Dinamani - கிருஷ்ணகிரி - http://www.dinamani.com/all-editions/edition-dharmapuri/krishnagiri/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2868808 தருமபுரி கிருஷ்ணகிரி தீர்த்தமலை தீர்த்தகிரீஸ்வரர் கோயிலில் மார்ச் 7-இல் தேர்த் திருவிழா DIN DIN Friday, February 23, 2018 08:57 AM +0530 தீர்த்தமலை தீர்த்தகிரீஸ்வரர் திருக்கோயில் தேர்த் திருவிழா மார்ச் 7-ஆம் தேதி நடைபெறுகிறது.
அரூர் வட்டம், தீர்த்தமலையில் அருள்மிகு தீர்த்தகிரீஸ்வரர் திருக்கோயில் உள்ளது. இந்த கோயிலில் திருக்கொடியேற்றம் மார்ச் 1-ஆம் தேதி நடைபெறுகிறது. தொடர்ந்து, மார்ச் 5-ஆம் தேதி சுவாமி திருக்கல்யாணமும், 7-ஆம் தேதி மதியம் 2 மணியளவில் திருத்தேரோட்டமும் நடைபெற உள்ளது.
இந்த விழாவில் தமிழகம் மட்டுமின்றி பிற மாநில பக்தர்களும் கலந்துகொள்வர் என எதிர்பார்க்கப்படுகிறது. விழா ஏற்பாடுகளை இந்து சமய அறநிலையத் துறை உதவி ஆணையர் சி.நித்யா,  செயல் அலுவலர் ரா.ராஜா ஆகியோர் செய்து வருகின்றனர்.


 

]]>
http://www.dinamani.com/all-editions/edition-dharmapuri/krishnagiri/2018/feb/23/தீர்த்தமலை-தீர்த்தகிரீஸ்வரர்-கோயிலில்-மார்ச்-7-இல்-தேர்த்-திருவிழா-2868808.html
2868807 தருமபுரி கிருஷ்ணகிரி ஒசூரில் ஒரு கட்டு கொத்தமல்லி ரூ.1 DIN DIN Friday, February 23, 2018 08:57 AM +0530 ஒரு கட்டு கொத்தமல்லி ஒரு ரூபாய்க்கு விற்பனையாவதால், ஒசூர் மற்றும் சூளகிரி பகுதியில் கொத்தமல்லி பயிர் செய்த விவசாயிகள் மிகவும் வேதனை அடைந்துள்ளனர்.
கிருஷ்ணகிரி மாவட்டம், ஒசூர், உத்தனப்பள்ளி, தளி, தேன்கனிக்கோட்டை, பாகலூர், சூளகிரி, புலியரசி, செம்பரசனபள்ளி, மாரண்டபள்ளி, அத்திமுகம், ஒம்தேபள்ளி, செம்பரசனபள்ளி, மற்றும் சுற்று வட்டாரப் பகுதிகளில் கொத்தமல்லி அதிகளவில் விளைவிக்கப்படுகிறது.
இந்நிலையில், ஒசூர் மற்றும் சூளகிரி வட்டாரத்தில் இந்தாண்டு கொத்தமல்லி வரத்து அதிகரித்ததால், சந்தையில் இதன் விலை கடும் வீழ்ச்சியடைந்தது.
கடந்த சில மாதங்களுக்கு முன் ஒரு கட்டு கொத்தமல்லி ரூ.20-க்கு விற்கப்பட்டது. வரத்து அதிகரித்துள்ளதால் கடந்த சில தினங்களாக ஒரு கட்டு கொத்தமல்லி ரூ.1-க்கு விற்கப்படும் அவல நிலை ஏற்பட்டுள்ளது. இதனால், விவசாயிகள் கடும் இழப்பை சந்தித்துள்ளனர். மேலும் உற்பத்தி செலவு கூட கிடைக்காமல் மிகவும் வேதனை அடைந்துள்ளனர்.

]]>
http://www.dinamani.com/all-editions/edition-dharmapuri/krishnagiri/2018/feb/23/ஒசூரில்-ஒரு-கட்டு-கொத்தமல்லி-ரூ1-2868807.html
2868806 தருமபுரி கிருஷ்ணகிரி கத்திரிக்காய் விலை வீழ்ச்சி: விவசாயிகள் வேதனை DIN DIN Friday, February 23, 2018 08:56 AM +0530 கத்திரிக்காய் விலை வீழ்ச்சியடைந்துள்ளதால், விவசாயிகள் வேதனையடைந்துள்ளனர்.
ஊத்தங்கரை சுற்றுவட்டாரப் பகுதிகளில் சுமார் 100-க்கும் மேற்பட்ட விவசாயிகள் கத்திரிக்காய் சாகுபடிசெய்து வருகின்றனர். இங்கு விளைவிக்கப்படும் கத்திரிக்காய் போளூர், ஆரணி உள்ளிட்ட பகுதிகளுக்கு சென்று விற்பனை செய்து வருகின்றனர். 
கடந்த சில மாதங்களுக்கு  முன் கத்திரிக்காய் ஒரு கிலோ ரூ.25 முதல் ரூ.30 வரை விற்பனை  செய்யப்பட்டது. ஆனால், தற்போது விலை மிகவும்  வீழ்ச்சியடைந்து ஒரு கிலோ ரூ.4 முதல் ரூ.5 வரை மட்டுமே விற்பனையாகிறது.
விலை வீழ்ச்சியால், கத்திரிக்காய் அறுவடை செய்யும் கூலித் தொழிலாளர்களுக்கு  கூலி கொடுப்பதற்கு கூட பணம் வராததால் கத்திரிக்காயை ஏற்றுமதி செய்யாமல் சாலையோரம் கொட்டியுள்ளனர். மேலும், கத்திரிக்காய் அறுவடையை நிறுத்திவிட்டு, நிலத்தில் மாடு மேய்த்து வருகின்றனர். இதனால் பெரும் இழப்பைச் சந்தித்துள்ள விவசாயிகள், வேளாண்துறை சார்பில் உரம், பூச்சிக்கொல்லி மருந்துகளை மானிய விலையில் வழங்கவும், நிவாரணம் வழங்கவும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/23/கத்திரிக்காய்-விலை-வீழ்ச்சி-விவசாயிகள்-வேதனை-2868806.html
2868805 தருமபுரி கிருஷ்ணகிரி தமிழக - கர்நாடக எல்லையில் நக்ஸல் தடுப்பு போலீஸார் தேடுதல் DIN DIN Friday, February 23, 2018 08:56 AM +0530 தமிழத்துக்கு பாரத பிரதமர் நரேந்திர மோடி, பிப்.25-ஆம் தேதி வருகை தர உள்ள நிலையில்,  தமிழ்நாடு, கர்நாடக மாநில எல்லையில் நக்ஸல் தடுப்பு போலீஸார் தீவிர தேடுதல் வேட்டைகளில் ஈடுபட்டுள்ளனர்.
 பிரதமர் நரேந்திர மோடி, பிப். 25-ஆம் தேதி தமிழகத்துக்கு வரவுள்ள நிலையில்,  முன்னெச்சரிக்கை பாதுகாப்பு நடவடிக்கையாக கிருஷ்ணகிரி மாவட்ட காவல் கண்காணிப்பாளர் டி.மகேஷ்குமார் உத்தரவின்பேரில்,  சிறப்பு அதிரடிப்படை கூடுதல் காவல் கண்காணிப்பாளர் மோகன் நிவாஸ் மேற்பார்வையில்,  நாசவேலை தடுப்புப் பிரிவு காவல் ஆய்வாளர் ரவி தலைமையில் உதவி காவல் ஆய்வாளர்கள் ராஜி,  வாசுதேவன் உள்ளிட்ட போலீஸார் தமிழக, கர்நாடக மாநில எல்லைகளில் தேடுதல் வேட்டையில் ஈடுபட்டனர். 
கிருஷ்ணகிரி மாவட்டம்,  பேரிகை காவல் நிலையத்துக்குள்பட்ட சின்னாரன்தொட்டி, ஏகல்குண்டு, செம்மறியாடுபாறை, எறும்புகோம்பை மற்றும் அதைச் சுற்றியுள்ள பகுதிகளில் நக்ஸல் தீவிர தேடுதல் வேட்டையில் ஈடுபட்டனர். 
மேலும்,  அன்னியர்களின் நடமாட்டம் இருந்தால்,  அதுகுறித்து போலீஸாருக்கு தகவல் தெரிவிக்கும்படி பொதுமக்களைக் கேட்டுக் கொண்டனர்.  மேலும், இதுபோன்ற தேடுதல் வேட்டைகள் தொடர்ந்து நடைபெறும் என காவல் துறையினர் தெரிவித்தனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/23/தமிழக---கர்நாடக-எல்லையில்-நக்ஸல்-தடுப்பு-போலீஸார்-தேடுதல்-2868805.html
2868803 தருமபுரி கிருஷ்ணகிரி போலி மதுபானம் தயாரித்ததாக குண்டர் தடுப்பு  காவல் சட்டத்தின் கீழ் 5 பேர் சிறையில் அடைப்பு DIN DIN Friday, February 23, 2018 08:55 AM +0530 எரிசாராயம் கடத்தி போலி மதுபானம் தயாரித்ததாக, 5 பேரை குண்டர் தடுப்புக் காவல் சட்டத்தின் கீழ் சிறையில் அடைக்க கிருஷ்ணகிரி மாவட்ட ஆட்சியர் சி.கதிரவன் வியாழக்கிழமை உத்தரவிட்டார்.
கிருஷ்ணகிரி மாவட்டம், பர்கூர் அருகே உள்ள கூச்சூர் பகுதியில் எரிசாராயம் கடத்தி வந்து போலி மதுபானம் தயாரிப்பது அண்மையில் தெரியவந்தது.
இதுதொடர்பாக, மதுவிலக்கு அமலாக்கப் பிரிவு போலீஸார் சேலம் மாவட்டம், அடைகானூர் கிராமத்தைச் சேர்ந்த கோவிந்தராஜி (51), வேலூர் மாவட்டம், திருப்பத்தூர் வட்டம், போடிகுட்டையூரைச் சேர்ந்த குமார் (எ) மகேந்திரன் (25), அநோகரன் (23), கிருஷ்ணகிரி மாவட்டம், பர்கூர் அருகே உள்ள குண்டியல்நத்தம் கிராமத்தைச் சேர்ந்த பிரகாஷ் (36), அவரது மனைவி ஜானகி (30) ஆகியோரை கைது செய்தனர். 
இவர்கள் தொடர்ந்து எரிசாராயம் கடத்தி, போலி மதுபானம் தயாரித்து விற்பனை செய்து வந்ததையடுத்து,  இவர்கள் 5 பேரையும் குண்டர் தடுப்புக் காவல் சட்டத்தின் கீழ் நடவடிக்கை எடுக்கும்படி கிருஷ்ணகிரி மாவட்டக் காவல் கண்காணிப்பாளர் டி.மகேஷ்குமார், கிருஷ்ணகிரி மாவட்ட ஆட்சியர் சி.கதிரவனுக்கு பரிந்துரை செய்தார்.
அதையடுத்து, மாவட்ட ஆட்சியர் 5 பேரையும் குண்டர் தடுப்புக் காவல் சட்டத்தின் கீழ் சிறையில் அடைக்க உத்தரவிட்டார்.
 

