Dinamani - சென்னை - http://www.dinamani.com/all-editions/edition-chennai/chennai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042554 சென்னை சென்னை இன்று தனியார் பள்ளிகள், கல்லூரிகள் செயல்படக் கூடாது: ஆட்சியர் எச்சரிக்கை DIN DIN Wednesday, November 21, 2018 06:25 AM +0530
மீலாது நபியையொட்டி, புதன்கிழமை (நவ. 21) அரசு விடுமுறை என்பதாலும் கன மழைக்கு வாய்ப்புள்ளதாலும் சென்னை மாவட்டத்துக்கு உள்பட்ட தனியார் பள்ளிகள், கல்லூரிகள் செயல்படக் கூடாது என ஆட்சியர் அ.சண்முகசுந்தரம் எச்சரித்துள்ளார்.
இதுகுறித்து அவர் செவ்வாய்க்கிழமை வெளியிட்ட செய்திக் குறிப்பு:
மீலாது நபியையொட்டி, புதன்கிழமை (நவ.21) அரசு விடுமுறை என்றாலும், சென்னை மாவட்டத்துக்கு உள்பட்ட பகுதிகளில் இயங்கும் சில தனியார் பள்ளி, கல்லூரிகள் செயல்பட உள்ளதாகத் தகவல் வந்துள்ளது. மேலும், காற்றழுத்தத் தாழ்வுப் பகுதி காரணமாக சென்னையில் கன மழைக்கு வாய்ப்புள்ளதால், சென்னை மாவட்டத்துக்கு உள்பட்ட தனியார் பள்ளிகள், கல்லூரிகள் செயல்படக் கூடாது.

]]>
http://www.dinamani.com/all-editions/edition-chennai/chennai/2018/nov/21/இன்று-தனியார்-பள்ளிகள்-கல்லூரிகள்-செயல்படக்-கூடாது-ஆட்சியர்-எச்சரிக்கை-3042554.html
3042556 சென்னை சென்னை காமராஜர் துறைமுகத்தில் எண்ணெய் படலத்தை அகற்றும் பணி நிறைவு: இன்று இறுதி ஆய்வு DIN DIN Wednesday, November 21, 2018 05:13 AM +0530
எண்ணூர் காமராஜர் துறைமுகத்தில் கப்பலிலிருந்து குழாய்கள் மூலம் பர்னஸ் ஆயிலை அகற்றும்போது ஏற்பட்ட எண்ணெய்க் கசிவை அகற்றும் பணி செவ்வாய்க்கிழமை நிறைவடைந்தது. அதைத் தொடர்ந்து இறுதிக்கட்டமாக புதன்கிழமை ஆய்வு நடத்தப்படவுள்ளது.
எண்ணூர் காமராஜர் துறைமுகத்தில் எண்ணூர் டேங்க் டெர்மினல் லிமிடெட் என்ற தனியார் கடல்சார் திரவ முனையத்துக்கு கடந்த சனிக்கிழமை இரவு எம்.டி. கோரல் ஸ்டார்ஸ் என்ற கப்பல் வந்தடைந்தது. பின்னர் கப்பலில் இருந்த பர்னஸ் ஆயிலை இறக்கும் பணியில் ஈடுபட்டபோது முனையத்துக்கும், கப்பலுக்கும் இடையே இருந்த இணைப்புக் குழாயிலிருந்து எண்ணெய்க் கசிவு ஏற்பட்டது. சுமார் 2 டன் அளவுக்கு பர்னஸ் எண்ணெய் கடல் நீரில் பரவியதை அடுத்து கடந்த மூன்று நாள்களாக எண்ணெய்க் கசிவை அகற்றும் பணி நடைபெற்றது.
மேலும் கடலோரக் காவல் படையின் சிறப்புக் கப்பலான சமுத்ரா பகரேதார் விசாகப்பட்டினத்திலிருந்து வரவழைக்கப்பட்டு கடந்த இரு நாள்களாக இப்பணியில் ஈடுபடுத்தப்பட்டது. இந்நிலையில் செவ்வாய்க்கிழமை எண்ணெய்க் கசிவை அகற்றும் பணி நிறைவு பெற்றதாக கடலோரக் காவல்படை சார்பில் தெரிவிக்கப்பட்டது.
இன்று ஆய்வுக் கூட்டம்: இதுகுறித்து காமராஜர் துறைமுகத் தலைவர் பி.ரவீந்திரன் கூறியது:
கடந்த மூன்று நாள்களாக மேற்கொள்ளப்பட்ட பல்வேறு முயற்சிகளால் எண்ணெய்க் கசிவு முற்றிலும் அகற்றப்பட்டுள்ளது. சமுத்ரா பகரேதார் கப்பல் மூலம் முற்றிலும் எண்ணெய்க் கசிவு அகற்றம் செய்யப்பட்டுள்ளது. இருப்பினும் புதன்கிழமை நடைபெறும் சிறப்பு ஆய்வுக் கூட்டத்தை அடுத்து முறைப்படி அறிவிக்கப்படும். இக்கூட்டத்தில் துறைமுகம், கடலோரக் காவல்படை, கப்பல் நிறுவனம், தமிழ்நாடு மாசுக் கட்டுப்பாட்டு வாரியம், கப்பல் போக்குவரத்து இயக்குநரகம், பாரத் பெட்ரோலியம் ஆகியவற்றின் முக்கிய அதிகாரிகள் பங்கேற்கின்றனர்.
செலவினம் வசூலிக்க நடவடிக்கை: எண்ணெய்க் கசிவு சம்பவம் குறித்து கடலோரக் காவல்படை, மாசுக் கட்டுப்பாட்டு வாரியம் சார்பில் கப்பல் நிறுவனத்துக்கு நோட்டீஸ் கொடுக்கப்பட்டுள்ளது. இதில் எண்ணெய்க் கசிவை அகற்றும் பணிக்கான அனைத்து செலவினங்களும் கப்பல் நிறுவனத்திடமிருந்து வசூலிக்க நடவடிக்கை எடுக்கப்படும். அதன் பின்னரே கப்பலை விடுவிப்பது குறித்து கப்பல் போக்குவரத்துத் துறை இயக்குநரகம் முடிவு செய்யும் என்றார் ரவீந்திரன்.
புதன்கிழமை நடைபெறும் கூட்டத்தில் இறுதி முடிவு எடுக்கப்பட்ட பிறகே சிறப்புக் கப்பல் சமுத்ரா பகரேதார் இருப்பிடம் திரும்பும் எனத் தெரிகிறது. 

 

]]>
http://images.dinamani.com/uploads/user/imagelibrary/2018/11/21/w600X390/ship.jpg துறைமுகத்தில் ஏற்பட்டுள்ள எண்ணெய்க் கசிவை அகற்றும் பணியில் செவ்வாய்க்கிழமை ஈடுபட்ட கடலோரக் காவல் படை மாசுக் கட்டுப்பாடு சிறப்புக் கப்பல் சமுத்ரா பகரேதார். http://www.dinamani.com/all-editions/edition-chennai/chennai/2018/nov/21/காமராஜர்-துறைமுகத்தில்-எண்ணெய்-படலத்தை-அகற்றும்-பணி-நிறைவு-இன்று-இறுதி-ஆய்வு-3042556.html
3042555 சென்னை சென்னை ராயப்பேட்டை பள்ளியில் சூரிய ஒளி மின்னுற்பத்தி DIN DIN Wednesday, November 21, 2018 05:11 AM +0530
பெருநகர சென்னை மாநகராட்சியின் ராயபுரம் மண்டலத்தில் ரூ.3.74 லட்சம் மதிப்பில் நிறுவப்பட்டுள்ள 5 கிலோ வாட் சூரியஒளி மின்உற்பத்தி தயாரிப்பு திட்டத்தை மாநகராட்சி ஆணையர் தா.கார்த்திகேயன் செவ்வாய்க்கிழமை பார்வையிட்டார்.
பெருநகர சென்னை மாநகராட்சிக்குட்பட்ட அலுவலக கட்டடங்கள், பள்ளிகள், மருத்துவமனைகள் உள்ளிட்ட 662 கட்டடங்களில் பொலிவுறு நகர் திட்டத்தின்கீழ் சூரிய ஒளி (சோலார்) மூலம் 3.064 மெகாவாட் திறன் மின்சாரம் உற்பத்தி செய்யும் திட்டப் பணிகள் நடைபெறுகின்றன. 
இதன் முதற்கட்டமாக ராயபுரம் மண்டலத்துக்கு உள்பட்ட வார்டு-53 படவேட்டமன் கோயில் தெருவில் உள்ள சென்னை நடுநிலைப் பள்ளியில் ரூ.3.74 லட்சம் மதிப்பில் சூரிய ஒளி மூலம் 5 கிலோ வாட் திறன் மின்சாரம் தயாரிக்கும் கட்டமைப்புகள் நிறுவப்பட்டுள்ளன. 
இப்பணியை பெருநகர சென்னை மாநகராட்சி ஆணையர் தா.கார்த்திகேயன் செவ்வாய்க்கிழமை ஆய்வு செய்தார்.
அப்போது, மீதமுள்ள கட்டடங்களிலும் சூரிய ஒளி தகடுகள் பொருத்தும் பணிகளை விரைந்து முடிக்க அதிகாரிகளுக்கு ஆணையர் தா.கார்த்திகேயன் உத்தரவிட்டார். 
இந்த ஆய்வின்போது, துணை ஆணையர் (பணிகள்) எம்.கோவிந்தராவ், துணை ஆணையர்கள் பி.குமாரவேல் பாண்டியன், எஸ்.திவ்யதர்ஷினி உள்ளிட்டோர் உடனிருந்தனர்.

 

]]>
http://images.dinamani.com/uploads/user/imagelibrary/2018/11/21/w600X390/solar.jpg சென்னை நடுநிலைப் பள்ளியில் சூரிய ஒளி மின்சாரம் தயாரிக்கும் திட்டத்தை ஆய்வு செய்த ஆணையர் தா.கார்த்திகேயன். உடன், மாநகராட்சி துணைஆணையர் (பணிகள்) கோவிந்தராவ் http://www.dinamani.com/all-editions/edition-chennai/chennai/2018/nov/21/ராயப்பேட்டை-பள்ளியில்-சூரிய-ஒளி-மின்னுற்பத்தி-3042555.html
3042553 சென்னை சென்னை சென்னையில் கலாசார ஒற்றுமை தினம் DIN DIN Wednesday, November 21, 2018 05:10 AM +0530
தேசிய ஒருமைப்பாடு வாரத்தின் அங்கமாக சென்னை நுங்கம்பாக்கத்தில் உள்ள பத்திரிகை தகவல் அலுவலகத்தில் கலாசார ஒற்றுமை தினமும் மொழி நல்லிணக்க நாளும் செவ்வாய்க்கிழமை கொண்டாடப்பட்டது. 
இந்நிகழ்ச்சியில் திரைப்பட இயக்குநர், கதாசிரியர் மற்றும் நடிகர் அனுமோகன் கலந்து கொண்டு பேசினார். மாலையில் நடைபெற்ற மொழி நல்லிணக்க நாள் கொண்டாட்டத்தில் தடகள வீராங்கனை ஷைனி வில்சன் கலந்து கொண்டார். பத்திரிகை தகவல் அலுவலக கூடுதல் தலைமை இயக்குநர் ஏ. மாரியப்பன், மண்டல மக்கள் தொடர்பு உதவி இயக்குநர் எம். ரவிக்குமார், பத்திரிகை தகவல் அலுவலக துணை இயக்குநர் நதீம் துபைல், ஊடக தகவல் அலுவலர் வி கீதா உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/chennai/2018/nov/21/சென்னையில்-கலாசார-ஒற்றுமை-தினம்-3042553.html
3042552 சென்னை சென்னை மூதாட்டியின் தொண்டையில் அடைத்திருந்த செயற்கைப் பல் அகற்றம் DIN DIN Wednesday, November 21, 2018 05:10 AM +0530
சென்னையைச் சேர்ந்த மூதாட்டியின் தொண்டையில் சிக்கிய செயற்கைப் பல் தொகுப்பை நவீன கருவி மூலம் ராஜீவ்காந்தி அரசு பொது மருத்துவமனை இரைப்பை, குடல் சிகிச்சைப் பிரிவு மருத்துவர்கள் வெற்றிகரமாக அகற்றி உள்ளனர்.
இதுகுறித்து ராஜீவ்காந்தி அரசு பொது மருத்துவமனை முதல்வர் டாக்டர் ஜெயந்தி செய்தியாளர்களிடம் செவ்வாய்க்கிழமை கூறியது:
சென்னை வில்லிவாக்கத்தைச் சேர்ந்த பால் வியாபாரி பட்டு (65), செயற்கைப் பல் தொகுப்பை வைத்திருந்தார். இப்பல் தொகுப்பைக் காணவில்லை. 
சில நாள்களில் பட்டுவால் உணவு உண்ணவும், எச்சில் விழுங்க முடியாத நிலையும் ஏற்பட்டது.
இதைத் தொடர்ந்து, ராஜீவ்காந்தி அரசு பொது மருத்துவமனையின் இரைப்பை, குடல் சிகிச்சைப் பிரிவில் அண்மையில் பட்டு அனுமதிக்கப்பட்டார். 
அங்கு இரைப்பை, குடல் சிகிச்சைப் பிரிவு இயக்குநர் டாக்டர் ஏ.ஆர்.வெங்கடேஸ்வரன், பேராசிரியர் டாக்டர் ராஜ்குமார் ஆகியோர் அவரைப் பரிசோதித்தனர். அதில், அவர் செயற்கைப் பல் தொகுப்பைத் தெரியாமல் விழுங்கியதும், அது வாயில் இருந்து 15 செ.மீ. தூரத்தில் தொண்டையில் 2.5 செ.மீ. அளவுக்கு அடைத்துள்ளதும் தெரியவந்தது.
நவீன கருவி மூலம் அகற்றம்: இதையடுத்து, தமிழக முதல்வரின் விரிவான மருத்துவக் காப்பீட்டுத் திட்டத்தின் மூலம் நவீன கருவி துணை கொண்டு பட்டுவின் தொண்டையில் அடைத்திருந்த செயற்கைப் பல் தொகுப்பு வெளியே எடுக்கப்பட்டது. 
இந்தப் பல் தொகுப்பு சற்று கீழே சென்றிருந்தால் உணவுக் குழாயில் ஓட்டை ஏற்பட்டு மிக ஆபத்தான நிலை ஏற்பட்டிருக்கும். 
இந்த சிகிச்சையை தனியார் மருத்துவமனைகளில் செய்ய ரூ. 50 ஆயிரம் வரை செலவாகும். சிகிச்சைக்குப் பின் பட்டுவால் எச்சில் விழுங்குவதுடன், உணவும் உண்ண முடிகிறது என்றார் டாக்டர் ஜெயந்தி.

 

]]>
http://images.dinamani.com/uploads/user/imagelibrary/2018/11/21/w600X390/doctor.jpg மூதாட்டி பட்டுவுடன் சென்னை ராஜீவ்காந்தி அரசு பொது மருத்துவமனை முதல்வர் டாக்டர் ஜெயந்தி.  http://www.dinamani.com/all-editions/edition-chennai/chennai/2018/nov/21/மூதாட்டியின்-தொண்டையில்-அடைத்திருந்த-செயற்கைப்-பல்-அகற்றம்-3042552.html
3042551 சென்னை சென்னை டி.ஜி.பி. அலுவலக பெண் அதிகாரியிடம் நகை பறிப்பு DIN DIN Wednesday, November 21, 2018 05:09 AM +0530
சென்னையில் டி.ஜி.பி. அலுவலக பெண் அதிகாரி உள்பட 3 பேரிடம் வழிப்பறி செய்யப்பட்டது குறித்து போலீஸார் விசாரணை நடத்தி வருகின்றனர்.
ராயப்பேட்டை பீட்டர்ஸ் சாலைப் பகுதியைச் சேர்ந்தவர் சுரேஷ். இவர் ரயில்வேயில் ஊழியராக வேலை செய்து வருகிறார். சுரேஷின் மனைவி தேவி புவனேஸ்வரி. இவர் டிஜிபி அலுவலகத்தில் நிர்வாகப் பிரிவு அதிகாரியாக பணியாற்றி வருகிறார். 
சுரேஷும், தேவியும் மோட்டார் சைக்கிளில் பொழிச்சலூரில் வசிக்கும் உறவினரை பார்க்க திங்கள்கிழமை புறப்பட்டுச் சென்றனர். பின்னர் அங்கிருந்து வீட்டுக்கு இருவரும் இரவு திரும்பிக் கொண்டிருந்தனர். 
அவர்கள், மீனம்பாக்கம் மேம்பாலத்தில் செல்லும்போது, அங்கு மோட்டார் சைக்கிளில் வந்த இருவர், பின் இருக்கையில் அமர்ந்திருந்த தேவி கழுத்தில் கிடந்த 9 பவுன் தங்கச் சங்கிலியை பறித்துச் சென்றனர். 
அத்துடன் அந்த நபர்கள் இடித்து தள்ளியதில், சுரேஷும், தேவியும் மோட்டார் சைக்கிளில் இருந்து கீழே விழுந்து பலத்த காயமடைந்தனர். இதையடுத்து அவர்கள் மீட்கப்பட்டு, அருகே உள்ள ஒரு தனியார் மருத்துவமனையில் அனுமதிக்கப்பட்டனர்.
பல்லாவரம்: கோவிலம்பாக்கம் சத்யாநகர் 9ஆவது தெருவைச் சேர்ந்த மகேஷின் மகள் சீதா (22). இவர் தனது தாயார் மஞ்சுளாவுடன் (40) மொபெட்டில் குரோம்பேட்டை 200 அடி ரேடியல் சாலையில் திங்கள்கிழமை இரவு சென்றார். 
அப்போது மோட்டார் சைக்கிளில் வந்த இருவர், சீதாவின் கழுத்தில் கிடந்த 4 பவுன் தங்கச் சங்கிலியை பறித்துச் சென்றனர்.இதுகுறித்து பல்லாவரம் போலீஸார் வழக்குப் பதிந்து விசாரணை நடத்தி வருகின்றனர்.
சித்தாலப்பாக்கம்: பம்மல் எல்.ஐ.சி.காலனி 5ஆவது குறுக்குத் தெருவைச் சேர்ந்தவர் ராஜன் (46). இவரது மனைவி மகாலட்சுமி (42). இருவரும் மோட்டார் சைக்கிளில் 200 அடி ரேடியல் சாலையில், ஜமீன் ராயப்பேட்டை பெரிய ஏரி அருகே திங்கள்கிழமை இரவு சென்று கொண்டிருந்தனர்.
அப்போது அங்கு மோட்டார் சைக்கிளில் வந்த மர்ம நபர்கள், மகாலட்சுமி கழுத்தில் கிடந்த 15 பவுன் தங்கச் சங்கிலியை பறித்துச் சென்றனர்.
இச்சம்பவத்தில் மர்ம நபர்கள் இடித்து தள்ளியதில், மகாலட்சுமியும், ராஜனும் சாலையில் விழுந்து பலத்த காயமடைந்தனர். 
இதைப் பார்த்த அப்பகுதி மக்கள், இருவரையும் மீட்டு அங்குள்ள ஒரு தனியார் மருத்துவமனையில் சேர்த்தனர். இதுகுறித்து சித்தாலப்பாக்கம் போலீஸார் வழக்குப் பதிவு செய்து, விசாரணை நடத்தி வருகின்றனர்.
3 சம்பவங்களிலும் ஒரே நபர்களே ஈடுபட்டிருக்க வேண்டும் என்று போலீஸார் சந்தேகிக்கின்றனர். இதுதொடர்பாக அந்தப் பகுதியில் உள்ள கண்காணிப்பு கேமராக்களில் பதிவாகியிருக்கும் காட்சிகளை போலீஸார் ஆய்வு செய்து வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/21/டிஜிபி-அலுவலக-பெண்-அதிகாரியிடம்-நகை-பறிப்பு-3042551.html
3042550 சென்னை சென்னை 29இல் அம்பத்தூரில் இலவச நகை மதிப்பீட்டாளர் பயிற்சி DIN DIN Wednesday, November 21, 2018 05:09 AM +0530
தமிழக அரசு, தமிழ்நாடு திறன் மேம்பாட்டுக் கழகம், மங்கள்யான் தொழில் நுட்பத் தொழிலாளர்கள் கூட்டுறவு சங்கம் ஆகியன இணைந்து சென்னை, அம்பத்தூர் மகாகவி பாரதியார் நகர், சரஸ்வதி வித்யாலயா பள்ளியில் வரும் 29ஆம் தேதி இலவசமாக நகை மதிப்பீட்டாளர் பயிற்சி அளிக்கவுள்ளன.
வரும் 29ஆம் தேதி காலை 10 மணியளவில் சென்னை, அம்பத்தூர் மகாகவி பாரதியார் நகர், சரஸ்வதி வித்யாலயா பள்ளியில் தமிழக அரசின் இலவச திறன் மேம்பாட்டுப் பயிற்சிகளான நகை மதிப்பீட்டாளர் பயிற்சி, ஜி.எஸ்.டி., ஏற்றுமதி இறக்குமதி பயிற்சியுடன் கூடிய விநியோகம் மற்றும் லாஜிஸ்டிக்ஸ் மேனேஜ்மென்ட் பயிற்சிகள் நடத்தப்படவுள்ளன. இப்பயிற்சிகளுக்கு முன்பதிவு செய்தவர்கள் பங்கேற்கலாம். 10ஆம் வகுப்பு, பிளஸ் 2 மற்றும் மேற்படிப்பு படித்த வேலையில்லா ஆண், பெண் இருபாலரும் கலந்து கொள்ளலாம். பயிற்சியாளர்களுக்குப் பயிற்சிக்கு வந்து செல்வதற்கான போக்குவரத்துச் செலவையும் தமிழக அரசு வழங்குகிறது. விண்ணப்பம் மற்றும் மேலும் விவரங்களுக்கு தொடர்பு கொள்ள வேண்டிய செல்லிடப்பேசி எண்கள். 98690 41169, 72999 55904, 72999 55906.
 

]]>
http://www.dinamani.com/all-editions/edition-chennai/chennai/2018/nov/21/29இல்-அம்பத்தூரில்-இலவச-நகை-மதிப்பீட்டாளர்-பயிற்சி-3042550.html
3042549 சென்னை சென்னை இசையமைப்பாளர் மனைவிக்கு கொலை மிரட்டல்: கார் ஓட்டுநர் கைது DIN DIN Wednesday, November 21, 2018 05:09 AM +0530
சென்னை அருகே நீலாங்கரையில் பிரபல இசையமைப்பாளர் மனைவிக்கு கொலை மிரட்டல் விடுத்ததாக கார் ஓட்டுநர் கைது செய்யப்பட்டார்.
நீலாங்கரை அருகே உள்ள பாலவாக்கம் விஜிபி லேஅவுட் பகுதியில் திரைப்பட இசையமைப்பாளர் ஜேம்ஸ் வசந்தன், தனது குடும்பத்துடன் வசித்து வருகிறார். அவரது மனைவி ஹேமலதா (44) அதே பகுதியைச் சேர்ந்த கால் டாக்ஸி ஓட்டுநர் அந்தோனி ஜான் (32) என்பவரிடம் சில மாதங்களுக்கு முன்பு ரூ.3 லட்சம் கடன் வாங்கியிருந்தாராம். இந்த பணத்தை ஹேமலதா, உடனடியாக திருப்பிக் கொடுத்ததாகக் கூறப்படுகிறது. 
இந்நிலையில் அந்தோனி ஜான் செவ்வாய்க்கிழமை ஜேம்ஸ் வசந்தன் வீட்டுக்கு வந்துள்ளார். அங்கு அவர், ஹேமலதாவிடம் தனக்கு தர வேண்டிய பணத்தை முழுமையாக தரவில்லை எனக்கூறி தகராறு செய்தாராம். மேலும் அவர் மிகவும் அவதூறாகத் திட்டி, கொலை மிரட்டல் விடுத்ததாகக் கூறப்படுகிறது. இதையடுத்து ஹேமலதா, நீலாங்கரை காவல் நிலையத்தில் ஜான் மீது புகார் செய்தார். 
அதன்பேரில் ஜான் மீது வன்கொடுமை தடுப்புச் சட்டம் உள்ளிட்ட 5 கடுமையான சட்டப்பிரிவுகளின் கீழ் வழக்குப் பதிவு செய்தனர். இதையடுத்து உடனடியாக அந்தோனி ஜானை கைது செய்தனர்.
 

]]>
http://www.dinamani.com/all-editions/edition-chennai/chennai/2018/nov/21/இசையமைப்பாளர்-மனைவிக்கு-கொலை-மிரட்டல்-கார்-ஓட்டுநர்-கைது-3042549.html
3042548 சென்னை சென்னை காவலர்களிடமிருந்து தப்பியோடிய கைதி மீண்டும் கைது DIN DIN Wednesday, November 21, 2018 05:09 AM +0530
சென்னையில் காவலர்களிடமிருந்து தப்பியோடிய கைதி மீண்டும் கைது செய்யப்பட்டார்.
காசிமேடு சிங்காரவேலன் நகரைச் சேர்ந்த பாபு (எ) பல்சர்பாபு (39) மீது பல்வேறு வழக்குகள் உள்ளன. அவர் குண்டர் தடுப்புச் சட்டத்தின் கீழ் கைது செய்யப்பட்டு, புழல் மத்திய சிறையில் அடைக்கப்பட்டிருந்தார். உடல்நலம் பாதிக்கப்பட்டதால், ஸ்டான்லி அரசு மருத்துவமனையில் கடந்த மாதம் அவர் அனுமதிக்கப்பட்டார். 
கடந்த மாதம் 14ஆம் தேதி காவலர்கள் கவனக்குறைவாக இருந்தபோது பாபு தப்பியோடினார். 
ரகசியத் தகவலையடுத்து பெருங்களத்தூரில் பதுங்கியிருந்த பாபுவை போலீஸார் செவ்வாய்க்கிழமை கைது செய்தனர்.


 

]]>
http://www.dinamani.com/all-editions/edition-chennai/chennai/2018/nov/21/காவலர்களிடமிருந்து-தப்பியோடிய-கைதி-மீண்டும்-கைது-3042548.html
3042547 சென்னை சென்னை பழுதில்லா கட்டுமானங்கள் 23இல் பயிலரங்கம் DIN DIN Wednesday, November 21, 2018 05:08 AM +0530
கட்டுமான தொழில் அகாதெமி நிறுவனம் சார்பில் பழுதில்லா கட்டுமானங்கள் என்ற தலைப்பில் பயிலரங்கம் சென்னை, கிண்டியில் உள்ள அண்ணா பல்கலைக்கழக அலுமினி அரங்கத்தில் வரும் வெள்ளிக்கிழமை (நவ.23) காலை 9.30 முதல் மாலை 4.30 மணி வரை நடைபெறவுள்ளது. இதில் ஐஐடி முன்னாள் முதல்வர் ஏ.ஆர்.சாந்தகுமார் முதன்மை பேச்சாளராக பங்கேற்று விரிவுரையாற்றுகிறார். 
இந்திய கட்டுமானத் துறையை சேர்ந்த பலரும் பங்கேற்று பழுதில்லா கட்டுமானங்கள் தலைப்பில் உரையாற்றவுள்ளனர். இதில் பங்கேற்க விருப்பமுள்ள கட்டுநர்கள், கட்டடக் கலை நிபுணர்கள் மற்றும் பொறியியல் கல்லூரி மாணவர்கள் தங்கள் வருகையை முன்பதிவு செய்து கொள்ளலாம். மேலும் விவரங்களுக்கு 04428351060, 93833 63663, 81246 20467 ஆகிய எண்களை தொடர்பு கொள்ளலாம். மின்னஞ்சல் முகவரி constructionacademysouth.@gmail.com.

]]>
http://www.dinamani.com/all-editions/edition-chennai/chennai/2018/nov/21/பழுதில்லா-கட்டுமானங்கள்-23இல்-பயிலரங்கம்-3042547.html
3042546 சென்னை சென்னை கஜா புயல்: பாதிக்கப்பட்ட மக்களுக்கு 7 வாகனங்களில் நிவாரணப் பொருள்கள் DIN DIN Wednesday, November 21, 2018 05:07 AM +0530
கஜா புயலால் பாதிக்கப்பட்ட பகுதிகளுக்கு பெருநகர சென்னை மாநகராட்சி சார்பில் 7 வாகனங்களில் நிவாரணப் பொருள்கள் செவ்வாய்க்கிழமை அனுப்பி வைக்கப்பட்டன. 
இதுகுறித்து பெருநகர சென்னை மாநகராட்சி நிர்வாகம் செவ்வாய்க்கிழமை வெளியிட்ட செய்திக் குறிப்பு: 
கஜா புயலால் பாதிக்கப்பட்ட தஞ்சாவூர், நாகப்பட்டினம், புதுக்கோட்டை, திருவாரூர், ராமநாதபுரம் மாவட்ட மக்களுக்கு பெருநகர சென்னை மாநகராட்சி சார்பில் 16,975 மெழுகுவர்த்திகள், 12,874 பிஸ்கெட் பாக்கெட்டுகள், 11,017 தண்ணீர் பாட்டில்கள், 6,160 தீப்பெட்டிகள், 4,230 நைட்டிகள், 3,600 லுங்கிகள், 3,250 சானிட்டரி நாப்கின்கள், 3,175 போர்வைகள், 3,000 ரொட்டி பாக்கெட்டுகள், 2,085 பால் பவுடர் பாக்கெட்டுகள், 2,020 பற்பசைகள், 1,950 பல்துலக்கும் பிரஷ்கள், 1,950 துண்டுகள், 450 குளியல் சோப்புகள், 125 கிலோ அரிசி உள்ளிட்ட நிவாரணப் பொருள்கள் 7 வாகனங்களில் செவ்வாய்க்கிழமை அனுப்பி வைக்கப்பட்டன.
இந்த வாகனங்களை மாநகராட்சி ஆணையர் தா.கார்த்திகேயன் செவ்வாய்க்கிழமை அனுப்பி வைத்தார். இதில், முதன்மை தலைமைப் பொறியாளர் எம்.புகழேந்தி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/chennai/2018/nov/21/கஜா-புயல்-பாதிக்கப்பட்ட-மக்களுக்கு-7-வாகனங்களில்-நிவாரணப்-பொருள்கள்-3042546.html
3042545 சென்னை சென்னை நவ.24 இல் குரூப்2 முதன்மைத் தேர்வு வழிகாட்டும் முகாம் DIN DIN Wednesday, November 21, 2018 05:07 AM +0530
திருமங்கலத்தில் செயல்படும் ஃபோக்கஸ் அகாதெமியில் குரூப்2 (ஒருங்கிணைந்த சார்நிலைப் பணிகள் தொகுதி2) முதன்மைத் தேர்வுக்கான வழிகாட்டும் முகாம் வரும் 24ஆம் தேதி நடைபெறுகிறது.
இதுகுறித்து ஃபோக்கஸ் அகாதெமி இயக்குநர் மு.சிபிகுமரன் வெளியிட்ட செய்தி: 
சென்னை அண்ணாநகர், திருமங்கலத்தில் ஃபோக்கஸ் அகாதெமி செயல்பட்டு வருகிறது. இங்கு குரூப்2 (ஒருங்கிணைந்த சார்நிலைப் பணிகள் தொகுதி2) முதன்மைத் தேர்வுக்கான வழிகாட்டும் முகாம் வரும் 24ஆம் தேதி நடைபெறுகிறது. 
நகராட்சி ஆணையர், துணை வணிகவரி அலுவலர், சார்பதிவாளர், நன்னடத்தை அலுவலர், உதவி வேலைவாய்ப்பு அலுவலர் உள்ளிட்ட குரூப்2 நேர்முகத் தேர்வு அடங்கிய சுமார் 1,194 பணியிடங்களுக்கு தமிழ்நாடு அரசுப் பணியாளர் தேர்வாணையம் தேர்வை நடத்தி வருகிறது. இத்தேர்வின் இரண்டாம் கட்டமான முதன்மைத் தேர்வுக்குத் தயாராகும் தேர்வர்கள் படிக்க வேண்டிய பாடப் புத்தகங்கள், நேர மேலாண்மை மற்றும் திட்டமிடுதல் தொடர்பாக வழிகாட்டும் முகாமில் விளக்கப்படும். தேர்வர்களுக்கு பாடக்குறிப்புகளும் வழங்கப்படும். 
எழுத்துத் தேர்வுக்கான பயிற்சியும் நடைபெறும். இதில், அரசுத் துறை உயர் அதிகாரிகள், உயர் அதிகாரிகள் மற்றும் துறை வல்லுநர்கள் கலந்துகொண்டு தேர்வுகள் தொடர்பாக தேர்வர்களுக்கு விளக்குவர். சந்தேகங்களுக்கும் பதிலளிப்பர். இதில் கலந்துகொள்ள கட்டணம் இல்லை.
குரூப்2 முதல்நிலைத் தேர்வை எழுதியுள்ள தேர்வர்கள் தங்களது சுய விவரங்களுடன் அண்ணாநகர், திருமங்கலத்தில் உள்ள ஜெ.ஜெ. காம்ப்ளக்ஸில் செயல்பட்டு வரும் ஃபோக்கஸ் அகாதெமியில் நேரில் வந்து முன்பதிவு செய்துகொள்ளலாம். மேலும் விவரங்களுக்கு 82489 51454 மற்றும் 70101 36605 என்ற எண்களில் தொடர்பு கொள்ளலாம்.
 

]]>
http://www.dinamani.com/all-editions/edition-chennai/chennai/2018/nov/21/நவ24-இல்-குரூப்2-முதன்மைத்-தேர்வு-வழிகாட்டும்-முகாம்-3042545.html
3042544 சென்னை சென்னை நக்கீரன் கோபால் விவகாரம்: விளக்கம் அளிக்க உத்தரவு DIN DIN Wednesday, November 21, 2018 05:07 AM +0530
நக்கீரன் கோபால் கைது விவகாரத்தில், நீதிமன்றத்தில் பத்திரிகையாளர் இந்து ராமை பேச அனுமதித்தது குறித்து எழும்பூர் குற்றவியல் நீதிமன்ற நீதிபதி விளக்கம் அளிக்க உயர்நீதிமன்றம் உத்தரவிட்டுள்ளது. 
தமிழக ஆளுநர் குறித்து சர்ச்சைக்குரிய கட்டுரை வெளியிட்ட விவகாரத்தில் நக்கீரன் ஆசிரியர் கோபாலை போலீஸார் கைது செய்து, எழும்பூர் 13வது குற்றவியல் நீதிமன்றத்தில் ஆஜர்படுத்தினர். இந்த வழக்கை விசாரித்த நீதிமன்றம் நக்கீரன் கோபாலை விடுவித்து உத்தரவிட்டது. 
நீதிபதி கோபிநாத் முன் நடந்த இந்த வழக்கு விசாரணையின்போது ஊடகப் பிரதிநிதியாக பத்திரிகையாளர் இந்து என்.ராம் ஆஜராகி வாதிட்டிருந்தார். இந்த நிலையில் நக்கீரன் கோபால் விடுவிக்கப்பட்டதை எதிர்த்து காவல்துறை சார்பில் சென்னை உயர் நீதிமன்றத்தில் மேல்முறையீட்டு மனு தாக்கல் செய்யப்பட்டிருந்தது.
இந்த மேல்முறையீட்டு மனு, நீதிபதி ஆனந்த் வெங்கடேஷ் முன் விசாரணைக்கு வந்தது. அப்போது, இந்த வழக்கின் விசாரணையின்போது, வழக்குக்கு தொடர்பில்லாத மூன்றாவது நபரான பத்திரிகையாளர் இந்து ராமின் வாதங்கள் பதிவு செய்யப்பட்டதாக அரசு தரப்பில் தெரிவிக்கப்பட்டது. 
இதனை ஏற்க மறுத்த நீதிபதி, நீதிமன்றங்களில் மூன்றாவது நபர்கள் வாதிடுவதை ஏற்க முடியாது. நீதிமன்றங்கள் சட்டத்தை மட்டுமே பின்பற்ற வேண்டுமே தவிர, பொதுமக்களின் கருத்தை தெரிவிக்கும் தளமாக மாற்றக்கூடாது என கருத்து தெரிவித்தார். 
மேலும் இந்த விவகாரத்தில் எந்த சட்டத்தின் அடிப்படையில் பத்திரிகையாளர் இந்து ராமை 13வது குற்றவியல் நடுவர்மன்ற நீதிபதி பேச அனுமதித்தார் என்பது குறித்து விளக்கம் அளிக்க உத்தரவிட்டு, விசாரணையை வரும் 29-ஆம் தேதிக்கு ஒத்திவைத்த நீதிபதி, நக்கீரன் கோபால் விடுவிக்கப்பட்டதை எதிர்த்து இடைக்கால தடை விதிக்க மறுத்து உத்தரவிட்டார்.
 

]]>
http://www.dinamani.com/all-editions/edition-chennai/chennai/2018/nov/21/நக்கீரன்-கோபால்-விவகாரம்-விளக்கம்-அளிக்க-உத்தரவு-3042544.html
3042543 சென்னை சென்னை நாளைய(நவ. 22) மின்தடை: அலமாதி DIN DIN Wednesday, November 21, 2018 05:06 AM +0530
பராமரிப்பு பணி காரணமாக, அலமாதி பகுதியில் வியாழக்கிழமை (நவ. 22) காலை 9 முதல் மாலை 4 மணி வரை மின்விநியோகம் நிறுத்தப்படவுள்ளது என்று தமிழ்நாடு மின்உற்பத்தி மற்றும் பகிர்மானக் கழகம் தெரிவித்துள்ளது.
மின்தடை செய்யப்படும் பகுதிகள்: அலமாதி, சிங்கிலிக்குப்பம், கொடுவல்லி, வினோநகர், வாணியன்சத்திரம், புதுக்குப்பம், கன்னிகாபுரம், பழைய எருமை வெட்டிப்பாளையம், மோரை அண்ணாநகர், கமலம் நகர், மிட்டனமல்லி, பாரதிநகர், வீராபுரம், பூச்சி அத்திப்பட்டு, காரணிப்பேட்டை, புது கன்னியம்மன் நகர், மூரை, குருவாயல், மகரல் கண்டிகை, ஆயிலச்சேரி, அகரம் கண்டிகை, சேத்துப்பாக்கம், வெள்ளானூர், டி.எஸ்.பி. கேம்ப் பட்டாலியன்3.
 

