Dinamani - நீலகிரி - http://www.dinamani.com/all-editions/edition-coimbatore/nilgiris/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2795102 கோயம்புத்தூர் நீலகிரி இல்லாதவர்களுக்கு இருப்பதைக் கொடுப்போம்! 'அன்புச் சுவர்' திட்டம் உதகையில் தொடக்கம் DIN DIN Tuesday, October 24, 2017 05:13 AM +0530 உதவி தேவைப்படும் ஏழைகளுக்கு உதவிடும் வகையிலான 'அன்புச் சுவர் திட்டம்' உதகையில் தொடங்கப்பட்டுள்ளது.
உதகையில் மத்திய பேருந்து நிலையம் அருகே நகராட்சி நிர்வாகத்தால் அமைக்கப்பட்டுள்ள கட்டடத்தில் இப் புதிய திட்டத்தை மாவட்ட ஆட்சியர் இன்னசென்ட் திவ்யா திங்கள்கிழமை தொடங்கி வைத்தார்.
நம்மிடம் கூடுதலாக உள்ள பொருள்களையும், பயன்படுத்தாத பொருள்களையும் தேவைப்படுவோருக்கு வழங்கும் திட்டமான அன்புச்சுவர் திட்டம் தமிழகத்தில் திருநெல்வேலியில் தொடங்கி வைக்கப்பட்டதை அடுத்து, தற்போது நீலகிரி மாவட்டத்திலும் தொடங்கப்பட்டுள்ளது.
இத்திட்டத்தின்படி, பொதுமக்களும் வசதி படைத்தோரும், தங்களிடமுள்ள பயன்படுத்த முடியாத நிலையிலுள்ள ஆடைகள், பொருள்கள், காலணிகள், நோட்டுப் புத்தகங்கள், எழுதுபொருள்கள் உள்ளிட்டவற்றை தேவையானவர்கள் எடுத்துச் செல்லும் வகையில் ஒரே இடத்தில் வைக்கும் வகையில், உதகை மத்திய பேருந்து நிலையம் 'அன்புச்சுவர்' என்ற இடம் உருவாக்கப்பட்டுள்ளது.
இத்திட்டத்துக்கான கட்டடத்தை உதகை நகராட்சி நிர்வாகம் கட்டித் தந்துள்ளது. இதைப் பராமரிப்பதற்கு தனியார் முன்வந்துள்ளனர். அவர்களிடம் நமக்குத் தேவையில்லாத பொருள்களை அளித்தால் அவர்கள் அவற்றை தேவையானவர்களுக்கு தருவர். இத்திட்டம் காலை 8 மணி முதல் மாலை 6 மணி வரை செயல்படும்.
இத்திட்டத்தின் சிறப்பம்சமாக, நம்மிடமுள்ள கூடுதலான உணவையும் இவர்களுக்கு அனுப்பி வைத்தால், அந்த உணவை தேவைப்படுவோருக்கு அனுப்பி வைப்பர். இத்திட்டத்தைத் தொடங்கி வைத்த மாவட்ட ஆட்சியர் செய்தியாளர்களிடம் கூறியதாவது:
நெல்லையைத் தொடர்ந்து உதகையிலும் அன்புச்சுவர் திட்டம் தொடங்கப்பட்டுள்ளது. ஏழைகள், தேவையான பொருள்களை வாங்க இயலாதவர்களுக்கு, வசதியுள்ளவர்கள் உதவும் வகையிலான இத்திட்டத்தின்கீழ் நல்ல நிலையிலுள்ள பொருள்கள் மட்டுமின்றி உணவு வகைகளையும் வழங்கலாம். உதகையைத் தொடர்ந்து விரைவில் இத்திட்டம் குன்னூர் நகராட்சியிலும் தொடங்கப்படும்.
நீலகிரி மாவட்டத்தின் சுற்றுச்சூழலைப் பாதுகாக்கும் வகையில் பொக்லைன் இயந்திரங்களை இயக்கவும், ஆழ்துளைக் கிணறு அமைக்கவும் தடை விதிக்கப்பட்டுள்ளது. தடையை மீறி இயக்கியதால், கூடலூர், பந்தலூர் பகுதிகளில் 2 பொக்லைன் இயந்திரங்கள் பறிமுதல் செய்யப்பட்டுள்ளன.
உதகை அரசினர் தாவரவியல் பூங்கா உள்ளிட்ட அனைத்துப் பகுதிகளிலும் பிளாஸ்டிக் பொருள்களின் பயன்பாடு தடை செய்யப்பட்டுள்ளது. அதைப் போலவே டாஸ்மாக் மதுபானக் கடைகளில் மெழுகு பூசப்பட்ட காகித டம்ளர்களும் தடை செய்யப்பட்டுள்ளன. அதற்குப் பதிலாக கண்ணாடி, எவர்சில்வர், மண் குடுவைகளை மட்டும் பயன்படுத்தலாம். அவர்களுக்கு ஒரு மாத கால அவகாசம் அளிக்கப்பட்டுள்ளது. இதைக் கண்காணிக்க சிறப்பு குழுக்களும் அமைக்கப்பட்டுள்ளன.
மாவட்டத்தில் டெங்கு காய்ச்சலைத் தடுக்க 16 சிறப்பு மருத்துவக் குழுக்கள் அமைக்கப்பட்டுள்ளன. அனைத்துப் பகுதிகளிலும் வீடுவீடாகச் சென்று சோதனை செய்ய 64 சிறப்புக் குழுக்கள் அமைக்கப்பட்டுள்ளன.
முதுமலை புலிகள் காப்பகத்தை ஒட்டியுள்ள பகுதிகளில் அனுமதியின்றிக் கட்டப்பட்டுள்ள 21 தனியார் விடுதிகளுக்கு எச்சரிக்கை முன்னறிவிப்பு அனுப்பப்பட்டுள்ளது. இவற்றில் 9 விடுதிகள் நீதிமன்றத்தில் தடையாணை பெற்றுள்ளன. பிற விடுதிகள் மீது விரைவில் நடவடிக்கை எடுக்கப்படும்.
உதகை நகரில் பழுதடைந்துள்ள சாலைகளைச் சீரமைக்கும் பணிகள் நவம்பர் மாதத்தில் தொடங்கும் என்று ஆட்சியர் தெரிவித்தார்.
இந்நிகழ்ச்சியில் மாவட்ட வருவாய் அலுவலர் பாஸ்கர பாண்டியன், கோட்டாட்சியர் சிவகாமி, நகர்மன்ற ஆணையர் (பொறுப்பு) ரவி, உதகை வட்டாட்சியர் மகேந்திரன், அன்புச்சுவர் பொறுப்பாளர்கள் இம்தியாஸ், தம்பி இஸ்மாயில் உள்ளிட்ட பலர் பங்கேற்றனர்.
அன்புச்சுவர் திட்டத்துக்கு உதவ நினைப்போர் 98435 13484, 96557 56675, 97514 28998 ஆகிய எண்களில் தொடர்பு கொண்டு விவரங்களைத் தெரிவிக்கலாம்.

 

]]>
http://www.dinamani.com/all-editions/edition-coimbatore/nilgiris/2017/oct/24/இல்லாதவர்களுக்கு-இருப்பதைக்-கொடுப்போம்-அன்புச்-சுவர்-திட்டம்-உதகையில்-தொடக்கம்-2795102.html
2795101 கோயம்புத்தூர் நீலகிரி கடும் மேகமூட்டத்தால் பாதிப்பு: தேயிலைச் செடிகளில் கொப்புள நோய் தாக்குதல் DIN DIN Tuesday, October 24, 2017 05:13 AM +0530 கடும் மேகமூட்டம் காரணமாக தேயிலைச் செடிகளில் கொப்புள நோய் தாக்குதல் அதிகரித்துள்ளது.
மஞ்சூர் பகுதியில் கடந்த 2 மாதங்களாக அவ்வப்போது மழை பெய்து வருகிறது. இதனால் மஞ்சூர் சுற்றுவட்டாரப் பகுதிகளில் பயிரிடப்பட்டுள்ள பசுந்தேயிலை செடிகளில் மகசூல் அதிகரித்துள்ளது. எனினும் விவசாயிகளுக்கு போதிய விலை கிடைக்கவில்லை. பசுந்தேயிலை கிலோ ரூ. 10 முதல் ரூ. 11 வரை மட்டுமே விற்பனை செய்யப்பட்டது.
இந்நிலையில் தற்போது தேயிலைச் செடிகளில் கொப்புள நோய் தாக்குதல் அதிகரித்துள்ளது. இதனால் தேயிலை மகசூல் பாதிக்கப்படும் நிலை காணப்படுகிறது. குறிப்பாக மஞ்சூர், உதகை, கோத்தகிரி, குன்னூர் போன்ற இடங்களில் கொப்புள நோய் தாக்குதல் அதிகமாக உள்ளதால் விவசாயிகள் கவலை அடைந்துள்ளனர்.
இதுகுறித்து தேயிலை விவசாயி சசிகுமார் கூறியதாவது:
தேயிலைச் செடிகளுக்கு வெயிலும், மழையும் மாறிமாறிக் கிடைக்க வேண்டும். அப்போதுதான் மகசூல் அதிகரிக்கும். தொடர்ந்து வெயில் அடித்தால் தேயிலைச் செடிகள் கருகிவிடும். தொடர் மழை பெய்தாலோ, மேகமூட்டம் காணப்பட்டாலோ கொப்புள நோய் தாக்குதல் அதிகரிக்கும்.
தொடர்ந்து மழை பெய்து வந்த நிலையில் தற்போது மாவட்டத்தின் சில இடங்களில் வானம் எப்போதும் கடும் மேகமூட்டமாகவே காணப்படுகிறது. இதனால் பசுந்தேயிலையை கொப்புள நோய் தாக்கி வருகிறது. இதன் காரணமாக விவசாயிகள் பாதிக்கப்பட்டுள்ளனர்.
வரும் டிசம்பர், ஜனவரி மாதங்களில் கடும் பனிப் பொழிவு இருக்கும். அப்போது பசுந்தேயிலையில் கொழுந்து இலைகள் கருக ஆரம்பித்து விடும். இதனால் தேயிலை மகசூல் கடுமையாக பாதிக்கப்பட வாய்ப்புள்ளது. இது விவசாயிகளிடையே கவலையை ஏற்படுத்தியுள்ளது என்றார்.
கவாத்து செய்ய அதிகாரிகள் வலியுறுத்தல் மஞ்சூர் சுற்றுவட்டாரப் பகுதிகளில் தற்போது நிலவும் கால நிலையில், பசுந்தேயிலைச் செடிகளை விவசாயிகள் கவாத்து செய்யுமாறு அதிகாரிகள் அறிவுறுத்தி உள்ளனர்.
இதுகுறித்து குந்தா தேயிலை வாரிய இணை இயக்குநர் ரமேஷ் கூறியதாவது:
மாவட்டத்தில் பருவமழை பெய்யும் சமயங்களில் தேயிலைத் தோட்டங்களில் உள்ள மண்ணில் ஈரப்பதம் இருக்கும். அப்போது தேயிலைச் செடிகளை கவாத்து செய்யலாம். ஆனால் தற்போது நிலையான சீதோஷ்ண நிலை நிலவாததால், விவசாயிகள் தங்களது தேயிலைத் தோட்டங்களில் கவாத்து செய்ய குறிப்பிட்ட மாதத்தைத் தேர்ந்தெடுக்க வேண்டிய அவசியம் இல்û.
மழை பெய்யும் காலங்களில் தேயிலைத் தோட்டங்களிலுள்ள மண்ணில் ஈரப்பதம் இருக்கும்போதே தேயிலைச் செடிகளை கவாத்து செய்வது நல்லது. தற்போது கவாத்து செய்வதால் 45 தினங்களுக்குள் தேயிலைச் செடிகள் துளிர் விட்டுவிடும். அதன்மூலமாக டிசம்பர், ஜனவரி மாதங்களில் பனியால் பாதிப்பு ஏற்படமல் தேயிலைச் செடிகள் பாதுகாக்கப்படும். அதனால், மார்ச், ஏப்ரல் மாதங்களில் நல்ல தரமான பசுந்தேயிலையை அறுவடை செய்ய முடியும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/24/கடும்-மேகமூட்டத்தால்-பாதிப்பு-தேயிலைச்-செடிகளில்-கொப்புள-நோய்-தாக்குதல்-2795101.html
2794491 கோயம்புத்தூர் நீலகிரி மின் கம்பத்தில் இருந்து தவறி விழுந்து தொழிலாளி சாவு DIN DIN Monday, October 23, 2017 05:02 AM +0530 மஞ்சூர் அருகே மின் கம்பத்தில் இருந்து தவறி விழுந்த மின் வாரியத் தொழிலாளி உயிரிழந்தார்.
 மஞ்சூர் அருகே பிக்கட்டி கிராமத்தைச் சேர்ந்த தளபதி மகன் மகேந்திரன் (35). இவர், மின் வாரியத் துறையில் தாற்காலிகத் தொழிலாளராகப் பணியாற்றி வந்தார். இவருக்குத் திருமணமாகி 3 பெண் குழந்தைகள் உள்ளனர்.
 இந்நிலையில், பிக்கட்டி, சிவசக்தி நகர் பகுதியில் உள்ள மின் கம்பத்தில் மகேந்திரன் ஏறி சீரமைப்புப் பணியில் ஞாயிற்றுக்கிழமை ஈடுபட்டிருந்தார். அப்போது, திடீரென தவறி கீழே விழுந்ததில் பலத்த காயமடைந்த அவர் சம்பவ இடத்திலேயே உயிரிழந்தார்.
இதையடுத்து, மகேந்திரனின் உடலை காவல் துறையினர் மீட்டு உதகை அரசு மருத்துவமனைக்கு பிரேதப் பரிசோதனைக்காக அனுப்பிவைத்தனர். இதுகுறித்து, மஞ்சூர் காவல் ஆய்வாளர் ராஜ்குமார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-coimbatore/nilgiris/2017/oct/23/மின்-கம்பத்தில்-இருந்து-தவறி-விழுந்து-தொழிலாளி-சாவு-2794491.html
2794490 கோயம்புத்தூர் நீலகிரி வங்கிக் கணக்கு துவங்க கூட்டுறவு தொழிற்சாலைகளில் விண்ணப்பம் அளிக்கலாம் DIN DIN Monday, October 23, 2017 05:01 AM +0530 சிறு, குறு தேயிலை விவசாயிகளுக்குப் புதிய வங்கிக் கணக்கு துவங்க கூட்டுறவுத் தொழிற்சாலைகளில் விண்ணப்பங்கள் வழங்கப்பட்டு வருகிறது.
 நீலகிரி மாவட்டத்தில் 60 ஆயிரத்துக்கும் மேற்பட்ட சிறு, குறு தேயிலை தொழிற்சாலைகள் மட்டுமல்லாமல் 15 கூட்டுறவு தேயிலைத் தொழிற்சாலைகளும் இயங்கி வருகின்றன. இதில், சிறு, குறு தேயிலை விவசாயிகள் நலனுக்காக அரசு சார்பில் கூட்டுறவு தேயிலைத் தொழிற்சாலைகள் ஏற்படுத்தப்பட்டது. இதில், விவசாயிகளிடம் இருந்து பசுந்தேயிலையைப் பெற்று அவர்களுக்கு வாரத்தில் ஒருநாள் பணப் பட்டுவாடா செய்வது வழக்கம்.
 கூட்டுறவுத் தொழிற்சாலைகளின் பொது மேலாளர் அருணாச்சலம், விவசாயிகளுக்கு பசுந்தேயிலைக்கான தொகையை வழங்க புதிய வங்கிக் கணக்கு தொடங்க உத்தரவிட்டுள்ளார்.
 அதன்படி, தாய்கோ வங்கியில் பசுந்தேயிலை விவசாயிகள் புதியதாக வங்கிக் கணக்குத் துவங்க ஏதாவது 2  அடையாள அட்டை நகல், 2 புகைப்படம் கொடுத்தால் வங்கி புத்தகத்துடன், ஏடிஎம் வழங்கப்படும். மேலும், விவசாயிகள் கூட்டுறவுத் தொழிற்சாலைகளில் விற்பனை செய்யும் பசுந்தேயிலைக்கான தொகைகளை நேரடியாக வங்கியில் செலுத்த நடவடிக்கை எடுக்கப்படும்.
 எனவே, புதியதாக வங்கிக் கணக்குத் துவங்க கூட்டுறவு தொழிற்சாலை ஆலைகளில் விண்ணப்பங்களைப் பெற்று, பூர்த்தி செய்து வழங்கலாம் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2017/oct/23/வங்கிக்-கணக்கு-துவங்க-கூட்டுறவு-தொழிற்சாலைகளில்-விண்ணப்பம்-அளிக்கலாம்-2794490.html
2794489 கோயம்புத்தூர் நீலகிரி குன்னூரில் இதமான காலநிலை: சுற்றுலாப் பயணிகள் மகிழ்ச்சி DIN DIN Monday, October 23, 2017 05:00 AM +0530 குன்னூரில் பெய்த பலத்த மழையைத் தொடர்ந்து இதமான காலநிலை நிலவுவதால் சுற்றுலாப் பயணிகள் மகிழ்ச்சி அடைந்துள்ளனர்.
 குன்னூரில் கடந்த சில நாள்களாக அடிக்கடி மழை பெய்து வருவதுடன், மேகமூட்டமும், இதமான காலநிலையும் மாறிமாறி நிலவுகிறது. இதனால், சிம்ஸ் பூங்கா, லேம்ஸ்ராக், டால்பின்நோஸ் போன்ற சுற்றுலா மையங்களைப் பார்வையிடவும்,
மலை ரயிலில் பயணம் செய்யவும் அதிக ஆர்வம் காட்டி வருகின்றனர். தற்போது வடமாநில சுற்றுலாப் பயணிகள், வெளிநாட்டு சுற்றுலாப் பயணிகளின் வருகை அதிகரித்துள்ளது.
  அதேபோல, குன்னூர், பேரக்ஸ் சாலையில் கன்டோண்மென்ட் நிர்வாகம் சார்பில் அமைக்கப்பட்டுள்ள ராணுவ வீரர்கள் போரிடுவது போன்ற உருவச் சிலைகள், மெட்ராஸ் ரெஜிமெண்ட் சென்டரின் யானை சின்னம், தண்ணீர் பவுண்டன் உள்ளிட்டவை சுற்றுலாப் பயணிகளை வெகுவாகக் கவர்ந்து வருகிறது.
 மேலும், இந்த இடத்தில்  புகைப்படம் எடுக்கவும், சுயபடம் எடுக்கவும் ராணுவத் தரப்பு  சார்பில்   அனுமதி அளிக்கபட்டுள்ளதால் சுற்றுலாப் பயணிள் மகிழ்ச்சி அடைந்துள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/23/குன்னூரில்-இதமான-காலநிலை-சுற்றுலாப்-பயணிகள்-மகிழ்ச்சி-2794489.html
2794488 கோயம்புத்தூர் நீலகிரி மின் உற்பத்தி: அணைகளில் 50 சதவீதம் தண்ணீர் இருப்பு DIN DIN Monday, October 23, 2017 04:59 AM +0530 நீலகிரி மாவட்டத்தில் தற்போதைய நிலையில் மின் உற்பத்திக்கு உதவும் அணைகளில் 50 சதவீத அளவுக்கு தண்ணீர் இருப்பில் உள்ளதாக அதிகாரிகள் தெரிவிதுள்ளனர்.
 நீலகிரி மாவட்டத்தில் குந்தா, கெத்தை, பரளி, பில்லூர், பைக்காரா, மாயாறு, சிங்காரா, பார்சன்ஸ் வேலி, காட்டுக்குப்பை உள்பட 12 மின் நிலையங்கள் மூலம் தினசரி 833.65 மெகாவாட் மின் உற்பத்தி மேற்கொள்ள முடியும். நடப்பு ஆண்டு தென்மேற்கு, வடகிழக்குப் பருவ மழை எதிர்பார்த்த அளவுக்குப் பெய்யாததால் அணைகள் நிரம்பவில்லை. ஏற்கெனவே அணைகளில் இருப்பில் உள்ள நீரும் மின் உற்பத்திக்குப் பயன்படுத்தப்படுவதால் நீர்மட்டம் குறைந்து வருகிறது. இதனால், கோடைக்காலத்தில் வறட்சி ஏற்பட வாய்ப்புள்ளது.
 எனவே, முன்னெச்சரிக்கையாக கோடையில் மின் உற்பத்தியில் பிரச்னை ஏற்படாமல் இருக்க மின் உற்பத்திக்குப் பயன்படும் முக்கிய அணைகளான அப்பர் பவானி, பைக்காரா, அவலாஞ்ஜி, குந்தா, கெத்தை, மாயாறு அணைகளில் நீர் வீணாகாமல் சேமிக்கப்பட்டு வருகிறது.
 இதுகுறித்து, குந்தா மேற்பார்வை செயற்பொறியாளர் ரகு கூறியதாவது:
 இந்த ஆண்டு மழை அளவு குறைந்துள்ளதால் குறைந்த அளவே மின் உற்பத்தி  செய்யப்பட்டுள்ளது. தற்போதைய நிலையில் மின் உற்பத்திக்கு உதவும் அணைகளில் 50 சதவீத அளவுக்கு தண்ணீர் இருப்பில் உள்ளது. கோடையில் மின் உற்பத்தியில் சிக்கல் இருக்காது என நம்புகிறோம். மின் உற்பத்திக்காக 12 மின் உற்பத்தி நிலையங்களில் உள்ள 32 யூனிட்டுகளும் தயார் நிலையில் உள்ளன. இருப்பினும் மழை பெய்யும்பட்சத்தில் பிரச்னைகளை எளிதாக சமாளிக்க முடியும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/23/மின்-உற்பத்தி-அணைகளில்-50-சதவீதம்-தண்ணீர்-இருப்பு-2794488.html
2794487 கோயம்புத்தூர் நீலகிரி உதகையில் 25-ஆம் தேதி: மாற்றுத் திறனாளிகளுக்கான விளையாட்டுப் போட்டிகள் DIN DIN Monday, October 23, 2017 04:59 AM +0530 உதகையில் மாற்றுத் திறனாளிகளுக்கான விளையாட்டுப் போட்டிகள் அக்டோபர் 25-ஆம் தேதி நடைபெறவுள்ளது.
 இதுதொடர்பாக, மாவட்ட விளையாட்டு அலுவலர் உ.தி.குமார் தெரிவித்துள்ளதாவது:
 நீலகிரி மாவட்டத்தில் உள்ள மாற்றுத் திறனாளிகளை ஊக்குவிக்கும் வகையில் மாவட்ட அளவிலான விளையாட்டுப் போட்டிகள் கை, கால் ஊனமுற்றோர், பார்வையற்றோர், மன நலம் பாதிக்கப்பட்டோர், காது கேளாதோர் என நான்கு பிரிவுகளில் நடத்தப்படுகிறது.
 இவர்களுக்கு இறகுப் பந்து, மேஜைப் பந்து, தடகளம், குண்டு எறிதல், வீல் சேர் பந்தயம்,  அடாப்டெட் வாலிபால், நின்ற நிலையில் தாண்டுதல், டென்னிஸ் பந்து எறிதல், எறிபந்து,  நீளம் தாண்டுதல், கபடி ஆகிய போட்டிகள் அண்ணா உள் விளையாட்டரங்கம், அரசு கலைக் கல்லூரி விளையாட்டு மைதானம் ஆகியவற்றில் நடத்தப்படுகின்றன.
 இப்போட்டிகளில் பங்கேற்பதற்கு ஒவ்வொரு போட்டியாளரும் அங்கீகரிக்கப்பட்ட மருத்துவரால் வழங்கப்பட்ட மருத்துவச் சான்று, மாவட்ட மருத்துவ அதிகாரியால் வழங்கப்பட்ட சான்று ஆகியவற்றைக் கண்டிப்பாகக் கொண்டு வர வேண்டும்.
 இப்போட்டிகளில் பங்கேற்க வயது வரம்பு கிடையாது. மாவட்ட அளவிலான போட்டிகளில் முதலிடம் பெறுபவர்கள் மாநில அளவிலான போட்டிகளுக்குத் தகுதி பெறுவர். தடகளப் போட்டிகளில் முதல் மூன்று இடங்களில் வெற்றி பெறுபவர்களுக்கு ரொக்கப் பரிசுடன் சான்றிதழும்,  குழு விளையாட்டுப் போட்டிகளில் முதல் இரண்டு இடங்களைப் பெறுவோருக்கு பதக்கத்துடன் சான்றிதழ்களும் வழங்கப்படும் எனத் தெரிவித்துள்ளார்.

 

]]>
http://www.dinamani.com/all-editions/edition-coimbatore/nilgiris/2017/oct/23/உதகையில்-25-ஆம்-தேதி-மாற்றுத்-திறனாளிகளுக்கான-விளையாட்டுப்-போட்டிகள்-2794487.html
2794486 கோயம்புத்தூர் நீலகிரி நீலகிரியில் 13 பேருக்கு டெங்கு காய்ச்சல்: புற நோயாளிகளாக 176 பேருக்கு சிகிச்சை DIN DIN Monday, October 23, 2017 04:58 AM +0530 நீலகிரி மாவட்டத்தில் டெங்கு காய்ச்சலால் 13 பேர் பாதிக்கப்பட்டுள்ளதாகவும், டெங்கு காய்ச்சலுக்காக 176 பேர் புற நோயாளிகளாக சிகிச்சை பெற்றுச் சென்றுள்ளதாகவும் நீலகிரி மாவட்ட சுகாதாரத் துறை இணை இயக்குநர் டாக்டர் ரகு பாபு தெரிவித்தார்.
 டெங்கு காய்ச்சல் தொடர்பாக உதகையில் தினமணி செய்தியாளரிடம் ஞாயிற்றுக்கிழமை அவர் தெரிவித்ததாவது:
 தமிழகத்தின் பிற பகுதிகளோடு ஒப்பிடுகையில் நீலகிரி மாவட்டத்தில் டெங்கு காய்ச்சல் அதிக அளவில் இல்லை. இருப்பினும், வெளி மாவட்டங்களில் வேலை செய்வோர், மாணவ, மாணவியர் ஆகியோர் அங்கு நோய்த் தொற்று ஏற்பட்டு நீலகிரிக்கு வரும்போது பாதிக்கப்படுகின்றனர்.
 ஞாயிற்றுக்கிழமை வரை நீலகிரி மாவட்டத்தில்  உதகை அரசு தலைமை மருத்துவமனையில் 4 பேருக்கும், குன்னூர் அரசு மருத்துவமனையில் 4 பேருக்கும் டெங்கு காய்ச்சலுக்காக சிகிச்சை அளிக்கப்பட்டு வருகிறது.
 இவர்களைத் தவிர தனியார் மருத்துவமனைகளில் 5 பேர் சிகிச்சை பெற்று வருகின்றனர்.  அவர்களும் ரத்த மாதிரிகளை உதகை அரசு தலைமை மருத்துவமனைக்கு அனுப்பியே உறுதி செய்து கொள்கின்றனர். சிகிச்சை மட்டும் தனியார் மருத்துவமனைகளில் அளிக்கப்படுகிறது. இவர்களைத் தவிர 37 பேர் பல்வேறு வைரஸ் காய்ச்சலால் பாதிக்கப்பட்டு சிகிச்சை பெற்று வருகின்றனர். இவர்களுக்கும் உரிய சிகிச்சை அளிக்கப்பட்டு வருகிறது.
  மேலும், டெங்கு காய்ச்சலின் காரணமாக கடந்த 1 மாதத்தில் 176 பேர் மாவட்டத்தில் உள்ள அரசு மருத்துவமனைகளில் புற நோயாளிகளாக சிகிச்சை பெற்றுச் சென்றுள்ளனர்.  அத்துடன்  கடந்த ஜனவரி மாதத்திலிருந்து இதுவரை  பல்வேறு பகுதிகளைச் சேர்ந்த 250 பேர் புற நோயாளிகளாக சிகிச்சை பெற்றுள்ளனர்.
 டெங்கு காய்ச்சலின் காரணமாக மாவட்டத்தில் உள்ள அனைத்துப் பகுதிகளிலும் ஆரம்ப சுகாதார நிலையங்கள் மூலமாக டெங்கு விழிப்புணர்வு நடவடிக்கைகள் மேற்கொள்ளப்பட்டுள்ளன. அதேபோல, பொதுமக்களுக்கும் இதன் தீவிரத் தன்மை குறித்து விவரிக்கப்பட்டுள்ளது.  தற்போது பிர்கா அளவிலான விழிப்புணர்வு நடவடிக்கைகள் எடுக்கப்பட்டு வருகின்றன.  அத்துடன்  இந்திய மருத்துவர் சங்கத்தின் மருத்துவர்களுக்கும் டெங்கு காய்ச்சல் தொடர்பாக தேவையான மருத்துவ சிகிச்சை முறைகள் குறித்து விவரிக்கப்பட்டு வருகிறது.
 நீலகிரி மாவட்டத்தைப் பொருத்தமட்டில் டெங்கு காய்ச்சலைத் தடுக்க போதிய அளவில் மருந்துகள் இருப்பில் வைக்கப்பட்டுள்ளன. அத்துடன் நிலவேம்புக் குடிநீரும் தொடர்ந்து வழங்கப்பட்டு வருகிறது. நிலவேம்புக் குடிநீர் பாதுகாப்பானது. இதைக் குறித்த அளவில் மட்டுமே பயன்படுத்த வேண்டும் என்றார்.
 நீலகிரி மாவட்டத்தில் டெங்கு காய்ச்சலின் தாக்கம்  குறைவாகவே இருந்தாலும்  வெளி மாவட்டங்களிலிருந்து வருவோரால் அதிகரிக்கக் கூடிய வாய்ப்புள்ளதால் நீலகிரி மாவட்ட ஆட்சியர் இன்னசென்ட் திவ்யா உதகையில் உள்ள அனைத்து வார்டுகளையும் நகராட்சி, சுகாதாரத் துறை அதிகாரிகளுடன் நேரில் ஆய்வு செய்து வருகிறார்.
கழிவுநீர், குப்பைகள் தேங்கியுள்ள பகுதிகளை நேரில் ஆய்வு செய்து அவற்றை  உடனடியாக அகற்றவும் நடவடிக்கை எடுத்து வருகிறார். இதேபோல, மாவட்டத்தின் பல்வேறு பகுதிகளுக்கும்
நியமிக்கப்பட்டுள்ள பொறுப்பு அதிகாரிகளும் சுகாதாரப் பணிகளில் தீவிரமாக ஈடுபட்டு வருகின்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/23/நீலகிரியில்-13-பேருக்கு-டெங்கு-காய்ச்சல்-புற-நோயாளிகளாக-176-பேருக்கு-சிகிச்சை-2794486.html
2793975 கோயம்புத்தூர் நீலகிரி டெங்கு கொசு ஒழிப்புப் பணி DIN DIN Sunday, October 22, 2017 05:46 AM +0530 கோத்தகிரி அருகே உள்ள கேர்பன் கிராமத்தில் டெங்கு கொசு ஒழிப்புப் பணி சனிக்கிழமை நடைபெற்றது.
கோத்தகிரி அருகே கேர்பன் கிராமத்தில் 100-க்கும் மேற்பட்ட குடும்பங்கள் வசித்து வருகின்றன. இப்பகுதியில் மாவட்ட நிர்வாகம் சார்பில் டெங்கு கொசுக்கள் உற்பத்தியாகாத வகையில் தண்ணீர் தேங்குவதைத் தடுக்கும் பணியும், மருந்து அடிக்கும் பணியும் நடைபெற்றது.
இப்பகுதியில் தண்ணீர்  தேங்கி நிற்கும் இடங்களை ஆய்வு செய்து அவற்றை மூடியிட்டு வைக்கவும். தண்ணீர் தேங்கும் வகையில் உள்ள வீணான தொட்டிகள், ஆட்டுக்கல், டயர்கள் உள்ளிட்டவற்றை அகற்ற வேண்டும் எனவும் அதிகாரிகள் அறிவுரை வழங்கினர். சுற்றுப்புறத்தை தூய்மையாக வைத்துக் கொள்ளத் தவறும்பட்சத்தில் அபராதம் விதிக்கப்படும் என்றும் எச்சரிக்கை விடுத்தனர்.

