Dinamani - காஞ்சிபுரம் - http://www.dinamani.com/all-editions/edition-chennai/kanchipuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3058655 சென்னை காஞ்சிபுரம் கடல் சீற்றம்: மாமல்லபுரம் மீனவர்கள் கடலுக்கு செல்லவில்லை DIN DIN Saturday, December 15, 2018 11:51 PM +0530  

மாமல்லபுரத்தில் கடல் சீற்றம் அதிக அளவில் இருந்ததால் மீனவர்கள் யாரும் சனிக்கிழமை கடலுக்கு செல்லவில்லை.
தமிழகத்தில் தென்கிழக்கு கடல் பகுதியில் காற்றழுத்த தாழ்வுநிலை, ஆழ்ந்த காற்றழுத்த தாழ்வு மண்டலமாக மாறியது. இந்நிலையில், மாமல்லபுரம், திருக்கழுகுன்றம், திருப்போரூர், செங்கல்பட்டு பகுதிகளிலும், அவற்றின் சுற்றுவட்டார கிராமங்களிலும் சனிக்கிழமை காலை முதலே தரைக்காற்று வீசத் தொடங்கியது. குளிர் காற்று காரணமாக சர்வதேச சுற்றுலா நகரான மாமல்லபுரத்தில் சுற்றுலாப் பகுதிகளிலும், கடல் பகுதியையொட்டிய பகுதிகளிலும் மக்கள் நடமாட்டம் குறைவாகவே காணப்பட்டது.
கடலில் ராட்சத அலைகள் 10 அடி உயரத்துக்கும் மேல் எழுந்தன. இதனால் மீனவர்கள் யாரும் கடலுக்கு மீன்பிடிக்கச் செல்லவில்லை. மாமல்லபுரம், கொக்கிலமேடு, தேவனேரி, வெண்புருஷம்குப்பம், நெம்மேலிக்குப்பம், சூளேரிக்காட்டுக்குப்பம், உய்யாளிக்குப்பம் உள்ளிட்ட மீனவக் குப்பங்களைச் சேர்ந்த மீனவர்களின் இயல்பு வாழ்க்கை பாதிக்கப்பட்டது.

 

]]>
http://www.dinamani.com/all-editions/edition-chennai/kanchipuram/2018/dec/15/கடல்-சீற்றம்-மாமல்லபுரம்-மீனவர்கள்-கடலுக்கு-செல்லவில்லை-3058655.html
3057344 சென்னை காஞ்சிபுரம் தேசிய நெடுஞ்சாலையில் இளைஞர் தீக்குளித்து தற்கொலை DIN DIN Friday, December 14, 2018 12:49 AM +0530  

கடன் பிரச்னை காரணமாக இளைஞர் தேசிய நெடுஞ்சாலைப் பகுதியில் தீக்குளித்து தற்கொலை செய்துகொண்டார்.
திருவண்ணாமலை மாவட்டம், வெம்பாக்கம் வட்டத்துக்கு உள்பட்ட சுருட்டல், பூனைத்தாங்கல் கிராமத்தைச் சேர்ந்தவர் ராஜசேகர் (37). இவருக்கு கடந்த சில ஆண்டுகளுக்கு முன்பு திருமணமானது. அதன்பின் மனைவி விவாகரத்து பெற்றுச் சென்றுவிட்டார். இதையடுத்து, ராஜசேகர் திருவள்ளூர் மாவட்டத்தில் லாரி உதிரி பாகங்கள் பழுதுநீக்கும் கடை வைத்து, தொழில் நடத்தி வந்தார்.
லாரி வாங்குவது, விற்பது தொடர்பாக பலரிடம் ஆயிரக்கணக்கில் கடன் வாங்கினார். அதை திருப்பி செலுத்த முடியாமல் தவித்து வந்தார். பணம் கொடுத்தவர்கள் அடிக்கடி பணம் கேட்டு வந்தனர். இதனிடையே, அவரது மனைவி பிரிந்த சென்றதால் மேலும் மனமுடைந்தார்.
இந்த நிலையில், ராஜசேகர் காஞ்சிபுரத்தை அடுத்த வெள்ளை கேட் பகுதியில் சென்னை - பெங்களூரு தேசிய நெடுஞ்சாலைக்கு இரு சக்கர வாகனத்தில் புதன்கிழமை இரவு சென்றார். அப்போது, கையில் வைத்திருந்த மண்ணெண்ணெயை தன் மீது ஊற்றி தீக்குளித்தார். இதை நேரில் பார்த்தவர்கள், கிராமிய காவல் நிலையத்துக்கு தகவல் அளித்தனர்.
உடனடியாக, சம்பவ இடத்துக்கு டிஎஸ்பி பாலசுப்பிரமணியன், ஆய்வாளர் வெற்றிச்செல்வன் உள்ளிட்ட போலீஸார் நேரில் சென்று பார்த்தபோது, ராஜசேகர் தீயில் கருகி உயிரிழந்திருந்தார். இதையடுத்து, அவரது சடலத்தை உடல்கூறு பரிசோதனைக்காக காஞ்சிபுரம் அரசு மருத்துவமனைக்கு அனுப்பி வைத்தனர். இதுதொடர்பாக போலீஸார் வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-chennai/kanchipuram/2018/dec/14/தேசிய-நெடுஞ்சாலையில்-இளைஞர்-தீக்குளித்து-தற்கொலை-3057344.html
3057328 சென்னை காஞ்சிபுரம் சென்னை - காஞ்சிபுரம் வட்ட வழித்தட ரயில் சேவைக்கு காத்திருக்கும் காஞ்சிபுரம் மக்கள்! DIN DIN Thursday, December 13, 2018 11:55 PM +0530
காஞ்சிபுரத்தில் இருந்து சென்னைக்கு சிரமமின்றி சென்று வரும் வட்ட வழித்தட மின்சார ரயில் சேவையை விரைந்து செயல்படுத்த வேண்டும் என காஞ்சிபுரம்வாசிகள் கோரிக்கை விடுத்துள்ளனர்.
பட்டு நெசவுக்குப் பெயர் பெற்றதாகவும், கோயில்களின் நகரமாகவும் காஞ்சிபுரம் விளங்கி வருகிறது. கோயில்களுக்கு செல்வதற்காகவும், பட்டு சேலை வாங்குவதற்காகவும் தமிழகம், ஆந்திரம், கர்நாடகம் உள்ளிட்ட பல்வேறு பகுதிகளிலிருந்து நாள்தோறும் ஏராளமானோர் இந்த நகருக்கு வந்து செல்கின்றனர். இதற்காக, சென்னை உள்ளிட்ட பகுதிகளிலிருந்து பலரும் வந்துசெல்லும் வகையில் போக்குவரத்துக்கென பேருந்துகளும், ரயில்களும் இயக்கப்படுகின்றன. எனினும், வெளிமாநிலங்களில் இருந்து காஞ்சிபுரத்துக்கு வந்து செல்ல பேருந்து, ரயில் வழித்தடச் சேவைகள் குறைந்த அளவிலேயே உள்ளன.
குறைந்த ரயில் சேவை: நாள்தோறும் ஆயிரக்கணக்கான சுற்றுலாப் பயணிகள் நகருக்கு வந்து செல்கின்றனர். அதேபோல் காஞ்சிபுரத்தில் இருந்து அலுவல் பணிக்காக பெரும்பாலானோர் சென்னைக்கும் அதன் புறநகர்ப் பகுதிகளுக்கும் தினமும் சென்று வருகின்றனர். இந்தப் பகுதிகளை இணைக்கும் முக்கிய சேவையாக ரயில் சேவை உள்ளது. அதிலும், ரயில் சேவைகள் பயணிகளின் தேவைக்கேற்ப இல்லை. குறிப்பாக, திருமால்பூரில் இருந்து காஞ்சிபுரம், செங்கல்பட்டு, தாம்பரம் வழியாக சென்னை கடற்கரைக்கு மின்சார ரயில்கள் இயக்கப்படுகின்றன.
அதன்படி, திருமால்பூரில் இருந்து காலை 5.25 மணிக்குத் தொடங்கும் சேவை இரவு 9.30 மணிக்குள் நிறைவடைந்து விடுகிறது. இதில், அதிகாலையில் இருந்து காலை 10.40 மணிக்குள் 6 ரயில் சேவைகள் உள்பட இரவு வரை மொத்தம் 10 ரயில்கள் இயக்கப்படுகின்றன. இதையடுத்து, பிற்பகல் 1.40 மணிக்கும், அதன் பிறகு மாலை 5.15-க்கும் மட்டுமே திருமால்பூரில் இருந்து சென்னைக்கு ரயில் இயக்கப்படுகிறது. இடைப்பட்ட 6 மணி நேரத்தில் எந்தவொரு ரயிலும் இயக்கப்படுவதில்லை. இதனால், காஞ்சிபுரம் நகர மக்கள் மிகுந்த சிரமத்துக்குள்ளாகி வருகின்றனர்.
ரயிலை நாடும் பயணிகள்:
பேருந்து கட்டணம் உயர்த்தப்பட்டதை அடுத்து கடந்த ஓராண்டாக பேருந்தில் பயணிப்பதைத் தவிர்த்து, ரயிலில் பயணிப்பதையே பொதுமக்கள் அதிகம் விரும்புகின்றனர். அவ்வகையில், காஞ்சிபுரத்தில் இருந்து சென்னைக்கும், சென்னையிலிருந்து காஞ்சிபுரத்துக்கும் பயணிக்க காஞ்சிபுரம் மக்கள் ஆர்வம் காட்டி வருகின்றனர்.
இந்நிலையில், சென்னையிலிருந்து இரவு 8.25 மணிக்குப் பிறகு காஞ்சிபுரம் வருவதற்கு எந்தவொரு ரயில் சேவையும் இல்லை. எனவே, முற்பகல், பிற்பகல், இரவு ஆகிய வேளைகளில் கூடுதல் ரயில் சேவை வேண்டும் என்பது காஞ்சிபுரம் மக்களின் தொடர் கோரிக்கையாக உள்ளது.
வட்ட வழித்தட ரயில் சேவை: இந்நிலையில், சமூக ஆர்வலர்கள், பொதுமக்களின் தொடர் வலியுறுத்தலை அடுத்து, தக்கோலத்திலிருந்து அரக்கோணம் வரை தற்போது ரயில் சேவை கொண்டுவர வழித்தடம் அமைக்கப்பட்டுள்ளது. இதையடுத்து, மின்பாதை பணிகள் நடைபெற்று வருகிறது. மேலும், கூடுதல் ரயில் சேவை கோரிக்கை வைக்கப்பட்டதைத் தொடர்ந்து, அரக்கோணத்திலிருந்து சென்னை கடற்கரை, தாம்பரம், செங்கல்பட்டு, காஞ்சிபுரம், திருமால்பூர், அரக்கோணம் என சென்னையிலிருந்து காஞ்சிபுரம் என வட்ட வழித்தடத்தில் ரயில் சேவையைக் கொண்டு வருவதற்கான ஆய்வை ரயில்வே நிர்வாகம் பிப்ரவரி மாதம் மேற்கொண்டது.
அப்போது, நிகழாண்டு இறுதிக்குள் இந்த சேவை கொண்டுவரப்படும். மேலும், சென்னையிலிருந்து காஞ்சிபுரத்துக்கு விரைவு ரயில் சேவை, காலதாமதமின்றி வந்து செல்வதற்கும் நடவடிக்கை எடுக்கப்படும்' என தென்னக ரயில்வே பொது மேலாளர் தெரிவித்திருந்தார். ஆனால், இதுவரை வட்ட ரயில் சேவை செயல்பாட்டுக்கு வரவில்லை.
இது குறித்து சமூக ஆர்வலரும், வழக்குரைஞருமான தெ.தமிழ்ச்செல்வன் கூறியது:
காஞ்சிபுரத்தில் இருந்து சென்னை வழித்தடத்தில் கூடுதல் ரயில்களை இயக்கக் கோரி நான் கடந்த சில ஆண்டுகளாக ரயில்வே அமைச்சகம், தென்னக ரயில்வே பொது மேலாளர், தேசிய தாழ்த்தப்பட்டோர் ஆணையத்தின் துணைத் தலைவர், மாவட்ட ஆட்சியர் உள்ளிட்டோரிடம் பல முறை மனு அளித்துள்ளேன். இதன் விளைவாக, கடந்த ஆண்டு திருமால்பூரிருந்து செங்கல்பட்டுக்கு இரவு 9 மணிக்கும், விடியற்காலை செங்கல்பட்டிலிருந்து காஞ்சிபுரம் வழியாக திருமால்பூருக்கும் புதிதாக ரயில் இயக்கப்படுகிறது. அதே போல், நிகழாண்டில் கடந்த அக்டோபர் முதல் காஞ்சிபுரத்தில் இருந்து சென்னைக்கு காலை 6.10 மணிக்கும், சென்னையிலிருந்து காஞ்சிபுரத்துக்கு மாலை 6.40 மணிக்கும் புதிதாக ரயில் சேவையை தென்னக ரயில்வே வழங்கி வருகிறது. இருப்பினும், முற்பகல், பிற்பகல், இரவு வேளைகளில் பயணிப்பதற்கு ரயில் சேவை இல்லை.
இதனால், அலுவலகம் செல்வோரும், சுற்றுலாப் பயணிகளும் மிகுந்த சிரமத்துக்குள்ளாகி வருகின்றனர். கூடுதல் ரயில் சேவைகளையும், வட்ட வழித்தட ரயில் சேவைகளையும் வரும் புத்தாண்டு அல்லது பொங்கல் பண்டிகைக்குள்ளாவது கொண்டுவர ரயில்வே நிர்வாகம் நடவடிக்கை எடுக்க வேண்டும் என்பதே அனைவரின் கோரிக்கையாக உள்ளது என்றார் அவர்.

 

]]>
http://www.dinamani.com/all-editions/edition-chennai/kanchipuram/2018/dec/13/சென்னை---காஞ்சிபுரம்-வட்ட-வழித்தட-ரயில்-சேவைக்கு-காத்திருக்கும்-காஞ்சிபுரம்-மக்கள்-3057328.html
3056890 சென்னை காஞ்சிபுரம் கிராம நிர்வாக அலுவலர்கள் 3-ஆவது நாளாக வேலை நிறுத்தம் DIN DIN Thursday, December 13, 2018 03:33 AM +0530
கோரிக்கைகளை வலியுறுத்தி கிராம நிர்வாக அலுவலர்கள் 3-ஆவது நாளாக புதன்கிழமையும் வேலைநிறுத்தப்போராட்டத்தில் ஈடுபட்டனர்.
தமிழகம் முழுவதும் கிராம நிர்வாக அலுவலர்கள் சங்கத்தினர் பல்வேறு கோரிக்கைகளை வலியுறுத்தி போராட்டத்தில் ஈடுபட்டு வருகின்றனர். அதன்படி, காஞ்சிபுரம் வட்டத்துக்குள்பட்ட கிராமங்களில் பணிபுரியும் கிராம நிர்வாக அலுவலர்கள், காஞ்சிபுரத்தை அடுத்த சிறுகாவேரிப்பாக்கத்தில் உள்ள காஞ்சிபுரம் ஊராட்சி ஒன்றிய அலுவலகம் முன்பு புதன்கிழமை வேலை நிறுத்தப் போராட்டத்தில் ஈடுபட்டனர். 
அப்போது, அரசின் இணையவழிச் சேவைகளை முறையாக வழங்க வேண்டும், தொகுப்பூதியம் வழங்க வேண்டும், காலிப் பணியிடங்களை நிரப்புதல் உள்ளிட்ட 20 அம்சக் கோரிக்கைகளை வலியுறுத்தி, கோஷம் எழுப்பினர். 
போராட்டத்தின்போது, காஞ்சிபுரம் எம்எல்ஏ எழிலரசன் கிராம நிர்வாக அலுவலர்களை நேரில் சந்தித்து, ஆதரவு அளித்துப் பேசினார். இதில், திரளானோர் கலந்துகொண்டனர்.
ஸ்ரீபெரும்புதூரில்...
 ஸ்ரீபெரும்புதூர் வட்ட கிராம நிர்வாக அலுவலர் சங்கத்தின் சார்பில், ஸ்ரீபெரும்புதூர் வட்டத்தில் பணியாற்றும் கிராம நிர்வாக அலுவலர்கள் செரப்பனஞ்சேரி வருவாய் அலுவலர் அலுவலகம் அருகே அமர்ந்து போராட்டத்தில் ஈடுபட்டனர்.
வட்டத்தலைவர் விமலா தலைமையில் நடைபெறும் போராட்டத்தில், மாவட்ட துணைத் தலைவர் தியாகராஜன், அமைப்புச் செயலாளர் தங்கராஜன், வட்டச் செயலர் நந்தகுமார், வட்டப் பொருளர் மோகன்ராஜ் உள்ளிட்ட பலர் கலந்து கொண்டனர்.
 

]]>
http://images.dinamani.com/uploads/user/imagelibrary/2018/12/13/w600X390/vao.JPG http://www.dinamani.com/all-editions/edition-chennai/kanchipuram/2018/dec/13/கிராம-நிர்வாக-அலுவலர்கள்-3-ஆவது-நாளாக-வேலை-நிறுத்தம்-3056890.html
3056893 சென்னை காஞ்சிபுரம் 20 ஆண்டுகளுக்கு முன் நிறுத்தப்பட்ட குன்றத்தூர்-ஒரத்தூர் பேருந்து மீண்டும் இயக்கப்படுமா? DIN DIN Thursday, December 13, 2018 03:32 AM +0530
கடந்த 20 ஆண்டுகளுக்கு முன் நிறுத்தப்பட்ட குன்றத்தூர்-ஒரத்தூர் இடையேயான பேருந்தை மீண்டும் இயக்க வேண்டும் என்று சோமங்கலம், சேத்துப்பட்டு, புஷ்பகிரி உள்ளிட்ட பல்வேறு கிராம பொதுமக்கள்அரசுக்கு கோரிக்கை விடுத்துள்ளனர். 
காஞ்சிபுரம் மாவட்டம், குன்றத்தூர் ஒன்றியத்தில் 42 ஊராட்சிகளும், இரண்டு பேரூராட்சிகளும் உள்ளன. குன்றத்தூர் ஒன்றியத்தின் தலைமையிடமாக படப்பை இயங்கி வருகிறது. இப்பகுதியில் வட்டார வளர்ச்சி அலுவலகம், வேளாண்மைத்துறை, தோட்டக்கலைத் துறை, புதுவாழ்வுத் திட்டம், வட்டார வள மையம், உதவி தொடக்கக் கல்வி அலுவலகம், அரசு ஆரம்ப சுகாதார நிலையம், சார்-பதிவாளர் அலுவலகம், பொதுப்பணித் துறை அலுவலகம் உள்ளிட்ட பல்வேறு அரசு அலுவலகங்கள் இயங்கி வருகின்றன. 
இந்த அலுவலகங்களுக்கு தினசரி அரசின் நலத் திட்ட உதவிகளைப் பெறவும், விண்ணப்பிக்கவும், ஒன்றியத்தில் உள்ள ஏராளமானோர் படப்பை பகுதிக்கு வந்து செல்கின்றனர். படப்பை பகுதியில் 5 தனியார் கல்லூரிகளும், ஏராளமான தொழிற்சாலைகளும் இயங்கி வருகின்றன. அதேபோல், குன்றத்தூரை அடுத்த திருமுடிவாக்கம் சிட்கோ தொழிற்பேட்டையில் நூற்றுக்கும் மேற்பட்ட தொழிற்சாலைகளும், குன்றத்தூர், மாங்காடு, கோவூர் உள்ளிட்ட பகுதிகளில் நான்கு கல்லூரிகளும் இயங்கி வருகின்றன. இந்தப் பகுதிகளை சுற்றியுள்ள மாணவர்கள், வேலைக்கு செல்வோர், விவசாயிகள் உள்ளிட்டோர் தங்களின் போக்குவரத்துக்கு பேருந்துகளையே நம்பியுள்ளனர்.
ஆனால், குன்றத்தூர்-படப்பை இடையே நேரடி பேருந்து வசதி இல்லாததால், குன்றத்தூர் மற்றும் அதன் சுற்றுவட்டாரத்தில் உள்ள 42 கிராமங்களைச் சேர்ந்த பொதுமக்கள் மிகவும் சிரமத்துக்கு ஆளாகி வருகின்றனர். அவர்கள், குன்றத்தூர் பேருந்து நிலையத்துக்கு வந்து அங்கிருந்து தாம்பரம் சென்று தாம்பரத்தில் இருந்து படப்பைக்கு வர வேண்டிய நிலை உள்ளது. படப்பையில் இருந்து குன்றத்தூர் வரும் பயணிகளும் இதே சிரமத்தை எதிர்கொள்கின்றனர். இதனால், மூன்று மணி நேரம் விரயமாவதுடன் சுமார் 20 கி.மீ., தூரம் கூடுதலாக பயணம் செய்ய வேண்டிய நிலைக்கு பொதுமக்கள் தள்ளப்பட்டுள்ளனர்.
முன்னதாக, ஐயப்பன்தாங்கல் பணிமனையில் இருந்து குன்றத்தூர், சோமங்கலம், சேத்துப்பட்டு, புஷ்பகிரி, படப்பை வழியாக, ஒரத்தூர் பகுதிக்கு கடந்த 1996-இல் ஒரு பேருந்து இயக்கப்பட்டது. அதன் மூலம் மேற்கண்ட பகுதிகளைச் சேர்ந்த பொதுமக்கள் படப்பை பகுதிக்கு சுலபமாகச் சென்று வந்தனர். ஆனால், சில ஆண்டுகளிலேயே, சாலை மோசமாக உள்ளதாகக் கூறி அந்தப் பேருந்து சேவை நிறுத்தப்பட்டது.
இந்நிலையில், 20 ஆண்டுகளுக்கு முன் நிறுத்தப்பட்ட அந்தப் பேருந்தை மீண்டும் இயக்க வேண்டும் என பொதுமக்கள் சார்பாக பலமுறை கோரிக்கை மனு அளித்தும் போக்குவரத்துறை அதிகாரிகள் எந்த நடவடிக்கையும் எடுக்கவில்லை. இதனால் 20 ஆண்டுகளாக படப்பை பகுதிக்கு வந்து செல்ல மக்கள் மிகுந்த சிரமத்திற்குள்ளாகி வருகின்றனர். எனவே நிறுத்தப்பட்ட குன்றத்தூர்-ஒரத்தூர் பேருந்தை மீண்டும் இயக்க அதிகாரிகள் நடவடிக்கை எடுக்க வேண்டும் என 20-க்கும் மேற்பட்ட கிராம மக்கள் மாவட்ட நிர்வாகத்துக்கு கோரிக்கை விடுத்துள்ளனர். 
அதிகாரி பதில்
இது குறித்து குன்றத்தூர் அரசு போக்குவரத்து பணிமனை மேலாளர் அருண்குமார் கூறுகையில், குன்றத்தூர்-படப்பை வழித்தடத்தில் கடந்த 1996-ஆம் ஆண்டு இயக்கப்பட்ட பேருந்து வசூல் குறைவு காரணமாகவும், சாலை சரியில்லாத காரணத்தாலும், பேருந்துகள் அடிக்கடி பழுதடைந்ததாலும் நிறுத்தப்பட்டிருக்கலாம். மீண்டும் இப்பேருந்தை இயக்குவது தொடர்பாக பொதுமக்களிடம் இருந்து எழுத்துப்பூர்வமாக தற்போது வரை எந்த மனுவும் வரவில்லை. அவ்வாறு மனு அளிக்கப்பட்டால் இந்த வழித்தடத்தில் பேருந்தை இயக்குவதற்கு நடவடிக்கை மேற்கொள்ளப்படும் என்றார்.
 

]]>
http://images.dinamani.com/uploads/user/imagelibrary/2018/12/13/w600X390/mtc.jpg http://www.dinamani.com/all-editions/edition-chennai/kanchipuram/2018/dec/13/20-ஆண்டுகளுக்கு-முன்-நிறுத்தப்பட்ட-குன்றத்தூர்-ஒரத்தூர்-பேருந்து-மீண்டும்-இயக்கப்படுமா-3056893.html
3056892 சென்னை காஞ்சிபுரம் மனுநீதி நாள் முகாமில் ரூ. 23 லட்சத்தில் நலத் திட்ட உதவிகள் DIN DIN Thursday, December 13, 2018 03:32 AM +0530
காஞ்சிபுரம் மாவட்டம், நீலமங்கலம் ஊராட்சியில் புதன்கிழமை நடைபெற்ற மனுநீதி நாள் முகாமில் ரூ. 23 லட்சத்தில் நலத் திட்ட உதவிகளை ஆட்சியர் பா.பொன்னையா வழங்கினார்.
மதுராந்தகம் வட்டத்துக்குள்பட்ட நீலமங்கலம் ஊராட்சியில் நடைபெற்ற மனுநீதிநாள் முகாமுக்கு, ஆட்சியர் பா.பொன்னையா தலைமை வகித்து, நலத் திட்ட உதவிகளை வழங்கிப் பேசியது: இந்த மனுநீதிநாள் முகாமில் முதியோர் உதவித்தொகை, திருமண உதவித்தொகை, பட்டா மாற்றம் உள்ளிட்ட பல்வேறு கோரிக்கைகளுக்கு பொதுமக்களிடமிருந்து மனுக்கள் பெறப்பட்டுள்ளன. இம்மனுநீதிநாள் நடைபெறுவதற்கு 15 நாள்களுக்கு முன்பே சம்பந்தப்பட்ட ஊராட்சிகளில் சார் ஆட்சியர், துறை அலுவலர்கள் மூலம் மனுக்கள் பெறப்பட்டன. அதன்படி, அந்த மனுக்கள் மீது தீர்வு காணப்பட்டு, மனுநீதிநாள் அன்று நலத்திட்ட உதவிகள் வழங்கப்பட்டு வருகிறது. அதன்படி, பொதுமக்களிடமிருந்து 168 மனுக்கள் பெறப்பட்டு, அதில் தகுதியுள்ள 98 மனுக்களுக்கு தீர்வு காணப்பட்டுள்ளன. இதில், 
ரூ. 99 பயனாளிகளுக்கு ரூ. 22 லட்சத்து 98 ஆயிரத்து 860 மதிப்பில் பல்வேறு நலத் திட்ட உதவிகள் வழங்கப்பட்டுள்ளன. பெறப்பட்ட மனுக்களில் சாலை வசதி, குடிநீர் வசதி, சமூகநலக்கூடம், தரைமட்ட பாலங்களை உயர்மட்ட பாலமாக மாற்றுதல் உள்ளிட்ட கோரிக்கைகள் முன் வைக்கப்பட்டுள்ளன. நிகழாண்டில் மட்டும் செங்கல்பட்டு, மதுராந்தகம் கோட்டங்களில் 23 உயர்மட்ட பாலங்கள் கட்டப்பட்டுள்ளன. மேலும், தேவையான இடங்களில் உயர்மட்ட பாலங்கள் கட்டுவதற்கு விரைந்து நடவடிக்கை எடுக்கப்படும். மீதமுள்ள கோரிக்கைகளும் விரைந்து நிறைவேற்றப்படும் என்றார். 
முன்னதாக, வேளாண்-தோட்டக்கலைத் துறை, மலைப்பயிர்கள் துறை, ஆதிதிராவிடர்-பழங்குடியினர் துறை, பராமரிப்புத்துறை உள்ளிட்ட பல்வேறு துறைகள் சார்பில் அமைக்கப்பட்டுள்ள பொருள்காட்சி அரங்குகள், சுகாதார,நோய் தடுப்பு மருத்துவத்துறை சார்பில் ஏற்பாடு செய்யப்பட்டிருந்த முகாமை ஆட்சியர் பார்வையிட்டார். இந்நிகழ்ச்சியில், செய்யூர் எம்.எல்.ஏ ஆர்.டி.அரசு, முன்னாள் எம்.எல்.ஏ ராஜூ, வருவாய் கோட்டாட்சியர் மாலதி, தனித்துணை ஆட்சியர் சந்திரசேகர் உள்ளிட்ட அரசுத் துறை அலுவலர்கள், கட்சியினர் கலந்துகொண்டனர்.


 

]]>
http://images.dinamani.com/uploads/user/imagelibrary/2018/12/13/w600X390/poniya.JPG முகாமில் பயனாளிக்கு நலத் திட்ட உதவி வழங்கிய ஆட்சியர் பா.பொன்னையா. http://www.dinamani.com/all-editions/edition-chennai/kanchipuram/2018/dec/13/மனுநீதி-நாள்-முகாமில்-ரூ-23-லட்சத்தில்-நலத்-திட்ட-உதவிகள்-3056892.html
3056891 சென்னை காஞ்சிபுரம் அரசு மருத்துவமனையில் மகப்பேறு பிரிவு கட்டடத்துக்கான பூமி பூஜை DIN DIN Thursday, December 13, 2018 03:31 AM +0530
காஞ்சிபுரம் அரசு மருத்துவமனையில் புதிதாக கட்டப்படவுள்ள மகப்பேறு-குழந்தைகள் நலப்பிரிவு கட்டடத்துக்கான பூமி பூஜை புதன்கிழமை நடைபெற்றது. 
காஞ்சிபுரம் மாவட்ட அரசு தலைமை மருத்துவமனை வளாகத்தில் ரூ. 20 கோடி மதிப்பில் மகப்பேறு-குழந்தைகள் நலப்பிரிவு கட்டடம் கட்டப்பட உள்ளது. இதற்கான பூமி பூஜை புதன்கிழமை நடைபெற்றது. நிகழ்ச்சியில், காஞ்சிபுரம் எம்எல்ஏ எழிலரசன், அதிமுக மேற்கு மாவட்டச் செயலர் வாலாஜாபாத் பா.கணேசன், முன்னாள் அமைச்சர் வி.சோமசுந்தரம் ஆகியோர் கலந்துகொண்டு, புதிய கட்டடத்துக்கு அடிக்கல் நாட்டினர். 
இதில், சுகாதாரப் பணிகள் இணை இயக்குநர் ஜீவா, மருத்துவமனை கண்காணிப்பாளர் வள்ளியம்மாள், அதிமுக, திமுக நிர்வாகிகள், மருத்துவமனை ஊழியர்கள் உள்ளிட்டோர் கலந்துகொண்டனர்.
 

]]>
http://images.dinamani.com/uploads/user/imagelibrary/2018/12/13/w600X390/pooja1.JPG http://www.dinamani.com/all-editions/edition-chennai/kanchipuram/2018/dec/13/அரசு-மருத்துவமனையில்-மகப்பேறு-பிரிவு-கட்டடத்துக்கான-பூமி-பூஜை-3056891.html
3056889 சென்னை காஞ்சிபுரம் தடுப்புச் சுவர் இடிந்து கீழே விழுந்த பெண் சாவு DIN DIN Thursday, December 13, 2018 03:30 AM +0530
புதுமனை புகுவிழாவில் பங்கேற்றபோது மாடி கைப்பிடிச் சுவர் இடிந்ததில் கீழே விழுந்த பெண் உயிரிழந்தார். 
காஞ்சிபுரம், செவிலிமேடு பகுதியைச் சேர்ந்த கிருஷ்ணன் புதிய வீடு ஒன்றை கட்டினார். இதையடுத்து, புதுமனை புகுவிழாவை புதன்கிழமை நடைபெற்றது. இவரது உறவினரான திருவண்ணாமலை மாவட்டம், வடக்குப்பட்டைச் சேர்ந்த விஜயா (47) மற்றும் சாந்தி (50) ஆகியோர் இவ்விழாவுக்கு வந்திருந்தனர். பின்னர், இருவரும் வீட்டின் மொட்டை மாடி பகுதிக்குச் சென்று, உணவு சாப்பிட்டுவிட்டு, மாடியின் கைப்பிடி சுவரோரம் நின்றனராம். அப்போது, திடீரென மாடியின் கைப்பிடிச் சுவர் இடிந்து கீழே விழுந்ததில், விஜயா, சாந்தி ஆகிய இருவரும் விழுந்து, பலத்த காயமடைந்தனர். காஞ்சிபுரம் அரசு தலைமை மருத்துவமனைக்குச் செல்லும் வழியிலேயே விஜயா உயிரிழந்தார். சாந்தி மேல் சிகிச்சைக்காக சென்னை தனியார் மருத்துவமனைக்கு அனுப்பி வைக்கப்பட்டார். இதுகுறித்து போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-chennai/kanchipuram/2018/dec/13/தடுப்புச்-சுவர்-இடிந்து-கீழே-விழுந்த-பெண்-சாவு-3056889.html
3056888 சென்னை காஞ்சிபுரம் போக்சோ சட்டம் குறித்து பெண்களுக்கு விழிப்புணர்வு தேவை: நீதிபதி எஸ்.கிரி DIN DIN Thursday, December 13, 2018 03:30 AM +0530
போக்சோ சட்டம் குறித்து பெண்கள் அனைவருக்கும் விழிப்புணர்வு ஏற்படுத்த வேண்டும் என்று நீதிபதி எஸ்.கிரி வலியுறுத்தினார்.
உலக மனித உரிமை தினம் மற்றும் பெண்களுக்கு எதிரான வன்முறை ஒழிப்புக்கான 16 நாள் பிரசாரத்தின் நிறைவு, உலகளாவிய மனித உரிமை பிரகடனத்தின் 70ஆம் ஆண்டு நிறைவு ஆகியவற்றை முன்னிட்டு தமிழக பெண்கள் இயக்கத்தின் சார்பில் இந்த மாநாடு நடைபெற்றது. மாநாட்டுக்கு அரசு கலைக் கல்லூரி முதல்வர் சி.சிதம்பர விநாயகம் தலைமை வகித்து தொடக்கவுரையாற்றினார். தமிழக பெண்கள் இயக்கத்தின் அமைப்பாளர் சாந்தா, நிர்வாகி வசந்தா ஆகியோர் மனித உரிமைகள் குறித்து பேசினர். 
தலைமை விருந்தினர்களாக செங்கல்பட்டு மாவட்ட லோக் அதாலத் நிரந்தர தலைவர் நீதிபதி ஜி.ராஜா, மாவட்ட சட்டசேவை ஆணையத்தின் மூத்த மனித உரிமையியல் செயலாளர் நீதிபதி எஸ்.கிரி ஆகியோர் கலந்துகொண்டு சிறப்புரையாற்றினர். நீதிபதி கிரி பேசுகையில் மனித உரிமைகளாக குறிப்பிடப்பட்டுள்ளவை விட்டுக் கொடுக்க முடியாத உரிமைகளாகும். 10 பிரிவுகளில் இந்த உரிமைகளை ஐ.நா. சாசனம் குறிப்பிடுகிறது. இவற்றில் சில உரிமைகள் நமது அரசியல் சாசனத்தில் இடம்பெற்றுள்ளன. அப்படி இடம்பெறாவிட்டால் இன்று நாமெல்லாம் இங்கே இருந்திருக்கமுடியாது. பாதிக்கப்படும் இளம்பெண்களைக் காக்க போக்சோ சட்டம் உள்ளது. இந்த சட்டத்தை அனைவரும் அறிய செய்ய வேண்டும் என்றார். 
மாவட்ட லோக் அதாலத் நிரந்தர நீதிபதி ஜி.ராஜா பேசுகையில், மனித உரிமைகளை அமைய வேண்டுமென்றால் நல்ல மனிதர்களாக இருக்க வேண்டும். 
அப்படி இருந்தால் மனித உரிமைகளைக் கோர அவசியமே இருக்காது. சில வழக்குகளில் மரண தண்டனை விதிப்பது அவசியம். அப்போதுதான் பயம் இருக்கும். உலகிலேயே ஹிட்லர் காலத்தில்தான் வண்டிகள் மிகச் சரியான நேரத்தில் வந்தடைந்தன. 
இல்லாவிட்டால் தலை போய்விடும் என்ற பயம் இருந்ததுதான் காரணம். 
தவறு செய்பவர்களுக்கு பயம் இருக்க வேண்டும். தவறு செய்யக் கூடாது என்பதற்காகதான் நீதிமன்ற தண்டனை. பாதிக்கப்படும் பெண்கள் பயப்படவேண்டாம். வழக்குரைஞர்களுக்கு கட்டணம் செலுத்த இயலாத பெண்கள் இலவசமாக நீதி பெறலாம். அதற்கான வழக்குரைஞர் கட்டணத்தை இலவச சட்டஉதவி மையமே வழங்கும் என்றார்.
பெண்களின் அனைத்து மனித உரிமைகள் பாதுகாப்புக்குத் தேவையான சட்ட விதிமுறைகளைஏற்படுத்தி அவற்றை அரசு அமல்படுத்த வேண்டும்; பெண்களின் மனித உரிமைகள் பெண்களுக்கு எதிரான வன்முறைகள், அதன் மீது எடுக்கப்படும் நடவடிக்கை மற்றும் வழிமுறைகள் குறித்து அனைத்து அரசு மற்றும் தனியார் கல்வி நிறுவனங்களில் கற்றுத் தருவதை பாடத் திட்டத்தில் அரசு இடம்பெறச் செய்ய வேண்டும்; கல்வி நிறுவனங்களில் பாலியல் வன்முறைகளுக்கு எதிராக பெண்கள் நடவடிக்கை எடுக்க வழிவகை செய்யும் வகையில் மாணவர்கள் குழு அமைப்பதை கட்டாயமாக்க அரசாணை பிறப்பிக்க வேண்டும் உள்ளிட்ட தீர்மானங்கள் நிறைவேற்றப்பட்டன. 



 

]]>
http://images.dinamani.com/uploads/user/imagelibrary/2018/12/13/w600X390/giri.JPG http://www.dinamani.com/all-editions/edition-chennai/kanchipuram/2018/dec/13/போக்சோ-சட்டம்-குறித்து-பெண்களுக்கு-விழிப்புணர்வு-தேவை-நீதிபதி-எஸ்கிரி-3056888.html
3056887 சென்னை காஞ்சிபுரம் 2,664 மாணவர்களுக்கு விலையில்லா மிதிவண்டிகள்: ஆட்சியர் வழங்கினார் DIN DIN Thursday, December 13, 2018 03:30 AM +0530
மதுராந்தகத்தை அடுத்த செய்யூர் அரசு மகளிர் மேல்நிலைப் பள்ளியில் 2,664 மாணவ, மாணவியருக்கு அரசின் விலையில்லா மிதிவண்டிகள் மாவட்ட ஆட்சியர் புதன்கிழமை வழங்கினார்.
செய்யூர் வட்டம், சித்தாமூர், லத்தூர் ஆகிய ஊராட்சி ஒன்றியங்களுக்கு உள்பட்ட செய்யூர், அணைக்கட்டு, கூவத்தூர், திருவத்தூர், வெண்ணாங்குபட்டு, கடப்பாக்கம், கயப்பாக்கம், பொலம்பாக்கம், சூனாம்பேடு ஆகிய பகுதிகளைச் சேர்ந்த அரசு மேல்நிலைப் பள்ளிகளைச் சேர்ந்த 2,664 மாணவ, மாணவிகளுக்கு அரசின் விலையில்லா மிதிவண்டிகள் வழங்கும் நிகழ்ச்சி செய்யூர் அரசு மகளிர் மேல்நிலைப் பள்ளி வளாகத்தில் புதன்கிழமை நடைபெற்றது.
நிகழ்ச்சியில், மாவட்ட முதன்மைக் கல்வி அலுவலர் ஜே.ஆஞ்சலோ இருதயசாமி வரவேற்றார். ஆட்சியர் பா.பொன்னையா தலைமை வகித்து, மாணவ, மாணவியருக்கு அரசின் விலையில்லா மிதிவண்டிகளை வழங்கினார். செய்யூர் தொகுதி எம்எல்ஏ ஆர்.டி.அரசு, முன்னாள் எம்எல்ஏ வி.எஸ் ராஜி, செய்யூர் அரசு மகளிர் மேல்நிலைப்பள்ளித் தலைமை ஆசிரியை எம்.பொன்னுதாய் ஆகியோர் முன்னிலை வகித்தனர். 
நிகழ்ச்சியில், மதுராந்தகம் சார் ஆட்சியர் மாலதி, செய்யூர் வட்டாட்சியர் ரமா, சாலூர் தொடக்க வேளாண்மை கடன் சங்கத் தலைவர் எஸ்.ஆறுமுகம், மாவட்ட பேரவைச் செயலர் ஆனூர் பக்தவத்சலம், இடைக்கழிநாடு பேரூராட்சி முன்னாள் தலைவர் பாலசுப்பிரமணி, பள்ளித் தலைமை ஆசிரியர்கள் கஜராஜ் (செய்யூர் அரசு ஆண்கள் மேல்நிலைப் பள்ளி, மலர்விழி (கூவத்தூர் அரசு மேல்நிலைப் பள்ளி), முருகய்யா (கயப்பாக்கம் அரசு மேல்நிலைப் பள்ளி), உதயகுமார் (அரசு மேல்நிலைப்பள்ளி), கல்குளம் முன்னாள் ஊராட்சித் தலைவர் வி.கே.தினகரன் உள்ளிட்ட பலர் கலந்து கொண்டனர். செங்கல்பட்டு மாவட்டக் கல்வி அலுவலர் கே.ஏகாம்பரம் நன்றி கூறினார்.


