Dinamani - நீலகிரி - http://www.dinamani.com/all-editions/edition-coimbatore/nilgiris/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3003150 கோயம்புத்தூர் நீலகிரி மெட்ரிகுலேஷன் பள்ளி நிர்வாகிகள் கவனத்துக்கு... DIN DIN Wednesday, September 19, 2018 06:12 AM +0530 நீலகிரி மாவட்டத்தில் மெட்ரிகுலேஷன் பள்ளிகளில் சனிக்கிழமைகளில் நடத்தப்படும் சிறப்பு வகுப்புகள் குறித்து மாவட்ட முதன்மைக் கல்வி அலுவலர் அறிவிப்பு வெளியிட்டுள்ளார்.
இதுகுறித்த அறிக்கை விவரம்:
நீலகிரி மாவட்டத்தில் உள்ள மெட்ரிகுலேஷன்  பள்ளிகளில் பயிலும் மாணவர்களுக்கு பள்ளியின் வேலை நேரத்துக்கு மிகாமல் பாட வகுப்புகளைத் திட்டமிடவும்,  கற்றலில் குறைபாடுள்ள மாணவர்களுக்கு பெற்றோரின் எழுத்துப்பூர்வமான விருப்பத்துடன் சனிக்கிழமைகளில் சிறப்பு வகுப்புகள் நடத்தவும் அனைத்து மெட்ரிகுலேஷன் பள்ளி நிர்வாகிகளுக்கு அறிவுறுத்தப்படுகிறது. 
மேலும், இந்நடைமுறையை அமல்படுத்தாத பள்ளிகளின் மீது புகார் பெறப்பட்டால்  அப்பள்ளி நிர்வாகியின் மீது ஒழுங்கு நடவடிக்கை மேற்கொள்ளப்படும் என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/19/மெட்ரிகுலேஷன்-பள்ளி-நிர்வாகிகள்-கவனத்துக்கு-3003150.html
3003149 கோயம்புத்தூர் நீலகிரி புலியை விஷமிட்டு கொன்றவருக்கு  3 ஆண்டுகள்  சிறைத் தண்டனை DIN DIN Wednesday, September 19, 2018 06:12 AM +0530 புலியை விஷமிட்டுக் கொன்றவருக்கு 3 ஆண்டுகள் சிறைத் தண்டணையும், ரூ. 10,500 அபராதமும் விதித்து கோத்தகிரி நீதிமன்றம் தீர்ப்பளித்தது. 
நீலகிரி மாவட்டம், சீகூர் வனச் சரகம், தெங்குமரஹாடாவில், உயிரிழந்த எருமையின் உடலில் விஷம் வைத்து பெண் புலியைக் கொன்றதாக திம்மையன் (60) என்பவர் மீது கடந்த 2014 ஜூன் மாதம் வழக்குப் பதிவு செய்யப்பட்டது.
இந்த வழக்கு விசாரணை கோத்தகிரி நீதித் துறை நடுவர் மன்றத்தில் நடைபெற்று வந்தது. விசாரணையின் முடிவில், திம்மையனுக்கு 3 ஆண்டுகள் சிறைத் தண்டனையும்,  ரூ. 10,500 அபராதமும் விதித்து நீதிபதி ஸ்ரீதர் தீர்ப்பளித்தார். 
மேலும், அபராதத்தைச் செலுத்தத் தவறும்பட்சத்தில் கூடுதலாக 3 மாதங்கள் சிறைத் தண்டனை அனுபவிக்க வேண்டும் என்றும் அவர் உத்தரவிட்டார்.
 

]]>
http://www.dinamani.com/all-editions/edition-coimbatore/nilgiris/2018/sep/19/புலியை-விஷமிட்டு-கொன்றவருக்கு--3-ஆண்டுகள்--சிறைத்-தண்டனை-3003149.html
3003148 கோயம்புத்தூர் நீலகிரி தெங்குமரஹாடா கிராமத்தில் கூட்டுப் பண்ணையத் திட்டம் தொடக்கம் DIN DIN Wednesday, September 19, 2018 06:12 AM +0530 தெங்குமரஹாடா ஊராட்சி ஒன்றியத்துக்கு உள்பட்ட கல்லம்பாளையம் அரசு உண்டு உறைவிடத் தொடக்கப் பள்ளியில்  கூட்டுப் பண்ணைய திட்டம் மற்றும் நுண்ணீர்ப் பாசனத் திட்ட விழிப்புணர்வு முகாம் செவ்வாய்க்கிழமை தொடங்கப்பட்டுள்ளது.
 நீலகிரி மாவட்டத்தில், தெங்குமரஹாடா ஊராட்சி ஒன்றியத்துக்கு உள்பட்ட கல்லம்பாளையம் அரசு உண்டு உறைவிடத் தொடக்கப் பள்ளியில் நீலகிரி மாவட்ட நிர்வாகம், தோட்டக்கலை மற்றும் மலைப் பயிர்கள் துறை இணைந்து நடத்திய கூட்டுப் பண்ணையத் திட்டம் மற்றும் நுண்ணீர்ப் பாசனத் திட்ட விழிப்புணர்வு முகாமை மாவட்ட ஆட்சியர் இன்னசென்ட்  திவ்யா செவ்வாய்க்கிழமை தொடக்கிவைத்தார்.
அதைத் தொடர்ந்து அவர் பேசியதாவது:
நீலகிரி மாவட்டம், இயற்கையும், பசுமையும் நிறைந்த மாவட்டமாகும். இம்மாவட்டத்தில் முக்கியப் பங்கு வகிப்பது விவசாயம்தான். அதனால் விவசாயிகள், மருந்துகள் மூலமாக விவசாயம் செய்வதைக் கைவிட்டு, இயற்கை விவசாயம் செய்ய முயற்சிக்க வேண்டும். இயற்கை விவசாயம் செய்ய செலவும் மிகவும் குறைவு. இங்குள்ள விவசாயிகள் விவசாயத்தில் மிகவும் ஈடுபாட்டுடனும், அக்கறையுடனும் இருப்பதால் அனைவரும் இயற்கை விவசாயம் செய்து பயனடைய வேண்டும். மேலும், வருங்கால சந்ததியினருக்கு கல்வி அறிவு என்பது மிகவும் முக்கியமான ஒன்றாகும். எனவே, அனைவரும் தங்கள் குழந்தைகளை நன்றாகப் படிக்க வைத்து, அவர்கள் நல்ல நிலையை அடைந்து, அவரவர் குடும்பத்தினருக்கும், சமுதாயத்துக்கும் பயனுள்ளவர்களாக இருக்க வேண்டும் என்றார். 
 இதைத் தொடர்ந்து,  அப்பகுதியில் தெருவிளக்கு, சாலை வசதி, குடிநீர் வசதி, மின்சார வசதி போன்ற அடிப்படை வசதிகள் உள்ளனவா என்பதை ஆய்வு செய்து, அங்குள்ள மக்களிடம் கோரிக்கை மனுக்களையும் பெற்றுக்கொண்டார். 
கல்லம்பாளையம் மற்றும் அல்லிமாயாறு பகுதிகளில் மாவட்ட ஊராட்சி நிதியின் கீழ் ரூ. 15 லட்சம் மதிப்பில் அமைக்கப்பட்டுள்ள 3 ஆழ்துளைக் கிணற்றின் செயல்பாட்டைத் தொடக்கிவைத்தார்.
 அப்போது, இவை விவசாயிகளின் பாசன வசதிக்கு மிகவும் பயனுள்ளதாக இருக்கும் எனவும், 2017-18ஆம் ஆண்டில் தேசிய ஊரக வேலை உறுதியளிப்புத் திட்டத்தின் கீழ் மேற்கொள்ளப்பட்ட 27 பணிகளில் ரூ. 25 லட்சம்  மதிப்பிலான பணிகள் முடிக்கப்பட்டுள்ளதாகவும்,  நடப்பு ஆண்டில் மாவட்ட ஊரக வளர்ச்சி முகமை சார்பில் ரூ. 37 லட்சம்  மதிப்பில் 11 பணிகள் நடைபெற்று வருவதாகவும் ஆட்சியர் தெரிவித்தார்.
முன்னதாக மாவட்ட ஆதிதிராவிடர் மற்றும் பழங்குடியினர் நலத் துறை சார்பில் ஒரு பழங்குடியினப் பயனாளிக்கு செங்கல் சூளை வைப்பதற்காக ரூ. 5 லட்சத்துக்கான காசோலையையும், தோட்டக்கலை மற்றும் மலைப் பயிர்கள் துறை சார்பில் 11 பயனாளிகளுக்கு விலையில்லா நுண்ணீர்ப் பாசனக் கருவிகள், உழவன் செயலி மற்றும் மானியத் திட்டக் கையேட்டையும், மாவட்ட நிர்வாகம் சார்பில் கல்லம்பாளையம் அரசு உண்டு உறைவிடத் தொடக்கப்பள்ளி மாணவ, மாணவிகளுக்கு நோட்டு, புத்தகம் மற்றும் எழுது பொருள்களையும், காவல் துறை சார்பாக விளையாட்டு உபகரணங்களையும் மாவட்ட ஆட்சியர்  வழங்கினார்.
இந்நிகழ்ச்சியில், மாவட்டக் காவல் கண்காணிப்பாளர் சண்முகப்ரியா, தோட்டக்கலைத் துறை இணை இயக்குநர் சிவசுப்ரமணியம் சாம்ராஜ்,  ஊராட்சிகளின் உதவி இயக்குநர் காசிநாதன், தோட்டக்கலைத் துறை உதவி இயக்குநர் மீராபாய், மாவட்ட ஊரக வளர்ச்சி முகமைத் திட்டச் செயற்பொறியாளர் பசுபதி, கோத்தகிரி வட்டாட்சியர் ரவிகுமார் ஆகியோருடன் பல்வேறு அரசுத் துறை அலுவலர்கள், விவசாயிகள் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/19/தெங்குமரஹாடா-கிராமத்தில்-கூட்டுப்-பண்ணையத்-திட்டம்-தொடக்கம்-3003148.html
3003147 கோயம்புத்தூர் நீலகிரி மஞ்சூர் வழித்தடத்தில் கோவைக்கு இயக்கப்படும்   அரசுப் பேருந்தை முறையாக இயக்க வலியுறுத்தல் DIN DIN Wednesday, September 19, 2018 06:11 AM +0530 மஞ்சூர் வழித்தடத்தில் கோவைக்கு இயக்கப்படும்அரசுப் பேருந்தை முறையாக இயக்க வேண்டும் என பொதுமக்கள் வலியுறுத்தி உள்ளனர்.
 நீலகிரி மாவட்டம், உதகையில் இருந்து மஞ்சூர் வழித்தடத்தில் கோவைக்கு ஒரு அரசுப் பேருந்து இயக்கப்பட்டு வருகிறது. பகல்12 மணிக்கு புறப்பட்டு மாலை 5 மணிக்கு கோவை புதிய பேருந்து நிலையத்துக்குச் செல்லும் இப்பேருந்து அங்கு பயணிகளை ஏற்றிக் கொண்டு மீண்டும், காரமடை, வெள்ளியங்காடு, முள்ளி, கெத்தை வழியாக மஞ்சூருக்கு இரவு 10 மணிக்கு வரும். 
இந்த வழித்தடத்தில் வெள்ளியங்காடு முதல் ஒணிகண்டி வரையிலான 40 கி.மீ. தூரம் அடர்ந்த வனப் பகுதிகளைக் கொண்டதால் இரவு நேரங்களில் யானைகள் நடமாட்டம் அதிக அளவில் காணப்படும். சில நேரங்களில் இந்த யானைகள் சாலையில் நின்று கொண்டு வாகனங்களைச் செல்லவிடாமலும் தடுத்து வருவது வழக்கம். 
இதனால் பெரும்பாலான நாள்களில் இந்தப் பேருந்து மிகவும் தாமதமாகவே மஞ்சூர் பகுதிக்கு வருகிறது.  இதனால், மஞ்சூரைச் சுற்றியுள்ள கிராமங்களுக்குச் செல்லும் மக்கள் பேருந்துகள் மற்றும் தனியார் வாகனங்கள் கிடைக்காமல் தவிக்கும் நிலை ஏற்பட்டுள்ளது. 
இந்நிலையில், கடந்த ஒருமாத காலமாக இந்தப் பேருந்து கோவை காந்திபுரம் வரை சென்றுவர வேண்டும் என போக்குவரத்துக் கழகம் அறிவுறுத்தி உள்ளது. 
அதன்படி, உதகை, மஞ்சூர் பகுதியில் இருந்து செல்லும் பயணிகளை இறக்கிவிட்ட பின்னர், கவுண்டம்பாளையம் பகுதியில் உள்ள புதிய பேருந்து நிலையத்துக்கு வந்து பயணிகளை ஏற்றி கொண்டு இப்பேருந்து கீழ்குந்தாவுக்கு வருகிறது. 
 இப்பேருந்து காந்திபுரம் சென்று திரும்பும் நிலையில், போக்குவரத்து நெரிசல் உள்ளிட்ட பிரச்னைகளால் கவுண்டம்பாளையம் வருவதற்குள் மாலை 6 மணிக்கு மேல் ஆகிவிடுகிறது. பின்னர், அங்கிருந்து கிளம்பும் பேருந்து காரமடை ரயில்வே கேட்டையும் கடந்து,  மஞ்சூர் வருவதற்குள் இரவு 10 மணிக்கு மேல் ஆகிவிடுகிறது. 
இதனால் மஞ்சூரை சுற்றியுள்ள மேல்குந்தா, தொட்டக்கம்பை, தாய்சோலை, கரியமலை, முள்ளிமலை போன்ற பகுதிகளுக்குச் செல்லும் பயணிகள் வாகனங்கள் கிடைக்காமல் கடும் அவதிக்குள்ளாகி உள்ளனர். எனவே, பயணிகளின் நலன் கருதி போக்குவரத்துக் கழகம் வழக்கம்போல மாலை 5.30 மணிக்கு கவுண்டம்பாளையம் பேருந்து நிலையத்தில் இருந்து கீழ்குந்தா செல்லும் அரசுப் பேருந்தை இயக்க நடவடிக்கை எடுக்க வேண்டும். 
காந்திபுரம் செல்வதற்கு இந்தப் பேருந்துக்கு மட்டும் விதிவிலக்கு அளிக்க வேண்டும் என மஞ்சூர் சுற்று வட்டார மக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/nilgiris/2018/sep/19/மஞ்சூர்-வழித்தடத்தில்-கோவைக்கு-இயக்கப்படும்---அரசுப்-பேருந்தை-முறையாக-இயக்க-வலியுறுத்தல்-3003147.html
3003146 கோயம்புத்தூர் நீலகிரி கோட்டாட்சியர் அலுவலக வாசலில்  ஆட்டோக்களை நிறுத்திப் போராட்டம் DIN DIN Wednesday, September 19, 2018 06:11 AM +0530 கூடலூரில் ஆட்டோக்களை நிறுத்த நிரந்தர இடம் ஒதுக்க வலியுறுத்தி கூடலூர் கோட்டாட்சியர் அலுவலக வாசலில் ஆட்டோக்களை நிறுத்தி ஓட்டுநர்கள் செவ்வாய்க்கிழமை போராட்டத்தில் ஈடுபட்டனர். 
நீலகிரி மாவட்டம், கூடலூரில் உள்ள குறுகிய சாலையில் காங்கிரீட் தடுப்பு அமைக்கும் பணி நடைபெற்று வருகிறது. இந்தத் தடுப்பு போக்குவரத்துக்கும், பொதுமக்களுக்கும் இடையூறாக இருக்கும் என பல்வேறு தரப்பினரும் எதிர்ப்பு தெரிவித்து வருகின்றனர். இந்நிலையில், இட நெருக்கடி காரணமாக பழைய பேருந்து நிலையம் அருகில் ஆட்டோ நிறுத்தக் கூடாது என போக்குவரத்துக் காவல் துறையினர் அறிவித்தனர். 
அதற்கு உடன்படாத ஆட்டோ ஓட்டுநர்கள் அனைத்து ஆட்டோக்களையும் கோட்டாட்சியர் அலுவலகம் முன்பும், காவல் நிலையம் முன்பும் நிறுத்தி முற்றுகைப் போராட்டத்தில் ஈடுபட்டனர்.
ஆட்டோக்களை நிறுத்த இடம் வழங்கப்பட்டதையடுத்துப் போராட்டம் விலக்கிக் கொள்ளப்பட்டது. 
கான்கிரீட் சாலைத் தடுப்பு அமைக்கும் பகுதியில், இரண்டு இடங்களில் பேருந்து நிறுத்தம், விநாயகர் கோயில், தனியார் மருத்துவமனை, நான்கு நியாயவிலைக் கடைகள் ஆகியன உள்ளன. சாலையில் தடுப்புகள் அமைக்கப்பட்டதையடுத்து, நியாயவிலைக் கடைகளுக்கு லாரிகளில் பொருள்களை கொண்டு செல்வதில் கடும் நெருக்கடி ஏற்பட்டுள்ளது. 
இதேபோல, பேருந்து நிறுத்தத்தில் பயணிகளை ஏற்றி, இறக்கும்போதும் போக்குவரத்து நெரிசல் ஏற்படுகிறது. எனவே, பொதுமக்களுக்கும், வியாபாரிகளுக்கும் இடையூறாக உள்ள இந்தத் தடுப்புகளை 
அகற்ற வேண்டும் என நெடுஞ்சாலைத் துறைக்கு பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/19/கோட்டாட்சியர்-அலுவலக-வாசலில்--ஆட்டோக்களை-நிறுத்திப்-போராட்டம்-3003146.html
3003145 கோயம்புத்தூர் நீலகிரி சம்பளம் வழங்கக் கோரி டேன் டீ தொழிலாளர்கள் முற்றுகை DIN DIN Wednesday, September 19, 2018 06:11 AM +0530 பந்தலூரை அடுத்துள்ள சேரம்பாடி பகுதியில் சம்பளம் வழங்க வலியுறுத்தி டேன் டீ தொழிலாளர்கள் அலுவலகத்தை முற்றுகையிட்டு செவ்வாய்க்கிழமை போராட்டத்தில் ஈடுபட்டனர்.
பந்தலூர் வட்டத்தில் உள்ள அரசு தேயிலைத் தோட்டக் கழகம், சேரம்பாடி 
கோட்டத்தில் தொழிலாளர்களுக்கு இதுவரை சம்பளம் வழங்கவில்லை. இதையடுத்து, உடனடியாக சம்பளம்
 வழங்கக் கோரி சேரம்பாடி தேயிலைத் தோட்ட அலுவலகத்தை தொழிலாளர்கள் முற்றுகையிட்டுப் போராட்டம் நடத்தினர். 
அதைத் தொடர்ந்து நடைபெற்ற பேச்சுவார்த்தையை அடுத்து, சம்பளம் வழங்க நடவடிக்கை எடுக்கப்படும் என உறுதியளிக்கப்பட்டது. இதையடுத்து, தொழிலாளர்கள் போராட்டத்தைக் கைவிட்டுக் கலைந்து சென்றனர்.

]]>
http://www.dinamani.com/all-editions/edition-coimbatore/nilgiris/2018/sep/19/சம்பளம்-வழங்கக்-கோரி-டேன்-டீ-தொழிலாளர்கள்-முற்றுகை-3003145.html
3003144 கோயம்புத்தூர் நீலகிரி உதகையில் திமுகவினர் ஆர்ப்பாட்டம் DIN DIN Wednesday, September 19, 2018 06:10 AM +0530 தமிழக அரசைக் கண்டித்தும், ஊழல் குற்றச்சாட்டில் சிக்கியுள்ள தமிழக அமைச்சர்கள் மற்றும் டி.ஜி.பி. உள்ளிட்ட அதிகாரிகள் உடனடியாகப் பதவி விலகவும் வலியுறுத்தி நீலகிரி மாவட்ட திமுக சார்பில் கண்டன ஆர்ப்பாட்டம்  உதகையில் செவ்வாய்க்கிழமை நடைபெற்றது.
 உதகை, ஐந்து லாந்தர் திடலில், நீலகிரி மாவட்ட திமுக செயலர் பா.மு.முபாரக் தலைமையில் நடைபெற்ற இந்த கண்டன ஆர்ப்பாட்டத்தில் திமுக தலைமைத் தேர்தல் பணிக்குழுச் செயலர் ராமச்சந்திரன், கூடலூர் சட்டப் பேரவை உறுப்பினர் திராவிடமணி, மாவட்டத் துணைச் செயலர்கள் ஜே.ரவிகுமார், தமிழ்ச்செல்வன், மாவட்டப் பொருளாளர் நாசர் அலி,  உதகை நகரச் செயலாளர் ஜார்ஜ்,  தலைமைச் செயற்குழு உறுப்பினர்கள் முஸ்தபா, மு.பாண்டியராஜ்,  ராஜு, இளங்கோ, செந்தில், மாநில சிறுபான்மைப் பிரிவு துணைச் செயலர் அன்வர்கான், மாநில ஆதிதிராவிடர் நலக்குழு துணைச் செயலர் பொன்தோஸ் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/19/உதகையில்-திமுகவினர்-ஆர்ப்பாட்டம்-3003144.html
3002398 கோயம்புத்தூர் நீலகிரி மேல்பஜார் அரசுப் பள்ளி முன்பு நிற்கும் வாகனங்களால் கடும் போக்குவரத்து நெரிசல் DIN DIN Tuesday, September 18, 2018 06:15 AM +0530 மஞ்சூரில், மேல்பஜார் அரசுப் பள்ளி முன்பு நிற்கும் வாகனங்களால் பொது மக்களுக்கு இடையூறு ஏற்பட்டு வருகிறது. 
மஞ்சூர் மேல்பஜாரில் அரசு மேல்நிலைப் பள்ளி, அரசு மகளிர் பள்ளி, கூட்டுறவுத் தேயிலைத் தொழிற்சாலை, பேரூராட்சி அலுவலகம், வங்கிகள், அரசு அலுவலங்கள், குடியிருப்புகள், கடைகள் உள்ளிட்டவை உள்ளன. மேலும், பிக்கட்டி, முள்ளிக்கூர், கிண்ணக்கொரை, கோரகுந்தா, மேல்பவானி, இரியசீகை, மேல்குந்தாஉள்ளிட்ட பகுதிகளுக்குச் சென்று வரும் அரசுப் பேருந்துகளும் மேல்பஜார் வழியாகவே சென்று வருகின்றன.
இதனால், பள்ளி மாணவ, மாணவிகள், பொதுமக்கள் நடமாட்டத்துடன், வாகனப்  போக்குவரத்தும் இப்பகுதியில் அதிகமாக உள்ளது. இந்நிலையில், மேல்பஜார் பகுதியில் போதிய இடம் இல்லாத நிலையில் பெரும்பாலான தனியார் வாகனங்கள் சாலை ஓரத்தில் நிறுத்தி வைக்கப்படுகின்றன. ஒழுங்கற்ற முறையில், தாறுமாறாக நிறுத்தப்படும் வாகனங்களால் மேல் பஜார் பகுதியில் அடிக்கடி போக்குவரத்து நெரிசல் ஏற்பட்டு வருகிறது. பல நேரங்களில் எதிரே வரும் வாகனங்களுக்கு வழிவிடக்கூட முடியாத நிலை நிலவுகிறது.
இந்நிலையில், அரசு மேல்நிலைப் பள்ளி முன்பு, சாலையோரம் திங்கள்கிழமை ஏராளமானோர் தங்களது வாகனங்களை நிறுத்தி வைத்துவிட்டுச் சென்றுவிட்டனர். இதனால் அப்பகுதியில் கடும் போக்குவரத்து நெரிசல் ஏற்பட்டது. அரை மணி நேரத்துக்கும் மேலாகப் போக்குவரத்து பாதிக்கப்பட்டதால் அனைவரும் கடும் அவதிக்குள்ளாகினர். 
இதையடுத்து, காவல் துறையினர் அங்கு சென்று போக்குவரத்தைச் சீரமைத்தனர்.
இந்நிலையில், இப்பகுதியில் வாகனங்கள் நிறுத்துவதைத் தடை செய்ய வேண்டும் என பொது மக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/18/மேல்பஜார்-அரசுப்-பள்ளி-முன்பு-நிற்கும்-வாகனங்களால்-கடும்-போக்குவரத்து-நெரிசல்-3002398.html
3002397 கோயம்புத்தூர் நீலகிரி குன்னூரில் டேன் டீ அலுவலகம் முற்றுகை DIN DIN Tuesday, September 18, 2018 06:14 AM +0530 குன்னூரில் டேன் டீ தொழிலாளர்கள் கோரிக்கை மனு அளிக்க வந்தபோது அதிகாரிகள் சந்திக்க மறுத்ததால் அலுவலகத்தை முற்றுகையிட்டு திங்கள்கிழமை போராட்டத்தில் ஈடுபட்டனர்.
 குன்னூர், கூடலூர், கோத்தகிரி பகுதிகளில் 4 ஆயிரத்துக்கும் மேற்பட்ட தொழிலாளர்கள் டேன் டீ தேயிலைத் தொழிற்சாலை, தேயிலைத் தோட்டங்களில் பணியாற்றி வருகின்றனர். 
இங்கு உற்பத்தி செய்யப்படும் தேயிலை, தமிழக அரசு மூலமாகப் பல்வேறு பகுதிகளுக்கும் அனுப்பப்படுகிறது. இந்நிலையில், கோத்தகிரியில் பணிபுரியும் டேன் டீ தொழிலாளர்களுக்கு மாதந்தோறும் 10ஆம் தேதிக்குள் ஊதியம் வழங்காமல் தாமதமாக வழங்கப்பட்டு வருகிறது. 
இதனால் ஊதியத்தை முன்னதாக வழங்கக் கோரியும், தொழிலாளர்களுக்கு நீண்ட நாளாக வழங்க வேண்டிய பணிக்கொடை, விடுப்பூதியம், மருத்துவ விடுப்பூதியம் பிரசவத் தொகை,  தொழிலாளர்களுக்கான வெம்மை ஆடை,  வன விலங்குகளின் அச்சுறுத்துதலில் இருந்து  பாதுகாப்பது உள்ளிட்ட பல்வேறு கோரிக்கைகளை வலியுறுத்தி நூற்றுக்கும் மேற்பட்ட தொழிலாளர்கள் குன்னூர் டேன் டீ தலைமை அலுவலகத்துக்கு மனு அளித்த வந்தனர். ஆனால், அவர்களை அதிகாரிகள் சந்திக்க மறுத்ததால், தொழிலாளர்கள் அனைவரும்  அலுவலகம் முன்பு முற்றுகைப் போராட்டத்தில் ஈடுபட்டனர்.
காவல் துறையினர் அவர்களுடன் பேச்சுவார்த்தை நடத்தினர். அதில், அதிகாரிகள் தரப்பில் ஒரு வாரத்துக்குள் கோரிக்கைகளை நிறைவேற்றப்படும் என உறுதியளிக்கப்பட்டதையடுத்து தொழிலாளர்கள் போராட்டத்தைக் கைவிட்டுக் கலைந்து சென்றனர்.

]]>
http://www.dinamani.com/all-editions/edition-coimbatore/nilgiris/2018/sep/18/குன்னூரில்-டேன்-டீ-அலுவலகம்-முற்றுகை-3002397.html
3002396 கோயம்புத்தூர் நீலகிரி கூட்டுறவுத் தொழிற்சாலைகளில் பசுந்தேயிலைக்கு குறைந்த விலை நிர்ணயம் DIN DIN Tuesday, September 18, 2018 06:14 AM +0530 குந்தா பகுதியில் உள்ள கூட்டுறவு தேயிலைத் தொழிற்சாலைகளில் பசுந்தேயிலைக்கு குறைந்த விலை நிர்ணயிக்கப்பட்டுள்ளதால் விவசாயிகள் அதிருப்தி அடைந்துள்ளனர். 
குந்தா பகுதியில் மஞ்சூர், குந்தா (எடக்காடு), பிக்கட்டி, கிண்ணக்கொரை, இத்தலாறு, மேற்குநாடு, மகாலிங்கா, நஞ்சநாடு, கைகாட்டி ஆகிய 9 கூட்டுறவு தேயிலைத் தொழிற்சாலைகள் உள்ளன. இதில், 20 ஆயிரத்துக்கும் மேற்பட்ட விவசாயிகள் உறுப்பினர்களாக உள்ளனர். 
இவர்கள், தாங்கள் உற்பத்தி செய்யும் பசுந்தேயிலைகளை இந்தத் தொழிற்சாலைகளுக்கு விநியோகித்து வருகின்றனர். இந்நிலையில், விவசாயிகளிடம் இருந்து இம்மாதம் கொள்முதல் செய்யப்படும் பசுந்தேயிலைக்கான விலையை நிர்ணயம் செய்து கூட்டுறவுத் தொழிற்சாலைகள் அறிவித்துள்ளன. 
அதன்படி, கைகாட்டி கூட்டுறவு தொழிற்சாலையைத் தவிர்த்து, மஞ்சூர் உள்பட பிற தொழிற்சாலைகள் அனைத்திலும் ஒரு கிலோ பசுந்தேயிலைக்கு ரூ. 12 விலை நிர்ணயம் செய்யப்பட்டுள்ளது. 
கைகாட்டி கூட்டுறவுத் தொழிற்சாலையில் கிலோவுக்கு ரூ. 14.50 நிர்ணயிக்கப்பட்டுள்ள நிலையில் குந்தா பகுதியில் உள்ள மற்ற தொழிற்சாலைகளில் கிலோவுக்கு ரூ. 2.50 குறைவாக அறிவித்துள்ளதால் விவசாயிகள் கடும் அதிருப்தி அடைந்துள்ளனர். 
இதுகுறித்து, மஞ்சூர்கூட்டுறவு தேயிலைத் தொழிற்சாலை உறுப்பினரும், பிரதிநிதியுமான ராதாகிருண்ஷ்ணன் கூறியதாவது: 
குந்தா பகுதியில் தேயிலை விவசாயம் மட்டுமே பிரதானத் தொழிலாக உள்ளது. குந்தா பகுதியில் உள்ள கூட்டுறவுத் தொழிற்சாலைகளில் பசுந்தேயிலைக்கு விலை மிகவும் குறைவாக நிர்ணயிக்கப்பட்டிருப்பது விவசாயிகள் மத்தியில் ஏமாற்றத்தையும், அதிருப்தியையும் ஏற்படுத்தி உள்ளது. 
இந்த விலையைக் கொண்டு தொழிலாளர்களுக்கு கூலி வழங்கவே இயலாத நிலையில், தோட்டப் பராமரிப்பு மட்டுமின்றி விவசாயிகளின் அன்றாடச் செலவினங்களிலும் கடும் பாதிப்பு ஏற்படும். 
பெரும்பாலான கூட்டுறவுத் தொழிற்சாலைகள் லாபத்தில் இயங்குவதாக நிர்வாகத் தரப்பில் கூறப்பட்டு வரும் நிலையில், பசுந்தேயிலைக்கு விலையைக் குறைத்து நிர்ணயம் செய்திருப்பது விவசாயிகளின் வாழ்வாதாரத்தை பாதிக்கும் செயலாகும். 
எனவே, விவசாயிகளின் நிலையைக் கருத்தில் கொண்டு ஏற்கெனவே அறிவித்த விலையை திரும்பப் பெற்று, பசுந்தேயிலைக்கு கூடுதலாக விலை வழங்க இன்ட்கோ சர்வ் நிர்வாகம் நடவடிக்கை எடுக்கவேண்டும் என்றார்.

]]>
http://www.dinamani.com/all-editions/edition-coimbatore/nilgiris/2018/sep/18/கூட்டுறவுத்-தொழிற்சாலைகளில்-பசுந்தேயிலைக்கு-குறைந்த-விலை-நிர்ணயம்-3002396.html
3002395 கோயம்புத்தூர் நீலகிரி நீலகிரி மாவட்டம் தொடங்கப்பட்ட 150ஆவது ஆண்டு கொண்டாட்டம் DIN DIN Tuesday, September 18, 2018 06:14 AM +0530 நீலகிரி மாவட்டத்தின் 150ஆவது ஆண்டு விழா மற்றும் பழங்குடியினர் விழாவை தொடக்கிவைத்து, 960 பயனாளிகளுக்கு  ரூ. 6.75 கோடி மதிப்பிலான நலத் திட்ட உதவிகளை அமைச்சர் எஸ்.பி.வேலுமணி திங்கள்கிழமை வழங்கினார்.
அதைத் தொடர்ந்து அவர் பேசியதாவது:
இம்மாவட்டத்துக்கு குன்றாப்புகழ் சேர்க்கும் 150ஆவது ஆண்டு விழா, இம்மலை மாவட்டத்து பழங்குடியின மக்களான மண்ணின் மைந்தர்களுக்கு மகுடம் சூட்டும் விழாவான பழங்குடியினர் விழா ஆகிய இருபெரும் விழாக்கள் மகிழ்ச்சிக்கு உரியவையாகும். 
இந்நாளில், தபால் துறையின் மூலமாக இம்மாவட்டத்தின் பாரம்பரியத்தை பறை சாற்றும் வகையில் சிறப்புப் புகைப்படங்கள் அடங்கிய சிறப்புத் தபால் உறை வெளியிடப்படுவதும் பெருமைக்குரிய அம்சமாகும்.
 தமிழக அரசின் சார்பில் இந்த  மண்ணின் மைந்தர்களுக்கு வீடு கட்டும் திட்டம், விலையில்லா கறவை மாடுகள் வழங்குதல், தேன் சேகரிப்புத் தொழில், பெட்டிக் கடை வைத்தல், கோழிப்பண்ணைத் தொழில் செய்தல், தெளிப்பான் வழங்குதல், டிராக்டர் மற்றும் பவர் டிரில்லர் முதலிய இயந்திரங்கள் வழங்குதல் உள்ளிட்ட பல்வேறு திட்டங்கள் செயல்படுத்தப்பட்டு வருவதுடன், அனைத்துத் திட்டங்களும் மாநிலத்தில் முதல்முறையாக ஒவ்வொரு திட்டத்துக்கும் சாதகமான பகுதிகளையும், பயனாளிகளையும் பல்வேறு துறை அலுவலர்கள் மூலமாகத் தேர்வு செய்து அவர்களுக்குத் தேவையான பயிற்சிகளும்  அளிக்கப்பட்டு வருகிறது. இத்திட்டத்தின் மூலமாகப் பெண்களே அதிக அளவில் பயன்பெறுகின்றனர். 
 நீலகிரி மாவட்டத்தில், மறைந்த முன்னாள் முதல்வர் ஜெயலலிதா ஆட்சியில் சாலைகள், நடைபாதை, கால்வாய்கள், மழைநீர்க் கால்வாய்கள், கட்டடங்கள், குடிநீர்த் திட்டங்கள், கல்வெட்டுகள், தடுப்புச் சுவர்கள், தெருவிளக்குகள், பாதாளச் சாக்கடைத் திட்டப் பணிகள் மற்றும் தனி நபர் வீடுகள் போன்ற பணிகளுக்காக 2011 முதல் 2016 வரை உதகை நகராட்சிக்கு உள்பட்ட பகுதிகளில் 288 பணிகளுக்கு ரூ. 35.86 கோடியும், குன்னூர் நகராட்சிக்கு உள்பட்ட பகுதிகளில் 173 பணிகளுக்கு ரூ. 31.62  கோடியும், கூடலூர் நகராட்சிக்கு உள்பட்ட பகுதிகளில் 104 பணிகளுக்கு ரூ. 5.4 கோடியும், நெல்லியாளம் நகராட்சிக்கு உள்பட்ட பகுதிகளில் 152  பணிகளுக்கு ரூ. 10.67 கோடியும்,  அனைத்துப் பேரூராட்சிகளுக்கு உள்பட்ட பகுதிகளில் 1,340 பணிகளுக்கு ரூ. 85.21 கோடியும் மற்றும் அனைத்து ஊராட்சிகளுக்கு உள்பட்ட பகுதிகளில் 34,900 பணிகளுக்கு ரூ. 386.39 கோடியும் செலவிடப்பட்டுள்ளது. 
அத்துடன் கடந்த இரண்டு ஆண்டுகளில் நீலகிரி மாவட்டத்தில் உள்ள உதகை, குன்னூர், கூடலூர், நெல்லியாளம் ஆகிய நகராட்சிகள், பேரூராட்சிகள் மற்றும் ஊரகப் பகுதிகளில், சாலைப் பணிகள், குடிநீர்த் திட்டப் பணிகள், தெரு விளக்குப் பணிகள் உள்ளிட்ட 16,147 பணிகள், ரூ. 282 கோடி மதிப்பில் மேற்கொள்ளப்பட்டுள்ளன.
நீலகிரி மாவட்டம், தோட்டக்கலைப் பயிர் சாகுபடியில் கண்டுள்ள முன்னேற்றத்தின் காரணிகளாக விவசாய ரசாயன உரங்களும், அனைத்து வகைப் பயிர்ப் பாதுகாப்பு மருந்துகளும் இருந்து வரும் நிலையில்,  சுற்றுச்சூழல் பாதிப்பதுடன் மண் வளம் குறைந்து, உயிரினங்களுக்கு ஊறு விளைவிக்கும் நிலை உள்ளது.  இந்நிலையைத் தடுக்கும் விதமாக, 150ஆவது ஆண்டு விழா கொண்டாடும் இத்தருணத்தில் இம்மலை மாவட்டத்தை இயற்கை வேளாண் மாவட்டமாக அறிவிப்பதில் பெருமை கொள்வதுடன், இதை ஊக்கப்படுத்தும்பட்சத்தில் அடுத்த மூன்று ஆண்டுகளில் முற்றிலுமாக இயற்கை வேளாண்மை மாவட்டமாக நீலகிரி மாறும் என்றார்.
முன்னதாக தந்தை பெரியார் பிறந்த நாளையொட்டி உதகையில், தமிழகம் மாளிகையில் பெரியாரின் உருவப் படத்துக்கு மாலை அணிவித்து அமைச்சர் எஸ்.பி.வேலுமணி மரியாதை செலுத்தினார். 
தொடர்ந்து, பிரீக்ஸ் பள்ளியின் புனரமைப்புப் பணிக்காக ரூ. 37.5 கோடி மதிப்பில் அடிக்கல் நாட்டி,  பள்ளி வளாகத்தில் மரக்கன்றுகளையும் அமைச்சர் வேலுமணி  நட்டார்.
இந்நிகழ்ச்சியில், மாவட்ட ஆட்சியர் இன்னசென்ட் திவ்யா, மாநிலங்களவை உறுப்பினர்கள் கே.ஆர்.அர்ஜுனன்,  ஏ.கே.செல்வராஜ், நீலகிரி மக்களவை  உறுப்பினர் சி.கோபாலகிருஷ்ணன்,  குன்னூர் சட்டப் பேரவை உறுப்பினர் சாந்தி ராமு,  தமிழ்நாடு பால் உற்பத்தியாளர் இணையத் தலைவர் அ.மில்லர், தமிழ்நாடு மேற்கு மண்டல அஞ்சலகத் தலைவர்அம்ரேஷ் அபிமன்யூ , தமிழகத் தலைமை வனப் பாதுகாவலர் தீபக் ஸ்ரீவத்ஸவா, நீலகிரி மாவட்டக் காவல் கண்காணிப்பாளர் சண்முகப்ரியா, மாவட்ட வன அலுவலர் சுமேஷ் சோமன்,  மாவட்ட வருவாய் அலுவலர் செல்வராஜ் மற்றும் பல்வேறு அரசுத் துறைச் அலுவலர்கள், பொதுமக்கள் உள்ளிட்ட பலர் கலந்துகொண்டனர்.


