://www.dinamani.com/all-editions/edition-coimbatore/tiruppur/2018/oct/11/கிறிஸ்துவ-தேவாலயங்கள்-நிதி-பெற-மாவட்ட-நிர்வாகம்-அழைப்பு-3017864.html
3017863 கோயம்புத்தூர் திருப்பூர் ஊரக வளர்ச்சித் துறை அலுவலர்கள் சங்கம் ஆர்ப்பாட்டம் DIN DIN Thursday, October 11, 2018 05:47 AM +0530 அரசு திட்டப் பணிகளை நிறைவேற்ற உரிய கால அவகாசம் வழங்க வேண்டும் என்பது உள்ளிட்ட கோரிக்கைகளை வலியுறுத்தி ஊரக வளர்ச்சித் துறை அலுவலர்கள் சங்கத்தினர் திருப்பூரில் புதன்கிழமை ஆர்ப்பாட்டத்தில் ஈடுபட்டனர்.
தமிழ்நாடு ஊரக வளர்ச்சித் துறை அலுவலர்கள் சங்கம் சார்பில் நடைபெற்ற ஆர்ப்பாட்டத்துக்கு மாவட்டத் தலைவர் ஆர்.ஞானசேகரன் தலைமை வகித்தார். வருவாய்த் துறை அலுவலர் சங்க மாவட்டச் செயலாளர் ச.முருகதாஸ், அரசு ஊழியர் சங்க மாநிலத் துணைத் தலைவர் ஞானத்தம்பி, அரசு அனைத்துத் துறை ஓய்வூதியர்கள் சங்க  மாவட்டத் தலைவர் க.சண்முகம் ஆகியோர் முன்னிலை வகித்தனர்.
மாவட்டச் செயலாளர் பி.செந்தில்குமார் விளக்கவுரையாற்றினார். இதில், ஊழியர் விரோதப் போக்கை புதுக்கோட்டை ஊரக வளர்ச்சி முகமை திட்ட இயக்குநர் கைவிட வேண்டும். அரசு திட்டப் பணிகளை நிறைவேற்ற உரிய கால அவகாசம் வழங்க வேண்டும். வளர்ச்சித் துறை பணிகளை பிற துறை அலுவலர்களை வைத்து கள ஆய்வுக்கு உள்படுத்துவதை கைவிட வேண்டும். மகாத்மா காந்தி தேசிய ஊரக வேலைவாய்ப்பு உறுதி அளிப்பு திட்டசெயல்பாடுகளில் கோவை மற்றும் திருச்சி  மாவட்ட ஊழியர்கள் மீதான ஒழுங்கு நடவடிக்கைகளை கைவிட வேண்டும்  என்பன உள்ளிட்ட கோரிக்கைகள் வலியுறுத்தப்பட்டன.

]]>
http://www.dinamani.com/all-editions/edition-coimbatore/tiruppur/2018/oct/11/ஊரக-வளர்ச்சித்-துறை-அலுவலர்கள்-சங்கம்-ஆர்ப்பாட்டம்-3017863.html
3017862 கோயம்புத்தூர் திருப்பூர் வீட்டுமனை வரன்முறை கட்டணத்தைக் குறைக்க கோரிக்கை DIN DIN Thursday, October 11, 2018 05:47 AM +0530 வீட்டுமனை வரன்முறைக் கட்டணத்தைக் குறைக்க வேண்டுமென வலியுறுத்தப்பட்டுள்ளது.
கடந்த 2016 அக்டோபர் 26 ஆம் தேதிக்கு முன் பத்திரப்பதிவு செய்யப்பட்ட, அனுமதி பெறாத வீட்டு மனைகள், மனைப் பிரிவுகளை வரன்முறைப்படுத்தும் திட்டம் 2017இல் அரசால் அறிவிக்கப்பட்டது. வரன்முறைப்படுத்த ஆரம்பத்தில் சதுரடிக்கு 2 ரூபாயாக இருந்த கட்டணம் தற்போது பேரூராட்சி, ஊராட்சி, நகராட்சி, மாநகராட்சியைப் பொருத்து 33 ரூபாய் வரை உயர்த்தப்பட்டுள்ளது. இதனால், வீட்டு மனைகள், மனைப் பிரிவுகளை வரன்முறைப்படுத்துவதில் சம்பந்தப்பட்டவர்கள் ஆர்வம் காட்டாமல் உள்ளனர். இதற்கான காலக்கெடு பலமுறை நீட்டிக்கப்பட்ட நிலையில் தற்போது நவம்பர் 3 ஆம் தேதி இறுதி நாள் என அறிவிக்கப்பட்டுள்ளது. 
வெள்ளக்கோவில் நகராட்சியில் இதுவரை  155 விண்ணப்பங்கள் மட்டுமே பொது மக்களால் அளிக்கப்பட்டுள்ளன.  எனவே, வரன்முறைப்படுத்துவதற்கான கட்டணத்தைக் குறைக்க வேண்டும் என பொது மக்கள் வலியுறுத்தி உள்ளனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/வீட்டுமனை-வரன்முறை-கட்டணத்தைக்-குறைக்க-கோரிக்கை-3017862.html
3017861 கோயம்புத்தூர் திருப்பூர் பூலாங்கிணறு பகுதியில் அக்டோபர் 12 மின்தடை DIN DIN Thursday, October 11, 2018 05:46 AM +0530 உடுமலையை அடுத்துள்ள பூலாங்கிணறு துணை மின் நிலையத்தில் பராமரிப்புப் பணிகளுக்காக அக்டோபர் 12ஆம் தேதி (வெள்ளிக்கிழமை) காலை 9 மணி முதல் மாலை 5 மணி வரை மின் நிறுத்தம் செய்யப்பட உள்ளது.
எனவே, கீழ்க்கண்ட கிராமங்களில் மின்சாரம் இருக்காது என மின் வாரிய செயற்பொறியாளர் சி.சதீஷ்குமார் அறிவித்துள்ளார். 
பாப்பனூத்து, வாளவாடி, தளி, குறிச்சிக்கோட்டை, திருமூர்த்தி நகர், மொடக்குப்பட்டி, ஆர். வேலூர், சுண்டக்காம்பாளையம், பூலாங்கிணறு, அந்தியூர், கோமங்கலம், சடைய பாளையம், சீலக்காம்பட்டி, பண்ணைக்கிணறு, கோலார்பட்டி, சங்கம்பாளை யம், கஞ்சம்பட்டி, விளாமர த்துப்பட்டி, உடுக்கம்பாளையம், குண்டலப்பட்டி, லட்சுமாபுரம், தென்குமாரபாளையம் ஆகிய கிராமங்களில் மின்தடை ஏற்படும் எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/tiruppur/2018/oct/11/பூலாங்கிணறு-பகுதியில்-அக்டோபர்-12-மின்தடை-3017861.html
3017860 கோயம்புத்தூர் திருப்பூர் விளைநிலங்கள் வழியாக மின்கோபுரம்: விவசாயிகள் காத்திருப்புப் போராட்டம் நடத்த முடிவு DIN DIN Thursday, October 11, 2018 05:46 AM +0530 தமிழகத்தில் விளைநிலங்களின் வழியாக மின்கோபுரப் பாதை அமைக்க எதிர்ப்புத் தெரிவித்து வரும் 22ஆம் தேதி 8 இடங்களில் விவசாயிகள் காத்திருப்புப் போராட்டம் நடத்த இருப்பதாக விவசாய சங்க கூட்டமைப்பினர் புதன்கிழமை அறிவித்துள்ளனர். 
திருப்பூர் மாவட்டம், பல்லடத்தில், விளைநிலங்கள் வழியாக மின்கோபுரப் பாதை அமைக்க எதிர்ப்புத் தெரிவித்து பாதிக்கப்படும் விவசாயிகள், விவசாய சங்கங்கள் சார்பில் ஆலோசனைக் கூட்டம் புதன்கிழமை நடைபெற்றது. 
தமிழ்நாடு விவசாயிகள் பாதுகாப்பு சங்கத் தலைவர் கொங்கு ராஜாமணி தலைமை வகித்தார். வாவிபாளையம் ஊராட்சி முன்னாள் தலைவர் பார்த்தசாரதி, வழக்குரைஞர் ஈசன் ஆகியோர் முன்னிலை வகித்தனர். 
இதில்,  மாவட்ட காங்கிரஸ் துணைத் தலைவர் காட்டூர் வெங்கடாசலம், தமிழக விவசாயிகள் சங்க மாவட்டச் செயலாளர் குமார், கட்சி சார்பற்ற தமிழக விவசாயிகள் சங்க மாவட்டத் தலைவர் ஈஸ்வரன், விவசாயிகள் சங்கத் தலைவர் தாராபுரம் காளிமுத்து, ஏர்முனை அமைப்புச் செயலாளர் சுரேஷ்  உள்பட பலர் 
பங்கேற்றனர்.
இதில், விளைநிலங்களின் வழியாக உயர் மின்கோபுரப் பாதை அமைத்து மின்சாரம் கொண்டு சென்றால் விவசாயிகளின் வாழ்வாதாரம் முழுமையாக பாதிக்கப்படும். கேரளத்தில் உள்ளதைபோல சாலையோரம் கேபிள் மூலம் மின்பாதை அமைத்து மின்சாரம் கொண்டு செல்ல வேண்டும்.
விளைநிலத்தின் வழியாக மின்கோபுரப் பாதை அமைக்கக் கூடாது என்பதை வலியுறுத்தி தமிழகத்தில் வரும் 22ஆம் தேதி ( திங்கள்கிழமை) வி.கள்ளிப்பாளையம் (திருப்பூர்), சுல்தான்பேட்டை (கோவை),  மேட்டுக்கடை (ஈரோடு), படைவீடு (நாமக்கல்), வாழப்பாடி (சேலம்), கிளிப்பட்டு (திருவண்ணாமலை), ஆற்காடு (வேலூர்), பென்னாகரம் (தருமபுரி) 8 ஆகிய இடங்களில் விவசாயிகள் சார்பில் காத்திருப்பு தொடர் போராட்டம்  நடத்துவது என கூட்டத்தில் முடிவு செய்யப்பட்டுள்ளதாக விவசாயிகள் தெரிவித்தனர்.

