Dinamani - திருவள்ளூர் - http://www.dinamani.com/all-editions/edition-chennai/thiruvallur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3023702 சென்னை திருவள்ளூர் சமத்துவ மக்கள் கழக பொதுக்கூட்டம்  மாதவரம் DIN Sunday, October 21, 2018 12:36 AM +0530 சென்னை கொளத்தூரில் வடசென்னை மேற்கு மாவட்ட சமத்துவ மக்கள் கழகம் சார்பில் கொள்கை விளக்கப் பொதுக்கூட்டம், அக்கட்சியின் வடசென்னை மேற்கு மாவட்ட செயலாளர் வில்லியம்ஸ் தலைமையில் செவ்வாய்க்கிழமை நடைபெற்றது.
 கூட்டத்தில், மாவட்ட இளைஞரணி செயலாளர் தளபதி பாலு, மாவட்ட துணைச் செயலாளர் அருண் சாமுவேல், பகுதிச் செயலாளர்கள் ரமேஷ் கண்ணன், அந்தோணி செல்லதுரை ஆகியோர் முன்னிலை வகித்தனர். கொளத்தூர் பகுதி செயலாளர் செல்வகுமார் வரவேற்றார். சமத்துவ மக்கள் கழக நிறுவனர் எர்ணாவூர் நாராயணன் சிறப்புரையாற்றினார்.
 
 
 
 

]]>
http://www.dinamani.com/all-editions/edition-chennai/thiruvallur/2018/oct/21/சமத்துவ-மக்கள்-கழக-பொதுக்கூட்டம்-3023702.html
3023701 சென்னை திருவள்ளூர் நாரிசக்தி புரஸ்கார் விருதுக்கு அக்.24-க்குள் விண்ணப்பிக்கலாம்  திருவள்ளூர், DIN Sunday, October 21, 2018 12:35 AM +0530 பெண்களின் பொருளாதார முன்னேற்றம் மற்றும் சமுதாய முன்னேற்றம் போன்ற பாலின பாகுபாடுகளை களையும் வகையில் சேவை புரிந்தோர் நாரிசக்தி புரஸ்கார் விருது பெற வரும் 24-ஆம் தேதிக்குள் விண்ணப்பிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார்.
 இதுகுறித்து அவர் சனிக்கிழமை வெளியிட்டுள்ள செய்திக் குறிப்பு: மத்திய பெண்கள் மற்றும் குழந்தைகள் நல அமைச்சகம் மூலம் பெண்களின் பொருளாதாரம் மற்றும் சமுதாய முன்னேற்றத்துக்கு பாடுபட்டதுடன், பாலினப் பாகுபாடுகளையும் போக்கும் வகையில் சேவை புரிந்த தனிநபர் குழு, நிறுவனம் அல்லது தன்னார்வத் தொண்டு நிறுவனங்களுக்கு ஆண்டுதோறும் நாரிசக்தி புரஸ்கார் விருது வழங்கப்பட்டு வருகிறது. அந்த வரையில், வரும் 2019 ஆண்டுக்கான இவ்விருது பெற விரும்புவோர் மேற்குறிப்பிட்ட நாள்களுக்குள் விண்ணப்பிக்கலாம்.
 இதற்கான தகுதி மற்றும் நிபந்தனைகளாக பெண்களின் பொருளாதாரம் மற்றும் சமுதாய முன்னேற்றத்துக்காகவும் பாலினப் பாகுபாடுகளைக் களையும் வகையில் சேவைப்பணி ஆற்றியிருக்க வேண்டியது அவசியம். தனிநபர் விண்ணப்பிக்கும் பட்சத்தில் 25 வயது நிரம்பியவாரக இருக்க வேண்டும். நிறுவனம் அல்லது தன்னார்வத் தொண்டு நிறுவனம் விண்ணப்பிக்கும் பட்சத்தில், குறைந்தது 5 ஆண்டுகள் இத்துறையில் சேவை புரிந்திருக்க வேண்டும்.
 இதற்கான விண்ணப்பங்களைப் பெற மாவட்ட சமூக நல அலுவலகம், 2-ஆவது தளம், ஆட்சியர் அலுவலக வளாகம், திருவள்ளூர்-602001 என்ற முகவரியில் நேரில் வந்து அலுவலக வேலை நாள்களில் காலை 10 முதல் மாலை 5 மணி வரையில் விலையில்லாமல் பெற்றுச் செல்லலாம். அதையடுத்து, விண்ணப்பங்களைப் பூர்த்தி செய்து, அதனுடன் அனைத்து ஆவணங்களையும் இணைத்து அக்டோபர் 24-ஆம் தேதிக்குள் சமர்ப்பிக்க வேண்டும். இது தொடர்பான தகவல்களுக்கு நேரில் அலுவலகத்தை அணுகி அறிந்து கொள்ளலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/thiruvallur/2018/oct/21/நாரிசக்தி-புரஸ்கார்-விருதுக்கு-அக்24-க்குள்-விண்ணப்பிக்கலாம்-3023701.html
3023658 சென்னை திருவள்ளூர் டெங்குவை கட்டுப்படுத்த பொதுமக்களின் ஒத்துழைப்பு தேவை: ஆட்சியர் வலியுறுத்தல் DIN DIN Saturday, October 20, 2018 11:45 PM +0530
திருவள்ளூர் மாவட்டத்தில் டெங்கு காய்ச்சலைக் கட்டுப்படுத்த பொதுமக்கள், வணிகர் உள்ளிட்ட அனைத்து தரப்பினரும் ஒத்துழைப்பு அளிப்பதுடன், தாங்கள் பயன்படுத்தும் பகுதிகளை சுத்தமாக வைத்துக் கொள்ளவும் வேண்டும் என ஆட்சியர் மகேஸ்வரி ரவிகுமார் வலியுறுத்தினார்.
திருவள்ளூர் ஜே.என்.சாலையில் உள்ள தனியார் அரங்கத்தில் பொது சுகாதாரம் மற்றும் நோய்த் தடுப்பு மருந்துத் துறை சார்பில், டெங்கு கொசு உற்பத்தி மற்றும் தொற்றுநோய்கள் தடுப்பது தொடர்பாக பொதுமக்கள், வணிகர் மற்றும் தொழிற்சாலை பிரதிநிதிகள், ஓய்வுபெற்ற அலுவலர்கள் சங்கம், தொண்டு நிறுவனம் நிர்வாகிகள் ஆகியோருக்கு விழிப்புணர்வை ஏற்படுத்தும் நோக்கில் சனிக்கிழமை சிறப்பு கலந்தாய்வு முகாம் நடைபெற்றது.
நிகழ்ச்சிக்கு, ஆட்சியர் மகேஸ்வரி ரவிகுமார் தலைமை வகித்துப் பேசியதாவது: திருவள்ளூர் மாவட்டத்தில் டெங்கு கொசு ஒழிப்புப் பணி போர்க்கால அடிப்படையில் மேற்கொள்ளப்பட்டு வருகிறது. அதற்கு முன்னதாக டெங்கு கொசுப்புழு ஒழிப்பு பணிக்காக பணியாளர்கள் செல்லும்போது வீடுகள், பள்ளி வளாகங்கள், திரையரங்குகள், வணிக வளாகங்கள், கட்டுமானப் பணிகள் நடைபெறும் இடம், காலி மனைகள், மருத்துவமனைகளில் மழைத் தண்ணீர் தேங்குமாறு வெளிப்புறங்களில் வைக்கப்பட்டுள்ள உடைந்த பொருள்கள், உடைந்த மின்சாதனங்கள், பிளாஸ்டிக் குவளைகள், தட்டுகள், சிமென்ட் தொட்டிகள், தண்ணீர் தொட்டிகள், தேங்காய் சிரட்டைகள், டயர்களில் டெங்கு கொசுவை உருவாக்கும் புழுக்கள் ஆகியவை கண்டுபிடிக்கப்பட்டு, நோட்டீஸ்கள் அளிக்கப்பட்டு அபராதமும் விதிக்கப்பட்டு வருகிறது. அதனால், பொதுமக்கள் மற்றும் வணிக வளாகங்களைச் சேர்ந்தவர்கள் உள்ளிட்ட அனைத்துத் தரப்பினரும் வரும் 24-ஆம் தேதிக்குள் தங்களது இல்லங்களையும், அலுவலக வளாகங்களையும் சுத்தமாக வைத்துக் கொள்ள அவகாசம் அளிக்கப்படுகிறது.
அதற்கு அடுத்த நாளான அக்டோபர் 25-ஆம் தேதி அரசு அலுவலர்கள் ஆய்வுக்கு வரும்போது, தங்கள் இல்லங்களிலோ, அலுவலகத்திலோ கொசுப்புழு உற்பத்திக்கு வழிவகை செய்யும் வகையில் மையம் கண்டறிந்தால் அந்த வீட்டுக்கும், வணிக வளாகத்துக்கும் தனியார் மற்றும் அரசு அலுவலகங்களுக்கும் அபராதம் விதித்து நடவடிக்கை எடுக்கப்படும் என்றார் அவர்.
முன்னதாக பொது சுகாதார மற்றும் நோய்த் தடுப்புத் துறை மூலம் வெளியிடப்பட்ட நடிகர் விவேக்கின் விழிப்புணர்வு குறும்படம் திரையிட்டுக் காட்டப்பட்டது.
நிகழ்ச்சியில், மாவட்ட வருவாய் அலுவலர் து.சந்திரன், சார் ஆட்சியர் டி.ரத்னா உள்ளிட்ட பல்வேறு துறை அதிகாரிகள் கலந்து கொண்டனர்.

 

]]>
http://www.dinamani.com/all-editions/edition-chennai/thiruvallur/2018/oct/20/டெங்குவை-கட்டுப்படுத்த-பொதுமக்களின்-ஒத்துழைப்பு-தேவை-ஆட்சியர்-வலியுறுத்தல்-3023658.html
3023657 சென்னை திருவள்ளூர் பயிர்க் காப்பீட்டுத் திட்டம்: நவ. 30-க்குள் பிரீமியம் செலுத்த வேண்டும் DIN DIN Saturday, October 20, 2018 11:45 PM +0530
விவசாயிகள் இயற்கை இடர்ப்பாடுகளில் இருந்து பாதுகாக்கும் நோக்கில் பிரதமர் பயிர்க் காப்பீட்டுத் திட்டத்தில் வரும் நவம்பர் 30-ஆம் தேதிக்குள் நிர்ணயம் செய்யப்பட்ட தொகையைச் செலுத்தி பயன்பெறலாம் என வேளாண்மைத் துறை இணை இயக்குநர் பாண்டியன் தெரிவித்துள்ளார்.
இதுகுறித்து அவர் வெளியிட்டுள்ள செய்திக் குறிப்பு:
திருவள்ளூர் மாவட்டத்தில் நடப்பு சம்பா பருவத்தில் 20,584 ஹெக்டேரில் நெல் பயிரிடப்பட்டுள்ளது. இயற்கைச் சீற்றம் போன்ற இடர்ப்பாடுகளால் பயிர்கள் நாசமாவதன் மூலம் விவசாயிகள் நஷ்டத்தால் பாதிக்கப்படும் சூழல் ஏற்படுகிறது. இதனைத் தவிர்த்து, விவசாயிகளைப் பாதுகாக்கும் வகையில் பிரதமர் பயிர்க் காப்பீட்டுத் திட்டம் ரபி பருவத்தில் செயல்படுத்தப்படுகிறது.
ஏற்கெனவே சம்பா நெற்பயிருக்கு காப்பீட்டுத் தொகை
ரூ. 26,550 நிர்ணயம் செய்து அதற்குரிய பிரீமியத்தை ஒரு ஏக்கருக்கு ரூ. 398 வங்கிகளிலும், பொதுச் சேவை மையங்களிலும் செலுத்தி வருகின்றனர்.
இம்மாவட்டத்தில் நெற்பயிர் சாகுபடி செய்ய வங்கிகளில் கடன் பெற்றுள்ள விவசாயிகள் தங்கள் பயிருக்கு 18,182 ஏக்கருக்கு இதுவரை பயிர்க் காப்பீடு செய்துள்ளனர்.
எனவே வங்கிகளில் கடன் பெறாத விவசாயிகள் பயிரிட்டுள்ள 2,250 ஏக்கர் நெற்பயிருக்கு பயிர்க் காப்பீடு செய்துள்ளனர் என்பது குறிப்பிடத்தக்கது.
இத்திட்டத்தில் விவசாயிகளை ஊக்குவிக்கும் வகையில் வட்டாரங்களில் உள்ள தொடக்க வேளாண்மைக் கூட்டுறவு வங்கிகளில் காப்பீட்டு சேவை மையம் தொடங்கப்பட்டுள்ளது. நடப்பு பருவத்தில் நெற்பயிர்களில் பெருமளவில் இத்திட்டத்தில் பயிர்க் காப்பீடு பதிவு செய்திட போர்க்கால நடவடிக்கையை மாவட்ட நிர்வாகம் மேற்கொண்டு வருகிறது.
அதற்கு முன்னதாக பயிர்க் காப்பீடு செய்வது தொடர்பாக விவசாயிகளுக்கு விழிப்புணர்வை ஏற்படுத்தும் நோக்கில் உழவன் ரதம் தொடங்கி வைக்கப்பட்டுள்ளது.
இந்த உழவன் ரதம் கிராமங்கள்தோறும் சென்று காப்பீடுத் திட்டம் குறித்து விளக்கமாக எடுத்துரைக்க உள்ளது. எனவே, விவசாயிகள் இத்திட்டத்தில் நிர்ணயம் செய்யப்பட்ட தொகையை நவம்பர் 30-ஆம் தேதிக்குள் செலுத்தி பயனடையலாம் என அவர் தெரிவித்துள்ளார்.

 

]]>
http://www.dinamani.com/all-editions/edition-chennai/thiruvallur/2018/oct/20/பயிர்க்-காப்பீட்டுத்-திட்டம்-நவ-30-க்குள்-பிரீமியம்-செலுத்த-வேண்டும்-3023657.html
3023656 சென்னை திருவள்ளூர் சிறு அளவிலான பால் பண்ணை அமைக்க மானியம் DIN DIN Saturday, October 20, 2018 11:44 PM +0530
திருவள்ளூர் மாவட்டத்தில் சிறு அளவிலான பால் பண்ணைகள் வைக்க கால்நடைத் துறை மூலம் ரூ. 1.25 லட்சம் வரையில் மானியம் வழங்கும் திட்டம் செயல்படுத்தப்படுவதாக அதிகாரிகள் தெரிவித்தனர்.
திருவள்ளூர் மாவட்டத்தில் விவசாயத்துக்கு அடுத்தபடியாக கால்நடைகள் வளர்க்கும் தொழில் பிரதானமாக இருந்து வருகிறது. இதைக் கருத்தில்கொண்டு கால்நடைத் துறை மூலம் விவசாயிகள் மற்றும் பொதுமக்களுக்கு பல்வேறு நலத் திட்டங்கள் செயல்படுத்தப்பட்டு வருகிறது.
அந்த வகையில், விவசாயிகள் மற்றும் கறவை மாடுகள் வளர்ப்போர் பயன்பெறும் வகையில் சிறு அளவிலான பால்பண்ணைகள் வைப்பதற்கு ரூ. 5 லட்சம் வரையில் வங்கிக் கடனுதவி வழங்கப்படுகிறது. இதில், ரூ. 1.25 லட்சம் மானியமும் வழங்கப்படுகிறது என்பது குறிப்பிடத்தக்கது. இத்திட்டத்தில் பயன்பெற கட்டாயம் 6 கறவை மாடுகளை வைத்திருக்க வேண்டும். அதேபோல், தீவன உற்பத்தி செய்வதற்கான ஒரு ஏக்கர் விளைநிலமும் வைத்திருக்க வேண்டும்.
இத்தொகையில் கொட்டகை அமைக்கவும், ஒரு ஏக்கரில் தீவன உற்பத்தி செய்தல், மழைநீர் தூவன், புல்வெட்டும் கருவிகள் வாங்குவதற்கு பயன்டுத்த வேண்டும்.
பின்னர், இத்தொகையை செலுத்திய பின் ரூ. 1.25 லட்சம் மானியம் விடுவிக்கப்படவும் உள்ளது. இதுவரையில் 3 பேருக்கு சிறு அளவிலான பால்பண்ணைகள் வைக்க கடனுதவி வழங்கப்பட்டுள்ளது.
இத்திட்டத்தில் பயன்பெற அந்தந்த பகுதியில் உள்ள கால்நடை மருத்துவ மையங்களை அணுகி பயனடையலாம் என அதிகாரிகள் தெரிவித்தனர்.

 

]]>
http://www.dinamani.com/all-editions/edition-chennai/thiruvallur/2018/oct/20/சிறு-அளவிலான-பால்-பண்ணை-அமைக்க-மானியம்-3023656.html
3023655 சென்னை திருவள்ளூர் தென்னிந்திய யோகாசன, தற்காப்புக் கலை போட்டிகள் DIN DIN Saturday, October 20, 2018 11:44 PM +0530
கும்மிடிப்பூண்டியில் இயங்கி வரும் விநாஸ்ரீ யோகா மையம் மற்றும் நியூ மாங்க் குங்ஃபூ மையம் இணைந்து பெருவாயலில் உள்ள டி.ஜே.எஸ் பொறியியல் கல்லூரியில் தென்னிந்திய யோகாசனம் மற்றும் தற்காப்புக் கலை போட்டிகளை நடத்தின.
தென்னிந்திய அளவில் தமிழ்நாடு, புதுச்சேரி, ஆந்திரம், கர்நாடகம் ஆகிய 4 மாநிலங்களைச் சேர்ந்த 1,200 மாணவர்கள் பங்கேற்ற இந்த யோகாசனம் மற்றும் குங்ஃபூ, கராத்தே, கொபூடே உள்ளிட்ட போட்டிகள் நடைபெற்றன.
ஆண்கள் மற்றும் பெண்கள் என 16 பிரிவுகளாக நடைபெற்ற இந்தப் போட்டிகளில் வெற்ற பெற்றவர்களுக்கு நடைபெற்ற பாராட்டு விழாவில் பங்கேற்ற டி.ஜே.எஸ் கல்விக் குழுமத் தலைவர் டி.ஜே.கோவிந்தராஜன் வெற்றி பெற்றவர்களுக்கு பரிசுகள், பதக்கங்கள், சான்றிதழ்களை வழங்கிப் பாராட்டினார்.
விழாவில் சிறப்பு அழைப்பாளர்களாக பேராசிரியர் சி.எம்.கே.ரெட்டி, வழக்குரைஞர் தாமோதரன், மேஜர் அங்காடி ராஜசேகர், கே.சிரஞ்சீவி, உஷாராணி, ஏர் இந்தியா நிறுவனத்தின் ஓய்வுபெற்ற துணை மேலாளர் பி.கே.ஜெயக்குமார், கிராண்ட் மாஸ்டர்
எம்.என்.ரவிக்குமார், வெங்கடேஸ்வரா ஆலாய்ஸ் நிறுவன இயக்குநர் ரங்கநாதன் உள்ளிட்டோர் பங்கேற்று வாழ்த்துரை வழங்கினர்.
இந்தப் போட்டிகளில் விநாஸ்ரீ யோகா மைய மாணவர் சூரஜ் சுந்தர் குண்டு சாம்பியன் ஆஃப் தி சாம்பியன்' என்ற பட்டத்தை வென்றார்.
அவருக்கு விழாவில் மிதிவண்டி பரிசாக வழங்கப்பட்டது. அதேபோல், ஒட்டுமொத்த சாம்பியன் பட்டத்தை எளாவூர் விவேகானந்தா மெட்ரிக் மேல்நிலைப் பள்ளி மாணவர்கள் வென்றனர். இரண்டாம் இடத்தை ஜே.என்.என் மெட்ரிக் பள்ளியும், மூன்றாம் இடத்தை சிறுபுழல்பேட்டை எலைட் மெட்ரிக் பள்ளியும் வென்றன.
இந்தப் போட்டிகளுக்கான ஏற்பாடுகளை விநாஸ்ரீ யோகா மைய நிறுவனர் காளத்தீஸ்வரன், நியூ மாங்க் குங்ஃபூ மையத்தின் நிறுவனர் தினேஷ் உள்ளிட்டோர் செய்திருந்தனர்.

 

]]>
http://www.dinamani.com/all-editions/edition-chennai/thiruvallur/2018/oct/20/தென்னிந்திய-யோகாசன-தற்காப்புக்-கலை-போட்டிகள்-3023655.html
3023235 சென்னை திருவள்ளூர் சரஸ்வதி பூஜை தினத்தில் 32 மாணவர்கள் அரசுப் பள்ளிகளில் சேர்ப்பு DIN DIN Saturday, October 20, 2018 06:22 AM +0530 திருத்தணி கல்வி மாவட்டத்தில் வெள்ளிக்கிழமை சரஸ்வதி பூஜையையொட்டி, அரசுப் பள்ளிகளில் நடைபெற்ற சிறப்பு மாணவர் சேர்க்கையில் 32 மாணவர்கள் புதிதாக சேர்க்கப்பட்டனர்.
திருத்தணி கல்வி மாவட்டத்தில் 302-க்கும் மேற்பட்ட அரசு தொடக்க மற்றும் நடுநிலைப் பள்ளிகள் உள்ளன. 
இந்நிலையில் சரஸ்வதி பூஜையையொட்டி வெள்ளிக்கிழமை திருத்தணி ஒன்றியத்தில் 14 மாணவர்கள், ஆர்.கே.பேட்டை ஒன்றியத்தில் 6 மாணவர்கள், திருவாலங்காடு ஒன்றியத்தில் 6 மாணவர்கள், பள்ளிப்பட்டு ஒன்றியத்தில் 6 மாணவர்கள் என 32 மாணவர்கள் ஒன்றாம் வகுப்பில் புதிதாக சேர்க்கப்பட்டனர். 
அத்திமஞ்சேரிப்பேட்டை சுந்தரேசநகர் ஊராட்சி ஒன்றிய தொடக்கப் பள்ளியில் தலைமை ஆசிரியர் வி.எஸ்.முனுசாமி தலைமையில் சிறப்பு மாணவர் சேர்க்கை வெள்ளிக்கிழமை நடைபெற்றது. இதில் ஒன்றாம் வகுப்பில் 5 மாணவர் புதிதாக சேர்க்கப்பட்டனர். மாணவர் சேர்க்கையின்போது, ஆசிரியைகள் 
ஜெ. பாக்கியலட்சுமி, கே. ஜோதிலட்சுமி, எஸ்.எம்.அம்பிகா மற்றும் பெற்றோர்கள் உடனிருந்தனர்.
 

]]>
http://www.dinamani.com/all-editions/edition-chennai/thiruvallur/2018/oct/20/சரஸ்வதி-பூஜை-தினத்தில்-32-மாணவர்கள்-அரசுப்-பள்ளிகளில்-சேர்ப்பு-3023235.html
3023234 சென்னை திருவள்ளூர் பள்ளிகளில் மாணவர் சேர்க்கை DIN DIN Saturday, October 20, 2018 06:21 AM +0530 விஜயதசமியையொட்டி, செங்குன்றத்தில் அரசு மற்றும் தனியார் பள்ளிகளில் மாணவர் சேர்க்கை வெள்ளிக்கிழமை நடைபெற்றது. 
இதில் பெற்றோர் தங்கள் குழந்தைகளை ஆர்வத்துடன் பள்ளியில் சேர்த்தனர். இதையொட்டி, பள்ளியில் அடியெடுத்து வைக்கும் குழந்தைகளுக்கு முதல் எழுத்தான தமிழ் "அ' என்ற எழுத்தை வகுப்பு ஆசிரியர்கள் குழந்தைகளின் கையைப் பிடித்து எழுதச் செய்து சேர்க்கை நடத்தினர். 
வகுப்புக்குள் நுழைந்த குழந்தைகளுக்கு இனிப்பு மற்றும் புத்தகங்களையும் வழங்கினர். இதேபோல் செங்குன்றம் செயின்ட் மேரிஸ் பள்ளியிலும் மாணவர் சேர்க்கை நடைபெற்றது.
 

]]>
http://www.dinamani.com/all-editions/edition-chennai/thiruvallur/2018/oct/20/பள்ளிகளில்-மாணவர்-சேர்க்கை-3023234.html
3023232 சென்னை திருவள்ளூர் திருவள்ளூர் மாவட்டத்தில் 200 பேருக்கு கறவை மாடுகள் வழங்க நடவடிக்கை DIN DIN Saturday, October 20, 2018 06:19 AM +0530 திருவள்ளூர் மாவட்டத்தில் கிராமங்களில் உள்ள விவசாயத் தொழிலாளர்கள் வாழ்வாதரத்தை மேம்படுத்திக் கொள்ளும் நோக்கத்தில் கால்நடைத் துறை சார்பில் 200 பயனாளிகளுக்கு கறவை மாடுகள் வழங்குவதற்கு நடவடிக்கை மேற்கொள்ளப்பட்டு வருவதாக அதிகாரிகள் தெரிவித்தனர். 
தமிழகம் முழுவதும் ஊராட்சிகளில் பொருளாதாரத்தில் பின்தங்கியோர் மற்றும் விவசாயப் பணிகளில் ஈடுபட்டு வரும் பெண்கள் தங்கள் சொந்தக் காலில் நிற்கும் வகையில் பல்வேறு நலத் திட்டங்களை அரசு செயல்பட்டு வருகிறது. அந்த வகையில் கிராமங்களில் உள்ள பெண்கள் தங்கள் வாழ்வாதாரத்துக்குத் தேவையான வருவாயை ஈட்டிக் கொள்ளும் வகையில் கறவை மாடுகள் மற்றும் ஆடுகள் ஆகியவை வழங்கப்பட்டு வருகின்றன. 
அதன்படி, இத்திட்டத்தின் மூலம் திருவள்ளூர் மாவட்டத்தில் 200 பேருக்கு கறவை மாடுகள் வழங்கப்பட உள்ளன. ஏற்கெனவே இத்திட்டத்தின் கீழ் பயன்பெற அந்தந்த ஊராட்சிகளில் அளிக்கப்பட்ட விண்ணப்பங்கள் கிராம சபைக் கூட்டத்தில் பரிசீலனை செய்யப்பட்டு, 200 பயனாளிகள் தேர்வு செய்யப்பட்டுள்ளனர்.
இவர்களுக்கு இம்மாத இறுதியில் கறவை மாடுகள் 100 பேருக்கும், நவம்பர் மாதத்தில் 100 பேருக்கும் என இரு கட்டங்களாக கறவை மாடுகள் வழங்கப்பட உள்ளன என கால்நடைத் துறை அதிகாரிகள் தெரிவித்தனர்.

]]>
http://www.dinamani.com/all-editions/edition-chennai/thiruvallur/2018/oct/20/திருவள்ளூர்-மாவட்டத்தில்-200-பேருக்கு-கறவை-மாடுகள்-வழங்க-நடவடிக்கை-3023232.html
3023233 சென்னை திருவள்ளூர் துணிக் கடையில் தீ விபத்து: பல கோடி மதிப்பிலான பொருள்கள் சேதம் DIN DIN Saturday, October 20, 2018 06:19 AM +0530 செங்குன்றத்தில் துணிக் கடையில் தீ விபத்து ஏற்பட்டதில் பல கோடி  ரூபாய் மதிப்பிலான துணி வகைகள் மற்றும் பொருள்கள் எரிந்து நாசமாகின.
செங்குன்றம் ஜி.என்.டி. சாலையைச் சேர்ந்தவர் டேவிட்ராஜ் (35). இவர், அதே பகுதியில் நியூ மணி டெக்ஸ்டைல்ஸ் என்ற துணிக் கடையை கடந்த 5 ஆண்டுகளாக நடத்தி வருகிறார். இந்நிலையில், அவரது கடை வியாழக்கிழமை  அதிகாலை 2 மணியளவில் தீப்பிடித்து எரிந்தது. 
இதுகுறித்து டேவிட்ராஜ் அளித்த தகவலின் பேரில் மாதவரம், செங்குன்றம், அம்பத்தூர், ஆவடி உள்ளிட்ட பகுதிகளில் இருந்து தீயணைப்பு வாகனங்கள் விரைந்து வந்தன.
 தீயணைப்பு வீரர்கள் சுமார் 4 மணிநேரம் போராடி தீயை அணைத்தனர். 
மேலும், அம்பத்தூர் காவல் மாவட்ட துணை ஆணையர் ஈஸ்வரன் தலைமையில் உதவி ஆணையர் சுப்பிரமணியம்ராஜ், செங்குன்றம் ஆய்வாளர் கர்ணா ஆகியோர் அங்கு வந்து விசாரணை நடத்தினர்.  ஆயுத பூஜை, தீபாவளி உள்ளிட்ட பல்வேறு விசேஷ தினங்களையொட்டி, சுமார் ரூ. 8 கோடி மதிப்பிலான புதிய துணி வகைகள் இக்கடையின் தரைத்தளம், முதல் தளம் ஆகிய பகுதிகளில் வியாபாரத்துக்காக வைக்கப்பட்டிருந்தன. இந்த தீ விபத்தால் சுமார் ரூ. 4 கோடி மதிப்பிலான புதிய துணிரகங்கள், ரூ. 1 லட்சம் ரொக்கம் எரிந்து நாசமாகின.
இந்த விபத்து குறித்து செங்குன்றம் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/20/துணிக்-கடையில்-தீ-விபத்து-பல-கோடி-மதிப்பிலான-பொருள்கள்-சேதம்-3023233.html
3023231 சென்னை திருவள்ளூர் ஆதிதிராவிடர் பள்ளி ஆசிரியர்களுக்கான சிறப்பு கலந்தாய்வு முகாம் அக்.24- இல் தொடக்கம் DIN DIN Saturday, October 20, 2018 06:18 AM +0530 ஆதிதிராவிடர் நலத்துறை பள்ளி ஆசிரியை, ஆசிரியர்களுக்கான ஆன்லைன் மூலம் சிறப்பு பொது மாறுதல் கலந்தாய்வு முகாம் வரும் 24, 25 ஆகிய நாள்களில் நடைபெற இருப்பதாக திருவள்ளூர் மாவட்ட ஆதிதிராவிடர் நலத்துறை அதிகாரிகள் தெரிவித்தனர். 
திருவள்ளூர் மாவட்டத்தில் ஆதிதிராவிடர் நலத்துறை சார்பில் நடுநிலைப்பள்ளி, உயர்நிலைப் பள்ளி மற்றும் மேல்நிலைப் பள்ளிகள் இயங்கி வருகின்றன. இந்தப் பள்ளிகளில் ஆரம்பப்பள்ளி தலைமை ஆசிரியர்கள், முதுகலை பட்டதாரி ஆசிரியர்கள், கணினி ஆசிரியர்கள், உடற்கல்வி இயக்குநர், உடற்கல்வி ஆசிரியர் ஆகிய பதவிகளுக்கு 2018-19ஆம் கல்வியாண்டிற்கான பொது மாறுதல் கலந்தாய்வு முகாம் குளறுபடியில்லாமல் ஆன்லைன் மூலம் வெளிப்படைத்தன்மையுடன் குறிப்பிட்ட நாள்களில் நடைபெற இருக்கிறது.
இதில் பட்டதாரி ஆசிரியர்கள், கணினி ஆசிரியர்கள், உடற்கல்வி இயகுநர் மற்றும் உடற்கல்வி ஆசிரியர் ஆகியோருக்கு வரும் 24-ஆம் தேதியும், பட்டதாரி ஆசிரியர், தமிழாசிரியர், இடைநிலை ஆசிரியர் ஆகிய பதவிகளுக்கு மாவட்டத்திற்குள்ளும் மற்றும் மாவட்டம் விட்டு மாவட்டத்திற்கான மாறுதல் 25-ஆம் தேதியும் காலை 10  மணிக்கு நடைபெற இருக்கிறது. 
இந்த முகாம் திருவள்ளூர் ஆட்சியர் அலுவலகத்தில் உள்ள தேசிய தகவலியல் மையத்தில் பதிவு செய்தவர்களுக்கு மட்டுமே நடைபெறுகிறது. 
அதனால் குறிப்பிட்ட நேரத்திற்கு முன்னதாகவே குறிப்பிட்ட இடத்திற்கு வந்து பங்கேற்கும்படி ஆதிதிராவிடர் நலத்துறை அலுவலக அதிகாரிகள் தெரிவித்தனர்.

]]>
http://www.dinamani.com/all-editions/edition-chennai/thiruvallur/2018/oct/20/ஆதிதிராவிடர்-பள்ளி-ஆசிரியர்களுக்கான-சிறப்பு-கலந்தாய்வு-முகாம்-அக்24--இல்-தொடக்கம்-3023231.html
3023230 சென்னை திருவள்ளூர் திருத்தணி கூட்டுறவு சர்க்கரை ஆலை நிர்வாக குழுத் தலைவர் தேர்வு DIN DIN Saturday, October 20, 2018 06:18 AM +0530 திருவாலங்காடு கூட்டுறவு சர்க்கரை ஆலையின் தலைவராக பொன்னுரங்கம் செவ்வாய்க்கிழமை போட்டியின்றித் தேர்வு செய்யப்பட்டார். மேலும் 15 இயக்குநர்கள் புதிதாகத் தேர்வு செய்யப்பட்டனர். 
 திருத்தணி கூட்டுறவு சர்க்கரை ஆலை, திருவாலங்காட்டில் இயங்கி வருகிறது. இந்த ஆலையின், 17 இயக்குநர்களுக்கான தேர்தல் கடந்த 11-ஆம் தேதி நடைபெற்றது. 
இதில் மொத்தம் 86 பேர் போட்டியிட்டனர். இதன் முடிவுகள், கடந்த 13-ஆம் தேதி வெளியிடப்பட்டு, 17 புதிய இயக்குநர்கள் தேர்வு செய்யப்பட்டனர். இவர்களில் தலைவர் மற்றும் துணைத் தலைவர் தேர்தல் செவ்வாய்க்கிழமை கூட்டுறவு சர்க்கரை ஆலை வளாகத்தில் நடைபெற்றது.
இதில், தலைவராக பொன்னுரங்கம், துணைத் தலைவராக ஜெய்சங்கர் ஆகியோர் வேட்பு மனுக்களை தாக்கல் செய்தனர். இவர்களை எதிர்த்து யாரும் போட்டியிடாததால் போட்டியின்றி தேர்வு செய்யப்பட்டனர். தொடர்ந்து கூட்டுறவு சர்க்கரை ஆலையின் நிர்வாகக் குழுத் தலைவராக பொன்னுரங்கம், துணைத் தலைவராக ஜெய்சங்கர் மற்றும் 15 இயக்குநர்கள் பொறுப்பேற்றுக் கொண்டனர். தேர்வு செய்யப்பட்டவர்கள் அனைவரும் அரக்கோணம் எம்.பி. திருத்தணி கோ.அரியை சந்தித்து சால்வை அணிவித்து வாழ்த்து பெற்றனர்.
நிகழ்ச்சியில், திருத்தணி முன்னாள் ஒன்றியக் குழுத் தலைவர் இ.என்.கண்டிகை எ.ரவி மற்றும் அதிமுக உறுப்பினர்கள் வாழ்த்து தெரிவித்தனர்.
அதேபோல் திருத்தணி வேளாண்மை கூட்டுறவு உற்பத்தியாளர்கள் சங்கத் தலைவராக எம்.ஜெயசேகர்பாபு போட்டியின்றித் தேர்வு செய்யப்பட்டார். துணைத் தலைவராக எஸ்.கே.கஜேந்திரன் மற்றும் 9 பேர் உறுப்பினர்களாகத் தேர்வு செய்யப்பட்டனர். 
புதிதாகத் தேர்வு செய்யப்பட்டவர்களுக்கு திருத்தணி முன்னாள் நகர்மன்றத் தலைவர் டி.சௌந்தர்ராஜன் மற்றும் திருத்தணி நகர எம்.ஜி.ஆர். இளைஞரணி சார்பில், கேபிள் எம்.சுரேஷ் தலைவராக தேர்வு செய்யப்பட்ட ஜெயசேகர்பாபுவுக்கு சால்வை அணிவித்து வாழ்த்து தெரிவித்தார்.
 

]]>
http://www.dinamani.com/all-editions/edition-chennai/thiruvallur/2018/oct/20/திருத்தணி-கூட்டுறவு-சர்க்கரை-ஆலை-நிர்வாக-குழுத்-தலைவர்-தேர்வு-3023230.html
3023229 சென்னை திருவள்ளூர் சென்னை குடிநீருக்கு பூண்டி ஏரியிலிருந்து தண்ணீர் திறப்பு அதிகரிப்பு DIN DIN Saturday, October 20, 2018 06:18 AM +0530 கிருஷ்ணா நதியின் நீர் வரத்து அதிகரித்துக் கொண்டே வருவதால் சென்னை பொதுமக்களின் தாகம் தணிக்கும் வகையில் பூண்டி ஏரியில் இருந்து இணைப்புக் கால்வாய் மூலம் புழல் ஏரிக்கு தண்ணீர் திறப்பு வெள்ளிக்கிழமை காலை முதல் 400 கன அடியாக உயர்ந்துள்ளதாக பொதுப்பணித்துறை அதிகாரிகள் தெரிவித்தனர். 
சென்னை மாநகர மக்களின் தாகம் தணிக்கும் முக்கிய ஏரியாக பூண்டி ஏரி திகழ்ந்து வருகிறது. அதனால் இந்த ஏரியில் இருந்து இணைப்புக் கால்வாய் மூலம் புழல் ஏரிக்கு தண்ணீர் திறந்து விடுவது வழக்கமாகும். தற்போதைய நிலையில் ஆந்திர மாநிலம் கண்டலேறு அணையிலிருந்து கிருஷ்ணா நதிநீர் பங்கீட்டுத் திட்டத்தின்படி கடந்த மாதம் 29-ஆம் தேதியிலிருந்து தண்ணீர் திறக்கப்பட்டு நீர் வந்து கொண்டிருக்கிறது. கண்டலேறு அணையில் இருந்து வினாடிக்கு 1,200 கன அடி வீதம் தண்ணீர் திறக்கப்பட்டுள்ளதால், பூண்டி ஏரிக்கு 595 கன அடி நீர் வீதம் வந்து கொண்டே இருக்கிறது. இந்த நீர்த்தேக்கத்தில் தண்ணீர் திறப்பு முன்பு நீர்மட்டம் 12.25 அடியாகப் பதிவாகி வெறும் 13 மில்லியன் கன அடி மட்டுமே இருந்தது குறிப்பிடத்தக்கது. 
இந்நிலையில், கண்டலேறு அணையிலிருந்து தொடர்ந்து நீர் வருவதால் ஏரியின் நீர்மட்டம் மளமளவென உயர்ந்து கொண்டே வருகிறது. இவ்வாறு நீர் வரத்து அதிகரிப்பு காரணமாக கடந்த 6-ஆம் தேதி முதல் சென்னை பொதுமக்களின் குடிநீர்த் தேவையைக் கருத்தில் கொண்டு 300 கன அடிவீதம் தண்ணீர் திறக்கப்பட்டது.
எனவே, வெள்ளிக்கிழமை காலையில் நீர்மட்டம் 24.08 அடியாகவும், 720 மில்லியன் கன அடியாகவும் தண்ணீர் இருப்பு காணப்பட்டது. இதுபோன்ற காரணங்களால் நீர் திறப்பு 400 கன அடியாக உயர்த்தப்பட்டுள்ளது. சென்னை குடிநீர் வாரியத்துக்கு வினாடிக்கு 20 கன அடி வீதம்  நீர் திறக்கப்படுகிறது. இந்த ஏரியின் நீர்மட்டம் 35 அடி ஆகும். இதில் 3231 மில்லியன் கன அடி வரையில் தண்ணர் சேமித்து வைக்கலாம் என பொதுப்பணித்துறை அதிகாரிகள் தெரிவித்தனர்.
 