 

]]>
http://www.dinamani.com/all-editions/edition-coimbatore/nilgiris/2017/oct/22/டெங்கு-கொசு-ஒழிப்புப்-பணி-2793975.html
2793974 கோயம்புத்தூர் நீலகிரி கோத்தகிரியில் கால்பந்து அணி வீரர்கள் தேர்வு DIN DIN Sunday, October 22, 2017 05:46 AM +0530 நீலகிரி  மாவட்டத்துக்காக விளையாட 16 வயதுக்கு உள்பட்டோருக்கான கால்பந்து வீரர்கள் தேர்வு கோத்தகிரியில்  சனிக்கிழமை  நடைபெற்றது.
 தமிழகத்தில் உள்ள மாவட்டங்களுக்கிடையே 16 வயதுக்கு உள்பட்ட வீரர்கள் பங்குபெறும் கால்பந்துப் போட்டிகள் புதுக்கோட்டை மாவட்டத்தில் நவம்பரில் நடைபெற உள்ளது. இப்போட்டியில் பங்கேற்கும் நீலகிரி  மாவட்ட அணிக்கான வீரர்கள் தேர்வு கோத்தகிரி, காந்தி மைதானத்தில் நடைபெற்றது.
 நீலகிரி  மாவட்ட கால்பந்துக் கழகத்தின் துணைத் தலைவர் கோபாலகிருஷ்ணன், செயற்குழு உறுப்பினர் ரவி, தமிழ்நாடு விளையாட்டு மேம்பாட்டு ஆணைய பயிற்றுநர் மோகன் ஆகியோர் முன்னிலையில் இத்தேர்வு நடைபெற்றது. இதில், பல்வேறு பகுதிகளைச் சேர்ந்த 60-க்கும் மேற்பட்ட கால்பந்து வீரர்கள் பங்கேற்றனர்.
 குன்னூர், உதகை பகுதிகளைச் சேர்ந்த  32 வீரர்கள் தேர்ந்தெடுக்கப்பட்டு, இதிலிருந்து 16 பேர் உதகையில் நடைபெறும்
இறுதித் தேர்வில் தேர்வு செய்யப்படவுள்ளனர்.
தேர்வு செய்யப்படும் வீரர்களுக்கு சிறந்த கால்பந்து விளையாட்டுப் பயிற்சியாளர்களைக் கொண்டு பயிற்சி முகாம் நடத்தப்படவுள்ளது.
 இதில், தேர்வு செய்யப்படும் வீரர்கள் 2001-ஆம் ஆண்டுக்குப் பின் பிறந்தவர்கள் என்பதற்கான ஆதாரமாக பிறப்புச் சான்று, ஆதார்  அடையாள அட்டையைச் சமர்ப்பிக்க வேண்டும் எனத் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/nilgiris/2017/oct/22/கோத்தகிரியில்-கால்பந்து-அணி-வீரர்கள்-தேர்வு-2793974.html
2793973 கோயம்புத்தூர் நீலகிரி உதகையில் மதிமுக மாவட்டச் செயலர் மீது தாக்குதல்: மாநில நிர்வாகிகள் நலம் விசாரிப்பு DIN DIN Sunday, October 22, 2017 05:45 AM +0530 உதகையில் காவல் துறை டி.எஸ்.பி.யால் தாக்கப்பட்ட நீலகிரி மாவட்ட மதிமுக மாவட்டச் செயலர் அட்டாரி நஞ்சனை மதிமுக தலைமைக் கழக நிர்வாகிகள் அவரது இல்லத்தில் சனிக்கிழமை நேரில் சந்தித்து நலம் விசாரித்தனர்.
 நீலகிரி மாவட்ட மதிமுக மாவட்டச் செயலரான அட்டாரி நஞ்சனை விசாரணைக்காக காவல் துறை துணைக் கண்காணிப்பாளர் சங்கு அவரது அலுவலகத்துக்கு வெள்ளிக்கிழமை  வரவழைத்து விசாரித்துக் கொண்டிருந்தபோது திடீரென தாக்கியதாகக் கூறப்படுகிறது.
 இதில், காயமடைந்த அட்டாரி நஞ்சன் உதகை அரசு தலைமை மருத்துவமனையில் அனுமதிக்கப்பட்டார். இதனிடையே நீலகிரி மாவட்ட மதிமுக சார்பில் மாவட்ட காவல் கண்காணிப்பாளர் முரளி ரம்பாவிடம் இதுதொடர்பாக புகார் கொடுக்கப்பட்டது.
 அதைத் தொடர்ந்து, மாவட்ட கூடுதல் காவல் கண்காணிப்பாளர் பாஸ்கரன் முன்னிலையில்  பேச்சு வார்த்தை நடத்தப்பட்டது. அப்போது நடந்த சம்பவங்களுக்கு அட்டாரி நஞ்சனிடம் துணைக் காவல் கண்காணிப்பாளர் சங்கு வருத்தம் தெரிவித்ததால் வழக்கு ஏதும் பதியப்படவில்லை எனக் கூறப்பட்டது.
 இதனிடையே அட்டாரி நஞ்சன் மீதான தாக்குதலுக்கு படகர் தேச கட்சியின் சார்பில் கண்டனம் தெரிவிக்கப்பட்டதோடு,  உதகையில் ஆட்சியர் அலுவலகம் எதிரே  படகர் சமுதாயத்தின் சார்பில் கண்டன ஆர்ப்பாட்டம் திங்கள்கிழமை நடைபெறும் எனவும் தெரிவிக்கப்பட்டுள்ளது.
 இதனிடையே அட்டாரி நஞ்சன்  மீதான தாக்குதல் தொடர்பாக கட்சியின் பொதுச் செயலர் வைகோவிடம்  தகவல் தெரிவிக்கப்பட்டதையடுத்து, அவரும் காவல் துறை உயர் அதிகாரிகளிடம்  விசாரித்துள்ளார்.
 இதையடுத்து, கட்சியின் அவைத் தலைவர் திருப்பூர் சு.துரைசாமி,  மதிமுக பொருளர் அ.கணேசமூர்த்தி,  கோவை மாநகர் மாவட்ட செயலர் மோகன்குமார், நிர்வாகிகள், படகர் தேசம் கட்சியின் ஒருங்கிணைப்பாளர் மஞ்சை வி.மோகன் உள்ளிட்டோர் நேரில் சந்தித்து நலம் விசாரித்தனர்.
 திருப்பூர் சு.துரைசாமி செய்தியாளர்களிடம் கூறியதாவது:
 சிவில் வழக்குகளில் காவல் துறையினர் எப்போதும் தலையிடுவதில்லை. இதில், காவல் துறை அதிகாரி ஒருவர் தலையிட்டுள்ளது விவாதத்துக்கு உரியது. மாவட்டச் செயலர் தாக்கப்பட்ட சம்பவத்தில் காவல் துறையின் சார்பில் துணைக் காவல் கண்காணிப்பாளர் மீது  அடுத்த 15 நாள்களுக்குள் உரிய நடவடிக்கை  எடுக்காவிட்டால் கட்சியின் பொதுச் செயலர் வைகோ தலைமையில்  உதகையில் கண்டன ஆர்ப்பாட்டம் நடத்தப்படும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/22/உதகையில்-மதிமுக-மாவட்டச்-செயலர்-மீது-தாக்குதல்மாநில-நிர்வாகிகள்-நலம்-விசாரிப்பு-2793973.html
2793404 கோயம்புத்தூர் நீலகிரி அக்டோபர் 21 மின்தடை: உதகை, ஜெகதளா DIN DIN Saturday, October 21, 2017 07:41 AM +0530 உதகை, ஜெகதளா துணை மின் நிலையங்களில் நடைபெறவுள்ள மாதாந்திர பராமரிப்பு பணிகளின் காரணமாக இத்துணை மின் நிலையங்களுக்கு உள்பட்ட பகுதிகளில் அக்டோபர் 21-ஆம் தேதி (சனிக்கிழமை) காலை 9 முதல் பகல் 2 மணி வரை மின் விநியோகம் இருக்காது.
 மின் விநியோகம் தடைபடும் பகுதிகள்:
 உதகை துணை மின் நிலையம்: உதகை நகரம்,  பிங்கர்போஸ்டு,  காந்தல்,  தமிழகம்  ஹில்பங்க், கோடப்பமந்து,  முள்ளிக்கொரை,  சேரிங்கிராஸ்,  பாம்பேகேசில்,  கேத்தி,  நொண்டிமேடு, தலையாட்டுமந்து,  இத்தலார், எம்.பாலடா.
 ஜெகதளா துணை மின் நிலையம்: அருவங்காடு,  குன்னூர்,  பர்லியாறு, வண்டிசோலை,  சிங்காரா, வெலிங்டன், புரூக்லேண்டு, ஆடர்லி,  பெட்போர்டு,  ஓட்டுப்பட்டறை,  கரன்சி,  பேரட்டி,  சிம்ஸ் பூங்கா, இளித்தொரை,  ஒசஹட்டி,  உபதலை,  எடப்பள்ளி, மவுண்ட் பிளசண்ட்.

]]>
http://www.dinamani.com/all-editions/edition-coimbatore/nilgiris/2017/oct/21/அக்டோபர்-21-மின்தடை-உதகை-ஜெகதளா-2793404.html
2793403 கோயம்புத்தூர் நீலகிரி தகவல் உரிமைச் சட்ட விழிப்புணர்வுக் கூட்டம் DIN DIN Saturday, October 21, 2017 07:41 AM +0530 குன்னூர் மேரீஸ் மகளிர் மேல்நிலைப் பள்ளியில் தகவல் உரிமைச் சட்ட விழிப்புணர்வுக் கூட்டம் வெள்ளிக்கிழமை நடைபெற்றது.
 இக்கூட்டத்தில், மக்கள் சேவை மையத்  தலைவர் சு. மனோகரன் பேசுகையில், தகவல் பெறும் உரிமைச் சட்டம் மூலமாக மாணவ, மாணவியர் மத்தியில் கேள்வி கேட்கும் திறன் அதிகரிப்பதுடன், சமூக அவலங்களைத் தட்டி கேட்க ஏதுவாக அமைந்துள்ளது. லஞ்சத்தை ஒழிக்க முதல்படியாக அமைந்துள்ளது என்றார்.
 தகவல் அறியும் உரிமைச் சட்ட ஆர்வலர் தர்மசீலன் பேசுகையில், தகவல் என்றால் என்ன என்பதும், யார் யார் தகவல்களைத் தரலாம் என்பதையும் மாணவர்கள் அறிந்துகொள்ள வேண்டும் என்றார்.
 இதில், மாணவ, மாணவிகள், ஆசிரியர்கள் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/21/தகவல்-உரிமைச்-சட்ட-விழிப்புணர்வுக்-கூட்டம்-2793403.html
2793402 கோயம்புத்தூர் நீலகிரி குன்னூரில் இதமான காலநிலை: சுற்றுலாப் பயணிகள் மகிழ்ச்சி DIN DIN Saturday, October 21, 2017 07:41 AM +0530 குன்னூரில் பெய்த மழையைத் தொடர்ந்து இதமான காலநிலை நிலவுவதால் சுற்றுலாப் பயணிகள் மகிழ்ச்சி  அடைந்துள்ளனர்.
 குன்னூரில் கடந்த சில நாள்களாக அடிக்கடி மழை பெய்து வருவதுடன், மேகமூட்டமும், இதமான காலநிலையும் மாறிமாறி நிலவுகிறது. இந்நிலையில்,  கடந்த  மூன்று நாள்களுக்கு முன் பலத்த மழை பெய்ததால் குன்னூரில் இதமான காலநிலை நிலவி வருகிறது.
 இதனால், சிம்ஸ் பூங்கா, லேம்ஸ்ராக், டால்பின்நோஸ் போன்ற சுற்றுலா மையங்களைப் பார்வையிடவும், மலை ரயிலில் பயணம் செய்யவும் சுற்றுலாப் பயணிகள் அதிக ஆர்வம் காட்டி வருகின்றனர். தற்போது வடமாநில, வெளிநாட்டு சுற்றுலாப் பயணிகளின் வரத்தும் அதிகரித்துள்ளது.

]]>
http://www.dinamani.com/all-editions/edition-coimbatore/nilgiris/2017/oct/21/குன்னூரில்-இதமான-காலநிலை-சுற்றுலாப்-பயணிகள்-மகிழ்ச்சி-2793402.html
2793401 கோயம்புத்தூர் நீலகிரி பழங்குடி கிராமத்தில் எம்.எல்.ஏ. ஆய்வு DIN DIN Saturday, October 21, 2017 07:39 AM +0530 கூடலூரை அடுத்த முதுமலை புலிகள் காப்பகத்தில் உள்ள பழங்குடி கிராமத்தில் சட்டப் பேரவை உறுப்பினர் எம்.திராவிடமணி வெள்ளிக்கிழமை ஆய்வு செய்தார்.
 முதுமலை புலிகள் காப்பகத்துக்குச் சென்ற எம்.எல்.ஏ. திராவிடமணி, பழங்குடி மக்கள் வசிக்கும் பகுதியில் அடிப்படை வசதிகளான குடிநீர், தெருவிளக்கு, நடைபாதை போன்ற வசதிகள் பூர்த்தி செய்யப்பட்டுள்ளதா என்பது குறித்து ஆய்வு செய்தார்.
 தொடர்ந்து, அப்பகுதி மக்களிடம் குறைகளைக் கேட்டறிந்தார். தூய்மை திட்டத்தின்கீழ் கட்டப்பட்ட கழிவறைகள் தரமற்றதாக இருப்பதால் பயன்படுத்த முடியாமல் கிடக்கிறது. மேலும், அங்குள்ள பழங்குடி மக்களுக்கான நியாயவிலைக் கடையில் பொருள்கள் முழுமையாகக் கிடைப்பதில்லை. குறிப்பாக, மண்ணெண்ணெய் கிடைப்பதில்லை என்று புகார் தெரிவித்தனர். இதுகுறித்து, நடவடிக்கை எடுப்பதாக சட்டப் பேரவை உறுப்பினர் உறுதி அளித்தார்.

 

]]>
http://www.dinamani.com/all-editions/edition-coimbatore/nilgiris/2017/oct/21/பழங்குடி-கிராமத்தில்-எம்எல்ஏ-ஆய்வு-2793401.html
2793400 கோயம்புத்தூர் நீலகிரி உதகையில் இன்று நீதிமன்ற வளாக அடிக்கல் நாட்டு விழா: தலைமை நீதிபதி, அமைச்சர் பங்கேற்பு DIN DIN Saturday, October 21, 2017 07:39 AM +0530 உதகையில் சனிக்கிழமை நடைபெறவுள்ள ஒருங்கிணைந்த நீதிமன்றங்களுக்கான அடிக்கல் நாட்டு விழாவில், சென்னை உயர்நீதிமன்ற தலைமை நீதிபதி இந்திரா பானர்ஜி, சட்டத் துறை அமைச்சர் சி.வி.சண்முகம் உள்ளிட்டோர் பங்கேற்கின்றனர்.
 உதகையில் நீண்டகாலமாக இழுபறியில் இருந்து வந்த ஒருங்கிணைந்த நீதிமன்ற வளாகம் உதகை அருகே உள்ள காக்காதோப்பு பகுதியில் அமைக்கப்படுகிறது. இதற்கான பணிகள் கடந்த 15 ஆண்டுகளுக்கு முன் ஏற்கெனவே தொடங்கப்பட்டிருந்தாலும்,  வழக்குரைஞர்களுக்கும்,  நீதித்துறை அலுவலர்களுக்கும் இடையே  ஏற்பட்ட பிரச்னைகளின் காரணமாக இத்திட்டம் கிடப்பிலேயே போடப்பட்டிருந்தது.
 இந்நிலையில், காக்காதோப்பு பகுதியில் அமையவுள்ள ஒருங்கிணைந்த நீதிமன்ற வளாகத்துக்கு நீலகிரி மாவட்ட  வழக்குரைஞர்கள் சங்கம் தற்போது ஒப்புதல் தெரிவித்துள்ளதால் இதற்கான அடிக்கல் நாட்டு விழா  உதகையில் சனிக்கிழமை (அக்டோபர் 21) நடைபெறவுள்ளது.
 உதகையில் உள்ள பழங்குடியினர் பண்பாட்டு மையத்தில் நடைபெறவுள்ள இந்நிகழ்ச்சியில், சென்னை  உயர்நீதிமன்ற தலைமை நீதிபதி இந்திரா பானர்ஜி,  நீலகிரி மாவட்டத்துக்கான சென்னை உயர்நீதிமன்ற பொறுப்பு நீதிபதி  டி.கிருஷ்ணகுமார்,  சென்னை உயர்நீதிமன்ற நீதிபதி என்.சதீஷ்குமார் ஆகியோருடன் தமிழக சட்டத் துறை  அமைச்சர் சி.வி.சண்முகம்  உள்ளிட்டோர் பங்கேற்கின்றனர்.  இந்நிகழ்ச்சிக்கான ஏற்பாடுகளை நீலகிரி மாவட்ட நீதிபதி பி.வடமலை தலைமையில், நீலகிரி மாவட்ட வழக்குரைஞர்கள் சங்கத் தலைவர் ஆர்.தினேஷ், செயலர் எம்.சந்தோஷ்குமார் ஆகியோர் தலைமையிலான குழுவினர் செய்துள்ளனர்.

]]>
http://www.dinamani.com/all-editions/edition-coimbatore/nilgiris/2017/oct/21/உதகையில்-இன்று-நீதிமன்ற-வளாக-அடிக்கல்-நாட்டு-விழா-தலைமை-நீதிபதி-அமைச்சர்-பங்கேற்பு-2793400.html
2793399 கோயம்புத்தூர் நீலகிரி மதிமுக மாவட்டச் செயலர் டி.எஸ்.பி.யால் தாக்கப்பட்டதாகப் புகார் DIN DIN Saturday, October 21, 2017 07:39 AM +0530 நீலகிரி மாவட்ட  மதிமுக செயலர் அட்டாரி நஞ்சனை, உதகை டி.எஸ்.பி. தாக்கியதாகப் புகார் கூறப்பட்டுள்ளது.
 நீலகிரி மாவட்ட மதிமுக செயலராக இருப்பவர் அட்டாரி நஞ்சன். இவருக்கும் அவரது ஊரைச் சேர்ந்த சிலருக்கும்  நிலத்தகராறு இருந்ததாகவும்,  இதுதொடர்பாக  நீதிமன்றத்தில்  தொடரப்பட்ட  வழக்கில் அந்த ஊரைச் சேர்ந்தவர்களுக்குச் சாதகமாக உத்தரவு வந்துள்ளதாகவும் கூறப்படுகிறது.
 இத்தகவல் கிடைத்ததும் இந்நிலம் தொடர்பாக அட்டாரி நஞ்சன் அந்த  ஊருக்கே சென்று சம்பந்தப்பட்டவர்களிடம் தகராறில் ஈடுபட்டதாகவும் கூறப்பட்டது. இதையடுத்து, அட்டாரி நஞ்சன் மீது உதகை காவல் நிலையத்தில் புகாரும் அளிக்கப்பட்டிருந்தது.
 இதுதொடர்பாக, உதகை  ஊரக காவல் நிலையத்தில் துணைக் காவல் கண்காணிப்பாளர் சங்கு, அட்டாரி நஞ்சனை வெள்ளிக்கிழமை நேரில் அழைத்து விசாரணை நடத்தியுள்ளார். இந்த விசாரணையின்போது, துணைக் காவல் கண்காணிப்பாளர் தன்னை தாக்கியதாக அட்டாரி நஞ்சன் புகார் தெரிவித்துள்ளார். ஆனால்,  விசாரணையின்போது நாற்காலியிலிருந்து அவர் கீழே விழுந்துவிட்டதாலேயே காயமடைந்ததாக டி.எஸ்.பி. சங்கு தெரிவித்துள்ளார். இருப்பினும், அட்டாரி நஞ்சன் உடனடியாக உதகை அரசு தலைமை அரசு மருத்துவமனையில் அனுமதிக்கப்பட்டார்.

 

]]>
http://www.dinamani.com/all-editions/edition-coimbatore/nilgiris/2017/oct/21/மதிமுக-மாவட்டச்-செயலர்-டிஎஸ்பியால்-தாக்கப்பட்டதாகப்-புகார்-2793399.html
2793398 கோயம்புத்தூர் நீலகிரி செல்லிடப்பேசி கடையில் திருட்டு: தனிப்படை போலீஸார் விஜயவாடாவில் முகாம் DIN DIN Saturday, October 21, 2017 07:39 AM +0530 உதகையில் உள்ள தனியார் செல்லிடப்பேசி கடையில் பல லட்சம் ரூபாய் மதிப்பிலான செல்லிடப்பேசிகள் திருடப்பட்ட சம்பவம் தொடர்பாக, கொள்ளையர்களைப் பிடிக்க தனிப்படை போலீஸார் விஜயவாடாவில் முகாமிட்டுள்ளனர்.
 உதகையில் கமர்ஷியல் சாலையில் உள்ள ஒரு செல்லிடப்பேசி கடையில் தீபாவளி பண்டிகைக்கு முன்னர் பல லட்சம் ரூபாய் மதிப்பிலான விலை உயர்ந்த செல்லிடப்பேசிகள் திருடப்பட்டிருந்தன.
 இந்த கொள்ளை சம்பவத்தில் 5 பேர் ஈடுபட்டுள்ளதாகவும்,  இவர்கள் அனைவரும்  வட மாநிலங்களைச் சேர்ந்தவர்கள் என்பதும் முதல்கட்ட விசாரணையில் தெரியவந்துள்ளது.  அத்துடன் இந்த கும்பல் ஏற்கெனவே கேரளம், கர்நாடக மாநிலங்களிலும் திருடப்பட்டுள்ளது தெரிய வந்துள்ளது.
 இதையடுத்து, இதற்காக அமைக்கப்பட்ட தனிப்படை போலீஸார் தற்போது ஆந்திர மாநிலம்,விஜயவாடா பகுதியில் முகாமிட்டுள்ளனர். இந்த திருடர்கள் பிடிபட்டால் உதகையில் மட்டுமின்றி கேரளம், கர்நாடக மாநிலங்களிலும் நடைபெற்ற திருட்டுச் சம்பவங்கள் குறித்த விவரங்களும்  தெரியவரும் எனக் கூறப்படுகிறது.

 

]]>
http://www.dinamani.com/all-editions/edition-coimbatore/nilgiris/2017/oct/21/செல்லிடப்பேசி-கடையில்-திருட்டு-தனிப்படை-போலீஸார்-விஜயவாடாவில்-முகாம்-2793398.html
2792718 கோயம்புத்தூர் நீலகிரி நீலகிரியில் பிளாஸ்டிக் காகித டம்ளர்களுக்கு தடை DIN DIN Friday, October 20, 2017 05:52 AM +0530 நீலகிரி மாவட்டத்தில் பிளாஸ்டிக், காகித டம்ளர்களுக்கு தடை விதித்து மாவட்ட ஆட்சியர் இன்னசென்ட் திவ்யா உத்தரவிட்டுள்ளார்.
இதுகுறித்து அவர் வெளியிட்ட அறிக்கை:
நீலகிரி மாவட்டத்தில் சுற்றுச்சூழல் மாசுபடுவதைத் தடுக்கவும்,  சுற்றுச்சூழலைப் பாதுகாத்திடவும் அனைத்து வகையான பிளாஸ்டிக் பொருள்களுக்கும் தடை விதிக்கப்பட்டுள்ளது.  அதன் தொடர்ச்சியாக காகித டம்ளர்களில் கலந்திருக்கும் மெழுகால்  உடல்நலத்துக்கு ஏற்படும் தீங்கைத் தடுக்கும் பொருட்டும், பிளாஸ்டிக்  டம்ளர்களால் ஏற்படும் தீங்கைத் தடுக்கும் பொருட்டும் திருமண மண்டபங்கள்,  மதுக் கூடங்கள்,  உணவகங்கள், சுற்றுலாப் பகுதிகளை சுற்றியுள்ள கடைகள் உள்ளிட்ட அனைத்து இடங்களிலும் காகித,  பிளாஸ்டிக் டம்ளர்களை பயன்படுத்துவது முற்றிலும் தடை செய்யப்படுகிறது.
 எனவே,  பொதுமக்கள் பிளாஸ்டிக், காகித டம்ளர்களுக்கு மாற்றாக  எவர்சில்வர் டம்ளர்கள், கண்ணாடி டம்ளர்கள், மண் குடுவைகளைப் பயன்படுத்துமாறு கேட்டுக் கொள்ளப்படுகின்றனர்.
அதேபோல,  வியாபாரிகளும் பொதுமக்களுக்கு காகித, பிளாஸ்டிக் டம்ளர்களை விற்கக் கூடாது. உணவகங்களில் தயார் செய்யப்பட்டுள்ள உணவுப் பொருள்களை பிளாஸ்டிக் கவர்களில் அடைத்து விற்பனை செய்வதும் முழுவதுமாகத் தடை செய்யப்படுகிறது.
 நீலகிரி மாவட்டத்தின் அனைத்துப் பகுதிகளிலும் பிளாஸ்டிக்,  காகித டம்ளர்கள்,  உணவுப் பொருள்களை பிளாஸ்டிக்  கவர்களில் பயன்படுத்துவது  கண்டறியப்பட்டால் சம்பந்தப்பட்டவர்கள் மீது கடும் நடவடிக்கை மேற்கொள்ளப்படும்.
இதையையும் மீறி விற்பனையில் ஈடுபடும் மொத்த விற்பனையாளர்களுக்கு ரூ. 20,000, சில்லறை விற்பனையாளர்களுக்கு ரூ. 5,000  அபராதம் விதிக்கப்படும். இந்த உத்தரவு உடனடியாக அமலுக்கு வருவதாகவும் அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/nilgiris/2017/oct/20/நீலகிரியில்-பிளாஸ்டிக்-காகித-டம்ளர்களுக்கு-தடை-2792718.html
2792717 கோயம்புத்தூர் நீலகிரி நீலகிரியில் இன்று அம்மா திட்ட சிறப்பு முகாம் DIN DIN Friday, October 20, 2017 05:51 AM +0530 நீலகிரி மாவட்டத்திலுள்ள அனைத்து வட்டங்களிலும் அம்மா திட்ட சிறப்பு  முகாம் வெள்ளிக்கிழமை நடைபெறவுள்ளது.
உதகை வட்டத்தில் வண்ணாரப்பேட்டை சமுதாயக் கூடத்திலும்,  குன்னூர் வட்டத்தில் பெள்ளட்டி மட்டம் சமுதாயக் கூடத்திலும்,  கோத்தகிரி வட்டத்தில் மல்லிக்கொரை சமுதாயக் கூடத்திலும்,  குந்தா வட்டத்தில் கெத்தை சமுதாயக் கூடத்திலும்,  கூடலூர் வட்டத்தில் மச்சிக்கொல்லி ஊராட்சி ஒன்றிய நடுநிலைப் பள்ளி வளாகத்திலும்,  பந்தலூர் வட்டத்தில் சேரங்கோடு சமுதாயக் கூடத்திலும் அம்மா திட்ட சிறப்பு முகாம் நடைபெறும் என்றும்,  சம்பந்தப்பட்ட பகுதிகளைச் சேர்ந்த பொதுமக்கள் இதில் பங்கேற்று தங்கள் பிரச்னைகளுக்குத் தீர்வு காணலாம் என தெரிவிக்கப்பட்டுள்ளது.

 

 

]]>
http://www.dinamani.com/all-editions/edition-coimbatore/nilgiris/2017/oct/20/நீலகிரியில்-இன்று-அம்மா-திட்ட-சிறப்பு-முகாம்-2792717.html
2792716 கோயம்புத்தூர் நீலகிரி மேராக்காய் விலை குறைவு: விவசாயிகள் கவலை DIN DIN Friday, October 20, 2017 05:51 AM +0530 மஞ்சூர் சுற்றுவட்டாரப் பகுதியில் மேராக்காய் மகசூல் அதிகரிப்பால் அதன் விலை குறைந்துள்ளது. இதனால் விவசாயிகள் கவலை அடைந்துள்ளனர்.
நீலகிரி மாவட்டத்தில் தேயிலைக்கு அடுத்தபடியாக காய்கறி விவசாயம் அதிக அளவில் நடைபெற்று வருகிறது.  இதில் குறைந்த முதலீட்டில் கூடுதல் வருமானம் கிடைக்கும் மேராக்காய் விவசாயத்தை மஞ்சூர் சுற்றுவட்டாரப் பகுதிகளைச் சேர்ந்த பெரும்பாலான விவசாயிகள் மேற்கொண்டு வருகின்றனர். விவசாய இடுபொருள்களின் விலை பன்மடங்கு உயர்ந்துள்ளதால் பெரும்பாலான விவசாயிகள் கடன் வாங்கி இத்தொழிலில் ஈடுபட்டு வருகின்றனர்.
இந்நிலையில் காலநிலை மாற்றத்தால் மேராக்காய் மகசூல் அதிகரித்துள்ளது. இதனால் ஒரு கிலோ மேராக்காய் ரூ. 3 முதல் ரூ. 4-க்கு மட்டுமே விவசாயிகளிடம் கொள்முதல் செய்யப்படுகிறது.
இதுகுறித்து விவசாயி ராஜ்குமார் கூறியதாவது:
கால நிலை மாற்றத்தால் மேராக்காய் விவசாயம் அதிகரித்துள்ளது. நவம்பர், டிசம்பர் மாதங்களில் உறை பனியால் கொடிகள் காய்ந்து கருகும் நிலை ஏற்படும் என்பதால் தற்போது காய்களை அறுவடை செய்யும் நிலை ஏற்பட்டுள்ளது. இந்நிலையில் மகசூல் அதிகரித்துள்ளால் தற்போது காய்கறி மண்டிகளில் விலை குறைத்து வழங்கப்படுகிறது. கோவை,  மேட்டுப்பாளையம் உள்ளிட்ட  காய்கறி மண்டிகளில் ஒரு கிலோ சாதாரண மேராக்காய் ரூ. 3 முதல் ரூ. 4 வரையிலும்,  உயர் ரக மேராக்காய் ரூ. 5 முதல் ரூ. 7-க்கு விற்பனை செய்யப்பட்டு வருகிறது.  கிலோவுக்கு ரூ. 8 முதல் ரூ.10 வரை விலை கிடைத்தால் மட்டுமே எங்களுக்கு அசல் தொகை கிடைக்கும். ஆனால் குறைந்த விலை கிடைப்பதால் விவசாயிகள் பெரும் பொருளதார நெருக்கடியில் சிக்கி தவித்து வருகின்றனர் என்றார்.

