Dinamani - திருவண்ணாமலை - http://www.dinamani.com/all-editions/edition-chennai/tiruvannamalai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2848995 சென்னை திருவண்ணாமலை ஜனவரி 23 மின் தடை மாங்கால் சிப்காட் DIN DIN Monday, January 22, 2018 03:54 AM +0530 நேரம்: காலை 9 மணி முதல் 5 மணி வரை.
பகுதிகள்: மாமண்டூர், மாங்கால், மாத்தூர், சோழவரம், செல்லப்பெரும்புலிமேடு, சுருட்டல், வடகல்பாக்கம், பாவூர் மற்றும் அதனைச் சுற்றியுள்ள பகுதிகள்.
நல்லவன்பாளையம்
நேரம்: காலை 9 மணி முதல் மாலை 5.30 மணி வரை.
பகுதிகள்: நல்லவன்பாளையம், தேனிமலை, அண்ணா நகர், எடப்பாளையம், கீழ்நாத்தூர், வேல்நகர், கோபால் நாய்க்கன் தெரு, கரிகாலன் தெரு, பைபாஸ் ரோடு, வேட்டவலம் ரோடு, சிறுப்பாக்கம், மேல்செட்டிப்பட்டு, மெய்யூர், அத்தியந்தல், கச்சிராப்பட்டு, சாவல்பூண்டி, புத்தியந்தல், காந்திபுரம், தென்மாத்தூர், தச்சம்பட்டு, வெறையூர், சாந்திமலை மற்றும் அதைச் சுற்றியுள்ள பகுதிகள்.

]]>
http://www.dinamani.com/all-editions/edition-chennai/tiruvannamalai/2018/jan/22/ஜனவரி-23-மின்-தடை-மாங்கால்-சிப்காட்-2848995.html
2848994 சென்னை திருவண்ணாமலை சத்துணவு மையங்களுக்கு மிக்ஸி, கிரைண்டர் அளிப்பு DIN DIN Monday, January 22, 2018 03:54 AM +0530 ஆரணி தொகுதியில் உள்ள சத்துணவு மையங்களுக்கு மிக்ஸி, கிரைண்டர்களை அமைச்சர் சேவூர் எஸ்.ராமச்சந்திரன் சனிக்கிழமை வழங்கினார்.
ஆரணி தொகுதிக்கு உள்பட்ட ஆரணி ஒன்றியம், மேற்குஆரணி ஒன்றியங்களில் உள்ள சத்துணவு மையங்களுக்கு 182 மிக்ஸி, கிரைண்டர்களை மைய பொறுப்பாளர்களிடம் இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் வழங்கினார். வழக்குரைஞர் க.சங்கர், நகரச் செயலர் அசோக்குமார், ஒன்றியச் செயலர் பி.ஆர்.ஜி.சேகர், நகர நிர்வாகி பாரிபாபு உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/22/சத்துணவு-மையங்களுக்கு-மிக்ஸி-கிரைண்டர்-அளிப்பு-2848994.html
2848993 சென்னை திருவண்ணாமலை வட்டாட்சியர்கள் பணியிட மாற்றம் DIN DIN Monday, January 22, 2018 03:53 AM +0530 திருவண்ணாமலை மாவட்ட வருவாய்த் துறையில் 3 வட்டாட்சியர்கள், 3 துணை வட்டாட்சியர்களை பணியிட மாற்றம் செய்து மாவட்ட ஆட்சியர் கே.எஸ்.கந்தசாமி உத்தரவிட்டார்.
அதன்படி, திருவண்ணாமலை ஆட்சியர் அலுவலக இலங்கை அகதிகள் முகாம் தனி வட்டாட்சியராக இருந்த சி.ஜெயப்பிரகாஷ், மாவட்ட டாஸ்மாக் கிடங்கு மேலாளராக பணியிட மாற்றம் செய்யப்பட்டார். 
இதேபோல, செய்யாறு சிப்காட் விரிவாக்க தனி வட்டாட்சியர் அ.பவானி, ஆட்சியர் அலுவலக இலங்கை அகதிகள் முகாம் தனி வட்டாட்சியராகவும், ஆட்சியர் அலுவலக பேரிடர் மேலாண்மை தனி வட்டாட்சியர் சி.பன்னீர்செல்வம், திருவண்ணாமலை - திண்டிவனம் புதிய அகல ரயில்பாதைத் திட்ட தனி வட்டாட்சியராகவும் பணியிட மாறுதல் செய்யப்பட்டுள்ளனர்.
துணை வட்டாட்சியர்கள்: இதேபோல, செய்யாறு சிப்காட் துணை வட்டாட்சியர் இரா.சுதா, சேத்பட் வட்ட வழங்கல் அலுவலராகவும், திருவண்ணாமலை மண்டல துணை வட்டாட்சியர் க.அமுல், மாவட்ட வழங்கல் அலுவலகக் கண்காணிப்பாளராகவும், கீழ்பென்னாத்தூர் மண்டல துணை வட்டாட்சியர் பி.வெங்கடேசன், திருவண்ணாமலை மண்டல துணை வட்டாட்சியராகவும் பணியிட மாறுதல் செய்யப்பட்டுள்ளனர்.
பணியிட மாறுதல் செய்யப்பட்ட அனைவரும் உடனடியாக புதிய பணியிடங்களில் சேர வேண்டும் என்று மாவட்ட ஆட்சியர் கே.எஸ்.கந்தசாமி தனது உத்தரவில் குறிப்பிட்டுள்ளார். 

]]>
http://www.dinamani.com/all-editions/edition-chennai/tiruvannamalai/2018/jan/22/வட்டாட்சியர்கள்-பணியிட-மாற்றம்-2848993.html
2848992 சென்னை திருவண்ணாமலை மாணவர்களிடையே ஆசிரியர்கள் பாகுபாடு காட்டக்கூடாது: மாவட்ட ஆட்சியர் அறிவுரை DIN DIN Monday, January 22, 2018 03:53 AM +0530 பள்ளி மாணவ, மாணவிகளிடையே ஆசிரியர்கள் பாகுபாடு காட்டக்கூடாது என ஆசிரியர், ஆசிரியைகளுக்கு மாவட்ட ஆட்சியர் கே.எஸ்.கந்தசாமி அறிவுரை வழங்கினார்.
திருவண்ணாமலை அருணை பொறியியல் கல்லூரியும், மாவட்டக் கல்வித் துறையும் இணைந்து பள்ளி முதுகலை ஆசிரியர்களுக்கான சிறப்புப் பயிற்சி முகாமை நடத்தின. அருணை பொறியியல் கல்லூரி வளாகத்தில் ஞாயிற்றுக்கிழமை நடைபெற்ற இந்த முகாமுக்கு மாவட்ட முதன்மைக் கல்வி அலுவலர் வெ.ஜெயக்குமார் தலைமை வகித்தார்.
கல்லூரி துணைத் தலைவர் எ.வ.குமரன் முன்னிலை வகித்தார். கல்லூரி முதல்வர் ஜி.மோகன்குமார் வரவேற்றார். மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு பள்ளி ஆசிரியர், ஆசிரியைகளுக்கு அறிவுரை வழங்கிப் பேசியதாவது:
பொதுத் தேர்வுகளில் திருவண்ணாமலை மாவட்டம் தமிழகத்தில் முதலிடம் பிடிக்க ஆசிரியர், ஆசிரியைகள் கடுமையாக உழைக்க வேண்டும். பள்ளி மாணவ, மாணவிகளிடையே ஆசிரியர்கள் பாகுபாடு காட்டக்கூடாது.
அனைத்து மாணவர்களையும் தங்களது பிள்ளைகளைப் போல பாவித்து பாடம் நடத்த வேண்டும். அனைத்து மாணவ, மாணவிகளையும் தேர்ச்சி பெறச் செய்வதில் ஆசிரியர்கள் தனிக் கவனம் செலுத்த வேண்டும். மாணவர்களிடம் ஆசிரியர்கள் தாங்கள் நடத்தும் பாடங்களில் உள்ள குறைகள், நிறைகளை கேட்டறிந்து தெளிவுபடுத்த வேண்டும் என்றார்.
ஓய்வு பெற்ற பள்ளிக் கல்வித் துறை இயக்குநர் ப.மணி, சிறப்புப் பயிற்சியாளர் தட்சிணாமூர்த்தி ஆகியோர் ஆசிரியர்களுக்குப் பயிற்சி அளித்தனர். இந்தப் பயிற்சி முகாமில், கல்லூரிச் செயலர் மா.புர்க்கிந்த்ராஜ், பேராசிரியர்கள் எஸ்.ரகுபதி மற்றும் 300-க்கும் மேற்பட்ட ஆசிரியர், ஆசிரியைகள் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/22/மாணவர்களிடையே-ஆசிரியர்கள்-பாகுபாடு-காட்டக்கூடாது-மாவட்ட-ஆட்சியர்-அறிவுரை-2848992.html
2848991 சென்னை திருவண்ணாமலை விருப்பத்தின் பேரிலேயே நித்யானந்தர் ஆஸ்ரமத்தில் தங்கியுள்ளோம்:  போலீஸாரிடம் மருத்துவர், பெண் வாக்குமூலம் DIN DIN Monday, January 22, 2018 03:53 AM +0530 தங்களது விருப்பத்தின்பேரிலேயே பிடதியில் உள்ள நித்யானந்தர் ஆஸ்ரமத்தில் தங்கியுள்ளோம் என்று மருத்துவர், அவரது உறவினரான இளம்பெண் ஆகியோர் திருவண்ணாமலை போலீஸாரிடம் தெரிவித்தனர்.
தேனி மாவட்டம், பெரியகுளம் பகுதியைச் சேர்ந்தவர் காந்தி  மனைவி ஈஸ்வரி (55). இவர், சனிக்கிழமை திருவண்ணாமலை தாலுகா காவல் நிலையத்தில் புகார் மனு ஒன்றை அளித்தார். அதில், தனது மகனும், மருத்துவருமான மனோஜ்குமார் (30), தனது மூத்த மகளான வனிதாவின் மகள் நிவேதா (17) ஆகியோர் கடந்த 4 மாதங்களுக்கு முன் காணாமல் போயினர். இந்த நிலையில், அவர்கள் தற்போது திருவண்ணாமலை நித்யானந்தர் ஆஸ்ரமத்தில் தங்கியிருப்பது தெரியவந்தது.
அங்கு சென்றபோது ஆஸ்ரம ஊழியர்கள் என்னையும், எனது கணவர் காந்தி, மகள் வனிதா ஆகியோரையும் மகன், பேத்தியை பார்க்கவிடாமல் தடுத்துவிட்டனர். எனவே, ஆஸ்ரமத்தில் தங்கியுள்ள மனோஜ்குமார், நிவேதா ஆகியோரை மீட்டுத் தர வேண்டும் என்று தெரிவித்திருந்தார்.
இந்த மனு மீது திருவண்ணாமலை தாலுகா போலீஸார் விசாரணை மேற்கொண்டனர். விசாரணையில், மனோஜ்குமார், நிவேதா ஆகியோர் பெங்களூரை அடுத்த பிடதி ஆஸ்ரமத்தில் இருப்பது தெரியவந்தது.
இதையடுத்து, பிடதி ஆஸ்ரமத்துக்கு போலீஸார் சென்றனர். ஆனால், அங்கு நாங்கள் எங்கள் சுய விருப்பத்தின்பேரிலேயே தங்கியுள்ளோம் என்றும், எங்களை யாரும் அடைத்து வைக்கவில்லை என்றும் மனோஜ்குமார், நிவேதா ஆகியோர் கூறி விட்டனராம். இதையடுத்து போலீஸார் திரும்பி வந்துள்ளனர்.

]]>
http://www.dinamani.com/all-editions/edition-chennai/tiruvannamalai/2018/jan/22/விருப்பத்தின்-பேரிலேயே-நித்யானந்தர்-ஆஸ்ரமத்தில்-தங்கியுள்ளோம்-போலீஸாரிடம்-மருத்துவர்-பெண்-வாக்குமூ-2848991.html
2848990 சென்னை திருவண்ணாமலை பல்வேறு கோரிக்கைகளை வலியுறுத்தி மின் வாரிய ஊழியர்கள் நாளை வேலை நிறுத்தம் DIN DIN Monday, January 22, 2018 03:52 AM +0530 திருவண்ணாமலை மாவட்டத்தில் பல்வேறு கோரிக்கைகளை வலியுறுத்தி வரும் செவ்வாய்க்கிழமை (ஜனவரி 23) நடைபெறும் மின் வாரிய ஊழியர்களின் வேலை நிறுத்தம் தொடர்பான பிரசாரக் கூட்டம் கீழ்பென்னாத்தூரில் ஞாயிற்றுக்கிழமை நடைபெற்றது.
தமிழக மின் வாரியத்தில் பணிபுரியும் ஊழியர்களுக்கு குறைந்தபட்ச மாத ஊதியம் ரூ.18 ஆயிரம் வழங்க வேண்டும். ஊதிய உயர்வு கணக்கீட்டு காரணி 2.57 சதவீதமாக வழங்க வேண்டும். மின் வாரியத்தில் காலிப்பணியிடங்களை உடனே நிரப்ப வேண்டும். டிசம்பர் 2015 முதல் 26 மாத காலத்துக்கான நிலுவைத் தொகையை உடனே வழங்க வேண்டும் என்பன உள்பட பல்வேறு கோரிக்கைகளை வலியுறுத்தி வரும் செவ்வாய்க்கிழமை மின் வாரிய ஊழியர்கள் வேலை நிறுத்தப் போராட்டத்தில் ஈடுபடுகின்றனர்.
இந்த வேலைநிறுத்தப் போராட்டத்தை விளக்கும் பிரசாரக் கூட்டம் ஞாயிற்றுக்கிழமை நடைபெற்றது. கீழ்பென்னாத்தூர் துணை மின் நிலையம் எதிரே நடைபெற்ற இந்தக் கூட்டத்துக்கு திருவண்ணாமலை கிழக்குக் கோட்டச் செயலர் அருள்தாஸ் தலைமை வகித்தார்.
சிஐடியு நிர்வாகிகள் சரவணன், நாகராஜ், மாணிக்கம், நாராயணன் ஆகியோர் முன்னிலை வகித்தனர். சிஐடியு மாவட்ட துணைத் தலைவர் எஸ்.ஆனந்தன் கோரிக்கைகளை விளக்கிப் பேசினார்.
கூட்டத்தில், வரும் செவ்வாய்க்கிழமை சிஐடியு, பிஎம்எஸ், என்எல்ஓ உள்ளிட்ட 5-க்கும் மேற்பட்ட சங்கங்கள் பங்கேற்கும் வேலை நிறுத்தப் போராட்டத்தில் அனைவரும் கலந்து கொள்ள வேண்டும் என்று வலியுறுத்தப்பட்டது.
இதேபோல, சோமாஸ்பாடி மற்றும் மாவட்டத்தின் பல்வேறு பகுதிகளில் பிரசாரக் கூட்டங்கள் நடத்தப்பட்டன. இதில், அந்தந்த பகுதி மின்வாரிய ஊழியர்கள் பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/22/பல்வேறு-கோரிக்கைகளை-வலியுறுத்தி-மின்-வாரிய-ஊழியர்கள்-நாளை-வேலை-நிறுத்தம்-2848990.html
2848989 சென்னை திருவண்ணாமலை குரூப்-2 நேரடி நியமன அலுவலர் சங்கக் கூட்டம் DIN DIN Monday, January 22, 2018 03:52 AM +0530 தமிழ்நாடு வருவாய்த் துறை குரூப் - 2 நேரடி நியமன அலுவலர் சங்கத்தின் மாவட்டச் செயற்குழுக் கூட்டம் திருவண்ணாமலையில் ஞாயிற்றுக்கிழமை நடைபெற்றது.
கூட்டத்துக்கு சங்கத்தின் மாவட்டத் தலைவர் எஸ்.ஆனந்தகுமார் தலைமை வகித்தார்.
மாவட்டச் செயலர் ஏ.சண்முகம், மாவட்டப் பொருளாளர் ஆர்.மஞ்சுளா, மாவட்ட தலைமை நிலையச் செயலர் ஒய்.அப்துல் ரகூப் ஆகியோர் முன்னிலை வகித்தனர்.
சங்கத்தின் மாநில ஒருங்கிணைப்பாளர் டி.கிருஷ்ணமூர்த்தி, மாநில துணைத் தலைவர் எஸ்.தினகரன், மாநில இணைச் செயலர் ஏ.கவுரி ஆகியோர் தீர்மானங்களை விளக்கிப் பேசினர். அரசு அலுவலர் ஒன்றிய மாவட்டத் தலைவர் ஆர்.செல்வபாண்டியன், மாவட்டச் செயலர் என்.மாசிலாமணி ஆகியோர் சிறப்பு அழைப்பாளர்களாக கலந்து கொண்டு பேசினர்.
கூட்டத்தில், 2017-ஆம் ஆண்டுக்கான துணை வட்டாட்சியர், வட்டாட்சியர் பதவி உயர்வு பட்டியலை உரிய நேரத்தில் வெளியிட்ட மாவட்ட நிர்வாகத்துக்கு நன்றி தெரிவிப்பது. 
பணியிட மாறுதலில் கலந்தாய்வு முறையை பின்பற்ற வேண்டும். 2011-12ஆம் ஆண்டு ஏற்பு அளிக்கப்பட்ட வருவாய் உதவியாளர் பட்டியலை 1:2 என திருத்தம் செய்து வெளியிட வேண்டும். ஒரே அலுவலகத்தில் ஒரே பணியில் 2 ஆண்டுகளுக்கு மேலாகப் பணிபுரிவோரை பணியிட மாற்றம் செய்ய வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன.
கூட்டத்தில், தமிழ்நாடு குரூப்-2 நேரடி நியமன அலுவலர் சங்கத்தின் மாவட்ட இணைச் செயலர் எஸ்.மஞ்சுநாதன், மாவட்டச் செயற்குழு உறுப்பினர்கள் பி.சிவலிங்கம், எஸ்.அகத்தீஸ்வரன், வி.முருகானந்தம், மாவட்ட ஒருங்கிணைப்பாளர்கள் பி.முருகன், கே.துரைராஜ் உள்பட பலர் கலந்து கொண்டனர்.


 

]]>
http://www.dinamani.com/all-editions/edition-chennai/tiruvannamalai/2018/jan/22/குரூப்-2-நேரடி-நியமன-அலுவலர்-சங்கக்-கூட்டம்-2848989.html
2848988 சென்னை திருவண்ணாமலை பேருந்து கட்டண  உயர்வுக்கு எதிர்ப்பு: பல்வேறு அமைப்பினர் ஆர்ப்பாட்டம், சாலை மறியல் DIN DIN Monday, January 22, 2018 03:52 AM +0530 பேருந்து கட்டண உயர்வைக் கண்டித்து, வந்தவாசி, ஆரணி  பகுதிகளில் பல்வேறு அமைப்பினர் சனி, ஞாயிற்றுக்கிழமைகளில் ஆர்ப்பாட்டம், சாலை மறியலில் ஈடுபட்டனர்.
தமிழகத்தில் பேருந்து கட்டண உயர்வு சனிக்கிழமை முதல் அமலுக்கு வந்தது. இந்த நிலையில், பேருந்து கட்டண உயர்வைக் கண்டித்து, இந்திய ஜனநாயக வாலிபர் சங்கத்தினர் வந்தவாசியை அடுத்த தெள்ளாறு அம்பேத்கர் சிலை அருகில் ஞாயிற்றுக்கிழமை மாலை சாலை மறியலில் ஈடுபட்டனர்.
மேலும், பேருந்து கட்டண உயர்வை திரும்பப் பெற வலியுறுத்தியும், தமிழக அரசைக் கண்டித்தும் அவர்கள் முழக்கங்களை எழுப்பினர். இந்தப் போராட்டத்தில் இந்திய ஜனநாயக வாலிபர் சங்க மாவட்டத் தலைவர் சிவக்குமார், மார்க்சிஸ்ட் கம்யூனிஸ்ட் கட்சி வட்டச் செயலர் சிவராமன் உள்ளிட்டோர் பங்கேற்றனர்.
பின்னர், தெள்ளாறு போலீஸார் சமரசம் செய்ததன்பேரில், சாலை மறியல் கைவிடப்பட்டது. இந்தப் போராட்டத்தால் வந்தவாசி - திண்டிவனம் சாலையில் சுமார் ஒரு மணி நேரம் போக்குவரத்து பாதிக்கப்பட்டது.
ஆர்ப்பாட்டம்: இதேபோல, பேருந்து கட்டண உயர்வைக் கண்டித்து, மார்க்சிஸ்ட் கம்யூனிஸ்ட் கட்சி சார்பில், வந்தவாசி பழைய பேருந்து நிலையம் எதிரில் சனிக்கிழமை மாலை கண்டன ஆர்ப்பாட்டம் நடைபெற்றது.
அந்தக் கட்சியின் வந்தவாசி வட்டக்குழு சார்பில் நடைபெற்ற இந்த ஆர்ப்பாட்டத்துக்கு வட்டச் செயலர் சிவராமன் தலைமை வகித்தார். இதில், வட்டாரக் குழு உறுப்பினர்கள் யாசர்அராபத், ந.ராதாகிருஷ்ணன், அப்துல்காதர், மோகன், நகரச் செயலர் சத்தார், கரும்பு சங்கத் தலைவர் பெ.அரிதாசு உள்ளிட்டோர் பங்கேற்றனர். ஆர்ப்பாட்டத்தின் போது, பேருந்து கட்டண உயர்வைக் கண்டித்து முழக்கங்களை எழுப்பினர்.
ஆரணி: பேருந்து கட்டண உயர்வு கண்டித்து, ஆரணி புதிய பேருந்து நிலையத்தில் காங்கிரஸ் கட்சி சார்பில் ஞாயிற்றுக்கிழமை ஆர்ப்பாட்டம் நடத்தப்பட்டது.
ஆர்ப்பாட்டத்துக்கு தமிழ்நாடு இளைஞர் காங்கிரஸ் மாநிலச் செயலர் எஸ்.வினோத்குமார் தலைமை வகித்தார். திருவண்ணாமலை மாவட்ட இளைஞர் காங்கிரஸ் தலைவர் எஸ்.ஷ்யாம்சுந்தர், ஆரணி சட்டப் பேரவைத் தொகுதி இளைஞர் காங்கிரஸ் தலைவர் எஸ்.கதிர்சர்தார், முன்னாள் எம்எல்ஏ டி.பி.ஜெ.ராஜாபாபு, மாநில பொதுக்குழு உறுப்பினர்கள் எம்.சுப்பிரமணியன், அசோக்குமார், எஸ்.சி பிரிவு மாவட்டத் தலைவர் தெள்ளூர் சேகர், நகரத் தலைவர் ஜெயவேல், நிர்வாகிகள் பி.கே.ஜி.பாபு, அருணகிரி, பழக்கடைகுமார், ஜெயபால் உள்ளிட்ட பலர் கலந்து கொண்டனர்.
ஆர்ப்பாட்டத்தின்போது, பேருந்து கட்டண உயர்வு கண்டித்து முழக்கங்களை எழுப்பினர்.

]]>
http://www.dinamani.com/all-editions/edition-chennai/tiruvannamalai/2018/jan/22/பேருந்து-கட்டண--உயர்வுக்கு-எதிர்ப்பு-பல்வேறு-அமைப்பினர்-ஆர்ப்பாட்டம்-சாலை-மறியல்-2848988.html
2848987 சென்னை திருவண்ணாமலை எம்ஜிஆர் பிறந்த நாள் விழா பொதுக்கூட்டம் DIN DIN Monday, January 22, 2018 03:51 AM +0530 திருவண்ணாமலை வடக்கு மாவட்ட அதிமுக சார்பில், எம்ஜிஆரின் 101-ஆவது பிறந்த நாள் விழா பொதுக்கூட்டம் வந்தவாசி கோட்டை மூலையில் சனிக்கிழமை மாலை நடைபெற்றது.
கூட்டத்துக்கு மாவட்டச் செயலரும், செய்யாறு எம்எல்ஏவுமான தூசி மோகன் தலைமை வகித்தார். எம்ஜிஆர் மன்ற மாவட்டத் தலைவர் ஜெ.பாலு, முன்னாள் ஒன்றியக்குழுத் தலைவர் சி.சீனிவாசன், எம்ஜிஆர் மன்ற மாவட்டச் செயலர் டி.கே.பி.மணி, ஒன்றியச் செயலர்கள் டி.வி.பச்சையப்பன், தங்கராஜ், அர்ஜுனன், லோகேஸ்வரன், நகரச் செயலர் பாஷா உள்ளிட்டோர் முன்னிலை வகித்தனர்.
தமிழக இந்து சமய அறநிலையத் துறை அமைச்சர் சேவூர் ராமச்சந்திரன், கழக அமைப்புச் செயலர் மைதிலி திருநாவுக்கரசு,  தலைமைக் கழகப் பேச்சாளர் நூர்ஜஹான் உள்ளிட்டோர் சிறப்புரை ஆற்றினர்.
முன்னாள் தொகுதிச் செயலர் கே.பாஸ்கர் ரெட்டியார், ஜெயலலிதா பேரவை மாவட்ட துணைத் தலைவர் எஸ்.தர்மதுரை, மாவட்ட இளைஞரணிச் செயலர் ஜெ.ராஜேஷ்கண்ணா உள்ளிட்டோர் பங்கேற்றனர். பொதுக்குழு உறுப்பினர் வி.எஸ்.எஸ்.லதாகுமார் நன்றி கூறினார்.

]]>
http://www.dinamani.com/all-editions/edition-chennai/tiruvannamalai/2018/jan/22/எம்ஜிஆர்-பிறந்த-நாள்-விழா-பொதுக்கூட்டம்-2848987.html
2848986 சென்னை திருவண்ணாமலை மாணவர்கள் நேர்மறையான எண்ணங்களை வளர்க்க வேண்டும்: மாவட்ட ஆட்சியர் அறிவுரை DIN DIN Monday, January 22, 2018 03:51 AM +0530 மாணவர்கள் மனதில் எழும் எதிர்மறையான சிந்தனைகளை அகற்றி, நேர்மறையான எண்ணங்களையும், தலைமைப் பண்புகளை வளர்த்துக்கொள்ள வேண்டும் என மாவட்ட ஆட்சியர் கே.எஸ்.கந்தசாமி அறிவுரை வழங்கினார்.
திருவண்ணாமலை, வேலூர் மாவட்டங்களில் உள்ள அரசுப் பள்ளிகளில் பயிலும் மாணவர்களில் மீள்திறன், தனித்திறமை, நற்பண்பு, சமுதாயப் பணி உள்ளிட்டவைகளில் சிறந்து விளங்கும் 5 முதல் 12-ஆம் வகுப்பு வரையில் படிக்கும் 102 மாணவர்களை தேர்வு செய்து, அவர்களுக்கு மாணிக்க மாணவர் விருது வழங்கும் விழா செய்யாறில் சனிக்கிழமை நடைபெற்றது.
சென்னை சர்வம் அறக்கட்டளை சார்பில் நடைபெற்ற இந்த நிகழ்ச்சிக்கு செய்யாறு விஸ்டம் கல்வி அறக்கட்டளைத் தலைவர் டி.ஜி.மணி தலைமை வகித்தார். சர்வம் அறக்கட்டளை நிறுவனர் பன்னீர்செல்வம் வரவேற்றார்.
இதில், சிறப்பு விருந்தினராக திருவண்ணாமலை மாவட்ட ஆட்சியர் கே.எஸ்.கந்தசாமி கலந்து கொண்டு, மாணவர்களுக்கு மாணிக்க மாணவர் விருது, சான்றிதழ்களை வழங்கிப் பேசியதாவது:
மாணவர்கள் மனதில் எழும் எதிர்மறையான சிந்தனைகளை அகற்றி நேர்மறையான எண்ணங்களையும், தலைமைப் பண்புகளை வளர்த்துக்கொள்ள வேண்டும். அழியாத, குறையாத சொத்து கல்வி மட்டும் தான். கல்வியில் சிறந்ததால் மட்டுமே வாழக்கை சிறப்பாக அமையும்.
தற்போதைய வேலைவாய்ப்பு போட்டிகளைக் காட்டிலும் 10 ஆண்டுகளுக்குப் பிறகு உலகம் அதிகளவிலான போட்டி நிறைந்ததாக இருக்கும். அப்போதைய போட்டிகளையும், போராட்டங்களையும் சந்தித்து வெற்றி பெற மாணவர்கள் தற்போதே தங்களை தயார் படுத்திக்கொள்ள வேண்டும் என்றார்.
நிகழ்ச்சியில் செய்யாறு வருவாய்க் கோட்டாட்சியர் பொன். கிருபானந்தன், இஸ்ரோ விஞ்ஞானி கோகுல், சென்னை நல்லோர் வட்டம் நிறுவனர் பாலு, விழுதுகள் அமைப்பு நிறுவனர் அன்பு உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/22/மாணவர்கள்-நேர்மறையான-எண்ணங்களை-வளர்க்க-வேண்டும்-மாவட்ட-ஆட்சியர்-அறிவுரை-2848986.html
2848985 சென்னை திருவண்ணாமலை கிராம சபைக் கூட்டங்களில் குழந்தைகளின் உரிமைகளை உறுதி செய்ய தீர்மானம் இயற்ற அறிவுறுத்தல் DIN DIN Monday, January 22, 2018 03:51 AM +0530 தமிழகம் முழுவதும் வரும் 26-ஆம் தேதி நடைபெறும் கிராம சபைக் கூட்டங்களில் குழந்தைகளின் உரிமைகளை உறுதி செய்யும் வகையிலான தீர்மானங்களை இயற்ற வேண்டும் என்று தமிழ்நாடு இளங்குழந்தை பராமரிப்பு சேவைக்கான கூட்டமைப்பு நிர்வாகிகளுக்கு அந்தக் கூட்டமைப்பின் மாநில அமைப்பாளர் க.சண்முக வேலாயுதம் அறிவுரை வழங்கினார்.
தமிழ்நாடு இளங்குழந்தைப் பராமரிப்பு சேவைக்கான கூட்டமைப்பு சார்பில் கிராம சபைக் கூட்டங்களில் குழந்தைகளின் உரிமைகளை உறுதி செய்வதற்காக தமிழகம் தழுவிய பிரசாரம் நடைபெற்று வருகிறது. இதன் ஒரு பகுதியாக, வடக்கு மண்டல திட்டமிடல் கூட்டம் திருவண்ணாமலையில் ஞாயிற்றுக்கிழமை நடைபெற்றது.
கூட்டத்துக்கு, கூட்டமைப்பின் வடக்கு மண்டல அமைப்பாளர் இராம.பெருமாள் தலைமை வகித்தார். மாநில அமைப்பாளர் க.சண்முக வேலாயுதம் சிறப்பு அழைப்பாளராகக் கலந்து கொண்டு பேசியதாவது:
மக்களாட்சியின் அடித்தளமாக விளங்கும் கிராம சபைக் கூட்டம் வரும் 26-ஆம் தேதி தமிழகம் முழுவதும் உள்ள 12 ஆயிரத்து 524 ஊராட்சிகளில் நடைபெறுகிறது. இந்தக் கூட்டங்களில் குழந்தைகளுக்கான உரிமைகளை உறுதி செய்வதற்கான தீர்மானம் நிறைவேற்ற முடிவு செய்யப்பட்டுள்ளது.
தமிழ்நாடு இளங்குழந்தைப் பராமரிப்பு சேவைக்கான கூட்டமைப்பின் உறுப்பினர்கள் இந்தக் கூட்டங்களில் கலந்து கொண்டு, சென்னை மாவட்டம் நீங்கலாக தமிழகத்தின் மொத்தமுள்ள 385 ஊராட்சி ஒன்றியங்களில் குழந்தைகளின் உரிமைகளை உறுதி செய்யும் வகையில் தீர்மானங்கள் இயற்ற வேண்டும் என்றார். 
இதே கோரிக்கைகள் அடங்கிய தீர்மானமும் நிறைவேற்றப்பட்டது. கூட்டத்தில், தமிழ்நாடு இளங்குழந்தைப் பராமரிப்பு சேவைக்கான கூட்டமைப்பின் நிர்வாகிகள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/22/கிராம-சபைக்-கூட்டங்களில்-குழந்தைகளின்-உரிமைகளை-உறுதி-செய்ய-தீர்மானம்-இயற்ற-அறிவுறுத்தல்-2848985.html
2848984 சென்னை திருவண்ணாமலை அச்சக உரிமையாளர் கழுத்தறுத்துக் கொலை DIN DIN Monday, January 22, 2018 03:50 AM +0530 ஆரணியை அடுத்த தேவிகாபுரம் மலையடிவாரத்தில் ஞாயிற்றுக்கிழமை காலை அச்சக உரிமையாளர் மர்ம நபர்களால் கழுத்தறுத்து கொடூரமான முறையில் கொலை செய்யப்பட்டார்.
சேத்துப்பட்டை அடுத்த வம்பலூர் கிராமத்தைச் சேர்ந்தவர் கோபால் மகன் சங்கர். இவர், குடும்பத்தினருடன் தேவிகாபுரத்தில் வசித்து வந்ததுடன், அதே கிராமத்தில் கடந்த 10 ஆண்டுகளுக்கும் மேலாக சொந்தமாக அச்சகம் வைத்து  நடத்தி வந்தார். மேலும், இயற்கை மூலிகை மருந்தும் விற்பனையும் செய்து வந்தார். இவருக்கு திருமணமாகி மனைவியும், 2 மகள்களும் உள்ளனர்.
இந்த நிலையில், பேருந்தில் வரும் பார்சலை வாங்கி வருவதாக மகள்களிடம் கூறிவிட்டு சனிக்கிழமை மாலை கடை வீதிக்குச் சென்ற சங்கர், மீண்டும் வீடு திரும்பவில்லை. இதையடுத்து, ஞாயிற்றுக்கிழமை காலை தேவிகாபுரம் - போளூர் சாலையில் மலையடிவாரத்தில் சங்கர் கழுத்தறுக்கப்பட்டு முகம் சிதைந்த நிலையில் கொடூரமாகக் கொலை செய்யப்பட்டுக் கிடந்தது தெரியவந்தது.
இதுகுறித்து தகவலறிந்து சம்பவ இடத்துக்குச் சென்ற போளூர் டிஎஸ்பி கோட்டீஸ்வரன், சேத்துப்பட்டு காவல் நிலைய ஆய்வாளர் ஜோதி, உதவி ஆய்வாளர்கள் வள்ளியம்மாள், அசோக்குமார், முருகன் ஆகியோர் தடயங்களை சேகரித்ததுடன், சங்கரின் சடலத்தை மீட்டு, உடல்கூறு பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர்.
இதைத் தொடர்ந்து, கொலை நடந்த இடத்தை மாவட்டக் காவல் கண்காணிப்பாளர் பொன்னி ஞாயிற்றுக்கிழமை மாலை பார்வையிட்டார். இதனிடையே, இந்தக் கொலை தொடர்பாக தனிப்படை அமைக்கப்பட்டு, விசாரணை முடுக்கிவிடப்பட்டுள்ளதாக போலீஸார் தெரிவித்தனர்.

