Dinamani - வேலூர் - http://www.dinamani.com/all-editions/edition-chennai/vellore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2962928 சென்னை வேலூர் கி.பி. 10-ஆம் நூற்றாண்டைச் சேர்ந்த நடுகல் கண்டெடுப்பு DIN DIN Thursday, July 19, 2018 01:52 AM +0530 ஆம்பூர் அருகே கி.பி. 10-ஆம் நூற்றாண்டைச் சேர்ந்த ஆநிரை மீட்ட வீரனுக்கான நடுகல் கண்டெடுக்கப்பட்டுள்ளது.
வேலூர் மாவட்டம், ஆம்பூர் வட்டம், உமராபாத் அருகிலுள்ள பனங்காட்டூரில் நெமிலியம்மன் கோயிலுக்குச் செல்லும் வழியில், கழிவுநீர் வடிகாலுக்கு அருகே இருந்த நடுகல் ஒன்றிணை திருப்பத்தூர் தூய நெஞ்சக் கல்லூரி தமிழ்த்துறைப் பேராசிரியர்கள் ஆ.பிரபு, சு.சிவசந்திரகுமார், ஆய்வு மாணவர்கள் 
பொ.சரவணன், வெ.கார்த்திகேயன், த.கதிர்வேலன் உள்ளிட்ட குழுவினர் கண்டறிந்தனர்.
இதுகுறித்து பேராசிரியர்கள் ஆ.பிரபு, சு.சிவசந்திரகுமார் ஆகியோர் கூறியதாவது: பாலாற்றுப் படுகையில் அமைந்துள்ள இவ்வூரில் பழைமையான நெமிலியம்மன் கோயில் அமைந்துள்ளது. நெமிலியம்மன் குன்று என்றழைக்கப்படும் மலையடிவாரத்தில் அமைந்துள்ள இக்கோயிலுக்குச் செல்லும் காட்டுப்பாதையின் ஓரமாகக் கழிவுநீர் கால்வாய் செல்கிறது. இக் கால்வாயின் அருகே 4 அடி அகலமும், மூன்றரை அடி உயரமும் கொண்ட பழைமையான நடுகல்லாக இது உள்ளது. நடுகல்லின் ஓரங்கள் சற்று சிதிலமடைந்துள்ளன. இந்நடுகல்லில் வீரனது வலது கையில் வில்லும், இடது கையில் அம்பும் ஏந்திய நிலையில் உள்ளது. வீரனது மார்பிலும், வயிற்றிலும் அம்புகள் பாய்ந்தபடி உள்ளது. இது வீரன் எவ்வாறு இறந்தான் என்பதைக் காட்டுகின்றது. வீரனது இடப்பக்கத்தில் காளை ஒன்று வடிக்கப்பட்டுள்ளது. இது வீரன் எதற்காகப் போரிட்டான் என்பதைக் குறிப்பதாக அமைந்துள்ளது. 
பண்டைத் தமிழ் இலக்கண நூல்களில் சுட்டப்படும் புறத்திணைகளில் ஆநிரை கவர்தல், மீட்டல் குறித்தப் போர்முறைகள் விரிவாக விளக்கப்பட்டுள்ளன. அவற்றின் எச்சமாக இந்நடுகல் அமைந்துள்ளது. 
இந்நடுகல்லானது இப்பகுதியில் நிகழ்ந்த ஆநிரை மீட்டலில் போரிட்டு உயிர்துறந்த வீரனுக்காக எடுக்கப்பட்டதாகும். 
கல்லின் அமைப்பும் செதுக்கப்பட்டுள்ள வேலைப்பாடும், உருவ அமைப்பும் நோக்கும்போது காலத்தால் பழைமையானதாகத் தெரிகிறது. இந்நடுகல் பிற்காலச் சோழர்காலமான நூற்றாண்டைச் சேர்ந்ததாக இருப்பதற்கு வாய்ப்புள்ளது. இந்நடுகல்லுக்கு அருகில் இரண்டு பெரிய கல் உரல்கள் காணப்படுகின்றன. இந்த உரல்களை மக்கள் தோணி உரல்' என்று அழைக்கின்றனர். அவற்றில் ஒரு உரலில் எழுத்துப் பொறிப்புகள் உள்ளன. அவ்வெழுத்துகள் இனங்கான இயலாவண்ணம் உள்ளன. இவ்வூரில் பழைமையான நெமிலியம்மன் கோயில் உள்ளது. ஆண்டுதோறும் இங்கு நடைபெறும் விழாவில் எருமைக் கன்றைப் பலியிடுவது வழக்கமாக உள்ளது. இவ்வூரார் இந்நடுகல்லினை எருமைக்கல், நெமிலியம்மன் கல் என்று அழைக்கின்றனர் என்றனர். 
இந்த நடுகல் குறித்து, மேனாள் தொல்லியல் துறை உதவி இயக்குநர் இரா.பூங்குன்றன் கூறுகையில், இந்நடுகல் ஆநிரை மீட்புப் போரில் உயிர்துறந்த வீரனுக்கான நடுகல்லாகும். இக்கல்லின் அமைப்பினைப் பார்க்கும் போது கி.பி.10-ஆம் நூற்றாண்டைச் சேர்ந்ததாகும். இவ்வட்டார வரலாற்றினை உணர்த்தும் வகையில் இந்நடுகல் அமைந்துள்ளது எனக் குறிப்பிட்டார்.
காலவோட்டத்தில் இந்நடுகல் உராயத் தொடங்கி அழிவுறும் நிலையில் உள்ளது. அதுமட்டுமின்றி பண்டைய வரலாற்று நிகழ்வினைத் தாங்கியுள்ள இந்நடுகல் கழிவுநீர் கால்வாயின் அருகே பராமரிப்பின்றி உள்ளது வேதனையான ஒன்றாகும்.



 

]]>
http://images.dinamani.com/uploads/user/imagelibrary/2018/7/19/w600X390/stone.jpg கி.பி. 10-ஆம் நூற்றாண்டைச் சேர்ந்த நடுகல். http://www.dinamani.com/all-editions/edition-chennai/vellore/2018/jul/19/கிபி-10-ஆம்-நூற்றாண்டைச்-சேர்ந்த-நடுகல்-கண்டெடுப்பு-2962928.html
2962927 சென்னை வேலூர் பயிர்களை சேதப்படுத்திய யானைக் கூட்டம் DIN DIN Thursday, July 19, 2018 01:52 AM +0530 பேர்ணாம்பட்டு அருகே மலைக் கிராமத்துக்குள் நுழைந்த யானைக் கூட்டம் அங்கு விவசாயப் பயிர்களை நாசம் செய்து விட்டுச் சென்றன.
பேர்ணாம்பட்டை அடுத்த ஜங்கமூர் மலைக் கிராமம் வன எல்லையில் அமைந்துள்ளது. புதன்கிழமை அதிகாலை 2 குட்டிகள் உள்பட 7 யானைகள் ஜங்கமூர் கிராமத்துக்குள் நுழைந்துள்ளன. 
அவை அங்குள்ள பட்டாபியின் நிலத்தில் உள்ள மா மரங்களை சேதப்படுத்தியுள்ளன. குபேந்திரனின் நிலத்தில் இருந்த 8 கல் கம்பங்களை பிடுங்கி எறிந்துள்ளன. கார்த்திக்கின் கரும்புத் தோட்டத்தையும் சேதப்படுத்தியுள்ளன. தகவலின்பேரில் வனச் சரக அலுவலர் மூர்த்தி, வனவர்கள் ரவீந்திரன், ரகுபதி ஆகியோர் தலைமையில் வனத் துறையினர் அங்கு சென்று, கிராம மக்களின் உதவியுடன் பட்டாசு வெடித்தும், மேளம் அடித்தும் யானைகளை வனப் பகுதிக்கு விரட்ட முயன்றனர். அப்போது ஒரு யானை வனத் துறையினரை பார்த்து பிளிறியவாறு வந்துள்ளது. வனத் துறையினர் வனப்பகுதியில் உள்ள புதருக்குள் மறைந்து உயிர் தப்பினர். பின்னர், ரசாயனக் கற்களை துப்பாக்கியில் பொருத்தி, அவற்றை வெடிக்கச் செய்து யானைகளை வனப் பகுதிக்கு விரட்டினர்.


 

]]>
http://images.dinamani.com/uploads/user/imagelibrary/2018/7/19/w600X390/elephant2.jpg பேர்ணாம்பட்டை  அடுத்த  ஜங்கமூரில்  யானைகளால்  சேதப்படுத்தப்பட்ட  கரும்புத்  தோட்டம். http://www.dinamani.com/all-editions/edition-chennai/vellore/2018/jul/19/பயிர்களை-சேதப்படுத்திய-யானைக்-கூட்டம்-2962927.html
2962926 சென்னை வேலூர் 3 ஆண்டுகளாகியும் முடியாத புதைசாக்கடைப் பணிகள்: அவதியில் அரக்கோணம் நகர மக்கள் DIN DIN Thursday, July 19, 2018 01:51 AM +0530 பணிகள் தொடங்கப்பட்டு 3 ஆண்டுகளுக்கு மேலாகியும் அரக்கோணம் நகரில் புதைசாக்கடைப் பணிகள் இன்னும் முடிவடையாத நிலையில் உள்ளதால், நகர மக்கள் பெரும் அவதிக்குள்ளாகி வருகின்றனர். 
தமிழகத்தில் பெருநகராட்சிகளைத் தவிர்த்து அனைத்து நகராட்சிகளிலும் புதைசாக்கடை திட்டப் பணிகள் மேற்கொள்ள தமிழக அரசு உத்தரவிட்ட முதல் திட்டத்திலேயே வேலூர் மாவட்டத்தில் முதல் நகராட்சியாக அரக்கோணம் இணைக்கப்பட்டு ரூ. 95.16 கோடி நிதி ஒதுக்கப்பட்டது. தமிழ்நாடு குடிநீர் வடிகால் வாரியத்தின் புதைசாக்கடை கோட்டத்தின் கீழ் கடந்த 2015 டிசம்பரில் பணிகள் தொடங்கப்பட்டன. நகரில் உள்ள 36 வார்டுகளிலும் ஒரே நேரத்தில் இப்பணிகள் தொடங்கப்பட்டதாக தெரிவிக்கப்பட்டாலும் முதலில் வடக்குப் பகுதியில் 2 வார்டுகள், தெற்குப் பகுதியில் 2 வார்டுகள் என பணிகள் மேற்கொள்ளப்பட்டன. 
முதல்கட்டமாக சாலைகளில் பள்ளங்கள் தோண்டப்பட்டு, ஆள்நுழை பள்ளங்கள் உருவாக்கப்பட்டன. அதனூடே வீடுகளுக்கு இணைப்பு தரும் பணிகளும் நடைபெற்றன. 
இதனால் பல சாலைகளில் பெரும் பள்ளங்கள் தோண்டப்பட்டு அவை சரியாக மூடப்படாமல் விட்டதால் போக்குவரத்துக்கு பயனற்ற சாலைகளாக அவை மாறின.
இதையடுத்து நகரின் முக்கிய சாலையான காந்தி சாலையில் போக்குவரத்தை திசைதிருப்பி பள்ளங்கள் தோண்டப்பட்டு, பணிகள் நிறைவடைந்து 8 மாதங்களுக்குப் பின் பொதுமக்களின் போராட்டங்களைத் தொடர்ந்து தார்ச் சாலை போடப்பட்டது.
இதில், ஆள்நுழைவு பள்ளங்களையும் தார் கொண்டு மூடப்பட்டுவிட்டன. இப்பணிகள் தொடங்கப்படும் முன்பே தேவையான இடங்களை நகராட்சி நிர்வாகம் கையகப்படுத்தி அளிக்காததால், பணிகள் தொடங்கப்பட்ட பின் எதிர்ப்பு கிளம்பியது. குறிப்பாக, அரக்கோணம் சோமசுந்தர நகரில் கழிவுநீர் சேகரிப்பு நிலையத்துக்கான நிலங்கள் கையகப்படுத்தும் பணிகள் நடைபெற்ற நிலையில், அதற்கு பலத்த எதிர்பபு காணப்பட்டது. இதே நிலை ஜெய்பீம் நகரிலும் எதிர்ப்பு தெரிவிக்கப்பட்டது. 
மேலும் புதைசாக்கடை திட்டத்துக்கான சுத்திகரிப்பு நிலையத்துக்கான கட்டுமானப் பணிகள் தற்போது 90 சதவீதம் முடிந்த நிலையிலும், தமிழ்நாடு மின்வாரிய மின் இணைப்பு இந்த சுத்திகரிப்பு நிலையத்துக்கு பெறப்படவில்லை. மேலும் காமராஜ் நகர், காலிவாரிகண்டிகை, சோமசுந்தர நகர், ஜெய்பீம் நகர் ஆகிய 4 கழிவுநீர் சுத்திகரிப்பு நிலையங்களிலுமே கட்டுமானப் பணிகள் முழுவதுமாக முடியாத நிலையிலேயே உள்ளது.
இந்நிலையில் அரக்கோணம் நகரில் சுவால்பேட்டையில் ஏட்டு குப்புசாமி தெரு, ஜோதி நகரில் மீஞ்சூர் சுப்பிரமணியம் தெரு உள்ளிட்ட 25-க்கும் மேற்பட்ட தெருக்கள், இத்திட்டத்தில் சேர்க்கப்படாததால் பணிகள் நடைபெறவில்லை. 
தற்போது அரக்கோணம் நகரில் 2, 4 மற்றும் 21, 22 ஆகிய வார்டுகளில் மட்டும் சில சாலைகளை சீரமைத்து தார்ச் சாலைகளை நகராட்சி நிர்வாகத்தினர் அமைத்துள்ளனர். தற்போது அந்தப் பணியும் நிறுத்தப்பட்டு விட்டது. இதற்கிடையே ராஜாஜி தெருவில் குடிநீர்க் குழாய் புதைப்புப் பணிகள் மேற்கொள்ளப்பட்டு அச்சாலையில் மண் கொட்டப்பட்டது. இருந்தும் தற்போதுவரை அச்சாலை சமன்படுத்தப்படாமல் மேடுபள்ளங்களாகவே உள்ளது. 
பழனிபேட்டையில், சோமசுந்தர நகர், ஆர்சிஎம் உயர்நிலைப் பள்ளி, அச்சம நாயுடு கண்டிகை, டி.என்.நகர் உள்ளிட்ட பல பகுதிகளுக்கு செல்லும் முக்கிய சாலையான வி.பி.கோயில் தெருவில் பள்ளங்கள் பெரிய அளவில் தோண்டப்பட்டு, இதுவரை சீரமைக்கப்படவில்லை. அரக்கோணம்-திருவள்ளூர் சாலையில் அம்பேத்கர் நகர் பகுதி, மோசூர் ரோடு, லஷ்மி நகர் ஆகிய பகுதிகளில் பெரிய வாகனங்கள் செல்ல முடியாதநிலை உள்ளதாக வாகன ஓட்டிகள் குற்றம்சாட்டுகின்றனர். மேலும் காலிவாரி கண்டிகையில் கழிவுநீர் சேகரிப்பு நிலையத்துக்கு செல்லும் சாலையில் தோண்டப்பட்ட பள்ளங்கள் சரியாக மூடப்படவில்லை.
மேலும், நகரில் பல சாலைகளில் அனைத்து வீடுகளுக்கும் புதைசாக்கடை இணைப்பு தரவில்லை. ஆனால் மொத்த வீடுகளுக்கும் இணைப்பு கொடுத்ததாக கணக்கு காட்டியிருப்பதாகக் கூறப்படுகிறது.
கடந்த 3 மாதங்களுக்கு முன் எம்எல்ஏ சு.ரவியின் அலுவலகத்தில் நடைபெற்ற ஆலோசனைக் கூட்டத்தில் ஜூன் மாத இறுதியில் பணிகளை முடித்து விடுவதாகவும், சோதனை நீரோட்டத்தை ஜூலையில் தொடங்கி செயல்படுத்த உள்ளதாகவும் செயற்பொறியாளர் மணி தெரிவித்தார். ஆனாலும் பணிகள் முடிவுக்கு வரவில்லை. நீரோட்ட சோதனைகள் நடந்து அதில் கண்டறியும் பிரச்னைகளை சரி செய்து வீடுகளுக்கு கழிவுநீர் இணைப்பு தர குறைந்தது ஒரு வருடமாகும் எனவும் அதிகாரிகள் தெரிவிக்கின்றனர்.
இந்நிலையில், அண்மையில் அரக்கோணம் வந்த வேலூர் மண்டல நகராட்சிகளின் இயக்குநர் விஜயகுமார், ஜூலை 18-ஆம் தேதி நகராட்சி, தமிழ்நாடு குடிநீர் வடிகால் வாரிய புதைசாக்கடை திட்ட அலுவலர்கள் இணைந்தக் கூட்டம் அரக்கோணம் நகராட்சியில் நடைபெறும் என செய்தியாளர்களிடம் தெரிவித்து அன்றைய தினம் திட்டம் முடிவடைவது குறித்து இறுதி செய்யப்படும் என தெரிவிக்கப்பட்டது. ஆனால், அந்தக் கூட்டமும் நடைபெறவில்லை.
இந்த புதைசாக்கடை திட்டப் பணிகள் முடிவடையும் நிலையில் வீடுகளுக்கு கழிவுநீரை குழாய்கள் மூலம் இணைக்க விண்ணப்ப கட்டணம், இணைப்பு கட்டணம், மாதாந்திர கட்டணம் குறித்த நிர்ணயமே இதுவரை நகராட்சியில் செய்யப்படவே இல்லை. இதுகுறித்து கேட்டால் சென்னை, நகராட்சிகள் இயக்குநர் அலுவலகத்துக்கு கோப்புகள் அனுப்பப்பட்டுள்ளதாகவும் அங்கு அனுமதி பெற்ற பிறகே கட்டண நிர்ணயம் செய்யப்படும் எனவும் தெரிவித்தனர். ஒரு வருடத்துக்கு மேலாக நகராட்சிகளின் இயக்குநர் அலுவலகத்தில் இந்தக் கோப்புகள் நிலுவையில் வைக்கப்பட்டுள்ளதாகக் கூறப்படுகிறது.
எனவே, வேலூர் மாவட்ட நிர்வாகம் இப்பிரச்னை குறித்து உடனடி நடவடிக்கை எடுத்து போர்க்கால அடிப்படையில் புதைசாக்கடை திட்டப் பணிகளை முடித்து அரக்கோணம் நகரில் சாலைகளைச் சீரமைத்துத் தர நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாக உள்ளது.
 

]]>
http://www.dinamani.com/all-editions/edition-chennai/vellore/2018/jul/19/3-ஆண்டுகளாகியும்-முடியாத-புதைசாக்கடைப்-பணிகள்-அவதியில்-அரக்கோணம்-நகர-மக்கள்-2962926.html
2962821 சென்னை வேலூர் ஏரியிலிருந்து ஆண் சடலம் மீட்பு DIN DIN Thursday, July 19, 2018 12:47 AM +0530 வேலூர் அருகே அன்பூண்டி ஏரியில் இருந்து 40 வயது மதிக்கத்தக்க ஆண் சடலம் புதன்கிழமை மீட்கப்பட்டது. 
வேலூர் அப்துல்லாபுரம் அருகே அன்பூண்டிதாங்கல் ஏரியில் புதன்கிழமை சுமார் 40 வயது மதிக்கத்தக்க ஆண் சடலம் மிதப்பதாக விரிஞ்சிபுரம் போலீஸாருக்கு தகவல் கிடைத்தது. அதன் பேரில் போலீஸார் அங்கு சென்று சடலத்தை மீட்டனர். அப்போது, இறந்தவர் கருப்பு நிறத்தில் பேண்ட்டும், டி-ஷர்ட்டும் அணிந்துள்ளார். வலது கையில் எஸ்.எஸ், சிலுவை ஓவியமும் வரையப்பட்டிருந்தது தெரியவந்தது. மேலும், அலிஷா என்றும் பச்சை குத்தப்பட்டிருந்ததும் தெரியவந்தது. அவர் இறந்து 4 நாள்களாகி இருக்கும் என்றும் கூறப்படுகிறது.
இதையடுத்து போலீஸார் அந்தச் சடலத்தை பிரேத பரிசோதனைக்காக வேலூர் அடுக்கம்பாறை அரசு மருத்துவமனைக்கு அனுப்பி வைத்தனர். மேலும், வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/19/ஏரியிலிருந்து-ஆண்-சடலம்-மீட்பு-2962821.html
2962820 சென்னை வேலூர் பொது இடங்களில் குப்பை வீசிய 20 கடைக்காரர்களுக்கு அபராதம் DIN DIN Thursday, July 19, 2018 12:47 AM +0530 வேலூரில் பொது இடங்களில் குப்பைகளை வீசிய 20 கடைக்காரர்களுக்கு ரூ. 4 ஆயிரம் அபராதம் விதிக்கப்பட்டது. 
தமிழகம் முழுவதும் 2019-ஆம் ஆண்டு ஜனவரி 1-ஆம் தேதி முதல் ஒருமுறை பயன்படுத்தும், மக்கும் தன்மையற்ற பிளாஸ்டிக் பொருள்களுக்கு தடை விதிக்கப்பட உள்ளது. இதன்படி, வேலூர் மாநகராட்சிக்கு உள்பட்ட 4 மண்டலங்களிலும் உள்ள வணிக நிறுவனங்கள், அடுக்குமாடிக் குடியிருப்புகள், மளிகைக் கடைகள், திருமண மண்டபங்கள், ஓட்டல்கள், துரித உணவகங்கள், சாலையோர உணவகங்களில் பொருள்களை பார்சல் செய்து கொடுக்க பிளாஸ்டிக் பைகளை உபயோகப்படுத்தக் கூடாது என மாநகராட்சி அதிகாரிகள் எச்சரிக்கை விடுத்து வருகின்றனர்.
இந்நிலையில், வேலூர் புதிய பேருந்து நிலையத்தில் உள்ள கடைகளில் இருந்து பிளாஸ்டிக் குப்பைகள் பொது இடங்களில் கொட்டப்படுவதாக புகார்கள் வந்தன. இதையடுத்து மாநகராட்சி 2-ஆவது மண்டல ஆணையர் கண்ணன் தலைமையில் அதிகாரிகள் செவ்வாய்க்கிழமை ஆய்வு மேற்கொண்டனர். அப்போது, பழைய பேருந்து நிலையம், நியூ சிட்டி பஜார், ஆற்காடு சாலை, காந்தி சாலை உள்ளிட்ட பொது இடங்களில் குப்பைகளை வீசிய 20 கடைக்காரர்களுக்கு தலா ரூ. 200 வீதம் 
ரூ. 4 ஆயிரம் அபராதம் விதிக்கப்பட்டது. தொடர்ந்து, இதேபோல் பொது இடங்களில் பிளாஸ்டிக் குப்பைகளை வீசினால் கூடுதல் அபராதம் வசூலிக்கப்படும் என்றும் அதிகாரிகள் எச்சரிக்கை விடுத்தனர்.
 

]]>
http://www.dinamani.com/all-editions/edition-chennai/vellore/2018/jul/19/பொது-இடங்களில்-குப்பை-வீசிய-20-கடைக்காரர்களுக்கு-அபராதம்-2962820.html
2962818 சென்னை வேலூர் புதிதாக கட்டப்படும் கஸ்பா மேம்பாலத்தில் தீ விபத்து DIN DIN Thursday, July 19, 2018 12:47 AM +0530 வேலூர் கஸ்பா பகுதியில் புதிதாக கட்டப்பட்டு வரும் மேம்பாலத்தில் திடீரென தீ விபத்து ஏற்பட்டது. தீயணைப்பு வீரர்கள் விரைந்து சென்று தீயை அணைத்தனர்.
 வேலூர் மாநகராட்சிக்கு உள்பட்ட கஸ்பா பகுதியில் ரூ. 17 கோடியே 91 லட்சம் மதிப்பில் புதிதாக மேம்பாலம் கட்டப்பட்டு வருகிறது. 
1.8 கி.மீ. நீளமுள்ள இந்த பாலம் கட்டும் பணி 90 சதவீதம் நிறைவடைந்துள்ளது. ரயில்வே தண்டவாளம் செல்லும் இடைப்பட்ட பகுதியில் மட்டும் மேம்பாலம் அமைக்கப்படாமல் உள்ளது. அந்த பணியை ரயில்வே நிர்வாகம் மேற்கொள்ள வேண்டும். ஆனால், இந்த பணியை இதுவரை ரயில்வே நிர்வாகம் தொடங்காமல் கிடப்பில் போட்டுள்ளது.
இந்நிலையில், கட்டப்பட்ட ரயில்வே மேம்பாலப் பகுதியில் தேங்காய் நார்கள் கொண்டு மூடப்பட்டிருந்தது. செவ்வாய்க்கிழமை அந்த தேங்காய் நார்கள் தீப்பிடித்து எரிந்தன. அதைக்கண்ட பொதுமக்கள் தீயணைப்பு நிலையத்துக்கு தகவல் அளித்தனர். நிலைய அலுவலர் விநாயகம் தலைமையில் தீயணைப்பு நிலைய வீரர்கள் சம்பவ இடத்துக்கு விரைந்து சென்று தீயை அணைக்கும் பணியில் ஈடுட்டனர்.  அடையாளம் தெரியாத நபர்கள் சிகரெட்டை அணைக்காமல் போட்டுச் சென்றதால் இந்த தீ விபத்து ஏற்பட்டிருக்கலாம் எனக் கூறப்படுகிறது. எனினும், துரிதமாக தீ அணைக்கப்பட்டதால் பெரும் விபத்து தவிர்க்கப்பட்டது. இதுகுறித்து தெற்கு போலீஸார் விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/vellore/2018/jul/19/புதிதாக-கட்டப்படும்-கஸ்பா-மேம்பாலத்தில்-தீ-விபத்து-2962818.html
2962816 சென்னை வேலூர் திருநாவுக்கரசர் பிறந்த நாள்: 5 குழந்தைகளுக்கு தங்க மோதிரம் DIN DIN Thursday, July 19, 2018 12:46 AM +0530 வாணியம்பாடியில் தமிழ்நாடு காங்கிரஸ் கமிட்டி மாநிலத்  தலைவர்  திருநாவுக்கரசரின் 70-ஆவது பிறந்த நாள் விழாவில் 5 குழந்தைகளுக்கு தங்க மோதிரங்களை காங்கிரஸ் சிறுபான்மைப் பிரிவு மாநிலத் தலைவர் அஸ்லம் பாஷா வெள்ளிக்கிழமை அணிவித்தார்.
விழாவுக்கு, மாவட்ட சிறுபான்மைத் துறைத் தலைவர் இலியாஸ்கான் தலைமை வகித்தார். மாவட்டச் செயலாளர் முஜம்மில், ஈஸ்வரன், கிருஷ்ணமூர்த்தி ஆகியோர் முன்னிலை வகித்தனர். நகரத் துணைத் தலைவர் கவியரசன் வரவேற்றார். 
காங்கிரஸ் சிறுபான்மைப் பிரிவு மாநிலத் தலைவர் அஸ்லம் பாஷா கேக் வெட்டி பொதுமக்களுக்கு இனிப்பு வழங்கினார். இதைத் தொடர்ந்து வாணியம்பாடி அரசு மருத்துவமனையில் பிறந்த 5 குழந்தைகளுக்கு தங்க மோதிரங்களை அணிவித்தார். இதில், தலைமை மருத்துவர் லஷ்மணன்,  சட்டப்பேரவை இளைஞர் காங்கிரஸ் தலைவர் முதஸ்சீர் பாஷா, கட்சி நிர்வாகிகள் கலந்து கொண்டனர்.

]]>
http://www.dinamani.com/all-editions/edition-chennai/vellore/2018/jul/19/திருநாவுக்கரசர்-பிறந்த-நாள்-5-குழந்தைகளுக்கு-தங்க-மோதிரம்-2962816.html
2962814 சென்னை வேலூர் அங்கன்வாடி பணியாளரிடம்  நூதன முறையில் ரூ. 38 ஆயிரம் திருட்டு DIN DIN Thursday, July 19, 2018 12:46 AM +0530 அரக்கோணத்தில் ஏடிஎம் மையத்துக்கு பணம் எடுக்க வந்த அங்கன்வாடி பணியாளரை ஏமாற்றி ரூ. 38 ஆயிரத்தை மர்ம நபர் திருடிச் சென்றார்.
அரக்கோணம் ஜோதி நகர், தமிழ்நாடு வீட்டுவசதி வாரிய குடியிருப்புப் பகுதியில் வசித்து வருபவர் இளவரசி (30). இவர், அரக்கோணம் சோளிங்கர் சாலையில் உள்ள பாரத ஸ்டேட் வங்கி ஏடிஎம் மையத்துக்கு பணம் எடுக்க புதன்கிழமை வந்துள்ளார். அப்போது, அருகே இருந்த நபர் உதவுவதாகக் கூறி, இளவரசியிடம் ஏடிஎம் எண்ணை கேட்டு உதவி செய்துள்ளார். 
அப்போது, இளவரசியிடம் ரூ. 2 ஆயிரத்தைக் கொடுத்துவிட்டு ஏடிஎம் அட்டைக்கு பதில் வேறு அட்டையைக் கொடுத்துள்ளார். இதையறியாமல் இளவரசி தான் ரூ. 2 ஆயிரத்துடன் வீட்டுக்குச் சென்றுவிட்டார்.
இந்நிலையில், அவரது செல்லிடப்பேசிக்கு அவரது வங்கிக் கணக்கில் இருந்து ரூ. 38 ஆயிரம் எடுத்திருப்பதாக தகவல் வந்துள்ளது. அதிர்ச்சியடைந்த இளவரசி தனது ஏடிஎம் அட்டையை பார்த்தபோது அது வேறு அட்டையாக இருந்தது தெரியவந்தது. 
இதுகுறித்த புகாரின் பேரில் அரக்கோணம் நகர போலீஸார் வழக்குப் பதிவு செய்து, ஏடிஎம்மில் இருந்த கண்காணிப்பு கேமரா மூலம் மர்ம நபரைத் தேடி வருகின்றனர்.

]]>
http://www.dinamani.com/all-editions/edition-chennai/vellore/2018/jul/19/அங்கன்வாடி-பணியாளரிடம்--நூதன-முறையில்-ரூ-38-ஆயிரம்-திருட்டு-2962814.html
2962812 சென்னை வேலூர் விபத்தில் இளைஞர் சாவு DIN DIN Thursday, July 19, 2018 12:45 AM +0530 ஆம்பூரில் நிகழ்ந்த சாலை விபத்தில் இளைஞர் உயிரிழந்தார்.
ஆம்பூர் அருகே ஆலாங்குப்பம் தோப்பூர் பகுதியைச் சேர்ந்த ஞானசேகரின் மகன் கிஷன்குமார் (20). பெயிண்டராக வேலை பார்த்து வந்தார். கிஷன்குமாரின் உறவினர் தேவராஜ் (65) கடந்த ஞாயிற்றுக்கிழமை இறந்தார். 
இதனால் துக்கம் விசாரிக்க வீட்டுக்கு வந்த உறவினர்களுக்கு உணவு வாங்குவதற்காக கிஷன்குமார் தனது இருசக்கர வாகனத்தில் ஆம்பூர் வந்து, பின்னர் ஊருக்குத் திரும்பிக் கொண்டிருந்தார்.
சான்றோர்குப்பம் பகுதி தேசிய நெடுஞ்சாலையில் சென்றபோது, திடீரென கட்டுப்பாட்டை இழந்த அவரது இருசக்கர வாகனம் தேசிய நெடுஞ்சாலை நடுவில் உள்ள இரும்புத் தடுப்பின் மீது மோதி விபத்துக்குள்ளானது. இதில், பலத்த காயமடைந்த அவர், ஆம்பூர் அரசு மருத்துவமனைக்குக் கொண்டு செல்லும் வழியில் இறந்தார். தகவல் அறிந்த உறவினர்கள் ஆம்பூர் அரசு மருத்துவமனையில் திரண்டனர். 
இவ்விபத்து குறித்து ஆம்பூர் நகர போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/vellore/2018/jul/19/விபத்தில்-இளைஞர்-சாவு-2962812.html
2962809 சென்னை வேலூர் வீட்டின் பூட்டை உடைத்து  25 பவுன் நகை திருட்டு DIN DIN Thursday, July 19, 2018 12:45 AM +0530 வேலூர் சத்துவாச்சாரி பகுதியில் செவ்வாய்க்கிழமை இரவு தனியார் நிறுவன ஊழியரின் வீட்டின் பூட்டை உடைத்து 25 பவுன் நகைகளை மர்ம நபர்கள் திருடிச் சென்றனர். 
 வேலூர் சத்துவாச்சாரி பேஸ் - 5 பகுதியைச் சேர்ந்தவர் பாபு (33). இவர், சென்னை ஆவடியில் உள்ள தனியார் நிறுவனத்தில் விற்பனை பிரதிநிதியாக பணியாற்றி வருகிறார். இவரது மனைவி விஜயலேகா. இவர்களுக்கு ஒன்றரை வயதில் ஆண் குழந்தை உள்ளது. 
 இந்நிலையில், தங்களது கைக்குழந்தையுடன் தம்பதி செவ்வாய்க்கிழமை இரவு 10 மணியளவில் வீட்டைப் பூட்டிவிட்டு சினிமாவுக்குச் சென்றனர். மீண்டும் இரவு 1.30 மணியளவில் திரும்பி வந்து பார்த்தபோது, வீட்டின் முன்பக்கக் கதவிலிருந்த பூட்டு உடைக்கப்பட்டிருந்தது தெரியவந்தது. உள்ளே சென்று பார்த்தபோது படுக்கை அறையிலிருந்த பீரோ உடைக்கப்பட்டு, அதிலிருந்த துணிகள், பொருள்கள் சிதறிக் கிடந்துள்ளன. மேலும், பீரோவில் இருந்த 25 பவுன் நகைகளும் திருடுபோனது தெரியவந்தது. 
தகவலறிந்த சத்துவாச்சாரி போலீஸார் சம்பவ இடத்துக்கு வந்து, அக்கம்பக்கத்தினரிடம் விசாரணை நடத்தினர். மேலும், கைரேகை நிபுணர்கள் வரவழைக்கப்பட்டு தடயவியல் சோதனையும் மேற்கொள்ளப்பட்டது.  இதுகுறித்து போலீஸார் தனிப்படை அமைத்து மர்ம நபர்களைத் தேடி வருகின்றனர். சத்துவாச்சாரி காவல் நிலையம் அருகில் நடைபெற்ற இந்த திருட்டு சம்பவம் அப்பகுதியில் பரபரப்பை ஏற்படுத்தியுள்ளது.

]]>
http://www.dinamani.com/all-editions/edition-chennai/vellore/2018/jul/19/வீட்டின்-பூட்டை-உடைத்து--25-பவுன்-நகை-திருட்டு-2962809.html
2962807 சென்னை வேலூர் சிறுமி பாலியல் வன்கொடுமை: தொழிலாளிக்கு 10 ஆண்டு சிறை DIN DIN Thursday, July 19, 2018 12:44 AM +0530 வாணியம்பாடி அருகே 8 வயது சிறுமியை பாலியல் வன்கொடுமை செய்த தொழிலாளிக்கு 10 ஆண்டுகள் சிறைத் தண்டனை விதித்து வேலூர் விரைவு மகளிர் நீதிமன்றம் புதன்கிழமை தீர்ப்பளித்தது.
வாணியம்பாடி வட்டம், நாட்டறம்பள்ளி அருகே கூத்தாண்டகுப்பம் பகுதியைச் சேர்ந்தவர் கருணன் (53). தேங்காய் உரிக்கும் தொழிலாளி. இவர், அதே ஊரைச் சேர்ந்த 8 வயது சிறுமியை கடந்த 2015 மார்ச் 15-ஆம் தேதி தனது வீட்டில் பாலியல் வன்கொடுமை செய்துள்ளார். 
இதையறிந்த சிறுமியின் பாட்டியும், அண்ணனும் வாணியம்பாடி அனைத்து மகளிர் காவல் நிலையத்தில் புகார் அளித்தனர். அதன்பேரில் போலீஸார் வழக்குப் பதிவு செய்து கருணாவை கைது செய்தனர்.
இந்த வழக்கு விசாரணை வேலூர் விரைவு மகளிர் நீதிமன்றத்தில் நடைபெற்று வந்தது. வழக்கை விசாரித்த நீதிபதி எம்.செல்வம், குற்றம்சாட்டப்பட்ட கருணாவுக்கு 10 ஆண்டுகள் சிறை தண்டனையும், ரூ. 3 ஆயிரம் அபராதமும் விதித்து புதன்கிழமை தீர்ப்பளித்தார். தண்டனை விதிக்கப்பட்ட கருணா வேலூர் மத்திய சிறையில் அடைக்கப்பட்டார்.
 

]]>
http://www.dinamani.com/all-editions/edition-chennai/vellore/2018/jul/19/சிறுமி-பாலியல்-வன்கொடுமை-தொழிலாளிக்கு-10-ஆண்டு-சிறை-2962807.html
2962805 சென்னை வேலூர் மான்கறி வைத்திருந்தவருக்கு ரூ. 25 ஆயிரம் அபராதம் DIN DIN Thursday, July 19, 2018 12:44 AM +0530 குடியாத்தம் அருகே மான்கறி வைத்திருந்த இளைஞருக்கு ரூ. 25 ஆயிரம் அபராதம் விதிக்கப்பட்டது.
குடியாத்தம் வனச்சரகர் பி. பாலாஜி, வனவர் பி. ஹரி ஆகியோர் தலைமையில் வனத் துறையினர் கல்லப்பாடி வனப் பகுதியில் திங்கள்கிழமை ரோந்து சென்றனர். 
அப்போது, அங்கு மான்கறியுடன் சுற்றித்திரிந்த இளைஞரைப் பிடித்து விசாரணை நடத்தினர். அதில் அவர், வன்னியர்பட்டியைச் சேர்ந்த ராஜேஷ் (23) என்பதும், மானைக் கொன்று அதன் கறியை வைத்திருந்ததும் தெரியவந்தது. இதையடுத்து கைது செய்யப்பட்ட ராஜேஷுக்கு ரூ. 25 ஆயிரம் அபராதம் விதிக்கப்பட்டது.
 

