Dinamani - திருவள்ளூர் - http://www.dinamani.com/all-editions/edition-chennai/thiruvallur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3057327 சென்னை திருவள்ளூர் அரசு நடுநிலைப் பள்ளியில் ஸ்மார்ட்' வகுப்பறை DIN DIN Thursday, December 13, 2018 11:54 PM +0530
திருத்தணி ஒன்றியத்தைச் சேர்ந்த வி.கே.ஆர். புரம் கிராம ஊராட்சி ஒன்றிய நடுநிலைப் பள்ளியில் ரூ.1.50 லட்சம் செலவில் நிறுவப்பட்டுள்ள ஸ்மார்ட்' வகுப்பறையை திருத்தணி கல்வி மாவட்ட அலுவலர் முனிசுப்பராயன் வியாழக்கிழமை திறந்து வைத்தார்.
வி.கே.ஆர்.புரம் கிராமத்தில் ஊராட்சி ஒன்றிய நடுநிலைப் பள்ளி இயங்கி வருகிறது. இங்கு, 100 க்கும் மேற்பட்ட மாணவ - மாணவியர் பயில்கின்றனர். பள்ளியின் தலைமை ஆசிரியர் பூங்கோதை முயற்சி மேற்கொண்டு, ஆசிரியர்களின் பங்களிப்புடன், ரூ.1.50 லட்சம் செலவில் ஸ்மார்ட்' வகுப்பறை உருவாக்கப்பட்டுள்ளது. இந்த வகுப்பறையில் மாணவர்கள் அனைவரும் தொடுதிரை மூலம் பாடங்களைக் கற்பதற்கான வசதி செய்யப்பட்டுள்ளது. அத்துடன் கணினி மூலமும் பாடங்களை கற்க முடியும்.
இந்த வகுப்பறை திறப்பு விழா பள்ளி வளாகத்தில் வியாழக்கிழமை நடைபெற்றது. பள்ளி தலைமை ஆசிரியை பூங்கோதை வரவேற்றார்.
திருத்தணி கல்வி மாவட்ட அலுவலர் முனிசுப்பராயன் ஸ்மார்ட் வகுப்பறையை திறந்து வைத்தார். வட்டாரக் கல்வி அலுவலர் மோகன், ஒன்றிய ஆணையர் பாபு, முன்னாள் மாவட்ட கல்வி அலுவலர் ஞானசேகரன், வட்டார வளமைய மேற்பார்வையாளர் சரஸ்வதி, உதவி தலைமை ஆசிரியர் சின்னகங்கய்யா உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-chennai/thiruvallur/2018/dec/13/அரசு-நடுநிலைப்-பள்ளியில்-ஸ்மார்ட்-வகுப்பறை-3057327.html
3057326 சென்னை திருவள்ளூர் அரசுப் பள்ளிக்கு ரூ.2.13 கோடியில் புதிய கட்டடத்துக்கு அடிக்கல் DIN DIN Thursday, December 13, 2018 11:54 PM +0530
திருத்தணி அரசினர் மகளிர் மேல்நிலைப் பள்ளிக்கு ரூ.2.13 கோடியில், இரண்டு அடுக்கு கட்டடம் கட்ட வியாழக்கிழமை அடிக்கல் நாட்டப்பட்டது.
திருத்தணி அரசினர் மகளிர் மேல்நிலைப் பள்ளியில் 1,600 மாணவியர் படித்து வருகின்றனர். இவர்களுக்கு, போதிய வகுப்பறைகள் மற்றும் ஆய்வக அறைகள் இல்லாததால், மாணவியர் சிரமப்பட்டு வந்தனர். குறிப்பாக மழைக் காலத்திலும், தேர்வுகள் எழுதும் போதும் மாணவியர் போதிய அறை வசதி இல்லாமல் அவதிப்பட்டு வந்தனர்.
இதையடுத்து, மாவட்ட நிர்வாகம் சார்பில், நபார்டு திட்டத்தின் கீழ், பள்ளியில் புதிய இரண்டு அடுக்கு கட்டடம் கட்ட ரூ.2.13 கோடி நிதி ஒதுக்கீடு செய்யப்பட்டது.
இதற்கான ஒப்பந்தப்பணிகள் முடிந்த நிலையில், புதிய கட்டடத்துக்கான அடிக்கல் நாட்டு விழா வியாழக்கிழமை பள்ளி வளாகத்தில் நடந்தது. நிகழ்வுக்கு, பள்ளி தலைமை ஆசிரியர் டி. தெமினா கிரோனப் தலைமை வகித்தார். இதில், பெற்றோர் ஆசிரியர் கழகத் தலைவர் கேபிள் எம். சுரேஷ் மற்றும் அரசு அதிகாரிகள் ஆகியோர் பங்கேற்று புதிய கட்டடப்பணிகளைத் தொடங்க அடிக்கல் நாட்டினர். இந்த புதிய கட்டடத்தில், 10 வகுப்பறைகள், 2 அறிவியல் ஆய்வகங்கள், மூன்று கழிப்பறைகள் கட்டப்படும். இப்பணிகளை எட்டு மாதத்துக்குள் முடித்து, மாணவியர் பயன்பாட்டுக்கு விடப்படும் என ஒப்பந்தாரர் தெரிவித்தார். இது மாணவியர் மற்றும் பெற்றோர் மத்தியில் மகிழ்ச்சியை ஏற்படுத்தியுள்ளது.

 

]]>
http://www.dinamani.com/all-editions/edition-chennai/thiruvallur/2018/dec/13/அரசுப்-பள்ளிக்கு-ரூ213-கோடியில்-புதிய-கட்டடத்துக்கு-அடிக்கல்-3057326.html
3057325 சென்னை திருவள்ளூர் டிசம்பர் 15 மின் தடை DIN DIN Thursday, December 13, 2018 11:54 PM +0530
திருவள்ளூர்
நாள்: சனிக்கிழமை
(டிசம்பர் 15)
நேரம்: காலை 9 முதல்
2 மதியம் மணி வரை.
மின் தடை பகுதிகள்: திருவள்ளூர் நகரம்-ஜே.என். சாலை (ரயில் நிலையம் முதல் எல்.ஐ.சி. அலுவலகம் வரை), பூங்காநகர், ஐ.ஆர்.என். பின்புறம், புங்கத்தூர், மாவட்ட காவல் கண்காணிப்பாளர் அலுவலகம் பின்புறம், சேலை, ஏகாட்டூர், வெங்கத்தூர், மேல்நல்லாத்தூர், ராஜாஜிபுரம், பெரியகுப்பம், மணவாளநகர், ஒண்டிக்குப்பம், ராமஞ்சேரி, பாண்டூர், பட்டரைப்பெரும்புதூர் மற்றும் அதைச் சுற்றியுள்ள பகுதிகள்.
திருத்தணி
நேரம்: காலை 10 முதல்
மதியம் 2 மணி வரை.
மின் தடை பகுதிகள்: கே.கே.நகர், பாலாஜிநகர், அமிர்தாபுரம், மேல்திருத்தணி, முருகூர், ராஜீவ்காந்தி நகர் மற்றும் அதைச் சுற்றியுள்ள பகுதிகள்.

 

]]>
http://www.dinamani.com/all-editions/edition-chennai/thiruvallur/2018/dec/13/டிசம்பர்-15-மின்-தடை-3057325.html
3056896 சென்னை திருவள்ளூர் கர்ப்பிணிகளுக்கு மருந்து வழங்க லஞ்சம்: கிராமத்தினர் சாலை மறியல்  DIN DIN Thursday, December 13, 2018 04:07 AM +0530 கர்ப்பிணி பெண்களுக்கு மருந்து, மாத்திரை அளிக்க லஞ்சம் கேட்கும் செவிலியர் மீது நடவடிக்கை எடுக்க வலியுறுத்தி நாலூர் கிராம மக்கள் புதன்கிழமை சாலை மறியலில் ஈடுபட்டனர்.
மீஞ்சூர் அருகே உள்ள நாலூர் கிராமத்தில் 1000-க்கும் மேற்பட்ட மக்கள் வசிக்கின்றனர். இங்குள்ள துணை சுகாதார நிலையத்தில் செவிலியராக பணிபுரிபவர் கிராமத்தில் உள்ள கர்ப்பிணி பெண்களுக்கு ஊட்டச்சத்து மாத்திரை மற்றும் மருந்துகள் வழங்கவும், அரசின் நலத்திட்ட உதவிகளைப் பெற அடையாள அட்டை அளிக்கவும் லஞ்சம் கேட்பதாக புகார் எழுந்தது. 
இதனால் ஆத்திரமடைந்த கிராம மக்கள் புதன்கிழமை பொன்னேரி-திருவொற்றியூர் நெடுஞ்சாலையில் மறியல் போராட்டத்தில் ஈடுபட்டனர். 
தகவல் அறிந்த மீஞ்சூர் போலீஸார் அங்கு விரைந்து சென்று கிராம மக்களிடம் பேச்சுவார்த்தை நடத்தினர். 
அப்போது அவர்கள் சம்பந்தப்பட்ட செவிலியர் மீது நடவடிக்கை எடுத்தால் மட்டுமே போராட்டத்தைக் கைவிடுவோம் எனத் தெரிவித்தனர். இது குறித்து மீஞ்சூர் ஆரம்ப சுகாதார நிலைய அலுவலர் ராஜேஷுக்கு தகவல் தெரிவிக்கப்பட்டது. அங்கு விரைந்து வந்த அவர், லஞ்சம் கேட்கும் செவிலியர் மீது உரிய நடவடிக்கை எடுக்கப்படும் என உறுதி அளித்தார். இதையடுத்து கிராம மக்கள் போராட்டத்தை கைவிட்டு கலைந்து சென்றனர். 
 

]]>
http://www.dinamani.com/all-editions/edition-chennai/thiruvallur/2018/dec/13/கர்ப்பிணிகளுக்கு-மருந்து-வழங்க-லஞ்சம்-கிராமத்தினர்-சாலை-மறியல்-3056896.html
3056895 சென்னை திருவள்ளூர் இன்று மின் நுகர்வோர் குறை தீர் கூட்டம் DIN DIN Thursday, December 13, 2018 04:06 AM +0530
திருத்தணி-அரக்கோணம் சாலையில் உள்ள கோட்ட செயற்பொறியாளர் அலுவலகத்தில் மின் நுகர்வோர் குறைதீர் கூட்டம் வியாழக்கிழமை (டிச.13) நடைபெற உள்ளதாக மின்வாரிய அதிகாரிகள் தெரிவித்தனர். 
திருத்தணி மின்வாரிய அலுவலகத்துக்கு உள்பட்ட திருத்தணி நகரம், பூனிமாங்காடு, கனகம்மாசத்திரம், கே.ஜி.கண்டிகை, ஆர்.கே.பேட்டை, பள்ளிப்பட்டு, பொதட்டூர்பேட்டை ஆகியவற்றை சுற்றியுள்ள பகுதிகளில் வசிக்கும் மின் நுகர்வோர், மின் விநியோகம் உள்ளிட்ட குறைகள் குறித்து இக்கூட்டத்தில் கோரிக்கை மனு அளிக்கலாம் என திருத்தணி கோட்ட மின்வாரிய செயற்பொறியாளர் கனகராஜன் தெரிவித்துள்ளார்.
 

]]>
http://www.dinamani.com/all-editions/edition-chennai/thiruvallur/2018/dec/13/இன்று-மின்-நுகர்வோர்-குறை-தீர்-கூட்டம்-3056895.html
3056894 சென்னை திருவள்ளூர் 5 இளம்பெண்கள் மாயம்: போலீஸார் விசாரணை DIN DIN Thursday, December 13, 2018 04:06 AM +0530
திருவள்ளூர் பகுதியில் ஒரே நாளில் 5 இளம்பெண்கள் காணாமல் போனதை அடுத்து போலீஸார் தீவிர விசாரணை நடத்தி வருகின்றனர்.
இதுகுறித்து வெள்ளவேடு போலீஸார் கூறியது:
திருவள்ளூர் அருகேயுள்ள கூடப்பாக்கம் கலெக்டர் நகரைச் சேர்ந்த துரை-கருப்பாயி தம்பதியின் 21 வயது மகள் சென்னை சைதாப்பேட்டையில் உள்ள தனியார் கல்லூரியில் பட்டப் படிப்பு படித்து வந்தார். செவ்வாய்க்கிழமை காலை கல்லூரிக்கு புறப்பட்டுச் சென்ற அவர் இரவு வீடு திரும்பவில்லை.
அதேபோல், சோழவரம் கன்னியம்பாளையம் பெருமாள் கோயில் தெருவைச் சேர்ந்த ராஜேந்திரனின் 17 வயது மகளும், எடப்பாளையம் கிராமத்தைச் சேர்ந்த முருகேசனின் 23 வயது மகளும், கவரப்பேட்டை அருகேயுள்ள பஞ்செட்டி கிராமத்தைச் சேர்ந்த விஜயலட்சுமியின் 24 வயது மகளும், பாதிரிவேடு, கண்ணன்கோட்டை கிராமத்தைச் சேர்ந்த பசுபதியின் 25 வயது மகள் ஆகியோர் காணவில்லை. காணாமல் போன இளம்பெண்கள் குறித்து பெற்றோர் அளித்த புகாரின்பேரில் வெள்ளவேடு போலீஸார் வழக்குப் பதிந்து தேடி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/dec/13/5-இளம்பெண்கள்-மாயம்-போலீஸார்-விசாரணை-3056894.html
3056867 சென்னை திருவள்ளூர் டிசம்பர் 13 மின் தடை DIN DIN Thursday, December 13, 2018 02:42 AM +0530 பொன்னேரி
நாள்: வியாழக்கிழமை (டிசம்பர் 13)  
நேரம்: காலை 10 முதல் மதியம் 2 மணி வரை. 
மின் தடை பகுதிகள்: பொன்னேரி, வேண்பாக்கம், வெள்ளோடை, ஏலியம்பேடு, தடப்பெரும்பாக்கம், சின்னக்காவனம், அரசூர், ஆலாடு, உத்தண்டி கண்டிகை,  எலவம்பேடு,  அனுப்பம்பட்டு, ஏ.ஆர். பாளையம், பெரும்பேடு மற்றும் அதைச் சுற்றியுள்ள பகுதிகள்.

]]>
http://www.dinamani.com/all-editions/edition-chennai/thiruvallur/2018/dec/13/டிசம்பர்-13-மின்-தடை-3056867.html
3056866 சென்னை திருவள்ளூர் லஞ்சம் பெற்ற காவல் உதவி ஆய்வாளருக்கு 7 ஆண்டு சிறை: மாவட்ட நீதிமன்றம் தீர்ப்பு DIN DIN Thursday, December 13, 2018 02:42 AM +0530 காவல் நிலையத்தில் வழக்குப் பதிவு செய்யாமல் இருக்க லஞ்சம் பெற்ற உதவி ஆய்வாளருக்கு ரூ.25 ஆயிரம் அபராதமும் 7 ஆண்டுகள் சிறைத் தண்டனையும் விதித்து திருவள்ளூர் மாவட்ட குற்றவியல் நீதிமன்றம் தீர்ப்பு வழங்கியது.
ஆவடியை அடுத்த திருமுல்லைவாயல் பெரியார் நகர் வெங்கடேஸ்வரா தெருவைச் சேர்ந்தவர் வடிவேல்(50). இவருக்கும், பக்கத்து வீட்டில் வசிக்கும் துரைராஜுக்கும் கழிவு நீர் தேங்கியது தொடர்பாக கடந்த 2010-இல் தகராறு ஏற்பட்டதாகக் கூறப்படுகிறது. 
இதுகுறித்து திருமுல்லைவாயல் காவல் நிலையத்தில் அப்போது உதவி ஆய்வாளராக இருந்த ஸ்டான்லி ஜோன்ஸிடம் (47) வடிவேல் புகார் செய்தார். அப்போது, இந்த வழக்கைப் பதிவு செய்யாமல் இருக்க, எதிர்த் தரப்பைச் சேர்ந்த துரைராஜிடம் உதவி ஆய்வாளர் ரூ.10 ஆயிரம் லஞ்சம் கேட்டாராம். 
இது தொடர்பாக துரைராஜ் சென்னை லஞ்ச ஒழிப்புத்துறை போலீஸாரிடம் புகார் செய்தார். அதைத்தொடர்ந்து, லஞ்ச ஒழிப்புத் துறை போலீஸாரின் அறிவுரைப்படி ரசாயனம்  தடவிய ரூபாய் நோட்டுக்களை, 2010 ஆகஸ்ட் 3-ஆம் தேதி உதவி ஆய்வாளரிடம் துரைராஜ் அளித்தாராம். அப்போது, மறைந்திருந்த லஞ்ச ஒழிப்பு போலீஸார் கையும் களவுமாக உதவி ஆய்வாளரை சுற்றி வளைத்துப் பிடித்தனர். 
இந்த வழக்கு திருவள்ளூர் மாவட்ட முதன்மை குற்றவியல் நீதிமன்றத்தில் நடைபெற்று வந்தது. இந்நிலையில்,  இறுதி கட்ட விசாரணை நீதிபதி டி.வி.மணி முன்னிலையில் செவ்வாய்க்
கிழமை நடைபெற்றது. 
இதில் உதவி ஆய்வாளர் ஸ்டான்லி ஜோன்ஸ் மீது குற்றம் நிரூபிக்கப்பட்டதை அடுத்து அவருக்கு 7 ஆண்டுகள் சிறைத் தண்டனையும், ரூ.25 ஆயிரம் அபராதமும் விதித்து நீதிபதி உத்தரவிட்டார். அதைத் தொடர்ந்து அவர்  புழல் சிறைக்கு அனுப்பப்பட்டார்.

]]>
http://www.dinamani.com/all-editions/edition-chennai/thiruvallur/2018/dec/13/லஞ்சம்-பெற்ற-காவல்-உதவி-ஆய்வாளருக்கு-7-ஆண்டு-சிறை-மாவட்ட-நீதிமன்றம்-தீர்ப்பு-3056866.html
3056865 சென்னை திருவள்ளூர் கருணாநிதி சிலை திறப்பு: திரளான இலக்கிய அணியினர் பங்கேற்க முடிவு DIN DIN Thursday, December 13, 2018 02:41 AM +0530 கருணாநிதி சிலை திறப்பு விழாவில்  திரளான இலக்கிய அணியினர் பங்கேற்பது என திருவள்ளூர் வடக்கு மாவட்ட திமுக இலக்கிய அணி ஆலோசனைக் கூட்டத்தில் முடிவு செய்யப்பட்டது. 
கும்மிடிப்பூண்டியை அடுத்த கவரப்பேட்டையில் திருவள்ளூர் வடக்கு மாவட்ட திமுக செயலர் கும்மிடிப்பூண்டி கி.வேணு தலைமையில்  செவ்வாய்க்கிழமை நடைபெற்ற ஆலோசனைக் கூட்டத்தில், வடக்கு மாவட்ட இலக்கிய அணிச் செயலர் தண்டலம் கிருஷ்ணமூர்த்தி வரவேற்றார்.
மாவட்ட அவைத் தலைவர் பகலவன், மாவட்ட துணைச் செயலர் மருத்துவர் பரிமளம், தலைமை செயற்குழு உறுப்பினர்கள் டி.ஜே.கோவிந்தராஜன், ஜெ.மூர்த்தி, பொதுக்குழு உறுப்பினர் பா.செ.குணசேகரன் ஆகியோர் முன்னிலை வகித்தனர்.
இதில், சிறப்பு அழைப்பாளராக அக்கட்சியின் மாநில இலக்கிய அணிச் செயலர் புலவர் இந்திரகுமாரி கலந்து கொண்டு திமுகவின் வளர்ச்சியில் இலக்கிய அணியின் பங்கு குறித்து பேசினார். 
இக்கூட்டத்தில் நிர்வாகிகளிடம் பதிவேடுகள் வழங்கப்பட்டன. மாவட்டச் செயலர் கும்மிடிப்பூண்டி கி.வேணு பேசுகையில்,  டிசம்பர் 16-இல் சென்னையில் நடைபெறவுள்ள முன்னாள் முதல்வர் கருணாநிதியின் சிலை திறப்பு விழாவில் இலக்கிய அணியினர் திரளாக பங்கேற்க வேண்டும் என்று கேட்டுக் கொண்டார். 
நிகழ்வில், இலக்கிய அணி மாவட்ட, ஒன்றிய, நகர, பேரூர் நிர்வாகிகள் மற்றும் திமுக ஒன்றிய துணைச் செயலர் திருமலை உள்ளிட்டோர் கலந்துகொண்டனர். இலக்கிய அணி நிர்வாகி ஜோதிலிங்கம் நன்றி கூறினார்.

]]>
http://www.dinamani.com/all-editions/edition-chennai/thiruvallur/2018/dec/13/கருணாநிதி-சிலை-திறப்பு-திரளான-இலக்கிய-அணியினர்-பங்கேற்க-முடிவு-3056865.html
3056863 சென்னை திருவள்ளூர் ஆதிதிராவிடர், பழங்குடியின இளைஞர்களுக்கு இலவச திறன் மேம்பாட்டு பயிற்சி DIN DIN Thursday, December 13, 2018 02:41 AM +0530 காலணிகள் தயாரிப்பு பயிற்சி நிலையத்தில் 6 மாத இலவச திறன் மேம்பாட்டு பயிற்சி பெற திருவள்ளூர் மாவட்டத்தைச் சேர்ந்த ஆதிதிராவிடர் மற்றும் பழங்குடியின இளைஞர்கள் விண்ணப்பிக்கலாம் என ஆட்சியர் மகேஸ்வரி ரவிகுமார் 
தெரிவித்துள்ளார். 
இது குறித்து அவர் புதன்கிழமை வெளியிட்ட செய்திக் குறிப்பு:  
சென்னை கிண்டியில் செயல்பட்டு வரும் மத்திய காலணிகள் தயாரிப்பு பயிற்சி நிலையத்தில் (C‌e‌n‌t‌r​a‌l F‌o‌o‌t‌w‌e​a‌r T‌r​a‌i‌n‌i‌n‌g I‌n‌s‌t‌i‌t‌u‌t‌e) தேசிய ஆதிதிராவிடர், பழங்குடியினர் மையம் மற்றும் தேசிய சிறு தொழில் கழகம் சார்பில் வேலைவாய்ப்பற்ற இளைஞர்களுக்கு இலவச திறன் மேம்பாட்டு பயிற்சி அளிக்கப்பட்டு வருகிறது. 
இதில் புதிய காலணிகளை வடிவமைத்தல், தயாரித்தல் தொடர்பாக 6 மாத இலவச பயிற்சி அளிக்கப்படும். 
இதில் பத்தாம் வகுப்பு தேர்ச்சி பெற்ற ஆதிதிராவிடர் மற்றும் பழங்குடியின மாணவர்கள் சேரலாம். அவர்களுக்கு உணவு, தங்குமிட வசதி இலவசமாக அளிக்கப்படும்.          
இப்பயிற்சி மத்திய காலணி பயிற்சி நிலையம், எண்: 65, ஜி.எஸ்.டி. சாலை, கிண்டி, சென்னை - 600 032 என்ற இடத்தில் நடைபெறும். 
மேலும் விவரங்களுக்கு, 9677943633, 9677943733 என்ற செல்லிடப்பேசி எண்களில் தொடர்பு கொண்டும், ‌w‌w‌w.​c‌f‌t‌i​c‌h‌e‌n‌n​a‌i.‌i‌n  என்ற இணையதள முகவரியிலும் அறிந்து கொள்ளலாம். 
இப்பயிற்சியில் ஈடுபடும் இளைஞர்களுக்கு மத்திய அரசின் சான்றிதழ் வழங்கப்படும் என அவர் தெரிவித்துள்ளார். 

]]>
http://www.dinamani.com/all-editions/edition-chennai/thiruvallur/2018/dec/13/ஆதிதிராவிடர்-பழங்குடியின-இளைஞர்களுக்கு-இலவச-திறன்-மேம்பாட்டு-பயிற்சி-3056863.html
3056860 சென்னை திருவள்ளூர் மாணவியருக்கு சுகாதாரம், சத்தான உணவு குறித்த விழிப்புணர்வு ஏற்படுத்த வேண்டும்: கல்வித் துறை அதிகாரி அறிவுறுத்தல் DIN DIN Thursday, December 13, 2018 02:40 AM +0530 அரசுப் பள்ளிகளில் மாணவியருக்கு சுகாதாரம், சத்தான உணவு குறித்த விழிப்புணர்வை ஆசிரியர்கள் ஏற்படுத்த வேண்டும் என அனைவருக்கும் இடைநிலைக் கல்வி திட்ட மாவட்ட  உதவி ஒருங்கிணைப்பாளர் ராமச்சந்திரன் கேட்டுக்கொண்டார்.
திருவள்ளூர் அருகே மணவாளநகர் நடேசன் செட்டியார் அரசு மேல்நிலைப் பள்ளி வளாகத்தில் மாணவியர், பெண் குழந்தைகளின் உடல் நலம், சரிவிகித சத்துணவு மற்றும் சுகாதாரம் குறித்த ஒருநாள் பயிற்சி முகாம் ஆசிரியைகளுக்கு புதன்கிழமை நடத்தப்பட்டது. பள்ளி தலைமை ஆசிரியர்  ஞானசேகரன் தலைமை வகித்தார்.   
இதில், ஒருங்கிணைந்த பள்ளிக் கல்வித் துறை (அனைவருக்கும் இடைநிலைக் கல்வி திட்டம்)  மாவட்ட திட்ட உதவி ஒருங்கிணைப்பாளர் ராமச்சந்திரன் முகாமை தொடங்கி வைத்துப் பேசியது: பள்ளிகளில் பயின்றுவரும் மாணவியரின் முக்கியத்துவம் உணர்ந்து சுகாதாரம் மற்றும் சரிவிகித சத்தான உணவு குறித்து ஆசிரிய, ஆசிரியைகள் விழிப்புணர்வு ஏற்படுத்த வேண்டும்.
குறிப்பாக இளம்வயது திருமணங்களால் பெண்கள் பலவீனம் அடைந்து வருகின்றனர். இதுபோன்ற  சூழல்களைத் தடுக்கவும், பெண்கள் ஆரோக்கியத்தைப் பேணவும் பள்ளிகள்தோறும் மாணவியரிடம் விழிப்புணர்வு ஏற்படுத்துவதுதான் மத்திய மனித வளத்துறையின் நோக்கமாகும். இதைக் கருத்தில்கொண்டு பள்ளிகளில் மாணவியருடன் நட்புணர்வுடன் ஆசிரியர்கள் பழக 
வேண்டும். 
காலை நேரத்தில் உணவு சாப்பிடாமல் வரும் மாணவியரை கண்டறிந்து அவர்கள் சத்தான உணவை உட்கொள்வது குறித்த விழிப்புணர்வை ஏற்படுத்த வேண்டும் என்றார் அவர்.
முகாமில், அனைவருக்கும் இடைநிலைக் கல்வி திட்ட முதுகலை ஆசிரியைகள் வேணி, வினோலீனா, சொர்ணலதா மற்றும் ஆசிரியர்கள் பிரபாகரன், கண்ணதாசன் ஆகியோர் கருத்தாளர்களாக பங்கேற்று விழிப்புணர்வுப் பயிற்சி அளித்தனர். இதில் திருவள்ளூர் கல்வி மாவட்டத்தைச் சேர்ந்த அரசு மேல்நிலைப் பள்ளி மற்றும் உயர்நிலைப் பள்ளி ஆசிரியைகள் கலந்து கொண்டனர்.
அதேபோல் திருவள்ளூர் மாவட்டத்தில் ஆவடி, அம்பத்தூர், திருத்தணி, பொன்னேரி ஆகிய பகுதிகளிலும் 242 பள்ளிகளைச் சேர்ந்த 484 ஆசிரியைகள் பயிற்சி முகாமில் பங்கேற்றனர்.

]]>
http://www.dinamani.com/all-editions/edition-chennai/thiruvallur/2018/dec/13/மாணவியருக்கு-சுகாதாரம்-சத்தான-உணவு-குறித்த-விழிப்புணர்வு-ஏற்படுத்த-வேண்டும்-கல்வித்-துறை-அதிகாரி-அ-3056860.html
3056458 சென்னை திருவள்ளூர் பிளாஸ்டிக் தடை விழிப்புணர்வுப் பேரணி DIN DIN Wednesday, December 12, 2018 08:49 AM +0530 கும்மிடிப்பூண்டி பேரூராட்சியில் அரசின் பிளாஸ்டிக் பயன்பாட்டுக்கான தடை குறித்த விழிப்புணர்வுப் பேரணி செவ்வாய்க்கிழமை கும்மிடிப்பூண்டியில் நடைபெற்றது.
2016-ஆம் முதல் தமிழக அரசு மறுசுழற்சி செய்ய இல்லாத பிளாஸ்டிக்கை தடை செய்வது குறித்து சட்டம் இயற்றி, அதை செயல்படுத்தியது. அத்துடன் வரும் 2019 ஜனவரி 1முதல் பிளாஸ்டிக் பொருள்களை முழுமையாகத் தடை செய்து தமிழக அரசு உத்தரவிட்டுள்ளது. இதுகுறித்து பொதுமக்களுக்கு விழிப்புணர்வு ஏற்படுத்தும் வகையில், பிளாஸ்டிக்கால் ஏற்படும் பாதிப்புகள் குறித்து கும்மிடிப்பூண்டி பேரூராட்சி சார்பில் விழிப்புணர்வுப் பேரணி நடத்தப்பட்டது.
இப்பேரணிக்கு பேரூராட்சி செயல் அலுவலர் எஸ்.கலாதரன் தலைமை வகித்தார். பேரூராட்சி இளநிலை உதவியாளர் நரேந்திரன், பதிவறை எழுத்தர் கருணாநிதி, துப்புரவு மேற்பார்வையாளர் கோபி, அலுவலக உதவியாளர் ரவி உள்ளிட்டோர் பங்கேற்றனர். பேரூராட்சி ஊழியர்கள், துப்புரவுப் பணியாளர்கள், மகளிர் சுய உதவிக் குழுக்களைச் சேர்ந்தவர்கள், பொது அமைப்பைச் சேர்ந்தவர்கள் என நூற்றுக்கும் மேற்பட்டவர்கள் இப்பேரணியில் பங்கேற்றனர். பேரணி கும்மிடிப்பூண்டி பேருந்து நிலையத்தில் இருந்து ஜி.என்.டி. சாலை வழியாக ரெட்டம்பேடு சாலை முதல் கும்மிடிப்பூண்டி பேரூராட்சி அலுவலகம் வரை நடைபெற்றது. பேரணியின்போது பேரூராட்சி அலுவலர்கள் பொதுமக்களுக்கு விழிப்புணர்வு துண்டுப் பிரசுரங்களை விநியோகம் செய்தனர்.
 

]]>
http://www.dinamani.com/all-editions/edition-chennai/thiruvallur/2018/dec/12/பிளாஸ்டிக்-தடை-விழிப்புணர்வுப்-பேரணி-3056458.html
3056452 சென்னை திருவள்ளூர் குடிநீர் கேட்டு பொதுமக்கள் சாலை மறியல் DIN DIN Wednesday, December 12, 2018 08:48 AM +0530 மத்தூர் கிராமத்தில் 40 நாள்களாக குடிநீர் விநியோகம் செய்யவில்லையெனவும், சீரான குடிநீர் விநியோகம் கோரியும் பொதுமக்கள் செவ்வாய்க்கிழமை சாலை மறியலில் ஈடுபட்டனர். 
திருத்தணியை அடுத்த மத்தூர் கிராமத்தில் உள்ள தங்க சாலைத் தெருவில் 150-க்கும் மேற்பட்ட வீடுகள் உள்ளன. இப்பகுதியில் கடந்த 40 நாள்களாக ஊராட்சி நிர்வாகம் குடிநீர் விநியோகம் செய்யவில்லை எனக் கூறப்படுகிறது. இதுகுறித்து சம்மந்தப்பட்ட ஊராட்சி மன்ற அதிகாரிகளிடம் புகார் தெரிவித்தும் நடவடிக்கை எடுக்கவில்லையாம். 
இதனால் ஆத்திரமடைந்த அப்பகுதி மக்கள் 80-க்கும் மேற்பட்டோர் திருத்தணி - மத்தூர் சாலையில் செவ்வாய்க்
கிழமை காலிக் குடங்களுடன் திடீர் சாலை மறியலில் ஈடுபட்டனர். தகவல் அறிந்ததும் திருத்தணி ஒன்றிய ஆணையர் பாபு, உதவி காவல் ஆய்வாளர்கள் குமார், சுகந்தி மற்ற போலீஸார், திருத்தணி வருவாய் ஆய்வாளர் ராஜேந்திரன் ஆகியோர் சென்று பொதுமக்களிடம் பேச்சுவார்த்தை நடத்தினர். உடனடியாக குடிநீர் கிடைக்க ஏற்பாடு செய்வதாக உறுதியளித்தனர். 
அப்போது, அப்பகுதியில் ரூ. 5 லட்சம் மதிப்பீட்டில் புதிதாக நிறுவப்பட்டுள்ள உயர் கோபுர மின் விளக்குகளை பயன்பாட்டுக்கு கொண்டு வர வேண்டும் எனவும் வலியுறுத்தினர். 
இதுகுறித்தும் நடவடிக்கை எடுப்பதாக அதிகாரிகள் கூறியதையடுத்து, பொதுமக்கள் கலைந்து சென்றனர்.

]]>
http://www.dinamani.com/all-editions/edition-chennai/thiruvallur/2018/dec/12/குடிநீர்-கேட்டு-பொதுமக்கள்-சாலை-மறியல்-3056452.html
3056184 சென்னை திருவள்ளூர் ஜெருசலேம் புனிதப் பயணம்: அரசின் நிதி உதவிக்கு விண்ணப்பிக்கலாம் DIN DIN Wednesday, December 12, 2018 01:59 AM +0530 ஜெருசலேம் புனிதப் பயணம் மேற்கொள்வதற்கு அரசின் நிதி உதவி ரூ.20 ஆயிரம் பெறுவதற்கு திருவள்ளூர் மாவட்டத்தைச் சேர்ந்த கிறிஸ்தவர்கள் விண்ணப்பிக்கலாம் என ஆட்சியர்  மகேஸ்வரி ரவிகுமார் தெரிவித்துள்ளார்.  
இதுகுறித்து அவர் செவ்வாய்க்கிழமை வெளியிட்ட செய்திக் குறிப்பு: தமிழகத்தைச் சேர்ந்த கிறிஸ்தவர்கள் பயன்பெறும் பல்வேறு திட்டங்கள் அரசால் செயல்படுத்தப்பட்டு வருகின்றன. அதேபோல், ஜெருசலேம் புனிதப் பயணம் மேற்கொள்ள நபர் ஒருவருக்கு ரூ.20 ஆயிரம் நிதி உதவி வழங்கும் திட்டம் செயல்படுத்தப்படுகிறது. எனவே இத்திட்டத்தில் பயன்பெற விரும்பும் கிறிஸ்தவர்கள் விண்ணப்பிக்கலாம்.
இப்புனிதப் பயணம் பெத்லஹேம், ஜெருசலேம், நாசரேத், ஜோர்டான் நதி, கலிலேயாசமுத்திரம் மற்றும் கிறிஸ்தவ மதம் தொடர்பான பிற புனிதத் தலங்களையும் உள்ளடக்கியது. இப்பயணம்  இம்மாதம் மேற்கொள்ள திட்டமிடப்பட்டுள்ளது. இந்தப் புனிதப் பயணம் 10 நாள்கள் கொண்டதாகும். 
விண்ணப்பப் படிவம்: இதற்கான விண்ணப்பப் படிவங்கள் திருவள்ளுர் மாவட்ட ஆட்சியர் அலுவலகத்தில் இயங்கும் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் கட்டணமின்றி பெறலாம். மேலும்,  ‌w‌w‌w.​b​c‌m​b​c‌m‌w.‌t‌n.‌g‌o‌v.‌i‌n என்ற இணையதள முகவரியிலும் படியிறக்கம் செய்து பயன்படுத்தலாம். 
மேலும், பூர்த்தி செய்யப்பட்ட விண்ணப்பங்களை தேவையான அனைத்து இணைப்புகளுடன் அஞ்சல் உறையில் "ஜெருசலேம் புனிதப் பயண விண்ணப்பம் என்று குறிப்பிட்டு, "மேலாண்மை இயக்குநர், தமிழ்நாடு சிறுபான்மையினர் பொருளாதார மேம்பாட்டுக் கழகம்,  கலச மஹால், பாரம்பரிய கட்டடம், முதல் தளம் சேப்பாக்கம், சென்னை-5' என்ற முகவரிக்கு கிடைக்குமாறு அனுப்பி வைக்க வேண்டும்.