]]>
http://www.dinamani.com/all-editions/edition-chennai/thiruvallur/2018/oct/20/சென்னை-குடிநீருக்கு-பூண்டி-ஏரியிலிருந்து-தண்ணீர்-திறப்பு-அதிகரிப்பு-3023229.html
3023228 சென்னை திருவள்ளூர் புழல் சிறையில் கைதி போலீஸ் பக்ருதீன் உண்ணாவிரதம் DIN DIN Saturday, October 20, 2018 06:17 AM +0530 புழல் மத்திய சிறையில் கைதி போலீஸ் பக்ருதீன் பல்வேறு கோரிக்கைகளை வலியுறுத்தி உண்ணாவிரதம் இருந்து வருகிறார். அவரிடம் சிறை அதிகாரிகள் பேச்சுவார்த்தை நடத்தி வருகின்றனர்.
புழல் மத்திய சிறையில் பல்வேறு வழக்குகளில் தொடர்புடைய போலீஸ் பக்ருதீன் என்ற கைதி அடைக்கப்பட்டு உள்ளார். அவர் பயங்கரவாத அமைப்பைச் சேர்ந்தவர். அவர் மீது, பாஜக மூத்த தலைவர் எல்.கே.அத்வானி தமிழ்நாட்டிற்கு வந்தபோது அவரைக் கொலை செய்ய முயன்றது தொடர்பான வழக்கு மற்றும், இந்து முன்னணி பிரமுகர் அம்பத்தூர் செல்வகுமாரைக் கொலை செய்தது ஆகிய வழக்குகளும் உள்ளன. புழல் மத்திய சிறையில் அடைக்கப்பட்டிருந்த அவர், சிறைக்காவலர்களையும், அதிகாரியையும் தாக்குவது போன்ற செயல்களில் ஈடுபட்டு வந்தார். 
இந்நிலையில், "புழல் சிறையில் அதிகாரிகள் அடிக்கடி சோதனை செய்வதற்குத் தடை விதிக்க வேண்டும்; கைதிகளின் அறையில் இருந்த தொலைக்காட்சி, வானொலி உள்ளிட்ட வசதிகளை மீண்டும் செய்துதர வேண்டும்' என்பவை உள்ளிட்ட பல்வேறு கோரிக்கைகளை வலியுறுத்தி, போலீஸ் பக்ருதீன் கடந்த வியாழக்கிழமை முதல் உண்ணாவிரதம் இருந்து வருகிறார். இது குறித்து தகவல் அறிந்த சிறை அதிகாரிகள், அவரிடம் பேச்சுவார்த்தை நடத்தி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/20/புழல்-சிறையில்-கைதி-போலீஸ்-பக்ருதீன்-உண்ணாவிரதம்-3023228.html
3023227 சென்னை திருவள்ளூர் ஆரணி ஆற்றில் ரூ.28 கோடியில் புதிய மேம்பாலம் அமைக்கும் பணி DIN DIN Saturday, October 20, 2018 06:17 AM +0530 திருவள்ளூர்-ஊத்துக்கோட்டை சாலையில் ஆரணி ஆற்றின் குறுக்கே தரைப்பாலத்தில் மழைக்காலத்தில் ஏற்படும் வெள்ளத்தைச் சமாளிக்கும் வகையில் ரூ.28 கோடியில் மேம்பாலம் அமைப்பதற்கான முதல்கட்டப் பணிகள் தொடங்கி நடைபெற்று வருவதாக நெடுஞ்சாலைத்துறை அதிகாரிகள் தெரிவித்தனர்.
81 ஆண்டுகளுக்கு முன் தரைப்
பாலம்: திருவள்ளூர்-ஊத்துக்கோட்டை நெடுஞ்சாலையில் நாள்தோறும் பெரியபாளையம், செங்குன்றம், சென்னை, திருப்பதி, சத்தியவேடு, நகரி, உள்ளிட்ட ஆந்திர மாநிலத்தின் பல்வேறு பகுதிகளுக்கு நூற்றுக்கும் மேற்பட்ட அரசுப் பேருந்துகள், ஆந்திர மாநிலப் பேருந்துகள் மற்றும் சரக்குப் பேருந்துகள் நாள்தோறும் இயக்கப்பட்டு வருகின்றன. 
இந்த நிலையில், திருவள்ளூர்-ஊத்துக்கோட்டை நகர எல்லையில் இச்சாலையில் ஆரணி ஆற்றின் குறுக்கே மழைக் காலங்களில் வெள்ளப் பெருக்கு அதிகமாக இருக்கும். இதனால் ஏற்படும் பாதிப்புகளைத் தவிர்க்கும் வகையில், கடந்த 1937-இல் வாகனங்கள் மழைநீரில் சிக்காமல் எளிதாகக் கடக்கும் வகையில் தரைப்பாலம் அமைக்கப்பட்டது. இப்பாலம் கட்டப்பட்டு 
81-ஆண்டுகளாகின்றன. 
அதிக வெள்ளப் பெருக்கு...: 
அதைத் தொடர்ந்து அவ்வப்போது மழையின் ஏற்படும் சேதத்தையும் சிறு ஒதுக்கீடு மூலம் சரி செய்து வந்தனர். இப்பாலத்தில் வெள்ளப்பெருக்கு காலங்களில் அதிகமான வெள்ளம் சென்று கொண்டே இருக்கும். இதுபோன்ற காரணங்களால் திருவள்ளூர் பகுதிகளில் இருந்து பேருந்துகளை இயக்க முடியாத வகையில் தடையாகவும் இருந்து வந்தது. இதுபோன்று குறைந்தது 30 நாள்களுக்கும் தண்ணீர் வரத்து ஏற்பட்டு கொண்டே இருக்கும்.    இதேபோல் கடந்த 2015-இல் வார்தா புயலின் போது 65 நாள்கள் போக்குவரத்து தடை செய்யப்பட்டிருந்தது. அதேபோல் தரைப்பாலமாக இருப்பதால் இரவு நேரங்களில் வாகங்களில் எளிதாக மணல் கடத்துவதற்கு ஈடுபடுவதற்கான வாய்ப்பும் இருந்து வந்தது. 
போக்குவரத்து பாதிப்பு: இதுபோன்ற காரணங்களால் இச்சாலை மார்க்கத்தில் ஆந்திர அரசுப் பேருந்துகள், தமிழக அரசுப் பேருந்துகள் மற்றும் சரக்கு வாகனங்களின் போக்குவரத்து பாதிக்கப்பட்டது. மேலும், அவசரக் காலங்களில் ஆற்றில் தண்ணீரைக் கடந்து செல்லவும் வேண்டியிருந்தது. எதிர்பாராதவிதமாக ஆற்றில் வாகனங்களும் அடித்துச் செல்லப்படும் ஆபத்தான நிலையிருந்தது. அதைத் தொடர்ந்து வெளிப்புறம் வழியாக 20 கி.மீ தூரம் சுற்றிச் செல்லவும் வேண்டியிருந்தது. இதனால் பயண நேரமும், எரிபொருளும் கூடுதலாக செலவாகும் நிலை ஏற்பட்டது. இதைத் தவிர்க்கும் வகையில் அச்சாலையில் ஆரணி ஆற்றின் குறுக்கே மேம்பாலம் அமைக்குமாறு பொதுமக்கள் தொடர்ந்து கோரிக்கை விடுத்து வந்தனர். 
மேம்பாலத்துக்கு ரூ.28 கோடி ஒதுக்கீடு: இதுகுறித்து சமூக ஆர்வலர் ராஜ்குமார்(46) என்பவர் கூறுகையில், "பல ஆண்டுகளாக இச்சாலையில் மேம்பாலம் அமைக்க அரசை வலியுறுத்தி வந்தனர். இக்கோரிக்கையை அரசு ஏற்று கடந்த மாதம் நெடுஞ்சாலைத்துறை மூலம் பணியை மேற்கொள்ள ரூ.28 கோடி ஒதுக்கீடு செய்தது. தற்போது, அதற்கான முதல்கட்டப் பணிகள் மும்முரமாக நடந்து வருகின்றன' என்று தெரிவித்தார்.
விரைவில் முடிக்க நடவடிக்கை: இது குறித்து நெடுஞ்சாலைத்துறை அதிகாரிகள் கூறியதாவது: 
இப்பணிகளை ரூ.28 கோடியில் மேற்கொள்வதற்கு ஒப்பந்தம் விடப்பட்டுள்ளது. இதன் அடிப்படையில் மேம்பாலம் 450 மீட்டர் தூரத்திற்கு அமைக்கப்பட இருக்கிறது. தற்போது, பாலத்திற்கான தூண்கள் அமைக்க முதல்கட்டமாக மண்பரிசோதனை நடைபெற்று வருகிறது. 
அதையடுத்து, இச்சாலையில் போக்குவரத்தை நிறுத்தவும், மாற்றுப் பாதையில் வாகனங்கள் செல்வதற்காக ஆரணி ஆற்றில் தண்ணீர் கடத்தும் வகையில் பெரிய அளவிலான குழாய்கள் அமைக்கப்பட்டு வருகின்றன. இப்பணியை அடுத்து வரும் 8 முதல் 10 மாதங்களுக்குள் முடிக்கத் திட்டமிட்டுள்ளோம் என்று அதிகாரிகள் தெரிவித்தனர்.

]]>
http://www.dinamani.com/all-editions/edition-chennai/thiruvallur/2018/oct/20/ஆரணி-ஆற்றில்-ரூ28-கோடியில்-புதிய-மேம்பாலம்-அமைக்கும்-பணி-3023227.html
3023134 சென்னை திருவள்ளூர் மாதவரம் அடுக்குமாடி பேருந்து நிலையத்திலிருந்து வெளிமாநிலப் பேருந்துகள் முழு அளவில் இயக்கம் DIN DIN Saturday, October 20, 2018 04:19 AM +0530
சென்னை மாதவரம் அடுக்குமாடி புதிய பேருந்து நிலையத்தில் இருந்து வெள்ளிக்கிழமை முதல் முழு அளவில் ஆந்திர மாநிலத்துக்கு பேருந்துகள் இயக்கப்படுகின்றன என்று போக்குவரத்துக்கழக அதிகாரிகள் தெரிவித்தனர்.
சென்னை கோயம்பேட்டில் வெளியூர் மற்றும் வெளிமாநிலங்களுக்கு இயக்கப்படும் பேருந்துகளால் ஏற்படும் போக்குவரத்து நெரிசலை கருத்தில் கொண்டு மறைந்த முன்னாள் முதல்வர் ஜெயலலிதா மாதவரத்தில் கீழ்தளம், மேல்தளத்துடன் கூடிய அடுக்குமாடி பேருந்து நிலையம் அமைக்கப்படும் என கடந்த 2011-ஆம் ஆண்டு அறிவித்தார்.
இதையடுத்து இப்பேருந்து நிலையம் அமைப்பதற்காக மாதவரம் ரவுண்டானா அருகே 8 ஏக்கர் இடம் தேர்வு செய்யப்பட்டது. அதைத் தொடர்ந்து புதிய பேருந்து நிலையத்தை அமைத்து நிர்வகிக்கும் பொறுப்பு பெருநகர சென்னை வளர்ச்சிக் குழுமத்திடம் (சி.எம்.டி.ஏ.) ஒப்படைக்கப்பட்டது. பின்னர் ரூ.95 கோடி நிதி ஒதுக்கீடு செய்யப்பட்டு கடந்த 2016-ஆம் ஆண்டு பணிகள் தொடங்கி கடந்த 10-ஆம் தேதி முதல்வர் எடப்பாடி பழனிசாமி காணொலிக் காட்சி மூலம் திறந்து வைத்தார். 
இப்புதிய பேருந்து நிலைய வளாகத்தில் ஓட்டுநர்கள், நடத்துநர்கள், பயணிகள் ஓய்வு எடுப்பதற்காக விசாலமான அறைகள், ஹோட்டல்கள், வணிக வளாகம், தாய்மார்கள் பாலூட்டும் அறை போன்றவை நவீன முறையில் கட்டப்பட்டுள்ளன. மேலும் கார்கள், மோட்டார் சைக்கிள்களை தனித்தனியே நிறுத்துவதற்கான வாகனங்கள் நிறுத்துமிடம்,
இலவச குடிநீர் வசதி, கழிப்பிட வசதி, மாற்றுத் திறனாளிகளுக்கு பேட்டரி கார் போன்ற வசதிகளும் ஏற்படுத்தப்பட்டுள்ளன. அத்துடன் சமூக விரோதிகள், திருடர்கள் நடமாட்டத்தை கண்காணிப்பதற்காக நவீன சுழலும் கண்காணிப்பு கேமராக்கள், போலீஸ் கட்டுப்பாட்டு அறை போன்ற பாதுகாப்பு அம்சங்களுக்கும் முக்கியத்துவம் தரப்பட்டுள்ளன.
இந்த நிலையில் மாதவரம் அடுக்குமாடி பேருந்து நிலையத்தில் இருந்து காளஹஸ்தி, திருப்பதி, நெல்லூர், விஜயவாடா என ஆந்திரம், தெலங்கானா மாநிலங்களுக்குப் பேருந்துகள் வெள்ளிக்கிழமைமுதல் முழு அளவில் இயக்கப்படுகிறது. மேலும் இங்கிருந்து கோயம்பேடு, பாரிமுனை போன்ற பகுதிகளுக்கும் மாநகர் பேருந்துகள் இணைப்புப் பேருந்துகளாக இயக்கப்பட்டு வருகின்றன.
இதுவரையில் கோயம்பேடு புறநகர் பேருந்து நிலையத்தில் இருந்து ஆந்திர மாநிலத்துக்கு பேருந்துகள் இயக்கப்பட்டு வந்தன. தற்போது மாதவரம் புதிய அடுக்கு மாடி பேருந்து நிலையத்தில் இருந்து ஆந்திரம் மற்றும் தமிழக அரசுப் பேருந்துகள் ஆந்திர மாநிலத்துக்கு இயக்கப்படும் என போக்குவரத்துக் கழக உயரதிகாரிகள் கூறினர்.
அந்த அதிகாரிகள் மேலும் கூறியது: நாளொன்றுக்கு தமிழக அரசுப் பேருந்துகள் 238, ஆந்திர அரசுப் பேருந்துகள் 205, தனியார் பேருந்துகள் 25 என மொத்தம் 500-க்கும் மேற்பட்ட பேருந்துகள் இயக்கப்படுகின்றன. இதில் திருப்பதி, காளஹஸ்தி, திருவள்ளூர், சித்தூர், நெல்லூர், நகரி, நாயுடுபேட்டை, சத்தியவேடு, ஊத்துக்கோட்டை, சுண்ணாம்புக்குளம், பெரியபாளையம் போன்ற பகுதிகளுக்கு குறைந்தது 10 நிமிடம் முதல் அதிகபட்சமாக 15 நிமிடத்துக்குள் பேருந்துகள் இயக்கப்படும்.
இதில் திருப்பதிக்கு திருவள்ளூர், காளஹஸ்தி ஆகிய இரு மார்க்கத்திலும் பேருந்துகள் தொடர்ந்து இயக்கப்படுகின்றன. மேலும் அக்டோபர் 10-ஆம் தேதி இப்பேருந்து நிலையத்தை முதல்வர் திறந்து வைத்தது முதல் தமிழக அரசுப் பேருந்துகள் தொடர்ந்து இயக்கப்பட்டு வருகின்றன. இந்நிலையில் ஆந்திர மாநிலப் பேருந்துகள் வெள்ளிக்கிழமை முதல் இயக்கப்பட்டு, அனைத்துப் பேருந்துகளும் இங்கிருந்தே முழு அளவில் செல்கின்றன.
இனி கோயம்பேட்டிலிருந்து ஒரு பேருந்து கூட ஆந்திர மார்க்கத்தில் இயக்கப்பட மாட்டாது. இதற்காக கோயம்பேட்டில் அமைக்கப்பட்டிருந்த அலுவலகத்தை மாதவரம் பேருந்து நிலையத்துக்கு மாற்றியுள்ளோம். பொதுமக்கள் அனைவரும் ஆந்திர மார்க்கத்துக்குச் செல்ல வேண்டுமெனில், மாதவரத்துக்குத்தான் இனி செல்ல வேண்டும். அங்கிருந்து 24 மணி நேரமும் பேருந்துகள் இயக்கப்படுகின்றன. மேலும் மாதவரம் வந்து செல்வதற்கான இணைப்புப் பேருந்துகளும் போதிய அளவில் மாநகர் போக்குவரத்துக் கழகத்தால் இயக்கப்படுகின்றன. புதிய பேருந்து நிலையம் செயல்படத் தொடங்கியுள்ளதால் 2 முதல் 3 மணி நேரம் பயண நேரம் குறையும் என்றனர் அதிகாரிகள்.

]]>
http://images.dinamani.com/uploads/user/imagelibrary/2018/10/20/w600X390/madhavaram-bustand.jpg http://www.dinamani.com/all-editions/edition-chennai/thiruvallur/2018/oct/20/மாதவரம்-அடுக்குமாடி-பேருந்து-நிலையத்திலிருந்து-வெளிமாநிலப்-பேருந்துகள்-முழு-அளவில்-இயக்கம்-3023134.html
3023133 சென்னை திருவள்ளூர் துணிக்கடையில் தீ விபத்து: பல கோடி மதிப்பிலான பொருள்கள் நாசம் DIN DIN Saturday, October 20, 2018 04:17 AM +0530
செங்குன்றத்தில் துணிக் கடையில் தீ விபத்து ஏற்பட்டதில் பல கோடி ரூபாய் மதிப்பிலான துணி வகைகள் மற்றும் பொருள்கள் எரிந்து நாசமாகின.
செங்குன்றம் ஜி.என்.டி. சாலையைச் சேர்ந்தவர் டேவிட்ராஜ் (35). இவர், அதே பகுதியில் நியூ மணி டெக்ஸ்டைல்ஸ் என்ற துணிக் கடையை கடந்த 5 ஆண்டுகளாக நடத்தி வருகிறார். இந்நிலையில், அவரது கடை வியாழக்கிழமை அதிகாலை 2 மணியளவில் தீப்பிடித்து எரிந்தது. 
இதுகுறித்து டேவிட்ராஜ் அளித்த தகவலின் பேரில் மாதவரம், செங்குன்றம், அம்பத்தூர், ஆவடி உள்ளிட்ட பகுதிகளில் இருந்து தீயணைப்பு வாகனங்கள் விரைந்து வந்தன.
தீயணைப்பு வீரர்கள் சுமார் 4 மணிநேரம் போராடி தீயை அணைத்தனர். 
மேலும், அம்பத்தூர் காவல் மாவட்ட துணை ஆணையர் ஈஸ்வரன் தலைமையில் உதவி ஆணையர் சுப்பிரமணியம்ராஜ், செங்குன்றம் ஆய்வாளர் கர்ணா ஆகியோர் அங்கு வந்து விசாரணை நடத்தினர். ஆயுத பூஜை, தீபாவளி உள்ளிட்ட பல்வேறு விசேஷ தினங்களையொட்டி, சுமார் ரூ. 8 கோடி மதிப்பிலான புதிய துணி வகைகள் இக்கடையின் தரைத்தளம், முதல் தளம் ஆகிய பகுதிகளில் வியாபாரத்துக்காக வைக்கப்பட்டிருந்தன. இந்த தீ விபத்தால் சுமார் ரூ. 4 கோடி மதிப்பிலான புதிய துணிரகங்கள், ரூ. 1 லட்சம் ரொக்கம் எரிந்து நாசமாகின.
இந்த விபத்து குறித்து செங்குன்றம் போலீஸார் வழக்குப் பதிவு செய்து விசாரணை நடத்தி வருகின்றனர்.


 

]]>
http://images.dinamani.com/uploads/user/imagelibrary/2018/10/20/w600X390/fire.JPG http://www.dinamani.com/all-editions/edition-chennai/thiruvallur/2018/oct/20/துணிக்கடையில்-தீ-விபத்து-பல-கோடி-மதிப்பிலான-பொருள்கள்-நாசம்-3023133.html
3022570 சென்னை திருவள்ளூர் நடைபாதை ஆக்கிரமிப்பு கடைகளால் பொதுமக்கள் அவதி DIN DIN Thursday, October 18, 2018 03:36 AM +0530
செங்குன்றம் பேருந்து நிலையம் அருகே நடைபாதையை ஆக்கிரமித்த கடைகளால் பொதுமக்கள் பெரிதும் அவதிப்படுகின்றனர். எனவே, இந்த ஆக்கிரமிப்புகளை அகற்ற கோரிக்கை விடுத்துள்ளனர்.
திருவள்ளூர் மாவட்டம் செங்குன்றம் ஜி.என்.டி. சாலையில் இரு பக்கங்களிலும் உள்ள நடைபாதையில் சிறு சிறு கடைகள் ஆக்கிரமித்துள்ளன. இந்த ஆக்கிரமிப்பு கடைகளால் சாலையில் போக்குவரத்து நெரிசலின்போது பொதுமக்கள் நடைபாதையைப் பயன்படுத்த முடியாமல் மிகவும் சிரமப்படுகின்றனர். 
இந்நிலையில், செங்குன்றம் பேருந்து நிலையம் அருகே உள்ள நடைபாதை, கடைகளால் ஆக்கிரமிப்பு செய்யப்பட்டுள்ளது. இதனால் பாதசாரிகள் நடைபாதையில் நடக்க முடியாமல் சாலையில் நடந்து செல்லும் நிலை உள்ளது. இதனால் விபத்துகள் ஏற்படுகின்றன. 
மழைக்காலங்களில் பாதசாரிகள் நடைபாதையை பயன்படுத்துவதற்கு ஏதுவாக ஆக்கிரமிப்புகளை அகற்ற வேண்டும் என காவல் நிலையத்தில் புகார் அளித்தும் எவ்வித நடவடிக்கையும் இல்லை. 
மேலும் சாலையோரங்களில் உள்ள மின்கம்பங்களில் இருந்து மின்சாரத்தைத் திருடி கடைகளுக்கு பயன்படுத்துவதாகவும் கூறப்படுகிறது. இந்த மின்சாரத் திருட்டால் பல்வேறு இடையூறுகள் ஏற்படுகின்றன. இதனால் உயிரிழப்புகளும் ஏற்பட்டுள்ளதாக பொதுமக்கள் தெரிவித்தனர். 
திருவள்ளூரில் முன்பு ஆட்சியராக இருந்த கோ.வீரராகவராவ் நடவடிக்கை எடுத்து நடைபாதைக் கடைகள் அகற்றி நடவடிக்கை மேற்கொண்டார். அதேபோல், முந்தைய ஆட்சியர் எ.சுந்தரவல்லியும் நடவடிக்கை எடுத்ததாகக் கூறப்படுகிறது. ஆனால் தற்போது ஆட்சியருக்கு தகவல் அளித்தும் எவ்வித நடவடிக்கையும் எடுக்கவில்லை என பொதுமக்கள் குற்றம் சாட்டினர். இதைத் தடுக்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும் எனவும், இதே நிலை நீடித்தால் பல்வேறு போராட்டங்களில் ஈடுபடப்போவதாகவும் சமூக ஆர்வலர்கள் முத்து, பி.ஜி.ஆனந்தன் ஆகியோர் தெரிவித்தனர். 



 

]]>
http://images.dinamani.com/uploads/user/imagelibrary/2018/10/18/w600X390/madhavaram.jpg செங்குன்றம் பேருந்து நிலையம் அருகே நடைபாதையை ஆக்கிரமித்துள்ள கடைகள். http://www.dinamani.com/all-editions/edition-chennai/thiruvallur/2018/oct/18/நடைபாதை-ஆக்கிரமிப்பு-கடைகளால்-பொதுமக்கள்-அவதி-3022570.html
3022423 சென்னை திருவள்ளூர் அரசு மருத்துவமனை வசதிகளை மேம்படுத்தக் கோரி கையெழுத்து இயக்கம் DIN DIN Thursday, October 18, 2018 01:42 AM +0530 கும்மிடிப்பூண்டி அரசு பொது மருத்துவமனையில்  வசதிகளை மேம்படுத்தக் கோரி மார்க்சிஸ்ட் கம்யூனிஸ்ட் கட்சியின் சார்பில் செவ்வாய்க்கிழமை கையெழுத்து இயக்கம் நடைபெற்றது.
கும்மிடிப்பூண்டி அரசு பொது மருத்துவமனையில் கூடுதலாக 3 மருத்துவர்களை நியமிக்க வேண்டும், விபத்துகளால் ஏற்படும் உயிரிழப்புகளைத் தடுக்கும் வகையில் அனைத்து வசதிகளுடன் அவசர சிகிச்சை பிரிவை அமைக்க வேண்டும், ரத்தப் பரிசோதனை, எக்ஸ்ரே, ஸ்கேன் போன்றவற்றுக்கு தொழில்நுட்ப ஊழியர்களை நியமனம் செய்ய வேண்டும் என்பன உள்ளிட்ட கோரிக்கைகளை வலியுறுத்தி, மார்க்சிஸ்ட் கம்யூனிஸ்ட் கட்சியின் கும்மிடிப்பூண்டி நகர கிளை சார்பில் கையெழுத்து இயக்கம் நடத்தப்பட்டது.
கட்சியின் நகரச் செயலாளர் வி.ஆர்.லட்சுமணன் தலைமை வகித்தார். புற நோயாளிகள் மற்றும் பொது மக்களிடம் கோரிக்கைகள் அடங்கிய துண்டுப் பிரசுரங்கள் விநியோகம் செய்யப்பட்டு, கையெழுத்திடும் போது, அதை மருத்துவர் கென்னடி தடுத்ததாகக் கூறப்படுகிறது. இதனால் மார்க்சிஸ்ட் கம்யூனிஸ்ட் கட்சியினருக்கும் மருத்துவர் கென்னடிக்கும் வாக்குவாதம் ஏற்பட்டது. இதையடுத்து மருத்துவர் மீது மார்க்சிஸ்ட் கம்யூனிஸ்ட் கட்சி சார்பில் காவல் நிலையத்தில் புகார் அளிக்கப்பட்டது.
 

]]>
http://www.dinamani.com/all-editions/edition-chennai/thiruvallur/2018/oct/18/அரசு-மருத்துவமனை-வசதிகளை-மேம்படுத்தக்-கோரி-கையெழுத்து-இயக்கம்-3022423.html
3022421 சென்னை திருவள்ளூர் இடி  தாக்கி பெண் சாவு DIN DIN Thursday, October 18, 2018 01:41 AM +0530 கும்மிடிப்பூண்டி  அருகே வயலில் வேலை பார்த்த பெண் புதன்கிழமை இடி தாக்கியதில் உயிரிழந்தார்.
கும்மிடிப்பூண்டியை அடுத்த ராஜாபாளையம் பகுதியைச் சேர்ந்த பூங்காவனம் மனைவி மகேஸ்வரி(55). இவர் புதன்கிழமை வயலில் கூலி வேலை பார்த்துக்கொண்டிருந்தபோது உயிரிழந்தார். இது குறித்து தகவல் அறிந்த வருவாய்த் துறையினர் மற்றும் கும்மிடிப்பூண்டி போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/18/இடி--தாக்கி-பெண்-சாவு-3022421.html
3022420 சென்னை திருவள்ளூர் "வேலை வாய்ப்பற்றோர் உதவித் தொகைக்கு நவ.30-க்குள் விண்ணப்பிக்கலாம்' DIN DIN Thursday, October 18, 2018 01:41 AM +0530 வேலை வாய்ப்பற்றோருக்கான உதவித் தொகையைப் பெற இளைஞர்கள்  வரும்  நவம்பர் 30-ஆம் தேதிக்குள் விண்ணப்பிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார். இது குறித்துஅவர் வெளியிட்டுள்ள செய்திக் குறிப்பு: படித்த வேலைவாய்ப்பற்ற இளைஞர்களுக்கான வேலைவாய்ப்பற்றோர் உதவித்தொகை வழங்கும் திட்டம் அரசால் செயல்படுத்தப்பட்டு வருகிறது. இதற்கு, படித்துவிட்டு வேலைவாய்ப்பு அலுவலகத்தில் பதிவு செய்து 5 ஆண்டுகள் வரையில் ஆகியிருக்க வேண்டும். 
அந்த வகையில் பத்தாம் வகுப்பு தேர்ச்சி பெறாத பதிவுதாரர்களுக்கு மாதந்தோறும் ரூ.200, பத்தாம் வகுப்பு தேர்ச்சி பெற்றவர்களுக்கு மாதம் ரூ.300, பிளஸ் 2, தொழிற்கல்வி, பட்டயப்படிப்பு தேர்வில் தேர்ச்சியடைந்த பதிவு தாரர்களுக்கு ரூ.400, பட்டப்படிப்பு தேர்வில் தேர்ச்சியடைந்தோருக்கு ரூ.600 என மாதந்தோறும் உதவித் தொகை வழங்கப்பட இருக்கிறது.
இந்த உதவித்தொகையைப் பெற வேலைவாய்ப்பு அலுவலகத்தில் பதிவு செய்து, தொடர்ந்து 5 ஆண்டுகள் வரை பதிவை புதுப்பித்து  வந்திருக்க வேண்டும். இதில், பொதுப்பிரிவினர் 40 வயதிற்குள்ளும், தாழ்த்தப்பட்ட மற்றும் பழங்குடியினர் 45-வயதிற்குள்ளும் இருக்க வேண்டும். கல்வி நிறுவனத்தில் நாள்தோறும் சென்று பயின்று வருவபராக  இருக்கக்கூடாது. மேலும், பெற்றோரின் ஆண்டு வருமானம் ரூ.50 ஆயிரத்திற்குள் இருக்க வேண்டும்.
எனவே, மேற்குறிப்பிட்ட தகுதியும், உதவித்தொகை பெற விருப்பமும் உள்ளோர் நவம்பர் 30-ஆம் தேதிக்குள் திருவள்ளூர் மாவட்ட வேலைவாய்ப்பு அலுவலகத்திற்கு, அனைத்து அசல் கல்விச் சான்றிதழ்களுடன் நேரில் வந்து விண்ணப்பங்களை விலையில்லாமல் பெற்றுக் கொள்ளலாம். மாற்றுத்திறனாளிகளைப் பொருத்தவரையில் உச்ச வயது வரம்பு ஏதுவும் கிடையாது என அவர் தெரிவித்துள்ளார். 

]]>
http://www.dinamani.com/all-editions/edition-chennai/thiruvallur/2018/oct/18/வேலை-வாய்ப்பற்றோர்-உதவித்-தொகைக்கு-நவ30-க்குள்-விண்ணப்பிக்கலாம்-3022420.html
3022419 சென்னை திருவள்ளூர் பூஜை பொருள்கள் விலை அதிகரிப்பு: பொதுமக்கள் அதிருப்தி DIN DIN Thursday, October 18, 2018 01:41 AM +0530 திருவள்ளூர் பகுதிகளில் ஆயுதபூஜையை முன்னிட்டு பூஜைப் பொருள்களான பூ வகைகள், தேங்காய், பழம், பொரிகடலை ஆகியவற்றின் விலை கடந்த ஆண்டைக் காட்டிலும் அதிகரித்துள்ளதாக பொதுமக்கள் புகார் தெரிவித்தனர். 
நவராத்திரியின் நிறைவு நாளான வியாழக்கிழமை விஜயதசமி மற்றும் ஆயுத பூஜை நாடெங்கிலும்  கொண்டாடப்படுகிறது. இதையடுத்து அரசு மற்றும் தனியார் நிறுவனங்கள், வாகனம் வைத்துள்ளோர், வணிக நிறுவனங்கள் மற்றும் வீடுகள் தோறும் ஆயுதபூஜையை வெகு விமரிசையாக கொண்டாடுவது வழக்கமாகும். 
இந்த ஆயுத பூஜையையொட்டி வழிபாடு செய்வதற்கான வாழை மரம், வாழை இலை, தேங்காய், பழம், பொரிகடலை, அவல், பழங்கள் போன்றவை திருவள்ளூர், ஆவடி சாலை, பஜார் வீதி, ஜி.என்.சாலை, பேருந்து நிலையம் உள்ளிட்ட நகரின் பல்வேறு பகுதிகளிலும் புதன்கிழமை விற்பனை செய்யப்பட்டன. இதை பொதுமக்கள் வாங்கிச் செல்வதற்கு ஆர்வத்துடன் குவிந்தனர். இதனால் பஜார்வீதியில் மக்கள் கூட்டம் அதிகமாக  இருந்த காரணத்தால் போக்குவரத்து நெருக்கடியும் ஏற்பட்டது.  
இந்நிலையில், கடந்த ஆண்டை விட நிகழாண்டில் பூஜைப் பொருள்களின் விலை அதிகமாகவே விற்பனை செய்யப்பட்டதாக பொதுமக்கள் தெரிவித்தனர். இதில் சாமந்திப்பூ ஒரு கிலோ சாதாரண நாள்களில் ரூ.100-க்கு விற்பனை செய்த நிலையில், பூஜையை ஒட்டி ரூ.280-க்கு விற்பனை செய்யப்பட்டது. அதேபோல், வாழைக்கன்றுகள் ஜோடி ரூ.100 முதல் ரூ.150-க்கும், வாழை இலை ஒரு அடுக்கு ரூ.30-க்கும், வாழைப்பழம் ஒரு சீப்பு-ரூ.60 முதல் ரூ.80 வரையிலும், பொரிகடலை அவலுடன் சேர்த்து படி ரூ.40, அலங்காரப் பூக்கள் ஜோடி ரூ.150 முதல் ரூ.200 வரையிலும், தேங்காய் ஒன்று சாதாரண நாள்களில் ரூ.20-க்கு விற்ற நிலையில், தற்போது தரத்திற்குகேற்ப ரூ.40 முதல் ரூ.60 என விலை அதிகரித்துள்ளதாகவும் பொதுமக்கள் புகார் தெரிவித்தனர்.    
 

]]>
http://www.dinamani.com/all-editions/edition-chennai/thiruvallur/2018/oct/18/பூஜை-பொருள்கள்-விலை-அதிகரிப்பு-பொதுமக்கள்-அதிருப்தி-3022419.html
3022417 சென்னை திருவள்ளூர் மழைக்கால பாதிப்புகளை சமாளிக்க முன்னேற்பாடுகள் தயார்:  அமைச்சர் ஆர்.பி. உதயகுமார் DIN DIN Thursday, October 18, 2018 01:40 AM +0530 வடகிழக்குப் பருவமழை காலங்களில் பாதிக்கப்படுவோரை மீட்பதற்கான குழுக்கள் உள்பட அனைத்து முன்னேற்பாடுகளும் தயார் நிலையில் வைக்கப்பட்டுள்ளதாக, பேரிடர் மேலாண்மை குறித்த ஆய்வுக் கூட்டத்தில் வருவாய்த்துறை அமைச்சர் ஆர்.பி.உதயகுமார் தெரிவித்தார். 
திருவள்ளூர் மாவட்ட ஆட்சியர் அலுவலக வளாகத்தில் வடகிழக்குப் பருவமழை முன்னெச்சரிக்கை நடவடிக்கை தொடர்பாக அனைத்துத் துறை அலுவலர்களுடனான கலந்தாய்வுக் கூட்டம் புதன்கிழமை நடைபெற்றது. நிகழ்வுக்கு, ஆட்சியர் மகேஸ்வரி ரவிகுமார் தலைமை வகித்தார். 
இந்தக் கூட்டத்திற்குப் பின், வருவாய்த்துறை அமைச்சர் ஆர்.பி.உதயகுமார் செய்தியாளர்களிடம் கூறியது: 
 மழைக்காலத்தில்  பாதிப்புகுள்ளாகும் பகுதிகளில் மீட்புப் பணிகள் குறித்தும், பாதுகாப்பு நடவடிக்கைகள் குறித்தும் இக்கூட்டத்தில் ஆலோசனை நடத்தப்பட்டது. இதில் வடகிழக்குப் பருவமழையின் போது இம்மாவட்டத்தின்155 இடங்கள் அதிகம் பாதிக்கும் இடங்களாக கண்டறியப்பட்டுள்ளது. 
எனவே, பருமழையால் பாதிக்கப்படுவோர்களை மீட்பதற்காக மண்டல அளவில் 42 மீட்புக் குழுக்கள் அமைக்கப்பட்டுள்ளது. அதேபோல், தாழ்வான பகுதிகளில் உள்ள குடியிருப்புகளில் தண்ணீர் புகும் அபாயம் உள்ளது. அதுபோன்ற இடங்களில் பாதிக்கப்படுவோருக்கு வழங்குவதற்காக நிவாரணப் பொருள்கள் தயாராக வைக்கப்பட்டுள்ளன. 
அதேபோல், பாதிக்கப்படும் பொதுமக்களை தங்க வைப்பதற்காக பள்ளி, கல்லூரி மற்றும் திருமண அரங்குகளும் கண்டறிந்து தயார் நிலையில் உள்ளன.  
தற்போது, தண்ணீர் புகும் வீடுகள் உள்ள பகுதிகள் கண்டறியப்பட்டு, அப்பகுதிகளில் சீரமைப்புப் பணிகள் மேற்கொள்வதற்கான நடவடிக்கை மேற்கொள்ளப்பட்டு வருகிறது. 
மேலும், பாம்பு பிடிப்பவர்கள், மரம் ஏறுபவர்கள் என அனைத்துத் தகுதிகளும் நிறைந்தவர்கள் நியமிக்கப்பட்டு, பருமழையின் போது அலுவலர்களோடு இணைந்து அவர்கள் மீட்புப் பணியில் ஈடுபடுவர். இதுபோன்று திருவள்ளூர், காஞ்சிபுரம் ஆகிய மாவட்டங்களில் பருவமழையை எதிர்கொள்ளத் தேவையான முன்னேற்பாடுகள் தயாராக உள்ளதாக அவர் தெரிவித்தார். 
நிகழ்வில், தமிழ் வளர்ச்சி மற்றும், தொல்லியல் துறை அமைச்சர் க.பாண்டியராஜன், திருத்தணி எம்எல்ஏ நரசிம்மன், அம்பத்தூர் எம்எல்ஏ அலெக்ஸாண்டர், மாவட்ட வருவாய் அலுவலர் து.சந்திரன், மாவட்ட ஊரக வளர்ச்சி முகமையின் திட்ட இயக்குநர் ச.சா.குமார், ஜெ.பேரவைச் இணைச்செயலாளர் செவ்வை சம்பத், முன்னாள் நகராட்சித் தலைவர் கமாண்டோ பாஸ்கரன், முன்னாள் ஒன்றியக்குழு தலைவர் புட்லூர் சந்திரசேகர் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/18/மழைக்கால-பாதிப்புகளை-சமாளிக்க-முன்னேற்பாடுகள்-தயார்--அமைச்சர்-ஆர்பி-உதயகுமார்-3022417.html
3021812 சென்னை திருவள்ளூர் 9 லட்சம் பணியாளர்களின் பதிவேடு கணினிமயமாக்க நடவடிக்கை DIN DIN Wednesday, October 17, 2018 03:01 AM +0530
பணிப்பளுவை குறைக்கும் வகையில் 9 லட்சத்துக்கும் மேற்பட்ட அரசுப் பணியாளர்களின் பணிப்பதிவேடுகளை எளிதாகப் பராமரிக்கும் வகையில் கணினிமயமாக்கப்படுவதுடன், இந்த புதிய திட்டத்தை நவம்பர்-2018 முதல் நடைமுறைப்படுத்த திட்டமிடப்பட்டுள்ளதாக கருவூல மற்றும் கணக்குத் துறை ஆணையாளர் தென்காசி சு.ஜவஹர் தெரிவித்தார். 
திருவள்ளூர் அருகே பூந்தமல்லி தனியார் பொறியியல் கல்லூரி வளாகத்தில் கருவூலம் மற்றும் கணக்குத் துறை சார்பில், ஒருங்கிணைந்த நிதி மற்றும் மனிதவள மேலாண்மைத் திட்டம் குறித்த அரசுப் பணியாளர்களுக்கான திறனூட்டல் மாநாடு செவ்வாய்க்கிழமை நடைபெற்றது. இம்மாநாட்டுக்கு மாநில கருவூலம் மற்றும் கணக்குத் துறை ஆணையர் தென்காசி சு.ஜவஹர் தலைமை வகித்துப் பேசியதாவது: தமிழக நிதித்துறையின் கட்டுப்பாட்டில் 1962-ஆம் ஆண்டு முதல் கருவூலம் மற்றும் கணக்குத் துறை தனித் துறையாக செயல்பட்டு வருகிறது. மாநில அளவில் சம்பளம் மற்றும் கணக்கு அலுவலகங்கள், மாவட்டக் கருவூலங்கள், சார்நிலைக் கருவூலங்கள் மூலமாக 2017-2018 நிதி ஆண்டில் ரூ. 1,55,824 கோடி வரவாகவும், ரு. 1,70,256 கோடி செலவினமாகவும் அரசின் நிதி கையாளப்பட்டுள்ளது. 
அரசு நிதி மேலாண்மை தொடர்பான பணிகள் திறம்பட நடைபெறவும், கருவூலப் பணிகளை மேம்படுத்தவும் பிரத்யேகமான வழிமுறையில் மனித வள மேலாண்மையை ஒருங்கிணைத்து ஒருங்கிணைந்த நிதி மற்றும் மனித வள மேலாண்மைத் திட்டம் செயல்படுத்தப்பட உள்ளன. இத்திட்டத்தை செயல்படுத்த அரசு ரூ. 288.91 கோடியில் அனுமதி அளித்துள்ளது. இதை அமல்படுத்துவதால் தமிழ்நாடு மற்றும் புதுதில்லியில் உள்ள சம்பளம் மற்றும் கணக்கு அலுவலகத்தில் சம்பளம் பெற்று வழங்கும் சுமார் 29 ஆயிரம் அலுவலர்கள் சம்பளம் பெற்று வழங்க பட்டியல்களை நேரடி இணையம் மூலம் குறிப்பிட்ட நேரத்தில் கருவூலத்தில் பட்டியல் சமர்ப்பிக்க முடியும். 
மேலும், கருவூலங்கள் காகிதமற்ற அலுவலகங்களாகவும் மாற்றப்படும். இதன் மூலம் சம்பளம் பெற்று வழங்கும் அலுவலர்கள் இணைய வழி மூலம் பட்டியல்களைக் கருவூலத்தில் சமர்ப்பித்த நேரத்தில் இருந்து, பயனாளியின் வங்கிக்கணக்கில் பணம் சேரும் வரையில் வெளிப்படையாகவும், எளிதாகவும் அறிந்து கொள்ளலாம். இந்த திட்டம் மூலம் 9 லட்சத்துக்கும் மேற்பட்ட பணியாளர்களின் பணிப்பதிவேடு எளிமையாகப் பராமரிக்கும் வகையில் கணினி மயமாக்கப்படவுள்ளது. இந்த முறையால் பணிப்பதிவேட்டை ஒவ்வொரு பணியாளரும் தனது கடவுச்சொல் பயன்படுத்த செல்லிடப்பேசி மூலமும் அறிந்து கொள்ளலாம். 
இத்திட்ட செயல்பாடுகளை முழுமையாக பணியாளர்கள் அறிந்து கொண்ட பின் வரும் நவம்பர் 2018-இல் புதிய திட்டம் நடைமுறைப்படுத்தப்பட உள்ளது. 
மாநிலம் முழுவதும் உள்ள சுமார் 7.30 லட்சம் ஓய்வூதியதாரர்களில் 7 லட்சம் பேர் ஓய்வூதியத்தை கருவூலம் மூலமாக பெற்று வருகின்றனர். 
பொதுத்துறை வங்கிகள் மூலம் ஓய்வூதியம் பெற்று வந்த சுமார் 30 ஆயிரம் ஓய்வூதியர்களின் ஊதியங்கள் கருவூலங்களின் மூலமாக வழங்கிட உரிய நடவடிக்கை எடுக்கப்பட்டு வருகிறது. 
அதேபோல், ஓய்வூதியர்களுக்கான மருத்துவக் காப்பீட்டுத் திட்டம் மூலம் மருத்துவ சிகிச்சை பெற 726 ஆக இருந்த மருத்துவமனைகளின் எண்ணிக்கை 913ஆக அதிகரிக்கப்பட்டுள்ளன. இதனால் மாவட்டத் தலைமை இடங்களில் அமைந்துள்ள மருத்துவமனைகள் மட்டுமன்றி வட்டாரத் தலைமையிடங்களிலும் உள்ள மருத்துவமனைகளும் இத்திட்டத்தில் சேர்க்கப்பட்டுள்ளன. இதன் மூலம் ஓய்வூதியர்கள் தங்களது துணைவியருடன் வசிக்கும் பகுதிக்கு அருகே அனுமதித்த மருத்துவமனைகளில் சிகிச்சைபெறும் வசதி ஏற்படுத்தப்பட்டுள்ளது என்றார்.
கூட்டத்தில் ஹரியாணா மாநில மகளிர் மற்றும் குழந்தைகள் நலத் துறை முதன்மைச் செயலாளர் மற்றும் ஆணையர் வ.ராஜசேகர், ஆட்சியர் மகேஸ்வரி ரவிகுமார், மாவட்டக் காவல் கண்காணிப்பாளர் இரா.பொன்னி, வருமான வரித்துறை ஆணையர் கே.ரவி ராமச்சந்திரன், மாநில கணக்காயர் டி.ஜெயசங்கர், மாவட்ட வன அலுவலர் (பொ) போஸ்லே சச்சின் துக்காராம், சார் ஆட்சியர் த.ரத்னா, கூடுதல் இயக்குநர் (மின் ஆளுகை) உள்பட 2,210 பணியாளர்கள் பங்கேற்றனர்.


