Dinamani - திருவண்ணாமலை - http://www.dinamani.com/all-editions/edition-chennai/tiruvannamalai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2794920 சென்னை திருவண்ணாமலை மணிலாவுக்கு குறைந்த விலை நிர்ணயம்: விவசாயிகள் சாலை மறியலால் போக்குவரத்து பாதிப்பு DIN DIN Tuesday, October 24, 2017 02:08 AM +0530 கீழ்பென்னாத்தூரில் மணிலாவுக்கு குறைந்த விலை நிர்ணயம் செய்யப்பட்டதற்கு எதிர்ப்புத் தெரிவித்து, விவசாயிகள் சாலை மறியலில் ஈடுபட்டனர்.
கீழ்பென்னாத்தூரில் ஒழுங்குமுறை விற்பனைக் கூடம் இயங்கி வருகிறது. விற்பனைக்கூட கண்காணிப்பாளராக விநாயகம் என்பவர் பணிபுரிந்து வருகிறார்.
இந்த நிலையில் திங்கள்கிழமை ஏராளமான விவசாயிகள் ஒழுங்குமுறை விற்பனைக் கூட்டத்தில் விற்பனை செய்ய மணிலாவை கொண்டு வந்தனர். 80 கிலோ எடை கொண்ட ஒரு மூட்டை மணிலாவுக்கு அதிகபட்சமாக ரூ. 4 ஆயிரத்து 801 என்று வியாபாரிகள் விலை நிர்ணயம் செய்தனர்.
இதைக் கேட்ட விவசாயிகள், விலை குறைவாக இருப்பதாகவும், உள்ளூர் வியாபாரிகள் ஒன்று சேர்ந்துகொண்டு குறைந்த விலையை நிர்ணயம் செய்துள்ளதாகவும் கூறினர்.
மேலும், வெளியூர் வியாபாரிகள் வந்தால் அதிக விலை கிடைக்கும் என்று விவசாயிகள் தெரிவித்தனர். இதைத் தொடர்ந்து, குறைந்த விலை நிர்ணயம் செய்யப்பட்டதற்கு எதிர்ப்புத் தெரிவித்து திருவண்ணாமலை - சென்னை சாலையில் அமர்ந்து விவசாயிகள் மறியலில் ஈடுபட்டனர்.
தகவலறிந்த ஒழுங்குமுறை விற்பனைக் கூடத்தின் செயலர் எம்.மாரியப்பன் மற்றும் போலீஸார் அங்கு வந்து மறியலில் ஈடுபட்ட விவசாயிகளிடம் பேச்சுவார்த்தை நடத்தினர்.
அப்போது, மணிலா கொள்முதல் செய்ய வெளியூர் வியாபாரிகளை வரவழைக்க வேண்டும். காலதாமதமாகப் பணப்பட்டுவாடா செய்வதைக் கைவிட வேண்டும். உடனுக்குடன் பணப்பட்டுவாடா செய்ய வேண்டும். நிர்ணயம் செய்யப்படும் விலையை ஒலி பெருக்கியில் அறிவிக்க வேண்டும். அலுவலகம் முன்பாக அறிவிப்புப் பலகையில் விலையை எழுதி ஒட்ட வேண்டும் என்று விவசாயிகள் கோரிக்கை விடுத்தனர்.
விவசாயிகளின் அனைத்து கோரிக்கைகளும் உரிய முறையில் தீர்த்து வைக்கப்படும் என்று போலீஸாரும், ஒழுங்குமுறை விற்பனைக் கூட செயலர் எம்.மாரியப்பனும் தெரிவித்தனர். இதையடுத்து, சுமார் 45 நிமிடங்களுக்குப் பிறகு விவசாயிகள் மறியல் போராட்டத்தை கைவிட்டனர்.
இந்த மறியலால் திருவண்ணாமலை - சென்னை சாலையில் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-chennai/tiruvannamalai/2017/oct/24/மணிலாவுக்கு-குறைந்த-விலை-நிர்ணயம்-விவசாயிகள்-சாலை-மறியலால்-போக்குவரத்து-பாதிப்பு-2794920.html
2794919 சென்னை திருவண்ணாமலை கிரிக்கெட் விளையாடிய போது மயங்கி விழுந்த இளைஞர் சாவு DIN DIN Tuesday, October 24, 2017 02:08 AM +0530 செய்யாறு அருகே ஞாயிற்றுக்கிழமை கிரிக்கெட் விளையாடிக் கொண்டு இருந்த போது மயங்கி விழுந்த இளைஞர் உயிரிழந்தார்.
செய்யாறை அடுத்த மாமண்டூர் கிராமம், வேளாளர் தெருவைச் சேர்ந்தவர் சுப்பிரமணி. இவரது மூன்றாவது மகன் பாலாஜி (23) . இவர், ஞாயிற்றுக்கிழமை மாலை நண்பர்களுடன் அந்தப் பகுதியில் உள்ள விளையாட்டு மைதானத்தில் கிரிக்கெட் விளையாடிக் கொண்டிருந்தாராம்.
அப்போது, பாலாஜி திடீரென மயங்கி கீழே விழுந்துள்ளார். உடனே அருகில் இருந்தவர்கள் அவரை மீட்டு, காஞ்சிபுரம் அரசுப் பொது மருத்துவமனைக்குக் கொண்டு சென்றனர். அங்கு அவரை பரிசோதித்த மருத்துவர்கள் பாலாஜி ஏற்கெனவே இறந்துவிட்டதாகத் தெரிவித்தனர். இதுகுறித்து அவரது தந்தை சுப்பிரமணி தூசி போலீஸில் புகார் செய்தார். அதன் பேரில், காவல் ஆய்வாளர் சாரதி வழக்குப் பதிவு செய்து, விசாரித்து வருகிறார்.

 

]]>
http://www.dinamani.com/all-editions/edition-chennai/tiruvannamalai/2017/oct/24/கிரிக்கெட்-விளையாடிய-போது-மயங்கி-விழுந்த-இளைஞர்-சாவு-2794919.html
2794918 சென்னை திருவண்ணாமலை திமுக உறுப்பினர் சேர்க்கை DIN DIN Tuesday, October 24, 2017 02:08 AM +0530 சேத்துப்பட்டை அடுத்த ஓதலவாடி கிராமத்தில் திமுக உறுப்பினர் சேர்க்கை, பொதுமக்களுக்கு நிலவேம்புக் குடிநீர் வழங்கும் நிகழ்ச்சி ஆகியவை திங்கள்கிழமை நடைபெற்றன.
நிகழ்ச்சிக்கு போளூர் தொகுதி எம்.எல்.ஏ. கே.வி.சேகரன் தலைமை வகித்து, திமுக உறுப்பினர் சேர்க்கைப் படிவத்தை வழங்கினார். கட்சியின் ஒன்றியச் செயலர் பி.மனோகரன், துணைச் செயலர் ஆர்.ராஜசிம்மன், ஊராட்சிச் செயலர் அருகதாஸ், ஒன்றிய இளைஞரணித் துணை அமைப்பாளர் அரிகிருஷ்ணன், சேத்துப்பட்டு நகரச் செயலர் முருகன், திமுக நிர்வாகிகள் அண்ணாதுரை,செய்யானந்தல் கார்த்திகேயன், தே.செந்தில்குமார், வீரராகவன் உள்பட பலர் கலந்து கொண்டனர்.
இதேபோல, அரும்பலூர், மன்சுராபாத், நரசிங்கபுரம் உள்ளிட்ட பல்வேறு ஊராட்சிகளில் திமுக உறுப்பினர் சேர்க்கை நிகழ்ச்சியும், நிலவேம்புக் குடிநீர் வழங்கும் நிகழ்ச்சியும் நடைபெற்றது.

 

]]>
http://www.dinamani.com/all-editions/edition-chennai/tiruvannamalai/2017/oct/24/திமுக-உறுப்பினர்-சேர்க்கை-2794918.html
2794917 சென்னை திருவண்ணாமலை எழுத்தாளருக்கு பாராட்டு DIN DIN Tuesday, October 24, 2017 02:08 AM +0530 வாலாஜா தமிழ்ச் சங்கம் சார்பில், திங்கள்கிழமை நடைபெற்ற பாராட்டு விழாவில் ஆரணியைச் சேர்ந்த எழுத்தாளர் பவித்ரா நந்தகுமார் பாராட்டப்பட்டார்.
வாலாஜா தமிழ்ச் சங்கம் அவ்வப்போது இளம் எழுத்தாளர்களை ஊக்குவிக்கும் வகையில், அவர்களைப் பாராட்டி வருகிறது. அந்த வகையில், அண்மையில் நடைபெற்ற சங்கத்தின் பொதுக்குழுக் கூட்டத்தில் ஆரணியைச் சேர்ந்த எழுத்தாளர் பவித்ரா நந்தகுமார் பாராட்டி கெளரவிக்கப்பட்டார்.
விழாவுக்கு தமிழ்ச் சங்கத் தலைவர் ந. அசோக்குமார் தலைமை வகித்தார். பொதுச் செயலர் தி. பழனிச்சாமி வரவேற்றார். பொருளாளர் ந.முருகன் 'திருக்குறளில் அறன் வலியுறுத்தல்' என்ற தலைப்பில் பேசினார். முனைவர் லோ.ராஜசேகரன் நன்றி கூறினார்.
விழாவில் வாணி மா.கிருஷ்ணன், ப.ந.பாண்டுரங்கன், தெ.கெங்காதரன், ந.சண்முகமணி உள்படப் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/24/எழுத்தாளருக்கு-பாராட்டு-2794917.html
2794916 சென்னை திருவண்ணாமலை பொதுமக்கள் குறைதீர் கூட்டம்: 472 மனுக்கள் அளிப்பு DIN DIN Tuesday, October 24, 2017 02:07 AM +0530 திருவண்ணாமலை மாவட்ட ஆட்சியர் அலுவலகத்தில் திங்கள்கிழமை நடைபெற்ற குறைதீர் கூட்டத்தில் பொதுமக்களிடம் இருந்து பல்வேறு கோரிக்கைகள் அடங்கிய 472 மனுக்கள் வரப் பெற்றன.
கூட்டத்துக்கு தலைமை வகித்த மாவட்ட ஆட்சியர் கே.எஸ்.கந்தசாமி முதியோர்கள், மாற்றுத் திறனாளிகள், பொதுமக்களிடமிருந்து முதியோர் உதவித் தொகை, கல்வி உதவித் தொகை, மாற்றுத் திறனாளிகளுக்கான உதவித் தொகை, இலவச வீட்டுமனைப் பட்டா, சாதிச் சான்று, வேலைவாய்ப்பு, விதவை உதவித் தொகை உள்ளிட்ட பல்வேறு கோரிக்கைகள் அடங்கிய 472 மனுக்களைப் பெற்றுக் கொண்டார்.
இந்த மனுக்கள் மீதும், ஏற்கெனவே பெறப்பட்டு நிலுவையில் உள்ள மனுக்கள் மீதும் விரைந்து நடவடிக்கை எடுக்குமாறு சம்பந்தப்பட்ட அதிகாரிகளுக்கு மாவட்ட ஆட்சியர் கே.எஸ்.கந்தசாமி உத்தரவிட்டார். கூட்டத்தில் சக்கர நாற்காலி கேட்டு விண்ணப்பித்திருந்த 3 மாற்றுத் திறனாளிகளுக்கு மாவட்ட ஆட்சியர் மூன்று சக்கர நாற்காலிகளை வழங்கினார்.
மாவட்ட வருவாய் அலுவலர் பொ.ரத்தினசாமி, ஊரக வளர்ச்சி முகமைத் திட்ட இயக்குநர் க.லோகநாயகி, மகளிர் திட்ட இயக்குநர் ப.ஜெயசுதா உள்ளிட்ட அரசுத் துறை அதிகாரிகள், பொதுமக்கள் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/24/பொதுமக்கள்-குறைதீர்-கூட்டம்-472-மனுக்கள்-அளிப்பு-2794916.html
2794915 சென்னை திருவண்ணாமலை கல்வி உதவித்தொகை பெற விண்ணப்பிக்கலாம் DIN DIN Tuesday, October 24, 2017 02:07 AM +0530 திருவண்ணாமலை மாவட்டத்தில் கல்வி உதவித் தொகை பெற சிறுபான்மையின மாணவர்கள் விண்ணப்பிக்கலாம் என மாவட்ட நிர்வாகம் தெரிவித்தது.
தமிழகத்தில் சிறுபான்மையினராக அறிவிக்கப்பட்டுள்ள இஸ்லாமியர், கிறிஸ்தவர், சீக்கியர், புத்த மதத்தினர், பார்சி, ஜைன மதத்தைச் சேர்ந்த பள்ளி மாணவ, மாணவிகளுக்கு தமிழக அரசால் கல்வி உதவித் தொகை வழங்கப்படுகிறது.
இதைப் பெற அரசு, அரசு உதவிபெறும், அங்கீகரிக்கப்பட்ட தனியார் கல்வி நிலையங்களில் 2017-18 ஆம் கல்வியாண்டில் ஒன்றாம் வகுப்பு முதல் 10-ஆம் வகுப்பு வரை பயிலும் மாணவர்கள் விண்ணப்பிக்கலாம். இவர்களுக்கு பள்ளிப் படிப்புக் கல்வி உதவித் தொகை வழங்கப்படும்.
மேலும், பிளஸ் 1 முதல் ஆராய்ச்சிப் படிப்பு வரை (ஐடிஐ, ஐடிசி, வாழ்க்கை தொழிற்கல்வி, பாலிடெக்னிக், செவிலியர், ஆசிரியர் பட்டயப் படிப்பு, இளநிலை, முதுநிலைப் பட்டப் படிப்புகள்) பயிலுவோருக்கு பள்ளி மேற்படிப்புக் கல்வி உதவித் தொகையும், தொழிற்கல்வி தொழில்நுட்பக் கல்வி பயில்பவர்களுக்கு தகுதி மற்றும் வருவாய் அடிப்படையிலான கல்வி உதவித் தொகையும் வழங்கப்படும்.
எனவே, திருவண்ணாமலை மாவட்டத்தில் உள்ள சிறுபான்மையின மாணவர்கள் கல்வி உதவித் தொகையைப் பெற இணையதளம் மூலம் அக்டோபர் 31-ஆம் தேதிக்குள் விண்ணப்பிக்க வேண்டும்.
உதவித் தொகை புதுப்பித்தலுக்கும் இதே இணையத்தில் புதுப்பிக்கலாம் என மாவட்ட ஆட்சியர் கே.எஸ்.கந்தசாமி தெரிவித்தார்.

 

]]>
http://www.dinamani.com/all-editions/edition-chennai/tiruvannamalai/2017/oct/24/கல்வி-உதவித்தொகை-பெற-விண்ணப்பிக்கலாம்-2794915.html
2794914 சென்னை திருவண்ணாமலை சோமாசிபாடி முருகன் கோயிலில் ஆன்மிகச் சொற்பொழிவு DIN DIN Tuesday, October 24, 2017 02:07 AM +0530 திருவண்ணாமலையை அடுத்த சோமாசிபாடி முருகன் கோயிலில் கந்த சஷ்டி விழாவையொட்டி, ஆன்மிகச் சொற்பொழிவு திங்கள்கிழமை நடைபெற்றது.
நிகழ்ச்சிக்கு முருக பக்தர்கள் சபைத் தலைவர் ராஜாராம் தலைமை வகித்தார். கோயில் குருக்கள் சசி, பாலாஜி ஆகியோர் முன்னிலை வகித்தனர். நிகழ்ச்சி ஒருங்கிணைப்பாளர் கோவிந்தராஜ் வரவேற்றார். திருவண்ணாமலை திருக்குறள் தொண்டு மையப் பாவலர் ப.குப்பன், தங்க.விஸ்வநாதன் ஆகியோர் சிறப்பு அழைப்பாளர்களாகக் கலந்து கொண்டு பழனி பிள்ளைத்தமிழ் குறித்து ஆன்மிகச் சொற்பொழிவாற்றினர்.
தொடர்ந்து, கோவிந்தராஜன் எழுதிய 'சுப்பிரமணியர் சதகம்' என்ற கவிதை நூலை அருணகிரிநாதர் விழாக் குழுத் தலைவர் தனுசு வெளியிட்டார். நிகழ்ச்சியில் கவிஞர் நல்ல.பன்னீர்செல்வம், திருநாவுக்கரசு, மளிகை சுப்பிரமணி, மீனாட்சி உள்படப் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/24/சோமாசிபாடி-முருகன்-கோயிலில்-ஆன்மிகச்-சொற்பொழிவு-2794914.html
2794913 சென்னை திருவண்ணாமலை அனக்காவூர் வட்டாரத்தில் இன்று கூட்டுப் பண்ணையக் குழுக் கூட்டம் DIN DIN Tuesday, October 24, 2017 02:07 AM +0530 அனக்காவூர் வட்டாரத்தில் கூட்டுப் பண்ணையக் குழுக் கூட்டம் செவ்வாய்க்கிழமை (அக். 24) நடைபெறுகிறது.
அனக்காவூர் வட்டாரத்தில் கூட்டுப் பண்ணையம் திட்டத்தின் கீழ், செயல்படுத்தப்பட்டு வரும் விவசாயிகள் ஆர்வலர் குழுக் கூட்டம் இரண்டாவது மாதமாக நடைபெற உள்ளது.
கூட்டத்தின் போது, விவசாய உற்பத்தியாளர் குழு அமைத்தல், நிர்வாகிகளைத் தேர்வு செய்தல் குறித்து முடிவெடுக்கப்படும். மேலும், குழுவுக்கான வங்கிக் கணக்குத் தொடங்குதல், குழு சார்பில் தொழில் தொடங்குதல், குழுவுக்கு வருமானம் வரும் வழி வகை குறித்து ஆராய 25 குழுக்கள் மூலம் ஆலோசிக்கப்பட உள்ளது.
மேற்படி, கூட்டுப் பண்ணையக் குழுக் கூட்டம், மானாவாரி விவசாயிகள் குழுக் கூட்டம் 9 கிராமங்களில் செவ்வாய்க்கிழமை நடைபெறுகிறது.
தயார் நிலையில் வேளாண் இடுபொருள்: அனக்காவூர் வட்டாரத்தில் நெல், உளுந்து, நிலக் கடலை சாகுபடி செய்யும் விவசாயிகளுக்கு தேவையான வேளாண் இடுபொருள் விதை, உயிர் உரம் நுண்ணூட்டக் கலவை விவசாயிகளுக்கு விநியோகம் செய்ய தயார் நிலையில் உள்ளது. இவற்றைப் பெற்று விவசாயிகள் பயனடையலாம்.
மானியத்தில் வேளாண் கருவிகள் விவசாயிகளுக்கு தேவையான வேளாண் கருவிகள் வேளாண் பொறியியல் துறை மூலம் மானியத்தில் வழங்க தமிழக அரசால் ஆணை வழங்கப்பட்டுள்ளது.எனவே அனக்காவூர் வட்டாரத்தைச் சேர்ந்த விவசாயிகள் இப்பலனை பெற்று பயனடையலாம் என அனக்காவூர் வட்டார வேளாண்மை உதவி இயக்குனர் ஏ.எம்.சாந்தி தெரிவித்து உள்ளார்.

 

]]>
http://www.dinamani.com/all-editions/edition-chennai/tiruvannamalai/2017/oct/24/அனக்காவூர்-வட்டாரத்தில்-இன்று-கூட்டுப்-பண்ணையக்-குழுக்-கூட்டம்-2794913.html
2794912 சென்னை திருவண்ணாமலை செங்கம் ஒன்றியத்தில் வீடுகள்தோறும் பிளீச்சிங் பவுடர் வழங்கும் பணி DIN DIN Tuesday, October 24, 2017 02:06 AM +0530 செங்கம் ஒன்றியத்துக்கு உள்பட்ட நான்கு கிராம ஊராட்சிகளில் வீடுகள் தோறும் பிளீச்சிங் பவுடர் வழங்கும் பணியை ஆணையாளர் சக்திவேல் ஞாயிற்றுக்கிழமை தொடக்கி வைத்தார்.
செங்கம் ஊராட்சி ஒன்றியத்துக்கு உள்பட்ட மேல்வணக்கம்பாடி, ஆண்டிப்பட்டி, புளியம்பட்டி, நீப்பத்துறை ஆகிய கிராமங்களில் டெங்கு தடுப்பு நடவடிக்கைள் குறித்த துண்டுப் பிரசுரங்கள் வழங்குவது, வீடுகளில் உள்ள கிணறுகள், குடிநீர் தொட்டிகளைச் சுத்தம் செய்ய வீடுகள் தோறும் பிளீச்சிங் பவுடர் வழங்கும் பணியை செங்கம் ஊராட்சி ஒன்றிய ஆணையாளர் சக்திவேல் தொடக்கி வைத்தார்.
அப்போது அவர் கிராம மக்களிடம் கூறியதாவது: கிராம மக்கள் தங்களது வீட்டைச் சுற்றி மழை நீர் தேங்காமல் பார்த்துக் கொள்ள வேண்டும். தேங்காய் சிரட்டைகள், சைக்கிள், பைக் டயர்கள், பிளாஸ்டிக் பொருள்களைக் குடியிருப்புப் பகுதிகளில் போட்டு வைக்கக் கூடாது. இதனால், அவற்றில் தண்ணீர் தேங்கி, டெங்கு கொசுக்கள் உற்பத்தியாகும். எனவே அப்பொருள்களை அப்புறப்படுத்த வேண்டும்.
அதேபோல கண்ட இடங்களில் குப்பைகளைக் கொட்டக் கூடாது. இதனால் சுகாதாரச் சீர்கேடு ஏற்படும். குப்பைகளை தரம் பிரித்து, அதற்கான இடங்களில் கொட்ட வேண்டும்.
கிராமப்புறத்தில் காய்ச்சல் ஏற்பட்டால் உடனடியாக அருகில் உள்ள அரசு ஆரம்ப சுகாதார நிலையம், அரசு மருத்துவமனைக்குச் சென்று சிகிச்சை எடுத்துக் கொள்ள வேண்டும் என்றார். இந்தப் பணியின் போது, துணை வட்டார வளர்ச்சி அலுவலர்கள் ரவீந்தரன், எழிலரசு உள்பட் கிராம ஊராட்சி செயலர்கள், துப்புரவுப் பணியாளர்கள் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/24/செங்கம்-ஒன்றியத்தில்-வீடுகள்தோறும்-பிளீச்சிங்-பவுடர்-வழங்கும்-பணி-2794912.html
2794911 சென்னை திருவண்ணாமலை இலவச மருத்துவ முகாம் DIN DIN Tuesday, October 24, 2017 02:06 AM +0530 செங்கத்தில் உலக திக்குவாய் தினத்தையொட்டி, இலவச மருத்துவ முகாம் ஞாயிற்றுக்கிழமை நடைபெற்றது.
செங்கம் தங்கம் நூற்றாண்டு அரிமா சங்கம், சக்தி பாலிடெக்னிக் கல்லூரி, சென்னை கே.கே.மருத்துவமனை ஆகியவை இணைந்து உலக திக்குவாய் தினத்தையொட்டி, காது கேளாதோர், வாய் பேச முடியாதோர் மற்றும் காது, மூக்கு, தொண்டைக்கான இலவச மருத்துவ முகாம் நடத்தப்பட்டது.
முகாமுக்கு தங்கம் அரிமா சங்கத் தலைவர் ஆசிரியர் பழநி தலைமை வகித்தார். செயலர் ராஜேந்திரன், பொருளாளர் கிருஷ்ணமூர்த்தி ஆகியோர் முன்னிலை வகித்தனர். ஒருங்கிணைப்பாளர் முத்து வரவேற்றார்.
முகாமை சிறப்பு அழைப்பாளராகக் கலந்துகொண்ட செங்கம் காவல் ஆய்வாளர் கர்ணன் தொடக்கி வைத்தார்.
இதைத் தொடர்ந்து, சென்னை கே.கே மருத்துவமனை மருத்துவர் அஸ்வின் தலைமையிலான மருத்துவக் குழுவினர் கலந்து கொண்டு 102 பேருக்கு காது, மூக்கு, தொண்டை தொடர்பான பல்வேறு பிரச்னைகளுக்கு சிகிச்சையளித்தனர்.
தங்கம் அரிமா சங்க உறுப்பினர்கள் பாஸ்கரன், சிவா, சபரி, ராமசாமி, சக்தி பாலிடெக்னிக் கல்லூரி ஊழியர்கள் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/24/இலவச-மருத்துவ-முகாம்-2794911.html
2794607 சென்னை திருவண்ணாமலை திருவண்ணாமலை அருகே கழுத்தை இறுக்கி பெண் கொலை DIN DIN Monday, October 23, 2017 07:02 AM +0530 திருவண்ணாமலை அருகே கழுத்தை இறுக்கி கொலை செய்யப்பட்ட பெண் யார் என்பது குறித்து போலீஸார் விசாரித்து வருகின்றனர்.
திருவண்ணாமலையை அடுத்த சு.வாளவெட்டி கிராமத்தைச் சேர்ந்தவர் திருமலை. இவர், ஞாயிற்றுக்கிழமை காலை தனது விவசாய நிலத்துக்குச் சென்றார். அப்போது, அங்குள்ள மாட்டுக் கொட்டகையில் இளம் பெண் சடலமாகக்
கிடந்தார்.
இதுகுறித்து வெறையூர் போலீஸாருக்கு திருமலை தகவல் அளித்தார். இதையடுத்து, திருவண்ணாமலை புறநகர் காவல் துணைக் கண்காணிப்பாளர் தேவநாதன் தலைமையிலான போலீஸார் அங்கு சென்று பெண்ணின் சடலத்தை மீட்டு, உடல்கூறு பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர்.
இறந்து கிடந்த பெண்ணுக்கு சுமார் 35 வயது இருக்கும். அவரது தலை, கால் பகுதிகளில் காயங்கள் உள்ளன.
அவரது கழுத்தில் கைக்குட்டையால் இறுக்கிக் கட்டப்பட்டு இருந்தது. சடலத்தின் அருகே மதுபான புட்டிகளும் கிடந்தன.
எனவே, அவரை மர்ம நபர்கள் மதுபோதையில் கைக்குட்டையால் கழுத்தை இறுக்கி கொன்றிருக்கலாம் என்று தெரிகிறது. கொலை நடந்த இடத்துக்கு போலீஸ் மோப்ப நாய் வரவழைக்கப்பட்டது. அது சிறிது தூரம் ஓடிவிட்டு மீண்டும் சடலம் அருகே வந்துவிட்டது.
இதுகுறித்து வெறையூர் போலீஸார் வழக்குப் பதிந்து, கொல்லப்பட்ட பெண் யார், எந்த ஊரைச் சேர்ந்தவர், அவரைக் கொன்றவர்கள் யார் என்பது குறித்து விசாரித்து வருகின்றனர்.

]]>
http://www.dinamani.com/all-editions/edition-chennai/tiruvannamalai/2017/oct/23/திருவண்ணாமலை-அருகே-கழுத்தை-இறுக்கி-பெண்-கொலை-2794607.html
2794606 சென்னை திருவண்ணாமலை கொசுப் பெருக்கம்: திருவண்ணாமலையில் 2 நிறுவனங்களுக்கு ரூ. ஒரு லட்சம் அபராதம் DIN DIN Monday, October 23, 2017 07:01 AM +0530 திருவண்ணாமலையில் டெங்கு கொசு உற்பத்தியாகக் காரணமாக இருந்த 2 தனியார் நிறுவனங்களுக்கு ரூ. ஒரு லட்சம் அபராதம் விதிக்கப்பட்டது.
திருவண்ணாமலை மாவட்ட வருவாய் அலுவலர் பொ.ரத்தினசாமி, வட்டாட்சியர் ரவி, நகராட்சி ஆணையர் செ.பாரிஜாதம் மற்றும் அதிகாரிகள் ஞாயிற்றுக்கிழமை தீவிர டெங்கு ஒழிப்பு கண்காணிப்புப் பணியில் ஈடுபட்டிருந்தனர்.
திருவண்ணாமலை - செங்கம் சாலை, சக்தி திரையரங்கில் நடத்திய ஆய்வில் அங்கிருந்த ஏராளமான புட்டிகள், காலி பெயின்ட் டப்பாக்கள், தேங்காய் ஓடுகளில் மழைநீர் தேங்கி, கொசுக்கள் உற்பத்தியாகி இருந்தது தெரியவந்தது.
இதையடுத்து, டெங்கு காய்ச்சலை பரப்பும் கொசுக்கள் உற்பத்தியாகும் வகையில் புட்டிகள், தேங்காய் ஓடுகளை வைத்திருந்ததாக திரையரங்கு உரிமையாளருக்கு ரூ.50 ஆயிரம் அபராதம் விதித்தனர்.
சோடா நிறுவனத்துக்கு அபராதம்: இதேபோல, திருவண்ணாமலையில் உள்ள ஒரு சோடா நிறுவனத்தில் மழைநீர் தேங்கி கொசு உற்பத்தியாகி இருந்தது தெரியவந்தது. இதையடுத்து, சோடா நிறுவன உரிமையாளருக்கு ரூ.50 ஆயிரம் அபராதம் விதிக்கப்பட்டது.

 

 

]]>
http://www.dinamani.com/all-editions/edition-chennai/tiruvannamalai/2017/oct/23/கொசுப்-பெருக்கம்-திருவண்ணாமலையில்-2-நிறுவனங்களுக்கு-ரூ-ஒரு-லட்சம்-அபராதம்-2794606.html
2794605 சென்னை திருவண்ணாமலை திருவண்ணாமலை மாவட்டத்தில் ஒரே நாளில் 7 போலி மருத்துவர்கள் கைது: 12 மருத்துவமனைகளுக்கு "சீல்'வைப்பு DIN DIN Monday, October 23, 2017 07:01 AM +0530 திருவண்ணாமலை மாவட்டத்தில் அதிகாரிகள் நடத்திய திடீர் ஆய்வில், ஒரே நாளில் 7 போலி மருத்துவர்கள் கைது செய்யப்பட்டனர். 12 மருத்துவமனைகளுக்கு "சீல்" வைக்கப்பட்டன.
திருவண்ணாமலை மாவட்டம் முழுவதும் போலி மருத்துவர்களைக் கண்டறிய மாவட்ட ஆட்சியர் கே.எஸ்.கந்தசாமி தலைமையில் போலி மருத்துவர் ஒழிப்பு நடவடிக்கைக்குழு அமைக்கப்பட்டது. இந்தக் குழுவினர் சனிக்கிழமை வேட்டவலம், செங்கம், மேல்செங்கம் ஆகிய பகுதிகளில் தீவிர கண்காணிப்பில் ஈடுபட்டனர். இக்குழுவின் உறுப்பினர்கள் நவநீத தனலட்சுமி, மருந்துகள் ஆய்வாளர் இம்மானுவேல் நேசன்குமார் ஆகியோர் வேட்டவலத்தை அடுத்த வயலூர் கிராமத்தில் ஆய்வு செய்தபோது, அப்பகுதியில் 12-ஆம் வகுப்பு வரை படித்துவிட்டு மருந்துக் கடையுடன் கூடிய மருத்துவமனை நடத்தி வந்த ரவி (55) என்பவரை பிடித்து வேட்டவலம் போலீஸில் ஒப்படைத்தனர்.
இதேபோல, வேட்டவலத்தை அடுத்த ஆவூர், மண்டித் தெருவில் முதுகலைப் பட்டம் படித்துவிட்டு 6 ஆண்டுகளாக மருந்துக் கடையுடன் கூடிய மருத்துவமனை நடத்தி வந்த சந்திரன் (46), வேட்டவலத்தை அடுத்த வைப்பூர் தெற்குத் தெருவில், 10-ஆம் வகுப்பு படித்துவிட்டு வீட்டிலேயே பொதுமக்களுக்கு சிகிச்சை அளித்து வந்த  சரவணன் (70), வேட்டவலம், காமராஜர் தெருவைச் சேர்ந்த கதிர்வேலன் (69) ஆகியோரையும் மருத்துவக் குழுவினர் பிடித்து போலீஸில் ஒப்படைத்தனர். இதையடுத்து, அவர்கள் 4 பேரையும் வேட்டவலம் காவல் நிலைய ஆய்வாளர் செந்தில் கைது செய்தார்.
இதேபோல, முறையான மருத்துவம் பயிலாமல் பொதுமக்களுக்கு சிகிச்சை அளித்து வந்த செங்கத்தைச் சேர்ந்த முருகேசன், போளூரைச் சேர்ந்த பன்னீர்செல்வம், சந்தவாசல் பகுதியைச் சேர்ந்த கலைச்செல்வி ஆகியோரையும் அந்தந்தப் பகுதி போலீஸார் கைது செய்தனர்.
மொத்தம் 7 போலி மருத்துவர்களின் மருத்துவமனைகளில் இருந்து ஏராளமான மருந்து, மாத்திரைகள், ஊசிகள் பறிமுதல் செய்யப்பட்டன.
5 போலி மருத்துவர்கள் தலைமறைவு: செங்கம், மேல்செங்கம் பகுதிகளில் அதிகாரிகள் குழு ஆய்வு செய்தபோது, கிளினிக், மருந்துக் கடைகளுடன் கூடிய மருத்துவமனைகள் நடத்தி வந்த 5 பேர் தப்பி ஓடிவிட்டனர்.
இதையடுத்து, கைது செய்யப்பட்ட 7 பேரின் மருத்துவமனைகள், தலைமறைவான 5 பேரின் மருத்துவமனைகள் என மொத்தம் 12  மருத்துவமனைகளுக்கு அதிகாரிகள் குழுவினர் "சீல்' வைத்தனர்.