]]>
http://www.dinamani.com/all-editions/edition-chennai/vellore/2018/jul/19/மான்கறி-வைத்திருந்தவருக்கு-ரூ-25-ஆயிரம்-அபராதம்-2962805.html
2962804 சென்னை வேலூர் ரூ. 16 கோடி மதிப்பில் ஆவாரங்குப்பம்-திம்மாம்பேட்டை  பாலாற்றின் குறுக்கே மேம்பாலம்: பொதுமக்கள் மகிழ்ச்சி DIN DIN Thursday, July 19, 2018 12:43 AM +0530 வாணியம்பாடியை அடுத்த ஆவாரங்குப்பம்-திம்மாம்பேட்டை இடையே பாலாற்றின் குறுக்கே ரூ. 16 கோடி மதிப்பில் புதிய மேம்பாலம் அமைக்கப்படவுள்ளது. 
வாணியம்பாடி சட்டப்பேரவை தொகுதிக்கு உள்பட்ட ஆவாரங்குப்பம்-திம்மாம்பேட்டை சாலையின் குறுக்கே பாலாறு ஓடுகிறது. 
இங்கு மழைக்காலங்கள் மற்றும் வெள்ளப் பெருக்கு ஏற்படும் காலங்களில் சுற்றுப்பகுதியில் உள்ள மாணவ, மாணவிகள், வாணியம்பாடி, திருப்பத்தூர் பகுதிகளில் உள்ள பள்ளி, கல்லூரிகளுக்கு செல்ல வேண்டுமானால் சுமார் 5 கி.மீ. தூரம் சுற்றி அம்பலூர் அருகே உள்ள மேம்பாலம் வழியாகச் சென்று வர வேண்டும். மேலும்,  கிராமப்புற விளைபொருள்களை அருகில் உள்ள சந்தைகளில் விற்கவும், விவசாயம், வியாபாரம், கல்வி, மருத்துவமனை உள்ளிட்ட  தேவைகளுக்கு பொதுமக்கள் செல்ல மிகவும் அவதிப்பட்டு  வந்தனர். 
எனவே ஆவாரங்குப்பம்-திம்மாம்பேட்டை இடையே பாலாற்றின் குறுக்கே மேம்பாலம் கட்ட வேண்டும் என 30 ஆண்டுகள் மேலாக அப்பகுதி மக்கள் கோரிக்கை வைத்து போராடி வந்தனர். 
இந்நிலையில், வாணியம்பாடி சட்டப்பேரவை தொகுதி எம்எல்ஏவும், மாநில தொழிலாளர் நலத்துறை அமைச்சருமான நிலோபர் கபீல் சட்டப்பேரவையில் மக்களுக்கு அத்தியாவசியமாக உள்ள பாலாற்றின் குறுக்கே பாலம் கட்ட வேண்டுமென பேசினர். மேலும்,  இதுதொடர்பாக தமிழக முதல்வர் எடப்பாடி பழனிசாமியிடம் நேரில் கோரிக்கை மனு அளித்திருந்தார்.
அதன்பேரில் தமிழக அரசின் நபார்டு மற்றும் கிராம சாலைகள் துறை மூலம் பாலாற்றின் குறுக்கே பாலம் கட்டுவது குறித்து அதிகாரிகள் ஆய்வு மேற்கொண்டனர். 
இங்கு பாலம் அமைத்தால் அருகே உள்ள புத்துகோயில், அம்பலூர், ஜோலார்பேட்டை, வெலகல்நத்தம், ஆவாரங்குப்பம், தும்பேரி, சங்கராபுரம் உள்ளிட்ட பகுதிகள் மற்றும் அதைச் சுற்றியுள்ள பகுதிகளைச் சேர்ந்த சுமார் 1 லட்சத்துக்கும் மேற்பட்ட பொதுமக்கள் பயனடைவார்கள். 
எனவே 2018-19- ஆம் ஆண்டில் மாநில முழுவதும் அமைக்கபடவுள்ள 188 பாலங்களில் இந்த இணைப்புப் பாலம் (ஆவாரங்குப்பம்-திம்மாம்பேட்டை மேம்பாலம்) ரூ. 16 கோடியில் கட்டபடும் என நபார்டு மற்றும் கிராம சாலைகள் துறை தலைமைப் பொறியாளர் எம்.கே.செல்வராஜ் தனது அறிவிப்பில் தெரிவித்துள்ளார். 
ஆவாரங்குப்பம்-திம்மாம்பேட்டை மேம்பாலம் அமைக்கப்படவுள்ளதால் மாணவ, மாணவிகள், விவசாயிகள் மற்றும் பொதுமக்கள் தமிழக அரசுக்கும், பாலம் அமைக்க நடவடிக்கை மேற்கொண்ட அமைச்சருக்கும் நன்றி தெரிவித்துள்ளனர்.

]]>
http://www.dinamani.com/all-editions/edition-chennai/vellore/2018/jul/19/ரூ-16-கோடி-மதிப்பில்-ஆவாரங்குப்பம்-திம்மாம்பேட்டை--பாலாற்றின்-குறுக்கே-மேம்பாலம்-பொதுமக்கள்-மகிழ்ச-2962804.html
2962803 சென்னை வேலூர் ராணிப்பேட்டை, சிப்காட் பகுதிகளில் சாலை பகுப்பான் அமைக்கும் பணி தீவிரம் DIN DIN Thursday, July 19, 2018 12:43 AM +0530 ராணிப்பேட்டை, சிப்காட் பகுதிகளில் அதிகரித்து வரும் சாலை விபத்துகளை தடுக்க சாலையின் நடுவே சாலைப் பகுப்பான் (சென்டர் மீடியன்) அமைக்கும் பணியை நெடுஞ்சாலைத் துறையினர் தீவிரப்படுத்தியுள்ளனர்.
பெருகிவரும் வாகனங்களாலும், சாலைப் போக்குவரத்து விதிமுறைகளைக் கடைப்பிடிக்காமல் வாகனங்களை இயங்குவதாலும் விபத்தில் சிக்கி உயிரிழக்கும் சம்பவங்கள் நாளுக்கு நாள் அதிகரித்து வருகின்றன. இதன் காரணமாக நாட்டிலேயே அதிக சாலை விபத்துகள் நிகழும் மாநிலங்களில் தமிழகம் முன்னிலையில் உள்ளதாக புள்ளி விவரங்கள் தெரிவிக்கின்றன. இதைக் கருத்தில் கொண்டு தேசிய மற்றும் மாநில நெடுஞ்சாலைத் துறை சார்பில் பல்வேறு சாலை மேம்பாட்டுப் பணிகள் மேற்கொள்ளப்பட்டு வருகின்றன.
இந்நிலையில், வேலூர் மாவட்டத்தின் முக்கிய தொழில் நகரான ராணிப்பேட்டை சென்னை-மும்பை தேசிய நெடுஞ்சாலையை ஒட்டி அமைந்துள்ளது. இதனால், எப்போதும் பரபரப்பாக இருப்பதுடன், வாகனப் போக்குவரத்து மிகுந்த  பகுதியாகவும் உள்ளது. மேலும், ராணிப்பேட்டை, சிப்காட் சுற்று வட்டாரங்களில் இயங்கிவரும் தொழிற்சாலைகளுக்கு வேலைக்கு செல்வோர்கள், மூலப் பொருள்கள்  மற்றும் உற்பத்திப்  பெருள்களைக் கொண்டு செல்லும் வாகனங்கள் என நாளுக்கு நாள் போக்குவரத்து அதிகரித்து வருகிறது.
இதன் காரணமாக அப்பகுதிகளில் அடிக்கடி சாலை விபத்துகள் ஏற்பட்டு உயிரிழப்புகள் அதிகரித்து வருவதாக பொதுமக்கள் தரப்பில் புகார்கள் எழுந்தது. இதையடுத்து சாலை விபத்துகளைத் தடுத்து, வாகனப் போக்குவரத்தை நெறிப்படுத்தி, பொதுமக்கள் பாதுகாப்பான பயணத்தை மேற்கொள்ளும் வகையில் போக்குவரத்து நெரிசல் மிகுந்த சாலைகளின் நடுவே சாலைப் பகுப்பான் அமைக்க  சாலை மேம்பாட்டுத் திட்டத்தின் மூலம் நெடுஞ்சாலை துறையினர் முடிவு செய்தனர்.
அதன்படி ராணிப்பேட்டை- அம்மூர் சாலையில் சுமார் 800 மீட்டர் நீளத்துக்கும், ராணிப்பேட்டை- பெல்  சாலையில் அக்ராவரம் பகுதியில் சுமார் 500 மீட்டர் நீளத்துக்கும் சென்டர் மீடியன் சுவர் அமைக்கும் பணியை  மாநில நெடுஞ்சாலைத் துறை தீவிரப்படுத்தியுள்ளது. 
மேற்கண்ட பகுதிகளில் சென்டர் மீடியன் அமைக்க, சாலையின் நடுவே மஞ்சள் நிறத்தில் கோடு வரைந்து, அளவு எடுக்கும் பணியில் நெடுஞ்சாலைத் துறை ஊழியர்கள் கடந்த சில நாள்களாக ஈடுபட்டு வருகின்றனர்.
இந்நிலையில், சென்டர் மீடியன் அமைக்கும் பணிகள் நிறைவடையும் பட்சத்தில் சாலை விபத்துகளை கட்டுக்குள் கொண்டுவர முடியும் என்று நெடுஞ்சாலைத் துறையினரும், காவல் துறையினரும் நம்பிக்கை தெரிவித்துள்ளனர்.

]]>
http://www.dinamani.com/all-editions/edition-chennai/vellore/2018/jul/19/ராணிப்பேட்டை-சிப்காட்-பகுதிகளில்-சாலை-பகுப்பான்-அமைக்கும்-பணி-தீவிரம்-2962803.html
2962802 சென்னை வேலூர் நாளை முதல் லாரிகள் வேலைநிறுத்தம்:  மாவட்டத்தில் புக்கிங் நிறுத்தம் DIN DIN Thursday, July 19, 2018 12:43 AM +0530 டீசல் விலை உயர்வு குறைத்தல் உள்ளிட்ட பல்வேறு கோரிக்கைகளை வலியுறுத்தி நாடு தழுவிய லாரிகள் வேலைநிறுத்தம் வெள்ளிக்கிழமை தொடங்குகிறது. இதையொட்டி, வேலூர் மாவட்டத்தில் உள்ள 20 ஆயிரம் லாரிகளுக்கான புக்கிங் நிறுத்தப்பட்டுள்ளது.
டீசல் விலையேற்றம், மூன்றாம் நபர் காப்பீடு உயர்வு, சுங்கச்சாவடி கட்டணம் உயர்வு, நாள்பட்ட சுங்கச்சாவடிகளை அகற்றவும், டீசல் மீதான வாட்வரியை குறைக்கவும் மத்திய, மாநில அரசுகளை வலியுறுத்தி நாடு தழுவிய லாரிகள் வேலைநிறுத்தம் வெள்ளிக்கிழமை தொடங்க உள்ளது. இந்த வேலைநிறுத்தத்தால் நாடு முழுவதும் 90 லட்சம் லாரிகளும், தமிழக அளவில் 
4 லட்சத்து 50 ஆயிரம் லாரிகளும் நிறுத்தப்படும் என தெரிவிக்கப்பட்டுள்ளது.
இந்நிலையில், இந்த வேலைநிறுத்தத்துக்கு வேலூர் லாரி உரிமையாளர்கள் சங்கம் ஆதரவு தெரிவித்துள்ளது. இதையடுத்து வேலூர் மாவட்டத்தில் இருந்து பல்வேறு மாவட்ட, மாநிலங்களுக்கும் இயக்கப்படும் சுமார் 20 ஆயிரம் லாரிகளும் வெள்ளிக்கிழமை காலை 6 மணி முதல் நிறுத்தப்படும் என்றும், இதனால் வேலூர் மாவட்டத்தில் மட்டும் ஓட்டுநர்கள், உதவியாளர்கள், சுமை தூக்குவோர் என 50 ஆயிரத்துக்கும் மேற்பட்ட தொழிலாளர்கள் பாதிக்கப்படக்கூடும் என அச்சங்கம் தெரிவித்துள்ளது. 
இதுகுறித்து அச்சங்கத்தின் தலைவர் ஆர்.செல்வக்குமார், செயலர் டி.சுந்தர்ராஜன், இணைச் செயலர் கே.சுகுமார், பொருளாளர் டி.கோவிந்தராஜ் ஆகியோர் கூறியதாவது:
வேலூர் மாவட்டத்திலிருந்து பல்வேறு மாவட்டங்களுக்கும், மாநிலங்களுக்கும் தினசரி ரூ. 3 கோடி முதல் ரூ. 4 கோடி மதிப்பிலான சரக்குகள் புக்கிங் செய்யப்பட்டு லாரிகளில் அனுப்பப்படுகின்றன. இதுதவிர, வெளி மாநிலங்களில் இருந்தும் வேலூர் மாவட்டத்துக்கு கோடிக்கணக்கான ரூபாய் மதிப்பிலான சரக்குகள் தினசரி வரப்பெறுகின்றன. இந்நிலையில், நாடு தழுவிய இந்த வேலைநிறுத்தத்தையொட்டி, கடந்த சில நாள்களாகவே லாரிகளுக்கான புக்கிங் நிறுத்தப்பட்டுள்ளது. வெள்ளிக்கிழமை காலை முதல் இந்த வேலைநிறுத்தம் மேற்கொள்ளப்படும். 
இதனால், இம்மாவட்டத்தில்  மட்டும் தினசரி ரூ. 5 கோடி மதிப்பிலான சரக்கு போக்குவரத்து பாதிக்கப்படும். மேலும், சுமார் 50 ஆயிரம் தொழிலாளர்கள், பல்லாயிரம் பேரின் வணிக வாய்ப்புகள் பாதிக்கப்படும். எனவே, லாரி உரிமையாளர்களின் கோரிக்கைகள் மீது மத்திய, மாநில அரசுகள் விரைவான நடவடிக்கை எடுக்க வேண்டும் என்றனர்.

]]>
http://www.dinamani.com/all-editions/edition-chennai/vellore/2018/jul/19/நாளை-முதல்-லாரிகள்-வேலைநிறுத்தம்--மாவட்டத்தில்-புக்கிங்-நிறுத்தம்-2962802.html
2962801 சென்னை வேலூர் கூட்டுறவு கடன் சங்கத்தில் முன்னாள் தலைவர்களின் புகைப்படங்கள் நீக்கம் DIN DIN Thursday, July 19, 2018 12:42 AM +0530 புதுபேட்டை தொடக்க வேளாண்மை கூட்டுறவு கடன் சங்க அலுவலகத்தில் இருந்த முன்னாள் தலைவர்களின் புகைப்படங்கள் நீக்கப்பட்டதால் பரபரப்பு ஏற்பட்டது.
நாட்டறம்பள்ளியை அடுத்த புதுப்பேட்டையில் தொடக்க வேளாண்மை கூட்டுறவு கடன் சங்க அலுவலகம் செயல்பட்டு வருகிறது. இதன் செயலாளராக கணேசன் உள்ளார். இந்நிலையில், கடந்த சில நாள்களுக்கு முன் கூட்டுறவு சங்கப் பணியாளர்கள் சிலர் சங்க அலுவலகத்தில் அதிமுகவைச் சேர்ந்த முன்னாள் கூட்டுறவு சங்கத் தலைவர், இயக்குநர்கள் சிலரின் புகைப்படங்கள் இருந்தன. 
பணியாளர்கள் சிலர் முன்னாள் கூட்டுறவு சங்கத் தலைவர் உள்பட சிலரின் புகைப்படத்தை நீக்கிவிட்டு, அவற்றை எரித்ததாகக் கூறப்படுகிறது. இதையறிந்த அதிமுகவினர் செவ்வாய்க்கிழமை சங்க அலுவலகத்துக்குச் சென்று புகைப்படத்தை கிழித்து எரித்த பணியாளர்கள் மீது நடவடிக்கை எடுக்கக் கோரி சங்கச் செயலாளர் கணேசனிடம் புகார் தெரிவித்தனர். 
தகவலறிந்த திருப்பத்தூர் கூட்டுறவு சங்க துணைப் பதிவாளர் தலைமையிலான அதிகாரிகள் புதன்கிழமை புதுப்பேட்டை கூட்டுறவு சங்க அலுவலகத்தில் பணியாளர்கள் 5 பேரிடம் விசாரணை நடத்தினர். பின்னர் விசாரணையின் அடிப்படையில் பணியாளர்கள் மீது நடவடிக்கை மேற்கொள்ளப்படும் என்று அதிகாரிகள் தெரிவித்தனர்.
 

]]>
http://www.dinamani.com/all-editions/edition-chennai/vellore/2018/jul/19/கூட்டுறவு-கடன்-சங்கத்தில்-முன்னாள்-தலைவர்களின்-புகைப்படங்கள்-நீக்கம்-2962801.html
2962800 சென்னை வேலூர் நாளை விவசாயிகள் குறைதீர் கூட்டம் DIN DIN Thursday, July 19, 2018 12:42 AM +0530 வேலூர் மாவட்ட விவசாயிகள் குறைதீர் நாள் கூட்டம் ஆட்சியர் அலுவலகத்தில் வெள்ளிக்கிழமை (ஜூலை 20) நடைபெற உள்ளது. இதுகுறித்து ஆட்சியர் எஸ்.ஏ.ராமன் வெளியிட்டுள்ள செய்திக்குறிப்பு:
ஆட்சியர் எஸ்.ஏ.ராமன் தலைமையில் காலை 10 மணிக்கு நடைபெறும் இக்கூட்டத்தில் பல்வேறு துறை அலுவலர்களும் பங்கேற்று விவசாயிகளின் குறைகள், கோரிக்கைகளை கேட்டறிய உள்ளனர். மேலும், கடந்த மாதம்  நடைபெற்ற கூட்டத்தில் தெரிவிக்கப்பட்ட குறைகள் மீது எடுக்கப்பட்டுள்ள நடவடிக்கைகள் குறித்தும்  விளக்கமளிக்கப்பட உள்ளன.
எனவே, வேலூர் மாவட்ட விவசாயிகள் இந்தக் கூட்டத்தில் பங்கேற்று  தங்களது குறைகள், கோரிக்கைகளை மனுக்களாகவோ, வாய்மொழியாகவோ தெரிவிக்கலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/vellore/2018/jul/19/நாளை-விவசாயிகள்-குறைதீர்-கூட்டம்-2962800.html
2962799 சென்னை வேலூர் பயிர்களை சேதப்படுத்திய யானைக் கூட்டம் DIN DIN Thursday, July 19, 2018 12:41 AM +0530 பேர்ணாம்பட்டு அருகே மலைக் கிராமத்துக்குள் நுழைந்த யானைக் கூட்டம் அங்கு விவசாயப் பயிர்களை நாசம் செய்து விட்டுச் சென்றன.
பேர்ணாம்பட்டை அடுத்த ஜங்கமூர் மலைக் கிராமம் வன எல்லையில் அமைந்துள்ளது. புதன்கிழமை அதிகாலை 2 குட்டிகள் உள்பட 7 யானைகள் ஜங்கமூர் கிராமத்துக்குள் நுழைந்துள்ளன. 
 அவை அங்குள்ள பட்டாபியின் நிலத்தில் உள்ள மா மரங்களை சேதப்படுத்தியுள்ளன. குபேந்திரனின் நிலத்தில் இருந்த 8 கல் கம்பங்களை பிடுங்கி எறிந்துள்ளன. கார்த்திக்கின் கரும்புத் தோட்டத்தையும் சேதப்படுத்தியுள்ளன. தகவலின்பேரில் வனச் சரக அலுவலர் மூர்த்தி, வனவர்கள் ரவீந்திரன், ரகுபதி ஆகியோர் தலைமையில் வனத் துறையினர் அங்கு சென்று, கிராம மக்களின் உதவியுடன் பட்டாசு வெடித்தும், மேளம் அடித்தும் யானைகளை வனப் பகுதிக்கு விரட்ட முயன்றனர். அப்போது ஒரு யானை வனத் துறையினரை பார்த்து பிளிறியவாறு வந்துள்ளது. வனத் துறையினர் வனப்பகுதியில் உள்ள புதருக்குள் மறைந்து உயிர் தப்பினர். பின்னர், ரசாயனக் கற்களை துப்பாக்கியில் பொருத்தி, அவற்றை வெடிக்கச் செய்து யானைகளை வனப் பகுதிக்கு விரட்டினர்.

]]>
http://www.dinamani.com/all-editions/edition-chennai/vellore/2018/jul/19/பயிர்களை-சேதப்படுத்திய-யானைக்-கூட்டம்-2962799.html
2962798 சென்னை வேலூர் கூட்டுறவு சங்கத்தின் லாபத் தொகை கல்வி ஆராய்ச்சிக்காக வழங்கல் DIN DIN Thursday, July 19, 2018 12:41 AM +0530 கூட்டுறவு சங்கத்தின் லாபத் தொகை கல்வி ஆராய்ச்சிக்காக இணைப் பதிவாளரிடம் வழங்கப்பட்டது.
திருப்பத்தூரில் 95 தொடக்க வேளாண்மை கூட்டுறவு சங்கங்கள் உள்ளன. திருப்பத்தூரை அடுத்த பேராம்பட்டு தொடக்க வேளாண்மை கூட்டுறவு சங்கத்தின் கடந்த 2017-ஆம் ஆண்டிற்கான லாபத் தொகை கூட்டுறவு சங்க கல்வி நிதி மற்றும் கூட்டுறவு ஆராய்ச்சிக்காக
ரூ. 76 ஆயிரம் வழங்கப்பட்டது. இதற்கான காசோலையை திருப்பத்தூர் சரக துணைப் பதிவாளர் (பெறுப்பு) முனிராஜிடம் கூட்டுறவு சங்கத் தலைவர் குலோத்துங்கன் வெள்ளிக்கிழமை வழங்கினார். 
நிகழ்ச்சியில், மாவட்ட பிரசாரஅலுவலர் அசோகன், துணைப் பதிவாளர் அலுவலகக் கண்காணிப்பாளர்கள் பூவண்ணன், பாத்திமா, செயலாளர் சிட்டிபாபு உள்ளிட்டோர் கலந்து கொண்டனர். 
இதுகுறித்து திருப்பத்தூர் சரக துணைப் பதிவாளர் (பொறுப்பு) முனிராஜ் கூறுகையில், இந்தச் சங்கத்தைப்போல் அனைத்து சங்கங்களும் முயற்சி மேற்கொண்டு லாபத்தை ஈட்டி தரவேண்டும். இதனல் கூட்டுறவு சங்கங்கள் வளர்ச்சியடையும் என்றார் அவர்.

]]>
http://www.dinamani.com/all-editions/edition-chennai/vellore/2018/jul/19/கூட்டுறவு-சங்கத்தின்-லாபத்-தொகை-கல்வி-ஆராய்ச்சிக்காக-வழங்கல்-2962798.html
2962797 சென்னை வேலூர் கி.பி. 10-ஆம் நூற்றாண்டைச் சேர்ந்த  நடுகல் கண்டெடுப்பு DIN DIN Thursday, July 19, 2018 12:41 AM +0530 ஆம்பூர் அருகே கி.பி. 10-ஆம் நூற்றாண்டைச் சேர்ந்த ஆநிரை மீட்ட வீரனுக்கான நடுகல் கண்டெடுக்கப்பட்டுள்ளது.
வேலூர் மாவட்டம், ஆம்பூர் வட்டம், உமராபாத் அருகிலுள்ள பனங்காட்டூரில் நெமிலியம்மன் கோயிலுக்குச் செல்லும் வழியில், கழிவுநீர் வடிகாலுக்கு அருகே இருந்த நடுகல் ஒன்றிணை திருப்பத்தூர் தூய நெஞ்சக் கல்லூரி தமிழ்த்துறைப் பேராசிரியர்கள் ஆ.பிரபு, சு.சிவசந்திரகுமார், ஆய்வு மாணவர்கள் 
பொ.சரவணன், வெ.கார்த்திகேயன், த.கதிர்வேலன் உள்ளிட்ட குழுவினர்  கண்டறிந்தனர்.
இதுகுறித்து பேராசிரியர்கள் ஆ.பிரபு, சு.சிவசந்திரகுமார் ஆகியோர் கூறியதாவது: பாலாற்றுப் படுகையில் அமைந்துள்ள இவ்வூரில் பழைமையான நெமிலியம்மன் கோயில் அமைந்துள்ளது. நெமிலியம்மன் குன்று என்றழைக்கப்படும் மலையடிவாரத்தில் அமைந்துள்ள இக்கோயிலுக்குச் செல்லும் காட்டுப்பாதையின் ஓரமாகக் கழிவுநீர் கால்வாய் செல்கிறது. இக் கால்வாயின் அருகே 4 அடி அகலமும், மூன்றரை அடி உயரமும் கொண்ட  பழைமையான நடுகல்லாக இது உள்ளது. நடுகல்லின் ஓரங்கள் சற்று சிதிலமடைந்துள்ளன. இந்நடுகல்லில் வீரனது வலது கையில் வில்லும், இடது கையில் அம்பும் ஏந்திய நிலையில் உள்ளது. வீரனது மார்பிலும், வயிற்றிலும் அம்புகள் பாய்ந்தபடி உள்ளது. இது வீரன் எவ்வாறு இறந்தான் என்பதைக் காட்டுகின்றது. வீரனது இடப்பக்கத்தில் காளை ஒன்று வடிக்கப்பட்டுள்ளது. இது வீரன் எதற்காகப் போரிட்டான் என்பதைக் குறிப்பதாக அமைந்துள்ளது. 
பண்டைத் தமிழ் இலக்கண நூல்களில் சுட்டப்படும் புறத்திணைகளில் ஆநிரை கவர்தல், மீட்டல் குறித்தப் போர்முறைகள் விரிவாக விளக்கப்பட்டுள்ளன. அவற்றின் எச்சமாக இந்நடுகல் அமைந்துள்ளது. 
 இந்நடுகல்லானது இப்பகுதியில் நிகழ்ந்த ஆநிரை மீட்டலில் போரிட்டு உயிர்துறந்த வீரனுக்காக எடுக்கப்பட்டதாகும். 
கல்லின் அமைப்பும் செதுக்கப்பட்டுள்ள வேலைப்பாடும், உருவ அமைப்பும் நோக்கும்போது காலத்தால் பழைமையானதாகத் தெரிகிறது. இந்நடுகல் பிற்காலச் சோழர்காலமான  நூற்றாண்டைச் சேர்ந்ததாக இருப்பதற்கு வாய்ப்புள்ளது. இந்நடுகல்லுக்கு அருகில் இரண்டு பெரிய கல் உரல்கள் காணப்படுகின்றன. இந்த உரல்களை மக்கள் "தோணி உரல்' என்று அழைக்கின்றனர். அவற்றில் ஒரு உரலில் எழுத்துப் பொறிப்புகள் உள்ளன. அவ்வெழுத்துகள் இனங்கான இயலாவண்ணம் உள்ளன.  இவ்வூரில் பழைமையான நெமிலியம்மன் கோயில் உள்ளது. ஆண்டுதோறும் இங்கு நடைபெறும் விழாவில் எருமைக் கன்றைப் பலியிடுவது வழக்கமாக உள்ளது. இவ்வூரார் இந்நடுகல்லினை எருமைக்கல், நெமிலியம்மன் கல் என்று அழைக்கின்றனர் என்றனர்.  
இந்த நடுகல் குறித்து, மேனாள் தொல்லியல் துறை உதவி இயக்குநர் இரா.பூங்குன்றன் கூறுகையில்," இந்நடுகல் ஆநிரை மீட்புப் போரில் உயிர்துறந்த வீரனுக்கான நடுகல்லாகும். இக்கல்லின் அமைப்பினைப் பார்க்கும் போது கி.பி.10-ஆம் நூற்றாண்டைச் சேர்ந்ததாகும். இவ்வட்டார வரலாற்றினை உணர்த்தும் வகையில் இந்நடுகல் அமைந்துள்ளது எனக் குறிப்பிட்டார்.
காலவோட்டத்தில் இந்நடுகல் உராயத் தொடங்கி அழிவுறும் நிலையில் உள்ளது. அதுமட்டுமின்றி பண்டைய வரலாற்று நிகழ்வினைத் தாங்கியுள்ள இந்நடுகல் கழிவுநீர் கால்வாயின் அருகே பராமரிப்பின்றி உள்ளது வேதனையான ஒன்றாகும்.

]]>
http://www.dinamani.com/all-editions/edition-chennai/vellore/2018/jul/19/கிபி-10-ஆம்-நூற்றாண்டைச்-சேர்ந்த--நடுகல்-கண்டெடுப்பு-2962797.html
2962796 சென்னை வேலூர் 3 ஆண்டுகளாகியும் முடியாத புதைசாக்கடைப் பணிகள்: அவதியில் அரக்கோணம் நகர மக்கள் DIN DIN Thursday, July 19, 2018 12:41 AM +0530 பணிகள் தொடங்கப்பட்டு 3 ஆண்டுகளுக்கு மேலாகியும் அரக்கோணம் நகரில் புதைசாக்கடைப் பணிகள் இன்னும் முடிவடையாத நிலையில் உள்ளதால், நகர மக்கள் பெரும் அவதிக்குள்ளாகி வருகின்றனர். 
தமிழகத்தில் பெருநகராட்சிகளைத் தவிர்த்து அனைத்து நகராட்சிகளிலும் புதைசாக்கடை திட்டப் பணிகள் மேற்கொள்ள தமிழக அரசு உத்தரவிட்ட முதல் திட்டத்திலேயே வேலூர் மாவட்டத்தில் முதல் நகராட்சியாக அரக்கோணம் இணைக்கப்பட்டு ரூ. 95.16 கோடி நிதி ஒதுக்கப்பட்டது. தமிழ்நாடு குடிநீர் வடிகால் வாரியத்தின் புதைசாக்கடை கோட்டத்தின் கீழ் கடந்த 2015 டிசம்பரில் பணிகள் தொடங்கப்பட்டன. நகரில் உள்ள 36 வார்டுகளிலும் ஒரே நேரத்தில் இப்பணிகள் தொடங்கப்பட்டதாக தெரிவிக்கப்பட்டாலும் முதலில் வடக்குப் பகுதியில் 2 வார்டுகள், தெற்குப் பகுதியில் 2 வார்டுகள் என பணிகள் மேற்கொள்ளப்பட்டன. 
முதல்கட்டமாக சாலைகளில் பள்ளங்கள் தோண்டப்பட்டு, ஆள்நுழை பள்ளங்கள் உருவாக்கப்பட்டன. அதனூடே வீடுகளுக்கு இணைப்பு தரும் பணிகளும் நடைபெற்றன. 
இதனால் பல சாலைகளில் பெரும் பள்ளங்கள் தோண்டப்பட்டு அவை சரியாக மூடப்படாமல் விட்டதால் போக்குவரத்துக்கு பயனற்ற சாலைகளாக அவை மாறின.
இதையடுத்து நகரின் முக்கிய சாலையான காந்தி சாலையில் போக்குவரத்தை திசைதிருப்பி பள்ளங்கள் தோண்டப்பட்டு, பணிகள் நிறைவடைந்து 8 மாதங்களுக்குப் பின் பொதுமக்களின் போராட்டங்களைத் தொடர்ந்து தார்ச் சாலை போடப்பட்டது.
 இதில், ஆள்நுழைவு பள்ளங்களையும் தார் கொண்டு மூடப்பட்டுவிட்டன. இப்பணிகள் தொடங்கப்படும் முன்பே தேவையான இடங்களை நகராட்சி நிர்வாகம் கையகப்படுத்தி அளிக்காததால், பணிகள் தொடங்கப்பட்ட பின் எதிர்ப்பு கிளம்பியது. குறிப்பாக, அரக்கோணம் சோமசுந்தர நகரில் கழிவுநீர் சேகரிப்பு நிலையத்துக்கான நிலங்கள் கையகப்படுத்தும் பணிகள் நடைபெற்ற நிலையில், அதற்கு பலத்த எதிர்பபு காணப்பட்டது. இதே நிலை ஜெய்பீம் நகரிலும் எதிர்ப்பு தெரிவிக்கப்பட்டது. 
மேலும் புதைசாக்கடை திட்டத்துக்கான சுத்திகரிப்பு நிலையத்துக்கான கட்டுமானப் பணிகள் தற்போது 90 சதவீதம் முடிந்த நிலையிலும், தமிழ்நாடு மின்வாரிய மின் இணைப்பு இந்த சுத்திகரிப்பு நிலையத்துக்கு பெறப்படவில்லை. மேலும் காமராஜ் நகர், காலிவாரிகண்டிகை, சோமசுந்தர நகர், ஜெய்பீம் நகர் ஆகிய 4 கழிவுநீர் சுத்திகரிப்பு நிலையங்களிலுமே கட்டுமானப் பணிகள் முழுவதுமாக முடியாத நிலையிலேயே உள்ளது.
இந்நிலையில் அரக்கோணம் நகரில் சுவால்பேட்டையில் ஏட்டு குப்புசாமி தெரு, ஜோதி நகரில் மீஞ்சூர் சுப்பிரமணியம் தெரு உள்ளிட்ட 25-க்கும் மேற்பட்ட தெருக்கள், இத்திட்டத்தில் சேர்க்கப்படாததால் பணிகள் நடைபெறவில்லை. 
தற்போது அரக்கோணம் நகரில் 2, 4 மற்றும் 21, 22 ஆகிய வார்டுகளில் மட்டும் சில சாலைகளை சீரமைத்து தார்ச் சாலைகளை நகராட்சி நிர்வாகத்தினர் அமைத்துள்ளனர். தற்போது அந்தப் பணியும் நிறுத்தப்பட்டு விட்டது. இதற்கிடையே ராஜாஜி தெருவில் குடிநீர்க் குழாய் புதைப்புப் பணிகள் மேற்கொள்ளப்பட்டு அச்சாலையில் மண் கொட்டப்பட்டது. இருந்தும் தற்போதுவரை அச்சாலை சமன்படுத்தப்படாமல் மேடுபள்ளங்களாகவே உள்ளது. 
பழனிபேட்டையில், சோமசுந்தர நகர், ஆர்சிஎம் உயர்நிலைப் பள்ளி, அச்சம நாயுடு கண்டிகை, டி.என்.நகர் உள்ளிட்ட பல பகுதிகளுக்கு செல்லும் முக்கிய சாலையான வி.பி.கோயில் தெருவில் பள்ளங்கள் பெரிய அளவில் தோண்டப்பட்டு, இதுவரை சீரமைக்கப்படவில்லை. அரக்கோணம்-திருவள்ளூர் சாலையில் அம்பேத்கர் நகர் பகுதி, மோசூர் ரோடு, லஷ்மி நகர் ஆகிய பகுதிகளில் பெரிய வாகனங்கள் செல்ல முடியாதநிலை உள்ளதாக வாகன ஓட்டிகள் குற்றம்சாட்டுகின்றனர். மேலும் காலிவாரி கண்டிகையில் கழிவுநீர் சேகரிப்பு நிலையத்துக்கு செல்லும் சாலையில் தோண்டப்பட்ட பள்ளங்கள் சரியாக மூடப்படவில்லை.
மேலும், நகரில் பல சாலைகளில் அனைத்து வீடுகளுக்கும் புதைசாக்கடை இணைப்பு தரவில்லை. ஆனால்  மொத்த வீடுகளுக்கும் இணைப்பு கொடுத்ததாக கணக்கு காட்டியிருப்பதாகக் கூறப்படுகிறது.
கடந்த 3 மாதங்களுக்கு முன் எம்எல்ஏ சு.ரவியின் அலுவலகத்தில் நடைபெற்ற ஆலோசனைக் கூட்டத்தில் ஜூன் மாத இறுதியில் பணிகளை முடித்து விடுவதாகவும், சோதனை நீரோட்டத்தை ஜூலையில் தொடங்கி செயல்படுத்த உள்ளதாகவும் செயற்பொறியாளர் மணி தெரிவித்தார். ஆனாலும் பணிகள் முடிவுக்கு வரவில்லை. நீரோட்ட சோதனைகள் நடந்து அதில் கண்டறியும் பிரச்னைகளை சரி செய்து வீடுகளுக்கு கழிவுநீர் இணைப்பு தர குறைந்தது ஒரு வருடமாகும் எனவும் அதிகாரிகள் தெரிவிக்கின்றனர்.
இந்நிலையில், அண்மையில் அரக்கோணம் வந்த வேலூர் மண்டல நகராட்சிகளின் இயக்குநர் விஜயகுமார், ஜூலை 18-ஆம் தேதி நகராட்சி, தமிழ்நாடு குடிநீர் வடிகால் வாரிய புதைசாக்கடை திட்ட அலுவலர்கள் இணைந்தக் கூட்டம் அரக்கோணம் நகராட்சியில் நடைபெறும் என செய்தியாளர்களிடம் தெரிவித்து அன்றைய தினம் திட்டம் முடிவடைவது குறித்து இறுதி செய்யப்படும் என தெரிவிக்கப்பட்டது. ஆனால், அந்தக் கூட்டமும் நடைபெறவில்லை.
இந்த புதைசாக்கடை திட்டப் பணிகள் முடிவடையும் நிலையில் வீடுகளுக்கு கழிவுநீரை குழாய்கள் மூலம் இணைக்க விண்ணப்ப கட்டணம், இணைப்பு கட்டணம், மாதாந்திர கட்டணம் குறித்த நிர்ணயமே இதுவரை நகராட்சியில் செய்யப்படவே இல்லை. இதுகுறித்து கேட்டால் சென்னை, நகராட்சிகள் இயக்குநர் அலுவலகத்துக்கு கோப்புகள் அனுப்பப்பட்டுள்ளதாகவும் அங்கு அனுமதி பெற்ற பிறகே கட்டண நிர்ணயம் செய்யப்படும் எனவும் தெரிவித்தனர். ஒரு வருடத்துக்கு மேலாக நகராட்சிகளின் இயக்குநர் அலுவலகத்தில் இந்தக் கோப்புகள் நிலுவையில் வைக்கப்பட்டுள்ளதாகக் கூறப்படுகிறது.
எனவே, வேலூர் மாவட்ட நிர்வாகம் இப்பிரச்னை குறித்து உடனடி நடவடிக்கை எடுத்து போர்க்கால அடிப்படையில் புதைசாக்கடை திட்டப் பணிகளை முடித்து அரக்கோணம் நகரில் சாலைகளைச் சீரமைத்துத் தர நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாக உள்ளது.