 

]]>
http://images.dinamani.com/uploads/user/imagelibrary/2018/10/17/w600X390/jawagar.JPG பூந்தமல்லியில்    நடைபெற்ற  திறனூட்டல்  மாநாட்டில் பேசிய  கருவூல மற்றும் கணக்குத் துறை ஆணையர்  தென்காசி  சு. ஜவஹர்.(கீழே) நிகழ்ச்சியில் பங்கேற்றோர். http://www.dinamani.com/all-editions/edition-chennai/thiruvallur/2018/oct/17/9-லட்சம்-பணியாளர்களின்-பதிவேடு-கணினிமயமாக்க-நடவடிக்கை-3021812.html
3021811 சென்னை திருவள்ளூர் 14 செல்லிடப்பேசிகள் பறிமுதல்; இருவர் கைது DIN DIN Wednesday, October 17, 2018 03:00 AM +0530
புழல் பகுதியில் செல்லிடப்பேசி திருட்டில் ஈடுபட்ட 2 பேரை போலீஸார் கைது செய்தனர். அவர்களிடமிருந்து, 14 செல்லிடப்பேசிகள் பறிமுதல் செய்யப்பட்டன.
கதிர்வேடு சிக்னல் அருகே புழல் காவல் ஆய்வாளர் நடராஜ் தலைமையில் போலீஸார் வாகனச் சோதனையில் ஈடுபட்டிருந்தனர். அப்போது சந்தேகப்படும்படியாக வந்த 2 பேரைப் பிடித்து ஆய்வாளர் நடராஜ் விசாரணை நடத்தினார். 
அதில், இவர்கள் ஊத்துக்கோட்டையை அடுத்த லட்சிவாக்கம் பெருமாள்கோவில் தெருவைச் சேர்ந்த சின்னராசு (20), பெரியபாளையம் அம்பேத்கர் தெருவைச் சேர்ந்த பிரகாஷ்(19) என்பது தெரிய வந்தது. மேலும் இவர்கள் செங்குன்றம், புழல், மாதவரம், பால் பண்ணை மற்றும் கொளத்தூர் ஆகிய பகுதிகளில் செல்லிடப்பேசி பறிக்கும் சம்பவங்களில் ஈடுபட்டதும் தெரியவந்தது. 
இதையடுத்து, அவர்கள் கைது செய்யப்பட்டு, திருவொற்றியூர் நீதிமன்றத்தில் ஆஜர்படுத்தி புழல் மத்திய சிறையில் அடைக்கப்பட்டனர்.
அவர்களிடம் இருந்து 14 செல்லிடப்பேசிகள் மற்றும் ஒரு இருசக்கர வாகனத்தை பறிமுதல் செய்தனர்.
 

]]>
http://www.dinamani.com/all-editions/edition-chennai/thiruvallur/2018/oct/17/14-செல்லிடப்பேசிகள்-பறிமுதல்-இருவர்-கைது-3021811.html
3021694 சென்னை திருவள்ளூர் வீட்டின் பூட்டை உடைத்து 50 சவரன் நகை திருட்டு DIN DIN Wednesday, October 17, 2018 12:53 AM +0530 ஆவடி அருகே வீட்டின் பூட்டை உடைத்து, 51 சவரன் நகையை திருடிச் சென்ற மர்ம நபர்கள் குறித்து போலீஸார் விசாரணை மேற்கொண்டு வருகின்றனர். 
   இதுகுறித்து, பட்டாபிராம் போலீஸார் தரப்பில் கூறியதாவது: பட்டாபிராம்  மாடர்ன் சிட்டி பகுதி 4-ஆவது தெருவைச் சேர்ந்தவர் இம்மானுவேல். இவரது மனைவி சாந்தி (40). ஆசிரியையாக பணியாற்றி வருகிறார். இந்நிலையில், உடல் நலக் குறைவால் பாதிக்கப்பட்ட தங்கள் மகளை சென்னையில் உள்ள தனியார் மருத்துவமனைக்கு திங்கள்கிழமை அழைத்துச் சென்றுள்ளனர். பின்னர், இரவு திரும்பியபோது,  வீட்டுக்கு முன்புறம் இருந்த கிரில் கேட் உடைக்கப்பட்டிருந்தது தெரியவந்தது. வீட்டின் உள்ளே சென்று பார்த்தபோது, பீரோ உடைக்கப்பட்டு, அதிலிருந்து 50 சவரன் நகையை மர்ம நபர்கள் திருடிச் சென்றிருந்தது தெரியவந்தது. இதுகுறித்து பட்டாபிராம் காவல் நிலையத்தில் இம்மானுவேல் அளித்த புகாரின் பேரில், போலீஸார் வழக்குப் பதிந்து விசாரித்து வருகின்றனர். 

]]>
http://www.dinamani.com/all-editions/edition-chennai/thiruvallur/2018/oct/17/வீட்டின்-பூட்டை-உடைத்து-50-சவரன்-நகை-திருட்டு-3021694.html
3021692 சென்னை திருவள்ளூர் குண்டர் சட்டத்தில் இளைஞர் கைது DIN DIN Wednesday, October 17, 2018 12:52 AM +0530 திருவள்ளூர் அருகே தொடர்ந்து மணல் கடத்தலில் ஈடுபட்ட வந்த இளைஞரை போலீஸார் குண்டர் சட்டத்தில் கைது செய்து செவ்வாய்க்கிழமை சிறையில் அடைத்தனர்.
 திருவள்ளூர் அருகே வெங்கலை அடுத்த அரும்பாக்கம் பகுதியில் உள்ள கொசஸ்தலை ஆற்றில் தொடர்ந்து இரவு நேரங்களில் மணல் திருட்டு சம்பவம் நடைபெற்று வருவதாக வெங்கல் காவல் நிலையத்துக்கு தகவல் வந்தது. அதன் அடிப்படையில் வெங்கல் காவல் ஆய்வாளர் ஜெயவேல்,  சார்பு ஆய்வாளர் பிரதாப் மற்றும் போலீஸார் அப்பகுதியில் திடீர் சோதனையில் ஈடுபட்டனர். அப்போது, மணல் திருட்டில் ஈடுபட்ட கரிக்கலவாக்கம் காலனியைச் சேர்ந்த சந்திரனை (40) சுற்றி வளைத்து கைது செய்தனர். விசாரணையில், இவர் மீது ஏற்கெனவே மணல் கடத்தல் தொடர்பான பல்வேறு வழக்குகள் நிலுவையில் இருந்தது தெரியவந்தது.
இதைத் தொடர்ந்து, சந்திரனை குண்டர் சட்டத்தில் கைது செய்வதற்கு மாவட்டக் காவல் கண்காணிப்பாளர் இரா.பொன்னி, ஆட்சியருக்கு பரிந்துரைத்தார். அதன் பேரில், வழக்குகளை ஆய்வு செய்த ஆட்சியர் மகேஸ்வரி ரவிகுமார் குண்டர் சட்டத்தில் கைது செய்ய உத்தரவிட்டார். இதையடுத்து, சந்திரனை குண்டர் சட்டத்தில் கைது செய்தனர்.

]]>
http://www.dinamani.com/all-editions/edition-chennai/thiruvallur/2018/oct/17/குண்டர்-சட்டத்தில்-இளைஞர்-கைது-3021692.html
3021691 சென்னை திருவள்ளூர் சென்னைக்கு சுற்றுலா அழைத்துச் செல்லப்பட்ட பள்ளி மாணவர்கள் DIN DIN Wednesday, October 17, 2018 12:51 AM +0530 மாணவ, மாணவிகளை சென்னைக்கு ஒரு நாள் விழிப்புணர்வு சுற்றுலா அழைத்துச் செல்லும் பேருந்தை திருவள்ளூரில் ஆட்சியர் மகேஸ்வரி ரவிகுமார் கொடியசைத்து தொடங்கி வைத்தார். 
தமிழக அளவில் மாவட்டந்தோறும் ஏழ்மை நிலையில் உள்ள மாணவ, மாணவிகளை அந்தந்த பகுதிகளில் உள்ள சுற்றுலா குறித்து அறிந்து கொள்ளும் நோக்கில், சுற்றுலாத் துறை சார்பில் ஒரு நாள் விழிப்புணர்வு சுற்றுலா அழைத்துச் செல்லும் திட்டம் செயல்படுத்தப்பட்டு வருகிறது. இச்சுற்றுலா செல்லும் மாணவ, மாணவிகளுக்கு பை, தொப்பி மற்றும் உணவுடன் மாவட்டந்தோறும் 150 பேரை அழைத்துச் செல்வதற்கு தலா ரூ. 2 லட்சம் வீதம் மாநில அளவில் 
ரூ. 64 லட்சம் ஒதுக்கீடு செய்து அரசு உத்தரவிட்டுள்ளது.
அதன் அடிப்படையில் திருவள்ளுர் மாவட்ட சுற்றுலாத் துறை சார்பில் 10 பள்ளிகளில் இருந்து ஏழ்மை நிலையில் உள்ள மாணவ, மாணவிகள் தலா 15 பேர் வீதம் மொத்தம் 150 பேரும், பாதுகாப்பாக 15 ஆசிரியர்களையும் அழைத்துச் செல்வதற்கு ஏற்பாடு செய்யப்பட்டிருந்தது. அதன் அடிப்படையில் ஆட்சியர் அலுவலகத்திலிருந்து 3 பேருந்துகளில் சுற்றுலா அனுப்பி வைக்கும் நிகழ்ச்சி செவ்வாய்க்கிழமை நடைபெற்றது. 
இதில் மாவட்ட ஆட்சியர் மகேஸ்வரி ரவிகுமார் தலைமை வகித்து, மாணவ, மாணவிகள் செல்லும் சுற்றுலாப் பேருந்தை கொடியசைத்து தொடங்கி வைத்தார். 
இந்த ஒரு நாள் சுற்றுலா மூலம் சென்னையில் உள்ள பிர்லா கோளரங்கம், கிண்டி பாம்புப் பண்ணை, சிறுவர் பூங்கா மற்றும் வள்ளுவர் கோட்டம் ஆகிய பகுதிகளுக்கு மாணவ, மாணவிகளை அழைத்துச் சென்று சுற்றிக் காண்பிக்க உள்ளனர். அதைத் தொடர்ந்து, அப்பேருந்து புறப்பட்ட இடத்திலேயே அழைத்துச் சென்றவர்களை விட ஏற்பாடு செய்யப்பட்டுள்ளதாக அதிகாரிகள் தெரிவித்தனர். 
நிகழ்ச்சியில், மாவட்ட முதன்மைக் கல்வி அலுவலர் த.ராஜேந்திரன், நேர்முக உதவியாளர்(மேல்நிலைக்கல்வி) திருவரசு, சுற்றுலாத் துறை அலுவலர் வின்சென்ட் உள்ளிட்டோர் கலந்து கொண்டனர். 

]]>
http://www.dinamani.com/all-editions/edition-chennai/thiruvallur/2018/oct/17/சென்னைக்கு-சுற்றுலா-அழைத்துச்-செல்லப்பட்ட-பள்ளி-மாணவர்கள்-3021691.html
3021690 சென்னை திருவள்ளூர் வீர தீரச் செயல் புரிந்த பெண் குழந்தை விருதுக்கு நவ.20-க்குள் விண்ணப்பிக்கலாம் DIN DIN Wednesday, October 17, 2018 12:51 AM +0530 பெண் குழந்தைகள் சமூக முன்னேற்றத்துக்கு சிறப்பான பங்காற்றுதல் மற்றும் வீரதீரச் செயல் புரிந்தோருக்கான விருது பெற 18 வயதுக்குள்பட்ட பெண்கள் நவம்பர் 20-ஆம் தேதிக்குள் விண்ணப்பிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார். 
இதுகுறித்து அவர் வெளியிட்டுள்ள செய்திக் குறிப்பு: பெண் குழந்தைகள் சமூக சேவை செய்தல், அக்குழந்தைகளின் முன்னேற்றம் மற்றும் கல்விப்பணியில் சிறப்பாக பங்காற்றிய 5 வயது முதல் 18 வயதுக்குள்பட்ட பெண் குழந்தைகளுக்கு ஆண்டுதோறும் விருதுகள் வழங்கப்பட்டு வருகிறது.  
அதேபோல், நிகழாண்டில் இவ்விருது பெற 5 வயது முதல் 18 வயதுக்குள்பட்ட தமிழகத்தில் வசிக்கும் பெண் குழந்தை (31 டிசம்பர்-இன் படி) பெண் கல்வி, பெண் குழந்தை தொழிலாளர் ஒழிப்பு, பெண் குழந்தை திருமணத்தை தடுத்தல், மேலும், வேறு ஏதாவது வகையில் சிறப்பான தனித்துவமான சாதனை செய்திருத்தல், சமூக அவலங்கள் மற்றும் அதனைத் தீர்வு காண்பதற்கு புத்தகங்கள் மற்றும் கையேடுகள் எழுதி வெளியிட்டு இருத்தல், ஆண்கள் மட்டுமே சாதிக்க முடியும் என்பது போன்ற செயல்களை பெண்களாலும் சாதிக்க முடியும் என்று சாதித்திருத்தல் போன்ற வீர தீரச் செயல் புரிந்திருப்போர் இவ்விருதுக்கு விண்ணப்பிக்கலாம். 
இவ்விருது பெற தேர்வு செய்யப்படுவோருக்கு ரூ. 1 லட்சம் பரிசுத் தொகை மற்றும் வீரதீரச் செயலுக்கான பாராட்டுச் சான்றிதழும் வழங்கப்படும். 
மேலும், இது குறித்து மாவட்ட சமூக நலத்துறை அலுவலகம், 2-ஆவது தளம், ஆட்சியர் அலுவலக வளாகம், தொலைபேசி எண். 044-27663912 என்ற முகவரியில் தொடர்பு கொண்டு, தேவையான விவரங்களை அறிந்து கொள்ளலாம் என அவர் தெரிவித்துள்ளார்.

]]>
http://www.dinamani.com/all-editions/edition-chennai/thiruvallur/2018/oct/17/வீர-தீரச்-செயல்-புரிந்த-பெண்-குழந்தை-விருதுக்கு-நவ20-க்குள்-விண்ணப்பிக்கலாம்-3021690.html
3021688 சென்னை திருவள்ளூர் இலவச கால்நடை மருத்துவ முகாம் DIN DIN Wednesday, October 17, 2018 12:50 AM +0530 திருவள்ளூர் அருகே அரசு மேல்நிலைப் பள்ளி சார்பில் இலவச கால்நடை சிகிச்சை முகாம் செவ்வாய்க்கிழமை நடைபெற்றது.      
திருவள்ளூர் அருகே கடம்பத்தூர் அரசு மேல்நிலைப் பள்ளியின் சார்பில் நாட்டு நலப்பணித் திட்ட முகாம் புதுமாவிலங்கை ஊராட்சி அகரம் கிராமத்தில் அக்டோபர் 12 முதல் 18 -ஆம் தேதி வரை நடைபெற்று வருகிறது. 
இதன் ஒரு பகுதியாக செவ்வாய்க்கிழமை இலவச கால்நடை மருத்துவ முகாம் நடைபெற்றது. நிகழ்ச்சிக்கு, பள்ளித் தலைமையாசிரியர் வே.ரேவதி தலைமை வகித்தார். நாட்டு நலப்பணித்  திட்ட அலுவலர் ஆர்.பரமானந்தம் வரவேற்றார். 
உதவி தலைமையாசிரியர் வா.பாலமுருகன், அகரம் தொடக்கப் பள்ளித் தலைமையாசிரியை லட்சுமிபிரபா ஆகியோர் முன்னிலை வகித்தனர். பெற்றோர் ஆசிரியர் கழகத் தலைவர் பொ.பூபாலன் மற்றும் திருவள்ளூர் மாவட்ட நாட்டு நலப்பணித் திட்ட  ஒருங்கிணைப்பாளர் கேசவலு ஆகியோர் மருத்துவ முகாமை தொடங்கி வைத்தனர். 
முகாமில் ஏராளமானோர் தாங்கள் வளர்த்து வரும்  கால்நடைகளான கறவை மாடுகள், ஆடுகள் மற்றும் வீட்டு விலங்குகளை அழைத்து வந்து சிகிச்சை பெற்றுச் சென்றனர்.
பேரம்பாக்கம் கால்நடை மருத்துவர் லோகநாதன் தலைமையில் மருத்துவக் குழுவினர் சிகிச்சை அளித்து மருந்துகளை வழங்கினர். 
நிகழ்ச்சியில், வெண்மனபுதூர் உயர்நிலைப்பள்ளி ஆசிரியர் பாண்டியன், அகரம் தொடக்கப் பள்ளி ஆசிரியர் இந்திராணி, வேளாண்மைக் கல்லூரி மாணவிகள் மற்றும் நாட்டு நலப்பணித் திட்ட மாணவர்கள் பொதுமக்கள் உள்ளிட்டோர் பங்கேற்றனர்.
இதன் உதவித் திட்ட அலுவலர் மற்றும் தேசிய மாணவர் படை அலுவலர் சா.அருணன் நன்றி கூறினார்.

]]>
http://www.dinamani.com/all-editions/edition-chennai/thiruvallur/2018/oct/17/இலவச-கால்நடை-மருத்துவ-முகாம்-3021688.html
3021686 சென்னை திருவள்ளூர் டாஸ்மாக் ஊழியர் சங்கத்தினர் ஆர்ப்பாட்டம் DIN DIN Wednesday, October 17, 2018 12:50 AM +0530 பல்வேறு கோரிக்கைகளை வலியுறுத்தி, திருவள்ளூரில் டாஸ்மாக் ஊழியர் சங்கத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர்.  
திருவள்ளூர் பெரியகுப்பம் ரயில் நிலையம் அருகே நடைபெற்ற ஆர்ப்பாட்டத்துக்கு, மாவட்டத் தலைவர் கே.கேசவன் தலைமை வகித்தார். நந்தகோபால், விஸ்வநாதன், வெங்கடேசன் உள்ளிட்டோர் முன்னிலை வகித்தனர். இதில் சி.ஐ.டி.யூ மாவட்டப் பொருளாளர், அச்சங்கத்தின் மாவட்டத் தலைவர் என்.நித்தியானந்தம் ஆகியோர் கோரிக்கைகள் குறித்து 
விளக்கினார். 
ஆர்ப்பாட்டத்தில் பல மாதங்களாக வழங்கப்படாமல் உள்ள பயணப்படியை வழங்க வேண்டும், டாஸ்மாக் ஊழியர்களுக்கு 20 சதவீத போனஸ் வழங்க வேண்டும், கருணைத்தொகை 20 சதவீதம் சேர்த்து 40 சதவீதமாக உயர்த்தி வழங்குதல், டாஸ்மாக் கடைகளின் விற்பனை பயணத்தை நிர்வாகமே நேரிடையாக கடையில் வசூலிக்க ஏற்பாடு செய்தல் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர். 
 ஆர்ப்பாட்டத்தில், டாஸ்மாக் ஊழியர் சங்கத்தின் மாவட்டச் செயலாளர் ஜி.சந்திரன், தணிகைவேல்ராஜன் உள்ளிட்ட பலர் கலந்து கொண்டனர். மாவட்டப் பொருளாளர் ஜி.ரவிச்சந்திரன் நன்றி கூறினார்.

]]>
http://www.dinamani.com/all-editions/edition-chennai/thiruvallur/2018/oct/17/டாஸ்மாக்-ஊழியர்-சங்கத்தினர்-ஆர்ப்பாட்டம்-3021686.html
3021426 சென்னை திருவள்ளூர் டாஸ்மாக் கடையை அகற்றக் கோரி ஆட்சியர் அலுவலகம் முன் பொதுமக்கள் முற்றுகை DIN DIN Tuesday, October 16, 2018 05:23 AM +0530
ஆவடியில் பள்ளி, கல்லூரி அருகே அமைக்கப்பட்டுள்ள அரசு மதுபானக் கடையை உடனே அகற்றக் கோரி ஆட்சியர் அலுவலகம் முன் திங்கள்கிழமை பொதுமக்கள் முற்றுகைப் போராட்டத்தில் ஈடுபட்டனர்.
திருவள்ளூர் மாவட்டம், ஆவடி நகராட்சியில் கோவில் பதாகை பகுதியில் அமைக்கப்பட்டுள்ள அரசு மதுபானக்கடையை உடனே அகற்ற வேண்டும். ஆனால், இதுவரையில் நடவடிக்கை எடுக்காததைக் கண்டித்து திங்கள்கிழமை அப்பகுதி மக்கள் ஆட்சியர் அலுவலகத்தை முற்றுகையிட்டனர். அப்போது, அங்கு பாதுகாப்புப் பணியில் ஈடுபட்டிருந்த போலீஸார் பொதுமக்களிடம் பேச்சுவார்த்தை நடத்தி குறிப்பிட்ட நபர்களை மட்டும் ஆட்சியரிடம் மனு அளிக்க அனுப்பி வைத்தனர்.
இது குறித்து அப்பகுதியைச் சேர்ந்த மக்கள் ஆட்சியர் மகேஸ்வரி ரவிகுமாரிடம் நேரில் அளித்த மனுவில் தெரிவித்திருப்பதாவது: ஆவடி நகராட்சியில் கோவில்பதாகை பகுதி மற்றும் 6-ஆவது வார்டு பகுதியைச் சுற்றிலும் பூங்குழலி நகர், தாமரை தெரு, அல்லி தெரு, ரோஜா தெரு உள்ளிட்ட பல்வேறு பகுதிகளில் 4 ஆயிரத்திற்கும் மேற்பட்டோர் குடியிருந்து வருகின்றனர். இங்கு முக்கியமான சாலையில் குடியிருப்புகள் நிறைந்த பகுதியில், பள்ளி, கல்லூரிகள் உள்ள நெருக்கடியான பகுதியில் அரசு மதுபானக் கடையை திறந்துள்ளனர். இச்சாலை வழியாக மாணவ, மாணவிகள் மற்றும் வேலைக்குப் போகும் பெண்கள் சென்று வருகின்றனர். அந்த சாலையில் குடித்து விட்டு சிறுநீர் கழித்தல், சாலையிலேயே படுத்து உறங்குதல் போன்ற செயல்களில் மது அருந்துவோர் ஈடுபடுவதால் பொது மக்கள் அவதிப்பட்டு வருகின்றனர்.
இதுகுறித்து, டாஸ்மாக் நிர்வாகத்திடம் தெரிவித்தும் எவ்விதமான நடவடிக்கையும் எடுக்கவில்லை. அதனால், ஆட்சியர் நேரில் பார்வையிட்டு நடவடிக்கை எடுக்கும்படி அப்பகுதியில் உள்ளோர் அளித்துள்ள மனுவில் தெரிவித்துள்ளனர். அந்த மனு மீது உடனடி நடவடிக்கை எடுப்பதாக ஆட்சியர் உறுதி அளித்ததைத் தொடர்ந்து பொதுமக்கள் கலைந்து சென்றனர்.

 

]]>
http://www.dinamani.com/all-editions/edition-chennai/thiruvallur/2018/oct/16/டாஸ்மாக்-கடையை-அகற்றக்-கோரி-ஆட்சியர்-அலுவலகம்-முன்-பொதுமக்கள்-முற்றுகை-3021426.html
3021425 சென்னை திருவள்ளூர் கழிவுநீரை அகற்றக் கோரி கிராம மக்கள் சாலை மறியல் DIN DIN Tuesday, October 16, 2018 05:23 AM +0530
திருத்தணி அருகே, தெக்களூர் கிராமத்தில் குடியிருப்பு பகுதிகளில் தேங்கி நிற்கும் கழிவுநீரை அகற்றாத ஊராட்சி மன்ற நிர்வாகத்தைக் கண்டித்து கிராம மக்கள் சாலை மறியல் போராட்டத்தில் ஈடுபட்டனர்.
திருத்தணி ஊராட்சி ஒன்றியத்துக்கு உள்பட்டது தெக்களூர் கிராமம். இக்கிராமத்தில் பிள்ளையார் கோயில் தெரு, பெரிய தெரு, பெருமாள் கோயில் தெரு, புதிய தெரு ஆகிய பகுதிகளில் 200 க்கும் மேற்பட்ட குடும்பத்தினர் வசித்து வருகின்றனர். இதில், பிள்ளையார் கோயில் தெருவைத் தவிர வேறு எந்த தெருக்களிலும் கழிவுநீர்க் கால்வாய் வசதி இல்லை.
இதனால் அப்பகுதியில் ஓடும் கழிவுநீர் தெருக்களில் தேங்கி நிற்கிறது.
மேலும், பிள்ளையார் கோயில் தெருவில் வெளியேறும் கழிவுநீரும் சாலையில் குளம்போல் தேங்கி நிற்பதோடு, குடிநீரிலும் கலப்பதாக கிராம மக்கள் புகார் தெரிவிக்கின்றனர். இதுகுறித்து சம்மந்தப்பட்ட ஊராட்சி மன்ற நிர்வாகத்திடம் பலமுறை கிராம மக்கள் புகார் தெரிவித்தும் எந்த நடவடிக்கை யும் எடுக்கவில்லை. இதனால் ஆத்திரமடைந்த கிராம மக்கள் திங்கள்கிழமை காலை 8.30 மணிக்கு பொதட்டூர்பேட்டையில் இருந்து திருத்தணி நோக்கி வந்த அரசுப் பேருந்தை சிறை பிடித்து மறியல் போராட்டத்தில் ஈடுபட்டனர்.
தகவலறிந்த, திருத்தணி வட்டாட்சியர் செங்கலா, வட்டார வளர்ச்சி அலுவலர் லட்சுமணன், திருத்தணி காவல் ஆய்வாளர் நிவாசன், உதவி ஆய்வாளர்கள் குமார், சம்பத், வருவாய் ஆய்வாளர் சாமுண்டீஸ்வரி, கிராம நிர்வாக அலுவலர் ரகுவரன் ஆகியோர் தெக்களூர் கிராமத்திற்கு நேரில் வந்து சாலை மறியலில் ஈடுபட்டவர்களிடம் பேச்சுவார்த்தை நடத்தினர்.
இதில் உடன் பாடு ஏற்பட்டு கிராம மக்கள் சாலை மறியலைக் கைவிட்டனர். இப்போராட்டத்தினால், அப்பகுதியில் ஒரு மணி நேரம் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-chennai/thiruvallur/2018/oct/16/கழிவுநீரை-அகற்றக்-கோரி-கிராம-மக்கள்-சாலை-மறியல்-3021425.html
3021424 சென்னை திருவள்ளூர் அரசுப் பேருந்தை சிறைபிடித்து மறியல் போராட்டம் DIN DIN Tuesday, October 16, 2018 05:22 AM +0530
அரசுப் பேருந்து சரியான நேரத்திற்கு வராததால் ஆத்திரமடைந்த ஜனகராஜகுப்பம் கிராம மக்கள் பேருந்தை சிறை பிடித்து சாலை மறியலில் ஈடுபட்டனர்.
ஆர்.கே.பேட்டை ஒன்றியத்துக்கு உள்பட்டது பாலாபுரம் கிராமம். இக்கிராமத்தைச் சுற்றிலும் 30 க்கும் மேற்பட்ட கிராமங்கள் உள்ளன. பாலாபுரத்திலிருந்து பள்ளிப்பட்டுக்குச் செல்ல தடம் எண்: எம் 47 என்ற அரசுப் பேருந்து தினந்தோறும் 4 முறை இயக்கப்படுகிறது. இப்பேருந்து திருத்தணி பணிமனையில் இருந்து இயக்கப்பட்டு வந்தது. ஆனால் கடந்த 4 மாதங்களாக சோளிங்கர் பணிமனையில் இருந்து இயக்கப்படுகிறது.
இதனால், தினசரி 4 முறை இயக்கப்பட்டு வந்த பேருந்து தினசரி ஒரு முறை மட்டுமே கடந்த 4 மாதங்களாக இயக்கப்படுகிறது. இதனால் மேற்கண்ட கிராம மக்கள் தங்களுடைய அத்தியாவசிய பணிகளுக்காக ஆர்.கே.பேட்டை அம்மையார்குப்பம், அத்திமஞ்சேரிப்பேட்டை, பள்ளிப்பட்டு ஆகிய ஊர்களுக்குச் செல்ல பெரிதும் சிரமப்பட்டு வந்தனர்.
இதுகுறித்து பல முறை சம்மந்தப்பட்ட அதிகாரிகளுக்கு பொதுமக்கள் புகார் தெரிவித்தும் எவ்வித நடவடிக்கையும் எடுக்காததால், ஆத்திரமடைந்த ஜனகராஜகுப்பம், காலனி, கதன்நகரம் உள்ளிட்ட கிராம மக்கள் திங்கள்கிழமை அவ்வழியாக வந்த அரசுப் பேருந்தை சிறை பிடித்து சாலை மறியலில் ஈடுபட்டனர்.
தகவலறிந்த ஆர்.கே.பேட்டை காவல் உதவி ஆய்வாளர் தியாகராஜன் மற்றும் போலீஸார் சம்பவ இடத்திற்கு நேரில் வந்து மறியில் ஈடுபட்டவர்களிடம் பேச்சுவார்த்தை நடத்தி, அரசுப் பேருந்து தினசரி வந்து செல்ல நடவடிக்கை எடுப்பதாக உறுதி கூறியதன் பேரில் மறியலைக் கைவிட்டனர்.

 

]]>
http://www.dinamani.com/all-editions/edition-chennai/thiruvallur/2018/oct/16/அரசுப்-பேருந்தை-சிறைபிடித்து-மறியல்-போராட்டம்-3021424.html
3021423 சென்னை திருவள்ளூர் வழிப்பறி திருடர்களை காட்டிக் கொடுத்த செல்லிடப்பேசி DIN DIN Tuesday, October 16, 2018 05:22 AM +0530
திருவள்ளூர் அருகே, விபத்தில் பெண்ணை காப்பாற்றுவது போல் நடித்து, அவரது செல்லிடப்பேசியை திருடிக் கொண்டு தப்பியவர்கள், மற்றொரு பெண்ணிடம் 5 சவரன் நகையை வழிப்பறி செய்தபோது தவறவிட்ட செல்லிடப்பேசி மூலம் போலீஸில் சிக்கினர்.
இது குறித்து செவ்வாப்பேட்டை போலீஸார் கூறியதாவது: திருவள்ளூரை அடுத்த செவ்வாப்பேட்டை பகுதியைச் சேர்ந்தவர் அனிதா(40). இவர் கடந்த 8-ஆம் தேதி தனது இருசக்கர வாகனத்தில் வந்த போது, எதிரே வந்த வாகனம் மோதியதில் நிலைதடுமாறி கீழே விழுந்தார். அப்போது, அவ்வழியாக வந்த பூனை பிரகாஷ்(26) அவரைக் காப்பாற்றி ஆட்டோவில் ஏற்றி ஈக்காட்டில் உள்ள சி.எஸ்.ஐ. மருத்துவமனைக்கு அழைத்துச் சென்றுள்ளார். அப்போது, அனிதாவிடம் இருந்த செல்லிடப்பேசியைப் பறித்துக் கொண்டு பூனை பிரகாஷும், அவரது நண்பர் அருண்குமாரும் தப்பியோடினர்.
அதைத் தொடர்ந்து, அதேநாளில் கந்தன் கொள்ளை பகுதியில் நடந்து சென்ற பவானியிடம் 5 சவரன் சங்கிலியைப் பறித்துள்ளனர். அப்போது, பொதுமக்கள் விரட்டி வரவே, அனிதாவிடம் இருந்து திருடி வந்த செல்லிடப்பேசியை தவறவிட்டுவிட்டுத் தப்பியோடினர்.
இந்நிலையில், செல்லிடப்பேசி திருடு போனதாக அனிதா கொடுத்த புகாரின் பேரில் விசாரணைக்காக செவ்வாய்ப்பேட்டை காவல் நிலையத்திற்கு சென்றார். அப்போது, கந்தன் கொள்ளை பகுதியில் கிடைத்த அந்த செல்லிடப்பேசி தன்னுடையதுதான் என அனிதா தெரிவித்துள்ளார். அதைத் தொடர்ந்து காவல் ஆய்வாளர் முருகேன் தலைமையில் போலீஸார் அப்பகுதியில் கண்காணிப்பு கேமராவில் பதிவான காட்சிகளைக் கொண்டு பார்த்ததில் பூனை பிரகாஷ் மற்றும் அருண்குமார் ஆகியோர் என்பது தெரியவந்தது.
இதைத் தொடர்ந்து, வேப்பம்பட்டு பகுதியில் இரவு ரோந்துப்பணியில் ஈடுபட்டிருந்த போலீஸார், அங்கு வாடகைக்கு வீடு எடுத்து தங்கியிருந்த பூனை பிரகாஷ், அருண்குமார் இருவரையும் கைது செய்தனர். இவர்கள் இருவரும் சென்னை சூளைமேடு பகுதியைச் சேர்ந்தவர்கள் என்பதும், மேலும், திருவள்ளூர் மற்றும் சுற்றுவட்டாரப் பகுதிகளில் தொடர்ந்து நடைபெறும் திருட்டு சம்பவங்களில் இருவருக்கும் தொடர்பு இருப்பதும் விசாரணையில் தெரியவந்துள்ளது.