]]>
http://www.dinamani.com/all-editions/edition-dharmapuri/krishnagiri/2018/feb/23/போலி-மதுபானம்-தயாரித்ததாக-குண்டர்-தடுப்பு--காவல்-சட்டத்தின்-கீழ்-5-பேர்-சிறையில்-அடைப்பு-2868803.html
2868801 தருமபுரி கிருஷ்ணகிரி நாகர்கோவிலில் இரட்டைக் கொலை செய்த குற்றவாளி தளி அருகே கைது DIN DIN Friday, February 23, 2018 08:55 AM +0530 நாகர்கோவிலில் இரட்டைக் கொலை செய்த குற்றவாளி தளி அருகே பதுங்கி இருந்த போது, போலீஸார் அவரை வியாழக்கிழமை துப்பாக்கி முனையில் கைது செய்தனர். 
கன்னியாகுமரி மாவட்டம், நாகர்கோவிலில் கடந்த சில மாதங்களுக்கு முன் இரட்டைக் கொலை நிகழ்ந்தது.  இந்த கொலையைச் செய்த நாகர்கோவிலைச் சேர்ந்த செல்வம், போலீஸாரிடம் தப்பி கடந்த 3 மாதங்களாக தளி அருகே உள்ள விவசாயி மாகி பண்ணையில் பதுங்கி இருந்தார்.
நாகர்கோவில் போலீஸாருக்கு இந்த தகவல் கிடைத்ததைத் தொடர்ந்து,  வியாழக்கிழமை தேன்கனிக்கோட்டை டி.எஸ்.பி. சங்கர் தலைமையில்,  தளி காவல் நிலையப் போலீஸார் உதவியுடன் 
துப்பாக்கி முனையில் நாகர்கோவில் போலீஸார் செல்வத்தை கைது செய்து,  நாகர்கோவிலுக்கு அழைத்துச் சென்றனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/23/நாகர்கோவிலில்-இரட்டைக்-கொலை-செய்த-குற்றவாளி-தளி-அருகே-கைது-2868801.html
2868799 தருமபுரி கிருஷ்ணகிரி சொத்துத் தகராறு: கிருஷ்ணகிரி ஆட்சியர் அலுவலக வளாகத்தில்  விவசாயி குடும்பத்துடன் தீக்குளிக்க முயற்சி DIN DIN Friday, February 23, 2018 08:55 AM +0530 சொத்துத் தகராறில் புகார் தெரிவித்தும் முறையாக நடவடிக்கை எடுக்காததால்,  கிருஷ்ணகிரி மாவட்ட ஆட்சியர் அலுவலக வளாகத்தில் விவசாயி தனது குடும்பத்துடன் தீக்குளிக்க முயன்றது குறித்து போலீஸார் விசாரணை செய்து வருகின்றனர்.
கிருஷ்ணகிரி மாவட்டம்,  காவேரிப்பட்டணம் காவல் நிலையத்துக்குள்பட்ட தேவமுக்குளம் கிராமத்தைச் சேர்ந்தவர் சிலம்பரசன் (32). இவருக்கும், இவரது உறவினருக்கும் சொத்து தகராறு இருந்து வருகிறதாம்.
இதுகுறித்து காவேரிப்பட்டணம் காவல் நிலையத்தில் பல முறை புகார் தெரிவித்தும் நடவடிக்கை எடுக்கவில்லையாம்.  மேலும், கிருஷ்ணகிரி மாவட்ட காவல் கண்காணிப்பாளர், மாவட்ட  ஆட்சியர் ஆகியோரிடம் தனித்தனியே மனு அளித்தும் நடவடிக்கை எடுக்கப்படவில்லையாம்.
இதனால், மனமுடைந்த சிலம்பரசன், தனது பாட்டி புவியம்மாள் (70), தாய் லட்சுமி (50),  மனைவி சோனியா (28),  மகள் வனிதா (3) ஆகியோருடன் கிருஷ்ணகிரி மாவட்ட ஆட்சியர் அலுவலக வளாகத்தில் மண்ணெண்ணெய் ஊற்றி தீக்குளிக்க முயன்றனர்.
அப்போது, பாதுகாப்புப் பணியில் இருந்த போலீஸார்,  அவர்களைத் தடுத்து நிறுத்தி தண்ணீர் ஊற்றி காப்பாற்றினர்.  தகவல் அறிந்த காவேரிப்பட்டணம் போலீஸார், அவர்களை விசாரணைக்காக அழைத்துச் சென்றனர்.
இதையடுத்து, சொத்துத் தகராறு தொடர்பாக வருவாய்த் துறையினர் சம்பந்தப்பட்ட நிலத்தை அளவீடு செய்து நடவடிக்கை மேற்கொண்டுள்ளனர்.

