Dinamani - நீலகிரி - http://www.dinamani.com/all-editions/edition-coimbatore/nilgiris/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3056351 கோயம்புத்தூர் நீலகிரி பழங்குடியினருக்கான மருத்துவ  காப்பீட்டுத் திட்ட சிறப்பு முகாம்: கொலக்கம்பையில் 15இல் நடக்கிறது DIN DIN Wednesday, December 12, 2018 07:52 AM +0530 கொலக்கம்பையில் பழங்குடியினருக்கான தமிழக முதல்வரின் விரிவான மருத்துவக் காப்பீட்டுத் திட்டத்தின் கீழ் பயனாளிகள் சேர்ப்பு முகாம் சனிக்கிழமை (டிசம்பர் 15) நடக்கிறது. இதுதொடர்பாக நீலகிரி மாவட்ட ஆட்சியர் அலுவலகம் வெளியிட்டுள்ள செய்தி குறிப்பு:
தமிழக முதல்வரின் விரிவான மருத்துவ காப்பீட்டுத் திட்டம் நீலகிரி மாவட்டத்தில் சிறப்பாக செயல்பட்டு வருகிறது.  இம்மாவட்டத்தில் இத்திட்டத்தில் இதுவரை 1 லட்சத்து 63,969  குடும்பங்கள் பதிவு செய்துள்ளன. மேலும், இதுவரை  காப்பீட்டுத் திட்டத்தில்  பதிவு செய்யப்படாமல் விடுபட்ட பழங்குடியினருக்கான சிறப்பு முகாம் சனிக்கிழமை (டிசம்பர் 15) குன்னூர் தாலுகாவுக்கு உள்பட்ட கொலக்கம்பை சிஎஸ்ஐ நடுநிலைப்பள்ளி வளாகத்தில் நடைபெறவுள்ளது.  
எனவே, காப்பீட்டுத் திட்டத்தில் இதுவரை பதிவு செய்யாத பழங்குடியினர் இந்த வாய்ப்பை பயன்படுத்திக் கொள்ள வேண்டும்.  இம்முகாமிற்கு வரும் பழங்குடியினர் தங்களது குடும்ப அட்டை மற்றும் அரசால் அங்கீகரிக்கப்பட்ட அடையாள அட்டையின் அசல் மற்றும் நகலை எடுத்து வர வேண்டும் என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/dec/12/பழங்குடியினருக்கான-மருத்துவ-காப்பீட்டுத்-திட்ட-சிறப்பு-முகாம்-கொலக்கம்பையில்-15இல்-நடக்கிறது-3056351.html
3056350 கோயம்புத்தூர் நீலகிரி உதகையில் 18இல் சிறுபான்மையினர் தின விழா: அனைவரும் பங்கேற்க ஆட்சியர் அழைப்பு DIN DIN Wednesday, December 12, 2018 07:52 AM +0530 உதகையில் வரும் 18ஆம் தேதி சிறுபான்மையினர் தின விழா கொண்டாடப்பட உள்ளது. இதில் சிறுபான்மையினர் அனைவரும் பங்கேற்க வேண்டும் என மாவட்ட ஆட்சியர் இன்னசென்ட் திவ்யா தெரிவித்துள்ளார்.
இதுதொடர்பாக அவர் தெரிவித்துள்ளதாவது:
நீலகிரி மாவட்டத்தில் வாழ்ந்து வரும் மத வழி சிறுபான்மையினர்களான இஸ்லாமியர், கிறிஸ்தவர், புத்த மதத்தினர்,  பாரசீகர்கள், சீக்கியர்கள் மற்றும் ஜெயின் சமூகத்தினரைப் பாதுகாக்கவும், அவர்களுக்கு வழங்கப்படும் நலத்திட்டங்கள் அனைத்து சிறுபான்மையின மக்களையும் சென்றடைய விழிப்புணர்வை ஏற்படுத்தும் வகையில் இம்மாதம் 18ஆம் தேதிசிறுபான்மையினர் தின விழா நடத்தப்படவுள்ளது.  
இவ்விழாவின்போது உலமாக்கள் மற்றும் பணியாளர்கள் நல வாரியம் மூலம் வழங்கப்படும் நலத்திட்ட  உதவிகள், சிறுபான்மையினர் மேம்பாட்டுக் கழகம் மூலம் வழங்கப்படும்  கடனுதவிகள்,  சிறுபான்மையின மாணவ, மாணவியருக்கு வழங்கப்படும் கல்வி உதவித் தொகை ஆகியவை குறித்து விவாதிக்க அனைத்துத் துறை அலுவலர்களும் பங்கேற்க  உள்ளனர். எனவே, நீலகிரி மாவட்டத்தில் உள்ள சிறுபான்மை யின மக்கள் அனைவரும்  இவ்விழாவில் தவறாமல் பங்கேற்க வேண்டும் என்று அவர் தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/dec/12/உதகையில்-18இல்-சிறுபான்மையினர்-தின-விழா-அனைவரும்-பங்கேற்க-ஆட்சியர்-அழைப்பு-3056350.html
3056349 கோயம்புத்தூர் நீலகிரி கூடலூரில் இளையோர் விழிப்புணர்வு நிகழ்ச்சி DIN DIN Wednesday, December 12, 2018 07:52 AM +0530 கூடலூரில் இளையோர் விழிப்புணர்வு நிகழ்ச்சி செவ்வாய்க்கிழமை நடைபெற்றது.
இந்திய அரசின் நேரு யுவகேந்திரா அமைப்பும் கூடலூர் நுகர்வோர் பாதுகாப்பு மையமும் இணைந்து தோட்டத் தொழிலாளர் தொழிற் பயிற்சி மையத்தில் நடத்திய இளையோர் கல்வி விழிப்புணர்வு நிகழ்ச்சிக்கு நுகர்வோர் பாதுகாப்பு மைய தலைவர் காளிமுத்து தலைமை வகித்தார்.  நிகழ்ச்சியை தொழிற் பயிற்சி மைய முதல்வர் ஷாஜி எம்.ஜார்ஜ் துவக்கி வைத்தார். வழிகாட்டுதல் நிகழ்ச்சியில் நேரு யுவகேந்திரா நிகழ்ச்சி அலுவலர் சரஸ்வதி, நுகர்வோர் மைய செயலாளர் சிவசுப்பிரமணியம், காசிகா இலவச ஐ.ஏ.எஸ். அகாதெமியின் நிறுவனர் அ.சுரேஷ்குமார், ஓய்வு பெற்ற தலைமை ஆசிரியர் சத்தியநேசன், கேசவன், காவல் துறை அதிகாரிகள் மற்றும் ஆசிரியர்கள், மாணவர்கள் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/dec/12/கூடலூரில்-இளையோர்-விழிப்புணர்வு-நிகழ்ச்சி-3056349.html
3056348 கோயம்புத்தூர் நீலகிரி 1330 திருக்குறள்களையும் மனனம் செய்து ஒப்பிக்கும் திறனுடைய மாணவ, மாணவியர் விண்ணப்பிக்கலாம் DIN DIN Wednesday, December 12, 2018 07:51 AM +0530 திருக்குறள்கள் 1330தையும் மனனம் செய்து ஒப்பிக்கும் திறனுடைய மாணவ, மாணவியர் தமிழ் வளர்ச்சித் துறைக்கு விண்ணப்பிக்கலாம் என நீலகிரி மாவட்ட ஆட்சியர் இன்னசென்ட் திவ்யா தெரிவித்துள்ளார்.
இதுகுறித்து அவர் வெளியிட்டுள்ள செய்தி குறிப்பு:
உலகப் பொதுமறையான திருக்குறளில் உள்ள கருத்துகளை பள்ளி மாணவ, மாணவியர் இளம் வயதிலேயே அறிந்து கொண்டு கல்வி அறிவோடு, நல்லொழுக்கம் மிக்கவர்களாகவும் விளங்கும் வகையில் தமிழக அரசால் திருக்குறள் முற்றோதல்  பாராட்டு பரிசு திட்டம் நடைமுறைப்படுத்தப்பட்டு வருகிறது.
இதில், 1330 திருக்குறள்களையும் மனனம் செய்து ஒப்பிக்கும் 70 மாணவ, மாணவியருக்கு தலா ரூ.10,000 வீதம் பரிசுத்தொகை தமிழ் வளர்ச்சித் துறையின் சார்பில் ஆண்டுதோறும் வழங்கப்பட்டு வருகிறது.  இத்திட்டத்தின் கீழ் மாணவர்கள் பயன் பெறும் வகையில் நீலகிரி மாவட்டத்தில் 1330 திருக்குறள்களையும் மனனம் செய்து ஒப்புவிக்கும் திறனுடைய மாணவ, மாணவியர் இருப்பின் உதகை மாவட்ட ஆட்சியர் அலுவலக வளாகத்தில் உள்ள தமிழ் வளர்ச்சித் துறை உதவி இயக்குநர்அலுவலகத்தில் நேரிலோ அல்லது அஞ்சல் மூலமாகவோ உடனடியாக விண்ணப்பிக்கலாம் என தெரிவித்துள்ளார்.

]]>
http://www.dinamani.com/all-editions/edition-coimbatore/nilgiris/2018/dec/12/1330-திருக்குறள்களையும்-மனனம்-செய்து-ஒப்பிக்கும்-திறனுடைய-மாணவ-மாணவியர்-விண்ணப்பிக்கலாம்-3056348.html
3056347 கோயம்புத்தூர் நீலகிரி நடுவட்டம் பேரூராட்சியில் ரூ.3 கோடி செலவில் புதிய பேருந்து நிலையம் DIN DIN Wednesday, December 12, 2018 07:50 AM +0530 நடுவட்டம் பேரூராட்சியில் ரூ.3 கோடி செலவில் வணிக வளாகத்துடன் கூடிய புதிய பேருந்து நிலையம் கட்டுவதற்கான பணி செவ்வாய்க்கிழமை துவங்கப்பட்டது.
கூடலூர் - உதகை சாலையில் உள்ள நடுவட்டம் பஜாரில் கேரளம் மற்றும் கர்நாடக மாநிலங்களில் இருந்து உதகைக்குச் செல்லும் சுற்றுலா வாகனங்கள் உள்ளிட்ட அனைத்து வாகனங்களும் நின்று செல்கின்றன. மேலும் நடுவட்டம் பகுதி உதகை - பெங்களூரூ தேசிய நெடுஞ்சாலையில் பழமையான சிற்றூரானதால் பிரதான பங்கு வகிக்கிறது. 
இந்நிலையில் இங்கு மூலதன மானிய திட்டத்தின் கீழ் ரூ.3 கோடி செலவில் வணிக வளாகத்துடன் கூடிய புதிய பேருந்து நிலையம் கட்ட முடிவு செய்யப்பட்டுள்ளது. இதற்காக பொக்லைன் இயந்திரம் மூலம் இங்குள்ள பழங்கால கட்டடங்களை இடிக்கும் பணி செவ்வாய்க்கிழமை துவங்கப்பட்டது. பணிகளை பேரூராட்சி செயல் அலுவலர் முகமது இப்ராஹிம் ஆய்வு செய்தார்.
பழைய கட்டடங்கள் இடிக்கப்பட்ட பின் புதிய பேருந்து நிலையம் மற்றும் வணிக வளாகம் கட்டுவதற்கான பணிகள் துவங்கும் என அதிகாரிகள் கூறினர்.

]]>
http://www.dinamani.com/all-editions/edition-coimbatore/nilgiris/2018/dec/12/நடுவட்டம்-பேரூராட்சியில்-ரூ3-கோடி-செலவில்-புதிய-பேருந்து-நிலையம்-3056347.html
3056346 கோயம்புத்தூர் நீலகிரி கோத்தகிரி அருகே தெரு விளக்குகள் எரியாததால் கிராம மக்கள் தவிப்பு DIN DIN Wednesday, December 12, 2018 07:50 AM +0530 கோத்தகிரியை அடுத்த பெந்தட்டி கிராமத்தில், தெரு விளக்குகள் எரியாததா மக்கள் இருளில் தவித்து வருகின்றனர்.
கோத்தகிரி பேரூராட்சிக்கு உள்பட்ட கேர்பெட்டா பெந்தட்டி கிராமத்தில் 50க்கும் மேற்பட்ட குடும்பங்கள் வசித்து வருகின்றன. 
இக்கிராம மக்கள் கொடநாடு பிரதான சாலையில் இருந்து கிராமத்துக்கு சென்று வருகின்றனர். கடந்த சில நாள்களுக்கு முன் பலத்த காற்றுடன் பெய்த மழையில் கிராமத்தில் உள்ள தெருவிளக்குகள் சேதமடைந்துள்ளன.
இதனால் கிராமத்தில் சோடியம் தெரு விளக்குகள் எரிவதில்லை. இதனால், இரவில் கிராமம் இருளில் மூழ்கியுள்ளது. 
கொட நாடு சாலை "ரைபிள் ரேஞ்ச்' பகுதியில் வன விலங்குகள் நடமாட்டத்துக்கு இடையே அச்சத்துடன் சென்று வருகின்றனர்.
எனவே, சம்மந்தப்பட்ட துறையினர், சேதமான தெரு விளக்குகளை உடனடியாக பழுது பார்த்து, கிராமத்துக்கு வெளிச்சம் கிடைக்க நடவடிக்கை எடுக்க வேண்டும் என்று இப்பகுதி மக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/nilgiris/2018/dec/12/கோத்தகிரி-அருகே-தெரு-விளக்குகள்-எரியாததால்-கிராம-மக்கள்-தவிப்பு-3056346.html
3056345 கோயம்புத்தூர் நீலகிரி கூடலூரில் 14இல் மாற்றுத்திறனாளிகளுக்கான சிறப்பு குறை தீர்க்கும் முகாம் DIN DIN Wednesday, December 12, 2018 07:49 AM +0530 கூடலூரில்  மாற்றுத் திறனாளிகளுக்கான சிறப்பு குறை தீர்க்கும் முகாம் வெள்ளிக்கிழமை நடக்க உள்ளது. 
இதுகுறித்து மாவட்ட மாற்றுத்திறனாளிகள் நல அலுவலகம் வெளியிட்டுள்ள செய்தி குறிப்பு:
நீலகிரி மாவட்டத்தில் உள்ள மாற்றுத் திறனாளிகள் பயனடையும் வகையில் வெள்ளிக்கிழமை (டிசம்பர் 14) கூடலூர் கோட்டாட்சியர் அலுவலகத்தில் மாற்றுத் திறனாளிகளுக்கான சிறப்பு குறை தீர்க்கும் நாள் முகாம் நடத்தப்படுகிறது.  இம்முகாமில் மாற்றுத்திறனாளிகளுக்கான அடையாள அட்டை பெறாதவர்களுக்கு அடையாள அட்டை வழங்கப்படவுள்ளது.  
அடையாளஅட்டை பெறாத மாற்றுத்திறனாளிகள் தங்களின் பாஸ்போர்ட் அளவிலான 4 புகைப்படங்களுடன் குடும்ப அட்டையின் அசல் மற்றும் நகல், ஆதார் அட்டையின் அசல் மற்றும் நகலுடன் இச்சிறப்பு முகாமில் பங்கேற்கலாம்.  அத்துடன் மாற்றுத்திறனாளிகளுக்கான அடையாள அட்டை பெற்றவர்கள் ஆதார் அட்டை மற்றும் குடும்ப அட்டை நகலுடன்  தங்களது கோரிக்கைகள் மற்றும் குறைகளை மனுக்களாக அளித்து பயனடையலாம்.  மேலும், ஆதார் அட்டை எடுக்காத மாற்றுத்திறனாளிகள்  இம்முகாமில் பங்கேற்று ஆதார் அடையாள அட்டை  எடுத்துக் கொள்ளலாம்  என தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/dec/12/கூடலூரில்-14இல்-மாற்றுத்திறனாளிகளுக்கான-சிறப்பு-குறை-தீர்க்கும்-முகாம்-3056345.html
3056344 கோயம்புத்தூர் நீலகிரி செல்லிடப்பேசி கோபுரம் அமைப்பதற்கு எதிர்ப்புத் தெரிவித்து கிராமத்தினர் போராட்டம் DIN DIN Wednesday, December 12, 2018 07:49 AM +0530 கோத்தகிரி அருகே கேர்பெட்டா கிராமத்தில் செல்லிடப்பேசி கோபுரம் அமைக்கும் தனியார் நிறுவனத்துக்கு ஆதரவு  தெரிவிக்கும் காவல் துறைக்கு எதிர்ப்புத் தெரிவித்து கிராமமக்கள் செவ்வாய்க்கிழமை  ஆர்ப்பாட்டத்தில் ஈடுபட்டனர்.
 கோத்தகிரி அருகே  கேர்பெட்டா  கிராமத்தில் 300க்கும்மேற்பட்ட குடும்பங்களும், அதைச் சுற்றியுள்ள பகுதிகளில் 2000 க்கும் மேற்பட்டவர்களும் வசித்து வருகின்றனர்.  ஊரின் மையப் பகுதியில் தனியார் செல்லிடப்பேசி நிறுவனம் கோபுரம் அமைப்பதற்கு இந்த கிராம மக்கள் ஆட்சேபணை தெரிவித்து வந்தனர். 
இதனைத் தொடர்ந்து கடந்த சில வாரங்களுக்கு முன்    கோத்தகிரி வட்டாட்சியர்  வேலைகளை தடுத்த நிறுத்தினார்.
 மீண்டும்  கடந்த  வாரம்  தீடீர் என தொலைபேசி கோபுரம் அமைக்கும் பணியில்  தனியார் நிறுவனத்தினர்  ஈடுபட்டனர்.
இதைத் தடுத்து நிறுத்த கோரி ஊர் பொதுமக்கள் செவ்வாய்க்கிழமை ஆர்ப்பாட்டத்தில் ஈடுபட்டதோடு, தங்களின் குடும்ப அட்டை,  ஆதார் அட்டை,   வாக்காளர் அடையாள  அட்டை ஆகியவற்றை வட்டாட்சியரிடம்  ஒப்படைக்க முற்பட்டனர். 
இதையடுத்து தனியார் நிறுவனம் தாங்கள் கொண்டுவந்த பொருள்களை எடுத்துக்கொண்டு சென்றனர். 
மேற்கொண்டு செல்லிடப்பேசி கோபுரம் அமைக்கும் பணியை மேற்கொண்டால் மாபெரும் போராட்டம் நடத்துவோம் என கிராம மக்கள் கூறினர்.
இந்நிலையில் தனியார் செல்லிடப்பேசி நிறுவனத்துக்கு ஆதரவாக செயல்பட்டு தங்களை காவல்துறையினர் மிரட்டுவதாகக் கூறி கிராமமக்கள் ஆர்ப்பாட்டத்தில் ஈடுபட்டனர்.

]]>
http://www.dinamani.com/all-editions/edition-coimbatore/nilgiris/2018/dec/12/செல்லிடப்பேசி-கோபுரம்-அமைப்பதற்கு-எதிர்ப்புத்-தெரிவித்து-கிராமத்தினர்-போராட்டம்-3056344.html
3055708 கோயம்புத்தூர் நீலகிரி கோத்தகிரி அருகே சிறுத்தை நடமாட்டம்: வனத் துறையினர் ஆய்வு DIN DIN Tuesday, December 11, 2018 07:56 AM +0530 கோத்தகிரி அருகே  சிறுத்தை நடமாட்டம் குறித்து வனத் துறையினர் திங்கள்கிழமை ஆய்வு மேற்கொண்டனர்.
கோத்தகிரி அருகே உள்ள புதூர், காமராஜர் நகர், சேலாடா ஆகிய  குடியிருப்புப் பகுதிகள், தேயிலைத் தோட்டங்களில் சிறுத்தை நடமாட்டம் காணப்படுகிறது. சிறுத்தை இரவு நேரத்தில் குடியிருப்புக்குள் புகுந்து வளர்ப்பு நாய்களையும், கால்நடைகளையும் கொன்றுவிடுகிறது. பகல் நேரத்தில் தேயிலைத் தோட்டங்களில் உலவுகிறது. இதனால் பொதுமக்களும், தோட்டத் தொழிலாளர்களும் பீதியில் உள்ளனர்.
சிறுத்தையைக் கூண்டு வைத்துப் பிடித்து, அடர்ந்த வனப் பகுதியில் விடுவிக்க வேண்டும் என்று அனைத்துத் தரப்பினரும் வலியுறுத்தி உள்ளனர். இதையடுத்து, வனச் சரகர் சீனிவாசன் தலைமையில் வனக் காப்பாளர்கள் முருகன், வீரமணி, தருமன் உள்ளிட்ட வனத் துறைப் பணியாளர்கள் சிறுத்தை நடமாட்டம் உள்ள கிராமங்களுக்கு  சென்று குடியிருப்புப் பகுதிகள்,  தேயிலைத் தோட்டங்களில் ஆய்வு செய்தனர்.
இது குறித்து வனச் சரகர் சீனிவாசன் கூறியதாவது:
சிறுத்தை ஒரே இடத்தில் தொடர்ந்து இருக்க வாய்ப்பு இல்லை. அது நாள் ஒன்றுக்கு 25 கிலோ மீட்டர் சுற்றளவுக்கு நடமாடும். சிறுத்தையைப் பொதுமக்கள் பார்த்தால் உடனடியாக வனத் துறையினருக்குத் தகவல் தெரிவிக்க வேண்டும். இரவு நேரங்களில் வீட்டை விட்டு தனியாக வெளியே வரக்கூடாது.  
சிறுத்தை நடமாட்டத்தை கண்காணிக்க வனத் துறை ஊழியர்கள் பணியமர்த்தப்பட்டு உள்ளனர். சிறுத்தை நடமாட்டம் தொடரும்பட்சத்தில் அதனை அடர்ந்த வனப் பகுதிக்குள் துரத்தவோ அல்லது கூண்டு வைத்துப் பிடிக்கவோ நடவடிக்கை எடுக்கப்படும் என்றார்.

]]>
http://www.dinamani.com/all-editions/edition-coimbatore/nilgiris/2018/dec/11/கோத்தகிரி-அருகே-சிறுத்தை-நடமாட்டம்-வனத்-துறையினர்-ஆய்வு-3055708.html
3055707 கோயம்புத்தூர் நீலகிரி கூடலூரில் அனுமதி பெறாத தனியார் தேயிலைத் தொழிற்சாலைக்கு நோட்டீஸ்: 3 டன் தேயிலைத்தூள் பறிமுதல் DIN DIN Tuesday, December 11, 2018 07:56 AM +0530 கூடலூரில் தேயிலை வாரியத்தின் அனுமதி பெறாமல் இயங்கி வரும் தனியார் தேயிலை தொழிற்சாலைக்கு நோட்டீஸ் அளிக்கப்பட்டுள்ளது.
  நீலகிரி மாவட்ட ஆட்சியர் இன்னசென்ட் திவ்யா உத்தரவின்பேரில் கூடலூர் அருகே கம்மாத்தி பகுதியில் இயங்கி வரும் தனியார் தேயிலைத் தொழிற்சாலையில்  உணவுப் பாதுகாப்பு மற்றும் மருந்து நிர்வாகத் துறை மாவட்ட நியமன அலுவலர் டாக்டர் தமிழ்ச்செல்வன் தலைமையில் உணவுப் பாதுகாப்பு அலுவலர்கள்  அடங்கிய குழுவினர் சனிக்கிழமை திடீர் ஆய்வு மேற்கொண்டனர். அப்போது,  உணவுப் பாதுகாப்பு மற்றும் மருந்து நிர்வாகத் துறையிடம் உரிமம் பெறாமலும், தேயிலை வாரியத்தின் உரிமம் பெறாமலும் இந்தத் தேயிலைத் தொழிற்சாலை செயல்பட்டு வருவது  தெரியவந்துள்ளது. 
 அதையடுத்து, உணவுப் பாதுகாப்புத் துறை சட்டங்களின் கீழ்  தொழிற்சாலைக்கு நோட்டீஸ் வழங்கப்பட்டது. தொழிற்சாலை மீது துறைரீதியான நடவடிக்கைக்கு உத்தரவிட்டப்பட்டுள்ளது. மேலும், தொழிற்சாலையில் இருந்து 3 டன் தேயிலைத் தூள் பறிமுதல் செய்யப்பட்டு, அதன் மாதிரிகள் ஆய்வுக்கும் அனுப்பப்பட்டுள்ளதாக அதிகாரிகள் தெரிவித்தனர்.
  இது தொடர்பாக மாவட்ட ஆட்சியர் இன்னசென்ட் திவ்யா கூறியதாவது:
  நீலகிரி மாவட்டத்தில் கலப்படத் தேயிலைத் தூள் தயாரிப்பது,  விற்பனை செய்யப்படுவது தெரிய வந்தாலும், தடை செய்யப்பட்ட பிளாஸ்டிக் பொருள்கள் பயன்படுத்தப்பட்டாலும், பான் மசாலா,  குட்கா போன்ற புகையிலைப் பொருள்களை விற்பனை செய்வது, பதுக்கி வைக்கப்பட்டிருப்பது தெரியவந்தால் பொதுமக்கள் புகார் தெரிவிக்கலாம்.
    இது குறித்து தமிழ்நாடு உணவுப் பாதுகாப்பு மற்றும் மருந்து நிர்வாகத் துறைக்கு  94440 42322 என்ற எண்ணிலும், மாவட்ட ஆட்சியர் அலுவலகத்திற்கு  99431 26000 என்ற எண்ணிலும் புகார் தெரிவிக்கலாம். புகாரின் அடிப்படையில் 24 மணி நேரத்திலிருந்து 48 மணி நேரத்திற்குள் நடவடிக்கை எடுக்கப்பட்டு புகார் தெரிவித்தவருக்கும் உடனடியாகத் தகவல் தெரிவிக்கப்படும் என்றார்.

]]>
http://www.dinamani.com/all-editions/edition-coimbatore/nilgiris/2018/dec/11/கூடலூரில்-அனுமதி-பெறாத-தனியார்-தேயிலைத்-தொழிற்சாலைக்கு-நோட்டீஸ்-3-டன்-தேயிலைத்தூள்-பறிமுதல்-3055707.html
3055706 கோயம்புத்தூர் நீலகிரி முதுமலை புலிகள் காப்பகத்தில் தேக்கு மரம் முறிந்து விழுந்து போக்குவரத்து பாதிப்பு DIN DIN Tuesday, December 11, 2018 07:56 AM +0530 முதுமலை புலிகள் காப்பக சாலையில் திங்கள்கிழமை காலை தேக்கு மரம் முறிந்து விழுந்ததால் போக்குவரத்து தடைப்பட்டது.
   முதுமலை புலிகள் காப்பகத்திலுள்ள தெப்பக்காட்டிலிருந்து மசினகுடி செல்லும் சாலையில் திங்கள்கிழமை காலை 6 மணி அளவில் தேக்கு மரம் முறிந்து சாலையின் குறுக்கே விழுந்தது. இதனால், போக்குவரத்தில் தடை ஏற்பட்டது. தவலறிந்த வனத் துறையினர், காவல் துறையினர் விரைந்து சென்று மரத்தை அப்புறப்படுத்தும் பணியில் ஈடுபட்டனர். 
  ஒரு மணி நேரத்திற்குப் பிறகு போக்குவரத்து சீரடைந்தது.
 

]]>
http://www.dinamani.com/all-editions/edition-coimbatore/nilgiris/2018/dec/11/முதுமலை-புலிகள்-காப்பகத்தில்-தேக்கு-மரம்-முறிந்து-விழுந்து-போக்குவரத்து-பாதிப்பு-3055706.html
3055705 கோயம்புத்தூர் நீலகிரி வீடுகளுக்கு மின் இணைப்பு வழங்க வலியுறுத்தி ஆர்ப்பாட்டம் DIN DIN Tuesday, December 11, 2018 07:56 AM +0530 கூடலூர்,  பந்தலூர் பகுதியில் பாகுபாடின்றி வீடுகளுக்கு மின் இணைப்பு வழங்க வேண்டும் என வலியுறுத்தி விவசாயிகள் சங்கம் சார்பில் திங்கள்கிழமை கண்டன ஆர்ப்பாட்டம் நடைபெற்றது.
  தமிழ்நாடு விவசாயிகள் சங்கத்தின் நீலகிரி மாவட்ட கிளை சார்பில் வட்டாட்சியர் அலுவலகம் முன்பு இந்த ஆர்ப்பாட்டம் நடைபெற்றது. இதில், எந்தவித பாகுபாடுமின்றி கூடலூர் மற்றும் பந்தலூர் பகுதியில் உள்ள வீடுகளுக்கு உடனே மின்  இணைப்பு வழங்க வேண்டும். விளைநிலங்களுக்கு பட்டா வழங்க வேண்டும்.  மே மாதம் மின் இணைப்புக் கோரி போராட்டம் நடத்திவர்கள் மீது பதிவு செய்யப்பட்ட வழங்குகளை திரும்பப் பெற வேண்டும் என வலியுறுத்தப்பட்டது.

]]>
http://www.dinamani.com/all-editions/edition-coimbatore/nilgiris/2018/dec/11/வீடுகளுக்கு-மின்-இணைப்பு-வழங்க-வலியுறுத்தி-ஆர்ப்பாட்டம்-3055705.html
3055704 கோயம்புத்தூர் நீலகிரி உதகையில் மனித உரிமைகள் தினம் அனுசரிப்பு DIN DIN Tuesday, December 11, 2018 07:55 AM +0530 உதகையில் மனித உரிமைகள் தினம் திங்கள்கிழமை அனுசரிக்கப்பட்டது.
உதகை நகர மக்கள் விழிப்புணர்வு சங்கம்,  ஒய்எம்சிஏ அமைப்பு ஆகியவற்றின் சார்பில் நடத்தப்பட்ட இந்நிகழ்வில் பள்ளி மாணவ, மாணவியர் பங்கேற்ற விழிப்புணர்வு ஊர்வலமும்,  "உனக்குள் இருக்கும் உரிமை' என்ற  நாடகமும் நடைபெற்றன.  ஒய்எம்சிஏ அமைப்பின் தலைவர் தனசிங் இஸ்ரேல் தலைமையில் நடைபெற்ற இந்நிகழ்ச்சியை ஒய்எம்சிஏ செயலர் மேக்ஸ் வில்லியர்டு ஜெயப்பிரகாஷ் தொடக்கிவைத்தார். விழிப்புணர்வு சங்கத் தலைவர் ஜனார்த்தனன்,  ஓய்வுபெற்ற தலைமையாசிரியர் ராசு பெட்டன், கவிஞர் நீலமலை ஜேபி உள்ளிட்டோர் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2018/dec/11/உதகையில்-மனித-உரிமைகள்-தினம்-அனுசரிப்பு-3055704.html
3055703 கோயம்புத்தூர் நீலகிரி குன்னூர் நகராட்சி ஆணையர் பணியிட மாற்றம்:  எதிர்ப்புத்  தெரிவித்து துப்புரவுத் தொழிலாளர்கள் போராட்டம் DIN DIN Tuesday, December 11, 2018 07:55 AM +0530 அரசியல் தலையீட்டால்  குன்னூர் நகராட்சி ஆணையர் பணியிடமாற்றம்  செய்யப்பட்டதற்கு  எதிர்புத்  தெரிவித்து   நகராட்சி துப்புரவுத் தொழிலாளர்கள் 175 பேர் பணிக்குச் செல்லாமல் உள்ளிருப்புப்  போராட்டத்தில் திங்கள்கிழமை  ஈடுபட்டனர்.  
நீலகிரி மாவட்டம், குன்னூர் நகராட்சிக்கு கடந்த சில மாதங்களுக்கு முன்பு நகராட்சி ஆணையராக சரஸ்வதி பொறுப்பேற்றார். இவர், நகராட்சிக்குச் சொந்தமான பேருந்து  நிலையக் கடைகளை உள்வாடகைக்கு விட்ட நபர்களை வெளியேற்றி கடைகளை நகராட்சியின் கட்டுப்பாட்டில் கொண்டு வந்தார். நகராட்சி வருமானத்தைப் பெருக்கும் வகையில் நகராட்சிக்குச் சொந்தமான மார்க்கெட்டில் உள் வாடகைக்கு விடப்பட்டுள்ள கடைகளை மீட்டெடுக்கவும் அதிரடி முயற்சிகள் மேற்கொண்டார். மேலும், ஆளுங்கட்சியைச்  சேர்ந்த நபர் விதியை மீறி  கட்டிய அடுக்குமாடிக் கட்டடத்திற்கு நகராட்சி ஆணையர் கடந்த 6ஆம் தேதி சீல் வைத்தார். 
இந்நிலையில், சென்னை நகராட்சி நிர்வாக ஆணையர் பிரகாஷ் வெளியிட்டுள்ள உத்தரவில்,  குன்னூர் நகராட்சி ஆணையர் வேலூர் மாநகராட்சியின் உதவி ஆணையராக நியமிக்கப்பட்டுள்ளார் எனத் தெரிவிக்கப்பட்டுள்ளது. இதற்கு எதிர்ப்புத் தெரிவித்து குன்னூர்  நகராட்சி துப்புரவுத் தொழிலாளர்கள் அலுவலக வளாகத்தில்  உள்ளிருப்புப்  போராட்டத்தில் ஈடுபட்டனர். ஆணையரின் திடீர் பணியிடமாற்ற உத்தரவை ரத்து செய்யாவிட்டால்  பல்வேறு போராட்டங்களில்  ஈடுபடவுள்ளதாக துப்பரவுத் தொழிலாளர்கள்  தெரிவித்துள்ளனர்.