 

]]>
http://www.dinamani.com/all-editions/edition-chennai/thiruvallur/2018/oct/16/வழிப்பறி-திருடர்களை-காட்டிக்-கொடுத்த-செல்லிடப்பேசி-3021423.html
3021422 சென்னை திருவள்ளூர் அப்துல் கலாம் பிறந்த நாள் விழா DIN DIN Tuesday, October 16, 2018 05:22 AM +0530
முன்னாள் குடியரசுத் தலைவர் அப்துல்கலாமின் பிறந்த நாளையொட்டி, அஞ்சல் வில்லை அளவில் அழைப்பிதழை தயார் செய்து சாதனை படைத்தனர்.
திருவள்ளூரில் உள்ள தனியார் அரங்கத்தில் அப்துல்கலாமின் 87-ஆவது பிறந்த நாள் விழா திங்கள்கிழமை நடைபெற்றது. இந்த நிகழ்ச்சிக்கு முன்னாள் நகராட்சித் தலைவரும், அதிமுகவின் மாவட்ட துணைச் செயலாளருமான கமாண்டோ பாஸ்கரன் தலைமை வகித்தார். இதில், அப்துல்கலாமின் உருவப் படத்திற்கு மாலை அணிவித்து மரியாதை செய்தனர். பின்னர் இந்த நிகழ்ச்சியில் பங்கேற்ற மாணவர்கள் அனைவருக்கும் இனிப்புகளுடன், அப்துல்கலாமின் வாழ்க்கை வரலாறு புத்தகத்தையும் வழங்கினர்.
அதைத் தொடர்ந்து, ஜீரோ டு ஹீரோ என்ற தலைப்பில் கோகுல்ராஜ் மாணவர்களுக்குப் பயிற்சி அளித்தார். பின்னர், அஞ்சல் வில்லை அளவில் அழைப்பிதழ் ஒன்றை கோகுல்ராஜ் அறிமுகம் செய்தார். அதேபோல், கோகுல்ராஜின் மகன் மரியன்ராஜ் ஏகபாதாசனத்தில் நின்று திருக்குறளின் 133 அதிகாரங்களை 72 விநாடிகளில் கூறி புதியதொரு சாதனை செய்தார்.
அப்துல் கலாம் பிறந்த நாளையொட்டி தந்தையும் மகனும் ஒரே மேடையில் செய்த சாதனை ஜெட்லி புக் ஆர் ரெக்கார்ட்ஸ், அஸிஸ்ட் வேர்ல்டு ரெக்கார்ட்ஸ், இந்தியா ஏசியா ஆப் புக் ரெக்கார்ட்ஸ் போன்ற உலக சாதனை புத்தகங்களில் இடம் பெற்றுள்ளது என்பது குறிப்பிடத்தக்கது. இந்த நிகழ்ச்சியில் சாதனையாளர் ரஞ்சித் உள்ளிட்ட பலர் கலந்து கொண்டனர்.
திருவள்ளூர் நிகேதன்பள்ளியில்...
திருவள்ளூர் நிகேதன் பள்ளியில் முன்னாள் குடியரசுத் தலைவர் அப்துல் கலாம் பிறந்த நாளை முன்னிட்டு மாணவ, மாணவிகள் திருக்குறள் பாடி வாழ்த்துகளை தெரிவித்தனர்.
இப்பள்ளி வளாகத்தில் நடந்த நிகழ்ச்சியில் பள்ளியின் தாளாளர் விஷ்ணுசரண் தலைமை வகித்தார். இதில், அப்பள்ளியின் இயக்குநர் பரணிதரன் முன்னிலை வகித்தார். இதையொட்டி முன்னாள் குடியரசுத் தலைவர் அப்துல்கலாம் உருவப்படத்திற்கு மாலை அணிவித்து மரியாதை செய்தனர். அதைத் தொடர்ந்து சிறப்பு வழிபாடு நிகழ்வு நடைபெற்றது. பின்னர், தமிழ் ஆசிரியர் செந்தில்குமார் மற்றும் மாணவ, மாணவிகள் 1330 குறள்களை பாடும் முற்றோதல் நடைபெற்றன.
மேலும், இதையொட்டி வள்ளுவர் வழியில் அப்துல்கலாம் என்ற தலைப்பில் கட்டுரை, ஓவியம், கோலம் உள்ளிட்ட பல்வேறு போட்டிகள் நடத்தப்பட்டன. இப்போட்டியில் வெற்றி பெற்றவர்களைப் பாராட்டி பரிசுகளும் வழங்கப்பட்டன. விழாவில், கலாம் சார் என்ற எழுத்து வடிவில் மாணவர்கள் காட்சியளித்தனர். இந்த நிகழ்ச்சியில் தலைமை ஆசிரியர் பத்மாவதி, துணை ஆசிரியர் கவிதா கந்தசாமி மற்றும் மாணவ, மாணவிகள், ஆசிரியர்கள் உள்ளிட்டோர் திரளாகக் கலந்து கொண்டனர். இதற்கான ஏற்பாடுகளை பள்ளி நிர்வாகத்தினர் செய்திருந்தனர்.
திருத்தணியில்...
முன்னாள் குடியரசுத் தலைவர் அப்துல் கலாமின் 87-ஆவது பிறந்த நாள் விழாவையொட்டி, அரசு பள்ளிகளில் கலாமின் உருவப் படத்திற்கு மலர் மாலை அணிவித்து மாணவர்களுக்கு இனிப்புகள் வழங்கப்பட்டது. மேலும், பள்ளி வளாகத்தில் மரக்கன்றுகள் நடப்பட்டன.
அறிவியல் ஆசிரியர், அணு விஞ்ஞானி, குடியரசுத் தலைவர் என பன்முகங்கள் கொண்டவர் ஏ.பி.ஜே.அப்துல் கலாம். குழந்தைகள், இளைஞர்களால் எப்போதும் கொண்டாடப்படக் கூடியவர். முன்னாள் குடியரசுத்தலைவர் அப்துல் கலாமின் 87-ஆவது பிறந்த நாள் விழா, திங்கள்கிழமை தமிழகம் முழுவதும் இளைஞர் எழுச்சி நாளாகக் கொண்டாடப்பட்டது.
திருத்தணி அரசு மகளிர் மேல்நிலைப் பள்ளியில் நடைபெற்ற இந்த விழாவுக்கு, உதவி தலைமை ஆசிரியர் ஜெயசந்திரன் தலைமை வகித்தார். பொருளாளர் குமரவேல், ஆசிரியை கல்பனா ஆகியோர் முன்னிலை வகித்தனர். உடற்கல்வி ஆசிரியர் ஈஸ்வர்ராவ் வரவேற்றார்.
பள்ளியின் பெற்றோர் ஆசிரியர் கழகத் தலைவர் கேபிள் எம்.சுரேஷ் கலந்துகொண்டு அப்துல்கலாம் உருவப் படத்திற்கு மலர்மாலை அணிவித்து மரியாதை செலுத்தி, மாணவ, மாணவிகளுக்கு இனிப்புகளை வழங்கினார். தொடர்ந்து பள்ளி வளாகத்தில் மரக்கன்றுகள் நடப்பட்டது.
அதேபோல், பள்ளிப்பட்டு ஒன்றியம் அத்திமாஞ்சேரிபேட்டை சுந்தரேசநகர் ஊராட்சி ஒன்றியத் தொடக்கப்பள்ளியில், அப்துல் கலாம் பிறந்த நாள் விழா மற்றும் உலக கை கழுவுதல் தினம் கொண்டாடப்பட்டது.
இதையொட்டி பள்ளியில் அப்துல்கலாம் உருவப் படத்திற்கு மலர் மாலை அணிவித்து மரியாதை செலுத்தி மாணவர்களுக்கு பள்ளி தலைமை ஆசிரியர் வி.எஸ். முனுசாமி இனிப்புகளை வழங்கினார். தொடர்ந்து, உலக கை கழுவுதல் தினத்தின் முக்கியத்துவம் குறித்தும், கைகளை எவ்வாறு சுத்தமாக வைத்துக் கொள்ள வேண்டும் என்பது குறித்தும் மாணவர்களுக்கு எடுத்துரைக்கப்பட்டது. நிகழ்ச்சியில், உதவி தலைமை ஆசிரியை ஜெ. பாக்கியலட்சுமி, கே.ஜோதிலட்சுமி, எஸ்.எம். அம்பிகா உள்ளிட்ட பலர் கலந்துகொண்டனர். அதேபோல், திருத்தணியை அடுத்துள்ள ஆர்.கே.பேட்டை தனியார் மேல்நிலைப் பள்ளியில் அப்துல்கலாமின் பிறந்த நாளை முன்னிட்டு 500க்கும் மேற்பட்ட மாணவர்கள் பங்கேற்ற மராத்தான் போட்டி நடைபெற்றது.
இதனை கோட்டாட்சியர் பவணந்தி கொடியசைத்து தொடங்கி வைத்தார். போட்டியில் வெற்றி பெற்ற மாணவர்களுக்கு, டிஎஸ்பி சேகர், கோட்டாட்சியர் பவணந்தி ஆகியோர் பரிசுகளை வழங்கினர். தொடர்ந்து, அப்துல் கலாம் பிறந்த நாளுக்காக ரத்த தான முகாம் பள்ளி வளாகத்தில் நடைபெற்றது. இதில் ஆசிரியர்கள், பொதுமக்கள் என 50 க்கும் மேற்பட்டோர் ரத்ததானம் செய்தனர்.
கும்மிடிப்பூண்டியில்...
கும்மிடிப்பூண்டி வட்டத்தில், முன்னாள் குடியரசுத் தலைவர் அப்துல் கலாமின் பிறந்தநாளை ஒட்டி பசுமையான, தூய்மையான, பாதுகாப்பான கும்மிடிப்பூண்டி என்ற முப்பெரும் விழிப்புணர்வுத் திட்டத்தை மாவட்ட ஆட்சியர் மகேஸ்வரி ரவிகுமார் திங்கள்கிழமை தொடங்கி வைத்தார்.
பசுமை கும்மிடிப்பூண்டி, தூய்மை கும்மிடிப்பூண்டி, பாதுகாப்பு கும்மிடிப்பூண்டி என்ற முப்பெரும் திட்டம் வருவாய்த் துறையினரால் திங்கள்கிழமை அறிமுகப்படுத்தப்பட்டது.
நிகழ்வையொட்டி, கும்மிடிப்பூண்டி வருவாய்த் துறையினர் மற்றும் காந்தி உலக மையம் அமைப்பினர் இணைந்து மாரத்தான் ஓட்டத்தை நடத்தினார்கள்.
கன்னியம்மன் கோயில் கேட் பகுதியில் நடைபெற்ற இந்த மாரத்தான் போட்டியை, கும்மிடிப்பூண்டி எம்எல்ஏ கே.எஸ்.விஜயகுமார் முன்னிலையில், ஆட்சியர் மகேஸ்வரி ரவிகுமார் தொடங்கி வைத்தார்.
750 பேர் பங்கேற்ற இந்த மாரத்தான் ஓட்டம் கும்மிடிப்பூண்டி பெத்திக்குப்பம் மேம்பாலம் வரை நடைபெற்றது. இதில் வெற்றி பெற்றவர்களுக்கு ஆட்சியர் மகேஸ்வரி ரவிகுமார், எம்எல்ஏ கே.எஸ்.விஜயகுமார், நடிகர் வையாபுரி, கோட்டாட்சியர் நந்தகுமார்(பொறுப்பு), வட்டாட்சியர் மதன்குப்புராஜ் உள்ளிட்டோர் பரிசுகள் மற்றும் சான்றிதழ்களை வழங்கினர்.
தொடர்ந்து, சாலை பாதுகாப்பு மற்றும் பிளாஸ்டிக் பயன்பாடு தவிர்த்தல் குறித்த விழிப்புணர்வுக் குறுந்தகடு, செய்தி மற்றும் மக்கள் தொடர்புத் துறை மூலம் வெளியிடப்பட்டது. இக்குறுந்தகடு, பொதுமக்களுக்கு காணொலியாக காண்பிக்கப்பட்டது.
இதையடுத்து, சிப்காட் உற்பத்தியாளர்கள் சங்கத் தலைவர் கோ.மா.கிருஷ்ணமூர்த்தி, நெடுஞ்சாலைத்துறை கோட்ட பொறியாளர் தட்சிணாமூர்த்தி, உதவி கோட்ட பொறியாளர் பாலசந்தர், டில்லிபாபு, முதன்மைக் கல்வி அலுவலர் ராஜேந்திரன், சாலை போக்குவரத்து அலுவலர் சசி, ஆய்வாளர்கள் முருகேசன், ராஜராஜேஸ்வரி, வேளாண் துறை இணை இயக்குநர் பாண்டியன், வட்டார வளர்ச்சி அலுவலர்கள் ரவி, தயாநிதி மற்றும் மாசுக்கட்டுப்பாட்டுத் துறை, தோட்டக்கலைத்துறை, உள்ளாட்சித்துறை உள்ளிட்ட பல்வேறு துறை அதிகாரிகள் சார்பாக கவரப்பேட்டை-சத்தியவேடு நெடுஞ்சாலை, கும்மிடிப்பூண்டியில் உள்ள தொழிற்சாலைகளில் 10ஆயிரம் மரக்கன்றுகள் நடப்பட்டன.
அப்போது, பெத்திக்குப்பம் வெள்ளாத்து குளக்கரையில் 10 ஆயிரம் பனை விதைகளை விதைக்கும் பணியை ஆட்சியர் மகேஸ்வரி ரவிகுமார் தொடங்கிவைத்தார்.
தொடர்ந்து, கவரப்பேட்டை பள்ளி மாணவர்களின் சார்பில் சாலைப் பாதுகாப்பு மற்றும் டெங்கு விழிப்புணர்வு நிகழ்வு நடத்தப்பட்டது. இதில், மாணவர்களுக்கு மரக்கன்றுகளை வழங்கி, பள்ளியில் ஸ்மார்ட் வகுப்பை ஆட்சியர் தொடங்கி வைத்தார்.
நிகழ்வில், உலக கை கழுவும் தினத்தை ஒட்டி ஆட்சியர் முன்னிலையில் மாணவர்கள் செய்முறை விளக்கத்தை நடத்திக் காட்டினர்.
இந்த முப்பெரும் விழிப்புணர்வுத் திட்டத்திற்கான ஏற்பாடுகளை வட்டாட்சியர் மதன் குப்புராஜ் தலைமையில், வருவாய்த் துறை அதிகாரிகள் தாமோதரன், உமா, ரஜினிகாந்த், காந்தி உலக மைய நிறுவனர் எம்.எல்.ராஜேஷ் உள்ளிட்டோர் செய்திருந்தனர்.

 

]]>
http://www.dinamani.com/all-editions/edition-chennai/thiruvallur/2018/oct/16/அப்துல்-கலாம்-பிறந்த-நாள்-விழா-3021422.html
3021421 சென்னை திருவள்ளூர் சபரிமலை விவகாரம்: அகல்விளக்கு ஏந்தி பெண்கள் பேரணி DIN DIN Tuesday, October 16, 2018 05:21 AM +0530
நைஷ்டிக பிரம்மச்சாரியான ஐயப்பனை இளம்பெண்கள் தரிசிக்க வரமாட்டோம் என பெண்கள் சத்தியப் பிரமாணம் ஏற்று அகல்விளக்கேற்றி கோஷமிட்டு ஞாயிற்றுக்கிழமை மாதவரத்தில் பேரணி நடத்தினர்.
சென்னை மாதவரத்தை அடுத்த விநாயகபுரத்தில் சபரிமலை ஐயப்ப சேவா சமாஜம் சார்பில், நைஷ்டிக பிரம்மச்சாரியான ஐயப்பனை இளம்பெண்கள் தரிசிக்க வர மாட்டோம் என அகல் விளக்குகள் ஏந்தியபடி பேரணியாகச் சென்று சத்தியபிரமாணம் ஏற்கும் நிகழ்ச்சி ஞாயிற்றுக்கிழமை நடைபெற்றது.
இதில், விநாயகபுரம், சூரப்பேடு, லட்சுமிபுரம், டீச்சர்ஸ் காலனி உள்ளிட்ட முக்கிய பகுதிகளின் வழியாகப் பேரணி நடைபெற்றது.
அப்போது அவர்கள் கூறியது: நமது பாரத தேசத்தில் முக்கியமான புண்ணிய ஸ்தலமாக ஐயப்ப சுவாமியின் சபரிமலை ஆலயம் திகழ்கிறது. இந்தக் கோயிலுக்குள் ஆகம விதிமுறைகளுக்கு எதிராக அனைத்து வயது பெண்களையும் அனுமதித்து உச்சநீதிமன்றம் தீர்ப்பு வழங்கியுள்ளது.
இந்தத் தீர்ப்பு ஐயப்ப பக்தர்களையும், ஆன்மிக நெஞ்சங்களையும் மன உளைச்சலுக்கு ஆளாக்கியுள்ளது. திருக்கோயில் ஆகம விதிமுறைகளுக்கு எதிராக வழங்கப்பட்டிருக்கும் இந்தத் தீர்ப்பினை உச்சநீதிமன்றம் மறுசீராய்வு செய்திட வேண்டும் என அவர்கள் வலியுறுத்தினர்.
இக்கோரிக்கையை வலியுறுத்தி, சபரிமலை ஐயப்ப சேவா சமாஜம் சார்பில் பெண்கள் அகல் விளக்குகளை ஏந்தியபடி பேரணியாகச் சென்று சத்தியப் பிரமாணம் செய்தனர். இந்த நிகழ்ச்சியில் கோரிக்கை நிறைவேறும் காத்திருப்போம் என அவர்கள் தெரிவித்தனர். இதில் ஐயப்ப பக்தர்கள், பெண்கள் உள்ளிட்ட ஏராளமானோர் கலந்து கொண்டனர்.

 

]]>
http://www.dinamani.com/all-editions/edition-chennai/thiruvallur/2018/oct/16/சபரிமலை-விவகாரம்-அகல்விளக்கு-ஏந்தி-பெண்கள்-பேரணி-3021421.html
3021420 சென்னை திருவள்ளூர் தமிழகத்தில் 3-ஆவது பெரிய கட்சி பாமகதான்: பாமக நிறுவனர் ராமதாஸ் பேச்சு DIN DIN Tuesday, October 16, 2018 05:21 AM +0530
ஊழல் செய்வதில் தமிழகம் மூன்றாவது இடத்தில் உள்ளதாக பொன்னேரியில் நடைபெற்ற பொதுக்கூட்டத்தில் பாமக நிறுவனர் மருத்துவர் ராமதாஸ் தெரிவித்தார்.
பொன்னேரியில் உள்ள ஹரிஹரன் கடை வீதியில் திருவள்ளூர் கிழக்கு மாவட்ட பாமக சார்பில் அரசியல் விழிப்புணர்வு பொதுக்கூட்டம் ஞாயிற்றுக்கிழமை நடைபெற்றது.
இக்கூட்டத்தில் பாமக நிறுவனர் ராமதாஸ் பேசியது: இது முன்னாள் முதல்வர் தொகுதி. காங்கிரஸ் ஆட்சிக் காலத்தில் இங்கு பக்தவச்சலம் வெற்றி பெற்று தமிழக முதல்வராக இருந்துள்ளார். அன்புமணி ராமதாஸ் அண்மையில் 3 ஆயிரம் மாணவர்களிடம் 3 மணி நேரம் கலந்துரையாடினார். அப்போது மாணவர்கள் கேட்ட அனைத்துக் கேள்விகளுக்கும் அவர் சளைக்காமல் பதில் அளித்தார். வருங்காலத்தில் தமிழகத்தை அன்புமணி ராமதாஸ்தான் ஆள வேண்டும். ஏனென்றால் வரும் தேர்தலில் சூரியன், இரட்டை இலைக்கு ஓட்டு இல்லை. தமிழகத்தில் முதல் மற்றும் இரண்டாம் இடத்தில் யார் வேண்டுமானாலும் இருந்து விட்டுப் போகட்டும், ஆனால் தமிழகத்தில் மூன்றாவது பெரிய கட்சி பாமகதான். இந்தியாவில் உள்ள மாநிலங்களில் ஊழல் செய்வதில் தமிழகம் 3-வது இடத்தில் உள்ளது. ரோசய்யா ஆளுநராக இருந்தபோது பாமக சார்பில் அளிக்கப்பட்ட ஊழல் புகாரினை அவர் கிடப்பில் போட்டு விட்டார். தற்போது உள்ள ஆளுநரிடம் 219 பக்கத்துக்கு புகார் அளித்தோம். அப்போது அவர் வரிக்கு, வரி படித்து விட்டு நடவடிக்கை எடுப்பதாகத் தெரிவித்தார். முதல்வர் எடப்பாடி பழனிசாமி மீது உள்ள புகாரை சிபிஐ விசாரிக்க நீதிமன்றம் உத்தரவிட்ட நிலையில், அவர் அந்த பதவியில் இருக்கலாமா? பழவேற்காட்டில் வங்கக் கடலும்-பழவேற்காடு ஏரியும் இணையும் முகத்துவாரத்தை ஆழப்படுத்தி இப்பகுதியில் உள்ள மீனவர்களின் வாழ்வாதாரத்தைக் காக்க வேண்டும்.
ஆரணி ஆற்றில் தடுப்பணைகள், பொன்னேரி நகரில் ஏற்படும் போக்குவரத்து நெரிசலைத் தவிர்க்க புறவழிச்சாலை அமைக்க வேண்டும் என அவர் பேசினார். கூட்டத்தில், பாமக தலைவர் ஜி.கே.மணி, முன்னாள் மத்திய அமைச்சர் ஏ.கே. மூர்த்தி, மாநில துணைப் பொதுச் செயலர் செல்வராஜ், திருவள்ளூர் கிழக்கு மாவட்ட செயலர் குபேந்திரன், திரைப்பட நடிகர் ரஞ்சித் மற்றும் மீஞ்சூர், பொன்னேரி நகர நிர்வாகிகள் திரளாகக் கலந்து கொண்டனர்.

 

]]>
http://www.dinamani.com/all-editions/edition-chennai/thiruvallur/2018/oct/16/தமிழகத்தில்-3-ஆவது-பெரிய-கட்சி-பாமகதான்-பாமக-நிறுவனர்-ராமதாஸ்-பேச்சு-3021420.html
3021419 சென்னை திருவள்ளூர் விழிப்புணர்வு ஏற்படுத்த பள்ளிகளில் குட்டி போலீஸ் திட்டம் DIN DIN Tuesday, October 16, 2018 05:21 AM +0530
தலைக்கவசம் அணியாமல் இரு சக்கர வாகனம் ஓட்டுவது, சீட் பெல்ட் அணியாமல் கார் ஓட்டுவது, மது அருந்தி விட்டு வாகனங்கள் ஓட்டுவது போன்ற சாலை விதிமுறை மீறல்களைத் தடுக்க கும்மிடிப்பூண்டி வருவாய்த் துறையினர் குட்டி போலீஸ் என்கிற திட்டத்தை திங்கள்கிழமை கும்மிடிப்பூண்டியில் அறிமுகப்படுத்தினர்.
தலைக்கவசம் அணியாததால் அதிக அளவு உயிரிழப்பு நடைபெறுகிறது. அதே போல கார் ஓட்டும் போது சீட் பெல்ட் அணியாததால் விபத்துகளின் போது உயிரிழப்புக்கு காரணமாகிறது. பொதுவாக சாலை விதிகளை மீறுவது நம் சமூகத்தில் குற்றமாகவே கருதப்படுவதில்லை.
இதனைத் தடுக்க அரசு பல நடவடிக்கைகள் எடுத்து வரும் நிலையில், விதிமீறல்களில் ஈடுபடுபவர்களைக் கண்டறிந்து குறைகளைக் களைய, அவரவர் வீடுகளில் இருந்து பள்ளி மாணவர்களை தேர்வு செய்து, கண்காணிப்புப் பணியில் ஈடுபடுத்தும் குட்டி போலீஸ் என்ற திட்டத்தை கும்மிடிப்பூண்டி வருவாய்த் துறை அறிமுகப்படுத்தி உள்ளது.
இதுகுறித்து, அதிகாரிகள் கூறுகையில், மாவட்ட நிர்வாகத்தின் வழிகாட்டுதலோடு வருவாய்த் துறை மற்றும் யங் இந்தியன்ஸ் குழுவினரோடு இணைந்து திருவள்ளூர் மாவட்டத்தில் புதிய முயற்சியாக, மாணவர்கள் அவரவர் வீடுகளில் பெற்றோர்கள் சாலை விதிகளைப் பின்பற்றுகிறார்களா என்பதைக் கண்காணிக்கும் குட்டி போலீஸ் திட்டத்தை ஆட்சியர் மகேஸ்வரி ரவிகுமார் கும்மிடிப்பூண்டியை அடுத்த கவரப்பேட்டை ஊராட்சி ஒன்றிய தொடக்கப் பள்ளியில் அறிமுகப்படுத்தினார்.
அதன்படி, ஒன்றாம் வகுப்பு முதல் 8 -ஆம் வகுப்பு வரை படிக்கும் மாணவர்களுக்கு குட்டி போலீஸ் அடையாள அட்டை வழங்கப்பட்டது.
இந்த அட்டையில் மாணவர்களின் முழு விவரம் முதல் பக்கத்தில் குறிப்பிடப்பட்டுள்ளது. பின் பக்கத்தில், மாணவர் அவரது பெற்றோருடன் , உறவினருடன் பயணிப்பது, அல்லது அவர்கள் பயணிப்பதைக் கண்காணிப்பது குறித்த விவரங்களைக் குறிப்பிட கேட்டுக் கொள்ளப்பட்டுள்ளது. இதன்படி, இரு சக்கர வாகனம் ஓட்டுபவர் தலைக் கவசம் அணிந்துள்ளாரா, போக்குவரத்து விதிகளை மதிக்கின்றாரா, மிகை ஒலி எழுப்புகிறாரா, வாகனம் ஓட்டும் போது செல்லிடப்பேசி பயன்படுத்துகிறாரா, அதி வேகமாக ஓட்டுகிறாரா, அவசர ஊர்திக்கு வழி விடுகிறாரா, பாதசாரிகள் சாலையை கடக்கக் கண்டால் அவர்களுக்கு வழி விடுகிறாரா என இந்த அட்டையில் கேட்கப்பட்டுள்ள கேள்விகளுக்கு ஆம், இல்லை என மாணவர்களே பதிலை நிரப்பும்படி கேட்டுக் கொள்ளப்பட்டுள்ளது.
இந்த பதில்களை ஒரு மாத அளவு கண்காணித்து பள்ளியில் ஒப்படைத்தால், பள்ளி மூலம், மாவட்ட கல்வி அலுவலரிடம் ஒப்படைக்கப்படும். இதில், சாலை விதிகளை முழுமையாக கடைப்பிடிக்கும் மாணவரின் குடும்பம் சிறந்த குடும்பமாக தேர்ந்தெடுக்கப்பட்டு, மாதந்தோறும் முதன்மைக் கல்வி அலுவலர் மற்றும் வட்டாரப் போக்குவரத்து அலுவலரால் கெளரவிக்கப்படுவார்கள் என அதிகாரிகள் தெரிவித்தனர்.
இந்த திட்டத்தினை மாவட்ட ஆட்சியர் அறிமுகப்படுத்திய நிலையில், கும்மிடிப்பூண்டி வட்டத்தில் உள்ள அனைத்துப் பள்ளிகளிலும் இந்த திட்டம் செயல்படுத்தப்பட உள்ளது.
நிகழ்வில், முதன்மைக் கல்வி அலுவலர் ராஜேந்திரன், மாவட்ட கல்வி அலுவலர் சாம்பசிவம், வட்டாரக் கல்வி அலுவலர் முனிராஜசேகர், தலைமை ஆசிரியை திரிபுரசுந்தரி ஆகியோர் கலந்து கொண்டனர்.
இதற்கான ஏற்பாடுகளை கும்மிடிப்பூண்டி வட்டாட்சியர் மதன் குப்புராஜ் செய்திருந்தார்.

 

]]>
http://www.dinamani.com/all-editions/edition-chennai/thiruvallur/2018/oct/16/விழிப்புணர்வு-ஏற்படுத்த-பள்ளிகளில்-குட்டி-போலீஸ்-திட்டம்-3021419.html
3020780 சென்னை திருவள்ளூர் பொன்னேரியில் ஆர்ப்பாட்டம் DIN DIN Monday, October 15, 2018 10:03 AM +0530 சபரிமலையில் பெண்களை அனுமதிக்கும் தீர்ப்புக்கு எதிர்ப்பு தெரிவித்து பொன்னேரியில் அகில பாரத ஐயப்பா சேவா சங்கத்தினர் ஞாயிற்றுக்கிழமை ஆர்ப்பாட்டத்தில் ஈடுபட்டனர்.  
சபரிமலையில் ஐயப்பனை தரிசனம் செய்ய பெண்களை அனுமதிக்க வேண்டும் என உச்சநீதிமன்றத்தில் அண்மையில் தீர்ப்பு வழங்கப்பட்டது. 
இதற்கு எதிர்ப்பு தெரிவித்து கேரள மாநிலத்தில் ஐயப்பன் நாமத்தை உச்சரிப்பது, கண்டனப் பேரணி, ஆர்ப்பாட்டம் உள்ளிட்ட பல்வேறு போராட்டங்கள் நடைபெற்று வருகின்றன. 
இந்நிலையில், பொன்னேரியை அடுத்த திருவேங்கடபுரம் பகுதியில் உள்ள அகில பாரத ஐயப்ப சேவா சங்கத்தினர், சபரிமலையில் பெண்களை அனுமதிப்பதற்கு எதிர்ப்பு தெரிவித்து, வேண்பாக்கம் பேருந்து நிலையம் அருகே கவன ஈர்ப்பு ஆர்ப்பாட்டத்தில் ஈடுபட்டனர். இதில் பொன்னேரி பகுதி பாஜக நிர்வாகிகள் மற்றும் அப்பகுதி மக்கள் திரளாகக் கலந்து கொண்டனர். 


 

]]>
http://www.dinamani.com/all-editions/edition-chennai/thiruvallur/2018/oct/15/பொன்னேரியில்-ஆர்ப்பாட்டம்-3020780.html
3020779 சென்னை திருவள்ளூர் சபரிமலை விவகாரம்: இந்து முன்னணியினர் பேரணி DIN DIN Monday, October 15, 2018 10:03 AM +0530 சபரி மலை ஐயப்பன் கோயிலில் 10 வயது முதல் 50 வரையிலான பெண்கள் வழிபடலாம் என்ற உச்சநீதிமன்றத்தின் தீர்ப்பை மறு ஆய்வு செய்யக் கோரி திருவள்ளூரில் இந்து முன்னணியினர் மற்றும் ஐயப்ப பக்தர்கள் ஆகியோர் இணைந்து நடத்திய பேரணி ஞாயிற்றுக்கிழமை நடைபெற்றது. 
திருவள்ளூர் சிவன் கோயில் வளாகம் முன் தொடங்கிய பேரணிக்கு இந்து முன்னணியின் மாநிலச் செயலாளர் மனோகர் தலைமை வகித்தார். 
இதில், பிரம்மச்சர்ய விரதம் கடைபிடித்துச் செல்லும் சபரி மலைக் கோயிலுக்கு 10 வயது முதல் 50 வயது வரையிலான பெண்கள் சென்று தரிசனம் செய்யலாம் என உச்சநீதிமன்றம் அனுமதி அளித்துள்ளது. இது ஐயப்ப பக்தர்களையும், ஆன்மிகவாதிகளையும் பெரும் மன உளைச்சலுக்கு ஆளாக்கியுள்ளதால், திருக்கோயில் ஆகம விதிமுறைகளுக்கு எதிராக வழங்கப்பட்டிருக்கும் இந்த தீர்ப்பை மறுசீராய்வு செய்ய வேண்டும் என கோஷங்களை எழுப்பினர்.
இப்பேரணி, சிவன் கோயில், பஜார் வீதி, வடக்கு ரத வீதி வழியாகச் சென்று காமராஜர் சிலை அருகே நிறைவு பெற்றது. இப்பேரணியில் இந்து முன்னணி மாவட்டத் தலைவர் வினோத்கண்ணா மற்றும் ஐயப்ப பக்தர்கள், பெண்கள் உள்ளிட்டோர் திரளாகக் கலந்து கொண்டனர். 

 

]]>
http://www.dinamani.com/all-editions/edition-chennai/thiruvallur/2018/oct/15/சபரிமலை-விவகாரம்-இந்து-முன்னணியினர்-பேரணி-3020779.html
3020776 சென்னை திருவள்ளூர் குடிநீர் விநியோகம் செய்யாததைக் கண்டித்து கிராம மக்கள் சாலை மறியல் DIN DIN Monday, October 15, 2018 10:02 AM +0530 திருத்தணி அருகே, முத்துகொண்டாபுரம் கிராமத்தில் கடந்த 3 மாதமாக சீரான முறையில் குடிநீர் விநியோகம் செய்யாததைக் கண்டித்து, கனகம்மாசத்திரம்- திருவாலங்காடு நெடுஞ்சாலையில் ஞாயிற்றுக்கிழமை கிராம மக்கள் மறியலில் ஈடுபட்டனர்.
திருவாலங்காடு ஒன்றியம், முத்துக் கொண்டாபுரம் கிராமத்தில் 200 -க்கும் மேற்பட்ட குடும்பத்தினர் வசித்து வருகின்றனர். 
இவர்களுக்கு ஊராட்சி நிர்வாகம் தெருக்குழாய் மூலம் குடிநீர் விநியோகம் செய்து வருகிறது. இந்நிலையில், கடந்த 3 மாதங்களாக தெருக்குழாய்களில் சீரான முறையில் குடிநீர் விநியோகம் செய்யப்படவில்லை என கூறப்படுகிறது.
இதனால், குடிநீருக்காக பொதுமக்கள் கடும் அவதிப்பட்டு வந்தனர். சீரான குடிநீர் வழங்கக் கோரி பலமுறை ஊராட்சி நிர்வாகத்திடம் புகார் தெரிவித்தும் எவ்வித நடவடிக்கையும் எடுக்கவில்லை. 
இதனால், ஆத்திரமடைந்த கிராம மக்கள் ஞாயிற்றுக்கிழமை நண்பகல், கனகம்மாசத்திரம்- திருவாலங்காடு நெடுஞ்சாலையில் மறியலில் ஈடுபட்டனர்.
 தகவல் அறிந்ததும், கனகம்மாசத்திரம் காவல் உதவி ஆய்வாளர் சுதாகர் உள்ளிட்ட போலீஸார் சம்பவ இடத்திற்கு விரைந்து சென்று சாலை மறியலில் ஈடுபட்ட பொது மக்களிடம் பேச்சுவார்த்தை நடத்தி சமரசம் செய்தனர். 
மேலும், ஒன்றிய அலுவலர் மற்றும் ஊராட்சி செயலரை வரவழைத்து, இன்னும் ஓரிரு நாளில்  தெருக்குழாய்களில் குடிநீர் விநியோகம் செய்யப்படும் என உறுதி கூறியதின் பேரில், மக்கள் கலைந்து  சென்றனர். 
இதனால், அப்பகுதியில் இரண்டு மணி நேரம் போக்குவரத்து பாதிக்கப்பட்டது.
 

]]>
http://www.dinamani.com/all-editions/edition-chennai/thiruvallur/2018/oct/15/குடிநீர்-விநியோகம்-செய்யாததைக்-கண்டித்து-கிராம-மக்கள்-சாலை-மறியல்-3020776.html
3020773 சென்னை திருவள்ளூர் மின் கம்பத்தில் மோதிக் கவிழ்ந்த கரும்பு லாரி DIN DIN Monday, October 15, 2018 10:02 AM +0530 கூட்டுறவு சர்க்கரை ஆலைக்கு கரும்பு ஏற்றிக் கொண்டு சென்ற லாரி ஒன்று ஞாயிற்றுக்கிழமை மின்கம்பத்தில் மோதி தலைகீழாகக் கவிழ்ந்தது. இந்த விபத்தில் லாரி ஓட்டுநர் சிறு காயத்துடன் உயிர் தப்பினார். 
திருத்தணியை அடுத்த குன்னத்தூர் கிராமத்தைச் சேர்ந்த விவசாயி கோவிந்தசாமி, தனது வயலில் கரும்புகளை வெட்டி, லாரியில் ஏற்றி திருவாலங்காட்டில் இயங்கி வரும் திருத்தணி கூட்டுறவு சர்க்கரை ஆலைக்கு ஞாயிற்றுக்கிழமை காலை அனுப்பி வைத்தார்.
இந்த லாரி திருவாலங்காடு அருகே புலியகுண்டா கிராமம் அருகே சாலையோரம் இருந்த மின்கம்பத்தின் மீது மோதி விபத்துக்குள்ளானது. இதில் லாரி தலைகீழாகக் கவிழ்ந்து கரும்புக் கட்டுகள் சிதறின. 
மின்கம்பமும் சேதம் அடைந்தது. அதிர்ஷ்டவசமாக லாரியின் ஓட்டுநரும், அவரது உதவியாளரும் சிறு காயத்துடன் தப்பித்தனர். இந்த விபத்து குறித்து திருவாலங்காடு போலீஸார் விசாரணை நடத்தி வருகின்றனர். 

]]>
http://www.dinamani.com/all-editions/edition-chennai/thiruvallur/2018/oct/15/மின்-கம்பத்தில்-மோதிக்-கவிழ்ந்த-கரும்பு-லாரி-3020773.html
3020771 சென்னை திருவள்ளூர் கிருஷ்ணா கால்வாயில் தவறி விழுந்த இளைஞர் சாவு DIN DIN Monday, October 15, 2018 10:02 AM +0530 திருவள்ளூர் அருகே கிருஷ்ணா கால்வாயில் மீன் பிடித்த போது தவறி விழுந்த இளைஞர் உயிரிழந்த சம்பவம் தொடர்பாக செவ்வாப்பேட்டை போலீஸார் விசாரணை மேற்கொண்டு வருகின்றனர். 
இது குறித்து செவ்வாப்பேட்டை போலீஸார் கூறியதாவது: 
திருவள்ளூரை அடுத்த திருநின்றவூர் ராமதாஸ்புரம் பகுதியைச் சேர்ந்தவர் கணேஷ் பிரபு(35). இவருக்குத் திருமணமாகி நாகம்மாள் என்ற மனைவி 
உள்ளார். இந்நிலையில், இவர் ஞாயிற்றுக்கிழமை காலை கிருஷ்ணா கால்வாயில் மீன் பிடிப்பதற்காக சென்றாராம்.  அப்போது, எதிர்பாரதவிதமாக கால் தடுக்கி கால்வாயில் விழுந்து நீர்ச் சுழலில் சிக்கினார். 
இதைப் பார்த்த பொதுமக்கள் ஓடி வந்து தூக்கியபோது அவர் மூச்சுத் திணறி உயிரிழந்திருந்தது தெரியவந்தது . 
இது குறித்து நாகம்மாள் செவ்வாப்பேட்டை காவல் நிலையத்தில் அளித்த புகாரின் அடிப்படையில் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/thiruvallur/2018/oct/15/கிருஷ்ணா-கால்வாயில்-தவறி-விழுந்த-இளைஞர்-சாவு-3020771.html
3020770 சென்னை திருவள்ளூர் வாக்காளர் பட்டியல் திருத்தம் 63,320 பேர் பதிவு: ஆட்சியர் ஆய்வு DIN DIN Monday, October 15, 2018 10:01 AM +0530 திருவள்ளூர் மாவட்டத்தில் வாக்காளர் பட்டியலில் பெயர் சேர்த்தல், நீக்கம் மற்றும் இடமாற்றம் ஆகியவைகளுக்காக மொத்தம் 63,320 பேர் பதிவு செய்துள்ளனர். இதற்காக நடைபெற்ற சிறப்பு திருத்த முகாமை ஆட்சியர் மகேஸ்வரி ரவிகுமார் நேரில் பார்வையிட்டு ஆய்வு மேற்கொண்டார்.
திருவள்ளூர் மாவட்டத்தில் 10 சட்டப்பேரவை தொகுதிகள் உள்ளன. அனைத்து தொகுதிகளிலும் 1.1.2019-ஐ தகுதியேற்படுத்தும் நாளாகக் கொண்டு கடந்த செப்டம்பர் 2-இல் புதிய வாக்காளர் பட்டியல் ஏற்கெனவே வெளியிடப்பட்டது. 
அதைத் தொடர்ந்து, மாவட்டத்தில் உள்ள 3,583 வாக்குச்சாவடி மையங்களிலும் இப்பட்டியல் பார்வைக்கு வைக்கப்பட்டது. அப்போது, இப்பட்டியலில் பெயர் சேர்த்தல், நீக்குதல், இடமாற்றம் மற்றும் திருத்த விவரங்களை அறிந்து கொள்ளலாம் என்றும்,  அதேபோல், 18 வயது பூர்த்தி அடைந்தோர், இதுவரையில் பெயர் சேர்க்காதோர் விண்ணப்பப் படிவம் அளிக்கவும் வலியுறுத்தப்பட்டிருந்தனர்.
இந்நிலையில், அனைத்து வாக்குச்சாவடிகளிலும் வாக்காளர் பட்டியல் சிறப்பு திருத்த முகாம் ஞாயிற்றுக்கிழமை நடைபெற்றது. 
இந்த முகாமில் பொதுமக்கள் ஆர்வத்துடன் கலந்து கொண்டு பெயர் சேர்த்தல், திருத்தம் மற்றும் நீக்குதல் போன்ற பணிகள் மேற்கொள்வதற்கு அதற்கான படிவங்களை ஆர்வத்துடன் அளித்தனர்.    
இதில், திருவள்ளூர் பஜாரில் உள்ள கெளடி மேல்நிலைப்பள்ளி வளாகத்தில் நடைபெற்ற முகாமை ஆட்சியர் மகேஸ்வரி ரவிகுமார் நேரில் பார்வையிட்டு ஆய்வு மேற்கொண்டார். 
அப்போது, பெயர் சேர்த்தல், நீக்குதல், திருத்தம், முகவரி மாற்றம் ஆகியவைகளுக்கு எத்தனை படிவங்கள் பெறப்பட்டுள்ளன என்பது குறித்து வாக்குச்சாவடி மைய அலுவலர்கள், வருவாய்த்துறை, நகராட்சி பணியாளர்களிடம் விவரம் கேட்டறிந்தார். அப்போது, திருவள்ளூர் வட்டாட்சியர் தமிழ்செல்வன், நகராட்சி ஆணையாளர் முருகேசன், நகராட்சி அலுவலர்கள் துளசிராமன், ரமேஷ், கிராம நிர்வாக அலுவலர்கள் ஆகியோர் உடன் இருந்தனர்.     
ஏற்கெனவே இம்மாவட்டத்தில் நடைபெற்ற முகாம்கள் மூலம் அக்டோபர் 13-ஆம் தேதி வரையில் 18 வயது நிறைவடைந்தோர் பெயர் சேர்த்தல், நீக்கல், திருத்தம் மற்றும் இடமாற்றம் போன்றவற்றிற்காக மொத்தம் 63,320 பேர் மனு அளித்துள்ளனர்.
 இதில், புதிதாக பெயர் சேர்க்கப் படிவம்-6ஐ 51,323 பேரும், பெயர் நீக்கம் செய்யும் படிவம்- 7ஐ 762 பேரும், விவரங்களைத் திருத்தம் செய்யும் படிவம்-8ஐ 7,199 பேரும், இடமாற்றம் செய்வதற்கான படிவம்-8ஏ-ஐ 4,036 பேரும் அளித்துள்ளனர். 
அதில் 6,101 பேர் ஆன்லைனிலும், 57,219 பேர் நேரிலும் என மொத்தம் 63,320 பேர் பதிவு செய்துள்ளனர் என்பது குறிப்பிடத்தக்கது.
 

]]>
http://www.dinamani.com/all-editions/edition-chennai/thiruvallur/2018/oct/15/வாக்காளர்-பட்டியல்-திருத்தம்-63320-பேர்-பதிவு-ஆட்சியர்-ஆய்வு-3020770.html
3020297 சென்னை திருவள்ளூர் ரூ.10 லட்சம் மதிப்பிலான செம்மரக் கட்டைகள் பறிமுதல்  கும்மிடிப்பூண்டி DIN Monday, October 15, 2018 12:33 AM +0530 கும்மிடிப்பூண்டி அருகே, போலீஸார் நடத்திய வாகனச் சோதனையில் ஆந்திரத்தில் இருந்து தமிழகத்திற்கு கடத்தி வரப்பட்ட ஒரு டன் எடையுள்ள செம்மரக் கட்டைகள் பறிமுதல் செய்யப்பட்டன.
 கும்மிடிப்பூண்டியை அடுத்த புதுவாயல் கூட்டுச்சாலையில் கவரப்பேட்டை போலீஸார் ஞாயிற்றுக்கிழமை அதிகாலை வாகனச் சோதனையில் ஈடுபட்டிருந்தனர்.
 அப்போது, சென்னை- கொல்கத்தா நெடுஞ்சாலையில், சென்னை நோக்கி வந்த லோடு வேன் நிற்காமல் வேகமாகச் சென்றது.
 பின்னர், அங்கிருந்த சாலை தடுப்புக் கம்பியில் மோதி நின்றது. உடனே, வேனில் இருந்த 3 பேர் அங்கிருந்து தப்பி ஓடினர். போலீஸார் வேனை சோதனை செய்த போது, அதில் ஒரு டன் எடையுள்ள செம்மரக்கட்டைகள் இருப்பதைக் கண்டனர்.
 இதையடுத்து, வேனுடன் செம்மரக் கட்டைகளை பறிமுதல் செய்த போலீஸார், வழக்குப் பதிவு செய்து, ஆந்திரத்தில் இருந்து தமிழகத்திற்கு செம்மரம் கடத்திய மர்ம நபர்கள் குறித்து விசாரணை நடத்தி வருகின்றனர். பறிமுதல் செய்யப்பட்ட செம்மரக் கட்டைகளின் மதிப்பு சுமார் ரூ.10 லட்சம் ஆகும்.
 

]]>
http://www.dinamani.com/all-editions/edition-chennai/thiruvallur/2018/oct/15/ரூ10-லட்சம்-மதிப்பிலான-செம்மரக்-கட்டைகள்-பறிமுதல்-3020297.html
3020296 சென்னை திருவள்ளூர் பகத் சிங் பிறந்த நாளையொட்டி மரக்கன்று நடும் விழா  கும்மிடிப்பூண்டி, DIN Monday, October 15, 2018 12:33 AM +0530 சுதந்திரப் போராட்ட வீரர் பகத் சிங்கின் பிறந்த நாளையொட்டி இந்திய ஜனநாயக வாலிபர் சங்கத்தின் சார்பில் கும்மிடிப்பூண்டி அருகே, 110 மரக்கன்றுகளை நடும் விழா ஞாயிற்றுக்கிழமை நடைபெற்றது.
 பகத்சிங்கின் 110-ஆவது பிறந்த நாளை முன்னிட்டு சுற்றுச்சூழலை பாதுகாக்கும் வகையில், இந்திய ஜனநாயக வாலிபர் சங்கத்தினர் கும்மிடிப்பூண்டியை அடுத்த சித்தராஜகண்டிகையில் 110-மரக்கன்றுகளை சாலையோரங்களில் நட்டனர்.
 இந்த நிகழ்ச்சிக்கு வாலிபர் சங்கத்தின் பகுதிச் செயலாளர் ப.லோகநாதன் தலைமை வகித்தார். இதில், சங்கத்தின் நிர்வாகிகள் முனிரத்தினம், முகமதுசாலி, வெங்கடாத்திரி, தமிழ்நாடு அறிவியல் இயக்கத்தின் கருத்தாளர் பி.ஜெயநாராயணன், தமுஎகச மாவட்டப் பொருளாளர் கவிஞர் சி.சுரேஷ் மற்றும் கிராம மக்கள் பலர் கலந்து கொண்டு மரக்கன்றுகளை நட்டு வேலியமைத்தனர்.