]]>
http://www.dinamani.com/all-editions/edition-coimbatore/tiruppur/2018/oct/11/விளைநிலங்கள்-வழியாக-மின்கோபுரம்விவசாயிகள்-காத்திருப்புப்-போராட்டம்-நடத்த-முடிவு-3017860.html
3017859 கோயம்புத்தூர் திருப்பூர் இருசக்கர வாகனம் மோதி  தொழிலாளி சாவு DIN DIN Thursday, October 11, 2018 05:46 AM +0530 வெள்ளக்கோவிலை அடுத்த முத்தூர் அருகே இருசக்கர  வாகனம் மோதியதில் காயமடைந்த ஹோட்டல் தொழிலாளி செவ்வாய்க்கிழமை உயிரிழந்தார்.
 நாமக்கல் மாவட்டம், ராசிபுரம், வெண்ணந்தூரைச் சேர்ந்தவர் முருகேசன் (48). இவர் தற்போது வெள்ளக்கோவிலை அடுத்து முத்தூரில் தங்கியிருந்து, பேருந்து நிலையம் அருகிலுள்ள ஒரு ஹோட்டலில் வேலை செய்து வந்தார்.
 இவர், முத்தூர் - காங்கயம் சாலையில், பேரூராட்சி அலுவலகம் அருகே அக்டோபர் 5ஆம் தேதி சாலையைக் கடந்துள்ளார். அப்போது அவ்வழியே வந்த இருசக்கர வாகனம் மோதியதில் பலத்த காயமடைந்து, சிகிச்சைக்காக கோவை அரசு மருத்துவமனையில் அனுமதிக்கப்பட்டிருந்தார். ஆனால், அங்கு அவர் செவ்வாய்க்கிழமை உயிரிழந்தார். 
இதையடுத்து, இருசக்கர வாகனத்தை ஓட்டி வந்த உரம்புப்பாளையம் சேகர் மீது வெள்ளக்கோவில் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/இருசக்கர-வாகனம்-மோதி-தொழிலாளி-சாவு-3017859.html
3017858 கோயம்புத்தூர் திருப்பூர் சாலை விபத்தில்  பெண் சாவு DIN DIN Thursday, October 11, 2018 05:45 AM +0530 பல்லடத்தில் இருசக்கர வாகனத்தில் உடன் அமர்ந்து சென்ற பெண் தவறி விழுந்து செவ்வாய்க்கிழமை இரவு உயிரிழந்தார்.
  திண்டுக்கல் மாவட்டம், வேடசந்தூர் வட்டம், வாழைக்காய்பட்டி கிராமத்தைச் சேர்ந்தவர் கிருஷ்ணமூர்த்தி. இவரது மனைவி அனிதா. இவர்கள் குடும்பத்துடன் பல்லடம் அருகேயுள்ள குப்புசாமிநாயுடுபுரத்தில் வாடகை வீட்டில் வசித்து வந்தனர். கிருஷ்ணமூர்த்தி அதே பகுதியில் உள்ள தனியார் நூற்பாலையில் வேலை செய்து வருகிறார். 
 இந்நிலையில், இந்தத் தம்பதி இருவரும் இருசக்கர வாகனத்தில் திருப்பூருக்குச் சென்று விட்டு பல்லடம் வழியாக ஊருக்குத் திரும்பிக் கொண்டிருந்தனர். அப்போது, பல்லடம் நான்கு சாலை சந்திப்பு பகுதியில் சாலையை கடந்து செல்ல முயன்ற பூனையைப் பார்த்த கிருஷ்ணமூர்த்தி திடீரென இருசக்கர வாகனத்தை நிறுத்தியுள்ளார். இதனால், உடன் அமர்ந்து சென்ற அனிதா தவறி கிழே விழுந்துள்ளார். பலத்த காயமடைந்த அனிதா சூலூரில் உள்ள தனியார் மருத்துவமனையில் சேர்க்கப்பட்ட நிலையில் அங்கு உயிரிழந்தார்.
 இது குறித்து பல்லடம் போலீஸார் வழக்குப் பதிவு செய்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/சாலை-விபத்தில்--பெண்-சாவு-3017858.html
3017857 கோயம்புத்தூர் திருப்பூர் ரூ.17  லட்சத்துக்கு தேங்காய்ப் பருப்பு விற்பனை DIN DIN Thursday, October 11, 2018 05:45 AM +0530 வெள்ளக்கோவில் ஒழுங்குமுறை விற்பனைக் கூடத்தில் புதன்கிழமை ரூ. 17. 34 லட்சத்துக்கு தேங்காய்ப் பருப்பு ஏல விற்பனை நடைபெற்றது. 
இந்த வார ஏலத்துக்கு திருப்பூர், தாராபுரம், கரூர், லாலாப்பேட்டை,  வில்வாதம்பட்டி பகுதிகளில் இருந்து 45 விவசாயிகள் மொத்தம் 486 மூட்டைகளில் தேங்காய்ப் பருப்புகளை விற்பனைக்குக் கொண்டு வந்திருந்தனர். இவற்றின் மொத்த எடை 22,853 கிலோ. 
 காங்கயம், முத்தூர், வெள்ளக்கோவிலைச் சேர்ந்த வணிகர்கள் ஏலத்தில் கலந்து கொண்டனர். விற்பனைக்கூட கண்காணிப்பாளர் ரா.மாரியப்பன் முன்னிலையில் நடந்த ஏலத்தில் கிலோ ரூ. 52.10 முதல் ரூ. 94.65 வரை விற்பனை ஆனது. மொத்த விற்பனைத் தொகை ரூ.17 லட்சத்து 34 ஆயிரம் விவசாயிகளின் வங்கிக் கணக்குகளில் செலுத்தப்பட்டது.