]]>
http://www.dinamani.com/all-editions/edition-chennai/chennai/2018/nov/21/நாளையநவ-22-மின்தடை-அலமாதி-3042543.html
3042516 சென்னை சென்னை புயல் பாதிப்பு: நிவாரணப் பொருள்கள் வழங்க தொடர்பு எண்கள் வெளியீடு DIN DIN Wednesday, November 21, 2018 02:45 AM +0530 கஜா புயலால் கடுமையாகப் பாதிக்கப்பட்டுள்ள 4 மாவட்ட மக்களுக்கு நிவாரணப் பொருள்கள் வழங்க தொடர்பு எண்களை சென்னை மாவட்ட நிர்வாகம் வெளியிட்டுள்ளது.
இதுகுறித்து சென்னை மாவட்ட ஆட்சியர் அ.சண்முகசுந்தரம் செவ்வாய்க்கிழமை வெளியிட்ட செய்திக் குறிப்பு: 
கஜா புயலால் பாதிக்கப்பட்டுள்ள நாகப்பட்டினம், புதுக்கோட்டை, திருவாரூர், தஞ்சாவூர் ஆகிய 4 மாவட்ட மக்களின் துயர்துடைக்கும் வகையிலும், நிவாரணப் பொருள்களை உரிய முறையில் சேர்க்கவும் மாவட்ட நிர்வாகம் நடவடிக்கை எடுத்துள்ளது. 
பாதிக்கப்பட்ட பகுதிகளுக்கு குடிநீர், பிஸ்கட்டுகள், ரொட்டிகள், இதர கெட்டுப்போகாத உணவுப் பொருள்கள், மெழுகுவர்த்திகள், தீப்பெட்டிகள், மருந்துகள், பால் பவுடர், பால் பொருள்களை வழங்கலாம்.
பொறுப்பு அதிகாரிகள் தொடர்பு எண்கள்: திருவாரூர் மாவட்டத்துக்கு வட்டாட்சியர் சொக்கநாதன் 94436 63164, தஞ்சாவூருக்கு வட்டாட்சியர் சுரேஷ் 96555 63329, நாகப்பட்டினத்துக்கு ஏபிஓ மோகன் 94421 80785, புதுக்கோட்டைக்கு வட்டாட்சியர் தமிழ்மணி 94432 86197, சென்னையில் உதவி ஆணையர் (நிவாரணம் மற்றும் மறுவாழ்வு) (94444 46885, வருவாய் நிர்வாகம் மற்றும் பேரிடர் துறையின் 24 மணிநேர கட்டுப்பாட்டு அறை தொடர்பு எண் 1070, சென்னை மாவட்ட ஆட்சியரின் அலுவலகத்தில் இயங்கிவரும் 24 மணிநேர கட்டுப்பாட்டு அறை தொடர்பு எண்  1077 ஆகியவற்றைத் தொடர்பு கொள்ளலாம் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/chennai/2018/nov/21/புயல்-பாதிப்பு-நிவாரணப்-பொருள்கள்-வழங்க-தொடர்பு-எண்கள்-வெளியீடு-3042516.html
3041932 சென்னை சென்னை எண்ணெய்க் கசிவை அகற்ற வந்த "சமுத்ரா பகரேதார்'  DIN DIN Tuesday, November 20, 2018 05:28 AM +0530 எண்ணூர் காமராஜர் துறைமுகத்தில் ஏற்பட்ட எண்ணெய்க் கசிவை அகற்றும் பணியில் ஈடுபடுத்துவதற்காக, இந்திய கடலோர காவல் படைக்கு சொந்தமான மாசுக்கட்டுப்பாட்டுக் கப்பல் "சமுத்ரா பகரேதார்' விசாகப்பட்டினத்தில் இருந்து திங்கள்கிழமை வந்தது.

எண்ணூர் காமராஜர் துறைமுகத்தில் "டேங்க் டெர்மினல் லிமிடெட்' என்ற தனியார் கடல்சார் திரவ முனையம் செயல்படுகிறது. இந்த முனையத்துக்கு கடந்த சனிக்கிழமை இரவு எம்.டி. கோரல் ஸ்டார்ஸ் என்ற கப்பல் சுமார் 15 ஆயிரம் டன் பர்னஸ் ஆயிலை  (உலை எண்ணெய்) ஏற்றிக்கொண்டு வந்தடைந்தது.

இந்தக்  கப்பலில் இருந்து பர்னஸ் ஆயிலை இறக்குமதி செய்யும் பணி அன்று தொடங்கியது.  பாரத் பெட்ரோலியம் நிறுவனத்தின் கிடங்குக்கு அனுப்பும் பணி நடைபெற்ற நிலையில், ஞாயிற்றுக்கிழமை அதிகாலை சுமார் 4 மணியளவில் இணைப்புக் குழாய் ஒன்று கழன்று பர்னஸ் ஆயில் கடலுக்குள்  கொட்டத் தொடங்கியது.  இதனையடுத்து உடனடியாக ஆயில் இறக்குமதி செய்யும் பணி நிறுத்தப்பட்டது. ஆனால் அதற்குள் 2 ஆயிரம் கிலோ அளவிற்கு பர்னஸ் ஆயில் கடலில் கொட்டி துறைமுக கடல் பகுதி முழுவதும் பரவியது. 
சமுத்ரா பகரேதார் வருகை:  தகவலறிந்த துறைமுக அதிகாரிகள் விரைந்து வந்து, எண்ணெய் படலத்தை அகற்றும் பணியை, இந்திய கடலோரக் காவல் படையுடன் சேர்ந்து செய்யத் தொடங்கினர். முதல் கட்டமாக எண்ணெய் படலம், துறைமுக கால்வாய் பகுதிக்குச் சென்றுவிடாமல் தடுக்கும் பணி மேற்கொள்ளப்பட்டது.

இதற்கிடையே சென்னைத் துறைமுகத்திலிருந்து கொண்டு வரப்பட்ட எண்ணெய்க் கசிவை நீக்கும் உபகரணங்கள் சரிவர செயல்படாததால், ஊழியர்கள் படகுகளில் சென்று எண்ணெய் படலத்தை அகற்றும் பணியில் ஈடுபட்டனர். இந்நிலையில் கடலோரக் காவல்படையின் மாசுக்கட்டுப்பாட்டு சிறப்புக் கப்பலான சமுத்திரா பகரேதார் விசாகப்பட்டினத்திலிருந்து புறப்பட்டு திங்கள்கிழமை பிற்பகல் சுமார் 3 மணியளவில் எண்ணூர் துறைமுகம் வந்தடைந்தது.

இக்கப்பலில் எண்ணெய் மற்றும் ரசாயனக் கசிவுகளை தண்ணீரிலிருந்து பிரித்து முற்றிலுமாக அழிப்பது உள்ளிட்ட பல்வேறு தொழில் நுட்பங்கள் உள்ளன. இக் கப்பல் மூலம் எண்ணெய்க் கசிவு அகற்றும் பணி தொடங்கியது. மேலும் செவ்வாய்க்கிழமைக்குள் முற்றிலும் கடலில் உள்ள எண்ணெய் படலம் அகற்றப்படும் எனக் கூறப்படுகிறது.

எண்ணெய்க் கசிவுக்கு துறை ரீதியான விசாரணை

பர்னஸ் ஆயிலை கொட்டிய கப்பலான கோரல் ஸ்டார்ஸ் மீது  கப்பல் போக்குவரத்துத்துறை ரீதியான விசாரணை நடைபெற்று வருவதால் அந்தக் கப்பல் துறைமுகத்திலேயே நிறுத்தி வைக்கப்படவுள்ளது. 

இது குறித்து எண்ணூர் துறைமுகத் தலைவர் பி.ரவீந்திரன் கூறியது:

எண்ணெய்க் கசிவு அகற்றும் பணிகள் தொய்வின்றி நடைபெறும் வகையில், அனைத்து முக்கிய அதிகாரிகளும் துறைமுகத்திலேயே முகாமிட்டுள்ளனர். கடலோரக் காவல் படையின் புகாரின் பேரில் பர்னஸ் ஆயிலை கொட்டிய கப்பலான கோரல் ஸ்டார்ஸ் மீது  கப்பல் போக்குவரத்துத் துறை ரீதியான விசாரணை நடைபெற்று வருகிறது. இந்த விசாரணை முடியும் வரை கப்பல் துறைமுகத்திலிருந்து வெளியேற அனுமதிக்கப்படாது.  இது குறித்து இறுதி முடிவை கப்பல் போக்குவரத்து இயக்குநரகம்தான் எடுக்கும். 

சேகரிக்கப்படும் எண்ணெய்ப் படலத்தை பத்திரமாக சேமித்து வைக்க பாரத் பெட்ரோலியம் நிறுவனத்துக்கு உத்தரவிடப்பட்டுள்ளது. எண்ணெய்ப் படலம் அகற்றப்படுவது குறித்து மாநில மாசுக்கட்டுப்பாட்டு வாரியத்திற்கு விளக்கம் அளிக்கப்பட்டுள்ளது என்றார் ரவீந்திரன்.

சி.பி.சி.எல். விளக்கம்: இச் சம்பவம் தொடர்பாக சென்னை எண்ணெய் சுத்திகரிப்பு ஆலை துணைப் பொதுமேலாளர் ஜி.கே.ரவிக்குமார்  திங்கள்கிழமை வெளியிட்டுள்ள செய்தி குறிப்பு:

எண்ணூர் துறைமுகத்திற்கு வந்த கோரல் ஸ்டார்ஸ் கப்பலில் இறக்குமதி செய்யப்பட்ட பர்னஸ் ஆயில் சென்னை எண்ணெய் சுத்திகரிப்பு ஆலைக்கானது (சிபிசிஎல்) அல்ல. மேலும் எண்ணூர் துறைமுகத்திலிருந்து சி.பி.சி.எல். வரை எவ்வித குழாய்கள் இணைப்பும் இல்லை. சி.பி.சி.எல். நிறுவனத்திற்கு சென்னைத் துறைமுகத்திலிருந்து மட்டும்தான் குழாய் இணைப்புகள் உள்ளன என்றார்.

]]>
http://images.dinamani.com/uploads/user/imagelibrary/2018/11/20/w600X390/ship.jpg எண்ணூர் காமராஜர் துறைமுகத்தில் ஏற்பட்டுள்ள எண்ணெய்க் கசிவை அகற்ற வரவழைக்கப்பட்டுள்ள இந்தியக் கடலோரக் காவல் படையின் சிறப்பு கப்பல் சமுத்ரா பகரேதார். (வலது) எண்ணெய் கசிவுகளை திங்கள்கிழமை படகுகளில் சென் http://www.dinamani.com/all-editions/edition-chennai/chennai/2018/nov/20/எண்ணெய்க்-கசிவை-அகற்ற-வந்த-சமுத்ரா-பகரேதார்-3041932.html
3041928 சென்னை சென்னை சுற்றுச்சூழல் பாதுகாப்பு, திடக்கழிவு மேலாண்மை ஆலோசனைக் கூட்டம் DIN DIN Tuesday, November 20, 2018 05:03 AM +0530 பெருநகர சென்னை மாநகராட்சிக்கு உள்பட்ட பகுதிகளில் திடக்கழிவு மேலாண்மை, சுற்றுச்சூழல் பாதுகாப்பு மற்றும் நிலத்தடிநீர் மாசுபடுதலை தடுத்தல் தொடர்பான ஆலோசனைக் கூட்டம் திங்கள்கிழமை நடைபெற்றது.
சென்னை மாநகராட்சி அலுவலகமான ரிப்பன் மாளிகையில் தேசிய பசுமைத் தீர்ப்பாயத்தின் தென்மண்டல கண்காணிப்புக் குழுத் தலைவர் நீதிபதி ஜோதிமணி தலைமையில் இக் கூட்டம் நடைபெற்றது. 
கூட்டத்துக்கு  மாநகராட்சி ஆணையர் டி.கார்த்திகேயன் முன்னிலை வகித்தார்.
கூட்டத்தில், குப்பைகளை எவ்வாறு கையாள்வது, அன்றாடம் சேகரிக்கப்படும் குப்பைகளை எவ்வாறு மேலாண்மை செய்வது என்பது குறித்து விரிவாக விவாதிக்கப்பட்டது. 
மேலும், இக்கூட்டத்தில் சுற்றுச்சூழலைப் பாதுகாக்கவும், நிலத்தடி நீர் மாசுபடுவதைத் தடுக்கவும் மேற்கொள்ள வேண்டிய வழிமுறைகள் குறித்தும் ஆலோசிக்கப்பட்டது. 
சென்னையில், திடக்கழிவு மேலாண்மைத்துறை சார்பாக 19,200 தூய்மைப் பணியாளர்கள், 5,400  மூன்று சக்கர மிதிவண்டிகள், 14,500 காம்பேக்டர் குப்பைத் தொட்டிகள், 370 காம்பேக்டர், 22 டாரஸ் கனரக வாகனங்கள், 19 இயந்திர பொக்லைன்கள், 57 ஸ்கிட் லோடர் இயந்திரங்கள், 21 முன் பளுதூக்கும் லோடர்கள் மூலமாக தினந்தோறும் சுமார் 5400 மெட்ரிக் டன் குப்பைகள் அகற்றப்பட்டு வருவது குறிப்பிடத்தக்கது.

]]>
http://www.dinamani.com/all-editions/edition-chennai/chennai/2018/nov/20/சுற்றுச்சூழல்-பாதுகாப்பு-திடக்கழிவு-மேலாண்மை-ஆலோசனைக்-கூட்டம்-3041928.html
3041927 சென்னை சென்னை புதை சாக்கடை தூய்மை தொழில்நுட்பம்: சென்னை குடிநீர் வாரியத்துக்கு பரிசு DIN DIN Tuesday, November 20, 2018 05:03 AM +0530 புதை சாக்கடையை தூய்மை செய்யும் தொழில்நுட்பம் தொடர்பாக மத்திய அரசு சார்பில் நடத்தப்பட்ட போட்டியில் சென்னை குடிநீர் வாரியத்துக்கு மத்திய அரசின் பரிசு கிடைத்துள்ளது. 
இது குறித்து சென்னை குடிநீர் வாரியம் திங்கள்கிழமை வெளியிட்ட செய்திக்குறிப்பு: புதை சாக்கடையில் மனிதர்கள் இறங்காமல் சுத்தம் செய்வதற்கான "தொழில்நுட்ப சவால் ' என்ற போட்டியை மத்திய 
அரசின் வீட்டு வளர்ச்சி மற்றும் நகர்ப்புற விவகாரங்கள் துறை அமைச்சகம் அம்ருத் திட்டத்தின் கீழ் அறிவித்திருந்தது.  
இந்த போட்டியில் சென்னைக் குடிநீர் வாரியம் கழிவுநீர் குழாய்களை பந்து கடத்தும் முறையில் இயந்திரங்களின் வழியாக சுத்தம் செய்வது குறித்த பரிந்துரையுடன் பங்கேற்றது. இதனை ஏற்றுக் கொண்ட மத்திய அரசின் வீட்டு வளர்ச்சி மற்றும் நகர்புற விவகாரங்கள் துறை அமைச்சகம் மத்திய பொது சுகாதாரம் மற்றும் சுற்றுச்சூழல்  அமைப்பின் நடுவர் குழு உறுப்பினர் சத்தீஷ் குமாரை சென்னைக்கு அனுப்பி வைத்திருந்தது.  புதை சாக்கடையில் ஆள்கள் இறங்காமல் பந்து கடத்தும் முறையில் இயந்திரங்கள் மூலம் சுத்தம் செய்வதற்கான செயல் முறை விளக்கத்தினை உறுப்பினர் முன்னிலையில் சென்னைக் குடிநீர் வாரியம் செய்து காட்டியது.   
இந்த செயல்முறை  விளக்கத்தை ஆவணப் படமாக தயாரித்து தில்லிக்கு எடுத்துச் சென்று மற்ற போட்டியாளர்களின் ஆவணங்களுடன் பரிசீலனை செய்து, போட்டியில் பங்கேற்றவர்களில் சென்னைக் குடிநீர் வாரியத்தினை ஆறு வெற்றியாளர்களில் ஒருவராகத் தேர்வு செய்து அறிவிப்பு வெளியிட்டது.
உலக கழிப்பறை  தினத்தினை முன்னிட்டு  தில்லி விக்யான் பவனில் திங்கள்கிழமை நடைபெற்ற நிகழ்ச்சியில் சமூக நீதி மற்றும் அதிகாரமளித்தல் துறையின் மத்திய இணை அமைச்சர் ராம்தாஸ் அத்வாலே சென்னைக் குடிநீர் வாரியத்துக்கான பரிசை  (ரூ.1 லட்சம்) வழங்கினார்.  இந்தப் பரிசை சென்னை குடிநீர் வாரிய பொறியியல் இயக்குநர் ஆர்.சிவசண்முகம் பெற்றுக் கொண்டார்.  இந்த பரிசைப் பெறுவதற்காக முயற்சிகளை எடுத்துக் கொண்ட  பொறியாளர்கள்  குழுவினரை 
சென்னை குடிநீர் வாரியத்தின் நிர்வாக இயக்குநர்அஷோக் டோங்ரே பாராட்டினார்.

]]>
http://www.dinamani.com/all-editions/edition-chennai/chennai/2018/nov/20/புதை-சாக்கடை-தூய்மை-தொழில்நுட்பம்-சென்னை-குடிநீர்-வாரியத்துக்கு-பரிசு-3041927.html
3041926 சென்னை சென்னை நீராவி என்ஜின்களின் சிறப்பான இயக்கம்: தெற்கு ரயில்வேக்கு பரிசு DIN DIN Tuesday, November 20, 2018 05:03 AM +0530 நீராவி என்ஜின்களின் சிறப்பான இயக்கத்தை  அங்கீகரிக்கும் வகையில், தெற்கு ரயில்வேக்கு பரிசுக் கேடயங்கள் வழங்கப்பட்டன.  
இந்திய நீராவி என்ஜின் ரயில்வே சமூகம் சார்பில் 16-ஆவது தேசிய கூட்டம், தில்லியிலுள்ள தேசிய ரயில் அருங்காட்சியகத்தில் கடந்த 17-ஆம் தேதி நடைபெற்றது. 
இதில், சிறந்த பங்களிப்பு அளித்த நீராவி என்ஜின்களுக்கு அங்கீகாரம் அளிக்கும் வகையில், இ.ஐ.ஆர் -21, எக்ஸ்-37392 ஆகிய இரண்டு நீராவி என்ஜின்களை உயிர்ப்பித்ததற்காக தெற்கு ரயில்வேக்கு கேடயங்கள் வழங்கப்பட்டன.
இதை தெற்கு ரயில்வே முதன்மை தலைமை மெக்கானிக்கல் பொறியாளர் ஏ.கே.கத்பாலிடம், மத்திய கலாசாரத்துறை அமைச்சர் மகேஷ்சர்மா, ரயில்வே இணை அமைச்சர் ராஜன் ஹோஹெய்ன் ஆகியோர் வழங்கினர். 
இந்நிலையில், இந்த கேடயங்களை தெற்கு ரயில்வே பொது மேலாளர் ஆர்.கே.குல்சிரேஷ்டாவிடம், கத்பால் ஒப்படைத்தார். இ.ஐ.ஆர் -21 நீராவி என்ஜின் 163 ஆண்டுகள் பழைமையானதாகும். இந்த நீராவி என்ஜின்  பெரம்பூர் லோகோ ஒர்க்ஸில் புதுப்பிக்கப்பட்டது. 
எக்ஸ் -37392 நீராவி என்ஜின் 100 ஆண்டுகள் பழைமைவாய்ந்தது.  நீலகிரி மலை ரயில்வேயில் பாரம்பரிய சிறப்பு ரயிலாக  இயக்கப்பட்டதற்காக இது கௌரவிக்கப்பட்டுள்ளது.

]]>
http://www.dinamani.com/all-editions/edition-chennai/chennai/2018/nov/20/நீராவி-என்ஜின்களின்-சிறப்பான-இயக்கம்-தெற்கு-ரயில்வேக்கு-பரிசு-3041926.html
3041925 சென்னை சென்னை பள்ளி மாணவர்களுக்கு "இளம் படைப்பாளர்' விருதுகள் DIN DIN Tuesday, November 20, 2018 05:00 AM +0530 பள்ளிக் கல்வித் துறையின் பொது நூலக இயக்ககம் சார்பில், சென்னையில் திங்கள்கிழமை நடைபெற்ற விழாவில் பள்ளி மாணவ-மாணவிகள் 19 பேருக்கு "இளம் படைப்பாளர்' விருதுகள் வழங்கப்பட்டன.

சட்டப்பேரவையில் பள்ளிக் கல்வித்துறை மானியக் கோரிக்கையின்போது, "பள்ளி மாணவ, மாணவிகளின் சிந்தனைத் திறன், பேச்சாற்றல், எழுத்தாற்றலை மேம்படுத்தவும்,  ஊக்குவிக்கவும் தமிழகம் முழுவதும் உள்ள பள்ளிகளில் பேச்சு, கட்டுரை, கவிதை போட்டிகள் நடத்தப்படும்.

ஒவ்வொரு பிரிவிலும் மாவட்ட அளவில் முதல் மூன்று இடங்களைப் பிடிக்கும் மாணவர்கள் தேர்வு செய்யப்பட்டு "இளம் படைப்பாளர்' விருது வழங்கப்படும்' என அறிவிப்பு வெளியிடப்பட்டது.

இதையடுத்து, இந்த விருதுகளுக்கு முதல்முறையாக பொது நூலக இயக்ககம் சார்பில்  "வாழ்வுக்கு உயர்வு தருவது வாசிப்பே' என்ற தலைப்பில் பேச்சுப் போட்டி,  "வாசித்தேன் வளர்ந்தேன்' என்ற தலைப்பில் கட்டுரைப் போட்டி,  "என் எதிர்காலம் என் கையில்' என்ற தலைப்பில் கவிதைப் போட்டி ஆகியவை நடத்தப்பட்டன. 

சென்னை மாவட்ட அளவில் வெற்றி பெற்ற மாணவ-மாணவிகளுக்கான பரிசளிப்பு விழா சென்னையில் உள்ள தேவநேயப் பாவாணர் மாவட்ட மைய நூலகத்தில் திங்கள்கிழமை நடைபெற்றது. 

விழாவில், பள்ளிக் கல்வி இயக்குநர் வி.சி.ராமேஸ்வரமுருகன் கலந்து கொண்டு போட்டிகளில் வெற்றி பெற்ற அரசு,  தனியார் பள்ளிகளைச் சேர்ந்த 19 மாணவர்களுக்கு இளம் படைப்பாளர் விருதையும்,  சிறந்த எழுத்தாளர்கள்,  பதிப்பாளர்களுக்கான விருதுகளையும் வழங்கினார். 

முன்னதாக, தேசிய நூலக வார விழாவையொட்டி, தேவநேயப் பாவாணர் மாவட்ட மைய நூலகத்தில் புத்தகக் கண்காட்சியையும் அவர் தொடங்கி வைத்தார். 

விழாவில், பொது நூலகத் துறை இணை இயக்குநர் ச.நாகராஜமுருகன், சென்னை மாவட்டக் கல்வி அலுவலர் ஆர்.திருவளர்செல்வி,  மாவட்ட நூலக அலுவலர் ச.இளங்கோ சந்திரகுமார்,  மாவட்ட மைய நூலகர் வே.தணிகாசலம் உள்ளிட்டோர் கலந்து கொண்டனர்.

]]>
http://images.dinamani.com/uploads/user/imagelibrary/2018/11/20/w600X390/school-kids.jpg http://www.dinamani.com/all-editions/edition-chennai/chennai/2018/nov/20/பள்ளி-மாணவர்களுக்கு-இளம்-படைப்பாளர்-விருதுகள்-3041925.html
3041923 சென்னை சென்னை "கோவை, சேலத்தில் குழாய் மூலம் வீடுகளுக்கு எரிவாயு வழங்கும் திட்டம்' DIN DIN Tuesday, November 20, 2018 04:52 AM +0530 குழாய்கள் மூலம் வீடுகள், வர்த்தக நிறுவனங்கள் மற்றும் தொழிற்சாலைகளுக்கு இயற்கை எரிவாயு விநியோகிக்க, நகர எரிவாயு விநியோக திட்டத்தை இந்தியன் ஆயில் நிறுவனம் செயல்படுத்த உள்ளது. கோவை மற்றும் சேலத்தில் இத்திட்டம் நடைமுறைக்கு வருகிறது. 
இதுகுறித்து, இந்தியன் ஆயில் நிறுவனத்தின் தமிழகம் மற்றும் புதுச்சேரிக்கான செயல் இயக்குநர் ஆர்.சித்தார்த்தன் சென்னையில் செய்தியாளர்களிடம் திங்கள்கிழமை கூறியது:-
நகர எரிவாயு விநியோகிக்கும் திட்டத்துக்கு பிரதமர் நரேந்திர மோடி வரும் 22-ம் தேதி காணொலி காட்சி மூலம் அடிக்கல் நாட்டுகிறார். தமிழகத்தில் கோவை, சேலம் ஆகிய நகரங்களில் இந்தத் திட்டத்தை செயல்படுத்த இந்தியன் ஆயில் நிறுவனம் உரிமம் பெற்றுள்ளது. 
மேலும், சென்னை, காஞ்சிபுரம், திருவள்ளூர், கடலூர், நாகப்பட்டினம், திருவாரூர், ராமநாதபுரம், திருப்பூர் ஆகிய நகரங்களிலும் இத்திட்டம் செயல்படுத்தப்படும். இதற்கான உரிமங்கள் தனியார் நிறுவனங்களுக்கு வழங்கப்பட்டுள்ளன. குழாய் மூலம் வழங்கப்படும் இந்த இயற்கை எரிவாயு, மற்ற எரிபொருள்களைவிட 40 சதவீதம் செலவு குறைவானது. இத்திட்டம் அடுத்த நான்காண்டுகளுக்குள் பயன்பாட்டுக்கு வரும் என்றார் அவர். இந்தச் சந்திப்பின்போது, இந்தியன் ஆயில் நிறுவனத்தின் பொதுமேலாளர் (கார்ப்பரேட் கம்யூனிகேஷன்) சபீதா நட்ராஜ் உடனிருந்தார்.

]]>
http://www.dinamani.com/all-editions/edition-chennai/chennai/2018/nov/20/கோவை-சேலத்தில்-குழாய்-மூலம்-வீடுகளுக்கு-எரிவாயு-வழங்கும்-திட்டம்-3041923.html
3041922 சென்னை சென்னை மூதாட்டிக்கு இதய வால்வு அடைப்பு நீக்கம்  DIN DIN Tuesday, November 20, 2018 04:52 AM +0530 சென்னையைச் சேர்ந்த 79 வயது மூதாட்டிக்கு  ஏற்பட்ட இதய வால்வு பிரச்னை, ரத்தக்குழாய் அடைப்பை அறுவைச் சிகிச்சை இல்லாமல் போரூர் ஸ்ரீ ராமச்சந்திரா மருத்துவமனை மருத்துவர்கள் சரிசெய்து சாதனை செய்துள்ளனர்.
இது குறித்து போரூர் ஸ்ரீ ராமச்சந்திரா மருத்துவமனை இதய அறுவைச் சிகிச்சை மருத்துவர்கள் டி.ஆர்.முரளிதரன், எஸ்.நாகேந்திர பூபதி, பி.வினோத், மயக்கவியல் நிபுணர் பி.ரஞ்சித் ஆகியோர் கூறியது:
சென்னையைச் சேர்ந்த 79 வயது மூதாட்டிக்கு இதயத்தில் முக்கிய வால்வில் கடும் பாதிப்பு ஏற்பட்டிருந்தது. அதே நேரத்தில் இதயத்துக்கு போகும் முக்கிய ரத்தக் குழாயிலும் கடுமையான அடைப்பு ஏற்பட்டிருந்தது. இந்த இரண்டு பிரச்னைகளும் மனிதர்களுக்கு சில விநாடிகளில் மரணத்தை ஏற்படுத்தக் கூடிய மோசமான வியாதியாகும். இதற்கு இதுவரை அறுவைச் சிகிச்சைதான் தீர்வாக இருந்தது. இந்த அறுவைச் சிகிச்சை மருத்துவர்களுக்கு மிகப்பெரிய சவாலானதாகும். அப்படி அறுவைச சிகிச்சை மேற்கொண்டாலும் பின்விளைவுகளால் நோயாளிக்கு மரணம் ஏற்படலாம். 
எனவே, அனைத்து வழிகளிலும் முறையாக ஆய்வு செய்த பின்னர், தென்னிந்தியாவிலேயே முதன் முறையாக போரூர் ஸ்ரீ ராமச்சந்திரா மருத்துவமனையில் அறுவைச் சிகிச்சை ஏதுமின்றி தொடையில் இருக்கும் ரத்தக் குழாயில் துளையிட்டு ஊடுருவல் சிகிச்சை மூலம் குழாய் அடைப்பை சரிசெய்ததோடு, ஒரே நேரத்தில் புதிய செயற்கை வால்வையும் இதயத்தில் பொருத்தினோம். 
இப்படி இரண்டு சிகிச்சைகளையும் ஒரே நேரத்தில் செய்தது இதுவே முதல் முறை. மேலும் நோயாளி வயதானவர் என்பதால் மயக்க மருந்தை தீவிர ஆலோசனைக்குப் பிறகு, அவரது உடல் நிலைக்கேற்ப அளித்தோம். தற்போது அவர் சாதாரண நிலையில் உள்ளார்.
நோயாளிக்கு தேவைப்பட்ட முக்கிய உபகரணமான ஸ்டென்ட் அமெரிக்காவில் இருந்து வரவழைத்து  சிகிச்சை மேற்கொண்டோம்.  அதோடு இந்த சிகிச்சையை விரைவில் முதல்வரின் விரிவான காப்பீடுத் திட்டத்தில் இணைக்க உள்ளோம் என அந்த மருத்துவர்கள் தெரிவித்தனர்.
 

]]>
http://www.dinamani.com/all-editions/edition-chennai/chennai/2018/nov/20/மூதாட்டிக்கு-இதய-வால்வு-அடைப்பு-நீக்கம்-3041922.html
3041921 சென்னை சென்னை இந்திய மருத்துவம் மற்றும் ஹோமியோபதி பட்டப் படிப்பு DIN DIN Tuesday, November 20, 2018 04:50 AM +0530 இந்திய மருத்துவம் மற்றும் ஹோமியோபதி பட்டப் படிப்புகள் சேர்க்கைக்கான ஒற்றைச் சாளர கலந்தாய்வு திங்கள்கிழமை தொடங்கியது. முதல் நாளில் சிறப்புப் பிரிவினருக்கான கலந்தாய்வு நடத்தப்பட்டது. தமிழகம் முழுவதும் 6 அரசு சித்தா மற்றும் ஹோமியோபதி கல்லூரிகளில் பி.எஸ்.எம்.எஸ்., பி.ஏ.எம்.எஸ்., பி.என்.ஒய்.எஸ்., பி.எச்.எம்.எஸ்., பி.யு.எம்.எஸ். ஆகிய இந்திய மருத்துவம் மற்றும் ஹோமியோபதி பட்டப் படிப்புகள் வழங்கப்படுகின்றன. இதில் மொத்தம் 1400 இடங்கள்  உள்ளன.
இந்த இடங்களில் மாணவர் சேர்க்கைக்கான ஒற்றைச் சாளர  கலந்தாய்வு, சென்னை அரும்பாக்கத்தில் உள்ள அரசு யோகா மற்றும் இயற்கை மருத்துவக் கல்லூரியில் திங்கள்கிழமை  தொடங்கியது.
முதல் நாளில் சிறப்புப் பிரிவினருக்கான கலந்தாய்வு நடத்தப்பட்டது. இந்தப் பிரிவினருக்கென ஒதுக்கப்பட்ட 390 இடங்களில், இரவு 7 மணி நிலவரப்படி 70 சதவீத இடங்கள் நிரப்பப்பட்டுவிட்டன. தொடர்ந்து கலந்தாய்வு நடத்தப்படுவதால் அனைத்து இடங்களும் நிரம்பிவிட வாய்ப்புள்ளது எனஅதிகாரிகள் தெரிவித்தனர். 
செவ்வாய்க்கிழமை முதல் வெள்ளிக்கிழமை வரை பொதுப் பிரிவினருக்கான கலந்தாய்வு நடத்தப்பட உள்ளது.
 

]]>
http://www.dinamani.com/all-editions/edition-chennai/chennai/2018/nov/20/இந்திய-மருத்துவம்-மற்றும்-ஹோமியோபதி-பட்டப்-படிப்பு-3041921.html
3041920 சென்னை சென்னை திருமணம் செய்ய மறுத்த காதலிக்கு கத்திக்குத்து: காதலன் தற்கொலை முயற்சி DIN DIN Tuesday, November 20, 2018 04:49 AM +0530 திருவொற்றியூரில் திருமணம் செய்ய மறுத்த காதலியை கத்தியால் குத்திவிட்டு, காதலன்  விஷம் குடித்து தற்கொலைக்கு முயன்றார்.
இது குறித்து போலீஸ் தரப்பில் கூறப்பட்டதாவது:
திருவொற்றியூர் சாத்துமாநகர் காந்திநகர் பிரதான தெருவைச் சேர்ந்தவர் வே. பாரதி (24). ஆசிரியை பயிற்சியை முடித்திருக்கும் இவர், புதுவண்ணாரப்பேட்டையில் உள்ள இருசக்கர விற்பனை நிலையத்தில் வேலை செய்து வருகிறார். பாரதியும், காஞ்சிபுரத்தைச் சேர்ந்த பாலாஜியும் காதலித்து வந்தனர். இதையடுத்து  இருவரும் திருமணம் செய்து கொள்ள முடிவு செய்ததாகக் கூறப்படுகிறது. 
இருவரும் வெவ்வேறு மதங்களைச் சேர்ந்தவர்கள் என்பதால், திருமணம் செய்வதில் இரு குடும்பங்களிடையே முதலில் எதிர்ப்பு ஏற்பட்டதாம். பின்னர், இரு குடும்பத்தினரும் சமாதானம் அடைந்திருக்கின்றனர். இதற்கிடையே, பாலாஜி மதுஅருந்திவிட்டு வந்து, பாரதியிடம் அடிக்கடி தகராறு செய்து வந்தாராம். இதனால் பாரதி, பாலாஜியை திருமணம் செய்யும் முடிவை கைவிட்டதாக தெரிகிறது.
 இந்நிலையில் ஞாயிற்றுக்கிழமை இரவு பாரதியின் வீட்டுக்கு வந்த பாலாஜி இது குறித்து பேசியுள்ளார். இதில் இருவருக்கும் இடையே வாக்குவாதம் ஏற்பட்டது. வாக்குவாதம் முற்றவே பாலாஜி, அங்கு கிடந்த ஒரு கத்தியை எடுத்து பாரதியை குத்தினாராம்.
பின்னர், அங்கிருந்து பாலாஜி தப்பிச் சென்றுள்ளார். இச் சம்பவத்தில் பலத்த காயமடைந்த பாரதியை அங்குள்ளவர்கள் மீட்டு, ஸ்டான்லி அரசு மருத்துவமனைக்கு அனுப்பி வைத்தனர். இதற்கிடையே தப்பிச் சென்ற பாலாஜி, மதுவில் விஷம் கலந்து குடித்துவிட்டு சிறிது நேரத்தில் திருவொற்றியூர் காவல் நிலையத்தில் சரணடைந்தார். இதைப் பார்த்த போலீஸார், பாலாஜியை உடனடியாக ராஜீவ்காந்தி அரசு பொதுமருத்துவமனையில் சேர்த்தனர். இது தொடர்பாக போலீஸார் வழக்குப் பதிவு செய்து, விசாரணை செய்து வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/20/திருமணம்-செய்ய-மறுத்த-காதலிக்கு-கத்திக்குத்து-காதலன்-தற்கொலை-முயற்சி-3041920.html
3041919 சென்னை சென்னை காலணியில் மறைத்து கடத்தி வந்த ரூ.4.50 லட்சம் மதிப்புள்ள தங்கம் பறிமுதல் DIN DIN Tuesday, November 20, 2018 04:48 AM +0530 மலேசிய தலைநகர் கோலாலம்பூரிலிருந்து சென்னைக்கு வந்த விமானத்தில் பயணி, தனது காலணியில் மறைத்து கடத்தி வந்த ரூ.4.50 லட்சம் மதிப்பிலான தங்கத்தை சுங்கத்துறை அதிகாரிகள் பறிமுதல் செய்தனர்.
மலேசிய தலைநகர் கோலாலம்பூரில் இருந்து சென்னைக்கு ஞாயிற்றுக்கிழமை நள்ளிரவு பயணிகள் விமானம் வந்தது. அதில் வந்த பயணிகளை சுங்கத்துறை அதிகாரிகள் சோதனை நடத்தினர். அப்போது சென்னையை சேர்ந்த இஸ்ரப் (32)  என்பவர் உரிய ஆவணங்கள் இன்றி பயன்படுத்திய 8 மடிக்கணினிகளை கொண்டு வந்தது தெரிய வந்தது.
அதோடு அவர் வைத்திருந்த பொருள்களை சந்தேகத்தின் அடிப்படையில் சுங்கத்துறை அதிகாரிகள் சோதனையிட்டனர். இதில், இஸ்ரப் தனது காலணியில் மறைத்து வைத்து ரூ.4.50 லட்சம் மதிப்புள்ள 150 கிராம் தங்கக்கட்டிகளை மறைத்து வைத்து, கடத்திக் கொண்டு வந்திருப்பது தெரியவந்தது. இதைத் தொடர்ந்து, தங்கக் கட்டிகளையும்,மடிக்கணினிகளையும் சுங்கத்துறை அதிகாரிகள் பறிமுதல் செய்தனர். மேலும் இது தொடர்பாக சுங்கத்துறை அதிகாரிகள், இஸ்ரப்பிடம் விசாரணை நடத்தினர்.
 

]]>
http://www.dinamani.com/all-editions/edition-chennai/chennai/2018/nov/20/காலணியில்-மறைத்து-கடத்தி-வந்த-ரூ450-லட்சம்-மதிப்புள்ள-தங்கம்-பறிமுதல்-3041919.html
3041918 சென்னை சென்னை மோட்டார் சைக்கிள் மீது லாரி மோதல்: உதவி காவல் ஆய்வாளர் கால் துண்டானது DIN DIN Tuesday, November 20, 2018 04:47 AM +0530 பூந்தமல்லியில் மோட்டார் சைக்கிள் மீது லாரி மோதியதில், காவல் உதவி ஆய்வாளர் கால் துண்டானது.
 பூந்தமல்லி  முத்துக்குமரன் நகர் பகுதியைச் சேர்ந்தவர் ஏழுமலை (55). இவர்,  நசரத்பேட்டை காவல் நிலையத்தில் காவல் உதவி ஆய்வாளராகப் பணிபுரிந்து வருகிறார்.
இந்நிலையில் ஏழுமலை, ஞாயிற்றுக்கிழமை இரவு பெங்களூரு நெடுஞ்சாலையில் மோட்டார் சைக்கிளில் ரோந்துப் பணியில் ஈடுபட்டிருந்தார். அவர், பாப்பான்சத்திரம் அருகே சென்றபோது, காஞ்சிபுரத்தில் இருந்து சென்னை நோக்கி வந்த லாரி, திடீரென ஏழுமலையின் மோட்டார் சைக்கிள் மீது மோதியது.
இதில் பலத்த காயமடைந்த ஏழுமலை, ராமாபுரத்தில் உள்ள ஒரு தனியார் மருத்துவமனையில் அனுமதிக்கப்பட்டார். விபத்தில் ஏழுமலையின் வலதுகால் மிகவும் சிதைந்ததால், அறுவை சிகிச்சை மூலம் அகற்றப்பட்டதாக காவல்துறையினர் தெரிவித்தனர்.
இது குறித்து பூந்தமல்லி போக்குவரத்து புலனாய்வுப் பிரிவு போலீஸார் வழக்குப் பதிவு செய்து, அந்த லாரி ஓட்டுநர் அந்தோனியை கைது செய்தனர்.