]]>
http://www.dinamani.com/all-editions/edition-chennai/tiruvannamalai/2017/oct/23/திருவண்ணாமலை-மாவட்டத்தில்-ஒரே-நாளில்-7-போலி-மருத்துவர்கள்-கைது-12-மருத்துவமனைகளுக்கு-சீல்வைப்பு-2794605.html
2794327 சென்னை திருவண்ணாமலை அக்.25-இல் மாதாந்திர விளையாட்டுப் போட்டிகள்: பள்ளி மாணவ, மாணவிகள் பங்கேற்க அழைப்பு DIN DIN Monday, October 23, 2017 01:28 AM +0530 திருவண்ணாமலை மாவட்ட அளவில் வரும் புதன்கிழமை (அக்.25) நடைபெறும் மாதாந்திர விளையாட்டுப் போட்டிகளில் பள்ளி மாணவ, மாணவிகள் திரளாக கலந்து கொள்ள வேண்டும் என்று மாவட்ட நிர்வாகம் கேட்டுக்கொண்டுள்ளது.
தமிழ்நாடு விளையாட்டு மேம்பாட்டு ஆணையம் சார்பில், ஒவ்வொரு மாதமும் பள்ளி மாணவ, மாணவிகளுக்கான விளையாட்டுப் போட்டிகள் நடத்தப்பட்டு வருகின்றன. அதன்படி, அக்டோபர் மாதத்துக்கான விளையாட்டுப் போட்டிகள் புதன்கிழமை திருவண்ணாமலை மாவட்ட விளையாட்டு அரங்கில் நடைபெறுகிறது.
தடகளம், நீச்சல், கூடைப்பந்து, கைப்பந்துப் போட்டிகள் புதன்கிழமை காலை 8.30 மணிக்குத் தொடங்குகின்றன. இந்தப் போட்டிகளில் பள்ளி மாணவ, மாணவிகள் மட்டும் கலந்து கொள்ளலாம்.
ஒரு பள்ளியில் இருந்து குழு விளையாட்டுப் போட்டிகளான கைப்பந்து, கூடைப்பந்துப் போட்டிகளுக்கு ஒரு மாணவர் அணியும், ஒரு மாணவிகள் அணியும் மட்டும் விளையாட அனுமதிக்கப்படுவர்.
தடகளம், நீச்சல் போட்டிகளுக்கு ஒரு பள்ளியில் இருந்து ஒரு போட்டிக்கு 2 மாணவ, மாணவிகள் அனுமதிக்கப்படுவர். ஒரு மாணவர் அதிகபட்சமாக 2 போட்டிகளில் மட்டும் கலந்து கொள்ளலாம்.
போட்டிகளில் கலந்து கொள்ளும் மாணவ, மாணவிகள் அனைவரும் தங்களது பள்ளித் தலைமை ஆசிரியரிடம் இருந்து ஆளரிச் சான்று, நுழைவுச் சீட்டு வாங்கி வர வேண்டும். நுழைவுச் சீட்டு இல்லாதவர்கள் போட்டிகளில் கலந்து கொள்ள அனுமதிக்கப்பட மாட்டார்கள்.
மேலும், விவரங்களுக்கு மாவட்ட விளையாட்டு மற்றும் இளைஞர் நல அலுவலரை 04175-233169 என்ற எண்ணில் தொடர்பு கொள்ளலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.

 

]]>
http://www.dinamani.com/all-editions/edition-chennai/tiruvannamalai/2017/oct/23/அக்25-இல்-மாதாந்திர-விளையாட்டுப்-போட்டிகள்-பள்ளி-மாணவ-மாணவிகள்-பங்கேற்க-அழைப்பு-2794327.html
2794326 சென்னை திருவண்ணாமலை செங்கம் வட்ட தமிழ்ச் சங்க இலக்கியக் கூட்டம் DIN DIN Monday, October 23, 2017 01:28 AM +0530 செங்கம் வட்ட தமிழ்ச் சங்க 5-ஆம் ஆண்டு நிறைவு விழா மற்றும் இலக்கியக் கூட்டம் சனிக்கிழமை இரவு நடைபெற்றது.
ராமகிருஷ்ணா மெட்ரிக் மேல்நிலைப் பள்ளியில் நடைபெற்ற இந்தக் கூட்டத்துக்கு தமிழ்ச் சங்கப் பொருளாளரும், சக்தி பாலிடெக்னிக் தலைவருமான வெங்கடாசலபதி தலைமை வகித்தார். செயலர் கிருஷ்ணமூர்த்தி, வழக்குரைஞர் விஜயகுமார் ஆகியோர் முன்னிலை வகித்தனர்.
தமிழ்ச் சங்கத்  தலைவர் தனஞ்செயன், செங்கம் வட்ட தமிழ்ச் சங்கத்தின் 5 ஆண்டு செயல்பாடுகள் குறித்துப் பேசினார். திருவண்ணாமலை மாவட்ட தமிழ்ச் சங்கத் தலைவர் இந்திரராஜன்,  மாவட்ட தமிழ் சங்க நிர்வாகி சின்ராஜ், ஓய்வு பெற்ற கல்வி அதிகாரிகள் மாணிக்கம், செங்கண்மாமுருகு ஆகியோர் வாழ்த்துரை வழங்கினர்.
சிறப்பு அழைப்பாளராக கலந்துகொண்ட திருவண்ணாமலை பேராசிரியர் வெ.ராமு, அருணகிரியாரின் சந்தத் தமிழ் என்ற  தலைப்பில் சிறப்புரையாற்றினார்.
கூட்டத்தில் நல்லாசிரியர் அன்பழகன்,  தமிழ்ச் சங்க துணைத் தலைவர் ஆதவன் மற்றும் தமிழ்ச் சங்க நிர்வாகிகள்,  ஆசிரியர்கள், பொதுமக்கள் கலந்து கொண்டனர். இணைச் செயலர் அசோக்குமார் நன்றி கூறினார்.

 

]]>
http://www.dinamani.com/all-editions/edition-chennai/tiruvannamalai/2017/oct/23/செங்கம்-வட்ட-தமிழ்ச்-சங்க-இலக்கியக்-கூட்டம்-2794326.html
2794325 சென்னை திருவண்ணாமலை செய்யாறு பகுதியில் மணல் கடத்தல்: 2 பேர் கைது: லாரி, மாட்டு வண்டிகள் பறிமுதல் DIN DIN Monday, October 23, 2017 01:28 AM +0530 செய்யாறு பகுதியில் ஆற்று மணல் கடத்தலில் ஈடுபட்டதாக 2 பேரை போலீஸார் ஞாயிற்றுக்கிழமை கைது செய்தனர். மேலும், மணல் கடத்தலுக்குப் பயன்படுத்தப்பட்ட லாரி, 2 மாட்டு வண்டிகள் பறிமுதல் செய்யப்பட்டன.
செய்யாறு காவல் துணைக் கண்காணிப்பாளர் குணசேகரன் உத்தரவின்பேரில், காவல் உதவி ஆய்வாளர்கள் பிரபு, மணி மற்றும் போலீஸார் தீவிர மணல் கடத்தல் தடுப்புச் சோதனையில் ஈடுப்பட்டனர்.
அப்போது, சிறுவேளியநல்லூர் கிராமப் பகுதியில் சென்று கொண்டிருந்த லாரியை நிறுத்தி போலீஸார் சோதனையிட்டனர். சோதனையில், லாரியில் ஆற்று மணல் கடத்திச் செல்லப்படுவது தெரியவந்தது. உடனடியாக லாரியை போலீஸார் பறிமுதல் செய்தனர். எனினும், ஓட்டுநர் தப்பியோடிவிட்டார்.
இதேபோல, மாட்டு வண்டியில் ஆற்று மணலை கடத்திய காழியூர் கிராமத்தைச் சேர்ந்த சக்கரை (52), தங்கமணி (41) ஆகியோரை செய்யாறு போலீஸார் கைது செய்ததுடன், அவர்கள் ஓட்டி வந்த 2 மாட்டு வண்டிகளையும் பறிமுதல் செய்தனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/23/செய்யாறு-பகுதியில்-மணல்-கடத்தல்-2-பேர்-கைது-லாரி-மாட்டு-வண்டிகள்-பறிமுதல்-2794325.html
2794324 சென்னை திருவண்ணாமலை நூலகத்தில் வாசகர் வட்ட சிறப்புக் கூட்டம் DIN DIN Monday, October 23, 2017 01:27 AM +0530 திருவண்ணாமலையை அடுத்த வேங்கிக்கால் கிளை நூலகத்தின் வாசகர் வட்ட சிறப்புக் கூட்டம் ஞாயிற்றுக்கிழமை நடைபெற்றது.

கூட்டத்துக்கு வாசகர் வட்டத் தலைவர் சுப்பிரமணியன் தலைமை வகித்தார். வருவாய்த் துறை அலுவலர் கிருஷ்ணமூர்த்தி முன்னிலை வகித்தார்.
கிளை நூலகர் பா.சரஸ்வதி வரவேற்றார். வேங்கிக்கால் ஊராட்சி ஒன்றிய நடுநிலைப் பள்ளி, சேரியந்தல் ஊராட்சி ஒன்றிய நடுநிலைப் பள்ளி ஆகியவற்றைச் சேர்ந்த 6, 7, 8-ஆம் வகுப்பு மாணவ, மாணவிகள் நூலக உறுப்பினராக இணைந்தனர்.
நூலக வளர்ச்சிக்காக திருவண்ணாமலையை அடுத்த காரியந்தல் பள்ளி ஆசிரியர் ஜான் சம்பத், பண்டிதப்பட்டு பள்ளி இடைநிலை ஆசிரியை சித்ரா, தென்னக ரயில்வே பொறியாளர் கண்ணன், தொழிலதிபர் முத்துகிருஷ்ணன் ஆகியோர் தலா ரூ.1,000 செலுத்தி நூலக புரவலர்களாக இணைந்தனர்.
நிகழ்ச்சியில் நூலக ஆர்வலர்கள் மணி, பழனி, பாலசுப்பிரமணியன், குப்பன் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/நூலகத்தில்-வாசகர்-வட்ட-சிறப்புக்-கூட்டம்-2794324.html
2794323 சென்னை திருவண்ணாமலை கேட்டவரம்பாளையத்தில் பரவும் மர்மக் காய்ச்சல்: மருத்துவ முகாம் அமைக்க பொதுமக்கள் கோரிக்கை DIN DIN Monday, October 23, 2017 01:27 AM +0530 கலசப்பாக்கத்தை அடுத்த கேட்டவரம்பாளையம் கிராமத்தில் மர்மக் காய்ச்சல் பரவி வருவதால் இந்தக் கிராமத்தில் மருத்துவ முகாம் அமைக்க சுகாதாரத் துறை நடவடிக்கை எடுக்க வேண்டும் என கோரிக்கை எழுந்துள்ளது.
கேட்டவரம்பாளையம் ஊராட்சியில் சுமார் 500-க்கும் மேற்பட்ட குடும்பத்தினர் வசித்து வருகின்றனர். இங்கு 6 வார்டுகள் அமைந்துள்ளன. இந்த ஊராட்சியில் ஊராட்சி ஒன்றிய அலுவலகம் சார்பில், வீடுகளில் இருந்து கழிவு நீர் வெளியேற தெருக்களில் கால்வாய்கள் அமைக்கப்பட்டுள்ளது.
இந்தத் தெருக் கால்வாய்களில் செல்லும் மொத்தக் கழிவு நீரும் தெருக்களுக்கு அப்பால் ஓரே இடத்தில் குட்டைபோல் தேங்கியுள்ளது. இந்தக் கழிவு நீரில் இருந்து கொசுக்கள் உற்பத்தியாகி அந்தப் பகுதியில் சுமார் 10-க்கும் மேற்பட்டோருக்கு மர்மக் காய்ச்சல் ஏற்பட்டுள்ளது.
கேட்டவரம்பாளையம் ஊராட்சியைச் சேர்ந்த பொதுமக்கள் சிகிச்சைப் பெற கடலாடியில் அரசு தலைமை மருத்துவமனையும், கலசப்பாக்கம் ஊராட்சியில் அரசு ஆரம்ப சுகாதார நிலையமும் செயல்பட்டு வருகின்றன.
இந்த 2 மருத்துவமனைகளும் சுமார் 8 கி.மீ. தொலைவில் அமைந்துள்ளதால்,  கேட்டவரம்பாளையத்தில்  மருத்துவ முகாம் அமைத்து பொதுமக்களுக்கு மருத்துவப் பரிசோதனை செய்யவும், சிகிச்சை அளிக்கவும் சுகாதாரத் துறை நடவடிக்கை எடுக்க வேண்டும் என அந்தக் கிராம மக்கள் எதிர்பார்க்கின்றனர்.
இதுகுறித்து கடலாடிஅரசு மருத்துவமனை தலைமை மருத்துவர் மணிகண்டபிரபு கூறியதாவது:
கேட்டவரம்பாளையத்தில் கழிவு நீர் கால்வாய்களை அந்தப் பகுதி மக்கள் ஆக்கிரமித்துள்ளதால், கழிவு நீர் வெளியே செல்ல முடியாமல் குட்டைபோல் தேங்கியுள்ளது.
இதுகுறித்து வருவாய்த் துறை, ஊராட்சி ஒன்றிய அலுவலகத்துக்கு தகவல் தெரிவிக்கப்பட்டதையடுத்து, அந்த அந்த ஊரடசியில் 3 இடங்களில் மழைநீர் சேகரிப்புத் தொட்டி அமைக்கப்பட்டுள்ளது. மேலும், வருவாய்த் துறை சார்பில் கழிவு நீர் கால்வாய் ஆக்கிரமிப்புகளை அகற்ற நடவடிக்கை எடுக்கப்பட்டு வருகிறது என்றார்.

]]>
http://www.dinamani.com/all-editions/edition-chennai/tiruvannamalai/2017/oct/23/கேட்டவரம்பாளையத்தில்-பரவும்-மர்மக்-காய்ச்சல்-மருத்துவ-முகாம்-அமைக்க-பொதுமக்கள்-கோரிக்கை-2794323.html
2794322 சென்னை திருவண்ணாமலை கோயிலில் உண்டியலை உடைத்து திருட முயற்சி DIN DIN Monday, October 23, 2017 01:27 AM +0530 செய்யாறு திருவோத்தூர் ஸ்ரீவேதபுரீஸ்வரர் கோயிலில் சனிக்கிழமை இரவு உண்டியலை உடைத்து மர்ம நபர்கள் அதிலிருந்து பணத்தை திருட முயற்சித்துள்ளனர்.
செய்யாறு திருவோத்தூரில் பழைமைவாய்ந்த ஸ்ரீவேதபுரீஸ்வரர் கோயில் அமைந்துள்ளது. இந்தக் கோயிலில் பணியாற்றும் ஊழியர்கள், வழக்கம்போல சனிக்கிழமை இரவு கோயிலை பூட்டிச் சென்றனர். இதையடுத்து, ஞாயிற்றுக்கிழமை அதிகாலை கோயிலை திறந்து ஊழியர்கள் உள்ளே சென்றபோது, கோயிலின் தல விருட்சமான பனை மரத்தின் அடியில் வைக்கப்பட்டுள்ள உண்டியலை மர்ம நபர்கள் உடைக்க முயன்றிருப்பதும், உண்டியலை உடைக்க முடியாததால் தப்பிச் சென்றிருப்பதும் தெரியவந்தது. இதுகுறித்து கோயில் கணக்காளர் திவாகர் அளித்த புகாரின்பேரில், செய்யாறு போலீஸார் வழக்குப் பதிவு செய்து விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/கோயிலில்-உண்டியலை-உடைத்து-திருட-முயற்சி-2794322.html
2794321 சென்னை திருவண்ணாமலை திங்கள், வியாழக்கிழமைகளில் மாணவர்களுக்கு நிலவேம்புக் குடிநீர் வழங்க வேண்டும்: தனியார் பள்ளிகளுக்கு ஆட்சியர் உத்தரவு DIN DIN Monday, October 23, 2017 01:26 AM +0530 திருவண்ணாமலை மாவட்ட தனியார் பள்ளிகளில் மாணவ, மாணவிகளுக்கு வாரந்தோறும் திங்கள், வியாழக்கிழமைகளில் கண்டிப்பாக நிலவேம்புக் குடிநீர் வழங்க வேண்டும் என்று மாவட்ட ஆட்சியர் கே.எஸ்.கந்தசாமி உத்தரவிட்டார்.
திருவண்ணாமலை தியாகி நா.அண்ணாமலைப்பிள்ளை அரசு மேல்நிலைப் பள்ளியில் டெங்கு காய்ச்சல் தடுப்பு நடவடிக்கைகள் குறித்த சுயநிதிப் பள்ளிகளுக்கான விழிப்புணர்வுக் கூட்டம் சனிக்கிழமை நடைபெற்றது. கூட்டத்துக்கு மாவட்ட முதன்மைக் கல்வி அலுவலர் வெ.ஜெயக்குமார் தலைமை வகித்தார்.
மாவட்ட தொடக்கக் கல்வி அலுவலர் ராஜேந்திரன், நகராட்சி ஆணையர் செ.பாரிஜாதம் ஆகியோர் முன்னிலை வகித்தனர். கூட்டத்தில் மாவட்ட ஆட்சியர் கே.எஸ்.கந்தசாமி சிறப்பு அழைப்பாளராகக் கலந்து கொண்டு பேசியதாவது:
திருவண்ணாமலை மாவட்டத்தில் டெங்கு காய்ச்சல் பாதிப்பு அதிகம் உள்ளது. எனவே, டெங்கு காய்ச்சல் வந்தால் எடுக்க வேண்டிய முதல்கட்ட முன்னெச்சரிக்கை நடவடிக்கைகள் குறித்து பள்ளி மாணவ, மாணவிகளுக்கு விளக்க வேண்டும்.
தமிழக சுகாதாரத் துறை அமைச்சர் சி.விஜயபாஸ்கர், வேங்கிக்கால் பகுதி பள்ளிச் சிறுவர்களிடம் டெங்கு குறித்து கேட்டபோது, தங்களுக்கு டெங்கு காய்ச்சல் குறித்து எதுவும் தெரியாது என்றனர். நாயுடுமங்கலம் பகுதியில் நான் ஆய்வு செய்தபோது, பள்ளி மாணவர்கள் 3 பேரிடம் டெங்கு குறித்து கேட்டேன். இவர்களில் அரசுப் பள்ளியில் பயிலும் 2 மாணவர்கள் உரிய விளக்கம் அளித்தனர். ஆனால், தனியார் பள்ளியில் பயிலும் மாணவர் டெங்கு குறித்து எதுவும் தெரியாது எனவும், பள்ளியில் எந்த விழிப்புணர்வும் ஏற்படுத்தவில்லை எனவும் தெரிவித்தார்.
தனியார் பள்ளிகளின் நிலை இப்படி இருப்பது வருந்தத்தக்கது. எனவே, பள்ளி மாணவ, மாணவிகளிடம் டெங்கு காய்ச்சல் எவ்வாறு ஏற்படுகிறது, டெங்கு காய்ச்சல் வராமல் தடுக்க என்ன செய்வது, காய்ச்சல் வந்த பிறகு எடுக்க வேண்டிய சிகிச்சை முறைகள் என்ன என்பது குறித்து தனியார் பள்ளி நிர்வாகங்கள் விளக்க வேண்டும். முதலில் உங்கள் பள்ளி, பள்ளி வளாகத்தை சுத்தமாக வைத்திருக்க வேண்டும். திங்கள், வியாழக்கிழமைகளில் பள்ளி மாணவ, மாணவிகளுக்கு கண்டிப்பாக நிலவேம்புக் குடிநீர் வழங்க வேண்டும் என்றார்.
தொடர்ந்து, ஆட்சியர் உள்ளிட்ட அனைவரும் டெங்கு காய்ச்சல் தடுப்பு உறுதிமொழி ஏற்றனர். கூட்டத்தில் மாவட்டம் முழுவதும் இருந்து ஏராளமான தனியார் பள்ளிகளின் நிர்வாகிகள், ஆசிரியர், ஆசிரியைகள் கலந்து கொண்டனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/23/திங்கள்-வியாழக்கிழமைகளில்-மாணவர்களுக்கு-நிலவேம்புக்-குடிநீர்-வழங்க-வேண்டும்-தனியார்-பள்ளிகளுக்கு-ஆ-2794321.html
2794320 சென்னை திருவண்ணாமலை செங்கத்தில் குடியிருப்புப் பகுதியில் தேங்கிய ஏரி நீர்: தொற்று நோய் பரவும் அபாயம் DIN DIN Monday, October 23, 2017 01:26 AM +0530 செங்கம் நகரில் குடியிருப்புப் பகுதியில் தேங்கி நிற்கும் மழை நீரால் தொற்று நோய் பரவும் அபாயம் ஏற்பட்டுள்ளது.
செங்கம் பகுதியில் பெய்த தொடர் மழையால் செங்கம் ஏரி நிரம்பி உபரி நீர் துக்காப்பேட்டை பகுதியில் உள்ள அழகாபுரி நகரில் குடியிருப்புப் பகுதியில் தேங்கியுள்ளது.
இந்தப் பகுதியில் தேங்கியுள்ள தண்ணீர் வேறு இடங்களுக்குச் செல்ல கால்வாய்கள் இல்லாததால் அதே பகுதியில் தேங்கி
நிற்கிறது.
தேங்காய் மட்டைகள், குப்பை கொட்டப்பட்ட பகுதியில் தண்ணீர் தேங்கி நிற்பதால் கொசுக்கள் அதிகமாக உற்பத்தியாகி வருகின்றன. இதன் காரணமாக அழகாபுரி நகர் பகுதியில் பல்வேறு தொற்று நோய்கள் பரவும் அபாயம் ஏற்பட்டுள்ளது.
எனவே, சம்பந்தப்பட்ட அதிகாரிகள் இந்தப் பகுதியை பார்வையிட்டு, தேங்கியுள்ள மழை நீரை வெளியேற்ற  நடவடிக்கை எடுக்க வேண்டும் என அந்தப் பகுதி
மக்கள் எதிர்பார்க்கிறனர்.

]]>
http://www.dinamani.com/all-editions/edition-chennai/tiruvannamalai/2017/oct/23/செங்கத்தில்-குடியிருப்புப்-பகுதியில்-தேங்கிய-ஏரி-நீர்-தொற்று-நோய்-பரவும்-அபாயம்-2794320.html
2794318 சென்னை திருவண்ணாமலை திருவண்ணாமலையில் நாளை கறவை மாட்டு பண்ணைகளில் குளிர்கால பராமரிப்புப் பயிற்சி DIN DIN Monday, October 23, 2017 01:26 AM +0530 திருவண்ணாமலையில் உள்ள தமிழ்நாடு கால்நடை மருத்துவ அறிவியல் பல்கலைக்கழகத்தில் செவ்வாய்க்கிழமை (அக்டோபர் 24) கறவை மாட்டுப் பண்ணைகளில் குளிர்கால பராமரிப்பு குறித்த இலவசப் பயிற்சி முகாம் நடைபெறுகிறது.
திருவண்ணாமலை அரசு மருத்துவக் கல்லூரி மருத்துவமனை அருகே தமிழ்நாடு கால்நடை மருத்துவ அறிவியல் பல்கலைக்கழகம் இயங்கி வருகிறது.
இங்கு, திருவண்ணாமலை மாவட்ட விவசாயிகள் பயன்பெறும் வகையில் அவ்வப்போது பல்வேறு இலவசப் பயிற்சி வகுப்புகள் நடத்தப்படுகின்றன.
அதன்படி, செவ்வாய்க்கிழமை கறவை மாட்டுப் பண்ணைகளில் குளிர்கால பராமரிப்பு குறித்த இலவசப் பயிற்சி முகாம் நடைபெறுகிறது. ஆராய்ச்சி மைய வளாகத்தில் காலை 10 மணிக்குத் தொடங்கும் இந்தப் பயிற்சி முகாமில் முதலில் வரும் 50 பேருக்கு மட்டும் முன்னுரிமை அளிக்கப்படும்.
திருவண்ணாமலை மாவட்டத்தைச் சேர்ந்த விவசாயிகள் இந்தப் பயிற்சி முகாமில் கலந்து கொண்டு பயன்பெறலாம். மேலும், விவரங்களுக்கு 04175-206577 என்ற எண்ணில் தொடர்பு கொள்ளலாம் என்று ஆராய்ச்சி மையத் தலைவர் தியோபிலஸ் ஆனந்தகுமார் தெரிவித்தார்.

 

]]>
http://www.dinamani.com/all-editions/edition-chennai/tiruvannamalai/2017/oct/23/திருவண்ணாமலையில்-நாளை-கறவை-மாட்டு-பண்ணைகளில்-குளிர்கால-பராமரிப்புப்-பயிற்சி-2794318.html
2794317 சென்னை திருவண்ணாமலை வேலானந்தல் புதூரில் டெங்கு கொசுப்புழுக்கள் கண்டுபிடிப்பு: பொதுமக்களுக்கு ஆட்சியர் விழிப்புணர்வு DIN DIN Monday, October 23, 2017 01:25 AM +0530 வேட்டவலத்தை அடுத்த வேலானந்தல் புதூர் கிராமத்தில் உள்ள ஒரு வீட்டில் இருந்து ஏராளமான டெங்கு கொசுப்புழுக்கள் கண்டுபிடிக்கப்பட்டது ஆட்சியர் கே.எஸ்.கந்தசாமி உள்ளிட்ட அதிகாரிகளை அதிர்ச்சியடையச் செய்தது.
கீழ்பென்னாத்தூர் ஒன்றியம், வேட்டவலத்தை அடுத்த வேலானந்தல் புதூர் கிராமத்தில் டெங்குக் கொசு ஒழிப்புப் பணிகள் நடைபெற்று வருகின்றன. இந்தப் பணிகளை மாவட்ட ஆட்சியர் கே.எஸ்.கந்தசாமி ஞாயிற்றுக்கிழமை நேரில் பார்வையிட்டு ஆய்வு செய்தார்.
ஆய்வின்போது, ஒவ்வொரு வீடு, வீடாகச் சென்று டெங்குக் கொசு உற்பத்தி ஆகும் இடங்களை பார்வையிட்டு நல்ல தண்ணீர் தேங்காமல் வீட்டை சுத்தமாக வைத்துள்ளார்களா, மேல்நிலை நீர்தேக்கத் தொட்டி மூலம் வீடுகளுக்கு வழங்கப்படும் குடிநீரில் உள்ள கிருமிநாசினியின் அளவு சரியாக உள்ளதா என்பது குறித்து ஆட்சியர் ஆய்வு செய்தார்.
உடனடி குடிநீர் இணைப்பு: ஆய்வின்போது, வேலானந்தல் புதூர் கிராமத்தைச் சேர்ந்த சுமதி (35), தனது வீட்டுக்கு குடிநீர் குழாய் இணைப்பு கேட்டு விண்ணப்பித்து பல மாதங்களாகியும் இணைப்பு வழங்கப்படவில்லை என்று ஆட்சியரிடம் முறையிட்டார். உடனே, குழாய் இணைப்புக் கட்டணத்தை பெற்றுக்கொண்ட ஆட்சியர், உடனடியாக இணைப்பு வழங்க அதிகாரிகளுக்கு உத்தரவிட்டார்.
டெங்கு கொசுப்புழுக்கள் கண்டுபிடிப்பு: டெங்கு கொசு ஒழிப்புப் பணிகளில் ஈடுபட்டிருந்த பணியாளர்கள் ஒரு வீட்டில் ஏராளமான டெங்கு கொசுப்புழு உற்பத்தியாகி இருந்ததை கண்டுபிடித்து ஆட்சியரிடம் காண்பித்தனர். இதைப் பார்த்த மாவட்ட ஆட்சியர் கே.எஸ்.கந்தசாமி உள்ளிட்ட அதிகாரிகள் அதிர்ச்சியடைந்தனர்.
இதையடுத்து, அங்கு திரண்டிருந்த பெண்களிடம் டெங்கு கொசுப் புழுக்களை காண்பித்து இதனால் ஏற்படும் பின்விளைவுகள் குறித்து ஆட்சியர் விளக்கினார்.
டெங்கு கொசுப் புழுக்கள் நல்ல தண்ணீரில் உருவாகும். இந்த கொசுக்கள் பகல் நேரத்தில் மட்டுமே கடிக்கும். எனவே, பொதுமக்கள் தண்ணீர் தேக்கி வைக்கும் பொருள்கள், தொட்டிகளை மூடி வைக்க வேண்டும். பயன்படுத்தாத பொருள்களில் தேங்கும் தண்ணீரை உடனே அகற்ற வேண்டும் என்று பொதுமக்களுக்கு மாவட்ட ஆட்சியர் கே.எஸ்.கந்தசாமி அறிவுரை வழங்கினார்.
பின்னர், கோணலூர் அரசு ஆரம்ப சுகாதார நிலையத்தில் நோயாளிகளுக்கு அளிக்கப்படும் சிகிச்சை முறைகள் குறித்து ஆட்சியர் ஆய்வு செய்தார். இந்த ஆய்வின்போது, வட்டார வளர்ச்சி அலுவலர்கள் பா.மகாதேவன், ரபியுல்லா, கீழ்பென்னாத்தூர் வட்டாட்சியர் சுகுணா, வட்டார மருத்துவ அலுவலர் சரவணன், கோணலூர் ஆரம்ப சுகாதார நிலைய மருத்துவ அலுவலர் மோகன், வேட்டவலம் காவல் நிலைய ஆய்வாளர் செந்தில் ஆகியோர் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/வேலானந்தல்-புதூரில்-டெங்கு-கொசுப்புழுக்கள்-கண்டுபிடிப்பு-பொதுமக்களுக்கு-ஆட்சியர்-விழிப்புணர்வு-2794317.html
2794316 சென்னை திருவண்ணாமலை டெங்கு ஒழிப்பு விழிப்புணர்வுப் பேரணி DIN DIN Monday, October 23, 2017 01:25 AM +0530 திருவண்ணாமலை சண்முகா தொழிற்சாலை அரசு மேல்நிலைப் பள்ளி சார்பில், டெங்கு ஒழிப்பு விழிப்புணர்வுப் பேரணி நடைபெற்றது.
பள்ளியின் நாட்டு நலப்பணித் திட்டம், தேசிய பசுமைப்படை ஆகியவை சார்பில் சனிக்கிழமை நடைபெற்ற இந்தப் பேரணிக்கு நாட்டு நலப்பணித் திட்ட அலுவலர் டி.எஸ்.பாலாஜி தலைமை வகித்தார். பள்ளித் தலைமை ஆசிரியர் எஸ்.அருணகிரி பேரணியை தொடக்கி வைத்தார்.
பள்ளியின் வேளாண்மை ஆசிரியர் எம்.மோகன், டெங்கு ஒழிப்பு விழிப்புணர்வு வாசகங்களை முழங்கியபடி பேரணியில் கலந்து கொண்டார். இந்த வாசகங்களை மாணவ, மாணவிகள் உரக்கச் சொல்லி பொதுமக்களிடம் விழிப்புணர்வு ஏற்படுத்தினர். பேரணியில் பள்ளி மாணவ, மாணவிகள் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/டெங்கு-ஒழிப்பு-விழிப்புணர்வுப்-பேரணி-2794316.html
2794315 சென்னை திருவண்ணாமலை முள்ளண்டிரம் கிராமத்தில் வீரவணக்க நாள் அனுசரிப்பு DIN DIN Monday, October 23, 2017 01:25 AM +0530 ஆரணியை அடுத்த முள்ளண்டிரம் அரசு மேல்நிலைப் பள்ளியில் வீரவணக்க  நாள் அனுசரிப்பு நிகழ்ச்சி சனிக்கிழமை நடைபெற்றது.
இந்தியா முழுவதும் ராணுவத்தைச் சேர்ந்தவர்கள், காவல் துறையைச் சேர்ந்தவர்கள்  எதிரிகளால் தாக்கப்பட்டு இறந்த தினத்தை வீரவணக்க நாளாக அனுசரித்து வருகின்றனர். இந்த நிலையில், முள்ளண்டிரம் கிராமம் ராணுவ வீரர்கள் அதிகம் வசிக்கும்  பகுதியாக இருப்பதாலும், கடந்த 1999-ஆம் ஆண்டு முள்ளண்டிரம் கிராமத்தைச் சேர்ந்த ராணுவ வீரர் எம்.சுப்பு, கண்ணி வெடிகளை அகற்றியபோது வீரமரணமடைந்ததாலும் இந்தக் கிராமத்தில் மறைந்த ராணு வீரர் சுப்பு படித்த பள்ளியில் வீரவணக்க நாள் நிகழ்ச்சியை நடத்தினர்.
இதில் ராணுவ வீரர் சுப்புவின் தந்தை முருகேசன், தாய் இந்திராணி மற்றும் குடும்பத்தினர் கெளரவிக்கப்பட்டனர். நிகழ்ச்சிக்கு கருப்புப் பூனை படையைச் சேர்ந்த நாராயணராய் தலைமை வகித்தார். ராணுவ வீரர் சுப்புவின் உருவப் படத்துக்கு திருவண்ணாமலை மாவட்டக் காவல் கண்காணிப்பாளர் பொன்னி, மாலை அணிவித்து அஞ்சலி செலுத்தினார்.
மேலும், இதில் ஆரணி காவல் துணைக் கண்காணிப்பாளர் ஜெரினாபேகம், காவல் ஆய்வாளர்கள் நிலவழகன், விநாயகமூர்த்தி, சாலமன்ராஜா, முன்னாள் ஒன்றியக்குழு உறுப்பினர் பாலாஜி, முன்னாள் ஊராட்சித் தலைவர் குமரேசன் மற்றும் கிராம மக்கள், பள்ளி மாணவர்கள் கலந்து கொண்டனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/23/முள்ளண்டிரம்-கிராமத்தில்-வீரவணக்க-நாள்-அனுசரிப்பு-2794315.html
2794314 சென்னை திருவண்ணாமலை வாக்காளர் பட்டியல் திருத்த முகாம்கள்: வாக்குச்சாவடி மையங்களில் எ.வ.வேலு எம்எல்ஏ ஆய்வு DIN DIN Monday, October 23, 2017 01:24 AM +0530 திருவண்ணாமலை சட்டப் பேரவைத் தொகுதிக்கு உள்பட்ட வாக்குச்சாவடி மையங்களில் ஞாயிற்றுக்கிழமை நடைபெற்ற வாக்காளர் பட்டியல் திருத்தப் பணிகளை எ.வ.வேலு எம்எல்ஏ ஆய்வு செய்தார்.
திருவண்ணாமலை மாவட்டம் முழுவதும் உள்ள அங்கீகரிக்கப்பட்ட வாக்குச்சாவடி மையங்களில் ஞாயிற்றுக்கிழமை வாக்காளர் பட்டியல் திருத்தப் பணிகள் நடைபெற்றன.
இந்த நிலையில், திருவண்ணாமலை சட்டப் பேரவைத் தொகுதிக்கு உள்பட்ட திருவண்ணாமலை நகராட்சி மேல்நிலைப் பள்ளியில் உள்ள 5 வாக்குச்சாவடி மையங்கள், வேட்டவம் சாலை, லீபனன் பங்களாவில் உள்ள 3 வாக்குச்சாவடி மையங்கள், திருவண்ணாமலையை அடுத்த ஏந்தல் ஊராட்சி ஒன்றிய தொடக்கப் பள்ளியில் உள்ள வாக்குச்சாவடி மையம், திருவண்ணாமலை முகல்புரா தெரு, முஸ்லீம் நிதியுதவி உயர்நிலைப் பள்ளி, சமுத்திரம் காலனி தொடக்கப் பள்ளி, சண்முகா தொழிற்சாலை அரசு மேல்நிலைப் பள்ளி, திருவண்ணாமலையை அடுத்த அடிஅண்ணாமலை ஊராட்சி ஒன்றிய நடுநிலைப் பள்ளி ஆகிய இடங்களில் உள்ள வாக்குச்சாவடி மையங்களில் எ.வ.வேலு எம்எல்ஏ ஆய்வு மேற்கொண்டார்.
ஆய்வின்போது, புதிய வாக்காளர்களை சேர்ப்பதற்கான படிவம்-6, முகவரி மாற்றத்துக்கான படிவம்-8ஏ, நிரந்தரமாக பெயர் நீக்கம் செய்வதற்கான படிவம்-7 ஆகியவை பொதுமக்களுக்கு முறையாக வழங்கப்படுகிறதா என்பது குறித்து வாக்குச்சாவடி அலுவலர்களிடம் கேட்டறிந்தார்.
இந்த ஆய்வின்போது, திமுக தலைமை செயற்குழு உறுப்பினர் இரா.ஸ்ரீதரன், நகரச் செயலர் ப.கார்த்திவேல்மாறன், மருத்துவர் எ.வ.வே.கம்பன், முன்னாள் ஊராட்சித் தலைவர் இர.செல்வராஜ், ஒன்றியச் செயலர்கள் த.ரமணன், சி.மாரிமுத்து, நகராட்சி குழுத் தலைவர் குட்டி க.புகழேந்தி, அனைத்து அமைப்புசாரா தொழிற்சங்கங்களின் மாவட்டத் தலைவர் எ.ஏ.ஆறுமுகம் உள்பட பலர் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/வாக்காளர்-பட்டியல்-திருத்த-முகாம்கள்-வாக்குச்சாவடி-மையங்களில்-எவவேலு-எம்எல்ஏ-ஆய்வு-2794314.html
2794313 சென்னை திருவண்ணாமலை நாடகம் மூலம் விவசாய விழிப்புணர்வு DIN DIN Monday, October 23, 2017 01:24 AM +0530 சேத்துப்பட்டை அடுத்த கொம்மனந்தல் கிராமத்தில் வேளாண் துறை, கலவை ஆதிபராசக்தி வேளாண் கல்லூரி மாணவர்கள் இணைந்து நடத்திய விவசாயம் குறித்த விழிப்புணர்வு வீதி நாடகம் ஞாயிற்றுக்கிழமை நடைபெற்றது.
மத்திய அரசின் அட்மா திட்டத்தின் கீழ் நடத்தப்பட்ட இந்த வீதி நாடகத்தில், விவசாயத்தின் முக்கியத்துவம், அரசின் மானியங்கள், அரசின் பல்வேறு  நலத் திட்டங்கள், பசுந்தாள் உரம், உயிரி உரம், திருந்திய நெல் சாகுபடி உள்ளிட்டவை குறித்து விழிப்புணர்வு ஏற்படுத்தப்பட்டது. இதில், 200-க்கும் மேற்பட்ட விவசாயிகள் கலந்து கொண்டனர்.
மேலும், இதில் சேத்துப்பட்டு வேளாண் உதவி இயக்குநர் ரமணன், வேளாண் கல்லூரி மாணவர்கள் எஸ்.பிரகாஷ், சி.பைரவன், எம்.பாலசுப்பிரமணியன், பி.நவீன்குமார், எச்.எஜித், எஸ்.சத்தியா, பி.தீபாஞ்சன் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/23/நாடகம்-மூலம்-விவசாய-விழிப்புணர்வு-2794313.html
2794312 சென்னை திருவண்ணாமலை காங்கிரஸ் கட்சிக் கூட்டத்தில் கூச்சல், குழப்பம்: பாதியிலேயே வெளியேறிய தேர்தல் பார்வையாளர் DIN DIN Monday, October 23, 2017 01:24 AM +0530 சேத்துப்பட்டில் ஞாயிற்றுக்கிழமை நடைபெற்ற திருவண்ணாமலை வடக்கு மாவட்ட காங்கிரஸ் கட்சிக் கூட்டத்தில் கூச்சல், குழப்பம் ஏற்பட்டதால், அந்தக் கட்சியின் மாநிலத் தேர்தல் பார்வையாளர் உடனடியாக கிளம்பிச் சென்றார். இதனால் அங்கு பரபரப்பு ஏற்பட்டது.
காங்கிரஸ் கட்சியின் திருவண்ணாமலை வடக்கு மாவட்ட உள் கட்சித் தேர்தல் மாவட்ட தேர்தல் பார்வையாளர் சன்னிதாமஸ் மேற்பார்வையில் நடத்தப்பட்டு, அண்மையில் புதிய நிர்வாகிகள் பட்டியல் வெளியிடப்பட்டது. இதில், மாவட்டத் தலைவராக வி.பி.அண்ணாமலை போட்டியின்றி தேர்வு செய்யப்பட்டார். இதுகுறித்து முன்னாள் மாவட்டத் தலைவர் வசந்தராஜின் ஆதரவாளர்கள் புகார் தெரிவித்தனர். இதையடுத்து, வசந்தராஜின் ஆதரவாளர்கள் சிலரிடம் போட்டியிட மனுக்களைப் பெற்றனர்.
இந்த நிலையில், கட்சி நிர்வாகிகளிடையே சமரசம் ஏற்படுத்த சேத்துப்பட்டு தனியார் மண்டபத்தில் காங்கிரஸ் கட்சிக் கூட்டம் ஞாயிற்றுக்கிழமை நடத்தப்பட்டது. இதில், அந்தக் கட்சியின் மாநிலத் தேர்தல் பார்வையாளர் சஞ்சய்தத் கலந்து கொண்டார். கூட்டத்தில் முன்னாள் எம்எல்ஏக்கள் விஷ்ணுபிரசாத், ராஜாபாபு, முன்னாள் மாவட்டப் பொறுப்பாளர் ஜி.முனிரத்தினம் ஆகியோர் முன்னிலை வகித்தனர். மாவட்டத் தலைவர் வி.பி.அண்ணாமலை வரவேற்றார்.
கூட்டம் தொடங்கியதும்  முன்னாள் மாவட்டத் தலைவர் வசந்தராஜின் ஆதரவாளர்கள் முழக்கங்களை எழுப்பியபடி கூட்டத்துக்குச் சென்றனர். அப்போது, உங்கள் பிரச்னைகளை பேசி தீர்த்துக்கொள்ளலாம் என்று தேர்தல் பார்வையாளர் கூறினார்.
இதையடுத்து, தனி அறையில் மாநிலத் தேர்தல் பார்வையாளர் சஞ்சய்தத்,  முன்னாள்  எம்எல்ஏ விஷ்ணுபிரசாத், மாவட்டத் தலைவர் அண்ணாமலை, முன்னாள் மாவட்டத் தலைவர் வசந்தராஜ், வந்தவாசி கலீம் ஆகியோர் பேச்சுவார்த்தை நடத்தினர்.
பின்னர், கூட்டம் தொடங்கியபோது, வசந்தராஜின் ஆதரவாளர்கள் சமரசத்தை ஏற்க மாட்டோம் என்று முழக்கமிட்டனர். மேலும், எங்கள் ஆதரவாளர்களுக்கும் பொறுப்பு வழங்க வேண்டும். இல்லையென்றால் கூட்டத்தை நடத்தவிட மாட்டோம் என்று அவர்கள் முழக்கங்களை எழுப்பியதால், வசந்தராஜ், அண்ணாமலை ஆதரவாளர்களிடையே சலசலப்பு ஏற்பட்டது.
இதையடுத்து, மாநிலத் தேர்தல் பார்வையாளர் சஞ்சய்தத், கூட்டத்தை ரத்து செய்து விட்டு காரில் புறப்பட்டுச் சென்றார். அப்போது, வசந்தராஜின் ஆதரவாளர்கள் அவர் காரை மற்றொரு காரில் பின் தொடர்ந்து சென்றதால் பெரும் பரபரப்பு ஏற்பட்டது. பின்னர், முன்னாள் மாவட்டத் தலைவர் வசந்தராஜும் காரில் புறப்பட்டுச் சென்றார். இதனால் கூட்டம் நடைபெறாமல் கலைந்தது.