]]>
http://www.dinamani.com/all-editions/edition-coimbatore/tiruppur/2018/oct/11/ரூ17--லட்சத்துக்கு-தேங்காய்ப்-பருப்பு-விற்பனை-3017857.html
3017856 கோயம்புத்தூர் திருப்பூர் குங்குமம்பாளையத்தில் குடிநீர் விநியோகம் துவக்கம் DIN DIN Thursday, October 11, 2018 05:45 AM +0530 பல்லடம் ஒன்றியம், குங்குமம்பாளையம் தாழ்த்தப்பட்டோர் காலனி, சரஸ்வதி நகரில் குடிநீர் விநியோகம் புதன்கிழமை துவக்கி வைக்கப்பட்டது.
  கணபதிபாளையம் ஊராட்சிக்கு உள்பட்ட குங்குமம்பாளையம் தாழ்த்தப்பட்டோர் காலனி, சரஸ்வதி நகரில் குடிநீர்ப் பற்றாக்குறையை போக்கிடும் வகையில் அப்பகுதியில் சட்டப் பேரவை உறுப்பினர் தொகுதி மேம்பாட்டு நிதி மற்றும் ஊராட்சி ஒன்றியப் பொது நிதி மூலம்  ரூ. 10.30 லட்சம் மதிப்பில் ஆழ்துளைக் கிணறு அமைத்து குடிநீர் விநியோகக் குழாய் விஸ்தரிப்பு செய்யப்பட்டு, மின் மோட்டார் பொருத்தப்பட்டுள்ளது.
 இந்நிலையில், குடிநீர் விநியோகத்தை சட்டப் பேரவை உறுப்பினர் கரைப்புதூர் ஏ.நடராஜன் துவக்கி வைத்தார். பல்லடம் வட்டார வளர்ச்சி அலுவலர்கள் வில்சன், கந்தசாமி, கூட்டுறவு வங்கித் தலைவர் ஏ.சித்துராஜ், ஊராட்சி முன்னாள் தலைவர் சொக்கப்பன், கரைப்புதூர் விஸ்வநாதன் உள்பட பலர் பங்கேற்றனர்.
    இதையடுத்து, பல்லடம் நகராட்சி 7ஆவது வார்டு அபிராமி நகரில் ரூ. 20 லட்சம் மதிப்பில் மழை நீர் வடிகால் கட்டும் பணியை சட்டப் பேரவை உறுப்பினர் கரைப்புதூர் ஏ.நடராஜன் துவக்கி வைத்தார். நகராட்சி ஆணையாளர் ராஜாராம், பணி மேற்பார்வையாளர் குமாரசாமி, நகராட்சி முன்னாள் தலைவர் சரளை பி.ரத்தினசாமி, கூட்டுறவு வங்கி இயக்குநர் தங்கவேல், பனப்பாளையம் லட்சுமணன் உள்பட பலர் பங்கேற்றனர்.

]]>
http://www.dinamani.com/all-editions/edition-coimbatore/tiruppur/2018/oct/11/குங்குமம்பாளையத்தில்-குடிநீர்-விநியோகம்-துவக்கம்-3017856.html
3017855 கோயம்புத்தூர் திருப்பூர் பெண்ணிடம் நகை பறித்தவருக்கு 2 ஆண்டு சிறை DIN DIN Thursday, October 11, 2018 05:45 AM +0530 அவிநாசி அருகே  இரவில் வீட்டிலிருந்து வெளியே வந்த பெண்ணிடம் நகை, செல்லிடப்பேசியைப் பறித்துச் சென்ற வழக்கில் தொடர்புடையவருக்கு 2 ஆண்டுகள் சிறைத் தண்டனை விதித்து நீதிமன்றம்  தீர்ப்பளித்தது.
அவிநாசி அருகே, அசநல்லிபாளையத்தைச் சேர்ந்தவர் பூவாத்தாள்(53).  இவர், கடந்த 2015 செப்டம்பர் 5ஆம் தேதி இரவு தனது வீட்டில் தனியாக இருந்தவர் நள்ளிரவில் வெளியே வந்துள்ளார். அப்போது வீட்டின் சுற்றுச்சுவரைத் தாண்டி உள்ளே நுழைந்த மூன்று பேர் பூவாத்தாளின் வாயைப் பொத்தி, அவர் அணிந்திருந்த நகை,  செல்லிடப்பேசி ஆகியவற்றைப் பறித்துக் கொண்டு தப்பிச் சென்றனர். 
இது குறித்து சேவூர் காவல் துறையினர் வழக்குப் பதிவு செய்து, இவ்வழக்கில் தொடர்புடைய ஈரோட்டைச் சேர்ந்த சரவணன் (43), மாரிமுத்து (எ) பாம்புக்கார ரமேஷ் (51), சேலம் மாவட்டம், ஜலகண்டாபுரத்தைச் சேர்ந்த மணிகண்டன் (38) ஆகியோரை கைது செய்தனர். 
இந்த வழக்கு விசாரணை அவிநாசி குற்றவியல் நடுவர் நீதிமன்றத்தில் நடைபெற்று வந்தது. இதற்கிடையே மணிகண்டன் உயிரிழந்தார். 
மீண்டு செவ்வாய்க்கிழமை விசாரணைக்கு வந்த இவ்வழக்கை விசாரித்த நீதிபதி ஆர். ஸ்ரீவித்யா, இவ்வழக்கில் தொடர்புடைய மாரிமுத்து (எ) பாம்புக்கார ரமேஷுக்கு 2 ஆண்டுகள் சிறைத் தண்டனை விதித்து தீர்ப்பளித்தார்.

]]>
http://www.dinamani.com/all-editions/edition-coimbatore/tiruppur/2018/oct/11/பெண்ணிடம்-நகை-பறித்தவருக்கு-2-ஆண்டு-சிறை-3017855.html
3017854 கோயம்புத்தூர் திருப்பூர் நீர் வழித்தடங்களில் ஆக்கிரமிப்புகளை அகற்ற அனைத்துத் துறை அலுவலர்களுக்கு அறிவுறுத்தல் DIN DIN Thursday, October 11, 2018 05:44 AM +0530 நீர் வழித்தடங்களில் உள்ளஆக்கிரமிப்புகளை முழுமையாக அகற்ற நடவடிக்கை மேற்கொள்ள வேண்டும் என அரசு முதன்மைச் செயலர் (கால்நடை பராமரிப்பு, பால்வளம் மற்றும் மீன்வளம்) கே.கோபால் அனைத்துத் துறை அலுவலர்களுக்கும் அறிவுறுத்தினார்.   
 திருப்பூர் மாவட்ட ஆட்சியர் அலுவலகக் கூட்ட அரங்கில் வடகிழக்குப் பருவ மழை முன்னெச்சரிக்கை நடவடிக்கைகள் குறித்து அனைத்துத் துறை அலுவலர்களுடனான ஆலோசனைக் கூட்டம், வெள்ள பாதிப்பு ஆய்வு ஆகியன செவ்வாய்க்கிழமை மாலையில் நடைபெற்றன.  
மாவட்ட ஆட்சியர் கே.எஸ்.பழனிசாமி முன்னிலை வகித்தார். திருப்பூர் மாவட்ட கண்காணிப்பு அலுவலரும், அரசு முதன்மைச் செயலருமான (கால்நடை பராமரிப்பு, பால்வளம் மற்றும் மீன்வளம்) கே.கோபால் கூறியதாவது: 
தமிழகம் முழுவதும் தற்போது மழை பெய்து வருகிறது. திருப்பூர் மாவட்டத்தில் கடந்த சில நாள்களாக அதிக அளவில் மழை பெய்து வருகிறது. தற்போதைய மழைக் காலத்தின்போது பொது மக்களுக்குத் தேவையான குடிநீர் தங்குதடையின்றி கிடைக்கும் வகையில் குடிநீர் வடிகால் வாரிய அலுவலர்கள் துரிதமாகச் செயல்படவேண்டும். நீர் வழித்தடங்களில் உள்ளஆக்கிரமிப்புகளை முழுமையாக அகற்ற நடவடிக்கை மேற்கொள்ள வேண்டும். 
அனைத்துத் துறை அலுவலர்களும் முன்னெச்சரிக்கையாக செயல்பட வேண்டும் என்றார்.
இதையடுத்து, திருப்பூர் மாநகராட்சியில் வெள்ள பாதிப்பு ஏற்பட்ட பகுதிகளில் அவர் ஆய்வு மேற்கொண்டார். 
இந்த ஆய்வில், திருப்பூர் தெற்கு சட்டப் பேரவை உறுப்பினர் சு.குணசேகரன், மாவட்ட வருவாய் அலுவலர்  ச. பிரசன்ன ராமசாமி, சார் ஆட்சியர்கள்  ஷ்ரவண்குமார் (திருப்பூர்), கிரேஸ் பச்சாவு (தாராபுரம்), திருப்பூர்  மாநகராட்சி ஆணையர்  சிவகுமார், உதவி இயக்குநர் (ஊராட்சிகள்) பாலசுப்பிரமணியன், அனைத்து துறை சார்ந்த அலுவலர்கள் கலந்துகொண்டனர்.