]]>
http://www.dinamani.com/all-editions/edition-chennai/chennai/2018/nov/20/மோட்டார்-சைக்கிள்-மீது-லாரி-மோதல்-உதவி-காவல்-ஆய்வாளர்-கால்-துண்டானது-3041918.html
3041917 சென்னை சென்னை இந்திய தர நிர்ணய நிறுவன வழக்குரைஞர் நியமனம் DIN DIN Tuesday, November 20, 2018 04:46 AM +0530 இந்திய தர நிர்ணய அமைவனம் (பி.ஐ.எஸ்.) சார்பில், சென்னை உயர்நீதிமன்றம் மற்றும் கீழமை நீதிமன்றங்களில் ஆஜராக வழக்குரைஞர் மூ.பழநிமுத்து நியமிக்கப்பட்டுள்ளார். 
இந்திய தர நிறுவனம், மத்திய அரசின் உணவு, பொது விநியோகம்  மற்றும் நுகர்வோர் விவகாரங்கள் துறையின் கீழ், நுகர்வுப் பொருள்கள் மற்றும் பல்வேறு நுகர்வோர் சேவைகளின் தரச்சான்று நிர்ணயம், தரச் சான்று அளித்தல்  மற்றும் கண்காணிப்பு ஆகிய பணிகளைச் செய்து வருகிறது. இந்த நிறுவனத்தின் சார்பில் சென்னை உயர்நீதிமன்றம் மற்றும் சென்னையில் உள்ள கீழமை நீதிமன்றங்களில் வழக்காட வழக்குரைஞர் மூ.பழநிமுத்துவை  நியமித்துள்ளது. இவர் விமான நிலையங்கள்  ஆணையம், சென்னைத் துறைமுகம், எஸ்பிஐ மற்றும்  ஐஓபி வங்கி ஆகியவற்றின் வழக்குரைஞராக ஏற்கெனவே நியமிக்கப்பட்டுள்ளார்.

]]>
http://www.dinamani.com/all-editions/edition-chennai/chennai/2018/nov/20/இந்திய-தர-நிர்ணய-நிறுவன-வழக்குரைஞர்-நியமனம்-3041917.html
3041916 சென்னை சென்னை பணியில் நேர்மை: பேருந்து ஓட்டுநர், நடத்துநருக்கு பாராட்டு DIN DIN Tuesday, November 20, 2018 04:44 AM +0530 சென்னை மாநகர பேருந்தில் பயணி தவறவிட்ட ரூ.2.47 லட்சத்தை ஒப்படைத்த ஓட்டுநர், நடத்துநரை காவல் ஆணையர் ஏ.கே.விசுவநாதன் நேரில் அழைத்து பாராட்டினார்.
கோயம்பேடு -செங்குன்றம் இடையே இயக்கப்படும் பேருந்தில் நடத்துநர் சையது இஸ்மாயில், ஓட்டுநர் டில்லி ஆகியோர் ஞாயிற்றுக்கிழமை மாலைப் பணியில் இருந்தனர். இருவரும், அண்ணாநகர் பேருந்து பணிமனையில் நள்ளிரவில் பேருந்தை ஆய்வு செய்தபோது, அங்கு பயணி தவறவிட்ட ஒரு பை கிடப்பதும், அதில் ரூ.2.47 லட்சம் இருப்பதும் தெரிய வந்தது. இதையடுத்து அவர்கள், உடனே அந்த பையை திருமங்கலம் காவல் நிலையத்தில் ஒப்படைத்தனர்.
பயணி தவறவிட்ட பணத்தை நேர்மையுடனும், கடமை உணர்வுடனும் காவல் நிலையத்தில் ஒப்படைத்த, ஓட்டுநர் டில்லி, நடத்துநர் சையது இஸ்மாயில் ஆகியோரை மாநகர போக்குவரத்துக் கழக  மேலாண் இயக்குநர் அ.அன்பு ஆபிரகாம்  திங்கள்கிழமை நேரில் அழைத்து  பாராட்டி, நினைவு பரிசு வழங்கி கெüரவித்தார். மேலும், வரும் 2019 -ஆம் ஆண்டு குடியரசு தின விழாவிலும் அவர்கள் கெüரவிக்கப்படுவார்கள் என்றும் தெரிவித்தார் இதேபோல், சென்னை பெருநகர காவல் ஆணையர் ஏ.கே.விசுவநாதனும், அவர்கள் இருவரையும் நேரில் அழைத்து பாராட்டினார்.
காவலர்களுக்கு பாராட்டு: இதேபோல், பேருந்தில் பயணிகளிடம் செல்லிடப்பேசி திருடும் கும்பலை பிடித்த அண்ணா சாலை காவல் நிலைய தலைமைக் காவலர் த.பார்த்தசாரதி, காவலர் எம்.மகேஷ்வரன் ஆகியோரையும் காவல் ஆணையர் ஏ.கே.விசுவநாதன் பாராட்டி, வெகுமதி வழங்கினார்.

]]>
http://www.dinamani.com/all-editions/edition-chennai/chennai/2018/nov/20/பணியில்-நேர்மை-பேருந்து-ஓட்டுநர்-நடத்துநருக்கு-பாராட்டு-3041916.html
3041915 சென்னை சென்னை உலக கழிப்பறை தின விழிப்புணர்வு முகாம் DIN DIN Tuesday, November 20, 2018 04:44 AM +0530 உலகக் கழிப்பறை தினத்தை முன்னிட்டு பெருநகர சென்னை மாநகராட்சி பொது சுகாதாரத்துறை சார்பில் விழிப்புணர்வு முகாம் திங்கள்கிழமை நடைபெற்றது.
ஐக்கிய நாடுகள் அமைப்பு சார்பில் ஒவ்வொரு ஆண்டும் நவம்பர் மாதம் 19-ஆம் தேதி உலகக் கழிப்பறை தினமாக அறிவிக்கப்பட்டுள்ளது. 
2030-ஆம் ஆண்டுக்குள் மக்கள் அனைவருக்கும் சுகாதாரமான கழிப்பறையை ஏற்படுத்தி, திறந்தவெளி கழிப்பிடமில்லாத உலகை உருவாக்குவதே  இதன் நோக்கமாகும்.
இதையொட்டி, சென்னை மாநகராட்சி சார்பில் சூளைமேட்டில் உள்ள ஜெய்கோபால் கரோடியா அரசு பெண்கள் மேல்நிலைப்பள்ளியில் "உலகக் கழிப்பறை தினம்' மற்றும் நோய்த்தடுப்பு விழிப்புணர்வு முகாம் திங்கள்கிழமை நடைபெற்றது.இம் முகாமில், 1600 மாணவிகள், 63 ஆசிரியர்கள் கலந்து கொண்டனர்.
முகாமில், திறந்தவெளி கழிப்பிடத்தை பயன்படுத்துவதினால் ஏற்படும் சுகாதாரக் கேடுகள், கழிப்பிடத்தை உபயோகிக்கும் முறைகள் உள்ளிட்டவை குறித்து விளக்கப்பட்டது. இதையடுத்து தூய்மை இந்தியா, டெங்கு காய்ச்சல் தடுப்பு உறுதிமொழியை மாணவிகள் எடுத்தனர்.
இம் முகாமில்  பெருநகர சென்னை மாநகராட்சி மத்திய மேற்பார்வை பொறியாளர் எம்.முருகன், சுகாதாரக் கல்வி அலுவலர் டி.ஜி.சீனிவாசன், உதவி செயற்பொறியாளர் எஸ்.குமார், பள்ளித்  தலைமையாசிரியை ஏ.ஜெ.எழிலரசி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/chennai/2018/nov/20/உலக-கழிப்பறை-தின-விழிப்புணர்வு-முகாம்-3041915.html
3041914 சென்னை சென்னை எம்ஜிஆர் நூற்றாண்டு விழா நினைவு வளைவைத் திறக்க உயர்நீதிமன்றம் தடை DIN DIN Tuesday, November 20, 2018 04:31 AM +0530 முன்னாள் முதல்வர் எம்ஜிஆர் நினைவாக கட்டப்பட்டு வரும், நூற்றாண்டு விழா நினைவு வளைவை திறக்கத் தடை விதித்து உயர்நீதிமன்றம் உத்தரவிட்டுள்ளது.
சென்னை உயர்நீதிமன்றத்தில் வழக்குரைஞர் தினேஷ்குமார் தாக்கல் செய்த பொதுநல மனுவில், முன்னாள் முதல்வர் எம்ஜிஆரின் நூற்றாண்டு விழாவை முன்னிட்டு மெரீனா கடற்கரையை ஒட்டிய காமராஜர் சாலையில் பொதுப்பணித் துறை அலுவலகம் எதிரே ரூ.2.52 கோடி செலவில் எம்ஜிஆர் நூற்றாண்டு நினைவு வளைவுக்கான கட்டுமானப் பணிகள் நடந்து வருகிறது. உச்சநீதிமன்ற உத்தரவுப்படி இந்த சாலையில் வைக்கப்பட்டிருந்த நடிகர் சிவாஜிகணேசனின் சிலை அகற்றப்பட்டுள்ளது. 
மேலும் அந்தச் சாலையில் மேம்பாட்டுப் பணிகளைத் தவிர வேறு எந்தவிதமான கட்டுமானப் பணிகளையும் மேற்கொள்ளக் கூடாது என உச்சநீதிமன்றம் பிறப்பித்துள்ள உத்தரவில் குறிப்பிடப்பட்டுள்ளது. 
தமிழ்நாடு நெடுஞ்சாலைகள் சட்டத்தின்படி சாலைகளின் குறுக்காக எந்த விதமான நிரந்தர கட்டுமானங்களையும் கட்டக்கூடாது. ஆனால், அரசியல் ஆதாயத்துக்காக கட்டப்பட்டு வரும் எம்ஜிஆர் நூற்றாண்டு நினைவு வளைவுக்குத் தடை விதிக்க வேண்டும் என கோரியிருந்தார். 
இந்த மனு நீதிபதிகள் எம்.சத்தியநாராயணன் மற்றும் என்.சேஷசாயி ஆகியோர் அடங்கிய அமர்வு முன் விசாரணைக்கு வந்தது. அப்போது அரசு தரப்பில் ஆஜரான அரசு தலைமை வழக்குரைஞர் விஜய் நாராயண், முன்னாள் முதல்வர் எம்ஜிஆரின் நினைவைப் போற்ற கட்டப்பட்டு வரும் நினைவு வளைவுப் பணிகள் இறுதிக் கட்டத்தை எட்டியுள்ளன. 
இந்த வளைவைக் கட்டுவதற்காக சென்னை மாநகராட்சியில் தீர்மானம் நிறைவேற்றப்பட்டு கட்டட அனுமதிக்கான ஒப்புதல் பெறப்பட்டுள்ளது. இந்த வளைவின் இரண்டு பக்கத்திலும் பொதுமக்கள் சென்றுவர 4 அடி அகலத்தில் பாதை விடப்பட்டுள்ளதாகத் தெரிவித்தார். 
அப்போது நீதிபதிகள், இந்த வளைவு இரண்டு பக்கத்திலும் சாலையை ஆக்கிரமித்து தானே கட்டப்படுகிறது. சாலையை ஆக்கிரமித்துள்ளதாகக் கூறித் தானே சிவாஜி சிலையை அகற்றினீர்கள், இந்த வளைவு மட்டும் ஆக்கிரமிப்பு இல்லையா எனக் கேள்வி எழுப்பினர்.
அப்போது நீதிபதி என்.சேஷசாயி, கடந்த 1977-ஆம் ஆண்டு முதல் 2007-ஆம் ஆண்டு வரை பல்வேறு அரசு நலத் திட்டங்களுக்காக கையகப்படுத்தப்பட்ட நிலங்களின் உரிமையாளர்களுக்கு வழங்கப்பட வேண்டிய ரூ.850 கோடி இதுவரை வழங்கப்படவில்லை. நிலத்தை வழங்கிய பொதுமக்கள் பெரிதும் பாதிக்கப்பட்டுள்ளனர். 
இழப்பீடாக வழங்க வேண்டிய சிறிய தொகைகளைக் கூட அரசு வழங்கவில்லை. இந்த விவகாரங்களில் அரசு தரப்பில் மேல்முறையீடும் செய்யப்பட்டுள்ளது. பொதுமக்களின் வரிப் பணத்தை மக்கள் நலத் திட்டங்களுக்காகச் செலவழிக்காமல், இதுபோன்ற திட்டங்களுக்குச் செலவழிக்கிறீர்கள். 
இதைப் பற்றித் தெரிந்த எந்த அரசுத்துறை அதிகாரிகளும் வாய் திறப்பது இல்லை. இந்த ஆட்சியை மட்டும் குறை கூறவில்லை. தமிழகத்தில் கடந்த 40 ஆண்டுகளாக ஆட்சியில் இருந்தவர்களையும் சேர்த்து தான் சொல்கிறேன் என்றார். 
இதனைத் தொடர்ந்து வழக்கை விசாரித்த நீதிபதிகள், முன்னாள் முதல்வர் எம்ஜிஆர் நூற்றாண்டு நினைவு வளைவு கட்டுமானப் பணிகளை மேற்கொள்ளலாம், ஆனால் நினைவு வளைவைத் திறக்கக்கூடாது என உத்தரவிட்டனர். மேலும் இதுதொடர்பாக சென்னை மாநகராட்சி, பொதுப்பணித்துறை பதிலளிக்க உத்தரவிட்டு, விசாரணையை வரும் டிசம்பர் 17-ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-chennai/chennai/2018/nov/20/எம்ஜிஆர்-நூற்றாண்டு-விழா-நினைவு-வளைவைத்-திறக்க-உயர்நீதிமன்றம்-தடை-3041914.html
3041913 சென்னை சென்னை அண்ணா பல்கலை., பாலிடெக்னிக்: இன்றைய தேர்வுகள் ஒத்திவைப்பு DIN DIN Tuesday, November 20, 2018 04:29 AM +0530 கஜா புயல் பாதிப்பு காரணமாக இணைப்பு பொறியியல் கல்லூரிகளுக்கு செவ்வாய்க்கிழமை (நவ.20) நடைபெற இருந்த தேர்வுகளையும் அண்ணா பல்கலைக்கழகம் ஒத்திவைத்துள்ளது.
ஏற்கெனவே, வியாழன், வெள்ளி, சனி மற்றும் திங்கள்கிழமை நடத்தப்பட இருந்த தேர்வுகள் ஒத்திவைக்கப்பட்ட நிலையில், இப்போது செவ்வய்க்கிழமை நடைபெற  இருந்த தேர்வுகளையும் பல்கலைக்கழகம் ஒத்திவைத்துள்ளது.  
இத் தேர்வுகள் டிசம்பர் 17 ஆம் தேதி நடத்தப்பட உள்ளன. மேலும், நவம்பர் 22 ஆம் தேதி முதல் அறிவிக்கப்பட்ட தேர்வுகள் அனைத்தும் திட்டமிட்டபடி நடத்தப்படும் எனவும் பல்கலைக்கழகம் அறிவிப்பு வெளியிட்டுள்ளது.
பாலிடெக்னிக் தேர்வுகள்: புயல் பாதிப்பு காரணமாக, தமிழகம் முழுவதும் உள்ள பாலிடெக்னிக் கல்லூரிகளுக்கு கடந்த வியாழன், வெள்ளி, சனி மற்றும் திங்கள்கிழமைகளில் நடைபெற இருந்த தேர்வுகள் ஒத்திவைக்கப்பட்டன. 
இந்த நிலையில், புயல் பாதித்த மாவட்டங்களில் இன்னும் இயல்பு நிலை திரும்பாத காரணத்தால் பாலிடெக்னிக்குகளுக்கு செவ்வாய்க்கிழமை நடைபெற இருந்த தேர்வுகளையும் தொழில்நுட்ப கல்வி இயக்குநர் அலுவலகம் ஒத்திவைத்துள்ளது.

]]>
http://www.dinamani.com/all-editions/edition-chennai/chennai/2018/nov/20/அண்ணா-பல்கலை-பாலிடெக்னிக்-இன்றைய-தேர்வுகள்-ஒத்திவைப்பு-3041913.html
3041895 சென்னை சென்னை கஜா புயல்: நடிகர்கள் நிதியுதவி அறிவிப்பு DIN DIN Tuesday, November 20, 2018 03:34 AM +0530 "கஜா' புயலால் பாதிக்கப்பட்ட மக்களுக்கு நடிகர்கள் சூர்யா, கார்த்தி, சிவகார்த்திகேயன், விஜய்சேதுபதி ஆகியோர் நிதியுதவி வழங்குவதாக அறிவித்துள்ளனர். 
"கஜா' புயலால் திருச்சி, தஞ்சாவூர், திருவாரூர், நாகப்பட்டினம், புதுக்கோட்டை ஆகிய மாவட்டங்கள் பெரும் அழிவைச் சந்தித்துள்ளதால் விவசாயிகள் கவலையில் ஆழ்ந்துள்ளனர். பல ஆண்டுகளாக செலவிட்டு வளர்த்த தென்னை மரங்கள், வாழை, கரும்பு உள்ளிட்டவை பெரும் சேதமடைந்துள்ளன. அதிலிருந்து விவசாயிகள் மீள பல ஆண்டுகள் ஆகும். ஆடுகள், மாடுகள் உள்ளிட்ட கால்நடைகளும் இறந்துள்ளன.
"கஜா' புயலில் இருந்து மீண்டுவர பலரும் உதவிகளைச் செய்ய வேண்டுமென முதல்வர் பழனிசாமி வேண்டுகோள் விடுத்துள்ளார். இந்த நிலையில் நடிகர்கள் சூர்யா, கார்த்தி மற்றும் நடிகை ஜோதிகா ரூ.50 லட்சம் நிதியுதவி வழங்கியுள்ளனர்.  நடிகர் சிவகார்த்திகேயன் ரூ.20 லட்சம்  நிதியுதவி அளிக்கவுள்ளார்.  இதில் ரூ.10 லட்சம் மதிப்புள்ள பொருள்களைத் தன்னுடைய ரசிகர் மன்றத்தினர் மூலம் பாதிக்கப்பட்ட பகுதிகளுக்குக் கொண்டு சேர்த்துள்ளார். மேலும் முதல்வர் நிவாரண நிதிக்கு அவர் ரூ.10 லட்சம் வழங்கவுள்ளார்.
இதேபோன்று,  நடிகர் விஜய் சேதுபதி ரூ.25 லட்சம்  நிதியுதவி அறிவித்துள்ளார். "சார்ஜிங் லைட்' உள்ளிட்ட அத்தியாவசியப் பொருள்களைத் தருவதுடன், மரங்களை இழந்தவர்களின் தோப்புகள் புனரமைக்கப்பட்டு, அவர்களுக்கு தென்னை, மா, பலா கன்றுகளும் வழங்கப்பட உள்ளன. இந்த உதவிகள், விஜய் சேதுபதி ரசிகர் நற்பணி 
மன்றத்தினர் மூலம் தேவைப்படுவோருக்கு வழங்கப்பட உள்ளதாக அறிவிக்கப்பட்டுள்ளது.

]]>
http://www.dinamani.com/all-editions/edition-chennai/chennai/2018/nov/20/கஜா-புயல்-நடிகர்கள்-நிதியுதவி-அறிவிப்பு-3041895.html
3041894 சென்னை சென்னை வனவர் காலிப் பணியிடம்: தேர்வுக்கான நுழைவுச் சீட்டு தயார் DIN DIN Tuesday, November 20, 2018 03:34 AM +0530 வனவர் பணிக்கான தேர்வுக்கூட நுழைவுச் சீட்டை பதிவிறக்கம் செய்து கொள்ளலாம் என தமிழ்நாடு வன சீருடைப் பணியாளர் தேர்வுக் குழுமம் அறிவித்துள்ளது.
இதுதொடர்பாக தமிழ்நாடு வன சீருடைப் பணியாளர் தேர்வுக் குழுமம் திங்கள்கிழமை வெளியிட்ட செய்திக் குறிப்பு:-
வனவர் காலிப் பணியிடங்களுக்கு 1.12 லட்சம் பேர் விண்ணப்பித்துள்ளனர். 
இதற்கான இணைய வழித் தேர்வு வரும் 25,  26,  27,  28 ஆகிய நான்கு தினங்களில் 150 மையங்களில்  நடைபெறுகிறது. 
தேர்வுகளுக்கான நுழைவுச் சீட்டை  இணையதளத்தில் இருந்து பதிவிறக்கம் செய்து கொள்ளலாம். அதாவது https://tnfusrc.in என்ற இணையத்துக்குச் சென்று நுழைவுச் சீட்டினை பதிவிறக்கம் செய்யலாம் என தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/chennai/2018/nov/20/வனவர்-காலிப்-பணியிடம்-தேர்வுக்கான-நுழைவுச்-சீட்டு-தயார்-3041894.html
3041892 சென்னை சென்னை புயல் பாதிப்பு: மின் கட்டணத்தை ரத்து செய்ய ஜி.கே.வாசன் கோரிக்கை DIN DIN Tuesday, November 20, 2018 03:25 AM +0530 புயல் பாதிப்புக்குள்ளான பகுதிகளில் மின் கட்டணத்தை முழுமையாக ரத்து செய்ய வேண்டும் என்று தமாகா தலைவர் ஜி.கே.வாசன் கூறினார். புயல் பாதிப்புக்குள்ளான பகுதிகளை ஜி.கே.வாசன் பார்வையிட்டு பாதிக்கப்பட்ட  மக்களுக்கு ஆறுதல் கூறினார். 
இந்நிலையில் சென்னையில் திங்கள்கிழமை செய்தியாளர்களிடம் அவர் கூறியது: கஜா புயலால் பாதிக்கப்பட்ட மக்களின் துயர் துடைக்க தமாகா சார்பில் ரூ.10 லட்சம் நிவாரண நிதி வழங்கப்படும். இந்தத் தொகை அரசிடம் வழங்கப்படும். புயல் பாதித்த மாவட்டங்களில் மின்சார வசதி இல்லாமல் மக்கள் தவிக்கின்றனர். இந்த மாவட்டங்களில் மின் கட்டணம் செலுத்துவதற்கு 15 நாள்கள் அவகாசம் கொடுக்கப்பட்டுள்ளது.
பெரும் கவலையில் மூழ்கியுள்ள மக்களுக்கு இது மேலும் சுமையாக இருக்கும். அதனால், புயல் பாதிப்புக்குள்ளான மாவட்ட மக்களுக்கு இந்த மாத மின் கட்டணத்தை முழுமையாக ரத்து செய்ய வேண்டும். மக்கள் இயல்பு நிலைக்குத் திரும்பும் வரைஅந்த மாவட்டங்களில் உள்ள அனைத்து மதுக்கடைகளையும் மூட வேண்டும். மதுக்கடைகள் திறந்தால் நிவாரணப் பணிகளுக்கு இடையூறு ஏற்படும்.
புயலால் உயிரிழந்தவர்களின் குடும்பத்துக்கு தலா ரூ.25 லட்சமும், சேதமடைந்த பயிர்களுக்கு குறைந்தபட்சம் ரூ.25 ஆயிரமும், முறிந்து போன தென்னை மரம் ஒன்றிற்கு ரூ.50 ஆயிரமும், சாய்ந்து போன வாழைக்கு ஓர்  ஏக்கருக்கு ரூ.3 லட்சமும் வழங்க வேண்டும். நெல்லுக்கு ஏக்கருக்கு ரூ.30 ஆயிரமும், கரும்புக்கு ஏக்கருக்கு ரூ.50 ஆயிரமும், பிற பயிர்களுக்கு ஏக்கருக்கு தலா 30 ஆயிரமும், சேதமடைந்த, இடிந்து போன வீடுகளுக்கு குறைந்தபட்சம் ரூ.1 லட்சமும் நிவாரணமாக கொடுக்க வேண்டும் என்றார்.

]]>
http://www.dinamani.com/all-editions/edition-chennai/chennai/2018/nov/20/புயல்-பாதிப்பு-மின்-கட்டணத்தை-ரத்து-செய்ய-ஜிகேவாசன்-கோரிக்கை-3041892.html
3041667 சென்னை சென்னை சென்னையில் சூரிய ஒளி சிகிச்சை  DIN DIN Monday, November 19, 2018 10:54 AM +0530 இயற்கையின் மகத்துவத்தை விளக்கும் வகையில், சென்னை அரும்பாக்கத்தில் உள்ள அரசு யோகா, இயற்கை மருத்துவக் கல்லூரி மருத்துவமனையில் ஞாயிற்றுக்கிழமை நடைபெற்ற சூரிய ஒளி கிசிச்சையில் ஆயிரத்துக்கும் மேற்பட்டோர் பங்கேற்றனர். 
தேசிய இயற்கை மருத்துவ தினத்தையொட்டி, சென்னை அரும்பாக்கத்தில் உள்ள அரசு யோகா, இயற்கை மருத்துவக் கல்லூரி மருத்துவமனையில் ஞாயிற்றுக்கிழமை (நவ.18) முதல் சனிக்கிழமை வரை (நவ.24) வரை இயற்கை மருத்துவ சிகிச்சைகள் மேற்கொள்ளப்பட உள்ளன. இதன் தொடக்கமாக மருத்துவமனை வளாகத்தில் மாபெரும் சூரிய ஒளி சிகிச்சை ஞாயிற்றுக்கிழமை நடைபெற்றது.
1,000 பேர் பங்கேற்பு: ஞாயிற்றுக்கிழமை நடைபெற்ற சூரிய ஒளி சிகிச்சையில் ஆயிரத்துக்கும் மேற்பட்டோர் பங்கேற்றனர். இதைத் தொடர்ந்து, இயற்கை மருத்துவத்தை வலியுறுத்தும் வகையில் மனிதச் சங்கிலி, கருத்தரங்கு நடைபெற்றன. பொதுமக்களுக்கு இலவச இயற்கை உணவுகளும் வழங்கப்பட்டன.
இன்று இயற்கை மூலிகை உணவு சிகிச்சை: இரண்டாம் நாளான திங்கள்கிழமை இயற்கை மூலிகை உணவு சிகிச்சை, செவ்வாய்க்கிழமை மண் குளியல் சிகிச்சை, புதன்கிழமை நிற சிகிச்சை, வியாழக்கிழமை நீர் சிகிச்சை, வெள்ளிக்கிழமை அக்குபஞ்சர், ஆற்றல் மருத்துவ சிகிச்சை, சனிக்கிழமை மசாஜ் சிகிச்சை ஆகியவை அளிக்கப்பட உள்ளன. மேலும், நோய்களுக்கான ஆலோசனைகளும் வழங்கப்பட உள்ளன.
நோய் எதிர்ப்பு சக்தியை உருவாக்கும்: அரசு யோகா, இயற்கை மருத்துவக் கல்லூரி மருத்துவமனை முதல்வர் மணவாளன் கூறியதாவது:
சூரிய ஒளி சிகிச்சை, மண் குளியல் சிகிச்சை, நிற சிகிச்சை, மசாஜ் சிகிச்சை ஆகியவை முழுக்க இயற்கையின் துணை கொண்டு மேற்கொள்ளப்படும் சிகிச்சைகளாகும். 
இன்றைய காலகட்டத்தில் வெளியில் செல்லும்போது, அழகுசாதன களிம்புகள் தடவிக் கொள்வது, உடல் முழுவதும் சூரிய ஒளி படாதபடி துணியால் மூடிக் கொள்வது, பகலில் வெளியே வராமல் இருப்பது போன்ற காரணங்களால் வைட்டமின் டி, கால்சியம் குறைபாட்டால் பாதிக்கப்படுவோரின் எண்ணிக்கை அதிகரித்து வருகிறது. 
இதன் காரணமாக தோல் வியாதி உள்ளிட்ட பலவிதமான நோய்கள் ஏற்பட வாய்ப்புள்ளது. சூரிய ஒளி சிகிச்சை, மண் குளியல் சிகிச்சை ஆகியவற்றால் தூக்கமின்மை, அஜீரணக் கோளாறு, உடல்பருமன், ஹார்மோன் குறைபாடு பிரச்னை, தோல் வியாதிகள் ஆகியவற்றுக்குத் தீர்வு காணப்படுவதுடன், உடலில் எதிர்ப்பு சக்தியும் அதிகரிக்கும் என்றார்.
புத்துணர்வை ஏற்படுத்திய சிகிச்சை: இதுகுறித்து சென்னை நங்கநல்லூரைச் சேர்ந்த சுபாஷ் என்பவர் கூறும்போது, "தகவல் தொழில்நுட்ப நிறுவனத்தில் பணியாற்றுகிறேன். பெரும்பாலும் இரவுப் பணி என்பதால் பகல் முழுவதும் தூங்குவதற்கே நேரம் சரியாக உள்ளது. 
இதனால், வைட்டமின் "டி'  குறைபாடு ஏற்பட்டு தோல் சார்ந்த பிரச்னைகள் ஏற்பட்டன. அரசு யோகா, இயற்கை மருத்துவக் கல்லூரி மருத்துவமனையில் அளிக்கப்படும் மண் குளியல் கிசிச்சை, சூரிய ஒளி சிகிச்சை, நிற சிகிச்சை காரணமாக பக்க விளைவுகள் ஏதுமின்றி எனது உடலில் நல்ல முன்னேற்றம் ஏற்பட்டுள்ளது. மேலும், இந்த சிகிச்சையால் நாள் முழுவதும் புத்துணர்வு கிடைக்கிறது' என்றார் அவர்.

]]>
http://images.dinamani.com/uploads/user/imagelibrary/2018/11/19/w600X390/treatement.jpg அரும்பாக்கம் அரசு யோகா, இயற்கை மருத்துவக் கல்லூரி மருத்துவமனையில் பொதுமக்களுக்கு ஞாயிற்றுக்கிழமை அளிக்கப்பட்ட வாழை இலை சூரிய ஒளி சிகிச்சை. http://www.dinamani.com/all-editions/edition-chennai/chennai/2018/nov/19/சென்னையில்-சூரிய-ஒளி-சிகிச்சை-3041667.html
3041661 சென்னை சென்னை எண்ணூர் துறைமுகத்தில் கப்பலிலிருந்து 2 டன் எண்ணெய்க் கசிவு DIN DIN Monday, November 19, 2018 10:53 AM +0530 எண்ணூர் காமராஜர் துறைமுகத்தின் உள்ளே நிறுத்தி வைக்கப்பட்டிருந்த "எம்.டி.கோரல் ஸ்டார்ஸ்' கப்பலிலிருந்து ஞாயிற்றுக்கிழமை எண்ணெய்க் கசிவு ஏற்பட்டு துறைமுகக் கடல் பகுதி முழுவதும் பரவியது. இதையடுத்து கடலோரக் காவல் படையினரின் உதவியுடன் எண்ணெய்க் கசிவை அகற்றும் பணி தொடர்ந்து நடைபெறுகிறது.

காமராஜர் துறைமுகம் சென்னைக்கு அருகே எண்ணூரில் அமைந்துள்ளது. இங்கு எண்ணூர் டேங்க் டெர்மினல் லிமிடெட் என்ற தனியார் கடல்சார் திரவ முனையம் செயல்பட்டு வருகிறது. இங்கு எரிவாயு, எண்ணெய் வகைகள் இறக்குமதி செய்வதற்கான வசதிகள் அமைக்கப்பட்டுள்ளன.  சனிக்கிழமை இரவு "எம்.டி. கோரல் ஸ்டார்ஸ்' கப்பல் 15 ஆயிரம் டன் பர்னஸ் ஆயிலுடன் (உலை எண்ணெய்)  காமராஜர் துறைமுக முனையத்தை வந்தடைந்தது.

இதைத் தொடர்ந்து ஏற்கெனவே அமைக்கப்பட்டுள்ள குழாய்கள் மூலம் சென்னை எண்ணெய் சுத்திகரிப்பு ஆலையில் உள்ள சேமிப்புக் கிடங்குக்கு உலை எண்ணெயை அனுப்பும் பணி தொடங்கியது. இந்நிலையில் ஞாயிற்றுக்கிழமை அதிகாலை  4 மணியளவில் ஒரு இணைப்புக் குழாய் கழன்று விழுந்தது. இதையடுத்து எண்ணெய் கடலுக்குள் பீரிட்டுக் கொட்டத் தொடங்கியது.  உடனடியாக  ஊழியர்கள் கப்பலில் இருந்து எண்ணெய் வெளியேறுவதை நிறுத்தினர். இணைப்புக் குழாய் துண்டிக்கப்பட்ட நிலையில் ஒருசில நிமிடத்திலேயே சுமார் 2 ஆயிரம் கிலோ எண்ணெய் கடலில் கொட்டியது.

எண்ணெய்க் கசிவை அகற்றும் பணி: எண்ணெய்க் கசிவு குறித்து துறைமுக உயர் அதிகாரிகளுக்குத் தகவல் தெரிவிக்கப்பட்டதையடுத்து துறைமுகத் தலைவர் பி.ரவீந்திரன் தலைமையில் எண்ணெய்க் கசிவை அகற்றும் பணி தொடர்பாக ஆலோசனை நடத்தப்பட்டு, கடலோரக் காவல் படைக்கு தகவல் தெரிவிக்கப்பட்டது.

அதைத்தொடர்ந்து சென்னைத் துறைமுகத்தில் நிறுத்தி வைக்கப்பட்டிருந்த கடலோரக் காவல்படையின் இரு ரோந்துக் கப்பல்கள்,  சென்னைத் துறைமுகத்தின்  எண்ணெய்க் கசிவு அகற்றும் வாகனங்கள் எண்ணூர் துறைமுகத்துக்கு விரைந்து வந்து எண்ணெய்க் கசிவை அகற்றும் பணியில் ஈடுபடத் தொடங்கின.  

சிறப்புக் கப்பல் சமுத்ரா பகெரேதார் வருகை: எண்ணெய்க் கசிவுகளை அகற்றும் பணி நடைபெறும் நிலையில், மேலும் உதவிடும் வகையில் கடலோரக் காவல் படையின் மாசுக் கட்டுப்பாட்டு சிறப்புக் கப்பலான "சமுத்ரா பகெரேதார்' விசாகப்பட்டினத்தில் இருந்து ஞாயிற்றுக்கிழமை பிற்பகல் புறப்பட்டு சென்னை நோக்கி வந்து கொண்டிருக்கிறது. எத்தகைய எண்ணெய்,

ரசாயனப் படலங்களையும் தண்ணீரிலிருந்து பிரித்து அழிக்கும் தன்மை கொண்ட அதிநவீன உபகரணங்கள் இக்கப்பலில் இடம்பெற்றுள்ளன. 

இதன் உதவியுடன் எண்ணூர் காமராஜர் துறைமுகத்தில் ஏற்பட்டுள்ள எண்ணெய்க் கசிவு முற்றிலும் அகற்றப்படும். இதனால் சுற்றுச் சூழல் மாசு ஏற்படாத வகையில் முழுமையான நடவடிக்கை எடுக்கப்படுகிறது.

இதனால் யாரும் அச்சப்படத் தேவையில்லை என்று துறைமுக நிர்வாகம் தெரிவித்துள்ளது.

20 மாதங்களுக்கு முன்பு...

எண்ணூர் காமராஜர் துறைமுகத்துக்கு அருகே கப்பல்கள் வந்து செல்லும் கால்வாயில் பி டபுள்யூ மாப்பிள்,  எம்.டி  டான் காஞ்சிபுரம் ஆகிய இரு கப்பல்கள் கடந்த 2017 ஜனவரி 28 அதிகாலையில் மோதிக்கொண்டன. இதில் சேதமடைந்த டான் காஞ்சிபுரம் கப்பலிலிருந்து சுமார் 160 மெட்ரிக் டன் பர்னஸ் ஆயில் நடுக்கடலில் கொட்டி எர்ணாவூர் கடற்கரையில்  ஒதுங்கியது. இதை அகற்ற சுமார் 2 மாதங்கள் ஆகின. இந்தஎண்ணெய் கசிவால் மீன்கள் இறந்து வாழ்வாரம் பாதிக்கப்படுவதாக  மீனவர்கள் குற்றம் சாட்டினர். இதைத் தொடர்ந்து டான் காஞ்சிபுரம் கப்பல் சிறைபிடிக்கப்பட்டது.  

தமிழக அரசு சார்பில் தீர்ப்பாயத்தில் தொடர்ந்த வழக்கில் இழப்பீடு வழங்க டான் காஞ்சிபுரம் கப்பல் நிர்வாகம் ஒப்புக்கொண்டதையடுத்து இப்பிரச்னை முடிவுக்கு வந்தது.

 

]]>
http://images.dinamani.com/uploads/user/imagelibrary/2018/11/19/w600X390/harbour.jpg காமராஜர் துறைமுகத்தில் ஞாயிற்றுக்கிழமை அதிகாலை எம்.டி.கோரல் ஸ்டார்ஸ் கப்பலிலிருந்து வெளியான எண்ணெய்க் கசிவை அகற்றும் பணியில் ஈடுபட்டுள்ள கடலோரக் காவல்படை கப்பல்.  (வலது) காமராஜர் துறைமுகத்தில் ஞாயிற்ற http://www.dinamani.com/all-editions/edition-chennai/chennai/2018/nov/19/எண்ணூர்-துறைமுகத்தில்-கப்பலிலிருந்து-2-டன்-எண்ணெய்க்-கசிவு-3041661.html
3041665 சென்னை சென்னை ஹைதராபாதில் ராமாநுஜருக்கு 216 அடி உயர பஞ்சலோக சிலை DIN DIN Monday, November 19, 2018 05:09 AM +0530 சமத்துவத்தை வலியுறுத்திய ராமாநுஜருக்கு ஹைதராபாத் விமான நிலையம் அருகேயுள்ள ஷம்ஷாபாதில் 216 அடி உயர சிலை நிறுவப்பட்டுள்ளது. சிலை அமைந்துள்ள வளாகத்தின் திட்டப் பணிகள் முழுவதுமாக நிறைவடைந்ததும், வரும் ஆண்டில் சிலை திறப்பு விழா நடைபெறும் என்று ஹைதராபாத்தை தலைமையிடமாகக் கொண்டு இயங்கும் ஜீயர் கல்வி அறக்கட்டளை ஒருங்கிணைப்பாளர் ராமாநுஜ சின்ன ஜீயர் சுவாமிகள் தெரிவித்தார்.
ஜீயர் கல்வி அறக்கட்டளை, விகாச தரங்கனி சார்பில் "சமத்துவம்' என்ற தலைப்பில் சொற்பொழிவு நிகழ்ச்சி சென்னை தியாகராய நகர் வாணி மஹாலில் ஞாயிற்றுக்கிழமை நடைபெற்றது. இதில் ஜீயர் கல்வி அறக்கட்டளை ஒருங்கிணைப்பாளர் ராமாநுஜ சின்ன ஜீயர் சுவாமிகள் பேகம்போது, "இந்த உலகம் அமைதியாக இருக்க வேண்டுமெனில் சமத்துவம் நிலவ வேண்டும். எல்லா உயிரினங்களும் அதனதன் சூழலில் வாழ்வதற்கு இடமளிக்க வேண்டும். அப்போதுதான் இந்த உலகம் நலமாக இருக்கும்' என்றார்.
இதைத்தொடர்ந்து அவர் செய்தியாளர்களிடம் கூறியது: உலகில் சமத்துவத்தை பரப்புவதற்காக 11-ஆம் நூற்றாண்டில் வாழ்ந்த ராமாநுஜர்,   ஸ்ரீபெரும்புதூரில் பிறந்து, காஞ்சிபுரத்தில் வளர்ந்து,  ஸ்ரீரங்கத்தில் ஆன்மிக தொண்டில் ஈடுபட்டவர். 
உலகுக்கு சமத்துவத்தை நிலைநாட்ட முயன்றவர். 1,000 ஆண்டுகளுக்கு முன் மனித சமுதாயத்தில் சமத்துவத்தை நிலைநாட்டிய அவருக்கு ஹைதராபாத் விமான நிலையம் அருகேயுள்ள ஷம்ஷாபாதில் சிலை நிறுவ முடிவு செய்யப்பட்டது. 
அதைத்தொடர்ந்து 70 ஏக்கர் பரப்பளவில் கட்டுமானப் பணிகள் மேற்கொள்ளப்பட்டு, 216 அடி உயரமுள்ள பஞ்சலோக திருமேனியை நிறுவியுள்ளோம்.
இதற்கு 108 திவ்யதேசங்கள் உதவின. ரூ.1,000 கோடி மதிப்பிலான இந்தத் திட்டப் பணிகளில் தற்போது ரூ.600 கோடி வரை செலவிடப்பட்டுள்ளது. திட்டப்பணிகள் அனைத்தும் நிறைவடைந்ததும், வரும் ஆண்டில்  சிலையை திறக்க திட்டமிடப்பட்டுள்ளது என்றார் ஜீயர்சுவாமிகள்.
 