 

]]>
http://www.dinamani.com/all-editions/edition-chennai/tiruvannamalai/2017/oct/23/காங்கிரஸ்-கட்சிக்-கூட்டத்தில்-கூச்சல்-குழப்பம்-பாதியிலேயே-வெளியேறிய-தேர்தல்-பார்வையாளர்-2794312.html
2794311 சென்னை திருவண்ணாமலை பரிந்துரை சீட்டு இல்லாமல் மருந்து விற்றால் மருந்தக உரிமம் நிரந்தரமாக ரத்து செய்யப்படும்: மாவட்ட ஆட்சியர் எச்சரிக்கை DIN DIN Monday, October 23, 2017 01:24 AM +0530 திருவண்ணாமலை மாவட்டத்தில் மருத்துவரின் பரிந்துரை சீட்டு இல்லாமல் மருந்து விற்றால், மருந்தகத்தின் உரிமம் நிரந்தரமாக ரத்து செய்யப்படும் என்று மாவட்ட ஆட்சியர் கே.எஸ்.கந்தசாமி எச்சரித்துள்ளார்.
இதுகுறித்து மாவட்ட ஆட்சியர் கே.எஸ்.கந்தசாமி செய்தியாளர்களிடம் ஞாயிற்றுக்கிழமை கூறியதாவது:
திருவண்ணாமலை அரசு மருத்துவக் கல்லூரி மருத்துவமனையில் ஞாயிற்றுக்கிழமை வரை காய்ச்சலால் பாதிக்கப்பட்ட 466 பேர் சிகிச்சைப் பெற்றுள்ளனர். இவர்களில் 104 பேர் உள் நோயாளிகளாக உள்ளனர். இவர்களில் 31 பேருக்கு டெங்கு காய்ச்சல் இருப்பது கண்டறிப்பட்டுள்ளது.
திருவண்ணாமலை மாவட்டத்தில் 100-க்கும் அதிகமான போலி மருத்துவர்கள் உள்ளனர். இவர்கள் அனைவரும் விரைவில் கைது செய்யப்படுவர். மாவட்டத்தில் டெங்கு, இதர காய்ச்சலுக்கு அனைத்து மருந்தகங்களும் மருத்துவர் பரிந்துரை சீட்டு இல்லாமல் மருந்துகளை நேரடியாக விற்கக் கூடாது.
காய்ச்சலுக்கான மாத்திரை கேட்டு மருந்தகங்களுக்கு பொதுமக்கள் வந்தால் அருகில் உள்ள அரசு மருத்துவமனைகளுக்கு செல்லுமாறு அறிவுரை வழங்க வேண்டும். இதையும் மீறி நேரடியாக மருந்து, மாத்திரைகளை வழங்கினால் சம்பந்தப்பட்ட மருந்துக் கடைகளுக்கு நிரந்தரமாக "சீல்" வைக்கப்படும்.
மருந்தகத்தின் உரிமமும் ரத்து செய்யப்படும். திருவண்ணாமலை மாவட்டத்தில் போதுமான அளவு நிலவேம்புக் குடிநீர் இருப்பில் உள்ளது. மாவட்டத்தில் இதுவரை டெங்கு காய்ச்சலுக்கு 2 பேர் இறந்துள்ளனர். காய்ச்சலால் பாதிக்கப்பட்டு சிகிச்சைப் பெறுவோரின் எண்ணிக்கை படிப்படியாக குறைந்துள்ளது. மாவட்டத்தின் 860 ஊராட்சிகளிலும் டெங்கு காய்ச்சல் தடுப்பு குறித்த விழிப்புணர்வு ஏற்படுத்தப்பட்டு வருகிறது என்றார்.

 

 

]]>
http://www.dinamani.com/all-editions/edition-chennai/tiruvannamalai/2017/oct/23/பரிந்துரை-சீட்டு-இல்லாமல்-மருந்து-விற்றால்-மருந்தக-உரிமம்-நிரந்தரமாக-ரத்து-செய்யப்படும்-மாவட்ட-ஆட்ச-2794311.html
2794310 சென்னை திருவண்ணாமலை செங்கத்தில் குண்டும், குழியுமான சாலைகள்: சீரமைக்க பொதுமக்கள் கோரிக்கை DIN DIN Monday, October 23, 2017 01:23 AM +0530 செங்கம் நகரில் உள்ள குண்டும், குழியுமான சாலைகளை சீரமைக்க நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என கோரிக்கை எழுந்துள்ளது.
செங்கம் துக்காப்பேட்டை முதல் போளூர் சாலை மேம்பாலம் வரை செங்கம் நகரில் பிரதான சாலை உள்ளது.
இந்த சாலையின் நடுவில் கடந்த 6 மாதங்களுக்கு முன்பு நெடுஞ்சாலைத் துறையினர் தடுப்புச் சுவர் அமைத்து சாலையை இரண்டாகப் பிரித்தனர்.
எனினும், சாலையில் ஏற்பட்டுள்ள பள்ளங்களை சரிசெய்யமால் தடுப்புச் சுவர் மட்டும் அமைத்துச் சென்றதால், அண்மைக்காலமாக இந்தப் பகுதியில் பெய்து வரும் மழையால் துக்காப்பேட்டையில் உள்ள நெடுஞ்சாலைத் துறை அலுவலகம் அருகிலும், துக்காப்பேட்டை குளம் பகுதியிலும், மசூதி அருகிலும், பழைய பேருந்து நிலைய பகுதியிலும் என சுமார் 5 இடங்களில் சாலையில் பெரிய பள்ளங்கள் ஏற்பட்டு, சாலை குண்டும், குழியுமாக காட்சியளிக்கிறது.
இதனால் வாகன ஓட்டிகள் மிகவும் சிரமத்துக்குள்ளாகி வருகின்றனர்.
மேலும், பள்ளங்கள் ஏற்பட்டுள்ள பகுதிகளில் சாலையோரங்களில் உள்ள கால்வாயை கடைக்காரர்கள் ஆக்கிரமித்துள்ளனர்.
இதன் காரணமாக சாலையோரங்களின் வழியாகவும் வாகன ஓட்டிகள் செல்ல முடியாத நிலை ஏற்பட்டுள்ளது.
எனவே, செங்கம் துக்காப்பேட்டை முதல் போளூர் சாலை மேம்பாலம் வரை சாலையின் இருபுறமும் உள்ள ஆக்கிரமிப்புகளை அகற்றவும், சாலையில் ஏற்பட்டுள்ள பள்ளங்களை மூடி சாலையை சீரமைக்கவும் நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என்பதே செங்கம் நகர மக்களின் எதிர்பார்ப்பாக உள்ளது.

 

]]>
http://www.dinamani.com/all-editions/edition-chennai/tiruvannamalai/2017/oct/23/செங்கத்தில்-குண்டும்-குழியுமான-சாலைகள்-சீரமைக்க-பொதுமக்கள்-கோரிக்கை-2794310.html
2794301 சென்னை திருவண்ணாமலை செய்யாறு மாவட்ட தலைமை மருத்துவமனை புதிய கட்டடம் விரைவில் திறக்கப்படும்: அமைச்சர் சேவூர் எஸ்.ராமச்சந்திரன் பேச்சு DIN DIN Monday, October 23, 2017 01:14 AM +0530 செய்யாறு மாவட்ட தலைமை மருத்துவமனை புதிய கட்டடம் விரைவில் திறக்கப்படும் என்று அமைச்சர் சேவூர் ராமச்சந்திரன் கூறினார்.
செய்யாறு நகர அதிமுக சார்பில் அதிமுகவின் 46-ஆவது ஆண்டு தொடக்க விழா பொதுக்கூட்டம் ஆரணி கூட்டுச்சாலையில் சனிக்கிழமை இரவு நடைபெற்றது. கூட்டத்துக்கு வழக்குரைஞரணி முனுசாமி தலைமை வகித்தார். திருவண்ணாமலை வடக்கு மாவட்டச் செயலரும், செய்யாறு எம்எல்ஏவுமான தூசி கே.மோகன் முன்னிலை வகித்தார்.
கூட்டத்தில் சிறப்பாளராக பங்கேற்ற இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் பேசியதாவது:
தமிழக முன்னாள் முதல்வர் ஜெயலலிதா முதலமைச்சராக இந்தபோது கடந்த 2016-ஆம் ஆண்டு நிதிநிலை அறிக்கையில் செய்யாறு தொகுதிக்கு ரூ.100 கோடி நிதி ஒதுக்கீடு செய்யப்பட்டு, சிப்காட் விரிவாக்கப் பணிகள் மேற்கொள்ளப்பட்டதுடன், அங்கு புதிய தனியார் நிறுவனங்கள் தொடங்கப்பட்டன. இந்த நிறுவனங்கள் மூலம் இந்தப் பகுதி மக்கள் வேலைவாய்ப்பு பெற்று வருகின்றனர்.
இந்தத் தொகுதியின் வளர்ச்சிக்காக முன்னாள் அமைச்சர் முக்கூர் என்.சுப்பிரமணியனின் கோரிக்கையை ஏற்று, செய்யாறு வட்டத்தில் இருந்து வெம்பாக்கம் தனி வட்டம் உருவாக்கப்பட்டது. சட்டப் பேரவையில் எம்எல்ஏ தூசி கே.மோகனின் கோரிக்கையை ஏற்று, வெம்பாக்கம் வட்டாட்சியர் அலுவலகத்துக்கு புதிய கட்டடம் கட்ட ரூ.1.10 கோடி நிதி ஒதுக்கீடு செய்யப்பட்டு, கட்டுமானப் பணிகள் தொடங்கப்பட்டுள்ளன.
இதேபோல, செய்யாறு மருத்துவமனையை மாவட்டத் தலைமை மருத்துவமனையாக தரம் உயர்த்தி, அதற்காக ரூ.13 கோடி நிதி ஒதுக்கீடு செய்யப்பட்டு, கட்டடம் கட்டப்பட்டு தற்போது திறப்பு விழாவுக்காக உள்ளது.
இந்த நிலையில், செய்யாறில் உள்ள மாவட்டத் தலைமை மருத்துவமனை ஆரணிக்கு மாற்றப்பட உள்ளதா என்பது குறித்து சுகாதாரத் துறை அமைச்சர் விஜயபாஸ்கரிடம் கேள்வி எழுப்பப்பட்டது. அதற்கு, அவர் செய்யாறில் உள்ள மருத்துவமனையே மாவட்டத் தலைமை மருத்துவமனையாக செயல்படும் என தெரிவித்தார். அமைச்சர் கூறியதுபோல, செய்யாறு மருத்துவமனையே மாவட்டத் தலைமை மருத்துவமனையாக செயல்படும். மருத்துவமனை புதிய கட்டடமும் விரைவில் திறக்கப்பட்டு, பயன்பாட்டுக்கு கொண்டுவரப்படும். இதுகுறித்து இந்தப் பகுதி மக்கள் அச்சப்படத் தேவையில்லை. குடிமராமத்து பணிக்காக திருவண்ணாமலை மாவட்டத்துக்கு ரூ.18 கோடி ஒதுக்கப்பட்டு மாவட்டத்தில் 22 ஏரிகள் சீரமைக்கப்பட்டன. அந்த ஏரிகளில் தற்போது நீர் நிரம்பியுள்ளன என்றார்.
நிகழ்ச்சியில் முன்னாள் எம்எல்ஏ குணசீலன், நகரச் செயலர் ஏ.ஜனார்த்தனம், ஒன்றியச் செயலர் எஸ்.கிருஷ்ணன், மாணவரணி எம்.மகேந்திரன், முன்னாள் ஒன்றியத் தலைவர் விமலாமகேந்திரன், அண்ணா தொழிற்சங்கம் ஏ.அருணகிரி, பொதுக்குழு உறுப்பினர் எஸ்.ரவிச்சந்திரன், அவைத் தலைவர் பி.லோகநாதன், அதிமுக நிர்வாகிகள் அருகாவூர் அரங்கநாதன், பூக்கடை ஜி.கோபால், வழக்குரைஞர் வெங்கட்ராமன், கோவிந்தராஜ், வெங்கிடேசன் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/23/செய்யாறு-மாவட்ட-தலைமை-மருத்துவமனை-புதிய-கட்டடம்-விரைவில்-திறக்கப்படும்-அமைச்சர்-சேவூர்-எஸ்ராமச்சந்-2794301.html
2793953 சென்னை திருவண்ணாமலை மாற்றுத் திறனாளி மாணவர்களுக்கான விளையாட்டுப் போட்டி DIN DIN Sunday, October 22, 2017 05:38 AM +0530 செய்யாறு அரசு ஆண்கள் மேல்நிலைப் பள்ளியில் செய்யாறு கல்வி மாவட்ட அளவிலான மாற்றுத் திறனாளி மாணவர்களுக்கான விளையாட்டுப் போட்டிகள் சனிக்கிழமை நடைபெற்றன.
தொடக்க நிகழ்ச்சிக்கு மாவட்ட உடற்கல்வி ஆய்வாளர் முனியன் தலைமை வகித்தார். பள்ளி துணை ஆய்வாளர் புகழேந்தி, தலைமை ஆசிரியர்கள் என்.ஆர்.சங்கரலிங்கம், உமாமகேஸ்வரி ஆகியோர் முன்னிலை வகித்தனர். முன்னதாக உடற்கல்வி இயக்குநர் முத்துவேல் வரவேற்றார்.
செய்யாறு மாவட்டக் கல்வி அலுவலராக புதிதாக பொறுப்பேற்றுள்ள கே.கார்த்திகா சிறப்பு அழைப்பாளராக கலந்து கொண்டு மாற்றுத் திறனாளி மாணவர்களுக்கான விளையாட்டுப் போட்டிகளை தொடக்கி வைத்தார். பின்னர்,  விளையாட்டுப் போட்டிகளில் வென்ற மாணவர்களுக்கு பரிசு, சான்றிதழை அவர் வழங்கினார்.
நிகழ்ச்சியில் உடற்கல்வி இயக்குநர்கள் சூரியநாராயணன், சண்முகம், உடற்கல்வி ஆசிரியர்கள் முருகானந்தம், தணிகைவேலு, ஏழுமலை, பாஸ்கர் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/22/மாற்றுத்-திறனாளி-மாணவர்களுக்கான-விளையாட்டுப்-போட்டி-2793953.html
2793952 சென்னை திருவண்ணாமலை மீனவர் சமுதாய பட்டதாரி இளைஞர்களுக்கு போட்டித் தேர்வு பயிற்சியில் கலந்து கொள்ள அழைப்பு DIN DIN Sunday, October 22, 2017 05:38 AM +0530 திருவண்ணாமலை மாவட்டத்தைச் சேர்ந்த மீனவ சமுதாய பட்டதாரி இளைஞர்கள், இந்திய குடிமைப் பணிகளுக்கான போட்டித் தேர்வு பயிற்சி முகாமில் கலந்து கொண்டு பயன்பெற விண்ணப்பிக்கலாம் என்று மாவட்ட நிர்வாகம் தெரிவித்துள்ளது.
தமிழகத்தில் ஆண்டுதோறும் மீனவ கூட்டுறவுச் சங்க கடல் மற்றும் உள்நாட்டு மீனவ சமுதாயத்தைச் சேர்ந்த படித்த 20 பட்டதாரி இளைஞர்களை தேர்வு செய்து, தனிக்குழுவாக அமைத்து அவர்களுக்கு இந்திய குடிமைப் பணிகளுக்கான போட்டித் தேர்வில் கலந்து கொள்ள ஏதுவாக பிரத்யேக பயிற்சி அளிக்கும் ஒரு புதிய திட்டத்தை தமிழக அரசு செயல்படுத்துகிறது.
தமிழக மீன்வளத் துறை, சென்னை அண்ணா மேலாண்மைப் பயிற்சி நிலையம் இணைந்து செயல்படுத்தும் இந்தத் திட்டத்தில் கடல் மற்றும் உள்நாட்டு மீனவ கூட்டுறவுச் சங்க உறுப்பினர்கள், மீனவர் நல வாரிய உறுப்பினர்களின் குழந்தைகள் சேர்ந்து பயன்பெறலாம்.
இந்தத் திட்டத்தின் கீழ் பயிற்சி பெற விரும்புவோர் தங்களுக்குத் தேவையான விவரங்களை மீன்வளத் துறையின் w‌w‌w.‌f‌i‌s‌h‌e‌r‌i‌e‌s.‌t‌n.‌g‌o‌v.‌i‌n என்ற இணையதளத்தில் கட்டணமின்றி பதிவிறக்கம் செய்து கொள்ளலாம்.
பூர்த்தி செய்யப்பட்ட விண்ணப்பங்களை உரிய ஆவணங்களுடன் சம்பந்தப்பட்ட மீன்வளத் துறை உதவி இயக்குநர் அலுவலகத்துக்கு பதிவு அஞ்சல் மூலமாகவோ அல்லது நேரடியாகவோ திங்கள்கிழமை (அக்டோபர் 23) மாலை 5 மணிக்குள் அளிக்க வேண்டும்.
இந்தத் திட்டம் குறித்த கூடுதல் விவரங்களுக்கு சம்பந்தப்பட்ட மீன்வளத் துறை உதவி இயக்குநர், துணை இயக்குநர்கள், இணை இயக்குநர்கள் அலுவலகங்களை நேரில் தொடர்பு கொள்ளலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.

]]>
http://www.dinamani.com/all-editions/edition-chennai/tiruvannamalai/2017/oct/22/மீனவர்-சமுதாய-பட்டதாரி-இளைஞர்களுக்கு-போட்டித்-தேர்வு-பயிற்சியில்-கலந்து-கொள்ள-அழைப்பு-2793952.html
2793951 சென்னை திருவண்ணாமலை பள்ளியில் பெற்றோர் - ஆசிரியர் கலந்தாய்வுக் கூட்டம் DIN DIN Sunday, October 22, 2017 05:37 AM +0530 திருவண்ணாமலை சண்முகா தொழிற்சாலை அரசு மேல்நிலைப் பள்ளியில் 10, 12-ஆம் வகுப்பு பயிலும் மாணவர்களின் பெற்றோர்கள் பங்குபெற்ற பெற்றோர் - ஆசிரியர் கலந்தாய்வுக் கூட்டம் நடைபெற்றது.
கூட்டத்துக்கு பள்ளித் தலைமை ஆசிரியர் எஸ்.அருணகிரி தலைமை வகித்தார். உதவித் தலைமை ஆசிரியர்கள் எஸ்.பாஸ்கரன், கே.ஆனந்தி ஆகியோர் முன்னிலை வகித்தனர். கூட்டத்தில், 2018 மார்ச் மாதம் நடைபெறும் அரசு பொதுத் தேர்வில் அனைத்து மாணவர்களும் அதிக மதிப்பெண்களுடன் தேர்ச்சி பெற வேண்டும். இதற்கு அனைத்து மாணவ, மாணவிகளின் பெற்றோர்களும் ஒத்துழைப்பு தர வேண்டும் என்று வலியுறுத்தப்பட்டது.
மேலும், ஒழுக்கம், பள்ளிக்கு தவறாமல் வருகைபுரிதல், உடல் நலம், எழுது பொருள்கள், கீழ்படிதல், சத்தாண உணவு, வகுப்புத் தேர்வுகளை சீரிய முறையில் எழுதுதல், எழுத்துப் பயிற்சி, வீட்டுப்பாடம் ஆகியவற்றில் கவனம் செலுத்த பெற்றோர்களுக்கும், மாணவ, மாணவிகளுக்கும் அறிவுரைகள் வழங்கப்பட்டன.
கூட்டத்தில், 10, 12-ஆம் வகுப்புகளின் அனைத்து ஆசிரியர், ஆசிரியைகள், மாணவ, மாணவிகள், பெற்றோர்கள் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/22/பள்ளியில்-பெற்றோர்---ஆசிரியர்-கலந்தாய்வுக்-கூட்டம்-2793951.html
2793950 சென்னை திருவண்ணாமலை ஆக்கூரில் அக்.25-இல் மனுநீதி நாள் முகாம் DIN DIN Sunday, October 22, 2017 05:37 AM +0530 செய்யாறு வட்டம், ஆக்கூர் கிராமத்தில் மாவட்ட ஆட்சியர் தலைமையில் வரும் புதன்கிழமை (அக்.25) மனுநீதி நாள் முகாம் நடைபெற உள்ளது.
முகாமில் திருவண்ணாமலை மாவட்ட ஆட்சியர் கே.எஸ்.கந்தசாமி, செய்யாறு தொகுதி எம்எல்ஏ தூசி கே.மோகன் ஆகியோர் சிறப்பு விருந்தினர்களாக கலந்து கொண்டு நலத் திட்ட உதவிகளை வழங்குகின்றனர். மேலும், இதில் மாவட்டத்தில் உள்ள பல்வேறு துறைகளைச் சேர்ந்த உயர் அலுவலர்கள் கலந்துகொள்ள உள்ளனர்.
முகாமுக்கான ஏற்பாடுகளை வட்டாட்சியர் வி.ஜெயராமச்சந்திரன், மண்டல துணை வட்டாட்சியர் குமரவேல், வருவாய் ஆய்வாளர் ரமேஷ், கிராம நிர்வாக அலுவலர்
ஆறுமுகம் மற்றும் வருவாய்த் துறையினர் செய்துள்ளனர்.

]]>
http://www.dinamani.com/all-editions/edition-chennai/tiruvannamalai/2017/oct/22/ஆக்கூரில்-அக்25-இல்-மனுநீதி-நாள்-முகாம்-2793950.html
2793949 சென்னை திருவண்ணாமலை வாக்காளர் பட்டியல் திருத்தப் பணி: 860 ஊராட்சிகளில் சிறப்பு கிராம சபைக் கூட்டங்கள் DIN DIN Sunday, October 22, 2017 05:36 AM +0530 திருவண்ணாமலை மாவட்ட வாக்காளர் பட்டியல் திருத்தப் பணிகளை மேற்கொள்ள ஏதுவாக மாவட்டத்தின் 860 ஊராட்சிகளிலும் சனிக்கிழமை சிறப்பு கிராம சபைக் கூட்டங்கள் நடத்தப்பட்டன.
2018 ஜனவரி 1-ஆம் தேதியை அடிப்படையாகக் கொண்டு திருவண்ணாமலை மாவட்ட வாக்காளர் பட்டியல் தயாரிக்கும் பணி நடைபெற்று வருகிறது. இந்தப் பட்டியலில் புதிதாக பெயர் சேர்த்தல், நீக்குதல், திருத்தம் செய்தல் தொடர்பான மனுக்கள் வரும் 31-ஆம் தேதி வரை சம்பந்தப்பட்ட வாக்குச்சாவடி மையங்கள், வட்டாட்சியர் அலுவலகங்கள், நகராட்சி அலுவலகங்களில் பெறப்படுகின்றன.
சிறப்பு கிராம சபைக் கூட்டங்கள்: இந்த நிலையில், சனிக்கிழமை திருவண்ணாமலை மாவட்டத்தில் உள்ள 860 ஊராட்சிகளிலும் சிறப்பு கிராம சபைக் கூட்டங்கள் நடத்தப்பட்டன. இந்தக் கூட்டங்களில் அந்தந்த ஊராட்சிகளைச் சேர்ந்த பொதுமக்கள் கலந்து கொண்டு பயன்பெற்றனர்.
திருவண்ணாமலையை அடுத்த நொச்சிமலை ஊராட்சிக்கு உள்பட்ட வாணியந்தாங்கல் ஊராட்சி ஒன்றிய தொடக்கப் பள்ளி வளாகத்தில் நடைபெற்ற சிறப்பு கிராம சபைக் கூட்டத்தில் மாவட்ட ஆட்சியர் கே.எஸ்.கந்தசாமி கலந்து கொண்டு பேசியதாவது:
வாக்காளர் பட்டியல் திருத்தப் பணிகள் முழுமையாக நடைபெற பொதுமக்கள் ஒத்துழைக்க வேண்டும். 18 வயது நிரம்பியவர்களின் பெயர்களை வாக்காளர் பட்டியலில் சேர்க்க வேண்டும்.
நிரந்தரமாக வெளியூர்களுக்கு குடிபெயர்ந்தவர்கள், இறந்தவர்களின் பெயர்களை வாக்காளர் பட்டியலில் இருந்து நீக்க மனு அளிக்க வேண்டும் என்று பொதுமக்களை ஆட்சியர் கேட்டுக்கொண்டார்.
கூட்டத்தில், வட்டார வளர்ச்சி அலுவலர்கள் புருஷோத்குமார், கருணாகரன், வட்டாட்சியர் ரவி உள்பட அரசுத் துறை அதிகாரிகள், பொதுமக்கள் பலர் கலந்து கொண்டனர்.
இதேபோல, திருவண்ணாமலை மாவட்டத்தில் 860 ஊராட்சிகளிலும் சிறப்பு கிராம சபைக் கூட்டங்கள் நடைபெற்றன.
இன்று சிறப்பு முகாம்கள்: திருவண்ணாமலை மாவட்டம் முழுவதும் உள்ள அனைத்து வாக்குச்சாவடிகளிலும் ஞாயிற்றுக்கிழமை (அக்டோபர் 22) வாக்காளர் பட்டியல் திருத்த சிறப்பு முகாம்கள் நடைபெறுகின்றன.