 

]]>
http://www.dinamani.com/all-editions/edition-coimbatore/nilgiris/2018/dec/11/குன்னூர்-நகராட்சி-ஆணையர்-பணியிட-மாற்றம்-எதிர்ப்புத்--தெரிவித்து-துப்புரவுத்-தொழிலாளர்கள்-போராட்டம்-3055703.html
3055702 கோயம்புத்தூர் நீலகிரி உதகையில் மக்கள் குறைதீர்க்கும் கூட்டம் DIN DIN Tuesday, December 11, 2018 07:55 AM +0530 உதகையில் திங்கள்கிழமை  நடைபெற்ற மக்கள் குறைதீர்க்கும் நாள் கூட்டத்தில் 253 கோரிக்கை மனுக்களைப் பெற்ற மாவட்ட ஆட்சியர் இன்னசென்ட் திவ்யா மனுக்கள் மீது உடனடி நடவடிக்கைக்கு உத்தரவிட்டார்.
உதகையில் நீலகிரி மாவட்ட ஆட்சியர் அலுவலகத்தில்  மாவட்ட ஆட்சியர் இன்னசென்ட் திவ்யா தலைமையில் மக்கள் குறைதீர்க்கும் நாள் கூட்டம் திங்கள்கிழமை  நடைபெற்றது.  இதில், குடும்ப அட்டை, வீட்டுமனைப் பட்டா,  தொழில், கல்விக் கடன் உதவி, முதியோர் உதவித் தொகை கோரியும், சாலை, குடிநீர், கழிப்பிடம், மின்சாரம் உள்ளிட்ட அடிப்படை வசதிகள் கோரியும் பொதுமக்கள் கோரிக்கை மனுக்களை அளித்தனர். மொத்தம் 253 மனுக்கள் பொதுமக்களிடமிருந்து பெறப்பட்டன.  மனுக்களின் மீது சம்மந்தப்பட்ட அலுவலர்கள் பரிசீலனை செய்து தகுதி இருப்பின் உடனடியாக  உரிய நடவடிக்கை மேற்கொள்ளுமாறு  ஆட்சியர் உத்தரவிட்டார். 
சமூக பாதுகாப்புத் திட்ட தனித் துணை ஆட்சியர் முருகன், மாவட்ட ஆட்சியரின் கூடுதல் நேர்முக உதவியர் பாஸ்கரன், ஆதி திராவிடர்,   பழங்குடியினர் நல அலுவலர் மணிவேலன்,  கலால் துறை உதவி ஆணையர் ஜெய்குமார் உள்ளிட்ட பலர் பங்கேற்றனர். 
முன்னதாக,  நேரு யுவகேந்திரா அமைப்பின் சார்பில் டெங்கு காய்ச்சல் ஒழிப்பு, பிளாஸ்டிக் ஒழிப்பு விழிப்புணர்வுக்காக நடத்தப்பட்ட கைப்பந்துப் போட்டி, மினி மாரத்தான் போட்டியில் வெற்றி பெற்றவர்களுக்கு பாராட்டுச் சான்றிதழ், பரிசுகளை ஆட்சியர்  வழங்கினார். இதில்,  மனித உரிமைகள் நாள் உறுதிமொழியினை மாவட்ட ஆட்சியர் தலைமையில், அரசுத் துறை அலுவலர்கள், பணியாளர்கள் ஏற்றுக்கொண்டனர். 

]]>
http://www.dinamani.com/all-editions/edition-coimbatore/nilgiris/2018/dec/11/உதகையில்-மக்கள்-குறைதீர்க்கும்-கூட்டம்-3055702.html
3055701 கோயம்புத்தூர் நீலகிரி சாலைகளைச் சீரமைக்க வலியுறுத்தி திமுக ஆர்ப்பாட்டம் DIN DIN Tuesday, December 11, 2018 07:54 AM +0530 ஓவேலி பகுதியிலுள்ள சாலைகளை சீரமைக்க வலியுறுத்தி திமுக சார்பில் திங்கள்கிழமை கண்டன ஆர்ப்பாட்டம் நடைபெற்றது.
  ஓவேலி பேரூராட்சிக்கு உள்பட்ட சாலைகள் போக்குவரத்திற்குப் பயன்படாத அளவுக்கு குண்டும்குழியுமாக காணப்படுகின்றன. 
இந்த சாலைகளைப் பராமரிக்காத நெடுஞ்சாலைத் துறையைக் கண்டித்தும், சாலைகளை செப்பனிட வலியுறுத்தியும் ஓவேலி திமுக சார்பில் புதிய பேருந்து நிலையம் சந்திப்பில் கண்டன ஆர்ப்பாட்டம் நடைபெற்றது.
  இதில் பேரூராட்சி திமுக செயலாளர் முருகையா, நகரச் செயலாளர் ராஜேந்திரன், ஒன்றியச் செயலாளர் லியாக்கத் அலி,  இளைஞர் அணி நிர்வாகி இளஞ்செழியன், மஞ்சமூலா சுப்பிரமணி, இரா.சீனிவாசன், மாதேஸ் உள்ளிட்ட நிர்வாகிகள் கலந்துகொண்டனர்.
 

]]>
http://www.dinamani.com/all-editions/edition-coimbatore/nilgiris/2018/dec/11/சாலைகளைச்-சீரமைக்க-வலியுறுத்தி-திமுக-ஆர்ப்பாட்டம்-3055701.html
3055700 கோயம்புத்தூர் நீலகிரி ஓய்வுபெற்ற அரசு ஊழியர் சங்கக் கூட்டம்  DIN DIN Tuesday, December 11, 2018 07:54 AM +0530 தமிழ்நாடு ஓய்வுபெற்ற அரசு ஊழியர் சங்கக் கூட்டம் திங்கள்கிழமை கூடலூரில் நடைபெற்றது. 
வருவாய்த் துறை அலுவலர் சங்கக் கட்டடத்தில் நடைபெற்ற இந்தக் கூட்டத்துக்குத் தலைவர் த.சுப்பிரமணி தலைமை வகித்தார். இதில் ஓய்வூதியதாரர்கள் குறைகள் பற்றி விவாதிக்கப்பட்டது. ஓய்வூதியதாரர்களின் கோரிக்கைகளை அரசு நிறைவேற்ற வேண்டும். பெட்ரோல், டீசல் உள்ளிட்ட அத்தியாவசியப் பொருள்களின் விலையைக் குறைக்க வேண்டும். திருப்பூரில் 17ஆம் தேதி நடைபெறவுள்ள மண்டலக் கருத்தரங்கில் கலந்துகொள்வது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
முன்னதாக, மாவட்டச் செயலாளர் திவாகரன் மனைவியின் மறைவுக்கு அஞ்சலி செலுத்தப்பட்டது. 
துணைத் தலைவர் சிக்கனுமனான், பொருளாளர் அரசன் உள்ளிட்ட நிர்வாகிகள், உறுப்பினர்கள் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/dec/11/ஓய்வுபெற்ற-அரசு-ஊழியர்-சங்கக்-கூட்டம்-3055700.html
3055054 கோயம்புத்தூர் நீலகிரி குன்னூரில் சுற்றுலாப் பயணிகள் வருகை அதிகரிப்பு DIN DIN Monday, December 10, 2018 08:01 AM +0530 குன்னூரில் குளுகளு காலநிலைக் காரணமாக இங்குள்ள   சுற்றுலாத் தலங்களில் பொதுமக்கள் கூட்டம் அதிகரித்து காணப்பட்டது. 
நீலகிரி மாவட்டத்தில் தற்போது சராசரியாக குறைந்தபட்ச வெப்ப நிலை  5 டிகிரி செல்சியஸும்,  அதிகபட்சமாக 18  டிகிரி  செல்சியஸும்  காணப்படுகிறது.  
இந்தக் காலநிலையினை அனுபவிக்க தமிழகத்தின் பல்வேறு பகுதிகள் மட்டுமில்லாது கேரளம், கர்நாடகம்  மற்றும்  வட மாநிலங்களிலிருந்தும் நீலகிரி மாவட்டத்துக்கு சுற்றுலாப் பயணிகள் வருகை அதிகரிக்க துவங்கியுள்ளது.  
குறிப்பாக  குன்னூரில் உள்ள  டால்பின் நோஸ், லேம்ஸ்ராக், சிம்ஸ் பூங்கா, காட்டேரிப் பூங்கா  உள்ளிட்ட  சுற்றுலாத் தலங்களை காண்பதற்கு சுற்றுலாப் பயணிகள் அதிக ஆர்வம் காட்டி வருகின்றனர். 
மேலும் சுற்றுலாப் பயணிகளை வரவேற்கும் விதமாக தட்பவெப்ப  நிலையும்  உள்ளது. அதிகாலை நேரங்களில்  லேசான பனிப் பொழிவும் பகல் நேரங்களில் சில்லென்று இதமான காற்றும்  வீசுகிறது. 
இங்கு பல வண்ணங்களில் பூத்துக் குலுங்கும் மலர்களையும், காலநிலையையும் இங்கு வரும் சுற்றுலாப் பயணிகள் வெகுவாக ரசித்து செல்கின்றனர்.

]]>
http://www.dinamani.com/all-editions/edition-coimbatore/nilgiris/2018/dec/10/குன்னூரில்-சுற்றுலாப்-பயணிகள்-வருகை-அதிகரிப்பு-3055054.html
3055053 கோயம்புத்தூர் நீலகிரி நகராட்சி ஆணையர் இடமாற்றத்துக்கு எதிர்ப்பு: குன்னூரில் டிசம்பர் 12 இல் ஆர்ப்பாட்டம் DIN DIN Monday, December 10, 2018 08:01 AM +0530 குன்னூர் நகராட்சி ஆணையர் சரஸ்வதி திடீர் இடமாற்றம் செய்யப்பட்டதற்கு எதிர்ப்புத் தெரிவித்து டிசம்பர் 12 ஆம் தேதி ஆர்ப்பாட்டம்  நடத்தப்படும் என்று குன்னூரில் உள்ள பல்வேறு தன்னார்வ  அமைப்புகள் அறிவித்துள்ளன.
இதுகுறித்து குன்னூர் தன்னார்வ அமைப்புகளின் ஒருங்கிணைப்பாளர்  உமா சங்கர் தெரிவித்துள்ளதாவது: 
நீலகிரி மாவட்டம், குன்னூர் நகராட்சி ஆணையராக சரஸ்வதி என்பவர் கடந்த சில மாதங்களுக்கு முன்பு பொறுப்பேற்றார். 
இதைத் தொடர்ந்து,  அவர் நகராட்சிக்கு சொந்தமான பேருந்து நிலையக் கடைகளை உள்வாடகைக்கு விட்ட நபர்களை வெளியேற்றி, நகராட்சி கட்டுப்பாட்டில் கொண்டு வந்தார். நகராட்சி வருமானத்தை  பெருக்கும் வகையில், நகராட்சிக்கு சொந்தமான மார்க்கெட்டில், உள்வாடகை கடைகளை மீட்டெடுக்க அதிரடி முயற்சிகள் மேற்கொண்டார்.
இந்நிலையில், ஆளுங்கட்சியைச்  சேர்ந்தவரின் அடுக்குமாடிக் கட்டத்துக்கு நகராட்சி அதிகாரிகள் கடந்த 6 ஆம் தேதி சீல் வைத்தனர். இந்நிலையில், சென்னை நகராட்சி ஆணையர் அலுவலகத்தில் இருந்து, நிர்வாக ஆணையர் பிரகாஷ் வெளியிட்டுள்ள உத்தரவில், குன்னூர் நகராட்சி ஆணையர் சரஸ்வதி, வேலூர் மாநகராட்சியின் உதவி ஆணையராக நியமிக்கப்பட்டுள்ளார் எனத் தெரிவிக்கப்பட்டு ள்ளது. 
குன்னூர் நகராட்சி ஆணையரின் இந்த திடீர் இட மாற்றத்துக்கு எதிர்ப்புத் தெரிவிக்கும் வகையில் குன்னூரில் பல்வேறு தன்னார்வ அமைப்புகள் சார்பில் குன்னூர்,  வி.பி.  தெருவில் வருகிற டிசம்பர் 12 கண்டன ஆர்ப்பாட்டம்  நடத்தப்படும் என்றார். 
 

]]>
http://www.dinamani.com/all-editions/edition-coimbatore/nilgiris/2018/dec/10/நகராட்சி-ஆணையர்-இடமாற்றத்துக்கு-எதிர்ப்பு-குன்னூரில்-டிசம்பர்-12-இல்-ஆர்ப்பாட்டம்-3055053.html
3055052 கோயம்புத்தூர் நீலகிரி பிளாஸ்டிக் பொருள்கள் பறிமுதல்: ரூ. 11 ஆயிரம் அபராதம் DIN DIN Monday, December 10, 2018 08:00 AM +0530 கோத்திகிரி கட்டபெட்டு பஜார் பகுதியில் உள்ள கடைகளில் ஆய்வு மேற்கொண்டு பிளாஸ்டிக் பொருள்களை பறிமுதல் செய்த அதிகாரிகள்,  கடை உரிமையாளர்களுக்கு ரூ.11 ஆயிரம் அபராதம் விதித்தனர். 
கோத்தகிரி, கட்டபெட்டு பஜார் பகுதியில் தடை செய்யப்பட்ட பிளாஸ்டிக் பொருள்கள் விற்பனை செய்யப்படுவதாக தொடர்ந்து புகார் எழுந்து வந்தது. 
இதைத் தொடர்ந்து மாவட்ட  ஆட்சியரின் அறிவுறுத்தலின்படி, ஜெகதளா பேரூராட்சி செயல் அலுவலர் (கூடுதல் பொறுப்பு) குணசேகரன் தலைமையில், சுகாதார ஆய்வாளர் கண்ணன் உள்ளிட்ட அலுவலர்கள் கட்டபெட்டு பஜார் பகுதியில் உள்ள கடைகளில்  திடீர் ஆய்வு மேற்கொண்டனர்.  அப்போது, 12 கடைகளில் தடை செய்யப்பட்ட பிளாஸ்டிக் பைகள் இருந்தது தெரியவந்தது.  
இதையடுத்து அந்த பிளாஸ்டிக் பொருள்களை பறிமுதல் செய்த அதிகாரிகள், கடை உரிமையாளர்களுக்கு, ரூ. 11 ஆயிரம் அபராதம் விதித்து எச்சரித்தனர்.
 

]]>
http://www.dinamani.com/all-editions/edition-coimbatore/nilgiris/2018/dec/10/பிளாஸ்டிக்-பொருள்கள்-பறிமுதல்-ரூ-11-ஆயிரம்-அபராதம்-3055052.html
3054758 கோயம்புத்தூர் நீலகிரி இந்தியன் வங்கி மூலம் சுயஉதவி குழுவினருக்கு ரூ.1.30 கோடி கடன் DIN DIN Sunday, December 9, 2018 05:43 AM +0530
இந்தியன் வங்கி மூலம் வால்பாறை பகுதியில் உள்ள மகளிர் சுய உதவிக் குழுவினருக்கு ரூ.1 கோடியே 30 லட்சம் கடனுதவி வழங்கப்பட்டது.
வால்பாறை காருண்யா சமூக மையத்தில் மகளிர் சுயஉதவிக் குழுவினருக்கு கடனுதவி வழங்கும் விழா வெள்ளிக்கிழமை நடைபெற்றது. இந்தியன் வங்கியின் மண்டல மேலாளர் கே.ராமகிருஷணன், கிளை மேலாளர் டி.யுவராஜ், உதவி கிளை மேலாளர் ஒ.காளியப்பன் ஆகியோர் முன்னிலை வகித்தனர். காருண்யா சமூக மையங்களின் இயக்குநர் அனிலா மேத்யு வரவேற்றார்.
விழாவிற்கு தலைமையேற்று காருண்யா சமூக மையம் சார்பில் அமைக்கப்பட்ட 21 மகளிர் சுயஉதவிக் குழுவினருக்கு ரூ.1 கோடியே 30 லட்சம் கடனுதவியை வழங்கி இந்தியன் வங்கியின் ஊரக வளர்ச்சித் துறை பொதுமேலாளர் டி. தேவராஜ் பேசுகையில், மகளிர் சுயஉதவிக் குழுக்களுக்கு இதுவரை வங்கி மூலம் ரூ.4250 கோடி கடனுதவி வழங்கப்பட்டுளளது. மேலும் கடனுதவியை விரிவுப்படுத்தும் நோக்கமாக காருண்யா போன்ற பல்வேறு சமூக மையங்கள் மூலம் அமைக்கப்படும் குழுக்களுக்கு கூடுதல் கடன் உதவி வழங்கப்படும் என்றார்.

 

]]>
http://www.dinamani.com/all-editions/edition-coimbatore/nilgiris/2018/dec/09/இந்தியன்-வங்கி-மூலம்-சுயஉதவி-குழுவினருக்கு-ரூ130-கோடி-கடன்-3054758.html
3054364 கோயம்புத்தூர் நீலகிரி மேட்டுப்பாளையத்தில் மக்கள் நீதிமன்றம்: 403 வழக்குகளுக்குத் தீர்வு DIN DIN Sunday, December 9, 2018 01:21 AM +0530 மேட்டுப்பாளையம் வட்ட சட்டப் பணிகள் குழு சார்பில் சனிக்கிழமை நடைபெற்ற மக்கள் நீதிமன்றத்தில்(லோக் அதாலத்) 403 வழக்குகளுக்கு தீர்வு காணப்பட்டன.
மேட்டுப்பாளையம் ஒருங்கிணைந்த நீதிமன்றத்தில் நடைபெற்ற இந்த நிகழ்ச்சிக்கு, மேட்டுப்பாளையம் வட்ட சட்டப் பணிகள் குழுவின் தலைவர் சார்பு நீதிபதி ராமநாதன், மேட்டுப்பாளையம் மாவட்ட உரிமையியல் மற்றும் நீதித் துறை நடுவர் சரவணபாபு ஆகியோர் முன்னிலை வகித்தனர்.
இதில், குற்றவியல், ஜீவானாம்சம் , வங்கி நிலுவை தொகை, காசோலை, குடும்ப நல வழக்குகள் என 970 வழக்குகள் விசாரணைக்கு எடுத்து கொள்ளப்பட்டு 403 வழக்குகளில் ரூ. 49 லட்சத்து 69 ஆயிரத்துக்கு தீர்வுகாணப்பட்டது.
வழக்கு விசாரணையில் சமூக ஆர்வலர் ராம்குமார், அரசு குற்றவியல் வழக்குரைஞர் இஸ்மாயில், மூத்த வழக்குரைஞர்கள் வீரபத்திரன், நடராஜ், பழனிசாமி, சாந்தமூர்த்தி, உமர்பாரூக், ரஹமத்துல்லா உள்பட பலர் கலந்து கொண்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/மேட்டுப்பாளையத்தில்-மக்கள்-நீதிமன்றம்-403-வழக்குகளுக்குத்-தீர்வு-3054364.html
3054363 கோயம்புத்தூர் நீலகிரி உதகை உருளைக்கிழங்கு ஆராய்ச்சி மையத்தை மூடக்கூடாது DIN DIN Sunday, December 9, 2018 01:21 AM +0530
உதகையில் உருளைக்கிழங்கு ஆராய்ச்சி மையத்தை மூடும் நடவடிக்கையை மத்திய அரசு கைவிட வேண்டும்என்று பாட்டாளி மக்கள் கட்சியின் மாநிலத் தலைவர் ஜி.கே.மணி கூறினார்.
பாட்டாளி மக்கள் கட்சியின் திருப்பூர் மாநகர் மாவட்ட பொதுக் குழுக்கூட்டம் சனிக்கிழமை நடைபெற்றது. இதில், பங்கேற்ற அவர் செய்தியாளர்களிடம் பேசியதாவது:
கஜா புயல் தாக்கிய டெல்டா மாவட்டங்களில் மக்கள் இன்னும் துயரத்தில் இருந்து மீளவில்லை. நிவாரணப் பணிகளை மத்திய, மாநில அரசுகள் போர்க்கால அடிப்படையில் துரிதப்படுத்த வேண்டும். மாநில அரசு கேட்ட நிவாரணத் தொகையை மத்திய அரசு வழங்க வேண்டும். மேக்கேதாட்டுவில் அணை கட்ட விரிவான அறிக்கை தயாரிக்க வழங்கிய அனுமதியை மத்திய அரசு திரும்பப் பெற வேண்டும்.
பின்னலாடைத் தொழிலாளர்களுக்கு கடந்த அக்டோபர் மாதத்தில் இருந்து டிராபேக்கை நிறுத்திவிட்டனர். இதனால் 30 சதவீத அளவுக்கு உற்பத்தி குறைந்துவிட்டது. இதனால் ஏற்றுமதியும் குறைந்துவிட்டது. இதுதொழில் துறையில் தமிழகத்துக்கு ஏற்பட்டுள்ள பின்னடைவாகும். எனவே, திருப்பூர், கோவை மாவட்டங்களில் பின்னலாடை, டெக்ஸ்டைல் தொழில் குறித்து மத்திய அரசு அதிக அக்கறை கொள்ளவேண்டும்.
மாநகராட்சிப் பகுதிகளில் குடிநீர் கட்டணம், வீட்டுவரி, கடை வரி உயர்த்தப்பட்டுள்ளது. புதிதாக குப்பை வரி, பாதாள சாக்கடை வரி விதிக்கின்றனர். இதனால் மாநகராட்சி, நகராட்சி, பேரூராட்சி பகுதிகளில் வசிக்கும் மக்கள் பாதிக்கப்படுகின்றனர்.
மேற்கு மண்டலத்தில் பாசனத் திட்டங்களை தமிழக அரசு முறையாக செயல்படுத்த வேண்டும். தமிழகத்தில் 20 நீர்ப் பாசன திட்டங்களை நிறைவேற்றினால் குடிநீர்ப் பிரச்னையே வராது. மேற்கு மாவட்ட மக்களின் நீண்டநாள் கோரிக்கையான அத்திக்கடவு-அவிநாசி திட்டம், ஆனைமலை -நல்லாறு திட்டத்தை நிறைவேற்ற வேண்டும். பாண்டியாறு -புன்னம்புழா, பரம்பிக்குளம் -ஆழியாறு திட்டங்களை மேம்படுத்த வேண்டும்.
உயர் மின் கோபுரங்களை பூமிக்கு அடியில் கேபிள் மூலமாக எடுத்துச் செல்ல வேண்டும். உதகையில் உள்ள உருளைக்கிழங்கு ஆராய்ச்சி மையத்தை மூடும் நடவடிக்கையை மத்திய அரசு கைவிட வேண்டும் என்றார்.

 

]]>
http://www.dinamani.com/all-editions/edition-coimbatore/nilgiris/2018/dec/09/உதகை-உருளைக்கிழங்கு-ஆராய்ச்சி-மையத்தை-மூடக்கூடாது-3054363.html
3054362 கோயம்புத்தூர் நீலகிரி கோத்தகிரி அருகே சிறப்பு கிராம சபை கூட்டம் DIN DIN Sunday, December 9, 2018 01:21 AM +0530
கோத்தகிரி அருகே கடைகம்பட்டியில் சிறப்பு கிராம சபை கூட்டம் வெள்ளிக்கிழமை நடைபெற்றது. இதில் நூறு நாள் வேலை வாய்ப்புத் திட்டத்தை சிறப்பாக செயல்படுத்துவது குறித்து ஆலோசிக்கப்பட்டது.
கோத்தகிரி ஊராட்சி ஒன்றிய வட்டார வளர்ச்சி அலுவலர் கோல்டிசாராள் மற்றும் தணிக்கை அதிகாரி சசி, நெடுகுளா ஊராட்சி செயலாளர் சதீஷ் மற்றும் அதிகாரிகள் பங்கேற்ற சிறப்பு கிராம சபை கூட்டம் நெடுகுளா ஊராட்சிக்கு உள்பட்ட கடைகம்பட்டி கிராமத்தில் நடைபெற்றது. இதில் நூறு நாள் வேலை வாய்ப்பு திட்டப் பணிகள் குறித்து ஆய்வு செய்து நடப்பாண்டின் சமூக தணிக்கை அறிக்கையை தயாரித்தனர்.
தொடர்ந்து நடைபெற்ற கிராம சபை கூட்டத்தில் நூறு நாள் வேலை வாய்ப்பு திட்டத்தை சிறப்பாக செயல்படுத்துவது குறித்து கிராம மக்களிடம் ஆலோசனை நடத்தினர். இதில்நூற்றுக்கும் மேற்பட்ட கிராம மக்கள் கலந்து கொண்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/கோத்தகிரி-அருகே-சிறப்பு-கிராம-சபை-கூட்டம்-3054362.html
3054360 கோயம்புத்தூர் நீலகிரி அல்லஞ்சியில் 180 அடுக்குமாடி குடியிருப்புகள் கட்டும் பணி பூமி பூஜையுடன் தொடக்கம் DIN DIN Sunday, December 9, 2018 01:21 AM +0530
உதகையை அடுத்துள்ள அல்லஞ்சி பகுதியில் ரூ.20 கோடி மதிப்பில் 180 அடுக்குமாடி குடியிருப்புகள் கட்டுவதற்கான பணிகளை தமிழக உள்ளாட்சித் துறை அமைச்சர் எஸ்.பி.வேலுமணி தொடங்கி வைத்தார்.
அல்லஞ்சி கிராமத்தில் தமிழ்நாடு குடிசை மாற்று வாரியத்தின் சார்பில் ரூ.20 கோடி மதிப்பில் 180 அடுக்குமாடி குடியிருப்புகள் கட்ட திட்டமிடப்பட்டுள்ளது. இதற்கான பணி தொடக்க விழா நீலகிரி மாவட்ட ஆட்சியர் இன்னசென்ட் திவ்யா தலைமையில் வெள்ளிக்கிழமை நடைபெற்றது. தமிழக உள்ளாட்சித் துறை அமைச்சர் எஸ்.பி.வேலுமணி சிறப்பு விருந்தினராகப் பங்கேற்று புதிய வீடுகள் கட்டும் திட்டப் பணிகளை பூமி பூஜை செய்து தொடக்கி வைத்தார். பின் அவர் பேசியதாவது:
அனைவருக்கும் வீடு திட்டத்தின் கீழ் அடுக்குமாடி குடியிருப்புகள் கட்டும் பணிகளில் குன்னூர் வட்டத்தில் 172 குடியிருப்புகள் ரூ.18.68 கோடி மதிப்பீட்டில் கட்ட கட்டுமானப் பணிகள் நடைபெற்று வருகின்றன. அதனைத் தொடர்ந்து அல்லஞ்சி பகுதியில் ரூ.19.71 கோடி மதிப்பீட்டில் 180 குடியிருப்புகள் கட்டும் பணிக்கான பூமி பூஜை தற்போது நடத்தப்பட்டுள்ளது.
நீலகிரி மாவட்டத்தில் அனைவருக்கும் வீடு திட்டத்தின் கீழ் ரூ.2.1 லட்சம் அரசு மானியத்துடன் பயனாளிகள் தாங்களே வீடு கட்டிக் கொள்ளும் திட்டத்தின்கீழ் உதகை நகராட்சியில் ரூ.64.83 கோடி மதிப்பீட்டில் 2,161 குடியிருப்புகளும், குன்னூர் நகராட்சியில் ரூ.18.27 கோடி மதிப்பீட்டில் 609 குடியிருப்புகளும், கூடலூர் நகராட்சியில் ரூ.28.17 கோடி மதிப்பீட்டில் 939 குடியிருப்புகளும், நெல்லியாளம் நகராட்சியில் ரூ.15 கோடி மதிப்பீட்டில் 500 குடியிருப்புகள் என மொத்தம் ரூ.126.27 கோடி மதிப்பீட்டில் 4,209 குடியிருப்புகளுக்கான பணிகள் நடைபெற்று வருகின்றன என்றார்.
நிகழ்ச்சியில் மாநிலங்களவை உறுப்பினர் கே.ஆர்.அர்ஜுணன், மக்களவை உறுப்பினர் சி.கோபாலகிருஷ்ணன், குன்னூர் சட்டப் பேரவை உறுப்பினர் சாந்தி ராமு, குடிசை மாற்று வாரிய கண்காணிப்புப் பொறியாளர் ராஜசேகரன், செயற்பொறியாளர் குமார் உள்ளிட்ட அரசு அலுவலர்கள் கலந்து கொண்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/அல்லஞ்சியில்-180-அடுக்குமாடி-குடியிருப்புகள்-கட்டும்-பணி-பூமி-பூஜையுடன்-தொடக்கம்-3054360.html
3054359 கோயம்புத்தூர் நீலகிரி பழங்குடிகள் தினத்தை முன்னிட்டு பள்ளியில் கலாசார கண்காட்சி DIN DIN Sunday, December 9, 2018 01:20 AM +0530
பழங்குடிகள் தினத்தை முன்னிட்டு கோழிக்கொல்லி உண்டு உறைவிடப் பள்ளியில் கலாசார கண்காட்சி சனிக்கிழமை நடைபெற்றது.
அனைவருக்கும் கல்வி இயக்கம் சார்பில் இயங்கும் கோழிக்கொல்லி உண்டு உறைவிடப் பள்ளியில் பழங்குடி மக்களின் கலை, கலாசாரத்தை நினைவுபடுத்தும் விதமாக மாணவர்களின் கண்காட்சி நடைபெற்றது. இக்கண்காட்சியில் பழங்குடி மக்கள் பயன்படுத்தும் பாரம்பரியப் பொருள்கள், மூலிகைகள் உள்ளிட்ட பல்வேறு பொருள்கள் காட்சிக்கு வைக்கப்பட்டிருந்தன. கண்காட்சியை அக்காடு ஆதிவாசி சங்க நிறுவனர் ஸ்டானி தெக்கேக்கரா துவக்கி வைத்தார். பள்ளி நிர்வாக இயக்குநர் ராம்தாஸ், வட்டார வள மைய மேற்பார்வையாளர் முருகேசன், மாவட்ட திட்ட ஒருங்கிணைப்பாளர் விஜயராஜ், ஆதிவாசி முன்னேற்ற சங்கத் தலைவர் விஸ்வபாரதி மற்றும் பள்ளி மாணவர்கள், ஆசிரியர்கள் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/பழங்குடிகள்-தினத்தை-முன்னிட்டு-பள்ளியில்-கலாசார-கண்காட்சி-3054359.html
3054358 கோயம்புத்தூர் நீலகிரி விளையாட்டு வீரர்களுக்கு தமிழக அரசு பாரபட்சம் காட்டுவதில்லை: தடகள சங்கத்தின் துணைத் தலைவர் ஷைனி வில்சன் DIN DIN Sunday, December 9, 2018 01:20 AM +0530
விளையாட்டு வீரர்களுக்கு பரிசுத் தொகை வழங்குவதில் தமிழக அரசு எவ்வித பாரபட்சமுமம் காட்டுவதில்லை என இந்திய தடகள வீராங்கனையும், தமிழக தடகள சங்கத்தின் துணைத் தலைவருமான ஷைனி வில்சன் தெரிவித்தார்.
உதகையில் உள்ள கிரசண்ட் பள்ளியின் ஆண்டு விழா நிகழ்ச்சியில் பங்கேற்பதற்காக வந்திருந்த அவர் சனிக்கிழமை செய்தியாளர்களிடம் கூறியாதாவது:
இந்தியாவில் தற்போது விளையாட்டுத் துறையில் ஏராளமானோர் சாதித்து வருகின்றனர். நடந்து முடிந்த ஆசிய விளையாட்டுப் போட்டிகளில் இந்திய விளையாட்டு வீரர்கள் சிறந்த முறையில் விளையாடி பதக்கங்களை பெற்றுள்ளனர். தமிழக அரசும் விளையாட்டு வீரர்களுக்கு ஊக்கம் அளிக்கிறது. சாதித்தவர்களுக்கு ரூ.10 லட்சம் முதல் ரூ.25 லட்சம் வரை ஊக்கத் தொகையும் வழங்கப்படுகிறது. விளையாட்டு வீரர்களுக்கு பரிசுத் தொகை வழங்குவதில் தமிழகத்தில் எவ்வித பாராட்சமும் காட்டுவதில்லை.
நீலகிரி போன்ற மலைப் பகுதிகளில் பயிற்சி பெற்றால் விளையாட்டு வீரர்கள் இன்னும் சாதிக்க முடியும். உதகையில் தற்போது ஹை ஆல்ட்டிடியூட் பயிற்சி மையம் அமைக்கப்பட்டு வருவதைப்போல் மூணாறு, கொடைக்கானல் போன்ற பகுதிகளிலும் பயிற்சி தளங்கள் அமைக்கப்பட வேண்டும். நாங்கள் நீலகிரியில் பயிற்சி பெற்ற பின்னரே ஆசிய விளையாட்டுப் போட்டிகளில் சாதித்தோம். தமிழகத்தின் பிற பகுதிகளில் உள்ள விளையாட்டு வீரர்களுக்கு உதகையில் அமைக்கப்பட்டுவரும் சிந்தெடிக் ஓடுதளத்தில் பயிற்சி அளிக்க வேண்டும்.
தற்போது ஏராளமான பெண் பயிற்சியாளர்கள் வந்துவிட்டனர். அதனால் பெண் விளையாட்டு வீராங்கனைகளுடன் ஒரு பெண் பயிற்சியாளர் செல்ல வேண்டும் என்ற உத்தரவு உள்ளது. இதனால், பெண் விளையாட்டு வீராங்கனைகளுக்கு எவ்வித தொல்லைகளும் இல்லை.
மத்திய, மாநில அரசுகள் இணைந்து அனைத்துப் பகுதிகளிலும் சிந்தெடிக் ஓடுதளம் அமைக்க வேண்டும். இதன் மூலம் விளையாட்டு வீரர்கள் பயிற்சிக்காக தொலை தூரங்களுக்கு செல்ல வேண்டியிருக்காது. அவர்களது சொந்த ஊரிலேயே பயிற்சி பெற முடியும். தற்போது இளைஞர்கள் விளையாட்டில் அதிக அளவில் ஆர்வம் காட்டுகின்றனர். விளையாட்டுத் துறையில் சாதித்தவர்களுக்கு மத்திய, மாநில அரசுகளில் பணி வழங்கப்படுகிறது.
ஒலிம்பிக்கில் தடகளப் போட்டிகளில் இதுவரை இந்தியா பதக்கம் வென்றதில்லை. நாங்கள் 1984ல் இறுதிப்போட்டி வரை வந்தோம். ஆனால் வெற்றி பெற முடியவில்லை. இனி வரும் விளையாட்டு வீரர்கள் தடகளப் போட்டிகளில் ஒலிம்பிக்கில் பதக்கம் வெல்ல வேண்டும் என்பதே எங்கள் ஆசை என்றார்.
பேட்டியின்போது கிரசண்ட் பள்ளி தாளாளர் ஜி.உமர் பாரூக், இந்திய ஹாக்கி அமைப்பின் முதல் பெண் நடுவரானஅனுபமா ஆகியோர் உடனிருந்தனர்.
கிரசண்ட பள்ளி ஆண்டு விழா நிகழ்ச்சியில் பங்கேற்று பள்ளி மாணவ, மாணவியருக்குப் பரிசுகளை வழங்கிய அவர், தொடர்ந்து உதகையில் உள்ள மலைப் பகுதி மேம்பாட்டுத்திட்ட திறந்தவெளி அரங்கில் அமைக்கப்பட்டுவரும் சிந்தெடிக் ஓடுதளத்தை பார்வையிட்டு ஆலோசனைகளை வழங்கினார்.