]]>
http://images.dinamani.com/uploads/user/imagelibrary/2018/11/19/w600X390/ramanujar.jpg சென்னையில் ஞாயிற்றுக்கிழமை செய்தியாளர்களை சந்தித்த ராமாநுஜ சின்ன ஜீயர் சுவாமிகள். http://www.dinamani.com/all-editions/edition-chennai/chennai/2018/nov/19/ஹைதராபாதில்-ராமாநுஜருக்கு-216-அடி-உயர-பஞ்சலோக-சிலை-3041665.html
3041656 சென்னை சென்னை யுனானி படிப்பில் மாணவிக்கு இடம் மறுக்கப்பட்ட விவகாரம்: மீண்டும் தேர்வை நடத்த உத்தரவு DIN DIN Monday, November 19, 2018 05:01 AM +0530 யுனானி மருத்துவப் படிப்பில் சேர இடம் மறுக்கப்பட்ட மாணவிக்கு மீண்டும் தகுதித் தேர்வை நடத்துவது குறித்து பரிசீலிக்க, சென்னை உயர்நீதிமன்றம் உத்தரவிட்டுள்ளது.
இதுதொடர்பாக, பெளசியா என்பவர் உயர்நீதிமன்றத்தில் தாக்கல் செய்த மனுவில், "2018-19 ஆம் கல்வியாண்டில் யுனானி மருத்துவ படிப்பில் சேர அனைத்துத் தகுதியும் இருந்தது. ஆனால் எனக்கு இடம் வழங்கப்படவில்லை. எனவே, யுனானி மருத்துவப் படிப்பில் சேர இடம் அளிக்க உத்தரவிட வேண்டும்' எனக் கோரியிருந்தார்.
இந்த மனு நீதிபதி டி.ராஜா முன் விசாரணைக்கு வந்தது. அப்போது மனுதாரர் தரப்பில் ஆஜரான வழக்குரைஞர் ஹாஜா மொய்தீன், "மனுதாரர் 10 -ஆம் வகுப்பில் 429 மதிப்பெண்களும், பிளஸ் 2 தேர்வில் 1,101 மதிப்பெண்ணும் எடுத்துள்ளார். 
அரபு மொழியை முதன்மைப் பாடமாகவும், ஹிந்தி மற்றும் உருது மொழிகளை விருப்பப் பாடமாகவும் படித்து, யுனானி மருத்துவப் படிப்பில் சேர முழுத் தகுதியுடன் இருந்தும் அவருக்கு இடம் வழங்கப்படவில்லை' என வாதிட்டார்.
அப்போது அரசு தரப்பில் ஆஜரான அரசு கூடுதல் தலைமை வழக்குரைஞர் ஏ.குமார், "யுனானி மருத்துவப் படிப்பில் சேர விண்ணப்பித்த 27 பேரில், 25 பேருக்கு தேர்வு நடத்தப்பட்டு இடங்களும் பூர்த்தி செய்யப்பட்டுள்ளன. 
மனுதாரர் உருது தேர்வில் தோல்வி அடைந்துள்ளார். எனவேதான் அவருக்கு இடம் வழங்கப்படவில்லை' என்றார்.
இதனையடுத்து வழக்கை விசாரித்த நீதிபதி, "மனுதாரர் சித்தா, ஆயுர்வேதா, யோகா, ஹோமியோபதி உள்ளிட்ட மருத்துவ படிப்புகளில் சேர தகுதியானவர். ஆனால் மனுதாரர் யுனானி மருத்துவ படிப்பில் சேர விரும்புவதால்,  வரும் நவம்பர் 19 -ஆம் தேதி உருது மொழிக்கான தகுதித் தேர்வை நடத்த வேண்டும். 
தேர்வில் அவர் தேர்ச்சி பெறும்பட்சத்தில் இந்த கல்வியாண்டில் யுனானி மருத்துவப் படிப்பில் மனுதாரருக்கு இடம் அளிப்பது தொடர்பாக இந்திய மருத்துவம் மற்றும் ஹோமியோபதி துறை இயக்குநர் பரிசீலிக்க வேண்டும்' என  உத்தரவிட்டார். 
 

]]>
http://www.dinamani.com/all-editions/edition-chennai/chennai/2018/nov/19/யுனானி-படிப்பில்-மாணவிக்கு-இடம்-மறுக்கப்பட்ட-விவகாரம்-மீண்டும்-தேர்வை-நடத்த-உத்தரவு-3041656.html
3041655 சென்னை சென்னை விதிமீறல் கட்டடங்கள்: மின் இணைப்பைத் துண்டிக்க மாநகராட்சிக்கு உத்தரவு DIN DIN Monday, November 19, 2018 05:00 AM +0530 சட்டத்தை மீறி விதிகளுக்குப் புறம்பாக கட்டடங்கள் கட்டப்பட்டிருந்தால், அந்த கட்டடங்களின் மின் இணைப்பைத் துண்டிக்க வேண்டும் என சென்னை மாநகராட்சிக்கு, உயர்நீதிமன்றம் உத்தரவிட்டுள்ளது.
இதுகுறித்து மண்ணடியைச் சேர்ந்த மேக்ராஜ் பேகம் என்பவர் உயர்நீதிமன்றத்தில் தாக்கல் செய்த மனுவில், "தமிழ்நாடு ஊராட்சி மற்றும் நகர்புறத் திட்ட துறையிடம், தரைத்தளத்துடன்கூடிய இரண்டு மாடிகள் கொண்ட கட்டடம் கட்ட அனுமதி பெற்றேன். சம்பந்தப்பட்ட துறையினரிடம் பெற்ற அனுமதியை மீறி கட்டடத்தைக் கட்டியுள்ளதாக கூறியும், விதிகளை மீறி கட்டப்பட்டுள்ள பகுதிகளை அகற்ற கோரியும் சென்னை மாநகராட்சி நோட்டீஸ் அனுப்பியது. 
விதிமீறலுக்கான அபராதத் தொகையைச் செலுத்துவதாக மாநகராட்சி அதிகாரிகளிடம் தெரிவித்தேன். இதனை ஏற்க மறுத்த அதிகாரிகள், அந்த கட்டடத்துக்கு சீல் வைத்துள்ளனர். எனவே சென்னை மாநகராட்சி சார்பில் வைக்கப்பட்டுள்ள சீலை அகற்ற உத்தரவிட வேண்டும்' எனக் கோரியிருந்தார்.
இந்த மனு நீதிபதிகள் எஸ்.வைத்தியநாதன், கிருஷ்ணன் ராமசாமி ஆகியோர் அடங்கிய அமர்வு முன் விசாரணைக்கு வந்தது. வழக்கை விசாரித்த நீதிபதிகள், "மனுதாரர் விதிகளுக்குப் புறம்பாக கட்டியுள்ள கட்டடப் பகுதிகளை பயன்படுத்தக் கூடாது. அந்த விதிமீறல் கட்டடப் பகுதிகளை அதிகாரிகள் அகற்ற எந்தத் தடையும் இல்லை. மேலும் தமிழ்நாடு ஊராட்சி மற்றும் நகர்புற சட்டத் திட்டங்களுக்கு புறம்பாக, விதிகளை மீறி கட்டடம் கட்டப்பட்டிருந்தால், அவற்றை சரிசெய்யும் வரை சம்பந்தப்பட்ட கட்டடங்களுக்கான மின் இணைப்பை அதிகாரிகள் துண்டிக்க வேண்டும்' என உத்தரவிட்டனர். 

]]>
http://www.dinamani.com/all-editions/edition-chennai/chennai/2018/nov/19/விதிமீறல்-கட்டடங்கள்-மின்-இணைப்பைத்-துண்டிக்க-மாநகராட்சிக்கு-உத்தரவு-3041655.html
3041654 சென்னை சென்னை சமையலர், ஓட்டுநர் காலி பணியிடங்கள்: டிச.2-க்குள் விண்ணப்பிக்கலாம் DIN DIN Monday, November 19, 2018 05:00 AM +0530 சென்னை சமூக மகப்பேறியல் நிலையம், அரசு கஸ்தூர்பா காந்தி தாய்சேய் நல மருத்துவமனையில் காலியாக உள்ள சமையலர், ஓட்டுநர், சலவையாளர் பணியிடங்களுக்கு டிச.2-க்குள் விண்ணப்பிக்கலாம் என அறிவிக்கப்பட்டுள்ளது.
இதுகுறித்து சென்னை மாவட்ட ஆட்சியர் அ.சண்முகசுந்தரம் வெளியிட்ட செய்திக் குறிப்பு: சென்னை திருவல்லிக்கேணியில் உள்ள சமூக மகப்பேறியல் நிலையம், அரசு கஸ்தூர்பா காந்தி தாய் சேய் நல மருத்துவமனையில் காலியாக உள்ள 3 சமையலர்கள், 2 ஓட்டுநர்கள், 2 சலவையாளர்கள் பணியிடங்களுக்கு காலமுறை ஊதிய அடிப்படையில் நியமிக்கப்பட உள்ளனர்.
இதில், சமையலர், சலவையாளர் பணியிடங்களுக்கு விண்ணப்பிப்போர் எழுதப் படிக்கத் தெரிந்திருக்க வேண்டும். ஆதிதிராவிடர் 35 வயதுக்கு மிகாமலும், பிற்படுத்தப்பட்டோர், மிகவும் பிற்படுத்தப்பட்டோர் 32 வயதுக்கு மிகாமலும், இதரப் பிரிவினர் 30 வயதுக்கு மிகாமலும் இருக்க வேண்டும். குறைந்தபட்ச அடிப்படை ஊதியமாக ரூ. 15,700 வழங்கப்படும்.
ஓட்டுநர் பணியிடத்துக்கு விண்ணப்பிப்போர் 8-ஆம் வகுப்புத் தேர்ச்சி பெற்றுள்ளதுடன், ஓட்டுநர் உரிமத்துடன் குறைந்தது  2 ஆண்டுகள் அனுபவம் பெற்றிருக்க வேண்டும். ஆதிதிராவிடர் 35 வயதுக்கு மிகாமலும், பிற்படுத்தப்பட்டோர், மிகவும் பிற்படுத்தப்பட்டோர் 32 வயதுக்கு மிகாமலும், இதர பிரிவினர் 30 வயதுக்கு மிகாமலும் இருக்க வேண்டும். குறைந்தபட்ச அடிப்படை ஊதியமாக ரூ. 19,500 வழங்கப்படும்.
தொடர்புக்கு: சென்னை சேப்பாக்கத்தில் உள்ள சமூக மகப்பேறியல் நிலையம், அரசு கஸ்தூர்பா காந்தி தாய் சேய் நல மருத்துவமனையில் நவம்பர் 26-ஆம் தேதி முதல் டிசம்பர் 2-ஆம் தேதி வரை விண்ணப்பங்கள் வழங்கப்படும். 
பூர்த்தி செய்யப்பட்ட விண்ணப்பங்களை டிசம்பர் 10-ஆம் தேதிக்குள் சமூக மகப்பேறியல் நிலையம், அரசு கஸ்தூர்பா காந்தி தாய் சேய் நல மருத்துவமனை, சேப்பாக்கம், சென்னை-5 என்ற  முகவரிக்கு அனுப்ப வேண்டும். மேலும் தகவல்களுக்கு 044 28545123 என்ற தொலைபேசி எண்ணில் தொடர்பு கொள்ளலாம் எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-chennai/chennai/2018/nov/19/சமையலர்-ஓட்டுநர்-காலி-பணியிடங்கள்-டிச2-க்குள்-விண்ணப்பிக்கலாம்-3041654.html
3041653 சென்னை சென்னை தனியாரிடம் மின்சாரம் கொள்முதல்: கூடுதல் ஆவணங்களை தாக்கல் செய்ய மின்வாரியத்துக்கு ஆணையம் உத்தரவு DIN DIN Monday, November 19, 2018 04:59 AM +0530 மாநிலத் தேவைக்காக தனியாரிடம் 1,000 மெகாவாட் மின்சாரத்தை கொள்முதல் செய்வதற்கான அனுமதியை மின்சார வாரியம் கோரியுள்ள நிலையில், அதற்கான கூடுதல் ஆவணங்களை தாக்கல் செய்யுமாறு தமிழ்நாடு மின்சார ஒழுங்குமுறை ஆணையம் உத்தரவிட்டுள்ளது.  
இதுகுறித்து மின்வாரிய அதிகாரிகள் கூறியது: நடப்பு ஆண்டில் செப்டம்பர் முதல் வரும் 2019 -ஆம் ஆண்டு மே மாதம் வரை, நாள்தோறும் 1,000 மெகாவாட் மின்சாரத்தை தனியாரிடமிருந்து கொள்முதல் செய்ய முடிவு செய்து, அதற்கான அனுமதியை மின்சார ஒழுங்குமுறை ஆணையத்திடம் மின்வாரியம் கடந்த செப்டம்பர் மாதம் கோரியது.
இதை ஆராய்ந்த ஒழுங்குமுறை ஆணையம் தனியாரிடம் இருந்து அதிக காலத்துக்கு கொள்முதல் செய்ய வேண்டியதன் அவசியத்தை விளக்குமாறு மின்சார வாரியத்தை அறிவுறுத்தியது. இதையடுத்து திருத்திய மனுவை ஆணையத்திடம் மின்சார வாரியம் சமர்ப்பித்தது. இதைக் கடந்த அக்டோபர் மாதம் ஆய்வு செய்த ஆணையம், தனியாரிடம் மின்சாரம் கொள்முதல் செய்வதற்கான அவசியம் குறித்த கூடுதல் ஆவணத்தை தாக்கல் செய்ய உத்தரவிட்டுள்ளது. அதாவது நடப்பாண்டில் செப்டம்பர் மாதம் முதல் வரும் ஆண்டு மே மாதம் வரை நாள்தோறும் 1,000 மெகாவாட் மின்சாரமும், உச்சபட்ச மின்தேவை ஏற்படும் போது, கூடுதலாக 500 மெகாவாட் மின்சாரமும் வாங்க  வாரியம் அனுமதி கோரியது. 
அப்போது ஒரு யூனிட் மின்சாரம் ரூ.5.29 மற்றும் ரூ.5.40 என்ற விலைகளில் கிடைத்ததாகவும், அந்த விலைக்கு மின்சாரத்தை வாங்க மின்சார வாரியம் ஒழுங்குமுறை ஆணையத்திடம் அனுமதி கோரியது.
மின்சார வாரியம் குறிப்பிட்டுள்ள காலம் மிக அதிகமாக இருந்ததால் அதை ஆணையம் ஏற்கவில்லை. பின்னர் வரும் 2019-ஆம் ஆண்டு பிப்ரவரி முதல் மே மாதம் வரையில் இந்த மின்சாரத்தை கொள்முதல் செய்ய ஆணையத்திடம் மின்சார வாரியம் அனுமதி கோரியது. 
இதை விசாரித்த ஆணையம் மின் உற்பத்திச் சந்தையில் அதன் விலை குறைந்துள்ள நிலையில் முதலில் தெரிவித்த விலை நிலவரம்  தற்போதைய சூழலுக்கு ஏற்புடையதா என்பது உள்ளிட்ட பல்வேறு கேள்விகளை எழுப்பி அது தொடர்பாக கூடுதல் ஆவணம் தாக்கல் செய்யுமாறு வாரியத்துக்கு உத்தரவிட்டுள்ளதாக அதிகாரிகள் தரப்பில் தெரிவிக்கப்பட்டது.

]]>
http://www.dinamani.com/all-editions/edition-chennai/chennai/2018/nov/19/தனியாரிடம்-மின்சாரம்-கொள்முதல்-கூடுதல்-ஆவணங்களை-தாக்கல்-செய்ய-மின்வாரியத்துக்கு-ஆணையம்-உத்தரவு-3041653.html
3041652 சென்னை சென்னை போலி விளம்பரங்களை நம்ப வேண்டாம்: மின்வாரியம் அறிவுறுத்தல் DIN DIN Monday, November 19, 2018 04:58 AM +0530 மின்சார வாரியத்தில் அரசு வேலை வாங்கித் தரப்படும் என்று போலியாக செய்யப்படும் விளம்பரங்களை எவரும் நம்ப வேண்டாம் என தமிழ்நாடு மின்சார வாரியம் அறிவித்துள்ளது. 
தமிழ்நாடு மின் உற்பத்தி மற்றும் பகிர்மானக் கழகத்தில் உதவி பொறியாளர், இளநிலை உதவியாளர் உள்பட அனைத்து பதவிகளிலும் காலி பணியிடங்கள் உள்ளன. 325 உதவி பொறியாளர் பணிக்கு தகுதியுள்ளவர்களை தேர்வு செய்ய விண்ணப்பங்களை பெற்றுள்ள மின்சார வாரியம் இதுவரை அதற்கான தேர்வை நடத்தவில்லை. மேலும் 2,000 கள உதவியாளர், 250 கணக்கு இளநிலை உதவியாளர் உள்ளிட்ட பதவிகளுக்கும் ஆள் தேர்வு நடைபெறவுள்ளது. இதற்கான அதிகாரப்பூர்வ அறிவிப்பு இதுவரை வெளியாகவில்லை.
இந்நிலையில், மின்வாரியத்தில் 2,884 பணியிடங்கள் நேரடி நியமனம் மூலம் நிரப்பப்படுவதாகவும், இதற்கு விண்ணப்பிக்க சில நாள்கள் மட்டுமே அவகாசம் இருப்பதாகவும் வாட்ஸ் -அப் போன்றவற்றில் போலி விளம்பரங்கள், தகவல்கள் அனுப்பப்படுகின்றன. இதுபோன்று பரப்பப்பட்டு வரும் போலி விளம்பரங்களை எவரும் நம்ப வேண்டாம் என்று மின்சார வாரியம் அறிவுறுத்தியுள்ளது.
இதுகுறித்து மின்சார வாரிய அதிகாரிகள் கூறியது: மின்சார வாரியத்தில் உள்ள காலிப்பணியிடங்களுக்கு முறைப்படி தேர்வு நடத்தி ஆள் தேர்வு செய்யப்படுகிறது. காலிப் பணியிடங்கள் இருந்தால் அதிகாரப்பூர்வமாக வெளியிடப்படும். இதுதொடர்பாக போலி விளம்பரங்கள் வருவதாக தகவல்கள் கிடைத்துள்ளன. இதுபோன்ற தவறான தகவலை பரப்புவோர் மீது நடவடிக்கை எடுக்குமாறு சென்னை காவல்துறையின் சைபர் கிரைம் பிரிவில் புகார் அளிக்கப்பட உள்ளது என்றனர்.

]]>
http://www.dinamani.com/all-editions/edition-chennai/chennai/2018/nov/19/போலி-விளம்பரங்களை-நம்ப-வேண்டாம்-மின்வாரியம்-அறிவுறுத்தல்-3041652.html
3041648 சென்னை சென்னை எடை குறைவாகப் பிறக்கும் குழந்தைகளுக்கு கண் பரிசோதனை அவசியம் DIN DIN Monday, November 19, 2018 04:57 AM +0530 எடை குறைவாக பிறக்கும் குழந்தைகளுக்கு கண் பரிசோதனை மிகவும் அவசியம் என கண் மருத்துவ நிபுணர்கள் தெரிவித்தனர்.
சென்னை சங்கர நேத்ராலயா மருத்துவமனையின் கண் விழித்திரை சிகிச்சை நிபுணர்கள் ஜி.சுகனேஷ்வரி,  பிரமோத் எஸ்.பிண்டே  ஆகியோர் சென்னையில் செய்தியாளர்களிடம் சனிக்கிழமை கூறியது: 
 பொதுவாக 32 வாரங்களுக்குள் பிறக்கும் குறை மாதக் குழந்தை 2 கிலோவுக்கும் குறைவான எடையுடன் இருக்கும். அக்குழந்தைகளுக்கு கண்பாதிப்புகள் ஏற்பட வாய்ப்பு அதிகம். அதனால் பிறந்த 30 நாள்களுக்குள் விழித்திரை நிபுணர் மூலம் குழந்தைகளின் கண்களைப் பரிசோதனை செய்யவேண்டும். 
குறைப்பிரசவத்தில்  பிறந்த குழந்தைகளில் 24 சதவீதம் பேருக்கும்,  இரண்டு கிலோ எடைக்குக் குறைவாகப் பிறந்த குழந்தைகளில் 38 சதவீதம் முதல் 52 சதவீதம் வரையிலான குழந்தைகளுக்கும் விழித்திரை வளர்ச்சியடையாத நோய் இருக்க வாய்ப்புள்ளது. இதனால் கண்களில் விழித்திரைகள் பாதிக்கப்பட்டு பார்வைக் குறைபாடோ அல்லது பாதிப்போ ஏற்பட வாய்ப்புள்ளது. ஆண்டுக்கு சுமார் 20 லட்சம் குழந்தைகளுக்கு இந்த நோயின் பாதிப்பு இருக்கலாம் என தெரியவந்துள்ளது.
குறைப்பிரசவங்களைத் தடுப்பதன் மூலம் வளர்ச்சியடையாத விழித்திரை நோயின் தாக்கத்தை கட்டுப்படுத்த முடியும். கருவுற்றிருக்கும் பெண்களுக்கு முறையான மருத்துவக் கண்காணிப்பும்,  பராமரிப்பும் வழங்குவதன் மூலம் குறைப்பிரசவங்களை தவிர்க்கலாம்.  இந்த நோய் குறித்து பெற்றோர்களிடையே  விழிப்புணர்வு ஏற்பட வேண்டும் என்றனர்.

]]>
http://www.dinamani.com/all-editions/edition-chennai/chennai/2018/nov/19/எடை-குறைவாகப்-பிறக்கும்-குழந்தைகளுக்கு-கண்-பரிசோதனை-அவசியம்-3041648.html
3041649 சென்னை சென்னை மீலாது நபி: நவ.21-இல் மதுக் கடைகளுக்கு விடுமுறை DIN DIN Monday, November 19, 2018 04:57 AM +0530 மீலாது நபியையொட்டி, சென்னை மாவட்டத்துக்கு உள்பட்ட பகுதிகளில் இயங்கி வரும் மதுக் கடைகள், மதுக் கூடங்களுக்கு புதன்கிழமை (நவ.21) விடுமுறை அளிக்கப்பட்டுள்ளது.
இதுகுறித்து சென்னை மாவட்ட ஆட்சியர் அ.சண்முகசுந்தரம் வெளியிட்ட செய்திக்குறிப்பு: 
மீலாது நபியையொட்டி, சென்னை மாவட்டத்துக்கு உள்பட்ட பகுதிகளில் இயங்கும் மதுக் கடைகள், மதுக் கூடங்கள், உணவகங்களுடன் கூடிய மதுக் கூடங்கள் உள்ளிட்ட அனைத்து மதுக் கடைகளும் புதன்கிழமை (நவ.21) மூட வேண்டும். இதை மீறி செயல்படும் மதுக் கடைகள், மதுக் கூடங்கள் மீது கடும் நடவடிக்கை எடுக்கப்படும்.

]]>
http://www.dinamani.com/all-editions/edition-chennai/chennai/2018/nov/19/மீலாது-நபி-நவ21-இல்-மதுக்-கடைகளுக்கு-விடுமுறை-3041649.html
3041647 சென்னை சென்னை எய்ட்ஸ்  விழிப்புணர்வு:  மீம்ஸ் உருவாக்கும் போட்டி DIN DIN Monday, November 19, 2018 04:56 AM +0530 சர்வதேச எய்ட்ஸ் நோய் தடுப்பு விழிப்புணர்வு தினம் டிசம்பர் 1-ஆம் தேதி கடைப்பிடிக்கப்படுகிறது. இதையொட்டி, தமிழ்நாடு எய்ட்ஸ் கட்டுப்பாட்டுச் சங்கம் சார்பில் மீம்ஸ் உருவாக்கும் போட்டி அறிவிக்கப்பட்டுள்ளது.
இதுகுறித்து  தமிழ்நாடு எய்ட்ஸ் கட்டுப்பாட்டுச் சங்க அதிகாரிகள் கூறியது: எய்ட்ஸ் நோய் தடுப்பு விழிப்புணர்வு, அந்நோய் பாதிப்புக்குள்ளானவர்களின் ஆரோக்கியம், மருத்துவம்,  பாதுகாப்பு, அவர்கள் புறக்கணிக்கப்படுவதைத் தடுத்தல், ரத்த தானம், பால்வினை நோய் தடுப்பு விழிப்புணர்வு ஆகியவற்றை வலியுறுத்தி இந்த மீம்ஸ் உருவாக்கும் போட்டி நடத்தப்படுகிறது.
விதிகள்:  எய்ட்ஸ், பால்வினை நோய்கள் தடுப்பு குறித்து விழிப்புணர்வு ஏற்படுத்தும் வகையில் மீம்ஸ் உருவாக்க வேண்டும். அடுத்தவர்களை கேலி செய்யும் வகையிலும்,  போட்டிக்குத் தொடர்பு இல்லாத வகையிலும்  மீம்ஸ் உருவாக்கக் கூடாது.  இயற்கை சார்ந்து மீம்ஸ் உருவாக்கலாம். திரைப்பட  நடிகர்கள், விலங்குகளின் அசல் படம் இடம் பெறக் கூடாது. அரசியல்வாதிகள், கட்சிக் கொடி, சின்னம் போன்றவை இடம் பெறக்கூடாது. ஆபாசமான படங்கள், கருத்துகள், திரைப்பட வசனங்கள் இடம் பெறக் கூடாது.  சொந்தக் கருத்தின் அடிப்படையில் மீம்ஸ்  உருவாக்கப்பட்டிருக்க வேண்டும். 
நவம்பர் 30-க்குள்: பொதுமக்கள் தங்கள் உருவாக்கிய மீம்ஸ்களை amemeaday.tnsacs@gmail.com என்ற மின்னஞ்சல் முகவரிக்கு நவம்பர் 30-ஆம் தேதிக்குள் அனுப்ப வேண்டும். சிறந்த 100 மீம்ஸ்கள் தேர்வு செய்யப்பட்டு, டிசம்பர் 1-ஆம் தேதி நடைபெறும் சர்வதேச எய்ட்ஸ் தடுப்பு விழிப்புணர்வு தினத்தன்று பரிசுகள் வழங்கப்படும் என்றனர்.

]]>
http://www.dinamani.com/all-editions/edition-chennai/chennai/2018/nov/19/எய்ட்ஸ்--விழிப்புணர்வு--மீம்ஸ்-உருவாக்கும்-போட்டி-3041647.html
3041650 சென்னை சென்னை மாமல்லபுரம் புராதனச் சின்னங்களை இன்று இலவசமாக பார்வையிடலாம்: தொல்லியல் துறை அறிவிப்பு DIN DIN Monday, November 19, 2018 04:56 AM +0530 உலக பாரம்பரிய வாரத்தையொட்டி, மாமல்லபுரத்தில் உள்ள புராதனச் சின்னங்களை சுற்றுலாப் பயணிகள் திங்கள்கிழமை (19ஆம் தேதி) ஒருநாள் மட்டும் இலவசமாக கண்டுகளிக்கலாம் என தொல்லியல் துறை அறிவித்துள்ளது. 

சர்வதேச நாடுகளில் உள்ள சரித்திர கால பாரம்பரிய கலைச்சின்னங்கள் அப்பகுதியின் பழமை, கலாசாரம் மற்றும் வாழ்க்கை முறையை உணர்த்துகின்றன. அத்தகைய வரலாற்றுச் சின்னங்களை வருங்கால தலைமுறையினர் அறிவது அவசியம். மேலும் அவற்றைப் பாதுகாப்பது குறித்து ஆண்டுதோறும் இந்தியா முழுவதும் மத்திய தொல்லியல்துறை சார்பில் 19ஆம் தேதி முதல் 25ஆம் தேதி வரை ஒருவாரத்துக்கு உலக பாரம்பரிய வாரம் கடைப்பிடிக்கப்படுகிறது. 

உலக பாரம்பரிய வாரத்தை முன்னிட்டு சர்வதேச சுற்றுலாத் தலமாக விளங்கும் மாமல்லபுரத்தில் உள்ள கடற்கரை கோயில், ஐந்து ரதம், அர்ஜுனன் தபசு உள்ளிட்ட குடைவரைச் சிற்பங்களை சுற்றுலாப் பயணிகள் திங்கள்கிழமை ஒரு நாள் மட்டும் நுழைவுக்கட்டணம் இன்றி இலவசமாக கண்டுகளிக்கலாம் என தொல்லியல் துறை அறிவித்துள்ளது.

தற்போது  மாமல்லபுரத்தில் புராதனச் சின்னங்களை கண்டுகளிக்க உள்நாட்டு சுற்றுலாப் பயணிகளுக்கு தலைக்கு ரூ.40-ம் வெளிநாட்டு சுற்றுலாப் பயணிகளுக்கு தலைக்கு ரூ. 600-ம் நுழைவுக்கட்டணமாக வசூலிக்கப்படுவது குறிப்பிடத்தக்கது. 

]]>
http://www.dinamani.com/all-editions/edition-chennai/chennai/2018/nov/19/மாமல்லபுரம்-புராதனச்-சின்னங்களை-இன்று-இலவசமாக-பார்வையிடலாம்-தொல்லியல்-துறை-அறிவிப்பு-3041650.html
3041646 சென்னை சென்னை சசிகலா உறவினர் இளவரசி வீட்டில் 90 பவுன்  திருட்டு DIN DIN Monday, November 19, 2018 04:48 AM +0530 சசிகலாவின் உறவினரும்,  விவேக் ஜெயராமனின் தாயாருமான இளவரசி வீட்டில் 90 பவுன் நகைகள் திருடு போனது. 
சசிகலாவின் அண்ணன் ஜெயராமனின் மனைவி இளவரசி. இவரது மகன் விவேக் ஜெயராமன், ஜெயா தொலைக்காட்சியின் தலைமை நிர்வாக அதிகாரியாக உள்ளார். இவர்களின் வீடு நுங்கம்பாக்கம், மகாலிங்கபுரம் ராமநாதன் தெருவில் உள்ளது. சசிகலா, இளவரசி இருவரும் சொத்துக் குவிப்பு வழக்கில் கைதாகி பெங்களூரு சிறையில் உள்ளனர். தற்போது விவேக் ஜெயராமன் குடும்பத்துடன் ராமநாதன் தெருவில் வசித்து வருகிறார். கடந்த மாதம் சிறையிலிருந்து பரோலில் வெளிவந்த இளவரசி, பரோல் முடிந்து  நவம்பர் 8 -ஆம் தேதி பெங்களூரு சிறைக்கு புறப்பட்டுச் சென்றார். அவரது கார் ஓட்டுநர் முரளி (38 ) பெங்களுருக்கு சென்றுவிட்டு அன்றிரவு 11.30 மணிக்கு திரும்பி இளவரசி வீட்டின் மொட்டை மாடியில் தூங்கியுள்ளார். மறுநாள் (நவ. 9) காலை 7 மணியளவில் ஓட்டுநர் முரளி பார்த்தபோது வீட்டின் முதல் மாடி கதவு திறந்து கிடந்துள்ளது. உள்ளே சென்று அவர் பார்த்தபோது பீரோ கதவு உடைக்கப்பட்டிருந்தது.
இதுகுறித்து பிரசன்னா என்பவர் 750 கிராம் தங்க நகைகள் திருடு போயுள்ளதாக அளித்த புகாரின் பேரில் நுங்கம்பாக்கம் போலீஸார் வழக்குப் பதிந்து விசாரணை மேற்கொண்டனர்.
காவலாளி தலைமறைவு:  சம்பவம் நடைபெற்ற நாள் பிற்பகலில் வடமாநிலத்தைச் சேர்ந்த காவலாளி கோனாக் வீட்டில் காவலுக்கு இருந்துள்ளார். அதன்பின் அவரைக் காணவில்லை.   இதையடுத்து அவர் மீது போலீஸாருக்கு சந்தேகம் ஏற்பட்டது. வீட்டில் யாரும் இல்லாததை பயன்படுத்தி காவலாளி கோனாக் கள்ளச் சாவி மூலம் பீரோவை திறந்து நகையை திருடிச் சென்றிருக்கலாம் என போலீஸார் சந்தேகிக்கின்றனர். அங்கு தடயங்கள் சேகரிக்கப்பட்டு போலீஸார் தீவிர விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-chennai/chennai/2018/nov/19/சசிகலா-உறவினர்-இளவரசி-வீட்டில்-90-பவுன்--திருட்டு-3041646.html
3041645 சென்னை சென்னை வியாபாரியை காரில் கடத்தி பணம் பறிப்பு: மதுரையைச் சேர்ந்த இருவர் கைது DIN DIN Monday, November 19, 2018 04:47 AM +0530 சென்னை பாரிமுனையில்  வியாபாரியை காரில் கடத்தி அவரிடமிருந்து பணம் பறித்ததாக, மதுரையைச் சேர்ந்த இருவரை போலீஸார் கைது செய்துள்ளனர்.
சென்னை, பழையவண்ணாரப்பேட்டை, பரசுராமன் தெருவைச் சேர்ந்தவர் அசன்காதர் (39). இவர் செல்லிடப்பேசிகளை ஆன்லைனில் வாங்கி கடைகளில் விற்பனை செய்யும் தொழில் செய்து வருகிறார். அசன்காதரிடம் தொழில் முறையில் மதுரையைச் சேர்ந்த பிலால் என்பவர் நண்பராக பழகி வந்துள்ளார்.  
அசன்காதர் கடந்த சில மாதங்களுக்கு முன்பு தனது நண்பர் பிலாலிடம் வீட்டு பத்திரங்களை கொடுத்து 10 பவுன் தங்க நகைகளை கடன் வாங்கியுள்ளார். மேலும்  கடந்த  7 மாதங்களுக்கு முன்பு தனது மதுரை நண்பர் பிலாலை, வெளிநாட்டு நாணயங்களை பரிமாற்றம் செய்யும் தொழில் செய்து வரும் பழைய வண்ணாரப்பேட்டையைச் சேர்ந்த நவ்ஷத் என்பவரிடம் அறிமுகப்படுத்தியுள்ளார். பின்னர் பிலாலும், வண்ணாரப்பேட்டையைச் சேர்ந்த நவ்ஷத் இருவரும் சேர்ந்து  வெளிநாட்டு நாணயங்கள் பரிமாற்றம் செய்யும் தொழில் செய்து வந்துள்ளனர். 
இந்த நிலையில், கடந்த மூன்று மாதங்களில் பிலாலுக்கு தொழில் நஷ்டம் ஏற்பட்டுள்ளது. உடனே பிலால் தனது தொழில் கூட்டாளி நவ்ஷத்திடம் ரூ.10 லட்சம் கேட்பதற்காக செல்லிடப்பேசியில் தொடர்பு கொண்டுள்ளார். நவ்ஷத் செல்லிடப்பேசியை எடுக்காததால் அசன்காதரை தொடர்பு கொண்டு  நவ்ஷத் பற்றி கேட்டுள்ளார். அசன்காதர், நவ்ஷத் இருப்பிடம் பற்றித் தமக்கு ஏதும் தெரியவில்லை என்று கூறியுள்ளார். இதனால் ஆத்திரமடைந்த பிலால், அசன்காதரை கடத்தி பணம் பறிக்க தனது நண்பர்களுடன் சேர்ந்து திட்டமிட்டுள்ளார்.
அதன்படி, நவம்பர் 14 -ஆம் தேதி பிலால், அவரது நண்பர்கள் மூவருடன் காரில் சென்னை பிராட்வே வந்து, தொழில் சம்பந்தமாக பேச வேண்டும் எனக் கூறி அசன்காதரை வரவழைத்துள்ளார். அங்கிருந்து அவரை காரில் கடத்தி சென்று காஞ்சிபுரம் மாவட்டம் புதுப்பாக்கம் பகுதியில் உள்ள வீட்டில் அடைத்து வைத்து தாக்கியுள்ளனர். மேலும் அசன்காதரின் ஏ.டி.எம். அட்டையைப் பயன்படுத்தி  ரூ.2 லட்சத்து 20 ஆயிரத்தை  எடுத்துவிட்டு அசன்காதரை பெருங்களத்தூர் பகுதியில் இறக்கிவிட்டுள்ளனர். இதுகுறித்து அவர் எஸ்பிளனேடு காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
இது குறித்து போலீஸார் விசாரணை நடத்தி இந்த வழக்கில் தொடர்புடைய மதுரையைச் சேர்ந்த நிர்மல்குமார் (23),  தமிழ்செல்வன் (23) ஆகிய இருவரையும் சனிக்கிழமை கைது செய்து சிறையில் அடைத்தனர்.  மேலும் இந்த வழக்கில் தொடர்புடைய பிலால் மற்றம் அவரது நண்பர்களை போலீஸார்  தேடிவருகின்றனர்.
 

]]>
http://www.dinamani.com/all-editions/edition-chennai/chennai/2018/nov/19/வியாபாரியை-காரில்-கடத்தி-பணம்-பறிப்பு-மதுரையைச்-சேர்ந்த-இருவர்-கைது-3041645.html
3041631 சென்னை சென்னை அண்ணா பல்கலை., பாலிடெக்னிக் இன்றைய தேர்வுகளும் ஒத்திவைப்பு DIN DIN Monday, November 19, 2018 04:35 AM +0530 கஜா புயல் தாக்கம் காரணமாக பாலிடெக்னிக், அண்ணா பல்கலைக்கழக இணைப்புப் பொறியியல் கல்லூரிகளுக்கு திங்கள்கிழமை (நவ.19)  நடத்தப்பட இருந்த தேர்வுகள் ஒத்திவைக்கப்பட்டுள்ளன.
கஜா புயல் அறிவிப்பைத் தொடர்ந்து அண்ணா பல்கலைக்கழக இணைப்பு பொறியியல் கல்லூரிகளுக்கு வியாழன்,  வெள்ளி மற்றும் சனிக்கிழமைகளில் நடத்தப்பட இருந்த பருவத் தேர்வுகள் ஒத்திவைக்கப்பட்டன. வியாழக்கிழமை நடைபெற இருந்த தேர்வுகள் நவம்பர் 22-ஆம் தேதிக்கும், வெள்ளிக்கிழமை நடைபெற இருந்த தேர்வுகள் டிசம்பர் 13-ஆம் தேதிக்கும்,  சனிக்கிழமை நடைபெற இருந்த தேர்வுகள் டிசம்பர்  14-ஆம் தேதிக்கும் ஒத்திவைக்கப்பட்டன.
திங்கள்கிழமை தேர்வுகளும் ஒத்திவைப்பு: இந்நிலையில், புயலால் பாதித்த பகுதிகளில் ஒருசில இடங்களில் இன்னும் இயல்பு நிலை திரும்பாததைத் தொடர்ந்து, தமிழகம் முழுவதும் உள்ள பொறியியல் கல்லூரிகளில் திங்கள்கிழமை (நவ. 19) நடைபெற இருந்த பருவத் தேர்வுகளையும் அண்ணா பல்கலைக்கழகம் ஒத்திவைத்துள்ளது. இத்தேர்வுகள் டிசம்பர் 15-ஆம் தேதிக்கு மாற்றிவைக்கப்பட்டுள்ளன.
அதே நேரம்,  பல்கலைக்கழகத்தின் 4 துறைகளான கிண்டி பொறியியல் கல்லூரி, அழகப்பா தொழில்நுட்பக் கல்லூரி, கட்டடவியல் பள்ளி மற்றும்  குரோம்பேட்டை எம்.ஐ.டி. ஆகியவற்றுக்கு வழக்கம்போல் திங்கள்கிழமை தேர்வுகள் நடைபெறும் எனவும் பல்கலைக்கழகம் அறிவிப்பு வெளியிட்டுள்ளது.
பாலிடெக்னிக் தேர்வுகள்: தமிழகம் முழுவதும் திங்கள்கிழமை நடைபெற இருந்த பாலிடெக்னிக் தேர்வுகள் ஒத்தி வைக்கப்பட்டுள்ளன. இத்தேர்வுகள் நவ. 26-ஆம் தேதி நடைபெறும் என தொழில்நுட்பக் கல்வி இயக்குநரகம் அறிவித்துள்ளது.