]]>
http://www.dinamani.com/all-editions/edition-chennai/thiruvallur/2018/oct/15/பகத்-சிங்-பிறந்த-நாளையொட்டி-மரக்கன்று-நடும்-விழா-3020296.html
3020295 சென்னை திருவள்ளூர் வழிப்பறி புகார்: தலைமறைவு ரௌடி கைது  கும்மிடிப்பூண்டி, DIN Monday, October 15, 2018 12:32 AM +0530 சிறையில் இருந்து நிபந்தனை ஜாமீனில் வெளிவந்து தலைமறைவான ரௌடி, கும்மிடிப்பூண்டி அருகே ஒருவரிடம் வழிப்பறிப்பு செய்த புகாரின்பேரில் சனிக்கிழமை இரவு கைது செய்யப்பட்டார்.
 சென்னை சூளைமேடு பகுதியைச் சேர்ந்தவர் ரௌடி பினு(51)(படம்). இவர் கடந்த பிப்ரவரி மாதம் மலையம்பாக்கத்தில் தனது சக கூட்டாளிகளுடன் அரிவாளால் கேக் வெட்டி பிறந்தநாள் கொண்டாடியது பரபரப்பை ஏற்படுத்தியது. அப்போது அவர்களை போலீஸார் சுற்றி வளைத்தபோது பினு உள்ளிட்ட சில ரௌடிகள் தப்பி ஓடிவிட்டனர். மற்றவர்கள் கைது செய்யப்பட்டனர்.
 தொடர்ந்து பினுவை போலீஸார் தீவிரமாக தேடி வந்த நிலையில், அம்பத்தூர் துணை ஆணையர் அலுவலகத்தில் பினு சரண் அடைந்தார். பின்னர், சிறையில் அடைக்கப்பட்ட பினு, ஜூன் மாதம் 21-ஆம் தேதி ஜாமீனில் வெளி வந்தார். மாங்காடு காவல்நிலையத்தில் தினமும் கையெழுத்திட வேண்டும் என அவருக்கு நிபந்தனை விதிக்கப்பட்டிருந்தது.
 ஆனால், அவர் காவல் நிலையத்திற்கு வராததால், அவர் தலைமறைவாகிவிட்டதை அறிந்த போலீஸார் தொடர்ந்து பினுவை தேடி வந்தனர்.
 இந்நிலையில், மாதர்பாக்கம் பகுதியைச் சேர்ந்த ரத்தினம் (66) சனிக்கிழமை மாலை இரு சக்கர வாகனத்தில் பூவலம்பேடு சென்றார். அப்போது தாணிப்பூண்டி அருகே, இரு நபர்கள் அவரை மடக்கி கத்தியைக் காட்டி மிரட்டி ரூ.500-ஐ பறித்துச் சென்றதாகக் கூறப்படுகிறது.
 இது குறித்து பாதிரிவேடு காவல் நிலையத்தில் ரத்தினம் புகார் அளித்தார். அதன்பேரில் போலீஸார் சம்பவ இடத்துக்கு வந்தபோது, போலீஸாரை கண்டதும் அந்த இருவரும் ஓடவே போலீஸார் அந்த இருவரையும் விரட்டிப் பிடித்தனர்.
 விசாரணையில், அவர்களில் ஒருவர் தலைமறைவான ரௌடி பினு என்பதும், மற்றவர் வேலூர் மாவட்டம் வாலாஜா அருகில் சீக்கராஜபுரத்தைச் சேர்ந்த பிரகாஷ் (25) என்பதும் தெரியவந்தது. வேலூர் சிறையில் பினு இருந்த போது பிரகாஷுடன் நட்பு ஏற்பட்ட நிலையில், ஜாமீனில் வெளிவந்து இருவரும் தமிழக எல்லையில் உள்ள தாணிப்பூண்டியில் ஒரு பண்ணை வீட்டில் வேறு சிலருடன் தங்கி இருந்ததாகவும், மது அருந்த பணம் இல்லாததால் வழிப்பறியில் ஈடுபட்டதாகவும் தெரிவித்தனர்.
 தொடர்ந்து போலீஸார் பினுவை கைது செய்து ஞாயிற்றுக்கிழமை பொன்னேரி கோர்ட்டில் ஒப்படைத்து சிறையில் அடைத்தனர்.
 
 
 

]]>
http://www.dinamani.com/all-editions/edition-chennai/thiruvallur/2018/oct/15/வழிப்பறி-புகார்-தலைமறைவு-ரௌடி-கைது-3020295.html
3020294 சென்னை திருவள்ளூர் அக். 24-க்குப் பின் குடியிருப்புகள், வணிக வளாகங்களை சுகாதாரக் கேடாக வைத்திருந்தால் அபராதம்: ஆட்சியர் எச்சரிக்கை  திருவள்ளூர், DIN Monday, October 15, 2018 12:32 AM +0530 திருவள்ளூர் மாவட்டத்தில் குடியிருப்புகள் மற்றும் வளாகங்களை சுகாதாரமாக வைத்துக் கொள்ளாமல், டெங்கு கொசுக்கள் உற்பத்தியாகும் வகையில் சுகாதாரக் கேடாக வைத்திருந்தால் அபராதம் விதித்து நடவடிக்கை எடுக்கப்படும் என ஆட்சியர் மகேஸ்வரி ரவிகுமார் எச்சரித்துள்ளார்.
 இது குறித்து அவர் ஞாயிற்றுக்கிழமை வெளியிட்ட செய்திக் குறிப்பு: திருவள்ளூர் மாவட்டத்தில் டெங்கு கொசு ஒழிப்புப் பணி போர்க்கால அடிப்படையில் மேற்கொள்ளப்பட்டு வருகிறது. அவ்வகையில் டெங்கு கொசுப்புழு ஒழிப்புப் பணிக்காக பணியாளர்கள் செல்லும்போது வீடுகள், பள்ளி வளாகங்கள், திரையரங்குகள், வணிக வளாகங்கள், கட்டுமானம் நடைபெறும் இடங்கள், காலி மனைகள், மருத்துவமனைகளில் மழைத்தண்ணீர் தேங்குமாறு வெளிப்புறங்களில் போடப்பட்டுள்ள உடைந்த பானைகள், பழைய மின்சாதனப் பொருள்கள், பிளாஸ்டிக் கப்புகள், தட்டுகள், தார்பாலின் ஷீட், தண்ணீர் தொட்டிகள், தேங்காய் சிரட்டைகள் மற்றும் பழைய டயர்களில் டெங்கு கொசுவை உருவாக்கும் புழுக்கள் கண்டுபிடிக்கப்பட்டால் நோட்டீஸ் அனுப்பப்பட்டு, அபராதம் விதித்து நடவடிக்கை எடுக்கப்படும்.
 எனவே, இதுபோன்ற நடவடிக்கைகளைத் தவிர்க்கும் வகையில், பொதுமக்கள் தங்களது இல்லங்களையும், அலுவலக வளாகங்களையும் சுகாதாரமாகவும், தூய்மையாகவும் வைத்துக்கொள்ள திங்கள்கிழமை (அக்டோபர் 15) முதல் அக்.24 -ஆம் தேதி வரையில் அவகாசம் அளிக்கப்பட்டுள்ளது.
 அதைத் தொடர்ந்து, அக்டோபர் 25-ஆம் தேதி ஒவ்வொரு உள்ளாட்சி அமைப்புகளிலும், வார்டு வாரியாக குடியிருப்புகள் தோறும் அதிகாரிகள் ஆய்வு மேற்கொள்வர்.
 அப்போது, குடியிருப்புகளிலோ, அலுவலக வளாகங்களிலோ டெங்கு கொசுப்புழு உற்பத்திக்கு வழிவகுக்கும் வகையில் அப்பகுதி இருப்பது கண்டறியப்பட்டால் அந்த வீட்டிற்கும், வணிக வளாகத்திற்கும், தனியார் மற்றும் அரசு அலுவலகங்களுக்கும் அபராதம் விதித்து நடவடிக்கை எடுக்கப்படும் என அவர் தெரிவித்துள்ளார்.

]]>
http://www.dinamani.com/all-editions/edition-chennai/thiruvallur/2018/oct/15/அக்-24-க்குப்-பின்-குடியிருப்புகள்-வணிக-வளாகங்களை-சுகாதாரக்-கேடாக-வைத்திருந்தால்-அபராதம்-ஆட்சியர்-3020294.html
3019866 சென்னை திருவள்ளூர் வீட்டின் பூட்டை உடைத்து  25 சவரன் நகை திருட்டு DIN DIN Sunday, October 14, 2018 03:40 AM +0530 மாதவரத்தில் வீட்டின் பூட்டை உடைத்து 25 சவரன் நகைகளை மர்ம நபர்கள் திருடிச் சென்றனர். 
சென்னை மாதவரம் பொன்னியம்மன்மேடு நகரை சேர்ந்தவர் ரவி நாராயணன்(53). இவர் தனது குடும்பத்தினருடன் இரு தினங்களுக்கு முன்பு உறவினர் வீட்டில் தங்கியிருந்தனர்.  வெள்ளிக்கிழமை காலை வீட்டிற்கு வந்தபோது, கதவின் பூட்டு உடைக்கப்பட்டு, பீரோவில் இருந்த 25 சவரன் நகைகளும், ரூ.10 ஆயிரம் ரொக்கமும் திருடு போயிருந்தது தெரிய வந்தது. இதுகுறித்த புகாரின் பேரில், மாதவரம் காவல் மாவட்ட துணை ஆணையர் கலைச்செல்வன் மற்றும்  போலீஸார் அப்பகுதியில் ஆய்வு மேற்கொண்டனர். 
 

]]>
http://www.dinamani.com/all-editions/edition-chennai/thiruvallur/2018/oct/14/வீட்டின்-பூட்டை-உடைத்து--25-சவரன்-நகை-திருட்டு-3019866.html
3019865 சென்னை திருவள்ளூர் திருவள்ளூரில் 3 புதிய பேருந்துகள் இயக்கம்:  ஆட்சியர் தொடங்கி வைத்தார் DIN DIN Sunday, October 14, 2018 03:40 AM +0530 திருவள்ளூர் பேருந்து நிலையத்தில் இருந்து 3 வழித்தடங்களில் புதிய பேருந்துகளின் இயக்கத்தை ஆட்சியர் மகேஸ்வரி ரவிகுமார் சனிக்கிழமை கொடியசைத்து தொடங்கி வைத்தார்.     
சென்னையில் இருந்து திருவள்ளூர் வழியாக காளஹஸ்தி வரையில் செல்லும் 2 பேருந்துகளும், திருவள்ளூரில் இருந்து கிழக்கு கடற்கரைச் சாலை வழியாக மரக்காணம் செல்லும் ஒரு பேருந்தும் என 3 பேருந்துகள் ஒதுக்கப்பட்டுள்ளன. 
இந்த புதிய பேருந்துகள் இயக்கத் தொடக்கவிழா சனிக்கிழமை நடைபெற்றது. இதில், ஆட்சியர் மகேஸ்வரி ரவிகுமார், பொன்னேரி 
எம்எல்ஏ சிறுணியம் பலராமன் ஆகியோர் கலந்து கொண்டு 3 புதிய பேருந்துகளை கொடியசைத்து தொடங்கி வைத்தனர். அதைத் தொடர்ந்து, பேருந்து நிலையத்தில் இருந்து ஆட்சியர் அலுவலகம் வரையில் அப்பேருந்தில் அமர்ந்து பயணம் மேற்கொண்டனர். 
பின்னர் இது குறித்து ஆட்சியர் மகேஸ்வரி ரவிகுமார் கூறியது: 
சென்னையிலிருந்து திருவள்ளூர் வழியாக காளஹஸ்தி செல்லவும், திருவள்ளூரில் இருந்து மரக்காணம் செல்லவும் 3 புதிய பேருந்துகள் சனிக்கிழமை (அக்டோபர் 13) முதல் இயக்கப்படவுள்ளன. இப்பேருந்தில் நவீன வசதிகளுடன் கூடிய பாதுகாப்பு உபகரணங்கள் உள்பட பல்வேறு வசதிகள் உள்ளன. 
ஏற்கெனவே சென்னையிலிருந்து திருவள்ளூர் வழியாக திருப்பதிக்கு நாள்தோறும் 20 பேருந்துகள் சென்று வருகின்றன. 
தற்போது, புதிய கட்டமைப்புகளைக் கொண்ட வழித்தடம் எண்: 200 (இரு பேருந்துகள்) சென்னை-திருவள்ளூர்-காளஹஸ்தி வரையில் இயங்கும். அதேபோல், வழித்தடம் எண்: 588 என்ற பேருந்து திருவள்ளூரில் இருந்து மரக்காணம் வரையிலும் என 3 புதிய பேருந்துகளை இயக்க தமிழக அரசு உத்தரவிட்டுள்ளது.
அதன் அடிப்படையில், இப்பேருந்துகளில் திருவள்ளூர் பணிமனைக்கு 2 பேருந்துகளும், ஊத்துக்கோட்டை பணிமனைக்கு 1 பேருந்தும் ஒதுக்கப்பட்டுள்ளது என அவர் தெரிவித்தார்.  
நிகழ்வில், அம்மா பேரவை மாநில இணைச்செயலாளர் செவ்வை சம்பத், முன்னாள் நகராட்சித் தலைவரும், மாவட்ட துணைச்செயலாளர் கமாண்டோ பாஸ்கர், முன்னாள் ஒன்றியக்குழுத் தலைவர் புட்லூர் சந்திரசேகர், நகரச் செயலாளர் கந்தசாமி மற்றும் போக்குவரத்துக்கழக அதிகாரிகள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/14/திருவள்ளூரில்-3-புதிய-பேருந்துகள்-இயக்கம்--ஆட்சியர்-தொடங்கி-வைத்தார்-3019865.html
3019864 சென்னை திருவள்ளூர் கூட்டுறவு சங்கங்களில் பழைய விலைக்கே உரம் விற்பனை DIN DIN Sunday, October 14, 2018 03:39 AM +0530 வெளிச்சந்தைகளில் உரங்கள் விலை அதிகரித்த நிலையிலும் திருவள்ளூர் மாவட்ட கூட்டுறவு சங்கங்களில் பழைய விலைக்கே உரம் விற்பனை செய்வதற்கு நடவடிக்கை எடுத்துள்ளதாக ஆட்சியர் மகேஸ்வரி ரவிகுமார் தெரிவித்துள்ளார். 
இதுகுறித்து அவர் சனிக்கிழமை வெளியிட்ட செய்திக் குறிப்பு:
திருவள்ளூர் மாவட்டத்தில் உள்ள தொடக்க வேளாண் கூட்டுறவுக் கடன் சங்கங்களில், எப்போதும் போல் பழைய விலைக்கே உரங்கள் விற்கப்படுகின்றன. அதேபோல் காஞ்சிபுரம் மண்டல தமிழ்நாடு கூட்டுறவு விற்பனை இணையம் மூலம் விற்கப்படும், "இப்கோ' நிறுவன உரங்களும் பழைய விலைக்கே விற்பனை செய்யப்படுகிறது. 
மேலும், வெளிச்சந்தையில் ரூ.1,360-க்கு விற்பனை செய்யப்படும் ஒரு மூட்டை, டிஏபி உரம் ரூ.1,290-க்கும்,ரூ.1,040-க்கும், 20-20 காம்ப்ளக்ஸ் உரம் ரூ.950-க்கும் விற்பனை செய்யப்படுகிறது. எனவே வெளிச்சந்தையில் விற்பனை செய்வதை விட ரூ.50 முதல் ரூ.120 வரையிலேயே கூட்டுறவுச் சங்கங்களில் விலை குறைந்த அளவில் கிடைக்கிறது. அதனால் விவசாயிகள், விவசாயப் பணிகளுக்குத் தேவையான உரங்களை தொடக்க வேளாண் கூட்டுறவு கடன் சங்கங்களில் பெற்று பயன்பெறலாம் என அவர் தெரிவித்துள்ளார். 
 

]]>
http://www.dinamani.com/all-editions/edition-chennai/thiruvallur/2018/oct/14/கூட்டுறவு-சங்கங்களில்-பழைய-விலைக்கே-உரம்-விற்பனை-3019864.html
3019863 சென்னை திருவள்ளூர் நீண்ட நாளாக தேடப்பட்ட ரௌடி கைது DIN DIN Sunday, October 14, 2018 03:39 AM +0530 செங்குன்றத்தில் பிரபல ரவுடி கைது செய்து அதிரடி நடவடிக்கை மேற்கொண்டனர்.
செங்குன்றத்தை அடுத்த பாடியநல்லூர் ஜோதிநகர் 4-வது தெருவைச் சேர்ந்தவர் ராகுல் (22) . இவர்மீது செங்குன்றம், சோழவரம் ஆகிய காவல் நிலையங்களில் கொலை முயற்சி, அடிதடி வழக்குகள் பல உள்ளன. இவரை நீண்ட நாளாக போலீஸார் தேடி வந்தனர்.
இந்நிலையில், வெள்ளிக்கிழமை இரவு பைக்கில் வந்த ஜோதிநகர் 5-ஆவது தெருவைச் சேர்ந்த கணேசனை (19) வழிமறித்த ராகுல், கத்தியைக் காட்டி மிரட்டி அவரிடமிருந்த ரொக்கப்பணம் ரூ.2 ஆயிரம் மற்றும் செல்லிடப்பேசி ஆகியவற்றை பறித்ததாகக் கூறப்படுகிறது. இது குறித்து கணேசன் செங்குன்றம் காவல் நிலையத்தில் புகார் அளித்தார். 
அதன்பேரில், காவல் ஆய்வாளர் ராஜேந்திரன் வழக்குப் பதிவு செய்து, பாடியநல்லூர் அங்காளீஸ்வரி கோயில் மைதானம் அருகே பதுங்கியிருந்த ராகுலை சனிக்கிழமை கைது செய்தார். தொடர்ந்து, அவரை பொன்னேரி நீதிமன்றத்தில் ஆஜர்படுத்தி புழல் சிறையில் அடைத்தனர். 

]]>
http://www.dinamani.com/all-editions/edition-chennai/thiruvallur/2018/oct/14/நீண்ட-நாளாக-தேடப்பட்ட-ரௌடி-கைது-3019863.html
3019862 சென்னை திருவள்ளூர் கூட்டுறவு சர்க்கரை ஆலை இயக்குநர் தேர்தலில் அதிமுகவினர் பெரும்பான்மை DIN DIN Sunday, October 14, 2018 03:38 AM +0530 திருவாலங்காடு கூட்டுறவு சர்க்கரை ஆலையின் இயக்குநர்களுக்காக நடைபெற்ற தேர்தலில், மொத்தமுள்ள 17 இயக்குநர்களில், 13 இயக்குநர்களாக அதிமுகவினர் வெற்றி பெற்றனர்.
திருத்தணி கூட்டுறவு சர்க்கரை ஆலை திருவாலங்காட்டில் அமைந்துள்ளது. இந்த ஆலைக்கு மொத்தம் 17 இயக்குநர்கள் தேர்வு செய்யப்படுவர். பின்னர், இவர்களில் ஒருவர் நிர்வாகக் குழு தலைவராகத் தேர்வு செய்யப்படுவார். 
இந்நிலையில், புதிய இயக்குநர்களுக்கான தேர்தல் கடந்த 12 -ஆம் தேதி நடைபெற்றது. இதில், 6 பெண்கள் உள்பட மொத்தம் 86 பேர்  போட்டியிட்டனர். இத்தேர்தலில், மொத்தமுள்ள 32,289 உறுப்பினர்களில் 4,752 பேர் மட்டுமே வாக்களித்தனர்.
இதைத் தொடர்ந்து, வாக்கு எண்ணிக்கை வெள்ளிக்கிழமை காலை 10 மணிக்கு திருத்தணி கூட்டுறவு சர்க்கரை ஆலையில் உள்ள கிடங்கில் தொடங்கியது. தேர்தல் அலுவலர் குணசேகரன் தலைமையில், மொத்தம் 40 ஊழியர்கள் வாக்குகள் எண்ணும் பணியில் ஈடுபட்டனர். மொத்தம் 9 சுற்றுகள் என தீர்மானிக்கப்பட்டு, சனிக்கிழமை அதிகாலை 3 மணி வரை தொடர்ந்து வாக்கு எண்ணிக்கை நடைபெற்றது. பின்னர் முடிவுகள் அறிவிக்கப்பட்டன.
இதில், அ.தி.மு.க. சார்பில் சரசா, பத்மாவதி, ஜாக்னலி, தர்மன், ஜெய்சங்கர், சக்திவேல், பொன்னுரங்கம், ஆனந்தன், ராமமூர்த்தி, குப்பன், நவாஸ்அகமது, லோகையன், சத்தியமூர்த்தி என 13 பேரும், தமிழ்நாடு கரும்பு விவசாயிகள் சங்கம் சார்பில், லலிதா, குமரேசன் ஆகிய 2 பேரும், தி.மு.க. சார்பில் எம்.கஸ்தூரி, பா.ம.க. சார்பில் பாலயோகி ஆகியோர் வெற்றி பெற்றனர். தேர்தலில் வெற்றி பெற்ற 17 இயக்குநர்களுக்கும் தேர்தல் அலுவலர் குணசேகரன் சான்றுகளை வழங்கினார்.
இதையடுத்து, அக்டோபர் 16 -ஆம் தேதி, நிர்வாகக் குழுத் தலைவர் மற்றும் துணைத் தலைவர் ஆகியோர் தேர்ந்தெடுக்கப்பட்டு பதவியேற்பு நிகழ்ச்சி நடைபெறும் என தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/thiruvallur/2018/oct/14/கூட்டுறவு-சர்க்கரை-ஆலை-இயக்குநர்-தேர்தலில்-அதிமுகவினர்-பெரும்பான்மை-3019862.html
3019861 சென்னை திருவள்ளூர் ஊராட்சி பள்ளி நூலகத்திற்கு ஓராயிரம் நூல்கள், காணொலி புரொஜக்டர் வழங்கல் DIN DIN Sunday, October 14, 2018 03:38 AM +0530 மாணவ, மாணவியரின் வாசிப்புத் திறனை அதிகரிக்கச் செய்யும் வகையில், வெங்கத்தூர் கண்டிகை ஊராட்சி ஒன்றியப் பள்ளி நூலகத்திற்கு ஓராயிரம் நூல்கள், காணொலி புரொஜக்டர் ஆகியவை பொறியியல் கல்லூரி மாணவர் மற்றும் தனியார் நிறுவனத் தொழிலாளர்கள் சார்பில் சனிக்கிழமை வழங்கப்பட்டது.     
பள்ளிக்கு ஒரு நூலகம் என்ற திட்டத்தை பள்ளிக் கல்வித்துறை அறிவித்து செயல்படுத்தி வருகிறது. அதன் அடிப்படையில், பொறியியல் கல்லூரி மாணவர் கீர்த்திவாசன் திருவள்ளூரை அடுத்த கடம்பத்தூர் அருகே வெங்கத்தூர் கண்டிகையில் உள்ள ஊராட்சி ஒன்றிய நடுநிலைப்பள்ளி நூலகத்துக்கு ரூ.5 ஆயிரம் மதிப்பிலான ஆயிரம் நூல்களை வழங்கினார். இந்த நூல்கள் மாணவ, மாணவிகள் விரும்பும், அதேசமயம் எளிதாகப் புரிந்து கொண்டு வாசிப்புத் திறனை மேம்படுத்திக் கொள்ள வழி வகை செய்யும் நூல்கள் ஆகும். அதேபோல், தனியார் நிறுவனத் தொழிலாளர்கள் சார்பில் மாணவ, மாணவிகள் படக்காட்சிப் பதிவுடன், தொடு திரை கணினி உதவியுடன் படிக்கும் வகையில் ரூ.20 ஆயிரம் மதிப்பிலான புரொஜக்டரும் வழங்கப்பட்டது.      
இப்பள்ளி வளாகத்தில் நடைபெற்ற நிகழ்ச்சிக்கு, கடம்பத்தூர் வட்டாரக் கல்வி அலுவலர் கிரிஜா, கூடுதல் வட்டாரக் கல்வி அலுவலர் ரகுபதி ஆகியோர் தலைமை வகித்தனர். 
இதில், பெரும்புதூர் வெங்கடேஸ்வரா பொறியியல் கல்லூரி முதல்வர் கணேஷ் வைத்தியநாதன் பங்கேற்று, மாணவர் கீர்த்திவாசன் சார்பில் ஓராயிரம் புத்தகங்கள் மற்றும் புரொஜக்டர் ஆகியவற்றை பள்ளி தலைமை ஆசிரியர் இசக்கியம்மாளிடம் வழங்கினார். 
இதில், உதவித் தலைமை ஆசிரியர் பாலமுருகன், பள்ளி மேம்பாட்டுக்குழு உறுப்பினர் மாரியம்மாள், ஆசிரியைகள் தென்றல், சகாயமேரி, பிரமிளா, நந்தினி, சரஸ்வதி மற்றும் மாணவ, மாணவிகள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/oct/14/ஊராட்சி-பள்ளி-நூலகத்திற்கு-ஓராயிரம்-நூல்கள்-காணொலி-புரொஜக்டர்-வழங்கல்-3019861.html
3019677 சென்னை திருவள்ளூர் வீட்டின் பூட்டை உடைத்து 25 சவரன் நகை திருட்டு  மாதவரம், DIN Sunday, October 14, 2018 12:28 AM +0530 மாதவரத்தில் வீட்டின் பூட்டை உடைத்து 25 சவரன் நகைகளை மர்ம நபர்கள் திருடிச் சென்றனர்.
 சென்னை மாதவரம் பொன்னியம்மன்மேடு நகரை சேர்ந்தவர் ரவி நாராயணன்(53). இவர் தனது குடும்பத்தினருடன் இரு தினங்களுக்கு முன்பு உறவினர் வீட்டில் தங்கியிருந்தனர். வெள்ளிக்கிழமை காலை வீட்டிற்கு வந்தபோது, கதவின் பூட்டு உடைக்கப்பட்டு, பீரோவில் இருந்த 25 சவரன் நகைகளும், ரூ.10 ஆயிரம் ரொக்கமும் திருடு போயிருந்தது தெரிய வந்தது. இதுகுறித்த புகாரின் பேரில், மாதவரம் காவல் மாவட்ட துணை ஆணையர் கலைச்செல்வன் மற்றும் போலீஸார் அப்பகுதியில் ஆய்வு மேற்கொண்டனர்.

]]>
http://www.dinamani.com/all-editions/edition-chennai/thiruvallur/2018/oct/14/வீட்டின்-பூட்டை-உடைத்து-25-சவரன்-நகை-திருட்டு-3019677.html
3019189 சென்னை திருவள்ளூர் போலி ஜாமீன் மூலம் புழல் சிறையில் இருந்து தப்பிய கைதி DIN DIN Saturday, October 13, 2018 06:51 AM +0530 புழல் மத்திய சிறையில் இருந்து போலி ஜாமீன் மூலம் தப்பிச் சென்ற கைதியை போலீஸார் தேடி வருகின்றனர். 
சென்னை அடையாறு தாமோதரபுரம் 4-ஆவது தெருவைச் சேர்ந்தவர் முகமது ஷெரீப்(27). இவர் கடந்த ஆகஸ்ட் மாதம் திருட்டு வழக்கில் ராயப்பேட்டை போலீஸாரால் கைது செய்யப்பட்டு புழல் சிறையில் அடைக்கப்பட்டார். இவர் மீது 20-க்கும் மேற்பட்ட வழக்குகள் இருந்ததாகக் கூறப்படுகிறது. 
இந்நிலையில், கடந்த 4-ஆம் தேதி முகமது ஷெரீப்புக்கு ஒரு வழக்கில் ஜாமீன் கிடைத்துள்ளதாக சிறை அதிகாரிகளிடம் தெரிவித்
தாராம். இதையடுத்து, அக்டோபர் 5-ஆம் தேதி அவரை போலீஸார் விடுவித்தனர். 
அதன் பிறகுதான் பல்வேறு வழக்குகளில் அவருக்கு ஜாமீன் கிடைக்காததும், அவர் போலி ஜாமீன் மூலம் தப்பிச் சென்றதும் தெரியவந்தது. இதைத் தொடர்ந்து, போலீஸாரை நூதன முறையில் ஏமாற்றித் தப்பித்த முகமது ஷெரீப்பை கண்டுபிடித்து கைது செய்ய புழல் காவல் நிலையத்தில் புகார் அளிக்கப்பட்டது. அதன்பேரில், புழல் காவல் ஆய்வாளர் நடராஜ் தலைமையில் போலீஸார்  முகமதுஷெரீப்பை தேடி வருகின்றனர்.

]]>
http://www.dinamani.com/all-editions/edition-chennai/thiruvallur/2018/oct/13/போலி-ஜாமீன்-மூலம்-புழல்-சிறையில்-இருந்து-தப்பிய-கைதி-3019189.html
3019188 சென்னை திருவள்ளூர் பள்ளியில் ஊட்டச்சத்து உணவு விழா DIN DIN Saturday, October 13, 2018 06:51 AM +0530 பள்ளி மாணவர்கள் காய்கறிகள், பழங்கள், கீரைகளை அதிகமாக உண்ண வேண்டும் என்பதை வலியுறுத்தும் விதமாக ஊட்டச்சத்து உணவு விழா கும்மிடிப்பூண்டி அருகே வெள்ளிக்கிழமை கொண்டாடப்பட்டது.
பள்ளி மாணவர்கள் நொறுக்குத் தீனிகளை அதிகமாக உண்பதைத் தவிர்த்து, அவர்கள் ஊட்டச் சத்தான உணவு குறித்து தெரிந்து கொள்ளும் வகையில் ஊட்டச்சத்து உணவு தின விழா கும்மிடிப்பூண்டியை அடுத்த பெருவாயல் டி.ஜே.எஸ். பப்ளிக் சிபிஎஸ்சி பள்ளியில் டி.ஜே.எஸ். கல்விக் குழுமத் தலைவர் டி.ஜே.கோவிந்தராஜன் தலைமையில் நடைபெற்றது.
நிகழ்வுக்கு, பள்ளியின் தாளாளர் ஜி.தமிழரசன் முன்னிலை வகித்தார்.  முதல்வர் சுகாதா தாஸ் வரவேற்றார்.
தொடர்ந்து, சத்தான உணவு பொருள்கள் குறித்த கண்காட்சி நடைபெற்றது. அப்போது, மாணவர்களுக்கு காய்கறிகள், கீரைகள், பழங்களை உண்பதால் கிடைக்கும் ஊட்டச் சத்துகள் குறித்து விளக்கப்பட்டது. தொடர்ந்து, பள்ளி ஆசிரியர்கள் நொறுக்குத் தீனி உண்பதால் ஏற்படும் பாதிப்புகளை எடுத்துரைத்ததோடு, கீரைகள், காய்கறிகள், பழங்களை அதிகமாக உண்பதால் மாணவர்களின் உடல் நலன் ஆரோக்கியமாக இருக்கும், கல்விக்கும் உறுதுணையாக அமையும் என்று தெரிவித்தனர்.
 

]]>
http://www.dinamani.com/all-editions/edition-chennai/thiruvallur/2018/oct/13/பள்ளியில்-ஊட்டச்சத்து-உணவு-விழா-3019188.html
3019187 சென்னை திருவள்ளூர் சேதமடைந்த குடிநீர் குழாய்களை சீரமைக்க வலியுறுத்தல் DIN DIN Saturday, October 13, 2018 06:51 AM +0530 திருவள்ளூர் அருகே டெங்கு காய்ச்சல் தடுப்பு குறித்து வீடு, வீடாக ஆய்வு செய்ததோடு, தெருக்களில் சேதமடைந்த நிலையில் உள்ள குடிநீர் குழாய்கள் அனைத்தையும் சரிசெய்யவும் அதிகாரிகளிடம் ஆட்சியர் மகேஸ்வரி ரவிகுமார் வலியுறுத்தினார். 
திருவள்ளூர் பகுதியில் டெங்கு காய்ச்சல் பரவாமல் தடுக்கும் வகையில் முன்னெச்சரிக்கை நடவடிக்கையாக ஆட்சியர் ஆய்வு பணிகளை மேற்கொண்டு வருகிறார். அதன் அடிப்படையில் பூண்டி ஊராட்சி ஒன்றியத்தைச் சேர்ந்த நெய்வேலி கிராமத்தில் வியாழக்கிழமை அதிகாரிகளுடன் நேரில் சென்று ஆட்சியர் ஆய்வு மேற்கொண்டார். 
இதையடுத்து, ஒவ்வொரு வீடுகள் தோறும் சென்று டெங்கு கொசுக்கள் உற்பத்தியாகும் வகையில் பிளாஸ்டிக் கழிவுகள் மற்றும் டயர் போன்ற பொருள்கள் வைத்துள்ளார்களா, சுற்றுப்புறமும் சுகாதாரமாக உள்ளதா என பார்வையிட்டார். பின்னர் குடிநீர் தொட்டியில் டெங்கு கொசுக்கள் உள்ளனவா என ஆய்வு செய்தார். அப்போது, அப்பகுதியில் இருந்த மாணவ, மாணவிகளிடம் டெங்கு காய்ச்சல் குறித்து கேள்விகள் கேட்டறிந்ததோடு சரியான பதில் அளித்த மாணவர்களுக்கு எழுதுகோல் பரிசாக 
வழங்கினார்.
இதைத் தொடர்ந்து,  குடிதண்ணீரில் குளோரின் அளவை கருவி மூலம் சரிபார்த்தார். அச்சமயம், அந்தப் பகுதியில் சேதமடைந்து உடைந்து நீர் ஒழுகிக் கொண்டிருந்த குடிநீர் குழாய்களை உடனே மாற்றி சரிசெய்யவும் ஊராட்சி ஒன்றிய அதிகாரிகளுக்கு உத்தரவிட்டார்.         
பின்னர் வரும் வழியில் சதுரங்கபேட்டையில் அரசு உயர்நிலைப்பள்ளியில் உள்ள மேல்நிலைத் தொட்டி மற்றும் சுகாதார வளாகங்களைப் பார்வையிட்டார். அங்கு பணியிலிருந்த துப்புரவு பணியாளர்களை அழைத்து,  நாள்தோறும் சுத்தம் செய்ய வேண்டும். கட்டாயம் கையுறை அணிந்து பணிகள் மேற்கொள்ள வேண்டும் எனவும் வலியுறுத்தினார். 
அதைத் தொடர்ந்து டெங்கு கொசு உற்பத்தியாகக் கூடிய வகையில் வீட்டையும், சுற்றுப்புறத்தையும் சுகாதாரக் கேடாக வைத்திருந்தால் அபராதம் விதித்து நடவடிக்கை எடுக்கப்படும் என எச்சரித்தார். அப்போது, அப்பகுதியில் இருந்த பொதுமக்களுக்கு டெங்கு காய்ச்சலைக் கட்டுப்படுத்தும் நிலவேம்பு குடிநீரையும் அவர் 
வழங்கினார். 
நிகழ்வில், மாவட்ட சுகாதாரப்பணிகள் துணை இயக்குநர் கிருஷ்ணராஜ், வட்டாட்சியர் தமிழ்ச்செல்வன், வட்டார வளர்ச்சி அலுவலர் கிருஷ்ணன், துணை வட்டாட்சியர் வெங்கடேசன் மற்றும் சுகாதாரத்துறை பணியாளர்கள் ஆகியோர் உடன் இருந்தனர்.

]]>
http://www.dinamani.com/all-editions/edition-chennai/thiruvallur/2018/oct/13/சேதமடைந்த-குடிநீர்-குழாய்களை-சீரமைக்க-வலியுறுத்தல்-3019187.html
3019186 சென்னை திருவள்ளூர் 2,082 பேருக்கு ரூ.17.69 கோடியில் நலத்திட்ட உதவிகள்: அமைச்சர்கள் வழங்கினர் DIN DIN Saturday, October 13, 2018 06:50 AM +0530 மக்கள் தொடர்புத் திட்ட முகாமில் 2,082 பயனாளிகளுக்கு ரூ.17.69 கோடி மதிப்பில் பல்வேறு வகையான நலத்திட்ட உதவிகளை  தமிழ்  வளர்ச்சி  மற்றும்  தொல்லியல் துறை அமைச்சர்  க.பாண்டியராஜன், ஊரகத் தொழில் துறை அமைச்சர் பா.பெஞ்சமின் ஆகியோர் வெள்ளிக்கிழமை வழங்கினர்.   
திருவள்ளூர் அருகே கடம்பத்தூர் ஊராட்சி ஒன்றியம் வெண்மனம்புதூர் கிராமத்தில் மக்கள் தொடர்புத் திட்ட முகாம் வெள்ளிக்கிழமை நடைபெற்றது. இந்த முகாமிற்கு ஆட்சியர் மகேஸ்வரி ரவிகுமார் தலைமை வகித்தார்.    
இதில், ஊரகத் தொழில் துறை அமைச்சர் பா.பெஞ்சமின் பேசியது: பொதுமக்கள் பயன்பெறும் நோக்கத்தில் பல்வேறு நலத்திட்ட உதவிகள் அரசால் வழங்கப்பட்டு வருகின்றன. அந்த வகையில், பொதுமக்களின் இருப்பிடத்திற்குத் தேடிச்சென்று நலத்திட்ட உதவிகள் வழங்கும் வகையிலும், குறைகள் தொடர்பான மனுக்களைப் பெறும் வகையிலும் மக்கள் தொடர்புத் திட்ட முகாம் நடத்தப்பட்டு வருகிறது. இந்த முகாமில் 43 ஊராட்சிகளைச் சேர்ந்த 1,929 பயனாளிகளுக்கு விலையில்லா வீட்டு மனைப்பட்டாக்கள் வழங்கப்பட உள்ளது. இதேபோல், 20 பேருக்கு திருமண நிதி உதவி மற்றும் தாலிக்குத் தங்கம், முதியோர் மற்றும் இதர உதவித்தொகை 52 பேருக்கும், மின்னணு புதிய குடும்ப அட்டை 53 பேருக்கும், இயற்கை மரணம் மற்றும் ஈமச்சடங்கு உதவித்தொகை 19 பேருக்கும், நலிந்தோர் உதவித்தொகை 9 பேருக்கும் என மொத்தம் மொத்தம் 2,082 பேருக்கு ரூ.17.69 கோடி மதிப்பிலான நலத்திட்ட உதவிகள் வழங்கப்படுகின்றன என அவர் தெரிவித்தார். 
நிகழ்வில், தமிழ் வளர்ச்சித்துறை அமைச்சர் க.பாண்டியராஜன் பேசியது: இந்த முகாமில், 31 வகையானஅரசுத் துறைகள் மூலம் ஏழை எளிய மக்கள் பயன்பெறும் வகையில் 28 வகையான நலத்திட்ட உதவிகள் வழங்கப்பட்டு வருகின்றன. 
இதன் மூலம் ஒவ்வொரு குடும்பத்திலும் உள்ளோர் ஏதாவது ஒரு திட்டத்தில் பயன்பெறுவதற்கான வாய்ப்பை அரசு ஏற்படுத்தியுள்ளது. இவ்வாறு செயல்படுத்தப்படும் திட்டங்கள் மூலம் எவ்வாறு  பயன் பெறலாம்  என்பதை  பொதுமக்கள்  அறிந்து  கொள்ளும் நோக்கத்தில் ஒவ்வொரு துறை சார்பிலும் இங்கு கண்காட்சி வைத்துள்ளனர்.  இதைப் பார்த்து பொதுமக்கள் பயன்பெற வேண்டும் என அவர் தெரிவித்தார்.
அதைத்தொடர்ந்து, பொதுமக்களுக்கு விலையில்லா வீட்டு மனைப்பட்டா உள்ளிட்ட பல்வேறு வகையான நலத்திட்ட உதவிகளை அமைச்சர்கள் வழங்கினர்.   
இந்த நிகழ்ச்சியில், மக்களவை உறுப்பினர் பி.வேணுகோபால், சட்டப்பேரவை உறுப்பினர்கள் சிறுணியம் பி.பலராமன் (பொன்னேரி), வி.ஜி.ராஜேந்திரன் (திருவள்ளூர்), முன்னாள் அமைச்சர் 
பி.வி.ரமணா, சார் ஆட்சியர் டி.ரத்னா, மருத்துவத் துறை இணை இயக்குநர் தயாளன், கால்நடைத்துறை இணை இயக்குநர் குபேந்திரன், ஆட்சியரின் நேர்முக உதவியாளர் திவ்யஸ்ரீ, வட்டாட்சியர் தமிழ்ச்செல்வன், கடம்பத்தூர் வட்டார வளர்ச்சி அலுவலர் (கிராம ஊராட்சிகள்) சந்தானம்,   முன்னாள் நகராட்சித் தலைவர் மற்றும் மாவட்டத் துணைச் செயலாளர் கமாண்டோ பாஸ்கரன், கடம்பத்தூர் ஒன்றியச் செயலாளர் சுதாகர் உள்ளிட்டோர் கலந்து கொண்டனர்.       