]]>
http://www.dinamani.com/all-editions/edition-chennai/thiruvallur/2018/dec/12/ஜெருசலேம்-புனிதப்-பயணம்-அரசின்-நிதி-உதவிக்கு-விண்ணப்பிக்கலாம்-3056184.html
3056183 சென்னை திருவள்ளூர் பாரதியார் பிறந்த நாள் விழா DIN DIN Wednesday, December 12, 2018 01:59 AM +0530 திருவள்ளூர் அருகே சேவாலயா வளாகத்தில் மகாகவி பாரதியார் பிறந்த நாள் விழாவையொட்டி, நடத்தப்பட்ட பல்வேறு போட்டிகளில் சிறப்பிடம் பெற்ற மாணவ, மாணவியருக்கு பரிசு மற்றும் பாராட்டுச் சான்றிதழ்கள் வழங்கப்பட்டன. 
 திருவள்ளூர் அருகே கசுவா கிராமத்தில் சேவாலயா சார்பில் செயல்பட்டு வரும் பாரதியார் மேல்நிலைப் பள்ளி வளாகத்தில் பாரதியார் பிறந்த நாள் விழா செவ்வாய்க்கிழமை நடைபெற்றது. விழாவுக்கு, அறக்கட்டளை நிர்வாகி புவனேஸ்வரி முரளிதரன் தலைமை வகித்தார். இதில்  தனியார் கணிப்பொறி நிறுவனத்தின் முதன்மை அதிகாரி புவனேஸ்வரி சிறப்பு விருந்தினராகப் பங்கேற்றார். நிகழ்ச்சியில் பாரதியாரின் உருவப் படத்துக்கு, நிர்வாகிகள், மாணவ, மாணவியர் மாலை அணிவித்து, மரியாதை செய்தனர். தொடர்ந்து, ஓவியம், கவிதை, கட்டுரை மற்றும் வினாடி -வினா உள்ளிட்ட பல்வேறு போட்டிகள் நடத்தப்பட்டன. இதில், வெற்றி பெற்ற 40-க்கும் மேற்பட்ட மாணவ, மாணவியரைப் பாராட்டி, நினைவுப் பரிசுகள் மற்றும் பாரதியார் புத்தகங்கள் வழங்கப்பட்டன. 
ஊராட்சி ஒன்றிய நடுநிலைப் பள்ளியில்: திருவள்ளூர் அருகே புட்லூர் ஊராட்சி ஒன்றிய நடுநிலைப் பள்ளி வளாகத்தில் நடைபெற்ற நிகழ்ச்சிக்கு, தலைமை ஆசிரியர் இரா.தாஸ் தலைமை வகித்தார். பட்டதாரி ஆசிரியர் மாலா, பாரதியார் குறித்துப் பேசினார். விழாவை முன்னிட்டு மாணவ, மாணவியருக்கு பாரதியார் தலைப்பில் பேச்சு, கவிதை, பாடல் ஒப்பித்தல், பாரதியார் மாறுவேடம் உள்ளிட்ட பல்வேறு போட்டிகள் நடத்தப்பட்டன. இப்போட்டிகளில் வெற்றி பெற்ற மாணவ, மாணவியரைப் பாராட்டி, பரிசுகள் வழங்கப்பட்டன. 
ஸ்ரீநிகேதன் பள்ளியில்:  திருவள்ளூர் ஸ்ரீநிகேதன் பள்ளியில் நடைபெற்ற நிகழ்ச்சிக்கு, தாளாளர் விஷ்ணுசரண் தலைமை வகித்தார். இதில் பள்ளியின் இயக்குநர் பரணிதரன் முன்னிலை வகித்தார். விழாவில், திருக்குறள் உரையாசிரியர் வெற்றிவேல், திருக்குறள் தூதர் ம.சக்கரவர்த்தி ஆகியோர் கலந்து கொண்டனர். நிகழ்ச்சியில், 1,330 திருக்குறள்பாக்களையும் முற்றோதல் நிகழ்த்திய மாணவர்களுக்கு, திருக்குறள் ரத்னா விருதும், 500 திருக்குறள்பாக்கள் முடித்தவர்களுக்கு திருக்குறள் ஒளி விருதும், 100 திருக்குறள்பாக்கள் முடித்த மாணவர்களுக்கு, இளைய திருவள்ளுவர் விருதும் வழங்கப்பட்டன.

]]>
http://www.dinamani.com/all-editions/edition-chennai/thiruvallur/2018/dec/12/பாரதியார்-பிறந்த-நாள்-விழா-3056183.html
3056182 சென்னை திருவள்ளூர் ஆட்டோ - கார் மோதல்: 4 பெண்கள் உள்பட 9 பேர் காயம் DIN DIN Wednesday, December 12, 2018 01:58 AM +0530 திருவள்ளூர் அருகே ஆட்டோ, கார் மோதிய விபத்தில் 4 பெண்கள் உள்பட 9 பேர் பலத்த காயம் அடைந்தனர்.
இதுகுறித்து புல்லரம்பாக்கம் போலீஸார் தரப்பில் கூறியது: திருவள்ளூரில் இருந்து புல்லரம்பாக்கம் நோக்கி 8 பயணிகளுடன் செவ்வாய்க்கிழமை மாலையில் ஆட்டோ ஒன்று சென்று கொண்டிருந்தது. ஆட்டோவை விஜி  (30) என்பவர் ஓட்டினார். புல்லரம்பாக்கம் அருகே கோயில் நிறுத்தத்தில் பயணிகளை இறக்கிவிட்டுக் கொண்டிருந்தபோது, எதிரே ஊத்துக்கோட்டையில் இருந்து திருவள்ளூர் நோக்கிச் சென்ற கார்   மோதியது. 
இதில், ஆட்டோவில் பயணம் செய்த சிறுவானூர் கிராமத்தைச் சேர்ந்த பிளஸ் 2 மாணவி பிரீத்தா (17), புல்லரம்பாக்கத்தைச் சேர்ந்த வேலாயுதம் மனைவி விஜயா (52), அதே ஊரைச் சேர்ந்த தனியார் வங்கி ஊழியர் ராவணன் ராஜ்குமார் (40), ஆவேஷ் (25), சேகர் (35) ஆகியோர் காயம் அடைந்தனர். அதேபோல், ஊத்துக்கோட்டையில் இருந்து காரில் வந்த ஒரே குடும்பத்தைச் சேர்ந்த ஓட்டுநர் சிவசங்கர் (35), குருசாமி(60), மகள் அபிநயா பவானா(18) மற்றும் மருமகள் சித்ராதேவி(40) ஆகியோரும் காயம் அடைந்தனர்.  இதுகுறித்து புல்லரம்பாக்கம் போஸீஸார் வழக்குப் பதிந்து விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/12/ஆட்டோ---கார்-மோதல்-4-பெண்கள்-உள்பட-9-பேர்-காயம்-3056182.html
3056181 சென்னை திருவள்ளூர் திருத்தணி புதிய பேருந்து நிலையக் கட்டுமானப் பணிகள்: நகராட்சி நிர்வாக இயக்குநர் திடீர் ஆய்வு DIN DIN Wednesday, December 12, 2018 01:58 AM +0530 திருத்தணி நகராட்சியில் போக்குவரத்து பணிமனை அருகில் ரூ.20 கோடி மதிப்பீட்டில் கட்டப்பட உள்ள புதிய பேருந்து நிலையக் கட்டுமானப் பணிகளை நகராட்சி நிர்வாக இயக்குநர் இளங்கோவன் செவ்வாய்க்கிழமை திடீர் ஆய்வு செய்தார்.
திருத்தணி நகராட்சியில் உள்ள 21 வார்டுகளில் 14 ஆயிரம் குடும்பத்தினர் வசித்து வருகின்றனர். இங்குள்ள 193 தெருக்களில் சேரும் குப்பைகளை நகராட்சி துப்புரவு ஊழியர்கள் தினமும் அகற்றியும், கழிவுநீர் கால்வாய்களை சுத்தம் செய்தும் வருகின்றனர். 
இந்நிலையில், செங்கல்பட்டு மண்டல நகராட்சி நிர்வாக இயக்குநர் இளங்கோவன், திருத்தணி நகராட்சியில் செவ்வாய்க்கிழமை திடீர் ஆய்வு மேற்கொண்டார்.
அவர், வார்டுகளில் சேகரிக்கப்படும் குப்பைகள், பசுமை உரக்குடில் மற்றும் அரசுப் போக்குவரத்து பணிமனை அருகே புதிதாக ரூ.20 கோடியில் கட்டப்பட உள்ள நவீன பேருந்து நிலையம் ஆகியவற்றைப் பார்வையிட்டார். இந்த ஆய்வு குறித்து அவர் கூறியது:
நகராட்சியில் தற்போது 10 வார்டுகளில் ஒப்பந்த ஊழியர்கள் வீடு, வீடாகச் சென்று மக்கும் மற்றும் மக்காத குப்பைகளைத் தனித்தனியாக பிரித்துப் பெற்று வருகின்றனர்.  இம்மாத இறுதிக்குள் 21 வார்டுகளிலும் வீடு, வீடாகச் சென்று மக்கும், மக்காத குப்பைகளை தனித்தனியாக பிரித்து வாங்குவதற்கு நடவடிக்கை எடுக்க  ஆணையருக்கு அறிவுறுத்தப்பட்டுள்ளது.
புதிய பேருந்து நிலையம் அமையும் இடத்தில் உள்ள கற்களை அகற்றும் பணி துரிதமாக நடைபெற்று வருகிறது. இப்பணிகள் நிறைவடைந்ததும் புதிய பேருந்து நிலையம் கட்டுமானப் பணிகள் தொடங்கும் என்றார்.
நகராட்சி ஆணையர் கா. ராஜலட்சுமி, பொதுப்பணி மேற்பார்வையாளர் நீலநாராயணன், நகராட்சி சுகாதார ஆய்வாளர் மாரிமுத்து, துப்புரவு பணி மேற்பார்வையாளர்கள் மற்றும் நகராட்சி ஊழியர்கள் உடனிருந்தனர்.

]]>
http://www.dinamani.com/all-editions/edition-chennai/thiruvallur/2018/dec/12/திருத்தணி-புதிய-பேருந்து-நிலையக்-கட்டுமானப்-பணிகள்-நகராட்சி-நிர்வாக-இயக்குநர்-திடீர்-ஆய்வு-3056181.html
3055641 சென்னை திருவள்ளூர் டிசம்பர் 12 மின் தடை DIN DIN Tuesday, December 11, 2018 06:24 AM +0530 திருத்தணி
நாள்: புதன்கிழமை (டிசம்பர் 12)
நேரம்: காலை 9 முதல் மாலை 5 மணி வரை.
 மின்தடை பகுதிகள்: திருத்தணி நகரம், அகூர், பொன்பாடி, லட்சுமாபுரம், சின்னகடம்பூர், மத்தூர், பூனிமாங்காடு, என்.என்.கண்டிகை, வெங்கடாபுரம், சிவாட்டா, அத்திமாஞ்சேரி பேட்டை, கர்லம்பாக்கம், பெருமாநல்லூர், நொச்சிலி, கோணசமுத்திரம், பள்ளிப்பட்டு, சாணாகுப்பம், நெடியம், புண்ணியம், பொதட்டூர்பேட்டை, சொரக்காய்பேட்டை, காக்களூர், பாண்டாரவேடு, மேலப்பூடி, கொளத்தூர் மற்றும் அதைச் சுற்றியுள்ள பகுதிகள்.
 

]]>
http://www.dinamani.com/all-editions/edition-chennai/thiruvallur/2018/dec/11/டிசம்பர்-12-மின்-தடை-3055641.html
3055640 சென்னை திருவள்ளூர் மாணவ, மாணவியர் நடத்திய பிளாஸ்டிக் ஒழிப்பு விழிப்புணர்வு பேரணி DIN DIN Tuesday, December 11, 2018 06:23 AM +0530 திருவள்ளூரில் சுற்றுச்சூழலுக்கு பாதிப்பை ஏற்படுத்தும் பிளாஸ்டிக் பைகளை தவிர்ப்பது குறித்து பொதுமக்களுக்கு விழிப்புணர்வு ஏற்படுத்தும் வகையில் மாணவ, மாணவியர் நடத்திய பேரணியை மாவட்ட ஆட்சியர் மகேஸ்வரி ரவிகுமார் திங்கள்கிழமை தொடங்கி வைத்தார். 
தமிழகத்தில் வரும் 2019 -ஆம் 
ஆண்டு ஜனவரி 1-ஆம் தேதி முதல், சுற்றுச்சூழலுக்கு பாதிப்பை ஏற்படுத்தும் பிளாஸ்டிக் பொருள்களை உற்பத்தி செய்யவும், சேமிக்கவும், எடுத்துச் செல்லவும்,   விற்பனை செய்யவும் அரசு தடைவிதித்துள்ளது. பிளாஸ்டிக் ஒழிப்பு குறித்து விழிப்புணர்வு ஏற்படுத்த பல்வேறு நிகழ்ச்சிகள் நடத்தப்படுகிறது.
இதன் அடிப்படையில், திருவள்ளூர் மாவட்ட ஆட்சியர் அலுவலக வளாகத்தில் மாணவ, மாணவியர் சார்பில் திங்கள்கிழமை நடைபெற்ற பேரணியை ஆட்சியர் மகேஸ்வரி ரவிகுமார் கொடியசைத்து தொடங்கி வைத்தார். அத்துடன், அவரும் மாணவ, மாணவியருடன் நடந்து சென்றார். இப்பேரணி ஆட்சியர் அலுவலக வளாகத்தில் தொடங்கி, ஜே.என்.சாலை, பேருந்து நிலையச் சாலை உள்ளிட்ட வழியாகச் சென்று வட்டாட்சியர் அலுவலக வளாகத்தில் நிறைவு பெற்றது. இதில்,  ஒருமுறை பயன்படுத்தி தூக்கியெறியும் பிளாஸ்டிக் பைகள், பிளாஸ்டிக் தட்டுகள், பிளாஸ்டிக் பூசப்பட்ட தேநீர் கப்புகள், தண்ணீர் பாக்கெட்டுகள் போன்ற தடை செய்யப்பட்ட பிளாஸ்டிக் பொருள்களின் உபயோகத்தைத் தவிர்த்து பிளாஸ்டிக் மாசு இல்லாத திருவள்ளூர் மாவட்டத்தை உருவாக்க வேண்டும் என்ற வாசகங்கள் அடங்கிய விழிப்புணர்வு பதாகைகளை மாணவ, மாணவியர் ஏந்திச் சென்றனர்.  
இதில், சார் ஆட்சியர் ரத்னா, சுற்றுச்சூழல் பொறியாளர் கிருபானந்தராஜன், நகராட்சி ஆணையாளர் முருகேசன், வட்டாட்சியர் சீனிவாசன், முதன்மைக் கல்வி அலுவலரின் நேர்முக உதவியாளர் திருவரசு, நகராட்சி சுகாதார அலுவலர் கோவிந்தராஜ் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/11/மாணவ-மாணவியர்-நடத்திய-பிளாஸ்டிக்-ஒழிப்பு-விழிப்புணர்வு-பேரணி-3055640.html
3055639 சென்னை திருவள்ளூர் ரூ.3.16 கோடியில் ஆவடி நகராட்சியில் 5 பூங்காக்கள்: அமைச்சர் க.பாண்டியராஜன் திறப்பு DIN DIN Tuesday, December 11, 2018 06:23 AM +0530 ஆவடி நகராட்சியில் மத்திய அரசு நிதி உதவியுடன் ரூ.3.16 கோடி
யில் 5 பூங்காக்களை பொதுமக்களின் பயன்பாட்டுக்காக தமிழ் வளர்ச்சி மற்றும் தொல்லியல் துறை அமைச்சர் க.பாண்டியராஜன் திங்கள்கிழமை திறந்து வைத்தார்.
ஆவடி நகராட்சி பகுதிகளில் மத்திய, மாநில அரசு நிதி உதவியுடன், அம்ரூத் திட்டம் சார்பில் உருவான 5 பூங்காக்கள் திறப்பு விழா மற்றும்  குப்பைகளை அகற்றும் இலகுரக வாகனங்களை தொடங்கி வைக்கும் விழா ஆகியவை திங்கள்கிழமை நடைபெற்றன. நிகழ்ச்சிக்கு  ஆட்சியர் மகேஸ்வரி ரவிகுமார் தலைமை வகித்தார்.
இதில் சிறப்பு விருந்தினராக தமிழ் வளர்ச்சி மற்றும் தொல்லியல் துறை அமைச்சர் க.பாண்டியராஜன் பங்கேற்று பொதுமக்களின் பயன்பாட்டுக்காக பூங்காக்களை திறந்து வைத்துப் பேசியது: ஆவடி பெருநகராட்சியில் அம்ரூத் திட்டம் சார்பில் 5 பூங்காக்களை மேம்படுத்தும் பணிக்காக ரூ.3.16 கோடி நிதி ஒதுக்கப்பட்டது.  இப்பூங்காக்களில், நடை பயிற்சி பாதை வசதி, குழந்தைகளுக்கான சறுக்கு விளையாட்டு, ஊஞ்சல்கள் மற்றும் பல விளையாட்டு உபகரணங்கள், இளைப்பாரும் இருக்கைகள், மின் விளக்குகள் போன்றவை அமைக்கப்பட்டுள்ளன.
 இந்த பூங்காக்கள், ஆவடி நகராட்சி அந்தோணி நகர் வார்டு எண்: 13-இல் ரூ.60 லட்சத்திலும், வீட்டு வசதி வாரியம் வார்டு எண்: 18-இல் ரூ. 63 லட்சத்திலும்,  பருத்திப்பட்டு லாசர் நகர் வார்டு எண்: 27-இல் ரூ. 44 லட்சத்திலும், பாலாஜி நகர் வார்டு எண்: 36-இல் ரூ. 59 லட்சத்திலும்,  ஸ்ரீராம் நகர் வார்டு எண்: 16-இல் ரூ. 90 லட்சத்திலும் பணிகள் முடிந்த நிலையில், பொதுமக்களின் பயன்பாட்டுக்காக திறந்து வைக்கப்பட்டுள்ளன என்றார்.   
அதைத் தொடர்ந்து, திடக்கழிவு மேலாண்மைத் திட்டம் மூலம் குப்பை அள்ளும் பணிக்காக ரூ.1.51 கோடியில் 27 இலகுரக வாகனங்களை அவர் கொடியசைத்து தொடங்கி வைத்தார். 
இந்த நிகழ்ச்சியில் அம்பத்தூர் சட்டப்பேரவை உறுப்பினர் வி.அலெக்சாண்டர், ஆவடி நகராட்சி ஆணையர் மு.ஜோதிகுமார், நகராட்சி பொறியாளர் க.வைத்தியலிங்கம் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/11/ரூ316-கோடியில்-ஆவடி-நகராட்சியில்-5-பூங்காக்கள்-அமைச்சர்-கபாண்டியராஜன்-திறப்பு-3055639.html
3055638 சென்னை திருவள்ளூர் குறைதீர் கூட்டத்தில்  362 மனுக்கள் ஏற்பு DIN DIN Tuesday, December 11, 2018 06:23 AM +0530 மக்கள் குறைதீர் கூட்டத்தில் பல்வேறு பகுதிகளைச் சேர்ந்த பொதுமக்கள் அளித்த 362 மனுக்களை திருவள்ளூர் சார் ஆட்சியர் ரத்னா பெற்றுக்கொண்டார். 
திருவள்ளூர் மாவட்ட ஆட்சியர் வளர்ச்சி மன்றக் கூட்டத்தில் பொதுமக்கள் குறைதீர் கூட்டம் திங்கள்கிழமை நடைபெற்றது. இக்கூட்டத்துக்கு சார்-ஆட்சியர் ரத்னா தலைமை வகித்தார். இதில், மாவட்டத்தின் பல்வேறு பகுதிகளிலிருந்து வந்த பொதுமக்கள் தங்களது தனிப்பட்ட குறைகளை நிவர்த்தி செய்யவும், உதவிகள் வழங்கக் கோரியும் அவரிடம் மனுக்களை அளித்தனர். 
அந்த வகையில் நிலம் சம்பந்தமாக-95, சமூக பாதுகாப்புத் திட்டம்-70, குடும்ப அட்டை-9, கடனுதவி-15, வேலைவாய்ப்பு-31, ஆதிதிராவிடர் மற்றும் பிற்படுத்தப்பட்டோர் நலம்-28, சட்டம் மற்றும் ஒழுங்கு-18, அடிப்படை வசதி, போக்குவரத்து மற்றும் சுகாதாரம்-6, ஊரக நகர்ப்புற வளர்ச்சி-15, இதரதுறைகள் -75 என மொத்தம் 362 மனுக்கள் பெறப்பட்டன.  
இதில், ஊரக வளர்ச்சி முகமை திட்ட இயக்குநர் ச.சா.குமார், மாவட்ட வருவாய் அலுவலர் (தேசிய நெடுஞ்சாலை-205) ம.கருப்பையா, மாவட்ட ஆட்சியரின் நேர்முக உதவியாளர் (பொது) பன்னீர்செல்வம் உள்ளிட்டோர் கலந்து கொண்டனர். 

]]>
http://www.dinamani.com/all-editions/edition-chennai/thiruvallur/2018/dec/11/குறைதீர்-கூட்டத்தில்--362-மனுக்கள்-ஏற்பு-3055638.html
3055637 சென்னை திருவள்ளூர் பால் உற்பத்தியை பெருக்க ஆலோசனைக் கூட்டம் DIN DIN Tuesday, December 11, 2018 06:22 AM +0530 திருத்தணி அருகே, கே.ஜி.கண்டிகையில் திங்கள்கிழமை நடைபெற்ற பால் உற்பத்தியாளர்கள் சங்கக் கூட்டத்தில் பால் உற்பத்தியை பெருக்குதல், கால்நடைகளை பராமரித்தல் குறித்து ஆலோசனைகள் வழங்கப்பட்டன.
திருத்தணி, ஆர்.கே.பேட்டை, பள்ளிப்பட்டு ஆகிய பகுதியைச் சேர்ந்த பால் உற்பத்தியாளர்கள் சங்கச் செயலர்களின் கூட்டம் கே.ஜி கண்டிகையில் திங்கள்கிழமை நடைபெற்றது.
இக்கூட்டத்துக்கு திருவள்ளூர் பால்வள துணைப் பதிவாளர் ஆர்.சந்திரசேகர் தலைமை வகித்தார். பால்வள முதுநிலை ஆய்வாளர் சி. சோமசுந்தரம் வரவேற்றார். காஞ்சிபுரம் - திருவள்ளூர் ஆவின் மேலாளர் அனீஸ் ஆனந்த்பால் முன்னிலை வகித்தார்.  
இதில், பால் உற்பத்தியை எவ்வாறு பெருக்குவது, கால்நடைகளை எவ்வாறு பராமரிப்பது, கால்நடைகளுக்கு வழங்கப்படும் தீவனம், தாதுஉப்புகளின் பயன்கள், சங்கத்தை எவ்வாறு வளர்ச்சிப் பாதைக்கு கொண்டு செல்வது ஆகியவை குறித்து ஆலோசனைகள் வழங்கப்பட்டன. நிகழ்வில், பால் உற்பத்தியாளர்கள் சங்கத் தலைவர்கள் மற்றும் செயலர்கள் பங்கேற்றனர். காஞ்சிபுரம் - திருவள்ளூர் ஆவின் விரிவாக்க அலுவலர் சிவஞானம் நன்றி கூறினார்.


 

]]>
http://www.dinamani.com/all-editions/edition-chennai/thiruvallur/2018/dec/11/பால்-உற்பத்தியை-பெருக்க-ஆலோசனைக்-கூட்டம்-3055637.html
3055636 சென்னை திருவள்ளூர் கஜா புயல் பாதிப்பு: அரசுப் பள்ளி மாணவர்கள் உதவி DIN DIN Tuesday, December 11, 2018 06:22 AM +0530 ஆற்காடுகுப்பம் அரசு மேல்நிலைப் பள்ளி மாணவர்கள் கஜா புயல்  நிவாரண நிதியாக ரூ.3,640 -ஐ மாவட்ட கல்வி அலுவலரிடம் திங்கள்கிழமை நேரில் வழங்கினர்.
திருத்தணியை அடுத்த ஆற்காடுகுப்பம் அரசு மேல்நிலைப் பள்ளியில் 611 மாணவ - மாணவியர் படித்து வருகின்றனர். இவர்கள் கடந்த மாதம் கஜா புயலால் பாதிக்கப்பட்டவர்களுக்கு உதவும் வகையில், தங்களால் இயன்ற சிறு தொகையைத் திரட்டி ரூ.3,640-ஐ தலைமை ஆசிரியை தமிழ்ச்செல்வியிடம் அளித்தனர்.  
தொடர்ந்து, இந்த தொகையை தலைமை ஆசிரியை முன்னிலையில் மாணவர்கள் திருத்தணி கல்வி மாவட்ட அலுவலர் முனிசுப்பராயனிடம் திங்கள்கிழமை வழங்கினர். நிவாரண நிதி சேகரித்த மாணவ - மாணவியரை மாவட்ட கல்வி அலுவலர் பாராட்டினார். நிகழ்ச்சியில், ஆசிரியர்கள் முரளிதர், செந்தில்நாதன், கார்த்திக், தரணிபாபு, கண்ணதாசன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-chennai/thiruvallur/2018/dec/11/கஜா-புயல்-பாதிப்பு-அரசுப்-பள்ளி-மாணவர்கள்-உதவி-3055636.html
3055635 சென்னை திருவள்ளூர் இருசக்கர வாகன விபத்தில் தையல் தொழிலாளி சாவு DIN DIN Tuesday, December 11, 2018 06:22 AM +0530 இருசக்கர வாகனத்தில் வேகமாக வந்த தையல் தொழிலாளி சாலையோர வளைவில் திரும்பியபோது, வாகனம் கவிழ்ந்ததில் அவர் சம்பவ இடத்திலேயே இறந்தார்.
திருத்தணியை அடுத்த சத்திரஞ்ஜெயபுரம் கிராமத்தைச் சேர்ந்தவர் லோகநாதன்(43). அவர் திருத்தணியில் உள்ள தனியார் ஆடை ஏற்றுமதி நிறுவனத்தில் தையல் தொழிலாளியாகப் பணியாற்றி வந்தார்.
 அவர் திங்கள்கிழமை காலை வழக்கம் போல் வீட்டில் இருந்து வேலைக்கு தனது இருசக்கர வாகனத்தில் திருத்தணி நோக்கி வேகமாக வந்து கொண்டிருந்தார்.
அப்போது, நல்லாட்டூர் கூட்டுச்சாலை அருகே, அவர் நிலைதடுமாறி வாகனத்துடன் சாலையோரப் பள்ளத்தில் விழுந்தார். இதில், தலையில் பலத்த காயமடைந்த அவரை சிகிச்சைக்காக திருத்தணி அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி லோகநாதன் இறந்தார். இது தொடர்பாக திருத்தணி போலீஸார் வழக்குப் பதிவு செய்து, விசாரித்து வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/dec/11/இருசக்கர-வாகன-விபத்தில்-தையல்-தொழிலாளி-சாவு-3055635.html
3055634 சென்னை திருவள்ளூர் பல்பொருள் அங்காடியில் பூட்டை உடைத்து திருட்டு DIN DIN Tuesday, December 11, 2018 06:22 AM +0530 திருவள்ளூர் அருகே பல்பொருள் அங்காடியில்  பூட்டை உடைத்து ரூ.12 ஆயிரம் ரொக்கம் மற்றும் ரூ.40 ஆயிரம் மதிப்பிலான பொருள்களை திருடிச் சென்றவர்கள் குறித்து போலீஸார் விசாரணை நடத்தி வருகின்றனர். 
  இது குறித்து செவ்வாப்பேட்டை போலீஸார் கூறியது: செவ்வாப்பேட்டை ஐ.சி.எப். காலனியைச் சேர்ந்தவர் கிறிஸ்டோபர்(48). இவர் சி.டி.எச். சாலையில் பல்பொருள் அங்காடி நடத்தி வருகிறார். இந்த நிலையில் சனிக்கிழமை இரவு வியாபாரம் முடிந்ததும் அங்காடி ஷட்டரை பூட்டிவிட்டு வீட்டுக்குச் சென்றார். தொடர்ந்து, ஞாயிற்றுக்கிழமை காலை பால்போடும் முகவர் வந்தபோது, அங்காடியின் பூட்டு உடைந்திருப்பதைக் கண்டு கிறிஸ்டோபருக்கு தகவல்  தெரிவித்துள்ளார். கிறிஸ்டோபர் வந்து பார்த்தபோது கடையில் இருந்த ரூ.12 ஆயிரம் ரொக்கம், ரூ.40 ஆயிரம் மதிப்பிலான செல்லிடப்பேசிகள் மற்றும் மளிகைப் பொருள்கள் திருடு போயிருந்தது தெரியவந்தது. இது குறித்து கிறிஸ்டோபர் செவ்வாப்பேட்டை காவல் நிலையத்தில் புகார் செய்தார். காவல் ஆய்வாளர் முருகன் மற்றும் போலீஸார் வழக்குப் பதிந்து மர்ம நபர்களை தேடி வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/11/பல்பொருள்-அங்காடியில்-பூட்டை-உடைத்து-திருட்டு-3055634.html
3055503 சென்னை திருவள்ளூர் ரஜினி பிறந்த நாள் விழா: பொதுமக்களுக்கு நல உதவிகள் DIN DIN Tuesday, December 11, 2018 03:35 AM +0530 ரஜினி மக்கள் மன்றம் சார்பில் நடிகர் ரஜினிகாந்தின் பிறந்த நாள் விழா திங்கள்கிழமை கொண்டாடப்பட்டது. 
திருவள்ளூர் மாவட்ட வர்த்தகர் அணி மற்றும் சோழவரம் ஒன்றிய ரஜினி மக்கள் மன்றம் சார்பில் நடைபெற்ற விழாவுக்கு சோழவரம் ஒன்றிய செயலர் டி.காசிராஜன் தலைமை வகித்தார். திருவள்ளூர் மாவட்ட செயலர் எஸ்.சுந்தரமூர்த்தி சிறப்பு அழைப்பாளராக கலந்து கொண்டு விழாவை தொடங்கி வைத்தார். 
மாவட்ட வர்த்தக அணி செயலர் யு.கியான்சந்த், மாவட்ட தொழிலாளர் அணி செயலர் எம்.ரஜினிகண்ணன், மாவட்ட துணைச் செயலர் எஸ்.எம்.கே.அன்சாரி ஆகியோர் முன்னிலை வகித்தனர். இதில், 5 அரசுப் பள்ளிகளுக்கு பீரோக்கள், செங்குன்றம் அரசு மேல்நிலைப் பள்ளியில் கழிப்பறைகளை பராமரிக்கும் பணிக்காக ரூ.50 ஆயிரம் மற்றும் ஏழை பெண்களுக்கு தையல் இயந்திரங்கள் உள்ளிட்ட பல்வேறு நல உதவிகள் வழங்கப்பட்டன. விழாவில், மாவட்ட இணைச் செயலர்கள் சி.பி.ரமேஷ்குமார், ஆர்.சி.சேகர், மாவட்ட விவசாய அணி செயலர் ஏ.கே.ரமேஷ் உள்ளிட்டோர் கலந்து கொண்டனர்.
 

]]>
http://images.dinamani.com/uploads/user/imagelibrary/2018/12/11/w600X390/help.JPG http://www.dinamani.com/all-editions/edition-chennai/thiruvallur/2018/dec/11/ரஜினி-பிறந்த-நாள்-விழா-பொதுமக்களுக்கு-நல-உதவிகள்-3055503.html
3055492 சென்னை திருவள்ளூர் கருணாநிதி சிலை திறப்பு: 500 வாகனங்களில் செல்ல திமுக முடிவு DIN DIN Tuesday, December 11, 2018 03:31 AM +0530
சென்னை அண்ணா அறிவாலயத்தில் டிச. 16 -இல் திறக்கப்பட உள்ள முன்னாள் முதல்வர் கருணாநிதியின் சிலைத் திறப்பு விழாவுக்கு 500 வாகனங்களில் கட்சியினர் செல்லவேண்டும் என திமுக செயற்குழுக் கூட்டத்தில் தெரிவிக்கப்பட்டது. 
திருவள்ளூர் வடக்கு மாவட்ட திமுக சார்பில் மாவட்ட செயற்குழுக் கூட்டம் கும்மிடிப்பூண்டியை அடுத்த கவரைப்பேட்டையில் திங்கள்கிழமை நடைபெற்றது.
கூட்டத்துக்கு மாவட்ட அவைத்தலைவர் மு.பகலவன் தலைமை வகித்தார். தலைமை செயற்குழு உறுப்பினர் டி.ஜே.கோவிந்தராஜன், மாவட்ட நிர்வாகி கதிரவன், நெசவாளர் அணி மாநில நிர்வாகி நாகலிங்கம் உள்ளிட்டோர் பங்கேற்றுப் பேசினர்.
இதில் சிறப்பு அழைப்பாளராக திருவள்ளூர் வடக்கு மாவட்ட திமுக செயலர் கும்மிடிப்பூண்டி கி.வேணு பேசியது:
வரும் 16 -ஆம் தேதி சென்னை அறிவாலயத்தில் திறக்கப்பட உள்ள கட்சியின் முன்னாள் தலைவர் கருணாநிதியின் சிலைத் திறப்பு விழாவுக்கு திருவள்ளூர் வடக்கு மாவட்டத்தில் இருந்து 500 வாகனங்களில் தொண்டர்கள் சென்று பெரும் திரளாக கலந்து கொள்ள வேண்டும் என்றார் அவர்.
இக்கூட்டத்தில், கஜா புயலால் பாதிக்கப்பட்ட டெல்டா மக்களின் நிவாரணத்துக்காக கட்சி சார்பாகவும், கட்சியின் எம்எல்ஏ, எம்.பி.க்களின் ஒரு மாத ஊதியத்தையும் சேர்த்து ரூ.2 கோடியை அரசிடம் ஒப்படைக்கவும், திமுகவின் பல்வேறு மாவட்டங்கள் சார்பாக ரூ.50 கோடி மதிப்புள்ள நிவாரணப் பொருள்களை மக்களுக்கு வழங்கவும் நடவடிக்கை எடுத்த தலைவர் மு.க.ஸ்டாலினுக்கு பாராட்டு தெரிவித்தும் பல்வேறு தீர்மானங்கள் நிறைவேற்றப்பட்டன. மேலும், கர்நாடக அரசு காவிரி ஆற்றின் குறுக்கே மேக்கே தாட்டு அணையைக் கட்ட ஒப்புதல் அளித்த மத்திய அரசை கண்டித்தும் தீர்மானம் நிறைவேற்றப்பட்டது. கீழ்முதலம்பேடு ஊராட்சி செயலர் கே.ஜி.கோபால் நன்றி கூறினார்.