]]>
http://www.dinamani.com/all-editions/edition-chennai/vellore/2018/jul/19/3-ஆண்டுகளாகியும்-முடியாத-புதைசாக்கடைப்-பணிகள்-அவதியில்-அரக்கோணம்-நகர-மக்கள்-2962796.html
2962795 சென்னை வேலூர் கூடநகரத்தில் கெங்கையம்மன் கோயில் திருவிழா DIN DIN Thursday, July 19, 2018 12:40 AM +0530 குடியாத்தத்தை அடுத்த கூடநகரம் ஊராட்சியில் 46-ஆம் ஆண்டு கெங்கையம்மன் கோயில் திருவிழா செவ்வாய்க்கிழமை நடைபெற்றது. 
இதையொட்டி அதிகாலை அம்மன் சிரசு ஊர்வலம் நடைபெற்றது.  பின்னர் அம்மன் சிரசு, கோயில் மண்டபத்தில் உள்ள சிரசு மேடையில் பொருத்தப்பட்டு பொதுமக்கள் தரிசனத்துக்கு அனுமதிக்கப்பட்டனர்.  இதைத் தொடர்ந்து, 12 மணிக்கு கூழ்வார்த்தலும், மாலை 4 மணிக்கு மா விளக்கு பூஜையும், இரவு 7.30 மணிக்கு வாணவேடிக்கை நிகழ்ச்சியும் நடைபெற்றன. மதியம் அன்னதானமும் வழங்கப்பட்டது.
விழாவுக்கான ஏற்பாடுகளை திருவிழாக் குழு நிர்வாகி எம். காசிநாதன், ஊர் தலைவர் என். திருநாவுக்கரசு, செயலர் ஜி.சி. கோபி, பொருளாளர் என். நீலகண்டன், தர்மகர்த்தா ஜே. பழனி,  நிர்வாகிகள் 
ஏ. நெடுஞ்செழியன், ஆர். முனிரத்தினம் உள்ளிட்டோர் செய்திருந்தனர்.

]]>
http://www.dinamani.com/all-editions/edition-chennai/vellore/2018/jul/19/கூடநகரத்தில்-கெங்கையம்மன்-கோயில்-திருவிழா-2962795.html
2962062 சென்னை வேலூர் ஜூலை 18 மின் தடை DIN DIN Wednesday, July 18, 2018 12:13 AM +0530 வேலூர்
நாள்: 18-07-2018 (புதன்கிழமை) 
நேரம்: காலை 9 முதல் மாலை 5 மணி வரை.
மின்தடை பகுதிகள்: புதிய பேருந்து நிலையம், பைபாஸ் சாலை, தோட்டப்பாளையம், பழைய பேருந்து நிலையம், வேலூர் நகரம், பஜார், சலவன்பேட்டை, ஆபிஸர்ஸ் W«púY úUmTôXl T¦dLôL Bd¡Wªl×Ls ALt\mலைன், கஸ்பா, ஊசூர், விரிஞ்சிபுரம், செதுவாலை, கொணவட்டம், சேண்பாக்கம், அதைச் சுற்றியுள்ள பகுதிகள்.

]]>
http://www.dinamani.com/all-editions/edition-chennai/vellore/2018/jul/18/ஜூலை-18-மின்-தடை-2962062.html
2962061 சென்னை வேலூர் முகநூலில் அவதூறு: எஸ்.பி. அலுவலகத்தில் திமுகவினர் புகார் DIN DIN Tuesday, July 17, 2018 11:47 PM +0530 கருணாநிதி, ஸ்டாலின், கனிமொழி உள்ளிட்டோர் குறித்து முகநூலில் அவதூறு செய்திகள் பரப்புவோர் மீது நடவடிக்கை எடுக்கக் கோரி வேலூர் எஸ்.பி. அலுவலகத்தில் திமுகவினர் புகார் தெரிவித்துள்ளனர்.
திமுக தலைவர் கருணாநிதி, செயல் தலைவர் மு.க.ஸ்டாலின், பொதுச் செயலர் க.அன்பழகன், எம்.பி. கனிமொழி ஆகியோர் குறித்து குறிப்பிட்ட பெயரில் முகநூலில் ஆபாசமான, அவதூறான புகைப்படங்களும், செய்திகளும் வெளியிடப்பட்டு வேகமாக பரவி வருகிறது.
இதையடுத்து திமுகவின் வேலூர் மாவட்ட தகவல் தொழில்நுட்பக் குழுவின் மாவட்ட ஒருங்கிணைப்பாளர் ராஜாகுப்பம் முருகானந்தம் தலைமையில் அக்கட்சியினர் வேலூர் எஸ்.பி. அலுவலகத்தில் செவ்வாய்க்கிழமை மனு அளித்தனர்.  அதில், கருணாநிதி, ஸ்டாலின், அன்பழகன், கனிமொழி ஆகியோரின் பெயருக்கு கேடு விளைவிக்கும் வகையில் இந்த அவதூறான புகைப்படங்களும், செய்திகளும் பரப்பப்பட்டு வருகிறது. இது திமுகவினர் மத்தியில் அதிருப்தியையும், கொந்தளிப்பையும் ஏற்படுத்தியுள்ளது. இந்த செயலில் ஈடுபட்ட நபர்களை கைது செய்து நடவடிக்கை எடுக்க வேண்டும் என அந்த மனுவில் தெரிவிக்கப்பட்டுள்ளது. இப்புகார் தொடர்பாக போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/17/முகநூலில்-அவதூறு-எஸ்பி-அலுவலகத்தில்-திமுகவினர்-புகார்-2962061.html
2962060 சென்னை வேலூர் காவல் நிலையத்தை முற்றுகையிட்ட இந்து முன்னணியினர் DIN DIN Tuesday, July 17, 2018 11:47 PM +0530 ஆர்ப்பாட்டம் நடத்த அனுமதி கோரி, ஆற்காடு காவல் நிலையத்தை முற்றுகையிட்டு இந்து முன்னணியினர் திங்கள்கிழமை மனு அளித்தனர்.
ஆற்காடு நகர இந்து முன்னணி சார்பில், கோயில்களில் வசூலிக்கப்படும் தரிசனக் கட்டணத்தை ரத்து செய்ய வலியுறுத்தி, ஆற்காடு பேருந்து நிலையத்தில் உள்ள காமராஜர் சிலை அருகே வரும் 29-ஆம் தேதி ஆர்ப்பாட்டம் நடத்த அனுமதி கேட்டு, ஆற்காடு நகர போலீஸில் இந்து முன்னணியினர் செவ்வாய்க்கிழமை மனு கொடுத்தனர்.
இதனை விசாரித்த போலீஸார்   பேருந்து நிலையத்தில் உள்ள அம்மா உணவகம் அருகே ஆர்ப்பாட்டம் நடத்த அனுமதி தருவதாக கூறினர். இதனை ஏற்காத  இந்து முன்னணியினர்,  ஆற்காடுகாவல் நிலையத்தை முற்றுகையிட்டனர். உயர் அதிகாரிகளுடன் பேசி முடிவு எடுப்பதாக  தெரிவிக்கப்பட்டதை அடுத்து அனைவரும் கலைந்து சென்றனர்.
 

]]>
http://www.dinamani.com/all-editions/edition-chennai/vellore/2018/jul/17/காவல்-நிலையத்தை-முற்றுகையிட்ட-இந்து-முன்னணியினர்-2962060.html
2962059 சென்னை வேலூர் அரசு மருத்துவமனை கட்டுமானப் பணிகள் துவக்கம் DIN DIN Tuesday, July 17, 2018 11:46 PM +0530 திருப்பத்தூர் அரசு மருத்துவமனை கட்டுமானப் பணிகள் தொடங்கப்பட்டுள்ளன.
திருப்பத்தூரில் உள்ள அரசு மருத்துவமனைக்கு நாள்தோறும் ஏராளமான நோயாளிகள் சிகிச்சைக்காக வருகின்றனர்.
அவசர சிகிச்சை பிரிவு, கண் அறுவை சிகிச்சை மற்றும் தங்கும் அறைகள் கொண்ட கட்டடங்களை புதிகாக கட்டுவதற்காக அவை இடிக்கப்பட்டன. சுமார் 6 மாதங்களுக்கு மேலாகியும் கட்டுமானப் பணிகள் தொடங்கப்படவில்லை என தினமணியில் புகைப்படங்களுடன் கூடிய விரிவான செய்தி வெளியானது. இதையடுத்து புதிய கட்டடம் கட்டும் பணி தற்போது தொடங்கப்பட்டுள்ளது. 
இதுகுறித்து அரசு மருத்துவமனை மருத்துவ அலுவலர் செல்வக்குமாரிடம் கேட்டதற்கு, 9 மாதகால அவகாசத்துக்குள் கட்டடம் திட்டமிடப்பட்டுள்ளது  என்றார் அவர்.
 

]]>
http://www.dinamani.com/all-editions/edition-chennai/vellore/2018/jul/17/அரசு-மருத்துவமனை-கட்டுமானப்-பணிகள்-துவக்கம்-2962059.html
2962058 சென்னை வேலூர் கோயிலின் பூட்டை உடைத்து ஐம்பொன் சிலை, 10 சவரன் நகை, உண்டியல் பணம் திருட்டு DIN DIN Tuesday, July 17, 2018 11:46 PM +0530 நாட்டறம்பள்ளி அருகே கோயிலின் பூட்டை உடைத்து ஐம்பொன் சிலை, நகை, பணம் ஆகியவற்றை மர்ம நபர்கள் திருடிச் சென்றனர். 
நாட்டறம்பள்ளியை அடுத்த பந்தாரப்பள்ளி ஊராட்சி கோமுட்டியூர் பகுதியில் மிகவும் பழைமை வாய்ந்த பொன்னியம்மன் கோயில் உள்ளது. திங்கள்கிழமை இரவு வழக்கம்போல் கோயில் பூசாரி சண்முகசக்தி கோயிலை பூட்டி விட்டு நள்ளிரவு 1 மணிக்கு வீட்டிற்குச் சென்றார். மீண்டும் செவ்வாய்க்கிழமை காலை கோயிலை திறக்க வந்தபோது கோயிலின் பூட்டு உடைக்கப்பட்டிருப்பதைக் கண்டு அதிர்ச்சியடைந்தார். உள்ளே கருவறையில் இருந்த பல லட்சம் ரூபாய் மதிப்பிலான ஒரு அடி உயர  ஐம்பொன் சிலை, வெண்கல அம்மன் சிலை மற்றும் கோயிலின் டிராயரில் வைத்திருந்த நகைகள் உள்பட சுமார் 10 சவரன் தங்க நகைகள் திருடு போயிருந்தன. உண்டியலை உடைத்து அதிலிருந்த பணத்தையும் மர்ம நபர்கள் திருடிக் கொண்டு கோயிலின் பின்புறம் உண்டியலை வீசிவிட்டுச் சென்றிருந்தனர்.
இதேபோல் அதே பகுதியைச் சேர்ந்த விவசாயி சாமிநாதன் (60). திங்கள்கிழமை இரவு குடும்பத்தினருடன் தூங்கிக் கொண்டிருந்தபோது மர்ம நபர்கள் வீடு புகுந்து பீரோவில் இருந்த ரூ. 49 ஆயிரம் ரொக்கப் பணத்தை திருடிச் சென்றனர். 
இதுகுறித்த புகாரின் பேரில் நாட்டறம்பள்ளி போலீஸார் வழக்குப் பதிவு செய்து மர்ம நபர்களைத் தேடி வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/17/கோயிலின்-பூட்டை-உடைத்து-ஐம்பொன்-சிலை-10-சவரன்-நகை-உண்டியல்-பணம்-திருட்டு-2962058.html
2962057 சென்னை வேலூர் இளைஞர் வெட்டிக் கொலை: இருவர் கைது DIN DIN Tuesday, July 17, 2018 11:45 PM +0530 ஜோலார்பேட்டை அருகே இளைஞர் கத்தியால் வெட்டிக் கொலை செய்யப்பட்டார். இதுதொடர்பாக இருவரை போலீஸார் கைது  செய்தனர்.
ஜோலார்பேட்டையை அடுத்த ஜெய்பீம் நகரைச் சேர்ந்தவர் முருகன். இவரது மகன் சுதீஷ் (20). திருப்பூரில் தையல்காரராகப் பணிபுரிந்து வந்தார். 
இந்நிலையில், சுதீஷ் திங்கள்கிழமை ஜெய்பீம் நகரை அடுத்த ராஜீவ் காந்தி நகர் சாலையில் நடந்து சென்று கொண்டிருந்தார். அப்போது அவரை வழிமறித்த மர்ம நபர்கள் அவரைக் கத்தியால் வெட்டினர். அதில் பலத்த காயமடைந்த சுதீஷை, திருப்பத்தூர் அரசு மருத்துவமனையில் கொண்டு சேர்த்தனர். 
பின்னர்,மேல்சிகிச்சைக்காக தருமபுரி அரசு மருத்துவமனைக்குக் கொண்டு சென்றனர். பின்னர், அங்கிருந்து, சேலம் மருத்துவமனைக்கு கொண்டு சென்றபோது அவர் வழியில் இறந்தார். இதுகுறித்து, ஜோலார்பேட்டை போலீஸார் வழக்குப் பதிந்து விசாரித்தனர். விசாரணையில், முன்பகை காரணமாக கார்த்தி (24), அவரது நண்பர் சிவா (27) ஆகியோர் சுதீஷை கொலை செய்தது தெரியவந்தது. இதனையடுத்து, அவர்களை போலீஸார் கைது செய்தனர். மேலும், தப்பியோடியவர்களை தேடி வருகின்றனர்.
இச்சம்பவத்தால், அப்பகுதியில் 50-க்கும் மேற்பட்ட போலீஸார் குவிக்கப்பட்டுள்ளனர்.

]]>
http://www.dinamani.com/all-editions/edition-chennai/vellore/2018/jul/17/இளைஞர்-வெட்டிக்-கொலை-இருவர்-கைது-2962057.html
2962056 சென்னை வேலூர் திருட்டில் ஈடுபட்டதாக பெண் கைது DIN DIN Tuesday, July 17, 2018 11:45 PM +0530 திருப்பத்தூர் சுற்றுப் பகுதிகளில் பல திருட்டுகளில் ஈடுபட்டதாக பெண் ஒருவரை போலீஸார் கைது செய்தனர்.
 திருப்பத்தூர், ஜோலார்பேட்டை சுற்றுப் பகுதிகளில் வீட்டில் தனியாக இருக்கும் மூதாட்டிகளை மர்ம பெண் ஒருவர் ஏமாற்றி, நகை திருடும் சம்பவம் தொடர்ந்து நடைபெற்று வந்தது. இந்நிலையில், ஞாயிற்றுக்கிழமை திருப்பத்தூர் சிகேசி நகர் பகுதியில் உள்ள வீட்டில் தனியாக இருந்த ஜெயாம்மாள்(70) என்ற மூதாட்டியின் நகைகளை திருடிச் செல்ல மர்ம பெண் ஒருவர் முயற்சி செய்ததாகத் தகவல் வெளியானது. இதேபோல், திருப்பத்தூர் சுற்றுப்பகுதிகளில், மர்மபெண் திருடிச் செல்வது அப்பகுதி மக்களிடையே அச்சத்தை ஏற்படுத்தியது. இதனையடுத்து, டி.எஸ்.பி. ஜேசுராஜ் உத்தரவின்பேரில், தனிப்படை அமைத்து மர்ம பெண்ணை தேடிவந்தனர். 
இந்நிலையில், திங்கள்கிழமை இரவு திருப்பத்தூர் கிராமிய போலீஸார்  ரோந்துப் பணியில் ஈடுபட்டனர். அப்போது, வெங்களாபுரம் பகுதியில் சந்தேகப்படும்படி ஒரு இளம்பெண் நின்று கொண்டிருந்தார். 
அவர், போலீஸாரிடம் முன்னுக்குப்பின் முரணாக பேசியுள்ளார். அவரை அழைத்துச் சென்று போலீஸார் விசாரித்ததில், அவர் சேலம் மாவட்டம், இந்திரா நகர் பகுதியைச் சேர்ந்த மைதிலி (35)  என்பதும், பல ஆண்டுகளாக சேலம், தருமபுரி, கிருஷ்ணகிரி உள்ளிட்ட பகுதிகளில் மூதாட்டிகளை ஏமாற்றி நகைகளை திருடிச் சென்றதும் தெரியவந்தது. இதனையடுத்து, அப்பெண்ணைக் கைது செய்து, 50 சவரன் நகைகளை பறிமுதல் செய்து,  தொடர்ந்து விசாரித்து வருகின்றனர்.

]]>
http://www.dinamani.com/all-editions/edition-chennai/vellore/2018/jul/17/திருட்டில்-ஈடுபட்டதாக-பெண்-கைது-2962056.html
2962055 சென்னை வேலூர் தொழிற்சாலைகளுக்கு 14 மில்லியன் லட்சம் லிட்டர் காவிரி குடிநீர் வழங்க எதிர்ப்பு DIN DIN Tuesday, July 17, 2018 11:45 PM +0530 வேலூர் மாவட்டத்திலுள்ள தொழிற்சாலைகளுக்கு 14 மில்லியன் லட்சம் காவிரி கூட்டுக்குடிநீர் வழங்கும் திட்டத்துக்கு பேர்ணம்பட்டு நுகர்வோர் நலன் பாதுகாப்புச் சங்கம் கடும் எதிர்ப்பு தெரிவித்துள்ளது. அத்துடன், இத்திட்டத்தைக் கைவிடக் கோரி அச்சங்கம் தமிழக முதல்வர், வேலூர் மாவட்ட ஆட்சியர் உள்ளிட்டோருக்கு மனு அனுப்பியுள்ளது.
மேட்டூர் காவிரி கூட்டுக் குடிநீர் திட்டத்தில் வழங்கப்பட்டு வரும் தண்ணீரில் வேலூர் மாவட்டத்தில் இயங்கி வரும் தொழிற்சாலைகளுக்கு 14 மில்லியன் லட்சம் லிட்டர் அளவு ஒதுக்கப்பட்டுள்ளது. இந்த இலக்கை முழுமையாகப் பயன்படுத்த வேலூர் மாவட்டத்தில் இயங்கி வரும் தொழிற்சாலைகளை அணுகி தண்ணீர் இணைப்பை வழங்க வேண்டும். அதற்கான நடவடிக்கைகளை தமிழ்நாடு குடிநீர் வடிகால் வாரிய அதிகாரிகள் மேற்கொள்ள வேண்டும் என்று அந்த வாரியத்தின் நிர்வாக இயக்குநர் சி.என்.மகேஷ்வரன் உத்தரவிட்டுள்ளார்.
காவிரி கூட்டுக் குடிநீரை தொழிற்சாலைகளுக்கு அளிக்கும் இத்திட்டத்துக்கு பேர்ணம்பட்டு நுகர்வோர் நலன் பாதுகாப்புச் சங்கம் எதிர்ப்பு தெரிவித்துள்ளது. இதுகுறித்து அச்சங்கத்தின் தலைவர் டி.பஷீருத்தீன் தமிழக முதல்வர், வேலூர் மாவட்ட ஆட்சியர் உள்ளிட்டோருக்கு அனுப்பியுள்ள மனு விவரம்: 
வேலூர் மாவட்டத்தின் குடிநீர் ஆதாரமாக இருந்த பாலாற்றின் குறுக்கே விதிகளுக்குப்புறம்பாக ஆந்திர அரசால் பல தடுப்பணைகள் கட்டப்பட்டுள்ளன. 
இதனால் பாலாறு வறண்டு வேலூர் மாவட்ட மக்களுக்கு போதுமான குடிநீர்  கிடைப்பதில் மிகுந்த சிரமம் ஏற்பட்டது. 
காவிரி கூட்டுக் குடிநீர்  திட்டம் செயல்பாட்டுக்கு வந்த பிறகு இந்தப் பிரச்னை  ஓரளவு தணிந்துள்ளது. அதேசமயம், இத்திட்டம் செயல்பாட்டுக்கு வந்த பிறகும் பேர்ணாம்பட்டு நகராட்சி, சுற்றுப்புற கிராமப் பகுதிகளில் உள்ளவர்களுக்கு இதுவரை காவிரி கூட்டுக் குடிநீர் கிடைக்காமல் மிகுந்த சிரமத்துக்கு உள்ளாகி வருகின்றனர்.
குடிநீர்த் தேவைக்கே போதுமான அளவு கூட்டுக் குடிநீர் இல்லாதபோது 14 மில்லியன் லட்சம் லிட்டர்  குடிநீரை தொழில் பயன்பாட்டிற்காக தனியார் தொழிற்சாலைகளுக்கு  விற்பனை செய்ய வேண்டும் என தமிழ்நாடு குடிநீர் வடிகால்  வாரியம் உத்தரவிட்டுள்ளது  ஏற்புடையதாக இல்லை. 
குடிநீர் விற்பனைக்கான உத்தரவு இல்லாதபோதே குடிநீர் திருடப்பட்டு வணிக நோக்கத்திற்காக விற்பனை  செய்யப்பட்ட வழக்கு நிலுவையில் இருக்கிறது. 
இந்நிலையில் குடிநீரை தொழில் நோக்கத்துக்காக விற்பனை  செய்ய உத்தரவிட்டால் பெருமளவு தண்ணீரை விற்பனை செய்துவிட்டு செயற்கையான குடிநீர் தட்டுப்பாட்டை  ஏற்படுத்திவிடுவர். எனவே, காவிரி கூட்டுக்  குடிநீரை தொழிற்சாலை பயன்பாட்டிற்காக  விற்பனை செய்யும் முடிவை அரசு உடனடியாக கைவிட வேண்டும். மேலும், பேர்ணாம்பட்டு போன்ற குடிநீர் தட்டுப்பாடு உள்ள  பகுதிகளுக்கு முன்னுரிமை அடிப்படையில் போதுமான அளவு  காவிரி கூட்டுக்  குடிநீர் வழங்க நடவடிக்கை எடுக்க  வேண்டும் என தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/vellore/2018/jul/17/தொழிற்சாலைகளுக்கு-14-மில்லியன்-லட்சம்-லிட்டர்-காவிரி-குடிநீர்-வழங்க-எதிர்ப்பு-2962055.html
2962054 சென்னை வேலூர் ஜாதி சான்று கேட்டு வருவாய் கோட்டாட்சியர் அலுவலகம் முற்றுகை DIN DIN Tuesday, July 17, 2018 11:44 PM +0530 ஆற்காட்டை அடுத்த செங்கானவரம் நரிக்குறவர் இன மக்கள் ஜாதிச் சான்று கேட்டு ராணிப்பேட்டை வருவாய் கோட்டாட்சியர் அலுவலகத்தை செவ்வாய்க்கிழமை முற்றுகையிட்டு மனு அளித்தனர்.
ஆற்காடு வட்டம், செங்கனாவரம் கிராமம் எம்ஜிஆர் குப்பம் பகுதியில் நரிக்குறவர் இனத்தைச் சேர்ந்த சுமார் 70 குடும்பங்கள் வசித்து வருகின்றனர். 
இவர்களில் யாருக்கும் இதுவரை மாவட்ட வருவாய்த் துறையினர் ஜாதிச் சான்று வழங்கவில்லை. இதனால் அரசின் சலுகைகளைப் பெற முடியாமலும், அவர்களின் பிள்ளைகளை பள்ளியில் சேர்க்க  முடியாமலும் அவதிக்குள்ளாகி வருகின்றனர். 
இதுதொடர்பாக ஆட்சியர்,  வட்டாட்சியர்  உள்ளிட்டோரிடம் பல முறை மனு அளித்தும் இதுவரை ஜாதிச் சான்று வழங்க எவ்வித நடவடிக்கையும் எடுக்கவில்லை என புகார் தெரிவித்தனர். இந்நிலையில்,  நரிக்குறவர் இன மக்களுக்கு உடனடியாக ஜாதிச் சான்று வழங்க  வலியுறுத்தி  செங்கனாவரம்  கிராமம் எம்ஜிஆர் குப்பம் நரிக்குறவர் மேம்பாட்டு சங்கச் செயலாளர் எஸ்.மகேஷ்வரன் தலைமையில் 50-க்கும் மேற்பட்டோர் ராணிப்பேட்டை வருவாய் கோட்டாய்சியர் அலுவலகத்தை முற்றுகையிட்டனர்.
இதைத் தொடர்ந்து, கோரிக்கைகள் அடங்கிய மனுவை கோட்டாட்சியர் அலுவலகத்தில் வழங்கினர்.

]]>
http://www.dinamani.com/all-editions/edition-chennai/vellore/2018/jul/17/ஜாதி-சான்று-கேட்டு-வருவாய்-கோட்டாட்சியர்-அலுவலகம்-முற்றுகை-2962054.html
2962053 சென்னை வேலூர் அக்.31 முதல் கருவூலத் துறை முழுமையாக கணினிமயமாகும்: முதன்மைச் செயலர் சு.ஜவஹர் தகவல் DIN DIN Tuesday, July 17, 2018 11:44 PM +0530 அக்டோபர் 31-ஆம் தேதி முதல் கருவூல, கணக்குத் துறை முழுமையாக கணினி மயமாக்கப்பட உள்ளதாகவும், இதன்மூலம் அரசு ஊழியர்கள், ஓய்வூதியர்கள், பொதுமக்கள் என அனைத்து தரப்பினருக்கும் பல்வேறு பயன்கள் ஏற்பட உள்ளதாகவும் தமிழக கருவூல, கணக்குத் துறையின் முதன்மைச் செயலர் சு.ஜவஹர் 
தெரிவித்தார்.
கருவூல கணக்குத் துறையில் செயல்படுத்தப்படும் ஒருங்கிணைந்த நிதி, மனிதவள மேலாண்மை திட்டம் குறித்த திறனூட்டல் மாநாடு வேலூரில் செவ்வாய்க்கிழமை நடைபெற்றது. 
கூட்டத்துக்கு தலைமை வகித்து சி சு.ஜவஹர் பேசியதாவது:
தமிழக அரசின் வரவு-செலவு அனைத்தும் கருவூல கணக்குத் துறையின் மூலமாக நடக்கிறது. அந்த வகையில், கடந்த 2017-18-ஆம் நிதியாண்டில் ரூ. 1,55,824 லட்சம் கோடி தமிழக அரசுக்கு வருவாய் கிடைத்துள்ளது. 
ரூ. 1, 70, 286 லட்சம் கோடி செலவினங்கள் நடந்துள்ளது. கருவூல கணக்குத் துறையை முழுமையாக கணினிமயமாக்கிடவும், நிதி மேலாண்மை தொடர்பான அரசுப் பணிகள் திறம்பட மேற்கொள்ளவும் மாநில அரசு நிதி மேலாண்மை, மாநில அரசு மனித வள  மேலாண்மையை இணைத்து ஒருங்கிணைந்த நிதி, மனித வள மேலாண்மை திட்டத்தை நடை முறைப்படுத்த உள்ளது. தற்போது நடைமுறையிலுள்ள தன்னியக்க கருவூலப் பட்டியல் ஏற்பளிக்கும் முறை, வலைதள சம்பள பட்டியல்,  மின்னணு வழி ஓய்வூதியம் ஆகியவை இத்திட்டத்தில் சேர்க்கப்பட உள்ளன. இந்த திட்டத்தைச் செயல்படுத்த அரசு  ரூ. 288.91 கோடி ஒதுக்கீடு செய்துள்ளது.
இத்திட்டம் அக்டோபர் 31-ஆம் தேதி முதல் முழுமையாக அமலுக்கு வர உள்ளது. இத்திட்டம் நடைமுறைக்கு வரும்போது அன்றைய நாள் வரையிலான மாநில வரவு - செலவினங்களை தமிழக அரசு உடனடியாக அறிய முடியும். தற்போது அத்தகைய கணக்குகளை எடுக்க 12 நாள்கள் செலவிட வேண்டியுள்ளது. இதன்மூலம், அரசுத் துறைகளின் செயல்பாடுகளை உடனடியாக தெரிந்து கொள்ள முடியும். 
இத்திட்டத்தால், மாநிலம் முழுவதும் உள்ள 29 ஆயிரம் பணம் பெற்று வழங்கும் அலுவலர்கள் நேரடியாக இணையதளத்தின் மூலமாக சம்பளப் பட்டியல், இதர பட்டியல்களை கருவூலத்தில் சமர்ப்பிக்க இயலும் என்பதால், இதில் ஏற்படும் காலவிரயம், தேவையற்ற அலைச்சல் மட்டுமன்றி காகிதப் பயன்பாடும் வெகுவாக குறைக்கப்படும். மேலும், 9 லட்சம் அரசு ஊழியர்களின் பணிப் பதிவேடு பராமரிப்பு எளிய முறையில் கணினிமயமாக்கப்பட்டு அனைத்து விவரங்களும் பதிவு செய்யப்படும். இந்த விவரங்கள் சம்பந்தப்பட்ட ஊழியர்களுக்கு குறுந்தகவலாகவும் தெரிவிக்கப்படும். இதேபோல், ஓய்வுபெறும் அரசு ஊழியர்கள் ஓய்வுபெறும் நாளிலேயே ஓய்வூதியம் தொடர்பான சான்றுகளையும் பெற்று பயன்பெற முடியும். பொதுமக்களுக்கான உதவித்தொகை, நிவாரணத் தொகை ஆகியவை விரைவாக பயனாளிகளின் வங்கிக்கணக்கிலேயே செலுத்தப்படும். குறிப்பாக, வருவாய்த் துறையில் இருந்து பயனாளிகளின் நிவாரணத் தொகை தொடர்பான ஆவணங்கள் கணினி வழியாக கருவூலத் துறைக்கு வந்தவுடன், அவர்களுக்குரிய நிவாரணத் தொகை பயனாளிகளின் வங்கிக் கணக்கில் சேர்க்கப்பட்டு அவர்களுக்கு குறுந்தகவலாக தெரிவிக்கப்படும். இதனால், பயனாளிகள் நிவாரணத்துக்காக அலைவதும் தவிர்க்கப்படும் என்றார் அவர்.
கூட்டத்துக்கு, ஆட்சியர் எஸ்.ஏ.ராமன் முன்னிலை வகித்தார். எஸ்.பி. பகலவன், மாவட்ட வனப் பாதுகாவலர் நிஹார்ரன்ஜன், சார் - ஆட்சியர்கள் கே.மேகராஜ் (வேலூர்), பி.பிரியங்கா (திருப்பத்தூர்), கருவூலத் துறை கூடுதல் இயக்குநர்கள் ஏ.பி.மகாபாரதி (மின் ஆளுகை), வி.சத்யா (புதிய ஓய்வூதியத் திட்டம்), மண்டல இணை இயக்குநர் எஸ்.புவனேஸ்வரி உள்ளிட்டோர் பங்கேற்றனர்.

]]>
http://www.dinamani.com/all-editions/edition-chennai/vellore/2018/jul/17/அக்31-முதல்-கருவூலத்-துறை-முழுமையாக-கணினிமயமாகும்-முதன்மைச்-செயலர்-சுஜவஹர்-தகவல்-2962053.html
2962052 சென்னை வேலூர் ஓவியப் போட்டி: 800 மாணவர்கள் பங்கேற்பு DIN DIN Tuesday, July 17, 2018 11:41 PM +0530 வேலூரில் நடைபெற்ற பள்ளி மாணவர்களுக்கு மாவட்ட அளவிலான ஓவியப் போட்டியில் 400 பள்ளிகளைச் சேர்ந்த சுமார் 800 மாணவ, மாணவிகள் பங்கேற்றனர்.
தமிழ்நாடு குழந்தைகள் நலத் துறை சார்பில் பள்ளி மாணவர்களுக்கான ஓவியப் போட்டி வேலூரில் திங்கள்கிழமை நடைபெற்றது. 5 வயது முதல் 9 வயது வரை உள்ள மாணவர்கள் பார்க்க நினைக்கும் இடம், பொம்மை கதாபாத்திரங்களில் பிடித்தவை, ரயில் பயணம், குடும்ப ஒற்றுமை ஆகிய தலைப்புகளிலும், மேலும் 10 முதல் 14 வயது வரையிலான மாணவர்களுக்கு தூய்மை, சமையலறை உள்ளிட்ட பல்வேறு விருப்பமான தலைப்புகளிலும், 10 முதல் 18 வயது வரை உள்ள மாற்றுத்திறனாளி குழந்தைகளுக்கு வகுப்பறை, கப்பல் பயணம், விலங்குகள், வீடு உள்பட 22 தலைப்புகளில் ஓவியப் போட்டிகள் நடைபெற்றன.
 இப்போட்டிகளில் மாவட்டத்திலுள்ள 400 பள்ளிகளைச் சேர்ந்த 800-க்கும் மேற்பட்ட மாணவ, மாணவிகள் பங்கேற்று ஓவியங்களை வரைந்தனர். 
இதில், வெற்றி பெற்று முதல் 3 இடங்களைப் பிடிக்கும் மாணவ, மாணவிகளின் விவரங்கள் சென்னைக்கு அனுப்பி வைக்கப்படும். அவர்கள் மாநில அளவிலான, தேசிய அளவிலான போட்டிகளில் பங்கேற்பர் என குழந்தைகள் நலத் துறை அதிகாரிகள் தெரிவித்தனர்.
 

]]>
http://www.dinamani.com/all-editions/edition-chennai/vellore/2018/jul/17/ஓவியப்-போட்டி-800-மாணவர்கள்-பங்கேற்பு-2962052.html
2962051 சென்னை வேலூர் வேலூரில் 21-இல் தொழில், கல்விக் கடன் முகாம் DIN DIN Tuesday, July 17, 2018 11:41 PM +0530 தொழில் கடன், கல்விக் கடன் தொடர்பான விளக்கங்கள் பெறவும், பயனாளிகள் விண்ணப்பங்கள் அளிக்கவும் தொழில், கல்விக் கடன் முகாம் வேலூர் மாவட்ட ஆட்சியர் அலுவலகத்தில் சனிக்கிழமை (ஜூலை 21) நடைபெற உள்ளது.
 இதுகுறித்து, ஆட்சியர் எஸ்.ஏ.ராமன் வெளியிட்டுள்ள செய்திக் குறிப்பு: 
 தமிழகத்தில் பிற்படுத்தப்பட்ட, மிகவும் பிற்படுத்தப்பட்ட, சீர்மரபினர் இன மக்களுக்காக தமிழக பொருளாதார மேம்பாட்டுக் கழகத்தின் மூலமாகவும், சிறுபான்மையினர் என கருதப்படும் இஸ்லாமியர், கிறிஸ்தவர், சீக்கியர், புத்த மதத்தினர், பார்சி இனத்தவர், ஜெயின் மதத்தினருக்காக தமிழ்நாடு சிறுபான்மையினர் பொருளாதார மேம்பாட்டுக் கழகம் மூலமாக வியாபாரம், தொழில் மேம்பாட்டுக்கு கடனுதவிகள் செய்யப்பட்டு வருகிறது. அதேபோல், மாணவ, மாணவிகளுக்கு கல்விக் கடனும் அளிக்கப்பட்டு வருகிறது.
இதன்படி, வேலூர் மாவட்டத்தில் தொழில், கல்விக் கடன் பெற தகுதியானவர்களுக்கு சிறப்பு கடன் முகாம் ஆட்சியர் அலுவலகத்தில் வரும் சனிக்கிழமை நடைபெற உள்ளது. 
கடன் தேவைப்படுவோர் ஜாதிச் சான்று, பள்ளி மாற்றுச் சான்று, வருமானச் சான்று, குடும்ப அட்டை, இருப்பிடச் சான்று, கடன்பெறும் தொழில் குறித்த விவரம், திட்ட அறிக்கை, ஓட்டுநர் உரிம நகல், ஆதார் அட்டை, இதர ஆவணங்களுடன் நேரில் பங்கேற்கலாம். தகுதியான மனுக்கள் மீது உடனடி நடவடிக்கை எடுக்கப்படும்.