]]>
http://www.dinamani.com/all-editions/edition-coimbatore/tiruppur/2018/oct/11/நீர்-வழித்தடங்களில்-ஆக்கிரமிப்புகளை-அகற்ற-அனைத்துத்-துறை-அலுவலர்களுக்கு-அறிவுறுத்தல்-3017854.html
3017853 கோயம்புத்தூர் திருப்பூர் சீனிவாசா பள்ளியில் அறிவியல் கண்காட்சி DIN DIN Thursday, October 11, 2018 05:44 AM +0530 உடுமலை கல்வி மாவட்ட அளவிலான அறிவியல் கண்காட்சி, காந்தி நகர் சீனிவாசா மெட்ரிக். பள்ளியில் செவ்வாய்க்கிழமை நடைபெற்றது.
உடுமலை வட்டாட்சியர் தங்கவேல், துணை வட்டாட்சியர் பொன்ராஜ் ஆகியோர் கண்காட் சியைத் தொடக்கிவைத்தனர். அரசு, அரசு உதவி பெறும் பள்ளிகள் மற்றும் சுயநிதி, மெட்ரிக். பள்ளிகளைச் சேர்ந்த நூற்றுக்கும் மேற்பட்ட மாணவ, மாணவிகள் தங்களது படைப்புகளை காட்சிப்படுத்தியிருந்தனர்.
 உடுமலை அரசு கலைக் கல்லூரியைச் சேர்ந்த பேராசிரியர்கள் திருமூர்த்தி, கருணாநிதி, கார்த்திகேயனி ஆகியோர் நடுவர்களாகப் பொறுப்பு வகித்தனர்.
 உடுமலை வருவாய்க் கோட்டாட்சியர் எஸ்.அசோகன் சிறப்பு விருந்தினராகப் பங்கேற்று, சிறப்பிடம் பெற்றவர்களுக்கும், நடுவர்களுக்கும் பரிசுகள்,சான்றிதழ்களை வழங்கினார். இதில், முதன்மைக் கல்வி அலுவலர் செ.சாந்தி, கல்வி மாவட்ட அலுவலர் சோ.மணிவண்ணன் ஆகியோர் பங்கேற்றனர். கண்காட்சிக்கான ஏற்பாடுகளை சீனிவாசா பள்ளி நிர்வாகத்தினர் செய்திருந்தனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/சீனிவாசா-பள்ளியில்-அறிவியல்-கண்காட்சி-3017853.html
3017852 கோயம்புத்தூர் திருப்பூர் சபரிமலை குறித்த தீர்ப்பை ரத்து செய்யக்கோரி திருப்பூரில் பிரார்த்தனை யாத்திரை DIN DIN Thursday, October 11, 2018 05:43 AM +0530 சபரிமலை ஐயப்பன் கோயிலில் வழிபட அனைத்து வயதுப் பெண்களுக்கும் அனுமதி வழங்கிய உச்ச நீதிமன்றத் தீர்ப்பை ரத்துச் செய்யக் கோரி திருப்பூரில் புதன்கிழமை பிரார்த்தனை யாத்திரை நடைபெற்றது.
 இது தொடர்பான உச்ச நீதிமன்றத் தீர்ப்பை ரத்து செய்யக் கோரி அகில பாரத ஐயப்ப சேவா சமாஜம்,  ஹிந்து அமைப்புகள் சார்பில் திருப்பூரில் பிரார்த்தனை யாத்திரை நடைபெற்றது.
  திருப்பூர் ரயில் நிலையம் அருகில் உள்ள பத்ரகாளியம்மன் கோயிலில் இருந்து புறப்பட்ட இந்த யாத்திரை கல்லூரி சாலை ஐயப்பன் கோயிலில் நிறைவடைந்தது. அங்கு கூட்டுப் பிரார்த்தனை நடைபெற்றது. 
யாத்திரையில் 300க்கும் மேற்பட்ட பெண்கள் உள்பட ஆயிரத்துக்கும் மேற்பட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/11/சபரிமலை-குறித்த-தீர்ப்பை-ரத்து-செய்யக்கோரி-திருப்பூரில்-பிரார்த்தனை-யாத்திரை-3017852.html
3017851 கோயம்புத்தூர் திருப்பூர் திருப்பூரில் பிடிபட்ட வங்கதேசத்தை சேர்ந்த 8 பேர் புழல் சிறையில் அடைப்பு DIN DIN Thursday, October 11, 2018 05:43 AM +0530 திருப்பூரில்  சட்ட விரோதமாகத் தங்கியிருந்த, வங்கதேசத்தைச் சேர்ந்த 8 பேர் சென்னை புழல் சிறையில் புதன்கிழமை அடைக்கப்பட்டனர்.
  திருப்பூர் ஊரக போலீஸார் கடந்த 5ஆம் தேதி இரவு நல்லூர் சோதனை சாவடியில் வாகனச் சோதனையில் ஈடுபட்டிருந்தனர். அப்போது, போலீஸார் அந்த வழியாக நடந்து சென்ற வங்கதேசத்தைச் சேர்ந்த முகமது மொமின்வார் ஹூசைன் (எ) மூமின் (32), ராபின் (எ) முகமது ரபியுல் இஸ்லாம் (30), முகமது பாதுல் ஹூசைன் (31) ஆகிய 3 பேரைப் பிடித்தனர்.  விசாரணையில், அவர்களிடம் உரிய ஆவணங்கள் எதுவும் இல்லை என்பதும்,  அவர்கள் செவந்தாம்பாளையம் சாமத்தோட்டத்தில் வாடகைக்கு வீடு எடுத்து தங்கியிருந்து அப்பகுதியில் உள்ள பனியன் நிறுவனங்களில் தொழிலாளியாக வேலை செய்து வந்ததும்,  அவர்களுடன் மேலும் 5 பேர் தங்கியிருப்பதும் தெரியவந்தது.
   பிடிபட்ட மூவர் கொடுத்த தகவலின் பேரில் போலீஸார், வங்கதேசத்தைச் சேர்ந்த போலாஸ் சந்த்ர சொர்கர் (28), முகமது ரோணி (26), அல் அமீன் சித்திக் காஸி (24), முகமது அஷரப்புல் இஸ்லாம் (31), முகமது பர்கத் ஹூசைன் (23) ஆகிய 5 பேரையும் பிடித்து  விசாரணை மேற்கொண்டனர். இந்த 5 பேரிடமும்  உரிய ஆவணங்கள் இல்லாதது தெரிய வந்தது. இருப்பினும், அவர்கள் தங்கியிருந்த அறையில் ஆதார் அட்டை, பான் அட்டை, வாக்காளர் அடையாள அட்டை உள்ளிட்ட ஆவணங்கள் இருந்தன.   இந்த ஆவணங்களில் போலியாக மேற்குவங்க மாநில முகவரி அச்சிடப்பட்டு இருந்தது தெரியவந்தது. திருப்பூரில் உள்ள ஒரு நபரின் உதவியுடன் போலியாக இந்த ஆவணங்கள் தயாரிக்கப்பட்டது தெரிய வந்தது. போலி ஆதார் கார்டு பெறுவதற்கு ரூ. 6 ஆயிரம் வரை கொடுத்தது தெரிய வந்துள்ளது. 
 இந்நிலையில், கைது செய்யப்பட்ட 8 பேரும் திருப்பூர் நடுவர் நீதிமன்றம் எண் 4இல் ஆஜர்படுத்தப்பட்டனர். வழக்கை விசாரித்த நீதிபதி நித்யகலா, இந்த 8 பேரையும் சென்னை புழல் சிறையில் அடைக்க உத்தரவிட்டார்.