]]>
http://www.dinamani.com/all-editions/edition-chennai/tiruvannamalai/2018/jan/22/அச்சக-உரிமையாளர்-கழுத்தறுத்துக்-கொலை-2848984.html
2848983 சென்னை திருவண்ணாமலை ஆரணி அருகே ஆட்டோ கவிழ்ந்து 6 பேர் காயம் DIN DIN Monday, January 22, 2018 03:50 AM +0530 ஆரணி அருகே மெய்யூர் கூட்டுச்சாலையில்  ஞாயிற்றுக்கிழமை ஆட்டோ கவிழ்ந்ததில் 6 பேர் காயமடைந்தனர்.
ஆரணியை அடுத்த களம்பூர் அருகே உள்ள தச்சரம்பட்டு கிராமத்தைச் சேர்ந்த குணசீலன் (56), எஸ்.தமிழ்ச்செல்வி (25), சரஸ்வதி (30), பி.தமிழ்ச்செல்வி (41), செல்வி (40) ஆகியோர் அந்தக் கிராமத்தில் இருந்து குமார் (39) என்பவரின் ஆட்டோவில் பரதராமி கிராமத்துக்குச் சென்றுகொண்டிருந்தனர்.
மெய்யூர் கூட்டுச்சாலை அருகே சென்றபோது, குறுக்கே நாய் சென்றதால் ஆட்டோ நிலைதடுமாறி கவிழ்ந்தது. இந்த விபத்தில் ஆட்டோவில் பயணித்த 5 பேரும், ஆட்டோ ஓட்டுநரும் காயமடைந்தனர். 
பின்னர், அவர்கள் அனைவரும் ஆரணி அரசு  மருத்துவமனையில் சிகிச்சைக்கு சேர்ந்தனர். இதுகுறித்து ஆரணி கிராமிய போலீஸார்  வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-chennai/tiruvannamalai/2018/jan/22/ஆரணி-அருகே-ஆட்டோ-கவிழ்ந்து-6-பேர்-காயம்-2848983.html
2848982 சென்னை திருவண்ணாமலை தீ விபத்து: கூரை வீடு சேதம் DIN DIN Monday, January 22, 2018 03:50 AM +0530 வந்தவாசி அருகே சனிக்கிழமை நள்ளிரவு ஏற்பட்ட தீ விபத்தில் கூரை வீடு எரிந்து சேதமடைந்தது.
வந்தவாசியை அடுத்த கீழ்நர்மா கிராமத்தைச் சேர்ந்தவர் முனுசாமி (40). இவர், சனிக்கிழமை இரவு தனது குடும்பத்தினருடன் கூரை வீட்டில் படுத்து தூங்கிக்கொண்டிருந்தார்.
இந்த நிலையில், நள்ளிரவு வீட்டில் திடீரென தீப்பற்றியதுடன், தீ மளமளவென வீடு முழுவதும் பரவியது. இதனால் அலறியடித்து எழுந்த முனுசாமி குடும்பத்தினர் உடனடியாக வீட்டைவிட்டு வெளியேறினர். 
இந்த தீ விபத்தில் வீடு முற்றிலுமாக சேதமடைந்தது. இதனிடையே, தீ விபத்தில் வீட்டிலிருந்த 4 பவுன் தங்க நகை, ரூ.30 ஆயிரம் ரொக்கம், வீட்டு உபயோகப் பொருள்கள் உள்ளிட்டவை சேதமடைந்ததாக முனுசாமி குடும்பத்தினர் தெரிவித்தனர். 
தகவலறிந்து அங்கு வந்த வந்தவாசி தீயணைப்புத் துறையினர் தீ மேலும் பரவாமல் தடுத்தனர்.

]]>
http://www.dinamani.com/all-editions/edition-chennai/tiruvannamalai/2018/jan/22/தீ-விபத்து-கூரை-வீடு-சேதம்-2848982.html
2848981 சென்னை திருவண்ணாமலை ராமபக்த ஆஞ்சநேயர் கோயிலில் ராகு கால பூஜை DIN DIN Monday, January 22, 2018 03:49 AM +0530 போளூரில் அமைந்துள்ள ராமபக்த ஆஞ்சநேயர் கோயிலில் ஞாயிற்றுக்கிழமை ராகு கால பூஜை நடைபெற்றது.
இந்தப் பூஜையை முன்னிட்டு, சுவாமிக்கு சிறப்பு அபிஷேகம், ஆராதனை நடைபெற்றன. 
தொடர்ந்து, சுவாமிக்கு வெற்றிலை, பூக்களைக் கொண்டு சிறப்பு அலங்காரம் செய்யப்பட்டது. 
இந்தப் பூஜையில் ஏராளமான பக்தர்கள் கலந்து கொண்டு சுவாமியை வழிபட்டனர்.

]]>
http://www.dinamani.com/all-editions/edition-chennai/tiruvannamalai/2018/jan/22/ராமபக்த-ஆஞ்சநேயர்-கோயிலில்-ராகு-கால-பூஜை-2848981.html
2848517 சென்னை திருவண்ணாமலை புதுச்சேரியில் பிப்ரவரி 3-இல் ராணுவ ஆள் சேர்ப்பு முகாம் தொடக்கம் DIN DIN Sunday, January 21, 2018 04:28 AM +0530 புதுச்சேரியில் பிப்ரவரி 3 முதல் 12-ஆம் தேதி வரை நடைபெறும் ராணுவத்துக்கான ஆள் சேர்ப்பு முகாமில் திருவண்ணாமலை மாவட்ட இளைஞர்கள் கலந்து கொண்டு பயன் பெறலாம் என்று மாவட்ட நிர்வாகம் தெரிவித்தது.
சென்னை ராணுவ ஆள் சேர்ப்பு மண்டல தலைமை அலுவலகம் சார்பில், பிப்ரவரி 3 முதல் 12-ஆம் தேதி வரை ராணுவத்துக்கான ஆள் சேர்ப்பு முகாம் புதுச்சேரியில் நடைபெறுகிறது.
புதுச்சேரியில் உள்ள இந்திரா காந்தி விளையாட்டு அரங்கில் நடைபெறும் இந்த ஆள் சேர்ப்பு முகாமில் தமிழகத்தின் வேலூர், திருவண்ணாமலை, சென்னை, கடலூர், திருவள்ளூர், விழுப்புரம், காஞ்சிபுரம் மாவட்டங்கள் மற்றும் புதுச்சேரி மாநிலத்தைச் சேர்ந்த இளைஞர்கள் கலந்து கொள்ளலாம்.
சோல்ஜர் டெக்னிக்கல், சோல்ஜர் டெக்னிக்கல் அம்யூனிசன் / ஏவியேசன், சோல்ஜர் நர்சிங் அசிஸ்ட்ன்ட், சோல்ஜர் ஜெனரல் டியூட்டி, சோல்ஜர் கிளர்க், ஸ்டோர் கீப்பர், சோல்ஜர் டிரேட்ஸ்மேன் உள்ளிட்ட பிரிவுகளுக்கு ஆள்கள் தேர்வு செய்யப்பட உள்ளனர்.
எனவே, திருவண்ணாமலை மாவட்டத்தைச் சேர்ந்த தகுதியான இளைஞர்கள் இந்த ஆள் சேர்ப்பு முகாமில் கலந்து கொண்டு பயன்பெறலாம். முன்னதாக, இணையதளத்தில் விண்ணப்பித்து, அதன் மூலம் பெறப்பட்ட அனுமதி சீட்டு, விண்ணப்பத்துடன் ஆள் சேர்ப்பு முகாமில் கலந்து கொள்ள வேண்டும் என மாவட்ட நிர்வாகம் தெரிவித்துள்ளது.

 

]]>
http://www.dinamani.com/all-editions/edition-chennai/tiruvannamalai/2018/jan/21/புதுச்சேரியில்-பிப்ரவரி-3-இல்-ராணுவ-ஆள்-சேர்ப்பு-முகாம்-தொடக்கம்-2848517.html
2848516 சென்னை திருவண்ணாமலை நித்யானந்தர் ஆஸ்ரமத்தில் தங்கியுள்ள மகன், பேத்தியை மீட்கக் கோரி போலீஸில் பெண் புகார் DIN DIN Sunday, January 21, 2018 04:27 AM +0530 திருவண்ணாமலை நித்யானந்தர் ஆஸ்ரமத்தில் தங்கியுள்ள தனது மகன், பேத்தியை மீட்டுத் தரக் கோரி போலீஸில் பெண் புகார் அளித்தார்.
தேனி மாவட்டம், பெரியகுளம் பகுதியைச் சேர்ந்தவர் காந்தி (61). இவரது மனைவி ஈஸ்வரி (55). இவர்களது மகள் வனிதா (35). இவர்கள் மூவரும் சனிக்கிழமை திருவண்ணாமலை, கிரிவலப் பாதையில் உள்ள நித்யானந்தர் ஆஸ்ரமத்துக்கு வந்தனர்.
ஆஸ்ரமத்துக்குள் செல்ல முயன்ற மூவரையும் ஆஸ்ரம ஊழியர்கள் தடுத்து நிறுத்தினர். அப்போது, தங்களது மகன், பேத்தி ஆகியோர் உள்ளே நடைபெறும் தியானப் பயிற்சியில் கலந்து கொண்டுள்ளதால் அவர்களைப் பார்க்க அனுமதிக்குமாறு காந்தி, ஈஸ்வரி ஆகியோர் ஆஸ்ரம ஊழியர்களிம் அனுமதி கேட்டனர். அதற்கு, உள்ளே செல்ல யாருக்கும் அனுமதி கிடையாது என்று கூறி ஆஸ்ரம ஊழியர்கள் கடும் வாக்குவாதத்தில் ஈடுபட்டனர். இதனால் ஏமாற்றமடைந்த ஈஸ்வரி, இதுகுறித்து திருவண்ணாமலை தாலுகா காவல் நிலையத்தில் புகார் அளித்தார். அதில் அவர் கூறியுள்ளதாவது:
என் மகன் மனோஜ்குமார் (30), எம்.பி.பி.எஸ். படித்தவர்.
இவர், மதுரையை அடுத்த வெள்ளலூர் கிராமத்தில் உள்ள அரசு ஆரம்ப சுகாதார நிலையத்தில் இரண்டரை ஆண்டுகளாக மருத்துவராக வேலை செய்து வந்தார்.
கடந்த 4 மாதங்களுக்கு முன்பு திடீரென காணாமல் போனார். பல்வேறு இடங்களில் தேடியும் அவர் கிடைக்கவில்லை. விசாரித்தபோது, திருவண்ணாமலை கிரிவலப் பாதையில் உள்ள நித்யானந்தர் ஆஸ்ரமத்தில் தங்கியிருப்பது தெரியவந்தது.
அங்கு சென்றபோது, ஆஸ்ரம ஊழியர்கள் எங்களை தடுத்துவிட்டனர். எனவே, ஆஸ்ரமத்தில் தங்கியுள்ள எனது மகன் மனோஜ்குமார், எனது பேத்தியும், மூத்த மகளான வனிதாவின் மகளுமான நிவேதா ஆகியோரை மீட்டுத் தர வேண்டும் என்று தெரிவித்திருந்தார். இதுகுறித்து, போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/நித்யானந்தர்-ஆஸ்ரமத்தில்-தங்கியுள்ள-மகன்-பேத்தியை-மீட்கக்-கோரி-போலீஸில்-பெண்-புகார்-2848516.html
2848497 சென்னை திருவண்ணாமலை பெண்கள் உரிமைகள் விழிப்புணர்வுப் பேரணி DIN DIN Sunday, January 21, 2018 04:22 AM +0530 திருவண்ணாமலையில் பெண்கள் உரிமைகள் குறித்த விழிப்புணர்வுப் பேரணி சனிக்கிழமை நடைபெற்றது.
தமிழ்நாடு மகளிர் ஆணையத்தின் 25-ஆவது ஆண்டையொட்டி, திருவண்ணாமலை மாவட்ட நிர்வாகமும், மாவட்ட சமூக நலத் துறையும் இணைந்து இந்தப் பேரணியை நடத்தின.
திருவண்ணாமலை வட்டாட்சியர் அலுவலகத்தில் இருந்து புறப்பட்ட இந்தப் பேரணிக்கு மாவட்ட வருவாய் அலுவலர் பொ.ரத்தினசாமி தலைமை வகித்தார். கோட்டாட்சியர் உமா மகேஸ்வரி, மாவட்ட முதன்மைக் கல்வி அலுவலர் வெ.ஜெயக்குமார், மாவட்ட சமூக நல அலுவலர் கிருஷ்டினா டார்த்தி, மாவட்ட பெண்கள் பாதுகாப்பு அலுவலர் எம்.கோமதி ஆகியோர் முன்னிலை வகித்தனர். வட்டாட்சியர் ஆர் ரவி வரவேற்றார்.
மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு விழிப்புணர்வுப் பேரணியை கொடியசைத்து தொடக்கி வைத்தார். பெரியார் சிலை, அண்ணா சிலை வழியாகச் சென்ற பேரணி, காஞ்சி சாலை வரையில் சென்று நிறைவடைந்தது. பேரணியில் ஏராளமான பள்ளி மாணவ, மாணவிகள் கலந்து கொண்டனர்.
பெண்கள் உரிமைகள், குடும்ப வன்முறைச் சட்டங்கள், வரதட்சிணை தடுப்புச் சட்டம், குழந்தை திருமண தடைச் சட்டம், பணிபுரியும் இடங்களில் பெண்கள் பாலியல் வன்கொடுமை தடுப்புச் சட்டம் ஆகியவை குறித்த விழிப்புணர்வு வாசகங்கள் அடங்கிய பதாகைகளை பேரணியில் கலந்து கொண்டவர்கள் கையில் ஏந்திச் சென்று பொதுமக்களிடையே விழிப்புணர்வு ஏற்படுத்தினர்.
பேரணியில், சமூக நலத் துறை அலுவலகக் கணக்காளர் ராஜேஸ்வரி, வருவாய் ஆய்வாளர் மணிகண்டன் மற்றும் அரசு கலைக் கல்லூரி மாணவிகள், டெரிடெஸ் ஹோம் தொண்டு நிறுவனப் பிரதிநிதிகள் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/பெண்கள்-உரிமைகள்-விழிப்புணர்வுப்-பேரணி-2848497.html
2848496 சென்னை திருவண்ணாமலை பாலிடெக்னிக் கல்லூரியில் வேலைவாய்ப்பு முகாம் DIN DIN Sunday, January 21, 2018 04:22 AM +0530 திருவண்ணாமலை ராஜலட்சுமி பாலிடெக்னிக் கல்லூரியில் சனிக்கிழமை தனியார் நிறுவன வேலைவாய்ப்பு முகாம் நடைபெற்றது.
முகாமுக்கு கல்லூரித் தாளாளர் எஸ்.கோவிந்தசாமி தலைமை வகித்தார். கல்லூரி இயக்குநர் ஆர்.சுகந்தி முன்னிலை வகித்தார். கல்லூரி முதல்வர் இ.விநாயகம் வரவேற்றார்.
முகாமில் குளோபல் ஆட்டோ, ஆருத்ரா ஆட்டோமேஷன், எழில் என்ஜினீயரிங் இன்டஸ்ட்ரீஷ், பெர்பெக்ட் எல்க்ட்ரானிக்ஸ், புளு ஸ்டார் உள்ளிட்ட பல்வேறு தனியார் நிறுவன அதிகாரிகள் கலந்து கொண்டு தங்கள் நிறுவனங்களுக்குத் தேவையான தகுதிகள், திறமைகள் கொண்ட மாணவ, மாணவிகளைத் தேர்வு செய்தனர்.
இதில், கல்லூரியில் மூன்றாமாண்டு பயிலும் 150-க்கும் மேற்பட்ட மாணவ, மாணவிகள் கலந்து கொண்டனர். மாணவ, மாணவிகளிடையே எழுத்துத் தேர்வு, நேர்முகத் தேர்வு உள்ளிட்ட பல்வேறு கட்ட தேர்வுகள் நடத்தப்பட்டன. இறுதியாக தேர்வு செய்யப்பட்ட மாணவ, மாணவிகளுக்கு பணி நியமன ஆணைகள் வழங்கப்பட்டன. முகாமில், கல்லூரியின் வேலைவாய்ப்பு அதிகாரி பி.ரியாஸ் அகமது, கல்லூரி நிர்வாக அலுவலர் இ.நேரு மற்றும் துறைத் தலைவர்கள், பேராசிரியர்கள், மாணவ, மாணவிகள் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/பாலிடெக்னிக்-கல்லூரியில்-வேலைவாய்ப்பு-முகாம்-2848496.html
2848495 சென்னை திருவண்ணாமலை எம்ஜிஆர் பிறந்த நாள் விழா பொதுக்கூட்டத்தில் 1,000 பேருக்கு நல உதவிகள் DIN DIN Sunday, January 21, 2018 04:21 AM +0530 சேத்துப்பட்டை அடுத்த கீழ்பட்டு ஊராட்சியில் வெள்ளிக்கிழமை இரவு நடைபெற்ற எம்ஜிஆர் பிறந்த நாள் விழா பொதுக்கூட்டத்தில் 1,000 பேருக்கு நல உதவிகளை இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் வழங்கினார்.
அதிமுக சார்பில் நடைபெற்ற இந்தக் கூட்டத்துக்கு சேத்துப்பட்டு ஒன்றியச் செயலர் பி.ராகவன் தலைமை வகித்தார். மாவட்டச் செயலரும், எம்எல்ஏவுமான தூசி கே.மோகன் முன்னிலை வகித்தார். சிறப்பு அழைப்பாளராக அமைச்சர் சேவூர் எஸ்.ராமச்சந்திரன் கலந்து கொண்டு பேசியதுடன், ஏழை, எளிய பெண்கள் 1,000 பேருக்கு இலவசமாக சேலைகளை வழங்கினார்.
தலைமைக் கழகப் பேச்சாளர் பரசுராமன், முன்னாள் கவுன்சிலர் ராஜேந்திரன், ஊராட்சிச் செயலர் சிவக்குமார் உள்பட அதிமுக நிர்வாகிகள் பலர் கலந்து கொண்டனர். முன்னதாக, கலைக்குழுவினரின் ஆடல், பாடல் நிகழ்ச்சிகள் நடைபெற்றன.

 

]]>
http://www.dinamani.com/all-editions/edition-chennai/tiruvannamalai/2018/jan/21/எம்ஜிஆர்-பிறந்த-நாள்-விழா-பொதுக்கூட்டத்தில்-1000-பேருக்கு-நல-உதவிகள்-2848495.html
2848494 சென்னை திருவண்ணாமலை ரொக்கமில்லா பணப் பரிவர்த்தனை விழிப்புணர்வு முகாம் DIN DIN Sunday, January 21, 2018 04:21 AM +0530 செய்யாறை அடுத்த மோரணம் கிராமத்தில் ரொக்கமில்லா பணப் பரிவர்த்தனை குறித்த விழிப்புணர்வு முகாம் வெள்ளிக்கிழமை நடைபெற்றது.
திருவண்ணாமலை மாவட்ட மத்திய கூட்டுறவு வங்கி அசனமாப்பேட்டை கிளை, நபார்டு வங்கியின் நிதிசார் மையம் ஆகியவை சார்பில் நடைபெற்ற இந்த முகாமுக்கு கூட்டுறவு கடன் சங்கத் தலைவர் வி.புருஷோத்தமன் தலைமை வகித்தார். வங்கி உதவியாளர் எஸ்.தீபா வரவேற்றார்.
வங்கிக் கிளை மேலாளர் எம்.யுவராஜ், ரொக்கமில்லா பணப் பரிவர்த்தனை குறித்தும், காசாளர் எம்.இராஜம், சங்கச் செயலர் வேலாயுதம் ஆகியோர் வங்கி சேவைகள், வங்கி வழங்கும் கடன்கள் குறித்தும் விளக்கினர். நிகழ்ச்சியில் விவசாயிகள், கிராம மக்கள், மகளிர் சுயஉதவிக் குழுவினர், வங்கி வாடிக்கையாளர்கள் என பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/ரொக்கமில்லா-பணப்-பரிவர்த்தனை-விழிப்புணர்வு-முகாம்-2848494.html
2848493 சென்னை திருவண்ணாமலை தமிழ்நாடு தவ்ஹீத் ஜமாஅத் ஆர்ப்பாட்டம் DIN DIN Sunday, January 21, 2018 04:21 AM +0530 பாஜக தேசியச் செயலர் எச்.ராஜாவை கைது செய்ய வலியுறுத்தி, திருவண்ணாமலை மாவட்ட தமிழ்நாடு தவ்ஹீத் ஜமாஅத் சார்பில் கண்டன ஆர்ப்பாட்டம் வந்தவாசியில் சனிக்கிழமை மாலை நடைபெற்றது.
நபிகள் நாயகம் குறித்து எச்.ராஜா அவதூறாக பேசி வருவதுடன் மதக் கலவரத்தை தூண்டும் வகையில் செயல்படுவதாகவும், அவரை குண்டர் சட்டத்தில் கைது செய்யக் கோரியும் இந்த கண்டன ஆர்ப்பாட்டம் நடைபெற்றது.
வந்தவாசி தேரடியில் நடைபெற்ற இந்த ஆர்ப்பாட்டத்துக்கு மாவட்டத் தலைவர் சி.காதர்ஷரீப் தலைமை வகித்தார். மாநிலச் செயலர் எ.முஹம்மத்கனி கண்டன உரையாற்றினார். மாவட்டச் செயலர் எ.முஹம்மத்ரியாஸ், மாவட்ட துணைத் தலைவர் கே.மாலிக்பாஷா, மாவட்ட துணைச் செயலர் எ.கரிமுல்லாஹ் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/தமிழ்நாடு-தவ்ஹீத்-ஜமாஅத்-ஆர்ப்பாட்டம்-2848493.html
2848492 சென்னை திருவண்ணாமலை ஆரணியில் மின் தடையால் மக்கள் அவதி DIN DIN Sunday, January 21, 2018 04:21 AM +0530 ஆரணியில் சனிக்கிழமை காலை முதல் இரவு வரை மின்சாரம் இல்லாததால் பொதுமக்கள் அவதியடைந்தனர்.
ஆரணியில் சனிக்கிழமை காலை 9 மணி முதல் மாலை 5 மணி வரை மின்சாரம் நிறுத்தப்படுவதாக மின் வாரியம் சார்பில் அறிவிக்கப்பட்டிருந்தது. ஆனால், இரவு 9 மணி வரை மின்சாரம் நிறுத்தப்பட்டதால், ஆரணி நகரம், சேவூர், எஸ்.வி.நகரம் உள்ளிட்ட பகுதிகளில் பொதுமக்கள் பெரும் அவதிக்குள்ளாகினர்.
இது குறித்து மின்வாரிய அதிகாரிகள் கூறுகையில், மின் நிலையத்தில் மின்மாற்றியில் பழுது ஏற்பட்டதால், அதனை சீரமைக்க காலதாமதம் ஆனதாகத் தெரிவித்தனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/ஆரணியில்-மின்-தடையால்-மக்கள்-அவதி-2848492.html
2848491 சென்னை திருவண்ணாமலை படிஅக்ரகாரத்தில் எம்ஜிஆர் பிறந்த நாள் விழா பொதுக்கூட்டம் DIN DIN Sunday, January 21, 2018 04:20 AM +0530 புதுப்பாளையம் ஒன்றியம், படிஅக்ரகாரம் கிராமத்தில் அதிமுக சார்பில் எம்ஜிஆர் பிறந்த நாள் விழா பொதுக்கூட்டம் வெள்ளிக்கிழமை இரவு நடைபெற்றது.
கூட்டத்தில் ஒன்றியச் செயலர் புருசோத்தமன் வரவேற்றார். கலசப்பாக்கம் எம்எல்ஏ பன்னீர்செல்வம் தலைமையுரையாற்றினார். முன்னதாக, திருவண்ணாமலை தெற்கு மாவட்டச் செயலர் பெருமாள் நகர் ராஜன் பேசினார். தொடர்ந்து, தலைமைக் கழகப் பேச்சாளார் நாவலூர்முத்து பேசினார்.
நிகழ்ச்சியில் மாவட்ட முன்னாள் ஊராட்சிக் குழுத் தலைவர் நைனாக்கண்ணு, மாவட்ட இணைச் செயலர் நளினிமனோகரன், துணைச் செயலர் துரை, பொதுக்குழு உறுப்பினர் பொய்யாமொழி, புதுப்பாளையம் முன்னாள் ஒன்றியச் செயலர் லட்சுமணன், கலசப்பாக்கம் ஒன்றியச் செயலர் திருநாவுக்கரசு, ஜவ்வாதுமலை ஒன்றியச் செயலர் வெள்ளையன், புதுப்பாளையம் நகரச் செயலர் சாமிநாதன், ஒன்றிய விவசாய அணித் தலைவர் தவமணி உள்பட அதிமுக நிர்வாகிகள் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/படிஅக்ரகாரத்தில்-எம்ஜிஆர்-பிறந்த-நாள்-விழா-பொதுக்கூட்டம்-2848491.html
2848490 சென்னை திருவண்ணாமலை செய்யாறு கடைகளில் உணவுப் பாதுகாப்பு அலுவலர்கள் ஆய்வு DIN DIN Sunday, January 21, 2018 04:20 AM +0530 செய்யாறு பகுதியில் உள்ள கடைகளில் காலாவதியான உணவுப் பொருள்கள், உணவு தரம், பிளாஸ்டிக் பொருள்களின் பயன்பாடு குறித்து உணவுப் பாதுகாப்பு அலுவலர்கள் சனிக்கிழமை ஆய்வு மேற்கொண்டனர்.
மாவட்ட உணவுப் பாதுகாப்பு அலுவலர் வி.செந்தில்குமார் தலைமையில், உணவுப் பாதுகாப்பு அலுவலர் கே.சீனிவாசன், திருவத்திபுரம் நகராட்சி துப்புரவு ஆய்வாளர் கே.மதனராசன், வட்டார சுகாதார மேற்பார்வையாளர் எஸ்.இளங்கோ, சுகாதார ஆய்வாளர்கள் டி.அருளரசு, கே.ராஜவேல், இ.ஆனந்தன், பி. அசோகன் அடங்கிய குழுவினர் செய்யாறு பகுதியில் உள்ள சுமார் 40-க்கும் மேற்பட்ட கடைகளில் உணவுப் பொருள்களின் தரம், காலாவதியான உணவுப் பொருள்கள், பிளாஸ்டிக் பொருள்களின் பயன்பாடு குறித்து ஆய்வு மேற்கொண்டனர்.
ஆய்வின் போது, பெட்டிக் கடைகளில் இருந்து தடை செய்யப்பட்ட 60 புகையிலைப் பாக்கெட்டுகள் பறிமுதல் செய்யப்பட்டு, அழிக்கப்பட்டன. மேலும், போலி டீத் தூள் பயன்படுத்தக்கூடாது என டீக் கடை உரியமையாளர்களுக்கு உணவுப் பாதுகாப்பு அலுவலர்கள் எச்சரிக்கை விடுத்தனர்.
தொடர்ந்து, கல்வி நிறுவனங்களுக்கு அருகில் புகையிலை சம்பந்தப்பட்ட பொருள்களை விற்பனை செய்த கடைக்காரர்களுக்கு தலா ரூ.200 அபராதம் விதிக்கப்பட்டு, வசூலிக்கப்பட்டது.