 

 

]]>
http://www.dinamani.com/all-editions/edition-coimbatore/nilgiris/2017/oct/20/மேராக்காய்-விலை-குறைவு-விவசாயிகள்-கவலை-2792716.html
2792271 கோயம்புத்தூர் நீலகிரி முட்டைகோஸ் விளைச்சலில் விவசாயிகள் ஆர்வம் DIN DIN Wednesday, October 18, 2017 05:15 AM +0530 கோத்தகிரி சுற்று வட்டாரப் பகுதிகளில் முட்டைகோஸ் விளைச்சலில் விவசாயிகள் அதிக ஆர்வம் காட்டி வருகின்றனர்.
நீலகிரி மாவட்டத்தில் தேயிலை விவசாயத்துக்கு அடுத்தபடியாக கேரட், முட்டைகோஸ், முள்ளங்கி, உருளைக்கிழங்கு, பீட்ரூட், பீன்ஸ் உள்ளிட்ட மலைக் காய்கறிகள் பயிரிடப்படுகின்றன. கோத்தகிரி வட்டத்தைப் பொருத்தமட்டில் நெடுகுளா, மிளிதேன், வ.உ.சி. நகர், சுள்ளிகூடு, கூக்கல்தொரை, கட்டபெட்டு சுற்று வட்டாரப் பகுதிகளில் அதிக பரப்பளவில் மலைக் காய்கறிகள் சாகுபடி செய்யப்படுகின்றன.
நடப்பு ஆண்டு முட்டைகோஸ் பயிரை கணிசமான பரப்பளவில் விவசாயிகள் பயிரிட்டு பாதுகாத்து வருகின்றனர். நீலகிரி மாவட்டத்தில் கடந்த சில நாள்களாகத் தொடர்ந்து மழை பெய்து வருவதால் முட்டைகோஸ் மகசூல் அதிகரித்துள்ளது.
கடந்த சில நாள்களுக்கு முன் ஒரு கிலோ முட்டைகோஸ் ரூ. 15-க்கு விலைபோனது. இந்த விலை விவசாயிகளுக்குப் போதுமானதாக இல்லை என்பதால் விவசாயிகளுக்கு முதல்கூட கிடைக்காமல் இழப்பைச் சந்தித்தனர். தற்போது, ஒரு கிலோ முட்டைகோஸ் ரூ. 35 முதல் அதிகப்பட்சமாக ரூ. 40 வரை விலை கிடைப்பதால் விவசாயிகள் மகிழ்ச்சி அடைந்துள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/18/முட்டைகோஸ்-விளைச்சலில்-விவசாயிகள்-ஆர்வம்-2792271.html
2791705 கோயம்புத்தூர் நீலகிரி இந்தியாவின் வெளியுறவுக் கொள்கையில் மாற்றம் இல்லை:  வெளியுறவுத் துறை  முன்னாள் செயலர் நிருபமா ராவ் DIN DIN Tuesday, October 17, 2017 06:49 AM +0530 இந்தியாவில் அரசுகள் மாறினாலும், ஆட்சியாளர்கள் மாறினாலும் வெளியுறவுத் துறையின் கொள்கைககள் மட்டும் இன்னமும் ஸ்திரமாகவே இருப்பதாக வெளியுறவுத் துறை முன்னாள் செயலர் நிருபமா ராவ் தெரிவித்தார்.
உதகையில் செய்தியாளர்களிடம் அவர் திங்கள்கிழமை கூறியதாவது: இந்தியாவில் ஆட்சிகள் மாறினாலும்,  அரசுகள் மாறினாலும் வெளியுறவுத் துறையின் கொள்கைகள் இன்னமும் ஸ்திரமாகவே உள்ளன.  இதன் காரணமாகவே  ரஷியா, சீனா மற்றும் இலங்கை உள்ளிட்ட நாடுகளுடனான இந்தியாவின் நட்பு தொடர்ந்து அதே நிலையிலேயே நீடிக்கிறது.  
அடுத்த நூற்றாண்டிலும் இந்தியாவிலுள்ள  இளைஞர்கள் தங்களது கொள்கைகள்  மற்றும் கோட்பாடுகளை இந்தியாவின் வளர்ச்சிக்காகவே  வெளிப்படுத்துவர் என்பதால்  இந்தியர்கள் எவரும்  வெளியுறவுத் துறையின் கொள்கைகள் குறித்து எப்போதும் சந்தேகப்பட வேண்டியதில்லை.
மத்திய அரசின் தூய்மை பாரத இயக்கம் அனைத்துப் பகுதிகளிலும் நல்ல வரவேற்பை பெற்றுள்ளது.  இத்தகைய திட்டத்தை நீலகிரி உள்ளிட்ட அனைத்து சுற்றுலா மாவட்டங்களிலும் முழுமையாக அமல்படுத்த வேண்டும்.  
அதேபோல,  நீலகிரி மாவட்டத்தில் செயல்படுத்தப்பட்டு வரும் பிளாஸ்டிக் ஒழிப்பு திட்டம் நாட்டிலுள்ள அனைத்துப் பகுதிகளிலும் கட்டாயமாக்கப்படவும் வேண்டும். அனைத்து இளைஞர்களும் தங்களது எதிர்காலத்தை மாணவப் பருவத்திலேயே தீர்மானித்து அதற்கேற்றாற்போல செயல்பட வேண்டும் என்றார்.
கர்நாடக  மாநில முன்னாள் தலைமைச் செயலர் சுதாகர் ராவ்,  குட்ஷெப்பர்டு சர்வதேச பள்ளியின் முதல்வர் பி.சி.தாமஸ்,  பள்ளியின் துணை முதல்வர் எல்சம்மா தாமஸ் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/17/இந்தியாவின்-வெளியுறவுக்-கொள்கையில்-மாற்றம்-இல்லை--வெளியுறவுத்-துறை--முன்னாள்-செயலர்-நிருபமா-ராவ்-2791705.html
2791704 கோயம்புத்தூர் நீலகிரி பெள்ளத்திக்கம்பை பழங்குடியின மக்களுக்கு புத்தாடை, இனிப்பு வழங்கிய போலீஸார் DIN DIN Tuesday, October 17, 2017 06:49 AM +0530 மஞ்சூர் அருகே பெள்ளத்திக்கம்பை பழங்குடியின கிராம மக்களுக்கு காவல் துறை சார்பில் புத்தாடை, இனிப்பு ஆகியவற்றை ஞாயிற்றுகிழமை  வழங்கப்பட்டது.
நீலகிரி மாவட்ட  வனப்பகுதியையொட்டி தமிழக-கேரள மாநில எல்லைப் பகுதி  உள்ளது.  இங்கு இருளர்,  குறும்பர்,  பனியர், காட்டுநாயக்கர்,  தொதவர்,  கோத்தர் ஆகிய பழங்குடியின மக்கள் வசித்து வருகின்றனர்.
இந்நிலையில் இப்பகுதிகளில் மாவோயிஸ்ட்டுகள் ஊடுவருலலைத் தடுக்க மாவட்ட நிர்வாகம் மற்றும் காவல் துறை சாபில் பழங்குடியின மக்களுக்கு  அடிப்படை வசதிகள், வேலைவாய்ப்பு உள்ளிட்ட  பல்வேறு வகையிலான உதவிகளை ஏற்படுத்தி கொடுத்து வருகின்றனர்.
இந்நிலையில்,  மாவட்ட காவல் கண்காணிப்பாளர் முரளிரம்பா,  நெடுகல்கம்பை, மூப்பர்காடு,  பெள்ளத்திக்கம்பை,  தும்பனேரிகம்பை,  தனியகண்டி,  ஜேஜே நகர் ஆகிய கிராமங்களில் ஞாயிற்றுக்கிழமை நேரில் ஆய்வு மேற்கொண்டார்.
அப்போது அங்குள்ள மக்களுக்கு டெங்கு காய்ச்சல் பரவாமல் இருக்க நிலவேம்புக் குடிநீர் போலீஸார் சார்பில் வழங்கப்பட்டது. தொடர்ந்து அங்குள்ள மக்களுக்கு தீபாவளி பண்டிகையையொட்டி புத்தாடை,  இனிப்புகள் வழங்கப்பட்டன.
முன்னதாக போலீஸாரை வரவேற்கும் வகையில் குழந்தைகளின் கலைநிகழ்ச்சிகள் நடைபெற்றன. நிகழ்ச்சியில் மாவட்ட கூடுதல் காவல் கண்காணிப்பாளர் பாஸ்கரன், காவல் துணைக் கண்காணிப்பாளர் முத்தமிழ் (குன்னூர்),  திருமேனி (உதகை), ஆய்வாளர்கள் ராஜ்குமார் (மஞ்சூர்),  கணகேசன் (கொலக்கம்பை),  வனத் துறையினர் உள்பட பலர்
கலந்து கொண்டனர்.
இந்நிகழ்ச்சியில் பெள்ளத்திக்கம்பை,  தும்பனேரிகொம்பை பழங்குடியின  கிராமங்களில் அரசு சார்பில் கட்டிக்கொடுக்கப்பட்ட குடியிருப்புகள் பழுதடைந்த நிலையில் உள்ளதால் அதை உடனடியாக சீரமைத்து  தர வேண்டுமென  பொதுமக்கள் கோரிக்கை வைத்தனர்.
இதையடுத்து,  சம்பந்தப்பட்ட துறை அதிகாரிகள் நேரில் ஆய்வு மேற்கொண்டு பாதிப்படைந்த வீடுகளை புனரமைக்க உரிய நடவடிக்கை எடுக்க பரிந்துரை செய்யப்படும் என காவல் துறையினர் தெரிவித்தனர்.

 

]]>
http://www.dinamani.com/all-editions/edition-coimbatore/nilgiris/2017/oct/17/பெள்ளத்திக்கம்பை-பழங்குடியின-மக்களுக்கு-புத்தாடை-இனிப்பு-வழங்கிய-போலீஸார்-2791704.html
2791703 கோயம்புத்தூர் நீலகிரி முதுமலை புலிகள் காப்பகத்தில் வன உயிரினப் பயிற்சி முகாம் DIN DIN Tuesday, October 17, 2017 06:49 AM +0530 கூடலூரை அடுத்துள்ள முதுமலை புலிகள் காப்பகத்தில் வன உயிரின, ஊர்வன குறித்த பயிற்சி முகாம், கருத்தரங்கு திங்கள்கிழமை தொடங்கியது.
  முதுமலை புலிகள் காப்பகத்திலுள்ள தெப்பக்காடு பல்நோக்கு பயிற்சி அரங்கில் நடைபெற்ற இக்கருத்தரங்கில் பாம்பு, பல்லி உள்ளிட்ட ஊர்வன குறித்தும்,  அவற்றின் வாழ்க்கை முறைகள் குறித்தும் பெங்களூர் ஆராய்ச்சி மையத்தைச் சேர்ந்த ஆராய்ச்சியாளர்கள் சைதன்யா, வரதகிரி, அபிஜித்தாஸ் ஆகியோர் விளக்கமளித்தனர்.
  முதுமலை புலிகள்காப்பக கள இயக்குநர் ஸ்ரீனிவாஸ் ஆர். ரெட்டி முகாமைத் தொடக்கிவைத்தார்.
 இதில், வன உயிரின ஆர்வலர்கள் பயிற்சியளித்தனர். பாம்புகளைப் பிடிப்பது,  அவற்றை பாதுகாப்புடன் வனத்தில் விடுவிப்பது குறித்து செயல்விளக்கம் அளிக்கப்பட்டது. இந்தப் பயிற்சி முகாமில் உதகை அரசு கலைக் கல்லரியின் வன உயிரின மாணவர்கள் மற்றும் வனத் துறையினர்,  தன்னார்வலர்கள் கலந்துகொண்டனர். முகாமுக்கான ஏற்பாடுகளை உதவி வனப் பாதுகாவலர் சுந்தராஜன் செய்திருந்தார்.

 

]]>
http://www.dinamani.com/all-editions/edition-coimbatore/nilgiris/2017/oct/17/முதுமலை-புலிகள்-காப்பகத்தில்-வன-உயிரினப்-பயிற்சி-முகாம்-2791703.html
2790983 கோயம்புத்தூர் நீலகிரி உதகையில் மலை ரயில் தினம் கொண்டாட்டம் DIN DIN Monday, October 16, 2017 05:52 AM +0530 உதகைக்கு மலை ரயில் இயக்கப்பட்ட  தினம் ஞாயிற்றுக்கிழமை கொண்டாடப்பட்டது.
ஆங்கிலேயர் ஆட்சிக்காலத்தில் மேட்டுப்பாளையத்திலிருந்து குன்னூருக்கு மட்டும் முதன் முதலில் மலை ரயில் பாதை அமைக்கப்பட்டது. அதன்பின்னரே குன்னூரிலிருந்து உதகைக்கு மலை ரயில் பாதை அமைக்கப்பட்டு ரயில் சேவை தொடங்கியது.  உதகைக்கு மலை ரயில் இயக்கப்பட்ட தினமே மலை ரயில் தினமாக அனுசரிக்கப்பட்டு வருகிறது.
இந்நிலையில்,  109-ஆவது ஆண்டு மலை ரயில் தின நிகழ்ச்சிகள் உதகை ரயில் நிலையத்தில் ஞாயிற்றுக்கிழமை நடைபெற்றன. மலை ரயில் பாரம்பரிய நீராவி  ரத அறக்கட்டளையின் சார்பில் நடைபெற்ற இந்நிகழ்ச்சியில் உதகை ரயில் நிலையத்தில் சுற்றுலாப் பயணிகளுக்கு உற்காக வரவேற்பு அளிக்கப்பட்டதோடு,  பிரமாண்ட  கேக்கும் வெட்டப்பட்டது.  
அதைத் தொடர்ந்து சுற்றுலாப் பயணிகளுக்கு நீலகிரி மலை ரயில் தொடர்பான விளக்க கையேடு பிரதிகள் பரிசாக வழங்கப்பட்டன.  பின்னர் உதகை ரயில் நிலையம் தூய்மையான ரயில் நிலையமாக அறிவிக்கப்பட்டுள்ளதற்கு பாராட்டுத் தெரிவித்தும்,  அதற்கான முயற்சிகளை எடுத்ததற்கும் உதகை ரயில் நிலைய அலுவலர் பிரமோத்துக்கு சிறப்பு பரிசு வழங்கப்பட்டது.  அதேபோல,  ரயில்வே பாதுகாப்பு படை மற்றும்  ரயில்வே காவல் துறையினருக்கும்,   உதகை மலை ரயில் பாதையில் சிறப்பாக  செயல்பட்டுவரும் கேங் மேன் ஜெயராஜ், முருகன் ஆகியோருக்கும்  சிறப்பு பரிசுகள் வழங்கப்பட்டன.
இதில் இயற்கை பாதுகாப்பு அமைப்புகளின் சார்பில் நீலகிரி அன்றும்-இன்றும் என்ற தலைப்பில் புகைப்படக் கண்காட்சி நடைபெற்றது.
இந்நிகழ்ச்சியில்,  இந்திய அணுசக்தி ஆணையத்தின் முன்னாள் தலைவர் டாக்டர் எம்.ஆர்.சீனிவாசன்,  இண்டாக் அமைப்பின் தலைவர் கீதா சீனிவாசன்,  மாநிலங்களவை உறுப்பினர் கே.ஆர்.அர்ஜுணன்,   நீலகிரி பாரம்பரிய நீராவி ரத அறக்கட்டளையின் தலைவர் நடராஜ்,  மாவட்ட  சுற்றுலா அலுவலர் ராஜன், வியாபாரிகள் சங்கத் தலைவர் பரமேஸ்வரன் உள்ளிட்ட பலர் பங்கேற்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/16/உதகையில்-மலை-ரயில்-தினம்-கொண்டாட்டம்-2790983.html
2790982 கோயம்புத்தூர் நீலகிரி குன்னூரில் நாய்கள் கண்காட்சி:  வீடுகளில் வளர்க்கப்படும் நாய்கள் பங்கேற்பு DIN DIN Monday, October 16, 2017 05:52 AM +0530 குன்னூரில் இரண்டாவது நாளாக ஞாயிற்றுக்கிழமை நடைபெற்ற நாய்கள் கண்காட்சியில் தென் மாநில அளவில் வீடுகளில் வளர்க்கப்படும் நாய்கள் பங்கேற்றன.
நீலகிரி கெனல் கிளப் சார்பில் வெலிங்டன்  கன்டோண்மென்ட்  மைதானத்தில் நாய்கள் கண்காட்சி சனிக்கிழமை  துவங்கியது. இதில்,  காவல்துறை,  ராணுவம், ரயில்வே துறைகளில் குற்றங்களைக்  கண்டறிய  பயன்படுத்தப்படும் ஜெர்மன் ஷெப்பர்டு நாய்கள் பங்கேற்றன.
இரண்டாவது நாளாக ஞாயிற்றுக்கிழமை  நடைபெற்ற கண்காட்சியில் வீடுகளில் வளர்க்கப்படும் டாபர்மேன்,  கிரேடேன்,  ஜெர்மன்ஷெப்பர்டு,  லேபர் டாக் உள்ளிட்ட உயர்தர நாய்கள் பங்கேற்றன.  இவை  கட்டளைகளுக்கு கீழ்படிதல்,  மோப்பத் திறன்,  நாய்களின் ரகம்  உள்ளிட்ட பிரிவுகளின்  கீழ் தேர்ந்தெடுக்கப்பட்டன. சிறந்த நாய்களுக்கு கெனல்கிளப்பை சேர்ந்த அஞ்சலி,  பெங்களூரைச் சேர்ந்த திருவடி ஆகியோர் பரிசுகளை வழங்கிப் பாராட்டினர்.

 

]]>
http://www.dinamani.com/all-editions/edition-coimbatore/nilgiris/2017/oct/16/குன்னூரில்-நாய்கள்-கண்காட்சி--வீடுகளில்-வளர்க்கப்படும்-நாய்கள்-பங்கேற்பு-2790982.html
2790713 கோயம்புத்தூர் நீலகிரி வால்பாறை அருகே யானைகள் தாக்கி குடியிருப்புகள் சேதம் DIN DIN Sunday, October 15, 2017 05:34 AM +0530 கோவை மாவட்டம், வால்பாறை அருகே யானைகள் தாக்கி தொழிலாளர்களின் குடியிருப்புகள் சேதமடைந்தன.
வால்பாறையை அடுத்த பன்னிமேடு எஸ்டேட்டின் பங்களா டிவிஷனுக்குள் குட்டியுடன் கூடிய 5 யானைகள் வெள்ளிக்கிழமை இரவு புகுந்தன. அவை அங்குள்ள தொழிலாளர்கள் குடியிருப்பின் ஜன்னல், கதவுகளை இடித்து தள்ளின. சப்தம் கேட்டு எழுந்த தொழிலாளர்கள் பின்பக்கம் வழியாகத் தப்பினர்.
இதையடுத்து, குடியிருப்புகளுக்குள் இருந்த பாத்திரங்களை வெளியே இழுத்துப் போட்டு சேதப்படுத்தின. தகவலறிந்து வந்த வனத் துறையினர், பொதுமக்களுடன் இணைந்து யானையை அப்பகுதியில் இருந்து விரட்டினர்.
ஆனால், அந்த யானைகள் வனத்துக்குள் செல்லாமல் சனிக்கிழமை காலை வரை அப்பகுதியிலேயே ஓய்வெடுத்தன. பின்னர், நீண்ட நேரம் கழித்து அவை வனத்துக்குள் சென்றன.

 

]]>
http://www.dinamani.com/all-editions/edition-coimbatore/nilgiris/2017/oct/15/வால்பாறை-அருகே-யானைகள்-தாக்கி-குடியிருப்புகள்-சேதம்-2790713.html
2790712 கோயம்புத்தூர் நீலகிரி குன்னூரில் நாய்கள் கண்காட்சி தொடக்கம் DIN DIN Sunday, October 15, 2017 05:34 AM +0530 நீலகிரி கெனல் கிளப் சார்பில் இரண்டு நாள்கள் நடைபெறும் நாய்கள் கண்காட்சி சனிக்கிழமை தொடங்கியது.
நீலகிரி மாவட்டத்தில் ஒவ்வோர் ஆண்டும் கோடை சீசன், 2-ஆவது சீசன் காலங்களில் நாய்கள் கண்காட்சி நடத்தப்படுவது வழக்கம். நீலகிரி கெனல் கிளப் சார்பில் 2 நாள்கள் நாய்கள் கண்காட்சி குன்னூர், கன்டோண்மென்ட் மைதானத்தில் தொடங்கியது.
காவல் துறை, ராணுவம், ரயில்வே காவல் நிலையங்களில் குற்றங்களைக் கண்டறிய பயன்படுத்தப்படும் ஜெர்மன் ஷெப்பர்டு நாய்கள் கண்காட்சி நடைபெற்றது. இக்கண்காட்சயில், கட்டளைகளுக்கு கீழ்படிதல், மோப்பத் திறன், நாய்களின் ரகம் உள்ளிட்ட நிகழ்ச்சிகள் நடத்தப்பட்டன.
கண்காட்சியின் நடுவர்களாக மும்பையைச் சேர்ந்த அஞ்சலி, பெங்களூருவைச் சேர்ந்த திருவடி ஆகியோர் பங்கேற்றனர். சிறந்த நாய்கள் தேர்ந்தெடுக்கப்பட்டு பரிசுகள் வழங்கப்பட்டன.
ஞாயிற்றுக்கிழமை உயர்தரமான டாபர்மேன் போன்ற வீட்டில் வளர்க்கக் கூடிய பல்வேறு வகையான நாய்கள் கண்காட்சி நடைபெறவுள்ளது.

 

]]>
http://www.dinamani.com/all-editions/edition-coimbatore/nilgiris/2017/oct/15/குன்னூரில்-நாய்கள்-கண்காட்சி-தொடக்கம்-2790712.html
2790711 கோயம்புத்தூர் நீலகிரி பழங்குடி மக்கள் தீபாவளி பண்டிகை கொண்டாட காவல் துறை ஏற்பாடு DIN DIN Sunday, October 15, 2017 05:33 AM +0530 கூடலூரை அடுத்துள்ள ஓவேலி வனப் பகுதியில் வாழும் பழங்குடி மக்கள் தீபாவளி பண்டிகையைக் கொண்டாட நீலகிரி காவல் துறை சார்பில் சனிக்கிழமை ஏற்பாடு செய்யப்பட்டது.
மாவட்ட எஸ்.பி. முரளிரம்பா உத்தரவின்பேரில் ஓவேலி பேரூராட்சியில் உள்ள நியூஹோப் காவல் நிலைய எல்லைக்கு உள்பட்ட எல்லமலை குறும்பர்பாடி பழங்குடி கிராமத்தைச் சுற்றியுள்ள முள்புதர்களை காவல் துறையினர் அகற்றினர். கிராமத்தற்குச் செல்லும் சாலையையும் சீரமைத்தனர். தொடர்ந்து நடைபெற்ற நிகழ்ச்சியில் காசநோய் விழிப்புணர்வு நிகழ்ச்சியும் நடைபெற்றது.
நிகழ்ச்சியின் நிறைவாக அந்த வனப் பகுதியில் உள்ள சுமார் 200 பழங்குடி குடும்பத்தினருக்கு தீபாவளி கொண்டாட புத்தாடைகள், உணவு, பாத்திரங்கள், கம்பளி உள்ளிட்டவற்றை வழங்கினர்.
இந்நிகழ்ச்சிக்கு, கூடலூர் டி.எஸ்.பி. ரவிசங்கர் தலைமை வகித்து, நலத்திட்ட உதவிகளை வழங்கினார்.
கூடலூர் காவல் ஆய்வாளர் சக்திவேல், மாவட்ட காவல் துறை நிர்வாகம் சார்பில் அமைச்சுப் பணியாளர்கள், தன்னார்வ தொண்டர்கள், லாரன்ஸ், உதவி ஆய்வாளர் ராஜாமணி, மோகன் தாஸ் உள்ளிட்ட காவல் துறையினர் கலந்துகொண்டனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/15/பழங்குடி-மக்கள்-தீபாவளி-பண்டிகை-கொண்டாட-காவல்-துறை-ஏற்பாடு-2790711.html
2790710 கோயம்புத்தூர் நீலகிரி உதகை அருகே போலி மருத்துவர் கைது DIN DIN Sunday, October 15, 2017 05:33 AM +0530 உதகை அருகே எமரால்டு கிராமத்தில் டெங்கு காய்ச்சலுக்கு சிகிச்சைஅளித்து வந்த போலி மருத்துவரை காவல் துறையினர் கைது செய்தனர்.
நீலகிரி மாவட்டத்தில் டெங்கு நோயைப் பரப்பும் கொசுக்கள் இல்லையென்றாலும் வெளி மாவட்டங்களுக்கும், பிற மாநிலங்களுக்கும் சென்று வருவோர்அங்கு டெங்கு நோயால் பாதிக்கப்படுகின்றனர். பின்னர், அவர்கள் நீலகிரி மாவட்டத்துக்குள் வருகையில் இங்கும் பாதிப்பு ஏற்படுகிறது.
எனவே, டெங்கு காய்ச்சல் தொடர்பாக அனைத்துப் பகுதிகளிலும் தீவிர ஆய்வு நடத்த நீலகிரி மாவட்டத்தில் உள்ள சுகாதாரத் துறை அலுவலர்களுக்கு மாவட்ட ஆட்சியர் இன்னசென்ட் திவ்யா உத்தரவிட்டுள்ளார்.
இதைத் தொடர்ந்து, நீலகிரி மாவட்ட சுகாதாரத் துறை இணை இயக்குநர் டாக்டர் ரகுபாபு தலைமையில், அதிகாரிகள் ஆய்வு நடத்தி வருகின்றனர். இந்நிலையில், எமரால்டு பகுதியில் ஆய்வு நடைபெற்றபோது அங்கு ஜெயபிரகாஷ் என்பவர் டெங்கு நோயால் பாதிக்கப்பட்டோருக்கு சிகிச்சை அளித்து வருவதாக ரகசியத் தகவல் கிடைத்துள்ளது.
இதையடுத்து, அதிகாரிகள் குழுவினர்அங்கு ஆய்வுக்காகச் சென்றபோது ஜெயபிரகாஷ் அக்குபஞ்சர் படித்துவிட்டு மருத்துவர் எனக் கூறி அங்கு நோயாளிகளுக்கு கடந்த 10 ஆண்டுகளுக்கும் மேலாக ஆங்கில மருத்துவ சிகிச்சை அளித்து வந்தது தெரியவந்தது.
இதையடுத்து, ஜெயபிரகாஷை சுகாதாரத் துறை அலுவலர்கள் எமரால்டு காவல் நிலையத்தில் ஒப்படைத்து, புகார் அளித்தனர்.
ஜெயபிரகாஷ் மீது வழக்குப் பதிவு செய்யப்பட்ட பின்னர் அவரது அறையில் வைத்திருந்த மருந்து, மாத்திரைகளை காவல் துறையினர் பறிமுதல் செய்தனர். இதுதொடர்பாக தொடர்ந்து விசாரணை நடத்தப்பட்டு வருகிறது.

 

]]>
http://www.dinamani.com/all-editions/edition-coimbatore/nilgiris/2017/oct/15/உதகை-அருகே-போலி-மருத்துவர்-கைது-2790710.html
2790183 கோயம்புத்தூர் நீலகிரி தீபாவளி பண்டிகை: வனத்தையொட்டிய பகுதிகளில் 3 நாள்கள் பட்டாசு வெடிக்கத் தடை DIN DIN Saturday, October 14, 2017 05:58 AM +0530 தீபாவளி பண்டிகையை முன்னிட்டு, முதுமலை புலிகள் காப்பகத்தையொட்டி உள்ள வனப் பகுதிகளில் 3 நாள்களுக்கு பட்டாசு வெடிக்கத் தடை விதிக்கப்பட்டுள்ளது.
 இதுதொடர்பாக, முதுமலை புலிகள் காப்பக கள இயக்குநர் சீனிவாச ரெட்டி உதகையில் செய்தியாளர்களிடம் தெரிவித்ததாவது:
 தீபாவளி பண்டிகையை முன்னிட்டு முதுமலை புலிகள் காப்பகத்தையொட்டி உள்ள சுற்றுப் பகுதிகளில் அக்டோபர் 17 முதல் 19-ஆம் தேதி வரை 3 நாள்களுக்கு எத்தகைய வகையிலுமான  பட்டாசுகளையும் வெடிக்கத் தடை விதிக்கப்பட்டுள்ளது. வன விலங்குகளுக்கு இடையூறு ஏற்படுத்துவதைத் தவிர்க்கும் வகையிலும், அவற்றின் வாழ்வாதாரத்தைக் கெடுக்கும் வகையிலும் எந்தவித நடவடிக்கைககளிலும் ஈடுபடக் கூடாது என்பதற்காகவே இந்த உத்தரவு பிறப்பிக்கப்பட்டுள்ளது.
 அதேபோல, மசினகுடி, மாவனல்லா, பொக்காபுரம் உள்ளிட்ட பகுதிகளில் செயல்பட்டு வரும் தனியார் காட்டேஜ்கள், ரிசார்ட்டுகளில் தீபாவளி பண்டிகை தினத்தன்று மட்டும் அதிக ஒலியெழுப்பக் கூடிய, அனைத்து வகைகளிலான  பட்டாசுகளையும் வெடிக்கத் தடை விதிக்கப்பட்டுள்ளது. வனத் துறையினரின் இத்தகைய கட்டுப்பாடுகளுக்கு சுற்றுலாப் பயணிகள் மட்டுமின்றி  இப்பகுதிகளில் வசிக்கும் பொதுமக்களும் முழு  ஒத்துழைப்பு அளிக்க வேண்டும்.  விதிகளை  மீறி செயல்படுவோர் மீது வனப் பாதுகாப்புச் சட்டங்களின் கீழ் கடும் நடவடிக்கை எடுக்கப்படும் எனத் தெரிவித்தார்.
 மேலும், உதகை சுற்றுப் பகுதிகளில் உள்ள பல்வேறு பள்ளிகளிலும் பட்டாசுகளால் ஏற்படக்கூடிய சுற்றுச்சூழல் பாதிப்புகள் குறித்து விழிப்புணர்வு நிகழ்ச்சிகள் தொடர்ந்து நடைபெற்று வருகின்றன.
 உதகையில் பிங்கர்போஸ்ட் பகுதியில் உள்ள புனித திரேசன்னை உயர்நிலைப் பள்ளியில் பள்ளித் தாளாளர் அமல்ராஜ் தலைமையில் வெள்ளிக்கிழமை நடைபெற்ற நிகழ்ச்சியில், சுற்றுச் சூழலை பாதுகாப்போம், பட்டாசு  வெடிப்பதைத் தவிர்ப்போம் என்ற உறுதிமொழி எடுக்கப்பட்டது.  பட்டாசுக்காக செலவிடும் தொகையை புத்தகங்களாக வாங்கிச் செலவழிப்போம் என்ற  உறுதிமொழியும்  எடுக்கப்பட்டது.

 

 

]]>
http://www.dinamani.com/all-editions/edition-coimbatore/nilgiris/2017/oct/14/தீபாவளி-பண்டிகை-வனத்தையொட்டிய-பகுதிகளில்-3-நாள்கள்-பட்டாசு-வெடிக்கத்-தடை-2790183.html
2790182 கோயம்புத்தூர் நீலகிரி கூடலூரில் டெங்கு பாதித்த இடங்களில் அதிகாரிகள் ஆய்வு DIN DIN Saturday, October 14, 2017 05:57 AM +0530 கூடலூரில் டெங்கு பாதித்த பகுதிகளில் வருவாய்த் துறை, சுகாதாரத் துறை அலுவலர்கள் வியாழக்கிழமை ஆய்வு மேற்கொண்டனர்.
 கூடலூர் நகராட்சியில் உள்ள காசிம்வயல் பகுதியைச் சேர்ந்த 2 பேருக்கு டெங்கு பாதிப்பு ஏற்பட்டு அரசு மருத்துமனையில் சிகிச்சை அளிக்கப்பட்டு வருகிறது. இந்த தகவல் பரவியதையடுத்து மாவட்ட வருவாய் அலுவலர் பாஸ்கர் பாண்டியன், கூடலூர் கோடாட்சியர் முருகையன், வட்டாட்சியர் சிவகுமார், வட்டார மருத்துவ அலுவலர் ஜி.கதிரவன், நகராட்சி ஆணையர் பார்வதி உள்ளிட்டோர் காசிம்வயல் பகுதியில் உள்ள வீடுகள், சுற்றுப்புறப் பகுதியில் ஆய்வு மேற்கொண்டு டெங்கு பாதிப்பிலிருந்து பாதுகாத்துக் கொள்வது குறித்து விளக்கமளித்தனர். சுற்றுப்புறப் பகுதியில் சுகாதார பரமாரிப்பு உள்பட பல்வேறு அறிவுரைகள் வழங்கப்பட்டன.
 காய்ச்சல் பாதிப்பு ஏற்பட்டவர்கள் உடனடியாக கூடலூர் அரசு மருத்துவமனையை அணுகி பரிசோதனை செய்து கொள்ள வேண்டும் எனக் கூறினர்.

]]>
http://www.dinamani.com/all-editions/edition-coimbatore/nilgiris/2017/oct/14/கூடலூரில்-டெங்கு-பாதித்த-இடங்களில்-அதிகாரிகள்-ஆய்வு-2790182.html
2790181 கோயம்புத்தூர் நீலகிரி போனஸ் வழங்க வலியுறுத்தி டேன் டீ தொழிலாளர்கள் போராட்டம் DIN DIN Saturday, October 14, 2017 05:57 AM +0530 தீபாவளி போனஸ் வழங்க வலியுறுத்தி,  டேன்டீ  தொழிலாளர்கள் போராட்டத்தில் வெள்ளிக்கிழமை  ஈடுபட்டனர் .
கோத்தகிரி அருகேயுள்ள டைகர்ஹில் பக்காசுரன் மலை,  குயின் சோலை  உள்ளிட்ட பகுதிகளில் தமிழ்நாடு தேயிலை தோட்டக் கழகமான டேன்டீ  நிறுவனத்தில் ஆயிரக்கணக்கான தொழிலாளர்கள் பணியாற்றி வருகின்றனர்.  
இந்தத் தொழிலாளர்கள் தீபாவளிக்கு  20 சதவீதம் போனஸ் வழங்க வேண்டும் என நிர்வாகத்திடம் ஏற்கெனவே கடிதம் அளித்திருந்தனர். ஆனால் 10 சதவீதம் மட்டுமே  போனஸ் வழங்குவதாக நிர்வாகத் தரப்பில் தெரிவிக்கப்பட்டதாக கூறப்படுகிறது.
இந்நிலையில், நிர்வாகத்தின் இந்த அறிவிப்புக்கு எதிர்ப்புத் தெரிவித்து கோத்தகிரி டேன்டீ அலுவலகத்தை தொழிலாளர்கள் முற்றுகையிட்டு போராட்டத்தில் ஈடுபட்டனர். முன்னதாக அவர்கள் எஸ். கைகாட்டியில் இருந்து டேன் டீ அலுவலகம் நோக்கி பேரணியாக வந்தனர். இதில் 200-க்கும் மேற்பட்ட தேயிலைத் தோட்டத் தொழிலாளர்கள் கலந்து கொண்டனர்.
பந்தலூரில்...:  இதே கோரிக்கையை வலியுறுத்தி டான் டீ தொழிலாளர்கள் பந்தலூரில் சாலை மறியல் போராட்டத்தில் வெள்ளிக்கிழமை ஈடுபட்டனர்.
   தமிழ்நாடு அரசு தேயிலைத் தோட்டக் கழகமான டான் டீ யில் பணிபுரியும் தொழிலாளர்களுக்கு 10 சதவீதம் போனஸ் அறிவிக்கப்பட்டுள்ளது. ஆனால் தொழிலாளர்களுக்கு 20 சதவீத போனஸ் வழங்க வலியுறுத்தி அனைத்து தொழிற்சங்கங்கள் சார்பில் பந்தலூர் சுமார் ஆயிரத்துக்கும் மேற்பட்ட தொழிலாளர்கள் கூடலூர் சட்டப்பேரவை உறுப்பினர் எம்.திராவிட மணி தலைமையில் பந்தலூரில் பேரணி மற்றும் சாலை மறியல் போராட்டத்தில் ஈடுபட்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/14/போனஸ்-வழங்க-வலியுறுத்தி-டேன்-டீ-தொழிலாளர்கள்-போராட்டம்-2790181.html
2790180 கோயம்புத்தூர் நீலகிரி உதகையில் வீட்டுமனை திருவிழா இன்று தொடக்கம் DIN DIN Saturday, October 14, 2017 05:57 AM +0530 வாங்க, விற்க, முன்பதிவுக்கான என்ற அழைப்பிலான வீட்டுமனைத் திருவிழா உதகையில் சனிக்கிழமை தொடங்குகிறது.
 உதகையில் சேரிங்கிராசிலிருந்து  அரசினர்  தாவரவியல் பூங்கா செல்லும் சாலையிலுள்ள பழங்குடியினர் பண்பாட்டு மைய அரங்கில் நடைபெறும் இந்த இரண்டு நாள் திருவிழாவை, சனிக்கிழமை காலையில் உதகை அரசு கலைக் கல்லூரியின் முன்னாள் முதல்வர் டி.எம்.குள்ளன் தொடக்கிவைக்கிறார். இந்நிகழ்ச்சியில், தேஜாஸ் அசோசியேட்ஸ் நிறுவனத்தின் சார்பில் சி.சண்முகசுந்தரம், ஆர்.பாபு ஆகியோருடன் அகில இந்திய லே-அவுட் புரமோட்டர்ஸ் நலச் சங்கத் தலைவரான அசோக்குமாரும்  பங்கேற்கிறார்.
 அகில இந்திய ரியல் எஸ்டேட் வர்த்தகர்கள், முகவர்கள் நலச் சங்கங்களின் கூட்டமைப்பின் சார்பில் நடைபெறும் இந்த வீட்டுமனைத் திருவிழா குறித்து இதன் ஏற்பாட்டாளரும், தேஜாஸ் அசோசியேட்ஸ் நிறுவனத்தைச் சேர்ந்தவருமான எஸ்.செந்தில்குமார் தெரிவித்ததாவது:
 இந்த காட்சி அரங்கில் கிரீன்பீல்டு ஹவுஸிங் பிராப்பர்டீஸ்,  ஹிந்துஸ்தான் கார்ப்பரேஷன், ஹோம்லேண்டு, ஜெயம் லேண்டு புரமோட்டர்ஸ், தேஜாஸ்  அசோசியேட்ஸ், மெசயா லைப் சயின்ஸ் உள்ளிட்ட நிறுவனங்களுடன், எக்ஸ்பிரஸ்  குழுமத்தின் சார்பில் தி நியூ இந்தியன் எக்ஸ்பிரஸ், தினமணி நாளிதழ்களின் சார்பிலான காட்சி அரங்குகளும்,  நீலகிரி மாவட்டத்தில் உள்ள உள்ளூர்  வீட்டுமனைத் தொழிலில் ஈடுபட்டுள்ளோர், சேவை நிறுவனங்கள், தன்னார்வத் தொண்டு  நிறுவனங்களின் சார்பிலான  காட்சி அரங்குகளும் இடம்பெற்றுள்ளன.
 கண்காட்சியின் இரண்டாவது நாளான  15-ஆம் தேதியன்று மறைந்த  குடியரசுத் தலைவர் டாக்டர் ஏ.பி.ஜே.அப்துல் கலாமின் பிறந்த  தினத்தைக் கொண்டாடும் வகையில் பல்வேறு நிகழ்ச்சிகளுக்கும் ஏற்பாடு செய்யப்பட்டுள்ளது.
  இத்தகைய நிகழ்ச்சிகள் உதகையில் மட்டுமின்றி மேட்டுப்பாளையம், கோவை பகுதிகளிலும் தமது நிறுவனம் சார்பில் நடத்தப்படவுள்ளதாகவும் தெரிவித்தார்.