 

]]>
http://images.dinamani.com/uploads/user/imagelibrary/2018/12/13/w600X390/cycle.JPG http://www.dinamani.com/all-editions/edition-chennai/kanchipuram/2018/dec/13/2664-மாணவர்களுக்கு-விலையில்லா-மிதிவண்டிகள்-ஆட்சியர்-வழங்கினார்-3056887.html
3056886 சென்னை காஞ்சிபுரம் பேருந்தில் சென்ற பெண்ணிடம் ரூ. 1 லட்சம் திருட்டு: 4 பெண்கள் கைது DIN DIN Thursday, December 13, 2018 03:29 AM +0530
மதுராந்தகத்தில் இருந்து பொலம்பாக்கம் செல்லும் பேருந்தில் பெண் ஒருவர் எடுத்துச் சென்ற ரொக்கம் ரூ. 1 லட்சத்தை திருடிச் சென்ற 4 பெண்களை போலீஸார் செவ்வாய்க்கிழமை கைது செய்தனர்.
மதுராந்தகத்தை அடுத்த பொலம்பாக்கம் கிராமத்தைச் சேர்ந்தவர் சுபா (45). இவர், அவசர செலவுக்காக தனது தங்க நகைகளை மதுராந்தகத்தில் உள்ள தனியார் நிதி நிறுவனத்தில் அடகு வைத்து, ரூ. 1 லட்சம் ரொக்கத்தைப் பெற்றுக் கொண்டு, ஊருக்குச் செல்ல மதுராந்தகம் பேருந்து நிலையத்துக்கு வந்தார். பின்னர், அங்கிருந்து செய்யூர் செல்லும் பேருந்தில் ஏறி, பொலம்பாக்கத்துக்குச் சென்று கொண்டிருந்தார். அப்போது, பயணச் சீட்டை எடுக்க வைத்திருந்த கைப்பையை பார்த்தபோது, ரூ. 1 லட்சம் ரொக்கம் வைத்திருந்த கைப்பை காணாமல் போனது தெரியவந்தது. இதையடுத்து, பேருந்து உடனடியாக நிறுத்தப்பட்டு, அதில் பயணம் செய்த அனைத்துப் பயணிகளும் சோதனை செய்யப்பட்டனர். 
தகவல் அறிந்த மதுராந்தகம் நகர போலீஸாரும் சம்பவ இடத்துக்கு வந்து விசாரித்துக் கொண்டிருந்தனர். அப்போது 4 பெண்கள் அவசர அவசரமாக ஆட்டோவில் ஏறிச் சென்றதைப் பார்த்தனர். இதையடுத்து, விரைந்து சென்ற போலீஸார், ஆட்டோவில் சென்ற 4 பெண்களையும் மடக்கிப் பிடித்து, மதுராந்தகம் காவல் நிலையத்துக்கு, அழைத்துச் சென்று விசாரித்தனர். அவர்கள் நால்வரும், மதுரை மாவட்டம், அயோத்திப்பட்டினம் கிராமத்தைச் சேர்ந்த உஷா (40), அனிதா (42), கல்யாணி (34), அபிராமி (28) என்பது தெரியவந்தது. அவர்கள் ஓடும் பேருந்தில் சுபாவிடம் இருந்து, ரூ. 1 லட்சம் ரொக்கம் திருடியதை ஒப்புக் கொண்டனர்.
இதையடுத்து, அவர்களிடம் இருந்து கைப்பற்றிய ரூ. 1 லட்சம் ரொக்கத்தை மதுராந்தகம் காவல் ஆய்வாளர் அந்தோணி ஸ்டாலின் சுபாவிடம் ஒப்படைத்தார். 4 பெண்களும் புதன்கிழமை கைது செய்யப்பட்டு நீதிமன்றக் காவலுக்கு அனுப்பப்பட்டனர்.
 

]]>
http://images.dinamani.com/uploads/user/imagelibrary/2018/12/13/w600X390/arest.JPG http://www.dinamani.com/all-editions/edition-chennai/kanchipuram/2018/dec/13/பேருந்தில்-சென்ற-பெண்ணிடம்-ரூ-1-லட்சம்-திருட்டு-4-பெண்கள்-கைது-3056886.html
3056885 சென்னை காஞ்சிபுரம் கரலாக்கட்டை பயிற்சி விழிப்புணர்வு பயணக் குழு மாமல்லபுரம் வருகை DIN DIN Thursday, December 13, 2018 03:29 AM +0530
சர்வதேச கரலாக்கட்டை பயிற்சி விழிப்புணர்வுப் பயணக்குழுவினர் புதன்கிழமை மாமல்லபுரத்துக்கு வருகை தந்தனர்.
சர்வதேச கரலாக்கட்டை தின விழாவை கொண்டாடும் வகையில், 5 ஆயிரம் பேருக்கு இலவச கரலாக்கட்டை பயிற்சி அளிக்கும் நோக்குடன், 2ஆயிரம் கி.மீ. தூர பயண விழிப்புணர்வுப் பேரணி கடந்த 4-ஆம் தேதி புதுச்சேரியில் தொடங்கியது. ஜோதி சிலம்பம் ஷத்திரிய குருகுலம், சர்வதேச கரலாக்கட்டை விளையாட்டு சம்மேளனம், தமிழ்நாடு கரலாக்கட்டை விளையாட்டு சங்கம் ஆகியவை இணைந்து இதற்கான ஏற்பாட்டை செய்தன. 
கூடலூர், சிதம்பரம், கும்பகோணம், தஞ்சாவூர், திருச்சி, புதுக்கோட்டை, மேலூர், மதுரை, திருமங்கலம், கோவில்பட்டி, நெல்லை, கன்னியாகுமரி, செங்கோட்டை, ராஜபாளையம், திண்டுக்கல், கரூர், நாமக்கல், சேலம், தருமபுரி, கிருஷ்ணகிரி, வேலூர், காஞ்சிபுரம், சென்னை, செங்கல்பட்டு வழியாக இப்பயணக் குழு மாமல்லபுரத்தை வந்தடைந்தது. அங்கு கரலாக்கட்டை பயிற்சி குறித்த விழிப்புணர்வு குறித்து துண்டுப் பிரசுரம் விநியோகிக்கப்பட்டது. மேலும், அங்குள்ளவர்களுக்கு கரலாக்கட்டை சுற்றும் விதம் குறித்துப் பயிற்சி அளிக்கப்பட்டது. அமைப்பின் நிறுவனர் கே.ஜோதி செந்தில்கண்ணன் தலைமையில், பொதுச் செயலாளர்கள் கே.திருவேங்கடம், எஸ். கேசவன் ஆகியோர் முன்னிலையில், திருவேங்கடம், முருகன், பார்த்திபன், கணேஷ், கலைவாணன், அரவிந்த் சத்யன், வெங்கடேசன், விஜய்பிரசாத் , பிரான்ஸ் நிக்கோலன் உள்ளிட்டோர் பயிற்சி அளித்தனர். இதனைத் தொடர்ந்து, புதுச்சேரியை நோக்கி பேரணி புறப்பட்டது.

]]>
http://images.dinamani.com/uploads/user/imagelibrary/2018/12/13/w600X390/art.JPG http://www.dinamani.com/all-editions/edition-chennai/kanchipuram/2018/dec/13/கரலாக்கட்டை-பயிற்சி-விழிப்புணர்வு-பயணக்-குழு-மாமல்லபுரம்-வருகை-3056885.html
3056884 சென்னை காஞ்சிபுரம் ரஜினிகாந்த் பிறந்த நாள்: ஏழைகளுக்கு அன்னதானம் DIN DIN Thursday, December 13, 2018 03:26 AM +0530
நடிகர் ரஜினிகாந்த் பிறந்தநாளையொட்டி, ஏழை, எளியோருக்கு புதன்கிழமை அன்னதானம் வழங்கப்பட்டது.
ரஜினி மக்கள் மன்றம் சார்பில், நடிகர் ரஜினிகாந்தின் பிறந்தநாள் விழா உத்தரமேரூரில் புதன்கிழமை கொண்டாடப்பட்டது. இதையொட்டி, ஆதரவற்ற குழந்தைகளுக்கு அன்னதானம், ஏழை எளியோருக்கு நல உதவிகள் வழங்கப்பட்டன. நிகழ்ச்சிக்கு, ரஜினி மக்கள் மன்ற ஒன்றிய துணைச் செயலர் சஞ்சீவி வெங்கடேசன் தலைமை வகித்தார். 
ஒன்றிய நிர்வாகிகள் தினகரன், பார்த்திபன் உள்ளிட்டோர் முன்னிலை வகித்தனர். மாவட்ட துணைச் செயலர் முருகன், உத்தரமேரூரை அடுத்த காரனைமண்டபம் கிராமத்தில் உள்ள திருவள்ளுவர் குருகுலம் ஆதரவற்ற இல்லத்தில் உள்ள 856 குழந்தைகள், குப்பைநல்லூர் கிராம மக்கள் ஆகியோருக்கு அன்னதானம் வழங்கினார்.
தொடர்ந்து, உத்தரமேரூர் பஜார் வீதியில் ரஜினி மக்கள் மன்ற கொடியை ஏற்றினார். இதில், பட்டாசு வெடித்து, இனிப்புகள் வழங்கி 500, ஏழை, எளியோருக்கு வேட்டி, சேலைகள் வழங்கப்பட்டன. 
 

]]>
http://www.dinamani.com/all-editions/edition-chennai/kanchipuram/2018/dec/13/ரஜினிகாந்த்-பிறந்த-நாள்-ஏழைகளுக்கு-அன்னதானம்-3056884.html
3056883 சென்னை காஞ்சிபுரம் கிராமங்களில் மணல் கடத்தலை தடுக்க வேண்டும்: சார்-ஆட்சியர் DIN DIN Thursday, December 13, 2018 03:26 AM +0530
கிராமங்களில் நடைபெறும் மணல் கடத்தலை கிராம நிர்வாக அலுவலர்கள், உதவியாளர்கள் தடுக்க வேண்டும் என சார் -ஆட்சியர் சரவணன் கூறினார். 
அண்மையில் வெளியிடப்பட்ட வரைவு வாக்காளர் பட்டியலில் விடுபட்ட பெயர்களை சேர்க்கவும், பெயர் நீக்கல், இரட்டை பதிவுகளை நீக்க ஸ்ரீபெரும்புதூர் வட்டத்தில், வாக்குச் சாவடி நிலை அலுவலர்களுக்கான ஆய்வுக் கூட்டம் ஸ்ரீபெரும்புதூரில் புதன்கிழமை நடைபெற்றது. கூட்டத்துக்கு, சார் ஆட்சியர் சரவணன் தலைமை வகித்துப் பேசியது: வாக்காளர் பட்டியலில் பெயர்களை சேர்க்கவும், நீக்கவும் வாக்குச் சாவடி நிலை அலுவலர்கள் நடுநிலையோடு பணியாற்ற வேண்டும். மண், மணல் கடத்தல் தற்போது நடைபெற்று வருகிறது. எனவே கிராமப் பகுதிகளில் நடைபெறும் மண் மற்றும் மணல் கடத்தலை அந்தந்த கிராம நிர்வாக அலுவலர்கள், கிராம உதவியாளர்கள் தடுக்க வேண்டும். மண் கடத்தல் நடைபெற்றால் கிராம நிர்வாக அலுவலர்கள் உடனடியாக உயர் அதிகாரிகளுக்கு தகவல் தெரிவிக்க வேண்டும் என்றார். 
வட்டாட்சியர் ரவிச்சந்திரன், மண்டலத் துணை வட்டாட்சியர்கள் பூபாலன், வெங்கடேசன், வட்ட வழங்கல் அலுவலர் கோபி, தேர்தல் பிரிவு உதவியாளர் ரவி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/13/கிராமங்களில்-மணல்-கடத்தலை-தடுக்க-வேண்டும்-சார்-ஆட்சியர்-3056883.html
3056882 சென்னை காஞ்சிபுரம் 28 வீட்டு உபயோக எரிவாயு உருளைகள் பறிமுதல் DIN DIN Thursday, December 13, 2018 03:26 AM +0530
மதுராந்தகம், செய்யூர் ஆகிய வட்டங்களில் வணிக நோக்கில் பயன்படுத்தப்பட்ட 28 வீட்டு உபயோக எரிவாயு உருளைகளை மாவட்ட வழங்கல் அலுவலர் புதன்கிழமை பறிமுதல் செய்தார்.
இந்துஸ்தான் பெட்ரோலிய நிறுவனத்தைச் சேர்ந்த வீட்டு உபயோக எரிவாயு உருளைகளானது, வணிக நோக்கில் தேநீர் கடைகள், உணவு விடுதிகள் ஆகியவற்றுக்கு அதிகளவில் விற்கப்படுவதாக காஞ்சிபுரம் மாவட்ட வழங்கல் அலுவலருக்கு தகவல் கிடைத்தது. இதையடுத்து, மாவட்ட வழங்கல் அலுவலர் கமலநாதன் தலைமையில் வட்ட வழங்கல் அலுவலர்கள் பிரபாகரன் (மதுராந்தகம்), தயாளன் (செய்யூர்), முதுநிலை வருவாய் ஆய்வாளர் சரவணன் ஆகியோர் கொண்ட குழுவினர், மதுராந்தகம், செய்யூர், கூவத்தூர், பவுஞ்சூர், அச்சிறுப்பாக்கம் உள்ளிட்ட பகுதிகளில் உள்ள தேநீர் கடை, உணவு விடுதிகள் போன்றவற்றில் திடீர் ஆய்வு செய்தனர். அதில் பவுஞ்சூரில் வணிக நோக்கில் பயன்படுத்தப்பட்ட வீட்டு உபயோக எரிவாயு உருளைகள் 3, மதுராந்தகம் நகரில் 13 உருளைகள், அச்சிறுப்பாக்கத்தில் 12 உருளைகள் பயன்படுத்தப்பட்டது தெரியவந்தது. இதையடுத்து, அவை பறிமுதல் செய்யப்பட்டன.
இதையடுத்து, செய்யூர் வட்டத்தில் பவுஞ்சூர் பகுதியில் கைப்பற்றப்பட்ட 3 உருளைகளை கடுகுபட்டு எரிவாயு முகவரிடமும், மதுராந்தகம் வட்டத்தில் அச்சிறுப்பாக்கத்தில் கைப்பற்றப்பட்ட 12 எரிவாயு உருளைகள், மதுராந்தகம் பகுதியில் கைப்பற்றப்பட்ட 13 எரிவாயு உருளைகள் ஆகியவற்றை மதுராந்தகம் எரிவாயு முகவரிடமும் மாவட்ட வழங்கல் அலுவலர் கமலநாதன் ஒப்படைத்தார்.
 

]]>
http://www.dinamani.com/all-editions/edition-chennai/kanchipuram/2018/dec/13/28-வீட்டு-உபயோக-எரிவாயு-உருளைகள்-பறிமுதல்-3056882.html
3056470 சென்னை காஞ்சிபுரம் தேசிய நூலக வார விழா  DIN DIN Wednesday, December 12, 2018 08:51 AM +0530 திருவள்ளூர் மாவட்ட நூலக ஆணைக்குழுவின் கீழ் இயங்கும் பொன்னேரி கிளை நூலகத்தின் சார்பில் 51-ஆவது தேசிய நூலக வார விழா திங்கள்கிழமை கொண்டாடப்பட்டது. 
பொன்னேரியை அடுத்த கிருஷ்ணாபுரம் பகுதியில் உள்ள தனியார் கல்லூரி வளாகத்தில் நடைபெற்ற விழாவுக்கு, கல்லூரிச் செயலர் ரமேஷ் தலைமை வகித்தார். பொன்னேரி கிளை நூலகர் சம்பத் வரவேற்றார். விழாவையொட்டி, பள்ளி, கல்லூரி மாணவர்களுக்கு நடத்தப்பட்ட பேச்சு மற்றும் கட்டுரைப் போட்டிகளில் வெற்றி பெற்ற மாணவர்களுக்கு, சான்றிதழ், கேடயம் மற்றும் பரிசுப் பொருள்கள்ஆகியவற்றை, கிருஷ்ணாபுரம் தொடக்க வேளாண்மை கூட்டுறவு கடன் சங்கத்தின் தலைவர் பானுபிரசாத் வழங்கினார்.
விழாவில், பொன்னேரி அரசு மருத்துவமனை தலைமை மருத்துவர் அனுரத்னா உள்ளிட்ட பலர் கலந்து கொண்டனர். தடப்பெரும்பாக்கம் ஊர்ப்புற நூலகர் தியாகராஜன் நன்றி கூறினார். 

]]>
http://www.dinamani.com/all-editions/edition-chennai/kanchipuram/2018/dec/12/தேசிய-நூலக-வார-விழா-3056470.html
3056468 சென்னை காஞ்சிபுரம் மாடுகள் திருட்டு: இருவருக்கு நீதிமன்றக் காவல் DIN DIN Wednesday, December 12, 2018 08:50 AM +0530 சிங்கப்பெருமாள்கோவில் அருகே மாடுகளை திருடிச் சென்றவர்களை பொதுமக்கள் விரட்டிப் பிடித்தனர்.
இது குறித்த விவரம்:
சிங்கப்பெருமாள்கோவில் அருகே உள்ள திருத்தேரி சத்தியா நகரைச் சேர்ந்தவர் அரிதாஸ்(40). அவரது வீட்டில் பசு மாடுகளை வளர்த்து வருகிறார். அவரது வீட்டில் கட்டி வைக்கப்பட்டிருந்த மூன்று மாடுகளை 3 பேர் திங்கள்கிழமை காலையில் திருடிச் சென்றனர். இதைப் பார்த்த அக்கம் பக்கத்தினர் அவர்களை துரத்திப் பிடித்தனர். எனினும், அவர்களில் ஒருவர் தப்பியோடி விட்டார். 
பிடிபட்ட மற்ற இருவரையும் பொதுமக்கள் மறைமலைநகர் காவல் நிலையத்தில் ஒப்படைத்தனர். அவர்களிடம் போலீஸார் நடத்திய விசாரணையில் அவர்கள் திருச்சியைச் சேர்ந்த சக்திவேல்(20), சந்திரசேகர்(24) என்பது தெரிய வந்தது. இது தொடர்பாக போலீஸார் வழக்குப்பதிவு செய்து, அவர்களைக் கைது செய்து நீதிமன்றக் காவலுக்கு அனுப்பினர். தப்பியோடிய மற்றொரு நபரை போலீஸார் தேடி வருகின்றனர்.
 

]]>
http://www.dinamani.com/all-editions/edition-chennai/kanchipuram/2018/dec/12/மாடுகள்-திருட்டு-இருவருக்கு-நீதிமன்றக்-காவல்-3056468.html
3056466 சென்னை காஞ்சிபுரம் கடையின் பூட்டை உடைத்து ரூ.1.74 லட்சம் திருட்டு DIN DIN Wednesday, December 12, 2018 08:50 AM +0530 கூடுவாஞ்சேரி சிக்னல் அருகே வீட்டு உபயோகப் பொருள்கள் விற்பனை செய்யும் கடையின் பூட்டை உடைத்து, ரூ.1 லட்சத்து 74 ஆயிரத்தை திருடிச் சென்றனர். 
செங்கல்பட்டை அடுத்த நந்திவரம் கூடுவாஞ்சேரி ஜிஎஸ்டி சாலையில் சிக்னல் அருகே வீட்டு உபயோகப் பொருள்கள் விற்பனை செய்யும் கடை உள்ளது. இந்தக் கடையை ஞாயிற்றுக்கிழமை இரவு மூடிவிட்டுச் சென்ற ஊழியர்கள் திங்கள்கிழமை காலையில் கடை திறக்க வந்தனர். அப்போது கடையின் பூட்டு உடைக்கப்பட்டிருந்தது. உள்ளே சென்று பார்த்தபோது பணப் பெட்டி உடைக்கப்பட்டு, அதில் வைக்கப்பட்டிருந்த ரூ.1 லட்சத்து 74 ஆயிரத்து 722 திருடு போயிருந்தது தெரிய வந்தது. இது தொடர்பாக அக்கடையின் மேலாளர் பச்சையப்பா(34), கூடுவாஞ்சேரி காவல் நிலையத்தில் புகார் அளித்தார். அதன்பேரில் காவல் ஆய்வாளர் சிவகுமார் உள்ளிட்ட போலீஸார் சம்பவ இடத்துக்கு நேரில் சென்று திருட்டு நிகழ்ந்த இடத்தை ஆய்வு மேற்கொண்டனர். இது தொடர்பாக வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/kanchipuram/2018/dec/12/கடையின்-பூட்டை-உடைத்து-ரூ174-லட்சம்-திருட்டு-3056466.html
3056464 சென்னை காஞ்சிபுரம் கழிவுகளால் சுகாதாரச் சீர்கேடு: நடவடிக்கை எடுக்க வலியுறுத்தல் DIN DIN Wednesday, December 12, 2018 08:50 AM +0530 பாட்டில் கழிவுகளால் சுகாதாரச் சீர்கேடு ஏற்படுத்தும் தனியார் நிறுவனம் மீது நடவடிக்கை எடுக்கக் கோரி சமூக ஆர்வலர்கள், மாவட்ட ஆட்சியரிடம் மனு அளித்தனர்.
இதுகுறித்து தமிழ்நாடு இயற்கை சுற்றுச்சூழல் மேம்பாட்டுச் சங்கத்தினர் அளித்த மனுவில் கூறியிருப்பது: காஞ்சிபுரம் மாவட்டம், மதுராந்தகம் வட்டத்துக்குட்பட்ட மேலவலம் கிராமத்தில் தனியார் நிறுவனம் ஒன்று பாட்டில்களை சுத்தப்படுத்தும் பணியில் ஈடுபட்டு வருகிறது. மேலும், மதுராந்தகத்தை அடுத்துள்ள மாம்பாக்கம் வீராணம் சாலையில் உள்ள அரிசி ஆலை சட்டவிரோதமாக செயல்பட்டு வருகிறது. இந்த இரண்டு பகுதிகளிலிருந்தும் அரசு புறம்போக்கு வழியில் அவர்கள் கழிவுகளைக் கொட்டி சுகாதாரச் சீர்கேட்டை ஏற்படுத்துகின்றனர். இதனால், பொதுமக்கள், மாணவர்கள் உள்ளிட்டோர் அவதிக்குள்ளாகி வருகின்றனர். எனவே, இந்த நிறுவனம் மீது மாவட்ட ஆட்சியர் உரிய நடவடிக்கை எடுக்க வேண்டும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/kanchipuram/2018/dec/12/கழிவுகளால்-சுகாதாரச்-சீர்கேடு-நடவடிக்கை-எடுக்க-வலியுறுத்தல்-3056464.html
3056462 சென்னை காஞ்சிபுரம் செல்லிடப்பேசி பறித்த இருவர் காவல் நிலையத்தில் ஒப்படைப்பு DIN DIN Wednesday, December 12, 2018 08:50 AM +0530 மறைமலைநகரை அடுத்த மல்ரோசாபுரம் பகுதியில் சாலையில் நடந்து சென்றவரிடம் இருந்து செல்லிடப் பேசியை பறித்துச் சென்ற இளைஞர்களை பொதுமக்கள் விரட்டிப் பிடித்து காவல் நிலையத்தில் ஒப்படைத்தனர். 
மறைமலைநகர் கீழக்கரணை பகுதியைச் சேர்ந்தவர் நீலகண்டன்(26). அவர் மல்ரோசாபுரம் அருகே செவ்வாய்க்கிழமை, தனது செல்லிடப்பேசியில் பேசியபடியே சென்றார். அப்போது அந்தப் பக்கமாக இருசக்கர வாகனத்தில் வந்த இரு இளைஞர்கள், அவரிடம் இருந்து செல்லிடப் பேசியை பறித்துக் கொண்டு தப்பிச் சென்றனர். அப்போது அந்த வழியாகச் சென்ற பொதுமக்கள் இதைப் பார்த்து அதிர்ச்சியடைந்தனர். நீலகண்டனிடம் செல்லிடப்பேசியை பறித்துச் சென்ற இளைஞர்களை அவர்கள் விரட்டிச் சென்று பிடித்தனர். இருவரையும் மறைமலைநகர் காவல் நிலையத்தில் ஒப்படைத்தனர். போலீஸார் நடத்திய விசாரணையில் 18 வயதான இருவரும் சென்னை துரைப்பாக்கம் பகுதியைச் சேர்ந்தவர்கள் எனத் தெரிய வந்தது. அவர்கள் இருவரையும் போலீஸார் கைது செய்து செய்து, தொடர்ந்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-chennai/kanchipuram/2018/dec/12/செல்லிடப்பேசி-பறித்த-இருவர்-காவல்-நிலையத்தில்-ஒப்படைப்பு-3056462.html
3056460 சென்னை காஞ்சிபுரம் உத்தரமேரூரில் பறவைகளுக்காக 1,000 மரக்கன்றுகள் நட தீர்மானம் DIN DIN Wednesday, December 12, 2018 08:49 AM +0530 உத்தரமேரூர் பகுதியில் பறவையினங்களுக்காக 1,000 மரக்கன்றுகளை நட்டுப் பராமரிக்க பறவைகள் நல அமைப்பு தீர்மானம் நிறைவேற்றியுள்ளது.
காஞ்சிபுரம் மாவட்டம், உத்தரமேரூர் அருகே மல்லியங்கரணை ஊராட்சியில் உள்ள நாரைமேடு பகுதியில் சிட்டுக்குருவி உள்ளிட்ட பறவையினங்களைக் காத்து, பறவைகள் சரணாலயமாக மாற்றும் முயற்சியில் முதியவர் லட்சுமணன் ஈடுபட்டு வருகிறார். இதற்காக, லட்சுமண குருசாமி அறக்கட்டளை என்ற அறக்கட்டளையை அவர் ஏற்படுத்தியுள்ளார். தற்போது, நாரைமேடு தடாகத்தில் ஆயிரக்கணக்கான பறவையினங்கள் வசித்து வருகின்றன. அதனால், இந்த தடாகத்தைப் பறவைகள் சரணாலயமாக மாற்றும் முயற்சியில் ஈடுபட்டு வருகின்றனர். அதன்படி, அறக்கட்டளை நிர்வாகிகளுக்கான பொதுக்குழு கூட்டம் திங்கள்கிழமை நடத்தப்பட்டது. இதில், அறக்கட்டளை நிறுவனரும், பறவைகள் நல ஆர்வலருமான லட்சுமணன் தலைமை வகித்தார். நிர்வாகிகள், பரத்குமார், தனமுத்து ஆகியோர் முன்னிலை வகித்தனர். 
கூட்டத்தில், லட்சுமண குருசாமி அறக்கட்டளையின் கீழ் செயல்பட்டு வரும் பறவைகள் தடாகத்தை பறவைகள் சரணாலயமாக மாற்ற வேண்டும்; இதற்காக, கூடுதல் நிதி வசூல் செய்தல், பறவைகளுக்கென புதிய நீர் ஆதாரங்கள் ஏற்படுத்த வேண்டுல்; பறவைகள் வசித்து வரும் 25 ஏக்கரைச் சுற்றி ஆயிரம் மரக்கன்றுகளை நட வேண்டும், பறவைகள் இளைப்பாறும் வகையில் ஆங்காங்கே நிழல் கொட்டகை அமைக்க வேண்டும்; கூடுதல் தானியங்களை பயிரிட வேண்டும் உள்ளிட்ட தீர்மானங்கள் நிறைவேற்றப்பட்டன. இதில், திரளான அறக்கட்டளை நிர்வாகிகள், பறவைகள் நல ஆர்வலர்கள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/kanchipuram/2018/dec/12/உத்தரமேரூரில்-பறவைகளுக்காக-1000-மரக்கன்றுகள்-நட-தீர்மானம்-3056460.html
3056451 சென்னை காஞ்சிபுரம் சமூக வலைதளங்களில் வதந்தி பரப்புவோர் மீது கடும் நடவடிக்கை: எஸ்.பி. எச்சரிக்கை DIN DIN Wednesday, December 12, 2018 08:47 AM +0530 பல்வேறு சமூகத்தினர் இடையே விரோத மனப்பான்மையை வளர்க்கும் வகையில், சமூக வலைதளங்களில் பரவி வரும் விடியோ படங்கள் மூலம் வதந்திகள் பரப்புவதை பொதுமக்கள் யாரும் நம்ப வேண்டாம் என மாவட்டக் காவல் கண்காணிப்பாளர் இரா.பொன்னி எச்சரிக்கை விடுத்துள்ளார். 
இதுகுறித்து திருவள்ளூர் மாவட்டக் காவல் கண்காணிப்பாளர் அலுவலக வளாகத்தில் செய்தியாளர்களிடம் அவர் செவ்வாய்க்கிழமை கூறியது: திருவள்ளூர் மாவட்டத்தில் உள்ள பல்வேறு பகுதிகளில் பல சமூகத்தினர் ஒற்றுமையாகவும், இணக்கத்துடனும் இருந்து வருகின்றனர். இந்நிலையில், விரோத மனப்பான்மையைத் தூண்டி, இரு தரப்பினரிடையே மோதலை ஏற்படுத்தும் நோக்கத்துடன் தலை துண்டானது போல் மார்பிங் செய்து, விடியோவை சமூக வலைதளங்களில் பரவ விட்டு வருகின்றனர். இதுபோன்ற சமூக வலைதளங்களில் பரவும் விடியோக்களை பொதுமக்கள் யாரும் கட்டாயம் நம்ப வேண்டாம். மேலும், இதுபோன்ற வதந்தி பரப்புவோர் மீது நடவடிக்கை எடுக்கும் வகையில் பொதுமக்கள் ஒத்துழைப்பு அளிக்க வேண்டும். அதனால், இதுபோன்ற வதந்தியை பரப்பும் நபர்கள் மீது கடுமையான நடவடிக்கை எடுக்கப்படும்.
இதுகுறித்து மப்பேடு நரசிங்கபுரம் பகுதியைச் சேர்ந்த அன்பழகன் என்பவரை போலீஸார் தேடி வருகின்றனர். ஏற்கெனவே இது தொடர்பாக 3 பேர் கைது செய்யப்பட்டுள்ளனர் என்றார்.

]]>
http://www.dinamani.com/all-editions/edition-chennai/kanchipuram/2018/dec/12/சமூக-வலைதளங்களில்-வதந்தி-பரப்புவோர்-மீது-கடும்-நடவடிக்கை-எஸ்பி-எச்சரிக்கை-3056451.html
3056450 சென்னை காஞ்சிபுரம் நல்லாசிரியர் விருது பெற்ற ஆசிரியர்களுக்கு பாராட்டு DIN DIN Wednesday, December 12, 2018 08:47 AM +0530 மதுராந்தகம் வட்டத்தில், நல்லாசிரியர் விருது பெற்ற ஆசிரியர்களுக்கு ஏரிநகர லயன்ஸ் சங்கமும், கருங்குழி லயன்ஸ் சங்கமும் இணைந்து பாராட்டு விழா நடத்தின.
மதுராந்தகம் வட்டத்தைச் சேர்ந்த ஆசிரியர்கள் பெ.அலோசியஸ் துரைராஜ் (நல்லாமூர் ஊராட்சி ஒன்றிய நடுநிலைப் பள்ளி), சு. உமாபதி (மதுராந்தகம் இந்து மேல்நிலைப் பள்ளி) ஆகியோர் தமிழக அரசின் நல்லாசிரியர் விருதுகளைப் பெற்றுள்ளனர். அவர்களுக்கான பாராட்டு விழாவுக்கு மதுராந்தகம் ஏரி நகர லயன்ஸ் சங்கத் தலைவர் எஸ்.சிவகுமார் தலைமை வகித்தார். கருங்குழி லயன்ஸ் சங்கத் தலைவர் சு.குமார் வரவேற்றார். மாவட்ட நிர்வாகிகள் உள்ளிட்டோர் பங்கேற்றனர். சங்கத்தின் முன்னாள் மாவட்ட ஆளுநர் வி.எஸ்.தளபதி சிறப்பு விருந்தினராக கலந்து கொண்டு, விருது பெற்ற ஆசிரியர்களைப் பாராட்டி பரிசு வழங்கினார்.
நிகழ்ச்சியில் லயன்ஸ் சங்க மண்டலத் தலைவர், ஏரி நகர லயன்ஸ் சங்கச் செயலர், சங்கத்தின் சாசன நிர்வாகிகள், மதுராந்தகம் வர்த்தக சங்கச் செயலர், தியாகி ஓ.நா.துரைபாபு அறக்கட்டளை நிறுவனர், நடை பயிற்சி செய்வோர் சங்கத் தலைவர், தேசிய நல்லாசிரியர் விருது பெற்ற அரங்கநாதன், கருங்குழி லயன்ஸ் சங்க நிர்வாகிகள் உள்ளிட்டோர் விழாவில் கலந்துகொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/12/நல்லாசிரியர்-விருது-பெற்ற-ஆசிரியர்களுக்கு-பாராட்டு-3056450.html
3056449 சென்னை காஞ்சிபுரம் மணல் கடத்தல்: வாகன உரிமையாளர்கள் மீது கடும் நடவடிக்கை: ஆட்சியர் உறுதி DIN DIN Wednesday, December 12, 2018 08:47 AM +0530 செயற்கை மணலை அனுமதியின்றி கடத்திய 34 லாரிகளை காஞ்சிபுரம் மாவட்ட நிர்வாகம் பறிமுதல் செய்துள்ளது. இதைத் தொடர்ந்து, லாரி உரிமையாளர்கள் மீது கடும் நடவடிக்கை எடுக்கப்படும் என ஆட்சியர் உறுதியளித்துள்ளார்.
காஞ்சிபுரம் மாவட்டப் பகுதிகளில் உள்ள கல்குவாரிகளில் இருந்து அனுமதியின்றி அதிக பாரம் ஏற்றுதல், செயற்கை மணல் (சி.எஸ்.சாண்ட்) கடத்திச் செல்வது ஆகியவற்றில் ஈடுபடுவோர் மீது கடும் நடவடிக்கை எடுக்கப்படும் என ஆட்சியர் அண்மையில் எச்சரித்திருந்தார். இதைத்தொடர்ந்து, வெளி மாநிலங்கள் மற்றும் வெளி மாவட்டப் பகுதிகளில் இருந்து சட்ட விரோதமாகவும், அனுமதிச் சீட்டு இன்றியும் கனிம வளங்கள் கடத்தப்படுவதாக மாவட்ட நிர்வாகத்துக்கு பல்வேறு புகார்கள் வந்தன. அதன்பேரில், மாவட்டம் முழுவதும் உள்ள வாகனச் சோதனை மையங்களில் வருவாய்த்துறை, காவல்துறை அலுவலர்கள் கொண்ட 17 குழுக்கள் கடந்த சில நாள்களாக இரு வேளைகளிலும் சோதனையில் ஈடுபட்டு வந்தன.
34 லாரிகள் பறிமுதல்: கண்காணிப்பைத் தீவிரப்படுத்தும் வகையில் 5 சோதனைச்சாவடி மையங்களுக்கு சிறப்புக் குழுக்கள் அனுப்பி வைக்கப்பட்டன. அதேபோல், வட்டாட்சியர் தலைமையில் 5 சிறப்பு நடமாடும் குழுக்கள் அமைக்கப்பட்டு தீவிர கண்காணிப்பில் அக்குழுவினர் ஈடுபட்டு வந்தனர். அதன்பேரில், அனைத்து வாகனச் சோதனை மையங்களிலும் செவ்வாய்க்கிழமை தீவிரமாக கண்காணிக்கப்பட்டது. அப்போது, சார் ஆட்சியர் சரவணன் தலைமையில் 10 லாரிகளையும், வருவாய் கோட்டாட்சியர் மாலதி தலைமையில் செய்யூர், மதுராந்தகம் ஆகிய வட்டங்களில் 22 லாரிகள், கோட்டாட்சியர் முத்துவேல் தலைமையில் செங்கல்பட்டில் 2 வாகனங்கள் ஆகியவை பறிமுதல் செய்யப்பட்டன. இதைத் தொடர்ந்து, கனிம வளங்களைக் கடத்துபவர்கள் மீதும், லாரி உரிமையாளர்கள் மீதும் கடும் நடவடிக்கை எடுக்கப்படும் என ஆட்சியர் பா.பொன்னையா எச்சரித்துள்ளார்.

]]>
http://www.dinamani.com/all-editions/edition-chennai/kanchipuram/2018/dec/12/மணல்-கடத்தல்-வாகன-உரிமையாளர்கள்-மீது-கடும்-நடவடிக்கை-ஆட்சியர்-உறுதி-3056449.html
3056447 சென்னை காஞ்சிபுரம் தொழில் தொடங்கி முன்னேற கிராமப்புற இளைஞர்களுக்கு அதிக வாய்ப்பு: வெ.இறையன்பு DIN DIN Wednesday, December 12, 2018 08:46 AM +0530 கிராமப்புற இளைஞர்கள் தொழில் தொடங்கி முன்னேறுவதற்கு அதிக வாய்ப்புகள் உள்ளதாக தமிழக தொழில் முனைவோர் வளர்ச்சி நிறுவனத்தின் இயக்குநர் வெ.இறையன்பு கூறினார்.
தமிழக அரசு கலைக் கல்லூரிகளில் இறுதியாண்டு மாணவர்களுக்கென புதிய தொழில் முனைவோரை உருவாக்கும் திட்டம் தயாரிக்கப்பட்டுள்ளது. அத்திட்டம் குறித்து தமிழகத்தில் உள்ள 88 அரசு கலைக் கல்லூரிகளில் மாணவர்களுக்கு விழிப்புணர்வு மற்றும் புத்தாக்கப் பயிற்சி முகாமை தமிழக தொழில்முனைவோர் வளர்ச்சி நிறுவனத்தின் இயக்குநரும், முதன்மைச் செயலருமான வெ.இறையன்பு நடத்தி வருகிறார். இதன் ஒருபகுதியாக, காஞ்சிபுரத்தை அடுத்த திருப்புலிவனம் பகுதியில் செயல்பட்டு வரும் டாக்டர் எம்.ஜி.ஆர் அரசு கலை, அறிவியல் கல்லூரியில் ஒருநாள் புத்தாக்க பயிற்சி,விழிப்புணர்வு முகாம் செவ்வாய்க்கிழமை நடைபெற்றது. இதில், வெ.இறையன்பு மாணவர்களிடையே பேசியது:
தற்போது பல்வேறு துறைகளில் புதிய தொழில் முனைவோர் உருவாகி வருகின்றனர். மேலும், தங்களது உற்பத்திப் படைப்புகளை காலத்துக்கேற்ப தயாரித்து, சந்தைப்படுத்தியும் வருகின்றனர். குறிப்பாக நகர்ப்புற மாணவர்களைக் காட்டிலும் கிராமப்புற மாணவர்கள் வருவதற்கு வாய்ப்புகள் அதிகம் ஏற்படுத்தப்பட்டுள்ளன. அதன்படி, கிராமப்புற மாணவர்கள் விவசாயிகள், சிறுவியாபாரிகளின் ஏற்ற, இறக்க சூழலைக் கூர்ந்து நோக்கி, அனுபவம் பெற்றுள்ளனர். 
இந்த அனுபவத்தை வைத்து தொழில் தொடங்கும் போது தவறுகள் ஏற்படாது. சிறந்த தொழில்முனைவாராக உருவெடுக்க இந்த அனுபவம் அவசியம். எனவேதான், அரசு கலைக் கல்லூரிகளில் பயிலும் கிராமப்புற மாணவர்களுக்கு ஏதுவாக இந்த முகாம் நடத்தப்பட்டு வருகிறது. இனி வரும் காலங்களில் தனியார் கல்லூரிகள் இதுபோன்ற விழிப்புணர்வு மற்றும் புத்தாக்கப் பயிற்சி முகாம் நடத்த சம்மதித்தால், அங்கும் அவற்றை நடத்த அரசு தயாராக உள்ளது என்றார் அவர். இம்முகாமில் கல்லூரி பேராசிரியர்கள், மாணவர்கள் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/12/தொழில்-தொடங்கி-முன்னேற-கிராமப்புற-இளைஞர்களுக்கு-அதிக-வாய்ப்பு-வெஇறையன்பு-3056447.html
3056445 சென்னை காஞ்சிபுரம் பாமகவினர் கண்டன ஆர்ப்பாட்டம் DIN DIN Wednesday, December 12, 2018 08:46 AM +0530 கூடுவாஞ்சேரியை அடுத்த குமிழி ஊராட்சியில் சட்டவிரோத ஆக்கிரமிப்பை அகற்றக் கோரி பாமகவினர் செங்கல்பட்டு பழைய பேருந்து நிலையம் அருகில் கண்டன ஆர்ப்பாட்டத்தில் ஈடுபட்டனர். 
காஞ்சிபுரம் மாவட்டம் குமிழி ஊராட்சிக்குட்பட்ட மேட்டுப்பாளையம் கிராமத்தில் நீர்த்தாங்கலில் உள்ள ஆக்கிரமிப்பை அகற்றக்கோரி சென்னை உயர்நீதிமன்றம் ஆணை பிறப்பித்துள்ளது. அதன் பின்னரும் இதுவரை நடவடிக்கை எடுக்காத வருவாய்த் துறையைக் கண்டித்து பாமக சார்பில் செங்கல்பட்டு பழைய பேருந்து நிலையம் அருகில் திங்கள்கிழமை கண்டன ஆர்ப்பாட்டம் நடைபெற்றது. இந்த ஆர்ப்பாட்டத்துக்கு கட்சியின் காஞ்சிபுரம் தெற்கு மாவட்டச் செயலாளர் காரணை ராதா தலைமை வகித்தார். கட்சியின் மாநில துணை பொதுச் செயலாளரும், முன்னாள் சட்டப் பேரவை உறுப்பினருமான திருக்கச்சூர் ஆறுமுகம் கண்டன உரையாற்றினார். நகர வன்னியர் சங்கத் தலைவர் மதிவாணன், நகர துணைச் செயலாளர் வெங்கடேசன் உள்ளிட்டோர் ஆர்ப்பாட்டத்தில் கலந்து கொண்டனர்.