]]>
http://images.dinamani.com/uploads/user/imagelibrary/2018/12/11/w600X390/dmk.JPG http://www.dinamani.com/all-editions/edition-chennai/thiruvallur/2018/dec/11/கருணாநிதி-சிலை-திறப்பு-500-வாகனங்களில்-செல்ல-திமுக-முடிவு-3055492.html
3055491 சென்னை திருவள்ளூர் அரசுக் கல்லூரியில் அடிப்படை வசதி கோரி மாணவர்கள் போராட்டம் DIN DIN Tuesday, December 11, 2018 03:31 AM +0530
பொன்னேரியில் உள்ள அரசுக் கல்லூரியில் குடிநீர், கழிப்பறை உள்ளிட்ட அடிப்படை வசதிகளை செய்து தர வலியுறுத்தி மாணவர்கள் வகுப்புகளை புறக்கணித்து திங்கள்கிழமை போராட்டத்தில் ஈடுபட்டனர். 
திருவள்ளூர் மாவட்டம், பொன்னேரியில் உலகநாத நாராயணசாமி அரசு கலை மற்றும் அறிவியல் கல்லூரி அமைந்துள்ளது. இங்கு 4 ஆயிரத்துக்கும் மேற்பட்ட மாணவ, மாணவியர் படித்து வருகின்றனர். 
பிற மாவட்டங்களைச் சேர்ந்த மாணவர்களும் அங்குள்ள விடுதியில் தங்கிப் படித்து வருகின்றனர். இந்நிலையில், மாணவர்களுக்கு போதுமான குடிநீர், கழிப்பறை உள்ளிட்ட அடிப்படை வசதிகள் செய்து தரப்படவில்லை. பல்வேறு பகுதிகளில் இருந்து வரும் மாணவர்களுக்கு பேருந்துகளில் இலவசமாக பயணம் செய்ய அடையாள அட்டை வழங்கப்படவில்லை. அரசு வழங்கும் கல்வி உதவித் தொகையும் வழங்கப்படவில்லை என பல்வேறு கோரிக்கைகளை வலியுறுத்தி மாணவர்கள் வகுப்புகளை புறக்கணித்து, கல்லூரி வளாகத்தின் உள்ளே போராட்டத்தில் ஈடுபட்டனர். இப்போராட்டத்தை இந்திய மாணவர் சங்க அமைப்பினர் ஒருங்கிணைத்தனர்.

]]>
http://images.dinamani.com/uploads/user/imagelibrary/2018/12/11/w600X390/student1.JPG http://www.dinamani.com/all-editions/edition-chennai/thiruvallur/2018/dec/11/அரசுக்-கல்லூரியில்-அடிப்படை-வசதி-கோரி-மாணவர்கள்-போராட்டம்-3055491.html
3055490 சென்னை திருவள்ளூர் புழல் சிறையில் பெண் நக்ஸலைட் உடல்நலக்குறைவு: மருத்துவமனையில் அனுமதி DIN DIN Tuesday, December 11, 2018 03:30 AM +0530
புழல் மத்திய சிறையில் இருந்த பெண் நக்சலைட் திடீர் உடல் நலக்குறைவு காரணமாக மருத்துவமனையில் திங்கள்கிழமை அனுமதிக்கப்பட்டுள்ளார். 
மதுரை பி.பி.குளம் மூவேந்தர் நகரை சேர்ந்தவர் சத்யப்பிரியா (எ) பத்மா(48). பெண் நக்ஸலைட்டான இவரை கடந்த 8 ஆண்டுகளாக போலீஸார் தேடி வந்தனர். 
இந்நிலையில், கடந்த 7-ஆம் தேதி பூந்தமல்லி நீதிமன்றத்தில் பத்மா சரண் அடைந்தார். இதையடுத்து, இவர் புழல் மத்திய சிறையில் அடைக்கப்பட்டிருந்தார். திங்கள்கிழமை திடீர் உடல் நலக் குறைவு காரணமாக அவதிப்பட்ட இவரை போலீஸார் பாதுகாப்புடன் சென்னை ஸ்டான்லி அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

]]>
http://www.dinamani.com/all-editions/edition-chennai/thiruvallur/2018/dec/11/புழல்-சிறையில்-பெண்-நக்ஸலைட்-உடல்நலக்குறைவு-மருத்துவமனையில்-அனுமதி-3055490.html
3054957 சென்னை திருவள்ளூர் இலவச ஆம்புலன்ஸ் சேவை முகாம் DIN DIN Monday, December 10, 2018 05:01 AM +0530 திருவள்ளூர் அருகே சேவாலயா சார்பில் பொதுமக்களுக்கு இலவச ஆம்புலன்ஸ் சேவை முகாம் சனிக்கிழமை தொடங்கி வைக்கப்பட்டது. 
திருவள்ளூர் அருகே உள்ள கசுவா கிராமத்தில் சேவாலயா சார்பில் பாரதியார் மேல்நிலைப்பள்ளி செயல்பட்டு வருகிறது. இப்பள்ளியில் 2,100க்கும் மேற்பட்ட மாணவ, மாணவியர் உள்ளனர். 
தனியார் நிறுவனம் சார்பில் இவர்களின் பயன்பாட்டுக்காக இப்பள்ளி வளாகத்தில் 12 சுகாதார வளாகங்கள் அமைத்துக் கொடுக்கப்பட்டுள்ளன. அதேபோல் வாடாநல்லூர் கிராமத்தில் அமைந்துள்ள மருத்துவ மையம் சார்பில் இலவச ஆம்புலன்ஸ் சேவை முகாமை தனியார் நிறுவனத்தின் முதன்மை நிதி அதிகாரி டாங் சப் யூன் சனிக்கிழமை தொடங்கிவைத்தார். 
ஓராண்டு முழுவதும் தொடர்ந்து ஆம்புலன்ஸ் சேவை முகாமை நடத்த ஓராண்டு செலவுக்காக ரூ.22 லட்சத்துக்கான காசோலையையும் அவர் சேவாலயா நிறுவனத்துக்கு வழங்கினார்.  
இந்த நிகழ்ச்சியில் சேவாலயாவின் நிறுவனர் முரளிதரன், சேவாலயா அறங்காவலர் அன்னபூர்ணா மற்றும் மாணவ, மாணவியர் கலந்துகொண்டனர்.

]]>
http://www.dinamani.com/all-editions/edition-chennai/thiruvallur/2018/dec/10/இலவச-ஆம்புலன்ஸ்-சேவை-முகாம்-3054957.html
3054956 சென்னை திருவள்ளூர் ஜெயலலிதா 2-ஆம் ஆண்டு நினைவு அஞ்சலி DIN DIN Monday, December 10, 2018 05:00 AM +0530 திருத்தணி அருகே ஜெயலலிதா நினைவு தினத்தையொட்டி, முருகப்பா நகர் ராஸ் தொண்டு நிறுவனத்தில் உள்ள முதியோர்களுக்கு வேட்டி, சேலைகளை அரக்கோணம் எம்.பி. கோ.அரி ஞாயிற்றுக்கிழமை வழங்கினார்.
 முன்னாள் முதல்வர் ஜெயலலிதாவின் 2-ஆம் ஆண்டு நினைவு தினம் திருத்தணி நகரம், ஒன்றியங்களில் கடந்த சில நாள்களாக அனுசரிக்கப்பட்டு வருகிறது. 
இதையொட்டி, திருத்தணியில் உள்ள முருகப்பா நகரில் செயல்பட்டு வரும் ராஸ் தொண்டு நிறுவனத்தில் ஜெயலலிதாவின் உருவப்படத்துக்கு ஞாயிற்றுக்கிழமை மலர் அஞ்சலி செலுத்தப்பட்டது.   இதில் சிறப்பு அழைப்பாளராக அரக்கோணம் எம்.பி. கோ.அரி கலந்துகொண்டு முதியோர்களுக்கு வேட்டி, துண்டு, சட்டை, சேலை ஆகியவற்றை வழங்கினார். 

]]>
http://www.dinamani.com/all-editions/edition-chennai/thiruvallur/2018/dec/10/ஜெயலலிதா-2-ஆம்-ஆண்டு-நினைவு-அஞ்சலி-3054956.html
3054955 சென்னை திருவள்ளூர் லாயர்ஸ் அசோசியேஷன் புதிய நிர்வாகிகள் தேர்வு DIN DIN Monday, December 10, 2018 05:00 AM +0530 திருவள்ளூர் மாவட்ட லாயர்ஸ் அசோசியேஷன் சார்பில் ஞாயிற்றுக்கிழமை நடந்த தேர்தல் மூலம் புதிய நிர்வாகிகள் தேர்வு செய்யப்பட்டுள்ளனர். 
திருவள்ளூர் மாவட்ட லாயர்ஸ் அசோசியேஷன் சார்பில் 2019-ஆம் ஆண்டிற்கான நிர்வாகிகளுக்கான தேர்தல் ஞாயிற்றுக்கிழமை நடத்தப்பட்டது. 
இத்தேர்தலில் புதிய தலைவராக எஸ்.கே.ஆதாம், செயலராக கே.கார்த்திக், பொருளாளராக ஆர்.ஆர்.ரமேஷ், துணைத் தலைவராக டி.விஜய்பாபு, துணைச் செயலராக சி.சரவணன், நூலகராக ஆர்.வில்விஜயன், காப்பாளராக ஜி.கணேசன் ஆகியோர் தேர்வு செய்யப்பட்டனர். 


 

]]>
http://www.dinamani.com/all-editions/edition-chennai/thiruvallur/2018/dec/10/லாயர்ஸ்-அசோசியேஷன்-புதிய-நிர்வாகிகள்-தேர்வு-3054955.html
3054954 சென்னை திருவள்ளூர் பல்வேறு பகுதிகளில் பைக் திருட்டு: 4 பேர் கைது DIN DIN Monday, December 10, 2018 05:00 AM +0530 கும்மிடிப்பூண்டி சுற்றுவட்டாரப் பகுதிகளில் பைக் திருட்டில் ஈடுபட்ட 4 பேரை போலீஸார் ஞாயிற்றுக்கிழமை கைது செய்தனர்.
கும்மிடிப்பூண்டி ம.பொ.சி. நகர் பகுதிகளில் அடிக்கடி பைக்குகள் காணாமல் போவதாக போலீஸாருக்கு புகார்கள் வந்தன. அதன்பேரில்,  காவல் துணைக் கண்காணிப்பாளர் ரமேஷ்,  உதவி ஆய்வாளர் நாராயணமூர்த்தி தலைமையில் மூன்று பேர் கொண்ட தனிப்படையினர்  விசாரணை நடத்தி வந்தனர். இந்நிலையில், ஞாயிற்றுக்கிழமை வாகனச் சோதனையின்போது அவ்வழியாக இருசக்கர வாகனத்தில் வந்த நான்கு பேரை மடக்கி சோதனையிட்டனர்.
விசாரணையில் அவர்கள் பல்வேறு பகுதிகளில் பைக் திருட்டில் ஈடுபட்டவர்கள் என தெரியவந்தது. இதையடுத்து, புது கும்மிடிப்பூண்டி ஆஞ்சநேயர் கோயில் பகுதியைச் சேர்ந்த குமார் (18), வெட்டுக் காலனி புதுநகர் இதயதுல்லா(18), ஜெய்ஹிந்த் நகர் 17 வயது சிறுவன் மற்றும் ம.பொ.சி. நகர் ராஜ்குமார்(22) ஆகியோரை கைது செய்தனர். 17 வயது சிறுவனை சிறுவர் சீர்திருத்தப் பள்ளிக்கு அனுப்பி வைத்தனர். மேலும் இந்த வழக்கில் தொடர்புடைய அப்பு என்பவரைத் தேடி வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/10/பல்வேறு-பகுதிகளில்-பைக்-திருட்டு-4-பேர்-கைது-3054954.html
3054953 சென்னை திருவள்ளூர் அரசு மருத்துவமனையில் மருத்துவர் பற்றாக்குறையை தீர்க்க வேண்டும்: பாமக கூட்டத்தில் தீர்மானம்  DIN DIN Monday, December 10, 2018 04:59 AM +0530 திருவள்ளூர் மாவட்ட அரசு மருத்துவமனையில் மருத்துவர்கள், செவிலியர்கள் உள்ளிட்ட பணியாளர்களின் பற்றாக்குறையை தீர்க்க அரசு நடவடிக்கை எடுக்க வேண்டும் என மாவட்ட பொதுக்குழு கூட்டத்தில் பாமகவினர் தீர்மானம் நிறைவேற்றினர்.  
திருவள்ளூர் அருகே மணவாளநகர் தனியார் அரங்கத்தில் பாமகவின் மாவட்ட பொதுக்குழு கூட்டம் ஞாயிற்றுக்கிழமை நடைபெற்றது. 
இந்தக் கூட்டத்துக்கு மாநில துணைப் பொதுச்செயலாளர் பாலயோகி தலைமை வகித்தார். மேற்கு மாவட்டச் செயலாளர் பூபதி வரவேற்புரை வழங்கினார். இதில், மாநில அமைப்புச் செயலாளர் வெங்கடேசன்,  மாநில இளைஞரணி துணைச்செயலாளர் தினேஷ்குமார் ஆகியோர் முன்னிலை வகித்தனர்.
வடக்கு மண்டலப் பொறுப்பாளரும், முன்னாள் மத்திய அமைச்சருமான ஏ.கே.மூர்த்தி சிறப்புரையாற்றினார். 
இந்தக் கூட்டத்தில், பொதுமக்களுக்கு தரமான சிகிச்சை கிடைக்கும் வகையில் திருவள்ளூர் மாவட்ட தலைமை அரசு மருத்துவமனையில் மருத்துவர்கள், செவிலியர்கள் மற்றும் ஊழியர்கள் பற்றாக்குறையை தீர்க்க வேண்டும். 
நகராட்சியில் பாதாளச் சாக்கடை திட்டத்தை விரைவில் நிறைவேற்ற வேண்டும். கிராமங்களில் அடிப்படை வசதிகளுக்கு முக்கியத்துவம் அளிக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. நகரச் செயலாளர் கண்ணன் நன்றி கூறினார்.
 

]]>
http://www.dinamani.com/all-editions/edition-chennai/thiruvallur/2018/dec/10/அரசு-மருத்துவமனையில்-மருத்துவர்-பற்றாக்குறையை-தீர்க்க-வேண்டும்-பாமக-கூட்டத்தில்-தீர்மானம்-3054953.html
3054952 சென்னை திருவள்ளூர் 5,839 மாணவ, மாணவியருக்கு விலையில்லா மிதிவண்டிகள்: அமைச்சர் வழங்கினார் DIN DIN Monday, December 10, 2018 04:59 AM +0530 கும்மிடிப்பூண்டி, ஊத்துக்கோட்டை, ஆரணி ஆகிய பகுதிகளில் உள்ள 20 பள்ளிகளைச் சேர்ந்த 5,839 மாணவ, மாணவியருக்கு விலையில்லா மிதிவண்டிகளை ஊரகத் தொழில் துறை அமைச்சர் பா.பென்ஜமின் சனிக்கிழமை வழங்கினார்.  
அரசு மற்றும் அரசு உதவி பெறும் பள்ளி மாணவ, மாணவியருக்கு தமிழக அரசின் விலையில்லா மிதிவண்டிகள் வழங்கும் விழா கும்மிடிப்பூண்டி கே.எல்.கே. அரசு ஆண்கள் மேல்நிலைப்பள்ளியில் சனிக்கிழமை நடைபெற்றது. விழாவுக்கு  திருவள்ளூர் மாவட்ட ஆட்சியர் மகேஸ்வரி ரவிகுமார் தலைமை வகித்தார். மாவட்ட கல்வி அலுவலர் ராஜேந்திரன் வரவேற்றார்.
நிகழ்வில், கும்மிடிப்பூண்டி அரசு பெண்கள் மேல்நிலைப்பள்ளி, கவரப்பேட்டை அரசு மேல்நிலைப்பள்ளி மற்றும் அரசு உதவி பெறும் ஆரம்பாக்கம் புனித மரியன்னை பெண்கள் மேல்நிலைப்பள்ளி உள்ளிட்ட 10 பள்ளிகளைச் சேர்ந்த 3,267 மாணவ, மாணவியருக்கு ஊரகத் தொழில் துறை அமைச்சர் பா.பென்ஜமின் தமிழக அரசின் விலையில்லா மிதிவண்டிகளை வழங்கினார்.
அதேபோல, ஊத்துக்கோட்டை அரசு பெண்கள் மேல்நிலைப் பள்ளியில் நடைபெற்ற விழாவில் 8 அரசுப் பள்ளிகளைச் சேர்ந்த 1,962 மாணவர்களுக்கும், தொடர்ந்து, ஆரணி அரசு ஆண்கள் மேல்நிலைப்பள்ளியில் நடைபெற்ற விழாவில் 2 அரசுப் பள்ளிகளைச் சேர்ந்த 610 மாணவர்களுக்கும் என மொத்தம் 5,839 மாணவ, மாணவியருக்கு விலையில்லா மிதிவண்டிகளை அமைச்சர் பா.பென்ஜமின் வழங்கினார். இந்த விழாவில் அமைச்சர் பென்ஜமின் பேசியது: கடந்த 7 ஆண்டுகளில் பள்ளிக் கல்விக்கு மட்டும் ஒரு லட்சத்து 64 ஆயிரத்து 461 கோடி நிதியை அரசு ஒதுக்கியுள்ளது.  இந்தியாவிலேயே தமிழகம்தான் பள்ளிக் கல்விக்கு அதிக நிதி ஒதுக்குவதில் முதலிடத்தில் உள்ளது. அதனால்தான் பள்ளிக் கல்வியில் இருந்து உயர்கல்விக்குச் செல்வோர் எண்ணிக்கை தேசிய அளவில் 25.5 சதவீதமாக உள்ள நிலையில், தமிழகத்தில் 46.9 சதவீதமாக உள்ளது என்றார்.
இதில், திருவள்ளூர் மக்களவை உறுப்பினர் பி.வேணுகோபால், கும்மிடிப்பூண்டி சட்டப்பேரவை உறுப்பினர் கே.எஸ்.விஜயகுமார், பொன்னேரி சட்டப்பேரவை உறுப்பினர் சிறுணியம் பி.பலராமன், கும்மிடிப்பூண்டி ஒன்றிய அதிமுக செயலாளர் கோபால்நாயுடு, மாவட்ட இலக்கிய அணி செயலாளர் கோவி.நாராயணமூர்த்தி, பொதுக்குழு உறுப்பினர் அபிராமன், நகரச் செயலாளர் மு.க.சேகர் ஆகியோர் கலந்து கொண்டனர்.
 

]]>
http://www.dinamani.com/all-editions/edition-chennai/thiruvallur/2018/dec/10/5839-மாணவ-மாணவியருக்கு-விலையில்லா-மிதிவண்டிகள்-அமைச்சர்-வழங்கினார்-3054952.html
3054951 சென்னை திருவள்ளூர் டிசம்பர் 11 மின் தடை DIN DIN Monday, December 10, 2018 04:59 AM +0530 திருவள்ளூர்- பெரியபாளையம்
நாள்: செவ்வாய்க்கிழமை (டிசம்பர் 11)
நேரம்: காலை 5 முதல் மாலை 5 மணி வரை
மின்தடை பகுதிகள்: திருவள்ளூர், பெரியபாளையம், பண்டிக்காவனூர், பாலவாக்கம், தண்டலம், கன்னிகைப்பேர், வெங்கல், ஊத்துக்கோட்டை, சீத்தஞ்சேரி, மாலந்தூர் மற்றும் அதைச் சுற்றியுள்ள பகுதிகள்.

]]>
http://www.dinamani.com/all-editions/edition-chennai/thiruvallur/2018/dec/10/டிசம்பர்-11-மின்-தடை-3054951.html
3054833 சென்னை திருவள்ளூர் டிச.12-இல் மகிஷாசுரமர்த்தினி அம்மன் கோயில் குடமுழுக்கு விழா  திருத்தணி, DIN Monday, December 10, 2018 12:24 AM +0530 மத்தூர் மகிஷாசுரமர்த்தினி அம்மன் கோயில் மகா குடமுழுக்கு விழா வரும் புதன்கிழமை (டிச. 12 ) நடைபெற உள்ளது.
 திருத்தணி முருகன் கோயிலின் துணைக் கோயிலான மகிஷாசுரமர்த்தினி அம்மன் கோயில் மத்தூர் கிராமத்தில் உள்ளது.
 இக்கோயிலின் திருப்பணிகள் ரூ.3 லட்சம் மதிப்பீட்டில் நடைபெற்றதைத் தொடர்ந்து, மகா குடமுழுக்கு விழா வரும் புதன்கிழமை (டிச. 12 ) நடைபெற உள்ளது. இந்நிலையில், குடமுழுக்கு விழாவின் தொடக்கமாக கணபதி ஹோமம் ஞாயிற்றுக்கிழமை நடந்தது.
 கோயில் தக்கார் ஜெயசங்கர், இணை ஆணையர் சிவாஜி ஆகியோர் பங்கேற்று விழாவை தொடங்கி வைத்தார். திங்கள்கிழமை (டி.10) இரண்டாம் கால பூஜையும், செவ்வாய்க்கிழமை மூன்றாம் கால பூஜையும் நடக்கிறது.
 வரும் 12-ஆம் தேதி புதன்கிழமை காலை நான்காம் கால பூஜையும், நண்பகல் 11 மணிக்கு கலச ஊர்வலம் மற்றும் மகா குடமுழுக்கு விழா நடைபெறும். தொடர்ந்து மூலவருக்கு சிறப்பு அபிஷேகம், அலங்காரம் மற்றும் மகா தீபாராதனை நடைபெறும். இரவு உற்சவர் அம்மன் திருவீதியுலா நடைபெற உள்ளது. இதற்கான ஏற்பாடுகளை கோயில் நிர்வாகத்தினர் செய்து வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/10/டிச12-இல்-மகிஷாசுரமர்த்தினி-அம்மன்-கோயில்-குடமுழுக்கு-விழா-3054833.html
3054267 சென்னை திருவள்ளூர் சுடுகாடு அருகே ஆண் சடலம் மீட்பு DIN DIN Sunday, December 9, 2018 12:45 AM +0530 பொன்னேரி அருகே தடப்பெரும்பாக்கம் பகுதியில் உள்ள சுடுகாடு அருகில் கேட்பாரற்ற நிலையில் கிடந்த ஆண் சடலத்தை பொன்னேரி போலீஸார் சனிக்கிழமை மீட்டனர்.
 பொன்னேரியை அடுத்த தடப்பெரும்பாக்கம் பகுதியில் உள்ள சுடுகாடு அருகில் அடையாளம் தெரியாத நிலையில் ஒரு ஆணின் சடலம் கிடப்பதாக பொன்னேரி போலீஸாருக்குத் தகவல் கிடைத்தது.
 இதையடுத்து போலீஸார் அங்கு சென்று, அந்த சடலத்தை மீட்டு பொன்னேரி அரசு மருத்துவமனைக்கு அனுப்பி வைத்தனர்.
 இதைத் தொடர்ந்து, இறந்த நபர் குறித்து போலீஸார் விசாரணை மேற்கொண்டதில், கிருஷ்ணாபுரம் பகுதியில் உள்ள அருந்ததி காலனியில் வசித்த வெங்கடேசன்(40) என்பதும், இவர் பொன்னேரி பகுதியில் செருப்பு தைக்கும் தொழிலாளியாக வேலை செய்து வந்ததும் தெரிய வந்தது. இவரின் மரணம் குறித்து போலீஸார் வழக்குப் பதிந்து விசாரணை நடத்தி வருகின்றனர்.
 
 
 

]]>
http://www.dinamani.com/all-editions/edition-chennai/thiruvallur/2018/dec/09/சுடுகாடு-அருகே-ஆண்-சடலம்-மீட்பு-3054267.html
3054266 சென்னை திருவள்ளூர் வெவ்வேறு பெண்களிடம் 9 சவரன் நகை பறிப்பு DIN DIN Sunday, December 9, 2018 12:44 AM +0530 திருவள்ளூர் பகுதியில், வீட்டு வாசலில் கோலம் போட்டுக் கொண்டிருந்த பெண் மற்றும் பேருந்து நிறுத்தத்தில் காத்திருந்த ஆசிரியை ஆகியோரிடம் 9 சவரன் நகையை பறித்துச் சென்றவர்கள் குறித்து போலீஸார் தீவிர விசாரணை மேற்கொண்டு வருகின்றனர்.
 இது குறித்து திருவள்ளூர் நகர போலீஸார் கூறியது: திருவள்ளூர் அருகே புட்லூர் கிராமத்தைச் சேர்ந்த ரவிகுமாரின் மனைவி தனலட்சுமி(52). இவர் சனிக்கிழமை அதிகாலையில் வீட்டின் முன் கோலம் போட்டுக் கொண்டிருந்தார். அப்போது அந்த வழியாக இருசக்கர வாகனத்தில் வந்த மர்ம நபர்கள் தனலட்சுமி அணிந்திருந்த 4 சவரன் சங்கிலியைப் பறித்துக் கொண்டு தப்பிச் சென்றனர்.
 இதேபோல், திருவள்ளூர் ஜி.என்.நாயுடு சாலையைச் சேர்ந்த மார்ட்டினின் மனைவி ஜான்சிராணி(47). பள்ளி ஆசிரியை. இவர் திருவள்ளூர்-திருப்பதி சாலையில் எம்.ஜி.ஆர். சிலை பேருந்து நிறுத்தத்தில் சனிக்கிழமை காலையில் நின்று கொண்டிருந்தார்.
 அப்போது, இருசக்கர வாகனத்தில் வந்த மர்ம நபர்கள் இவரது கழுத்தில் கிடந்த 5 சவரன் நகையை பறித்துக் கொண்டு தப்பிச் சென்றனர். இதுகுறித்து தனலட்சுமி மற்றும் ஜான்சிராணி அளித்த புகாரின் பேரில் போலீஸார் வழக்குப் பதிந்து மர்ம நபர்களைத் தேடி வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/09/வெவ்வேறு-பெண்களிடம்-9-சவரன்-நகை-பறிப்பு-3054266.html
3054265 சென்னை திருவள்ளூர் மின்சாரம் பாய்ந்து 2 பேர் சாவு DIN DIN Sunday, December 9, 2018 12:44 AM +0530 பொன்னேரி அருகே இருசக்கர வாகனங்களை சுத்தம் செய்யும் பணியில் ஈடுபட்டிருந்த இரு தொழிலாளர்கள் மின்சாரம் பாய்ந்து சனிக்கிழமை உயிரிழந்தனர்.
 பொன்னேரியை அடுத்த இலவம்பேடு பகுதியில் வாகனங்களை சுத்தம் செய்யும் (வாட்டர் சர்வீஸ்) கடை அமைந்துள்ளது. இந்த கடையில் வன்னிப்பாக்கம் கிராமத்தைச் சேர்ந்த பாலமுருகன்(39), அசாம் மாநிலத்தைச் சேர்ந்த கலாம்(35) ஆகிய இருவரும் வேலை பார்த்து வந்தனர். இவர்கள் இருவரும் பணியில் ஈடுபட்டிருந்தபோது, தண்ணீர் பாய்ச்சும் இயந்திரத்தின் வழியே இவர்கள் மீது திடீரென மின்சாரம் பாய்ந்ததாக கூறப்படுகிறது. இதில் தூக்கி வீசப்பட்ட இருவரும் அங்கேயே உயிரிழந்தனர். இது குறித்து தகவல் அறிந்த பொன்னேரி போலீஸார் அங்கு சென்று இருவரின் சடலங்களையும் மீட்டு பொன்னேரி அரசு மருத்துவமனைக்கு அனுப்பி வைத்தனர். மேலும் இது குறித்து வழக்கு பதிந்து விசாரணை நடத்தி வருகின்றனர்.
 
 

]]>
http://www.dinamani.com/all-editions/edition-chennai/thiruvallur/2018/dec/09/மின்சாரம்-பாய்ந்து-2-பேர்-சாவு-3054265.html
3054264 சென்னை திருவள்ளூர் ஆக்கிரமிப்புகளை அகற்றக் கோரி மறியல் DIN DIN Sunday, December 9, 2018 12:43 AM +0530 திருத்தணி அருகே, நெல்லிகுன்றம் மலையில் உள்ள முருகன் கோயிலுக்குச் செல்லும் சாலையில் உள்ள தனியார் ஆக்கிரமிப்புகளை அகற்றக் கோரி அத்திமாஞ்சேரிப்பேட்டை கிராம மக்கள் சனிக்கிழமை மறியல் போராட்டத்தில் ஈடுபட்டனர்.
 பள்ளிப்பட்டு ஒன்றியம் கொடிவலசா ஊராட்சிக்கு உள்பட்டது அத்திமாஞ்சேரிப்பேட்டை கிராமம். இப்பகுதியில் 100 க்கும் மேற்பட்ட குடும்பத்தினர் வசிக்கின்றனர். இங்குள்ள நெல்லிகுன்றம் மலையில் புகழ்மிக்க முருகன் கோயில் உள்ளது. இக்கோயிலுக்கு சாலை வசதி செய்துதர வேண்டி கிராமத்தினர் ஊராட்சி நிர்வாகத்திடம் கோரிக்கை மனு அளித்தனர்.
 அதைத்தொடர்ந்து மாவட்ட நிர்வாகம் சாலை அமைக்க நிதி ஒதுக்கீடு செய்து, பணிகள் நடந்து வருகின்றன. இந்நிலையில், சாலையை தனியார் ஆக்கிரமித்துள்ளதால் சாலையை அகலப்படுத்தவும், கல்வெட்டு அமைக்கவும் முடியவில்லை என கிராமத்தினர் ஊராட்சி ஒன்றிய நிர்வாகத்திடம் புகார் மனு அளித்தனர். ஆனால், இதுகுறித்து எவ்வித நடவடிக்கையும் எடுக்காததால் ஆத்திரமடைந்த கிராமத்தினர் சனிக்கிழமை திடீர் சாலை மறியலில் ஈடுபட்டனர்.
 தகவலறிந்த பள்ளிப்பட்டு வட்டார வளர்ச்சி அலுவலர் சந்திரன் மற்றும் வருவாய்த் துறை அலுவலர்கள் ஆகியோர் கிராமத்தினரிடம் பேச்சுவார்த்தை நடத்தி, விரைவில் ஆக்கிரமிப்புகளை அகற்றுவதாக உறுதி கூறியதைத் தொடர்ந்து கிராம மக்கள் கலைந்து சென்றனர். இதனால், அப்பகுதியில் சிறிது நேரம் பரபரப்பு ஏற்பட்டது.

]]>
http://www.dinamani.com/all-editions/edition-chennai/thiruvallur/2018/dec/09/ஆக்கிரமிப்புகளை-அகற்றக்-கோரி-மறியல்-3054264.html
3054263 சென்னை திருவள்ளூர் தண்டவாளத்தில் திடீர் விரிசல்: புறநகர் ரயில்கள் ஒரு மணி நேரம் தாமதம் DIN DIN Sunday, December 9, 2018 12:43 AM +0530 திருவள்ளூர் அருகே தண்டவாள இணைப்பில் ஏற்பட்ட திடீர் விரிசல் காரணமாக சிக்னல் கிடைக்காததால் புறநகர் ரயில்கள் ஒரு மணி நேரம் தாமதமாக புறப்பட்டுச் சென்றன.
 சென்னை சென்ட்ரல் - அரக்கோணம் மார்க்கத்தில் திருவள்ளூரை அடுத்த செஞ்சி பாணம்பாக்கம் ரயில் நிலையம் அருகே தண்டவாள இணைப்பில் சனிக்கிழமை அதிகாலையில் திடீர் விரிசல் ஏற்பட்டது.
 இதனால், சென்னையில் இருந்து அரக்கோணத்துக்கு வந்த மின்சார ரயில்கள் வழியிலேயே நிறுத்தப்பட்டன. இதற்கிடையே சிக்னல் கிடைக்காமல் திருவாலங்காடு, கடம்பத்தூர் ஆகிய ரயில் நிலையங்களிலும் ரயில்கள் நிறுத்தி வைக்கப்பட்டன. இதையடுத்து, ரயில்வே ஊழியர்கள் சம்பவ இடத்துக்கு விரைந்து சென்று தண்டவாள இணைப்பை சீரமைக்கும் பணிகளை ஒரு மணி நேரம் வரை
 மேற்கொண்டனர்.
 இதன் காரணமாக, கடம்பத்தூர் ரயில் நிலையம் அருகே திருவள்ளூர்-பேரம்பாக்கம் நெடுஞ்சாலையில் உள்ள தானியங்கி ரயில்வே கேட் மூடி இருந்ததால், திருவள்ளூரில் இருந்து பேரம்பாக்கம், தக்கோலம், சுங்குவார்சத்திரம், மப்பேடு ஆகிய பகுதிகளுக்குச் செல்லும் பேருந்துகள், சரக்கு வாகனங்கள் செல்ல முடியாமல் ரயில்வே கேட்டின் இருபுறமும் நீண்ட வரிசையில் நிறுத்தப்பட்டிருந்தன.
 தண்டவாள விரிசலை சீரமைக்கும் பணி முடிந்ததும் புறநகர் ரயில்கள் ஒரு மணி நேரம் தாமதமாக புறப்பட்டுச் சென்றன. இதனால் பயணிகள் பெரிதும் அவதிக்குள்ளாயினர்.