 

 

]]>
http://www.dinamani.com/all-editions/edition-coimbatore/nilgiris/2017/oct/14/உதகையில்-வீட்டுமனை-திருவிழா-இன்று-தொடக்கம்-2790180.html
2790179 கோயம்புத்தூர் நீலகிரி குன்னூரில் பரவலாக மழை DIN DIN Saturday, October 14, 2017 05:57 AM +0530 குன்னூர் மற்றும் அதன் சுற்றுவட்டாரப் பகுதிகளில் பரவலாக வெள்ளிக்கிழமை மழை பெய்தது.  
குன்னூர் மற்றும் அதன் சுற்றுவட்டாரப் பகுதிகளில் காலை முதலே வானம் மேகமூட்டத்துடன் காணப்பட்டது. இந்நிலையில்,  குன்னூர் உள்ளிட்ட பல இடங்களில் பரவலாக மழை பெய்தது.
இதன் காரணமாக அங்குள்ள சுற்றுலாத் தலங்களுக்கு வந்திருந்த பொதுமக்கள் தங்கும் விடுதிகளுக்கு  திரும்பிச் சென்றனர்.   மழையுடன் குளிரும் அதிகம் காணப்படுவதால் இயல்பு வாழ்க்கையில் பாதிப்பு ஏற்பட்டது.   

 

]]>
http://www.dinamani.com/all-editions/edition-coimbatore/nilgiris/2017/oct/14/குன்னூரில்-பரவலாக-மழை-2790179.html
2789394 கோயம்புத்தூர் நீலகிரி கூட்டுறவு பால் உற்பத்தியாளர்களுக்கு 50 சதவீதம் போனஸ் DIN DIN Friday, October 13, 2017 04:21 AM +0530 கூடலூர் கூட்டுறவு பால் உற்பத்தியாளர்கள் கூட்டுறவு சங்க உறுப்பினர்களுக்கு லாபத்தில் 50 சதவீதம் போனஸ் வழங்கப்பட்டுள்ளது.
கூட்டுறவு பால் உற்பத்தியாளர்கள் சங்க பேரவைக்  கூட்டம் ஆவின் தலைவர் மில்லர் தலைமையில் புதன்கிழமை நடைபெற்றது. இதில் செயலாளர் கிருஷ்ணகுமார் ஆண்டறிக்கை சமர்ப்பித்தார்.
இதைத் தொடர்ந்து 2016-17-ஆம் ஆண்டின் நிகர லாபத்தில் 50  சதவீதத் தொகையை 470 உறுப்பினர்களுக்கும் பிரித்து போனஸாக வழங்க முடிவு செய்யப்பட்டது.
கூட்டத்தில்,  துணைத் தலைவர் சளிவயல் ஷாஜி உள்ளிட்ட நிர்வாகக் குழு உறுப்பினர்கள், பால் உற்பத்தியாளர்கள்,  இணை இயக்குநர் கணபதி, மருத்துவர் பார்த்தசாரதி ஆகியோர் கலந்துகொண்டனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/13/கூட்டுறவு-பால்-உற்பத்தியாளர்களுக்கு-50-சதவீதம்-போனஸ்-2789394.html
2789393 கோயம்புத்தூர் நீலகிரி கூடலூர் அரசு மருத்துவமனையில் எம்.எல்.ஏ. ஆய்வு DIN DIN Friday, October 13, 2017 04:21 AM +0530 கூடலூர் அரசு மருத்துவமனையில் எம்.எல்.ஏ.திராவிடமணி வியாழக்கிழமை ஆய்வு செய்தார்.
மருத்துவமனையில் உள்ள டெங்கு பாதிப்புக்கு சிகிச்சை மேற்கொண்டு வரும் நோயாளிகள் அறைக்குச் சென்று அவர்களுக்கு அளிக்கப்படும் சிகிச்சை குறித்து மருத்துவர்களிடம் கேட்டறிந்தார். பின்னர் அவர் செய்தியாளர்களிடம் கூறியதாவது:
டெங்கு பாதித்த நோயாளிகளை சிகிச்சைக்காக கோவைக்கு அனுப்ப மருத்துவர்கள் நடவடிக்கை எடுத்துவருகின்றனர்.  கூடலூர் நகராட்சி நிர்வாகம் நகரில் முறையாக குப்பைகளை அகற்றுவதில்லை.  பல இடங்களிலும் குப்பைகள் தேங்கி துர்நாற்றம் வீசுகிறது. இதுகுறித்து கேட்டால் குப்பை கொட்ட இடமில்லை என்று கூறுகின்றனர். மாவட்ட ஆட்சியரிடம் இதுகுறித்து புகார் தெரிவித்தும் பலனில்லை. டெங்கு காய்ச்சலிருந்து மக்களைப் பாதுகாக்க அரசு உரிய நடவடிக்கைகளை எடுக்கவேண்டும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/13/கூடலூர்-அரசு-மருத்துவமனையில்-எம்எல்ஏ-ஆய்வு-2789393.html
2789392 கோயம்புத்தூர் நீலகிரி டூரிஸ்ட் டாக்ஸி ஓட்டுநர் உரிமையாளர் சங்கம் துவக்கம் DIN DIN Friday, October 13, 2017 04:20 AM +0530 கோத்தகிரி ராம்சந்த் பகுதியில் வேன்,  டூரிஸ்ட் டாக்ஸி ஓட்டுநர் மற்றும் உரிமையாளர் நல சங்க துவக்க விழா வியாழக்கிழமை நடைபெற்றது.
கூட்டத்துக்கு,  சங்கத் தலைவர் கணேசன் தலைமை தாங்கினார். பொருளாளர் பெள்ளி முன்னிலை வகித்தார். செயலாளர் திருச்செல்வம் வரவேற்றார்.
சிறப்பு அழைப்பாளர்களாக கோத்தகிரி காவல் ஆய்வாளர் பாலசுந்தரம்,  பேருந்து நிலைய கார் ஓட்டுநர்கள் உரிமையாளர்கள் சங்கத் தலைவர் வடிவேல் ஆகியோர் சங்க பெயர் பலகையை திறந்து வைத்தனர். இதில், அவைத் தலைவர் ஜான்பிரிட்டோ,  துணைத் தலைவர் நாசர்,  மூர்த்தி, மணி,  சுரேஷ் உள்பட ஏராளமானோர் கலந்து கொண்டனர். இந்நிகழ்ச்சியையொட்டி பொதுமக்களுக்கு நிலவேம்பு கஷாயம் வழங்கப்பட்டது.

 

 

]]>
http://www.dinamani.com/all-editions/edition-coimbatore/nilgiris/2017/oct/13/டூரிஸ்ட்-டாக்ஸி-ஓட்டுநர்-உரிமையாளர்-சங்கம்-துவக்கம்-2789392.html
2788990 கோயம்புத்தூர் நீலகிரி நீலத் திமிங்கல விளையாட்டு: கல்லூரி மாணவிகளுக்கு விழிப்புணர்வு DIN DIN Thursday, October 12, 2017 09:32 AM +0530 நீலத் திமிங்கல விளையாட்டு குறித்து, குன்னூர் பிராவிடன்ஸ் மகளிர் கல்லூரி  மாணவிகளுக்கு விழிப்புணர்வு நிகழ்ச்சி செவ்வாய்க்கிழமை நடைபெற்றது.
இந்நிகழ்ச்சியில் பங்கேற்ற மகளிர் காவல் ஆய்வாளர் பொன்னம்மாள் பேசுகையில், நீலத் திமிங்கல  விளையாட்டு இளைஞர்களுக்கும், மாணவிகளுக்கும் தற்கொலை எண்ணத்தை தூண்டும் வகையில் உள்ளது. அந்த எண்ணம் தீவிரமடையும்போது உயிரை மாய்த்துக் கொள்கின்றனர்.
இதுபோன்ற சூழலில் சிக்கித் தவிப்பவர்கள் குறித்து விவரங்களை அல்லது பாதிக்கப்பட்டவர்கள் நேரிடையாகவோ எந்த நேரமும் காவல் துறையின் உதவியை  நாடலாம் என்றார்.

]]>
http://www.dinamani.com/all-editions/edition-coimbatore/nilgiris/2017/oct/12/நீலத்-திமிங்கல-விளையாட்டு-கல்லூரி-மாணவிகளுக்கு-விழிப்புணர்வு-2788990.html
2788989 கோயம்புத்தூர் நீலகிரி பி.எஃப் திட்டத்தின்கீழ் நடப்பு ஆண்டில் கூடுதலாக 6 லட்சம் பேர் பயன்: மத்திய தொழிலாளர் நலத் துறை அமைச்சர் தகவல் DIN DIN Thursday, October 12, 2017 09:32 AM +0530 வருங்கால வைப்பு நிதித் திட்டத்தின்கீழ் நடப்பு ஆண்டில் கூடுதலாக 6 லட்சம் தொழிலாளர்கள் பயனடைந்துள்ளதாக மத்திய தொழிலாளர் நலத் துறை அமைச்சர்  சந்தோஷ்குமார் கங்வார் தெரிவித்தார். உதகையில் புதன்கிழமை நடைபெற்ற நிகழ்ச்சியில் பங்கேற்ற அவர் செய்தியாளர்களிடம்  கூறியதாவது:
அஸ்ஸாம்,  தமிழகம் உள்ளிட்ட  நாட்டின் பல்வேறு பகுதிகளிலும்  உள்ள தேயிலைத் தோட்டங்களில் உள்ள தோட்டத் தொழிலாளர்களுக்கு மத்திய, மாநில அரசுகளின் திட்டப் பயன்கள் கிடைக்கும் வகையில் 1951-ஆம் ஆண்டின் தோட்டத் தொழிலாளர் சட்டத்தில்  உரிய திருத்தங்கள் மேற்கொள்ளப்பட்டுள்ளன.  இதுதொடர்பாக தோட்ட  அதிபர்கள்,  தொழிலாளர் நலத் துறை அதிகாரிகள் மற்றும்  தொழிற்சங்கப் பிரதிநிதிகள் அடங்கிய முதலாவது முத்தரப்புக் கூட்டம் குவாஹாட்டியில் நடத்தப்பட்டதையடுத்து தற்போது  உதகையில் நடத்தப்பட்டுள்ளது.  இக்கூட்டம் இணக்கமாகவும்,  சுமுகமாகவும் நடத்தப்பட்டுள்ளதால்  இதன் உத்தேசத் திருத்தங்கள் மக்களவையில் விரைவில் தாக்கல் செய்யப்படும்.
மேலும், தொழில் நிறுவனங்களில் புதிதாக சேரும் தொழிலாளர்களுக்கு வருங்கால வைப்பு நிதிக்காக செலுத்த அரசின் பங்காக வழங்கும் திட்டத்தின்கீழ் இலக்கை விஞ்சி 6 லட்சம் தொழிலாளர்கள் பயனடைந்துள்ளனர். இதற்காக  மத்திய அரசு 1,000 கோடி ரூபாயை ஒதுக்கியுள்ளது என்றார்.
இந்நிகழ்ச்சியில், தமிழக அரசின் தொழிலாளர் நலத் துறைச் செயலர் சத்யவதியுடன் தமிழகம், கேரளம் மற்றும்  கர்நாடக  மாநிலங்களைச் சேர்ந்த தொழிலாளர் நலத் துறை அலுவலர்கள்,  தென்னிந்திய தோட்ட  அதிபர்கள் சங்கப் பிரதிநிதிகள் மற்றும் அங்கீகரிக்கப்பட்ட  தொழிற்சங்கப்  பிரதிநிதிகள் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2017/oct/12/பிஎஃப்-திட்டத்தின்கீழ்-நடப்பு-ஆண்டில்-கூடுதலாக-6-லட்சம்-பேர்-பயன்-மத்திய-தொழிலாளர்-நலத்-துறை-அமைச்-2788989.html
2788988 கோயம்புத்தூர் நீலகிரி உதகையில் டெங்கு பாதித்தோர் எண்ணிக்கை பாதியாக குறைந்துள்ளது: சுகாதாரத் துறை அதிகாரிகள் தகவல் DIN DIN Thursday, October 12, 2017 09:32 AM +0530 உதகையில் டெங்கு நோயால் பாதிக்கப்பட்டோர் எண்ணிக்கை வெகுவாகக் குறைந்துள்ளதாக சுகாதாரத் துறை அலுவலர்கள் தெரிவித்தனர்.
நீலகிரி மாவட்டத்தில் டெங்கு நோயால் ஏற்பட்டுள்ள பாதிப்பு குறித்து  உதகையில் உள்ள அரசுத் தலைமை மருத்துவமனை முதன்மைக் கண்காணிப்பாளர் டாக்டர் ஹிரியன் "தினமணி' செய்தியாளரிடம் கூறியதாவது:
நீலகிரி மாவட்டத்தில் டெங்கு நோயைப் பரப்பும் கொசுக்களான ஏடிஎஸ் கொசுக்கள் வளர்வதற்கான வாய்ப்புகள் அதிக அளவில்  இல்லை. அத்துடன் மாவட்டத்தில் தற்போது நிலவும்  பருவ நிலையில் இத்தகைய கொசுக்கள் பாதிப்பை ஏற்படுத்துவதற்கான வாய்ப்புகளும் இல்லை.  
இருப்பினும் நீலகிரி மாவட்டத்துக்கு அருகில் உள்ள  கோவை, திருப்பூர்,  ஈரோடு உள்ளிட்ட வெளி மாவட்டங்களுக்கு சென்று வருவோராலும்,  கேரளம் மற்றும் கர்நாடக மாநிலங்களுக்கு சென்று வருவோராலும் டெங்கு நோய்த்தொற்று  ஏற்பட்டு  நீலகிரியில் சிகிச்சை பெறுவதற்கான வாய்ப்புகள் அதிகம்.
 நீலகிரி மாவட்டத்தில், உதகையைப் பொருத்தவரை கடந்த ஆகஸ்டு மாதத்தில் 24 பேர் டெங்கு நோயால் பாதிக்கப்பட்டு  உதகை அரசுத் தலைமை மருத்துவமனையில் சிகிச்சை பெற்றனர்.  இதையடுத்து, அத்தகைய சிகிச்சை பெறுவோரின் எண்ணிக்கை செப்டம்பர் மாதத்தில் 16-ஆக குறைந்தது.  அதையும் தாண்டி தற்போது  உதகையில் 6 பேரும்,  கோத்தகிரியில் 2 பேரும்,  குன்னூரில் 2 பேருமாக மொத்தம் 10 பேர் சிகிச்சை பெற்று வருகின்றனர். இவர்களைத் தவிர மேலும் 30 பேருக்கு டெங்கு நோய்க்கான அறிகுறிகள் உள்ளதாகக் கண்டறியப்பட்டுள்ளதால் அதற்கான சிகிச்சையும் அளிக்கப்பட்டு வருகிறது என்றார்.
மாவட்டத்தில் டெங்கு நோய் பாதிப்பு தொடர்பாக மாவட்ட ஆட்சியர் அலுவலகம் உள்ளிட்ட பல்வேறு பகுதிகளிலும் நிலவேம்புக் கஷாயம்  வழங்கப்பட்டு வருகிறது.  ஆனால், அதை அனைவருக்கும் வழங்காமல்  குறித்த நேரங்களில் மட்டுமே வழங்கப்படுவதால் வெளியூர்களிலிருந்து உதகை மாவட்ட ஆட்சியர் அலுவலகத்துக்கு வருவோர் இத்தகைய பாதுகாப்பான கஷாயம் கிடைக்காமல் அவதிப்படுகின்றனர்.  
அதேநேரத்தில் உதகையில் உள்ள தனியார் மருந்தகங்களில் நிலவேம்புக்  கஷாயம் மற்றும் நில வேம்பு சிரப் எனும் பெயர்களில் அவை கூடுதல் விலைக்கு விற்கப்படுவதால் மாவட்டத்தில் உள்ள பொதுமக்கள் பெரும் அதிருப்திக்கு ஆளாகியுள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/12/உதகையில்-டெங்கு-பாதித்தோர்-எண்ணிக்கை-பாதியாக-குறைந்துள்ளது-சுகாதாரத்-துறை-அதிகாரிகள்-தகவல்-2788988.html
2788987 கோயம்புத்தூர் நீலகிரி வனப் பாதுகாப்பு வார விழா DIN DIN Thursday, October 12, 2017 09:31 AM +0530 கூடலூரில் உள்ள புனித அந்தோணியார் பள்ளியில் வனப் பாதுகாப்பு வார விழா, இயற்கை பாதுகாப்பு குறித்த கண்காட்சி செவ்வாய்க்கிழமை நடைபெற்றது.
இயற்கை, வன விலங்குகள், சுற்றுச்சூழல் பாதுகாப்பு குறித்த கண்காட்சியில், மாணவ, மாணவிகள் பல்வேறு வன விலங்குகளின் உருவம் கொண்ட முகமூடிகளை அணிந்திருந்தனர். தொடர்ந்து நடைபெற்ற விழிப்புணர்வு முகாமில், கூடலூர் உதவி வனப் பாதுகாவலர் விஜயன்,  மசினகுடி வனச் சரக அலுவலர் மாரியப்பன், கூடலூர் வனச் சரக அலுவலர் ராமகிருஷ்ணன், வனத் துறையினர் கலந்துகொண்டு வன விலங்குகள், இயற்கை பாதுகாப்பு குறித்து விளக்கமளித்தனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/12/வனப்-பாதுகாப்பு-வார-விழா-2788987.html
2788986 கோயம்புத்தூர் நீலகிரி பெண் குழந்தைகள் தினக் கொண்டாட்டம் DIN DIN Thursday, October 12, 2017 09:31 AM +0530 குன்னூர் புதுக்காடு ஆதிவாசி ஆரம்பப் பள்ளியில் சிட்சா தன்னார்வ அமைப்பு  சார்பில் பெண் குழந்தைகள் தினக் கொண்டாட்டம் புதன்கிழமை நடைபெற்றது.
இதில், பெண் சிசுக் கொலையை தடுப்பது,பெண் கல்வியின் முக்கியத்துவம், பெண்கள் முன்னேற்றம் ஆகியவை குறித்து விழிப்புணர்வு ஏற்படுத்தப்பட்டது. மேலும், கிராமப்புறங்களில் ஆயிரம் ஆண்களுக்கு 900 பெண்கள் என விகிதாச்சாரம் குறைந்து விட்டதாகவும்,  நகர்ப்புறங்களிலும் இதன் தாக்கம் இருப்பதாகவும் இந்நிகழ்ச்சியில் பங்கேற்றோர் பேசினர்.  
இதில், சிட்சா பொறுப்பாளர்  லதா, ஓருங்கிணைப்பாளர்கள் ஜமிலா, அசுந்தா, பள்ளித் தலைமை ஆசிரியர் வசந்தகுமாரி, ஆசிரியர் உமாவதி உள்ளிட்ட பலர் கலந்துகொண்டனர். இறுதியில், பெண் குழந்தைகளுக்கு ஆதரவாக  உறுதிமொழி ஏற்கப்பட்டது.

 

]]>
http://www.dinamani.com/all-editions/edition-coimbatore/nilgiris/2017/oct/12/பெண்-குழந்தைகள்-தினக்-கொண்டாட்டம்-2788986.html
2788985 கோயம்புத்தூர் நீலகிரி கூடலூரில் காங்கிரஸ் கட்சியினர் ஆர்ப்பாட்டம் DIN DIN Thursday, October 12, 2017 09:31 AM +0530 மத்திய அரசைக் கண்டித்து கூடலூரில் காங்கிரஸ் கட்சியினர் புதன்கிழமை ஆர்ப்பட்டத்தில் ஈடுபட்டனர்.
கூடலூர் புதிய பேருந்து நிலையம் சந்திப்பில் நடைபெற்ற ஆர்ப்பட்டத்துக்கு காங்கிரஸ் கட்சியின் மாநிலப் பொதுக்குழு உறுப்பினர் கோஷி பேபி தலைமை வகித்தார். மாநில சிறுபான்மை அணித் தலைவர் அஸ்லாம் பாஷா சிறப்பு அழைப்பாளராகப் பங்கேற்றார்.
 முன்னதாக சிறுபான்மை அணி சார்பில் நடைபெற்ற கலந்தாய்வுக் கூட்டத்துக்கு மாவட்ட சிறுபான்மை அணித் தலைவர் இந்திரா செயதலவி தலைமை வகித்தார்.
மாநில ஒருங்கிணைப்பாளர் சபி, மாநிலப் பொதுக்குழு உறுப்பினர் அனஸ் எடாலத், மாவட்ட துணைத் தலைவர் அம்சா, தாலூகா தலைவர் சளிவயல் ஷாஜி, அசரப், நகரத் தலைவர்கள்அப்துபா, கோபி, நிர்வாகிகள் பி.கே.மொய்துபா, சிவா, தாமஸ், முகமது ரபீக், எஸ்.கே.ராஜு, சுல்பிகரலி, சிவராஜ், சம்சுதீன், உசைன், ஜோஸ் உள்ளிட்ட நிர்வாகிகள் கலந்துகொண்டனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/12/கூடலூரில்-காங்கிரஸ்-கட்சியினர்-ஆர்ப்பாட்டம்-2788985.html
2788984 கோயம்புத்தூர் நீலகிரி பள்ளி மாணவர்களுக்கு இயற்கை விழிப்புணர்வு DIN DIN Thursday, October 12, 2017 09:31 AM +0530 கோத்தகிரி வனச்சரகம் சார்பில், பள்ளி மாணவ, மாணவியருக்கு இயற்கை விழிப்புணர்வு களப் பயணம் முள்ளி, பரளிக்காடு வனப் பகுதியில் மேற்கொள்ளப்பட்டது.
நீலகிரி உயிர்ச்சூழல் மண்டல பாதுகாப்புத் திட்டத்தின்கீழ்  நடைபெற்ற இந்த களப் பயணத்துக்கு, கோத்தகிரி வனச் சரகர் சீனிவாசன் தலைமை வகித்தார். கோத்தகிரி வனச் சரகத்துக்கு உள்பட்ட 10 ஊராட்சி ஒன்றிய நடுநிலைப் பள்ளிகளில் இருந்து மாணவர்கள் பங்கேற்றனர்.
இதில், லாங்க்வுட் சோலை பாதுகாப்பு குழுச் செயலாளர், ஓய்வுபெற்ற ஆசிரியர் ராஜு சிறப்பு அழைப்பாளராகப் பங்கேற்றுப் பேசியதாவது:
பயோடைவர்சிடி எனப்படும் உயிர் பண்மம் மிகுந்த 12 நாடுகளில் இந்தியாவும் ஒன்று. சிறிய நிலப்பரப்பில் அதிக வகையான உயிர்கள் வாழும் பகுதியை உயிர்ச்சூழல் மண்டலம் என ஐக்கிய நாடுகள் சபை அங்கீகரித்துள்ளது. உலக முழுவதும் 85 நாடுகளில் 375 உயிர் மண்டல காப்பு பகுதிகள் கண்டறியப்பட்டு பாதுகாக்கப்பட்டு வருகிறது. அந்த வகையில் இந்தியாவின் முதல் உயிர்ச்சூழல் மண்டலமாக நீலகிரி அறிவிக்கப்பட்டு பாதுகாக்கப்படுகிறது.
நீலகிரி உயிர்க் காப்பு மண்டலத்தில் இம்மாவட்டத்துடன், கர்நாடக மாநிலத்தில் உள்ள பந்திபூர், கேரளத்தில் உள்ள அமைதி பள்ளத்தாக்கு, கோவை மாவட்டத்தில் உள்ள ஆனைகட்டி ஆகிய பகுதிகள் ஒன்றிணைக்கப்பட்டு நீலகிரி உயிர்ச்சூழல் மண்டலமாக மத்திய அரசு அறிவித்துள்ளது. நம் நாட்டில் தற்போது 75 தேசிய பூங்காக்களும், 421 சரணாலயங்களும் உள்ளன. நீலகிரி உயிர்ச்சூழல் மண்டலத்துக்கு உள்பட்ட முதுமலை தேசிய பூங்காவில் 34 புலிகள் இருப்பதாக கண்டறியப்பட்டுள்ளது.
புலி பல்லுயிரி சூழல் விலங்கு. ஒரு புலி வாழ்ந்தால் 50 சதுர கி.மீ. பரப்புள்ள காடும், அதில் உள்ள உயிரினங்களும் நன்றாக வாழும். முக்கியமாக, இப்பரப்பளவு நிலப் பகுதியில் ஆறு, நதிகள் உற்பத்தியாகும். மசினகுடி முதல் மாயாறு வரை ஆண்டுக்கு 1,700 யானைகள் வந்து செல்கின்றன.   ஒரு யானை வாழ்ந்தால் 16 வகையான தாவர இனங்கள் வாழும். யானைகள் ஆண்டுக்கு 300 கி.மீ. வரை வந்து செல்லும். ஒரு நாளுக்கு 40 கி.மீ. தூரம் வரை நடக்கும்.
முள்ளி வனப் பகுதி பல கானுயிர்களின் வாழிடமாக இருந்து வருவதுடன், கோவை மாவட்டத்தில் உள்ள முள்ளி அணை, பெரும்பாலான மக்களின் குடிநீர் ஆதாரமாகவும் இருக்கிறது. எனவே, உயிர்ச்சூழலைப் பாதுகாக்க அனைவரும் முன்வரவேண்டும் என்றார்.
ஆண்டுதோறும் அக்டோபர் முதல் வாரம் கானுயிர் வாரமாகக் கொண்டாடப்படுகிறது. இதன் ஒரு பகுதியாக இந்த இயற்கை விழிப்புணர்வு களப் பயணம் நடைபெற்றது.

 

]]>
http://www.dinamani.com/all-editions/edition-coimbatore/nilgiris/2017/oct/12/பள்ளி-மாணவர்களுக்கு-இயற்கை-விழிப்புணர்வு-2788984.html
2788983 கோயம்புத்தூர் நீலகிரி பெண்ணைத் தாக்கிய கரடியைப் பிடிக்க 2-ஆவது நாளாக வனத் துறையினர் தீவிரம் DIN DIN Thursday, October 12, 2017 09:30 AM +0530 கூடலூரை அடுத்துள்ள மே பீல்டு பகுதியில் செவ்வாய்க்கிழமை தேயிலைத் தோட்டப் பெண் தொழிலாளியைத் தாக்கிய கரடியைப் பிடிக்க இரண்டாவது நாளாக வனத் துறையினர் தீவிர நடவடிக்கை மேற்கொண்டு வருகின்றனர்.
நீலகிரி மாவட்டம், கூடலூர் வருவாய்க் கோட்டத்தில் உள்ள தேவர்சோலை பகுதியில் உள்ள மே பீல்டு தனியார் தேயிலைத் தோட்டத்தில் வேலை செய்துகொண்டிருந்த அம்மாளு என்ற பெண் தொழிலாளியை கரடி தாக்கியது. இதையடுத்து, அவர் கேரள மாநிலம், வயநாடு மாவட்டத்தில் உள்ள தனியார் மருத்துவமனையில் சிகிச்சை பெற்றுவருகிறார்.
இதையடுத்து, தேயிலைத் தோட்டத்தில் கரடி நடமாடும் பகுதியில் கூண்டு வைத்தும், மூன்று இடங்களில் கண்காணிப்பு கேமராக்கள் பொருத்தியும் வனத் துறையினர் கண்காணித்து வருகின்றனர். மேலும், கண்காணிப்புப் பணியில் 20 பேர் கொண்ட குழுவினர் இரவு, பகலாகத்  தீவிரக் கண்காணிப்பில் ஈடுபட்டு வருகின்றனர்.
கரடியின் நடமாட்டம் புதன்கிழமை காலை வரையில் கேமராவில் பதிவாகவில்லை. இருப்பினும், வனத் துறையினர் தொடர்ந்து நடவடிக்கை மேற்கொண்டு வருகின்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/12/பெண்ணைத்-தாக்கிய-கரடியைப்-பிடிக்க-2-ஆவது-நாளாக-வனத்-துறையினர்-தீவிரம்-2788983.html
2788057 கோயம்புத்தூர் நீலகிரி குன்னூர், கோத்தகிரியில் 8 பேருக்கு டெங்கு அறிகுறி DIN DIN Wednesday, October 11, 2017 05:53 AM +0530 குன்னூர், கோத்தகிரியில் கடந்த 3 நாள்களில் 8 பேருக்கு டெங்கு அறிகுறி இருப்பது தெரியவந்துள்ளது.
கோத்தகிரி அரசு  மருத்துவமனையில் கோத்தகிரியைச் சேர்ந்த சாந்தி (51), கார்த்திக் (11), குன்னூர் அரசு மருத்துவமனையில், பக்காசுரன்மலையை சேர்ந்த பவித்ரன் (17), பெள்ளட்டிமட்டத்தைச் சேர்ந்த சுபத்திரா (47) ஆகியோர் டெங்கு காய்ச்சல் காரணமாக அனுமதிக்கப்பட்டுள்ளனர்.
இதேபோல, டென்ட்ஹில் பகுதியைச் சேர்ந்த அந்தோணி (37), உதகை டயாசிஸ்சை சேர்ந்த பாதிரியார் பெரியநாயகம் (54), எஸ்.எம். நகரைச் சேர்ந்த விஸ்வநாதன் (41), சமயபுரம் ஆழ்வார்பேட்டையைச் சேர்ந்த சதாம் (26) ஆகியோருக்கு டெங்கு  அறிகுறிகள் இருப்பது  கண்டறியப்பட்டுள்ளது. தொடர்ந்து, காய்ச்சலால் பாதிக்கப்படுவோரின் எண்ணிக்கை அதிகரித்து வருவதால் அரசு மருத்துவமனையில் கொசு வலையுடன் கூடிய  தனிப் பிரிவு   ஏற்படுத்தப்பட்டுள்ளது.    
நீலகிரி மாவட்டத்தில் உள்ள காலநிலைக்கு டெங்கு கொசுக்கள் இருக்கு வாய்ப்புகள் குறைவாக இருந்தாலும், சமவெளியில் இருந்து திரும்பிய பெரும்பாலானோருக்கு டெங்கு காய்ச்சல் வந்துள்ளது கண்டறியப்பட்டுள்ளது.
இதுகுறித்து,  சுகாதாரத் துறை இணை இயக்குநர்  ரகு பாபு கூறியதாவது:
மர்மக் காய்ச்சல் குறித்து ரத்த மாதிரிகள்  எடுக்கப்பட்டு அவற்றை மாவட்ட பரிசோதனைக் கூடத்தில் சோதித்து  என்ன நோய் என்று கண்டறிய 12  முதல் 24 மணி நேரம் வரை ஆகும். எனவே, டெங்கு அறிகுறிகள் இருந்தாலே அவர்களை கோவை  அரசு மருத்துவமனைக்கு  பரிந்துரைத்து வருகிறோம். உதகை, குன்னூர், கூடலூர்,கோத்தகிரியில் இருந்த 3 முதல் 5 மணி நேர பயணத்துக்குப் பின் கோவை அரசு மருத்துவமனைக்குச் செல்வது சிரமமாக இருப்பதால் இங்குள்ள அரசு மருத்துவமனைகளில் டெங்கு குறித்து அறியும் உபகரணங்களை போதுமான அளவு அரசு வழங்க வேண்டும். கூடுதலாக ஆம்புலன்ஸ் வசிதிகளையும் ஏற்படுத்தித் தர வேண்டும் என்பதே அனைத்துத் தரப்பினரது எதிர்பார்ப்பாகவும் உள்ளது என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/11/குன்னூர்-கோத்தகிரியில்-8-பேருக்கு-டெங்கு-அறிகுறி-2788057.html
2788056 கோயம்புத்தூர் நீலகிரி லாரிகள் வேலைநிறுத்தம்: ரூ. 20 கோடி வரையிலான தேயிலை தேக்கம் DIN DIN Wednesday, October 11, 2017 05:53 AM +0530 ஜி.எஸ்.டி. வரி விதிப்பு, டீசல் விலையில் தினந்தோறும் மாற்றம், சுங்கச் சாவடி கட்டணம் ஆகியவற்றை எதிர்த்தும், பல்வேறு கோரிக்கைகளை வலியுறுத்தியும் நடைபெற்று வரும் 2-ஆவது நாள் லாரிகள் வேலைநிறுத்தப் போராட்டத்தால் ரூ. 20 கோடி மதிப்பிலான தேயிலைத்  தூள் தேக்கமடைந்துள்ளன.
குன்னூரில் தனியார் தேயிலை ஏல மையமும், கூட்டுறவு தேயிலை ஏல மையமும் செயல்படுகிறது.  லாரி போக்குவரத்து முடங்கியதால் தேயிலை வர்த்தகம் பாதிக்கப்பட்டுள்ளது. குன்னூரிலிருந்து வட மாநிலங்களுக்கும், கேரள மாநிலம், கொச்சி துறைமுகத்துக்கும் தேயிலைத் தூள் லாரிகளில் கொண்டு செல்லப்படுகிறது.
இரண்டு நாள் லாரிகள் வேலைநிறுத்தம் காரணமாக சுமார் ரூ. 20 கோடி மதிப்பிலான தேயிலைத் தூள் தேக்கமடைந்துள்ளது. இதனால், தேயிலை வர்த்தகம் முடங்கியுள்ளது.