 

]]>
http://www.dinamani.com/all-editions/edition-coimbatore/nilgiris/2018/sep/18/நீலகிரி-மாவட்டம்-தொடங்கப்பட்ட-150ஆவது-ஆண்டு-கொண்டாட்டம்-3002395.html
3002394 கோயம்புத்தூர் நீலகிரி மஞ்சூர்அருகே காட்டெருமை தாக்கி  பள்ளி மாணவிகள் 4 பேர் காயம் DIN DIN Tuesday, September 18, 2018 06:13 AM +0530 நீலகிரி மாவட்டம், மஞ்சூர் அருகே, சட்டன் எஸ்டேட் பகுதியில் பள்ளி முடிந்து வீடு திரும்பிய மாணவிகள் 4 பேரை திங்கள்கிழமை காட்டெருமை தாக்கியது.
 மஞ்சூர் அருகே, குந்தா வனச் சரகத்துக்கு உள்பட்டமேல் சட்டன் கிராமத்தைச் சேர்ந்தவர்கள் பாலன் மகள் சுகாசினி (15), கலாராணியின் மகள்கள் வைஷ்ணவி (15), கவிவர்ஷா (14), சுபாஸ்ரீ (11). 
இவர்கள் நான்கு பேரும், குன்னூரில் உள்ள தனியார்பள்ளியில் படித்து வருகின்றனர். பள்ளி முடிந்து பேருந்து மூலமாக குன்னூரில் இருந்து பேருந்து மூலமாக திங்கள்கிழமை மாலை 7 மணியளவில் வீட்டுக்கு வந்துள்ளனர். அப்போது, சட்டன் கைகாட்டியில் இருந்து மேல் சட்டனுக்கு தேயிலைத் தோட்டத்தின் வழியாகச் சென்றுள்ளனர்.
அப்போது, குட்டி ஈன்ற காட்டெருமை ஒன்று அப்பகுதியில் யாரையும் வரவிடாமல் விரட்டியுள்ளது. இதில், மாணவிகள் 4 பேரையும் காட்டெருமை முட்டித் தூக்கி வீசியுள்ளது. அதிர்ஷ்டவசமாக மாணவிகள் யாருக்கும் பலத்த காயம் ஏற்படாமல் உள்காயம் மட்டுமே ஏற்பட்டுள்ளது. 
அருகில் இருந்தவர்கள் அவர்களை மீட்டு சட்டன் எஸ்டேட் மருத்துவமனையில் முதலுதவி அளித்து, உயர் சிகிச்சைக்காக குன்னூர் அரசு மருத்துவமனைக்கு அனுப்பி வைத்தனர்.
இதையடுத்து, குன்னூர் வனச் சரகர் பெரியசாமி, குந்தா வனச் சரகர் சரவணன்ஆகியோரது உத்தரவின்பேரில் வனத் துறையினர் சம்பவ இடத்துக்குச் சென்று காயமடைந்த மாணவிகளை நேரில் சந்தித்து நலம் விசாரித்தனர். மேலும், காட்டெருமைகள் நடமாட்டம் குறித்து ஆய்வு செய்து வருகின்றனர். 
இதே காட்டெருமை, மேல் சட்டன் கிராமத்தைச் சேர்ந்த சுப்பிரமணியன் மகன் ராகுல் (15), மலர்க்கொடி மகன் தனுஷ் (9) ஆகியோரையும் ஞாயிற்றுக்கிழமை விரட்டியுள்ளது என்பது குறிப்பிடத்தக்கது.

]]>
http://www.dinamani.com/all-editions/edition-coimbatore/nilgiris/2018/sep/18/மஞ்சூர்அருகே-காட்டெருமை-தாக்கி-பள்ளி-மாணவிகள்-4-பேர்-காயம்-3002394.html
3002393 கோயம்புத்தூர் நீலகிரி உதகையில் காங்கிரஸ்  கட்சியினர் ஆர்ப்பாட்டம் DIN DIN Tuesday, September 18, 2018 06:13 AM +0530 ரபேல் போர் விமான ஊழலைக் கண்டித்து உதகையில் காங்கிரஸ் கட்சியினர் திங்கள்கிழமை ஆர்ப்பாட்டம் நடத்தினர்.
 நீலகிரி மாவட்ட காங்கிரஸ் கமிட்டித் தலைவரும்,  சட்டப் பேரவை  உறுப்பினருமான ஆர்.கணேஷ் தலைமையில், சுதந்திர தின சதுக்கத்தில் ஆர்ப்பாட்டம் நடைபெற்றது.
இதில், கட்சியின் மாநிலப் பொதுச் செயலர் ராதாகிருஷ்ணன்,  தாராபுரம் சட்டப் பேரவை உறுப்பினர் காளிமுத்து, கோவை புறநகர் மாவட்டத் தலைவர் வி.எம்.சி.மனோகரன், அகில இந்திய காங்கிரஸ் கமிட்டி உறுப்பினர் ஜே.பி.சுப்பிரமணியம்,  உதகை நகரத் தலைவர் பி.கே.ஜி.கெம்பையா, ஊடகப் பிரிவுச் செயலர் ராஜா, நிர்வாகிகள் அழகேசன்,  ரவிகுமார், அத்துப்பா, அனஸ், அஸ்பெக், சுல்பி ஆகியோர் உள்பட திரளானோர் கலந்துகொண்டனர்.
 

]]>
http://www.dinamani.com/all-editions/edition-coimbatore/nilgiris/2018/sep/18/உதகையில்-காங்கிரஸ்-கட்சியினர்-ஆர்ப்பாட்டம்-3002393.html
3002392 கோயம்புத்தூர் நீலகிரி ஆசிய-பசிபிக் மாஸ்டர்ஸ் கூடைப்பந்து போட்டியில் இந்திய அணிக்கு வெள்ளிப்பதக்கம் DIN DIN Tuesday, September 18, 2018 06:13 AM +0530 மலேசியாவில் நடைபெற்ற ஆசிய-பசிபிக் முதலாவது மாஸ்டர்ஸ் போட்டியில் இந்திய கூடைப்பந்து அணி வெள்ளிப்பதக்கம் வென்றுள்ளது.
 மலேசியாவின் பினாங்கு நகரில் முதன்முறையாக ஆசிய-பசிபிக் மாஸ்டர்ஸ் விளையாட்டுப் போட்டிகள் நடைபெற்றன. இதில், இந்தியாவின் சார்பில் பல்வேறு விளையாட்டு  அணிகளுக்காக 375 பேர் பங்கேற்றிருந்தனர். 
இதில், இந்தியக் கூடைப்பந்து அணியில் நீலகிரி மாவட்ட கூடைப்பந்து சங்கத்தின் துணைத் தலைவர் ஜே.ரவிகுமார் உள்ளிட்ட நான்கு பேரும் இடம் பெற்றிருந்தனர். இறுதி ஆட்டத்தில் இந்த அணி வெள்ளிப்பதக்கம் வென்றுள்ளது. 
பதக்கத்துடன் உதகை திரும்பிய வீரர்களுக்கு திங்கள்கிழமை உற்சாக வரவேற்பு அளிக்கப்பட்டது.

]]>
http://www.dinamani.com/all-editions/edition-coimbatore/nilgiris/2018/sep/18/ஆசிய-பசிபிக்-மாஸ்டர்ஸ்-கூடைப்பந்து-போட்டியில்-இந்திய-அணிக்கு-வெள்ளிப்பதக்கம்-3002392.html
3002391 கோயம்புத்தூர் நீலகிரி கோத்தகிரியில்  விநாயகர் விசர்ஜன ஊர்வலம் DIN DIN Tuesday, September 18, 2018 06:13 AM +0530 கோத்தகிரி மற்றும் அதன் சுற்றுவட்டாரப் பகுதிகளில் அகில பாரத அனுமன் சேனா இந்து நல முன்னணி ஆகிய அமைப்புகள் சார்பில் 75 விநாயகர் சிலைகள் திங்கள்கிழமை விசர்ஜனம் செய்யப்பட்டன. பல்வேறு பகுதிகளில் பிரதிஷ்டை செய்யப்பட்டிருந்த விநாயகர் சிலைகள் அனைத்தும் டானிங்டன் பகுதிக்கு திங்கள்கிழமை கொண்டு வரப்பட்டன. பின்னர் அங்கிருந்து மாலை 4 மணியளவில் விசர்ஜன ஊர்வலம் புறப்பட்டது. 
முன்னதாக அங்கு நடைபெற்ற பொதுக் கூட்டத்தில் அகில பாரத அனுமன் சேனா மாநிலத் தலைவர் சிட்கோ ராஜேந்திரன், மாநில மகளிரணி அமைப்பாளர் பாக்கியலட்சுமி, நிர்மலா, மாநிலத் தொழிற்சங்கப் பொதுச் செயலாளர் மோகன்ராஜ், இந்து நல முன்னணி மாநிலச் செயலாளர் மணிகண்டன், மாநிலத் தலைவர் மணி, மாவட்டச் செயலாளர் தேவா ஆகியோர் பேசினர்.
  அதைத் தொடர்ந்து அங்கிருந்து புறப்பட்ட ஊர்வலம் காமராஜர் சதுக்கம், மார்க்கெட், கடை வீதி, பேருந்து நிலையம், ராம்சந்த் உள்ளிட்ட முக்கிய வீதிகள் எடுத்து வரப்பட்டு பலத்த பாதுகாப்புடன் உயிலட்டி நீர்வீழ்ச்சியில் கரைக்கப்பட்டன. 

]]>
http://www.dinamani.com/all-editions/edition-coimbatore/nilgiris/2018/sep/18/கோத்தகிரியில்--விநாயகர்-விசர்ஜன-ஊர்வலம்-3002391.html
3001658 கோயம்புத்தூர் நீலகிரி உதகையில் திருச்சிலுவை மகிமை தினம் DIN DIN Monday, September 17, 2018 04:58 AM +0530 உதகையில் திருச்சிலுவை மகிமை தினம் ஞாயிற்றுக்கிழமை அனுசரிக்கப்பட்டது.
உதகையில் தென்னகத்தின் கல்வாரி என அழைக்கப்படும் குருசடி திருத்தலத்தில் இயேசு பிரான் சுமந்து சென்ற திருச்சிலுவையின் ஒரு பகுதி பாதுகாக்கப்பட்டு வருகிறது. திருச்சிலுவை மகிமைப்படுத்தப்பட்ட தினம் ஞாயிற்றுக்கிழமை அனுசரிக்கப்பட்டது. இதற்காக உதகை காந்தல் பகுதியிலிருந்து குருசடி திருத்தலம் வரை  திருச்சிலுவை பவனி நடைபெற்றது.
குருசடி திருத்தலத்தில் உதகை மறைமாவட்ட முதன்மை குரு கிறிஸ்டோபர் லாரன்ஸ் தலைமையில் சிறப்புக் கூட்டுத் திருப்பலி நடைபெற்றது .
அருட்தந்தை ஜே.அலெக்சாண்டர், இமானுவேல் ஆகியோருடன் குருசடி திருத்தல அதிபர் அமிர்தராஜ் உள்ளிட்டோர் பங்கேற்றனர். இதன் ஒரு பகுதியாக புதுநன்மை வழங்கும் நிகழ்ச்சியும் நடத்தப்பட்டது. இதில்  19 சிறுவர், சிறுமியருக்கு புதுநன்மை வழங்கப்பட்டது. 
இதில் பங்கேற்ற 19 குழந்தைகளுக்கும் நீலகிரி மாவட்ட ஆட்சியர் இன்னசென்ட் திவ்யா, அவரது கணவர் ஆகியோர் ஞானத் தாய், தந்தையராக இருந்து புதுநன்மை விழாவை சிறப்பித்தனர்.

]]>
http://www.dinamani.com/all-editions/edition-coimbatore/nilgiris/2018/sep/17/உதகையில்-திருச்சிலுவை-மகிமை-தினம்-3001658.html
3001657 கோயம்புத்தூர் நீலகிரி செப்டம்பர் 17 மின் தடை DIN DIN Monday, September 17, 2018 04:57 AM +0530 அத்திப்பள்ளி,  உப்பட்டி
நீலகிரி மின்பகிர்மான வட்டத்தில் மாதாந்திரப் பராமரிப்புப் பணிகள் நடைபெற இருப்பதால் அத்திப்பள்ளி, உப்பட்டி, சேரம்பாடி, கூடலூர், அதிகரட்டி ஆகிய துணை மின்நிலையங்களுக்கு உள்பட்ட பகுதிகளில் திங்கள்கிழமை (செப். 17) காலை 9 மணி முதல் மாலை 4 மணி வரை மின் விநியோகம் தடைபடும் என அறிவிக்கப்பட்டுள்ளது.
மின் விநியோகம் தடைபடும் பகுதிகள் விவரம்: உப்பட்டி துணை மின் நிலையம்: உப்பட்டி, பொன்னானி, தேவாலா, பந்தலூர், அத்திக்குன்னா, கொளப்பள்ளி, எல்லமலை,  நாடுகாணி, குந்தலாடி, ராக்வுட்,  அய்யன்கொல்லி, உட்பிரையார் 3வது டிவிஷன்.
அத்திப்பள்ளி துணை மின்நிலையம்: முதுமலை, அத்திப்பள்ளி, தொரப்பள்ளி, பாடந்துரை, சிறீமதுரை, மண்வயல்,  தெப்பக்காடு, பாட்டவயல், நெலாக்கோட்டை, கார்குடி, தேவர்சோலை.
சேரம்பாடி துணை மின்நிலையம்: சேரம்பாடி டவுன், கண்ணம்வயல், நாயக்கன்சோலை, கையுண்ணி, எருமாடு, தாளூர்,  பொன்னச்சேரா, கக்குண்டி, சோலாடி. 
கூடலூர் துணை மின் நிலையம்: கூடலூர், நந்தட்டி, சூண்டி, மரப்பாலம், செம்பாலா, ஓவேலி,  1ஆவது மைல், 2ஆவது மைல், காந்தி நகர்.
அதிகரட்டி துணை மின்நிலையம்: அதிகரட்டி, பாலகொலா, தேவர்சோலை, காத்தாடிமட்டம்,  நுந்தளா,  தாம்பட்டி, மணியட்டி, நான்சச், ஆருகுச்சி, உலிக்கல், மேலூர், மஞ்சக்கொம்பை, கிளிஞ்சாடா, சேலாஸ், பாரதிநகர், தூதூர்மட்டம், கரும்பாலம், கிளண்டேல், கொலக்கம்பை, பென்காம்.

]]>
http://www.dinamani.com/all-editions/edition-coimbatore/nilgiris/2018/sep/17/செப்டம்பர்-17-மின்-தடை-3001657.html
3001656 கோயம்புத்தூர் நீலகிரி குன்னூர், கோத்தகிரி, கூடலூரில் விநாயகர் சிலை விசர்ஜன ஊர்வலம் DIN DIN Monday, September 17, 2018 04:57 AM +0530 குன்னூர், கோத்தகிரியில் பலத்த போலீஸ் பாதுகாப்புடன் விநாயகர் சிலைகள் விசர்ஜன ஊர்வலம் ஞாயிற்றுக்கிழமை  நடைபெற்றது. 
குன்னூர், கோத்தகிரியில் விநாயகர் சதுர்த்தியையொட்டி கடந்த 13ஆம் தேதி பல்வேறு பகுதிகளிலும் ஹிந்து அமைப்புக்கள், பொதுமக்கள் சார்பில் விநாயகர் சிலைகள் பிரதிஷ்டை செய்யப்பட்டன. 
15ஆம் தேதி முதல் விநாயகர் சிலைகள் விசர்ஜன செய்யப்பட்டு வருகின்றன. இதில்,  ஹிந்து அமைப்புகள் சார்பில் ஞாயிற்றுக்கிழமை விசர்ஜன ஊர்வலம் நடத்தப்பட்டது. இதையொட்டி,  காவல் துறை துணைக்  கண்காணிப்பாளர் கிருஷ்ணமூர்த்தி  தலைமையில் பலத்த போலீஸ் பாதுகாப்பு அளிக்கப்பட்டது. 
  முன்னதாக,  குன்னூர்  சிம்ஸ் பூங்கா பகுதியில் இருந்து விசர்ஜன ஊர்வலம் புறப்பட்டது.  மவுண்ட் ரோடு வழியாக விநாயகர் சிலைகள் கொண்டுசெல்லப்பட்டு லால்ஸ் அருவியில் விசர்ஜனம் செய்யப்பட்டன. கோத்தகிரியில் டானிங்டனில் இருந்து விசர்ஜன ஊர்வலம் புறப்பட்டது.  சந்தைப் பகுதி வழியாக விநாயகர் சிலைகள் கொண்டு செல்லப்பட்டு உயிலட்டி அருவியில் விசர்ஜனம் செய்யப்பட்டன. மொத்தம் 150க்கும் மேற்பட்ட விநாயகர் சிலைகள் விசர்ஜனம் செய்யப்பட்டன.
கூடலூரில்...  கூடலூரில் விநாயகர் விசர்ஜன ஊர்வலம் வெகுவிமரிசையாக ஞாயிற்றுக்கிழமை நடைபெற்றது.
      இந்து முன்னணி சார்பில் கூடலூர் பகுதியில் பிரதிஷ்டை செய்யப்பட்ட விநாயகர் சிலைகள் கூடலூர் நகருக்குக் கொண்டு வரப்பட்டு ராஜகோபாலபுரம் ஓம் சக்தி கோயில் பகுதிக்குக் கொண்டுவரப்பட்டது. இங்கிருந்து விநாயகர் சிலைகள் விசர்ஜன ஊர்லம் புறப்பட்டது. முக்கிய சாலைகள் வழியாக விநாயகர் சிலைகள் கொண்டு செல்லப்பட்டு இரும்புப் பாலம் கொண்டு கொண்டு செல்லப்பட்டு அங்கு விசர்ஜனம் செய்யப்பட்டது.
   விஸ்வ ஹிந்து பரிஷத் சார்பில் பிரதிஷ்டை செய்யப்பட்ட விநாயகர் சிலைகள் கூடலூர் ராஜகோபாலபுரம் பகுதியிலுள்ள முக்கூடல் லிங்கேஸ்வரர் கோயிலுக்கு கொண்டுவரப்பட்டன.  இங்கிருந்து விசர்ஜன ஊர்வலம் புறப்பட்டது. பழைய பேருந்து நிலையம், புதிய பேருந்து நிலையம் ,வட்டாட்சியர் அலுவலகம் வழியாகச் சென்ற ஊர்வலம் மீண்டும் பழைய பேருந்து நிலையம் வந்து கோழிக்கோடு சாலை வழியாக இரும்பு பாலம் சென்றடைந்தது. 
இங்கு பாண்டியார்- புன்னம்புழா ஆற்றில் விநாயகர் சிலைகள் விசர்ஜனம் செய்யப்பட்டன.

]]>
http://www.dinamani.com/all-editions/edition-coimbatore/nilgiris/2018/sep/17/குன்னூர்-கோத்தகிரி-கூடலூரில்-விநாயகர்-சிலை-விசர்ஜன-ஊர்வலம்-3001656.html
3001161 கோயம்புத்தூர் நீலகிரி கூடலூரில் விஷம் அருந்திய சிறுவன், சிறுமி கோவை அரசு மருத்துவமனைக்குப் பரிந்துரை DIN DIN Sunday, September 16, 2018 01:29 AM +0530
கூடலூரில் விஷம் அருந்திய சிறுவன், சிறுமி இருவரும் உதகையில் இருந்து உயர் சிகிச்சைக்காக கோவை அரசு மருத்துவமனைக்கு கொண்டு செல்லப்பட்டனர். இதுதொடர்பான விவரம் வருமாறு:
கூடலூர், செருமுள்ளி பகுதியைச் சேர்ந்தவர் ஆஷியா. இவரது கணவர் குல்முகமது. இவர்களது குழந்தைகள் தாஷிபா(11), தப்ரேஷ் (9).
கடந்த 5 ஆண்டுகளாக ஆஷியா தனது கணவரைப் பிரிந்து குழந்தைகளுடன் வசித்து வருவதாகக் கூறப்படுகிறது. இந்நிலையில், ஆஷியாவின் வீட்டிலிருந்து வாழை மரத்துக்கு பயன்படுத்தப்படும் பூச்சிக் கொல்லி மருந்தை குழந்தைகள் தவறுதலாக எடுத்துக் குடித்து விட்டதாகக் கூறி அவர்கள் கூடலூர் அரசு மருத்துவமனைக்கு சனிக்கிழமை காலையில் கொண்டு வரப்பட்டனர். அங்கு முதலுதவி சிகிச்சை அளிக்கப்பபட்ட பின்னர் உயர் சிகிச்சைக்காக உதகை அரசுத் தலைமை மருத்துவமனைக்கு கொண்டு வந்தனர்.
உதகையிலும் கூடுதல் சிகிச்சையளிக்கப்பட்டு, இருவரும் கோவை அரசு மருத்துவக் கல்லூரி மருத்துவமனைக்கு பரிந்துரை செய்யப்பட்டுள்ளனர். குழந்தைகள் விஷம் குடித்ததற்கான காரணம் இதுவரையிலும் தெரியவில்லை என்பதுடன், அவர்களுக்கு நினைவு திரும்பி, கண் விழித்துப் பேசினால்தான் இச்சம்பவத்துக்கான உண்மையான காரணம் தெரியவரும் என காவல் துறையினர் தெரிவித்தனர்.

 

]]>
http://www.dinamani.com/all-editions/edition-coimbatore/nilgiris/2018/sep/16/கூடலூரில்-விஷம்-அருந்திய-சிறுவன்-சிறுமி-கோவை-அரசு-மருத்துவமனைக்குப்-பரிந்துரை-3001161.html
3001160 கோயம்புத்தூர் நீலகிரி மசக்கவுண்டன்செட்டிபாளையம் ஊராட்சி அலுவலகத்தில் பேட்டரிகள் திருட்டு DIN DIN Sunday, September 16, 2018 01:28 AM +0530
அன்னூர் ஒன்றியம், மசக்கவுண்டன்செட்டிபாளையம் ஊராட்சி அலுவலகத்தில் பூட்டை உடைத்து 4 பேட்டரிகளை மர்மநபர்கள் வெள்ளிக்கிழமை திருடிச் சென்றனர்.
அன்னூர் ஒன்றியம், மசக்கவுண்டன்செட்டிபாளையம் ஊராட்சி அலுவலகத்துக்கு அருகில் கிளை நூலகம் உள்ளது. அந்த நூலகத்தின் நூலகர் வழக்கம் போல் சனிக்கிழமை காலை நூலகத்தை திறக்க வந்துள்ளார்.
அப்போது அருகில் இருந்த ஊராட்சி அலுவலகத்தின் தாழ்ப்பாள் உடைக்கப்பட்டிருந்தது கண்டு ஊராட்சி செயலர் மற்றும் வட்டார வளர்ச்சி அலுவலருக்குத் தகவல் தெரிவித்துளார்.
இதையடுத்து அதிகாரிகள் வந்து பார்த்தபோது, அலுவலகத்தின் மெயின் கதவின் தாழ்ப்பாளை உடைத்து உள்ளே சென்று பீரோவையும் மர்மநபர்கள் உடைத்துள்ளது தெரிந்தது. ஊராட்சி வளாகத்தில் நிறுத்தி வைக்கப்பட்டிருந்த குப்பை சேகரிக்கும் வாகனத்தில் இருந்த நான்கு பேட்டரிகளை மர்ம நபர்கள் திருடிச் சென்றனர். மேலும், பீரோவில் வைக்கப்பட்டிருந்த ஆவணங்கள் ஏதும் திருடப்பட்டுள்ளதா என்பது குறித்து அதிகாரிகள் சரிபார்த்து வருகின்றனர்.
இதுகுறித்து அன்னூர் போலீஸார் விசாரித்து வருகின்றனர்.

]]>
http://www.dinamani.com/all-editions/edition-coimbatore/nilgiris/2018/sep/16/மசக்கவுண்டன்செட்டிபாளையம்-ஊராட்சி-அலுவலகத்தில்-பேட்டரிகள்-திருட்டு-3001160.html
3001159 கோயம்புத்தூர் நீலகிரி உதகையில் கொட்டும் மழையில் விநாயகர் விசர்ஜன ஊர்வலம் DIN DIN Sunday, September 16, 2018 01:28 AM +0530
உதகையில் கொட்டும் மழையில் விநாயகர் விசர்ஜன ஊர்வலம் சனிக்கிழமை நடைபெற்றது.
உதகையில் விஸ்வ ஹிந்து பரிஷத், சிவசேனா மற்றும் இந்து சேவா சங்கம் ஆகியவற்றின் சார்பில் விநாயகர் விசர்ஜன ஊர்வலம் சனிக்கிழமை நடைபெற்றது.
நீலகிரி மாவட்டத்தில் உதகையிலும், கேத்தியிலும் மட்டுமே சனிக்கிழமை விசர்ஜன ஊர்வலம் நடைபெற்றது. கேத்தியில் வைக்கப்பட்டிருந்த 6 சிலைகள் அங்கிருந்து எல்லநள்ளி வழியாக உதகைக்கு கொண்டு வரப்பட்டு பின்னர் காமராஜர் சாகர் நீர்த்தேக்கத்ததில் விசர்ஜனம் செய்யப்பட்டன.
அதேபோல உதகை, காந்தல் பகுதியில் இருந்து சனிக்கிழமை காலையில் 83 சிலைகளுடன் தொடங்கிய ஊர்வலம் ரோகிணி சந்திப்பு, ஆட்சியர் அலுவலகம் வழியாக சேரிங்கிராஸை சென்றடைந்தது. அங்கு அன்னதானம் வழங்கப்பட்ட பின்னர் அங்கிருந்து புறப்பட்டு சேரிங்கிராஸ், கமர்ஷியல் சாலை, காபி ஹவுஸ் சந்திப்பு, மெயின் பஜார் வழியாக மின்வாரிய ரவுண்டானா பகுதியைச் சென்றடைந்து அங்கிருந்து காமராஜர் சாகர் நீர்த்தேக்கத்துக்கு கொண்டு செல்லப்பட்டது. காந்தல் பகுதியும், மெயின்பஜார் பகுதியும் பதற்றம் நிறைந்த பகுதிகள் என்பதால் இவ்விரு இடங்களிலும் காலை முதலே பலத்த பாதுகாப்பு போடப்பட்டிருந்தது.
ஊர்வலம் சென்ற பாதையில் ஊர்வலக் குழுவினருடன் மாவட்டக் காவல் கண்காணிப்பாளர் சண்முகப்ரியா நடந்து வந்ததுடன் சிலைகள் விசர்ஜனம் செய்யப்படும் காமராஜர் சாகர் நீர்த்தேக்கத்துக்கும் அவர் சென்றிருந்தார்.
ஊர்வலத்தின் முடிவில் செய்தியாளர்களிடம் அவர், உதகையிலும், கேத்தியிலும் நடைபெற்ற விநாயகர் விசர்ஜன ஊர்வலம் மிகவும் அமைதியான முறையில் நடைபெற்று முடிந்தது. ஊர்வலத்தில் எடுத்து வரப்பட்ட 83 சிலைகளும் காமராஜர் சாகர் நீர்த்தேக்கத்தில் விசர்ஜனம் செய்யப்பட்டுள்ளன.
இதற்கான பாதுகாப்புப் பணியில் காவல் துறை அதிகாரிகளுடன் 300 பேர் ஈடுபட்டிருந்தனர்.
மேலும், மாவட்டத்தின் பெரும்பாலான பகுதிகளில் ஞாயிற்றுக்கிழமை விசர்ஜன ஊர்வலங்கள் நடைபெறவுள்ளன. இந்த ஊர்வலத்தின்போது 800 பேர் பாதுகாப்புப் பணியில் ஈடுபடவுள்ளனர்' என்றார்.உதகையில் விநாயகர் விசர்ஜன ஊர்வலம் சனிக்கிழமை நடைபெற்றபோது திடீரென மழை பெய்யத் தொடங்கியது.
இருப்பினும் மழையையும் பொருட்படுத்தாமல் வழக்கமான உற்சாகத்துடனேயே விநாயகர் சிலைகள் எடுத்துச் செல்லப்பட்டன.

 

]]>
http://www.dinamani.com/all-editions/edition-coimbatore/nilgiris/2018/sep/16/உதகையில்-கொட்டும்-மழையில்-விநாயகர்-விசர்ஜன-ஊர்வலம்-3001159.html
3001158 கோயம்புத்தூர் நீலகிரி நீலகிரி மாவட்டத்தில் அண்ணா பிறந்த நாள் விழா DIN DIN Sunday, September 16, 2018 01:28 AM +0530
குன்னூரில் அதிமுக சார்பில் அண்ணா பிறந்த நாள் விழா சனிக்கிழமை நடைபெற்றது.
அதிமுக மாவட்டச் செயலாளரும், மாநிலங்களவை உறுப்பினருமான கே.ஆர்.அர்ஜுனன் தலைமை வகித்தார்.
அதிமுக மாவட்ட அவைத் தலைவரும், மக்களவை உறுப்பினருமான சி. கோபாலகிருஷ்ணன் முன்னிலை வகித்தார்.
அரசு லாலி மருத்துவமனைப் பகுதியில் இருந்து ஊர்வலமாகப் புறப்பட்ட அதிமுகவினர் குன்னூர் பேருந்து நிலையம் அருகே உள்ள அண்ணா சிலையை வந்தடைந்தனர். பின்னர், அங்குள்ள அண்ணா சிலைக்கு மாலை அணிவித்து மரியாதை செலுத்தினர்.
இந்நிகழ்ச்சிக்கு, குன்னூர் சட்டப் பேரவை உறுப்பினரும், ஜெயலலிதா பேரவை மாவட்டச் செயலாளருமான சாந்தி ராமு, இளைஞர் அணி மாவட்டச் செயலாளர் கப்பச்சி வினோத், நகரச் செயலாளர் டி.சரவணகுமார் ஆகியோர் உள்பட ஒன்றியச் செயலாளர்கள், சார்பு அமைப்புகளின் நிர்வாகிகள் உள்ளிட்ட பலர் கலந்துகொண்டனர்.
உதகையில்...
நீலகிரி மாவட்ட திமுக சார்பில் உதகையில் மாவட்ட திமுக அலுவலக வளாகத்தில் உள்ள அண்ணாவின் உருவச் சிலைக்கு உதகை நகரச் செயலர் எஸ்.ஜார்ஜ், நிர்வாகிகள் கே.ஏ.முஸ்தபா, கே.முத்துசாமி உள்ளிட்டோர் மாலை அணிவித்து மரியாதை செலுத்தினர்.
பந்தலூரில்...
பந்தலூர் பஜாரில் நடைபெற்ற விழாவுக்கு திமுக கிளைச் செயலாளர் பன்னீர்செல்வம் தலைமை வகித்தார்.
அண்ணாவின் உருவப் படத்துக்கு மாலை அணிவித்து மரியாதை செலுத்தப்பட்டது.
இதில், அவைத் தலைவர் சுப்பையா, பிரதிநிதி அண்ணாமலை, நகர நிர்வாகி சிவசுப்பிரமணியம், நகர்மன்ற முன்னாள் தலைவர் அமிர்தலிங்கம், தொமுச தலைவர் மாடசாமி உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2018/sep/16/நீலகிரி-மாவட்டத்தில்-அண்ணா-பிறந்த-நாள்-விழா-3001158.html
3001156 கோயம்புத்தூர் நீலகிரி உதகை கோ-ஆப்டெக்ஸில் தீபாவளி சிறப்புத் தள்ளுபடி விற்பனை DIN DIN Sunday, September 16, 2018 01:27 AM +0530
உதகை கோ-ஆப்டெக்ஸில் தீபாவளி சிறப்புத் தள்ளுபடி விற்பனையை மாவட்ட ஆட்சியர் இன்னசென்ட் திவ்யா சனிக்கிழமை தொடக்கிவைத்தார்.
இந்நிகழ்ச்சியில், மாவட்ட ஆட்சியர் பேசியதாவது:
இந்த ஆண்டில் தீபாவளி சிறப்புத் தள்ளுபடி விற்பனையாக கைத்தறி ரகங்களுக்கு 30 சதவீதம் சிறப்புத் தள்ளுபடி வழங்கப்படும். கடந்த ஆண்டு தீபாவளிப் பண்டிகையின்போது உதகை விற்பனை நிலையத்தில் ரூ. 91.88 லட்சம் விற்பனை நடைபெற்றுள்ளது. இந்த ஆண்டில் விற்பனைக் குறியீடாக ரூ. 110 லட்சம் நிர்ணயிக்கப்பட்டுள்ளது என்றார். இந்நிகழ்ச்சியில், கோ-ஆப்டெக்ஸ் மண்டல மேலாளர் சுரேஷ்குமார், மண்டலத் துணை மேலாளர் மோகன்குமார், உதகை விற்பனை நிலைய மேலாளர் சபீனா நாஸ் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2018/sep/16/உதகை-கோ-ஆப்டெக்ஸில்-தீபாவளி-சிறப்புத்-தள்ளுபடி-விற்பனை-3001156.html
3001155 கோயம்புத்தூர் நீலகிரி டேன் டீ குயின் சோலை தொழிலாளர்கள் போராட்டம் DIN DIN Sunday, September 16, 2018 01:27 AM +0530
கோத்தகிரி, டேன் டீ குயின் சோலை தொழிலாளர்கள் சனிக்கிழமை முற்றுகைப் போராட்டத்தில் ஈடுபட்டனர்.
கோத்தகிரி, குயின் சோலை டேன் டீ தொழிலாளர்கள் செப்டம்பர் 10ஆம் தேதி பறித்து வந்த பசுந்தேயிலை தரமில்லை என கூறி டேன் டீ நிர்வாகம் திருப்பி அனுப்பியுள்ளது. மேலும், டேன் டீ நிர்வாகம் ரூ. 60 ஆயிரம் பிடித்தம் செய்வதாகவும் குயின் சோலை கள மேலாளரிடம் தெரிவிக்கப்பட்டுள்ளது.
இதனால் ஆத்திரமடைந்த 120/105 டிவிஷனைச் சேர்ந்த தொழிலாளர்கள் அதிகாரிகளுடன் வாக்குவாத்தில் ஈடுபட்டு, அலுவலகம் முன்பு முற்றுகைப் போராட்டத்தில் ஈடுபட்டனர்.
இதயைடுத்து, டேன் டீ பொது மேலாளர் விக்ரம் மற்றும் தொழிற்சங்கத் தலைவர் கருவெற்றிவேல் ஆகியோர் தொழிலாளர்களிடம் பேச்சுவார்தை நடத்தினர்.
அப்போது, தொழிலாளர்கள் உள்பட யாருக்கும் பாதிப்பு ஏற்படாத வகையில் இப்பிரச்னைக்குத் தீர்வு காணப்படும் என உறுதி கூறியதையடுத்து தொழிலாளர்கள் போராட்டத்தைக் கைவிட்டு மீண்டும் பணிக்குத் திரும்பினர்.

]]>
http://www.dinamani.com/all-editions/edition-coimbatore/nilgiris/2018/sep/16/டேன்-டீ-குயின்-சோலை-தொழிலாளர்கள்-போராட்டம்-3001155.html
3001154 கோயம்புத்தூர் நீலகிரி குன்னூர், சுற்று வட்டாரப் பகுதிகளில் பலத்த மழை DIN DIN Sunday, September 16, 2018 01:27 AM +0530
குன்னூர் மற்றும் அதன் சுற்று வட்டாரப் பகுதிகளில் சனிக்கிழமை பலத்த மழை பெய்தது.
நீலகிரி மாவட்டத்தில் கடந்த மாதம் பெய்த தென்மேற்குப் பருவ மழையின் தாக்கம் கூடலூர் பகுதியில் அதிகம் இருந்த நிலையில் உதகை, குன்னூர்,கோத்தகிரி,கேத்தி, கொலக்கம்பை போன்ற பகுதிகளில் மழையின் தாக்கம் சற்றுக் குறைந்தே காணப்பட்டது.
இந்நிலையில், வடகிழக்குப் பருவ மழையின் தாக்கம் குன்னூர் பகுதியில் அதிகம் இருக்கும் என மாவட்ட நிர்வாகம் அறிவுறுத்திய நிலையில், கடந்த சில நாள்களாக குன்னூர் சுற்றுவட்டாரப் பகுதிகளில் வானம் மேகமூட்டத்துடன் காணப்பட்டது. அவ்வப்போது மூடுபனியும் உருவானது.
இந்நிலையில், சனிக்கிழமை மதியம் திடீரென பலத்த மழை பெய்யத் தொடங்கியது சில மணிநேரம் தொடர்ந்து பெய்த இந்த மழையின் காரணமாக ஆறுகள், சாலைகளில் வெள்ளம் பெருகெடுத்து ஓடியது.
இதன் காரணமாக பொது மக்களின் இயல்பு வாழ்க்கை பாதிக்கப்பட்டது.