]]>
http://www.dinamani.com/all-editions/edition-chennai/thiruvallur/2018/dec/09/தண்டவாளத்தில்-திடீர்-விரிசல்-புறநகர்-ரயில்கள்-ஒரு-மணி-நேரம்-தாமதம்-3054263.html
3054262 சென்னை திருவள்ளூர் 823 பேருக்கு ரூ.12.73 கோடியில் நலத்திட்ட உதவிகள்: அமைச்சர் வழங்கினார் DIN DIN Sunday, December 9, 2018 12:42 AM +0530 திருவள்ளூர் அருகே நடந்த மக்கள் தொடர்பு திட்ட முகாமில் பயனாளிகள் 823 பேருக்கு ரூ.12.73 கோடி மதிப்பிலான நலத்திட்ட உதவிகளை ஊரகத் தொழில் துறை அமைச்சர் பா.பென்ஜமின் வழங்கினார்.
 திருவள்ளூர் அருகே பூந்தமல்லி ஊராட்சி ஒன்றியத்தில் உள்ள குத்தம்பாக்கம் கிராமத்தில் மக்கள் தொடர்பு திட்ட முகாம் வெள்ளிக்கிழமை நடைபெற்றது. இந்த முகாமுக்கு ஆட்சியர் மகேஸ்வரி ரவிகுமார் தலைமை வகித்தார்.
 இதில் சிறப்பு விருந்தினராக ஊரக தொழில் துறை அமைச்சர் பா.பென்ஜமின் கலந்து கொண்டு பேசியது: இந்த மாவட்டத்தில் ஏழை எளிய மக்கள் பயன்பெறும் வகையில் அனைத்துத் துறைகளின் சார்பில் நலத்திட்டங்கள் செயல்படுத்தப்படுகின்றன.
 அதன் அடிப்படையில், குத்தம்பாக்கம் கிராமத்தில் இந்த முகாம் நடத்தப்பட்டு பொதுமக்களுக்கு நலத்திட்ட உதவிகள் வழங்கப்படுகிறது. இதில், இந்திரா காந்தி தேசிய முதியோர் உதவித்தொகை மற்றும் இதர உதவித்தொகை 120 பேருக்கும், காது கேட்கும் கருவிகள் ரூ. 29,520 மதிப்பில் 6 பேருக்கும், இரு பெண் குழந்தைகள் பாதுகாப்புத் திட்டம் மூலம் தலா ரூ.25 ஆயிரம் வீதம் 76 பேருக்கும், தோட்டக் கலை மற்றும் வேளாண்மைத் துறை மூலம் ரூ. 4.50 லட்சம் மானியமாக 116 பேருக்கும், விலையில்லா வெள்ளாடுகள் வழங்கும் திட்டம் மூலம் தலா ரூ.12,750 வீதம் 33 பேருக்கும், மின்னணு குடும்ப அட்டை 80 பேருக்கும், வீட்டுமனைப் பட்டாக்கள் ரூ.12.25 லட்சம் மதிப்பில் 372 பேருக்கும், தமிழ்நாடு மாநில ஊரக வாழ்வாதார இயக்கத்தின் கீழ் இருசக்கர வாகனம் வழங்கும் திட்டம் மூலம் தலா ரூ.25 ஆயிரம் மானியமாக13 பேருக்கும், பழங்குடியினருக்கு இலவச வீடு வழங்கும் திட்டத்தின் கீழ் ரூ.17.50 லட்சம் மதிப்பில் 7 பேருக்கும் என மொத்தம் 823 பயனாளிகளுக்கு ரூ. 12 கோடியே 73 லட்சத்து 93 ஆயிரத்து 270 மதிப்பிலான நலத்திட்ட உதவிகள் வழங்கப்பட்டுள்ளதாக அவர் தெரிவித்தார். அத்துடன், பொதுமக்களிடம் இருந்தும் குறைகள் தொடர்பான மனுக்களையும் பெற்றார்.
 இந்த முகாமில், திருவள்ளூர் மக்களவை உறுப்பினர் பி.வேணுகோபால், சட்டப்பேரவை உறுப்பினர் பி.பலராமன் (பொன்னேரி), முன்னாள் சட்டப்பேரவை உறுப்பினர் மணிமாறன், வட்டாட்சியர் புனிதவதி உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/09/823-பேருக்கு-ரூ1273-கோடியில்-நலத்திட்ட-உதவிகள்-அமைச்சர்-வழங்கினார்-3054262.html
3054237 சென்னை திருவள்ளூர் மாவட்டத்தில் ஒரே நாளில் 1,681 வழக்குகளுக்கு தீர்வு DIN DIN Saturday, December 8, 2018 11:52 PM +0530
திருவள்ளூர் மக்கள் நீதிமன்றம் சார்பில், பல்வேறு வழக்குகளில் பாதிக்கப்பட்டோருக்கு இழப்பீட்டுத் தொகையாக ரூ.31.92 கோடி வழங்க சனிக்கிழமை உத்தரவிடப்பட்டது.
நீதிமன்றங்களில் நிலுவையில் உள்ள வழக்குகளை விரைவாக முடிவுக்கு கொண்டு வர மக்கள் நீதிமன்றம் செயல்பட்டு வருகிறது. இந்த நீதிமன்றம் தேசிய அளவில் ஆண்டுக்கு ஒரு முறையும், மாநில அளவில் 2 மாதங்களுக்கு ஒரு முறையும் நடத்தப்பட்டு வருகிறது.
திருவள்ளூர் மாவட்டத்தில் மக்கள் நீதிமன்றம் மூலம் நிலுவையில் உள்ள 7,122 வழக்குகளில், மாவட்ட கூடுதல் நீதிபதி தீப்தி அறிவுநிதி, மக்கள் நீதிமன்றத் தலைவர் பிச்சம்மாள் ஆகியோர் தலைமையில் 1,455 வழக்குகள் முடிக்கப்பட்டு, பாதிக்கப்பட்டோருக்கு ரூ.31.92 கோடி வரை இழப்பீடு வழங்க சனிக்கிழமை உத்தரவிடப்பட்டது.
இதில், காசோலை மோசடி, வங்கிக் கடன், மோட்டார் வாகன விபத்து, சொத்து பிரச்னை உள்ளிட்ட 11 வகையான வழக்குகள் விசாரணைக்கு எடுத்துக் கொள்ளப்பட்டன. இந்த வழக்குகள் மூலம் மொத்தம் ரூ.31 கோடியே 92 லட்சத்து 32 ஆயிரத்து 820 வரை பாதிக்கப்பட்டோருக்கு இழப்பீடு வழங்க நடவடிக்கை எடுக்கப்பட்டுள்ளது.
இதில், தலைமை குற்றவியல் நீதிமன்ற நீதிபதி டி.வி. மணி, மோட்டார் வாகன விபத்து சிறப்பு சார்பு நீதிபதி முகமது பரூக், சார்பு நீதிமன்ற நீதிபதி சாந்தி, நில ஆர்ஜித சிறப்பு சார்பு நீதிமன்ற நீதிபதி சுஜாதா, உரிமையியல் நீதமன்ற நீதிபதி தமிழ்ச்செல்வி, குற்றவியல் நீதிமன்ற நீதித்துறை நடுவர்களான சுபாஷிணி, செந்தில்குமார், முகிலாம்பிகை மற்றும் மாவட்ட சட்டப்பணிகள் ஆணைக்குழுவின் செயலர் சரஸ்வதி, வழக்குரைஞர்கள் மற்றும் பயனாளிகள் கலந்து கொண்டனர்.
திருத்தணியில்...
 திருத்தணி மக்கள் நீதிமன்றம் சார்பில், பல்வேறு வழக்குகளில் பாதிக்கப்பட்டோருக்கு இழப்பீட்டுத் தொகையாக ரூ. 2.28 கோடி வழங்க சனிக்கிழமை உத்தரவிடப்பட்டது.
திருத்தணி ஒருங்கிணைந்த நீதிமன்ற வளாகத்தில் உள்ள மக்கள் நீதி மன்றத்தில், சார்பு நீதிபதி எம்.ஏ.கபீர் தலைமையில், குற்றவியல் நடுவர் சுதாராணி மற்றும் உரிமையியல் நீதிபதி ஜெகதீஸ்வரி ஆகியோர் முன்னிலையில் மொத்தம் 493 வழக்குகள் சனிக்கிழமை விசாரணைக்கு வந்தன. அப்போது, விவாகரத்து வழக்கு ஒன்றில் 2 ஆண்டுகளாகப் பிரிந்து வாழ்ந்த இளம் தம்பதியர் ஒன்றாக சேர்ந்து வாழ ஒப்புக் கொண்டது குறிப்பிடத்தக்கது.
இதில் 226 வழக்குகளில் தீர்வு காணப்பட்டது. அதன்படி, மோட்டார் வாகன விபத்து வழக்குகளில் பாதிக்கப்பட்டோருக்கு இழப்பீட்டுத் தொகையாக ரூ. 2.19 கோடியும், சிவில் வழக்குகளில் பாதிக்கப்பட்டோருக்கு இழப்பீட்டுத் தொகையாக ரூ.9 லட்சமும் வழங்க நீதிபதி உத்தரவிட்டார். இந்த மக்கள் நீதிமன்றத்தில், மொத்தம் ரூ.2.28 கோடியை பயனாளிகளுக்கு வழங்க உத்தரவிடப்பட்டது. இந்நிகழ்ச்சியில், நீதிமன்ற தலைமை எழுத்தர் ராமமூர்த்தி மற்றும் மூத்த வழக்குரைஞர்கள், பயனாளிகள் 557 பேர் கலந்து கொண்டனர்.
இதேபோல், திருவள்ளூர் மாவட்டத்தில் உள்ள அம்பத்தூர், பூந்தமல்லி, திருவொற்றியூர், பொன்னேரி, திருத்தணி, பள்ளிப்பட்டு, ஊத்துக்கோட்டை ஆகிய வட்டார நீதிமன்றங்களிலும் மக்கள் நீதிமன்றம் சார்பில் பல்வேறு வழக்குகளுக்குத் தீர்வு காணப்பட்டது.

 

]]>
http://www.dinamani.com/all-editions/edition-chennai/thiruvallur/2018/dec/08/மாவட்டத்தில்-ஒரே-நாளில்-1681-வழக்குகளுக்கு-தீர்வு-3054237.html
3054236 சென்னை திருவள்ளூர் இன்று இந்திய விமானப் படைக்கு ஆள்சேர்ப்பு முகாம் தொடக்கம் DIN DIN Saturday, December 8, 2018 11:52 PM +0530
இந்திய விமானப் படைக்கான ஆள்சேர்ப்பு முகாம் ஞாயிற்றுக்கிழமை (டிச. 9) தொடங்கி, வெள்ளிக்கிழமை (டிச. 14) வரை திருநெல்வேலியில் நடைபெற உள்ளது. இதில், திருவள்ளூர் மாவட்டத்தைச் சேர்ந்த இளைஞர்கள் பங்கேற்றுப் பயன்பெறலாம் என ஆட்சியர் மகேஸ்வரி ரவிகுமார் தெரிவித்துள்ளார்.
இது குறித்து அவர் சனிக்கிழமை வெளியிட்டுள்ள செய்திக் குறிப்பு: இந்திய விமானப்படைக்கு (ஏர்மேன் குரூப்-ஒய்) தொழில்நுட்பம் இல்லாத பணியிடத்துக்கான ஆள்சேர்ப்பு முகாம் திருநெல்வேலியில் உள்ள அண்ணா விளையாட்டு அரங்கத்தில் டிச. 9-ஆம் தேதி முதல் 14-ஆம் தேதி வரை நடைபெற இருக்கிறது.
இதில் 9 மற்றும் 10 ஆகிய நாள்களில் சென்னை, திருவள்ளூர், காஞ்சிபுரம், வேலூர், விழுப்புரம், கோயம்புத்தூர், திண்டுக்கல், கரூர், கிருஷ்ணகிரி, மதுரை, நாகப்பட்டினம், புதுக்கோட்டை, சிவகங்கை, தஞ்சாவூர், திருவாரூர், திருவண்ணாமலை, திருப்பூர் ஆகிய மாவட்டங்களைச் சேர்ந்த இளைஞர்களுக்கான தேர்வு நடைபெற உள்ளது.
கல்வித் தகுதி: பிளஸ் 2வில் 50 சதவீத மதிப்பெண்களுடன் தேர்ச்சி பெற்றிருப்பது அவசியம்.
வயது வரம்பு: இத்தேர்வில் பங்கேற்போர் 1998-ஆம் ஆண்டு ஜூலை மாதம் 14-ஆம் தேதியிலிருந்து 2002 -ஆம் ஆண்டு ஜூன் மாதம் 26-ஆம் தேதிக்குள் பிறந்தவராகவும், திருமணமாகாத ஆண்களாகவும் இருக்க வேண்டும்.
இதில் பங்கேற்கும் இளைஞர்கள் தங்களது பிளஸ் 2 மதிப்பெண் சான்றிதழ், மாற்றுச் சான்றிதழ் ஆகியவற்றின் அசல் மற்றும் தலா 4 நகல்களுடன் கலந்து கொள்ள வேண்டும். இதில் அசல் சான்றிதழ்களை பள்ளி, கல்லூரிகளில் சமர்ப்பித்திருந்தால், அதற்கான உறுதிச் சான்றிதழை பள்ளி தலைமை ஆசிரியர், அல்லது கல்லூரி முதல்வரிடம் பெற்று சமர்ப்பிக்க வேண்டும்.
இத்தேர்வில் பங்கேற்க விரும்புவோர் கருப்பு அல்லது நீல நிற பால் பாயிண்ட் பேனா, பென்சில், ரப்பர், பென்சில் சீவும் கருவி, பசை, ஸ்டேப்ளர், 7 புகைப்படங்கள் (நவம்பர் 2018 -க்கு முன்னதாக எடுத்திருக்கக்கூடாது) ஆகியவற்றை அவசியம் கொண்டு வரவேண்டும்.
மேலும், இதுகுறித்த விவரங்களுக்கு  இணையதள முகவரியில் பார்வையிட்டு அறிந்து கொள்ளலாம். இதில், திருவள்ளூர் மாவட்டத்தைச் சேர்ந்த இளைஞர்கள் பங்கேற்றுப் பயன்பெறலாம் என அவர் தெரிவித்துள்ளார்.

 

]]>
http://www.dinamani.com/all-editions/edition-chennai/thiruvallur/2018/dec/08/இன்று-இந்திய-விமானப்-படைக்கு-ஆள்சேர்ப்பு-முகாம்-தொடக்கம்-3054236.html
3054235 சென்னை திருவள்ளூர் (டிச.10) மின் தடை DIN DIN Saturday, December 8, 2018 11:52 PM +0530
திருத்தணி
நாள்: திங்கள்கிழமை (டிச.10)
நேரம்: காலை 10 முதல் மதியம் 2 மணி வரை.
மின் தடை பகுதிகள்: அமிர்தாபுரம், முருகூர், மேல்திருத்தணி மற்றும் அதைச் சுற்றியுள்ள பகுதிகள்.

 

 

]]>
http://www.dinamani.com/all-editions/edition-chennai/thiruvallur/2018/dec/08/டிச10-மின்-தடை-3054235.html
3053708 சென்னை திருவள்ளூர் தாய், மகளிடம் 7 சவரன் நகை பறிப்பு DIN DIN Saturday, December 8, 2018 03:15 AM +0530
திருவள்ளூர் அருகே நடந்து சென்ற நடந்து சென்ற தாய் மற்றும் மகளிடம் 7 சவரன் நகைகளைப் பறித்துச் சென்றவர்களை போலீஸார் தேடி வருகின்றனர். 
இது குறித்து செவ்வாப்பேட்டை போலீஸார் கூறியது: திருவள்ளூரை அடுத்த செவ்வாப்பேட்டை எப்.சி.ஐ. காலனியைச் சேர்ந்தவர் பிரேமா(57). இவருடைய மகள் வரலட்சுமி, மருத்துவக் கல்லூரியில் உதவி பேராசிரியையாக பணியாற்றி வருகிறார். வெள்ளிக்கிழமை காலை சென்னை-திருவள்ளூர் சாலையில் பேருந்து ஏறுவதற்காக தாயும், மகளும் நடந்து சென்று கொண்டிருந்தனர். 
அப்போது, இருசக்கர வாகனத்தில் தலைக்கவசம் அணிந்து வந்த 2 பேர் இவர்களை வழிமறித்து, வரலட்சுமி அணிந்திருந்த ஒரு சவரன் நகையையும், அவருடைய தாயார் அணிந்திருந்த 6 சவரன் நகையையும் பறித்துக் கொண்டு வாகனத்தில் தப்பிச் சென்றனர். இதுகுறித்து, வரலட்சுமி செவ்வாப்பேட்டை காவல் நிலையத்தில் புகார் அளித்தார். அதன்பேரில் போலீஸார் வழக்குப் பதிந்து, மர்ம நபர்களைத் தேடி வருகின்றனர்.
 

]]>
http://www.dinamani.com/all-editions/edition-chennai/thiruvallur/2018/dec/08/தாய்-மகளிடம்-7-சவரன்-நகை-பறிப்பு-3053708.html
3053707 சென்னை திருவள்ளூர் கால்நடைகளை திருடியதாக 2 பேர் கைது DIN DIN Saturday, December 8, 2018 03:15 AM +0530
செங்குன்றம் மற்றும் சுற்றுவட்டாரப் பகுதிகளில் கால்நடைகளை திருடியதாக இருவரை காவல்துறையினர் வெள்ளிக்கிழமை கைது செய்தனர். 
திருவள்ளூர் மாவட்டம் செங்குன்றம், வடகரை, வடபெரும்பாக்கம், புள்ளிலைன், பாலவாயல், லட்சுமிபுரம், அம்மன்பேட்டை, கோணிமேடு உள்ளிட்ட பகுதிகளில் ஆடு, மாடுகள் தொடர்ந்து காணாமல் போயின. 
இது குறித்து கால்நடை உரிமையாளர்கள், புழல் சரக காவல் உதவி ஆணையர் வெங்கடேசனுக்கு புகார் அளித்தனர். இதையடுத்து, தனிப்படை அமைத்து குற்றவாளிகளை போலீஸார் தேடி வந்தனர். 
இந்நிலையில், செங்குன்றம் காவல் ஆய்வாளர் கருணாகரன் தலைமையில் போலீஸார் பம்மதுகுளம் - புத்தூர் சாலையில் வெள்ளிக்கிழமை வாகனச் சோதனையில் ஈடுபட்டனர். அப்போது சந்தேகத்துக்கு உரிய வகையில் வேகமாக வந்த சரக்கு வாகனத்தை தடுத்து நிறுத்தி சோதனை செய்தனர். அப்போது அதில் ஆடுகள் இருப்பதை அறிந்தனர். இதையடுத்து, அவர்களை காவல் நிலையத்துக்கு அழைத்துச் சென்று விசாரணை நடத்தியதில், சென்னை கொருக்குப்பேட்டை ஆனந்த நாயக்கர் தெருவைச் சேர்ந்த சூர்யா(20), டில்லிபாபு (23) என்பதும், இவர்கள் கால்நடைகளை தொடர்ந்து திருடி வந்ததும் தெரிய வந்தது. 
அதையடுத்து, இவர்கள் மீது வழக்குப் பதிவு செய்து நீதிமன்றக் காவலுக்கு அனுப்பினர். மேலும் இவர்களிடம் இருந்த சரக்கு வாகனத்தையும் பறிமுதல் செய்தனர்.
 

]]>
http://www.dinamani.com/all-editions/edition-chennai/thiruvallur/2018/dec/08/கால்நடைகளை-திருடியதாக-2-பேர்-கைது-3053707.html
3053619 சென்னை திருவள்ளூர் கொடி நாள் நிதியை தாராளமாக வழங்க ஆட்சியர் வேண்டுகோள் DIN DIN Saturday, December 8, 2018 01:20 AM +0530 படைவீரர்களின் நலன் கருதி கொடி நாள் நிதியை பொதுமக்கள் தாராளமாக வழங்க வேண்டும் என ஆட்சியர் மகேஸ்வரி ரவிகுமார் வேண்டுகோள் விடுத்துள்ளார்.  
ராணுவத்தினரின் தியாகத்தைப் போற்றும் வகையில், டிச. 7-ஆம் நாள் நாடு முழுவதும் படை வீரர் கொடி நாளாக அனுசரிக்கப்படுகிறது. 
கொடி விற்பனை வாயிலாக திரட்டப்படும் நிதி, முப்படை வீரர்களின் குடும்ப நலத்திற்கும், உடல் உறுப்புகளை இழந்த வீரர்களின் மறுவாழ்வுக்கும் பயன்படுத்தப்படுகிறது. 
அந்த வகையில் திருவள்ளூர் மாவட்டத்தில் ஆட்சியர் அலுவலக வளாகத்தில் ஆட்சியர் மகேஸ்வரி ரவிகுமார் கொடிநாள் நிதியை வழங்கி நிதி வசூலை வெள்ளிக்கிழமை தொடங்கி வைத்துப் பேசியது: 
இந்திய படைவீரர் நல நிதியான கொடி நாள் நிதி ஒவ்வொரு ஆண்டும் வசூலிக்கப்பட்டு வருகிறது. இன்று கொடிநாள் நிதி அளித்து தொடங்கி வைத்துள்ளேன். 
இதேபோல் அனைத்து அரசுத் துறையினரும் கொடிநாள் நிதியை அதிக அளவில் வசூலிக்க வேண்டும்.  இந்திய படைவீரர்களின் நலனைப் பாதுகாக்கவே கொடிநாள் நிதி வசூலிக்கப்படுகிறது. இதில், பொதுமக்கள் அனைவரும் தாராளமாக முன்வந்து கொடிநாள் நிதியை அளிக்கவேண்டும் என அவர் கேட்டுக் கொண்டார்.
 

]]>
http://www.dinamani.com/all-editions/edition-chennai/thiruvallur/2018/dec/08/கொடி-நாள்-நிதியை-தாராளமாக-வழங்க-ஆட்சியர்-வேண்டுகோள்-3053619.html
3053620 சென்னை திருவள்ளூர் கிராம நிர்வாக அலுவலர்கள் உண்ணாவிரதப் போராட்டம் DIN DIN Saturday, December 8, 2018 01:11 AM +0530 பழைய ஓய்வூதியத் திட்டத்தை அமல் படுத்துதல் உள்ளிட்ட பல்வேறு கோரிக்கைகளை வலியுறுத்தி தமிழ்நாடு கிராம நிர்வாக அலுவலர்கள் சங்கத்தினர் வெள்ளிக்கிழமை உண்ணாவிரதப் போராட்டத்தில் ஈடுபட்டனர். 
திருவள்ளூர் ஆயில் மில் அருகே நடந்த நிகழ்வுக்கு அச்சங்கத்தின் மாவட்டத் தலைவர் இளங்கோ தலைமை வகித்தார். மாவட்டச் செயலாளர் பிரகாஷ் பாலாஜி முன்னிலை வகித்தார். அச்சங்கத்தின் மாநில துணைத்தலைவர் பாலகிருஷ்ணன் கலந்து கொண்டு கோரிக்கைகள் விளக்கமாக எடுத்துரைத்து உண்ணாவிரதப் போராட்டத்தைத் தொடங்கி வைத்தார்.  
இதில், ஒரே உத்தரவில் பணியிட மாறுதல் வழங்க வேண்டும். பழைய ஓய்வூதியத் திட்டத்தை செயல்படுத்த வேண்டும்.  உள்பிரிவு பட்டா மாறுதலில் கிராம நிர்வாக அலுவலரின் பரிந்துரையை கட்டாயமாக்க வேண்டும், கூடுதல் பொறுப்பு கிராமப் பணிகளுக்கு கூடுதல் ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி உண்ணாவிரதப் போராட்டத்தில் ஈடுபட்டனர். 
மாவட்ட இணைச்செயலாளர் திருமால் நன்றி கூறினார். இப்போராட்டத்தில் தமிழ்நாடு கிராம நிர்வாக அலுவலர்கள் சங்கத்தினர் திரளாகக் கலந்து கொண்டனர். 

]]>
http://www.dinamani.com/all-editions/edition-chennai/thiruvallur/2018/dec/08/கிராம-நிர்வாக-அலுவலர்கள்-உண்ணாவிரதப்-போராட்டம்-3053620.html
3053618 சென்னை திருவள்ளூர் மின்வாரியத் தொழிலாளர்கள் ஆர்ப்பாட்டம் DIN DIN Saturday, December 8, 2018 01:10 AM +0530 புதிய மின்சார சட்டத் திருத்த மசோதாவை திரும்பப் பெற வலியுறுத்தி வடசென்னை அனல்மின் நிலைய நுழைவு வாயில் முன்பு மின் வாரியத் தொழிலாளர்கள் வெள்ளிக்கிழமை ஆர்ப்பாட்டம் நடத்தினர்.
பொதுமக்களை பாதிக்கும் வகையில் உள்ள புதிய மின்சார சட்டத் திருத்த மசோதாவை திரும்பப் பெற வலியுறுத்தி மின் வாரியத்தின் அனைத்து தொழிற்சங்கம் சார்பில் ஆர்ப்பாட்டம் நடைபெற்றது. "புதிய மின்சார சட்டத் திருத்த மசோதாவால் மின்சார கட்டணம் உயரும்; இலவச மின்சாரம் ரத்தாகும்; மாநில அரசின் அதிகாரம் பறிக்கப்படும்; வேலைவாய்ப்புகள் குறையும்; சேவைத் துறையான மின்சாரத்துறை வணிகமயமாகும்' என போராட்டத்தில் ஈடுபட்டவர்கள் கோஷங்களை எழுப்பினர். இதில் 100-க்கும் மேற்பட்ட தொழிலாளர்கள் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/08/மின்வாரியத்-தொழிலாளர்கள்-ஆர்ப்பாட்டம்-3053618.html
3053616 சென்னை திருவள்ளூர் மாணவ, மாணவியர் 3,511 பேருக்கு விலையில்லா மிதிவண்டிகள்: அமைச்சர் வழங்கினார் DIN DIN Saturday, December 8, 2018 01:10 AM +0530 திருவள்ளூர் அருகே நடந்த நிகழ்ச்சியில் மாணவ, மாணவியர் 3,511 பேருக்கு விலையில்லா மிதிவண்டிகளை தமிழ் வளர்ச்சி மற்றும் தொல்லியல் துறை அமைச்சர் க.பாண்டியராஜன் வெள்ளிக்கிழமை வழங்கினார். 
திருவள்ளூர் அருகேயுள்ள குத்தம்பாக்கம் கிராமத்தில் உள்ள அரசு மேல்நிலைப்பள்ளி வளாகத்தில் மாணவ, மாணவியருக்கு விலையில்லா மிதிவண்டிகள் வழங்கும் நிகழ்ச்சி வெள்ளிக்கிழமை நடைபெற்றது. 
இந்த  நிகழ்ச்சிக்கு ஆட்சியர் மகேஸ்வரி ரவிகுமார் தலைமை வகித்தார். இதில் மாவட்ட முதன்மைக் கல்வி அலுவலர் ராஜேந்திரன் முன்னிலை வகித்தார். 
நிகழ்வில், சிறப்பு விருந்தினராக தமிழ் வளர்ச்சி மற்றும் தொல்லியல்துறை அமைச்சர் க.பாண்டியராஜன் கலந்து கொண்டு பேசியது: மாணவ, மாணவியர் பயன்பெறும் வகையில் பல்வேறு நலத்திட்ட உதவிகளை அரசு செயல்படுத்தி வருகிறது. அந்த வகையில், பூந்தமல்லி சட்டப்பேரவைத் தொகுதிக்கு உள்பட்ட 14 பள்ளிகளைச் சேர்ந்த 11-ஆம் வகுப்பு மாணவ, மாணவியர் 1,773 பேருக்கும், பிளஸ் 2 மாணவ, மாணவியர் 1,738 பேருக்கும் என மொத்தம் 3,511 பேருக்கு விலையில்லா மிதிவண்டிகள் வழங்கப்படுவதாக அவர் தெரிவித்தார். 
அதைத் தொடர்ந்து மாணவ, மாணவியருக்கு விலையில்லா மிதிவண்டிகளை அவர் வழங்கினார்.
இந்த நிகழ்ச்சியில் திருவள்ளூர் மக்களவை உறுப்பினர் பி.வேணுகோபால், பொன்னேரி சட்டப் பேரவை உறுப்பினர் பி.பலராமன், மாவட்ட முதன்மைக் கல்வி அலுவலர் த.ராஜேந்திரன் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-chennai/thiruvallur/2018/dec/08/மாணவ-மாணவியர்-3511-பேருக்கு-விலையில்லா-மிதிவண்டிகள்-அமைச்சர்-வழங்கினார்-3053616.html
3053614 சென்னை திருவள்ளூர் லட்சுமிபுரம் அணைக்கட்டில் நீர்க்கசிவு: சீரமைக்கும் பணி தொடக்கம்  DIN DIN Saturday, December 8, 2018 01:09 AM +0530 லட்சுமிபுரம் அணைக்கட்டில் உள்ள சிறு ஓட்டைகள் வழியாக ஏற்பட்ட நீர்க்கசிவை சீர்செய்யும் பணியில் பொதுப்பணித் துறையினர் வெள்ளிக்கிழமை முதல் ஈடுபட்டு வருகின்றனர்.
திருவள்ளூர் மாவட்டம், பொன்னேரி வட்டம், லட்சுமிபுரம் பகுதியில் உள்ள ஆரணி ஆற்றின் குறுக்கே அணைக்கட்டு கட்டப்பட்டுள்ளது. பொன்னேரி, ஆரணி, பெரியபாளையம், புதுவாயல், ஏலியம்பேடு மற்றும் அதைச் சுற்றியுள்ள பகுதிகளில் அண்மையில் பெய்த கன மழையால் இங்குள்ள ஆரணி ஆற்றின் குறுக்கே கட்டப்பட்டுள்ள இந்த அணைக்கட்டுக்கு நீர் வரத் தொடங்கியுள்ளது.
ஆந்திரத்தில் தொடங்கும் ஆறு: ஆந்திர மாநிலம், சித்தூர் மாவட்டத்தில் உள்ள கர்னேத் நகர் பகுதியில் தொடங்கி பழவேற்காட்டில் உள்ள உவர்ப்பு நீர் ஏரியில் ஆரணி ஆறு கலக்கிறது. 
இந்த ஆறு சுமார் 65 கி.மீ. தூரம் ஆந்திரத்திலும், 65 கி.மீ. தூரம் தமிழகத்திலும் ஓடுகிறது. ஆரணி ஆற்றின் நீர் பழவேற்காடு உவர்ப்பு நீர் ஏரியில் கலந்து வீணாவதைத் தடுக்க பொன்னேரி அருகே உள்ள லட்சுமிபுரம் பகுதியில் அணை கட்டப்பட்டுள்ளது. 
இந்த அணையில் தேக்கி வைக்கும் நீரால் இப்பகுதியில் உள்ள 10 ஆயிரம் ஏக்கருக்கும் மேற்பட்ட விவசாய நிலங்கள் பாசன வசதி பெறுகின்றன. கடந்த 16 ஆண்டுகளுக்கு முன்பு ஆரணி ஆற்றில் ஏற்பட்ட திடீர் வெள்ளம் காரணமாக லட்சுமிபுரம் அணை உடைந்தது. இதன் காரணமாக அப்போது ஆரணி ஆற்றுக்கு வரும் மழை நீரை சேமித்து வைக்க முடியாமல் அது பழவேற்காடு உவர்ப்பு நீர் ஏரியில் கலந்து வீணாகி வந்தது. 
அதன் பின்னர் 2005-ஆம் ஆண்டு நபார்டு வங்கி நிதியுதவியின் மூலம் ரூ. 5 கோடியே 28 லட்சம் மதிப்பீட்டில் 116 மீட்டர் நீளமும், 4.15 மீட்டர் உயரமும் கொண்ட புதிய அணை கட்டப்பட்டது. மேலும், லட்சுமிபுரம் அணையில் இருந்து உபரியாகச் செல்லும் நீர், பழவேற்காடு உவர்ப்பு ஏரியில் வீணாகிக் கலப்பதைத் தடுக்கும் வகையில் ரெட்டிப்பாளையம் பகுதியில் கடந்த 8 ஆண்டுகளுக்கு முன் புதிய அணை கட்டப்பட்டு, அங்கும் தற்போது மழை நீர் சேமித்து வைக்கப்படுகிறது. 
இதனால் அப்பகுதியில் உள்ள 3 ஆயிரம் ஏக்கருக்கும் மேற்பட்ட  விவசாய நிலங்கள் பாசன வசதி பெற்று வருகின்றன. இப்பகுதியில் பெய்த மழை காரணமாக லட்சுமிபுரம் அணைக்கட்டுக்கு நீர் வரத் தொடங்கியுள்ளதால், அணை நிரம்பி வருகிறது.
இந்நிலையில், அதிலிருந்து பெரும்பேடு ஏரிக்கு பாசனத்துக்கு தண்ணீர் கொண்டு செல்லும் கால்வாய் சுற்றுச்சுவரின் அடிப்பகுதியில் நீர்க்கசிவு ஏற்பட்டுள்ளது. 
இதையடுத்து பொதுப்பணித்துறை அதிகாரிகள் நீர்க்கசிவு ஏற்படும் பகுதிகளை சீரமைக்கும் பணியை மேற்கொண்டனர். இதனிடையே அணைக்கட்டில் உள்ள சிறு ஓட்டைகள் வழியாக தண்ணீர் கசிந்து வெளியேறுகிறது. அதையும் சீரமைக்கும் பணியில் பொதுப்பணித் துறையினர் ஈடுபட்டுள்ளனர்.
 

]]>
http://www.dinamani.com/all-editions/edition-chennai/thiruvallur/2018/dec/08/லட்சுமிபுரம்-அணைக்கட்டில்-நீர்க்கசிவு-சீரமைக்கும்-பணி-தொடக்கம்-3053614.html
3053612 சென்னை திருவள்ளூர் கால்நடைகளை திருடியதாக 2 பேர் கைது DIN DIN Saturday, December 8, 2018 01:09 AM +0530 செங்குன்றம் மற்றும் சுற்றுவட்டாரப் பகுதிகளில் கால்நடைகளை திருடியதாக இருவரை காவல்துறையினர் வெள்ளிக்கிழமை கைது செய்தனர். 
திருவள்ளூர் மாவட்டம் செங்குன்றம், வடகரை, வடபெரும்பாக்கம், புள்ளிலைன், பாலவாயல், லட்சுமிபுரம், அம்மன்பேட்டை, கோணிமேடு உள்ளிட்ட பகுதிகளில் ஆடு, மாடுகள் தொடர்ந்து காணாமல் போயின. இது குறித்து கால்நடை உரிமையாளர்கள், புழல் சரக காவல் உதவி ஆணையர் வெங்கடேசனுக்கு புகார் அளித்தனர். இதையடுத்து, தனிப்படை அமைத்து குற்றவாளிகளை போலீஸார் தேடி வந்தனர். 
இந்நிலையில், செங்குன்றம் காவல் ஆய்வாளர் கருணாகரன் தலைமையில் போலீஸார் பம்மதுகுளம் - புத்தூர் சாலையில் வெள்ளிக்கிழமை வாகனச் சோதனையில் ஈடுபட்டனர். 
அப்போது சந்தேகத்துக்கு உரிய வகையில் வேகமாக வந்த சரக்கு வாகனத்தை தடுத்து நிறுத்தி சோதனை செய்தனர். அப்போது அதில் ஆடுகள் இருப்பதை அறிந்தனர். இதையடுத்து, அவர்களை காவல் நிலையத்துக்கு அழைத்துச் சென்று விசாரணை நடத்தியதில், சென்னை கொருக்குப்பேட்டை ஆனந்த நாயக்கர் தெருவைச் சேர்ந்த சூர்யா(20), டில்லிபாபு (23) என்பதும், இவர்கள் கால்நடைகளை தொடர்ந்து திருடி வந்ததும் தெரிய வந்தது. 
அதையடுத்து, இவர்கள் மீது வழக்குப் பதிவு செய்து நீதிமன்றக் காவலுக்கு அனுப்பினர். மேலும் இவர்களிடம் இருந்த சரக்கு வாகனத்தையும் பறிமுதல் செய்தனர்.