 

]]>
http://www.dinamani.com/all-editions/edition-coimbatore/nilgiris/2017/oct/11/லாரிகள்-வேலைநிறுத்தம்-ரூ-20-கோடி-வரையிலான-தேயிலை-தேக்கம்-2788056.html
2788055 கோயம்புத்தூர் நீலகிரி தேவாலாவில் புலி தாக்கி ஆடுகள் சாவு DIN DIN Wednesday, October 11, 2017 05:52 AM +0530 கூடலூரை அடுத்துள்ள தேவாலா பகுதியில் புலி தாக்கியதில் 3 ஆடுகள் செவ்வாய்க்கிழமை உயிரிழந்தன.
தேவாலாவை அடுத்துள்ள வாளவயல் கிராமத்தைச் சேர்ந்தவர் அப்துல் கபூர். ஆடு வளர்ப்புத் தொழிலில் ஈடுபட்டுள்ளார். இவர், 20 ஆடுகளை தனது வீட்டில் வளர்த்து வருகிறார்.
செவ்வாய்க்கிழமை காலையில் பார்த்தபோது பட்டியில் ஆடுகள் குறைவாக இருந்துள்ளன. தேடிப் பார்த்தபோது அருகிலுள்ள வனப் பகுதியில் மூன்று ஆடுகள், புலி தாக்கியதில் உயிரிழந்து கிடப்பது தெரியவந்துள்ளது. இதுகுறித்து, வனத் துறையினர் ஆய்வு செய்து வருகின்றனர்.

]]>
http://www.dinamani.com/all-editions/edition-coimbatore/nilgiris/2017/oct/11/தேவாலாவில்-புலி-தாக்கி-ஆடுகள்-சாவு-2788055.html
2788054 கோயம்புத்தூர் நீலகிரி கரடி தாக்கியதில் பெண் தொழிலாளி காயம் DIN DIN Wednesday, October 11, 2017 05:52 AM +0530 கூடலூரை அடுத்துள்ள தேவர்சோலை பகுதியில் கரடி தாக்கியதில் பெண் தொழிலாளி செவ்வாய்க்கிழமை காயமடைந்தார்.
கூடலூர் வட்டம், தேவர்சோலையை அடுத்துள்ள மேபீல்டு பகுதியில் உள்ள தனியார் எஸ்டேட்டில் சுமார் 40-க்கும் மேற்பட்ட பெண் தொழிலாளிகள் செவ்வாய்க்கிழமை காலை தேயிலை பறித்துக் கொண்டிருந்தனர். அப்போது, அம்மாளு (56) என்பவரை தேயிலைத் தோட்டத்தில் மறைந்திருந்த கரடி திடீரென தாக்கியுள்ளது.
அலறல் சப்தம் கேட்டதும் உடன் வேலை செய்து கொண்டிருந்த சக பெண் தொழிலாளிகள் சப்தமிட்டுள்ளனர். இதையடுத்து, கரடி தேயிலைத் தோட்டத்துக்குள் தப்பியோடி விட்டது.
இதையடுத்து, ஆம்புலன்ஸ் வரவழைக்கப்பட்டு கேரள மாநிலம், வயநாடு மாவட்டம், சுல்தான் பத்தேரியில் உள்ள தனியார் மருத்துவனையில் அம்மாளு அனுமதிக்கப்பட்டார்.
தகவலறிந்த அனைத்துப் பகுதியில் உள்ள தொழிலாளர்களும் வேலையை நிறுத்திவிட்டு வன விலங்குகளிடமிருந்து பாதுகாப்பு அளிக்க வலியுறுத்தி போராட்டத்தில் ஈடுபட்டனர்.
தகவலறிந்த வனத் துறையினர், கூடலூர் கோட்டாட்சியர் முருகையன் ஆகியோர் சம்பவ இடத்துக்குச் சென்று பேச்சுவார்த்தை நடத்தினர். அதில், கரடிகளை கூண்டுவைத்துப் பிடிப்பதாகவும், தொழிலாளர்களுக்கு பாதுகாப்பு வழங்க நடவடிக்கை எடுப்பதாகவும் அதிகாரிகள் உறுதி அளித்ததையடுத்து போராட்டம் கைவிடப்பட்டது.

]]>
http://www.dinamani.com/all-editions/edition-coimbatore/nilgiris/2017/oct/11/கரடி-தாக்கியதில்-பெண்-தொழிலாளி-காயம்-2788054.html
2788053 கோயம்புத்தூர் நீலகிரி நீலகிரியில் இயன்முறை மருத்துவர் பணிக்கு விண்ணப்பிக்கலாம் DIN DIN Wednesday, October 11, 2017 05:51 AM +0530 நீலகிரி மாவட்டத்தில் அனைவருக்கும் கல்வி திட்டத்தின்கீழ் இயன்முறை மருத்துவர் பணிக்கு விண்ணப்பிக்கலாம் எனத் தெரிவிக்கப்பட்டுள்ளது.
இதுதொடர்பாக, மாவட்ட கூடுதல் முதன்மைக் கல்வி அலுவலர் அலுவலக செய்திக் குறிப்பில் தெரிவிக்கப்பட்டுள்ளதாவது:
நீலகிரி மாவட்டத்தில் அனைவருக்கும் கல்வி இயக்கம் சார்பில் மாற்றுத்திறன் கொண்ட குழந்தைகளுக்கான இயன்முறை மருத்துவர் பணிக்கு விருப்பம் உள்ள தகுதியுடையோர் விண்ணப்பிக்கலாம்.
மாற்றுத்திறனுடைய குழந்தைகளுக்கான உள்ளடங்கிய கல்வித் திட்டத்தில் மாற்றுத் திறனுடைய குழந்தைகளுக்குப் பயிற்சி அளிப்பதற்காக முற்றிலும் தாற்காலிக அடிப்படையில் மாதம் ரூ. 15,000 மதிப்பூதியத்தில் பள்ளி மேலாண்மைக் குழுக்கள் மூலமாக இயன்முறை பயிற்சியாளர்கள் தேர்வு செய்யப்படவுள்ளனர்.
இயன்முறை மருத்துவர் பணிக்கு பி.பி.டி. படிப்பில் 50 சதவீத மதிப்பெண்கள் பெற்றிருக்க வேண்டும். இதற்குத் தகுதியுடைய விண்ணப்பதாரர்கள் அக்டோபர் 12-ஆம் தேதிக்குள் தங்களது கல்வித் தகுதி, அனுபவ சான்றுகளுடன் முதன்மைக் கல்வி அலுவலர், அனைவருக்கும் கல்வி இயக்கம், அரசு மேல்நிலைப் பள்ளி வளாகம்,  உதகை-1 என்ற முகவரியில் நேரில் விண்ணப்பிக்கலாம் எனத்
தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2017/oct/11/நீலகிரியில்-இயன்முறை-மருத்துவர்-பணிக்கு-விண்ணப்பிக்கலாம்-2788053.html
2787776 கோயம்புத்தூர் நீலகிரி அதிமுகவில் "ஸ்லீப்பர் செல்' என யாருமில்லை: அமைச்சர் ராஜேந்திர பாலாஜி DIN DIN Tuesday, October 10, 2017 08:44 AM +0530 அதிமுகவில் ஸ்லீப்பர் செல் என யாருமில்லை என்று அமைச்சர் ராஜேந்திர பாலாஜி தெரிவித்தார்.
 நீலகிரி மாவட்டத்தில் ரூ.5.14 கோடி செலவில் 5 நவீன பாலகங்களை அமைச்சர் ராஜேந்திர பாலாஜி திங்கள்கிழமை திறந்துவைத்தார். இதில் உதகையிலுள்ள ஆவின் பாலகத்தை திறந்துவைத்து அவர் பேசியதாவது:
உதகை சிறப்பு வாய்ந்த சுற்றுலா மையமாகும்.  அனைத்துப் பகுதி மக்களும் வந்து செல்லக்கூடிய இடமென்பதால் சுற்றுலாப் பயணிகளின் வசதிக்காக மாவட்டத்தில் 5 பகுதிகளில்  ஹைடெக் பாலகங்களை திறந்துள்ளோம்.  ஆவின் பாலகங்களின் சுகாதாரத்தை மக்கள் புரிந்து கொண்டுள்ளதாலேயே அவர்களின் ஆதரவு தொடர்ந்து அதிகரித்து வருகிறது. தமிழக பால்வளத் துறையும் நவீனமாக்கப்பட்டு வருகிறது. கடந்த திமுக ஆட்சிக் காலத்தின்போது 20 லட்சம் முதல்  25 லட்சம் லிட்டர் வரை மட்டும் பால் கொள்முதல் செய்து வந்த ஆவினில் தற்போது நாளொன்றுக்கு 33 லட்சம் லிட்டர் வரை கொள்முதல் செய்யப்படுகிறது.
 அதைப்போலவே தமிழகத்தில் சென்னை முதல் கன்னியாகுமரி வரையிலும், சென்னையிலிருந்து கோவை  வரையிலும் அனைத்து நான்கு  வழிப் பாதைகளிலும் ஆவின் பாலகங்களைத் திறக்க நடவடிக்கைகள் எடுக்கப்பட்டு வருகின்றன.  சென்னையில் மட்டும் 200 கல்லூரிகளில் ஆவின் பாலகங்கள் செயல்பட  உள்ளன   என்றார்.  
பின்னர் செய்தியாளர்களிடம் பேசுகையில்,  அதிமுகவில் ஸ்லீப்பர் செல்கள்  என யாருமில்லை.  எடப்பாடி பழனிசாமி, ஓ.பன்னீர்செல்வம் ஆகியோர் தலைமையிலான ஆட்சி  5 ஆண்டுகளை நிறைவு செய்யும் என்றார்.
 இந்நிகழ்ச்சியில்,  மாவட்ட  ஆட்சியர் இன்னசென்ட் திவ்யா,  மாநிலங்களவை உறுப்பினர் கே.ஆர்.அர்ஜுனன்,  தமிழக ஆவின் தலைவர்அ.மில்லர்,  குன்னூர் சட்டப்பேரவை உறுப்பினர்  ராமு உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2017/oct/10/அதிமுகவில்-ஸ்லீப்பர்-செல்-என-யாருமில்லை-அமைச்சர்-ராஜேந்திர-பாலாஜி-2787776.html
2787685 கோயம்புத்தூர் நீலகிரி கூடலூர் வட்டாட்சியர் அலுவலகம் முற்றுகை DIN DIN Tuesday, October 10, 2017 07:36 AM +0530 கூடலூர் வட்டாட்சியர் அலுவலகத்தை பழங்குடி மக்கள் முற்றுகையிட்டு திங்கள்கிழமை போராட்டத்தில் ஈடுபட்டனர்.
கூடலூர்,  தொரப்பள்ளி,  அள்ளூர்வயல்,  கோடமூலா ஆகிய பகுதிகளில் வசிக்கும் பழங்குடிகள் வழிபட்டுவரும் பொம்முதேவர்,  மாரியம்மன் உள்ளிட்ட குலதெய்வ கோயில்களுக்கு சொந்தமான நிலத்தையும், அதன் வழித்தடத்தையும் அங்குள்ள  தனியார் எஸ்டேட் நிர்வாகம் ஆக்கிரமித்து மின்வேலி அமைத்துள்ளதாக கூறப்படுகிறது.
மேலும்,  அப்பகுதியிலுள்ள பிரிவு-17 நிலங்களில் ஆயிரக்கணக்கான விலையுர்ந்த மரங்களை வெட்டிக் கடத்தி 100 ஏக்கருக்கும் அதிகமான பரப்பில் ஏலக்காய் செடிகளை நடவு செய்துள்ள இந்த தனியார் எஸ்டேட் நிர்வாகத்தின் மீது வனத் துறையும்,  வருவாய்த் துறையும் நடவடிக்கை எடுக்காமல் உள்ளதாக பழங்குடிமக்கள் புகார் தெரிவிக்கின்றனர்.  
இந்நிலையில், தனியார்  எஸ்டேட் நிர்வாகத்தின் மீது நடவடிக்கை எடுக்க  வலியுறுத்தி,  பழங்குடிமக்கள் கூடலூர் வட்டாட்சியர் அலுவலகத்தை முற்றுகையிட்டனர்.
அவர்களுடன்,  கூடலூர் கோட்டாட்சியர் முருகையன் முன்னிலையில் வட்டாட்சியர் சிவகுமார்,  கூடலூர் டி.எஸ்.பி. ரவிசங்கர் ஆகியோர் பேச்சுவார்த்தை நடத்தினர்.  இதில் கோரிக்கை குறித்து பரிசீலித்து உரிய நடவடிக்கை எடுப்பதாக உறுதியளித்ததைத் தொடர்ந்து போராட்டத்தில் ஈடுபட்டவர்கள் கலைந்து சென்றனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/10/கூடலூர்-வட்டாட்சியர்-அலுவலகம்-முற்றுகை-2787685.html
2787684 கோயம்புத்தூர் நீலகிரி குன்னூரில் லாரிகள் வேலைநிறுத்தம்: ரூ. 10 கோடி தேயிலைத் தூள் தேக்கம் DIN DIN Tuesday, October 10, 2017 07:36 AM +0530 லாரிகள் வேலை நிறுத்தம் காரணமாக குன்னூரில் ரூ. 10 கோடி  மதிப்பிலான தேயிலைத் தூள் தேக்கமடைந்துள்ளதாக லாரி உரிமையாளர்கள் சங்கம் தெரிவித்துள்ளது.  
நீலகிரியில் உற்பத்தியாகும் தேயிலைத் தூள் நாட்டின் பல பகுதிகளில் சந்தைப்படுத்தப்படுவதோடு வெளிநாடுகளுக்கும் ஏற்றுமதி செய்யப்பட்டு வருகிறது.  
இந்நிலையில்,  லாரிகள் வேலைநிறுத்தம் காரணமாக மும்பை, கொல்கத்தா,  பெங்களூரு ஆகிய நகரங்களுக்கு செல்லவேண்டிய சுமார் ரூ. 10 கோடி  மதிப்பிலான தேயிலைத் தூள் குன்னூரில் உள்ள தேயிலைக் கிடங்குகளில் தேக்கம் அடைந்துள்ளது.
இதுகுறித்து லாரிகள் போக்குவரத்து சங்க செயலாளர் கணேசமூர்த்தி  தெரிவித்ததாவது:  
டீசல் விலை உயர்வு,  ஜிஎஸ்டி வரிவிப்பு,  சுங்கக் கட்டணம், ஆகியவற்றால்  லாரி உரிமையாளர்கள் மிகவும் பாதிக்கப்பட்டுள்ளனர். குன்னூரில்  மட்டும் 500 லாரிகள் வேலை நிறுத்தத்தில ஈடுப்பட்டுள்ளன. இதில் 250 லாரிகள் வரை தேயிலைப் போக்குவரத்துக்காக பயன்படுத்தப்பட்டு வருகின்றன. இவை அனைத்தும் வேலை நிறுத்தத்தில் ஈடுபட்டு வருவதால்      குன்னூரில் உள்ள தேயிலை கிடங்குகளில் சுமார் 7 லட்சம்  கிலோ வரை  தேயிலை தேக்கமடைந்து உள்ளது.  இதன் மதிப்பு சுமார் ரூ. 10 கோடி ஆகும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/10/குன்னூரில்-லாரிகள்-வேலைநிறுத்தம்-ரூ-10-கோடி-தேயிலைத்-தூள்-தேக்கம்-2787684.html
2787043 கோயம்புத்தூர் நீலகிரி கேரளத்துக்கு கடத்த முயன்ற 850 கிலோ ரேஷன் அரிசி பறிமுதல் DIN DIN Monday, October 9, 2017 07:32 AM +0530 கேரளத்துக்கு கடத்த முயன்ற 850 கிலோ ரேஷன் அரிசியை தேவாலா போலீஸார் சனிக்கிழமை இரவு பறிமுதல் செய்தனர்.
 கூடலூரை அடுத்துள்ள நாடுகாணி பகுதியில் தேவாலா போலீஸார் சனிக்கிழமை நள்ளிரவில் வாகன சோதனையில் ஈடுபட்டிருந்தனர். அப்போது, கேரளம் நோக்கிச் சென்ற லாரியை நிறுத்தி யபோது, ஓட்டுநர் லாரியை நிறுத்திவிட்டு தப்பி ஓடிவிட்டார். போலீஸார் லாரியை சோதனையிட்டபோது 850 கிலோ ரேஷன் அரிசி இருப்பது தெரியவந்தது.
 இதையடுத்து, குடிமைப் பொருள் தடுப்புப் பிரிவு போலீஸார் அரிசியுடன் லாரியைக் கைப்பற்றி விசாரணை நடத்தி வருகின்றனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/09/கேரளத்துக்கு-கடத்த-முயன்ற-850-கிலோ-ரேஷன்-அரிசி-பறிமுதல்-2787043.html
2787042 கோயம்புத்தூர் நீலகிரி உதகைக்கு வந்த துணை முதல்வர் ஓபிஎஸ் DIN DIN Monday, October 9, 2017 07:32 AM +0530 தனது பேரக் குழந்தைகளைப் பார்ப்பதற்காக தமிழக துணை முதல்வர் ஓ.பன்னீர்செல்வம் சனிக்கிழமை உதகைக்கு வந்தார்.
 தருமபுரியில் நடைபெற்ற எம்ஜிஆர் நூற்றாண்டு விழா நிகழ்ச்சியில் பங்கேற்றுவிட்டு அங்கிருந்து துணை முதல்வர் ஓ.பன்னீர்செல்வம்  தனது குடும்பத்தினருடன் உதகைக்கு வந்தார். மேட்டுப்பாளையம் வரும் வரை அவரது உதகை பயணம் குறித்து யாருக்கும் தெரிந்திருக்கவில்லை. மேட்டுப்பாளையத்தை அடைந்தவுடனும் அவர் அங்கு தங்கி ஓய்வெடுப்பதாகக் கூறப்பட்டது. ஆனால், நள்ளிரவில் 1 மணிக்கு அவர் உதகையில் உள்ள தமிழகம் மாளிகைக்கு வந்தார்.
 மாவட்ட ஆட்சியர் இன்னசென்ட் திவ்யா ஞாயிற்றுக்கிழமை காலையில் அவரை நேரில் சந்தித்து பூச்செண்டு கொடுத்தார். தமிழகம் மாளிகையில் பத்திரிகையாளர்களைச் சந்திக்க மறுத்துவிட்ட ஓபிஎஸ்,  இது தனது தனிப்பட்ட பயணம் என்றும், தனது பேரக் குழந்தைகளைப் பார்ப்பதற்காகவே உதகைக்கு வந்துள்ளேன் எனவும் கூறிச் சென்றுவிட்டார்.
 பின்னர், உதகையில் உள்ள  குட்ஷெப்பர்டு சர்வதேசப் பள்ளிக்கும், லாரன்ஸ் பள்ளிக்கும் சென்ற அவர்  பிற்பகலில் உதகையிலிருந்து கோவைக்கு புறப்பட்டுச் சென்றார்.
 உதகையில் திங்கள்கிழமை நடைபெறவுள்ளஆவின் நிகழ்ச்சியில் பங்கேற்பதற்காக பால் வளத் துறை அமைச்சர் ராஜேந்திர பாலாஜியும் சனிக்கிழமை உதகைக்கு வந்தார்.

 

]]>
http://www.dinamani.com/all-editions/edition-coimbatore/nilgiris/2017/oct/09/உதகைக்கு-வந்த-துணை-முதல்வர்-ஓபிஎஸ்-2787042.html
2787041 கோயம்புத்தூர் நீலகிரி 310 தொலைதூரக் கல்வி மையங்கள் 2 ஆண்டுகளில் மூடப்படும்: பாரதியார் பல்கலைக்கழகத் துணைவேந்தர் கணபதி DIN DIN Monday, October 9, 2017 07:32 AM +0530 தமிழகத்துக்கு வெளியில் செயல்படும் கோவை பாரதியார் பல்கலைக்கழகத்தின் 310 தொலைதூரக் கல்வி மையங்கள் அடுத்த 2 ஆண்டுகளுக்குள் மூடப்படும் என பல்கலைக்கழகத் துணைவேந்தர் ஆ.கணபதி தெரிவித்தார்.
 உதகையில் உள்ள எமரால்டு ஹைட்ஸ் மகளிர் கல்லூரியில் ஞாயிற்றுக்கிழமை நடைபெற்ற பட்டமளிப்பு விழா நிகழ்ச்சியில் பங்கேற்று 250 மாணவியருக்கு பட்டங்களை வழங்கிய அவர் செய்தியாளர்களிடம் கூறியதாவது:
 கோவை பாரதியார் பல்கலைக்கழகம்  உலகத்தரம் வாய்ந்த பல்கலைக்கழகங்களின் பட்டியலில் இடம்பெறுவதற்கான தகுதிப் பட்டியலில் இடம்பெற்றுள்ளது. தற்போது, தேசிய அளவில் 28-ஆவது இடத்தில் உள்ள பாரதியார் பல்கலைக்கழகம்  இப்போட்டியில் பங்கேற்றுள்ளதால் விரைவில் உலகத்தரம் வாய்ந்த பல்கலைக்கழகங்களின் பட்டியலிலும் இடம்பெறும் வாய்ப்பு அதிகரித்துள்ளது.
 தொலைதூரக் கல்வியை பொருத்தமட்டில் 2014-ஆம் ஆண்டு வரை பல்கலைக்கழக மானியக் குழுவின் நிதியுதவி பெற்று நாட்டின் பல்வேறு பகுதிகளிலும் பாரதியார் பல்கலைக்கழகம் உள்ளிட்ட  பல்வேறு பல்கலைக்கழகங்களின் சார்பில் படிப்பு மையங்கள் அமைக்கப்பட்டிருந்தன.   இதன் மூலம் ஆண்டுக்கு ரூ. 40 லட்சம் வரை நிதியுதவியும் கிடைத்து வந்தது. இந்நிலையில், 2015-ஆம் ஆண்டில் எல்லைகளைத் தாண்டி படிப்பு மையங்களை நடத்தக் கூடாது  என தனியார் கல்லூரிகள் எதிர்ப்புத் தெரிவித்ததன் அடிப்படையில் நீதிமன்றத்தில் தடையாணை பெறப்பட்டு இப்பிரச்னை நிலுவையில் உள்ளது.
 இதன் காரணமாக, தற்போது தொலைதூரக் கல்வி மையங்களை தமிழகத்துக்குள் மட்டுமே  நடத்த முடியும். பாரதியார் பல்கலைக்கழகத்தைப் பொருத்தமட்டில் தமிழகத்துக்குள் 150 படிப்பு மையங்களும், தமிழகத்துக்கு வெளியே 310 மையங்களும் செயல்பட்டு வருகின்றன. தற்போது ஏற்பட்டுள்ள பிரச்னையால் நடப்புக் கல்வி ஆண்டில் தொலைதூரக் கல்வி மையங்களில் மாணவர் சேர்க்கை நடைபெறவில்லை. தற்போது இரண்டாமாண்டு, மூன்றாமாண்டு படித்து வருபவர்களுடன் தமிழகத்துக்கு வெளியே செயல்பட்டு வரும் 310 தொலைதூர படிப்பு மையங்களும் மூடப்படும்.
 மத்திய ராணுவ அமைச்சகத்துடனான டிஆர்டிஓ அமைப்பின் புரிந்துணர்வு  ஒப்பந்தத்தின்கீழ் நானோ ஆய்வு,  லைப் சயின்ஸ் போன்றவற்றுக்காக முதல்கட்ட நிதி ரூ. 27 கோடி பெறப்பட்டுள்ளது. இதில், அடுத்த 5 ஆண்டுகளுக்கு மேலும் ரூ. 30 கோடி பெறுவதற்கான முயற்சிகள் மேற்கொள்ளப்பட்டுள்ளன.
 அதேபோல,  பல்கலைக்கழகம் சார்பில் ஆய்வு, மேம்பாட்டு நிதியாக ரூ. 20 கோடி வைப்புத் தொகையாக வைக்கப்பட்டு அதிலிருந்து கிடைக்கும் வட்டித் தொகை ஆசிரியர்களுக்கான பயிற்சி உள்ளிட்டவற்றுக்கு செலவழிக்கப்படுகிறது. ஓய்வூதியத் திட்டத்துக்காகவும் ரூ. 150 கோடி நிதி ஒதுக்கப்பட்டுள்ளது. இந்த ஆண்டிலிருந்து ஆசிரியர் தினத்தில் பல்கலைக்கழகத்தில் சிறப்பாகப் பணியாற்றும் ஆசிரியர்களுக்கு விருது வழங்கப்படவுள்ளது என்றார்.
 இந்நிகழ்ச்சியில் பல்கலைக்கழக செனட் குழு உறுப்பினர் ஜெயபால், கல்லூரித் தாளாளர் மோதிலால் கட்டாரியா, செயலர் என்.கிருஷ்ணமூர்த்தி, கல்லூரி முதல்வர் செல்வநாயகி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/09/310-தொலைதூரக்-கல்வி-மையங்கள்-2-ஆண்டுகளில்-மூடப்படும்-பாரதியார்-பல்கலைக்கழகத்-துணைவேந்தர்-கணபதி-2787041.html
2787040 கோயம்புத்தூர் நீலகிரி உதகை - மேட்டுப்பாளையம் மலை ரயிலில் 20-ஆம் தேதி வரை முன்பதிவு நிறைவு DIN DIN Monday, October 9, 2017 07:31 AM +0530 தீபாவளி பண்டிகையை முன்னிட்டு, நீலகிரி மலை ரயிலில் பயணம் மேற்கொள்ள சுற்றுலாப் பயணிகள் அதிக ஆர்வம் காட்டி வருவதால் அக்டோபர் 20-ஆம் தேதி வரை முன்பதிவு நிறைவடைந்துள்ளது.
 தீபாவளி பண்டிகையை முன்னிட்டு, நீலகிரிக்கு வருகை தரும்  சுற்றுலாப் பயணிகளின் எண்ணிக்கை ஆண்டுதோறும் அதிகரித்துக் காணப்படுவது வழக்கம். குறிப்பாக, மேட்டுப்பாளையம் - குன்னூர் இடையே அடர்ந்த வனப் பகுதியில் 20-க்கும் மேற்பட்ட குகைகள், சிறு பாலங்களில் வன விலங்குகளைப் பார்த்து ரசித்தவாறு பயணம் செய்ய பெரும்பாலான சுற்றுலாப் பயணிகள் ஆர்வம் காட்டி வருவதால் இந்த வழித்தடத்தில் மட்டும் சுற்றுலாப் பயணிகள் அதிக அளவில் பயணம் மேற்கொண்டு வருகின்றனர்.
 தீபாவளி பண்டிகையை முன்னிட்டு அக்டோபர் 20-ஆம் தேதி வரை உதகை - மேட்டுப்பாளையம் இடையே மலை ரயில் முன்பதிவு நிறைவடைந்தது. மேலும், காத்திருப்போர் பட்டியலும் 5,000-ஐ தாண்டியுள்ளதால்  சுற்றுலாப் பயணிகள் ஏமாற்றம் அடைந்துள்ளனர்.
 மேலும், ரயில் பயணத்தை சிறப்பாக மேற்கொள்ளும் வகையில் ரயில்வே துறையினரும் பல்வேறு நடவடிக்கைகளை மேற்கொண்டு வருகின்றனர். தீபாவளி சீசன் நிறைவடைந்தவுடன் அடுத்தகட்டமாக கிறிஸ்துமஸ், புத்தாண்டு, பொங்கல் பண்டிகைக் காலங்களுக்கான முன்பதிவும் முன்கூட்டியே துவங்கியுள்ளது. இதில், உள்நாடு மட்டுமல்லாமல் வெளிநாட்டு சுற்றுலாப் பயணிகள் அதிக அளவில் ஆன்லைன் மூலம் முன்பதிவு செய்து வருவது குறிப்பிடத்தக்கது.

 

 

]]>
http://www.dinamani.com/all-editions/edition-coimbatore/nilgiris/2017/oct/09/உதகை---மேட்டுப்பாளையம்-மலை-ரயிலில்-20-ஆம்-தேதி-வரை-முன்பதிவு-நிறைவு-2787040.html
2787039 கோயம்புத்தூர் நீலகிரி "சுற்றுலா வாகனங்களில் எரிவாயு சிலிண்டர்களை எடுத்துச் சென்றால் வாகனம் பறிமுதல்' DIN DIN Monday, October 9, 2017 07:31 AM +0530 நீலகிரி மாவட்டத்தில் வாகன உபயோகிப்பாளர்களும், சுற்றுலாப் பயணிகளும் தங்களது வாகனத்தில் எரிவாயு சிலிண்டர்களை எடுத்துச் சென்றால் வாகனம் பறிமுதல் செய்யப்படும் என எச்சரிக்கப்பட்டுள்ளது.
 இதுதொடர்பாக, மாவட்ட காவல் கண்காணிப்பாளர் முரளி ரம்பா தெரிவித்துள்ளதாவது:
 நீலகிரி மாவட்டத்தில் வாகனங்களில் எரிவாயு சிலிண்டர்களைக் கொண்டு செல்வது அபாயகரமானது. மாவட்டத்தில் பெரும்பாலான சாலைகள் வனத்தையொட்டியே அமைந்துள்ளதால் சுற்றுலாப் பயணிகள் சாலையோரங்களில் தீ மூட்டி உணவு சமைப்பதால் தீ விபத்து, மாசு ஏற்படுகிறது. இதைத் தவிர்ப்பதற்காக அனைத்து சோதனைச் சாவடிகளிலும் தீவிர வாகனத் தணிக்கை மேற்கொண்டு எரிவாயு சிலிண்டர்களை வாகனங்களில் கொண்டு செல்வதைத் தடுக்க உத்தரவிடப்பட்டுள்ளது.
 எனவே, அனைத்து வாகன உபயோகிப்பாளர்களும், சுற்றுலாப் பயணிகளும் எவ்வித எரிவாயு சிலிண்டர்களையும் தங்களுடன் எடுத்துச் செல்லக் கூடாது. எவ்வித அனுமதியுமின்றி எரிவாயு சிலிண்டர்களை கொண்டு வருவோர் மீதும், தடை செய்யப்பட்ட செயல்களில்  ஈடுபடுவோர் மீதும் சட்டப்படியான  நடவடிக்கை மேற்கொள்வதுடன், அந்த வாகனமும் பறிமுதல் செய்யப்படும்.
 எனவே, சுற்றுலாப் பயணிகளும், பொதுமக்களும் காவல் துறையினரின் நடவடிக்கைகளுக்கு ஒத்துழைப்பு அளிக்க வேண்டும் என முரளி ரம்பா தெரிவித்துள்ளார்.