 

]]>
http://www.dinamani.com/all-editions/edition-coimbatore/nilgiris/2018/sep/16/குன்னூர்-சுற்று-வட்டாரப்-பகுதிகளில்-பலத்த-மழை-3001154.html
3001153 கோயம்புத்தூர் நீலகிரி பிளாஸ்டிக் ஒழிப்பு விழிப்புணர்வுக் கூட்டம் DIN DIN Sunday, September 16, 2018 01:27 AM +0530
கோத்தகிரி, ராம்சந்த் வியாபாரிகள் சங்கம், சிட்டிசன் போரம் அமைப்பு ஆகியன இணைந்து சனிக்கிழமை பிளாஸ்டிக் ஒழிப்பு விழிப்புணர்வுக் கூட்டம் நடத்தின.
இக்கூட்டத்துக்கு சங்கத் தலைவர் லியாகத் அலி தலைமை வகித்தார்.
சிட்டிசன் போரம் அமைப்பைச் சேர்ந்த சங்கீதா, ராதா, ரீட்டா ஆகியோர் நீலகிரி மாவட்டத்தில் தடை செய்யப்பட்டுள்ள பொருள்கள் குறித்து பொதுமக்களுக்கு விழிப்புணர்வை ஏற்படுத்த, தடை செய்யப்பட்ட பிளாஸ்டிக் பொருள்களை பொதுமக்களின் பார்வைக்கு வைத்திருந்தனர்.
மேலும் இக்கூட்டத்தில் மாவட்ட நிர்வாகத்தால் தடை செய்யப்பட்ட பிளாஸ்டிக் பொருள்களை எந்தக் கடையிலும் விற்பதில்லை என தீர்மானம் நிறைவேற்றப்பட்டது. மேலும், ஒவ்வொரு கடையிலும், தடை செய்யப்பட்ட பிளாஸ்டிக் பொருள்களை விற்பதில்லை என்ற அறிவிப்புப் பலகையும் வைக்கப்பட்டது.

 

]]>
http://www.dinamani.com/all-editions/edition-coimbatore/nilgiris/2018/sep/16/பிளாஸ்டிக்-ஒழிப்பு-விழிப்புணர்வுக்-கூட்டம்-3001153.html
3000428 கோயம்புத்தூர் நீலகிரி சமுதாய வளைகாப்பு: 250 கர்ப்பிணிகளுக்கு மங்கலப் பொருள்கள் வழங்கல் DIN DIN Saturday, September 15, 2018 05:08 AM +0530 உதகையில் உள்ள இளம்படகர் சங்கக் கட்டட அரங்கில் ஒருங்கிணைந்த குழந்தைகள் வளர்ச்சித் திட்டம் சார்பில் 250 கர்ப்பிணிகளுக்கு மங்கலப் பொருள்கள் வழங்கி சமுதாய வளைகாப்பு நிகழ்ச்சி வெள்ளிக்கிழமை நடைபெற்றது. 
இந்நிகழ்ச்சியை மாவட்ட ஆட்சியர் இன்னசென்ட் திவ்யா தொடக்கிவைத்துப் பேசியதாவது:
தமிழக அரசு பெண்களின் முன்னேற்றத்துக்காகப் பல்வேறு நலத் திட்டங்களை அறிவித்து செயல்படுத்தி வருகிறது. குறிப்பாக பெண்கள் வாழ்வில் முன்னேறுவதற்காகவும், வாழ்வாதாரம் உயரவும் பல்வேறு தொலைநோக்குத் திட்டங்களை அறிவித்துள்ளது.
 கர்ப்பிணிகள், தாங்கள் கர்ப்பம்  என்பதை உறுதி செய்தவுடன் உடனடியாக அருகில் உள்ள ஆரம்ப சுகாதார நிலையம், அங்கன்வாடி மையத்தில் பதிவு செய்து கொண்டு மாதந்தோறும் தவறாமல் எடையை சரிபார்த்துக் கொண்டு, தடுப்பூசி மற்றும் முறையான மருத்துவ சிகிச்சை எடுத்துக் கொள்ள வேண்டும். மேலும் அங்கன்வாடி மையத்தில் தரப்படும் சத்து மாவு உடல் நலத்துக்கும், குழந்தையின் மூளை வளர்ச்சிக்கும் மிகவும் முக்கியமானதாகும். எனவே, சத்து மாவைத் தவறாது வாங்கி உண்ண வேண்டும். இவ்வாறு செய்வதன் மூலமாக கர்ப்பிணிகளின் இறப்பு, ரத்த சோகை, சிசு மரணம், எடை குறைவான குழந்தை பிறத்தல் ஆகியவை ஏற்படாமல் நல்ல முறையில், ஆரோக்கியமான குழந்தையைப் பெற்றெடுக்க முடியும்.
 அண்மைக்காலமாக  வீட்டிலேயே இணையதளத்தைப் பார்த்து பிரசவம் பார்க்கப்பட்டு வருகிறது. அவ்வாறு செய்யாமல் அரசு மருத்துவமனையிலோ அல்லது தனியார் மருத்துவமனையிலோ பிரசவம் பார்த்தால்தான் தாயும், சேயும் நலமுடன் இருக்க முடியும். மேலும், குழந்தை பிறந்தவுடன் தாயும், சேயும் ஆரோக்கியமாகவும், சுகாதாரமாகவும் இருக்க குழந்தைப் பரிசுப் பெட்டகம் வழங்கப்படுகிறது. அத்துடன், டாக்டர் முத்துலட்சுமி மகப்பேறு நிதி உதவித் திட்டத்தின்கீழ் கர்ப்பிணிகளுக்கு மகப்பேறு நிதி உதவித் தொகையாக ரூ. 18,000 வழங்கப்படுகிறது என்றார். 
தொடர்ந்து ஒருங்கிணைந்த குழந்தைகள் வளர்ச்சித் திட்டத்தின் சார்பில் கர்ப்பிணிகளுக்கு மங்கலப் பொருள்களையும், 7 வகையான உணவுகளையும் வழங்கி, சமுதாய வளைகாப்பு நடத்தப்பட்டது.
இந்நிகழ்ச்சியில் மாநிலங்களவை உறுப்பினர் கே.ஆர்.அர்ஜுனன், உதகை கோட்டாட்சியர் சுரேஷ், சுகாதாரப் பணிகள் துணை இயக்குநர் டாக்டர் பொற்கொடி, சமூக நலத்துறை அலுவலர் தேவகுமாரி,  ஒருங்கிணைந்த குழந்தைகள் வளர்ச்சித் திட்ட அலுவலர் கீதா, உதகை நகர்மன்றப் பொறியாளர் ரவி மற்றும் அரசுத் துறை அலுவலர்கள் உள்பட பலர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/15/சமுதாய-வளைகாப்பு-250-கர்ப்பிணிகளுக்கு-மங்கலப்-பொருள்கள்-வழங்கல்-3000428.html
3000427 கோயம்புத்தூர் நீலகிரி நீலகிரியில் தடை செய்யப்பட்ட பிளாஸ்டிக்: திருமண மண்டபங்களுக்கு ரூ. 55,500 அபராதம் DIN DIN Saturday, September 15, 2018 05:08 AM +0530 நீலகிரி மாவட்டத்தில் தடை செய்யப்பட்டுள்ள பிளாஸ்டிக் பொருள்களின் பயன்பாடு குறித்து மாவட்டத்தில் உள்ள திருமண மண்டபங்களில் வெள்ளிக்கிழமை ஆய்வு நடத்தப்பட்டது.
 நீலகிரி மாவட்டத்தில் உள்ள  நகராட்சிகள்,  ஊராட்சிகள் மற்றும் பேரூராட்சிப் பகுதிகளில் தடை செய்யப்பட்ட பிளாஸ்டிக் பொருள்களின் பயன்பாட்டைத் தவிர்ப்பது  குறித்த விழிப்புணர்வை பொதுமக்கள் மற்றும் சுற்றுலாப் பயணிகளின் மத்தியில் ஏற்படுத்தும் பொருட்டு மாவட்ட ஆட்சியரின் அறிவுறுத்தலின்படி பணியமர்த்தப்பட்ட வழிகாட்டு அலுவலர்களைக் கொண்டு அனைத்து திருமண மண்டபங்கள் மற்றும் திருமண வீடுகளில் வெள்ளிக்கிழமை  திடீரென ஆய்வு நடத்தப்பட்டது.
 இதில், குன்னூரில் 2 உலிக்கல்,  ஜெகதளா,  கீழ்குந்தாவில்   தலா 1, கோத்தகிரியில் 3  என மொத்தம் 8 திருமண மண்டபங்களில் சோதனை நடத்தப்பட்டது. 
அவற்றில் தடை செய்யப்பட்ட பிளாஸ்டிக் பொருள்கள் பயன்பாட்டில் இருந்தது கண்டறியப்பட்டு அவை பறிமுதல் செய்யப்பட்டதுடன், அவர்களிடம் இருந்து ரூ. 55,500 அபராதமாக வசூலிக்கப்பட்டது.
 

]]>
http://www.dinamani.com/all-editions/edition-coimbatore/nilgiris/2018/sep/15/நீலகிரியில்-தடை-செய்யப்பட்ட-பிளாஸ்டிக்-திருமண-மண்டபங்களுக்கு-ரூ-55500-அபராதம்-3000427.html
3000426 கோயம்புத்தூர் நீலகிரி குன்னூரில் பள்ளிவாசல் பாதையை ஆக்கிரமித்துள்ள  மதுக்கடையை அகற்றக் கோரி தமுமுக ஆர்ப்பாட்டம் DIN DIN Saturday, September 15, 2018 05:07 AM +0530 குன்னூரில் பள்ளிவாசல் பாதையை ஆக்கிரமித்துள்ள மதுக்கடையை அகற்றக்கோரி தமுமுக சார்பில் வெள்ளிக்கிழமை ஆர்ப்பாட்டம் நடைபெற்றது.
குன்னூர் மவுண்ட் ரோடு, சின்ன பள்ளிவாசல் செல்லும் பாதையை ஆக்கிரமித்து மதுக்கடை அமைந்துள்ளது. இந்தக் கடையை அகற்றக் கோரி தமுமுக சார்பில், வி.பி.தெருவில் ஆர்ப்பாட்டம் நடைபெற்றது.   
 தமிழ்நாடு முஸ்லிம் முன்னேற்றக்கழகப் பொதுச் செயலாளர் ஹைதர் அலி தலைமையில்  இந்த ஆர்ப்பாட்டம் நடைபெற்றது. இதில், பள்ளிவாசலுக்குச் செல்லும் பாதையில் இந்த மதுக்கடை அமைந்திருப்பதால் இங்கு மது அருந்த வருவோரால் இப்பகுதியில் வசித்து வரும் ஆயிரத்துக்கும் மேற்பட்ட குடியிருப்பு வாசிகள் வெகுவாக பாதிக்கப்பட்டுள்ளனர்.
இந்தப் பள்ளிவாசல் அருகில் பொது மக்கள் பயன்படுத்தி வரும் ஒருவழிப் பாதையில் நின்று கொண்டு, மது அருந்துவோர் பல்வேறு தொந்தரவுகளை ஏற்படுத்தி வருகின்றனர்.
அதனால் இந்தப் பாதையையே பயன்படுத்த முடியாத நிலை ஏற்பட்டுள்ளது. 
எனவே, இந்த மதுக்கடையை விரைவில் அகற்ற மாவட்ட நிர்வாகம் நடவடிக்கை மேற்கொள்ள வேண்டும் என வலியுறுத்தப்பட்டது.

]]>
http://www.dinamani.com/all-editions/edition-coimbatore/nilgiris/2018/sep/15/குன்னூரில்-பள்ளிவாசல்-பாதையை-ஆக்கிரமித்துள்ள--மதுக்கடையை-அகற்றக்-கோரி-தமுமுக-ஆர்ப்பாட்டம்-3000426.html
3000425 கோயம்புத்தூர் நீலகிரி உதகையில் விசர்ஜன ஊர்வலம் இன்று தொடக்கம் DIN DIN Saturday, September 15, 2018 05:07 AM +0530 நீலகிரி மாவட்டத்தில் விநாயகர் சதுர்த்தி ஊர்வலம் சனிக்கிழமை தொடங்கி 17ஆம் தேதி வரை நடைபெற உள்ளது. 
இதையொட்டி, உதகை, குன்னூர், கோத்தகிரி, கூடலூர் மற்றும் பந்தலூர் ஆகிய இடங்களில் வெள்ளிக்கிழமை கொடி அணிவகுப்பு நடைபெற்றது. உதகையில் நடைபெற்ற கொடி அணிவகுப்பில் மாவட்டக் காவல் கண்காணிப்பாளர் சண்முகப்ரியா பங்கேற்றார். மாவட்டத்தில் வைக்கப்பட்டுள்ள 565 சிலைகளின் பாதுகாப்புக்காக 
333  காவலர்கள் பணியில் ஈடுபடுத்தப்பட்டுள்ளனர். 
மாவட்டத்தில் வைக்கப்பட்டுள்ள சிலைகளின் எண்ணிக்கை மற்றும் அமைப்புகளின் ஊர்வலப் பாதை மற்றும் சிலைகள் விசர்ஜனம் செய்யும் இடங்கள் வருமாறு:
சனிக்கிழமை: காந்தல் மற்றும்  உதகை  நகரில்  விஸ்வ ஹிந்து பரிஷத், சிவசேனா  சார்பிலான 62 சிலைகள் வண்டிச்சோலை, சேரிங்கிராஸ், கமர்ஷியல் சாலை, புளூமவுண்டன் சாலை, மாரியம்மன் கோயில் சந்திப்பு, லோயர் பஜார்,  பேருந்து நிலையம், எட்டின்ஸ் சாலை, முனீஸ்வரர் கோயில்,  மத்தியப் பேருந்து நிலையம்  சென்றடைந்து அங்கிருந்து காமராஜ் சாகர் அணைக்கு கொண்டு செல்லப்படும்.
ஞாயிற்றுக்கிழமை: கேத்தி பகுதியில் விஸ்வ ஹிந்து பரிஷத் சார்பில் வைக்கப்பட்டுள்ள  6 சிலைகள் கேத்தி  பாலாடா, எல்லநல்லி வழியாக உதகைக்கு கொண்டு வரப்பட்டு  காமராஜ் சாகர் அணைக்கு கொண்டு செல்லப்படும். தூதூர்மட்டம், கொலக்கம்பை பகுதிகளில் தூதூர் மட்டம் பஜார் முதல் ஆஞ்சநேயர் பாலம்  வரை பொதுமக்கள் சார்பில் வைக்கப்பட்டுள்ள 4 சிலைகள்  ஆஞ்சநேயர் பாலத்தில் கரைக்கப்படும். 
மேலும், காந்தல் மற்றும்  உதகை  நகரில் இந்து முன்னணி சார்பில் வைக்கப்பட்டுள்ள  50 சிலைகள்  தேவாங்கர் திருமண மண்டபத்தில் இருந்து சேரிங்கிராஸ்,  கமர்ஷியல் சாலை, புளூமவுண்டன் சாலை, மாரியம்மன் கோயில் சந்திப்பு, லோயர் பஜார், பேருந்து நிலையம், எட்டின்ஸ் சாலை, ஏ.டி.சி.சந்திப்புக்குப் பின்னர் காமராஜ் சாகர்  அணைக்கு கொண்டு செல்லப்படும்.
இதேபோல குன்னூரிலும் ஞாயிற்றுக்கிழமையே விசர்ஜன ஊர்வலங்கள் நடைபெறுகின்றன. குன்னூரில் இந்து  முன்னணி  சார்பில் வைக்கப்பட்டுள்ள 50 சிலைகள் சிம்ஸ் பார்க், பெட்போர்டு, மவுண்ட் ரோடு,  பேருந்து  நிலையம்  வழியாக லாஸ் நீர்வீழ்ச்சிப் பகுதிக்கு கொண்டு செல்லப்படுகிறது. இவற்றுடன், கோத்தகிரியில் இந்து முன்னணி  சார்பில்  வைக்கப்பட்டுள்ள  95 சிலைகள் டானிங்டன், கோத்தகிரி பேருந்து நிலையம்,  கோத்தகிரி பஜார்,  காம்பாய் கடை,  பழைய காவல் நிலையச் சாலை,  ராம்சந்த் வரை சென்று பின்னர், வாகனங்கள் மூலமாக உயிலட்டி  ஆற்றுக்கு கொண்டு செல்லப்படும்.
 இதேபோல, கூடலூரில் விஸ்வ ஹிந்து பரிஷத் மற்றும் இந்து முன்னணி சார்பிலான 121 சிலைகள்  தங்கமணி தியேட்டர்,  ராஜகோபாலபுரம், வண்டிப்பேட்டை,  சுங்கம், காவல் நிலையம் சாலை, நர்த்தகி தியேட்டர்,  செம்பாலா வழியாக இரும்புப் பாலம் ஆற்றுக்கும்,  மசினகுடி பகுதியில் பொதுமக்கள்  சார்பிலான  4 சிலைகள்  மசினகுடி விநாயகர் கோயிலில் இருந்து  மரவக்கண்டி அணைக்கும்,  நடுவட்டம் பகுதியில் பொதுமக்கள் சார்பிலான  16 சிலைகள்  நடுவட்டத்தில் இருந்து டிஆர் பஜார்  நீர்த்தேக்கத்துக்கும்,  தேவாலா மற்றும் பந்தலூர்  பகுதிகளில்  விஸ்வ ஹிந்து பரிஷத் மற்றும் இந்து முன்னணி சார்பிலான 87 சிலைகள்  பந்தலூர் பஜார், ரிச்மவுண்ட், பந்தலூர் காலனி, மேங்கோ ரேஞ்ச், உப்பட்டி, நெல்லியாளம், விஷ்ணு கோயில் வழியாக பொன்னானி ஆற்றுக்கும் ஞாயிற்றுக்கிழமை எடுத்துச் செல்லப்படுகின்றன.
 திங்கள்கிழமை: கோத்தகிரியில் இரண்டாவது நாளாக இந்து மக்கள் கட்சி மற்றும் அனுமன் சேனா சார்பிலான  70  சிலைகள் ஜான்சன் ஸ்கொயர், பேருந்து நிலையம் ,  கோத்தகிரி பஜார்,  காம்பாய் கடை, பழைய காவல் நிலையச் சாலை, ராம்சந்த் வழியாக  உயிலட்டி  ஆற்றுக்கு திங்கள்கிழமை கொண்டு செல்லப்படுகின்றன. 
விநாயகர் சதுர்த்தி ஊர்வலங்கள் அமைதியான முறையில் நடைபெற  காவல் துறையின் சார்பில் பலத்த பாதுகாப்பு ஏற்பாடுகள் செய்யப்பட்டுள்ளன. நீலகிரி மாவட்டக் காவல் கண்காணிப்பாளர் சண்முகப்ரியா தலைமையில்,  2 கூடுதல் காவல் கண்காணிப்பாளர்கள், 5 காவல் துணைக் கண்காணிப்பாளர்கள், 24 காவல் ஆய்வாளர்கள்,  80 உதவி ஆய்வாளர்கள், 445 காவலர்கள், 125 ஆயுதப்படைக் காவலர்கள்  மற்றும்  ஊர்க்காவல் படையினர்  240 பேரும்,  தமிழ்நாடு சிறப்புக் காவல் படைப் பிரிவைச் சேர்ந்த 30 காவலர்களும் பாதுகாப்பு பணியில் ஈடுபடுத்தப்படவுள்ளனர். 
அத்துடன் அதிவிரைவுப்படை குழுக் காவலர்களும் பாதுகாப்புப் பணியில் ஈடுபடுத்தப்படுகின்றனர்.
 

 

குன்னூரில்...
குன்னூரில் விநாயகர் சிலை விசர்ஜன ஊர்வலம் நடைபெறுவதையொட்டி முக்கிய வீதிகளில் காவல் துறையினர் வெள்ளிக்கிழமை கொடி அணிவகுப்பு நடத்தினர்.   
நீலகிரி மாவட்டம், குன்னூரில் பல்வேறு இடங்களில் வைக்கப்பட்டுள்ள 65 விநாயகர்  சிலைகள் விசர்ஜன ஊர்வலம் ஞாயிற்றுக்கிழமை நடைபெற உள்ளது. 
இதில் பதற்றம் நிறைந்த பகுதிகள் கண்டறியப்பட்டு, அப்பகுதியில் காவல் துறையினரை கூடுதலாகப் பாதுகாப்புப் பணியில் ஈடுபடுத்த முடிவு செய்யப்பட்டுள்ளது.
குன்னூர் காவல் துணைக் கண்காணிப்பாளர் கிருஷ்ணமூர்த்தி தலைமையில் 200க்கும் மேற்பட்ட காவல் துறையினர் குன்னூரில் கொடி அணிவகுப்பு ஊர்வலம் நடத்தினர். 
இந்த அணிவகுப்பு சிம்ஸ்பார்கில் தொடங்கி மவுண்ட்ரோடு, மார்கெட்,  டி.டி.கே. சாலை, பேருந்து நிலையம் வழியாக  தீயணைப்பு  நிலையத்தை அடைந்தது. 
இந்த ஊர்வலத்தில் மேல் குன்னூர் காவல் ஆய்வாளர் ஜெயமுருகன், போக்குவரத்துக் காவல் ஆய்வாளர் முரளி, குன்னூர் நகர ஆய்வாளர் பி. சுப்ரமணியம் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/15/உதகையில்-விசர்ஜன-ஊர்வலம்-இன்று-தொடக்கம்-3000425.html
2999918 கோயம்புத்தூர் நீலகிரி முதுமலை புலிகள் காப்பகத்தில் உற்சாகமாக கொண்டாடப்பட்ட விநாயகர் சதுர்த்தி: பூஜை செய்து யானைகள் கொண்டாட்டம் DIN DIN Friday, September 14, 2018 06:35 AM +0530 நீலகிரி மாவட்டம், முதுமலை புலிகள் காப்பகத்திலுள்ள தெப்பக்காடு யானைகள் முகாமில் விநாயகர் சதுர்த்தி விழா உற்சாகமாக வியாழக்கிழமை கொண்டாடப்பட்டது. 
விழாவையொட்டி, தெப்பக்காடு யானைகள் முகாமில் உள்ள 23 யானைகளும் வரிசையில் நின்று கஜமுகனை வழிபட்டன.  
தெப்பக்காடு வளர்ப்பு யானைகள் முகாமிலுள்ள இள வயது யானைகளுள் ஒன்றான கிருஷ்ணா என்ற குட்டி யானை அங்குள்ள விநாயகர் சிலைக்கு மணியடித்து  பூஜை செய்து வழிபட்டது.  அப்போது அங்கிருந்த மற்ற யானைகளும் பிளிறி தங்களது மகிழ்ச்சியை வெளிப்படுத்தின. 
அதைத் தொடர்ந்து முகாம் யானைகளுக்கு வழக்கமாக வழங்கப்படும் ராகி களி உள்ளிட்ட  உணவுகளுக்குப் பதிலாக அரிசி சாதம், சர்க்கரை பொங்கல் உள்ளிட்ட சிறப்பு  உணவுகள் வழங்கப்பட்டன. இதை ஏராளமான சுற்றுலாப் பயணிகள் கண்டு களித்தனர்.  
இந்நிகழ்ச்சியில் கோவை மண்டல வனப் பாதுகாவலர் தீபக் ஸ்ரீவத்சவா, முதுமலை புலிகள் காப்பக கள இயக்குநர் உலகநாதன், தமிழ்நாடு தேயிலைத் தோட்டக் கழக நிர்வாக இயக்குநர் சீனிவாச ரெட்டி,  தமிழ்நாடு கால்நடை பராமரிப்புத் துறை இணை இயக்குநர் டாக்டர் மனோகரன் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-coimbatore/nilgiris/2018/sep/14/முதுமலை-புலிகள்-காப்பகத்தில்-உற்சாகமாக-கொண்டாடப்பட்ட-விநாயகர்-சதுர்த்தி-பூஜை-செய்து-யானைகள்-கொண்டாட-2999918.html
2999917 கோயம்புத்தூர் நீலகிரி அம்மா ஸ்கூட்டர் திட்ட  பயனாளிகள் கவனத்துக்கு... DIN DIN Friday, September 14, 2018 06:35 AM +0530 நீலகிரி மாவட்டத்தில் அம்மா இருசக்கர வாகன திட்டத்தின்கீழ் மானியம் பெற பட்டியலில் இடம் பெற்றிருந்தும் இதுவரையிலும் இருசக்கர வாகனம் வாங்காதவர்கள் அக்டோபர் 15 ஆம் தேதிக்குள் விண்ணப்பிக்க வேண்டுமென தெரிவிக்கப்பட்டுள்ளது. 
இதுதொடர்பாக மாவட்ட ஆட்சியர் இன்னசென்ட் திவ்யா தெரிவித்துள்ளதாவது:
தமிழ்நாடு அரசின் அம்மா இருசக்கர வாகனத் திட்டத்தின் கீழ் பணிக்குச் செல்லும்  மற்றும் சுயதொழில் செய்யும் மகளிருக்கு 50 சதவீதம் அல்லது ரூ. 25,000 இவற்றில் எது குறைவோ அந்தத் தொகையில் மானியத்தில் இருசக்கர வாகனம் வழங்கப்பட உள்ளது.
அதனடிப்படையில், கிராம மற்றும் நகர்ப்புறங்களிலிருந்து வேலைக்குச் செல்லும் பெண்கள் இத்திட்டத்தின் மூலம் பயனடையுமாறு மாவட்ட நிர்வாகத்தின் சார்பாக கேட்டுக்கொள்ளப்பட்டிருந்தது. 
    இந்நிலையில், நீலகிரி மாவட்டத்துக்கு 2017-18 ஆம் ஆண்டுக்கு 1,074 பயனாளிகளுக்கு மானியம் வழங்க அரசு ஒதுக்கீடு வழங்கப்பட்டு,  பயனாளிகளும் மாவட்ட தேர்வுக் குழுவால் தேர்வு செய்யப்பட்டுள்ளனர். ஆனால், தேர்வு செய்யப்பட்ட பயனாளிகளில் இதுவரை 246 பயனாளிகள் மட்டுமே இருசக்கர வாகனம் வாங்கி மானியத்துக்காக விண்ணப்பித்துள்ளனர்.  
இத்திட்டம் தொடங்கி ஒரு வருடங்கள் நிறைவுற்றும் ஏனைய பயனாளிகள் மானியம் கோரி விண்ணப்பிக்கத் தவறியதால், அடுத்த ஆண்டுக்கான ஒதுக்கீட்டை நடைமுறைப்படுத்துவது தாமதமாகிறது.
எனவே, தேர்வு செய்யப்பட்ட பயனாளிகள் வரும் அக்டோபர் 15 ஆம் தேதிக்குள் இருசக்கர வாகனங்களை கொள்முதல் செய்து உரிய விதிமுறைகளின்படி மானியம் கோர தவறும் பட்சத்தில், அவர்களது பெயர் பயனாளிகள் பட்டியலில் இருந்து நீக்கப்பட்டு புதிய பயனாளிகளுக்கு வாய்ப்பு வழங்கப்படும்.  எனவே, விண்ணப்பித்து தேர்வு செய்யப்பட்டுள்ள பயனாளிகள் உரிய காலக்கெடுவுக்குள் மானியம் கோரி விண்ணப்பிக்க வேண்டும் என  மாவட்ட ஆட்சியர் தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/sep/14/அம்மா-ஸ்கூட்டர்-திட்ட--பயனாளிகள்-கவனத்துக்கு-2999917.html
2999916 கோயம்புத்தூர் நீலகிரி உதகை அரசு கலைக் கல்லூரியில் இன்று இறுதிகட்ட கலந்தாய்வு DIN DIN Friday, September 14, 2018 06:35 AM +0530 உதகை அரசு கலைக் கல்லூரியில் காலியாகவுள்ள இடங்களுக்கு வெள்ளிக்கிழமை(செப்டம்பர் 14) இறுதி கட்ட கலந்தாய்வு நடைபெறுகிறது. 
இதுதொடர்பாக கல்லூரியின் முதல்வர் ஈஸ்வரமூர்த்தி வெளியிட்டுள்ள செய்திக்குறிப்பில் தெரிவித்திருப்பதாவது:  
உதகை அரசு கலைக் கல்லூரியில் காலியாகவுள்ள இளங்கலை அறிவியல் உள்ளிட்ட அனைத்து பாடப் பிரிவுகளுக்கும் ஏற்கெனவே 3 முறை கலந்தாய்வு நடத்தப்பட்டுள்ள சூழலில் தற்போது காலியாகவுள்ள ஒருசில இடங்களுக்கான இறுதி கட்ட கலந்தாய்வு கல்லூரி வளாகத்தில் வெள்ளிக்கிழமை காலை 10 மணிக்கு நடைபெறும் எனத் தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/sep/14/உதகை-அரசு-கலைக்-கல்லூரியில்-இன்று-இறுதிகட்ட-கலந்தாய்வு-2999916.html
2999915 கோயம்புத்தூர் நீலகிரி மகளிருக்கான கால்பந்து போட்டி: தூனேரி குருகுலம் பள்ளி வெற்றி DIN DIN Friday, September 14, 2018 06:34 AM +0530 உதகை குறுமைய அளவிலான மகளிர் கால்பந்து போட்டியில் குருகுலம் மெட்ரிக். பள்ளி அணி வெற்றி பெற்றது.
நீலகிரி மாவட்ட கல்வித் துறை, தூனேரி குருகுலம் மெட்ரிக் பள்ளி ஆகியன சார்பில், மகளிருக்கான கால்பந்து போட்டி கேத்தி சி.எஸ்.ஐ. கல்லூரி மைதானத்தில் புதன்கிழமை நடைபெற்றது. 
இந்தப் போட்டியில், உதகை செயின்ட் தெரசா,  சாந்தி விஜய், பெத்லகேம், தூனேரி அகலார் குருகுலம் மெட்ரிக் பள்ளி,  கன்னேரிமந்தனை, மஞ்சூர் அரசுப் பள்ளிகள் ஆகியவை பங்கேற்றன.
இதில் 17 வயதுக்கு உள்பட்ட இறுதிப் போட்டியில் சாந்தி விஜய் - குருகுலம் பள்ளி அணிகள் மோதின. இரு அணிகளும் திறமையாக விளையாடியதில், "பெனால்டிக் கிக்' மூலம் 2-1 என்ற கோல் கணக்கில் குருகுலம் அணி வெற்றி பெற்றது. 
மாணவர் பிரிவில், ஜோசப் பள்ளி 4-1 என்ற கோல் கணக்கில் சி.எஸ்.ஐ. பள்ளியை வென்றது.
19 வயதுக்கு உள்பட்டோருக்கான போட்டியில் மூன்று பள்ளிகள் பங்கேற்றதில், இறுதி ஆட்டத்தில் உதகை  சாந்தி விஜய் பள்ளியும், நீலகிரி மெட்ரிகுலேஷன் பள்ளியும் மோதின.
பெனால்டிக் மூலம், 5-4 என்ற கோல் கணக்கில் நீலகிரி மெட்ரிக் பள்ளி வெற்றி பெற்றது. மாணவர்களுக்கான போட்டியில், 5-3 என்ற கோல் கணக்கில் ஜோசப் பள்ளி, சேக்ரட்ஹார்ட் பள்ளியை வென்றது. இறுதிப் போட்டியில் வெற்றி பெற்ற அணிகள் மாவட்ட அளவிலான போட்டிக்கு தகுதி பெற்றன.
இதற்கான ஏற்பாடுகளை மாவட்ட கல்வித் துறை அதிகாரிகள் மற்றும் குருகுலம் பள்ளி ஆசிரியர்கள் செய்திருந்தனர்.

]]>
http://www.dinamani.com/all-editions/edition-coimbatore/nilgiris/2018/sep/14/மகளிருக்கான-கால்பந்து-போட்டி-தூனேரி-குருகுலம்-பள்ளி-வெற்றி-2999915.html
2999914 கோயம்புத்தூர் நீலகிரி உயிர்ச்சூழல் மண்டலத்தைப் பாதுகாக்க வலியுறுத்தி அக்டோபர் 6 இல் மாரத்தான் DIN DIN Friday, September 14, 2018 06:34 AM +0530 நீலகிரியில் உயிர்ச்சூழல் மண்டலத்தைப் பாதுகாக்க வலியுறுத்தி, குன்னூர் ஜோசப் கல்லூரியின் முன்னாள் மாணவர்கள் சங்கம் சார்பில்  அக்டோபர் 6 இல் நடத்தப்படும் மராத்தான் போட்டியில் பங்கேற்க அழைப்பு விடுக்கப்பட்டுள்ளது.
உலகில் உள்ள ஏழு உயிர்ச் சூழல் மண்டலங்களில் நீலகிரி உயிர்ச் சூழல் மண்டலம் சிறப்பானதாகக் கருதப்படுகிறது. 
சமீப காலமாக வனங்கள் அழிப்பு, கட்டடங்கள் அதிகரிப்பு,  சுற்றுச்சூழல் மாசு உள்ளிட்ட பல்வேறு காரணங்களால் இங்குள்ள அரிய வகை தாவரங்கள்,  விலங்கினங்கள், பறவையினங்கள் அழிவை நோக்கிச் செல்வது பெரும் அபாயத்தை உருவாக்கும்.
இது தொடர்பாக, மக்களிடையே விழிப்புணர்வு ஏற்படுத்தும் விதமாக குன்னூர் ஜோசப் கல்லூரியின் முன்னாள் மாணவர்களின் அலுமினி சங்கத்தின் சார்பில் மாரத்தான் போட்டி நடத்தப்படுகிறது. 
இதுகுறித்து  அதன் தலைவர் தியாகராஜ் கூறியதாவது:
உயிர்ச்சூழல் மண்டலத்தைப் பாதுகாப்பதன் அவசியத்தை வலியுறுத்தி அக்டோபர் 6 ஆம் தேதி மராத்தான் போட்டி நடத்தப்படுகிறது.
குன்னூர் ஜோசப் கல்லூரியில் இருந்து காலை 8.30 மணிக்கு துவங்கி  பேரக்ஸ்,  போர் நினைவு சின்னம், சப்ளை டிப்போ, ஆப்பிள்-பீ ரோடு வழியாக 6.3 கி.மீ. தொலைவுக்கு இந்த மாரத்தான் போட்டி நடத்தப்படுகிறது.
மொத்தம் ரூ. 1 லட்சத்து 5ஆயிரம் ரொக்கப் பரிசு வழங்கப்பட உள்ளது. அரசுப் பள்ளி மாணவ, மாணவியர் இலவசமாக பங்கேற்கலாம். தனியார் பள்ளிகளைச் சேர்ந்த மாணவ, மாணவியருக்கு ரூ. 30,  மற்ற பிரிவுகளுக்கு ரூ. 100 பதிவுக் கட்டணம் நிர்ணயிக்கப்பட்டுள்ளது. இதற்கு செப்டம்பர் 25 ஆம் தேதிக்குள் முன்பதிவு செய்ய வேண்டும் என தெரிவித்துள்ளார்.

]]>
http://www.dinamani.com/all-editions/edition-coimbatore/nilgiris/2018/sep/14/உயிர்ச்சூழல்-மண்டலத்தைப்-பாதுகாக்க-வலியுறுத்தி-அக்டோபர்-6-இல்-மாரத்தான்-2999914.html
2999158 கோயம்புத்தூர் நீலகிரி மூன்று மாநில வன எல்லையில் அதிரடிப்படை ஏடிஜிபி ஆய்வு DIN DIN Thursday, September 13, 2018 05:37 AM +0530 கூடலூர் அருகே கேரளம், கர்நாடகம், தமிழகம் ஆகிய மூன்று மாநிலங்களின் எல்லையையொட்டி உள்ள தமிழக வனப் பகுதியில் அதிரடிப்படை ஏடிஜிபி சந்தீப் ராய் ரத்தோர் புதன்கிழமை ஆய்வு மேற்கொண்டார்.
  நீலகிரி மாவட்டத்தில் உள்ள கூடலூர், முதுமலை வனப் பகுதி கேரளம்,  கர்நாடக வனப் பகுதிகளை ஒட்டி அமைந்துள்ளது. வன எல்லைப் பகுதிகளில் உள்ள பழங்குடி கிராமங்களுக்குச் சென்று மாவோயிஸ்டுகள் ஆதரவு திரட்டி வருகின்றனர். இதனால், தமிழக வன எல்லைப் பகுதியில் தமிழக அதிரடிப்படையினர் தொடர்ந்து தேடுதல் வேட்டையில் ஈடுபட்டு வருகின்றனர்.
 இந்நிலையில், அதிரடிப்படை ஏ.டி.ஜி.பி. சந்தீப் ராய் ரத்தோர் முதுமலை புலிகள் காப்பத்தை ஒட்டியுள்ள கேரள மாநிலத்தின் முத்தங்கா சரணாலயம், கர்நாடகத்தின் பந்திப்பூர் புலிகள் காப்பகத்தின் எல்லையிலும்,  மூன்று மாநில வனப்பகுதிகள் சந்திக்கும் இடத்திலும் ஏ.டி.ஜி.பி. ஆய்வு மேற்கொண்டார். 
  நக்ஸல் தடுப்புப் பிரிவு ஏ.டி.எஸ்.பி. மோகன் ராவ், சிறப்பு அதிரடிப்படை ஏ.டி.எஸ்.பி. சக்திவேல்,  மசினகுடி ஆய்வாளர் முரளிதரன் உள்பட நூற்றுக்கும் மேற்பட்ட அதிரடிப்படையினர், உள்ளூர் போலீஸார், வனத் துறையினர் வனப் பகுதியில் தேடுதல் வேட்டையில் ஈடுபட்டனர்.