 

]]>
http://www.dinamani.com/all-editions/edition-coimbatore/nilgiris/2018/dec/09/விளையாட்டு-வீரர்களுக்கு-தமிழக-அரசு-பாரபட்சம்-காட்டுவதில்லை-தடகள-சங்கத்தின்-துணைத்-தலைவர்-ஷைனி-வில்ச-3054358.html
3054356 கோயம்புத்தூர் நீலகிரி வெளிமாநில வாகனங்களைக் கண்காணிக்க எல்லையில் கேமரா பொருத்தும் காவல் துறை DIN DIN Sunday, December 9, 2018 01:19 AM +0530
கேரளம் மற்றும் கர்நாடகத்தில் இருந்து வரும் வாகனங்களைக் கண்காணிக்க தமிழக எல்லைகளில் கேமராக்கள் பொருத்தும் பணி காவல் துறை சார்பில் நடைபெறுகிறது.
நீலகிரி மாவட்டம், கூடலூர் பகுதியில் கேரள மாநிலத்தின் மலப்புரம் மற்றும் வயநாடு மாவட்டங்களின் 5 எல்லைகள், கர்நாடக மாநிலத்தின் ஒரு எல்லை என மொத்தம் ஆறு எல்லைகள் உள்ளன. குற்றச் செயல்களில் ஈடுபடுபவர்கள் எளிதில் எல்லையைக் கடந்து சென்றுவிடுகின்றனர்.
மூன்று மாநில எல்லையில் கூடலூர் உள்ளதால் வெளி மாநிலங்களிலிருந்து ஒவ்வொரு நாளும் ஆயிரக்கணக்கான வாகனங்கள் வந்து செல்கின்றன.
இந்த வாகனங்களைக் கண்காணிக்க எல்லைகளில் அதி நவீன கேமராக்களைப் பொருத்தி சென்சார் மூலம் கண்காணிக்க காவல் துறை சார்பில் ஏற்பாடு செய்யப்பட்டு வருவதாக காவல் துறை அதிகாரிகள் தெரிவித்தனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/வெளிமாநில-வாகனங்களைக்-கண்காணிக்க-எல்லையில்-கேமரா-பொருத்தும்-காவல்-துறை-3054356.html
3054354 கோயம்புத்தூர் நீலகிரி சாலைகளில் சுற்றித் திரியும் கால்நடைகளால் விபத்து: உரிமையாளர்கள் மீது நடவடிக்கை என எச்சரிக்கை DIN DIN Sunday, December 9, 2018 01:19 AM +0530
கோத்தகிரி சாலைகளில் போக்குவரத்துக்கு இடையூறாக சுற்றித்திரியும் கால்நடைகளால் விபத்துகள் ஏற்பட்டு வருகின்றன. இதைத் தடுக்க தங்கள் கால்நடைகளை சாலைகளில் திரியவிடும் உரிமையாளர்கள் மீது கடும் நடவடிக்கை எடுக்கப்படும் என பேரூராட்சி நிர்வாகம் எச்சரித்துள்ளது.
கோத்தகிரியில் உள்ள முக்கிய சாலைகள் மற்றும் பொது இடங்களில் ஏராளமான கால்நடைகள் சுற்றித் திரிகின்றன. இதனால் போக்குவரத்துக்கு இடையூறு ஏற்படுவதோடு அடிக்கடி விபத்துகளும் ஏற்படுகின்றன. இதனால் பொதுமக்கள் மற்றும் வாகன ஒட்டிகள் கடும் அவதிக்குள்ளாகி வருகின்றனர்.
பேரூராட்சி நிர்வாகம் பல முறை எச்சரித்தும் கால்நடை உரிமையாளர்கள் தங்கள் கால்நடைகள் சாலைகளில் சுற்றித்திரிவதை கண்டுகொள்ளாமல் அலட்சியமாக இருந்து வருவதாகவும், இவர்கள் மீது நடவடிக்கை எடுக்க வேண்டும் என பொதுமக்கள் குற்றம்சாட்டியுள்ளனர்.
இதுகுறித்து பேரூராட்சி செயல் அலுவலர் குணசேகரன் கூறியதாவது:
கோத்தகிரியின் மிக முக்கிய பகுதிகளான ராம்சந்த், காமராஜர் சதுக்கம், கிளப்ரோடு, கார்சிலி, கடைவீதி சாலைகளில் கால்நடைகள் சுற்றி திரிவதால் வாகன ஒட்டிகள், பொதுமக்கள், சுற்றுலாப் பயணிகள், மாணவ, மாணவிகள் என அனைத்து தரப்பினரும் பாதிக்கப்படுகின்றனர். இதை தடுக்கும் வகையில் இனி கால்நடைகளை சாலைகளில் திரியவிடும் அவற்றின் உரிமையாளர்கள் மீது கடும் நடவடிக்கை எடுக்கப்படும் என எச்சரித்துள்ளார்.

 

]]>
http://www.dinamani.com/all-editions/edition-coimbatore/nilgiris/2018/dec/09/சாலைகளில்-சுற்றித்-திரியும்-கால்நடைகளால்-விபத்து-உரிமையாளர்கள்-மீது-நடவடிக்கை-என-எச்சரிக்கை-3054354.html
3054353 கோயம்புத்தூர் நீலகிரி வெளிமாநில வாகனங்களைக் கண்காணிக்க எல்லையில் கேமரா பொருத்தும் காவல் துறை DIN DIN Sunday, December 9, 2018 01:19 AM +0530
கேரளம் மற்றும் கர்நாடகத்தில் இருந்து வரும் வாகனங்களைக் கண்காணிக்க தமிழக எல்லைகளில் கேமராக்கள் பொருத்தும் பணி காவல் துறை சார்பில் நடைபெறுகிறது.
நீலகிரி மாவட்டம், கூடலூர் பகுதியில் கேரள மாநிலத்தின் மலப்புரம் மற்றும் வயநாடு மாவட்டங்களின் 5 எல்லைகள், கர்நாடக மாநிலத்தின் ஒரு எல்லை என மொத்தம் ஆறு எல்லைகள் உள்ளன. குற்றச் செயல்களில் ஈடுபடுபவர்கள் எளிதில் எல்லையைக் கடந்து சென்றுவிடுகின்றனர்.
மூன்று மாநில எல்லையில் கூடலூர் உள்ளதால் வெளி மாநிலங்களிலிருந்து ஒவ்வொரு நாளும் ஆயிரக்கணக்கான வாகனங்கள் வந்து செல்கின்றன.
இந்த வாகனங்களைக் கண்காணிக்க எல்லைகளில் அதி நவீன கேமராக்களைப் பொருத்தி சென்சார் மூலம் கண்காணிக்க காவல் துறை சார்பில் ஏற்பாடு செய்யப்பட்டு வருவதாக காவல் துறை அதிகாரிகள் தெரிவித்தனர்.

 

]]>
http://www.dinamani.com/all-editions/edition-coimbatore/nilgiris/2018/dec/09/வெளிமாநில-வாகனங்களைக்-கண்காணிக்க-எல்லையில்-கேமரா-பொருத்தும்-காவல்-துறை-3054353.html
3053948 கோயம்புத்தூர் நீலகிரி ஸ்டெர்லைட் ஆலையை தமிழகத்தில் திறக்கவே முடியாது DIN DIN Saturday, December 8, 2018 08:35 AM +0530 தமிழகத்தில் ஸ்டெர்லைட் ஆலையை மீண்டும் திறக்கவே முடியாது என உள்ளாட்சித் துறை அமைச்சர் எஸ்.பி.வேலுமணி தெரிவித்தார்.
 உதகையில் வெள்ளிக்கிழமை  நடைபெற்ற அரசு நலத்திட்ட  உதவிகள் வழங்கும் நிகழ்ச்சியில் பங்கேற்ற அவர் செய்தியாளர்களிடம் கூறியதாவது:
தமிழக அரசு ஸ்டெர்லைட் ஆலை மீண்டும் இயங்கக் கூடாது என்பதில் உறுதியாக உள்ளது. அகர்வால் குழு அறிக்கை ஸ்டெர்லைட் ஆலையைத் திறக்கலாமென கூறியிருந்தாலும், தமிழக முதல்வர் எடப்பாடி பழனிசாமி ஏற்கெனவே  அறிவித்த முடிவில்  எந்த மாற்றமும் இல்லை.  எந்த காலத்திலும் தமிழகத்தில் ஸ்டெர்லைட் ஆலையைத் திறக்கவே முடியாது. 
கஜா புயலால் 1 லட்சத்து 35 ஆயிரம் மின் கம்பங்கள் சாய்ந்துள்ளன. புயலால் பாதிக்கப்பட்ட 4 மாவட்டங்களில் 23,000 உள்ளாட்சி ஊழியர்களும், 26,000 மின் ஊழியர்களும் தீவிரமாகப்  பணியாற்றி வருகின்றனர். இதனால் நிவாரணப் பணிகள் விரைவில் முடியும். கஜா புயல் தாக்கிய  பகுதிகளில் ஒரு மீனவர் கூட உயிரிழக்கவில்லை. அந்த அளவுக்கு முன்னெச்சரிக்கை நடவடிக்கைகள் எடுக்கப்பட்டிருந்தன.
  தமிழகத்தில் உள்ளாட்சித் துறையின் மூலம் கடந்த  7 ஆண்டுகளில் 14 லட்சம் வீடுகள் கட்டப்பட்டுள்ளன. நீலகிரியில் நிலப்பட்டா வழங்குவதில் ஏற்பட்டுள்ள  தடையின் காரணமாகவே வீடுகள் கட்டுவதில் தொய்விருந்தது. தற்போது அந்த தடை  நிவர்த்தி செய்யப்பட்டு 2,100 வீடுகள் கட்டப்பட்டுள்ளன. இதில் 1,010 வீடுகள் தாயகம் திரும்பிய மக்களுக்கு ஒதுக்கப்பட்டுள்ளன என்றார்.
பேட்டியின்போது மக்களவை உறுப்பினர் சி.கோபாலகிருஷ்ணன்,  மாநிலங்களவை உறுப்பினர் கே.ஆர்.அர்ஜுணன்  ஆகியோர் உடனிருந்தனர்.
 

]]>
http://www.dinamani.com/all-editions/edition-coimbatore/nilgiris/2018/dec/08/ஸ்டெர்லைட்-ஆலையை-தமிழகத்தில்-திறக்கவே-முடியாது-3053948.html
3053947 கோயம்புத்தூர் நீலகிரி உதகையில் கொடி நாள் விழா DIN DIN Saturday, December 8, 2018 08:34 AM +0530 உதகையில்  நடைபெற்ற கொடிநாள் விழாவில் 26 பயனாளிகளுக்கு ரூ. 5.29 லட்சம் மதிப்பில் பல்வேறு நலத்திட்ட உதவிகளை மாவட்ட ஆட்சியர் இன்னசென்ட் திவ்யா வழங்கினார்.
உதகை பழங்குடியினர் பண்பாட்டு மையத்தில் வெள்ளிக்கிழமை  நடைபெற்ற இந்த விழாவில்  ஆட்சியர்  பேசியதாவது:
 கொடிநாள் என்பது  ஆண்டுதோறும் டிசம்பர் 7 ஆம் தேதி நாடு முழுவதும் அனுசரிக்கப்படுகிறது. பாதுகாப்பு படைவீரர்கள் தங்களது இளமைக் காலத்தில் குடும்பத்தை விட்டு பிரிந்து பல்வேறு கடினமாக பணிகளை தன்னலம் கருதாது ஆற்றி வருகின்றனர். அவர்களது கண்துஞ்சா கடமைகளுக்கு நாம் காட்டும் நன்றியுணர்வின் வெளிப்பாடாக படைவீரர்களின் நலனுக்காகவும், அவர்களின் வாழ்க்கைத் தரத்தை மேம்படுத்தும் வகையிலும் நாம் நிதி திரட்டி கொடிநாள் தொகையாக வழங்குவது வழக்கம். தமிழக அரசும் பல்வேறு நலத்திட்டங்களை முன்னாள் படைவீரர்கள் நலத்துறை மூலமாக செயல்படுத்தி வருகிறது.
மாவட்டத்தில் 1,944 முன்னாள் படைவீரர்களும், 789 முன்னாள் படைவீரர்களின் கைம்பெண்களும் இதுவரையில் தங்களது பெயர்களை பதிவு செய்துள்ளனர். இதில் இரண்டாம் உலகப் போரில் பணியாற்றி ஓய்வூதியம் பெறாத முன்னாள் படைவீரர்களுக்கு ஆயுள்கால நிதியுதவியாக ரூ. 6,000 வீதமும், கைம்பெண்களுக்கு ரூ.3,000 வீதமும், மனநலம் குன்றியோருக்கான நிதியுதவி, ஆதரவற்றோர் நிதியுதவி, கண் பார்வையற்றோர் நிதியுதவி, பக்கவாத நிதியுதவி என மாதம் ரூ. 3,000 வீதமும், ஓய்வூதியம் பெறாத முன்னாள் படைவீரர்களுக்கு ஆயுள்கால மாதாந்திர நிதியுதவியாக ரூ. 2,500 வீதமும் அவர்களது வாழ்நாள் வரையிலும், மாதந்தோறும் தமிழ்நாடு முன்னாள் படைவீரர் நல நிதியிலிருந்து மொத்தம் 44 நபர்களுக்கு கடந்த ஓராண்டில் ரூ.16.78 லட்சம் வழங்கப்பட்டுள்ளது.
மேலும் பல்வேறு திட்டங்கள் மூலம் 256 நபர்களுக்கு மொத்தம்  ரூ.30.2 லட்சம் வழங்கப்பட்டுள்ளது.  பிரதமரின் கல்வி உதவிதொகை திட்டத்தின் கீழ் தொழிற்நுட்ப, மருத்துவப் படிப்புகளுக்கு  2017 ஆம் ஆண்டில் 18 நபர்களுக்கு ரூ.4.78 லட்சம் வழங்கப்பட்டுள்ளது. மாநில மற்றும் தேசிய மயமாக்கப்பட்ட வங்கிகளில் 28 முன்னாள் படைவீரர்களும், தனியார் நிறுவனங்களில் 10-க்கும் மேற்பட்டவர்களும், அரசு நிறுவனங்களில் 27 முன்னாள் படைவீரர்களும் பணியமர்த்தப்பட்டுள்ளனர்.  
மேலும் தொகுப்பு நிதியாக தமிழ்நாட்டிலிருந்து தங்களது பிள்ளைகளை ராணுவப் பணிக்கு அனுப்பி வைக்கும் முன்னாள் படைவீரர்களை ஊக்குவிக்கும் பொருட்டு நிதியுதவி வழங்கப்பட்டு வருகிறது. இதன் கீழ் முன்னாள் படைவீரர்களுக்கு தலா ரூ.1.5 லட்சம் வழங்கப்பட்டுள்ளது.  கடந்த 2017 ஆம் ஆண்டு ரூ. 57.,84லட்சம், இந்த ஆண்டு  இதுவரை ரூ.10.63 லட்சமும் கொடிநாள் தொகையாக திரட்டப்பட்டுள்ளது என்றார்.
இந்நிகழ்ச்சியில் மாவட்ட காவல் கண்காணிப்பாளர் சண்முகப் பிரியா,  முன்னாள் படைவீரர் நல உதவி இயக்குநர் சரவணன்,  இந்திய செஞ்சிலுவை சங்க செயலர் கேப்டன் கே.ஆர்.மணி  உள்ளிட்ட பலர் கலந்து கொண்டனர். 


 

]]>
http://www.dinamani.com/all-editions/edition-coimbatore/nilgiris/2018/dec/08/உதகையில்-கொடி-நாள்-விழா-3053947.html
3053946 கோயம்புத்தூர் நீலகிரி உதகையில் 2,306 பயனாளிகளுக்கு நலத்திட்ட உதவிகள்: அமைச்சர் வேலுமணி வழங்கினார் DIN DIN Saturday, December 8, 2018 08:33 AM +0530 உதகையில் தமிழக அரசின் சார்பில் பல்வேறு நலத்திட்ட உதவிகளை அமைச்சர் எஸ்.பி.வேலுமணி வழங்கினார். 
உதகை பழங்குடியினர் பண்பாட்டு மையத்தில் நடைபெற்ற இந்நிகழ்ச்சிக்கு,  மாவட்ட ஆட்சியர் இன்னசென்ட் திவ்யா தலைமை வகித்தார்.   மாநிலங்களவை உறுப்பினர் கே.ஆர்.அர்ஜுணன்,  மக்களவை உறுப்பினர் சி.கோபாலகிருஷ்ணன், குன்னூர் சட்டப்பேரவை  உறுப்பினர் சாந்தி ராமு  ஆகியோர் முன்னிலை வகித்தனர். 
நகராட்சி நிர்வாகம்,  ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சர் எஸ்.பி.வேலுமணி  ரூ. 6.09 கோடி மதிப்பில் கட்டப்பட்டு தயார் நிலையில் உள்ள 20 புதிய பணிகளை மக்கள் பயன்பாட்டுக்கு திறந்து வைத்தும், ரூ. 87.97 கோடி மதிப்பில் புதிய பணிகளுக்கு அடிக்கல் நாட்டியும்,  1,010 பயனாளிகளுக்கு ரூ.11.03 கோடி மதிப்பில் வீடுகள் கட்டும் பணிகளுக்கான ஆணைகளை வழங்கியும்,  2, 306  பயனாளிகளுக்கு ரூ.1.63 கோடி மதிப்பில் பல்வேறு துறைகளின் சார்பில் நலத்திட்ட உதவிகளையும் வழங்கி பேசியதாவது:
கடந்த 7 ஆண்டுகளில் நீலகிரி மாவட்டத்தில் நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத்துறையின் சார்பில் ஏராளமான பணிகள் நிறைவேற்றப்பட்டுள்ளன. 
பசுமை வீடுகள் திட்டத்தின் கீழ் 53.87 கோடி மதிப்பீட்டில் 3,176 வீடுகள் கட்டப்பட்டுள்ளன.  இந்திரா நினைவு குடியிருப்புத் திட்டம், பிரதம மந்திரி குடியிருப்புத் திட்டத்தின் கீழ் ரூ. 46.22 கோடி மதிப்பீட்டில் 3,923 வீடுகளும்,  தனிநபர் இல்லக் கழிப்பறைத்திட்டத்தின் கீழ் ரூ.57.05 கோடி  மதிப்பீட்டில் 47,992 கழிப்பறைகளும் கட்டப்பட்டுள்ளன. 
ரூ. 4.71 கோடி மதிப்பீட்டில் 311  ஊரகப் பள்ளிகளில் புனரமைப்பு பணிகளும்,  ரூ.219 கோடி மதிப்பீட்டில் 282 சாலை பணிகளும் நிறைவேற்றப்பட்டுள்ளன.  தாய் திட்டத்தின்கீழ் ரூ. 27.25 கோடி  மதிப்பீட்டில் 1,156 பணிகளும், மக்களவை  உறுப்பினர் தொகுதி மேம்பாட்டுத் திட்டத்தின் கீழ் ரூ. 26 கோடி மதிப்பீட்டில் 525 பணிகளும், சட்டப் பேரவை உறுப்பினர் மேம்பாட்டு திட்டத்தின்கீழ் ரூ. 47 கோடி  மதிப்பீட்டில் 1,332 பணிகளும் மேற்கொள்ளப்பட்டுள்ளன. 
ரூ. 9.68 கோடி மதிப்பீட்டில் 163 பணிகள் மேற்கொள்ளப்பட்டுள்ளதோடு,  ரூ. 2 கோடி மதிப்பீட்டில் 10 அம்மா பூங்காக்கள், ரூ.1 கோடி  மதிப்பீட்டில் 10 அம்மா உடற்பயிற்சி கூடங்கள் அமைக்கும் பணிகள் நடைபெற்று வருகின்றன.
 கடந்த 7 ஆண்டுகளில் நீலகிரி மாவட்டத்திலுள்ள ஊராட்சி பகுதிகளில் மொத்தம் ரூ. 393 கோடி மதிப்பீட்டில்  47,931 பணிகள் நிறைவேற்றப்பட்டுள்ளன. உதகை, குன்னூர், கூடலூர், நெல்லியாளம் ஆகிய நகராட்சிப் பகுதிகளில் சாலை,  குடிநீர், தெருவிளக்கு உள்ளிட்ட  2,715 பணிகள் ரூ.210.47 கோடி மதிப்பீட்டிலும், 11 பேரூராட்சிப் பகுதிகளில் ரூ.119 கோடி மதிப்பீட்டில் 1,743 பணிகளும் நிறைவேற்றப்பட்டுள்ளன. மேலும் ரூ.38.01 கோடி மதிப்பீட்டில் 172 சாலை பணிகள் செயல்படுத்தப்பட்டுள்ளன. முதல்வரின் சிறப்பு திட்டத்தின்கீழ் நீலகிரி மாவட்டத்தில் 2,04,357 மகளிருக்கு ரூ. 93 கோடி மதிப்பீட்டில் விலையில்லா மின்விசிறி, மிக்ஸி, மின்காந்த அடுப்புகள் வழங்கப்பட்டுள்ளன. 36,035 மாணவ, மாணவிகளுக்கு ரூ.48 .91 கோடி மதிப்பீட்டில் விலையில்லா மடிக்கணினிகள் வழங்கப்பட்டுள்ளன.
மகளிர் சுய உதவிக் குழுக்களுக்கு இதுவரையில் ரூ.835 கோடி வங்கிக் கடனாக வழங்கப்பட்டுள்ளது. நடப்பாண்டில் இதுவரை 3,171 மகளிர் குழுக்களுக்கு ரூ.133 கோடி  கடன் இணைப்பாக வழங்கப்பட்டுள்ளது. 
மாவட்டத்தில் பொது சுகாதாரம், நோய் தடுப்புத் துறையின் சார்பில் ரூ.4.5 கோடியில் நவீன வசதிகளுடன் தரமான கல்வியும், பயிற்சியும் அளிக்க புதிய கட்டடமும்,  ரூ. 6 கோடியில் உதகை அரசு தலைமை மருத்துவமனை வளாகத்தில் தாய்சேய் நல பிரிவுக்கு புதிய கட்டடமும், ரூ.14.8 கோடியில் எமரால்டு பகுதியில் 30 கிராமங்கள் மற்றும் மலை கிராம மக்கள் பயன்பெறும் வகையில் விபத்து, அவசர சிகிச்சை மற்றும் கர்ப்பிணிகளுக்கு 24 மணி நேரமும் பிரசவ கவனிப்பு உள்ளிட்ட 50 படுக்கை வசதிகள் கொண்ட அரசு மருத்துவமனை ஆகியவற்றுக்கு அடிக்கல் நாட்டப்பட்டுள்ளது என்றார்.  
இந்நிகழ்ச்சியில் சிறப்பு பகுதி மேம்பாட்டு திட்ட இயக்குநர் அமர் குஷ்வாகா, மாவட்ட காவல் கண்காணிப்பாளர் சண்முகப் பிரியா, மாவட்ட ஊரக வளர்ச்சி முகமை திட்ட இயக்குநர் பாபு,  மாவட்ட வருவாய் அலுவலர் செல்வராஜ்  உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-coimbatore/nilgiris/2018/dec/08/உதகையில்-2306-பயனாளிகளுக்கு-நலத்திட்ட-உதவிகள்-அமைச்சர்-வேலுமணி-வழங்கினார்-3053946.html
3053209 கோயம்புத்தூர் நீலகிரி உதகை ஒய்எம்சிஏ தொடக்கப் பள்ளியில் கிறிஸ்துமஸ் விழா DIN DIN Friday, December 7, 2018 07:27 AM +0530 உதகையிலுள்ள ஒஎய்எம்சிஏ தொடக்கப் பள்ளியில் கிறிஸ்துமஸ் விழா  வியாழக்கிழமை கொண்டாடப்பட்டது. 
பள்ளி வளாகத்தில்நடைபெற்ற இந்நிகழ்ச்சியில், பாஸ்டர் ஜான்சன் கிறிஸ்துமஸ் நற்செய்தி வழங்கினார்.  விழாவில் பள்ளிக் குழந்தைகள் ஆடல், பாடல் நிகழ்ச்சிகளுடன்  கிறிஸ்து பிறப்பு நாடகத்தையும் நடத்தினர். தொடர்ந்து கிறிஸ்துமஸ் தாத்தா குழந்தைகளுக்குப் பரிசளித்தார்.  இந்நிகழ்ச்சியில்,  ஒய்எம்சிஏ தலைவர் தனசிங் இஸ்ரேல்,  துணைத் தலைவர் ஸ்டாலின்,  செயலர் மேக்ஸ் வில்லியர்டு ஜெயப்பிரகாஷ் உள்ளிட்ட பலர் பங்கேற்றனர். முன்னதாக ஆசிரியை  பியூலா வரவேற்றார். ஜக்கியா நன்றி கூறினார்.
 

]]>
http://www.dinamani.com/all-editions/edition-coimbatore/nilgiris/2018/dec/07/உதகை-ஒய்எம்சிஏ-தொடக்கப்-பள்ளியில்-கிறிஸ்துமஸ்-விழா-3053209.html
3053208 கோயம்புத்தூர் நீலகிரி காவல் துறை சார்பில்  விழிப்புணர்வு நிகழ்ச்சி DIN DIN Friday, December 7, 2018 07:27 AM +0530 கூடலூரை அடுத்துள்ள ஓவேலி பகுதியில் காவல் துறை சார்பில் விழிப்புணர்வு நிகழ்ச்சி வியாழக்கிழமை நடைபெற்றது.
நீலகிரி மாவட்ட எஸ்.பி. சண்முகப்பிரியா உத்தரவின்பேரில் ஓவேலி பகுதியிலுள்ள நியூஹோப் காவல் நிலைய எல்லைக்குள்பட்ட எல்லமலை பகுதியில் நடைபெற்ற இந்நிகழ்ச்சியில் பள்ளி மாணவர்கள், பொதுமக்கள் பலர் கலந்து கொண்டனர். 
இதில் போக்குவரத்து விதிமுறைகள் மற்றும் அந்நிய நபர்களின் நடமாட்டம், சமூக விரோத செயல்களில் ஈடுபடுபவர்கள், சந்தேகத்துக்குரிய நபர்கள் ஆகியோர் குறித்து தகவல் தெரிந்தால் காவல் துறைக்கு உடனே தெரிவிப்பது என விழிப்புணர்வு ஏற்படுத்தப்பட்டது. 
இதுகுறித்து காவல் ஆய்வாளர்கள் பிரகாஷ், ராஜாமணி ஆகியோர் பேசினர்.

]]>
http://www.dinamani.com/all-editions/edition-coimbatore/nilgiris/2018/dec/07/காவல்-துறை-சார்பில்--விழிப்புணர்வு-நிகழ்ச்சி-3053208.html
3053207 கோயம்புத்தூர் நீலகிரி இந்து மக்கள் கட்சி ஆர்ப்பாட்டம் DIN DIN Friday, December 7, 2018 07:27 AM +0530 அயோத்தியில் ராமர் கோயில் கட்ட வலியுறுத்தி,  இந்து மக்கள் கட்சி அனுமன் சேனா சார்பில் கூடலூரில் ஆர்ப்பாட்டம் வியாழக்கிழமை நடைபெற்றது. 
கூடலூர் புதிய பேருந்து நிலைய சந்திப்பில் நடைபெற்ற இந்த ஆர்ப்பாட்டத்துக்கு,  மாநில துணைச் செயலாளர் எஸ்.தங்கம் தலைமை வகித்தார். மாவட்ட துணைத் தலைவர் பாலகிருஷ்ணன், வி.எச்.பி. ஒருங்கிணைப்பாளர் பி.ஏ.சாமி, ஒன்றியச் செயலாளர் கே.சுதேவன், இளைஞரணி தலைவர் சசி ஆகியோர் முன்னிலை வகித்தனர். கேரள மாநிலத் தலைவர் பக்தவச்சலம் சிறப்பு அழைப்பாளராக கலந்துகொண்டார். இதில் அயோத்தியில் உடனடியாக ராமர் கோயில் கட்ட நடவடிக்கை எடுக்க வேண்டும் என்று முழக்கங்கள் எழுப்பப்பட்டன. இளைஞரணி செயலாளர் மணி நன்றி கூறினார்.

]]>
http://www.dinamani.com/all-editions/edition-coimbatore/nilgiris/2018/dec/07/இந்து-மக்கள்-கட்சி-ஆர்ப்பாட்டம்-3053207.html
3053206 கோயம்புத்தூர் நீலகிரி குன்னூர் மலை ரயில் நிலையத்தில்  வெடிகுண்டு நிபுணர்கள் சோதனை DIN DIN Friday, December 7, 2018 07:27 AM +0530 பாபர் மசூதி இடிப்பு தினத்தையொட்டி நீலகிரி மாவட்ட மலை ரயில் நிலையங்களில் மோப்ப நாய் உதவியுடன் வெடிகுண்டு நிபுணர்கள் வியாழக்கிழமை சோதனை மேற்கொண்டனர்.
பாபர் மசூதி இடிப்பு தினமான டிசம்பர் 6 ஆம் தேதி காவல் துறை சார்பில் தமிழகத்தின் பல்வேறு இடங்களிலும் பாதுகாப்பு பணிகள் தீவிரப்படுத்தப்பட்டிருந்தன. 
இந்நிலையில், சுற்றுலாப் பயணிகளுக்கு பாதுகாப்பு அளிக்கும் விதத்திலும், சுற்றுலாப் பயணிகள் போர்வையில் சமூக விரோதிகள் நீலகிரிக்குள் புகுந்து விடாமலும் தடுக்கும் வகையில் குன்னூர் மலை ரயில் பாதையில் வெடிகுண்டு நிபுணர்கள் மோப்ப நாய் உதவியோடு சோதனை மேற்கொண்டனர்.

]]>
http://www.dinamani.com/all-editions/edition-coimbatore/nilgiris/2018/dec/07/குன்னூர்-மலை-ரயில்-நிலையத்தில்--வெடிகுண்டு-நிபுணர்கள்-சோதனை-3053206.html
3053205 கோயம்புத்தூர் நீலகிரி உதகையில் 8 வயது சிறுமிக்குப் பாலியல் தொல்லை: தாய், உறவினர் கைது DIN DIN Friday, December 7, 2018 07:26 AM +0530 உதகையில் 8 வயது சிறுமிக்குப் பாலியல் தொல்லை கொடுத்தது தொடர்பான புகாரில்  போக்ஸோ சட்டத்தின்கீழ் தாய் மற்றும் தாய் மாமன் ஆகியோர் கைது செய்யப்பட்டனர்.
உதகை, மருத்துவமனை சாலை பகுதியில் வசித்து வருபவர் கேசவன். ஓய்வுபெற்ற ராணுவ வீரர். இவருக்கு தனலட்சுமி (49) என்ற மகளும், ருகேஷ்பாபு (48) என்ற மகனும் உள்ளனர். தனலட்சுமி உடல் ஊனமுற்றவர். இவருக்குத் திருமணமாகி 8 வயதில் பெண் குழந்தை உள்ளது. இவரது கணவர் வெளியூரில் வேலை செய்து வருகிறார். ருகேஷ் பாபுவுக்கு திருமணமாகவில்லை. அதனால் அனைவரும்  ஒரே வீட்டில் வசித்து வந்தனர். 
தனலட்சுமியின் மகள் உதகையிலுள்ள ஒரு தனியார் பள்ளியில் படித்து வந்தார். 
இந்நிலையில், பள்ளிக்கு வந்த சிறுமி பல நாள்களில் அழுது கொண்டும், சோர்வாகவும்  இருந்துள்ளாராம். 
இதையடுத்து சிறுமியிடம் விசாரித்த ஆசிரியர்கள் அதிர்ச்சி அடைந்தனர். 
இதில், வீட்டில் தனது தாய் மாமன் ருகேஷ்பாபு தனக்கு அடிக்கடி பாலியல் தொந்தரவு கொடுத்து வந்ததாகவும் இதுகுறித்து தனது தாயிடம் தெரிவித்தபோது, மாமா அப்படியெல்லாம் செய்ய மாட்டார் என்று அவரது தம்பியைக் கண்டிக்காமல் தன்னைக் கண்டித்ததாகவும் ஆசிரியர்களிடம் சிறுமி தெரிவித்துள்ளார்.
இதுகுறித்து சைல்டு லைன் அமைப்புக்குத் தெரிவிக்கப்பட்ட தகவலைத் தொடர்ந்து  அவர்கள் விசாரணை நடத்திய பின்னர் இத்தகவல் காவல் துறைக்குப் புகாராக தெரிவிக்கப்பட்டுள்ளது. 
இதுகுறித்து விசாரணை  நடத்திய உதகை  மகளிர் காவல் நிலையத்தினர் சிறுமிக்குப் பாலியல் தொல்லை அளித்ததாக ருகேஷ்பாபு, அதற்கு உடந்தையாக செயல்பட்டதாக சிறுமியின் தாயார் தனலட்சுமி ஆகியோரை போக்ஸோ சட்டத்தின் கீழ் வழக்குப் பதிந்து கைது செய்தனர். 

]]>
http://www.dinamani.com/all-editions/edition-coimbatore/nilgiris/2018/dec/07/உதகையில்-8-வயது-சிறுமிக்குப்-பாலியல்-தொல்லை-தாய்-உறவினர்-கைது-3053205.html
3053204 கோயம்புத்தூர் நீலகிரி அம்பேத்கர் நினைவு நாள் அனுசரிப்பு DIN DIN Friday, December 7, 2018 07:26 AM +0530 பாஜக சார்பில் அம்பேத்கர் நினைவு நாள் வியாழக்கிழமை அனுசரிக்கப்பட்டது.
கூடலூர் பழைய பேருந்து நிலைய சந்திப்பில் நடைபெற்ற இந்நிகழ்ச்சிக்கு,  கூடலூர் நகர் மண்டலத் தலைவர் ரவிக்குமார் தலைமை வகித்தார். 
சட்டப்பேரவை தொகுதி பொறுப்பாளர் பி.எம்.பரசுராமன், இணைச் செயலாளர் எச்.மதுசூதனன், மண்டல பொதுச் செயலாளர் சிபி.கிருஷ்ணன், இளைஞரணி மாவட்டச் செயலாளர் பாலன்,   அமைப்புசாரா ஓட்டுநர் அணி சார்பில் ராமு, மகேஷ், சங்கர்,  இளைஞரணி நிர்வாகி சுஜித்  உள்ளிட்டோர் கலந்துகொண்டு டாக்டர் அம்பேத்கரின் உருவப் படத்துக்கு மாலை அணிவித்து அஞ்சலி செலுத்தினர்.