]]>
http://www.dinamani.com/all-editions/edition-chennai/thiruvallur/2018/dec/08/கால்நடைகளை-திருடியதாக-2-பேர்-கைது-3053612.html
3053611 சென்னை திருவள்ளூர் சர்வதேச எய்ட்ஸ் தினம்: மாணவ,  மாணவியர் விழிப்புணர்வு பேரணி DIN DIN Saturday, December 8, 2018 01:08 AM +0530 சர்வதேச எய்ட்ஸ் தினத்தை முன்னிட்டு பொதுமக்களுக்கு எய்ட்ஸ் நோய் குறித்த பாதுகாப்பு   விழிப்புணர்வு ஏற்படுத்தும் நோக்கத்தில் பள்ளி மாணவ, மாணவியர் சார்பில் வெள்ளிக்கிழமை நடைபெற்ற பேரணியை ஆட்சியர் மகேஸ்வரி ரவிகுமார் வெள்ளிக்கிழமை தொடங்கி வைத்தார். 
 திருவள்ளூர் வட்டாட்சியர் அலுவலக வளாகத்தில் இருந்து, மருத்துவக் கல்லூரி மாணவ, மாணவியர் பங்கேற்ற விழிப்புணர்வு பேரணியை ஆட்சியர் மகேஸ்வரி ரவிகுமார் தொடங்கி வைத்தார். இதில், ஒருவனுக்கு ஒருத்தி, பாதுகாப்பாக இருப்போம்; எய்ட்ஸை தவிர்ப்போம், எய்ட்ஸ் இல்லாத உலகத்தை உருவாக்குவோம் என்பன உள்பட பல்வேறு வாசகங்கள் அடங்கிய பதாகைகளை மாணவ, மாணவியர் கைகளில் ஏந்தியவாறு ஜே.என். சாலை வழியாக மாவட்ட அரசு மருத்துவமனை வரையில் பேரணியாகச் சென்றனர். இப்பேரணியின்போது ஆட்சியரும் உடன் சென்றார். 
  அப்போது இது தொடர்பாக அவர் கூறியது: கடந்த ஆண்டுகளில் இருந்ததை விட நிகழாண்டில் எய்ட்ஸ் நோய் பெருவாரியாக குறைந்துள்ளது. இந்த மாவட்டத்தில் 170 நோயாளிகள் மட்டுமே உள்ளனர். அதனால் இனிவரும் காலங்களில் எய்ட்ஸ் நோயே இல்லாத மாவட்டமாக திருவள்ளூர் மாவட்டத்தை மாற்றுவதற்குத் தேவையான முன்னெச்சரிக்கையோடு இருப்பதை வலியுறுத்தும் நோக்கத்தில் இப்பேரணி நடத்தப்பட்டது என அவர் தெரிவித்தார்.

]]>
http://www.dinamani.com/all-editions/edition-chennai/thiruvallur/2018/dec/08/சர்வதேச-எய்ட்ஸ்-தினம்-மாணவ--மாணவியர்-விழிப்புணர்வு-பேரணி-3053611.html
3053609 சென்னை திருவள்ளூர் தாய், மகளிடம் 7 சவரன் நகை பறிப்பு DIN DIN Saturday, December 8, 2018 01:07 AM +0530 திருவள்ளூர் அருகே நடந்து சென்ற நடந்து சென்ற தாய் மற்றும் மகளிடம் 7 சவரன் நகைகளைப் பறித்துச் சென்றவர்களை போலீஸார் தேடி வருகின்றனர். 
இது குறித்து செவ்வாப்பேட்டை போலீஸார் கூறியது: திருவள்ளூரை அடுத்த செவ்வாப்பேட்டை எப்.சி.ஐ. காலனியைச் சேர்ந்தவர் பிரேமா(57). இவருடைய மகள் வரலட்சுமி, மருத்துவக் கல்லூரியில் உதவி பேராசிரியையாக பணியாற்றி வருகிறார். வெள்ளிக்கிழமை காலை சென்னை-திருவள்ளூர் சாலையில் பேருந்து ஏறுவதற்காக தாயும், மகளும் நடந்து சென்று கொண்டிருந்தனர். 
அப்போது, இருசக்கர வாகனத்தில் தலைக்கவசம் அணிந்து வந்த 2 பேர் இவர்களை வழிமறித்து, வரலட்சுமி அணிந்திருந்த ஒரு சவரன் நகையையும், அவருடைய தாயார் அணிந்திருந்த 6 சவரன் நகையையும் பறித்துக் கொண்டு வாகனத்தில் தப்பிச் சென்றனர். இதுகுறித்து, வரலட்சுமி செவ்வாப்பேட்டை காவல் நிலையத்தில் புகார் அளித்தார். அதன்பேரில் போலீஸார் வழக்குப் பதிந்து, மர்ம நபர்களைத் தேடி வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/08/தாய்-மகளிடம்-7-சவரன்-நகை-பறிப்பு-3053609.html
3053608 சென்னை திருவள்ளூர் திருவள்ளூர் அரசு மருத்துவமனையில் லஞ்ச ஒழிப்புத்துறை போலீஸார் திடீர் ஆய்வு DIN DIN Saturday, December 8, 2018 01:07 AM +0530 அரசு மருத்துவமனைகளில் செவிலியர்கள், ஊழியர்கள் உள்ளிட்டோர் நோயாளிகளிடம் பணம் வசூலிப்பதாக வந்த புகாரைத் தொடர்ந்து, லஞ்ச ஒழிப்புத்துறை போலீஸார் வெள்ளிக்கிழமை திருவள்ளூர் அரசு மருத்துவமனையில் அதிரடி ஆய்வு மேற்கொண்டனர்.
திருவள்ளூர் மாவட்ட அரசு தலைமை மருத்துவமனைக்கு பல்வேறு பகுதிகளில் இருந்து ஏழை எளிய மக்கள் சிகிச்சைக்காகவும், பிரசவத்துக்காகவும் வந்து செல்கின்றனர். 
இதுபோன்று வருவோரிடமும், நோயாளிகளின் உறவினர்களிடமும் மருத்துவமனை செவிலியர்கள், ஊழியர்கள் பணம் பெறுவதாக புகார் இருந்து வருகிறது.  நோயாளிகளின் சிகிச்சைக்கு உதவும் ஸ்கேன், எக்ஸ்ரே உள்ளிட்ட பரிசோதனைகளுக்கும் குறைந்த கட்டணத்தை அரசு நிர்ணயம் செய்துள்ளது. 
ஆனால், இங்கு பணிபுரிந்து வரும் செவிலியர்கள், ஊழியர்கள் உள்ளிட்டோர் கூடுதலான தொகையை வாங்கி வருவதாகக் கூறப்படுகிறது. இதுதொடர்பாக உயர் அதிகாரிகளிடம் முறையிட்டாலும் எவ்வித நடவடிக்கையும் இல்லை என லஞ்ச ஒழிப்புத்துறைக்கு தொடர்ந்து புகார்கள் வந்தன.  இதையடுத்து திருவள்ளூர் அரசு மருத்துவமனையில், சென்னை அடையாறு லஞ்ச ஒழிப்புத் துறை போலீஸார் வெள்ளிக்கிழமை திடீர் ஆய்வு மேற்கொண்டனர். 
லஞ்ச  ஒழிப்புத்துறை துணைக் கண்காணிப்பாளர் சங்கர் தலைமையில், காவல் ஆய்வாளர்கள் சங்கர சுப்பிரமணியன்,  சசிகலா, ஜெயபாரதி உள்ளிட்ட 10 பேர் கொண்ட குழுவினர், அரசு மருத்துவமனையில் பகல் 12 மணி முதல் அதிரடிச் சோதனை மேற்கொண்டனர்.  
அதைத் தொடர்ந்து நோயாளிகளுக்கு வழங்கப்படும் உணவில் முறைகேடு செய்வதாக வந்த புகாரை அடுத்து அங்கும் ஆய்வு மேற்கொண்டனர். பகல் 12 மணிக்கு தொடங்கிய ஆய்வு வெள்ளிக்கிழமை இரவு வரை நீடித்தது.  
இந்த ஆய்வின்போது, மருந்தகம், நோயாளிகளுக்கு உணவு வழங்கும் பிரிவுகளில் கைப்பற்றப்பட்ட ஆவணங்களில் முறைகேடு நடைபெற்று இருப்பதாக முதல் கட்ட விசாரணையில் தெரிய வந்துள்ளது.

]]>
http://www.dinamani.com/all-editions/edition-chennai/thiruvallur/2018/dec/08/திருவள்ளூர்-அரசு-மருத்துவமனையில்-லஞ்ச-ஒழிப்புத்துறை-போலீஸார்-திடீர்-ஆய்வு-3053608.html
3053607 சென்னை திருவள்ளூர் மாவட்ட அளவிலான அறிவியல் கண்காட்சி: ஆட்சியர் தொடங்கி வைத்தார் DIN DIN Saturday, December 8, 2018 01:07 AM +0530 திருவள்ளூர் மாவட்ட அளவிலான மாணவ, மாணவியரின் அறிவியல் கண்காட்சியை ஆட்சியர் மகேஸ்வரி ரவிகுமார் வெள்ளிக்கிழமை தொடங்கி வைத்தார்.     
மாவட்ட பள்ளிக் கல்வித் துறை சார்பில் மாணவர்களிடையே அறிவியல் ஆர்வத்தை ஏற்படுத்தும் நோக்கத்தில் ஆண்டுதோறும் அறிவியல் கண்காட்சி நடத்தப்பட்டு வருகிறது. அந்த வகையில் திருவள்ளூர் வெங்கடேஸ்வரா மெட்ரிகுலேசன் மேல்நிலைப்பள்ளி வளாகத்தில் அறிவியல் கண்காட்சி வெள்ளிக்கிழமை நடைபெற்றது.
இந்த கண்காட்சிக்கு மாவட்ட முதன்மைக் கல்வி அலுவலர் த.ராஜேந்திரன் தலைமை வகித்தார். மாவட்ட கல்வி அலுவலர் குமாரசாமி முன்னிலை வகித்தார்.   
இதில் சிறப்பு விருந்தினராக ஆட்சியர் மகேஸ்வரி ரவிகுமார் கலந்து கொண்டு அறிவியல் கண்காட்சியை தொடங்கி வைத்தார். 
இந்த கண்காட்சியில் 80-க்கும் மேற்பட்ட பள்ளிகளைச் சேர்ந்த மாணவ, மாணவியர் தங்கள் படைப்புகளை பார்வைக்கு வைத்திருந்தனர். 
இதில், இயற்கை முறையில் விளைவிக்கும் உணவு வகைகள், சூரிய வெளிச்சம் பட்டதும் அணையும் வகையிலும், வெளிச்சம் இல்லாத போது தானாக எரியும் வகையிலும் உருவாக்கப்பட்ட தானியங்கி தெருவிளக்குகள் உள்ளிட்ட பல்வேறு படைப்புகள் இடம் பெற்றிருந்தன. 
இந்த அறிவியல் படைப்புகளை பல்வேறு பகுதிகளில் இருந்து வந்த மாணவ, மாணவியர் ஆர்வத்துடன்  
பார்வையிட்டனர்.  
இந்த நிகழ்ச்சியில் உதவித் திட்ட அலுவலர் நந்தகுமார், மாவட்ட கல்வி அலுவலர்கள் சாம்பசிவம் (பொன்னேரி), இளம்பரிதி (ஆவடி), ஷீலா பிளாரன்ஸ் (அம்பத்தூர்), முனிசுப்பராயன்(திருத்தணி) ஆகியோர் கலந்து கொண்டனர். உதவித் திட்ட ஒருங்கிணைப்பாளர் வ.ராமச்சந்திரன் நன்றி கூறினார்.
கும்மிடிப்பூண்டியில்...
கும்மிடிப்பூண்டி, டிச.7: கும்மிடிப்பூண்டியை அடுத்த பாதிரிவேடு-மாதர்பாக்கம் அரசு மேல்நிலைப் பள்ளியில் கடந்த இரு நாள்களாக நடைபெற்ற அறிவியல் மற்றும் கணிதக் கண்காட்சி போட்டி வெள்ளிக்கிழமை நிறைவடைந்தது. இந்தப் பள்ளியில் நடைபெற்ற பள்ளிகளுக்கு இடையிலான அறிவியல் மற்றும் கணிதக் கண்காட்சிக்கு முதன்மைக் கல்வி அலுவலர் ராஜேந்திரன் தலைமை வகித்தார். 
பொன்னேரி கல்வி மாவட்ட அலுவலர் சாம்பசிவம், வட்டாரக் கல்வி அலுவலர்கள் உள்ளிட்டோர் பங்கேற்றனர். 
கல்பாக்கம் அனல் மின் நிலைய இணை இயக்குநர் டி.எஸ்.லட்சுமி நரசிம்மன் தொடங்கி வைத்த இந்த கண்காட்சி போட்டியில் 52 அரசு மற்றும் தனியார் பள்ளிகளைச் சேர்ந்த 500-க்கும் மேற்பட்ட மாணவ, மாணவியர் 284 -க்கும் மேற்பட்ட அறிவியல் மற்றும் கணிதப் படைப்புகளை காட்சிக்கு வைத்திருந்தனர். அவற்றில், பாதிரிவேடு-மாதர்பாக்கம் அரசு மேல்நிலைப்பள்ளி 12ஆம் வகுப்பு மாணவர்கள் ஜி.நவீன்-என்.எஸ்.சிவசுப்பிரமணியம் ஆகியோரின் சூரிய சக்தி, காற்றாலை சக்தி, சாண எரிவாயுவால் கிடைக்கும் சேமிக்கப்பட்ட மின்தேக்கியில் இருந்து வரும் மின்சாரத்தைப் பயன்படுத்தும் வீடு, நிலத்தடி நீர் சேமிப்பு, மக்கும் குப்பையை உரமாகப் பயன்படுத்தி மாடித் தோட்டம் அமைத்தல், தானியங்கி குப்பைத் தொட்டி, தானியங்கி தெரு விளக்கு, பிளாஸ்டிக் மறுசுழற்சி, நீர் மேலாண்மை மற்றும் கழிவு நீர் மேலாண்மை உள்ளிட்டவை தொடர்பான படைப்புகள் அனைவரையும் கவர்ந்தன.
கடந்த இரு நாள்களாக பல்வேறு பள்ளிகளை சேர்ந்த ஆயிரத்துக்கும் மேற்பட்ட மாணவர்கள் இந்தக் கண்காட்சியைக் கண்டு களித்தனர்.
தொடர்ந்து நடைபெற்ற பரிசளிப்பு விழாவில் கல்பாக்கம் அனல் மின்நிலைய சுற்றுச்சூழல் அதிகாரி ஜேசன், தமிழ்நாடு அறிவியல் இயக்கத்தைச் சேர்ந்த சுற்றுச்சூழல் ஆர்வலர் விஜயசாரதி ஆகியோர் வாழ்த்துரை வழங்கினர். 
கண்காட்சியில் சிறப்பாகச் செயல்பட்ட மாநெல்லூர் அரசு தொடக்கப்பள்ளி, ஈகுவார்பாளையம் அரசு தொடக்கப்பள்ளி, பாதிரிவேடு ஊராட்சி ஒன்றிய நடுநிலைப்பள்ளி உள்ளிட்ட பள்ளி மாணவர்களின் படைப்புகளுக்கு தங்கம், வெள்ளி, வெண்கலப் பதக்கங்களை ஆர்.வி.எஸ். பொறியியல் கல்லூரி முதல்வர் வெங்கடமுனி வழங்கினார்.

]]>
http://www.dinamani.com/all-editions/edition-chennai/thiruvallur/2018/dec/08/மாவட்ட-அளவிலான-அறிவியல்-கண்காட்சி-ஆட்சியர்-தொடங்கி-வைத்தார்-3053607.html
3053183 சென்னை திருவள்ளூர் தமிழ் உச்சரிப்பில் உள்ளதுபோல் ஊர் பெயர் ஆங்கிலத்திலும் அமைய நடவடிக்கை: ஆட்சியர் தகவல் DIN DIN Friday, December 7, 2018 07:14 AM +0530 தமிழ் உச்சரிப்பில் உள்ளதுபோன்று ஊர் பெயர்களை ஆங்கிலத்தில் அமைத்து செயல்படுத்துவதற்கான நடவடிக்கை மேற்கொள்ளப்பட்டு வருவதாக ஆட்சியர் மகேஸ்வரி ரவிகுமார் தெரிவித்தார்.
 திருவள்ளூர் மாவட்ட ஆட்சியர் அலுவலக வளாகக் கூட்டரங்கத்தில் தமிழ் வளர்ச்சித் துறை சார்பில் ஊர் பெயர்களை தமிழ் உச்சரிப்பில் இருப்பது போன்று ஆங்கிலத்திலும் அமைத்து செயல்படுத்துவது தொடர்பான முதல்கட்ட உயர்நிலைக் கூட்டம் வியாழக்கிழமை நடைபெற்றது. கூட்டத்துக்கு ஆட்சியர் மகேஸ்வரி ரவிகுமார் தலைமை வகித்துப் பேசியது:
பதிவு ஆவணங்களின் அடிப்படையில் ஊர்களின் பெயர்கள் தமிழ் உச்சரிப்பில் இருப்பது போலவே ஆங்கிலத்திலும் உச்சரிப்பதற்கான நடவடிக்கை தமிழ் வளர்ச்சித் துறை சார்பில் எடுக்கப்பட்டு வருகிறது. ஏற்கெனவே இதுதொடர்பாக பல்வேறு உள்ளாட்சி துறைகள் மற்றும் பொதுமக்களுக்கும் தெரிவித்து கருத்துகள் கோரப்பட்டன.
 அந்த வகையில் கருத்துகளைத் தெரிவிக்க விரும்புவோர் ஆட்சியர் அலுவலக வளாகத்தில் செயல்பட்டு வரும் தமிழ் வளர்ச்சித் துறை உதவி இயக்குநர் அலுவலகத்தை நேரடியாகவோ அல்லது அஞ்சல் மூலமாகவோ தொடர்பு கொண்டு தெரிவிக்கலாம் என்றார் அவர்.
கூட்டத்தில் மண்டல நகராட்சிகளின் இணை ஆணையர், நில அளவை பதிவேடுகளின் உதவி இயக்குநர், ஊராட்சிகளின் உதவி இயக்குநர், பேரூராட்சிகளின் உதவி இயக்குநர்  மற்றும் தமிழறிஞர்கள்  பங்கேற்றனர்.
 

]]>
http://www.dinamani.com/all-editions/edition-chennai/thiruvallur/2018/dec/07/தமிழ்-உச்சரிப்பில்-உள்ளதுபோல்-ஊர்-பெயர்-ஆங்கிலத்திலும்-அமைய-நடவடிக்கை-ஆட்சியர்-தகவல்-3053183.html
3053182 சென்னை திருவள்ளூர் தேசிய விளையாட்டுப் போட்டி:  வெற்றி பெற்ற மாணவர்களுக்கு ஆட்சியர் பாராட்டு DIN DIN Friday, December 7, 2018 07:14 AM +0530 தேசிய அளவிலான விளையாட்டுப் போட்டியில் சிறப்பிடம் பெற்று தங்கப் பதக்கம் மற்றும் சுழற்கோப்பையை வென்ற மாணவ, மாணவியருக்கு ஆட்சியர் மகேஸ்வரி ரவிகுமார் வியாழக்கிழமை பாராட்டு தெரிவித்தார். 
மாநில அளவில் சிறப்பிடம் பெற்ற மாணவ, மாணவியர் பங்கேற்ற தேசிய அளவிலான விளையாட்டு போட்டிகள் மகாராஷ்டிர மாநிலம், புணேவில் கடந்த வாரம் நடைபெற்றன. இப்போட்டிகளில் பல்வேறு பள்ளிகளைச் சேர்ந்த 500-க்கும் மேற்பட்ட மாணவ, மாணவியர் கலந்து கொண்டனர். இதில், திருவள்ளூர் மணவாளநகரில் உள்ள சரஸ்வதி உயர் நிலைப் பள்ளியைச் சேர்ந்த மாணவ, மாணவியர் கலந்து கொண்டனர்.  
இப்பள்ளியின் 8-ஆம் வகுப்பு மாணவி புனிதா தேசிய அளவிலான குண்டு எறிதல் போட்டியில் தங்கப் பதக்கம், 9-ஆம் வகுப்பு மாணவி  காவியப்பிரியா 1,500 மீ. ஓட்டத்தில் வெள்ளிப் பதக்கம், 8-ஆம் வகுப்பு மாணவர் எஸ்.ஐ.திவாகர் ஈட்டி எறிதல் போட்டியில் வெள்ளிப் பதக்கம் வென்றனர்.  அதேபோல் மாவட்ட அளவிலான கபடிப் போட்டியில் இப்பள்ளி மாணவியர் சாம்பியன் பட்டம் பெற்றனர்.
இதைத் தொடர்ந்து, இப்போட்டிகளில் வென்ற மாணவ, மாணவியர் ஆட்சியர் அலுவலகத்தில் ஆட்சியர் மகேஸ்வரி ரவிகுமாரை வியாழக்கிழமை நேரில் சந்தித்தனர். அப்போது, பதக்கங்கள், சாம்பியன் கோப்பை மற்றும் சான்றிதழ்களை ஆட்சியரிடம் காண்பித்து பாராட்டு பெற்றனர். 
நிகழ்வில், மாவட்ட வருவாய் அலுவலர் து.சந்திரன், சார்  ஆட்சியர் ரத்னா, அலுவலக மேலாளர் தமிழ்ச்செல்வன், அன்னை சரஸ்வதி மெட்ரிக் பள்ளி முதல்வர் நாசர் பெய்க், ஆசிரியர் நரேஷ்குமார், உடற்பயிற்சி ஆசிரியர் குபேரன் ஆகியோர் உடனிருந்தனர். 

]]>
http://www.dinamani.com/all-editions/edition-chennai/thiruvallur/2018/dec/07/தேசிய-விளையாட்டுப்-போட்டி--வெற்றி-பெற்ற-மாணவர்களுக்கு-ஆட்சியர்-பாராட்டு-3053182.html
3053181 சென்னை திருவள்ளூர் தமிழகம் முழுவதும் விவசாய சந்தையை பசுமைத் தாயகம் தொடங்கும்: சௌமியா அன்புமணி DIN DIN Friday, December 7, 2018 07:13 AM +0530 பசுமைத் தாயகம் அமைப்பின் சார்பில் தமிழகம் எங்கும் விவசாய சந்தை அமைக்கப்படும் என கும்மிடிப்பூண்டி அருகே வியாழக்கிழமை நடைபெற்ற விவசாய சந்தை திறப்பு விழாவில் அமைப்பின் நிறுவனத் தலைவர் சௌமியா அன்புமணி தெரிவித்தார்.
கும்மிடிப்பூண்டியை அடுத்த எளாவூர்-சுண்ணாம்புகுளம் சாலையில் நடைபெற்ற  இந்த விவசாய சந்தை திறப்பு விழாவில் சிறப்பு அழைப்பாளராக பசுமைத் தாயகம் அமைப்பின் நிறுவனத் தலைவர் சௌமியா அன்புமணி கலந்து கொண்டு சந்தையை திறந்து வைத்தார். அமைப்பின் மாநிலச் செயலர் இரா.அருள் முதல் விற்பனையை தொடங்கி வைத்தார்.
நிகழ்வுக்கு பாமக மாநில துணைப் பொதுச் செயலர் மா.செல்வராஜ், மாவட்டச் செயலர் குபேந்திரன், பசுமைத் தாயகம் மாநில துணைச் செயலர் பத்மநாபன், மாவட்டச் செயலர் பசுமை முத்து, முன்னாள் மாவட்டச் செயலர் அமுதம் பாஸ்கர்,  ஒன்றியச் செயலர் எஸ்.டி.டி.சங்கர் ஆகியோர் முன்னிலை வகித்தனர்.
நிகழ்வில் விவசாய சந்தையை திறந்து வைத்துசௌமியா அன்புமணி பேசியது: பசுமைத் தாயகத்தின் சார்பில் விவசாயிகள் அவரவர் விளைபொருளை ஒரே இடத்தில் வைத்து விற்பனை செய்யும் வகையிலும், தரமான இயற்கை முறையில் விளையும் காய்கறிகளை பொதுமக்கள் வாங்கும் வகையில் விவசாய சந்தை ஆரம்பிக்கப்பட்டுள்ளது. 
இதே போன்று தமிழகம் முழுவதும் பல பகுதிகளில் இந்த சந்தை தொடங்கப்படும். விவசாய சந்தையில் காய்கறிகள், கீரை வகைகளை வாங்கும் பொதுமக்கள் நெகிழிப் பைகளுக்கு பதிலாக, துணிப்பை மற்றும் சணல் பையைப் பயன்படுத்த வேண்டும். இதற்காக சந்தையில் துணிப்பைகள் விற்பனைக்கு வைக்கப்படும் என்றார்.
நிகழ்வுக்கான ஏற்பாடுகளை பசுமைத் தாயகம் அமைப்பைச் சேர்ந்த  எஸ்.சேகர், ஆர்.டி.சங்கர், சுமலதா, வினோபா பூபதி உள்ளிட்டோர் செய்திருந்தனர்.
 

]]>
http://www.dinamani.com/all-editions/edition-chennai/thiruvallur/2018/dec/07/தமிழகம்-முழுவதும்-விவசாய-சந்தையை-பசுமைத்-தாயகம்-தொடங்கும்-சௌமியா-அன்புமணி-3053181.html
3053021 சென்னை திருவள்ளூர் போக்குவரத்து நெரிசலை தவிர்க்க பொன்னேரியில் புறவழிச் சாலை அமைக்கப்படுமா? DIN DIN Friday, December 7, 2018 04:09 AM +0530
பொன்னேரி, மீஞ்சூரில் ஏற்படும் போக்குவரத்து நெரிசலைத் தவிர்க்க அப்பகுதிகளில் அவசியம் புறவழிச்சாலைகளை அமைக்க நெடுஞ்சாலைத்துறையினர் நடவடிக்கை மேற்கொள்ள வேண்டும் என பொதுமக்கள் வலியுறுத்தி வருகின்றனர். 
திருவள்ளூர் மாவட்டத்தில் உள்ள பொன்னேரி பேரூராட்சியில் 40ஆயிரத்துக்கும் மேற்பட்ட மக்கள் வசித்து வருகின்றனர். 
அத்துடன் பொன்னேரியில் கோட்டாட்சியர், வட்டாட்சியர், நெடுஞ்சாலைத்துறை, பொதுப்பணித்துறை, சார்பதிவாளர் அலுவலகம், காவல்துறை துணை கண்காணிப்பாளர் அலுவலகம், அரசுக் கருவூலம், பேரூராட்சி அலுவலகம் உள்ளிட்ட 20-க்கும் மேற்பட்ட அரசு அலுவலகங்கள் இயங்கி வருகின்றன.
மேலும் மாவட்ட சார்பு நீதிமன்றம் உள்ளிட்ட 5 நீதிமன்றங்கள், கிளை சிறைச்சாலை, 5 தேசிய வங்கிகள், 3 திரையரங்குகள், தனியார் மற்றும் அரசு கல்லூரிகள், ஆண்கள், பெண்கள் மேல்நிலைப்பள்ளிகள் அமைந்துள்ளன. அத்துடன் பொன்னேரி தாலுகா தலைமை அரசு மருத்துவமனையும் இங்கு இயங்கி வருகிறது. 
அதே போன்று பொன்னேரி-திருவொற்றியூர் நெடுஞ்சாலையில் உள்ள மீஞ்சூரில், ஊராட்சி ஒன்றிய அலுவலகம், பேரூராட்சி அலுவலகம், தொடக்கக் கல்வி அலுவலகம், வேளாண்மைத்துறை அலுவலகம் உட்பட 10- க்கும் மேற்பட்ட அரசு அலுவலகங்கள் உள்ளன. 
தொடர் வரிசையில் செல்லும் கனரக வாகனங்கள்...: சென்னை துறைமுகம், எண்ணூர் காமராஜர் துறைமுகம், அதே பகுதியில் அமைந்துள்ள தனியார் துறைமுகம், வடசென்னை அனல் மின்நிலையம், அத்திப்பட்டு புதுநகரில் உள்ள இந்தியன் ஆயில் சமையல் எரிவாயு நிறுவனம், காட்டுப்பள்ளியில் அமைந்துள்ள கப்பல் கட்டும் தளம், கடல் நீரை குடிநீராக்கும் ஆலை, சி.பி.சி.எல். எண்ணெய் நிறுவனம் மற்றும் மணலி, மணலி புதுநகர், இடையஞ்சாவடி, கொண்டக்கரை, திருவொற்றியூர் உள்ளிட்ட பகுதிகளில் அமைந்துள்ள 100-க்கும் மேற்பட்ட தனியார் கண்டெய்னர் கிடங்குகளுக்கு செல்லும் கனரக (கண்டெய்னர்) வாகனங்கள் ஆகியவை பொன்னேரி, மீஞ்சூர் வழியாகச் சென்று வருகின்றன. 
இதன் காரணமாக பொன்னேரியில் உள்ள செங்குன்றம்-பொன்னேரி சாலை, திருவொற்றியூர்-பொன்னேரி சாலைகளில் எப்பொழுதும் கனரக வாகனங்களின் போக்குவரத்து நெரிசல் காணப்படுகிறது. 
அதே போன்று மீஞ்சூரில் உள்ள திருவொற்றியூர் நெடுஞ்சாலையிலும் எப்பொழுதும் போக்குவரத்து நெரிசல் காணப்படுகிறது. 
இதன் காரணமாக இச்சாலைகளில், காலை நேரங்களில் பள்ளி, கல்லூரிக்குச் செல்லும் மாணவர்கள், வேலைக்குச் செல்லும் பொதுமக்கள் பெரிதும் அவதிப்பட்டு வருகின்றனர். 
அடிக்கடி ஏற்படும் விபத்துகள்...: அதிக அளவிலான கனரக வாகனங்கள் சென்று வருவதன் காரணமாக பொன்னேரி-செங்குன்றம், பொன்னேரி-திருவொற்றியூர் நெடுஞ்சாலைகளில் அடிக்கடி நிகழும் விபத்துகளால் உயிரிழப்புகள் ஏற்படுகின்றன. இதன் காரணமாக பொன்னேரி, மீஞ்சூர் பகுதிகளில் வசிக்கும் பொதுமக்கள் புறவழிச்சாலை அமைக்கக் கோரி நெடுஞ்சாலைத் துறைக்கு விடுத்த கோரிக்கை கிடப்பில் உள்ளது. எனவே இப்பகுதியில் ஏற்படும் போக்குவரத்து நெரிசல் மற்றும் அதிக அளவு கனரக வாகனங்கள் சென்று வருவதன் காரணமாக ஏற்படும் விபத்துகளைத் தவிர்க்கும் வகையில், மீஞ்சூர், பொன்னேரியில் புறவழிச்சாலைகளை அமைக்க திருவள்ளூர் மாவட்ட ஆட்சியர் நடவடிக்கை மேற்கொள்ள வேண்டும் என்பதே இப்பகுதியில் வசிக்கும் பொதுமக்களின் எதிர்பார்ப்பாக உள்ளது. 

 