]]>
http://www.dinamani.com/all-editions/edition-coimbatore/nilgiris/2018/sep/13/மூன்று-மாநில-வன-எல்லையில்-அதிரடிப்படை-ஏடிஜிபி-ஆய்வு-2999158.html
2999157 கோயம்புத்தூர் நீலகிரி குழந்தை திருமணங்கள் தடுத்து நிறுத்தம் DIN DIN Thursday, September 13, 2018 05:37 AM +0530 உதகை அருகே நடைபெற இருந்த 2  குழந்தை திருமணங்கள் கடைசி நேரத்தில் தடுத்து நிறுத்தப்பட்டது.
இதுதொடர்பான விவரம் வருமாறு: 
உதகை அருகேயுள்ள மஞ்சக்கொம்பை கிராமத்தில் 18 வயது நிறைவடையாத 2 சிறுமியருக்கு புதன்கிழமை திருமணம் நடைபெற இருப்பதாக, அருவங்காட்டிலுள்ள கிராமிய அபிவிருத்தி மையத்தில் இயங்கி வரும் சைல்டு லைன் அமைப்புக்கு புதன்கிழமை காலை தகவல் வந்துள்ளது. இதையடுத்து கிராமிய அபிவிருத்தி மையத்தின் தலைவர் என்.கே.பெருமாள் சைல்டு லைன் அமைப்பின் பிரதிநிதிகளான பிரியா, கங்கா, வைத்தீஸ்வரன் ஆகியோரிடம் இது குறித்து தெரிவித்து நடவடிக்கை மேற்கொண்டார்.
சைல்டு லைன் அமைப்பின் பிரதிநிதிகள் மஞ்சக்கொம்பை கிராமத்துக்குச் சென்று கிராம நிர்வாக அலுவலகத்திலும், காவல் நிலையத்திலும் இது தொடர்பாக தெரிவித்துள்ளனர். அதையடுத்து மேலூர் கிராம நிர்வாக அலுவலர் சசிகுமார்,  போலீஸார், பெண் போலீஸார் உள்ளிட்டோர் திருமணம் நடைபெறவிருந்த இடத்திற்குச் சென்று நடைபெற இருந்த 2 குழந்தைத் திருமணங்களையும் தடுத்து நிறுத்தினர். 
2 சிறுமிகளும் குழந்தைகள் நலக் குழுவினர் முன்பாக  ஆஜர்படுத்தப்பட்டு அருகிலுள்ள அன்னை சத்யா காப்பகத்தில் சேர்க்கப்பட்டனர்.  
இந்த சிறுமிகள் இருவரும் பள்ளிப் படிப்பைத் தொடர கிராமிய அபிவிருத்தி இயக்கம் மூலமாக நடவடிக்கை எடுக்கப்பட்டுள்ளதாகத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/13/குழந்தை-திருமணங்கள்-தடுத்து-நிறுத்தம்-2999157.html
2999156 கோயம்புத்தூர் நீலகிரி கேரளத்துக்கு நீலகிரி மாவட்ட மக்கள் ரூ. 38 லட்சம் நிவாரண நிதி DIN DIN Thursday, September 13, 2018 05:36 AM +0530 மழை வெள்ளத்தால் பாதிக்கப்பட்ட கேரள மக்களுக்கு நீலகிரி மாவட்ட மக்கள் சார்பில் ரூ.38 லட்சம்  நிதி உதவி அளிக்கப்பட்டுள்ளதாக மாவட்ட ஆட்சியர்  இன்னசென்ட்  திவ்யா தெரிவித்துள்ளார்.
இதுதொடர்பாக மாவட்ட ஆட்சியர் இன்னசென்ட் திவ்யா தெரிவித்துள்ளதாவது:
மழை வெள்ளத்தால் பாதிக்கப்பட்ட கேரள மக்களுக்கு உதவும் வகையில் நீலகிரி மாவட்ட நிர்வாகம், பல்வேறு அமைப்புகள், தன்னார்வ தொண்டு நிறுவனங்கள், பொதுமக்கள்,  தனி நபர்களால் மனிதநேயத்துடன்  நிவாரணப் பொருள்கள், நிதி உதவி வழங்கப்பட்டுள்ளது. இதில் மாவட்ட நிர்வாகத்தின் சார்பில் ரூ.19,14,635 மதிப்பிலும்,  கோத்தகிரி அரிமா சங்கம் சார்பில் ரூ. 70,000,  ஜிம்கானா கிளப் சார்பில் ரூ. 5 லட்சம்,  நீலகிரி மாவட்ட வழக்குரைஞர்கள் சங்கம் சார்பில் ரூ.66,000  பேரூராட்சி அலுவலர்கள் சங்கம் சார்பில் ரூ. 1.1 லட்சம்,  கோத்தகிரி பொதுமக்கள் சார்பில் ரூ.1 லட்சத்து 81,855,  பாலகொலா ஓய்வுபெற்றோர் நலச் சங்கம் சார்பில் ரூ.10,000,  டாக்டர் என்.ஜி.ராஜூ  ரூ.25,000,  ரவி ரூ.10,000,  பைகமந்துவைச் சேர்ந்த கேசவமூர்த்தி ரூ.4,000ம்,  தொதநாடு சீமை படுகர் நலச் சங்கம் சார்பில் ரூ.25,000, பாலகொலா ஊர் பொதுமக்கள் சார்பில் ரூ.25,000,  தமிழ்நாடு மருத்துவ சவரத் தொழிலாளர்கள் நல சங்கம் சார்பில் ரூ.5,000,  ஒருமா ஊட்டி குடியிருப்போர் மலையாள சங்கம் சார்பில் ரூ. 4.2 லட்சம்,  ஒட்டிமர ஒசஹட்டி ஊர் பொதுமக்கள் ரூ.10,700,  டாக்டர் கேசவன் சிவசக்தி மருத்துவமனை சார்பில்  ரூ.20,000,  மேலூர் ஊர் பொதுமக்கள் சார்பில் ரூ.32,050,  கோத்தகிரி ஜூட்ஸ் பள்ளி சார்பில் ரூ. 3.5 லட்சம்,  கோத்தகிரி வழக்குரைஞர்கள் சங்கம் சார்பில் ரூ.25,000 என மொத்தம் ரூ.37 லட்சத்து 59,240 கேரள முதல்வரின் பொது நிவாரண நிதிக்கு வங்கி வரைவோலையாக மாவட்ட ஆட்சியர் மூலம் திங்கள்கிழமை அனுப்பி வைக்கப்பட்டுள்ளது. 
நீலகிரி தேயிலைத் தோட்ட உரிமையாளர்கள் சங்கம் சார்பில் 1,865 கிலோ தேயிலைத்தூள் கேரளத்துக்கு அனுப்பிவைக்கப்பட்டதாகவும் ஆட்சியர்  தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/sep/13/கேரளத்துக்கு-நீலகிரி-மாவட்ட-மக்கள்-ரூ-38-லட்சம்-நிவாரண-நிதி-2999156.html
2999155 கோயம்புத்தூர் நீலகிரி விளையாட்டு விதிமுறைகள்:  உடற்கல்வி இயக்குநர்களுக்கு உதகையில் 3 நாள்கள் பயிற்சி DIN DIN Thursday, September 13, 2018 05:36 AM +0530 புதிய விளையாட்டு விதிகள் தொடர்பாக உடற்கல்வி இயக்குநர்கள்,  உடற்கல்வி ஆசிரியர்களுக்கு செப்டம்பர் 17ஆம் தேதி  முதல் உதகையில் 3 நாள்களுக்கு சிறப்பு பயிற்சி அளிக்கப்பட உள்ளது.
இது குறித்து மாவட்ட விளையாட்டு அலுவலர் அலுவலக செய்திக் குறிப்பில் தெரிவிக்கப்பட்டுள்ளதாவது: 
தமிழ்நாடு விளையாட்டு மேம்பாட்டு ஆணையத்தின் உத்தரவின்படி உடற்கல்வி இயக்குநர்கள், உடற்கல்வி ஆசிரியர்களுக்கு நீலகிரி, கோவை மாவட்டங்களைச் சேர்ந்த சிறந்த வல்லுநர்கள் மூலமாக செப்டம்பர் 17ஆம் தேதி முதல் 19ஆம் தேதி வரை 3 நாள்களுக்கு இருப்பிடப் பயிற்சிஅளிக்கப்படுகிறது.
உதகையிலுள்ள அண்ணா உள் விளையாட்டரங்கில் நடைபெறவுள்ள இந்தப் பயிற்சி முகாமில் ஜிம்னாஸ்டிக்ஸ், குத்துச்சண்டை, டேக்வாண்டோ,  சதுரங்கம்,  சாலை சைக்கிள், கடற்கரை கையுந்துப் பந்து,  கேரம், வளைபந்து, ஜூடோ மற்றும் பிற விளையாட்டுகளுக்கான புதிய விதிமுறைகள் தொடர்பாக பயிற்சி அளிக்கப்படும். இதில்,  நீலகிரி மாவட்டத்தில் தேர்வு செய்யப்பட்டுள்ள பல்வேறு பள்ளிகளைச் சேர்ந்த  உடற்கல்வி இயக்குநர்கள்,  உடற்கல்வி ஆசிரியர்கள் பங்கேற்ற உள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/13/விளையாட்டு-விதிமுறைகள்--உடற்கல்வி-இயக்குநர்களுக்கு-உதகையில்-3-நாள்கள்-பயிற்சி-2999155.html
2999154 கோயம்புத்தூர் நீலகிரி கோத்தகிரியில் நூலக கட்டட மேற்கூரையில் விரிசல்: செப்பனிடக் கோரிக்கை DIN DIN Thursday, September 13, 2018 05:36 AM +0530 கோத்தகிரியில் காந்தி மைதானம் அருகில் உள்ள நூலகக் கட்டடத்தின் மேற்கூரையில் ஏற்பட்டுள்ள விரிசலை உடனடியாக செப்பனிட வேண்டும் என்று பொதுமக்கள் பேரூராட்சி  நிர்வாகத்திற்கு  கோரிக்கை விடுத்துள்ளனர்.
  கோத்தகிரி நகரின் மையப் பகுதியான காந்தி மைதானம் அருகில் கிளை நூலகம்  உள்ளது. கிளை நூலகத்துக்கு சில ஆண்டுகளுக்கு முன்  ரூ. 40 லட்சம் செலவில் 2 தளங்களுடன் கூடிய புதிய கட்டடம் கட்டப்பட்டது. பொது நூலகத் துறை மற்றும் நீலகிரி மாவட்ட நூலக ஆணைக் குழு ஆகியவற்றின் கட்டுப்பாட்டின் கீழ் கிளை நூலகம் இயங்கி வருகிறது. இதில், தற்போது வரை 15 ஆயிரத்து 800 பேர்  உறுப்பினர்களாக உள்ளனர். தினமும் 300க்கும் மேற்பட்ட வாசகர்கள் நூலகத்துக்கு வருகின்றனர். மேலும், புரவலர்கள் அதிகமாக இடம் பெற்றுள்ள வாசகர் வட்டம் சார்பில் நூலக வார விழா,  புத்தகம் வாசிப்பதன் அவசியம் குறித்து பல்வேறு நிகழ்ச்சிகள் நடத்தப்பட்டு வருகின்றன.
  இந்நிலையில்,  சூரிய வெளிச்சம் கிடைப்பதற்காக நூலகத்தின் மேற்கூரையில் பிரமிடு வடிவில் பிளாஸ்டிக் சீட்கள் அமைக்கப்பட்டுள்ளன. இதன் மீது அருகிலுள்ள கற்பூர மரங்களின் கிளைகள் அவ்வப்போது முறிந்து விழுகின்றன. இதனால், அந்த இடத்தில் விரிசல் ஏற்பட்டுள்ளது. மேலும், அதன் வழியாக மழைநீர் கட்டடத்துக்குள் புகுந்து நூலகத்துக்குள் வழிந்தோடுகிறது. இதனால் வாசகர்கள் அவதியடைந்து வருகின்றனர். எனவே, நூலகக் கட்டடத்தின் மேற்கூரையை உடனடியாக சீரமைக்க பேரூராட்சி  நிர்வாகம் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/13/கோத்தகிரியில்-நூலக-கட்டட-மேற்கூரையில்-விரிசல்-செப்பனிடக்-கோரிக்கை-2999154.html
2999153 கோயம்புத்தூர் நீலகிரி கால்பந்துப் போட்டி: கூடலூர் கல்லூரி அணி வெற்றி DIN DIN Thursday, September 13, 2018 05:35 AM +0530 கல்லூரிகளுக்கு இடையேயான மண்டல அளவிலான கால்பந்துப் போட்டியில் கூடலூர் கல்லூரி சாம்பியன் பட்டம் பெற்றது.
  கோவையில் மண்டல அளவில் கல்லூரிகளுக்கு இடையே நடைபெற்ற கால்பந்துப் போட்டியில் கூடலூர் பாரதியார் பல்கலைக்கழக கலை, அறிவியல் கல்லூரி அணி முதலிடம் பெற்று சாம்பியன் பட்டத்தை வென்றது. இந்த அணியில்  இடம் பெற்ற மாணவர்களுக்கும், அவர்களுக்கு ஊக்கம் அளித்த உடற்கல்வித் துறை இயக்குநர்களுக்கும் பாராட்டுத் தெரிவிக்கப்பட்டது. பாராட்டு நிகழ்வுக்கு கல்லூரி முதல்வர் டாக்டர் சி.வடிவேலு தலைமை வகித்தார். உடற்கல்வி இயக்குநர்கள் கிஷோர்குமார், பைஜூ ,அலுவலக மேற்பார்வையாளர் ஜார்ஜ்,  பேராசிரியர்கள் கலந்து கொண்டனர். 

]]>
http://www.dinamani.com/all-editions/edition-coimbatore/nilgiris/2018/sep/13/கால்பந்துப்-போட்டி-கூடலூர்-கல்லூரி-அணி-வெற்றி-2999153.html
2999152 கோயம்புத்தூர் நீலகிரி இயற்கை உரங்களைப் பயன்படுத்துவதில்  கோத்தகிரி விவசாயிகள் ஆர்வம் DIN DIN Thursday, September 13, 2018 05:35 AM +0530 கோத்தகிரி பகுதியில் மலைக் காய்கறிகளைப் பயிரிடும் விவசாயிகள் இயற்கை உரங்களைப் பயன்படுத்துவதில் அதிக ஆர்வம் காட்டி வருகின்றனர். 
நீலகிரி மாவட்டத்தில் தேயிலை மற்றும் மலைக் காய்கறிகள் சாகுபடிக்கு ரசாயன உரத்தைப் பயன்படுத்துவதால் பல்வேறு பாதிப்புகள் ஏற்படுகின்றன. ரசாயன உரங்களின் விலை உயர்வு, அதைப் பயன்படுத்துவதால் ஏற்படும் மகசூல் குறைவு உள்ளிட்ட காரணங்களால் விவசாயிகள் இயற்கை உரத்துக்கு மாறி வருகின்றனர்.
சமீபகாலமாக, கோழிக் கழிவு உரம் விவசாயிகள் மத்தியில் வரவேற்பை பெற்றுள்ளது. அன்னூர் உள்ளிட்ட சமவெளிப் பகுதிகளில் இருந்து கொண்டுவரப்படும் கோழிக்கழிவு போன்ற இயற்கை உரத்துக்கான செலவு ரசாயன உரங்களுக்கு ஏற்படும் செலவைவிட குறைவாக இருப்பதாகவும்,  மகசூல் அதிகமாகக் கிடைப்பதாகவும் கூறப்படுகிறது.
இது குறித்து விவசாயிகள் கூறுகையில், அன்னூரில்  40 கிலோ எடை கொண்ட கோழிக் கழிவு உர மூட்டை விலை ரூ. 90க்கு கிடைக்கிறது. போக்குவரத்து செலவுடன் மூட்டைக்கு ரூ. 150 ரூபாய் மட்டுமே செலவாகிறது. இதனால், இயற்கை உரத்துக்கு முக்கியத்துவம் கொடுத்து வருகிறோம் என்றனர்.

]]>
http://www.dinamani.com/all-editions/edition-coimbatore/nilgiris/2018/sep/13/இயற்கை-உரங்களைப்-பயன்படுத்துவதில்--கோத்தகிரி-விவசாயிகள்-ஆர்வம்-2999152.html
2999151 கோயம்புத்தூர் நீலகிரி நெடுகுளா ஊராட்சியில் மனுநீதி நாள்: 110 பயனாளிகளுக்கு நலத்திட்ட உதவி DIN DIN Thursday, September 13, 2018 05:35 AM +0530 கோத்தகிரி வட்டம், நெடுகுளா ஊராட்சி அம்மன் நகர் சமுதாய கூடத்தில் நடைபெற்ற மனுநீதி நாள்  முகாமில் 110 பயனாளிகளுக்கு மொத்தம் ரூ. 32 லட்சத்து 58 ஆயிரம் மதிப்பிலான பல்வேறு நலத்திட்ட உதவிகளை மாவட்ட ஆட்சியர் இன்னசென்ட் திவ்யா புதன்கிழமை வழங்கினார்.
மனுநீதி நாள் முகாமுக்கு தலைமை வகித்து,  நலத்திட்ட உதவிகளை வழங்கி ஆட்சியர் இன்னசென்ட் திவ்யா பேசியதாவது: அரசின் பல்வேறு திட்டங்கள் பொதுமக்களை சென்றடையும் வகையில் மனுநீதி நாள் முகாம் நடத்தப்பட்டு வருகிறது. மகாத்மா காந்தி தேசிய வேலை உறுதித் திட்டத்தின் கீழ் பொதுமக்களே தங்கள் ஊருக்குத் தேவையான அடிப்படை வசதிகளை செய்துகொள்ளலாம். கோரிக்கை மனுக்களை 99431 26000 வாட்ஸ் அப் எண்ணுக்கு அனுப்பி வைத்தால் 48 மணி நேரத்திற்குள் உடனடியாகத் தீர்வு கிடைக்கும் என்றார்.
முகாமில் முதியோர், முதிர்கன்னி, விதவை, கணவனால் கைவிடப்பட்டோருக்கான உதவித் தொகை,  கல்வி உதவித் தொகை, ஈமச்சடங்கு உதவித் தொகை,  உழவர் பாதுகாப்புத் திட்டத்தின் கீழ் திருமண உதவித் தொகை, விலையில்லா சலவைப் பெட்டி,  புதிய குடும்ப அட்டைகள், ஹெத்தையம்மன் கேர்கம்பை வங்கி மூலம்  12 பயனாளிகளுக்கு பயிர்க் கடனாக ரூ. 8 லட்சத்து 95 ஆயிரத்துக்கான  காசோலை,  இந்தியன் வங்கியின் கோத்தகிரி கிளையின் மூலம் தொழில் தொடங்க  சுய உதவிக் குழுவுக்கு 
ரூ. 5 லட்சத்துக்கான காசோலை, 2 பயனாளிகளுக்கு  கல்விக் கடனாக ரூ. 7 லட்சத்துக்கான காசோலை,  இயற்கை வேளாண் இடுபொருள்கள் ஆகியவற்றை ஆட்சியர் இன்னசென்ட் திவ்யா வழங்கினார். தமிழ் வளர்ச்சித் துறை சார்பில் நடத்தப்பட்ட போட்டிகளில் வெற்றி பெற்ற கல்லூரி மாணவ, மாணவிகளுக்குப் பரிசுத் தொகை, பாராட்டுச் சான்றிதழ் வழங்கப்பட்டன. 
இதில், பொதுமக்களிடமிருந்து  140 கோரிக்கை மனுக்கள் பெறப்பட்டன. குன்னூர்  சட்டப் பேரவை உறுப்பினர் சாந்தி ராமு, கோட்டாட்சியர் பத்ரிநாத்,  வட்டாட்சியர்  ரவிக்குமார், அரசுத்துறை அலுவலர்கள், பொதுமக்கள் உட்பட பலர் கலந்து கொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/13/நெடுகுளா-ஊராட்சியில்-மனுநீதி-நாள்-110-பயனாளிகளுக்கு-நலத்திட்ட-உதவி-2999151.html
2999150 கோயம்புத்தூர் நீலகிரி மாணவிக்கு பாலியல் தொல்லை: பக்கத்து வீட்டு இளைஞர் கைது DIN DIN Thursday, September 13, 2018 05:34 AM +0530 பழைய உதகைப் பகுதியில் பள்ளி மாணவிக்கு பாலியல் தொல்லை கொடுத்ததாக பக்கத்து வீட்டு இளைஞர் கைது செய்யப்பட்டார்.
பழைய உதகைப் பகுதியைச் சேர்ந்தவர் பாலசுப்பிரமணி (40). இவரது பக்கத்து வீட்டில் 15 வயதான பள்ளி மாணவி தனது தாயுடன் வசித்து வருகிறார். மாணவியின் தந்தை சென்னையில் வேலை பார்த்து வருகிறார்.  பக்கத்து வீடு என்பதால் பாலசுப்பிரமணி அடிக்கடி இந்த வீட்டுக்கு வந்து செல்வாராம்.
இந்நிலையில்,  செவ்வாய்க்கிழமை மாலை வீட்டில் மாணவி மட்டும் தனியாக இருந்தபோது சென்ற பாலசுப்பிரமணி அந்த மாணவிக்கு பாலியல் தொல்லை கொடுத்தாராம். இது குறித்து அந்த மாணவி சைல்டு லைன் அமைப்புக்கு தகவல் தெரிவித்துள்ளார்.  அதன்பேரில் அங்கு விரைந்து சென்ற சைல்டு லைன் அமைப்பினர் மாணவியை மீட்டனர். 
பின்னர் இது குறித்து காவல் நிலையத்தில்  புகார் கொடுத்தனர். 
இது குறித்து போலீஸார் வழக்குப் பதிவு செய்து புதன்கிழமை பாலசுப்பிரமணியை கைது செய்தனர்.

]]>
http://www.dinamani.com/all-editions/edition-coimbatore/nilgiris/2018/sep/13/மாணவிக்கு-பாலியல்-தொல்லை-பக்கத்து-வீட்டு-இளைஞர்-கைது-2999150.html
2998694 கோயம்புத்தூர் நீலகிரி குன்னூர் மலைப் பாதையில் விபத்து:  இருவர் சாவு DIN DIN Wednesday, September 12, 2018 07:06 AM +0530 நீலகிரி மாவட்டம், குன்னூர்- மேட்டுப்பாளையம்  மலைப் பாதையில்  இரு சக்கர வாகனம் நிலைதடுமாறி கீழே விழுந்ததில் சென்னையைச் சேர்ந்த 2 பேர் செவ்வாய்க்கிழமை உயிரிழந்தனர்.
சென்னையைச் சேர்ந்த 5 இளைஞர்கள் பொள்ளாச்சியில் ஒரு திருமண  நிகழ்ச்சியில் கலந்துகொண்ட பின் உதகைக்கு சுற்றுலா செல்ல திட்டமிட்டனர்.  இதற்காக சென்னையிலிருந்து பார்சல் சர்வீஸ் முலம் இரு சக்கர வாகனங்களை கோவைக்குக் கொண்டு வந்துள்ளனர். 
திருமண நிகழ்ச்சி முடிந்த பிறகு செவ்வாய்க்கிழமை அதிகாலை பொள்ளாச்சியிலிருந்து  உதகைக்கு  3 இருசக்கர வாகனங்களில்  5 பேர் புறப்பட்டு உதகைக்கு வந்துள்ளனர். அங்குள்ள சுற்றுலாத் தலங்களைப் பார்த்துவிட்டு  மீண்டும் சென்னை திரும்பிக் கொண்டிருந்தனர்.  குன்னூர் - மேட்டுப்பாளையம் தேசிய நெடுஞ்சாலையில் சென்று கொண்டிருந்தபோது,  காந்திபுரம் அருகே  நிலைதடுமாறி இரு சக்கர வாகனத்திலிருந்து இருவர் கீழே விழுந்தனர்.   
இதில், சென்னை,  புழல் பகுதியைச் சேர்ந்த தயாளன் மகன் அரவிந்த் (21),  கொடுங்கையூரைச் சேர்ந்த ரவிகுமார் மகன் அஜீத் (21) ஆகியோர் சம்பவ இடத்திலேயே உயிரிழந்தனர். விபத்து குறித்து அப்பகுதி மக்கள் குன்னூர் காவல் துறைக்குத் தகவல் தெரிவித்தனர்.  
சம்பவ இடத்துக்கு வந்த காவல் துறையினர் இருவரின் உடலையும் மீட்டு பிரேதப் பரிசோதனைக்காக  குன்னூர் அரசு லாலி மருத்துவமனைக்கு அனுப்பி வைத்தனர்.  உடலில் எந்தக் காயமும் இல்லாமல், இருவரும் அதிர்ச்சியில் உயிரிழந்துள்ளது  மருத்துவர் பரிசோதனையில் தெரிய வந்தது. 
விபத்தில் உயிரிழந்த அரவிந்த், துபையில் தனியார் நிறுவனத்தில் பணியாற்றி வந்துள்ளார். விடுமுறைக்கு நண்பர்களுடன் வந்த இடத்தில்  இறந்தது அவரது நண்பர்களிடையே மிகவும் சோகத்தை ஏற்படுத்தியது.  இந்த விபத்து தொடர்பாக  குன்னூர் நகர  காவல் துறையினர்  வழக்குப் பதிந்து விசாரணை செய்து வருகின்றனர். 
 

]]>
http://www.dinamani.com/all-editions/edition-coimbatore/nilgiris/2018/sep/12/குன்னூர்-மலைப்-பாதையில்-விபத்து--இருவர்-சாவு-2998694.html
2998550 கோயம்புத்தூர் நீலகிரி எச்பிஎஃப் தொழிற்சாலை பகுதிக்குள் சிறுத்தை நடமாட்டம் DIN DIN Wednesday, September 12, 2018 05:24 AM +0530 உதகை அருகேயுள்ள எச்பிஎஃப் பகுதியில் சிறுத்தை நடமாட்டம் அதிகரித்திருப்பது அப்பகுதி பொதுமக்களிடையே பெரும் பரபரப்பை ஏற்படுத்தியுள்ளது.
நீலகிரி மாவட்டத்தின் பல்வேறு பகுதிகளிலிலும் வனவிலங்குகளின் நடமாட்டம் அதிகரித்துள்ளதோடு, பொதுமக்கள் குடியிருக்கும்  பகுதிகளிலேயே தற்போது வெகுவாக அதிகரித்து வருகிறது.  
குறிப்பாக உதகை நகர் போன்ற பகுதிகளிலும் பகல் நேரங்களிலேயே காட்டெருமை,  கருஞ்சிறுத்தை  போன்றவற்றின் நடமாட்டமும் அதிகரித்து வருகிறது.  
இந்நிலையில்,  உதகை அருகே மூடப்பட்டுள்ள சுமார் 10 ஏக்கர் பரப்பளவிலான எச்பிஎஃப்  தொழிற்சாலைப் பகுதியில் ஏற்கெனவே  பல்வேறு  வன விலங்குகளின் நடமாட்டம் இருந்து வந்த நிலையில், தற்போது பகல் நேரங்களிலும் வன விலங்குகளின் நடமாட்டம் அதிகரித்து இப்பகுதி மக்களிடத்தில்  பெரும் பீதியை ஏற்படுத்தியுள்ளது.  இந்நிலையில் எச்பிஎஃப்  பகுதியில் சிறுத்தை நடமாட்டம் இருப்பது பொதுமக்களிடையே அச்சத்தை ஏற்படுத்தியுள்ளது.
 

]]>
http://www.dinamani.com/all-editions/edition-coimbatore/nilgiris/2018/sep/12/எச்பிஎஃப்-தொழிற்சாலை-பகுதிக்குள்-சிறுத்தை-நடமாட்டம்-2998550.html
2998549 கோயம்புத்தூர் நீலகிரி நீலமலை இலக்கிய கூடல் சார்பில் கேரளத்துக்கு வெள்ள நிவாரண நிதி DIN DIN Wednesday, September 12, 2018 05:24 AM +0530 கேரளத்தில் வெள்ளத்தால் பாதிக்கப்பட்ட மக்களுக்கு உதவும் வகையில் நீலமலை இலக்கிய கூடல் அமைப்பு சார்பில்  நிவாரண நிதி செவ்வாய்க்கிழமை  அளிக்கப்பட்டது.
நீலமலை இலக்கிய கூடல் அமைப்பு சார்பில் கவியரங்கம்  நடத்தி அதன்மூலம் சேகரிக்கப்பட்ட தொகை ரூ. 40 ஆயிரத்தை மாவட்ட ஆட்சியர் இன்னசென்ட் திவ்யாவிடம் அதன் நிர்வாகிகள் வழங்கினர். 
இந்த நிகழ்ச்சியில் நாகராஜன், சோ.கந்தசாமி, வேலு ராஜேந்திரன், சாஹிரா, திருச்செல்வி உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/12/நீலமலை-இலக்கிய-கூடல்-சார்பில்-கேரளத்துக்கு-வெள்ள-நிவாரண-நிதி-2998549.html
2998548 கோயம்புத்தூர் நீலகிரி கோத்தகிரியில் பாஜக ஆலோசனைக் கூட்டம் DIN DIN Wednesday, September 12, 2018 05:23 AM +0530 கோத்தகிரியில் பாஜக நிர்வாகிகள்,  புதிய பொறுப்பாளர்கள் ஆலோசனைக் கூட்டம்  செவ்வாய்க்கிழமை நடைபெற்றது. 
கூட்டத்துக்கு,  அக்கட்சியின் மாவட்டச்  செயலாளர் குமார் தலைமை  வகித்தார். மாநில இளைஞரணி பொறுப்பாளர் பிரதீப் முன்னிலை வகித்தார்.  கூட்டத்தில்,  கட்டபெட்டு-கோத்தகிரி சாலையில் விபத்துகளைத் தடுக்கும் வகையில் வேகத் தடை, சாலையோர தடுப்பு ஆகியவற்றை உடனடியாக அமைக்க வேண்டும்,  கோத்தகிரி சுற்றுவட்டாரத்தில் உள்ள குடியிருப்பு பகுதிகளில் வன விலங்குகள் நடமாட்டத்தை கண்டறிந்து  அதனை கூண்டு வைத்து பிடிக்க வனத் துறையினர் நடவடிக்கை எடுக்க  வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
கூட்டத்தில், புதிய பொறுப்பாளர்களான மாவட்ட இளைஞரணித் துணைத் தலைவர் லாலாஜி,  செயலாளர்கள் சரவணன், சதீஷ்,  நகரத் தலைவர் முருகேஷ்,  ஒன்றியத் தலைவர் கார்த்திக் ஆகியோர் அறிமுகப்படுத்தப்பட்டனர். 
கூட்டத்தில் மூத்த நிர்வாகிகள் அம்பிகை கணேசன்,  அருண்,  ஆனந்த் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-coimbatore/nilgiris/2018/sep/12/கோத்தகிரியில்-பாஜக-ஆலோசனைக்-கூட்டம்-2998548.html
2998547 கோயம்புத்தூர் நீலகிரி "பிளாஸ்டிக் இல்லா நீலகிரி':  மாணவர்களுக்கு அறிவுத் திறன் போட்டி DIN DIN Wednesday, September 12, 2018 05:23 AM +0530 கோத்தகிரி அரசு மேல்நிலைப் பள்ளியில் மாணவ, மாணவியருக்கு "பிளாஸ்டிக் இல்லாத நீலகிரி' என்ற தலைப்பில் அறிவுத் திறன் போட்டி  திங்கள்கிழமை நடத்தப்பட்டது.
அருவி அறக்கட்டளை சார்பில் நடைபெற்ற இந்நிகழ்ச்சிக்கு,  பள்ளி தலைமை ஆசிரியர் சுப்ரமணி தலைமை வகித்தார். அருவி அறக்கட்டளை நிறுவனர் பாலசுப்ரமணி முன்னிலை வகித்தார். ஈளாடா அரசு மேல்நிலைப் பள்ளி கல்விக் குழுத் தலைவர் சோழா மகேஷ் வரவேற்றார்.  
கோத்தகிரி வட்டாரத்தில் உள்ள  20-க்கும் மேற்பட்ட பள்ளிகளில் இருந்து, மாணவ, மாணவியர் கலந்து கொண்டனர்.
இதில் "பிளாஸ்டிக் இல்லாத நீலகிரி' என்ற தலைப்பில், கட்டுரை, பேச்சு, கவிதை,  ஓவியம் மற்றும் வினாடி வினா போட்டிகள் நடத்தப்பட்டன. மேலும், பிளாஸ்டிக் பொருள்களால் ஏற்படும் தீமைகள்,  அதைத் தடுக்கும் முறைகள்,  பிளாஸ்டிக் பொருள்களுக்கு மாற்றாக துணிப் பை,  பாக்கு மட்டை பயன்படுத்துவது  ஆகியவை குறித்து மாணவர்களுக்கு விளக்கம் அளிக்கப்பட்டது. இந்நிகழ்ச்சியில்,  நீலகிரி மாவட்ட சாரணர் இயக்கத் தலைவர் சிவராஜ், நிர்வாகிகள் பசுவராஜ், பீமராஜ், ஆசிரியர்கள் உள்பட பலர் பங்கேற்றனர், மாணவர் தரீஷ் நன்றி கூறினார்.
 

]]>
http://www.dinamani.com/all-editions/edition-coimbatore/nilgiris/2018/sep/12/பிளாஸ்டிக்-இல்லா-நீலகிரி--மாணவர்களுக்கு-அறிவுத்-திறன்-போட்டி-2998547.html
2998546 கோயம்புத்தூர் நீலகிரி கூடலூர் கல்லூரியில் பாரதியார் நினைவு நாள் DIN DIN Wednesday, September 12, 2018 05:23 AM +0530 கூடலூர் கோழிப்பாலம் பகுதியிலுள்ள பாரதியார் கலை, அறிவியல் கல்லூரியில் பாரதியார் நினைவு நாள் செவ்வாய்க்கிழமை அனுஷ்டிக்கப்பட்டது.
நிகழ்ச்சிக்கு, கல்லூரியின் முதல்வர் டாக்டர் சி.வடிவேலு தலைமை வகித்து கல்லூரி வளாகத்திலுள்ள பாரதியாரின் சிலைக்கு மாலை அணிவித்து மரியாதை செய்தார். தொடர்ந்து நடைபெற்ற நினைவு நாள் நிகழ்ச்சியில் பேராசிரியர்கள், மாணவர்கள் மற்றும் அலுவலகப் பணியாளர்கள் கலந்து கொண்டனர்.
 

]]>
http://www.dinamani.com/all-editions/edition-coimbatore/nilgiris/2018/sep/12/கூடலூர்-கல்லூரியில்-பாரதியார்-நினைவு-நாள்-2998546.html
2998545 கோயம்புத்தூர் நீலகிரி ஓவேலி வனப் பகுதி பழங்குடி மக்களிடம்  குறைகளைக் கேட்டறிந்த காவல் துறையினர் DIN DIN Wednesday, September 12, 2018 05:22 AM +0530 கூடலூரை அடுத்துள்ள ஓவேலி வனப் பகுதியிலுள்ள பழங்குடி மக்களிடம் காவல் துறையினர் செவ்வாய்க்கிழமை குறைகளைக் கேட்டறிந்தனர்.
நீலகிரி மாவட்ட காவல் கண்காணிப்பாளர் சண்முகப்பிரியா உத்தரவின்பேரில்,   காவல் துணைக் கண்காணிப்பாளர் ரவிக்குமார் ஓவேலி எல்லமலைப் பகுதியிலுள்ள குறும்பர்பாடி பழங்குடிக் கிராமத்தில் மக்களை சந்தித்து குறைகளைக் கேட்டறிந்தார். 
நிகழ்ச்சியில் சுமார் 50 பேர் கலந்துகொண்டு தங்கள் பகுதியிலுள்ள குறைகளை எடுத்துரைத்தனர். அவர்களின் கோரிக்கைகள் குறித்து சம்பந்தப்பட்ட துறைகள் மூலம் நடவடிக்கை எடுக்கப்படும் என்று காவல் துணைக் கண்காணிப்பாளர் தெரிவித்தார்.  இந்நிகழ்ச்சியில்,  நியூஹோப் காவல் உதவி ஆய்வாளர் பிரகாஷ்,  உதவி ஆய்வாளர் ராஜாமணி,  தனிப் பிரிவுக் காவலர் மோகன்தாஸ் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-coimbatore/nilgiris/2018/sep/12/ஓவேலி-வனப்-பகுதி-பழங்குடி-மக்களிடம்--குறைகளைக்-கேட்டறிந்த-காவல்-துறையினர்-2998545.html
2998544 கோயம்புத்தூர் நீலகிரி முதுமலைப் புலிகள் காப்பகத்தில்  மோப்ப நாய் மூலம் வாகனச் சோதனை DIN DIN Wednesday, September 12, 2018 05:22 AM +0530 முதுமலைப் புலிகள் காப்பகத்தில் மோப்ப நாய் மூலம் வாகனச் சோதனை செவ்வாய்க்கிழமை துவங்கப்பட்டது.
முதுமலைப் புலிகள் காப்பகத்தில் வனப் பொருள்கள் கடத்துவதை கண்டுபிடிக்க மோப்ப நாயை முதல்முறையாக வாகனச் சோதனையில் வனத் துறையினர் ஈடுபடுத்தியுள்ளனர். தொரப்பள்ளி வனத் துறை சோதனைச் சாவடியில் வாகனங்களை  சோதனையிடுவதற்கு மோப்ப நாய் ஆபர் ஈடுபடுத்தப்பட்டது.  தேவைப்படும்போது மட்டும் மோப்ப நாயை பயன்படுத்தி சோதனைச் சாவடிகளில் வாகனச் சோதனை செய்யப்படும் எனத் தெரிகிறது.
 