]]>
http://www.dinamani.com/all-editions/edition-chennai/kanchipuram/2018/dec/12/பாமகவினர்-கண்டன-ஆர்ப்பாட்டம்-3056445.html
3056443 சென்னை காஞ்சிபுரம் மழைநீர் கால்வாய்ப் பணியை விரைந்து முடிக்க வலியுறுத்தல் DIN DIN Wednesday, December 12, 2018 08:45 AM +0530 மழைநீர் கால்வாய்ப் பணிகளை விரைந்து முடிக்குமாறு கோரி கேளம்பாக்கம் பகுதி வணிகர்கள், காஞ்சிபுரம் மாவட்ட ஆட்சியரிடம் மனு அளித்தனர்.
இது குறித்து அவர்கள் மனுவில் கூறியிருப்பது: 
கேளம்பாக்கம் பழைய மாமல்லபுரம் சாலையில் மழைநீர் கால்வாய்ப் பணிகள் கடந்த சில ஆண்டுகளுக்கு முன்பு தொடங்கப்பட்டன. இப்பணிகள், பாதியளவுக்கே முடிக்கப்பட்டன. கடந்த 2 ஆண்டுகளாக இப்பணி கிடப்பில் போடப்பட்டுள்ளது. இதனால், சாலையின் இருபுறமும் மழைக் காலங்களில் அதிக அளவில் மழைநீர் தேங்குகிறது. இதன்காரணமாக, பொதுமக்கள், மாணவர்கள், வணிகர்கள் உள்ளிட்டோர் கடும் அவதிக்குள்ளாகி வருகின்றனர்.
குறிப்பாக, பஜார் சாலை, தையூர் அங்காடி சாலை, பழைய மாமல்லபுரம், கோவளம் சாலைகளில் இருபுறமும் தள்ளுவண்டிக் கடைகளையும், சாலையோரக் கடைகளையும் வைத்து சிறுவணிகர்கள் பிழைப்பு நடத்தி வருகின்றனர். அவர்கள் பாதிக்கப்படுவதோடு, சாலையோரத்தில் தேங்கும் மணலால் வாகன ஓட்டிகள் அவ்வப்போது சறுக்கி கீழே விழுந்து காயமடைகின்றனர். எனவே, மழைநீர் கால்வாய்ப் பணியை விரைந்து முடிக்க நடவடிக்கை எடுக்க வேண்டும் என அந்த மனுவில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/kanchipuram/2018/dec/12/மழைநீர்-கால்வாய்ப்-பணியை-விரைந்து-முடிக்க-வலியுறுத்தல்-3056443.html
3056441 சென்னை காஞ்சிபுரம் கல்லூரியில் வேலை வாய்ப்பு முகாம் DIN DIN Wednesday, December 12, 2018 08:45 AM +0530 மதுராந்தகம் ஸ்ரீமாலோலன் கலை மற்றும் அறிவியல் கல்லூரியில் 3ஆம் ஆண்டு படித்து வரும் மாணவ, மாணவியருக்கு செவ்வாய்க்கிழமை காலை வேலைவாய்ப்பு முகாம் நடைபெற்றது.
மதுராந்தகம் நகரில் செயல்பட்டு வரும் இக்கல்லூரியில் திருச்சி வின்னர்ஸ் இன்ஸ்டியூட் ஆப் கம்யூனிகேட்டிவ் இங்கிலீஷ் நிறுவனத்தின் சார்பாக நடைபெற்ற வேலைவாய்ப்பு முகாமுக்கு கல்லூரி முதல்வர் வி.சுபத்ரா தலைமை வகித்தார். இந்த முகாமில் துணை முதல்வர் எஸ்.திருமலை, நிறுவன மேலாளர் ஏ.அந்தோணி, தொழில் முனைவோர் அதிகாரி எம்.வினோத் ஆகியோர் கலந்து கொண்டனர். கல்லூரியில் 3ஆம் ஆண்டு படித்து வரும் 150 மாணவ, மாணவியர் நேர்காணலில் பங்கேற்றனர். அவர்களில் 26 பேரை வேலைக்குத் தேர்வு செய்தனர்.
இந்த முகாமுக்கான ஏற்பாடுகளை கல்லூரியின் வேலைவாய்ப்பு மற்றும் மேம்பாட்டுத் திறன் ஒருங்கிணைப்பாளர் என்.ராஜ்பரத் தலைமையில் நிகழ்ச்சி ஏற்பாட்டாளர்கள் செய்திருந்தனர்.

]]>
http://www.dinamani.com/all-editions/edition-chennai/kanchipuram/2018/dec/12/கல்லூரியில்-வேலை-வாய்ப்பு-முகாம்-3056441.html
3056440 சென்னை காஞ்சிபுரம் கஜா புயல்: பாதிக்கப்பட்ட பகுதிகளுக்கு ரூ.6.5 லட்சம் நிவாரணப் பொருள்கள் DIN DIN Wednesday, December 12, 2018 08:45 AM +0530 கஜா புயலால் பாதிக்கப்பட்டோருக்காக ரூ.6.5 லட்சம் மதிப்பிலான நிவாரணப் பொருள்களை காஞ்சிபுரம் ஆட்சியர் பா.பொன்னையா அனுப்பி வைத்தார்.
காஞ்சிபுரம் மாவட்ட நிர்வாகம் சார்பில் கஜா புயலால் பாதிக்கப்பட்ட டெல்டா மாவட்ட மக்களுக்கென தொடர்ந்து நிவாரணப் பொருள்கள் அனுப்பப்பட்டு வருகின்றன. இதன் ஒரு பகுதியாக, உணவு பாதுகாப்புத்துறை சார்பில், கஜா புயலால் பாதிக்கப்பட்ட மக்களுக்காக ரூ.6.5 லட்சம் மதிப்பிலான நிவாரணப் பொருள்கள் பெறப்பட்டன. அவற்றை ஆட்சியர் பா.பொன்னையா திங்கள்கிழமை இரவு காவிரி டெல்டா மாவட்டப் பகுதிகளுக்கு அனுப்பி வைத்தார். உணவு, மளிகைப் பொருள்கள், ஆடைகள் உள்ளிட்டவை டெல்டா மாவட்ட மக்களுக்கென அனுப்பி வைக்கப்பட்டன. அப்போது, மாவட்ட வருவாய் அலுவலர் சுந்தரமூர்த்தி, ஆட்சியரின் நேர்முக உதவியாளர் (பொது) நாராயணன், உணவுப் பாதுகாப்பு நல அலுவலர் டாக்டர் ராமகிருஷ்ணன் உள்ளிட்டோர் உடன் இருந்தனர்.

=

]]>
http://www.dinamani.com/all-editions/edition-chennai/kanchipuram/2018/dec/12/கஜா-புயல்-பாதிக்கப்பட்ட-பகுதிகளுக்கு-ரூ65-லட்சம்-நிவாரணப்-பொருள்கள்-3056440.html
3056436 சென்னை காஞ்சிபுரம் சாலை வசதி கோரி நாற்று நடும் போராட்டம் DIN DIN Wednesday, December 12, 2018 08:44 AM +0530 மதுராந்தகத்தை அடுத்த வேப்பங்கரணை கிராமத்தில் சரிவர சாலை வசதி அமைத்துத் தராத அதிகாரிகளைக் கண்டித்து கிராமத்தினர் தனியார் பேருந்தை சிறைபிடித்து, சாலையில் நாற்று நடும் போராட்டத்தை நடத்தினர்.
அச்சிறுப்பாக்கம் ஊராட்சி ஒன்றியம், ஒரத்திக்கு அருகேயுள்ள கிராமம் வேப்பங்கரணை. 
இது திருவண்ணாமலை மாவட்டத்துக்கும், காஞ்சிபுரம் மாவட்டத்தும் இடையே அமைந்துள்ளது. சுமார் 600-க்கும் மேற்பட்டோர் வசித்து வருகின்றனர். 
இந்த கிராமத்துக்கு காஞ்சிபுரம், திண்டிவனம், மதுராந்தகம் உள்ளிட்ட பல்வேறு இடங்களில் இருந்து தனியார், அரசுப் பேருந்துகள் வந்து செல்கின்றன. வேலைக்கு செல்வோர், பள்ளி, கல்லூரி மாணவர்கள், நோயாளிகள் உள்ளிட்டோர் இந்த பேருந்துகளையே நம்பியிருக்கின்றனர்.
வேப்பங்கரணை கிராமத்தில் இருந்து வந்தவாசி அருகேயுள்ள தெள்ளார் பகுதிக்கு செல்லும் சாலை சுமார் ஒரு கி.மீ தூரமும், வந்தவாசி செல்லும் சாலை சுமார் 500 மீட்டர் தூரமும் பழுதடைந்துள்ளன. இதனால் சுமார் 15-க்கும் மேற்பட்ட கிராமத்தினர் போக்குவரத்து வசதியின்றி நீண்ட தூரம் நடந்து ஒரத்தி, திண்டிவனம் உள்ளிட்ட பகுதிகளுக்கு வெளியூர் செல்ல வேண்டியுள்ளது. இச்சாலைகள் இருசக்கர வாகனங்கள் கூட செல்ல முடியாத அளவுக்கு சேதமடைந்துள்ளன. இதனால் அரசு, தனியார் பேருந்துகள் இச்சாலை வழியாகச் செல்வதில்லை.
இச்சாலைகளை சீர்செய்ய வலியுறுத்தி பல முறை மாவட்ட ஆட்சியர், தமிழக முதல்வர் உள்ளிட்டோருக்கு இப்பகுதி மக்களும், சமூக ஆர்வலர்களும் கோரிக்கை மனுக்களை தொடர்ந்து அனுப்பி வருகின்றனர். ஆனால் அரசு நிர்வாகத்தில் திருவண்ணாமலை மாவட்டம், காஞ்சிபுரம் மாவட்டம் ஆகிய இரண்டுக்கும் இடையே உள்ள எல்லைப் பிரச்னை காரணமாக யாரும் நடவடிக்கை எடுப்பதில்லை எனக் கூறப்படுகிறது.
இதனால் அதிருப்தியடைந்த கிராம மக்கள் வேப்பங்கரணை கிராமத்தை இணைக்கும் நெடுஞ்சாலையில் தனியார் பேருந்தை செவ்வாய்க்கிழமை சிறை பிடித்தனர். மேலும், சேதமடைந்த சாலையில் ஏர் உழுது நாற்று நடும் போராட்டத்தையும் நடத்தினர்.

]]>
http://www.dinamani.com/all-editions/edition-chennai/kanchipuram/2018/dec/12/சாலை-வசதி-கோரி-நாற்று-நடும்-போராட்டம்-3056436.html
3055506 சென்னை காஞ்சிபுரம் படப்பை சார்-பதிவாளர் அலுவலக புதிய கட்டடம் திறப்பு DIN DIN Tuesday, December 11, 2018 04:13 AM +0530
படப்பை சார்-பதிவாளர் அலுவலகத்துக்கு ரூ.89 லட்சத்தில் கட்டப்பட்ட புதிய கட்டடத்தை தமிழக முதல்வர் எடப்பாடி பழனிசாமி காணொலி முறையில் திங்கள்கிழமை திறந்து வைத்தார்.
படப்பை பகுதியில் சார்-பதிவாளர் அலுவலகம் இயங்கி வருகிறது. எருமையூர், வரதராஜபுரம், படப்பை, மணிமங்கலம், முடிச்சூர், நடுவீரப்பட்டு உள்ளிட்ட 20-க்கும் மேற்பட்ட கிராமங்களைச் சேர்ந்த நூற்றுக்கணக்கானோர் பல்வேறு காரணங்களுக்காக தினமும் இந்த அலுவலகத்துக்கு வந்து செல்கின்றனர். பல ஆண்டுகளாக வாடகைக் கட்டடத்தில் இடநெருக்கடியுடன் இயங்கி வந்த இந்த அலுவலகத்துக்கு புதிய கட்டடத்தைக் கட்ட வேண்டும் என அரசுக்கு பொதுமக்கள் கோரிக்கை விடுத்து வந்தனர். 
இதையடுத்து, புதிய கட்டடம் கட்ட படப்பை ஊராட்சிக்குட்பட்ட கீழ்படப்பை பகுதியில் இடம் தேர்வு செய்யப்பட்டது. இதற்காக பொதுப் பணித் துறை சார்பில் ரூ.89 லட்சம் நிதி ஒதுக்கீடு செய்யப்பட்டது. புதிய கட்டடத்துக்கான அடிக்கல் நாட்டு விழா கடந்த மார்ச் மாதம் நடைபெற்றது. அதன் கட்டுமானப் பணிகள் ஒரு மாதத்துக்கு முன்பு முடிவடைந்தன.
இந்நிலையில், சார்-பதிவாளர் அலுவலக புதிய கட்டடத்தை தமிழக முதல்வர் எடப்பாடி கே.பழனிசாமி, சென்னையில் இருந்து காணொலி முறையில் திங்கள்கிழமை திறந்து வைத்தார். அதேவேளையில், படப்பையில் உள்ள அக்கட்டடத்தில் நடைபெற்ற விழாவில் ஸ்ரீபெரும்புதூர் எம்எல்ஏ கே.பழனி, முன்னாள் எம்எல்ஏ வாலாஜாபாத் பா.கணேசன் உள்ளிட்டோர் பங்கேற்றனர். அவர்கள் பதிவாளர் அலுவலகப் பணியைத் தொடங்கி வைத்து, பொதுமக்களுக்கு இனிப்பு வழங்கினர். 
இந்த விழாவில், சென்னை மண்டல துணை பதிவுத்துறை தலைவர் ஜனார்த்தனன், தென்சென்னை உதவி பதிவுத்துறை தலைவர் ரவீந்திரநாத், படப்பை சார்-பதிவாளர் தாமோதரன், குன்றத்தூர் ஒன்றியச் செயலர் எழிச்சூர் ராமச்சந்திரன், வட்டார வளர்ச்சி அலுவலர் சந்திரபாபு உள்ளிட்டோர் கலந்து கொண்டனர்.

]]>
http://images.dinamani.com/uploads/user/imagelibrary/2018/12/11/w600X390/open.JPG http://www.dinamani.com/all-editions/edition-chennai/kanchipuram/2018/dec/11/படப்பை-சார்-பதிவாளர்-அலுவலக-புதிய-கட்டடம்-திறப்பு-3055506.html
3055505 சென்னை காஞ்சிபுரம் பள்ளி விளையாட்டுகளில் வெற்றி பெற்ற மாணவர்களுக்கு பரிசளிப்பு DIN DIN Tuesday, December 11, 2018 04:13 AM +0530
பள்ளி மாணவர்களுக்கு இடையே நடைபெற்ற பல்வேறு போட்டிகளில் வெற்றி பெற்றவர்களுக்கான பரிசளிப்பு விழா மதுராந்தகத்தில் சனிக்கிழமை நடைபெற்றது.
மதுராந்தகம் இந்து மேல்நிலைப் பள்ளியில் ஆண்டு விளையாட்டு விழாவை முன்னிட்டு, பள்ளி மாணவர்களுக்கு இடையே கால்பந்து, கூடைப்பந்து, ஓட்டப் பந்தயம் உள்ளிட்ட பல்வேறு போட்டிகள் கடந்த 30ஆம் தேதி நடைபெற்றது. பள்ளியின் விளையாட்டு மைதானத்தில் நடைபெற்ற இந்தப் போட்டிகளை மதுராந்தகம் ஏரிநகர லயன்ஸ் சங்கத் தலைவர் சிவகுமார் தொடங்கி வைத்தார்.
இந்தப் போட்டிகளில் வெற்றி பெற்ற மாணவர்களுக்கு பரிசளிப்பு நிகழ்ச்சி அப்பள்ளி வளாகத்தில் சனிக்கிழமை நடைபெற்றது. உதவி தலைமை ஆசிரியை வி.வைதேகி, இந்து பள்ளிக் குழுமங்களின் செயலர் என்.சுப்பிரமண்யா, பள்ளிக்குழு துணைத் தலைவர் ஸ்ரீராம் சுப்ரமண்யா உள்ளிட்டோர் பங்கேற்றனர். பள்ளியின் தலைமை ஆசிரியர் வெங்கிடப் பெருமாள் ஆண்டறிக்கை வாசித்தார். போட்டிகளில் வெற்றி பெற்ற மாணவர்களுக்கு சென்னை பெருநகர காவல் உதவி ஆணையாளர் இரா.முருகன் பரிசுகளை வழங்கிப் பாராட்டினார்.
 

]]>
http://images.dinamani.com/uploads/user/imagelibrary/2018/12/11/w600X390/tstudent.JPG http://www.dinamani.com/all-editions/edition-chennai/kanchipuram/2018/dec/11/பள்ளி-விளையாட்டுகளில்-வெற்றி-பெற்ற-மாணவர்களுக்கு-பரிசளிப்பு-3055505.html
3055504 சென்னை காஞ்சிபுரம் மகளுக்கு பாலியல் கொடுமை: போக்சோ சட்டத்தில் தந்தை கைது DIN DIN Tuesday, December 11, 2018 04:12 AM +0530
கேளம்பாக்கம் அருகே பெற்ற மகளை மிரட்டி தொடர்ந்து பாலியல் வன்கொடுமையில் ஈடுபட்ட தந்தையை மகளிர் போலீஸார், போக்சோ சட்டத்தின் கீழ் கைது செய்யப்பட்டார். 
கேளம்பாக்கம் அருகில் உள்ள மேலக்கோட்டையூர் ராஜீவ் காந்தி நகரைச் சேர்ந்தவர் காந்தி(45). அவரது மனைவி லட்சுமி. இந்த தம்பதியருக்கு 17 வயது மகளும், ஜீவா (16) என்ற மகனும் உள்ளனர். 
அவர்களின் மகள் 10ஆம் வகுப்பு படித்து விட்டு வறுமை காரணமாக படிப்பை பாதியில் நிறுத்திவிட்டு வீட்டில் இருந்து வருகிறார். அவரது தந்தை காந்தி குடிப்பழக்கம் காரணமாக வேலைக்குப் போகாமல் வீட்டிலேயே இருந்து வந்ததாகக் கூறப்படுகிறது. தாய் லட்சுமி வீட்டு வேலை செய்து அந்த வருமானத்தில் கணவர் மற்றும் இரு பிள்ளைகளையும் காப்பாற்றி வருகிறார். 
இந்நிலையில், மனைவி வீட்டில் இல்லாதபோது காந்தி தனது ஆசைக்கு இணங்கா விட்டால் தாயையும், தம்பியையும் கொன்று விடுவதாக 17 வயது மகளை மிரட்டி, தொடர்ந்து பாலியல் வன்கொடுமையில் ஈடுபட்டு வந்தாராம். தந்தையின் மிரட்டல் காரணமாக இந்த விவகாரத்தை அப்பெண் தன் தாயிடம் கூறவில்லை. பாலியல் கொடுமை காரணமாக அவர் மூன்று முறை கருவுற்ற போதும், தந்தை காந்தி கருக்கலைப்பு செய்வதற்கு மாத்திரை வாங்கிக் கொடுத்து கருவைக் கலைக்கச் செய்தாராம். அதன் பிறகும் காந்தி இழைத்த பாலியல் கொடுமையால் அண்மையில் அப்பெண் 4ஆவது முறையாக கருவுற்றார்.
தந்தையின் இக்கொடுமையைத் தாங்க முடியாமல் மனமுடைந்த அவர், மாமல்லபுரம் மகளிர் காவல் நிலையத்தில் ஞாயிற்றுக்கிழமை புகார் அளித்தார். இதையடுத்து, பெற்ற மகளையே பாலியல் வன்கொடுமை செய்த காந்தியை போக்சோ சட்டத்தின் கீழ் கைது செய்யுமாறு டிஎஸ்பி சுப்பாராஜ் உத்தரவிட்டார். அதன்பேரில், மகளிர் காவல் நிலைய ஆய்வாளர் சித்ராதேவி, போக்சோ சட்டத்தின் கீழ் காந்தியைக் கைது செய்தார். அதன் பின் நீதிமன்றத்தில் ஆஜர்படுத்தப்பட்ட காந்தி, சிறைக்கு அனுப்பி வைக்கப்பட்டார்.
 

]]>
http://images.dinamani.com/uploads/user/imagelibrary/2018/12/11/w600X390/arest.jpg http://www.dinamani.com/all-editions/edition-chennai/kanchipuram/2018/dec/11/மகளுக்கு-பாலியல்-கொடுமை-போக்சோ-சட்டத்தில்-தந்தை-கைது-3055504.html
3055502 சென்னை காஞ்சிபுரம் சுகாதாரச் சீர்கேட்டை ஏற்படுத்துகிறது நகராட்சி நிர்வாகம்: பொதுமக்கள் புகார் DIN DIN Tuesday, December 11, 2018 03:35 AM +0530
மதுராந்தகம் நகரில் சாலையோரத்தில் நகராட்சி நிர்வாகமே குப்பைகளைக் கொட்டுவதைத் தடுத்து நிறுத்த வேண்டும் என மாவட்ட நிர்வாகத்துக்கு பொதுமக்கள் கோரிக்கை விடுத்துள்ளனர்.
காஞ்சிபுரம் மாவட்டம், மதுராந்தகம் நகராட்சியில் 24 வார்டுகள் உள்ளன. இந்த வார்டுகளில் சேகரிக்கப்படும் குப்பைகள் நகராட்சிக்கு உட்பட்ட மாம்பாக்கம் பகுதியில் உள்ள குப்பைக் கிடங்கில் வைக்கப்பட்டு, தரம் பிரிக்கப்பட்டு வருகின்றன. கடந்த சில நாள்களாக நகராட்சி நிர்வாகமே மதுராந்தகம் ஏரிக்கரையோரம், புறவழிச்சாலை ஆகிய பகுதிகளிலும், ஏரிநீர் செல்லும் கால்வாய் வழியோரங்களிலும் கொட்டிச் செல்கின்றனர். இதனால் ஏற்படும் துர்நாற்றத்தால் இவ்வழியாக வாகனங்களில் செல்வோருக்கும், காலையில் நடைபயிற்சி செல்வோருக்கும் பாதிப்பு ஏற்படுகிறது. மேலும், கொசுக்கள் உற்பத்தியாகி இப்பகுதியைச் சேர்ந்தவர்கள் தொல்லைக்கு ஆளாகி வருகின்றனர். 
மதுராந்தகம் நகராட்சி நிர்வாகப் பணிகளை கவனிக்க கடந்த இரு ஆண்டுகளாக நிரந்தர ஆணையர் இல்லை. இதனால் நகராட்சி மூலம் மேற்கொள்ளப்பட வேண்டிய மக்கள் பணிகள் பெரிதும் பாதிக்கப்பட்டுள்ளன. ஆணையர் இல்லாதததால் அந்த அலுவலகத்தில் பணியாற்றுவோரின் செயல்பாடுகள் திருப்திகரமாக இல்லை. 
இந்நிலையில், மதுராந்தகம் புறவழிச்சாலையில் விவசாய நிலங்களுக்கு ஏரி நீர் செல்லும் பாசனக் கால்வாய்களின் ஓரங்களிலும், புறவழிச் சாலைகளின் ஓரங்களிலும் கடந்த சில நாள்களாக லாரிகளின் மூலம் சேகரிக்கப்படும் குப்பைகளைக் கொண்டு வந்து கொட்டிவிட்டுச் செல்கின்றனர். இதனால் குப்பைக் கூளங்களையும், வீணாகியுள்ள உணவுப் பொருள்களையும் அந்தப்பகுதி நாய்கள் மற்றும் பன்றிகள் கிளறி விடுகின்றன.
காற்றாலும், மழை நேரங்களில் மழை நீராலும் அந்த குப்பைக் கூளங்கள் ஏரி நீரில் கலந்து மாசு ஏற்படுத்துவதோடு, விவசாயப் பயிர்களும் பாதிக்கப்படுகின்றன. இதுபற்றி ஆணையர் பொறுப்பை கூடுதலாக வகிக்கும் செங்கல்பட்டு நகராட்சி ஆணையர் மாரிச்செல்வி கூறுகையில் நகராட்சி ஊழியர்கள் சாலையோரங்களில் குப்பை கொட்டுவதில்லை. தனிநபர்கள்தான் இதைச் செய்துள்ளனர். ஊழியர்கள் மூலம் கண்காணித்து, அவர்கள் மீது உரிய நடவடிக்கை எடுக்கப்படும் என்றார். 
இந்த விவகாரத்தில் மாவட்ட நிர்வாகம் உடனடியாகத் தலையிட்டு, சாலையோரம், ஏரிக்கரையோரம், பாசன வழிக் கால்வாய்களின் ஓரப்பகுதிகள் ஆகியவற்றில் குப்பைகள் கொட்டப்படுவதைத் தடுத்து நிறுத்துமாறு பொதுமக்கள், சமூக ஆர்வலர்கள், விவசாயிகள் ஆகியோர் மாவட்ட நிர்வாகத்துக்கு கோரிக்கை விடுத்துள்ளனர்.

]]>
http://images.dinamani.com/uploads/user/imagelibrary/2018/12/11/w600X390/road.JPG http://www.dinamani.com/all-editions/edition-chennai/kanchipuram/2018/dec/11/சுகாதாரச்-சீர்கேட்டை-ஏற்படுத்துகிறது-நகராட்சி-நிர்வாகம்-பொதுமக்கள்-புகார்-3055502.html
3055501 சென்னை காஞ்சிபுரம் பசுமைத் தாயகம் கையெழுத்து இயக்கம் DIN DIN Tuesday, December 11, 2018 03:34 AM +0530
ஐ.நா. மனித உரிமைகள் ஆணையத்தின் 40ஆவது கூட்டத்தில் ஈழத் தமிழர் நீதிக்காக இலங்கைக்கு எதிராக இந்தியா தீர்மானம் கொண்டு வரவேண்டும் என்று கோரி பசுமைத் தாயகம், பாமக ஆகியவற்றின் நிர்வாகிகள் மதுராந்தகம் நகராட்சி அலுவலகம் அருகில் பொதுமக்களிடம் கையெழுத்து இயக்கத்தை திங்கள்கிழமை மேற்கொண்டனர்.
பொதுமக்கள், அரசு ஊழியர்கள், பள்ளி மாணவர்கள் உள்ளிட்டோரிடம் கையெழுத்து பெற்று இந்த இயக்கத்தை அவர்கள் நடத்தினர். நிகழ்ச்சிக்கு பாமக மாநில துணைப் பொதுச் செயலர் 
பொன்.கங்காதரன் தலைமை வகித்தார். இதில், அக்கட்சியின் காஞ்சி தெற்கு மாவட்டச் செயலர் கோபாலக்கண்ணன், அமைப்புச் செயலர் கருணாகரன், பசுமைத் தாயகம் அமைப்பின் மாவட்டத் தலைவர் மதன் உள்பட 50-க்கும் மேற்பட்ட நிர்வாகிகள் கலந்து கொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/11/பசுமைத்-தாயகம்-கையெழுத்து-இயக்கம்-3055501.html
3055500 சென்னை காஞ்சிபுரம் பிளாஸ்டிக்கை முற்றிலும் தடை செய்யும் உள்ளாட்சி அமைப்புகளுக்கு விருது: ஆட்சியர் தகவல் DIN DIN Tuesday, December 11, 2018 03:34 AM +0530
காஞ்சிபுரம் மாவட்டத்தில் ஒருமுறை மட்டும் பயன்படுத்தும் பிளாஸ்டிக் பொருள்களை அறவே பயன்படுத்தாத அரசு அலுவலகங்கள், உள்ளாட்சி அமைப்புகள், பள்ளி, கல்லுரிகள், மருத்துவமனைகள் ஆகியவற்றுக்கு குடியரசு தினத்தன்று விருது வழங்கப்படும் என்று மாவட்ட ஆட்சியர் தெரிவித்துள்ளார்.
இதுகுறித்து அவர் வெளியிட்ட செய்திக்குறிப்பில் கூறப்பட்டுள்ளது: ஒரு முறை மட்டும் பயன்படுத்தும் பிளாஸ்டிக் பொருள்களைத் தயாரிக்கவும், பயன்படுத்தவும், சேகரித்து வைக்கவும் தமிழகம் முழுவதும் வரும் ஜனவரி மாதம் 1ஆம் தேதி முதல் தடை விதித்து தமிழக அரசு உத்தரவிட்டுள்ளது. அதன்படி, காஞ்சிபுரம் மாவட்டத்தில் ஒருமுறை மட்டும் பயன்படுத்தும் பிளாஸ்டிக் பொருள்கள் முழுவதுமாக நீக்கப்பட்டுள்ள அரசு அலுவலகங்கள், பள்ளிகள் மற்றும் கல்லுரிகள், அரசு மருத்துவமனைகள், அரசு ஆரம்ப சுகாதார நிலையங்கள் மற்றும் உள்ளாட்சி அமைப்புகளான நகராட்சிகள், பேரூராட்சிகள் மற்றும் கிராம ஊராட்சிகளுக்கு விருதுகள் மற்றும் சான்றிதழ்கள் வழங்கப்படும். மேற்படி விருதுகள் மற்றும் சான்றிதழ்கள் பெறத் தகுதியுடைய அலுவலர்கள் ஜனவரி மாதம் 10ஆம் தேதிக்குள் உரிய ஆவணங்களுடன் மாவட்ட ஆட்சியர் அலுவலகத்தில் விண்ணப்பிக்கலாம்.
அந்த விண்ணப்பங்களின் மீது ஆய்வுகள் மேற்கொள்ளப்பட்டு, ஒரு முறை மட்டும் பயன்படுத்தும் பிளாஸ்டிக் பொருள்கள் முழுவதுமாக நீக்கப்பட்டுள்ள, சிறந்த முறையில் நடவடிக்கைகளை மேற்கொண்டுள்ள அரசு அலுவலகம், பள்ளி மற்றும் கல்லூரி, அரசு மருத்துவமனை, அரசு ஆரம்ப சுகாதார நிலையம், ஒரு நகராட்சி, ஒரு பேரூராட்சி மற்றும் ஒரு ஊராட்சி ஒன்றியம் என மொத்தம் 13 ஊராட்சிகள் தேர்வு செய்யப்படும். அவற்றுக்கு, ஜனவரி மாதம் 26ஆம் தேதி நடைபெறும் குடியரசு தின விழாவில் விருதுகளும், சான்றிதழ்களும் வழங்கப்படும் என்று செய்திக்குறிப்பில் தெரிவிக்கப்பட்டுள்ளது. 
 

]]>
http://www.dinamani.com/all-editions/edition-chennai/kanchipuram/2018/dec/11/பிளாஸ்டிக்கை-முற்றிலும்-தடை-செய்யும்-உள்ளாட்சி-அமைப்புகளுக்கு-விருது-ஆட்சியர்-தகவல்-3055500.html
3055499 சென்னை காஞ்சிபுரம் அரசுப் பள்ளிக்கு தலைமையாசிரியரை நியமிக்க பொதுமக்கள் வலியுறுத்தல் DIN DIN Tuesday, December 11, 2018 03:34 AM +0530
திருக்கழுகுன்றம் வட்டத்தில் அடங்கியுள்ள வல்லிபுரம் அரசுப் பள்ளிக்கு தலைமையாசிரியரை நியமிக்குமாறு இந்திய மாணவர் சங்கத்தினரும், இப்பகுதி பொதுமக்களும் வலியுறுத்தியுள்ளனர்.
திருக்கழுகுன்றம் ஒன்றியம் வல்லிபுரம் ஊராட்சியில் உள்ள நடுநிலைப்பள்ளி சமீபத்தில் உயர்நிலைப் பள்ளியாக தரம் உயர்த்தப்பட்டது. இப்பள்ளியில் 120 மாணவர்கள் படித்து வருகின்றனர். உயர்நிலைப் பள்ளியாக தரம் உயர்த்தப்பட்டதை அடுத்து பள்ளியின் தலைமையாசிரியர் வேறு இடத்துக்கு மாற்றப்பட்டார். கடந்த மூன்று மாதங்களாக பள்ளிக்கு தலைமையாசிரியர் நியமிக்கப்படவில்லை. இதன்காரணமாக பள்ளியில் பல்வேறு அலுவலகப் பணிகள் நடைபெறவில்லை. மேலும், தங்களுக்கு கிடைக்க வேண்டிய உதவித் தொகை உள்ளிட்ட நலத் திட்டங்களைப் பெற முடியாமல் மாணவர்கள் அவதிப்பட்டு வருகின்றனர். 
இந்நிலையில், அருகில் உள்ள திம்மூர் அரசு ஆரம்பப் பள்ளியில் பணியாற்றும் பார்த்திபன் என்பவர் பதவி உயர்த்தப்பட்டு வல்லிபுரம் பள்ளியின் தலைமையாசிரியராக நியமிக்கப்பட்டுள்ளார். அதற்கான நியமன ஆணையும் வழங்கப்பட்டதாக கூறப்படுகிறது. நியமனம் பெற்றுள்ள அவர் மருத்துவ விடுப்பில் சென்றுள்ளதாகக் கூறப்படுகிறது.
எனவே, பள்ளி மாணவர்களின் நலனைக் கருத்தில் கொண்டு உடனடியாக வல்லிபுரம் அரசுப் பள்ளிக்கு தலைமையாசிரியரை நியமிக்க வேண்டும் என இந்திய மாணவர் சங்கத்தினரும், இப்பகுதி பொதுமக்களும் வலியுறுத்தியுள்ளனர். மேலும், தலைமையாசிரியர் நியமனம் தொடர்பாக பள்ளியின் முன் திங்கள்கிழமை ஆர்ப்பாட்டம் நடத்தவும் திட்டமிட்டுள்ளனர்.
 

]]>
http://www.dinamani.com/all-editions/edition-chennai/kanchipuram/2018/dec/11/அரசுப்-பள்ளிக்கு-தலைமையாசிரியரை-நியமிக்க-பொதுமக்கள்-வலியுறுத்தல்-3055499.html
3055498 சென்னை காஞ்சிபுரம் கிராம நிர்வாக அலுவலர்கள் வேலை நிறுத்தப் போராட்டம் DIN DIN Tuesday, December 11, 2018 03:33 AM +0530
ஸ்ரீபெரும்புதூர் வட்டத்தில் பணியாற்றும் கிராம நிர்வாக அலுவலர்கள் (விஏஓ) 20 அம்சக் கோரிக்கைகளை வலியுறுத்தி திங்கள்கிழமை காலவரையற்ற வேலைநிறுத்தப் போராட்டத்தைத் தொடங்கினர். 
அரசின் இணைய வழிச் சேவைகளை சிறப்பான முறையில் அமல்படுத்த இணைய வசதியுடன் கூடிய தரமான மேஜை கணினிகளை வழங்க வேண்டும்; கிராம நிர்வாக அலுவலர் காலிப் பணியிடங்களை நிரப்ப வேண்டும்; கூடுதல் பொறுப்பாக ஒன்றுக்கும் மேற்பட்ட கிராமங்களில் கிராம நிர்வாக அலுவலர்களாகப் பணியாற்றுவோருக்கு தொகுப்பூதியம் வழங்க வேண்டும்; கிராம நிர்வாக அலுவலர்களுக்கான கட்டமைப்பு வசதிகளை மேம்படுத்த வேண்டும்; கிராம நிர்வாக அலுவலர்கள் பணிபுரியும் கிராமத்திலேயே தங்க வேண்டும் என்ற உத்தரவை மாற்றியமைக்க வேண்டும்; பழைய ஓய்வூதியத் திட்டத்தை அமல்படுத்த வேண்டும் உள்ளிட்ட 20 அம்சக் கோரிக்கைகளை வலியுறுத்தி இந்த அலுவலர்கள் திங்கள்கிழமை தமிழகம் முழுவதும் காவரையற்ற வேலைநிறுத்தப் போராட்டத்தைத் தொடங்கினர்.
அதன் ஒரு பகுதியாக, ஸ்ரீபெரும்புதூர் வட்ட கிராம நிர்வாக அலுவலர் சங்கத்தின் சார்பாக இந்த வட்டத்தில் பணியாற்றும் கிராம நிர்வாக அலுவலர்கள் சுமார் 30-க்கும் மேற்பட்டோர் சங்கத்தின் வட்டத் தலைவர் விமலா தலைமையில் திரண்டனர். மதுரமங்கலம் கிராம நிர்வாக அலுவலர் அலுவலகம் அருகே அமர்ந்து அவர்கள் போராட்டத்தில் ஈடுபட்டனர். இதில், சங்கத்தின் வட்டச் செயலர் நந்தகுமார், வட்டப் பொருளாளர் மோகன்ராஜ், மாவட்ட துணைத் தலைவர் தியாகராஜன், மாவட்ட அமைப்புச் செயலர் தங்கராஜன் உள்ளிட்டோர் கலந்து கொண்டனர்.
கும்மிடிப்பூண்டியில்....
கும்மிடிப்பூண்டி வட்டத்தில் தமிழ்நாடு கிராம நிர்வாக அலுவலர் சங்கத்தினர் 20 அம்சக் கோரிக்கைகளை வலியுறுத்தி தொடர் காத்திருப்பு ஆர்ப்பாட்டத்தில் திங்கள்கிழமை ஈடுபட்டனர்.
கிராம நிர்வாக அலுவலர்களின் காத்திருப்பு ஆர்ப்பாட்டம் புதுகும்மிடிப்பூண்டி கிராம நிர்வாக அலுவலகம் முன்பு திங்கள்கிழமை நடைபெற்றது. ஆர்ப்பாட்டத்துக்கு, கிராம நிர்வாக அலுவலர் சங்க மாவட்டப் பொருளாளரான புதுகும்மிடிப்பூண்டி கிராம நிர்வாக அலுவலர் ஜோதிபிரகாசம் தலைமை வகித்தார். வட்டச் செயலரான பாஞ்சாலை கிராம நிர்வாக அலுவலர் பழனி, வட்டத் தலைவரான வாணியமல்லி கிராம நிர்வாக அலுவலரான சூர்யபிரகாஷ், வட்டப் பொருளாளரான மாதர்பாக்கம் கிராம நிர்வாக அலுவலர் சம்பத் உள்ளிட்டோர் பங்கேற்றனர். 
இந்த ஆர்ப்பாட்டத்தில் சங்கத்தின் மாவட்ட அமைப்பு செயலாளர் பிரபு பேசுகையில், அரசிடம் சங்கத்தின் சார்பாக கேட்டுக் கொண்டுள்ள கோரிக்கைகளை விளக்கினார். இக்கோரிக்கைகளை அரசு நிறைவேற்ற வேண்டும் என்று அவர் வலியுறுத்தினார்.

]]>
http://images.dinamani.com/uploads/user/imagelibrary/2018/12/11/w600X390/vao.JPG http://www.dinamani.com/all-editions/edition-chennai/kanchipuram/2018/dec/11/கிராம-நிர்வாக-அலுவலர்கள்-வேலை-நிறுத்தப்-போராட்டம்-3055498.html
3055497 சென்னை காஞ்சிபுரம் 18 ஆண்டுகள் கழித்து சந்தித்த முன்னாள் பள்ளி மாணவர்கள் DIN DIN Tuesday, December 11, 2018 03:33 AM +0530
கடந்த 1999-2000ஆம் கல்வியாண்டில் தெரேசாபுரம் சிறுமலர் பள்ளியில் பத்தாம் வகுப்பு படித்த மாணவர்கள் மற்றும் ஆசிரியர்கள் சந்திப்பு நிகழ்ச்சி அப்பள்ளி வளாகத்தில் ஞாயிற்றுக்கிழமை நடைபெற்றது. 
ஸ்ரீபெரும்புதூரை அடுத்த தெரேசாபுரம் பகுதியில் அரசு நிதியுதவி பெறும் சிறுமலர் மேல்நிலைப் பள்ளி இயங்கி வருகிறது. இப்பள்ளியில் கடந்த 1999-2000ஆம் கல்வியாண்டில் பத்தாம் வகுப்பு படித்த மாணவர்கள் மற்றும் ஆசிரியர்கள் சந்திப்பு நிகழ்ச்சி பள்ளி வளாகத்தில் ஞாயிற்றுக்கிழமை நடைபெற்றது. இதில் முன்னாள் மாணவர்கள் கலந்து கொண்டு தங்களுக்கு பாடம் சொல்லிக் கொடுத்த ஆசிரியர்களுக்கு அவர்களது உருவம் பொறித்த நினைவுப் பரிசை வழங்கி கௌரவித்தனர். மாணவர்கள் தங்களது மலரும் நினைவுகளைப் பகிர்ந்து கொண்டனர்.
நிகழ்ச்சியில் கலந்து கொண்ட ஆசிரியர்கள் பேசுகையில், குழந்தைகளுக்கு அவர்களது பெற்றோரே நல்ல வழிகாட்டிகளாக இருக்க முடியும். எனவே உங்களது குழந்தைகளுடன் நேரத்தை செலவிடுங்கள் என அறிவுரை வழங்கினர். இந்த நிகழ்ச்சியில் முன்னாள் பள்ளி மாணவர்கள் சுமார் 50-க்கும் மேற்பட்டோர் தங்களது குடும்பத்தினருடன் கலந்து கொண்டனர்.