]]>
http://www.dinamani.com/all-editions/edition-chennai/vellore/2018/jul/17/வேலூரில்-21-இல்-தொழில்-கல்விக்-கடன்-முகாம்-2962051.html
2962050 சென்னை வேலூர் தலைமை ஆசிரியருக்குப் பாராட்டு DIN DIN Tuesday, July 17, 2018 11:40 PM +0530 தமிழக அரசின் கனவு ஆசிரியர் விருது பெற்ற பள்ளித் தலைமை ஆசிரியருக்கு கிராம மக்கள் சார்பில் பாராட்டு தெரிவிக்கும் விழா ஆம்பூர் அருகே பள்ளிகுப்பம் கிராமத்தில் திங்கள்கிழமை நடைபெற்றது.
மாதனூர் ஒன்றியம், பள்ளிகுப்பம் ஊராட்சி ஒன்றிய தொடக்கப் பள்ளித் தலைமை ஆசிரியர் சேகர் தமிழக அரசின் கனவு ஆசிரியர் விருதுக்கு தேர்வு செய்யப்பட்டு அண்மையில் திருவண்ணாமலையில் நடைபெற்ற விழாவில் மாநில கல்வி அமைச்சர் கே.ஏ. செங்கோட்டையனிடம் இருந்து விருதைப் பெற்றார்.
விருது பெற்ற தலைமை ஆசிரியருக்கு நடைபெற்ற பாராட்டு விழாவுக்கு, கிராமத்தின் தர்மகர்த்தா பெரியசாமி தலைமை வகித்தார். மாதனூர் வட்டாரக் கல்வி அலுவலர்கள் மாதேஷ், திருப்பதி ஆகியோர் பொதுமக்கள் சார்பில் தலைமை ஆசிரியர் சேகருக்கு சால்வை அணிவித்து நினைவுப் பரிசு வழங்கினர். பள்ளியின் மாணவர்களும் தலைமை ஆசிரியருக்கு சந்தன மாலை, சால்வை அணிவித்தனர். மேலும், பள்ளியின் ஆசிரியர்கள் ரேவதி, நளினசங்கரி, கேசலட்சுமி, ஷர்மிளா, கோமதி ஆகியோரை பாராட்டி நினைவுப் பரிசுகள் வழங்கப்பட்டன. கனவு ஆசிரியர் விருது தொகையான ரூ. 10 ஆயிரத்தை பள்ளிக்கு நன்கொடையாக தலைமை ஆசிரியர் சேகர் வழங்கினார்.   
மேலும், மாணவர்களின் செயல்பாடுகள் குறித்து  பெற்றோர்களுக்கு தகவல் தெரிவிப்பதற்காக தொலைபேசி வாயிலாக குரல்வழி செய்தி (V​O​I​CE ME​S​S​A​GE) அனுப்பும் வசதி பரிசோதனை முறையில் தொடங்கப்பட்டது. இதன்மூலம் தினந்தோறும் பெற்றோர்களுக்கு தொலைபேசி அழைப்பு மூலம் பள்ளி மற்றும் மாணவர்கள் பற்றிய செயல்பாடுகள் குரல் வழி செய்தியாக தெரிவிக்கப்படும்.  
கிராமத்தின் முக்கிய பிரமுகர்கள் கேசவன், கோபி, கருணாகரன், குமார், பல்வேறு பள்ளிகளின் தலைமை ஆசிரியர்கள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/vellore/2018/jul/17/தலைமை-ஆசிரியருக்குப்-பாராட்டு-2962050.html
2962049 சென்னை வேலூர் லோக் அதாலத்தில் 207 வழக்குகளுக்கு தீர்வு DIN DIN Tuesday, July 17, 2018 11:38 PM +0530 குடியாத்தம் ஒருங்கிணைந்த நீதிமன்ற வளாகத்தில் சனிக்கிழமை நடைபெற்ற லோக் அதாலத்தில் 207 வழக்குகளுக்கு தீர்வு காணப்பட்டு, ரூ. 65.40 லட்சம் இழப்பீடாக வழங்க உத்தரவிடப்பட்டது.
 சார்பு நீதிமன்ற நீதிபதி ராஜசிம்மவர்மன், மாவட்ட உரிமையியல் நீதிமன்ற நீதிபதி செந்தில்குமார், நீதித்துறை நடுவர் சந்திரகாசபூபதி ஆகியோர் வாகன விபத்து வழக்குகள், குற்ற வழக்குகள், காசோலை மோசடி உள்ளிட்ட வழக்குகளை விசாரித்து 207 வழக்குகளுக்கு தீர்வு கண்டனர். இதன் மூலம் ரூ. 65.40 லட்சம் இழப்பீடாக வழங்க நீதிபதிகள் உத்தரவிட்டனர். தன்னார்வலர்கள் ஜி.கலைவாணன், ராமலிங்கம், கணேசன், வழக்குரைஞர்கள் கே. மோகன்ராஜ், டி. நமச்சிவாயம் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/vellore/2018/jul/17/லோக்-அதாலத்தில்-207-வழக்குகளுக்கு-தீர்வு-2962049.html
2962048 சென்னை வேலூர் போதைக்கு அடிமையாகாமல் இருந்தால் செயல்கள் திறமையாகும்: போதைப் பொருள் ஒழிப்புப் பிரிவு எஸ்.பி. தகவல் DIN DIN Tuesday, July 17, 2018 11:37 PM +0530 ஒவ்வொருவரின் செயல்களும் திறமையாகலாம், அது அவர்கள் போதைக்கு அடிமையாகாமல் இருக்கும் வரைதான் என்று  போதைப் பொருள் ஒழிப்பு புலனாய்வுப் பிரிவு காவல் கண்காணிப்பாளர் ஆனி விஜயா தெரிவித்தார்.
உலக போதை ஒழிப்பு தினத்தையொட்டி, போதைப் பழக்கத்தால் ஏற்படும் உடல் பாதிப்புகள் குறித்த விழிப்புணர்வு கருத்தரங்கம் வேலூர் விஐடி பல்கலைக்கழகத்தில் செவ்வாய்க்கிழமை நடைபெற்றது. நிகழ்ச்சியில், போதைப் பொருள் ஒழிப்பு புலனாய்வுப் பிரிவு காவல் கண்காணிப்பாளர் ஆனி விஜயா பேசியதாவது:
போதைப்  பொருள்களால் ஏற்படும் பாதிப்புக்களை பற்றிய விழிப்புணர்வை ஏற்படுத்த வேண்டும்.  குறிப்பாக இளைஞர்களுக்கு  இந்த விழிப்புணர்வு தேவை. நல்ல உடல் நலத்துடன் உள்ளவர்களால் எதையும் வெற்றிகரமாக செய்ய முடியும்.  வாழ்க்கையில் எவ்விதமான உடல் பாதிப்புகளின்றி மகிழ்ச்சியாக இருக்க வேண்டுமானால் அது உங்களின் பழக்க  வழக்கங்கள் மூலமாகவே அமையும். செயல்கள் திறமையானதாக இருக்கலாம், அதற்கு போதை  பழக்கத்திற்கு அடிமையாகாமல் இருக்கும் வரைதான். வாழ்க்கையில் மகிழ்ச்சியாக இருப்பதற்கான  வழிமுறைகளை இறைவன் அளித்துள்ளார். அதை நாம் ஒழுங்காக கடைப்பிடிப்பதன் மூலம் அந்த மகிழ்ச்சியைப் பெறலாம். போதைப் பழக்கம் ஒரு மணிதனின் மன நிலையை மாற்றிவிடும். எனவே, போதையை ஒழிப்போம்  என்ற குறிக்கோளுடன் அனைவரும் செயல்பட வேண்டும் என்றார் அவர்.
விஐடி மனநல நிபுணர் ரீட்டாராணி பேசியதாவது:
கோகையின், கஞ்சா, அபின் உள்ளிட்ட போதைப் பழக்கத்துக்கு அடிமையானவர்கள் விளையாட்டு உடற்பயிற்சியில் ஈடுபட முடியாத நிலை உருவாகிவிடும். அதேபோல், தங்களை நிலை நிறுத்த முடியாமல் போவதுடன் மற்றவரின் நம்பிக்கையை இழக்க நேரிடும். போதைப் பழக்கத்துக்கு அடிமையானவர்கள் எளிதில் வன்முறைச் செயல்களில் ஈடுபடும் நிலைமையும் உருவாகிவிடும். அதேசமயம், போதைப் பழக்கத்துக்கு அடிமையானவர்களை சரியான ஆலோசனைகள் மூலம் அதிலிருந்து அவரை மீட்க முடியும் என்றார் அவர்.
நிகழ்ச்சியில், விஐடி மாணவர் நலன் இயக்குநர் அமித் மகேந்திரகர்,  உதவி இயக்குநர் ஏ.மேரிசாரல் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/vellore/2018/jul/17/போதைக்கு-அடிமையாகாமல்-இருந்தால்-செயல்கள்-திறமையாகும்-போதைப்-பொருள்-ஒழிப்புப்-பிரிவு-எஸ்பி-தகவல்-2962048.html
2962047 சென்னை வேலூர் காளியம்மன் கோயில் தேரோட்டம் DIN DIN Tuesday, July 17, 2018 11:37 PM +0530 குடியாத்தம் பிச்சனூரில் உள்ள காளியம்மன் கோயிலில் 19-ஆம் ஆண்டு தேர்த் திருவிழா செவ்வாய்க்கிழமை நடைபெற்றது. 
இதையொட்டி அதிகாலை மூலவர் அம்மனுக்கு சிறப்பு அபிஷேக, ஆராதனைகள் நடைபெற்றன. தொடர்ந்து, அலங்கரிக்கப்பட்ட தேரில் உற்சவர் அம்மன் பொருத்தப்பட்டு தேரோட்டம் தொடங்கியது. 
கே.எம்.ஜி. கல்லூரிச் செயலர் கே.எம்.ஜி. ராஜேந்திரன், வழக்குரைஞர் கே.எம். பூபதி, தொழிலதிபர்கள் எஸ். அருணோதயம், ஆர்.கே. மகாலிங்கம் உள்ளிட்டோர் வடம் பிடித்து தேரோட்டத்தைத் தொடங்கி வைத்தனர். கோயில் பொருளாளர் எம்.இ. மாணிக்கம், செயலர் எம்.பி. கோவிந்தசாமி, தேர் கமிட்டித் தலைவர் மு.கோபாலகிருஷ்ணன் உள்ளிட்டோர் விழாவுக்கான ஏற்பாடுகளை செய்திருந்தனர்.
 

]]>
http://www.dinamani.com/all-editions/edition-chennai/vellore/2018/jul/17/காளியம்மன்-கோயில்-தேரோட்டம்-2962047.html
2961469 சென்னை வேலூர் இறந்த குட்டியுடன் வேதனையில் தாய்க் குரங்கு DIN DIN Tuesday, July 17, 2018 02:33 AM +0530 ஆம்பூர் பகுதியில் இறந்த தனது குட்டியை ஒரு தாய் குரங்கு வேதனையுடன் தூக்கிக் கொண்டு திரிந்து கொண்டிருந்தது அப்பகுதி மக்களை வேதனையில் ஆழ்த்தியது.
ஆம்பூர் உமர் சாலை பகுதியில் தீயணைப்பு நிலையத்தின் புதிய கட்டட கட்டுமானப் பணி நடைபெற்று வருகிறது. 
அந்த இடத்தில் ஒரு தாய் குரங்கு தனது குட்டியுடன் கண்களில் கண்ணீருடன் திரிந்து கொண்டிருந்ததை அப்பகுதி பொதுமக்கள் பார்த்துள்ளனர். உற்றுநோக்கிப் பார்த்தபோதுதான் அந்தக் குட்டி இறந்து விட்டது தெரியவந்தது. தன்னுடைய குட்டி இறந்த பிறகும் பாசம் காரணமாக அதனை விட்டுப் பிரிய மனமின்றி, கடந்த சில நாள்களாக தாய்க் குரங்கு இவ்வாறு குட்டியை தூக்கிக் கொண்டு திரிந்து கொண்டிருப்பதாக அப்பகுதி மக்கள் தெரிவித்தனர். 
தாய்க் குரங்குடன் மேலும் சில குரங்குகளும் உடன் உள்ளன. தாய்க் குரங்கின் பாசத்தைக் கண்ட பொதுமக்களும் வேதனையில் ஆழ்ந்தனர்.



 

]]>
http://images.dinamani.com/uploads/user/imagelibrary/2018/7/17/w600X390/monky.jpg ஆம்பூர் பகுதியில் இறந்த குட்டியை தூக்கிக் கொண்டு திரியும் தாய்க் குரங்கு. http://www.dinamani.com/all-editions/edition-chennai/vellore/2018/jul/17/இறந்த-குட்டியுடன்-வேதனையில்-தாய்க்-குரங்கு-2961469.html
2961325 சென்னை வேலூர் இளம்பெண்  மர்மச் சாவு   DIN DIN Tuesday, July 17, 2018 12:51 AM +0530 திருப்பத்தூர் அருகே திருமணமான  இளம்பெண்  மர்மமான முறையில் இறந்தது குறித்து போலீஸார் விசாரணை மேற்கொண்டுள்ளனர்.
திருப்பத்தூரை அடுத்த புதுப்பூங்குளத்தைச் சேர்ந்த ஆட்டோ ஓட்டுநர் அனுமுத்துவின் மனைவி நாகராணி (24).இவர்களுக்கு திருமணமாகி 8 ஆண்டுகளாகிறது. இந்நிலையில்,திங்கள்கிழமை மாலை நாகராணி வாயில் நுரைதள்ளியபடி வீட்டில் மயங்கிக் கிடந்தார். இதனைக் கண்ட அவரது குடும்பத்தினர் அதிர்ச்சியடைந்து, அவரை எழுப்பியபோது, நாகராணி இறந்து கிடந்தது தெரியவந்தது.
தகவலறிந்து சம்பவ இடத்துக்கு வந்த திருப்பத்தூர் கிராமிய போலீஸார், சடலத்தை மீட்டு, திருப்பத்தூர் அரசு மருத்துவமனைக்கு அனுப்பி வைத்தனர்.
மேலும், இதுகுறித்து வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-chennai/vellore/2018/jul/17/இளம்பெண்--மர்மச்-சாவு-2961325.html
2961324 சென்னை வேலூர் மாடிப்படியில் இருந்து தவறி விழுந்த பெண்  சாவு DIN DIN Tuesday, July 17, 2018 12:50 AM +0530 ஆற்காடு அருகே மாடிப்படியில் இருந்து தவறி விழுந்த பெண் உயிரிழந்தார்.
ஆற்காடு வட்டம், கலவை பகுதியைச் சேர்ந்தவர் வெங்கடேசன். இவரது மனைவி  மஞ்சுளா (48). கட்டடத் தொழிலாளியான இவர், ஞாயிற்றுக்கிழமை அதே பகுதியில் கட்டட வேலை செய்து கொண்டிருந்தபோது, மாடிப் படியில் இருந்து தவறி கீழே விழுந்தார். இதில், பலத்த காயம் அடைந்த அவரை அங்கிருந்தவர்கள் மீட்டு, கலவை அரசு மருத்துவமனையில் சேர்த்தனர். அங்கு  அவர்  உயிரிழந்தார். இதுகுறித்த புகாரின் பேரில், கலவை போலீஸார் வழக்குப் பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/17/மாடிப்படியில்-இருந்து-தவறி-விழுந்த-பெண்--சாவு-2961324.html
2961323 சென்னை வேலூர் குண்டர் சட்டத்தில் ஒருவர் கைது DIN DIN Tuesday, July 17, 2018 12:50 AM +0530 பல்வேறு வழக்குகளில் தொடர்புடைய சாராய வியாபாரி குண்டர் சட்டத்தில் சிறையில் அடைக்கப்பட்டார்.
 பேர்ணாம்பட்டை அடுத்த கோட்டைச்சேரியைச் சேர்ந்தவர் சரவணன்(46). இவர் சாராயம் விற்றதாக குண்டர் சட்டத்தின்கீழ் ஓராண்டு சிறையிலடைக்கப்பட்டார். 
இவர் மீது பல்வேறு சாராய வழக்குகள் நிலுவையில் உள்ளன. இந்நிலையில், இவரை சாராயம் விற்றதாக மதுவிலக்கு அமலாக்கப் பிரிவு ஆய்வாளர் பாரதி கடந்த ஜூன் மாதம் 13- ஆம் தேதி கைது செய்து குடியாத்தம் சிறையில் அடைத்தார். 
 தொடர்ந்து இவர் சாராயம் விற்றதால் இவரை குண்டர் சட்டத்தின்கீழ் சிறையிலடைக்க உத்தரவிடுமாறு, மாவட்டக் காவல் கண்காணிப்பாளர் பகலவன், மாவட்ட ஆட்சியர் எஸ்.ஏ. ராமனுக்கு பரிந்துரை செய்தார். இதையடுத்து மாவட்ட ஆட்சியர், சரவணனை குண்டர் சட்டத்தின்கீழ் சிறையிலடைக்க மாவட்ட ஆட்சியர் ஞாயிற்றுக்கிழமை உத்தரவிட்டார். இதையடுத்து சரவணன் வேலூர் மத்திய சிறையில் அடைக்கப்பட்டார்.

]]>
http://www.dinamani.com/all-editions/edition-chennai/vellore/2018/jul/17/குண்டர்-சட்டத்தில்-ஒருவர்-கைது-2961323.html
2961321 சென்னை வேலூர் சிருஷ்டி சிபிஎஸ்இ பள்ளியில் அறிவியல் கண்காட்சி DIN DIN Tuesday, July 17, 2018 12:50 AM +0530 வேலூரிலுள்ள சிருஷ்டி வித்யாஸ்ரம் சிபிஎஸ்இ பள்ளியில் அறிவியல் கண்காட்சி சனிக்கிழமை நடைபெற்றது.
மாணவர்களின் பாட செறிவூட்ட செயல்களில் ஒன்றாக மதிப்பிடப்படும் இந்தக் கண்காட்சியில் 6-ஆம் வகுப்பு முதல் பத்தாம் வகுப்பு வரை பயிலும் 500-க்கும் மேற்பட்ட மாணவ, மாணவிகள் பங்கேற்றனர். கண்காட்சியை விஐடி பல்கலைக்கழகத்தின் பதிவாளர் சத்தியநாராயணன் தொடங்கி வைத்தார்.
இந்தக் கண்காட்சி மூலம் மாணவர்களின் அறிவியல் திறமையும் உள்ளார்ந்த படைப்பாற்றல் திறனும் வெளிக்கொண்டு வரப்பட்டது. மாணவ, மாணவிகளிடையே அறிவியல் தொழில்நுட்ப விழிப்புணர்வுவை ஏற்படுத்தும் விதமாக இந்தக் கண்காட்சி அமைந்ததாகத் தெரிவிக்கப்பட்டது. கண்காட்சியை பல்வேறு அரசு, தனியார் பள்ளி மாணவ, மாணவிகள் பார்வையிட்டனர்.
முன்னதாக கண்காட்சிக்கு சிருஷ்டி குழுமம் பள்ளிகளின் தலைவர் எம்.எஸ்.சரவணன் தலைமை வகித்தார். செயலர் முரளிதரன், பொருளாளர் சண்முகம், ஆசிரியர்கள் பலர் பங்கேற்றனர்.

]]>
http://www.dinamani.com/all-editions/edition-chennai/vellore/2018/jul/17/சிருஷ்டி-சிபிஎஸ்இ-பள்ளியில்-அறிவியல்-கண்காட்சி-2961321.html
2961318 சென்னை வேலூர் கல்வியால் மட்டுமே சிறப்பு பெற முடியும்: மாவட்டக் கல்வி அலுவலர் DIN DIN Tuesday, July 17, 2018 12:49 AM +0530 கல்வியால் மட்டுமே சிறப்பு பெற முடியும் என்று மாவட்டக் கல்வி அலுவலர் எம்.குணசேகரன் பேசினார்.
அரக்கோணம் ஸ்ரீகிருஷ்ணா மெட்ரிக். மேல்நிலைப் பள்ளியில் நடைபெற்ற காமராஜர் பிறந்த நாள் விழா அவர் பேசியதாவது: 
நாட்டில் சிறப்பு பெறுவது என்பதே அனைவரது நோக்கம். இந்தச் சிறப்பை கல்வியால் மட்டுமே பெற இயலும். சிறு வயதிலேயே மாணவர்கள் தனக்கென்று ஒரு நோக்கத்தை உருவாக்கிக் கொள்ள வேண்டும். இந்த நோக்கத்தை நோக்கிய பயணம் இருக்க வேண்டும். தினமும் அதை பற்றியே சிந்தனை இருக்க வேண்டும். இந்தச் செயல்கள் நம்மை நோக்கத்தை நோக்கி அழைத்துச் செல்லும். நோக்கம் நிறைவேறும்போது நாம் சிறப்பானவர்களாக இருப்போம் என்றார் அவர்.
விழாவுக்கு, ஸ்ரீகிருஷ்ணா கல்விக் குழுமத் தலைவர் டி.ஆர்.சுப்பிரமணியம் தலைமை வகித்தார். கல்விக் குழும இயக்குநர் கே.சாம்பமூர்த்தி வரவேற்றார். காமராஜர் உருவப்படத்துக்கு மாவட்டக் கல்வி அலுவலர் எம்.குணசேகரன், பள்ளிப்பட்டு தொகுதி முன்னாள் எம்எல்ஏ 
இ.எஸ்.எஸ்.ராமன் ஆகிய இருவரும் இணைந்து மலர்தூவி மரியாதை செலுத்தினர். இதைத் தொடர்ந்து பள்ளியின் வருடாந்திர நூலான ஸ்ரீகிருஷ்ணா டைம்ஸ் இதழை இ.எஸ்.எஸ்.ராமன் வெளியிட்டார். கடந்த தேர்வுகளில் சிறப்பான மதிப்பெண் பெற்ற மாணவ, மாணவிகளுக்கு பரிசுகளை மாவட்டக் கல்வி அலுவலர் எம்.குணசேகரன் வழங்கினார். 
விழாவில் கல்விக் குழுமச் செயலர் டி.எஸ்.ரவிக்குமார், பள்ளியின் முதல்வர் சீதாலட்சுமி, குழும மக்கள் தொடர்பு அலுவலர் சீனிவாசன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/vellore/2018/jul/17/கல்வியால்-மட்டுமே-சிறப்பு-பெற-முடியும்-மாவட்டக்-கல்வி-அலுவலர்-2961318.html
2961317 சென்னை வேலூர் பைக்கில் சென்ற இளைஞர் மயங்கி விழுந்து சாவு DIN DIN Tuesday, July 17, 2018 12:48 AM +0530 ஜோலார்பேட்டை அருகே பைக்கில் சென்ற இளைஞர் மயங்கி விழுந்து இறந்தார்.
 ஜோலார்பேட்டையை அடுத்த தாமலேரிமுத்தூர் எம்ஜிஆர் நகர் பகுதியைச் சேர்ந்த சின்னராஜியின் மகன் அருணா (30).  கட்டடத் தொழிலாளியான இவருக்கு மனைவி, இரு குழந்தைகள் உள்ளனர். இந்நிலையில், அருணாவுக்கு கடந்த இரு நாள்களாக உடல்நிலை பாதிக்கப்பட்டுள்ளது. இதனையடுத்து, அருணாவை அவரது சகோதரர் மணிகண்டன், ஞாயிற்றுக்கிழமை இரவு திருப்பத்தூர் அரசு மருத்துவமனைக்கு அழைத்துச் சென்றார். 
அப்போது, அருணா திடீரென மயங்கி கீழே விழுந்தார். இதில், பலத்த காயமடைந்த அவரை திருப்பத்தூர் அரசு மருத்துவமனையில் சேர்த்தனர். பின்னர், மேல்சிகிச்சைக்காக தருமபுரிக்கு செல்லும் வழியில் உயிரிழந்தார்.  இதுகுறித்து, ஜோலார்பேட்டை போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-chennai/vellore/2018/jul/17/பைக்கில்-சென்ற-இளைஞர்-மயங்கி-விழுந்து-சாவு-2961317.html
2961315 சென்னை வேலூர் கோயிலில் திருட்டு DIN DIN Tuesday, July 17, 2018 12:48 AM +0530 திருப்பத்தூர் அருகே உள்ள ஜலகாம்பாறை முருகன் கோயிலின் உண்டியலிலிருந்த பணத்தை மர்ம நபர்கள் திருடிச் சென்றனர்.
திருப்பத்தூரை அடுத்த குரிசிலாப்பட்டு அருகே உள்ள பிரசித்தி பெற்ற ஜலகாம்பாறை நீர்வீழ்ச்சியையொட்டி முருகன் கோயில் உள்ளது. சனிக்கிழமை இரவு மர்ம நபர்கள் உண்டிலை உடைத்து அதிலிருந்த பணத்தைத் திருடிச் சென்றுள்ளனர். இதுகுறித்து குரிசிலாப்பட்டு போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/17/கோயிலில்-திருட்டு-2961315.html
2961313 சென்னை வேலூர் டிராக்டர் கவிழ்ந்து கல்லூரி மாணவர் சாவு DIN DIN Tuesday, July 17, 2018 12:48 AM +0530 ஜோலார்பேட்டை அருகே டிராகடர் கவிழ்ந்ததில் கல்லூரி மாணவர் உயிரிழந்தார்.
 ஜோலார்பேட்டையை அடுத்த சின்னாகவுண்டனூரைச் சேர்ந்த தேவேந்திரனின் மகன் பூவரசன் (19) . தனியார் பொறியியல் கல்லூரி மாணவர். இந்நிலையில், பூவரசன் சின்னாகவுண்டனூரிலிருந்து, தொழிலாளி கோபியுடன் (30) டிராக்டரில் செங்கல் ஏற்றிக்கொண்டு, ஏழரைப்பட்டி நோக்கிச் சென்று கொண்டிருந்தார். பெரியகம்பியம்பட்டு அருகே சென்றபோது, திடீரென கட்டுப்பாட்டை இழந்து டிராக்டர் கவிழ்ந்தது. இதில் பூவரசன் நிகழ்விடத்திலேயே உயிரிழந்தார். காயமடைந்த கோபி திருப்பத்தூர் அரசு மருத்துவமனையில் அனுமதிக்கப்பட்டுள்ளார்.
 இதுகுறித்து, ஜோலார்பேட்டை போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-chennai/vellore/2018/jul/17/டிராக்டர்-கவிழ்ந்து-கல்லூரி-மாணவர்-சாவு-2961313.html
2961312 சென்னை வேலூர் மாணவர்களுக்கு கல்வி உதவிகள் DIN DIN Tuesday, July 17, 2018 12:48 AM +0530 குடியாத்தம் அரசு மருத்துவமனை வீதியில் உள்ள குடியாத்தம் பெருந்தலைவர் காமராஜர் நடைமேடை வியாபாரிகள் நலச் சங்கம் சார்பில், காமராஜர் பிறந்த நாளையொட்டி, ஏழை மாணவர்கள் 1,000 பேருக்கு இலவசக் குறிப்பேடுகள், எழுது பொருள்கள்,  புத்தகப் பை உள்ளிட்ட பொருள்கள் ஞாயிற்றுக்கிழமை இரவு வழங்கப்பட்டன. 
நிகழ்ச்சிக்கு சங்க நிர்வாகி தமிழ்ச்செல்வி தலைமை வகித்தார். முன்னாள் நகர்மன்ற உறுப்பினர் ஆர். மூர்த்தி வரவேற்றார். கம்பன் கழகத் தலைவர் கே.எம்.ஜி. ராஜேந்திரன், செயலர் கே.எம். பூபதி, போக்குவரத்துப் பிரிவு காவல் ஆய்வாளர் சத்தியராஜ் ஆகியோர் மாணவர்களுக்கு கல்வி உதவிகளை வழங்கினர்.
வழக்குரைஞர் ஜெகதீஸ்வரன், பாஜக இளைஞர் அணி செயலர் லோகேஷ்குமார், சங்க நிர்வாகிகள் பாண்டியன், பிரகாஷ், குமார், சதீஷ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-chennai/vellore/2018/jul/17/மாணவர்களுக்கு-கல்வி-உதவிகள்-2961312.html
2961311 சென்னை வேலூர் சிலைக் கடத்தல் வழக்கை சிபிஐ விசாரிக்கக் கோரிக்கை DIN DIN Tuesday, July 17, 2018 12:47 AM +0530 சிலை கடத்தல் வழக்கை சிபிஐ விசாரிக்க வேண்டும் என்று சக்திசேனா இந்து இயக்கம் வலியுறுத்தியுள்ளது. 
அந்த அமைப்பின் மாவட்ட நிர்வாகிகள் கூட்டம் வேலூரில் ஞாயிற்றுக்கிழமை நடைபெற்றது. கூட்டத்தில் எடுக்கப்பட்ட முடிவுகள் குறித்து அமைப்பின் மாநிலத் தலைவர் 
அன்புபாரி செய்தியாளர்களிடம் கூறியதாவது:
தமிழகத்தில் இந்து அறநிலையத் துறை கட்டுப்பாட்டிலுள்ள கோயில்களில் சிலைகள் திருட்டுப் போயுள்ளன. 
இதுதொடர்பாக உரிய நடவடிக்கை எடுக்க அரசு ஒத்துழைக்கவில்லை என காவல் அதிகாரிகள் குற்றம்சாட்டியுள்ளனர். 
இந்து சமய அறநிலையத் துறையே தேவையில்லை. கோயில்களை அரசு நிர்வகிக்க வேண்டிய அவசியமுமில்லை.
இந்த சிலைக் கடத்தல் விவகாரத்தை தற்போதுள்ள ஐ.ஜி. பொன்மாணிக்கவேல் சிறப்பாக விசாரணை நடத்தி வருகிறார். மேலும், சிலை கடத்தல் வழக்கில் சிபிஐ விசாரணை நடத்த வேண்டும். தற்போது தமிழத்தில் 8 வழி பசுமைச் சாலை அவசியம் தேவையாகும் என்றார்.
கூட்டத்தில், மாநிலப் பொதுச் செயலர் ராஜகோபால் உள்ளிட்ட பல்வேறு நிர்வாகிகள் பங்கேற்றனர்.
 

]]>
http://www.dinamani.com/all-editions/edition-chennai/vellore/2018/jul/17/சிலைக்-கடத்தல்-வழக்கை-சிபிஐ-விசாரிக்கக்-கோரிக்கை-2961311.html
2961310 சென்னை வேலூர் காவேரிப்பாக்கம் ஏரி மீன் ஏலத்தில் முறைகேடு: பொது ஏலம் நடத்தக் கோரி கோட்டாட்சியர் அலுவலகம் முற்றுகை DIN DIN Tuesday, July 17, 2018 12:47 AM +0530 கடந்த 30 ஆண்டுகளாக காவேரிப்பாக்கம் ஏரி மீன் மகசூல் ஏலம் விட்டது போல் ஒரு  தரப்பினருக்கு மட்டுமே  ஏல உரிமம் வழங்கி, அதிகாரிகள் முறைகேட்டில் ஈடுபட்டு வருவதாகவும் இதனைத் தடுக்க பொது ஏலம் நடத்த வேண்டும் எனவும் கோரிக்கை விடுத்து ராணிப்பேட்டை வருவாய் கோட்டாட்சியர் அலுவலகத்தை பொதுமக்கள் திங்கள்கிழமை முற்றுகையிட்டு மனு அளித்தனர். 
காவேரிப்பாக்கம் சுற்றுவட்டாரப் பொதுமக்கள் மற்றும் வாலாஜாபேட்டை ஆர்.டி.ஐ. அறக்கட்டளை சார்பில், அதன் மாநிலத் தலைவர் கு.குப்பன் தலைமையில், 50-க்கும் மேற்பட்டோர் அளித்த மனுவில் கூறியிருப்பதாவது...
வேலூர் மாவட்டம், நெமிலி தாலுகா, காவேரிப்பாக்கம் பேரூராட்சியில் மாவட்டத்திலேயே மிகப் பெரிய ஏரியாக காவேரிப்பாக்கம் ஏரி உள்ளது. 
இந்த ஏரியின் மீன் மகசூல் கடந்த 30 ஆண்டுகளாக பொது ஏலம் விட்டது போல் கணக்கு காட்டிவிட்டு, ஒரு  தரப்பினருக்கு மட்டுமே  ஏல உரிமம் வழங்கி அதிகாரிகள் முறைகேட்டில்  ஈடுபட்டு வருகின்றனர். 
இதனால் அரசுக்கு  பல லட்சம் ரூபாய் வருவாய் இழப்பு ஏற்பட்டு வருகிறது. முறையாக பொது ஏலம் நடத்தியிருந்தால் அரசுக்கு பல லட்சம் கூடுதல் வருவாய் கிடைத்திருக்கும். இப்பகுதி மக்களுக்கு எப்போது மீன் மகசூல் விடுகிறார்கள் என்பது கூட தெரியாத நிலை உள்ளது. 
எனவே அரசுக்கு  வருவாய் இழப்பு ஏற்படுவதைத் தடுக்க பகிரங்க பொது ஏலம் நடத்த  வேண்டும். அதே போல் கடந்த காலங்களில் மீன் மகசூல் ஏலத்தில் நடைபெற்றுள்ள முறைகேடு குறித்து விசாரணை நடத்தி, நடவடிக்கை எடுக்க வேண்டும் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-chennai/vellore/2018/jul/17/காவேரிப்பாக்கம்-ஏரி-மீன்-ஏலத்தில்-முறைகேடு-பொது-ஏலம்-நடத்தக்-கோரி-கோட்டாட்சியர்-அலுவலகம்-முற்றுகை-2961310.html
2961309 சென்னை வேலூர் நாடு முழுவதும் சுமார் 2.5 லட்சம் கிராமங்களில் பொதுச் சேவை மையங்கள்: வினோத் குரியகோஸ் DIN DIN Tuesday, July 17, 2018 12:46 AM +0530 நாடு முழுவதும் சுமார் 2.5 லட்சம் கிராம ஊராட்சிகளில் பொது சேவை மையங்கள் மூலம் மத்திய, மாநில அரசின் திட்டங்கள்  மக்களுக்கு எளிதில் சென்றடைந்து வருவதாக சி.எஸ்.சி. 
இ-கவர்னன்ஸ் சர்வீசஸ் இந்தியா லிமிடெட் மாநில தலைமை செயல் அதிகாரி வினோத் குரியகோஸ் தெரிவித்தார். 
 நாடு முழுவதும் கிராமப்புற மற்றும் தொலைதூர பகுதிகளில் வாழும் மக்கள் அனைவருக்கும் பல்வேறு மின் - ஆளுமை மற்றும் வணிக சேவைகளை வழங்கும் அணுகு மையங்களாக மத்திய அரசின் சி.எஸ்.சி. பொது சேவை மையங்கள்  (இர்ம்ம்ர்ய் நங்ழ்ஸ்ண்ஸ்ரீங் இங்ய்ற்ங்ழ்)) செயல்பட்டு வருகின்றன.
இது மத்திய அரசின் முன்னோடித் திட்டங்களில் ஒன்றான டிஜிட்டல் இந்தியா திட்டத்தின் கீழ், மத்திய அமைச்சகத்தின் மின்னணுவியல் மற்றும் தகவல் தொழில்நுட்பத் துறையின் நேரடி கட்டுப்பாட்டில் சி.எஸ்.சி. இ-கவர்னன்ஸ் சர்வீசஸ் இந்தியா லிமிடெட்  நிறுவனம் தொடங்கப்பட்டு, பணிசார்ந்த திட்டங்கள் மற்றும் சேவைகளை அளித்து வருகிறது. 
இந்நிலையில், மத்திய அரசின் சி.எஸ்.சி. பொது சேவை மையம் மற்றும் சிறுதொழில் பயிற்சி மையம் தொடக்க விழா ராணிப்பேட்டையில் திங்கள்
கிழமை நடைபெற்றது.  
 விழாவுக்கு, சி.எஸ்.சி. பொது சேவை மைய இயக்குநர் சுதா சுபாஷ் தலைமை வகித்தார். மக்கள் கல்வி முன்னேற்றக் கழகத்தின் மாவட்டச் செயலாளர் ஏஆர்எஸ். அருள்,  சிறுதொழில் பயிற்சியாளர் அம்மு ராஜேஸ்வரி ஆகியோர் முன்னிலை வகித்தனர். பொது சேவை மைய இயக்குநர் சுபாஷ் வரவேற்றார்.
விழாவில் சி.எஸ்.சி. இ-
கவர்னன்ஸ் சர்வீசஸ் இந்தியா லிமிடெட்  மாநில தலைமை செயல் அதிகாரி வினோத் 
குரியகோஸ் பங்கேற்று, பொது சேவை மையத்தை திறந்து வைத்து, சிறுதொழில் பயிற்சி மூலம் நாட்டிலேயே முதன் முறையாக வாழை நார் உள்ளிட்ட இயற்கையான பொருள்களைக் கொண்டு உடல் நலத்துக்கும், சுற்றுச்சூழலுக்கும் கேடு விளைவிக்காத சானிடரி நாப்கின் தயாரிப்பு மற்றும் விற்பனையை தொடங்கி வைத்துப் பேசியதாவது: நாடு முழுவதும் சுமார் 2.5 லட்சம் கிராமங்களில் பொதுசேவை மையங்கள் மூலம் மத்திய, மாநில அரசுகளின் திட்டங்கள் மக்களுக்கு எளிதில் சென்றடைந்து வருகிறது. 
இந்த பொதுசேவை மையத்தின் மூலம் சுயதொழில் பயிற்சிகள் வழங்கப்பட்டு வருகிறது. இதனால், எண்ணற்ற தொழில் முனைவோர் பொருளாதாரத்தில் தன்னிறைவு பெற்றுவருகின்றனர் என்றார். 
இதில் சி.எஸ்.சி. இ-கவர்னன்ஸ் சர்வீசஸ் நிறுவன அலுவலர்கள் மற்றும் ஊழியர்கள், சுய தொழில் முனைவோர்கள் கலந்துகொண்டனர். 
 

]]>
http://www.dinamani.com/all-editions/edition-chennai/vellore/2018/jul/17/நாடு-முழுவதும்-சுமார்-25-லட்சம்-கிராமங்களில்-பொதுச்-சேவை-மையங்கள்-வினோத்-குரியகோஸ்-2961309.html
2961308 சென்னை வேலூர் கின்னஸ் சாதனை படைத்த யோகா பயிற்சியாளர்களுக்குப் பாராட்டு DIN DIN Tuesday, July 17, 2018 12:46 AM +0530 கின்னஸ் சாதனை படைத்த யோகா பயிற்சியாளர்களுக்கு சனிக்கிழமை பாராட்டு விழா நடைபெற்றது. 
தமிழகம், புதுச்சேயில் இயங்கி வரும் மகா யோகம், யோகா பயிற்சி மையம் சார்பில்,  புதுச்சேரியில் அண்மையில் நடைபெற்ற கின்னஸ் சாதனை போட்டியில் இரு மாநிலங்களைச் சேர்ந்த 121 யோகா பயிற்சியாளர்கள் கலந்து கொண்டு உணவு, உறக்கம் இன்றி 40 மணி நேரம் தொடர்ந்து யோகா பயிற்சி செய்தனர். இதையடுத்து புதுச்சேரி முதல்வர் நாராயணசாமி, துணைநிலை ஆளுநர் கிரண்பேடி  ஆகியோர் கின்னஸ் சாதனை படைத்தவர்களைப் பாராட்டி பரிசுகள் வழங்கினர். இந்த கின்னஸ் சாதனையில் குடியாத்தம் மகா யோகம் பயிற்சி மையம் சார்பில் பங்கேற்ற எஸ். புவனலட்சுமி, 
எம். ரெஜினா, பி.பொன்னி, வி. அருணா, ஆர். மைதிலி ஆகிய 5 பேருக்கு நெல்லூர்பேட்டை சரஸ்வதி வித்யாலயா மெட்ரிக். மேல்நிலைப் பள்ளியில் சனிக்கிழமை பாராட்டு விழா நடைபெற்றது.
பள்ளித் தாளாளர் ஹீராலால் ஆர். சஞ்சேத்தி சாதனையாளர்களைப் பாராட்டி நினைவுப் பரிசுகள் வழங்கினார்.
 

]]>
http://www.dinamani.com/all-editions/edition-chennai/vellore/2018/jul/17/கின்னஸ்-சாதனை-படைத்த-யோகா-பயிற்சியாளர்களுக்குப்-பாராட்டு-2961308.html
2961307 சென்னை வேலூர் பட்டாசுக் கிடங்கு வெடிவிபத்து சம்பவம்: உயிரிழந்தோர் குடும்பத்துக்கு நிவாரணம் வழங்கக் கோரிக்கை DIN DIN Tuesday, July 17, 2018 12:46 AM +0530 வேலூரில் நிகழ்ந்த பட்டாசு கிடங்கு வெடி விபத்தில் உயிரிழந்த 5 பேரின் குடும்பங்களுக்கு நிவாரணம் வழங்க வேண்டும் என கோரிக்கை விடுக்கப்பட்டுள்ளது.
வேலூர், கொணவட்டம் பகுதியில் இருந்த பட்டாசுக் கிடங்கில் கடந்த ஏப்ரல் 7-ஆம் தேதி பயங்கர வெடி விபத்து ஏற்பட்டது. இதில், பட்டாசு தயாரிப்பில் ஈடுபட்டிருந்த தொழிலாளர்கள் கவியரசன், தீபா, ஷீலா, சிவக்குமார், அவரது மனைவி புஷ்பலதா ஆகியோர் அடுத்தடுத்து உயிரிழந்தனர். சிவக்குமார், புஷ்பலதா தம்பதியினருக்கு நிவேதா, நிரோஷா என இரு மகள்களும், சீனிவாசன் என்ற மகனும் உள்ளனர். 
பெற்றோர்களை இழந்த இந்த குழந்தைகள் அரவணைக்க ஆதரவின்றி பரிதாப நிலைக்கு தள்ளப்பட்டுள்ளனர். இந்நிலையில், உயிரிழந்த தம்பதியின் இரு மகள்கள், ஒரு மகன் ஆகியோருடன், வெடிவிபத்தில் பலியான மற்றவர்களின் குடும்பத்தினரும் மாவட்ட ஆட்சியர் அலுவலகத்தில் திங்கள்கிழமை மனு அளித்தனர்.
அதில், பட்டாசு வெடி விபத்தில் உயிரிழந்தவர்களின் குடும்பங்களுக்கு அரசு உரிய நிவாரணத் தொகை வழங்கிட வேண்டும். மேலும், பெற்றோரை இழந்து தவிக்கும் குழந்தைகளுக்கு உரிய பாதுகாப்பினை அரசு செய்து தர வேண்டும் என வலியுறுத்தினர்.
மனுவைப் பெற்றுக்கொண்ட மாவட்ட வருவாய் அலுவலர் தா.செங்கோட்டையன், இதன்மீது உரிய நடவடிக்கை எடுப்பதாக உறுதியளித்தார்.