]]>
http://www.dinamani.com/all-editions/edition-chennai/tiruvannamalai/2017/oct/22/வாக்காளர்-பட்டியல்-திருத்தப்-பணி-860-ஊராட்சிகளில்-சிறப்பு-கிராம-சபைக்-கூட்டங்கள்-2793949.html
2793948 சென்னை திருவண்ணாமலை துப்புரவுப் பணியாளர்களுக்கு நிலவேம்புக் குடிநீர் DIN DIN Sunday, October 22, 2017 05:36 AM +0530 செங்கத்தில் துப்புரவுப் பணியாளர்களுக்கு காவல் துணைக் கண்காணிப்பாளர் சுந்தரமூர்த்தி சனிக்கிழமை நிலவேம்புக் குடிநீரை வழங்கினார்.
செங்கம் துக்காப்பேட்டையில் உள்ள காவல் நிலையம், மகளிர் காவல் நிலையம், காவல் துணைக் கண்காணிப்பாளர் அலுவலக வளாகம் மற்றும் காவலர் குடியிருப்புப் பகுதிகளில் கிடந்த குப்பையை செங்கம் பேரூராட்சி துப்புரவுப் பணியாளர்கள் அகற்றினர்.
மேலும், தொடர் மழையால் தேங்கியிருந்த மழை நீரை அவர்கள் வெளியேற்றியதுடன், காவலர் குடியிருப்பு, காவல் நிலைய தண்ணீர்த் தொட்டிகளை சுத்தம் செய்து தூய்மைப் பணியில் ஈடுபட்டனர்.
இந்தப் பணியில் ஈடுபட்ட துப்புரவுப் பணியாளர்களுக்கு செங்கம் காவல் துணைக் கண்காணிப்பாளர்  சுந்தரமூத்தி நிலவேம்புக் குடிநீர் வழங்கினார். மேலும், கொசு அதிகமுள்ள பகுதிகளில் துப்புரவுப் பணியாளர்கள் தூய்மைப் பணியில் ஈடுபடும்போது கை, காலுக்கு பாதுகாப்பு உறையணிந்து பணிகளில் ஈடுபட வேண்டும் என அவர்
அறிவுறுத்தினார்.

 

]]>
http://www.dinamani.com/all-editions/edition-chennai/tiruvannamalai/2017/oct/22/துப்புரவுப்-பணியாளர்களுக்கு-நிலவேம்புக்-குடிநீர்-2793948.html
2793947 சென்னை திருவண்ணாமலை சேவூரில் தூய்மைப் பணி: அமைச்சர் ஆய்வு DIN DIN Sunday, October 22, 2017 05:36 AM +0530 ஆரணியை அடுத்த சேவூரில் சனிக்கிழமை நடைபெற்ற தூய்மைப் பணிகளை இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் பார்வையிட்டு ஆய்வு செய்தார்.
அமைச்சர் சேவூர் எஸ்.ராமச்சந்திரனின் சொந்த ஊரான சேவூர் கிராமத்தில் அமைந்துள்ள ஜைன ஆலயத்தைச் சுற்றி குப்பை அதிகமாகக் கிடந்ததால், அவற்றை அகற்ற நடவடிக்கை எடுக்கக் கோரி ஜைன மக்கள் அமைச்சரிடம் கோரிக்கை விடுத்தனர்.
இதையடுத்து, அமைச்சர் சேவூர் எஸ்.ராமச்சந்திரனின் உத்தரவின்பேரில், ஆரணி ஒன்றிய அலுவலகம் சார்பில், சேவூர் கிராமத்தில் உள்ள குப்பையை அகற்றுதல், கால்வாய்களை தூர்வாருதல், கிருமிநாசினி தெளித்தல், கிராம மக்களுக்கு நிலவேம்புக் குடிநீர் வழங்குதல், வீடு வீடாக கொசு மருந்து அடித்தல் உள்ளிட்ட பணிகள் நடைபெற்றன.
இந்தப் பணிகளை அமைச்சர் சேவூர் எஸ்.ராமச்சந்திரன் நேரில் பார்வையிட்டு ஆய்வு செய்தார். அப்போது, ஒன்றியச் செயலர் பி.ஆர்.ஜி.சேகர், முன்னாள் ஒன்றியக் குழுத் தலைவர் க.சங்கர், பாசறை மாவட்டச் செயலர் ஜி.வி.கஜேந்திரன், நகர நிர்வாகி பாரிபாபு, ஊரக வளர்ச்சி செயற்பொறியாளர் இராமகிருஷ்ணன், வட்டார வளர்ச்சி அலுவலர் சுப்பிரமணி உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/22/சேவூரில்-தூய்மைப்-பணி-அமைச்சர்-ஆய்வு-2793947.html
2793946 சென்னை திருவண்ணாமலை காய்ச்சலால் பாதிக்கப்படுவோரின் எண்ணிக்கை வெகுவாகக் குறைந்துள்ளது: மாவட்ட ஆட்சியர் பேட்டி DIN DIN Sunday, October 22, 2017 05:35 AM +0530 திருவண்ணாமலை மாவட்டத்தில் காய்ச்சலால் பாதிக்கப்படுவோரின் எண்ணிக்கை வெகுவாகக் குறைந்துள்ளதாகவும், விரைவில் டெங்கு காய்ச்சல் முழுமையாக கட்டுப்படுத்தப்படும் என்றும் மாவட்ட ஆட்சியர் கே.எஸ்.கந்தசாமி தெரிவித்தார்.
திருவண்ணாமலையை அடுத்த நாயுடுமங்கலம் கூட்டுச்சாலை பகுதியில் மேற்கொள்ளப்பட்டு வரும் டெங்கு காய்ச்சல் தடுப்பு நடவடிக்கைகளை மாவட்ட ஆட்சியர் கே.எஸ்.கந்தசாமி சனிக்கிழமை ஆய்வு செய்தார்.
பொதுமக்களின் வீடுகளுக்குச் சென்ற ஆட்சியர், குடிநீர் வைத்திருக்கும் பாத்திரங்களை மூடி வைக்க வேண்டும் என்று அறிவுரை வழங்கினார்.
பின்னர், அதே பகுதியில் மூடி வைக்கப்பட்டிருந்த கடைகளின் பின்னால் புதர்களுக்கு இடையே உடைந்த நிலையில் கிடந்த பிளாஸ்டிக் மேஜையில் தேங்கியிருந்த தண்ணீரில் உருவாகியிருந்த டெங்கு கொசுப்புழுக்களை உடனே அழிக்க ஆட்சியர் உத்தரவிட்டார்.
நிலவேம்புக் குடிநீர் அளிப்பு: இதையடுத்து, நாயுடுமங்கலம் கூட்டுச்சாலை சந்திப்பில் புகை தெளிப்பான் கருவி மூலம் கொசு ஒழிப்புப் பணியையும், பொதுமக்களுக்கு நிலவேம்புக் குடிநீர் வழங்கும் பணியையும் மாவட்ட ஆட்சியர் தொடக்கி வைத்தார்.
பின்னர், பொதுமக்களுடன் சேர்ந்து ஆட்சியர் கே.எஸ்.கந்தசாமியும் நிலவேம்புக் குடிநீரை வாங்கிப் பருகினார். இதே பகுதியில் தொடர் காய்ச்சலால் பாதிக்கப்பட்ட ஜெயகுமாரி (31) வீட்டுக்கு மருத்துவர்களுடன் சென்று பரிசோதனைகள் செய்து உரிய அறிவுரைகளை வழங்கினார்.
பின்னர், செய்தியாளர்களுக்கு ஆட்சியர் கே.எஸ்.கந்தசாமி அளித்த பேட்டி: திருவண்ணாமலை மாவட்டத்தில் டெங்கு காய்ச்சல் தடுப்புப் பணிகள் சிறந்த முறையில் செயல்படுத்தப்படுகிறது. மாவட்டத்தின் அனைத்துப் பகுதிகளிலும் தினமும் புகை தெளிப்பான் மூலம் கொசு மருந்து அடிக்கப்படுகிறது.
இதன் பலனாக காய்ச்சலால் பாதிக்கப்படுவோரின் எண்ணிக்கை வெகுவாகக் குறைந்துள்ளது. கடந்த வாரம் வரை திருவண்ணாமலை மாவட்ட அரசு மருத்துமவனைகளில் டெங்கு காய்ச்சலுக்காக 57 பேர் சிகிச்சைப் பெற்று வந்தனர். இந்த எண்ணிக்கை வெள்ளிக்கிழமை 18-ஆகக் குறைந்தது.
மாவட்டத்தின் அனைத்துப் பகுதிகளிலும் பொதுமக்களுக்கு நிலவேம்புக் குடிநீர் வழங்கப்பட்டு வருகிறது.
இதன் மூலம் திருவண்ணாமலை மாவட்டத்தில் டெங்கு காய்ச்சல் விரைவில் முழுவதுமாக கட்டுப்படுத்தப்படும் என்றார்.

 

]]>
http://www.dinamani.com/all-editions/edition-chennai/tiruvannamalai/2017/oct/22/காய்ச்சலால்-பாதிக்கப்படுவோரின்-எண்ணிக்கை-வெகுவாகக்-குறைந்துள்ளது-மாவட்ட-ஆட்சியர்-பேட்டி-2793946.html
2793945 சென்னை திருவண்ணாமலை தேசிய திறனாய்வுத் தேர்வுக்கு சிறப்புப் பயிற்சி வகுப்பு DIN DIN Sunday, October 22, 2017 05:35 AM +0530 செய்யாறு கல்வி மாவட்டத்தைச் சேர்ந்த தேசிய திறனாய்வுத் தேர்வு எழுதும் மாணவர்களுக்கான சிறப்பு பயிற்சி வகுப்பு சனிக்கிழமை நடைபெற்றது.
அனைவருக்கும் இடைநிலைக் கல்வித் திட்டத்தின் கீழ், செய்யாறு அரசு ஆண்கள் மேல்நிலைப் பள்ளியில் நடைபெற்ற இந்தப் பயிற்சி வகுப்புக்கு செய்யாறு மாவட்டக் கல்வி அலுவலர் கே.கார்த்திகா தலைமை வகித்து தொடக்கி வைத்தார். பின்னர், அவர் பேசியதாவது: மாணவப் பருவத்தில் மாணவர்கள் நிறைய கற்றுக்கொள்ள வேண்டும். எதிர்காலத்தில் மாவட்ட ஆட்சியராகவோ, ஆசிரியராகவோ, மருத்துவராகவோ சமூகத்தில் உயர்ந்த நிலையில் உள்ள பதவிகளுக்கு வர வேண்டும் என்ற எண்ணத்தோடு படிக்க வேண்டும். மாணவர்கள் பாடப் புத்தகங்களைப் படிப்பதோடு பொது அறிவையும் வளர்த்துக்கொள்ள வேண்டும் என்றார்.
நிகழ்ச்சியில் பள்ளித் தலைமை ஆசிரியர் என்.ஆர்.சங்கரலிங்கம், பள்ளி துணை ஆய்வாளர் புகழேந்தி, லியோ வசந்தகுமார் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/22/தேசிய-திறனாய்வுத்-தேர்வுக்கு-சிறப்புப்-பயிற்சி-வகுப்பு-2793945.html
2793944 சென்னை திருவண்ணாமலை தென்னிந்திய அளவிலான மல்யுத்தம்: சண்முகா கல்லூரி மாணவர் சிறப்பிடம் DIN DIN Sunday, October 22, 2017 05:35 AM +0530 தென்னிந்திய அளவிலான மல்யுத்தப் போட்டியில் சண்முகா தொழிற்சாலை கலை, அறிவியல் கல்லூரி மாணவர் சிறப்பிடம் பிடித்தார்.
கல்லூரி மாணவர்களுக்கான தென்னிந்திய அளவிலான 8-ஆவது மல்யுத்த சாம்பியன்ஷிப் போட்டிகள் அண்மையில் சேலம் மாவட்டம், மேட்டூர் அணைப் பகுதியில் நடைபெற்றது.
இதில், திருவண்ணாமலை சண்முகா தொழிற்சாலை கலை, அறிவியல் கல்லூரி மாணவர் பி.ராஜேஷ்குமார் 63 கிலோ எடை பிரிவிலும், ஏ.அருண்குமார் 65 கிலோ எடை பிரிவிலும் கலந்து கொண்டனர்.
தமிழ்நாடு மல்யுத்த அணியில் கலந்து கொண்ட பி.ராஜேஷ்குமார் வெண்கலப் பதக்கம் வென்று கல்லூரிக்குப் பெருமை சேர்த்தார். போட்டியில் பங்கேற்ற, வெற்றி பெற்ற மாணவர்களை கல்லூரித் தலைவர் எம்.என்.பழனி, செயலரும், தாளாளருமான என்.குமார், பொருளாளர் கே.ராஜேந்திரகுமார், கல்வி புல முதன்மையர் அழ.உடையப்பன், முதல்வர் கே.ஆனந்தராஜ், உடற்கல்வி இயக்குநர்கள் எம்.கோபி, ஆர்.மீரா மற்றும் பேராசிரியர்கள் சனிக்கிழமை பாராட்டினர்.

]]>
http://www.dinamani.com/all-editions/edition-chennai/tiruvannamalai/2017/oct/22/தென்னிந்திய-அளவிலான-மல்யுத்தம்-சண்முகா-கல்லூரி-மாணவர்-சிறப்பிடம்-2793944.html
2793943 சென்னை திருவண்ணாமலை சாராய வியாபாரி குண்டர் சட்டத்தில் கைது DIN DIN Sunday, October 22, 2017 05:34 AM +0530 போளூர் அருகே தொடர்ந்து சாராய விற்பனையில் ஈடுபட்டு வந்தவர் குண்டர் தடுப்புச் சட்டத்தின் கீழ் கைது செய்யப்பட்டார்.
போளூர் மது விலக்கு அமல் பிரிவு போலீஸார் கடந்த செப்டம்பர் 26-ஆம் தேதி தீவிர சாராய விற்பனை தடுப்புப் பணியில் ஈடுபட்டனர்.
அப்போது, சாராயம் விற்றதாக போளூரை அடுத்த வி.எஸ்.விநாயகர் கோயில் தெருவைச் சேர்ந்த ஏழுமலை (42) என்பவரை கைது செய்தனர்.
இவர் தொடர்ந்து சாராய விற்பனையில் ஈடுபட்டு வந்ததால் இவரை குண்டர் தடுப்புச் சட்டத்தின் கீழ் கைது செய்ய மாவட்ட ஆட்சியர் கே.எஸ்.கந்தசாமிக்கு மாவட்டக் காவல் கண்காணிப்பாளர் இரா.பொன்னி பரிந்துரை செய்தார். இந்தப் பரிந்துரையை ஏற்ற ஆட்சியர், ஏழுமலையை குண்டர் தடுப்புச் சட்டத்தின் கீழ் கைது செய்ய உத்தரவிட்டார்.
இதையடுத்து, வேலூர் மத்திய சிறையில் அடைக்கப்பட்டுள்ள ஏழுமலையிடம் குண்டர் தடுப்புச் சட்டத்தின் கீழ் கைது செய்யப்பட்டதற்கான நகல் வெள்ளிக்கிழமை வழங்கப்பட்டது.

]]>
http://www.dinamani.com/all-editions/edition-chennai/tiruvannamalai/2017/oct/22/சாராய-வியாபாரி-குண்டர்-சட்டத்தில்-கைது-2793943.html
2793942 சென்னை திருவண்ணாமலை வேன் மோதியதில் பொக்லைன் ஓட்டுநர் சாவு DIN DIN Sunday, October 22, 2017 05:34 AM +0530 தண்டராம்பட்டு அருகே பைக் மீது வேன் மோதியதில் பலத்த காயமடைந்த பொக்லைன் இயந்திர ஓட்டுநர் உயிரிழந்தார்.
திருவண்ணாமலையை அடுத்த புளியங்குளம் கிராமத்தைச் சேர்ந்தவர் சேட்டு மகன் மஞ்சுநாதன் (26). பொக்லைன் இயந்திர ஓட்டுநரான இவர், வெள்ளிக்கிழமை சாத்தனூர் - செங்கம் சாலையில் பைக்கில் சென்றுகொண்டிருந்தார். சாத்தனூரை அடுத்த குப்பந்தாங்கல் கூட்டுச்சாலை பகுதியில் சென்றபோது பின்னால் வந்த வேன் ஒன்று மஞ்சுநாதன் மீது மோதியது.
இதில் பலத்த காயமடைந்த அவரை பொதுமக்கள் மீட்டு திருவண்ணாமலை அரசு மருத்துவக் கல்லூரி மருத்துவமனையில் சேர்த்தனர். எனினும், அங்கு அவர் உயிரிழந்தார். இதுகுறித்து சாத்தனூர் அணை போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-chennai/tiruvannamalai/2017/oct/22/வேன்-மோதியதில்-பொக்லைன்-ஓட்டுநர்-சாவு-2793942.html
2793941 சென்னை திருவண்ணாமலை மாநில அறிவியல் கண்காட்சி: திருவண்ணாமலை பள்ளி முதலிடம் DIN DIN Sunday, October 22, 2017 05:34 AM +0530 மாநில அளவிலான அறிவியல் கண்காட்சியில் திருவண்ணாமலை எம்.ஏ.காதர்சேட் நினைவு முஸ்லிம் உயர்நிலைப் பள்ளி மாணவர்கள் முதலிடம் பிடித்தனர்.
கரூர் மாவட்ட பள்ளி கல்வித் துறை சார்பில், 45-ஆவது மாநில அளவிலான அறிவியல் கண்காட்சி அண்மையில் நடைபெற்றது. இதில், பல்வேறு பள்ளிகளைச் சேர்ந்த மாணவ, மாணவிகள் கலந்து கொண்டு தங்களது படைப்புகளை வைத்திருந்தனர்.
திருவண்ணாமலை எம்.ஏ.காதர்சேட் நினைவு முஸ்லிம் உயர்நிலைப் பள்ளி சார்பில் கலந்து கொண்ட மாணவர்கள் கே.ஆஷிக், என்.முஹம்மத் அபுபக்கர், சித்திக் ஆகியோர் அமைத்திருந்த கண்காட்சி மாநில அளவில் முதலிடம் பிடித்தது.
இதையடுத்து, தென்னிந்திய, தேசிய அளவிலான அறிவியல் கண்காட்சியில் கலந்து கொள்ள மாணவர்கள் தேர்வு செய்யப்பட்டனர். முதலிடம் பிடித்த மாணவர்கள், வழிகாட்டி ஆசிரியர் பி.ஹயாத்பாஷா ஆகியோரை மாவட்ட முதன்மைக் கல்வி அலுவலர் வெ.ஜெயக்குமார், பள்ளித் தாளாளர் கே.எஸ்.ஹயாத் பாஷா மற்றும் ஆசிரியர், ஆசிரியைகள் சனிக்கிழமை பாராட்டினர்.

]]>
http://www.dinamani.com/all-editions/edition-chennai/tiruvannamalai/2017/oct/22/மாநில-அறிவியல்-கண்காட்சி-திருவண்ணாமலை-பள்ளி-முதலிடம்-2793941.html
2793940 சென்னை திருவண்ணாமலை அதிமுக 46-ஆம் ஆண்டு விழா பொதுக்கூட்டம் DIN DIN Sunday, October 22, 2017 05:33 AM +0530 ஆரணி அண்ணா சிலை அருகில் அதிமுகவின் 46-ஆம் ஆண்டு தொடக்க விழா பொதுக்கூட்டம் வெள்ளிக்கிழமை இரவு நடைபெற்றது.
கூட்டத்தில் இந்து சமய அறநிலையத் துறை அமைச்சர் சேவூர் எஸ்.ராமச்சந்திரன், முன்னாள் அமைச்சர் வி.சோமசுந்தரம், செய்யாறு எம்எல்ஏ தூசி கே.மோகன், ஆரணி எம்.பி செஞ்சி வே.ஏழுமலை, தலைமைக்கழகப் பேச்சாளர்கள் ஏர்போர்ஸ் மணி, சிட்கோ சீனு ஆகியோர் சிறப்புரையாற்றினர்.
கூட்டத்தில் நகரச் செயலர் அசோக்குமார், முன்னாள் ஒன்றியக்குழுத் தலைவர் க.சங்கர், ஆரணி ஒன்றியச் செயலர்கள் பி.ஆர்.ஜி.சேகர், எம்.வேலு, நகர நிர்வாகி பாரிபாபு, பாசறை மாவட்டச் செயலர் ஜி.வி.கஜேந்திரன், மாவட்ட துணைச் செயலர் டி.கருணாகரன், மாவட்டப் பொருளாளர் சுபாஷ்சந்திரபோஸ், எம்ஜிஆர் மன்ற நிர்வாகிகள் அ.கோவிந்தராசன், எஸ்.சுந்தரமூர்த்தி உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/22/அதிமுக-46-ஆம்-ஆண்டு-விழா-பொதுக்கூட்டம்-2793940.html
2793939 சென்னை திருவண்ணாமலை தேமுதிக செயல்வீரர்கள் கூட்டம் DIN DIN Sunday, October 22, 2017 05:33 AM +0530 ஆரணி நகர, ஒன்றிய, பேரூர் கழக செயல்வீரர்கள் கூட்டம் சனிக்கிழமை நடைபெற்றது.
பழைய பேருந்து நிலையத்தில் உள்ள தனியார் மண்டபத்தில் நடைபெற்ற இந்தக் கூட்டத்துக்கு மாவட்ட கழக பொருளாளர் பி.ஜான்பாஷா தலைமை வகித்தார். திருவண்ணாமலை வடக்கு மாவட்டச் செயலர் ஏ.கோபிநாதன், மாநில தொண்டரணி துணைச் செயலர் என்.ஜனார்த்தனன் ஆகியோர் சிறப்புரையாற்றினர்.
கூட்டத்தில் நிறைவேற்றப்பட்ட தீர்மானங்கள்: அரசின் உத்தரவு இல்லாமல் ஆரணி நகராட்சி தன்னிச்சையாக வீட்டு வரி, கடை வரியை உயர்த்துவதைக் கண்டிப்பது. டெங்கு கொசு ஒழிப்பில் மெத்தனமாக செயல்படும் ஆரணி நகராட்சியைக் கண்டிப்பது.
பையூர் ஏரிக்கு வரும் ஆற்றுக் கால்வாயில் உள்ள ஆக்கிரமிப்புகளை அகற்றுவதுடன், கால்வாயை தூர்வாரி சீரமைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில் நகரச் செயலர் ஜெ.சுந்தர்ராஜன், ஒன்றியச் செயலர் எஸ்.சரவணன், தலைமைச் செயற்குழு உறுப்பினர் டி.ரமேஷ், மாநில பொதுக்குழு உறுப்பினர் ஆர்.தங்கராஜ், மாவட்ட வழக்குரைஞரணிச் செயலர்
டி.திருஞானம், மாவட்டப் பிரதிநிதி குண்ணத்தூர் வாசுதேவன், கேப்டன் மன்ற நிர்வாகி எம்.குமார் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/22/தேமுதிக-செயல்வீரர்கள்-கூட்டம்-2793939.html
2793938 சென்னை திருவண்ணாமலை மர்மக் காய்ச்சலால் குழந்தை உயிரிழந்த கிராமத்தில் எம்எல்ஏ ஆய்வு DIN DIN Sunday, October 22, 2017 05:33 AM +0530 வந்தவாசி அருகே மர்மக் காய்ச்சலால் குழந்தை உயிரிழந்த மாவளவாடி கிராமத்தில் வந்தவாசி எம்எல்ஏ எஸ்.அம்பேத்குமார் சனிக்கிழமை ஆய்வு மேற்கொண்டார்.
வந்தவாசியை அடுத்த மாவளவாடி கிராமத்தைச் சேர்ந்தவர் மணி (28). இவரது மனைவி தமிழ்ச்செல்வி (25). கடந்த மாதம் இவர்களுக்கு பிறந்த ஆண் குழந்தை மர்மக் காய்ச்சலால் வெள்ளிக்கிழமை உயிரிழந்தது.
இந்த  நிலையில், வந்தவாசி எம்எல்ஏ எஸ்.அம்பேத்குமார், திமுக மாவட்ட துணைச் செயலர் எம்.எஸ்.தரணிவேந்தன், தெள்ளாறு கிழக்கு ஒன்றியச் செயலர்
ப.இளங்கோவன் ஆகியோர்
அந்தக் கிராமத்துக்கு சனிக்கிழமை சென்று குழந்தையின் பெற்றோர், உறவினர்களுக்கு ஆறுதல் கூறினர்.
பின்னர், அந்தக் கிராமத்தில் மேற்கொள்ளப்பட்டுள்ள சுகாதாரப் பணிகளை எம்எல்ஏ எஸ்.அம்பேத்குமார் பார்வையிட்டு ஆய்வு மேற்கொண்டார். மேலும், கொசு ஒழிப்புப் பணி நடவடிக்கைகள் குறித்து தெள்ளாறு வட்டார மருத்துவ அலுவலர் செல்வமுத்துகுமாரசாமியிடம் அவர் கேட்டறிந்தார். ஆய்வின்போது, தெள்ளாறு வட்டார வளர்ச்சி அலுவலர்கள் ப.பரணிதரன், நே.விஜயகுமாரி, சுகாதார ஆய்வாளர்கள் கோதண்டராமன், பாஸ்கரன் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/22/மர்மக்-காய்ச்சலால்-குழந்தை-உயிரிழந்த-கிராமத்தில்-எம்எல்ஏ-ஆய்வு-2793938.html
2793726 சென்னை திருவண்ணாமலை விரைவில் இரட்டை இலை சின்னம் கிடைக்கும்: முன்னாள் அமைச்சர் சி.பொன்னையன் DIN DIN Sunday, October 22, 2017 01:15 AM +0530 விரைவில் இரட்டை இலை சின்னம் கிடைக்கும் என்று முன்னாள் அமைச்சர் சி.பொன்னையன் தெரிவித்தார்.
திருவண்ணாமலை தெற்கு மாவட்ட அதிமுக சார்பில் அதிமுகவின் 46-ஆவது ஆண்டு தொடக்க விழா பொதுக்கூட்டம் வெள்ளிக்கிழமை இரவு நடைபெற்றது. கூட்டத்துக்கு மாவட்டச் செயலர் பெருமாள் நகர் கே.ராஜன் தலைமை வகித்தார். நகரச் செயலர் ஜெ.செல்வம் வரவேற்றார்.
 தமிழக இந்து சமய அறநிலையத் துறை அமைச்சர் சேவூர் எஸ்.ராமச்சந்திரன், தமிழக முன்னாள் அமைச்சரும், அதிமுகவின் செய்தி தொடர்புக்குழு உறுப்பினருமான சி.பொன்னையன் ஆகியோர் சிறப்பு அழைப்பாளர்களாக கலந்து கொண்டு பேசினர்.
முன்னாள் அமைச்சர் சி.பொன்னையன் பேசியதாவது: முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் ஆகியோரின் தலைமையில் அதிமுக ஒரே அணியாக செயல்படுகிறது. அதிமுக உறுப்பினர்களில் 95 சதவீதம் பேர் நம்மிடம் உள்ளனர்.
விரைவில் இரட்டை இலை சின்னம் நமக்கே கிடைக்கும். தமிழகத்தில் அதிமுக ஆட்சி இன்னும் 100 ஆண்டுகள் நிலைத்து நிற்கும் என்றார்.
கூட்டத்தில் முன்னாள் எம்எல்ஏக்கள் ஏ.கே.அரங்கநாதன், நளினி மனோகரன், மாவட்ட எம்ஜிஆர் இளைஞரணிச் செயலர் சி.தொப்பளான், அண்ணா தொழிற்சங்க மாவட்டச் செயலர் எம்.கோவிந்தராஜ், ஜெயலலிதா பேரவை துணைச் செயலர் ரேடியோ எஸ்.ஆறுமுகம், ஒன்றியச் செயலர்கள் ஏ.கே.குமாரசாமி, ஆர்.மதியழகன் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/22/விரைவில்-இரட்டை-இலை-சின்னம்-கிடைக்கும்-முன்னாள்-அமைச்சர்-சிபொன்னையன்-2793726.html
2793725 சென்னை திருவண்ணாமலை போளூர் அருகே குண்டர் சட்டத்தில் சாராய வியாபாரி கைது DIN DIN Sunday, October 22, 2017 01:15 AM +0530 போளூர் அருகே தொடர்ந்து சாராய விற்பனையில் ஈடுபட்டு வந்தவர் குண்டர் தடுப்புச் சட்டத்தின் கீழ் கைது செய்யப்பட்டார்.
போளூர் மது விலக்கு அமல் பிரிவு போலீஸார் கடந்த செப்டம்பர் 26-ஆம் தேதி தீவிர சாராய விற்பனை தடுப்புப் பணியில் ஈடுபட்டனர்.
அப்போது, சாராயம் விற்றதாக போளூரை அடுத்த வி.எஸ்.விநாயகர் கோயில் தெருவைச் சேர்ந்த ஏழுமலை (42) என்பவரை கைது செய்தனர்.
இவர் தொடர்ந்து சாராய விற்பனையில் ஈடுபட்டு வந்ததால் இவரை குண்டர் தடுப்புச் சட்டத்தின் கீழ் கைது செய்ய மாவட்ட ஆட்சியர் கே.எஸ்.கந்தசாமிக்கு மாவட்டக் காவல் கண்காணிப்பாளர் இரா.பொன்னி பரிந்துரை செய்தார். இந்தப் பரிந்துரையை ஏற்ற ஆட்சியர், ஏழுமலையை குண்டர் தடுப்புச் சட்டத்தின் கீழ் கைது செய்ய உத்தரவிட்டார்.
இதையடுத்து, வேலூர் மத்திய சிறையில் அடைக்கப்பட்டுள்ள ஏழுமலையிடம் குண்டர் தடுப்புச் சட்டத்தின் கீழ் கைது செய்யப்பட்டதற்கான நகல் வெள்ளிக்கிழமை வழங்கப்பட்டது.