]]>
http://www.dinamani.com/all-editions/edition-dharmapuri/krishnagiri/2018/feb/23/சொத்துத்-தகராறு-கிருஷ்ணகிரி-ஆட்சியர்-அலுவலக-வளாகத்தில்-விவசாயி-குடும்பத்துடன்-தீக்குளிக்க-முயற்சி-2868799.html
2868601 தருமபுரி கிருஷ்ணகிரி சொத்துத் தகராறு: விவசாயி குடும்பத்துடன் தீக்குளிக்க முயற்சி DIN DIN Friday, February 23, 2018 07:25 AM +0530 சொத்துத் தகராறில் புகார் தெரிவித்தும் முறையாக நடவடிக்கை எடுக்காததால்,  கிருஷ்ணகிரி மாவட்ட ஆட்சியர் அலுவலக வளாகத்தில் விவசாயி தனது குடும்பத்துடன் தீக்குளிக்க முயன்றது குறித்து போலீஸார் விசாரணை செய்து வருகின்றனர்.
கிருஷ்ணகிரி மாவட்டம்,  காவேரிப்பட்டணம் காவல் நிலையத்துக்குள்பட்ட தேவமுக்குளம் கிராமத்தைச் சேர்ந்தவர் சிலம்பரசன் (32). இவருக்கும், இவரது உறவினருக்கும் சொத்து தகராறு இருந்து வருகிறதாம்.
இதுகுறித்து காவேரிப்பட்டணம் காவல் நிலையத்தில் பல முறை புகார் தெரிவித்தும் நடவடிக்கை எடுக்கவில்லையாம்.  மேலும், கிருஷ்ணகிரி மாவட்ட காவல் கண்காணிப்பாளர், மாவட்ட  ஆட்சியர் ஆகியோரிடம் தனித்தனியே மனு அளித்தும் நடவடிக்கை எடுக்கப்படவில்லையாம்.
இதனால், மனமுடைந்த சிலம்பரசன், தனது பாட்டி புவியம்மாள் (70), தாய் லட்சுமி (50),  மனைவி சோனியா (28),  மகள் வனிதா (3) ஆகியோருடன் கிருஷ்ணகிரி மாவட்ட ஆட்சியர் அலுவலக வளாகத்தில் மண்ணெண்ணெய் ஊற்றி தீக்குளிக்க முயன்றனர்.
அப்போது, பாதுகாப்புப் பணியில் இருந்த போலீஸார்,  அவர்களைத் தடுத்து நிறுத்தி தண்ணீர் ஊற்றி காப்பாற்றினர்.  தகவல் அறிந்த காவேரிப்பட்டணம் போலீஸார், அவர்களை விசாரணைக்காக அழைத்துச் சென்றனர்.
இதையடுத்து, சொத்துத் தகராறு தொடர்பாக வருவாய்த் துறையினர் சம்பந்தப்பட்ட நிலத்தை அளவீடு செய்து நடவடிக்கை மேற்கொண்டுள்ளனர்.

]]>
http://www.dinamani.com/all-editions/edition-dharmapuri/krishnagiri/2018/feb/23/சொத்துத்-தகராறு-விவசாயி-குடும்பத்துடன்-தீக்குளிக்க-முயற்சி-2868601.html
2867455 தருமபுரி கிருஷ்ணகிரி ஒசூர் பிஎம்சி கல்லூரியில் இன்று  வேலை வாய்ப்பு முகாம் DIN DIN Wednesday, February 21, 2018 07:37 AM +0530 ஒசூர் பெருமாள் மணிமேகலை கல்லூரியில் செவ்வாய்க்கிழமை வேலை வாய்ப்பு முகாம் நடைபெறுகிறது. 
மத்திய அரசின் மனிதவள மேம்பாட்டுத் துறையின் சார்பில் தமிழகத்தில் உள்ள அனைத்து பகுதிகளைச் சார்ந்த இளைஞர்களும் பயனளிக்கும் வகையில் வேலைவாய்ப்பு முகாமை, ஒசூர் பெருமாள் மணிமேகலை பொறியியல் கல்லூரியும், தென் மண்டல பயிற்சிக்கான பயிற்சிக் கழகமும் இணைந்து நடத்துகின்றன. 
2015,  2016 மற்றும் 2017 பொறியியல் மற்றும் தொழில்நுட்பக் கல்வி  படித்த மாணவர்களுக்காக  இலவச       வேலைவாய்ப்பு முகாம் ஒசூர் பெருமாள் மணிமேகலை பாலிடெக்னிக் மற்றும் பொறியியல் கல்லூரி வளாகத்தில் நடபெறுகிறது.
இந்த வேலைவாய்ப்பு முகாமில் 50-க்கும் மேற்பட்ட நிறுவனங்கள் பங்கேற்க உள்ளன.
முகாமில் கலந்து கொள்ள வருபவர்கள் தங்களின் அசல் சான்றிதழ்களை கொண்டு வர வேண்டும். முகாமில் கலந்து கொள்ள நுழைவுக் கட்டணம் ஏதுமில்லை. 

]]>
http://www.dinamani.com/all-editions/edition-dharmapuri/krishnagiri/2018/feb/21/ஒசூர்-பிஎம்சி-கல்லூரியில்-இன்று-வேலை-வாய்ப்பு-முகாம்-2867455.html
2867494 தருமபுரி கிருஷ்ணகிரி விவசாயியால் கொல்லப்பட்ட  சிறுத்தையின் உடல் நீதிமன்ற உத்தரவுப்படி எரிப்பு DIN DIN Wednesday, February 21, 2018 07:35 AM +0530 கிருஷ்ணகிரி  அருகே விவசாயியால் வெட்டிக் கொல்லப்பட்ட சிறுத்தையின் உடலை, நீதிமன்ற உத்தரவுப்படி வனத்துறையினர் திங்கள்கிழமை, தீயிட்டு எரித்தனர்.
கிருஷ்ணகிரியை அடுத்த மகராஜகடை அருகே உள்ள மேலுகொல்லை கிராமத்தைச் சேர்ந்த விவசாயி ராமமூர்த்தி, தன்னைத் தாக்க வந்த சிறுத்தையை அரிவாளால் வெட்டி ஞாயிற்றுக்கிழமை கொன்றார். இதுகுறித்து, தகவல் அறிந்த வனத்துறையினர் சிறுத்தையின் உடலைக் கைப்பற்றினர்.  வனத் துறையின் கால்நடை மருத்துவர் ஏ.பிரகாஷ்,  பிரேதப் பரிசோதனை செய்தார். 
இந்த நிலையில், கிருஷ்ணகிரி குற்றவியல் நடுவர் நீதிமன்றம் எண்.1 நீதிபதி (பொறுப்பு) ஜெயப்பிரகாஷ் முன்னிலையில் நீதிமன்றத்தில்சிறுத்தையின் உடல் ஒப்படைக்கப்பட்டது. இதையடுத்து, சிறுத்தையின் உடலை தீயிட்டு எரிக்க நீதிபதி உத்தரவிட்டார்.
அதன்படி,  உயிரிழந்த சிறுத்தையின் உடலை, வனத் துறையினர் கிருஷ்ணகிரி வனச் சரக அலுவலக வளாகத்தில் தீயிட்டு திங்கள்கிழமை எரித்தனர்.  
இந்தநிலையில், மாவட்ட வன அலுவலர் தீபக் பல்கி தெரிவித்தது: சிறுத்தையைக் கொன்ற விவசாயி ராமமூர்த்தி மீது வன உயிரினப் பாதுகாப்புச் சட்டத்தின் கீழ் வழக்குப் பதிவு செய்யப்பட்டுள்ளது. ஆனால், அவர் மருத்துவமனையில் சிகிச்சை பெற்று வருவதால் அவரைக் கைது செய்யவில்லை. மேலு, வன விலங்குகளைத் தாக்குபவர்கள் மீது வன உயிரினப் பாதுகாப்புச் சட்டத்தின் கீழ் நடவடிக்கை எடுக்கப்படும் என்றார்.