]]>
http://www.dinamani.com/all-editions/edition-chennai/thiruvallur/2018/oct/13/2082-பேருக்கு-ரூ1769-கோடியில்-நலத்திட்ட-உதவிகள்-அமைச்சர்கள்-வழங்கினர்-3019186.html
3019064 சென்னை திருவள்ளூர் தென்மண்டல சதுரங்க சாம்பியன் போட்டி இன்று தொடக்கம்  திருவள்ளூர், DIN Saturday, October 13, 2018 12:47 AM +0530 தென்மண்டல அளவில் பல்கலைக்கழகங்களுக்கு இடையேயான சதுரங்க சாம்பியன் போட்டி ஆவடி வேல்டெக் பல்கலைக்கழக வளாகத்தில் சனிக்கிழமை (அக்டோபர் 13) தொடங்கி, தொடர்ந்து 3 நாள்களுக்கு நடைபெற உள்ளதாகவும், இதில், 73 பல்கலைக்கழக அணிகளைச் சேர்ந்த 482 மாணவ, மாணவிகள் பங்கேற்க இருப்பதாகவும் பல்கலைக்கழகத் தலைவர் சகுந்தலா ரங்கராஜன் தெரிவித்தார்.
 இது குறித்து வேல்டெக் ரங்கராஜன், டாக்டர் சகுந்தலா ஆராய்ச்சி மற்றும் அபிவிருத்தி அறிவியல் மற்றும் தொழில் கழக வளாகத்தில் அவர் வெள்ளிக்கிழமை செய்தியாளர்களிடம் கூறியதாவது: விளையாட்டுத்துறையில் மாணவர்களை ஊக்குவிக்கும் நோக்கத்தில் இப்போட்டி இந்திய பல்கலைக்கழகங்களின் கூட்டமைப்பின் சார்பில் தென் மண்டல அளவில் பல்கலைக்கழகங்களுக்கு இடையே ஆவடியில் சனிக்கிழமை (அக்டோபர் 13) தொடங்கி, தொடர்ந்து 16-ஆம் தேதி வரையில் 3 நாள்களுக்கு நடைபெற இருக்கிறது. ஏற்கெனவே
 இப்பல்கலைக்கழக மாணவர்கள் பல்வேறு போட்டிகளில் மாநில அளவில் 19 பதக்கங்களையும், தேசிய அளவில் 12 பதக்கங்களையும் பெற்றுள்ளனர். அதோடு, ரயில்வே, கப்பல் கழகம், காவல்துறை, விமானப்படையிலும் பணிக்குச் சேர்ந்துள்ளனர்.
 தற்போது, இப்பல்கலைக்கழகத்திற்கு மண்டல அளவிலான சதுரங்க போட்டி நடத்த வாய்ப்பு வழங்கப்பட்டுள்ளது. இப்போட்டிகளில் தமிழகம், கேரளம், ஆந்திரம், கர்நாடகம், தெலங்கானா, புதுச்சேரி ஆகிய மாநிலங்களைச் சேர்ந்த 73 பல்கலைக்கழகங்கள் பங்கேற்க இருக்கின்றன.
 இதில் 482 மாணவ, மாணவிகள் மற்றும் பயிற்சியாளர்களும் பங்கேற்க இருக்கின்றனர். அதோடு இப்போட்டியை தமிழ்நாடு உடற்கல்வி மற்றும் விளையாட்டு பல்கலைக்கழக துணைவேந்தர் ஷீலா ஸ்டீபன் தொடங்கி வைக்க உள்ளார். இதைத் தொடர்ந்து போட்டியில் வெற்றி பெறும் அணிக்கு பாராட்டுச் சான்றிதழ்கள் மற்றும் கோப்பைகளும் வழங்கப்படவுள்ளதாக அவர் தெரிவித்தார். நிகழ்வில், பல்கலைக்கழக நிறுவனத் தலைவர் ஆர்.ரங்கராஜன், துணைவேந்தர் வி.ராமச்சந்திரன், பதிவாளர் இ.கண்ணன், இந்திய பல்கலைக்கழக கூட்டமைப்பின் பார்வையாளரும், முன்னாள் விளையாட்டு பல்கலைக்கழக துணைவேந்தர் ஏ.எம்.மூர்த்தி ஆகியோர் உடன் இருந்தனர்.
 
 
 

]]>
http://www.dinamani.com/all-editions/edition-chennai/thiruvallur/2018/oct/13/தென்மண்டல-சதுரங்க-சாம்பியன்-போட்டி-இன்று-தொடக்கம்-3019064.html
3019063 சென்னை திருவள்ளூர் அரசுப் பேருந்து மீது லாரி மோதிய விபத்தில் பெண் சாவு  கும்மிடிப்பூண்டி, DIN Saturday, October 13, 2018 12:47 AM +0530 கும்மிடிப்பூண்டி அருகே, அரசுப் பேருந்து மீது லாரி மோதிய விபத்தில் பெண் உயிரிழந்தார்.
 ஆந்திர மாநிலம் சூலூர்பேட்டையில் இருந்து வெள்ளிக்கிழமை அதிகாலையில் சென்னை மாதவரம் நோக்கி வந்துகொண்டிருந்த தமிழக அரசுப் போக்குவரத்து கழகப் பேருந்து (தடம் எண்: 103என்) கும்மிடிப்பூண்டியை அடுத்த தச்சூர் அருகே பஞ்செட்டி பகுதியில் வந்த போது, கனரக லாரி பேருந்து மீது மோதியது. இதில், பேருந்தின் முன்பக்கத்தில் அமர்ந்திருந்த கர்ணம் குமாரி லட்சுமி(51) சம்பவ இடத்திலேயே உயிரிழந்தார்.
 இந்த விபத்தில், அவருடைய கணவர் நாகராஜ் ராவ் (54), உறவினர் எலிசா (39) ஆகியோர் பலத்த காயம் அடைந்தனர். இது தவிர அதே பஸ்சில் பயணம் செய்த கும்மிடிப்பூண்டி பிருதிவி நகரைச் சேர்ந்த நாதமுனி(53), தம்புரெட்டி பாளையத்தை சேர்ந்த ரகு(55), பொன்னேரி போந்தவாக்கத்தை சேர்ந்த சந்திரகுமார்(38), கவரப்பேட்டையைச் சேர்ந்த மணியம்மாள்(45) ஆகியோருக்கு காயம் ஏற்பட்டது.
 தொடர்ந்து சம்பவ இடத்திற்கு விரைந்த கவரப்பேட்டை போலீஸார் கும்மிடிப்பூண்டி,சிப்காட், பொன்னேரி தீயணைப்பு நிலையத்தினர் உதவியுடன் இடிபாடுகளில் சிக்கியவர்களை மீட்டனர். தொடர்ந்து, விபத்தில் இறந்த கர்ணம் குமாரி லட்சுமியின் சடலத்தைக் கைப்பற்றி பொன்னேரி அரசு மருத்துவமனைக்கு அனுப்பினர். மேலும் விபத்தில் காயமடைந்த 6 பேரும் சென்னை ஸ்டான்லி அரசு மருத்துவமனையில் சேர்க்கப்பட்டுள்ளனர்.
 இந்த விபத்து குறித்து கும்மிடிப்பூண்டி டி.எஸ்.பி. ரமேஷ் தலைமையில் கவரப்பேட்டை போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/13/அரசுப்-பேருந்து-மீது-லாரி-மோதிய-விபத்தில்-பெண்-சாவு-3019063.html
3019062 சென்னை திருவள்ளூர் விவசாயக் குழுக்கள் குறைந்த செலவில் ஒரே நேரத்தில் விதைப்பு செய்வதற்கான பயிற்சி  திருவள்ளூர் DIN Saturday, October 13, 2018 12:46 AM +0530 கூட்டுப்பண்ணைத்திட்டத்தில் விவசாயிகள் குழுக்களாக இணைந்து செயல்படும் வகையில், ஒரே நேரத்தில் பயிர் சாகுபடியில் ஈடுபடுதல் தொடர்பான பயிற்சி விவசாயிகளுக்கு வேளாண்மைத்துறையினால் வெள்ளிக்கிழமை அளிக்கப்பட்டது.
 திருவள்ளூர் மாவட்டத்தில் விவசாயிகள் இணைந்து செயல்படும் வகையில் 48 கூட்டுப்பண்ணைக்குழுக்கள் அமைக்கப்பட்டு செயல்படுத்தப்பட்டு வருகின்றன. ஏற்கெனவே இக்குழுக்களுக்கு ரூ.5 லட்சம் வழங்கப்பட்டு, எவ்வாறு வேளாண் பொறியியல் துறை பரிந்துரையின் பேரில் வேளாண் இயந்திரங்களைக் கொள்முதல் செய்து பயன்பெறலாம் என்பது தொடர்பாக பயிற்சி அளிக்கப்பட்டுள்ளது.
 இதன் அடிப்படையில் திருவாலங்காடு வட்டாரத்தில் கூட்டுப்பண்ணையத்திட்டம் சார்பில் 8 உழவர் உற்பத்தியாளர் குழுக்கள் அமைக்கப்பட்டு செயல்படுத்தப்பட்டு வருகிறது. இக்குகுழுக்களுக்கு அப்பகுதியில் உள்ள சமுதாய கூடத்தில் திறன் மேம்பாட்டுப் பயிற்சி வெள்ளிக்கிழமை அளிக்கும் நிகழ்ச்சி நடைபெற்றன. இப்பயிற்சி முகாமிற்கு திருவாலங்காடு வேளாண்மை உதவி இயக்குநர்
 வி.எபினேசர் தலைமை வகித்தார்.
 இதில் மாவட்ட வேளாண்மை இணை இயக்குநர் பாண்டியன் பங்கேற்று, கூட்டுப்பண்ணைய விவசாயிகள் எவ்வாறு விவசாய உற்பத்தி நிறுவனமாக செயல்பட வேண்டும் என்பது குறித்து விளக்கமாக பயிற்சி அளித்தார். மேலும், திருவாலங்காட்டில் உள்ள வேளாண்மை விரிவாக்க மையம் மூலம் 1.11 மெட்ரிக் டன் பசுந்தாள் உர விதைகளை ரூ.60,445-க்கு கொள்முதல் செய்து,
 1 கிலோவிற்கு அரசு வழங்கும் ரூ.30 மானியம் போக குறைந்த விலையில் இக்குழுக்களுக்குப் பிரித்து வழங்கி, கூட்டாக ஒரே நேரத்தில் பசுந்தாள் உரவிதைகளை எவ்வாறு விதைப்பு செய்து பயனடையலாம் என்பதற்கான பயிற்சியும் அளிக்கப்பட்டது.
 உழவர் உற்பத்தியாளர் குழுக்கள் மொத்த விலையில் பயிர் பாதுகாப்பு மருந்துகளை வாங்கி பயனடைய ஏதுவாக, காஞ்சிப்பாடி உழவர் உற்பத்தியாளர் குழுவிற்கு பூச்சி மருந்துகளை இருப்பு வைத்து விநியோகம் செய்யும் உரிமமும் வழங்கப்பட்டது. இப்பயிற்சியில் வேளாண்மைத் துறை அலுவலர் ராமு, துணை வேளாண்மை அலுவலர் அசோகன் மற்றும் அட்மா பணியாளர்கள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/13/விவசாயக்-குழுக்கள்-குறைந்த-செலவில்-ஒரே-நேரத்தில்-விதைப்பு-செய்வதற்கான-பயிற்சி-3019062.html
3019061 சென்னை திருவள்ளூர் சாலையில் சுற்றித்திரியும் கால்நடைகள் கோசாலையில் ஒப்படைக்கப்படும்: ஆட்சியர் எச்சரிக்கை  திருவள்ளூர் DIN Saturday, October 13, 2018 12:46 AM +0530 திருவள்ளூர் மாவட்டத்தில் சாலையில் போக்குவரத்திற்கு இடையூறாக சுற்றித் திரியும் கால்நடைகளை, உரிமையாளர்கள் பாதுகாப்பாக கட்டி வைக்கவில்லையென்றால் அனைத்தையும் பிடித்து கோசாலைகளில் ஒப்படைக்கப்படும் என ஆட்சியர் மகேஸ்வரி ரவிகுமார் எச்சரித்துள்ளார்.
 இது குறித்து அவர் வெள்ளிக்கிழமை வெளியிட்டுள்ள செய்திக் குறிப்பு: திருவள்ளூர் மாவட்டத்தில் கடந்த சில ஆண்டுகளாக இரவு நேரங்களில் சாலை விபத்துகள் ஏற்படுகிறது. இந்த விபத்துக்கான காரணங்களை ஆய்வு செய்தபோது, கால்நடைகள் இரவு நேரங்களில் சாலைகளில் சுற்றித் திரிவதாலும், நின்றும், படுத்துக் கொண்டும் இருப்பதால் விபத்து ஏற்படுவதாக தெரியவந்தது.
 அதனால் கால்நடைகளின் உரிமையாளர்கள் தங்களது கால்நடைகளை கொட்டகையில் வைத்து பாதுகாப்பாக பராமரிக்க வேண்டும். இதற்கு மாற்றாக பலரும் கால்நடைகளை தன்னிச்சையாக திரியவிடுகின்றனர். இதுபோன்ற காரணங்களால் பகல் நேரங்களில் போக்குவரத்திற்கு இடையூறாகவும், இரவு நேரங்களில் சாலை விபத்துகள் ஏற்படுவதற்கு காரணமாகவும் கால்நடைகள் இருக்கின்றன.
 ஆகவே, போக்குவரத்திற்கு இடையூறு மற்றும் சாலை விபத்துகள் ஏற்படுவதை தடுக்க, சாலைகளில் சுற்றித் திரியும் கால்நடைகள், மாவட்ட நிர்வாகத்தால் கைப்பற்றப்பட்டு கோசாலைகளில் ஒப்படைக்கப்படும். அவ்வாறு கைப்பற்றப்படும் கால்நடைகளுக்கு உரிமை கோரி எவரேனும் வந்தால், அதற்கான பராமரிப்பு செலவினத்தை ஈடு செய்த பின்னரே கால்நடைகள் விடுவிக்கப்படும். அதனால், பொதுமக்கள் கால்நடைகளை தங்கள் கொட்டகைகளில் வைத்து பராமரிக்க வேண்டும் என கால்நடை உரிமையாளர்களுக்கு அவர் எச்சரிக்கை விடுத்துள்ளார்.
 

]]>
http://www.dinamani.com/all-editions/edition-chennai/thiruvallur/2018/oct/13/சாலையில்-சுற்றித்திரியும்-கால்நடைகள்-கோசாலையில்-ஒப்படைக்கப்படும்-ஆட்சியர்-எச்சரிக்கை-3019061.html
3019060 சென்னை திருவள்ளூர் மாற்றுத்திறன் கொண்ட குழந்தைகளுக்கான மருத்துவக் காப்பீட்டு முகாம்  திருத்தணி, DIN Saturday, October 13, 2018 12:45 AM +0530 திருத்தணி அரசு மகளிர் மேல்நிலைப் பள்ளியில் வெள்ளிக்கிழமை நடைபெற்ற மாற்றுத்திறன் கொண்ட குழந்தைகளுக்கான மருத்துவக் காப்பீட்டு முகாமில் 100 க்கும் மேற்பட்டோர் கலந்துகொண்டு பயன்பெற்றனர்.
 ஒருங்கிணைந்த பள்ளிக் கல்வி திட்டத்தின்கீழ் திருத்தணியில் அனைவருக்கும் கல்வி இயக்கம் சார்பில் மாற்றுத்திறன் கொண்ட குழந்தைகளுக்கான மருத்துவக் காப்பீட்டு முகாம் அரசு மகளிர் மேல்நிலைப் பள்ளி வளாகத்தில் நடைபெற்றது. பள்ளி தலைமை ஆசிரியை
 டி.தெமினா கிரேனாப் தலைமை வகித்தார். மாவட்ட மாற்றுத்திறன் ஒருங்கிணைப்பாளர் ஹென்றி முன்னிலை வகித்தார். வட்டார வளமைய மேற்பார்வையாளர் (பொறுப்பு) சரஸ்வதி வரவேற்றார்.
 நிகழ்வில், வட்டாரக் கல்வி அலுவலர் பாபு கலந்துகொண்டு மருத்துவ முகாமை தொடங்கி வைத்தார். இதில் திருத்தணி நகரம், ஒன்றியத்தில் இருந்து 18 வயதுக்கு உள்பட்ட பார்வைக் குறைபாடு, செவித்திறன் குறைபாடு, கை, கால் இயக்கக் குறைபாடு, மனவளர்ச்சி குறைபாடுடைய குழந்தைகள் 100 }க்கும் மேற்பட்டோர் முகாமில் கலந்துகொண்டனர். முகாமில் 30 பேருக்கு தேசிய அடையாள அட்டையும், 20 பேருக்கு மாற்றுத்திறனுடைய உபகரணங்கள் வழங்கப்பட்டன. மேலும் பராமரிப்பு மற்றும் கல்வி உதவித்தொகை பெற ஏற்பாடு, ரயில் பயணச் சலுகை, முதலமைச்சரின் காப்பீட்டுத் திட்டத்தின்கீழ் அறுவை சிகிச்சைக்கான ஏற்பாடுகள் போன்றவை செய்துதரப்பட்டன.
 இதில், மருத்துவர்கள் சகுந்தலா தேவி, பரோஸ், ரவி, சந்தோஷ் பாலாஜி, குமரன் ஆகியோர் குழந்தைகளை பரிசோதனை செய்தனர்.
 நிகழ்ச்சியில், ஒருங்கிணைப்பாளர் சுடலைராஜா, ஆசிரியர் பயிற்றுநர்கள் கவிதா, பொற்செல்வி தேவிகா மற்றும் சிறப்பாசிரியர்கள் ஆகியோர் கலந்துகொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/13/மாற்றுத்திறன்-கொண்ட-குழந்தைகளுக்கான-மருத்துவக்-காப்பீட்டு-முகாம்-3019060.html
3018476 சென்னை திருவள்ளூர் சர்வதேச பெண் குழந்தைகள் தினம்: பெண் குழந்தைகளைப் பாதுகாக்க ஆட்சியர் தலைமையில் உறுதிமொழி ஏற்பு DIN DIN Friday, October 12, 2018 01:31 AM +0530 திருவள்ளூரில் சர்வதேச பெண் குழந்தைகள் தினத்தை பொதுமக்களுக்கு விழிப்புணர்வு ஏற்படுத்தும் வகையில் ஆட்சியர் மகேஸ்வரி தலைமையில் உறுதிமொழி ஏற்கும் நிகழ்வு வியாழக்கிழமை நடைபெற்றது. 
திருவள்ளூர் ஆர்.எம்.ஜெயின் அரசு பெண்கள் மேல்நிலைப்பள்ளி வளாகத்தில் சர்வதேச பெண் குழந்தைகள் தினம் கொண்டாடப்பட்டது. இந்த நிகழ்ச்சிக்கு ஆட்சியர் மகேஸ்வரி ரவிகுமார் தலைமை வகித்து பேசியது:  
பெண் குழந்தைகளின் உரிமைகளை நிலைநாட்டும் நோக்கத்திலும், அவர்களது திறமைகளையும், படைப்புகளையும் அங்கீகரிக்கும் விதமாகவும் சர்வதேச பெண் குழந்தைகள் தினம் கொண்டாட  ஐநா சபை முடிவு செய்தது. அதன் அடிப்படையில் ஆண்டுதோறும் அக்டோபர் 11-ஆம் தேதி இந்த தினத்தை கொண்டாடி வருகிறோம். இந்த தினத்தில் பெண் குழந்தைகளைப் பாதுகாக்க பெற்றோர்கள் உறுதியேற்றுக்கொள்ள வேண்டும். அதேபோல், பெண் குழந்தைகளுக்கு எதிரான குற்றங்கள் குறித்து தைரியமாக வெளிப்படுத்தவும் வேண்டும்.  பெண் குழந்தைகளின் எதிர்கால வாழ்க்கையை முன்னேற்றப் பாதையில் கொண்டு செல்லும் வகையில் பொதுமக்களிடையே விழிப்புணர்வு ஏற்படுத்தும் நோக்கத்திலேயே இந்த தினம் அனுசரிக்கப்படுகிறது என்று அவர் 
தெரிவித்தார். 
அதைத் தொடர்ந்து ஆட்சியர் முன்னிலையில் "பெண் குழந்தைகளை பாதுகாப்போம்' என அதிகாரிகள், ஆசிரியர்கள் மற்றும் மாணவ, மாணவிகள் ஆகியோர் உறுதிமொழி எடுத்துக் கொண்டனர். 
இந்த நிகழ்ச்சியில் சார் ஆட்சியர் ரத்னா, மாவட்ட சமூக நலத்துறை அலுவலர் மீனா, மாவட்ட முதன்மைக் கல்வி அலுவலர் ராஜேந்திரன், மாவட்டக் கல்வி அலுவலர் குமாரசாமி, வட்டாட்சியர் தமிழ்ச்செல்வன், துணை வட்டாட்சியர் வெங்கடேசன், பள்ளியின் தலைமை ஆசிரியர் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/oct/12/சர்வதேச-பெண்-குழந்தைகள்-தினம்-பெண்-குழந்தைகளைப்-பாதுகாக்க-ஆட்சியர்-தலைமையில்-உறுதிமொழி-ஏற்பு-3018476.html
3018473 சென்னை திருவள்ளூர் அக்.16-இல் பள்ளி மாணவர்களை ஒருநாள் சுற்றுலா அழைத்துச் செல்ல ஏற்பாடு DIN DIN Friday, October 12, 2018 01:30 AM +0530 ஏழை எளிய மாணவ, மாணவிகள் அந்தந்த பகுதிகளில் உள்ள சுற்றுலாத் தலங்களை அறிந்து  கொள்ளும் நோக்கத்தில் அக்டோபர் 16-ஆம் தேதி ஒரு நாள் விழிப்புணர்வுச் சுற்றுலா அழைத்துச் செல்ல ஏற்பாடு செய்யப்பட்டுள்ளதாகவும், இதற்காக மாநில அளவில் ரூ.64 லட்சம் ஒதுக்கீடு செய்யப்பட்டுள்ளதாகவும் சுற்றுலா வட்டாரங்களில் தெரிவித்தனர். 
சுற்றுலாத்துறை சார்பில் ஒவ்வொரு மாவட்டத்திலும் ஆண்டுதோறும் ஏழை எளிய மாணவ, மாணவிகளை ஒரு நாள் சுற்றுலா அழைத்துச் செல்லும் திட்டம் செயல்படுத்தப்பட்டு வருகிறது. அந்த வகையில் நிகழாண்டிலும் ஒவ்வொரு மாவட்டத்திலும் அந்தந்த பகுதியில் உள்ள முக்கிய சுற்றுலாத் தலங்களை மாணவ, மாணவிகள் அறிந்து கொள்ளும் வகையில் ஒருநாள் விழிப்புணர்வுச் சுற்றுலாவுக்கு மாவட்ட  ஆட்சியர் அலுவலகம் முன்பிருந்து அழைத்துச் செல்லவுள்ளனர். இதற்காக ஒவ்வொரு மாவட்டத்திற்கும் தலா ரூ.2 லட்சம் வீதம் மாநில அளவில் மொத்தம் ரூ.64 லட்சம் நிதி சுற்றுலாத்துறை சார்பில் ஒதுக்கீடு செய்யப்பட்டுள்ளது.      
இந்நிலையில், திருவள்ளூர் மாவட்டத்தில் உள்ள 10 பள்ளிகளில் இருந்து தலா 15 மாணவ, மாணவிகள் வீதம் மொத்தம் 150 பேர் தேர்வு செய்யப்பட்டு சென்னைக்கு அழைத்துச் செல்ல இருக்கின்றனர். அந்த வகையில், பிர்லா கோளரங்கம், கிண்டி சிறுவர் பூங்கா, பாம்புப் பண்ணை, வள்ளுவர் கோட்டம் உள்ளிட்ட பகுதிகளுக்கு சுற்றுலா  அழைத்துச் செல்லப்படுகின்றனர். இதில் பங்கேற்கும் மாணவ, மாணவிகளுக்கு புத்தகப் பை, தொப்பி, 3 வேளை சிற்றுண்டியும்  வழங்கப்படவுள்ளது.
இந்த சுற்றுலாப் பேருந்து திருவள்ளூர் மாவட்ட ஆட்சியர் அலுவலகம் முன்பிருந்து அக்டோபர் 16-ஆம் தேதி காலை 7 மணிக்கு புறப்படும். அதனால், அன்றைய நாளில் ஒவ்வொரு  பள்ளியிலிருந்தும் 15 மாணவர்களுக்கு ஒரு ஆசிரியர் வீதம் தயாராக வர வேண்டும் என சுற்றுலாத் துறை வட்டாரங்களில் தெரிவித்தனர்.
 

]]>
http://www.dinamani.com/all-editions/edition-chennai/thiruvallur/2018/oct/12/அக்16-இல்-பள்ளி-மாணவர்களை-ஒருநாள்-சுற்றுலா-அழைத்துச்-செல்ல-ஏற்பாடு-3018473.html
3018472 சென்னை திருவள்ளூர் கூட்டுறவு சர்க்கரை ஆலை தேர்தலில் 4,752 வாக்குகள் பதிவு DIN DIN Friday, October 12, 2018 01:30 AM +0530 திருத்தணி கூட்டுறவு சர்க்கரை ஆலையின், இயக்குநர்கள் தேர்வுக்கான தேர்தல் வியாழக்கிழமை நடைபெற்றது. இதில் 4,752 பேர் வாக்களித்தனர். 
திருத்தணி கூட்டுறவு சர்க்கரை ஆலை திருவாலங்காட்டில் இயங்கி வருகிறது. இந்த ஆலையில் 5 பெண்கள் உள்பட மொத்தம் 17 இயக்குநர்கள் நியமிக்கப்படுவர். இதையடுத்து இவர்களில் ஒருவரை நிர்வாகக் குழுத்தலைவராக தேர்வு செய்வர். 
இந்நிலையில், கடந்த 6-ஆம் தேதி இயக்குநர்கள் பதவிக்கு 6 பெண்கள் உள்பட மொத்தம் 93 பேர் வேட்பு மனு தாக்கல் செய்திருந்தனர்.
இதில் வேட்பு மனு பரிசீலனையின் போது, 6 பேரின் மனு தள்ளுபடி செய்யப்பட்டது. பின்னர், கடந்த 9-ஆம் தேதி ஒருவர் வாபஸ் பெற்றார். மீதமுள்ள 86 பேர் களத்தில் இருந்தனர்.
இதற்கான தேர்தல் வியாழக்கிழமை காலை 10 மணி முதல் மாலை 5 மணி வரை மொத்தம் 14 வாக்கு சாவடிகளில் நடைபெற்றது. மொத்த வாக்காளர்கள் 32,289 பேரில், 4,752 பேர் மட்டுமே வாக்களித்தனர். இது 14.71 சதவீதம் ஆகும். 
அனைத்து வாக்குச்சாவடிகளிலும் திருத்தணி டிஎஸ்பி சேகர் தலைமையில் ஏராளமான போலீஸார் குவிக்கப்பட்டிருந்தனர். ஓட்டுப்பெட்டிகள் பலத்த போலீஸ் பாதுகாப்புடன் திருவாலங்காட்டில் உள்ள சர்க்கரை ஆலைக்கு கொண்டு செல்லப்பட்டன. தொடர்ந்து, வெள்ளிக்கிழமை (அக்டோபர் 12) காலை 8 மணி முதல் ஓட்டு எண்ணிக்கை நடைபெறும். இதில், வெற்றி பெற்ற 17 இயக்குநர்களின் பெயர்கள் அறிவிக்கப்படும்.தொடர்ந்து, நிர்வாகக் குழுத்தலைவரை புதியதாக தேர்வு செய்யப்பட்ட 16 இயக்குநர்கள் தேர்வு செய்வர். தேர்தல் அலுவலர் குணசேகரன் தலைமையில் இந்த வாக்குப்பதிவு நடைபெற்றது.
 

]]>
http://www.dinamani.com/all-editions/edition-chennai/thiruvallur/2018/oct/12/கூட்டுறவு-சர்க்கரை-ஆலை-தேர்தலில்-4752-வாக்குகள்-பதிவு-3018472.html
3018471 சென்னை திருவள்ளூர் 38,866 மாணவ, மாணவியருக்கு விலையில்லா மிதிவண்டிகள் வழங்க ஏற்பாடு DIN DIN Friday, October 12, 2018 01:29 AM +0530 திருவள்ளூர் மாவட்டத்தில் பள்ளிக் கல்வித்துறை சார்பில் மாணவிகள்-23,243 பேர்,  மாணவர்கள்-15,623 பேர் என மொத்தம் 38,866 பேருக்கு விலையில்லா மிதிவண்டிகளை விரைவில் வழங்குவதற்கு ஏற்பாடு செய்து வருவதாக மாவட்ட முதன்மைக் கல்வி அலுவலர் த.ராஜேந்திரன் தெரிவித்தார். 
பள்ளிகளில் படித்து வரும் மாணவ, மாணவிகளுக்கு பள்ளிக் கல்வித்துறை சார்பில் பல்வேறு வகையான நலத்திட்ட உதவிகள் வழங்கப்பட்டு வருகின்றன. அந்த வகையில், பிளஸ் 2 மாணவ, மாணவிகளுக்கு ஆண்டுதோறும் விலையில்லா மிதி வண்டிகள் வழங்கப்பட்டு வருகின்றன. இந்நிலையில், நிகழாண்டில் பள்ளிகள் திறக்கப்பட்டு 4 மாதங்களாகியும், இதுவரையில் விலையில்லா மிதிவண்டிகள் வழங்கப்படவில்லை. தற்போது ஒவ்வொரு பள்ளிக்கும் மாணவ, மாணவிகளின் எண்ணிக்கைக்கு ஏற்ப மிதிவண்டிகளுக்கான உதிரிபாகங்கள் ஒதுக்கப்பட்டு வருகின்றன. 
தற்போதைய நிலையில், பள்ளி வளாகங்களில் உதிரிபாகங்களைக் கொண்டு மிதிவண்டிகளை இணைக்கும் பணி நடைபெற்று வருகிறது. 
இம்மாவட்டத்திற்கு மட்டும் மாணவர்கள்-15,623 பேருக்கும், மாணவிகள்-23,243 பேருக்கும் என மொத்தம் 38,866 மிதிவண்டிகள் ஒதுக்கீடு  செய்யப்பட்டுள்ளது.  இந்த உதிரிபாகங்கள் 
இணைப்பு பணிகள் அனைத்தும் முடிந்ததும் அரசு குறிப்பிடும் நாளில் முக்கிய பிரமுகர்கள் முன்னிலையில் மாணவ, மாணவிகளுக்கு விலையில்லா மிதிவண்டிகள் வழங்கப்பட இருப்பதாக அவர் 
தெரிவித்தார்.

]]>
http://www.dinamani.com/all-editions/edition-chennai/thiruvallur/2018/oct/12/38866-மாணவ-மாணவியருக்கு-விலையில்லா-மிதிவண்டிகள்-வழங்க-ஏற்பாடு-3018471.html
3017826 சென்னை திருவள்ளூர் அனைத்து ஓய்வூதியர் சங்கத்தினர் ஆர்ப்பாட்டம் DIN DIN Thursday, October 11, 2018 04:19 AM +0530 சத்துணவு, அங்கன்வாடி மற்றும் வருவாய் கிராம ஊதியர்கள் ஆகியோருக்கு குறைந்தபட்ச ஓய்வூதியம் ரூ.9 ஆயிரம் வழங்குதல் உள்ளிட்ட பல்வேறு கோரிக்கைகளை வலியுறுத்தி தமிழ்நாடு அனைத்து ஓய்வூதியர் சங்கங்களின் கூட்டமைப்பினர் புதன்கிழமை ஆர்ப்பாட்டத்தில் ஈடுபட்டனர். 
திருவள்ளூர் எம்.ஜி.ஆர். நகர் அருகே நடைபெற்ற ஆர்ப்பாட்டத்திற்கு மாவட்டத் தலைவர் கே.எம்.சம்பந்தம் தலைமை வகித்தார். மாவட்டச் செயலாளர் ஜெயராமன் வரவேற்புரை வழங்கினார். தமிழ்நாடு வருவாய் கிராம ஊழியர்கள் சங்கத்தின் மாவட்டத் தலைவர், அனைத்து ஓய்வூதியர் சங்கத்தின் மாவட்டத் தலைவர் ஜி.சுப்பிரமணி ஆகியோர் கோரிக்கைகள் குறித்து விளக்கவுரை நிகழ்த்தினர். 
இந்த ஆர்ப்பாட்டத்தை தமிழ்நாடு அரசு ஊழியர் சங்கத்தின் மாவட்டட் செயலாளர் காந்திமதிநாதன் தொடங்கி வைத்தார். மாவட்ட பொருளாளர் சந்தானகிருஷ்ணன் கண்டன உரை நிகழ்த்தினார். இதில், கடந்த 2004-இல் நவம்பர் மாதத்திற்குப் பின் ஓய்வு பெற்ற அரசுப் போக்குவரத்து ஊழியர்களுக்கு ஓய்வூதியம் உள்ளிட்ட ஓய்வூதியப் பலன்களை உடனடியாக வழங்குதல், சத்துணவு, அங்கன்வாடி, கிராம ஊழியர்கள் உள்ளிட்டோருக்கு குறைந்தபட்ச ஓய்வூதியம் ரூ.9 ஆயிரம் வழங்குதல் உள்ளிட்ட பல்வேறு கோரிக்கைகளை வலியுறுத்தி கோஷங்களை எழுப்பினர். 
சி.ஐ.டி.யு. சங்கத்தின் மாவட்டத் தலைவர் நிறைவுரை வழங்கினார். தமிழ்நாடு அரசு ஊழியர் சங்கத்தின் மாவட்ட பொருளாளர் கே.கன்னியப்பன் நன்றி கூறினார். இந்த போராட்டத்தில் அனைத்து ஓய்வூதியர்கள் சங்கத்தைச் சேர்ந்தோர் திரளாகக் கலந்து கொண்டனர்.


 

]]>
http://images.dinamani.com/uploads/user/imagelibrary/2018/10/11/w600X390/demand3.JPG http://www.dinamani.com/all-editions/edition-chennai/thiruvallur/2018/oct/11/அனைத்து-ஓய்வூதியர்-சங்கத்தினர்-ஆர்ப்பாட்டம்-3017826.html
3017825 சென்னை திருவள்ளூர் புதிய ரேஷன் கடை மற்றும் அங்கன்வாடி மையம் திறப்பு : எம்எல்ஏ பங்கேற்பு DIN DIN Thursday, October 11, 2018 04:18 AM +0530
திருத்தணியை அடுத்த ராஜாநகரம், கோரமங்கலம் ஊராட்சியில் ரூ. 14.41 லட்சம் மதிப்பில் கட்டப்பட்ட ரேஷன்கடை மற்றும் அங்கன்வாடி மையக் கட்டடங்களை மாவட்ட ஆட்சியர் மகேஸ்வரி ரவிகுமார், திருத்தணி எம்எல்ஏ பி.எம்.நரசிம்மன் ஆகியோர் புதன்கிழமை திறந்துவைத்தனர். 
ஆர்.கே.பேட்டை ஊராட்சி ஒன்றியம் ராஜாநகரம் ஊராட்சியில் 200 -க்கும் மேற்பட்ட குடும்பத்தினர் வசித்து வருகின்றனர். இந்நிலையில் கிராமத்தில் புதிய கூட்டுறவு நியாயவிலைக் கடை வேண்டும் என திருத்தணி எம்எல்ஏ பி.எம்.நரசிம்மனிடம் கோரிக்கை விடுத்து மனு அளித்தனர். 
இதைத்தொடர்ந்து, திருத்தணி சட்டப்பேரவைத் தொகுதி உறுப்பினர் தொகுதி மேம்பாட்டு நிதியிலிருந்து ரூ.7.41 லட்சம் ஒதுக்கீடு செய்யப்பட்டு கட்டடம் கட்டும் பணி சில மாதங்களாக நடைபெற்று வந்தது. தற்போது, பணிகள் நிறைவுற்ற நிலையில் அதன் திறப்பு விழா புதன்கிழமை நடைபெற்றது.
நிகழ்ச்சிக்கு, மாவட்ட ஆட்சியர் மகேஸ்வரி ரவிகுமார் தலைமை வகித்தார். 
இதில், எம்எல்ஏ பி.எம். நரசிம்மன் கலந்துகொண்டு புதிய ரேஷன் கடையை திறந்து வைத்து விற்பனையைத் தொடங்கி வைத்தார். அதேபோல், திருத்தணி ஒன்றியத்திலுள்ள கோரமங்கலம் கிராமத்தில் ரூ. 7 லட்சம் செலவில் கட்டப்பட்ட புதிய அங்கன்வாடி மையக் கட்டடத் திறப்பு விழா நடைபெற்றது. இதில், ஆட்சியர் மகேஸ்வரி ரவிகுமார் கலந்துகொண்டு அங்கன்வாடி மையத்தைத் திறந்துவைத்தார். 
நிகழ்வில், முன்னாள் மாவட்ட ஆவின் பால்வளத் தலைவர் வேலஞ்சேரி.த.சந்திரன், பள்ளிப்பட்டு ஒன்றியச் செயலாளர் டி.டி.சீனிவாசன், ஆர்.கே.பேட்டை ஒன்றியக் குழு முன்னாள் தலைவர்கள் கே.ஜெயராமன், ஆர்.இளங்கோவன், வீட்டு வசதி சங்கத் தலைவர் சின்னப்பன், துணைத் தலைவர் எம்.எம். கந்தசாமி, முன்னாள் உள்ளாட்சி பிரதிநிதிகள், அரசு வழக்குரைஞர் டி.ராஜபாண்டியன், அதிமுக பிரமுகர்கள் ராஜசேகர், வி.ஜே.சேகர், ஜெ.மணி உள்ளிட்ட பலர் கலந்துகொண்டனர்.

]]>
http://images.dinamani.com/uploads/user/imagelibrary/2018/10/11/w600X390/mla.JPG http://www.dinamani.com/all-editions/edition-chennai/thiruvallur/2018/oct/11/புதிய-ரேஷன்-கடை-மற்றும்-அங்கன்வாடி-மையம்-திறப்பு--எம்எல்ஏ-பங்கேற்பு-3017825.html
3017824 சென்னை திருவள்ளூர் தேசிய அளவில் சமூக முன்னேற்றம் குறித்த கள ஆய்வு DIN DIN Thursday, October 11, 2018 04:18 AM +0530
தமிழக ஊராக வாழ்வாதார இயக்கம் மற்றும் எல்லாபுரம் ஒன்றியத்தின் சார்பில் மனநல திட்டம் மற்றும் கிராம வறுமை ஒழிப்பு சங்கம் மற்றும் ஊராட்சி அளவிலான மகளிர் கூட்டமைப்பு ஆகியவற்றால் சமூகத்தில் ஏற்பட்ட மாற்றங்கள் மற்றும் முன்னேற்றங்கள் குறித்த கள ஆய்வு மற்றும் கலந்துரையாடல் நிகழ்வு கும்மிடிப்பூண்டி அருகே புதன்கிழமை நடைபெற்றது.
தமிழக ஊரக வாழ்வாதார இயக்கத்தின் மூலம் மனநல திட்டம், கிராம வறுமை ஒழிப்பு சங்கம், ஊராட்சி அளவிலான மகளிர் கூட்டமைப்புகளால் கிராமங்களில் ஏற்பட்டுள்ள சமூக மாற்றங்கள் மற்றும் முன்னேற்றங்கள் குறித்து நேரில் கண்டறிய மத்திய ஊரக வளர்ச்சித் துறை அமைச்சகத்தின் சார்பில் கள ஆய்வு மற்றும் கலந்துரையாடல் நிகழ்வு பெரியபாளையம் அருகே கன்னிகைப்பேர் பகுதியில் நடைபெற்றது.
இந்நிகழ்ச்சியில், குளோரிமதி வரவேற்றார். நிகழ்வுக்கு, ஊரக வளர்ச்சி துறை உதவி இயக்குநர் வீரண்ணன் தலைமை வகித்தார். இதில், உதவித் திட்ட அலுவலர்(பொறுப்பு) வின்சென்ட், மாநில வல்லுநர் ரவி, உதவித் திட்ட அலுவலர் வீரமணி, களப்பகுதி பணியாளர் உஷாராணி (திருத்தணி), ராமதாஸ், ஜோதிர்லட்சுமி ஆகியோர் முன்னிலை வகித்தனர். நிகழ்வில், ஆந்திரம், மிசோரம், உத்தரபிரதேசம், பிஹார், ஒடிஸா, புது தில்லி ஆகிய பகுதிகளில் இருந்து, மத்திய ஊரக வளர்ச்சி துறை அமைச்சகத்தின் சார்பாக பிரதிநிதிகள் பங்கேற்றனர். தொடர்ந்து பொதுமக்களிடம் பேசிய அவர்கள், மத்திய அரசின் மனநல திட்டம், கிராம வறுமை ஒழிப்பு திட்டம், ஊராட்சி அளவிலான கூட்டமைப்பு போன்ற திட்டங்களால் கிராமங்களில் ஏற்பட்டுள்ள மாற்றங்கள் மற்றும் முன்னேற்றங்கள் குறித்து கேட்டறிந்தனர். பிரவீணா நன்றி கூறினார். இந்த கூட்டத்தில் மகளிர் குழு உறுப்பினர்கள், கிராம வறுமை ஒழிப்பு சங்க நிர்வாகிகள், மகளிர் கூட்டமைப்பு நிர்வாகிகள், உறுப்பினர்கள் உள்ளிட்டோர் பங்கேற்றனர்.
 