]]>
http://images.dinamani.com/uploads/user/imagelibrary/2018/12/11/w600X390/xstudent.JPG http://www.dinamani.com/all-editions/edition-chennai/kanchipuram/2018/dec/11/18-ஆண்டுகள்-கழித்து-சந்தித்த-முன்னாள்-பள்ளி-மாணவர்கள்-3055497.html
3055496 சென்னை காஞ்சிபுரம் கிறிஸ்து பிறப்பு பாடல் போட்டி DIN DIN Tuesday, December 11, 2018 03:33 AM +0530
கிறிஸ்துமஸ் விழாவை முன்னிட்டு படப்பை கிறிஸ்துநாதர் ஆலயத்தின் சார்பாக கிறிஸ்து பிறப்பு பாடல் போட்டி ஞாயிற்றுக்கிழமை நடைபெற்றது. 
கிறிஸ்துமஸ் விழாவை முன்னிட்டு சிஎஸ்ஐ சென்னை பேராயம், படப்பை டேவிட் நகர் பகுதியில் உள்ள கிறிஸ்துநாதர் ஆலய திருச்சபையின் சார்பாக கிறிஸ்து பிறப்பு பாடல் போட்டி ஆலய வளாகத்தில் ஞாயிற்றுக்கிழமை இரவு நடைபெற்றது. ஆலயத்தின் பாதிரியார் ரஞ்சித் செல்லதுரை தலைமையில் நடைபெற்ற இப்போட்டியை ஆலயத்தின் செயலர் ராஜா சாமுவேல், பொருளாளர் சந்தோஷ்குமார், உறுப்பினர் கிறிஸ்துதாஸ் ரீமஸ் ஆகியோர் நடத்தினர். 
படப்பை பகுதியைச் சுற்றியுள்ள கத்தோலிக்க திருச்சபைகள், பிலீவர்ஸ் சர்ச் உள்ளிட்ட 40-க்கும் மேற்பட்ட திருச்சபைகளின் சார்பில் பலரும் போட்டியில் பங்கேற்றனர். இப்போட்டியில் வெற்றி பெற்றவர்களுக்கு பிலீவர் சர்ச் பேராயர் சுந்தர் சிங் பரிசுகளை வழங்கினார். இந்த நிகழ்ச்சியில் நூற்றுக்கணக்கானவர்களும், ஆலய நிர்வாகிகளும் கலந்து கொண்டனர்.
 

]]>
http://images.dinamani.com/uploads/user/imagelibrary/2018/12/11/w600X390/sundar.JPG http://www.dinamani.com/all-editions/edition-chennai/kanchipuram/2018/dec/11/கிறிஸ்து-பிறப்பு-பாடல்-போட்டி-3055496.html
3055495 சென்னை காஞ்சிபுரம் மக்கள் குறைதீர் கூட்டத்தில் 17 பயனாளிகளுக்கு நலத்திட்ட உதவி DIN DIN Tuesday, December 11, 2018 03:32 AM +0530
காஞ்சிபுரம் மாவட்ட ஆட்சியர் அலுவலக வளாகத்தில் உள்ள மக்கள் நல்லுறவு மைய கூட்ட அரங்கில் திங்கள்கிழமை நடைபெற்ற மக்கள் குறைதீர் நாள் கூட்டத்தில் 17 பயனாளிகளுக்கு ரூ.29.39 லட்சம் மதிப்பிலான பல்வேறு நலத்திட்ட உதவிகளை மாவட்ட ஆட்சியர் பா.பொன்னையா வழங்கினார்.
ஆட்சியர் தலைமையில், ஆட்சியர் அலுவலக வளாகத்தில் நடைபெற்ற இந்தக் கூட்டத்தில், பழங்குடியினர் நலத்துறை மூலம் 2017-2018ஆம் ஆண்டுக்கான அழிவின் விளிம்பில் உள்ள பழங்குடியின மேம்பாட்டுத் திட்டத்தின் கீழ் வாலாஜாபாத் ஒன்றியத்திற்குட்பட்ட உள்ளாவூர் பகுதியில் வசிக்கும் இருளர் இனத்தைச் சேர்ந்த 10 பயனாளிகளுக்கு தலா ரூ. 2.50 லட்சத்தில் தொகுப்பு வீடுகள் கட்ட பணி உத்தரவு வழங்கப்பட்டது. மேலும், கை, கால் துண்டிக்கப்பட்ட மாற்றுத் திறனாளிகளுக்கு தமிழ்நாடு முதல்வரின் வரிவான மருத்துவக் காப்பீட்டுத் திட்டத்தின் கீழ் 7 பயனாளிகளுக்கு ரூ.4.39 லட்சம் மதிப்பில் அதிநவீன செயற்கைக் கை மற்றும் கால்கள், கருணை அடிப்படையில் பேரூராட்சி மற்றும் சத்துணவு திட்டத் துறையில் இருவருக்கு பணி நியமன ஆணை ஆகியவற்றை மாவட்ட ஆட்சியர் வழங்கினார். 
இந்தக் கூட்டத்தில் மாவட்ட வருவாய் அலுவலர் சுந்தரமூர்த்தி, தனித் துணை ஆட்சியர் சக்திவேல், ஆயத்தீர்வை உதவி ஆணையர் அமிதுல்லா, மாவட்ட பிற்படுத்தப்பட்டோர் மற்றும் சிறுபான்மைத்துறை அலுவலர் மாலதி, மாவட்ட ஆதி திராவிடர் மற்றும் பழங்குடியினர் நலத்துறை அலுவலர், மாற்றுத் திறனாளி நலத்துறை அலுவலர் உள்ளிட்ட அரசுத்துறை அதிகாரிகள் கலந்து கொண்டனர்.


 

]]>
http://www.dinamani.com/all-editions/edition-chennai/kanchipuram/2018/dec/11/மக்கள்-குறைதீர்-கூட்டத்தில்-17-பயனாளிகளுக்கு-நலத்திட்ட-உதவி-3055495.html
3055494 சென்னை காஞ்சிபுரம் காப்பகத்தில் இருந்து தப்பிய இளம்பெண்: போலீஸாரிடம் ஒப்படைப்பு DIN DIN Tuesday, December 11, 2018 03:32 AM +0530
வேலூர் அரசு மகளிர் இல்லம் காப்பகத்தில் இருந்து தப்பிவந்த இளம்பெண்ணை சோமங்கலம் போலீஸார் மீட்டு வேலூர் மாவட்ட போலீஸாரிடம் திங்கள்கிழமை ஒப்படைத்தனர். 
குன்றத்தூர் ஒன்றியம், நடுவீரப்பட்டு பகுதியைச் சேர்ந்த சிலர் சோமங்கலம் காவல் நிலையத்துக்கு திங்கள்கிழமை வந்து, இளம் பெண் ஒருவரை போலீஸாரிடம் ஒப்படைத்தனர். போலீஸார் அந்த இளம்பெண்ணிடம் விசாரனை நடத்தியதில், அவரது பெயர் அம்பிகா(19) என்பதும் பெற்றோரை இழந்த அவர் நடுவீரப்பட்டு பகுதியில் கடந்த 2012 ஆண்டு வரை தனியார் பள்ளி ஒன்றில் 5ஆம் வரை படித்ததும் தெரிய வந்தது.
அவர் வாணியம்பாடி அரசுப் பள்ளியில் 6, 7ஆம் வகுப்புகளைப் படித்துவிட்டு, 8, 9ஆம் வகுப்புகளை சிவானந்தா குருகுலத்தில் படித்துள்ளார். அதன் பின், அவர் சென்னை கெல்லீஸ் காப்பகத்தில் சேர்க்கப்பட்டார். அங்கு அவர் கடந்த ஆகஸ்ட் மாதம் 18 வயதை எட்டியவுடன் வேலூர் பகுதியில் உள்ள அரசு மகளிர் இல்லக் காப்பகத்தில் சேர்க்கப்பட்டார். 
இந்நிலையில், அம்பிகாவுக்கு சென்னை கெல்லீஸ் காப்பகத்தில் இருந்து வேலூர் மகளிர் இல்லம் காப்பகத்துக்கு தையல் பயிற்சிக்காக வந்த ஷெர்லின் என்ற பெண்ணுடன் நட்பு ஏற்பட்டது. இதையடுத்து, அம்பிகா கடந்த 6ஆம் தேதி ஷெர்லினுடன் காப்பகத்தில் இருந்து தப்பி பேருந்து மூலம் சென்னை வந்தார். இரண்டு நாள்களுக்கு சென்னை கோயம்பேடு மற்றும் கடற்கரை பகுதியில் இருவரும் சுற்றி வந்தனர். இதைடுத்து, ஷெர்லின் கடந்த 8ஆம் தேதி தனது தோழி வீட்டுக்குச் சென்று விட்டார். அப்போது தாம்பரம் வந்த அம்பிகா அங்கிருந்து நடுவீரப்பட்டுக்கு நடந்து வந்துள்ளார். பசி மயக்கத்தின் காரணமாக மயங்கி விழுந்தார். இதைப் பார்த்த பெண்கள் சிலர் அம்பிகாவை நடுவீரப்பட்டு பகுதியில் உள்ள சீத்தாம்மாள் என்பவரது வீட்டில் கடந்த இரண்டு நாள்களாக தங்கவைத்துவிட்டு, காவல் நிலையத்தில் அம்பிகாவை ஒப்படைத்தனர். இதையடுத்து, வேலூர் பாகாயம் போலீஸாரிடம் அம்பிகாவை சோமங்கலம் போலீஸார் ஒப்படைத்தனர். 
இதனிடையே, நடுவீரப்பட்டு பகுதியில் அம்பிகா இரண்டு நாள்கள் தங்கியிருந்த நிலையில், பெற்றோரை இழந்த அம்பிகாவை பிடித்துப் போன குழந்தையில்லாத நடுவீரப்பட்டு பகுதியைச் சேர்ந்த சிலர் அவரை தத்தெடுக்கும் முயற்சியில் ஈடுபட்டுள்ளதாக தெரிகிறது.
 

]]>
http://www.dinamani.com/all-editions/edition-chennai/kanchipuram/2018/dec/11/காப்பகத்தில்-இருந்து-தப்பிய-இளம்பெண்-போலீஸாரிடம்-ஒப்படைப்பு-3055494.html
3055493 சென்னை காஞ்சிபுரம் குடிசை வீட்டில் தீ விபத்து DIN DIN Tuesday, December 11, 2018 03:32 AM +0530
கண்ணந்தாங்கல் பகுதியில் மின்கசிவு காரணமாக குடிசை வீடு தீப்பிடித்து எரிந்ததில் வீட்டு உபயோகப் பொருள்கள் தீயில் கருகி நாசமாகின.
சுங்குவார்ச்ததிரத்தை அடுத்த கண்ணந்தாங்கல் பஜனை கோயில் தெருவைச் சேர்ந்தவர் ராமச்சந்திரன். கூலித் தொழிலாளியான அவர் கொட்டகை கட்டும் தொழில் செய்து வருகிறார். 
அவரது மனைவி முனியம்மாள் கடந்த சனிக்கிழமை மாலை வீட்டில் இருந்தார். அப்போது மின்கசிவு காரணமாக திடீரென்று குடிசையில் தீப்பற்றியது. மளமளவென்று வீடு முழுவதும் தீ பரவியது. இதையடுத்து அருகில் இருந்தவர்கள் தண்ணீரைக் கொண்டு தீயை அணைக்கும் முயற்சியில் ஈடுபட்டுனர். எனினும், வீடு முழுவதும் எரிந்து நாசமானது. 
இந்த விபத்தில் வீட்டில் இருந்த அனைத்துப் பொருள்களும் கருகி நாசமாகின. தீவிபத்து தொடர்பாக சுங்குவார்சத்திரம் போலீஸார் வழக்குப் பதிவு செய்து விசாரித்து வருகின்றனர்.
 

]]>
http://www.dinamani.com/all-editions/edition-chennai/kanchipuram/2018/dec/11/குடிசை-வீட்டில்-தீ-விபத்து-3055493.html
3054850 சென்னை காஞ்சிபுரம் வைகோ கருத்தை சர்ச்சையாக்கக் கூடாது: துரைமுருகன்  காஞ்சிபுரம், DIN Monday, December 10, 2018 02:00 AM +0530 மதிமுக பொதுச் செயலாளர் வைகோவின் கருத்தை ஊடகங்கள் சர்ச்சையாக்கக் கூடாது என்று திமுக பொருளர் துரைமுருகன் தெரிவித்தார்.
 திமுகவின் மூத்த தலைவர்களில் ஒருவரான மறைந்த டி.ஏ.ரத்தினத்தின் படம் மற்றும் கல்வெட்டு ஆகியவற்றின் திறப்பு விழா காஞ்சிபுரம் பஞ்சுப்பேட்டை பகுதியில் ஞாயிற்றுக்கிழமை நடைபெற்றது. விழாவுக்கு, கட்சியின் தெற்கு மாவட்டச் செயலரும், எம்எல்ஏ-வுமான க.சுந்தர் தலைமை வகித்தார். மாநில மாணவரணிச் செயலரும் எம்எல்ஏ-வுமான எழிலரசன் உள்ளிட்டோர் பங்கேற்றனர். விழாவுக்கு சிறப்பு விருந்தினராக திமுக பொருளாளர் துரைமுருகன் கலந்துகொண்டு, டி.ஏ.ரத்தினத்தின் படத்தையும், கல்வெட்டையும் திறந்து வைத்தார்.
 இதைத் தொடர்ந்து, அவர் செய்தியாளர்களிடம் கூறியது:
 பாஜக உள்ளிட்ட மாற்றுக் கட்சிகளை எதிர்த்துதான் கூட்டங்களில் பேசுகிறோம். அதேபோல், அக்கட்சிகள் நடத்தும் கூட்டத்தை வாழ்த்தி, அவை வெற்றி பெறும் என்று எப்போதும் கூறிக் கொண்டிருக்க முடியாது. திமுகவை பாஜக குறை கூறுவதையெல்லாம் ஒரு பொருட்டாக எடுத்துக் கொள்வதில்லை. 5 மாநில சட்டப் பேரவைத் தேர்தல் குறித்த கணிப்புகளை யாரும் நம்புவதில்லை.
 வைகோவின் தொண்டர்கள் குறித்து அவருக்குத் தெரியும். அதனால்தான், ஒவ்வொரு தொண்டரும் ஒரு யானைக்கு சமம் என்று கூறியிருக்கிறார். இதை ஊடகங்கள் குழப்பி சர்ச்சையை ஏற்படுத்தக்கூடாது.
 கேரளத்தில் வெள்ளம் ஏற்பட்டபோது பிரதமர் மோடி நேரில் சென்றார். நிதியை அள்ளிக் கொடுத்தார்.
 அவ்வகையில், ஒரு கம்யூனிஸ்ட் முதல்வரிடம் கூட பிரதமர் மோடிக்கு பயம் இருக்கிறது. இந்நிலையில், தமிழ்நாட்டில் கஜா புயலால் சுமார் 7 மாவட்டங்கள் கடுமையாக பாதிக்கப்பட்டுள்ளன.
 ஆனால், அதிமுக அரசை மதித்து மோடி தமிழகத்துக்கு வரவும் இல்லை; நிதியைத் தரவும் இல்லை. இதிலிருந்து, அதிமுகவினரையும், அதிமுக அரசையும் பிரதமர் மோடி மதிக்கவில்லை என்பது தெளிவாகத் தெரிகிறது.
 மறைந்த திமுக தலைவரின் சிலைத் திறப்பு விழா மிகச் சிறப்பாக இருக்கும். மேக்கேதாட்டு என்ற இடம் சிறியது. மேக்கேதாட்டு என்பதுதான் ஆடுதாண்டு காவிரி. இதுபோன்ற இடம் பூம்புகாரிலும் உள்ளது.
 அதாவது சிறிய பகுதி என்று அதற்கு அர்த்தம். அந்த இடத்தில் ரூ.6 ஆயிரம் கோடியில் கிருஷ்ணராஜ சாகர், மேட்டூர் அணையைப் போல் எவ்வாறு அணை கட்ட முடியும்? மேக்கேதாட்டுவில் அணை கட்டுவது, எங்கு கட்டப்படுகிறது என எதுவுமே அதிமுகவினருக்குத் தெரியவில்லை என்றார் அவர்.
 இவ்விழாவில், திமுக நகர செயலர் ஆறுமுகம், திராவிடர் கழக மாவட்டத் தலைவர் அசோகன், திமுக மற்றும் திக மாவட்ட, வட்ட, ஒன்றிய நிர்வாகிகள் திரளானோர் கலந்து கொண்டனர்.
 

]]>
http://images.dinamani.com/uploads/user/imagelibrary/2018/12/10/w600X390/kan.jpg http://www.dinamani.com/all-editions/edition-chennai/kanchipuram/2018/dec/10/வைகோ-கருத்தை-சர்ச்சையாக்கக்-கூடாது-துரைமுருகன்-3054850.html
3054851 சென்னை காஞ்சிபுரம் சோனியா பிறந்த நாள்: காங்கிரஸார் கொண்டாட்டம் DIN DIN Monday, December 10, 2018 12:31 AM +0530 ஐக்கிய முற்போக்குக் கூட்டணியின் தலைவர் சோனியா காந்தியின் பிறந்த நாளையொட்டி காங்கிரஸார் காஞ்சிபுரத்தில் இனிப்புகளை வழங்கிக் கொண்டாடினர்.
 சோனியா காந்தியின் 72ஆவது பிறந்த நாள் ஞாயிற்றுக்கிழமை கொண்டாடப்பட்டது. இதையொட்டி, காஞ்சிபுரம் காங்கிரஸ் கமிட்டி அலுவலகம் முன்பு மாவட்டத் தலைவர் ஜி.வி.மதியழகன் தலைமையிலும், நகர தலைவர் ராமநீராளன் உள்ளிட்டோர் முன்னிலையில் திரளான காங்கிரஸ் கட்சியினர் கேக் வெட்டி, பொதுமக்களுக்கு இனிப்புகளை வழங்கினர். தொடர்ந்து, ஏழை எளியோருக்கு நல உதவிகளை வழங்கினர்.
 அதே போல், காந்தி சாலையில் உள்ள காமராஜர் சிலை அருகே முன்னாள் நகர மன்ற உறுப்பினர் ஆர்.வி.குப்பன் தலைமையில் திரளான காங்கிரஸ் கட்சியினர் இனிப்புகள் மற்றும் நல உதவிகள் ஆகியவற்றை வழங்கிக் கொண்டாடினர். இதில், கட்சியின் மாவட்ட, நகர, வட்ட, ஒன்றிய நிர்வாகிகள் உள்ளிட்டோர் கலந்து கொண்டனர்.
 செங்கல்பட்டில்....
 செங்கல்பட்டு, டிச. 9: செங்கல்பட்டு காங்கிரஸ் கட்சியினர் சோனியா காந்தியின் 72ஆவது பிறந்த நாளையொட்டி கோயில்களில் சிறப்பு வழிபாடுகளில் பங்கேற்றதோடு, பொதுமக்களுக்கு இனிப்புகளை வழங்கியும் கொண்டாடினர்.
 செங்கல்பட்டு நகர காங்கிரஸ் தலைவர் ஜே.பாஸ்கர் தலைமையில் நிர்வாகிகள் டி.ஜெயராமன், ரியாஸ் பாய், முருகன், ஆர்.குமரவேல் உள்ளிட்ட நிர்வாகிகள் மணிக்கூண்டு அருகில் உள்ள சித்திவிநாயகர் கோயிலில் சிறப்பு அபிஷேகம் மற்றும் சிறப்பு வழிபாட்டில் பங்கேற்றனர். இதையடுத்து, பொதுமக்களுக்கும் கட்சித் தொண்டர்களுக்கும் இனிப்புகளை வழங்கிக் கொண்டாடினர்.

]]>
http://www.dinamani.com/all-editions/edition-chennai/kanchipuram/2018/dec/10/சோனியா-பிறந்த-நாள்-காங்கிரஸார்-கொண்டாட்டம்-3054851.html
3054841 சென்னை காஞ்சிபுரம் கச்சபேஸ்வரர் கோயில் குளத்தில் பூஜைப் பொருள்களை வீசுவதைத் தடுக்க நிர்வாகம் நடவடிக்கை: தினமணி செய்தி எதிரொலி  காஞ்சிபுரம், DIN Monday, December 10, 2018 12:29 AM +0530 தினமணி செய்தி எதிரொலியாக காஞ்சிபுரம் கச்சபேஸ்வரர் கோயில் குளத்தில் பக்தர்கள் பூஜைப் பொருள்களை வீசுவதைத் தடுக்க கோயில் நிர்வாகம் நடவடிக்கை எடுத்துள்ளது.
 காஞ்சிபுரத்தில் பிரசித்தி பெற்ற கச்சபேஸ்வரர் கோயில் அமைந்துள்ளது. இங்கு கார்த்திகை மாதத்தில் வரும் அனைத்து ஞாயிற்றுக்கிழமைகளிலும் கடை ஞாயிறு விழா நடைபெறுவது வழக்கம். அவ்வகையில், அண்மையில் கடைஞாயிறு விழாவை பக்தர்கள் கொண்டாடினர்.
 இதையடுத்து, 9ஆம் தேதியும் திரளான பக்தர்கள் மண் சட்டியில் மாவிளக்கு ஏற்றி, தலையில் சுமந்துவாறு கோயிலை வலம் வந்து, நேர்த்திக்கடன் செலுத்தி வழிபட்டனர்.
 அதன் மூலம், தலை, இருதயம், கண், செவி சம்பந்தமான நோய்கள் தீரும் என்பது ஐதீகம்.
 இந்த விழாவில், செவிலிமேடு, பிள்ளையார்பாளையம், விஷார், வாலாஜாபாத் உள்ளிட்ட பல்வேறு பகுதிகளில் இருந்து பக்தர்கள் திரளாக கலந்து கொண்டனர். பக்தர்களின் கூட்டத்தைக் கட்டுப்படுத்தவும், சிறப்பு தரிசனத்துக்காகவும் கோயில் நிர்வாகம் ஏற்பாடுகளைச் செய்திருந்தது.
 நிறைவாக, மாலை 6.30 மணிக்கு சுந்தராம்பிகை, கச்சபேஸ்வரர் மலர் அலங்காரத்தில் கிழக்கு ராஜ வீதி வரை சுவாமி புறப்பாடு இருந்தது.
 அப்போது பக்தர்கள், கச்சபேஸ்வரரையும், சுந்தராம்பிகையையும் தரிசனம் செய்தனர்.
 குளத்தில் மீன்கள் இறப்பு:
 கடந்த கடை ஞாயிறு விழாவின்போது பக்தர்கள் தங்களிடம் இருந்த மாவிளக்கு, மஞ்சள், குங்குமம், பொரி உள்ளிட்ட பூஜைப் பொருள்களை கோயில் குளத்தில் கரைத்து வழிபட்டனர். இதனால், குளத்தில் உள்ள மீன்கள் இறந்து மிதந்ததோடு, துர்நாற்றம் வீசத் தொடங்கியது. அந்த மீன்களை கோயில் ஊழியர்கள் சில நாள்களுக்கு முன்பு அகற்றினர். இதுகுறித்து, தினமணி நாளிதழில் கடந்த 7ஆம் தேதி செய்தி வெளியானது.
 நடவடிக்கை: இது தொடர்பாக கோயில் நிர்வாக அலுவலரிடம் கேட்டபோது, "கடை ஞாயிறு விழாவில் நேர்த்திக்கடன் செலுத்துவதை பக்தர்கள் வழக்கமாகக் கொண்டுள்ளனர்.
 மீன்களுக்கு அதிக உணவுப் பொருள்களையும், பூஜைப் பொருள்களையும் போட்டதால் குளத்தின் மேற்பரப்பில் ஆக்சிஜன் பற்றாக்குறை ஏற்பட்டு, மீன்கள் இறந்தன. இதைக் கருத்தில் கொண்டு, அடுத்த கடை ஞாயிறு விழாவில் கூடுதல் துப்புரவுப் பணியாளர்கள் வரவழைக்கப்பட்டு, குளத்தில் பூஜைப் பொருள்களை கரைக்காத வகையில் நடவடிக்கை எடுக்கப்படும்' என்று அவர் தெரிவித்திருந்தார்.
 அதன்படி, ஞாயிற்றுக்கிழமை நடைபெற்ற விழாவில் பக்தர்கள் நேர்த்திக் கடன் செலுத்திய பூஜைப் பொருள்களை கோயில் குளத்தில் கரைக்க பணியாளர்கள் அனுமதிக்கவில்லை. மேலும், கோயில் வளாகத்துக்குள் இருந்த பூஜைப் பொருள்களையும் அவர்கள் அப்புறப்படுத்தினர். இதை சமூக ஆர்வலர்கள், பக்தர்களும் வரவேற்றதோடு, கோயில் நிர்வாகத்துக்கு பாராட்டு தெரிவித்தனர்.
 
 

]]>
http://images.dinamani.com/uploads/user/imagelibrary/2018/12/10/w600X390/kankacha.jpg http://www.dinamani.com/all-editions/edition-chennai/kanchipuram/2018/dec/10/கச்சபேஸ்வரர்-கோயில்-குளத்தில்-பூஜைப்-பொருள்களை-வீசுவதைத்-தடுக்க-நிர்வாகம்-நடவடிக்கை-தினமணி-செய்தி-எ-3054841.html
3054846 சென்னை காஞ்சிபுரம் தமிழகத்தில் விரைவில் தொல்காப்பியர் சிலை: அமைச்சர் க.பாண்டியராஜன் தகவல்  ஸ்ரீபெரும்புதூர், DIN Monday, December 10, 2018 12:28 AM +0530 தமிழகத்தில் தொல்காப்பியர் சிலை விரைவில் அமைக்கப்படும் என தமிழ் வளர்ச்சித் துறை அமைச்சர் க.பாண்டியராஜன் தெரிவித்தார்.
 வாகன எரிபொருள் உற்பத்தி செய்யும் ஷெல் நிறுவனத்தின் சார்பாக எரிபொருள் சிக்கனம் மற்றும் சுற்றுசூழலுக்கு மாசு ஏற்படுத்தாத வாகனங்கள் வடிவமைப்புப் போட்டி ஸ்ரீபெரும்புதூரை அடுத்த இருங்காட்டுக்கோட்டை பகுதியில் உள்ள கார் பந்தய மைதானத்தில் கடந்த வெள்ளிக்கிழமை தொடங்கியது.
 மூன்று நாள்கள் நடைபெற்ற இப்போட்டியில், நாட்டின் பல்வேறு மாநிலங்களைச் சேர்ந்த 19 பொறியியல் கல்லூரி மாணவர்கள் குழுக்கள், யேமன் நாட்டின் ஒரு குழு என மொத்தம் 20 குழுக்கள் கலந்து கொண்டன.
 இப்போட்டியில் வெற்றி பெற்ற மாணவர் குழுக்களுக்கு பரிசளிக்கும் விழா இருங்காட்டுக்கோட்டை பகுதியில் ஞாயிற்றுக்கிழமை நடைபெற்றது. இதில் தமிழ் வளர்ச்சித்துறை அமைச்சர் க.பாண்டியராஜன் கலந்து கொண்டார். பல்வேறு பிரிவுகளின் கீழ் வெற்றி பெற்ற மாணவர் குழுக்களுக்கு அவர் பரிசுத்தொகையை காசோலைகளாக வழங்கினார். இந்த நிகழ்ச்சியில் ஸ்ரீபெரும்புதூர் சட்டப் பேரவை உறுப்பினர் கே.பழனி, அதிமுக மாவட்டச் செயலாளர் வாலாஜாபாத் பா.கணேசன் உள்ளிட்டோர் கலந்து கொண்டனர்.
 தமிழகத்தில் இருந்து போட்டியில் கலந்து கொண்ட வேலூர் விஐடி பல்கலைக்கழக மாணவர்கள் மூன்று பிரிவுகளில் வெற்றி பெற்றனர். இதையடுத்து, அமைச்சர் க.பாண்டியராஜன் செய்தியாளர்களிடம் கூறியது: தமிழகத்தில் ஆங்கிலப்படுத்தப்பட்ட தமிழ்ப் பெயர்களை தமிழ்ப் பெயர்களாக மாற்ற நடவடிக்கை மேற்கொள்ளப்பட்டு வருகிறது. இப்பணி இரண்டு வாரங்களில் முடிக்கப்பட்டு தமிழ்ப் பெயர்கள் சூட்டப்படும்.
 தமிழ்ச் சங்கங்கள் அனைத்தையும் ஒன்றிணைத்து அவற்றின் மூலமாக பழந்தமிழர் பண்பாட்டுக் கண்காட்சியை நடத்தத் திட்டமிடப்பட்டுள்ளது. அதற்கான முயற்சிகள் மேற்கொள்ளப்பட்டு வருகின்றன.
 இந்தக் கண்காட்சியில் தமிழ்த் தாய்க்கு சிலை வைக்கப்பட உள்ளது. விரைவில் சென்னை கடற்கரைச் சாலையில் தொல்காப்பியர் சிலை அமைக்கப்பட உள்ளது.
 சொற்குவை என்ற திட்டமும் தொடங்கப்படவிருக்கிறது. இத்திட்டத்தின் மூலம் புதிய தமிழ் வார்த்தைகளை உருவாக்கவும், எந்த மொழியில், எந்தத் துறையில் புதிய தத்துவங்கள் வந்தாலும் அதற்கான தமிழ் வார்த்தைகள் வலைதளம் மூலம் உலகிற்கு தெரிவிக்கப்படும் என்றார் அவர்.

]]>
http://www.dinamani.com/all-editions/edition-chennai/kanchipuram/2018/dec/10/தமிழகத்தில்-விரைவில்-தொல்காப்பியர்-சிலை-அமைச்சர்-கபாண்டியராஜன்-தகவல்-3054846.html
3054844 சென்னை காஞ்சிபுரம் டிச.18-இல் எரிவாயு நுகர்வோர் முகாம் DIN DIN Monday, December 10, 2018 12:27 AM +0530 எரிவாயு நுகர்வோர் முகாம் வரும் 18 ஆம் தேதி நடைபெறவுள்ளது.
 காஞ்சிபுரம் மாவட்டத்தில் அனைத்து எரிவாயு நுகர்வோருக்கும் எரிவாயு உருளைகள் பதிவு செய்யப்பட்டு வருகின்றன. இதில் ஏற்படும் காலதாமதம், நுகர்வோரின் குறைகள் மீது நடவடிக்கை எடுப்பதில் எரிவாயு முகவர்களிடம் ஏற்படும் தாமதம் உள்ளிட்டவற்றுக்குத் எரிவாயு முகாம் நடத்தப்பட்டு வருகிறது.
 அதன்படி, நுகர்வோரின் குறைகளுக்குத் தீர்வு காணும் வகையில் வரும் 18ஆம் தேதி காலை 11 மணிக்கு ஆட்சியர் அலுவலக வளாகத்தில் மாவட்ட வருவாய் அலுவலர் தலைமையில் இந்த முகாம் நடைபெறவுள்ளது. இதில், எரிவாயு நுகர்வோர்கள் அனைவரும் தவறாது கலந்துகொண்டு குறைகளைத் தெரிவித்து, தீர்வு காணலாம் என வருவாய் அலுவலர் சார்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/kanchipuram/2018/dec/10/டிச18-இல்-எரிவாயு-நுகர்வோர்-முகாம்-3054844.html
3054842 சென்னை காஞ்சிபுரம் அரசு மருத்துவமனையில் புதிய பிரிவின் கட்டுமானப் பணி தொடக்கம் DIN DIN Monday, December 10, 2018 12:27 AM +0530 காஞ்சிபுரம் மாவட்ட அரசு தலைமை மருத்துவமனையில் புதிதாக உருவாக்கப்பட உள்ள ஸ்கேன் பிரிவுக்கு அடிக்கல் நாட்டி, அதன் கட்டுமானப் பணியை எம்எல்ஏ எழிலரசன் தொடங்கி வைத்தார்.
 இந்த மருத்துவமனை பழைய ரயில் சாலையில் செயல்பட்டு வருகிறது.
 இதன் வளாகத்தில் "எம்ஆர்ஐ ஸ்கேன்' பிரிவுக்காக புதிய கட்டடம் கட்டுவதற்குத் திட்டமிடப்பட்டது. அதன்படி, ரூ.40 லட்சம் மதிப்பிலான புதிய கட்டடத்தின் கட்டுமானப் பணி ஞாயிற்றுக்கிழமை தொடங்கியது.
 இதில், காஞ்சிபுரம் எம்எல்ஏ எழிலரசன் கலந்துகொண்டு அடிக்கல் நாட்டி, கட்டுமானப் பணியைத் தொடங்கி வைத்தார். இந்நிகழ்ச்சியில், மருத்துவமனையின் கண்காணிப்பாளர் டாக்டர் வள்ளியம்மாள், திமுக மாவட்ட, வட்ட, ஒன்றிய நிர்வாகிகள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/10/அரசு-மருத்துவமனையில்-புதிய-பிரிவின்-கட்டுமானப்-பணி-தொடக்கம்-3054842.html
3054840 சென்னை காஞ்சிபுரம் மாணவர் - காவலர் கேடட்ஸ் அமைப்பு தொடக்க விழா DIN DIN Monday, December 10, 2018 12:26 AM +0530 மதுராந்தகம் சௌபாக்மல் சௌகார் அரசு மகளிர் மேல்நிலைப் பள்ளியும், நகர காவல்துறையும் இணைந்து உருவாக்கியுள்ள மாணவர் - காவலர் கேடட்ஸ் அமைப்பின் தொடக்க விழா அண்மையில் நடைபெற்றது.
 மதுராந்தகத்தில் காவலர், மாணவ சமுதாயத்திடையே நல்லுறவுடன் சமூகத்தில் செயல்படவேண்டும் என்ற நோக்கத்துடன் மகளிர் மேல்நிலைப் பள்ளியில் மாணவர்-காவலர் கேடட்ஸ் அமைப்பு தொடங்கப்பட்டது.
 விழாவில் நகர காவல் ஆய்வாளர் அந்தோணி ஸ்டாலின் தலைமை வகித்து சிறப்புரை ஆற்றினார்.
 பள்ளி தலைமை ஆசிரியை விஜயகுமாரி, பெற்றோர் ஆசிரியர் கழக துணை தலைவர் எஸ்.டி.அசோக்குமார், காவல் உதவி ஆய்வாளர் ஜெயராமன், பள்ளி பெற்றோர்ஆசிரியர் கழக உறுப்பினர் விஜயகுமார் உள்பட பலர் கலந்து கொண்டனர். அனைத்து ஆசிரியர்களும், மாணவிகளும் விழாவில் பங்கேற்றனர்.

]]>
http://www.dinamani.com/all-editions/edition-chennai/kanchipuram/2018/dec/10/மாணவர்---காவலர்-கேடட்ஸ்-அமைப்பு-தொடக்க-விழா-3054840.html
3054838 சென்னை காஞ்சிபுரம் உத்தரமேரூரில் மக்கள் நீதிமன்றம்: 14 வழக்குகள் தீர்த்து வைப்பு DIN DIN Monday, December 10, 2018 12:26 AM +0530 உத்தரமேரூர் மக்கள் நீதிமன்றத்தில் 14 வழக்குகள் தீர்த்து வைக்கப்பட்டன.
 காஞ்சிபுரம் மாவட்டம், உத்திரமேரூர் நீதிமன்ற வளாகத்தில் உத்தரமேரூர் வட்ட சட்டப் பணிகள் குழு சார்பில் மக்கள் நீதிமன்றம் சனிக்கிழமை நடைபெற்றது. இதில், உத்தரமேரூர் வட்ட சட்டப் பணிகள் குழுத் தலைவரும் உரிமையியல், குற்றவியல் நடுவர் நீதிமன்ற நீதிபதியுமான சச்சிதானந்தம் தலைமை வகித்தார். ஓய்வு பெற்ற நீதிபதி சுரேஷ் முன்னிலை வகித்தார்.
 இதில், உத்தரமேரூர் இந்தியன் ஓவர்சீஸ் வங்கி மற்றும் எல்.எண்டத்தூர் கிளையின் 63 வழக்குகள் ஏற்றுக் கொள்ளப்பட்டு விசாரணை நடைபெற்றது. விசாரணையில் 14 வழக்குகளுக்குத் தீர்வு காணப்பட்டது. அதோடு, ரூ.10 லட்சத்து 30 ஆயிரம் வசூலிக்க தீர்ப்பு வழங்கப்பட்டது. இதில் உடனடி வசூல் தொகையாக ரூ.49,000 வசூலிக்கப்பட்டது. இந்த நிகழ்ச்சியில், வழக்குரைஞர்கள், வங்கி அலுவலர்கள், தன்னார்வலர்கள், பயனாளிகள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/kanchipuram/2018/dec/10/உத்தரமேரூரில்-மக்கள்-நீதிமன்றம்-14-வழக்குகள்-தீர்த்து-வைப்பு-3054838.html
3054270 சென்னை காஞ்சிபுரம் நாவலூர் ஏரியில் தொழிற்சாலைக் கழிவுநீர் கலப்பதைத் தடுக்க விவசாயிகள் கோரிக்கை DIN DIN Sunday, December 9, 2018 12:46 AM +0530 பிள்ளைப்பாக்கம் சிப்காட் பகுதியில் உள்ள தொழிற்சாலைகளில் இருந்து வெளியேறும் கழிவுநீர் நாவலூர் ஏரியில் கலந்து வருவதால் ஏரி நீர் மாசடைந்து வருகிறது. இதைத் தடுக்க அதிகாரிகள் நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.
 காஞ்சிபுரம் மாவட்டம், ஸ்ரீபெரும்புதூர் ஒன்றியத்துக்குட்பட்ட நாவலூர் பகுதியில் பொதுப் பணித்துறையின் கட்டுப்பாட்டில் ஏரி உள்ளது. சுமார் 350 ஏக்கர் பரப்பளவு உள்ள இந்த ஏரியின் நீரைப் பயன்படுத்தி சுமார் 100 ஏக்கர் பரப்பளவில் விவசாயம் நடைபெற்று வருகிறது. இதுதவிர நாவலூர் பகுதிக்கு இந்த ஏரிநீர் முக்கிய நிலத்தடி நீர் ஆதாரமாகவும் விளங்கி வருகிறது.
 இந்நிலையில், பிள்ளைப்பாக்கம் பகுதியில் சிப்காட் தொழிற்பூங்கா அமைக்கப்பட்டதைத் தொடர்ந்து, பிள்ளைப்பாக்கம் மற்றும் நாவலூர் பகுதியில் ஏரிக்கு அருகில் சுமார் 20-க்கும் மேற்பட்ட தொழிற்சாலைகள் இயங்கி வருகின்றன. இதில், வாகன உதிரிபாகங்களை உற்பத்தி செய்யும் இரு தொழிற்சாலைகளில் இருந்து வெளியேறும் கழிவுநீர் சுத்திகரிக்கப்படாமல் கால்வாய்கள் மூலம் நாவலூர் ஏரியில் கலந்து வருகிறது.
 இதனால் ஏரி நீரின் தன்மை மாறி வருவதுடன் அவ்வப்போது மீன்களும் இறந்து மிதக்கின்றன. இதனால் ஏரி நீரைப் பயன்படுத்தி விவசாயம் செய்து வரும் விவசாயிகள் பாதிக்கப்பட்டுள்ளனர்.
 இது குறித்து இப்பகுதி விவசாயிகள் கூறியது:
 நாவலூர் ஏரி நீரைப் பயன்படுத்தி எங்கள் பகுதியில் மூன்று போகம் விவசாயம் சுமார் 100 ஏக்கர் பரப்பளவில் நடைபெற்று வருகிறது. எங்கள் பகுதியைச் சேர்ந்தவர்கள் பெரும்பாலும் விவசாயத்தை மட்டுமே நம்பியுள்ளோம். இந்நிலையில் கடந்த சில ஆண்டுகளாக தொழிற்சாலைகளில் இருந்து வெளியேறும் கழிவுநீர் ஏரியில் கலந்து வருகிறது. இதனால் ஏரி நீர் மெல்ல மாசடைந்து வருவதோடு துர்நாற்றமும் வீசி வருகிறது.
 இதனால் ஏரியில் உள்ள மீன்கள் இறந்து விடுகின்றன. ஏரி நீர் மாசடைந்து வருவதால் எதிர்காலங்களில் இப்பகுதியில் விவசாயம் செய்ய முடியாத நிலை ஏற்படும். எனவே ஏரியில் கழிவுநீர் கலப்பதைத் தடுக்க மாவட்ட ஆட்சியர் நடவடிக்கை எடுக்க வேண்டும். மேலும், கழிவுநீரை ஏரியில் விடும் தொழிற்சாலைகள் மீதும் அவர் நடவடிக்கை எடுக்க வேண்டும் என்று அவர்கள் தெரிவித்தனர்.
 