]]>
http://www.dinamani.com/all-editions/edition-dharmapuri/krishnagiri/2018/feb/21/விவசாயியால்-கொல்லப்பட்ட--சிறுத்தையின்-உடல்-நீதிமன்ற-உத்தரவுப்படி-எரிப்பு-2867494.html
2866557 தருமபுரி கிருஷ்ணகிரி விவசாயியால் கொல்லப்பட்ட சிறுத்தையின் உடல் நீதிமன்ற உத்தரவுப்படி எரிப்பு DIN DIN Tuesday, February 20, 2018 01:11 AM +0530 கிருஷ்ணகிரி அருகே விவசாயியால் வெட்டிக் கொல்லப்பட்ட சிறுத்தையின் உடலை, நீதிமன்ற உத்தரவுப்படி வனத்துறையினர் திங்கள்கிழமை, தீயிட்டு எரித்தனர்.
கிருஷ்ணகிரியை அடுத்த மகராஜகடை அருகே உள்ள மேலுகொல்லை கிராமத்தைச் சேர்ந்த விவசாயி ராமமூர்த்தி, தன்னைத் தாக்க வந்த சிறுத்தையை அரிவாளால் வெட்டி ஞாயிற்றுக்கிழமை கொன்றார். இதுகுறித்து, தகவல் அறிந்த வனத்துறையினர் சிறுத்தையின் உடலைக் கைப்பற்றினர். வனத் துறையின் கால்நடை மருத்துவர் ஏ.பிரகாஷ், பிரேதப் பரிசோதனை செய்தார்.
இந்த நிலையில், கிருஷ்ணகிரி குற்றவியல் நடுவர் நீதிமன்றம் எண்.1 நீதிபதி (பொறுப்பு) ஜெயப்பிரகாஷ் முன்னிலையில் நீதிமன்றத்தில்சிறுத்தையின் உடல் ஒப்படைக்கப்பட்டது. இதையடுத்து, சிறுத்தையின் உடலை தீயிட்டு எரிக்க நீதிபதி உத்தரவிட்டார்.
அதன்படி, உயிரிழந்த சிறுத்தையின் உடலை, வனத் துறையினர் கிருஷ்ணகிரி வனச் சரக அலுவலக வளாகத்தில் தீயிட்டு திங்கள்கிழமை எரித்தனர்.
இந்தநிலையில், மாவட்ட வன அலுவலர் தீபக் பல்கி தெரிவித்தது: சிறுத்தையைக் கொன்ற விவசாயி ராமமூர்த்தி மீது வன உயிரினப் பாதுகாப்புச் சட்டத்தின் கீழ் வழக்குப் பதிவு செய்யப்பட்டுள்ளது. ஆனால், அவர் மருத்துவமனையில் சிகிச்சை பெற்று வருவதால் அவரைக் கைது செய்யவில்லை. மேலு, வன விலங்குகளைத் தாக்குபவர்கள் மீது வன உயிரினப் பாதுகாப்புச் சட்டத்தின் கீழ் நடவடிக்கை எடுக்கப்படும் என்றார்.

 

 

]]>
http://www.dinamani.com/all-editions/edition-dharmapuri/krishnagiri/2018/feb/20/விவசாயியால்-கொல்லப்பட்ட-சிறுத்தையின்-உடல்-நீதிமன்ற-உத்தரவுப்படி-எரிப்பு-2866557.html
2866556 தருமபுரி கிருஷ்ணகிரி ஒசூர் பிஎம்சி கல்லூரியில் இன்று வேலை வாய்ப்பு முகாம் DIN DIN Tuesday, February 20, 2018 01:11 AM +0530 ஒசூர் பெருமாள் மணிமேகலை கல்லூரியில் செவ்வாய்க்கிழமை வேலை வாய்ப்பு முகாம் நடைபெறுகிறது.
மத்திய அரசின் மனிதவள மேம்பாட்டுத் துறையின் சார்பில் தமிழகத்தில் உள்ள அனைத்து பகுதிகளைச் சார்ந்த இளைஞர்களும் பயனளிக்கும் வகையில் வேலைவாய்ப்பு முகாமை, ஒசூர் பெருமாள் மணிமேகலை பொறியியல் கல்லூரியும், தென் மண்டல பயிற்சிக்கான பயிற்சிக் கழகமும் இணைந்து நடத்துகின்றன.
2015, 2016 மற்றும் 2017 பொறியியல் மற்றும் தொழில்நுட்பக் கல்வி படித்த மாணவர்களுக்காக இலவச வேலைவாய்ப்பு முகாம் ஒசூர் பெருமாள் மணிமேகலை பாலிடெக்னிக் மற்றும் பொறியியல் கல்லூரி வளாகத்தில் நடபெறுகிறது.
இந்த வேலைவாய்ப்பு முகாமில் 50-க்கும் மேற்பட்ட நிறுவனங்கள் பங்கேற்க உள்ளன.
முகாமில் கலந்து கொள்ள வருபவர்கள் தங்களின் அசல் சான்றிதழ்களை கொண்டு வர வேண்டும். முகாமில் கலந்து கொள்ள நுழைவுக் கட்டணம் ஏதுமில்லை.

 

]]>
http://www.dinamani.com/all-editions/edition-dharmapuri/krishnagiri/2018/feb/20/ஒசூர்-பிஎம்சி-கல்லூரியில்-இன்று-வேலை-வாய்ப்பு-முகாம்-2866556.html
2866171 தருமபுரி கிருஷ்ணகிரி மரக்கட்டா வனப் பகுதிக்கு விரட்டப்பட்ட யானைகள் DIN DIN Monday, February 19, 2018 03:31 AM +0530 தேன்கனிக்கோட்டை வட்டவடிவுப் பாறையில் முகாமிட்டிருந்த 40 யானைகள் மரக்கட்டா வனப் பகுதிக்கு விரட்டப்பட்டன.
கர்நாடகா மாநிலம், பன்னார்கட்டா வனப்பகுதியில் இருந்து 100-க்கும் மேற்பட்ட யானைகள் கிருஷ்ணகிரி மாவட்ட வனப் பகுதியில் குழுக்களாகப் பிரிந்து வயல்களில் புகுந்து பயிர்களை சேதப்படுத்தி வருகின்றன.  இந்த நிலையில், தேன்கனிக்கோட்டை அருகே பேவநத்தம் வனப்பகுதியில் வட்டவடிவுப் பாறையில் 55 யானைகள் முகாமிட்டிருந்தன. இவை பேவநத்தம், பாலேகுளி, காடுலக்கசந்திரம், மேகலகவுண்டனூர், திம்மசந்திரம், லட்சுமிபுரம், கிரிசெட்டிப்பள்ளி உள்ளிட்ட கிராமங்களில் உள்ள ராகி, தக்காளி, கொள்ளு, முட்டைகோஸ் உள்ளிட்ட பயிர்களை நாசம் செய்தன.
விவசாயிகளின் கோரிக்கையை ஏற்று, மாவட்ட வன அலுவலர் தீபக் பில்கி உத்தரவின்பேரில் தேன்கனிக்கோட்டை வனச்சரக அலுவலர் ஆறுகம் தலைமையிலான வனத் துறையினர் வட்டவடிவுபாறையில் முகாமிட்டிருந்த யானைகளை விரட்டினர். இதில் 40 யானைகள் தனியாகப் பிரிந்து மரக்கட்டா வனப் பகுதிக்குள் சென்றன. 15 யானைகள் வட்டவடிவுப்பாறை அருகே தனியாக பிரிந்தன.