]]>
http://images.dinamani.com/uploads/user/imagelibrary/2018/10/11/w600X390/visit.JPG http://www.dinamani.com/all-editions/edition-chennai/thiruvallur/2018/oct/11/தேசிய-அளவில்-சமூக-முன்னேற்றம்-குறித்த-கள-ஆய்வு-3017824.html
3017823 சென்னை திருவள்ளூர் தேசிய அளவிலான கபடி போட்டி: கும்மிடிப்பூண்டி மாணவி தேர்வு DIN DIN Thursday, October 11, 2018 04:17 AM +0530
தேசிய அளவிலான கபடி போட்டியில் தமிழக அணி சார்பில் பங்கேற்க, கும்மிடிப்பூண்டி பெருவாயல் டிஜேஎஸ் மெட்ரிக் மேல்நிலைப்பள்ளியின் 9-ஆம் வகுப்பு மாணவி தேர்வு செய்யப்பட்டுள்ளார். 
கடந்த வாரம் தமிழகத்தின் 32 மாவட்டங்களைச் சேர்ந்த பள்ளி மாணவர்களுக்கான மாநில அளவிலான கபடி போட்டி கரூரில் நடைபெற்றது.
இதில், கும்மிடிப்பூண்டியை அடுத்த பெருவாயல் டிஜேஎஸ் மெட்ரிகுலேஷன் பள்ளியில் 9-ஆம் வகுப்பு படிக்கும் மாணவி தனுஜா சிறப்பாக விளையாடியதன் அடிப்படையில் இவர் தமிழ்நாடு கபடி அணிக்கு தேர்வு செய்யப்பட்டு அறிவிக்கப்பட்டார். இதையடுத்து, வரும் டிசம்பர் மாதம் பெங்களூரில் நடைபெறவுள்ள தேசிய அளவிலான கபடி போட்டியில் தனுஜா தமிழக அணி சார்பில் பங்கேற்க உள்ளார். 
இந்நிலையில், தமிழக அணிக்கு தேர்வு செய்யப்பட்டுள்ள மாணவி தனுஜாவிற்கு பாராட்டு விழா டிஜேஎஸ் மெட்ரிக் மேல்நிலைப்பள்ளியில் செவ்வாய்க்கிழமை நடைபெற்றது. நிகழ்வுக்கு, டிஜேஎஸ் கல்விக் குழுமத் தலைவர் டி.ஜே.கோவிந்தராஜன் தலைமை வகித்து, மாணவி தனுஜாவிற்கு ரூ.5ஆயிரம் ஊக்கத்தொகை வழங்கி அவரை பாராட்டினார். தொடர்ந்து, பெல் பீ நிறுவனம் சார்பில் நடத்தப்பட்ட சர்வதேச அளவிலான திறனறி போட்டியில் சிறப்பிடம் பிடித்த ஐந்து மாணவர்களுக்கு தலா ரூ.500 ஊக்கத்தொகை வழங்கப்பட்டது.
அதே போல கபடி போட்டியில் மாணவி தனுஜாவிற்கு பயிற்சி அளித்த உடற்கல்வி இயக்குநர்கள் பாஸ்கரன், அபிராமிக்கு தலா ரூ.2ஆயிரமும், ஆங்கில திறனறி போட்டியில் வெற்றி பெற்ற ஐந்து மாணவர்களுக்கும் பயிற்சி அளித்த ஆசிரியைகளுக்கு தலா ரூ.500-ம் பரிசாக விழாவில் வழங்கப்பட்டது.
விழாவில் பள்ளியின் தாளாளர் டாக்டர் பழனி முதல்வர் ஞானபிரகாசம், உடற்கல்வி இயக்குனர்கள் பாஸ்கரன், அபிராமி முன்னிலை வகித்தனர். தலைமை ஆசிரியர் கோபாலகிருஷ்ணன் வரவேற்றார். ஆசிரியை பபிதா நன்றி கூறினார்.
 

]]>
http://images.dinamani.com/uploads/user/imagelibrary/2018/10/11/w600X390/prize.JPG http://www.dinamani.com/all-editions/edition-chennai/thiruvallur/2018/oct/11/தேசிய-அளவிலான-கபடி-போட்டி-கும்மிடிப்பூண்டி-மாணவி-தேர்வு-3017823.html
3017822 சென்னை திருவள்ளூர் மளிகைக் கடை பூட்டை உடைத்து 38 சவரன் நகை திருட்டு DIN DIN Thursday, October 11, 2018 04:17 AM +0530
திருவள்ளூர் அருகே மளிகைக் கடை பூட்டை உடைத்து 38 சவரன் நகைகள், ரூ.78 ஆயிரம் ரொக்கம் மற்றும் ரூ.50 ஆயிரம் மதிப்பிலான மளிகைப் பொருள்களைத் திருடிச் சென்ற மர்ம நபர்கள் குறித்து போலீஸார் விசாரணை நடத்தி வருகின்றனர்.
திருவள்ளூரை அடுத்த காக்களூர் தேவாநகரைச் சேர்ந்தவர் கிருஷ்ணகுமார்(45). இவர் அதே பகுதியில் உள்ள ஆசிரியர் காலனியில் மளிகைக் கடை நடத்தி வருகிறார். கடந்த சில நாள்களுக்கு முன்பு அவரது வீடு அருகே திருட்டுச் சம்பவம் நடந்ததால், அப்போது வீட்டில் இருந்த நகைகள் மற்றும் பணத்தை பாதுகாப்புக்காக கடையில் கொண்டு வந்து வைத்திருந்ததாகக் கூறப்படுகிறது.
இந்நிலையில், இவர் செவ்வாய்க்கிழமை இரவு கடையை அடைத்து விட்டு வீட்டிற்குச் சென்றாராம். அதைத் தொடர்ந்து, புதன்கிழமை காலையில் வழக்கம் போல் மளிகைக் கடையை திறக்க வந்தபோது, கடையின் பூட்டு உடைக்கப்பட்டிருந்தது கண்டு அதிர்ச்சி அடைந்தார். அதையடுத்து, கடையைத் திறந்து பார்த்த போது கடையில் வைத்திருந்த 38 சவரன் நகைகள், ரூ.78 ஆயிரம் ரொக்கம், அரைகிலோ வெள்ளிப் பொருள்கள் மற்றும் ரூ.50 ஆயிரம் மதிப்பிலான மளிகைப் பொருள்கள் ஆகியவை திருடு போயிருந்தது தெரியவந்தது. 
இதுகுறித்து திருவள்ளூர் கிராமிய காவல் நிலையத்தில் கிருஷ்ணகுமார் புகார் செய்தார். அதன் பேரில் போலீஸார் வழக்குப் பதிவு செய்து, மளிகைக் கடையில் வைத்திருந்த நகைகள், ரொக்கம், மளிகைப் பொருள்களையும் திருடிச் சென்ற மர்ம நபர்கள் குறித்து விசாரணை நடத்தி வருகின்றனர். 
இதேபோல் காக்களூர் பகுதியில் உள்ள தேவாநகர், மாருதி நகர் உள்ளிட்ட இடங்களிலும் தொடர் திருட்டுச் சம்பவங்கள் நடைபெற்று வருவதால் பொதுமக்கள் அச்சம் அடைந்துள்ளனர்.
 

]]>
http://www.dinamani.com/all-editions/edition-chennai/thiruvallur/2018/oct/11/மளிகைக்-கடை-பூட்டை-உடைத்து-38-சவரன்-நகை-திருட்டு-3017822.html
3017821 சென்னை திருவள்ளூர் வீட்டின் பூட்டை உடைத்து 7 சவரன் நகை திருட்டு DIN DIN Thursday, October 11, 2018 04:16 AM +0530
பொன்னேரியில், செவ்வாய்க்கிழமை இரவு வீட்டின் பூட்டை உடைத்து, 7 சவரன் நகை, பணம் ஆகியவற்றை திருடிச் சென்ற மர்ம நபர்களை போலீஸார் தேடி வருகின்றனர். 
பொன்னேரி அடுத்த வேண்பாக்கம் பகுதியில் உள்ள, சாய்நகரில் வசித்து வருபவர் சசிகுமார்(32). இவரின் தந்தை தடப்பெரும்பாக்கத்தில் வசித்து வந்தார். அண்மையில் சசிக்குமாரின் தந்தை தடப்பெரும்பாக்கத்தில் உயிரிழந்தார். இதனை தொடர்ந்து சசிகுமார் தனது தந்தையின் இறுதிச் சடங்கை நடத்திய பின்னர், அங்கேயே தங்கியுள்ளார். 
இந்நிலையில் புதன்கிழமை காலை சாய்நகரில் உள்ள தனது வீட்டிற்கு சசிகுமார் வந்துள்ளார். அப்போது வீட்டின் பூட்டு உடைக்கப்பட்டிருந்தது தெரிந்தது. இதனை தொடர்ந்து உள்ளே சென்று பார்த்தபோது, அங்குள்ள பீரோவை உடைத்து 7சவரன் நகை, 55ஆயிரம் ரொக்கப் பணத்தை மர்ம நபர்கள் திருடிச் சென்றிருந்தது தெரிய வந்தது. 
இதே போன்று சசிகுமார் வீடு அருகில் உள்ள மேலும் இரண்டு வீடுகளிலும் மர்ம நபர்கள் பணம், நகை ஆகியவற்றை திருடிச் சென்றதாகக் கூறப்படுகிறது. இது குறித்த புகாரின் பேரில் பொன்னேரி போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/11/வீட்டின்-பூட்டை-உடைத்து-7-சவரன்-நகை-திருட்டு-3017821.html
3017820 சென்னை திருவள்ளூர் லாரி மோதியதில் தந்தை சாவு, மகன் காயம் DIN DIN Thursday, October 11, 2018 04:16 AM +0530
செங்குன்றம் அருகே பின்னோக்கி வந்த லாரி மோதியதில், இருசக்கர வாகனத்தை ஓட்டி வந்த தந்தை உயிரிழந்தார். மகன் பலத்த காயமடைந்து மருத்துவமனையில் சிகிச்சை பெற்று வருகிறார்.
செங்குன்றத்தை அடுத்த கொசப்பூர் கண்ணம்பாளையம் சாலையைச் சேர்ந்தவர் கமல்சர்மா(35). இவர் கொசப்பூரில் உள்ள தனியார் நிறுவனத்தில் பணியாற்றி வந்தார். இவருடைய மகன் ரஞ்சித்(11). இவர் செங்குன்றத்தில் உள்ள அரசுப் பள்ளியில் 6-ஆம் வகுப்பு படித்து வருகிறார். இந்நிலையில், புதன்கிழமை வழக்கம்போல் ரஞ்சித்தை அழைத்துக் கொண்டு இருசக்கர வாகனத்தில் கமல்சர்மா சென்று கொண்டிருந்தார். 
அப்போது, கண்ணம்பாளையம் - செங்குன்றம் சாலையில் வந்தபோது, பின்னோக்கி வந்த லாரி இருசக்கர வாகனத்தில் மோதியது. இதில், கமல்சர்மா சம்பவ இடத்திலேயே உயிரிழந்தார். சிறுவன் ரஞ்சித் பலத்த காயங்களுடன் ஸ்டான்லி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த விபத்து குறித்து மாதவரம் போக்குவரத்து புலனாய்வுப் பிரிவு போலீஸார் வழக்குப் பதிவு செய்து, சென்னை எம்.கே.பி. நகரை சேர்ந்த லாரி ஓட்டுநர் அறிவழகனை (43) கைது செய்தனர். மகன் கண்முன்னே தந்தை உயிரிழந்த சம்பவம் அப்பகுதியில் சோகத்தை ஏற்படுத்தியது.
 

]]>
http://www.dinamani.com/all-editions/edition-chennai/thiruvallur/2018/oct/11/லாரி-மோதியதில்-தந்தை-சாவு-மகன்-காயம்-3017820.html
3017819 சென்னை திருவள்ளூர் மாதவரத்தில் வழிப்பறி: 2 பேர் கைது DIN DIN Thursday, October 11, 2018 04:16 AM +0530
மாதவரத்தில் வழிப்பறி, திருட்டு உள்ளிட்ட பல்வேறு குற்ற வழக்குகளில் தொடர்புடைய 2 பேரை போலீஸார் புதன்கிழமை கைது செய்தனர். 
சென்னை மாதவரம் பகுதியில் அடிக்கடி திருட்டு, வழிப்பறி சம்பவங்கள் தொடர்ந்து நடைபெற்று வந்தன. இந்த குற்றவாளிகளைப் பிடிக்க, காவல் துணை ஆணையர் கலைச்செல்வன் உத்தரவின்பேரில், உதவி ஆணையர் ராமலிங்கம் தலைமையில் தனிப்படை அமைக்கப்பட்டது.
இந்நிலையில், காவல் ஆய்வாளர் சுரேஷ்குமார் உள்ளிட்ட தனிப்படை போலீஸார் சண்முக சுந்தரம் நகர் அருகே புதன்கிழமை வாகனச் சோதனையில் ஈடுபட்டபோது, சந்தேகப்படும்படியாக வந்த 2 பேரை பிடித்து விசாரணை நடத்தினர். 
இந்த விசாரணையில், அவர்கள் சென்னை வியாசர்பாடி மணிமேகலை தெருவைச் சேர்ந்த அஜயன்(38), மாதவரம் பர்மா காலனியைச் சேர்ந்த பன்னீர்செல்வம் (32) என்பது தெரிய வந்தது. இவர்களில், அஜயன்மீது சென்னை டி.பி.சத்திரம் , கோயம்பேடு, கீழ்ப்பாக்கம், மாதவரம் ஆகிய காவல் நிலையங்களில் வீடு புகுந்து திருடுதல், வழிப்பறி உள்ளிட்ட 15-க்கும் மேற்பட்ட வழக்குகள் உள்ளதும், பன்னீர் செல்வம் மீது மாதவரம் பால்பண்ணை, கீழ்ப்பாக்கம் ஆகிய காவல் நிலையங்களில் 10-க்கும் மேற்பட்ட திருட்டு, வழிப்பறி வழக்குகள் நிலுவையில் உள்ளதும் தெரியவந்தது. 
மேலும், இவர்கள் இருவரும் பொன்னியம்மன்மேடு செல்லையா நகரைச் சேர்ந்த சாய் பார்த்திபன்(50), தட்டான்குளம் சாலையைச் சேர்ந்த பிரீத்தி (27) ஆகியோரிடம் வழிப்பறி செய்து தங்கச் சங்கிலிகளை பறித்ததும் விசாரணையில் புலனாகியது. 
இதையடுத்து, தனிப்படை போலீஸார் 2 பேர் மீதும் வழக்குப் பதிவு செய்து, திருவொற்றியூர் நீதிமன்றத்தில் ஆஜர்படுத்தி புழல் சிறையில் அடைத்தனர். இதில், பிடிபட்ட 2 பேரிடம் இருந்து 10 சவரன் நகைகளையும் பறிமுதல் செய்தனர்.
 

]]>
http://www.dinamani.com/all-editions/edition-chennai/thiruvallur/2018/oct/11/மாதவரத்தில்-வழிப்பறி-2-பேர்-கைது-3017819.html
3017721 சென்னை திருவள்ளூர் அடையாறு புற்றுநோய் ஆராய்ச்சி மையத்துக்கு ரூ.8 கோடி மதிப்பிலான நிலம் தானம் DIN DIN Thursday, October 11, 2018 01:12 AM +0530 ஆந்திர மாநிலம் ஹைதராபாதைச் சேர்ந்த முதியவர் கும்மிடிப்பூண்டியை அடுத்த சூரப்பூண்டி கிராமத்தில் உள்ள அவருக்குச் சொந்தமான ரூ.8 கோடி  மதிப்புள்ள 40 ஏக்கர் நிலத்தை அடையாறு புற்றுநோய் ஆராய்ச்சி மையத்திற்கு புதன்கிழமை தானமாக அளித்தார்.
ஆந்திர மாநிலம் ஹைதராபாதைச் பகுதியை சேர்ந்தவர் கே.வி.சுப்பாராவ்(74). இவரது மனைவி கே.பிரமிளா ராணி(65). இவர்கள் இருவருக்கும் சொந்தமான  40 ஏக்கர் நிலம் கும்மிடிப்பூண்டி அருகே சூரப்பூண்டி கிராமத்தில் உள்ளது. அந்த நிலத்தை, அடையாறு புற்றுநோய் ஆராய்ச்சி மையத்தின் பெயரில் கும்மிடிப்பூண்டி பத்திரப் பதிவு அலுவலகத்தில் புதன்கிழமை பத்திரப் பதிவு செய்து தானமாக வழங்கினர்.
தானமாக வழங்கப்பட்ட இந்த நிலத்தின் தற்போதைய சந்தை மதிப்பு  ரூ.8 கோடி  ஆகும். 
இது குறித்து நிலத்தை தானமாக வழங்கிய சுப்பாராவ் கூறுகையில்,  இவரது தந்தை கிருஷ்ணய்யா, 1974-ஆம் ஆண்டு புற்று நோயால் உயிரிழந்தார். அந்த சமயத்தில், புற்று நோய்க்கான போதிய மருத்துவ சிகிச்சை வசதி இல்லை. எங்கேயோ ஒருவரிடம் இருந்த புற்று நோய், தற்போது பல்வேறு காரணங்களால்  பரவலாக 
காணப்படுகிறது. 
இந்நிலையில், அடையாறு புற்று நோய் ஆராய்ச்சி மையம், மனிதாபிமான அடிப்படையில் புற்று நோய்க்கான சிகிச்சையை சேவையாக செய்து வரும் நிலையில், அந்த மையத்திற்கு எங்களால் முடிந்த உதவியை எங்கள் தந்தையின் நினைவாக செய்ய வேண்டும் என்ற எண்ணத்தில் இந்த 40 ஏக்கர் நிலத்தை வழங்கியதாக சுப்பாராவ் தெரிவித்தார்.
 

]]>
http://www.dinamani.com/all-editions/edition-chennai/thiruvallur/2018/oct/11/அடையாறு-புற்றுநோய்-ஆராய்ச்சி-மையத்துக்கு-ரூ8-கோடி-மதிப்பிலான-நிலம்-தானம்-3017721.html
3017719 சென்னை திருவள்ளூர் குற்றங்களைக் குறைக்க கிராமங்கள்தோறும் புகார் பெட்டி: எஸ்.பி. தகவல் DIN DIN Thursday, October 11, 2018 01:12 AM +0530 குற்றங்களைக் குறைத்து தடுக்கும் நோக்கத்தில் கிராமங்கள்தோறும் புகார் பெட்டிகள் வைக்க நடவடிக்கை எடுத்து வருவதாக மாவட்ட காவல் கண்காணிப்பாளர் இரா.பொன்னி தெரிவித்தார்.    
திருவள்ளூர் மாவட்ட போலீஸார் மற்றும் பொதுமக்கள் இணைந்து பணியாற்றும் வகையிலான தொடர்பு முகாம் நகராட்சி அருகே உள்ள தனியார் அரங்கத்தில் புதன்கிழமை நடைபெற்றது. 
இந்த நிகழ்ச்சிக்கு, காவல் கண்காணிப்பாளர் இரா.பொன்னி தலைமை வகித்துப் பேசியது:  காவல்துறைக்கும், பொதுமக்களுக்கும் இடையே நல்லுறவை வளர்க்கும் வகையிலும், நகரங்களில் குற்றங்களை தடுக்கும் வகையிலும் இதுபோன்ற தொடர்பு முகாம் நடத்தப்பட்டு வருகிறது. அதேபோல், கிராமங்களில் விதிமுறைமீறி மணல் எடுத்தல் உள்ளிட்ட பல்வேறு குற்றங்கள் நடைபெறுகின்றன. இதைத் தெரிவிக்க முடியாத மனநிலையில் பொதுமக்கள் அமைதியாக இருந்து வருகின்றனர். 
இதனால், கிராமங்கள் தோறும் பொதுமக்கள் புகார் தெரிவிக்கும் வகையில்   காவல் துறை சார்பில் புகார் பெட்டிகள் வைக்கப்படவுள்ளன. 
மேலும், ஒவ்வொரு காவல் நிலைய எல்லைக்கு உள்பட்ட கிராமங்களின் எண்ணிக்கைக்கு ஏற்ப, குறிப்பிட்ட போலீஸார் பொறுப்பாளர்களாக இருப்பதோடு, நாள்தோறும் கிராமங்களில் நடைபெறும் நிகழ்வுகளை அவர்கள் தகவல்களாக பெற வேண்டும். அதேபோல், புகார் பெட்டியில் போடப்பட்டுள்ள மனுக்களையும் பரிசீலனை செய்து நடவடிக்கை எடுப்பதோடு, மனு அளித்தவர் தொடர்பான விவரங்களை எக்காரணம் கொண்டும் வெளியில் தெரிவிக்கவும் கூடாது.
அத்துடன், ஒவ்வொரு காவல் நிலைத்திற்கான துணைக்காவல் கண்காணிப்பாளர், காவல் ஆய்வாளர், சார்பு-ஆய்வாளர் ஆகியோரின் செல்லிடப்பேசி விவரங்கள் அடங்கிய கையடக்க அட்டையும் அளித்து பிரச்னைகள் நடந்தால் பொதுமக்கள் உடனே தகவல் தெரிவிக்கும் வகையில் ஏற்பாடு செய்யப்பட்டுள்ளது. இதேபோல் நகரப் பகுதிகளில் உள்ள அடுக்குமாடி குடியிருப்புகள், குடியிருப்பு வளாகங்கள் ஆகியவற்றில் கட்டாயம் கண்காணிப்பு கேமரா பொருத்தவும், குடியிருப்போர் சங்க நிர்வாகிகள் மூலம் குற்ற நடவடிக்கை தொடர்பான தகவல்களை காவல் நிலையங்களுக்கு தெரிவிக்க ஏற்பாடு செய்துள்ளதாகவும் அவர் தெரிவித்தார்.
அதைத் தொடர்ந்து,  காவல் அதிகாரிகள் குற்றங்கள் மற்றும் திருட்டுச் சம்பவங்களைத் தடுத்தல், முன்னெச்சரிக்கை நடவடிக்கை ஆகியவை குறித்து பொதுமக்களுக்கு விளக்கமாக எடுத்துரைத்தனர். 
இந்த நிகழ்ச்சியில், கூடுதல் காவல் கண்காணிப்பாளர் தில்லை நடராஜன், துணைக் கண்காணிப்பாளர் கங்காதரன், காவல் ஆய்வாளர்கள் மற்றும் சார்பு ஆய்வாளர்கள் ஆகியோர் கலந்து கொண்டனர். இதற்கான ஏற்பாடுகளை திருவள்ளூர் நகர போலீஸார் செய்திருந்தனர்.

]]>
http://www.dinamani.com/all-editions/edition-chennai/thiruvallur/2018/oct/11/குற்றங்களைக்-குறைக்க-கிராமங்கள்தோறும்-புகார்-பெட்டி-எஸ்பி-தகவல்-3017719.html
3017718 சென்னை திருவள்ளூர் மாற்றுத்திறன் கொண்ட  4,218 குழந்தைகளுக்குப் பயிற்சி DIN DIN Thursday, October 11, 2018 01:11 AM +0530 திருவள்ளூர் மாவட்டத்தில் உள்ள பள்ளிகள், சிறப்புப் பள்ளிகள் மற்றும் வீடுகளில் உள்ள மாற்றுத்திறன் கொண்ட குழந்தைகள் 4,218 பேரை கண்டறிந்து அவர்களுக்கு பல்வேறு வகையான பயிற்சி அளிக்கப்பட்டு வருவதாக ஆட்சியர் மகேஸ்வரி ரவிகுமார் தெரிவித்தார்.
திருவள்ளூர் பெரியகுப்பம் டி.இ.எல்.சி. பள்ளி வளாகத்தில், மாவட்ட அளவிலான மாற்றுத்திறன் கொண்ட குழந்தைகளுக்கான தேசிய அடையாள அட்டைகள் வழங்கும் முகாம் புதன்கிழமை நடைபெற்றது. நிகழ்வில்,  ஆட்சியர் மகேஸ்வரி ரவிகுமார் கலந்து கொண்டு மருத்துவ முகாமை தொடங்கி வைத்துப் பேசியது: ஒருங்கிணைந்த பள்ளிக்கல்வித் துறை மூலம் மாற்றுத்திறன் கொண்ட மாணவ, மாணவிகள் குறித்து கணக்கெடுக்கும் பணி அக்டோபர் 31-ஆம் தேதி வரையில் நடைபெறவுள்ளது. பிறந்த குழந்தை முதல் 18 வயதுக்குள்பட்ட மாற்றுத்திறன் கொண்ட குழந்தைகளை கண்டறிய இச்சிறப்பு முகாம் அனைத்து ஊராட்சி ஒன்றியங்களிலும் நடைபெறவுள்ளது. இந்த முகாம்களில், குழந்தைகளின் மாற்றுத்திறனை அளவீடு செய்து மருத்துவர்களின் பரிந்துரையின் பேரில் அவர்களுக்கு உரிய சிகிச்சை வழங்கவும், மேல் சிகிச்சை தேவைப்படும் பட்சத்தில் அறுவை சிகிச்சை உள்ளிட்டவைகளை மேற்கொள்ளவும் வழிவகை செய்யப்படும். மேலும், இந்த முகாமில் அவர்களுக்கு தேசிய அடையாள அட்டைகளும், அவர்களின் இயல்பு வாழ்க்கைக்காக உபகரணங்களும் வழங்கப்படும். 
இந்நிலையில், கடந்த ஏப்ரல்-மே மாதங்களில் நடத்தப்பட்ட கணக்கெடுப்புகளில் மாற்றுத்திறன் கொண்ட 4,218 குழந்தைகள் கண்டறியப்பட்டுள்ளனர். இவர்களில் 409 மாணவர்கள் புதியதாகக் கண்டறியப்பட்டவர்கள் என்பது குறிப்பிடத்தக்கது. இவர்கள் புற உலகச் சிந்தனையற்றோர், மூளை முடக்குவாதம், குறை பார்வை, மன வளர்ச்சி குறைபாடு உள்ளிட்ட பல்வேறு குறைபாடுடைய மாணவர்களாக கண்டறியப்பட்டுள்ளனர். 
மாற்றுத்திறன் கொண்ட குழந்தைகளில் முறையான பள்ளிகளில் இருந்து 2,677 குழந்தைகளும், சிறப்புப் பள்ளிகளில் 869 குழந்தைகளும், வீட்டுவழிப் பயிற்சியில் 456 குழந்தைகளும், பள்ளி ஆயத்தப் பயிற்சியில் 216 குழந்தைகளும் ஆக மொத்தம் 4,218 குழந்தைகள் தேர்வு செய்யப்பட்டு பயிற்சி பெற்று வருகின்றனர். 
எனவே இந்த முகாமில் தங்கள் குழந்தைகளை பதிவு செய்து கொள்ள விரும்புவோர், குழந்தையின்  4 புகைப்படங்கள், ஆதார் அட்டை உள்ளிட்ட சான்றிதழ்களை வழங்கி பதிவு செய்து கொள்வது அவசியம். இதை மாற்றுத்திறன் கொண்ட குழந்தைகளின் பெற்றோர் அனைவரும் பயன்படுத்திக் கொள்ள வேண்டும் என அவர் தெரிவித்தார். அதைத் தொடர்ந்து, மாற்றுத்திறன் கொண்ட குழந்தைகளுக்கான தேசிய அடையாளஅட்டைகளையும் அவர் வழங்கினார். இந்த முகாமில், மாவட்ட முதன்மைக் கல்வி அலுவலர் த. ராஜேந்திரன், ஊரகப்பணிகள் மற்றும் குடும்ப நலத்துறை   இணை இயக்குநர் பி.வி.தயாளன், மாவட்ட மாற்றுத்திறனாளிகள் நல அலுவலர் பாலாஜி உள்ளிட்ட பல்வேறு துறை அலுவலர்கள் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/oct/11/மாற்றுத்திறன்-கொண்ட-4218-குழந்தைகளுக்குப்-பயிற்சி-3017718.html
3017716 சென்னை திருவள்ளூர் நாளை தனியார் வேலைவாய்ப்பு முகாம் DIN DIN Thursday, October 11, 2018 01:11 AM +0530 வேலைவாய்ப்பற்ற இளைஞர்கள் பயன்பெறும் நோக்கத்தில் தனியார் துறை வேலைவாய்ப்பு முகாம் வெள்ளிக்கிழமை (அக்டோபர் 12) நடைபெற உள்ளதாக மாவட்ட வேலைவாய்ப்பு அலுவலர் சீனிவாசன்(பொறுப்பு) தெரிவித்துள்ளார்.      
இதுகுறித்து அவர் புதன்கிழமை வெளியிட்டுள்ள செய்திக் குறிப்பு: 
வேலைவாய்ப்பற்ற இளைஞர்களுக்கு  வேலை வாய்ப்பு ஏற்படுத்திக் கொடுக்கும் நோக்கத்தில் ஒவ்வொரு மாவட்ட வேலைவாய்ப்பு அலுவலகத்திலும் வாரந்தோறும் குறிப்பிட்ட நாளில் வேலைவாய்ப்பு முகாம் நடத்த அரசு உத்தரவிட்டுள்ளது. 
அதன் அடிப்படையில் திருவள்ளூர் மாவட்ட வேலைவாய்ப்பு அலுவலகம் சார்பில் வெள்ளிக்கிழமை சிறு அளவிலான தனியார் வேலைவாய்ப்பு முகாம் மற்றும் தொழில் திறன் வளர்ப்பு பயிற்சிக்கான ஆள்சேர்ப்பு முகாம் நடத்தப்படவுள்ளது. இந்த முகாமில் பிரசித்திப்பெற்ற நிறுவனங்கள் பங்கேற்று தகுதியான ஆள்களை தேர்வு செய்ய இருக்கின்றனர்.
இதில் பத்தாம் வகுப்பு, பிளஸ் 2, பட்டப்படிப்பு, ஐடிஐ மற்றும் பட்டயம் படித்தோர் பங்கேற்று வேலைவாய்ப்பு பெற்று பயனடையலாம். எனவே, மேற்குறிப்பிட்ட கல்வித்தகுதியும், விருப்பமும் உள்ளோர் வெள்ளிக்கிழமை (அக்டோபர் 12) காலை 10 மணிக்கு மாவட்ட வேலைவாய்ப்பு அலுவலகத்தில் நடைபெற இருக்கிற தனியார் துறை வேலைவாய்ப்பு முகாமில் பங்கேற்று பயனடையுமாறு அவர் 
தெரிவித்துள்ளார்.

]]>
http://www.dinamani.com/all-editions/edition-chennai/thiruvallur/2018/oct/11/நாளை-தனியார்-வேலைவாய்ப்பு-முகாம்-3017716.html
3017320 சென்னை திருவள்ளூர் வாக்காளர் பட்டியல் திருத்த முகாமில் 56,641 பேர் மனுக்கள் அளிப்பு DIN DIN Wednesday, October 10, 2018 07:46 AM +0530 திருவள்ளூர் மாவட்டத்தில் வாக்காளர் பட்டியலில் பெயர் சேர்த்தல், நீக்கம் மற்றும் இடமாற்றம்  ஆகியவைகளுக்காக நடத்தப்பட்ட சிறப்பு திருத்த முகாமில் 56,641 பேர் மனுக்கள் அளித்துள்ளதாக ஆட்சியர் மகேஸ்வரி ரவிகுமார் தெரிவித்துள்ளார்.
 இதுகுறித்து அவர் செவ்வாய்க்கிழமை வெளியிட்டுள்ள செய்திக் குறிப்பு: 
திருவள்ளூர் மாவட்டத்தில் நடைபெற்ற வாக்காளர்கள் பட்டியல் திருத்த முகாமில், 18 வயது நிறைவடைந்தோர் பெயர் சேர்த்தல், நீக்கல், திருத்தம் மற்றும் இடமாற்றம் போன்றகளுக்காக கடந்த செப்டம்பர் 9, 23 மற்றும் அக்டோபர் 7 ஆகிய நாள்களில் மொத்தம் 56,641 பேர் மனு அளித்துள்ளனர். 
இதில், புதிதாக பெயர் சேர்க்கப் படிவம்-6 விண்ணப்பத்தை 47,965 பேர் அளித்துள்ளனர். அதேபோல், பெயர் நீக்கம் செய்யும் படிவம்- 7 விண்ணப்பத்தை 501பேரும், விவரங்களைத் திருத்தம் செய்யும் படிவம்-8 விண்ணப்பத்தை 4,526 பேரும், இடமாற்றம் செய்வதற்கான படிவம்-8யு விண்ணப்பத்தை 3,649 பேரும்  இம்முகாமில் அளித்துள்ளனர்.
மேலும், 18 வயது நிரம்பிய இளைஞர்களை ஊக்கும்விக்கும் வகையில் கல்லூரிகள் தோறும் வாக்காளர் பட்டியலில் பெயர் சேர்ப்பதற்கான விண்ணப்பங்களைப் பூர்த்தி செய்து அளிக்கவும், விழிப்புணர்வு ஏற்படுத்தவும் தேர்தல் பிரிவு அதிகாரிகள் மூலம் ஏற்பாடுகள் செய்யப்பட்டுள்ளன. அதுமட்டுமின்றி, மாணவ, மாணவிகளை தூதுவர்களாக நியமனம் செய்து, இப்பணிகளை மேற்கொள்ள அடையாள அட்டை வழங்கப்பட்டுள்ளதாகவும் அவர் தெரிவித்துள்ளார்.

]]>
http://www.dinamani.com/all-editions/edition-chennai/thiruvallur/2018/oct/10/வாக்காளர்-பட்டியல்-திருத்த-முகாமில்-56641-பேர்-மனுக்கள்-அளிப்பு-3017320.html
3017319 சென்னை திருவள்ளூர் தொடக்கப்பள்ளி ஆசிரியர்கள் ஆர்ப்பாட்டம் DIN DIN Wednesday, October 10, 2018 07:46 AM +0530 ஆசிரியர் பணியை பாதிக்கும் வகையில் உள்ள இதர பணிகளைச் செய்யுமாறு தொடக்கப்பள்ளி ஆசிரியர்களை கல்வித்துறை அதிகாரிகள் வலியுறுத்தக்கூடாது என்பது உள்பட பல்வேறு கோரிக்கைகளை வலியுறுத்தி தமிழ்நாடு தொடக்கப்பள்ளி ஆசிரியர் கூட்டணியினர் செவ்வாய்க்கிழமை ஆர்ப்பாட்டத்தில் ஈடுபட்டனர்.  
திருவள்ளூர் எம்.ஜி.ஆர். சிலை அருகே நடைபெற்ற ஆர்ப்பாட்டத்திற்கு தமிழ்நாடு தொடக்கப்பள்ளி ஆசிரியர் கூட்டணியின் திருவள்ளூர் மாவட்டத் தலைவர் க.உதயகுமார் தலைமை வகித்தார். இச்சங்கத்தின் மாநிலப் பொருளாளர் மற்றும் மாவட்டச் செயலாளருமான சு.கதிரவன் கோரிக்கைகள் குறித்து விளக்கவுரை நிகழ்த்தினார். 
இதில், 21-மாத நிலுவைத் தொகையை வழங்குதல், ஆசிரியர் பணிக்கு பாதிப்பு ஏற்படும் வகையில் சத்துணவு குறித்த குறுஞ்செய்தி அனுப்புதல் மற்றும் இதர வேலைகளைச் செய்யுமாறு ஆசிரியர்களை நிர்பந்திப்பதை ரத்து செய்தல் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர்.      
இதில், மாவட்டப் பொருளாளர் பி.எஸ்.பூங்கோதை, மாநில துணைச் செயலாளர், நிர்வாகிகள் தாமரைச்செல்வன், கோவலன் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/10/தொடக்கப்பள்ளி-ஆசிரியர்கள்-ஆர்ப்பாட்டம்-3017319.html
3017318 சென்னை திருவள்ளூர் உணவுப் பாதுகாப்பு குறித்த விழிப்புணர்வு: அக்.16-இல் சைக்கிள் பேரணி தொடக்கம் DIN DIN Wednesday, October 10, 2018 07:46 AM +0530 உணவுப் பாதுகாப்பை வலியுறுத்தும் வகையிலும், ரத்தசோகை நோயிலிருந்து அனைவரும் விடுபடுதல் குறித்து பொதுமக்களுக்கு விழிப்புணர்வு ஏற்படுத்துவதை நோக்கமாகக் கொண்டு தேசிய அளவில் 6 வழித்தடங்களில் அக்டோபர் 16-ஆம் தேதி  சைக்கிள் பேரணி தொடங்க இருப்பதாக சுகாதாரத்துறை அதிகாரிகள் தெரிவித்தனர்.                                               மகாத்மா காந்தியின் 150-ஆவது பிறந்த நாள் விழாவை சிறப்பாகக் கொண்டாடும் வகையில் இந்திய உணவு பாதுகாப்பு தர ஆணையம் சார்பில் "லாயாத்ரா' என்ற தேசிய அளவிலான சைக்கிள் பேரணியை 6 வழித்தடங்களில் நடத்துவதற்கு திட்டமிடப்பட்டுள்ளது. கடந்த 1930-ஆம் ஆண்டு காந்தியடிகளின் தலைமையில் உப்பு சத்தியாகிரகம் என்ற தண்டியாத்திரை நடைபெற்றது. இதை அடிப்படையாகக் கொண்டு, உப்பில் அயோடின் மற்றும் இரும்புச் சத்தை செறிவூட்டுவதால் அயோடின் குறைபாடு மற்றும் ரத்த சோகை நோயிலிருந்து விடுபட முடியும் என்பதை பொதுமக்களிடம் வலியுறுத்துவதே இப்பேரணியின் நோக்கமாகும்.  
இந்த சைக்கிள் பயணக் குழுவினர் நாள்தோறும் 60 முதல் 70 கி.மீ. வரை 4 மாதங்கள் பயணம் செய்து ஜனவரி 27-இல் புதுதில்லியை அடையத் திட்டமிட்டுள்ளனர். அதைத்தொடர்ந்து,  பிரதமர் நரேந்திரமோடியையும் சந்திக்க உள்ளனர். இந்த 6 வழித்தடங்களில் 2 வழித்தடங்கள் தமிழகம் வழியாக புதுதில்லியை நோக்கிச் செல்லும். 
இதில், முதல் பேரணி திருவனந்தபுரத்தில் தொடங்கி நாகர்கோவில், மதுரை, சேலம், கிருஷ்ணகிரி, ஒசூர், பெங்களூரு வழியாக புதுதில்லியை சென்றடையும். 2-ஆவது பேரணி புதுச்சேரியில் தொடங்கி மாமல்லபுரம், சென்னை, திருமழிசை வழியாக திருவள்ளூரை அக்டோபர் 
21-ஆம் தேதி வந்தடைய உள்ளது. இக்குழுவினருக்கு அன்றைய நாளில் ஆட்சியர் மகேஸ்வரி ரவிகுமார் தலைமையில் வரவேற்பு அளிக்கப்படவுள்ளது.  
 அதைத் தொடர்ந்து அக்டோபர் 22-இல் திருவள்ளூரில் உள்ள தனியார்மண்டபத்தில் பாதுகாப்பான உணவு, சத்தான உணவு, செறிவூட்டப்பட்ட உணவு,  உணவும்-ஆரோக்கியமும் என்ற தலைப்பில் கலை நிகழ்ச்சி, கருத்தரங்கம் ஆகியவை நடத்தப்பட உள்ளன. அதோடு, இப்போட்டியில் பங்கேற்று சிறப்பிடம் பெறுவோருக்கு நினைவுப் பரிசுகளும் அளிக்கப்படும். 
பின்னர் அக்டோபர் 23-ஆம் தேதி காலை 9 மணிக்கு சைக்கிள் பேரணி, திருவள்ளூரில் இருந்து புறப்பட்டு திருத்தணி வழியாக தமிழக-ஆந்திர எல்லையான பொன்பாடியைச் சென்றடையும். அங்கிருந்து அடுத்தகட்டப் பயணம் பற்றிய மேல் நடவடிக்கை ஆந்திர மாநிலம் சித்தூர் மாவட்ட உணவுப் பாதுகாப்பு அலுவலரிடம் ஒப்படைக்கப்படும்.
இந்நிலையில், இந்த சைக்கிள் பேரணியில் பங்கேற்கும் மிதிவண்டி ஓட்டுநர்கள் திருவள்ளூர் முதல் பொன்பாடி வரை உள்ள பயண தூரமான 50 கிலோ மீட்டரை கடக்க வேண்டும். இதில் பங்கேற்க விரும்புவோர் 82200 42861 என்ற செல்லிடப்பேசி எண்ணில் தொடர்பு கொண்டு விவரங்களை அறிந்து கொள்ளலாம் என உணவுப் பாதுகாப்பு பிரிவு  அதிகாரிகள் தெரிவித்தனர்.   
 