 
 
 

]]>
http://www.dinamani.com/all-editions/edition-chennai/kanchipuram/2018/dec/09/நாவலூர்-ஏரியில்-தொழிற்சாலைக்-கழிவுநீர்-கலப்பதைத்-தடுக்க-விவசாயிகள்-கோரிக்கை-3054270.html
3054269 சென்னை காஞ்சிபுரம் ஏரியில் குளிக்கச் சென்ற 2 மாணவர்கள் சாவு DIN DIN Sunday, December 9, 2018 12:45 AM +0530 செங்கல்பட்டு அருகே மேலமையூர் ஏரியில் குளிக்கச் சென்ற பள்ளி மாணவர்கள் இருவர் ஏரியில் உள்ள பள்ளத்தில் சிக்கி உயிரிழந்தனர்.
 இது குறித்த விவரம்:
 செங்கல்பட்டை அடுத்த திருமணி பாரதபுரத்தைச் சேர்ந்த மோகன்ராஜ் மகன் சுஷில்(15). அவர் அதே பகுதியைச் சேர்ந்த கிருஷ்ணனின் மகன் சத்யா (13) மற்றும் 3 பேர் மேலமையூர் ஏரிக்கு சனிக்கிழமை மாலையில் குளிக்கச் சென்றனர். அங்கு ஐந்து பேரும் குளித்துக் கொண்டிருந்தனர். அப்போது ஏரியில் தண்ணீர் நிறைந்த பள்ளத்துக்குள் சத்யா சிக்கிக் கொண்டு அலறினார். இதைக் கண்ட சுஷில், சத்யாவைக் காப்பாற்றுவதற்காக அவரை இழுத்தார். அப்போது சுஷிலும் பள்ளத்தில் சிக்கிக் கொண்டார். அதிர்ச்சியடைந்த மற்ற 3 பேரும் கூச்சலிட்டு அவர்களைக் காப்பாற்றும்படிக் கோரினர்.
 அக்கம்பக்கத்தில் உள்ளவர்கள் விரைந்து வந்து பள்ளத்தில் சிக்கிய மாணவர்களைக் காப்பாற்ற முயற்சி செய்தனர். தகவலறிந்து செங்கல்பட்டு தீயணைப்புத்துறை வீரர்கள் சம்பவ இடத்துக்கு வந்தனர். அதற்குள் இருவரும் நீரில் மூழ்கி விட்டனர். அதைத் தொடர்ந்து தீயணைப்புத் துறையினர், சேற்றில் சிக்கி இறந்த இரு மாணவர்களின் உடல்களையும் மீட்டனர்.
 தகவலறிந்த செங்கல்பட்டு கிராமிய காவல் ஆய்வாளர் இளங்கோவன் உள்ளிட்ட போலீஸார் சம்பவ இடத்துக்கு வந்து ஏரியில் சிக்கி உயிரிழந்த மாணவர்களின் சடலங்களை பிரேதப் பரிசோதனைக்காக நகர அரசு மருத்துவமனைக்கு அனுப்பிவைத்தனர். இச்சம்பவம் தொடர்பாக போலீஸார் வழக்குப் பதிவு செய்து விசாரணை மேற்கொண்டத்தில், சுஷில் செங்கல்பட்டு தூய கொலம்பா மேல்நிலைப் பள்ளியில் 10ஆம் வகுப்பும், சத்யா 8ஆம் வகுப்பும் படித்து வந்தது தெரிய வந்தது.
 சனிக்கிழமை விடுமுறை என்பதால் ஏரியில் குளிக்க அதே பகுதியில் உள்ள நண்பர்களுடன் குளிக்க வந்திருந்தனர். மேலமையூர் ஏரியில் தொடர்ந்து மண் அள்ளப்படுவதால் ஆங்காங்கே பள்ளங்கள் ஏற்பட்டுள்ளன. அண்மையில் பெய்த மழையால் இந்தப் பள்ளங்களில் தண்ணீர் நிரம்பியதால் நீர்சுழற்சி காரணமாக இரு மாணவர்களும் பள்ளத்தில் சிக்கி உயிரிழந்தது தெரிய வந்தது.

]]>
http://www.dinamani.com/all-editions/edition-chennai/kanchipuram/2018/dec/09/ஏரியில்-குளிக்கச்-சென்ற-2-மாணவர்கள்-சாவு-3054269.html
3054268 சென்னை காஞ்சிபுரம் விபத்து எதிரொலி: வேகத் தடைகளின் அளவைக் குறைத்தது நெடுஞ்சாலைத் துறை DIN DIN Sunday, December 9, 2018 12:45 AM +0530 காஞ்சிபுரம் வந்தவாசி சாலையில் திடீர் வேகத்தடையால் வாகன ஓட்டிகள் விபத்துகளில் சிக்கியதைத்தொடர்ந்து, அந்த வேகத் தடைகளின் அளவைக் குறைத்து நெடுஞ்சாலைத் துறை நடவடிக்கை எடுத்துள்ளது.
 காஞ்சிபுரம் வந்தவாசி மாநில நெடுஞ்சாலையில் ஆட்சியர், காவல்துறைக் கண்காணிப்பாளர் அலுவலகம், முகாம் அலுவலகம் உள்ளிட்டவை அமைந்துள்ளன. பிரதான சாலையாக உள்ளதால் இச்சாலையில் வாகனங்கள் அதிவேகத்தில் சென்று வந்தன.
 வாகனங்களின் வேகத்தைக் குறைக்கும் நோக்கில், காஞ்சிபுரம் வந்தவாசி சாலையில் மூன்று இடங்களில் நெடுஞ்சாலைத்துறை சார்பில் கடந்த 1ஆம் தேதி வேகத் தடைகள் அமைக்கப்பட்டன.
 வழக்கமான அளவை விட அந்த வேகத் தடைகள் இரு மடங்கு பெரிதாக இருந்ததாலும், முன்னறிவிப்பின்றி அமைக்கப்பட்டதாலும் அடுத்தடுத்து 3 வாகனங்கள் மோதி விபத்துக்குள்ளாகின.
 இதில் வாகன ஓட்டிகள் சிலர் காயமடைந்தனர். இதனால், அப்பகுதியினர் திரண்டு ஆட்சியரின் முகாம் அலுவலகம் முன்பு முற்றுகைப் போராட்டத்தில் ஈடுபட்டனர்.
 இதையடுத்து, வேகத்தடை அருகே தடுப்புகள் வைக்கப்பட்டதோடு, போலீஸாரும் பாதுகாப்புப் பணியில் ஈடுபடுத்தப்பட்டனர்.
 இந்நிலையில், காஞ்சிபுரம் வந்தவாசி சாலையில் அமைக்கப்பட்ட 3 வேகத் தடைகளின் அளவைக் குறைத்து நெடுஞ்சாலைத் துறையினர் நடவடிக்கை எடுத்துள்ளனர். இதனால், வாகனங்கள் தற்போது பாதுகாப்பாகச் சென்று வருகின்றன.
 
 
 

]]>
http://www.dinamani.com/all-editions/edition-chennai/kanchipuram/2018/dec/09/விபத்து-எதிரொலி-வேகத்-தடைகளின்-அளவைக்-குறைத்தது-நெடுஞ்சாலைத்-துறை-3054268.html
3054261 சென்னை காஞ்சிபுரம் பொது விநியோகத் திட்டம்: 45 பேர் மனு DIN DIN Sunday, December 9, 2018 12:42 AM +0530 மதுராந்தகத்தை அடுத்த வெடால் கிராமத்தில் செய்யூர் வட்ட வழங்கல் துறை சார்பில் நடைபெற்ற பொது விநியோகத் திட்ட சிறப்பு முகாமில் 45 பேர் மனுக்களை அளித்தனர்.
 காஞ்சிபுரம் மாவட்ட வட்ட வழங்கல் துறை சார்பில் மாதந்தோறும் 2ஆவது சனிக்கிழமைகளில் காலை பொது விநியோகத் திட்ட சிறப்பு முகாமை நடத்த வருகிறது. அதன்படி, செய்யூர் வட்ட வழங்கல் துறையினர் கிழக்கு கடற்கரைச் சாலையையொட்டி அமைந்துள்ள வெடால் கிராமத்தில் முகாமை சனிக்கிழமை நடத்தினர். செய்யூர் வட்டாட்சியர் ரமா தலைமை வகித்தார். வட்ட வழங்கல் அலுவலர் மா.தயாளன் உள்ளிட்டோர் பங்கேற்றனர்.
 வெடால் கிராமத்தைச் சேர்ந்த மக்கள் ரேஷன் கடைகளில் அத்தியாவசியப் பொருள்களை மலிவான விலையில் அளிக்கக் கோரி மனுக்களை அளித்தனர். ஸ்மார்ட் கார்டில் ஆதார் அட்டைகளை இணைக்கக் கோரி 12 பேரும், பெயர் சேர்க்கக் கோரி 28 பேரும், பெயர் திருத்தம் கோரி 5 பேரும் இந்த முகாமில் வட்ட வழங்கல் அலுவலர் மா.தயாளனிடம் மனுக்களை அளித்தனர்.
 அவர்களிடம் பெறப்பட்ட 45 மனுக்களும் ஏற்றுக் கொள்ளப்பட்டு உடனடி நடவடிக்கைக்கு அனுப்பி வைக்கப்பட்டன. இந்த நிகழ்ச்சிக்கான ஏற்பாடுகளை செய்யூர் வட்ட வழங்கல் துறையினர் செய்திருந்தனர்.
 பழமத்தூர் கிராமத்தில்...
 மதுராந்தகம், டிச. 8: மதுராந்தகம் வருவாய்த் துறை சார்பாக, பழமத்தூர் கிராமத்தில் பொது விநியோகத் திட்ட சிறப்பு முகாம் சனிக்கிழமை நடைபெற்றது.
 மதுராந்தகம் வட்டாட்சியர் அலுவலகத்தில் உள்ள வட்ட வழங்கல் துறை சார்பாக, பழமத்தூர் கிராமத்தில் ரேஷன் கார்டு வைத்துள்ளவர்களின் குறைபாடுகளை களைய இந்த முகாம் நடைபெற்றது. வட்டாட்சியர் ஏகாம்பரம் தலைமை வகித்தார்.
 தற்சமயம் பயன்பாட்டில் உள்ள ஸ்மார்ட் கார்டில் பெயர் நீக்கம், பெயர் சேர்த்தல், புகைப்படம் மாற்றல், ஆதார் எண்ணைச் சேர்த்தல் உள்ளிட்ட கோரிக்கைகளை வலியுறுத்தி 74 பேர் வட்ட வழங்கல் அலுவலர் பிரபாகரனிடம் மனுக்களை அளித்தனர். அவை அனைத்தும் ஏற்றுக் கொள்ளப்பட்டு உடனடி நடவடிக்கை மேற்கொள்ளப்பட்டது. நிகழ்ச்சிக்கான ஏற்பாடுகளை மதுராந்தகம் வட்ட வழங்கல் துறையினர் செய்திருந்தனர்.
 
 
 

]]>
http://www.dinamani.com/all-editions/edition-chennai/kanchipuram/2018/dec/09/பொது-விநியோகத்-திட்டம்-45-பேர்-மனு-3054261.html
3054260 சென்னை காஞ்சிபுரம் பொது மக்களுக்கு இடையூறு: குரங்குகளை அப்புறப்படுத்திய வனத்துறையினர் DIN DIN Sunday, December 9, 2018 12:42 AM +0530 செங்கல்பட்டு அருகே உள்ள சோகண்டி கிராமத்தில் பொதுமக்களுக்குத் தொல்லை கொடுத்து வந்த 100-க்கும் மேற்பட்ட குரங்குகளை வனத்துறையினர் கூண்டுகளில் பிடித்து எடுத்துச் சென்றனர்.
 திருக்கழுகுன்றம் வட்டத்துக்குட்பட்ட இந்த கிராமத்தில் குரங்குகள் தொல்லை அதிகமாக இருந்தது. குரங்குகள் குடியிருப்புப் பகுதிகளில் புகுந்து வீடுகளில் உள்ள உணவுப் பொருள்களை அள்ளிச் சென்றன.
 காய்கறி உள்ளிட்ட பொருள்களை எடுத்துச் செல்லும்போது அச்சத்துடனே செல்ல வேண்டிய நிலை காணப்பட்டது. குறிப்பாக பெண்களையும், குழந்தைகளையும் குரங்குகள் அச்சமூட்டி வந்தன.
 இது தொடர்பாக சென்னை வேளச்சேரியில் உள்ள வனத்துறைக்கு சோகண்டி கிராம மக்கள் மனு அளித்தனர். அதன்பேரில் வனத்துறை துணைப் பாதுகாவலர் தலைமையில் வனத்துறை குழுவினர் வெள்ளிக்கிழமை அந்த கிராமத்துக்கு வந்தனர். கூண்டுகளை வைத்து 100-க்கும் மேற்பட்ட குரங்குகளைப் பிடித்து எடுத்துச் சென்றனர். அந்தக் குரங்குகளை தமிழக எல்லையில் உள்ள காட்டுப் பகுதிகளில் விடப்போவதாக வனத்துறையினர் தெரிவித்தனர்.
 

]]>
http://www.dinamani.com/all-editions/edition-chennai/kanchipuram/2018/dec/09/பொது-மக்களுக்கு-இடையூறு-குரங்குகளை-அப்புறப்படுத்திய-வனத்துறையினர்-3054260.html
3054259 சென்னை காஞ்சிபுரம் காஞ்சிபுரத்தில் காவலர்களுக்கு நிறைவாழ்வுப் பயிற்சி DIN DIN Sunday, December 9, 2018 12:42 AM +0530 பணிச்சுமை மற்றும் மனச்சோர்வைக் குறைக்க காவலர்களுக்கு நிறைவாழ்வுப் பயிற்சி அளிக்கப்பட்டது.
 தமிழக அரசு "நிம்ஹான்ஸ்' எனப்படும் தேசிய மன நலம் மற்றும் நரம்பியல் ஆய்வு நிறுவனத்துடன் இணைந்து காவலர் நிறைவாழ்வுப் பயிற்சித் திட்டத்தை தொடங்கியுள்ளது. அதன்படி, தமிழக காவல்துறையில் பணிபுரிந்து வரும் அனைத்து காவல் அதிகாரிகள் மற்றும் காவலர்களுக்கும் அவர்களது பணிச்சுமை, அதனால் ஏற்படும் மனச்சோர்வு, மன அழுத்தத்தைக் குறைப்பதற்கு பயிற்சிகள் அளிக்கப்பட்டு வருகின்றன.
 இதன் ஒருபகுதியாக, நிம்ஹான்ஸ் மூலம் தேர்ந்தெடுக்கப்பட்ட காவல் ஆய்வாளர்கள் கீதாலட்சுமி, உதவி ஆய்வாளர் தமிழ்ச்செல்வி , சமூக ஆர்வலர் மைதிலி ஆகியோர் பெங்களூரில் உள்ள நிம்ஹான்ஸ் மருத்துவ மையத்தில் அண்மையில் பயிற்சி பெற்றனர். இதையடுத்து, காஞ்சிபுரம் மாவட்டத்தில் கடந்த மாதம் 11ஆம் தேதி காவல்துறை துணைத் தலைவர் பி.சி.தேன்மொழி தலைமையில் காஞ்சிபுரம் காவலர் சமூக நலக் கூடத்தில் முதல்கட்டமாக 36 காவலர்களுக்கு பயிற்சி பெற்ற காவலர்கள் மூலம் பயிற்சி அளிக்கப்பட்டது.
 அதைத் தொடர்ந்து, இரண்டாம் கட்ட பயிற்சியை காவல்துறைக் கண்காணிப்பாளர் சந்தோஷ் ஹதிமானி வெள்ளிக்கிழமை தொடங்கி வைத்தார். இப்பயிற்சி, 3 நாள்களுக்கு நடைபெறுகிறது. நிறைவாழ்வுப் பயிற்சியில் கலந்துகொண்ட பிறகு செய்தியாளர்களிடம் சந்தோஷ் ஹதிமானி கூறியதாவது:
 காவலர்களுக்கென நிறைவாழ்வுப் பயிற்சி தொடங்கப்பட்டுள்ளது. இதன்மூலம், தமது குடும்பம் மற்றும் சமுதாயச் சூழல்களால் காவலர்களுக்கும், அவர்களின் குடும்பத்தாருக்கும் ஏற்படும் மன அழுத்தத்தைப் போக்குவதற்கு உதவும். மேலும், வருங்காலத்தில் மன அழுத்தத்தின் மூலம் ஏற்படும் பாதிப்புகளில் இருந்து காவலர்கள் விடுபட்டு, பணித்திறனை மேம்படுத்தும் நோக்கில் இப்பயிற்சி ஏற்படுத்தப்பட்டுள்ளது வரவேற்கத்தக்கது என்றார் அவர்.
 இப்பயிற்சி முகாமில் ஏடிஎஸ்பி, டிஎஸ்பி, காவல் ஆய்வாளர்கள், உதவி ஆய்வாளர்கள், அவர்களின் குடும்பத்தினர் என திரளானோர் கலந்து கொண்டனர்.

]]>
http://www.dinamani.com/all-editions/edition-chennai/kanchipuram/2018/dec/09/காஞ்சிபுரத்தில்-காவலர்களுக்கு-நிறைவாழ்வுப்-பயிற்சி-3054259.html
3054234 சென்னை காஞ்சிபுரம் அரசு கேபிள் டிவியில் பெரும்பாலான சேனல்கள் தெரிவதில்லை DIN DIN Saturday, December 8, 2018 11:51 PM +0530
தமிழக அரசு கேபிள் டிவி நிறுவனத்தின் செட் டாப் பாக்ஸ் வைக்கப்பட்டிருந்தும் பெரும்பாலான சேனல்கள் தெரியவில்லை என்று செங்கல்பட்டு பகுதியைச் சேர்ந்த பொதுமக்கள் அதிருப்தி தெரிவித்து வருகின்றனர்.
தமிழக அரசு கேபிள் டிவி நிறுவனம் அனைத்து இணைப்புகளுக்கும் செட் டாப் பாக்ஸ் பொருத்தும்படி அறிவித்திருந்தது. எனினும் கேபிள் தொழில் நடத்துவோர் செட் டாப் பாக்ஸ் வழங்குவதற்கு ரூ.500 முதல் ரூ. 800 வரை பணம் செலுத்தும்படி வாடிக்கையாளர்களைக் கட்டாயப்படுத்தினர். இதையடுத்து, பலரும் மாதம் ரூ. 120 அல்லது ரூ.130 கொடுத்து ஒரு சில சேனல்களை மட்டுமே பார்க்கத் தொடங்கினர். அரசு கேபிள் நிறுவனம் தொடங்கியதை அடுத்து உள்ளூர் சேனல்களுக்குத் தடை விதிக்கப்பட்டது.
தமிழக அரசு கேபிள் டிவிக்கு செட் டாப் பாக்ஸ் கட்டாயம் என அறிவித்தபோது, கேபிள் தொழில் நடத்துவோர் மீண்டும் ரூ.500, ரூ. 800 என பணம் பெற்று அவற்றை வழங்கினர். செட் டாப் பாக்ஸ் பொருத்தப்பட்ட வாடிக்கையாளர்களிடம் மாதக் கட்டணமாக ரூ.250-ம், அது இல்லாதவர்களிடம் மாதக் கட்டணமாக ரூ.130-ம் வசூலிக்கப்பட்டு வருகிறது.
இதனிடையே, கடந்த 10 நாள்களாக செட் ஆப் பாக்ஸ் பொருத்தப்பட்டிருந்த இணைப்புகள் சரிவர இயங்காமல் வாடிக்கையாளர்கள் அவதிப்பட்டனர். இது தொடர்பாக அவர்கள் கேபிள் டிவி அலுவலகங்களுக்கு தொலைபேசி மூலம் புகார் தெரிவிக்க முயன்றனர். ஆனால், பெரும்பாலான கேபிள் டிவி அலுவலகங்களில் வாடிக்கையாளர்களின் தொலைபேசி அழைப்புகளுக்கு பதில் தரவில்லை. நேரில் சென்றாலும் சரியான பதில் இல்லை என்கின்றனர் வாடிக்கையாளர்கள்.
இந்நிலையில், முறையான முன்னறிவிப்பு ஏதுமின்றி செட் டாப் பாக்ஸ் பொருத்தப்படாத வீடுகளுக்கு டிசம்பர் 1 முதல் அடியோடு இணைப்பு துண்டிக்கப்பட்டது. இதனால் டிவி சேனல்களில் சீரியல், ஆன்மிக நிகழ்ச்சிகள், சித்த வைத்தியம் உள்ளிட்ட நிகழ்ச்சிகளை தொடர்ச்சியாக பார்த்து வந்தவர்கள் அவற்றைப் பார்க்க முடியாத நிலை ஏற்பட்டுள்ளதாக புகார் தெரிவிக்கின்றனர்.
மேலும் செட் டாப் பாக்ஸ் இணைப்பு வழங்கியவர்களுக்கும் தொலைக்காட்சி நிகழ்ச்சிகள் சரியாக தெரியவில்லை என்று புகார் தெரிவித்தாலும் முறையான பதில் வருவதில்லை. மாதா மாதம் செலுத்த வேண்டிய கட்டணமாக ரூ.250-ஐ வசூல் செய்கின்றனர். அத்தொகையை வசூல் செய்ய வருபவர்களிடம் இது தொடர்பாக வாடிக்கையாளர்கள் கேட்டால் "அரசு கொடுக்கும் செட் டாப் பாக்ஸைத்தான் நாங்கள் கொடுக்கிறோம். உங்கள் டிவியை சரிசெய்யுங்கள்' என்று பதில் அளிப்பதாகவும் வாடிக்கையாளர்கள் கூறுகின்றனர்.
இதுகுறித்து அரசு கேபிள் நிறுவனத் தரப்பில் விசாரித்தபோது, போதிய செட் டாப் பாக்ஸ்களை தமிழக அரசு கேபிள் டிவி நிறுவனம் விநியோகிக்கவில்லை எனக் கூறுகின்றனர். "தற்போதுதான் இந்த பாக்ஸ்கள் செங்கல்பட்டு அரசு கேபிள் அலுவலகத்துக்கு வந்து கொண்டிருக்கின்றன. அனைத்து வாடிக்கையாளர்களுக்கும் ஒரே நேரத்தில் அளிக்க முடியாது. அவசியம் என்றால் டிடிஹெச் எனப்படும் வீடுகளுக்கு நேரடியாக இணைப்பு வழங்கும் சேவைக்கு மாறிவிடுங்கள்' என கேபிள் டிவி அலுவலர்கள் கூறுவது பொதுமக்களுக்கு வேதனை அளிப்பதாக உள்ளது.
ஒவ்வொரு பகுதியிலும் அரசு கேபிள் டிவி அலுவலகம் வைத்து நடத்துபவர்களே இவ்வாறு அலட்சியமாக பதிலளிப்பதை தவிர்க்க வேண்டும். அரசு கேபிள் நிறுவனம் இதுகுறித்து முறையான அறிக்கையை வெளியிட்டால் பொதுமக்களுக்கு பயனுள்ளதாக இருக்கும் என்று வாடிக்கையாளர்கள் கருத்து தெரிவிக்கின்றனர்.
இலவசம்.... ஆனால் இல்லை!
இது குறித்து வட்டாட்சியர் இப்ராஹிமிடம் கேட்டபோது அவர் கூறியது:
அரசு கேபிள் டிவியில் டிஜிட்டல் முறையில் நிகழ்ச்சிகளைப் பார்ப்பதற்கு செட் டாப் பாக்ஸ் இணைப்பு பெற வேண்டும் என அரசு ஓராண்டுக்கு முன்பே அறிவித்திருந்தது. இந்த அறிவிப்பை அடுத்து சிலர் அவற்றை வாங்கி டிவி நிகழ்ச்சிகளைப் பார்த்து வருகின்றனர். பெரும்பாலானோர் 7, 8 சேனல்கள் தெரிந்தால் போதும் என கேபிள் டிவியைத் தொடர்ந்து பார்த்துக் கொண்டிருக்கின்றனர்.
எங்களுக்கு இந்த ஆண்டு அக்டோபர் மாதத்துக்குள் அனைத்து கேபிள் சேனல்களையும் நிறுத்திவிட்டு வாடிக்கையாளர்களிடம் செட் ஆப் பாக்ஸ்களைப் பொருத்தி டிஜிட்டல் முறையில் இணைப்புகளை தர வேண்டும் என்று அரசு கேபிள் மேலாண்மை இயக்குநர் உத்தரவிட்டிருந்தார். செட் டாப் பாக்ஸ்கள் தேவைக்கேற்ப வந்தால் உடனடியாக வழங்கப்பட்டு விடும்.
இந்த பாக்ஸ்கள் இலவசமாக வழங்கப்பட வேண்டியவைதான். எனினும், கேபிள் ரீசார்ஜ் செய்வதற்காக ரூ.180, வரி ஆகியவற்றைச் சேர்த்து ரூ.220 வாங்குவார்கள். அரசு கேபிள் டிவி போஸ்ட் பெய்டு திட்டம் போன்றது. தனியார் கேபிள் ப்ரீ பெய்டு திட்டமாகும். எனவே முன்கூட்டியே பணம் செலுத்தினால் தான் கேபிள் பார்க்கமுடியும்.
வெளிச் சந்தையில் செட் டாப் பாக்ஸ் விலை ரூ.1,600 முதல் ரூ.2,000 வரை இருக்கும். அது இலவசம் என்று அரசு அறிவித்தாலும், பாக்ஸ் கிடைப்பது கடினமாக உள்ளது. கேபிள் டிவி ஆப்ரேட்டர்கள் வரியுடன் சேர்த்து கேபிள் ரீசார்ஜுக்கு ரூ.450 வாங்குவது சரியானதுதான்.
காரணம் சிலர் வீட்டைக் காலி செய்து விட்டுப் போகும்போது செட் டாப் பாக்ஸையும் கூடவே எடுத்துச் சென்று விடுகின்றனர். இதனால் அதற்கான தொகையை சம்பந்தப்பட்ட கேபிள் ஆபரேட்டர்களே செலுத்தும் நிலை ஏற்படுகிறது. இந்தச் சூழலில் அவர்கள் 220 ரூபாயுடன் மேலும் ரூ.100, 200 வாங்குவது இதற்காகத்தான் என்றார் அவர்.

 

]]>
http://www.dinamani.com/all-editions/edition-chennai/kanchipuram/2018/dec/08/அரசு-கேபிள்-டிவியில்-பெரும்பாலான-சேனல்கள்-தெரிவதில்லை-3054234.html
3053714 சென்னை காஞ்சிபுரம் கொடி நாள் நிதி: நிகழாண்டுக்கு ரூ.2.22 கோடி இலக்கு DIN DIN Saturday, December 8, 2018 03:18 AM +0530
கொடி நாளையொட்டி நிகழாண்டு ரூ.2.22 கோடி இலக்கு நிர்ணயிக்கப்பட்டுள்ளது என ஆட்சியர் பா.பொன்னையா தெரிவித்துள்ளார்.
காஞ்சிபுரம் மாவட்டத்தில் முன்னாள் படைவீரர் நலனுக்காக கொடிநாள் நிதி வசூல் செய்யப்பட்டு, அவர்களின் நலனுக்காக பயன்படுத்தப்படுகிறது. அதன்படி, ஆண்டுதோறும் டிசம்பர் 7ஆம் தேதி கொடிநாள் கொண்டாடப்படுகிறது. இதையொட்டி, மாவட்ட ஆட்சியர் அலுவலக வளாகத்தில் ஆட்சியர் பா.பொன்னையா தலைமையில் கொடிநாள் வசூல் நிகழ்ச்சி வெள்ளிக்கிழமை காலை நடைபெற்றது. இதில், நிகழாண்டுக்கான கொடிநாள் வசூலை ஆட்சியர் தொடங்கி வைத்தார். தொடர்ந்து, அவர் செய்தியாளர்களிடம் கூறியது: கடந்த ஆண்டு காஞ்சிபுரம் மாவட்டத்தில் கொடி நாளன்று ரூ.2 கோடியே 2 லட்சத்து 7 ஆயிரம் வசூலிப்பதற்கு இலக்கு நிர்ணயிக்கப்பட்டது. அந்த இலக்கை மிஞ்சும் வகையில் ரூ.4 கோடியே 40 லட்சத்து 32 ஆயிரத்து 324 வசூலிக்கப்பட்டுள்ளது. இது பாரட்டுக்குரியது. தொடர்ந்து, நடப்பு 2018ஆம் ஆண்டுக்கு ரூ. 2 கோடியே 22 லட்சத்து 27 ஆயிரத்து 700 இலக்கு நிர்ணயிக்கப்பட்டுள்ளது. இந்த இலக்கை மிஞ்சும் அளவுக்கு அலுவலர்கள் சீரிய முயற்சி எடுக்க வேண்டும். இதற்காக, பொதுமக்கள் உள்ளிட்டோர் கொடி நாள் நிதிக்கு தாராளமாக பணம் வழங்கி முன்னாள் படைவீரர் நலனுக்கு உதவுவோம் என்றார் அவர். 
இந்த நிகழ்ச்சியில், மாவட்ட வருவாய் அலுவலர் என்.சுந்தரமூர்த்தி, நேர்முக உதவியாளர் நாராயணன், முன்னாள் படைவீரர் நல உதவி இயக்குனர் மேஜர் ரூபா சுப்புலட்சுமி உள்ளிட்டோர் கலந்து கொண்டனர். 

]]>
http://images.dinamani.com/uploads/user/imagelibrary/2018/12/8/w600X390/poniya.JPG http://www.dinamani.com/all-editions/edition-chennai/kanchipuram/2018/dec/08/கொடி-நாள்-நிதி-நிகழாண்டுக்கு-ரூ222-கோடி-இலக்கு-3053714.html
3053713 சென்னை காஞ்சிபுரம் எரிபொருள் சிக்கன வாகன வடிவமைப்புப் போட்டி தொடக்கம் DIN DIN Saturday, December 8, 2018 03:17 AM +0530
ஸ்ரீபெரும்புதூரை அடுத்த இருங்காட்டுக்கோட்டையில், தனியார் எண்ணெய் நிறுவனம் சார்பில் எரிபொருள் சிக்கனம் மற்றும் மாசு இல்லாத வாகன வடிவமைப்புப் போட்டி வெள்ளிக்கிழமை தொடங்கியது. மூன்று தினங்களுக்கு நடைபெற உள்ள இப்போட்டியை தமிழக மின்துறை அமைச்சர் பி. தங்கமணி தொடங்கிவைத்தார்.
வாகன எரிபொருள் உற்பத்தி செய்யும் ஷெல் நிறுவனத்தின் சார்பில் ஷெல் பசுமை மாரத்தான் என்ற தலைப்பில் சுற்றுச்சூழலுக்கு மாசு ஏற்படுத்தாத, குறைந்த எரிபொருளில் அதிக தூரம் பயணிக்கக் கூடிய வாகனங்களை வடிவமைக்கும் போட்டி வெள்ளிக்கிழமை தொடங்கியது. தொடக்க நிகழ்ச்சிக்கு ஷெல் நிறுவனத்தின் தலைவர் நிதின் பிரசாத் தலைமை வகித்தார். 
போட்டியை மின்துறை அமைச்சர் தங்கமணி தொடங்கி வைத்தார். இதில் தமிழக ஊரக தொழில்துறை அமைச்சர் பா.பென்ஜமின், ஸ்ரீபெரும்புதூர் சட்டப் பேரவை உறுப்பினர் கே.பழனி, அதிமுக மாவட்டச் செயலர் வாலாஜாபாத் பா.கணேசன் உள்ளிட்டோர் கலந்து கொண்டனர். இப்போட்டி குறித்து ஷெல் நிறுவனத்தின் தலைவர் நிதின் பிரசாத் கூறியது: கடந்த 1939ஆம் ஆண்டு இப்போட்டி தொடங்கப்பட்டது. உலகில் நீண்ட காலம் நடைபெறும் மாணவர்களுக்கான போட்டியாக தொடர்ந்து நடத்தப்பட்டு வருகிறது. இப்போட்டியில் கலந்து கொள்ளும் பொறியியல் மாணவர்கள், எரிபொருள் திறன்மிக்க வாகனங்களை வடிவமைத்தல், கட்டமைத்தல் மற்றும் சோதனையில் ஈடுபடுவர். பிற மாரத்தான் மற்றும் கார் பந்தயங்களைப் போல் இல்லாமல் இப்போட்டியில், ஒரு லிட்டர் எரிபொருளில் அதிக வேகமாக செல்லும் வாகனங்களைக் காட்டிலும், அதிக தூரம் பயணிக்கும் வாகனங்களை வடிவமைக்கக் கூடிய அணியே வெற்றி பெற்ற அணியாகத் தேர்ந்தெடுக்கப்படும். 
கடந்த காலங்களில் ஒரு லிட்டருக்கு 2341 கி.மீ. தூரம் செல்லக்கூடிய சிறிய ரக சைக்கிள் போன்ற வாகனங்களை மாணவர்கள் வடிவமைத்தனர். 
எங்களது உலகளாவிய போட்டியில் இந்திய அணிகள் கடந்த 2010ஆம் ஆண்டில் இருந்து பங்கேற்றாலும் முதன் முறையாக இந்தியாவில் தற்போது சென்னையில் போட்டியைத் தொடங்கியுள்ளோம். இப்போட்டியில் நாட்டின் பல்வேறு மாநிலங்களைச் சேர்ந்த 19 பொறியியல் மாணவர் குழுக்களும், யேமன் நாட்டைச் சேர்ந்த ஒரு குழுவும் கலந்து கொண்டுள்ளனர். தமிழகத்தில் வேலூர் விஐடி மற்றும் எஸ்ஆர்எம் ஆகிய கல்வி நிறுவனங்களின் மாணவர்கள் கலந்து கொண்டுள்ளனர் என்றார் அவர்.
 

]]>
http://images.dinamani.com/uploads/user/imagelibrary/2018/12/8/w600X390/car.JPG http://www.dinamani.com/all-editions/edition-chennai/kanchipuram/2018/dec/08/எரிபொருள்-சிக்கன-வாகன-வடிவமைப்புப்-போட்டி-தொடக்கம்-3053713.html
3053712 சென்னை காஞ்சிபுரம் பயனற்ற மேல்நிலைத் தொட்டியை அகற்றக் கோரிக்கை DIN DIN Saturday, December 8, 2018 03:17 AM +0530 மாகான்யம் அரசுப் பள்ளி வளாகத்தில் மாணவர்களுக்கு பயனில்லாத வகையில் உள்ள குடிநீர் மேல்நிலை நீர்த்தேக்கத் தொட்டியை இடித்து அகற்ற வேண்டும் என மாணவர்களும், அவர்களின் பெற்றோர்களும் கோரிக்கை விடுத்துள்ளனர்.
ஸ்ரீபெரும்புதூர் ஒன்றியம், மாகான்யம் ஊராட்சியில் அரசு உயர்நிலைப் பள்ளி இயங்கி வருகிறது. இப்பள்ளியில் மாகான்யம், மலைப்பட்டு, அழகூர் ஆகிய பகுதிகளைச் சேர்ந்த 230 மாணவர்கள் கல்வி கற்று வருகின்றனர். இப்பள்ளி வளாகத்திலேயே அரசு ஆரம்பப் பள்ளியும் இயங்கி வருவதால் இட நெருக்கடியுடன் வகுப்புகள் நடத்தப்பட்டு வருகின்றன.
இப்பள்ளி வளாகத்தில் தமிழ்நாடு குடிநீர் வடிகால் வாரியத்தின் சார்பாக கடந்த 2012-13ஆம் ஆண்டில் குடிநீருக்காக 5,000 லிட்டர் கொள்ளளவு கொண்ட மேல்நிலை நீர்த்தேக்கத் தொட்டி கட்டப்பட்டது. இந்தத் தொட்டியின் மூலம் பள்ளி மாணவர்களுக்கும் கிராம பொதுமக்களுக்கும் குடிநீர் விநியோகம் செய்யப்பட்டு வந்தது. 
இதனிடையே, மாகான்யம் ஊராட்சி நிர்வாகத்தின் முறையான பராமரிப்பு இல்லாததால் இந்த நீர்த்தேக்கத் தொட்டியின் மூலம் குடிநீர் விநியோகம் செய்யப்படுவது இரண்டு ஆண்டுகளுக்கும் மேலாக நின்று விட்டது. இதனால் பள்ளி வளாகத்தில் தொட்டி பயனில்லாமல் உள்ளது. பள்ளி வளாகத்திலேயே இத்தொட்டி உள்ளதால், மாணவர்கள் உணவு இடைவேளை, உடற்பயிற்சி வகுப்பு நேரங்களில் குடிநீர்த் தொட்டியின் மீது ஏறி விளையாடி வருவதால் அவர்கள் விபத்தில் சிக்கும் அபாயம் ஏற்பட்டுள்ளது. 
எனவே மாணவர்களுக்கு அச்சுறுத்தலாகவும், பொதுமக்களுக்கு பயனில்லாமலும் இருக்கும் குடிநீர்த் தொட்டியை உடனடியாக இடித்து அகற்ற வேண்டும் என மாணவர்களின் பெற்றோர் கோரிக்கை விடுத்துள்ளனர். இதுகுறித்து சமூக ஆர்வலர்கள் கூறியது: 
மாகான்யம் அரசுப் பள்ளி கடந்த 5 ஆண்டுகளாக பத்தாம் வகுப்பு பொதுத் தேர்வில் 100 சதவிகிதம் தேர்ச்சி பெற்று வருகிறது. ஆனால் பள்ளி வளாகம் போதிய இடவசதியின்றி நெருக்கடியுடன் இயங்கி வருகிறது. பள்ளி வளாகத்திலேயே நூலகம், அங்கன்வாடி மையம், இரண்டு மேல்நிலை நீர்த்தேக்கத் தொட்டிகள், கிராம நிர்வாக அலுவலர் அலுவலகம் ஆகியவை இயங்கி வருகின்றன.
இதனால் மாணவர்களுக்கு போதுமான வகுப்பறை கட்டடங்கள் கூட கட்ட முடியாத நிலை உள்ளது. மேலும் மாணவர்களுக்கு விளையாட்டு மைதானமும் இல்லை. எனவே, மாணவர்கள் விளையாடும் வகையில் பள்ளி வளாகத்தில் பயன் இல்லாமல் உள்ள நீர்த்தேக்கத் தொட்டியை இடித்து அகற்ற அதிகாரிகள் நடவடிக்கை எடுக்க வேண்டும் என்று அவர்கள் தெரிவித்தனர்.