 

 

]]>
http://www.dinamani.com/all-editions/edition-coimbatore/nilgiris/2017/oct/09/சுற்றுலா-வாகனங்களில்-எரிவாயு-சிலிண்டர்களை-எடுத்துச்-சென்றால்-வாகனம்-பறிமுதல்-2787039.html
2786630 கோயம்புத்தூர் நீலகிரி 20% போனஸ் வழங்கக் கோரி தொழிலாளர்கள் போராட்டம் DIN DIN Sunday, October 8, 2017 04:35 AM +0530 தீபாவளி போனஸ் 20 சதவீதம் வழங்கக் கோரி சோலையாறு குரூப் தேயிலைத் தோட்டத் தொழிலாளர்கள் வேலை நிறுத்தப் போராட்டத்தில் சனிக்கிழமை ஈடுபட்டனர்.
வால்பாறையில் உள்ள சோலையாறு குரூப் தேயிலை எஸ்டேட்களில் ஆயிரக்கணக்கான தொழிலாளர்கள் பணியாற்றி வருகின்றனர். 2016-17-ஆம் ஆண்டுக்கு 9.50 சதவீதம் போனஸ் தொகையை எஸ்டேட் நிர்வாகத்தினர் தொழிலாளர்கள் வங்கிக் கணக்கில் செலுத்தியுள்ளனர்.
போனஸ் தொகைக்கான பிரதிகளை தொழிலாளர்களிடம் தோட்ட அதிகாரிகள் சனிக்கிழமை காலை வழங்கினர். இந்நிலையில், தங்களுக்கு 20 சதவீதம் போனஸ் வழங்க வேண்டும். போனஸ் சதவீதம் குறித்து முன்கூட்டியே தொழிலாளர்களுக்கு நிர்வாகச் சட்டப்படி தெரிவிக்கவில்லை என்று கூறி நூற்றுக்கணக்கான தொழிலாளர்கள் வேலைக்குச் செல்லாமல் தொழிற்சாலை முன்பு சனிக்கிழமை போராட்டத்தில் ஈடுபட்டனர்.
தகவலறிந்து சென்ற வால்பாறை போலீஸார் எஸ்டேட் பொதுமேலாளர் வந்தபின் பேச்சுவார்த்தை மூலம் தீர்வு காணப்படும் என்று கூறினர். இதையடுத்து தொழிலாளர்கள் கலைந்து சென்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/08/20-போனஸ்-வழங்கக்-கோரி-தொழிலாளர்கள்-போராட்டம்-2786630.html
2786627 கோயம்புத்தூர் நீலகிரி சிறப்பு சுருக்க முறை திருத்தம்: வாக்காளர் பட்டியல் பார்வையாளர் ஆய்வு DIN DIN Sunday, October 8, 2017 04:05 AM +0530 நீலகிரி மாவட்டத்தில் வாக்காளர் பட்டியல் சிறப்பு சுருக்க முறை திருத்தம் தொடர்பாக வாக்காளர் பட்டியல் பார்வையாளர் லால்வேனா உதகையில் நேரில் ஆய்வு மேற்கொண்டார்.
வாக்காளர் பட்டியல் சிறப்பு சுருக்கமுறை திருத்தத்தின்படி அக்டோபர் 31-ஆம் தேதி வரை வாக்காளர் பட்டியலில் பெயர் சேர்த்தல், நீக்குதல், திருத்தம் செய்தல், முகவரி மாற்றம் தொடர்பாக விண்ணப்பங்கள் பரிசீலிக்கப்பட்டு வருகின்றன. இதுதொடர்பாக, அக்டோபர் 8, 22-ஆம் தேதிகளில் அனைத்து வாக்குச் சாவடிகளிலும் சிறப்பு முகாம்களும் நடத்தப்பட உள்ளது. இப்பணிகளைப் பார்வையிட நீலகிரி மாவட்ட வாக்காளர் பட்டியல் பார்வையாளராக சமூக பாதுகாப்பு ஆணையர் லால்வேனாவை தேர்தல் ஆணையம் நியமித்துள்ளது.
இதையடுத்து, வாக்காளர் பட்டியல் பார்வையாளர் லால்வேனா முன்னிலையில் அனைத்து அரசியல் கட்சிகளின் பிரதிநிதிகள், அரசு அலுவலர்கள் பங்கேற்ற கூட்டம் உதகையில் சனிக்கிழமை நடத்தப்பட்டது.
இக்கூட்டத்தில் அரசியல் கட்சிப் பிரதிநிதிகளிடம் அண்மையில் வெளியிடப்பட்ட வரைவு வாக்காளர் பட்டியல் தொடர்பான கருத்துகûள கேட்டறிந்தார். வாக்காளர் பட்டியலில் திருத்தங்கள் மேற்கொள்ளத் தேவையான ஆவண ஆதாரங்கள் அளிப்பது குறித்தும் விவாதிக்கப்பட்டது.
வாக்காளர்களிடமிருந்து பெறப்படும் விண்ணப்பங்களில் படிவங்களில் உத்தரவிடும்போது தள்ளுபடி, ஏற்பளிப்பு காரணம் தொடர்பான அறிக்கையை அனைத்துப் படிவங்களிலும் தவறாமல் குறிப்பிட அனைத்து அலுவலர்களுக்கும் அறிவுரைகள் வழங்கப்பட்டன.

 

]]>
http://www.dinamani.com/all-editions/edition-coimbatore/nilgiris/2017/oct/08/சிறப்பு-சுருக்க-முறை-திருத்தம்-வாக்காளர்-பட்டியல்-பார்வையாளர்-ஆய்வு-2786627.html
2786626 கோயம்புத்தூர் நீலகிரி கோத்தகிரியில் தேசிய அளவிலான வாலிபால் போட்டி DIN DIN Sunday, October 8, 2017 04:05 AM +0530 கோத்தகிரியில் பள்ளிகளுக்கு இடையேயான தேசிய அளவிலான வாலிபால் போட்டிகளின் இறுதி ஆட்டம் சனிக்கிழமை நடைபெற்றது.
ஆங்கில பள்ளிகளுக்கிடையே ஏ.எஸ்.ஐ.எஸ்.சி. நடத்தும் 17-ஆவது தேசிய அளவிலான வாலிபால் போட்டிகள், புனித ஜூட்ஸ் பள்ளி, ஜுனியர் கல்லூரி வளாகத்தில் நடைபெற்றன. இதில், தமிழகம், கேரளம், உத்தர பிரதேசம், பஞ்சாப், ஒடிஸா, குஜராத் உள்ளிட்ட 14 மாநிலங்களைச் சேர்ந்த பள்ளி மாணவ, மாணவிகள் பங்கேற்றனர்.
சனிக்கிழமை நடைபெற்ற இறுதி ஆட்டத்தில், ஆண்கள் பிரிவில் பஞ்சாப் அணி, தமிழக அணிகள் மோதின. இதில், 25-12, 31- 29 என்ற புள்ளிக் கணக்கில் தமிழக ஆண்கள் அணி வெற்றி பெற்றது. பெண்கள் அணியில் தமிழகம், குஜராத் அணிகள் மோதின. 3 சுற்றுகளாக நடைபெற்ற இந்த ஆட்டத்தில் 20-25, 25-16, 22-25 என்ற புள்ளிக் கணக்கில் குஜராத் பெண்கள் அணி வெற்றி பெற்றது.
முன்னதாக இப்போட்டிகளை, இந்திய அரசின் முதன்மைச் செயலாளர் சுர்ஜித் கே சௌத்ரி தொடக்கிவைத்தார். ஜூட்ஸ் பள்ளியின் துணைத் தாளாளர் சரோ தன்ராஜன் வரவேற்றார். இதில், துணைத் தாளாளர் சம்ஜித் தன்ராஜன், ரிவர்சைடு பள்ளி நிர்வாகி பிரான்சிஸ், சம்ஸ்காரா பல்கலைக்கழக முதல்வர் லூனின் சேவியர் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/08/கோத்தகிரியில்-தேசிய-அளவிலான-வாலிபால்-போட்டி-2786626.html
2785794 கோயம்புத்தூர் நீலகிரி கல்விக் கடன் தர வங்கித் தரப்பு அலைக்கழிப்பு: தீக்குளிக்க முயன்ற பெற்றோர் DIN DIN Saturday, October 7, 2017 05:32 AM +0530 குன்னூரில் மகளின் கல்விக் கடனைத் தர வங்கித் தரப்பு 5 மாதமாக அலைக்கழித்ததாகக் கூறி பெற்றோர்கள் வங்கி முன்பு வெள்ளிக்கிழமை தீக்குளிக்க முயன்றனர்.
குன்னூர், கம்பிசோலை சானிடோரியம் பகுதியில் வசித்து வருபவர் எட்வின். ஆட்டோ ஓட்டுநர். இவரது மனைவி சோபியா எட்வின். இவர்களது  மகள் புஷ்பசாலினி தனியார் பள்ளியில் ஹோட்டல் மேனேஜ்மென்ட் படித்து வருகிறார். இவரது கல்விக் கடனுக்காக எட்வின்  குன்னூர் பேரக்ஸ் பகுதியில் உள்ள பொதுத் துறை வங்கியில் ரூ. 2 லட்சம் கல்விக் கடனுக்கு விண்ணப்பித்துள்ளார். 5 மாதமாக அலைக்கழித்த பின் வங்கித் தரப்பு கடன் இல்லை என்று கூறியுள்ளது.
இதைத் தொடர்ந்து, மாவட்ட ஆட்சியரிடம் மனு அளித்துள்ளார். இதனிடையே கல்வி நிறுவனத்தில் இருந்து கட்டணம் கட்ட தொடர்ந்து அழுத்தம் கொடுத்ததால் மனமுடைந்த எட்வின், சோபியா ஆகியோர் பேரக்ஸ் பகுதியில் உள்ள வங்கி முன்பு தீக்குளிக்க முயன்றனர். அப்பகுதியில் இருந்த ராணவத்தினர், காவல் துறையினர் இருவரையும்  தடுத்து நிறுத்தி, வங்கிக்குள் அழைத்துச் சென்றனர்.
பின்னர், வங்கி மேலாளர் கார்த்திகேயன், எட்வின் குடும்பத்தினரை வெலிங்டன் காவல் நிலையத்துக்கு அழைத்துச் சென்று விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-coimbatore/nilgiris/2017/oct/07/கல்விக்-கடன்-தர-வங்கித்-தரப்பு-அலைக்கழிப்பு-தீக்குளிக்க-முயன்ற-பெற்றோர்-2785794.html
2785793 கோயம்புத்தூர் நீலகிரி சிவன்மலையில் பௌர்ணமி கிரிவலம் DIN DIN Saturday, October 7, 2017 05:30 AM +0530 கூடலூரை அடுத்த சிவன்மலையில் பௌர்ணமி கிரிவலம் வியாழக்கிழமை நடைபெற்றது.
பௌர்ணமி தினத்தையொட்டி  சிவன்மலையைச் சுற்றி சுமார் 6 கி.மீ.தூரம் பக்தர்கள் கிரிவலம் சென்று மலை உச்சியில் உள்ள சிவலிங்கத்துக்குப் பூஜை செய்தனர்.
தொடர்ந்து நடைபெற்ற நிகழ்ச்சியில் சிறப்பு அபிஷேக ஆராதனைகள் நடைபெற்றன. உலக அமைதிக்காகவும், உடல் நலம் பாதித்தவர்கள் குணமடையவும், தேர்வு எழுதும் மாணவர்களுக்காகவும் பிரார்த்தனை நடைபெற்றது. சிவன்மலைக்குச் சென்றுவர கூடலூரிலிருந்து அரசு சிறப்புப் பேருந்துகள் இயக்கப்பட்டன.

 

]]>
http://www.dinamani.com/all-editions/edition-coimbatore/nilgiris/2017/oct/07/சிவன்மலையில்-பௌர்ணமி-கிரிவலம்-2785793.html
2785792 கோயம்புத்தூர் நீலகிரி கூடலூர் வாகன ஆய்வாளர் அலுவலகம் முற்றுகை DIN DIN Saturday, October 7, 2017 05:30 AM +0530 கூடலூர் வாகன ஆய்வாளர் அலுவலகத்தை ஓட்டுநர்கள் வியாழக்கிழமை முற்றுகையிட்டனர்.
கூடலூர் பகுதிக்கு வாகன ஆய்வாளரை நியமிக்கவில்லை. இதனால்,  முழுமையாக எந்த வேலையும் நடைபெறுவதில்லை.  வாகன ஆய்வாளர்கள் மாறிமாறி வருவதால் ஓட்டுநர் உரிமம் பெறுவதில் சிக்கல் ஏற்பட்டுள்ளது. உரிமம் புதுப்பிக்கச் சென்றால் தாமதம் ஏற்படுகிறது.
இதைக் கண்டித்து ஓட்டுநர்கள் முற்றுகைப் போராட்டத்தில் ஈடுபட்டனர். இதையடுத்து, அதிகாரிகளின் பேச்சுவார்த்தையைத் தொடர்ந்து முற்றுகை கைவிடப்பட்டது.

 

]]>
http://www.dinamani.com/all-editions/edition-coimbatore/nilgiris/2017/oct/07/கூடலூர்-வாகன-ஆய்வாளர்-அலுவலகம்-முற்றுகை-2785792.html
2785791 கோயம்புத்தூர் நீலகிரி செட் டாப் பாக்ஸ் செயலாக்கம் செய்ய கூடுதல் தொகை கொடுக்க வேண்டாம்: ஆட்சியர் அறிவிப்பு DIN DIN Saturday, October 7, 2017 05:30 AM +0530 நீலகிரி மாவட்டத்தில் செட் டாப் பாக்ஸ்களை நிறுவி செயலாக்கம் செய்வதற்காக அரசு நிர்ணயித்துள்ள ரூ. 200-க்குமேல்  கூடுதல் தொகை கொடுக்க வேண்டாம் என மாவட்ட  ஆட்சியர்  இன்னசென்ட் திவ்யா தெரிவித்துள்ளார்.
இதுதொடர்பாக, ஆட்சியர் தெரிவித்துள்ளதாவது:
கேபிள் டிவி சந்தாதாரர்களுக்கு விலையில்லா செட் டாப் பாக்ஸ்களை தமிழக அரசு வழங்கி வருகிறது. இந்த செட் டாப் பாக்ஸ்கள் கேபிள் டிவி ஆபரேட்டர்கள் வாயிலாக சந்தாதாரர்களுக்கு வழங்கப்பட்டு செயலாக்கம் செய்யப்பட்டு வருகிறது. உள்ளூர் கேபிள் டிவி ஆபரேட்டர்கள் செட் டாப் பாக்ஸ்களை சந்தாதாரர்களுக்கு விலையில்லாமல் வழங்க வேண்டும். மேலும், இந்த செட் டாப் பாக்ஸ்களை சந்தாதாரர்களின் இடத்தில் நிறுவி செயலாக்கம் செய்ய ரூ. 200 மட்டும் ஒருமுறை பெற்றுக் கொள்ள அனுமதி வழங்கப்பட்டுள்ளது.
விலையில்லா செட் டாப் பாக்ஸ்கள் என்பதால் நிறுவுதல், செயலாக்கம் செய்வதற்காக நிர்ணயிக்கப்பட்ட ரூ. 200-க்கு மேல் சந்தாதாரர்கள் கூடுதலாக தொகை செலுத்தத் தேவையில்லை. கேபிள் ஆபரேட்டர்கள் கூடுதலான தொகை கேட்டால் அது தொடர்பான புகார்களை 1800 425  2911 என்ற கட்டணமில்லா தொலைபேசி எண்ணில் தெரிவிக்கலாம் என ஆட்சியர் தெரிவித்துள்ளார்.

 

]]>
http://www.dinamani.com/all-editions/edition-coimbatore/nilgiris/2017/oct/07/செட்-டாப்-பாக்ஸ்-செயலாக்கம்-செய்ய-கூடுதல்-தொகை-கொடுக்க-வேண்டாம்-ஆட்சியர்-அறிவிப்பு-2785791.html
2785790 கோயம்புத்தூர் நீலகிரி குன்னூர், கோத்தகிரியில் நிலவேம்புக் கஷாயம் விநியோகம் DIN DIN Saturday, October 7, 2017 05:29 AM +0530 குன்னூர்,  கோத்தகிரியில் பொதுமக்களுக்கு நிலவேம்புக் கஷாயம் வெள்ளிக்கிழமை விநியோகிக்கப்பட்டது. டெங்கு காய்ச்சல் பாதிப்பைத் தடுக்க  தமிழக அரசு பல்வேறு நடவடிக்கைகளை மேற்கொண்டு வருகிறது.  
இந்நிலையில்,  குன்னூர் அரசு மருத்துவமனை  சித்தா பிரிவு சார்பில், பொதுக்களுக்கு  நிலவேம்பு கஷாயம்  வழங்கும் நிகழ்ச்சி நடைபெற்றது.  குன்னூர் பேருந்து  நிலையத்தில் நடைபெற்ற இந்த நிகழ்ச்சியை  எக்ஸ்னோரா அமைப்பின் மாவட்டத் தலைவர் எம்.கண்ணன் தொடக்கிவைத்தார். இதில்  சுமார்  2 ஆயிரம் பேருக்கு நிலவேம்பு கஷாயம் வழங்கப்பட்டது.
இந்நிகழ்ச்சியில்,  சித்த மருத்துவர்கள் விஜயகுமார்,  ஷீலா,  மருந்தாளுநர் புஷ்பா  வியாபாரிகள் சங்கத் தலைவர் ஆர்.பரமேஸ்வரன்,  குன்னூர் குடிமக்கள் அமைப்பின் தலைவர்  டி.ஜெபரத்தினம் உள்பட பலர் கலந்து கொண்டனர்.
கோத்தகிரியில்...
புளூமவுண்டன் நுகர்வோர் பாதுகாப்பு சங்கம் சார்பில், கோத்தகிரி அரசு மேல்நிலைப் பள்ளியில்  பள்ளி மாணவ,  மாணவியருக்கு நிலவேம்பு கஷாயம் வழங்கப்பட்டது.
இதில்,  டெங்கு கொசு உருவாகும் விதம்,  சுற்றுப்புறத் தூய்மை,  காய்ச்சிய நீரை பருக வேண்டும் போன்ற விழிப்புணர்வு தகவல்கள் மாணவர்களுக்குத் தெரிவிக்கப்பட்டன.

 

 

]]>
http://www.dinamani.com/all-editions/edition-coimbatore/nilgiris/2017/oct/07/குன்னூர்-கோத்தகிரியில்-நிலவேம்புக்-கஷாயம்-விநியோகம்-2785790.html
2785789 கோயம்புத்தூர் நீலகிரி உதகையில் 20-இல் விவசாயிகள் குறைதீர் கூட்டம் DIN DIN Saturday, October 7, 2017 05:29 AM +0530 நீலகிரி மாவட்ட விவசாயிகள் குறைதீர் கூட்டம் அக்டோபர் 20-ஆம் தேதி நடைபெறும் என அறிவிக்கப்பட்டுள்ளது. இதுதொடர்பாக, நீலகிரி மாவட்ட தோட்டக் கலை இணை இயக்குநர் ராமகிருஷ்ணன் தெரிவித்துள்ளதாவது:
நீலகிரி மாவட்ட விவசாயிகள் குறைதீர் கூட்டம்  உதகையில் மாவட்ட ஆட்சியர் அலுவலகத்தில் ஆட்சியர் தலைமையில் அக்டோபர் 20-ஆம் தேதி நடைபெறவுள்ளது.
எனவே, நீலகிரி மாவட்ட விவசாயிகள் தங்களது பொதுவான கோரிக்கைகளைத் தவிர்த்து, விவசாயம் சம்பந்தப்பட்ட நீர்ப்பாசனம், இடுபொருள்கள்  போன்ற கோரிக்கைகளை மட்டும் தோட்டக்கலை இணை இயக்குநர், தபால் பெட்டி எண் - 72 என்ற முகவரிக்கு நேரிலோ அல்லது தபால் மூலமாகவோ அனுப்பி வைக்கலாம் எனத் தெரிவித்துள்ளார்.

 

 

]]>
http://www.dinamani.com/all-editions/edition-coimbatore/nilgiris/2017/oct/07/உதகையில்-20-இல்-விவசாயிகள்-குறைதீர்-கூட்டம்-2785789.html
2785788 கோயம்புத்தூர் நீலகிரி அனுமதி இன்றி இயக்கப்பட்ட பொக்லைன் இயந்திரம் பறிமுதல் DIN DIN Saturday, October 7, 2017 05:29 AM +0530 கோத்தகிரியில் சொகுசு விடுதிக்கு சாலை அமைக்கும் பணிக்காக அனுமதியில்லாமல் இயக்கப்பட்ட  பொக்லைன் இயந்திரத்தை  குன்னூர் கோட்டாட்சியர் கீதாபிரியா வெள்ளிக்கிழமை பறிமுதல் செய்தார்.   
மலை மாவட்டமான நீலகிரியில் பொக்லைன் இயந்திரத்தை பயன்படுத்தவும்,  ஆழ்துளைக் கிணறு அமைப்பதற்கும் மாவட்ட ஆட்சியர் இன்னசென்ட் திவ்யா தடை விதித்துள்ளார். மேலும்,  இதனைத் தீவிரமாகக் கண்காணிக்க அதிகாரிகளுக்கு உத்தரவிட்டிருந்தார்.
இந்நிலையில்,  கோத்தகிரி அருகே தப்பக்கம்பையில் தனியார் சொகுசு விடுதிக்கு சாலை அமைக்கும் பணியில் அனுமதியில்லாமல் பொக்லைன் இயந்திரம் பயன்படுத்தப்படுவதாக கிடைத்த தகவலையடுத்து குன்னூர் கோட்டாட்சியர் கீதாபிரியா அங்கு சென்று ஆய்வு மேற்கொண்டார்.  அப்போது அங்கு பொக்லைன் இயந்திரம் இயக்கப்பட்டு கொண்டிருந்தது தெரியவந்தது.  இதனையடுத்து,  அந்த  பொக்லைன் இயந்திரம் பறிமுதல் செய்யப்பட்டது.   இதுகுறித்து விசாரணைக்குப் பின்  உரிமையாளர் மீது   மீது சட்டப்படி நடவடிக்கை எடுக்கப்படும் என கோட்டாட்சியர்  கீதாபிரியா தெரிவித்தார்.

 

 

 

]]>
http://www.dinamani.com/all-editions/edition-coimbatore/nilgiris/2017/oct/07/அனுமதி-இன்றி-இயக்கப்பட்ட-பொக்லைன்-இயந்திரம்-பறிமுதல்-2785788.html
2785407 கோயம்புத்தூர் நீலகிரி சாலையோரத்தில் குப்பைகளை கொட்டியதால் ஆட்டோ பறிமுதல் DIN DIN Friday, October 6, 2017 08:17 AM +0530 கூடலூர் நகரில் சாலையோரத்தில் குப்பைகளைக் கொட்டிய ஆட்டோ பறிமுதல் செய்யப்பட்டது.
கூடலூர் சின்ன பள்ளிவாசல் தெருவில் ஆட்டோவில் புதன்கிழமை  வந்த இருவர் அங்கு, சாலையோரத்தில் குப்பைகளைக்  கொட்டினர்.
இதைப் பார்த்த அப்பகுதி மக்கள் அந்த ஆட்டோவை சுற்றி வளைத்துப் பிடித்து நகராட்சி சுகாதார மேற்பார்வையாளர் ரமேஷிடம் ஒப்படைத்தனர்.
இதையடுத்து ஆட்டோவை பறிமுதல் செய்த சுகாதார மேற்பார்வையாளர் ரமேஷ்  ஆட்டோவில் வந்தவர்களிடம் விசாரணை நடத்தி வருகிறார்.

 

]]>
http://www.dinamani.com/all-editions/edition-coimbatore/nilgiris/2017/oct/06/சாலையோரத்தில்-குப்பைகளை-கொட்டியதால்-ஆட்டோ-பறிமுதல்-2785407.html
2785406 கோயம்புத்தூர் நீலகிரி பழங்குடியினர் கிராமங்களில் ஆட்சியர் ஆய்வு DIN DIN Friday, October 6, 2017 08:17 AM +0530 உதகை அருகே சோலூர் பேரூராட்சிக்கு உள்பட்ட பழங்குடியினர் கிராமங்களில் மாவட்ட  ஆட்சியர் இன்னசென்ட் திவ்யா வியாழக்கிழமை ஆய்வு மேற்கொண்டார்.
ஆய்வின்போது குறும்பர் பள்ளம் பகுதியிலுள்ள குடிநீர்க் குழாய்களைச் சுத்தம் செய்யவும்,  அப்பகுதியில்  சுகாதாரப் பணிகள் மேற்கொள்ள இரண்டு பணியாளர்களை அமர்த்தவும்,  மேல்தக்கல் பகுதிக்கு கூடுதலாக மின் மோட்டார்,  தொட்டிகள் அமைக்கவும்,  தொட்டலிங்கி பகுதியில் உள்ள ரப்பர் குழாய்களை மாற்றவும்,  அப்பகுதியில் வடிகால்களை அமைக்கவும்,  பட்டா இல்லாத வீடுகளைக் கணக்கெடுத்து அவர்களுக்குப் பட்டா வழங்கவும் ஆட்சியர் உத்தரவிட்டார்.
மேலும், மோசமான நிலையிலுள்ள வீடுகளைக் கணக்கெடுத்து அவற்றைச் சீரமைக்கவும்,  கழிப்பறை  இல்லாத வீடுகளுக்கு கழிப்பறை கட்டித் தரவும், கிராம வனக் குழு ஏற்படுத்தி மக்களுக்குத் தேவையான வசதிகளைச் செய்து தரவும் சம்பந்தப்பட்ட அலுவலர்களுக்கு ஆட்சியர் அறிவுறுத்தினார்.
மகளிர் சுய உதவிக் குழுக்கள் தொடங்குமாறும் பழங்குடியின பெண்களிடம் ஆட்சியர் அறிவுறுத்தினார். இதைத் தொடர்ந்து,  பொக்காபுரம் பகுதியில் அமைந்துள்ள அரசு பழங்குடியினர் உண்டு உறைவிடப் பள்ளியை ஆய்வு செய்து மாணவர்களிடம் அடிப்படை வசதிகள் குறித்து கேட்டறிந்தார்.
இதையடுத்து, மாணவர்களுடன்  மதிய சத்துணவை உண்டார். ஆய்வின்போது ஆதிதிராவிடர்,  பழங்குடியினர் நல அலுவலர் கலைமன்னன்,  பேரூராட்சிகளின் உதவி இயக்குநர் ராஜகோபால்,  சோலூர் பேரூராட்சி செயல் அலுவலர் நந்தகுமார் உள்ளிட்டோர் பங்கேற்றனர்.

 

 

]]>
http://www.dinamani.com/all-editions/edition-coimbatore/nilgiris/2017/oct/06/பழங்குடியினர்-கிராமங்களில்-ஆட்சியர்-ஆய்வு-2785406.html
2785404 கோயம்புத்தூர் நீலகிரி நீலகிரி மாவட்டத்தில் பரவலாக மழை DIN DIN Friday, October 6, 2017 08:16 AM +0530 நீலகிரி மாவட்டத்தின் பல்வேறு பகுதிகளில் வியாழக்கிழமை பரவலாக மழை பெய்தது.
உதகை, குன்னூர், கோத்தகிரி, சுற்றுவட்டாரப் பகுதிகளில் வியாழக்கிழமை காலை முதலே வானம் மேகமூட்டத்துடன்   காணப்பட்டது. இந்நிலையில்,  உதகை,  குன்னூர், கோத்தகிரி உள்ளிட்ட பகுதிகளில் வியாழக்கிழமை மதியம் பரவலாக மழை பெய்தது. மழை காரணமாக சுற்றுலாப் பயணிகள் மிகுந்த சிரமத்துக்குள்ளாகினர். மழையுடன் குளிர்ந்த காற்றும் வீசியது.

]]>
http://www.dinamani.com/all-editions/edition-coimbatore/nilgiris/2017/oct/06/நீலகிரி-மாவட்டத்தில்-பரவலாக-மழை-2785404.html
2785403 கோயம்புத்தூர் நீலகிரி கேரள எல்லையில் மாவோயிஸ்ட் தேடுதல் வேட்டை DIN DIN Friday, October 6, 2017 08:16 AM +0530 நீலகிரி மாவட்டத்தில் உள்ள  கேரள  எல்லையில்  மாவோயிஸ்ட் தேடுதல் வேட்டையில் நக்ஸல் தடுப்புக்  காவல் படையினர்  வியாழக்கிழமை ஈடுபட்டனர்.  
கேரள மாநிலம்,  அகழியில் காளிதாஸ் என்ற  மாவோயிஸ்ட் கடந்த சில நாள்களுக்கு முன்  கைது செய்யப்பட்டார். இதைத் தொடர்ந்து ,  நீலகிரி மாவட்டத்தில் உள்ள கேரள எல்லையான வீரான் கொம்பை, மல்லன் தோட்டம், பெரும்பள்ளம்,  முள்ளி உள்ளிட்ட  பகுதிகளில் நக்ஸல் தடுப்புக்  காவல் படையைச் சேர்ந்த  7 வீரர்கள் வியாழக்கிழமை தேடுதல் வேட்டையில்  ஈடுபட்டனர்.
அப்போது,  புதிய  நபர்களின்  நடமாட்டம் குறித்து போலீஸாருக்கு தகவல் தெரிவிக்க வேண்டும்  என்று மலைவாழ் மக்களிடம் அவர்கள் அறிவுறுத்தினர். நீலகிரி,  கேரள எல்லையில்  உள்ள மலைக் கிராமங்களில் தொடர்ந்து இரண்டு நாள்கள்  தீவிர ரோந்துப் பணியில் இவர்கள் ஈடுபட உள்ளனர்.

 

 

 

]]>
http://www.dinamani.com/all-editions/edition-coimbatore/nilgiris/2017/oct/06/கேரள-எல்லையில்-மாவோயிஸ்ட்-தேடுதல்-வேட்டை-2785403.html
2784700 கோயம்புத்தூர் நீலகிரி நீலகிரியில் பொதுமக்களின் குறைகளைத் தீர்க்க புதிய திட்டம் தொடக்கம் DIN DIN Thursday, October 5, 2017 07:43 AM +0530 நீலகிரி மாவட்டத்தில் பொதுமக்கள் தங்கள் குறைகளைத் தீர்க்க "அட் யுவர் சர்வீஸ்'  எனப்படும் கட்செவி அஞ்சல்(வாட்ஸ் ஆஃப்),  முகநூல் மூலம் தெரிவித்து தீர்வு காணும் வகையில் புதிய திட்டம் தொடங்கப்பட்டுள்ளது.
 உதகையில் உள்ள மாவட்ட ஆட்சியர்அலுவலகத்தில் புதன்கிழமை நடைபெற்ற நிகழ்ச்சியில் மாவட்ட ஆட்சியர் இன்னசென்ட் திவ்யா இத்திட்டத்தை தொடக்கி வைத்தார்.
இதுகுறித்து  அவர் கூறியதாவது:
நீலகிரி மாவட்ட மக்கள் தங்கள் குறைகளை வாரந்தோறும் திங்கள்கிழமை நடைபெறும் மக்கள் குறைதீர் கூட்டத்தில் அளித்து வருகின்றனர்.
இந்நிலையில்,  அட் யுவர் சர்வீஸ் திட்டத்தின்கீழ் பொதுமக்கள் தங்கள் கோரிக்கை மனுக்கள், கருத்துகளை கட்செவி அஞ்சல் எண் 99431-26000-க்கு அனுப்பலாம்.
மேலும்,  மாவட்ட நிர்வாகத்தின் சார்பில் மேற்கொள்ளப்படும் வளர்ச்சிப் பணிகளை  ஆட்சியரின் முகநூல் பதிவு,  டிவிட்டர் மூலமாகவும் தெரிந்து கொள்ளலாம் என்றார்.
மாற்றுத் திறனாளிகள் முகாம்...: உதகையில் மாற்றுத் திறனாளிகளுக்கான சிறப்பு குறைதீர் முகாம் புதன்கிழமை நடைபெற்றது. இம்முகாமில்  ஆட்சியர் இன்னசென்ட் திவ்யா கலந்து கொண்டு 110 பேரிடம் இருந்து மனுக்களைப் பெற்றுக் கொண்டார்.
உதகை கோட்டாட்சியர் சிவகாமி,   மாற்றுத் திறனாளி நல அலுவலர் விக்டர்,  சமூக நல அலுவலர் தேவகுமாரி உள்ளிட்ட பலர் பங்கேற்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/05/நீலகிரியில்-பொதுமக்களின்-குறைகளைத்-தீர்க்க-புதிய-திட்டம்-தொடக்கம்-2784700.html
2784699 கோயம்புத்தூர் நீலகிரி தோட்டத் தொழிலாளர்களின் ஊதிய உயர்வு பேச்சுவார்த்தை உடன்பாடு எட்டப்படாமல் ஒத்திவைப்பு DIN DIN Thursday, October 5, 2017 07:43 AM +0530 தேயிலைத் தோட்டத் தொழிலாளர்களின் ஊதிய உயர்வு குறித்த 6-ஆம் கட்டப் பேச்சுவார்த்தை உடன்பாடு ஏதும் எட்டப்படாமல் ஒத்திவைக்கப்பட்டது.
நீலகிரி,  வால்பாறை,  தேனி உள்ளிட்ட பகுதிகளில்  உள்ள தேயிலைத் தோட்டங்களில்  ஒரு லட்சத்துக்கும்  மேற்பட்ட    தொழிலாளர்கள் பணியாற்றி வருகின்றனர்.
இந்நிலையில்,  தேயிலைத் தோட்டத் தொழிலாளர்களுக்கு குறைந்தபட்ச சம்பளம் நிர்ணயம் செய்ய வேண்டும் என தொழிலாளர்கள் தரப்பில் வலியுறுத்தப்பட்டது.
இதுகுறித்து அரசு சார்பில் ஆலோசனைக் குழு அமைக்கப்பட்டது. இக்குழு தலைமையில் எற்கெனவே ஐந்து முறை கூட்டம் நடைபெற்றது.
இந்நிலையில்,  குன்னூரில் 6-ஆவது முறையாக  குன்னூர் தொழிலாளர் நலத் துறை துணை ஆணையர் தங்கவேல் தலைமையில் செவ்வாய்க்கிழமை பேச்சுவார்த்தை நடைபெற்றது. இதில்,  தொழிற்சாலை நிர்வாகத்தினர்,  தொழிலாளர் பிரதிநிதிகளான  வால்பாறை அமீது, போஜராஜ்,  காந்தி,  இன்கோசர்வ் இணை இயக்குநர் மணிவண்ணன்,  ஆனந்தன், ரமேஷ், மாவட்ட சிறு தேயிலை விவசாயிகள் சங்க நிர்வாகிகள் பங்கேற்றனர்.
இதில், தோட்டத் தொழிலாளர்களுக்கு நாள் ஒன்றுக்கு ரூ. 330 சம்பளம் வழங்க வேண்டும் என வலியுறுத்தப்பட்டது. ஆனால்,  நிர்வாகம் சார்பில் ரூ. 275 தருவதாகத் தெரிவிக்கப்பட்டது. இதன் காரணமாக  முடிவு ஏதும் எட்டப்படாமல்  பேச்சுவார்த்தை ஒத்தி வைக்கப்பட்டது.