 

]]>
http://www.dinamani.com/all-editions/edition-chennai/tiruvannamalai/2018/jan/21/செய்யாறு-கடைகளில்-உணவுப்-பாதுகாப்பு-அலுவலர்கள்-ஆய்வு-2848490.html
2848489 சென்னை திருவண்ணாமலை 1,816 அங்கன்வாடி பணியிடங்கள்: தேர்வு செய்யப்பட்டோர் பட்டியல் வெளியீடு DIN DIN Sunday, January 21, 2018 04:20 AM +0530 திருவண்ணாமலை மாவட்டத்தில் மொத்தம் காலியாக இருந்த 1,925 பணியிடங்களில் 1,816 பணியிடங்களுக்குத் தேர்வு செய்யப்பட்டவர்களின் பட்டியல் இணையதளத்தில் வெளியிடப்பட்டுள்ளது.
திருவண்ணாமலை மாவட்டத்தில் 2,127 அங்கன்வாடி மையங்கள் இயங்கி வருகின்றன. இந்த மையங்களில் காலியாக உள்ள 763 முதன்மை அங்கன்வாடி பணியாளர்கள், 241 குறு மைய அங்கன்வாடி பணியாளர்கள், 921 உதவியாளர்கள் என மொத்தம் 1,925 பணியிடங்களை நேரடித் தேர்வு மூலம் நியமிப்பதற்கான அறிவிப்பு கடந்தாண்டு ஆகஸ்ட் மாதம் வெளியானது.
இந்தப் பணியிடங்களுக்கு மொத்தம் 19 ஆயிரம் பேர் விண்ணப்பித்திருந்தனர். இவர்களில் தகுதியான 14,500 பேருக்கு நேர்முகத் தேர்வுக்கான கடிதம் அனுப்பப்பட்டது. இதையடுத்து, கடந்த செப்டம்பர் 12 முதல் 14-ஆம் தேதி வரை நேர்முகத் தேர்வு நடைபெற்றது.
நேர்முகத் தேர்வு முடிந்தாலும் தேர்வு செய்யப்பட்டவர்களின் பட்டியல் வெளியாவதில் காலதாமதம் ஏற்பட்டது. இந்த நிலையில், 5 மாதங்களுக்குப் பிறகு தேர்வு செய்யப்பட்டவர்களின் பட்டியல் தற்போது வெளியிடப்பட்டுள்ளது. மாவட்ட நிர்வாகத்தின் இணையதளத்தில் இந்தப் பட்டியல் வெளியிடப்பட்டுள்ளது. இதுதவிர, தேர்வு செய்யப்பட்டவர்களுக்கு தனித்தனியே பதிவுத் தபால் மூலம் பணி நியமன ஆணைகளும் அனுப்பப்பட்டுள்ளன.
மொத்தம் காலியாக இருந்த 1,925 பணியிடங்களில் 1,816 பணியிடங்களுக்கு மட்டும் ஆள்கள் தேர்வு செய்யப்பட்டுள்ளனர். 109 பணியிடங்களுக்கு தகுதியான ஆள்கள் கிடைக்கவில்லை. இந்தப் பணியிடங்களை நிரப்புவதற்கான அறிவிப்பு மீண்டும் வெளியிடப்படும் என்று அதிகாரிகள் தெரிவித்தனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/1816-அங்கன்வாடி-பணியிடங்கள்-தேர்வு-செய்யப்பட்டோர்-பட்டியல்-வெளியீடு-2848489.html
2848488 சென்னை திருவண்ணாமலை 102 பயனாளிகளுக்கு மானியத்துடன் வீடு கட்ட ஆணை: அமைச்சர் வழங்கினார் DIN DIN Sunday, January 21, 2018 04:20 AM +0530 ஆரணி நகராட்சியில் பாரதப் பிரதமரின் அனைவருக்கும் வீடு கட்டும் திட்டத்தின்கீழ், 102 பயனாளிகளுக்கு வீடு கட்டுவதற்கான ஆணைகளை இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் சனிக்கிழமை வழங்கினார்.
தமிழ்நாடு குடிசை மாற்று வாரியம் மூலம் இந்தத் திட்டம் செயல்படுத்தப்படுகிறது. இந்தத் திட்டத்தின் கீழ், பயனாளிகளுக்கு வீடு கட்ட அரசு மானியமாக ரூ.2.10 லட்சம் 4 தவணைகளாக வழங்கப்படுகிறது. ஆரணி பகுதியில் ஏற்கெனவே 65 வீடுகளுக்கு ஆணை வழங்கப்பட்டு வீடு கட்டும் பணிகள் நடைபெற்று வருகின்றன. ஆரணி நகராட்சி அலுவலகத்தில் சனிக்கிழமை நடைபெற்ற நிகழ்ச்சியில் மேலும் 102 பயனாளிகளுக்கு வீடு கட்ட ஆணைகள் வழங்கப்பட்டன. இவற்றை வழங்கி அமைச்சர் சேவூர் எஸ்.ராமச்சந்திரன் பேசியதாவது:
பாரத பிரதமரின் அனைவருக்கும் வீடு கட்டும் திட்டத்தின்கீழ், ஆரணி நகருக்கு 660 குடிசை வீடுகளை கான்கிரீட் வீடுகளாக மாற்றுவதற்காக அரசு ஒப்புதல் அளித்துள்ளது. இதுவரை 167 பயனாளிகளுக்கு கான்கிரீட் வீடுகள் கட்டுவதற்கான ஆணைகள் வழங்கப்பட்டுள்ளன. குடிசை வீட்டை கான்கிரீட் வீடாக கட்ட விரும்பும் பயனாளிகள் உரிய ஆவணங்களுடன் ஆரணி நகராட்சியில் விண்ணப்பிக்கலாம் என்றார்.
நிகழ்ச்சியில் ஆணையாளர் செளந்தர்ராஜன், அதிமுக நகரச் செயலர் ஏ.அசோக்குமார், முன்னாள் ஒன்றியக் குழுத் தலைவர் க.சங்கர், நகர நிர்வாகி பாரிபாபு, ஒன்றியச் செயலர்கள் பி.ஆர்.ஜி.சேகர், வேலு, மாவட்டப் பொருளாளர் சுபாஷ்சந்திரபோஸ், மாவட்ட துணைச் செயலர் டி.கருணாகரன், எம்ஜிஆர் மன்ற மாவட்ட நிர்வாகி அ.கோவிந்தராசன், பாசறை மாவட்டச் செயலர் ஜி.வி.கஜேந்திரன் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/102-பயனாளிகளுக்கு-மானியத்துடன்-வீடு-கட்ட-ஆணை-அமைச்சர்-வழங்கினார்-2848488.html
2848487 சென்னை திருவண்ணாமலை வார்டு மறுவரையறை குறித்த ஆட்சேபனைகள்: ஜனவரி 23-இல் நேரில் தெரிவிக்கலாம் DIN DIN Sunday, January 21, 2018 04:19 AM +0530 திருவண்ணாமலை மாவட்ட ஊரக, நகர்ப்புற உள்ளாட்சி அமைப்புகளுக்கான வார்டு வரைவு மறுவரையறை தொடர்பான ஆட்சேபனைகள், கருத்துக்களைத் தெரிவிக்க விரும்புவோர் வேலூரில் வரும் 23-ஆம் தேதி நடைபெறும் கூட்டத்தில் கலந்து கொண்டு தெரிவிக்கலாம் என்று மாவட்ட நிர்வாகம் தெரிவித்தது.
இதுகுறித்து மாவட்ட ஆட்சியர் கே.எஸ்.கந்தசாமி வெளியிட்ட செய்திக் குறிப்பு: திருவண்ணாமலை மாவட்டத்தில் உள்ள ஊரக, நகர்ப்புற உள்ளாட்சி அமைப்புகளுக்கான வார்டு வரைவு மறுவரையறை கடந்த மாதம் 27-ஆம் தேதி வெளியிடப்பட்டது. இதுகுறித்த ஆட்சேபனைகள், கருத்துக்கள் மீது கடந்த 12-ஆம் தேதி வரை மனுக்கள் அளித்த பொதுமக்கள் மற்றும் மக்கள் பிரதிநிதிகள், வரும் 23-ஆம் தேதி வேலூர் மாவட்ட ஆட்சியர் அலுவலகத்தில் காலை 10 மணிக்கு நடைபெறும் கூட்டத்தில் கலந்து கொண்டு தங்களது கருத்துக்களைத் தெரிவிக்கலாம்.
திருவண்ணாமலை, வேலூர் மாவட்டங்களைச் சேர்ந்த பொதுமக்கள், மக்கள் பிரதிநிதிகளிடம் இந்தக் கூட்டத்தில் கருத்துக்கள் கேட்கப்படும். எனவே, திருவண்ணாமலை மாவட்டத்தைச் சேர்ந்த பொதுமக்கள், மக்கள் பிரதிநிதிகள் இந்தக் கூட்டத்தில் தவறாமல் கலந்து கொண்டு பயன்பெறலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.

 

]]>
http://www.dinamani.com/all-editions/edition-chennai/tiruvannamalai/2018/jan/21/வார்டு-மறுவரையறை-குறித்த-ஆட்சேபனைகள்-ஜனவரி-23-இல்-நேரில்-தெரிவிக்கலாம்-2848487.html
2848486 சென்னை திருவண்ணாமலை தெள்ளானந்தலில் இலவச கால்நடை சிகிச்சை முகாம் DIN DIN Sunday, January 21, 2018 04:19 AM +0530 திருவண்ணாமலையை அடுத்த தெள்ளானந்தல் கிராமத்தில் அம்மா திட்ட முகாம், இலவச கண் சிகிச்சை முகாம், இலவச கால்நடை முகாம் ஆகிய நிகழ்ச்சிகள் சனிக்கிழமை நடைபெற்றன.
முகாமுக்கு திருவண்ணாமலை வட்டாட்சியர் ஆர்.ரவி தலைமை வகித்தார். சமூகப் பாதுகாப்புத் திட்ட வட்டாட்சியர் டி.ரமேஷ்குமார், வட்ட வழங்கல் அலுவலர் இரா.முருகன் ஆகியோர் முன்னிலை வகித்தனர். மண்டல துணை வட்டாட்சியர் அமுல் வரவேற்றார்.
திருவண்ணாமலை கோட்டாட்சியர் உமா மகேஸ்வரி சிறப்பு அழைப்பாளராகக் கலந்து கொண்டு பொதுமக்களிடம் இருந்து பல்வேறு கோரிக்கைகள் அடங்கிய 35 மனுக்களை பெற்றார். முகாமில், 19 பேருக்கு சிறு, குறு விவசாயிச் சான்று, ஒருவருக்கு பட்டா மாறுதல் சான்று என மொத்தம் 20 பேருக்கு நலத் திட்ட உதவிகளை கோட்டாட்சியர் உமா மகேஸ்வரி வழங்கினார்.
கால்நடை சிகிச்சை முகாம்: அம்மா திட்ட முகாமையொட்டி நடைபெற்ற இலவச கால்நடை சிகிச்சை முகாமில் ஏராளமான கால்நடைகளுக்கு இலவச சிகிச்சை அளிக்கப்பட்டது. மேலும், கண் சிகிச்சை முகாமில் 20-க்கும் மேற்பட்டோருக்கு சிகிச்சை அளிக்கப்பட்டது. இந்த முகாம்களில் வருவாய் ஆய்வாளர்கள் சுசிலா, க.விஜயரங்கன், வள்ளிவாகை தொடக்க வேளாண் கூட்டுறவு கடன் சங்கத் தலைவர் வி.ராஜவேல், கிராம நிர்வாக அலுவலர்கள் கே.காமேஷ் குமார், ஏ.அன்பழகன் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/தெள்ளானந்தலில்-இலவச-கால்நடை-சிகிச்சை-முகாம்-2848486.html
2848485 சென்னை திருவண்ணாமலை ஆரணியிலிருந்து பிற ஊர்களுக்கான புதிய பேருந்துக் கட்டணம் DIN DIN Sunday, January 21, 2018 04:19 AM +0530 ஆரணியிலிருந்து பல்வேறு ஊர்களுக்குச் செல்ல பேருந்துகளின் கட்டணம் உயர்த்தப்பட்டுள்ளது. அதன் விவரம் வருமாறு:
ஆரணியிலிருந்து வேலூருக்குச் செல்லும் அரசுப் பேருந்துகளில் கட்டணம் ரூ.36-ஆக உயர்த்தப்பட்டுள்ளது. தனியார் பேருந்தில் ரூ.32-ஆக உயர்த்தப்பட்டுள்ளது.
ஆரணியிலிருந்து சென்னைக்குச் செல்ல அரசுப் பேருந்தில் சாதாரண பேருந்து கட்டணம் ரூ.125-ஆகவும், அதிவிரைவுப் பேருந்தில் ரூ.140-ஆகவும், அல்ட்ரா டீலக்ஸ் பேருந்தில் ரூ.170-ஆகவும் உயர்த்தப்பட்டுள்ளது.
ஆரணியிலிருந்து ஆர்க்காடு செல்ல ரூ.30, வந்தவாசிக்கு ரூ.36, செய்யாருக்கு ரூ.30, திருவண்ணாமலைக்கு ரூ.53, காஞ்சிபுரத்துக்கு ரூ.56, விழுப்புரத்துக்கு ரூ.76 என கட்டணங்கள் உயர்த்தப்பட்டுள்ளன.
தனியார் பேருந்துகளில் ஆரணியிலிருந்து ஆர்க்காடுக்கு ரூ.22, வந்தவாசி ரூ.32, செய்யாருக்கு ரூ.27, திருவண்ணாமலைக்கு ரூ.45, காஞ்சிபுரத்துக்கு ரூ.62 என பேருந்து கட்டணங்கள் உயர்த்தப்பட்டுள்ளன. திடீரென பன்மடங்கு உயர்த்தப்பட்ட பேருந்து கட்டணங்களால் பயணிகள் பெரும் அதிர்ச்சிக்குள்ளாகியுள்ளனர்.

 

]]>
http://www.dinamani.com/all-editions/edition-chennai/tiruvannamalai/2018/jan/21/ஆரணியிலிருந்து-பிற-ஊர்களுக்கான-புதிய-பேருந்துக்-கட்டணம்-2848485.html
2848484 சென்னை திருவண்ணாமலை திருவண்ணாமலை மாவட்டத்தில்: பணிபுரியும் மகளிர் 3,518 பேருக்கு இரு சக்கர வாகனம் வாங்க மானியம் DIN DIN Sunday, January 21, 2018 04:18 AM +0530 திருவண்ணாமலை மாவட்டத்தில் பணிபுரியும் மகளிர் 3,518 பேருக்கு இரு சக்கர வாகனம் வாங்க 50 சதவீத மானியம் வழங்கப்பட உள்ளது. எனவே, தகுதியான மகளிர் உடனே விண்ணப்பித்துப் பயன்பெறலாம் என்று மாவட்ட ஆட்சியர் கே.எஸ்.கந்தசாமி தெரிவித்தார்.
இதுகுறித்து மாவட்ட ஆட்சியர் வெளியிட்ட செய்திக் குறிப்பு: தமிழகம் முழுவதும் கிராமப்புற, நகர்ப்புற மகளிர் தாங்கள் பணிபுரியும் இடங்களுக்கு எளிதில் செல்ல இரு சக்கர வாகனம் வாங்க 50 சதவீத மானியம் அல்லது ரூ.25 ஆயிரம் மானியம் வழங்கும் திட்டம் செயல்படுத்தப்பட உள்ளது.
அதன்படி, திருவண்ணாமலை மாவட்டத்தில் ஊரகப் பகுதி மகளிர் 2,806 பேருக்கும், நகர்ப்புற பகுதி மகளிர் 712 பேர் என மொத்தம் 3,518 பேருக்கு 2017 - 2018ஆவது ஆண்டில் மானியம் வழங்க இலக்கு நிர்ணயிக்கப்பட்டுள்ளது.
இந்தத் திட்டத்தின் கீழ் பயன்பெற விரும்புவோர் வாங்கும் வாகனம் 125 சிசி திறனுக்கு மிகாமல் இருக்க வேண்டும். கியர் அல்லாத வாகனமாக இருக்க வேண்டும். ஒரு குடும்பத்துக்கு ஒரு பயனாளி மட்டுமே விண்ணப்பிக்க வேண்டும். மானியத் தொகை போக மீதத்தொகையை பயனாளி செலுத்தக் கூடியவராக இருக்க வேண்டும். வாகனத்தை பயனாளி தனது சொந்த நிதியிலோ அல்லது வங்கி (அ) நிதி நிறுவன கடன் வசதி மூலமோ கொள்முதல் செய்யலாம்.
3 ஆண்டுகள் வரை விற்க இயலாது: வாங்க விரும்பும் வாகனம் 2018 ஜனவரி 1-ஆம் தேதிக்குப் பிறகு தயாரிக்கப்பட்டு, வாகனப் பதிவுகள் சட்டத்தின்படி பதிவு செய்யக்கூடிய வாகனமாக இருக்க வேண்டும். இந்தத் திட்டத்தின் கீழ் வாங்கப்படும் வாகனங்களை 3 ஆண்டுகள் வரை விற்க இயலாது.
விண்ணப்பதாரர் பதிவு பெற்ற நிறுவனங்களில் பணிபுரியும் பெண்களாக இருக்க வேண்டும். விண்ணப்பதாரர் குறைந்தது 8-ஆம் வகுப்பு தேர்ச்சி (அ) தோல்வி அடைந்தவராக இருக்க வேண்டும். விண்ணப்பதாரரின் ஆண்டு வருமானம் ரூ.2 லட்சத்து 50 ஆயிரத்துக்குள் இருக்க வேண்டும்.
வயது வரம்பு 18 முதல் 40-க்குள் இருக்க வேண்டும். விண்ணப்பதாரர் இரு சக்கர வாகன ஓட்டுநர் உரிமம் வைத்திக்க வேண்டும். குக்கிராமங்களில் இருந்து பணிபுரிபவர், மலைப் பகுதியில் பணிபுரிபவர், பெண்களை குடும்பத் தலைவராகக் கொண்டவர், கணவரால் கைவிடப்பட்டவர், இளம் விதவை, மாற்றுத் திறனாளி பெண்கள், முதிர்கன்னிகள், பழங்குடியினர் மற்றும் திருநங்கைகளுக்கு முன்னுரிமை வழங்கப்படும்.
இணைக்க வேண்டிய ஆவணங்கள்: விண்ணப்பங்களுடன் வயதுச் சான்று, இருப்பிடச் சான்று, ஓட்டுநர் உரிமம், வருமானச் சான்று, பணி செய்வதற்கான ஆதாரச் சான்று, ஆதார் அட்டை, கல்வித் தகுதிச் சான்று, பாஸ்போர்ட் அளவு புகைப்படம், சாதிச் சான்று, மாற்றுத் திறனாளி அடையாள அட்டை, முன்னுரிமை கோரும் சான்று, கொள்முதல் செய்யும் வாகனத்தின் விலைப்புள்ளி ஆகியவற்றை இணைக்க வேண்டும்.
தேர்வு செய்யப்படும் விண்ணப்பங்கள் 2 கட்டங்களாக கள ஆய்வு சரிபார்க்கப்படும். இதற்கான விண்ணப்பங்களை வட்டார வளர்ச்சி அலுவலகங்கள், நகராட்சி மற்றும் பேரூராட்சி அலுவலகங்கள், மாவட்ட ஆட்சியர் அலுவலகம் (மகளிர் திட்டம்) ஆகியவற்றில் கட்டணமின்றி பெற்றுக்கொள்ளலாம்.
பூர்த்தி செய்யப்பட்ட விண்ணப்பங்கள் பதிவு தபால் மூலமோ அல்லது நேரடியாகவோ சம்பந்தப்பட்ட பகுதி அலுவலகங்களில் தினமும் காலை 10 மணி முதல் மாலை 5 மணி வரை அனைத்து வேலை நாள்களிலும் சமர்ப்பித்து, ஒப்புகை ரசீது பெற்றுக்கொள்ளலாம்.
பிப்ரவரி 5-க்குள் விண்ணிப்பிக்க வேண்டும்: பூர்த்தி செய்யப்பட்ட விண்ணப்பங்களை பிப்ரவரி 5-ஆம் தேதி மாலை 5 மணிக்குள் சமர்ப்பிக்க வேண்டும். மேலும், விவரங்களுக்கு திட்ட இயக்குநர், மகளிர் திட்டம், காந்தி நகர் 7-ஆவது தெரு, திருவண்ணாமலை என்ற முகவரியில் நேரில் தொடர்பு கொள்ளலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.

 

]]>
http://www.dinamani.com/all-editions/edition-chennai/tiruvannamalai/2018/jan/21/திருவண்ணாமலை-மாவட்டத்தில்-பணிபுரியும்-மகளிர்-3518-பேருக்கு-இரு-சக்கர-வாகனம்-வாங்க-மானியம்-2848484.html
2847869 சென்னை திருவண்ணாமலை வேளாண் நிலம் வாங்கும் திட்டம்: ஆதிதிராவிட மகளிர் விண்ணப்பிக்கலாம் DIN DIN Saturday, January 20, 2018 08:53 AM +0530 வேளாண் நிலம் வாங்கும் திட்டத்தின் கீழ் விண்ணப்பித்துப் பயன்பெறுமாறு ஆதிதிராவிடர் இனத்தைச் சேர்ந்த மகளிருக்கு திருவண்ணாமலை மாவட்ட தாட்கோ அழைப்பு விடுத்துள்ளது.
தமிழகத்தில் ஆதிதிராவிடர் இன மக்களின் நில உடைமையை அதிகரித்து, அந்த இனத்தைச் சேர்ந்த மகளிரின் நிலையை உயர்த்த தாட்கோ மூலம் வேளாண் நிலம் வாங்கும் திட்டம் செயல்படுத்தப்படுகிறது. இந்தத் திட்டத்தின்கீழ், திட்டத் தொகையில் 30 சதவீதம் மானியமாக அதிகபட்சம் ரூ.2 லட்சத்து 25 ஆயிரம் வரை வழங்கப்படுகிறது.
இந்தத் திட்டத்தின்கீழ், 18 முதல் 65 வயதுக்கு உள்பட்ட பெண்கள், ஆதிதிராவிடர் அல்லாத பிற இனத்தவரிடம் இருந்து நிலம் வாங்கி பயன்பெறலாம்.
நன்செய் நிலமாக இருப்பின் 2.5 ஏக்கரும், புன்செய் நிலமாக இருப்பின் 5 ஏக்கர் வரையும் வாங்கலாம். விண்ணப்பதாரர் ஏற்கெனவே நிலம் உடையவராக இருப்பின் வாங்க உத்தேசித்துள்ள நிலத்தோடு சேர்த்து நன்செய் நிலமாக இருப்பின் 2.5 ஏக்கரும், புன்செய் நிலமாக இருப்பின் 5 ஏக்கருக்குள் வாங்கலாம்.
வாங்க விரும்பும் வேளாண் நிலத்தை விண்ணப்பதாரரே தேர்வு செய்து நில விற்பனையாளரிடம் எழுத்து மூலமாக ஒப்பந்தம் செய்துகொள்ள வேண்டும். 
நில மேம்பாட்டுத் திட்டத்தின்கீழ், ஏற்கெனவே உள்ள நிலத்தில் நீர்வள ஆதாரத்தை பெருக்கும் பொருட்டு நபார்டு வழிகாட்டுதலின்படி, நிலத்தடி நீராதாரம் உள்ள பகுதிகளில் திறந்தவெளி கிணறு, ஆழ்துளை கிணறு, சொட்டு நீர்ப்பாசனம், சுழல்முறை நீர்ப்பாசனம் அமைத்தல் போன்றவற்றுக்கு திட்டத் தொகையில் 30 சதவீதம் மானியமாக அதிகபட்சமாக ரூ.2 லட்சத்து 25 ஆயிரம் வரை வழங்கப்படுகிறது.
நிலத்தடி நீர் உள்ளது என்பதற்கு பொதுப்பணித் துறை, நிலத்தடிநீர் திருவண்ணாமலை அலுவலகம் மூலம் சான்று பெற வேண்டும். வேளாண் நிலம் வாங்கும் திட்டத்தில் பயன்பெற விரும்புவோர் தங்களது சாதிச் சான்று, வருமானச் சான்று, குடும்ப அட்டை, வாங்க உத்தேசித்துள்ள நிலத்தின் சிட்டா, பட்டா, அடங்கல், நில வரைபடம், சார் பதிவாளரிடம் பெற்ற நிலத்துக்கான வழிகாட்டு மதிப்பு, கிரைய ஒப்பந்தப் பத்திரம், வில்லங்கச் சான்று ஆகியவற்றுடன் w‌w‌w.‌h‌t‌t‌p:​a‌p‌p‌l‌i​c​a‌t‌i‌o‌n.‌t​a‌h‌d​c‌o.​c‌o‌m​ என்ற தாட்கோ இணையதள முகவரியில் இணையதளம் மூலம் உடனே விண்ணப்பிக்கலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.
 

]]>
http://www.dinamani.com/all-editions/edition-chennai/tiruvannamalai/2018/jan/20/வேளாண்-நிலம்-வாங்கும்-திட்டம்-ஆதிதிராவிட-மகளிர்-விண்ணப்பிக்கலாம்-2847869.html
2847868 சென்னை திருவண்ணாமலை உணவு வணிகம் செய்பவர்கள் பதிவுச் சான்று பெற அறிவுறுத்தல் DIN DIN Saturday, January 20, 2018 08:53 AM +0530 திருவண்ணாமலை மாவட்டத்தில் உணவு வணிகம் செய்பவர்கள் பதிவுச் சான்று, உரிமம் பெறுவது அவசியம் என்று மாவட்ட ஆட்சியர் கே.எஸ்.கந்தசாமி தெரிவித்தார்.
இதுகுறித்து மாவட்ட ஆட்சியர் வெளியிட்ட செய்திக் குறிப்பு: திருவண்ணாமலை மாவட்டத்தில் உணவுப் பாதுகாப்பு மற்றும் தர நிர்ணயச் சட்டம் 2006-ன் படி, உணவு வணிகம் செய்பவர்கள் பதிவுச் சான்று, உரிமம் பெறுவது கட்டாயம்.
எனவே, திருவண்ணாமலை மாவட்டத்தில் உணவு வணிகத்தில் ஈடுபட்டு, பதிவு, உரிமம் பெறாதவர்களும், ஆண்டுக்கு ரூ.12 லட்சத்துக்கும் குறைவாக வணிகம் செய்பவர்களும் ரூ.100 கட்டணத்தை வங்கியில் செலுத்தி, அதற்கான செலானை உணவுப் பாதுகாப்பு அலுவலரிடம் காண்பித்தும், பொது சேவை மையங்களில் செலானை காண்பித்தும் பதிவு, உரிமம் பெறலாம். ரூ.12 லட்சத்துக்கும் மேல் வணிகம் செய்பவர்கள் ரூ.2 ஆயிரத்தை வங்கியில் செலுத்தி உரிமம் பெறலாம். 
எனவே, திருவண்ணாமலை மாவட்டத்தைச் சேர்ந்த உணவு வணிகர்கள் பொது சேவை மையங்களிலோ அல்லது தாங்களாகவோ பதிவு, உரிமம் பெறுவதற்காக விண்ணப்பிக்கும் போது w‌w‌w.‌f‌o‌o‌d‌l‌i​c‌e‌n‌s‌i‌n‌g.‌f‌s‌s​a‌i.‌g‌o‌v.‌i‌n  என்ற இணையதளம் வழியாக பணம் செலுத்தி விண்ணப்பித்துக் கொள்ளலாம்.
மேலும், விவரங்களுக்கு நியமன அலுவலர், உணவுப் பாதுகாப்பு மற்றும் மருந்து நிர்வாகத் துறை, நெ.314 எழில் நகர், வேங்கிக்கால், திருவண்ணாமலை என்ற முகவரியில் நேரில் அணுகலாம். மேலும், 9444826258, 04175-233416 என்ற எண்களில் தொடர்பு கொள்ளலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.
 

]]>
http://www.dinamani.com/all-editions/edition-chennai/tiruvannamalai/2018/jan/20/உணவு-வணிகம்-செய்பவர்கள்-பதிவுச்-சான்று-பெற-அறிவுறுத்தல்-2847868.html
2847867 சென்னை திருவண்ணாமலை பாலமுருகன் கோயிலில் இடும்பன் சிலைக்கு கும்பாபிஷேகம் DIN DIN Saturday, January 20, 2018 08:52 AM +0530 திருவண்ணாமலையை அடுத்த மங்கலம் கிராமத்தில் அமைந்துள்ள ஸ்ரீபாலமுருகன் கோயிலில் இடும்பன் சிலைக்கு வெள்ளிக்கிழமை கும்பாபிஷேகம் நடைபெற்றது.
இதையொட்டி, வியாழக்கிழமை காலை 7:30 மணிக்கு ஸ்ரீவிநாயகர் யாகசாலைப் பூஜை, மாலை 4 மணிக்கு இரண்டாம் கால யாகசாலைப் பூஜை, 6  மணிக்கு மூன்றாம் கால யாகசாலைப் பூஜைகள் நடைபெற்றன. வெள்ளிக்கிழமை காலை 10 மணிக்கு இடும்பன் சிலைக்கு புனித நீர் ஊற்றி கும்பாபிஷேகம் நடத்தப்பட்டது.
தை கிருத்திகை தேர்த் திருவிழா: இந்தக் கோயிலில் ஒவ்வோர் ஆண்டும் தை கிருத்திகையையொட்டி, தேர்த் திருவிழா நடைபெறுவது வழக்கம். நிகழாண்டு 45-ஆவது ஆண்டு தேர்த் திருவிழா நடைபெறுகிறது.
இதையொட்டி, சனிக்கிழமை கந்த புராண சொற்பொழிவு தொடங்குகிறது. தொடர்ந்து, 7 நாள்களுக்கு இந்த சொற்பொழிவு நடைபெறுகிறது.
வரும் 26-ஆம் தேதி காலை 7 மணிக்கு பால்குட ஊர்வலம் மற்றும் பாலாபிஷேகம், காலை 11  மணிக்கு செக்கிழுத்தல் நிகழ்ச்சி, பகல் 2 மணிக்கு ஸ்ரீபாலமுருகன் தேர்த் திருவிழா, மாலை 5 மணிக்கு வள்ளி திருமணம், இரவு 8 மணிக்கு வாணவேடிக்கை மற்றும் சுவாமி வீதியுலா உள்ளிட்ட நிகழ்ச்சிகள் நடைபெறுகின்றன. ஏற்பாடுகளை ஸ்ரீபாலமுருகன் கோயில் நிர்வாகிகள், பொதுமக்கள் செய்து வருகின்றனர்.

]]>
http://www.dinamani.com/all-editions/edition-chennai/tiruvannamalai/2018/jan/20/பாலமுருகன்-கோயிலில்-இடும்பன்-சிலைக்கு-கும்பாபிஷேகம்-2847867.html
2847866 சென்னை திருவண்ணாமலை ஜப்பானிய காடை வளர்ப்பு: ஜன.23-இல் இலவசப் பயிற்சி DIN DIN Saturday, January 20, 2018 08:51 AM +0530 திருவண்ணாமலையில் உள்ள தமிழ்நாடு கால்நடை மருத்துவ அறிவியல் பல்கலைக்கழகத்தில் வரும் செவ்வாய்க்கிழமை (ஜனவரி 23) ஜப்பானிய காடை வளர்ப்பு குறித்த இலவசப் பயிற்சி முகாம் நடைபெறுகிறது.
திருவண்ணாமலை அரசு மருத்துவக் கல்லூரி மருத்துவமனை அருகே தமிழ்நாடு கால்நடை மருத்துவ அறிவியல் பல்கலைக்கழகம் இயங்குகிறது. 
இங்கு திருவண்ணாமலை மாவட்ட விவசாயிகள் பயன்பெறும் வகையில் அவ்வப்போது பல்வேறு இலவசப் பயிற்சி வகுப்புகள் நடத்தப்படுகின்றன.
அதன்படி, வரும் செவ்வாய்க்கிழமை ஜப்பானிய காடை வளர்ப்பு குறித்த இலவசப் பயிற்சி முகாம் நடைபெறுகிறது. ஆராய்ச்சி மைய வளாகத்தில் காலை 10 மணிக்குத் தொடங்கும் இந்தப் பயிற்சி முகாமில் முதலில் வரும் 50 பேருக்கு மட்டும் முன்னுரிமை அளிக்கப்படும்.
எனவே, திருவண்ணாமலை மாவட்டத்தைச் சேர்ந்த விவசாயிகள் இந்தப் பயிற்சி முகாமில் கலந்து கொண்டு பயன்பெறலாம். மேலும், விவரங்களுக்கு 04175-206577 என்ற எண்ணில் தொடர்பு கொள்ளலாம் என்று ஆராய்ச்சி மையத் தலைவர் தியோபிலஸ் ஆனந்தகுமார் தெரிவித்துள்ளார்.