]]>
http://images.dinamani.com/uploads/user/imagelibrary/2018/12/7/w600X390/poneri.JPG பொன்னேரி-திருவொற்றியூர் நெடுஞ்சாலையில் காணப்படும் போக்குவரத்து நெரிசல். http://www.dinamani.com/all-editions/edition-chennai/thiruvallur/2018/dec/07/போக்குவரத்து-நெரிசலை-தவிர்க்க-பொன்னேரியில்-புறவழிச்-சாலை-அமைக்கப்படுமா-3053021.html
3053020 சென்னை திருவள்ளூர் அம்பேத்கர் நினைவு தினம் அனுசரிப்பு DIN DIN Friday, December 7, 2018 04:08 AM +0530
திருவள்ளூரில் அம்பேத்கரின் நினைவு தினத்தை முன்னிட்டு அரசியல் கட்சியினர் வியாழக்கிழமை அவரது உருவச்சிலை மற்றும் உருவப்படத்துக்கு மாலை அணிவித்து, மலர் தூவி அஞ்சலி செலுத்தினர். 
திருவள்ளூர் மாவட்ட பாஜக சார்பில், மாவட்டத் தலைவர் லோகநாதன், பொதுச்செயலர் ராஜ்குமார், இளைஞர் அணி மாவட்டத் தலைவர் ஆர்யா சீனிவாசன், நகரத் தலைவர் துரைப்பாண்டியன் ஆகியோர் ஆயில் மில் சாலையில் உள்ள அம்பேத்கர் சிலைக்கு மாலை அணிவித்தனர். 
திமுக சார்பில் தெற்கு மாவட்டச் செயலர் சா.மு.நாசர், சட்டப்பேரவை உறுப்பினர் ராஜேந்திரன் உள்ளிட்ட அக்கட்சியினர் திருவள்ளூர் பேருந்து நிலையம் முன்புறம் உள்ள அம்பேத்கர் சிலைக்கு மாலை அணிவித்து மரியாதை செய்தனர். இதில் முன்னாள் மக்களவை உறுப்பினர் கிருஷ்ணசாமி, மாவட்ட அவைத் தலைவர் திராவிட பக்தன், நகரச் செயலர் ரவிச்சந்திரன் உள்ளிட்டோர் கலந்து கொண்டனர். 
விடுதலைச்சிறுத்தைகள் கட்சியின் சார்பில் மாவட்டச் செயலர் சித்தார்த்தன் தலைமையில் அக்கட்சியின் மாநில நிர்வாகிகள் பாலசிங்கம், நீலவானத்து நிலவன், ராஜகுமார், தளபதி சுந்தர் உள்ளிட்டோர் அம்பேத்கரின் உருவச்சிலைக்கும், உருவப்படத்துக்கும் மாலை அணிவித்து மலர் தூவி அஞ்சலி செலுத்தினர்.
கும்மிடிப்பூண்டியில்...
கும்மிடிப்பூண்டி பேருந்து நிலையத்தில் விடுதலைச் சிறுத்தைகள் கட்சியின் கும்மிடிப்பூண்டி தொகுதி செயலர் ஜெமினி தலைமையில் நடைபெற்ற அம்பேத்கர் நினைவு அஞ்சலி நிகழ்வுக்கு மாநில கிறிஸ்துவ ஜனநாயகப் பேரவை செயலர் ரவி எடிசன், ஒன்றிய நிர்வாகிகள் தலித் ஐயா, மணி, சுகுமார், டில்லி ஆகியோர் முன்னிலை வகித்தனர்.
தொடர்ந்து, கும்மிடிப்பூண்டி பேருந்து நிலையத்தின் முன் வைக்கப்பட்டு இருந்த அம்பேத்கர் உருவப் படத்துக்கு மாலை அணிவித்து மரியாதை செலுத்தி, தீண்டாமை ஒழிப்பு உறுதிமொழியை ஏற்றனர்.
அதே போல, கும்மிடிப்பூண்டி பேருந்து நிலையத்தில் பூவை மூர்த்தியார் மக்கள் பேரவை சார்பில் நடைபெற்ற நிகழ்வுக்கு ஒன்றியச் செயலர் ரவி தலைமை வகித்தார். நகரச் செயலர் தமிழ்ச்செல்வம், கோபி ஆகியோர் முன்னிலை வகித்தனர். தொடர்ந்து அமைப்பினர் கட்சிக் கொடியேற்றி அம்பேத்கர் உருவப்படத்துக்கு மாலை அணிவித்து மலர் தூவி மரியாதை செலுத்தினர்.
திருத்தணியில்... 
திருத்தணி நகராட்சி அலுவலகம் அருகே உள்ள அம்பேத்கர் சிலைக்கு நகர தலித் மக்கள் முன்னணி சார்பில் மாலை அணிவித்து மரியாதை செய்யப்பட்டது. நிகழ்ச்சிக்கு நகரத் தலைவர் எம். பி. ராஜ்குமார் தலைமை வகித்தார். நகரப் பொறுப்பாளர்கள் கபாலி, முத்தமிழ், தாழவேடு ராஜ்குமார், சின்னா ஆகியோர் முன்னிலை வகித்தனர்.
இதில் சிறப்பு அழைப்பாளராக தலித் மக்கள் முன்னணி மாநில அமைப்பாளர் மு.சு திருநாவுக்கரசு கலந்துகொண்டு அம்பேத்கர் உருவச் சிலைக்கு மாலை அணிவித்து மரியாதை செலுத்தினார். நிகழ்ச்சியில் மாவட்டச் செயலாளர் ஜி.சைமன் சத்யா, திருவாலங்காடு ஒன்றியத் தலைவர் பொன்பாடி பாபு, காசிநாதபுரம் ஜெயவேல், ஜெயக்குமார் உள்ளிட்ட நிர்வாகிகள் பலர் கலந்துகொண்டனர்.
காஞ்சிபுரத்தில்...
 அம்பேத்கரின் நினைவு தினத்தையொட்டி பல்வேறு கட்சியினரும் அவரது சிலைக்கு வியாழக்கிழமை மாலை அணிவித்து மரியாதை செலுத்தினர்.
அம்பேத்கரின் 62ஆவது நினைவு தினம் காஞ்சிபுரம் மற்றும் அதனைச் சுற்றியுள்ள வட்டங்களில் வியாழக்கிழமை அனுசரிக்கப்பட்டது. அதன்படி, அதிமுக மேற்கு மாவட்டச் செயலர் வாலாஜாபாத் கணேசன் தலைமையில் அமைப்புச் செயலர்கள் சோமசுந்தரம், மைதிலி திருநாவுக்கரசு முன்னிலையில் அக்கட்சியினர் பழைய ரயில்வே சாலை, ஓரிக்கை, உத்தரமேரூர் ஆகிய பகுதிகளில் உள்ள அம்பேத்கரின் சிலைகளுக்கு மாலை அணிவித்து மரியாதை செலுத்தினர்.
அதேபோல், திமுகவின் தெற்கு மாவட்டச் செயலர் க.சுந்தர் தலைமையில், எம்எல்ஏ எழிலரசன் மற்றும் அக்கட்சியினர் பழைய ரயில்வே சாலையில் உள்ள அம்பேத்கர் சிலைக்கு ஊர்வலமாகச் சென்று, சிலைக்கு மாலை அணிவித்து மரியாதை செலுத்தினர். 
மாவட்ட காங்கிரஸ் கமிட்டி தலைவர் ஜி.வி.மதியழகன் அம்பேத்கரின் சிலைக்கு மாலை அணிவித்து மரியாதை செலுத்தினார். தொடர்ந்து, விடுதலைச் சிறுத்தைகள் கட்சி, மதிமுக, கம்யூனிஸ்ட் கட்சிகள் உள்ளிட்ட பல்வேறு கட்சியினரும், அமைப்பினரும் அம்பேத்கரின் சிலைக்கு மரியாதை செலுத்தி, நினைவு நாளை அனுசரித்தனர். இந்த நிகழ்ச்சிகளில் அக்கட்சிகளின் மாவட்ட, வட்ட, ஒன்றிய நிர்வாகிகள் கலந்து கொண்டனர்.
செங்கல்பட்டில்...
அம்பேத்கர் நினைவு தினத்தை முன்னிட்டு செங்கல்பட்டில் அவரது சிலைக்கு அரசியல் கட்சியினரும் பல்வேறு அமைப்புகளைச் சேர்ந்தவர்களும் மாலை அணிவித்து மரியாதை செலுத்தினர். 
டாக்டர் அம்பேத்கர் நூற்றாண்டு இயக்கத்தின் நிறுவனர் வழக்கறிஞர் எல்.யேசுமரியான் ஏற்பாட்டில் நடைபெற்ற நிகழ்ச்சிக்கு மாநிலத் தலைவர் ஜி.லோகு தலைமை வகித்தார். மாநில இணை தலைவர் விடியான், மாநில ஒருங்கிணைப்பாளர் தலித் எம்.ஜெயகுமார் உள்ளிட்டோர் பங்கேற்றனர். முன்னதாக, அவர்கள் அமைதி ஊர்வலமாகச் சென்று செங்கல்பட்டு அளகேசநகர் நுழைவு வாயில் அருகேயுள்ள அம்பேத்கர் சிலைக்கு மாலை அணிவித்து மரியாதை செலுத்தினர். 
இதேபோல் செங்கல்பட்டு நகர காங்கிரஸ் கட்சி சார்பில் நகர தலைவர் ஜே.பாஸ்கர் தலைமையில் நிர்வாகிகளும், தொண்டர்களும் ஊர்வலமாகச் சென்று அரசு மருத்துவமனை எதிரில் உள்ள அம்பேத்கர் சிலைக்கு மாலை அணிவித்து அஞ்சலி செலுத்தினர். 
இதனிடையே, விடுதலைச் சிறுத்தைகள் கட்சி, மத்திய, மாநில அரசு ஊழியர்கள் சங்கம், எஸ்சி, எஸ்டி அம்பேத்கர் சங்கம் உள்ளிட்ட பல்வேறு கட்சிகள் மற்றும் அமைப்புகள் சார்பில் அம்பேத்கர் சிலைக்கு மாலை அணிவித்து அஞ்சலி செலுத்தினர். 
ஆட்சியர் அலுவலக வளாகத்தில்....
திருவள்ளூர் மாவட்ட ஆட்சியர் அலுவலக வளாகத்தில் பழங்குடியினர் முன்னேற்ற நலச்சங்கம், ஆதிதிராவிடர் நலத்துறை ஆசிரியர் மற்றும் காப்பாளர் சங்கம் சார்பில் அம்பேத்கரின் 62-ஆவது நினைவு தினம் அனுசரிக்கப்பட்டது. இந்த நிகழ்ச்சியில் திருவள்ளூர் மக்களவை உறுப்பினர் வேணுகோபால் மற்றும் ஆட்சியர் மகேஸ்வரி ரவிகுமார் ஆகியோர் அவரது உருவப்படத்துக்கு மாலையிட்டு மரியாதை செய்தனர். இதில், மாவட்ட வருவாய் அலுவலர் து.சந்திரன், சார் ஆட்சியர் ரத்னா, மாவட்ட ஆதிதிராவிட நலத்துறை அலுவலர் கலைச்செல்வி, ஆட்சியரின் நேர்முக உதவியாளர் பன்னீர்செல்வம், ஆசிரியர்கள் மற்றும் காப்பாளர்கள் சங்கத்தின் மாவட்டத் தலைவர் கிருபாகரன், பழங்குடியினரின் நல முன்னேற்ற சங்கத் தலைவர் ஜெய.தென்னரசு உள்ளிட்டோர் கலந்து கொண்டனர். இதற்கான ஏற்பாடுகளை பழங்குடியினர் முன்னேற்ற சங்கம் மற்றும் ஆதிராவிடர் நலத்துறை பள்ளி ஆசிரியர்கள் மற்றும் காப்பாளர்கள் சங்கத்தினர் செய்திருந்தனர்.

திருவள்ளூரில் அம்பேத்கர்  நினைவு  நாளையொட்டி  அவரது  உருவப் படத்துக்கு மாலை  அணிவித்து  அஞ்சலி செலுத்திய  ஆட்சியர்  மகேஸ்வரி ரவிகுமார்  மற்றும்  திருவள்ளூர் எம்.பி.வேணுகோபால்  . 

]]>
http://images.dinamani.com/uploads/user/imagelibrary/2018/12/7/w600X390/venugobal.JPG http://www.dinamani.com/all-editions/edition-chennai/thiruvallur/2018/dec/07/அம்பேத்கர்-நினைவு-தினம்-அனுசரிப்பு-3053020.html
3053019 சென்னை திருவள்ளூர் எரிவாயு ஏற்றிச் சென்ற டேங்கர் லாரி மரத்தில் மோதி விபத்து DIN DIN Friday, December 7, 2018 04:07 AM +0530
கும்மிடிப்பூண்டியை அடுத்த பெரியபாளையம் அருகே எரிவாயு ஏற்றிச் சென்ற டேங்கர் லாரி வியாழக்கிழமை மரத்தில் மோதி விபத்துக்குள்ளானது. 
பெங்களூரில் இருந்து கும்மிடிப்பூண்டியில் உள்ள இந்துஸ்தான் பெட்ரோலியம் எரிவாயு நிரப்பும் நிறுவனத்துக்கு 35 டன் எடையுள்ள எரிவாயுவை ஏற்றிக் கொண்டு வந்த டேங்கர் லாரியை நாமக்கல்லைச் சேர்ந்த பாக்யராஜ் ஓட்டி வந்தார். 
இந்த லாரி பெரியபாளையம்-திருப்பதி நெடுஞ்சாலையில் அரியப்பாக்கம் காலனி அருகே வந்த போது, பாக்யராஜுக்கு திடீரென உடல்நலக்குறைவு ஏற்பட்டதாகக் கூறப்படுகிறது. 
இதனால், லாரி கட்டுப்பாட்டை இழந்து அப்பகுதியைச் சேர்ந்த சரவணனின் குடிசைக்குள் புகுந்து எதிர்புறம் இருந்த மரத்தில் மோதி நின்றது.
இந்த விபத்தில் அதிர்ஷ்டவசமாக யாருக்கும் காயம் ஏற்படவில்லை. விபத்து குறித்து தகவல் அறிந்த பெரியபாளையம் போலீஸார் விரைந்து வந்து, விபத்தில் சிக்கிய டேங்கர் லாரியை அகற்றும் பணியில் ஈடுபட்டனர். விபத்தினால், 35 டன் எடையுள்ள எரிவாயு டேங்கரில் கசிவு ஏற்படக்கூடும் என்ற அச்சம் காரணமாக அந்த வழியே போக்குவரத்து உடனடியாக நிறுத்தப்பட்டது.
ஒருமணி நேர ஆய்வுக்குப் பின், எரிவாயு கசிவு ஏதும் இல்லை என்று உறுதி செய்யப்பட்ட பின்னரே அப்பகுதியில் போக்குவரத்துக்கு அனுமதிக்கப்பட்டது. 
இந்த விபத்து குறித்து பெரியபாளையம் காவல் ஆய்வாளர் மதியரசன் வழக்குப் பதிந்து விசாரணை நடத்தி வருகிறார்.


 

]]>
http://images.dinamani.com/uploads/user/imagelibrary/2018/12/7/w600X390/axident.JPG  பெரியபாளையம்  அருகே  அரியப்பாக்கம்  பகுதியில்  விபத்துக்குள்ளான டேங்கர்  லாரி. http://www.dinamani.com/all-editions/edition-chennai/thiruvallur/2018/dec/07/எரிவாயு-ஏற்றிச்-சென்ற-டேங்கர்-லாரி-மரத்தில்-மோதி-விபத்து-3053019.html
3053018 சென்னை திருவள்ளூர் குண்டர் சட்டத்தில் இளைஞர் கைது DIN DIN Friday, December 7, 2018 04:07 AM +0530
திருவள்ளூர் அருகே செங்கல்சூளை உரிமையாளர் மற்றும் ஊராட்சி தலைவரின் தம்பியை வெட்டிக் கொலை செய்த வழக்கில் தொடர்புடைய இளைஞரை குண்டர் சட்டத்தின் கீழ் வெள்ளவேடு போலீஸார் கைது செய்தனர்.
இதுகுறித்து போலீஸார் கூறியது: திருவள்ளூர் அருகேயுள்ள மேல்மணம்பேடு கிராமத்தைச் சேர்ந்தவர் செங்கல்சூளை உரிமையாளர் வெங்கட்ராமன் (47). அப்பகுதியின் முன்னாள் ஊராட்சி மன்றத் தலைவரின் தம்பியான இவரை, முன்விரோதம் காரணமாக அப்பகுதியைச் சேர்ந்த ராஜேஷ் (32) கடந்த செப்டம்பர் மாதம் கூட்டாளிகளுடன் சேர்ந்து வெட்டிக் கொன்றார். 
இது தொடர்பாக வெள்ளவேடு காவல் நிலைய போலீஸார் வழக்குப் பதிந்து 6 பேரை கைது செய்து சிறையில் அடைத்தனர்.
முக்கிய குற்றவாளியான ராஜேஷை குண்டர் சட்டத்தின் கீழ் சிறையில் அடைக்க காவல் ஆய்வாளர் முரளிதரன், மாவட்ட காவல் கண்காணிப்பாளர் இரா.பொன்னிக்கு பரிந்துரை செய்தார். அதையடுத்து ஆட்சியர் மகேஸ்வரி ரவிகுமார் உத்தரவின்பேரில் ராஜேஷ் குண்டர் சட்டத்தில் கைது செய்யப்பட்டார். இதற்கான நகல் புழல் சிறையில் உள்ள ராஜேஷிடம் வழங்கப்பட்டது.

]]>
http://images.dinamani.com/uploads/user/imagelibrary/2018/12/7/w600X390/arest1.jpg http://www.dinamani.com/all-editions/edition-chennai/thiruvallur/2018/dec/07/குண்டர்-சட்டத்தில்-இளைஞர்-கைது-3053018.html
3053017 சென்னை திருவள்ளூர் வீட்டு பீரோவை உடைத்து 5 சவரன் நகை திருட்டு DIN DIN Friday, December 7, 2018 04:06 AM +0530 வீட்டின் முன்பக்க கதவை உடைத்து பீரோவில் இருந்த 5 சவரன் நகைகள் மற்றும் ரூ. 60 ஆயிரம் ரொக்கத்தை திருடிச் சென்றவரை போலீஸார் தேடி வருகின்றனர்.
திருத்தணி சுப்பிரமணிய நகர் குமரன் தெருவில் வசிப்பவர் குருமூர்த்தி (30). இவர் திருத்தணி பேருந்து நிலையத்தில் உள்ள டீக்கடை ஒன்றில் காசாளராக பணிபுரிந்து வருகிறார். இவர் தினமும் இரவு நேரத்தில் டீ கடைக்கு வேலைக்குச் சென்று வரும் நிலையில், அவரது மனைவி வாசவி, குழந்தைகள் மட்டும் வீட்டில் தனித்து இருந்துள்ளனர். 
இந்நிலையில், வியாழக்கிழமை அதிகாலை அடையாளம் தெரியாத நபர் வீட்டின் முன்பக்க கதவை உடைத்து வீட்டுக்குள் வந்து பீரோவை உடைத்து அதில் இருந்த 5 சவரன் நகைகள், ரூ.60 ஆயிரம் ரொக்கத்தை திருடியுள்ளார். சத்தம் கேட்டு எழுந்து வந்த வாசவியை அந்த நபர் கத்தியைக் காட்டி மிரட்டிவிட்டுத் தப்பிச் சென்றுள்ளார். இதுகுறித்த புகாரின்பேரில் திருத்தணி காவல் ஆய்வாளர் பரந்தாமன், உதவி ஆய்வாளர் இளங்கோவன் மற்றும் போலீஸார் விசாரணை மேற்கொண்டனர். தடயவியல் நிபுணர்கள் தடயங்களை சேகரித்தனர். தொடர்ந்து விசாரணை நடைபெற்று வருகிறது.

]]>
http://www.dinamani.com/all-editions/edition-chennai/thiruvallur/2018/dec/07/வீட்டு-பீரோவை-உடைத்து-5-சவரன்-நகை-திருட்டு-3053017.html
3052542 சென்னை திருவள்ளூர் சர்வதேச எய்ட்ஸ் வார விழா: சிறப்பாக பணியாற்றியவர்களுக்கு நினைவுப் பரிசு: ஆட்சியர் வழங்கினார் DIN DIN Thursday, December 6, 2018 07:24 AM +0530 சர்வதேச எய்ட்ஸ் வார விழாவை முன்னிட்டு சிறப்பாக பணியாற்றிய அதிகாரிகள் மற்றும் தொண்டு நிறுவன நிர்வாகிகள் ஆகியோரை பாராட்டி ஆட்சியர் மகேஸ்வரி ரவிகுமார் நினைவு பரிசுகளை வழங்கினார். 
  திருவள்ளூர் மாவட்ட எய்ட்ஸ் கட்டுப்பாட்டு அலகு சார்பில் ஆட்சியர் அலுவலக வளாகத்தில் நடைபெற்ற நிகழ்ச்சிக்கு  ஆட்சியர் மகேஸ்வரி ரவிக்குமார் தலைமை வகித்தார்.
      அதைத் தொடர்ந்து எச்.ஐ.வியால் பாதிக்கப்பட்டோருக்கு பணியாற்றும் தொண்டு நிறுவனம், காவல் துறையைச் சேர்ந்தவர்கள் மற்றும் பணியாளர்களுக்கு பாராட்டு தெரிவித்து, பாராட்டு சான்றிதழ்களை ஆட்சியர் வழங்கினார். மேலும்,  எச்.ஐ.வி குறித்து விழிப்புணர்வு ஏற்படுத்தும் நோக்கத்தில் நடத்தப்பட்ட பல்வேறு போட்டிகளில் பங்கேற்ற கல்லூரி மாணவர்களுக்கு கேடயம் மற்றும் நினைவு பரிசுகளை வழங்கினார். இதையடுத்து முக்கிய நிகழ்வாக  எச்.ஐ.வி, எய்ட்ஸ் குறித்த உறுதிமொழியை ஆட்சியர் வாசிக்க அனைவரும் ஏற்றனர். நிறைவாக நடைபெற்ற சமபந்தி விருந்து நிகழ்ச்சியில் ஆட்சியர் உள்ளிட்ட அனைத்து மாணவர்கள், எச்.ஐ.வி. பாதித்தோர் கலந்து கொண்டனர்.
  நிகழ்ச்சியில், துணை சுகாதாரத்துறை இயக்குநர் கிருஷ்ணராஜ்,  துணை இயக்குநர் (குடும்ப நலம்) இளங்கோ, காசநோய் தடுப்பு திட்ட துணை இயக்குநர் லட்சுமி முரளி( பூந்தமல்லி),  மாவட்ட எய்ட்ஸ் கட்டுப்பாடு அலகின் மாவட்ட திட்ட மேலாளர் (பொ) கே.எஸ்.கெளரிசங்கர், தன்னார்வ தொண்டு நிறுவனங்களைச் சேர்ந்த பிரதிநிதிகள், மாணவர்கள் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/06/சர்வதேச-எய்ட்ஸ்-வார-விழா-சிறப்பாக-பணியாற்றியவர்களுக்கு-நினைவுப்-பரிசு-ஆட்சியர்-வழங்கினார்-3052542.html
3052541 சென்னை திருவள்ளூர் டிசம்பர் 7 மின் தடை DIN DIN Thursday, December 6, 2018 07:23 AM +0530 திருத்தணி 
நாள்: வெள்ளிக்கிழமை (டிசம்பர் 7)
நேரம்:  காலை 10 முதல் மதியம் 2 மணி வரை.
மின் தடை பகுதிகள்:  ஐ.ஜி.நகர் மற்றும் அதைச் சுற்றியுள்ள பகுதிகள்.
 

]]>
http://www.dinamani.com/all-editions/edition-chennai/thiruvallur/2018/dec/06/டிசம்பர்-7-மின்-தடை-3052541.html
3052540 சென்னை திருவள்ளூர் கஜா புயல் பாதிப்பு: ரூ.2 லட்சம் மின்சாதனப் பொருள்கள் அனுப்பி வைப்பு DIN DIN Thursday, December 6, 2018 07:23 AM +0530 கஜா புயலால் பாதித்த சுகாதார நிலையங்களை சீரமைக்க திருவள்ளூர் மாவட்ட துணை சுகாதாரத் துறை சார்பில் ரூ.2 லட்சம் மதிப்பிலான மின்சாதனப் பொருள்கள்  திருவாரூர் மாவட்டத்துக்கு அனுப்பி வைக்கப்பட்டன. 
கஜா புயலால் நாகை, தஞ்சை, திருவாரூர் ஆகிய மாவட்டங்கள் பலத்த சேதம் அடைந்தன. இதனால் பொதுமக்களும் மிகுந்த சிரமத்துக்கு உள்ளாகி வருகின்றனர். இதில் அரசு சுகாதாரத் துறை அலுவலகங்களிலும் மின்சாதன பொருள்கள் சேதம் ஏற்பட்டுள்ளன. திருவாரூர் மாவட்டம், முத்துப்பேட்டை வட்டார பகுதியில் கஜா புயலில் சுகாதார நிலையங்களில் மின்சாதன பொருள்கள் அனைத்தும் சேதமடைந்துள்ளன. 
இதனால் சுகாதார நிலையங்களில் ஏற்பட்ட மின் சாதனங்களை சீர் செய்ய திருவள்ளூர் மாவட்ட சுகாதாரத் துறை துணை இயக்குநர் அலுவலகம் சார்பில் ரூ.2 லட்சம் மதிப்பில் மின்விசிறிகள், எல்.இ.டி விளக்குகள், அறுவை சிகிச்சை அரங்குகளுக்கான விளக்குகள், குழல் விளக்குகள், குளிர் சாதன இயந்திரம் உள்ளிட்ட பல்வேறு சாதனங்கள் ஏற்றப்பட்ட வாகனங்களை திருவள்ளூர் மாவட்ட துணை சுகாதாரத் துறை இயக்குநர் கிருஷ்ணராஜ் உள்ளிட்ட அதிகாரிகள் கொடியசைத்து அனுப்பி வைத்தனர்.
 

]]>
http://www.dinamani.com/all-editions/edition-chennai/thiruvallur/2018/dec/06/கஜா-புயல்-பாதிப்பு-ரூ2-லட்சம்மின்சாதனப்-பொருள்கள்-அனுப்பி-வைப்பு-3052540.html
3052539 சென்னை திருவள்ளூர் சிறு, குறு தொழில் முனைவோருக்கு  சிறப்புக் கூட்டம் DIN DIN Thursday, December 6, 2018 07:23 AM +0530 சிறு, குறு தொழில் முனைவோருக்கான சிறப்புக் கூட்டம் திருத்தணி ஊராட்சி ஒன்றிய அலுவலக வளாகத்தில் செவ்வாய்க்கிழமை நடைபெற்றது.
கூட்டத்துக்கு, மாவட்டத் தொழில் மைய பொதுமேலாளர் ரவி தலைமை வகித்தார். கனரா வங்கியின் முதுநிலை மேலாளர் சுப்பிரமணியம் வரவேற்றார். மாவட்ட மகளிர் திட்ட அலுவலர் லோகநாயகி, கனரா வங்கி இணை பொது மேலாளர் ஜெயக்குமார் மற்றும் பல்துறை அலுவலர்கள் கலந்துகொண்டு தொழில் முனைவோரின் சந்தேகங்களுக்கு விளக்கம் அளித்தனர். 
பின்னர், கனரா வங்கி சார்பில், தொழில் முனைவோர் பத்து பேருக்கு கடன் வழங்குவதற்கான காசோலைகள் வழங்கப்பட்டன. மாவட்ட முன்னோடி வங்கி மேலாளர் ஞானமுத்து,  திருத்தணி ஒன்றிய ஆணையர் பாபு ஆகியோர் கலந்து கொண்டனர். 
 நிகழ்ச்சியில், மகளிர் குழுக்கள், இளைஞர்கள் மேற்பட்டோர் கலந்து கொண்டனர்.   திருத்தணி கனரா வங்கி மேலாளர் பிரபாகரன் நன்றி கூறினார்.
 

]]>
http://www.dinamani.com/all-editions/edition-chennai/thiruvallur/2018/dec/06/சிறு-குறு-தொழில்-முனைவோருக்கு--சிறப்புக்-கூட்டம்-3052539.html
3052538 சென்னை திருவள்ளூர் அடிப்படை வசதி கோரி கிராமத்தினர் சாலைமறியல் DIN DIN Thursday, December 6, 2018 07:22 AM +0530 நெமிலி கிராமத்தில் அடிப்படை வசதிகள் செய்து தரக்கோரி அரசுப் பேருந்தை சிறைபிடித்து, பொதுமக்கள் புதன்கிழமை மறியலில் ஈடுபட்டதால் சுமார் ஒரு மணி நேரம் போக்குவரத்து பாதிக்கப்பட்டது.
 திருத்தணி அருகேயுள்ள நெமிலி கிராமத்தில் 200 க்கும் மேற்பட்ட குடும்பத்தினர் வசித்து வருகின்றனர். இந்த பகுதியில் தெருவிளக்கு, குடிநீர், கழிவுநீர் கால்வாய் போன்ற அடிப்படை வசதிகள் செய்து தரப்படவில்லை. இதுகுறித்து, அப்பகுதி மக்கள் திருவாலங்காடு ஒன்றிய அலுவலக நிர்வாகத்திடம் பலமுறை முறையிட்டும் எந்த நடவடிக்கையும் எடுக்கவில்லையாம்.
 இதனால் ஆத்திரமடைந்த பொதுமக்கள், திருத்தணி - நாகலாபுரம் சாலையில் திடீரென சாலை மறியலில் புதன்கிழமை காலை ஈடுபட்டனர். அப்போது நாகலாபுரத்தில் இருந்து திருத்தணி நோக்கி வந்த அரசுப் பேருந்தை சாலை மறியலில் ஈடுபட்டிருந்த அப்பகுதி பொதுமக்கள் சிறைபிடித்து போராட்டத்தில் ஈடுபட்டனர். தகவல் அறிந்து சம்பவ இடத்துக்கு வந்த கனகம்மாசத்திரம் போலீஸார் மறியலில் ஈடுபட்டவர்களிடம் பேச்சுவார்த்தை நடத்தினர்.
 அப்போது போலீஸார் அதிகாரிகள் மூலமாக அப்பகுதிக்கு தேவையான தெருவிளக்கு, குடிநீர் உள்ளிட்ட அனைத்து அடிப்படை வசதிகளும் விரைவில் செய்து தருவதற்கு நடவடிக்கை எடுப்பதாக உறுதியளித்ததின் பேரில் கிராமத்தினர் மறியலை கைவிட்டு, கலைந்து சென்றனர். இச்சம்பவத்தால் அப்பகுதியில் சுமார் ஒரு மணி நேரம் போக்குவரத்து பாதிக்கப்பட்டது. 
 

]]>
http://www.dinamani.com/all-editions/edition-chennai/thiruvallur/2018/dec/06/அடிப்படை-வசதி-கோரி-கிராமத்தினர்-சாலைமறியல்-3052538.html
3052537 சென்னை திருவள்ளூர் சிறு, குறு தொழில்  முனைவோருக்கு  சிறப்புக் கூட்டம் DIN DIN Thursday, December 6, 2018 07:22 AM +0530 சிறு, குறு தொழில் முனைவோருக்கான சிறப்புக் கூட்டம் திருத்தணி ஊராட்சி ஒன்றிய அலுவலக வளாகத்தில் செவ்வாய்க்கிழமை நடைபெற்றது.
கூட்டத்துக்கு, மாவட்டத் தொழில் மைய பொதுமேலாளர் ரவி தலைமை வகித்தார். கனரா வங்கியின் முதுநிலை மேலாளர் சுப்பிரமணியம் வரவேற்றார். மாவட்ட மகளிர் திட்ட அலுவலர் லோகநாயகி, கனரா வங்கி இணை பொது மேலாளர் ஜெயக்குமார் மற்றும் பல்துறை அலுவலர்கள் கலந்துகொண்டு தொழில் முனைவோரின் சந்தேகங்களுக்கு விளக்கம் அளித்தனர். 
பின்னர், கனரா வங்கி சார்பில், தொழில் முனைவோர் பத்து பேருக்கு கடன் வழங்குவதற்கான காசோலைகள் வழங்கப்பட்டன. மாவட்ட முன்னோடி வங்கி மேலாளர் ஞானமுத்து, திருத்தணி ஒன்றிய ஆணையர் பாபு ஆகியோர் கலந்து கொண்டனர். 
 நிகழ்ச்சியில், மகளிர் குழுக்கள், இளைஞர்கள் மேற்பட்டோர் கலந்து கொண்டனர்.   திருத்தணி கனரா வங்கி மேலாளர் பிரபாகரன் நன்றி கூறினார்.

]]>
http://www.dinamani.com/all-editions/edition-chennai/thiruvallur/2018/dec/06/சிறு-குறு-தொழில்--முனைவோருக்கு--சிறப்புக்-கூட்டம்-3052537.html
3051871 சென்னை திருவள்ளூர் 7-இல் தனியார் வேலைவாய்ப்பு முகாம் DIN DIN Wednesday, December 5, 2018 06:40 AM +0530 வேலைவாய்ப்பற்ற இளைஞர்கள் பயன்பெறும் வகையில் தனியார் வேலைவாய்ப்பு மற்றும் திறன் வளர்ப்பு பயிற்சிக்கான ஆள்சேர்ப்பு முகாம் திருவள்ளூர் மாவட்ட வேலைவாய்ப்பு அலுவலக வளாகத்தில் வெள்ளிக்கிழமை (டிச. 7) நடைபெற உள்ளதாக ஆட்சியர் மகேஸ்வரி ரவிகுமார் தெரிவித்துள்ளார்.
இதுகுறித்து அவர் செவ்வாய்க்கிழமை வெளியிட்டுள்ள செய்திக்குறிப்பு: ஒவ்வொரு மாவட்ட வேலைவாய்ப்பு அலுவலகம் மூலம் வேலையில்லாத இளைஞர்களுக்கு வேலைவாய்ப்பை ஏற்படுத்தித் தரும் நோக்கில் தனியார் வேலைவாய்ப்பு முகாம் நடத்துவதற்கு அரசு உத்தரவிட்டுள்ளது. அதேபோல், ஒவ்வொருவரும் தாங்கள் விரும்பும் பயிற்சியைப் பெற்று வேலைவாய்ப்பு பெறும் வகையில், திறன் வளர்ப்பு பயிற்சிக்கான ஆள் சேர்ப்பு முகாமும் நடத்தப்பட உள்ளது. 
இதன் அடிப்படையில் திருவள்ளூர் மாவட்ட வேலைவாய்ப்பு அலுவலக வளாகத்தில் வெள்ளிக்கிழமை  மாவட்ட அளவிலான தனியார் வேலைவாய்ப்பு முகாமும், திறன் வளர்ப்பு பயிற்சிக்கான ஆள்சேர்ப்பும்  நடத்தப்பட உள்ளது. இதில், பல தனியார் நிறுவனங்கள் பங்கேற்று, தகுதியான பணியாளர்களைத் தேர்வு செய்ய உள்ளன. இதில் பத்தாம் வகுப்பு, பிளஸ் 2, பட்டப்படிப்பு, ஐடிஐ மற்றும் பட்டயம் படித்தவர்கள்  பங்கேற்கலாம். அதனால், குறிப்பிட்ட கல்வித் தகுதியும் விருப்பமும் உள்ளவர்கள் மேற்குறிப்பிட்ட நாளில் காலை 10 மணிக்கு திருவள்ளூர் மாவட்ட வேலைவாய்ப்பு அலுவலக வளாகத்தில் ஆஜராகி பயன்பெறலாம்.
இம்முகாமில் பணி நியமனம் பெறுவோரின் வேலைவாய்ப்பு அலுவலக பதிவு ரத்து செய்யப்பட மாட்டாது என செய்திக் குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/thiruvallur/2018/dec/05/7-இல்-தனியார்-வேலைவாய்ப்பு-முகாம்-3051871.html
3051870 சென்னை திருவள்ளூர் மணல் கடத்தல்: 6 லாரிகள் பறிமுதல் DIN DIN Wednesday, December 5, 2018 06:40 AM +0530 திருவள்ளூர் பகுதியில் மணல் மற்றும் சிலிகான் மணல் கடத்தியதாக 6 லாரிகள் செவ்வாய்க்கிழமை பறிமுதல் செய்யப்பட்டன. 
திருவள்ளூர் பகுதிகளில் கூவம், கொசஸ்தலை மற்றும் பூண்டி நீர்த்தேக்கத்துக்கான நீர்வரத்து ஓடைகளில் இரவு நேரங்களில் அதிகளவில் மணல் கடத்தல் சம்பவங்கள் நடப்பதாக மாவட்டக் காவல் கண்காணிப்பாளர் இரா.பொன்னிக்கு தகவல் கிடைத்தது. அதேபோல், நள்ளிரவு மற்றும் அதிகாலை நேரங்களில் தான் ஆற்று மணல், ஆந்திரத்திலிருந்து கடல் மணல் கலப்பு செய்த சிலிகான் மணல் ஆகியவற்றை சென்னைக்கு கடத்திச் செல்வதாகவும் தகவல் கிடைத்துள்ளது. அதனால் சம்பந்தப்பட்ட பகுதி சோதனைச் சாவடியில் தொடர்ந்து கண்காணித்து மணல் லாரிகளை பிடிக்க காவல் கண்காணிப்பாளர் உத்தரவிட்டார். 
ஏற்கெனவே இதைத் தடுக்கும் வகையில் திருவள்ளூர், திருத்தணி, கும்மிடிப்பூண்டி,பொன்னேரி, ஊத்துக்கோட்டை ஆகிய பகுதிகளில் சோதனைச் சாவடிகளும், மணல் திருட்டு தடுப்புக்கான சிறப்பு குழுக்களும் அமைக்கப்பட்டுள்ளன. 
இந்நிலையில், செவ்வாய்க்கிழமை அதிகாலை வாகனத் தணிக்கையில் ஈடுபட்டிருந்தபோது, ஆந்திர மாநிலத்தில் இருந்து ஆற்று மணல் மற்றும் சிலிகான் மணல் ஏற்றி வந்த 6 லாரிகளை சுற்றிவளைத்துப் பிடித்தனர். அதில், மணல் ஏற்றிச் செல்வதற்கான அனுமதிச் சீட்டு எதுவும் இல்லை என்பது தெரியவந்தது. இதுகுறித்து ஓட்டுநர்களிடம் விசாரணை நடத்தி வருகின்றனர்.    
கடந்த 4 நாள்களில் மட்டும் ஊத்துக்கோட்டை-ஆந்திர எல்லை, கும்மிடிப்பூண்டி, திருத்தணி ஆகிய பகுதிகளில் சோதனைச் சாவடிகளில் 8 லாரிகள் உள்பட மொத்தம் 14 லாரிகளை போலீஸார் பறிமுதல் செய்துள்ளனர் என்பது குறிப்பிடத்தக்கது.
 

]]>
http://www.dinamani.com/all-editions/edition-chennai/thiruvallur/2018/dec/05/மணல்-கடத்தல்-6-லாரிகள்-பறிமுதல்-3051870.html
3051869 சென்னை திருவள்ளூர் புறநோயாளிகள் சிகிச்சைப் பிரிவு மருத்துவர்கள் வேலைநிறுத்தப் போராட்டம்: நோயாளிகள் அவதி DIN DIN Wednesday, December 5, 2018 06:39 AM +0530 மத்திய அரசுக்கு இணையான ஊதியம் வழங்குதல் உள்ளிட்ட பல்வேறு கோரிக்கைகளை வலியுறுத்தி, புறநோயாளிகள் சிகிச்சை பிரிவு மருத்துவர்கள் செவ்வாய்க்கிழமை வேலைநிறுத்தப் போராட்டத்தில் ஈடுபட்டதால், திருவள்ளூர் மாவட்ட அரசு தலைமை மருத்துவமனைக்கு வந்த வெளி நோயாளிகள் அவதிக்குள்ளாகினர். 
 பிற மாநிலங்களில் அரசு மருத்துவர்களுக்கு வழங்கப்படும் ஊதியம் போல்,  தமிழக அரசு மருத்துவர்களுக்கும் வழங்க வேண்டும் உள்பட பல்வேறு கோரிக்கைகளை வலியுறுத்தி, மருத்துவர்கள் போராட்டத்தில் ஈடுபட்டு வருகின்றனர். இதேபோல், திருவள்ளூர் மாவட்ட தலைமை அரசு மருத்துவமனை வளாகத்தில், மருத்துவர்கள் சங்கத்தின் மாவட்டத் தலைவர் பிரபு சங்கர் தலைமையில், புறநோயாளிகள் சிகிச்சை பிரிவு மருத்துவர்கள் செவ்வாய்க்கிழமை வேலைநிறுத்தப் போராட்டத்தில் ஈடுபட்டனர். இதேபோல், திருவள்ளூர், திருத்தணி, பொன்னேரி உள்ளிட்ட மாவட்டம் முழுவதும் உள்ள அரசு மருத்துவமனைகளில், 400 மருத்துவர்கள் வேலை நிறுத்தப் போராட்டத்தில் ஈடுபட்டனர். அப்போது, திருவள்ளூர் மாவட்ட மருத்துவர்கள் சங்க நிர்வாகிகள் கூறுகையில், பிற மாநிலங்களில் ஊதியம் வழங்குவது போல் தமிழகத்திலும் மருத்துவர்களுக்கு வழங்க வலியுறுத்தி, கடந்த ஓர் ஆண்டாக பல்வேறு போராட்டங்களை நடத்தி வருகிறோம். 
ஆனால், இதுவரை எவ்வித நடவடிக்கையும் மேற்கொள்ளவில்லை, அதனால் விரைவில் சங்க நிர்வாகிகளை அழைத்து அரசு பேச்சுவார்த்தை நடத்த வேண்டும், இதை வலியுறுத்தியே வேலைநிறுத்தப் போராட்டத்தில் ஈடுபட்டுள்ளோம், இக்கோரிக்கையை நிறைவேற்றாவிட்டால் வரும் 13-ஆம் தேதி முதல் காலவரையற்ற வேலை நிறுத்தப் போராட்டத்தில் ஈடுபடவுள்ளோம் என்றனர். 
ஆர்ப்பாட்டத்தால், மருத்துவமனைக்கு சிகிச்சைக்காக வந்த நோயாளிகள், ஏமாற்றுத்துடன் திரும்பிச் 
சென்றனர். 
புறநோயாளிகளுக்கு அனுமதிச் சீட்டு வழங்கும் இடம் மற்றும் புறநோயாளிகள் சிகிச்சை அளிக்கும் பிரிவு ஆகிய இடங்கள் நோயாளிகள் இன்றி வெறிச்சோடிக் காணப்பட்டன.