]]>
http://www.dinamani.com/all-editions/edition-chennai/tiruvannamalai/2017/oct/22/போளூர்-அருகே-குண்டர்-சட்டத்தில்-சாராய-வியாபாரி-கைது-2793725.html
2793723 சென்னை திருவண்ணாமலை அரசு மருத்துவமனை வளாகத்தில் எலும்புக்கூடு! DIN DIN Sunday, October 22, 2017 01:14 AM +0530 திருவண்ணாமலை மாவட்டம், வந்தவாசி அரசு மருத்துவமனை வளாகத்தில் மனித எலும்புக் கூடு சிதைந்த நிலையில் கிடந்தது. இது தொடர்பாக போலீஸார் விசாரணை மேற்கொண்டுள்ளனர்.
வந்தவாசி அரசு மருத்துவமனையில் குடிநீர் மின்மோட்டாரை இயக்குவதற்காக மின்மோட்டார் அறைக்கு மருத்துவமனை ஊழியர் ஒருவர் வெள்ளிக்கிழமை சென்றார்.
அப்போது, அந்த அறைக்கு அருகில் தலை, கை, கால் எலும்புக் கூடுகள் தனித்தனியாக கிடந்ததைப் பார்த்த அவர் இதுகுறித்து மருத்துவமனை மருத்துவ அலுவலர் சிவப்பிரியாவிடம் தெரிவித்தார்.
இதுகுறித்து அவர் அளித்த புகாரின்பேரில், வந்தவாசி தெற்கு போலீஸார் வழக்குப் பதிந்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-chennai/tiruvannamalai/2017/oct/22/அரசு-மருத்துவமனை-வளாகத்தில்-எலும்புக்கூடு-2793723.html
2793722 சென்னை திருவண்ணாமலை போலி மருத்துவர் கைது DIN DIN Sunday, October 22, 2017 01:13 AM +0530 திருவண்ணாமலை மாவட்டம், போளூரில் போலி மருத்துவர் சனிக்கிழமை கைது செய்யப்பட்டார்.
மாவட்ட சுகாதார இணை இயக்குநர் பாண்டியன் போளூரில் சனிக்கிழமை ஆய்வு செய்தார். அப்போது, போளூர் வீரப்பன் தெருவில் வசிக்கும் பன்னீர்செல்வம் (67), எம்.பார்ம் படித்துவிட்டு ஆங்கில மருத்துவச் சிகிச்சை அளித்து வந்தது தெரியவந்தது. இதையடுத்து, பன்னீர்செல்வத்தைப் பிடித்து போளூர் காவல் நிலையத்தில் சுகாதார இணை இயக்குநர் பாண்டியன் ஒப்படைத்தார். இதுகுறித்து போளூர் போலீஸார் வழக்குப் பதிந்து பன்னீர்செல்வத்தை கைது செய்து விசாரணை செய்து வருகின்றனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/22/போலி-மருத்துவர்-கைது-2793722.html
2793276 சென்னை திருவண்ணாமலை மாம்பட்டு முத்துமாரியம்மன் கோயிலில் அமாவாசை வழிபாடு DIN DIN Saturday, October 21, 2017 06:50 AM +0530 வந்தவாசியை அடுத்த மாம்பட்டு அண்ணா நகரில் அமைந்துள்ள ஸ்ரீமுத்துமாரியம்மன் கோயிலில் வியாழக்கிழமை ஐப்பசி மாத அமாவாசை வழிபாடு நடைபெற்றது.
இதையொட்டி, காலையில் மூலவர் அம்மனுக்கு சிறப்பு
அபிஷேகம், பூஜைகள் நடைபெற்றன. பின்னர், பக்தர்கள் நோயின்றி வாழ தன்வந்திரி ஹோமம் நடந்தது.
மாலையில் உற்சவர் முத்துமாரியம்மனுக்கு 51 திரவியங்களால் அபிஷேகம் நடைபெற்றது. இதையடுத்து, அம்மன் தீப லஷ்மி அலங்காரத்தில் பக்தர்களுக்கு அருள்பாலித்தார். இரவு கோயில் வளாகத்தில் அம்மன் உலா, அம்மன் ஊஞ்சல் தாலாட்டு, அன்ன தானம் ஆகியவை நடைபெற்றன. விழாவில் பல்வேறு கிராமங்களைச் சேர்ந்த பக்தர்கள் கலந்து கொண்டு அம்மனை வழிபட்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/21/மாம்பட்டு-முத்துமாரியம்மன்-கோயிலில்-அமாவாசை-வழிபாடு-2793276.html
2793275 சென்னை திருவண்ணாமலை வசூர் - செங்கம் சாலையில் தொடரும் விபத்துகள்: எச்சரிக்கை பலகைகள் வைக்கப்படுமா? DIN DIN Saturday, October 21, 2017 06:50 AM +0530 போளூரை அடுத்த வசூர் ஊராட்சியில் வசூர் - செங்கம் சாலையில் தொடர்ந்து நிகழ்ந்து வரும் விபத்துகளை தடுக்க இந்தப் பகுதியில் நெடுஞ்சாலைத் துறை சார்பில் எச்சரிக்கைப் பலகைகள் அமைக்க வேண்டும் என சமூக ஆர்வலர்கள் எதிர்பார்க்கின்றனர்.
போளூர் - திருவண்ணாமலை நெடுஞ்சாலையில் வசூர் ஊராட்சி அருகே செங்கம் சாலை பிரிகிறது.
இந்தச் சாலை செங்கம், ஊத்தங்கரை,தருமபுரி வழியாக பெங்களூர் வரை செல்கிறது.
இந்தச் சாலையில் தினந்தோறும் ஏராளமான கனரக வாகனங்கள் மற்றும் பேருந்துகள் சென்று வருகின்றன.
வசூர் ஊராட்சி அருகே பிரியும் செங்கம் சாலையின் நடுவே சிறிய அளவிலான தடுப்புச் சுவர் சுமார் 50 மீட்டர் தொலைவுக்கு மட்டுமே அமைக்கப்பட்டுள்ளது. இதன் காரணமாக இந்தப் பகுதியில் இரவு நேரங்களில் வரும் லாரிகள், பேருந்துகள் உள்ளிட்ட வாகனங்கள் தடுப்புச் சுவர் இருப்பது தெரியாமல் விபத்துகளில் சிக்குகின்றன. மேலும், இந்தப் பகுதியில் போதிய எச்சரிக்கைப் பலகைகள் அமைக்கப்படாததும் விபத்துகள் அதிகரிக்க காரணமாகக் கூறப்படுகிறது.
எனவே, போளூர் - திருவண்ணாமலை நெடுஞ்சாலையில் வசூர் ஊராட்சி அருகே பிரியும் செங்கம் சாலையில் போதிய எச்சரிக்கைப் பலகைகள் அமைக்கவும், இந்தச் சாலையில் உள்ள தடுப்புச் சுவரை பெரிய அளவில் அமைக்கவும் நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என சமூக ஆர்வலர்கள் எதிர்பார்க்கின்றனர்.

]]>
http://www.dinamani.com/all-editions/edition-chennai/tiruvannamalai/2017/oct/21/வசூர்---செங்கம்-சாலையில்-தொடரும்-விபத்துகள்-எச்சரிக்கை-பலகைகள்-வைக்கப்படுமா-2793275.html
2793274 சென்னை திருவண்ணாமலை மாவட்டத்தில் 22 போட்டித் தேர்வு பயிற்சி மையங்கள் விரைவில் தொடக்கம்: விண்ணப்பித்துப் பயன்பெற பள்ளி மாணவர்களுக்கு அழைப்பு DIN DIN Saturday, October 21, 2017 06:49 AM +0530 திருவண்ணாமலை மாவட்டத்தில் நீட் தேர்வு உள்பட பல்வேறு போட்டித் தேர்வுகளுக்கான பயிற்சி அளிக்கும் வகையில் 22 பயிற்சி மையங்கள் விரைவில் தொடங்கப்பட உள்ளன.
இந்தப் பயிற்சி மையங்களில் கலந்து கொண்டு பயன்பெற இந்த மாதம் 26-ஆம் தேதிக்குள் பள்ளி மாணவ, மாணவிகள் விண்ணப்பிக்கலாம் என்று மாவட்ட முதன்மைக் கல்வி அலுவலர் வெ.ஜெயக்குமார் தெரிவித்துள்ளார்.
திருவண்ணாமலை மாவட்ட மேல்நிலைப் பள்ளி மாணவ, மாணவிகள் நீட் தேர்வு உள்ளிட்ட பல்வேறு போட்டித் தேர்வுகளில் வெற்றி பெறத் தேவையான பயிற்சிகளை அளிக்க தமிழக அரசு உத்தரவிட்டுள்ளது. அதன்படி, மாவட்டம் முழுவதும் 22 இடங்களில் இலவசப் பயிற்சி மையங்கள் தொடங்கப்பட உள்ளன.
அதன்படி, திருவண்ணாமலை ஒன்றியத்தைச் சேர்ந்த மாணவ, மாணவிகளுக்கு திருவண்ணாமலை சண்முகா தொழிற்சாலை அரசு மேல்நிலைப் பள்ளி, திருவண்ணாமலை தியாகி நா.அண்ணாமலைப் பிள்ளை அரசு மேல்நிலைப் பள்ளி ஆகிய மையங்களில் பயிற்சி அளிக்கப்படுகிறது.
இதேபோல, துரிஞ்சாபுரம் ஒன்றிய மாணவர்களுக்கு திருவண்ணாமலை சண்முகா தொழிற்சாலை அரசு மேல்நிலைப் பள்ளியிலும், கீழ்பென்னாத்தூர் ஒன்றிய மாணவர்களுக்கு கீழ்பென்னாத்தூர் அரசு ஆண்கள் மேல்நிலைப் பள்ளியிலும், செங்கம் ஒன்றிய மாணவர்களுக்கு செங்கம் அரசு ஆண்கள் மேல்நிலைப் பள்ளியிலும், புதுப்பாளையம் ஒன்றிய மாணவர்களுக்கு செங்கம் அரசு ஆண்கள் மேல்நிலைப் பள்ளியிலும் பயிற்சி மையங்கள் அமைக்கப்பட்டு, பயிற்சிகள் அளிக்கப்பட உள்ளன.
மேலும், தண்டராம்பட்டு ஒன்றிய மாணவர்களுக்கு தண்டராம்பட்டு அரசு ஆண்கள் மேல்நிலைப் பள்ளியிலும், கலசப்பாக்கம் ஒன்றிய மாணவர்களுக்கு கலசப்பாக்கம் அரசு ஆண்கள் மேல்நிலைப் பள்ளியிலும், போளூர் ஒன்றிய மாணவர்களுக்கு போளூர் அரசு ஆண்கள், மகளிர் மேல்நிலைப் பள்ளிகளிலும் பயிற்சிகள் அளிக்கப்படுகின்றன.
இதேபோல, ஜவ்வாதுமலை ஒன்றியத்தைச் சேர்ந்த மாணவர்களுக்கு போளூர் அரசு ஆண்கள் மேல்நிலைப் பள்ளியிலும், சேத்பட்டு ஒன்றிய மாணவர்களுக்கு சேத்பட்டு டோமினிக் சேவியோ மேல்நிலைப் பள்ளியிலும், ஆரணி ஒன்றிய மாணவர்களுக்கு ஆரணி அரசு ஆண்கள் மேல்நிலைப் பள்ளியிலும், மேற்கு ஆரணி ஒன்றிய மாணவர்களுக்கு ஆரணி அரசு ஆண்கள் மேல்நிலைப் பள்ளியிலும், பெரணமல்லூர் ஒன்றிய மாணவர்களுக்கு பெரணமல்லூர் அரசு ஆண்கள் மேல்நிலைப் பள்ளியிலும், வந்தவாசி ஒன்றிய மாணவர்களுக்கு வந்தவாசி அரசு ஆண்கள், மகளிர் மேல்நிலைப் பள்ளிகளிலும் பயிற்சிகள் அளிக்கப்பட உள்ளன.
மேலும், தெள்ளாறு ஒன்றிய மாணவர்களுக்கு தெள்ளாறு அரசு மேல்நிலைப் பள்ளியிலும், செய்யாறு ஒன்றிய மாணவர்களுக்கு செய்யாறு அரசு ஆண்கள், மகளிர் மேல்நிலைப் பள்ளிகளிலும், வெம்பாக்கம் ஒன்றிய மாணவர்களுக்கு செய்யாறு அரசு ஆண்கள் மேல்நிலைப் பள்ளியிலும், அனக்காவூர் ஒன்றிய மாணவர்களுக்கு செய்யாறு அரசு ஆண்கள் மேல்நிலைப் பள்ளியிலும் பயிற்சி மையங்கள் அமைக்கப்பட்டு, பயிற்சிகள் அளிக்கப்பட உள்ளன.
இந்தப் பயிற்சி முகாம்களில் கலந்து கொள்ள விரும்பும் அரசு, அரசு உதவி பெறும் பள்ளிகளில் மேல்நிலை வகுப்பில் பயிலும் மாணவ, மாணவிகள் தங்களது விவரங்களை www.tnschools.gov.in   என்ற இணையதளத்தில் விண்ணப்பிக்கலாம். விண்ணப்பிக்கும்போது மாணவர் எந்தப் பயிற்சி மையத்தில் பயிற்சி பெற விரும்புகிறார் என்ற விவரங்களுடன் அந்தந்தப் பள்ளித் தலைமை ஆசிரியர்கள் தங்கள் பள்ளிக்கென ஒதுக்கப்பட்டுள்ள மஐஈ எண்ணைப் பயன்படுத்தி வரும் 26-ஆம் தேதிக்குள் பதிவு செய்ய வேண்டும். பயிற்சி நடைபெறும் நாள், நேரம் ஆகியவை பின்னர் தெரிவிக்கப்படும் என்று மாவட்ட முதன்மைக் கல்வி அலுவலர் வெ.ஜெயக்குமார் தெரிவித்துள்ளார்.

]]>
http://www.dinamani.com/all-editions/edition-chennai/tiruvannamalai/2017/oct/21/மாவட்டத்தில்-22-போட்டித்-தேர்வு-பயிற்சி-மையங்கள்-விரைவில்-தொடக்கம்-விண்ணப்பித்துப்-பயன்பெற-பள்ளி-மா-2793274.html
2793273 சென்னை திருவண்ணாமலை வாக்காளர் பட்டியல் திருத்தப் பணி: இன்றும், நாளையும் சிறப்பு முகாம்கள் DIN DIN Saturday, October 21, 2017 06:49 AM +0530 திருவண்ணாமலை மாவட்ட வாக்காளர் பட்டியலில் திருத்தப் பணிகள் மேற்கொள்வதற்கான சிறப்பு முகாம்கள் சனி, ஞாயிற்றுக்கிழமைகளில் நடைபெறுகிறது.
திருவண்ணாமலை மாவட்டத்தில் 2018 ஜனவரி 1-ஆம் தேதியை அடிப்படையாகக் கொண்டு வாக்காளர் பட்டியல் தயாரிக்கும் பணி நடைபெற்று வருகிறது. இந்தப் பட்டியலில் புதிதாக பெயர் சேர்த்தல், நீக்கல், திருத்தம் செய்தல் தொடர்பான மனுக்கள் பொதுமக்களிடம் இருந்து இந்த மாதம் 31-ஆம் தேதி வரை சம்பந்தப்பட்ட வாக்குச்சாவடி மையங்கள், வட்டாட்சியர் அலுவலகங்கள், நகராட்சி அலுவலகங்களில் பெறப்பட்டு வருகின்றன.
இன்று சிறப்பு கிராம சபைக் கூட்டங்கள்: இதற்கிடையே, தேர்தல் ஆணைய உத்தரவின்படி சனிக்கிழமை (அக்.21) சிறப்பு கிராம சபைக் கூட்டங்கள் நடத்தப்படுகின்றன. மாவட்டத்தில் உள்ள 860 ஊராட்சிகளிலும் நடைபெறும் கிராம சபைக் கூட்டங்களில் அந்தந்த ஊராட்சிகளைச் சேர்ந்த பொதுமக்கள் கலந்து கொண்டு பயன்பெறலாம்.
சிறப்பு முகாம்: இதேபோல, ஞாயிற்றுக்கிழமை (அக்டோபர் 22) மாவட்டத்தின் அனைத்து வாக்குச்சாவடி மையங்களிலும் வாக்காளர் பட்டியல் திருத்த சிறப்பு முகாம்கள் நடைபெறுகின்றன. 18 வயது நிறைவடைந்தவர்கள் வாக்காளர் பட்டியலில் தங்களது பெயரை சேர்க்க படிவம்-6ஐ பூர்த்தி செய்து அளிக்கலாம்.
வாக்காளர் பட்டியலில் இருந்து இறந்த நபர்கள், நிரந்தரமாக வெளியூர் சென்றவர்களின் பெயர்களை நீக்க படிவம்-7, வாக்காளர் பட்டியலில் வாக்களர்களின் விவரங்களை திருத்தம் செய்ய படிவம்-8, வாக்காளர் பட்டியலில் இடம்பெற்று பின் அதே சட்டப் பேரவைத் தொகுதிக்குள் இடம் பெயர்ந்தால் படிவம்- 8ஏ ஆகிய படிவங்களைப் பெற்று உரிய ஆவணங்களுடன் விண்ணப்பிக்க வேண்டும்.
இதுதவிர வாக்காளர்கள் http://www.nvsp.in/ என்ற இணையதள முகவரி மூலமும் விண்ணப்பிக்கலாம் என்று மாவட்ட ஆட்சியர் கே.எஸ்.
கந்தசாமி தெரிவித்துள்ளார்.

]]>
http://www.dinamani.com/all-editions/edition-chennai/tiruvannamalai/2017/oct/21/வாக்காளர்-பட்டியல்-திருத்தப்-பணி-இன்றும்-நாளையும்-சிறப்பு-முகாம்கள்-2793273.html
2793272 சென்னை திருவண்ணாமலை நிறுத்தி வைக்கப்பட்ட ஊரக வேலை திட்டப் பணிகளை மீண்டும் தொடங்கக் கோரிக்கை DIN DIN Saturday, October 21, 2017 06:49 AM +0530 திருவண்ணாமலை மாவட்டத்தில் நிறுத்தி வைக்கப்பட்டுள்ள தேசிய ஊரக வேலை திட்டப் பணிகளை உடனடியாக மீண்டும் தொடங்க வேண்டும் என்று கட்சி சார்பற்ற தமிழக விவசாயிகள் சங்கத்தின் மாவட்டச் செயற்குழுவில் தீர்மானம் நிறைவேற்றப்பட்டது.
இந்த சங்கத்தின் திருவண்ணாமலை மாவட்டச் செயற்குழுக் கூட்டம் வெள்ளிக்கிழமை நடைபெற்றது. திருவண்ணாமலை மாவட்ட ஆட்சியர் அலுவலக வளாகத்தில் நடைபெற்ற இந்தக் கூட்டத்துக்கு சங்கத் தலைவர் வாக்கடை புருஷோத்தமன் தலைமை வகித்தார்.
சங்க பொதுச் செயலர் நார்த்தாம்பூண்டி சிவா, வட்டாரத் தலைவர்கள் வந்தவாசி வீரராகவன், செங்கம் சம்பத், போளூர் பார்த்திபன் ஆகியோர் முன்னிலை வகித்தனர். திருவண்ணாமலை வட்டாரத் தலைவர் ஏ.அய்யாயிரம் வரவேற்றார்.
கூட்டத்தில் மேலும் நிறைவேற்றப்பட்ட தீர்மானங்கள்:
திருவண்ணாமலை மாவட்டத்தில் வருவாய்த் துறை குறுவட்ட அளவில் நெல் பயிரில் ஏற்பட்டுள்ள மகசூல் இழப்பு குறித்த விவரத்தை வேளாண் துறை வெளிப்படையாக அறிவித்து காப்பீடு நிவாரணம் வழங்க வேண்டும்.
மழைக் காலங்களில் ஏரி, குளங்களின் நீர்வரத்து, நீர் செல்லும் கால்வாய்களில் உள்ள ஆக்கிரமிப்புகளை அகற்ற தேசிய ஊரகத் திட்ட தொழிலாளர்களை பயன்படுத்த வேண்டும். ஆட்சியர் அலுவலகத்தில் திங்கள்கிழமைதோறும் குறைதீர் கூட்டம் நடத்தி, மனுக்கள் வாங்குவது போல அந்தந்த வட்டார அளவில் வட்டாட்சியர் தலைமையில் குறைதீர் கூட்டங்கள் நடத்த வேண்டும். திருவண்ணாமலை மாவட்டத்தின் நிலத்தடி நீர்மட்டத்தை உயர்த்த தடுப்பணைகள் கட்டிய முன்னாள் ஆட்சியர் மு.வடநேரேவுக்கு பாராட்டுத் தெரிவிப்பது.
மாவட்டத்தில் மொத்தமுள்ள 52 குறுவட்டங்களிலும் நீர்மட்டம் உயர்ந்துள்ள நிலையில், ஆழ்துளை கிணறுகள் அமைக்க விவசாயிகளுக்கு நபார்டு வங்கி நிதியுதவி வழங்க வேண்டும். 2017 பிப்ரவரியில் தமிழக அரசு அறிவித்த வேளாண் துறை சிறப்பு தொகுப்பூதிய திட்டத்தின் கீழ் 100 சதவீத மானியத்துடன் கூடிய உளுந்து சாகுபடி திட்டத்தில் பயன்பெற்ற பயனாளிகள் பட்டியலை வெளியிட வேண்டும்.
ஜமாபந்தியில் பெறப்பட்ட மனுக்கள் மற்றும் இணையதளம் மூலம் பதியப்பட்ட நேரடி பட்டா பெயர் மாற்ற மனுக்கள் நிலுவையில் உள்ளதை மாவட்ட நிர்வாகம் கண்காணித்து பட்டா மாறுதல் செய்துதர நடவடிக்கை எடுக்க வேண்டும். தமிழக அரசின் 6 முதல் 12-ஆம் வகுப்பு வரையிலான புதிய பாடத்திட்டத்தில் வேளாண் கல்வி, நீர் மேலாண்மை தொடர்பான பாடங்களை சேர்க்க வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன.
கூட்டத்தில் வட்டாரச் செயலர்கள் செங்கம் துரைசாமி, திருவண்ணாமலை பாண்டிதுரை, ஆரணி நடராஜன், காஞ்சி நவாப்ஜான், தண்டராம்பட்டு மனோகரன் உள்பட பலர் கலந்து கொண்டனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/21/நிறுத்தி-வைக்கப்பட்ட-ஊரக-வேலை-திட்டப்-பணிகளைமீண்டும்-தொடங்கக்-கோரிக்கை-2793272.html
2793271 சென்னை திருவண்ணாமலை தமிழகத்தில் டெங்கு பாதிப்பு குறைந்துள்ளது: அமைச்சர் விஜயபாஸ்கர் DIN DIN Saturday, October 21, 2017 06:48 AM +0530 தமிழகத்தில் டெங்கு பாதிப்பு தற்போது குறைந்துள்ளதாகவும், மருத்துவமனைகளில் குறைந்த எண்ணிக்கையிலேயே டெங்கு காய்ச்சலால் பாதிக்கப்பட்டவர்கள் சிகிச்சைப் பெற்று வருவதாகவும் தமிழக சுகாதாரத் துறை அமைச்சர் சி.விஜயபாஸ்கர் தெரிவித்தார்.
தமிழகம் முழுவதும் டெங்கு, மர்ம காய்ச்சல் பரவி வருவதால் பல்வேறு மாவட்டங்களில் உள்ள அரசு மருத்துவமனைகளுக்குச் சென்று அமைச்சர் சி.விஜயபாஸ்கர் ஆய்வு செய்து வருகிறார். இந்த நிலையில், வெள்ளிக்கிழமை அவர் திருவண்ணாமலை மாவட்டத்தில் உள்ள அரசு மருத்துவமனைகளில் ஆய்வு செய்தார்.
ஆரணி அரசு மருத்துவமனைக்கு வந்த அவர், காய்ச்சலுக்கு சிகிச்சைப் பெற்று வரும் சிறுவர்களிடம் நலம் விசாரித்தார். பின்னர், காய்ச்சலுக்கு சிறப்பாக சிகிச்சை அளிக்குமாறு மருத்துவர்களிடம் கூறினார்.
இதையடுத்து, செய்தியாளர்களிடம் அமைச்சர் சி.விஜயபாஸ்கர் கூறியதாவது: ஆரணி அரசு  மருத்துவமனையில் விரைவில் ரத்தத்தில் உள்ள அணுக்களின் எண்ணிக்கையை கண்டறியும் மையம் அமைக்கப்படும். கூடுதலாக படுக்கை வசதிகள் ஏற்படுத்தித் தரப்படும். மேலும், கூடுதல் கட்டடங்கள் கட்ட இடங்கள் தேர்வு செய்யப்பட்டுள்ளன என்றார்.
உடன், இந்து சமய அறநிலையத் துறை அமைச்சர் சேவூர் எஸ்.ராமச்சந்திரன், மாவட்ட ஆட்சியர் கந்தசாமி, செய்யாறு எம்எல்ஏ தூசி கே.மோகன், ஆரணி எம்.பி செஞ்சி வே.ஏழுமலை, நகரச் செயலர் அசோக்குமார், ஒன்றியச் செயலர் பி.ஆர்.ஜி.சேகர், நகர நிர்வாகி பாரிபாபு, மாவட்ட துணைச் செயலர்கள்  டி.கருணாகரன், ரமணிநீலமேகம், மாவட்டப் பொருளாளர் சுபாஷ்சந்திரபோஸ், பாசறை மாவட்டச் செயலர் ஜி.வி.கஜேந்திரன் ஆகியோர்  இருந்தனர்.
"செய்யாறில் மருத்துவமனை புதிய கட்டடம் ஒரு வாரத்தில் திறக்கப்படும்": இதைத் தொடர்ந்து, செய்யாறு அரசு மருத்துவமனையில் அமைச்சர் சி.விஜயபாஸ்கர் ஆய்வு மேற்கொண்டார். பின்னர், இந்த மருத்துவமனை வளாகத்தில் ரூ.10 கோடி மதிப்பில் புதிதாகக் கட்டப்பட்டு திறப்பு விழாவுக்கு தயாராக உள்ள கட்டடத்தை அமைச்சர்கள் சி.விஜயபாஸ்கர், சேவூர் எஸ்.ராமச்சந்திரன், எம்எல்ஏ தூசி கே.மோகன் ஆகியோர் பார்வையிட்டு ஆய்வு செய்தனர்.
இதையடுத்து, அமைச்சர் சி.விஜயபாஸ்கர் கூறியதாவது: தமிழகத்தில் டெங்கு காய்ச்சல் தற்போது குறைந்துள்ளது. மருத்துவமனைகளில் டெங்கு காய்ச்சலால் பாதிக்கப்பட்டவர்கள் குறைந்த எண்ணிக்கையிலேயே சிகிச்சைப் பெற்று வருகின்றனர்.
தமிழகத்தில் உள்ள அரசு மருத்துவமனைகளில் காலிப்பணியிடங்கள் தேர்வு வாரியம் மூலம் நிரப்பப்பட்டு வருகின்றன. விரைவில் மருத்துவர்கள் 300 பேர், சிறப்பு மருத்துவர்கள் 744 பேர் நியமிக்கப்பட உள்ளனர்.
செய்யாறில் கட்டப்பட்டுள்ள அரசு மாவட்ட தலைமை மருத்துவமனை புதிய கட்டடம் இன்னும் ஒரு வாரத்துக்குள் திறக்கப்படும். நடப்பாண்டில் செய்யாறு அரசு மருத்துவமனையில் தாய் சேய் நல மையம், விபத்துக்காய தீவிர சிகிச்சை மையம், இருதய சிகிச்சைப் பிரிவு ஆகியன ரூ.6 கோடி மதிப்பில் தொடங்கிட நிதி ஒதுக்கீடு செய்யப்பட்டுள்ளது என்றார்.
ஆய்வின்போது, ஆரணி எம்.பி செஞ்சி வே.ஏழுமலை, முன்னாள் அமைச்சர் முக்கூர் என்.சுப்பிரமணியன்,  மருத்துவ இணை இயக்குநர் பாண்டியன், தாய் சேய் நல இயக்குநர் சுவாதி, மாநில நோய்த் தடுப்புத் துறை இயக்குநர் கோவிந்தசாமி, செய்யாறு சுகாதார மாவட்ட இணை இயக்குநர் கோவிந்தன், கோட்டாட்சியர் பெ.கிருபானந்தம், மருத்துவ அலுவலர் செந்தில் மற்றும் அதிமுக நிர்வாகிகள் பலர் உடனிருந்தனர்.

]]>
http://www.dinamani.com/all-editions/edition-chennai/tiruvannamalai/2017/oct/21/தமிழகத்தில்-டெங்கு-பாதிப்பு-குறைந்துள்ளது-அமைச்சர்-விஜயபாஸ்கர்-2793271.html
2793270 சென்னை திருவண்ணாமலை மாநில ஜூனியர் தடகளப் போட்டி: திருவண்ணாமலை பள்ளி மாணவிக்கு தங்கம் DIN DIN Saturday, October 21, 2017 06:48 AM +0530 மாநில அளவிலான பள்ளி மாணவர்களுக்கான தடகளப் போட்டியில் திருவண்ணாமலை ஸ்ரீவிடிஎஸ் ஜெயின் மேல்நிலைப் பள்ளி மாணவி தங்கப் பதக்கம் வென்றார்.
ராமநாதபுரத்தில் அண்மையில் 31-ஆவது மாநில அளவிலான ஜூனியர் தடகளப் போட்டிகள் நடைபெற்றன. இதில், திருவண்ணாமலை ஸ்ரீவிடிஎஸ் ஜெயின் மேல்நிலைப் பள்ளி சார்பில் கலந்து கொண்ட மாணவி ஆர்.ஹேமலதா, 2 ஆயிரம் மீட்டர் ஓட்டத்தில் தங்கப் பதக்கம் வென்றார்.
இதே மாணவி இந்த ஆண்டில் நடைபெற்ற பல்வேறு போட்டிகளில் கலந்து கொண்டு இதுவரை 3 தங்கப் பதக்கங்கள், 1 வெள்ளிப் பதக்கத்தை வென்றுள்ளார். இதையொட்டி, மாணவி ஆர்.ஹேமலதாவுக்கு வெள்ளிக்கிழமை பள்ளியில் பாராட்டு விழா நடைபெற்றது.
பள்ளித் தாளாளர் வி.பவன்குமார், பள்ளிச் செயலர் டி.எஸ்.ராஜ்குமார், பொருளாளர் டி.வசந்த்குமார், ஆங்கில வழிச் செயலர் டி.ஸ்ரீஹனஸ்குமார், தமிழ் வழிச் செயலர் வி.சுரேந்திரகுமார், அறக்கட்டளை உறுப்பினர்கள் வி.ஜெய்சந்த், எஸ்.ராஜேந்திரகுமார், டி.வி.சுதர்சன், டி.வி.நரேந்திரகுமார், முதுகலை ஆசிரியர் எம்.ராமகிருஷ்ணன், உடற்கல்வி ஆசிரியர் எம்.ரமேஷ் ஆகியோர் கலந்து கொண்டு மாணவி
ஆர்.ஹேமலதாவைப் பாராட்டி பரிசு வழங்கினர்.

]]>
http://www.dinamani.com/all-editions/edition-chennai/tiruvannamalai/2017/oct/21/மாநில-ஜூனியர்-தடகளப்-போட்டி-திருவண்ணாமலை-பள்ளி-மாணவிக்கு-தங்கம்-2793270.html
2793269 சென்னை திருவண்ணாமலை வங்கி அதிகாரி, முதியவர் மீது தாக்குதல்: தந்தை, மகன் கைது DIN DIN Saturday, October 21, 2017 06:48 AM +0530 திருவண்ணாமலையில் வங்கி அதிகாரி, அவரது தந்தையைத் தாக்கியதாக தந்தை, மகனை போலீஸார் கைது செய்தனர்.
திருவண்ணாமலை, புதுவாணியங்குள 2-ஆவது தெருவைச் சேர்ந்தவர் தனியார் வங்கி உதவி மேலாளர் மணிகண்டன் (35). இவரது பக்கத்து வீட்டில் வசிப்பவர் நாகராஜ் (40). தீபாவளிப் பண்டிகையையொட்டி புதன்கிழமை பட்டாசு வெடித்தது தொடர்பாக மணிகண்டன், நாகராஜ் ஆகியோருக்கு இடையே தகராறு ஏற்பட்டதாம்.
இதில், ஆத்திரமடைந்த நாகராஜ், அவரது மனைவி மகாலட்சுமி (37), மகன்கள் சந்திரபாபு, சந்தோஷ், நாகராஜின் தம்பி மோகன் (32), நாகராஜின் நண்பர்கள் ஜோதி ராமலிங்கம் (42), சுந்தரராஜன் (29) ஆகியோர் சேர்ந்து மணிகண்டனின் வீட்டுக்குள் புகுந்து மணிகண்டன், அவரது தந்தை ஜெயச்சந்திரன் (55) ஆகியோரை தாக்கி, கொலை மிரட்டல் விடுத்தனராம்.
இதுகுறித்து திருவண்ணாமலை நகர போலீஸார் வழக்குப் பதிந்து நாகராஜ், அவரது மகன் சந்திரபாபு ஆகியோரை கைது செய்தனர். இதேபோல, நாகராஜின் தம்பி மோகன் அளித்த புகாரின்பேரில் மணிகண்டன், அவரது தந்தை ஜெயச்சந்திரன் ஆகியோர் மீது போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-chennai/tiruvannamalai/2017/oct/21/வங்கி-அதிகாரி-முதியவர்-மீது-தாக்குதல்-தந்தை-மகன்-கைது-2793269.html
2793268 சென்னை திருவண்ணாமலை அதிமுக அம்மா அணி சார்பில் நிலவேம்புக் குடிநீர் DIN DIN Saturday, October 21, 2017 06:47 AM +0530 அதிமுக அம்மா அணி சார்பில் வந்தவாசியை அடுத்த தெள்ளாறில் பொதுமக்களுக்கு நிலவேம்புக் குடிநீர் வியாழக்கிழமை வழங்கப்பட்டது.
நிகழ்ச்சிக்கு தெள்ளாறு கிழக்கு ஒன்றியச் செயலர் எ.கன்னியப்பன் தலைமை வகித்தார். தெள்ளாறு மேற்கு ஒன்றியச் செயலர் கே.பி.நடராஜன், ஒன்றிய அவைத் தலைவர்கள் ஏழுமலை, விநாயகம் உள்ளிட்டோர் முன்னிலை வகித்தார். தெள்ளாறு நகரச் செயலர் அண்ணாமலை வரவேற்றார்.
திருவண்ணாமலை வடக்கு மாவட்டச் செயலர் சி.ஏழுமலை பொதுமக்களுக்கு நிலவேம்புக் குடிநீரை வழங்கினார். நிகழ்ச்சியில் பேரவை மாவட்ட துணைச் செயலர் மகேஷ், ஒன்றியப் பொருளாளர்கள் பாண்டுரங்கன், தவமணி, ஒன்றிய துணைச் செயலர்கள் பரசுராமன், வேதபுரி, நந்தினி, செல்வம், சேகர் உள்ளிட்டோர் பங்கேற்றனர்.
இதேபோல, தேசூரில் நகரச் செயலர் பொன்னுசாமி தலைமையில் நடைபெற்ற நிகழ்ச்சியில் மாவட்டச் செயலர் சி.ஏழுமலை பொதுமக்களுக்கு நிலவேம்புக் குடிநீரை வழங்கினார்.

]]>
http://www.dinamani.com/all-editions/edition-chennai/tiruvannamalai/2017/oct/21/அதிமுக-அம்மா-அணி-சார்பில்-நிலவேம்புக்-குடிநீர்-2793268.html
2793267 சென்னை திருவண்ணாமலை அக்டோபர் 21 மின் தடை DIN DIN Saturday, October 21, 2017 06:47 AM +0530 திருவண்ணாமலை
நேரம்: காலை 9 மணி முதல் மாலை 5 மணி வரை.
பகுதிகள்: திருவண்ணாமலை, வேங்கிக்கால், ஊசாம்பாடி, ஆடையூர், அடி அண்ணாமலை, தேவனந்தல், கீழ்நாச்சிப்பட்டு, நொச்சிமலை, மலப்பாம்பாடி, வள்ளிவாகை, வட ஆண்டாப்பட்டு, கிளியாப்பட்டு, சானானந்தல், குன்னியந்தல், களஸ்தம்பாடி, சடையனோடை, குன்னுமுறிஞ்சி, சேரியந்தல் மற்றும் அதைச் சுற்றியுள்ள கிராமப் பகுதிகள்.