 

 

]]>
http://www.dinamani.com/all-editions/edition-coimbatore/nilgiris/2017/oct/05/தோட்டத்-தொழிலாளர்களின்-ஊதிய-உயர்வு-பேச்சுவார்த்தை-உடன்பாடு-எட்டப்படாமல்-ஒத்திவைப்பு-2784699.html
2784698 கோயம்புத்தூர் நீலகிரி கன்டோண்மென்ட் சார்பில் தூய்மை இந்தியா திட்ட விழா DIN DIN Thursday, October 5, 2017 07:43 AM +0530 வெலிங்டன் கன்டோண்மென்ட் நிர்வாகம் சார்பில் தூய்மை இந்தியா திட்ட விழா அண்மையில் நடைபெற்றது.
கன்டோண்மென்ட்ன் நிர்வாகத்தின் கீழ்  7 வார்டுகள் உள்ளன.  இந்த  7 வார்டுகளிலும் தூய்மை இந்தியா திட்டம் சிறப்பாகச்  செயல்படுத்தப்பட்டு வருகிறது.
காந்தி பிறந்த நாளையொட்டி தூய்மை இந்தியா இயக்க விருது வழங்கும் விழா,  சிறப்பு பட்டி மன்றம் நடைபெற்றது.  இவ்விழாவுக்கு கன்டோன்மென்ட்  தலைமை நிர்வாக அதிகாரி ஹரிஷ் வர்மா தலைமை வகித்தார்.
இதில், கன்டோண்மென்ட்  துப்புரவுப் பணியாளர்கள் லட்சுமி, சிவகுமார் ஆகியோருக்கு விருதுகள் வழங்கப்பட்டன.  நல்லப்பன் தெரு  சங்கத் தலைவர்  ஜான் பீட்டருக்கு  சிறந்த தூய்மைத் தூதுவர் விருது வழங்கப்பட்டது.  ராணுவ பொதுப் பள்ளிக்கு  தூய்மைப் பள்ளி விருது வழங்கப்பட்டது.  சிறந்த சுகாதார  அலுவலராக  பழனிசாமி தேர்வு  செய்யப்பட்டு விருது வழங்கப்பட்டது.
மிகச் சிறந்த தூய்மை கிராமமாக நல்லப்பன் தெரு தேர்வு செய்யப்பட்டு சங்கச் செயலாளர் மனோகரன், மகளிர் பிரதிநிதி  ஜெயலட்சுமி  ஆகியோரிடம் விருது வழங்கப்பட்டது.
நிகழ்ச்சியில்  பட்டிமன்றப் பேச்சாளர்  எஸ்.ராஜா தலைமையில் சுகாதாரம் குறித்து   பட்டி மன்றம் நடைபெற்றது.  விழாவில் ராணுவப் பயிற்சிக் கல்லூரி  நிர்வாக அதிகாரி  மேஜர் ஜெனரல் ரமேஷ்,  கன்டோண்மென்ட் துணைத் தலைவர் பாரதியார், குன்னூர் கோட்டாட்சியர் கீதாபிரியா,   கன்டோன்மென்ட் பொறியாளர்  சுரேஷ்,  அலுவலக கண்காணிப்பாளர் ராமகிருஷ்ணன் உள்ளிட்டோர் கலந்து கொண்டனர். இவ்விழாவுக்கான ஏற்பாடுகளை கன்டோண்மென்ட்  சுகாதார கண்காணிப்பாளர் ராதாகிருஷ்ணன் தலைமையில் சுகாதார ஆய்வாளர்கள் பழனிசாமி,  பூரணி உள்ளிட்டோர் செய்திருந்தனர்.

 

]]>
http://www.dinamani.com/all-editions/edition-coimbatore/nilgiris/2017/oct/05/கன்டோண்மென்ட்-சார்பில்-தூய்மை-இந்தியா-திட்ட-விழா-2784698.html
2783978 கோயம்புத்தூர் நீலகிரி சுற்றுலா, லாரி ஓட்டுநர் உரிமையாளர்கள் சங்கம் வேலைநிறுத்தம் DIN DIN Wednesday, October 4, 2017 07:46 AM +0530 இடைத்தரகர்களால் இடையூறு ஏற்படுவதாகக் கூறி வட்டாரப்  போக்குவரத்து அலுவலகத்தைக் கண்டித்து சுற்றுலா, லாரி ஓட்டுநர் உரிமையாளர்கள் சங்கம் சார்பில் ஒரு நாள் வேலைநிறுத்தப் போராட்டம் செவ்வாய்க்கிழமை நடைபெற்றது.
 நீலகிரியில் உள்ள வட்டாரப் போக்குவரத்துக் கழக அலுவலகத்தில் இடைத்தரகர்கள் ஆதிக்கம் அதிகம் உள்ளது. அதிகாரிகள் இடைத்தரகர்களுக்கு துணைப் போவது கண்டனத்துக்கு உரியது. அசல் ஓட்டுனர் உரிமம் தொலைந்துபோனால் புதிதாக ஓட்டுநர் உரிமம்  எடுப்பதற்கு அரசு நிர்ணயித்த கட்டணத்தைக் காட்டிலும்  கூடுதலாகக் கட்டணம் வசூலிப்பது கண்டனத்துக்குரியது என வலியுறுத்தி போராட்டம் நடைபெற்றது.
 போராட்டத்தில், குன்னூரில் உள்ள 500-க்கும் மேற்பட்ட லாரி, சுற்றுலா வாகன ஓட்டிகள் ஒரு நாள் வேலை நிறுத்தத்தில்  ஈடுபட்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/04/சுற்றுலா-லாரி-ஓட்டுநர்-உரிமையாளர்கள்-சங்கம்-வேலைநிறுத்தம்-2783978.html
2783977 கோயம்புத்தூர் நீலகிரி பாஜகவின் மதவாத முகம் வெளிப்படுகிறது DIN DIN Wednesday, October 4, 2017 07:46 AM +0530 சுற்றுலாத் தலங்கள் பட்டியலில்  இருந்து தாஜ்மஹாலை நீக்கியிருப்பதன் மூலம் பாஜகவின் மதவாத முகம் வெளிப்படுகிறது என்று மு.க.ஸ்டாலின் தெரிவித்துள்ளார்.    
 குன்னூரில்  மூன்று நாள்கள் தங்கியிருந்து  பல்வேறு நிகழ்ச்சிகளில் பங்கேற்ற திமுக செயல் தலைவர் மு.க.ஸ்டாலின் சென்னை புறப்படும்போது செய்தியாளர்களை சந்தித்துப் பேசியதாவது:
 டிடிவி தினகரன் மீது போடப்பட்ட தேச துரோக  வழக்குபோல் தன் மீதும் வழக்குப் போட எடப்பாடி முயலக் கூடும். அதை எதிர்கொள்ள எப்போதும் திமுக  தயாராக இருக்கிறது. சுற்றுலாத் தலங்கள் பட்டியிலில் இருந்து தாஜ்மஹாலை, உத்திரப் பிரதேச அரசு  நீக்கியிருப்பதன் மூலமாக பாஜகவின் மதவாத முகம் வெளிப்படுகிறது.
 டெங்கு காய்சலைக் கட்டுப்படுத்த முடியாத அரசாக எடப்பாடி அரசு உள்ளது. குட்கா விவகாரத்தில் விஜயபாஸ்கர், டிஜிபி மீது வழக்குத் தொடர வேண்டும். எடப்பாடி மீது வருமான வரித் துறை போடவேண்டிய  வழக்கு நிலைவையில் உள்ளது என்றார்.
முன்னதாக,  தனியார் தங்கும் விடுதியில் திமுக தொண்டர்களுடன்  புகைப்படம்  எடுத்துக் கொண்ட மு.க.ஸ்டாலின், பின்னர் கட்சியின் முக்கிய  நிர்வாகிகளுடன் ஆலோசனையில் ஈடுபட்டார். மதியம் 2 மணியளவில் குன்னூரில் இருந்து கோவை சென்ற ஸ்டாலின் அங்கிருந்து விமானம் மூலமாக சென்னை புறப்பட்டுச் சென்றார்.

 

]]>
http://www.dinamani.com/all-editions/edition-coimbatore/nilgiris/2017/oct/04/பாஜகவின்-மதவாத-முகம்-வெளிப்படுகிறது-2783977.html
2783976 கோயம்புத்தூர் நீலகிரி முதுமலை ஊராட்சியில் 2-ஆவது நாளாக நடைபெறாத கிராமசபைக் கூட்டம் DIN DIN Wednesday, October 4, 2017 07:45 AM +0530 கூடலூரை அடுத்துள்ள முதுமலை ஊராட்சியில் 2-ஆவது நாளாக கிராம சபைக் கூட்டம் நடைபெறவில்லை.
 காந்தி ஜயந்தியையொட்டி, நடைபெறும் கிராம சபைக் கூட்டத்துக்கு அலுவலர்கள் திங்கள்கிழமை முதுமலை ஊராட்சியில் உள்ள முதுகுளி கிராமத்துக்குச் சென்றனர். ஆனால், பொதுமக்கள் கிராம சபைப் கூட்டம் நடத்த வேண்டாம் என்று கூறி திருப்பி அனுப்பிவிட்டனர்.
 2-ஆவது நாளாக செவ்வாய்க்கிழமை அனைத்துத் துறை அலவலர்கள் அதே இடத்துக்குச் சென்றனர். ஆனால், கூட்டம் நடத்த பொதுமக்கள் யாரும் ஒத்துழைக்கவில்லை.
 அப்போது, இந்த ஊராட்சியில் அனுமதியின்றி பல்வேறு வளர்ச்சிப் பணிகள் நடைபெற்று முறைகேடுகள் நடைபெற்றுள்ளன. அது குறித்து மாவட்ட ஆட்சியர் தலைமையில் குழு அமைத்து விசாரணை நடத்த வேண்டும். கிராம சபைக் கூட்டத்தை நடத்தி  தீர்மானங்கள் நிறைவேற்றப்படுவது வழக்கமாகிவிட்டது. ஆனால், இதுவரை அடிப்படைத் தேவைகளான சாலை, நடைபாதை, தெருவிளக்கு, பாதுகாப்பான குடிநீர் வசதி உள்ளிட்டவை செய்து தரப்படவில்லை.
 முதுமலை ஊராட்சியில் உள்ள மக்களுக்கான மறு குடியமர்வு திட்டமும் முழுமையாக செயல்படுத்தப்படவில்லை. எனவே, இங்கு கிராம சபைக் கூட்டம் நடத்த வேண்டாம் எனக் கூறி மக்கள் அலுவலர்களைத் திருப்பி அனுப்பிவிட்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/04/முதுமலை-ஊராட்சியில்-2-ஆவது-நாளாக-நடைபெறாத-கிராமசபைக்-கூட்டம்-2783976.html
2783975 கோயம்புத்தூர் நீலகிரி பசுந்தேயிலைக்கு மாத விலையாக ரூ. 11 நிர்ணயம் DIN DIN Wednesday, October 4, 2017 07:45 AM +0530 பசுந்தேயிலைக்கு மாத விலையாக ரூ. 11 விலை நிர்ணயம் செய்து தேயிலை வாரியம் உத்தரவிட்டுள்ளது.
 இதுகுறித்து, தென்னிந்திய தேயிலை வாரிய குந்தா இணை இயக்குநர் ரமேஷ் வெளியிட்டுள்ள அறிக்கை:
 நீலகிரி மாவட்டத்தில் முக்கியத் தொழிலாக தேயிலை விவசாயம் உள்ளது. இங்கு 15 கூட்டுறவு தொழிற்சாலைகளும், 100-க்கும் மேற்பட்ட தனியார் தேயிலைத் தொழிற்சாலைகளும் இயங்கி வருகின்றன. தொழிற்சாலைகளுக்கு விவசாயிகள் விநியோகிக்கும் பச்சைத் தேயிலைக்கு மாத விலை, வார விலை நிர்ணயம் செய்யப்படுகிறது. அனைத்து தொழிற்சாலைகளிலும் ஒரே மாதிரியான விலையை நிர்ணயம் செய்யாமல் மாறுபட்ட வகையில் விலை நிர்ணயம் செய்வதால் விவசாயிகள் பாதிப்படைந்து வந்தனர்.
 இதனால், நீலகிரி மாவட்ட விவசாயிகள் பச்சைத் தேயிலைக்கு குறைந்தபட்ச விலை நிர்ணயம் செய்ய வேண்டும் என அரசுக்கு கோரிக்கை விடுத்தனர். இதையடுத்து, மாவட்ட ஆட்சியர் தலைமையில் விவசாயிகள் அடங்கிய விலை நிர்ணய கமிட்டி அமைத்து மாதந்தோறும் 1-ஆம் தேதி அந்தந்த மாதத்துக்கான விலையை நிர்ணயம் செய்ய தேயிலை வாரியத்துக்குப் பரிந்துரை செய்யப்பட்டது.
 இதன் காரணமாக கடந்த சில மாதங்களாக தேயிலை வாரியம் மாத விலையை நிர்ணயம் செய்து வருகிறது. பச்சைத் தேயிலை விலை நிர்ணயத்தில் முன்பு போன்று குளறுபடி இல்லாமல் ஓரளவு பச்சைத் தேயிலைக்கு தனியார் விலையைக் காட்டிலும் விலை கூடுதலாக கிடைத்து வருவதால் விவசாயிகள் மகிழ்ச்சி அடைந்துள்ளனர். இந்நிலையில் நடப்பு மாதத்துக்கான விலையை தேயிலை வாரியம் நிர்ணயம் செய்துள்ளது. அதன்படி, ஒரு கிலோ பச்சைத் தேயிலைக்கு ரூ. 11 விலை வழங்க வேண்டும் என தேயிலை வாரியம் நிர்ணயம் செய்து, அனைத்துத் தொழிற்சாலைகளுக்கும் உத்தரவிட்டுள்ளது. இந்த விலையைக் காட்டிலும் குறைந்த விலை நிர்ணயம் செய்யும் தொழிற்சாலை நிர்வாகங்கள் மீது கடும் நடவடிக்கை எடுக்கப்படும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/04/பசுந்தேயிலைக்கு-மாத-விலையாக-ரூ-11-நிர்ணயம்-2783975.html
2783974 கோயம்புத்தூர் நீலகிரி வாக்காளர் பட்டியல் வெளியீடு: நீலகிரியில் 7,000 வாக்காளர்கள் அதிகரிப்பு DIN DIN Wednesday, October 4, 2017 07:45 AM +0530 நீலகிரி மாவட்டத்தில் கடந்த ஜனவரி மாதத்தில் வெளியிடப்பட்ட வரைவு வாக்காளர் பட்டியலில் இருந்ததைவிட தற்போது 7,081 வாக்காளர்கள் அதிகரித்துள்ளனர்.
 1.1.2018-ஆம் தேதியை  தகுதி நாளாகக் கொண்டு நடைபெறவுள்ள சுருக்க முறை திருத்தத்தின்படி முதல்கட்டமாக நீலகிரி மாவட்டத்தில் வரைவு வாக்காளர் பட்டியலை மாவட்ட ஆட்சியர் இன்னசென்ட் திவ்யா செவ்வாய்க்கிழமை வெளியிட்டார். அதை மாவட்ட வருவாய் அலுவலர் பாஸ்கர பாண்டியன் பெற்றுக் கொண்டார்.
 இப்பட்டியலின்படி நீலகிரி மாவட்டத்தில் 2,75,992 ஆண் வாக்காளர்களும், 2,93,654 பெண் வாக்காளர்களும்,  8 திருநங்கைகளும் உள்ளனர். இதன் மூலம் கடந்த ஜனவரி மாதத்தில் வெளியிடப்பட்ட  வரைவு வாக்காளர் பட்டியலைவிட தற்போது 7,081 வாக்காளர்கள் அதிகரித்துள்ளனர். இந்த வரைவு வாக்காளர் பட்டியல் கோட்டாட்சியர், வட்டாட்சியர், நகராட்சி அலுவலகங்களில் பார்வைக்கு வைக்கப்பட்டுள்ளது.
 இதுகுறித்து, மாவட்ட ஆட்சியர் செய்தியாளர்களிடம் கூறியதாவது:
 வாக்காளர் பட்டியலில் பெயர் சேர்த்தல்,  நீக்குதல், ஏற்கெனவே பட்டியலில் சேர்க்கப்பட்டுள்ள வாக்காளர் விவரத்தில் தவறுகள் இருப்பின் திருத்தம் செய்தல், முகவரி மாற்றம் தொடர்பாக உரிய படிவங்களை அளித்தல் உள்ளிட்டவற்றுக்கு அக்டோபர் 31-ஆம் தேதி வரை மனு அளிக்கலாம். அதேபோல, பெயர் நீக்கம் செய்பவர்களும் செய்து கொள்ளலாம். இதற்காக அக்டோபர் 7, 21-ஆம் தேதிகளில் சிறப்பு கிராம சபைக் கூட்டங்கள் நடத்தப்படவுள்ளது. அக்டோபர் 8, 22-ஆம் தேதிகளில் அனைத்து வாக்குச்சாவடி மையங்களிலும் சிறப்பு முகாம்களும் நடத்தப்படும் என்றார்.
 மேலும், தமிழக அரசின் சார்பில் செட் டாப் பாக்ஸ்கள் இலவசமாக வழங்கப்பட்டு வருவதால் தனியார், கேபிள் ஆபரேட்டர்கள் எவரேனும் கட்டாயப்படுத்தி வேறு செட் டாப் பாக்ஸ்களை போடச் சொல்வதாக  புகார்கள் வந்தால் அவர்கள் மீது கடும் நடவடிக்கை எடுக்கப்படும் என்றும் கூறினார்.

 

 

 

]]>
http://www.dinamani.com/all-editions/edition-coimbatore/nilgiris/2017/oct/04/வாக்காளர்-பட்டியல்-வெளியீடு-நீலகிரியில்-7000-வாக்காளர்கள்-அதிகரிப்பு-2783974.html
2783450 கோயம்புத்தூர் நீலகிரி ஜெயலலிதா அறிவித்த திட்டங்கள் குறித்து வெள்ளை அறிக்கை வெளியிட வேண்டும்: மு.க.ஸ்டாலின் வலியுறுத்தல் DIN DIN Tuesday, October 3, 2017 08:22 AM +0530 முன்னாள் முதல்வர் ஜெயலலிதா சட்டப் பேரவையில் 110 விதியின்கீழ் அறிவித்த திட்டங்கள் குறித்து வெள்ளை அறிக்கை வெளியிட வேண்டும் என எதிர்க் கட்சித் தலைவரும், திமுக செயல் தலைவருமான மு.க.ஸ்டாலின் வலியுறுத்தியுள்ளார்.
மூன்று நாள் சுற்றுப்பயணமாக நீலகிரி மாவட்டத்துக்கு  மு.க .ஸ்டாலின் வந்துள்ளார். உதகையில் ஞாயிற்றுக்கிழமை நடைபெற்ற பொதுக்  கூட்டத்தில்  கலந்து  கொண்ட  அவர், குன்னூர் டைகர் ஹில் பகுதியிலுள்ள அரசு தேயிலைத் தோட்டத்தை திங்கள்கிழமை பார்வையிட்டார்.
இதையடுத்து செய்தியாளர்களிடம் அவர் கூறியதாவது:
 இலங்கையில் இருந்து தாயகம் திரும்பிய தமிழர்களின்  நலனுக்காக திமுக ஆட்சிக் காலத்தில்  நீலகிரி,  வால்பாறையில் அரசு தேயிலைத்  தோட்டக் கழகம் (டான் டீ ) தொடங்கப்பட்டது.  அதிமுக  ஆட்சிக் காலத்தில் தேயிலைத் தோட்டக் கழகத்தில்  எந்தத் திட்டங்களும் மேற்கொள்ளாததால் தற்போது அந்நிறுவனம்  நலிவடைந்துள்ளது.
கோடிக்கணக்கான ரூபாய் மதிப்புள்ள சில்வர் ஓக் மரங்களை ஆளுங்கட்சியினரும்,  அதிகாரிகளும்  இணைந்து வெட்டி  விற்பனை செய்ய முயற்சி மேற்கொள்வதாகப் புகார் எழுந்தது. இதுகுறித்து சட்டப் பேரவையில் திமுக கேள்வி எழுப்பியதைத் தொடர்ந்து, அது தடுத்து நிறுத்தப்பட்டது.
அதிமுக அரசு மக்கள் பிரச்னையில் ஆர்வம் காட்டுவதில்லை.  முன்னாள்  முதல்வர் மரணம் குறித்து சிபிஐ விசாரணை வேண்டுமென தொடர்ந்து வலியுறுத்தி வருகிறோம். ஜெயலலிதாவைத் தொடர்ந்து,  பன்னீர்செல்வமும், எடப்பாடி பழனிசாமியும் சட்டப் பேரவையில் 110 விதியின்கீழ் அறிவிப்பு வெளியிட்டனர். ஆனால்,  இன்று வரை அதில் பல திட்டங்கள் செயல்பாட்டுக்கு வரவில்லை. இந்தத் திட்டங்களின் தற்போதைய நிலை குறித்து அரசு வெள்ளை அறிக்கை வெளியிட வேண்டும்.
 தமிழகத்தில்  கடன் பிடியில் சிக்கி விவசாயிகள் தற்கொலை செய்து வருகின்றனர். ஆனால்,  மத்திய,  மாநில அரசுகள்  இதைக் கண்டுகொள்வதே இல்லை.
திமுக சார்பில்   நீதிமன்றத்தில் தொடரப்பட்ட  வழக்கின் முடிவைப் பொருத்து புதிய ஆளுநரைச் சந்திப்பது குறித்து முடிவு எடுக்கப்படும் என்றார்.
இதைத் தொடர்ந்து,  குன்னூர் சிம்ஸ் பூங்காவுக்குச்  சென்ற ஸ்டாலின்  அங்குள்ள பழமை வாய்ந்த மரங்களைப் பார்வையிட்டதுடன்,  படகு சவாரியும் செய்தார்.
 மத்திய முன்னாள் அமைச்சர் ஆ.ராசா,   முன்னாள் அமைச்சர் மு.பெ. சாமிநாதன்,   மாவட்டச் செயலாளர் பா.மு. முபாரக்,  திமுக தேர்தல் பணிக் குழுச் செயலாளர் க.ராமச்சந்திரன்,  நகரச் செயலாளர்  ராமசாமி உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-coimbatore/nilgiris/2017/oct/03/ஜெயலலிதா-அறிவித்த-திட்டங்கள்-குறித்து-வெள்ளை-அறிக்கை-வெளியிட-வேண்டும்-முகஸ்டாலின்-வலியுறுத்தல்-2783450.html
2783449 கோயம்புத்தூர் நீலகிரி காதி அங்காடியில் தீபாவளி சிறப்பு விற்பனை தொடக்கம் DIN DIN Tuesday, October 3, 2017 08:22 AM +0530 மகாத்மா காந்தியின் பிறந்த நாளையொட்டி, உதகை காதி அங்காடியில் தீபாவளி சிறப்புத் தள்ளுபடி விற்பனை தொடங்கப்பட்டுள்ளது.
இதைத் தொடங்கி வைத்து மாவட்ட ஆட்சியர் இன்னசென்ட் திவ்யா பேசியதாவது:
நீலகிரி மாவட்டத்துக்கு கதர் ஆடை  விற்பனை கடந்த 2017-18-ஆம் ஆண்டுக்கு  ரூ. 62 லட்சம் இலக்காக நிர்ணயிக்கப்பட்டதில்  இதுவரையில்  ரூ. 46 லட்சம் விற்பனை செய்யப்பட்டுள்ளது.
கடந்த ஆண்டைப் போலவே நடப்பு ஆண்டிலும் கதர்,  கிராமத் தொழில்கள் வாரியம் சிறப்புத் தள்ளுபடியை வழங்கியுள்ளது.  உதகை,  கோத்தகிரி பகுதிகளில் காதி கிராமப் பொருள்களுக்கான  விற்பனை நிலையங்கள் செயல்பட்டு வருகின்றன. இதைத் தவிர தீபாவளி சிறப்பு விற்பனைக்காக அரசுப் போக்குவரத்துக் கழகத்தில் 2 தாற்காலிக விற்பனை நிலையங்கள் அமைக்கப்பட்டுள்ளன.
 எனவே, அரசுத் துறை அலுவலர்கள்,  தொழிலாளர்கள், பொதுமக்கள் கதர் துணி ரகங்களை வாங்கி காந்தியடிகளின் கனவை நனவாக்குவதுடன்,  கிராமப்புற கைவினைஞர்கள்,  பெண்களின் முன்னேற்றத்துக்கு ஆதரவளிக்க வேண்டும் என்றார்.
முன்னதாக,  சேரிங்கிராஸிலுள்ள மகாத்மா காந்தியின் உருவச்
சிலைக்கு ஆட்சியர் மாலை அணிவித்து மரியாதை செலுத்தினார்.

]]>
http://www.dinamani.com/all-editions/edition-coimbatore/nilgiris/2017/oct/03/காதி-அங்காடியில்-தீபாவளி-சிறப்பு-விற்பனை-தொடக்கம்-2783449.html
2783448 கோயம்புத்தூர் நீலகிரி தொடர் விடுமுறை: முதுமலையில் குவிந்த சுற்றுலாப் பயணிகள் DIN DIN Tuesday, October 3, 2017 08:22 AM +0530 தொடர் விடுமுறை காரணமாக  முதுமலை புலிகள் காப்பகத்தில் சுற்றுலாப் பயணிகள் குவிந்தனர்.
நீலகிரி மாவட்டத்தில் அண்மைக்காலமாக பெய்த பலத்த மழை காரணமாக முதுமலை புலிகள் காப்பகம் உள்ளிட்ட சுற்றுலாப் பகுதிகள் பசுமை நிறைந்து காணப்படுகின்றன. இந்நிலையில், தொடர் விடுமுறை காரணமாக  முதுமலை புலிகள் காப்பகத்தில் சுற்றுலாப் பயணிகளின் வருகை அதிகரித்தது.
இங்கு சுற்றித் திரியும் வன விலங்குகளை சுற்றுலாப் பயணிகள் கண்டு ரசித்தனர். மேலும்,  முதுமலை புலிகள் காப்பகத்தில் யானை சவாரி செய்ததுடன், அருங்காட்சியகத்தையும் கண்டு களித்தனர்.
 சுற்றுலாப் பயணிகளின் வருகையால் வனத் துறையினர் பாதுகாப்புப் பணியில் ஈடுபட்டிருந்தனர்.

]]>
http://www.dinamani.com/all-editions/edition-coimbatore/nilgiris/2017/oct/03/தொடர்-விடுமுறை-முதுமலையில்-குவிந்த-சுற்றுலாப்-பயணிகள்-2783448.html
2783447 கோயம்புத்தூர் நீலகிரி பாலகொலா ஊராட்சியில் கிராம சபைக் கூட்டம் DIN DIN Tuesday, October 3, 2017 08:22 AM +0530 மஞ்சூர் அருகே உள்ள  பாலகொலா ஊராட்சியில் காந்தி ஜயந்தியையொட்டி, சிறப்பு கிராம சபைக் கூட்டம் திங்கள்கிழமை நடைபெற்றது. இக்கூட்டத்துக்கு ஊராட்சிச் செயலாளர் ரமேஷ்குமார் தலைமை வகித்தார். இதில்,  ஊராட்சிக்கு உள்பட்ட கிராம மக்கள் 100-க்கும் மேற்பட்டோர் கலந்து கொண்டனர்.
இதில்,  சாலை வசதி,  திருமண உதவித் தொகை, தெரு விளக்கு,  வீட்டு வசதி உள்ளிட்டவை கேட்டு  பொதுமக்கள் சார்பில் மனுக்கள் வழங்கப்பட்டன.
தொடர்ந்து,  கூட்டத்தில் குடிநீர்,  சுகாதாரம்,  திடக்கழிவு மேலாண்மை, டெங்கு காய்ச்சல் தடுப்பு, பேரிடர் மேலாண்மை குறித்து விவாதிக்கப்பட்டது.
இத்தலார் ஊராட்சி,  முள்ளிகூர் ஊராட்சி,  மேல்குந்தா ஊராட்சி உள்ளிட்ட ஊராட்சிகளில் சிறப்பு கிராம சபைக் கூட்டம் நடைபெற்றது.

 

]]>
http://www.dinamani.com/all-editions/edition-coimbatore/nilgiris/2017/oct/03/பாலகொலா-ஊராட்சியில்-கிராம-சபைக்-கூட்டம்-2783447.html
2782945 கோயம்புத்தூர் நீலகிரி உதகையில் தொடர்ந்து 3-ஆவது நாளாக குவிந்த சுற்றுலாப் பயணிகள் DIN DIN Monday, October 2, 2017 07:01 AM +0530 உதகையில் தொடர்ந்து மூன்றாவது நாளாக ஞாயிற்றுக்கிழமையும் சுமார் 30,000 சுற்றுலாப் பயணிகள் குவிந்தனர்.
  ஆயுதபூஜை விடுமுறை காரணமாக உதகையில் சுற்றுலாப் பயணிகளின் கூட்டம் மிக  அதிகமாகக் காணப்படுகிறது. கடந்த 3 நாள்களாக தொடர்ந்து சுற்றுலாப் பயணிகளின் கூட்டம் அதிகரித்து வருகிறது. திங்கள்கிழமை (அக்.2)  காந்தி ஜயந்தி விடுமுறை என்பதால் சுற்றுலாப் பயணிகளின் கூட்டம் குறையவே இல்லை.
 அரசினர் தாவரவியல் பூங்காவில் ஞாயிற்றுக்கிழமையும் சுற்றுலாப் பயணிகளின் கூட்டம் நிரம்பி வழிந்தது.  ஞாயிற்றுக்கிழமை மட்டும் சுமார் 21,000 சுற்றுலாப் பயணிகள் பூங்காவை பார்வையிட்டுள்ளனர்.  போக்குவரத்து நெரிசல் காரணமாக பூங்காவுக்கு வராமல் ஆயிரக்கணக்கானோர் பிற பகுதிகளை மட்டும் பார்வையிட்டுத் திரும்பி சென்றுள்ளனர்.
  உதகையில் ஞாயிற்றுக்கிழமை பிற்பகலில் சுமார் 2 மணி நேரம் பெய்த பலத்த மழையின் காரணமாக தாழ்வான பகுதிகளில் தண்ணீர் தேங்கியதால் போக்குவரத்து பெரிதும் பாதிக்கப்பட்டது.
  படகு இல்லத்தில் சுமார் 2 மணி  நேரம் படகு சவாரி நிறுத்தப்பட்டது. ஏடிஎம் இயந்திரங்களில் போதிய பணமில்லாததால் சுற்றுலாப் பயணிகள் அவதியுற்றனர்.

 

]]>
http://www.dinamani.com/all-editions/edition-coimbatore/nilgiris/2017/oct/02/உதகையில்-தொடர்ந்து-3-ஆவது-நாளாக-குவிந்த-சுற்றுலாப்-பயணிகள்-2782945.html
2782944 கோயம்புத்தூர் நீலகிரி குன்னூர் பகுதிகளில் பரவலாக  மழை DIN DIN Monday, October 2, 2017 07:01 AM +0530 குன்னூர் சுற்று வட்டாரப்  பகுதிகளில்  பரவலாக மழை  பெய்து வருவதால்  மக்களின் இயல்பு  வாழ்க்கை பாதிக்கப்பட்டுள்ளது.  
  நீலகிரி மாவட்டம், குன்னூர், சேலாஸ், கரும்பாலம், காட்டேரி, கிளிஞ்சடா, கொலக்கம்பை, தூதூர்மட்டம், எல்லநள்ளி, அருவங்காடு உள்ளிட்ட பகுதிகளில்  வானம் மேகமூட்டத்துடன் காணப்பட்டது. இதனால்,, ,மலைப் பாதைகளில் வாகன ஓட்டுநர்கள், முகப்பு விளக்குகளை எரியவிட்டபடி வாகனங்களை ஓட்டிச் சென்றனர்.
 பரவலாக மழை பெய்து வருகிறது. இதனால்,  பொது மக்களின் இயல்பு  வாழ்க்கை பாதிக்கப்பட்டுள்ளது.

மஞ்சூரில் கனமழை...