]]>
http://www.dinamani.com/all-editions/edition-coimbatore/nilgiris/2018/sep/12/முதுமலைப்-புலிகள்-காப்பகத்தில்--மோப்ப-நாய்-மூலம்-வாகனச்-சோதனை-2998544.html
2998488 கோயம்புத்தூர் நீலகிரி நீலகிரியில் குறிஞ்சி மலர்கள் சிறப்புக் கொண்டாட்டம்: உதகையில் தொடக்கம் DIN DIN Wednesday, September 12, 2018 01:34 AM +0530 நீலகிரி மாவட்டத்தில் 12 ஆண்டுகளுக்கு ஒருமுறை பூக்கும் குறிஞ்சி மலர்கள் பூத்துக் குலுங்கும் நிலையில், அதற்கான கொண்டாட்ட நிகழ்வுகள் செவ்வாய்க்கிழமை தொடங்கின.  
நீலகிரி மாவட்டத்தில் தற்போது பல்வேறு பகுதிகளிலும்  12 ஆண்டுகளுக்கு ஒருமுறை பூக்கும் குறிஞ்சி வகை  மலர்கள் பூத்துக் குலுங்குகின்றன. 6 மாதங்களுக்கு ஒருமுறையிலிருந்து 12 வருடங்களுக்கு ஒருமுறை நீலகிரி மாவட்டத்தின் பெரும்பாலான பகுதிகளில்  பூத்துக் குலுங்கும்  இத்தகைய குறிஞ்சி மலர்களுக்காக  நீலகிரி மாவட்ட நிர்வாகம் சார்பிலும்  தமிழக அரசின் சார்பிலும் சிறப்பு விழா கொண்டாடப்பட்டது.  
மாவட்டத்தில் முதல்முறையாக  உதகை அருகிலுள்ள  கல்லட்டி பகுதியில் நடைபெற்ற குறிஞ்சி விழாவில் மாவட்ட ஆட்சியர் இன்னசென்ட் திவ்யா கலந்து கொண்டார்.  அப்போது அவர் செய்தியாளர்களிடம் கூறியதாவது:   
நீலகிரி மாவட்டத்தில் ஆண்டுதோறும்  கோடைக் காலத்தில் கோடை விழா, பழக் கண்காட்சி , மலர்க் காட்சி, ரோஜா கண்காட்சி,  வாசனைத் திரவிய கண்காட்சி  மற்றும் கலை நிகழ்ச்சிகள் நடத்தப்படுகின்றன. இதில் பங்கேற்க வெளிநாடுகளிலிருந்தும், வெளிமாவட்டங்களிலிருந்தும் லட்சக்கணக்கான சுற்றுலாப் பயணிகள் வந்து செல்கின்றனர்.
அழகும் சிறப்பும் மிக்க இந்த மாவட்டத்துக்கு மேலும் அழகு சேர்த்து பார்ப்பவர்களைக் கவரும் வண்ணம், கல்லட்டி, கீழ்கோத்தகிரி மலைப் பகுதிகளில் குறிஞ்சி மலர்கள் பூத்துக் குலுங்குகின்றன. இப்பூக்கள் 12 ஆண்டுகளுக்கு ஒருமுறை பூக்கும் என்பதையும், இப்பூவின் சிறப்பையும் அனைவரும் தெரிந்துகொள்ள வேண்டும் என்பதற்காக முதல்முறையாக நிகழாண்டில் குறிஞ்சி விழா நடத்தப்படுகிறது. 
குறிஞ்சி மலர்கள் மேற்குத் தொடர்ச்சி மலைப்பகுதியான பழனி, ஆனைமலை, நீலகிரி ஆகிய பகுதிகளில் சுமார் 6,000 அடி உயரத்தில் ஜூன் முதல் டிசம்பர் வரை பூப்பவை. செப்டம்பர் மாதத்தில்தான் அதிக அளவில் பூக்கும். கல்லட்டி, கீழ் கோத்தகிரி பகுதிகளில் பூத்திருக்கும் குறிஞ்சிப் பூக்களை சுற்றுலாப் பயணிகள் கண்டுகளிக்க சிறப்புப் பேருந்துகள் இயக்கப்படுகின்றன என்றார்.
இந்த நிகழ்ச்சியில், ஆதி திராவிடர்- பழங்குடியினர் நலத் துறை சார்பில், கோழிப் பண்ணை வைக்க காட்டு நாயக்கர் முன்னேற்ற சங்கத்துக்கு  ரூ. 3 லட்சத்துக்கான காசோலையும், வீட்டுத் தோட்டம் அமைக்க தோடர் இயற்கை வேளாண்மை நல சங்கத்துக்கு ரூ. 1 லட்சத்துக்கான காசோலையும், மாவட்ட விளையாட்டு நலத் துறை சார்பில் பல்வேறு போட்டிகளில் வெற்றி பெற்ற மாணவ, மாணவியருக்கு பரிசு, பாராட்டு சான்றிதழ்களும் ஆட்சியரால் வழங்கப்பட்டன.
ஆட்சியர், மாநிலங்களவை உறுப்பினர் கே.ஆர்.அர்ஜூணன், குன்னூர் சட்டப் பேரவை உறுப்பினர் சாந்தி ராமு ஆகியோர் படகர் இன மக்களின் பாரம்பரிய நடனமான படுகர் நடனமாடி உற்சாகப்படுத்தினர்.  
ஒருங்கிணைந்த குழந்தைகள் வளர்ச்சித் திட்டம் சார்பில்  நீலகிரி மாவட்டத்தின் பாரம்பரிய உணவு மக்களுக்கு வழங்கப்பட்டது.  
இந்த நிகழ்ச்சியில் உதகை கோட்டாட்சியர் சுரேஷ்,  ஆதிதிராவிடர்- பழங்குடியினர் நல அலுவலர் மணிவேல்,  சமூகநலத் துறை அலுவலர் தேவகுமாரி,  முதன்மைக் கல்வி அலுவலர் நசருதீன், ரசுத் துறை அலுவலர்கள் பங்கேற்றனர்.
 

]]>
http://www.dinamani.com/all-editions/edition-coimbatore/nilgiris/2018/sep/12/நீலகிரியில்-குறிஞ்சி-மலர்கள்-சிறப்புக்-கொண்டாட்டம்-உதகையில்-தொடக்கம்-2998488.html
2997975 கோயம்புத்தூர் நீலகிரி 150 ஆவது காந்தி ஜயந்தி: கட்டுரை, ஓவியப் போட்டியில் பங்கேற்க அழைப்பு DIN DIN Tuesday, September 11, 2018 07:48 AM +0530 மகாத்மா காந்தியின் 150ஆவது பிறந்த நாளை முன்னிட்டு மஞ்சூர் காந்தி சேவா அறக்கட்டளை சார்பில் நடத்தப்படும் கட்டுரை, ஓவியப் போட்டியில் பள்ளி மாணவ, மாணவிகள் பங்கேற்க அழைப்பு விடுக்கப்பட்டுள்ளது.
இது குறித்து மஞ்சூர் காந்தி சேவா அறக்கட்டளைச் செயலாளர் போஜன் வெளியிட்டுள்ள அறிக்கை:
வரும் அக்டோபர் 2ஆம் தேதி 150ஆவது காந்தி ஜயந்தி விழா கொண்டாடப்படுகிறது. 
இதை முன்னிட்டு மஞ்சூர் காந்திசேவா அறக்கட்டளை சார்பில் பள்ளி மாணவ, மாணவிகளுக்கு "இன்றைய சூழ்நிலையில் மகாத்மாவின் கொள்கையில் உங்களை கவர்ந்தது' என்ற தலைப்பில் கட்டுரைப் போட்டியும், ஓவியப் போட்டியும் நடைபெற உள்ளது.
பெண்களுக்குகோலப்போட்டி நடத்தப்படும். கட்டுரைப் போட்டியில் பங்கேற்கும் மாணவ, மாணவிகள் 2 பக்கங்களுக்கு குறையாமல் எழுதி தாங்கள் படிக்கும் பள்ளித் தலைமையாசிரியரின் கையொப்பத்துடன் பள்ளி முகவரி, படிக்கும் வகுப்பு ஆகிய விவரங்களுடன் அனுப்ப வேண்டும். ஓவியப் போட்டியில் பங்கேற்போர், மகாத்மா காந்தி குறித்த ஓவியங்களை வரைந்து அனுப்பலாம். 
கோலப் போட்டியில் கலந்து கொள்ளும் இல்லத்தரசிகள் தங்களது இருப்பிடங்களில் இருந்தே கோலங்களை வரைந்து அனுப்பலாம். 
படைப்புகளை அனுப்ப வேண்டிய முகவரி செயலாளர், காந்தி சேவா அறக்கட்டளை, மஞ்சூர், குந்தாஅஞ்சல், நீலகிரி மாவட்டம். படைப்புகளை அனுப்ப கடைசி நாள்25.9.2018 எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/11/150-ஆவது-காந்தி-ஜயந்தி-கட்டுரை-ஓவியப்-போட்டியில்-பங்கேற்க-அழைப்பு-2997975.html
2997974 கோயம்புத்தூர் நீலகிரி கூடலூர் அரசுக் கல்லூரியில் முதுநிலைப் படிப்பு காலி இடங்களுக்கு 14இல் கலந்தாய்வு DIN DIN Tuesday, September 11, 2018 07:48 AM +0530 கூடலூரிலுள்ள பாரதியார் பல்கலைக்கழக கலை, அறிவியல் கல்லூரியில் 2018-19ஆம் ஆண்டுக்கான முதுநிலைப் பாடப் பிரிவுகளில் காலியாக உள்ள இடங்களுக்கு மாணவர் சேர்க்கைக்கான கலந்தாய்வு செப்டம்பர் 14ஆம் தேதி  நடைபெற உள்ளது. இதற்கான கலந்தாய்வு வரும் 14ஆம் தேதி காலை 10 மணிக்கு கோழிப்பாலம் கல்லூரி வளாகத்தில் நடைபெறும் என கல்லூரி நிர்வாகம் அறிவித்துள்ளது.

]]>
http://www.dinamani.com/all-editions/edition-coimbatore/nilgiris/2018/sep/11/கூடலூர்-அரசுக்-கல்லூரியில்-முதுநிலைப்-படிப்பு-காலி-இடங்களுக்கு-14இல்-கலந்தாய்வு-2997974.html
2997973 கோயம்புத்தூர் நீலகிரி மின் உற்பத்திக்கு ஆதாரமான குந்தா, கெத்தை அணைகளை தூர்வார வலியுறுத்தல் DIN DIN Tuesday, September 11, 2018 07:47 AM +0530 குந்தா, கெத்தை அணைகளைத் தூர்வார வேண்டும் என வலியுறுத்தப்பட்டுள்ளது.
நீலகிரி மாவட்டத்தில் குந்தா, பைக்காரா நீர்மின் திட்டங்கள் மூலம் 12 நீர்மின் நிலையங்கள் செயல்பட்டு வருகின்றன. 
மேல் பவானி, அவலாஞ்சி, எமரால்டு, கிளன்மார்கன், பைக்காரா உள்ளிட்ட 15க்கும் மேற்பட்ட அணைகளில் தேக்கி வைக்கப்படும் நீர் மூலம் மின்நிலையங்களில் மொத்தம் 833.65 மெகாவாட் மின்சாரம் உற்பத்தி செய்யப்படுகிறது.
இந்நிலையில், குந்தா நீர்மின் திட்டத்தின் கீழ் உள்ள மேல் பவானி அணையில் இருந்து அவலாஞ்சி மின்நிலையத்துக்குக் கொண்டு செல்லப்படும் நீர் மின் உற்பத்திக்குப் பின்னர் அவலாஞ்சி , எமரால்டு அணைகளில் தேக்கி வைக்கப்படுகிறது. பின்னர் இங்கிருந்து ராட்சத குழாய்கள் மூலம் குந்தா மின் நிலையத்துக்கு நீர் கொண்டு செல்லப்படுகிறது. இங்கு 60 மெகாவாட் மின்சாரம் உற்பத்தி செய்யப்படுகிறது. 
பின்னர் வெளியேற்றப்படும் நீர் குந்தா அணையில் தேக்கி வைக்கப்பட்டு, சுரங்கப்பாதை வழியாக கெத்தை மின் நிலையத்துக்குக் கொண்டு செல்லப்படுகிறது. இங்கு, 150 மெகாவாட் மின் சாரம் உற்பத்தி செய்யப்படுகிறது. கெத்தை மின் நிலையத்தில் இருந்து மின் உற்பத்திக்குப் பின் வெளியேற்றப்படும் நீர் சுரங்கப்பாதை வழியாக பரளி மின் நிலையத்துக்குக் கொண்டு செல்லப்படுகிறது. இங்கு 80 மெகாவாட் மின்சாரம் உற்பத்தி செய்யப்படுகிறது.
குந்தா, கெத்தை மற்றும் பரளி மின்நிலையங்களில் மின்சார உற்பத்திக்கு முக்கிய நீராதாரமாக உள்ள குந்தா மற்றும் கெத்தை அணைகள் தூர்வாரப்படாததால் அதிக அளவில் சேறும், சகதியும் தேங்கியுள்ளன. கடந்த சில மாதங்களாகப் பெய்த மழையின்போது மழை நீரில் அடித்துவரப்பட்ட செடி, கொடிகள் உள்ளிட்ட கழிவுகள் அணைகளில் தேங்கியுள்ளன. 
அணைகளில் அதிக அளவில் சேறும், சகதியும் தேங்கி இருப்பதால் குறைந்தபட்ச மழை பெய்தாலே அணைகள் நிரம்பிவிடும் என நிலையில் காணப்படுகின்றன. 
சகதிகளால் குந்தா அணையில் அமைந்துள்ள சுரங்கப்பாதையில் அடிக்கடி அடைப்பு ஏற்படுகிறது. இதனால் கெத்தை மின்நிலையத்துக்கு நீர் கொண்டு செல்வதில் தடை ஏற்பட்டு மின் உற்பத்தியில் பாதிப்பு ஏற்படுகிறது. 
கடந்த மாதம் குந்தா அணையில் உள்ள சுரங்கப்பாதையில்அடைப்பு ஏற்பட்டு கெத்தை மின்நிலையத்துக்கு நீர் கொண்டு செல்வதில் தடை ஏற்பட்டு 5 நாள்களுக்கு மேலாக மின் உற்பத்தி நிறுத்தப்பட்டிருந்தது. 
இதையடுத்து, குந்தா அணையில் இருந்து முழுவதுமாக நீர் வெளியேற்றப்பட்டு, சுரங்கப்பாதையில் அடைப்பு நீக்கப்பட்டது. அணை நீர் முழுவதும் வெளியேற்றப்பட்ட நிலையில் சேறும், சகதியும் அதிக அளவில் இருப்பது தெரியவந்தது. 
குந்தா அணையைத் தூர்வாருவதற்காக அணையில் தேங்கியிருக்கும் சேறு, சகதி அளவு குறித்து மதிப்பீடு செய்யும் பணி கடந்த 2 ஆண்டுகளுக்கு முன் மேற்கொள்ளப்பட்டது. 
ஆனால், இதுவரை அணையைத் தூர்வார எவ்வித நடவடிக்கையும் எடுக்கப்படவில்லை. எனவே, குந்தா, கெத்தை அணைகளை விரைவில் தூர்வார நடவடிக்கை எடுக்க வேண்டும் என மின் வாரிய ஊழியர்கள் வலியுறுத்தி உள்ளனர். 
 

]]>
http://www.dinamani.com/all-editions/edition-coimbatore/nilgiris/2018/sep/11/மின்-உற்பத்திக்கு-ஆதாரமான-குந்தா-கெத்தை-அணைகளை-தூர்வார-வலியுறுத்தல்-2997973.html
2997972 கோயம்புத்தூர் நீலகிரி குன்னூர், கூடலூரில் கடைகள் அடைப்பு; உதகை, மஞ்சூரில் வழக்கம்போல கடைகள் திறப்பு DIN DIN Tuesday, September 11, 2018 07:47 AM +0530 பெட்ரோல், டீசல் விலை உயர்வைக் கண்டித்து காங்கிரஸ், திமுக உள்ளிட்ட கட்சிகள் சார்பில் நடைபெற்ற முழு அடைப்புப் போராட்டம் காரணமாக நீலகிரி மாவடத்தில் குன்னூர், கோத்தகிரி, கூடலூர் பகுதிகள் பெரும்பாலான கடைகள் அடைக்கப்பட்டிருந்தன. அதேசமயம், உதகை, மஞ்சூர் பகுதிகளில் வழக்கம்போல் கடைகள் திறக்கப்பட்டிருந்தன.
குன்னூர், கோத்தகிரியில் பெரும்பாலான கடைகள் அடைக்கப்பட்டிருந்தன. உணவு கிடைக்காமல் சுற்றுலாப் பயணிகள் வெகுவாக பாதிக்கப்பட்டனர்.  
ஆட்டோக்கள், சுற்றுலா வாகனங்கள், லாரிகள், சிற்றுந்துகள் இயக்கப்படவில்லை. அரசுப் பேருந்துகள் இயக்கப்பட்டன.
கூடலூரில்...  கூடலூர், சுற்றுப்புற ஊர்களில் கடைகள், வணிக நிறுவனங்கள் முழுவதுமாக அடைக்கப்பட்டிருந்தன. சுற்றுலா வாகனங்கள் இயக்கப்படவில்லை.  இதனால், வெளி மாநிலங்களிலிருந்து வந்துள்ள சுற்றுலாப் பயணிகள் உணவு கிடைக்காமல் அவதிக்குள்ளாகினர். அரசுப் பேருந்துகள் மட்டும் இயக்கப்பட்டன.  
தனியார் வாகனங்கள் ஓடாத காரணத்தால்  பள்ளிக்குச் செல்லும் மாணவ, மாணவிகள் பெரும் அவதிக்குள்ளாகினர்.  சாலையில் சென்ற வாகனங்களைத் தடுத்தகாக 9 பேர் கைது செய்யப்பட்டனர்.
புதிய பேருந்து நிலைய சந்திப்பில் நடைபெற்ற கண்டன ஆர்ப்பாட்டத்தில் காங்கிரஸ், அதன் கூட்டணி கட்சிகளின் நிர்வாகிகள் கலந்து கொண்டனர். 
பழைய பேருந்து நிலைய சந்திப்பில் மறியலில் ஈடுபட்ட மார்க்சிஸ்ட் கம்யூனிஸ்ட்  கட்சியினர், விடுதலைச் சிறுத்தைகள் கட்சியினரை போலீஸார் கைது செய்தனர். முழு அடைப்பு போராட்டம் கூடலூரில் அமைதியாக நடைபெற்றது.
உதகையில்... முழு அடைப்புப் போராட்டம் காரணமாக உதகையில் சிறுந்துகள், லாரிகள் இயக்கப்படவில்லை. வழக்கம்போல கடைகள் திறக்கப்பட்டிருந்தன. இயல்பு வாழ்க்கை பாதிக்கப்படவில்லை.
மஞ்சூரில்... பெட்ரோல் விலை உயர்வைக் கண்டித்து நடைபெற்ற முழு அடைப்புப் போராட்டம் காரணமாக நீலகிரி மாவட்டத்தில் பல இடங்களில் கடைகள் அடைக்கப்பட்டிருந்த நிலையில், மஞ்சூர், அதன் சுற்று வட்டாரப் பகுதிகளில் வழக்கம்போல கடைகள் திறக்கப்பட்டிருந்தன. அரசுப் பேருந்துகள், தனியார் வாகனங்கள் தடையின்றி இயக்கப்பட்டன. போலீஸார் பாதுகாப்புப் பணியில் ஈடுபட்டனர்.

]]>
http://www.dinamani.com/all-editions/edition-coimbatore/nilgiris/2018/sep/11/குன்னூர்-கூடலூரில்-கடைகள்-அடைப்பு-உதகை-மஞ்சூரில்-வழக்கம்போல-கடைகள்-திறப்பு-2997972.html
2997971 கோயம்புத்தூர் நீலகிரி மலை ரயில் என்ஜினை இயக்க கொல்கத்தாவிலிருந்து 12 டன் நிலக்கரி வரவழைப்பு DIN DIN Tuesday, September 11, 2018 07:47 AM +0530 கடந்த ஓராண்டாக  நிலக்கரிப் பற்றாக்குறையால் இயக்கப்படாமல் இருந்த மேட்டுப்பாளையம்-குன்னூர் இடையிலான மலை ரயில் என்ஜினை நீலகிரி இரண்டாவது சீசனையொட்டி மீண்டும் இயக்குவதற்காக கொல்கத்தாவிலிருந்து 12 டன் நிலக்கரி குன்னூர் பணிமனைக்கு  ஞாயிற்றுக்கிழமை கொண்டுவரப்பட்டுள்ளது.
நீலகிரி மாவட்டம்,  குன்னூர்- மேட்டுப்பாளையம் இடையே இயக்கப்பட்டு  வந்த மலை ரயில் என்ஜின் கடந்த ஓராண்டு காலமாக நிலக்கரிப் பற்றாக்குறையால் மேட்டுப்பாளையம்  பணிமனையில் நிறுத்திவைக்கப்பட்டிருந்தது. 
இந்நிலையில்,  மலை ரயில் என்ஜினை இயக்குவதற்குத் தேவையான நிலக்கரி தடையில்லாமல் தற்போது கிடைப்பதால் என்ஜின் மேட்டுப்பாளையத்தில் இருந்து குன்னூர் பணிமனைக்கு கடந்த  7ஆம் தேதி கொண்டுவரப்பட்டது.  
இந்த மாதம் துவங்கவுள்ள நீலகிரி இரண்டாவது சீசனையொட்டி நிலக்கரியில் இயங்கும் நீராவி என்ஜின்  ரயில் இயக்கம் மீண்டும் துவங்கும் என எதிர்பார்க்கப்படுகிறது. 
மலை ரயிலில் பயணிக்க உள்நாடு, வெளிநாட்டு சுற்றுலாப் பயணிகள் அதிகம் ஆர்வம் காட்டுவதால் விரைவில் முன்பதிவு துவங்கும் எனவும் எதிர்பார்க்கப்படுகிறது. 

]]>
http://www.dinamani.com/all-editions/edition-coimbatore/nilgiris/2018/sep/11/மலை-ரயில்-என்ஜினை-இயக்க-கொல்கத்தாவிலிருந்து-12-டன்-நிலக்கரி-வரவழைப்பு-2997971.html
2997192 கோயம்புத்தூர் நீலகிரி தோட்டத் தொழிலாளர் தொழிற்பயிற்சி மையத்தில் முன்னாள் மாணவர்கள் சந்திப்பு நிகழ்ச்சி DIN DIN Monday, September 10, 2018 12:51 AM +0530 கூடலூர் தோட்டத் தொழிலாளர் தொழிற்பயிற்சி மையத்தில் முன்னாள் மாணவர்கள் சந்திப்பு நிகழ்ச்சி ஞாயிற்றுக்கிழமை நடைபெற்றது.
தொழிற்பயிற்சி மையத்தில் 1982 முதல் 2000 ஆண்டு வரை படித்த மாணவர்களின் சந்திப்பு நிகழ்ச்சிக்கு ஐ.என்.டி.யூ.சி. தலைவர் கே.பி.முகமது தலைமை வகித்தார். சிறப்பு அழைப்பாளராக நடேசன் பாக்கியம் கலந்துகொண்டார். 
தொழிற்பயிற்சி மைய முதல்வர் ஷாஜி எம்.ஜார்ஜ், ஆசிரியர்கள், முன்னாள் ஆசிரியர்கள், மாணவர்கள் இதில் கலந்துகொண்டனர். முன்னாள் மாணவர்கள் சார்பில் தொழிற்பயிற்சி மையத்திற்கு 150 இருக்கைகளும், பீரோவும் வழங்கப்பட்டன.

]]>
http://www.dinamani.com/all-editions/edition-coimbatore/nilgiris/2018/sep/10/தோட்டத்-தொழிலாளர்-தொழிற்பயிற்சி-மையத்தில்-முன்னாள்-மாணவர்கள்-சந்திப்பு-நிகழ்ச்சி-2997192.html
2997191 கோயம்புத்தூர் நீலகிரி மேராக்காய் விலை வீழ்ச்சி: விவசாயிகளுக்கு பாதிப்பு DIN DIN Monday, September 10, 2018 12:50 AM +0530 கோத்தகிரியில் விளையும் மேராக்காய்களுக்கு மண்டிகளில் உரிய விலை கிடைக்காததால் விவசாயிகள் பாதிக்கப்பட்டுள்ளனர்.
நீலகிரி மாவட்டம், கோத்தகிரி சுற்றுவட்டாரப் பகுதிகளில் தேயிலை சாகுபடிக்கு அடுத்ததாக காய்கறி விவசாயம் உள்ளது. பசுந்தேயிலை விலை வீழ்ச்சியாலும், கொய்மலர் சாகுபடி செய்ய முடியாததாலும், பெரும்பாலான விவசாயிகள் மலைக் காய்கறிகளைப் பயிரிட்டு வருகின்றனர். கோத்தகிரி, நெடுகுளா, கேர்கம்பை, வ.உ.சி.நகர், மிளிதேன் உள்ளிட்ட கிராமங்களில் விவசாயிகள் பல லட்சம் ரூபாய் முதலீட்டில் பந்தலிட்டு மேராக்காய் பயிரிட்டுள்ளனர்.
கடந்த சில மாதங்களாக மேராக்காய் கிலோவுக்கு ரூ. 18 வரை விலை கிடைத்து வந்தது. இதனால் பெரும்பாலான விவசாயிகள் மேராக்காய் விவசாயத்தில் ஆர்வம் காட்டினர். 
கடந்த வாரம் மழை காரணமாக அறுவடைக்குத் தயாராக இருந்த மேராக்காய்களை மண்டிக்கு அனுப்ப முடியாத நிலை ஏற்பட்டது. இதனால் விவசாயிகள் அறுவடையை தாமதப்படுத்தி தற்போது அறுவடை செய்து மண்டிகளுக்கு அனுப்பியதால் கொள்முதல் விலை வீழ்ச்சியடைந்து வருகிறது. இதன் காரணமாக மேட்டுப்பாளையம் காய்கறி மண்டிகளில் மேராக்காய் கிலோவுக்கு ரூ. 8 முதல் ரூ. 10 வரையிலும், கோத்தகிரி காய்கறி மண்டிகளில் ரூ. 4 முதல் ரூ. 6 வரையிலும் கொள்முதல் செய்யப்படுகிறது. இதுகுறித்து மேராக்காய் பயிரிட்டுள்ள விவசாயிகள் கூறுகையில், வெளி மாநிலங்களில் மேராக்காய்க்கு அதிக வரவேற்பு உள்ளது. 
இந்த மாதத்தில் காய்கறிகளின் விலை கணிசமாக உயரும் என்பதால் மீண்டும் மேராக்காய் விலை அதிகரிக்க வாய்ப்புள்ளது என்று நம்பிக்கை தெரிவித்தனர்.

]]>
http://www.dinamani.com/all-editions/edition-coimbatore/nilgiris/2018/sep/10/மேராக்காய்-விலை-வீழ்ச்சி-விவசாயிகளுக்கு-பாதிப்பு-2997191.html
2997190 கோயம்புத்தூர் நீலகிரி உதகையில் மாவட்ட அளவிலான சதுரங்கப் போட்டி DIN DIN Monday, September 10, 2018 12:50 AM +0530 உதகையில் ஒய்எம்சிஏ சார்பில் மாவட்ட அளவிலான சதுரங்கப் போட்டிகள் ஞாயிற்றுக்கிழமை நடைபெற்றன. இப்போட்டிகளில் மாவட்டத்திலுள்ள பல்வேறு பள்ளிகள், சதுரங்க அமைப்புகளின் சார்பில் 200 போட்டியாளர்கள் பங்கேற்றனர்.
6 பிரிவுகளாக நடத்தப்பட்ட இப்போட்டிகளில் பொதுப்பிரிவில் பங்கேற்ற எஸ்ஏபிஆர் சதுரங்க அகாதெமி வீரர் ராஜீவ் சுழற்கோப்பை வென்றார். 
இப்பிரிவில் ரிவர்சைடு பள்ளி மாணவர்கள் நித்திஷ், விக்னேஷ், அஸ்வின், எஸ்ஏபிஆர் அகாதெமியின் வினிஷ் ஆகியோரும் வெற்றி பெற்றனர். 
பெண்கள் பொதுப் பிரிவில் பிராவிடன்ஸ் கல்லூரியின் ஜெயந்தியும், சிஎஸ்ஐ பொறியியல் கல்லூரியின் சஞ்சனாவும் வெற்றி பெற்றனர். 
17 வயதுக்கு உள்பட்ட ஆண்கள் பிரிவில் ரிவர்சைடு பள்ளியின் பூபேஷ், உட்சைட் பள்ளியின் ஹரிகரன், அபுபக்கர் ஆகியோரும், 17 வயதுக்கு உள்பட்ட மகளிர் பிரிவில் நாசரேத் பள்ளியின் திவ்யதர்ஷினி, மோனிஷா ஆகியோரும், சாந்தி விஜயா பெண்கள் மேல்நிலைப் பள்ளியின்அஞ்சனாவும் வெற்றி பெற்றனர்.
15 வயதுக்கு உள்பட்ட ஆண்கள் பிரிவில் கேந்திரீய வித்யாலயாவின் நிகில் நிகார், லெய்டு லா பள்ளியின் ஆகாஷ், கிரசன்ட் கேசில் பள்ளியின் சுதர்சன் ஆகியோரும், 15 வயதுக்கு உள்பட்ட மகளிர் பிரிவில் நாசரேத் பள்ளியின் ஷெரீன், ரிவர்சைடு பள்ளியின் தன்யா, ஜோசப் கான்வென்ட்டின் ஹொன்னீசா ஆகியோரும் வெற்றி பெற்றனர்.
12 வயதுக்கு உள்பட்ட ஆண்கள் பிரிவில் ரிவர்சைடு பள்ளியின் ரிஷிகேஷ், லெய்டு லா பள்ளியின் ஹரிகரன், ஆக்ஸ்போர்டு பள்ளியின் ஹரிகிருஷ்ணா ஆகியோரும், 12 வயதுக்கு உள்பட்ட மகளிர் பிரிவில் அரவேணு அரசு உயர்நிலைப் பள்ளியின் ரீனா, கார்த்திகா ஆகியோரும், நாசரேத் பள்ளியின் வினந்தியும் வெற்றி பெற்றனர். 
வெற்றி பெற்றவர்களுக்கு பாரத ஸ்டேட் வங்கியின் உதகை கிளை மேலாளர் சதீஷ்குமார் பரிசளித்தார். 
இந்த நிகழ்ச்சியில் ஒய்எம்சிஏ தலைவர் தனசிங் இஸ்ரேல், பொதுச்செயலாளர் மேக்ஸ் வில்லியர்டு ஜெயபிரகாஷ் , பொருளாளர் சார்லஸ் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2018/sep/10/உதகையில்-மாவட்ட-அளவிலான-சதுரங்கப்-போட்டி-2997190.html
2997189 கோயம்புத்தூர் நீலகிரி சதுர்த்தி விழாவை சூழல் பாதிப்பின்றி கொண்டாட வேண்டும்: ஆட்சியர் வலியுறுத்தல் DIN DIN Monday, September 10, 2018 12:49 AM +0530 நீலகிரி மாவட்டத்தில் விநாயகர் சதுர்த்தியை பாரம்பரிய வழக்கப்படியும், சுற்றுச்சூழலுக்கு பாதிப்பின்றியும் கொண்டாட வேண்டுமென, மாவட்ட ஆட்சியர் இன்னசென்ட் திவ்யா வேண்டுகோள் விடுத்துள்ளார். 
இதுதொடர்பாக அவர் தெரிவித்துள்ளதாவது:
ஆண்டுதோறும் விநாயகர் சதுர்த்தியின்போது களிமண்ணால் செய்யப்பட்ட விநாயகர் சிலைகளைப் பூஜித்த பின்னர் நீர்நிலைகளில் கரைக்கும் வழக்கம் உள்ளது. ஆனால், அண்மைக்காலமாக ரசாயன வண்ணப் பூச்சுகளுடன் கூடிய விநாயகர் சிலைகளை நீர்நிலைகளில் கரைப்பதால் அவை மாசுபடும் நிலை ஏற்பட்டுள்ளது. பிளாஸ்டர் ஆஃப் பாரிஸ் எனும் வேதிப்பொருளால் செய்யப்பட்டு ரசாயன வண்ணம் பூசப்பட்ட விநாயகர் சிலைகளை நீர்நிலைகளில் கரைக்கும்போது, நீரின் உப்புத்தன்மை அதிகரித்து, அதைப் பயன்படுத்தும் மக்கள், கால்நடைகளுக்கு நோய்கள் வர வாய்ப்புள்ளது. 
எனவே, பொதுமக்கள் களிமண்ணால் செய்யப்பட்டதும், ரசாயனக் கலவையற்றதுமான, கிழங்கு மாவு, ஜவ்வரிசி தொழிற்சாலைக் கழிவுகள் போன்ற மூலப் பொருள்களால் செய்யப்பட்ட விநாயகர் சிலைகளை மட்டுமே வழிபாட்டில் பயன்படுத்த வேண்டும்.இத்தகைய சிலைகளை மட்டுமே பாதுகாப்பாக நீர்நிலைகளில் கரைக்க முடியும். ரசாயன வண்ணம் பூசப்பட்ட விநாயகர் சிலைகளை நீர்நிலைகளில் கரைப்பது தவிர்க்கப்பட வேண்டும். ரசாயன வண்ணம் பூசப்பட்ட விநாயகர் சிலைகள் கண்டறியப்பட்டால் அவற்றை நீர்நிலைகளில் கரைக்க மாவட்ட நிர்வாகம், காவல் துறையினரால் அனுமதி வழங்கப்பட மாட்டாது. 
நீலகிரி மாவட்டத்தில் விநாயகர் சிலைகளை உதகையில் காமராஜர் சாகர் அணை, குன்னூரில் லாஸ் அருவி, கூடலூரில் இரும்புப் பாலம் ஆறு, பந்தலூரில் பொன்னானி ஆறு, கோத்தகிரியில் உயிலட்டி அருவி ஆகிய இடங்களில் மட்டுமே கரைக்க வேண்டும். 
இந்த ஆண்டிலும் விநாயகர் சதுர்த்தியை பாரம்பரிய வழக்கப்படியும், சுற்றுச்சூழலை பாதிக்காத வகையிலும் கொண்டாட வேண்டும் என்று ஆட்சியர் தெரிவித்துள்ளார்.

]]>
http://www.dinamani.com/all-editions/edition-coimbatore/nilgiris/2018/sep/10/சதுர்த்தி-விழாவை-சூழல்-பாதிப்பின்றி-கொண்டாட-வேண்டும்-ஆட்சியர்-வலியுறுத்தல்-2997189.html
2997188 கோயம்புத்தூர் நீலகிரி மஞ்சூர் பகுதியில் காபி விளைச்சல் அதிகரிப்பு: விலைச் சரிவால் விவசாயிகள் கவலை DIN DIN Monday, September 10, 2018 12:49 AM +0530 மஞ்சூர் சுற்றுவட்டாரப் பகுதியில் இந்த ஆண்டு காபி விளைச்சல் அதிகரித்தபோதும் விலை சரிவால் விவசாயிகள் கவலை அடைந்துள்ளனர். 
நீலகிரி மாவட்டத்தில் தேயிலைக்கு அடுத்தபடியாக காய்கறி சாகுபடி நடந்து வருகிறது. மேலும் மஞ்சூர், கூடலூர், கோத்தகிரி, குன்னூர் உள்ளிட்ட பகுதிகளில் விவசாயிகளும் ஒரு சில தனியார் எஸ்டேட்நிறுவனத்தினரும் காபி பயிரிட்டு வருகின்றனர். மஞ்சூர் பகுதியில் காபியில் அரபிக்கா, ரொபஸ்டா என 2 ரகங்கள் சாகுபடி செய்யப்படுகின்றன. கடந்த ஜூன், ஜூலை மாதங்களில் மழை அதிக அளவில் பெய்துள்ளது. இதனால் பணப் பயிர்களான குருமிளகு, காபி, கிராம்பு உள்ளிட்டவற்றின் உற்பத்தி அதிகரித்துள்ளது. மழை அதிகரிப்பால் தற்போது காபி விளைச்சலும் அதிகரித்துள்ளது.
தற்போது காபி காய்கள் பழுக்கத் துவங்கி உள்ளன. இதனால் ஒரு சில இடங்களில் அறுவடைப் பணி நடந்து வருகிறது. அதே நேரம், விளைச்சல் அதிகரித்துள்ளதால் மார்க்கெட்டில் காபி விலை குறைந்து வருகிறது. 
56 கிலோ கொண்ட ஒரு மூட்டை காபி கொட்டையின் விலை ரூ. 4,200 ஆக இருந்தது தற்போது ரூ. 3,500 வரை விற்பனை செய்யப்படுகிறது. இந்த விலைச் சரிவால் விவசாயிகள் கவலை அடைந்துள்ளனர்.

]]>
http://www.dinamani.com/all-editions/edition-coimbatore/nilgiris/2018/sep/10/மஞ்சூர்-பகுதியில்-காபி-விளைச்சல்-அதிகரிப்பு-விலைச்-சரிவால்-விவசாயிகள்-கவலை-2997188.html
2997187 கோயம்புத்தூர் நீலகிரி பொது இடங்களில் குப்பை கொட்டினால் அபராதம்: கீழ்குந்தா பேரூராட்சி அறிவிப்பு DIN DIN Monday, September 10, 2018 12:49 AM +0530 கீழ்குந்தா பேரூராட்சியில் பொது இடங்களில் குப்பை கொட்டினால் அபராதம் விதிக்கப்படும் என்று எச்சரிக்கப்பட்டுள்ளது. கீழ்குந்தா பேரூராட்சி செயல்அலுவலர் மணிகண்டன் வெளியிட்டுள்ள அறிக்கையில் கூறியிருப்பதாவது: 
கீழ்குந்தா பேரூராட்சியில் தூய்மை இந்தியா, உன்னத உதகை திட்டம் தீவிரமாக செயல்படுத்தப்பட்டு வருகிறது. இத்திட்டங்களின்கீழ் கீழ்குந்தா பேரூராட்சியை குப்பையில்லா பேரூராட்சியாக மாற்றத் தேவையாயன நடவடிக்கைகள் மேற்கொள்ளப்பட்டுள்ளன. 
மஞ்சூர் பஜார் உள்பட பேரூராட்சிக்கு உள்பட்ட பகுதிகளில் பொது இடங்களில் குப்பைகள் கொட்டுவதை பொதுமக்கள் தவிர்க்க வேண்டும். 
வியாபாரிகள் தங்களது கடைகள், நிறுவனங்களில் இருந்து தினசரி வெளியேற்றும் குப்பைகளை பொது இடத்தில் கொட்டாமல் மக்கும் குப்பை- மக்காத குப்பை எனத் தரம் பிரித்து தனியாக வைப்பதோடு இந்தக் குப்பைகளை பேரூராட்சி துப்புரவுப் பணியாளர்களிடம் கொடுத்து அப்புறப்படுத்த வேண்டும். 
மாறாக பொது இடங்களில் குப்பைகள் கொட்டினால் பேரூராட்சி மூலம் அபராதம் விதிக்கப்படும். இறைச்சிக் கடைகளில் இருந்து வெளியேற்றப்படும் கழிவுகளை திறந்தவெளியில் கொட்டாமல் ஆழமாகக் குழி தோண்டிப் புதைக்க வேண்டும். 
கீழ்குந்தா பேரூராட்சிக்கு உள்பட்ட பகுதிகளில் பிளாஸ்டிக் பயன்பாட்டிற்கு தடை விதிக்கப்பட்டுள்ளது. தடையை மீறி பிளாஸ்டிக் பைகள், பேப்பர் டம்ளர்கள் விற்பனை செய்வது தெரிய வந்தால் நடவடிக்கை எடுக்கப்படும். கீழ்குந்தா பேரூராட்சியை 100 சதவீதம் குப்பையில்லா, தூய்மையான பகுதியாக மாற்ற அனைத்துத் தரப்பினரும் ஒத்துழைக்க வேண்டும் என்று கூறியுள்ளார்.