]]>
http://www.dinamani.com/all-editions/edition-coimbatore/nilgiris/2018/dec/07/அம்பேத்கர்-நினைவு-நாள்-அனுசரிப்பு-3053204.html
3052589 கோயம்புத்தூர் நீலகிரி கோத்தகிரி அருகே குடியிருப்பு பகுதியில் செல்லிடப்பேசி கோபுரம் அமைக்க எதிர்ப்பு: பொதுமக்கள் போராட்டம் DIN DIN Thursday, December 6, 2018 07:47 AM +0530 கோத்தகிரி கேர்பெட்டாவில்  தனியார் செல்லிடப்பேசி கோபுரம் அமைப்பதை எதிர்த்து நான்காவது முறையாக  பொதுமக்கள் புதன்கிழமை  போராட்டத்தில் ஈடுபட்டனர்.
கோத்தகிரி அருகிலுள்ள கேர்பெட்டா பகுதியில் 300-க்கும் மேற்பட்ட குடும்பத்தினர் வசித்து வருகின்றனர். 
இந்நிலையில் இங்குள்ள குடியிருப்பு பகுதியில்  கடந்த 6 மாதங்களுக்கு முன்பு  தனியார் நிறுவனத்தின் செல்லிடப்பேசிக் கோபுரம் அமைக்கும் பணி துவங்கியது. இதற்கு பொதுமக்கள் கடும் எதிர்ப்பு தெரிவித்தனர். இதனால் பணிகள் மேற்கொள்வதில் சிரமம் ஏற்பட்டது.
    இதைத் தொடர்ந்து, உயர் நீதிமன்ற உத்தரவைபெற்ற தனியார் நிறுவனத்தினர் போலீஸ் பாதுகாப்புடன் மீண்டும் அப்பகுதியில் செல்லிடப்பேசிக் கோபுரம் அமைக்கும் பணியை துவக்கினர். 
பொதுமக்களின் கடும் எதிர்ப்பு காரணமாக கடந்த 3 மாதங்களுக்கு முன்பு அப்போது பணியிலிருந்த வட்டாட்சியர் தனபாக்கியம் இரு தரப்பினரிடமும் பேச்சுவார்த்தை நடத்தி பணிகளை தற்காலிகமாக நிறுத்த உத்தரவிட்டார்.
இதைத் தொடர்ந்து, கடந்த நவம்பர் 24 ஆம் தேதி தனியார் நிறுவனத்தினர் மீண்டும் பணிகளை துவக்கினர். இதற்கு ஒட்டுமொத்த ஊர் மக்களும் கடும் எதிர்ப்பு தெரிவித்து ஆர்ப்பாட்டத்தில் ஈடுபட்டதோடு தங்களது குடும்ப அட்டை, வாக்காளர் அட்டை, ஆதார் அட்டை  ஆகியவற்றை அரசிடம் ஒப்படைப்பதாக தெரிவித்தனர். 
அப்போது, வட்டாட்சியர் ரவிக்குமார், காவல் ஆய்வாளர் பாலசுந்தரம் ஆகியோர்  பொதுமக்களிடம் பேச்சுவார்த்தை நடத்தினர். 
இதில், செல்லிடப்பேசிக் கோபுரம் அமைப்பதை எதிர்த்து பொதுமக்கள் சார்பில் உயர் நீதிமன்றத்தில் வழக்கு தொடர்ந்துள்ளதால் தீர்ப்பு வரும் வரை பணிகளைத் தொடரக் கூடாது  என தனியார் நிறுவனத்துக்கு அதிகாரிகள்  உத்தரவிட்டதைத்  தொடர்ந்து பணிகள் நிறுத்தப்பட்டு போராட்டம் கைவிடப்பட்டது.
இந்நிலையில்,   செல்லிடப்பேசிக் கோபுரம் அமைக்கும் சாலையில் பொதுமக்கள் போட்டிருந்த தடுப்பை அகற்றிவிட்டு தளவாட பொருள்களை பணி நடக்கும் இடத்தில் இறக்கும் பணியில் தனியார் நிறுவனத்தினர்  புதன்கிழமை ஈடுபட்டிருந்தனர்.
இதற்கு அப்பகுதி பொதுமக்கள் கடும் எதிர்ப்பு தெரிவித்து,  தளவாட பொருள்களை  திருப்பி எடுத்துச் செல்லுமாறு கூறினர். இதைத் தொடர்ந்து,  அப்பொருள்களை தனியார் நிறுவனத்தினர் திருப்பி எடுத்துச் சென்றனர்.
இதுகுறித்து பொதுமக்கள் கூறுகையில்,  இப்பகுதியில் செல்லிடப்பேசிக் கோபுரம் அமைக்க தடை விதிக்ககோரி உயர் நீதிமன்றத்தில் வழக்குத் தொடர்ந்துள்ளோம். 
வழக்கு நிலுவையில் இருக்கும்போது தனியார் செல்லிடப்பேசி நிறுவனத்தினர் பணிகளை மேற்கொள்வதை விட மாட்டோம் என்றனர். 

]]>
http://www.dinamani.com/all-editions/edition-coimbatore/nilgiris/2018/dec/06/கோத்தகிரி-அருகே-குடியிருப்பு-பகுதியில்-செல்லிடப்பேசி-கோபுரம்-அமைக்க-எதிர்ப்பு-பொதுமக்கள்-போராட்டம்-3052589.html
3052584 கோயம்புத்தூர் நீலகிரி ஜெயலலிதா நினைவு தினம்: குன்னூர், கோத்தகிரியில் அதிமுகவினர் அஞ்சலி DIN DIN Thursday, December 6, 2018 07:47 AM +0530 மறைந்த முன்னாள் முதல்வர் ஜெயலலிதா நினைவு தினத்தையொட்டி, குன்னூர், கோத்தகிரி மற்றும் கீழ்கோத்தகிரி, சோலூர்மட்டம்  உள்ளிட்ட பகுதிகளில் அஞ்சலி செலுத்தும் நிகழ்ச்சிகள் புதன்கிழமை நடைபெற்றன.
இதையொட்டி,   அதிமுக நகரச் செயலாளர் டி.சரவணகுமார் தலைமையில் குன்னூர் லாலி மருத்துவமனை வளைவில்  இருந்து  ஊர்வலமாக புறப்பட்ட அதிமுகவினர்,  பேருந்து நிலையம் அருகில்   உள்ள அண்ணா சிலை  வளாகத்தில்  வைக்கப்பட்டிருந்த ஜெயலலிதா  உருவப் படத்துக்கு மாலை அணிவித்து  அஞ்சலி செலுத்தினர். 
கீழ்கோத்தகிரி  பகுதியில் நடைபெற்ற நிகழ்ச்சியில்  ஒன்றியச் செயலாளர் ஸ்டீபன் தலைமையில்  அதிமுகவினர் அஞ்சலி செலுத்தினர்.   கோத்தகிரியில் நடைபெற்ற நிகழ்ச்சியில் அம்மா பேரவை ஒன்றியச் செயலாளர் சக்கத்தா சுரேஷ், தலைமையில் அதிமுகவினர் ஜெயலலிதா  உருவப் படத்துக்கு மலர் தூவி அஞ்சலி செலுத்தினர்.
 

]]>
http://www.dinamani.com/all-editions/edition-coimbatore/nilgiris/2018/dec/06/ஜெயலலிதா-நினைவு-தினம்-குன்னூர்-கோத்தகிரியில்-அதிமுகவினர்-அஞ்சலி-3052584.html
3052585 கோயம்புத்தூர் நீலகிரி கோத்தகிரியில் வளர்ச்சிப் பணிகள்: ஆட்சியர் திடீர் ஆய்வு DIN DIN Thursday, December 6, 2018 07:47 AM +0530 கோத்தகிரி ஊராட்சி ஒன்றியத்துக்கு உள்பட்ட பகுதிகளில் ரூ. 4 கோடி மதிப்பில் முடிக்கப்பட்ட மற்றும் நடைபெற்று வரும் பல்வேறு வளர்ச்சித் திட்டப் பணிகளை மாவட்ட ஆட்சியர் இன்னசென்ட் திவ்யா  செவ்வாய்க்கிழமை நேரில் பார்வையிட்டு ஆய்வு மேற்கொண்டார்.
ஜக்கனாரை ஊராட்சிக்குள்பட்ட அண்ணா நகர்,  ஒரசோலை பகுதிகளில் சட்டப் பேரவை உறுப்பினர் மேம்பாட்டு நிதியின் கீழ் ரூ. 5 லட்சம் மதிப்பில் கட்டப்பட்டு வரும் சமையல் கூடத்தினையும்,  நடுஹட்டி ஊராட்சிக்குள்பட்ட கடக்கோடு பகுதியில் மகாத்மா காந்தி தேசிய ஊரக வேலை  உறுதித் திட்டத்தின் கீழ் ரூ.13.36 லட்சம் மதிப்பில் முடிக்கப்பட்ட சிமெண்ட் கான்கிரீட் சாலை பணியினையும், நடுஹட்டி ஊராட்சிக்குள்பட்ட கடக்கோடு  பகுதியில் முதலமைச்சரின் சூரிய ஒளியுடன் கூடிய பசுமை வீடுகள் திட்டத்தின் கீழ் ரூ.1.8 லட்சம் மதிப்பில் கட்டப்பட்டு வரும் பசுமை வீட்டினையும், நெடுகுளா ஊராட்சிக்குள்பட்ட கைகாட்டி சன்ஷைன் நகர் பகுதியில் மகாத்மா காந்தி தேசிய ஊரக வேலை உறுதி திட்டத்தின்கீழ் ரூ. 3.86 லட்சம் மதிப்பில் முடிக்கப்பட்ட கால்வாயினையும்,  நெடுகுளா  ஊராட்சிக்குள்பட்ட கஸ்தூரிபா நகரில் சட்டப்பேரவை உறுப்பினர் மேம்பாட்டு நிதியின் கீழ்  ரூ. 6 லட்சம் மதிப்பில் கட்டப்பட்டு வரும் அங்கன்வாடி மைய சமையல் கூடத்தினையும், பிரதம மந்திரியின் கிராம சதக் யோஜனா
திட்டத்தின்  கீழ் ரூ. 2 கோடி மதிப்பில் உல்லத்தட்டியில் நடைபெற்று வரும் சாலை அமைக்கும் பணியினையும் மாவட்ட ஆட்சியர்  பார்வையிட்டார்.
மேலும், நெடுகுளா ஊராட்சிக்குள்பட்ட ஓடந்தொரை பகுதியில் மகாத்மா காந்தி தேசிய ஊரக வேலை  உறுதி திட்டத்தின் கீழ் ரூ.7 லட்சம் மதிப்பில் முடிக்கப்பட்ட சிமெண்ட் கான்கிரீட் சாலை பணியினையும்,  ஒருங்கிணைந்த வருவாய் நிதித் திட்டத்தின்கீழ் ஓடந்தொரையில் ரூ. 9.07 லட்சம்  மதிப்பில் முடிக்கப்பட்ட சாலை பணியினையும்,  தேனாடு ஊராட்சிக்குள்பட்ட குஞ்சப்பனையில் 8 பயனாளிகளுக்கு பசுமை வீடுகள் கட்டுவதற்கான ஆணைகளையும், பிரதம மந்திரியின் கிராம சதக் யோஜனா  திட்டத்தின் கீழ் ரூ.137.3 லட்சம் மதிப்பில் கொடநாடு ஊராட்சிக்குள்பட்ட கெரடாமட்டம் -சுண்டட்டி பகுதியில் முடிக்கப்பட்ட மற்றும்  நடைபெற்று வரும் சாலை பணியினையும், கொடநாடு ஊராட்சி கர்சன் பகுதியில் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ.7.5 லட்சம் மதிப்பில் போடப்பட்டுள்ள கான்கிரீட் பாலத்தினையும்,  கொணவக்கரை ஊராட்சிக்குள்பட்ட முல்லை நகரில் தாய் திட்டத்தின் கீழ் ரூ. 8.4 லட்சம் மதிப்பில் முடிக்கப்பட்ட கிணறு, குழாய், பம்ப் ரூம் பணிகள் என  மொத்தம் ரூ. 4 கோடியே 29 ஆயிரம்  மதிப்பில் முடிக்கப்பட்ட மற்றும் நடைபெற்று வரும் பல்வேறு வளர்ச்சித் திட்டப் பணிகளையும்  மாவட்ட ஆட்சியர்  பார்வையிட்டு ஆய்வு மேற்கொண்டார். 
பின்னர் சம்பந்தப்பட்ட துறை அலுவலர்களிடம் பணிகளை விரைவில் முடித்து பொதுமக்களின் பயன்பாட்டுக்கு கொண்டு வருமாறு அறிவுறுத்தினார்.
இந்த ஆய்வின்போது மாவட்ட ஊரக வளர்ச்சி முகமை திட்ட இயக்குநர் பாபு,  கோத்தகிரி வட்டார வளர்ச்சி அலுவலர்கள் கோல்டி சாராள், ஜனார்த்தனன்  மற்றும் அரசுத்துறை அலுவலர்கள்  பலர் உடனிருந்தனர்.


 

]]>
http://www.dinamani.com/all-editions/edition-coimbatore/nilgiris/2018/dec/06/கோத்தகிரியில்-வளர்ச்சிப்-பணிகள்-ஆட்சியர்-திடீர்-ஆய்வு-3052585.html
3052587 கோயம்புத்தூர் நீலகிரி இடையூறாக உள்ள சாலைத் தடுப்புகளை அகற்ற வலியுறுத்தல் DIN DIN Thursday, December 6, 2018 07:46 AM +0530 கூடலூரில் பொதுமக்களுக்கு இடையூறாக உள்ள சாலைத் தடுப்புகளை அப்புறப்படுத்த வேண்டும் என்று பாஜக வலியுறுத்தியுள்ளது.
இக்கட்சியின் கூடலூர் மண்டல  நிர்வாகிகள் கூட்டம் புதன்கிழமை நடைபெற்றது. கூட்டத்துக்கு,  நகரத் தலைவர் ஆர்.ரவிக்குமார் தலைமை வகித்தார். மண்டல பொதுச் செயலாளர் சிபி, சட்டப் பேரவை பொறுப்பாளர்கள் பி.எம்.பரசுராமன், மதுசூதனன் ஆகியோர் முன்னிலை வகித்தனர். 
கூட்டத்தில் கூடலூர் நகரில் குறுகிய சாலைகளில் தடுப்பு அமைக்கப்பட்டதால் பொதுமக்கள், வாகன ஓட்டிகளுக்கு பெரும் இடையூறாக உள்ளது. எனவே,  சம்பந்தப்பட்ட துறையினர் இந்த தடுப்பை அகற்ற நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் மாவட்ட பொதுச் செயலாளர் சந்திரன், மகளிரணி நிர்வாகி நளினி சந்திரசேகர், மாவட்ட அமைப்புச் செயலாளர் பாலு உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-coimbatore/nilgiris/2018/dec/06/இடையூறாக-உள்ள-சாலைத்-தடுப்புகளை-அகற்ற-வலியுறுத்தல்-3052587.html
3052586 கோயம்புத்தூர் நீலகிரி டாக்டர் பிறைநுதல் செல்வி உடலுக்கு தி.க. தலைவர் கி.வீரமணி அஞ்சலி DIN DIN Thursday, December 6, 2018 07:46 AM +0530 குன்னூர் அருகே விபத்தில் சிக்கி உயிரிழந்த திராவிடர் கழகப் பொருளாளர் டாக்டர் பிறைநுதல் செல்வியின் உடலுக்கு அந்த அமைப்பின் தலைவர் கி.வீரமணி புதன்கிழமை அஞ்சலி செலுத்தினார். 
குன்னூரிலுள்ள டாக்டர் பிறைநுதல் செல்வியின் இல்லத்தில் அஞ்சலி செலுத்தியபின் கி.வீரமணி செய்தியாளர்களிடம் கூறியதாவது:
திராவிடர் கழகத்தில் மகளிர் அணி செயலர், துணை பொது செயலர் ஆகிய பொறுப்புகளோடு பொருளர் பதவியும் வகித்த டாக்டர் பிறைநுதல் செல்வி மறைவு  திராவிடர் கழகத்துக்கு பேரிழப்பு என்பதால் இவரது நினைவை போற்றும் வகையில் திராவிடர் கழகத்தின் சார்பில் நடத்தப்படும் அனைத்து கல்வி நிறுவனங்களிலும் இவருக்கு நினைவு சின்னங்கள் அமைக்கப்படும்.  அதேபோல, திராவிடர் கழகத்தின் கொடி அரைக்கம்பத்தில் பறக்க விடப்படுவதோடு ஒரு வாரத்துக்கு அனைத்து நிகழ்ச்சிகளும் ரத்து செய்யப்பட்டுள்ளது என்றார்.
திமுக சார்பில்  நீலகிரி மாவட்ட செயலர் பா.மு.முபாரக்,  முன்னாள் அமைச்சர் கா.ராமச்சந்திரன் உள்ளிட்ட பிறைநுதல் உடலுக்கு அஞ்சலி செலுத்தினர்.  
இதைத் தொடர்ந்து அவரது இல்லத்தின் அருகே அனைத்து அரசியல் கட்சியினர் மற்றும் அமைப்புகளின் சார்பில் நினைவஞ்சலி கூட்டம் நடத்தப்பட்டது.

]]>
http://www.dinamani.com/all-editions/edition-coimbatore/nilgiris/2018/dec/06/டாக்டர்-பிறைநுதல்-செல்வி-உடலுக்கு-திக-தலைவர்-கிவீரமணி-அஞ்சலி-3052586.html
3052581 கோயம்புத்தூர் நீலகிரி லஞ்சம்: காஞ்சி பெருநகராட்சி ஆணையர்,  கூடலூர் நகராட்சி ஆணையர் சஸ்பெண்ட் DIN DIN Thursday, December 6, 2018 07:44 AM +0530 உதகை நகராட்சியில் காலிப் பணியிடத்தை நிரப்புவதற்காக லஞ்சம் கேட்ட புகாரின்பேரில்  காஞ்சிபுரம் பெருநகராட்சி, கூடலூர் நகராட்சி ஆணையர்கள் பணியிடை நீக்கம் செய்யப்பட்டுள்ளனர். 
உதகை நகராட்சியில் பணியாற்றி வந்த மனோஜ் என்பவர் கடந்த மூன்றாண்டுகளுக்கு முன் பணியின்போது இறந்துவிட்டதால் அவரது பணியிடத்துக்காக அவரது மனைவி சித்ரா என்பவர் விண்ணப்பித்திருந்தார். 
அப்போது  உதகை நகராட்சி ஆணையராக  சர்தார் என்பவரும்,  நகராட்சி மேலாளராக பார்வதி என்பவரும் பொறுப்பிலிருந்தனர்.  இந்தக் காலிப் பணியிடத்துக்காக நகராட்சி ஆணையருக்கும்,  மேலாளருக்கும் குறிப்பிட்ட தொகையை தர வேண்டுமென வற்புறுத்தப்பட்டதாக  கூறப்பட்டதையடுத்து,  தனக்கு கருணை அடிப்படையில் கிடைக்க வேண்டிய அந்த வேலைக்கு லஞ்சம் கேட்டது தொடர்பாக லஞ்ச ஒழிப்புத் துறையினரிடம் சித்ரா புகார் தெரிவித்தார். 
மேலும், வருமானத்துக்குப் பொருந்தாத வகையில் சொத்து சேர்த்தது உள்ளிட்ட புகாரின்பேரில், காஞ்சிபுரத்தில் பெருநகராட்சி ஆணையராகப் பணியாற்றி வந்த சர்தாரின் இல்லத்திலும், கூடலூரில் நகராட்சி ஆணையராகப் பணியாற்றி வந்த பார்வதியின் இல்லத்திலும் லஞ்ச ஒழிப்புத் துறையினர் கடந்த ஆண்டு நவம்பர் மாதத்தில் சோதனை நடத்தினர். 
இதில் சர்தாரின் இல்லம் மற்றும் லாக்கர்களில் நடத்தப்பட்ட சோதனைகளில் சுமார் ரூ. 70 லட்சம் ரொக்கம், கிலோ கணக்கில் தங்க நகைள் மற்றும் பங்கு பத்திரங்கள் உள்ளிட்டவை கைப்பற்றப்பட்டன.
 இதுதொடர்பாக  லஞ்ச ஒழிப்புத் துறையினர் வழக்குப் பதிவு செய்து, இவ்வழக்கு தொடர்பான  விவரங்களை நகராட்சிகளின் மண்டல இயக்குநர்  அலுவலகத்துக்கு அனுப்பியிருந்தனர். அதையடுத்து இப்பிரச்னையில்  துறை ரீதியாக நடைபெற்று வந்த  விசாரணையைத் தொடர்ந்து கூடலூர் மற்றும் நெல்லியாளம் நகராட்சிகளின் ஆணையராகப் பொறுப்பு வகித்து வரும் பார்வதி மற்றும் காஞ்சிபுரம் பெருநகராட்சி ஆணையரான சர்தார் ஆகியோர் பணியிடை நீக்கம் செய்யப்பட்டுள்ளதாக நகராட்சி அதிகாரிகள் தெரிவித்தனர்.

]]>
http://www.dinamani.com/all-editions/edition-coimbatore/nilgiris/2018/dec/06/லஞ்சம்-காஞ்சி-பெருநகராட்சி-ஆணையர்--கூடலூர்-நகராட்சி-ஆணையர்-சஸ்பெண்ட்-3052581.html
3051926 கோயம்புத்தூர் நீலகிரி சாலை விபத்து: பெண் மருத்துவர் சாவு DIN DIN Wednesday, December 5, 2018 07:04 AM +0530 குன்னூரைச் சேர்ந்த  மகப்பேறு மருத்துவரும்,  திராவிடர் கழகத்தின் பொருளாளருமான டாக்டர்  பிறைநுதல்  செல்வி (72)  குன்னூர் அருகே காட்டேரி பகுதியில் செவ்வாய்க்கிழமை நிகழ்ந்த கார் விபத்தில் சிக்கி, மருத்துவமனையில் சிகிச்சை பலனின்றி  உயிரிழந்தார்.
குன்னூரைச் சேர்ந்தவர் மகப்பேறு மருத்துவர் டாக்டர் பிறைநுதல் செல்வி. இவர் நீலகிரி மாவட்ட சுகாதாரப் பணிகள் துணை இயக்குநராகவும் பணியாற்றியுள்ளார்.  பணி ஓய்வுக்குப் பின்னர் திராவிடர் கழகத்தின் பொருளாளராக செயலாற்றி வந்தார். இவரது கணவர் கெளதமனும்  மருத்துவராவார். இவர் பெரியார் மருத்துவ மையத்தின் இயக்குநராக உள்ளார். இவர்களது மகன் இனியனும் மருத்துவராவர். மகள் யாழினி அமெரிக்காவில் வசித்து வருகிறார்.
திராவிடர் கழகத் தலைவர் கி.வீரமணியின் பிறந்த நாளையொட்டி சென்னையில் நடைபெற்ற நிகழ்ச்சியில் பங்கேற்றுவிட்டு பிறைநுதல் செல்வியும், கெளதமனும் செவ்வாய்க்கிழமை காலையில் திருப்பூர் வரை ரயிலில் வந்தனர். அங்கிருந்து காரில் குன்னூருக்கு வந்துள்ளனர்.  காரை டாக்டர் கெளதமன் ஓட்டி வந்துள்ளார்.  குன்னூர் அருகே காட்டேரி  என்ற  இடத்துக்கு வந்தபோது குன்னூரிலிருந்து வந்த ஒரு கார் அவர்களது கார் மீது மோதியுள்ளது. 
இதையடுத்து கெளதமனின் காரிலிருந்த தற்காப்புப் பலூன்கள் திறந்துள்ளன. இந்த விபத்தில் பெரிதாக காயம் ஏதும் ஏற்படவில்லை. எனவே வேறு ஒரு காரில் டாக்டர்கள் கெளதமனும்,  பிறைநுதல் செல்வியும் குன்னூரிலுள்ள தங்களது  வீடு சென்றுவிட்டனர். 
அப்போது பிறைநுதுல் செல்வி தனக்கு வயிறு வலிப்பதாகக் கூறியதை அடுத்து அருகிலுள்ள தனியார் மருத்துவமனைக்கு அழைத்து வந்தனர். அங்கு பரிசோதனை செய்ததில், விபத்து ஏற்பட்டபோது அவர் காரில் அணிந்திருந்த சீட் பெல்ட்டின் கொக்கி வயிற்றுப்பகுதியில் குத்தி மண்ணீரலை  சேதப்படுத்தியது  தெரியவந்தது. அதன்பிறகு உரிய சிகிச்சை அளித்தும் பலனின்றி பிறைநுதல் செல்வி உயிரிழந்தார். 
இதுதொடர்பாக குன்னூர் காவல் நிலையத்தில் வழக்கு பதியப்பட்டுள்ளது.
 

]]>
http://www.dinamani.com/all-editions/edition-coimbatore/nilgiris/2018/dec/05/சாலை-விபத்து-பெண்-மருத்துவர்-சாவு-3051926.html
3051925 கோயம்புத்தூர் நீலகிரி உதகையில் சூழல் சுற்றுலா மேலாண்மைக் கருத்தரங்கு DIN DIN Wednesday, December 5, 2018 07:04 AM +0530 உதகையில் பழங்குடியினர் செயல்படுத்தி வரும் சூழல் சுற்றுலா மேலாண்மை மற்றும் மேம்பாட்டுக் குழுக்கள்  தொடர்பான சிறப்பு கருத்தரங்கு நடைபெற்றது.
நீலகிரி மாவட்டத்திலுள்ள பழங்குடியினரின் மேம்பாட்டுக்காக கடந்த சில ஆண்டுகளுக்கு  முன்னர் சூழல் சுற்றுலா என்ற பெயரில் புதிய திட்டம் உருவாக்கப்பட்டது. 
இத்திட்டத்தின்கீழ் பழங்குடியினர் மற்றும் இளைஞர்கள் ஒன்றிணைந்து வனப் பகுதிகளில் சில குறிப்பிட்ட இடங்களைத் தேர்வு செய்து அங்கு சுற்றுலாவுக்கு அனுமதிப்பதோடு, அவற்றை பராமரித்தும் வருகின்றனர். இத்திட்டம் தற்போது சிறப்பாக செயல்பட்டுவரும் நிலையில் இத்திட்டம் குறித்து அனைத்து பழங்குடியினரும் தெரிந்து கொள்ளும் வகையில்  சிறப்பு கருத்தரங்கு உதகையில் நடைபெற்றது. 
உதகையில் உள்ள பழங்குடியினர் பண்பாட்டு மையத்தில் செவ்வாய்க்கிழமை நடைபெற்ற இக்கருத்தரங்கில் மாவட்ட ஆட்சியர் இன்னசென்ட் திவ்யா பேசியதாவது:
நீலகிரி மாவட்டத்தின் இயற்கையை பாதுகாக்க பழங்குடியினரால்தான் முடியும்.  அதனால்தான் பழங்குடியினரைக் கொண்டு சூழல் மேம்பாட்டுக் குழுக்கள் அமைக்கப்பட்டுள்ளன. அவர்களும் சிறப்பாக செயல்பட்டு வருகின்றனர். ஜான் சலிவனின் வருகைக்கு  முன்னரே இம்மாவட்டத்தை பாதுகாத்தவர்கள் பழங்குடியினகள்தான். 
இம்மாவட்டம் தனிச்சிறப்பு பெற்ற மாவட்டம் என்பதால் புதிதாக கட்டடங்கள் கட்டுவதற்கு கடுமையான விதிகள் கடைபிடிக்கப்படுகின்றன. வனப் பகுதிகளில் கழிவுகளை கொட்டுவதை தவிர்ப்பதோடு, இவ்வாறு கொட்டுபவர்கள் மீது கடும் நடவடிக்கை எடுக்கப்பட வேண்டும் என ஆட்சியர் குறிப்பிட்டார்.
நிகழ்ச்சியில் மாவட்ட வன  அலுவலர் சுமேஷ் சோமன், முதுமலை புலிகள் காப்பக துணை இயக்குநர் புஷ்பாகரன், பழங்குடியினர் ஆராய்ச்சி மைய இயக்குநர் சுப்பிரமணியம் ஆகியோருடன் சூழல் மேம்பாட்டுக் குழுவினரும்,  வனத் துறையினரும் பங்கேற்றிருந்தனர். தொடர்ந்து பழங்குடியினரின் பாரம்பரிய நடன நிகழ்ச்சிகள் நடைபெற்றன.

]]>
http://www.dinamani.com/all-editions/edition-coimbatore/nilgiris/2018/dec/05/உதகையில்-சூழல்-சுற்றுலா-மேலாண்மைக்-கருத்தரங்கு-3051925.html
3051924 கோயம்புத்தூர் நீலகிரி நீலகிரியில் ஜனவரி 1ஆம் தேதி முதல் கட்டை கைப்பிடி பைகளுக்கும் தடை: ஆட்சியர் அறிவிப்பு DIN DIN Wednesday, December 5, 2018 07:03 AM +0530 நீலகிரி மாவட்டத்தில் ஜனவரி 1ஆம் தேதி முதல் கட்டை கைப்பிடியுடன் கூடிய பைகளுக்கும்  தடை விதிக்கப்படுகிறது என  மாவட்ட ஆட்சியர் இன்னசென்ட் திவ்யா தெரிவித்துள்ளார். இதுகுறித்து அவர் வெளியிட்டுள்ள செய்தி குறிப்பு:
 நீலகிரி மாவட்டத்தில் ஒருமுறை மட்டுமே பயன்படுத்தக்கூடிய 19 வகையான பிளாஸ்டிக் பொருள்கள் தடை செய்யப்பட்டு மாவட்ட அரசிதழில் அறிவிப்பு வெளியிடப்பட்டுள்ளது. நீலகிரி மாவட்டத்தில் 2019 ஜனவரி 1ஆம் தேதி முதல் 19 வகையான பிளாஸ்டிக் பொருள்களுடன் அனைத்து வகையான பி.பி.நான் ஓவன் பைகளும் தடை செய்யப்படுவதுடன், கட்டை கைப்பிடியுடன் கூடிய பி.பி.நான் ஓவன் பைகளும் சேர்த்து தடை செய்யப்படுகிறது.  இதனை மீறுவோர் மீது மாவட்ட நிர்வாகத்தின் சார்பில் அபராதம் விதிக்கப்படும். 
 எனவே, பொதுமக்கள், சுற்றுலாப் பயணிகள் மற்றும் வர்த்தக நிறுவனங்கள் மற்றும் உணவகங்கள் தடை செய்யப்பட்ட பிளாஸ்டிக் பொருள்களுக்குப் பதிலாக துணிப் பைகளை பயன்படுத்தி மாவட்ட நிர்வாகத்துக்கு முழு ஒத்துழைப்பு அளிக்க வேண்டும் என தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/dec/05/நீலகிரியில்-ஜனவரி-1ஆம்-தேதி-முதல்-கட்டை-கைப்பிடி-பைகளுக்கும்-தடை-ஆட்சியர்-அறிவிப்பு-3051924.html
3051923 கோயம்புத்தூர் நீலகிரி சத்துணவு மையத்தில் தரமற்ற உணவு எனப் புகார்: வட்டாட்சியர் ஆய்வு DIN DIN Wednesday, December 5, 2018 07:03 AM +0530 கூடலூர் அருகே உள்ள ஓவேலி பாரதி நகர் அரசு நடுநிலைப் பள்ளி சத்துணவு மையத்தில் உணவு தரமற்று இருப்பதாக வந்த புகாரையடுத்து, வட்டாட்சியர் மகேந்திரன் செவ்வாய்க்கிழமை ஆய்வு செய்தார்.
கூடலூர் அருகே உள்ள ஓவேலி பேரூராட்சிக்கு உள்பட்ட பாரதி நகர் அரசு நடுநிலைப் பள்ளியில், மாணவர்களுக்கு வழங்கப்பட்ட சத்துணவு தரமற்று இருப்பதாகவும்,  சாப்பாட்டில் வண்டுகள் இருப்பதாகவும் அப்பகுதி மக்கள் புகார் தெரிவித்தனர்.
இது குறித்த புகாரின்பேரில், கூடலூர் வட்டாட்சியர் மகேந்திரன் சத்துணவு மையத்தில் செவ்வாய்க்கிழமை ஆய்வு செய்தார். உணவுப் பொருள் கையிருப்பு, சமைத்த உணவு உள்ளிட்டவற்றை ஆய்வு செய்தார். அப்போது, மாணவர்களுக்கு வழங்கப்பட்ட சத்துணவு, முறையாகவும் சுத்தமாகவும் இருப்பதையும், உணவுப் பொருள்கள் இருப்பு சரியாக இருப்பதையும் உறுதி செய்தார்.
இது குறித்து வட்டாட்சியர் மகேந்திரன் கூறியதாவது: சத்துணவு மையம் குறித்து, இரண்டு முறை புகார் தெரிவிக்கப்பட்டதால் இந்த ஆய்வு மேற்கொள்ளப்பட்டது. மாவட்ட ஆட்சியருக்கு இதுகுறித்து அறிக்கை அனுப்பப்படும். சத்துணவுத் திட்டத்தில் குளறுபடி இருந்தால் கடும் நடவடிக்கை எடுக்கப்படும் எனத் தெரிவித்தார்.
 

]]>
http://www.dinamani.com/all-editions/edition-coimbatore/nilgiris/2018/dec/05/சத்துணவு-மையத்தில்-தரமற்ற-உணவு-எனப்-புகார்-வட்டாட்சியர்-ஆய்வு-3051923.html
3051922 கோயம்புத்தூர் நீலகிரி கிறிஸ்துமஸ் பாடல் ஆராதனை விழா DIN DIN Wednesday, December 5, 2018 07:03 AM +0530 உதகையில் ஓய்எம்சிஏ அமைப்பின் சார்பில் 132 ஆவது ஆண்டையொட்டி கிறிஸ்துமஸ் பாடல் ஆராதனை விழா நடைபெற்றது. 
"எங்கும் ஒளி பரவட்டும்' என்ற தலைப்பில் ஞாயிற்றுக்கிழமை இரவு நடைபெற்ற இந்நிகழ்ச்சியில் ஒய்எம்சிஏ பாடகர் குழு,  சிஎஸ்ஐ வெஸ்லி சர்ச் குன்னூர், கேத்தி பாடகர் குழு,  லைட் அண்டு லைப் அசெம்பிளி பாடகர் குழு, இமானுவேல் ஓபன் பைபிள் சர்ச் பாடகர்  குழு,  சிஎஸ்ஐ ஹோலி டிரினிடி சர்ச் பாடகர் குழு,  இ.சி.ஐ. நீலகிரி ஏரியா பாடகர் குழு  ஆகியோர் கிறிஸ்துமஸ் பாடல்களை பாடினர்.  
இந்நிகழ்ச்சியில் பங்கேற்ற கிறிஸ்துமஸ் தாத்தா ஆடல், பாடலுடன் பரிசுகளையும் வழங்கினார். 
இந்நிகழ்ச்சியில் ரெவரென்ட் ராபின்சன்,  ஜேக்கப் ஜெயவீரன், சார்லஸ் , ஜான்சன், ஜோஸ், ஸ்டாலின், சார்லஸ் உள்ளிட்ட  பலர் பங்கேற்றனர். முன்னதாக ஒய்எம்சிஏ அமைப்பின் தலைவர் தனதிங் இஸ்ரேல் வரவேற்றார். செயலர் மேக்ஸ் வில்லியர்டு ஜெயப்பிரகாஷ் நன்றி கூறினார்.