]]>
http://www.dinamani.com/all-editions/edition-chennai/tiruvannamalai/2018/jan/20/ஜப்பானிய-காடை-வளர்ப்பு-ஜன23-இல்-இலவசப்-பயிற்சி-2847866.html
2847865 சென்னை திருவண்ணாமலை தேசிய இளைஞர் வார நிறைவு விழா DIN DIN Saturday, January 20, 2018 08:51 AM +0530 திருவண்ணாமலை மாவட்ட நேரு இளையோர் மையம் சார்பில், தேசிய இளைஞர் வார நிறைவு விழா வியாழக்கிழமை நடைபெற்றது.
திருவண்ணாமலை பூமாலை வணிக வளாகத்தில் நடைபெற்ற இந்த விழாவுக்கு நேரு இளையோர் மைய மாவட்ட ஒருங்கிணைப்பாளர் ஏ.ஆர்.விஜயாராவ் தலைமை வகித்தார். மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு பேசினார்.
விழாவில், சிறந்த இளைஞர் மன்ற விருது பெற்ற சுவாமி விவேகானந்தா இளைஞர் நற்பணி மன்றத்துக்கு காசோலை, சான்றிதழ்களை மாவட்ட ஆட்சியர் வழங்கினார். 
இதில், திருவண்ணாமலை மாவட்ட மைய நூலகர் வெங்கடேசன், கவிஞர் நல்ல.பன்னீர்செல்வம் உள்பட பலர்  கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/20/தேசிய-இளைஞர்-வார-நிறைவு-விழா-2847865.html
2847864 சென்னை திருவண்ணாமலை மது அருந்தி வாகனம் இயக்குபவர்களை கண்டறிய நவீன கருவி DIN DIN Saturday, January 20, 2018 08:51 AM +0530 செய்யாறில் மது அருந்திவிட்டு வாகனங்களை இயக்குபவர்களை நவீன கருவியைப் பயன்படுத்தி போலீஸார் வியாழக்கிழமை இரவு சோதனையிட்டனர்.
திருவண்ணாமலை மாவட்டத்தில் சாலை விபத்துகளில் அதிகளவில் உயிரிழப்புகள் ஏற்படுகின்றன. மது அருந்திவிட்டு வாகனங்களை இயக்குபவர்களாலேயே இதுபோன்ற விபத்துகள் நிகழ்வதாக ஆய்வின்போது தெரியவந்துள்ளது.
அதனடிப்படையில், சென்னை போக்குவரத்து ஆணையர் தயானந்த கட்டாரியா உத்தரவின்பேரில், வட்டாரப் போக்குவரத்து அலுவலர் அழகரசு ஆலோசனைப்படி, செய்யாறு மோட்டார் வாகன ஆய்வாளர் ராமரத்தினம் மேற்பார்வையில், போக்குவரத்து போலீஸார் மற்றும் காவல் துறையினர் இணைந்து செய்யாறு பகுதியில் உள்ள முக்கிய சாலைகளில் நவீன கருவி மூலம் வாகன ஓட்டிகளிடம் மது அருந்தியுள்ளனரா என சோதனை மேற்கொண்டனர்.
ஆட்டோ, லாரி, பேருந்து, பைக் உள்ளிட்டவற்றை ஓட்டி வந்த வாகன ஓட்டிகளிடம் இந்த சோதனை மேற்கொள்ளப்பட்டது. 
அப்போது, மது அருந்துவிட்டு வாகனங்களை இயக்கினால் ஓட்டுநர் உரிமம் ரத்து செய்யப்படும் என வாகன ஓட்டிகளிடம் போலீஸார் எச்சரித்தனர்.

]]>
http://www.dinamani.com/all-editions/edition-chennai/tiruvannamalai/2018/jan/20/மது-அருந்தி-வாகனம்-இயக்குபவர்களை-கண்டறிய-நவீன-கருவி-2847864.html
2847863 சென்னை திருவண்ணாமலை தாய்ப்பால் தின விழிப்புணர்வு நிகழ்ச்சி DIN DIN Saturday, January 20, 2018 08:50 AM +0530 செய்யாறை அடுத்த நாட்டேரி ஆரம்ப சுகாதார நிலையத்தில் தாய்ப்பால் தின விழிப்புணர்வு நிகழ்ச்சி வியாழக்கிழமை நடைபெற்றது.
நிகழ்ச்சிக்கு தலைமை வகித்த மருத்துவர் என்.ஈஸ்வரி பேசியதாவது: 
குழந்தை பிறந்த அரை மணி நேரத்தில் இருந்து குழந்தைக்கு தாய்ப்பால் அவசியம் புகட்ட வேண்டும். இதனால் குழந்தைக்கு புரதச் சத்து, கொழுப்புச் சத்து, வைட்டமின், இரும்புச் சத்து, நோய் எதிர்ப்பு சக்தி ஆகியன உடனே கிடைக்கும். பிறந்த குழந்தைக்கு எளிதில் செரிமானமாகக் கூடியதும், சத்துக்கள் நிறைந்த உணவும் தாய்ப்பாலாகும். 
குழந்தை பிறந்ததில் இருந்து தொடர்ந்து 6 மாதகாலங்களுக்கு தாய்ப்பால் மட்டுமே கொடுக்க வேண்டும். தாய்ப்பால் கொடுப்பதால் தாய்மார்களுக்கு மார்பாக புற்று நோய் வருவதற்கான வாய்ப்புகள் குறைவு என்றார்.
ஏற்பாடுகளை சுகாதார ஆய்வாளர் கே.சம்பத், செவிலியர் ஜி.கலைவாணி, புவனேஸ்வரி, சாவித்திரி, பிரேமலதா ஆகியோர் செய்திருந்தனர்.
 

]]>
http://www.dinamani.com/all-editions/edition-chennai/tiruvannamalai/2018/jan/20/தாய்ப்பால்-தின-விழிப்புணர்வு-நிகழ்ச்சி-2847863.html
2847862 சென்னை திருவண்ணாமலை ஜவ்வாதுமலை  ஒன்றியத்தில்  ஆட்சியர் ஆய்வு DIN DIN Saturday, January 20, 2018 08:50 AM +0530 ஜவ்வாதுமலை ஒன்றியத்தில் அரசு சார்பில் நடைபெறும் பல்வேறு நலத் திட்டப் பணிகளை மாவட்ட ஆட்சியர் கே.எஸ்.கந்தசாமி அண்மையில் ஆய்வு செய்தார்.
ஜவ்வாதுமலை ஒன்றியம், கானமலை ஊராட்சியைச் சேர்ந்த பாலபிராயம்பட்டு, நாடலூர் கிராமங்களில் தூய்மை பாரத இயக்கத்தின் சார்பில் வீடுதோறும் அமைக்கப்பட்டுள்ள தனிநபர் இல்லக் கழிப்பறைகள், நம்மியம்பட்டு ஊராட்சியைச் சேர்ந்த சிரமாத்தூர் கிராமத்தில் தேசிய ஊரக திட்டத்தின் கீழ் புதிய கிணறு அமைக்கும் பணி, கீழ்குப்பசனூர் - காட்டியான் குடிசை, கொணர்குடிசை - கவத்திகுடிசை இடையே தார்ச் சாலை அமைக்கும் பணி என பல்வேறு பணிகளை மாவட்ட ஆட்சியர் கே.எஸ்.கந்தசாமி நேரில் பார்வையிட்டு ஆய்வு செய்தார்.
ஆய்வின்போது, வட்டார வளர்ச்சி அலுவலர்கள் பிரகாஷ், சீனுவாசன் மற்றும் அலுவலர்கள் உடனிருந்தனர்.

]]>
http://www.dinamani.com/all-editions/edition-chennai/tiruvannamalai/2018/jan/20/ஜவ்வாதுமலை--ஒன்றியத்தில்--ஆட்சியர்-ஆய்வு-2847862.html
2847861 சென்னை திருவண்ணாமலை வேளாண் பயிர்களுக்கு ரூ.46 கோடி காப்பீட்டுத் தொகை விடுவிப்பு: மாவட்ட ஆட்சியர் தகவல் DIN DIN Saturday, January 20, 2018 08:50 AM +0530 திருவண்ணாமலை மாவட்ட விவசாயிகளின் கரும்பு, உளுந்து, மணிலா, எள் பயிர்களுக்கு ரூ.46 கோடி காப்பீட்டுத் தொகை விடுவிக்கப்பட்டுள்ளதாக மாவட்ட ஆட்சியர் கே.எஸ்.கந்தசாமி தெரிவித்தார்.
திருவண்ணாமலை மாவட்ட விவசாயிகள் குறைதீர் கூட்டம் வெள்ளிக்கிழமை நடைபெற்றது. மாவட்ட ஆட்சியர் அலுவலகத்தில் நடைபெற்ற இந்தக் கூட்டத்துக்கு ஆட்சியர் கே.எஸ்.கந்தசாமி தலைமை வகித்தார். மாவட்ட வருவாய் அலுவலர் பொ.ரத்தினசாமி, கூட்டுறவு சங்கங்களின் மண்டல இணைப் பதிவாளர் ரேணுகாம்பாள், மாவட்ட மத்திய கூட்டுறவு வங்கி இணைப் பதிவாளரும், மேலாண்மை இயக்குநருமான நந்தகுமார் ஆகியோர் முன்னிலை வகித்தனர்.
கூட்டத்தில் விவசாயிகள், விவசாய சங்கப் பிரதிநிதிகள் பலர் கலந்து கொண்டு தங்களது குறைகள், கோரிக்கைகள் குறித்துப் பேசினர். கூட்டத்தில் விவசாயிகள் பேசியதாவது:
விவசாயிகளுக்கான பயிர்க் காப்பீட்டுத் தொகையை விரைவில் வழங்க நடவடிக்கை எடுக்க வேண்டும். விவசாயிகளின் குறைகள் மீது விரைவான நடவடிக்கை எடுக்க வேண்டும் என்பன உள்பட பல்வேறு கோரிக்கைகளை வலியுறுத்திப் பேசினர்.
விவசாயிகளின் குறைகள், கோரிக்கைகளுக்குப் பதில் அளித்து மாவட்ட ஆட்சியர் கே.எஸ்.கந்தசாமி பேசியதாவது:
காப்பீட்டு நிறுவனங்களிடம் இருந்து கரும்பு, உளுந்து, மணிலா, எள் உள்ளிட்ட பயிர்களுக்கு பயிர் காப்பீட்டுத் தொகையாக ரூ.46 கோடி விடுவிக்கப்பட்டுள்ளது. கரும்பு நிலுவைத் தொகை தொடர்பான பிரச்னைக்கு முத்தரப்புக் கூட்டம் நடத்தப்பட்டு விரைவில் தீர்வு காணப்படும். நேரடி நெல் கொள்முதல் நிலையங்களுக்கு நெல் கொண்டு செல்லும் விவசாயிகள் உரிய ஈரப்பதத்தில் காய வைத்த
பிறகு எடுத்துச் செல்ல வேண்டும் என்றார்.
கூட்டத்தில் வேளாண் துறை இணை இயக்குநர் செண்பகராஜ், ஆட்சியரின் நேர்முக உதவியாளர் (வேளாண்மை) ஹரக்குமார் மற்றும் அரசு அலுவலர்கள், விவசாய சங்கங்களின் பிரதிநிதிகள், விவசாயிகள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/20/வேளாண்-பயிர்களுக்கு-ரூ46-கோடி-காப்பீட்டுத்-தொகை-விடுவிப்பு-மாவட்ட-ஆட்சியர்-தகவல்-2847861.html
2847860 சென்னை திருவண்ணாமலை தீ விபத்து: நிவாரணம் அளிப்பு DIN DIN Saturday, January 20, 2018 08:49 AM +0530 திருவண்ணாமலை அருகே தீ விபத்தில் வீடுகளை இழந்தவர்களுக்கு நிவாரண உதவிகளை எ.வ.வேலு எம்எல்ஏ வியாழக்கிழமை வழங்கினார்.
திருவண்ணாமலையை அடுத்த தென்மாத்தூர் ஊராட்சி, பழைய குடியிருப்பைச் சேர்ந்த இரா.காசியம்மாள், சே.ஜெயந்தி ஆகியோரது வீடுகள் அண்மையில் ஏற்பட்ட தீ விபத்தில் சேதமடைந்தன. 
இதையடுத்து, வீடுகளை இழந்தவர்களுக்கு திருவண்ணாமலை தொகுதி எம்எல்ஏ எ.வ.வேலு தனது சொந்தப் பணத்திலிருந்து தலா ரூ.5 ஆயிரம் ரொக்கம், அரிசி, புடவை, வேட்டிகளை வழங்கி ஆறுதல் கூறினார்.
திருவண்ணாமலை மாவட்ட திமுக அலுவலகத்தில் நடைபெற்ற இந்த நிகழ்ச்சியில் திமுக மாவட்ட துணைச் செயலர் சாவல்பூண்டி மா.சுந்தரேசன், நகரச் செயலர் ப.கார்த்திவேல்மாறன், மாவட்டப் பொருளாளர் எஸ்.பன்னீர்செல்வம், மாநில தொமுச செயலர் க.சவுந்தரராஜன், ஒன்றியச் செயலர் சி.மாரிமுத்து, மாவட்ட விவசாய அணி அமைப்பாளர் மெய்யூர் சந்திரன் உள்பட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/20/தீ-விபத்து-நிவாரணம்-அளிப்பு-2847860.html
2847859 சென்னை திருவண்ணாமலை நடிகர் ஜெகன் சென்ற கார் மோதியதில் இளைஞர் சாவு DIN DIN Saturday, January 20, 2018 08:49 AM +0530 வந்தவாசி அருகே வெள்ளிக்கிழமை இரவு திரைப்பட நடிகர் ஜெகன் சென்ற கார் மோதியதில் இரு சக்கர வாகனத்தில் சென்ற இளைஞர் உயிரிழந்தார்.
வந்தவாசியை அடுத்த தாழம்பள்ளம் கிராமத்தைச் சேர்ந்தவர் சாதிக்பாட்சா மகன் உசேன் (25). இவர், வெள்ளிக்கிழமை இரவு வந்தவாசியிலிருந்து இரு சக்கர வாகனத்தில் ஊருக்கு சென்று கொண்டிருந்தார். அப்போது, இவருக்கு முன்னால் காஞ்சிபுரம் நோக்கிச் சென்று கொண்டிருந்த கார் திடீரென திரும்பியது. இதனால், காரும், இரு சக்கர வாகனமும் மோதிக் கொண்டன.
இந்த விபத்தில் பலத்த காயமடைந்த உசேன் வந்தவாசி அரசு மருத்துவமனையில் அனுமதிக்கப்பட்டார். பின்னர், தீவிர சிகிச்சைக்காக செங்கல்பட்டு அரசு மருத்துவமனைக்கு கொண்டு செல்லும் வழியில் அவர் உயிரிழந்தார்.
தகவலறிந்த வந்தவாசி தெற்கு போலீஸார் சம்பவ இடத்துக்குச் சென்று விசாரணை மேற்கொண்ட போது, காரில் திரைப்பட நடிகரும், தொலைக்காட்சி நிகழ்ச்சித் தொகுப்பாளருமான ஜெகன் உள்ளிட்டோர் சென்றது தெரியவந்தது. இதையடுத்து, ஜெகன் உள்ளிட்டோரை வந்தவாசி தெற்கு காவல் நிலையத்துக்கு அழைத்துச் சென்ற போலீஸார் அவர்களிடம் விசாரணை மேற்கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/20/நடிகர்-ஜெகன்-சென்ற-கார்-மோதியதில்-இளைஞர்-சாவு-2847859.html
2847858 சென்னை திருவண்ணாமலை ஜனவரி 20  மின் தடை DIN DIN Saturday, January 20, 2018 08:48 AM +0530 செய்யாறு
நேரம்: காலை 9 மணி முதல் 5 மணி வரை.
பகுதிகள்: செய்யாறு, திருவத்திபுரம், பெருங்கட்டூர், பிரம்மதேசம், ராந்தம், வாக்கடை, செங்காடு, கொருக்கை, ஆக்கூர், பல்லி மற்றும் அதனைச் சுற்றியுள்ள பகுதிகள்.
வந்தவாசி
பகுதிகள்: வந்தவாசி, கீழ்க்கொடுங்காலூர், புரிசை, தெள்ளாறு மற்றும் அதனைச் சுற்றியுள்ள பகுதிகள்.

]]>
http://www.dinamani.com/all-editions/edition-chennai/tiruvannamalai/2018/jan/20/ஜனவரி-20--மின்-தடை-2847858.html
2847857 சென்னை திருவண்ணாமலை இளம் ராமானுஜர் விருது பெற்ற மாணவர்களுக்கு பாராட்டு DIN DIN Saturday, January 20, 2018 08:48 AM +0530 இளம் ராமானுஜர் விருது பெற்ற திருவண்ணாமலை சண்முகா தொழிற்சாலை அரசு மேல்நிலைப் பள்ளி மாணவர்களுக்கு வெள்ளிக்கிழமை பாராட்டு விழா நடைபெற்றது.
சென்னை டானிஷ் அகமது பொறியியல் கல்லூரியில் அண்மையில் கணித திறனறித் தேர்வுப் போட்டிகள் நடைபெற்றன. இதில், தமிழகத்தின் பல்வேறு பகுதிகளைச் சேர்ந்த பள்ளி மாணவ, மாணவிகள் கலந்து கொண்டனர்.
திருவண்ணாமலை சண்முகா தொழிற்சாலை அரசு மேல்நிலைப் பள்ளி சார்பில் கலந்து கொண்ட சூரியா போட்டியில் முதலிடமும், ஸ்ரீகவிப்பிரியா இரண்டாமிடமும், எம்.ஆனந்த் மூன்றாமிடமும் பிடித்து இளம் ராமானுஜர் விருது பெற்றனர்.
விருது பெற்ற மாணவர்களுக்கு  பள்ளியில் பாராட்டு விழா நடைபெற்றது. விழாவுக்கு பள்ளி தலைமை ஆசிரியர் எஸ்.அருணகிரி தலைமை வகித்தார். உதவித் தலைமை ஆசிரியர்கள் எஸ்.பாஸ்கரன், கே.ஆனந்தி, எம்.ராமலிங்கம் ஆகியோர் முன்னிலை வகித்தனர். மாணவர்களைப் பாராட்டிப் பரிசுகள் வழங்கப்பட்டன. விழாவில், மேல்நிலை கணித ஆசிரியர்கள் ஆர்.யமுனா, பி.சதீஷ்குமார் மற்றும் ஆசிரியர்கள், மாணவ, மாணவிகள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/20/இளம்-ராமானுஜர்-விருது-பெற்ற-மாணவர்களுக்கு-பாராட்டு-2847857.html
2847856 சென்னை திருவண்ணாமலை வரி பாக்கியை ஜன.27-க்குள் செலுத்த அறிவுறுத்தல் DIN DIN Saturday, January 20, 2018 08:47 AM +0530 புதுப்பாளையம் பேரூராட்சிக்கு செலுத்த வேண்டிய வரி பாக்கிகளை வரும் 27-ஆம் தேதிக்குள் செலுத்த வேண்டுமென செயல் அலுவலர் சுகந்தி வெள்ளிக்கிழமை தெரிவித்தார்.
இந்தப் பேரூராட்சிக்கு உள்பட்ட பேரூராட்சி கடைகளின் வாடகை, வீட்டு வரி, தொழில் வரி, குடிநீர் கட்டணம் ஆகியவற்றை வரும் 27-ஆம் தேதிக்குள் பேரூராட்சி அலுவலகத்தில் செலுத்தி, மேல் நடவடிக்கை எடுப்பதை தவிர்க்க வேண்டும் என சுகந்தி மேலும் தெரிவித்தார்.

]]>
http://www.dinamani.com/all-editions/edition-chennai/tiruvannamalai/2018/jan/20/வரி-பாக்கியை-ஜன27-க்குள்-செலுத்த-அறிவுறுத்தல்-2847856.html
2847855 சென்னை திருவண்ணாமலை வந்தவாசியில் எம்ஜிஆர் பிறந்த நாள் விழா பொதுக்கூட்டம்: 1,101 பேருக்கு நல உதவிகள் அளிப்பு DIN DIN Saturday, January 20, 2018 08:47 AM +0530 வந்தவாசி கோட்டை மூலையில் டிடிவி.தினகரன் அணி சார்பில் வியாழக்கிழமை மாலை நடைபெற்ற எம்ஜிஆரின் 101-ஆவது பிறந்த நாள் விழா பொதுக்கூட்டத்தில் 1,101 பேருக்கு நல உதவிகள் வழங்கப்பட்டன.
கூட்டத்துக்கு திருவண்ணாமலை வடக்கு மாவட்டச் செயலர் சி.ஏழுமலை தலைமை வகித்தார். 
தகவல் தொழில்நுட்பப் பிரிவு மாவட்டத் தலைவர் எ.விஜய், தெள்ளாறு கிழக்கு ஒன்றியச் செயலர் எ.கன்னியப்பன், வந்தவாசி கிழக்கு ஒன்றியச் செயலர் எஸ்.சுபாஷ்சந்திரபோஸ், பேரவை மாவட்ட துணைச் செயலர் எம்.ரஜினிகாந்த் உள்ளிட்டோர் முன்னிலை வகித்தனர். மகளிரணி துணைச் செயலர் சி.ஆர்.சரஸ்வதி சிறப்புரை ஆற்றினார். அவர் பேசியதாவது:  ஆர்.கே.நகரில் டி.டி.வி.தினகரன் மக்களுடன் கூட்டணி வைத்து வெற்றி பெற்றார். சசிகலா தனது குடும்பத்தை மறந்து 33 ஆண்டுகள் ஜெயலலிதாவுடன் உறுதுணையாக இருந்தார். 
ஆனால், அவர் மூலம் பதவிபெற்ற அமைச்சர்கள் இன்று ஏதேதோ பேசுகின்றனர் என்றார். மேலும், 1,101 பேருக்கு இலவச வேட்டி, சேலை உள்ளிட்ட நல உதவிகளை அவர் வழங்கினார்.
கூட்டத்தில் மகளிர் அணி நிர்வாகி வி.அன்னபூரணி, தெள்ளாறு மேற்கு ஒன்றியச் செயலர் கே.பி.நடராஜன், பெரணமல்லூர் ஒன்றியச் செயலர் ஜி.ராஜா உள்ளிட்டோர் பங்கேற்றனர்.

]]>
http://www.dinamani.com/all-editions/edition-chennai/tiruvannamalai/2018/jan/20/வந்தவாசியில்-எம்ஜிஆர்-பிறந்த-நாள்-விழா-பொதுக்கூட்டம்-1101-பேருக்கு-நல-உதவிகள்-அளிப்பு-2847855.html
2847854 சென்னை திருவண்ணாமலை திருக்குறள் நெறி பரப்பும் மையம் சார்பில் விருது வழங்கும் விழா DIN DIN Saturday, January 20, 2018 08:46 AM +0530 திருவண்ணாமலை திருக்குறள் நெறி பரப்பும் மையம் சார்பில், 36-ஆவது ஆண்டு விழாவும், சாதனையாளர்களுக்கு விருதுகள் வழங்கும் விழாவும் வியாழக்கிழமை நடைபெற்றன.
திருவண்ணாமலை, திருவள்ளுவர் சிலை அருகே நடைபெற்ற இந்த விழாவுக்கு திருக்குறள் சமுதாயம் அமைப்பின் தலைவர் இரா.கமலக்கண்ணன் தலைமை வகித்தார். சாவல்பூண்டி சங்கப் பலகை அமைப்பின் நிறுவனர் தலைவர் மா.சுந்தரேசன், முன்னாள் எம்எல்ஏ பி.எஸ்.விஜயகுமார், அருணை இலக்கிய வட்டத் தலைவர் கு.சபரி ஆகியோர் முன்னிலை வகித்தனர். திருக்குறள் சமுதாயம் அமைப்பின் நிர்வாகி சாமி தமிழ்ச்செல்வி கமலக்கண்ணன் வரவேற்றார். கீழ்பென்னாத்தூர் எம்எல்ஏ கு.பிச்சாண்டி சிறப்பு அழைப்பாளராகக் கலந்து கொண்டு பல்வேறு துறைகளில் சாதனை படைத்தவர்களுக்கு விருதுகள் வழங்கிப் பேசினார். விழாவில், திருவண்ணாமலை மாவட்டக் காவல் நண்பர்கள் குழுத் தலைவர் ஏ.ஏ.ஆறுமுகத்துக்கு மக்கள் காவலர் விருது வழங்கப்பட்டது.
விழாவில், திருவண்ணாமலை தமிழ்ச் சங்கத் தலைவர் அருள்வேந்தன் பாவைச்செல்வி, டாக்டர் கெங்குசாமி நாயுடு மெட்ரிக் பள்ளித் தலைவர் மா.சின்ராஜ், பேராசிரியர் கு.மாணிக்கம், பாவலர் சு.வேலாயுதம், புலவர் கோவிந்தசாமி, திருக்குறள் சமுதாயம் அமைப்பின் நிர்வாகிகள் ஜி.ஏழுமலைபிள்ளை, தேவராசன், மு.பக்தவச்சலம் உள்பட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/20/திருக்குறள்-நெறி-பரப்பும்-மையம்-சார்பில்-விருது-வழங்கும்-விழா-2847854.html
2847853 சென்னை திருவண்ணாமலை அம்மா திட்ட முகாம்: 50 பேருக்கு நலத் திட்ட உதவிகள் DIN DIN Saturday, January 20, 2018 08:46 AM +0530 புதுப்பாளையம் ஒன்றியம், தாமரைப்பாக்கம் கிராமத்தில் வெள்ளிக்கிழமை நடைபெற்ற அம்மா திட்ட முகாமில் 50 பயனாளிகளுக்கு நலத் திட்ட உதவிகள் வழங்கப்பட்டன.
இந்த முகாமில் பொதுமக்கள் 100-க்கும் மேற்பட்டோர் கலந்து கொண்டு, முதியோர் உதவித்தொகை, பசுமை வீடு, இந்திரா நினைவு குடியிருப்பு, புதிய குடும்ப அட்டை, சிறு, குறு விவசாயிச் சான்று உள்ளிட்ட நலத் திட்ட உதவிகள் வழங்கக் கோரி மனுக்களை அளித்தனர்.
மனுக்களை பரிசீலனை செய்த வருவாய்த் துறையினர் தகுதிவாய்ந்த 50 மனுக்கள் மீது விரைவான நடவடிக்கை மேற்கொண்டனர். இதையடுத்து, பயனாளிகளுக்கு நலத் திட்ட உதவிகளை செங்கம் வட்டாட்சியர் உதயகுமார் வழங்கினார்.
நிகழ்ச்சியில் சமூகப் பாதுகாப்புத் திட்ட வட்டாட்சியர் ரேணுகா, வருவாய் ஆய்வாளர் அழகுபாண்டியம்மாள், கிராம நிர்வாக அலுவலர்கள் முருகன், அப்பர்சாமி மற்றும் பொதுமக்கள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/20/அம்மா-திட்ட-முகாம்-50-பேருக்கு-நலத்-திட்ட-உதவிகள்-2847853.html
2847474 சென்னை திருவண்ணாமலை ஓய்வு பெற்ற கால்நடை மருத்துவர் வீட்டில் 70 பவுன் நகைகள் திருட்டு DIN DIN Saturday, January 20, 2018 12:45 AM +0530 திருவண்ணாமலை மாவட்டம், வேட்டவலம் அருகே ஓய்வு பெற்ற கால்நடை மருத்துவர் வீட்டில் 70 பவுன் தங்க நகைகள், 2 கிலோ வெள்ளிப் பொருள்கள், ரூ.60 ஆயிரத்தை மர்ம நபர்கள் திருடிச் சென்றனர்.
வேட்டவலத்தை அடுத்துள்ள ராஜந்தாங்கல் கிராமத்தைச் சேர்ந்தவர் ராமநாதன் மகன் சேகர் (63). ஓய்வு பெற்ற கால்நடை மருத்துவர். இவர் தனது குடும்பத்தினருடன் விருத்தாச்சலத்துக்கு வியாழக்கிழமை சென்றார். 
மீண்டும் வெள்ளிக்கிழமை அதிகாலை சேகர் வீடு திரும்பினார்.
அப்போது, வீட்டின் முன்புறக் கதவு உடைக்கப்பட்டிருந்தது. உள்ளே சென்று பார்த்த போது, பீரோவும் உடைக்கப்பட்டு அதிலிருந்த 70 பவுன் தங்க நகைகள், 2 கிலோ வெள்ளிப் பொருள்கள், ரூ.60 ஆயிரம் ரொக்கம் ஆகியவை திருடப்பட்டு இருந்தது தெரிய வந்தது.
இதுகுறித்து வேட்டவலம் போலீஸாருக்கு தகவல் தெரிவிக்கப்பட்டது. 
காவல் உதவி கண்காணிப்பாளர் ரவாளி பிரியா, வேட்டவலம் காவல் நிலைய ஆய்வாளர் செந்தில், உதவி ஆய்வாளர்கள் சேகர், வீரமணி மற்றும் போலீஸார் திருட்டு நடைபெற்ற வீட்டுக்கு வந்து விசாரணை நடத்தினர்.
விசாரணையில், நள்ளிரவில் வீட்டின் பூட்டை உடைத்து உள்ளே புகுந்த மர்ம நபர்கள், வீட்டை உள் பக்கமாக பூட்டிவிட்டு, நகைகளை திருடிக் கொண்டு வீட்டின் பின்புறம் உள்ள விவசாய நிலத்தின் வழியாக தப்பிச் சென்றது தெரிய வந்தது. இதுகுறித்து வேட்டவலம் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-chennai/tiruvannamalai/2018/jan/20/ஓய்வு-பெற்ற-கால்நடை-மருத்துவர்-வீட்டில்-70-பவுன்-நகைகள்-திருட்டு-2847474.html
2847114 சென்னை திருவண்ணாமலை பெண்ணுக்கு பாலியல் தொந்தரவு: இளைஞர் கைது DIN DIN Friday, January 19, 2018 08:46 AM +0530 திருவண்ணாமலை அருகே பெண்ணுக்கு பாலியல் தொந்தரவு அளித்ததாக இளைஞரை போலீஸார் கைது செய்தனர்.
திருவண்ணாமலை அருகே உள்ள ஒரு கிராமத்தைச் சேர்ந்த சற்று மனுநிலை பாதிக்கப்பட்ட 16 வயது பெண் புதன்கிழமை வீட்டில் தனியாக இருந்தாராம். அப்போது, அங்கு வந்த அத கிராமத்தைச் சேர்ந்த மணிகண்டன் (27), அந்தப் பெண்ணுக்கு பாலியல் தொந்தரவு அளித்தாராம்.
இதுகுறித்து பெண்ணின் பெற்றோர் அளித்த புகாரின்பேரில் 
திருவண்ணாமலை அனைத்து மகளிர் போலீஸார் வழக்குப் பதிந்து, மணிகண்டனை கைது செய்தனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/பெண்ணுக்கு-பாலியல்-தொந்தரவு-இளைஞர்-கைது-2847114.html
2847113 சென்னை திருவண்ணாமலை தூக்கிட்ட நிலையில் பெண் சடலமாக மீட்பு DIN DIN Friday, January 19, 2018 08:45 AM +0530 செங்கம் அருகே வனப் பகுதியில் தூக்கிட்ட நிலையில் பெண் சடலமாக மீட்கப்பட்டார்.
செங்கத்தை அடுத்த புதுப்பாளையம் வனப் பகுதியில் பெண் தூக்கிட்ட நிலையில் சடலமாகக் கிடப்பதாக புதுப்பாளையம் போலீஸாருக்கு தகவல் கிடைத்தது. அதன்பேரில், சம்பவ இடத்துக்குச் சென்ற போலீஸார், பெண்ணின் சடலத்தை மீட்டு செங்கம் அரசு மருத்துவமனைக்கு உடல்கூறு பரிசோதனைக்காக அனுப்பி வைத்தனர்.
மேலும், இது தொடர்பாக போலீஸார் நடத்திய விசாரணையில், உயிரிழந்த பெண் செங்கம் தளவாநாய்க்கன்பேட்டை, காமராஜ் நகரைச் சேர்ந்த மலர் (45) என்பது தெரியவந்தது. கணவரை விட்டுப் பிரிந்த இவர், கடந்த 7 ஆண்டுகாலமாக தளவாநாய்க்கன்பேட்டையில் தனியாக வசிந்து வந்ததாகத் தெரிகிறது.
இதனிடையே, கடந்த 6 மாதங்களாக புதூர் மாரியம்மன் கோயிலில் தங்கி அங்கு வழங்கப்படும் உணவை சாப்பிட்டுவிட்டு அங்கேயே இருந்துள்ளார். இந்த நிலையில், மனமுடைந்த நிலையில் காணப்பட்ட மலர், கடந்த 3 நாள்களுக்கு முன்பு வனப் பகுதியில் தூக்கிட்டு தற்கொலை செய்து கொண்டதாகக் கூறப்படுகிறது. 
இதுகுறித்து புதுப்பாளையம் போலீஸார் வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-chennai/tiruvannamalai/2018/jan/19/தூக்கிட்ட-நிலையில்-பெண்-சடலமாக-மீட்பு-2847113.html
2847112 சென்னை திருவண்ணாமலை ஆரணி பகுதியில் 2 நாள்கள் மின் தடை DIN DIN Friday, January 19, 2018 08:45 AM +0530 ஆரணி துணை மின் நிலையத்தில் சனி, ஞாயிற்றுக்கிழமைகளில் அவசர அத்தியாவசிய பராமரிப்புப் பணிகள் மேற்கொள்ளப்பட இருப்பதால், 2 நாள்களிலும் ஆரணி சுற்றுவட்டார கிராமங்களில் மின் தடை செய்யப்படுவதாக மின்வாரிய செயற்பொறியாளர் பி.குமார் தெரிவித்தார்.
இதையொட்டி, ஆரணி நகரம், எஸ்.வி.நகரம், மேல்சீசமங்கலம், சேவூர், பாலம்பாக்கம், விண்ணமங்கலம், குண்ணத்தூர், பெரியகொழப்பலூர், திருமணி, இரும்பேடு மற்றும் சுற்றுப் பகுதிகளில் சனி, ஞாயிற்றுக்கிழமைகளில் காலை 9 மணி முதல் மாலை 5 மணி வரை மின்சாரம் தடை செய்யப்படுவதாக பி.குமார் மேலும் தெரிவித்தார்.