]]>
http://www.dinamani.com/all-editions/edition-chennai/vellore/2018/jul/17/பட்டாசுக்-கிடங்கு-வெடிவிபத்து-சம்பவம்-உயிரிழந்தோர்-குடும்பத்துக்கு-நிவாரணம்-வழங்கக்-கோரிக்கை-2961307.html
2961306 சென்னை வேலூர் விண்டர்பேட்டையில் புதிய துணை மின் நிலையம் அமைக்கக் கோரிக்கை DIN DIN Tuesday, July 17, 2018 12:45 AM +0530 அரக்கோணம் விண்டர்பேட்டையில் புதிய துணை மின்நிலையம் அமைத்துத் தர வேண்டும் என  ஞாயிற்றுக்கிழமை நடைபெற்ற நகர காங்கிரஸ் செயல்வீரர்கள் கூட்டத்தில் தமிழக அரசுக்கு கோரிக்கை விடுத்து தீர்மானம் நிறைவேற்றப்பட்டது.
கூட்டத்துக்கு, நகர காங்கிரஸ் தலைவர் துரை சீனிவாசன் தலைமை வகித்தார். மாவட்ட காங்கிரஸ் துணைத் தலைவர் ஜி.எஸ்.மூர்த்தி, கோபண்ணா ரவி, ஜெ.தமீன்அன்சாரி,
கே.ஆர்.நவீன் ஆகியோர் முன்னிலை வகித்தனர். மாநில பொதுக்குழு உறுப்பினர் பி.ராஜ்குமார் வரவேற்றார். 
இதில் சோளிங்கர் சட்டப் பேரவை தொகுதி முன்னாள் உறுப்பினர் ஏ.எம்.முனிரத்தினம், வேலூர் கிழக்கு மாவட்ட காங்கிரஸ் கமிட்டி தலைவர் சி.பஞ்சாட்சரம், நகர காங்கிரஸ் பொருளாளர் சி.லவக்குமார், மு.உலகநாதன், தக்கோலம் ஜம்பு, 
ஆர்.வாசுதேவன், நகர்மன்ற முன்னாள் உறுப்பினர் பார்த்தசாரதி, உதயகுமார் உள்ளிட்ட பலர் பங்கேற்றனர்.
 கூட்டத்தில் அரக்கோணம் நகரத்தில் நடைபெற்று வரும் புதை சாக்கடை திட்டப் பணிகளால் பொதுமக்கள் கடும் சிரமத்தை அனுபவித்து வருவதால் அப்பணிகளை விரைந்து முடித்து நகரில் அனைத்து சாலைகளையும் விரைவில் சீர்படுத்தித் தர வேண்டும், நகரில் குறிப்பாக பழனிப்பேட்டையில் அடிக்கடி ஏற்படும் மின்தடையால் பொதுமக்கள் பெருமளவில் பாதிக்கப்படுவதைத் தவிர்க்க விண்டர்பேட்டையில் புதிய துணை மின்நிலையம் அமைத்துத் தர வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-chennai/vellore/2018/jul/17/விண்டர்பேட்டையில்-புதிய-துணை-மின்-நிலையம்-அமைக்கக்-கோரிக்கை-2961306.html
2961305 சென்னை வேலூர் தொழிலாளர் சட்டத்தை முறையாக அமல்படுத்தக் கோரிக்கை DIN DIN Tuesday, July 17, 2018 12:45 AM +0530 தொழிலாளர் சட்டத்தை முறையாக அமல்படுத்த வேண்டும் என கொரியர் தொழிலாளர்கள் கூட்டமைப்பின் மாநில பொதுக்குழு கூட்டத்தில் தீர்மானம் நிறைவேற்றப்பட்டது.
அரக்கோணத்தில் ஞாயிற்றுக்கிழமை நடைபெற்ற கூட்டத்துக்கு ஒன்றுபட்ட தொழிலாளர் கூட்டமைப்பின் மாநில துணைத் தலைவர் எஸ்.நாகராஜன் தலைமை வகித்தார். மாநில செயற்குழு உறுப்பினரும், கொரியர் தொழிலாளர் சங்க மாநில ஒருங்கிணைப்பாளருமான கோ.மாதவன் வரவேற்றார். மாநில தலைவர் கே.மாரியப்பன், பொருளாளர் டி.சேகர், மாநில இணைச் செயலர் டி.கிறிஸ்டோபர், மாநிலச் செயலர் டி.ரமேஷ், கொரியர் தொழிலாளர் கூட்டமைப்பின் நிர்வாகி எஸ்.மதுசூதனன் உள்ளிட்டோர் பங்கேற்றனர்.
தொழிலாளர் சட்டத்தை முறையாக அமல்படுத்த வேண்டும்; ஒரே வேலையை செய்யும் தமிழகத்தின் பல கிளை தொழிலாளர்களுக்கு ஒவ்வொருவருக்கும் ஊதிய விகிதம் தனியாக இருப்பதை மாற்றி ஒன்றாக நிர்ணயிக்க வேண்டும்; சட்டப்படி தொழிலாளர்கள் அனைவருக்கும் வருங்கால வைப்பு நிதி பிடித்தம் செய்து வருங்கால வைப்பு நிதி கணக்கில் செலுத்த வேண்டும்; இக்கோரிக்கைகள் நிறைவேறவில்லை எனில் தமிழகம் முழுவதும் கொரியர் நிறுவனத்தின் தொழிலாளர்கள் இணைந்து போராட்டம் நடத்தப்படும் என்பன உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-chennai/vellore/2018/jul/17/தொழிலாளர்-சட்டத்தை-முறையாக-அமல்படுத்தக்-கோரிக்கை-2961305.html
2961304 சென்னை வேலூர் புதிதாக கட்டப்படும் கடைகளில் தற்போது உள்ளவர்களுக்கு முன்னுரிமை அளிக்கக் கோரிக்கை DIN DIN Tuesday, July 17, 2018 12:45 AM +0530 பொலிவுறு நகரம் (ஸ்மார்ட் சிட்டி) திட்டத்தில் வேலூர் மாநகராட்சிப் பகுதியில் புதிதாக கட்டப்படும் கடைகளில் தற்போது உள்ளவர்களுக்கு முன்னுரிமை அளித்து கடைகளை ஒதுக்க வேண்டும் என தமிழ்நாடு வணிகர் சங்கங்களின் பேரமைப்பு வேண்டுகோள் விடுத்துள்ளது.
அந்த அமைப்பின் செயலர் 
ஆர்.பி.ஞானவேலு தலைமையில் நிர்வாகிகள் மாவட்ட வருவாய் அலுவலர் தா.செங்கோட்டையனை நேரில் சந்தித்து மனு அளித்தனர். அப்போது அவர்கள் கூறியதாவது: வேலூர் மாநகராட்சி நேதாஜி மார்க்கெட் ஆங்கிலேயர் காலத்தில் 200 கடைகளைக் கொண்ட தினசரி சந்தையாக தொடங்கப்பட்டு, தற்போது 4 மாநிலங்களில் இருந்து கொள்முதலும், 5 மாவட்டத்துக்கு வணிகமும் நடைபெற்று வருகிறது. அனைத்துப் பொருள்களும் ஒரே பகுதியில் கிடைக்கும் என்ற பெருமையும் நேதாஜி மார்க்கெட்டுக்கு உண்டு. இங்கு 900 கடைகள் இயங்கி வருகின்றன. கடைக்காரர்கள், சிறு வியாபாரிகள், பணியாளர்கள், சுமை தூக்கும் தொழிலாளர்கள் என 5 ஆயிரம் குடும்பங்கள் இந்த நேதாஜி மார்க்கெட்டை நம்பி வாழ்ந்து வருகின்றன.
உள்ளாட்சி அமைப்புகளின் சட்டத்தின்படி, புதிதாக கடைகள் கட்டப்பட்டால் ஏலம் விட வேண்டும் என விதி உள்ளது. ஆனால், பொலிவுறு நகரம் திட்டத்தின் அடிப்படையில் ஏலம் என வந்தால் வணிகர்களுக்கு அதிர்ச்சியும், மன உளைச்சலும் ஏற்பட வாய்ப்புள்ளது. எனவே, 5 ஆயிரம் குடும்பங்களின் வாழ்வாதாரத்தை கருத்தில் கொண்டு, தற்போது வணிகம் செய்து வரும் 900 கடைக்காரர்களுக்கு பொலிவுறு நகர் திட்டத்தில் முன்னுரிமை அளித்து கடைகளை ஒதுக்க வேண்டும்.  பொலிவுறு நகர் திட்டத்தில் சிறப்பு தீர்மானமாக உள்ளாட்சித் துறை சட்டத்தில் திருத்தம் கொண்டு வர வேண்டும். வேலூர் மாநகராட்சி நிர்வாகம் நிர்ணயம் செய்யும் கடை வாடகையை செலுத்த வணிகர்கள் தயாராக உள்ளனர் என்றார் அவர்.

]]>
http://www.dinamani.com/all-editions/edition-chennai/vellore/2018/jul/17/புதிதாக-கட்டப்படும்-கடைகளில்-தற்போது-உள்ளவர்களுக்கு-முன்னுரிமை-அளிக்கக்-கோரிக்கை-2961304.html
2961303 சென்னை வேலூர் நியாய விலைக் கடையில் 6 மாதமாக அரிசி வழங்கவில்லை: குறைதீர் கூட்டத்தில் கிராம மக்கள் புகார் DIN DIN Tuesday, July 17, 2018 12:45 AM +0530 குடியாத்தம் வட்டம், வி.டி. பாளையம் நியாய விலைக் கடையில் 6 மாதமாக அரிசி வழங்கப்படவில்லை எனக் குற்றம்சாட்டி, அந்த கிராமத்தைச் சேர்ந்த பொதுமக்கள் மக்கள் குறைதீர் கூட்டத்தில் புகார் தெரிவித்தனர்.
வேலூர் மாவட்ட மக்கள் குறைதீர் நாள் கூட்டம் மாவட்ட வருவாய் அலுவலர் தா.செங்கோட்டையன் தலைமையில் திங்கள்கிழமை நடைபெற்றது. கூட்டத்தில் புகார் மனு அளிக்க குடியாத்தம் வட்டம், பரதராமி ஊராட்சி வி.டி.பாளையத்தைச் சேர்ந்த நூற்றுக்கும் மேற்பட்ட மக்கள் திங்கள்கிழமை மாவட்ட ஆட்சியர் அலுவலகத்துக்கு வந்திருந்தனர். அப்போது பாதுகாப்புப் பணியில் இருந்த போலீஸார், அவர்களைத் தடுத்தி நிறுத்தி 5 பேரை மட்டும் உள்ளே அனுமதித்தனர்.
 பின்னர் அவர்கள் அளித்த மனுவில், வி.டி.பாளையம் கிராமத்தில் 175-க்கும் மேற்பட்ட குடும்ப அட்டைதாரர்கள் உள்ளனர். பெரும்பாலும் கூலி வேலை செய்துவரும் இந்த கிராம மக்களுக்கு கடந்த 6 மாதங்களாக முறைகேடாக ரேஷன் பொருள்கள் வழங்கப்படுவதில்லை. குறிப்பாக, முதலில் வருபவர்களுக்கு மட்டுமே அரிசி வழங்கப்படுகிறது. பெரும்பாலான குடும்ப அட்டைதாரர்களுக்கு அரிசி வழங்கப்படுவதில்லை. இதுதொடர்பாக, நியாயவிலைக் கடை ஊழியர்களிடம் கேட்டால் அவ்வளவுதான் அரிசி வந்துள்ளது என அலட்சியமாக பதிலளிக்கின்றனர். இதனால், மாதந்தோறும் சுமார் 70 குடும்பங்களுக்கு அரிசி கிடைப்பதில்லை.
அரசு வழங்கும் இலவச அரிசியை நம்பி வாழ்க்கை நடத்தும் எங்களுக்கு முறையாக அரிசி விநியோகம் செய்யப்படாததால் ஒரு வேளை சாப்பிடுவதற்குக் கூட கடைகளில் அதிகவிலை  கொடுத்து அரிசி வழங்க வேண்டிய நிலை ஏற்படுகிறது. எனவே, ஒவ்வொரு மாதமும் எங்களுக்குரிய அரிசி உள்ளிட்ட ரேஷன் பொருள்களை முறையாக வழங்கிட மாவட்ட நிர்வாகம் நடவடிக்கை எடுக்க வேண்டும் எனத் தெரிவித்துள்ளனர்.
தமிழ்நாடு விவசாயிகள் சங்கம் திருப்பத்தூர் ஒன்றிய அமைப்பாளர் ராஜபெருமாள் அளித்துள்ள மனுவில் கூறியிருப்பதாவது: 
திருப்பத்தூரிலிருந்து புதூர் நாடு வரையிலும், ஆலங்காயம் முதல் காவலூர் வரையிலும் உள்ள நெடுஞ்சாலைத்துறைக்கு உள்பட்ட இரு சாலைகளும், இந்த வழித்தடத்தில் போக்குவரத்து நெரிசல் அதிகளவில் உள்ளதால் இருபுறமும் வனத் துறைக்குச் சொந்தமான இடத்தை 3 மீட்டர் அகலப்படுத்த வனத்துறை அனுமதி வழங்கிட வேண்டும். மேலும், பூங்குளம் முதல் ஆர்எம்எஸ் புதூர் வரை ஒரு கிலோ மீட்டர் மண் தரையை தார்ச் சாலையாக மாற்ற வேண்டும். இந்த மூன்று சாலைகளையும் சீரமைத்து பொதுமக்கள் பயன்பாட்டுக்குக் கொண்டுவர மாவட்ட நிர்வாகம் நடவடிக்கை எடுக்க வேண்டும் எனத் தெரிவித்துள்ளார்.
இதேபோல், இலவச வீட்டுமனைப் பட்டா, மின் இணைப்பு உள்ளிட்ட பல்வேறு கோரிக்கைகளை வலியுறுத்தி, 445 மனுக்கள் வரப்பெற்றன. அவற்றின் மீது விரைவான நடவடிக்கை எடுக்கும்படி சம்பந்தப்பட்ட துறை அலுவலர்களுக்கு மாவட்ட வருவாய் அலுவலர் உத்தரவிட்டார்.
இதில், மாவட்ட பிற்படுத்தப்பட்டோர் நல அலுவலர் ஜெயப்பிரகாஷ், ஆதிதிராவிடர் நல அலுவலர் கஜேந்திரன், கலால் உதவி ஆணையர் பூங்கொடி உள்ளிட்டோர் பங்கேற்றனர்.

]]>
http://www.dinamani.com/all-editions/edition-chennai/vellore/2018/jul/17/நியாய-விலைக்-கடையில்-6-மாதமாக-அரிசி-வழங்கவில்லை-குறைதீர்-கூட்டத்தில்-கிராம-மக்கள்-புகார்-2961303.html
2961302 சென்னை வேலூர் நாகநாத சுவாமி கோயிலில் நாகர் சிறப்பு வழிபாடு DIN DIN Tuesday, July 17, 2018 12:44 AM +0530 ஆம்பூர் சமயவல்லி சமேத சுயம்பு நாகநாத சுவாமி கோயிலில் ஆனி மாத இறுதி திங்கள்கிழமையையொட்டி, நாகர் சிறப்பு வழிபாடு நடைபெற்றது.
கோயிலில் ராகுகால நேரத்தில் நாகர் சிலைகளுக்கு சிறப்பு அபிஷேக, ஆராதனை நடைபெற்றது. பக்தர்கள் இந்த சிறப்பு வழிபாட்டில் பங்கேற்று, நாகருக்கு படையலிட்டு வழிபட்டனர்.
இதில் ராகு, கேது தோஷத்துக்கு மக்கள் பரிகாரம் செய்தனர்.

]]>
http://www.dinamani.com/all-editions/edition-chennai/vellore/2018/jul/17/நாகநாத-சுவாமி-கோயிலில்-நாகர்-சிறப்பு-வழிபாடு-2961302.html
2961301 சென்னை வேலூர் இறந்த குட்டியுடன் வேதனையில் தாய்க் குரங்கு DIN DIN Tuesday, July 17, 2018 12:44 AM +0530 ஆம்பூர் பகுதியில் இறந்த தனது குட்டியை ஒரு தாய் குரங்கு வேதனையுடன் தூக்கிக் கொண்டு திரிந்து கொண்டிருந்தது அப்பகுதி மக்களை வேதனையில் ஆழ்த்தியது.
 ஆம்பூர் உமர் சாலை பகுதியில் தீயணைப்பு நிலையத்தின் புதிய கட்டட கட்டுமானப் பணி நடைபெற்று வருகிறது. 
அந்த இடத்தில் ஒரு தாய் குரங்கு தனது குட்டியுடன் கண்களில் கண்ணீருடன் திரிந்து கொண்டிருந்ததை அப்பகுதி பொதுமக்கள் பார்த்துள்ளனர். உற்றுநோக்கிப் பார்த்தபோதுதான் அந்தக் குட்டி இறந்து விட்டது தெரியவந்தது. தன்னுடைய குட்டி இறந்த பிறகும் பாசம் காரணமாக அதனை விட்டுப் பிரிய மனமின்றி, கடந்த சில நாள்களாக தாய்க் குரங்கு இவ்வாறு குட்டியை தூக்கிக் கொண்டு திரிந்து கொண்டிருப்பதாக அப்பகுதி மக்கள் தெரிவித்தனர். 
தாய்க் குரங்குடன் மேலும் சில குரங்குகளும் உடன் உள்ளன. தாய்க் குரங்கின் பாசத்தைக் கண்ட பொதுமக்களும் வேதனையில் ஆழ்ந்தனர்.

]]>
http://www.dinamani.com/all-editions/edition-chennai/vellore/2018/jul/17/இறந்த-குட்டியுடன்-வேதனையில்-தாய்க்-குரங்கு-2961301.html
2961300 சென்னை வேலூர் விஷ்ணு துர்கை சந்நிதிக்கு கும்பாபிஷேகம் DIN DIN Tuesday, July 17, 2018 12:44 AM +0530 ஆம்பூரை அடுத்த வடசேரி துர்கையம்மன் கோயிலில் விஷ்ணு துர்கை புதிய சிலை திங்கள்கிழமை பிரதிஷ்டை செய்யப்பட்டு கும்பாபிஷேகம் நடத்தப்பட்டது.
இக்கோயிலில் விஷ்ணு துர்கை சிலை பிரதிஷ்டை செய்யப்பட்டது. அதைத் தொடர்ந்து சிலைக்கு கும்பாபிஷேகம் நடத்தப்பட்டது. 
நிகழ்ச்சியில் திரளான பக்தர்கள் பங்கேற்று அம்மனை வழிபட்டனர்.

]]>
http://www.dinamani.com/all-editions/edition-chennai/vellore/2018/jul/17/விஷ்ணு-துர்கை-சந்நிதிக்கு-கும்பாபிஷேகம்-2961300.html
2960727 சென்னை வேலூர் 10 அடி நீள மலைப்பாம்பு பிடிபட்டது DIN DIN Monday, July 16, 2018 12:31 AM +0530 ஆம்பூர் அருகே 10 அடி நீள மலைப்பாம்பு சனிக்கிழமை பிடிபட்டது. 
ஆம்பூர் அருகே அரங்கல்துருகம் ஊராட்சி பொன்னப்பல்லி கிராமத்தில் துரையின் வீட்டருகே சுமார் 10 அடி நீள மலைப்பாம்பு இருப்பது தெரியவந்தது. 
இதுகுறித்து உடனடியாக ஆம்பூர் வனத் துறையினருக்கு தகவல் தெரிவிக்கப்பட்டது. வனத் துறையினர் மற்றும் பொதுமக்கள் சேர்ந்து சுமார் 3 மணி நேரம் போராடி அந்த மலைப்பாம்பைப் பிடித்தனர். பிறகு பொன்னப்பல்லி கிராமம் அருகே ஊரக்குட்டை வனப் பகுதியில் கொண்டு சென்றுவிட்டனர்.
 

]]>
http://www.dinamani.com/all-editions/edition-chennai/vellore/2018/jul/16/10-அடி-நீள-மலைப்பாம்பு-பிடிபட்டது-2960727.html
2960725 சென்னை வேலூர் வேன் கவிழ்ந்து விபத்து: குடியாத்தத்தைச் சேர்ந்த 21 பேர் காயம் DIN DIN Monday, July 16, 2018 12:31 AM +0530 நீலகிரி மாவட்டம்,  மரப்பாலம் பகுதியில் குடியாத்தத்தில் இருந்து  உதகைக்கு  சுற்றுலா வந்தவர்களின் வேன் தடுப்புச் சுவரில் மோதி ஏற்பட்ட விபத்தில் 21 பேர் படுகாயம் அடைந்தனர். 
வேலூர் மாவட்டம், குடியாத்தம் பகுதியைச் சேர்ந்த சிலர் வேனில் உதகைக்கு சுற்றுலா வந்தனர். அங்கு பல்வேறு இடங்களை சுற்றிப் பார்த்துவிட்டு ஞாயிற்றுக்கிழமை குடியாத்தம் புறப்பட்டனர். வேனை குடியாத்தத்தைச் சேர்ந்த வசந்தரூபன் ஓட்டினார். 
குன்னூர் - மேட்டுப்பாளையம் சாலையில் மரப்பாலம் என்ற இடத்தில் வளைவில் திரும்பும்போது கட்டுப்பாட்டை இழந்த வேன் சாலையோரத் தடுப்பில் மோதி கவிழ்ந்தது. இதில் வேனில் வந்த 21பேர் காயமடைந்தனர். இவர்கள் அனைவரும் குன்னூர் அரசு மருத்துவமனையில் சேர்க்கப்பட்டனர். படுகாயம் அடைந்த முத்துகுமார் (39), விஷ்ணுராம் (18), கோகுலன் (30), மாதவன் (38), விக்னேஷ் (25), ஷபியுல்லா (22)  ஆகிய 6  பேர் கோவை  மருத்துவமனைக்கு மேல்சிகிச்சைக்காகக் கொண்டு செல்லப்பட்டனர்.  இந்த விபத்து குறித்து வெலிங்டன் போலீஸார் விசாரித்து வருகின்றனர்.
 

]]>
http://www.dinamani.com/all-editions/edition-chennai/vellore/2018/jul/16/வேன்-கவிழ்ந்து-விபத்து-குடியாத்தத்தைச்-சேர்ந்த-21-பேர்-காயம்-2960725.html
2960724 சென்னை வேலூர் சாராய வேட்டை: ஒருவர் கைது DIN DIN Monday, July 16, 2018 12:31 AM +0530 பேர்ணாம்பட்டை அடுத்த சாத்கர் மலையில் போலீஸார் வெள்ளிக்கிழமை நடத்திய கள்ளச் சாராய வேட்டையில் சாராய ஊறல், சாராயம், வெல்லம் ஆகியன பறிமுதல் செய்யப்பட்டன. இதுதொடர்பாக ஒருவர் கைது செய்யப்பட்டார்.
குடியாத்தம் மதுவிலக்கு அமலாக்கப் பிரிவு ஆய்வாளர் பாரதி தலைமையில் போலீஸார் பேர்ணாம்பட்டை அடுத்த சாத்கர் மலையில் சாராய வேட்டை நடத்தினர். அங்கு சாராயம் காய்ச்சிக் கொண்டிருந்தவர்கள் போலீஸாரை பார்த்ததும் தப்பியோடி விட்டனர்.
அப்போது, சாராயம் காய்ச்சிக் கொண்டிருந்த அடுப்புகள் அழிக்கப்பட்டன. ஆயிரம் லிட்டர் சாராய ஊறல், 20 லிட்டர் சாராயம், 20 கிலோ வெல்லம் ஆகியன பறிமுதல் செய்யப்பட்டன. 
இதுதொடர்பாக ராமாலையைச் சேர்ந்த சாராய வியாபாரி மாயவன் (40) கைது செய்யப்பட்டார்.
 

]]>
http://www.dinamani.com/all-editions/edition-chennai/vellore/2018/jul/16/சாராய-வேட்டை-ஒருவர்-கைது-2960724.html
2960723 சென்னை வேலூர் மூதாட்டியிடம் நூதன முறையில் நகை திருட வந்த பெண் கைது DIN DIN Monday, July 16, 2018 12:30 AM +0530 திருப்பத்தூரில் வீட்டில் தனியாக இருந்த மூதாட்டியிடம் நகை திருட முயன்ற பெண்னைப் பிடித்து போலீஸாரிடம் பொதுமக்கள் ஒப்படைத்தனர்.
திருப்பத்தூர் மற்றும் அதைச் சுற்றியுள்ள பல்வேறு பகுதிகளில் கடந்த மாதங்களில் வீட்டில் தனியாக இருக்கும் மூதாட்டிகளிடம் உறவினர் போல் நடித்து நகை மற்றும் பணம் ஆகியவற்றை மர்மப் பெண் திருடிச் செல்லும் சம்பவம் தொடர்ந்து வந்தது. 
இந்நிலையில் சனிக்கிழமை திருப்பத்தூர் சிகேசி நகர் பகுதியில் உள்ள ஜெயாஅம்மாள் (70) வீட்டிற்கு சுமார் 30 வயது மதிக்கத்தக்க பெண் தூரத்து உறவினர் என்று அறிமுகமாகி, செல்லிடப்பேசி மற்றும் பணத்தை எடுத்து கொண்டு, அவரது ஆதார் அட்டையைக் கேட்டுள்ளார். பின்னர், அந்தப் பெண் பீரோவை திறந்ததைப் பார்த்த ஜெயாஅம்மாள் கூச்சலிட்டார். அருகே இருந்தவர்கள் அங்கு வந்து அப்பெண்ணைப் பிடித்து, திருப்பத்தூர் நகர போலீஸாரிடம் ஒப்படைத்தனர். 
விசாரணையில் அப்பெண் திருப்பத்தூரை அடுத்த கொரட்டி கிராமத்தைச் சேர்ந்த அருள் (30) என்பதும் அவர் சற்று மனநிலை சரியில்லாதவர் என்பதும் தெரியவந்தது. அந்தப் பெண்ணிடம் போலீஸார் தொடர்ந்து விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/vellore/2018/jul/16/மூதாட்டியிடம்-நூதன-முறையில்நகை-திருட-வந்த-பெண்-கைது-2960723.html
2960721 சென்னை வேலூர் வனப்பகுதியில் வேட்டையாட  முயன்றவர் கைது DIN DIN Monday, July 16, 2018 12:30 AM +0530 ஆம்பூர் அருகே வனப்பகுதியில் வேட்டையாட முயன்றவரை வனத் துறையினர் சனிக்கிழமை கைது செய்தனர். அவரிடமிருந்து நாட்டுத் துப்பாக்கி பறிமுதல் செய்யப்பட்டது.
ஆம்பூர் வனச்சரகம் பெங்களமூலை வனப்பகுதியில் ஆம்பூர் வனச்சரக அலுவலர் கவிதா உத்தரவின் பேரில், வனவர்கள் கருணாமூர்த்தி, சதீஷ், வனக் காப்பாளர்கள் காந்தராஜ், விஸ்வநாதன், செளந்தராஜன் ஆகியோர் சின்னவரிகம் ஊராட்சி பெங்களமூலை வனப்பகுதியில் துப்பாக்கியுடன் வேட்டையாட முயன்ற வன்னியநாதபுரம் கிராமத்தைச் சேர்ந்த செல்வத்தை (32 கைது செய்தனர். அவரிடமிருந்து நாட்டுத் துப்பாக்கி பறிமுதல் செய்யப்பட்டது.
 

]]>
http://www.dinamani.com/all-editions/edition-chennai/vellore/2018/jul/16/வனப்பகுதியில்-வேட்டையாட--முயன்றவர்-கைது-2960721.html
2960720 சென்னை வேலூர் சிறு, குறு விவசாயிகளுக்கு சான்று வழங்கும் முகாம் DIN DIN Monday, July 16, 2018 12:30 AM +0530 ஆம்பூர் வட்டத்துக்கு உள்பட்ட சிறு, குறு விவசாயிகளுக்கு சான்று வழங்கும் முகாம் வட்டாட்சியர் அலுவலகத்தில் வியாழக்கிழமை நடைபெற்றது.
முகாமிற்கு, ஆம்பூர் வட்டாட்சியர் சுஜாதா தலைமை வகித்தார். மாவட்ட வழங்கல் அலுவலர் ஜெயக்குமார் விவசாயிகளுக்கு சான்றுகளை வழங்கினார். வேலூர் மாவட்ட வேளாண்மை இணை இயக்குநர் (பொறுப்பு) தீட்சித், விவசாயிகளுக்கு வேளாண்மை குறித்த ஆலோசனைகளை வழங்கினார்.
வட்ட வழங்கல் அலுவலர் மகாலட்சுமி, தலைமையிடத்து துணை வட்டாட்சியர் குமாரி மற்றும் வருவாய்த் துறை அலுவலர்கள் மற்றும் ஆம்பூர், மாதனூர் சுற்றுப்புற பகுதி கிராமங்களைச் சேர்ந்த 200 விவசாயிகள் கலந்துகொண்டனர்.

திருப்பத்தூரில்...
திருப்பத்தூர் வட்டாட்சியர் அலுவலகத்தில் சிறு, குறு விவசாயிகளுக்கு வியாழக்கிழமை சான்றுகள் வழங்கப்பட்டன. 
முகாமிற்கு, தலைமை வகித்து, வட்டாட்சியர் டி.எஸ்.சத்தியமூர்த்தி, விவசாயிகளுக்கு சான்றுகளை வழங்கினார். இதில், 419 மனுக்கள் பெறப்பட்டன. அவற்றில் 414 மனுக்கள் ஏற்கபட்டு சான்றிதழ்கள் வழங்கப்பட்டன. 
முகாமில், மண்டலத் துணை வட்டாட்சியர் சி.பத்மநாபன் உள்ளிட்ட வருவாய்த் துறையினர் கலந்துகொண்டனர்.


ஆற்காட்டில்...
ஆற்காடு வட்டாட்சியர்அலுவலகத்தில் சிறு, குறு விவசாயிகளுக்கான சான்றுகள் வழங்கும் சிறப்பு முகாம் வியாழக்கிழமை நடைபெற்றது.
முகாமிற்கு, தலைமை வகித்து ஆற்காடு வட்டாட்சியர் சுமதி, விவசாயிகளுக்கு சான்றுகள் வழங்கினார். இதில், வட்ட வழங்கல் அலுவலர் சுரேஷ், புதுப்பாடி ஆய்வாளர் பாஸ்கரன், வட்டார வேளாண்மை தொழில்நுட்ப மேலாளர் சீனிவாசகுமார், துணை அலுவலர் கண்ணன், கிராம நிர்வாக அலுவலர்கள், விவசாயிகள் கலந்து கொண்டனர்.
 

]]>
http://www.dinamani.com/all-editions/edition-chennai/vellore/2018/jul/16/சிறு-குறு-விவசாயிகளுக்கு-சான்று-வழங்கும்-முகாம்-2960720.html
2960719 சென்னை வேலூர் பிளாஸ்டிக் பொருள்கள் பறிமுதல் DIN DIN Monday, July 16, 2018 12:29 AM +0530 ஜோலார்பேட்டை நகராட்சிக்கு உள்பட்ட கடைகளில் பிளாஸ்டிக் பொருள்களை அதிகாரிகள் பறிமுதல் செய்தனர்.
ஜோலார்பேட்டை நகராட்சிப் பகுதியில் பிளாஸ்டிக் பொருள்கள் பயன்படுத்துவதால் ஏற்படும் விளைவுகள் குறித்து நகராட்சி சார்பில் பொதுமக்களுக்கு விழிப்புணர்வை ஏற்படுத்த பல்வேறு நடவடிக்கைகள் எடுக்கப்பட்டன.
மேலும், தற்போது அரசு பிளாஸ்டிக் பொருள்களை முற்றிலும் தடை செய்யும் முயற்சியில் ஈடுபட்டுவருகிறது. இதனையொட்டி, ஜோலார்பேட்டை நகராட்சி ஆணையாளர் விசாலாட்சி தலைமையில், பொறியாளர் கோபு, துப்புரவு ஆய்வாளர் உமாசங்கர் உள்பட நகராட்சி ஊழியர்கள் வெள்ளிக்கிழமை கடைகளில் சோதனையில் ஈடுபட்டனர்.
அப்போது, விற்பனைக்கு வைத்திருந்த பிளாஸ்டிக் பைகள், கப், பட்டர் பேப்பர் உள்ளிட்ட சுமார் அரை டன் எடையுள்ள பிளாஸ்டிக் பொருள்களை பறிமுதல் செய்தனர். மீண்டும் பிளாஸ்டிக் பொருள்களை விற்றாலோ, பயன்படுத்தினாலோ கடுமையான நடவடிக்கை எடுக்கப்படும் என்று அதிகாரிகள் எச்சரித்தனர்.
 

]]>
http://www.dinamani.com/all-editions/edition-chennai/vellore/2018/jul/16/பிளாஸ்டிக்-பொருள்கள்-பறிமுதல்-2960719.html
2960718 சென்னை வேலூர் பொதுத் தேர்வில் சிறப்பிடம் பெற்ற மாணவர்களுக்குப் பரிசு DIN DIN Monday, July 16, 2018 12:29 AM +0530 ஆற்காடு ராமகிருஷ்ணா மெட்ரிக். மேல்நிலைப் பள்ளியில் 2017-2018-ஆம் கல்வி ஆண்டில் பத்தாம் மற்றும் பிளஸ் 2 வகுப்பு பொதுத் தேர்வில் முதல் 3 இடங்களைப் பிடித்த மாணவ, மாணவிகளுக்கு பரிசளிப்பு விழா வெள்ளிக்கிழமை நடைபெற்றது.
விழாவுக்கு, பள்ளித் தலைவர் எஸ்.ஆர். ஈஸ்வரப்பன் தலைமை வகித்தார். துணைத் தலைவர் ஜி. கார்த்திகேயன், இணைச் செயலாளர் 
கே. செந்தாமரைகண்ணன் ஆகியோர் முன்னிலை வகித்தனர் பள்ளி முதல்வர் (பொறுப்பு) டி.மணிசேகரன் வரவேற்றார். பிளஸ் 2 வகுப்பில் முதல் 3 இடங்களைப் பிடித்த ஈ .பிரித்திகா, பி. கமலி, பி. ரஞ்சிதா ஆகிய மாணவிகளுக்கு ஏ.டி. குப்புசாமி அனந்தர் நினைவுப் பரிசாக முறையே ரூ. 5 ஆயிரம், ரூ. 3 ஆயிரம், ரூ. 2 ஆயிரம் மற்றும் 10-ஆம் வகுப்பு பொதுத்தேர்வில் முதல் 3 இடங்களைப் பெற்ற வி. பாலாஜி, ஜி. பிருந்தா, வி. சிவசக்தி ஆகிய மாணவர்களுக்கும் ஏ.கே.கிருஷ்ணன் நினைவுப் பரிசாக முறையே ரூ. 3 ஆயிரம், ரூ. 2ஆயிரம், ஆயிரம் பணத்தை பள்ளியின் செயலாளர் கே. சொல்முத்தழகன், பொருளாளர் கவிஞர் மா.ஜோதி ஆகியோர் வழங்கினர். 
நிகழ்ச்சியில், பள்ளியின் இணைச் செயலாளர் ஏ.எல்.திருஞானம், நிர்வாக அலுவலர் கே.வேலாந்தன், ஆசிரியர்கள், மாணவ, மாணவிகள் கலந்து கொண்டனர். பள்ளித் துணை முதல்வர் ஜே.பிரபாவதி நன்றி கூறினார்.