]]>
http://www.dinamani.com/all-editions/edition-chennai/thiruvallur/2018/oct/10/உணவுப்-பாதுகாப்பு-குறித்த-விழிப்புணர்வு-அக்16-இல்-சைக்கிள்-பேரணி-தொடக்கம்-3017318.html
3017316 சென்னை திருவள்ளூர் "துப்புரவுத் தொழிலாளர்கள் கையுறை அணிந்து பணியாற்ற வேண்டும்' DIN DIN Wednesday, October 10, 2018 07:45 AM +0530 துப்புரவுத் தொழிலாளர்கள் தொற்று நோயைத் தவிர்க்கும் வகையில் கட்டாயம் கையுறை அணிந்துதான் தூய்மைப் பணிகளில் ஈடுபட வேண்டும் என ஆட்சியர் மகேஸ்வரி ரவிகுமார் வலியுறுத்தினார்.
திருவள்ளூர் மாவட்டம், பூந்தமல்லி நகராட்சியில் தொற்று நோய் பரவாமல் தடுக்கும் வகையில் ஆட்சியர் மகேஸ்வரி ரவிகுமார் நேரில் சென்று செவ்வாய்க்கிழமை ஆய்வு மேற்கொண்டார். அப்போது, சத்யா நகரில் ஒவ்வொரு குடியிருப்புக்கும் நேரில் சென்று தொற்று நோய் பரவுவதற்கான கொசுக்கள் தேங்காமல் தவிர்க்கும் வகையில் தேவையில்லாத தேங்காய் சிரட்டை, பிளாஸ்டிக் கழிவுகளை போட்டு வைக்கக் கூடாது. அதேபோல், குடியிருப்பு பகுதியை சுகாதாரமாக வைத்துக் கொள்ள வேண்டும் எனவும் வலியுறுத்தினார். தொடர்ந்து, குடிநீர் தூய்மையாக உள்ளதா என்பதை ஆட்சியர் ஆய்வு செய்தார்.
அதைத் தொடர்ந்து, துப்புரவுத் தொழிலாளர்கள் கழிவு நீர் கால்வாய்களில் கழிவு நீர் தேங்காமல் துப்புரவுப் பணி செய்ய வேண்டும். தெருக்களில் குப்பைகள் இல்லாமல் பார்த்துக் கொள்ள வேண்டும். துப்புரவுப் பணியாளர்கள் தொற்று நோய் பரவாமல் தவிர்க்கும் வகையில் கையுறை அணிந்து பாதுகாப்புடன் பணியாற்ற வேண்டும் எனவும் அவர் வலியுறுத்தினார்.
நிகழ்வில், சுகாதாரத் துறை துணை இயக்குநர்கள் கிருஷ்ண ராஜ், பிரபாகர், நகராட்சி ஆணையாளர் டிட்டோ,  வட்டாட்சியர் புனிதவதி, நகராட்சி பொறியாளர் முத்துக்குமார், வட்டார வளர்ச்சி அலுவலர் சுதா, சுகாதார ஆய்வாளர் சாமுவேல் உள்ளிட்டோர் உடன் இருந்தனர். 
இதேபோல் திருவள்ளூர் அருகே வேப்பம்பட்டு பகுதியில் மாவட்ட வருவாய் அலுவலர் து.சந்திரன், வட்டாட்சியர் தமிழ்ச்செல்வன் உள்ளிட்டோர் டெங்கு நோய் குறித்த ஆய்வு மேற்கொண்டனர். அப்போது, அப்பகுதியில் உள்ள தெருக்களில் ஆய்வு செய்து சுகாதாரமாக வைத்துக் கொள்ள வலியுறுத்தினர். 
தொடர்ந்து, அப்பகுதியில் உள்ள மனநலம் பாதிக்கப்பட்ட குழந்தைகள் மைய வளாகத்தில் ஆய்வு மேற்கொண்டனர். அங்கு சுற்றுச்சூழல் பாதுகாப்புடனும், சுகாதாரமாகவும் பராமரித்து வருவதை அறிந்து குழந்தைகள் மைய நிர்வாகி கதிரை அதிகாரிகள் பாராட்டினர்.

]]>
http://www.dinamani.com/all-editions/edition-chennai/thiruvallur/2018/oct/10/துப்புரவுத்-தொழிலாளர்கள்-கையுறை-அணிந்து-பணியாற்ற-வேண்டும்-3017316.html
3017130 சென்னை திருவள்ளூர் அக்.15 -இல் தொழிற்சாலைகளில் மரக்கன்றுகள் நடும் திட்டம் DIN DIN Wednesday, October 10, 2018 03:16 AM +0530
முன்னாள் குடியரசுத் தலைவர் ஆ.ப.ஜெ. அப்துல் கலாமின் பிறந்தநாளையொட்டி ஒட்டி அக்டோபர் 15-இல் கும்மிடிப்பூண்டியை பசுமைப் பகுதியாக மாற்ற 100 க்கும் மேற்பட்ட தொழிற்சாலைகளில் மரக் கன்றுகள் நடும் திட்டத்தை மாவட்ட ஆட்சியர் மகேஸ்வரி ரவிகுமார் அறிவித்துள்ளார்.
கும்மிடிப்பூண்டி நகரில் சிப்காட் தொழிற்பேட்டையில் உள்ள நூற்றுக்கும் மேற்பட்ட தொழிற்சாலைகளால் சுற்றுச்சூழல் பாதிப்படைவதை தடுத்து சுற்றுச்சூழலை பாதுகாக்கும் நோக்கில், மறைந்த முன்னாள் குடியரசுத் தலைவர் ஆ.ப.ஜெ. அப்துல் கலாமின் பிறந்த நாளான அக்டோபர் 15-இல் கும்மிடிப்பூண்டி சிப்காட்டில் உள்ள 100-க்கும் மேற்பட்ட தொழிற்சாலைகளில் மரக்கன்றுகளை நட முடிவு செய்யப்பட்டுள்ளது.
இந்நிலையில், இந்த திட்டத்தை சிறப்பாக நடத்துவது குறித்து ஆட்சியர் அலுவலகத்தில் ஆட்சியர் மகேஸ்வரி ரவிகுமார் தலைமையில் செவ்வாய்க்கிழமை ஆலோசனைக் கூட்டம் நடைபெற்றது.
இந்த கூட்டத்தில் மாசு கட்டுப்பாட்டுத் துறை, வருவாய்த் துறை, காவல் துறை,வேளாண் துறை, தோட்டக்கலைத் துறை, ஊரக வளர்ச்சித் துறை, நெடுஞ்சாலைத் துறை உள்ளிட்ட அனைத்துத் துறை அதிகாரிகளும் பங்கேற்றனர். இதில் பேசிய ஆட்சியர், தூய்மை கும்மிடிப்பூண்டி மற்றும் பசுமை கும்மிடிப்பூண்டி திட்டத்தை சிறப்பாக நடத்த அனைத்துத் துறையினரும் ஒத்துழைப்பு தருவதோடு, ஒவ்வொரு துறை சார்ந்தும் கும்மிடிப்பூண்டியில் மரக்கன்றுகளை நட வேண்டும் என வலியுறுத்தினார்.

 

]]>
http://images.dinamani.com/uploads/user/imagelibrary/2018/10/10/w600X390/meet2.JPG http://www.dinamani.com/all-editions/edition-chennai/thiruvallur/2018/oct/10/அக்15--இல்-தொழிற்சாலைகளில்-மரக்கன்றுகள்-நடும்-திட்டம்-3017130.html
3017129 சென்னை திருவள்ளூர் கணவரைத் தாக்கி விட்டு பெண்ணிடம் தவறாக நடக்க முயன்ற 4 பேர் கைது DIN DIN Wednesday, October 10, 2018 03:15 AM +0530
கும்மிடிப்பூண்டியை அடுத்த கோபால்ரெட்டி கண்டிகையில் பைக்கில் வந்த தம்பதியை வழி மறித்து, கணவரை தாக்கி விட்டு, மனைவியிடம் தகாத முறையில் நடந்துகொண்ட 4 பேரை போலீஸார் செவ்வாய்க்கிழமை கைது செய்தனர்.
புதுகும்மிடிப்பூண்டியைச் சேர்ந்த தனியார் தொழிற்சாலை ஊழியர் தனது மனைவியுடன், குமரநாயக்கன் பேட்டை பகுதியில் உள்ள வெக்காளி அம்மன் கோயிலில் திங்கள்
கிழமை இரவு வழிபாடு முடித்துவிட்டு இருசக்கர வாகனகத்தில் வீடு திரும்பிக் கொண்டிருந்தார்.
அப்போது கோபால் ரெட்டி கண்டிகை பகுதியில் இவர்களை 4 பேர் வழி மறித்துள்ளனர். தொடர்ந்து, அந்த 4 பேரும் கணவரை தாக்கி விட்டு, மனைவியிடம் தவறாக நடக்க முயன்றுள்ளனர். 
பெண்ணின் அலறல் சத்தம் கேட்டு அக்கம் பக்கத்தார் அங்கு ஓடி வரவே நான்கு பேரும் ஓட்டம் பிடித்தனர்.
இது குறித்து கும்மிடிப்பூண்டி சிப்காட் காவல் நிலையத்தில் புகார் அளித்ததைத் தொடர்ந்து, போலீஸார் கோங்கல் பகுதியை சேர்ந்த மோகன்(32), முனியசாமி(38), சிவா(22), லட்சுமி நாராயணண்(19) ஆகிய 4 பேரை திங்கள்கிழமை கைது செய்து விசாரித்து வருகின்றனர்.

]]>
http://www.dinamani.com/all-editions/edition-chennai/thiruvallur/2018/oct/10/கணவரைத்-தாக்கி-விட்டு-பெண்ணிடம்-தவறாக-நடக்க-முயன்ற-4-பேர்-கைது-3017129.html
3017128 சென்னை திருவள்ளூர் சமூக நீதிக்கான பெரியார் விருதுக்கு அக்.31-க்குள் விண்ணப்பிக்கலாம் DIN DIN Wednesday, October 10, 2018 03:15 AM +0530
சமூக நீதிக்காக பாடுபடுவோர் பெரியார் விருது பெற அக்டோபர் 31-ஆம் தேதிக்குள் விண்ணப்பிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார்.
இதுகுறித்து அவர் செவ்வாய்க்கிழமை வெளியிட்டுள்ள செய்திக் குறிப்பு: ஒவ்வொரு ஆண்டும் சமூக நீதிக்காக பாடுபடுவோருக்கு சிறப்பு செய்யும் வகையில் சமூக நீதிக்கான பெரியார் விருது அரசால் வழங்கப்பட்டு வருகிறது. அதேபோல், நிகழாண்டுக்கான தந்தை பெரியார் விருது வழங்குவதற்குத் தகுதியானவர் தேர்வு நடைபெறவுள்ளது. 
இந்த விருது, சமூக நீதிக்காக பாடுபட்டவர்களுக்கு வழங்கப்படுகிறது. இதில், பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர் சமுதாயத்தைச் சேர்ந்த மக்களின் சமூக, பொருளாதார மற்றும் கல்வி மேம்பாடு அடைய மேற்கொண்ட முயற்சிகள், அந்த மக்களின் வாழ்க்கைத்தரம் உயர கடந்த ஆண்டுகளில் மேற்கொள்ளப்பட்ட பணிகள் மற்றும் சாதனைகள் புரிந்தோரின் பெயர், சுயவிவரங்களுடன் அக்டோபர் 31-ஆம் தேதிக்குள் ஆட்சியருக்கு விண்ணப்பிக்கலாம்.
இந்த விருதுபெற தேர்வு செய்யப்படுவோருக்கு ரூ.1 லட்சம் பொற்கிழியும், ஒரு சவரன் தங்கப்பதக்கமும், பாராட்டுச் சான்றிதழும் வழங்கப்பட உள்ளது. மேலும், இது தொடர்பான விவரங்களுக்கு 044-27661888 என்ற தொலைபேசி எண்ணில் தொடர்பு கொண்டு பயன்பெறலாம் என அவர் தெரிவித்துள்ளார்.
 

]]>
http://www.dinamani.com/all-editions/edition-chennai/thiruvallur/2018/oct/10/சமூக-நீதிக்கான-பெரியார்-விருதுக்கு-அக்31-க்குள்-விண்ணப்பிக்கலாம்-3017128.html
3017109 சென்னை திருவள்ளூர் பழுதான மின்கம்பத்தை மாற்றுவதில் மின்வாரியம் மெத்தனம்: பொதுமக்கள் குற்றச்சாட்டு DIN DIN Wednesday, October 10, 2018 02:04 AM +0530
வீடுகள் மீது உரசிச் செல்லும் பழுதான உயர்அழுத்த மின்கம்பிகளை மாற்றுவதற்கான தொகையை மின்வாரியத்திற்குச் செலுத்தி ஒன்றரை மாதம் ஆகியும் இதுவரை மாற்றப் படாததால் பொதுமக்கள் அவதிக்குள்ளாகி வருகின்றனர். 
திருத்தணி நகராட்சியில் 6-ஆவது வார்டில் உள்ள ஆறுமுக சுவாமி கோயில் குறுக்குத் தெருக்களில் 50க்கும் மேற்பட்ட வீடுகள் உள்ளன. இந்த வீடுகளின் அருகில் உயர்அழுத்த மின்கம்பிகள் செல்கின்றன. 
இதனால், மழைக் காலங்களில் வீடுகளின் மீது மின்கசிவு ஏற்படுவதால் அங்கு குடியிருப்பவர்கள் அச்சத்துடன் உள்ளனர். 
மேலும், இடி, மின்னலுடன் மழை பெய்யும்போது, உயர்அழுத்த மின்கம்பியில் இருந்து தீப்பொறி விழுதல் மற்றும் மின்கசிவு ஏற்படுவதால் அங்கு குடியிருக்கும் மக்களுக்கு லேசான மின்சாரம் பாய்வது போன்ற அதிர்ச்சி ஏற்பட்டு வருகிறது. 
இதனால் பாதிக்கப்பட்ட வீட்டு உரிமையாளர்கள் மின்வாரிய அலுவலகத்திற்குச் சென்று முறையிட்டனர். அதன்பின்னர், மின்வாரிய அதிகாரிகள் இடத்தை பார்வையிட்டு விட்டு, பழுதான ஒரு மின்கம்பத்தை மாற்றினால் இது போன்ற மின்அதிர்வலைகள் இருக்காது என்றும், இதற்காக ஒரு மின்கம்பம் மாற்றுவதற்கு ரூ.13,500 ரொக்கமாக மின்வாரியத்திற்குச் செலுத்த வேண்டும் என்றும், அதையடுத்து இரண்டு நாள்களில் மின்கம்பம் மாற்றி அமைக்கப்படும் எனவும் உறுதி அளித்தனர். 
இதைத் தொடர்ந்து, அப்பகுதி மக்கள் மின்வாரிய அதிகாரிகள் கேட்ட பணத்தைக் கட்டி ரசீது பெற்றனர். ஆனால், ஒன்றரை மாத காலம் ஆகியும் மின்கம்பம் நடுவதற்கு பள்ளம் மட்டுமே தோண்டப்பட்டுள்ளது. 
மின் வாரியத்தினரின் அலட்சியம் காரணமாக மின்கம்பத்தை மாற்றி அமைக்கும் பணி நடைபெறாமல் உள்ளது என அப்பகுதி மக்கள் குற்றம் சாட்டுகின்றனர்.
மேலும், மின்கசிவு காரணமாக அப்பகுதி மக்கள் அச்சத்துடன் வாழ்ந்து வருகின்றனர். இனி, மழைக்காலம் என்பதால் உடனடியாக மின்கம்பத்தை மாற்றி அமைக்க வேண்டும் என பொதுமக்கள் மின்வாரிய அதிகாரிகளுக்கு கோரிக்கை விடுத்துள்ளனர். 



 

]]>
http://images.dinamani.com/uploads/user/imagelibrary/2018/10/10/w600X390/eb.JPG குடியிருப்புகளுக்கு மத்தியில் தாழ்வாகச் செல்லும் மின் கம்பிகள். (வலது) ஒரு வீட்டின் சுவரை உரசிச் செல்லும் மின் கம்பிகள். http://www.dinamani.com/all-editions/edition-chennai/thiruvallur/2018/oct/10/பழுதான-மின்கம்பத்தை-மாற்றுவதில்-மின்வாரியம்-மெத்தனம்-பொதுமக்கள்-குற்றச்சாட்டு-3017109.html
3016752 சென்னை திருவள்ளூர் உலக மனநல நாள் விழிப்புணர்வுப் பேரணி DIN DIN Tuesday, October 9, 2018 08:05 AM +0530 உலக மன நல நாளை (அக்டோபர் 1) முன்னிட்டு, ஸ்கார்ப் இந்தியா நிறுவனம் மற்றும் தமிழக அரசின் மாவட்ட மனநலத் திட்டம் சார்பாக, கும்மிடிப்பூண்டியை அடுத்த ஆரணியில் உள்ள அரசு ஆண்கள் மற்றும் பெண்கள் மேல்நிலைப் பள்ளியில் மனநல பயிற்சி வகுப்பு திங்கள்கிழமை நடைபெற்றது. இது தொடர்பான பேரணியும் அப்பள்ளியில் இருந்து தொடங்கியது.
உலக மனநல நாள் அக்டோபர் 10ஆம் தேதி உலகெங்கும் அனுசரிக்கப்படுகிறது. இதை முன்னிட்டு, ஆரணி அரசு ஆண்கள் மேல்நிலைப்பள்ளி மற்றும் பெண்கள் மேல்நிலைப் பள்ளியில் நடத்தப்பட்ட உலக மன நல நாள் விழிப்புணர்வுப் பேரணியில் பங்கு பெற்ற மாணவர்கள் ஆரணி பகுதிகளில் ஊர்வலமாகச் சென்றனர்.
அதைத் தொடர்ந்து நடைபெற்ற மாணவர்களுக்கான பயிற்சியில் ஸ்கார்ப் இந்தியா நிறுவன உதவி இயக்குநர் கோடீஸ்வர ராவ் மற்றும் தமிழ்நாடு மக்கள் மன நல அமைப்பு அறக்கட்டளை நிர்வாகி டாக்டர் சண்முக வேலாயுதம், தமிழ்நாடு ஒருங்கிணைப்பாளர் கார்த்திக், ஸ்கார்ப்  இந்தியா ஒருங்கிணைப்பாளர் மணிகண்டன் ஆகியோர் கலந்து கொண்டு மாணவர்களுக்கு பயிற்சி அளித்தனர்.
இந்தப் பயிற்சியின் போது அவர்கள் கூறியது:
தமிழகத்தில் 15-24 வயதிற்குட்பட்ட 70 சதவீதம் பேர் ஏதோ ஒரு விஷயத்தில் மனநலம் பாதிக்கப்பட்டுள்ளனர். குறிப்பாக தற்காலத்தில் மாணவிகள் உளவியல் ரீதியாக பல்வேறு விஷயங்களால் பாதிக்கப்படுகின்றனர். இதனை இனம்காண்பது பெற்றோர்கள் மற்றும் ஆசிரியர்களின் கடமை.
மாணவர்களுக்கு மன நல வகுப்புகளை அவ்வப்போது கட்டாயம் நடத்த வேண்டும். 
மாணவர்கள் தங்களது பிரச்னைகளை தைரியமாக ஆசிரியர்களிடமும், பெற்றோர்களிடமும் எடுத்துக் கூற வேண்டும். மாணவர்கள் மன வளத்தைக் காக்க யோகா, தியானம் போன்ற பயிற்சிகளில் ஈடுபட வேண்டும் என்று அவர்கள் தெரிவித்தனர்.


 

]]>
http://www.dinamani.com/all-editions/edition-chennai/thiruvallur/2018/oct/09/உலக-மனநல-நாள்-விழிப்புணர்வுப்-பேரணி-3016752.html
3016751 சென்னை திருவள்ளூர் வாக்காளர் பட்டியலில் பெயர் சேர்க்க கல்லூரியில் சிறப்பு முகாம் DIN DIN Tuesday, October 9, 2018 08:05 AM +0530 குறிப்பிட்ட வயதை அடைந்தவர்கள் வாக்காளர் பட்டியலில் தங்கள் பெயர் சேர்த்தல் குறித்து திருவள்ளூர் அருகே வெங்கடேஸ்வரா பொறியியல் கல்லூரி மாணவ, மாணவிகளை ஊக்குவிக்கும் வகையில் திங்கள்கிழமை சிறப்பு முகாம் நடைபெற்றது.
இக்கல்லூரி வளாகத்தில் 18 வயது பூர்த்தி அடைந்த மாணவ, மாணவிகள் வாக்காளர்கள் பட்டியலில் பெயர் சேர்ப்பதற்கான சிறப்பு முகாமை ஆட்சியர் மகேஸ்வரி ரவிகுமார் தொடங்கி வைத்தார். 
அப்போது, இந்த முகாமில் மாணவ, மாணவிகள்அனைவரும் வாக்காளர்கள் பட்டியலில் கட்டாயம் பெயர் சேர்த்துக் கொள்ளவும் வலியுறுத்தினர். 
அதைத் தொடர்ந்து ஆன்லைன் மூலம் எவ்வாறு வாக்காளர்களாகப் பதிவு செய்வது குறித்து விளக்கமாக எடுத்துரைத்தார். 
பின்னர் விழிப்புணர்வு ஏற்படுத்தும் வகையில் மாணவ, மாணவிகளுக்கு துண்டுப் பிரசுரங்களை அவர் விநியோகம் செய்தார்.
அப்போது சார் ஆட்சியர் ரத்னா மற்றும் வெங்கடேஸ்வரா கல்லூரியின் நிர்வாகிகள் ஆகியோர் உடன் இருந்தனர்.
 

]]>
http://www.dinamani.com/all-editions/edition-chennai/thiruvallur/2018/oct/09/வாக்காளர்-பட்டியலில்-பெயர்-சேர்க்க-கல்லூரியில்-சிறப்பு-முகாம்-3016751.html
3016750 சென்னை திருவள்ளூர் அரசுக்கு எதிராக துண்டுப் பிரசுரம்: திமுகவினர் 9 பேர் மீது வழக்கு DIN DIN Tuesday, October 9, 2018 08:04 AM +0530 திருவள்ளூர் ரயில் நிலையப் பகுதியில் அதிமுக அரசுக்கு எதிராக துண்டுப் பிரசுரங்களை விநியோகம் செய்த திமுகவைச் சேர்ந்த 9 பேர் மீது வழக்குப்பதிவு செய்து விசாரணை நடத்தி வருகின்றனர்.
இது குறித்து திருவள்ளூர் நகர் காவல் நிலைய போலீஸார் தரப்பில் திங்கள்கிழமை கூறியதாவது:
திருவள்ளூர் பெரியகுப்பம் ரயில் நிலையம் பகுதியில் திமுக ஒருங்கிணைப்பாளர் இஸ்ரேல் தலைமையில் கலெக்ஷன், கரப்ஷன், கமிஷன் என்ற வாசகங்கள் மற்றும் மக்களிடம் செல்வோம், மாற்றம் காண்போம் என்ற கருத்துக்களுடன் கூடிய துண்டுப் பிரசுரங்களை வைத்துள்ளனர்.
அதோடு, ரயில் நிலையம் செல்லும் பொதுமக்களிடம் அரசுக்கு எதிராக துண்டுப் பிரசுரங்களை விநியோகம் செய்துள்ளனர். இது தொடர்பாக திருவள்ளூர் நகர் காவல் நிலைய போலீஸார் திமுகவின் ஒருங்கிணைப்பாளர் இஸ்ரேல் உள்ளிட்ட அக்கட்சியைச் சேர்ந்த 9 பேர் மீது வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/thiruvallur/2018/oct/09/அரசுக்கு-எதிராக-துண்டுப்-பிரசுரம்-திமுகவினர்-9-பேர்-மீது-வழக்கு-3016750.html
3016748 சென்னை திருவள்ளூர் வீரராகவர் கோயிலில் பிரேமலதா விஜயகாந்த் வழிபாடு DIN DIN Tuesday, October 9, 2018 08:02 AM +0530 திருவள்ளூர் வீரராகவர் கோயிலில் புரட்டாசி அமாவசையையொட்டி தேமுதிக கட்சித் தலைவர் விஜயகாந்தின் மனைவி பிரேமலதா திங்கள்கிழமை சிறப்பு வழிபாடு செய்தார். 
இக்கோயில் 108 வைணவ திவ்ய தேசங்களில் மிகவும் பிரசித்தி பெற்ற தலமாக விளங்குகிறது. அதோடு இங்கு வழிபாடு செய்தால் தீராத நோய்கள் தீரும் என்பதோடு நிறைவேறாத காரியங்கள் அனைத்தும் கைகூடும் என்பது பக்தர்களின் நம்பிக்கை. அதனால், இக்கோயிலுக்கு முக்கிய அமாவசை நாள்களில் பக்தர்கள் வந்து வழிபாடு செய்கின்றனர். 
இந்நிலையில், மகாளய அமாவாசை நாளையொட்டி வீரராகவர் கோயிலுக்கு விஜயகாந்த் பிரேமலதா திங்கள்கிழமை மாலை வந்தார். அதைத் தொடர்ந்து முக்கிய பிரமுகர்கள் செல்லும் சிறப்பு தரிசன வழியாகச் சென்று மூலவரை தரிசனம் செய்தார். பின்னர் திருக்குளத்திற்கு சென்று பால், வெல்லம் ஆகியவற்றைக் கரைத்து நேர்த்திக் கடனை நிறைவேற்றினார். அதைத் தொடர்ந்து அங்கு வழிபாடு செய்வதற்கு வந்த திருநங்கைகளிடம் கலந்துரையாடினார். 
அப்போது, தேமுதிக மாவட்டச் செயலாளர் கிருஷ்ணமூர்த்தி, கட்சி நிர்வாகிகள் புஜ்ஜி முரளிகிருஷ்ணன், ஆயில் சரவணன், மணிகண்டன், கீழனூர் சுந்தர் ஆகியோர் உடன் இருந்தனர்.

]]>
http://www.dinamani.com/all-editions/edition-chennai/thiruvallur/2018/oct/09/வீரராகவர்-கோயிலில்-பிரேமலதா-விஜயகாந்த்-வழிபாடு-3016748.html
3016747 சென்னை திருவள்ளூர் கந்துவட்டிக் கொடுமை: இளைஞர் தூக்கிட்டுத் தற்கொலை DIN DIN Tuesday, October 9, 2018 08:01 AM +0530 தரணிவராகபுரம் கிராமத்தில் கந்துவட்டிக் கொடுமையால் மனமுடைந்த இளைஞர் ஒருவர் திங்கள்கிழமை அதிகாலை தூக்கிட்டுத் தற்கொலை செய்து கொண்டார்.
திருத்தணியை அடுத்த தரணிவராகபுரம் கிராமத்தைச் சேர்ந்தவர் சுப்பிரமணி(28). அவர், திருத்தணி ஏரிக்கரை பகுதியைச் சேர்ந்த மகேஷ், தேவராஜ் ஆகியோரிடம் தலா ரூ.15 ஆயிரத்தை ஒன்றரை ஆண்டுக்கு முன் கந்து வட்டிக்கு கடன் வாங்கினார். இதற்காக அவர் மாதந்தோறும் ரூ. 4000 கந்து வட்டி கட்டிவந்ததாக கூறப்படுகிறது. இதுவரை வட்டியாக சுப்பிரமணி, ரூ.1.15 லட்சத்தை செலுத்தியுள்ளதாக கூறப்படுகிறது.
மேலும் வட்டி மற்றும் அசல் பணத்தை தருமாறு கேட்டு மகேஷ், தேவராஜ் ஆகியோர் இரு தினங்களுக்கு முன் சுப்பிரமணியை அடித்ததாக கூறப்படுகிறது. இதனால், மனமுடைந்த சுப்பிரமணி திங்கள்கிழமை அதிகாலை நேரத்தில் வீட்டில் தூக்கிட்டுத் தற்கொலை செய்து கொண்டார். அவருக்கு திருமணம் ஆகவில்லை. அவரது தற்கொலை குறித்து திருத்தணி போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/oct/09/கந்துவட்டிக்-கொடுமை-இளைஞர்-தூக்கிட்டுத்-தற்கொலை-3016747.html
3016746 சென்னை திருவள்ளூர் வடகிழக்குப் பருவமழை: சேதமடைந்த கட்டடம் குறித்து தகவல் அளிக்கலாம் DIN DIN Tuesday, October 9, 2018 08:00 AM +0530 திருவள்ளூர் மாவட்டத்தில் வடகிழக்குப் பருவமழையை ஒட்டி சேதமடைந்து இடிந்து விழும் நிலையில் உள்ள கட்டடங்கள் ஏதேனும் இருந்தால் உடனே மாவட்ட நிர்வாகத்திற்கு தகவல் தெரிவிக்க ஏற்பாடு  செய்யப்பட்டுள்ளதாக ஆட்சியர் மகேஸ்வரி ரவிகுமார் தெரிவித்துள்ளார்.
இது குறித்து அவர் வெளியிட்டுள்ள செய்திக் குறிப்பு விவரம்: 
திருவள்ளுர் மாவட்டத்தில் வடகிழக்குப் பருவமழையை முன்னிட்டு பல்வேறு தடுப்பு நடவடிக்கைகள் மேற்கொள்ளப்பட்டு வருகின்றன. 
அந்த வகையில் பொதுமக்களுக்கு அபாயத்தை ஏற்படுத்தும் நிலையில் உள்ள பழைய அல்லது சேதமடைந்து, கைவிடப்பட்டு, இடிந்து விழும் நிலையில் உள்ள கட்டடங்கள் ஏதேனும் இருந்தால் தகவல் 
தெரிவிக்கலாம். 
எனவே இடிந்து விழும் நிலையில் உள்ள கட்டடங்கள் குறித்தான தகவல்களை மாவட்ட நிர்வாகத்திற்கு 24 மணிநேரமும் இயங்கும் கட்டுப்பாட்டு அறைகள் அமைக்கப்பட்டுள்ளன. அந்த அறைக்கு இடிந்து விழும் நிலையில் உள்ள 044-27664177, 044-27666746, 044-27665248 ஆகிய எண்களுக்கு தொடர்பு கொண்டு தகவல் தெரிவிக்கலாம். 
மேலும், அவசரத்திற்காக திருவள்ளூர்-9444317862, பொன்னேரி-9444317863 ஆகிய கட்செவி எண்களில் திருவள்ளுர், பொன்னேரி பகுதிகளைச் சேர்ந்த பொதுமக்கள் புகைப்படத்துடன் கூடிய தகவல்களை அளிக்கலாம் என ஆட்சியர் தெரிவித்துள்ளார்.
 

]]>
http://www.dinamani.com/all-editions/edition-chennai/thiruvallur/2018/oct/09/வடகிழக்குப்-பருவமழை-சேதமடைந்த-கட்டடம்-குறித்து-தகவல்-அளிக்கலாம்-3016746.html
3016745 சென்னை திருவள்ளூர் மக்கள் குறைதீர் கூட்டத்தில் நலத்திட்ட உதவி வழங்கல் DIN DIN Tuesday, October 9, 2018 08:00 AM +0530 மக்கள் குறைதீர்க்கும் நாள் கூட்டத்தில் ஒரு பெண்ணுக்கு நவீன தையல் இயந்திரத்தை ஆட்சியர் மகேஸ்வரி ரவிகுமார் வழங்கினார்.
திருவள்ளூர் மாவட்ட ஆட்சியர் அலுவலக வளாகத்தில் பொதுமக்கள் குறைதீர்க்கும் நாள் கூட்டம் திங்கள்கிழமை நடைபெற்றது. இந்தக் கூட்டத்திற்கு ஆட்சியர் மகேஸ்வரி ரவிகுமார் தலைமை வகித்தார். 
கூட்டத்தில் மாவட்டத்தில் பல்வேறு பகுதிகளில் இருந்து வந்த பொதுமக்கள் தங்கள் குறைகள் தொடர்பான மனுக்களையும் அவரிடம் அளித்தனர். இதில் நிலம் தொடர்பாக 67 மனுக்களும், சமூக பாதுகாப்புத் திட்டம்-51, சமூக நலத்திட்டம்-2,  கடனுதவி-7, ஆதிதிராவிடர் மற்றும் பிற்படுத்தப்பட்டோர் நலம்-1, வேலைவாய்ப்பு-23, சட்டம் மற்றும் ஒழுங்கு-21,   கல்வி-1,  இதரதுறை-38, அடிப்படை வசதி, போக்குவரத்து மற்றும் சுகாதாரம்-5, ஊரக நகர்ப்புற வளர்ச்சி-15,  சான்றிதழ்-2, குடும்ப அட்டை-3 மனுக்கள் மற்றும் சான்றிதழ் நகல் 1 மனு என மொத்தம்  237 மனுக்கள் பெறப்பட்டன.  
அதைத் தொடர்ந்து அந்தந்த துறை அலுவலர்களிடம் மனுக்களைப் பரிசீலனை செய்து நலத்திட்ட உதவிகள் வழங்க நடவடிக்கை எடுக்குமாறு அதிகாரிகளுக்கு வலியுறுத்தினார். 
அதைத் தொடர்ந்து ஆட்சியர் விருப்ப நிதியிலிருந்து மாற்றுத் திறனாளி பெண்ணுக்கு ரூ. 31 
ஆயிரம் மதிப்பிலான மோட்டார் பொருத்திய எம்ப்ராய்டரிங் தையல் இயந்திரத்தை அவர்
 வழங்கினார். 
இந்தக்கூட்டத்தில், மாவட்ட வருவாய் அலுவலர் து.சந்திரன், தனித் துணை ஆட்சியர் (சமூக பாதுகாப்புத் திட்டம்) ரஞ்சித் மற்றும் பல்வேறு துறை சார்ந்த அலுவலர்கள் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/oct/09/மக்கள்-குறைதீர்-கூட்டத்தில்-நலத்திட்ட-உதவி-வழங்கல்-3016745.html
3016457 சென்னை திருவள்ளூர் முதல்வர், துணை முதல்வர் பற்றி அவதூறு பரப்பியவர் கைது DIN DIN Tuesday, October 9, 2018 04:19 AM +0530
தமிழக முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர்செல்வம் ஆகியோர் குறித்து அவதூறாகப் பேசி அதை கட்செவி அஞ்சலில் (வாட்ஸ் ஆப்) விமர்சித்து பதிவு செய்து அனுப்பியவரை மப்பேடு போலீஸார் கைது செய்தனர். 
இதுகுறித்து போலீஸார் திங்கள்கிழமை கூறியதாவது:
கடம்பத்தூர் ஊராட்சி ஒன்றியப் பொறுப்பாளராக இருந்து வருபவர் ரமேஷ். அவருக்கு ஒரு நபர் கட்செவியில் முதல்வர் மற்றும் துணை முதல்வர் ஆகியோர் குறித்து அவதூறாகப் பேசி அப்பதிவை அனுப்பி வைத்தார். இது தொடர்பாக உடனே ரமேஷ் மப்பேடு காவல் நிலையத்தில் புகார் செய்தார். அதன் பேரில் மப்பேடு போலீஸார் விசாரணை நடத்தினர். 
அதோடு, இணையதளக் குற்றத்தடுப்பு (சைபர் கிரைம்) போலீஸாரின் உதவியுடன் அவதூறு பரப்பியவர் யார் என்று ஆய்வு செய்தனர். அப்போது, கொருக்கம்பட்டு கிராமத்தைச் சேர்ந்த வெங்கடேஷ் என்ற ரமேஷ் என்பவரே இந்தச்செயலில் ஈடுபட்டார் என்பது தெரிய வந்தது. அவரை மப்பேடு போலீஸார் கைது செய்து, புழல் சிறையில் அடைத்தனர்.


 

]]>
http://www.dinamani.com/all-editions/edition-chennai/thiruvallur/2018/oct/09/முதல்வர்-துணை-முதல்வர்-பற்றி-அவதூறு-பரப்பியவர்-கைது-3016457.html
3016447 சென்னை திருவள்ளூர் இருந்தும் பயனில்லாத ஏடிஎம் மையம்: மக்கள் அவதி DIN DIN Tuesday, October 9, 2018 03:04 AM +0530
பூவலம்பேடு பகுதியில் உள்ள பேங்க் ஆப் இந்தியா வங்கி ஏடிஎம் அடிக்கடி செயல்படாமல் இருப்பதால் இதை நம்பி உள்ள 15 கிராம மக்கள் பெரிதும் அவதிப்படுகின்றனர்.
கும்மிடிப்பூண்டியை அடுத்த பூவலம்பேடு பகுதியில் பேங்க் ஆப் இந்தியா வங்கிக் கிளை செயல்பட்டு வருகின்றது. இந்த வங்கி வளாகத்தில் ஏடிஎம் மையம் ஒன்று அமைக்கப்பட்டுள்ளது. இந்த மையத்தின் சேவையை பூவலம்பேடு, தேர்வாய், கொள்ளானூர், வாணியமல்லி, ஐயர் கண்டிகை, அமரம்பேடு உள்ளிட்ட 15 கிராம மக்கள் பயன்படுத்தி வரும் நிலையில், இந்த மையம் 2 நாள்களுக்கு செயல்பட்டால் 10 நாள்களுக்கு செயல்படாமல் இருப்பதாக இப்பகுதி மக்கள் குறை கூறுகின்றனர். இது குறித்து வங்கி அதிகாரிகளிடம் புகார் அளித்தால், உயர் அதிகாரிகளுக்கு தகவல் தெரிவித்து விட்டோம். நாளை வருவார்கள், மறுநாள் வருவார்கள் எனக்கூறி காலம் தாழ்த்துவதாக இப்பகுதி மக்களை கவலை தெரிவிக்கின்றனர்.
இந்நிலையில் மிகக் குறைவான பணமே இந்த ஏடிஎம் மையத்தில் இருப்பில் வைக்கப்படுவதாகவும், அது ஓரிரு நாளில் தீர்ந்ததும் பணத்தை நிரப்ப 10 நாள்கள் வரை எடுத்துக் கொள்வதாகவும் இந்தப் பகுதி மக்கள் குறை கூறுகின்றனர். மேற்கண்ட 15 கிராமங்களைச் சேர்ந்த சுமார் 10 ஆயிரம் பேர் இந்த ஏடிஎம் மையத்தை பயன்படுத்தி வருகின்றனர். எனவே, இந்த மையத்தை முறையாக செயல்படுத்த வங்கி அதிகாரிகள் உரிய நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.



 

]]>
http://images.dinamani.com/uploads/user/imagelibrary/2018/10/9/w600X390/atm.jpg அடிக்கடி செயல்படாமல் இருக்கும் பேங்க் ஆப் இந்தியா ஏடிஎம். http://www.dinamani.com/all-editions/edition-chennai/thiruvallur/2018/oct/09/இருந்தும்-பயனில்லாத-ஏடிஎம்-மையம்-மக்கள்-அவதி-3016447.html
3015965 சென்னை திருவள்ளூர் நூல் வெளியீட்டு விழா DIN DIN Monday, October 8, 2018 06:59 AM +0530 கவிஞர் குறளன்பனின் "மனதை அள்ளிய மலர்கள்' நூல் வெளியீட்டு விழா திருத்தணி அனுமந்தாபுரம் மங்கலங்கிழார் கல்வி அறக்கட்டளை வளாகத்தில் ஞாயிற்றுக்கிழமை நடைபெற்றது.
நிகழ்ச்சிக்கு, மாதவரம் பண்ணைத் தமிழ்ச் சங்கம் அமைப்பாளர் கவிக்கோ துரை.வசந்தராசன் தலைமை வகித்தார். மங்கலங்கிழார் அறக்கட்டளைத் தலைவர் எ.கிருஷ்ணன், துணைத் தலைவர் 
ச.எ.நாகரத்தினம் ஆகியோர் முன்னிலை வகித்தனர். முத்தமிழ் இலக்கிய முற்றம் அமைப்பாளர்  கவியன்பன் வரவேற்றார். முதுகலையாசிரியர் பா.ஓ.தாமோதரம் அறிமுகவுரையாற்றினார். கவிஞர் கவின்பாலு தொகுப்புரையாற்றினார். தமிழ் வளர்ச்சித் துறை இயக்குநர் கோ.விசயராகவன் சிறப்புரையாற்றி, முதற்படியை வெளியிட்டார். அதனை அரிமா பு.வெ. முருகேசனார் பெற்றுக்கொண்டார். இரண்டாம்படியை பாசறை இதழ் ஆசிரியர் க.புவியரசும், மூன்றாம்படியை வ.சு. செயவேலும் பெற்றுக் கொண்டனர். 
 நிகழ்ச்சியில், திருவள்ளுர் தமிழ்ச் சங்க நிர்வாகி செம்மங்குடி துரையரசன், சென்னை தமிழ்கலை இலக்கிய சங்க நிறுவனர் க.ச.கலையரசன் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-chennai/thiruvallur/2018/oct/08/நூல்-வெளியீட்டு-விழா-3015965.html
3015964 சென்னை திருவள்ளூர் கல்லூரியில் கருத்தரங்கம் DIN DIN Monday, October 8, 2018 06:59 AM +0530 செங்குன்றத்தை அடுத்த எடப்பாளையத்தில் உள்ள கோஜான் மேலாண்மை மற்றும் பொறியியல் கல்லூரி வளாகத்தில் மாநில அளவிலான கருத்தரங்கம் சனிக்கிழமை நடைபெற்றது. 
கல்லூரி முதல்வர் டி.சசிமுருகன் கருத்தரங்கைத் தொடங்கி வைத்தார். நிகழ்ச்சிக்கு, கல்லூரியின் துணைத் தலைவர் என்.விஸ்வநாதன் தலைமை வகித்தார். இதில், தனியார் நிறுவனத்தின் மனிதவள மேலாளர் எஸ்.வைத்தியலிங்கம், கருத்தரங்க மலரை வெளியிட்டு மாணவ, மாணவிகளுக்கு வாழ்வில் முன்னேறுவதற்கான ஆலோசனைகளை வழங்கி ஊக்குவித்தார். இதில், கல்லூரியின் பல்வேறு துறைத் தலைவர்கள், ஆசிரியர்கள், பல்வேறு கல்லூரிகளில் இருந்து 600-க்கும் மேற்பட்ட மாணவ-மாணவிகள் கலந்து கொண்டனர். நிகழ்ச்சிக்கான ஏற்பாடுகளை தியாகராஜன் உள்ளிட்ட பல்வேறு துறைகளின் ஒருங்கிணைப்பாளர்கள் செய்திருந்தனர். 

]]>
http://www.dinamani.com/all-editions/edition-chennai/thiruvallur/2018/oct/08/கல்லூரியில்-கருத்தரங்கம்-3015964.html