]]>
http://www.dinamani.com/all-editions/edition-coimbatore/tiruppur/2018/oct/11/திருப்பூரில்-பிடிபட்ட-வங்கதேசத்தை-சேர்ந்த-8-பேர்-புழல்-சிறையில்-அடைப்பு-3017851.html
3017354 கோயம்புத்தூர் திருப்பூர் நாய்கள் கடித்து 20 ஆடுகள் சாவு DIN DIN Wednesday, October 10, 2018 07:57 AM +0530 தாராபுரம் அருகே நாய்கள் கடித்ததில் 20 ஆடுகள் உயிரிழந்தன.
தாராபுரம், ஈரோடு சாலை, குள்ளாய்பாளையத்தைச் சேர்ந்தவர் மாரிமுத்து (50). விவசாயியான இவர் ஆடு, மாடு, கோழிகளும் வளர்த்து வருகிறார். இவர், வழக்கம்போல ஆடுகளை திங்கள்கிழமை மாலையில் பட்டியில் அடைத்து விட்டு வீட்டுக்குச் சென்றுவிட்டார். மீண்டும் செவ்வாய்க்கிழமை காலையில் வந்து பார்த்தபோது 20 ஆடுகள் உயிரிழந்து கிடப்பது தெரியவந்தது. இதுகுறித்து, கால்நடைத் துறையினருக்குத் தகவல் தெரிவிக்கப்பட்டது. அதன்பேரில், மருத்துவர்கள் நடத்திய ஆய்வில் நாய்கள் கடித்து ஆடுகள் உயிரிழந்தது தெரியவந்தது.
 

]]>
http://www.dinamani.com/all-editions/edition-coimbatore/tiruppur/2018/oct/10/நாய்கள்-கடித்து-20-ஆடுகள்-சாவு-3017354.html
3017353 கோயம்புத்தூர் திருப்பூர் பள்ளிக் கல்வித் துறை சார்பில் அறிவியல் கண்காட்சி DIN DIN Wednesday, October 10, 2018 07:57 AM +0530 தாராபுரத்தில் பள்ளிக் கல்வித் துறை சார்பில் செவ்வாய்க்கிழமை அறிவியல் கண்காட்சி  நடைபெற்றது.
பள்ளிக் கல்வித் துறை தாராபுரம் கல்வி மாவட்டம் சார்பில் நடைபெற்ற 46ஆவது ஜவாஹர்லால் நேரு அறிவியல் கண்காட்சிக்கு மாவட்டக் கல்வி அலுவலர் மு.சிவகுமார் தலைமை வகித்தார். காவல் துணைக் கண்காணிப்பாளர் சி.வேலுமணி கண்காட்சியைத் தொடக்கிவைத்தார்.
இக்கண்காட்சியில் அரசு, அரசு உதவி பெறும் பள்ளிகள், மெட்ரிக். பள்ளிகள் என தாராபுரம் கல்வி மாவட்டத்தைச் சேர்ந்த 77 பள்ளிகள் பங்கேற்றன. 100க்கும் மேற்பட்ட படைப்புகளை மாணவ, மாணவிகள் பொது மக்களின் பார்வைக்கு வைத்திருந்தனர்.  சிறந்த படைப்புகளுக்கு மாவட்டக் கல்வி அலுவலர் மு.சிவகுமார் பரிசுகள் வழங்கினார். மேலும், சிறந்த படைப்புகள் மாவட்ட அளவிலான கண்காட்சிக்கு அனுப்பிவைக்கப்படும் என தேர்வுக் குழுவினர் தெரிவித்தனர்.

]]>
http://www.dinamani.com/all-editions/edition-coimbatore/tiruppur/2018/oct/10/பள்ளிக்-கல்வித்-துறை-சார்பில்-அறிவியல்-கண்காட்சி-3017353.html
3017352 கோயம்புத்தூர் திருப்பூர் குடிநீர் வழங்கக் கோரி சார் ஆட்சியர் அலுவலகம் முற்றுகை DIN DIN Wednesday, October 10, 2018 07:57 AM +0530 குடிநீர் வழங்கக் கோரி தாராபுரம் சார் ஆட்சியர் அலுவலகத்தைப் பொது மக்கள் செவ்வாய்க்கிழமை முற்றுகையிட்டுப் போராட்டத்தில் ஈடுபட்டனர்.
தாராபுரம் ஊராட்சி ஒன்றியத்துக்கு உள்பட்ட 16 ஊராட்சிகளுக்கு அமராவதி கூட்டுக் குடிநீர்த் திட்டம் மூலமாகக் குடிநீர் வழங்கப்படுகிறது.
தற்போது கடந்த சில நாள்களாக அமராவதி குடிநீருக்கு பதிலாக காவிரி குடிநீர்த் திட்டத்தின் மூலமாகக் குடிநீர் வழங்கப்படுகிறது. எவ்வித முன் அறிவிப்பும் இன்றி அமராவதி குடிநீரை நிறுத்தியதால் பல ஊராட்சிகளில் உள்ள கிராம மக்களுக்குப் போதிய அளவிலான குடிநீர் கிடைக்கவில்லையாம்.
எனவே, அமராவதி குடிநீரே வழங்க வேண்டும் என வலியுறுத்தி நஞ்சியம்பாளையம், தொப்பம்பட்டி உள்ளிட்ட பல்வேறு ஊராட்சிகளை சேர்ந்த 500க்கும் மேற்பட்டோர், தாராபுரம் சார் ஆட்சியர் அலுவலகத்தை காலிக் குடங்களுடன் முற்றுகையிட்டுப் போராட்டத்தில் ஈடுபட்டனர். சார் ஆட்சியர் கிரேஸ் பச்சாவு, காவல் துணைக் கண்காணிப்பாளர் சி.வேலுமணி உள்ளிட்டோர் அவர்களிடம் பேச்சுவார்த்தை நடத்தினர். அப்போது, மீண்டும் அமராவதி குடிநீரே வழங்கப்படும் என உறுதியளிக்கப்பட்டது. இதையடுத்து, பொது மக்கள் போராட்டத்தைக் கைவிட்டுக் கலைந்து சென்றனர்.