]]>
http://www.dinamani.com/all-editions/edition-chennai/tiruvannamalai/2017/oct/21/அக்டோபர்-21-மின்-தடை-2793267.html
2793266 சென்னை திருவண்ணாமலை உலமா அடையாள அட்டை பெற அக்.24-இல் சிறப்பு முகாம் DIN DIN Saturday, October 21, 2017 06:46 AM +0530 திருவண்ணாமலை மாவட்டத்தில் உள்ள பள்ளிவாசல், தர்கா, மதரஸாக்களில் பணிபுரிவோர் உலமா அடையாள அட்டை பெற செவ்வாய்க்கிழமை (அக்டோபர் 24) சிறப்பு முகாம் நடத்தப்படுகிறது.
தமிழக அரசின் சிறுபான்மையினர் நலத் துறை மூலம் உலமாக்கள், இதரப் பணியாளர்கள் நல வாரியம் என்ற அமைப்பு இயங்கி வருகிறது.
இந்த அமைப்பு மூலம் பள்ளிவாசல், தர்கா, மதரஸாக்களில் பணிபுரியும் 18 முதல் 60 வயதுக்கு உள்பட்டோரை நல வாரியத்தில் உறுப்பினர்களாக பதிவு செய்து உலமா அடையாள அட்டைகள் வழங்கப்பட்டு வருகின்றன.
அதன்படி, திருவண்ணாமலை மாவட்ட ஆட்சியர் அலுவலகத்தில் இயங்கும் மாவட்டப் பிற்படுத்தப்பட்டோர் மற்றும் சிறுபான்மையினர் நல அலுவலகத்தில் உலமா அடையாள அட்டைகள் எவ்வித கட்டணமும் இல்லாமல் வழங்கப்பட்டு வருகிறது.
உலமா அடையாள அட்டை வைத்துள்ளவர்கள் கல்வி உதவித்தொகை, திருமண உதவித்தொகை, மகப்பேறு உதவித்தொகை, கருச்சிதைவு உதவித்தொகை, இயற்கை மரண உதவித்தொகை, ஈமச்சடங்கு உதவித்தொகை, விபத்து நிவாரணம், மூக்குக் கண்ணாடி ஈடுசெய்ய உதவித்தொகை, முதியோர் ஓய்வூதியம் உள்ளிட்ட நலத் திட்ட உதவிகளைப் பெற விண்ணப்பிக்கலாம். இந்த உறுப்பினர் பதிவை 3 ஆண்டுகளுக்கு ஒருமுறை புதுப்பிக்க வேண்டும்.
அதன்படி, உறுப்பினர் பதிவை புதுப்பிக்கும் சிறப்பு முகாம் திருவண்ணாமலை மாவட்ட ஆட்சியர் அலுவலகத்தில் இயங்கும் மாவட்டப் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நல அலுவலகத்தில் செவ்வாய்க்கிழமை (அக்டோபர் 24) நடைபெறுகிறது.
இந்த முகாமில் பள்ளிவாசல், தர்கா, மதரஸாக்களில் பணிபுரிவோர் கலந்து கொண்டு உலமா அடையாள அட்டைகளை பெற்றுக் கொள்ளலாம். ஏற்கெனவே அடையாள அட்டை வைத்துள்ளவர்கள் தங்களது பதிவை புதுப்பித்துக் கொள்ளலாம் என்று மாவட்ட ஆட்சியர் கே.எஸ்.கந்தசாமி தெரிவித்துள்ளார்.

 

]]>
http://www.dinamani.com/all-editions/edition-chennai/tiruvannamalai/2017/oct/21/உலமா-அடையாள-அட்டை-பெற-அக்24-இல்-சிறப்பு-முகாம்-2793266.html
2793265 சென்னை திருவண்ணாமலை செய்யாறில் நாளை இலவச கண் பரிசோதனை முகாம் DIN DIN Saturday, October 21, 2017 06:46 AM +0530 செய்யாறில் ஞாயிற்றுக்கிழமை (அக்.22) இலவச கண் பரிசோதனை முகாம் நடைபெறுகிறது.
செய்யாறு கௌதம் நிதி நிறுவனத்தின் அன்னை செல்லம்மாள் அறக்கட்டளை மற்றும் புதுச்சேரி அரவிந்த் கண் மருத்துவமனை இணைந்து நடத்தும் இலவச கண் பரிசோதனை முகாம் செய்யாறு அரசு ஆண்கள் மேல்நிலைப் பள்ளியில் ஞாயிற்றுக்கிழமை காலை நடைபெறுகிறது.
முகாமின்போது, கண்புரை, கிட்டப்பார்வை,  தூரப்பார்வை, வெள்ளெழுத்து உள்ளிட்ட குறைபாடுகள் உள்ளவர்களுக்கு இலவசமாக கண் பரிசோதனை செய்யப்பட்டு, சிகிச்சை அளிக்கப்படுகிறது.
முகாமில் தேர்ந்தெடுக்கப்படும் நோயாளிகள் புதுச்சேரி அரவிந்த் கண் மருத்துவமனைக்கு அழைத்துச் செல்லப்பட்டு, அவர்களுக்கு ஐ.ஓ.எல் லென்ஸ் பொருத்துதல், அறுவைச் சிகிச்சை, மருந்து, தங்கும் வசதி, உணவு மற்றும் போக்குவரத்து வசதி போன்ற அனைத்தும் இலவசமாக வழங்கப்பட உள்ளது.

 

]]>
http://www.dinamani.com/all-editions/edition-chennai/tiruvannamalai/2017/oct/21/செய்யாறில்-நாளை-இலவச-கண்-பரிசோதனை-முகாம்-2793265.html
2793264 சென்னை திருவண்ணாமலை தனிநபர் கழிப்பறை கட்ட வலியுறுத்தி கிராம மக்களிடம் விழிப்புணர்வு DIN DIN Saturday, October 21, 2017 06:46 AM +0530 திருவண்ணாமலையை அடுத்த மங்கலம் ஊராட்சியில் தனிநபர் இல்லக் கழிப்பறை கட்டுவது தொடர்பான விழிப்புணர்வு நாடகம் வெள்ளிக்கிழமை நடைபெற்றது.
நிகழ்ச்சிக்கு துரிஞ்சாபுரம் மண்டல துணை வட்டார வளர்ச்சி அலுவலர் ராயர் தலைமை வகித்தார். வட்டாரத் திட்ட ஒருகிணைப்பாளர் லட்சுமணன் விழிப்புணர்வு நாடகத்தை தொடக்கி வைத்தார்.
இதைத் தொடர்ந்து, திறந்த வெளியில் மலம் கழிப்பதைத் தவிர்க்க வேண்டும். மகளிர் சுகாதார வளாகங்களை பொதுமக்கள் பயன்படுத்த வேண்டும். வயிற்றுப்போக்கு, டெங்கு, சிக்குன் குனியா உள்ளிட்ட நோய்கள் வராமல் தடுக்க வீட்டையும், சுற்றுப்புறத்தையும் சுகாதாரமாக வைத்துக்கொள்ள வேண்டும்.
தூய்மையான இந்தியாவை உருவாக்க அனைத்து வீடுகளிலும் தனிநபர் இல்லக் கழிப்பறைகளை கட்ட வேண்டும் என்று நாடகம் மூலம் நாடகக் கலைஞர்கள் விழிப்புணர்வு ஏற்படுத்தினர். இதில், மங்கலம் ஊராட்சிச் செயலர் சதீஷ்குமார் மற்றும் பொதுமக்கள் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/21/தனிநபர்-கழிப்பறை-கட்ட-வலியுறுத்தி-கிராம-மக்களிடம்-விழிப்புணர்வு-2793264.html
2793263 சென்னை திருவண்ணாமலை அம்மா திட்ட முகாம்: 117 பேருக்கு நலத் திட்ட உதவிகள் DIN DIN Saturday, October 21, 2017 06:45 AM +0530 செங்கத்தை அடுத்த புதியகுயிலம்,  போளூரை அடுத்த கீழ்பட்டு கிராமங்களில் வெள்ளிக்கிழமை நடைபெற்ற அம்மா திட்ட முகாமில் 117 பேருக்கு நலத் திட்ட உதவிகள் வழங்கப்பட்டன.
செங்கத்தை அடுத்த புதியகுயிலம், பழையகுயிலம், அன்வராபாத் ஆகிய கிராமங்களுக்கான அம்மா திட்ட முகாம் புதியகுயிலம் கிராமத்தில் நடைபெற்றது. முகாமில் முதியோர் உதவித்தொகை, சிறு, குறு விவசாயிச் சான்று, குடும்ப அட்டையில் பெயர் சேர்த்தல், நீக்குதல் உள்பட பல்வேறு நலத் திட்ட உதவிகள் வழங்கக் கோரி பொதுமக்கள் சுமார் 200 மனுக்களை அளித்தனர்.
மனுக்களை ஆய்வு செய்த வருவாய்த் துறையினர், தகுதிவாய்ந்த 112 மனுக்கள் மீது விரைவான நடவடிக்கை மேற்கொண்டனர். பின்னர், பயனாளிகளுக்கு நலத் திட்ட உதவிகள் வழங்கும் நிகழ்ச்சி நடைபெற்றது. இதில், செங்கம் வட்டாட்சியர் உதயகுமார் கலந்து கொண்டு, 112 பயனாளிகளுக்கு பல்வேறு நலத் திட்ட உதவிகளை வழங்கினார்.
முகாமில் வருவாய் ஆய்வாளர் ராஜேந்திரன், கிராம நிர்வாக அலுவலர்கள் கிருஷ்ணமூர்த்தி, சங்கமித்ரா மற்றும் கிராம உதவியாளர்கள், பொதுமக்கள் கலந்து கொண்டனர்.
கீழ்பட்டு: இதேபோல, போளூரை அடுத்த கீழ்பட்டு கிராமத்தில் அம்மா திட்ட முகாம் நடைபெற்றது. முகாமுக்கு வட்டாட்சியர் பாலாஜி தலைமை வகித்து பொதுமக்கள் அளித்த 25 மனுக்களை பெற்றார். பின்னர், 5 பேருக்கு சிறு, குறு விவசாயிச் சான்றுகளை அவர் வழங்கினார்.
முகாமில் மண்டலதுணை வட்டாட்சியர் வைதேகி, வருவாய் ஆய்வாளர் கோமதி ஆகியோர் முன்னிலை வகித்தனர். கிராம நிர்வாக அலுவலர் செந்தில் வரவேற்றார்.
இதில், கிராம நிர்வாக அலுவலர்கள் வள்ளி, பூரணி,  சுகந்தி, சங்கர் மற்றும் கிராம உதவியாளர்கள், பொதுமக்கள் கலந்து கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/21/அம்மா-திட்ட-முகாம்-117-பேருக்கு-நலத்-திட்ட-உதவிகள்-2793263.html
2793031 சென்னை திருவண்ணாமலை ரயிலில் அடிபட்டு இளைஞர் சாவு DIN DIN Saturday, October 21, 2017 02:29 AM +0530 போளூர் அருகே வெள்ளிக்கிழமை ரயிலில் அடிபட்டு இளைஞர் உயிரிழந்தார்.
போளூரை அடுத்த ஆர்.குண்ணத்தூர் கிராமத்தைச் சேர்ந்தவர் ராஜேந்திரன் மகன் புகழ்கதிரவன் (24). இவர், வெள்ளிக்கிழமை காலை மது அருந்திவிட்டு காதொலி கருவி மூலம் செல்லிடப்பேசியில் பாடல் கேட்டபடி அந்தக் கிராமத்தில் உள்ள ரயில்வே தண்டவாளத்தில் அமர்ந்திருந்தாராம்.
அப்போது, திருப்பதி - ராமேஸ்வரம் இடையே செல்லும் பயணிகள் ரயில் ஓலி எழுப்பியபடி தண்டவாளத்தில் வந்துள்ளது. எனினும், இந்த ஒலி கேட்காமல் அமர்ந்திருந்த புகழ்கதிரவன் மீது ரயில் மோதியதில் அவர் சம்பவ இடத்திலேயே உயிரிழந்தார்.
இதுகுறித்து ரயில் ஓட்டுநர் திருச்சி ரயில்வே கோட்டத்துக்கு தகவல் தெரிவித்தார். இதையடுத்து, அங்கு வந்த விழுப்புரம் ரயில்வே போலீஸார், புகழ்கதிரவனின் சடலத்தை மீட்டு, உடல்கூறு பரிசோதனைக்காக போளூர் அரசு மருத்துவமனைக்கு அனுப்பி வைத்தனர். மேலும், இந்த சம்பவம் குறித்து ரயில்வே போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/tiruvannamalai/2017/oct/21/ரயிலில்-அடிபட்டு-இளைஞர்-சாவு-2793031.html
2793030 சென்னை திருவண்ணாமலை திருவண்ணாமலை மருத்துவமனைக்கு ரூ.23 லட்சத்தில் ரத்த அணுக்களை கணக்கிடும் கருவி: அமைச்சர் சி.விஜயபாஸ்கர் DIN DIN Saturday, October 21, 2017 02:29 AM +0530 திருவண்ணாமலை அரசு மருத்துவக் கல்லூரி மருத்துவமனைக்கு 48 மணி நேரத்தில் ரூ.23 லட்சம் மதிப்பிலான ரத்த அணுக்களை கணக்கிடும் கருவி வழங்கப்படும் என்று தமிழக சுகாதாரத் துறை அமைச்சர் சி.விஜயபாஸ்கர் தெரிவித்தார்.
திருவண்ணாமலை மாவட்டத்தில் டெங்கு ஒழிப்புப் பணிகள் தீவிரமாக நடைபெற்று வருகின்றன. இதன் ஒரு பகுதியாக, திருவண்ணாமலை ஸ்ரீஅருணாசலேஸ்வரர் கோயில் ராஜகோபுரம் எதிரே டெங்கு ஒழிப்பு சிறப்பு மருத்துவ முகாம் வெள்ளிக்கிழமை நடைபெற்றது. முகாமுக்கு மாவட்ட ஆட்சியர் கே.எஸ்.கந்தசாமி தலைமை வகித்தார். இந்து சமய அறநிலையத் துறை அமைச்சர் சேவூர் எஸ்.ராமச்சந்திரன், முன்னாள் அமைச்சர்கள் அக்ரி எஸ்.எஸ்.கிருஷ்ணமூர்த்தி, முக்கூர் என்.சுப்பிரமணியன் ஆகியோர் முன்னிலை வகித்தனர்.
தமிழக சுகாதாரத் துறை அமைச்சர் சி.விஜயபாஸ்கர் சிறப்பு அழைப்பாளராக கலந்து கொண்டு மருத்துவ முகாமை தொடக்கி வைத்தார். முகாமில் வியாபாரிகள், பொதுமக்கள், பக்தர்களுக்கு பரிசோதனை செய்து உரிய சிகிச்சையும், ஆலோசனையும் வழங்கப்பட்டன.
வீடூ, வீடாக ஆய்வு: பின்னர், ஸ்ரீஅருணாசலேஸ்வரர் கோயில் ராஜகோபுரம் எதிரே உள்ள சக்கர தீர்த்தக் குளத்தில் டெங்கு கொசுக்களை அழிக்கும் தன்மைகொண்ட மீன் குஞ்சுகள் விடப்பட்டன. இதையடுத்து, வேங்கிக்கால் ஊராட்சி, செல்வா நகரில் உள்ள வீடுகளில் அமைச்சர்கள் சி.விஜயபாஸ்கர், சேவூர் எஸ்.ராமச்சந்திரன் தலைமையிலான அதிகாரிகள், மக்கள் பிரதிநிதிகள் வீடு, வீடாகச் சென்று டெங்கு விழிப்புணர்வு நடவடிக்கைகளை ஆய்வு செய்தனர்.
மருத்துவக் கல்லூரியில் ஆய்வு: தொடர்ந்து, திருவண்ணாமலை அரசு மருத்துவக் கல்லூரி மருத்துவமனையில் அமைச்சர்கள் தலைமையிலான குழு ஆய்வு மேற்கொண்டது. டெங்கு காய்ச்சலால் பாதிக்கப்பட்டு சிகிச்சைப் பெற்று வருவோரிடம் உரிய முறையில் சிகிச்சை அளிக்கப்படுகிறதா என்பது குறித்து அமைச்சர்கள் கேட்டறிந்தனர்.
ஆட்சியர் அலுவலகத்தில் ஆய்வுக் கூட்டம்: இதையடுத்து, திருவண்ணாமலை மாவட்ட ஆட்சியர் அலுவலகத்தில் டெங்கு காய்ச்சல் தடுப்புப் பணிகள் குறித்த ஆய்வுக் கூட்டம் நடைபெற்றது. மாவட்ட ஆட்சியர் கே.எஸ்.கந்தசாமி தலைமை வகித்தார். இந்து சமய அறநிலையத் துறை அமைச்சர் சேவூர் எஸ்.ராமச்சந்திரன், மருத்துவக் கல்வி இயக்குநர் எட்வின்ஜோ, மாவட்ட வருவாய் அலுவலர் பொ.ரத்தினசாமி ஆகியோர் முன்னிலை வகித்தனர்.
அமைச்சர் சி.விஜயபாஸ்கர் திருவண்ணாமலை மாவட்டம் முழுவதும் டெங்கு காய்ச்சலைத் தடுக்க எடுக்கப்பட்ட நடவடிக்கைகள், டெங்கு காய்ச்சலால் பாதிக்கப்பட்டவர்களின் எண்ணிக்கை, குணமடைந்தவர்களின் எண்ணிக்கை குறித்து ஆய்வு மேற்கொண்டார். அப்போது, டெங்கு காய்ச்சலைக் கட்டுப்படுத்த அனைத்துத் துறை அலுவலர்களும் ஒன்றிணைந்து செயல்பட வேண்டும் என்றார்.
இதைத் தொடர்ந்து, அமைச்சர் சி.விஜயபாஸ்கர் செய்தியாளர்களுக்கு அளித்த பேட்டி: திருவண்ணாமலை அரசு மருத்துவக் கல்லூரி மருத்துவமனைக்கு 48 மணி நேரத்தில் ரூ.23 லட்சம் மதிப்பிலான ரத்த அணுக்களை கணக்கிடும் கருவி வழங்கப்படும். இந்த மருத்துவமனையில் தீபாவளிக்கு முன்பு 160 பேர் காய்ச்சலுக்காக சிகிச்சைப் பெற்று வந்தனர். தற்போது 90 பேர் மட்டுமே சிகிச்சைப் பெறுகின்றனர்.
இவர்களில் 10 சதவீதம் பேருக்கு டெங்கு அறிகுறி தெரியவந்துள்ளது. தமிழகம் முழுவதும் நிலவேம்புக் குடிநீர் வழங்கப்படுவதால் டெங்கு காய்ச்சல் கட்டுப்படுத்தப்பட்டுள்ளது. தமிழகத்தில் 10 நாள்களில் 100 சதவீதம் டெங்கு காய்ச்சல் கட்டுப்படுத்தப்படும் என்றார்.

தண்ணீர் கேட்டு தர்னா
திருவண்ணாமலை அரசு மருத்துவக் கல்லூரி மருத்துவமனையில் அமைச்சர்கள் ஆய்வு செய்துவிட்டு வெளியே வந்தனர். அப்போது, திடீரென நோயாளிகள், நோயாளிகளின் உறவினர்கள் சேர்ந்து அமைச்சர்களை முற்றுகையிட்டு மருத்துவமனையில் போதிய குடிநீர், தண்ணீர் இல்லை என்று முறையிட்டனர். இவர்களை அமைச்சர்கள் சமாதானப்படுத்தினர்.
இதனால் திருப்தி அடையாத நோயாளிகள் மருத்துவமனை எதிரே தரையில் அமர்ந்து தர்னாவில் ஈடுபட்டனர். இவர்களை போலீஸார் சமாதானம் செய்து வைத்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/21/திருவண்ணாமலை-மருத்துவமனைக்கு-ரூ23-லட்சத்தில்-ரத்த-அணுக்களை-கணக்கிடும்-கருவி-அமைச்சர்-சிவிஜயபாஸ்கர-2793030.html
2792415 சென்னை திருவண்ணாமலை ஓய்வு பெற்ற வனத் துறை ஊழியர் வீட்டில் 25 பவுன் நகைகள், ரூ. ஒரு லட்சம் திருட்டு DIN DIN Friday, October 20, 2017 12:57 AM +0530 திருவண்ணாமலையில் ஓய்வு பெற்ற வனத் துறை ஊழியர் வீட்டின் பூட்டை உடைத்து 25 பவுன் தங்க நகைகள்,
ரூ. ஒரு லட்சம் ரொக்கத்தை மர்ம நபர்கள் திருடிச் சென்றனர்.
திருவண்ணாமலை வேங்கிக்கால் வள்ளியம்மை நகரைச் சேர்ந்தவர் ஓய்வு பெற்ற வனத் துறை ஊழியர் மாணிக்கம் (61). இவர், தனது மனைவி இந்திரா, மகன் விநாயகம் ஆகியோருடன் சில தினங்களுக்கு முன்பு தண்டராம்பட்டு வட்டம், சாத்தனூர் அணைக்குச் சென்றார். அங்குள்ள உறவினர் வீட்டில் மூவரும் சின தினங்கள் தங்கியிருந்தனர்.
இந்த நிலையில், புதன்கிழமை காலை மாணிக்கம் வீட்டின் பூட்டு உடைக்கப்பட்டிருப்பதை பார்த்த பொதுமக்கள், இதுகுறித்து அவருக்கு தகவல் தெரிவித்தனர். அவர் வந்து பார்த்த போது, வீட்டிலிருந்த பீரோ உடைக்கப்பட்டு, அதிலிருந்த 25 பவுன் தங்க நகைகள், ரூ. ஒரு லட்சம் ரொக்கம் ஆகியவை திருடப்பட்டிருந்தது தெரிய வந்தது.
இதுகுறித்த புகாரின் பேரில், திருவண்ணாமலை கிழக்கு காவல் நிலைய போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-chennai/tiruvannamalai/2017/oct/20/ஓய்வு-பெற்ற-வனத்-துறை-ஊழியர்-வீட்டில்-25-பவுன்-நகைகள்-ரூ-ஒரு-லட்சம்-திருட்டு-2792415.html
2792414 சென்னை திருவண்ணாமலை திருவண்ணாமலை வடக்கு மாவட்ட காங்கிரஸ் புதிய நிர்வாகிகள் DIN DIN Friday, October 20, 2017 12:56 AM +0530 காங்கிரஸ் கட்சியின் திருவண்ணாமலை வடக்கு மாவட்ட புதிய நிர்வாகிகள் பட்டியலை மாவட்டத் தலைவர் வி.பி.அண்ணாமலை வியாழக்கிழமை வெளியிட்டார்.
அதன்படி, மாநில பொதுக்குழு உறுப்பினர்களாக முன்னாள் எம்.பி எம்.கிருஷ்ணசாமி, முன்னாள் எம்எல்ஏக்கள் எம்.கே.விஷ்ணுபிரசாத், டி.பி.ஜெ.ராஜாபாபு மற்றும் ஏ.ஆர்.அசோக்குமார், ஜி.முனிரத்தினம், எம்.வசந்தராஜ், என்.முருகன், பி.எம்.ஜி.பழனி, வி.ஜெயராமன், எம்.எம்.சுப்பிரமணியன், ஆர்.தில்லை, பி.ஜெயசீலன், டி.ராஜேஸ்வரி, எச்.அப்துல்கலீம் ஆகியோர் நியமிக்கப்பட்டுள்ளனர்.
மேலும், மாவட்ட துணைத் தலைவர்களாக யு.அருணகிரி, சி.பன்னீர்செல்வம், எஸ்.அன்பழகன், சி.கெஜலட்சுமி ஆகியோரும்,  மாவட்டப் பொருளாளராக எஸ்.பிரசாத், வட்டாரத் தலைவர்களாக பி.இராஜேந்திரன், என்.ஏழுமலை, எம்.வேம்புசெல்வம், பி.தனஞ்செழியன், பி.விஜயகாந்த், கே.இளங்கோவன், எம்.இராமலிங்கம், கே.கிருஷ்ணமூர்த்தி, எம்.கார்த்திகேயன், ஏ.சிங்காரவேலு ஆகியோரும், நகரத் தலைவர்களாக டி.ஜெயவேல் (ஆரணி), எஸ்.யூனிஸ்கான் (வந்தவாசி), வி.சந்துரு (செய்யாறு) மற்றும் மாவட்டச் செயற்குழு உறுப்பினர்களாக 73 பேரும் தேர்வு செய்யப்பட்டுள்ளதாக
அறிவிக்கப்பட்டுள்ளது.

 

]]>
http://www.dinamani.com/all-editions/edition-chennai/tiruvannamalai/2017/oct/20/திருவண்ணாமலை-வடக்கு-மாவட்ட-காங்கிரஸ்-புதிய-நிர்வாகிகள்-2792414.html
2792413 சென்னை திருவண்ணாமலை மரத்தில் கார் மோதல்: தந்தை, மகள் பலி DIN DIN Friday, October 20, 2017 12:56 AM +0530 திருவண்ணாமலை அருகே சாலையோர மரத்தில் கார் மோதியதில் தந்தை, மகள் உயிரிழந்தனர். தாய், மற்றொரு மகள் பலத்த காயமடைந்தனர்.
கும்பகோணம், அஞ்சுகம் நகரைச் சேர்ந்தவர் ஜெயச்சந்திரன் (38). இவரது மனைவி ராணி (34). மகள்கள் சாருண்யா (7), காருண்யா (7). சிறுமிகள் இருவரும் கும்பகோணத்தில் உள்ள பள்ளியில் 2-ஆம் வகுப்பு படித்து வந்தனர்.
இந்த நிலையில், போளூரில் உள்ள உறவினர் வீட்டில் தீபாவளி கொண்டாடுவதற்காக ஜெயச்சந்திரன் தனது குடும்பத்தினருடன் புதன்கிழமை காரில் சென்று கொண்டிருந்தார். திருவண்ணாமலையை அடுத்த காரியந்தல் வனப் பகுதி அருகே சென்றபோது சாலையின் குறுக்கே திடீரென 4 குரங்குகள் சென்றனவாம். காரை ஓட்டி வந்த ஜெயச்சந்திரன், குரங்குகள் மீது மோதாமல் இருக்க காரை திருப்பியுள்ளார்.
அப்போது, எதிர்பாராதவிதமாக கட்டுப்பாட்டை இழந்த கார், சாலையோர மரத்தில் மோதி விபத்துக்குள்ளானது. இதில், காரின் இடிபாடுகளில் சிக்கிய ஜெயச்சந்திரன், காருண்யா ஆகியோர் அதே இடத்தில் உயிரிழந்தனர். பலத்த காயமடைந்த ராணி, சாருண்யா ஆகியோரை பொதுமக்கள் மீட்டு, திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர். பின்னர், தீவிர சிகிச்சைக்காக அவர்கள் இருவரும் வேலூர் தனியார் மருத்துவமனைக்கு அனுப்பி வைக்கப்பட்டனர். இதுகுறித்து, கலசப்பாக்கம் போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-chennai/tiruvannamalai/2017/oct/20/மரத்தில்-கார்-மோதல்-தந்தை-மகள்-பலி-2792413.html
2792411 சென்னை திருவண்ணாமலை பெண் தற்கொலை: ஆர்டிஓ விசாரணை DIN DIN Friday, October 20, 2017 12:55 AM +0530 செய்யாறு அருகே பெண் தூக்குப்போட்டு தற்கொலை செய்து கொண்டார். இதுகுறித்து செய்யாறு வருவாய்க் கோட்டாட்சியர் விசாரணை மேற்கொண்டுள்ளார்.
செய்யாறை அடுத்த கூழமந்தல் கிராமத்தைச் சேர்ந்தவர் சமையல் தொழிலாளி ஹரிகரன். இவரது மனைவி நளினி (31). இவர்களுக்கு கடந்த 6 ஆண்டுகளுக்கு முன்பு திருமணம் நடைபெற்ற நிலையில், இந்தத் தம்பதிக்கு குழந்தை இல்லை எனத் தெரிகிறது. இந்த நிலையில், நளினி புதன்கிழமை இரவு வீட்டில் தூக்குப்போட்டு தற்கொலை செய்துகொண்டாராம்.
இதுகுறித்து அவரது சகோதரர் வேணுகோபால் தூசி காவல் நிலையத்தில் புகார் அளித்தார். அதன்பேரில், காவல் நிலைய ஆய்வாளர் சாரதி வழக்குப் பதிவு செய்ததுடன், நளினியின் சடலத்தைக் கைப்பற்றி உடல்கூறு பரிசோதனைக்காக காஞ்சிபுரம் அரசு மருத்துவமனைக்கு அனுப்பி வைத்தார்.
திருமணமாகி 6 ஆண்டுகளில் நளினி தற்கொலை செய்துகொண்டுள்ளதால், செய்யாறு வருவாய்க் கோட்டாட்சியர் பெ.கிருபானந்தம், கூழமந்தல் கிராமத்தில் வியாழக்கிழமை நேரடியாக விசாரணை மேற்கொண்டனர்.

]]>
http://www.dinamani.com/all-editions/edition-chennai/tiruvannamalai/2017/oct/20/பெண்-தற்கொலை-ஆர்டிஓ-விசாரணை-2792411.html
2792410 சென்னை திருவண்ணாமலை டெங்கு பாதிப்பு: பட்டதாரி இளைஞர் சாவு DIN DIN Friday, October 20, 2017 12:55 AM +0530 தண்டராம்பட்டில் டெங்கு காய்ச்சலால் பாதிக்கப்பட்ட பட்டதாரி இளைஞர் உயிரிழந்தார்.
தண்டராம்பட்டு, செங்கல்வராயன் தெருவைச் சேர்ந்தவர் சிவசங்கர் மகன் எஸ்.வைத்தியநாதன் (25). பட்டதாரியான இவருக்கு திடீரென காய்ச்சல் ஏற்பட்டதாம். இதையடுத்து, தண்டராம்பட்டில் உள்ள தனியார் மருத்துவமனையில் அவர் சிகிச்சை பெற்று வந்தார்.
அப்போது, அவருக்கு டெங்கு காய்ச்சல் இருப்பது உறுதி செய்யப்பட்டதாம். இதையடுத்து, சில தினங்களுக்கு முன்பு வைத்தியநாதன் திருவண்ணாமலை அரசு மருத்துவக் கல்லூரி மருத்துவமனையில் சேர்க்கப்பட்டார். எனினும்,  அங்கு அவர் வியாழக்கிழமை உயிரிழந்தார்.

]]>
http://www.dinamani.com/all-editions/edition-chennai/tiruvannamalai/2017/oct/20/டெங்கு-பாதிப்பு-பட்டதாரி-இளைஞர்-சாவு-2792410.html
2792409 சென்னை திருவண்ணாமலை ஆரணியில் விபத்து நிகழும் பகுதிகளில் அடையாளக் குறியீடு: போலீஸார் வரைந்தனர் DIN DIN Friday, October 20, 2017 12:55 AM +0530 ஆரணி, சுற்றுவட்டாரப் பகுதிகளில் அடிக்கடி விபத்துகள் நிகழும் இடங்களில் காவல் துறை சார்பில் வியாழக்கிழமை அடையாளக் குறியீடு வரையப்பட்டது.
ஆரணி பகுதியில் அடிக்கடி விபத்துகள் நிகழும் முள்ளிப்பட்டு, வி.கே.கே.நகர் ஆற்றுப்பாலம், களம்பூர், வடமாதிமங்கலம், கஸ்தம்பாடி உள்ளிட்ட 10 இடங்களில் ஆரணி நகர காவல் துறை சார்பில் சாலையில் அடையாளக்  குறியீடு வரையப்பட்டது.
இதன் மூலம் இந்தப் பகுதிகளில் உள்ள சாலைகளில் செல்வோருக்கு விழிப்புணர்வு ஏற்படுவதுடன், விபத்துகளும் குறைய வாய்ப்பு உருவாகும் என போலீஸார் தெரிவித்தனர். இந்தப் பணியை ஆரணி நகர காவல் ஆய்வாளர் விநாயகமூர்த்தி பார்வையிட்டார். அப்போது, உதவி ஆய்வாளர்கள் ஜமீஸ்பாபு, மகேந்திரன் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/20/ஆரணியில்-விபத்து-நிகழும்-பகுதிகளில்-அடையாளக்-குறியீடு-போலீஸார்-வரைந்தனர்-2792409.html
2792407 சென்னை திருவண்ணாமலை சூரிய பகவானுக்கு சிறப்பு அபிஷேகம் DIN DIN Friday, October 20, 2017 12:55 AM +0530 தீபாவளி பண்டிகையையொட்டி, செய்யாறை அடுத்த கூழமந்தல் நட்சத்திர விருட்ச விநாயகர் கோயிலில் அஸ்த நட்சத்திர அதிதேவதையான சூரிய பகவானுக்கு புதன்கிழமை சிறப்பு அபிஷேகம் நடைபெற்றது.
காஞ்சிபுரம் - வந்தவாசி சாலையில் நட்சத்திர விருட்ச விநாயகர் கோயில் அமைந்துள்ளது. தீபாவளி பண்டிகை அஸ்த நட்சத்திரத்தில் வந்ததையடுத்து, இந்தக் கோயிலில் உள்ள அஸ்த நட்சத்திர அதிதேவதையான சூரிய பகவான் மற்றும் விநாயகருக்கு சிறப்பு அபிஷேக, ஆராதனைகள் நடைபெற்றன.
பின்னர், சிறப்பு அலங்காரத்தில் சுவாமிகள் காட்சியளித்தனர். நிகழ்ச்சியில் திரளான பக்தர்கள் கலந்து கொண்டு தரிசனம் செய்தனர்.