]]>
http://images.dinamani.com/uploads/user/imagelibrary/2018/11/15/w600X390/anna-university.jpg http://www.dinamani.com/all-editions/edition-chennai/chennai/2018/nov/19/அண்ணா-பல்கலை-பாலிடெக்னிக்-இன்றைய-தேர்வுகளும்-ஒத்திவைப்பு-3041631.html
3040878 சென்னை சென்னை சபரிமலைக்கு சிறப்புப் பேருந்துகள் இயக்கம் DIN DIN Sunday, November 18, 2018 05:08 AM +0530
ஐயப்ப பக்தர்களின் வசதிக்காக சபரிமலைக்கு அரசுப் போக்குவரத்துக் கழகங்கள் சார்பில் சிறப்புப் பேருந்துகள் இயக்கப்படுகின்றன.
கார்த்திகை முதல் நாளில் ஐயப்ப பக்தர்கள் மாலை அணிந்து கொண்டு 40 நாள் விரதம் இருந்து சபரிமலைக்கு இருமுடிக் கட்டிச் செல்வது வழக்கம். இந்த ஆண்டும் லட்சக்கணக்கான பக்தர்கள் சபரிமலை செல்லவுள்ள நிலையில் அவர்களின் வசதிக்காக அரசுப் போக்குவரத்துக் கழகங்கள் சார்பில் சபரிமலைக்கு சிறப்புப் பேருந்துகள் இயக்கப்படுகின்றன.
அதன்படி சென்னையைத் தலைமையிடமாகக் கொண்டு செயல்படும் அரசு விரைவுப் போக்குவரத்துக் கழகமான எஸ்இடிசி, மதுரை, கோயம்புத்தூர் ஆகிய போக்குவரத்துக் கழகங்கள் மூலம் இந்த சிறப்புப் பேருந்துகள் இயக்கப்படுகின்றன. பக்தர்களின் எண்ணிக்கைக்கு ஏற்ப பேருந்துகள் இயக்கப்படும். தேவைக்கு ஏற்ப அதிக எண்ணிக்கையில் பேருந்துகள் இயக்கப்படும். குழுவாக செல்வோர், போக்குவரத்துக்கழக கிளை மேலாளர்களை அணுகலாம். முன்பதிவுக்கு, ‌w‌w‌w.‌t‌n‌s‌t​c.‌i‌n  என்ற இணையதளத்தையும் பயன்படுத்தலாம்.

]]>
http://www.dinamani.com/all-editions/edition-chennai/chennai/2018/nov/18/சபரிமலைக்கு-சிறப்புப்-பேருந்துகள்-இயக்கம்-3040878.html
3040877 சென்னை சென்னை சென்னை பள்ளிகளில் ஊட்டச்சத்து குறைபாடுகளைக் கண்டறிய மாணவர் குழுக்கள் DIN DIN Sunday, November 18, 2018 05:06 AM +0530
சென்னை பள்ளி மாணவர்களின் ஊட்டச் சத்து குறைபாடுகளைக் கண்டறிய அந்தந்தப் பள்ளி மாணவர்கள் மூலம் குழுக்கள் அமைக்கும் திட்டம் விரைவில் செயல்படுத்தப்படவுள்ளது.
இது குறித்து அதிகாரிகள் கூறியது:-
சென்னை மாநகராட்சியின் கட்டுப்பாட்டில் 280 பள்ளிகள் உள்ளன. இதைத் தவிர்த்து அரசுப் பள்ளிகளும் உள்ளன. இந்தப் பள்ளிகளில் பயிலும் அனைத்து மாணவர்களுக்கும் சரியான ஊட்டச்சத்து கிடைக்கிறதா என்பதை கண்டறிய வேண்டும் என்றால் பெரிய ஆய்வை நடத்த வேண்டும். இதற்காக பல மாதங்கள் ஆகலாம். எனவேதான் மாணவர்களிடம் உள்ள ஊட்டச் சத்து குறைபாட்டை மாணவர்களை வைத்தே கண்டறியும் முறையானது பள்ளிகளில் செயல்படுத்தப்பட உள்ளது. 
முதல் கட்டமாக இந்தத் திட்டத்தை எவ்வாறு செயல்படுத்த வேண்டும் என்று பள்ளி தலைமை ஆசிரியர்கள், ஆசிரியர்களுக்கு பயிற்சி அளிக்கப்படும். இதைத் தொடர்ந்து அனைத்துப் பள்ளிகளிலும் 4 முதல் 8 மாணவர்கள் அடங்கிய குழு அமைக்கப்படும். ஆசிரியர்கள் இந்தக் குழுவில் உள்ள மாணவர்களுக்கு பயிற்சி அளிப்பார்கள். இதனைத் தொடர்ந்து அந்த மாணவர்களின் பள்ளிகளில் உள்ள சக மாணவர்களிடம் பேசி அவர்களுக்கு எந்த மாதிரியான ஊட்டச் சத்து குறைபாடு உள்ளது என்பதை ஆசிரியர்களின் கவனத்துக்கு கொண்டு செல்வர். மாணவர்கள் அளிக்கும் தகவல்களைப் பொருத்து ஆசிரியர்கள் அது எந்த மாதிரியான பிரச்னை என்பதைக் கண்டறிந்து அதிகாரிகளுக்கு அறிக்கை அளிக்கவுள்ளனர். அந்த அறிக்கையின் அடிப்படையில் உரிய நடவடிக்கைகள் எடுக்கப்படும் என்றனர்.
 

]]>
http://www.dinamani.com/all-editions/edition-chennai/chennai/2018/nov/18/சென்னை-பள்ளிகளில்-ஊட்டச்சத்து-குறைபாடுகளைக்-கண்டறிய-மாணவர்-குழுக்கள்-3040877.html
3040876 சென்னை சென்னை தேசிய இயற்கை மருத்துவ தின விழா: அரசு யோகா, இயற்கை மருத்துவக் கல்லூரியில் இன்று தொடக்கம் DIN DIN Sunday, November 18, 2018 05:06 AM +0530
சென்னை அரும்பாக்கத்தில் உள்ள அரசு யோகா, இயற்கை மருத்துவக் கல்லூரி மருத்துவமனையில் ஞாயிற்றுக்கிழமை (நவ.18) முதல் சனிக்கிழமை வரை (நவ.24) வரை ஒரு வாரத்துக்கு தேசிய இயற்கை மருத்துவ தின விழா கொண்டாடப்பட உள்ளது.
இதுகுறித்து அரசு யோகா, இயற்கை மருத்துவக் கல்லூரி மருத்துவமனை முதல்வர் மணவாளன் சனிக்கிழமை வெளியிட்ட செய்திக் குறிப்பு: தேசிய இயற்கை மருத்துவ தின விழாவின் தொடக்கமாக ஞாயிற்றுக்கிழமை (நவ.18) காலை 10.30 அளவில் பொதுமக்களுக்கான சூரிய ஒளி சிகிச்சை நடைபெற உள்ளது. இதைத் தொடர்ந்து, இயற்கை மருத்துவத்தை வலியுறுத்தும் வகையில் மனிதச் சங்கிலி, கருத்தரங்கு, இலவச இயற்கை உணவுகள் வழங்கப்பட உள்ளன.
தொடர்ந்து, இரண்டாம் நாளான திங்கள்கிழமை (நவ.19) இயற்கை மூலிகை உணவு சிகிச்சை, செவ்வாய்க்கிழமை (நவ.20) மண் குளியல் சிகிச்சை, புதன்கிழமை (நவ.21), நிற சிகிச்சை, வியாழக்கிழமை (நவ. 22) நீர் சிகிச்சை, வெள்ளிக்கிழமை (நவ.23) அக்குபஞ்சர், ஆற்றல் மருத்துவ சிகிச்சை, சனிக்கிழமை (நவ.24) மசாஜ் சிகிச்சை ஆகியவை அளிக்கப்படும். மேலும், நோய்களுக்கான ஆலோசனைகளும் வழங்கப்படும். பங்கேற்போருக்கு இந்த சிகிச்சைகள் இலவசமாக வழங்கப்படும்.
 

]]>
http://www.dinamani.com/all-editions/edition-chennai/chennai/2018/nov/18/தேசிய-இயற்கை-மருத்துவ-தின-விழா-அரசு-யோகா-இயற்கை-மருத்துவக்-கல்லூரியில்-இன்று-தொடக்கம்-3040876.html
3040875 சென்னை சென்னை பரங்கிமலையில் மாற்றியமைக்கப்பட்ட தண்டவாளத்தில் ரயிலை இயக்கி சோதனை DIN DIN Sunday, November 18, 2018 05:05 AM +0530
பரங்கிமலை ரயில் நிலையத்தில் மாற்றி அமைக்கப்பட்ட தண்டவாளத்தில் வேகக் கட்டுப்பாடு இன்றி விரைவு ரயிலை இயக்கி சோதனை நடத்தப்பட்டது. 
சென்னை கடற்கரை ரயில் நிலையத்தில் இருந்து திருமால்பூருக்கு கடந்த ஜூலை 24-ஆம் தேதி மின்சார ரயில் சென்றபோது, படிக்கட்டில் தொங்கியபடி பயணித்தவர்கள், பரங்கிமலை ரயில் நிலையத் தடுப்புச் சுவரில் மோதியதில் 5 பேர் உயிரிழந்தனர். 4 பேர் பலத்த காயமடைந்தனர்.
இந்த சம்பவம் குறித்து ரயில்வே நிர்வாகத்தினர் விசாரணை நடத்தினர். இதுதவிர, ரயில்வே நிர்வாகம் சார்பில் உயிரிழந்தவர்கள் குடும்பத்துக்கும், படுகாயமடைந்தோருக்கும் நஷ்டஈடு வழங்கப்பட்டது. இதையடுத்து, பரங்கிமலை ரயில் நிலையத்தில் இருந்த நடைமேடை மற்றும் தண்டவாளத்தை மாற்றி அமைக்க ரயில்வே நிர்வாகம் முடிவு செய்தது. அதன்படி, கடந்த ஆகஸ்ட் மாதம் இதற்கான பணியை ரயில்வே நிர்வாகம் தொடங்கியது. இதனால், அந்த வழித்தடத்தில் செல்லும் விரைவு ரயில்கள் பரங்கிமலை ரயில் நிலையத்தில் வேகக் கட்டுப்பாடுடன் செல்ல ரயில்வே நிர்வாகம் உத்தரவிட்டது. இதையடுத்து, ரயில்கள் பரங்கிமலை ரயில் நிலையத்தில் குறைந்த வேகத்தில் இயக்கப்பட்டன.
இதற்கிடையில், தண்டவாளத்தை மாற்றி அமைக்கும் பணி கடந்த சில நாள்களுக்கு முன் முடிவடைந்தது. இதுதவிர, நடைமேடை அமைக்கும் பணி தீவிரமாக நடைபெற்று வருகிறது. இதை ரயில்வே அதிகாரிகள் பார்வையிட்டு வருகின்றனர். 
இந்நிலையில், பரங்கிமலை ரயில் நிலையத்தில் மாற்றி அமைக்கப்பட்ட தண்டவாளத்தில் வேகக் கட்டுப்பாடு இன்றி விரைவு ரயில் சனிக்கிழமை காலை இயக்கப்பட்டது. இது குறித்து ரயில்வே அதிகாரி ஒருவரிடம் கேட்டபோது, பரங்கிமலை ரயில் நிலையத்தில் மாற்றி அமைக்கப்பட்ட தண்டவாளத்தில் விரைவு ரயில் சோதனை ஓட்டம் மட்டுமே நடந்துள்ளது. 

]]>
http://www.dinamani.com/all-editions/edition-chennai/chennai/2018/nov/18/பரங்கிமலையில்-மாற்றியமைக்கப்பட்ட-தண்டவாளத்தில்-ரயிலை-இயக்கி-சோதனை-3040875.html
3040874 சென்னை சென்னை 100 பேருக்கு இலவச கண் அறுவை சிகிச்சை DIN DIN Sunday, November 18, 2018 05:05 AM +0530
சென்னை வேளச்சேரியில் தொடங்கப்பட்டுள்ள அகர்வால் கண் மருத்துவமனை சார்பில் 100 பேருக்கு இலவச கண் அறுவை சிகிச்சை செய்யப்பட உள்ளதாக அதன் தலைவர் அமர் அகர்வால் தெரிவித்தார். 
மருத்துவமனையை நடிகை கீர்த்தி சுரேஷ் சனிக்கிழமை திறந்து வைத்தார். மருத்துவமனைகளின் தலைவர் அமர் அகர்வால், செல்லிடப்பேசி, கணினியை அதிகம் பயன்படுத்துவதால் கண் பிரச்னை ஏற்படுகிறது. இதில், குழந்தைகள்தான் அதிக அளவில் பாதிக்கப்படுகின்றனர். 
இதைத் தடுக்க கணினி, செல்லிடப்பேசியில் தொடர்ந்து அதிக நேரம் செலவிடுவதைத் தவிர்க்க வேண்டும். 
வேளச்சேரியில் மருத்துவமனை தொடங்கப்பட்டுள்ளதைக் குறிக்கும் வகையில் வறுமைக்கோட்டுக்கு கீழே உள்ள 100 பேருக்கு இலவசமாக கண் சிகிச்சை செய்யப்பட உள்ளது என்றார்.
இந்த விழாவில், கண் தானம் குறித்து உறுதிமொழி ஏற்கப்பட்டது. இதில், அகர்வால் கண் மருத்துவமனையின் மருத்துவ சேவைகள் பிரிவின் தலைவர் டாக்டர் அஷார் அகர்வால் உள்ளிட்டோர் கலந்து கொண்டனர்.


 

]]>
http://images.dinamani.com/uploads/user/imagelibrary/2018/11/18/w600X390/keerti_suresh.JPG நடிகை கீர்த்தி சுரேஷுக்கு நினைவுப் பரிசு வழங்குகிறார் மருத்துவ சேவை பிரிவுத் தலைவர் அஷார் அகர்வால். உடன் குழுமத் தலைவர் அமர் அகர்வால். http://www.dinamani.com/all-editions/edition-chennai/chennai/2018/nov/18/100-பேருக்கு-இலவச-கண்-அறுவை-சிகிச்சை-3040874.html
3040873 சென்னை சென்னை புயல் சேதங்களைத் தடுக்க அறிவியல் ஆய்வு தேவை: உயர்நீதிமன்ற நீதிபதி வலியுறுத்தல் DIN DIN Sunday, November 18, 2018 05:04 AM +0530 புயலால் விவசாயிகளுக்கு ஏற்படும் சேதங்களை தடுக்க அறிவியல் ரீதியாக ஆய்வை இளம் விஞ்ஞானிகள் மேற்கொள்ள வேண்டும் என்று சென்னை உயர்நீதிமன்ற நீதிபதி ஆர்.சுரேஷ்குமார் கேட்டுக்கொண்டார்.
மயிலை திருவள்ளுவர் தமிழ்ச்சங்கத்தின் எம்.டி.எஸ். அகாதெமி, நேரு யுவகேந்திரா, சென்னை பாரதிய வித்யா பவன் ஆகியவற்றின் சார்பில், 32-ஆவது அறிவுக்களஞ்சியம் விருதுகள் வழங்கும் விழா சென்னை மயிலாப்பூர் பாரதிய வித்யா பவனில் சனிக்கிழமை நடைபெற்றது. 
விழாவுக்கு மனு நீதி அறக்கட்டளை தலைவர் ஏ.மாணிக்கம் தலைமை வகித்தார். நிகழ்ச்சியில் விருதுகளை வழங்கி, சென்னை உயர்நீதிமன்ற நீதிபதி ஆர்.சுரேஷ்குமார் பேசியது:
இன்று பெண்களுக்கும், பெண் குழந்தைகளுக்கும் எதிரான கொடுமைகள் நடக்கின்றன.
கருவில் இருப்பது பெண் குழந்தை என்று தெரிந்துவிட்டால், அதை அழிக்க நினைக்கும் சமூகம் உள்ளது. இதைத் தடுக்க சட்டம் கொண்டு வரப்பட்டது. அந்த குழந்தை வளரும் போது ஏற்படும் அவலங்களில் இருந்து பாதுகாக்க போக்சோ சட்டம் கொண்டு வரப்பட்டுள்ளது. ஆனாலும், சமூகத்தில் இன்னமும் பெண்களுக்கும், பெண் குழந்தைகளுக்கும் எதிரான கொடுமைகள் தொடர்கின்றன. பெண்கள் குழந்தைகள் தங்களை தற்காத்து கொள்ளும் சிந்தனையையும், வீரத்தையும் வளர்க்க வேண்டும்.
கஜா புயலால் 7 மாவட்டங்களில் பல லட்சம் மரங்களை இழந்துள்ளோம். விவசாயிகள் கண்ணீர் விடுகின்றனர். இயற்கையை நாம் தடுக்க முடியாது. ஆனால், இயற்கை என்னதான் செய்தாலும் அதையும் மீறி நாம் என்ன செய்வது என்று சிந்திக்க வேண்டும். புயலால் விவசாயிகளுக்கு ஏற்படும் சேதங்களை தடுத்து, பாதுகாக்க அறிவியல் ரீதியான ஆய்வை இளம் விஞ்ஞானிகள் மேற்கொள்ள வேண்டும் என்றார் அவர்.
நிகழ்ச்சியில், தகவல் தொழில்நுட்ப பிரிவில் விஜய் ஞானதேசிகனுக்கும், கல்வி பிரிவில் ச.திருஞானசம்பந்தம் மற்றும் டாக்டர் பவித்ராவுக்கும், ஸ்டார்ட் அப் பிரிவில் சக்திவேல் பன்னீர்செல்வம், சமூக சேவகர் பிரிவில் திருநங்கை மதுமிதா கோமதிநாயகன் ஆகியோருக்கு இளம் சாதனையாளர்களுக்கான அறிவுக்களஞ்சியம் விருது வழங்கப்பட்டது. இதையடுத்து, எஸ்.நிவேதிகா, ஜெ.அதுல்யா, எல்.ஆர். அலமேலு ஆகிய மாணவிகளுக்கு அறிவுக்களஞ்சியம் விருது வழங்கப்பட்டது.

]]>
http://images.dinamani.com/uploads/user/imagelibrary/2018/11/18/w600X390/meet4.JPG http://www.dinamani.com/all-editions/edition-chennai/chennai/2018/nov/18/புயல்-சேதங்களைத்-தடுக்க-அறிவியல்-ஆய்வு-தேவை-உயர்நீதிமன்ற-நீதிபதி-வலியுறுத்தல்-3040873.html
3040872 சென்னை சென்னை காலமானார் எஸ்.சுவாமிநாதன் DIN DIN Sunday, November 18, 2018 05:04 AM +0530
பத்திரிகையாளரும் குழந்தை எழுத்தாளருமான அம்புலிமாமா என்னும் அம்புலிமாமா எஸ்.சுவாமிநாதன் (96) உடல்நலக்குறைவு காரணமாக சென்னை, கோடம்பாக்கம் டிரஸ்ட்புரத்தில் உள்ள அவரது இல்லத்தில் புதன்கிழமை காலமானார். இறுதிச் சடங்கு சென்னை பெசன்ட்நகர் மின்மயானத்தில் வியாழக்கிழமை நடைபெற்றது.
மறைந்த சுவாமிநாதனுக்கு மகன்கள் வெங்கடராமன், சங்கரராம், மகள்கள் சுதா, ஷோபினி ஆகியோர் உள்ளனர். குழந்தைகள் பத்திரிகையான அம்புலிமாமாவின் ஆசிரியராக அவர், 50 ஆண்டுகள் பணியாற்றியுள்ளார். அத்துடன் தமிழ்த் திரையுலகில் 1955 முதல் 1958 வரையில் ஒருசில படங்களில் உதவி இயக்குநராகவும் பணிபுரிந்துள்ளார். 2006-இல் அப்போதைய குடியரசுத் தலைவர் அப்துல்கலாம், குழந்தை எழுத்தாளருக்கான விருதை அவருக்கு வழங்கியுள்ளார். 
 

]]>
http://images.dinamani.com/uploads/user/imagelibrary/2018/11/18/w600X390/saminathan.jpg http://www.dinamani.com/all-editions/edition-chennai/chennai/2018/nov/18/காலமானார்-எஸ்சுவாமிநாதன்-3040872.html
3040871 சென்னை சென்னை எழும்பூர் ரயில் நிலையத்தில் 2,190 கிலோ இறைச்சி பறிமுதல் DIN DIN Sunday, November 18, 2018 05:03 AM +0530
சென்னை எழும்பூர் ரயில் நிலையத்தில், ராஜஸ்தான் மாநிலம், ஜோத்பூரில் இருந்து கடத்தி வரப்பட்ட சுகாதாரமற்ற 2,190 கிலோ இறைச்சியை உணவுப் பாதுகாப்புத் துறை அதிகாரிகள் சனிக்கிழமை பறிமுதல் செய்தனர்.
ராஜஸ்தான் மாநிலம், ஜோத்பூரில் இருந்து சென்னைக்கு சனிக்கிழமை காலை வந்த மன்னார்குடி விரைவு ரயிலில் இறைச்சிகள் கடத்தி வரப்படுவதாக உணவுப் பாதுகாப்புத் துறை அதிகாரிகளுக்கு ரகசிய தகவல் கிடைத்தது. இதையடுத்து, சென்னை மாவட்ட உணவுப் பாதுகாப்புத் துறை நியமன அலுவலர் டாக்டர் கதிரவன் தலைமையில் உணவுப் பாதுகாப்புத் துறை அதிகாரிகள் சதாசிவம், பெருநகர சென்னை மாநகராட்சி சுகாதாரத் துறை அதிகாரிகள், ரயில்வே போலீஸார் உள்ளிட்ட 10-க்கும் மேற்பட்டோர் எழும்பூருக்கு வந்த மன்னார்குடி விரைவு ரயிலில் சோதனை நடத்தினர்.
2,190 இறைச்சி பறிமுதல்: இதில், அந்த ரயிலின் சரக்கு பெட்டியில் 12 பெட்டிகளில் அடைத்து கடத்தி வரப்பட்ட 2,190 கிலோ இறைச்சியை அதிகாரிகள் பறிமுதல் செய்தனர். இதையடுத்து, கொடுங்கையூரில் உள்ள குப்பைக் கிடங்குக்கு பறிமுதல் செய்யப்பட்ட இறைச்சி கொண்டு செல்லப்பட்டு கிருமி நாசினி தெளிக்கப்பட்டு அழிக்கப்பட்டது. இதுகுறித்து சென்னை மாவட்ட உணவுப் பாதுகாப்புத் துறை நியமன அலுவலர் டாக்டர் கதிரவன் கூறுகையில், பறிமுதல் செய்யப்பட்ட இறைச்சியின் உடலமைப்பு ஆடு போல் இன்றி, நாய் போல் இருந்ததால், அதன் மாதிரிகளை கால்நடை மருத்துவப் பல்கலைக்கழத்துக்கு அனுப்பி வைத்துள்ளோம். திங்கள்கிழமை இதன் முடிவு கிடைத்தவுடன் அடுத்த கட்ட நடவடிக்கை எடுக்கப்படும் என்றார்.
 

]]>
http://www.dinamani.com/all-editions/edition-chennai/chennai/2018/nov/18/எழும்பூர்-ரயில்-நிலையத்தில்-2190-கிலோ-இறைச்சி-பறிமுதல்-3040871.html
3040870 சென்னை சென்னை சென்னையில் 2,500 திருட்டு செல்லிடப்பேசிகள் பறிமுதல்: மேலும் மூவர் கைது DIN DIN Sunday, November 18, 2018 05:03 AM +0530
சென்னையில் பர்மா பஜார், தியாகராய நகரில் 2,500 திருட்டு செல்லிடப்பேசிகளை பறிமுதல் செய்து,மேலும் 3 பேரை போலீஸார் கைது செய்தனர்.
இதுகுறித்து போலீஸ் தரப்பில் கூறப்பட்டதாவது:
சென்னையில் நடைபெறும் செல்லிடப்பேசி பறிப்பு சம்பவங்களைத் தடுக்கும் வகையில் காவல் ஆணையர் ஏ.கே.விசுவநாதன் உத்தரவின்பேரில் தனிப்படை போலீஸார் தீவிர விசாரணை செய்து வந்தனர். இது தொடர்பாக, பெரம்பூரைச் சேர்ந்த பர்மா பஜார் வியாபாரி அப்துல்ரகுமானிடம் போலீஸார் வெள்ளிக்கிழமை விசாரணை செய்தனர். 
விசாரணையில் அவர், வழிப்பறியில் கிடைக்கும் ஐ-போன் உள்ளிட்ட விலை உயர்ந்த செல்லிடப்பேசிகளை வாங்கி, அதை தனது கடையில் வைத்து விற்பனை செய்வது தெரியவந்தது. 
இதையடுத்து போலீஸார், அவரது கடையில் சோதனை நடத்தி 60 செல்லிடப்பேசிகளைப் பறிமுதல் செய்தனர். அதேபோல அந்தப் பகுதியில் உள்ள 9 கடைகளில் போலீஸார் சோதனை நடத்தி 325 செல்லிடப்பேசிகள், 20 மடிக்கணினிகள் ஆகியவற்றை பறிமுதல் செய்தனர்.
2 ஆயிரம் செல்லிடப்பேசிகள்:தியாகராயநகர் உஸ்மான் சாலையில் உள்ள அன்னை சத்யா பஜாரில் உள்ள 59 செல்லிடப்பேசி கடைகளில், 33 கடைகளில் போலீஸார் சனிக்கிழமை திடீர் சோதனை செய்தனர். 
இச் சோதனையில் சந்தேகத்துக்குரிய வகையில், ஆவணங்கள் இல்லாமல் விற்பனைக்கு வைக்கப்பட்டிருந்த விலை உயர்ந்த 2 ஆயிரம் பழைய செல்லிடப்பேசிகளை போலீஸார் பறிமுதல் செய்தனர். இவற்றில் திருட்டு செல்லிடப்பேசிகளைக் கண்டறியும் வகையில், அந்த செல்லிடப்பேசிகளை போலீஸார் ஆய்வு செய்து வருகின்றனர். 
3 பேர் கைது: தரமணி பகுதியில் செல்லிடப்பேசி பறிப்பில் ஈடுபட்ட விஜய், நவீன்குமார் ஆகிய இருவரை கைது செய்து போலீஸார் விசாரணை செய்தனர். விசாரணையில் திருட்டு செல்லிடப்பேசிகளை பர்மா பஜாரைச் சேர்ந்த சித்திக் வாங்கி, விற்பது தெரியவந்தது. இதையடுத்து போலீஸார் சித்திக்கை கைது செய்து, விசாரணை செய்தனர்.
அதைத் தொடர்ந்து, பாரிமுனை அங்கப்பன் நாயக்கன் தெருவில் செல்லிடப்பேசி பழுது நீக்கும் கடை வைத்திருக்கும் அப்துல்வகாப் திருட்டு செல்லிடப்பேசிகளுக்கு தலா ரூ.200 பெற்றுக் கொண்டு செல்லிடப்பேசி லாக்கை திறந்து, அதன் ஐ.எம்.இ.ஐ. எண்ணை மாற்றுவது தெரியவந்தது. 
இதைத் தொடர்ந்து போலீஸார், அப்துல்வகாப் கடையில் சோதனை செய்து, அங்கிருந்த ஐ.எம்.இ.ஐ. எண்ணை மாற்றுவதற்கு பயன்படுத்திய 2 மடிக்கணினிகளையும், 96 செல்லிடப்பேசிகளையும் பறிமுதல் செய்தனர்.
இது தொடர்பாக, கைது செய்யப்பட்ட 3 பேரிடமும் போலீஸார் தொடர்ந்து விசாரணை செய்கின்றனர். இந்த வழக்குத் தொடர்பாக தலைமறைவாக இருக்கும் அப்துல்வகாப் உள்ளிட்ட சிலரை போலீஸார் தேடி வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/18/சென்னையில்-2500-திருட்டு-செல்லிடப்பேசிகள்-பறிமுதல்-மேலும்-மூவர்-கைது-3040870.html
3040869 சென்னை சென்னை ரெப்கோ வங்கி சார்பில் நாளை இலவச மருத்துவ முகாம் DIN DIN Sunday, November 18, 2018 05:03 AM +0530
ரெப்கோ வங்கியின் 50-ஆவது ஆண்டு விழாவையொட்டி, சென்னை தி.நகரில் பொதுமக்களுக்கான இலவச மருத்துவ முகாம் திங்கள்கிழமை (நவ. 19) நடைபெற உள்ளது.
இதுகுறித்து ரெப்கோ வங்கி சார்பில் வெளியிட்ட செய்திக் குறிப்பு: ரெப்கோ வங்கியின் 50-ஆவது ஆண்டு விழாவையொட்டி, சென்னை தி.நகர் ராஜாசர் தெருவில் உள்ள சோமசுந்தரம் விளையாட்டுத் திடல் அருகே உள்ள கீதம் அரங்கில் திங்கள்கிழமை பொதுமக்களுக்கான இலவச மருத்துவ முகாம் நடைபெற உள்ளது.
இம்முகாமை ரெப்கோ வங்கியின் மேலாண்மை இயக்குநர் ஆர்.எஸ்.இஸபெல்லா தொடங்கி வைக்க உள்ளார். இயக்குநர் எல்.முனிஸ்வர் கணேசன், தலைமைப் பொது மேலாளர் பி.யோகசேரன் உள்ளிட்டோர் கலந்துகொள்ள உள்ளனர். இதில், ஆர்எம்டி மருத்துவமனையின் நிர்வாக இயக்குநர் டாக்டர் ரிபப்ளிகா ஸ்ரீதர் தலைமையிலான மருத்துவக் குழுவினர் கலந்து கொண்டு சிகிச்சை அளிக்க உள்ளதாகத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-chennai/chennai/2018/nov/18/ரெப்கோ-வங்கி-சார்பில்-நாளை-இலவச-மருத்துவ-முகாம்-3040869.html
3040868 சென்னை சென்னை பேருந்து மோதி மொபெட்டில் சென்றவர் சாவு: பொதுமக்கள் சாலை மறியல் DIN DIN Sunday, November 18, 2018 05:03 AM +0530
சென்னை புளியந்தோப்பில் அரசுப் பேருந்து மோதியதில், மொபெட்டில் சென்ற இளைஞர் உயிரிழந்தார். இச்சம்பவத்தைக் கண்டித்து பொதுமக்கள் சாலை மறியல் போராட்டத்தில் ஈடுபட்டனர்.
இதுகுறித்து போலீஸ் தரப்பில் கூறப்பட்டதாவது: ஓட்டேரி ஸ்டீபன்சன் சாலையில் உள்ள அடுக்குமாடி குடியிருப்பில் வசிப்பவர் அம்புஜ் கட்டாரியா (27). மேற்கு வங்க மாநிலம் கொல்கத்தாவை சேர்ந்த இவருக்கும், அஞ்சலி என்ற பெண்ணுடன் 6 மாதம் முன்பு திருமணம் நடைபெற்றது. கட்டாரியா, சென்னையில் உள்ள ஒரு தனியார் நிறுவனத்தில் வேலை செய்து வந்தார்.
அவர், சனிக்கிழமை காலை தனது மொபெட்டில் வீட்டில் இருந்து வெளியே புறப்பட்டார். அவர் ஸ்டீபன்சன் சாலையில் செல்லும்போது, சாலையில் கிடந்த மணல் கழிவிலும், கட்டட கழிவிலும் மொபெட் சிக்கியது. இதில் நிலைதடுமாறிய கட்டாரியா மொபெட்டில் இருந்து விழுந்தார். அப்போது பின்னால் வந்த அரசுப் பேருந்து கட்டாரியா மீது ஏறியது. இதில் சம்பவ இடத்திலேயே கட்டாரியா உயிரிழந்தார்.
தகவலறிந்த கீழ்ப்பாக்கம் போக்குவரத்து புலனாய்வுப் பிரிவு போலீஸார் சம்பவ இடத்துக்கு வந்து சடலத்தை மீட்டு பிரேத பரிசோதனைக்கு அனுப்பினர். இதுகுறித்து போலீஸார் வழக்குப் பதிந்து, அந்த பேருந்தின் ஓட்டுநர் கருப்பசாமியிடம் விசாரணை நடத்தி வருகின்றனர்.
பொதுமக்கள் சாலை மறியல்: இந்த விபத்துக்கு, அந்தப் பகுதியில் புதிதாக கட்டப்படும் தனியார் அடுக்குமாடி குடியிருப்புக்காக சாலையில் கொட்டப்பட்டுள்ள மணல், ஜல்லி, செங்கல் போன்ற கட்டுமானப் பொருள்களின் கழிவுகளே காரணம் எனக் கூறப்படுகிறது. மேலும் அடுக்குமாடி குடியிருப்பு கட்டுமானப் பணிக்கு கட்டுமானப் பொருள்கள் ஏற்றி வரும் கனரக வாகனங்கள் அங்கு நிறுத்தப்படுவதால், போக்குவரத்து நெரிசலும் ஏற்படுவதாக அந்தப் பகுதி மக்கள் புகார் கூறினர். அத்துடன், சாலையில் கொட்டப்பட்டுள்ள கட்டட கழிவுகளை உடனடியாக அகற்றக் கோரியும், சம்பந்தப்பட்ட கட்டட ஒப்பந்ததாரர் மீது நடவடிக்கை எடுக்க வலியுறுத்தியும், விபத்துக்கு காரணமானவர்கள் மீது நடவடிக்கை எடுக்க வலியுறுத்தியும் அப்பகுதி மக்கள் ஸ்டீபன்சன் சாலையில் மறியல் போராட்டத்தில் ஈடுபட்டனர். இதனால் அப்பகுதியில் போக்குவரத்து பாதிக்கப்பட்டது.
தகவலறிந்த போலீஸார், அங்கு விரைந்து வந்து பொதுமக்களிடம் பேச்சுவார்த்தை நடத்தினர். ஆனால் பொதுமக்கள் போராட்டத்தை கைவிட மறுப்பு தெரிவித்தனர். போராட்டம் ஒரு மணி நேரத்தைக் கடந்து நீடித்ததால், அங்கு மேலும் போக்குவரத்து நெரிசல் ஏற்பட்டது. இதையடுத்து சென்னை பெருநகர காவல்துறை இணை ஆணையர் விஜயகுமாரி, துணை ஆணையர் சாய்சரண் தேஜஸ்வி ஆகியோர் சம்பவ இடத்துக்கு வந்து, பொதுமக்களிடம் சமாதான பேச்சுவார்த்தை நடத்தினர். இதிலும் சமாதானம் ஏற்படாததால், போராட்டத்தில் ஈடுபட்ட அனைவரும் கைது செய்யப்பட்டனர். சிறிது நேரத்துக்குப் பின்னர் அனைவரும் விடுவிக்கப்பட்டனர்.
 

]]>
http://www.dinamani.com/all-editions/edition-chennai/chennai/2018/nov/18/பேருந்து-மோதி-மொபெட்டில்-சென்றவர்-சாவு-பொதுமக்கள்-சாலை-மறியல்-3040868.html
3040867 சென்னை சென்னை விமான நிலையத்தில் ரூ.16 லட்சம் வெளிநாட்டுப் பணம் பறிமுதல் DIN DIN Sunday, November 18, 2018 05:02 AM +0530
சென்னையிலிருந்து மலேசியாவுக்கு கடத்தப்படவிருந்த ரூ.16 லட்சம் மதிப்பிலான வெளிநாட்டுப் பணத்தை விமான நிலைய சுங்கத் துறை அதிகாரிகள் பறிமுதல் செய்தனர்.
சென்னை சர்வதேச விமான நிலையத்திலிருந்து பயணிகள் நாகூர் மீரா ஜப்பார் (48), ரிஸ்வான் ரசூல் கான் (35) ஆகியோர் மலேசிய தலைநகர் கோலாலம்பூருக்கு வெள்ளிக்கிழமை செல்லவிருந்தனர். அவர்களின் நடவடிக்கைகளைக் கண்காணித்த சுங்கத்துறை அதிகாரிகள் தனித்தனியாக அவர்களை அழைத்துச் சென்று சோதனையிட்டனர். 
அதில் இருவரும் தங்களது உள்ளாடையில் வெளிநாட்டுப் பணத்தை முறையே 10,000 அமெரிக்க டாலர், 10,500 அமெரிக்க டாலரை மறைத்து வைத்திருந்தது தெரியவந்தது. இதன் இந்திய ரூபாய் மதிப்பு ரூ.16 லட்சம் ஆகும். இதையடுத்து அவற்றை பறிமுதல் செய்த அதிகாரிகள், ஐப்பாரையும், ரசூல் கானையும் கைது செய்து விசாரித்து வருகின்றனர்.

]]>
http://www.dinamani.com/all-editions/edition-chennai/chennai/2018/nov/18/விமான-நிலையத்தில்-ரூ16-லட்சம்-வெளிநாட்டுப்-பணம்-பறிமுதல்-3040867.html
3040866 சென்னை சென்னை நவ.18 மின் தடை DIN DIN Sunday, November 18, 2018 05:02 AM +0530

செம்பரம்பாக்கம்
சென்னை, நவ.17: பராமரிப்புப் பணிகள் காரணமாக செம்பரம்பாக்கம் பகுதியில் திங்கள்கிழமை (நவ.18) காலை 9 முதல் மாலை 4 மணி வரை மின்விநியோகம் நிறுத்தப்படவுள்ளதாக தமிழ்நாடு மின் உற்பத்தி மற்றும் பகிர்மானக் கழகம் தெரிவித்துள்ளது.
மின்தடை செய்யப்படும் பகுதிகள்: 
நசரத்பேட்டை, மேப்பூர், வரதராஜபுரம், பெங்களுர் டிரங்க் ரோடு, செம்பரம்பாக்கத்தின் ஒரு பகுதி , திருமழிசை ஒரு பகுதி , மலையம்பாக்கம் ஒரு பகுதி , அகரமேல்.
 