]]>
http://www.dinamani.com/all-editions/edition-chennai/vellore/2018/jul/16/பொதுத்-தேர்வில்-சிறப்பிடம்-பெற்ற-மாணவர்களுக்குப்-பரிசு-2960718.html
2960717 சென்னை வேலூர் 40 ஆண்டுகளாக காத்திருந்த மக்களுக்கு வீட்டுமனைப் பட்டா வழங்கியது அதிமுக மட்டுமே: எம்எல்ஏ சு.ரவி DIN DIN Monday, July 16, 2018 12:28 AM +0530 40 ஆண்டு காலமாக காத்திருந்த மக்களுக்கு இலவச வீட்டுமனைபட்டா வழங்கிய ஒரே அரசு அதிமுக அரசு மட்டுமே என்று அரக்கோணம் எம்எல்ஏ சு.ரவி தெரிவித்தார்.
தமிழக அரசின் ஆதிதிராவிடர் நலத் துறையின் சார்பில் அரக்கோணத்தை அடுத்த சயனபுரம் ஊராட்சி ஆதிதிராவிடர் காலனியில் வசிக்கும் 36 குடும்பத்தினருக்கு இலவச வீட்டுமனைப் பட்டா வழங்கும் விழா அரக்கோணம் வட்டாட்சியர் அலுவலகத்தில் சனிக்கிழமை நடைபெற்றது. 
விழாவில் இலவச வீட்டுமனைப் பட்டாக்களை வழங்கி எம்எல்ஏ சு.ரவி பேசியதாவது: 
தமிழகத்தில் 3 லட்சம் பேருக்கு இலவச வீட்டுமனைப் பட்டாக்களை வழங்குவோம் என்று கடந்த 7 ஆண்டுகளுக்கு முன் தேர்தல் வாக்குறுதியாக ஜெயலலிதா அறிவித்தார். தற்போதைய முதல்வர் அதை நிறைவேற்றியுள்ளார். மேலும், தற்போது புதிய அறிவிப்பை முதல்வர் எடப்பாடி பழனிசாமி வெளியிட்டுள்ளார். 
அதாவது, தமிழகம் முழுவதும் இலவச வீட்டுமனைப் பட்டாக்கள் வழங்க யாரேனும் நிலம் வழங்கினால், அரசு மதிப்பைவிட கூடுதலாக மேலும் ஒரு பங்கு விலை கொடுத்து அரசு அந்த நிலத்தைப் பெற்று வீட்டுமனைப் பட்டாக்களை வழங்கும் என தெரிவிக்கப்பட்டுள்ளது.
 தற்போது சயனபுரம் கிராமத்தில் ஆதிதிராவிடர் மக்கள் இந்த இலவச வீட்டுமனைப் பட்டாவுக்காக கடந்த 40 ஆண்டுகாலமாகக் காத்திருந்தனர். இவர்களுக்கு தற்போதைய அரசு இலவச வீட்டுமனைப் பட்டாவை வழங்கியுள்ளது. இச்சாதனையை நிகழ்த்திய ஒரே அரசு அதிமுக அரசு மட்டுமே என்றார் அவர்.
விழாவுக்கு மாவட்ட ஆதிதிராவிடர் நல அலுவலர் கஜேந்திரன் தலைமை வகித்தார். வட்டாட்சியர் ஆர்.பாபு வரவேற்றார். 
ஆதிதிராவிடர் நலத் துறை தனி வட்டாட்சியர் மோகன், வேலூர் மாவட்ட மத்திய கூட்டுறவு வங்கித் தலைவர் ஏ.ஜி.விஜயன், அதிமுக நகரச் செயலர் கே.பாண்டுரங்கன், ஒன்றியச் செயலர் பிரகாஷ் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-chennai/vellore/2018/jul/16/40-ஆண்டுகளாக-காத்திருந்த-மக்களுக்கு-வீட்டுமனைப்-பட்டா-வழங்கியது-அதிமுக-மட்டுமே-எம்எல்ஏ-சுரவி-2960717.html
2960715 சென்னை வேலூர் நகராட்சிக்கு நவீன குப்பை அள்ளும் லாரி, குப்பைத் தொட்டிகள்: அமைச்சர் தொடங்கி வைத்தார் DIN DIN Monday, July 16, 2018 12:28 AM +0530 வாணியம்பாடி நகராட்சிக்கு சுகாதாரப் பணிகளுக்காக தூய்மை திட்டத்தின் கீழ் ரூ. 54.50 லட்சம் நவீன குப்பை அள்ளும் இயந்திர லாரி மற்றும் 71 குப்பைத் தொட்டிகளை மாநில தொழிலாளர் நலத் துறை அமைச்சர் நிலோபர் கபீல் தொடங்கி வைத்தார். 
லாரி மற்றும் குப்பை தொட்டிகள் நகராட்சி சுகாதாரப் பணிகளுக்கு வழங்கும் விழா நகராட்சி அலுவலகத்தில் சனிக்கிழமை நடைபெற்றது. 
விழாவுக்கு, நகராட்சி ஆணையர் நாராயணன் தலைமை வகித்தார். அதிமுக நகர செயலாளர் சதாசிவம், பொறியாளர் கோபு, நகராமைப்பு அலுவலர் சண்முகம், இணைப் பொறியாளர் சம்பத் ஆகியோர் முன்னிலை வகித்தனர். மேலாளர் முஹம்மத்அஜீஸ் வரவேற்றார். அமைச்சர் நிலோபர் கபீல் குப்பை அள்ளும் நவீன இயந்திர லாரி மற்றும் 71 குப்பைத் தொட்டிகளை சுகாதாரத் துறைப் பணியாளர்களிடம் ஒப்படைத்து, கொடியசைத்து பணியைத் தொடங்கி வைத்தார். 
இதைத் தொடர்ந்து நகராட்சி அலுவலகத்தில் அதிகாரிகளுடன் நகராட்சி திட்டப் பணிகள் குறித்து ஆலோசனை மேற்கொண்டார். முன்னாள் பேரூராட்சித் தலைவர் பாண்டியன், மாவட்டப் பிரதிநிதி பிரகாசம், முன்னாள் கவுன்சிலர் சதீஷ்குமார் மற்றும் நகராட்சி அலுவலகப் பணியாளர்கள், பொதுமக்கள் கலந்து கொண்டனர். சுகாதார ஆய்வாளர் சீனிவாசன் நன்றி கூறினார்.
 

]]>
http://www.dinamani.com/all-editions/edition-chennai/vellore/2018/jul/16/நகராட்சிக்கு-நவீன-குப்பை-அள்ளும்-லாரி-குப்பைத்-தொட்டிகள்-அமைச்சர்-தொடங்கி-வைத்தார்-2960715.html
2960714 சென்னை வேலூர் அனுமதியில்லா மதுக்கடைகளால் ஆபத்தை எதிர்நோக்கும் அரக்கோணம் நகரம் DIN DIN Monday, July 16, 2018 12:26 AM +0530 கடந்த சில மாதங்களாக அரக்கோணம் நகரில் அரசு அனுமதியில்லா மதுக்கடைகள் அதிகரித்துள்ளதால் குற்றச் செயல்கள் அதிகரிக்கும் நிலைக்கு அரக்கோணம் நகரம் தள்ளப்பட்டுள்ளது.
வேலூர் மாவட்டத்தின் கடைக்கோடி நகராக அரக்கோணம் நகரம் உள்ளது. ஆந்திர மாநிலத்துக்கு அருகிலும், கர்நாடக மற்றும் புதுச்சேரியில் இருந்து நேரடிப் போக்குவரத்து உள்ளதாலும் தினமும் ஆயிரக்கணக்கான பொதுமக்கள் வந்து செல்கின்றனர். 
அரக்கோணம் நகரில் அரசு அனுமதி பெற்ற மதுக்கடைகள் இல்லாததால் அனுமதியில்லாமல் தெருக்களில் சிறு, சிறு கடைகளில் மது விற்பனை வெளிப்படையாக நடைபெறுகிறது.
அரக்கோணம் நகரில் உள்ள 36 வார்டுகளில் வார்டுக்கு 2 இடங்கள் என்ற அளவிலும், நடமாடும் மதுக்கடைகளும் அதிக அளவில் உள்ளன. ஜோதி நகரில் தொடங்கி, தமிழ்நாடு வீட்டுவசதி வாரியக் குடியிருப்பு, சுவால்பேட்டை, காந்தி நகர், அசோக் நகர், புதிய பேருந்து நிலைய பகுதி, ரயில்வே கூட்ஸ் ஷெட் ரோடு, பழைய பேருந்து நிலையப் பகுதி, தர்மராஜா கோயில் மைதான பகுதி, நேருஜி நகர் சுடுகாடு, காமராஜர் நகர், கற்பகம் தியேட்டர் பகுதி, உப்புகுளம், அம்பேத்கர் நகர், ஷா நகர், எஃகு நகர், கீழ்க்குப்பம், காவனூர், புளியமங்கலம், ஓச்சேரி சாலை, ஆண்கள் மேல்நிலைப்பள்ளி மைதானம் என நகரின் அனைத்துப் பகுதிகளிலும் அனுமதியில்லாத மதுக்கடைகள் செயல்பட்டு வருகின்றன. 
மேலும் நகரைச் சுற்றி கிராமிய எல்லைக்கு உள்பட்ட இச்சிபுத்தூர், தணிகைபோளூர், கைனூர், கீழாந்தூர், வளர்புரம், மூதூர், வேலூர்பேட்டை, ஆனைப்பாக்கம், மோசூர், செய்யூர், வேடல், குருவராஜபேட்டை, செம்பேடு உள்ளிட்ட பல இடங்களில் கர்நாடகத்தில் இருந்து வரும் மது பாட்டில்கள் விற்கப்படுவதாகவும், அரக்கோணம் தெற்கு பகுதியில் தக்கோலத்தைச் சுற்றியுள்ள கிராமங்களில் புதுச்சேரியில் இருந்து வரும் மதுபாட்டில்கள் விற்கப்படுவதாகவும் பொதுமக்கள் குற்றம்சாட்டுகின்றனர். 
தற்போது இதைவிட ஒருபடி மேலே சென்று அரக்கோணம் கிராமப் பகுதிகள் மட்டுமல்லாது நகரப் பகுதிகளிலும் பாக்கெட் சாராய விற்பனை அதிக அளவில் நடைபெறுகிறது.
 நகரில் கல்லூரி மற்றும் பள்ளி மாணவர்கள் இதை வாங்கி அருந்துகின்றனர். இதுகுறித்து பொதுமக்கள் காவல் நிலையத்தில் புகார் அளிக்கச் சென்றால் உரிய நடவடிக்கை எடுப்பதில்லை எனக் கூறப்படுகிறது.
அரக்கோணம் காவல் உட்கோட்டத்தில் அனுமதியில்லாத மதுவிற்பனை மீது நடவடிக்கை எடுக்க வேண்டிய மதுவிலக்கு அமலாக்க போலீஸார், விற்பனை செய்பவர்களிடேமே கேட்டு, அவர்கள் அனுமதிக்கும் ஆட்கள் மீது மட்டுமே வழக்குப் பதிந்து அவர்களை கைது செய்வதாக பொதுமக்கள் தரப்பில் கூறப்படுகிறது. மேலும் நகர மற்றும் கிராமிய காவல் நிலையத்தினர் மாதத்துக்கு ஒரு வழக்கு என மது விற்பனை கடைக்காரர்களுக்கு முறை வைத்து வழக்கு தொடர்கின்றனர். 
அரக்கோணம் நகரில் தற்போது மாணவர்களும் மது அருந்தும் நிலை ஏற்பட்டுள்ளதால் பெற்றோர்கள் பயந்துகொண்டே கல்லூரிக்கு அனுப்பும் நிலை உள்ளது. சில குறிப்பிட்ட பள்ளிகளில் படிக்கும் மாணவர்கள் மது அருந்துவதை அப்பள்ளிகளின் ஆசிரியர்களே கண்டறிந்து அவர்களை கண்டித்துள்ள சம்பவங்களும் நடைபெற்றுள்ளன.
எனவே மாவட்டக் காவல் துறை உயர் அலுவலர்கள் நடவடிக்கை எடுத்து நகரில் மது விற்பனையை தடுத்து நிறுத்த வேண்டும். மேலும் இந்நடவடிக்கையை தொடர் கண்காணிப்பில் வைத்திருக்க வேண்டும் என பொதுமக்கள் எதிர்பார்க்கின்றனர்.

]]>
http://www.dinamani.com/all-editions/edition-chennai/vellore/2018/jul/16/அனுமதியில்லா-மதுக்கடைகளால்-ஆபத்தை-எதிர்நோக்கும்-அரக்கோணம்-நகரம்-2960714.html
2960712 சென்னை வேலூர் விண்ணமங்கலம் முனீஸ்வரர் கோயில் கும்பாபிஷேகம் DIN DIN Monday, July 16, 2018 12:26 AM +0530 ஆம்பூர் அருகே விண்ணமங்கலம் முனீஸ்வரர் கோயில் கும்பாபிஷேகம் ஞாயிற்றுக்கிழமை நடைபெற்றது.
இந்த விழாவானது விக்னேஸ்வர பூஜையுடன் வெள்ளிக்கிழமை தொடங்கியது. தொடர்ந்து யாகசாலை பூஜைகள் நடைபெற்றன. 
4-ஆம் கால யாகசாலை பூஜைகள் நிறைவடைந்து ஞாயிற்றுக்கிழமை காலை கோயில் கும்பாபிஷேகம் நடைபெற்றது.  திருவலம் சாந்தா சுவாமிகள் கும்பாபிஷேகத்தை நடத்தி வைத்தார். 
மாநில வணிகவரி மற்றும் பத்திரப்பதிவுத் துறை அமைச்சர் கே.சி.வீரமணி சிறப்பு அழைப்பாளராக கலந்து கொண்டார்.  
பக்தர்களுக்கு அன்னதானம் செய்யப்பட்டது. விழாவுக்கான ஏற்பாடுகளை கோயில் நிர்வாகி எம்.ராஜேஷ்குமார், திருப்பணிக் குழுவினர், ஊர் பொதுமக்கள் செய்திருந்தனர்.
 

]]>
http://www.dinamani.com/all-editions/edition-chennai/vellore/2018/jul/16/விண்ணமங்கலம்-முனீஸ்வரர்-கோயில்-கும்பாபிஷேகம்-2960712.html
2960711 சென்னை வேலூர் காளியம்மனுக்கு பால்குட ஊர்வலம் DIN DIN Monday, July 16, 2018 12:26 AM +0530 குடியாத்தம் பிச்சனூரில் உள்ள காளியம்மன் கோயில் திருவிழாவை முன்னிட்டு, ஞாயிற்றுக்கிழமை பால்குட ஊர்வலம் நடைபெற்றது. 
இதையொட்டி, 308 பால்குடங்களை பெண்கள் ஊர்வலமாக எடுத்துச் சென்று, அம்மனுக்கு பாலாபிஷேகம் செய்தனர். 
நிகழ்ச்சிக்கு, திருவிழா கமிட்டி பொருளாளர் எம்.இ.மாணிக்கம், செயலர் எம்.பி.கோவிந்தசாமி,  தேர் கமிட்டித் தலைவர் மு. கோபாலகிருஷ்ணன் ஆகியோர்  தலைமை  வகித்தனர். கே.எம்.ஜி. கல்லூரிச் செயலர் கே.எம்.ஜி. ராஜேந்திரன், வழக்குரைஞர் கே.எம். பூபதி ஆகியோர் பால்குட ஊர்வலத்தைத் தொடங்கி வைத்தனர். மதியம் பால்காவடியுடன் உற்சவர் அம்மன் வீதி உலா நடைபெற்றது. திருவிழாவின் முக்கிய நிகழ்ச்சியாக செவ்வாய்க்கிழமை தேரோட்டம் நடைபெற உள்ளது.
 

]]>
http://www.dinamani.com/all-editions/edition-chennai/vellore/2018/jul/16/காளியம்மனுக்கு-பால்குட-ஊர்வலம்-2960711.html
2960709 சென்னை வேலூர் அரக்கோணத்துக்கு ஜைன துறவிகள் வருகை DIN DIN Monday, July 16, 2018 12:25 AM +0530 சதுர்மாஸ்ய விரதத்தை ஏற்று நடத்த அரக்கோணத்துக்கு ஜைன மதப் பெண் துறவிகள் ஞாயிற்றுக்கிழமை வந்தனர்.
அரக்கோணத்தில் சதுர்மாஸ்ய காலத்தில் ஆண்டுதோறும் ஜைன துறவிகள் வந்து ஜெயின் சங்க திருமண மண்டபத்தில் தங்கி இருந்து சாதுர்மாஸ்ய விரதத்தை ஏற்று நடத்துவர். 
இந்த ஆண்டு சாதுர்மாஸ்ய விரதத்தை ஏற்று நடத்த ஜைன மத துறவி பரம்பூக்ய ஸ்ரீபிரதிபாஜி தலைமையில் 3 துறவிகள் என 4 பேர் ஞாயிற்றுக்கிழமை அரக்கோணம் வந்தனர். 
நடந்தே வந்த இவர்களை அரக்கோணம் நகர எல்லையில் எஸ்.எஸ்.ஜெயின் சங்கத் தலைவர் எஸ்.இந்தர்சந்த் தாரிவால்,
செயலர் பி.ஜெய்சந்த் கட்டாரியா, பொருளாளர் ஏ.சகன்மல் தாரிவால் உள்ளிட்ட நிர்வாகிகள் வரவேற்றனர்.

]]>
http://www.dinamani.com/all-editions/edition-chennai/vellore/2018/jul/16/அரக்கோணத்துக்கு-ஜைன-துறவிகள்-வருகை-2960709.html
2960708 சென்னை வேலூர் 20-இல் தமிழிசை, பரதம், நாட்டுப்புற நடனப் போட்டிகள் DIN DIN Monday, July 16, 2018 12:25 AM +0530 தமிழ்நாடு என பெயர் மாற்றம் செய்த பொன்விழா ஆண்டையொட்டி, மாவட்ட அளவிலான தமிழிசை வாய்ப்பாட்டு, பரதநாட்டியம், நாட்டுப்புற நடனப் போட்டிகள் ஆற்காட்டில் ஜூலை 20-ஆம் தேதி நடைபெற உள்ளன. இதுகுறித்து ஆட்சியர் எஸ்.ஏ.ராமன் வெளியிட்டுள்ள செய்திக்குறிப்பு:
தமிழக கலைப்பண்பாட்டுத் துறை சார்பில் ஆற்காடு, லட்சுமி லோகநாதன் மெட்ரிக். பள்ளி வளாகத்தில் காலை 10 மணிக்கு நடைபெறும் இப்போட்டிகளில் 15 வயது முதல் 30 வயதுக்கு உள்பட்டவர்கள் பங்கேற்கலாம். மாவட்டப் போட்டிகளில் வெற்றி பெறுவோர் மாநில அளவிலான போட்டிக்கு தகுதி பெறுவர்.
மேலும் விவரங்களுக்கு 8973674176, 79048 40320,
04172 -235899 ஆகிய எண்களில் தொடர்பு கொண்டு பெறலாம் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-chennai/vellore/2018/jul/16/20-இல்-தமிழிசை-பரதம்-நாட்டுப்புற-நடனப்-போட்டிகள்-2960708.html
2960706 சென்னை வேலூர் காமராஜர் பிறந்த நாள்: கல்வி உதவிகள் வழங்கி கொண்டாட்டம் DIN DIN Monday, July 16, 2018 12:24 AM +0530 காமராஜர் பிறந்தநாளையொட்டி, அவரது சிலைக்கு வேலூரில் பல்வேறு கட்சியினர் மாலை அணவித்து மரியாதை செய்தனர்.
காமராஜரின் 116-ஆவது ஆண்டு பிறந்தநாள் விழா தமிழகம் முழுவதும் ஞாயிற்றுக்கிழமை கொண்டாடப்பட்டது. இதையொட்டி, வேலூரிலுள்ள காமராஜர் சிலைக்கு தமிழ் மாநில காங்கிரஸ் கட்சி சார்பில் அக்கட்சியின் மாநகர் மாவட்டத் தலைவர் 
ஆர்.ஜே.மூர்த்தி மாலை அணிவித்து மரியாதை செலுத்தினார். மேலும், பள்ளிக் குழந்தைகளுக்கு நோட்டு, புத்தகங்கள், எழுது பொருள்களும் வழங்கப்பட்டன. இதில், கட்சி நிர்வாகிகள் பழனிவேல், சிவானந்தம், அச்சுதன், புவனேஷ்வரி உள்ளிட்டோர் பங்கேற்றனர்.
இதேபோல், அம்மா மக்கள் முன்னேற்றக் கழகம் சார்பில் அக்கட்சியின் வேலூர் மத்திய மாவட்டச் செயலர் கலையரசன், தெற்கு மாவட்டச் செயலர் பார்த்திபன் ஆகியோர் காமராஜர் சிலைக்கு மாலை அணிவித்து மரியாதை செலுத்தினர். இதில், முன்னாள் எம்எல்ஏ ஞானசேகரன் உள்ளிட்டோர் பங்கேற்றனர்.
இந்திய தேசிய காங்கிரஸ் மாநகர மாவட்டத் தலைவர் டீக்கா ராமன் மாலை அணிவித்தார். மாவட்ட சிறுபான்மையினர் தலைவர் வாகீத்பாஷா, முன்னாள் மாவட்டத் தலைவர் கதிர்வேல் உள்ளிட்டோர் பங்கேற்றனர். ரஜினி மக்கள் மன்றம் சார்பில் மாநகர செயலர் சுதாகர் மாலை அணிவித்தார். 

வாணியம்பாடியில்...
வாணியம்பாடியில் நடைபெற்ற விழாவுக்கு காங்கிரஸ் கட்சி சிறுபான்மைத் துறை மாநிலத் தலைவர்
ஜெ.அஸ்லம்பாஷா தலைமை வகித்தார். மூத்த நிர்வாகி சையத்நிசார்அஹமத், இளைஞர் காங்கிரஸ் பொதுச் செயலாளர் முகமத் முஜ்ஜமில், சிறுபாண்மைத் துறை மாநில ஒருங்கிணைப்பாளர் பரீத்அகமத், இளைஞர் காங்கிரஸ் மாவட்ட தலைவர் பைசல்அமீன் ஆகியோர் முன்னிலை வகித்தனர். முன்னாள் மாவட்டத் தலைவர் இ.சம்பத், புதூர் பகுதியில் உள்ள காந்தி சிலைக்கு மாலை அணிவித்து, தமிழகம் முழுவதும் தொடக்கக் கல்வி முதல் பட்டப்படிப்பு வரை படிக்கும் அனைத்து பெண்களுக்கு இலவச கல்வி வழங்க வேண்டும் என்பதை வலியுறுத்திய இரு சக்கர வாகன பேரணியை கொடியசைத்து தொடங்கி வைத்தார். 
இப்பேரணி, பேருந்து நிலையம், சி.எல்.சாலை உள்ளிட்ட முக்கிய வீதிகள் வழியாகச் சென்று கச்சேரி சாலையில் அமைந்துள்ள காமராஜர் சிலை அருகே நிறைவடைந்தது. 
இதில் ஆலங்காயம் பேரூராட்சி தலைவர் ஜெயபால்,  மாவட்ட சிறுபான்மைத் துறை தலைவர் இலியாஸ்கான், சலாவுதீன், சாந்தகுமார், ரஜினி, சமீயுல்லா, ஷேக் அஸ்லம், அன்பு, ஆனந்தன் உள்ளிட்ட 300-க்கும் மேற்பட்டோர் கலந்து கொண்டனர்.
வாணியம்பாடி கச்சேரி சாலையில் உள்ள காமராஜர் சிலைக்கு வாணியம்பாடி நகர பாஜக சார்பில் மாநில செயற்குழு உறுப்பினர் 
க.சிவபிரகாசம் தலைமையில் மாலை அணிவிக்கப்பட்டது. ஆலங்காயம் மற்றும் கல்லரபட்டி பகுதியில் காங்கிரஸ் பேரூராட்சி தலைவர் கே.ஜெயபால் தலைமையில் நிர்வாகிகள் சக்தி, ரவி உள்ளிட்டோர் காமராஜர்  சிலைக்கு  மாலை  அணிவித்து இனிப்பு வழங்கினர். நாட்டறம்பள்ளியில் காங்கிரஸ் நிர்வாகிகள் தனபால், மனோகரன், ராஜேந்திரன், அண்ணாமலை, செல்விதசரதன், மகேந்திரன், மணி உள்ளிட்டோர் காமராஜர் சிலைக்கு மாலை அணிவித்தனர்.

ஆம்பூரில்...
ஆம்பூர் பள்ளிகளில் காமராஜர் பிறந்த நாள் விழா கல்வி வளர்ச்சி நாளாக கொண்டாடப்பட்டது.
ஆம்பூர் ஏ-கஸ்பா அரசு உயர்நிலைப் பள்ளியில் நடைபெற்ற விழாவுக்கு, பெற்றோர்-ஆசிரியர் கழகத் தலைவர் ஆர். வெங்கடேசன் தலைமை வகித்தார்.  தலைமை ஆசிரியர் எம். குமரகுருபாரதி வரவேற்றார். பெற்றோர்-ஆசிரியர் கழக நிர்வாகிகள் ராஜேந்திரன், அன்பரசன் மற்றும் ஆசிரியர்கள் கலந்து கொண்டனர். 
ஆம்பூர் மஜ்ஹருல் உலூம் மேல்நிலைப் பள்ளியில் கல்வி வளர்ச்சி நாளையொட்டி கருத்தரங்கு, கட்டுரை, பேச்சு மற்றும் ஓவியப் போட்டிகள் நடத்தப்பட்டு மாணவர்களுக்கு பரிசுகள் வழங்கப்பட்டன.  நாட்டு நலப்பணித் திட்டம் சார்பில் நடந்த கல்வி வளர்ச்சி நாள் விழிப்புணர்வு ஊர்வலத்துக்கு நாட்டு நலப்பணித் திட்ட மாவட்ட தொடர்பு அலுவலர் எல். சீனிவாசன் தலைமை வகித்தார். தலைமை ஆசிரியர் கே. ஆசிப் இக்பால் கொடியசைத்து ஊர்வலத்தைத் தொடங்கி வைத்தார். ஆசிரியர்கள் நியாமத் பாஷா, ஜாபர் மதானி உள்ளிட்டோர் கலந்து கொண்டனர்.   
ஆம்பூர் பன்னீர்செல்வம் நகர் நகராட்சி நடுநிலைப் பள்ளியில் நடைபெற்ற விழாவுக்கு, தலைமை ஆசிரியர் செ.ரவிச்சந்திரன் தலைமை வகித்தார்.  ஆம்பூர் போக்குவரத்துக் காவல் நிலைய உதவி ஆய்வாளர்கள் பெருமாள், ரமேஷ், கனகம்மாள் அறக்கட்டளை நிர்வாகிகள் சுந்தரமூர்த்தி, ரமேஷ், பள்ளி மேலாண்மைக் குழுத் தலைவர் வெண்ணிலா ஆகியோர் கலந்து கொண்டனர். 
ஆம்பூர் ஏ-கஸ்பா நகராட்சி தொடக்கப் பள்ளியில் நடைபெற்ற நிகழ்ச்சிக்கு, தலைமை ஆசிரியை நித்யா தலைமை வகித்தார். முன்னாள் நகர்மன்ற உறுப்பினர் இ. சுரேஷ்பாபு சிறப்புரையாற்றினார். 
மாதனூர் அருகே பள்ளிகுப்பம் ஊராட்சி ஒன்றிய தொடக்கப் பள்ளியில் தலைமை ஆசிரியர் சேகர் தலைமையில் கல்வி வளர்ச்சி நாள் கொண்டாடப்பட்டது. 
வெள்ளக்கல் ஊராட்சி ஒன்றிய தொடக்கப் பள்ளியில் நடைபெற்ற நிகழ்ச்சிக்கு, தலைமை ஆசிரியர் எஸ். தட்சணாமூர்த்தி தலைமை வகித்தார். பள்ளியின் புரவலர் பாரதிராஜா, ஆசிரியர்கள் ஹரிபாபு, சரளா, தாமரை உள்ளிட்டோர் கலந்து கொண்டனர்.
ஆம்பூர் நகர காங்கிரஸ் கமிட்டி சார்பில் நடைபெற்ற விழாவில் வேலூர் மேற்கு மாவட்ட காங்கிரஸ் கமிட்டி தலைவர் எஸ். பிரபு, தமிழ்நாடு இளைஞர் காங்கிரஸ் முன்னாள் தலைவர் ஜெ. விஜய் இளஞ்செழியன் ஆகியோர் கலந்து கொண்டனர்.  
பேர்ணாம்பட்டு தெற்கு ஒன்றிய காங்கிரஸ் கமிட்டி சார்பில் நடைபெற்ற விழாவுக்கு ஒன்றிய தலைவர் சங்கர் தலைமை வகித்தார். ஆம்பூர் பேருந்து நிலையம் அருகே உள்ள காமராஜர் சிலைக்கு மாலை அணிவித்து, பொதுமக்களுக்கு இனிப்பு வழங்கப்பட்டது.
தமிழ் மாநில காங்கிரஸ் கட்சி சார்பில் நகரத் தலைவர் டி.எம். தட்சணாமூர்த்தி தலைமையில் காமராஜர் சிலைக்கு மாலை அணிவிக்கப்பட்டது. வேலூர் மேற்கு மாவட்ட தலைவர் கே.குப்புசாமி, நிர்வாகி எஸ். மாணிக்கம் உள்ளிட்டோர் கலந்து கொண்டனர்.
ஆம்பூர் நகர காங்கிரஸ் காமராஜ் பவன் ஸ்தாபன அறக்கட்டளை சார்பில் நடைபெற்ற நிகழ்ச்சிக்கு, அறக்கட்டளைத் தலைவர் கே. குப்புசாமி தலைமை வகித்தார். முன்னாள் எம்.பி. ஏ.எம்.வேலு ஏழை பெண்கள் 100 பேருக்கு இலவச சேலைகள், ஏழை மாணவர்களுக்கு குறிப்பேடுகள் ஆகியவற்றை வழங்கினார். அறக்கட்டளைச் செயலாளர் விஜயன், பொருளாளர் டி.எம். தட்சணாமூர்த்தி உள்ளிட்டோர் கலந்துகொண்டனர்.

குடியாத்தத்தில்...
குடியாத்தம் பிச்சனூரில் உள்ள காமராஜர் மன்றத்தில் நடைபெற்ற நிகழ்ச்சிக்கு, மன்றத் தலைவர் என். சம்பத் தலைமை வகித்து, 500 மாணவர்களுக்கு இலவச குறிப்பேடுகளை வழங்கினார். 500 ஏழைகளுக்கு அன்னதானமும் செய்யப்பட்டது. 
இதில், மன்றச் செயலர் ஜி.சி. லோகநாதன், நிர்வாகிகள் ஜி.எஸ். வேலாயுதம், கே. நடராஜன் உள்ளிட்டோர் கலந்து கொண்டனர்.
குடியாத்தம் நகர, ஒன்றிய காங்கிரஸ் சார்பில் புதிய பேருந்து நிலையம் எதிரே நடைபெற்ற நிகழ்ச்சிக்கு, கட்சியின் நகரத் தலைவர் கே.ஆர். கண்ணன் தலைமை வகித்தார். வடக்கு ஒன்றியத் தலைவர் எம். வீராங்கன், தெற்கு ஒன்றியத் தலைவர் என்.எஸ். துரைசாமி ஆகியோர் முன்னிலை வகித்தனர். 
மத்திய மாவட்ட காங்கிரஸ் தலைவர் ஜெ.ஜோதி 1,000 பேருக்கு அன்னதானம் செய்தார். முன்னதாக கட்சியினர் ஊர்வலமாகச் சென்று காமராஜர் சிலைக்கு மாலை அணிவித்தனர். கட்சி நிர்வாகிகள் 
ஜி. விஜயேந்திரன், தி. நவீன்குமார், ஏ.கே. ஜெயப்பிரகாஷ், சிவாவெங்கடேசன், கோவிந்தசாமி, கிரிஜா உள்ளிட்டோர் கலந்து கொண்டனர்.
குடியாத்தம் திருவள்ளுவர் தொடக்கப் பள்ளியில் நடைபெற்ற நிகழ்ச்சிக்கு, பள்ளித் தலைமை ஆசிரியை என். மலர்க்கொடி தலைமை வகித்தார். ஆசிரியை ஜி. சரஸ்வதி வரவேற்றார். உதவித் தலைமை ஆசிரியை டி. நாகபூஷணம், ஆசிரியை என். கோமதி உள்ளிட்டோர் கலந்து கொண்டனர்.
குடியாத்தம் நெல்லூர்பேட்டை அம்பாலால் ஜெயின் சரஸ்வதி மெட்ரிக். வித்யாலயாவில் காமராஜர் பிறந்த நாள் கல்வி வளர்ச்சி நாளாக சனிக்கிழமை கொண்டாடப்பட்டது.
நிகழ்ச்சிக்கு, பள்ளித் தாளாளர் ஹீராலால் ஆர். சந்சேத்தி தலைமை வகித்தார். துணை முதல்வர் என். செஞ்சுடர் வரவேற்றார். முதல்வர் வி.தாரா நிகழ்ச்சியைத் தொடங்கி வைத்தார். 
பள்ளியின் கல்வி ஒருங்கிணைப்பாளர் துரை.பத்மநாபன், மூங்கப்பட்டு ஊராட்சிப் பள்ளி ஆசிரியர் ஏ. சுரேஷ்குமார் ஆகியோர் கலந்துகொண்டனர். உதவி முதல்வர் எஸ்.பிரபு நன்றி கூறினார்.

ராணிப்பேட்டையில்...
ராணிப்பேட்டை நகர காங்கிரஸ் கட்சி சார்பில் நடைபெற்ற விழாவுக்கு, நகரத் தலைவர் எஸ்.அண்ணாதுரை தலைமை வகித்தார். முன்னாள் நகர்மன்ற உறுப்பினர்கள் எஸ்.இப்ரஹிம், மோகன சுப்பிரமணி, எஸ்.சி., எஸ்.டி. பிரிவு தலைவர் சி.நாகேஷ், ஜெ.பிரகாஷ்,  பொருளாளர் ஜெ.உத்தமன் ஆகியோர்  முன்னிலை வகித்தனர். மாவட்ட துணைத் தலைவர் பி.மோகன் வரவேற்றார். நிர்வாகிகள் மதியழகன், துரை, சோமு, தண்டபாணி உள்ளிட்டோர் கலந்துகொண்டனர்.
இதேபோல் ராணிப்பேட்டையில் உள்ள  ஸ்ரீ ராமானுஜர் ஆன்மிக அறக்கட்டளை சார்பில் நடைபெற்ற விழாவுக்கு அறக்கட்டளை நிறுவனர் கே.வெங்கடேசன் தலைமை வகித்து, காமராஜர் உருவப்படத்துக்கு  மாலை அணிவித்து மரியாதை செலுத்தினார். தொர்ந்து, பள்ளி மாணவர்களுக்கும், ஏழை மக்களுக்கும் நல உதவிகளை வழங்கினார். அறக்கட்டளை உறுப்பினர்கள், மாணவ, மாணவிகள் கலந்துகொண்டனர்.
ராணிப்பேட்டையை அடுத்த அம்மூர் பேரூராட்சி காங்கிரஸ் கட்சி சார்பில் நடைபெற்ற விழாவுக்கு, பேரூராட்சி முன்னாள் உறுப்பினர் வாணி விஜய் தலைமை வகித்து, காமராஜர் உருவப்படத்துக்கு மாலை அணிவித்தார். 

ஆற்காட்டில்...
ஆற்காடு காமராஜர் அறக்கட்டளை சார்பில் நடைபெற்ற நிகழ்ச்சிக்கு அறக்கட்டளைத் தலைவர் பாண்டியன் தலைமை வகித்தார். நிர்வாக அறங்காவலர் கு.சரவணன், தொழிலதிபர் ஆர்.எஸ்.சேகர், செயலாளர் கே. காமராஜ், பொருளாளர் 
எஸ். பாஸ்கரன் ஆகியோர் முன்னிலை வகித்தனர். 
மகாத்மா காந்தி முதியோர் இல்லத்தின் தலைவர் ஜெ.லட்சுமணன் பேருந்து நிலையத்தில் உள்ள காமராஜர் சிலைக்கு மாலை அணிவித்து மரியாதை செலுத்தினார். மாலையில் தோப்புகானா கெங்கையம்மன் கோயில் அருகே இருந்து காமராஜர் இளைஞர் நற்பணி மன்றம் சார்பில் அலங்கரிக்கப்பட்ட காமராஜர் சிலையுடன் மலர் விமான ஊர்வலம் நடைபெற்றது. 
ஆற்காடு அரசுப் பெண்கள் மேல்நிலைப் பள்ளி, ஆண்கள் மேல்நிலைப் பள்ளி, வாலாஜாபேட்டை பெண்கள் மேல்நிலைப் பள்ளி மாணவர்களுக்கு காமராஜர் குறித்த பேச்சுப் போட்டிகள் நடத்தப்பட்டு, சிறப்பிடம் பெற்ற மாணவர்களுக்கு ஆற்காடு எம் எல்ஏ 
ஜெ.எல்.ஈஸ்வரப்பன் பரிசுகளை வழங்கினார்.
ஆற்காடு தோப்புகானா நகராட்சி (தெற்கு) உயர்நிலைப் பள்ளியில் நடைபெற்ற விழாவுக்கு தலைமை ஆசிரியர் ஏ.மணிவண்ணன் தலைமை வகித்தார். பெற்றோர்-ஆசிரியர் கழகத் தலைவர் கு.சரவணன் காமராஜர் உருவப்படத்துக்கு மாலை அணிவித்தார்.

அரக்கோணத்தில்...
அரக்கோணம் நகர காங்கிரஸ் கமிட்டி சார்பில் சுவால்பேட்டையில் நடைபெற்ற விழாவுக்கு நகரத் தலைவர் துரைசீனிவாசன் தலைமை வகித்து, காமராஜரின் உருவச்சிலைக்கு மாலை அணிவித்தார். மாநிலப் பொதுக்குழு உறுப்பினர் பி.ராஜ்குமார், மாவட்ட நிர்வாகிகள் ஜி.எஸ்.மூர்த்தி, ஜி.லவக்குமார், நகர்மன்ற முன்னாள் உறுப்பினர்கள் பார்த்தசாரதி, ஜி.நாராயணன், தமீன், உலகநாதன் உள்ளிட்டோர் பங்கேற்றனர்.
அரக்கோணம் அரசு மருத்துவமனையில் நடைபெற்ற நிகழ்ச்சியில், மருத்துவமனைக்கு நோயாளிகளுக்கான நகரும் நாற்காலியை துரை
சீனிவாசன் தலைமையில் ஜி.நாராயணன் மருத்துவ அலுவலர் ரெஜினாவிடம் வழங்கினார். காங்கிரஸ் கமிட்டி சார்பில் நடைபெற்ற மற்றொரு நிகழ்ச்சியில் நகர காங்கிரஸ் முன்னாள் தலைவர் சாந்தகுமார் காமராஜர் சிலைக்கு மாலை அணிவித்தார்.
அரக்கோணம் நகர தமிழ் மாநில காங்கிரஸ் சார்பில் நடைபெற்ற நிகழ்ச்சிக்கு கே.வி.ரவிச்சந்திரன் தலைமை வகித்தார். இதில் வேலூர் கிழக்கு மாவட்டத் தலைவர் அரிதாஸ் காமராஜர் சிலைக்கு மாலை அணிவித்தார். மாநில செயற்குழு உறுப்பினர் பி.ஜி.மோகன்காந்தி, இளைஞர் அணி மாநிலச் செயலர் சி.தரணி, ஒன்றியச் செயலர்கள் கே.முனுசாமி (அரக்கோணம் வடக்கு), எல்.தேவேந்திரன் (தெற்கு),  ஆர்.ரவி (நெமிலி) உள்ளிட்டோர் பங்கேற்றனர்.  
ஐக்கிய ஜனதாதளம் கட்சியின் சார்பில் நடைபெற்ற நிகழ்ச்சிக்கு, வேணுகோபால் தலைமை வகித்தார். கட்சியின் மாநிலத் தலைவர் ஜனதாசேகர், காமராஜர் உருவச்சிலைக்கு மாலை அணிவித்தார்.

திருப்பத்தூரில்...
திருப்பத்தூரில் காமராஜர் நூற்றாண்டு நினைவு அறக்கட்டளை சார்பில் நடைபெற்ற நிகழ்ச்சிக்கு, அறக்கட்டளைத் தலைவர் பி.கணேஷ்மல் தலைமை வகித்தார். செயலாளர் கே.சி.எழிலரசன் வரவேற்றார். 
முன்னாள் எம்.பி. பீட்டர் அல்போன்ஸ், 4 ஆயிரம் மாணவர்களுக்கு சீருடை, நோட்டுப் புத்தகங்களை வழங்கிப் பேசினார். பின்னர், திரைப்பட நடிகர் பாக்கியராஜை நடுவராகக் கொண்ட பட்டிமன்றம் நடைபெற்றது.
முன்னதாக எம்எல்ஏ நல்லதம்பி, முன்னாள் எம்எல்ஏ ராஜா ஆகியோர் வாழ்த்துரை வழங்கினர். இதில், ஊத்தங்கரை வித்யாமந்திர் பள்ளித் தாளாளர் சந்திரசேகர், அறக்கட்டளைத் துணைத் தலைவர் பாரஸ்சந்த், துணைச் செயலாளர்கள் மாதவன், மணி, பொருளாளர் புரட்சி, வழக்குரைஞர் மணியன் உள்ளிட்டோர் கலந்து கொண்டனர். துணைத் தலைவர் செல்வம் நன்றிகூறினார்.
 