]]>
http://www.dinamani.com/all-editions/edition-coimbatore/nilgiris/2018/dec/05/கிறிஸ்துமஸ்-பாடல்-ஆராதனை-விழா-3051922.html
3051921 கோயம்புத்தூர் நீலகிரி யானை துரத்திய போது விழுந்த வனக் காவலர் காயம் DIN DIN Wednesday, December 5, 2018 07:03 AM +0530 கூடலூரை அடுத்துள்ள ஓவேலியில் யானை துரத்தியதில் வனக் காவலர் செவ்வாய்க்கிழமை காயமடைந்தார்.
கூடலூர் வனக் கோட்டத்தில் உள்ள ஓவேலி வனச் சரகத்துக்கு உள்பட்ட குயிண்ட் பகுதியில் குடியிருப்பு பகுதிக்குள் நுழைந்த யானையை வனத் துறையினர் விரட்டும் பணியில் ஈடுபட்டிருந்தனர். அப்போது யானையை விரட்டும் பணியிலிருந்த ஓவேலி வனக் காவலர் சேகரை எதிர்பாராத விதமாக யானை துரத்தியது. அதில் தப்பி ஓடிய சேகர் தவறி விழுந்ததில் காயமடைந்தார். அவர் உடனே கூடலூர் அரசு மருத்துவமனைக்கு கொண்டு செல்லப்பட்டு அனுமதிக்கப்பட்டார். அவருக்கு அவருக்கு அங்கு சிகிச்சையளிக்கப்பட்டு வருகிறது.

]]>
http://www.dinamani.com/all-editions/edition-coimbatore/nilgiris/2018/dec/05/யானை-துரத்திய-போது-விழுந்த-வனக்-காவலர்-காயம்-3051921.html
3051332 கோயம்புத்தூர் நீலகிரி டிசம்பர் 4 மின் தடை DIN DIN Tuesday, December 4, 2018 08:37 AM +0530 கோத்தகிரி, கெரடாமட்டம், கட்டபெட்டு, ஒன்னட்டி
நீலகிரி மின்பகிர்மான வட்டம், கோத்தகிரி, கெரடாமட்டம், கட்டபெட்டு, ஒன்னட்டி ஆகிய துணை மின் நிலையங்களில் மாதாந்திரப் பராமரிப்பு பணிகள் நடைபெற இருப்பதால் கீழ்க்கண்ட பகுதிகளில் செவ்வாய்க்கிழமை (டிசம்பர் 4)  காலை 9 மணி முதல் மாலை 4 மணி வரை மின் விநியோகம் இருக்காது என அறிவிக்கப்பட்டுள்ளது.  
மின் விநியோகம் தடைபடும்  பகுதிகள்
கோத்தகிரி துணை மின்நிலையம்: கோத்தகிரி, சுண்டட்டி, கப்பட்டி, உல்லத்ததி, கேர்பென், குண்டாடா, ஒரசோலை, நாரகிரி,  கேர்கொம்பை, கன்னேரிமுக்கு, தட்டப்பள்ளம்,  குஞ்சப்பனை,  கொணவக்கரை, தேனாடு,  திம்பட்டி, அரவேணு,  பேரகணி,  கேர்பெட்டா மற்றும் மிளிதேன்.
கட்டபெட்டு துணை மின்நிலையம்: ஒரசோலை, வெஸ்ட்புரூக், பாக்கியா நகர், கக்குச்சி, திருச்சிக்கடி, அஜ்ஜூர்,  கட்டபெட்டு,  நடுஹட்டி, இடுஹட்டி, தும்மனட்டி, கெந்தொரை, கூக்கல்,  கூக்கல்தொரை, கடநாடு, தொரையட்டி, தூனேரி, கொதுமுடி,  கடநாடு,  எப்பநாடு,  சின்னகுன்னூர்,  அனிக்கொரை,  டி.மணியட்டி,  பில்லிக்கம்பை, பையங்கி, கலிங்கனட்டி மற்றும்  மசகல். 
 ஒன்னட்டி துணை மின்நிலையம்: பங்களாபாடி, கடினமாலா, கெங்கரை, கூட்டாடா, கீழ்கோத்தகிரி, தாளமுக்கு, சோலூர்மட்டம்,  தேனாடு,  கைகாட்டி,  நட்டக்கல்,  ஒன்னட்டி, தூனேரி,  கரிக்கையூர்,  கோயில்மட்டம், குள்ளங்கரை,  செம்மனாரை மற்றும்  மஞ்சமலை காலனி.
கெரடாமட்டம் துணை மின்நிலையம்: கெரடாமட்டம், கொடநாடு,  ஈளாடா,  அண்ணா நகர், காந்தி நகர், நெடுகுளா, மற்றும் கர்சன்.

]]>
http://www.dinamani.com/all-editions/edition-coimbatore/nilgiris/2018/dec/04/டிசம்பர்-4-மின்-தடை-3051332.html
3051331 கோயம்புத்தூர் நீலகிரி உதகையில் டிசம்பர் 21இல் விவசாயிகள் குறைதீர் கூட்டம் DIN DIN Tuesday, December 4, 2018 08:37 AM +0530 நீலகிரி மாவட்ட விவசாயிகள் குறைதீர் நாள் கூட்டம்  உதகையில் வரும் டிசம்பர் 21ஆம்தேதி நடைபெறவுள்ளதாக அறிவிக்கப்பட்டுள்ளது. 
இதுதொடர்பாக தோட்டக்கலைத் துறை இணை இயக்குநர் சிவசுப்பிரமணியம் சாம்ராஜ் தெரிவித்துள்ளதாவது:
நீலகிரி மாவட்ட விவசாயிகள் குறைதீர் கூட்டம்  உதகையில்  டிசம்பர்  21 ஆம்தேதி நடைபெறவுள்ளது. ஆட்சியர் இன்னசென்ட் திவ்யா தலைமையில் நடைபெறவுள்ள இக்கூட்டத்தில்  விவசாயிகள் தங்களது விவசாயம் தொடர்பான கோரிக்கைகளை மட்டும் டிசம்பர் 7 ஆம்தேதிக்குள்  தோட்டக்கலை இணை இயக்குநர், தபால் பெட்டி எண்.72,  உதகை 643001 என்ற முகவரிக்கு நேரிலோ அல்லது தபால் மூலமாகவோ  அனுப்பலாம். பெறப்படும் மனுக்களில் விவசாயம் தொடர்பான கோரிக்கைகள் மட்டும் ஏற்கப்பட்டு பதில் அளிக்கப்படும் எனத் தெரிவித்துள்ளார்.
 

]]>
http://www.dinamani.com/all-editions/edition-coimbatore/nilgiris/2018/dec/04/உதகையில்-டிசம்பர்-21இல்-விவசாயிகள்-குறைதீர்-கூட்டம்-3051331.html
3051330 கோயம்புத்தூர் நீலகிரி நெல்லியாளம் நகராட்சி அலுவலகம் முற்றுகை DIN DIN Tuesday, December 4, 2018 08:36 AM +0530 அடிப்படை வசதிகளை நிறைவேற்றக் கோரி நெல்லியாளம் நகராட்சி அலுவலகத்தை பெண்கள் திங்கள்கிழமை முற்றுகையிட்டனர்.
நீலகிரி மாவட்டம்,  பந்தலூரில் உள்ள நெல்லியாளம் நகராட்சிக்குள்பட்ட இன்ட்கோ நகர் பகுதியில் அடிப்படை வசதிகளான தெருவிளக்கு, சாலை, குடிநீர் உள்ளிட்ட வசதிகள் இல்லை எனக் கூறப்படுகிறது. 
இதுகுறித்து சம்பந்தப்பட்ட அதிகாரிகளிடம் அப்பகுதி மக்கள் பலமுறை முறையிட்டும் எந்த நடவடிக்கையும் எடுக்கவில்லை என பொதுமக்கள் புகார் தெரிவிக்கின்றனர். 
இந்நிலையில்  அடிப்படை வசதிகளை நிறைவேற்றித் தரக்கோரி அப்பகுதி பெண்கள் நகராட்சி அலுவலகத்தை முற்றுகையிட்டனர். 
தொடர்ந்து நகராட்சி பொறியாளர் வெங்கடாசலத்திடம் கோரிக்கை மனு அளித்தனர்.

]]>
http://www.dinamani.com/all-editions/edition-coimbatore/nilgiris/2018/dec/04/நெல்லியாளம்-நகராட்சி-அலுவலகம்-முற்றுகை-3051330.html
3051329 கோயம்புத்தூர் நீலகிரி கோத்தகிரியில் கால்பந்து போட்டி DIN DIN Tuesday, December 4, 2018 08:36 AM +0530 கோத்தகிரி அருகே மூன்றாம் ஆண்டு இரவு நேர கால்பந்து போட்டி திங்கள்கிழமை  நடைபெற்றது. 
கோத்தகிரி அருகேயுள்ள சத்தியகாத்தி பிரைமரி மற்றும் நர்சரி பள்ளி மைதானத்தில் நடைபெற்ற இந்தப் போட்டிகளில் நீலகிரி மாவட்டம் முழுவதிலிருந்து 26 தனியார் மற்றும் அரசுப் பள்ளி மாணவர்கள் பங்கேற்றனர். 
பத்து வயதுக்குள்பட்டோர் மற்றும் 14 வயதுக்குள்பட்டோர் என இரு பிரிவுகளாக போட்டிகள் நடைபெற்றன.
திங்கள்கிழமை நடைபெற்ற இறுதி ஆட்டத்தில் 14 வயதுக்குள்பட்டோர் பிரிவில் உதகை ஏகலைவா அரசுப் பள்ளி அணியை கோத்தகிரி ஹில்போர்ட் அணி 2-க்கு  1 என்ற கோல் கணக்கில்  வென்றது. பத்து வயதுக்குள்பட்டோர் பிரிவில் விஷ்வசாந்தி பள்ளி அணியை 2- க்கு 1 என்ற  கோல் கணக்கில் சத்தியகாத்தி பள்ளி அணி வெற்றிபெற்றது.  
    வெற்றி பெற்ற ஹில்போர்ட் பள்ளிக்கு ரூ. 25 ஆயிரம் ரொக்கம், சத்தியகாத்தி பள்ளிக்கு இரண்டாவது பரிசாக ரூ.10 ஆயிரம், சத்தியகாத்தி சுழற்கோப்பைகள் வழங்கப்பட்டன. 
ரோட்டரி சங்க துணை கவர்னர் டாக்டர் ரவிக்குமார், பாஜக  மாவட்டத் தலைவர் நஞ்சுண்ட போஜன், பரமேஷ், கேத்தி பேரூராட்சி செயல் அலுவலர் நடராஜ் ஆகியோர் வெற்றி பெற்ற மாணவர்களுக்கு சான்றிதழ்களை வழங்கினார்கள். பள்ளி முதல்வர் நித்யா போஜன் நன்றி கூறினார்.
 

]]>
http://www.dinamani.com/all-editions/edition-coimbatore/nilgiris/2018/dec/04/கோத்தகிரியில்-கால்பந்து-போட்டி-3051329.html
3051328 கோயம்புத்தூர் நீலகிரி குன்னூர் அருகே குடிசையை சேதப்படுத்திய யானைகள் DIN DIN Tuesday, December 4, 2018 08:36 AM +0530 குன்னூர் அருகே டெரேமியா பகுதியில் குட்டியுடன் சுற்றித் திரியும் யானைகள் அங்குள்ள தங்கும் குடிசையை திங்கள்கிழமை சேதப்படுத்தின. 
நீலகிரி மாவட்டம்,  குன்னூர் அருகே தூதூர்மட்டம், மஞ்சக்கம்பை, மேலூர் ஓசட்டி, ஓடயரட்டி, கெரடாலீஸ், டெரேமியா உள்ளிட்ட பகுதிகள் குந்தா வனத் துறையின் கட்டுப்பாட்டில் உள்ளன. இங்குள்ள  தேயிலைத் தோட்டம், காய்கறி விளைநிலங்கள் ஆகியவை வனப் பகுதியை ஓட்டி அமைந்துள்ளன.
தேயிலைத் தோட்டத்தை முறையாக தோட்ட உரிமையாளர்கள் பராமரிக்காததால் முள்புதர்கள் சூழ்ந்துள்ளது. 
இந்நிலையில்  கடந்த வாரம் மஞ்சக்கம்பை வழியாக ஓடயரட்டி கிராமத்தில் குட்டியுடன் நுழைந்த 4  யானைகள் டெரேமியா பகுதியில் உள்ள 10 ஆம் நம்பர் எஸ்டேட் அருகே விளைநிலத்தில் நுழைந்து அங்கிருந்த பயிர்களையும்,  மோட்டார்கள், தடுப்புகள், குழாய்கள் ஆகியவற்றையும் சேதப்படுத்திச் சென்றன. இதனால் விவசாயிகளுக்கு சுமார் ரூ. 6 லட்சம் வரை இழப்பு ஏற்பட்டுள்ளதாக  கூறப்படுகிறது.
இந்நிலையில்  திங்கள்கிழமை  அதிகாலையில் இப்பகுதிக்கு  வந்த  யானைக் கூட்டம்  அங்கிருந்த குடிசைகளைத் தாக்கிச் சென்றன.  இதன் காரணமாக  விவசாயிகள் அச்சமடைந்துள்ளனர். எனவே, இந்த யானைக் கூட்டத்தை அடர்ந்த வனப் பகுதிக்குள் வனத் துறையினர் துரத்த வேண்டும் என்ற கோரிக்கை வலுத்துள்ளது. 
 

]]>
http://www.dinamani.com/all-editions/edition-coimbatore/nilgiris/2018/dec/04/குன்னூர்-அருகே-குடிசையை-சேதப்படுத்திய-யானைகள்-3051328.html
3051327 கோயம்புத்தூர் நீலகிரி உதகையில் சர்வதேச மாற்றுத் திறனாளிகள் தின விழா DIN DIN Tuesday, December 4, 2018 08:36 AM +0530 உதகையில் சர்வதேச மாற்றுத் திறனாளிகள் தினத்தை முன்னிட்டு 50 மாற்றுத் திறனாளிகளுக்கு ரூ. 10 லட்சம்  மதிப்பிலான  நலத்திட்ட உதவிகளை மாவட்ட ஆட்சியர் இன்னசென்ட் திவ்யா வழங்கினார்.
உதகை ஜேஎஸ்எஸ் கல்லூரி கலையரங்கில் திங்கள்கிழமை  நடைபெற்ற இந்நிகழ்ச்சியில் மாவட்ட ஆட்சியர் இன்னசென்ட் திவ்யா பேசியதாவது:
மாற்றுத்திறனாளிகளுக்கு எவருக்கும் பாரமாக இல்லாமல் தங்களுடைய பணிகளை தாங்களே செய்து வாழ்க்கையில் முன்னேறும் வகையில், தமிழக அரசு பல்வேறு நலத்திட்ட உதவிகளை செய்து வருகிறது. 
ஒவ்வோர் மாதமும் மாற்றுத் திறனாளிகளுக்காக சிறப்பு முகாம்கள் நடத்தப்பட்டு அவர்களுக்குத் தேவையான உதவிகள் உடனடியாக செய்து தரப்படுகிறது. காது கேளாதோர்,  வாய் பேசாதோர், பார்வையற்றவர்கள் ஆகியோருக்கு தேசிய அடையாள அட்டை,  சுய தொழில் தொடங்க நிதியுதவி வழங்கப்படுகின்றன. 
மருத்துவ முகாம்கள் நடத்தி அதன் மூலம் கண் பரிசோதனை, எலும்பு மற்றும் மூட்டு பரிசோதனை போன்றவை செய்யப்படுகின்றன.
மேலும் ஊக்கத்தொகை, இலவச பேருந்து பயண அட்டை, சுய வேலைவாய்ப்பு, கடும் பாதிப்புடைய மாற்றுத் திறனாளிகளுக்கு பராமரிப்பு உதவித்தொகை, பார்வையற்றோருக்கான வாசிப்பாளர் உதவித்தொகை வழங்கும் திட்டம், மனவளர்ச்சி குன்றிய குழந்தைகளுக்கான ஆரம்ப கால பயிற்சி மையம், மாற்றுத்திறனாளிகளுக்கு விலையில்லா மூன்று சக்கர வண்டி, சக்கர நாற்காலி, ஊன்று கோல்கள், கருப்பு கண்ணாடிகள், ஒளிரும் மடக்கு குச்சிகள் போன்ற எண்ணற்ற  உதவி உபகரணங்களை தமிழக அரசு மாற்றுத்திறனாளிகளுக்கு வழங்கி வருகிறது என்றார்.  
அதனைத் தொடர்ந்து 14 பயனாளிகளுக்கு ரூ. 7.4 லட்சம் மதிப்பில் செயற்கை கால்கள், 13 பயனாளிகளுக்கு ரூ.75,740 மதிப்பில் சிறப்பு சக்கர நாற்காலிகள், 10 பயனாளிகளுக்கு ரூ.41,700 மதிப்பில் மோட்டார் பொருத்தப்பட்ட தையல் இயந்திரங்கள், 8 பயனாளிகளுக்கு ரூ. 29,160 மதிப்பில் காதொலி கருவிகள், 5 பயனாளிகளுக்கு  ரூ.80,000 வங்கிக் கடன் என மொத்தம் 50 பயனாளிகளுக்கு ரூ.9,64,550  மதிப்பிலான நலத்திட்ட உதவிகளை ஆட்சியர்  வழங்கினார். 
இந்நிகழ்ச்சியில் நீலகிரி மக்களவை உறுப்பினர் சி.கோபாலகிருஷ்ணன்,  மருத்துவப் பணிகள் இணை இயக்குநர் ரவிக்குமார், ஜே.எஸ்.எஸ்.கல்லூரி முதல்வர் தனபால், மாவட்ட மாற்றுத் திறனாளிகள் நல அலுவலர் பாலகிருஷ்ணன், மாவட்ட சமூக நல அலுவலர் புஷ்பலதா, அரசுத்துறை அலுவலர்கள் மற்றும்  மாற்றுத்திறனாளிகள் கலந்து கொண்டனர்.

]]>
http://www.dinamani.com/all-editions/edition-coimbatore/nilgiris/2018/dec/04/உதகையில்-சர்வதேச-மாற்றுத்-திறனாளிகள்-தின-விழா-3051327.html
3051326 கோயம்புத்தூர் நீலகிரி உதகையில் மக்கள் குறைதீர் கூட்டம்: 197 மனுக்கள் பெறப்பட்டன DIN DIN Tuesday, December 4, 2018 08:36 AM +0530 நீலகிரி மாவட்ட  மக்கள் குறைதீர் கூட்டம்  உதகையில் உள்ள மாவட்ட ஆட்சியர் அலுவலகத்தில்  திங்கள்கிழமை நடைபெற்றது.
கூட்டத்துக்கு மாவட்ட ஆட்சியர் இன்னசென்ட் திவ்யா தலைமை வகித்தார். இதில்,  குடும்ப அட்டை, வீட்டுமனைப் பட்டா, தொழில், கல்விக் கடன் உதவி, முதியோர் உதவித்தொகை, சாலை, குடிநீர், கழிப்பிடம் மற்றும் மின்சார வசதிகள் உள்ளிட்ட பல்வேறு கோரிக்கைகள் தொடர்பாக 197 மனுக்கள் பொதுமக்களிடமிருந்து பெறப்பட்டன.
 பொதுமக்கள் அளித்த மனுக்களின் மீது சம்பந்தப்பட்ட அலுவலர்கள் பரிசீலனை செய்து தகுதி இருப்பின் உடனடியாக  நடவடிக்கை மேற்கொள்ளுமாறு மாவட்ட ஆட்சியர் உத்தரவிட்டார்.  
அத்துடன்,  கடந்த குறைதீர்க்கும் நாள் கூட்டத்தில் தீர்வு காணாமல் நிலுவையிலுள்ள மனுக்களின் மீதும் விரைவான நடவடிக்கை எடுக்குமாறு துறை ரீதியான அலுவலர்களுக்கு ஆட்சியர் உத்தரவிட்டார். 
இக்கூட்டத்தில், சமூக பாதுகாப்புத் திட்ட தனித் துணை ஆட்சியர் முருகன், மாவட்ட ஆட்சியரின் கூடுதல் நேர்முக உதவியாளர் பாஸ்கரன், ஆதிதிராவிடர் மற்றும் பழங்குடியினர் நல அலுவலர் மணிவேலன், அரசுத் துறை அலுவலர்கள் பலர் கலந்து கொண்டனர்.
முன்னதாக உதகையில் பிளாஸ்டிக் ஒழிப்பு தொடர்பாக ரோட்டரி சங்கத்தினரால் நடத்தப்பட்ட விழிப்புணர்வு பேரணியை மாவட்ட காவல் கண்காணிப்பாளர் சண்முகப்பிரியா முன்னிலையில் ஆட்சியர் இன்னசென்ட் திவ்யா தொடங்கி வைத்தார்.
 

]]>
http://www.dinamani.com/all-editions/edition-coimbatore/nilgiris/2018/dec/04/உதகையில்-மக்கள்-குறைதீர்-கூட்டம்-197-மனுக்கள்-பெறப்பட்டன-3051326.html
3050593 கோயம்புத்தூர் நீலகிரி மாவட்ட தமிழ்ச் சங்கம் சார்பில் கலை, இலக்கியப் போட்டிகள் DIN DIN Monday, December 3, 2018 07:55 AM +0530 நீலகிரி மாவட்ட தமிழ்ச் சங்கம் சார்பில் கலை, இலக்கியப் போட்டிகள் ஞாயிற்றுக்கிழமை நடைபெற்றன. 
நீலகிரி மாவட்ட தமிழ்ச் சங்கத்தின் 18ஆவது ஆண்டு பொங்கல் விழா கலை, இலக்கியப் போட்டிகள் கலைவாணி மெட்ரிக். பள்ளியில் ஞாயிற்றுக்கிழமை நடைபெற்றன. விழாவில் தமிழ்ச் சங்கத் தலைவர் பெ.மணிவண்ணன் தலைமை வகித்தார். தொழிலதிபர் கண்ணன் குத்துவிளக்கேற்றி துவக்கிவைத்தார்.
சிறப்பு அழைப்பாளராக வடகொழும்பு தமிழ்ச் சங்கத்தின் பொறுப்பாளர் ரா.விஜயகுமார், மாவட்ட தமிழ்ச் சங்கப் பொருளாளர் சு.ஆதவன், பொறுப்பாளர்கள் அரு.நாகநாதன், ரகு, ஜெகநாதன், கணேசன், மணிகண்டன், ஞானப்பிரகாசம், ராஜகோபால், மணிவாசகம் உள்ளிட்டோர் கலந்துகொண்டனர்.
1ஆம் வகுப்பு முதல் 12ஆம் வகுப்பு வரை நடைபெற்ற போட்டிகளில், 55க்கும் மேற்பட்ட  பள்ளிகளில் இருந்து மாணவ, மாணவிகள் கலந்துகொண்டனர்.
 

]]>
http://www.dinamani.com/all-editions/edition-coimbatore/nilgiris/2018/dec/03/மாவட்ட-தமிழ்ச்-சங்கம்-சார்பில்-கலை-இலக்கியப்-போட்டிகள்-3050593.html
3050592 கோயம்புத்தூர் நீலகிரி வேலைவாய்ப்பற்ற மாற்றுத் திறனாளிகள் உதவித் தொகை பெற விண்ணப்பிக்கலாம் DIN DIN Monday, December 3, 2018 07:55 AM +0530 நீலகிரி மாவட்டத்திலுள்ள வேலைவாய்ப்பற்ற மாற்றுத் திறனாளிகள் அரசின் உதவித் தொகை பெற விண்ணப்பிக்கலாம் என அறிவிக்கப்பட்டுள்ளது. 
இதுதொடர்பாக மாவட்ட வேலைவாய்ப்பு அலுவலக அறிக்கையில் தெரிவிக்கப்பட்டுள்ளதாவது:
தமிழக அரசின் வேலைவாய்ப்பற்ற மாற்றுத் திறனாளிகளுக்கான உதவித்தொகை பெறும் திட்டத்தின்கீழ்,  நீலகிரி மாவட்டத்தில் 396 பயனாளிகள் பயனடைந்து வருகின்றனர். இத்திட்டத்தின்கீழ் பதிவுதாரர்களுக்கு அவர்களது கல்வித் தகுதியின் அடிப்படையில்  உதவித்தொகை வழங்கப்பட்டு வருகிறது. அதன்படி 10ஆம் வகுப்பும், அதற்கு கீழ் தேர்ச்சி பெற்றவர்களுக்கு மாதம் ரூ.600ம், பள்ளி இறுதி வகுப்பில் தேர்ச்சிப் பெற்றவர்களுக்கு மாதம் ரூ.750ம்,  பட்டதாரிகள் மற்றும் முதுகலைப் பட்டதாரிகளுக்கு மாதம் ரூ.1,000மும் வழங்கப்பட்டு வருகிறது.  
இந்த உதவித்தொகையைப் பெறுவதற்கு மனுதாரர்கள் வேலைவாய்ப்பு அலுவலகத்தில் பதிவு செய்து ஓராண்டு நிறைவுபெற்றவராகவும்,  மாற்றுத் திறனாளி என்ற முன்னுரிமையை வேலைவாய்ப்பு அலுவலகத்தில் பதிவு செய்தவராகவும் இருக்க வேண்டும்.  எந்தவொரு கல்வி நிறுவனத்திலும் முழு நேர மாணவராக இருக்கக் கூடாது. அரசு மற்றும் தனியார் துறையிலோ அல்லது சுய வேலைவாய்ப்பிலோ ஈடுபட்டவராகவும் இருக்கக் கூடாது. 
இவர்கள் தங்களது பள்ளி அல்லது கல்லூரிப் படிப்பை தமிழகத்திலேயே முடித்தவர்களாக இருக்க வேண்டும்.  அவர்களது பெற்றோர் அல்லது பாதுகாவலர் குறைந்தது 15 ஆண்டுகள் தமிழகத்திலேயே வசித்தவர்களாகவும் இருக்க வேண்டும்.  
இதற்கான வருமான உச்சவரம்பு ஏதுமில்லை. மனுதாரர்களுக்கு இந்த  உதவித்தொகை 10 ஆண்டுகளுக்கு தொடர்ந்து வழங்கப்படும். இவர்கள் நீலகிரி மாவட்டத்திலுள்ள தேசியமயமாக்கப்பட்ட ஏதேனும் ஒரு வங்கிக் கிளையில் சேமிப்புக் கணக்கு  வைத்திருக்க வேண்டும்.
எனவே, தகுதியுள்ள மாற்றுத் திறனாளிகளில் இதுவரை விண்ணப்பிக்காதவர்கள் உடனடியாக விண்ணப்பத்தைப் பெற்று முழு விபரங்களை பூர்த்தி செய்து மாவட்ட வேலைவாய்ப்பு அலுவலகத்தில் விண்ணப்பிக்கலாம் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-coimbatore/nilgiris/2018/dec/03/வேலைவாய்ப்பற்ற-மாற்றுத்-திறனாளிகள்-உதவித்-தொகை-பெற-விண்ணப்பிக்கலாம்-3050592.html
3050591 கோயம்புத்தூர் நீலகிரி வெளி மாநிலத்திலிருந்து வரத்து அதிகரிப்பால் நீலகிரி உருளைக்கிழங்கு விலை வீழ்ச்சி DIN DIN Monday, December 3, 2018 07:54 AM +0530 வெளி மாநில உருளைக்கிழங்குகளின் வரத்து அதிகரிப்பால், நீலகிரி  உருளைக்கிழங்குகளின் விலை வீழ்ச்சி அடைந்துள்ளது. இதனால் விவசாயிகள் கவலை அடைந்துள்ளனர். 
நீலகிரி மாவட்டத்தில் தேயிலை சாகுபடி பிரதானத் தொழிலாக திகழ்கிறது. இதற்கு அடுத்தபடியாக மலைத் தோட்டக் காய்கறிகளான கேரட்,  உருளைக்கிழங்கு, பீன்ஸ், பீட்ரூட், முட்டைகோஸ் உள்ளிட்ட பல்வேறு காய்கறிகள் பயிரிடப்பட்டு, மேட்டுப்பாளையம் சந்தை,  உதகை சந்தை மற்றும் வெளி மாநிலங்களுக்கு அனுப்பப்படுகிறது.
இந்நிலையில் மேட்டுப்பாளையம் சந்தைக்கு குஜராத், மகாராஷ்டிரம், கர்நாடகம்  உள்பட வெளி மாநில உருளைக்கிழங்குகளின் வரத்து அதிகரிப்பால் கிழங்கின் விலை குறைந்து காணப்படுகிறது. இதுகுறித்து விவசாயி பிரகாஷ் கூறியதாவது:
வெளி மாநில உருளைக்கிழங்கு, 45 கிலோ மூட்டை குறைந்தபட்சம் ரூ.600க்கும், அதிகபட்சம் ரூ.750க்கும் விற்பனையாகிறது. முதல் சீசனில் உதகை கிழங்கு ரூ. 1200-லிருந்து, ரூ. 1800 வரை விற்பனையான நிலையில், தற்போது குறைந்தபட்சம் ரூ. 900க்கும், அதிகபட்சம் ரூ.1,200க்கும் விற்பனையாகிறது. 
இதனால் உதகையில் உருளைக் கிழங்கு சாகுபடியில் ஈடுபட்டுள்ள விவசாயிகளுக்கு நஷ்டம் ஏற்படுகிறது என விவசாயிகள் தெரிவித்துள்ளனர்.

]]>
http://www.dinamani.com/all-editions/edition-coimbatore/nilgiris/2018/dec/03/வெளி-மாநிலத்திலிருந்து-வரத்து-அதிகரிப்பால்-நீலகிரி-உருளைக்கிழங்கு-விலை-வீழ்ச்சி-3050591.html
3050590 கோயம்புத்தூர் நீலகிரி பசுமை வீடுகள் திட்டத்தில் பயனாளிகள் தேர்வு: நீலகிரியில் 12இல்  சிறப்பு கிராம சபைக் கூட்டம் DIN DIN Monday, December 3, 2018 07:54 AM +0530 நீலகிரி மாவட்டத்தில் பசுமை வீடுகள் திட்டத்திற்கு பயனாளிகளைத் தேர்வு செய்ய சிறப்பு கிராம சபைக் கூட்டம் டிசம்பர் 12ம்தேதி நடைபெறுகிறது.
இதுதொடர்பாக நீலகிரி மாவட்ட ஆட்சியர் இன்னசென்ட் திவ்யா கூறியதாவது: 
நீலகிரி மாவட்டத்தின் ஊரகப் பகுதிகளில், இலங்கையிலிருந்து தாயகம் திரும்பியோர் பயனடையும் வகையில், முதலமைச்சரின் சூரிய மின் சக்தியுடன் கூடிய பசுமை வீடுகள் கட்டும் திட்டத்தின்கீழ், 2018-19ஆம் ஆண்டில் 1,000 வீடுகள் கட்ட தீர்மானிக்கப்பட்டுள்ளது.
இதில் வீட்டின் கட்டுமானப் பணிகளுக்கு தலா ரூ.1.8 லட்சமும், சூரிய ஒளி மின் விளக்குகள் அமைக்க ரூ.30,000மும் ஊரக வளர்ச்சி மற்றும் ஊராட்சித் துறை மூலம்  நிதி ஒதுக்கீடு பெறப்பட்டுள்ளது. இதுதொடர்பாக டிசம்பர் 12ஆம் தேதி, கிராம ஊராட்சிகளில் சிறப்பு கிராம சபைக் கூட்டங்கள் நடைபெறுகின்றன.  
இதில் பயனாளிகள் தேர்வு செய்யப்பட்டு, ஒப்புதல் பெறப்படவுள்ளதால் பசுமை வீடுகள் கட்ட விரும்பும் இலங்கையிலிருந்து தாயகம் திரும்பிய தகுதி வாய்ந்த பயனாளிகள், ஊராட்சிகளில் நடைபெறும் சிறப்பு கிராமசபைக் கூட்டத்தில் உரிய ஆவணங்களுடன் பங்கேற்கலாம்.
இதுதொடர்பாக சம்பந்தப்பட்ட ஊராட்சி, ஊராட்சி ஒன்றிய அலுவலகங்கள்,  மாவட்ட ஊரக வளர்ச்சி முகமை மற்றும் மாவட்ட ஆட்சியர் அலுவலகத்திற்கு வரும் 11ஆம் தேதிக்குள் விண்ணப்பிக்க வேண்டும்.  எனவே, இலங்கையிலிருந்து தாயகம் திரும்பியோர் இந்த வாய்ப்பை பயன்படுத்தி பயனடையலாம்.

]]>
http://www.dinamani.com/all-editions/edition-coimbatore/nilgiris/2018/dec/03/பசுமை-வீடுகள்-திட்டத்தில்-பயனாளிகள்-தேர்வு-நீலகிரியில்-12இல்--சிறப்பு-கிராம-சபைக்-கூட்டம்-3050590.html
3050589 கோயம்புத்தூர் நீலகிரி வருவாய்த் துறை சான்றிதழ்களைப் பெற இ-சேவை மூலம் விண்ணப்பிக்கலாம்: மாவட்ட ஆட்சியர் அறிவிப்பு DIN DIN Monday, December 3, 2018 07:53 AM +0530 நீலகிரி மாவட்டத்தில் வருவாய்த் துறை சான்றிதழ்களைப் பெற இ-சேவை என்ற திறந்தவெளி இணையதளம் மூலம் விண்ணப்பிக்கலாம்.
இதுதொடர்பாக மாவட்ட ஆட்சியர் இன்னசென்ட் திவ்யா கூறியதாவது:
நீலகிரி மாவட்டத்தில் 97அரசு இ-சேவை மையங்கள் இயங்கிவருகின்றன. அரசின் பல்வேறு சேவைகள் இம்மையங்கள் மூலம் அளிக்கப்படுகின்றன. ஆண்டுதோறும் மே மாதம் முதல் ஆகஸ்டு மாதம் வரை சான்றிதழ்கள் பெற நெருக்கடியான காலம் என்பதால் இ-சேவை மையங்களுக்கு வரும் பொதுமக்களால் கூட்ட நெரிசல் ஏற்படுவதோடு, நீண்ட வரிசைகளில் காத்திருந்து விண்ணப்பிக்க வேண்டியுள்ளது. இதைத் தவிர்க்கும் வகையில் தற்போது இ-சேவை திறந்தவெளி இணையதளம் அறிமுகப்படுத்தப்பட்டுள்ளது.
இதன் மூலம் பொதுமக்கள் தங்கள் வீட்டில் இருந்தவாறே ஸ்மார்ட் செல்லிடப்பேசி அல்லது கணிணி மூலம்  உலகின் எந்தப் பகுதியிலிருந்தும் சான்றிதழ்களைப் பெற வாரத்தின் அனைத்து நாள்களிலும் 24 மணி நேரமும் விண்ணப்பிக்கலாம்.  எனவே, இனிவரும் காலங்களில் பொதுமக்கள் தங்களுக்குத் தேவையான வருவாய்த் துறை சான்றிதழ்களை இ-சேவை மூலம் விண்ணப்பித்துப் பயனடையலாம்.
 