]]>
http://www.dinamani.com/all-editions/edition-chennai/chennai/2018/nov/18/நவ1-மின்-தடை-3040866.html
3040241 சென்னை சென்னை மீன் வலையில் சிக்கிய சாமி சிலை DIN DIN Saturday, November 17, 2018 04:32 AM +0530
பழவேற்காடு ஏரியில் நடுத்திட்டு பகுதியில் மீனவர்களின் வலையில் ஒன்றரை அடி உயரமுள்ள கல்லால் ஆன கலைநயத்துடன் கூடிய பிரம்மன் சிலை  சிக்கியது.
கும்மிடிப்பூண்டியை அடுத்த சுண்ணாம்புகுளம் பகுதியை சேர்ந்த சங்கர் மகன் வெங்கடேசன் மற்றும் துரை மகன் பாலாஜி ஆகியோர் சுண்ணாம்புகுளத்தை ஒட்டி உள்ள பழவேற்காடு ஏரியில் நடுத்திட்டு பகுதியில் மீன் பிடிக்க வலை விரித்தனர்.
அப்போது, வலையில் கனமான பொருள் சிக்கியதை உணர்ந்த அவர்கள் பெரிய அளவில் மீன்கள் சிக்கியதாக எண்ணி வலையை இழுத்துப் பார்த்தபோது, வலையில் சாமி சிலை இருந்ததைக் கண்டு வியந்தனர். அந்த சிலையை கரைக்குக் கொண்டு வந்து, அதை அலங்கரித்து வழிபட்டனர்.
தகவல் அறிந்து சம்பவ இடத்திற்கு கும்மிடிப்பூண்டி வருவாய் ஆய்வாளர் பாரதி, கிராம நிர்வாக அலுவலர் ஆறுமுகம் உள்ளிட்டோர் வந்து அந்த சிலையை வருவாய்த் துறையினரிடம் ஒப்படைக்குமாறு கேட்டனர். 
அப்போது அந்த சிலையை தங்கள் கிராமத்திலேயே வைத்து வழிபடுவதாக கூறி கிராமத்தினர் சிலையைத் தர மறுத்தனர். தொடர்ந்து வருவாய்த் துறையினர் அவர்களை சமாதானப்படுத்தி, சிலையை கும்மிடிப்பூண்டி வட்டாட்சியர் புகழேந்தியிடம் ஒப்படைத்தனர். சாமி சிலை குறித்து, ஆரம்பாக்கம் காவல் துறையினர் விசாரணை நடத்தி வருகின்றனர்.
 

]]>
http://images.dinamani.com/uploads/user/imagelibrary/2018/11/17/w600X390/samy.jpg http://www.dinamani.com/all-editions/edition-chennai/chennai/2018/nov/17/மீன்-வலையில்-சிக்கிய-சாமி-சிலை-3040241.html
3040240 சென்னை சென்னை 90 பேருக்கு நலத் திட்ட உதவிகள் DIN DIN Saturday, November 17, 2018 04:31 AM +0530
சென்னையில் வெள்ளிக்கிழமை நடைபெற்ற மக்கள் குறைதீர் முகாமில் 90 பயனாளிகளுக்கு ரூ.10 லட்சம் மதிப்பிலான நலத் திட்ட உதவிகளை ஆட்சியர் அ.சண்முகசுந்தரம் வழங்கினார்.
மத்திய சென்னை கோட்டத்துக்கு உள்பட்ட அண்ணா நகர் மேற்கு விரிவாக்கத்தில் உள்ள சார் ஆட்சியர் அலுவலகத்தில் மக்கள் குறைதீர் முகாம் வெள்ளிக்கிழமை நடைபெற்றது. 
இதில் முதியோர், விதவை, கணவனால் கைவிடப்பட்டோர், மாற்றுத்திறனாளிகளுக்கான மாதாந்திர உதவித்தொகைக்கான ஆணைகள், ஜாதிச் சான்று, 
வாரிசுச் சான்று, வருமானச் சான்று, பட்டா, பட்டா பெயர் மாற்ற சான்றிதழ்கள் என 90 பயனாளிகளுக்கு ரூ.10 லட்சம் மதிப்பிலான நலத் திட்ட உதவிகளை ஆட்சியர் அ.சண்முகசுந்தரம் வழங்கினார்.
இந்த முகாமில் முதியோர் உதவித் தொகை, மாற்றுத்திறனாளிகளுக்கான உதவித்தொகை, ஜாதி மற்றும் இறப்பு சான்றுகள் கோரியும் 220 -க்கும் மேற்பட்டோர் ஆட்சியரிடம் மனு அளித்தனர். இதில், மத்திய சென்னை சார் ஆட்சியர் சரண்யா ஹரி, துணை ஆட்சியர்கள், வட்டாட்சியர்கள் உள்ளிட்டோர் கலந்துகொண்டனர்.



 

]]>
http://images.dinamani.com/uploads/user/imagelibrary/2018/11/17/w600X390/help.jpg குறைதீர் முகாமில் பயனாளிக்கு நலத்திட்டத்துக்கான ஆணையை வழங்கும் சென்னை மாவட்ட ஆட்சியர் அ.சண்முகசுந்தரம். உடன், சார் ஆட்சியர் சரண்யா ஹரி உள்ளிட்டோர். http://www.dinamani.com/all-editions/edition-chennai/chennai/2018/nov/17/90-பேருக்கு-நலத்-திட்ட-உதவிகள்-3040240.html
3040239 சென்னை சென்னை 260 திருட்டு செல்லிடப்பேசிகள் பறிமுதல் DIN DIN Saturday, November 17, 2018 04:31 AM +0530 சென்னை பர்மா பஜார் கடைகளில் போலீஸார் திடீர் சோதனை மேற்கொண்டு 260 திருட்டு செல்லிடப்பேசிகளை பறிமுதல் செய்தனர்.
இதுகுறித்து போலீஸ் தரப்பில் கூறப்படுவதாவது:
தியாகராய நகர் காவல் மாவட்ட தனிப்படை போலீஸாருக்கு, பர்மா பஜாரில் உள்ள சில கடைகளில் திருட்டு செல்லிடப்பேசிகள் விற்பனை செய்யப்படுவதாக ரகசியத் தகவல் கிடைத்தது. அந்தத் தகவல்களின் அடிப்படையில் பர்மா பஜாரில் உள்ள சில கடைகளில் வியாழக்கிழமை திடீர் சோதனை செய்தனர். இச்சோதனையில், ஒரு கடையில் இருந்து மட்டும் திருடி விற்பனைக்கு வைக்கப்பட்டிருந்த 50 ஐ-போன்கள் உள்பட 70 விலை உயர்ந்த செல்லிடப்பேசிகளை போலீஸார் பறிமுதல் செய்தனர். இதுதொடர்பாக அந்தக் கடையில் இருந்த பெரம்பூரைச் சேர்ந்த அப்துல்ரகுமான் (25) என்பவரை போலீஸார் கைது செய்தனர்.
இதேபோல் மொத்தம் 9 கடைகளில் சோதனை செய்யப்பட்டு, திருட்டு செல்லிடப்பேசிகள் பறிமுதல் செய்யப்பட்டன. இதில் மொத்தம் 260 செல்லிடப்பேசிகள், 20 மடிக்கணினிகள் ஆகியவை பறிமுதல் செய்யப்பட்டன. இதுதொடர்பாக போலீஸார் வழக்குப் பதிந்து மேலும் சிலரை தேடி வருகின்றனர். இந்த வியாபாரிகளிடம் திருட்டு செல்லிடப்பேசிகளை விற்ற நபர்கள் குறித்தும் போலீஸார் விசாரணை மேற்கொண்டு வருகின்றனர். 
மேலும், தியாகராய நகர் சத்யா பஜாரிலும் உள்ள சில கடைகளில் போலீஸார் சோதனை செய்து, நூற்றுக்கணக்கான செல்லிடப்பேசிகளை பறிமுதல் செய்து விசாரித்து வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/17/260-திருட்டு-செல்லிடப்பேசிகள்-பறிமுதல்-3040239.html
3040238 சென்னை சென்னை ரூ.18 லட்சம் கடத்தல் தங்கம் பறிமுதல் DIN DIN Saturday, November 17, 2018 04:30 AM +0530
மலேசியாவிலிருந்து சென்னைக்கு கடத்தி வரப்பட்ட ரூ.18 லட்சம் மதிப்புள்ள தங்கத்தை விமான நிலைய சுங்கத் துறை அதிகாரிகள் வெள்ளிக்கிழமை பறிமுதல் செய்தனர்.
மலேசியத் தலைநகர் கோலாலம்பூரிலிருந்து சென்னை வந்த விமானங்களில் தங்கம் கடத்தி வருவதாக கிடைத்த ரகசியத் தகவலையடுத்து விமான நிலைய சுங்கத்துறை அதிகாரிகள் சோதனையை தீவிரப்படுத்தினர். அதன்படி மலேசியாவிலிருந்து சென்னைக்கு வந்த 2 விமானங்களில் வந்த பயணிகள் மற்றும் அவர்களது உடைமைகளை பரிசோதித்தபோது சென்னையைச் சேர்ந்த 2 பேர் 600 கிராம் தங்கத்தைக் கடத்தி வந்தது தெரிய வந்தது. இந்தத் தங்கக் கட்டிகளை எல்.இ.டி.பல்ப், டிவி ஸ்பீக்கர், செல்லிடப்பேசி பேட்டரிகளில் மறைத்து வைத்து கடத்தி வந்தது தெரிய வந்தது. ரூ.18 லட்சம் மதிப்புள்ள இந்த தங்கக் கட்டிகளை சுங்கத்துறை அதிகாரிகள் பறிமுதல் செய்ததோடு, கடத்தலில் ஈடுபட்ட அந்த இருவரையும் கைது செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/17/ரூ18-லட்சம்-கடத்தல்-தங்கம்-பறிமுதல்-3040238.html
3040237 சென்னை சென்னை மோட்டார் சைக்கிள் பந்தயம்: சிறுவன் உள்பட 7 பேர் கைது DIN DIN Saturday, November 17, 2018 04:30 AM +0530
சென்னையில் மோட்டார் சைக்கிள் பந்தயத்தில் ஈடுபட்டதாக சிறுவன் உள்பட 7 பேர் கைது செய்யப்பட்டனர்.
கிண்டி கத்திப்பாரா மேம்பாலம் அருகே மோட்டார் சைக்கிள் பந்தயத்தில் வியாழக்கிழமை ஒரு கும்பல் ஈடுபட்டது. பந்தயத்தில் ஈடுபட்டவர்கள் சென்ற மோட்டார் சைக்கிள், அங்கு மோட்டார் சைக்கிளில் சென்று கொண்டிருந்த பொன்ராஜ் பாண்டியன் என்பவர் மீது மோதியது. இதில் மோட்டார் சைக்கிளில் இருந்து கீழே விழுந்து பொன்ராஜ் பாண்டியன், அவரது 9 வயது மகள், தாயார் ஆனந்தி (69) ஆகியோர் பலத்த காயமடைந்தனர். இதுகுறித்து கிண்டி போக்குவரத்துப் புலனாய்வுப் பிரிவுப் போலீஸார் வழக்குப் பதிவு செய்து, விசாரணை செய்தனர்.
விசாரணையில் அங்கு மோட்டார் சைக்கிள் பந்தயத்தில் ஈடுபட்டது, சோழவரம் கோ.அருண் (23), ஏழுகிணறு அம்மன் கோயில் தெரு அ.ஹரி (24), சூளைபள்ளத்தைச் சேர்ந்த ம.மோசஸ் (20), வியாசர்பாடி க.சுரேஷ் (22), நெசப்பாக்கம் ப.கார்த்திக் (25), சோழவரம் கோ.தினேஷ் (19) மற்றும் 17 வயது சிறுவன் என மொத்தம் 7 பேர் ஈடுபட்டிருப்பது தெரியவந்தது. அனைவரும் வெள்ளிக்கிழமை கைது செய்யப்பட்டு, 4 மோட்டார் சைக்கிள்களை போலீஸார் பறிமுதல் செய்தனர். கைது செய்யப்பட்ட அருண் மீது கொள்ளை, திருட்டு, கொலை முயற்சி, வழிப்பறி உள்ளிட்ட 14 வழக்குகள் இருப்பது தெரியவந்தது.
புழல், மெரீனா கடற்கரை, அடையாறு, கிண்டி பகுதிகளில் பல ஆண்டுகளாக இளைஞர்களை ஒருங்கிணைத்து மோட்டார் சைக்கிள் பந்தயத்தை அவர்கள் நடத்தி வருவதும் தெரியவந்தது. இது தொடர்பாக போலீஸார், மேலும் விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/17/மோட்டார்-சைக்கிள்-பந்தயம்-சிறுவன்-உள்பட-7-பேர்-கைது-3040237.html
3040236 சென்னை சென்னை மோசமான வானிலை: விமானங்கள் புறப்படுவதில் தாமதம் DIN DIN Saturday, November 17, 2018 04:30 AM +0530
மோசமான வானிலை காரணமாக சென்னையிலிருந்து புறப்பட வேண்டிய 2 விமானங்கள் தாமதமாகப் புறப்பட்டுச் சென்றன.
கஜா புயல் காரணமாக, சென்னையில் வெள்ளிக்கிழமை மோசமான வானிலை நிலவியது. இதையடுத்து காலை 6.05 மணிக்கு சென்னையிலிருந்து தூத்துக்குடிக்குச் செல்ல வேண்டிய தனியார் விமானமும், காலை 6.50-க்கு திருச்சி செல்ல வேண்டிய ஏர் இந்தியா விமானமும் தாமதமாக புறப்பட்டுச் சென்றன. 
இதேபோல், காலை 6 மணிக்கு 57 பயணிகளுடன் திருச்சிக்கு புறப்பட்டுச் சென்ற தனியார் விமானம் அங்கு தரையிறங்க முடியாமல் மீண்டும் சென்னைக்கே திரும்பி வந்தது. அந்த விமானத்தில் இருந்த பயணிகள் அனைவரும் சென்னை விமான நிலையத்திலேயே தங்க வைக்கப்பட்டனர். வானிலை சீரடைந்த பின்னர் அந்த விமானம் திருச்சிக்கு புறப்பட்டுச் சென்றது.
 

]]>
http://www.dinamani.com/all-editions/edition-chennai/chennai/2018/nov/17/மோசமான-வானிலை-விமானங்கள்-புறப்படுவதில்-தாமதம்-3040236.html
3040235 சென்னை சென்னை டாஸ்மாக் மேற்பார்வையாளர் அடித்துக் கொலை: மதுபானக்கூட ஊழியர் கைது DIN DIN Saturday, November 17, 2018 04:30 AM +0530
சென்னை மதுரவாயல் அருகே டாஸ்மாக் கடை மேற்பார்வையாளர் மதுபாட்டிலால் அடித்துக் கொலை செய்யப்பட்டது தொடர்பாக மதுபானக்கூட ஊழியர் கைது செய்யப்பட்டார்.
இதுகுறித்து போலீஸ் தரப்பில் கூறப்பட்டதாவது:
ராமநாதபுரம் மாவட்டம், திருவாடானை அருகே உள்ள மாஞ்சூர் பகுதியைச் சேர்ந்தவர் கி.சத்தியராஜ் (30). 
இவர், சென்னை மதுரவாயல் வானகரம் மீன்மார்க்கெட் அருகே ராஜீவ் நகரில் உள்ள ஒரு டாஸ்மாக் மதுபானக் கடையில் மேற்பார்வையாளராக வேலை செய்து வந்தார். இந்தக் கடையின் அருகே மதுபானக் கூடம் செயல்படுகிறது.
இங்கு திருவாடானை அருகே பாரதி நகர் 2 -ஆவது தெருவைச் சேர்ந்த த.தர்மராஜ் (29) ஊழியராக வேலை செய்து வருகிறார். இந்நிலையில் சத்தியராஜும், தர்மராஜும் தீபாவளி பண்டிகையையொட்டி, கடந்த 6 -ஆம் தேதி, மதுபானக் கூடம் அருகே மது அருந்திவிட்டு பட்டாசு வெடித்தனராம்.
அப்போது அவர்களுக்குள் தகராறு ஏற்பட்டதாக கூறப்படுகிறது. தகராறு முற்றவே, தர்மராஜ் அங்கு கிடந்த ஒரு மதுபாட்டிலால் சத்தியராஜ் தலையில் அடித்துள்ளார். இதில் தலையில் பலத்த காயமடைந்த சத்தியராஜ், கீழ்ப்பாக்கம் அரசு மருத்துவமனையில் புறநோயாளிகள் பிரிவில் சிகிச்சை பெற்றார்.
பின்னர், சொந்த ஊருக்கு புறப்பட்டுச் சென்ற அவர், 14 -ஆம் தேதி உடல்நலம் பாதிக்கப்பட்டார். சிவகங்கை அரசு மருத்துவமனையில் அனுமதிக்கப்பட்டு சிகிச்சை பலனின்றி வியாழக்கிழமை இறந்தார். 
இதுகுறித்து மதுரவாயல் போலீஸார் வழக்குப் பதிந்து தர்மராஜை வெள்ளிக்கிழமை கைது செய்தனர்.
 

]]>
http://www.dinamani.com/all-editions/edition-chennai/chennai/2018/nov/17/டாஸ்மாக்-மேற்பார்வையாளர்-அடித்துக்-கொலை-மதுபானக்கூட-ஊழியர்-கைது-3040235.html
3040234 சென்னை சென்னை கட்டட ஒப்பந்ததாரர் வீட்டில் 40 பவுன் திருட்டு DIN DIN Saturday, November 17, 2018 04:30 AM +0530
கொளத்தூரில் கட்டட ஒப்பந்ததாரர் வீட்டில் 40 பவுன் நகைத் திருட்டுபோனது குறித்து போலீஸார் விசாரணை நடத்தி வருகின்றனர்.
இதுகுறித்து போலீஸ் தரப்பில் கூறப்படுவதாவது:
கொளத்தூர் ஜி.கே.எம். காலனி 39 -ஆவது தெருவைச் சேர்ந்தவர் ஜான் (37). இவர், கட்டட ஒப்பந்ததாரராக தொழில் செய்து வருகிறார். ஜான் குடும்பத்தினர் வியாழக்கிழமை இரவு வீட்டின் வெளிக்கதவு பூட்டை சரியாக பூட்டாமல், ஒரே அறையில் படுத்து தூங்கினராம். அவர்கள் வெள்ளிக்கிழமை காலை எழுந்தபோது, வீட்டின் மற்றொரு அறையில் இருந்த பீரோவில் இருந்த 40 பவுன் நகைகள், ரூ.1 லட்சம் திருடப்பட்டிருப்பதை பார்த்து அதிர்ச்சியடைந்தார். இதுகுறித்து ஜான், கொளத்தூர் காவல் நிலையத்தில் புகார் தெரிவித்தார்.
அந்த புகாரின் அடிப்படையில் போலீஸார் வழக்குப் பதிந்து விசாரணை நடத்தி வருகின்றனர்.
29 பவுன் நகைத் திருட்டு: அயனாவரம் பிரதான சாலையில் இருக்கும் அடுக்குமாடி குடியிருப்பில் வசிப்பவர் செ.கார்த்திகேயன் (45). இவர் கெல்லீஸில் சூப்பர் மார்க்கெட் வைத்து நடத்தி வருகிறார். கார்த்திகேயனும், அவர் மனைவியும் வியாழக்கிழமை வீட்டை பூட்டிவிட்டு, சூப்பர் மார்க்கெட்டுக்குச் சென்றனர். இரவு வீடு திரும்பியபோது, வீட்டின் கதவு பூட்டை உடைத்து, பீரோவில் இருந்த 29 பவுன் நகைகள் திருடு போயிருந்ததை அறிந்து அதிர்ச்சியடைந்தனர். இதுகுறித்து அயனாவரம் போலீஸார் வழக்குப் பதிவு செய்து, விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/17/கட்டட-ஒப்பந்ததாரர்-வீட்டில்-40-பவுன்-திருட்டு-3040234.html
3040233 சென்னை சென்னை கட்டடத் தொழிலாளி அடித்துக் கொலை DIN DIN Saturday, November 17, 2018 04:29 AM +0530 சென்னை கோயம்பேட்டில் கட்டடத் தொழிலாளி அடித்துக் கொலை செய்யப்பட்டது தொடர்பாக போலீஸார் விசாரணை நடத்தி வருகின்றனர்.
இதுகுறித்து போலீஸ் தரப்பில் கூறப்பட்டதாவது:
அனகாபுத்தூர் கன்னியம்மன் கோயில் தெருவைச் சேர்ந்தவர் ரா.ரமேஷ் (37). இவர் கட்டடத் தொழிலாளியாக பணிபுரிந்து வந்தார். இந்நிலையில் ரமேஷ், கோயம்பேடு பிள்ளையார் கோயில் 7 -ஆவது தெருவில் கடந்த 13-ஆம் தேதி மர்மமான முறையில் இறந்து கிடந்தார். தகவலறிந்த கோயம்பேடு போலீஸார், ரமேஷ் சடலத்தை கைப்பற்றி பிரேத பரிசோதனைக்கு அனுப்பினர். 
இதுகுறித்து போலீஸார் மர்மச் சாவு என வழக்குப் பதிவு செய்து, விசாரணை செய்து வந்தனர். இதற்கிடையே பிரேத பரிசோதனையில், ரமேஷ் அடித்துக் கொலை செய்யப்பட்டிருப்பது தெரிய வந்தது. இதுதொடர்பாக போலீஸார் நடத்திய விசாரணையில், ரமேஷ் சம்பவத்தன்று மதுரவாயலைச் சேர்ந்த தனது நண்பர்களுடன் அங்கு மது அருந்தியதும், அப்போது ஏற்பட்ட தகராறில், ரமேஷ் தாக்கப்பட்டதும், இத்தாக்குதலில் பலத்த காயமடைந்த ரமேஷ் சம்பவ இடத்திலேயே இறந்திருப்பதும் தெரிய வந்தது. இதுகுறித்து போலீஸார் ரமேஷின் நண்பர்களான மதுரவாயலைச் சேர்ந்த மோகன், 
வெங்கடேஷ் ஆகியோரை தேடி வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/17/கட்டடத்-தொழிலாளி-அடித்துக்-கொலை-3040233.html
3039461 சென்னை சென்னை சீரழிவின் விளிம்பில் பக்கிங்ஹாம் கால்வாய்: சீரமைக்க ஆவன செய்யுமா அரசு? - முகவை க.சிவக்குமார் DIN Friday, November 16, 2018 04:42 AM +0530
கழிவு நீராலும், ஆக்கிரமித்து வரும் ஆகாயத் தாமரையாலும், கணக்கில்லாமல் கொட்டப்படும் பிளாஸ்டிக் குப்பைகளாலும் சென்னை மாநகரின் முக்கிய நீர்வழிப்பாதையான பக்கிங்ஹாம் கால்வாய் சீரழிவின் விளிம்பில் உள்ளது.
சென்னை பெருநகரில் மதுரவாயல் முதல் நேப்பியர் பாலம் வரை சுமார் 17 கி.மீ. தூரத்துக்கு கூவம் ஆறும், மணப்பாக்கம் மிலிட்டரி பாலம் முதல் பட்டினப்பாக்கம் வரை சுமார் 25 கி.மீ. நீளத்துக்கு அடையாறும் முக்கிய நதிகளாக ஓடுகின்றன. அத்துடன் ஓட்டேரி நல்லா கால்வாய், விருகம்பாக்கம் கால்வாய், வேளச்சேரி வீராங்கல் ஓடை, பள்ளிக்கரணை சதுப்பு நிலக் கால்வாய், மாதவரம் தணிகாசலம் கால்வாய், புழல் ஏரியின் உபரிநீர் கால்வாய் மற்றும் மணப்பாக்கம் ராமாபுரம் வடிகால்வாயும், கீழ்கட்டளை, ஆதம்பாக்கம், ஒட்டியம்பாக்கம், சிட்லபாக்கம், செம்பாக்கம் ஏரிகள் ஆகியவற்றின் உபரி நீர் செல்லும் கால்வாய்கள் சென்னை மாநகரின் நீர்வழிப் பாதைகளில் ஒன்றுக்கொன்று தொடர்புடையவையாக உள்ளன. ஒரு காலத்தில் இந்த நீர்வழிப் பாதைகளில் மாசுபடாத நீர் ஓடியது. இத்தனை நீர்வழிப்பாதைகளிலும் இணைக்கும் வகையில் செயற்கையாக அமைக்கப்பட்ட முக்கிய நீர்வழிப்பாதைதான் பக்கிங்ஹாம் கால்வாய். 
காக்கிநாடா முதல் விழுப்புரம் வரை: சென்னை மாநகரின் கால்வாய்கள், ஓடைகள், ஆறுகளை எல்லாம் இணைத்துச் சமன்படுத்தி ஒரு கால்வாயை அமைப்பதன் மூலம் எதிர்காலத்தில் மாநகரின் வெள்ளப்பெருக்கைத் தடுத்திட முடியும் என்ற கோணத்தில்தான் 1801-ஆம் ஆண்டில் முதல்கட்டமாக எண்ணூரிலிருந்து சென்னை வரை பக்கிங்ஹாம் கால்வாய் அமைக்கும் பணி தொடங்கியது. பிறகு ஆந்திர மாநிலம் காக்கிநாடா பகுதிக்கும், தமிழகத்தின் விழுப்புரம் பகுதிக்கும் இக்கால்வாய் விரிவாக்கம் செய்யப்பட்டது. இன்று சென்னையில் வெள்ளப்பெருக்கை ஏற்படுத்தும் ஆறுகளும், ஏரிகளும் அன்றைக்கு பக்கிங்ஹாம் கால்வாயின் நீர்வழிப் போக்குவரத்துக் கட்டுப்பாட்டுக்குள்தான் இருந்தன.
1890-ஆம் ஆண்டுகளில் நூற்றுக்கணக்கான படகுகளில் வணிகப் பொருள்களை சுமந்து செல்லும் வகையில் சிறப்பு பெற்றிருந்த இக்கால்வாய், பின்னர் அடிக்கடி ஏற்பட்ட வெள்ளத்தாலும், வறட்சியாலும் கால்வாய் வழி வணிகம் படிப்படியாகத் தடைபட்டது. இந்நிலையில் ஆக்கிரமிப்புகள், பாலங்கள், சென்னை கடற்கரை-வேளச்சேரி பறக்கும் ரயில் திட்டம் போன்றவைகளால் நாளுக்கு நாள் பக்கிங்ஹாம் கால்வாயின் நீர்வழிப் போக்குவரத்து வெகுவாகப் பாதிக்கப்பட்டது. 
ஆகாயத் தாமரை: மாநகரில் பல இடங்களில் கால்வாயின் அகலம் சுருங்கி இருந்தாலும், கொருக்குப்பேட்டை முதல் எண்ணூர் வரை சுமார் 15 கி.மீ. தூரத்துக்கு இக்கால்வாய் தற்போதும் உயிர்ப்புடன்தான் இருந்து வருகிறது. 
ஆனால், சமீபகாலமாக அரசு அதிகாரிகளின் பாராமுகத்தால் இக்கால்வாய் முற்றிலுமாக மாசடைந்து நீர்வழி அடைபடும் நிலை ஏற்பட்டுள்ளது. கொருக்குப்பேட்டை, தண்டையார்பேட்டை பகுதிகளில் இருபுறமும் மண் சரிவு ஏற்பட்டுள்ளது. திருவொற்றியூர் மணலி சாலையிலிருந்து எண்ணூர் முகத்துவாரம் வரையில் எங்கு பார்த்தாலும் ஆகாயத் தாமரை ஆக்கிரமித்துள்ளது.
துர்நாற்றம்: முகத்துவாரத்திலிருந்து சத்தியமூர்த்தி நகர் வழியாக செல்லும் இக்கால்வாயில் கருப்பு நிறத்தில் எண்ணெய் கலந்த கழிவுநீர் ஓடுகிறது. அத்துடன் அதில் வீசும் துர்நாற்றம் சுற்றுப்பகுதி சுகாதாரத்தை சீர்கெட வைத்துள்ளது. 
இதற்கு காரணம் திருவொற்றியூர், எண்ணூர் உள்ளிட்ட வடசென்னை பகுதிகளில் பாதாளச் சாக்கடை திட்டத்தில் சேகரிக்கப்படும் கழிவுநீர் அனைத்தும் எவ்வித சுத்திகரிப்பும் இன்றி இக்கால்வாயில் கலப்பதே என்கின்றனர் இப்பகுதியினர். 
சென்னை எண்ணெய் சுத்திகரிப்பு ஆலை, ரசாயன ஆலைகளிலிருந்து வெளியேற்றப்படும் கழிவு எண்ணெய்களும் இக்கால்வாயில்தான் கலக்கின்றன.
இக்கால்வாய் சென்னை மாநகர நீர்வழிப் போக்குவரத்தின் உயிர்நாடியாக இருந்தது என்பதை கருத்தில் கொண்டு, அரசு நிர்வாகம் இதனை உடனடியாக சீர்படுத்த வேண்டுமென இப்பகுதியினர் எதிர்பார்க்கின்றனர்.
 

]]>
http://images.dinamani.com/uploads/user/imagelibrary/2018/11/16/w600X390/baking-ham.jpg http://www.dinamani.com/all-editions/edition-chennai/chennai/2018/nov/16/சீரழிவின்-விளிம்பில்-பக்கிங்ஹாம்-கால்வாய்-சீரமைக்க-ஆவன-செய்யுமா-அரசு-3039461.html
3039459 சென்னை சென்னை சென்னையில் மிதமான மழை DIN DIN Friday, November 16, 2018 04:39 AM +0530
கஜா புயல் காரணமாக சென்னை, புறநகர்ப் பகுதிகளில் வியாழக்கிழமை மிதமான மழை பெய்தது. சென்னை, புறநகர்ப் பகுதிகளில் வியாழக்கிழமை காலை முதலே வானம் மேகமூட்டத்துடன் காணப்பட்டது. மாலையில் அம்பத்தூர், பாடி, கொரட்டூர், கோட்டூர்புரம், பெசன்ட் நகர், வேளச்சேரி, எழும்பூர், கிண்டி, தேனாம்பேட்டை, மேடவாக்கம், பள்ளிக்கரணை, பெருங்குடி, திருவொற்றியூர் உள்ளிட்ட பகுதிகளில் லேசான மழை பெய்தது. இரவு ஒரு சில இடங்களில் லேசானது முதல் மிதமான மழை பெய்தது.
கடல் சீற்றம்: சென்னை மெரீனா, எண்ணூர், பெசன்ட் நகர் எலியட்ஸ் கடற்கரை பகுதிகளில் கடல் சீற்றமாக காணப்பட்டது. கடலலை ஒரு மீட்டர் வரை உயர எழும்பியது. இதனால் வியாழக்கிழமை மாலை மெரீனா கடற்கரைக்கு வந்த பொதுமக்களை திரும்பிச் செல்லும்படி, போலீஸார் அறிவுறுத்தி அனுப்பினர். 
அதேபோல், பட்டினப்பாக்கம் பகுதியிலும் கடல் சீற்றமாக காணப்பட்டது. கடல் கொந்தளிப்பை அடுத்து மீனவர்கள் கடலுக்கு செல்லவில்லை.

]]>
http://www.dinamani.com/all-editions/edition-chennai/chennai/2018/nov/16/சென்னையில்-மிதமான-மழை-3039459.html
3039458 சென்னை சென்னை கஜா புயல்: சென்னையில் தயார் நிலையில் 176 நிவாரண முகாம்கள் DIN DIN Friday, November 16, 2018 04:39 AM +0530
கஜா புயல் காரணமாக சென்னையில் மேலும் 2 நாள்களுக்கு மழை பெய்யும் என எச்சரிக்கை விடுக்கப்பட்டுள்ளதால் பாதிக்கப்படும் மக்களைத் தங்க வைப்பதற்காக 176 நிவாரண முகாம்கள், உதவி மையங்கள் தயார் நிலையில் உள்ளன. இதுகுறித்து பெருநகர சென்னை மாநகராட்சி ஆணையர் தா.கார்த்திகேயன் கூறியது:
கஜா புயல் காரணமாக மாநகராட்சியின் 15 மண்டலங்களுக்கும் கண்காணிப்பு, மேற்பார்வை அலுவலர்களாக ஐஏஎஸ் அதிகாரிகள் நியமிக்கப்பட்டுள்ளனர். மழை, வெள்ளம் தொடர்பான புகார்களைத் தெரிவிக்கும் வகையில் 24 மணி நேரமும் இயங்கக் கூடிய கட்டுப்பாட்டு அறை அமைக்கப்பட்டுள்ளது. இந்தக் கட்டுப்பாட்டு அறையை 044 25384510, 25384520, 25384530, 25384540, 25619206, 25619511 ஆகிய தொலைபேசி எண்களிலும், 94454 77205 என்ற கட்செவி அஞ்சல் ( வாட்ஸ் ஆஃப்) எண்ணிலும், g​c​c​c‌o‌n‌t‌r‌o‌l‌r‌o‌o‌m@‌g‌m​a‌i‌l.​c‌o‌ என்ற மின்னஞ்சல் மூலமாகவும் தொடர்பு கொள்ளலாம்.
176 நிவாரண முகாம்கள்: மழையால் பாதிக்கப்படும் மக்களைத் தங்க வைக்க 176 நிவாரண முகாம்கள், அங்குள்ளவர்களுக்கு உணவு தயாரிப்பதற்காக 4 பொது சமையல் கூடங்கள் ஆகியவை தயார்நிலையில் உள்ளன. தேசிய பேரிடர் மீட்புக் குழுவைச் சேர்ந்த 60 நபர்கள் அரக்கோணத்திலிருந்து வரவழைக்கப்பட்டு உள்ளனர். மின்சார வாரியத்தின் மூலம் மழைக் காலங்களில் மின்தடை மற்றும் மின்கசிவு ஏற்படாத வகையில் முன்னெச்சரிக்கை நடவடிக்கைகள் எடுக்கப்பட்டுள்ளது.

]]>
http://www.dinamani.com/all-editions/edition-chennai/chennai/2018/nov/16/கஜா-புயல்-சென்னையில்-தயார்-நிலையில்-176-நிவாரண-முகாம்கள்-3039458.html
3039456 சென்னை சென்னை பட்டயக்கணக்காளர் தேர்வுக்கான பயிற்சி தொடக்கம் DIN DIN Friday, November 16, 2018 04:35 AM +0530
சென்னை பல்லாவரம் வேல்ஸ் தொழில்நுட்பக் கல்வி நிறுவனத்தில் பட்டயக் கணக்காளர் தேர்வுக்கான பயிற்சி தொடக்க விழா வியாழக்கிழமை நடைபெற்றது. விழாவில் பள்ளிக் கல்வித்துறை அமைச்சர் கே.ஏ.செங்கோட்டையன் பேசியது:
நாட்டில் 2 லட்சத்து 85 ஆயிரம் பேரும், தென்னிந்தியாவில் 55 ஆயிரம் பேரும், தமிழ்நாட்டில் 17,500 பேரும் பட்டயக் கணக்காளர்களாக உள்ளனர். தற்போது பட்டயக் கணக்காளர்களின் தேவை அதிகரித்துள்ளது.
வணிகவியல் கல்வி பயிலும் பள்ளி இறுதியாண்டு மாணவர்கள் பட்டயக் கணக்காளர் பயிற்சி பெறுவதன் மூலம் தங்களது எதிர்காலத்தைச் சிறப்பாக அமைத்துக் கொள்ள முடியும். 500 பட்டயக் கணக்காளர்கள் மூலம் 25 ஆயிரம் மாணவர்களுக்கு பயிற்சி அளிக்கும் திட்டத்தைச் செயல்படுத்த அனைவரும் உறுதுணையாகத் திகழ வேண்டும்.
சிறப்பாசிரியர் இறுதித் தேர்வுப் பட்டியலில் தமிழ்வழிச் சான்றிதழ் பிரச்னை குறித்து விசாரிக்க நிபுணர் குழு அமைக்கப்பட்டுள்ளது. வெளிமாநிலங்களில் தமிழ்வழியில் படித்தவர்கள் அதற்கான ஆவணங்களைத் தொடர்புடைய கோட்டாட்சியரிடம் காண்பித்து சான்றிதழ் பெற வேண்டும். அதேபோல், ஆதரவற்ற விதவைகளும், முன்னாள் ராணுவத்தினரும் தங்களுக்கு உரிய சான்றிதழைக் கோட்டாட்சியரிடம் பெற வேண்டும்.
இதுதொடர்பாக 10 நாள்களுக்கு முன் சம்பந்தப்பட்ட தேர்வர்களுக்கு தகவல் அனுப்பப்பட்டுள்ளது. 4 வார காலத்துக்குள் சான்றிதழைச் சமர்ப்பிக்கத் தவறினால் பொதுப்பிரிவினர் மூலம் அந்த இடங்களை நிரப்ப வாய்ப்புள்ளது அமைச்சர் கே.ஏ. செங்கோட்டையன்.
பள்ளிக் கல்வித்துறை இயக்குநர் ராமேஸ்வர முருகன், தென்னிந்திய பட்டயக் கணக்காளர் கவுன்சில் தலைவர் கே.ஜலபதி, வேல்ஸ் பல்கலைக் கழகத் துணைத் தலைவர் ஜோதிமுருகன், தென்சென்னை முன்னாள் மக்களவை உறுப்பினர் சிட்லப்பாக்கம் சி.ராஜேந்திரன் உள்ளிட்டோர் பங்கேற்றனர்.

 

]]>
http://images.dinamani.com/uploads/user/imagelibrary/2018/11/16/w600X390/senkotian.jpg பயிற்சியாளருக்கு நினைவுப் பரிசு வழங்குகிறார் அமைச்சர் கே.ஏ.செங்கோட்டையன்.  http://www.dinamani.com/all-editions/edition-chennai/chennai/2018/nov/16/பட்டயக்கணக்காளர்-தேர்வுக்கான-பயிற்சி-தொடக்கம்-3039456.html
3039455 சென்னை சென்னை ஏலச்சீட்டு நடத்தி பணம் மோசடி: மசாலா நிறுவன உரிமையாளர் கைது DIN DIN Friday, November 16, 2018 04:35 AM +0530
சென்னையில் ஏலச்சீட்டு நடத்தி பணம் மோசடி செய்ததாக, பிரபல மசாலா நிறுவனத்தின் உரிமையாளர் கைது செய்யப்பட்டார்.
இதுகுறித்து போலீஸ் தரப்பில் கூறப்பட்டதாவது:
சென்னை அருகே உள்ள படப்பையைச் சேர்ந்தவர் மளிகைப் பொருள்கள் மொத்த வியாபாரி ஞானவேல். இவர், தாம்பரம் சேலையூரைச் சேர்ந்த தொழிலதிபர் ராமசாமி (49) நடத்தி வந்த சீட்டு நிறுவனத்தில் ரூ.1 கோடி சீட்டில் சேர்ந்து, பணம் செலுத்தி வந்தார். 
ராமசாமி, இராவணன் என்ற பெயரில் மசாலா நிறுவனம் நடத்தி வந்தார். இந்நிலையில் இரு ஆண்டுகளுக்கு முன்பு அந்த சீட்டு முதிர்வடைந்துவிட்ட நிலையில், அதற்குரிய பணத்தை ராமசாமி வழங்கவில்லையாம்.
பணத்தை பலமுறை ஞானவேல் கேட்டும், ராமசாமி வழங்கவில்லை எனக் கூறப்படுகிறது. இதையடுத்து ஞானவேல், சென்னை பெருநகர காவல்துறையின் மத்தியக் குற்றப்பிரிவில் புகார் செய்தார். அந்த புகாரின் அடிப்படையில் போலீஸார் வழக்குப் பதிந்து சேலையூரில் ராமசாமியை புதன்கிழமை கைது செய்தனர்.
 