]]>
http://www.dinamani.com/all-editions/edition-chennai/thiruvallur/2018/dec/05/புறநோயாளிகள்-சிகிச்சைப்-பிரிவு-மருத்துவர்கள்-வேலைநிறுத்தப்-போராட்டம்-நோயாளிகள்-அவதி-3051869.html
3051866 சென்னை திருவள்ளூர் கோயில் பூட்டை உடைத்து சிலைகள் திருட்டு DIN DIN Wednesday, December 5, 2018 06:39 AM +0530 சோழவரம் அருகே உள்ள கோயில் பூட்டை உடைத்து,  இரண்டு உற்சவ மூர்த்திகளின் சிலைகளை மர்ம நபர்கள் ஞாயிற்றுக்கிழமை இரவு திருடிச் சென்றனர்.
சோழவரம் அருகே உள்ள செம்புலிவரம் கிராமத்தில் செளந்தரநாயகி சமேத வியாக்ரபுரீஸ்வரர் கோயில் அமைந்துள்ளது. 
இக்கோயிலின் பூட்டை உடைத்து உள்ளே சென்ற மர்ம நபர்கள், பித்தளையால் செய்யப்பட்ட சிறிய அளவிலான இரண்டு உற்சவர் சிலைகள்,  பித்தளை குடம் மற்றும் பூஜை செய்வதற்கு பயன்படுத்தப்படும் பித்தளை பொருள்களை திருடிச் சென்றுள்ளனர். 
இதுகுறித்த புகாரின்பேரின், சோழவரம் போலீஸார் வழக்குப் பதிந்து விசாரணை நடத்தி வருகின்றனர்.    

]]>
http://www.dinamani.com/all-editions/edition-chennai/thiruvallur/2018/dec/05/கோயில்-பூட்டை-உடைத்து-சிலைகள்-திருட்டு-3051866.html
3051867 சென்னை திருவள்ளூர் கிறிஸ்தவ தேவாலயங்கள் சீரமைப்புக்கு அரசு நிதி உதவி DIN DIN Wednesday, December 5, 2018 06:39 AM +0530 கிறிஸ்தவ தேவாலயங்களை பழுதுபார்த்தல் மற்றும் சீரமைப்புப் பணிகள் மேற்கொள்வதற்கு அரசு நிதி உதவி பெற அதற்கான ஆவணங்களுடன் விண்ணப்பிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார். 
  இதுகுறித்து அவர் வெளியிட்டுள்ள செய்திக் குறிப்பு: கிறிஸ்தவ தேவாலயங்களை பழுதுபார்த்தல் மற்றும் சீரமைப்புப் பணிகள் ஆகியவை மேற்கொள்வதற்கு அரசு நிதி உதவி வழங்கும் திட்டம் கடந்தாண்டு முதல் செயல்படுத்தப்பட்டு வருகிறது. 
இதன் அடிப்படையில் கிறிஸ்தவ தேவாலயம் 10 ஆண்டுகளுக்கும் மேலாக சொந்தக் கட்டடத்தில் இயங்கி வரவேண்டும். அந்த தேவாலயம் கட்டப்பட்ட இடம் பதிவு செய்யப்பட்டிருப்பதுடன், அந்த தேவாலயமும் பதிவு செய்யப்பட்டிருக்க வேண்டும் என்பது குறிப்பிடத்தக்கது.  இதில், தேவாலயத்தின் சீரமைப்புப் பணிகள் மேற்கொள்வதற்காக வெளிநாட்டிலிருந்து எவ்வித நிதி உதவியும் பெற்றிருக்கக் கூடாது என்பதற்கான சான்றிதழ் அளிக்க வேண்டும். 
சீரமைப்புப் பணிக்காக ஒரு முறை நிதி உதவி அளிக்கப்பட்ட தேவாலயத்துக்கு மறுமுறை நிதி உதவி 5 ஆண்டுகளுக்குப் பின்னரே வழங்கப்படும்.
மேலும், இதற்கான விண்ணப்பப் படிவம் மற்றும் சான்றிதழ் ஆகியவற்றை w‌w‌w.​b​c‌m​b​c‌m‌w@‌t‌n.‌g‌o‌v.‌i‌n என்ற இணையதள முகவரியில் வெளியிடப்பட்டுள்ளது. அதைப் படியிறக்கம் செய்து,  உள்ளவாறு பூர்த்தி செய்து, அனைத்து உரிய ஆவணங்கள் மற்றும் சான்றிதழ்களுடன் ஆட்சியருக்கு விண்ணப்பிக்க வேண்டும்.
 இந்த விண்ணப்பங்கள் ஆட்சியர் தலைமையிலான குழுவினரால் பரிசீலனை செய்யப்பட்டு, கிறிஸ்தவ தேவாலயங்களை நேரில் ஆய்வு செய்து, கட்டடத்தின் வரைபடம் மற்றும் திட்ட மதிப்பீடு ஆகியவற்றுடன் தகுதியின் அடிப்படையில் தேர்வு செய்யப்படும். 
பின்னர், உரிய முன் மொழிவுகளுடன் சிறுபான்மையினர் நல ஆணையருக்கு நிதி உதவி வேண்டி , ஆட்சியரால் பரிந்துரை செய்யப்படும். இதற்கான நிதி உதவி இரு தவணைகளாக தேவாலயத்தின் வங்கிக் கணக்கில் மின்னணு பரிவர்த்தனை மூலம் செலுத்தப்படும்.
மேலும், இது தொடர்பாக கூடுதல் விவரங்களுக்கு மாவட்ட ஆட்சியர் வளாகத்தின் தரை தளத்தில் அமைந்துள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை தொடர்பு கொண்டு பயனடையலாம் என தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/thiruvallur/2018/dec/05/கிறிஸ்தவ-தேவாலயங்கள்-சீரமைப்புக்கு-அரசு-நிதி-உதவி-3051867.html
3051868 சென்னை திருவள்ளூர் டிசம்பர் 5 மின் தடை DIN DIN Wednesday, December 5, 2018 06:39 AM +0530 பொன்னேரி 
நாள்: புதன்கிழமை (05-12-2018)
நேரம்: காலை 5 முதல் மாலை 9 மணி வரை.
மின்தடை பகுதிகள்: பொன்னேரி நகரம், கும்மங்கலம், என்.ஜி.ஓ. நகர், வெள்ளோடை, ஏலியம்பேடு, பெரியகாவனம், சின்னக்காவனம், ஆலாடு, அரசூர், உத்தண்டி கண்டிகை, மேட்டுப்பாளையம், வெள்ளக்குளம், கிருஷ்ணாபுரம், மாதவரம்.

]]>
http://www.dinamani.com/all-editions/edition-chennai/thiruvallur/2018/dec/05/டிசம்பர்-5-மின்-தட-3051868.html
3051773 சென்னை திருவள்ளூர் குண்டர் சட்டத்தில் இளைஞர் கைது DIN DIN Wednesday, December 5, 2018 03:26 AM +0530
திருவள்ளூர் அருகே தொடர் வழிப்பறி மற்றும் கொலைச் சம்பவங்களில் ஈடுபட்டு வந்த இளைஞரை வெள்ளவேடு போலீஸார் குண்டர் சட்டத்தில் கைது செய்து சிறையில் அடைத்தனர். 
திருவள்ளூர் அருகே திருமழிசை உடையார்கோயில் தெருவைச் சேர்ந்தவர் ஆனந்தன் (39). கடந்த மாதம் வழிப்பறி வழக்கு ஒன்றில் வெள்ளவேடு போலீஸார் இவரை கைது செய்து புழல் சிறைக்கு அனுப்பினர். இந்நிலையில், இவர் மீது ஏற்கெனவே திருட்டு, வழிப்பறி, கொலை வழக்குகள் நிலுவையில் உள்ளன. இதன் அடிப்படையில் இவரை குண்டர் சட்டத்தில் சிறையில் அடைக்க, வெள்ளவேடு காவல் ஆய்வாளர் மாவட்டக் காவல் கண்காணிப்பாளர் பொன்னியிடம் பரிந்துரைத்தார். அதைத் தொடர்ந்து, அவர் ஆட்சியருக்கு மேல் பரிந்துரை செய்தார். அதையடுத்து, வழக்குகளின் தன்மைகள் குறித்து ஆய்வு செய்த ஆட்சியர் மகேஸ்வரி ரவிகுமார், குண்டர் சட்டத்தில் ஆனந்தனை கைது செய்ய உத்தரவிட்டார்.
இதையடுத்து, ஆனந்தனை குண்டர் சட்டத்தில் கைது செய்வதற்கான உத்தரவு நகலை, புழல் சிறை அதிகாரிகளிடம் வெள்ளவேடு போலீஸார் செவ்வாய்க்கிழமை அளித்தனர். 

]]>
http://images.dinamani.com/uploads/user/imagelibrary/2018/12/5/w600X390/arest2.jpg http://www.dinamani.com/all-editions/edition-chennai/thiruvallur/2018/dec/05/குண்டர்-சட்டத்தில்-இளைஞர்-கைது-3051773.html
3051772 சென்னை திருவள்ளூர் ஏரியில் இருந்து ஆண் சடலம் மீட்பு DIN DIN Wednesday, December 5, 2018 03:26 AM +0530
வெங்கடாபுரம் ஏரியில் அழுகிய நிலையில் கிடந்த ஆண் சடலத்தை போலீஸார் செவ்வாய்க்கிழமை மீட்டு, விசாரணை நடத்தி வருகின்றனர்.
திருத்தணியை அடுத்த வேலஞ்சேரி ஊராட்சிக்குள்பட்டது வெங்கடாபுரம் கிராமம். இங்குள்ள, ஏரியில் ஆணின் சடலம் கிடப்பதாக கிராம நிர்வாக அலுவலர் வினோத்குமார் போலீஸாருக்கு தகவல் அளித்தார். இதையடுத்து, திருத்தணி போலீஸார் செவ்வாய்க்கிழமை மாலை ஏரிக்குச் சென்று அங்கிருந்த, 50 வயது மதிக்கத்தக்க ஆணின் சடலத்தை மீட்டனர். இறந்த ஆணின் இரண்டு கால் பாதங்கள் இல்லாமல், அழுகிய நிலையிலும், எலும்பு கூடாகவும் இருந்தது தெரியவந்தது. இதையடுத்து, சடலத்தை ஏரியிலேயே பிரேதப் பரிசோதனை செய்து தரவேண்டும் என திருத்தணி அரசு மருத்துவமனை தலைமை மருத்துவருக்கு காவல் ஆய்வாளர் பரந்தாமன் பரிந்துரை கடிதம் அனுப்பியுள்ளார். இறந்தவரின் இடது கையில் சாந்தி என்ற பெயர் பச்சை குத்தியிருந்தது. லுங்கி அணிந்திருந்தார் என போலீஸார் தெரிவித்தனர். 
இதுகுறித்து போலீஸார் வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-chennai/thiruvallur/2018/dec/05/ஏரியில்-இருந்து-ஆண்-சடலம்-மீட்பு-3051772.html
3051771 சென்னை திருவள்ளூர் மனைவி அடித்துக் கொலை: கணவர் கைது  DIN DIN Wednesday, December 5, 2018 03:26 AM +0530
பொன்னேரி அருகே மனைவியை அடித்துக் கொலை செய்து சடலத்தை ஏரியில் வீசிய கணவரை போலீஸார் கைது செய்தனர்.
பொன்னேரி, காவல்பட்டி கிராமத்தில் வசித்து வருபவர் அருள் (29). இவர் வாத்துகளை மேய்த்து, அதனை விற்பனை செய்யும் தொழில் செய்து வருகிறார். இவரது மனைவி சோனியா(27). இவர்களுக்கு இரு குழந்தைகள் உள்ளனர். சோனியாவின் தங்கை சூர்யாவையும் (25) அருள் இரண்டாவதாக திருமணம் செய்து கொண்டுள்ளார். சூர்யாவுக்கும் இரு குழந்தைகள் உள்ளனர். இரு மனைவிகளுடனும் அருள் ஒரே வீட்டில் வசித்து வந்தார்.
இந்நிலையில், கடந்த சில நாள்களாக சோனியாவுக்கும், அருளுக்கும் இடையே தகராறு இருந்து வந்துள்ளது. திங்கள்கிழமை இரவு இவர்களுக்கிடையே மீண்டும் தகராறு ஏற்பட்டுள்ளது. அப்போது சோனியாவை அருள் உருட்டுக் கட்டையால் அடித்துக் கொலை செய்து விட்டு, அவரது சடலத்தை கோணிப்பையில் திணித்து அருகில் உள்ள ஏரியில் வீசியதாகக் கூறப்படுகிறது. அப்போது வெளியில் சென்றிருந்த சூர்யா தனது அக்கா சோனியா குறித்து கேட்டுள்ளார். அதற்கு அருள் பதில் ஏதும் கூறாமல் இருந்துள்ளார். 
இதையடுத்து, பொன்னேரி காவல் நிலையத்தில் சூர்யா அளித்த புகாரின்பேரில், போலீஸார் அருளைப் பிடித்து விசாரணை நடத்தினர். 
அதில், சோனியாவை அடித்துக் கொலை செய்து, அவரது சடலத்தை கோணிப்பையில் திணித்து, அப்பகுதியில் உள்ள ஏரியில் வீசியது தெரியவந்தது.
இதையடுத்து, மடிமை கண்டிகை ஏரிப்பகுதிக்குச் சென்ற போலீஸார் அங்கு கோணிப்பையில் இருந்த சோனியாவின் சடலத்தை மீட்டு, பொன்னேரி அரசு மருத்துவமனைக்கு அனுப்பி வைத்தனர். அருளை கைது செய்த போலீஸார் விசாரித்து வருகின்றனர். 
 

]]>
http://www.dinamani.com/all-editions/edition-chennai/thiruvallur/2018/dec/05/மனைவி-அடித்துக்-கொலை-கணவர்-கைது-3051771.html
3051249 சென்னை திருவள்ளூர் அரசுக்கு ஊராட்சி செயலாளர்கள் பாராட்டு DIN DIN Tuesday, December 4, 2018 07:41 AM +0530 பதிவறை எழுத்தருக்கு இணையான ஊதிய உயர்வு கோரிக்கையை நிறைவேற்றி அரசாணை வெளியிட்ட தமிழக அரசுக்கு கும்மிடிப்பூண்டி ஒன்றியத்தை  சேர்ந்த ஊராட்சி செயலர்கள் பாராட்டு தெரிவித்தனர். 
பதிவறை எழுத்தருக்கு இணையான ஊதிய கோரிக்கையை வலியுறுத்தி பல ஆண்டுகளாக தமிழகம் எங்கும் ஊராட்சி செயலாளர்கள் சங்கத்தினர் தமிழக அரசுக்கு கோரிக்கை விடுத்திருந்தனர்.
இந்நிலையில் இவர்களின் நெடுநாளைய கோரிக்கை ஏற்கப்பட்டு தமிழக அரசு  வெள்ளிக்கிழமை  அரசாணை வெளியிட்டது.  இந்த அரசாணை மூலம் ரூ.15,900 முதல் ரூ.50,400 வரை ஊராட்சி செயலாளர்களுக்கு ஊதியம் வரையறை செய்யப்பட்டுள்ளது.
இந்நிலையில் தங்களது நீண்ட நாள் கோரிக்கை நிறைவேற்றப்பட்டதை அடுத்து,  கும்மிடிப்பூண்டி ஒன்றியத்துக்கு உட்பட்ட ஊராட்சி செயலர்கள் கும்மிடிப்பூண்டி வட்டார வளர்ச்சி அலுவலகம் முன்பு மகிழ்ச்சி கொண்டாட்டத்தில் ஈடுபட்டனர். அப்போது தமிழக முதல்வருக்கு நன்றியும், பாராட்டும் தெரிவித்து கோஷம் எழுப்பப்பட்டது. 
நிகழ்வில் கும்மிடிப்பூண்டி ஒன்றிய ஊராட்சி செயலாளர்கள் சிட்டிபாபு, சாமுவேல், முரளி, குருமூர்த்தி, சோபன்பாபு, செல்வம், மூர்த்தி  உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/thiruvallur/2018/dec/04/அரசுக்கு-ஊராட்சி-செயலாளர்கள்-பாராட்டு-3051249.html
3051248 சென்னை திருவள்ளூர் அரசுப் பள்ளிகளில் விதிகளை மீறி கட்டணம் வசூலிப்பதாக புகார் DIN DIN Tuesday, December 4, 2018 07:41 AM +0530 அரசுப் பள்ளிகளில் விதிமுறை மீறி மாணவர்களிடம் கட்டணம் வசூலிக்கும் தலைமை ஆசிரியர்கள்  மீது நடவடிக்கை எடுக்க வேண்டும் என இந்திய மாணவர் சங்கத்தினர் கோரிக்கை மனு அளித்தனர். 
இந்திய மாணவர் சங்கத்தின் திருவள்ளூர் மாவட்டச் செயலர் ந.தினேஷ்  திங்கள்கிழமை ஆட்சியர் மகேஸ்வரி ரவிகுமாரிடம்  அளித்த மனுவில் கூறியிருப்பதாவது: 
இந்திய மாணவர் சங்கத்தின் சார்பில் அரசுப் பள்ளிகளில் விதிமுறை மீறி மாணவ, மாணவியரிடம் கட்டணம் வசூலிப்பதாக பலமுறை புகார் அளித்திருந்தோம்.  இதில் சில பள்ளிகள் வசூலித்த பணத்தை திருப்பிக் கொடுக்க மறுத்து வருகின்றன. 
இத்தகைய பள்ளிகளின் தலைமை ஆசிரியர்கள் மீது உரிய விசாரணை மேற்கொண்டு, நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

]]>
http://www.dinamani.com/all-editions/edition-chennai/thiruvallur/2018/dec/04/அரசுப்-பள்ளிகளில்-விதிகளை-மீறி-கட்டணம்-வசூலிப்பதாக-புகார்-3051248.html
3051247 சென்னை திருவள்ளூர் சுகாதார நிலையம் அமைக்கக் கோரி ஆட்சியர் அலுவலகம் முற்றுகை DIN DIN Tuesday, December 4, 2018 07:41 AM +0530 திருவள்ளூர் அருகே அதிக மக்கள் தொகை கொண்ட அழிஞ்சிவாக்கத்தில் சுகாதார நிலையம் அமைக்க வலியுறுத்தி கிராமத்தினர் ஆட்சியர் அலுவலகத்தை திங்கள்கிழமை முற்றுகையிட்டு ஆர்ப்பாட்டத்தில் ஈடுபட்டனர்.
திருவள்ளூர் மாவட்டம், எல்லாபுரம் ஊராட்சி ஒன்றியத்தைச் சேர்ந்தது அழிஞ்சிவாக்கம் கிராமம். இங்கு 400-க்கும் மேற்பட்ட குடும்பத்தினர் வசித்து வருகின்றனர். 
இந்த நிலையில் 50 பேர் குடும்பங்கள் கொண்ட கிராமத்தில் ஏற்கெனவே இருந்த சுகாதார நிலையத்தை புதுப்பிக்கப்படுவதை கண்டித்தும், அதை அழிஞ்சிவாக்கத்தில் அமைக்க வலியுறுத்தியும் கிராம மக்கள் ஆட்சியர் அலுவலகத்தை முற்றுகையிட்டனர்.    அப்போது அங்கு பாதுகாப்பு பணியில் ஈடுபட்டிருந்த போலீஸார் பொதுமக்களுடன் பேச்சுவார்த்தை நடத்தி ஆட்சியரிடம் மனு அளிக்க அனுப்பினர்.  மனுவில், அழிஞ்சிவாக்கம் கிராமத்தினர் கூறியுள்ளதாவது: 
எல்லாபுரம் ஊராட்சி ஒன்றியத்தைச் சேர்ந்தது அழிஞ்சிவாக்கம் கிராமம். இக்கிராமத்தில் 400-க்கும் மேற்பட்ட குடும்பத்தினர் வசித்து வருகின்றனர். 
இங்குள்ளோர் அவசர காலத்தில் 15 கி.மீ. தூரத்தில் அமைந்துள்ள ஏனாம்பாக்கம் ஆரம்ப சுகாதார நிலையத்துக்கு செல்ல  வேண்டியுள்ளது. 
இந்நிலையில், 50 குடும்பத்தினரைக் கொண்ட தண்டுமேடு கிராமத்தில் உள்ள துணை சுகாதார நிலையத்தை சீரமைக்கப் போவதாக அதிகாரிகள் மூலம் அறிந்தோம். 
அந்த துணை சுகாதார நிலையத்தை அழிஞ்சிவாக்கத்துக்கு மாற்ற வேண்டும் என மனுவில் கூறப்பட்டுள்ளது

]]>
http://www.dinamani.com/all-editions/edition-chennai/thiruvallur/2018/dec/04/சுகாதார-நிலையம்-அமைக்கக்-கோரி-ஆட்சியர்-அலுவலகம்-முற்றுகை-3051247.html
3051245 சென்னை திருவள்ளூர் கல்வி உதவித் தொகை: முன்னாள் படைவீரர்களின் குழந்தைகளுக்கு விதிமுறை தளர்வு DIN DIN Tuesday, December 4, 2018 07:40 AM +0530 முன்னாள் படைவீரர்களின் குழந்தைகள் பயன்பெறும் நோக்கத்தில் கல்வி உதவித் தொகை பெறுவதற்கான விதிமுறைகள் தளர்த்தப்பட்டுள்ளதாக ஆட்சியர் மகேஸ்வரி ரவிகுமார் தெரிவித்துள்ளார். 
இதுகுறித்து அவர் வெளியிட்டுள்ள செய்திக் குறிப்பு: முன்னாள் படைவீரர்கள் குழந்தைகள் கல்வி பயிலும் குழந்தைகளுக்கு தொகுப்பு நிதியிலிருந்து ஆண்டுதோறும் கல்வி உதவித் தொகை வழங்கப்பட்டு வருகின்றன. அந்த வகையில் அனைத்து முன்னாள் படைவீரர்களின் குழந்தைகள் பயன்பெறும் வகையில் நிகழாண்டு முதல் சில விதிமுறைகள் தளர்த்தி அரசு உத்தரவிட்டுள்ளது. இதன் அடிப்படையில் விண்ணப்ப படிவம் பெறுவதற்கும் பூர்த்தி செய்து சமர்ப்பிக்கவும் உள்ள காலவரம்பு நீக்கப்பட்டு கல்வி ஆண்டு முழுவதும் விண்ணப்ப படிவம் பெற்று விண்ணப்பிக்க ஏற்பாடு செய்யப்பட்டுள்ளது. இந்த சலுகை இளநிலை படை அலுவலர் பதவி மற்றும் ராணுவ அலுவலகத்தில் பணியாற்றும் அலுவலர் பதவியில் உள்ளோருக்கு வழங்கப்படவும் உள்ளது. 
இதற்கான விண்ணப்பங்களை e‌s‌m‌w‌e‌l.‌t‌n.‌g‌o‌v.‌i‌n என்ற இணையதள முகவரியில் இருந்து படிவத்தை பதிவிறக்கம் செய்து கொள்ளலாம். 
கல்வி உதவித் தொகை பெறுவதற்கு முன்னாள் படைவீரர்களின் மகன்களுக்கு 25 வயதிற்குள்ளும், மகள்களுக்கு திருமணம் ஆகும் வரையிலும் விண்ணப்பிக்கலாம். 
விதவை மற்றும் முன்னாள் படைவீரரின் மனைவிக்கு வயது வரம்பு எதுவும் கிடையாது. கல்விக் கட்டணம் செலுத்திய ரசீதுகள் மற்றும் வங்கிக் கணக்கும்  தேவையில்லை. முன்னாள் படைவீரர் மற்றும் விதவையரின் வங்கிக் கணக்கிற்கே உதவித் தொகை விடுவிக்கப்படும். இக்கல்வி உதவித் தொகை தொடக்கக் கல்வி முதல் மேல்நிலைக் கல்வி வரையிலும் மற்றும் உயர் கல்வி, ஆய்வு  படிப்பு வரையில் வழங்கப்படும். 
இதற்கிடையே வேறு எவ்விதமான மத்திய, மாநில மற்றும் பள்ளி, கல்லூரிகளில் வழங்கப்படும் நிதியுதவி பெறாதவர்கள் மட்டுமே நிதியுதவி பெறத் தகுதியுடையவர்கள். 
எனவே, இந்த மாவட்டத்தைச் சேர்ந்த முன்னாள் படைவீரர்கள், தொகுப்பு நிதி விண்ணப்ப படிவங்களை நடப்பு கல்வியாண்டிற்குள் பெற்று விண்ணப்பிக்கலாம். 
மேலும், ஏற்கெனவே வழங்கப்பட்டு வந்த நிதியுதவித் தொகையில் எவ்வித மாற்றமும் இல்லை. இது தொடர்பாக மேலும் விவரம் வேண்டுவோர் திருவள்ளூர் மாவட்ட முன்னாள் படைவீரர் நல அலுவலகத்தை நேரிலோ அல்லது  044-27663163 தொலைபேசி எண்ணிலோ தொடர்பு கொள்ளலாம்.

]]>
http://www.dinamani.com/all-editions/edition-chennai/thiruvallur/2018/dec/04/கல்வி-உதவித்-தொகை-முன்னாள்-படைவீரர்களின்-குழந்தைகளுக்கு-விதிமுறை-தளர்வு-3051245.html
3051105 சென்னை திருவள்ளூர் பிரதமரின் வீடு கட்டும் திட்டம்: 250 பயனாளிகளுக்கு பணி ஆணை DIN DIN Tuesday, December 4, 2018 03:04 AM +0530
கும்மிடிப்பூண்டி அடுத்த ஆர்.என்.கண்டிகை பகுதியில் பாரத பிரதமரின் அனைவருக்கும் வீடு கட்டி தரும் ஆவாஸ் யோஜ்னா திட்டத்தின் கீழ் பயனாளிகளாக தேர்வு செய்யப்பட்ட 250 பேருக்கு பணி ஆணை வழங்கும் நிகழ்ச்சி ஞாயிற்றுக்கிழமை நடைபெற்றது.
பயனாளிகளுக்கு பணி ஆணை வழங்கும் விழா ஆர்.என்.கண்டிகை பகுதியில் மலரும் தமிழகம் தொண்டு நிறுவனத் தலைவரும், முன்னாள் எம்எல்ஏமான ரவிராஜ் தலைமையில் நடைபெற்றது.
தமிழ்நாடு குடிசை மாற்று வாரிய உதவி பொறியாளர் ரஞ்சித்குமார், யோகேஷ் ஆகியோர் முன்னிலை வகித்தனர். ஆர்.என்.கண்டிகை, பாலவாக்கம், ஐயர் கண்டிகை ஆகிய பகுதிகளை சேர்ந்த 250 பயனாளிகளுக்கு பணி ஆணைகளை முன்னாள் எம்எல்ஏ ரவிராஜ் வழங்கினார்.
 

]]>
http://images.dinamani.com/uploads/user/imagelibrary/2018/12/4/w600X390/raviraj.JPG http://www.dinamani.com/all-editions/edition-chennai/thiruvallur/2018/dec/04/பிரதமரின்-வீடு-கட்டும்-திட்டம்-250-பயனாளிகளுக்கு-பணி-ஆணை-3051105.html
3051108 சென்னை திருவள்ளூர் நகராட்சி பகுதியில் மீன் அங்காடி அமைக்கக் கோரி மீனவர்கள் ஆர்ப்பாட்டம் DIN DIN Tuesday, December 4, 2018 03:03 AM +0530
திருவள்ளூர் நகராட்சியில் மீனவர்கள் பயன்பெறும் வகையில் மீன் அங்காடி அமைத்துத் தரவும், ஈக்காடு பகுதியில் அனுமதியின்றி அமைக்கப்பட்டுள்ள தனியார் மீன் வளாகம் மீது நடவடிக்கை எடுக்க வலியுறுத்தியும் பூண்டி உள்நாட்டு மீனவர் கூட்டுறவு சங்கத்தினர் திங்கள்கிழமை ஆர்ப்பாட்டத்தில் ஈடுபட்டனர். 
திருவள்ளூர் எம்.ஜி.ஆர். சிலை அருகே நடந்த ஆர்ப்பாட்டத்துக்கு பூண்டி உள்நாட்டு மீனவர் கூட்டுறவு சங்கத் தலைவர் எஸ்.ராஜேந்திரன் தலைமை வகித்தார். அச்சங்கத்தின் துணைத்தலைவர் என்.மன்னார் முன்னிலை வகித்தார். 
மீன் சந்தை வளாகம் அமைக்க கடந்தாண்டு இடம் ஒதுக்குவதாக நகராட்சியால் அறிவிக்கப்பட்டது. ஆனால், ஈக்காட்டில் அனுமதியின்றி தனிநபர்கள் மீன் சந்தை வளாகம் அமைத்துள்ளனர். 
இதனால், தெருவோர மீன் வியாபாரிகள் வாழ்வாதாரமும், மீனவர்களும் பாதிக்கப்படும் நிலை உள்ளது. 
அதனால், அனுமதி பெறாமல் மீன் சந்தை வளாகம் நடத்துவோர் மீது நடவடிக்கை எடுக்க வேண்டும். நகராட்சிப் பகுதியில் மீன் அங்காடி அமைத்துத் தர வேண்டும் என வலியுறுத்தி மீனவர்கள் ஆர்ப்பாட்டத்தில் ஈடுபட்டனர். 

]]>
http://images.dinamani.com/uploads/user/imagelibrary/2018/12/4/w600X390/fisherman.JPG http://www.dinamani.com/all-editions/edition-chennai/thiruvallur/2018/dec/04/நகராட்சி-பகுதியில்-மீன்-அங்காடி-அமைக்கக்-கோரி-மீனவர்கள்-ஆர்ப்பாட்டம்-3051108.html
3051107 சென்னை திருவள்ளூர் டாஸ்மாக் கடை திறப்பதை எதிர்த்து பெண்கள் ஆர்ப்பாட்டம் DIN DIN Tuesday, December 4, 2018 03:03 AM +0530
கும்மிடிப்பூண்டியை அடுத்த துராப்பள்ளம் வீராசாமி நகர் பகுதியில் தமிழக அரசின் டாஸ்மாக் மதுபானக் கடை திங்கள்கிழமை திறக்கப்படவிருந்த நிலையில், இந்திய ஜனநாயக மாதர் சங்கத்தினர் கடையை முற்றுகையிட்டு ஆர்ப்பாட்டம் நடத்தினர்.
கும்மிடிப்பூண்டி அருகில் துராப்பள்ளம் வீராசாமி நகரில் அரசு மதுபான கடை செயல்பட்டு வந்தது. இந்த மதுபானக் கடையின் அருகே மசூதி, சார்ச், தொம்பரைதாத்தா கோயில் உள்ளது. மேலும் இந்த மதுபானக் கடையை கடந்து தான் அரசு மேல்நிலைப் பள்ளிக்கு மாணவர்கள் செல்ல வேண்டி உள்ளது. இந்த கடையால் பெண்கள், மாணவர்கள் பெரும் சிரமத்துக்கு உள்ளாகிய நிலையில் பல்வேறு கட்ட போராட்டத்துக்குப் பிறகு, இந்த கடை சில மாதங்களுக்கு முன்பு அகற்றப்பட்டது. கடையை அகற்றினாலும், கடையினுள் மதுபாட்டில்கள் அப்படியே தான் உள்ளது. இந்நிலையில், இந்தக் கடையை மீண்டும் திறக்க அதிகாரிகள் திட்டமிட்டு, திங்கள்கிழமை கடையை திறக்கத் தயாராயினர்.
பல்வேறு போராட்டங்களுக்கு பிறகு மூடப்பட்ட கடை மீண்டும் திறக்கப்பட்டால்,பொது மக்களுக்கு பெரும் சிரமம் ஏற்படும் என்று கூறி, சங்கத்தின் சார்பில் டாஸ்மாக் கடை முன்பு ஆர்ப்பாட்டம் நடத்தினர்.
இந்த ஆர்ப்பாட்டத்துக்கு மாதர் சங்கத்தின் வட்டத் தலைவர் கே.நல்லம்மாசுபேதா தலைமை வகித்தார். இதில் மாவட்டப் பொருளாளர் அ.பத்மா, ஜனநாயக வாலிபர் சங்க நிர்வாகி லோகநாதன் உள்பட பலர் கண்டன உரையாற்றினர்.
தொடர்ந்து சம்பவ இடம் விரைந்த ஆரம்பாக்கம் போலீஸார் ஆர்ப்பாட்டத்தில் பெண்களை சமாதானப்படுத்தி, இது தொடர்பாக மாவட்ட ஆட்சியரை அணுகி உரிய தீர்வை பெறும்படி அறிவுறுத்தினர். 

]]>
http://images.dinamani.com/uploads/user/imagelibrary/2018/12/4/w600X390/madhar.JPG http://www.dinamani.com/all-editions/edition-chennai/thiruvallur/2018/dec/04/டாஸ்மாக்-கடை-திறப்பதை-எதிர்த்து-பெண்கள்-ஆர்ப்பாட்டம்-3051107.html
3051106 சென்னை திருவள்ளூர் கனரா வங்கிக் கிளையின் புதிய கட்டடம் திறப்பு  DIN DIN Tuesday, December 4, 2018 03:02 AM +0530
திருவள்ளூர்அருகே கனரா வங்கிக் கிளையின் புதிய கட்டடத்தை ஆட்சியர் மகேஸ்வரி ரவிகுமார் திங்கள்கிழமை திறந்துவைத்தார். 
திருவள்ளூர் அருகேயுள்ள வெங்கல் பகுதியில் கனரா வங்கிக் கிளையின் புதிய கட்டடத் திறப்பு விழா திங்கள்கிழமை நடைபெற்றது. இந்த நிகழ்ச்சிக்கு சென்னை கோட்ட மேலாளர் சீனிவாசராவ் தலைமை வகித்தார். இதில், ஆட்சியர் மகேஸ்வரி ரவிகுமார் பங்கேற்று அனைத்து வசதியுடன் கூடிய கனரா வங்கி கிளையின் புதிய கட்டடத்தை தொடங்கி வைத்தார். நிகழ்ச்சியில் 20-க்கும் மேற்பட்ட மகளிர் சுய உதவிக்குழுக்களுக்கு கடன் உதவிக்கான காசோலை மற்றும் நலத்திட்ட உதவிகளையும் அவர் வழங்கினார்.
வங்கியின் இணைப் பொதுமேலாளர் ஜெயகுமார், மண்டல மேலாளர் சுபத்ரா உள்ளிட்ட அதிகாரிகள் கலந்து கொண்டனர்.