]]>
http://www.dinamani.com/all-editions/edition-chennai/kanchipuram/2018/dec/08/பயனற்ற-மேல்நிலைத்-தொட்டியை-அகற்றக்-கோரிக்கை-3053712.html
3053711 சென்னை காஞ்சிபுரம் கச்சபேஸ்வரர் கோயில் குளத்தில் இறந்து மிதந்த மீன்கள் DIN DIN Saturday, December 8, 2018 03:17 AM +0530
கச்சபேஸ்வரர் கோயில் குளத்தில் மீன்கள் இறந்து மிதப்பதால் பக்தர்கள் அவதிக்குள்ளாகி வருகின்றனர்.
காஞ்சிபுரத்தில் பிரசித்தி பெற்ற கச்சபேஸ்வரர் கோயில் உள்ளது. இக்கோயிலில் ஆண்டுதோறும் கார்த்திகை மாதத்தில் கடை ஞாயிறு எனும் நேர்த்திக் கடன் செலுத்தும் விழா நடைபெறுவது வழக்கம். 
அதன்படி, கடந்த ஞாயிற்றுக்கிழமை கச்சபேஸ்வரர் கோயிலுக்கு வருகை புரிந்த திரளான பக்தர்கள் மண் சட்டியில் தேங்காய், பழம் வைத்து, மாவிளக்கு ஏற்றி வழிபட்டனர். அப்போது, ஏராளமான பக்தர்கள் மாவிளக்குக்கு பயன்படுத்தும் எண்ணெய், மஞ்சள்தூள், குங்குமம், பொரி உள்ளிட்ட பூஜைப் பொருள்களை கோயில் குளத்தில் அதிக அளவில் கரைத்தனர். அந்தப் பொருள்களை மீன்கள் உட்கொண்டன.
குளத்தின் மேற்பரப்பில் எண்ணெய்ப் படலமும் அதிக அளவில் தேங்கியது. இதனால், குளத்தில் உள்ள மீன்கள் சுவாசிக்க முடியாமல் இறந்து மிதந்தன. 
இதையடுத்து, கோயில் வளாகம் முழுவதும் துர்நாற்றம் வீசத் தொடங்கியது. இதன் காரணமாக கோயிலுக்கு வரும் பக்தர்களும், சுற்றுலாப் பயணிகளும் அவதிக்குள்ளாகி வருகின்றனர். இதைத் தொடர்ந்து, கோயில் நிர்வாகம் சார்பில் பணியாளர்கள் சிலர் கடந்த சில நாள்களாக மீன்களை அகற்றும் பணியில் ஈடுபட்டு வருகின்றனர். 
இது குறித்து சமூக ஆர்வலர்கள் கூறியது: ஆண்டுதோறும் கார்த்திகை மாதத்தில் நடைபெறும் கடை ஞாயிறு விழாவில் திரளான பக்தர்கள் கச்சபேஸ்வரர் கோயிலுக்கு வந்து நேர்த்திக்கடன் செலுத்துவர். 
அப்போது, அவர்கள் பொரி உள்ளிட்ட பொருள்களை கோயில் குளத்தில் அதிக அளவில் போடுவது வழக்கம். இதனால், கோயில் குளம் சுகாதாரச் சீர்கேடு அடைந்து வந்தது.
இதையடுத்து, கோயில் குளத்தின் அருகே மீன்களின் உணவுக்காக பூஜைப் பொருள்களை குளத்தில் கரைக்கக் கூடாது என்ற வாசகம் கொண்ட அறிவிப்புப் பலகையை கோயில் நிர்வாகம் வைத்துள்ளது. 
எனினும், இந்த அறிவிப்பை பெரும்பாலான பக்தர்கள் பொருட்படுத்துவதில்லை. கோயில் நிர்வாகமும் பக்தர்களுக்கு விழிப்புணர்வை ஏற்படுத்துவதில் அலட்சியம் காண்பித்து வருகிறது.
எனவே, இதுபோன்ற முக்கிய விழாக் காலங்களில் சுகாதாரத்தைப் பேணும் வகையில், பக்தர்களுக்கு கோயில் நிர்வாகம் விழிப்புணர்வு ஏற்படுத்துவது அவசியம் என்று அவர்கள் தெரிவித்தனர்.

]]>
http://images.dinamani.com/uploads/user/imagelibrary/2018/12/8/w600X390/bond.JPG http://www.dinamani.com/all-editions/edition-chennai/kanchipuram/2018/dec/08/கச்சபேஸ்வரர்-கோயில்-குளத்தில்-இறந்து-மிதந்த-மீன்கள்-3053711.html
3053710 சென்னை காஞ்சிபுரம் பூட்டிக் கிடக்கும் திறன் மேம்பாட்டு மையம்: செயல்பாட்டுக்கு கொண்டு வர இளைஞர்கள் கோரிக்கை DIN DIN Saturday, December 8, 2018 03:16 AM +0530
வேலைவாய்ப்பற்ற இளைஞர்களுக்கு பயிற்சி அளித்து வேலைவாய்ப்பை வழங்கவும், இளம் தொழிலாளர்களின் திறமைகளை மேம்படுத்துவதற்காகவும் ஒரகடம் சிப்காட் வளாகத்தில் அமைக்கப்பட்ட திறன் மேம்பாட்டு மையம் கடந்த சில ஆண்டுகளாக பூட்டியே உள்ளது. இந்த மையத்தை செயல்பாட்டிற்கு கொண்டுவர வேண்டும் என இளைஞர்கள் கோரிக்கை விடுத்துள்ளனர்.
வண்டலூர்-வாலாஜாபாத் சாலையில் ஒரகடம் பகுதியில், சிப்காட் வளாகத்தில் தமிழ்நாடு தொழில் முன்னேற்ற நிறுவனத்தின் சார்பில் இளம் தொழிலாளர்களின் திறன்களை மேம்படுத்துவதற்காகவும், வேலைவாய்ப்பற்ற இளைஞர்களுக்கு தொழில் பயிற்சி வழங்கவும் சிப்காட் நிறுவனத்தின் மூலம் ரூ.1.80 கோடி மதிப்பீட்டில் திறன்மேம்பாட்டு மையக் கட்டடம் கட்டப்பட்டது. இங்கு இளம் தொழிலாளர்கள், வேலைவாய்ப்பற்ற இளைஞர்கள், தொழில் முனைவோர்கள் ஆகியோர் தங்கள் திறமைகளை மேம்படுத்திக்கொள்ளும் வகையில் பயிற்சி அறை, நூலகம், ஆய்வுக்கூடம், கணினி அறை, நேர்காணல் அறை, கழிவறை, வாகனங்கள் நிறுத்துமிடம் உள்ளிட்ட வசதிகள் ஏற்படுத்தப்பட்டன. 
மையத்தின் கட்டுமானப் பணிகள் முடிவடைந்ததைத் தொடர்ந்து கடந்த 2014ஆம் ஆண்டு அப்போதைய தமிழக முதல்வர் ஜெயலலிதாவால் இந்த மையம் திறந்து வைக்கப்பட்டது.
எனினும், இம்மையம் கடந்த மூன்று ஆண்டுகளாக செயல்பாட்டுக்கு வரவில்லை. இரண்டு ஆண்டுகளுக்கு முன்பு மைய வளாகத்துக்குள் புகுந்த சமூக விரோதிகள் மையத்தில் இருந்த மின்விசிறிகள், கதவுகள், ஜன்னல்கள், மின்விளக்குகள் உள்ளிட்ட பொருள்களை திருடிச் சென்றனர். அவர்களால் சேதமடைந்த பயிற்சி மையத்தை சீரமைக்க சிப்காட் நிர்வாகம் நடவடிக்கை எடுக்காததாலும் இங்கு பயிற்சி வகுப்புகள் நடத்தப்படுவதில்லை என்று வேலைவாய்ப்பற்ற இளைஞர்கள் குற்றம்சாட்டுகின்றனர். 
இதுகுறித்து இளம் தொழிலாளர்கள் கூறுகையில், எங்களின் திறன்களை மேம்படுத்த திறன்மேம்பாட்டு மையங்கள் செயல்பட்டு வருவதாக அரசின் இணையதளங்களில் விளம்பரம் செய்யப்படுகிறது. ஆனால் ஒரகடம் பகுதியில் உள்ள திறன் மேம்பாட்டு மையம் செயல்படாமல் பூட்டியே கிடக்கிறது. இதனால் தொழில் பயிற்சிகளை பெற முடியாமல் உள்ளோம். எனவே பயிற்சி வகுப்புகள் நடைபெற ஏதுவாக செயல்படாமல் உள்ள இந்த மையத்தைத் திறந்து இளைஞர்கள் மற்றும் இளம் தொழிலாளர்களுக்கு பயிற்ச்சி அளிக்க சிப்காட் நிர்வாகம் நடவடிக்கை எடுக்க வேண்டும் என்றனர். 

]]>
http://images.dinamani.com/uploads/user/imagelibrary/2018/12/8/w600X390/sipcot.JPG http://www.dinamani.com/all-editions/edition-chennai/kanchipuram/2018/dec/08/பூட்டிக்-கிடக்கும்-திறன்-மேம்பாட்டு-மையம்-செயல்பாட்டுக்கு-கொண்டு-வர-இளைஞர்கள்-கோரிக்கை-3053710.html
3053709 சென்னை காஞ்சிபுரம் கஜா புயல்: பாதிக்கப்பட்ட பகுதிகளுக்கு ரூ.7.20 லட்சம் நிவாரணப் பொருள்கள் DIN DIN Saturday, December 8, 2018 03:16 AM +0530
கஜா புயலால் பாதிக்கப்பட்ட பகுதிகளுக்கு ரூ.7.20 லட்சம் மதிப்பிலான நிவாரணப் பொருள்களை ஆட்சியர் பா.பொன்னையா வெள்ளிக்கிழமை அனுப்பி வைத்தார்.
காஞ்சிபுரம் மாவட்ட நிர்வாகம் சார்பில் வட்டம், பேரூராட்சி, ஊராட்சி ஒன்றியங்கள், தொண்டு அமைப்பினர், கட்சியினர் என பலரும் கஜா புயலால் பாதிக்கப்பட்ட மக்களுக்கு நிவாரணப் பொருள்களை அனுப்பி உதவி வருகின்றனர். 
இதன் ஒரு பகுதியாக, ஒருங்கிணைந்த குழந்தை வளர்ச்சி திட்டம், சமூக நலம் மற்றும் சத்துணவு திட்டத்துறை, வேலைவாய்ப்புத்துறை ஆகியவற்றின் சார்பில் ரூ.7 லட்சத்து 20 ஆயிரம் மதிப்பிலான அரிசி, பருப்பு, பிஸ்கட், குடிநீர், நாப்கின், ஆடைகள் உள்ளிட்ட பல்வேறு நிவாரணப் பொருள்கள் சேகரிக்கப்பட்டன. 
அவற்றை ஆட்சியர் பா.பொன்னையா வெள்ளிக்கிழமை காலை இரண்டு வாகனங்களில் அனுப்பி வைத்தார். அப்போது, மாவட்ட வருவாய் அலுவலர் சுந்தரமுர்த்தி, ஒருங்கிணைந்த குழந்தைகள் வளர்ச்சி திட்ட அலுவலர் சற்குணம் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-chennai/kanchipuram/2018/dec/08/கஜா-புயல்-பாதிக்கப்பட்ட-பகுதிகளுக்கு-ரூ720-லட்சம்-நிவாரணப்-பொருள்கள்-3053709.html
3053706 சென்னை காஞ்சிபுரம் அம்மா திட்ட முகாமில் 30 பேருக்கு நலத்திட்ட உதவிகள் DIN DIN Saturday, December 8, 2018 03:14 AM +0530 காவனூர் ஊராட்சியில் வெள்ளிக்கிழமை நடைபெற்ற அம்மா திட்ட முகாமில் ஊராட்சியைச் சேர்ந்த 30 பேருக்கு நலத்திட்ட உதவிகள் வழங்கப்பட்டன.
மக்களை தேடி வருவாய்த்துறை என்ற பெயரில் அம்மா திட்ட முகாம் ஸ்ரீபெரும்புதூர் வட்டத்துக்குட்பட்ட காவனூர் ஊராட்சியில் வெள்ளிக்கிழமை நடைபெற்றது. சமூக நலத்துறை தனி வட்டாட்சியர் கவிதா தலைமையில் நடைபெற்ற முகாமுக்கு மண்டல துணை வட்டாட்சியர் பூபாலன், வருவாய் ஆய்வாளர் இந்திராணி ஆகியோர் உள்ளிட்டோர் பங்கேற்றனர். இதில் ஸ்ரீபெரும்புதூர் சட்டப் பேரவை உறுப்பினர் கே.பழனி கலந்துகொண்டு ஊராட்சியைச் சேர்ந்த 30 பேருக்கு மின்னணு குடும்ப அட்டை வழங்கி பொதுமக்களிடம் இருந்து கோரிக்கை மனுக்களை பெற்றுக் கொண்டார். இதில் முதியோர் உதவித்தொகை, பட்டா உட்பிரிவு, குடும்ப அட்டையில் பெயர் மாற்றம் உள்ளிட்ட கோரிக்கைகளுக்காக சுமார் 42 பேர் மனு வழங்கினர். முகாமில் குன்றத்தூர், ஸ்ரீபெரும்புதூர் வட்ட வேளாண்மை உற்பத்தியாளர் கூட்டுறவு வங்கியின் தலைவர் எழிச்சூர் ராமச்சந்திரன், மற்றும் வருவாய்த் துறையினர், பொதுமக்கள், அதிமுகவினர் கலந்து கொண்டனர்.

]]>
http://images.dinamani.com/uploads/user/imagelibrary/2018/12/8/w600X390/help.JPG http://www.dinamani.com/all-editions/edition-chennai/kanchipuram/2018/dec/08/அம்மா-திட்ட-முகாமில்-30-பேருக்கு-நலத்திட்ட-உதவிகள்-3053706.html
3053704 சென்னை காஞ்சிபுரம் அரசு மருத்துவமனையில் லஞ்ச ஒழிப்பு போலீஸார் சோதனை: ரூ.12,000 பறிமுதல் DIN DIN Saturday, December 8, 2018 03:14 AM +0530
காஞ்சிபுரம் அரசுத் தலைமை மருத்துவமனையில் லஞ்ச ஒழிப்புத் துறை போலீஸார் நடத்திய திடீர் சோதனையில் ரூ.12,000 ரொக்கம் பறிமுதல் செய்யப்பட்டது.
இது குறித்த விவரம் வருமாறு:
காஞ்சிபுரம் பழைய ரயில்வே சாலையில் அரசுத் தலைமை பொது மருத்துவமனை செயல்பட்டு வருகிறது. இந்த மருத்துமனையில் பொது மருத்துவம், விபத்து அவசர சிகிச்சை, மகப்பேறு, நுண்கதிர்வீச்சு (எக்ஸ் ரே) உள்ளிட்ட பல்வேறு பிரிவுகள் மூலம் உள் மற்றும் வெளி நோயாளிகளுக்கு சிசிக்சை அளிக்கப்பட்டு வருகிறது. இதற்காக, காஞ்சிபுரம் மற்றும் அதைச் சுற்றியுள்ள பல்வேறு பகுதிகளிலிருந்து நாள்தோறும் ஆயிரக்கணக்கான பொதுமக்கள் சிகிச்சைக்காக வந்து செல்கின்றனர். 
மருத்துவமனையின் பல்வேறு பிரிவுகளில் பொதுமக்களிடமிருந்து ஊழியர்கள் லஞ்சம் வாங்குவதாக லஞ்ச ஒழிப்பு போலீஸாருக்கு தொடர்ந்து புகார்கள் வந்தன. அதன்பேரில், காஞ்சிபுரம் லஞ்ச ஒழிப்புத்துறை டிஎஸ்பி சிவபாதசேகரன் தலைமையில் 10-க்கும் மேற்பட்ட போலீஸார் வெள்ளிக்கிழமை காலை 11.30 மணிக்கு மருத்துவமனைக்கு வந்தனர். அவர்கள் மருத்துவமனையில் உள்ள பிரசவ வார்டு, ஸ்கேன் மையம், நுண்கதிர்வீச்சு பிரிவு, விபத்து மற்றும் அவசர சிகிச்சைப் பிரிவு, பிணவறை வார்டு உள்ளிட்ட பிரிவுகளில் அதிரடிச் சோதனை நடத்தினர். 
போலீஸாரின் இந்த திடீர் சோதனையில் பிரசவ வார்டு, நுண்கதிர்வீச்சு உள்ளிட்ட பிரிவுகளில் இருந்து கணக்கில் வராத ரூ.12 ஆயிரம் ரொக்கம் மருத்துவமனை உதவியாளர், ஒப்பந்தப் பணியாளர், பாதுகாவலர்கள் ஆகியோரிடம் இருந்து பறிமுதல் செய்யப்பட்டது. இந்தச் சோதனையின்போது, மருத்துவமனை கண்காணிப்பாளர் வள்ளியம்மாள், மருத்துவ அலுவலர் (ஆர்எம்ஓ) கல்பனா உள்ளிட்ட மருத்துவ அலுவலர்கள் இருந்தனர். போலீஸாரின் இந்த திடீர் சோதனையால் மருத்துவமனை வளாகம் பரபரப்புடன் காணப்பட்டது.

]]>
http://images.dinamani.com/uploads/user/imagelibrary/2018/12/8/w600X390/police.JPG http://www.dinamani.com/all-editions/edition-chennai/kanchipuram/2018/dec/08/அரசு-மருத்துவமனையில்-லஞ்ச-ஒழிப்பு-போலீஸார்-சோதனை-ரூ12000-பறிமுதல்-3053704.html
3053705 சென்னை காஞ்சிபுரம் நாஞ்சிபுரம் கிராமத்தில் சட்ட விழிப்புணர்வு முகாம் DIN DIN Saturday, December 8, 2018 03:13 AM +0530
நாஞ்சிபுரம் கிராமத்தில் சட்ட விழிப்புணர்வு முகாம் நடைபெற்றது.
காஞ்சிபுரம் மாவட்டம், உத்தரமேரூரை அடுத்த நாஞ்சிபுரம் கிராமத்தில் உத்திரமேரூர் வட்ட சட்டப் பணிகள் குழு, சர்வே அறக்கட்டளை ஆகியவை இணைந்து சட்ட விழிப்புணர்வு முகாமை வியாழக்கிழமை நடத்தின. முகாமில் வட்ட சட்டப் பணிகள் குழுத் தலைவரும், உத்தரமேரூர் உரிமையியல், குற்றவியல் நடுவர் நீதிமன்ற நீதிபதியுமான சச்சிதானந்தம் தலைமை வகித்து, சிறப்புரையாற்றினார். 
சர்வே அறக்கட்டளையின் நிர்வாகி கலைச்செல்வி, சட்டப் பணிகள் குழு இளநிலை நிர்வாக உதவியாளர் கயல்விழி உள்ளிட்டோர் பங்கேற்றனர்.
இந்நிகழ்ச்சியில், இருளர், பழங்குடியினர் குடும்பங்களில் சட்ட விரோதமாக நடத்தப்படும் குழந்தைத் திருமணங்களைத் தவிர்க்க வேண்டும் என்று வலியுறுத்தப்பட்டது. அதேபோல், குடும்ப வன்முறைச் சம்பவங்களால் பாதிக்கப்பட்ட பெண்களுக்கான சட்ட உதவிகள், அவற்றைப் பெறுவதற்கான வழிமுறைகள், வரதட்சிணைக் கொடுமைகளுக்கு சட்ட உதவிகளை நாடுவது, பெண்களின், குழந்தைகளின் உரிமைகள், கடமைகள், இருளர், பழங்குடியின மக்கள் அரசின் திட்டங்களைப் பெறுவது உள்ளிட்ட பல்வேறு சட்ட வழிமுறைகள் குறித்து விளக்கம் அளிக்கப்பட்டது. நிறைவாக, நாஞ்சிபுரம் கிராம மக்கள் தங்களது கோரிக்கை மனுக்களை நீதிபதியிடம் வழங்கினர். இந்த முகாமில் வழக்குரைஞர்கள், பொதுமக்கள் உள்பட பலர் கலந்து கொண்டனர்.

]]>
http://www.dinamani.com/all-editions/edition-chennai/kanchipuram/2018/dec/08/நாஞ்சிபுரம்-கிராமத்தில்-சட்ட-விழிப்புணர்வு-முகாம்-3053705.html
3053703 சென்னை காஞ்சிபுரம் இன்று குடும்ப அட்டைதாரர் குறைதீர் முகாம் DIN DIN Saturday, December 8, 2018 03:13 AM +0530
குடும்ப அட்டைதாரர்களுக்கான குறை தீர்முகாம் சனிக்கிழமை ( டிச. 8) காஞ்சிபுரம் மாவட்டத்தில் உள்ள 9 வட்டங்களில் நடைபெறவுள்ளது.
உணவுப் பொருள் வழங்கல், நுகர்வோர் பாதுகாப்புத்துறை சார்பில் காஞ்சிபுரம் மாவட்டத்தில் 9 வட்டங்களில் உள்ள பகுதிகளில் குடும்ப அட்டைதாரர்களுக்கான குறைதீர் முகாம் சனிக்கிழமை நடைபெறவுள்ளது. இதில், அந்தந்த வட்டங்களில் காலை 10 மணிக்குத் தொடங்கும் இந்த முகாமில் குடும்ப அட்டைதாரர் தங்களது குறைகளைத் தெரிவித்து தீர்வு காணலாம். மேலும், மின்னனு குடும்ப அட்டை தொடர்புடைய குறைகள் பரிசீலிக்கப்படவுள்ளன. அதன்படி, காஞ்சிபுரம்-நீர்வள்ளூர் (9445000169), ஸ்ரீபெரும்புதூர்-கொளத்தூர் (9445000170), உத்தரமேரூர்-குன்னவாக்கம் (9445000171),செங்கல்பட்டு-அம்மணம்பாக்கம் (9445000172), திருக்கழுகுன்றம்-முள்ளிகொளத்தூர் (9445000173), திருப்போரூர்-மாம்பாக்கம் (8838330697), மதுராந்தகம்-பழமுத்தூர் (9445000174), செய்யூர்-வெடால் (9445000175), வாலாஜாபாத்-புத்தாகரம் (9952912646) ஆகிய 9 வட்டங்களில் உள்ள கிராமப் பகுதிகளில் உள்ள நியாய விலைக் கடைகளில் குறைதீர்முகாம் நடைபெறுகிறது. மேலும் விவரங்களுக்கு, பொதுமக்கள் அந்தந்த பகுதிகளில் உள்ள வட்ட வழங்கல் அலுவலரைத் தொடர்புகொண்டு பயன்பெறலாம் என ஆட்சியர் தெரிவித்துள்ளார்.

]]>
http://www.dinamani.com/all-editions/edition-chennai/kanchipuram/2018/dec/08/இன்று-குடும்ப-அட்டைதாரர்-குறைதீர்-முகாம்-3053703.html
3053702 சென்னை காஞ்சிபுரம் செங்கல்பட்டில் சிக்னல் கோளாறு: விரைவு ரயில்கள் தாமதம் DIN DIN Saturday, December 8, 2018 03:13 AM +0530
செங்கல்பட்டில் சிக்னல் கோளாறு காரணமாக, சென்னை எழும்பூருக்கு வர நெல்லை, முத்துநகர் உள்பட சில விரைவு ரயில்கள் 15 நிமிஷம் முதல் 60 நிமிஷம் வரை தாமதமாகின. காஞ்சிபுரம் மாவட்டம், செங்கல்பட்டு ரயில்நிலையத்தில் வெள்ளிக்கிழமை அதிகாலை சிக்னல் கோளாறு ஏற்பட்டது. இதனால், தென் மாவட்டங்களில் இருந்து சென்னைக்கு வந்த கன்னியாகுமரி, நெல்லை உள்பட பல்வேறு விரைவு ரயில்கள் ஆங்காங்கே நிறுத்தப்பட்டன. 
இதையடுத்து, ரயில்வே அதிகாரிகள் மற்றும் பொறியாளர்கள் சம்பவ இடத்துக்கு விரைந்து வந்து, சிக்னல் கோளாறை சரி செய்யும் பணியில் ஈடுபட்டனர். ஒரு மணி நேரத்துக்கு பிறகு சிக்னல் பழுது சரி செய்யப்பட்டது. இதையடுத்து, ரயில் போக்குவரத்து மீண்டும் தொடங்கியது. 
 

]]>
http://www.dinamani.com/all-editions/edition-chennai/kanchipuram/2018/dec/08/செங்கல்பட்டில்-சிக்னல்-கோளாறு-விரைவு-ரயில்கள்-தாமதம்-3053702.html
3053030 சென்னை காஞ்சிபுரம் மாமல்லபுரத்தில் சிலை வடிக்கும் போட்டி தொடக்கம் DIN DIN Friday, December 7, 2018 04:13 AM +0530
தமிழ்நாடு கைத்திறன் தொழில் வளர்ச்சிக் கழகம் சார்பில் மாமல்லபுரத்தில் அரசினர் சிற்பக் கலைக் கல்லூரி மாணவர்களுக்கு சிலை வடிக்கும் போட்டி வியாழக்கிழமை தொடங்கியது.
இரு தினங்களுக்கு நடைபெறும் இப்போட்டியை கல்லூரி முதல்வர் ஜெ.ராஜேந்திரன் தலைமையில், மத்திய அரசின் லலித் கலா அகாதெமி விருது பெற்ற சிற்பக் கலைஞர் த.பாஸ்கரன் தொடங்கி வைத்தார். 
இப்போட்டியில் கற்சிற்பம், மரச்சிற்பம், உலோகச் சிற்பம், சுதைச் சிற்பம் உள்ளிட்ட பிரிவுகளில் பயிலும் 100-க்கும் மேற்பட்ட மாணவ, மாணவியர் பங்கேற்றுள்ளனர். போட்டிகளில் வெற்றி பெறுவோருக்கு கைத்திறன் தொழில் வளர்ச்சிக் கழகம் சார்பில் வெள்ளிக்கிழமை பரிசுகள் வழங்கப்படவுள்ளன.

 

]]>
http://images.dinamani.com/uploads/user/imagelibrary/2018/12/7/w600X390/art.JPG சிலை வடிக்கும் போட்டியைத் தொடங்கி வைத்து பார்வையிட்ட கல்லூரி முதல்வர் ஜெ.ராஜேந்திரன், சிறப்பு அழைப்பாளர் த. பாஸ்கரன் உள்ளிட்டோர். http://www.dinamani.com/all-editions/edition-chennai/kanchipuram/2018/dec/07/மாமல்லபுரத்தில்-சிலை-வடிக்கும்-போட்டி-தொடக்கம்-3053030.html
3053029 சென்னை காஞ்சிபுரம் போலி வாக்காளர்களை நீக்கக் கோரி அதிமுக, திமுக மனு DIN DIN Friday, December 7, 2018 04:13 AM +0530
ஸ்ரீபெரும்புதூர் ஒன்றியத்தில் உள்ள போலி வாக்காளர்களை நீக்க வேண்டும் என அதிமுக மற்றும் திமுகவினர் தனித்தனியாக மனு அளித்தனர். 
கடந்த செப்டம்பர் 1ஆம் தேதி வெளியிடப்பட்ட வரைவு வாக்காளர் பட்டியலில் விடுபட்ட பெயர்களைச் சேர்ப்பது, பெயர் நீக்கம் மற்றும் இரட்டைப் பதிவுகளை நீக்குவது ஆகியவற்றுக்காக ஸ்ரீபெரும்புதூர் வட்டத்தில், வாக்குச்சாவடி முகவர்கள் மற்றும் வாக்குச்சாவடி அலுவலர்களுக்கான கலந்தாய்வுக் கூட்டம் வியாழக்கிழமை 7 இடங்களில் நடைபெற்றது. ஸ்ரீபெரும்புதூர், தண்டலம், வல்லம் குறுவட்டத்திற்கான ஆலோசனைக் கூட்டம் சமூக நலத்துறை தனி வட்டாட்சியர் கவிதா, மண்டல துணை வட்டாட்சியர் வெங்கடேசன் ஆகியோர் தலைமையில் நடைபெற்றது. இதில் அரசியல் கட்சியினர், வருவாய்த்துறையினர் கலந்து கொண்டனர்.
அதிமுக, திமுக, காங்கிரஸ் உள்ளிட்ட அரசியல் கட்சிகளின் நிர்வாகிகள் பங்கேற்று, வளர்புரம், மண்ணூர், பண்ருட்டி உள்ளிட்ட பல்வேறு ஊராட்சிகளில் வட மாநிலத்தவர்களை முறைகேடாக வாக்காளர் பட்டியலில் இணைத்துள்ளதாக குற்றம் சாட்டினர். மேலும், ஸ்ரீபெரும்புதூர், வல்லம், தண்டலம் ஆகிய குறுவட்டங்களில் உள்ள சுமார் 25-க்கும் மேற்பட்ட கிராமங்களில் ஆயிரத்துக்கும் மேற்பட்ட போலி வாக்காளர்கள் உள்ளதாக அவர்கள் கூறினர். 
இதைத் தொடர்ந்து, போலி வாக்காளர்களை நீக்க நடவடிக்கை எடுக்க வேண்டும் என வலியுறுத்தி அதிமுக ஒன்றியச் செயலர் எறையூர் முனுசாமி தலைமையில் அக்கட்சியினர் தனிவட்டாட்சியர் கவிதாவிடம் மனு அளித்தனர். இதே கோரிக்கையை வலியுறுத்தி ஸ்ரீபெரும்புதூர் திமுக தெற்கு ஒன்றியச் செயலர் மேவளூர்குப்பம் ந.கோபால் தலைமையில் அக்கட்சியினரும் மனு அளித்தனர். 
இதேபோல், ஸ்ரீபெரும்புதூர் வட்டத்தில் படப்பை, செரப்பனஞ்சேரி, ஒரகடம், மொளச்சூர், பட்டூர், குன்றத்தூர் ஆகிய பகுதிகளிலும் கலந்தாய்வுக் கூட்டம் நடைபெற்றது. 



 

]]>
http://images.dinamani.com/uploads/user/imagelibrary/2018/12/7/w600X390/munusamy.JPG http://www.dinamani.com/all-editions/edition-chennai/kanchipuram/2018/dec/07/போலி-வாக்காளர்களை-நீக்கக்-கோரி-அதிமுக-திமுக-மனு-3053029.html
3053028 சென்னை காஞ்சிபுரம் கிராம நிர்வாக அலுவலர்கள் காத்திருப்பு போராட்டம் DIN DIN Friday, December 7, 2018 04:13 AM +0530
ஸ்ரீபெரும்புதூர் வட்டத்தில் பணியாற்றும் கிராம நிர்வாக அலுவலர்கள் 20 அம்சக் கோரிக்கைகளை வலியுறுத்தி புதன்கிழமை இரவு முழுவதும் வட்டாட்சியர் அலுவலகத்தில் காத்திருப்பு போராட்டத்தில் ஈடுபட்டனர். 
இணையவழி சேவைகளை சிறப்பாகச் செயல்படுத்த இணைய வசதியுடன் கூடிய தரமான மேஜை, கணினிகள் வழங்க வேண்டும்; கிராம நிர்வாக அலுவலர் காலிப் பணியிடங்களை நிரப்ப வேண்டும்; கிராம நிர்வாக அலுவலர்களுக்கான கட்டமைப்பு வசதிகளை மேம்படுத்த வேண்டும்; அவர்கள் பணிபுரியும் கிராமத்தில் தங்க வேண்டும் என்ற உத்தரவை மாற்றியமைக்க வேண்டும்; பழைய ஓய்வூதியத் திட்டத்தை அமல்படுத்த வேண்டும் உள்ளிட்ட 20 அம்ச கோரிக்கைகளை வலியுறுத்தி தமிழகம் முழுவதும் வட்டாட்சியர் அலுவலகங்களில் தமிழ்நாடு கிராம நிர்வாக அலுவலர் சங்கத்தினர் காத்திருப்பு போராட்டத்தில் ஈடுபட்டனர்.
அதன்படி, ஸ்ரீபெரும்புதூர் வட்டத்தில் பணிபுரியும் கிராம நிர்வாக அலுவலர்கள் 50-க்கும் மேற்பட்டோர் நகரில் உள்ள வட்ட கிராம நிர்வாக அலுவலர் சங்கத்தின் சார்பில் அதன் மாவட்ட துணைத் தலைவர் தியாகராஜன் தலைமையில் ஸ்ரீபெரும்புதூர் வட்டாட்சியர் அலுவலகத்தில் புதன்கிழமை இரவு காத்திருப்பு போராட்டத்தில் ஈடுபட்டனர். இதில் மாவட்ட அமைப்புச் செயலர் தங்கராஜன், வட்டச் செயலர் நந்தகோபால், வட்டத் தலைவர் விமலா, வட்டப் பொருளாளர் மோகன்ராஜ் உள்ளிட்டோர் பங்கேற்றனர்.


 

]]>
http://images.dinamani.com/uploads/user/imagelibrary/2018/12/7/w600X390/demand.JPG http://www.dinamani.com/all-editions/edition-chennai/kanchipuram/2018/dec/07/கிராம-நிர்வாக-அலுவலர்கள்-காத்திருப்பு-போராட்டம்-3053028.html
3053027 சென்னை காஞ்சிபுரம் பாபர் மசூதி இடிப்பு தினம்: இஸ்லாமிய அமைப்பினர் ஆர்ப்பாட்டம் DIN DIN Friday, December 7, 2018 04:12 AM +0530
பாபர் மசூதி இடிப்பு தினத்தையொட்டி காஞ்சிபுரத்தில் இஸ்லாமிய அமைப்பினர் வியாழக்கிழமை ஆர்ப்பாட்டத்தில் ஈடுபட்டனர்.
அயோத்தியில் இருந்த பாபர் மசூதி கடந்த 1992ஆம் ஆண்டு டிசம்பர் 6ஆம் தேதி இடிக்கப்பட்டது. ஆண்டுதோறும் அந்த தினத்தை இஸ்லாமியர்கள் கருப்பு நாளாக கடைப்பிடித்து வருகின்றனர். அதன்படி, காஞ்சிபுரம் பெரியார் தூண் அருகே எஸ்.டி.பி.ஐ., தமிழ்நாடு முஸ்லிம் முன்னேற்றக் கழகம், தமிழக வாழ்வுரிமைக் கட்சி ஆகியவற்றின் சார்பில் திரளானோர் வெள்ளிக்கிழமை கண்டன ஆர்ப்பாட்டத்தில் ஈடுபட்டனர். 
அதேபோல், செங்கல்பட்டு, மதுராந்தகம், கூடுவாஞ்சேரி உள்ளிட்ட பகுதிகளிலும் இஸ்லாமிய அமைப்பினர் ஆர்ப்பாட்டத்தில் ஈடுபட்டனர். அப்போது, சிறுபான்மை மக்களின் பாதுகாப்பை உறுதிப்படுத்த வேண்டும் உள்ளிட்ட கோரிக்கைகளை வலியுறுத்தி அமைப்புகளின் தலைவர்கள் பேசினர். 
 

]]>
http://images.dinamani.com/uploads/user/imagelibrary/2018/12/7/w600X390/demand2.JPG http://www.dinamani.com/all-editions/edition-chennai/kanchipuram/2018/dec/07/பாபர்-மசூதி-இடிப்பு-தினம்-இஸ்லாமிய-அமைப்பினர்-ஆர்ப்பாட்டம்-3053027.html
3053026 சென்னை காஞ்சிபுரம் அரசுப் பள்ளியில் பெண்கள் மீதான வன்கொடுமைத் தடுப்பு கருத்தரங்கு DIN DIN Friday, December 7, 2018 04:12 AM +0530
உத்தரமேரூர் அரசுப் பள்ளியில் பெண்கள் மீதான வன்கொடுமைத் தடுப்பு விழிப்புணர்வு கருத்தரங்கு நடைபெற்றது.
இக்கருத்தரங்கில் வழிகாட்டி பெண்கள் இயக்கத்தின் இயக்குநர் வசந்தா தலைமை வகித்து, சிறப்புரையாற்றினார். பெண்கள் நல முன்னேற்றச் சங்க நிர்வாகி செல்வம், வழிகாட்டி பெண்கள் இயக்க நிர்வாகி சசிகலா ஆகியோர் முன்னிலை வகித்தனர். பள்ளியின் தலைமை ஆசிரியர் முகமது ஹக்கீம் அனைவரையும் வரவேற்றார். 
இதில், பெண்களை பாலியல் வன்கொடுமையிலிருந்து எவ்வாறு பாதுகாப்பது, குடும்ப வன்முறையிலிருந்து பெண்களை பாதுகாக்கும் வழிமுறைகள், அதற்கான சட்டங்கள், குழந்தைத் திருமண தடுப்புச் சட்டம், வரதட்சிணை தடுப்புச் சட்டம், கட்டாயப் பெண் கல்வி உள்ளிட்டவை குறித்து மாணவர்களுக்கும், பொதுமக்களுக்கும் விளக்கமளிக்கப்பட்டு, விழிப்புணர்வு ஏற்படுத்தப்பட்டது.
அதைத் தொடர்ந்து, பள்ளி மாணவர்களிடையே பேச்சு, பாட்டு, கவிதை ஆகிய போட்டிகள் நடத்தப்பட்டு, வெற்றி பெற்ற மாணவர்களுக்கு பரிசுகளும், சான்றிதழ்களும் வழங்கப்பட்டன. இந்த நிகழ்ச்சியில், திரளான பள்ளி மாணவர்கள், ஆசிரியர்கள், தன்னார்வலர்கள், சமூக ஆர்வலர்கள் உள்ளிட்டோர் கலந்து கொண்டனர். மாவட்டம் முழுவதும் கடந்த மாதம் 25ஆம் தொடங்கிய இத்தகைய கருத்தரங்குகள் தொடர்ந்து, வரும் 10 ஆம் தேதி வரை பல்வேறு இடங்களில் நடைபெறவுள்ளது.


 

]]>
http://images.dinamani.com/uploads/user/imagelibrary/2018/12/7/w600X390/stude.JPG கருத்தரங்கில், போட்டிகளில் வெற்றி பெற்ற மாணவியருக்கு பரிசு வழங்கிய பெண்கள் இயக்கத்தின் இயக்குநர் வசந்தா. http://www.dinamani.com/all-editions/edition-chennai/kanchipuram/2018/dec/07/அரசுப்-பள்ளியில்-பெண்கள்-மீதான-வன்கொடுமைத்-தடுப்பு-கருத்தரங்கு-3053026.html
3053025 சென்னை காஞ்சிபுரம் ஓட்டுநர் மீது தாக்குதல்: இரு பிரிவினரிடையே மோதலைத் தவிர்க்க போலீஸ் பாதுகாப்பு DIN DIN Friday, December 7, 2018 04:11 AM +0530
ஒரகடத்தை அடுத்த வல்லம் பகுதியில் வேன் ஓட்டுநரை இளைஞர்கள் சிலர் தாக்கியதைத் தொடர்ந்து அப்பகுதியில் இரு பிரிவினர் இடையே மோதல் ஏற்படாமல் தடுக்க போலீஸார் பாதுகாப்புப் பணியில் ஈடுபட்டுள்ளனர். 
வல்லம் பகுதியைச் சேர்ந்தவர் தீனதயாளன்(38). வேன் ஓட்டுநரான அவர் புதன்கிழமை இரவு பணி முடிந்து தனது வீட்டுக்கு வல்லம் மேட்டுத் தெருவில் வேனில் சென்று கொண்டிருந்தார். அப்போது அதே பகுதியைச் சேர்ந்த இளைஞர்கள் 6 பேர் தங்களது இருசக்கர வாகனத்தை அவரது வேனின் பின்புறம் மோதினர். 
இதையடுத்து, தீனதயாளனுக்கும் அந்த இளைஞர்களுக்கும் இடையே தகராறு ஏற்பட்டது. அப்போது அந்த இளைஞர்கள் தீனதயாளனைத் தாக்கினர். இதைத் தடுக்க வந்த தீனதயாளனின் அண்ணனையும் அவர்கள் தாக்கினர். இதுகுறித்து தீனதயாளனின் தந்தை ஒரகடம் காவல் நிலையத்தில் புகார் அளித்தார். தீனதயாளனும், அவரைத் தாக்கிய இளைஞர்களும் வெவ்வேறு மதங்களைச் சேர்ந்தவர்கள் என்பதால் இரு பிரிவினர் இடையே மோதல் ஏற்படாமல் தடுக்க, ஒரகடம் போலீஸார் வல்லம் பகுதியில் பாதுகாப்புப் பணியில் ஈடுபட்டுள்ளனர். 
 

]]>
http://www.dinamani.com/all-editions/edition-chennai/kanchipuram/2018/dec/07/ஓட்டுநர்-மீது-தாக்குதல்-இரு-பிரிவினரிடையே-மோதலைத்-தவிர்க்க-போலீஸ்-பாதுகாப்பு-3053025.html
3053024 சென்னை காஞ்சிபுரம் ரூ. 6 லட்சம் மோசடி: போலி சாமியார் கைது DIN DIN Friday, December 7, 2018 04:10 AM +0530
ரூ.6 லட்சம் மோசடி செய்த போலி சாமியாரை போலீஸார் கைது செய்தனர்.
இதுகுறித்த விவரம்: மதுராந்தகம் தோட்டம் தெருவைச் சேர்ந்தவர் மல்லிகா(55). அவர் காஞ்சிபுரம் பேருந்து நிலையத்தில் பழக்கடை நடத்தி வருகிறார். அவருக்கு, கடந்த ஆறு மாதங்களுக்கு முன்பு காஞ்சிபுரம் பொய்யாகுளம் கோபால் தெருவைச் சேர்ந்த தினேஷ் (22) என்பவர் குறி சொல்லும் சாமியாராக அறிமுகமானார்.
இதையடுத்து, மல்லிகாவின் குடும்பத்தில் ஏற்படும் பிரச்னைகளுக்கு குறிசொல்லி நிவர்த்தி செய்வதற்காக அவரது வீட்டுக்கு சென்றார். அங்கு மல்லிகாவின் உறவினர்களுடன் தினேஷ் நட்பானார். இதைப் பயன்படுத்தி, பிரச்னைகளுக்குத் தீர்வு காண்பதாகக் கூறி மல்லிகா மற்றும் அவரது உறவினர்களிடம் ரூ. 6 லட்சம் ரொக்கத்தையும், 12 சவரன் நகைகளையும் பெற்று தினேஷ் மோசடி செய்தாராம். 
அவர் போலியாக குறிசொல்லி பணம் பெற்றதை அறிந்த மல்லிகா, இது தொடர்பாக சிவகாஞ்சி காவல் நிலையத்தில் புகார் அளித்தார். அதன்பேரில், தினேஷை போலீஸார் கைது செய்தனர். அவரிடமிருந்து ரூ.5 லட்சம் ரொக்கம் பறிமுதல் செய்யப்பட்டது.