]]>
http://www.dinamani.com/all-editions/edition-chennai/vellore/2018/jul/16/காமராஜர்-பிறந்த-நாள்-கல்வி-உதவிகள்-வழங்கி-கொண்டாட்டம்-2960706.html
2960132 சென்னை வேலூர் புதிய பாடத்திட்டத்தில் 3 மாதிரி கேள்வித் தாள்கள் விரைவில் வெளியீடு: பள்ளிக் கல்வித் துறை செயலர் தகவல் DIN DIN Sunday, July 15, 2018 01:04 AM +0530 புதிய பாடத்திட்டம் குறித்து மாணவர்களின் அச்சத்தை போக்க 3 மாதிரி கேள்வித் தாள்கள் விரைவில் வெளியிடப்படும் என்று தமிழக பள்ளிக் கல்வித் துறைச் செயலர் ச.உதயச்சந்திரன் தெரிவித்தார்.
தமிழக அரசின் புதிய பாடத்திட்டத்தின் சிறப்பம்சம்கள் குறித்து அரசு, தனியார் பள்ளி ஆசிரியர்களுடனான ஆலோசனைக் கூட்டம் வேலூர் மாவட்ட ஆட்சியர் அலுவலகத்தில் நடைபெற்றது.
கூட்டத்துக்கு தலைமை வகித்து தமிழக பள்ளிக் கல்வித்துறை செயலர் ச.உதயசந்திரன் பேசியதாவது:
தமிழக பள்ளிக் கல்வித் துறையின் சார்பில் 2018-19-ஆம் கல்வியாண்டில் 1, 6, 9, 11 ஆகிய வகுப்புகளுக்கு புதிய பாடத்திட்ட முறை அறிமுகம் செய்யப்பட்டுள்ளது. இந்த பாடத் திட்டமானது சிபிஎஸ்சி, இதர பாடத் திட்டங்களைவிட சிறப்பம்சங்களைக் கொண்டதாகும். 11, 12 ஆகிய வகுப்பு பாடத்திட்டங்களை தேசிய அளவிலான போட்டித் தேர்வுகளை எதிர்கொள்ளும் வகையில் உருவாக்கப்பட்டுள்ளது. இதற்காக சிறந்த வல்லுநர்கள் குழு அமைக்கப்பட்டு
9 மாதகாலம் கடுமையாக உழைத்து ஒவ்வொரு பாடத்திட்டமும் உருவாக்கப்பட்டுள்ளது.
தமிழகத்திலுள்ள கடைக்கோடி மாணவர்களுக்கும் இந்தப் பாடத்திட்டம் மூலம் சிறப்பான எதிர்காலத்தை உருவாக்கிக் கொடுக்க முடியும்.
உதாரணமாக இந்த ஆண்டு நீட் நுழைவுத் தேர்வில் 11-ஆம் வகுப்பு பாடத்திட்ட கேள்விகளில் 99 சதவீத வினாக்கள் புதிய பாடத் திட்டத்திலிருந்து நேரடியாகவும், மறைமுகமாகவும் வந்துள்ளன. இந்தப் புதிய பாடத்திட்டத்தில் 2,895 விரைவு குறியீடுகள் பயன்படுத்தப்பட்டு மாணவர்கள், ஆசிரியர்கள் பாடங்கள் குறித்த பல்வேறு கூடுதல் தகவல்களைப் பெற்று திறனை மேம்படுத்திக் கொள்ளும் விதமாக உள்ளது.
இந்திய அளவில் முன்னோடியாக விரைவு குறியீடுகளைப் பயன்படுத்தத் தேர்வு செய்யப்பட்ட மாநிலங்களின் பாடத்திட்டத்தில் 60 சதவீத விரைவு குறியீடுகள் தமிழக புதிய பாடத் திட்டத்திலிருந்து பதிவேற்றம் செய்யப்பட்டுள்ளது. இதை 2 லட்சத்துக்கு மேலான நபர்கள் நாள்தோறும் பதிவிறக்கம் செய்து பயனடைந்து வருகின்றனர். இந்தக் கூட்டத்தின் முக்கிய நோக்கம் புதிய பாடத்திட்டம், புத்தகங்களில் இடம்பெற்றுள்ள பாடப்பிரிவுகளின் தரம் குறித்து ஆசிரியர்களின் கருத்துகள், புதிய ஆலோசனைகளை அறிந்து கொள்வதேயாகும்.
புதிய பாடத் திட்டங்களைக் கற்பிப்பது குறித்து தற்போது முதல்கட்ட பயிற்சிகள் ஆசிரியர்களுக்கு வழங்கப்பட்டு வருகிறது. எதிர்வரும் மாதங்களில் 2-ஆம் கட்ட பயிற்சி வகுப்புகள் நடத்தப்படும். மெட்ரிக். பள்ளி ஆசிரியர்களுக்கும் விரைவில் இந்தப் பயிற்சி வகுப்புகள் வழங்கப்படும். மாணவர்கள் புதிய பாடத் திட்டத்தில் தேர்வுகளை எதிர்கொள்ளும் போது அவர்களுக்கு ஏற்படும் அச்சத்தைப் போக்கிடும் வகையில் விரைவில் 3 மாதிரி கேள்வித் தாள்கள் வெளியிடப்படும். இந்த புதிய பாடத்திட்டமானது நமது பள்ளி மாணவர்கள் உலகளவில் போட்டிபோடும் விதமாக அறிமுகம் செய்யப்பட்டுள்ளது. உடனடியாக இதன் பலன் நமக்கு கிடைக்கும் என எதிர்பார்க்க முடியாது, எதிர்வரும் 2 அல்லது 3 ஆண்டுகளுக்குப் பிறகு கண்டிப்பாக இதனால் பயன்பெறலாம்.
பள்ளிக் கல்வித் துறையின் புதிய பாடதிட்டங்கள் தமிழக மாணவர்களிடையே ஒரு எதிர்பார்ப்பை உருவாக்கியுள்ளது. பெற்றோர்களிடையே ஒரு நம்பிக்கையை எற்படுத்தியுள்ளது. இவற்றை பூர்த்தி செய்வது ஆசியர்களுக்கு சவாலான பணியாக இருக்கும். ஆகவே ஆசிரியர்கள் சிறப்பு பாடத்திட்டத்தை மாணவர்களுக்கு எளிதில் புரியும் விதத்தில் கற்பிப்பது நமது கடமை என உணர்ந்து அர்ப்பணிப்புடன் பணியாற்ற வேண்டும் என்றார் அவர்.
கூட்டத்துக்கு, ஆட்சியர் எஸ்.ஏ.ராமன் முன்னிலை வகித்தார். மாவட்ட முதன்மைக் கல்வி அலுவலர் மார்ஸ், அனைத்து மாவட்டக் கல்வி அலுவலர்கள், அரசு, தனியார் பள்ளி ஆசிரியர்கள் பங்கேற்றனர்.

 

]]>
http://www.dinamani.com/all-editions/edition-chennai/vellore/2018/jul/15/புதிய-பாடத்திட்டத்தில்-3-மாதிரி-கேள்வித்-தாள்கள்-விரைவில்-வெளியீடு-பள்ளிக்-கல்வித்-துறை-செயலர்-தகவல-2960132.html
2960058 சென்னை வேலூர் மக்கள் நீதிமன்றம்: 2,278 வழக்குகளுக்கு சமரசத் தீர்வு: ரூ. 16.87 கோடி அளிக்க உத்தரவு DIN DIN Saturday, July 14, 2018 11:54 PM +0530 வேலூர் மாவட்டத்திலுள்ள 11 நீதிமன்றங்களிலும் நடைபெற்ற தேசிய மக்கள் நீதிமன்றம் மூலம் நீண்டகாலமாக நிலுவையில் உள்ள 2,278 வழக்குகளுக்கு சமரசத் தீர்வு காணப்பட்டது. மேலும், பாதிக்கப்பட்டவர்களுக்கு ரூ. 16.87 கோடி தொகை அளிக்கவும் உத்தரவு பிறப்பிக்கப்பட்டது.
வேலூர் மாவட்ட சட்டப்பணிகள் ஆணைக் குழு சார்பில் வேலூர் ஒருங்கிணைந்த நீதிமன்றம் உள்பட மாவட்டம் முழுவதும் உள்ள 11 நீதிமன்றங்களிலும் தேசிய மக்கள் நீதிமன்றம் சனிக்கிழமை நடைபெற்றது. வேலூர் ஒருங்கிணைந்த நீதிமன்றத்தில் நடைபெற்ற இந்த மக்கள் நீதிமன்றத்தை மாவட்ட முதன்மை அமர்வு நீதிபதி எஸ்.ஆனந்தி தொடங்கி வைத்தார். நீதிபதிகள் செல்வசுந்தரி, வி.ஆர்.லதா, ராஜசிம்மவர்மன், அலிஷியா உள்ளிட்ட அனைத்து நீதிபதிகளும் பங்கேற்று இந்த மக்கள் நீதிமன்றத்தை நடத்தினர்.
இதில் மாவட்டம் முழுவதும் நீண்டகாலமாக நிலுவையில் உள்ளே வங்கி வாராக் கடன் வழக்குகள், குடும்பநல வழக்குகள், வாகன விபத்து வழக்குகள், தொழிலாளர் நல வழக்குகள், நிலஆர்ஜித வழக்குகள் என மொத்தம் 10,696 வழக்குகள் விசாரணைக்கு எடுத்துக் கொள்ளப்பட்டன. அவற்றில் 2,278 வழக்குகளுக்கு சமரசத் தீர்வு காணப்பட்டதுடன், பாதிக்கப்பட்டவர்களுக்கு ரூ. 16 கோடியே 86 லட்சத்து 95 ஆயிரத்து 432 தொகை அளிக்கவும் உத்தரவிடப்பட்டது.
முன்னதாக, விபத்தில் பாதிக்கப்பட்ட ஆற்காடு பகுதியைச் சேர்ந்த சுப்பிரமணியன் குடும்பத்துக்கு
ரூ. 16 லட்சத்துக்கான காசோலையை மாவட்ட முதன்மை நீதிபதி
எஸ்.ஆனந்தி வழங்கினார். அப்போது அவர் பேசுகையில், கடந்த ஒரு வாரமாக நடந்த முடிந்த மக்கள் நீதிமன்றத்தில் மூலம் 146 வழக்குகளுக்கு தீர்வு காணப்பட்டு, ரூ. 7 கோடி இழப்பீடு பெற்றுத் தரப்பட்டுள்ளது. மக்கள் நீதிமன்றங்கள் மூலம் வழக்குகள் விரைவாக முடிக்கப்படுவதுடன், நிரந்தரத் தீர்வும் கிடைக்கிறது. இதனால், மேல்முறையீட்டுக்கு செல்லும் நிலை தவிர்க்கப்படுகிறது. எனவே, இந்த மக்கள் நீதிமன்றத்தை அனைத்துத் தரப்பினரும் பயன்படுத்திக் கொள்ள வேண்டும் என்றார் அவர்.
இதைத் தொடர்ந்து, சமரசத் தீர்வு காணப்பட்ட வழக்குகளுக்கான தொகையை உடனடியாக அளிக்கவும் உத்தரவிடப்பட்டுள்ளது.
வாலாஜாபேட்டையில்...

வாலாஜாபேட்டை வட்ட சட்டப் பணிகள் குழு சார்பில் வாலாஜாபேட்டை ஒருங்கிணைந்த நீதிமன்றத்தில் நடைபெற்ற மக்கள் நீதிமன்றத்தில் 200 வழக்குகளுக்கு சனிக்கிழமை சமரசத் தீர்வு காணப்பட்டது.
மாவட்ட உரிமையியல் மற்றும் குற்றவியல் நடுவர் நீதிமன்ற நீதிபதியும், வட்ட சட்டப் பணிகள் குழுத் தலைவருமான கே. முனிராஜா தலைமையில், மாவட்ட குற்றவியல் நடுவர் நீதிமன்ற
2-ஆவது நீதிபதி பி.தீனதயாளன், ஓய்வு பெற்ற நடுவர் நீதிமன்ற நீதிபதி கே.பூபாலன், இலவச சட்ட உதவி மைய வழக்குரைஞர் எம்.ஸ்ரீதரன் ஆகியோர் முன்னிலையில் காசோலை நிலுவை வழக்குகள், ஜீவனாம்ச வழக்குகள், மோட்டார் வாகன விபத்து வழக்குள் மற்றும் அனைத்து விதமான குற்ற வழக்குகள் உள்ளிட்ட பல்வேறு வழக்குகள் விசாரணைக்கு எடுத்துக் கொள்ளப்பட்டன.
இவற்றில் 200 வழக்குகளுக்கு இருதரப்பினர் இடையே சமரசத் தீர்வு காணப்பட்டது. இந்த வழக்குகளில் ஏற்பட்ட தீர்வுகள் மூலம் இழப்பீட்டுத் தொகையாக ரூ. 50 லட்சம் வழங்கப்பட்டது.

 

]]>
http://www.dinamani.com/all-editions/edition-chennai/vellore/2018/jul/14/மக்கள்-நீதிமன்றம்-2278-வழக்குகளுக்கு-சமரசத்-தீர்வு-ரூ-1687-கோடி-அளிக்க-உத்தரவு-2960058.html
2960057 சென்னை வேலூர் தேசிய அளவிலான துப்பாக்கி சுடும் போட்டிக்கு வேலூர் எஸ்.பி. தகுதி DIN DIN Saturday, July 14, 2018 11:53 PM +0530 தேசிய அளவிலான துப்பாக்கி சுடும் போட்டிக்கு வேலூர் எஸ்.பி. பகலவன் தகுதி பெற்றுள்ளார்.
சென்னை ஒட்டிவாக்கத்தில் தமிழக போலீஸாருக்கான மாநில அளவிலான துப்பாக்கி சுடும் போட்டிகள் வியாழக்கிழமை நடைபெற்றன. இதில், வேலூர் எஸ்.பி. பகலவன்
10 தோட்டாக்களை ஒரே புள்ளியில் குறி பார்த்து சுட்டார்.
இதையடுத்து அவர் மாநில அளவிலான துப்பாக்கி சுடும் போட்டியில் தங்கப் பதக்கம் வென்றார். இதன்மூலம், தேசிய அளவில் நடைபெறும் துப்பாக்கி சுடும் போட்டிக்கும் அவர் தகுதி பெற்றுள்ளார்.
ஒரு சில நாள்களில் நடைபெறும் தேசிய அளவிலான போட்டியில் அவர் பங்கேற்க உள்ளார்.

 

]]>
http://www.dinamani.com/all-editions/edition-chennai/vellore/2018/jul/14/தேசிய-அளவிலான-துப்பாக்கி-சுடும்-போட்டிக்கு-வேலூர்-எஸ்பி-தகுதி-2960057.html
2960056 சென்னை வேலூர் தகவல் தொழில்நுட்ப ஆராய்ச்சி: விஐடி, சிஎஸ்ஐஆர் புரிந்துணர்வு ஒப்பந்தம் DIN DIN Saturday, July 14, 2018 11:53 PM +0530 வேலூர் விஐடி பல்கலைக்கழகமும், பெங்களூரில் உள்ள சிஎஸ்ஐஆர் எனும் அறிவியல் தொழில்கள் ஆராய்ச்சி மையமும் இணைந்து புரிந்துணர்வு ஒப்பந்தம் செய்துள்ளன.
சைபர் செக்யூரிட்டி, டேட்டா அனாலிடிக்ஸ், ஆர்டிபிஷியல் இன்டலிஜென்ஸ் உள்ளிட்ட தகவல் தொழில்நுட்ப ஆராய்ச்சிகள் மேற்கொள்ளவும், இதற்காக மாணவர்கள், பேராசிரியர்கள் பரிவர்தனை செய்து கொள்ளவும் இந்த ஒப்பந்தம் செய்யப்பட்டுள்ளது. இதற்கான புரிந்துணர்வு ஒப்பந்தத்தில் விஐடி துணைவேந்தர் ஆனந்த் ஏ.சாமுவேல், சிஎஸ்ஐஆர் மாதிரி மையத் தலைவர் வித்யாதர் ஒய்.முதுகவி ஆகியோர் கையொப்பமிட்டு ஒப்பந்தத்தை பரிமாறிக் கொண்டனர்.
நிகழ்ச்சியில், விஐடி தகவல் தொழில்நுட்பம், பொறியியல் பள்ளி முதல்வர் அஸ்வானி குமார் செர்குரி உடனிருந்தார்.

 

]]>
http://www.dinamani.com/all-editions/edition-chennai/vellore/2018/jul/14/தகவல்-தொழில்நுட்ப-ஆராய்ச்சி-விஐடி-சிஎஸ்ஐஆர்-புரிந்துணர்வு-ஒப்பந்தம்-2960056.html
2960055 சென்னை வேலூர் அரசுப் பள்ளிக்கு பிற்பகலில் விடுமுறை: பொதுமக்கள் அதிருப்தி DIN DIN Saturday, July 14, 2018 11:53 PM +0530 ஆம்பூர் அருகே அரசு உயர்நிலைப் பள்ளிக்கு சனிக்கிழமை பிற்பகலில் விடுமுறை விடப்பட்டதால் பொதுமக்கள் அதிருப்தி அடைந்துள்ளனர்.
ஜூலை 14-ஆம் தேதியான சனிக்கிழமை பள்ளி வேலை நாளாக கல்வித் துறை அறிவித்துள்ளது. ஆனால் ஆம்பூர் அருகே பெரியாங்குப்பம் அரசு உயர்நிலைப் பள்ளி மதிய உணவு இடைவேளை வரை இயங்கியுள்ளது. உணவு இடைவேளைக்குப் பிறகு பள்ளிக்கு விடுமுறை விடப்பட்டதாகக் கூறி மாணவர்கள் வீடுகளுக்கு அனுப்பி வைக்கப்பட்டனர். இதையறிந்த பெற்றோர்கள் கடும் அதிருப்தி அடைந்துள்ளனர். கல்வித் துறை அதிகாரிகள் விசாரணை நடத்தி உரிய நடவடிக்கை எடுக்க வேண்டுமென்றும் அவர்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-chennai/vellore/2018/jul/14/அரசுப்-பள்ளிக்கு-பிற்பகலில்-விடுமுறை-பொதுமக்கள்-அதிருப்தி-2960055.html
2960054 சென்னை வேலூர் மகளிர் சுய உதவிக் குழு உற்பத்திப் பொருள்களை விற்க 777 வெல்மா' அங்காடிகள்: அமைச்சர் திறந்து வைத்தார் DIN DIN Saturday, July 14, 2018 11:53 PM +0530 மகளிர் சுய உதவிக் குழுவினரால் உற்பத்தி செய்யப்படும் 150 வகையான உற்பத்திப் பொருள்களை சந்தைப்படுத்த வேலூர் மாவட்டத்தில் முதல்கட்டமாக 777 வெல்மா அங்காடிகள் திறக்கப்பட்டுள்ளன. இந்த அங்காடிகளை மாநில வணிக வரி, பத்திரப் பதிவுத் துறை அமைச்சர் கே.சி.வீரமணி சனிக்கிழமை திறந்து வைத்தார்.
வேலூர் மாவட்டத்தில் உள்ள மகளிர் சுயஉதவிக் குழுவினர் தயாரிக்கும் 150 வகையான பொருள்கள் வெல்மா எனும் பிராண்ட் மூலம் நேரடியாக சந்தைப்படுத்தப்படுகிறது. இந்த வெல்மா உற்பத்திப் பொருள்களை விற்பனை செய்ய மகளிர் திட்டம் சார்பில் வேலூர் மாவட்டம் முழுவதும் வெல்மா அங்காடிகள் அமைக்கப்பட்டு வருகின்றன.
முதல்கட்டமாக, மாவட்டத்தில் உள்ள 20 ஊராட்சி ஒன்றியங்களில் உள்ள 743 ஊராட்சிகளில் 777 வெல்மா அங்காடிகள் தொடங்கப்பட்டுள்ளன. இதில் வேலூர் ஒன்றியம் கருகம்புத்தூர் ஊராட்சியில் அமைக்கப்பட்ட வெல்மா அங்காடியை அமைச்சர் கே.சி.வீரமணி சனிக்கிழமை திறந்து வைத்தார்.
பின்னர் அவர் பேசியதாவது:
மகளிர் சுய உதவிக் குழுவினர் சுயமாக தொழில்புரிந்திட வங்கிகள் மூலம் கடனுதவி வழங்கப்படுகி றது. இதன் மற்றொரு அங்கமாக மகளிர் சுயஉதவிக் குழுவினர் உற்பத்தி செய்யும் பொருள்களை அவர்களே நேரடியாக விற்பனை செய்ய வேலூர் மாவட்டத்தில் வெல்மா அங்காடிகள் அமைக்கப்பட்டுள்ளன.
மக்களுக்கு தரமான, நியாயமான வகையில் பொருள்கள் கிடைக்கவும் சுயஉதவிக் குழு மகளிருக்கு நேரடி மற்றும் மறைமுக வேலைவாய்ப்பு அளிக்கவும் இந்த வெல்மா அங்காடிகள் அமைக்கப்பட்டுள்ளன. இவற்றில், சுமார் 150 வகையான பொருள்கள் நேரிடையாக விற்கப்படுகின்றன. இதேபோல் தமிழகத்தில் வேறு எங்கும் மகளிர் சுய உதவிக் குழுக்கள் தயாரிக்கும் பொருள்கள் விற்பனை செய்ய கடைகள் கிடையாது.
வெல்மா அங்காடிகள் அமைக்க மகளிர் திட்டத்தின் பரிந்துறையின் பேரில் கடை ஒன்றுக்கு ரூ. 80 ஆயிரம் கடனுதவி வழங்கப்பட்டுள்ளது. இதில் ரூ. 20 ஆயிரம் அரசு மானியமாக வழங்கப்படும். வெல்மா அங்காடிகள் அமைக்க வேலூர் மாவட்டத்தில் ரூ. 6.22 கோடி கடன் வசதி ஏற்பாடு செய்து வழங்கப்பட்டுள்ளது. இதன் தொடர்ச்சியாக மாவடடம் முழுவதும் 777 கடைகள் திறக்கப்பட்டுள்ளன. தேவைப்படும் இடங்களில் இன்னும் வெல்மா அங்காடிகள் திறக்க நடவடிக்கை எடுக்கப்படும் என்றார் அவர்.
பின்னர், ஆட்சியர் அலுவலகத்தில் நடைபெற்ற நிகழ்ச்சியில் 262 மாற்றுத் திறனாளிகளுக்கு மூன்று சக்கர வாகனம், இலவச வீட்டு மனைப் பட்டா உள்ளிட்ட நலத் திட்ட உதவிகளை அமைச்சர் கே.சி.வீரமணி வழங்கினார்.
நிகழ்ச்சிக்கு, ஆட்சியர் எஸ்.ஏ.ராமன் தலைமை வகித்தார். எம்எல்ஏக்கள் ஏ.பி.நந்தகுமார், ஜி.லோகநாதன், ப.கார்த்திகேயன், மகளிர் திட்ட இயக்குநர் ஆ.ரா.சிவராமன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-chennai/vellore/2018/jul/14/மகளிர்-சுய-உதவிக்-குழு-உற்பத்திப்-பொருள்களை-விற்க-777-வெல்மா-அங்காடிகள்-அமைச்சர்-திறந்து-வைத்தார்-2960054.html
2960053 சென்னை வேலூர் புதிய பாடத்திட்டத்தில் 3 மாதிரி கேள்வித் தாள்கள் விரைவில் வெளியீடு: பள்ளிக் கல்வித் துறை செயலர் தகவல் DIN DIN Saturday, July 14, 2018 11:52 PM +0530 புதிய பாடத்திட்டம் குறித்து மாணவர்களின் அச்சத்தை போக்க 3 மாதிரி கேள்வித் தாள்கள் விரைவில் வெளியிடப்படும் என்று தமிழக பள்ளிக் கல்வித் துறைச் செயலர் ச.உதயச்சந்திரன் தெரிவித்தார்.
தமிழக அரசின் புதிய பாடத்திட்டத்தின் சிறப்பம்சம்கள் குறித்து அரசு, தனியார் பள்ளி ஆசிரியர்களுடனான ஆலோசனைக் கூட்டம் வேலூர் மாவட்ட ஆட்சியர் அலுவலகத்தில் நடைபெற்றது.
கூட்டத்துக்கு தலைமை வகித்து தமிழக பள்ளிக் கல்வித்துறை செயலர் ச.உதயசந்திரன் பேசியதாவது:
தமிழக பள்ளிக் கல்வித் துறையின் சார்பில் 2018-19-ஆம் கல்வியாண்டில் 1, 6, 9, 11 ஆகிய வகுப்புகளுக்கு புதிய பாடத்திட்ட முறை அறிமுகம் செய்யப்பட்டுள்ளது. இந்த பாடத் திட்டமானது சிபிஎஸ்சி, இதர பாடத் திட்டங்களைவிட சிறப்பம்சங்களைக் கொண்டதாகும். 11, 12 ஆகிய வகுப்பு பாடத்திட்டங்களை தேசிய அளவிலான போட்டித் தேர்வுகளை எதிர்கொள்ளும் வகையில் உருவாக்கப்பட்டுள்ளது. இதற்காக சிறந்த வல்லுநர்கள் குழு அமைக்கப்பட்டு
9 மாதகாலம் கடுமையாக உழைத்து ஒவ்வொரு பாடத்திட்டமும் உருவாக்கப்பட்டுள்ளது.
தமிழகத்திலுள்ள கடைக்கோடி மாணவர்களுக்கும் இந்தப் பாடத்திட்டம் மூலம் சிறப்பான எதிர்காலத்தை உருவாக்கிக் கொடுக்க முடியும்.
உதாரணமாக இந்த ஆண்டு நீட் நுழைவுத் தேர்வில் 11-ஆம் வகுப்பு பாடத்திட்ட கேள்விகளில் 99 சதவீத வினாக்கள் புதிய பாடத் திட்டத்திலிருந்து நேரடியாகவும், மறைமுகமாகவும் வந்துள்ளன. இந்தப் புதிய பாடத்திட்டத்தில் 2,895 விரைவு குறியீடுகள் பயன்படுத்தப்பட்டு மாணவர்கள், ஆசிரியர்கள் பாடங்கள் குறித்த பல்வேறு கூடுதல் தகவல்களைப் பெற்று திறனை மேம்படுத்திக் கொள்ளும் விதமாக உள்ளது.
இந்திய அளவில் முன்னோடியாக விரைவு குறியீடுகளைப் பயன்படுத்தத் தேர்வு செய்யப்பட்ட மாநிலங்களின் பாடத்திட்டத்தில் 60 சதவீத விரைவு குறியீடுகள் தமிழக புதிய பாடத் திட்டத்திலிருந்து பதிவேற்றம் செய்யப்பட்டுள்ளது. இதை 2 லட்சத்துக்கு மேலான நபர்கள் நாள்தோறும் பதிவிறக்கம் செய்து பயனடைந்து வருகின்றனர். இந்தக் கூட்டத்தின் முக்கிய நோக்கம் புதிய பாடத்திட்டம், புத்தகங்களில் இடம்பெற்றுள்ள பாடப்பிரிவுகளின் தரம் குறித்து ஆசிரியர்களின் கருத்துகள், புதிய ஆலோசனைகளை அறிந்து கொள்வதேயாகும்.
புதிய பாடத் திட்டங்களைக் கற்பிப்பது குறித்து தற்போது முதல்கட்ட பயிற்சிகள் ஆசிரியர்களுக்கு வழங்கப்பட்டு வருகிறது. எதிர்வரும் மாதங்களில் 2-ஆம் கட்ட பயிற்சி வகுப்புகள் நடத்தப்படும். மெட்ரிக். பள்ளி ஆசிரியர்களுக்கும் விரைவில் இந்தப் பயிற்சி வகுப்புகள் வழங்கப்படும். மாணவர்கள் புதிய பாடத் திட்டத்தில் தேர்வுகளை எதிர்கொள்ளும் போது அவர்களுக்கு ஏற்படும் அச்சத்தைப் போக்கிடும் வகையில் விரைவில் 3 மாதிரி கேள்வித் தாள்கள் வெளியிடப்படும். இந்த புதிய பாடத்திட்டமானது நமது பள்ளி மாணவர்கள் உலகளவில் போட்டிபோடும் விதமாக அறிமுகம் செய்யப்பட்டுள்ளது. உடனடியாக இதன் பலன் நமக்கு கிடைக்கும் என எதிர்பார்க்க முடியாது, எதிர்வரும் 2 அல்லது 3 ஆண்டுகளுக்குப் பிறகு கண்டிப்பாக இதனால் பயன்பெறலாம்.
பள்ளிக் கல்வித் துறையின் புதிய பாடதிட்டங்கள் தமிழக மாணவர்களிடையே ஒரு எதிர்பார்ப்பை உருவாக்கியுள்ளது. பெற்றோர்களிடையே ஒரு நம்பிக்கையை எற்படுத்தியுள்ளது. இவற்றை பூர்த்தி செய்வது ஆசியர்களுக்கு சவாலான பணியாக இருக்கும். ஆகவே ஆசிரியர்கள் சிறப்பு பாடத்திட்டத்தை மாணவர்களுக்கு எளிதில் புரியும் விதத்தில் கற்பிப்பது நமது கடமை என உணர்ந்து அர்ப்பணிப்புடன் பணியாற்ற வேண்டும் என்றார் அவர்.
கூட்டத்துக்கு, ஆட்சியர் எஸ்.ஏ.ராமன் முன்னிலை வகித்தார். மாவட்ட முதன்மைக் கல்வி அலுவலர் மார்ஸ், அனைத்து மாவட்டக் கல்வி அலுவலர்கள், அரசு, தனியார் பள்ளி ஆசிரியர்கள்
பங்கேற்றனர்.

 

]]>
http://www.dinamani.com/all-editions/edition-chennai/vellore/2018/jul/14/புதிய-பாடத்திட்டத்தில்-3-மாதிரி-கேள்வித்-தாள்கள்-விரைவில்-வெளியீடு-பள்ளிக்-கல்வித்-துறை-செயலர்-தகவல-2960053.html
2960052 சென்னை வேலூர் கல்லூரியில் முப்பெரும் விழா DIN DIN Saturday, July 14, 2018 11:52 PM +0530 ஆற்காடு எஸ்எஸ்எஸ் கல்லூரியில் முதலாம் ஆண்டு மாணவர்களுக்கு வரவேற்பு விழா, பல்கலைக்கழகத் தேர்வில் 100 சதவீதம் மதிப்பெண் பெற்ற மாணவர்கள் மற்றும் பல்வேறு துறைகளில் சிறந்து விளங்கிய மாணவ, மாணவிகளுக்குப் பாராட்டு ஆகிய முப்பெரும் விழா கல்லூரி வளாகத்தில் புதன்கிழமை நடைபெற்றது.
விழாவுக்கு, எஸ்எஸ்எஸ் கல்வி நிறுவனங்களின் தலைவர் ஏ.கே.நடராஜன் தலைமை வகித்தார். பொருளாளர்
ஏ.என்.சரவணன், நிர்வாக அறங்காவலர் ஏ.என்.செல்வம், செயலாளர் ஏ.என்.சங்கர் ஆகியோர் முன்னிலை வகித்தனர். வணிக நிர்வாகவியல் துறைத் தலைவர் சிவகுமார் வரவேற்றார்.
திருவலம் சாந்தா சுவாமிகள் குத்துவிளக்கேற்றி வைத்து விழாவைத் தொடங்கி வைத்து அருளாசி வழங்கினார்.
இதைத் தொடர்ந்து, பல்கலைக்கழகத் தேர்வில் ஒன்றுக்கும் மேற்பட்ட பாடங்களில் 100-க்கு 100 மதிப்பெண்கள் பெற்ற மாணவர்களுக்கும், துறை வாரியாக சிறந்த மதிப்பெண்கள் பெற்ற மாணவர்களுக்கும் பரிசுகள் வழங்கப்பட்டன.
நிகழ்ச்சியில், பள்ளி முதல்வர் செல்வகீதா, கல்லூரி துறைத் தலைவர்கள் சோபிதா, நிஷா, விஜயலட்சுமி, செந்தில்குமரன், தமிழ்தென்றல், செல்வகுமார், முரளிதரன் ஆகியோர் வாழ்த்துரை வழங்கினர். தமிழ்த் துறை தலைவர் கவிதா நிகழ்ச்சியை தொகுத்து வழங்கினார். வணிக கணினி பயன்பாட்டியல் துறைத் தலைவர் அறிவுடைநம்பி நன்றி கூறினார்.

 

]]>
http://www.dinamani.com/all-editions/edition-chennai/vellore/2018/jul/14/கல்லூரியில்-முப்பெரும்-விழா-2960052.html
2960051 சென்னை வேலூர் பெல் நிறுவனப் பணியாளர்கள் ஆர்ப்பாட்டம் DIN DIN Saturday, July 14, 2018 11:52 PM +0530 தொடர் திருட்டுச் சம்பவங்களை தடுக்கத் தவறிய பெல் நிறுவனத்தைக் கண்டித்து பணியாளர்கள் சனிக்கிழமை ஆர்ப்பாட்டத்தில் ஈடுபட்டனர்.
ராணிப்பேட்டையில் மத்திய அரசின் பொதுத் துறை நிறுவனமான பாரத மிகு மின் நிறுவனம் செயல்பட்டு வருகிறது. இங்கு சுமார் 2,500-க்கும் மேற்பட்ட பணியாளர்கள் பணிபுரிந்து வருகின்றனர். இங்குள்ள ஊழியர்கள் குடியிருப்பில் 15-க்கும் வீடுகளில் தொடர் திருட்டு சம்பவங்கள் நிகழ்ந்துள்ளன. இதுதொடர்பாக தொழிற்சாலை நிர்வாகம் நடவடிக்கை எடுக்கவில்லை எனக் கூறப்படுகிறது.
இதைக் கண்டித்தும், திருடுபோன பொருள்களை மீட்டு, பாதுகாப்பை உறுதி செய்ய வலியுறுத்தியும் பணியாளர்கள் தங்களது குடும்பத்துடன் நிறுவன பிராதன நுழைவு வாயில் முன் சனிக்கிழமை ஆர்ப்பாட்டத்தில் ஈடுப்பட்டனர். இதில் நிறுவனப் பணியாளர்கள் மற்றும் அவர்களது குடும்பத்தினர் ஆயிரத்துக்கும் மேற்பட்டோர் கலந்துகொண்டனர்.

 

]]>
http://www.dinamani.com/all-editions/edition-chennai/vellore/2018/jul/14/பெல்-நிறுவனப்-பணியாளர்கள்-ஆர்ப்பாட்டம்-2960051.html
2960050 சென்னை வேலூர் நாளை குழந்தைகளுக்கான ஓவியப் போட்டி DIN DIN Saturday, July 14, 2018 11:52 PM +0530 தேசிய அளவிலான குழந்தைகளுக்கான ஓவியப் போட்டி வேலூரில் திங்கள்கிழமை (ஜூலை 16) நடைபெற உள்ளது.
இதுகுறித்து இந்திய குழந்தைகள் நலச்சங்கத்தின் வேலூர் கிளை வெளியிட்டுள்ள செய்திக்குறிப்பு:
இச்சங்கத்தின் வேலூர் மாவட்டக் கிளை சார்பில் தேசிய அளவில் குழந்தைகளுக்கான ஓவியப் போட்டி வேலூர் மாநகராட்சி அலுவலகம் அருகே உள்ள ப.தண்டபாணி முதலியார் மண்டபத்தில் திங்கள்கிழமை காலை 9 மணிக்கு நடைபெற உள்ளது.
சாதாரண குழந்தைகள், மாற்றுத் திறனுடைய குழந்தைகள் என இரு பிரிவுகளில் இப்போட்டிகள் நடத்தப்படுகின்றன. சாதாரண குழந்தைகள் 5 வயது முதல் 9 வயது வரையில் பச்சைக் குழுவிலும், 10 வயது முதல் 16 வயது வரை வெள்ளைக் குழுவிலும், மூளை முடக்கு வாதம், மனநலம் குறையுடைய, கண் பார்வை குறைபாடு உள்ள, வாய் பேசாத மாற்றுத் திறனுடைய 5 வயது முதல் 10 வயது வரையிலான குழந்தைகள் மஞ்சள் குழுவிலும், 11 வயது முதல் 18 வயதுடைய மாற்றுத் திறன் குழந்தைகள் சிவப்புக் குழுவிலும் போட்டிகளில் பங்கேற்க முடியும். ஒவ்வொரு குழுவுக்கும் 4 தலைப்புகள் அளிக்கப்பட்டுள்ளன.
அவற்றில் ஏதேனும் ஒரு தலைப்பில் ஓவியம் வரையலாம். தேர்ந்தெடுக்கப்படும் ஓவியங்கள் மாவட்ட, மாநில, தேசிய அளவிலான போட்டிக்கு அனுப்பி வைக்கப்படும். ஓவியம் வரைய ஓவியத் தாள் போட்டி நடத்துநரால் வழங்கப்படும். மேலும் விவரங்களுக்கு 0416 -2242308 என்ற தொலைபேசி எண்ணில் தொடர்பு கொள்ளலாம்.

 

]]>
http://www.dinamani.com/all-editions/edition-chennai/vellore/2018/jul/14/நாளை-குழந்தைகளுக்கான-ஓவியப்-போட்டி-2960050.html
2960049 சென்னை வேலூர் ஆம்பூர் அருகே வேன் கவிழ்ந்து  20 பேர் காயம் DIN DIN Saturday, July 14, 2018 11:51 PM +0530 ஆம்பூர் அருகே சனிக்கிழமை வேன் கவிழ்ந்த விபத்தில் 20 பேர் காயமடைந்தனர்.
திண்டுகல் மாவட்டம், வேடசந்தூர் வட்டம், வேடசமுத்திரம் ஊராட்சியைச் சேர்ந்த விஜயகுமார் (32). இவரது குடும்பத்தினர் மற்றும் உறவினர்கள் உள்ளிட்ட 20 பேர் விஜயகுமாருக்கு சொந்தமான வேனில் திருப்பதி செல்வதற்காக வெள்ளிக்கிழமை இரவு புறப்பட்டனர்.
சனிக்கிழமை காலை ஆம்பூரை அடுத்த பச்சகுப்பம் கிராமம் அருகே சென்றபோது வேன், ஓட்டுநரின் கட்டுப்பாட்டை இழந்து சாலையோரப் பள்ளத்தில் கவிழ்ந்து
விபத்துக்குள்ளானது.
இந்த விபத்தில் சிவகுமார் (23), பிரவீன் (22), பழனியம்மாள் (32), இந்திராணி (53) உள்ளிட்ட 20 பேர் காயமடைந்தனர். காயமடைந்தவர்கள் ஆம்பூர் அரசு மருத்துவமனையில் சேர்க்கப்பட்டனர்.
இதுகுறித்து ஆம்பூர் கிராமிய போலீஸார் வழக்குப் பதிவு செய்து விசாரணை நடத்தி வருகின்றனர். மேலும், விபத்தில் காயமடைந்தவர்களை ஆம்பூர் வட்டாட்சியர் சுஜாதா நேரில் பார்வையிட்டு ஆறுதல்
கூறினார்.