மஞ்சூர் சுற்றுவட்டாரப் பகுதிகளில் பரவலாக மழை பெய்து வருகிறது.  இதனால் ஏரி, குளம், ஆறு, அணைகளில் நீர் வரத்து ஏற்பட்டுள்ளது. விவசாயத்துக்கு மட்டுமின்றி,  பொதுமக்களுக்கு குடிநீர் பஞ்சம் ஏற்படாதவாறு, போதிய அளவில் குடிநீர் கிடைத்துள்ளது.
 இந்நிலையில்,  மஞ்சூர், குந்தா, மேல்குந்தா, கீழ்குநதா, எடக்காடு உள்ளிட்ட பல்வேறு பகுதிகளில் ஞாயிற்றுக்கிழமை கனமழை பெய்தது. இதனால், சாலையோரங்களில் தண்ணீர் பெருக்கெடுத்து ஓடியது. மழை பெய்ந்து வருவதால் விவசாயிகள், பொதுமக்கள் மகிழ்ச்சி தெரிவித்துள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/02/குன்னூர்-பகுதிகளில்-பரவலாக--மழை-2782944.html
2782943 கோயம்புத்தூர் நீலகிரி கோத்தகிரியில் மைசூர் உருளைக்கிழங்கு வரத்து  அதிகரிப்பால் உள்ளூர் விவசாயிகள் கவலை DIN DIN Monday, October 2, 2017 07:00 AM +0530 கோத்தகிரியில், மைசூர் உருளைக்கிழங்கு அதிக அளவில் கொள்முதல் செய்யப்படுவதால் உள்ளூர் உருளை கிழங்கு விலை வீழ்ச்சி அடைந்துள்ளது. இதன் காரணமாக  விவசாயிகள் கவலை அடைந்துள்ளனர்.  
  கோத்தகிரி சுற்றுவட்டாரப் பகுதிகளில் தேயிலைக்கு அடுத்தப்படியாக மலைக் காய்கறிகள் அதிக அளவில் பயிரிடப்படுகின்றன. கேர்கம்பை,  கூக்கல்துறை,  மசகல்,  பில்லிக்கம்பை பகுதிகளில் உருளைக்கிழங்கு அறுவடைக்கு தயார் நிலையில் உள்ளது.
   இந்நிலையில், மைசூர்,  குண்டல்பேட்டை,  சாம்ராஜ்  ஆகிய பகுதிகளில் இருந்து கோத்தகிரிக்கு விற்பனைக்காகக் கொண்டுவரப்படும் உருளைக்கிழங்கு கிலோ ரூ. 20 முதல் 25 வரை விற்பனை செய்யப்படுகிறது.  அதேசமயம்,  உள்ளூர் உருளைக்கிழங்கு கிலோ  ரூ. 30 முதல் ரூ. 40 வரைவிற்பனை செய்யப்படுகிறது. சுவையாகவும்,  விலை குறைவாகவும் மைசூர் உருளைக்கிழங்கு இருப்பதால், உள்ளூர் உருளைக்கிழங்குக்கு
சந்தையில் கொள்முதல் விலை குறைவாகவே கிடைக்கிறது. இதனால்,  உள்ளூர் விவசாயிகள் நஷ்டத்தை கருத்தில் கொண்டு உருளைக்கிழங்கை அறுவடை செய்யாமலே உள்ளனர்.  இதனால், மலைக் காய்கறிகளைப் பயிரிட்டுள்ள சிறு விவசாயிகள் மிகுந்த கவலை அடைந்துள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/02/கோத்தகிரியில்-மைசூர்-உருளைக்கிழங்கு-வரத்து--அதிகரிப்பால்-உள்ளூர்-விவசாயிகள்-கவலை-2782943.html
2782942 கோயம்புத்தூர் நீலகிரி வனப் பகுதியில் அத்துமீறி நுழைந்த சுற்றுலாப் பயணிகளுக்கு அபராதம் DIN DIN Monday, October 2, 2017 07:00 AM +0530 கூடலூரை அடுத்துள்ள மசினகுடி வனப் பகுதிக்குள் அத்துமீறி நுழைந்த 5 சுற்றுலாப் பயணிகளுக்கு ரூ. 20 ஆயிரம் அபராதம் விதிக்கப்பட்டுள்ளது.
  முதுமலை புலிகள் காப்பகத்திலுள்ள மசினகுடி வனச் சரகத்திற்கு உள்பட்ட மரவக்கண்டி டாம் பகுதிக்குள் கோவையைச் சேர்ந்த சுற்றுலாப் பயணிகள் வெங்கடேஷ்,
ரமேஷ்,  ஆனந்த்குமார், சோமசுந்தரம், செந்தில்நாதன் ஆகிய 5 பேர் அத்துமீறி நுழைந்து,  நீர்நிலையில் குளித்து, தகாத செயலில் ஈடுபட்டனராம்.  அப்போது, ரோந்துப் பணியில் ஈடுபட்டிருந்த வனச் சரக பணியாளர்கள்,  இந்த 5 பேரையும் பிடித்தனர். இவர்களுக்கு ரூ.20 அபராதம் விதிக்கப்பட்டது.
  இப்பகுதியில்,  வன விலங்குகளால்  ஆபத்து அதிகமாக ஏற்படும் என்பதாலும்,  ஆற்றில் முதலைகள் இருப்பதாலும்  சுற்றுலாப் பயணிகளை வனத் துறை அனுமதிப்பதில்லை என்பது குறிப்பிடத்தக்கது,.  பாதுகாக்கப்பட்ட இப்பகுதிக்குள் அத்துமீறி நுழைவோர் தண்டிக்கப்படுவார்கள் என்று மசினகுடி வனச் சரக அலுவலர் மாரியப்பன் எச்சரித்துள்ளார்.

 

 

]]>
http://www.dinamani.com/all-editions/edition-coimbatore/nilgiris/2017/oct/02/வனப்-பகுதியில்-அத்துமீறி-நுழைந்த-சுற்றுலாப்-பயணிகளுக்கு-அபராதம்-2782942.html
2782941 கோயம்புத்தூர் நீலகிரி கொய்மலர் விவசாயத்தைப் பாதுகாக்க வேண்டும்: நீலகிரி மாவட்ட விவசாயிகள் வலியுறுத்தல் DIN DIN Monday, October 2, 2017 06:59 AM +0530 கொய்மலர் விவசாயத்தை ஊக்கப்படுத்தி, பாதுகாக்க நடவடிக்கை எடுக்க வேண்டும் என்று நீலகிரி மாவட்ட விவசாயிகள் வலியுறுத்தி உள்ளனர்.
 நீலகிரி மாவட்டத்தில், தேயிலைக்கு உரிய விலை கிடைக்காததால் மாற்றுப் பயிராக  கொய்மலர் சாகுபடியில் பெரும்பாலான விவசாயிகள் ஈடுபட்டு வருகின்றனர். வங்கி நிதி உதவியுடன் குடில் அமைத்து ஜெர்பரா, பேர்ட்ஆஃப் பாரடைஸ், அந்தூரியம் உள்ளிட்ட பல்வேறு மலர்ச் செடிகளை நடவு செய்து, வருமானத்தை பெருக்கும் முயற்சியில் ஈடுபட்டுள்ளனர்.
   மஞ்சூர், அதன் சுற்றுவட்டாரப் பகுதிகளில் உள்ள விவசாயிகளில் பெரும்பாலானோர்,  மலர் சாகுபடியை  மேற்கொள்வது இல்லை. தோட்டக்கலை துறை சார்பில் வழங்கப்பட்ட நாற்றுகள் தரமின்றி இருப்பதால் 3 மாதங்களுக்கும் மேல் மலர்களின் மகசூல் கிடைப்பது இல்லை  எனக் கூறப்படுகிறது.  இது தொடர்பாக அரசிடம் பலமுறை புகார் கூறியும், எவ்வித பலனும் கிடைக்கவில்லை என்று விவசாயிகள் வேதனை தெரிவித்தனர்.
    இதுகுறித்து கொய்மலர் சாகுபடி விவசாயி சசிகுமார் கூறியதாவது: தரமற்ற  மலர் நாற்றுகளை விநியோகித்ததால் விவசாயிகளுக்கு அதிக அளவில் நஷ்டம் ஏற்பட்டது.
  பசுமைக் குடில்கள், இயற்கை சூழலால் சேதமடைந்தாலும் அதனைப் பராமரித்து, சொட்டு நீர்ப் பாசன உதவியுடன் மலர்ச் செடிகளை வளர்த்து வந்தாலும்,  சந்தைப்படுத்துவதில் பல்வேறு நடைமுறை சிக்கல்கள் ஏற்பட்டுள்ளன.
 உதகையில் தொடங்கப்பட்ட கொய் மலர் ஏல மையம் மூடப்பட்டதால்,  பெங்களூரு, சென்னை, மும்பை வியாபாரிகளிடம்  கொய்மலர்களை குறைந்த விலைக்கு விற்பனை செய்ய வேண்டிய நிலை ஏற்பட்டுள்ளது. எனவே, மாவட்ட நிர்வாகம் கொய்மலர் விவசாயத்தை ஊக்கப்படுத்தி, பாதுகாக்க நடவடிக்கை எடுக்க வேண்டும் என்றார்.

 

]]>
http://www.dinamani.com/all-editions/edition-coimbatore/nilgiris/2017/oct/02/கொய்மலர்-விவசாயத்தைப்-பாதுகாக்க-வேண்டும்-நீலகிரி-மாவட்ட-விவசாயிகள்-வலியுறுத்தல்-2782941.html
2782940 கோயம்புத்தூர் நீலகிரி 4-ஆம்  தேதி நல்ல முடிவு தெரியும்: ஸ்டாலின் நம்பிக்கை DIN DIN Monday, October 2, 2017 06:59 AM +0530 தமிழக அரசு பெரும்பான்மையை நிரூபிக்கக் கோரி திமுக தொடுத்த வழக்கின் விசாரணை வரும் 4-ஆம் தேதி நடைபெறுகிறது. அன்று நல்ல முடிவு தெரியும் என திமுக செயல் தலைவர் மு.க.ஸ்டாலின் பேசினார்.
  உதகையில் ஞாயிற்றுக்கிழமை நடைபெற்ற திமுக முப்பெரும் விழாவிலும்,  உதகையில் உள்ள மாவட்ட திமுக அலுவலகத்தில் அமைக்கப்பட்டுள்ள அண்ணா சிலை  திறப்பு விழாவிலும் மு.க.ஸ்டாலின் பங்கேற்றார்.
அப்போது அவர் பொதுக்கூட்டத்தில் பேசியதாவது:   ஜெயலலிதாவின் மரணம் தொடர்ந்து மர்மமாகவே உள்ளது.  ஒவ்வோர் அமைச்சரும் நாள்தோறும் வெவ்வேறு தகவல்களை சொல்லி வருகின்றனர்.  மாறிமாறிப் பேசி மக்களிடம் மன்னிப்பும் கேட்கின்றனர்.  ஜெயலலிதா மரணத்தில் என்ன நடந்தது என்ற உண்மை எல்லோருக்கும் தெரிய வேண்டும்.  முதல்வராக இருந்தவரை  ஜெயலலிதாவின் மரணம் குறித்து கவலைப்படாத பன்னீர்செல்வம், அதன் பின்னர்தான் அதைப் பற்றியே பேசினார்.  எடப்பாடி பழனிசாமியும் இப்போதுதான் பேசுகிறார். இவர்கள் இருவரும் சேர்ந்து நாடகம் நடத்தி வருகின்றனர். ஜெயலலிதாவின் மரணம் குறித்த முழு விவரமும் தெரிந்திருந்ததால்தான் பிரதமர் நரேந்திர மோடி அப்பல்லோ மருத்துவமனைக்கு வரவில்லை.
  இந்த விவரங்கள் பொறுப்பு ஆளுநராக இருந்த  வித்யாசாகர்  ராவுக்கும் தெரிந்திருந்ததால்தான் தற்போது ஆளுநரையும் மாற்றியுள்ளனர். ஜெயலலிதா மரணம் குறித்த தனி நபர் விசாரணையில் முழுத் தகவல்களும் வெளியே வராது என்பதாலேயே சிபிஐ விசாரணை வேண்டும் எனக் கேட்கிறோம்.
   திமுக கொல்லைப்புறமாக ஆட்சிக்கு வர நினைக்கவில்லை.  ஆனால், பாஜகவுக்கு அடிமையாக இருக்கும் ஆட்சியைத் தூக்கியெறிவதில் எந்தத் தயக்கமுமில்லை.  தமிழக அரசு பெரும்பான்மையை நிரூபிக்கக் கோரி திமுக தொடுத்த வழக்கின் விசாரணை வரும் 4-ஆம் தேதி நடைபெறுகிறது.   எனவே,  இன்னும் 2 நாள் பொறுத்திருங்கள், தமிழக மக்கள் மகிழ்ச்சி அடையும் தீர்ப்பு வரும் என்றார் மு.க.ஸ்டாலின்.
  முன்னதாக,  முன்னாள் மத்திய அமைச்சர் ஆ.ராசா,  நீலகிரி மாவட்ட திமுக செயலர் பா.மு.முபாரக் உள்ளிட்டோர் பேசினர்.

]]>
http://www.dinamani.com/all-editions/edition-coimbatore/nilgiris/2017/oct/02/4-ஆம்--தேதி-நல்ல-முடிவு-தெரியும்-ஸ்டாலின்-நம்பிக்கை-2782940.html
2782398 கோயம்புத்தூர் நீலகிரி ஆட்டோ மீது அரசுப் பேருந்து மோதி விபத்து DIN DIN Sunday, October 1, 2017 03:45 AM +0530 வால்பாறையில் பிரேக் பிடிக்காததால் ஆட்டோ மீது அரசுப் பேருந்து மோதி விபத்துக்குள்ளானது.
வால்பாறை போக்குவரத்துக் கிளையைச் சேர்ந்த சோலையாறு அணை செல்லும் பேருந்து உள்ளது. இப்பேருந்து வால்பாறை காந்தி சிலை பேருந்து நிறுத்தத்தில் இருந்து எரிபொருள் நிரப்ப பணிமனைக்கு சனிக்கிழமை மதியம் சென்றது. பேருந்தை திலகர் என்பவர் ஓட்டிச் சென்றார்.
அப்போது, பிரேக் பிடிக்காததால் அரசுக் கல்லூரி முன் நிறுத்தப்பட்டிருந்த ஆட்டோ மீது அப்பேருந்து மோதி நின்றது
இதில், ஆட்டோ அப்பளம்போல் நொறுங்கியது. இந்த விபத்தில் அதிர்ஷ்டவசமாக யாருக்கும் காயம் ஏற்படவில்லை. இதுகுறித்து வால்பாறை போலீஸார் நடத்திய முதற்கட்ட விசாரணையில் பிரேக் பிடிக்காததால்தான் இவ்விபத்து ஏற்பட்டிருப்பது தெரியவந்தது.
விபத்துக்குள்ளான பேருந்து ஒரு வாரத்துக்கு முன்புதான் பராமரிப்புப் பணிகள் மேற்கொள்ளப்பட்டு, வட்டாரப் போக்குவரத்து ஆய்வாளர் மூலம் தகுதிச் சான்று வழங்கப்பட்டது குறிப்பிடத்
தக்கது.

 

]]>
http://www.dinamani.com/all-editions/edition-coimbatore/nilgiris/2017/oct/01/ஆட்டோ-மீது-அரசுப்-பேருந்து-மோதி-விபத்து-2782398.html
2782384 கோயம்புத்தூர் நீலகிரி சென்னிமலையில் முருகப் பெருமான் அசுரனை வதம் செய்யும் விழா DIN DIN Sunday, October 1, 2017 03:39 AM +0530 சென்னிமலையில் நவராத்திரி விழாவையொட்டி, முருகப் பெருமான் குதிரை வாகனத்தில் புறப்பட்டுச் சென்று அசுரனை வதம் செய்த நிகழ்ச்சி சனிக்கிழமை நடைபெற்றது.
நவராத்திரியையொட்டி, சென்னிமலை கைலாசநாதர் கோயிலில் கடந்த 9 நாள்களாக சுவாமிக்கு கொழு வைத்து சிறப்பு வழிபாடு நடைபெற்றது. தினமும் சிறப்பு அலங்காரத்தில் சுவாமிகள் பக்தர்களுக்கு காட்சியளித்தனர். நவராத்திரியின் 10-ஆவது நாளான சனிக்கிழமை விஜய தசமியையொட்டி, அம்புசேவை நிகழ்ச்சி நடைபெற்றது. இதற்காக, சனிக்கிழமை மாலை 4.30 மணிக்கு சென்னிமலை கைலாசநாதர் கோயிலில் இருந்து முருகப் பெருமான் அசுரனை வதம் செய்வதற்காக வில், அம்பு, வால் போன்ற ஆயுதங்களுடன் குதிரை வாகனத்தில் புறப்பட்ட நிகழ்ச்சி நடைபெற்றது.
அப்போது, வள்ளி, தெய்வானை ஆகியோர் சப்பரத்தில் உடன் வந்தனர். சுவாமிகள், நான்கு ராஜ வீதிகளிலும் வலம் வந்து குமரன் சதுக்கம் அருகில் உள்ள பிராட்டியம்மன் கோயில் வாசலை அடைந்தனர். அங்கு, சென்னிமலை
முருகன் கோயில் தலைமை குருக்கள் ரமேஷ் தலைமையில், முருகப் பெருமான், வள்ளி, தெய்வானைக்கு சிறப்பு பூஜைகள் நடைபெற்றன. அதைத் தொடர்ந்து, அசுரனை வதம் செய்யும் நிகழ்ச்சி நடைபெற்றது. அப்போது, வில், அம்பு, வால் போன்ற ஆயுதங்களுடன் வாழை மரம் உருவில் இருந்த அசுரனை குத்தி வதம் செய்யப்பட்டது. பிறகு, முருகப் பெருமான் அசுரனை, 3 முறை வலம் வந்து மீண்டும் வள்ளி, தெய்வானையுடன் கைலாசநாதர் கோயிலை வந்தடைந்தார். இந்நிகழ்ச்சியில், திரளான பக்தர்கள் கலந்துகொண்டு சுவாமி தரிசனம் செய்தனர்.

 

]]>
http://www.dinamani.com/all-editions/edition-coimbatore/nilgiris/2017/oct/01/சென்னிமலையில்-முருகப்-பெருமான்-அசுரனை-வதம்-செய்யும்-விழா-2782384.html
2782383 கோயம்புத்தூர் நீலகிரி அரசு சார்பில் அக்டோபர் 4 - இல் கொடிகாத்த குமரன் பிறந்த நாள் விழா DIN DIN Sunday, October 1, 2017 03:39 AM +0530 அரசு சார்பில் தியாகி குமரன் பிறந்த நாள் விழா அக்டோபர் 4-ஆம் தேதி கொண்டாடப்படவுள்ளது. இதையொட்டி, சென்னிமலையில் உள்ள அவரது வீடு, சிலை புதுப்பொலிவு பெறுகிறது.
திருப்பூர் குமரன் பிறந்தநாள் விழாவை அரசு விழாவாகக் கொண்டாட பல ஆண்டுகளாக பல்வேறு தரப்பினர் சார்பில் கோரிக்கை விடுக்கப்பட்டு வந்தது. இந்நிலையில், ஈரோடு வந்த தமிழக முதல்வர் எடப்பாடி கே.பழனிசாமி குமரன் பிறந்த நாள் விழா அரசு சார்பில் கொண்டாடப்படும் என அறிவித்தார்.
இதைத் தொடர்ந்து, குமரன் பிறந்த நாளான அக்டோபர் 4-ஆம் தேதி விழா நடத்த ஏற்பாடுகள் நடைபெற்று வருகின்றன. சென்னிமலை வடக்கு ராஜா வீதியில் உள்ள தியாகி குமரன் சிலைக்கு வர்ணம் தீட்டும் பணி மூன்று நாள்களாக நடைபெற்றது. தற்போது தங்க நிறத்தில் சிலை ஜொலிக்கிறது. அதேபோல, அவர் பிறந்த வீடு முழுவதும் சுத்தம் செய்யும் பணி, வீட்டுக்கு வர்ணம் தீட்டும் வேலையும் நடைபெற்று வருகிறது. இவ்விழாவில், அமைச்சர்கள், அரசு அதிகாரிகள் கலந்துகொள்ள உள்ளனர்.

 

]]>
http://www.dinamani.com/all-editions/edition-coimbatore/nilgiris/2017/oct/01/அரசு-சார்பில்-அக்டோபர்-4---இல்-கொடிகாத்த-குமரன்-பிறந்த-நாள்-விழா-2782383.html
2782382 கோயம்புத்தூர் நீலகிரி சாயக் கழிவுகளை வெளியேற்றும் ஆலைகள் மீது நடவடிக்கை: சாயப் பட்டறை உரிமையாளர்கள் சங்கக் கூட்டத்தில் முடிவு DIN DIN Sunday, October 1, 2017 03:39 AM +0530 சென்னிமலை பகுதியில் சுத்திகரிப்பு செய்யாமல் சாயக் கழிவுகளை வெளியேற்றும் ஆலைகள் மீது நடவடிக்கை எடுப்பது என சனிக்கிழமை நடைபெற்ற சாயப் பட்டறை உரிமையாளர்கள் சங்கக் கூட்டத்தில் முடிவு செய்யப்பட்டது.
சென்னிமலை வட்டாரக் கூலி சாயப் பட்டறை உரிமையாளர்கள் சங்கக் கூட்டம், சங்க அலுவலகத்தில் நடைபெற்றது. இக்கூட்டத்துக்கு, சங்கத் துணைத் தலைவர் முருகேஷ் தலைமை வகித்தார்.
இக்கூட்டத்தில் நிறைவேற்றப்பட்ட தீர்மானம்:
சென்னிமலை பகுதியில் கடந்த சில நாள்களாக மழைநீரோடு சாயக் கழிவுகள் கலப்பதாக பொதுமக்கள் அளித்த புகாரின்பேரில் சில சாய ஆலைகளில் மாசுக் கட்டுப்பாட்டு வாரிய அதிகாரிகள் ஆய்வு செய்து, தண்ணீர் மாதிரியை எடுத்துச் சென்றுள்ளனர். தொழில் நசிவடைந்ததால் சென்னிமலை பகுதியில் பெரும்பாலான தனியார் சாய ஆலைகள் மூடப்பட்டுள்ளன.
மேலும், தற்போது கலர் கோன்கள் அதிகரித்துள்ளதால், சாயம்போடும் வேலையும் குறைந்துள்ளது. சென்னிமலை, நகருக்கு வெளியே இயங்கும் அனைத்து சாய ஆலைகளும் அரசின் அனுமதி பெற்றும், சுத்திகரிப்பு நிலையம் மூலமாக கழிவுகளை சுத்திகரிப்பு செய்தும் இயங்கி வருகிறது.
இந்நிலையில், சாய ஆலைகளில் இருந்து யாராவது சுத்திகரிப்பு செய்யாமல் சாயக் கழிவுநீரை வெளியேற்றினாலோ அல்லது அதுகுறித்து பொதுமக்கள் புகார் அளித்தாலோ சங்கம் மூலமாக தகுந்த நடவடிக்கை எடுக்க அனைவரும் ஒத்துழைக்க வேண்டும் என முடிவு செய்யப்பட்டது.

 

]]>
http://www.dinamani.com/all-editions/edition-coimbatore/nilgiris/2017/oct/01/சாயக்-கழிவுகளை-வெளியேற்றும்-ஆலைகள்-மீது-நடவடிக்கை-சாயப்-பட்டறை-உரிமையாளர்கள்-சங்கக்-கூட்டத்தில்-முட-2782382.html
2782381 கோயம்புத்தூர் நீலகிரி டெங்கு காய்ச்சலைக் கட்டுப்படுத்த கொமதேக வலியுறுத்தல் DIN DIN Sunday, October 1, 2017 03:38 AM +0530 டெங்கு காய்ச்சலைக் கட்டுப்படுத்த மாநில அரசு உரிய நடவடிக்கை எடுக்க வேண்டும் என்று கொங்குநாடு மக்கள் தேசிய கட்சி வலியுறுத்தியுள்ளது.
இதுகுறித்து, இக்கட்சியின் மாநில பொதுச் செயலாளர் ஈ.ஆர்.ஈஸ்வரன் சனிக்கிழமை வெளியிட்ட அறிக்கை:
தமிழகத்தில் தலையாய பிரச்னையாக டெங்கு காய்ச்சல் உருவெடுத்திருக்கிறது. தமிழகம் முழுவதும் 10 லட்சம் பேர் டெங்கு காய்ச்சலால் பாதிக்கப்பட்டுள்ளனர். இதுவரை ஆயிரக்கணக்கானோர் டெங்கு காய்ச்சலால் இறந்துள்ளனர். வரும் நாள்களில் உயிரிழப்பு பல மடங்கு
அதிகரிக்க வாய்ப்பு உள்ளது. கடந்த 6 மாதங்களாகவே டெங்கு காய்ச்சலில் இருந்து மக்களைக் காப்பாற்ற முன்னெச்சரிக்கை நடவடிக்கைகள் எடுக்க வேண்டும் என்று பலதரப்பு மக்கள் எச்சரித்தபோதும் தமிழக சுகாதாரத் துறை அமைச்சர் கண்டுகொள்ளவில்லை.
ஒவ்வொரு அமைச்சரையும் ஒரு மாவட்டத்துக்கு பொறுப்பாளர்களாக நியமித்து அனைத்து மருத்துவமனைகளையும் மேற்பார்வையிட வைக்க வேண்டும். டெங்கு பாதிப்பை குறைக்க நடவடிக்கை எடுக்க வேண்டும். மழை, வெள்ளம் காலங்களில் மீட்புப் பணியில் ஈடுபடும் சமூக ஆர்வலர்களும், தொண்டு அமைப்புகளும் டெங்கு ஒழிப்பில் தீவிரம் காட்ட வேண்டும்.
தேவையான நடவடிக்கைகளை போர்க்கால அடிப்படையில் எடுக்கவில்லை என்றால் பெரும் பாதிப்பு ஏற்படும். டெங்கு பாதிப்பில் இருந்து தமிழகத்தைக் காப்பாற்ற முதல்வர் நடவடிக்கை எடுக்க வேண்டும் எனத் தெரிவித்துள்ளார்.

 

]]>
http://www.dinamani.com/all-editions/edition-coimbatore/nilgiris/2017/oct/01/டெங்கு-காய்ச்சலைக்-கட்டுப்படுத்த-கொமதேக-வலியுறுத்தல்-2782381.html
2782380 கோயம்புத்தூர் நீலகிரி ஈரோடு மேற்குத் தொகுதியில் கழிவுநீர்ப் பாதை, தார் சாலை பணிகள் தொடக்கம் DIN DIN Sunday, October 1, 2017 03:38 AM +0530 பவானியை அடுத்த மேட்டுநாசுவம்பாளையம், எலவமலை சிற்றூராட்சிகளில் ரூ. 36 லட்சம் மதிப்பில் தார் சாலை, கழிவுநீர்ப் பாதை அமைக்கும் பணிகள் வெள்ளிக்கிழமை தொடக்கிவைக்கப்பட்டது.
ஈரோடு மேற்குத் தொகுதிக்கு உள்பட்ட மூலப்பாளையம் முதல் பவானி ஆறு வரையில் கழிவுநீர்ப் பாதை அமைக்க ரூ. 7 லட்சம், பழனியாண்டவர் கோயில் முதல் லட்சுமி நகர் வரையில் கழிவுநீர்ப் பாதை அமைக்க ரூ. 10 லட்சம், மேட்டுநாசுவம்பாளையம் பழனியாண்டவர் கோயில் முதல் சென்னாநாயக்கனூர் வரை தார் சாலை அமைக்க ரூ. 19.47 லட்சம் நிதி ஒதுக்கப்பட்டது.
இப்பணிகளை பூமிபூஜை செய்து சட்டப் பேரவை உறுப்பினர்கள் கே.வி.இராமலிங்கம் (ஈரோடு மேற்கு), கே.எஸ்.தென்னரசு (ஈரோடு கிழக்கு) ஆகியோர் தொடக்கிவைத்தனர். இதில், ஈரோடு வட்டார வளர்ச்சி அலுவலர்கள் கோவிந்தராஜ், குமரவேல், ஈரோடு ஒன்றிய அதிமுக செயலர் பூவேந்திர குமார் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2017/oct/01/ஈரோடு-மேற்குத்-தொகுதியில்-கழிவுநீர்ப்-பாதை-தார்-சாலை-பணிகள்-தொடக்கம்-2782380.html
2782379 கோயம்புத்தூர் நீலகிரி தொடர் விடுமுறை: உதகையில் குவிந்த 30,000 சுற்றுலாப் பயணிகள் DIN DIN Sunday, October 1, 2017 03:37 AM +0530 தொடர் விடுமுறை காரணமாக உதகையில் ஒரே நாளில் 30,000 சுற்றுலாப் பயணிகள் சனிக்கிழமை குவிந்தனர்.
தமிழகத்தில் ஆயுத பூஜை விடுமுறையைத் தொடர்ந்து கர்நாடகம், மகாராஷ்டிரம், ஆந்திர மாநிலங்களிலும் தசரா பண்டிகை கொண்டாடப்படுவதையொட்டி தென்மாநிலங்களில் 7 நாள் வரை தொடர் விடுமுறை அறிவிக்கப்பட்டுள்ளது. இந்நிலையில், கர்நாடகம், ஆந்திரம், கேரள மாநிலங்களிலிருந்து ஆயிரக்கணக்கான சுற்றுலாப் பயணிகள் தொடர்ந்து உதகையில் குவிந்து வருகின்றனர்.
உதகை அரசினர் தாவரவியல் பூங்காவில் வெள்ளிக்கிழமை சுமார் 12,000 சுற்றுலாப் பயணிகள் இருந்த நிலையில், சனிக்கிழமை 22,000 சுற்றுலாப் பயணிகள் குவிந்தனர். தொட்டபெட்டா மலைச்சிகரம், ரோஜா பூங்கா உள்ளிட்ட பகுதிகளிலும் சுற்றுலாப் பயணிகள் குவிந்ததால் சாலைகளில் வாகனங்கள் நீண்ட வரிசைகளில் காத்திருந்தன.
மத்திய பேருந்து நிலையப் பகுதியிலிருந்து தாவரவியல் பூங்கா செல்லும் சாலையில் போக்குவரத்து தடைபட்டதால் படகு இல்லம், அவலாஞ்சி உள்ளிட்ட பகுதிகளுக்குச் சென்றிருந்த பெரும்பாலான வாகனங்கள் அரசினர் தாவரவியல் பூங்கா பகுதிக்கு சனிக்கிழமை வர இயலவில்லை. இதனிடையே, முதுமலை, மசினகுடி பகுதிகளில் உள்ள தனியார் தங்கும் விடுதிகள், ரிசார்ட்டுகளில் அறைகளை முன்பதிவு செய்திருந்தோர் உதகையிலிருந்து கல்லட்டி மலைப் பாதை வழியாகச் செல்ல முடியாமல் 50 கி.மீ. தூரத்தைக் கடக்க 7 மணி நேரம் வரை ஆனதால் அனைத்து சாலைகளிலும் போக்குவரத்து தடைபட்டிருந்தது.
இதைத் தவிர ஞாயிற்றுக்கிழமை மட்டுமின்றி திங்கள்கிழமை காந்தி ஜெயந்தி விடுமுறையும் வருவதால் மாவட்டத்தில் சுற்றுலாப் பயணிகளின் வருகை மேலும் அதிகரிக்கும் என எதிர்பார்க்கப்படுகிறது.

 

]]>
http://www.dinamani.com/all-editions/edition-coimbatore/nilgiris/2017/oct/01/தொடர்-விடுமுறை-உதகையில்-குவிந்த-30000-சுற்றுலாப்-பயணிகள்-2782379.html
2782378 கோயம்புத்தூர் நீலகிரி திமுக செயல் தலைவர் மு.க.ஸ்டாலின் இன்று உதகை வருகை DIN DIN Sunday, October 1, 2017 03:37 AM +0530 திமுக செயல் தலைவர் மு.க.ஸ்டாலின் ஞாயிற்றுக்கிழமை உதகை வருகிறார்.
உதகையில் மாவட்ட திமுக அலுவலகத்தில் அமைக்கப்பட்டுள்ள அண்ணாவின் உருவச் சிலையை திறந்து வைப்பதோடு, மாலையில் நடைபெறும் பொதுக் கூட்டத்திலும் ஸ்டாலின் பங்கேற்கிறார்.
இந்நிகழ்ச்சியில் பங்கேற்பதற்காக சென்னையிலிருந்து விமானம் மூலம் ஞாயிற்றுக்கிழமை காலை 10 மணிக்கு கோவை வரும் ஸ்டாலின் அங்கிருந்து கார் மூலமாக குன்னூர் வருகிறார். அங்கு அண்ணா சிலை எதிரில் ஸ்டாலினுக்கு நீலகிரி மாவட்ட திமுக சார்பில் வரவேற்பு அளிக்கப்படுகிறது. அங்கிருந்து தனியார் தங்கும் விடுதிக்குச் செல்லும் ஸ்டாலின், பின்னர் பிற்பகல் 2.30 மணிக்கு உதகையில் உள்ள மாவட்ட திமுக அலுவலகத்துக்கு வருகிறார்.
அங்கு அலுவலக முகப்புப் பகுதியில் அமைக்கப்பட்டுள்ள அண்ணாவின் உருவச் சிலையை மாவட்ட திமுக செயலர் பா.மு.முபாரக் தலைமையில் திறந்து வைத்த பின்னர், ஏ.டி.சி. சுதந்திர சதுக்கத்தில் நடைபெறவுள்ள பொதுக் கூட்டத்திலும் பங்கேற்கிறார்.
இந்நிகழ்ச்சிகளில், திமுக கொள்கை பரப்புச் செயலர் ஆ.ராசா, கூடலூர் சட்டப் பேரவை உறுப்பினர் திராவிடமணி, திமுக தேர்தல் பணிக் குழு செயலர் கா.ராமசந்திரன் உள்ளிட்ட நிர்வாகிகள் பங்கேற்கின்றனர்.
இதுதொடர்பாக, மாவட்ட திமுக செயலர் பா.மு.முபாரக் வெளியிட்டுள்ள அறிக்கை:
திமுக செயல்தலைவர் மு.க.ஸ்டாலின் நீலகிரி மாவட்டத்தில் ஞாயிற்றுக்கிழமை பங்கேற்கும் நிகழ்ச்சிகளில் திமுகவின் அனைத்து அமைப்புகளைச் சேர்ந்த நிர்வாகிகள், தொண்டர்கள் திரளாக பங்கேற்க வேண்டும். குன்னூரில் நடைபெறவுள்ள வரவேற்பு நிகழ்ச்சியிலும், உதகையில் நடைபெறவுள்ள அண்ணாவின் உருவச் சிலை திறப்பு, பொதுக் கூட்டத்திலும் பங்கேற்று அனைத்து நிகழ்ச்சிகளையும் வெற்றி பெறச் செய்ய வேண்டும் எனக் கோரிக்கை விடுத்துள்ளார்.

 

]]>
http://www.dinamani.com/all-editions/edition-coimbatore/nilgiris/2017/oct/01/திமுக-செயல்-தலைவர்-முகஸ்டாலின்-இன்று-உதகை-வருகை-2782378.html