]]>
http://www.dinamani.com/all-editions/edition-dharmapuri/krishnagiri/2018/feb/19/மரக்கட்டா-வனப்-பகுதிக்கு-விரட்டப்பட்ட-யானைகள்-2866171.html
2866170 தருமபுரி கிருஷ்ணகிரி உத்தனப்பள்ளியில் கண்டெடுக்கப்பட்ட அம்மன் சிலை அருங்காட்சியகத்தில் ஒப்படைப்பு DIN DIN Monday, February 19, 2018 03:31 AM +0530 உத்தனப்பள்ளி அருகே நிலத்திலிருந்து கண்டெடுக்கப்பட்ட அம்மன் சிலை அருங்காட்சியகத்தில் ஒப்படைக்கப்பட்டது.
உத்தனப்பள்ளி அருகே உள்ள கீரனப்பள்ளியில் சுந்தரேசன் என்பவரது நிலத்தில் சனிக்கிழமை குழித் தோண்டிய போது அதில் 2 அடி உயரம் கொண்ட அம்மன் சிலை கண்டெடுக்கப்பட்டது. தகவலறிந்து அங்குச் சென்ற வருவாய்த் துறையினர் அம்மன் சிலையை மீட்டு சூளகிரி வட்டாட்சியர் பெருமாளிடம் ஒப்படைத்தனர். இதைத் தொடர்ந்து, அந்தச் சிலை கிருஷ்ணகிரி அருங்காட்சியகத்தில் ஒப்படைக்கப்பட்டது.

]]>
http://www.dinamani.com/all-editions/edition-dharmapuri/krishnagiri/2018/feb/19/உத்தனப்பள்ளியில்-கண்டெடுக்கப்பட்ட-அம்மன்-சிலை-அருங்காட்சியகத்தில்-ஒப்படைப்பு-2866170.html
2866169 தருமபுரி கிருஷ்ணகிரி பிப்ரவரி 19 மின் தடை DIN DIN Monday, February 19, 2018 03:31 AM +0530 குரபரப்பள்ளி
குருபரப்பள்ளி துணை மின்நிலையத்தில் மாதாந்திர பராமரிப்பு பணிகள் நடைபெறுவதால் திங்கள்கிழமை(பிப்.19) மின்  விநியோகம் நிறுத்தம் செய்யப்படுவதாக கிருஷ்ணகிரி மின்கோட்ட செயற்பொறியாளர் அ.எஞ்சலாசகாயமேரி தெரிவித்தார். இதுகுறித்து ஞாயிற்றுக்கிழமை அவர் வெளியிட்ட செய்திக் குறிப்பு:
குருபரப்பள்ளி துணை மின்நிலையத்தில் பிப்.19-ஆம் தேதி மாதாந்திர பராமரிப்பு பணிகள் நடைபெறுவதால் குந்தாரப்பள்ளி, குருபரப்பள்ளி, குப்பச்சிப்பாறை, எண்ணேகொள், விநாயகபுரம், கக்கன்புரம், கங்கசந்திரம், பிச்சுகொண்ட பெத்தனப்பள்ளி, ஜூனூர், ஜிஞ்சுப்பள்ளி,போளுப்பள்ளி, கொண்டேப்பள்ளி, சின்னகொத்தூர், கங்கோஜிகொத்தூர்,பதிமடுதி, நல்லூர், தீர்த்தம், மணவாரனப்பள்ளி, நாச்சிக்குப்பம், எப்ரி மற்றும் அதை சுற்றியுள்ள பகுதிகளில் காலை 9 முதல் மாலை 6 மணி வரையில் மின்நிறுத்தம் செய்யப்படும்.
 

]]>
http://www.dinamani.com/all-editions/edition-dharmapuri/krishnagiri/2018/feb/19/பிப்ரவரி-19-மின்-தடை-2866169.html
2866168 தருமபுரி கிருஷ்ணகிரி பிப்ரவரி 20  மின் தடை DIN DIN Monday, February 19, 2018 03:30 AM +0530 ஒசூர், பாகலூர்
ஒசூர் பாகலூர் மற்றும் பேரிகை பகுதிகளில் செவ்வாய்க்கிழமை (பிப்.20) மின் விநியோகம் நிறுத்தம் செய்யப்படுகிறது.
கிருஷ்ணகிரி மின் பகிர்மான வட்டம், ஒசூர் கோட்டத்தை சேர்ந்த சிப்காட் பேஸ் 2 துணை மின் நிலையம், பாகலூர் மற்றும் நாரிகானபுரம் துணை மின் நிலையத்தில் செவ்வாய்கிழமை பராமரிப்புப் பணிகள் நடைபெறுவதால் காலை 9 மணி முதல் மதியம் 2 மணி வரை சிப்காட் பகுதி 2 பத்தலபள்ளி, பென்னாமடம், எலக்ட்ரானிக் எஸ்டேட், குமுதேபள்ளி, மோரனபள்ளி, ஏ.சாமனபள்ளி, ஆலூர், புக்கசாகரம், அதியமான் கல்லூரி, கதிரேபள்ளி, மாருதி நகர், பேரண்டபள்ளி, ராமசந்திரம், சுன்டட்டி, அன்கேபள்ளி மற்றும் சுற்று வட்டாரப் பகுதிகளிலும் மின் விநியோகம் நிறுத்தம் செய்யப்படுகிறது.
இதேபோல பாகலூர் துணை மின் நிலையத்திற்குள்பட்ட பாகலூர், ஜீமங்கலம், உளியாளம், நல்லூர், பெலத்தூர், தின்னபள்ளி, சூடாபுரம், அலசபள்ளி, பி.முதுகானபள்ளி, தேவீரபள்ளி, சத்தியமங்கலம், தும்மனபள்ளி, படுதேபள்ளி, பலவனபள்ளி, முத்தாலி, முதுகுறுக்கி, வானமங்கலம், கொத்தபள்ளி, சேவகானபள்ளி, சிச்சிருகானபள்ளி ஆகிய இடங்களிலும், நாரிகானபுரம் துணை மின்நிலையத்திற்குள்பட்ட நாரிகானபுரம், பேரிகை, அத்திமுகம், செட்டிப்பள்ளி, நரசாபள்ளி, பன்னப்பள்ளி, சீக்கனபள்ளி, நெரிகம், கூல்கெஜலன்தொட்டி மற்றும் சுற்று வட்டார பகுதிகளிலும் மின் விநியோகம் நிறுத்தம் செய்யப்படும் என செயற்பொறியாளர் குமார் தெரிவித்தார். 

]]>
http://www.dinamani.com/all-editions/edition-dharmapuri/krishnagiri/2018/feb/19/பிப்ரவரி-20--மின்-தடை-2866168.html
2866165 தருமபுரி கிருஷ்ணகிரி அதிக மாத்திரைகளை சாப்பிட்ட மாணவர் சாவு DIN DIN Monday, February 19, 2018 03:30 AM +0530 அஞ்செட்டி அருகே உடல்நலம் பாதிக்கப்பட்ட பள்ளி மாணவர் அளவுக்கு அதிகமாக மாத்திரைகளை சாப்பிட்டதால் உயிரிழந்தார்.
அஞ்செட்டி அருகே உள்ள பனை ஒசதொட்டியைச் சேர்ந்தவர் திம்மராயன். இவரது மகன் பரத் (16) அஞ்செட்டி அரசு மேல்நிலைப் பள்ளியில் 11-ஆம் வகுப்பு படித்து வந்தார். உடல் நலக்குறைவால் அவதிப்பட்டு வந்த அவர்,  அளவுக்கு அதிகமாக மாத்திரைகளை சாப்பிட்டதாகக் கூறப்படுகிறது. மயக்கமடைந்த மாணவர் அஞ்செட்டி ஆரம்ப சுகாதார நிலையத்தில் சேர்க்கப்பட்டார். பின்னர், தருமபுரி அரசு மருத்துவனையில் அனுமதிக்கப்பட்டார். 
அங்கு, அவர் உயிரிழந்தார். இதுகுறித்து அஞ்செட்டி போலீஸார் வழக்குப் பதிந்து விசாரணை நடத்தி வருகின்றனர். 