]]>
http://www.dinamani.com/all-editions/edition-chennai/tiruvannamalai/2018/jan/19/ஆரணி-பகுதியில்-2-நாள்கள்-மின்-தடை-2847112.html
2847111 சென்னை திருவண்ணாமலை போட்டித் தேர்வுகளுக்கு இலவச கணினிப் பயிற்சி அளிக்கும் மையம் DIN DIN Friday, January 19, 2018 08:45 AM +0530 திருவண்ணாமலை மாவட்ட இளைஞர்கள், இளம் பெண்கள்  போட்டித் தேர்வுகளுக்கு இலவச கணினிப் பயிற்சி பெறும் வகையில், திமுக சார்பில் அமைக்கப்பட்ட தளபதி கணினி மையத்தை எ.வ.வேலு எம்எல்ஏ அண்மையில் திறந்து வைத்தார்.
திருவண்ணாமலை, பெரிய தெருவில் அமைக்கப்பட்ட இந்த கணினி மையத் திறப்பு விழா அண்மையில் நடைபெற்றது. திருவண்ணாமலை தெற்கு மாவட்ட திமுக பொறியாளர் அணி சார்பில் நடைபெற்ற இந்த விழாவுக்கு மாநில பொறியாளர் அணி துணைச் செயலர் கு.கருணாநிதி தலைமை வகித்தார்.
மாவட்ட துணை அமைப்பாளர்கள் மு.தினேஷ்பாபு, பி.கே.ஏ.அருண், அ.மோகன்ராஜ் ஆகியோர் முன்னிலை வகித்தனர். மாவட்டப் பொறியாளர் அணி அமைப்பாளர் பொன்.முத்து வரவேற்றார். மாநில பொறியாளர் அணி துணைச் செயலர் மு.சண்முகசுந்தரம் கலந்து கொண்டார்.
தளபதி கணினி மையத்தை திமுக உயர்நிலை செயல்திட்டக் குழு உறுப்பினரும், திருவண்ணாமலை தொகுதி எம்எல்ஏவுமான எ.வ.வேலு திறந்து வைத்துப் பேசினார்.
விழாவில், திமுக மாவட்ட துணைச் செயலர் சாவல்பூண்டி மா.சுந்தரேசன், தலைமைச் செயற்குழு உறுப்பினர் இரா.ஸ்ரீதரன், செங்கம் எம்எல்ஏ மு.பெ.கிரி, நகரச் செயலர் ப.கார்த்திவேல்மாறன், மருத்துவர் எ.வ.வே.கம்பன், மாவட்ட அமைப்பாளர்கள் டி.வி.எம்.நேரு, இரா.ஜீவானந்தம், திருவண்ணாமலை நகராட்சி குழுத் தலைவர் குட்டி க.புகழேந்தி, அனைத்து அமைப்புசாரா தொழிற்சங்கங்களின் மாவட்டத் தலைவர் ஏ.ஏ.ஆறுமுகம், மாவட்டப் பொறியாளர் அணி துணை அமைப்பாளர் சி.ராம்காந்த் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/போட்டித்-தேர்வுகளுக்கு-இலவச-கணினிப்-பயிற்சி-அளிக்கும்-மையம்-2847111.html
2847110 சென்னை திருவண்ணாமலை வாக்காளர் விழிப்புணர்வு முகாம் DIN DIN Friday, January 19, 2018 08:44 AM +0530 வேட்டவலம் அரசு ஆண்கள் மேல்நிலைப் பள்ளியில் தேசிய வாக்காளர் விழிப்புணர்வு முகாம் வியாழக்கிழமை நடைபெற்றது.
நிகழ்ச்சிக்கு வருவாய் ஆய்வாளர் பர்வீன்பானு தலைமை வகித்தார். பள்ளித் தலைமை ஆசிரியர் சாமிக்கண்ணு முன்னிலை வகித்தார். முகாமில், வாக்களிக்கும் வயது, வாக்காளர் பட்டியலில் பெயர் சேர்ப்பதற்கான வழிமுறைகள், வாக்களிக்கும் முறை, மக்கள் பிரதிநிதிகளை தேர்ந்தெடுப்பதன் நோக்கம் குறித்து மாணவர்களுக்கு விளக்கப்பட்டது.
மேலும், தங்கள் பெற்றோர், உறவினர்களிடம் வாக்குரிமை குறித்த விழிப்புணர்வை ஏற்படுத்த வேண்டும் என்று மாணவர்களுக்கு அறிவுரை வழங்கப்பட்டது.
இதில், இந்தப் பள்ளியில் 6 முதல் 8-ஆம் வகுப்பு வரை பயிலும் 200-க்கும் மேற்பட்ட மாணவ, மாணவிகள் கலந்து கொண்டு பயன்பெற்றனர்.
முகாமில், கிராம நிர்வாக அலுவலர் ஏங்கல்ஸ் பிரபு, உதவித் தலைமை ஆசிரியர் செந்தில், முதுநிலை ஆசிரியர் தமிழரசன், பட்டதாரி ஆசிரியர் இளையராஜா மற்றும் மாணவர்கள் பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/19/வாக்காளர்-விழிப்புணர்வு-முகாம்-2847110.html
2847109 சென்னை திருவண்ணாமலை எம்ஜிஆர்  பிறந்த நாள் விழா DIN DIN Friday, January 19, 2018 08:44 AM +0530 கீழ்பென்னாத்தூரை அடுத்த மேக்களூர் கிராமத்தில் தேமுதிக சார்பில் எம்ஜிஆர் பிறந்த நாள் விழா புதன்கிழமை கொண்டாடப்பட்டது.
மேக்களூர் பேருந்து நிறுத்தப் பகுதியில் நடைபெற்ற இந்த விழாவுக்கு கீழ்பென்னாத்தூர் ஒன்றிய தேமுதிக பொருளாளர் எம்.கே.குமார் தலைமை வகித்தார். மாவட்டப் பிரதிநிதி ரங்கராஜ், ஊராட்சிச் செலர் தட்சிணாமூர்த்தி, கிளைச் செயலர் சிவக்குமார் ஆகியோர் முன்னிலை வகித்தனர்.
அலங்கரிக்கப்பட்ட எம்ஜிஆர் படத்துக்கு மாலை அணிவித்து, மரியாதை செலுத்தப்பட்டது. நிகழ்ச்சியில் தேமுதிக கிளைக் கழக நிர்வாகிகள் அஜித், குள்ளு, நடராஜ் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/எம்ஜிஆர்-பிறந்த-நாள்-விழா-2847109.html
2847108 சென்னை திருவண்ணாமலை செங்கத்தில் நிகழும் தொடர் விபத்துகள்: நெடுஞ்சாலைத் துறை நடவடிக்கை எடுக்குமா? DIN DIN Friday, January 19, 2018 08:44 AM +0530 செங்கத்தில் நிகழும் தொடர் விபத்துகளைத் தடுக்க நெடுஞ்சாலைத் துறை நடவடிக்கை எடுக்க வேண்டும் என அந்த நகர மக்கள் எதிர்பார்க்கின்றனர்.
செங்கம் புதிய பேருந்து நிலையம் முதல் போளூர் சாலை மேம்பாலம் வரை கடந்தாண்டு சாலையின் நடுவில் நெடுஞ்சாலைத் துறை மூலம் தடுப்புச் சுவர் அமைக்கப்பட்டது. இந்த தடுப்புச் சுவர் முறையாக வெள்ளை அடிக்காமலும், சிகப்பு நிற விளக்குகள் அமைக்கப்படாமலும் உள்ளது.
இதனால் செங்கம் நகருக்குள் இரவு நேரங்களில் வாகனங்களை ஓட்டி வருபவர்களுக்கு சாலையில் அமைக்கப்பட்டுள்ள தடுப்புச் சுவர் தெரியாமல் அதில் மோதி லாரி உள்ளிட்ட வாகனங்கள் விபத்துகளைச் சந்திக்கின்றன. விபத்து நிகழ்ந்த பின்னர் விபத்துக்குள்ளான வாகனத்தை அப்புறப்படுத்தும் வரை அந்தப் பகுதியில் கடும் போக்குவரத்து நெரிசல் ஏற்பட்டு, செங்கம் நகர மக்கள் மிகவும் சிரமத்துக்குள்ளாகின்றனர். குறிப்பாக தடுப்புச் சுவர் அமைக்கப்பட்ட ஓராண்டில் மட்டும் இதுவரை நான்கு விபத்துகள் நிகழ்ந்துள்ளன. 
எனவே, செங்கம் நகருக்குள் இரவு நேரங்களில் வாகனங்களை ஓட்டி வருபவர்களுக்கு தடுப்புச் சுவர் இருப்பது தெரியும் வகையில், எச்சரிக்கை பலகைகள் அமைக்கவும், சுவர்களில் வெள்ளை அடிப்பதுடன், சிகப்பு நிற ஒளிரும் விளக்குகள் அமைக்கவும் நெடுஞ்சாலைத் துறை அதிகாரிகள் நடவடிக்கை எடுக்க வேண்டும் 
என செங்கம் நகர மக்கள் எதிர்பார்க்கின்றனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/செங்கத்தில்-நிகழும்-தொடர்-விபத்துகள்-நெடுஞ்சாலைத்-துறை-நடவடிக்கை-எடுக்குமா-2847108.html
2847107 சென்னை திருவண்ணாமலை இரு சக்கர வாகனத்தில் இருந்து கீழே விழுந்த பெண் சாவு DIN DIN Friday, January 19, 2018 08:43 AM +0530 போளூர் அருகே புதன்கிழமை இரு சக்கர வாகனத்தில் இருந்து கீழே விழுந்த பெண் உயிரிழந்தார்.
போளூரை அடுத்த  எள்ளூபாறை கிராமத்தைச் சேர்ந்தவர் காளிதாசன். இவர், தனது மனைவி காந்தாவுடன் (35) இரு சக்கர வாகனத்தில் போளூர் - செங்கம் சாலையில் போளூர் நோக்கி வந்துகொண்டிருந்தார்.
போளூரை அடுத்த கீழ்தாங்கல் கிராமம் அருகே வந்தபோது, முன்னால் சென்ற வாகனத்தை முந்திச் செல்ல காளிதாசன் முயன்றார். அப்போது, எதிர்பாராதவிதமாக இரு சக்கர வாகனத்தில் இருந்து கீழே விழுந்த காந்தா, தலையில் பலத்த காயமடைந்தார். பின்னர், போளூர் அரசு மருத்துவமனைக்கு காந்தா கொண்டு செல்லப்பட்ட நிலையில், அங்கு அவரை பரிசோதித்த மருத்துவர்கள், அவர் ஏற்கெனவே இறந்துவிட்டதாகத் தெரிவித்தனர். 
இதுகுறித்து போளூர் போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/இரு-சக்கர-வாகனத்தில்-இருந்து-கீழே-விழுந்த-பெண்-சாவு-2847107.html
2847106 சென்னை திருவண்ணாமலை ஆடு திருட்டு: 3 இளைஞர்கள் கைது DIN DIN Friday, January 19, 2018 08:43 AM +0530 ஆரணியில் ஆட்டை திருடிச் சென்றதாக 3 இளைஞர்களை போலீஸார் வியாழக்கிழமை கைது செய்தனர்.
ஆரணி தாதாசாகிப் தெருவைச் சேர்ந்தவர் அஸ்லம்பாஷா. இவர், தனக்குச் சொந்தமான ஆட்டை வீட்டுக்கு வெளியே புதன்கிழமை கட்டி வைத்திருந்தார். இந்த ஆட்டை மோட்டார் சைக்கிளில் வந்த 3 இளைஞர்கள் அவிழ்த்துள்ளனர்.
இதனைப் பார்த்த பொதுமக்கள் கூச்சலிட்ட நிலையில், மோட்டார் சைக்கிளில் வந்த 3 பேரும் ஆட்டுடன் தப்பிச் சென்றனர். இதையடுத்து, அந்தப் பகுதிகளில் இருந்த கண்காணிப்பு கேமராக்கள் மூலம் ஆட்டை திருடிச் சென்ற 3 பேரையும் ஆரணி நகர போலீஸார் அடையாளம் கண்டறிந்தனர்.
இந்த நிலையில், ஆட்டை திருடிச் சென்ற பையூரைச் சேர்ந்த கார்த்தி (23), ஆரணி பள்ளிக்கூடத் தெருவைச் சேர்ந்த ராஜசிம்மம் (25), மலையாம்பட்டு விஜி என்ற விஜயகுமார் (24) ஆகியோரை போலீஸார் வியாழக்கிழமை கைது செய்தனர். 
மேலும், திருடிச் செல்லப்பட்ட ஆட்டையும், ஆட்டை திருட பயன்படுத்தப்பட்ட மோட்டார் சைக்கிளையும் போலீஸார் பறிமுதல் செய்தனர்.

]]>
http://www.dinamani.com/all-editions/edition-chennai/tiruvannamalai/2018/jan/19/ஆடு-திருட்டு-3-இளைஞர்கள்-கைது-2847106.html
2847105 சென்னை திருவண்ணாமலை ஹஜ் மானியம் ரத்து: காங்கிரஸ் ஆர்ப்பாட்டம் DIN DIN Friday, January 19, 2018 08:43 AM +0530 ஹஜ் பயணத்துக்கான மானியத்தை ரத்து செய்த மத்திய அரசைக் கண்டித்து, ஆரணியில் காங்கிரஸ் கட்சியினர் வியாழக்கிழமை ஆர்ப்பாட்டத்தில் ஈடுபட்டனர்.
ஆரணி பழைய பேருந்து நிலையம் அருகில் நடைபெற்ற இந்த ஆர்ப்பாட்டத்துக்கு காங்கிரஸ் கட்சியின் மாவட்டத் தலைவர் வி.பி.அண்ணாமலை தலைமை வகித்தார். இதில், மாவட்ட துணைத் தலைவர் அருணகிரி, முன்னாள் எம்எல்ஏ டி.பி.ஜெ.ராஜாபாபு, பொதுக்குழு உறுப்பினர் அசோக்குமார், மாவட்டப் பொருளாளர் எஸ்.பிரசாத், முன்னாள் மாவட்டக் கவுன்சிலர் அ.பழனி, எஸ்.சி, எஸ்.டி பிரிவு மாவட்டத் தலைவர் தெள்ளூர் சேகர், நிர்வாகிகள் குருராஜாராவ், ஷ்யாம், இராமலிங்கம், செளகத்பாஷா, யூனிஸ்கான், இரவி உள்ளிட்ட பலர் கலந்து கொண்டனர். ஆர்ப்பட்டத்தின்போது, முஸ்லிம்களின் ஹஜ் புனித பயணத்துக்கான மானியத்தை ரத்து செய்த மத்திய அரசைக் கண்டித்து முழக்கங்களை எழுப்பினர்.

]]>
http://www.dinamani.com/all-editions/edition-chennai/tiruvannamalai/2018/jan/19/ஹஜ்-மானியம்-ரத்து-காங்கிரஸ்-ஆர்ப்பாட்டம்-2847105.html
2847104 சென்னை திருவண்ணாமலை சென்னை புத்தகக் கண்காட்சிக்கு பள்ளி ஆசிரியர்களை இலவசமாக அழைத்துச் செல்ல ஏற்பாடு DIN DIN Friday, January 19, 2018 08:43 AM +0530 சென்னையில் நடைபெறும் 41-ஆவது புத்தகக் கண்காட்சிக்கு திருவண்ணாமலை மாவட்ட பள்ளித் தலைமை ஆசிரியர்கள், ஆசிரியர்களை இலவசமாக அழைத்துச் செல்ல ஏற்பாடு செய்யப்பட்டுள்ளதாக மாவட்ட முதன்மைக் கல்வி அலுவலர் வெ.ஜெயக்குமார் தெரிவித்தார்.
இதுகுறித்து அவர் வெளியிட்ட செய்திக் குறிப்பு: திருவண்ணாமலை மாவட்ட அனைத்து அரசு அலுவலர்கள், ஆசிரியர்கள், மாணவ, மாணவிகளின் இல்லங்களில் இல்லந்தோறும் நூலகம் அமைக்கவும், நூலகம் அமைக்க ஊக்குவிக்கவும் பல்வேறு வாய்ப்புகளை மாவட்ட நிர்வாகமும், மாவட்ட கல்வித் துறையும் ஏற்படுத்தி கொடுத்து வருகிறது.
இந்த நிலையில், சென்னை, அமிஞ்சிகரை, பச்சையப்பன் கல்லூரிக்கு எதிரே உள்ள செயின்ட் ஜார்ஜ் ஆங்லோ இந்தியன் மேல்நிலைப் பள்ளியில் அரசு சார்பில் 41-ஆவது புத்தகக் கண்காட்சி கடந்த 10-ஆம் தேதி முதல் நடைபெற்று வருகிறது. இந்தக் கண்காட்சியில் 700-க்கும் மேற்பட்ட புத்தக அரங்குகள் அமைக்கப்பட்டு நாம் படிக்க வேண்டிய பல்வேறு அரிய புத்தகங்கள் வைக்கப்பட்டுள்ளன.
அனைத்து புத்தகங்களுக்கும் 10 சதவீத தள்ளுபடியும் வழங்கப்படுகிறது. இந்தக் கண்காட்சியை திருவண்ணாமலை மாவட்ட பள்ளித் தலைமை ஆசிரியர்கள் பார்வையிடவும், அதிகப்படியான புத்தகங்களை வாங்கவும் வழிவகை செய்யும் நோக்கில் வரும் 21-ஆம் தேதி பள்ளித் தலைமை ஆசிரியர்கள், ஆசிரியர்களை இலவசமாக கண்காட்சிக்கு (புத்தகக் கண்காட்சி சுற்றுலா) அழைத்துச் செல்ல ஏற்பாடு செய்யப்பட்டுள்ளது.
எனவே, திருவண்ணாமலை வருவாய் மாவட்டத்தில் பள்ளிக் கல்வித் துறையில் பணிபுரியும் தலைமை ஆசிரியர்கள், இருபால் ஆசிரியர்கள், அலுவலக ஊழியர்கள் தங்களின் பள்ளி மின் அஞ்சலில் அனுப்பப்பட்டுள்ள படிவத்தில் தலைமை ஆசிரியர்களிடம் பெயர் பதிவு செய்து கொள்ள வேண்டும்.
இந்த புத்தகக் கண்காட்சியைப் பார்க்கவும், அதிகப்படியான புத்தகங்கள் வாங்கிப் பயன்பெறவும் அனைத்து ஆசிரியர்கள், அலுவலக ஊழியர்களுக்கு உரிய அறிவுரைகளை அந்தந்த பள்ளித் தலைமை ஆசிரியர்கள் வழங்க வேண்டும்  என்று மாவட்ட முதன்மைக் கல்வி அலுவலர் வெ.ஜெயக்குமார் தெரிவித்துள்ளார்.

]]>
http://www.dinamani.com/all-editions/edition-chennai/tiruvannamalai/2018/jan/19/சென்னை-புத்தகக்-கண்காட்சிக்கு-பள்ளி-ஆசிரியர்களைஇலவசமாக-அழைத்துச்-செல்ல-ஏற்பாடு-2847104.html
2847103 சென்னை திருவண்ணாமலை தீர்த்தவாரிக்கு புறப்பட்ட சுவாமியை  வழிநெடுகிலும் வழிபட்ட மக்கள் DIN DIN Friday, January 19, 2018 08:42 AM +0530 விழுப்புரம் மாவட்டம், மணலூர்பேட்டையில் வியாழக்கிழமை நடைபெற்ற தீர்த்தவாரியில் பங்கேற்க திருவண்ணாமலையில் இருந்து சென்ற ஸ்ரீசந்திரசேகரரை வழி நெடுகிலும் திரளான பக்தர்கள் வழிபட்டனர்.
ஒவ்வோர் ஆண்டும் தை மாதம் 5-ஆம் தேதி விழுப்புரம் மாவட்டம், மணலூர்பேட்டையில் உள்ள தென்பெண்ணை ஆற்றில் தீர்த்தவாரி நடைபெறுவது வழக்கம். அதன்படி, வியாழக்கிழமை தீர்த்தவாரி நடைபெற்றது. இதில் பங்கேற்க வியாழக்கிழமை அதிகாலை திருவண்ணாமலை ஸ்ரீஅருணாசலேஸ்வரர் கோயிலில் இருந்து உற்சவர் ஸ்ரீசந்திரசேகரர் புறப்பட்டுச் சென்றார்.
மணலூர்பேட்டை வரையில் வழிநெடுகிலும் ஏராளமான பக்தர்கள் திரண்டு ஸ்ரீசந்திரசேகரரை வழிபட்டனர். பின்னர், தென்பெண்ணை ஆற்றில் நடைபெற்ற தீர்த்தவாரியில் மணலூர்பேட்டை ஸ்ரீவிநாயகர், ஸ்ரீமாரியம்மன், ஸ்ரீசெல்லியம்மன், ஸ்ரீமுத்துமாரியம்மன், ஸ்ரீசிவகாம சுந்தரி சமேத அகத்தீஸ்வரர் உள்ளிட்ட உற்சவ மூர்த்திகளுடன் திருவண்ணாமலை ஸ்ரீசந்திரசேகரரும் கலந்து கொண்டார்.
இந்த தீர்த்தவாரியில் திருவண்ணாமலை, விழுப்புரம் மாவட்டங்களைச் சேர்ந்த திரளான பக்தர்கள் கலந்து கொண்டனர். மணலூர்பேட்டை, தென்பெண்ணை ஆற்றில் இருந்து ஸ்ரீசந்திரசேகரர் வெள்ளிக்கிழமை திருவண்ணாமலை கோயிலுக்கு வந்தடைகிறார்.
 

]]>
http://www.dinamani.com/all-editions/edition-chennai/tiruvannamalai/2018/jan/19/தீர்த்தவாரிக்கு-புறப்பட்ட-சுவாமியை-வழிநெடுகிலும்-வழிபட்ட-மக்கள்-2847103.html
2847102 சென்னை திருவண்ணாமலை மாணவர்கள் வாய்ப்புகளை பயன்படுத்திக்கொள்ள வேண்டும்: மாவட்ட ஆட்சியர் அறிவுரை DIN DIN Friday, January 19, 2018 08:42 AM +0530 காலம், நேரம், வாய்ப்புகளை முறையாகப் பயன்படுத்திக்கொள்ள வேண்டும் என்று கல்லூரி மாணவ, மாணவிகளுக்கு மாவட்ட ஆட்சியர் கே.எஸ்.கந்தசாமி அறிவுரை வழங்கினார்.
திருவண்ணாமலை மாவட்ட வேலைவாய்ப்பு அலுவலகம், திருவண்ணாமலை அரசு கலை, அறிவியல் கல்லூரி இணைந்து தொழில்நெறி வழிகாட்டும் கண்காட்சி, கருத்தரங்கை வியாழக்கிழமை நடத்தின.
நிகழ்ச்சிக்கு கல்லூரி முதல்வர் மு.சின்னையா தலைமை வகித்தார். வேலைவாய்ப்புத் துறை துணை இயக்குநர் மு.சந்திரன் முன்னிலை வகித்தார். மாவட்ட வேலைவாய்ப்பு அலுவலர் க.விஜயா வரவேற்றார்.
மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு கண்காட்சி, கருத்தரங்கை தொடக்கி வைத்துப் பேசியதாவது:
கல்லூரி மாணவ, மாணவிகளாகிய நீங்கள் உங்களது வாழ்க்கையில் மாற்றத்தைக் கொண்டுவர வேண்டும். இதற்காக நீங்கள் கடுமையாக உழைப்பது அவசியம்.
காலம், நேரம், வாய்ப்புகளை முறையாகப் பயன்படுத்திக்கொள்ள வேண்டும். தவறவிட்ட பிறகு வருத்தப்படக் கூடாது. வாழ்க்கையில் வெற்றி பெறவும், உங்களது திறமையை வெளிப்படுத்தவும் சிறந்த வயதும், தருணமும் இதுதான் என்றார்.
தொடர்ந்து, கட்டுரை, பேச்சுப் போட்டிகளில் வென்ற மாணவ, மாணவிகளுக்கு மாவட்ட ஆட்சியர் கே.எஸ்.கந்தசாமி பரிசுகள் வழங்கினார். முன்னதாக, போட்டித் தேர்வுகளில் எளிதில் வெற்றி பெறுவது எப்படி என்பது குறித்தும், ராணுவத்தில் குவிந்து கிடக்கும் வேலைவாய்ப்புகள் குறித்தும் மாணவ, மாணவிகளுக்கு துணை ஆட்சியர் (பயிற்சி) சுரேஷ் விளக்கினார்.
இளைஞர்கள் சுயதொழில் தொடங்கி தங்களது வாழ்க்கையை மேம்படுத்திக்கொள்வது எப்படி என்பது குறித்து மாவட்ட தொழில் மைய பொது மேலாளர் ஜி.சிதம்பரம், தொழில் திறன், மாணவர்களின் திறனை வெளிக்கொணர்தல் குறித்து ரமண மகரிஷி ரங்கம்மாள் மருத்துவமனை துணை இயக்குநர் பி.விஜயன் ஆகியோர் பேசினர்.
இதில், இளநிலை வேலைவாய்ப்பு அலுவலர் தெ.காஞ்சனா மற்றும் பேராசிரியர்கள், மாணவ, மாணவிகள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/மாணவர்கள்-வாய்ப்புகளை-பயன்படுத்திக்கொள்ள-வேண்டும்-மாவட்ட-ஆட்சியர்-அறிவுரை-2847102.html
2847101 சென்னை திருவண்ணாமலை ஜனவரி 20 மின் தடை DIN DIN Friday, January 19, 2018 08:42 AM +0530 திருவண்ணாமலை
நேரம்: காலை 9 மணி முதல் மாலை 5 மணி வரை.
பகுதிகள்: திருவண்ணாமலை, வேங்கிக்கால், ஊசாம்பாடி, ஆடையூர், அடி அண்ணாமலை, தேவனந்தல், கீழ்நாச்சிப்பட்டு, நொச்சிமலை, மலப்பாம்பாடி, வள்ளிவாகை, வட ஆண்டாப்பட்டு, கிளியாப்பட்டு, சானானந்தல், குன்னியந்தல், களஸ்தம்பாடி, சடையனோடை, குன்னுமுறிஞ்சி, சேரியந்தல் மற்றும் அதைச் சுற்றியுள்ள பகுதிகள்.
 