]]>
http://images.dinamani.com/uploads/user/imagelibrary/2018/12/7/w600X390/arest3.jpg http://www.dinamani.com/all-editions/edition-chennai/kanchipuram/2018/dec/07/ரூ-6-லட்சம்-மோசடி-போலி-சாமியார்-கைது-3053024.html
3053023 சென்னை காஞ்சிபுரம் இடுகாட்டுக்கு பாதை கோரி சடலத்துடன் பொதுமக்கள் மறியல் DIN DIN Friday, December 7, 2018 04:10 AM +0530
மாமல்லபுரத்தை அடுத்த குழிப்பாந்தண்டலம் கிராமத்தினர் இடுகாட்டுக்கு சடலங்களை எடுத்துச் செல்ல நிரந்தரப் பாதை அமைத்துத்தர வலியுறுத்தி அப்பகுதி மக்கள் புதன்கிழமை மாலை சடலத்துடன் சாலை மறியலில் ஈடுபட்டனர். இதனால் மாமல்லபுரம்-திருக்கழுகுன்றம் இடையே போக்குவரத்து பாதிக்கப்பட்டது.
குழிப்பாந்தண்டலம் கிராமத்தில் உள்ள இடுகாட்டுக்கு அந்த கிராமத்தினர் வடக்குப் பக்க சாலை வழியாகவே கடந்த 60 ஆண்டுகளுக்கும் மேலாக சடலங்களைக் கொண்டு சென்று, இறுதிச்சடங்குகளை நடத்தி வந்தனர். இதனிடையே, இடுகாட்டுக்கு செல்லும் சாலை வழியில் பட்டா இடத்தை தனிநபர் ஒருவர் வாங்கி சாலையின் குறுக்கே தடுப்புச்சுவர் எழுப்பி விட்டார். இதனால் சடலங்களை இடுகாட்டுக்கு எடுத்துச் செல்ல மாற்று வழி ஏற்படுத்தித் தர வேண்டும் என கிராம மக்கள், வருவாய்த்துறைக்கு கோரிக்கை விடுத்து வந்தனர். அதை ஏற்று வருவாய்த் துறை ஏற்படுத்திக் கொடுத்த மாற்றுப்பாதை வழியாக சடலங்களை எடுத்துச் செல்ல பக்கத்து கிராம மக்கள் எதிர்ப்பு தெரிவித்தனர்.
இந்நிலையில், குழிப்பாந்தண்டலம் கிராமத்தைச் சேர்ந்த காளி என்பவர் புதன்கிழமை இறந்தார். அவரது சடலத்தை வழக்கமாக எடுத்துச் செல்லும் சாலை வழியாக கிராம மக்கள் எடுத்துச் சென்றனர். 
எனினும், தடுப்புச்சுவர் அமைக்கப்பட்ட நிலம் வழியாக சடலத்தை எடுத்துச் செல்ல அனுமதிக்கப்படவில்லை. இதையடுத்து, தங்களுக்கு நிரந்தர இடுகாட்டுப் பாதை அமைத்துத் தரக் கோரி, சாலையில் சடலத்தை வைத்து குழிப்பாந்தண்டலம் கிராமத்தைச் சேர்ந்த 300-க்கும் மேற்பட்டோர் மறியலில் ஈடுபட்டனர். காஞ்சிபுரம் மத்திய மாவட்ட பாமக செயலர் காரணை ராதா தலைமையில் இப்போராட்டம் நடைபெற்றது. 
தகவல் அறிந்து வந்த மாமல்லபுரம் டிஎஸ்பி சுப்பாராஜ், காவல் ஆய்வாளர் ரவிக்குமார் மற்றும் திருக்கழுகுன்றம் வட்டாட்சியர் வரதராஜன், மற்றும் வருவாய்த்துறை அதிகாரிகள்ர், மறியலில் ஈடுபட்டவர்களுடன் பேச்சுவார்த்தை நடத்தினர். அப்போது இடுகாட்டுக்கு பாதை அமைத்துத் தருவதாக வருவாய்த் துறையினர் உறுதியளித்ததன் பேரில் பொதுமக்கள் மற்றும் பாமகவினர் மறியலைக் கைவிட்டனர். அதைத் தொடர்ந்து, இறந்தவரின் சடலத்தை போலீஸ் பாதுகாப்புடன் அடக்கம் செய்தனர். 
குழிப்பாந்தண்டலம் கிராம மக்களின் சாலை மறியல் காரணமாக மாமல்லபுரம்-திருக்கழுக்குன்றம் சாலையில் 3 மணி நேரத்துக்கும் மேலாக போக்குவரத்து பாதிக்கப்பட்டது. அந்த கிராமப் பகுதியில் பதற்றம் நிலவி வருதையடுத்து அங்கு பாதுகாப்புக்காக 200-க்கும் மேற்பட்ட போலீஸார் குவிக்கப்பட்டனர்.



 

]]>
http://images.dinamani.com/uploads/user/imagelibrary/2018/12/7/w600X390/police.jpg போராட்டத்தில் ஈடுபட்டவர்களுடன் பேச்சுவார்த்தை நடத்திய  டிஎஸ்பி  சுப்பாராஜ். http://www.dinamani.com/all-editions/edition-chennai/kanchipuram/2018/dec/07/இடுகாட்டுக்கு-பாதை-கோரி-சடலத்துடன்-பொதுமக்கள்-மறியல்-3053023.html
3053022 சென்னை காஞ்சிபுரம் பெண்ணிடம் கத்தியைக் காட்டி 10 பவுன் நகைகள் கொள்ளை DIN DIN Friday, December 7, 2018 04:09 AM +0530
தாம்பரத்தை அடுத்த வரதராஜபுரம் பகுதியில் வீட்டில் தனியாக இருந்த பெண்ணிடம் கத்தியைக் காட்டி மிரட்டி 10 சவரன் தங்க நகைகள் மற்றும் ரூ.5 ஆயிரத்தை பறித்துச் சென்றவர்களை போலீஸார் தேடி வருகின்றனர்.
வரதராஜபுரம், ராயப்பா நகர் பகுதியைச் சேர்ந்தவர் சஞ்சீவி ராவ். ரயில்வேயில் பணிபுரிந்து வரும் அவர் வியாழக்கிழமை காலை வழக்கம் போல் பணிக்கு சென்றார். அவரது மனைவி ஜெயகுமாரி(53) மட்டும் வீட்டில் தனியாக இருந்தார். 
அப்போது குடிப்பதற்கு தண்ணீர் கேட்டு வந்த இருவர் ஜெயகுமாரியின் கழுத்தில் கத்தியை வைத்து மிரட்டினராம். அதைத் தொடர்ந்து, அவர் அணிந்திருந்த தாலிச்சரடு உள்ளிட்ட 10 சவரன் தங்க நகைகளையும் ரூ.5 ஆயிரம் ரொக்கத்தையும் பறித்துச் சென்றனர். சோமங்கலம் போலீஸார் வழக்குப்பதிவு செய்து கொள்ளையர்களைத் தேடி வருகின்றனர்.
 

]]>
http://www.dinamani.com/all-editions/edition-chennai/kanchipuram/2018/dec/07/பெண்ணிடம்-கத்தியைக்-காட்டி-10-பவுன்-நகைகள்-கொள்ளை-3053022.html
3052545 சென்னை காஞ்சிபுரம் நல்ல எண்ணங்களைப் பகிர்தல் அமைதிக்கு வழிவகுக்கும்: ஆச்சார்யர் மஹாஸ்ரமன்ஜி DIN DIN Thursday, December 6, 2018 07:26 AM +0530 சமூகத்தில் ஒருவருக்கொருவர் நல்லெண்ணங்களைப் பகிர்ந்து செயலாற்றுவது அமைதிக்கு வழிவகுக்கும் என ஜைன ஆச்சார்யர் மகாஸ்ரமன்ஜி கூறினார்.  
பகவான் மகாவீரரின் வழிவரும் ஜைன ஸ்வேதாம்பர் தேராபந்த் சங்கத்தின் 11 -ஆவது தலைமை ஆச்சார்யர் மஹாஸ்ரமன்ஜி. இவர், கடந்த 2014 -ஆம் ஆண்டிலிருந்து அஹிம்சையை வலியுறுத்தி நடைபயணம் மேற்கொண்டு வருகிறார். நேபாளம், பூடான் உள்ளிட்ட நாடுகளைக் கடந்து இந்தியாவில் 19 மாநிலங்களில் நடைபயணம் மேற்கொண்டு வரும் அவர் புதன்கிழமை காஞ்சிபுரத்துக்கு வருகை தந்தார். 
அப்போது, அவரை ஜைன ஸ்வேதாம்பர் தேராபந்த் அமைப்பின் நிர்வாகிகள் வரவேற்றனர். இதைத்தொடர்ந்து, எஸ்.எஸ்.கே.வி. பள்ளி வளாகத்தில் ஆச்சார்யர் மஹாஸ்ரமன்ஜி சொற்பொழிவாற்றினார். 
நிகழ்வில் அவர் பேசியது: துறவிகளின் வாழ்வென்பது நதியைப் போன்றது. நதியானது செல்லும் இடமெல்லாம் பசுமைச் சோலைகளை உருவாக்கி உயிரினங்களுக்கு நன்மையைச் செய்யும். 
அதுபோலவே, மனித மனங்களில் நல்ல எண்ணங்களை உருவாக்கி, அமைதி, அஹிம்சை ஆகியவற்றை சமூகத்தில் விதைப்பதையே கடமையாகக் கொண்டுள்ளோம். இன்றைய சூழ்நிலையில், போராட்டங்கள் அதிகரித்து வருகின்றன.
அமைதியின்மை காணப்படுகிறது. எனவே, ஒருவரையொருவர் மதித்து, நேர்மையுடன் வாழ்வது அவசியம். இதற்கென, அனைவரும் தன்னால் இயன்றவரை நல்ல எண்ணங்களைப் பரப்பி, நற்செயலாற்றல் வேண்டும். நேர்மையுடனும், போதைப் பழக்கங்களை அறவே ஒழித்து ஒழுக்கநெறியுடன் வாழ்வதன் மூலம் மனித சமூகத்தில் அமைதியை நிலைநாட்ட முடியும். 
இதனை வலியுறுத்தியே தொடர் நடைபயணத்தை மேற்கொண்டு வருகிறோம் என்றார். 
இதில், ஜைன துறவிகள், காஞ்சிபுரம் எம்எல்ஏ எழிலரசன், எஸ்.எஸ்.கே.வி. பள்ளி தாளாளர் ராமன், ஸ்வேதாம்பர் தேராபந்த் அமைப்பின் நிர்வாகிகள், ஜைன சமூகத்தினர் திரளானோர் கலந்துகொண்டனர்.

]]>
http://www.dinamani.com/all-editions/edition-chennai/kanchipuram/2018/dec/06/நல்ல-எண்ணங்களைப்-பகிர்தல்-அமைதிக்கு-வழிவகுக்கும்-ஆச்சார்யர்-மஹாஸ்ரமன்ஜி-3052545.html
3052544 சென்னை காஞ்சிபுரம் கனமழை: தேங்கிய மழைநீரால் வாகன ஓட்டிகள் அவதி DIN DIN Thursday, December 6, 2018 07:25 AM +0530 கனமழையில் தேங்கிய மழைநீரால் வாகனஓட்டிகள் அவதிக்குள்ளாகினர்.
காஞ்சிபுரம் மற்றும் அதைச் சுற்றியுள்ள பகுதிகளில் கடந்த இரண்டு நாள்களாக சாரல்,கனமழை பெய்து வருகிறது. காஞ்சிபுரம்,உத்தரமேரூர், திருக்கழுகுன்றம், மாமல்லபுரம், வாலாஜாபாத் உள்ளிட்ட பகுதிகளில் பரவலாக மழை பெய்தது. இதனால், நகர்ப்பகுதியில் உள்ள விளக்கடி கோயில் தெரு, மேட்டுத்தெரு, பழையரயில்வே சாலை, சாலைத்தெரு உள்ளிட்ட பகுதிகளில் மழைநீர் அதிகளவில் தேங்கியது. 
இதனால், வாகனங்கள் மெதுவாக ஊர்ந்து சென்றன. பல்வேறு இடங்களில் சாலைகள் குண்டும் குழியுமாக உள்ளதால், வாகனஓட்டிகள் சிரமத்துக்குள்ளாயினர். பொதுமக்களின் இயல்பு வாழ்க்கையும் பாதிக்கப்பட்டது. 
கிராமப்பகுதிகளில் ஏரி,கால்வாய்களில் நீர்வரத்து ஏற்பட்டுள்ளதால் விவசாயிகள் மகிழ்ச்சியடைந்துள்ளனர். மாவட்டத்தில், அதிகபட்சமாக திருக்கழுகுன்றத்தில் 23 மி.மீ. மழை பதிவானது. அதுபோல், காஞ்சிபுரம், மாமல்லபுரம் பகுதிகளில் தலா 15 மி.மீ. மழை பதிவானது.

]]>
http://www.dinamani.com/all-editions/edition-chennai/kanchipuram/2018/dec/06/கனமழை-தேங்கிய-மழைநீரால்-வாகன-ஓட்டிகள்-அவதி-3052544.html
3052543 சென்னை காஞ்சிபுரம் 2.48 லட்சம் விவசாயிகளுக்கு மண்வள அட்டைகள்: ஆட்சியர் தகவல் DIN DIN Thursday, December 6, 2018 07:25 AM +0530 காஞ்சிபுரம் மாவட்டத்தில் இதுவரை 2.48 லட்சம் விவசாயிகளுக்கு மண்வள அட்டைகள் வழங்கப்பட்டுள்ளதாக மாவட்ட ஆட்சியர் பா.பொன்னையா தெரிவித்தார்.
அரசு வேளாண் துறை, சிறுகாவேரிப்பாக்கம் வட்டம்,காஞ்சிபுரம் வேளாண் அறிவியில் நிலையம், மெட்ராஸ் ஃபெர்டிலைசர்ஸ் நிறுவனம் ஆகியவை சார்பில் சர்வதேச மண்வள தின விழா ஆட்சியர் அலுவலக வளாகத்தில் உள்ள மக்கள் நல்லுறவு மையத்தில் புதன்கிழமை நடைபெற்றது. 
இதில், ஆட்சியர் பா.பொன்னையா தலைமை வகித்து பேசியது: விவசாயம் மண்வளத்தை சார்ந்தது. மண்ணில் இயற்கையாக உள்ள சத்துக்கள்,மரபுகளை பயன்படுத்தி அதற்கேற்ப விவசாயம் நடைபெற்று வருகிறது. அதன்படி, மண்வளத்தில் என்னென்ன சத்துகள் உள்ளன என்பதைத் தெரிந்துகொண்டு, அதற்கேற்ப பயிர் சாகுபடி செய்வது அவசியமாக உள்ளது. இதற்காக, மண்வள அட்டை பயன்படுகிறது. 
காஞ்சிபுரம் மாவட்டத்தில் 3.30 லட்சம் எண்ணிக்கையில் வழங்க இலக்கு நிர்ணயிக்கப்பட்டுள்ளது. இதில்,3 ஆண்டுகளில் மட்டும் சுமார் 2 லட்சத்து 47 ஆயிரத்து 808 மண்வள அட்டைகள் வழங்கப்பட்டுள்ளன. அடுத்தாண்டுக்குள் மீதமுள்ள 82,192 விவசாயிகளுக்கும் மண்வள அட்டைகள் வழங்கப்படும்.  திடக்கழிவு மேலாண்மைத் திட்டத்தில் பம்மல், அனகாபுத்தூர் பேரூராட்சிகளில் விவசாயிகளுக்கு இயற்கை உரம் அதிகளவில் உள்ளது. எனவே, விவசாயிகள் உரிய வேளாண் அலுவலர்களைத் தொடர்புகொண்டு, தேவையான உரத்தை இலவசமாகப் பெறலாம் என்றார். 
இவ்விழாவையொட்டி, கலவை ஆதிபராசக்தி, சகாயத்தோட்டம் தொன்போஸ்கோ வேளாண் கல்லூரி மாணவியர் நெல் ரகங்கள், பஞ்ச கவ்யம் செய்முறை உள்ளிட்டவை குறித்து கண்காட்சி அமைத்து விவசாயிகள், பொதுமக்களுக்கு விளக்கினர்.
இதில்,வேளாண் இணை இயக்குநர் கோல்டி பிரேமாவதி,வேளாண் உதவி இயக்குநர் முரளீதரன், மண்ணியல் பேராசிரியர் வேல்முருகன் உள்ளிட்ட திரளான வேளாண்துறை அலுவலர்கள் கலந்துகொண்டனர்.

]]>
http://www.dinamani.com/all-editions/edition-chennai/kanchipuram/2018/dec/06/248-லட்சம்-விவசாயிகளுக்கு-மண்வள-அட்டைகள்-ஆட்சியர்-தகவல்-3052543.html
3052536 சென்னை காஞ்சிபுரம் டிசம்பர் 6 மின் தடை DIN DIN Thursday, December 6, 2018 07:25 AM +0530 அஞ்சூர்
நாள்: வியாழக்கிழமை (டிசம்பர் 6)
நேரம்: காலை 9 முதல் பிற்பகல் 2 மணி வரை 
மின்தடை பகுதிகள்: அம்மணம்பாக்கம், தேனூர், பட்டரைவாக்கம், ஏலந்தோப்பு, குண்ணவாக்கம், ஈச்சங்கரணை, தெற்குப்பட்டு, அஞ்சூர், மகேந்திராசிட்டி தொழிற்சாலை மற்றும் சுற்றியுள்ள கிராமங்கள்.
 

]]>
http://www.dinamani.com/all-editions/edition-chennai/kanchipuram/2018/dec/06/டிசம்பர்-6-மின்-தடை-3052536.html
3051778 சென்னை காஞ்சிபுரம் மாற்றுத் திறனாளிகள் தினம்: ரூ.15.51 லட்சம் நலத்திட்ட உதவிகள்: ஆட்சியர் வழங்கினார் DIN DIN Wednesday, December 5, 2018 04:15 AM +0530
சர்வதேச மாற்றுத் திறனாளிகள் தினத்தையொட்டி ரூ.15.51 லட்சம் மதிப்பிலான நலத்திட்ட உதவிகளை காஞ்சிபுரம்ஆட்சியர் பா.பொன்னையா வழங்கினார்.
சர்வதேச மாற்றுத் திறனாளிகள் தினவிழா மாவட்ட ஆட்சியர் அலுவலக வளாகத்தில் உள்ள மக்கள் நல்லுறவு மையத்தில் திங்கள்கிழமை மாலை நடைபெற்றது. இதில், மாவட்ட ஆட்சியர் தலைமை வகித்தார். 
காஞ்சிபுரம் எம்எல்ஏ எழிலரசன் சிறப்பு விருந்தினராக கலந்து கொண்டார். மாவட்ட மாற்றுத் திறனாளிகள் நல அலுவலர் ஸ்ரீநாத், சமூக நல அலுவலர் சங்கீதா உள்ளிட்டோர் முன்னிலை வகித்தனர்.
இவ்விழாவில் மாவட்டத்தின் பல்வேறு தொண்டு நிறுவனங்கள், சிறப்புப் பள்ளிகளில் பயிலும் மாற்றுத்திறனாளி மாணவர்களின் கலை நிகழ்ச்சிகள் நடைபெற்றன. 
தொடர்ந்து, மாற்றுத் திறனாளிகள் நலவாரியத் திட்டத்தின் மூலம் வழங்கப்படும் இயற்கை மரணமடைந்தோரின் வாரிசுதாரர்கள் 4 பேருக்கு ரூ.68 ஆயிரம், கறவை மாடு வளர்ப்பு, துணி வியாபாரம், பெட்டிக்கடை, இட்லிக் கடை உள்ளிட்ட தொழில்களைத் தொடங்க 10 பேருக்கு கடன் மானியமாக ரூ.9 லட்சம், திருமண நிதியுதவியாக ரூ.1.25 லட்சம், முதல்வர் மருத்துவக் காப்பீட்டுத் திட்டத்தின் சார்பில் 8 பேருக்கு ரூ.9 லட்சம் மதிப்பில் செயற்கை உறுப்புகள் ஆகியவை வழங்கப்பட்டன. 
அதேபோல், தலா 10 மாற்றுத் திறனாளிகளுக்கு ரூ.1.32 லட்சம் மதிப்பிலான 3 சக்கர வாகனங்கள், சக்கர நாற்காலிகள் ஆகியவை வழங்கப்பட்டன. மேலும், நவீன காதொலிக் கருவிகள் என மொத்தம் ரூ.15 லட்சத்து 51 ஆயிரம் மதிப்பிலான நலத்திட்ட உதவிகள் மாற்றுத் திறனாளிகளுக்கு வழங்கப்பட்டன. இதைத் தொடர்ந்து, ஆட்சியர் பேசியது: 
மாற்றுத் திறனாளிகள் தினத்தையொட்டி, திரளான மாற்றுத் திறனாளிகள் மாணவர்கள் தங்களின் அசாதாரண திறமைகளை வெளிப்படுத்தினர். இது காண்போர் அனைவரையும் வியக்க வைத்தது. உறுப்புகளில் ஊனமிருந்தாலும், அவர்களின் உள்ளத்தில் ஊனமில்லை. எப்போதும் சாதாரண மனிதர்களை விட சிறப்புடன் செயல்பட்டுள்ளனர். அனைவருக்கும் வாழ்த்துக்கள் என்றார் அவர். 
நிறைவாக, கலைநிகழ்ச்சிகளில் பங்கேற்ற மாற்றுத் திறனாளிகளுக்கான சிறப்புக் கல்வி நிறுவனங்களுக்கு ஆட்சியர் சான்றிதழ்களையும், பரிசுகளையும் வழங்கிப் பாராட்டினார். 
இதில், மாற்றுத் திறனாளிகளுக்கான தொண்டு அமைப்புகள், சிறப்புப் பள்ளி ஆசிரியர்கள், மாணவர்கள் என திரளானோர் கலந்து கொண்டனர்.


 

]]>
http://images.dinamani.com/uploads/user/imagelibrary/2018/12/5/w600X390/child.JPG http://www.dinamani.com/all-editions/edition-chennai/kanchipuram/2018/dec/05/மாற்றுத்-திறனாளிகள்-தினம்-ரூ1551-லட்சம்-நலத்திட்ட-உதவிகள்-ஆட்சியர்-வழங்கினார்-3051778.html
3051777 சென்னை காஞ்சிபுரம் தடுப்புச் சுவர் இல்லாத பாலம்: எம்எல்ஏ ஆய்வு DIN DIN Wednesday, December 5, 2018 04:15 AM +0530
மதுராந்தகத்தை அடுத்த கொளம்பாக்கம் கிராமத்தில் மழை வெள்ளநீர் செல்லும் வகையில் நெடுஞ்சாலையின் குறுக்கே கட்டப்பட்ட பாலத்தில் தடுப்புச் சுவர் இல்லாததால், இரவு நேரத்தில் வாகனங்களில் செல்வோர் விபத்துக்குள்ளாகின்றனர். இந்தப் பாலத்தை தொகுதி எம்எல்ஏ எஸ்.புகழேந்தி திங்கள்கிழமை ஆய்வு செய்தார்.
மதுராந்தகம் ஊராட்சி ஒன்றியம், நெட்ரம்பாக்கம் ஊராட்சியைச் சேர்ந்த கொள்ளம்பாக்கம் கிராமத்தில் மழை வெள்ளநீர் செல்லும் வகையில் நெடுஞ்சாலையின் குறுக்கே பாலம் அமைக்கப்பட்டிருந்தது. தற்சமயம் பாலத்தின் இரு புறங்களிலும் தடுப்புச் சுவர் இடிந்து விழுந்துள்ளது. இரவு நேரத்தில் வாகனங்களில் செல்வோர் மின்தடை ஏற்பட்டால் இருளான சூழலில் பாலத்தில் இருந்து தவறி விழுந்து விபத்தில் சிக்கும் சூழல் காணப்படுகிறது. 
இது பற்றி அறிந்த மதுராந்தகம் தொகுதி எம்எல்ஏ எஸ்.புகழேந்தி திங்கள்கிழமை மாலை நேரில் சென்று பாலத்தைப் பார்வையிட்டார். 
பின்னர் அங்கிருந்த பொதுமக்களிடமும், திமுக நிர்வாகிகளிடமும் அவர் பேசும்போது, அதிகாரிகள் மூலம் பாலத்தின் தடுப்புச் சுவரைக் கட்ட உடனடியாக ஏற்பாடு செய்து தருவதாகத் தெரிவித்தார். அப்போது மதுராந்தகம் ஒன்றிய திமுக செயலர் எண்டத்தூர் ஸ்ரீதர் உள்ளிட்ட கட்சி நிர்வாகிகள் உடனிருந்தனர்.

 

]]>
http://images.dinamani.com/uploads/user/imagelibrary/2018/12/5/w600X390/mla.jpg கொளம்பாக்கம் கிராமத்தில் தடுப்புச் சுவர் இல்லாத பாலத்தைப் பார்வையிட்ட எம்எல்ஏ எஸ்.புகழேந்தி.  http://www.dinamani.com/all-editions/edition-chennai/kanchipuram/2018/dec/05/தடுப்புச்-சுவர்-இல்லாத-பாலம்-எம்எல்ஏ-ஆய்வு-3051777.html
3051776 சென்னை காஞ்சிபுரம் குடிசை எரிந்து பாதிக்கப்பட்ட விவசாயிக்கு நல உதவி DIN DIN Wednesday, December 5, 2018 04:14 AM +0530
மதுராந்தகத்தை அடுத்த கொளத்தூர் கிராம விவசாயியின் குடிசை வீடு எரிந்து சாம்பலானது. இதனால் பாதிக்கப்பட்ட அவரது குடும்பத்தாருக்கு லயன்ஸ் சங்க நிர்வாகிகள் வேட்டி, சேலைகள், அரிசி உள்ளிட்ட நல உதவிகளை வழங்கினர்.
சரவம்பாக்கம் ஊராட்சிக்கு உட்பட்ட கொளத்தூர் கிராமத்தைச் சேர்ந்தவர் ஜெகந்நாதன். விவசாயான அவரது குடிசை வீடு கடந்த ஞாயிற்றுக்கிழமை இரவு எரிந்தது. 
இந்த விபத்தில் அவரது வீட்டில் இருந்த துணிகள், பீரோ, கட்டில், தொலைக்காட்சி பெட்டி உள்ளிட்ட அனைத்து பொருள்களும் எரிந்து சாம்பலாயின.
இதனால் பாதிக்கப்பட்ட ஜெகந்நாதனுக்கு உதவ மதுராந்தகம் ஏரி நகர லயன்ஸ் சங்கம் முன்வந்தது. அதன் மாவட்ட நிர்வாகிகள் ராஜசேகரன், அய்யனாரப்பன், சங்கத்தலைவர் சிவகுமார், அலோசியஸ் துரைராஜ் உள்ளிட்டோர் நேரில் வந்து, அக்குடும்பத்தினருக்கு வேட்டி, சேலைகள், அரிசி உள்ளிட்ட பொருள்களை வழங்கினார்கள். 
இந்நிலையில் குடிசை வீடு எரிந்த தகவலை அறிந்து மதுராந்தகம் தொகுதி எம்எல்ஏ எஸ்.புகழேந்தி திங்கள்கிழமை நேரில் வந்து, ஜெகந்நாதன் குடும்பத்துக்கு ஆறுதல் கூறினார். பின்னர் மதுராந்தகம் ஊராட்சி ஒன்றிய வட்டார வளர்ச்சி அலுவலர்மூலமாக அவருக்கு பசுமை வீடு கிடைக்க ஏற்பாடு செய்தார். அதன்படி, ஜெகநாதன் குடும்பத்தினரை ஊராட்சி ஒன்றிய அலுவலக அதிகாரிகள் விரைவில் வரவழைத்து அதற்கான ஆணையை வழங்க உள்ளதாகத் தெரிகிறது.
 

]]>
http://www.dinamani.com/all-editions/edition-chennai/kanchipuram/2018/dec/05/குடிசை-எரிந்து-பாதிக்கப்பட்ட-விவசாயிக்கு-நல-உதவி-3051776.html
3051775 சென்னை காஞ்சிபுரம் அளவுக்கு அதிகமான எடை ஏற்றிச் செல்லும் கனரக வாகனங்கள் மீது கடும் நடவடிக்கை: ஆட்சியர் எச்சரிக்கை DIN DIN Wednesday, December 5, 2018 04:14 AM +0530 அனுமதிக்கப்பட்ட அளவை விட அதிக எடை கொண்ட பொருள்களை ஏற்றிச் செல்லும் கனரக வாகனங்கள் மீது கடும் நடவடிக்கை எடுக்கப்படும் என காஞ்சிபுரம் ஆட்சியர் பா.பொன்னையா எச்சரிக்கை விடுத்துள்ளார்.
இது குறித்த விவரம்: 
உச்சநீதிமன்றம், தமிழக அரசு ஆணையின்படி சாலைகளில் பயணிக்கும்போது நிர்ணயிக்கப்பட்ட எடைகொண்ட பொருள்களை மட்டுமே கொண்டு செல்ல வேண்டும். இதுதொடர்பாக, போக்குவரத்து ஆணையரின் சுற்றறிக்கையில் உரிய அறிவுறுத்தல்கள் தெரிவிக்கப்பட்டுள்ளன. 
இந்நிலையில், கனரக வாகனங்கள் இந்த விதிகளை மீறி வந்தன. அது தொடர்பாக நடவடிக்கையும் எடுக்கப்பட்டது. அதன்பேரில், மாவட்ட டிப்பர் லாரி, மண் அள்ளும் இயந்திர உரிமையாளர்கள் நலச்சங்க கூட்டத்தின் வாயிலாக அறிவுறுத்தப்பட்டது. 
அதன்படி, காஞ்சிபுரம் மாவட்டத்தில் உள்ள அனைத்து கிரஷர் உரிமையாளர்களும் தமிழ்நாடு போக்குவரத்து, முகவர்கள், இருப்புக் கிடங்கு விதிகள் 2011-இன்படி முறையாக ஆட்சியரிடம் உரிமம் பெற்று நடத்த வேண்டும். அதன் மூலம், அனுமதி பெற்ற கிரஷர்களிலிருந்து மட்டுமே சி.எஸ்.சாண்ட், உற்பத்தி செய்யப்பட்ட மணல் ஆகியவற்றைக் கொள்முதல் செய்ய வேண்டும். இதை மீறினால், கிரஷர் மற்றும் கிரஷர் உரிமையாளர்கள் மீது கடும் நடவடிக்கை எடுக்கப்படும்.
அதேபோல், அதிக பாரத்தை கட்டுப்படுத்த ஒவ்வொரு கிரஷர் உரிமையாளரும், தயாரிக்கப்பட்ட சி.எஸ்.சாண்ட், செயற்கை மணலை ஈரப்பதமற்ற நிலையில் குறைந்தபட்சம் ஒருநாள் உலர்த்தி மறுநாள் விற்பனை செய்ய வேண்டும்.மேலும், கனிமங்கள் ஏற்றிவரும் அனைத்து வாகனங்களும் பொதுமக்களுக்கும், சாலையில் பயணிப்பவர்களுக்கும் எவ்வித பாதிப்பையும் ஏற்படுத்தக் கூடாது. இதற்கென, தார்ப்பாய் கொண்டு மூடியவாறு கனிமங்களை ஏற்றிச் செல்லவேண்டும். 
அதேபோல், லாரி, டிப்பர், டாரஸ் வாகனங்கள் தயாரிப்பு செய்யப்பட்ட நிலையிலிருந்து அதன் உயரத்தை அதிகப்படுத்தக் கூடாது. இதுபோன்ற விதிமீறல்கள் இருந்தால், உரிமையாளர்கள் தாங்களாக முன்வந்து வாகனத்தின் தயாரிப்பு நிலையை மாற்றியமைத்துக்கொள்ள வேண்டும். மேலும், கனிமங்களை ஏற்றிச் செல்லும் அனைத்து லாரி, டிப்பர், டாரஸ் வாகனங்களும் வட்டாரப் போக்குவரத்து அலுவலர் மூலம் 100 சதவீதம் தணிக்கை செய்யப்பட்டு, மறு சீரமைக்கப்படும். இதற்கான தொகை இருமடங்காக வாகன உரிமையாளர்களிடம் இருந்து வசூலிக்கப்படும். 
எனவே, குறிப்பிட்ட அறிவுறுத்தல்கள் மற்றும் விதிகளை மீறி அதிக பாரம் ஏற்றப்படுவது, உரிய நடைச்சீட்டு இல்லாமல் கனிமம் எடுத்துச் செல்வது ஆகியவை கண்டறியப்பட்டால் வாகனங்கள் பறிமுதல் செய்யப்படும். மேலும், அபராதம் விதிக்கப்பட்டு, குறைந்தது ஒரு மாத காலத்துக்கு வாகனங்கள் விடுவிக்கப்பட மாட்டாது என எச்சரிக்கப்படுகிறது. 
மேலும், அதிக பாரம் ஏற்றிச் செல்லும் வாகன உரிமையாளர்கள், ஓட்டுநர்கள் மீது நடவடிக்கை எடுப்பதோடு மட்டுமில்லாமல், குவாரி உரிமையாளர்கள், சம்பந்தப்பட்ட கிரஷர் மீதும் கடுமையான குற்றவியல் நடவடிக்கை எடுக்கப்படும் என ஆட்சியர் வெளியிட்ட செய்திக் குறிப்பில் எச்சரித்துள்ளார். 

]]>
http://www.dinamani.com/all-editions/edition-chennai/kanchipuram/2018/dec/05/அளவுக்கு-அதிகமான-எடை-ஏற்றிச்-செல்லும்-கனரக-வாகனங்கள்-மீது-கடும்-நடவடிக்கை-ஆட்சியர்-எச்சரிக்கை-3051775.html
3051774 சென்னை காஞ்சிபுரம் கொளவாய் ஏரியில் சிறுமி சடலம் DIN DIN Wednesday, December 5, 2018 04:13 AM +0530 செங்கல்பட்டு கொளவாய் ஏரியில் 17 வயது மதிக்கத்தக்க சிறுமியின் சடலத்தை போலீஸார் மீட்டனர். 
செங்கல்பட்டில் உள்ள கொளவாய் ஏரியில் செவ்வாய்க்கிழமை 17 வயது மதிக்கத்தக்க சிறுமியின் சடலம் ஏரியில் மிதப்பதைப் பார்த்த அப்பகுதி மக்கள், செங்கல்பட்டு கிராமிய போலீஸாருக்கு தகவல் தெரிவித்தனர். 
அதன்பேரில் போலீஸார் அங்கு சென்று சிறுமியின் சடலத்தை மீட்டு பிரேதப் பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர். மேலும், வழக்குப் பதிவு செய்து, இறந்த சிறுமி யார்? என்பது குறித்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/kanchipuram/2018/dec/05/கொளவாய்-ஏரியில்-சிறுமி-சடலம்-3051774.html
3051770 சென்னை காஞ்சிபுரம் மாமல்லபுரத்தில் கன மழை: இயல்பு வாழ்க்கை பாதிப்பு DIN DIN Wednesday, December 5, 2018 03:25 AM +0530
மாமல்லபுரம் மற்றும் சுற்றுப்புற பகுதிகளில் கனமழை பெய்ததை அடுத்து மக்களின் இயல்பு வாழ்க்கை பாதிக்கப்பட்டது. இருப்பினும் நகருக்கு சுற்றுலா வந்த வெளிநாட்டு சுற்றுலாப் பயணிகள் செவ்வாய்க்கிழமை கொட்டும் மழையில் நனைந்தபடியும் குடையுடன் வந்தும் சிற்பங்களை கண்டுகளித்தனர். 
மாமல்லபுரத்தில் திங்கள்கிழமை இரவு முதல் பெய்யத் தொடங்கிய மழை செவ்வாய்க்கிழமை காலை கனமழையாக மாறியது. எனினும், மாமல்லபுரத்தை சுற்றிப் பார்க்க வந்த வெளிநாட்டு சுற்றுலா பயணிகள் கொட்டும் மழையைப் பொருட்படுத்தாமல் நனைந்த படியும், குடை பிடித்தபடியும் வந்து சிற்பங்களைக் கண்டுகளித்தனர். 
எனினும், இங்குள்ள அர்ஜுனன் தபசு, வெண்ணை உருண்டைப்பாறை, கடற்கரைப் பகுதி, கடற்கரைக் கோயில், ஐந்து ரதம் உள்ளிட்ட பகுதிகளில் மழை காரணமாக போதிய வியாபாரம் இல்லாததால் சாலையோர வணிகர்கள் பாதிக்கப்பட்டனர். நகருக்குள்ளும் மழை காரணமாக பெரும்பாலான கடைகள் மூடப்பட்டிருந்தன. இதனால் மாமல்லபுரம் நகரமே வெறிச் சோடிக் கிடந்தது. கடல் அலைகளின் சீற்றம் அதிகமாக இருந்ததால் மீனவர்கள் யாரும் மீன்பிடித் தொழிலுக்கு செல்லவில்லை. மாமல்லபுரம், உய்யாளிகுப்பம், தேவனேரி, கொக்கிலமேடு, வெண்புருஷம் குப்பம் நெம்மேலி குப்பம், சூளேரி காட்டுக்குப்பம் உள்ளிட்ட மீனவ கிராம மக்கள் தங்கள் இயல்பு வாழ்க்கை பாதிக்கப்பட்டதாகத் தெரிவித்தனர்.
செங்கல்பட்டு ராஜாஜி தெரு, மேட்டுத் தெரு, பஜார் தெரு ஆகிய பகுதிகளில் மழைநீரும் கழிவுநீரும் கலந்து சேறும் சகதியுமாக காட்சியளித்தது. பாதசாரிகள் சிரமத்துடன் நடந்து சென்றனர். செங்கல்பட்டு பழைய ஜிஎஸ்டி சாலை பிஎஸ்என்எல் அலுவலகம் செல்லும் வழியில் ஆக்கிரமிப்பு காரணமாக மழைநீர் வெளியேற வழியின்றி தேங்கி நிற்பதால் பாதசாரிகள் மிகவும் அவதிப்பட்டனர். 
இதனிடையே, சிங்கப்பெருமாள்கோவில், மறைமலைநகர், கூடுவாஞ்சேரி, திருக்கழுகுன்றம், திருப்போரூர், கல்பாக்கம் உள்ளிட்ட பகுதிகளிலும் அதைச் சுற்றியுள்ள பகுதிகளிலும் மேக மூட்டத்துடன் பரவலாக மழை பெய்தது.