]]>
http://www.dinamani.com/all-editions/edition-coimbatore/nilgiris/2018/dec/03/வருவாய்த்-துறை-சான்றிதழ்களைப்-பெற-இ-சேவை-மூலம்-விண்ணப்பிக்கலாம்-மாவட்ட-ஆட்சியர்-அறிவிப்பு-3050589.html
3050588 கோயம்புத்தூர் நீலகிரி யானைகள் தாக்கியதில் வீடு சேதம் DIN DIN Monday, December 3, 2018 07:53 AM +0530 கூடலூரை அடுத்துள்ள முண்டக்குன்னு கிராமத்தில் சனிக்கிழமை இரவு காட்டு யானைகள் தாக்கியதில் வீடு சேதமடைந்தது.
கூடலூரை அடுத்துள்ள முண்டக்குன்னு கிராமத்திற்குள் நள்ளிரவில் நுழைந்த யானைகள், அங்குள்ள ராஜூ என்பவரது வீட்டை தாக்கியதில் வீடு சேதமடைந்தது. அச் சமயத்தில் வீட்டில் யாரும் இல்லாததால் பாதிப்பு ஏற்படவில்லை.  
யானைகளால் சேதமடைந்த வீட்டுக்கு உரிய இழப்பீடு வழங்க வேண்டும் என்று அப்பகுதி விவசாயிகள் வலியுறுத்தினர். கூடலூர் சட்டப் பேரவை உறுப்பினர் திராவிடமணி, சேதமடைந்த வீட்டைப் பார்வையிட்டு, ஆறுதல் கூறினார்.

]]>
http://www.dinamani.com/all-editions/edition-coimbatore/nilgiris/2018/dec/03/யானைகள்-தாக்கியதில்-வீடு-சேதம்-3050588.html
3050587 கோயம்புத்தூர் நீலகிரி கேரட் அறுவடையை நள்ளிரவில் தவிர்க்க வேண்டும்: அதிகாரிகள் அறிவுரை DIN DIN Monday, December 3, 2018 07:53 AM +0530 நீலகிரி மாவட்டத்தில் கேரட் அறுவடையை நள்ளிரவில் தவிர்க்க வேண்டும் என்று விவசாயிகளுக்கு அதிகாரிகள் அறிவுறுத்தியுள்ளனர். 
இது குறித்து வன மற்றும் வருவாய் அதிகாரிகள் கூறியதாவது:
நீலகிரி மாவட்டத்தில் முக்கிய காய்கறிப் பயிரான கேரட்  2 ,300 ஹெக்டர் பரப்பளவில் பயிரிடப்பட்டு வருகின்றது.  இந்நிலையில், கூலித் தொழிலாளர்கள் நள்ளிரவு 2 மணியளவில், கேரட்டை அறுவடை செய்து, காலை 6 மணியளவில் மேட்டுப்பாளையம் சந்தைக்குக் கொண்டு சென்று விற்பனை செய்கின்றனர். இதனால் தொழிலாளர்களின்  உடல் நலம் சார்ந்த சமூகப் பிரச்னையுடன், வனவிலங்குகள் அவர்களைத் தாக்கும் பாதுகாப்பற்ற சூழ்நிலையும் ஏற்படுகிறது.
இதனைக் கருத்தில் கொண்டு, கேரட்டை நள்ளிரவில் அறுவடைசெய்வதை தவிர்த்து, காலை 6 மணிக்கு அறுவடை செய்து, மேட்டுப்பாளையம் சந்தைக்கு காலை 10 மணிக்கு விற்பனைக்கு கொண்டு செல்ல வேண்டும். 
கேரட் கொள்முதல் செய்யும் வியாபாரிகளிடம் இதுதொடர்பாக பேச்சுவார்த்தை நடத்தி, காலை 10 மணிக்கு கேரட் கொள்முதல் செய்ய வழிவகை செய்யப்படும் என்று ஏற்கெனவே மாவட்ட நிர்வாகம் அனைத்து விவசாயிகளுக்கும் தெரிவித்துள்ளது. 
இதை கேரட் விவசாயிகள், வியாபாரிகள் கடைபிடித்தால் வன விலங்குகளின் தாக்குதலில் இருந்து தற்காத்துக் கொள்ளமுடியும் எனத் தெரிவித்துள்ளனர்.

]]>
http://www.dinamani.com/all-editions/edition-coimbatore/nilgiris/2018/dec/03/கேரட்-அறுவடையை-நள்ளிரவில்-தவிர்க்க-வேண்டும்-அதிகாரிகள்-அறிவுரை-3050587.html
3049824 கோயம்புத்தூர் நீலகிரி அடகுக் கடை மேலாளர் மீது தாக்குதல்: உரிமையாளர், ஊழியர் மீது வழக்குப் பதிவு DIN DIN Sunday, December 2, 2018 12:52 AM +0530
அடகுக் கடை மேலாளரை அடித்து, கொலை மிரட்டல் விடுத்தாக அதன் உரிமையாளர், மற்றொரு ஊழியர் மீது போலீஸார் வழக்குப் பதிவு செய்துள்ளனர்.
வால்பாறையயில் அடகுக் கடை, நகைக் கடை, தங்கும் விடுதி ஆகியவற்றை நடத்தி வருபவர் வள்ளிக்கண்ணு. இவரது அடகுக் கடையில் மேலாளராகப் பணியாற்றி வருபவர் கணேசன் (29). இவர் கடந்த 13 ஆண்டுகளாகப் பணியாற்றி வருகிறார்.
இந்நிலையில், அடகுக் கடையில் உள்ள பணம், நகைகள் இருப்புக் குறித்து கடந்த வாரம் சரிபார்க்கப்பட்டது. அப்போது, பணம் குறைவாக இருந்ததாகத் தெரியவந்தது. இது குறித்து அடகுக் கடை மேலாளர் கணேசனிடம் விசாரித்து வந்துள்ளனர். அப்போது, கணேசனை கடை உரிமையாளர் வள்ளிக்கண்ணு, மற்றொரு ஊழியர் ஆகிய இருவரும் சேர்ந்து அடித்துத் துன்புறுத்தி, கொலை மிரட்டல் விடுத்தனராம்.
இதையடுத்து, கணேசன் தனது சொந்த ஊரான மனப்பறையில் உள்ள ஒரு மருத்துவமனையில் சிகிச்சை பெற்றுவருகிறார். இது குறித்து அவர் வால்பாறை காவல் நிலையத்தில் புகார் கொடுத்தார். இது தொடர்பாக போலீஸார் அடகுக் கடை உரிமையாளர் வள்ளிக்கண்ணு, மற்றொரு ஊழியர் ஆகிய இருவர் மீது வழக்குப் பதிவு செய்து விசாரிக்கின்றனர்.

 

]]>
http://www.dinamani.com/all-editions/edition-coimbatore/nilgiris/2018/dec/02/அடகுக்-கடை-மேலாளர்-மீது-தாக்குதல்-உரிமையாளர்-ஊழியர்-மீது-வழக்குப்-பதிவு-3049824.html
3049823 கோயம்புத்தூர் நீலகிரி கோத்தகிரி நீதிமன்றத்தில் மாவட்ட நீதிபதி ஆய்வு DIN DIN Sunday, December 2, 2018 12:52 AM +0530
கோத்தகிரி மாவட்ட உரிமையியல் நீதிமன்றத்தில் மாவட்ட நீதிபதி வடமலை சனிக்கிழமை ஆய்வு மேற் கொண்டார்.
கோத்தகிரியில் மாவட்ட உரிமையியல் மற்றும் குற்றவியல் நீதிமன்றம் செயல்பட்டு வருகிறது. இந்த நீதிமன்றத்தில் ஆண்டுதோறும் மாவட்ட நீதிபதி ஆய்வு மேற்கொள்வது வழக்கம். அதன்படி மாவட்ட நீதிபதி வடமலை கோத்தகிரி நீதிமன்றத்தில் ஆய்வு மேற்கொண்டார். முன்னதாக கோத்தகிரி மாவட்ட உரிமையியல் நீதிபதி ஸ்ரீதர் வரவேற்றார்.
தொடர்ந்து கோத்தகிரி காவல் நிலைய துணை ஆய்வாளர்கள் நசீர், கெளதம் தலைமையிலான காவல் துறையினர் அணிவகுப்பு மரியாதை செலுத்தினர். இதனையடுத்து மாவட்ட நீதிபதி வடமலை கோப்புகளை ஆய்வு செய்தார்.

 

]]>
http://www.dinamani.com/all-editions/edition-coimbatore/nilgiris/2018/dec/02/கோத்தகிரி-நீதிமன்றத்தில்-மாவட்ட-நீதிபதி-ஆய்வு-3049823.html
3049822 கோயம்புத்தூர் நீலகிரி சோலார் விளக்குப் பொறி பயன்படுத்த விவசாயிகளுக்கு பயிற்சி DIN DIN Sunday, December 2, 2018 12:51 AM +0530
கூடலூரை அடுத்துள்ள ஆலவயல் பகுதி விவசாயிகளுக்கு சோலார் விளக்கு பொறி பயன்படுத்துவது குறித்த பயிற்சி சனிக்கிழமை நடைபெற்றது.
நிகழ்ச்சிக்கு, கூடலூர் தோட்டக் கலைத் துறை உதவி இயக்குநர் எஸ்.ஜெயலட்சுமி தலைமை வகித்தார். வேளாண்மை தொழில்நுட்ப மேலாளர் ஆர்.சந்தியா வரவேற்றார். சோலார் விளக்கு பொறியின் செயல் விளக்கம் மற்றும் பயன்கள் குறித்து பயிர் மேம்பாட்டு மேலாளர் சேகர் பயிற்சியளித்தார். பயிற்சியில் ஆலவயல் பகுதி விவசாயிகள் கலந்துகொண்டனர். வேளாண்மை தொழில் நுட்ப மேலாளர் ஜா.ஆன்சி டயானா நன்றி கூறினார்.

 

]]>
http://www.dinamani.com/all-editions/edition-coimbatore/nilgiris/2018/dec/02/சோலார்-விளக்குப்-பொறி-பயன்படுத்த-விவசாயிகளுக்கு-பயிற்சி-3049822.html
3049821 கோயம்புத்தூர் நீலகிரி அயல்நாட்டு வேலைவாய்ப்புக்கு விண்ணப்பிக்கலாம் DIN DIN Sunday, December 2, 2018 12:51 AM +0530
ஷார்ஜாவிலுள்ள ஒரு முன்னணி நிறுவனத்தில் பல்வேறு பணியிடங்களுக்காக விண்ணப்பிக்கலாம் என தெரிவிக்கப்பட்டுள்ளது.
இதுதொடர்பாக நீலகிரி மாவட்ட ஆட்சியர் அலுவலகத்தின் மூலம் அயல்நாட்டு வேலைவாய்ப்பு நிறுவனம் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:
ஐக்கிய அரபு நாட்டிலுள்ள ஷார்ஜாவில் ஒரு முன்னணி நிறுவனத்தில் பணிபுரிய டிப்ளமோ மெக்கானிக் தேர்ச்சி பெற்ற மேற்பார்வையாளர்கள், பத்தாம் வகுப்பு தேர்ச்சியுடன் ஐ.டி.ஐ படித்தவர்கள் மற்றும் அரபு நாட்டின் செல்லத்தக்க உரிமம் உள்ள ஓட்டுநர்கள் தேவைப்படுகின்றனர். மேலும், டிப்ளமோ மெக்கானிக் தேர்ச்சி பெற்ற ஆய்வாளர்கள் மற்றும் பத்தாம் வகுப்பு தேர்ச்சியுடன் ஐ.டி.ஐ படித்த இயந்திரம் இயக்குபவர்கள், தொழிற்சாலைகளில் பணிபுரிந்த பத்தாம் வகுப்பு தேர்ச்சி பெற்றவர்கள் மற்றும் தொழிற்சாலைகளில் பணிபுரிந்த அனுபவமுள்ள ஸ்டோர் கீப்பர்களும் தேவைப்படுகின்றனர்.
இப்பணிகளுக்கு விண்ணப்பிக்கும் அனைத்து பணியாளர்களுக்கும் குறைந்தபட்சம் 3 ஆண்டு முதல் 8 ஆண்டு வரை பணி அனுபவம் மற்றும் 28 முதல்35 வரை வயது வரம்பு இருத்தல் வேண்டும். தேர்ந்தெடுக்கப்படுபவர்களுக்கு திறமைக்கேற்றவாறு ஊதியம், உணவு, இருப்பிடம், விமான பயணச்சீட்டு, மருத்துவம் மற்றும் காப்பீட்டுத் திட்டம் போன்ற சலுகைகள் ஐக்கிய அரபு நாட்டின் சட்ட திட்டத்திற்கேற்றவாறு வழங்குவதுடன் மிகை நேர ஊதியமும் வழங்கப்படும். மேற்குறிப்பிட்ட பணியிடங்களுக்கு உரிய தகுதி மற்றும் விருப்பமிருப்பின், அவர்களது சுயவிவரங்கள் அடங்கிய விண்ணப்பத்துடன் கல்வித் தகுதி, அனுபவம், செல்லத்தக்க பாஸ்போர்ட் நகல்கள் மற்றும் மூன்று புகைப்படத்துடன் சென்னையில் ஒருங்கிணைந்த வேலைவாய்ப்பு அலுவலக வளாகத்திலுள்ள, அயல் நாட்டு வேலைவாய்ப்பு நிறுவனம், எண்.42 ஆலந்தூர் சாலை, திரு.வி.க. தொழிற்பேட்டை, கிண்டி, சென்னை - 600 032 என்ற முகவரியில் தொடர்பு கொள்ளலாம் எனத் தெரிவிக்கப்பட்டுள்ளது. மேலும் இதுதொடர்பான கூடுதல் விவரங்களையும், ஊதியம் மற்றும் பணி விவரங்களையும் இந்நிறுவனத்தின் 044- 22505886, 22500417, 8220634389, 9566239685 என்ற தொலைபேசி எண்களின் மூலமாகவும் அறிந்து கொள்ளலாம் எனவும், இந்நிறுவனம் இந்திய அரசின் வெளிநாடுவாழ் இந்தியர்களுக்கான விவகார அமைச்சகத்தால் வழங்கப்பட்ட அயல்நாட்டு வேலைவாய்ப்பு நிறுவனத்தின் முகவர் எனவும் தெரிவிக்கப்பட்டுள்ளது.

 

]]>
http://www.dinamani.com/all-editions/edition-coimbatore/nilgiris/2018/dec/02/அயல்நாட்டு-வேலைவாய்ப்புக்கு-விண்ணப்பிக்கலாம்-3049821.html
3049820 கோயம்புத்தூர் நீலகிரி சர்வதேச எய்ட்ஸ் தினம் உதகையில் அனுசரிப்பு DIN DIN Sunday, December 2, 2018 12:51 AM +0530
உதகையில் சர்வதேச எய்ட்ஸ் தினம் சனிக்கிழமை அனுசரிக்கப்பட்டது. இதையொட்டி பல்வேறு பகுதிகளில் விழிப்புணர்வு நிகழ்ச்சிகளும் நடத்தப்பட்டன.
ஆண்டுதோறும் டிசம்பர் 1 ஆம்தேதி உலக நாடுகளில் எய்ட்ஸ் தினமாக கடைப்பிடிக்கப்படுகிறது.
இந்நாளில் எய்ட்ஸ் நோயால் ஏற்படும் விளைவுகள் குறித்து பொதுமக்களிடையே விழிப்புணர்வு ஏற்படுத்தும் வகையில் பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன.
உதகையில் எய்ட்ஸ் நோய் குறித்து பொதுமக்களிடையே விழிப்புணர்வு ஏற்படுத்தும் வகையில் உதகை அரசு தலைமை மருத்துவமனையில் மரக்கன்று நடும் நிகழ்ச்சி நடைபெற்றது.
நீலகிரி மாவட்ட சுகாதாரத் துறை இணை இயக்குநர் இரியன் ரவிக்குமார் தலைமையில் நடைபெற்ற இந்நிகழ்ச்சியில் உதகை அரசு தலைமை மருத்துவமனையில் பணிபுரியும் மருத்துவர்களுடன், வெளி மாநிலங்களைச் சேர்ந்த மருத்துவர்களும் பழ வகைகளைச் சார்ந்த மரக்கன்றுகளை மருத்துவமனை வளாகத்தில் நடவு செய்தனர்.

 

]]>
http://www.dinamani.com/all-editions/edition-coimbatore/nilgiris/2018/dec/02/சர்வதேச-எய்ட்ஸ்-தினம்-உதகையில்-அனுசரிப்பு-3049820.html
3049819 கோயம்புத்தூர் நீலகிரி பேருந்து- பைக் மோதல்: இளைஞர் சாவு DIN DIN Sunday, December 2, 2018 12:51 AM +0530  

நீலகிரி மாவட்டம், குன்னூர்- மேட்டுப்பாளையம் தேசிய நெடுஞ்சாலையில் பர்லியாறு அருகே அரசுப் பேருந்தும், பைக்கும் மோதிக் கொண்ட விபத்தில் இளைஞர் சனிக்கிழமை உயிரிழந்தார்.
சாந்தூர் பகுதியைச் சேர்ந்த சங்கர் மகன் சாம் சார்லஸ்(23). அதே பகுதியைச் சேர்ந்த ரவிக்குமார் மகன் விக்னேஷ். இவர்கள் இருவரும் குன்னூர்- மேட்டுப்பாளையம் தேசிய நெடுஞ்சாலையில் பர்லியாறு அருகே பைக்கில் சனிக்கிழமை சென்றுகொண்டிருந்தார்.
அப்போது, கரூரில் இருந்து குன்னூருக்கு வந்து கொண்டிருந்த அரசுப் பேருந்தும், பைக்கும் நேருக்குநேர் மோதிக் கொண்டன.
இதில், சாம் சார்லஸுக்கு தலையில் பலத்த காயம் ஏற்பட்டு சம்பவ இடத்திலேயே உயிரிழந்தார்.
பைக்கை ஓட்டிச் சென்ற விக்னேஷ் படுகாயத்துடன் கோவை மருத்துவமனைக்கு கொண்டு செல்லப்பட்டார். இந்த விபத்து குறித்து வெலிங்டன் காவல் துறையினர் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-coimbatore/nilgiris/2018/dec/02/பேருந்து--பைக்-மோதல்-இளைஞர்-சாவு-3049819.html
3049818 கோயம்புத்தூர் நீலகிரி ஆசிரியர் கூட்டுறவு சங்கம் சார்பில் கடன் வழங்கும் விழா DIN DIN Sunday, December 2, 2018 12:50 AM +0530 நீலகிரி மாவட்ட ஆசிரியர்கள் கூட்டுறவு சிக்கன மற்றும் கடன் சங்கத்கின் சார்பில் கடன் வழங்கும் விழா சனிக்கிழமை நடைபெற்றது.
நிகழ்ச்சிக்கு தலைமை வகித்து நீலகிரி மண்டலக் கூட்டுறவு இணைப் பதிவாளர் லோகநாதன் பேசியதாவது:
நீலகிரி மாவட்ட ஆசிரியர்கள் கூட்டுறவு சிக்கன மற்றும் கடன் சங்கம் கடந்த 6 ஆண்டுகளாக கடன் வழங்காமல் செயல்பட்டு வந்தது. தனி நபர் மேற்கொள்ளும் முடிவை விட குழுவாக மேற்கொள்ளும் முடிவே ஆக்கப்பூர்வமாக இருக்கும் என்ற கொள்கையின் அடிப்படையில் கூட்டுறவு சங்கங்களின் துணைப் பதிவாளர் துரைசாமி தலைமையில் ஒரு குழு அமைக்கப்பட்டு, நீலகிரி மாவட்ட ஆசிரியர்கள் கூட்டுறவு சிக்கன மற்றும் கடன் சங்க உறுப்பினர்களுக்கு கடன் வழங்கலாம் என அறிக்கை சமர்ப்பிக்கப்பட்டது.
இந்த அறிக்கையின்படி நீலகிரி மாவட்ட மத்திய கூட்டுறவு வங்கியின் நிதியுதவியுடன் சங்கத்தின் உறுப்பினர்கள் 20 பேருக்கு ரூ.1.38 லட்சம் கடனாக வழங்கப்பட்டுள்ளது. கடன் பெறும் சங்க உறுப்பினர்கள் கடனை உரிய காலத்தில் தவணை முறையில் (இசிஎஸ் முறை) செலுத்த வேண்டும். வாங்கிய கடனை நல்ல முறையில் பயன்படுத்தி வாழ்வில் முன்னேற வேண்டும் என்றார்.
இந்நிகழ்ச்சியில் நீலகிரி மாவட்ட மத்திய கூட்டுறவு வங்கி மேலாண்மை இயக்குநர் ஜெ.நீலா, சரக துணைப் பதிவாளர் துரைசாமி, மாவட்ட முதன்மைக் கல்வி அலுவலர் நசுருதீன், மாவட்ட உடற்கல்வி இயக்குநர் சாய்ராம், நீலகிரி மாவட்ட ஆசிரியர் கூட்டுறவு சிக்கன மற்றும் கடன் சங்கத் தலைவர் ரவி மற்றும் சங்கத்தின் நிர்வாகக்குழு உறுப்பினர்கள், ஆசிரியர்கள் மற்றும் கூட்டுறவு சங்க பிரதிநிதிகள் பங்கேற்றனர்.

]]>
http://www.dinamani.com/all-editions/edition-coimbatore/nilgiris/2018/dec/02/ஆசிரியர்-கூட்டுறவு-சங்கம்-சார்பில்-கடன்-வழங்கும்-விழா-3049818.html
3049279 கோயம்புத்தூர் நீலகிரி வால்பாறையில் வீதியை மீறி கட்டப்படும் தங்கும் விடுதிகள் DIN DIN Saturday, December 1, 2018 01:40 AM +0530
வால்பாறை நகர் மற்றும் எஸ்டேட் பகுதிகளில் வீதியை மீறி தங்கும் விடுதிகள் கட்டப்பட்டு வருகின்றன.
வால்பாறைக்கு ஏராளமான சுற்றுலாப் பயணிகள் வந்து செல்கின்றனர். உதகை, கொடைக்கானல் ஆகிய பகுதிகளில் உள்ள படகு இல்லம், தாவரவியல் பூங்கா போல சுற்றுலாப் பயணிகளுக்காக வால்பாறையில் எந்த வேறு எந்த ஒரு சுற்றுலா அம்சமும் இல்லாததால் இங்கு வரும் சுற்றுலாப் பயணிகள் ஏமாற்றத்துடன் திரும்பிச் செல்கின்றனர்.
சுற்றுலாப் பயணிகளின் வருகை தொடர்ந்து அதிகரித்துக் காணப்பட்டதால், வால்பாறை காமராஜ் நகர், கூட்டுறவு காலனி, வாழைத் தோட்டம் உள்ளிட்ட பகுதிகளில் ஏராளமான தங்கும் விடுதிகள் கட்டப்பட்டு வருகின்றன.
இதேபோல, வால்பாறையை அடுத்த சோலையாறு அணைப் பகுதியிலும் நூற்றுக் கணக்கான தங்கும் விடுதிகள் உருவாகி வருகின்றன. பிற மாநிலங்களைச் சேர்ந்தவர்கள் தங்கும் விடுதி (காட்டேஜ்) எனும் பெயரில் விதியை மீறி அடுக்குமாடிக் கட்டடங்களைக் கட்டி வருகின்றனர்.
ஆனால், சுற்றுலாப் பயணிகளின் வருகையோ கடந்த காலத்தைவிட குறைந்து வருகிறது. இது குறித்து நகராட்சி அதிகாரிகளிடம் கேட்டபோது, விதிமீறல் கட்டடங்களின் உரிமையாளருக்கு நோட்டீஸ் அனுப்பியிருப்பதாக தெரிவித்தனர்.

 

]]>
http://www.dinamani.com/all-editions/edition-coimbatore/nilgiris/2018/dec/01/வால்பாறையில்-வீதியை-மீறி-கட்டப்படும்-தங்கும்-விடுதிகள்-3049279.html
3049278 கோயம்புத்தூர் நீலகிரி சொத்துவரி உயர்வுக்கு எதிர்ப்பு: ஆணையரிடம் பொது மக்கள் மனு DIN DIN Saturday, December 1, 2018 01:40 AM +0530
வால்பாறையில் உயர்த்தப்பட்ட சொத்துவரியைக் குறைக்க வலியுறுத்தி பொது மக்கள் நகராட்சி ஆணையரிடம் வெள்ளிக்கிழமை மனு அளித்தனர்.
வால்பாறை நகராட்சி மூலமாக வணிகக் கட்டடம், குடியிருப்பு என தனித்தனியாக சொத்துவரி வசூலிக்கப்படுகிறது.
இதேபோல, தேயிலை தோட்டத் தொழிலாளர்களிடம் இருந்து தொழில் வரியும் பிடித்தம் செய்து எஸ்டேட் நிர்வாகத்தினர் நகராட்சிக்கு செலுத்தி வருகின்றனர்.
இந்நிலையில், 2018-19ஆம் ஆண்டுக்கான சொத்துவரி இருமடங்காக உயர்த்தப்பட்டுள்ளது. குடிநீர் வரியும் உயர்த்தப்பட்டிருப்பதாகத் தெரிகிறது. இதற்கு எதிர்ப்பு தெரிவித்தும், உயர்த்தப்பட்ட சொத்துவரியை குறைக்க வலியுறுத்தியும் வால்பாறை பகுதி மக்கள் திரளானோர் நகராட்சி ஆணையர் ராஜகோபாலிடம் மனு அளித்தனர்.

 

]]>
http://www.dinamani.com/all-editions/edition-coimbatore/nilgiris/2018/dec/01/சொத்துவரி-உயர்வுக்கு-எதிர்ப்பு-ஆணையரிடம்-பொது-மக்கள்-மனு-3049278.html
3049276 கோயம்புத்தூர் நீலகிரி பெயரளவில் பேருந்து நிலையங்கள்: அடிப்படை வசதிகளின்றி பயணிகள் அவதி DIN DIN Saturday, December 1, 2018 01:40 AM +0530
வால்பாறையில் அடிப்படை வசதிகள் ஏதுமின்றி பெயரளவில் செயல்படும் பேருந்து நிலையங்களால் பயணிகள் அவதிக்குள்ளாகி வருகின்றனர்.
வால்பாறையில் அரசுப் போக்குவரத்துக் கிளையில் இருந்து 38 அரசுப் பேருந்துகள் இயக்கப்பட்டு வருகின்றன. வால்பாறை புதிய பேருந்து நிலையத்தில் இருந்து பொள்ளாச்சி, பழனி, திருப்பூர், கோவை பகுதிகளுக்கும், காந்தி சிலை பேருந்து நிறுத்தத்தில் இருந்து அனைத்து எஸ்டேட் பகுதிகளுக்கும் பேருந்துகள் இயக்கப்பட்டு வருகின்றன. இதேபோல, பழைய பேருந்து நிலையத்தில் இருந்து அக்காமலை, கருமலை ஆகிய எஸ்டேட் பகுதிகளுக்கும் பேருந்துகள் இயக்கப்பட்டு வருகின்றன.
இந்நிலையில், கடந்த 15 ஆண்டுகளுக்கு முன்னர் பல லட்சம் செலவில் புதிய பேருந்து நிலையம் கட்டப்பட்டது. இங்கு சில ஆண்டுகள் மட்டுமே பேருந்துகளை நிறுத்தி வந்த ஓட்டுநர்கள், தற்போது சாலையிலேயே பேருந்துகளை நிறுத்தி பயணிகளை ஏற்றி, இறக்கிச் செல்கின்றனர். இதனால், புதிய பேருந்து நிலையம் என்பது பெயரவில் மட்டுமே உள்ளது.
இதேபோல, பழைய பேருந்து நிலையமும் புதுப்பிக்கப்படாமல் பழுதடைந்த நிலையில் காட்சியளிக்கிறது. இந்த இரண்டு பேருந்து நிலையங்களிலும் கழிப்பிட வசதிகூட இல்லாததால் பயணிகள் கடும் அவதிக்குள்ளாகி வருகின்றனர். வால்பாறை நகராட்சி மூலமாக பல கோடி மதிப்பிலான வளர்ச்சிப் பணிகள் மேற்கொள்ளப்பட்டுள்ள நிலையில், பொது மக்களின் அத்தியாவசியத் தேவையான கழிப்பிடம் கட்ட வேண்டும் என பொது மக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-coimbatore/nilgiris/2018/dec/01/பெயரளவில்-பேருந்து-நிலையங்கள்-அடிப்படை-வசதிகளின்றி-பயணிகள்-அவதி-3049276.html
3049275 கோயம்புத்தூர் நீலகிரி வால்பாறையில் தேயிலை உற்பத்தி அதிகரிப்பு DIN DIN Saturday, December 1, 2018 01:39 AM +0530
வால்பாறை எஸ்டேட் பகுதிகளில் தட்பவெப்ப நிலை மாற்றத்தால் தேயிலை உற்பத்தி அதிகரித்துள்ளது.
வால்பாறை பகுதியில் பல ஆயிரம் ஹெக்டேர் பரப்பளவில் தேயிலை பயிரிடப்பட்டுள்ளது. தேயிலைத் தொழில் மட்டுமே இங்கு வாழ்வாதாரமாகும். தேயிலைத் தோட்டங்களில் 30 ஆயிரத்துக்கும் மேற்பட்ட தொழிலாளர்கள் பணியாற்றி வருகின்றனர். தேயிலை உற்பத்திக்கு தட்பவெப்ப நிலை முக்கியமாகும். வெயிலுக்குப்பின் மழை, மழைக்குப்பின் வெயில் என மாறி வரும் தட்பவெப்ப நிலையால் உற்பத்தி தொடர்ந்து அதிகரித்து காணப்படும். இந்நிலையில், தற்போது கடந்த ஒரு மாதமாகவே தேயிலை உற்பத்தி அதிகரித்து வருவதால் வேலையின்றி இருந்த தொழிலாளர்களுக்கு தினந்தோறும் வேலை கிடைத்துள்ளது.

 

]]>
http://www.dinamani.com/all-editions/edition-coimbatore/nilgiris/2018/dec/01/வால்பாறையில்-தேயிலை-உற்பத்தி-அதிகரிப்பு-3049275.html
3049274 கோயம்புத்தூர் நீலகிரி விவசாயிகளுக்கு நுண்ணீர் பாசனக் கருவிகள் விநியோகம் DIN DIN Saturday, December 1, 2018 01:39 AM +0530
நீலகிரி மாவட்ட தோட்டக்கலைத் துறையின் சார்பில் ஆனைகட்டி கிராமத்திலுள்ள பழங்குடியின விவசாயிகளுக்கு நுண்ணீர் பாசனக் கருவிகள் வெள்ளிக்கிழமை வழங்கப்பட்டன.
பிரதமரின் நுண்ணீர் பாசனத் திட்டத்தின்கீழ் நடைபெற்ற இந்நிகழ்ச்சியில் பங்கேற்ற மாவட்ட ஆட்சியர் இன்னசென்ட் திவ்யா 47 பழங்குடியினருக்கு ரூ. 5.2 லட்சம் மதிப்பிலான நுண்ணீர் பாசனக் கருவிகளை வழங்கினார்.
அப்போது அவர் பேசியதாவது:
மத்திய, மாநில அரசுகளின் சார்பில் வழங்கப்படும் அனைத்து நலத்திட்ட உதவிகளையும் பழங்குடியினர் பயன்படுத்திக் கொள்ள வேண்டும். மகாத்மா காந்தி தேசிய வேலை உறுதித் திட்டத்தின்கீழ் கிராமப்புற தனி நபர் மற்றும் பொதுசொத்துகளை உருவாக்குதல் போன்ற விவசாயிகள் பயனடையக் கூடியத் திட்டங்களை பயன்படுத்திக் கொள்ள வேண்டும் என்றார்.
தொடர்ந்து வேளாண் பொறியியல் துறையின் மானியத் திட்டங்கள் குறித்து வேளாண் உதவி செயற்பொறியாளர் பாலசுப்பிரமணியம் விளக்கினார். இதையடுத்து நுண்ணீர் பாசனக் கருவிகள் இயக்கம் குறித்து விவசாயிகளுக்கு பயிற்சியளிக்கப்பட்டது. நிகழ்ச்சியின் தொடக்கத்தில் தோட்டக்கலை துணை இயக்குநர் மீராபாய் வரவேற்றார். உதவி இயக்குநர் ராதாகிருஷ்ணன் நன்றி கூறினார்.