]]>
http://www.dinamani.com/all-editions/edition-dharmapuri/krishnagiri/2018/feb/19/அதிக-மாத்திரைகளை-சாப்பிட்ட-மாணவர்-சாவு-2866165.html
2866164 தருமபுரி கிருஷ்ணகிரி திருப்பதிக்கு செல்லும் பேருந்து வழித்தடம் மாற்றம்: திமுக கண்டனம் DIN DIN Monday, February 19, 2018 03:29 AM +0530 கிருஷ்ணகிரியிலிருந்து திருப்பதிக்கு இயக்கப்பட்ட அரசுப் பேருந்து ஒசூருக்கு மாற்றப்பட்டதற்கு கிருஷ்ணகிரி கிழக்கு மாவட்ட திமுக கண்டனம் தெரிவித்துள்ளது.
இதுகுறித்து கிருஷ்ணகிரி கிழக்கு மாவட்ட திமுக பொறுப்பாளர் டி.செங்குட்டுவன் எம்எல்ஏ ஞாயிற்றுக்கிழமை வெளியிட்ட அறிக்கை:
கிருஷ்ணகிரி அரசுப் போக்குவரத்து கழகம் சார்பில் கிருஷ்ணகிரி போக்குவரத்து பணிமனையிலிருந்து சுமார் 75 பேருந்துகள் இயக்கப்பட்டு வருகின்றன. இதில் 4 பேருந்துகள் கிருஷ்ணகிரி முதல் திருப்பதி வரை நீண்டகாலமாக இயக்கப்பட்டு வந்தன.
5 ஆண்டுகளுக்கு முன்பு இயக்கப்பட்டு வந்த  இப் பேருந்துகள் தருமபுரி, சேலம் பணிமனைகளுக்கு மாற்றப்பட்டது. பின்னர், திமுக எடுத்த தொடர் முயற்சியால் கிருஷ்ணகிரி மக்களின் நலன் கருதி மீண்டும் காலை 7.15 மணிக்கு ஒரு பேருந்து மட்டும் கிருஷ்ணகிரியிலிருந்து திருப்பதிக்கு இயக்கப்பட்டு வந்தன.
இந்த நிலையில், எவ்வித முன்னறிவிப்பும் இல்லாமல் இந்த பேருந்து வழிதடத்தை ஒசூரிலிருந்து இயக்கப்படுவதாக அரசு போக்குவரத்துக் கழகம் அறிவித்துள்ளது கண்டிக்கத்தக்கது. இதனால், கிருஷ்ணகிரி மற்றும் அதை சுற்றியுள்ள பொதுமக்கள் பாதிக்கப்படுவார்கள். எனவே, மீண்டும் கிருஷ்ணகிரியிலிருந்து திருப்பதிக்கு பேருந்தை இயக்க நடவடிக்கை எடுக்காவிடில் பேருந்தை சிறைபிடிக்கும் போராட்டம் நடத்தப்படும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/feb/19/திருப்பதிக்கு-செல்லும்-பேருந்து-வழித்தடம்-மாற்றம்-திமுக-கண்டனம்-2866164.html
2866163 தருமபுரி கிருஷ்ணகிரி பேருந்திலிருந்து தவறி விழுந்து பெண் சாவு DIN DIN Monday, February 19, 2018 03:29 AM +0530 சூளகிரி அருகே தனியார் பேருந்திலிருந்து தவறி விழுந்த பெண் உயிரிழந்தார். இதனால் ஆத்திரம் அடைந்த பொதுமக்கள் பேருந்தின் கண்ணாடியை உடைத்தனர்.
ஒசூரிலிருந்து ஞாயிற்றுக்கிழமை கிருஷ்ணகிரி நோக்கி சென்ற தனியார் பேருந்தில் பயணித்த  திம்மராஜ் மனைவி கவிதா (28) அட்டகுறுக்கி பேருந்து நிறுத்தத்தில் இறங்க முயன்ற போது நிலைதடுமாறி கீழே விழுந்தார். இதில் காயமடைந்த கவிதா நிகழ்விடத்திலே உயிரிழந்தார். 
இதையடுத்து, அங்கு திரண்ட பொதுமக்கள் பேருந்தின் முன்புறக் கண்ணாடியை உடைத்தனர். சம்பவ இடத்துக்கு வந்த சூளகிரி போலீஸார் கவிதாவின் உடலை மீட்டு பிரேத பரிசோதனைக்காக ஒசூர் அரசு மருத்துவமனைக்கு அனுப்பி வைத்தனர். இதுதொடர்பாக சூளகிரி போலீஸார் வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/feb/19/பேருந்திலிருந்து-தவறி-விழுந்து-பெண்-சாவு-2866163.html
2866162 தருமபுரி கிருஷ்ணகிரி சுற்றுச்சூழல் விழிப்புணர்வு சைக்கிள் பேரணி DIN DIN Monday, February 19, 2018 03:29 AM +0530 சுற்றுச்சூழல் குறித்த விழிப்புணர்வை ஏற்படுத்தும் வகையில் கிருஷ்ணகிரியில் காவல் துறை சார்பில் சைக்கிள் பேரணி ஞாயிற்றுக்கிழமை நடைபெற்றது.
கிருஷ்ணகிரி மாவட்டத்தில் சுற்றுச்சூழலைப் பாதுகாக்க வலியுறுத்தியும், மரம் வளர்க்க வேண்டியும், நிலத்தடி நீரை பாதுகாக்க வலியுறுத்தியும் முழு சுகாதாரத்தின் அவசியம் குறித்தும் சமூக ஆர்வலர்கள் மற்றும் காவல் துறை சார்பில் நடைபெற்ற சைக்கிள் விழிப்புணர்வு ஊர்வலத்தை கிருஷ்ணகிரி சரக காவல் துணைக் கண்காணிப்பாளர் கண்ணன் கொடியசைத்து தொடங்கிவைத்தார். 
கிருஷ்ணகிரி மாவட்ட விளையாட்டு அரங்கில் தொடங்கிய இந்த பேரணி புறநகர்ப் பேருந்து நிலையம், காந்தி சாலை, பழையப்பேட்டை, வட்டச் சாலை, லண்டன் பேட்டை உள்ளிட்ட முக்கிய சாலைகள் வழியாக சென்றன. 