]]>
http://www.dinamani.com/all-editions/edition-coimbatore/nilgiris/2018/sep/10/பொது-இடங்களில்-குப்பை-கொட்டினால்-அபராதம்-கீழ்குந்தா-பேரூராட்சி-அறிவிப்பு-2997187.html
2997186 கோயம்புத்தூர் நீலகிரி நீலகிரி மலைப் பகுதியில் அழிக்கப்படும் குறிஞ்சி மலர்கள்! DIN DIN Monday, September 10, 2018 12:48 AM +0530 நீலகிரி மாவட்டத்தில் பல்வேறு இடங்களில் தற்போது பரவலாகப் பூத்துள்ள நீலக்குறிஞ்சி மலர்களை சுற்றுலாப் பயணிகளும், உள்ளூர் மக்களும் வேருடன் அழிப்பதால் பாதிப்பு ஏற்பட்டுள்ளது. வனத் துறையினரின் தீவிரக் கண்காணிப்பு இருந்தால் மட்டுமே குறிஞ்சி மலர்ச் செடிகள் பாதுகாக்கப்படும்.
நீலகிரி மாவட்டத்தில் தற்போது ராமர் மலை, கல்லட்டி, தேனாடு, கொடநாடு, சின்ன குன்னூர், கீழ் கோத்தகிரி, சோலாடா உள்ளிட்ட பகுதிகளில் 12 ஆண்டுகளுக்கு ஒரு முறை பூக்கும் நீலக்குறிஞ்சி மலர்கள் அதிக அளவில் பூத்துள்ளன. அபூர்வமான இந்தக் குறிஞ்சி மலர்களைக் காண தமிழகத்தின் பல்வேறு பகுதிகளிலிருந்தும், அண்டை மாநிலங்களிலிருந்தும் ஏராளமான சுற்றுலாப் பயணிகள் வந்து செல்கின்றனர். 
அவர்கள் குறிஞ்சி மலர்களைப் பார்த்த பிறகு, மற்றவர்களுக்கும் காண்பிப்பதற்காக குறிஞ்சி மலர்களை பறித்துச் செல்கின்றனர். இதன் காரணமாகவே நீலகிரி மாவட்டத்தில் முதல்முறையாக குறிஞ்சி மலருக்காக சிறப்பு விழாவை நடத்த மாவட்ட நிர்வாகம் தீர்மானித்துள்ளது.
தற்போது குறிஞ்சி மலர்ச் செடிகளை வேரோடு பெயர்த்துச் செல்லும் நிலை காணப்படுகிறது. இதனால் ராமர் மலைப்பகுதியில் பெரும்பாலான குறிஞ்சி மலர்ச் செடிகள் வெட்டப்பட்டுள்ளன. 
சுற்றுலாப் பயணிகளின் இத்தகைய செயல்களைத் தடுப்பதற்காக வனத் துறை சார்பில் பாதுகாப்பு போடப்பட்டிருந்தாலும், உள்ளூர் மக்களில் சிலர் தமக்கு பழக்கமான வேறு வழிகளில் சென்று குறிஞ்சி மலர்ச் செடிகளை வெட்டி வந்து அதிக விலைக்கு விற்று விடுகின்றனர். அத்துடன் பல்வேறு விழாக்கள், திருமணம் போன்ற நிகழ்ச்சிகளிலும் அபூர்வ குறிஞ்சி மலர்களை இடம்பெறச் செய்வதற்காக அதிக விலை கொடுத்து வாங்கவும் பல்வேறு தரப்பினர் முன்வருகின்றனர். 
இதன் காரணமாகவும் அபூர்வ குறிஞ்சி மலர்கள் அழியும் நிலை ஏற்பட்டுள்ளது.
குறிஞ்சி மலர்கள் பூத்தவுடன் அந்தப் பூக்களிலிருந்து உதிரும் விதைகள் காட்டுக்கோழி உள்ளிட்ட பறவைகளால் மற்ற இடங்களுக்கும் பரவும். ஆனால், தற்போது வேரோடு வெட்டி அழிப்பதன் மூலம் விதைப் பரவல் குறைந்து, அடுத்த சுற்றில் இப்பகுதிகளில் குறிஞ்சிமலர்ச் செடிகள் வளர்வது கேள்விக்குறியாகி விடும். எனவே வனத் துறையினரின் தீவிரக் கண்காணிப்பு இருந்தால் மட்டுமே இந்த நிலையை மாற்ற முடியும்.

]]>
http://www.dinamani.com/all-editions/edition-coimbatore/nilgiris/2018/sep/10/நீலகிரி-மலைப்-பகுதியில்-அழிக்கப்படும்-குறிஞ்சி-மலர்கள்-2997186.html
2996732 கோயம்புத்தூர் நீலகிரி தோட்டக்கலைப் பயிர்களில் இயற்கை வேளாண் முறைகள் DIN DIN Sunday, September 9, 2018 01:02 AM +0530 உதகையில் பழங்குடியினர் துணைத் திட்டத்தின் கீழ் தோட்டக்கலைப் பயிர்களில் இயற்கை வேளாண்மை முறைகள், அறுவடைக்குப் பிந்தைய தொழில்நுட்பங்கள் மற்றும் மதிப்புக் கூட்டல் குறித்த ஒரு நாள் பயிற்சி முகாம் குன்னூரில் சனிக்கிழமை நடைபெற்றது.
உதகையிலுள்ள இந்திய மண் மற்றும் நீர்வளப் பாதுகாப்பு ஆராய்ச்சி நிறுவனம் கடந்த ஐந்து ஆண்டுகளாக பழங்குடியினர் துணைத் திட்டத்தைச் செயல்படுத்தி வருகிறது. 
இதற்காக ஆண்டுதோறும் சுமார் ரூ. 10 லட்சம் நிதி ஒதுக்கப்படுகிறது.
இத் திட்டத்தின் கீழ், நீலகிரி மாவட்டத்தைச் சேர்ந்த இருளர், குரும்பர், கோத்தர், பணியர் போன்ற பழங்குடியின மக்களின் வளர்ச்சிக்காகவும், அவர்களது வாழ்வாதாரத்தைப் பெருக்கவும் நீர்வளப் பாதுகாப்பு, பண்ணைக் காடுகள் வளர்ப்பதற்காக பழ மரங்கள் மற்றும் வாசனைத் திரவிய தாவர நாற்றுகள் விநியோகம், பாரம்பரிய மூலிகை- மருத்துவப் பொருள்கள் தயாரிப்பதற்கான உபகரணங்கள் விநியோகம், திறன் மேம்பாட்டுப் பயிற்சிகள் போன்ற நடவடிக்கைகள் மேற்கொள்ளப்படுகின்றன.
நடப்பு நிதியாண்டில் இத் திட்டத்தைச் செயல்படுத்துவதற்காக ரூ. 8 லட்சம் நிதி ஒதுக்கீடு செய்யப்பட்டுள்ளது. 
இத்திட்டத்தின் கீழ், உதகையிலுள்ள மண் மற்றும் நீர்வளப் பாதுகாப்பு நிறுவனம் கோத்தகிரியில் உள்ள ஆதிவாசிகள் நலச்சங்க உதவியுடன் ஒரு நாள் பயிற்சி முகாமை நடத்தியது.
கோத்தகிரி பகுதியைச் சேர்ந்த செம்மனாரை, அந்தியாரை, குஞ்சப்பனை, கண்டிப்பட்டி, பாவியூர் ஆகிய கிராமங்களில் வசிக்கும் இருளர், குரும்பர் பழங்குடியின மக்களுக்கு தோட்டக்கலைப் பயிர்களில் வருவாயை அதிகரிக்கவும், வேலைவாய்ப்பைக் கூட்டவும் சனிக்கிழமை ஒரு நாள் தோட்டக்கலைப் பயிர்களில் இயற்கை வேளாண் முறைகள், அறுவடைக்குப் பிந்தைய தொழில்நுட்பங்கள் மற்றும் மதிப்புக் கூட்டல் குறித்த ஒரு நாள் பயிற்சி முகாம், குன்னூரிலுள்ள பழம் பதப்படுத்தும் மையத்தில் நடத்தப்பட்டது.
இப்பயிற்சியில் விரிவுரைகளுடன், செயல்முறை விளக்கங்களும் செய்து காண்பிக்கப்பட்டன. இதில் 25 விவசாயிகள் கலந்து கொண்டு பயன் பெற்றனர். 
இப்பயிற்சியில் தோட்டக்கலைத் துறை உதவி இயக்குநர் ராஜ்கோபு, உதகை மண் மற்றும் நீர்வளப் பாதுகாப்பு நிறுவன விஞ்ஞானிகள் சுந்தராம்பாள், கண்ணன், ராஜன், ராஜா, வி.செல்வி, தொழில்நுட்ப அதிகாரி ஜார்ஜ் ஜான் உள்ளிட்டோர் கலந்து கொண்டனர். 
இந்த நிகழ்ச்சியின்போது இயற்கை வேளாண் முறைகள் மற்றும் இடுபொருள்கள், மண், நீர்வளப் பாதுகாப்பு முறைகள் குறித்த கண்காட்சியும் நடத்தப்பட்டது.

]]>
http://www.dinamani.com/all-editions/edition-coimbatore/nilgiris/2018/sep/09/தோட்டக்கலைப்-பயிர்களில்-இயற்கை-வேளாண்-முறைகள்-2996732.html
2996731 கோயம்புத்தூர் நீலகிரி வாக்காளர் பட்டியலில் திருத்தம்: கோத்தகிரி வட்டாட்சியர் அறிவிப்பு DIN DIN Sunday, September 9, 2018 01:02 AM +0530 கோத்தகிரி வட்டத்தில் வாக்காளர் பட்டியல் திருத்தம் செய்ய அடுத்த மாதம் 31ஆம் தேதி கடைசி நாள் என்று வட்டாட்சியர் தெரிவித்துள்ளார்.
கோத்தகிரி வட்டாட்சியர் ரவிகுமார் வெளிட்டுள்ள செய்திக் குறிப்பில் கூறப்பட்டுள்ளதாவது: 
வாக்காளர் பட்டியலில் பெயர் சேர்ப்பது, நீக்குவது, திருத்தம் செய்வது போன்றவற்றுக்கான விண்ணப்பங்களை அளிக்க அக்டோபர் 31ஆம் தேதி வரை கால அவகாசம் வழங்கப்படுகிறது. 
அடுத்த ஆண்டு ஜனவரி மாதம் 1ஆம் தேதியை அடிப்படையாகக் கொண்டு 18 வயது பூர்த்தியானவர்கள், வாக்காளர் பட்டியலில் புதிதாகச் சேரத் தகுதியானவர்கள் விண்ணப்பப் படிவம்- 6, பெயர் நீக்கம் செய்ய படிவம் - 7, திருத்தம் செய்ய படிவம் - 8 ஆகியவற்றைப் பூர்த்தி செய்து, வருகிற 8, 23ஆம் தேதிகளிலும், அடுத்த மாதம் 6, 13ஆம் தேதிகளிலும் நடைபெற உள்ள சிறப்பு கிராம சபைக் கூட்டங்கள் அல்லது குடியிருப்போர் நலச் சங்கக் கூட்டங்களில் சம்பந்தப்பட்ட அதிகாரிகளிடம் வழங்கலாம். 
அவ்வாறு பெறப்பட்ட விண்ணப்பங்கள் வரைவு வாக்காளர் பட்டியலில் சரிபார்க்கப்படும். 
மேலும் இம் மாதம் 23ஆம் தேதி, அடுத்த மாதம் 7, 14ஆம் தேதிகளில் குறிப்பிட்ட வாக்குச்சாவடி மையங்களில் நடைபெறும் சிறப்பு முகாமிலும் விண்ணப்பங்களை அளித்துப் பயன் பெறலாம். இவ்வாறு அதில் கூறப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/09/வாக்காளர்-பட்டியலில்-திருத்தம்-கோத்தகிரி-வட்டாட்சியர்-அறிவிப்பு-2996731.html
2996730 கோயம்புத்தூர் நீலகிரி விநாயகர் சதுர்த்தி விழா: பாதுகாப்பு குறித்து ஆலோசனை DIN DIN Sunday, September 9, 2018 01:02 AM +0530 கோத்தகிரியில் விநாயகர் சதுர்த்தி விழா பாதுகாப்புக் குறித்த ஆலோசனைக் கூட்டம் குன்னூர் கோட்டாட்சியர் தலைமையில் சனிக்கிழமை நடந்தது.
விநாயகர் சதுர்த்தியை முன்னிட்டு சிலைகள் பிரதிஷ்டை, விசர்ஜன ஊர்வலம் மற்றும் பாதுகாப்பு ஏற்பாடுகள் குறித்த ஆலோசனைக் கூட்டம் கோத்தகிரி வடடாட்சியர் அலுவலகத்தில் சனிக்கிழமை நடந்தது. இதற்கு குன்னூர் கோட்டாட்சியர் பத்ரிநாத் தலைமை வகித்தார். 
வட்டாட்சியர் ரவிகுமார், காவல் ஆய்வாளர் பாலசுந்தரம், தீயணைப்பு நிலைய அலுவலர் (பொறுப்பு) மோகன், துணை வட்டாட்சியர் நந்தினி ஆகியோர் முன்னிலை வகித்தனர். முன்னதாக அனுமன் சேனா நிர்வாகி மோகன்ராஜ் தலைமையிலான குழுவினர், இந்து முன்னணி நிர்வாகி ரத்னம் தலைமையிலான குழுவினர்களுடன் ஆலோசனை நடத்தப்பட்டது. 
அப்போது விசர்ஜன ஊர்வலச் சிலைகளில் பிளாஸ்டிக் பயன்பாட்டைத் தவிர்க்குமாறு அறிவுறுத்தப்பட்டது. இரு தரப்பினருக்குமான விசர்ஜன ஊர்வல அனுமதி குறித்து மாவட்டக் காவல் கண்காணிப்பாளர் அறிவிப்பார் என்று அதிகாரிகள் தெரிவித்தனர். 
இந்தக் கூட்டத்தில் இந்து அமைப்புகளின் நிர்வாகிகள், உறுப்பினர்கள், கோத்தகிரி ஊராட்சி ஒன்றிய அதிகாரிகள் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2018/sep/09/விநாயகர்-சதுர்த்தி-விழா-பாதுகாப்பு-குறித்து-ஆலோசனை-2996730.html
2996728 கோயம்புத்தூர் நீலகிரி கோத்தகிரி பேருந்து நிலையத்தில் செயல்படாத ஏடிஎம் மையம்! DIN DIN Sunday, September 9, 2018 01:02 AM +0530 கோத்தகிரி பேருந்து நிலையத்தில் உள்ள பாரத ஸ்டேட் வங்கியின் ஏடிஎம் மையம் கடந்த சில நாள்களாக திறக்கப்படாமல் உள்ளதால், பொதுமக்கள், சுற்றுலாப் பயணிகள் அவதியுற்று வருகின்றனர். 
கோத்தகிரி பேருந்து நிலையத்தில் பாரத ஸ்டேட் வங்கியின் ஏடிஎம் மையம் உள்ளது. 
இந்த ஏடிஎம் மையத்தை பேருந்து நிலையத்துக்கு வரும் பொதுமக்களும் சுற்றுலாப் பயணிகளும், அரசு ஊழியர்களும் அதிக அளவில் பயன்படுத்தி வந்தனர். இந்நிலையில் கடந்த சில நாள்களாக இந்த ஏடிஎம் மையம் மூடப்பட்டுள்ளது. 
இது குறித்து அதிகாரிகளுக்கு தகவல் கொடுத்தும் எந்த நடவடிக்கையும் எடுக்கப்படவில்லை.
பொது மக்களின் நலன் கருதி இதனை விரைந்து திறக்க நடவடிக்கை எடுக்க வேண்டும் என்று பலதரப்பிலும் கோரிக்கை விடுக்கப்பட்டுள்ளது.
 

]]>
http://www.dinamani.com/all-editions/edition-coimbatore/nilgiris/2018/sep/09/கோத்தகிரி-பேருந்து-நிலையத்தில்-செயல்படாத-ஏடிஎம்-மையம்-2996728.html
2996727 கோயம்புத்தூர் நீலகிரி நீலகிரியில் முன்கூட்டியே பனியின் தாக்கம்: விவசாயிகள் கவலை DIN DIN Sunday, September 9, 2018 01:01 AM +0530 நீலகிரி மாவட்டத்தில் இந்த ஆண்டு முன்கூட்டியே தாக்கம் துவங்கி உள்ளதால் விவசாயிகள் அவதி அடைந்துள்ளனர். 
நீலகிரி மாவட்டத்தில் ஆண்டுதோறும் ஜூன் மாதம் துவங்கி 3 மாதங்கள் தென்மேற்குப் பருவமழை பெய்யும். 
ஓரிரு மாதங்கள் இடைவெளிக்குப் பின் மீண்டும் வடகிழக்குப் பருவமழை அக்டோபரில் துவங்கி நவம்பர் மாத இறுதி வரை பெய்யும். 
மழைக்காலங்களில் தேயிலை, மலைத் தோட்டக் காய்கறிகளின் மகசூல் அதிகரிக்கும். இம்முறை குறித்த சமயத்தில் தென்மேற்குப் பருவமழை துவங்கி கடந்த 3 மாதங்களாகப் பெய்தது. இதனால் மாவட்டத்தின் அனைத்துப் பகுதிகளிலும் விவசாயிகள் பயிரிட்டு வருகின்றனர். 
தற்போது மாவட்டப் பகுதிகளில் கடந்த சில நாள்களாக 2 மாதங்களுக்கு முன்னதாகவே பனியின் தாக்கம் அதிகரித்துள்ளது. குறிப்பாக மஞ்சூர், குந்தா, பெங்கால்மட்டம், காத்தாடிமட்டம், இத்தலார், எமரால்டு, தூதூர்மட்டம் உள்ளிட்ட பல்வேறு இடங்களில் பனியின் தாக்கம் அதிக அளவில் இருந்து வருகிறது. நீலகிரி மாவட்டத்தில் பொதுவாக செப்டம்பர் இறுதி வாரத்தில் தான் நீர்ப்பனி விழும். ஆனால் இம்முறை சற்று முன்னதாகவே நீர்ப்பனி பெய்யத் துவங்கி உள்ளது. இதனால் தேயிலை, மலைக் காய்கறிகளை நோய் தாக்கும் அபாயம் ஏற்பட்டுள்ளது. இதனால் விவசாயிகள் அச்சமடைந்துள்ளனர். 
நீர்ப்பனியால் காலை நேரங்களில் பனி மூட்டம் காணப்படுகிறது; குளிரும் அதிகரித்துள்ளது. அதிகாலையில் மஞ்சூரில் குளிரின் தாக்கம் வழக்கத்தைக் காட்டிலும் சற்று அதிகமாகவே காணப்படுகிறது. இதனால் தோட்டத் தொழிலாளர்கள், விவசாயிகள் கவலை அடைந்துள்ளனர்.

]]>
http://www.dinamani.com/all-editions/edition-coimbatore/nilgiris/2018/sep/09/நீலகிரியில்-முன்கூட்டியே-பனியின்-தாக்கம்-விவசாயிகள்-கவலை-2996727.html
2996726 கோயம்புத்தூர் நீலகிரி நாட்டுக்கோழி விற்பனை மையம் கோத்தகிரியில் திறப்பு DIN DIN Sunday, September 9, 2018 01:01 AM +0530 கோத்தகிரியில் பழங்குடியினர் மேம்பாட்டுக்காக நாட்டுக் கோழி விற்பனை மையம் சனிக்கிழமை திறக்கப்பட்டது. 
கோத்தகிரி சுற்றுவட்டாரப் பகுதிகளில் ஆதிவாசி, பழங்குடியினக் கிராமங்கள் பல உள்ளன. இவர்களின் பொருளாதாரத்தை மேம்படுத்தும் வகையில் தமிழக அரசு சார்பில் இவர்கள் வசிக்கும் பகுதிகளில் நாட்டுக் கோழி பண்ணைகள் அமைக்கப்படுகின்றன. 
இதன் நேரடி விற்பனை மையம் கோத்தகிரியில் திறக்கப்பட்டது. இந்த மையத்தை குன்னூர் சட்டப்பேரவை உறுப்பினர் சாந்தி ராமு சனிக்கிழமை திறந்து வைத்தார். தனி வட்டாட்சியர் குமாரராஜ், நீலகிரி ஆதிவாசி நலச் சங்கச் செயலாளர் ஆல்வாஸ், கோத்தகிரி வட்டாட்சியர் ரவிகுமார், சுகாதார ஆய்வாளர் கண்ணன், பேரூராட்சி செயலாளர் நஞ்சு உள்பட ஏராளமானோர் இதில் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2018/sep/09/நாட்டுக்கோழி-விற்பனை-மையம்-கோத்தகிரியில்-திறப்பு-2996726.html
2996725 கோயம்புத்தூர் நீலகிரி தேயிலை மகசூல் அதிகரிக்க டாலமைட் இடுவது அவசியம் DIN DIN Sunday, September 9, 2018 01:01 AM +0530 தேயிலை மகசூல் அதிகரிக்க டாலமைட் இடுவது அவசியம் என்று வலியுறுத்தப்பட்டுள்ளது.
குந்தா தேயிலை வாரிய இணை இயக்குநர் ரமேஷ் வெளியிட்டுள்ள அறிக்கையில் கூறியிருப்பதாவது: 
விவசாயிகள் தங்களது தேயிலைத் தோட்டங்களில் ஒவ்வொரு கவாத்து சுழற்சியின் போதும் 5 ஆண்டுகளுக்கு ஒரு முறை மண் பரிசோதனை செய்து, அதன் கார- அமில நிலைக்கு ஏற்றாற்போல டாலமைட் இடுவது அவசியம். 
தொடர்ந்து பல ஆண்டுகளாக ரசாயன உரங்களை தேயிலைத் தோட்டங்களுக்கு இட்டு வந்ததன் விளைவாக மண்ணின் அமிலத் தன்மை அதிகரித்து மண் கடினமடைந்து இறுகுவதால் காற்றோட்டத் தன்மை குறைகிறது. 
ஒவ்வொரு கவாத்து சுழற்சியின் போதும் மண்ணைப் பரிசோதனை செய்து அதன் கார- அமிலத் தன்மைக்கு ஏற்ப டாலமைட் இடுவதால் மண்ணின் தன்மை மேம்படும். 
இதனால் நீர்ப் பிடிப்புத் தன்மை அதிகரிப்பதோடு, இடப்படும் உரம் மண்ணில் நிலைநிறுத்தப்பட்டு, தொடர்ந்து தேயிலைச் செடிக்குக் கிடைக்க ஏதுவாகிறது. இதனால் தேயிலை மகசூல் உற்பத்தி அதிகரிக்கிறது. மண் பரிசோதனை செய்ய முடியாத பட்சத்தில் ஏக்கர்ஒன்றுக்கு ஒரு டன் டாலமைட்டை மண்ணில் பரவலாகத் தூவி விடுவது அவசியமாகும்.

]]>
http://www.dinamani.com/all-editions/edition-coimbatore/nilgiris/2018/sep/09/தேயிலை-மகசூல்-அதிகரிக்க-டாலமைட்-இடுவது-அவசியம்-2996725.html
2996723 கோயம்புத்தூர் நீலகிரி பசுந்தேயிலை அறுவடைக்கு இயந்திரம்: இண்ட்கோசர்வ் வலியுறுத்தல் DIN DIN Sunday, September 9, 2018 01:00 AM +0530 தொழிலாளர்கள் பற்றாக்குறையைத் தவிர்க்க தோட்டங்களில் இலை பறிக்கும் இயந்திரத்தை விவசாயிகள் பயன்படுத்த வேண்டும் என்று இண்ட்கோசர்வ் நிர்வாகத்தால் தெரிவிக்கப்பட்டுள்ளது. 
மஞ்சூர், பிக்கட்டி, எடக்காடு, கிண்ணக்கொரை உள்ளிட்ட குந்தா பகுதிகளில் தேயிலை சாகுபடி பிரதானத் தொழிலாக உள்ளது. சுமார் 10 ஆயிரத்திற்கும் மேற்பட்ட விவசாயிகள் 7,000 ஹெக்டேர் பரப்பளவில் தேயிலையைப் பயிரிட்டுள்ளனர். 
தற்போது பசுந்தேயிலை விலை வீழ்ச்சியால் விவசாயிகள் பொருளாதார ரீதியாகப் பாதிக்கப்பட்டுள்ளனர். 
கடந்த சில ஆண்டுகளாக தேயிலைத் தோட்டங்களில் பணிபுரிய தொழிலாளர் பற்றாக்குறையும் அதிகரித்துள்ளது. 
போதிய வேலை வாய்ப்பின்மை, பொருளாதார பாதிப்பு உள்ளிட்ட பல்வேறு காரணங்களால் பெரும்பாலான தொழிலாளர்கள் மாற்று வேலை தேடி சமவெளிப் பகுதிகளுக்கு இடம்பெயர்ந்து செல்வதால், தேயிலைத் தோட்டங்களில் தொழிலாளர் பற்றாக்குறை ஏற்படுகிறது. 
இதனால் சிறு, நடுத்தர அளவில் தேயிலை தோட்டங்களை வைத்துள்ள விவசாயிகள் சிரமித்துக்கு உள்ளாகின்றனர். இதையடுத்து தேயிலைத் தோட்டங்களில் தொழிலாளர் பற்றாக்குறையைப் போக்கும் வகையில் சமீபகாலமாக தேயிலை பறிக்க இயந்திரங்கள் பயன்படுத்தப்படுகின்றன. 
கூட்டுறவு தேயிலைத் தொழிற்சாலைகளில் உறுப்பினராக உள்ள சிறு விவசாயிகளும் தொழிலாளர் பற்றாக்குறையால் தேயிலை பறிப்பில் கத்திகளை பயன்படுத்தாமல் இருக்க, நவீன தேயிலை பறிக்கும் இயந்திரங்களைப் பயன்படுத்த வேண்டும் என இண்ட்கோசர்வ் நிர்வாக அதிகாரிகள் அறிவுறுத்தி உள்ளனர். தவிர, மஞ்சூர் உள்ளிட்ட பெரும்பாலான கூட்டுறவு தொழிற்சாலைகளில் தேயிலை பறிக்கும் இயந்திரங்களை குறைந்த வாடகைக்கு வழங்கவும் நடவடிக்கை எடுக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/09/பசுந்தேயிலை-அறுவடைக்கு-இயந்திரம்-இண்ட்கோசர்வ்-வலியுறுத்தல்-2996723.html
2996722 கோயம்புத்தூர் நீலகிரி காவல் துறை ஏற்பாட்டில் பழங்குடி மக்களுக்கான குறைதீர் முகாம் DIN DIN Sunday, September 9, 2018 12:59 AM +0530 நீலகிரி மாவட்டக் காவல் கண்காணிப்பாளர் சண்முகபிரியா உத்தரவுப்படி, பழங்குடி மக்கள் வாழும் பகுதிக்குச் சென்று குறைகளைக் கேட்டறியும் முகாம் தொடர்ந்து பல பகுதிகளிலும் நடைபெற்று வருகிறது. 
தேவர்சோலை பேரூராட்சியிலுள்ள கருக்கப்பாளி பழங்குடி கிராமத்தில் மாவட்ட நிர்வாகமும் காவல் துறையும் இணைந்து நடத்திய முகாமில் துணை ஆட்சியர் ஜெயகுமார் கலந்துகொண்டு பழங்குடி மக்களின் குறைகளைக் கேட்டறிந்தார்.
இந்த முகாமில் தனி வட்டாட்சியர் கிருஷ்ணமூர்த்தி, துணை வட்டாட்சியர் சரவணன், வருவாய் ஆய்வாளர் குமார், கிராம நிர்வாக அலுவலர் நூர்ஜஹான், தேவர்சோலை பேரூராட்சி செயல் அலுவலர் குணாளன் ஆகியோர் கலந்துகொண்டனர். 
தேவர்சோலை பகுதியிலுள்ள பழங்குடி மக்களிடம் மட்டும் 111 மனுக்கள் பெறப்பட்டன. காவல் துறை சார்பில் உதவி ஆய்வாளர் மணிதுரை, தலைமைக்காவலர் குமரன், தனிப்பிரிவுக் காவலர் பாபு ஆகியோர் கலந்துகொண்டு ஏற்பாடுகளைச் செய்தனர்.
அம்பலமூலா காவல் எல்லைக்கு உள்பட்ட வெள்ளேரி அரசு துவக்கப் பள்ளியில் நடைபெற்ற முகாமுக்கு கூடலூர் கோட்டாட்சியர் பி.முருகையன் தலைமை வகித்து பழங்குடி மக்களின் குறைகளைக் கேட்டறிந்தார்.
அந்த முகாமில் பழங்குடி மக்களிடமிருந்து 67 மனுக்கள் பெறப்பட்டன. காவல் துறை சார்பில் நெலாக்கோட்டை ஆய்வாளர் சலீம், சித்தராஜ், மாதேவ் உள்ளிட்டோர் கலந்துகொண்டனர். 
மசினகுடி பகுதியில் நடைபெற்ற சிறப்பு முகாமுக்கு உதகை கோட்டாட்சியர் சுரேஷ் தலைமை வகித்து பழங்குடி மக்களின் குறைகளைக் கேட்டறிந்தார். பெறப்பட்ட மனுக்கள் சம்பந்தப்பட்ட துறைகளுக்கு பரிந்துரை செய்யப்பட்டன.
இந்த முகாமுக்கான ஏற்பாடுகளை மசினகுடி காவல் ஆய்வாளர் முரளிதரன், தனிப் பிரிவு உதவி ஆய்வாளர் விஜயன், மகேஷ் ஆகியோர் செய்திருந்தனர். 
கூடலூரை அடுத்துள்ள பாடந்தொறை பகுதியில் பழங்குடி மக்களுக்கான சிறப்பு குறைதீர் நாள் முகாம் சனிக்கிழமை நடைபெற்றது.

]]>
http://www.dinamani.com/all-editions/edition-coimbatore/nilgiris/2018/sep/09/காவல்-துறை-ஏற்பாட்டில்-பழங்குடி-மக்களுக்கான-குறைதீர்-முகாம்-2996722.html
2996720 கோயம்புத்தூர் நீலகிரி இந்தியாவிலிருந்து ரூ. 60,000 கோடி மருந்துகள் ஏற்றுமதி DIN DIN Sunday, September 9, 2018 12:59 AM +0530 இந்தியாவில் ஆண்டுக்கு ரூ. 1.20 லட்சம் கோடி மதிப்பிலான மருந்துகள் தயாரிக்கப்பட்டு, அதில் ரூ. 60,000 கோடி மதிப்பிலான தடுப்பு மருந்துகள் 200 வெளிநாடுகளுக்கு ஏற்றுமதி செய்யப்படுவதாக, இந்திய பார்மஸி கவுன்சில் தலைவர் சுரேஷ் தெரிவித்தார்.
உதகையிலுள்ள ஜேஎஸ்எஸ் பார்மஸி கல்லூரியில் பயிலும் மாணவ, மாணவியருக்கு மருந்தாக்கியல் தொடர்பான சிறப்பு வகுப்பு எடுப்பதற்காக உதகைக்கு வந்த சுரேஷ் செய்தியாளர்களிடம் சனிக்கிழமை தெரிவித்ததாவது:
உலகில் பிறக்கும் ஒவ்வொரு குழந்தையும் ஆரோக்கியமாக வாழ இந்தியாவில் தயாரிக்கப்படும் மருந்துகளை பயன்படுத்தியே ஆக வேண்டும் என்ற நிலை ஏற்பட்டு உள்ளது. தற்போதைய சூழலில் இத்தகைய நிலை மிகவும் பெருமிதத்துக்கு உரியதாகும். 
மக்கள் தங்களுக்கு ஏற்படும் உடல், மன ரீதியான பிரச்னைகளுக்கு சிறந்த மருத்துவ ஆலோசனைகளைப் பெற்று ஆரோக்கியமாக வாழ வேண்டும் என்பதே இந்திய பார்மஸி கவுன்சிலின் நோக்கம். அதற்கு எத்தகைய ஒத்துழைப்பு அளிக்கவும் பார்மஸி கவுன்சில் ஆயத்தமாக உள்ளது. 
இதற்காக, இந்திய பார்மஸி கவுன்சிலில் மருந்தாளுநர்களின் விவரங்கள் டிஜிட்டல் மயமாக்கப்பட்டு வருகின்றன. மருந்தாளுநர்கள் தற்போது வரை மாநில பார்மஸி கவுன்சிலில் மட்டுமே பதிவு செய்து வருகின்றனர். ஆனாலும், பார்மஸி கவுன்சில் ஆஃப் இந்தியா என்ற அமைப்பின் மூலம் மருந்தாளுநர்களின் விவரங்களை மருந்துக் கட்டுப்பாட்டுத் துறையும், அரசும், பொதுமக்களும் கண்காணிக்க முடியும். 
இந்தியாவில் ஆண்டுக்கு ரூ. 1 லட்சத்து 20,000 கோடி மதிப்பிலான மருந்துகள் உற்பத்தி செய்யப்படுகின்றன. இதில், ரூ. 60,000 கோடி மதிப்பிலான மருந்துகள் ஏற்றுமதி செய்யப்படுகின்றன. 200 நாடுகளுக்கு இந்தியாவிலிருந்து தடுப்பு மருந்துகள் ஏற்றுமதி செய்யப்படுகின்றன என்று சுரேஷ் தெரிவித்தார். பேட்டியின்போது ஜேஎஸ்எஸ் பார்மஸி கல்லூரியின் முதல்வர் தனபால் உடனிருந்தார்.

]]>
http://www.dinamani.com/all-editions/edition-coimbatore/nilgiris/2018/sep/09/இந்தியாவிலிருந்து-ரூ-60000-கோடி-மருந்துகள்-ஏற்றுமதி-2996720.html
2996267 கோயம்புத்தூர் நீலகிரி பேருந்து விபத்தில் உதவிப் பேராசிரியை சாவு DIN DIN Saturday, September 8, 2018 01:50 AM +0530 கோவை மாவட்டம், சூலூர் அருகே ஏற்பட்ட பேருந்து விபத்தில் கல்லூரிப் பேராசிரியை வெள்ளிக்கிழமை உயிரிழந்தார். மேலும் 6 பேர் பலத்த காயமடைந்தனர்.
திருச்சி மாவட்டம், அண்ணா நகர் பகுதியைச் சேர்ந்தவர் அருணாசலம். இவரது மகள் அழகு ஜோதி (27). இவர் திருச்சி, சமயபுரம் பகுதியில் உள்ள தனியார் கல்லூரியில் உதவிப் பேராசிரியையாகப் பணியாற்றி வந்தார். 
இந்நிலையில், கோவையில் உள்ள உறவினர் வீட்டுக்குச் செல்ல திருச்சியில் இருந்து கோவைக்கு அரசுப் பேருந்தில் வியாழக்கிழமை இரவு வந்துள்ளார். அந்தப் பேருந்து,
கோவை மாவட்டம், சூலூர் அருகே உள்ள திருச்சி சாலையில் வெள்ளிக்கிழமை அதிகாலை 4 மணி அளவில் வந்தபோது முன்னால் சென்று கொண்டிருந்த லாரியை அதன் ஓட்டுநர் சாலையோரம் நிறுத்த முயன்றுள்ளார். 
அப்போது, பேருந்து ஓட்டுநரின் கட்டுப்பாட்டை இழந்து லாரியின் பின்புறம் மோதியது. இதில் பேருந்தில் பயணம் செய்த அழகு ஜோதி சம்பவ இடத்திலேயே உயிரிழந்தார். மேலும், 6 பேர் காயமடைந்தனர். அவர்கள் சூலூர் அருகே உள்ள தனியார் மருத்துவமனைகளில் அனுமதிக்கப்பட்டுள்ளனர். 
விபத்து குறித்து அரசுப் பேருந்து ஓட்டுநர் கனகராஜ் அளித்த புகாரின்பேரில் லாரி ஓட்டுநர் மீது வழக்குப் பதிவு செய்து சூலூர் காவல் துறையினர் விசாரித்து வருகின்றனர்.