]]>
http://www.dinamani.com/all-editions/edition-chennai/tiruvannamalai/2018/jan/19/ஜனவரி-20-மின்-தடை-2847101.html
2847100 சென்னை திருவண்ணாமலை கலைக் குழுவினருக்கு விருது அளிப்பு DIN DIN Friday, January 19, 2018 08:41 AM +0530 செங்கத்தை அடுத்த புதியகுயிலம் கிராமத்தில் அம்பேத்கர் கலைக் குழுவினருக்கு எம்எல்ஏ மு.பெ.கிரி புதன்கிழமை விருது வழங்கினார்.
புதியகுயிலம் கிராமத்தில் அம்பேத்கர் கலைக் குழு சார்பில் ஆண்டுதோறும் பொங்கல் பண்டிகை அன்று கலை நிகழ்ச்சிகள் நடத்தப்படும். இந்த நிலையில், அந்தக் கலைக் குழுவின் 25-ஆம் ஆண்டு வெள்ளி விழா நிகழ்ச்சி புதன்கிழமை நடைபெற்றது.
இதில், கலைக் குழுவினருக்கு விருதுகள் வழங்கும் நிகழ்ச்சி நடைபெற்றது. நிகழ்ச்சியில் செங்கம் தொகுதி எம்எல்ஏ மு.பெ.கிரி, ராமகிருஷ்ணா அறக்கட்டளைத் தலைவர்  எஸ்.பாண்டுரங்கன் ஆகியோர் கலந்து கொண்டு, கலைக்குழுவைச் சேர்ந்த செல்வம், ராகுலன் உள்ளிட்டோருக்கு விருதுகளை வழங்கி வாழ்த்திப் பேசினர்.
தொடர்ந்து, முன்னாள் மாவட்டக் கவுன்சிலர் காசி, குயிலம் ஊராட்சி முன்னாள் தலைவர் பாண்டியன், காவல் ஆய்வாளர் கர்ணன், கலைக்குழுவைச் சேர்ந்த குயிலம்சிவா, முருகன், பானுதுரை, தமிழரசன் ஆகியோர் கலைக்குழுவினருக்கு வாழ்த்துகளை தெரிவித்துப் பேசினர்.
நிகழ்ச்சியில் கலைக்குழுவினர், ஊர் முக்கியப் பிரமுகர்கள், பொதுமக்கள் பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/கலைக்-குழுவினருக்கு-விருது-அளிப்பு-2847100.html
2847099 சென்னை திருவண்ணாமலை அதிக பாரம் ஏற்றிச் செல்லும் வாகனங்களால் விபத்து நிகழும் அபாயம் DIN DIN Friday, January 19, 2018 08:41 AM +0530 போளூர் - சேத்துப்பட்டு சாலையில் அளவுக்கு அதிகமாக வைக்கோல் பாரம் ஏற்றிச் செல்லும் வாகனங்களால் விபத்துகள் நிகழும் அபாயம் ஏற்பட்டுள்ளது. எனவே, இதுபோன்ற வாகனங்களை போக்குவரத்து போலீஸார் கண்காணித்து நடவடிக்கை எடுக்க வேண்டும் என வாகன ஓட்டிகளும், பாதசாரிகளும் கோரிக்கை விடுத்துள்ளனர்.
திருவண்ணாமலை மாவட்டத்தில் கடந்த நவம்பர், டிசம்பர் மாதங்களில் பருவ மழை போதிய அளவில் பெய்ததால், போளூர், சேத்துப்பட்டு, வந்தவாசி, செய்யாறு உள்ளிட்ட பகுதிகளில் விவசாயிகள் சம்பா நெல் பயிரிட்டிருந்தனர்.
தற்போது இந்த நெல் பயிர்களை விவசாயிகள் அறுவடை செய்து வரும் நிலையில், அதிலிருந்து கிடைக்கும் வைக்கோலை விற்பனை செய்கின்றனர். இந்த வைக்கோலை செங்கம், ஊத்தங்கரை பகுதிகளைச் சேர்ந்த விவசாயிகள், வியாபாரிகள் வாங்கி, போளூர்-சேத்துப்பட்டு சாலையில் வாகனங்களில் அளவுக்கு அதிகமாக ஏற்றிச் செல்கின்றனர்.
இதனால் வைக்கோல் ஏற்றிச் செல்லப்படும் வாகனங்களை மற்ற வாகனங்கள் முந்திச் செல்ல முயற்சிக்கும் போது, எதிரே வரும் வாகனம் தெரியாமல் விபத்துகள் நிகழ்கின்றன. மேலும், இந்த வாகனங்களால் போக்குவரத்து நெரிசலும் ஏற்படுகின்றன.
வைக்கோலை மூடி எடுத்துச் செல்லாமல் அப்படியே கொண்டு செல்வதால் சாலையில் செல்லும்  இரு சக்கர வாகன ஓட்டிகள் கடும் அவதிக்குள்ளாகின்றனர்.
எனவே, போளூர் - சேத்துப்பட்டு சாலையில் அளவுக்கு அதிகமாக வைக்கோல் ஏற்றிச் செல்லும் வாகனங்களை போக்குவரத்து போலீஸார் கண்காணித்து நடவடிக்கை எடுக்க வேண்டும் என வாகன ஓட்டிகளும், பாதசாரிகளும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-chennai/tiruvannamalai/2018/jan/19/அதிக-பாரம்-ஏற்றிச்-செல்லும்-வாகனங்களால்-விபத்து-நிகழும்-அபாயம்-2847099.html
2847098 சென்னை திருவண்ணாமலை 5 அம்சக் கோரிக்கைகளை வலியுறுத்தி பட்டதாரி ஆசிரியர்கள் ஆர்ப்பாட்டம் DIN DIN Friday, January 19, 2018 08:40 AM +0530 பட்டதாரி ஆசிரியர்களுக்கான பணியிட மாறுதல் கலந்தாய்வு நடத்த வேண்டும் என்பன உள்பட 5 அம்சக் கோரிக்கைகளை வலியுறுத்தி, திருவண்ணாமலையில் வியாழக்கிழமை பட்டதாரி ஆசிரியர்கள் ஆர்ப்பாட்டத்தில் ஈடுபட்டனர்.
தமிழ்நாடு அனைத்து வளமைய பட்டதாரி ஆசிரியர் முன்னேற்றச் சங்கம் சார்பில், மாவட்ட முதன்மைக் கல்வி அலுவலர் அலுவலகம் எதிரே இந்த ஆர்ப்பாட்டம் நடைபெற்றது.
ஆர்ப்பாட்டத்துக்கு சங்கத்தின் மாவட்டச் செயலர் ஆர்.ஜெயப்பிரகாஷ் தலைமை வகித்தார். மாவட்ட துணைத் தலைவர் திருமலை, மாவட்ட மகளிரணித் தலைவி ஹெலன் கிரேசி ஆகியோர் முன்னிலை வகித்தனர்.
ஆர்ப்பாட்டத்தின்போது, கடந்த 3 ஆண்டுகளாக பணியிட மாறுதல் வழங்காததைக் கண்டித்தும், பட்டதாரி ஆசிரியர்களுக்கான பணியிட மாறுதல் கலந்தாய்வை உடனே நடத்த வேண்டும் என்பன உள்ளிட்ட 5 அம்சக் கோரிக்கைகளை வலியுறுத்தியும் முழக்கங்களை எழுப்பினர்.
இதில், சங்கத்தின் மாவட்டப் பொருளாளர் சுப.தமிழ்நேசன் மற்றும் 100-க்கும் மேற்பட்ட பட்டதாரி ஆசிரியர்கள் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/19/5-அம்சக்-கோரிக்கைகளை-வலியுறுத்தி-பட்டதாரி-ஆசிரியர்கள்-ஆர்ப்பாட்டம்-2847098.html
2846623 சென்னை திருவண்ணாமலை பொங்கல் போட்டிகளில் வென்றவர்களுக்கு மரக்கன்று அளிப்பு DIN DIN Thursday, January 18, 2018 08:52 AM +0530 வேட்டவலத்தை அடுத்த செத்தவரை கிராமத்தில் நடைபெற்ற பொங்கல் விழா போட்டிகளில் வென்றவர்களுக்கு பரிசாக மரக்கன்றுகள் வழங்கப்பட்டன.
சித்திரம் அறக்கட்டளை சார்பில் நடைபெற்ற இந்த விழாவுக்கு அதன் நிறுவனர் தலைவர் சு.முருகானந்தம் தலைமை வகித்தார். தலைவர் கவுதமபிரபு, துணைத் தலைவர் சினேகப் பிரியா, பொருளாளர் கோ.சிவமுருகன் ஆகியோர் முன்னிலை வகித்தனர். செயலர் ராசா வரவேற்றார். பள்ளி மாணவ, மாணவிகளிடையே கபடி, சிலம்பம், ஓட்டப் பந்தயம், கோலம் உள்ளிட்ட பல்வேறு போட்டிகள் நடத்தப்பட்டன. போட்டிகளில் வென்றவர்களுக்கு சித்திரம் அறக்கட்டளை நிறுவனர் தலைவர் சு.முருகானந்தம், பழ மரக்கன்றுகளை பரிசாக வழங்கினார். விழாவில், அறக்கட்டளை துணைச் செயலர் சந்தோஷ்குமார் உள்பட பொதுமக்கள் பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/18/பொங்கல்-போட்டிகளில்-வென்றவர்களுக்கு-மரக்கன்று-அளிப்பு-2846623.html
2846622 சென்னை திருவண்ணாமலை போகி, பொங்கல் தினங்களில் ரூ.12 கோடிக்கு மது விற்பனை DIN DIN Thursday, January 18, 2018 08:52 AM +0530 திருவண்ணாமலை மாவட்டத்தில் போகி, பொங்கல் பண்டிகை தினங்களில் ரூ.12 கோடி மதிப்பிலான மதுபானங்கள் விற்பனை செய்யப்பட்டுள்ளன.
திருவண்ணாமலை மாவட்டத்தில் மொத்தம் 180 டாஸ்மாக் மதுபானக் கடைகள் இயங்கி வருகின்றன. 
இந்தக் கடைகளில் போகிப் பண்டிகையன்று 
ரூ.4 கோடியே 38 லட்சம் மதிப்பிலான மதுபானங்களும், பொங்கல் பண்டிகையன்று ரூ.7 கோடியே 67 லட்சம் மதிப்பிலான மதுபானங்களும் என மொத்தம் ரூ.12 கோடியே 5 லட்சம் மதிப்பிலான மதுபானங்கள் விற்பனையாகியுள்ளன.
கடந்தாண்டு போகிப் பண்டிகையன்று ரூ.3 கோடியே 78 லட்சத்துக்கும், பொங்கல் பண்டிகையன்று ரூ.7 கோடியே 70 லட்சத்துக்கும் என மொத்தம் ரூ.11 கோடியே 48 லட்சத்துக்கு மதுபானங்கள் விற்பனையாகின. 
கடந்த ஆண்டைக் காட்டிலும் நிகழாண்டு ரூ.57 லட்சத்துக்கு கூடுதலாக மதுபானங்கள் விற்பனையாகியுள்ளது குறிப்பிடத்தக்கது.

]]>
http://www.dinamani.com/all-editions/edition-chennai/tiruvannamalai/2018/jan/18/போகி-பொங்கல்-தினங்களில்-ரூ12-கோடிக்கு-மது-விற்பனை-2846622.html
2846620 சென்னை திருவண்ணாமலை துரித உணவகங்களில் உணவுப் பாதுகாப்பு அதிகாரிகள் ஆய்வு DIN DIN Thursday, January 18, 2018 08:51 AM +0530 ஆரணியில் உள்ள துரித மாமிச உணவகங்களில் உணவுப் பாதுகாப்புத் துறை அதிகாரிகள் புதன்கிழமை இரவு ஆய்வு நடத்தினர்.
திருவண்ணாமலை மாவட்ட ஆட்சியர் கே.எஸ்.கந்தசாமி உத்தரவின்பேரில், ஆரணியில் பழைய பேருந்து நிலையம் அருகில் உள்ள துரித மாமிச உணவகங்கள், பானிபூரி கடைகளில் டாக்டர் செந்தில்குமார் தலைமையில், உணவுப் பாதுகாப்புத் துறை அலுவலர்கள் பாபு, ரவி ஆகியோர் ஆய்வு செய்தனர்.
ஆய்வின்போது, கோழி மாமிசத்தில் அதிகளவில் கேசரி பொடியை சேர்க்கக் கூடாது என்றும், மாமிசத்தை பொறிக்கப் பயன்படுத்தப்படும் எண்ணெய்யை அடிக்கடி மாற்ற வேண்டும் என்றும், சுத்தமான குடிநீரை பயன்படுத்த வேண்டும் என்றும் கடை உரிமையாளர்களிடம் அதிகாரிகள் அறிவுறுத்தினர்.

]]>
http://www.dinamani.com/all-editions/edition-chennai/tiruvannamalai/2018/jan/18/துரித-உணவகங்களில்-உணவுப்-பாதுகாப்பு-அதிகாரிகள்-ஆய்வு-2846620.html
2846619 சென்னை திருவண்ணாமலை கோயில் திருவிழாவில் இரு தரப்பினர் மோதல்: 12 பேர் கைது DIN DIN Thursday, January 18, 2018 08:51 AM +0530 திருவண்ணாமலை அருகே கோயில் திருவிழாவில் இரு தரப்பினரிடையே ஏற்பட்ட மோதல் தொடர்பாக 12 பேரை போலீஸார் கைது செய்தனர்.
திருவண்ணாமலையை அடுத்த ஆலத்தூர் கிராமத்தில் செவ்வாய்க்கிழமை நடைபெற்ற காணும் பொங்கல் பண்டிகையையொட்டி, ஸ்ரீஆலகண்டியம்மன் கோயில் திருவிழா நடைபெற்றது. இந்தத் திருவிழாவில் ஆலத்தூர் மற்றும் அதைச் சுற்றியுள்ள கிராமங்களைச் சேர்ந்த ஏராளமான பொதுமக்கள் கலந்து கொண்டனர்.
அப்போது, திடீரென இரு தரப்பினரிடையே மோதல் ஏற்பட்டது. இதில், ஒருவரையொருவர் சரமாரியாகத் தாக்கிக் கொண்டனர். இந்த சம்பவத்தில் இருதரப்பைச் சேர்ந்த சுப்பிரமணி (60), ரவிச்சந்திரன் (23), துரை (70), அண்ணாமலை (70), சவுந்தர்ராஜன் (38) ஆகியோர் காயமடைந்தனர். இவர்கள் அனைவரும் திருவண்ணாமலை அரசு மருத்துவக் கல்லூரி மருத்துவமனையில் சேர்ந்து சிகிச்சை பெற்று வருகின்றனர்.
12 பேர் கைது: இது தொடர்பாக திருவண்ணாமலை தாலுகா காவல் நிலையத்தில் இரு தரப்பையும் சேர்ந்தவர்கள் தனித்தனியே புகார் அளித்தனர். அதன்பேரில், போலீஸார் வழக்குப் பதிந்து ஒரு தரப்பைச் சேர்ந்த ரவிச்சந்திரன் (23), ஏழுமலை (41), பாலமுருகன் (33), மருதுபாண்டியன் (25), தமிழ்ச்செல்வன் (21), வரதன் (41) ஆகியோரை கைது செய்தனர்.
இதேபோல, மற்றொரு தரப்பைச் சேர்ந்த ஆறுமுகம் (52), முருகன் (26), ஏழுமலை (25), சேகர் (45), ஜெயக்குமார் (28), பாஷா (23) ஆகியோரை கைது செய்தனர். கைது செய்யப்பட்ட மொத்தம் 12 பேரும் திருவண்ணாமலை நீதிமன்றத்தில் ஆஜர்படுத்தப்பட்டு, வேலூர் மத்திய சிறையில் அடைக்கப்பட்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/18/கோயில்-திருவிழாவில்-இரு-தரப்பினர்-மோதல்-12-பேர்-கைது-2846619.html
2846618 சென்னை திருவண்ணாமலை உலகச் சான்றோர் சங்கம் சார்பில் விருதுகள் வழங்கும் விழா DIN DIN Thursday, January 18, 2018 08:51 AM +0530 திருவண்ணாமலையை அடுத்த பசுங்கரை கிராமத்தில் உலகச் சான்றோர் சங்கம் சார்பில், திருவள்ளுவர் திருவிழாவையொட்டி சிறப்புப் பட்டிமன்றம், விருதுகள் வழங்கும் விழா செவ்வாய்க்கிழமை நடைபெற்றன.
இதையொட்டி நடைபெற்ற திருவள்ளுவர் திருத்தேர் வீதியுலாவுக்கு உலகச் சான்றோர் சங்கத் தலைவர் மாம்பலம் ஆ.சந்திரசேகர் தலைமை வகித்தார். நிர்வாகிகள் எம்.தசரதன், எம்.முருகன், சே.கமலேஷ் ஆகியோர் முன்னிலை வகித்தனர். சங்கச் செயலரும், எழுத்தாளருமான ந.சண்முகம் வரவேற்றார். தொடர்ந்து, வள்ளுவர் காட்டும் வாழ்வியல் என்ற தலைப்பில் கவிஞர் கோபிநாத் தலைமையில் கவியரங்கம் நடைபெற்றது.
மேலும், பள்ளி மாணவ, மாணவிகளிடையே நடத்தப்பட்ட திருக்குறள் ஒப்பித்தல், ஓவியம், கட்டுரை, பேச்சுப் போட்டிகளில் வென்ற 100-க்கும் மேற்பட்ட மாணவ, மாணவிகளுக்கு மாம்பலம் ஆ.சந்திரசேகர், ஆ.ச.ராஜேந்திரன், இலக்கியா ஆகியோர் பரிசு, சான்றிதழ்களை வழங்கினர்.
நிகழ்ச்சியில், ப.நந்தினியின் பரதநாட்டியம் நடைபெற்றது. இதையடுத்து, வாழ்க்கையில் மகிழ்ச்சி மற்றும் மன நிறைவைத் தருவது சொத்து சுகமே, சொந்த பந்தமே என்ற தலைப்பில் சிறப்புப் பட்டிமன்றம் நடைபெற்றது. கவிஞர் ஜெகதீசன் நடுவர் பொறுப்பேற்றார்.
பின்னர், தமிழக அரசின் தமிழ்ச்செம்மல், அகவை முதிர்ந்த தமிழறிஞர் விருதுகளைப் பெற்ற பா.இந்திரராஜனுக்கு சாதனை மாமனிதர் விருது, எழுத்தாளர் ந.சண்முகத்துக்கு பல்கலைச் செல்வர் விருது, திருவண்ணாமலை மாவட்டக் காவல் நண்பர்கள் குழுவின் தலைவர் ஏ.ஏ.ஆறுமுகம் உள்பட 4 பேருக்கு வாழ்நாள் சாதனையாளர் விருதுகள் மற்றும் தமிழ்ச் சான்றோர்கள் வெ.ராமு, தலைமை ஆசிரியை ப.ஜோதிலட்சுமி, பேராசிரியர் சு.பச்சையம்மாள் உள்பட 10 பேருக்கு பல்வேறு விருதுகள், பணமுடிப்புகளை உலகச் சான்றோர் சங்க நிறுவனர் தலைவரும், திரைப்படத் தயாரிப்பாளருமான மாம்பலம் ஆ.சந்திரசேகர் வழங்கினார்.
விழாவில், சாவல்பூண்டி சங்கப்பலகை நிறுவனர் தலைவர் சாவல்பூண்டி மா.சுந்தரேசன், முன்னாள் நகர்மன்றத் தலைவர் இரா.ஸ்ரீதரன், அருணை தமிழ்ச் சங்க துணைத் தலைவர் எ.வ.வே.குமரன், வெற்றித் தமிழர் பேரவைத் தலைவர் பா.கார்த்திக்வேல்மாறன், புலவர் ஆ.ஆறுமுகம், கவிஞர் லதா பிரபுலிங்கம் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/18/உலகச்-சான்றோர்-சங்கம்-சார்பில்-விருதுகள்-வழங்கும்-விழா-2846618.html
2846617 சென்னை திருவண்ணாமலை கார் மோதியதில் இரு சக்கர வாகனத்தில் சென்றவர் சாவு: வேகத்தடை அமைக்கக் கோரி மறியல் DIN DIN Thursday, January 18, 2018 08:51 AM +0530 வந்தவாசி அருகே புதன்கிழமை இரவு கார் மோதியதில் இரு சக்கர வாகனத்தில் சென்றவர் உயிரிழந்தார். இதையடுத்து, அந்தப் பகுதியில் வேகத்தடை அமைக்கக் கோரி, அவரது உறவினர்கள் சாலை மறியலில் ஈடுபட்டனர்.
வந்தவாசியை அடுத்த வீரம்பாக்கம் காலனியைச் சேர்ந்தவர் தினகரன் (30). இவர், இரு சக்கர வாகனத்தில் காஞ்சிபுரத்தை அடுத்த மாகரல் கிராமத்தில் உள்ள உறவினர் வீட்டுக்கு சென்றுவிட்டு புதன்கிழமை இரவு ஊர் திரும்பிக்கொண்டிருந்தார்.
வந்தவாசி - காஞ்சிபுரம் சாலை, வீரம்பாக்கம் அருகே சென்றபோது, எதிரே வந்த கார் தினகரனின் இரு சக்கர வாகனம் மீது மோதிவிட்டு நிற்காமல் சென்றுவிட்டது. இதில் பலத்த காயமடைந்த தினகரன் சம்பவ இடத்திலேயே உயிரிழந்தார்.
இந்த நிலையில், இந்தப் பகுதியில் அடிக்கடி விபத்துகள் நிகழ்வதால் வேகத்தடை அமைக்கக் கோரி, தினகரனின் உறவினர்கள், அந்தக் கிராம மக்கள் சாலை மறியலில் ஈடுபட்டனர். இதனால் வந்தவாசி - காஞ்சிபுரம் சாலையில் சுமார் 30 நிமிடங்கள் போக்குவரத்து பாதிக்கப்பட்டது. பின்னர், வந்தவாசி வடக்கு போலீஸார் உரிய நடவடிக்கை எடுப்பதாக உறுதி அளித்ததன்பேரில் சாலை மறியல் கைவிடப்பட்டது.
 

]]>
http://www.dinamani.com/all-editions/edition-chennai/tiruvannamalai/2018/jan/18/கார்-மோதியதில்-இரு-சக்கர-வாகனத்தில்-சென்றவர்-சாவு-வேகத்தடை-அமைக்கக்-கோரி-மறியல்-2846617.html
2846616 சென்னை திருவண்ணாமலை எம்ஜிஆரின் 101-ஆவது பிறந்த நாள் விழா DIN DIN Thursday, January 18, 2018 08:50 AM +0530 திருவண்ணாமலை மாவட்டத்தின் பல்வேறு பகுதிகளில் எம்ஜிஆரின் 101-ஆவது பிறந்த நாள் விழா புதன்கிழமை கொண்டாடப்பட்டது.
திருவண்ணாமலை  காந்தி   சிலை எதிரில் மற்றும் தெற்கு மாவட்ட அதிமுக அலுவலகம், 5-ஆவது வார்டு ரவுண்டானா உள்ளிட்ட பகுதிகளில் தெற்கு மாவட்ட  அதிமுக சார்பில் எம்ஜிஆரின் 101-ஆவது பிறந்த நாள் விழா கொண்டாடப்பட்டது.விழாவுக்கு, நகரச் செயலர் ஜெ.செல்வம் தலைமை வகித்தார். தெற்கு மாவட்டச் செயலர் பெருமாள் நகர் கே.ராஜன் சிறப்பு அழைப்பாளராகக் கலந்து கொண்டு எம்ஜிஆர் படங்களுக்கு மாலை அணிவித்து,  மரியாதை செலுத்தினார்.
நிகழ்ச்சியில் மாவட்டப் பொருளாளர் எம்.எஸ்.நைனாகண்ணு, மாவட்ட இணைச் செயலர் நளினி மனோகரன், துணைச் செயலர் அமுதா அருணாசலம், மாவட்ட ஜெயலலிதா பேரவைச் செயலர் மு.அருள்பழனி உள்பட பலர் கலந்து கொண்டனர்.


மங்கலம் கிராமத்தில்...: 
திருவண்ணாமலையை அடுத்த மங்கலம் கிராமத்தில் தெற்கு மாவட்ட ஜெயலலிதா பேரவை சார்பில் எம்ஜிஆர் பிறந்த நாள் விழா கொண்டாடப்பட்டது. பேரவை மாவட்டச் செயலர் ம.மு.அருள்பழனி தலைமை வகித்தார். தெற்கு மாவட்டச் செயலர் பெருமாள் நகர் கே.ராஜன் எம்ஜிஆர் படத்துக்கு மாலை அணிவித்து, பொதுமக்களுக்கு இனிப்பு வழங்கினார். 
புதுப்பாளையம்: செங்கத்தை அடுத்த புதுப்பாளையத்தில் அதிமுக ஒன்றியச் செயலர் புருசோத்தமன் தலைமையில், கலசப்பாக்கம் தொகுதி எம்எல்ஏ பன்னீர்செல்வம் எம்ஜிஆர் சிலைக்கு மாலை அணிவித்து, பொதுமக்களுக்கு இனிப்பு வழங்கினார்.
நிகழ்ச்சியில் மாவட்டப் பொருளாளர் எல்.என்.துரை, பொதுக் குழு உறுப்பினர் பொய்யாமொழி, முன்னாள் ஒன்றியச் செயலர் லட்சுமணன், நகரச் செயலர் சாமிநாதன் உள்பட நிர்வாகிகள் பலர் கலந்து கொண்டனர்.
வந்தவாசி: வந்தவாசி மேற்கு ஒன்றிய அதிமுக சார்பில் எம்ஜிஆரின் 101-ஆவது பிறந்த நாள் விழா வந்தவாசியை அடுத்த கீழ்ச்சாத்தமங்கலம் கிராமத்தில் கொண்டாடப்பட்டது. இதையொட்டி, எம்ஜிஆரின் உருவப் படத்துக்கு மாலை அணிவித்து மரியாதை செலுத்தப்பட்டது. விழாவுக்கு ஜெயலலிதா பேரவை மாவட்ட துணைத் தலைவர் எஸ்.தர்மதுரை தலைமை வகித்தார். முன்னாள் தொகுதிச் செயலர் கே.பாஸ்கர் ரெட்டியார் முன்னிலை வகித்தார். வந்தவாசி மேற்கு ஒன்றியச் செயலர் ஆர்.அர்ஜுனன் பொதுமக்களுக்கு இனிப்பு, அன்னதானம் வழங்கினார்.
வந்தவாசி கிழக்கு ஒன்றியச் செயலர் எம்.கே.ஏ.லோகேஸ்வரன், மாவட்ட இளைஞரணிச் செயலர் ஜெ.ராஜேஷ்கண்ணா, நகரச் செயலர் பாஷா, பேரவை நகரச் செயலர் வி.மேகநாதன் உள்ளிட்டோர் பங்கேற்றனர். மேலும், வந்தவாசி பகுதியில் பல்வேறு இடங்களில் எம்ஜிஆர் பிறந்த நாள் விழா கொண்டாடப்பட்டது.
போளூர்: சேத்துப்பட்டை அடுத்த சித்தாத்துரை ஊராட்சியில் உள்ள காலனியில் அதிமுக சார்பில், எம்ஜிஆர் உருவப் படத்துக்கு அந்தக் கட்சி நிர்வாகிகள் மாலை அணிவித்து, பொதுமக்களுக்கு இனிப்பு வழங்கினர்.
இதில், ஊராட்சிச் செயலர் சந்திரகாந்தன், கிளைச் செயலர் மலைகோவிந்து, முன்னாள் மேலவை உறுப்பினர் பெஞ்சமின், அவைத் தலைவர் மகிமைதாஸ், லூர்துநாதன், சின்னதுரை, அருள்தாஸ், செல்வம், வேலாயுதம், பிச்சைகாரன், ஜெயபால், பாண்டியன் மற்றும் அதிமுக நிர்வாகிகள் பலர் கலந்து கொண்டனர்.
போளூரை அடுத்த களம்பூர் பேரூராட்சியில் அதிமுக சார்பில் எம்ஜிஆர் சிலைக்கு நகரச் செயலர்  கே.பி.பஞ்சாட்சரம் தலைமையில் அக்கட்சியினர் மாலை அணிவித்து மரியாதை செலுத்தினர். மேலும், பொதுமக்களுக்கு இனிப்பு வழங்கினர்.
செங்கம்:  செங்கத்தில் எம்ஜிஆரின் 101-ஆவது பிறந்த நாள் விழாவையொட்டி, காலை 10 மணியளவில் திருவண்ணாமலை தொகுதி எம்.பி. வனரோஜா தனது ஆதரவாளர்கள் முன்னிலையில் துக்காப்பேட்டையில் உள்ள எம்ஜிஆர் சிலைக்கு மாலை அணிவித்தார்.
பின்னர், அதிமுக ஒன்றியச் செயலர் ஆர்.மதியழகன் தலைமையில் அந்தக் கட்சி நிர்வாகிகள் சுமார் 100-க்கும் மேற்பட்டோர் போளூர் சாலையில் இருந்து பழைய பேருந்து நிலையம் வழியாக துக்காப்பேட்டை புதிய பேருந்து நிலையம் வரை ஊர்வலமாக வந்தனர்.
தொடர்ந்து, அங்குள்ள எம்ஜிஆர் சிலைக்கு ஒன்றியச் செயலர் ஆர்.மதியழகன் மாலை அணிவித்து, பொதுமக்களுக்கு இனிப்பு வழங்கினார். நிகழ்ச்சியில் பேரவை ஒன்றியச் செயலர் கிருஷ்ணமூர்த்தி, தலைமைக் கழகப் பேச்சாளர் வெங்கட்ராமன், மகரிஷி கல்விக்குழுமத் தலைவர் மனோகரன், நகரச் செயலர் ஆனந்தன் உள்பட ஒன்றிய, நகர நிர்வாகிகள் பலர் கலந்து கொண்டனர்.
இதைத் தொடர்ந்து, தளவாநாய்க்கன்பேட்டை பகுதியில் ஒன்றியச் செயலர் ஆர்.மதியழகன் அதிமுக கொடியேற்றி, பொதுமக்களுக்கு அன்னதானம் வழங்கினார்.
ஆரணி: ஆரணி நகரில் எம்ஜிஆர் மன்ற மாவட்ட நிர்வாகி அ.கோவிந்தராசன் தலைமையில், அண்ணா சிலை அருகிலிருந்து அதிமுகவினர் ஊர்வலமாக புறப்பட்டு பழைய பேருந்து நிலையம் எம்ஜிஆர் சிலை வரை சென்றனர். பின்னர், அங்குள்ள எம்ஜிஆர் சிலைக்கு மாலை அணிவித்து, பொதுமக்களுக்கு இனிப்பு வழங்கினர். மேலும், அனைவருக்கும் அன்னதானம் வழங்கப்பட்டது.
இதில், நகரச் செயலர் அசோக்குமார், ஒன்றியச் செயலர்கள் பி.ஆர்.ஜி.சேகர், வேலு, நகர பேரவை நிர்வாகி பாரிபாபு, முன்னாள் எம்எல்ஏ ஜெமினிராமச்சந்திரன், அவைத் தலைவர் ஜோதிலிங்கம், மாவட்ட துணைச் செயலர்கள் டி.கருணாகரன், ரமணிநீலமேகம், முன்னாள் மாவட்டக் கவுன்சிலர் சேவூர் ஜெ.சம்பத், பாசறை மாவட்டச் செயலர் ஜி.வி.கஜேந்திரன், நிர்வாகிகள் பையூர் சதீஷ், குமரன், திருமால் உள்ளிட்ட பலர் கலந்து கொண்டனர்.
சேவூர்: ஆரணி ஒன்றியம், சேவூரில் அதிமுக சார்பில் எம்ஜிஆர் சிலைக்கு ஒன்றியச் செயலர் பி.ஆர்.ஜி.சேகர் மாலை அணிவித்து, பொதுமக்களுக்கு இனிப்பு வழங்கினார். மேலும், சேவூரில் உள்ள இந்து சமய அறநிலையத் துறை அமைச்சர்  சேவூர் எஸ்.ராமச்சந்திரன் வீட்டின் முன் எம்ஜிஆர் உருவப் படத்துக்கு மாலை அணிவித்தனர்.
இதேபோல, ஆரணி ஒன்றியம், எஸ்.வி.நகரம் கிராமத்திலும் எம்ஜிஆர் சிலைக்கு  மாலை அணிவித்து இனிப்பு வழங்கப்பட்டது. நிகழ்ச்சிகளில் அதிமுகவைச் சேர்ந்த முன்னாள் மாவட்டக் கவுன்சிலர் ஜெ.சம்பத், டான்சி இயக்குநர் குமரவேல், பேரவை ஒன்றியச் செயலர் என்.வாசு, ஒன்றிய அவைத் தலைவர் நரசிம்மன், நிர்வாகிகள் மஞ்சுளா, வேலன், சிவநேசன் உள்ளிட்ட பலர் கலந்து கொண்டனர்.


 

]]>
http://www.dinamani.com/all-editions/edition-chennai/tiruvannamalai/2018/jan/18/எம்ஜிஆரின்-101-ஆவது-பிறந்த-நாள்-விழா-2846616.html
2846615 சென்னை திருவண்ணாமலை திருக்குறள் நெறி பரப்பு மையம் சார்பில் திருவள்ளுவர் விழா DIN DIN Thursday, January 18, 2018 08:50 AM +0530 கலசப்பாக்கத்தை அடுத்த மேலாரணி அரசு மேல்நிலைப் பள்ளியில் திருக்குறள் நெறிபரப்பு மையம் சார்பில் புதன்கிழமை 24-ஆம் ஆண்டு திருவள்ளுவர் விழா நடைபெற்றது.
விழாவுக்கு திருக்குறள் நெறிபரப்பு மைய நிறுவனரும், ஓய்வு பெற்ற தலைமை ஆசிரியருமான வி.சாமிநாதன் தலைமை வகித்தார். திருக்குறள் நெறிபரப்பு மையத் தலைவர் பெ.சுப்பிரமணியம், துணைத் தலைவர் கு.ராமசாமி ஆகியோர் முன்னிலை வகித்தனர். செயலர் மங்கையர்கரசி வரவேற்றார்.
நிகழ்ச்சியையொட்டி, திருக்குறள் ஒப்பித்தல், வினாடி - வினா, பொது அறிவுக் கேள்விகள் உள்பட பல்வேறு போட்டிகள் நடத்தப்பட்டு, வெற்றி பெற்ற மாணவர்களுக்கு காந்தியடிகளின் சத்தியசோதனை, திருக்குறள் புத்தகங்கள், பண முடிப்பு உள்ளிட்ட பரிசுகள் வழங்கப்பட்டன.
துணைச் செயலர் ச.சேகர் ஆண்டறிக்கை வாசித்தார். திருவண்ணாமலை திருக்குறள் தொண்டு மையத் தலைவர் பாவலர் குப்பன், வேலூர் குறள்முரசுகுப்பன் ஆகியோர் வாழ்த்துரை வழங்கினர். திருக்குறள் நெறிபரப்பு மைய அறங்காவலர் ப.மணி, பள்ளித் தலைமை ஆசிரியர் ராதாகிருஷ்ணன், முதுநிலை ஆசிரியர் முருகன், நிளஅளவையர் பாபு மற்றும் ஆசிரியர்கள், மாணவர்கள் பலர் கலந்து கொண்டனர். இணைச் செயலர் ச.பச்சையப்பன் நன்றி கூறினார்.
 