]]>
http://www.dinamani.com/all-editions/edition-coimbatore/tiruppur/2018/oct/10/குடிநீர்-வழங்கக்-கோரி-சார்-ஆட்சியர்-அலுவலகம்-முற்றுகை-3017352.html
3017351 கோயம்புத்தூர் திருப்பூர் வங்கிக் கணக்கில் இருந்து ஆன்லைன் மூலமாகத் திருட்டு DIN DIN Wednesday, October 10, 2018 07:56 AM +0530 வெள்ளக்கோவிலில் வங்கிக் கணக்கில் இருந்து ஆன்லைன் மூலமாக ரூ.17 ஆயிரம் திருடப்பட்டுள்ளது. 
இதுகுறித்து, காவல் துறையினர் செவ்வாய்க்கிழமை கூறியதாவது: 
முத்தூர், வாய்க்கால்மேட்டைச் சேர்ந்தவர் மோகனப்ரியா (40). அங்கன்வாடிப் பணியாளர். இவருக்கு வெள்ளக்கோவில் பாரத ஸ்டேட் வங்கியில் தனிநபர் சேமிப்புக் கணக்கு உள்ளது. 
இவரது கணக்கில் இருந்து கடந்த சில தினங்களுக்கு முன்னர் ஒரே நாளில் 3 முறை தலா ரூ. 10,190க்கு ஆன்லைன் மூலமாக பொருள்கள் வாங்கப்பட்டிருப்பதாகக் கணக்குப் புத்தகப் பதிவில் காட்டப்பட்டுள்ளது.  ஆனால், மோகனப்ரியா தான் எந்தப் பொருளையும் வாங்கவில்லை என கூறுகிறார். 
இதேபோல முத்தூர், வேலம்பாளையத்தைச் சேர்ந்த மற்றோர் அங்கன்வாடிப் பணியாளர் தமயந்தி (47) என்பவரது வங்கிக் கணக்கில் இருந்தும் பணம் திருடப்பட்டுள்ளதாகக் கூறப்படுகிறது என்றனர். 
இதுகுறித்து வெள்ளக்கோவில் காவல் துறையினர் விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/tiruppur/2018/oct/10/வங்கிக்-கணக்கில்-இருந்து-ஆன்லைன்-மூலமாகத்-திருட்டு-3017351.html
3017350 கோயம்புத்தூர் திருப்பூர் திருப்பூர் மாவட்ட ஊராட்சிகளில் 3 நாள் சிறப்பு கிராம  சபை இன்று தொடக்கம் DIN DIN Wednesday, October 10, 2018 07:56 AM +0530 திருப்பூர் மாவட்டத்தில் உள்ள அனைத்து ஊராட்சிகளிலும் அக்டோபர் 10 முதல் 12ஆம் தேதி வரை 3 நாள்கள் நடைபெறும் சிறப்பு கிராம சபைக் கூட்டம் புதன்கிழமை தொடங்குகிறது.
இதுகுறித்து, திருப்பூர் மாவட்ட ஆட்சியர் கே. எஸ்.பழனிசாமி விடுத்துள்ள அறிக்கை:
அரசு உத்தரவின்படி, திருப்பூர் மாவட்டத்தில் மக்கள் திட்டமிடல் இயக்கம்  2019-20ஆம் ஆண்டுக்கான கிராம ஊராட்சி வளர்ச்சித் திட்ட அறிக்கை தயாரிப்பது தொடர்பான சிறப்பு கிராம சபைக் கூட்டங்கள் அக்டோபர் 10 முதல்12ஆம் தேதி வரை 3 நாள்கள், அந்தந்த ஊராட்சிகளில் பொது இடங்களில் நடைபெறும். 
இதில், 2019-20ஆம் நிதி ஆண்டுக்கான கிராம  ஊராட்சி வளர்ச்சித் திட்ட அறிக்கை தயார் செய்ய கிராம ஊராட்சி அளவில் நியமனம் செய்யப்பட்டுள்ள தமிழ்நாடு ஊரக வாழ்வாதார இயக்கத்தைச் சேர்ந்த சமுதாயப் பயிற்றுநர்களால் தயாரிக்கப்பட்ட கிராம ஊராட்சி வாரியான கணக்கெடுப்பை சிறப்பு கிராம சபைக் கூட்டங்களில் வைத்து தீர்மானம் நிறைவேற்றம், கணக்கெடுப்புக் குழுவினால் மேற்கொள்ளப்பட்ட கிராம ஊராட்சி வாரியான கணக்கெடுப்பைக் கருத்தில் கொண்டு தங்களது துறை சார்ந்த விவரங்கள் முழுமையாக உள்ளனவா என சரிபார்க்க நியமிக்கப்பட்டுள்ள இதர துறை சார்ந்த அலுவலர்கள் தவறாமல் ஊராட்சிகளில் நடைபெறும் கிராம சபைக் கூட்டங்களில் கலந்துகொள்ள வேண்டும் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/tiruppur/2018/oct/10/திருப்பூர்-மாவட்ட-ஊராட்சிகளில்-3-நாள்-சிறப்பு-கிராம--சபை-இன்று-தொடக்கம்-3017350.html
3017349 கோயம்புத்தூர் திருப்பூர் "சொத்து வரி விதிப்பு குறித்து மக்களுக்கு அரசு தெளிவுபடுத்த வேண்டும் DIN DIN Wednesday, October 10, 2018 07:56 AM +0530 சொத்து வரி விதிப்பு குறித்து மக்களுக்கு தெளிவுபடுத்த வேண்டும் என உள்ளாட்சித் துறை அமைச்சருக்கு கோரிக்கை விடுக்கப்பட்டுள்ளது.
இதுகுறித்து, திருப்பூர் மாநகராட்சி 23ஆவது வார்டு மாமன்ற முன்னாள் உறுப்பினர் எஸ்.முருகசாமி (அதிமுக) உள்ளாட்சித் துறை அமைச்சருக்கு அனுப்பியுள்ள கடிதத்தில் கூறியிருப்பதாவது:
கடந்த இரண்டு ஆண்டுகளாக உள்ளாட்சி அமைப்புகளுக்குத் தேர்தல் நடைபெறாமல் இருப்பதால், மாநகராட்சிகள் மற்றும் நகராட்சிகளில் வீட்டு வரி வசூலிப்பதிலும், நிர்ணயப்பதிலும் பெரிய தடுமாற்றம் உள்ளது. 2018 மார்ச் 31ஆம் தேதிக்கு முன்னர் உள்ள வரியை செலுத்துவதா? அல்லது 2018 ஏப்ரல் 1ஆம் தேதிக்கு பின்னர் ஆய்வு செய்து விதித்துள்ள வரியைச் செலுத்துவதா? அல்லது அரசாங்கத்தால் அறிவிக்கப்பட்டுள்ள கொள்கைக் குறிப்பின்படி சொந்த வீட்டுக்கு 50 சதவீதம், வாடகைக் கட்டடத்துக்கு 100 சதவீதம் வரி உயர்வு எனும் அறிவிப்பின்படி வரியைச் செலுத்துவதா என குழப்பம் ஏற்பட்டுள்ளது. இதில், எந்த அடிப்படையில் வீட்டு உரிமையாளர்கள் வரி செலுத்தவேண்டும் என்பதை அரசு தெளிவாக மக்களுக்குத் தெரியப்படுத்த வேண்டும். குறிப்பாக மறு ஆய்வு செய்து விதிக்க உத்தேசிக்கப்பட்டுள்ள வரி மிகமிக அதிகமாக உள்ளது. 
அதில், பல வரி விதிப்புகள் ஆய்வு செய்யாமலேயே விடுவிக்கப்பட்டுள்ளன. அதில் தவறுகள் நடந்திருக்கவும் வாய்ப்பு உள்ளது. வரி செலுத்தச் செல்லும் வீட்டு உரிமையாளர்களிடம், ஆய்வு செய்து விதிக்கபட்டுள்ள உத்தேச வரியைச் செலுத்துமாறு கட்டாயப்படுத்துகிறார்கள். மறு ஆய்வுக்கு உள்பட்ட வரியைக் கட்டிவிட்டு, வரி குறைப்பு, மறு சீராய்வு மனு அளிக்குமாறு கூறி வற்புறுத்துகிறார்கள். இதனால் வரி செலுத்தும் பொது மக்கள் மிகப் பெரிய குழப்பத்தில் உள்ளனர். மறு சீராய்வு வரியை செலுத்தச் சொல்லிக் கட்டாயப்படுத்தினால் அரசு பொது மக்களின் கடும் அதிருப்திக்கு ஆளாக நேரிடும். மேலும், பொது மக்கள் நீதிமன்றங்களை நாடவும்  வாய்ப்பு உள்ளது. 
எனவே, இது சம்பந்தமாக அரசின் சார்பில் பொது மக்களுக்கு தெளிவு படுத்தவேண்டும். மேலும் அரசு அறிவித்துள்ள சொந்த வீட்டுக்கு 50 சதவீதம், வாடகைக்கு விட்டுருந்தால்  100 சதவீதம் என்ற கொள்கை குறிப்பின்படி வரி வசூல் செய்ய மாநகராட்சிகளுக்கும், நகராட்சிகளுக்கும் அறிவுறுத்த வேண்டும் என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/oct/10/சொத்து-வரி-விதிப்பு-குறித்து-மக்களுக்கு-அரசு-தெளிவுபடுத்த-வேண்டும்-3017349.html
3017348 கோயம்புத்தூர் திருப்பூர் உடுமலையில் பலத்த மழை DIN DIN Wednesday, October 10, 2018 07:55 AM +0530 உடுமலையில் செவ்வாய்க்கிழமை மாலையில் பலத்த மழை பெய்தது. 
உடுமலை மற்றும் அதன் சுற்று வட்டாரப் பகுதிகளில் கடந்த ஒரு வாரமாக தொடர்ந்து மழை பெய்து வருகிறது. இந்நிலையில், செவ்வாய்க்கிழமை மாலையில் ஒரு மணி நேரத்துக்கும் மேலாக பலத்த மழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.  குறிப்பாக, மாலையில் பள்ளிக்குச் சென்று திரும்பிய மாணவ, மாணவிகள் மற்றும் பணிக்கு சென்று வருவோர் பாதிக்கப்பட்டனர். 
மேலும், உடுமலை நகரில் தாழ்வான பகுதிகளில் சாலைகளில் மழை நீர் தேங்கி நின்றது. குறிப்பாக கழுத்தறுத்தான் பள்ளம், தங்கம்மாள் ஓடை ஆகியவற்றில் பெருமளவு தண்ணீர் சென்றது. உடுமலை நகரைப் போலவே அமராவதி நகர், குமரலி ங்கம், மடத்துக்குளம், பெத ப்பம்பட்டி, குடிமங்கலம் ஆகிய கிராமங்களிலும் பலத்த மழை பெய்தது. இதனால் விவசாயிகள் மகிழ்ச்சி அடைந்துள்ளனர்.