]]>
http://www.dinamani.com/all-editions/edition-chennai/chennai/2018/nov/16/ஏலச்சீட்டு-நடத்தி-பணம்-மோசடி-மசாலா-நிறுவன-உரிமையாளர்-கைது-3039455.html
3039454 சென்னை சென்னை சென்னையில் இன்று வேலைவாய்ப்பு முகாம்: தமிழக அரசு ஏற்பாடு DIN DIN Friday, November 16, 2018 04:34 AM +0530
வேலைவாய்ப்பற்ற இளைஞர்களுக்கான தனியார் துறை வேலைவாய்ப்பு முகாம் தமிழக அரசின் வேலைவாய்ப்பு- பயிற்சித்துறை சார்பில் சென்னையில் வெள்ளிக்கிழமை நடைபெறவுள்ளது.
இதுகுறித்து அத்துறையின் ஆணையர் பா.ஜோதி நிர்மலா சாமி வெளியிட்டுள்ள செய்தி:
தமிழகத்தில் உள்ள அனைத்து மாவட்ட வேலைவாய்ப்பு அலுவலகங்களிலும், வாரந்தோறும் வெள்ளிக்கிழமையானது வேலைவாய்ப்பு வெள்ளி - ஆக அனுசரிக்கப்பட்டு வேலைவாய்ப்பற்ற இளைஞர்களுக்கு தனியார் துறையில் வேலைவாய்ப்புகள் பெற்று வழங்கப்பட்டு வருகிறது. இதன் மூலம் வாரந்தோறும் ஆயிரக்கணக்கான இளைஞர்கள் தனியார் துறையில் பணிநியமனம் பெற்று வருகின்றனர். 
இந்த வாரத்துக்கான வேலைவாய்ப்பு முகாம் சென்னையில் உள்ள அனைத்து வேலைவாய்ப்பு அலுவலகங்கள் சார்பில் சென்னை கிண்டி ஆலந்தூர் சாலையில் உள்ள ஒருங்கிணைந்த வேலைவாய்ப்பு அலுவலக வளாகத்தில் வெள்ளிக்கிழமை காலை 10 மணி முதல் பிற்பகல் 2 மணி வரை நடைபெறவுள்ளது. 
இந்த முகாமில் 35-வயதுக்குட்பட்ட 8-ஆம் வகுப்பு, பத்தாம் வகுப்பு, பிளஸ் 2, ஐ.டி.ஐ., டிப்ளமோ, கலை மற்றும் அறிவியல் பிரிவில் ஏதாவது ஒரு பட்டம் ஆகிய கல்வித்தகுதியை உடைய அனைவரும் (மாற்றுத் திறனாளிகள் உள்பட) கலந்து கொள்ளலாம். 
இந்த முகாமில் 10-க்கும் மேற்பட்ட தனியார் துறை நிறுவனங்கள் கலந்து கொண்டு 500-க்கும் மேற்பட்ட பணிகாலியிடங்களுக்கு நபர்களைத் தேர்வு செய்ய உள்ளனர். வேலைவாய்ப்பற்ற இளைஞர்கள் இந்த வாய்ப்பினை பயன்படுத்திக் கொள்ளுமாறு கேட்டுக் கொள்ளப்படுகிறார்கள்.
 

]]>
http://www.dinamani.com/all-editions/edition-chennai/chennai/2018/nov/16/சென்னையில்-இன்று-வேலைவாய்ப்பு-முகாம்-தமிழக-அரசு-ஏற்பாடு-3039454.html
3039453 சென்னை சென்னை போட்டித் தேர்வுகளுக்கான இலவசப் பயிற்சி: நவ.23-க்குள் விண்ணப்பிக்கலாம் DIN DIN Friday, November 16, 2018 04:34 AM +0530
சென்னை மாவட்ட வேலைவாய்ப்பு அலுவலகம் சார்பில் நடைபெறும் போட்டித் தேர்வுகளுக்கான இலவசப் பயிற்சி வகுப்புக்கு நவம்பர் 23-ஆம் தேதிக்குள் விண்ணப்பிக்கலாம். 
இதுகுறித்து சென்னை மாவட்ட ஆட்சியர் அ.சண்முகசுந்தரம் வியாழக்கிழமை வெளியிட்ட செய்திக் குறிப்பு: சென்னை சாந்தோமில் உள்ள மாவட்ட வேலைவாய்ப்பு அலுவலகத்தில் இயங்கி வரும் தன்னார்வப் பயிலும் வட்டத்தின் மூலம் அனைத்துப் போட்டித் தேர்வுகளுக்கான இலவசப் பயிற்சி வகுப்புகள் நடத்தப்படுகிறது.
தற்போது தமிழ்நாடு அரசுப் பணியாளர் தேர்வாணையத்தால் அறிவிக்கப்பட்டுள்ள இந்து சமய அறநிலையத் துறை, சிறைத் துறைகளுக்கான போட்டித் தேர்வுகளுக்கும், வங்கிப் பணிகளுக்கான தேர்வுக்கும் இலவசப் பயிற்சி வகுப்புகள் நவம்பர் 26-ஆம் தேதி முதல் நடத்தப்பட உள்ளன.
இதில், கலந்துகொள்ள விருப்பமுள்ளவர்கள் தங்களது வேலைவாய்ப்புப் பதிவு அடையாள அட்டை, கல்விச் சான்றிதழ்களுடன் நவம்பர் 23-ஆம் தேதிக்குள் மாவட்ட வேலைவாய்ப்பு அலுவலகம் (பொது), சாந்தோம், சென்னை-4 என்ற முகவரியில் உள்ள அலுவலகத்தைத் தொடர்பு கொள்ள வேண்டும். மேலும், விவரங்களுக்கு 044 -24615160 என்ற தொலைபேசி எண்ணில் தொடர்பு கொள்ளலாம்.
 

]]>
http://www.dinamani.com/all-editions/edition-chennai/chennai/2018/nov/16/போட்டித்-தேர்வுகளுக்கான-இலவசப்-பயிற்சி-நவ23-க்குள்-விண்ணப்பிக்கலாம்-3039453.html
3039452 சென்னை சென்னை நட்சத்திர ஹோட்டலில் ரூ.83 லட்சம் மோசடி: உதவி மேலாளர் கைது DIN DIN Friday, November 16, 2018 04:33 AM +0530
சென்னையில் பிரபல நட்சத்திர ஹோட்டலில் ரூ.83 லட்சம் மோசடி செய்ததாக, உதவி மேலாளர் கைது செய்யப்பட்டார்.
இதுகுறித்து போலீஸ் தரப்பில் கூறப்பட்டதாவது:
சென்னை கிளப் ஹவுஸ் பகுதியில் உள்ள ஒரு நட்சத்திர ஹோட்டலின் மூத்த துணைத் தலைவராக இருப்பவர் சலீம்யூசுப். இவர், சென்னை பெருநகர காவல்துறையின் மத்தியக் குற்றப் பிரிவில் அண்மையில் ஒரு புகார் அளித்தார். அதில், தங்களது ஹோட்டலில் விற்பனைப் பிரிவு உதவி மேலாளராக பணிபுரிபவர் கோடம்பாக்கம் ஜக்கிரியா காலனி பகுதியைச் சேர்ந்த கெ.சித்தார்த்தா முகர்ஜி (30). இவர் ஹோட்டலில் உள்ள அரங்குகள், அறைகள் ஆகியவற்றை வாடிக்கையாளர்களுக்கு குறைந்த வாடகைக்கு விட்டு, பணம் பெற்றுக் கொண்டு வந்துள்ளார். அந்த பணத்தில் சிறிய பகுதியை மட்டும் ஹோட்டல் கணக்கில் வரவு வைத்துவிட்டு, மீதி பணத்தை அவர் எடுத்துக்கொண்டு வரவு-செலவு கணக்கில் பொய் கணக்கு எழுதியுள்ளார். இதனால் ஹோட்டலுக்கு ரூ.83.09 லட்சம் நஷ்டம் ஏற்பட்டுள்ளது. முகர்ஜி மீது நடவடிக்கை எடுக்க வேண்டும் என்று அதில் குறிப்பிடப்பட்டிருந்தது. இதுகுறித்து போலீஸார் வழக்குப் பதிவு செய்து முகர்ஜியை வியாழக்கிழமை கைது செய்தனர்.
 

]]>
http://www.dinamani.com/all-editions/edition-chennai/chennai/2018/nov/16/நட்சத்திர-ஹோட்டலில்-ரூ83-லட்சம்-மோசடி-உதவி-மேலாளர்-கைது-3039452.html
3039451 சென்னை சென்னை உரிய ஆவணங்கள் இல்லாத 5 சுற்றுலா கார்கள் பறிமுதல் DIN DIN Friday, November 16, 2018 04:33 AM +0530
உரிய ஆவணங்கள் இன்றி விதிகளை மீறி இயக்கிய 5 சுற்றுலா கார்களை மோட்டார் வாகன ஆய்வாளர்கள் பறிமுதல் செய்தனர். அண்ணாநகர் வட்டாரப் போக்குவரத்து அலுவலர் ஸ்ரீதர் தலைமையில் மோட்டார் வாகன ஆய்வாளர்கள் செந்தூர்வேல், செழியன், செண்பகவள்ளி, லீலாவதி ஆகியோர் அடங்கிய குழு திருமங்கலம் பகுதியில் வாகனச் சோதனையில் ஈடுபட்டனர். 
மது அருந்திவிட்டு வாகனத்தை ஓட்டிய 4 பேர் மீதும், வாகனத்தை ஓட்டும்போது செல்லிடப்பேசியை பயன்படுத்திய 2 பேர் மீதும், சிக்னலில் நிற்காமல் கடந்து சென்றதாக 10 பேர் மீதும் வழக்குப் பதியப்பட்டு உரிய அபராதம் விதிக்கப்பட்டது. உரிய ஆவணங்கள் இன்றி விதிகளை மீறி இயக்கிய 5 சுற்றுலா கார்களையும் அவர்கள் பறிமுதல் செய்தனர். கடந்த 2 நாள்களாக நடைபெற்ற இந்த வாகனச் சோதனையில் விதிகளை மீறியதற்காக 56 பேர் மீது நடவடிக்கை எடுக்கப்பட்டு ரூ.25,000 வரை அபராதம் விதிக்கப்பட்டது.
 

]]>
http://www.dinamani.com/all-editions/edition-chennai/chennai/2018/nov/16/உரிய-ஆவணங்கள்-இல்லாத-5-சுற்றுலா-கார்கள்-பறிமுதல்-3039451.html
3039450 சென்னை சென்னை ரயில் பயணி சாவு: இருவர் கைது DIN DIN Friday, November 16, 2018 04:33 AM +0530
கொரமண்டல் விரைவு ரயிலில் வந்த பயணி கட்டையால் தாக்கப்பட்டதில் அவர் உயிரிழந்தார். இதுதொடர்பாக இருவரை ரயில்வே போலீஸார் கைது செய்தனர். 
இதுகுறித்து சென்ட்ரல் ரயில்வே போலீஸார் கூறியது: 
மேற்கு வங்கத்தை சேர்ந்தவர் சித்தீஸ்வரதாஸ் (34). இவர் வேலை தேடுவதற்காக கொரமண்டல் விரைவு ரயிலில் கடந்த 9 -ஆம் தேதி, சென்னைக்கு வந்து கொண்டிருந்தார். 
அன்று பிற்பகல் மீஞ்சூரை அடுத்த நந்தியம்பாக்கம் ரயில் நிலையம் அருகே ரயில் மெதுவாக வந்து கொண்டிருந்தது. ரயில் பெட்டியின் படிக்கட்டு அருகே நின்று கொண்டு செல்லிடப்பேசியில் சித்தீஸ்வரதாஸ் பேசினார். அந்த நேரத்தில் தண்டவாளம் அருகே நின்று கொண்டிருந்த இருவர் கட்டையால் சித்தீஸ்வரதாஸை தாக்கினர். இதில் நிலை தடுமாறிய அவர் செல்லிடப்பேசியுடன் ஓடும் ரயலில் இருந்து கீழே விழுந்தார். 
உடனே செல்லிடப்பேசியை எடுத்துக்கொண்டு அந்த நபர்கள் தப்பி ஓடினர். தலையில் பலத்த காயமடைந்த சித்தீஸ்வரதாஸுக்கு ஸ்டான்லி அரசு மருத்துவமனையில் தீவிர சிகிச்சை அளிக்கப்பட்டது. இந்நிலையில், சிகிச்சை பலனின்றி சித்தீஸ்வரதாஸ் புதன்கிழமை நள்ளிரவு பரிதாபமாக இறந்தார்.
இதுகுறித்து, சென்ட்ரல் ரயில்வே காவல் ஆய்வாளர்கள் தாமஸ், முத்துக்குமார் ஆகியோர் தலைமையில் தனிப்படை அமைக்கப்பட்டது. 
இவர்கள் தீவிர விசாரணை மேற்கொண்டு, நந்தியம்பாக்கத்தை சேர்ந்த கார்த்தி(18), விஷ்ணு(18) ஆகியோரை கைது செய்தனர்.
 

]]>
http://www.dinamani.com/all-editions/edition-chennai/chennai/2018/nov/16/ரயில்-பயணி-சாவு-இருவர்-கைது-3039450.html
3039449 சென்னை சென்னை வீடு வாங்கித் தருவதாக ரூ.1 கோடி மோசடி: இளைஞர் கைது DIN DIN Friday, November 16, 2018 04:32 AM +0530
சென்னையில் வீடு வாங்கித் தருவதாக ரூ.1 கோடி மோசடி செய்ததாக, இளைஞர் கைது செய்யப்பட்டார்.
இதுகுறித்து போலீஸ் தரப்பில் கூறப்பட்டதாவது:
அண்ணாநகர் ஒய் பிளாக் பகுதியைச் சேர்ந்தவர் சு.சகுந்தலா (46). இவரிடம், செனாய் நகர் 4 -ஆவது குறுக்குத் தெருவைச் சேர்ந்த வ.பிரகாஷ் (39) சில ஆண்டுகளுக்கு முன்பு அறிமுகமாகி உள்ளார். இந்த நிலையில், கீழ்ப்பாக்கத்தில் ஒரு அடுக்குமாடி குடியிருப்பில் வீடு வாங்கித் தருவதாக சகுந்தலாவிடம் பிரகாஷ் கூறியுள்ளார். பிரகாஷின் வார்த்தைகளை நம்பிய சகுந்தலா, வீடு வாங்குவதற்காக அவரிடம் ரூ.1 கோடி கொடுத்தாராம். பணத்தை பெற்றுக் கொண்ட பிரகாஷ், வீடு வாங்கிக் கொடுக்கவில்லையாம். பணத்தையும் திருப்பிக் கொடுக்கவில்லையாம். இதனால் தான் ஏமாற்றப்பட்டதை உணர்ந்த சகுந்தலா, சென்னை பெருநகர காவல்துறையின் மத்தியக் குற்றப்பிரிவில் புகார் செய்தார். அந்த புகாரின் அடிப்படையில் போலீஸார் வழக்குப் பதிவு செய்து, பிரகாஷை புதன்கிழமை கைது செய்தனர்.

]]>
http://www.dinamani.com/all-editions/edition-chennai/chennai/2018/nov/16/வீடு-வாங்கித்-தருவதாக-ரூ1-கோடி-மோசடி-இளைஞர்-கைது-3039449.html
3039424 சென்னை சென்னை தமிழர்கள் நல்லவர்கள்: பிரிவுபசார விழாவில் நீதிபதி உருக்கம் DIN DIN Friday, November 16, 2018 02:41 AM +0530
விருந்தோம்பலில் சிறந்தவர்களான தமிழர்கள் நல்ல எண்ணம் கொண்டவர்கள் என ஒடிஸா மாநில உயர் நீதிமன்றத்துக்கு இடமாறுதலில் செல்லும் நீதிபதி சத்ருகன புஜ்ஹரி பிரிவுபசார விழாவில் கண்கலங்கி உருக்கமாகப் பேசினார். 
ஒடிஸா மாநில உயர் நீதிமன்ற நீதிபதியாக பணியாற்றி வந்த சத்ருகன புஜ்ஹரி, சென்னை உயர் நீதிமன்றத்துக்கு கடந்த ஆண்டு மாற்றப்பட்டார். இந்த நிலையில், அவரை மீண்டும் ஒடிஸா உயர் நீதிமன்றத்துக்கு மாற்றி குடியரசுத் தலைவர் உத்தரவிட்டுள்ளார். 
மேலும், சென்னை உயர் நீதிமன்ற நீதிபதி எஸ்.பாஸ்கரன் வியாழக்கிழமையுடன் ஓய்வு பெற்றார். இதனையடுத்து, சத்ருகன புஜ் ஹரி மற்றும் நீதிபதி எஸ்.பாஸ்கரன் ஆகியோருக்கு சென்னை உயர் நீதிமன்றத்தில் பிரிவுபசார விழா வியாழக்கிழமை நடைபெற்றது.
இந்த நிகழ்ச்சியில் உயர் நீதிமன்ற நீதிபதிகள், அரசு தலைமை வழக்குரைஞர் விஜய் நாராயண், மாநில தலைமை அரசு குற்றவியல் வழக்குரைஞர் ஏ.நடராஜன், கூடுதல் அரசு தலைமை வழக்குரைஞர் பி.ஹெச். அரவிந்த்பாண்டியன், நர்மதா சம்பத், வழக்குரைஞர்கள், வழக்குரைஞர் சங்கப் பிரதிநிதிகள், நீதிமன்றப் பணியாளர்கள் உள்ளிட்ட பலர் கலந்துகொண்டனர். 
இந்த விழாவில் பேசிய நீதிபதி எஸ்.பாஸ்கர் , இந்த உயர்நீதிமன்றத்தில் நீதிபதியாக பணியாற்றியதில் பெருமை கொள்கிறேன். இந்த சமுதாயத்துக்கு நல்லது செய்ய சட்டத்தை எப்படியெல்லாம் வளைக்கலாம் என நீதிபதி என்.கிருபாகரனிடம் கற்றுக் கொண்டேன். நீதிபதி என்.கிருபாகரனைப் போன்று சட்ட நிபுணத்துவம் பெற்றவரைப் பார்த்ததே இல்லை என்றார் அவர்.
அவரைத் தொடர்ந்து நீதிபதி சத்ருகன புஜ் ஹரி பேசியதாவது: இந்த உயர் நீதிமன்றத்தை விட்டுப் போக எனக்கு மனமே இல்லை. தமிழர்கள் விருந்தோம்பலில் சிறந்தவர்கள். நல்ல எண்ணம் கொண்டவர்கள். இங்குள்ள பலர் எனக்கு பல விதத்தில் உதவிகரமாக இருந்துள்ளனர். அவர்களை என்னால் ஒருபோதும் மறக்கவே முடியாது. நான் உடல் நலம் பாதிக்கப்பட்டிருந்த போது நீதிபதிகள் டி.ராஜா மற்றும் நீதிபதி எஸ்.வைத்தியநாதன் என் வீட்டுக்கு வந்து உடல் நலம் குறித்து விசாரித்தார்கள். நீதிபதி எஸ்.வைத்தியநாதன் என்னை மருத்துவமனைக்கு அழைத்துச் சென்று, சிகிச்சை வழங்க ஏற்பாடு செய்தார். அதே போன்று நீதிபதி எஸ்.மணிக்குமாரும் எனக்கு பல உதவிகளைச் செய்துள்ளார். நீதிபதி எம்.சத்தியநாராயணனிடம் சட்ட நிபுணத்துவத்தைக் கண்டறிந்தேன் என்று கூறி கண் கலங்கினார்.
இதனால் அரங்கம் சிறிது நேரம் அமைதியானது.


 

]]>
http://images.dinamani.com/uploads/user/imagelibrary/2018/11/16/w600X390/court.jpg சென்னை உயர்நீதிமன்றத்தில் வியாழக்கிழமை நடைபெற்ற பிரிவுபசார விழாவில் (இடமிருந்து) நீதிபதிகள் சத்ருகன புஜ்ஹரி, எஸ். மணிக்குமார் மற்றும் எஸ்.பாஸ்கரன். http://www.dinamani.com/all-editions/edition-chennai/chennai/2018/nov/16/தமிழர்கள்-நல்லவர்கள்-பிரிவுபசார-விழாவில்-நீதிபதி-உருக்கம்-3039424.html
3039423 சென்னை சென்னை போட்டித் தேர்வுகளுக்கான இலவசப் பயிற்சி: நவ.23-க்குள் விண்ணப்பிக்கலாம் DIN DIN Friday, November 16, 2018 02:40 AM +0530 சென்னை மாவட்ட வேலைவாய்ப்பு அலுவலகம் சார்பில் நடைபெறும் போட்டித் தேர்வுகளுக்கான இலவசப் பயிற்சி வகுப்புக்கு நவம்பர் 23-ஆம் தேதிக்குள் விண்ணப்பிக்கலாம். 
இதுகுறித்து சென்னை மாவட்ட ஆட்சியர் அ.சண்முகசுந்தரம் வியாழக்கிழமை வெளியிட்ட செய்திக் குறிப்பு: சென்னை சாந்தோமில் உள்ள மாவட்ட வேலைவாய்ப்பு அலுவலகத்தில் இயங்கி வரும் தன்னார்வப் பயிலும் வட்டத்தின் மூலம் அனைத்துப் போட்டித் தேர்வுகளுக்கான இலவசப் பயிற்சி வகுப்புகள் நடத்தப்படுகிறது.
தற்போது தமிழ்நாடு அரசுப் பணியாளர் தேர்வாணையத்தால் அறிவிக்கப்பட்டுள்ள இந்து சமய அறநிலையத் துறை, சிறைத் துறைகளுக்கான போட்டித் தேர்வுகளுக்கும், வங்கிப் பணிகளுக்கான தேர்வுக்கும் இலவசப் பயிற்சி வகுப்புகள் நவம்பர் 26-ஆம் தேதி முதல் நடத்தப்பட உள்ளன.
இதில், கலந்துகொள்ள விருப்பமுள்ளவர்கள் தங்களது வேலைவாய்ப்புப் பதிவு அடையாள அட்டை, கல்விச் சான்றிதழ்களுடன் நவம்பர் 23-ஆம் தேதிக்குள் மாவட்ட வேலைவாய்ப்பு அலுவலகம் (பொது), சாந்தோம், சென்னை-4 என்ற முகவரியில் உள்ள அலுவலகத்தைத் தொடர்பு கொள்ள வேண்டும். மேலும், விவரங்களுக்கு 044 -24615160 என்ற தொலைபேசி எண்ணில் தொடர்பு கொள்ளலாம்.
 

]]>
http://www.dinamani.com/all-editions/edition-chennai/chennai/2018/nov/16/போட்டித்-தேர்வுகளுக்கான-இலவசப்-பயிற்சி-நவ23-க்குள்-விண்ணப்பிக்கலாம்-3039423.html
3038854 சென்னை சென்னை ஆய்வகத் தொழில்நுட்புநர் பட்டயப் பயிற்சி: நவ.29-க்குள் விண்ணப்பிக்கலாம் DIN DIN Thursday, November 15, 2018 04:41 AM +0530
மருத்துவ ஆய்வகத் தொழில்நுட்புநர் பட்டயப் பயிற்சிக்கு நவம்பர் 29 -ஆம் தேதிக்குள் விண்ணப்பிக்கலாம். இதுகுறித்து பெருநகர சென்னை மாநகராட்சி ஆணையர் அலுவலகம் புதன்கிழமை வெளியிட்ட செய்திக்குறிப்பு:
பெருநகர சென்னை மாநகராட்சி பொது சுகாதாரத் துறையின் கட்டுப்பாட்டில் உள்ள தண்டையார்பேட்டை தொற்றுநோய் மருத்துவமனையில் மருத்துவ ஆய்வகத் தொழில்நுட்புநர் பட்டயப்படிப்பு தொடங்கப்பட்டுள்ளது. 30 இடங்கள் உள்ள இந்தப் படிப்பில் சேருவதற்கு பிளஸ் 2 தேர்வில் அறிவியல் பாடத்தில் தேர்ச்சி பெற்றிருக்க வேண்டும். இயற்பியல், வேதியியல், உயிரியல் அல்லது இயற்பியல், வேதியியல், விலங்கியல், தாவரவியல் அல்லது வாழ்க்கை தொழில் கல்விப் பிரிவில் மருத்துவ ஆய்வுக்கூட நுட்புநர் தொழில் பயிற்சியில் தேர்ச்சி பெற்றிருக்க வேண்டும்.
இப்பயிற்சிக்கு சென்னை மாநகராட்சியில் பணிபுரியும் பணியாளர்களின் வாரிசுகளுக்கும், மாநகராட்சிப் பள்ளிகளில் பயின்ற மாணவ, மாணவியருக்கும் முன்னுரிமை அளிக்கப்படும். மேலும் அரசு, அரசு சார்ந்த பள்ளிகளில் பயின்ற மாணவ, மாணவியரும் விண்ணப்பிக்கலாம்.
தொடர்புக்கு: தகுதியும், விருப்பமும் உள்ளவர்கள் இயக்குநர், தொற்றுநோய் மருத்துவமனை, எண்.187, திருவொற்றியூர் நெடுஞ்சாலை, தண்டையார்பேட்டை, சென்னை -81 என்ற முகவரியில் உள்ள அலுவலகத்தில், நவம்பர் 17 முதல் 28 -ஆம் தேதி வரை வேலை நாள்களில் காலை 10 மணி முதல் மாலை 4.30 மணி வரை ரூ.50 செலுத்தி விண்ணப்பங்களைப் பெற்றுக் கொள்ளலாம். பூர்த்தி செய்யப்பட்ட விண்ணப்பங்கள், நவம்பர் 29 -ஆம் தேதி மாலை 4.30 மணி வரை மட்டுமே பெறப்படும். மேலும், தகவல்களுக்கு 044 2591 2686, 2591 2687 என்ற தொலைபேசி எண்களில் தொடர்பு கொள்ளலாம்.

]]>
http://www.dinamani.com/all-editions/edition-chennai/chennai/2018/nov/15/ஆய்வகத்-தொழில்நுட்புநர்-பட்டயப்-பயிற்சி-நவ29-க்குள்-விண்ணப்பிக்கலாம்-3038854.html
3038852 சென்னை சென்னை சென்னை - கொல்லம் இடையே சிறப்புக் கட்டண ரயில்கள்: டிச.3 முதல் இயக்கம் DIN DIN Thursday, November 15, 2018 04:41 AM +0530 கார்த்திகை மாதத்தில் ஐயப்ப பக்தர்கள் அதிக எண்ணிக்கையில் பயணம் செய்வதைக் கருத்தில் கொண்டு, சென்னை சென்ட்ரல், தாம்பரம் ஆகிய இடங்களில் இருந்து கொல்லத்துக்கு சிறப்புக் கட்டண ரயில் இயக்கப்படும் என்று தெற்கு ரயில்வே தெரிவித்துள்ளது.
அதன்படி, வரும் டிசம்பர் 3, 5, 10, 12, 17, 19, 24, 26, 31 மற்றும் ஜனவரி 2, 7, 9, 14 ஆகிய தேதிகளில் சென்னை சென்ட்ரலில் இருந்து கொல்லத்துக்கு இரவு 8.40 மணிக்கு இந்த சிறப்புக் கட்டண ரயில் புறப்படும். மறுநாள் மதியம் 12 மணிக்கு கொல்லம் சென்றடையும்.
அதேபோல், கொல்லத்திலிருந்து சென்னை சென்ட்ரலுக்கு டிசம்பர் 4, 6, 11, 13, 18, 20, 27 மற்றும் ஜனவரி 3, 8, 10 ஆகிய தேதிகளில் பிற்பகல் 3 மணிக்கு புறப்படும் சிறப்புக் கட்டண ரயில், அடுத்த நாள் காலை 9.45 சென்ட்ரலை வந்தடையும். இந்த ரயில் பெரம்பூர் ரயில் நிலையத்தில் நின்று செல்லும்.
சிறப்புக் கட்டண ரயில் அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், கோவை, பாலக்காடு, ஒத்தபாலம், திருச்சூர், ஆலுவா, எர்ணாகுளம் டவுன், கோட்டயம், செங்கனச்சேரி, திருவல்லா, செங்கனூர், மாவெளிக்காரா, காயங்குளம் ஆகிய இடங்களில் நின்று செல்லும்.
தாம்பரத்திலிருந்து: இதேபோல், தாம்பரத்திலிருந்து கொல்லத்துக்கு சிறப்புக் கட்டண ரயில் இயக்கப்படும் என்றும் ரயில்வே நிர்வாகம் அறிவித்துள்ளது. 
அதன்படி, தாம்பரத்திலிருந்து ஜனவரி 2, 4, 7, 9, 16, 18, 21, 23, 25 ஆகிய தேதிகளில் மாலை 5.15-க்கு கொல்லத்துக்கு புறப்பட்டுச் செல்லும். மறுநாள் காலை 9.20-க்கு இந்த ரயில் கொல்லத்தை சென்றடையும். மறுமுனையில், கொல்லத்திலிருந்து ஜனவரி 3, 5, 8, 10, 12, 22, 24, 26 ஆகிய தேதிகளில் காலை 11.30 மணிக்கு புறப்பட்டு தாம்பரத்துக்கு மறுநாள் பிற்பகல் 3.30 மணியளவில் சிறப்பு ரயில் வந்தடையும். 
செங்கல்பட்டு, விழுப்புரம், விருத்தாசலம், திருச்சி, திண்டுக்கல், மதுரை, விருதுநகர், திருத்தங்கல், சிவகாசி, ஸ்ரீவில்லிபுத்தூர், ராஜபாளையம், சங்கரன்கோயில், பம்பா கோயில், கடையநல்லூர், தென்காசி, செங்கோட்டை, பகவதிபுரம், ஆரியங்காவு, தேன்மலை, எடமான், புனலூர், அவனீஸ்வரம், கொட்டாரக்காரா, குந்தாரா ஆகிய இடங்களில் இந்த சிறப்பு ரயில் நின்று செல்லும். இந்த சிறப்புக் கட்டண ரயிலுக்கான முன்பதிவு ஏற்கெனவே தொடங்கிவிட்டது.
 

]]>
http://www.dinamani.com/all-editions/edition-chennai/chennai/2018/nov/15/சென்னை---கொல்லம்-இடையே-சிறப்புக்-கட்டண-ரயில்கள்-டிச3-முதல்-இயக்கம்-3038852.html
3038850 சென்னை சென்னை கஜா புயல்: உதவிக்கு கடற்படை தயார் DIN DIN Thursday, November 15, 2018 04:40 AM +0530
கஜா புயல் வியாழக்கிழமை மாலை கரையைக் கடக்கவுள்ள நிலையில், புயல் மற்றும் வெள்ளப் பாதிப்பு ஏற்பட்டால் மனிதாபிமான அடிப்படையில் உதவி செய்வதற்கு கடற்படை தயாராக உள்ளது.
இதுதொடர்பாக கடற்படையின் கிழக்குப் பிராந்திய அலுவலகம் வெளியிட்டுள்ள செய்திக்குறிப்பு:
புயல் மற்றும் வெள்ளப் பாதிப்பு ஏற்பட்டால், பாதிக்கப்படும் மக்களுக்கு உடனடியாக உதவி அளிக்க ஏதுவாக ரன்வீர், கஞ்சார் என்ற இரு கடற்படைக் கப்பல்கள் நிவாரணப் பொருள்களுடன் தயார் நிலையில் உள்ளன.
இவற்றில் மக்களை மீட்பதற்கான உபகரணங்கள், மருந்து பொருள்கள், மருத்துவர்கள், 
சிறியரக ரப்பர் படகுகள், ஹெலிகாப்டர்கள், உணவு, தற்காலிக கூடாரம் அமைப்பதற்கான உபகரணங்கள், துணிகள், போர்வைகள் போன்றவை அடங்கும்.
மேலும் தேகா, ராஜாளி, பருந்து ஆகிய விமானப் படைத்தளங்களில் மீட்புக்கான ஹெலிகாப்டர்கள், சிறிய ரக விமானங்களும் தயார் நிலையில் உள்ளன. கடல் கொந்தளிப்பு அதிகமாக இருக்கும் என்பதால், மீனவர்கள் யாரும் கடலுக்குள் செல்ல வேண்டாம் என கடற்படை அதிகாரிகள் ரோந்து பணிகளின்போது அவ்வப்போது எச்சரித்து வருகின்றனர்.

]]>
http://www.dinamani.com/all-editions/edition-chennai/chennai/2018/nov/15/கஜா-புயல்-உதவிக்கு-கடற்படை-தயார்-3038850.html
3038848 சென்னை சென்னை 1,700 பேருக்கு இலவச சர்க்கரை நோய் பரிசோதனை DIN DIN Thursday, November 15, 2018 04:40 AM +0530
சென்னை எழும்பூர், நுங்கம்பாக்கம் ரயில் நிலையங்களில் நடைபெற்ற இலவச ரத்த சர்க்கரை நோய் பரிசோதனை முகாமில் 1,700 பேர் பரிசோதனை செய்து கொண்டனர்.
உலக சர்க்கரை நோய் விழிப்புணர்வு தினத்தை (நவ.14) முன்னிட்டு, சூளைமேடு எக்ஸ்னோரா இன்னொவேட்டர்ஸ் கிளப் மற்றும் அருணா சர்க்கரை நோய் சிகிச்சை மையம் சார்பில் முகாம் நடைபெற்றது. எழும்பூர் ரயில் நிலையத்தில் கடந்த ஞாயிற்றுக்கிழமையும் (நவ.11), நுங்கம்பாக்கம் ரயில் நிலையத்தில் புதன்கிழமையும் (நவ.14) முகாம் நடைபெற்றது.
புதிதாக 170 பேருக்கு...எழும்பூரில் 750 பேர், நுங்கம்பாக்கத்தில் 950 பேர் என மொத்தம் 1,700 பேர் பரிசோதிக்கப்பட்டதில் 170 பேருக்கு சர்க்கரை நோய் இருப்பது புதிதாகக் கண்டுபிடிக்கப்பட்டு ஆலோசனைகள் வழங்கப்பட்டன. ஏற்கெனவே சர்க்கரை நோயுடன் உள்ள 1,360 பேருக்கு சர்க்கரை அளவு கட்டுப்பாட்டில் இல்லாமல் இருப்பது தெரியவந்தது. 
விழித்திரை பாதிப்பு உள்ளிட்டவற்றைத் தவிர்க்க, ரத்த சக்கரை அளவை தொடர்ந்து கட்டுப்பாட்டில் வைத்திருப்பது அவசியம் என்று அருணா சர்க்கரை நோய் சிகிச்சை மைய இயக்குநர் டாக்டர் அ.பன்னீர்செல்வம் அறிவுறுத்தினார்.
முன்னதாக முகாமை மக்களவை உறுப்பினர் எஸ்.ஆர்.விஜயகுமார், தெற்கு ரயில்வே கோட்ட மேலாளர் நவீன் குலாட்டி, சூளைமேடு எக்ஸ்னோரா இன்னொவேட்டர்ஸ் கிளப் செயலர் எஸ்.கஸ்தூரிரங்கன் உள்ளிட்டோர் கலந்து கொண்டனர்.

 

]]>
http://images.dinamani.com/uploads/user/imagelibrary/2018/11/15/w600X390/test.jpg சென்னை நுங்கம்பாக்கம் ரயில் நிலையத்தில் புதன்கிழமை நடைபெற்ற இலவச சர்க்கரை நோய் பரிசோதனை முகாம். http://www.dinamani.com/all-editions/edition-chennai/chennai/2018/nov/15/1700-பேருக்கு-இலவச-சர்க்கரை-நோய்-பரிசோதனை-3038848.html
3038845 சென்னை சென்னை கல்லூரி மாணவிகளுக்கு திறன் வளர்பயிற்சி: புரிந்துணர்வு ஒப்பந்தம் கையெழுத்து DIN DIN Thursday, November 15, 2018 04:39 AM +0530 மத்திய அரசின் திறன் மேம்பாட்டு நிறுவனத்தின் (NSDC) ஆதரவில் செயல்பட்டு வரும் ஊடகம் மற்றும் பொழுதுபோக்கு துறைக்கான திறன் வளர்ச்சி கவுன்சில் (MESC), சென்னை தியாகராயநகரில் உள்ள ஸ்ரீ ஷங்கர்லால் சுந்தர்பாய் ஷாசன் ஜெயின் மகளிர் கல்லூரி ஆகிவற்றுக்கு இடையே புரிந்துணர்வு ஒப்பந்தம் புதன்கிழமை மேற்கொள்ளப்பட்டது.
இதன்படி இந்தக் கல்லூரி ஊடகம், பொழுதுபோக்கு மற்றும் தகவல் தொடர்பு போன்றவற்றுடன் கலை மற்றும் கலாசாரம் தொடர்பான விஷயங்களில் திறன் வளர்ச்சி பயிற்சி அளிக்க சிறந்த அம்சங்களை உடைய நிறுவனமாகத் தேர்வு செய்யப்பட்டு இதற்கான அதிநவீன பயிற்சி மையம் இந்தக் கல்லூரியில் புதன்கிழமை தொடங்கப்பட்டது.
இதற்கான ஒப்பந்தத்தில் எம்.இ.எஸ்.சி. தலைமைச் செயல்பாட்டு அதிகாரி மோஹித் சோனி, கல்லூரியின் செயலாளர் எஸ். அபயகுமார் ஜெயின் ஆகியோர் கையெழுத்திட்டனர். பிரபல ஹிந்தி திரைப்பட தயாரிப்பாளரும், எம்இஎஸ்சி தலைவருமான சுபாஷ் கய் முன்னிலையில் இந்த ஒப்பந்தம் மேற்கொள்ளப்பட்டது. இந்த நிகழ்ச்சியில் சிறப்பு அழைப்பாளராக பரத நாட்டிய கலைஞர் பத்மா சுப்ரமணியம் பங்கேற்றார்.
இது குறித்து அபயகுமார் ஜெயின் செய்தியாளர்களிடம் கூறுகையில், ஊடகம் மற்றும் பொழுதுபோக்கு துறைக்கான திறன் வளர்ச்சி கவுன்சில் இந்தத் துறைக்கான தேசிய அளவிலான தரநிலைகளை உருவாக்கும் முனைப்பில் ஈடுபட்டுள்ளது. ஊடக மற்றும் பொழுதுபோக்கு துறையில் பயிற்சி பெற்ற தொழிலாளர்கள் கிடைப்பது தொடர்பான சந்தை தகவல்களையும் அது உருவாக்கும்.
இந்த ஒப்பந்தத்தின் மூலம் திரைப்பட இயக்கம், ஒளிப்பதிவு, ஒளியமைப்பு, அனிமேஷன், கணினி விளையாட்டுகள் போன்ற பலவற்றிலும் தனி பயிற்சி வகுப்பு, பாடத் திட்டங்கள் இந்தக் கல்லூரியில் அறிமுகம் செய்யப்படும். இவை புத்தகப் படிப்பாக மட்டுமின்றி செயல்முறை பாடங்களையும் கொண்டதாக இருக்கும் என்றார்.
இந்த நிகழ்ச்சியில் நடிகர் பாக்யராஜ், இயக்குநர் எஸ்.ஏ. சந்திரசேகர், கல்லூரி முதல்வர் பூர்ணா உள்ளிட்டோர் கலந்து கொண்டனர்.