]]>
http://www.dinamani.com/all-editions/edition-chennai/tiruvannamalai/2018/jan/18/திருக்குறள்-நெறி-பரப்பு-மையம்-சார்பில்-திருவள்ளுவர்-விழா-2846615.html
2846614 சென்னை திருவண்ணாமலை சாலை சீரமைக்கப்படுமா? DIN DIN Thursday, January 18, 2018 08:49 AM +0530 செங்கம் அருகே கோலாந்தாங்கல் செல்லும் சாலையைச் சீரமைக்க வேண்டும் என அப்பகுதி மக்கள் கோரிக்கை விடுத்தனர்.
செங்கம்-போளூர் சாலையில் இருந்து கோலாந்தாங்கல் வழியாக மண்மலை, செ.நாச்சிப்பட்டு செல்லும் தார்ச் சாலை சுமார் 2 கி.மீ. தொலைவு பழுதடைந்து குண்டும், குழியுமாக காட்சியளிக்கிறது. 
இந்தச் சாலை வழியாக நகரப் பேருந்து இயக்கப்படுகிறது. மேலும், கோலாந்தாங்கல் கிராமம், செ.நாச்சிப்பட்டு, அமர்நாதபுதூர் கிராம மக்களும் இந்தச் சாலையை பயன்படுத்தி வருகின்றனர். இந்த நிலையில், சாலை குண்டும் குழியுமாக இருப்பதால் பள்ளி, கல்லூரி வாகனங்கள், இருசக்கர வாகன ஓட்டிகள் சிரமப்பட்டு வருகின்றனர். 
மேலும்,  சாலையை சீரமைக்க வேண்டும் என அப்பகுதி மக்கள் சார்பில், மாவட்ட ஆட்சியர் அலுவலகத்துக்கு கோரிக்கை மனுக்கள் அனுப்பப்பட்டும் எந்தவித நடவடிக்கையும் எடுக்கப்படவில்லை. இதனால் சம்பந்தப்பட்ட அதிகாரிகள் கண்காணித்து உடனடியாக நடவடிக்கை எடுக்க வேண்டும் என அப்பகுதி 
மக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-chennai/tiruvannamalai/2018/jan/18/சாலை-சீரமைக்கப்படுமா-2846614.html
2846612 சென்னை திருவண்ணாமலை திருவண்ணாமலையில் நாளை மாவட்ட அளவிலான விவசாயிகள் குறைதீர் கூட்டம் DIN DIN Thursday, January 18, 2018 08:49 AM +0530 திருவண்ணாமலை மாவட்ட அளவிலான விவசாயிகள் குறைதீர் கூட்டம் வெள்ளிக்கிழமை (ஜனவரி 19) நடைபெறுகிறது.
திருவண்ணாமலை மாவட்ட விவசாயிகள், விவசாய சங்கப் பிரதிநிதிகளின் குறைகள், கோரிக்கைகளை நேரில் கேட்டு நிவர்த்தி செய்யும் வகையில், மாதந்தோறும் குறைதீர் கூட்டங்கள் நடத்தப்பட்டு வருகின்றன. அதன்படி, ஜனவரி மாதத்துக்கான குறைதீர் கூட்டம் வெள்ளிக்கிழமை நடைபெறுகிறது.
மாவட்ட ஆட்சியர் அலுவலகத்தில் வெள்ளிக்கிழமை காலை 10 மணிக்கு நடைபெறும் இந்தக் கூட்டத்துக்கு மாவட்ட ஆட்சியர் கே.எஸ்.கந்தசாமி தலைமை வகிக்கிறார். கூட்டத்தில், மாவட்டத்தில் உள்ள வேளாண் துறை, விவசாயம் சார்ந்த துறைகளான தோட்டக்கலைத் துறை, வேளாண் வணிகம், வேளாண் பொறியியல், கால்நடை பராமரிப்புத் துறை, கூட்டுறவுத் துறை, வருவாய்த் துறை, வங்கியாளர்கள் உள்ளிட்ட பல்வேறு துறைகளின் அதிகாரிகள் கலந்து கொண்டு விவசாயிகள், விவசாய சங்கப் பிரதிநிதிகளின் குறைகள், கோரிக்கைகளுக்குப் பதில் அளித்துப் பேசுகின்றனர்.
எனவே, திருவண்ணாமலை மாவட்டத்தைச் சேர்ந்த விவசாயிகள் இந்தக் கூட்டத்தில் கலந்து கொண்டு பயன்பெறலாம் என்று மாவட்ட ஆட்சியர் கே.எஸ்.கந்தசாமி தெரிவித்தார்.

]]>
http://www.dinamani.com/all-editions/edition-chennai/tiruvannamalai/2018/jan/18/திருவண்ணாமலையில்-நாளை-மாவட்ட-அளவிலான-விவசாயிகள்-குறைதீர்-கூட்டம்-2846612.html
2846611 சென்னை திருவண்ணாமலை மாநிலப் போட்டியில் சிறப்பிடம்:  மாணவர்களுக்கு பாராட்டு DIN DIN Thursday, January 18, 2018 08:48 AM +0530 மாநில அளவிலான பேச்சுப்போட்டியில் சிறப்பிடம் பெற்ற  மாணவர்களை திருவண்ணாமலை மாவட்ட முதன்மைக் கல்வி அலுவலர் பாராட்டினார்.
செங்கத்தை அடுத்த தீத்தாண்டப்பட்டு ஊராட்சி  ஒன்றிய நடுநிலைப் பள்ளியைச் சேர்ந்த எட்டாம் வகுப்பு மாணவி திரிஷா,  மாணவர்  கவியரசன் ஆகியோர் திருவண்ணாமலை மாவட்ட அளவில்  அண்மையில்  நடைபெற்ற எம்ஜிஆர் நூற்றாண்டு விழா பேச்சுப் போட்டியில்  கலந்துகொண்டு வெற்றி பெற்று, திருச்சியில் நடைபெற்ற மாநில  அளவிலான  பேச்சுப் போட்டியில் பங்கேற்று சிறப்பிடம் பெற்றனர்.  
அந்த மாணவர்களை திருவண்ணாமலை  மாவட்ட  முதன்மைக் கல்வி  அலுவலர் ஜெயக்குமார் அண்மையில் சான்று  வழங்கிப் பாராட்டினார். 
இதற்கான நிகழ்ச்சியில் மாவட்ட  தொடக்கக்  கல்வி  அலுவலர் இளவரசு, தீத்தாண்டப்பட்டு  பள்ளி தலைமை ஆசிரியர் ஜெயவேல், பட்டதாரி ஆசிரியர் புஷ்பலதா கலந்துகொண்டனர்.


 

]]>
http://www.dinamani.com/all-editions/edition-chennai/tiruvannamalai/2018/jan/18/மாநிலப்-போட்டியில்-சிறப்பிடம்--மாணவர்களுக்கு-பாராட்டு-2846611.html
2846610 சென்னை திருவண்ணாமலை உறியடித் திருவிழாவில் இரு தரப்பினர் மோதல்: ராணுவ வீரர் உள்பட 2 பேர் கைது DIN DIN Thursday, January 18, 2018 08:48 AM +0530 வேட்டவலம் அருகே உறியடித் திருவிழாவில் இரு தரப்பினரிடையே ஏற்பட்ட மோதலில் 5 பேர் காயமடைந்தனர். ராணுவ வீரர் உள்பட 2 பேர் கைது செய்யப்பட்டனர்.
வேட்டவலத்தை அடுத்த ஆவூர் கிராமம், புதிய காலனி, மாரியம்மன் கோயில் தெருவில் செவ்வாய்க்கிழமை பொங்கல் பண்டிகையையொட்டி, உறியடித் திருவிழா நடைபெற்றது. அப்போது, மாதா கோயில் தெருவைச் சேர்ந்த சாமிநாதன் மகன்கள் பின்டோ டிசோசா (26), தைரிய ஏசுராஜா (28), அருள்பிரசாத், அருண்பிரசாத், சகாயகுமார், ஜார்ஜ், பிரதாப் ஆகியோர் சேர்ந்து உறியடித் திருவிழா நடத்தக்கூடாது என்று கூறி தகராறில் ஈடுபட்டனராம்.
இதையடுத்து, இரு தரப்பினருக்கும் இடையே மோதல் ஏற்பட்டது. இரு தரப்பைச் சேர்ந்தவர்கள் ஒருவரையொருவர் தாக்கிக் கொண்டனர். இதில் காயமடைந்த வடிவுக்கரசி (33), ராணி (55), ரமேஷ் (35), முத்துலட்சுமி (35), முருகன் (27) ஆகிய 5 பேர் திருவண்ணாமலை அரசு மருத்துவக் கல்லூரி மருத்துவமனையில் சேர்க்கப்பட்டனர்.
சாலை மறியல்: இதையடுத்து, தாக்குதலில் ஈடுபட்டவர்களை கைது செய்யக் கோரி, 100-க்கும் மேற்பட்ட பொதுமக்கள் திருவண்ணமலை - விழுப்பரம் சாலையில் அமர்ந்து மறியலில் ஈடுபட்டனர்.
தகவலறிந்த வேட்டவலம் காவல் ஆய்வாளர் செந்தில் தலைமையிலான போலீஸார் வந்து மறியலில் ஈடுபட்டவர்களை சமாதானம் செய்து அனுப்பி வைத்தனர்.
இதற்கிடையே, காயமடைந்த ராணி அளித்த புகாரின் பேரில், தைரிய ஏசுராஜா, காஷ்மீரில் பணிபுரியும் ராணுவ வீரரான பின்டோ டிசோசா (26) ஆகியோரை போலீஸார் கைது செய்தனர். தலைமறைவாக உள்ள மேலும் 5 பேரை தேடி வருகின்றனர்.

]]>
http://www.dinamani.com/all-editions/edition-chennai/tiruvannamalai/2018/jan/18/உறியடித்-திருவிழாவில்-இரு-தரப்பினர்-மோதல்-ராணுவ-வீரர்-உள்பட-2-பேர்-கைது-2846610.html
2846609 சென்னை திருவண்ணாமலை மாம்பட்டு முத்துமாரியம்மன் கோயிலில் அமாவாசை பூஜை DIN DIN Thursday, January 18, 2018 08:48 AM +0530 வந்தவாசியை அடுத்த மாம்பட்டு அண்ணா நகரில் அமைந்துள்ள ஸ்ரீமுத்துமாரியம்மன் கோயிலில் தை மாத அமாவாசை பூஜை செவ்வாய்க்கிழமை நடைபெற்றது.
இதையொட்டி, காலையில் மூலவர் அம்மன் மற்றும் உற்சவர் அம்மனுக்கு மகா அபிஷேகம் நடைபெற்றது. பின்னர், கோயில் வளாகத்தில் மஹா மாங்கல்ய வேள்வி, சுமங்கலி திருவிளக்குப் பூஜை, கூட்டுப் பிரார்த்தனை உள்ளிட்டவை நடைபெற்றன. அம்மன் மகேஸ்வரி அலங்காரத்தில் பக்தர்களுக்கு அருள்பாலித்தார்.
இரவு உற்சவர் அம்மன் பல்லக்கில் கோயில் வளாகத்தில் வலம் வந்தார். தொடர்ந்து, அம்மனை ஊஞ்சலில் வைத்து தாலாட்டும் நிகழ்ச்சி நடைபெற்றது. மேலும், பக்தர்களுக்கு அன்னதானம் வழங்கப்பட்டது.
விழாவில் கோயில் அறக்கட்டளைச் செயலர் ஆறு.இலட்சுமண சுவாமிகள் மற்றும் பல்வேறு கிராமங்களைச் சேர்ந்த பக்தர்கள் கலந்து கொண்டனர்.


 

]]>
http://www.dinamani.com/all-editions/edition-chennai/tiruvannamalai/2018/jan/18/மாம்பட்டு-முத்துமாரியம்மன்-கோயிலில்-அமாவாசை-பூஜை-2846609.html
2845772 சென்னை திருவண்ணாமலை ஜனவரி 18 மின் தடை DIN DIN Wednesday, January 17, 2018 02:24 AM +0530 தண்டராம்பட்டு
நேரம்: காலை 9 மணி முதல் மாலை 5 மணி வரை.
இடங்கள்: தண்டராம்பட்டு, ராதாபுரம், தாழனோடை, தென்முடியனூர் மற்றும் அதைச் சுற்றியுள்ள கிராமங்கள். மேலும், சாத்தனூர், கொட்டையூர், மலையனூர் செக்கடி, பெருங்குளத்தூர் துணை 
மின் நிலையங்களைச் சேர்ந்த கிராமப் பகுதிகள்.
 

]]>
http://www.dinamani.com/all-editions/edition-chennai/tiruvannamalai/2018/jan/17/ஜனவரி-18-மின்-தடை-2845772.html
2845771 சென்னை திருவண்ணாமலை வந்தவாசி அருகே முயல் விடும் விழா DIN DIN Wednesday, January 17, 2018 02:23 AM +0530 வந்தவாசியை அடுத்த நல்லூர் கிராமத்தில் முயல் விடும்  விழா செவ்வாய்க்கிழமை மாலை நடைபெற்றது. 
  இந்தக் கிராமத்தில் ஒவ்வொரு ஆண்டும் காணும் பொங்கலன்று குள்ளநரி விடும் விழா நடைபெறுவது வழக்கம். குள்ளநரி எந்தத் திசையில் ஓடி மறைகிறதோ அப்பகுதி மிகவும் செழிப்பாக விளங்கும் என்பது கிராம மக்களின் நம்பிக்கை.
  இந்த நிலையில், குள்ளநரி கிடைப்பது அரிதானதால் கடந்த சில ஆண்டுகளாக குள்ள நரிக்குப் பதிலாக முயல் விடப்பட்டு வருகிறது. இதன்படி, இந்த ஆண்டின் காணும் பொங்கலான செவ்வாய்க்கிழமை மாலை முயல் விடும் விழா அக்கிராம மைதானத்தில் நடைபெற்றது.   
  இதையொட்டி அப்பகுதியில் தீர்த்தவாழி அம்மன் கோயில் உற்சவர் சிலைகள் அலங்கரிக்கப்பட்டு டிராக்டரில் வைக்கப்பட்டிருந்தன. 
பின்னர், குழந்தைகளின் தலையில் முயலை வைத்து தோஷம் கழிக்கும் நிகழ்ச்சி நடைபெற்றது. 
பின்னர், முயல் அங்கிருந்து சிறிது தொலைவு எடுத்துச் சென்று கீழே விடப்பட்டது. முயல் வடக்கு திசை நோக்கி ஓடி மறைந்தது. பின்னர் அம்மன் வீதியுலா நடைபெற்றது.

]]>
http://www.dinamani.com/all-editions/edition-chennai/tiruvannamalai/2018/jan/17/வந்தவாசி-அருகே-முயல்-விடும்-விழா-2845771.html
2845770 சென்னை திருவண்ணாமலை காணும் பொங்கல்: கோயில்களில் சிறப்பு வழிபாடு DIN DIN Wednesday, January 17, 2018 02:22 AM +0530 காணும் பொங்கலையொட்டி ஆரணி, போளூர் பகுதிகளில் உள்ள கோயில்களில் செவ்வாய்க்கிழமை சிறப்பு பூஜை நடைபெற்றது. இதில் திரளான பக்தர்கள் கலந்துகொண்டு சுவாமி தரிசனம் செய்தனர்.
ஆரணி கமண்டலநாக நதிக்கரையில் அமைந்துள்ள புத்திரகாமேட்டீஸ்வரர் கோயிலில் காணும் பொங்கலை முன்னிட்டு சிறப்பு பூஜை நடைபெற்றது. 
ஆண்டுதோறும் கமண்டலநாக நதிக்கரையில் நடைபெறும் காணும் பொங்கல் விழாவில் ஆரணி மற்றும் சுற்றுப்புற கிராமங்களிலிருந்து பக்தர்கள் கலந்துகொள்வர்.   இந்த ஆண்டு நடைபெற்ற காணும் பொங்கல் விழாவிலும் ஏராளமான பக்தர்கள் பங்கேற்று  வழிபட்டனர். மேலும் நதிக்கரையில் பொழுதுபோக்கு அம்சங்களும் நடைபெற்றன.
போளூர்
இதேபோன்று, போளூர் அடுத்த சேத்துக்கண்ணி மாரியம்மன் கோயிலில் காணும் பொங்கலுக்கு நடைபெற்ற சிறப்பு வழிபாட்டில் ஏராளமான பக்தர்கள் கலந்துகொண்டனர்.
சேத்துக்கண்ணி கிராமத்தில் அமைந்துள்ள மாரியம்மன் கோயிலில் ஆண்டுதோறும் காணும் பொங்கலுக்கு சுவாமிக்கு சிறப்பு அபிஷேக, ஆராதனை நடைபெற்று பக்தர்கள் பொங்கல் வைத்து வழிபடுவது வழக்கம்.
 நிகழாண்டு பக்தர்கள் வந்து வேண்டிய வரத்தை பெற்றதால் பொங்கல் வைத்து, அலகு குத்தி  நேர்த்திக் கடன் செலுத்தினர். 
இதில் போளூர், மண்டகொளத்தூர், கரைப்பூண்டி, தேவிகாபுரம், செம்மியமங்கலம், அல்லியாளமங்கலம், மட்டப்பிறையூர் என சுற்றுப் பகுதிகளைச் ஏராளமான பக்தர்கள் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/17/காணும்-பொங்கல்-கோயில்களில்-சிறப்பு-வழிபாடு-2845770.html
2845769 சென்னை திருவண்ணாமலை ஆஸ்ரமங்கள், சாத்தனூர் அணையில் குவிந்த பொதுமக்கள் DIN DIN Wednesday, January 17, 2018 02:22 AM +0530 திருவண்ணாமலையை அடுத்த சாத்தனூர் அணை, திருவண்ணாமலையில் உள்ள ஆஸ்ரமங்களில் செவ்வாய்க்கிழமை திரண்ட பல ஆயிரம் பொதுமக்கள், காணும் பொங்கல் பண்டிகையை கோலாகலமாக கொண்டாடினர்.
தமிழகத்தின் சிறந்த சுற்றுலாத் தலமாக திருவண்ணாமலை மாவட்டம், தண்டராம்பட்டு வட்டத்தில் உள்ள சாத்தனூர் அணை திகழ்கிறது. இந்த 
இந்த அணையில் பல்வேறு திரைப் படங்களின் படப்பிடிப்புகள் நடத்தப்பட்டுள்ளன.
அணையில் குவிந்த பல ஆயிரம் பொதுமக்கள்: எழில்மிகு தோற்றம் கொண்ட இந்த அணையில் காணும் பொங்கலைக் கொண்டாட ஆண்டுதோறும் பல ஆயிரம் பொதுமக்கள் வருவது வழக்கம்.
அதன்படி, செவ்வாய்க்கிழமை திருவண்ணாமலை, விழுப்புரம், கிருஷ்ணகிரி மாவட்டங்கள் மற்றும் தமிழகத்தின் பல்வேறு பகுதிகளைச் சேர்ந்த பல ஆயிரம் பொதுமக்கள் அணையில் குவிந்தனர்.
அணையின் எழில்மிகு தோற்றம், முதலைப் பண்ணை, சிறுவர் பூங்கா, படகு குழாம் உள்ளிட்டவற்றைக் கண்டு மகிழ்ந்த பொதுமக்கள், அங்கேயே உண்டு, உறங்கினர். சிறுவர்கள், இளைஞர்கள் பலர் அங்குள்ள நீச்சல் குளத்தில் குளித்து மகிழ்ந்தனர். சிறுவர் பூங்காவில் சிறுவர்கள் பல மணி நேரம் விளையாடி மகிழ்ந்தனர்.
ஆஸ்ரமங்களில் குவிந்த பொதுமக்கள்: இதேபோல, திருவண்ணாமலை-செங்கம் சாலை, அரசு கலைக் கல்லூரிக்கு எதிரே உள்ள சிறுவர் பூங்கா, ரமணாஸ்ரமம், சேஷாத்திரி ஆஸ்ரமம், யோகி ராம்சுரத்குமார் ஆஸ்ரமம் ஆகியவற்றிலும் ஏராளமான பொதுமக்கள் குவிந்தனர். ரமணாஸ்ரம பூங்காவில் இருந்த மயில்கள், கோசாலையை பொதுமக்கள் பார்த்து மகிழ்ந்தனர்.
மதுபானங்களுக்குத் தடை
சாத்தனூர் அணைக்கு மதுபானங்கள் எடுத்துவர காவல்துறை தடை விதித்திருந்தது. எனவே, செவ்வாய்க்கிழமை அணைக்கு வந்த பொதுமக்களிடம் போலீஸார் தீவிர சோதனையில் ஈடுபட்டனர். மதுபானங்கள், எளிதில் தீப்பிடிக்கும் பொருட்களை எடுத்து வந்த சிலரை போலீஸார் தடுத்து நிறுத்தி மதுபானங்களைப் பறிமுதல் செய்தனர்.
இதுதவிர மது அருந்திவிட்டு இருசக்கர வாகனம் ஓட்டிய 5 பேர் மீதும், கனரக வாகனத்தில் பொதுமக்களை ஏற்றி வந்த 20 கனரக வாகனங்களின் ஓட்டுநர்கள் மீதும், இரு சக்கர வாகனத்தில் மூன்று பேராக வந்ததாக 55 பேர் மீதும் போலீஸார் வழக்குப் பதிந்து அபராதம் வசூலித்தனர். 
தண்டராம்பட்டு, திருவண்ணாமலை, தானிப்பாடி பகுதிகளில் இருந்து சாத்தனூர் அணைக்கு 42 சிறப்புப் பேருந்துகள் இயக்கப்பட்டன.

முழுக் கொள்ளளவு எட்டிய சாத்தனூர் அணை
சாத்தனூர் அணையின் நீர் மட்ட உயரம் 119 அடி. அணையில் இப்போது 119 அடி உயரத்துக்கு தண்ணீர் தேங்கியுள்ளது.  இந்த அழகைக் காண பல ஆயிரம் பக்தர்கள் அணையின் மேல் பகுதிக்குச் சென்றனர். நீண்ட நேரமாக அணையின் அழகைப் பார்த்து மகிழ்ந்தனர்.

]]>
http://www.dinamani.com/all-editions/edition-chennai/tiruvannamalai/2018/jan/17/ஆஸ்ரமங்கள்-சாத்தனூர்-அணையில்-குவிந்த-பொதுமக்கள்-2845769.html
2845768 சென்னை திருவண்ணாமலை ரொக்கமில்லா பணப் பரிவர்த்தனை:  கிராம மக்களுக்கு விழிப்புணர்வு DIN DIN Wednesday, January 17, 2018 02:22 AM +0530 கலசப்பாக்கத்தை அடுத்த பில்லூர் கிராமத்தில், ரொக்கமில்லா பணப் பரிவர்த்தனை,  வங்கிச் சேவைகள் குறித்த விழிப்புணர்வு முகாம் அண்மையில் நடைபெற்றது.
நபார்டு வங்கியின் நிதிசார் கல்வி மையம், திருவண்ணாமலை மாவட்ட மத்திய கூட்டுறவு வங்கியின் கலசப்பாக்கம் கிளை சார்பில் நடைபெற்ற இந்த முகாமுக்கு, பில்லூர் தொடக்க வேளாண் கூட்டுறவு கடன் சங்க மேலாளர் ஜெ.தனலட்சுமி தலைமை வகித்தார்.
நபார்டு வங்கியின் உதவிப் பொது மேலாளர் ஸ்ரீராம் சிறப்பு அழைப்பாளராக கலந்து கொண்டு ரொக்கமில்லா பணப் பரிவர்த்தனை குறித்து பொதுமக்களிடையே விளக்கினார். 
வங்கியின் வைப்புகள், கடன் சேவைகள் குறித்து மத்திய கூட்டுறவு வங்கியின் கலசப்பாக்கம் சரக கள மேலாளர் சு.கணபதி விளக்கிப் பேசினார்.
முகாமில், 5 மகளிர் சுய உதவிக் குழுக்களின் உறுப்பினர்களுக்கு ரூ.20 லட்சம் நேரடி கடனுதவி வழங்கப்பட்டது. 
மத்திய கூட்டுறவு வங்கியின் சரக மேற்பார்வையாளர் கே.என்.முத்து மற்றும் விவசாயிகள், மகளிர் சுய உதவிக் குழு உறுப்பினர்கள், கிராம பொதுமக்கள் பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/17/ரொக்கமில்லா-பணப்-பரிவர்த்தனை--கிராம-மக்களுக்கு-விழிப்புணர்வு-2845768.html
2845767 சென்னை திருவண்ணாமலை அருணாசலேஸ்வரர் கோயிலில் மறுவூடல் திருவிழா DIN DIN Wednesday, January 17, 2018 02:21 AM +0530 திருவண்ணாமலை ஸ்ரீஅருணாசலேஸ்வரர் கோயிலில் செவ்வாய்க்கிழமை நடைபெற்ற மறுவூடல் திருவிழாவில் திரளான பக்தர்கள் கலந்து கொண்டனர்.
இந்தக் கோயிலில் நடைபெறும் முக்கிய திருவிழாக்களில் திருவூடல் திருவிழாவும் ஒன்று. உண்ணாமுலையம்மன், அருணாசலேஸ்வரர் ஆகியோருக்கு இடையே நடைபெறும் ஊடல், கூடலை விளக்கும் வகையில் இந்தத் திருவிழா பல ஆண்டுகளாக நடத்தப்பட்டு வருகிறது.
அதன்படி,  இந்த ஆண்டுக்கான திருவூடல் திருவிழா திங்கள்கிழமை நடைபெற்றது.
அருணாசலேஸ்வரர் கிரிவலம்:
 திருவூடலைத் தொடர்ந்து, அருணாசலேஸ்வரர் திருவண்ணாமலை குமரக் கோயிலுக்கும், உண்ணாமுலையம்மன்அருணாசலேஸ்வரர் கோயிலுக்கும் திரும்பிச் சென்றனர். 
திங்கள்கிழமை இரவு முழுவதும் குமரக் கோயிலில் தங்கியிருந்த அருணாசலேஸ்வரர், செவ்வாய்க்கிழமை அதிகாலை 4 மணிக்கு குமரக் கோயிலில் இருந்து கிரிவலம் சென்றார்.
மறுவூடல் திருவிழா கோலாகலம்: கிரிவலம் முடிந்து செவ்வாய்க்கிழமை பிற்பகல் அருணாசலேஸ்வரர்  கோயிலுக்குத் திரும்பினார். 
பின்னர், பிற்பகல் கோயில் இரண்டாம் பிரகாரத்தில் உண்ணாமுலையம்மன், அருணாசலேஸ்வரர் ஆகியோருக்கு இடையே மறுவூடல் உற்சவம் நடைபெற்றது.
மறுவூடலுக்குப் பிறகு உண்ணாமுலையம்மனுடன் காட்சியளித்த அருணாசலேஸ்வரரை கோயிலில் கூடியிருந்த பக்தர்கள் வணங்கி மகிழ்ந்தனர். 
செவ்வாய்க்கிழமை காணும் பொங்கல் என்பதால் கோயிலில் வழக்கத்தை விட அதிகமான அளவு பக்தர்கள் மறுவூடல் 
திருவிழாவைக் காணக் குவிந்திருந்தனர்.

]]>
http://www.dinamani.com/all-editions/edition-chennai/tiruvannamalai/2018/jan/17/அருணாசலேஸ்வரர்-கோயிலில்-மறுவூடல்-திருவிழா-2845767.html
2845766 சென்னை திருவண்ணாமலை தீ விபத்தில் கூரை வீடு எரிந்து சேதம் DIN DIN Wednesday, January 17, 2018 02:21 AM +0530 தண்டராம்பட்டு அருகே ஏற்பட்ட  தீ விபத்தில் கூரை வீடு எரிந்து சேதமடைந்தது.
தண்டராம்பட்டு அடுத்த வாழவச்சனூர் கிராமம், வள்ளுவர் தெருவைச் சேர்ந்தவர் கிருஷ்ணன் (42). இவரது மனைவி தரணி (37). இருவரும் கூலித் தொழிலாளிகள். இவர்களுக்குச் சொந்தமான கூரை வீடு செவ்வாய்க்கிழமை  மாலை திடீரென தீப்பிடித்து எரிந்தது.
இதைக் கவனித்த பொதுமக்கள் தீயை அணைக்க முயன்றனர். நீண்ட நேரம் போராடியும் தீயை அணைக்க முடியவில்லை. இதையடுத்து, தண்டராம்பட்டு தீயணைப்பு நிலையத்துக்கு தகவல் தெரிவிக்கப்பட்டது. தீயணைப்பு வீரர்கள் விரைந்து வந்து தீயை அணைத்தனர்.
இந்த தீ விபத்தில் வீட்டின் மேற்கூரையில் வைத்திருந்த ரூ.15 ஆயிரம் ரொக்கம், குடும்ப அட்டை, துணிகள், உணவுப் பொருள்கள் எரிந்து சாம்பலாகிவிட்டதாகக் கூறப்படுகிறது. தகவலறிந்த கிராம நிர்வாக அலுவலர் பாக்கியராஜ் விரைந்து சென்று கிருஷ்ணன் குடும்பத்துக்கு இலவச வேட்டி, சேலை, அரிசி, பருப்பு, மண்ணெண்ணெய் உள்ளிட்ட நிவாரணப் பொருள்களை வழங்கினார்.

]]>
http://www.dinamani.com/all-editions/edition-chennai/tiruvannamalai/2018/jan/17/தீ-விபத்தில்-கூரை-வீடு-எரிந்து-சேதம்-2845766.html
2845765 சென்னை திருவண்ணாமலை லாரி மோதியதில் தொழிலாளி சாவு: பொதுமக்கள் சாலை மறியல் DIN DIN Wednesday, January 17, 2018 02:21 AM +0530 செங்கம் அருகே தனியார் பால் ஏற்றிச் சென்ற லாரி மோதியதில் தொழிலாளி உயிரிழந்தார். இறந்தவர் குடும்பத்துக்கு நிவாரணம் வழங்கக் கோரி, பொது மக்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
செங்கத்தை அடுத்த தோக்கவாடி கிராமத்தைச் சேர்ந்த ராமசாமி மகன் ரகு (30), கூலித் தொழிலாளி. இவர், செவ்வாய்க்கிழமை மாலை தோக்கவாடி பகுதியில், செங்கத்தில் இருந்து திருவண்ணாமலை நோக்கிச் சென்ற தனியார் பால் ஏற்றிச் சென்ற லாரி மோதி சம்பவ இடத்திலே உயிரிழந்தார்.
இதனால் அப்பகுதியில் பரபரப்பு ஏற்பட்டதோடு, இறந்தவர் குடும்பத்துக்கு நிவாரணம் வழங்கக் கோரி தோக்கவாடி பகுதியைச் சேர்ந்த பொதுமக்கள் திருவண்ணாமலை-பெங்களூர் தேசிய நெடுஞ்சாலை தோக்கவாடி பகுதியில் சாலை மறியலில் ஈடுபட்டனர். 
தகவலறிந்த செங்கம் (பொறுப்பு) டிஎஸ்பி ஸ்ரீதர், ஆய்வாளர் கர்ணன் மற்றும் போலீஸார் சம்பவ இடத்துக்குச்  சென்று சாலை மறியலில் ஈடுபட்டவர்களிடம் பேச்சுவார்த்தை நடத்தினர்.
 இந்த நிலையில், சாலை மறியல் சுமார் 2 மணி நேரம் நீடித்ததால் வாகனங்கள் மாற்று வழியில் செல்ல ஏற்பாடு செய்யப்பட்டது. 
மேலும், அந்தச் சாலையை கடந்து செல்ல வாகன ஓட்டிகள் அச்சப்பட்டதால், திருவண்ணாமலை செல்லும் வாகனங்கள் செங்கம் புதுப்பாளையம் வழியாகவும், திருவண்ணாமலையில் இருந்து வரும் வாகனங்கள் மண்மலை புறவழிச் சாலை வழியாகவும் மாற்றிவிடப்பட்டன. 
மேலும், அப்பகுதியில் போலீஸார் பாதுகாப்புப் பணியில் ஈடுபட்டு வருகின்றனர். இறந்தவரின் உடல் செங்கம் அரசு மருத்துவமனைக்கு பிரேத பரிசோதனைக்கு அனுப்பிவைக்கப்பட்டது.
 செங்கம் போலீஸார் விபத்து குறித்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/tiruvannamalai/2018/jan/17/லாரி-மோதியதில்-தொழிலாளி-சாவு-பொதுமக்கள்-சாலை-மறியல்-2845765.html
2845764 சென்னை திருவண்ணாமலை போட்டிகளில் வென்ற மாணவர்களுக்கு பரிசு DIN DIN Wednesday, January 17, 2018 02:20 AM +0530 திருவண்ணாமலையில் தமிழ்நாடு காந்தி பேரவை சார்பில் நடத்தப்பட்ட பல்வேறு போட்டிகளில் வெற்றி பெற்ற மாணவ-மாணவிகளுக்குப் பரிசுகள் வழங்கப்பட்டன.
திருவண்ணாமலை, கார்மேல் பள்ளியில் அண்மையில் நடைபெற்ற விழாவுக்கு, தமிழ்நாடு காந்தி பேரவையின் நிறுவனத் தலைவர் பி.எஸ்.விஜயகுமார் தலைமை வகித்தார். 
கவிஞர் லதா பிரபுலிங்கம், ஓய்வு பெற்ற அரசுக் கல்லூரி முதல்வர் பெ.சுப்பிரமணி, ஓய்வு பெற்ற மாவட்ட வருவாய் அலுவலர் கனகராஜ், மூர்த்தி ஆகியோர் முன்னிலை வகித்தனர். ஏ.வாசுதேவன் வரவேற்றார்.
திருவண்ணாமலை கெங்குசாமி நாயுடு மெட்ரிக் பள்ளித் தாளாளர் மா.சின்ராஜ் சிறப்பு அழைப்பாளராக கலந்து கொண்டு பேசினார். தொடர்ந்து நடைபெற்ற சிறப்புப் பட்டிமன்றத்தில் பேச்சாளர்கள் இரா.சங்கர், கோகிலா ராஜபிரபு, கவிஞர்கள் கார்த்திகேயன், சு.சிவபிரகாசம், அஜ்மல், இல.சஞ்சனா ஆகியோர் பேசினர். பேச்சாளர் கு.சபரி நடுவர் பொறுப்பேற்றார்.
பேச்சு, கட்டுரை உள்ளிட்ட பல்வேறு போட்டிகளில் வெற்றி பெற்ற மாணவ-மாணவிகளுக்கு திருவண்ணாமலை தமிழ்ச் சங்கத் தலைவர் அருள்வேந்தன் பாவைச்செல்வி, ஆர்.ராஜேந்திரபிரசாத் ஆகியோர் பரிசுகள் வழங்கினர். விழாவில், ஏ.வாசுதேவன், சொல்லினியன், ஜெயசங்கர், சு.மோகன், நல்லாசிரியர்கள் சரவணன், ஜி.சித்ரா, பாடகர் மோகன், பாடகி புஷ்பவள்ளி, திருக்குறள் சமுதாயம் அமைப்பின் நிர்வாகி தமிழ்ச்செல்வி கமலக்கண்ணன் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/17/போட்டிகளில்-வென்ற-மாணவர்களுக்கு-பரிசு-2845764.html
2845763 சென்னை திருவண்ணாமலை விஷம் குடித்து இருவர் சாவு DIN DIN Wednesday, January 17, 2018 02:20 AM +0530 வேட்டவலம், வந்தவாசி அருகே நிகழ்ந்த இருவேறு சம்பவங்களில் விஷம் குடித்து இருவர் உயிரிழந்தனர்.
வேட்டவலத்தை அடுத்த அணுக்குமலை கிராமத்தைச் சேர்ந்தவர் விவசாயி அண்ணாமலை. இவரது மனைவி ஜெயா (50). இவர், கடந்த சில மாதங்களாக தீராத வயிற்று வலியால் அவதிப்பட்டு வந்தாராம். பல்வேறு மருத்துவமனைகளில் சிகிச்சை பெற்றும் குணமடையவில்லையாம்.
இதனால் மனமுடைந்த அவர் ஞாயிற்றுக்கிழமை  வீட்டில் இருந்த பூச்சிக்கொல்லி மருந்தை குடித்து மயங்கி விழுந்துள்ளார்.  
இதைக் கவனித்த உறவினர்கள் அவரை மீட்டு திருவண்ணாமலை அரசு மருத்துவமனையில் சேர்த்தனர். அங்கு அவர் திங்கள்கிழமை இரவு உயிரிழந்தார். இதுகுறித்து, வேட்டவலம் போலீஸார் வழக்குப் பதிந்து விசாரித்து வருகின்றனர். 
வந்தவாசி
 வந்தவாசியை அடுத்த வல்லம் கிராமத்தைச் சேர்ந்தவர் சங்கர்(41). கூலித் தொழிலாளி. இவரது மனைவி விஜயலட்சுமி. இவர்களுக்கு 2 மகள்கள், ஒரு மகன் உள்ளனர். கடந்த 10 ஆண்டுகளுக்கு முன்னர் விஜயலட்சுமி இறந்துவிட்டார். இதனால் சங்கர் மதுப் பழக்கத்துக்கு அடிமையாகி உள்ளார். 
  கடந்த சனிக்கிழமை சங்கர் வீட்டில் விஷம் அருந்திவிட்டு மயங்கிய நிலையில் கிடந்துள்ளார். அக்கம் பக்கத்தினர் அவரை மீட்டு வந்தவாசி அரசு மருத்துவமனையில் சேர்த்தனர். பின்னர், தீவிர சிகிச்சைக்காக செங்கல்பட்டு அரசு மருத்துவமனையில் சேர்க்கப்பட்ட சங்கர் திங்கள்கிழமை இறந்தார்.  இது குறித்த புகாரின் பேரில் வடவணக்கம்பாடி போலீஸார் வழக்குப் பதிந்துள்ளனர்.
 