 

]]>
http://www.dinamani.com/all-editions/edition-coimbatore/nilgiris/2018/dec/01/விவசாயிகளுக்கு-நுண்ணீர்-பாசனக்-கருவிகள்-விநியோகம்-3049274.html
3049273 கோயம்புத்தூர் நீலகிரி கூடலூர், பந்தலூர் பகுதியில் பழங்குடி மக்களுக்கு இலவச வீடுகள் கட்டுவது குறித்து ஆலோசனை DIN DIN Saturday, December 1, 2018 01:39 AM +0530
கூடலூர், பந்தலூர் ஆகிய பகுதிகளில் பழங்குடி மக்களுக்கு 1200 வீடுகள் கட்டும் திட்டம் குறித்து மாவட்ட ஆட்சியர் இன்னசென்ட் திவ்யா வெள்ளிக்கிழமை ஆலோசனை நடத்தினர்.
முன்னதாக ஊரகப் பகுதியில் நடைபெறும் வளர்ச்சிப் பணிகள் குறித்து ஆய்வு மேற்கொண்ட மாவட்ட ஆட்சியர் ஊராட்சி ஒன்றியக் குழு அரங்கில் அரசு அதிகாரிகள், பழங்குடி பயனாளிகளிடம் கலந்தாய்வு நடத்தினார். தொடர்ந்து நடைபெற்ற கூட்டத்தில் அவர் பேசியதாவது:
பழங்குடி மக்களுக்கு பல்வேறு திட்டத்தின்கீழ் 1200 வீடுகள் பயனாளிகளே அரசு அனுமதித்துள்ள நிதியில் கட்டிக்கொள்ளலாம்.
பல இடங்களில் இயற்கையமைப்பு கடுமையாக உள்ளதால் பணிகளைத் தொடர இடர்பாடுகள் அதிகம். அதனால் அரசின் நிதி பற்றாக்குறையாக உள்ளது என்ற பழங்குடி மக்களின் கருத்தை ஏற்று அவ்வாறு உள்ள இடங்களில் ஒப்பந்ததாரர்களை நியமித்து வீடுகளை கட்டலாம். உச்ச நீதிமன்றத்தின் வழிகாட்டுதலின்பேரில் ஜென்ம நிலங்களில் பழங்குடி மக்களுக்கு மட்டும் வளர்ச்சிப் பணிகள் நடைபெற்று வருகின்றன.
பயனாளிகள் வீடுகட்டும் பணிகளை துரிதப்படுத்த வேண்டும்.
கூடலூர், பந்தலூர் பகுதியிலுள்ள ஊரகப் பகுதிகளில் தாயகம் திரும்பிய தமிழர்களுக்கு அரசு 528 வீடுகள் கட்ட நடவடிக்கை மேற்கொண்டுள்ளது. பட்டா உள்ள பயனாளிகளுக்கு மட்டுமே இத்திட்டம் பொருந்தும் என்றார்.
கூடலூர் நகரில் உள்ள குறுகிய சாலையில் தடுப்பு அமைத்துள்ளதால் வாகன ஓட்டிகள், பொதுமக்கள் பெரிதும் பாதிக்கப்பட்டுள்ளனர்; வியாபாரிகளுக்கும் பெரிய இடையூறாக உள்ளது என்ற கேள்விக்கு மாவட்ட எஸ்.பி.யுடன் கூட்டு ஆய்வு மேற்கொண்ட பிறகு அது குறித்து அடுத்த கட்ட நடவடிக்கை மேற்கொள்ளப்படும் என்றார்.
கூட்டத்தில் கூடலூர் கோட்டாட்சியர் (பொ) முருகையன், வட்டாட்சியர் மகேந்திரன், கூடலூர் நகராட்சி ஆணையர் பார்வதி, நகராட்சிகளின் ஆணையர்கள், பேரூராட்சிகளின் செயல் அலுவலர்கள், வட்டார வளர்ச்சி அலுவலர்கள், உதவி இயக்குநர்கள் மற்றும் பழங்குடி பயனாளிகள் மற்றும் அவர்களின் பிரதிநிதிகள் கலந்துகொண்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/01/கூடலூர்-பந்தலூர்-பகுதியில்-பழங்குடி-மக்களுக்கு-இலவச-வீடுகள்-கட்டுவது-குறித்து-ஆலோசனை-3049273.html
3049271 கோயம்புத்தூர் நீலகிரி கூடலூர் டி.எஸ்.பி. அலுவலகத்தை முற்றுகையிட்ட வியாபாரிகள் DIN DIN Saturday, December 1, 2018 01:39 AM +0530
போக்குவரத்து நெரிசல் பிரச்னைக்குத் தீர்வு காண வலியுறுத்தி கூடலூர் வியாபாரிகள் சங்கத்தினர் டி.எஸ்.பி.அலுவலகத்தை வெள்ளிக்கிழமை முற்றுகையிட்டனர்.
நீலகிரி மாவட்டம், கூடலூரில் குறுகிய சாலைகளில் தடுப்பு அமைக்கப்பட்டுள்ளதால் பொதுமக்கள் மற்றும் வாகன ஓட்டிகள் உள்பட அனைத்து தரப்பினரும் பாதிக்கப்பட்டுள்ளனர். பொதுமக்கள் கடைகளில் பொருள்களை வாங்கிக் கொண்டு சாலையைக் கடந்து செல்ல முடிவதில்லை.
அத்துடன் வாகனங்கள் செல்ல இடவசதியின்றி போக்குவரத்து நெரிசல் ஏற்பட்டு வருகின்றது. இதனால் நோயாளிகளை அவசர சிகிச்சைக்காக அண்டை மாநில மருத்துவமனைக்கு கொண்டு செல்லும் ஆம்புலன்ஸ் போக்குவரத்து நெரிசலில் சிக்கி தவிக்கும் நிலை ஏற்படுகிறது.
இது நோயாளிகளின் உயிருக்கு ஆபத்து ஏற்படும் சூழலை ஏற்படுத்தி வருகிறது.
உதகை சாலையில் ஸ்டேட் பாங்க் சந்திப்பு, விநாயகர் கோயில் சந்திப்புகளில் பேருந்துகள் நின்று பயணிகளை ஏற்றி இறக்கும் நேரங்களில் பின்னால் வரும் வாகனங்கள் செல்லமுடியாமல் அடிக்கடி போக்குவரத்து நெரிசல் ஏற்படுவதால் அனைத்து தரப்பினரும் கடுமையாகப் பாதிக்கப்பட்டுள்ளனர்.
இதுதொடர்பாக வியாபாரிகள் சங்கம் உள்பட பல்வேறு தரப்பினர் தொடர்ந்து மனு அளித்து வருகின்றனர். இந்நிலையில் ஏற்கெனவே அளிக்கப்பட்ட மனு மீது விரைந்து நடவடிக்கை எடுக்க வலியுறுத்தி கூடலூர் வியாபாரிகள் சங்கத்தினர் டி.எஸ்.பி.அலுவலகத்தை முற்றுகையிட்டனர்.

 

]]>
http://www.dinamani.com/all-editions/edition-coimbatore/nilgiris/2018/dec/01/கூடலூர்-டிஎஸ்பி-அலுவலகத்தை-முற்றுகையிட்ட-வியாபாரிகள்-3049271.html
3049270 கோயம்புத்தூர் நீலகிரி நீலகிரியில் பரவலாக மழை DIN DIN Saturday, December 1, 2018 01:38 AM +0530
 நீலகிரி மாவட்டத்தில் வியாழக்கிழமை இரவிலிருந்து பரவலாக மழை பெய்துள்ளது.
இதில் அதிக அளவாக குன்னூரில் 44 மி.மீ . மழை பதிவாகியுள்ளது. அதேபோல, மாவட்டத்தில் வெள்ளிக்கிழமை காலை வரை பர்லியாறில் 30 மி.மீ., கொடநாட்டில் 27 மி.மீ., கோத்தகிரியில் 19 மி.மீ., உதகையில் 16.2 மி.மீ., கேத்தியில் 14 மி.மீ., குந்தாவில் 12 மி.மீ., கெத்தை மற்றும் கிண்ணக்கொரையில் தலா 11 மி.மீ., எமரால்டில் 10 மி.மீ., அவலாஞ்சி மற்றும் கிளன்மார்கனில் தலா 8 மி.மீ., மேல்பவானியில் 6 மி.மீ., கல்லட்டியில் 5 மி.மீ. என மழை பதிவாகியுள்ளது.

 

]]>
http://www.dinamani.com/all-editions/edition-coimbatore/nilgiris/2018/dec/01/நீலகிரியில்-பரவலாக-மழை-3049270.html
3048942 கோயம்புத்தூர் நீலகிரி மாணவிக்குப் பாலியல் தொல்லை: இளைஞருக்கு 10 ஆண்டு சிறை DIN DIN Friday, November 30, 2018 09:19 AM +0530 பள்ளி மாணவிக்குப் பாலியல் தொல்லை கொடுத்தவருக்கு 10 ஆண்டுகள் சிறை தண்டனை விதித்து உதகை மகளிர் நீதிமன்றம் தீர்ப்பளித்துள்ளது. 
நீலகிரி மாவட்டம், மஞ்சூர் அருகே உள்ள கிண்ணக்கொரை பகுதியைச் சேர்ந்த ரவிசங்கர் மகன் பிரதாப் (21). இவர் வேலை ஏதுமின்றி வீட்டிலேயே இருந்துள்ளார். 2017 ஏப்ரல் 3ஆம் தேதி தனது வீட்டுக்கு அருகில் வசித்து வந்த 11 வயது பள்ளி மாணவிக்குப் பாலியல் தொல்லை கொடுத்துள்ளார். அத்துடன் இந்த விஷயத்தை வெளியில் சொல்லக்கூடாது என மிரட்டி வந்துள்ளார். 
இதுகுறித்து மாணவியின் குடும்பத்தினருக்குத் தகவல் தெரிந்ததை அடுத்து மஞ்சூர் காவல் நிலையத்தில் புகார் அளித்தனர். இப்புகாரின் அடிப்படையில்  மஞ்சூர் போலீஸார் பிரதாப்பை கைது செய்தனர்.
 இந்த வழக்கு உதகை மாவட்ட மகளிர் நீதிமன்றத்தில் நடந்து வந்தது. இதையடுத்து நீதிபதி முரளிதரன் வியாழக்கிழமை தீர்ப்பளித்தார்.  பள்ளி மாணவிக்குப் பாலியல் தொல்லை அளித்ததற்காக பிரதாப்புக்கு 10 ஆண்டுகள் சிறை தண்டனை  மற்றும் ரூ.3,000 அபராதமும், மாணவியை  மிரட்டியதற்காக  கூடுதலாக  ஓராண்டு சிறை தண்டனை மற்றும் ரூ.1,000 அபராதமும் விதித்ததுடன்,  இவ்விரண்டு சிறை தண்டனைகளையும்  ஏக காலத்தில் அனுபவிக்க வேண்டும் என  உத்தரவிட்டார். இவ்வழக்கில் அரசு தரப்பில் மகளிர் நீதிமன்ற அரசு வழக்குரைஞர் மாலினி பிரபாகர் ஆஜரானார்.

]]>
http://www.dinamani.com/all-editions/edition-coimbatore/nilgiris/2018/nov/30/மாணவிக்குப்-பாலியல்-தொல்லை-இளைஞருக்கு-10-ஆண்டு-சிறை-3048942.html
3048941 கோயம்புத்தூர் நீலகிரி குன்னூர் அருகே குட்டியுடன் நுழைந்த 4 காட்டு யானைகள் DIN DIN Friday, November 30, 2018 09:19 AM +0530 குன்னூர் அருகே டெரேமியா பகுதியில் குட்டியுடன் நுழைந்த 4 காட்டு யானைகள் விளைநிலத்தை சேதப்படுத்தி வருவதால் விவசாயிகள் கவலை அடைந்துள்ளனர்.
நீலகிரி மாவட்டம், குன்னூர் அருகே தூதூர்மட்டம், மஞ்சக்கம்பை, மேலூர் ஒசட்டி, ஒடயரட்டி, கெரடாலீஸ், டெரேமியா உள்ளிட்ட பகுதிகள் குந்தா வனத் துறையின் கட்டுப்பாட்டில் உள்ளன. இப்பகுதிகள் அடர்ந்த தேயிலைத் தோட்டம், விளை நிலம், வனப் பகுதியை ஒட்டி அமைந்துள்ளன. 
தேயிலைத் தோட்டத்தை முறையாக தோட்ட உரிமையாளர்கள் பராமரிக்காததால் முள்புதர்கள் சூழ்ந்துள்ளது.  இந்நிலையில் மஞ்சக்கம்பை வழியாக ஒடயரட்டி கிராமத்தில் குட்டியுடன் நுழைந்த  4 காட்டு யானைகள் டெரேமியா பகுதியில் உள்ள 10ஆம் நம்பர் எஸ்டேட் அருகே விளைநிலத்தில் நுழைந்து அங்கிருந்த பயிர்களையும், அங்கிருந்த தண்ணீர் மோட்டார்கள், தடுப்புகள், குழாய்கள் ஆகியவற்றை சேதப்படுத்திச் சென்றன. இதனால் விவாயிகளுக்கு சுமார் ரூ.6 லட்சம்  ரூபாய் வரை இழப்பு  ஏற்பட்டதாக கூறப்படுகிறது. 
இந்நிலையில் 10ஆம் நம்பர்  எஸ்டேட் பகுதி, தூதூர்மட்டம், கெரடாலீஸ், அணிமன்  உள்ளிட்ட  பகுதிகளில்  காட்டு யானைகளுக்குத் தேவையான உணவுப் பொருள்கள் அதிகளவில் இருப்பதால் இந்த யானைக் கூட்டம் தொடர்ந்து இப்பகுதிக்கு  வர வாய்பிருப்பதால் விவசாயிகள் அச்சத்தில் உள்ளனர். 
எனவே, இந்த யானைக் கூட்டத்தை அடர்ந்த வனப் பகுதிக்குள் வனத் துறையினர் துரத்த வேண்டும் என்ற  கோரிக்கை வலுத்துள்ளது.
 

]]>
http://www.dinamani.com/all-editions/edition-coimbatore/nilgiris/2018/nov/30/குன்னூர்-அருகே-குட்டியுடன்-நுழைந்த-4-காட்டு-யானைகள்-3048941.html
3048610 கோயம்புத்தூர் நீலகிரி உதகையில் உறைபனி: இயல்பு வாழ்க்கை பாதிப்பு DIN DIN Friday, November 30, 2018 05:34 AM +0530 உதகை மற்றும் சுற்றுப் பகுதிகளில் கடந்த 2 நாள்களாக உறைபனி  கொட்டி வரும் நிலையில் வியாழக்கிழமை பிற்பகலிலிருந்து பரவலாக மழை பெய்தது. திடீரென மாறிய காலநிலையால் பொதுமக்களின் இயல்பு வாழ்க்கை வெகுவாக பாதிக்கப்பட்டுள்ளது.
நீலகிரி மாவட்டம் உதகை மற்றும் சுற்றுப் பகுதிகளில் கடந்த ஒரு வாரமாக நீர்ப் பனி கொட்டி வந்த நிலையில் உதகையைச் சுற்றியுள்ள பகுதிகளில் திங்கள்கிழமை இரவில் சில இடங்களிலும், செவ்வாய்க்கிழமை இரவு பெரும்பாலான பகுதிகளிலும்  உறைபனி கொட்டியது. இதனால் குறைந்தபட்ச வெப்பநிலையாக நகருக்குள் 4 டிகிரி வரையிலும், நகர்ப் பகுதிகளில் பூஜ்யம் டிகிரி வரையிலும் வெப்பநிலை பதிவாகியிருந்தது. 
இந்நிலையில் வியாழக்கிழமை பிற்பகலிலிருந்து பரவலாக மழை பெய்யத் தொடங்கியது. இதனால் நகரில் கடும் குளிர் குறைந்துள்ளது. தற்போது பெய்து வரும் மழை மேலும் இரண்டு நாட்களுக்கு நீடிக்குமென  வானிலை ஆராய்ச்சி மையம் தெரிவித்துள்ளது. 2 நாள் உறைபனியைத் தொடர்ந்து திடீரென மழை பெய்யத் தொடங்கியிருப்பது விவசாயிகளிடத்தில் மகிழ்ச்சியை ஏற்படுத்தியுள்ளது.
 குன்னூர், கோத்தகிரியில்...: குன்னூர், கோத்தகிரியில் வியாழக்கிழமை மாலை முதல் சாரல் மழையும், கடும் பனி மூட்டமும் காணப்படுவதால் பொதுமக்கள் மற்றும் சுற்றுலாப் பயணிகள் பெரும் அவதிக்குள்ளாகியுள்ளனர்.
குன்னூர், கோத்தகிரி மற்றும் அதன் சுற்று வட்டாரப் பகுதிகளில் தொடர்ந்து மழை பெய்து வரும் நிலையில் பனியின் தாக்கம் அதிகரித்துள்ளது. கடும் பனிமூட்டத்தால் பகல் நேரங்களில் வாகனங்களை இயக்கமுடியாமல் ஓட்டுநர்கள் சிரமம் அடைந்தனர். மலைப் பகுதியில் வாகனங்கள் முகப்பு விளக்கை எரியவிட்டபடி  சென்றன.
இந்நிலையில் கடும் குளிரால் தேயிலை தோட்டங்களில் பணிபுரியும் தொழிலாளர்கள் பணிக்குச் செல்லாமல் வீடுகளில் முடங்கியுள்ளனர். மழை மற்றும் பனியால் சுற்றுலாப் பயணிகள் வருகையும் குறைந்துள்ளது. 
 

]]>
http://www.dinamani.com/all-editions/edition-coimbatore/nilgiris/2018/nov/30/உதகையில்-உறைபனி-இயல்பு-வாழ்க்கை-பாதிப்பு-3048610.html
3048609 கோயம்புத்தூர் நீலகிரி குன்னூர் அருகே குட்டியுடன் நுழைந்த 4 காட்டு யானைகள் DIN DIN Friday, November 30, 2018 05:34 AM +0530 குன்னூர் அருகே டெரேமியா பகுதியில் குட்டியுடன் நுழைந்த 4 காட்டு யானைகள் விளைநிலத்தை சேதப்படுத்தி வருவதால் விவசாயிகள் கவலை அடைந்துள்ளனர்.
நீலகிரி மாவட்டம், குன்னூர் அருகே தூதூர்மட்டம், மஞ்சக்கம்பை, மேலூர் ஒசட்டி, ஒடயரட்டி, கெரடாலீஸ், டெரேமியா உள்ளிட்ட பகுதிகள் குந்தா வனத் துறையின் கட்டுப்பாட்டில் உள்ளன. இப்பகுதிகள் அடர்ந்த தேயிலைத் தோட்டம், விளை நிலம், வனப் பகுதியை ஒட்டி அமைந்துள்ளன. 
தேயிலைத் தோட்டத்தை முறையாக தோட்ட உரிமையாளர்கள் பராமரிக்காததால் முள்புதர்கள் சூழ்ந்துள்ளது.  இந்நிலையில் மஞ்சக்கம்பை வழியாக ஒடயரட்டி கிராமத்தில் குட்டியுடன் நுழைந்த  4 காட்டு யானைகள் டெரேமியா பகுதியில் உள்ள 10ஆம் நம்பர் எஸ்டேட் அருகே விளைநிலத்தில் நுழைந்து அங்கிருந்த பயிர்களையும், அங்கிருந்த தண்ணீர் மோட்டார்கள், தடுப்புகள், குழாய்கள் ஆகியவற்றை சேதப்படுத்திச் சென்றன. இதனால் விவாயிகளுக்கு சுமார் ரூ.6 லட்சம்  ரூபாய் வரை இழப்பு  ஏற்பட்டதாக கூறப்படுகிறது. 
இந்நிலையில் 10ஆம் நம்பர்  எஸ்டேட் பகுதி, தூதூர்மட்டம், கெரடாலீஸ், அணிமன்  உள்ளிட்ட  பகுதிகளில்  காட்டு யானைகளுக்குத் தேவையான உணவுப் பொருள்கள் அதிகளவில் இருப்பதால் இந்த யானைக் கூட்டம் தொடர்ந்து இப்பகுதிக்கு  வர வாய்பிருப்பதால் விவசாயிகள் அச்சத்தில் உள்ளனர். 
எனவே, இந்த யானைக் கூட்டத்தை அடர்ந்த வனப் பகுதிக்குள் வனத் துறையினர் துரத்த வேண்டும் என்ற  கோரிக்கை வலுத்துள்ளது.
 

]]>
http://www.dinamani.com/all-editions/edition-coimbatore/nilgiris/2018/nov/30/குன்னூர்-அருகே-குட்டியுடன்-நுழைந்த-4-காட்டு-யானைகள்-3048609.html
3047966 கோயம்புத்தூர் நீலகிரி உதகையில் 61 ஆண்டுகளான உருளைக்கிழங்கு ஆராய்ச்சி மையத்தை மூட மத்திய அரசு முடிவு! விவசாயிகள் அதிர்ச்சி ஏ.பேட்ரிக் DIN Thursday, November 29, 2018 06:43 AM +0530 உதகை-முத்தொரை பாலடாவிலுள்ள 61 ஆண்டுகள் பழமையான மத்திய உருளைக்கிழங்கு ஆராய்ச்சி மையத்தை மூட மத்திய அரசு முடிவெடுத்துள்ளதாகத் தெரிகிறது. இதனால் தென்னிந்திய உருளைக்கிழங்கு விவசாயிகள் பெரும் அதிர்ச்சியில் ஆழ்ந்துள்ளனர்.
நீலகிரி மாவட்டம், உதகையில் முத்தொரை பாலடா பகுதியில் மத்திய உருளைக்கிழங்கு ஆராய்ச்சி மையம் அமைந்துள்ளது.  கடந்த 1957ஆம் ஆண்டில் தொடங்கப்பட்ட இந்த உருளைக்கிழங்கு ஆராய்ச்சி மையம் வட மாநிலங்களிலும், தென் மாநிலங்களிலும் உள்ள உருளைக்கிழங்கு விவசாயிகளுக்கு பாலமாகச் செயல்பட்டு வருகிறது. 
தென் மாநிலங்களில் தமிழகம், கர்நாடகம், கேரளம் உள்ளிட்ட மாநிலங்களிலும், வட இந்தியாவில் ஹிமாசல்,  உத்தரகண்ட், ஜம்மு-காஷ்மீர் மாநிலங்களிலும் உருளைக்கிழங்கு அதிக அளவில் சாகுபடி செய்யப்படுகிறது. 
இருப்பினும் தென் மாநிலங்களில் உருளைக்கிழங்கு ஆராய்ச்சிக்காக உள்ள ஒரே மையம்  உதகையிலுள்ள ஆய்வு மையம் மட்டுமே. 
உலகிலேயே  நீலகிரி மாவட்டத்தில் மட்டும்தான் ஆண்டுக்கு மூன்று போகங்களிலும் உருளைக்கிழங்கு சாகுபடி செய்யப்படுகிறது.  உருளைக்கிழங்கு விவசாயத்தைப் பொருத்த வரை நூற்புழுத் தாக்குதல் (நெமட்டோட்),  இலைக்கருகல் (லேட் பிளைட்)  ஆகிய நோய்களே பெரும் சவாலாக  இருந்தன. இவ்விரு பிரச்னைகளுக்கும் தீர்வு காணும் வகையில் புதிய ரக உருளைக்கிழங்கு விதை உதகை ஆராய்ச்சி மையத்தில்தான் கண்டுபிடிக்கப்பட்டது.  
கடந்த 1961ஆம் ஆண்டில் இத்தகைய நோய் தாக்குதல் குறித்து நீலகிரியிலிருந்தே புகார் அளிக்கப்பட்டபோது   இவ்விரு நோய்களையும் எதிர்த்து சமாளிக்கக்கூடிய வகையிலான "குப்ரி ஸ்வர்ணா' என்ற புதிய ரக உருளைக்கிழங்கு விதை நாட்டிலேயே முதன்முறையாக  இங்கு உருவாக்கப்பட்டது. இந்த ரகம் தற்போது நீலகிரி  மட்டுமின்றி நாட்டின் பெரும்பாலான பகுதிகளில் சாகுபடிசெய்யப்படுகிறது. 
அதைத் தொடர்ந்து மிகுந்த நோய் எதிர்ப்புச் சக்தி கொண்ட "குப்ரி கிர்தாரி,  குப்ரி ஹிமாலினி,  குப்ரி சூர்யா' உள்ளிட்ட ரகங்கள் உருவாக்கப்பட்டுள்ளன. புதிய ரகமான "குப்ரி சஹ்யாத்ரி' என்ற ரகம் கடந்த அக்டோபர் மாதம் அறிமுகப்படுத்தப்பட்டது.
உதகை ஆராய்ச்சி மையத்தில் உருவாக்கப்படும் புதிய ரக விதைகள்தான் உருளைக்கிழங்கு விவசாயிகளிடம் நம்பிக்கையை ஏற்படுத்தி தொடர்ந்து விவசாயத்தில் ஈடுபடுவதற்கு ஆதாரமாக விளங்குகின்றன. 
இந்நிலையில், இந்த மையத்தை மூடிவிடலாம் என இந்திய வேளாண்மை ஆராய்ச்சி மையம் மத்திய வேளாண்மைத் துறைக்குப் பரிந்துரைத்துள்ளது. அதனை மத்திய வேளாண்மைத் துறை அமைச்சகமும் ஏற்றுக் கொண்டதாகக் கூறப்படுகிறது. இந்தத் தகவலால் நாட்டிலுள்ள உருளைக்கிழங்கு விவசாயிகள் பெரும் அதிர்ச்சி அடைந்துள்ளனர். 
நீலகிரி மாவட்டத்தைப் பொருத்தவரை கடந்த 15 ஆண்டுகளுக்கு முன்னர் சுமார் 6,000 ஹெக்டேர் பரப்பளவில் சாகுபடி செய்யப்பட்டுவந்த உருளைக்கிழங்கு, தற்போது சுமார் 2,000 ஹெக்டேர் பரப்பளவில் மட்டுமே பயிரிடப்படுகிறது. 
உருளைக்கிழங்கிற்கு போதிய விலை கிடைக்காதது, பருவ மழை தாமதம்  உள்ளிட்ட பல்வேறு பிரச்னைகளால் உருளைக்கிழங்கு சாகுபடி பின்னுக்குத் தள்ளப்பட்டுவிட்டது. 
அதேசமயம் 10 ஆண்டுகளுக்கு முன்னர் சுமார் 2,000 ஹெக்டேர் பரப்பளவில் பயிரிடப்பட்ட கேரட் தற்போது 6,000 ஹெக்டேர் வரை பயிரிடப்படுவதாக தோட்டக்கலைத் துறை இணை இயக்குநர் சிவசுப்பிரமணியம் சாம்ராஜ் தெரிவிக்கிறார்.  
கேரட் விவசாயத்தில் செலவினங்கள் அதிகம் என்றாலும், லாபம் அதிக அளவில் கிடைப்பதால் பெரும்பாலான  உருளைக்கிழங்கு விவசாயிகள் கேரட் விவசாயத்துக்கு மாறிவிட்டனர்.
ஏற்கெனவே உருளைக்கிழங்கு சாகுபடியைத் தாக்கி வந்த இரு நோய்களுக்குத் தீர்வாக உதகை ஆராய்ச்சி மையத்தின் மூலம் புதிய விதை ரகங்கள் கண்டறியப்பட்டுள்ள சூழலில், தற்போது இம்மையத்தை மூடிவிட்டால் எதிர்காலத்தில் நீலகிரியில் உருளைக்கிழங்கு விவசாயம் அழிந்துவிடும்  அபாயம் உள்ளது.  
நீலகிரி மாவட்டத்தில் உற்பத்தி செய்யப்படும் உருளைக்கிழங்கிற்கு இலங்கை உள்ளிட்ட பெரும்பாலான வெளிநாடுகளில் நல்ல வரவேற்புள்ளது.  எனவே உதகை- முத்தொரையிலுள்ள மத்திய உருளைக்கிழங்கு ஆராய்ச்சி மையத்தை மூடுவது என்ற முடிவை மத்திய அரசு மறு பரிசீலனை செய்ய வேண்டும் என்று தென்னிந்திய உருளைக்கிழங்கு விவசாயிகள் சங்கத்தினர் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/nilgiris/2018/nov/29/உதகையில்-61-ஆண்டுகளான-உருளைக்கிழங்கு-ஆராய்ச்சி-மையத்தை-மூட-மத்திய-அரசு-முடிவு-விவசாயிகள்-அதிர்ச்சி-3047966.html
3047965 கோயம்புத்தூர் நீலகிரி யோகப் பயிற்சி குறித்து அரசுப் பள்ளிகளில் செயல்விளக்கம் DIN DIN Thursday, November 29, 2018 06:42 AM +0530 கூடலூர், பந்தலூர் பகுதிகளிலுள்ள அரசுப் பள்ளிகளில் எளிய முறை குண்டலினி யோகப் பயிற்சி குறித்த செயல்விளக்கப் பிரசாரம் கடந்த இரண்டு  நாள்களாக நடைபெற்றது.
கூடலூர்,  பந்தலூர் பகுதிகளில் ஆழியாறு அறிவுத் திருக்கோயில்,  உலக சமுதாய சேவா சங்கம் ஆகியவை சார்பில் இளைஞர்களும், மாணவர்களும் பயன்பெறும் வகையில் எளிய முறை குண்டலினி யோகப் பயிற்சி, காயகல்பப் பயிற்சி, தியானம், பல்கலைக்கழகங்களுடன் இணைந்து யோகா பட்டயப் படிப்பு, பட்டப் படிப்புகள் நடைபெற்று வருகின்றன.
12 வயதுக்கு மேற்பட்ட இருபாலரும் பயன்பெறும் வகையில் இவை நடைபெற்று வருகின்றன. 
இதன் ஒரு பகுதியாக, யோகப் பயிற்சி குறித்து அரசுப் பள்ளி மாணவர்களிடையே விழிப்புணர்வு ஏற்படுத்தும் வகையில் அனைத்து அரசுப் பள்ளிகளிலும் மாணவர்களுக்கு ஒளிக்காட்சி மூலம் செயல் விளக்கம் அளிக்கப்பட்டது.
மாணவ, மாணவிகள், ஆசிரியர்கள், அலுவலகப் பணியாளர்கள் இதில் கலந்துகொண்டனர். 
கூடலூர் பகுதியில் மக்கள் கூடும் மையங்களிலும் ஒளிக்காட்சி செயல் விளக்கம் அளிக்கப்பட்டது.

]]>
http://www.dinamani.com/all-editions/edition-coimbatore/nilgiris/2018/nov/29/யோகப்-பயிற்சி-குறித்து-அரசுப்-பள்ளிகளில்-செயல்விளக்கம்-3047965.html
3047964 கோயம்புத்தூர் நீலகிரி காட்டுப் பன்றிகளை கட்டுப்படுத்த வலியுறுத்தல் DIN DIN Thursday, November 29, 2018 06:42 AM +0530 குன்னூர், கோத்தகிரி பகுதிகளில் இரவு நேரத்தில் திரியும்  காட்டுப் பன்றிகளை வனத் துறையினர் கட்டுப்படுத்த வேண்டும் என அப் பகுதி மக்கள் வலியுறுத்தியுள்ளனர். 
குன்னூர்- ஆழ்வார்பேட்டை, புரூக்லேண்ட்ஸ்,  தபால் நிலைய சாலை  உள்ளிட்ட பகுதிகளிலும் கோத்தகிரி- சக்கத்தா அருகில் அரசு உயர்நிலைப் பள்ளியை ஒட்டி ஒதுக்குப்புறமாக உள்ள மனநலம் குன்றிய குழந்தைகளுக்கான காப்பகம் அருகிலும், காட்டுப் பன்றிகளும் கரடிகளும் இரவு நேரத்தில் திரிகின்றன.  இதனால்  பள்ளி மாணவ, மாணவிகள்,  குழந்தைகள் அச்சத்தில் உள்ளனர். 
எனவே  வனத் துறையினர் உரிய  நடவடிக்கை எடுத்து, இங்கு உலவும் காட்டுப் பன்றிகளை அடர்ந்த  வனப்பகுதிகளுக்குள் துரத்த வேண்டும் என்று இப் பகுதி மக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-coimbatore/nilgiris/2018/nov/29/காட்டுப்-பன்றிகளை-கட்டுப்படுத்த-வலியுறுத்தல்-3047964.html
3047963 கோயம்புத்தூர் நீலகிரி தேயிலை அரவை இயந்திரத்தில் சிக்கி அஸ்ஸாம் மாநிலத் தொழிலாளி சாவு DIN DIN Thursday, November 29, 2018 06:42 AM +0530 கோத்தகிரி அருகே  தனியார் தேயிலை ஆலையில் அரவை இயந்திரத்தில் சிக்கி அஸ்ஸாம் மாநிலத் தொழிலாளி புதன்கிழமை உயிரிழந்தார். 
நீலகிரி மாவட்டம், கோத்தகிரி அருகே கட்டபெட்டுவிலுள்ள தனியார் தேயிலைத் தொழிற்சாலையில் அஸ்ஸாம் மாநிலம், சிப்சாகர் மாவட்டத்தைச் சேர்ந்த பாஸ்கர் கோகோய் (23) கடந்த ஓராண்டு காலமாகப் பணிபுரிந்து வந்தார்.  
இவர் பச்சைத் தேயிலையை வெட்டித் தூளாக்கும் இயந்திரத்துக்கு அடியில் இருந்துகொண்டு அந்த அரவை இயந்திரத்தை சுத்தம் செய்துகொண்டிருந்தார். அப்போது அவரது தலையில் கட்டியிருந்த துண்டு எதிர்பாராவிதமாக இயந்திரத்தின் பெல்ட்டில் சிக்கி அவரை இழுத்துச் சென்றது.  
இதில் பாஸ்கர் கொகாயின் தலை துண்டானது; அவரது உடலும் நசுங்கியது.  உடன் பணிபுரிபவர்கள் விரைந்து  வந்து இயந்திரத்தை நிறுத்தி அவரது உடலை மீட்டனர். 
கோத்தகரி  காவல்  நிலைய துணை ஆய்வாளர் நசீர் உடலை மீட்டு உடற்கூறு ஆய்வுக்காக கோத்தகிரி அரசு மருத்துவமனைக்கு அனுப்பி வைத்தார். இந்த விபத்து குறித்து  கோத்தகிரி காவல் துறையினர்  வழக்குப் பதிவு செய்து விசாரித்து வருகின்றனர். 

]]>
http://www.dinamani.com/all-editions/edition-coimbatore/nilgiris/2018/nov/29/தேயிலை-அரவை-இயந்திரத்தில்-சிக்கி-அஸ்ஸாம்-மாநிலத்-தொழிலாளி-சாவு-3047963.html
3047962 கோயம்புத்தூர் நீலகிரி உதகை அரசு கலைக் கல்லூரியில் இளம் விஞ்ஞானிகளை ஊக்குவிக்கும் முகாம் நிறைவு DIN DIN Thursday, November 29, 2018 06:42 AM +0530 உதகை அரசு கலைக் கல்லூரியில் இந்திய அறிவியல், தொழில்நுட்பத் துறை சார்பில் இளம் விஞ்ஞானிளை ஊக்குவிக்கும் வகையில் நடைபெற்று வந்த 5 நாள் "இன்ஸ்பயர்' பயிற்சி முகாம் செவ்வாய்க்கிழமை  நிறைவடைந்தது. 
நிறைவு விழாவில் பங்கேற்ற சாந்தி ஸ்வரூப் பட்நாகர் விருது பெற்ற மரபியல், சூழியல் விஞ்ஞானி டி.ஜே.பாண்டியன் பேசியதாவது:
கற்றதை மேலும் தெரிந்துகொள்ளும் எண்ணம் சிறப்பானதாகும்.  அதுவே ஒருவரைஅறிவியல் அறிஞராக மேம்படுத்தும். உதகையில் நடைபெற்றுள்ள இம் முகாமில் பங்கேற்று சான்றிதழ்களை வைத்துள்ளவர்கள், இளம் அறிவியல் படிப்புக்கான விண்ணப்பத்துடன் அதன் நகலை இணைத்தால் பட்டப் படிப்பு, பட்ட மேற்படிப்பு , ஆராய்ச்சிப் படிப்பு போன்றவற்றில் கல்வி உதவித்தொகை பெற முடியும் என்றார்.
வனவிலங்கு மற்றும் உயிரியல் துறைத் தலைவர் எபினேசர், விலங்கியல் துறை இணை பேராசிரியர் சனில் உள்ளிட்டோர் உரையாற்றினர்.  நிகழ்ச்சியின் தொடக்கத்தில் விலங்கியல் துறை இணை பேராசிரியர் கண்ணன் வரவேற்றார்.  
உதகை அரசு கலைக் கல்லூரி முதல்வர் ஈஸ்வரமூர்த்தி பேசுகையில்,  முகாமில் பங்கேற்ற மாணவர்கள் பெற்றுள்ள விழிப்புணர்வு குறித்து விவரித்தார். இம் முகாமில் தமிழகத்தின் பல்வேறு பகுதிகளிலிருந்து  300க்கும் மேற்பட்ட மாணவர்கள் பங்கேற்றனர்.
 