]]>
http://www.dinamani.com/all-editions/edition-coimbatore/nilgiris/2018/sep/08/பேருந்து-விபத்தில்-உதவிப்-பேராசிரியை-சாவு-2996267.html
2996266 கோயம்புத்தூர் நீலகிரி நீலகிரி மாவட்டத்துக்கு கொண்டுவரப்பட்ட 930 வாக்களிப்பு சரிபார்ப்பு இயந்திரங்கள் DIN DIN Saturday, September 8, 2018 01:50 AM +0530 எதிர்வரும் மக்களவைத் தேர்தலை முன்னிட்டு வாக்களித்ததை சரிபார்க்கும் இயந்திரங்கள் உதகைக்கு கொண்டு  வரப்பட்டன.
நீலகிரி மாவட்ட  கூடுதல் ஆட்சியர் அலுவலக வளாகத்திலுள்ள  கட்டுப்பாட்டு அறைக்கு கொண்டு வரப்பட்ட  இந்த இயந்திரங்களை மாவட்ட ஆட்சியர் இன்னசென்ட் திவ்யா பார்வையிட்ட பின்னர் செய்தியாளர்களிடம்  கூறியதாவது:
மக்களவைத் தேர்தலை முன்னிட்டு  நீலகிரி மாவட்டத்திலுள்ள மூன்று சட்டப் பேரவைத்  தொகுதிகளுக்கும் சேர்த்து  கடந்த ஜூன் 21 ஆம் தேதியன்று  1,720 மின்னணு  வாக்குப் பதிவு இயந்திரங்களும்,  930 கட்டுப்பாட்டு இயந்திரங்களும் வரப்பெற்று கூடுதல் மாவட்ட ஆட்சியரக வளாகத்தில் உள்ள மின்னணு வாக்குப் பதிவு இயந்திரக் கிடங்கில் உரிய பாதுகாப்புடன் வைக்கப்பட்டுள்ளன.  
தற்போது 930 வாக்களித்ததை சரிபார்க்கும் இயந்திரங்கள் பெங்களூருவிலுள்ள  பெல் நிறுவனத்திலிருந்து உரிய பாதுகாப்புடன் வரப்பெற்றுள்ளது.
 இந்த இயந்திரங்களை அங்கீகரிக்கப்பட்ட அரசியல்  கட்சிகளைச் சேர்ந்த பிரதிநிதிகள் முன்னிலையில் திறந்து சரிபார்த்து மின்னணு வாக்குப் பதிவு இயந்திர கிடங்கில் பாதுகாப்பாக வைக்கப்பட்டுள்ளது.  இந்த இயந்திரங்களை சரிபார்ப்பதற்காக  பெங்களூருவிலிருந்து  பொறியாளர்கள் குழு வரும்  திங்கள்கிழமை  உதகை வருகின்றனர்.  
அப்போதும் அரசியல் கட்சியினர் முன்னிலையில் இவை சரிபார்க்கப்பட்டு இயந்திர கிடங்கில் பாதுகாப்புடன் வைக்கப்படும் என ஆட்சியர் தெரிவித்தார். 
இந்நிகழ்ச்சியில் மாவட்ட வருவாய் அலுவலர் செல்வராஜ்,  தேர்தல் பிரிவு தனி வட்டாட்சியர் சிவகுமார் மற்றும் அரசுத்துறை அலுவலர்கள்  பலர் கலந்து கொண்டனர்.

]]>
http://www.dinamani.com/all-editions/edition-coimbatore/nilgiris/2018/sep/08/நீலகிரி-மாவட்டத்துக்கு-கொண்டுவரப்பட்ட-930-வாக்களிப்பு-சரிபார்ப்பு-இயந்திரங்கள்-2996266.html
2996264 கோயம்புத்தூர் நீலகிரி டேன் டீ தொழிலாளர்கள் சம்பளப் பிரச்னை:  போராட்டம் நடத்த தொழிற்சங்கம் முடிவு DIN DIN Saturday, September 8, 2018 01:49 AM +0530 டான்டீ தொழிலாளர்களின் சம்பள பிரச்னை உள்ளிட்ட கோரிக்கைகள் குறித்து வரும் செப்டம்பர் 10 ஆம் தேதிக்குள் தீர்வு காணாவிட்டால் போராட்டம் நடத்தப்படும் என தெரிவிக்கப்பட்டுள்ளது. 
இதுகுறித்து  குன்னூர், டான்டீ மேலாண்மை இயக்குநருக்கு, சோசலிச தொழிலாளர் முன்னேற்ற சங்க பொது செயலாளர் வெற்றிவேல் அனுப்பியுள்ள கடிதத்தில் கூறியிருப்பதாவது:   
டான்டீ தொழிலாளர்களின் மாத ஊதியம் கடந்த ஏப்ரல்  மாதத்தில் இருந்து 10ஆம் தேதிக்குள் வழங்காமல் தாமதமாக வழங்கப்பட்டு வருகிறது. இதனால் ஊழியர்கள் மன உளைச்சலுடன், கடுமையாகப் பாதிக்கப்பட்டுள்ளனர். 
எனவே, மாத ஊதியத்தை குறித்த தேதியில் வழங்க வேண்டும். டான்டீ தொழிலாளர்களுக்கு நீண்ட காலமாக வழங்க வேண்டிய பணிக்கொடை, விடுப்பூதியம், மருத்துவ விடுப்பூதியம், பிரசவத் தொகை போன்ற பணப் பலன்களுடன், தொழிலாளர்களுக்கான வெம்மை ஆடைகள், காலணி போன்றவற்றை உடனடியாக வழங்க வேண்டும். 
அனைத்து, தற்காலிகத் தொழிலாளர்களை நிரந்தரமாக்குவதுடன், தொழிலாளர்களை விட குறைவாக ஊதியம் பெறும் மேற்பார்வையாளர்களின் நலன்கருதி அவர்களுக்கு ரூ. 500 தினக்கூலி வழங்க வேண்டும். 
இந்த கோரிக்கைகளை செப்டம்பர் 10 ஆம் தேதிக்குள் நிறைவேற்றாதபட்சத்தில் போராட்டம் நடத்தப்படும் என்று   வெற்றிவேல் தெரிவித்துள்ளார்.

]]>
http://www.dinamani.com/all-editions/edition-coimbatore/nilgiris/2018/sep/08/டேன்-டீ-தொழிலாளர்கள்-சம்பளப்-பிரச்னை--போராட்டம்-நடத்த-தொழிற்சங்கம்-முடிவு-2996264.html
2996263 கோயம்புத்தூர் நீலகிரி நீலகிரி மாவட்டத்தில் மாவோயிஸ்டுகளின் நடமாட்டம் இல்லை DIN DIN Saturday, September 8, 2018 01:49 AM +0530 நீலகிரி மாவட்டத்தில் மாவோயிஸ்டுகளின் நடமாட்டம் இல்லை என மாவட்ட காவல் கண்காணிப்பாளர் சண்முகப் பிரியா தெரிவித்தார்.
இதுகுறித்து அவர் உதகையில் செய்தியாளர்களிடம் வெள்ளிக்கிழமை தெரிவித்ததாவது:
நீலகிரி மாவட்டத்தில் மாவோயிஸ்டுகளின் நடமாட்டம் எந்தப் பகுதியிலும் இல்லை. கடந்த மாதத்தில் நீலகிரியையொட்டியுள்ள கேரள மாநிலத்தின் சில பகுதிகளில் மாவோயிஸ்ட்டுகளின் நடமாட்டம் இருந்ததாக வெளியான செய்திகளையடுத்து நீலகிரி மாவட்டத்தின் எல்லைப் பகுதிகளில் பாதுகாப்பு தீவிரப்படுத்தப்பட்டது. மாவட்டத்தில் மாவோயிஸ்டுகளின் நடமாட்டம் குறித்து 3 தனிப் படைக் குழுக்களும், அதிரடிப் படையினரும் தேடுதல் வேட்டைகளில் ஈடுபட்டு வருகின்றனர். இக்குழுவினர் தேவாலா, கிண்ணக்கொரை  மற்றும் மசினகுடி பகுதிகளில் ரோந்து பணிகளில் ஈடுபட்டுள்ளனர்.
அத்துடன் மாவோயிஸ்டுகளின் நடமாட்டத்தைக் கண்காணிப்பதற்காக  மாவட்டத்திலுள்ள 16 சோதனைச் சாவடிகளிலும் கண்காணிப்பு கேமராக்கள் பொருத்தப்பட்டுள்ளன. மேலும் நாடுகாணி, பாட்டவயல், சோலாடி, தாளூர் உள்ளிட்ட 5 இடங்ளில் அதி நவீன கேமராக்கள் விரைவில் பொருத்தப்படவுள்ளன.
மாவட்டத்தில் விநாயகர் சதுர்த்தியையொட்டி இதுவரையிலும் 439 சிலைகளுக்கு அனுமதி வழங்கப்பட்டுள்ளது. இச்சிலைகள் அனைத்தும் செப்டம்பர் 13 ஆம்தேதி வைக்கப்பட்டுவிடும். வைக்கப்பட்டுள்ள சிலைகளில் உதகை பகுதியிலுள்ள சிலைகள் வரும் 15 மற்றும் 16 ஆம் தேதிகளில் விசர்ஜனம் செய்யப்படும். இதற்கான ஊர்வலம் காந்தல் பகுதியிலிருந்து புறப்பட்டு முக்கிய வீதிகள் வழியாக தேவாங்கர் திருமண மண்டபத்தை வந்தடைந்து அங்கிருந்து சேரிங்கிராஸ், கமர்ஷியல் சாலை,  காபி ஹவுஸ் சந்திப்பு, ஐந்து லாந்தர், மின்வாரிய ரவுண்டானா வழியாக பாறை முனீஸ்வரர் கோயிலை சென்றடைந்த பின்னர்  அங்கிருந்து காமராஜர் நீர்த்தேக்கத்திற்கு  விசர்ஜனத்திற்காக கொண்டு செல்லப்படும்.  
அதேபோல,  குன்னூர் மற்றும் கோத்தகிரி பகுதிகளில் வைக்கப்படும் சிலைகள் 16 மற்றும் 17 ஆம் தேதிகளிலும், கூடலூர் மற்றும் தேவாலா பகுதிகளில் வைக்கப்படும் சிலைகள் 16 ஆம்தேதியும் விசர்ஜனம் செய்யப்படும். விநாயகர் விசர்ஜன ஊர்வலங்கள் செல்லும் அனைத்து வழித்தடங்களும் கேமரா மூலம் கண்காணிக்கப்படும். அதேபோல,  மாவட்டத்தில் இருசக்கர வாகனங்களில் பின் இருக்கைகளில் அமர்ந்து செல்வோருக்கும் தலைக்கவசம் கட்டாயமாக்கப்பட்டுள்ள நிலையில் தலைக்கவசம் அணியாததற்காக கடந்த 23 ஆம்தேதியிலிருந்து செப்டம்பர் 7 ஆம்தேதி வரையிலான 15 நாள்களில் 5,500 வழக்குகள் பதியப்பட்டுள்ளன. 
கேத்தியிலுள்ள தனியார் தேயிலைத் தொழிற்சாலை பிரச்னை தொடர்பாக சதீஷ் என்பவர் மீது புகார் வந்துள்ளதால்  உதகை துணை  காவல்  கண்காணிப்பாளர் விசாரித்து அறிக்கை அனுப்ப உத்தரவிடப்பட்டுள்ளது என சண்முகப்பிரியா தெரிவித்தார்.
 

]]>
http://www.dinamani.com/all-editions/edition-coimbatore/nilgiris/2018/sep/08/நீலகிரி-மாவட்டத்தில்-மாவோயிஸ்டுகளின்-நடமாட்டம்-இல்லை-2996263.html
2996262 கோயம்புத்தூர் நீலகிரி வடகிழக்கு பருவமழை: முன்னேற்பாடுகள் குறித்து ஆலோசனை DIN DIN Saturday, September 8, 2018 01:49 AM +0530 நீலகிரியில் அக்டோபர் மாதத்தில் தொடங்கவுள்ள வடகிழக்கு பருவமழை தொடர்பான முன்னேற்பாட்டு பணிகள் தொடர்பான ஆலோசனைக் கூட்டம் உதகையில் வெள்ளிக்கிழமை  நடைபெற்றது.  
மாவட்ட ஆட்சியர் இன்னசென்ட் திவ்யா தலைமையில் நடைபெற்ற இந்தக் கூட்டத்தில்,  அனைத்துத் துறை அலுவலர்கள், அரசு சாரா  மற்றும் சமூக தொண்டு நிறுவனங்களின் பிரதிநிதிகள் பங்கேற்றனர்.
 இக்கூட்டத்துக்குப் பின் செய்தியாளர்களிடம் ஆட்சியர் தெரிவித்ததாவது:
வடகிழக்கு பருவமழைக் காலத்தில் நீலகிரி மாவட்டத்தில் குன்னூர், கோத்தகிரி மற்றும் உதகையின் சில பகுதிகள்தான் அதிக அளவில் பாதிப்பு ஏற்படும் பகுதிகளாகும்.  
இதில் பாதிப்பு ஏற்படக்கூடிய 233 பகுதிகளுக்கும் 35 மண்டலக் குழுக்கள் அமைக்கப்பட்டு அனைத்து குழுக்களும் தயார் நிலையில் இருக்குமாறு அறிவுறுத்தப்பட்டுள்ளது. மாவட்டத்தில் தற்போதுதான் தென்மேற்கு பருவ மழை ஓய்ந்துள்ளதால் அதைத்தொடர்ந்து வரும் வடகிழக்கு பருவமழைக் காலத்திலும் ஏற்கெனவே  கடைப்பிடிக்கப்பட்ட பாதுகாப்பு ஏற்பாடுகளே தொடர்கின்றன.
 மாவட்டத்திலுள்ள 456 பாதுகாப்பு நிவாரண மையங்களில் தேவையான அடிப்படை வசதிகள் செய்யப்பட்டு தயார் நிலையில் வைக்கப்பட்டுள்ளது.  நீர்நிலைகளில் உள்ள ஆக்கிரமிப்புகளை அகற்றிடவும்,  குளம், குட்டை மற்றும் கால்வாய்களை தூர் வாரவும் நடவடிக்கை மேற்கொள்ளப்பட்டுள்ளது.  அனைத்து நியாயவிலைக் கடை மற்றும் கிடங்குகளில்  போதிய அளவில் அத்தியாவசிய பொருள்கள், மருத்துவமனைகளில் தேவையான அளவில் மருந்து மற்றும் மருத்துவ உபகரணங்கள், அவசர கால ஊர்தி,  நடமாடும் மருத்துவக் குழுக்கள் ஆகியவற்றுடன் கால்நடைகளுக்குத் தேவையான மருந்துகள் மற்றும் தீவனங்கள் ஆகியவற்றை இருப்பில் வைக்கவும் நடவடிக்கை எடுக்கப்பட்டுள்ளது.
 பேரிடர் காலங்களில் உதவுவதற்காக மாவட்டத்தில் 1,116 பெண்கள் உள்பட  2,529 முதுநிலை மீட்பு பொறுப்பாளர்களுக்கு  தீயணைப்புத் துறை, செஞ்சிலுவைச் சங்கம் உள்ளிட்டவற்றின் மூலம் உரிய பயிற்சி அளிக்கப்படும்.  மழை மற்றும் இயற்கை இடர்ப்பாடுகளால்  பாதிப்பு ஏற்படும்போது  மாவட்ட அவசர கால மையத்தில் 24 மணி நேரமும் செயல்பட்டு வரும் கட்டுப்பாட்டு  அறைக்கு 1077 என்ற கட்டணமில்லா எண்ணில் தொடர்பு கொண்டு தகவல்களை தெரிவிக்கலாம். கோடப்பமந்து கால்வாய் விரைவில் உதகை நகராட்சியின் மூலம் தூர் வாரப்பட்டு சீரமைக்கப்படும்.
 மாவட்டத்தில் கேரள மாநில எல்லையையொட்டியுள்ள கொளப்பள்ளி மற்றும் கோழிப்பாலம் பகுதிகளில் எலிக்காய்ச்சலால்  பாதிக்கப்பட்ட  இருவர் கோவை அரசு மருத்துவக் கல்லூரி மருத்துவமனையில்  அனுமதிக்கப்பட்டுள்ளனர். இவர்கள்  இருவரும்  வேலை நிமித்தமாக கேரளத்துக்கு சென்று வரும்போது எலிக் காய்ச்சலால் பாதிக்கப்பட்டிருக்கலாம் என கூறப்படுகிறது. 
இருப்பினும் இப்பகுதிகளில் தீவிர மருத்துவக் கண்காணிப்புக்கும் ஏற்பாடு செய்யப்பட்டுள்ளது.
 மாவட்டத்தில் அனுமதியின்றியும், விதிகûளை மீறியும் கட்டப்பட்டுள்ள 130 -க்கும் மேற்பட்ட கட்டடங்களின் தன்மையை மாற்றும் பணி நடைபெற்று  வருகிறது. ஒரு சிலர் ஆவணங்களை முழுமையாக  ஒப்படைக்காததாலேயே பணிகள் தாமதமாகி வருகின்றன. ஆவணங்கள் சரிபார்ப்பு பணிகள் முடிந்ததும்  உரிய நடவடிக்கை எடுக்கப்படும். 
அதேபோல யானை வழித்தட நிலங்களிலுள்ள இதர கட்டடங்கள் மீதான நடவடிக்கை குறித்து அக்டோபர் மாதத்தில் நடைபெறவுள்ள விசாரணையின்போது தெரியவரும். கூடலூர் பகுதியில் பிளாஸ்டிக் பொருள்கள் மீதான தடை தொடர்பாக கூடுதல் விழிப்புணர்வு  ஏற்படுத்தப்படும். இப்பகுதியிலும் தடை செய்யப்பட்டுள்ள பிளாஸ்டிக்  பொருள்களை  பயன்படுத்தக்கூடாது என்ற விதி கட்டாயமாக்கப்படும்.  இப்பகுதிகளில் தடைசெய்யப்பட்ட பிளாஸ்டிக்குகளை பயன்படுத்தியதாக செவ்வாய்க்கிழமை ஒரு நாளில் மட்டும் ரூ.1.5 லட்சம் அபராதமாக வசூலிக்கப்பட்டுள்ளது என்று ஆட்சியர் தெரிவித்தார்.

]]>
http://www.dinamani.com/all-editions/edition-coimbatore/nilgiris/2018/sep/08/வடகிழக்கு-பருவமழை-முன்னேற்பாடுகள்-குறித்து-ஆலோசனை-2996262.html
2996260 கோயம்புத்தூர் நீலகிரி நிலக்கரி  தட்டுப்பாடு நீங்கியதால் நீலகிரிக்கு கொண்டுவரப்பட்ட மலை ரயில் என்ஜின் DIN DIN Saturday, September 8, 2018 01:49 AM +0530 மேட்டுப்பாளையத்திலிருந்து நீலகிரி மாவட்டம் குன்னூருக்கு கடந்த ஒரு ஆண்டு காலமாக நிலக்கரி பற்றாக்குறையால் நிறுத்தி வைக்கப்பட்டிருந்த மலை ரயில் என்ஜின் மீண்டும் இயக்குவதற்காக குன்னூர் பணிமனைக்கு வெள்ளிக்கிழமை கொண்டு வரப்பட்டது.

கோவை மாவட்டம், மேட்டுப்பாளையத்திலிருந்து குன்னூருக்கு இயக்கப்பட்ட மலை ரயில் என்ஜின் நிலக்கரி  பற்றாக்குறையால்  கடந்த ஒரு ஆண்டுகாலமாக மேட்டுப்பாளையம் பணிமனையில் நிறுத்தி வைக்கப்பட்டிருந்தது. இந்நிலையில், தடையில்லாமல் நிலக்கரி கிடைப்பதால் என்ஜின்  மீண்டும் மேட்டுப்பாளையத்தில் இருந்து குன்னூர் பணிமனைக்கு கொண்டு வரப்பட்டது.

நிலக்கரியில் இயங்கும் நீராவி என்ஜினில் பயணிக்க உள்நாடு மற்றும் வெளி நாட்டு சுற்றுலாப் பயணிகள் அதிகம் ஆர்வம் காட்டுவதால் இந்த மாதம் துவங்கவுள்ள இரண்டாம் சீசனுக்குள் இந்த மலை ரயிலை இயக்க வேண்டும் என்று மலை ரயில் ஆர்வலர்கள்  தெற்கு ரயில்வே நிர்வாகத்துக்கு கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/nilgiris/2018/sep/08/நிலக்கரி--தட்டுப்பாடு-நீங்கியதால்-நீலகிரிக்கு-கொண்டுவரப்பட்ட-மலை-ரயில்-என்ஜின்-2996260.html
2996258 கோயம்புத்தூர் நீலகிரி மாநில தடகளப் போட்டி: ஜுட்ஸ் பள்ளி சாம்பியன் DIN DIN Saturday, September 8, 2018 01:48 AM +0530 ஆங்கிலப் பள்ளிகளுக்கு இடையே நடைபெற்ற மாநில அளவிலான தடகளப் போட்டியில் ஜுட்ஸ் பள்ளி ஒட்டுமொத்த சாம்பியனாக வெற்றி பெற்றது. 
ஆங்கிலப் பள்ளிகளுக்கு இடையேயான மாநில அளவிலான தடகளப் போட்டிகள் நாகர்கோவிலில் அண்மையில் நடைபெற்றது. 
இதில்,  தமிழகத்தின் பல்வேறு மாவட்டங்களில் செயல்பட்டு வரும் ஆங்கிலப் பள்ளிகளில் இருந்து மாணவ,மாணவிகள் பங்கேற்றனர். இதில் 225 புள்ளிகளைப் பெற்று கோத்தகிரி ஜுட்ஸ் பள்ளி ஒட்டு மொத்த சாம்பியன் பட்டத்தை தட்டிச் சென்றது. 
இந்தப் பள்ளிக்கு 39 தங்கம்,  29 வெள்ளி,  22 வெண்கலப் பதக்கங்கள் கிடைத்தன. மேலும், மாணவர்கள் தருண்,  ஹரிகர சக்திவேல், மாணவி ரித்திகா ஆகியோர் தனிநபர் சாம்பியன் பட்டத்தை கைப்பற்றினர்.
இந்தப் போட்டியில் வெற்றிபெற்றவர்கள் தேசிய அளவில் வருகிற செப்டம்பர் 13, 14 ஆம் தேதியில் புணேவில் நடைபெறும் போட்டியில் பங்குபெற தகுதி பெற்றுள்ளதாக பள்ளி நிர்வாகம் தெரிவித்துள்ளது.
 

]]>
http://www.dinamani.com/all-editions/edition-coimbatore/nilgiris/2018/sep/08/மாநில-தடகளப்-போட்டி-ஜுட்ஸ்-பள்ளி-சாம்பியன்-2996258.html
2996257 கோயம்புத்தூர் நீலகிரி நீலகிரி மாவட்ட மலையாளிகள் சங்கம் கேரளத்துக்கு ரூ. 5.2 லட்சம் நிதியுதவி DIN DIN Saturday, September 8, 2018 01:47 AM +0530 கேரளத்தில் பெய்த கனமழையால் பாதிக்கப்பட்டுள்ளவர்களுக்கு உதவும் வகையில் நீலகிரி மாவட்டத்தில் செயல்பட்டுவரும் அனைத்து மலையாள சங்கங்களின் கூட்டமைப்பு சார்பில் ரூ. 5.2 லட்சம் நிதியுதவி முதல்வரின் வெள்ள நிவாரண நிதிக்காக வழங்கப்பட்டுள்ளது. இதுதொடர்பாக அந்த அமைப்பின் சார்பில் வெளியிடப்பட்டுள்ள செய்திக் குறிப்பில் தெரிவிக்கப்பட்டுள்ளதாவது:
உதகையில் கடந்த 85 ஆண்டுகளுக்கும் மேலாக செயல்பட்டு வரும் அனைத்து மலையாள சங்கங்களும் ஒன்றிணைந்து கேரள மாநிலத்தில் ஏற்பட்ட மழை மற்றும் வெள்ள நிவாரணத்துக்காக கேரள மாநில முதல்வரின் வெள்ள நிவாரண நிதிக்கு ரூ. 4.2 லட்சத்துக்கான காசோலையை  மாவட்ட ஆட்சியர் இன்னசென்ட் திவ்யாவிடம் வழங்கினர். இந்த அமைப்பு சார்பில்  ஏற்கெனவே  ரூ. 1 லட்சத்துக்கான காசோலை வழங்கப்பட்டு விட்டது. 
மேலும் ஏற்கெனவே 3 டன் உணவு மற்றும் மருந்து பொருள்கள் உள்ளிட்ட பொருள்கள் பத்தனம்திட்டா மாவட்டத்துக்கும்,   அதே அளவிலான பொருள்கள் மலப்புரம் மாவட்டத்துக்கும் அனுப்பி வைக்கப்பட்டுள்ளன.  அத்துடன் நிகழாண்டுக்கான ஓணம் கொண்டாட்டங்களும் ரத்து செய்யப்பட்டு அந்த தொகைகளும் நிவாரண நிதிக்காக வழங்கப்பட்டுள்ளதாகவும் அந்த செய்திக் குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/08/நீலகிரி-மாவட்ட-மலையாளிகள்-சங்கம்-கேரளத்துக்கு-ரூ-52-லட்சம்-நிதியுதவி-2996257.html
2996256 கோயம்புத்தூர் நீலகிரி தூய ஆரோக்கிய மாதா அன்னை கோயிலில் நாளை தேர்த் திருவிழா DIN DIN Saturday, September 8, 2018 01:47 AM +0530 கோத்தகிரியில் உள்ள தூய ஆரோக்கிய மாதா அன்னை திருக்கோயிலின் தேர்த் திருவிழா வரும் ஞாயிற்றுக்கிழமை(செப்டம்பர் 9) நடைபெறும் என விழாக் குழுவினர் தெரிவித்துள்ளார்.  
150 ஆண்டுகள் பழமை வாய்ந்த இக்கோயிலின் தேர்த் திருவிழா ஆண்டுதோறும் செப்டம்பர் மாதம் நடைபெறும். 
இந்த ஆண்டுக்கான திருவிழா கடந்த ஆகஸ்ட் 31ஆம் தேதி திருப்பலி, கொடியேற்றும் நிகழ்ச்சியுடன் தொடங்கியது. 
இதைத் தொடர்ந்து கடந்த ஆகஸ்ட் 2 ஆம் தேதி காலை 8 மணியளவில் திருப்பலியும், தொடர்ந்து முழுநாள் ஆராதனையும் நடைபெற்றன. 
இந்நிலையில், சிறப்பு ஆராதனையுடன் தேர்த் திருவிழா ஞாயிறு காலை துவங்குகிறது. மாலை 6 மணிக்கு ஆரோக்கிய அன்னை அலங்கரிக்கப்பட்ட திருத்தேரில் பவனி வருகிறார். கோயிலில் துவங்கும் இந்த ஊர்வலம் பேருந்து  நிலையம், மார்க்கெட் காமராஜர் சதுக்கம், ராம்சந்த் வழியாக மீண்டும் கோயிலை சென்றடையும். விழாவுக்கான ஏற்பாடுகளை பங்கு அருட்பணியாளர்கள், தூய ஆரோக்கிய அன்னை பங்கு அருட்பணியாளர்கள், பங்கு மக்கள் செய்து வருகின்றனர். 
இந்த திருவிழாவில் மாவட்டம் முழுவதிலுமிருந்து ஏராளமானவர்கள் பங்கேற்பார்கள் என்பதால் உதகை , குன்னூர், மேட்டுப்பாளையம் ஆகிய பகுதிகளிலிருந்து அரசுப் போக்குவரத்து கழகம் சார்பில் சிறப்புப் பேருந்துகள் இயக்கப்படவுள்ளதாக விழாக் குழுவினர்  தெரிவித்துள்ளனர்.  

]]>
http://www.dinamani.com/all-editions/edition-coimbatore/nilgiris/2018/sep/08/தூய-ஆரோக்கிய-மாதா-அன்னை-கோயிலில்-நாளை-தேர்த்-திருவிழா-2996256.html
2996255 கோயம்புத்தூர் நீலகிரி உதகை அருகே பூத்துக் குலுங்கும்  நீலக்குறிஞ்சி: சிறப்பு விழா நடத்த மாவட்ட நிர்வாகம் முடிவு DIN DIN Saturday, September 8, 2018 01:47 AM +0530 நீலகிரி மாவட்டம்,  உதகை அருகே 12 ஆண்டுகளுக்கொருமுறை பூக்கும் குறிஞ்சி இனமான  நீலக்குறிஞ்சி மலர்கள் பூத்துள்ளதை அடுத்து இதை விழாவாக சிறப்பிக்க மாவட்ட நிர்வாகம் முடிவெடுத்துள்ளது. 
ஸ்டிரொபிலான்தாஸ் குந்தியானஸ்  என்ற தாவரவியல் பெயரில் அழைக்கப்படும்  குறிஞ்சி வகைகள் உலகில் 250-க்கும் மேற்பட்டவை உள்ளன. 
இவற்றில் இந்தியாவில் சுமார் 32 வகையான  குறிஞ்சி மலர்கள் பூக்கின்றன.  பொதுவாக குறிஞ்சி மலர்கள் நீல நிறத்தாலானவை என்றாலும், வெண்மை நிறத்தாலான  வெள்ளைக் குறிஞ்சி மற்றும் இளஞ்சிவப்பு நிறத்தாலான செங்குறிஞ்சி மலர்களும் உள்ளன. 
இவற்றில் 6 மாதங்களுக்கு ஒருமுறையிலிருந்து 12 ஆண்டுகளுக்கொருமுறை பூக்கும் வரையிலான குறிஞ்சி மலர்களில் தற்போது 12 ஆண்டுகளுக்கு  ஒருமுறை பூக்கும் குறிஞ்சி வகையான நீலக்குறிஞ்சி பூத்துள்ளது.
 நீலகிரி மாவட்டத்தில் மட்டும்  9 வகையான  குறிஞ்சி மலர்கள் இருப்பதாக கண்டறியப்பட்டுள்ளது. இந்த 9 வகைகளில் ஒரு வகையான நீலக்குறிஞ்சி வகை நீலகிரி மாவட்டத்தில் உதகை அருகேயுள்ள ராமர் மலைப் பகுதியில் தற்போது பூத்துக் குலுங்கியுள்ளது.  இதன் காரணமாக இந்த மலைப் பகுதியே நீல மயமாக காட்சியளிக்கிறது. இந்நிலையில் 12 ஆண்டுகளுக்கொருமுறை பூக்கும் குறிஞ்சி மலர்கள் நீலகிரி மாவட்டத்தில் தற்போது பூத்துள்ளதால் அதை விழாவாக கொண்டாட மாவட்ட நிர்வாகம் தீர்மானித்துள்ளது.
 இதுதொடர்பாக மாவட்ட ஆட்சியர் இன்னசென்ட் திவ்யா உதகையில் செய்தியாளர்களிடம்  வெள்ளிக்கிழமை  கூறுகையில்,  நீலகிரி மாவட்டத்தில் குறிப்பாக உதகை மற்றும் சுற்றுப் பகுதிகளில் பூத்துள்ள 12  ஆண்டுகளுக்கொரு முறை பூக்கும் வகையான நீலக்குறிஞ்சி மலர்கள் பூத்துள்ளதை சிறப்பிக்கும் வகையில் வரும் 12 ஆம்தேதி குறிஞ்சி மலர் தினம் என உதகையில் கொண்டாட தீர்மானிக்கப்பட்டுள்ளது. இதையொட்டி சுற்றுலாப் பயணிகளையும், இதுவரையிலும் குறிஞ்சி மலர்களையே பார்த்திராதவர்களையும் ஈர்க்கும் வகையிலும் குறிஞ்சி மலர் ஊர்வலம் மற்றும் கலைநிகழ்ச்சிகளை நடத்த தீர்மானிக்கப்பட்டுள்ளது. இத்தகைய விழா நீலமலை என அழைக்கப்படும் நீலகிரியைப் பெருமைப்படுத்தும்  முக்கிய விழாவாக இருக்கும் எனத் தெரிவித்தார்.

]]>
http://www.dinamani.com/all-editions/edition-coimbatore/nilgiris/2018/sep/08/உதகை-அருகே-பூத்துக்-குலுங்கும்--நீலக்குறிஞ்சி-சிறப்பு-விழா-நடத்த-மாவட்ட-நிர்வாகம்-முடிவு-2996255.html
2995777 கோயம்புத்தூர் நீலகிரி இந்து இயக்கப் பிரமுகர்களைக் கொல்ல சதி: நீலகிரியில் சிறப்பு பிரிவு போலீஸார் விசாரணை DIN DIN Friday, September 7, 2018 05:02 AM +0530 கோவையில் இந்து இயக்கப் பிரமுகர்களைக் கொலை செய்ய சதித் திட்டம் தீட்டியதாக கைது செய்யப்பட்டவர்களில் ஒருவர் குன்னூரில் படித்தவர் என்பதால் நீலகிரி மாவட்டத்தில் அவருக்குள்ள தொடர்பு குறித்து சிறப்பு பிரிவு  போலீஸார் ரகசிய விசாரணை நடத்தி வருகின்றனர்.
   இந்து இயக்கங்களைச் சேர்ந்த முக்கியப் பிரமுகர்களைக் கொலை செய்ய சதித் திட்டம் தீட்டியதாக மத்திய புலனாய்வுப் பிரிவு  அதிகாரிகள் கொடுத்த தகவலின்படி 5 இளைஞர்களை வெரைட்டிஹால் ரோடு போலீஸார் கடந்த ஞாயிற்றுக்கிழமை கைது செய்தனர். 
இதில், கோவை, என்.எச்.சாலையைச் சேர்ந்த ஆர்.ஆஷிக் (25),   திண்டிவனத்தைச் சேர்ந்த எஸ்.இஸ்மாயில் (25), சென்னை  வியாசர்பாடியைச் சேர்ந்த இ.ஜாபர் சாதிக் அலி (29), பல்லாவரத்தைச் சேர்ந்த எஸ்.சம்சுதீன் (20), ஓட்டேரியைச் சேர்ந்த எஸ். சலாவுதீன் (25) ஆகியோர் கோவையில் உள்ள இந்து இயக்கங்களின் பிரமுகர்களைக் கொலை செய்யத் சதித் திட்டம் தீட்டியது விசாரணையில் தெரியவந்தது.
 இதையடுத்து  5 பேர் மீதும் சட்ட விரோத நடவடிக்கை தடுப்புச் சட்டம்  உள்ளிட்ட 7 பிரிவுகளில் வழக்குப் பதிவு செய்தனர். இதைத் தொடர்ந்து உக்கடம் ஜி.எம். நகரைச் சேர்ந்த ஆட்டோ பைசல் (28) என்பவரையும் புதன்கிழமை கைது செய்தனர். 
இந்நிலையில் கைது செய்யப்பட்ட 5 பேரில் கோவையைச் சேர்ந்த ஆர்.ஆஷிக் தனது  பள்ளிப் படிப்பை நீலகிரி மாவட்டத்தில் குன்னூரில் முடித்ததாகவும்,  அதன் பின்னரே குடும்பத்தினருடன் கோவைக்கு சென்று கரும்புக்கடை பகுதியில் குடியேறியதாகவும் அவரிடம் நடத்தப்பட்ட விசாரணையின்போது  தெரிவித்துள்ளார்.
 இதையடுத்து சிறப்பு பிரிவு அதிகாரிகள் குழுவினர் ஆஷிக்கிற்கு குன்னூர் மற்றும்  நீலகிரி மாவட்டத்தின் பிற பகுதிகளில் அவருக்குள்ள தொடர்புகள் குறித்தும் விசாரணை நடத்தியுள்ளனர். 
இதில் சந்தேகத்துக்குரிய சில அழைப்புகள் மற்றும் முகவரிகள் தொடர்பாக நேரிலும் ஆய்வு நடத்தியுள்ளனர். நீலகிரிக்கு புதன்கிழமை வந்த இந்த சிறப்பு பிரிவு  அதிகாரிகள் குழுவினர் உதகை, குன்னூர்,  கூடலூர் மற்றும் பந்தலூர் பகுதிகளிலும் ஆய்வு நடத்தியுள்ளனர்.
 இதுதொடர்பாக உதகையில் காவல் துறை அதிகாரிகளிடம் கேட்டபோது,  நீலகிரி மாவட்டத்தில் இந்து இயக்கத் தலைவர்கள் எவருக்கும்  இதுவரையிலும் எத்தகைய மிரட்டலும் விடுக்கப்படவில்லை. இதுதொடர்பாக ஏற்கெனவே கைது செய்யப்பட்டுள்ள 6 பேரில் ஆஷிக்கை தவிர நீலகிரி மாவட்டத்தோடு தொடர்புள்ளவர்  எவருமில்லை எனத் தெரிவித்தனர்.
 

]]>
http://www.dinamani.com/all-editions/edition-coimbatore/nilgiris/2018/sep/07/இந்து-இயக்கப்-பிரமுகர்களைக்-கொல்ல-சதி-நீலகிரியில்-சிறப்பு-பிரிவு-போலீஸார்-விசாரணை-2995777.html
2995775 கோயம்புத்தூர் நீலகிரி எமரால்டுபஜாரில் முறையாக குப்பைகளை அள்ள கோரிக்கை DIN DIN Friday, September 7, 2018 05:02 AM +0530 மஞ்சூர் அருகே முள்ளிகூர் ஊராட்சிக்கு உள்பட்ட எமரால்டு பகுதியில் வைக்கப்பட்டுள்ள குப்பைத் தொட்டியை முறையாக பராமரிக்காததால் கிராம மக்கள் அதிருப்தி அடைந்துள்ள்ளனர்.  முள்ளிகூர் ஊராட்சிக்குள்பட்ட எமரால்டு உள்ளிட்ட 5-க்கு மேற்பட்ட கிராமங்களில் சுமார் 2 ஆயிரத்துக்கும் அதிகமான குடியிருப்புகள் உள்ளன. இக்கிராம மக்கள் குப்பைகளைக் கொட்ட ஊராட்சி நிர்வாகம் சார்பில் குப்பைத் தொட்டி வைக்கப்பட்டுள்ளது. இதில் சேகரமாகும் குப்பைகளை ஊராட்சி நிர்வாகம் முறையாக அகற்றாததால் சுற்றுப்பகுதி முழுவதும் குப்பைகள் சிதறிக் கிடக்கின்றன. இதனால் இப்பகுதியில் சுகாதாரக் கேடு ஏற்பட்டுள்ளது.
எனவே,  ஊராட்சி நிர்வாகம்  துப்புரவு பணியாளர்களை அப்பகுதி அனுப்பி முறையாக குப்பைகளை அள்ள அதிகாரிகள் உத்தரவிட வேண்டுமென பொதுமக்கள் வலியுறுத்தியுள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/07/எமரால்டுபஜாரில்-முறையாக-குப்பைகளை-அள்ள-கோரிக்கை-2995775.html
2995774 கோயம்புத்தூர் நீலகிரி கோத்தகிரி அருகே அரசுப் பேருந்து-வேன் மோதல்: 25 பேர் காயம் DIN DIN Friday, September 7, 2018 05:01 AM +0530 கோத்தகிரி அருகே வார்விக் பகுதியில் அரசுப் பேருந்தின் பின் பகுதியில் தனியார் வேன் வியாழக்கிழமை மோதிய விபத்தில் 25 பேர் காயமடைந்தனர்.
 கோத்தகிரி அருகே வார்விக் பகுதியில் கடசோலையிலிருந்து கோத்தகிரி நோக்கி அரசுப் பேருந்து வியாழக்கிழமை வந்து கொண்டிருந்தது. வார்விக் என்னும் இடத்தில் வந்தபோது, கைக்காட்டி பகுதியிலிருந்து கோத்தகிரி நோக்கி வந்த வேன் எதிர்பாராதவிதமாக  அரசுப் பேருந்தின் பின்னால் மோதியது. 
இதில் அரசுப் பேருந்தின் பின்பகுதி சேதமடைந்தது.  இதில் வேன் மற்றும் பேருந்தில் பயணம் செய்த 25 பேர் காயமடைந்தனர். 
இதையடுத்து உடனடியாக காயமடைந்தவர்கள் அனைவரும் கோத்தகிரி அரசு மருத்துவமனைக்கு அழைத்து செல்லப்பட்டனர். இதில் பலத்த காயமடைந்தவர்கள் உயர் சிகிச்சைக்காக உதகை அரசு மருத்துவமனைக்கு பரிந்துரைக்கப்பட்டனர். இதுகுறித்து கோத்தகிரி போலீஸார் விசாரனை மேற்கொண்டு வருகின்றனர். 
 