]]>
http://www.dinamani.com/all-editions/edition-dharmapuri/krishnagiri/2018/feb/19/சுற்றுச்சூழல்-விழிப்புணர்வு-சைக்கிள்-பேரணி-2866162.html
2865798 தருமபுரி கிருஷ்ணகிரி காவிரி விவகாரம்:  குடியரசுத் தலைவரைச் சந்திக்க விவசாயிகளை அழைத்து செல்ல வேண்டும்: தமிழக அரசுக்கு ஜி.கே.வாசன் கோரிக்கை DIN DIN Sunday, February 18, 2018 09:47 AM +0530 காவிரி நதிநீர்ப் பங்கீட்டில் உச்ச நீதிமன்றத் தீர்ப்பு தொடர்பாக தமிழக விவசாயிகளின் வேதனையை குடியரசுத் தலைவரிடம் தெரிவிக்க தமிழக அரசு ஏற்பாடு செய்ய வேண்டும் என்றார் தமிழ் மாநில காங்கிரஸ் கட்சியின் தலைவர் ஜி.கே.வாசன்.
கிருஷ்ணகிரியில் சனிக்கிழமை நடைபெற்ற கட்சி நிர்வாகிகளுடனான மண்டல மாநாட்டில் பங்கேற்றப் பின் செய்தியாளர்களிடம்  அவர் கூறியது:
காவிரி நிதிநீர்ப் பங்கீடு தொடர்பாக உச்ச நீதிமன்றம் அளித்துள்ள இறுதி தீர்ப்பு தமிழக விவசாயிகளையும்,  மக்களையும் வேதனை அடையச் செய்துள்ளது. கூடுதல் நீர் தேவை என்ற நிலையில்,  தற்போது நிலத்தடி நீர்மட்டம் அடிப்படையில் நதிநீரின் அளவு குறைக்கப்பட்டுள்ளது அதிர்ச்சியை ஏற்படுத்தி உள்ளது. 
பயிர்கள் கருகி வருவதால்  மனமுடைந்து விவசாயிகள் தற்கொலை செய்து கொள்கின்றனர்.  இந்த நிலையில், விவசாயிகளின் வங்கி கடன்களை ரத்து செய்து,  புதிய கடன்கள் வழங்க வேண்டும்.
தற்போது, உச்ச நீதிமன்ற உத்தரவுப்படி, காவிரியில் கர்நாடகம் தண்ணீர் திறந்துவிட வேண்டும்.  அதை அதிகாரிகள் கண்காணிக்க வேண்டும்.  கர்நாடக மாநில சட்டப் பேரவைத் தேர்தலை மனதில் கொண்டு,  காவிரி மேலாண்மை வாரியம் அமைக்க  மத்திய அரசு ஆர்வம் காட்டவில்லை.
காவிரி நதிநீர்ப் பங்கீட்டில் தமிழக அரசு தோல்வி அடைந்துள்ளது.  தமிழக விவசாயிகளுக்கு தண்டனை அளிக்கும் தீர்ப்பாக உள்ளது.  தற்போதைய தீர்ப்பு தொடர்பாக மறு சீராய்வு மனு தாக்கல் செய்யலாமா?  அடுத்த நடவடிக்கை குறித்து அரசு நடவடிக்கை எடுக்க வேண்டும். 
அனைத்து கட்சிகள்,  விவசாயிகள் ஆகியோரை அழைத்துக் கொண்டு குடியரசுத் தலைவரைச் சந்தித்து,  தமிழக விவசாயிகளின் வேதனைகளை உணரச் செய்ய அரசு நடவடிக்கை எடுக்க வேண்டும். 
தமிழகத்தில் உணவுப் பொருள்களில் கலப்படம் செய்யப்படுகிறது.  இதை அதிகாரிகள் ஆய்வு செய்து குற்றவாளிகளைக் கடுமையாக தண்டிக்க வேண்டும்.  
மின் வாரிய ஊழியர்களின் நியாமன கோரிக்கைகளை அரசு நிறைவேற்றவேண்டும்.  மின் நிறுத்தத்தால் சிறு, குறு தொழில்கள் பாதிக்கப்படுவதைத் தடுத்து நிறுத்த வேண்டும். பேருந்து கட்டண உயர்வு போன்ற பொதுமக்களைப் பாதிக்கும் பிரச்னைகளில் எதிர்க்கட்சிகள் போராட்டம் நடத்தினாலும், மாநில அரசு எவ்வித நடவடிக்கையும் எடுப்பதில்லை.
இதுபோன்ற அரசின் செயல்பாட்டால் வருங்காலத்தில் மக்கள் அதரவு தர மாட்டார்கள். எரிபொருள் விலை உயர்வு குறித்து மத்திய அரசு கவலைப்படவில்லை.  நடிகர்கள் கட்சி தொடங்க உள்ள நிலையில்,  தமிழகத்தில் இனிவரும் காலங்களில் கூட்டாட்சி ஏற்பட வாய்ப்பு உள்ளது. 
     அரசியல் கட்சிகள் நடுநிலையாளர்களின் ஆதரவைப் பெறுவதில் கவனம் செலுத்தி வருகின்றனர்.  தமிழ்நாடு சட்டப்பேரவைத் தேர்தல் முன்கூட்டியே டிசம்பர் மாதத்தில் நடைபெற வாய்ப்பு உள்ளதாக சிலர் தெரிவிக்கின்றனர்.  தற்போதைய சூழ்நிலையில் குழப்ப நிலையே உள்ளது.  காலம்தான் முடிவு செய்யும் என்றார்.
தொடர்ந்து சேலம், தருமபுரி,  திருவண்ணாமலை, வேலூர், கிருஷ்ணகிரி ஆகிய மாவட்டங்களின் கட்சி நிர்வாகிகளுடனான ஆலோசனைக் கூட்டத்தில் அவர் பேசினார். இக் கூட்டத்தில் கிருஷ்ணகிரி மாவட்டத் தலைவர் ஜெயப்பிரகாஷ்,  முன்னாள் எம்.பி.  தீர்த்தராமன்,  இளைஞரணி மாநிலத் தலைவர் யுவராஜா,  முன்னாள் எம்.எல்.ஏ. விடியல் சேகர், மாநில துணைச் செயலாளர்கள் காசிலிங்கம், தசரதன், மாவட்டச் செயலாளர் பழனிக்குமார்,  நகரத் தலைவர் சத்தியநாராயணன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/18/காவிரி-விவகாரம்--குடியரசுத்-தலைவரைச்-சந்திக்க-விவசாயிகளை-அழைத்து-செல்ல-வேண்டும்-தமிழக-அரசுக்கு-ஜி-2865798.html
2864400 தருமபுரி கிருஷ்ணகிரி இன்று காவிரி வழக்கில் தீர்ப்பு: தமிழக அரசுப் பேருந்துகள் ஒசூரில் நிறுத்தம்   ஒசூர் DIN Friday, February 16, 2018 08:47 AM +0530 காவிரி வழக்கில் உச்சநீதிமன்றத்தில் வெள்ளிக்கிழமை காலை தீர்ப்பு வழங்கப்படவுள்ளது. இதனைத் தொடர்ந்து, கர்நாடக மாநிலம், பெங்களூருக்குச் செல்ல வேண்டிய தமிழக அரசுப் பேருந்துகள் அனைத்தும் தமிழக எல்லையான ஒசூரில் நிறுத்தப்பட்டன.
 இந்த நிலையில், வேலூர், திருச்சி, சேலம், மதுரை, திருநெல்வேலி, சென்னை, தருமபுரி, கிருஷ்ணகிரி உள்ளிட்ட தமிழகத்தின் பல்வேறு பகுதிகளில் இருந்து கர்நாடக மாநிலம், பெங்களூருக்கு செல்ல வேண்டிய தமிழக அரசுப் பேருந்துகள் அனைத்தும் வியாழக்கிழமை இரவு 11 மணி முதல் தமிழக எல்லையான ஒசூரில்
 நிறுத்தப்பட்டன.
 அதேபோன்று, பெங்களூரில் இருந்து ஒசூர் வரை இயக்கப்பட்ட கர்நாடக மாநிலப் பேருந்துகளும் பாதுகாப்புக் காரணங்களுக்காக நிறுத்தப்பட்டன. இதனால் பல்வேறு மாவட்டங்களில் இருந்து வந்த பயணிகள் ஒசூர் பேருந்து நிலையத்தில் தவித்தனர்.
 தமிழக-கர்நாடக மாநில எல்லையான அத்திப்பள்ளியில் இரு மாநில போலீஸார் பாதுகாப்புப் பணியில் ஈடுபட்டுவருகின்றனர்.
 