]]>
http://www.dinamani.com/all-editions/edition-coimbatore/tiruppur/2018/oct/10/உடுமலையில்-பலத்த-மழை-3017348.html
3017346 கோயம்புத்தூர் திருப்பூர் பல்லடம் அருகே சாலை விபத்து: இரு இளைஞர்கள் சாவு DIN DIN Wednesday, October 10, 2018 07:55 AM +0530 பல்லடம் அருகே குப்புசாமிநாயுடுபுரத்தில் நேரிட்ட சாலை விபத்தில் செவ்வாய்க்கிழமை இரவு இருவர் உயிரிழந்தனர்; ஒருவர் காயமடைந்தார்.  
திருப்பூர் மாவட்டம், பல்லடம் அருகே உள்ள குப்புசாமிநாயுடுபுரம், நேரு நகரைச் சேர்ந்தவர் திருமூர்த்தி மகன் ராமசாமி (21). வேன் ஓட்டுநர். அய்யாவு மகன் கருப்புசாமி (23). விசைத்தறித் தொழிலாளி. பெருமாள் மகன் அருணாசலம் (21). வேன் ஓட்டுநர்.
இவர்கள் அனைவரும் ஒரே வாகனத்தில் செவ்வாய்க்கிழமை இரவு பல்லடத்துக்கு வந்துவிட்டு மீண்டும் வீட்டுக்குத் திரும்பிச் சென்றுகொண்டிருந்தனர். 
வழியில் கோவை - திருச்சி தேசிய நெடுஞ்சாலையில், சாமிகவுண்டன்பாளையம் பிரிவு பகுதியில் வந்தபோது எதிரே, கோவையில் இருந்து வந்த லாரியும், இருசக்கர வாகனமும் மோதி விபத்து ஏற்பட்டது.  இதில், சம்பவ இடத்திலேயே ராமசாமி, அருணாசலம் ஆகியோர் உயிரிழந்தனர். 
பலத்த காயமடைந்த கருப்புசாமி பல்லடம் அரசு மருத்துவமனையில் முதலுதவி சிகிச்சை அளிக்கப்பட்டு, உயர் சிகிச்சைக்காக கோவை அரசு மருத்துவமனையில் சேர்க்கப்பட்டார்.
இவ்விபத்து குறித்து பல்லடம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-coimbatore/tiruppur/2018/oct/10/பல்லடம்-அருகே-சாலை-விபத்து-இரு-இளைஞர்கள்-சாவு-3017346.html
3017345 கோயம்புத்தூர் திருப்பூர் பல்லடத்தில் காரில் புகுந்த பாம்பு DIN DIN Wednesday, October 10, 2018 07:55 AM +0530 பல்லடத்தில் சாலையில் நின்ற காரில் செவ்வாய்க்கிழமை பாம்பு புகுந்தது.
பல்லடம், காளிவேலம்பட்டி பிரிவைச் சேர்ந்தவர் சண்முகம். இவர் தனது காரில் பல்லடம் கடை வீதியில் வந்துகொண்டிருந்தபோது போக்குவரத்து நெருக்கடியால் கார் வழியில் நின்றுவிட்டது. 
அப்போது அங்கு நிறுத்தப்பட்டிருந்த இருசக்கர வாகனத்தில் பதுங்கி இருந்த பாம்பு திடீரென சண்முகத்தின் காரினுள் புகுந்துவிட்டது. இதைக் கண்டு அதிர்ச்சி அடைந்து சாலையில் நின்று கொண்டிருந்த மக்கள், அதுகுறித்து சண்முகத்திடமும் கூறினர்.  
இதுகுறித்த தகவலின்பேரில் பல்லடம் தீயணைப்புத் துறையினர் கடைவீதியில் இருந்த  காரை பொங்காளியம்மன் கோயில் வளாகத்துக்குக் கொண்டு சென்றனர். 
பின்னர்,  காரினுள் இருந்த பாம்பைப் பிடிக்க முயன்றனர். அப்போது, காரினுள் பதுங்கி இருந்த கொம்பேரி மூக்கன் எனும் கொடிய நஞ்சு கொண்ட பாம்பு சட்டென காரில் இருந்து வெளியேறி அருகில் இருந்த சாக்கடையினுள் புகுந்து தப்பி ஓடிவிட்டது. இதனால் அப்பகுதியில் சுமார் ஒரு மணிநேரம் பரபரப்பு நிலவியது.
 

]]>
http://www.dinamani.com/all-editions/edition-coimbatore/tiruppur/2018/oct/10/பல்லடத்தில்-காரில்-புகுந்த-பாம்பு-3017345.html
3017344 கோயம்புத்தூர் திருப்பூர் தந்தையை தாக்கிய மகன் கைது DIN DIN Wednesday, October 10, 2018 07:55 AM +0530 வெள்ளக்கோவில் அருகே தந்தையை இரும்புக் கம்பியால் தாக்கிய மகனைக் காவல் துறையினர் செவ்வாய்க்கிழமை கைது செய்தனர். 
வீரசோழபுரத்தைச் சேர்ந்தவர் நாச்சிமுத்து (72). இவரது மகன் குப்புசாமி (33). சொத்துப் பிரச்னை தொடர்பாக இருவருக்கும் இடையே வாக்குவாதம் ஏற்பட்டது. 
இதனால் ஆத்திரமடைந்த குப்புசாமி தனது தந்தையை இரும்புக் கம்பியால் தாக்கியதாகக் கூறப்படுகிறது. இதில் காயமடைந்த நாச்சிமுத்து திருப்பூர் அரசு மருத்துவமனையில் சேர்க்கப்பட்டார். 
இதுகுறித்த புகாரின் பேரில், வெள்ளக்கோவில் காவல் துறையினர் வழக்குப் பதிவு செய்து குப்புசாமியைக் கைது செய்தனர்.