 

]]>
http://images.dinamani.com/uploads/user/imagelibrary/2018/12/5/w600X390/rain.jpg மாமல்லபுரத்தில்  கொட்டும்  மழையில்  குடை பிடித்தபடி   சுற்றுலாப் பகுதிகளை  சுற்றிப் பார்த்த வெளிநாட்டினர். http://www.dinamani.com/all-editions/edition-chennai/kanchipuram/2018/dec/05/மாமல்லபுரத்தில்-கன-மழை-இயல்பு-வாழ்க்கை-பாதிப்பு-3051770.html
3051769 சென்னை காஞ்சிபுரம் மலிவான கட்டணத்தில் கழிவுநீர் அகற்றும் பேரூராட்சி எம்.குமார் DIN Wednesday, December 5, 2018 03:25 AM +0530
காஞ்சிபுரம் மாவட்டம், மதுராந்தகத்தை அடுத்த கருங்குழி பேரூராட்சியில் வீடுகளில் மலிவான தொகையில் அரசின் சிறப்புத் திட்டமாக கழிவுநீர் மேலாண்மைத் திட்டத்தை சிறப்பாக செயல்படுத்துவதை அடுத்து அரசுத் துறை அதிகாரிகள் பேரூராட்சி நிர்வாகத்துக்கு பாராட்டு தெரிவித்தனர். 
காஞ்சிபுரம் மாவட்டத்தின் முக்கிய பேரூராட்சி பகுதியாக திகழ்வது கருங்குழி பேரூராட்சி. இங்கு 15 வார்டுகள் உள்ளன. சுமார் 1,500 வீடுகளில் மக்கள் வசித்து வருகின்றனர். இங்கு உள்ளாட்சிப் பிரதிநிதிகள் இல்லாததால் அரசின் சார்பில் செயல் அலுவலர் (பொ) மா.கேசவன் தலைமையில் பேரூராட்சி நிர்வாகம் செயல்படுகிறது.
மனிதக் கழிவுகளை மனிதர்களே அகற்றுவது, திறந்தவெளியில் மலம் கழிப்பது ஆகியவற்றுக்கு தற்சமயம் அரசால் தடை விதித்திருந்தாலும், ஒரு சில இடங்களில் மறைமுகமாக கழிவுகள் இவ்வாறு அகற்றப்பட்டு வருகிறது. இத்தகைய கழிவுகளை அரசு முன்னின்று அகற்றினால் கழிவுநீரில் உருவான நச்சுக் காற்றால் ஏற்படும் மனித உயிரிழப்புகளைத் தவிர்க்க முடியும். 
அவ்வகையில், காஞ்சிபுரம் மாவட்டத்தில் முதல் முறையாக கருங்குழி பேரூராட்சியில் அரசின் சிறப்புத் திட்டமாக கழிவு மேலாண்மைப் பணி கடந்த 2016 முதல் செயல்படுத்தப்படுகிறது. இப்பணிக்காக கழிவுநீர் சுத்திகரிப்பு நிலையம் தனியாக அமைக்கப்பட்டுள்ளது. பேரூராட்சிப் பகுதிகளில் உள்ள வீடுகளில் கழிவறையுடன் தொட்டி கட்டி, அதில் கழிவுநீர் நிறைந்தவுடன் டேங்கர் லாரிகள் மூலம் எடுத்துச் செல்லப்படுகிறது. 
இப்பகுதி மக்களின் நலனைக் கருத்தில் கொண்டு பேரூராட்சி நிர்வாகத்தின் மூலம் கழிவுநீர் எடுக்கும் பணி முறைப்படுத்தப்பட்டுள்ளது. கழிவுநீர்த் தொட்டியை 2 ஆண்டுகளுக்கு ஒருமுறை டேங்கர் லாரி மூலம் சுத்தம் செய்ய வேண்டியுள்ளது. 
ஏற்கெனவே வீடுகளில் எந்த மாதம் கழிவுநீர் எடுக்கப்பட்டது என்ற விவரம் பேரூராட்சி அலுவலகத்தில் சேகரிக்கப்பட்டுள்ளது. அதன்தொடர்ச்சியாக ஒவ்வொரு ஆண்டும் உரிய நாளில் அலுவலகத்தின் மூலம் கழிவுநீர் எடுப்பதற்கான நினைவூட்டுக் கடிதம் மூலமாகவோ, துப்புரவுப் பணியாளர் மூலமோ தகவல்
அனுப்பப்படுகிறது. 
கழிவுநீரை டேங்கர் லாரி மூலம் அகற்ற சீரான கட்டணத்தை பேரூராட்சி நிர்வாகம் நிர்ணயித்துள்ளது. தனிநபர் கழிவுநீர் அகற்றும் லாரிகள் வாங்கும் கட்டணத்தை விட மிகக் குறைவான கட்டணமே வசூலிக்க ஏற்பாடு செய்யப்பட்டுள்ளது. பேரூராட்சி நிர்வாகத்தின் மூலம் கழிவுநீர் அகற்றும் லாரிகளுக்கு முறையான உரிமம் வழங்கப்பட்டுள்ளது.
பேரூராட்சியைச் சேர்ந்த மக்கள் கழிவு நீரை டேங்கர் லாரி மூலம் எடுத்துச் செல்ல அந்த லாரிக்கான கட்டணத்தை முன்கூட்டியே பேரூராட்சி அலுவலகத்தில் செலுத்தி அந்த ரசீதை அவசியம் பெற்றுக் கொள்ளவேண்டும். இதன் மூலம் டேங்கர் லாரியை தாமதமின்றி உடனடியாக தங்கள் வீட்டுக்கு அனுப்பிவைக்க ஏதுவாக அமையும். டேங்கர் லாரி மூலம் எடுக்கப்பட்ட கழிவு நீர் பேரூராட்சி சார்பில் கட்டப்பட்ட கழிவு நீர் சுத்திகரிப்பு நிலையத்துக்கு அனுப்பி வைக்கப்படுகிறது.
அங்கு முதல்நிலை வடிகட்டியான கழிவுநீர் உலர்த்துதல் படுக்கையில் கழிவுநீர் கொட்டப்படுகிறது. இதில் 6.00 - 8.00 மீ அளவு கொண்ட 20 கழிவு நீர் உலர்த்துதல் படுக்கைகளும், 23,000 லிட்டர் கொள்ளளவு கொண்ட தொட்டியும் உள்ளன. முதல்நிலையான கழிவுநீர் உலர்த்துதல் படுக்கையில் கொட்டப்படும் கழிவு நீர் 2ஆம் நிலை வடிகட்டியான கிடைமட்ட கழிவு நீர் வடிகட்டிக்கு செல்லும். இந்நீரை கிடைமட்ட கழிவு நீர் வடிகட்டியில் உள்ள நாணல் மற்றும் கல்வாழை செடிகள் 5 சதவிகித கழிவுகளை உறிஞ்சி கொண்டு மீதி கழிவு நீரை 3-ஆவது நிலையான முதிர்ச்சி குளத்துக்கு அனுப்புகிறது. 
முதிர்ச்சி குளத்தில் இருந்து 4-ஆவது நிலை வடிகட்டியான கீழ்நிலைத் தொட்டியை வந்தடைகிறது. அங்கிருந்து மரம் மற்றும் செடிகளுக்கு அந்நீர் பயன்படுத்தப்படுகிறது. கழிவுநீர் உலர்த்தும் படுக்கையில் 20 நாள்களுக்குப் பிறகு கழிவுகள் காய்ந்த நிலையில் சேகரிக்கப்பட்டு இருப்பு அறையில் வைத்து இயற்கை உரமாக பயன்படுத்தப்படுகிறது. 
இதனால் நிலத்தடிநீர் மாசுபடாமல் இருக்கவும், அந்தக் கழிவுநீரை சுத்திகரிப்பு செய்து பின்னர் விவசாயப் பயிர்களுக்கு பயன்படும்வகையிலும் ஏற்பாடு செய்யப்பட்டுள்ளது. இந்தத் திட்டம் முழுக்க முழுக்க அரசின் நேரடி செயல்பாட்டிலும், மானியத்திலும் செயல்படுகிறது. 
இதற்காக ரூ.4.93 கோடிஒதுக்கப்பட்டுள்ளது. எனினும், தொழிற்சாலை போன்ற பகுதிகளில் இருந்து எடுக்கும்போது ரசாயனக் கலவை கலந்துவிடும் என்ற அச்சத்தில் வீட்டுப் பகுதிகளில் இருந்து மட்டுமே கழிவுநீர் எடுத்துச் செல்லப்படுகிறது. 
தமிழகத்திலேயே முதல் பேரூராட்சியாக கருங்குழி பேரூராட்சி நிர்வாகம் கழிவுநீர் சுத்திகரிப்பு நிலையத்தை அமைத்து வெற்றிகரமாக செயல்படுத்தி வருவதை பாராட்டி தமிழக பேரூராட்சிகளின் இயக்குநர் பழனிசாமி கடந்த ஜூலை 7ஆம் தேதி ஐ.எஸ்.ஓ தரச்சான்றை, இப்பேரூராட்சியின் செயல் அலுவலர் கேசவனிடம் வழங்கியது குறிப்பிடத்தக்கது.

 

]]>
http://images.dinamani.com/uploads/user/imagelibrary/2018/12/5/w600X390/cert.JPG http://www.dinamani.com/all-editions/edition-chennai/kanchipuram/2018/dec/05/மலிவான-கட்டணத்தில்-கழிவுநீர்-அகற்றும்-பேரூராட்சி-3051769.html
3051768 சென்னை காஞ்சிபுரம் மாமல்லபுரம் ரயில்வே முன்பதிவு மையத்தை மீண்டும் திறக்க வேண்டும் : ஏ.கே.மூர்த்தி கோரிக்கை DIN DIN Wednesday, December 5, 2018 03:09 AM +0530 மாமல்லபுரத்தில் எந்தவித அறிவிப்பும் இல்லாமல் மூடப்பட்ட ரயில்வே முன்பதிவு மையத்தை சுற்றுலா பயணிகளின் வசதிக்காக தென்னக ரயில்வே நிர்வாகம் மீண்டும் திறக்க வேண்டும் என முன்னாள் மத்திய அமைச்சர் ஏ.கே.மூர்த்தி வலியுறுத்தியுள்ளார்.
திருப்போரூர் சட்டப் பேரவைத் தொகுதி இடைத்தேர்தல் தொடர்பான ஆலோசனைக் கூட்டம் பாமக சார்பில் செங்கல்பட்டை அடுத்த மால்லபுரத்தில் செவ்வாய்க்கிழமை நடைபெற்றது. இக்கூட்டத்தில் கட்சியின் மாநில துணைப் பொதுச் செயலர் திருக்கச்சூர் கி.ஆறுமுகம் தலைமை வகித்தார். காஞ்சிபுரம் மத்திய மாவட்டச் செயலர் காரணை ராதா, மாமல்லபுரம் நகர செயலாளர் ராஜசேகர் உள்ளிட்டோர் கலந்து கொண்டனர்.
கூட்டத்தில் முன்னாள் மத்திய ரயில்வே இணை அமைச்சரும், கட்சியின் வடக்கு மண்டல இணைப் பொதுச் செயலாளருமான ஏ.கே.மூர்த்தி பேசியது:
தற்போது இடைத்தேர்தல் நடைபெறும் சூழ்நிலை ஏற்பட்டால் திருப்போரூரில் பாமக வெற்றி பெறும் வகையில், தொகுதியில் உள்ள 249 வாக்குச்சாவடிகளுக்கும் முகவர்கள் மற்றும் கட்சிப் பொறுப்பாளர்களை நியமித்து இப்போதிருந்தே ஒவ்வொரு வாக்காளரையும் சந்தித்து கட்சியின் வெற்றிக்காக தொண்டர்கள் அனைவரும் பாடுபட வேண்டும். முன்னாள் மத்திய சுகாதாரத் துறை அமைச்சர் அன்புமணி ராமதாஸின் சாதனைகளைக் கூறி மாற்றுக் கட்சியினரை பாமகவில் சேர்க்க புதிதாகப் பொறுப்பேற்றுள்ள ஒவ்வொரு பொறுப்பாளரும் தீவிரமாக களப் பணியாற்ற வேண்டும் என்றார் அவர். 
அதன் பின், ஏ.கே.மூர்த்தி நிருபர்களிடம் கூறியது: 
நான் மத்திய ரயில்வே இணை அமைச்சாராக இருந்தபோது அப்போதைய ரயில்வே அமைச்சர் நிதீஷ்குமாரிடம் கோரிக்கை விடுத்து, கடந்த 2003, ஏப்ரல் மாதத்தில் சுற்றுலாப் பயணிகளின் வசதிக்காக மாமல்லபுரத்தில் ரயில் டிக்கெட் முன்பதிவு மையத்தைக் கொண்டு வந்தேன். 
தற்போது போதிய வருவாய் இல்லை என்ற தவறான காரணத்தைக் கூறி, இந்த முன்பதிவு மையம் மூடப்பட்டுள்ளது. இதனால், மாமல்லபுரம் வரும் சுற்றுலாப் பயணிகள் ரயில் டிக்கெட் முன்பதிவு செய்ய செங்கல்பட்டுக்கு செல்ல வேண்டிய சூழ்நிலை உள்ளது. எனவே, டிக்கெட் முன்பதிவு மையத்தை மீண்டும் திறக்க தென்னக ரயில்வே நிர்வாகம் உடனடியாக நடவடிக்கை எடுக்க வேண்டும் என்று ஏ.கே.மூர்த்தி கூறினார்.

]]>
http://www.dinamani.com/all-editions/edition-chennai/kanchipuram/2018/dec/05/மாமல்லபுரம்-ரயில்வே-முன்பதிவு-மையத்தை-மீண்டும்-திறக்க-வேண்டும்--ஏகேமூர்த்தி-கோரிக்கை-3051768.html
3051767 சென்னை காஞ்சிபுரம் இருசக்கர வாகனம் மீது பேருந்து மோதி இளைஞர் சாவு DIN DIN Wednesday, December 5, 2018 03:08 AM +0530
உத்தரமேரூர் அருகே அரசுப் பேருந்தும் இருசக்கர வாகனமும் மோதியதில் இளைஞர் இறந்தார்.
சென்னையிலிருந்து உத்தரமேரூர் வழியாக வந்தவாசிக்கு அரசுப் பேருந்து (தடம் எண் 104) பயணிகளுடன் செவ்வாய்க்கிழமை இரவு சென்று கொண்டிருந்தது. உத்தரமேரூரை அடுத்த அ.பி.சத்திரம் அருகே வந்தபோது எதிரே வந்த இருசக்கர வாகனத்தின் மீது மோதி யது. இதில், இருசக்கர வாகனத்தை ஓட்டி வந்த இளைஞர் சம்பவ இடத்திலேயே இறந்தார். தகவல் அறிந்து, சம்பவ இடத்துக்கு வந்த உத்தரமேரூர் போலீஸார், இறந்தவரின் சடலத்தை மீட்டு செங்கல்பட்டு அரசு மருத்துவமனைக்கு பிரேதப் பரிசோதனைக்காக அனுப்பி வைத்தனர். 
விசாரணையில், அவர் வாடாநல்லூர் கிராமத்தைச் சேர்ந்த ராஜேந்திரன் (32) என்பது தெரிய வந்தது. இதுகுறித்து போலீஸார் வழக்குப் பதிவு செய்து விசாரணை நடத்தி வருகின்றனர். 

]]>
http://www.dinamani.com/all-editions/edition-chennai/kanchipuram/2018/dec/05/இருசக்கர-வாகனம்-மீது-பேருந்து-மோதி-இளைஞர்-சாவு-3051767.html
3051766 சென்னை காஞ்சிபுரம் கஜா புயல்: பாதிக்கப்பட்ட பகுதிகளுக்கு ரூ.16 லட்சம் நிவாரணப் பொருள்கள் DIN DIN Wednesday, December 5, 2018 03:08 AM +0530
கஜா புயலில் பாதிக்கப்பட்ட பகுதிகளுக்கு ரூ.16 லட்சம் மதிப்பிலான நிவாரணப் பொருள்களை பல்வேறு அமைப்பினர் செவ்வாய்க்கிழமை அனுப்பி வைத்தனர்.
கஜா புயலால் பாதிக்கப்பட்ட டெல்டா மாவட்டங்களுக்கு நாள்தோறும் பல்வேறு அமைப்பினர் ஆங்காங்கே நிவாரணப் பொருள்களை அனுப்பி வருகின்றனர். அதன்படி, காஞ்சிபுரம் மாவட்ட நிர்வாகம் சார்பில் சுமார் ரூ.60 லட்சத்துக்கும் மேலாக நிவாரணப் பொருள்கள் அனுப்பி வைக்கப்பட்டுள்ளன.
அதேபோல், கட்சியினர், வணிக, தொண்டு அமைப்பினர் தொடர்ந்து நிவாரணப் பொருள்களை திருவாரூர், வேதாரண்யம், புதுக்கோட்டை உள்ளிட்ட பகுதிகளுக்கு அனுப்பி வருகின்றனர். இதைத் தொடர்ந்து, கல்குவாரி ஒப்பந்ததாரர்கள் சங்கத்தினர் சார்பில் ரூ.8 லட்சத்திலும், செங்கல்பட்டு வட்டாட்சியர் அலுவலகம் சார்பில் ரூ.2 லட்சம் என ரூ.10 லட்சம் மதிப்பிலான நிவாரணப் பொருள்களை ஆட்சியர் 
அனுப்பி வைத்தார்.
அதேபோல், காஞ்சிபுரம் தொண்டை மண்டல ஆதி சைவ வேளாளர் சங்கத்தினர் சார்பில் நாகை மாவட்ட மக்களுக்கு ரூ.6 லட்சம் மதிப்பிலான நிவாரணப் பொருள்களை அனுப்பி வைத்தனர். அரிசி, மளிகைப் பொருள்கள், உடைகள், போர்வைகள், மெழுகுவர்த்திகள், தார்ப்பாய்கள், மரம் அறுக்கும் இயந்திரம், குடிநீர் பாட்டில்கள், மருந்துப் பொருள்கள் உள்ளிட்ட நிவாரணப் பொருள்களை திருவாரூர் மாவட்டம் தலைஞாயிறு பகுதிக்கு அனுப்பி வைத்தனர். இந்த நிகழ்ச்சியில், மாவட்ட வருவாய் அலுவலர் சுந்தரமுர்த்தி, கனிமவள உதவி இயக்குநர் பெருமாள்சாமி, தொண்டை மண்டல சங்க நிர்வாகிகள் பாஸ்கர் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-chennai/kanchipuram/2018/dec/05/கஜா-புயல்-பாதிக்கப்பட்ட-பகுதிகளுக்கு-ரூ16-லட்சம்-நிவாரணப்-பொருள்கள்-3051766.html
3051765 சென்னை காஞ்சிபுரம் செங்கல்பட்டு-அரக்கோணம் ரயில் என்ஜின் கோளாறு: பயணிகள் அவதி DIN DIN Wednesday, December 5, 2018 03:08 AM +0530
செங்கல்பட்டு-அரக்கோணம் பயணிகள் ரயில் என்ஜின் கோளாறால் பயணிகள் அவதிக்குள்ளாகினர்.
நாள்தோறும் செங்கல்பட்டிலிருந்து காலை 8.20 மணிக்கு புறப்பட்டு அரக்கோணத்துக்கு 9.55 மணிக்குச் செல்லும் பயணிகள் ரயிலில் செவ்வாய்க்கிழமை காலை 9 மணிக்கு என்ஜினில் கோளாறு ஏற்பட்டது. இதையடுத்து, காஞ்சிபுரத்தை அடுத்த நத்தப்பேட்டை பகுதியில் நிறுத்தி வைக்கப்பட்டது. 
இதையடுத்து, ரயில்வே ஊழியர்களுக்கு கோளாறை சரிசெய்ய தகவல் தெரிவிக்கப்பட்டது. அதன்பேரில், சம்பவ இடத்துக்கு வந்த ரயில்வே ஊழியர்கள் என்ஜினில் ஏற்பட்ட கோளாறை சரிசெய்தனர். அதன்பிறகு, மீண்டும் ரயில் சேவை தொடங்கியது. அலுவலகங்களுக்கு செல்லும் நேரம் என்பதால் வேலைக்கு செல்வோர், பொதுமக்கள் என பலரும் சுமார் 30 நிமிடத்துக்கு மேல் தாமதமாகச் செல்லும் நிலை ஏற்பட்டது. இதனால் அவர்கள் அவதிக்குள்ளாகினர்.

]]>
http://www.dinamani.com/all-editions/edition-chennai/kanchipuram/2018/dec/05/செங்கல்பட்டு-அரக்கோணம்-ரயில்-என்ஜின்-கோளாறு-பயணிகள்-அவதி-3051765.html
3051112 சென்னை காஞ்சிபுரம் போக்குவரத்து ஊழியர்கள்-சுங்கச்சாவடி ஊழியர்கள் தகராறு : போக்குவரத்து பாதிப்பு DIN DIN Tuesday, December 4, 2018 04:36 AM +0530
அரசுப் பேருந்து ஓட்டுநர் ஒருவர் தொடர்ந்து ஹாரன் அடித்ததால் ஆத்திரமடைந்த ஸ்ரீபெரும்புதூர் சுங்கச்சாவடி ஊழியர்கள் பேருந்து ஓட்டுநரிடம் வாக்குவாதத்தில் ஈடுபட்டனர். இதனால், சென்னை- பெங்களூர் தேசிய நெடுஞ்சாலையில் 30 நிமிஷங்களுக்கு போக்குவரத்து பாதித்தது.
ஸ்ரீபெரும்புதூரை அடுத்த பென்னலூர் பகுதியில் சென்னை - பெங்களூர் தேசிய நெடுஞ்சாலையில் உள்ள சுங்கச் சாவடியில் திங்கள்கிழமை மதியம் 12 மணியளவில் கடுமையான போக்குவரத்து நெரிசல் ஏற்பட்டது. இந்த நிலையில் ஆரணியில் இருந்து சென்னை நோக்கி வந்த அரசுப் பேருந்து (தடம் எண்: 202) போக்குவரத்து நெரிசலில் சிக்கியது. 
இதையடுத்து பேருந்து ஓட்டுநர் தொடர்ந்து ஹாரன் அடித்துள்ளார். இதனால் ஆத்திரம் அடைந்த சுங்கச் சாவடி ஊழியர்கள், பேருந்து ஓட்டுநரிடம் வாக்குவாதத்தில் ஈடுபட்டுள்ளனர். இதற்கு எதிர்ப்பு தெரிவித்து சுங்கச்சாவடியை கடந்து செல்ல நின்று கொண்டிருந்த அரசுப் பேருந்து ஓட்டுநர்கள் மற்றும் நடத்துனர்கள் ஒன்று கூடி சுங்கச்சாவடி ஊழியர்களுக்கு எதிர்ப்பு தெரிவித்தனர். 
இதனால் சுங்கச்சாவடி ஊழியர்களும் வாகனங்களுக்கு வரி வசூலிக்காமல் போக்குவரத்து ஊழியர்களிடம் வாக்குவாதத்தில் ஈடுபட்டனர். 
இதையடுத்து அப்பகுதியில் பாதுகாப்பு பணியில் ஈடுபட்டிருந்த போலீஸார் இருதரப்பினரிடையே பேச்சுவார்த்தை நடத்தி கலைந்து போகச் செய்தனர். இப்பிரச்னையால், சென்னை - பெங்களூர் தேசிய நெடுஞ்சாலையில் சுமார் 30 நிமிஷங்களுக்கு போக்குவரத்து பாதிக்கப்பட்டது.


 

]]>
http://images.dinamani.com/uploads/user/imagelibrary/2018/12/4/w600X390/police.JPG சுங்கச்சாவடி ஊழியர்களுடன்  வாக்குவாதத்தில்  ஈடுபட்ட போக்குவரத்து  ஊழியர்களிடம் பேச்சுவார்த்தையில் ஈடுபட்ட போலீஸார்.  http://www.dinamani.com/all-editions/edition-chennai/kanchipuram/2018/dec/04/போக்குவரத்து-ஊழியர்கள்-சுங்கச்சாவடி-ஊழியர்கள்-தகராறு--போக்குவரத்து-பாதிப்பு-3051112.html
3051111 சென்னை காஞ்சிபுரம் சர்வதேச இயற்கை வேளாண்மை பயிற்சி முகாம் தொடக்கம் DIN DIN Tuesday, December 4, 2018 04:35 AM +0530
ஸ்ரீபெரும்புதூர் ராஜீவ்காந்தி தேசிய இளைஞர் மேம்பாட்டு மையத்தில் பல்வேறு நாடுகளின் ஊரக வளர்ச்சித் துறை மற்றும் வேளாண்மைத் துறை அதிகாரிகள் கலந்துகொண்ட 5 நாள் சர்வதேச இயற்கை வேளாண்மை பயிற்சி முகாம் திங்கள்கிழமை தொடங்கியது. 
ஸ்ரீபெரும்புதூர் பகுதியில் இயங்கி வரும் ராஜீவ்காந்தி தேசிய இளைஞர் மேம்பாட்டு மையம், ஆசிய பசிபிக் பிராந்திய ஊரக வளர்ச்சி நிறுவனம் மற்றும் ஆசிய உற்பத்தி கழகம் ஆகிய அமைப்புகள் இணைந்து நடத்தும் சர்வதேச இயற்கை வேளாண்மை பயிற்சி முகாம் திங்கள்கிழமை தொடங்கியது. 
ஐந்து நாள்கள் நடைபெறும் இந்த பயிற்சி முகாமில், ஆசிய பசிபிக் பிராந்திய நாடுகளான இந்தியா, வங்க தேசம், கம்போடியா, தைவான், பிஜு, இந்தோனேசியா, ஈரான், மலேசியா, மங்கோலியா, கொழும்பு, நேபாளம், பிலிப்பைன்ஸ் உள்ளிட்ட நாடுகளை சேர்ந்த ஊரக வளர்ச்சித்துறை மற்றும் வேளாண்மைத்துறை அதிகாரிகள் 23 பேர் கலந்துகொண்டனர்.
கூட்டத்தில் கலந்துகொண்டவர்களுக்கு இயற்கை முறை விவசாயம், நீடித்த விவசாய முறைகள், வெற்றிகரமான வேளாண் உற்பத்தி, உடல் ஆரோக்கியம், சமச்சீர் உணவு முறைகள், இயற்கை வேளாண் புரட்சி போன்ற பயிற்சிகள் அளிக்கப்படுகின்றன. 
பயிற்சி முகாமின் தொடக்க நிகழ்ச்சிக்கு ராஜீவ்காந்தி தேசிய இளைஞர் மேம்பாட்டு மையத்தின் பதிவாளர் பேராசிரியர் சந்திரமோகன் தலைமை வகித்தார். நபார்டு வங்கியின் தலைமைப் பொது மேலாளர் பத்மரகுநந்தன் சிறப்பு அழைப்பாளராக கலந்துகொண்டு, இந்திய கிராமப்புற விவசாயம், மகளிர் மேம்பாடு, சிறு வணிகம், சிறு சேமிப்பு, சுய உதவிக்குழுக்கள் ஆகியவற்றுக்கு நபார்டு வங்கி செய்து வரும் பணிகள் குறித்து விளக்கினார்.


 

]]>
http://images.dinamani.com/uploads/user/imagelibrary/2018/12/4/w600X390/camp.JPG  முகாமில்  பேசிய  நபார்டு  வங்கியின் தலைமைப்  பொது மேலாளர்  பத்மா ரகுநந்தன். http://www.dinamani.com/all-editions/edition-chennai/kanchipuram/2018/dec/04/சர்வதேச-இயற்கை-வேளாண்மை-பயிற்சி-முகாம்-தொடக்கம்-3051111.html
3051110 சென்னை காஞ்சிபுரம் 10 ஆண்டுகளாக மின் வசதியின்றி அவதி: கிராமத்தினர் ஆட்சியரிடம் மனு DIN DIN Tuesday, December 4, 2018 04:35 AM +0530 கடந்த 10 ஆண்டுகளாக மின் வசதியின்றி அவதியுறும் கிராமத்தினர் திங்கள்கிழமை ஆட்சியரிடம் மனு அளித்தனர்.
அம்மனுவில் கூறியிருப்பதாவது: காஞ்சிபுரம் மாவட்டம், செய்யூர் வட்டம், சிவாடி கிராம மேய்க்கால் புறம்போக்கு நிலத்தில் கடந்த 10 ஆண்டுகளாக சுமார் 100 குடும்பத்துக்கு மேல் வசித்து வருகிறார்கள். இப்பகுதியில் சிமென்ட் சாலை, மேல்நிலை நீர்த்தேக்கத்தொட்டி, தெரு மின் விளக்கு உள்ளிட்ட அடிப்படை வசதிகளை தமிழக அரசு செய்து கொடுத்துள்ளது. ஆனால், குறிப்பிட்ட 13 குடிசைகளுக்கு மட்டும் இதுவரை மின் வசதி செய்து தரவில்லை.இதன்காரணமாக, மண்ணெண்ணெய் விளக்கு, மெழுகுவர்த்தியை இதுவரை பயன்படுத்தி வருகிறோம். இதனால்,எங்கள் குடிசைப்பகுதி அண்மையில் தீ விபத்துக்குள்ளாகி முற்றிலும் எரிந்து சாம்பாலாகிவிட்டது. இதையடுத்து, தற்காலிகமாக கூடாரம் அமைத்து குழந்தைகளுடன் வசித்து வருகிறோம். மின்இணைப்புத்தர பல முறை உரிய அலுவலர்களிடம் மனு அளித்தும், எவ்வித நடவடிக்கையும் எடுக்கவில்லை. 
எனவே, விரைந்து எங்கள் பகுதியில் விடுபட்ட குடிசைப்பகுதியினருக்கு மின்இணைப்பு வழங்க ஆட்சியர் நடவடிக்கை எடுக்கவேண்டும் என அதில் தெரிவிக்கப்பட்டுள்ளது. 
 

]]>
http://www.dinamani.com/all-editions/edition-chennai/kanchipuram/2018/dec/04/10-ஆண்டுகளாக-மின்-வசதியின்றி-அவதி-கிராமத்தினர்-ஆட்சியரிடம்-மனு-3051110.html
3051109 சென்னை காஞ்சிபுரம் நிவாரணம் கோரி விவசாயி குடும்பத்தினர் மனு DIN DIN Tuesday, December 4, 2018 04:35 AM +0530
புயல் மழையில் மின்சாரம் தாக்கி கணவர் இறந்ததால் நிவாரணத்தொகை வேண்டி குடும்பத்தினர் ஆட்சியரிடம் மனு அளித்தனர்.
இதுகுறித்து அம்மனுவில் கூறியிருப்பதாவது: காஞ்சிபுரம் மாவட்டம், விஷார் கிராமத்தைச் சேர்ந்தவர் விவசாயி அன்பரசு. இவர் கடந்த நவம்பர் 17 -ஆம் தேதி பெய்த கன மழையின் போது, வயல்வெளிக்கு நீர் பாய்ச்ச வீட்டிலிருந்து அதிகாலையில் புறப்பட்டார். அப்போது, அவரது வீட்டின் அருகே இருந்த மின்கம்பத்தில் மின்கசிவு ஏற்பட்டு, இரும்பு கதவில் பாய்ந்திருந்தது. இதை அறியாமல் வீட்டின் கதவை திறந்த போது மின்சாரம் பாய்ந்து உயிரிழந்ததாகக் கூறப்படுகிறது. இதனால் திலீப்தரன், கமலேஷ் என்ற இரு மகன்களின் தொடர் கல்வி ஏழ்மை காரணமாக பாதிக்கப்பட்டுள்ளது. எனவே, ஆட்சியரின் நிவாரண நிதியிலிருந்து உதவி வேண்டும் என விவசாயி அன்பரசின் மனைவி, 
தனது இரு குழந்தைகளுடன் ஆட்சியரை சந்தித்து மனு அளித்தார்.
 

]]>
http://www.dinamani.com/all-editions/edition-chennai/kanchipuram/2018/dec/04/நிவாரணம்-கோரி-விவசாயி-குடும்பத்தினர்-மனு-3051109.html
3051102 சென்னை காஞ்சிபுரம் முன்விரோதத்தில் இளைஞர் கொலை: 6 பேர் கைது DIN DIN Tuesday, December 4, 2018 03:01 AM +0530
செங்கல்பட்டு அருகே முன்விரோதம் காரணமாக இளைஞர் கொலை செய்யப்பட்ட வழக்கில் 6 பேர் திங்கள்கிழமை கைது செய்யப்பட்டனர்.
இதுகுறித்து போலீஸார் கூறியது: ஊரப்பாக்கம் ஜிஎஸ்டி சாலையோரத்தில் நிறுத்தப்பட்டிருந்த காரிலிருந்து ரத்தம் வழிவதைக் கண்ட பொதுமக்கள் கூடுவாஞ்சேரி காவல் நிலையத்துக்கு தகவல் அளித்தனர். அதைத் தொடர்ந்து போலீஸார் சம்பவ இடத்துக்குச் சென்று காரை சோதனையிட்டனர். 
இந்நிலையில், செங்கல்பட்டை அடுத்த படாளம் பகுதியில் இருந்து இளைஞர் ஒருவர் காரில் கடத்திச் செல்லப்பட்டது தெரியவந்தது. இதைத் தொடர்ந்து, அனைத்துக் காவல் நிலையங்களுக்கும் காஞ்சிபுரம் மாவட்டக் காவல் கண்காணிப்பாளர் சந்தோஷ் ஹதிமானி உஷார்படுத்தி, வாகனச் சோதனைக்கு உத்தரவிட்டார்.
இதற்கிடையே காரில் கடத்தப்பட்டவரின் சடலம் வேறு எங்கேனும் வீசப்பட்டுள்ளதா என்ற ரீதியில் டிஎஸ்பி வளவன், கூடுவாஞ்சேரி காவல் ஆய்வாளர் சிவகுமார் உள்ளிட்ட போலீஸார் தேடுதல் வேட்டை நடத்தினர். இதில் ஊரப்பாக்கம் வி.ஜி. திடலில் முகம் சிதைக்கப்பட்ட நிலையில் கிடந்த சடலம் மீட்கப்பட்டு, செங்கல்பட்டு அரசு மருத்துவமனைக்கு அனுப்பப்பட்டது.
போலீஸாரின் விசாரணையில், கொலையுண்டவர் நந்திவரம் நந்தீஸ்வரர் காலனியைச் சேர்ந்த ஸ்ரீதர் (39) என்பதும், அவர் மீது ஊரப்பாக்கம் முன்னாள் ஊராட்சித் தலைவர் ஊக்கப்பெருமாளை 2014-இல் கொலை செய்த வழக்கு உள்ளிட்ட பல்வேறு குற்ற வழக்குகள் இருப்பது தெரியவந்தது. இதையடுத்து இக்கொலை முன்விரோதம் காரணமாக நடந்திருக்கலாம் என்ற சந்தேகம் போலீஸாருக்கு எழுந்தது.
போலீஸார் நடத்திய வாகனச் சோதனைக்கு இடையே, செங்கல்பட்டு பரனூர் சுங்கச் சாவடி அருகே பேருந்துக்காக காத்திருந்த 6 பேர் சந்தேகத்தின் பேரில், செங்கல்பட்டு கிராமிய போலீஸார் விசாரித்தனர். அதைத் தொடர்ந்து, தனிப்படை போலீஸார் 
அந்த நபர்களை விசாரித்தபோது, கொலையுண்ட முன்னாள் ஊராட்சித் தலைவர் ஊக்கப்பெருமாளின் தம்பி மகன்கள் கார்த்திக் (32), கிருபா (எ) கிருபாகரன் (25), அவர்களின் நண்பர்கள் ஊரப்பாக்கம் வினோத் (28), ரத்தினமங்களத்தைச் சேர்ந்த எலி (எ) மோகன் (28), துலுக்காணம் (27), ஜீவா (22) என்பது தெரியவந்தது. இவர்கள் ஸ்ரீதரை கொலை செய்ததை ஒப்புக் கொண்டதை அடுத்து போலீஸார் கைது செய்தனர்.
ஸ்ரீதர் கொலை தொடர்பாக அவர்களிடம் நடத்திய முதல் கட்ட விசாரணையில், ஸ்ரீதரின் நடவடிக்கைகளை இவர்கள் தொடர்ந்து கண்காணித்து வந்ததும், அவர் மாமண்டூரில் உள்ள நண்பர் வீட்டில் தங்கியிருந்த நிலையில், ஞாயிற்றுக்கிழமை இரவு காரில் அவரை கடத்தி ஊரப்பாக்கத்தில் ஆள் நடமாட்டம் இல்லாத இடத்தில், காரிலேயே கொலை செய்து, சடலத்தை தனியார் மைதானத்தில் வீசியதும், திங்கள்கிழமை செங்கல்பட்டு சுங்கச் சாவடி அருகே பேருந்தில் ஏறி வெளியூர் தப்பிச் செல்ல முயன்றதும் தெரியவந்தது. ஸ்ரீதர் மாண்டூரில் கடத்தப்பட்டதால் செங்கல்பட்டு கிராமிய காவல் நிலையத்தில் வழக்குப் பதிந்து, 6 பேரும் கைது செய்யப்பட்டு நீதிமன்ற காவலுக்கு அனுப்பி வைக்கப்பட்டனர்.

]]>
http://www.dinamani.com/all-editions/edition-chennai/kanchipuram/2018/dec/04/முன்விரோதத்தில்-இளைஞர்-கொலை-6-பேர்-கைது-3051102.html
3051101 சென்னை காஞ்சிபுரம் லாரி மோதி காவல் உதவி ஆய்வாளர் சாவு DIN DIN Tuesday, December 4, 2018 03:01 AM +0530
படப்பை அருகே இருசக்கர வாகனம் மீது லாரி மோதியதில் பெண் உதவி ஆய்வாளர் உயிரிழந்தார்.
மேற்கு தாம்பரம் கன்னடப்பாளையம் பகுதியை சேர்ந்தவர் விஜயகுமார். இவர் தனியார் கட்டுமான நிறுவனத்தில் பணியாற்றி வருகிறார். இவரது மனைவி மாங்குயில்(32). இவர் கிண்டியில் உள்ள சென்னை பொருளாதார குற்றப்பிரிவில் உதவி ஆய்வாளராகப் பணியாற்றி வந்துள்ளார். 
இந்த நிலையில், திங்கள்கிழமை மாங்குயில் தனது இருசக்கர வாகனத்தில் ஒரகடம் நோக்கி வண்டலூர்-வாலாஜாபாத் சாலையில் சென்று கொண்டிருந்தபோது, பின்னால் வந்த டிப்பர் லாரி மோதியது. இதில் பலத்த காயம் அடைந்த மாங்குயில் சம்பவ இடத்திலேயே உயிரிழந்தார். மணிமங்கலம் போலீஸார் வழக்குப் பதிவு செய்து விசாரித்து வருகின்றனர்.
 

]]>
http://images.dinamani.com/uploads/user/imagelibrary/2018/12/4/w600X390/police3.jpg http://www.dinamani.com/all-editions/edition-chennai/kanchipuram/2018/dec/04/லாரி-மோதி-காவல்-உதவி-ஆய்வாளர்-சாவு-3051101.html
3051100 சென்னை காஞ்சிபுரம் பணத்துக்காக பொய் தகவல் அளித்த இளைஞர் கைது DIN DIN Tuesday, December 4, 2018 03:00 AM +0530
மதுராந்தகத்தை அடுத்த அணைக்கட்டு பகுதியில் நரிக்குறவர் இனத்தைச் சேர்ந்த 3 வயது பெண் குழந்தையைக் கடத்தி சுமார் 3 மாதங்களாகியும் இதுவரை துப்பு துலங்காத நிலையில், இத்தகவலைப் பயன்படுத்தி பொய்யான தகவல்களை அளித்து பணத்தை பறிக்க முயன்றதாக இளைஞரை திங்கள்கிழமை போலீஸார் கைது செய்தனர். 
உத்தரமேரூர் தாலுக்கா, மானாமதி கிராமத்தைச் சேர்ந்த நரிக்குறவர் இனத்தைச் சேர்ந்த வெங்கேடசன்-காளியம்மாள் தம்பதி. இவர்களின் 3 வயது பெண் குழந்தை ஹரிணி. கடந்த செப்டம்பர் 16-ஆம் தேதி வெங்கடேசன் குடும்பத்தினருடன் பவுஞ்சூர் கிராமத்தில் இரவு தங்கியபோது, நள்ளிரவு நேரத்தில் அக்குழந்தையை யாரோ கடத்திச் சென்றனர். குழந்தை காணாமல் போனதை பற்றி அணைக்கட்டு காவல் நிலையத்தில் புகார் தெரிவிக்கப்பட்டது. 
டிஎஸ்பி மகேந்திரன் 3 தனிப்படை அமைத்து தேட உத்தரவிட்டார். போலீஸாரின் தேடுதல் வேட்டை தீவிரமாக இருந்தாலும் அவர்களால் இதுவரை குழந்தை ஹரிணியைக் கண்டுபிடிக்க முடியவில்லை. இத்தகவலை அறிந்து தேசிய குழந்தைகள் பாதுகாப்பு ஆணைய உறுப்பினர் ஆனந்த் கடந்த 26-ஆம் தேதி அணைக்கட்டு கிராமத்தில் உள்ள காவல் நிலைய அதிகாரிகளிடம் இதுபற்றி ஆய்வு மேற்கொண்டார். 
இந்நிலையில், கரூர் நகரில் செயல்பட்டு வரும் இணைந்த கைகள் என்ற தனியார் தொண்டு நிறுவன முகநூலில் குழந்தை பற்றிய தகவல் மற்றும் குழந்தையின் படத்தை வெளியிட்டு இக்குழந்தையை மீட்டு வருபவர்களுக்கு ரூ. 1 லட்சம் அன்பளிப்பு வழங்கப்படும் என அறிவித்திருந்தனர். இதைக் கண்ட மதுரை மாவட்டம், இஸ்மாயில்புரம் கிராமத்தைச் சேர்ந்த ராஜேஸ்வரன் (24), அந்த தொண்டு நிறுவனத்துக்கு செல்லிடப்பேசியில் தொடர்பு கொண்டு தன்னிடம் அந்த குழந்தை உள்ளது. வந்து அழைத்துச் செல்லுங்கள் என பல இடங்களை சுட்டிக்காட்டி அலைக்கழித்துள்ளார். 
இதனால் சந்தேகம் அடைந்த தொண்டு நிறுவன நிர்வாகிகள் தேசிய குழந்தைகள் உரிமை பாதுகாப்பு ஆணையத்துக்கும், அணைக்கட்டு காவல் நிலையத்துக்கும் தகவல் தெரிவித்தனர். 
அதன்படி, செல்லிடப்பேசியில் தொடர்புகொண்ட ராஜேஸ்வரன் இருக்குமிடத்தை அறிந்து, அணைக்கட்டு காவல் தனிப்படை போலீஸார் மதுரைக்குச் சென்று பொய்யான தகவல்களை அளித்து பணத்தை பறிக்கும் நோக்கத்துடன் செயல்பட்ட அந்த இளைஞரை சனிக்கிழமை நள்ளிரவு கைது செய்து அணைக்கட்டு காவல் நிலையத்துக்கு அழைத்து வந்து விசாரித்தனர். 
அப்போது பணத்துக்காக இந்த தவறான வேலையை செய்ததாக தனது வாக்குமூலத்தில் ஒப்புக் கொண்டதால் திங்கள்கிழமை அவர் நீதிமன்றக் காவலுக்கு அனுப்பி வைக்கப்பட்டார்.
 

]]>
http://www.dinamani.com/all-editions/edition-chennai/kanchipuram/2018/dec/04/பணத்துக்காக-பொய்-தகவல்-அளித்த-இளைஞர்-கைது-3051100.html