]]>
http://www.dinamani.com/all-editions/edition-chennai/tiruvannamalai/2018/jan/17/விஷம்-குடித்து-இருவர்-சாவு-2845763.html
2845762 சென்னை திருவண்ணாமலை மதுபானங்களை பதுக்கி விற்ற 95 பேர் மீது வழக்குப் பதிவு DIN DIN Wednesday, January 17, 2018 02:20 AM +0530 திருவண்ணாமலை மாவட்டத்தின் பல்வேறு பகுதிகளில் டாஸ்மாக் மற்றும் புதுச்சேரி மாநில மதுபானங்களை பதுக்கி வைத்து விற்றதாக 95 பேர் மீது போலீஸார் வழக்குப் பதிந்துள்ளனர்.
தமிழகம் முழுவதும் திருவள்ளுவர் தினத்தையொட்டி திங்கள்கிழமை (ஜன.15) டாஸ்மாக் கடைகளுக்கு விடுமுறை அளிக்கப்பட்டது. இந்த நாளில் பல்வேறு இடங்களில் டாஸ்மாக் மற்றும் புதுச்சேரி மாநில மதுபானங்களை பதுக்கி வைத்து விற்பதாக போலீஸாருக்கு தகவல் கிடைத்தது.
இதையடுத்து, மதுவிலக்கு அமலாக்கப் பிரிவு போலீஸார் மற்றும் உள்ளூர் போலீஸார் தீவிர சோதனை நடத்தி 95 பேர் மீது வழக்குப் பதிவு செய்துள்ளனர். இவர்களிடம் இருந்து ஏராளமான டாஸ்மாக், புதுச்சேரி மாநில மதுபானங்கள் பறிமுதல் செய்யப்பட்டன. 
செய்யாறு
செய்யாறு பகுதியைச் சேர்ந்த அனக்காவூர், பெரணமல்லூர், மோரணம், பிரம்மசேதம், தூசி, செய்யாறு ஆகிய காவல் நிலையங்களுக்கு உள்பட்ட பகுதிகளில் போலீஸார் தீவிரமாக கண்காணித்து வந்தனர். 
இந்த நிலையில், மதுப் புட்டிகளை பதுக்கி வைத்திருந்ததாக அனப்பத்தூர் கிராமத்தைச் சேர்ந்த சரளா (39),  ஏழுமலை (51),  இளநீர்குன்றம் சிவமூர்த்தி (57),  வடஆளப்பிறந்தான் இசக்கி (50),  உக்கல் ஏழுமலை (45), கனிகிலுப்பை செல்வராஜ் (56),  ராமகிருஷ்ணாபுரம் 
பிள்ளையார்(58), பெருங்கட்டூர் குப்பன் (56), வெங்கட்ராயன்பேட்டை குமார் (37),  சீனிவாசன் (36), வெங்களத்தூர் கிராமத்தைச் சேர்ந்த ராணி (45), சண்முகம் (32),  நாட்டேரி ஜெகன் (22),  நமத்தோடு கிராமத்தைச் சேர்ந்த முனியம்மாள் (42), குமார் (41) ஆகியோர் மீது போலீஸார் வழக்குப் பதிவு செய்தனர். 
மேலும், அவர்களிடம் இருந்து 120 மதுப் புட்டிகள் பறிமுதல் செய்யப்பட்டன.

]]>
http://www.dinamani.com/all-editions/edition-chennai/tiruvannamalai/2018/jan/17/மதுபானங்களை-பதுக்கி-விற்ற-95-பேர்-மீது-வழக்குப்-பதிவு-2845762.html
2845550 சென்னை திருவண்ணாமலை போளூரில் வழுக்கு மரம் ஏறுதல் நிகழ்ச்சி DIN DIN Wednesday, January 17, 2018 12:51 AM +0530 பொங்கல் பண்டிகையை முன்னிட்டு, போளூர் பேரூராட்சிக்கு உள்பட்ட கோட்டைமேடு பகுதியில்  வழுக்கு மரம் ஏறுதல் நிகழ்ச்சி திங்கள்கிழமை நடைபெற்றது.
கோட்டைமேடு பகுதியில் உள்ள இளைஞர்கள், பொதுமக்கள் இணைந்து அப்பகுதியில் உள்ள கோட்டை மாரியம்மன் கோயிலில் பொங்கல் வைத்து சுவாமிக்கு  சிறப்பு அபிஷேகம், ஆராதனை செய்து வழிபட்டனர்.
 பின்னர், கோயில் அருகே 25அடி உயர வழுக்கு மரம் நட்டு இளைஞர்கள்  வழுக்கு மரம் ஏறுதல் நிகழ்ச்சி நடைபெற்றது. அப்போது, வழுக்கு மரம் ஏறி மரத்தின் உச்சியில் இருந்த பரிசை எடுத்துச் சென்றனர். இதில் இளைஞர்கள் திரளாக கலந்துகொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/17/போளூரில்-வழுக்கு-மரம்-ஏறுதல்-நிகழ்ச்சி-2845550.html
2845548 சென்னை திருவண்ணாமலை அருணை தமிழ்ச் சங்க விருதுகள் அறிவிப்பு: 22-இல் விருதுகள் வழங்கும் விழா DIN DIN Wednesday, January 17, 2018 12:50 AM +0530 திருவண்ணாமலை அருணை தமிழ்ச் சங்கம் சார்பில் 2018-ஆம் ஆண்டில் தமிழ்த் தொண்டு, பொதுத் தொண்டு, கலைத் தொண்டு, ஆன்மிகத் தொண்டுகளுக்கான விருதுகள் பெறுவோர் பட்டியல் வெளியிடப்பட்டது.
திருவண்ணாமலை, அருணை தமிழ்ச் சங்கத்தின் விருதுகள் தேர்வுக் குழுக் கூட்டம் அண்மையில் நடைபெற்றது. 
 சங்கத்தின் தலைவரும், தமிழக முன்னாள் அமைச்சருமான எ.வ.வேலு தலைமை வகித்தார்.
துணைத் தலைவர் சாவல்பூண்டி மா.சுந்தரேசன், பொருளாளர் எம்.இ.ஜமாலுதீன், துணைச் செயலாளர் எ.வ.வே.குமரன், முன்னாள் நகர்மன்றத் தலைவர் இரா.ஸ்ரீதரன் ஆகியோர் முன்னிலை வகித்தனர். 
வெற்றித் தமிழர் பேரவைத் தலைவர் ப.கார்த்திவேல்மாறன் வரவேற்றார்.
கூட்டத்தில், அருணை தமிழ்ச் சங்கத்தின் 2018-ஆம் ஆண்டுக்கான விருதுகளுக்கு விண்ணப்பித்தோரின் விவரங்கள் ஆய்வு செய்யப்பட்டன. இறுதியாக, தமிழ்த் தொண்டு ஆற்றுபவர்களுக்கான மறைமலை அடிகளார் விருதுக்கு திருவண்ணாமலை எழுத்தாளர் ந.சண்முகம் தேர்வு செய்யப்பட்டார்.
இதேபோல, பொதுத் தொண்டுக்கான டாக்டர் முத்துலட்சுமி விருதுக்கு தொழிலதிபர் திரிசூல் ஏ.நாராயணன், கலைத் தொண்டுக்கான கலைவாணர் என்.எஸ்.கே விருதுக்கு, செய்யாறு ஓவியர் என்.கோபால், ஆன்மிகத் தொண்டுக்கான கிருபானந்த வாரியார் விருதுக்கு திருவண்ணாமலை பேராசிரியர் வெ.ராமு ஆகியோர் தேர்வு செய்யப்பட்டனர்.
மருத்துவர் எ.வ.வே.கம்பன், சிறப்பு அழைப்பாளர்கள் சி.என்.அண்ணாதுரை, காலேஜ் கு.ரவி, முன்னாள் ஊராட்சித் தலைவர் இர.செல்வராஜ், மங்கலம் ம.பிரபாகரன், பா.ஷெரிப் உள்பட பலர் கலந்து கொண்டனர்.
ஜனவரி 22-இல் விருதுகள் வழங்கும் விழா: திருவண்ணாமலை, காந்தி நகர் பைபாஸ் சாலையில் ஜனவரி 22-ஆம் தேதி விருதுகள் வழங்கும் விழாவும், அருணை தமிழ்ச் சங்கத்தின் தமிழர் திருநாள் விழாவும் நடைபெறுகிறது. 
இதில், புதுச்சேரி முதல்வர் நாராயணசாமி கலந்து கொண்டு விருதுகள் வழங்குகிறார்.

]]>
http://www.dinamani.com/all-editions/edition-chennai/tiruvannamalai/2018/jan/17/அருணை-தமிழ்ச்-சங்க-விருதுகள்-அறிவிப்பு-22-இல்-விருதுகள்-வழங்கும்-விழா-2845548.html
2845546 சென்னை திருவண்ணாமலை மது போதையில் தகராறு: 3 பேர் கைது DIN DIN Wednesday, January 17, 2018 12:50 AM +0530 திருவண்ணாமலை மாவட்டம், போளூர் அருகே மது போதையில் இளைஞரைத் தாக்கியதாக போலீஸார் செவ்வாய்க்கிழமை 3 பேரை கைது செய்தனர்.
போளூர்அருகேயுள்ள கொரால்பாக்கம் கிராமத்தைச் சேர்ந்தவர் கார்த்திக் (29). இவர், பெலாசூரில் வசிக்கும் தனது உறவினரை பார்க்க இருசக்கர வாகனத்தில் திங்கள்கிழமை இரவு சனிக்கவாடி ஊராட்சி வழியாகச் சென்றார். அப்போது, சனிக்கவாடி பகுதி காளியம்மன் கோயில் அருகே அதே கிராமத்தைச் சேர்ந்த அன்பு(35),  சதீஷ் (18),  ரமேஷ் (29) ஆகிய 3 பேர் சாலையில் இருசக்கர வாகனத்தை நிறுத்திவிட்டு மது அருந்திக் கொண்டிருந்தனராம்.
அவ்வழியாகச் சென்ற கார்த்திக் வாகனத்தை ஓரமாக நிறுத்துமாறு கேட்டுள்ளார். 
இதுதொடர்பாக இரு தரப்பினருக்கும் தகராறு ஏற்பட்டுள்ளது. இதில் அன்பு, சதீஷ், ரமேஷ் ஆகிய 3 பேரும் சேர்ந்து கார்த்திக்கை சரமாரியாக தாக்கியதாகத் தெரிகிறது. பலத்த காயமடைந்த கார்த்திக் திருவண்ணாமலை அரசு மருத்துவமனையில் சேர்க்கப்பட்டார்.
இதுகுறித்த புகாரின் பேரில் போளூர் போலீஸார் அன்பு, ரமேஷ், சதீஷ் ஆகிய 3 பேரை செவ்வாய்க்கிழமை கைது செய்தனர்.
 

]]>
http://www.dinamani.com/all-editions/edition-chennai/tiruvannamalai/2018/jan/17/மது-போதையில்-தகராறு-3-பேர்-கைது-2845546.html
2845071 சென்னை திருவண்ணாமலை போளூரில் வழுக்கு மரம் ஏறுதல் நிகழ்ச்சி DIN DIN Tuesday, January 16, 2018 05:57 AM +0530 பொங்கல் பண்டிகையை முன்னிட்டு, போளூர் பேரூராட்சிக்கு உள்பட்ட கோட்டைமேடு பகுதியில்  வழுக்கு மரம் ஏறுதல் நிகழ்ச்சி திங்கள்கிழமை  நடைபெற்றது.
கோட்டைமேடு பகுதியில் உள்ள இளைஞர்கள், பொதுமக்கள் இணைந்து அப்பகுதியில் உள்ள கோட்டை மாரியம்மன் கோயிலில் பொங்கல் வைத்து சுவாமிக்கு  சிறப்பு அபிஷேகம், ஆராதனை  நடைபெற்றது  . பின்னர் பக்தர்கள் சுவாமி தரிசனம் செய்தனர்.
 பின்னர், கோயில் அருகே 25அடி உயர வழுக்கு மரம் நட்டு இளைஞர்கள்  வழுக்கு மரம் ஏறுதல் நிகழ்ச்சி நடைபெற்றது. அப்போது, வழுக்கு மரம் ஏறி மரத்தின் உச்சியில் இருந்த பரிசை எடுத்துச் சென்றனர். இதில் இளைஞர்கள் திரளாக கலந்துகொண்டனர்.
 

]]>
http://www.dinamani.com/all-editions/edition-chennai/tiruvannamalai/2018/jan/16/போளூரில்-வழுக்கு-மரம்-ஏறுதல்-நிகழ்ச்சி-2845071.html
2845070 சென்னை திருவண்ணாமலை செய்யாறில் திருவள்ளுவர் தின விழா DIN DIN Tuesday, January 16, 2018 05:57 AM +0530 செய்யாறில்  திருவள்ளுவர் தினத்தை முன்னிட்டு ஊர்வலம்  திங்கள்கிழமை நடைபெற்றது. 
செய்யாறு வட்ட தொல்காப்பியர் தமிழ்ச் சங்கம் சார்பில் நடைபெற்ற  ஊர்வலத்துக்கு சிறப்பு ஆலோசகர் பேராசிரியர் த.கோ.சம்பந்தன் தலைமை வகித்தார்.
 செய்யாறு அண்ணா சிலை அருகே திருவள்ளுவர் உருவப் படத்துடன் தொடங்கிய ஊர்வலம் கோபால் தெரு குறிஞ்சி குகன் நிலையம் அருகே நிறைவடைந்தது. ஊர்வலத்தின் போது திருக்குறள் முழுங்கப்பட்டன. பின்னர், குறிஞ்சி குகன் நிலையத்தில் திருவள்ளுவர் சிலைக்கு மாலை அணிவித்து மரியாதை செலுத்தினர்.
நிகழ்ச்சியில் அரிமா சங்க நிர்வாகிகள் எம்.சண்முகம், பி.நடராஜன், புகழேந்தி, ரவி, தமிழாசிரியர்கள் பி.என்.சேகர், ஆர்.சீனுவாசன், நரசிம்மபாரதி, கமலக்கண்ணன், கிருஷ்ணமூர்த்தி உள்பட பலர் கலந்து கொண்டனர். 
விழாவுக்கான ஏற்பாடுகளை தொல்காப்பியர் தமிழ்ச் சங்க நிர்வாகிகள் ஞானமூர்த்தி, கலைவாணன், செல்வராஜ்  ஆகியோர் செய்திருந்தனர். 

]]>
http://www.dinamani.com/all-editions/edition-chennai/tiruvannamalai/2018/jan/16/செய்யாறில்-திருவள்ளுவர்-தின-விழா-2845070.html
2845069 சென்னை திருவண்ணாமலை தமிழ்ச் சங்கம் சார்பில் பொங்கல் விழா DIN DIN Tuesday, January 16, 2018 05:56 AM +0530 வந்தவாசி வட்ட தமிழ்ச் சங்கம் சார்பில் பொங்கல் விழா வந்தவாசியில் ஞாயிற்றுக்கிழமை மாலை நடைபெற்றது. 
விழாவுக்கு சங்கத் தலைவர் வே.சிவராமகிருஷ்ணன் தலைமை வகித்தார். அரிமா சங்க மாவட்ட தலைவர் இரா.சரவணன், பள்ளித் தலைமை ஆசிரியர்கள் ப.பன்னீர்செல்வம், சி.இராஜேந்திரன், ஓய்வுபெற்ற காவல் ஆய்வாளர் மா.கதிரொளி ஆகியோர் முன்னிலை வகித்தனர்.  சங்கச் செயலர் சு.வெங்கடேசன் வரவேற்றார். மு.பிரபாகரன் குறளும் அதற்கான பொருளும் கூறினார்.
  இன்றைய சூழலில் பண்பாட்டையும், நாகரீகத்தையும் பெரிதும் போற்றுவது படிப்பாளிகளா அல்லது உழைப்பாளிகளா என்ற தலைப்பில் சிரிப்பு பட்டிமன்றம் நடைபெற்றது. 
படிப்பாளிகளே என்ற தலைப்பில் சரளாதேவி, வரகவி நரசிம்மன், திவ்யா ஆகியோரும், உழைப்பாளிகளே என்ற தலைப்பில் சென்னம்மாள், குமாரவேல், செந்தாமரைச் செல்வி ஆகியோரும் பேசினர். 
நடுவர் தமிழ்நெஞ்சன் இன்றைய சூழலில் பண்பாட்டையும், நாகரீகத்தையும் பெரிதும் போற்றுவது உழைப்பாளிகளே என்று தீர்ப்பு வழங்கினார்.   பின்னர், புலவர் ந.பானுவுக்கு தொல்காப்பியர் விருதை புலவர் இரா.சிவக்குமரன், சங்க பொருளர் ஆ.மயில்வாகனன் ஆகியோர் வழங்கினர். சங்க செயற்குழு உறுப்பினர் சு.அகிலன் நன்றி கூறினார். 
 

]]>
http://www.dinamani.com/all-editions/edition-chennai/tiruvannamalai/2018/jan/16/தமிழ்ச்-சங்கம்-சார்பில்-பொங்கல்-விழா-2845069.html
2845068 சென்னை திருவண்ணாமலை பொங்கலன்று இரை தேடிய கொக்குக் கூட்டம் DIN DIN Tuesday, January 16, 2018 05:56 AM +0530 சேத்துப்பட்டு அருகேயுள்ள ஆத்துரை கிராமத்தில் விவசாயிகள் நடவு செய்ய உள்ள வயல் சேற்றில் கொக்குக் கூட்டம் இரைதேடி திங்கள்கிழமை கூடியது.
ஆத்துரை கிராமத்தில்  கடந்த ஆண்டு செம்டம்பர், அக்டோபர் மாதத்தில் சம்பா நெல் நடவு செய்திருந்தனர். இந்த சம்பா  நெல் பயிரை  டிசம்பர் கடைசி,  ஜனவரி தொடக்கத்தில் அறுவடை செய்தனர். 
இந்த அறுவடை செய்திருந்த நிலத்தில் தற்போது நவரை பட்டத்தில் நடவு செய்ய விவசாயிகள் நிலத்தை உழுது சேறு ஓட்டி வைத்துள்ளனர்.  இடையில் பொங்கல் பண்டிகை வந்ததால் விவசாயிகள் பொங்கல் கழித்து நடவு செய்ய திட்டமிட்டுள்ள நிலையில், சேற்றில் ஏராளமான கொக்குக் கூட்டம் தனக்கான உணவை திங்கள்கிழமை தேடி உண்டன.  இதை ஏராளமான விவசாயிகள், இளைஞர்கள் பார்த்து ரசித்தனர்.

]]>
http://www.dinamani.com/all-editions/edition-chennai/tiruvannamalai/2018/jan/16/பொங்கலன்று-இரை-தேடிய-கொக்குக்-கூட்டம்-2845068.html
2845067 சென்னை திருவண்ணாமலை செய்யாறு, சேராம்பட்டு கோயில்  திருவிழா முன்னேற்பாடுகள்: கோட்டாட்சியர் ஆலோசனை DIN DIN Tuesday, January 16, 2018 05:55 AM +0530 செய்யாறு, சேராம்பட்டு கோயில் திருவிழா முன்னேற்பாடுகள் தொடர்பான ஆலோசனைக் கூட்டம் செய்யாறு வருவாய் கோட்டாட்சியர் அலுவலகத்தில் வெள்ளிக்கிழமை நடைபெற்றது. 
செய்யாறு திருவோத்தூர் ஸ்ரீ வேதபுரீஸ்வரர் கோயிலில் பத்து நாள்கள் நடைபெறும் பிரம்மோற்ஸவம் வருகிற 18 -ஆம் தேதி தொடங்குகிறது. 
அதே போல சேராம்பட்டு ரேணுகாம்பாள் கோயிலில் காணும் பொங்கல் திருவிழா 
16-ஆம் தேதி நடைபெறவுள்ளது. இவ்விரு கோயில் விழாக்களுக்கான முன்னேற்பாடுகள் நடந்து வருகின்றன. 
இந்த நிலையில் கோயில் திருவிழாக்களை சிறப்பாக நடத்தவும், பக்தர்களுக்கு அடிப்படை வசதிகளை ஏற்படுத்தவும் செய்யாறு வருவாய் கோட்டாட்சியர் பொன்.கிருபானந்தம் தலைமையில் ஆலோசனைக் கூட்டம் நடைபெற்றது. 
இதில் பங்கேற்ற தொண்டு நிறுவன பிரதிநிதிகள், திருவோத்தூர் ஸ்ரீ வேதபுரீஸ்வரர் கோயிலைச் சுற்றியுள்ள பகுதியை சுகாதாரமாக பராமரித்து சாலை அமைக்க வேண்டும். திருவிழா காலங்களில் தடையில்லா மின் விநியோகம் வழங்க வேண்டும். சுகாதாரத் துறை மூலமாக நடமாடும் மருத்துவ வசதி ஏற்படுத்த வேண்டும்.
தீ விபத்து உள்ளிட்ட இடர்ப்பாடுகள் நிகழாவண்ணம் தீயணைப்பு வீரர்கள் உரிய நடவடிக்கைகளை மேற்கொள்ள வேண்டும். கோயிலுக்கு வரும் பக்தர்களுக்கு சுத்தமான குடிநீர் விநியோகம் செய்ய வேண்டும். தேரோட்டத்தின் போது கோயிலுக்கு வரும் பக்தர்களின் வாகனங்களுக்கு பார்க்கிங் வசதி ஏற்படுத்த வேண்டும் என்பன உள்ளிட்ட கோரிக்கைகளை முன்வைத்தனர்.
இதையடுத்து பேசிய கோட்டாட்சியர் பொன்.கிருபானந்தன், 'அந்தந்தத் துறை அதிகாரிகளிடம் கோரிக்கை தொடர்பான அனைத்து நடவடிக்கைகளை மேற்கொள்ள வேண்டும் என அறிவுறுத்தினார்.
கூட்டத்தில் மின்துறை வள்ளிகாந்தன், நகராட்சி சுகாதார அலுவலர் பி.பாலசுப்பிரமணியன், நேர்முக உதவியாளர் வேணுகோபால், மேற்பார்வையாளர் சத்தியன் உள்ளிட்ட பல்வேறு துறைகளைச் சேர்ந்தவர்கள் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2018/jan/16/செய்யாறு-சேராம்பட்டு-கோயில்--திருவிழா-முன்னேற்பாடுகள்-கோட்டாட்சியர்-ஆலோசனை-2845067.html
2845066 சென்னை திருவண்ணாமலை இன்று சேராம்பட்டில் காணும் பொங்கல் விழா DIN DIN Tuesday, January 16, 2018 05:55 AM +0530 செய்யாறை அடுத்த சேராம்பட்டு கிராமத்தில் அமைந்துள்ள ரேணுகாம்பாள் (எ) எல்லையம்மன் கோயிலில் காணும் பொங்கல் விழா செவ்வாய்க்கிழமை (ஜன.16) நடைபெறுகிறது. 
தொடர்ந்து 55 -ஆம் ஆண்டாக நடைபெறும் இந்த விழாவில் அன்று காலை சிறப்பு அபிஷேக ஆராதனையுடன் அலங்காரமும், இரவு எல்லையம்மன் புஷ்ப மின் அலங்காரத்துடன் திருவீதி உலாவும் நடைபெறுகிறது. 
மறுநாள் புதன்கிழமை (ஜன.17)  மாலை அலங்காரம், ஆற்றங்கரையில் அம்மனுக்கு சிறப்பு அபிஷேகம் நடைபெறுகிறது.
நிகழ்ச்சியில் தமிழக இந்து சமய அறநிலையத் துறை அமைச்சர் சேவூர் எஸ்.இராமச்சந்திரன், செய்யாறு தொகுதி எம்எல்ஏ தூசி கே.மோகன், ஆரணி தொகுதி எம்.பி. செஞ்சி சேவல் வெ.ஏழுமலை உள்ளிட்ட பலர் பங்கேற்கின்றனர்.
பக்தர்களின் வசதிக்காக செய்யாறு, ஆரணி, கலவை, ஆற்காடு ஆகிய பகுதிகளில் இருந்து அரசுப் போக்குவரத்துக் கழகம் சார்பில் சிறப்பு பேருந்துகள் இயக்கப்பட உள்ளன. விழாவுக்கான ஏற்பாடுகளை இந்து சமய அறநிலையத் துறை செயல் அலுவலர் ச.உமேஷ்குமார், ஆய்வாளர் ப.ராஜா மற்றும் கிராம மக்கள் செய்துள்ளனர்.
 

]]>
http://www.dinamani.com/all-editions/edition-chennai/tiruvannamalai/2018/jan/16/இன்று-சேராம்பட்டில்-காணும்-பொங்கல்-விழா-2845066.html
2845065 சென்னை திருவண்ணாமலை மாட்டுப் பொங்கல்: அருணாசலேஸ்வரர் கோயில் நந்திகளுக்கு சிறப்பு அலங்காரம் DIN DIN Tuesday, January 16, 2018 05:54 AM +0530 பண்டிகையையொட்டி, திருவண்ணாமலை அருணாசலேஸ்வரர் கோயிலில் திங்கள்கிழமை சிறப்பு அலங்காரத்தில் காட்சியளித்த 5 நந்திகளை திரளான பக்தர்கள் வழிபட்டனர்.
திருவண்ணாமலை மாவட்டம் முழுவதும் உள்ள விவசாயிகள், திங்கள்கிழமை மாட்டுப் பொங்கலை கோலாகலமாகக் கொண்டாடினர். கிராமங்களில் விவசாயிகள் தாங்கள் வளர்த்து வரும் பசுக்கள், காளைகள், கன்றுகளின் கொம்புகளுக்கு வர்ணம் பூசி, பலூன் கட்டி சிறப்புப் பூஜைகள் செய்தனர்.
ஸ்ரீஅருணாசலேஸ்வரர் கோயிலில்: திருவண்ணாமலை ஸ்ரீஅருணாசலேஸ்வரர் கோயில் ஆயிரம் கால் மண்டபம் எதிரே உள்ள பெரிய நந்தி, கிளிகோபுரம் எதிரே உள்ள சிறிய நந்தி, தங்கக் கொடி மரம் எதிரே உள்ள பிரதோஷ நந்தி, சரவிளக்கு அருகே உள்ள நந்தி, சுவாமி சன்னதி எதிரே உள்ள அதிகார நந்தி உள்ளிட்ட நந்திகளுக்கு திங்கள்கிழமை அதிகாலை 4 மணிக்கு சிறப்பு அபிஷேக-ஆராதனைகள் நடைபெற்றன.
பழம், காய்கறிகள் அலங்காரத்தில்..: நந்திகளுக்கு பால், பழம், தயிர், பன்னீர் உள்ளிட்ட பல்வேறு பூஜைப் பொருள்களைக் கொண்டு சிறப்பு அபிஷேக-ஆராதனைகள் நடைபெற்றன. பின்னர், கத்தரி, முள்ளங்கி, பிட்ரூட், மிளகாய் உள்ளிட்ட காய்கறிகள், திராட்சை, மாதுளை, ஆப்பிள் உள்ளிட்ட பழங்கள், அதிரசம், முருக்கு, வடை மற்றும் இனிப்புகளால் ஆன சிறப்பு அலங்காரத்தில் 5 நந்திகளும் பக்தர்களுக்கு அருள்பாலித்தனர்.
இந்த நந்தி பகவான்களை திங்கள்கிழமை அதிகாலை முதல் இரவு வரை பக்தர்கள் நீண்ட வரிசையில் காத்திருந்து வணங்கினர்.
மற்ற கோயில்களில்...: இதுபோன்று தண்டராம்பட்டு, தானிப்பாடி, கீழ்பென்னாத்தூர், வேட்டவலம், கலசப்பாக்கம் உள்பட மாவட்டத்தின் பிற சிவன் கோயில்களில் உள்ள நந்திகளுக்கும் திங்கள்கிழமை காய்கறி, பழங்களால் சிறப்பு அலங்காரம் செய்யப்பட்டிருந்தன. இந்தக் கோயில்களில் அந்தந்த பகுதி பொதுமக்கள் பங்கேற்று சுவாமி தரிசனம் செய்தனர்.

]]>
http://www.dinamani.com/all-editions/edition-chennai/tiruvannamalai/2018/jan/16/மாட்டுப்-பொங்கல்-அருணாசலேஸ்வரர்-கோயில்-நந்திகளுக்கு-சிறப்பு-அலங்காரம்-2845065.html