]]>
http://www.dinamani.com/all-editions/edition-chennai/tiruvannamalai/2017/oct/20/சூரிய-பகவானுக்கு-சிறப்பு-அபிஷேகம்-2792407.html
2792405 சென்னை திருவண்ணாமலை துப்புரவுப் பணியாளர்களுக்கு புத்தாக்கப் பயிற்சி DIN DIN Friday, October 20, 2017 12:54 AM +0530 திருவண்ணாமலை அரசு மருத்துவக் கல்லூரி மருத்துவமனையில் பணிபுரியும் துப்புரவுப் பணியாளர்களுக்கான புத்தாக்கப் பயிற்சி வியாழக்கிழமை நடைபெற்றது.
திருவண்ணாமலை நகராட்சி நிர்வாகம் சார்பில் நடைபெற்ற இந்தப் பயிற்சிக்கு மருத்துவக் கல்லூரி துணை முதல்வர் நாகராணி தலைமை வகித்தார். குடியிருப்பு மருத்துவ அலுவலர் எஸ்.ஸ்ரீதரன், மருத்துவமனைக் கண்காணிப்பாளர் எம்.ஏ.ஷகில் ஹகமத் ஆகியோர் முன்னிலை வகித்தனர்.
மருத்துவமனையின் பல்நோக்கு சுகாதார மேற்பார்வையாளர் ஹரிகிருஷ்ணன், திருவண்ணாமலை நகராட்சி நகர்நல அலுவலர் வினோத்குமார், துப்புரவு ஆய்வாளர்கள் வினோத் கண்ணா, கார்த்திகேயன் ஆகியோர் துப்புரவுப் பணியாளர்களுக்கு புத்தாக்கப் பயிற்சி அளித்ததுடன், ஏடிஸ் கொசுப் புழுக்கள் அழித்தல் குறித்த விழிப்புணர்வு ஏற்படுத்தினர்.

]]>
http://www.dinamani.com/all-editions/edition-chennai/tiruvannamalai/2017/oct/20/துப்புரவுப்-பணியாளர்களுக்கு-புத்தாக்கப்-பயிற்சி-2792405.html
2792403 சென்னை திருவண்ணாமலை ஏரிகள் சரிவர தூர்வாரப்படவில்லை: எம்எல்ஏ குற்றச்சாட்டு DIN DIN Friday, October 20, 2017 12:54 AM +0530 திருவண்ணாமலை மாவட்டத்தில் உள்ள ஏரிகள் சரிவர தூர்வாரப்படவில்லை என்று எ.வ.வேலு எம்எல்ஏ குற்றஞ்சாட்டினார்.
தண்டராம்பட்டு வட்டம், சாத்தனூர் அணையில் இருந்து தென்பெண்ணை ஆற்றில் உபரி நீர் திறந்துவிடப்பட்டுள்ளது. இதை ஏராளமான சுற்றுலாப் பயணிகள் பார்த்து ரசித்து வருகின்றனர். இந்த நிலையில், சாத்தனூர் அணையையும், ஏரியில் இருந்து உபரி நீர் வெளியேற்றப்படுவதையும் எ.வ.வேலு எம்எல்ஏ புதன்கிழமை நேரில் பார்வையிட்டு ஆய்வு செய்தார்.
இதையடுத்து, சாத்தனூர் அணையில் துருப்பிடித்த நிலையில் உள்ள மின்சாதனங்களை மாற்ற வேண்டும். இங்குள்ள உணவகத்தை தரமாக மாற்ற வேண்டும். செயல்படாமல் முடங்கியுள்ள படகு குழாமை மீண்டும் சிறப்பாக செயல்படுத்த வேண்டும். குழந்தைகள் பூங்காக்களில் உள்ள விளையாட்டுப் பொருள்களை சரிசெய்ய வேண்டும். சுற்றுலா வரும் பொதுமக்களுக்குத் தேவையான வசதிகளை செய்து தர வேண்டும் என்று பொதுப்பணித் துறை அதிகாரிகளுக்கு எ.வ.வேலு எம்எல்ஏ ஆலோசனைகளை வழங்கினார்.
ஆய்வுக்குப் பிறகு செய்தியாளர்களுக்கு அவர் அளித்த பேட்டி:  திருவண்ணாமலை மாவட்டத்தில் மொத்தம் 963 ஏரிகள்
உள்ளன. தமிழகத்தில் ஏரிகளைத் தூர்வார அரசு சார்பில் ரூ.300 கோடி ஒதுக்கப்பட்டது. ஆனாலும், ஏரிகளை சரிவர தூர்வா
ராததால் போதிய அளவு தண்ணீரை தேக்கி வைக்க முடியாமல் போனது.
சாத்தனூர் அணையில் 8,100 மில்லியன் கன அடி நீரை தேக்கி வைக்க முடியும். ஆனால், அணையின் மொத்த நீர்மட்ட உயரமான 119 அடியில் 25 அடி உயரத்துக்கு சேறு நிரம்பியுள்ளதால், வெறும் 7,300 மில்லியன் கன அடி தண்ணீரை மட்டுமே சேமித்து வைக்க முடிகிறது. அணையில் இருந்து திறந்துவிடப்பட்ட தண்ணீர் செல்லும் வலது, இடதுபுறக் கால்வாய்கள் மூலம் 86 ஏரிகள் நிரம்பி இருக்க வேண்டும். ஆனால், ஏரிகளுக்குச் செல்லும் கால்வாய்களில் முள் செடிகள், மண்மேடுகள் அதிகம் இருப்பதால் ஏரிகளுக்கு தண்ணீர் செல்வதில்லை என்றார்.
ஆய்வின்போது, மாவட்ட துணைச் செயலர் சாவல்பூண்டி மா.சுந்தரேசன், தலைமைச் செயற்குழு உறுப்பினர் இரா.ஸ்ரீதரன், செங்கம் எம்எல்ஏ மு.பெ.கிரி, நகரச் செயலர் ப.கார்த்திவேல்மாறன், மருத்துவர் எ.வ.வே.கம்பன், சாத்தனூர் அணை நீர்ப்பாசன சங்கத் தலைவர் ஜெயராமன் ஆகியோர் உடனிருந்தனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/ஏரிகள்-சரிவர-தூர்வாரப்படவில்லை-எம்எல்ஏ-குற்றச்சாட்டு-2792403.html
2792401 சென்னை திருவண்ணாமலை திருவண்ணாமலை, காட்டாம்பூண்டி பகுதிகளில் டெங்கு காய்ச்சல் தடுப்புப் பணிகள்: ஆட்சியர் ஆய்வு DIN DIN Friday, October 20, 2017 12:53 AM +0530 திருவண்ணாமலை, காட்டாம்பூண்டி பகுதிகளில் நடைபெறும் டெங்கு காய்ச்சல் தடுப்புப் பணிகள் குறித்து மாவட்ட ஆட்சியர் கே.எஸ்.கந்தசாமி வியாழக்கிழமை திடீர் ஆய்வு மேற்கொண்டார்.
திருவண்ணாமலை மாவட்டம் முழுவதும் டெங்கு காய்ச்சல் தடுப்புப் பணிகள் தீவிரப்படுத்தப்பட்டுள்ளன. இந்தப் பணிகளை மாவட்ட ஆட்சியர் கே.எஸ்.கந்தசாமி ஆய்வு செய்து வருகிறார். இந்த நிலையில், வியாழக்கிழமை திருவண்ணாமலை அஜீஸ் காலனி, ராமலிங்கனார் தெரு, ஐயங்குளத் தெரு, நிமிந்தகார தெரு பகுதிகளில் வீடு, வீடாகச் சென்று ஆட்சியர் ஆய்வு மேற்கொண்டார்.
அப்போது, டெங்கு காய்ச்சலுக்குக் காரணமாக கொசுக்களை ஒழிக்க அதிகாரிகளுக்கு பொதுமக்கள் ஒத்துழைக்க வேண்டும் என அவர் கேட்டுக்கொண்டார். மேலும் வீடு, வீடாகச் சென்று டெங்கு ஒழிப்பு விழிப்புணர்வு துண்டுப் பிரசுரங்களையும் அவர் வழங்கினார்.
பல இடங்களில் சாலையோரம் தேங்கியிருந்த கழிவுநீர், குப்பையை அகற்ற நகராட்சி ஊழியர்களுக்கு ஆட்சியர் உத்தரவிட்டார். ஆய்வின்போது, திருவண்ணாமலை நகராட்சி ஆணையர் செ.பாரிஜாதம், நகர்நல அலுவலர் வினோத்குமார், வட்டாட்சியர் ஆர்.ரவி ஆகியோர் உடனிருந்தனர்.
காட்டாம்பூண்டியில்..:
திருவண்ணாமலையை அடுத்த காட்டாம்பூண்டி கிராமத்தில் உள்ள மேம்படுத்தப்பட்ட அரசு ஆரம்ப சுகாதார நிலையத்திலும் ஆட்சியர் கே.எஸ்.கந்தசாமி ஆய்வு மேற்கொண்டார்.
அப்போது, சிகிச்சை பெற வரும் நோயாளிகளின் எண்ணிக்கை, காய்ச்சலால் பாதிக்கப்பட்டு வருவோரின் எண்ணிக்கை ஆகியவற்றை வட்டார மருத்துவ அலுவலர் புவனேஸ்வரியிடம் ஆட்சியர் கேட்டறிந்தார்.
மேலும், டெங்கு காய்ச்சலை தடுப்பது குறித்து மருத்துவமனைக்கு வரும் நோயாளிகளிடமும், கிராமங்களிலும் போதிய விழிப்புணர்வை ஏற்படுத்த வேண்டும் என்று மருத்துவர்களுக்கு ஆட்சியர் கே.எஸ்.கந்தசாமி அறிவுரை வழங்கினார்.

]]>
http://www.dinamani.com/all-editions/edition-chennai/tiruvannamalai/2017/oct/20/திருவண்ணாமலை-காட்டாம்பூண்டி-பகுதிகளில்-டெங்கு-காய்ச்சல்-தடுப்புப்-பணிகள்-ஆட்சியர்-ஆய்வு-2792401.html
2792397 சென்னை திருவண்ணாமலை ஆற்றில் மூழ்கி கல்லூரி மாணவர் சாவு DIN DIN Friday, October 20, 2017 12:51 AM +0530 திருவண்ணாமலை மாவட்டம், போளூரை அடுத்த மண்டகொளத்தூர் கிராமத்தின் அருகே செல்லும் செய்யாற்றில் வியாழக்கிழமை குளிக்கச் சென்ற கல்லூரி மாணவர் தடுப்பணையில் சிக்கி உயிரிழந்தார்.
போளூரை அடுத்த வம்பலூர் கிராமத்தைச் சேர்ந்தவர் ராஜேந்திரன் மகன் அன்பு (19). கல்லூரியில்  படித்து வந்தார். இவர், வம்பலூர் கிராமத்தைச் சேர்ந்த இளைஞர்கள் சிலருடன் மண்டகொளத்தூர் கிராமத்தின் அருகே செல்லும் செய்யாற்றில் குளிக்கச் சென்றார்.
பின்னர், ஆற்றில் உள்ள தடுப்பணையின் மீது ஏறிய அன்பு,  நீருக்குள் குதிக்க முயன்றார். அப்போது, தவறுதலாக ஷட்டர் அருகே குதித்த அவர், ஷட்டரில் சிக்கி வெளியே வர முடியாமல் மூச்சுத் திணறி உயிரிழந்ததாகத் தெரிகிறது. இதையடுத்து, அவரது சடலத்தை உடன் சென்ற இளைஞர்களும், அந்தப் பகுதி மக்களும் மீட்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/20/ஆற்றில்-மூழ்கி-கல்லூரி-மாணவர்-சாவு-2792397.html
2792396 சென்னை திருவண்ணாமலை பூட்டிய வீட்டில் ரூ. ஒரு லட்சம் திருட்டு DIN DIN Friday, October 20, 2017 12:51 AM +0530 திருவண்ணாமலையில் பூட்டியிருந்த வீட்டில் ரூ.ஒரு லட்சம் ரொக்கம், மடிக்கணினிகளை திருடிச் சென்ற மர்ம நபர்களை போலீஸார் தேடி வருகின்றனர்.
திருவண்ணாமலை, வேங்கிக்கால், செல்லமுத்து நகரைச் சேர்ந்தவர் குணசேகரன். இவரது மகன் முரளிதரன் பெங்களூரில் உள்ள தனியார் நிறுவனத்தில் வேலை செய்கிறார்.
இவரைப் பார்க்க குணசேகரன், அவரது மனைவி கவுரி ஆகியோர் சில தினங்களுக்கு முன்பு வீட்டை பூட்டிவிட்டு பெங்களூரு சென்றனர். பின்னர், புதன்கிழமை குணசேகரன், கவுரி, முரளிதரன் ஆகியோர் வீடு திரும்பினர். அப்போது, வீட்டின் பூட்டு உடைக்கப்பட்டு பீரோவில் இருந்த ரூ.ஒரு லட்சம் ரொக்கம், 2 மடிக்கணினிகள் திருடப்பட்டு இருந்தது தெரியவந்தது. இதுகுறித்த புகாரின்பேரில் திருவண்ணாமலை கிழக்கு காவல் நிலைய போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-chennai/tiruvannamalai/2017/oct/20/பூட்டிய-வீட்டில்-ரூ-ஒரு-லட்சம்-திருட்டு-2792396.html
2792395 சென்னை திருவண்ணாமலை ஆஸ்ரம குழந்தைகளுக்கு புத்தாடை DIN DIN Friday, October 20, 2017 12:50 AM +0530 செங்கம் ஸ்ரீ ராமகிருஷ்ணா ஆஸ்ரமத்தில் உள்ள ஆதரவற்ற, ஏழைக் குழந்தைகளுக்கு புதன்கிழமை காலை புத்தாடைகள் வழங்கப்பட்டன.
செங்கம் - போளூர் சாலையில் உள்ள ஸ்ரீ ராமகிருஷ்ணா ஆஸ்ரமத்தில் செங்கம் பகுதியைச் சேர்ந்த ஆதரவற்ற, ஏழைக் குழந்தைகள் சுமார் 100 பேர் தங்கி படித்து வருகின்றனர்.
இந்த மாணவர்களுக்கு தீபாவளிப் பண்டிகையை முன்னிட்டு, பட்டாசு, இனிப்பு, புத்தாடை, சோப்பு, எண்ணெய் உள்ளிட்ட பொருள்கள் வழங்கும் நிகழ்ச்சி நடைபெற்றது.
நிகழ்ச்சியின்போது, செங்கம் நாகா ஜவுளிக்கடை சார்பில் மாணவர்களுக்கு புத்தாடைகளும், செங்கம் வாசவி சங்கம், வாசுகி சங்கம் சார்பில் இனிப்புகளும்,  ஓய்வு பெற்ற அரசுப் பள்ளித் தலைமை ஆசிரியர் சிவப்பிரகாசம் சார்பில் பட்டாசுகளும் வழங்கப்பட்டு, மாணவர்களுக்கு தீபாவளி வாழ்த்து தெரிவிக்கப்பட்டது.
ஸ்ரீ ராமகிருஷ்ணா அறக்கட்டளை நிர்வாகக் குழுத் தலைவர் எஸ்.பாண்டுரங்கன், செயலர் ராமமூர்த்தி மற்றும் வாசவி சங்க நிர்வாகிகள், ஸ்ரீ ராமகிருஷ்ணா ஆஸ்ரம ஊழியர்கள் உடனிருந்தனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/ஆஸ்ரம-குழந்தைகளுக்கு-புத்தாடை-2792395.html
2792394 சென்னை திருவண்ணாமலை அக்டோபர் 21 மின் தடை DIN DIN Friday, October 20, 2017 12:50 AM +0530 வேட்டவலம்
நேரம்:  காலை 9 மணி முதல் மாலை 6 மணி வரை.
பகுதிகள்: வேட்டவலம், கல்லாய் சொரத்தூர், ஆவூர், வைப்பூர், வீரப்பாண்டி, ஜமீன் அகரம், நாரையூர், பன்னியூர், வெண்ணியந்தல், ஓலைப்பாடி, நெய்வாநத்தம், அணுக்குமலை, பொன்னமேடு, மலையரசன்குப்பம், ஜமீன் கூடலூர், வயலூர், நீலந்தாங்கல், மழுவந்தாங்கல், அடுக்கம் மற்றும் அதைச் சுற்றியுள்ள கிராமங்கள்.

 

]]>
http://www.dinamani.com/all-editions/edition-chennai/tiruvannamalai/2017/oct/20/அக்டோபர்-21-மின்-தடை-2792394.html
2792393 சென்னை திருவண்ணாமலை விவசாயிகள் குறைதீர் கூட்டம் ரத்து DIN DIN Friday, October 20, 2017 12:49 AM +0530 திருவண்ணாமலை மாவட்ட ஆட்சியர் அலுவலகத்தில் வெள்ளிக்கிழமை (அக்டோபர் 20) நடைபெற இருந்த மாவட்ட அளவிலான விவசாயிகள் குறைதீர் கூட்டம் ரத்து செய்யப்பட்டுள்ளதாக மாவட்ட ஆட்சியர் கே.எஸ்.கந்தசாமி தெரிவித்தார்.
திருவண்ணாமலை மாவட்ட விவசாயிகள், விவசாய சங்கப் பிரதிநிதிகளின் குறைகள், கோரிக்கைகளை நேரில் கேட்டு நிவர்த்தி செய்யும் வகையில் மாதந்தோறும் மாவட்ட அளவிலான விவசாயிகள் குறைதீர் கூட்டம் நடத்தப்படுவது வழக்கம்.
அதன்படி, அக்டோபர் மாதத்துக்கான குறைதீர் கூட்டம் வெள்ளிக்கிழமை நடைபெறும் என்று மாவட்ட நிர்வாகம் ஏற்கெனவே அறிவித்திருந்தது. இந்த நிலையில், டெங்கு காய்ச்சல் தடுப்பு ஆய்வுப் பணிகள் காரணமாக விவசாயிகள் குறைதீர் கூட்டம் ரத்து செய்யப்பட்டுள்ளதாகவும், கூட்டம் நடைபெறும் தேதி பின்னர் அறிவிக்கப்படும் என்றும் மாவட்ட ஆட்சியர் கே.எஸ்.கந்தசாமி தெரிவித்துள்ளார்.

 

]]>
http://www.dinamani.com/all-editions/edition-chennai/tiruvannamalai/2017/oct/20/விவசாயிகள்-குறைதீர்-கூட்டம்-ரத்து-2792393.html
2792392 சென்னை திருவண்ணாமலை மங்கலம் பகுதி வீடுகளில் குடிநீர் தரப் பரிசோதனை DIN DIN Friday, October 20, 2017 12:48 AM +0530 திருவண்ணாமலையை அடுத்த மங்கலம் பகுதியில் உள்ள வீடுகளில் பயன்படுத்தப்படும் குடிநீரின் தரம் குறித்து மாவட்ட வருவாய் அலுவலர் பொ.ரத்தினசாமி தலைமையிலான அதிகாரிகள் வியாழக்கிழமை பரிசோதனை மேற்கொண்டனர்.
திருவண்ணாமலை மாவட்டத்தில் பொதுமக்கள் பயன்படுத்தும் குடிநீரின் தரம் குறித்து பரிசோதிக்கும் பணியில் அலுவலர்கள் ஈடுபட்டு வருகின்றனர். இதன் ஒரு பகுதியாக வியாழக்கிழமை மாவட்ட வருவாய் அலுவலர் பொ.ரத்தினசாமி தலைமையில், திருவண்ணாமலையை அடுத்த மங்கலம் பகுதியில் உள்ள வீடுகளில் குடிநீர் பரிசோதனை நடைபெற்றது.
மங்கலம், பஜனை கோயில் தெருவில் உள்ள வீடுகளில் மாவட்ட வருவாய் அலுவலர் பொ.ரத்தினசாமி தலைமையிலான அதிகாரிகள் வீடு, வீடாகச் சென்று குடிநீரை பரிசோதனை செய்தனர். அப்போது, பஜனை கோயில் தெருவில் கழிவு நீர் தேங்கி, துர்நாற்றம் வீசுவதாகப் பொதுமக்கள் புகார் தெரிவித்தனர்.
இதையடுத்து, கழிவுநீர் தேங்குவதை உடனே சரிசெய்ய வேண்டும் என்று ஊராட்சிச் செயலர், கிராம நிர்வாக அலுவலருக்கு மாவட்ட வருவாய் அலுவலர் பொ.ரத்தினசாமி உத்தரவிட்டார். ஆய்வின்போது, வட்டாட்சியர் ரவி, துணை வட்டாட்சியர் அமுல், வருவாய் அலுவலர் பிரேமாவதி, கிராம நிர்வாக அலுவலர் கமலேஷ் குமார், வட்டார மருத்துவ அலுவலர் எஸ்.பி.ராஜா ஆகியோர் உடனிருந்தனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/மங்கலம்-பகுதி-வீடுகளில்-குடிநீர்-தரப்-பரிசோதனை-2792392.html
2792391 சென்னை திருவண்ணாமலை வனத் துறை ஊழியர் வீட்டில் 25 பவுன் நகைகள், பணம் திருட்டு DIN DIN Friday, October 20, 2017 12:48 AM +0530 திருவண்ணாமலையில் ஓய்வு பெற்ற வனத் துறை ஊழியர் வீட்டின் பூட்டை உடைத்து 25 பவுன் தங்க நகைகள், ஒரு லட்சம் ரூபாய் ரொக்கத்தை மர்ம நபர்கள் திருடிச் சென்றனர்.
திருவண்ணாமலை வேங்கிக்கால் வள்ளியம்மை நகரைச் சேர்ந்தவர் ஓய்வு பெற்ற வனத் துறை ஊழியர் மாணிக்கம் (61). இவர், தனது மனைவி இந்திரா, மகன் விநாயகம் ஆகியோருடன் சில தினங்களுக்கு முன்பு தண்டராம்பட்டு வட்டம், சாத்தனூர் அணைக்குச் சென்றார். அங்குள்ள உறவினர் வீட்டில் மூவரும் சின தினங்கள் தங்கியிருந்தனர்.
இந்த நிலையில், புதன்கிழமை காலை மாணிக்கம் வீட்டின் பூட்டு உடைக்கப்பட்டிருப்பதை பார்த்த பொதுமக்கள், இதுகுறித்து அவருக்கு தகவல் தெரிவித்தனர். அவர் வந்து பார்த்த போது, வீட்டிலிருந்த பீரோ உடைக்கப்பட்டு, அதிலிருந்த 25 பவுன் தங்க நகைகள், ஒரு லட்சம் ரொக்கம் ஆகியவை திருடப்பட்டிருந்தது தெரிய வந்தது.
இதுகுறித்த புகாரின் பேரில், திருவண்ணாமலை கிழக்கு காவல் நிலைய போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-chennai/tiruvannamalai/2017/oct/20/வனத்-துறை-ஊழியர்-வீட்டில்-25-பவுன்-நகைகள்-பணம்-திருட்டு-2792391.html
2792390 சென்னை திருவண்ணாமலை பூட்டிய வீட்டில் ரூ. ஒரு லட்சம், மடிக்கணினிகள் திருட்டு DIN DIN Friday, October 20, 2017 12:48 AM +0530 திருவண்ணாமலையில் பூட்டியிருந்த வீட்டில் ரூ.ஒரு லட்சம் ரொக்கம், மடிக்கணினிகளை திருடிச் சென்ற மர்ம நபர்களை போலீஸார் தேடி வருகின்றனர்.
திருவண்ணாமலை, வேங்கிக்கால், செல்லமுத்து நகரைச் சேர்ந்தவர் குணசேகரன். இவரது மகன் முரளிதரன் பெங்களூரில் உள்ள தனியார் நிறுவனத்தில் வேலை செய்கிறார். இவரைப் பார்க்க குணசேகரன், அவரது மனைவி கவுரி ஆகியோர் சில தினங்களுக்கு முன்பு வீட்டை பூட்டிவிட்டு பெங்களூரு சென்றனர். பின்னர், புதன்கிழமை குணசேகரன், கவுரி, முரளிதரன் ஆகியோர் வீடு திரும்பினர்.
அப்போது, வீட்டின் பூட்டு உடைக்கப்பட்டு பீரோவில் இருந்த ரூ.ஒரு லட்சம் ரொக்கம், 2 மடிக்கணினிகள் திருடப்பட்டு இருந்தது தெரியவந்தது. இதுகுறித்த புகாரின்பேரில் திருவண்ணாமலை கிழக்கு காவல் நிலைய போலீஸார் வழக்குப் பதிந்து விசாரித்து வருகின்றனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/பூட்டிய-வீட்டில்-ரூ-ஒரு-லட்சம்-மடிக்கணினிகள்-திருட்டு-2792390.html
2792386 சென்னை திருவண்ணாமலை செங்கத்தில் குண்டும், குழியுமான சாலைகள்...! DIN DIN Friday, October 20, 2017 12:47 AM +0530 செங்கம் நகரில் உள்ள குண்டும், குழியுமான சாலைகளை சீரமைக்க நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என கோரிக்கை எழுந்துள்ளது.
துக்காப்பேட்டை முதல் போளூர் சாலை மேம்பாலம் வரை செங்கம் நகரில் பிரதான சாலை உள்ளது.
இந்த சாலையின் நடுவில் கடந்த 6 மாதங்களுக்கு முன்பு நெடுஞ்சாலைத் துறையினர் தடுப்புச் சுவர் அமைத்து சாலையை இரண்டாகப் பிரித்தனர்.
எனினும், சாலையில் ஏற்பட்டுள்ள பள்ளங்களை சரிசெய்யாமல் தடுப்புச் சுவர் மட்டும் அமைத்துச் சென்றதால், அண்மைக்காலமாக இந்தப் பகுதியில் பெய்து வரும் மழையால் துக்காப்பேட்டையில் உள்ள நெடுஞ்சாலைத் துறை அலுவலகம் அருகிலும், துக்காப்பேட்டை குளம்,  மசூதி அருகிலும், பழைய பேருந்து நிலைய பகுதியிலும் என சுமார் 5 இடங்களில் சாலையில் பெரிய பள்ளங்கள் ஏற்பட்டு, சாலை குண்டும், குழியுமாக காட்சியளிக்கிறது.
இதனால் வாகன ஓட்டிகள் மிகவும் சிரமத்துக்குள்ளாகி வருகின்றனர்.  மேலும், பள்ளங்கள் ஏற்பட்டுள்ள பகுதிகளில் சாலையோரங்களில் உள்ள கால்வாயை கடைக்காரர்கள் ஆக்கிரமித்துள்ளனர். இதன் காரணமாக சாலையோரங்களின் வழியாகவும் வாகன ஓட்டிகள் செல்ல முடியாத நிலை ஏற்பட்டுள்ளது.
எனவே, செங்கத்தில் துக்காப்பேட்டை முதல் போளூர் சாலை மேம்பாலம் வரை சாலையின் இருபுறமும் உள்ள ஆக்கிரமிப்புகளை அகற்றவும், சாலையில் ஏற்பட்டுள்ள பள்ளங்களை மூடி சாலையைச்  சீரமைக்கவும் நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என்பதே செங்கம் நகர மக்களின் எதிர்பார்ப்பாக உள்ளது.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/செங்கத்தில்-குண்டும்-குழியுமான-சாலைகள்-2792386.html
2792388 சென்னை திருவண்ணாமலை செய்யாற்றில் மூழ்கி கல்லூரி மாணவர் சாவு DIN DIN Friday, October 20, 2017 12:47 AM +0530 திருவண்ணாமலை மாவட்டம், போளூரை அடுத்த மண்டகொளத்தூர் கிராமத்தின் அருகே செல்லும் செய்யாற்றில் வியாழக்கிழமை குளிக்கச் சென்ற கல்லூரி மாணவர் தடுப்பணை ஷட்டரில் சிக்கி  உயிரிழந்தார்.
வம்பலூர் கிராமத்தைச் சேர்ந்தவர் ராஜேந்திரன் மகன் அன்பு (19). கல்லூரியில்  படித்து வந்தார். இவர், வம்பலூர் கிராமத்தைச் சேர்ந்த இளைஞர்கள் சிலருடன் மண்டகொளத்தூர் கிராமத்தின் அருகே செல்லும் செய்யாற்றில் குளிக்கச் சென்றார். பின்னர், ஆற்றில் உள்ள தடுப்பணையின் மீது ஏறிய அன்பு, ஆற்றினுள் குதிக்க முயன்றார். அப்போது, தவறுதலாக ஷட்டர் அருகே குதித்த அவர், ஷட்டரில் சிக்கி வெளியே வர முடியாமல் மூச்சுத் திணறி உயிரிழந்ததாகத் தெரிகிறது. இதையடுத்து, அவரது சடலத்தை உடன் சென்ற இளைஞர்களும், அந்தப் பகுதி மக்களும் மீட்டனர்.

 

 

]]>
http://www.dinamani.com/all-editions/edition-chennai/tiruvannamalai/2017/oct/20/செய்யாற்றில்-மூழ்கி-கல்லூரி-மாணவர்-சாவு-2792388.html
2792385 சென்னை திருவண்ணாமலை ஸ்ரீ ராமகிருஷ்ணா ஆஸ்ரம குழந்தைகளுக்கு புத்தாடை DIN DIN Friday, October 20, 2017 12:46 AM +0530 செங்கம் ஸ்ரீ ராம கிருஷ்ணா ஆஸ்ரமத்தில் உள்ள ஆதரவற்ற, ஏழைக் குழந்தைகளுக்கு புதன்கிழமை புத்தாடைகள் வழங்கப்பட்டன.
செங்கம் - போளூர் சாலையில் உள்ள ஸ்ரீ ராமகிருஷ்ணா ஆஸ்ரமத்தில் செங்கம் பகுதியைச் சேர்ந்த ஆதரவற்ற, ஏழைக் குழந்தைகள் சுமார் 100 பேர் தங்கி படித்து வருகின்றனர். இந்த மாணவர்களுக்கு தீபாவளி பண்டிகையை முன்னிட்டு, பட்டாசு, இனிப்பு, புத்தாடை, சோப்பு, எண்ணெய் உள்ளிட்ட பொருள்கள் வழங்கும் நிகழ்ச்சி நடைபெற்றது.
நிகழ்ச்சியின்போது, செங்கம் நாகா ஜவுளிக்கடை சார்பில் மாணவர்களுக்கு புத்தாடைகளும், செங்கம் வாசவி சங்கம், வாசுகி சங்கம் சார்பில் இனிப்புகளும்,  ஓய்வு பெற்ற அரசுப் பள்ளித் தலைமை ஆசிரியர் சிவப்பிரகாசம் சார்பில் பட்டாசுகளும் வழங்கப்பட்டு, மாணவர்களுக்கு தீபாவளி வாழ்த்து தெரிவிக்கப்பட்டது.
ஸ்ரீ ராமகிருஷ்ணா அறக்கட்டளை நிர்வாகக் குழுத் தலைவர் எஸ்.பாண்டுரங்கன், செயலர் ராமமூர்த்தி மற்றும் வாசவி சங்க நிர்வாகிகள், ஸ்ரீ ராமகிருஷ்ணா ஆஸ்ரம ஊழியர்கள் உடனிருந்தனர்.

]]>
http://www.dinamani.com/all-editions/edition-chennai/tiruvannamalai/2017/oct/20/ஸ்ரீ-ராமகிருஷ்ணா-ஆஸ்ரம-குழந்தைகளுக்கு-புத்தாடை-2792385.html
2792027 சென்னை திருவண்ணாமலை திருவண்ணாமலையில் தீபாவளி விற்பனை விறுவிறுப்பு: போக்குவரத்து நெரிசலால் மக்கள் பாதிப்பு DIN DIN Wednesday, October 18, 2017 01:01 AM +0530 திருவண்ணாமலை நகர துணிக் கடைகள், இனிப்பு மற்றும் பட்டாசுக் கடைகளில் செவ்வாய்க்கிழமை விறுவிறுப்பான விற்பனை நடைபெற்றது.
ஒரே நேரத்தில் ஏராளமானோர் திரண்டதால் திருவண்ணாமலை நகரச் சாலைகளில் கடும் போக்குவரத்து நெரிசல் ஏற்பட்டது. நாடு முழுவதும் புதன்கிழமை (அக். 18) தீபாவளிப் பண்டிகை கொண்டாடப்படுகிறது. இந்த நிலையில், கடந்த சில நாள்களாகவே தீபாவளி பண்டிகைக்குத் தேவையான புத்தாடைகள், பட்டாசுகள், இனிப்புகள் வாங்க கடைகளில் மக்கள் கூட்டம் அலைமோதி வருகிறது.
திருவண்ணாமலையில்: இந்த நிலையில், திருவண்ணாமலை நகரில் செவ்வாய்க்கிழமை காலை 10 மணி முதல் ஏராளமானோர் குவியத் தொடங்கினர். திருவண்ணாமலை தேரடித் தெரு, திருவூடல் தெரு, பெரிய தெரு, காந்தி சிலை, அண்ணா சிலை, காமராஜர் சிலை, திருவள்ளுவர் சிலை, வேங்கிக்கால் பகுதிகளில் உள்ள இனிப்புக் கடைகள், துணிக் கடைகள், பட்டாசுக் கடைகளில் பொதுமக்கள் கூட்டம் அலைமோதத் தொடங்கியது.
மாலை 4 மணிக்குப் பிறகு கடைகளில் அலைமோதிய கூட்டத்தின் அளவு 3 மடங்காக அதிகரித்தது. அனைத்துக் கடைகளிலும் விறுவிறுப்பான வியாபாரம் நடைபெற்றதால் வியாபாரிகள் மகிழ்ச்சி அடைந்தனர்.
கடும் போக்குவரத்து நெரிசல்: அதேநேரத்தில், திருவண்ணாமலை சின்னக்கடை தெரு, பெரியார் சிலை, காந்தி சிலை, தேரடித் தெரு, திருவூடல் தெருக்களில் செவ்வாய்க்கிழமை காலை முதலே கடும் போக்குவரத்து நெரிசல் ஏற்பட்டது. ஆட்டோக்களும், இருசக்கர வாகன ஓட்டிகளும் போக்குவரத்து நெரிசலில் சிக்கித் தவித்தனர். ஒரு தெருவைக் கடக்க அதிகபட்சமாக 45 நிமிடங்கள் வரை ஆனது.
சாலையோர வியாபாரம் விறுவிறுப்பு: இதேபோல, திருவண்ணாமலை தேரடித் தெருவில் ஏராளமான தாற்காலிக சாலையோர துணிக் கடைகள் அமைக்கப்பட்டு இருந்தன. இந்தக் கடைகளில் செவ்வாய்க்கிழமை காலை முதலே விறுவிறுப்பான விற்பனை நடைபெற்றது. ஏழைகள், நடுத்தர மக்கள் இந்த தாற்காலிகக் கடைகளில் தங்களது பட்ஜெட்டுக்கு ஏற்ற துணி வகைகளை ஆர்வமுடன் எடுத்துச் சென்றனர்.