]]>
http://www.dinamani.com/all-editions/edition-coimbatore/nilgiris/2018/nov/29/உதகை-அரசு-கலைக்-கல்லூரியில்-இளம்-விஞ்ஞானிகளை-ஊக்குவிக்கும்-முகாம்-நிறைவு-3047962.html
3047961 கோயம்புத்தூர் நீலகிரி பன்றிக் காய்ச்சல் குறித்து கோத்தகிரியில் விழிப்புணர்வுப் பிரசாரம் DIN DIN Thursday, November 29, 2018 06:41 AM +0530 கோத்தகிரி பேருந்து நிலையம் பகுதியில் பன்றிக் காய்ச்சல் விழிப்புணர்வுப் பிரசாரம் புதன்கிழமை  நடைபெற்றது.  
கோத்தகிரி சுற்றுவட்டாரப் பகுதிகளில் பன்றிக் காய்ச்சல் பாதிப்பால் இதுவரை 4 பேர் இறந்துள்ளனர். எனவே, சுகாதாரப் பணிகள் துணை இயக்குநர் டாக்டர் பொற்கொடி உத்தரவுப்படி, வட்டார மருத்துவ அலுவலர் ராஜேஷ் தலைமையில் பன்றிக் காய்ச்சல் விழிப்புணர்வுப் பிரசாரம் மேற்கொள்ளப்பட்டது. சுகாதார மேற்பார்வையாளர் மணிகண்டன், சுகாதார ஆய்வாளர்கள் குமாரசாமி, சுதாகர், சுகாதாரப் பணியாளர்கள் ஒலிபெருக்கி மூலம் கோத்தகிரி கோத்தகிரி பேருந்து நிலையம், ராம்சந்த், காமராஜர் சதுக்கம், டானிங்டன் பகுதிகளில் இந்த விழிப்புணர்வுப் பிரசாரத்தை மேற்கொண்டனர். 
பொதுமக்கள்,  சுற்றுலாப் பயணிகளுக்கு பன்றிக் காய்ச்சல், டெங்கு காய்ச்சல் ஆகியவற்றிலிருந்து காத்துக் கொள்வது குறித்த விழிப்புணர்வு துண்டுப் பிரசுரங்களை அவர்கள் வழங்கினர். மேலும், பேருந்துகளின் உள்புறம் கிருமிநாசினி  தெளிக்கப்பட்டது.

]]>
http://www.dinamani.com/all-editions/edition-coimbatore/nilgiris/2018/nov/29/பன்றிக்-காய்ச்சல்-குறித்து-கோத்தகிரியில்-விழிப்புணர்வுப்-பிரசாரம்-3047961.html
3047960 கோயம்புத்தூர் நீலகிரி கூடலூரில் மனுநீதி நாள் முகாம்: 152 பயனாளிகளுக்கு நலத்திட்ட உதவி DIN DIN Thursday, November 29, 2018 06:41 AM +0530 கூடலூர் வட்டத்தில் பாண்டியாறு அரசு தொடக்கப் பள்ளியில் புதன்கிழமை நடைபெற்ற மனுநீதி நாள் மக்கள் தொடர்பு முகாமில் 152 பயனாளிகளுக்கு பல்வேறு அரசு நலத்திட்ட உதவிகளை நீலகிரி மாவட்ட ஆட்சியர் இன்னசென்ட் திவ்யா  வழங்கினார். 
இந்த நிகழ்ச்சியில் ஆட்சியர் பேசியதாவது:
தமிழக அரசு மக்களுக்காக பல்வேறு திட்டங்களைத் தீட்டி அவை மக்களைச் சென்றடையும் வகையில் செயல்படுத்தி வருகிறது. பழங்குடியின மக்களுக்கு  சாலை வசதி, மின்சார வசதி, குடிநீர், கழிப்பிடம் ஆகிய அடிப்படைத் தேவைகள் அனைத்தையும் பூர்த்தி செய்து வருகிறது. தொலைதூரத்தில் உள்ள கிராமங்களையும் கண்டறிந்து அங்குள்ள மக்களுக்கு அனைத்து வசதிகளும் செய்யப்படுகின்றன.
அனைவரது வீட்டிலும் கட்டாயமாக கழிப்பறை கட்டப்பட வேண்டும். அவ்வாறு கழிப்பறை கட்ட முடியாத இடங்களில் பொதுக் கழிப்பிடம் கட்டி பயன்படுத்த வேண்டும். 
கூடலூர், பந்தலூர் பகுதிகளில் பெருமளவில் பசுமை வீடுகள் கட்டப்பட்டு வருகின்றன. எனவே மக்கள் அனைவரும் ஒத்துழைப்புத் தந்து அடிப்படை வசதிகளை நிறைவேற்றிக் கொள்ள வேண்டும். மகாத்மா காந்தி தேசிய ஊரக வேலையுறுதித் திட்டத்தின் கீழ் மக்களே பணிகளைத் தேர்வு செய்து அவரவர்  பகுதிகளுக்குத் தேவையான அடிப்படை வசதிகளை மேற்கொள்ளலாம் என்றார்.
மனுநீதி நாள் மக்கள் தொடர்பு முகாமில், தோட்டக்கலைத் துறை  மூலம் 3 பயனாளிகளுக்கு கலப்பினக் காய்கறி விதைகள்,  2 பயனாளிகளுக்கு நுண்ணீர்ப் பாசனக் கருவிகள், உழவர் பாதுகாப்புத் திட்டத்தின் கீழ் 4 பயனாளிகளுக்கு தலா  ரூ. 80,000 இயற்கை மரண நிதியுதவி என மொத்தம் 155 பயனாளிகளுக்கு ரூ. 2.72 லட்சம் மதிப்பில் நலத்திட்ட உதவிகளை ஆட்சியர்  வழங்கினார்.
மக்களிடமிருந்து கோரிக்கை மனுக்களைப் பெற்ற ஆட்சியர், தகுதி இருப்பின் பரிசீலனை செய்து உடனடியாக அவற்றின் மீது  நடவடிக்கை மேற்கொள்ளுமாறும் சம்பந்தப்பட்ட துறை அலுவலர்களுக்கு ஆட்சியர்  உத்தரவிட்டார். 
இந்த நிகழ்ச்சியில் கூடலூர்  சட்டப் பேரவை உறுப்பினர் திராவிடமணி, கூடலூர்  கோட்டாட்சியர் முருகையன்,  சமூக பாதுகாப்புத் திட்ட தனி துணை ஆட்சியர் முருகன், கூடலூர்  வட்டாட்சியர் மகேந்திரன், தனி வட்டாட்சியர் கிருஷ்ணமூர்த்தி, அரசுத் துறை அலுவலர்கள் கலந்து கொண்டனர்.

]]>
http://www.dinamani.com/all-editions/edition-coimbatore/nilgiris/2018/nov/29/கூடலூரில்-மனுநீதி-நாள்-முகாம்-152-பயனாளிகளுக்கு-நலத்திட்ட-உதவி-3047960.html
3047154 கோயம்புத்தூர் நீலகிரி உதகையில் தெற்காசிய குறும்பட விழா: டிசம்பர் 7 முதல் 9 ஆம் தேதி வரை நடைபெறுகிறது DIN DIN Wednesday, November 28, 2018 06:14 AM +0530 உதகையில் தெற்காசிய குறும்பட விழா டிசம்பர் 7 ஆம்தேதி முதல் 9 ஆம்தேதி வரை 3 நாள்களுக்கு  நடத்தப்படுகிறது. இதுதொடர்பாக உதகை பிலிம் சொஸைட்டி அமைப்பின் தலைவர் பால.நந்தகுமார், இயக்குநர் மாதவன் பிள்ளை ஆகியோர் உதகையில் செய்தியாளர்களிடம் செவ்வாய்க்கிழமை தெரிவித்ததாவது:
உதகை பிலிம் சொஸைட்டி  சார்பில் 3 ஆவது ஆண்டாக இந்த குறும்பட விழா நடத்தப்படுகிறது.  இந்தியா, பாகிஸ்தான், வங்கதேசம், பர்மா, ஈரான் உள்ளிட்ட பல்வேறு நாடுகளிலிருந்து சுமார் 90 குறும்படங்கள் இவ்விழாவில் திரையிடப்படுகின்றன. இக்குறும்பட விழாவில் பங்கேற்க அனுப்பப்பட்ட 140 குறும்படங்களில் 90 படங்கள் தேர்வு செய்யப்பட்டுள்ளன. 
இந்த 90 படங்களை பிரபல மலையாள திரைப்பட இயக்குநர் ஜான் மேத்யூ தலைமையில், திரைக்கொள்கையாளர் அஜயன் பாலா,  திரைப்பட விமர்சகர் நந்து சுந்தரம், காட்சிக்கலைஞர் சீனிவாஸ் மங்கிப்புடி ஆகியோருடன் எழுத்தாளர்கள் பவா செல்லதுரை,  பாஸ்கர் சக்தி ஆகியோர் கொண்ட குழு தேர்வு  செய்துள்ளது. 
இக்குறும்பட விழாவை உதகை அசெம்பிளி திரையரங்கில் டிசம்பர் 7 ஆம்தேதி நீலகிரி மாவட்ட ஆட்சியர் இன்னசென்ட்  திவ்யா, திரைப்பட இயக்குநர்கள் பா.ரஞ்சித், ராம் ஆகியோர் தொடங்கி வைக்கின்றனர். இந்த குறும்பட விழாவில் சிறப்பிடம் பெறும் முதல் 5 குறும்படங்களுக்கு 9ஆம்தேதி நடைபெறவுள்ள நிறைவு நாள் நிகழ்ச்சியில் திரைப்பட இயக்குநர் பாரதிராஜா தங்க யானை விருதை பரிசளிக்கிறார்.  
இந்நிகழ்ச்சியில் பாரதிராஜா இயக்கியுள்ள ஓம் என்ற குறும்படம் திரையிடப்படுகிறது. 
இந்த குறும்பட  விழாவில் திரைப்பட இயக்குநர்கள் மாரி செல்வராஜ், லெனின் பாரதி,  சீனு ராமசாமி,  பிரேம்குமார்,  ஜீவா சங்கர் உள்ளிட்டோரும் பங்கேற்கவுள்ளதாக தெரிவித்தனர்.  
3 நாள்கள் நடைபெறவுள்ள இந்த குறும்பட விழாவுக்கான நுழைவுக் கட்டணம் ரூ. 444 என தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/nilgiris/2018/nov/28/உதகையில்-தெற்காசிய-குறும்பட-விழா-டிசம்பர்-7-முதல்-9-ஆம்-தேதி-வரை-நடைபெறுகிறது-3047154.html
3047153 கோயம்புத்தூர் நீலகிரி சர்வதேச முதியோர் தினம் உதகையில் அனுசரிப்பு DIN DIN Wednesday, November 28, 2018 06:13 AM +0530 உதகையில் சமூக நலத்துறை மற்றும் சத்துணவுத் திட்டத் துறை சார்பில் சர்வதேச முதியோர் தின விழா செவ்வாய்க்கிழமை  நடைபெற்றது.
 உதகை பிரீக்ஸ் மேனிலைப் பள்ளி அரங்கில் மாவட்ட   நடைபெற்ற  இந்நிகழ்ச்சிக்கு  தலைமை வகித்து ஆட்சியர் இன்னசென்ட் திவ்யா  பேசியதாவது: 
முதியவர்களை ஒவ்வோர் மனிதனும்,  சமூகமும் கண்ணியமாகவும், கௌரவமாகவும் மதிக்க வேண்டும். முக்கியமாக  இந்த வயதில் முதியவர்களுக்கு  மன அமைதியும், நிம்மதியும் வேண்டும். குழந்தைகள் நமக்கு எதையும் செய்வதில்லையே என்று சோர்ந்து போய் விடாமல் தமக்கு தாமே உற்சாகத்தையும்,  தன்னம்பிக்கையையும் வளர்த்துக் கொள்ள வேண்டும். இன்றைய தலைமுறையில் கூட்டுக் குடும்பங்கள் என்ற நிலை குறைந்துள்ள காரணத்தால் இன்றைய குழந்தைகள் தங்களுக்கு உறவு முறைகள் என்னவென்றே தெரியாத சூழ்நிலையிலேயே வளர்கின்றனர். அவ்வாறு தனிமையாக வாழாமல் பெற்றோர் மற்றும் உறவினர்களுடன் சேர்ந்து வாழும் நிலையை உருவாக்க வேண்டும் என்றார்.
அதனைத் தொடர்ந்து முதியோருக்கு மாவட்ட ஆட்சியர் பொன்னாடை அணிவித்து கெளரவித்தார்.  பின்னர் முதியோர்  பங்கேற்ற கலைநிகழ்ச்சிகள் நடைபெற்றன. இந்நிகழ்ச்சியில் சுகாதாரத்துறை  இணை இயக்குநர் டாக்டர் இரியன் ரவிக்குமார், உதகை கோட்டாட்சியர் சுரேஷ், சமூக நலத்துறை அலுவலர் புஷ்பலதா மற்றும் அரசுத்துறை அலுவலர்கள்  பலர் கலந்து கொண்டனர். 

]]>
http://www.dinamani.com/all-editions/edition-coimbatore/nilgiris/2018/nov/28/சர்வதேச-முதியோர்-தினம்-உதகையில்-அனுசரிப்பு-3047153.html
3047152 கோயம்புத்தூர் நீலகிரி சேறும் சகதியுமான சுள்ளிக்கூடு சாலை! DIN DIN Wednesday, November 28, 2018 06:13 AM +0530 கோத்தகிரி அருகே உள்ள சுள்ளிக்கூடு சாலை சேறும், சகதியுமாக காணப்படுவதால் அப்பகுதி மக்கள் மிகுந்த சிரமத்துக்குள்ளாகின்றனர்.
கோத்தகிரி அருகே உள்ள சுள்ளிக்கூடு மற்றும் அறையட்டி கிராமங்களுக்குச் செல்லும் வழியில் சன்ஷைன் நகர் குடியிருப்புப் பகுதி உள்ளது. இங்கு ஆயிரக்கணக்கானோர் வசித்து வருகின்றனர்.
இந்தப் பகுதியில் கழிவுநீர், மழைநீர் வடிந்து செல்ல வசதியாக சாக்கடைக் கால்வாய் அமைக்கப்படவில்லை. இதனால் அங்கிருந்து வெளியேறும் கழிவுநீர், சுள்ளிக்கூடு 
கிராமத்துக்குச் செல்லும் முக்கிய சாலையில் தேங்குகிறது.  நடந்து செல்வோர் மட்டுமின்றி வாகனங்களில் செல்வோரும் இச்சாலையில்  செல்ல முடியாமல் சிரமப்படுகிறார்கள். தேங்கும் கழிவுநீரால் சுகாதாரச் சீர்கேடும் ஏற்படுகிறது. 
இங்குள்ள ரேஷன் கடைக்குப் பொருள்கள் வாங்க சுற்றுவட்டாரப் பகுதிகளைச் சேர்ந்த பொதுமக்கள் இச் சாலையைப் பயன்படுத்துகிறார்கள். அவர்கள் காலைமுதல் பொருள்கள் வாங்கிச் செல்வது வரை சேறும், சகதியும் நிறைந்த சாலையில் வெகுநேரம் நிற்க வேண்டிய சூழல் 
உள்ளது.
மேலும் அந்தப் பகுதியில் உள்ள அரசுப் பள்ளிக்குச் செல்லும் மாணவ, மாணவிகள், ஆரம்ப சுகாதார நிலையத்துக்குச் செல்லும் நோயாளிகள் இந்த சாலையில்தான் செல்கின்கின்றனர். கழிவுநீரால் நோய் பரவும் அபாயமும் ஏற்படுகிறது. வெயில் காலமாக இருக்கும்போதே இந்தச் சாலை சேறும், சகதியுமாகக் காணப்படும் சூழலில், மழை பெய்தால் மிகவும் மோசமாகி விடுகிறது. 
எனவே சன்ஷைன் நகர்ப்  பகுதியில் முறையான கழிவுநீர் சாக்கடைக் கால்வாய்களை அமைக்க பேரூராட்சி அதிகாரிகள் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/nov/28/சேறும்-சகதியுமான-சுள்ளிக்கூடு-சாலை-3047152.html
3047151 கோயம்புத்தூர் நீலகிரி கோத்தகிரி - மேட்டுப்பாளையம் சாலையில் எச்சரிக்கைக் கோடுகள் வரைய கோரிக்கை DIN DIN Wednesday, November 28, 2018 06:13 AM +0530 கோத்தகிரி - மேட்டுப்பாளையம் சாலையில் எச்சரிக்கை கோடுகள் அமைக்க வாகன  ஓட்டிகள் கோரிக்கை விடுத்துள்ளனர்.
கோத்தகிரியில் இருந்து மேட்டுப்பாளையம் வரை 30 கி.மீ. தொலைவுக்கு மாநில நெடுஞ்சாலை உள்ளது. இதில் அரவேணு பகுதியிலிருந்து கீழ் தட்டப்பள்ளம் வரை 5 கி.மீ தொலைவுக்கு சாலை புதுப்பிக்கப்பட்டது.  ஆனால் சாலையின் நடுவே எச்சரிக்கை கோடுகள் மற்றும் ஒளிரும் பட்டைகளை நெடுஞ்சாலைத் துறையினர் பதிக்காததால், பனிமூட்டம் அதிகமுள்ள இச்சாலையில் வாகன ஒட்டிகள் வாகனத்தை இயக்க பெரும் சிரமப்படுவதாக  கூறுகின்றனர்.   
இதன் காரணமாக அடிக்கடி இச்சாலையில் விபத்துகள் ஏற்பட்டு வருகின்றன.  மேலும்,  குன்னூர்-மேட்டுப்பாளையம் சாலையில் மழைக் காலங்களில் பாதிப்பு ஏற்பட்டால் உடனடியாக கோத்தகிரி வழியாகத்தான் வாகனங்களை திருப்பி விடுகின்றனர். 
எனவே, பொதுமக்கள், சுற்றுலாப் பயணிகளின் நலன் கருதி மாநில நெடுஞ்சாலைத் துறையினர் உடனடியாக இந்த சாலையில் எச்சரிக்கை கோடுகள் மற்றும் ஒளிரும் பட்டைகளைப் பதிக்க நடவடிக்கை எடுக்க வேண்டும் என வாகன  ஓட்டிகள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-coimbatore/nilgiris/2018/nov/28/கோத்தகிரி---மேட்டுப்பாளையம்-சாலையில்-எச்சரிக்கைக்-கோடுகள்-வரைய-கோரிக்கை-3047151.html
3047150 கோயம்புத்தூர் நீலகிரி அறிவியல் விநாடி-வினா போட்டி: கூடலூர் மாணவர்கள் முதலிடம் DIN DIN Wednesday, November 28, 2018 06:12 AM +0530 மாநில அளவிலான அறிவியல் விநாடி-வினா போட்டியில் கூடலூர் ஐடியல் மெட்ரிக். மேல்நிலைப் பள்ளி மாணவர்கள் முதலிடம் பெற்றுள்ளனர்.
மாணவர்கள் மத்தியில் அறிவியல் விழிப்புணர்வை ஏற்படுத்தும் பள்ளிகளுக்கிடையே போட்டிகளை தமிழ்நாடு அறிவியல் இயக்கம் நடத்தி வருகிறது. 
இந்த ஆண்டு கோவையில் நடைபெற்ற அறிவியல் விழிப்புணர்வு விநாடி-வினா போட்டியில் கூடலூர் ஐடியல் மெட்ரிக் மேல்நிலைப் பள்ளி மாணவர்கள் முகமது அர்ஷாத், அஹ்சனா, தாமஸ் ஆகியோர் மாநில அளவில் முதலிடம் பெற்றுள்ளனர். 
வெற்றி பெற்ற மாணவர்களுக்கு தாளாளர் சுலைமான் தலைமையில் பள்ளியில் பாராட்டு விழா செவ்வாய்க்கிழமை நடைபெற்றது.

]]>
http://www.dinamani.com/all-editions/edition-coimbatore/nilgiris/2018/nov/28/அறிவியல்-விநாடி-வினா-போட்டி-கூடலூர்-மாணவர்கள்-முதலிடம்-3047150.html
3047149 கோயம்புத்தூர் நீலகிரி இயற்கைவள மேம்பாட்டுக்கான பொறியியல் தொழில்நுட்பம் குறித்த பயிற்சி முகாம்: உதகையில் தொடக்கம் DIN DIN Wednesday, November 28, 2018 06:12 AM +0530 உதகையில் இந்திய மண் மற்றும் நீர்வளப் பாதுகாப்பு ஆராய்ச்சி மையத்தில் நீர்ப்பிரி முகடுப் பகுதிகளில் இயற்கை வள மேம்பாட்டுக்கான பொறியியல் தொழில்நுட்பங்கள் குறித்த 8 நாள் பயிற்சி முகாம் செவ்வாய்க்கிழமை தொடங்கியது.
தமிழகம், மகாராஷ்டிரம், கேரளம், கர்நாடகம், தெலங்கானா,  ஓடிஸா, ஆந்திரம்,  ஹரியாணா உள்ளிட்ட 8 மாநிலங்களிலிருந்து 20 பொறியாளர்கள் பங்கேற்றுள்ள இப்பயிற்சி முகாமை நீலகிரி மாவட்ட வன அலுவலர் சுமேஷ் சோமன் தொடங்கிவைத்தார்.  நிகழ்ச்சியில் அவர் பேசியதாவது:
இயற்கை வளங்களை நாம் முறையாக மேலாண்மை செய்யாததே அவை  சீர்கேடு அடைவதற்கு காரணமாகும்.  தற்போது விஞ்ஞானிகளும், விவசாயிகளும் நீர் மற்றும் மண் வளத்தைப் பாதுகாக்க பல்வேறு புதுமையான தொழில்நுட்பங்களை  கண்டறிந்துள்ளனர்.  இத்தொழிற்நுட்பங்கள் குறித்த அறிவுத்திறனை மேம்படுத்துவதற்கு இத்தகைய பயிற்சி பயனுள்ளதாக இருக்குமென்பதால் பங்கேற்றுள்ள அனைவரும் இவ்வாய்ப்பினை சிறப்பாக பயன்படுத்திக் கொள்ள வேண்டும் என்றார்.
 நிகழ்ச்சியில் ஆராய்ச்சி மையத்தின் தலைவர்  ஓம் பால் சிங் கோலா  பேசியதாவது:
மண், நீர் மற்றும் தாவரங்கள்தான் உலகின் அடிப்படை இயற்கை வளங்களாகும்.  ஆனால், தற்போது அவை குறைந்து கொண்டே வருகின்றன. இத்தகைய வளங்களின் சீர்கேட்டை தடுத்து அவற்றின் உற்பத்தித் திறனை அதிகரிப்பதே தற்போதைய இன்றியமையாத தேவையாகும்.  தண்ணீர் போன்ற இயற்கை வளங்கள் குறைந்துவிட்டால்  அதன் இழப்பை எப்போதுமே  ஈடுகட்ட முடியாது என்றார். 
நிகழ்ச்சியில் முதன்மை விஞ்ஞானியும், பயிற்சி முகாமின் ஒருங்கிணப்பாளருமான மணிவண்ணன் பேசியதாவது: காலநிலை மாற்றத்தின் விளைவாக மண், நீர் போன்ற இயற்கை வளங்களில் பெருமளவு மாறுபாடு ஏற்படுகிறது. எனவேதான் வெள்ளம், வறட்சி போன்ற பேரழிவுகள் அடுத்தடுத்து நிகழ்கின்றன.  இதை சமாளிக்க அரசும் பல்வேறு திட்டங்களை செயல்படுத்தி நடவடிக்கை எடுத்து வருகிறது. பல்வேறு புதுமையான தொழில்நுட்பங்கள் அறிமுகப்படுத்தப்பட்டுக் கொண்டேயிருப்பதால்  அதுகுறித்த அறிவையும், அவற்றை பயன்படுத்துவதைக் குறித்த திறனையும் மேம்படுத்தவே இப்பயிற்சி முகாம் ஏற்பாடு செய்யப்பட்டுள்ளது என்றார்.
 இந்நிகழ்ச்சியில், பழங்குடியினர் ஆராய்ச்சி மைய இயக்குநர் சுப்பிரமணியம், ஆயுஷ் துறை இயக்குநர் ராஜன்,  ஆராய்ச்சி மையத்தின் முதுநிலை ஆராய்ச்சியாளர்கள் சுந்தராம்பாள்,  கண்ணன்,  கஸ்தூரி திலகம் உள்ளிட்ட பலர் பேசினர்.
 

]]>
http://www.dinamani.com/all-editions/edition-coimbatore/nilgiris/2018/nov/28/இயற்கைவள-மேம்பாட்டுக்கான-பொறியியல்-தொழில்நுட்பம்-குறித்த-பயிற்சி-முகாம்-உதகையில்-தொடக்கம்-3047149.html
3047148 கோயம்புத்தூர் நீலகிரி டாக்ஸி நிறுத்துமிடம் ஒதுக்கக் கோரி வாகன ஓட்டுநர்கள் மனு DIN DIN Wednesday, November 28, 2018 06:12 AM +0530 கூடலூர் நகரில் நிரந்தர டாக்ஸி நிறுத்துமிடம் ஒதுக்கக்கோரி டாக்ஸி மற்றும் சுற்றுலா வாகன ஓட்டுநர்கள் டி.எஸ்.பி.யிடம் செவ்வாய்க்கிழமை மனு அளித்தனர்.
நீலகிரி மாவட்டம், கூடலூர் நகரில் குறுகிய சாலையில் தடுப்புகள் அமைத்துள்ளதால் முக்கிய சந்திப்புகளில் இருந்த டாக்ஸி நிறுத்துமிடம் மாற்றப்பட்டது. 
இடநெருக்கடி காரணமாக எந்த இடத்திலும் டாக்ஸிகளை நிறுத்த முடிவதில்லை. இதனால் வாகன ஓட்டுநர்கள் பெரும் சிரமத்துக்கு உள்ளாகியுள்ளனர். எனவே, தங்களுக்கு வாகனங்களை நிறுத்த நிரந்தர இடம் ஒதுக்க வலியுறுத்தி டி.எஸ்.பி.யை சந்தித்து மனு அளித்தனர். அடுத்ததாக நகராட்சி ஆணையரையும் சந்தித்து மனு அளிப்பதாக தெரிவித்தனர்.
 

]]>
http://www.dinamani.com/all-editions/edition-coimbatore/nilgiris/2018/nov/28/டாக்ஸி-நிறுத்துமிடம்-ஒதுக்கக்-கோரி-வாகன-ஓட்டுநர்கள்-மனு-3047148.html
3047147 கோயம்புத்தூர் நீலகிரி உதகை, கேத்தி பகுதிகளில் ஆட்சியர் ஆய்வு DIN DIN Wednesday, November 28, 2018 06:11 AM +0530 உதகை நகராட்சி, கேத்தி பேரூராட்சிப் பகுதிகளில்  ரூ. 78.5 லட்சம் மதிப்பீட்டில் செயல்படுத்தப்பட்டு வரும் பல்வேறு வளர்ச்சித் திட்டப் பணிகளை மாவட்ட ஆட்சியர் இன்னசென்ட்  திவ்யா செவ்வாய்க்கிழமை பார்வையிட்டு ஆய்வு மேற்கொண்டார்.
கம்மந்து முதல் கெரடா கிராமம் வரை சட்டப் பேரவை உறுப்பினர் மேம்பாட்டு நிதியின் கீழ் ரூ. 1.5 லட்சம் மதிப்பில் கட்டி முடிக்கப்பட்ட காங்கிரீட் நடைபாதை பணியினையும், தொட்டண்ணியில் ரூ.1 லட்சம் மதிப்பில் முடிக்கப்பட்ட தடுப்பு சுவருடன் கூடிய நடைபாதை பணியினையும், கேத்தொரை பகுதியில் ரூ.1.5 லட்சம் மதிப்பில் முடிக்கப்பட்ட குழாய் அமைக்கும் பணியினையும், காந்தி நகர், இந்திரா நகர், உல்லாடா, அச்சனக்கல், சாந்தூர், பழைய அருவங்காடு,  தேனலை கிராமம், சோகத்தொரை, சக்கலட்டிஆகிய பகுதிகளில் தலா  ரூ.1.5 லட்சம் வீதம் மொத்தம் ரூ.13.5 லட்சம் மதிப்பீட்டில்  அமைக்கப்பட்டுள்ள திறந்தவெளி நீர் இறைக்கும் இயந்திரத்தினையும் என மொத்தம் ரூ.17.5 லட்சம் மதிப்பில் முடிக்கப்பட்ட பல்வேறு வளர்ச்சித் திட்டப் பணிகளை மாவட்ட ஆட்சியர்  பார்வையிட்டு ஆய்வு செய்தார்.
அதேபோல,   உதகை நகராட்சிக்குள்பட்ட காந்தல் முக்கோணம் பகுதியில் ரூ.46 லட்சம் மதிப்பீட்டில் திடக்கழிவு மேலாண்மை திட்டத்தின்கீழ், குப்பையை மறுசுழற்சி செய்வதற்கு கட்டப்பட்டு வரும் கூடத்தினையும், ரூ.15 லட்சம் மதிப்பீட்டில் படகு இல்லத்தில் குப்பைகள் கொட்டாமல் தடுப்பதற்காக கட்டப்பட்டு வரும்  தடுப்பு வேலிகளையும் மாவட்ட ஆட்சியர் பார்வையிட்டு ஆய்வு செய்தார். 
இந்த ஆய்வின்போது மாவட்ட ஊரக வளர்ச்சி முகமை திட்ட இயக்குநர் பாபு,  பேரூராட்சிகளின் உதவி இயக்குநர் மனோரஞ்சிதம், உதகை நகராட்சிப் பொறியாளர் ரவி மற்றும் அரசுத்துறை அலுவலர்கள் பலர் கலந்து கொண்டனர்.

]]>
http://www.dinamani.com/all-editions/edition-coimbatore/nilgiris/2018/nov/28/உதகை-கேத்தி-பகுதிகளில்-ஆட்சியர்-ஆய்வு-3047147.html
3047146 கோயம்புத்தூர் நீலகிரி மேட்டுப்பாளையம்-குன்னூர், உதகை-கேத்தி இடையே சிறப்பு மலை ரயில்: டிசம்பர் 8 முதல் இயக்கம் தொடக்கம் DIN DIN Wednesday, November 28, 2018 06:11 AM +0530 மேட்டுப்பாளையத்திலிருந்து குன்னூருக்கு டிசம்பர் 8 ஆம் தேதி முதல் அனைத்து சனிக்கிழமைகளிலும்,   குன்னூரிலிருந்து மேட்டுப்பாளையம் மற்றும்  உதகையிலிருந்து-கேத்திக்கு டிசம்பர் 9 ஆம்தேதி முதல் அனைத்து ஞாயிற்றுக்கிழமைகளிலும் சிறப்பு மலை ரயில் இயக்கப்படுகிறது.  
இதுதொடர்பாக  தெற்கு ரயில்வே சேலம் கோட்டம் வெளியிட்டுள்ள செய்திக்குறிப்பு: 
நீலகிரி மலை ரயில் பாதையில் சிறப்பு மலை ரயில் இயக்கம் டிசம்பர் 8 ஆம் தேதி முதல் தொடங்குகிறது. இதில் மேட்டுப்பாளையத்திலிருந்து குன்னூருக்கு டிசம்பர் 8 ஆம்தேதி முதல் அனைத்து சனிக்கிழமைகளிலும் இந்த சிறப்பு மலை ரயில் இயக்கப்படும். காலை 9.10 மணிக்கு மேட்டுப்பாளையத்திலிருந்து புறப்படும் இந்த சிறப்பு மலை ரயில் 9.28 மணிக்கு கல்லாறு நிலையத்தையும், 10.46 மணிக்கு  ஹில்குரோவ் ரயில் நிலையத்தையும்  அடைந்து, பகல் 12.30 மணிக்கு குன்னூரை வந்தடையும். பின்னர் அந்த ரயில் அங்கேயே நிறுத்தப்படும். தொடர்ந்து டிசம்பர் 9 ஆம்தேதி முதல் அனைத்து ஞாயிற்றுக்கிழமைகளிலும் குன்னூரிலிருந்து பகல் 1.30 மணிக்கு புறப்பட்டு,   2.35 மணிக்கு  ஹில்குரோவ் நிலையத்தையும்,  3.50 மணிக்கு கல்லாறு நிலையத்தையும் அடைந்து மாலை 4.20 மணிக்கு மேட்டுப்பாளையம் ரயில் நிலையத்தை சென்றடையும்.
 132 இருக்கைகள் கொண்ட இந்த சிறப்பு மலை ரயிலில் முதல் வகுப்புக்கு 16 இருக்கைகள் ஒதுக்கப்பட்டுள்ளன. இதில் முதல் வகுப்புக்கு ரூ.1,100, இரண்டாம் வகுப்புக்கு ரூ. 800 என கட்டணம் நிர்ணயிக்கப்பட்டுள்ளது. பயணம் செய்யும் ஒவ்வொருவருக்கும் தலா ரூ. 200 மதிப்பிலான பரிசுப் பொருள்கள் வழங்கப்படும்.
 அதேபோல,  டிசம்பர் 9 ஆம்தேதி முதல் அனைத்து ஞாயிற்றுக்கிழமைகளிலும்  உதகை-கேத்தி இடையே சிறப்பு மலை ரயில் இயக்கப்படுகிறது.  உதகையிலிருந்து பகல் 2.30 மணிக்கு புறப்பட்டு 3 மணிக்கு கேத்தியை சென்றடையும். பின்னர்  கேத்தியிலிருந்து பிற்பகல் 3.30 மணிக்கு புறப்பட்டு மாலை 4 மணிக்கு உதகையை வந்தடையும்.  82 இருக்கைகள் கொண்ட இந்த சிறப்பு மலை ரயிலில் முதல் வகுப்புக்கு 16 இருக்கைகள் ஒதுக்கப்பட்டுள்ளன.  இதில் முதல் வகுப்புக்கு ரூ.400, இரண்டாம் வகுப்புக்கு ரூ. 300 பயணக் கட்டணமாகும்.  இதில் பயணிக்கும் ஒவ்வொருவருக்கும் தலா ரூ.100 மதிப்பிலான பரிசுப் பொருள்கள் வழங்கப்படும் எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-coimbatore/nilgiris/2018/nov/28/மேட்டுப்பாளையம்-குன்னூர்-உதகை-கேத்தி-இடையே-சிறப்பு-மலை-ரயில்-டிசம்பர்-8-முதல்-இயக்கம்-தொடக்கம்-3047146.html