 

]]>
http://www.dinamani.com/all-editions/edition-chennai/thiruvallur/2018/dec/04/கனரா-வங்கிக்-கிளையின்-புதிய-கட்டடம்-திறப்பு-3051106.html
3051104 சென்னை திருவள்ளூர் பள்ளிகளில் மாற்றுத் திறனாளிகள் தினவிழா DIN DIN Tuesday, December 4, 2018 03:02 AM +0530
திருவள்ளூர் அருகேயுள்ள கடம்பத்தூர் அரசு மேல்நிலைப் பள்ளியில் அனைவருக்கும் கல்வி இயக்கம் சார்பில் சர்வதேச மாற்றுத் திறனாளிகள் தினவிழா திங்கள்கிழமை நடைபெற்றது.
நிகழ்ச்சிக்கு அனைவருக்கும் கல்வி இயக்கத்தின் வட்டார வளமைய மேற்பார்வையாளர் சொர்ணத்தாய் தலைமை வகித்தார். அனைவருக்கும் கல்வி இயக்கத்தின் மாவட்ட திட்ட உதவி ஒருங்கிணைப்பாளர் வை.ராமச்சந்திரன் சிறப்பு விருந்தினராக பங்கேற்று போட்டிகளை தொடங்கி வைத்தார். இதில் விளையாட்டு, மாறுவேட போட்டிகளில் மாற்றுத் திறனாளி மாணவ, மாணவியர் 90-க்கும் மேற்பட்டோர் ஆர்வத்துடன் கலந்து கொண்டனர். போட்டிகளில் சிறப்பிடம் பெற்றவர்களுக்கு கடம்பத்தூர் வட்டார கல்வி அலுவலர் கிரிஜா சான்றிதழ் மற்றும் நினைவு பரிசுகளை வழங்கினார். அத்துடன் போட்டியில் பங்கேற்ற அனைவருக்கும் அனைவருக்கும் கல்வி இயக்கம் சார்பில் சான்றிதழ்கள் வழங்கப்பட்டன. நிகழ்ச்சி ஏற்பாடுகளை அனைவருக்கும் கல்வி இயக்க வட்டார வளமைய அலுவலர்கள், ஆசிரியை ஐஸ்வர்யா உள்ளிட்டோர் செய்திருந்தனர்.
திருத்தணியில்...
உலக மாற்றுத் திறனாளிகள் தினத்தையொட்டி திருத்தணியில், அனைவருக்கும் கல்வி இயக்கம் சார்பில் அரசு பெண்கள் மேல்நிலைப் பள்ளியில் விளையாட்டு போட்டிகள் நடத்தப்பட்டன.
வட்டார மேற்பார்வையாளர் பொறுப்பு) கே. சரஸ்வதி தலைமை வகித்தார். ஒருங்கிணைப்பாளர் சுடலை, ஆசிரியர் பயிற்றுனர் சரவணன் உள்ளிட்டோர் பங்கேற்றனர். சிறப்பு அழைப்பாளராக திருத்தணி வட்டாரக் கல்வி அலுவலர் பாபு பங்கேற்றார். போட்டிகளில் வெற்றி பெற்ற மாணவர்களுக்கு பரிசுகளும், சான்றிதழ்களும் வழங்கப்பட்டன.

]]>
http://www.dinamani.com/all-editions/edition-chennai/thiruvallur/2018/dec/04/பள்ளிகளில்-மாற்றுத்-திறனாளிகள்-தினவிழா-3051104.html
3051103 சென்னை திருவள்ளூர் மாதவரத்தில் வழிப்பறி கொள்ளையர்கள் கைது DIN DIN Tuesday, December 4, 2018 03:02 AM +0530 மாதவரம் பகுதியில் வழிப்பறி, சங்கிலி பறிப்பு சம்பவங்களில் ஈடுபட்ட 2 பேரை காவல்துறையினர் திங்கள்கிழமை கைது செய்தனர். 
மாதவரத்தை அடுத்த பொன்னியம்மன்மேடு பகுதியைச் சேர்ந்த நிர்மலாதேவியிடம் 10 சவரன் சங்கிலி, மாதவரத்தைச் சேர்ந்த நாராயணனிடம் பணம் வழிப்பறி ஆகிய சம்பவங்கள் குறித்து மாதவரம் காவல் நிலையத்துக்கு புகார்கள் வந்தன. 
இதையடுத்து, மாதவரம் சரக காவல் உதவி ஆணையர் ராமலிங்கம், காவல் குற்றப்பிரிவு ஆய்வாளர் சுரேஷ்குமார் ஆகியோர் தலைமையில் தனிப்படை அமைக்கப்பட்டது. இந்நிலையில், தனிப்படையினர் மாதவரம் தட்டான்குளம் சாலை அருகே திங்கள்கிழமை வாகனச் சோதனையில் ஈடுபட்டிருந்தனர். அப்போது, சந்தேகத்துக்குரிய வகையில் இருசக்கர வாகனத்தில் வந்த 2 நபர்களை மடக்கி விசாரணை நடத்தினர். விசாரணையில் அவர்கள் சென்னை வியாசர்பாடியை சேர்ந்த வடிவேலு (26), தனசேகர் (30) என்பதும், இவர்கள் சங்கிலி பறிப்பு மற்றும் வழிப்பறி கொள்ளையர்கள் என்பதும் தெரியவந்தது. 
இதையடுத்து, 2 பேர் மீதும் போலீஸார் வழக்குப் பதிவு செய்து நீதிமன்றத்தில் ஆஜர்படுத்தி புழல் சிறையில் அடைத்தனர். இவர்களிடமிருந்து 10 சவரன் நகைகள், ரூ.80 ஆயிரம் ரொக்கம் பணம் மற்றும் இருசக்கர வாகனத்தையும் பறிமுதல் செய்தனர்.
 

]]>
http://images.dinamani.com/uploads/user/imagelibrary/2018/12/4/w600X390/arest.JPG http://www.dinamani.com/all-editions/edition-chennai/thiruvallur/2018/dec/04/மாதவரத்தில்-வழிப்பறி-கொள்ளையர்கள்-கைது-3051103.html
3050451 சென்னை திருவள்ளூர் எதிர்கால இந்தியா பற்றி பாடி வழிகாட்டியர் பாரதி: பொன்.ராதாகிருஷ்ணன்  திருவள்ளூர், DIN Monday, December 3, 2018 02:00 AM +0530 எதிர்கால இந்தியா எப்படி இருக்க வேண்டும் என்பதை முன்னதாகவே கனவு கண்டு பாரதியார் பாடியதுடன், அதற்கு வழிகாட்டியுள்ளதாக மத்திய அமைச்சர் பொன்.ராதாகிருஷ்ணன் புகழாரம் தெரிவித்தார்.
 உரத்த சிந்தனை வாசக எழுத்தாளர்கள் சங்கம், நம் உரத்த சிந்தனை மாத இதழ் மற்றும் விசு கல்வி அறக்கட்டளை இணைந்து பாரதியின் சிந்தனைகளை இளையதலைமுறைக்கு கொண்டு சேர்க்கும் புதிய முயற்சியாக பாரதி உலா என்ற நிகழ்ச்சி ஞாயிற்றுக்கிழமை நடைபெற்றது.
 திருவள்ளூர் அருகே கசுவா கிராமத்தில் உள்ள மகாகவி பாரதியார் மேல்நிலைப்பள்ளி வளாகத்தில் நடைபெற்ற நிகழ்ச்சிக்கு, திரைப்பட இயக்குநர் விசு தலைமை வகித்தார். நடிகர் டெல்லி கணேஷ் பாரதியாரின் உருவப் படத்தை திறந்து வைத்தார்.
 நிகழ்ச்சியில், மத்திய நிதி, கப்பல், நெடுஞ்சாலை மற்றும் போக்குவரத்துத் துறை இணை அமைச்சர் பொன்.ராதாகிருஷ்ணன் பேசியதாவது: பாரதி பற்றியும், அவர் பாடிய பாடல்கள் பற்றி மாணவ, மாணவிகள் அனைவரும் அறிந்திருப்பீர்கள். பாரதியார் வாழ்க்கையில் கடைப்பிடித்ததை மாணவ, மாணவிகளும் கட்டாயம் பின்பற்ற வேண்டும். ஆங்கிலேயர்கள் அடிமைப்படுத்திக் கொண்டும், துன்பப்படுத்தியும் வருவதை எதிர்த்துப் போராடு என பாடல் வரியாக எல்லா மனங்களிலும் சுதந்திர தாகத்தை ஏற்படுத்தியவர் பாரதி. அவர் தமிழை வளர்க்க மட்டுமல்ல தமிழ் நாட்டைக் காக்கவும், தேசத்தை பாதுகாக்கவும் தனது பாடல் வாயிலாக வலியுறுத்தியும் உள்ளார். இன்றைய நாளில் தமிழ்நாடு என நாங்கள் தான் பெயர் சூட்டினோம் என பலர் பெருமைப்பட்டுக் கொள்கின்றனர். ஆனால் தமிழ்நாடு என பெயர் சூட்டிய பெருமை பாரதியையே சேரும்.
 எல்லோரும் குறை செல்வார்கள். ஆனால், பாரதி வெறும் குறைகளை மட்டும் சொல்லவில்லை. அந்தத் குறைகளுக்கான தீர்வை மட்டும் சொல்லிவிட்டு போகவில்லை. அதற்கான தீர்வை கண்முன்னே நடத்திக் காட்டிய மாமனிதர். அப்போதைய காலகட்டத்திலேயே எதிர்கால இந்தியா எப்படி இருக்க வேண்டும் என்பதை கனவு கண்டதுடன் பாடியும் வழிகாட்டியுள்ளார் என்றார் அவர்.
 நிகழ்ச்சியில், பாரதியார் பாடல்கள், பாரதி சிந்தனைகள் என்ற தலைப்பில் நடைபெற்ற போட்டியில் வெற்றி பெற்றவர்களுக்கும், பிளஸ் 2 தேர்வில் சிறப்பிடம் பெற்ற மாணவ, மாணவிகளுக்கும் நினைவுப் பரிசுகளை அமைச்சர் வழங்கினார்.
 இதில், சாயிசங்கரா மேட்ரிமேனியல் குழுமத்தின் நிறுவனர் நா.பஞ்சாபகேசன், ஸ்ருதிலயா வித்யாலயா இசை நடனப் பள்ளியின் நிறுவனர் பார்வதி பாலசுப்பிரமணியன், சேவாலயலா அறக்கட்டளை நிர்வாகி முரளிதரன் உள்ளிட்ட பலர் கலந்து கொண்டனர்.
 சேவாலயா நிறுவன துணைத்தலைவர் கிங்ஸ்டன் நன்றி கூறினார்.
 

]]>
http://images.dinamani.com/uploads/user/imagelibrary/2018/12/3/w600X390/tlrseva.jpg http://www.dinamani.com/all-editions/edition-chennai/thiruvallur/2018/dec/03/எதிர்கால-இந்தியா-பற்றி-பாடி-வழிகாட்டியர்-பாரதி-பொன்ராதாகிருஷ்ணன்-3050451.html
3050450 சென்னை திருவள்ளூர் மேல்நிலை நீர்த் தேக்கத் தொட்டி கட்டும் பணி: எம்எல்ஏ ஆய்வு DIN DIN Monday, December 3, 2018 12:44 AM +0530 பாகவதாபுரம் கிராமத்தில் சுமார் 12 லட்சம் செலவில் கட்டப்படும் மேல்நிலை நீர்த்தேக்கத் தொட்டி கட்டும் பணிகளை எம்எல்ஏ பி.எம்.நரசிம்மன் ஞாயிற்றுக்கிழமை நேரில் ஆய்வு செய்தார்.
 திருத்தணி ஒன்றியத்தில் உள்ள சிறுகுமி ஊராட்சி பாகவதாபுரம் கிராமத்தில் குடிநீர் தொட்டி இல்லாமல் 300-க்கும் மேற்பட்ட குடும்பத்தினர் அவதிப்பட்டு வந்தனர். இதையடுத்து, திருத்தணி எம்எல்ஏ-விடம் கடந்த ஓராண்டுக்கு முன்பு, கிராமத்துக்கு குடிநீர்த் தொட்டி கட்டித்தர வேண்டும் என அப்பகுதி மக்கள் கோரிக்கை மனு அளித்திருந்தனர். இதுகுறித்து, மாவட்ட ஆட்சியரின் கவனத்துக்கு எம்எல்ஏ கொண்டு சென்றார்.
 அதனைத் தொடர்ந்து, ஊரக வளர்ச்சித் துறை சார்பில், ரூ. 12.30 லட்சம் மதிப்பீட்டில் குடிநீர் தொட்டி கட்ட நிதி ஒதுக்கீடு செய்யப்பட்டு, கடந்த சில நாள்களாக 60 ஆயிரம் லிட்டர் கொள்ளளவு கொண்ட மேல்நிலை நீர்த் தேக்கத் தொட்டி கட்டும் பணி தொடங்கியது. இந்நிலையில், திருத்தணி எம்எல்ஏ பி.எம்.நரசிம்மன் ஞாயிற்றுக்கிழமை கிராமத்துக்கு நேரில் சென்று கட்டுமானப் பணிகளை பார்வையிட்டார். பின்னர், ஒப்பந்தாரர் குமாரிடம் பணிகளை எவ்வித தாமதமுமின்றி குறித்த நாள்களுக்குள் முடித்து கிராம மக்களின் பயன்பாட்டுக்குக் கொண்டுவர வேண்டும் என உத்தரவிட்டார்.
 
 

]]>
http://www.dinamani.com/all-editions/edition-chennai/thiruvallur/2018/dec/03/மேல்நிலை-நீர்த்-தேக்கத்-தொட்டி-கட்டும்-பணி-எம்எல்ஏ-ஆய்வு-3050450.html
3050449 சென்னை திருவள்ளூர் இரு கடைகளில் பூட்டை உடைத்து ரூ.13ஆயிரம் திருட்டு DIN DIN Monday, December 3, 2018 12:44 AM +0530 திருவள்ளூர் பகுதியில் கடைகளில் பூட்டை உடைத்து ரூ.13 ஆயிரம் ரொக்கம் மற்றும் செல்லிடப்பேசி உதிரி பாகங்களை திருடிச் சென்ற மர்ம நபர்கள் குறித்து போலீஸார் தீவிரமாக விசாரணை மேற்கொண்டு வருகின்றனர்.
 திருவள்ளூர் அருகே காக்காளூரை அடுத்த பூங்கா நகரைச் சேர்ந்தவர் செல்வராஜ்(40). இவர் அப்பகுதியில் சிமென்ட் கடை நடத்தி வருகிறார். இந்த நிலையில், அவர் வெள்ளிக்கிழமை இரவு வழக்கம் போல் கடையைப் பூட்டி விட்டுச் சென்றார். இதையடுத்து, தன் கடையை சனிக்கிழமை காலையில் திறக்கச் சென்றார். அப்போது, ஷட்டரின் பூட்டு உடைக்கப்பட்டு, கல்லாப்பெட்டியில் வைத்திருந்த ரூ.5 ஆயிரம் ரொக்கத்தை சிலர் திருடிச் சென்றிருந்தது தெரியவந்தது.
 இதனிடையே, அதே பகுதியில் மாருதி நியூடவுனில் செல்லிடப்பேசி கடை நடத்தி வருபவர் பாலாஜி(35). அவருடைய கடையின் பூட்டும் உடைக்கப்பட்டிருந்தது. அந்தக் கடையின் கல்லாவில் இருந்த ரூ.8 ஆயிரம் மற்றும் ரூ.15 ஆயிரம் மதிப்பிலான செல்லிடப்பேசி உதிரிபாகங்கள் திருடு போயிருந்தன. இது தொடர்பாக திருவள்ளூர் கிராமிய காவல் நிலையத்தில் அளிக்கப்பட்ட புகார்களின் பேரில் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/thiruvallur/2018/dec/03/இரு-கடைகளில்-பூட்டை-உடைத்து-ரூ13ஆயிரம்-திருட்டு-3050449.html
3050434 சென்னை திருவள்ளூர் கோயில் குளத்தில் அழுத்தி இளைஞர் கொலை DIN DIN Monday, December 3, 2018 12:32 AM +0530 திருவள்ளூர் அருகே கோயில் குளத்தின் சேற்றில் அழுத்தி இளைஞர் கொலை செய்யப்பட்டது தொடர்பாக  போலீஸார் விசாரணை நடத்தி வருகின்றனர். 
திருவள்ளூர் அருகே உள்ள மேல்நல்லாத்தூர் கிராமம், விநாயகர் கோயில் தெருவைச் சேர்ந்தவர் ராமச்சந்திரன் (37). அப்பகுதியில் உள்ள தனியார் நிறுவனத்தில் பணியாற்றி வந்தார். இவருக்கு மனைவி, ஒரு மகள், மகன் உள்ளனர். இந்நிலையில், இவர் சனிக்கிழமை இரவு நண்பர்களுடன் இரு சக்கர வாகனத்தில் சென்றார். இரவு நீண்டநேரமாகியும் வீடு திரும்பவில்லையாம். இதனால் பல்வேறு இடங்களில் தேடியுள்ளனர். இந்நிலையில், பொதுமக்கள் காலையில் நடந்து சென்றபோது, முக்குளத்தீஸ்வரர் கோயில் குளத்தில் உள்ள சேற்றில் முகம் அழுத்தப்பட்ட நிலையில் சடலம் கிடந்தது. இதையடுத்து, அங்கு சென்று பார்த்தபோது, சடலமாக கிடந்தவர் ராமச்சந்திரன் என்பது தெரியவந்தது.  இதுகுறித்து திருவள்ளூர் கிராமிய காவல் நிலையத்தில் அளித்த புகாரின் பேரில், அங்கு வந்த போலீஸார் சடலத்தை மீட்டு, பிரேதப் பரிசோதனைக்காக திருவள்ளூர் அரசு மருத்துமனைக்கு அனுப்பி வைத்தனர். 
இந்நிலையில், ராமச்சந்திரன் கொலை செய்யப்பட்டது தொடர்பாக போலீஸார் விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-chennai/thiruvallur/2018/dec/03/கோயில்-குளத்தில்-அழுத்தி-இளைஞர்-கொலை-3050434.html
3050433 சென்னை திருவள்ளூர் அரசு ஆரம்ப சுகாதார நிலையத்தை மேம்படுத்தக் கோரி தீர்மானம் DIN DIN Monday, December 3, 2018 12:32 AM +0530 கும்மிடிப்பூண்டியை அடுத்த பாதிரிவேடு-மாதர்பாக்கம் அரசு ஆரம்ப சுகாதார நிலையத்தை, மேம்படுத்தப்பட்ட சுகாதார நிலையமாக மாற்ற வேண்டும் என நேமள்ளூர் ஊராட்சி திமுக நிர்வாகிகள் கூட்டத்தில் தீர்மானம் இயற்றப்பட்டது.
நேமள்ளூர் ஊராட்சி திமுக நிர்வாகிகள் கூட்டம் திருவள்ளூர் வடக்கு மாவட்ட இலக்கிய அணி நிர்வாகியும், ஊராட்சி செயலருமான மனோகரன் தலைமையில் ஞாயிற்றுக்கிழமை நடைபெற்றது. ஒன்றியப் பிரதிநிதி பி.சேகர், காமராஜ், முன்னாள் கட்சிப் பொறுப்பாளர் வெங்கடாசலபதி, திருவள்ளூர் வடக்கு மாவட்ட திமுக தகவல் தொழில்நுட்ப அணி ஒருங்கிணைப்பாளர் அரவிந்தன் உள்ளிட்டோர் பங்கேற்று, கட்சி வளர்ச்சிப் பணிகள் குறித்துப் பேசினர். அந்தந்த ஊராட்சிகளில் உள்ள பொதுப் பிரச்னைகள் தொடர்பாக உடனுக்குடன் தகவல் தொழில்நுட்ப அணிக்குத் தெரிவிக்குமாறு கட்சியினரிடம் அரவிந்தன் கேட்டுக் கொண்டார்.
 கூட்டத்தில், முன்னாள் முதல்வர் கருணாநிதி மறைவுக்கு இரங்கல் தெரிவிக்கப்பட்டது. மேலும், பாதிரிவேடு-மாதர்பாக்கம் ஆரம்ப சுகாதார நிலையத்தை மேம்படுத்தப்பட்ட அனைத்து வசதிகளுடன் கூடிய சுகாதார நிலையமாக மாற்ற வேண்டும் என்பது உள்ளிட்ட பல்வேறு தீர்மானங்கள் இயற்றப்பட்டன.
 

]]>
http://www.dinamani.com/all-editions/edition-chennai/thiruvallur/2018/dec/03/அரசு-ஆரம்ப-சுகாதார-நிலையத்தை-மேம்படுத்தக்-கோரி-தீர்மானம்-3050433.html
3050432 சென்னை திருவள்ளூர் தேசிய மாசுக் கட்டுப்பாட்டு தின விழிப்புணர்வுப் பேரணி DIN DIN Monday, December 3, 2018 12:32 AM +0530 தேசிய மாசுக் கட்டுப்பாட்டு தினத்தையொட்டி, கும்மிடிப்பூண்டி பெப்ஸ் சுற்றுச்சூழல் பாதுகாப்பு அமைப்பின் சார்பில், விழிப்புணர்வு பேரணி, மரம் நடுவிழா மற்றும் சுற்றுச்சூழல்  விழிப்புணர்வு பாடல் வெளியீடு உள்ளிட்ட நிகழ்ச்சிகள் ஞாயிற்றுக்கிழமை நடைபெற்றன.
போபால் விஷவாயுக் கசிவு சம்பவ தினமான டிசம்பர் 2-ஆம் தேதியை, ஆண்டுதோறும் தேசிய மாசுக் கட்டுப்பாட்டு தினமாக கடைப்பிடிக்கப்படுகிறது. இந்நாளையொட்டி, கும்மிடிப்பூண்டியில் இயங்கி வரும் "பெப்ஸ்'  சுற்றுச்சூழல் பாதுகாப்பு அமைப்பு சார்பில், முப்பெரும் நிகழ்ச்சி நடைபெற்றது. கும்மிடிப்பூண்டி நெடுஞ்சாலைத் துறை உதவி கோட்டப் பொறியாளர் பாலசந்தர் தலைமையில் நடைபெற்ற நிகழ்ச்சிகளில், பெப்ஸ் அமைப்பின் நிர்வாகிகள் கமலநாதன், ஜெகதீஷ் உள்ளிட்டோர் பங்கேற்றனர். 
மரங்கள் வளர்ப்பதன் அவசியம் குறித்த விழிப்புணர்வுப் பாடல் அடங்கிய குறுந்தகட்டை, கும்மிடிப்பூண்டி பேரூராட்சி செயல் அலுவலர் கலாதரன் வெளியிட, நெடுஞ்சாலைத் துறை உதவிப் பொறியாளர் டில்லிபாபு பெற்றுக் கொண்டார். அதைத் தொடர்ந்து, கும்மிடிப்பூண்டி ஸ்ரீ கலைமகள் வித்யா மந்திர் மெட்ரிக். மேல்நிலைப் பள்ளி மாணவர்கள், ஸ்ரீசங்கரி யோகா பயிற்சி மற்றும் ஆராய்ச்சி மைய மாணவர்கள், புதிய அலைகள் ஆர்ட்ஸ் அகாதெமி மாணவர்கள் பங்கேற்ற விழிப்புணர்வுப் பேரணியை நெடுஞ்சாலைத் துறை உதவி கோட்டப் பொறியாளர் பாலசந்தர் தொடங்கி வைத்தார். 
கும்மிடிப்பூண்டி பேருந்து நிலையத்தில் தொடங்கிய பேரணி, ரெட்டம்பேடு சாலை சந்திப்பில் முடிவடைந்தது. 
இதில், சுற்றுச்சூழலை பாதுகாப்பது குறித்த விழிப்புணர்வு வாசகங்கள் அடங்கிய தட்டிகளை ஏந்தியவாறு, கோஷங்களை எழுப்பிக் கொண்டு மாணவர்கள் சென்றனர். அதைத் தொடர்ந்து, கும்மிடிப்பூண்டி பஜார் பகுதியான ஜி.என்.டி. சாலையின் இருபுறமும், மரக்கன்றுகள் நடப்பட்டன.
மேலும், அரசுப் பள்ளி மாணவர்களுக்கு மரக்கன்றுகள் வழங்கி மரம் வளர்த்தலில் மாணவர்களின் பங்கை அதிகரிக்க திட்டமிட்டுள்ளனர். நிகழ்ச்சியில், கும்மிடிப்பூண்டி பகுதியில் தொழிற்சாலைகளால் ஏற்படும் அதிக அளவு சுற்றுச்சூழல் பாதிப்பை அனைவரும் இணைந்து தடுப்பதாக உறுதிமொழி ஏற்றனர்.
 

]]>
http://www.dinamani.com/all-editions/edition-chennai/thiruvallur/2018/dec/03/தேசிய-மாசுக்-கட்டுப்பாட்டு-தின-விழிப்புணர்வுப்-பேரணி-3050432.html
3050431 சென்னை திருவள்ளூர் வருவாய்த் துறை அலுவலர்களுக்கான புத்தாக்கப் பயிற்சி முகாம்: ஆட்சியர் தொடங்கி வைத்தார் DIN DIN Monday, December 3, 2018 12:31 AM +0530 திருவள்ளூரில் வருவாய் அலுவலர்களுக்கான புத்தாக்கப் பயிற்சி முகாமை ஆட்சியர் மகேஸ்வரி ரவிகுமார் சனிக்கிழமை தொடங்கி வைத்தார். 
திருவள்ளூர் மாவட்ட ஆட்சியர் அலுவலக வளாகக் கூட்டரங்கத்தில் வருவாய் மற்றும் பேரிடர் மேலாண்மை துறை சார்பில், அலுவலக நடைமுறை குறித்து வருவாய்த் துறை அலுவலர்களுக்கான புத்தாக்கப் பயிற்சி முகாம் சனிக்கிழமை நடைபெற்றது. 
 முகாமுக்கு, ஆட்சியர் மகேஸ்வரி ரவிகுமார் தலைமை வகித்து அலுவலர்களுக்கான பயிற்சி முகாமை தொடங்கி வைத்துப் பேசியது: அரசால் பல்வேறு நலத் திட்டங்கள் செயல்படுத்தப்பட்டு வருகின்றன. இத்திட்டங்கள் அனைத்தையும் பொதுமக்களிடையே கொண்டு செல்லும்  பணியை வருவாய்த் துறை செய்து வருகிறது. அதேபோல் இயற்கை இடர்ப்பாடுகளால் பாதிக்கப்பட்ட பொதுமக்களுக்கு நிவாரணம் மற்றும் மறுவாழ்வு அளித்தல், அரசு நிலங்களைப் பாதுகாத்து, முறையாக நில ஆவணங்களைப் பராமரித்தல், நிலச்சீர்த்திருத்த சட்டங்களை நடைமுறைப்படுத்துதல் மற்றும் தேவையின் அடிப்படையில் தகுதியானவர்களுக்கு நிலம் வழங்கவும் இத்துறை நடவடிக்கை எடுத்து வருகிறது. அதனால் இதுபோன்று சிறப்பாக செய்யும் வகையில், அவசர காலங்களில் செயல்பாடு, பதிவேடுகள் மற்றும் நடைமுறைகள் குறித்து அதிகாரிகள்  பயிற்சி அளிக்க உள்ளனர் என்றார்.    
அதனைத் தொடர்ந்து, வருவாய் அலுவலர்களுக்கு அலுவல் தொடர்பாக பல்வேறு பயிற்சிகள் அளிக்கப்பட்டன. அதேபோல், விவசாயிகள், மாணவர்கள், வேலைவாய்ப்பில்லாதவர்கள், பணிபுரிவோர், சமூகத்தின் அடித்தட்டு மக்கள், தொழில்முனைவோர் ஆகியோருக்கான சேவைகள் வழங்குதல், ஜாதிச்சான்றிதழ், பிறப்பு - இறப்பு சான்றிதழ், வாரிசுச் சான்றிதழ் உள்ளிட்டவை குறித்தும் முகாமில் அதிகாரிகள் எடுத்துரைத்தனர். முகாமில் வருவாய்த் துறை அதிகாரிகள் கலந்து கொண்டனர். 
 இதில், மாவட்ட வருவாய்த் துறை அலுவலர் து.சந்திரன், ஆட்சியரின் நேர்முக உதவியாளர் பன்னீர்செல்வம் (பொது), அலுவலக மேலாளர் தமிழ்செல்வன் (பொது) உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/thiruvallur/2018/dec/03/வருவாய்த்-துறை-அலுவலர்களுக்கான-புத்தாக்கப்-பயிற்சி-முகாம்-ஆட்சியர்-தொடங்கி-வைத்தார்-3050431.html
3049934 சென்னை திருவள்ளூர் முதியவரை கொலை செய்ய முயற்சி: இளைஞருக்கு 7 ஆண்டு சிறை DIN DIN Sunday, December 2, 2018 01:19 AM +0530 முதியவரை இரும்புத் தடியால் அடித்து கொலை செய்ய முயன்ற வழக்கில் இளைஞருக்கு 7 ஆண்டு சிறைத் தண்டனை விதித்து திருவள்ளூர் சார்பு நீதிமன்றம் தீர்ப்பு வழங்கியது.
 திருவள்ளூரை அடுத்த கொமக்கம்பேடு மாரியம்மன் கோயில் தெருவைச் சேர்ந்தவர் பொன்னப்பன்(58). இவரது மகன் கஜேந்திரன்(35). இவர்கள் இருவரும் கடந்த 2015ஆம் ஆண்டு மே 3ஆம் தேதியன்று குடும்பப் பிரச்னை காரணமாக தகராறு செய்தனர். அப்போது, பக்கத்து குடியிருப்பைச் சேர்ந்த உறவினர் குமார்(65) தகராறை விலக்கச் சென்றார்.
 இதனால் ஆத்திரம் அடைந்த கஜேந்திரன் இரும்புத் தடியால் குமாரைத் தாக்கினார். இதில் குமார் படுகாயமடைந்தார். இது தொடர்பாக குமார் வெங்கல் காவல் நிலையத்தில் புகார் அளித்தார். அதன் பேரில் போலீஸார் வழக்குப் பதிவு செய்து கஜேந்திரனை சிறையில் அடைத்தனர்.
 இந்த வழக்கு திருவள்ளூர் மாவட்ட ஒருங்கிணைந்த நீதிமன்ற வளாகத்தில் உள்ள சார்பு நீதிமன்றத்தில் நடைபெற்று வந்தது. இறுதி விசாரணை சார்பு நீதிமன்ற நீதிபதி சாந்தி முன்னிலையில் சனிக்கிழமை நடைபெற்றது.
 கஜேந்திரன் மீது குற்றம் நிரூபிக்கப்பட்டதை அடுத்து அவருக்கு 7 ஆண்டுகள் சிறைத் தண்டனையும், ரூ.1,000 அபராதமும் விதித்து நீதிபதி தீர்ப்பு வழங்கினார். இதையடுத்து போலீஸார் கஜேந்திரனை புழல் சிறைச்சாலைக்கு அனுப்பினர். முன்னதாக, இந்த வழக்கில் அரசுத் தரப்பில் வழக்குரைஞர் மகேந்திரராஜ் ஆஜரானார்.
 
 

]]>
http://www.dinamani.com/all-editions/edition-chennai/thiruvallur/2018/dec/02/முதியவரை-கொலை-செய்ய-முயற்சி-இளைஞருக்கு-7-ஆண்டு-சிறை-3049934.html
3049933 சென்னை திருவள்ளூர் கோயில் உண்டியலை உடைத்து ரூ.22 ஆயிரம் திருட்டு: போலீஸார் விசாரணை DIN DIN Sunday, December 2, 2018 01:18 AM +0530 திருவள்ளூர் அருகே கோயில் உண்டியலை உடைத்து ரூ.22 ஆயிரம் திருடிச் சென்ற மர்ம நபர்கள் குறித்து மப்பேடு போலீஸார் தீவிர விசாரணை மேற்கொண்டு வருகின்றனர்.
 இதுகுறித்து மப்பேடு போலீஸார் சனிக்கிழமை கூறியது: திருவள்ளூர் அருகே பேரம்பாக்கத்தை அடுத்த இருளஞ்சேரி கிராமத்தில் மிகவும் பழைமையான கலிங்க நாதேஸ்வரர் கோயில் உள்ளது. இந்தக் கோயிலில் வெள்ளிக்கிழமை பைரவர் ஜெயந்தி விழா கோலாகலமாக நடைபெற்றது. இந்த விழாவில் பல்வேறு பகுதிகளைச் சேர்ந்த ஏராளமான பக்தர்கள் பங்கேற்றனர்.
 இந்நிலையில், கோயிலில் சிறப்பு பூஜைகள் அனைத்தும் முடிந்த பின்னர் வழக்கம் போல் இரவு கோயிலை பூசாரிகள் பூட்டிச் சென்றார்களாம்.
 இதையடுத்து, சனிக்கிழமை அதிகாலையில், பூசாரி மற்றும் கிராம மக்கள் ஆகியோர் கோயிலைத் திறக்க வந்தபோது, கோயில் கதவு உடைக்கப்பட்டிருந்ததை பார்த்து அதிர்ச்சி அடைந்தனர். அதையடுத்து உள்ளே சென்று பார்க்கையில் உண்டியல் உடைக்கப்பட்டு, அதிலிருந்த ரூ.22 ஆயிரம் பணத்தையும் மர்ம நபர்கள் திருடிச் சென்றிருந்தது தெரியவந்தது.
 இது தொடர்பாக கிராம மக்கள் மப்பேடு காவல் நிலையத்துக்கு தகவல் தெரிவித்தனர். அதன் பேரில் போலீஸார் விரைந்து வந்து ஆய்வு செய்தனர். இந்தக் கோயிலில் பழைமையான பஞ்சலோக சிலைகள் இருந்தன.
 இங்கு போதிய பாதுகாப்பு இல்லாத காரணத்தால் அச்சிலைகள் அனைத்தும் திருப்பாச்சூரில் உள்ள வாசீஸ்வரர் கோயிலில் பாதுகாப்பாக இந்து அறநிலையத் துறையின் கட்டுப்பாட்டில் வைக்கப்பட்டுள்ளன. அதனால் அதிர்ஷ்டவசமாக இச்சிலைகள் மர்ம நபர்களின் கைகளில் சிக்காமல் தப்பியுள்ளன. இதே கோயிலில் கடந்த ஆண்டு கலசம் திருடுபோனது குறிப்பிடத்தக்கது. மப்பேடு போலீஸார் விசாரணை மேற்கொண்டு வருகின்றனர்.
 
 
 

]]>
http://www.dinamani.com/all-editions/edition-chennai/thiruvallur/2018/dec/02/கோயில்-உண்டியலை-உடைத்து-ரூ22-ஆயிரம்-திருட்டு-போலீஸார்-விசாரணை-3049933.html