]]>
http://www.dinamani.com/all-editions/edition-coimbatore/tiruppur/2018/oct/10/தந்தையை-தாக்கிய-மகன்-கைது-3017344.html
3017343 கோயம்புத்தூர் திருப்பூர் புதிய கூட்டுறவு சங்க பால் கொள்முதல் நிலையம் அமைக்க எதிர்ப்பு DIN DIN Wednesday, October 10, 2018 07:54 AM +0530 சடையபாளையத்தில் புதிதாக கூட்டுறவு சங்கப் பால் கொள்முதல் நிலையம் அமைக்க அனுமதிக் கூடாது என முன்னாள் அமைச்சர் மு.பெ.சாமிநாதன் வலியுறுத்தியுள்ளார். 
இதுகுறித்து மாவட்ட ஆட்சியருக்கு அவர் அனுப்பியுள்ள கடிதத்தில் கூறியிருப்பதாவது:
காங்கயம் வட்டம், குண்டடம் ஒன்றியம், 39 சம்பந்தபாளையம் கிராமத்துக்கு உள்பட்ட சடையபாளையத்தில் 1997ஆம் ஆண்டு முதல் சடையபாளயைம் (மகளிர்) பால் உற்பத்தியாளர்கள் கூட்டுறவுச் சங்கம் செயல்பட்டு வருகிறது. 
இதில், சடையபாளையம், பண்ணாடிப் புதூர், தாளக்கரை ஆகிய ஊர்களைச் சேர்ந்த பால் உற்பத்தியாளர்கள் அனைவரும் உறுப்பினர்களாக உள்ளனர்.  
இந்நிலையில், ஆறுச்சாமி எனும் வெளியூர் நபர் ஆசை வார்த்தைகள் கூறி, சங்க உறுப்பினர்களை ஏமாற்றி, ஆவின் பால் உற்பத்தியாளர்கள் கூட்டுறவுச் சங்கத்துக்கு எதிர்ப்பாக, மேட்டுப்பாறை ஊர் மக்களைப் பயன்படுத்தி, சடையபாளையத்தில் இயங்கி வரும் பால் உற்பத்தியாளர்கள் கூட்டுறவுச் சங்கத்துக்கு அருகில் உள்ள முத்துசாமிகவுண்டர் தோட்டத்தில் பால் கொள்முதல் செய்து வருகிறார். 
21 ஆண்டுகளாக பால் உற்பத்தியாளர்களிடம் இருந்து பால் கொள்முதல் செய்து, ஈரோட்டில் உள்ள ஆவின் பால் உற்பத்தியாளர்கள் கூட்டுறவு ஒன்றியத்துக்கு அனுப்பி வந்த  சடையபாளையம் (மகளிர்) பால் உற்பத்தியாளர்கள் சங்கத்தை பாதிக்கும் வகையிலும், ஒரு சங்கம் செயல்படும் எல்லைக்குள் வேறு சங்கங்கள் பால் கொள்முதல் செய்யக்கூடாது எனும் விதியையும் மீறி செயல்பட்டு வருவதையும் தடுக்கும் நோக்கிலும், புதிய பால் கொள்முதல் நிலையத்தை தடை செய்ய உரிய நடவடிக்கை மேற்கொள்ளவேண்டும் என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/oct/10/புதிய-கூட்டுறவு-சங்க-பால்-கொள்முதல்-நிலையம்-அமைக்க-எதிர்ப்பு-3017343.html
3017342 கோயம்புத்தூர் திருப்பூர் முத்தூரில் இயந்திர நாற்று நடவு விழிப்புணர்வு முகாம் DIN DIN Wednesday, October 10, 2018 07:54 AM +0530 வெள்ளக்கோவிலை அடுத்த முத்தூரில் இயந்திர நாற்று நடவு குறித்து விவசாயிகளுக்கு விழிப்புணர்வு முகாம் செவ்வாய்க்கிழமை நடைபெற்றது.
இம்முகாமுக்கு வட்டார வேளாண்மை உதவி இயக்குநர் கே.சுமதி தலைமை வகித்தார். வேளாண்மை அலுவலர் செல்வகுமார் வரவேற்றார். தேசிய உணவுப் பாதுகாப்புத் திட்ட ஆலோசகர் மாரியப்பன் சிறப்பு விருந்தினராகப் பங்கேற்றுப் பேசினார். 
இயந்திர நாற்று நடவில் நேரம் மிச்சம், வேலையாள்கள் பற்றாக்குறைத் தவிர்ப்பு போன்ற சாதக அம்சங்கள் குறித்தும், இயந்திர நடவுக்கு அரசு தரும் மானியங்கள், பயிர்க் காப்பீட்டுத் திட்டம், நுண்ணீர்ப் பாசனத் திட்டம்,  உழவர் செயலியின் பயன்கள் ஆகியவை குறித்தும் எடுத்துக் கூறப்பட்டது. வெள்ளக்கோவில் வட்டார வேளாண்மைத் துறை சார்பில் அட்மா திட்டத்தின் கீழ் இம்முகாமுக்கான ஏற்பாடுகள் செய்யப்பட்டிருந்தன.

]]>
http://www.dinamani.com/all-editions/edition-coimbatore/tiruppur/2018/oct/10/முத்தூரில்-இயந்திர-நாற்று-நடவு-விழிப்புணர்வு-முகாம்-3017342.html
3017341 கோயம்புத்தூர் திருப்பூர் பல்லடம் அரசுப் பள்ளியில் பாம்பு மீட்பு DIN DIN Wednesday, October 10, 2018 07:54 AM +0530 பல்லடம் அரசு பெண்கள் மேல்நிலைப் பள்ளி வளாகத்தில் 7அடி நீள சாரைப் பாம்பை தீயணைப்புப் படையினர் செவ்வாய்க்கிழமை மீட்டு வனப் பகுதியில் விடுவித்தனர்.
பல்லடம் அரசு பெண்கள் மேல்நிலைப் பள்ளி வகுப்பறையை ஒட்டியுள்ள அரசுக் கல்லூரி விளையாட்டு மைதானப் பகுதியில் புதர் மண்டியுள்ளது. 
இப்பகுதியில் உள்ள புற்றில் இருந்து சாரைப் வெளியே தலையை காட்டியவாறு இருப்பதை  பள்ளியில் இருந்து ஆசிரியைகள், மாணவிகள் பார்த்து அதிர்ச்சி அடைந்தனர். 
பாம்பு ஜன்னல் வழியாக வகுப்பறைக்குள் புகுந்து விடுமோ எனும் அச்சத்தில் ஆசிரியைகள் வகுப்பறையை விட்டு மாணவிகளைப் பாதுகாப்பான் இடத்துக்கு அழைத்துச் சென்றதுடன் அதுகுறித்து பல்லடம் தீயணைப்புத் துறையினருக்குத் தகவல் தெரிவித்தனர். 
நிலைய அலுவலர் பொன்னுசாமி தலைமையிலான தீயணைப்புத் துறையினர் பொக்லைன் இயந்திரத்தின் மூலமாக புற்றைத் தோண்டி, 7 அடி நீளமுள்ள சாரைப் பாம்பை மீட்டனர். பின்னர் அதை வனப் பகுதியில் விடுவித்தனர். 
இதையடுத்து, அரசு பெண்கள் மேல்நிலைப் பள்ளிக்கு பின்புற சுற்றுச்சுவர் அமைத்துத் தர வேண்டும் என கோரிக்கை 
விடுக்கப்பட்டுள்ளது.

]]>
http://www.dinamani.com/all-editions/edition-coimbatore/tiruppur/2018/oct/10/பல்லடம்-அரசுப்-பள்ளியில்-பாம்பு-மீட்பு-3017341.html
3017340 கோயம்புத்தூர் திருப்பூர் நொய்யல் கரையோரப் பகுதி மக்களுக்கு வெள்ள அபாய எச்சரிக்கை DIN DIN Wednesday, October 10, 2018 07:54 AM +0530 வெள்ளக்கோவிலை அடுத்த முத்தூர், நத்தக்காடையூர் பகுதி நொய்யல் ஆற்றங்கரையோர மக்களுக்கு செவ்வாய்க்கிழமை வெள்ள அபாய எச்சரிக்கை விடுக்கப்பட்டது.
தற்போது வடகிழக்குப் பருவ மழை தீவிரமடைந்துள்ளதால், நொய்யல் ஆற்றின் நீர்வரத்துப் பகுதிகளில் பலத்த மழை பெய்து வருகிறது. இதன் காரணமாக நொய்யல் ஆற்றில் அதிக அளவில் வெள்ளம் கரைபுரண்டு ஓடுகிறது. 
இதனால் முத்தூர் பேரூராட்சிக்கு உள்பட்ட வேலாயுதம்பாளையம், சின்னமுத்தூர், நத்தக்காடையூர் பகுதியைச் சேர்ந்த புது வெங்கரையாம்பாளையம் உள்ளிட்ட பகுதி மக்களுக்கு வருவாய்த் துறை சார்பில் எச்சரிக்கை விடுக்கப்பட்டுள்ளது. 
காங்கயம் வட்டாட்சியர் மகேஸ்வரன் தலைமையில் கிராம நிர்வாக அலுவலர்கள்,  உதவியாளர்கள் அடங்கிய குழுவினர் தண்டோரா, துண்டுப் பிரசுரங்கள் மூலமாகப் பொது மக்களுக்கு வெள்ள அபாய எச்சரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/tiruppur/2018/oct/10/நொய்யல்-கரையோரப்-பகுதி-மக்களுக்கு-வெள்ள-அபாய-எச்சரிக்கை-3017340.html