 

]]>
http://www.dinamani.com/all-editions/edition-chennai/vellore/2018/jul/14/ஆம்பூர்-அருகே-வேன்-கவிழ்ந்து--20-பேர்-காயம்-2960049.html
2960048 சென்னை வேலூர் பெண் கொலை வழக்கில் தேடப்பட்டு வந்த நபர் கைது DIN DIN Saturday, July 14, 2018 11:51 PM +0530 ராணிப்பேட்டை காவல் நிலையம் எதிரே பெண் வெட்டிக் கொலை செய்யப்பட்ட சம்பவத்தில் தேடப்பட்டு வந்த நபரை போலீஸார் கைது செய்தனர்.
வாலாஜாபேட்டையை அடுத்த செங்காடு அருந்ததி காலனியைச் சேர்ந்தவர் சுகுணா (45).
இவரது கணவர் நம்பிராஜன் கடந்த சில ஆண்டுகளுக்கு முன் இறந்துவிட்டார். இவர்களுக்கு ஒரு மகன், மகள் உள்ளனர்.
செங்காட்டை அடுத்த வாங்கூர் கிராமத்தைச் சேர்ந்த சுரேந்திரன் (35), தனது வீட்டை சேதப்படுத்தி, மிரட்டல் விடுப்பதாகக் கூறி அவர் மீது சுகுணா, ராணிப்பேட்டை மகளிர் காவல் நிலையத்தில் புதன்கிழமை புகார் அளித்தார்.
புகார் அளித்துவிட்டு காவல் நிலையத்தைவிட்டு வெளியே வந்த சுகுணாவை மர்ம நபர்கள் கத்தியால் வெட்டிவிட்டு தப்பிச் சென்றனர். இதில் சுகுணா நிகழ்விடத்திலேயே இறந்தார்.
போலீஸ் விசாரணையில், சுகுணாவுக்கும், சுரேந்திரனுக்கும் இடையே தகாத உறவு இருந்ததும், இதன் காரணமாக அவர்களுக்குள் அடிக்கடி தகராறு ஏற்பட்டு வந்ததும், இதனால் சுகுணா சுரேந்திரன் மீது புகார் அளிக்க வந்தபோது, சுரேந்திரன் அவரைக் கொலை செய்ததும் தெரியவந்தது.
இதுகுறித்து ராணிப்பேட்டை டிஎஸ்பி கலைச் செல்வன் தலைமையில் தனிப்படை போலீஸார் தீவிர விசாரணை நடத்தி, சுரேந்திரனைத் தேடி வந்தனர்.
இந்நிலையில், சுரேந்திரன் வியாழக்கிழமை நள்ளிரவு சென்னைக்கு தப்பிச் செல்ல முயன்றபோது அவரை, போலீஸார் வாலாஜாபேட்டை சுங்கச் சாவடியில் மடக்கிப் பிடித்து கைது செய்தனர்.
இதையடுத்து அவர் ராணிப்பேட்டை நீதிமன்றத்தில் ஆஜர்படுத்தப்பட்டு வேலூர் மத்திய சிறையில் அடைக்கப்பட்டார்.

 

]]>
http://www.dinamani.com/all-editions/edition-chennai/vellore/2018/jul/14/பெண்-கொலை-வழக்கில்-தேடப்பட்டு-வந்த-நபர்-கைது-2960048.html
2960047 சென்னை வேலூர் மறைந்தவர்களின் தியாகத்தை மறக்கக் கூடாது' DIN DIN Saturday, July 14, 2018 11:51 PM +0530 கட்சிக்காகப் பணியாற்றி மறைந்தவர்களின் தியாகத்தை நாம் மறக்கக் கூடாது என முன்னாள் மத்திய அமைச்சர் எஸ்.ஜெகத்ரட்சகன் பேசினார்.
அரக்கோணம் நகர திமுக செயலர் ஐ.ராப்சன் அண்மையில் மறைந்தார். அவரது உருவப்பட திறப்பு விழா அரக்கோணத்தில் உள்ள அவரது இல்லத்தருகே வெள்ளிக்கிழமை நடைபெற்றது. இந்த நிகழ்ச்சியில் பங்கேற்று முன்னாள் மத்திய அமைச்சர் ஜெகத்ரட்சகன் பேசியது:
வேலூர் மாவட்டத்திலேயே அரக்கோணம் நகர திமுக என்பது தியாகங்களுக்குப் பெயர்பெற்றது. மறைந்த செயலர் மனோகரனும், அண்மையில் மறைந்த ராப்சனும் கட்சியை வழிநடத்திய பாங்கு அனைவருக்கும் எடுத்துக்காட்டாக இருக்கும். நகர செயலராக இருக்கும்போதே மறைந்த இவர்களின் தியாகத்தை நாம் என்றும் மறக்கக் கூடாது என்றார்
எஸ்.ஜெகத்ரட்சகன்.
படத் திறப்பு நிகழ்ச்சிக்கு மாவட்ட திமுக செயலரும், ராணிப்பேட்டை எம்எல்ஏவுமான ஆர்.காந்தி தலைமை வகித்தார். மாவட்டப் பொருளாளர் மு.கன்னையன், துணைச் செயலர் என்.ராஜ்குமார், நகர இளைஞரணி அமைப்பாளர் பிரசாத் ஆகியோர் முன்னிலை வகித்தனர். ஐ.ராப்சனின் உருவப்படத்தை முன்னாள் மத்திய அமைச்சர் எஸ்.ஜெகத்ரட்சகன் திறந்து வைத்து மலர்தூவி மரியாதை செலுத்தினார்.
இதில் வேலூர் மத்திய மாவட்ட திமுக செயலரும், அணைக்கட்டு தொகுதி எம்எல்ஏவுமான ஏ.பி.நந்தகுமார், மாவட்ட அவைத் தலைவர் தி.அ.முகமது சகி, வேலூர் கிழக்கு மாவட்ட துணைச் செயலர் சுந்தரமூர்த்தி, மாவட்ட திமுக துணைச் செயலாளர் அசோகன், அரக்கோணம் நகர திமுக நிர்வாகிகள் வி.எல்.ஜோதி, ஏ.அன்பு லாரன்ஸ், எஸ்.மணி, வி.விமலா, கே.ராஜேந்திரன், வெ.விக்கிரமன், கோ.வ.தமிழ்வாணன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-chennai/vellore/2018/jul/14/மறைந்தவர்களின்-தியாகத்தை-மறக்கக்-கூடாது-2960047.html
2960046 சென்னை வேலூர் துணை மின்நிலைய மின்மாற்றியில் பழுது: பல ஊர்களில் மின்தடை DIN DIN Saturday, July 14, 2018 11:51 PM +0530 ஆம்பூர் அருகே விண்ணமங்கலம் துணை மின்நிலைய மின்மாற்றியில் ஏற்பட்ட பழுது காரணமாக பல ஊர்களில் சனிக்கிழமை மின்தடை ஏற்பட்டது.
ஆம்பூர் அருகே விண்ணமங்கலம் கிராமத்தில் துணை மின் நிலையத்தில் உள்ள முக்கிய மின்மாற்றி சனிக்கிழமை காலை திடீரென தீப்பிடித்து எரிந்தது. இதனால் அந்த மின்மாற்றியில் பழுது ஏற்பட்டது. அதன் காரணமாக வாணியம்பாடி, ஆம்பூர், விண்ணமங்கலம், குடியாத்தம், பள்ளிகொண்டா, பேர்ணாம்பட்டு மற்றும் அதைச் சுற்றியுள்ள பல கிராமங்களில் மின்தடை ஏற்பட்டது. காலை 9 மணிக்கு மின்தடை ஏற்பட்டதைத் தொடர்ந்து மின்வாரிய பொறியாளர்கள் மற்றும் பணியாளர்கள் பழுதை நீக்குவதற்கான பணியில் ஈடுபடுத்தப்பட்டனர்.
மாலை 4 மணிக்கு பிறகு பழுது சரிசெய்யப்பட்டதை அடுத்து மின் விநியோகம் சீரானது. சுமார் 7 மணி நேர மின்தடை காரணமாக பொதுமக்கள் கடுமையாக பாதிக்கப்பட்டனர்.

 

]]>
http://www.dinamani.com/all-editions/edition-chennai/vellore/2018/jul/14/துணை-மின்நிலைய-மின்மாற்றியில்-பழுது-பல-ஊர்களில்-மின்தடை-2960046.html
2959369 சென்னை வேலூர் தொழிலாளி வங்கிக் கணக்கிலிருந்து ரூ. 15 ஆயிரம் திருட்டு: எஸ்.பி. அலுவலகத்தில் புகார் DIN DIN Saturday, July 14, 2018 12:39 AM +0530 செல்லிடப்பேசியில் ஏடிஎம் ரகசிய எண்ணைக் கேட்டு, தொழிலாளியின் வங்கிக் கணக்கிலிருந்து ரூ. 15 ஆயிரம் திருடப்பட்டது குறித்து வேலூர் எஸ்.பி. அலுவலகத்தில் புகார் அளிக்கப்பட்டது.
வேலூர் கொண்டவட்டத்தைச் சேர்ந்தவர் நசுருல்லா (57). தொழிலாளியான இவரது செல்லிடப்பேசிக்கு 2 நாள்களுக்கு முன் வந்த அழைப்பில் வங்கி அதிகாரி என பேசியவர், ஏடிஎம் ரகசிய எண்களை கேட்டுப் பெற்றுள்ளார். அழைப்பை துண்டித்த சிறிது நேரத்திலேயே நசுருல்லா வங்கிக் கணக்கில் இருந்து ரூ. 15 ஆயிரம் எடுக்கப்பட்டதாக அவரது செல்லிடப்பேசிக்கு குறுந்தகவல் வந்துள்ளது. உடனடியாக நசுருல்லா வங்கிக்குச் சென்று கேட்டுள்ளார். 
அதன் பிறகே செல்லிடப்பேசியில் வங்கி அதிகாரிபோல் பேசி வங்கிக் கணக்கிலிருந்து சிலர் ரூ. 15 ஆயிரத்தை திருடியிருப்பது தெரியவந்தது. இதுதொடர்பாக, நசுருல்லா எஸ்.பி. அலுவலகத்தில் வியாழக்கிழமை புகார் செய்தார். அதன்பேரில் போலீஸார் விசாரணை நடத்தி வருகின்றனர்.

]]>
http://www.dinamani.com/all-editions/edition-chennai/vellore/2018/jul/14/தொழிலாளி-வங்கிக்-கணக்கிலிருந்து-ரூ-15-ஆயிரம்-திருட்டு-எஸ்பி-அலுவலகத்தில்-புகார்-2959369.html
2959368 சென்னை வேலூர் தொழிலாளியை கொலை செய்தவருக்கு ஆயுள் சிறை DIN DIN Saturday, July 14, 2018 12:39 AM +0530 குடியாத்தம் அருகே முன்விரோதத்தில் தொழிலாளியை கத்தியால் குத்தி கொலை செய்தவருக்கு ஆயுள் சிறை தண்டனை விதித்து வேலூர் கூடுதல் மாவட்ட நீதிமன்றம் வெள்ளிக்கிழமை தீர்ப்பளித்தது.
குடியாத்தம் வட்டம், மீனூர் கிராமத்தைச் சேர்ந்தவர் கிருஷ்ணன் (69). இவரது மகன் சத்தியமூர்த்தி (37). இவருக்கும், அதே ஊரைச் சேர்ந்த ரமேஷுக்கும் இடையே முன்விரோதம் இருந்துள்ளது. 
கடந்த 2014 பிப்ரவரி 21-ஆம் தேதி ரமேஷுக்கும், சத்தியமூர்த்திக்கும் இடையே தகராறு ஏற்பட்டது. அப்போது, அங்கு வந்த அதே ஊரைச் சேர்ந்த வெங்கடேஷ் (40) இருவரையும் விலக்கி அனுப்பி வைத்தார்.
இந்த விவகாரத்தில் ரமேஷுக்கு ஆதரவாக வெங்கடேஷ் செயல்படுவதாக எண்ணிய சத்தியமூர்த்தி அவர் மீது ஆத்திரத்தில் இருந்தாராம். 
அதே நாள் மாலை ரமேஷ், வெங்கடேஷ் இருவரும் பேசிக் கொண்டிருந்தனர். 
அப்போது தனது தந்தை கிருஷ்ணனுடன் அந்த வழியாகச் சென்ற சத்தியமூர்த்தி வெங்கடேஷுடன் தகராறில் ஈடுபட்டுள்ளார். அப்போது, சத்தியமூர்த்தி வெங்கடேஷை கத்தியால் குத்தி கொலை 
செய்தார். 
இதுகுறித்து குடியாத்தம் கிராமிய போலீஸார் வழக்குப் பதிவு செய்து சத்தியமூர்த்தியையும், அவருக்கு உடந்தையாக இருந்ததாக கிருஷ்ணனையும் கைது செய்தனர். இந்த வழக்கு வேலூர் கூடுதல் மாவட்ட நீதிமன்றத்தில் நடைபெற்று வந்ததது. நீதிபதி குணசேகரன், குற்றம்சாட்டப்பட்ட சத்தியமூர்த்திக்கு ஆயுள் சிறை தண்டனையும், ரூ. 3 ஆயிரம் அபராதமும் விதித்து வெள்ளிக்கிழமை 
தீர்ப்பளித்தார். 
கிருஷ்ணன் மீதான குற்றச்சாட்டுகள் சரிவர நிரூபிக்கப்படாததால் அவருக்கு ரூ. 3 
ஆயிரம் அபராதம் மட்டும் விதிக்கப்பட்டு விடுதலை செய்யப்பட்டார். தண்டனை விதிக்கப்பட்ட சத்தியமூர்த்தி வேலூர் மத்திய சிறையில் அடைக்கப்பட்டார்.
 

]]>
http://www.dinamani.com/all-editions/edition-chennai/vellore/2018/jul/14/தொழிலாளியை-கொலை-செய்தவருக்கு-ஆயுள்-சிறை-2959368.html
2959367 சென்னை வேலூர் பெண்ணிடம் பாலியல் வன்முறை: ரேஷன் கடைப் பணியாளர் கைது DIN DIN Saturday, July 14, 2018 12:38 AM +0530 அரக்கோணம் அருகே ரேஷன் கடைக்கு பொருள் வாங்க வந்த பெண்ணிடம் பாலியல் வன்முறையில் ஈடுபட முயன்றதாக கடைப் பணியாளரை பொதுமக்கள் பிடித்து அடித்து, போலீஸாரிடம் ஒப்படைத்தனர். இதையடுத்து அவர் போக்சோ சட்டத்தின் கீழ் கைது செய்யப்பட்டார்.
அரக்கோணம் ஊராட்சி ஒன்றியத்துக்கு உள்பட்ட பெருங்களத்தூர் ஊராட்சி, இந்திரா நகரில் ரேஷன் கடை உள்ளது. இங்கு வியாழக்கிழமை அதே கிராமத்தைச் சேர்ந்த பூபதியின் மனைவி சந்தியா (21) பொருள் வாங்க வந்துள்ளார். அப்போது, அவர் மண்ணெண்ணெய் உள்ளதா? என்று பணியாளரிடம் கேட்டதற்கு, அவர் உள்ளே வருமாறு கூறியுள்ளார். 
அப்போது சந்தியாவிடம், கடைப் பணியாளர் பாலியல் வன்முறைக்கு முயன்றதாகக் கூறப்படுகிறது. இதனால், அதிர்ச்சியடைந்த அவர் அலறியடித்து வெளியே ஓடிவந்துள்ளார்.  இதையடுத்து அங்கு வந்த சந்தியாவின் கணவர் பூபதியிடம், கடைப் பணியாளர் தன்னிடம் தவறாக நடக்க முயன்றதாகக் கூறியுள்ளார். 
இதனால் ஆத்திரமடைந்த பூபதி மற்றும் அப்பகுதி மக்கள், கடைப் பணியாளரான அதே கிராமத்தைச் சேர்ந்த செல்வத்தை (43) கடுமையாகத் தாக்கினர். பின்னர், அங்கு ஒரு அறையில் அவரை பூட்டிவைத்து, அரக்கோணம் கிராமிய போலீஸாருக்கு தகவல் அளித்தனர். 
அதன்பேரில், காவல் ஆய்வாளர் (பொறுப்பு) முத்துராமலிங்கம் தலைமையிலான போலீஸார், அங்கு சென்று செல்வத்தை கைது செய்து, காவல் நிலையத்துக்கு அழைத்துச் சென்றனர்.  இதுகுறித்து ஆய்வாளர் முத்துராமலிங்கம் கூறுகையில், ரேஷன் கடைப் பணியாளர் செல்வம் போக்சோ சட்டத்தில் கைது செய்யப்பட்டிருப்பதாகத் தெரிவித்தார்.

]]>
http://www.dinamani.com/all-editions/edition-chennai/vellore/2018/jul/14/பெண்ணிடம்-பாலியல்-வன்முறை-ரேஷன்-கடைப்-பணியாளர்-கைது-2959367.html
2959366 சென்னை வேலூர் 71 பழங்குடியின மாணவர்களுக்கு ஜாதி சான்றிதழ்: அமைச்சர் வழங்கினார் DIN DIN Saturday, July 14, 2018 12:38 AM +0530 வாணியம்பாடி அருகே மல்லகுண்டாவில் நடைபெற்ற நிகழ்ச்சியில் 71 பழங்குடியின மாணவர்களுக்கு ஜாதி சான்றிதழ்களை மாநில தொழிலாளர் நலத் துறை அமைச்சர் நிலோபர் கபீல் வழங்கினார்.
வாணியம்பாடியை அடுத்த மல்லகுண்டா ஊராட்சிக்கு உள்பட்ட குருவானிகுண்டாவில் உள்ள இருளர் வட்டம் பகுதியில் 100-க்கும் மேற்பட்ட பழங்குடியின மக்களான இருளர் பிரிவினர் வசித்து வருகின்றனர்.  கடந்த 20 ஆண்டுகளுக்கு மேலாக பழங்குடியினர் ஜாதி சான்றிதழ்களைப் பெற முடியாமல் மாணவர்கள், கிராம மக்கள் அவதிபட்டு வந்தனர். 
இதையடுத்து ஆட்சியர் எஸ்.ஏ.ராமன் உத்தரவின் பேரில் திருப்பத்தூர் சார் -ஆட்சியர் பிரியங்கா பங்கஜம் அப்பகுதியில் ஆய்வு செய்து தகுதி வாய்ந்த பழங்குடி இனத்தைச் சேர்ந்த 71 மாணவர்களுக்கு பழங்குடியினர் (இருளர்) சான்று வழங்க நடவடிக்கை எடுத்தார். அவர்களுக்கான சான்றிதழ்கள் வழங்கும் நிகழ்ச்சி குருவானிகுண்டாவில் வியாழக்கிழமை நடைபெற்றது.  
நிகழ்ச்சிக்கு, திருப்பத்தூர் சார்-ஆட்சியர் பிரியங்கா பங்கஜம் தலைமை வகித்தார். நாட்டறம்பள்ளி ஒன்றிய அதிமுக செயலாளர் ராஜா, முன்னாள் மாவட்ட கவுன்சிலர்கள் பிரேமலதா சாம்ராஜ், சதீஷ்குமார், நகரச் செயலாளர் சதாசிவம் ஆகியோர் முன்னிலை வகித்தனர். வட்டாட்சியர் குமார் வரவேற்றார். அமைச்சர் நிலோபர் கபில் 71 மாணவ, மாணவிகளுக்கு ஜாதி சான்றிதழ்களை வழங்கிப் பேசினார். தனி வட்டாட்சியர் உமா ரம்யா, மாவட்ட ஜெயலலிதா பேரவை செயலாளர் ரமேஷ் உள்ளிட்டோர் கலந்து கொண்டனர். கிராம நிர்வாக அலுவலர் பயாஸ்
அகமது நன்றி கூறினார்.

]]>
http://www.dinamani.com/all-editions/edition-chennai/vellore/2018/jul/14/71-பழங்குடியின-மாணவர்களுக்கு-ஜாதி-சான்றிதழ்-அமைச்சர்-வழங்கினார்-2959366.html
2959365 சென்னை வேலூர் மின்சாரம் பாய்ந்து விவசாயி சாவு DIN DIN Saturday, July 14, 2018 12:38 AM +0530 வாணியம்பாடி அருகே அறுந்து விழுந்து கிடந்த மின் கம்பியை மிதித்தபோது மின்சாரம் பாய்ந்து விவசாயி இறந்தார். 
வாணியம்பாடியை அடுத்த  இந்திரா நகர் பகுதியைச் சேர்ந்தவர் முருகன் (40). விவசாயியான இவர், வியாழக்கிழமை தனக்குச் சொந்தமான நிலத்தில் பயிர்களுக்கு தண்ணீர் விடுவதற்காக நடந்து சென்றுள்ளார். 
அப்போது, பலத்த காற்றால் தென்னைமட்டை மின் கம்பி மீது விழுந்ததில், மின்கம்பி அறுந்து கீழே விழுந்து கிடந்தது. இதையறியாமல் சென்ற முருகன் மின்கம்பியை மிதித்தபோது மின்சாரம் பாய்ந்து நிகழ்விடத்திலேயே இறந்தார்.  தகவலறிந்த மின்வாரிய அலுவலர்கள் மின் இணைப்பைத் துண்டித்தனர். மேலும், மின்கம்பியை சீரமைத்தனர்.  மேலும், வாணியம்பாடி கிராமிய போலீஸார் அங்கு சென்று முருகனின் சடலத்தை மீட்டு, வாணியம்பாடி அரசு மருத்துவமனைக்கு அனுப்பி வைத்தனர். இதுகுறித்து வழக்குப் பதிவு செய்து, விசாரித்து வருகின்றனர்.

]]>
http://www.dinamani.com/all-editions/edition-chennai/vellore/2018/jul/14/மின்சாரம்-பாய்ந்து-விவசாயி-சாவு-2959365.html
2959364 சென்னை வேலூர் குடியாத்தம் பகுதியில் தொடர் திருட்டு: 3 பேர் கைது DIN DIN Saturday, July 14, 2018 12:38 AM +0530 குடியாத்தம் பகுதியில் இரு சக்கர வாகனங்கள் திருட்டு, வீடு புகுந்து திருட்டு ஆகியவை தொடர்பாக 3 பேர் கைது செய்யப்பட்டனர். அவர்களிடமிருந்து 8  சவரன் தங்க நகைகள், 4 இரு சக்கர வாகனங்கள் வியாழக்கிழமை பறிமுதல் செய்யப்பட்டன. 
குடியாத்தம் பகுதியில் பல்வேறு திருட்டுச் சம்பவங்கள் தொடர்பாக நகரக் காவல் ஆய்வாளர் இருதயராஜ், கிராமிய காவல் ஆய்வாளர் செங்குட்டுவன் தலைமையில் தனிப்படை போலீஸார் தீவிர விசாரணை மேற்கொண்டிருந்தனர்.
இந்நிலையில் அணைக்கட்டை அடுத்த மூலகேட்டைச் சேர்ந்த முருகன் என்கிற சாவடிமுருகன் (29), போடிப்பேட்டையைச் சேர்ந்த பிரவீண்குமார் (25), தமிழரசன் (25) ஆகிய 3 பேரை போலீஸார் வியாழக்கிழமை கைது செய்தனர். 
விசாரணையில் அவர்கள் வீடுகளில் புகுந்து திருடியது, இரு சக்கர வாகனங்களைத் திருடியது தெரியவந்தது. அவர்களிடமிருந்து 8 சவரன் தங்க நகைகள், 4 இரு சக்கர வாகனங்கள் பறிமுதல் 
செய்யப்பட்டன.
 

]]>
http://www.dinamani.com/all-editions/edition-chennai/vellore/2018/jul/14/குடியாத்தம்-பகுதியில்-தொடர்-திருட்டு-3-பேர்-கைது-2959364.html
2959363 சென்னை வேலூர் ஆட்டிறைச்சி கூடத்தில் ஆழ்துளைக் குழாய் அமைப்பு DIN DIN Saturday, July 14, 2018 12:37 AM +0530 திருப்பத்தூரில் உள்ள நகராட்சி ஆட்டிறைச்சி கூடத்தில் வியாழக்கிழமை ஆழ்துளைக் கிணறு அமைக்கப்பட்டது.
திருப்பத்தூரில் நகராட்சி சார்பில் நவீன மயமாக்கப்பட்ட ஆட்டிறைச்சி அறுவை மற்றும் ஆய்வுக் கூடத்தில் தண்ணீர் குழாய் பழுதடைந்தது சுமார் 6 மாதங்களாகிறது. கடந்த 10 நாள்களுக்கு முன் ஆழ்துளைக் குழாய் அமைக்கு பணிக்காக இறைச்சிக் கூடத்தின் நுழைவு வாயில் கதவு திறந்து வைக்கப்பட்டது. இதனால், நாய்கள் புகுந்து ஆடுகளைக் கடித்ததில், 10 ஆடுகள் இறந்தன, 5 ஆடுகள் காயமடைந்தன. இதுகுறித்து தினமணியில் வியாழக்கிழமை செய்தி வெளியானது. இதையடுத்து நகராட்சி அலுவர்கள் ஆட்டிறைச்சிக் கூடத்தில் வியாழக்கிழமை ஆழ்துளைக் குழாய் அமைத்தனர். இதேபோல் நுழைவு வாயிலையும் அமைத்துத் தர வேண்டும் என வியாபாரிகள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-chennai/vellore/2018/jul/14/ஆட்டிறைச்சி-கூடத்தில்-ஆழ்துளைக்-குழாய்-அமைப்பு-2959363.html
2959362 சென்னை வேலூர் காவல் நிலையத்தை முற்றுகையிட்ட  இந்து முன்னணியினர் DIN DIN Saturday, July 14, 2018 12:37 AM +0530 குடியாத்தம் அருகே வனத்துறையினர் மீது நடவடிக்கை எடுக்க வேண்டி இந்து முன்னணி அமைப்பினர் காவல் நிலையத்தை வெள்ளிக்கிழமை முற்றுகையிட்டு போராட்டத்தில் ஈடுபட்டனர். 
குடியாத்தம் அருகே உள்ள பரதராமியை அடுத்த பூசாரிவலசை கிராமம் வன எல்லையில்  அமைந்துள்ளது. அக்கிராம மக்கள் அங்குள்ள வன எல்லையில் கடந்த 30 ஆண்டுகளாக காளியம்மன் திருவிழாவை நடத்தி வருகின்றனர்.இந்த ஆண்டும் சில நாள்களுக்கு முன் திருவிழா நடைபெற்றது. 
அப்போது அங்கு வந்த வனத் துறையினர் திருவிழா நடக்கும் இடம் வனத்துறைக்குச் சொந்தமானது என்பதால் யாரும் இங்கு திருவிழா நடத்தக் கூடாது என்றனர்.  இதையடுத்து இந்து முன்னணியினர் அங்கு சென்று வனத் துறையினரிடம் பேச்சுவார்த்தை நடத்தி திருவிழாவை நடத்திக் கொள்ள அனுமதி பெற்றனர். 
திருவிழாவும் நடந்து முடிந்தது. இந்நிலையில் அத்துமீறி நுழைந்து வனப்பகுதியில் திருவிழா நடத்தியதாக பூசாரிவலசை கிராமத்தைச் சேர்ந்த சிலர் மீது வனத் துறையினர் பரதராமி காவல் நிலையத்தில் புகார் கொடுத்தனர். 
இதுகுறித்து தகவலறிந்த இந்து முன்னணி அமைப்பினர் அதன் ஒன்றியத் தலைவர் டி.கே. தரணி தலைமையில் பூசாரிவலசை கிராம மக்களுடன் வெள்ளிக்
கிழமை சென்று பரதராமி காவல் நிலையத்தை முற்றுகையிட்டுப் போராட்டம் நடத்தினர்.
பின்னர் அவர்கள் பூசாரிவலசை கிராம மக்களை மிரட்டும் வனத்துறையினர் மீது நடவடிக்கை எடுக்க வேண்டி காவல் நிலையத்தில் புகார் மனு அளித்தனர். இதனால் அந்த பகுதியில் பரபரப்பு 
ஏற்பட்டது.
 

]]>
http://www.dinamani.com/all-editions/edition-chennai/vellore/2018/jul/14/காவல்-நிலையத்தை-முற்றுகையிட்ட--இந்து-முன்னணியினர்-2959362.html
2959361 சென்னை வேலூர் தெங்கால் பாலாற்றில் மணல் குவாரி அமைக்க எதிர்ப்பு: குறைதீர் கூட்டத்தில் விவசாயிகள் மனு DIN DIN Saturday, July 14, 2018 12:36 AM +0530 ராணிப்பேட்டையை அடுத்த தெங்கால் கிராமப் பகுதி பாலாற்றில் மணல் குவாரி அமைத்தால் சுமார் 5 லட்சம்  குடும்பங்களின் குடிநீர் ஆதாராம் பாதிக்கப்படும் என்று தெரிவத்து விவசாயிகள் குறைதீர் நாள் கூட்டத்தில் கிராம மக்கள் மனு அளித்தனர். 
ராணிப்பேட்டை வருவாய் கோட்டத்துக்கு உள்பட்ட ஆற்காடு, வாலாஜாபேட்டை, நெமிலி, அரக்கோணம் ஆகிய 4 வட்டங்களைச் சேர்ந்த விவசாயிகளுக்கான மாதாந்திர குறைதீர் நாள் கூட்டம் கோட்டாட்சியர் அலுவலக வளாகத்தில் வெள்ளிக்கிழமை நடைபெற்றது.
கூட்டத்துக்கு வருவாய் கோட்டாட்சியர் கா.வேணுகேரன் தலைமை வகித்தார். இதில் அனைத்துத் துறை அதிகாரிகள் மற்றும் விவசாயிகள் கலந்துகொண்டனர்.
அப்போது, ராணிப்பேட்டையை அடுத்த தெங்கால் கிராம ஊராட்சி முன்னாள் தலைவர் டி.சி. பத்மநாபன் தலைமையில் தெங்கால், அவரக்கரை, மணியம்பட்டு உள்ளிட்ட சுற்றுவட்டார கிராமங்களைச் சேர்ந்த மக்கள் கோட்டாட்சியர் வேணுசேகரனிடம் கோரிக்கை மனு 
அளித்தனர். அதில், வாலாஜாபேட்டை வட்டம், தெங்கால் கிராம பாலாற்றுப் படுகையில் புதிதாக மணல் குவாரி அமைப்பதற்கான ஆயத்தப் பணிகளை மாவட்ட நிர்வாகம் செய்துவருதாக தகவல் பரவி வருகிறது. அங்கு மணல் குவாரி அமைக்கப்பட்டால், நிலத்தடி நீர்மட்டம்  அதல பாதாளத்துக்குச் சென்று, சுற்றியுள்ள 20 கிராமங்களும், பெல், வேலூர், சத்துவாச்சாரி உள்ளிட்ட  பகுதிகளைச் சேர்ந்த சுமார் 5 லட்சத்துக்கும் மேற்பட்ட குடும்பங்களின் குடிநீர் ஆதாரம் பாதிக்கப்படும். எனவே அப்பகுதியில் புதிய மணல் குவாரி அமைக்கும் நடவடிக்கையை கைவிட வேண்டும் என மனுவில் தெரிவித்துள்ளனர். 
இதைத் தொடர்ந்து தமிழ்நாடு விவசாயிகள் சங்கத்தின் மாவட்டத் தலைவர் மணி கூறியதாவது:
தெங்கால் கிராம பாலாற்றுப் படுகையில் புதிதாக மணல் குவாரி அமைக்கும்பட்சத்தில் அங்குள்ள சுமார் 600 ஏக்கர் பரப்பிலான அரசு விவசாயப் பண்ணைகளின் பாசனம் பாதிக்கப்படும். இதன் காரணமாக அங்கு பணிபுரிந்து வரும் 200-க்கும் மேற்பட்ட தொழிலாளர்கள், அவர்களின் குடும்பத்தினர் பாதிக்கப்படுவர். எனவே, புதிய மணல் குவாரி அமைப்பதைத் தடுத்து நிறுத்த வேண்டும் என்றார். 
இதே கோரிக்கையை வலியுறுத்தி சமூக ஆர்வலர்கள் தமிழ், சிவராஜ், தமிழ் குசேலன் உள்ளிட்டோர் வருவாய் கோட்டாட்சியரிடம் தனித் தனியாக மனு அளித்தனர். 
மேலும், வாலாஜாபேட்டை, ராணிப்பேட்டை, சிப்காட், ஆற்காடு, விஷாரம் மற்றும் சுற்றுவட்டார கிராமப் பகுதிகளில் காட்டன் சூதாட்டம், போலி லாட்டரிச் சீட்டு விற்பனை, கஞ்சா உள்ளிட்ட சட்டவிரோதச் செயல்கள் சர்வ சாதாரணமாக நடந்து வருகின்றன. இதனால் கூலித் தொழிலாளர்களின் குடும்பங்கள் பொருளாதார சிக்கலில் சிக்கித் தவித்து வருகின்றனர். இதுகுறித்து காவல் துறைக்கு தகவல் தெரிவிக்கும் சமூக ஆர்வலர்கள் தாக்குதலுக்கு உள்ளாகின்றனர். 
எனவே உரிய நடவடிக்கை எடுத்து சட்டவிரோதச் செயல்களைத் தடுக்க வேண்டும் என விவசாயிகள் வலியுறுத்தினர்.
விவசாயிகளின் கோரிக்கை மனுக்களைப் பெற்றுக்கொண்ட வருவாய்  கோட்டாட்சியர் வேணுசேகரன், சம்பந்தப்பட்ட துறைக்கு பரிந்துரை செய்து நடவடிக்கை எடுப்பதாக உறுதியளித்தார்.
 

]]>
http://www.dinamani.com/all-editions/edition-chennai/vellore/2018/jul/14/தெங்கால்-பாலாற்றில்-மணல்-குவாரி-அமைக்க-எதிர்ப்பு-குறைதீர்-கூட்டத்தில்-விவசாயிகள்-மனு-2959361.html
2959360 சென்னை வேலூர் வாக்குச்சாவடிகள் 2 கி.மீ.க்குள் இருப்பதை உறுதிப்படுத்த ஆட்சியர் உத்தரவு DIN DIN Saturday, July 14, 2018 12:36 AM +0530 வேலூர் மாவட்டத்திலுள்ள அனைத்து வாக்குச்சாவடிகளிலும் 2 கி.மீ. தூரத்துக்குள் இருப்பதை அந்தந்த வட்டாட்சியர்கள் உறுதிப்படுத்த வேண்டும் என்று ஆட்சியர் எஸ்.ஏ.ராமன் உத்தரவிட்டுள்ளார்.
வேலூர் மாவட்டத்தில் புதிதாக மறுசீரமைப்பு செய்யப்பட்ட வரைவு வாக்குச்சாவடிகளின் பட்டியல்கள் கடந்த 
2-ஆம் தேதி வெளியிடப்பட்டது. இந்த வரைவு வாக்குச்சாவடிகள் குறித்து கோரிக்கைகள் இருந்தால் 10-ஆம் தேதிக்குள் மனு அளிக்கலாம் என்றும் தெரிவிக்கப்பட்டிருந்தது.  அதன்படி, மாவட்டத்தில் உள்ள 13 சட்டப்பேரவை தொகுதிகளிலும் 21 மனுக்கள் வரப்பெற்றன. அவற்றில், 17 மனுக்கள் ஏற்கப்பட்டு 3 மனுக்கள் நிராகரிக்கப்பட்டன. ஒரு மனுவானது வார்டு வரையறை தொடர்புடைய காரணத்தால் நடவடிக்கை எடுக்கும் வகையில் ஊரக வளர்ச்சித் துறைக்கு அனுப்பப்பட்டுள்ளது. 
இந்நிலையில், மறுசீரமைப்பு செய்யப்பட்ட வரைவு வாக்குச்சாவடிகள் குறித்து அங்கீகரிக்கப்பட்ட அரசியல் கட்சியினரின் கருத்துக் கேட்புக் கூட்டம் வேலூரில் வெள்ளிக்கிழமை நடைபெற்றது. கூட்டத்துக்கு தலைமை வகித்து, ஆட்சியர் எஸ்.ஏ.ராமன் பேசியதாவது: 
வரைவு வாக்குச்சாவடிகளை வட்டாட்சியர்கள் மண்டல அலுவலர்களுடன் நேரடியாகச் சென்று ஆய்வு செய்ய வேண்டும். அப்போது, வாக்குச்சாவடி மையக் கட்டடம் பழைய கட்டடமாக இருந்தால் மையத்தை மாற்ற நடவடிக்கை எடுக்க வேண்டும். ஒரு மையத்துக்கு 1,400 வாக்காளர்களுக்கு மேல் இருந்தால்தான் வாக்குச்சாவடி மையத்தை பிரிக்க நடவடிக்கை எடுக்க வேண்டும். வாக்காளர்கள் வாக்களிக்க 2 கி.மீட்டருக்கு மேல் செல்லாமல் இருப்பதை உறுதிப்படுத்த வேண்டும். எந்தவொரு அரசியல் கட்சியினரும் குறைகள் தெரிவிக்காமல் இருக்கும்படி  வாக்குச்சாவடி மையத்தை அலுவலர்கள் முறையாக ஆய்வு செய்ய வேண்டும். அரசியல் கட்சியினர் தங்களது ஆட்சேபனைகளை தெரிவிக்கலாம் என்றார் அவர்.
கூட்டத்தில், வேலூர் சார்-ஆட்சியர் மேகராஜ், ஆட்சியரின் நேர்முக உதவியாளர்கள் நாராயாணன் (தேர்தல்), சண்முகநாதன் (பொது), தேர்தல் வட்டாட்சியர் சச்சிதானந்தம், அனைத்து அரசியல் கட்சி பிரமுகர்கள் பங்கேற்றனர்.

]]>
http://www.dinamani.com/all-editions/edition-chennai/vellore/2018/jul/14/வாக்குச்சாவடிகள்-2-கிமீக்குள்-இருப்பதை-உறுதிப்படுத்த-ஆட்சியர்-உத்தரவு-2959360.html