]]>
http://images.dinamani.com/uploads/user/imagelibrary/2018/11/15/w600X390/sign.jpg http://www.dinamani.com/all-editions/edition-chennai/chennai/2018/nov/15/கல்லூரி-மாணவிகளுக்கு-திறன்-வளர்பயிற்சி-புரிந்துணர்வு-ஒப்பந்தம்-கையெழுத்து-3038845.html
3038840 சென்னை சென்னை வேலைவாய்ப்பைப் பெறும் திறன்மிக்கவர்களாக மாணவர்களை மேம்படுத்த நடவடிக்கை DIN DIN Thursday, November 15, 2018 04:38 AM +0530 மாணவர்களுக்கு தகுந்த கல்வித் தகுதியை உருவாக்கி, வேலைவாய்ப்பைப் பெறும் திறன்மிக்கவர்களாக மேம்படுத்த தீவிர நடவடிக்கை மேற்கொண்டுள்ளோம் என்று கிரசென்ட் தொழில்நுட்பக் கல்வி நிறுவனத் துணை வேந்தர் சாகுல் ஹமீது பின் அபுபக்கர் தெரிவித்தார்.
வண்டலூர் கிரசென்ட் தொழில்நுட்பக் கல்வி நிறுவனம், சர்வதேச பட்டயக்கணக்காளர் சங்கம் இணைந்து மேற்கொண்ட புரிந்துணர்வு ஒப்பந்த பரிமாற்ற நிகழ்ச்சி புதன்கிழமை நடைபெற்றது. பதிவாளர் ஏ.ஆஸாத், சர்வதேச பட்டயக் கணக்காளர் சங்கத் தமிழக மேலாளர் பி.சரவணன்குமார் ஆகியோர் புரிந்துணர்வு ஒப்பந்தத்தில் கையெழுத்திட்டு பரிமாறிக் கொண்டனர். பின்னர் துணை வேந்தர் சாகுல் ஹமீது பின் அபுபக்கர் செய்தியாளர்களிடம் கூறியது:
வணிகவியல் கல்வி பயிலும் மாணவர்கள் இந்தியாவில் மட்டுமின்றி, சர்வதேச அளவிலும் பட்டயக்கணக்காளர் வேலைவாய்ப்பைப் பெறும் வகையில் பிரிட்டன் சர்வதேச திறன் மேம்பாட்டுக் கழகம் உருவாக்கியுள்ள பாடத் திட்டத்தை கிரசென்ட் தொழில்நுட்பக் கல்வி நிறுவனத்தில் வணிகவியல் கல்வி பயிலும் மாணவர்களும் குறைந்த கட்டணத்தில் பெற வழிவகை செய்யப்பட்டுள்ளது. இந்த புதிய சர்வதேச கணக்கியல் பாடத் திட்டத்தில் பயின்ற மாணவர்கள் இந்திய அளவில் மட்டுமல்லாமல் சர்வதேச அளவிலான வேலைவாய்ப்புகளைப் பெற முடியும்.
நடப்பு ஆண்டில் சர்வதேச கணக்கியல் படிப்பை நிறைவு செய்த 20 ஆயிரம் பேர் வேலைவாய்ப்புப் பெற்றுள்ளனர். அடுத்த 5 ஆண்டுகளில் சர்வதேச அளவில் 5 லட்சம் பட்டயக் கணக்காளர்கள் தேவை என எதிர்பார்க்கப்படுகிறது. வணிகவியல் படிப்பு மூலம் சர்வதேச அளவில் வேலைவாய்ப்புகளைப் பெற உதவும் படிப்பு வரும் ஜனவரி முதல் தொடங்கப்பட உள்ளது. வேலைவாய்ப்புகளை மையப்படுத்தி மாணவர்களின் கல்வித்தகுதி, தொழில் திறனை மேம்படுத்தத் தீவிர நடவடிக்கை மேற்கொண்டுள்ளோம் என்றார் சாகுல் ஹமீது பின் அபுபக்கர். 
சர்வதேசத் திறன் மேம்பாட்டுக் கழகம் தென்மண்டலத் தலைவர் தயாமூர்த்தி, துணைப் பதிவாளர் ராஜா ஹுசைன், அறிவியல், மானுடவியல் டீன் டி.அயூப்கான் தாவூத், துறைத் தலைவர் அப்சலூர் ரகுமான் உள்ளிட்டோர் பங்கேற்றனர்.

]]>
http://images.dinamani.com/uploads/user/imagelibrary/2018/11/15/w600X390/meet.jpg http://www.dinamani.com/all-editions/edition-chennai/chennai/2018/nov/15/வேலைவாய்ப்பைப்-பெறும்-திறன்மிக்கவர்களாக-மாணவர்களை-மேம்படுத்த-நடவடிக்கை-3038840.html
3038781 சென்னை சென்னை இளைஞரை தாக்கிய காவல் ஆய்வாளருக்கு ரூ.50 ஆயிரம் அபராதம் DIN DIN Thursday, November 15, 2018 02:54 AM +0530
பொய் புகாரின் பேரில் இளைஞரைத் தாக்கி மனித உரிமை மீறலில் ஈடுபட்ட காவல் ஆய்வாளர், உதவி ஆய்வாளருக்கு தலா ரூ.50 அபராதம் விதித்து மாநில மனித உரிமைகள் ஆணையம் புதன்கிழமை உத்தரவிட்டது.
இதுதொடர்பாக, சென்னையை அடுத்த மாதவரத்தைச் சேர்ந்த ரஜினிகாந்த் என்பவர் மாநில மனித உரிமைகள் ஆணையத்தில் அளித்த மனுவில் தெரிவித்துள்ளதாவது:
மாதவரத்தைச் சேர்ந்த சிவகுமார் என்பவர் அளித்த பொய் புகாரின்பேரில், புழல் காவல் நிலைய ஆய்வாளர் பாபு ராஜேந்திர போஸ், உதவி ஆய்வாளர் மணி உள்ளிட்டோர் என்னை கடந்த 2013 -ஆம் ஆண்டு டிசம்பர் 20 -ஆம் தேதி புழல் காவல் நிலையத்துக்கு அழைத்துச் சென்றனர். அங்கு என்னை நிர்வாணப்படுத்தி கடுமையாகத் தாக்கியதுடன் என்னுடைய நகைகளையும் பறித்துக் கொண்டு சிறையில் அடைத்தனர். என்னை தாக்கி மனித உரிமை மீறலில் ஈடுபட்ட காவல் ஆய்வாளர் பாபு ராஜேந்திர போஸ், மணி ஆகியோர் மீது உரிய நடவடிக்கை எடுக்க வேண்டும் என கூறப்பட்டுள்ளது.
ரூ.1 லட்சம் அபராதம்: இந்த மனுவை விசாரித்த மாநில மனித உரிமைகள் ஆணைய நீதிபதி டி.ஜெயச்சந்திரன் புதன்கிழமை பிறப்பித்த உத்தரவில், ரஜினிகாந்த் விவகாரத்தில் காவல் ஆய்வாளர் பாபு ராஜேந்திர போஸ், மணி ஆகியோர் மனித உரிமை மீறலில் ஈடுபட்டுள்ளது தெரிய வந்துள்ளது. எனவே, அவர்கள் இருவருக்கும் தலா ரூ.50 ஆயிரம் அபராதம் விதிக்கப்படுகிறது. இந்தத் தொகையை அவர்களது ஊதியத்தில் இருந்து பிடித்தம் செய்து, நான்கு வார காலத்துக்குள் ரஜினிகாந்துக்கு வழங்க வேண்டும் எனத் தெரிவிக்கப்பட்டுள்ளது. 

]]>
http://www.dinamani.com/all-editions/edition-chennai/chennai/2018/nov/15/இளைஞரை-தாக்கிய-காவல்-ஆய்வாளருக்கு-ரூ50-ஆயிரம்-அபராதம்-3038781.html
3038780 சென்னை சென்னை டிடிவி தினகரன் பங்கேற்கும் உண்ணாவிரதத்துக்கு உயர் நீதிமன்றம் அனுமதி DIN DIN Thursday, November 15, 2018 02:54 AM +0530
சென்னை மகாகவி பாரதி நகரில் டிடிவி தினகரன் பங்கேற்கும் உண்ணாவிரதப் போராட்டத்துக்கு உயர்நீதிமன்றம் அனுமதி அளித்து உத்தரவிட்டுள்ளது.
சென்னை உயர் நீதிமன்றத்தில், அமமுக வடசென்னை மாவட்டச் செயலாளர் வெற்றிவேல் தாக்கல் செய்த மனுவில், தமிழக அரசு தேர்தல் வாக்குறுதிகளை நிறைவேற்றத் தவறியதைக் கண்டித்து, எங்களது கட்சி சார்பில் வரும் 17-இல் உண்ணாவிரதப் போராட்டம் நடத்தத் திட்டமிட்டோம். இந்த உண்ணாவிரதப் போராட்டத்தில் கட்சியின் துணைப் பொதுச் செயலாளர் டிடிவி தினகரன் கலந்து கொள்கிறார்.
இதற்கு அனுமதி கோரி சென்னை மாநகர காவல் ஆணையரிடம் மனு அளித்தோம். காவல் துறையினர் அனுமதி அளிக்க மறுத்து விட்டனர். எனவே, போராட்டத்துக்கு அனுமதி அளிக்க உத்தரவிட வேண்டும் எனக் கோரியிருந்தார். 
இந்த வழக்கு நீதிபதி, ஆனந்த் வெங்கடேஷ் முன் விசாரணைக்கு வந்தது. அப்போது அரசுத் தரப்பில் போராட்டத்துக்கு அனுமதி கோரிய இடத்தில் 300 பேருக்கு மேல் கலந்து கொள்வதை அனுமதிக்க முடியாது என வாதிடப்பட்டது. இதனையடுத்து வழக்கை விசாரித்த நீதிபதி, 300 பேருக்கு மேல் போராட்டத்தில் கலந்துகொள்ள மாட்டோம், சட்டம் ஒழுங்குக்கு எந்தவிதமான குந்தகமும் ஏற்படுத்த மாட்டோம் என உத்தரவாதம் அளித்து புதிதாக மனு தாக்கல் செய்யும் நிலையில் உண்ணாவிரதப் போராட்டத்துக்கு காவல் துறை அனுமதி அளிக்க வேண்டும் என நீதிபதி உத்தரவிட்டார்.
 

]]>
http://www.dinamani.com/all-editions/edition-chennai/chennai/2018/nov/15/டிடிவி-தினகரன்-பங்கேற்கும்-உண்ணாவிரதத்துக்கு-உயர்-நீதிமன்றம்-அனுமதி-3038780.html
3038779 சென்னை சென்னை டாக்டர் அம்பேத்கர் விருதுக்கு விண்ணப்பிக்கலாம் DIN DIN Thursday, November 15, 2018 02:53 AM +0530
தமிழக அரசின் அண்ணல் அம்பேத்கர் விருதுக்கு தகுதியுள்ளவர்கள் விண்ணப்பிக்கலாம் என்று சென்னை மாவட்ட ஆட்சியர் அ.சண்முகசுந்தரம் தெரிவித்துள்ளார்.
இதுகுறித்து அவர் புதன்கிழமை வெளியிட்ட செய்திக் குறிப்பு: தமிழ்நாட்டில் தாழ்த்தப்பட்ட மக்களின் வாழ்க்கை முன்னேற்றத்துக்காக உழைப்பவர்களுக்கு தமிழக அரசு சார்பில் அண்ணல் அம்பேத்கர் விருது வழங்கப்படுகிறது. அதன்படி, 2019-ஆம் ஆண்டுக்கான அண்ணல் அம்பேத்கர் விருது பெற விரும்பு
வோரிடம் இருந்து விண்ணப்பங்கள் வரவேற்கப்படுகின்றன. 
இவ்விருதுக்கான விண்ணப்பப் படிவத்தை சென்னை மாவட்ட ஆட்சியர் அலுவலகத்தில் 2-ஆம் தளத்தில் உள்ள மாவட்ட ஆதிதிராவிடர் மற்றும் பழங்குடியினர் நல அலுவலகத்தில் பெற்றுக் கொள்ளலாம். 
பூர்த்தி செய்யப்பட்ட விண்ணப்பங்களை நவம்பர் 30-ஆம் தேதிக்குள் சமர்ப்பிக்க வேண்டும்.
 

]]>
http://www.dinamani.com/all-editions/edition-chennai/chennai/2018/nov/15/டாக்டர்-அம்பேத்கர்-விருதுக்கு-விண்ணப்பிக்கலாம்-3038779.html
3038778 சென்னை சென்னை பேரூராட்சி இயக்குநரகத்தில் லஞ்ச ஒழிப்புத்துறை போலீஸார் சோதனை DIN DIN Thursday, November 15, 2018 02:53 AM +0530 சென்னை குறளகத்தின் 4-ஆவது மாடியில் உள்ள பேரூராட்சி இயக்குநரகத்தில் புதன்கிழமை மாலை லஞ்ச ஒழிப்புத் துறை போலீஸார் திடீர் சோதனை மேற்கொண்டனர். இச்சோதனை நள்ளிரவையும் கடந்து நீடித்தது.
பேரூராட்சி இயக்குநரக அலுவலகத்துக்கு மாலை 4 மணியளவில் வந்த லஞ்ச ஒழிப்புத் துறை போலீஸார் தீவிர சோதனையில் ஈடுபட்டனர். 
இதில் கணக்கில் வராத ரூ.2.50 லட்சம் ரொக்கத்தைக் கைப்பற்றியதாகக் கூறப்படுகிறது. இச்சோதனை நள்ளிரவையும் கடந்து நீடித்தது.
சோதனை நிறைவுற்ற பிறகே கைப்பற்றப்பட்ட பணம் மற்றும் ஆவணங்கள் தொடர்பான முழு விவரம் கிடைக்கும் என சோதனையில் ஈடுபட்டுள்ள அதிகாரிகள் தெரிவித்தனர்.

]]>
http://www.dinamani.com/all-editions/edition-chennai/chennai/2018/nov/15/பேரூராட்சி-இயக்குநரகத்தில்-லஞ்ச-ஒழிப்புத்துறை-போலீஸார்-சோதனை-3038778.html
3038777 சென்னை சென்னை குதிரை உதைத்ததில் பறிபோன காவலரின் பார்வை DIN DIN Thursday, November 15, 2018 02:53 AM +0530
சென்னை புதுப்பேட்டையில் குதிரை உதைத்ததில் காவலரின் கண் பார்வை பறிபோனது.
இது குறித்து போலீஸ் தரப்பில் கூறப்பட்டதாவது:
புதுப்பேட்டை காவலர் குடியிருப்பில் வசிப்பவர் மணிகண்டன் (27). இவர் சென்னை பெருநகர காவல் துறையின் குதிரைப் படையில் காவலராக பணிபுரிகிறார். அவர் குதிரைகளுக்கு பல்வேறு பயிற்சிகளை அளித்து வருகிறார். வழக்கம்போல் மணிகண்டன் செவ்வாய்க்கிழமை குதிரைக்கு பயிற்சி அளிக்கும் பணியில் ஈடுபட்டிருந்தார். அப்போது அந்த குதிரை திடீரென எட்டி உதைத்தது. இதில் மணிகண்டனின் இடதுகண்ணில் பலத்த காயம் ஏற்பட்டது. அவரது இடது பக்க தாடையும் உடைந்தது.
இதைப் பார்த்த பிற காவலர்கள், மணிகண்டனை மீட்டு எழும்பூர் அரசு கண் மருத்துவமனையில் அனுமதித்தனர். அங்கு அவருக்கு சுமார் 2 மணிநேரம் அறுவை சிகிச்சை நடைபெற்றது. இருப்பினும் அவரது இடது கண் பார்வை முற்றிலும் பறிபோனது. மேலும் அவருக்கு தாடையும் உடைந்திருந்ததால், ராஜீவ்காந்தி அரசு மருத்துவமனைக்கு மாற்றப்பட்டார். 

]]>
http://www.dinamani.com/all-editions/edition-chennai/chennai/2018/nov/15/குதிரை-உதைத்ததில்-பறிபோன-காவலரின்-பார்வை-3038777.html
3038776 சென்னை சென்னை ஆட்டோ மோதி இளைஞர் சாவு: அச்சத்தில் ஆட்டோ ஓட்டுநர் தற்கொலை DIN DIN Thursday, November 15, 2018 02:53 AM +0530
சென்னை துரைப்பாக்கத்தில் கட்டுப்பாட்டை இழந்த ஆட்டோ மோதியதில் இளைஞர் ஒருவர் உயிரிழந்தார். இச்சம்பவத்தால், அச்சமடைந்த ஆட்டோ ஓட்டுநர் தற்கொலை செய்து கொண்டார்.
இதுகுறித்து போலீஸ் தரப்பில் கூறப்படுவதாவது:
சென்னை ராஜீவ்காந்தி சாலையில் ஒரு ஆட்டோ செவ்வாய்க்கிழமை இரவு டி.பி.ஜெயின் கல்லூரி பேருந்து நிறுத்தத்தில் நின்றுகொண்டிருந்த ஒக்கியம் துரைப்பாக்கத்தைச் சேர்ந்த கட்டடத் தொழிலாளி தேவதாஸ் (32) மீது அதிவேகத்தில் மோதியது.
அதேபோல அங்கு மோட்டார் சைக்கிளில் நின்று கொண்டிருந்த இருவர் மீதும் மோதிவிட்டு நிற்காமல் ஆட்டோ சென்றது. இதில் 3 பேரும் பலத்தக் காயமடைந்தனர். இதைப் பார்த்த பொதுமக்கள், துரைப்பாக்கம் போலீஸாருக்கு தகவல் தெரிவித்தனர். துரைப்பாக்கம் போலீஸார், அந்த ஆட்டோவை ரோந்து வாகனங்கள் மூலம் விரட்டிச் சென்றனர்.
இதைப் பார்த்த ஆட்டோ ஓட்டுநர், ஆட்டோவை கண்ணகி நகருக்குள் கொண்டுச் சென்றார். இருப்பினும் போலீஸார், தொடர்ந்து விரட்டிச் சென்றனர். இதில் ஒரு இடத்தில் ஆட்டோ வேகமாக சென்றதால், வேகத்தடை மீது ஏறியதில் கவிழ்ந்தது. கவிழ்ந்த ஆட்டோவில் இருந்து, ஓட்டுநர் தப்பியோட முயன்றார். ஆனால் போலீஸார், அவரை பிடித்து விசாரணை செய்தனர். அதில் அவர், கண்ணகி நகரைச் சேர்ந்த ரஜினி (32) என்பதும், அவர் மதுபோதையில் இருப்பதும் தெரியவந்தது. இதற்கிடையே ஆட்டோ மோதியதில் பலத்த காயமடைந்த தேவதாஸ் உயிரிழந்தார்.
ஆட்டோ ஓட்டுநர் தற்கொலை: இதுதொடர்பாக போலீஸார், ரஜினியிடம் போலீஸார் விசாரணை நடத்தினர். மேலும் அவரது ஆட்டோவையும் போலீஸார் பறிமுதல் செய்தனர். இதையறிந்து காவல் நிலையத்துக்கு ரஜினியின் குடும்பத்தினர் வந்தனர். அவர்கள், ரஜினியை வீட்டுக்கு சிறிது நேரம் அனுப்புமாறு வலியுறுத்தினராம். இதனால் போலீஸார், ரஜினியை வீட்டுக்கு அழைத்துச் செல்ல அனுமதி அளித்தும், மீண்டும் அவரை காவல் நிலையத்தில் உடனே ஒப்படைக்க வேண்டும் எனவும் கூறி, அனுப்பினராம்.
இந்நிலையில் வீட்டுக்குச் சென்ற ரஜினி, அச்சத்தில் திடீரென தனது அறையில் புதன்கிழமை காலை தூக்கிட்டு தற்கொலை செய்துக் கொண்டாராம். இதைப் பார்த்த அவரது குடும்பத்தினர் அதிர்ச்சியடைந்தனர். தகவலறிந்த கண்ணகி நகர் போலீஸார், சம்பவ இடத்துக்கு விரைந்து வந்து, ரஜினி சடலத்தை கைப்பற்றி பிரேத பரிசோதனைக்கு அனுப்பி வைத்தனர். இது தொடர்பாக போலீஸார் வழக்குப் பதிவு செய்து, விசாரணை செய்து வருகின்றனர்.
 

]]>
http://www.dinamani.com/all-editions/edition-chennai/chennai/2018/nov/15/ஆட்டோ-மோதி-இளைஞர்-சாவு-அச்சத்தில்-ஆட்டோ-ஓட்டுநர்-தற்கொலை-3038776.html
3038775 சென்னை சென்னை மனைவி கழுத்தறுத்துக் கொலை: கணவர் தற்கொலை முயற்சி DIN DIN Thursday, November 15, 2018 02:53 AM +0530
சென்னை சைதாப்பேட்டையில் மனைவியை கழுத்தறுத்துக் கொலை செய்துவிட்டு, கணவரும் தனது கழுத்தை அறுத்து தற்கொலை முயற்சியில் ஈடுபட்டார்.
இதுகுறித்து போலீஸ் தரப்பில் கூறப்பட்டதாவது:
சென்னை குன்றத்தூர் பெரியார் காலனியைச் சேர்ந்தவர் பு.கார்த்திக் (38). இவரது மனைவி சௌமியா (34). இத்தம்பதிக்கு 5-ஆம் வகுப்பு படிக்கும் ஹரிஷ் (10), 3-ஆம் வகுப்பு படிக்கும் அஸ்வின் (8) என இரு மகன்கள் உள்ளனர். கார்த்திக்கும், சௌமியாவும் 10 ஆண்டுகளுக்கு முன்பு காதலித்து திருமணம் செய்து கொண்டவர்கள் ஆவர். கார்த்திக், எலக்ட்ரீசியனாக வேலை செய்து வருகிறார். இந்நிலையில் அண்மை நாள்களாக கணவர்-மனைவிக்கு இடையே கருத்து வேறுபாடு காரணமாக, தகராறு ஏற்பட்டு வந்தது. இந்நிலையில், செவ்வாய்க்கிழமை மாலை இருவருக்கும் இடையே பிரச்னை ஏற்பட்டது.
இதனால் கோபமடைந்த சௌமியா, அங்கிருந்து மேற்கு சைதாப்பேட்டை துரைசாமி தோட்டம் 2-ஆவது தெருவில் வசிக்கும் தனது தந்தை சேகர் வீட்டுக்கு வந்தார். இந்நிலையில் கார்த்திக், தனது மனைவி சௌமியாவை சமாதானப்படுத்தி அழைத்துச் செல்ல புதன்கிழமை காலை 7 மணியளவில் அங்கு வந்தார். கார்த்திக், சௌமியாவிடம் தனியாக ஒரு அறையில் சமாதானம் பேசிக் கொண்டிருந்தாராம். இந்நிலையில், அந்த அறையில் இருந்து திடீரென சௌமியாவின் அலறல் சத்தம் வருவதை கேட்ட அவரது குடும்பத்தினர் அதிர்ச்சியடைந்தனர். உடனே அவர்கள், அந்த அறைக்கு ஓடி வந்தனர்.
அப்போது கார்த்திக், சௌமியாவின் கழுத்தை ஒரு கத்தியால் அறுத்துவிட்டு, தானும் கழுத்தை அறுத்துக் கொண்டிருப்பதை பார்த்து அதிர்ச்சியடைந்தனர். உடனடியாக அவர்கள், பலத்த காயமடைந்த இருவரையும் மீட்டு மருத்துவமனைக்கு கொண்டு செல்ல முயன்றனர். ஆனால் சிறிது நேரத்தில் அங்கேயே சௌமியா உயிரிழந்தார். கார்த்திக் ராயப்பேட்டை அரசு மருத்துவமனையில் சிகிச்சைக்கு அனுமதிக்கப்பட்டார். இதுகுறித்து அவர்கள், சைதாப்பேட்டை போலீஸாருக்கும் தகவல் தெரிவித்தனர்.
தகவலறிந்த போலீஸார் சம்பவ இடத்துக்கு விரைந்து வந்து, சௌமியா சடலத்தை மீட்டு பிரேத பரிசோதனைக்கு அரசு மருத்துவமனைக்கு அனுப்பினர். இதுகுறித்து போலீஸார் வழக்குப் பதிந்து விசாரணை நடத்தி வருகின்றனர். போலீஸாரின் முதல் கட்ட விசாரணையில், கார்த்திக், சௌமியாவிடம் சமாதானப் பேச்சுவார்த்தை நடத்தியபோது தகராறு ஏற்பட்டதும், தகராறு முற்றியதால் அங்கு கிடந்த ஒரு கத்தியை கார்த்திக் எடுத்து, சௌமியாவின் கழுத்தை அறுத்துக் கொலை செய்துவிட்டு, தானும் தற்கொலை செய்ய முயன்றிருப்பது தெரியவந்துள்ளது.
 

]]>
http://www.dinamani.com/all-editions/edition-chennai/chennai/2018/nov/15/மனைவி-கழுத்தறுத்துக்-கொலை-கணவர்-தற்கொலை-முயற்சி-3038775.html
3038132 சென்னை சென்னை தூய்மைப்படுத்தும் பணியில் நவீன தொழில்நுட்ப இயந்திரம் DIN DIN Wednesday, November 14, 2018 04:33 AM +0530
தூய்மைப்படுத்தும் பணியில் பெல்ஜியம் நாட்டின் தொழில்நுட்ப இயந்திரத்துடன் களமிறங்கியுள்ளது ஒரு தனியார் கட்டுமான நிறுவனம்.
மெரீனா கடற்கரை சாலையில் ஞாயிற்றுக்கிழமையிலும், அண்ணாநகர், வடபழனி, அரும்பாக்கம் போன்ற பகுதிகளில் வார நாள்களிலும் தூய்மைப் பணியில் ஈடுபடுகின்றனர். காலை 5.30 மணி முதல் பிற்பகல் 2.30 மணி வரை துப்புரவுப் பணியில் ஈடுபட்டு சுமார் 200 கிலோ குப்பைகளை அப்புறப்படுத்துகின்றனர்.
இது குறித்து அந்த நிறுவனத்தின் ஒருங்கிணைப்பாளர் சாதிக் அகமது கூறியது: ஹர்பன் ட்ரீ டைமன்ஷன் அண்ட் லிமிடெட் கட்டுமான நிறுவனத்தின் உரிமையாளர்கள் அபிஷேக் மேத்தா, அபினய் மேத்தா சகோதரர்கள் சமூக சேவைக்காக ரூ.20 லட்சம் மதிப்பிலான இந்த இயந்திரத்தை வாங்கி பொது நலனுக்கு பயன்படுத்த அனுமதித்துள்ளனர். தற்போது ஒரே இயந்திரம் மட்டுமே செயல்பாட்டில் உள்ளது. மேலும், 10-க்கும் மேறபட்ட இயந்திரங்கள் வாங்கி பயன்படுத்த உள்ளனர். 
எங்களின் துப்புரவு சேவையைப் பெருநகர சென்னை மாநகராட்சி ஆணையாளர் பார்த்து பாராட்டி தொடர்ந்து செயல்பட அனுமதி வழங்கியுள்ளார். அமெரிக்கா, ஜப்பான் உள்ளிட்ட ஐரோப்பிய நாடுகளில் இந்த இயந்திரம் மூலமான துப்புரவுப் பணிக்கு சிறப்பான வரவேற்பு உள்ளது. சென்னைக்கு முதல்முறையாக நாங்கள் கொண்டு வந்துள்ளோம். இந்த நவீன இயந்திரம் 350 கிலோ எடையுள்ளது. ஆகையால், இந்த இயந்திரத்தை யாரும் தள்ளியோ, இழுத்தோ பயன்படுத்த முடியாது; சென்சார் மூலம் இயங்குகிறது. மேலும் ஜி.பி.எஸ் பொருத்தப்பட்டுள்ளதால் இந்த இயந்திரம் எந்த இடத்தில் நிறுத்தப்பட்டுள்ளது என்பதை இருந்த இடத்திலிருந்தே அறியலாம்.
இந்த இயந்திரங்கள் மூலம் சேகரிக்கப்படும் குப்பைகளை வீணாக்காமல் உரமாக மாற்றுவதற்கான நடவடிக்கைகளையும் மேற்கொள்ள உள்ளோம் என்றார்.


 

]]>
http://images.dinamani.com/uploads/user/imagelibrary/2018/11/14/w600X390/clean.jpg தூய்மைப்படுத்தும் பணியில் ஈடுபட்டுள்ள பெல்ஜியம் நாட்டு நவீன இயந்திரம். http://www.dinamani.com/all-editions/edition-chennai/chennai/2018/nov/14/தூய்மைப்படுத்தும்-பணியில்-நவீன-தொழில்நுட்ப-இயந்திரம்-3038132.html
3038131 சென்னை சென்னை ரூ.1,209 கோடியில் மாமல்லபுரம் - மரக்காணம் இடையே 4 வழிச் சாலை DIN DIN Wednesday, November 14, 2018 04:32 AM +0530
கிழக்கு கடற்கரைச் சாலையில் உள்ள மாமல்லபுரம் - மரக்காணம் இடையேயான சாலையை 4 வழிச் சாலையாக மாற்ற தேசிய நெடுஞ்சாலை ஆணையம் முடிவு செய்துள்ளது.
தமிழக அரசு கொள்கை அடிப்படையில் 61.4 கிலோ மீட்டர் நீளம் கொண்ட இச்சாலையின் விரிவாக்கத்துக்கு அனுமதி அளித்துள்ளது. இச்சாலை விரிவாக்கத்துக்காக மத்திய அரசின் பாரத் மாலா திட்டத்தின் கீழ் ரூ.1,209 கோடியில் ஒப்புந்தப் புள்ளியை தேசிய நெடுஞ்சாலை ஆணையம் அண்மையில் கோரியுள்ளது. இவ்விரிவாக்கப் பணிகள் இரண்டு கட்டமாக மேற்கொள்ளப்படவுள்ளது. மாமல்லபுரம் முதல் முகையூர் வரையிலும், முகையூரிலிருந்து மரக்காணம் வரையிலும் இப்பணிகள் நடைபெறவுள்ளன. தற்போது கிழக்கு கடற்கரைச் சாலையில் திருவான்மியூர் முதல் மாமல்லபுரம் வரையில் நான்கு வழிச்சாலையாக உள்ளது. அதற்கு அடுத்தபடியாக மரக்காணம் வரையில் சாலை விரிவாக்கம் செய்யப்பட இருப்பதால் இச்சாலையில் ஏற்படும் விபத்து கணிசமான அளவில் குறையும் என எதிர்பார்க்கப்படுகிறது.
 

]]>
http://images.dinamani.com/uploads/user/imagelibrary/2018/11/14/w600X390/road.jpg http://www.dinamani.com/all-editions/edition-chennai/chennai/2018/nov/14/ரூ1209-கோடியில்-மாமல்லபுரம்---மரக்காணம்-இடையே-4-வழிச்-சாலை-3038131.html
3038130 சென்னை சென்னை மந்தகதியில் மெட்ரோ ரயில் பணிகள்: பாதாளச் சாக்கடை குழாய்களை மாற்றியமைப்பதில் குளறுபடி: ஆறாக ஓடும் கழிவுநீர் முகவை க.சிவக்குமார்  DIN Wednesday, November 14, 2018 04:32 AM +0530
திருவொற்றியூர் பகுதியில் நடைபெறும் மெட்ரோ ரயில் பணிகளில் பாதாளச் சாக்கடைக் குழாய்களை மாற்றியமைப்பதில் ஏற்படும் குளறுபடியால், ஆங்காங்கே உடைப்பு ஏற்பட்டு தெருக்களில் கழிவுநீர் ஆறாக ஓடும் அவலம் நீடிக்கிறது.
வண்ணாரப்பேட்டை முதல் திருவொற்றியூர் விம்கோ நகர் வரை மெட்ரோ ரயில் பாதை அமைக்கும் பணி தற்போது நடைபெறுகிறது. சுமார் 9 கி.மீ. நீளம் கொண்ட இத்திட்டத்தில் வண்ணாரப்பேட்டை-தண்டையார்பேட்டை இடையே சுமார் 2 கி.மீ. தூரம் பூமிக்கடியில் சுரங்கப் பாதையாகவும், தண்டையார்பேட்டை முதல் விம்கோ நகர் வரை சுமார் 7 கி.மீ. தூரம் உயர்மட்ட மேம்பாலத்திலும் செல்லும் வகையில் ரயில் பாதை அமைக்கப்பட்டு வருகிறது.
வண்ணாரப்பேட்டையிலிருந்து திருவொற்றியூர் எல்லையம்மன் கோயில் வரை ஒரு ஒப்பந்ததாரரும், எல்லையம்மன் கோயிலிலிருந்து விம்கோ நகர் வரை மற்றொரு ஒப்பந்ததாரரும் பணிகளை மேற்கொண்டு வருகின்றனர்.
ரயில் பாதை செல்வதற்கான பாலங்கள் தயாரிக்கும் பணி எண்ணூர் விரைவு சாலையில் தொலைத்தொடர்புத் துறைக்குச் சொந்தமான இடத்தில் நடைபெறுகிறது. ஒரே நேரத்தில் பல்வேறு இடங்களில் பணிகள் நடைபெறுவதால்
எங்கு திரும்பினாலும் சாலைத் தடுப்புகளும், தூசு மண்டலமுமாகக் காட்சியளிக்கிறது.
மெட்ரோ ரயில் பாதை அமைக்கும் பணிகளைத் திட்டமிட்டுச் செயல்படுத்துவதில் ஒப்பந்ததாரர்கள் முனைப்புக் காட்டாததால், பாதாளச் சாக்கடைத் திட்டக் குழாய்களை இடமாற்றம் செய்வதில் தொடர்ந்து குளறுபடிகள் ஏற்பட்டு வருகின்றன. 
தெருக்களில் ஆறாக ஓடும் கழிவுநீர்: இப்பிரச்னை குறித்து வடசென்னை நல உரிமை கூட்டமைப்பின் மூத்த நிர்வாகி ஜி.வரதராஜன், திருவொற்றியூர் பகுதிக்கு மெட்ரோ ரயிலைப் போராடிப் பெற்றோம். ஆனால் இத்திட்டத்தைச் செயல்படுத்துவதில் மெத்தனப்போக்கைக் கடைப்பிடிக்கின்றனர். இதனால் பொதுமக்கள் அவதிக்குள்ளாகி வருகின்றனர்.
எல்லையம்மன் கோயில் அம்மா உணவகம் அருகே திங்கள்கிழமை பிரதான கழிவுநீர்க் குழாயில் அடைப்பு ஏற்பட்டு சாலையெங்கும் கழிவுநீர் பரவியது. இதனால் வாகன ஓட்டிகள் மிகுந்த சிரமத்துக்கு ஆளாகினர். இப்பகுதி முழுவதும் துர்நாற்றம் வீசுவதோடு சுகாதாரச் சீர்கேடும் ஏற்பட்டுள்ளது. பெரியார் நகரிலும் குழாய்களில் அடைப்பு ஏற்பட்டு கழிவுநீர் வெளியேறுகிறது. இதுகுறித்து மெட்ரோ வாட்டர், மெட்ரோ ரயில் நிர்வாகங்களிடம் புகார் அளித்தும் நடவடிக்கை இல்லை.
மெட்ரோ திட்டப்பணிகள் நடைபெறும் இடங்களில் இரவு நேரத்தில் வெளிச்சம் இல்லை. இப்பகுதி முழுவதும் குண்டும், குழியுமாக உள்ளதால் வாகன ஓட்டிகள் விபத்தைச் சந்திக்கின்றனர் என்றார் வரதராஜன்.
கழிவுநீர் வெளியேறுவது யாரால்?: இப்பிரச்னை குறித்து கழிவுநீர் அகற்றல் வாரிய பகுதி பொறியாளர் விஜய பிரகாஷ் கூறியது:
திருவொற்றியூர் நெடுஞ்சாலையில் சுங்கச் சாவடி முதல் அஜாக்ஸ் பேருந்து நிலையம் வரை 600-க்கும் மேற்பட்ட கழிவுநீர் குழாய் இணைப்புகள் கொடுக்கப்பட்டுள்ளன. இவையனைத்தும் திருவொற்றியூர் நெடுஞ்சாலையில் அமைக்கப்பட்டுள்ள பிரதான குழாய்களில் இணைக்கப்பட்டு வெளியேற்றப்படுகிறது.
வரைபடம், விவரங்கள் அனைத்தும் மெட்ரோ ரயில் நிர்வாகத்திடம் ஒப்படைக்கப்பட்டு, அதற்கான புதிய மாற்றுக் குழாய்கள் பதிக்கப்பட்ட பிறகே பழைய குழாய்களில் கழிவு நீரை வெளியேற்றுவது நிறுத்தப்பட வேண்டும் என ஒப்பந்தம் மேற்கொள்ளப்படுகிறது. ஆனால் மெட்ரோ ரயில் பாதை பணிகளை மேற்கொண்டு வரும் ஒப்பந்ததாரர்கள் சில நேரங்களில் கவனக்குறைவாகச் செயல்படும்போது குழாய்களில் உடைப்பு ஏற்பட்டு கழிவுநீர் சாலைகளிலும், தெருக்களிலும் வெளியேறுகிறது என்றார் பிரகாஷ்.
விரைவில் தீர்வு: மெட்ரோ ரயில் பாதைகள் அமைப்பதில் உள்ள பிரச்னைகள் குறித்து ஒப்பந்தத்தை பெற்றுள்ள சிம்ப்லெக்ஸ் நிறுவன பொறியாளர் மைக்கேல் மதன், வள்ளலார் நகர் முதல் விம்கோ நகர்வரை திருவொற்றியூர் நெடுஞ்சாலையில் பூமிக்கு அடியில்தான் மின்சாரம், கழிவுநீர், குடிநீர், தொலைத்தொடர்பு கம்பி வடங்கள் உள்ளிட்ட அனைத்தும் செல்கின்றன. இவை பாதிக்கப்படாமல் பணிகளை மேற்கொண்டு வருவது சவாலானது. புதிய கழிவுநீர்க் குழாய் அமைக்கும் பணி பெரும்பாலான இடங்களில் நிறைவடைந்து விட்டது. இந்நிலையில் ஒருசில இடங்களில் மட்டும் கழிவு நீர் வெளியேறுவதற்குப் பல்வேறு காரணங்கள் உள்ளன.
அடைப்புகளை நீக்குவது, தேங்கும் திடக்கழிவுகளை மெட்ரோ வாட்டர் நிறுவனம்தான் அகற்ற வேண்டும். தெருவிளக்குகள் அமைப்பதற்கான அனைத்து செலவினங்களும் மாநகராட்சி நிர்வாகத்திடம் வழங்கப்பட்டுள்ளது. பழுதடைந்த சாலைகள் இன்னும் 10 நாள்களில் நிச்சயம் செப்பனிடப்படும் என்றார்.

 

]]>
http://images.dinamani.com/uploads/user/imagelibrary/2018/11/14/w600X390/metroa.jpg மெட்ரோ ரயில் பாதை அமைக்கும் பணியின்போது கழிவுநீர் குழாய் உடைந்ததால் சாலை முழுவதும் ஆறாக ஓடும் கழிவுநீர்.  (இடம்: திருவொற்றியூர் எல்லையம்மன் கோயில்). http://www.dinamani.com/all-editions/edition-chennai/chennai/2018/nov/14/மந்தகதியில்-மெட்ரோ-ரயில்-பணிகள்-பாதாளச்-சாக்கடை-குழாய்களை-மாற்றியமைப்பதில்-குளறுபடி-ஆறாக-ஓடும்-கழி-3038130.html