]]>
http://www.dinamani.com/all-editions/edition-chennai/tiruvannamalai/2017/oct/18/திருவண்ணாமலையில்-தீபாவளி-விற்பனை-விறுவிறுப்பு-போக்குவரத்து-நெரிசலால்-மக்கள்-பாதிப்பு-2792027.html
2792025 சென்னை திருவண்ணாமலை டெங்கு தடுப்பு நடவடிக்கை ஆலோசனைக் கூட்டம் DIN DIN Wednesday, October 18, 2017 01:01 AM +0530 அனக்காவூர் ஊராட்சி ஒன்றிய அலுவலகத்தில் டெங்கு தடுப்பு நடவடிக்கை குறித்த ஆலோசனைக் கூட்டம் செவ்வாய்க்கிழமை நடைபெற்றது.
செய்யாறு கோட்ட அளவில் நடைபெற்ற இந்தக் கூட்டத்துக்கு திருவண்ணாமலை மாவட்ட ஆட்சியர் கே.எஸ்.கந்தசாமி தலைமை வகித்தார்.
கூட்டத்தின் போது செய்யாறு சுகாதார மாவட்டத்தில் சுகாதாரம், நகராட்சி, ஊராட்சி, கல்வித் துறை, மருத்துவத் துறை உள்ளிட்ட துறைகளில் டெங்கு தடுப்பு நடவடிக்கைகள் குறித்து ஆட்சியர் கேட்டறிந்தார்.
பின்னர், டெங்கு பாதிக்கப்பட்ட பகுதிகளில் கூடுதல் கவனம் செலுத்திடவும், கிராமம் மற்றும் நகராட்சிப் பகுதிகளில் சுகாதாரத்தை பேணிக்காத்திட வேண்டும் என்றும், பொது மக்களிடையே சுகாதாரம் குறித்து விழிப்புணர்வை ஏற்படுத்திட வேண்டும் என்றும் கேட்டுக் கொண்டார்.
மேலும், டெங்கு காய்ச்சலால் பாதிக்கப்பட்டவர்களுக்கு உடனடியாக சிகிச்சை அளித்தல், தொடர்ந்து கண்காணிப்புப் பணியில் ஈடுபடுதல், டெங்கு காய்ச்சல் தடுப்பு நடவடிக்கைகள் ஒவ்வொரு துறையும் ஒருங்கிணைந்து போர்க்கால அடிப்படையில் மேற்கொள்ளுதல் குறித்து தெரிவித்து ஆலோசனை வழங்கினார்.
நிகழ்ச்சியில் மாவட்ட வருவாய் அலுவலர் ரத்தினசாமி, மாவட்ட ஊரக வளர்ச்சி முகமை அலுவலர் லோகநாயகி, சுகாதாரப் பணிகள் துணை இயக்குநர் கோவிந்தன், செய்யாறு வருவாய் கோட்டாட்சியர் பெ. கிருபானந்தம், கோட்ட ஊராட்சி உதவி இயக்குநர் ஹரிகரன், மாவட்ட பூச்சியியல் வல்லுநர் கே.மணிவர்மா மற்றும் உள்ளாட்சி, நகராட்சி, சுகாதாரம், மருத்துவத் துறை கல்வித் துறை, வருவாய்த் துறை அலுவலர்கள் பலரும் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/டெங்கு-தடுப்பு-நடவடிக்கை-ஆலோசனைக்-கூட்டம்-2792025.html
2792023 சென்னை திருவண்ணாமலை இரவு 10 முதல் காலை 6 மணி வரை ஒலி எழுப்பும் பட்டாசுகளை வெடிக்க வேண்டாம்: ஆட்சியர் DIN DIN Wednesday, October 18, 2017 01:01 AM +0530 திருவண்ணாமலை மாவட்டத்தில் இரவு 10 மணி முதல் காலை 6 மணி வரை ஒலி எழுப்பும் பட்டாசுகளை வெடிக்க வேண்டாம் என்று பொதுமக்களுக்கு மாவட்ட ஆட்சியர் கே.எஸ்.கந்தசாமி வேண்டுகோள் விடுத்துள்ளார்.
பண்டிகை, திருவிழா காலங்களில் பட்டாசுகளை வெடிப்பதால் எழும் ஒலி மனிதனுக்கு தாற்காலிக செவிட்டுத் தன்மையையும், பட்டாசு வெடிப்பதால் ஏற்படும் தொடர் ஓசை நிரந்தர செவிட்டுத் தன்மையையும் ஏற்படுத்த வாய்ப்புள்ளது.
அதிக ஒலி, ஒளியுடன் கூடிய பட்டாசுகளை வெடிப்பதால் ஏற்படும் சுற்றுச்சூழல் மாசுவை தடுக்கும் வகையில் இரவு 10 மணி முதல் காலை 6 மணி வரை ஒலி எழுப்பக் கூடிய பட்டாசுகள் வெடிப்பதை நீதிமன்றம் தடை செய்துள்ளது. இதேபோல, அதிக ஒலி எழுப்பும் பட்டாசுகள் தயாரிப்பதிலும் கட்டுப்பாடுகளை நீதிமன்றம் விதித்துள்ளது.
பட்டாசு வெடிக்கும்போது ஏற்படும் ஒலியின் அளவானது 4 மீட்டர் தூரத்தில் 125 டெசிபல் அல்லது 145 டெசிபல் அளவுக்கு அதிகமாக இருக்கும் பட்டாசுகளை தயாரிக்கவோ, விற்கவோ, பயன்படுத்தவோ கூடாது என்று நீதிமன்றம் தெரிவித்துள்ளது.
இதேபோல, சில்லறை விற்பனையாளர்கள் மற்றும் கடைக்காரர்கள் 125 டெசிபல் அளவுக்கு மேல் ஒலி எழுப்பும் பட்டாசுகளை விற்கக்கூடாது. பொதுமக்கள் இரவு 10 மணி முதல் காலை 6 மணி வரை ஒலி எழுப்பக்கூடிய பட்டாசுகளை கண்டிப்பாக வெடிக்கக் கூடாது. 125 டெசிபல் அளவுக்கு கீழ் ஒலி எழுப்பக்கூடிய பட்டாசுகளை மட்டுமே வாங்க வேண்டும்.
ஒலி மற்றும் காற்று மாசு ஏற்படுத்தும் பட்டாசுகளைத் தவிர்த்து, வண்ண ஒளி தீபங்களால் தீபாவளியை சிறப்பாகக் கொண்டாடுவோம் என்று மாவட்ட ஆட்சியர் கே.எஸ்.கந்தசாமி கேட்டுக்கொண்டுள்ளார்.

 

]]>
http://www.dinamani.com/all-editions/edition-chennai/tiruvannamalai/2017/oct/18/இரவு-10-முதல்-காலை-6-மணி-வரை-ஒலி-எழுப்பும்-பட்டாசுகளை-வெடிக்க-வேண்டாம்-ஆட்சியர்-2792023.html
2792022 சென்னை திருவண்ணாமலை டெங்கு தடுப்புப் பணிகள்: கண்காணிப்பு அலுவலர்ஆய்வு DIN DIN Wednesday, October 18, 2017 01:00 AM +0530 திருவண்ணாமலை மாவட்டத்தில் மேற்கொள்ளப்பட்டு வரும் டெங்கு தடுப்புப் பணிகள் குறித்து தமிழக அரசின் முதன்மைச் செயலரும், திருவண்ணாமலை மாவட்டத்துக்கான கண்காணிப்பு அலுவலருமான தீரஜ்குமார் ஆய்வு செய்தார்.
மாவட்டத்தில் செயல்படுத்தப்படும் பல்வேறு வளர்ச்சிப் பணிகள், டெங்கு தடுப்பு நடவடிக்கைகள், வடகிழக்கு பருவமழை முன்னேற்பாட்டுப் பணிகள் குறித்த ஆய்வுக் கூட்டம் திங்கள்கிழமை நடைபெற்றது.
மாவட்ட ஆட்சியர் அலுவலகத்தில் நடைபெற்ற கூட்டத்துக்கு, ஆட்சியர் கே.எஸ்.கந்தசாமி தலைமை வகித்தார்.
மாவட்ட வருவாய் அலுவலர் பொ.ரத்தினசாமி, ஊரக வளர்ச்சி முகமை திட்ட இயக்குநர் க.லோகநாயகி, கோட்டாட்சியர் உமாமகேஸ்வரி முன்னிலை வகித்தனர்.
தமிழக இளைஞர் நலன் மற்றும் விளையாட்டு மேம்பாட்டுத் துறையின் முதன்மைச் செயலரும், திருவண்ணாமலை மாவட்டத்துக்கான கண்காணிப்பு அலுவலருமான தீரஜ்குமார் மாவட்டத்தில் செயல்படுத்தப்படும் பல்வேறு வளர்ச்சிப் பணிகள், டெங்கு தடுப்பு நடவடிக்கைகள் குறித்து அனைத்துத் துறை அதிகாரிகளுடன் ஆலோசனை மேற்கொண்டார்.
விளையாட்டு அரங்கில் ஆய்வு: பின்னர், மாவட்ட விளையாட்டு அரங்கில் அமைக்கப்பட்டு வரும் செயற்கை ஓடுதளம் அமைக்கும் பணிகள், பல்நோக்கு உள் விளையாட்டு அரங்கம், விளையாட்டு மாணவிகள் தங்கும் விடுதி ஆகிய இடங்களை தீரஜ்குமார் பார்வையிட்டு ஆய்வு செய்தார்.
மருத்துவமனைகளில் ஆய்வு:
இதையடுத்து, திருவண்ணாமலை அரசு மருத்துவக் கல்லூரி மருத்துவமனையில் காய்ச்சல், டெங்கு பாதிப்பால் சிகிச்சை பெற்று வருவோரிடம் முறையான சிகிச்சை அளிக்கப்படுகிறதா என்பது குறித்து கேட்டறிந்தார். ஆய்வகத்தில் முழுமையான ரத்த எண்ணிக்கை உபகரணம் உள்ளதா?, ஆய்வகத்தில் செய்யப்படும் பரிசோதனைகள் குறித்தும் கண்காணிப்பு அலுவலர் தீரஜ்குமார் கேட்டறிந்தார்.
இதேபோல, செங்கம் அரசு மருத்துவமனை, மேல்பள்ளிப்பட்டு, மேல்புழுதியூர் கிராமங்களிலும் அவர் நேரடி ஆய்வு மேற்கொண்டார். அப்போது, வீடுகளில் கொசு உற்பத்தியாகும் இடங்களைக் கண்டறிந்து பிளீச்சிங் பவுடர் உபயோகிக்க அறிவுறுத்தினார்.
இதையடுத்து செய்தியாளர்களுக்குப் பேட்டியளித்த தீரஜ்குமார், திருவண்ணாமலை மாவட்டத்தில் டெங்கு தடுப்பு நடவடிக்கைகள் திருப்தியாக உள்ளது. மாவட்ட நிர்வாகம் பல்வேறு டெங்கு தடுப்பு மற்றும் விழிப்புணர்வு நடவடிக்கைகளை மேற்கொண்டு வருகிறது என்றார்.
ஆய்வின்போது, ஆட்சியரின் நேர்முக உதவியாளர் (பொது) பா.ஜானகி, சுகாதாரப் பணிகள் துணை இயக்குநர்கள் மீரா, கோவிந்தன், அரசு மருத்துவக் கல்லூரி முதல்வர் நடராஜன், கண்காணிப்பாளர் ஷகில் அஹமது, திருவண்ணாமலை நகராட்சி ஆணையர் செ.பாரிஜாதம் உள்பட அரசு அதிகாரிகள் உடனிருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/டெங்கு-தடுப்புப்-பணிகள்-கண்காணிப்பு-அலுவலர்ஆய்வு-2792022.html
2792021 சென்னை திருவண்ணாமலை செய்யாறு பள்ளியில் முப்பெரும் விழா DIN DIN Wednesday, October 18, 2017 01:00 AM +0530 செய்யாறு விஸ்டம் வித்யாஷ்ரம் மேல்நிலைப் பள்ளியில் அப்துல் கலாமின் பிறந்த நாள் விழா, பாதுகாப்பாக தீபாவளி கொண்டாடுவது, மாணவர்களுக்கான சிகரம் தொடு விழிப்புணர்வு நிகழ்ச்சி என முப்பெரும் விழாவாக திங்கள்கிழமை நடைபெற்றது.
விழாவிற்கு தலைமை வகித்த விஸ்டம் கல்வி அறக்கட்டளைத் தலைவர் டி.ஜி.மணி, அப்துல்கலாமின் படத்திற்கு மாலை அணிவித்து மரியாதை செலுத்தியதுடன், கலாமின் வாழ்க்கை வரலாற்றை பள்ளி மாணவர்களிடையே குறிப்பிட்டுப் பேசினார்.
பின்னர், தீயணைப்புத் துறை சார்பில் பாதுகாப்பாக தீபாவளி கொண்டாடுவது குறித்தும், பாதுகாப்பாக பட்டாசு வெடிப்பது குறித்தும், மழைக் காலங்களில் குழந்தைகளை ஏரி, குளம் ஆகிய பகுதிகளுக்குச் செல்லாமல் அவர்களின் பெற்றோர்கள் கவனித்துக் கொள்ளுதல் குறித்தும் தெரிவித்து விழிப்புணர்வு ஏற்படுத்தினார்.
செய்யாறு ரிவர்சிட்டி அரிமா சங்கம் சார்பில் பள்ளியில் 10,11,12 ஆகிய வகுப்பு மாணவர்களுக்கு சிகரம் தொடு என்னும் கல்வி வழிக்காட்டி விழிப்புணர்வில் அரிமா சங்க முன்னாள் மாவட்ட ஆளுநர் வி.எஸ்.தளபதி தலைமையிலான குழுவினர் பங்கேற்று மாணவர்களின் கல்வித் திறன் மேம்பாடு, உயர்கல்வி, ஞாபகசக்தியை அதிகப்படுத்துதல், வேலைவாய்ப்பு குறித்து தெரிவித்து விழிப்புணர்வு ஏற்படுத்தினர். முதல்வர் எஸ்.தண்டயுதபாணி, பள்ளி ஆசிரியர்கள் மற்றும் ரிவர்சிட்டி அரிமா சங்கத்தினர் ஏற்பாடுகளை செய்திருந்தனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/செய்யாறு-பள்ளியில்-முப்பெரும்-விழா-2792021.html
2792020 சென்னை திருவண்ணாமலை மாணவர்களுக்கு இரும்புச் சத்து குறித்து விழிப்புணர்வு DIN DIN Wednesday, October 18, 2017 01:00 AM +0530 செங்கம் அருகே கல்லூரி மாணவர்களுக்கு இரும்புச் சத்து குறித்து விழிப்புணர்வுக் கூட்டம் செவ்வாய்க்கிழமை நடைபெற்றது.
செங்கத்தை அடுத்த செ.நாச்சிப்பட்டு சக்தி பாலிடெக்னிக் கல்லூரியில் ரோட்டரி சங்கம் சார்பில் மாணவர்களுக்கு இரும்புச் சத்து குறித்த விழிப்புணர்வுக் கூட்டம் நடைபெற்றது.
கூட்டத்திற்கு கல்லூரி முதல்வர் பரிமளாஜெயந்தி தலைமை வகித்தார். ரோட்டரி சங்கத் தலைவர் குப்புசாமி வரவேற்றார். சிறப்பு விருந்தினராக மாவட்ட ரோட்டரி ரத்தசோகை தடுப்பு மற்றும் விழிப்பணர்வு சேர்மன் நந்தகுமார் கலந்துகொண்டு மாணவர்களிடம் இரும்புச் சத்தின்அத்தியாவசியங்கள் குறித்தும், இரும்புச் சத்து குறைவினால் ஏற்படும் நோய்கள் குறித்தும், மேலும் மாணவர்கள் நல்ல ஆரோக்கியத்துடன் இருக்க பல்வேறு தகவல்களை மாணவர்களிடம் தெரிவித்துப் பேசினார். பேராசிரியர்கள், மாணவ, மாணவிகள் கலந்துகொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/மாணவர்களுக்கு-இரும்புச்-சத்து-குறித்து-விழிப்புணர்வு-2792020.html
2792019 சென்னை திருவண்ணாமலை சாரண இயக்க விழாவில் சர்வ சமய வழிபாடு DIN DIN Wednesday, October 18, 2017 12:59 AM +0530 கீழ்பென்னாத்தூர் ஆசிரியர் கல்வி மற்றும் பயிற்சி நிறுவனத்தில் திங்கள்கிழமை நடைபெற்ற சாரண-சாரணீய இயக்க நிறைவு விழாவில், சர்வ சமய வழிபாடு நடைபெற்றது.
3 நாள்கள் நடைபெற்ற சாரண-சாரணீய இயக்க முகாமில், அணி முறைகள், முதலுதவி கட்டுகள், உடற்பயிற்சி முடிச்சுகள், மரம் நடும் விழா, நிலவேம்புக் குடிநீர் வழங்குதல், டெங்கு விழிப்புணர்வு, சாரணர் விளையாட்டுகள், ஊக்க ஒலிகள், சாரணர் இயக்க வரலாறு, சாரணர் குறிக்கோள் உள்ளிட்ட தலைப்புகளில் பயிற்சிகள் அளிக்கப்பட்டன. இதில், 50 சாரண-சாரணியர்கள் கலந்து கொண்டு பயிற்சி பெற்றனர்.
இதன் நிறைவு விழா நிகழ்ச்சிக்கு, பயிற்சி நிறுவன முதல்வர் ப.ராமலிங்கம் தலைமை வகித்து, சாரண-சாரணீய இயக்க கண்காட்சியை திறந்து வைத்தார். தொடர்ந்து நடைபெற்ற சர்வ சமய வழிபாடு நிகழ்ச்சிக்கு, பாரத சாரண-சாரணிய இயக்க மாவட்டச் செயலாளர் பியூலா கரோலின் தலைமை வகித்தார்.
சாரணர் இயக்க மண்டல அலுவலர் மு.சீனுவாசவரதன் சிறப்பு அழைப்பாளராக பங்கேற்றுப் பேசினார். 50 சாரண-சாரணீயர் சர்வ சமய வழிபாட்டில் ஈடுபட்டனர். இந்து, கிறிஸ்தவ, இஸ்லாமிய மத நல்லிணக்க பாடல்கள் பாடப்பட்டன.
இதில், முதுநிலை விரிவுரையாளர் மு.சண்முகம், பாரத சாரண இயக்க மாவட்ட அணைப்பு ஆணையர் ம.தட்சிணாமூர்த்தி, சாரணர் இயக்க ஒருங்கிணைப்பாளர் ப.குமரன் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/சாரண-இயக்க-விழாவில்-சர்வ-சமய-வழிபாடு-2792019.html
2792018 சென்னை திருவண்ணாமலை மாவட்ட கல்வி தேர்ச்சி விகிதத்தை உயர்த்த வலியுறுத்தல் DIN DIN Wednesday, October 18, 2017 12:59 AM +0530 திருவண்ணாமலை மாவட்டத்தை கல்வி தேர்ச்சி விகிதத்தில் மாநிலத்திலேயே முதல் 5 இடங்களுக்குள் கொண்டுவர வேண்டும். இதற்கான அனைத்து முயற்சிகளையும் எடுக்க வேண்டும் என்று கீழ்பென்னாத்தூர் ஒன்றிய பெற்றோர் ஆசிரியர் கழகக் குழு தீர்மானம் நிறைவேற்றியுள்ளது.
கீழ்பென்னாத்தூர் ஒன்றியத்தில் உள்ள 18 அரசு உயர்நிலை, மேல்நிலைப் பள்ளிகளின் தலைவர்கள், உறுப்பினர்களைக் கொண்ட பெற்றோர் ஆசிரியர் கழகக் குழு ஏற்படுத்தப்பட்டது. இந்தக் குழுவின் தலைவராக எஸ்.தட்சிணாமூர்த்தி, செயலராக எஸ்.குமார் (எ) கிருஷ்ணராஜ், பொருளாளராக பி.ஞானசேகரன் தேர்வு செய்யப்பட்டனர்.
இதுதவிர, செயற்குழு உறுப்பினர்களாக சி.குணரத்தினம், கே.ஜி.சற்குணன், கே.பி.அயோத்தி, ஜெகஜீவன்ராம், சிவசங்கரன், கருணாகரன், எம்.கார்த்திகேயன், துணைத் தலைவராக ரங்கநாதன், துணைச் செயலராக அண்ணாமலை ஆகியோர் தேர்வு செய்யப்பட்டனர்.
தொடர்ந்து நடைபெற்ற பெற்றோர் ஆசிரியர் கழகக் குழுக் கூட்டத்தில், திருவண்ணாமலை மாவட்டத்தை கல்வி தேர்ச்சி விகிதத்தில் மாநிலத்தில் முதல் 5 இடங்களுக்குள் கொண்டு வருவதற்கான நடவடிக்கைகளை எடுக்க வேண்டும். பள்ளிகளுக்குத் தேவையான அனைத்து வசதிகளையும் அரசிடம் இருந்து பெற்றுத் தருவது. பள்ளிக்குத் தேவையான மேஜை, நாற்காலி, பென்ச், சுத்திகரிக்கப்பட்ட குடிநீர் ஆகியவற்றை எம்எல்ஏ, எம்.பி. தொகுதி நிதியில் இருந்து பெறுவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
கூட்டத்தில், ஒன்றிய பொருளாளர் ஞானசேகரன் மற்றும் நிர்வாகிகள் பலர் கலந்து கொண்டனர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/மாவட்ட-கல்வி-தேர்ச்சி-விகிதத்தை-உயர்த்த-வலியுறுத்தல்-2792018.html
2792017 சென்னை திருவண்ணாமலை ஆசிரியரின் கழுத்தை அறுத்த இளைஞர் பிடிபட்டார் DIN DIN Wednesday, October 18, 2017 12:59 AM +0530 போளூர் அரசு மகளிர் மேல்நிலைப் பள்ளியில் கணித ஆசிரியரின் கழுத்தை அறுத்த இளைஞரை போளூர் போலீஸார் செவ்வாய்க்கிழமை கைது செய்தனர்.
போளூர் அரசு மகளிர் மேல்நிலைப் பள்ளியில் கணித ஆசிரியராக கார்த்திகேயன்(35) பணிபுரிந்து வருகிறார். திங்கள்கிழமை காலை ஆசிரியர் கார்த்திகேயனை கழுத்தை பிளேடால் அறுத்திவிட்டு தப்பித்த இளைஞரை போளூர் போலீஸார் தேடி வந்தனர்.
இந்நிலையில், செவ்வாய்க்கிழமை காலை போளூர் பேருந்து நிலையத்தில் வாகனத் தணிக்கையில் போலீஸார் ஈடுபட்டிருந்தனர். அப்போது சந்தேகத்தின் பேரில் வாகனத்தில் சென்ற இளைஞரை மடக்கி விசாரணை நடத்தியதில், அவர் போளூர் காமராஜ் தெருவைச் சேர்ந்த கார்த்திக் (32)  என்பது தெரிய வந்தது.
இதையடுத்து, கார்த்திக்கிடம் விசாரணை நடத்தியதில் அவர் கூறியதாவது: எனது நெருங்கிய உறவினரின் 17 வயது மகளை எனது சொந்த செலவில் 11-ஆம் வகுப்பு படிக்க வைத்து வந்தேன். அவரை கணித ஆசிரியர் கார்த்திகேயனிடம் தனிப் பயிற்சி வகுப்புக்கு அனுப்பி வந்தேன். அந்த மாணவியிடம் ஆசிரியர் கார்த்திகேயன் தவறான முறையில் நடப்பதாக, மாணவி தெரிவித்ததை அடுத்து ஆத்திரமடைந்து ஆசிரியர் கார்த்திகேயனை கழுத்தை பிளேடால் கீறினேன் எனத் தெரிவித்தார்.

 

]]>
http://www.dinamani.com/all-editions/edition-chennai/tiruvannamalai/2017/oct/18/ஆசிரியரின்-கழுத்தை-அறுத்த-இளைஞர்-பிடிபட்டார்-2792017.html
2792016 சென்னை திருவண்ணாமலை மாநில கேரம் போட்டிக்கு தகுதி பெற்ற மாணவருக்கு பாராட்டு DIN DIN Wednesday, October 18, 2017 12:58 AM +0530 மாநில அளவிலான கேரம் போட்டியில் விளையாட தேர்வு செய்யப்பட்ட திருவண்ணாமலை சண்முகா தொழிற்சாலை அரசு மேல்நிலைப் பள்ளி மாணவருக்கு பள்ளியில் பாராட்டு விழா நடைபெற்றது.
தமிழ்நாடு விளையாட்டு மேம்பாட்டு ஆணையம் சார்பில் அண்மையில் மாவட்ட அளவிலான கேரம் போட்டிகள் நடைபெற்றன. இதில், மாவட்டம் முழுவதும் இருந்து பல்வேறு பள்ளிகளைச் சேர்ந்த மாணவ-மாணவிகள் கலந்து கொண்டனர்.
திருவண்ணாமலை சண்முகா தொழிற்சாலை அரசு மேல்நிலைப் பள்ளி மாணவர் ஏ.விஜயகுமார் ஒற்றையர் பிரிவில் முதலிடம் பிடித்து மாநில அளவிலான போட்டியில் பங்கேற்க தேர்வு செய்யப்பட்டார். இதேபோல, மகளிருக்கான ஒற்றையர் பிரிவில் 9-ம் வகுப்பு மாணவி மாலினி இரண்டாம் இடம் பிடித்தார்.
போட்டியில் வென்ற மாணவி, மாநில அளவிலான போட்டிக்கு தேர்வு செய்யப்பட்ட மாணவருக்குப் பள்ளியில் திங்கள்கிழமை பாராட்டு விழா நடைபெற்றது.
பள்ளித் தலைமை ஆசிரியர் எஸ்.அருணகிரி, உடற்கல்வி இயக்குநர் பி.சவுமியா, உடற்கல்வி ஆசிரியர்கள் என்.சுரேஷ்குமார், ஆர்.ஆனந்தன் மற்றும் ஆசிரிய-ஆசிரியைகள் பாராட்டினர்.

 

]]>
http://www.dinamani.com/all-editions/edition-chennai/tiruvannamalai/2017/oct/18/மாநில-கேரம்-போட்டிக்கு-தகுதி-பெற்ற-மாணவருக்கு-பாராட்டு-2792016.html
2792015 சென்னை திருவண்ணாமலை கலாம் பிறந்த நாள் விழா: சிறப்பு கவியரங்கம், பட்டிமன்றம் DIN DIN Wednesday, October 18, 2017 12:58 AM +0530 அப்துல் கலாம் பிறந்த நாளையொட்டி, வேட்டவலம் கவியரசு கண்ணதாசன் இலக்கியப் பேரவை, கலாம் உதவும் கரங்கள் சார்பில் சிறப்புக் கவியரங்கம் மற்றும் பட்டிமன்றத்தை செவ்வாய்க்கிழமை நடைபெற்றது.
நிகழ்ச்சிக்கு, அனைவருக்கும் கல்வி இயக்கக மாவட்ட ஒருங்கிணைப்பாளர் ஷோபாதேவி தலைமை வகித்தார். பள்ளித் தலைமை ஆசிரியர் செந்தில்குமார், பின்னணிப் பாடகர் செந்தில்வேலன், குட்வில் மெட்ரிக் பள்ளித் தாளாளர் இளங்கோவன் முன்னிலை வகித்தனர்.
'சிகரம் தொட்ட கலாம்' என்ற தலைப்பில் சிறப்புக் கவியரங்கம் நடைபெற்றது. நிகழ்ச்சிக்கு, பாரதி சுகுமாரன் தலைமை வகித்தார்.
கவிஞர்கள் பிரசன்னா, ஜீவா அசோகன், மேலூர் ராஜேஷ், பொள்ளாச்சி பாபு, கல்யாணி நடராஜன், அரசுப் பள்ளி மாணவர்கள், மூர்த்தி மெட்ரிக் மேல்நிலைப் பள்ளி, குட்வில் மெட்ரிக் மேல்நிலைப் பள்ளி மாணவர்கள் கவிதைகள் வாசித்தனர்.
சிறப்பு பட்டிமன்றம்: இதையடுத்து, சின்னத்திரை நடிகர் எஸ்.எஸ்.இஸ்மாயில் தலைமையில் குடும்ப சுமையை அதிகம் சுமப்பது ஆண்களா?, பெண்களா? என்ற தலைப்பில் சிறப்பு நகைச்சுவை பட்டிமன்றம் நடைபெற்றது. குடும்பச் சுமையை அதிகம் சுமப்பது ஆண்களே என்ற தலைப்பில் கவிஞர்கள் சு.பச்சையம்மாள்,
எஸ்.தேவிகாராணி, சுபத்ராவாணி, இளையராஜா ஆகியோர் வாதிட்டனர்.
பெண்களே என்ற தலைப்பில் கவிஞர்கள் க.ஜெய்சங்கர், வ.தினகரன், எஸ்.சவுமியா, கல்யாணி ஆகியோர் வாதிட்டனர். பின்னர், கட்டுரை, பேச்சு, ஓவியப் போட்டிகளில் வென்ற பள்ளி
மாணவ-மாணவிகளுக்கு பரிசு மற்றும் சான்றிதழ் வழங்கப்பட்டது.

 

]]>
http://www.dinamani.com/all-editions/edition-chennai/tiruvannamalai/2017/oct/18/கலாம்-பிறந்த-நாள்-விழா-சிறப்பு-கவியரங்கம்-பட்டிமன்றம்-2792015.html
2792014 சென்னை திருவண்ணாமலை ஆயிரம் ஆண்டுகள் பழைமையான அய்யனார் சிலை கண்டெடுப்பு DIN DIN Wednesday, October 18, 2017 12:58 AM +0530 ஆரணி அருகே கே.கே.தோப்பு கிராமத்தில் உள்ள வயல்வெளியில் ஆயிரம் ஆண்டுகள் பழைமையான அய்யனார் சிலை பாதி நிலையில் புதைந்து இருந்தது கண்டெடுக்கப்பட்டது.
திருவண்ணாமலை மரபுசார் அமைப்பு மூலம் ஆரணி பகுதியில் களஆய்வு பணி மேற்கொள்ளப்பட்டது. அமைப்பின் தலைவரும், தொல்லியல் ஆர்வலருமான ராஜ்பன்னீர்செல்வம் மற்றும் அப்பகுதியைச் சேர்ந்த புவியியலாளர் ராமகிருஷ்ணனின் களஆய்வின்போது முள்ளண்டிரம் கிராமத்தின் அருகே ஒரு வயல்வெளியில் பாதி புதையுண்ட நிலையை ஒரு சிலையை கண்டறிந்தனர்.
இது குறித்த நிலத்தின் உரிமையாளரிடம் விசாரித்தபோது அச்சிலை என்னவென்று தங்களுக்கு தெரியாது என்றும், ஆனால் எல்லை சாமியாக தாங்கள் கருதுவதால் தை மாதத்தில் மட்டும் பொங்கல் வைத்து வழிபடுவோம் என்ற தகவலை கூறியுள்ளனர். அச்சிலையை மேலும் ஆய்வு செய்வதற்காக நிலத்தின் உரிமையாளர் ஒப்புதலுடன் சுத்தம் செய்து பார்க்கையில், அச்சிலை அய்யனார் சிலை என்பது தெரியவந்தது. பின்னர் இது குறித்து உருவஇயல் ஆய்வாளர் பாலசுப்பிரமணியன் கூறியது, இச்சிலை சுமார் 4 அடி உயரமும், 3அடி அகலமும் கொண்ட பலகை கல்லில் புடைப்பு சிற்பமாக இந்த அய்யனார் சிற்பம் செதுக்கப்பட்டுள்ளது. இந்த அய்யனாரின் தலையை அடர்ந்த ஜடாபாரம் அலங்கரிக்கிறது.
மேலும் இரு காதுகளிலும் வட்டமான பத்ரகுண்டலம் அணிந்து எடுப்பான மூக்கு, தடித்த உதடுகளை உடைய திருவாய், அகன்ற தோள் ஆகிய அம்சங்களுடன் ஜடாபாரத்தின் இடதுபுறம் பிறை நிலாவுடன் அழகாக காட்சி தருவதே இச்சிற்பத்தின் சிறப்பம்சமாகும்.
இதைத் தவிர வழக்கமாக அய்யனாருக்கு சொல்லப்படும் கையில் உள்ள ஆயுதமான செண்டையை வலகரத்தில் உயர்த்திப்பிடிக்கும் இடக்கையை நீட்டியும், அவரது வாகனமான யானையின் மீது உட்குதிகாசன் முறையில் அமர்ந்திருப்பதுபோல காட்டப்பட்டுள்ளது. அய்யனாரின் வாகனமான யானையும் முன்புறத்தோற்றத்தில் சிறிய தந்தங்களுடன் அவரது தும்பிக்கையை இடதுபுறம் மடித்தவாறு அமைத்துள்ளது.
இந்த காரணிகளை வைத்து பார்க்கையில் இதன் காலம் ஒன்பதாம் நூற்றாண்டின் இறுதி அல்லது 10ம் நூற்றாண்டின் தொடக்கமாக கருதலாம் என்று கூறினார்.

 

]]>
http://www.dinamani.com/all-editions/edition-chennai/tiruvannamalai/2017/oct/18/ஆயிரம்-ஆண்டுகள்-பழைமையான-அய்யனார்-சிலை-கண்டெடுப்பு-2792014.html