]]>
http://www.dinamani.com/all-editions/edition-coimbatore/nilgiris/2018/sep/07/கோத்தகிரி-அருகே-அரசுப்-பேருந்து-வேன்-மோதல்-25-பேர்-காயம்-2995774.html
2995773 கோயம்புத்தூர் நீலகிரி குடியிருப்பு பகுதிக்குள் மீண்டும் நுழைந்த காட்டெருமை DIN DIN Friday, September 7, 2018 05:01 AM +0530 உதகையில் டாஸ்மாக் வளாகத்துக்குள் புகுந்து 20 மணி நேரப் போராட்டத்துக்குப் பின்னர் விரட்டப்பட்ட காட்டெருமை தொட்டபெட்டா மலைச் சிகர அடிவாரத்திலுள்ள குடியிருப்பு பகுதிகளுக்குள் மீண்டும் முகாமிட்டுள்ளது.
 இந்தக் காட்டெருமையை மயக்க மருந்து செலுத்தி பிடித்து முதுமலை புலிகள் காப்பகத்துக்குள் கொண்டு சென்றுவிடுவது  தொடர்பாக இறுதி முடிவு எடுக்கப்படாததால் அந்தக் காட்டெருமையை அங்கிருந்து அப்புறப்படுத்த முடியாமல் வனத் துறையினர் திணறி வருகின்றனர்.
 உதகையில் கடந்த ஞாயிற்றுக்கிழமை நள்ளிரவில் கமர்ஷியல் சாலை பகுதியிலுள்ள டாஸ்மாக் வளாகத்துக்குள் புகுந்த காட்டெருமை பல மணி நேரப் போராட்டத்துக்கு பிறகு அங்கிருந்து விரட்டப்பட்டு பல்வேறு  இடையூறுகளுக்குப் பின்னர் அரசினர்  தாவரவியல் பூங்கா அருகேயுள்ள தனியார் காட்டேஜ் ஒன்றில் விடப்பட்டது.  
தொடர்ந்து செவ்வாய்க்கிழமையும் அங்கேயே இருந்த அந்தக் காட்டெருமை புதன்கிழமை அதிகாலையில் மீண்டும் நகரப் பகுதிக்குள் வந்து தொட்டபெட்டா மலைச் சிகரத்தின் அடிவாரத்திலுள்ள ஆரணி ஹவுஸ் பகுதியில் புகுந்துவிட்டது.  இதையடுத்து  உதகை நகருக்கு வெளியே அமைந்துள்ள ஆரணி ஹவுஸ் பகுதியிலிருந்து தொட்டபெட்டா மலைச் சிகரம் வழியாக வனப் பகுதிக்குள் விரட்ட முயற்சிகள் மேற்கொள்ளப்பட்ட போதிலும் அந்தக் காட்டெருமை அங்கிருந்து நகரவில்லை. வியாழக்கிழமையும் இதே நிலையே நீடித்தது.
 இதற்கிடையே இந்த ஆண் காட்டெருமைக்கு வயதாகிவிட்டதாலும், கண் பார்வை மங்கிவிட்டதாலும்,  உணவைத் தேடிச் சென்று எடுக்க முடியாத காரணத்தால்,  தான் தேர்வு செய்யும் இடத்திலேயே பல மணி நேரம் தங்கி விடுவதாக  வனத் துறையினர் தெரிவித்தனர். இந்நிலையில் இந்தக் காட்டெருமைக்கு மயக்க மருந்து செலுத்தி அதை வாகனத்தில் ஏற்றி முதுமலை புலிகள் காப்பகப் பகுதியில் விடுவித்துவிடலாமென்ற யோசனை வனத் துறைக்குத் தெரிவிக்கப்பட்டுள்ளது.  வனத் துறையின் தலைமை மற்றும் முதன்மை வன உயிரின பாதுகாவலருக்கு அனுப்பப்பட்டுள்ள இந்தக் கடிதத்தில் மாவட்ட வன அலுவலர் சுமந்த் சோமன், கால்நடைத் துறை இணை இயக்குநர் டாக்டர் மனோகரன் ஆகியோர் இந்த யோசனையைத் தெரிவித்துள்ளனர்.  ஆனால், வியாழக்கிழமை மாலை வரை இதற்கான எந்த உத்தரவும் பிறப்பிக்கப்படவில்லை.
 காட்டெருமை  அங்கிருந்து நகராவிட்டாலும், அதிக காட்டேஜ்கள் மற்றும் தனித்தனி வீடுகள் அமைந்துள்ள ஆரணி ஹவுஸ் பகுதியிலுள்ள குடியிருப்பு ஏதாவதில் புகுந்து விடக்கூடாது என்பதில்  வனத்துறையினர் கவனமாக உள்ளனர்.  இச்சூழலில் அந்தக் காட்டெருமையை மயக்க மருந்து செலுத்தி கிரேன்  மூலம் கொண்டு செல்வதற்கான ஆணை வெள்ளிக்கிழமை  பிறப்பிக்கப்பட்டு விடும் எனவும்,  வெள்ளிக்கிழமை இரவுக்குள் அந்தக் காட்டெருமையை அங்கிருந்து கொண்டு சென்று விட முடியும் எனவும் வனத் துறை அதிகாரிகள் நம்பிக்கை தெரிவித்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/sep/07/குடியிருப்பு-பகுதிக்குள்-மீண்டும்-நுழைந்த-காட்டெருமை-2995773.html
2995772 கோயம்புத்தூர் நீலகிரி ஆசியா-பசிபிக் மாஸ்டர் விளையாட்டுப் போட்டிகள்: கூடைப்பந்து அணிக்கு  உதகையைச் சேர்ந்த நால்வர் தேர்வு DIN DIN Friday, September 7, 2018 05:01 AM +0530 மலேசியாவில் பினாங்கு நகரில் நடைபெறவுள்ள ஆசியா-பசிபிக் மாஸ்டர் விளையாட்டுப் போட்டிகளில் இந்திய கூடைப்பந்து அணியில் உதகையைச் சேர்ந்த 4 வீரர்கள் இடம் பெற்றுள்ளனர்.
 மலேசியாவில் பினாங்கு நகரில் செப்டம்பர் 8 ஆம்தேதி முதல் 15 ஆம் தேதி வரை ஆசியா-பசிபிக் மாஸ்டர் விளையாட்டுப் போட்டிகள் நடைபெறுகிறது. 12 பிரிவுகளில் நடைபெறும் இப்போட்டிகளில் இந்திய அணியும் பங்கேற்கிறது. இவற்றில் மொத்தம் 248 வீரர்கள் இடம் பெற்றுள்ளனர். இந்நிலையில் தேசிய கூடைப்பந்து அணிக்காக தேர்வு செய்யப்பட்டுள்ள 13 வீரர்களில் உதகையைச் சேர்ந்த நால்வர் இடம் பெற்றுள்ளனர்.
   நீலகிரி மாவட்ட கூடைப்பந்து சங்க துணைத் தலைவர் ஜே.ரவிக்குமார்,  மாநில துணைத் தலைவர் மோகன்குமார்,  சங்கத்தின் செயலர் விஸ்வநாதன் ஆகியோருடன் உதகை லாரன்ஸ் பள்ளியில் கூடைப்பந்து  பயிற்சியாளராகப் பணியாற்றி வரும் குல்தீப் சிங்கும் இடம்பெற்றுள்ளார். 
இவர்களோடு கோவையிலிருந்து இருவரும், மதுரையிலிருந்து ஒருவரும், கேரளத்திலிருந்து  இருவரும்,  தில்லியிலிருந்து மூவரும், சத்தீஸ்கர் மாநிலத்திலிருந்து ஒருவரும் இந்த அணியில் இடம் பெற்றுள்ளனர். இந்திய அணிக்காக தேர்வு பெற்று மலேசியா செல்லும் நால்வரையும் நீலகிரி மாவட்ட கூடைப்பந்து சங்கத்தினர் உதகையிலிருந்து வியாழக்கிழமை வழியனுப்பி வைத்தனர்.

]]>
http://www.dinamani.com/all-editions/edition-coimbatore/nilgiris/2018/sep/07/ஆசியா-பசிபிக்-மாஸ்டர்-விளையாட்டுப்-போட்டிகள்-கூடைப்பந்து-அணிக்கு-உதகையைச்-சேர்ந்த-நால்வர்-தேர்வு-2995772.html
2995771 கோயம்புத்தூர் நீலகிரி பருவ மழையை எதிர்கொள்ள தயார்: மாவட்ட தீயணைப்பு நிலைய அதிகாரி  தகவல் DIN DIN Friday, September 7, 2018 05:00 AM +0530 நீலகிரியில் வடகிழக்கு பருவ மழையை எதிர்கொள்ள தயாராக இருப்பதாக மாவட்ட தீயணைப்பு நிலைய அதிகாரி எல். சுப்பிரமணி தெரிவித்துள்ளார்.
நீலகிரி மாவட்டத்தில் தென்மேற்கு பருவமழையால் கூடலூர் போன்ற பகுதிகள் அதிகம் பாதிக்கப்பட்ட நிலையில்,  வடகிழக்கு பருவமழையை எதிர்கொள்வது குறித்து மாவட்ட தீயணைப்பு  நிலைய அதிகாரி சுப்ரமணி குன்னூர் தீயணைப்பு நிலையத்தில்  வியாழக்கிழமை ஆய்வு செய்தார்.
அப்போது அவர் செய்தியாளர்களிடம் கூறியதாவது:
பருவமழைக்  காலங்களில் சாலைகளில்  மரம் விழுந்து  போக்குவரத்து பாதிப்பு ஏற்படுவது தீயணைப்புத் துறையினருக்கு   சவாலான காரியமாக உள்ளது.  இந்நிலையில் மாவட்டம் முழுவதும் தற்போது மரம் அறுக்க நவீனக் கருவிகள் 14 உள்ளன.
மேலும் 4  அதிநவீன கருவிகள் வடகிழக்கு பருவமழைக்கு முன்பாக கிடைக்க வாய்ப்பு உள்ளது. வடகிழக்கு  பருவ மழையினை எதிர் கொள்ள மாவட்ட தீயணைப்பு  துறையினர் தயாராக உள்ளனர் என்றார். 
இந்த ஆய்வின்போது,  தீயணைப்பு வாகனங்களின் நிலை, தீயணைப்புக் கருவிகள், மரம் வெட்டும்  கருவிகளின் நிலை குறித்து அவர் கேட்டறிந்தார்.  தீயணைப்பு நிலைய பொறுப்பு அதிகாரி குமார்,  தீயணைப்பு  வீரர்கள் முரளி, கண்ணன், சுப்ரமணி, சங்கர் உள்ளிட்டோர் ஆய்வின்போது  உடனிருந்தனர். 

]]>
http://www.dinamani.com/all-editions/edition-coimbatore/nilgiris/2018/sep/07/பருவ-மழையை-எதிர்கொள்ள-தயார்-மாவட்ட-தீயணைப்பு-நிலைய-அதிகாரி--தகவல்-2995771.html
2995770 கோயம்புத்தூர் நீலகிரி வன விலங்குகளிடமிருந்து பாதுகாப்பு வழங்க வலியுறுத்தி ஆட்சியரிடம் மனு DIN DIN Friday, September 7, 2018 05:00 AM +0530 கூடலூரை அடுத்துள்ள தேவர்சோலை பேரூராட்சி பகுதியில் வன விலங்குகளிடமிருந்து பொதுமக்களைப் பாதுகாக்க வலியுறுத்தி மாவட்ட ஆட்சியரிடம் புதன்கிழமை மனு அளிக்கப்பட்டது.
  நீலகிரி மாவட்டம்,  கூடலூரை அடுத்துள்ள தேவர்சோலை பேரூராட்சி பகுதியில் பொதுமக்கள் தொடர்ந்து வனவிலங்குகளின் தாக்குதலுக்கு உள்ளாகி வருகின்றனர். 
மேலும், விவசாயிகள் பயிரிட்டுள்ள பயிர்களையும் யானைகள் தொடர்ந்து சேதப்படுத்தி வருகின்றன.  இதைக் கண்டித்து தேவர்சோலையில் பல போராட்டங்கள் நடைபெற்றுள்ளன. 
இந்நிலையில்   தேவர்சோலை பகுதியில் வன விலங்குகளிடமிருந்து பொதுமக்களைப் பாதுகாக்க வலியுறுத்தி, மாவட்ட ஆட்சியர் இன்னசென்ட் திவ்யாவிடம்,  அனைத்து அரசியல் கட்சிகள், பொதுநல அமைப்புகள், வணிகர்கள் மற்றும் தொழிற்சங்க நிர்வாகிகள் ஆகியோர் வியாழக்கிழமை மனு அளித்தனர். 

]]>
http://www.dinamani.com/all-editions/edition-coimbatore/nilgiris/2018/sep/07/வன-விலங்குகளிடமிருந்து-பாதுகாப்பு-வழங்க-வலியுறுத்தி-ஆட்சியரிடம்-மனு-2995770.html
2995769 கோயம்புத்தூர் நீலகிரி முதுநிலை பட்டதாரி ஆசிரியர்கள் ஆர்ப்பாட்டம் DIN DIN Friday, September 7, 2018 05:00 AM +0530 பல்வேறு கோரிக்கைகளை வலியுறுத்தி தமிழ்நாடு முதுநிலைப் பட்டதாரி ஆசிரியர் கழகம் சார்பில் வியாழக்கிழமை ஆர்ப்பாட்டம் நடைபெற்றது.
     நீலகிரி மாவட்டம்,  கூடலூர் மாவட்ட கல்வி அலுவலர் அலுவலகம் முன்பு நடைபெற்ற இந்த ஆர்ப்பாட்டத்துக்கு,  சங்கத்தின் தலைவர் ஆனந்திகுமாரி தலைமை வகித்தார். 
11, 12 ஆம் வகுப்புகளுக்கு பொதுத் தேர்வு உள்ளதால் மாணவர்கள் மீது கவனம் செலுத்த வேண்டியுள்ளது.  எனவே, நீட் தேர்வு உள்ளிட்ட போட்டித் தேர்வுகளுக்கான பயிற்சி வகுப்புகளை நடத்த முதுநிலை பட்டதாரி ஆசிரியர்களை வற்புறுத்தக் கூடாது.  அரசுப் பள்ளிகளில் காலியாக உள்ள தலைமை ஆசிரியர் மற்றும் முதுநிலைப் பட்டதாரி ஆசிரியர் பணியிடங்களை உடனடியாக நிரப்ப வேண்டும்.  2018-19 ஆம் ஆண்டுக்கான பொது மாறுதல் கலந்தாய்வை வெளிப்படையாக நடத்த வேண்டும்   என்பன உள்ளிட்ட பல்வேறு கோரிக்கைகள் ஆர்ப்பாட்டத்தில் வலியுறுத்தப்பட்டன. 
இதில் சங்கத்தின் மாவட்டச் செயலாளர் செந்தில்குமார் உள்பட பலர் கலந்துகொண்டனர்.
 

]]>
http://www.dinamani.com/all-editions/edition-coimbatore/nilgiris/2018/sep/07/முதுநிலை-பட்டதாரி-ஆசிரியர்கள்-ஆர்ப்பாட்டம்-2995769.html
2995767 கோயம்புத்தூர் நீலகிரி கூடலூரில் கடையடைப்பு போராட்டம் DIN DIN Friday, September 7, 2018 05:00 AM +0530 கூடலூரில் பிளாஸ்டிக் பொருள்கள் சோதனை என்ற பெயரில் துன்புறுத்தப்படுவதாகக் கூறி வணிகர்கள் திடீர் கடையடைப்பு போராட்டத்தில் வியாழக்கிழமை ஈடுபட்டனர்.
நீலகிரியில் பிளாஸ்டிக் பயன்பாட்டுக்கு மாவட்ட நிர்வாகம் தடைவிதித்துள்ளது. இந்நிலையில்,  அதிகாரிகள் பல குழுக்களாகப் பிரிந்து கூடலூரில் அனைத்து பகுதியிலுள்ள கடைகளிலும் வியாழக்கிழமை காலை ஒரே நேரத்தில் திடீர் சோதனை மேற்கொண்டனர்.  
தடைசெய்யப்பட்ட பிளாஸ்டி அல்லாத கவர்கள் மற்றும் இதர பொருள்களையும் பறிமுதல் செய்தது மட்டுமின்றி தொடர்ந்து அனைத்து கடைகளுக்கும் அபராதம் விதிக்கப்பட்டதாக வணிகர்கள் புகார் தெரிவித்தனர்.  
இந்நிலையில் அதிகாரிகளின் இந்த சோதனை நடவடிக்கையை கண்டித்தும்,பிளாஸ்டிக் பொருள்களுக்கு மாற்று ஏற்பாடு செய்யவேண்டும் என வலியுறுத்தியும் அனைத்து வணிகர்கள் சங்கம் சார்பில், வியாபாரிகள் வியாழக்கிழமை மதியம் கடைகளை அடைத்து  ஊர்வலம் சென்றனர். 
கோட்டாட்சியர் அலுவலகத்தை முற்றுகையிட்ட அவர்கள், பிளாஸ்டிக் சோதனை என்ற பெயரில் வணிகர்கள் அச்சுறுத்தப்படுவதாகவும், 
மாற்று ஏற்பாடு செய்யும் வரை பாதுகாப்பு அளிக்க வேண்டும் என வலியுறுத்தினர்.

]]>
http://www.dinamani.com/all-editions/edition-coimbatore/nilgiris/2018/sep/07/கூடலூரில்-கடையடைப்பு-போராட்டம்-2995767.html
2994823 கோயம்புத்தூர் நீலகிரி மஞ்சூர் பகுதி தேயிலைத் தோட்டங்களில் ஊடுபயிராக  மலைக் காய்கறிகள் சாகுபடி DIN DIN Thursday, September 6, 2018 01:12 AM +0530 மஞ்சூர் பகுதி தேயிலைத் தோட்டங்களில் ஊடுபயிராக மலைக் காய்கறிகள் சாகுபடி தீவிரமடைந்துள்ளது.
மஞ்சூர் சுற்றுவட்டாரப் பகுதிகளில் தேயிலை விவசாயம் முக்கிய தொழிலாக உள்ளது. இத்தொழிலை நம்பி 20 ஆயிரத்துக்கும் மேற்பட்ட விவசாயிகள் பல்லாயிரம் ஹெக்டேர் பரப்பளவில் தேயிலையைப் பயிரிட்டுள்ளனர். தேயிலை விவசாயத்தில் விலை வீழ்ச்சி ஏற்பட்டதால், கடந்த 15 ஆண்டுகளுக்கு மேலாக விவசாயிகள் பொருளாதார ரீதியாக பல்வேறு பாதிப்புகளைச் சந்தித்து வருகின்றனர். எனவே, பெரும்பாலான விவசாயிகள் தேயிலைப் பயிரிருடன் மலைத்தோட்டக் காய்கறிகளை சாகுபடி செய்வதில் ஆர்வம் காட்டுகின்றனர்.
ஏற்கெனவே தங்களது சொந்தத் தேவைகளுக்காக வீடுகளைச் சுற்றிலும் முட்டைகோஸ், அவரை உள்ளிட்ட காய்கறிப் பயிர்களை சிறு அளவில் விவசாயிகள் பயிரிட்டு வந்தனர். தற்போது மலைக் காய்கறி சாகுபடி மூலம் கூடுதல் வருவாய் ஈட்டும் நடவடிக்கைகளில் பலரும் ஈடுபட்டு வருகின்றனர். 
இதற்காக தேயிலைத் தோட்டங்களை அடுத்துள்ள காலி இடங்களைச் சீரமைத்தும் தேயிலைச் செடிகளின் இடைவெளிகளிலும் சீசனுக்கு தகுந்தாற்போல உருளைக்கிழங்கு, பீட்ரூட், கேரட், பட்டாணி, அவரை, பீன்ஸ், முட்டைகோஸ், காலிபிளவர் போன்ற மலைக் காய்கறிகளைப் பயிரிடுகின்றனர். 
அறுவடைக்குப் பின் இந்தக் காய்கறிகளை உழவர் சந்தைகள் மூலமாகவும், வாகனங்களில் எடுத்துச் சென்று கிராமங்களிலும் நேரடி விற்பனையில் ஈடுபட்டுள்ளனர். இதன்மூலம் தங்களுக்கு கூடுதல் வருவாய் கிடைப்பதாக விவசாயிகள் தெரிவிக்கின்றனர்.
 

]]>
http://www.dinamani.com/all-editions/edition-coimbatore/nilgiris/2018/sep/06/மஞ்சூர்-பகுதி-தேயிலைத்-தோட்டங்களில்-ஊடுபயிராக--மலைக்-காய்கறிகள்-சாகுபடி-2994823.html
2994822 கோயம்புத்தூர் நீலகிரி குடும்ப நலச் சங்கம் சார்பில் "விகல்ப்' திட்டம் துவக்கம் DIN DIN Thursday, September 6, 2018 01:12 AM +0530 குன்னூர் குடும்ப நலச் சங்கம் சார்பில் "விகால்ப்' திட்டத்தின் துவக்க விழாவையொட்டி பெண்களுக்கான விழிப்புணர்வு  நிகழ்ச்சி புதன்கிழமை நடைபெற்றது.
நீலகிரி மாவட்ட இந்திய குடும்ப நல சங்கம் சார்பில், சட்ட வரைமுறைக்கு உள்பட்ட பாதுகாப்பான கருக்கலைப்பு மற்றும் குழந்தை பிறப்பால் ஏற்படும் மரணத்தை தவிர்ப்பது தொடர்பாக "விகல்ப்' எனப்படும் சர்வதேசத் திட்டம் குன்னூரில் துவங்கப்பட்டது. 
இதற்கான துவக்க விழாவையொட்டி, பெண்களுக்கான விழிப்புணர்வுப் பேரணி சிம்ஸ் பூங்காவில் துவங்கி பெட்போர்டு வழியாக உபாசி அரங்கில் உள்ள சங்க அலுவலகத்தை அடைந்தது.
பேரணியை சங்கப் புரவலர் ரங்கையா, பாஸ்டியர் நிறுவன இயக்குநர் சிவகுமார் ஆகியோர் துவக்கி வைத்தனர். திட்டம் குறித்து கிளை மேலாளர் வரதராஜன் பேசினார்.
செயலாளர் புவனேஸ்வரி, செஞ்சிலுவைச் சங்கத் தலைவர் மணி பேசினர். ஆண்களின் பங்கேற்புடன் கூடிய இளையோர் திறன் மேம்பாடு, முறையான வாழ்க்கை போன்றவை குறித்து மக்களிடையே விழிப்புணர்வு ஏற்படுத்த,  இம்மாதம் 15ஆம் தேதி வரை விழாவைக் கொண்டாடுவது என முடிவு செய்யப்பட்டது. திட்ட அலுவலர் ராஜேஷ் நன்றி கூறினார்.

]]>
http://www.dinamani.com/all-editions/edition-coimbatore/nilgiris/2018/sep/06/குடும்ப-நலச்-சங்கம்-சார்பில்-விகல்ப்-திட்டம்-துவக்கம்-2994822.html
2994820 கோயம்புத்தூர் நீலகிரி மஞ்சூர் மலைப்பாதையில் "சேவல் கொண்டை' மலர் சீசன் துவக்கம் DIN DIN Thursday, September 6, 2018 01:12 AM +0530 "சேவல் கொண்டை' மலர்கள் என்று அழைக்கப்படும் "ஆப்பிரிக்கன் துலிப்' மலர்களின் சீசன் நீலகிரி மாவட்டத்தில் துவங்கியுள்ளது.
நீலகிரி மாவட்டத்தில் பல்வேறு வகையிலான மலர்கள் பூத்து குலுங்குகின்றன. இதில் ஆங்கிலேயர் ஆட்சிக் காலத்தின்போது வெளிநாடுகளில் இருந்து கொண்டுவரப்பட்ட பல்வேறு ரக மலர்ச் செடிகள் மலைப்பாதை, குடியிருப்புகளை இன்றும் அலங்கரித்து வருகின்றன. இவை ஆங்கிலத்தில்  "ஆப்பிரிக்கன் மர துலிப்' மலர்கள் என்றும் தமிழில் "சேவல் கொண்டை' மலர்கள் என்றும் அழைக்கப்படுகின்றன.  தற்போது இந்த மலர்களின் சீசன் துவங்கியுள்ளது. 
தும்பர்ஜியா என்ற அறிவியல் பெயர் கொண்ட இந்த மலர்ச் செடிகள் தற்போது மரங்கள் போல வளர்ந்து கிளைகளில் மலர்கள் பூத்துக் குலுங்குகின்றன. நிலத்தடி நீரை அதிக அளவில் உறிஞ்சி சேமித்துவைக்கும் தன்மை கொண்ட இம்மரத்தில் மலர்கள் பூக்கும் முன்னதாக காய்கள் கொத்துக் கொத்தாகக் காய்க்கும். 
இளஞ்சிவப்பு நிறத்தில், சேவல் கொண்டை போல பூத்துக் குலுங்கும் இம்மலர்களின் சீசன் ஆகஸ்ட் மற்றும் செப்டம்பர் ஆகிய 2 மாதங்களாகும். கெத்தை, மஞ்சூர், எடக்காடு, உதகை உள்ளிட்ட பகுதிகளில் மலைப்பாதையிலுள்ள மரங்களில் இம்மலர்கள் பூக்கத் துவங்கி உள்ளதால், சுற்றுலாப் பயணிகளை சிவப்புக் கம்பளம் போர்த்தி வரவேற்பது போலக் காட்சி அளிக்கிறது. வரும் 2வது சீசனுக்கு சுற்றுலாப் பயணிகளை உற்சாகப்படுத்த இந்த மலர்கள் அதிக அளவில் மலரும் என எதிர்பார்க்கப்படுகிறது.

]]>
http://www.dinamani.com/all-editions/edition-coimbatore/nilgiris/2018/sep/06/மஞ்சூர்-மலைப்பாதையில்-சேவல்-கொண்டை-மலர்-சீசன்-துவக்கம்-2994820.html
2994819 கோயம்புத்தூர் நீலகிரி மஞ்சூர்- குந்தா பாலம் சாலையில்  அபாயகரமான மரங்களை  அகற்ற வலியுறுத்தல் DIN DIN Thursday, September 6, 2018 01:11 AM +0530 மஞ்சூர்- குந்தா பாலம் சாலையில் அந்தரத்தில் தொங்கும் அபாயகரமான மரங்களை அகற்ற வேண்டும் என்று வலியுறுத்தப்பட்டுள்ளது.
மஞ்சூர் சுற்றுவட்டாரப் பகுதிகளில் கடந்த ஒரு மாதமாக சூறாவளியுடன் பரவலான மழை பெய்து வருகிறது. மஞ்சூர் சுற்றுவட்டாரப் பகுதிகளிலுள்ள ஆறு, குளம், குட்டைகள் மட்டுமல்லாது வனப் பகுதிகளிலும் நீராதாரங்கள் ஓரளவு நிரம்பி வருகின்றன. 
மீண்டும் தென்மேற்குப் பருவ மழை துவங்க உள்ள நிலையில், மாவட்டம் முழுவதும் நெடுஞ்சாலை, கிராமப்பகுதிகளில் சாலையோரங்களில் அபாயகரமான நிலையில் உள்ள மரங்களை அகற்றும் பணியில் வருவாய்த் துறையினரும் வனத்துறையினரும் தொடர்ந்து ஈடுபட்டு வருகின்றனர். 
இந்நிலையில், குந்தா வட்டத்தில் கைகாட்டி- குந்தா பாலம், மஞ்சூர்- கோவை, மஞ்சூர்- கிண்ணக்கொரை, மஞ்சூர்- உதகை, தங்காடு- எடக்காடு, தங்காடு- நுந்தளா மட்டம் சாலைகளின் ஓரங்களில் அபாயகரமான மரங்கள் அதிக அளவில் உள்ளன. குறிப்பாக, மெர்லேண்டு- குந்தா பாலம் சாலையில் அபாயகரமான 15க்கு மேற்பட்ட மரங்கள் உள்ளன. 
இச்சாலை மஞ்சூரில் இருந்து உதகை, குன்னூர் உள்ளிட்ட பகுதிகளுக்குச் செல்லும் முக்கிய சாலையாக உள்ளது. எனவே சம்பந்தப்பட்ட அதிகாரிகள் உடனடியாக நேரில் ஆய்வு செய்து, அபாயகரமான மரங்களை அகற்ற நடவடிக்கை எடுக்க வேண்டும் என்று வலியுறுத்தப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/sep/06/மஞ்சூர்--குந்தா-பாலம்-சாலையில்--அபாயகரமான-மரங்களை--அகற்ற-வலியுறுத்தல்-2994819.html
2994817 கோயம்புத்தூர் நீலகிரி நெலாக்கோட்டையில் மனுநீதி நாள் முகாம்: 195 பயனாளிகளுக்கு நலத்திட்ட உதவி DIN DIN Thursday, September 6, 2018 01:11 AM +0530 நெலாக்கோட்டை ஊராட்சிக்கு உள்பட்ட கறிகுற்றி அரசு தொடக்கப் பள்ளியில்  நடைபெற்ற மனுநீதி நாள் மக்கள் தொடர்பு முகாமில் 195  பயனாளிகளுக்கு பல்வேறு நலத்திட்ட உதவிகள் வழங்கப்பட்டன.
நீலகிரி மாவட்டம், நெலாக்கோட்டை ஊராட்சிக்கு உள்பட்ட கறிகுற்றி அரசு தொடக்கப் பள்ளியில்  மனுநீதி நாள் மக்கள் தொடர்பு முகாம் புதன்கிழமை  நடைபெற்றது. இந்நிகழ்ச்சியில்  195 பயனாளிகளுக்கு பல்வேறு நலத்திட்ட உதவிகளை வழங்கிய மாவட்ட ஆட்சியர் இன்னசென்ட் திவ்யா பேசியதாவது:
மனுநீதி நாள் மக்கள் தொடர்பு முகாம் ஒவ்வொரு மாதமும் நடைபெற்று வருகிறது. இம் மனுநீதி நாள் முகாமின் நோக்கமே மக்களைத் தேடி அரசு என்பதாகும். இந்த மக்கள் தொடர்பு முகாமில் அனைத்துத் துறை அரசு அலுவலர்களும் மக்களைத் தேடி உங்கள் கிராமத்துக்கு வந்துள்ளனர். 
தமிழக அரசு மக்களுக்காக பல்வேறு திட்டங்களைத் தீட்டி அவை  மக்களைச் சென்றடையும் வகையில் செயல்படுத்தி வருகிறது. எனவே  மக்கள் அனைவரும் இந்த முகாமில் கலந்துகொண்டு பயனடைய வேண்டும்.
மகாத்மா காந்தி தேசிய ஊரக வேலையுறுதித் திட்டத்தின் கீழ் மக்களே பணிகளை எடுத்து அவரவர் ஊருக்குத் தேவையான அடிப்படை வசதிகளை மேற்கொள்ளலாம் என்றார்.
இந்த ஊராட்சியில் பசுமை வீடுகள் திட்டத்தின் கீழ் 2017-18 ஆண்டில் ரூ. 75.6 லட்சம் மதிப்பில் 42 பணிகள் எடுக்கப்பட்டு அதில் 8 பணிகள்  முடிக்கப்பட்டுள்ளதாகவும்,  நடப்பாண்டில் ரூ. 75.6 லட்சம் மதிப்பில்  58 பணிகள் நடைபெற்று வருவதாகவும்,  2017-18 ஆண்டில் 14வது நிதிக்குழுத் திட்டத்தின் கீழ் ரூ. 38.43 லட்சம் மதிப்பில் 22 பணிகள் எடுக்கப்பட்டு அதில் 12 பணிகள் முடிக்கப்பட்டுள்ளதாகவும்,  ஒருங்கிணைந்த ஒப்படைக்கப்பட்ட வருவாய் நிதி திட்டத்தின் கீழ் ரூ. 8.25 லட்சம்  மதிப்பில் 4 பணிகள் நடைபெற்று வருவதாகவும் அவர் தெரிவித்தார்.
அதைத் தொடர்ந்து, மக்கள் தொடர்பு முகாமில் 130 பழங்குடியினப் பயனாளிகளுக்கு ஜாதிச் சான்றிதழ்களையும், சாலை விபத்தில் உயிரிழந்தவர்களின் குடும்பத்தினருக்கும், சிறு காயமடைந்தவர்களுக்கும் என 8 பயனாளிகளுக்கு முதல்வர் பொது நிவாரண நிதியிலிருந்து ரூ.3.2 லட்சத்திற்கான காசோலைகளையும் ஆட்சியர் வழங்கினார். 
4 பயனாளிகளுக்கு ஸ்மார்ட் கார்டு, முதியோர், முதிர்கன்னி, விதவை, கணவனால் கைவிடப்பட்டோர் உதவித்தொகையாக ஒரு பயனாளிக்கு மாதந்தோறும் தலா ரூ. 1,000 வீதம் 50 பயனாளிகளுக்கு ரூ. 50,000 பெறுவதற்கான ஆணைகளையும், 2 பயனாளிகளுக்கு முன்னோடி வங்கி மூலம் சுயதொழில் தொடங்க ரூ. 2.4 லட்சத்திற்கான காசோலையையும் ஆட்சியர் வழங்கினார்.
மாவட்ட பிற்படுத்தப்பட்டோர் மற்றும் சிறுபான்மையினர் நலத் துறை சார்பில் ஒரு பயனாளிக்கு இலவச சலவைப் பெட்டி வழங்கப்பட்டது. மொத்தத்தில் 195 பயனாளிகளுக்கு ரூ. 6.1 லட்சம் மதிப்பில் நலத்திட்ட உதவிகள் வழங்கப்பட்டன.
இந்த மக்கள் தொடர்பு முகாமில், மக்களிடமிருந்து 120 கோரிக்கை மனுக்களைப் பெற்ற ஆட்சியர்,  அவற்றை பரிசீலித்து உடனடி நடவடிக்கை மேற்கொள்ளுமாறு அதிகாரிகளுக்கு உத்தரவிட்டார்.
இந்த நிகழ்ச்சியில் கூடலூர் சட்டப் பேரவை உறுப்பினர் திராவிடமணி, கூடலூர்  கோட்டாட்சியர் முருகையன்,  பந்தலூர் வட்டாட்சியர் சரவணன் ஆகியோரும், பல்வேறு அரசுத் துறை அலுவலர்களும் கலந்து கொண்டனர் .

]]>
http://www.dinamani.com/all-editions/edition-coimbatore/nilgiris/2018/sep/06/நெலாக்கோட்டையில்-மனுநீதி-நாள்-முகாம்-195-பயனாளிகளுக்கு-நலத்திட்ட-உதவி-2994817.html
2994816 கோயம்புத்தூர் நீலகிரி சின்ன வண்டிசோலை பகுதியில் கரடி நடமாட்டத்தால் அச்சம் DIN DIN Thursday, September 6, 2018 01:11 AM +0530 சின்ன வண்டிச்சோலை பகுதியில் கரடி உலவுவதாக  இப்பகுதி மக்கள் வனத் துறைக்கு புகார் அளித்துள்ளனர்.  
சின்ன வண்டிச்சோலையில் இருந்து பேரட்டி செல்லும் சாலையோரத்தில் அங்காள பரமேஸ்வரியம்மன் கோயில் பகுதியில்  சுற்றிவரும் கரடி அங்கு கோயிலில் இருந்த எண்ணெயைக் குடித்துச் சென்றுள்ளது. இவ்வழியாக சிற்றுந்தில் வந்த பயணிகள் கரடியைப் பார்த்துள்ளனர். 
இதேபோல, அருவங்காடு அருகே பாலாஜி நகர் பகுதியிலும் கரடி நடமாட்டம் இருப்பது குறித்து பொதுமக்கள் வனத் துறையில் புகார் செய்தனர். அப்போது,  "கரடியால் மக்களுக்கு பாதிப்பு ஏற்பட்டால் மட்டுமே கூண்டு வைத்து பிடிக்கப்படும்' என வன ஊழியர்கள் தெரிவித்தனராம். இதனால் மக்கள் அதிருப்தி அடைந்துள்ளனர். 
எனவே அசம்பாவிதம் நடக்கும் முன் இந்தக் கரடிகளைப் பிடித்து  அடர்ந்த  வனப் பகுதியில் விட வேண்டும் என்ற கோரிக்கை வலுத்துள்ளது.

]]>
http://www.dinamani.com/all-editions/edition-coimbatore/nilgiris/2018/sep/06/சின்ன-வண்டிசோலை-பகுதியில்-கரடி-நடமாட்டத்தால்-அச்சம்-2994816.html