 

]]>
http://www.dinamani.com/all-editions/edition-dharmapuri/krishnagiri/2018/feb/16/இன்று-காவிரி-வழக்கில்-தீர்ப்பு-தமிழக-அரசுப்-பேருந்துகள்-ஒசூரில்-நிறுத்தம்-2864400.html
2864381 தருமபுரி கிருஷ்ணகிரி ஒசூர் அருகே நெல், தக்காளி தோட்டத்தை நாசம் செய்த 75 யானைகள்  ஒசூர், DIN Friday, February 16, 2018 08:40 AM +0530 ஒசூர் அருகே நெல், தக்காளி தோட்டத்தை 75 யானைகள் நாசம் செய்தன. அவற்றை தேன்கனிக்கோட்டை வனப் பகுதிக்கு விரட்டும் பணி தீவிரமாக நடைபெற்று வருகிறது.
 கிருஷ்ணகிரி மாவட்டம், ஒசூர் அருகே சானமாவு வனப் பகுதியில் மொத்தம் 75 யானைகள் பல குழுக்களாக முகாமிட்டுள்ளன. புதன்கிழமை சானமாவு காட்டில் இருந்து போடூர் வந்த இந்த யானைகள், அங்குள்ள விவசாயிகள் பயிரிட்டிருந்த முட்டைகோûஸ தின்றும், கால்களால் மிதித்தும் நாசம் செய்தன.
 பின் அங்கிருந்து நாயக்கனப்பள்ளிக்கு சென்ற யானைகள், அங்கு விவசாயிகள் பயிரிட்டிருந்த தக்காளி பயிர்களைச் சேதப்படுத்தின. மேலும், பலா மர கிளைகளை உடைத்து நாசம் செய்தன. பின்னர் அருகில் உள்ள பீன்ஸ் தோட்டத்தில் பீன்ஸ் செடிகளைத் தின்றும், கால்களால் மிதித்தும் சேதப்படுத்தின. தொடர்ந்து அந்த பகுதியில் உள்ள நெல் பயிர்களையும் நாசம் செய்தன.
 இதைத் தொடர்ந்து, 75 யானைகளையும் வனத் துறையினர் பட்டாசுகள் வெடித்தும், மேளங்கள் அடித்தும் போடூர்பள்ளம் காட்டுக்கு விரட்டினர்.
 இன்னும் ஓரிரு நாள்களில் இந்த யானைகளை தேன்கனிக்கோட்டை வனப் பகுதிக்கு விரட்டி, அங்கிருந்து கர்நாடக மாநிலம், பன்னார்கட்டா அடர்ந்த வனப் பகுதிக்குள் விரட்டிட வனத் துறையினர் நடவடிக்கை எடுத்து வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/16/ஒசூர்-அருகே-நெல்-தக்காளி-தோட்டத்தை-நாசம்-செய்த-75-யானைகள்-2864381.html
2864379 தருமபுரி கிருஷ்ணகிரி விளைநிலங்களில் புகுந்த காட்டெருமை: மயக்க ஊசி செலுத்தி வனத் துறையினர் பிடித்தனர்  கிருஷ்ணகிரி, DIN Friday, February 16, 2018 08:40 AM +0530 காவேரிப்பட்டணம் அருகே கடந்த சில நாள்களாக அட்டகாசம் செய்து வந்த காட்டு எருமையை வனத் துறையினர் மயக்க ஊசி செலுத்தி வியாழக்கிழமை பிடித்தனர்.
 கிருஷ்ணகிரி மாவட்டம், காவேரிப்பட்டணம் அருகே உள்ள எர்ரஅள்ளி, பென்னேஸ்வரமடம், போத்தாபுரம் மற்றும் அதை சுற்றியுள்ள விளைநிலங்களில் கடந்த சில நாள்களாக வனப் பகுதியிலிருந்து வெளியேறிய ஆண் காட்டு எருமை சுற்றி வந்தது. விவசாயப் பயிர்களைச் சேதப்படுத்தி வந்த இந்த காட்டு எருமை, பொதுமக்களையும் விரட்டி வந்தது.
 இதுகுறித்து தகவல் அறிந்த வனத் துறையினர், காட்டு எருமையை வனப் பகுதிக்கு விரட்டும் முயற்சியில் ஈடுபட்டனர். ஆனால், அது தோல்வியடைந்தது.
 இதையடுத்து, காட்டு எருமையை மயக்க ஊசி செலுத்தி பிடிக்க முடிவு செய்தனர்.
 அதையடுத்து, போத்தாபுரம் கிராமத்தில் சுற்றித் திரிந்த காட்டு எருமையை மருத்துவர் பிரகாஷ், கிருஷ்ணகிரி வனச் சரகர் நாகேஷ் தலைமையிலான குழுவினர் மயக்க ஊசி செலுத்தி பிடித்தனர். பிடிபட்ட காட்டு எருமையை அஞ்செட்டி-பஞ்சப்பள்ளி வனப் பகுதியில் விட வனத் துறையினர் முடிவு செய்துள்ளனர்.
 
 

]]>
http://www.dinamani.com/all-editions/edition-dharmapuri/krishnagiri/2018/feb/16/விளைநிலங்களில்-புகுந்த-காட்டெருமை-மயக்க-ஊசி-செலுத்தி-வனத்-துறையினர்-பிடித்தனர்-2864379.html
2864378 தருமபுரி கிருஷ்ணகிரி சொத்துத் தகராறில் பெண் கொலை: விவசாயி நீதிமன்றத்தில் சரண்    கிருஷ்ணகிரி, DIN Friday, February 16, 2018 08:39 AM +0530 கிருஷ்ணகிரி அணை அருகே சொத்துத் தகராறில் பெண்ணைக் கொலை செய்த விவசாயி நீதிமன்றத்தில் சரணடைந்தார்.
 கிருஷ்ணகிரி அணை அருகே உள்ள துடுகனஅள்ளி கிராமத்தைச் சேர்ந்த திருப்பதியின் மனைவி லட்சுமி(40). கடந்த இரண்டு ஆண்டுகளுக்கு முன், திருப்பதி உயிரிழந்த நிலையில், லட்சுமி, திருப்பதியின் அண்ணன் கோவிந்தசாமி(55) வீட்டின் அருகே வசித்து வந்தார்.
 ஏற்கெனவே, லட்சுமிக்கும் கோவிந்தசாமிக்கும் சொத்துத் தகராறு இருந்து வந்ததாம்.
 இதனால், இவர்களுக்கு இடையே அடிக்கடி தகராறு ஏற்படுமாம். இந்த நிலையில், வியாழக்கிழமை இருவருக்கும் இடையே ஏற்பட்ட தகராறில் ஆத்திரமடைந்த கோவிந்தசாமி, லட்சுமியை கட்டையால் தாக்கினாராம்.
 இதில் பலத்த காயமடைந்த லட்சுமியை அருகில் இருந்தவர்கள் மீட்டு, கிருஷ்ணகிரி அரசு தலைமை மருத்துவமனைக்கு அழைத்துச் சென்றனர்.
 ஆனால், செல்லும் வழியிலேயே அவர் உயிரிழந்தார். இதுகுறித்து தகவல் அறிந்த போலீஸார், நிகழ்விடத்துக்குச் சென்று விசாரணை செய்தனர். மேலும் வழக்குப் பதிந்து, கோவிந்தசாமியைத் தேடி வந்தனர். இதற்கு இடையே, தலைமறைவான கோவிந்தசாமி, கிருஷ்ணகிரி குற்றவியல் நடுவர் நீதிமன்றம் எண்-2-இல் நீதிபதி ஜெயப்பிரகாஷ் முன்னிலையில் சரணடைந்தார்.
 
 

]]>
http://www.dinamani.com/all-editions/edition-dharmapuri/krishnagiri/2018/feb/16/சொத்துத்-தகராறில்-பெண்-கொலை-விவசாயி-நீதிமன்றத்தில்-சரண்-2864378.html
2863252 தருமபுரி கிருஷ்ணகிரி பெரியாண்டவர் கோயிலில் முப்பெரும் பூஜை DIN DIN Wednesday, February 14, 2018 09:34 AM +0530 போச்சம்பள்ளி வட்டம், பாப்பானூரில் உள்ள பெரியாண்டவர்,  முனியப்ப சுவாமி கோயிலில் 2-ஆம் ஆண்டு முப்பெரும் பூஜை  நடைபெற்றது . 
பாரூர் பெருமாள் கோயிலில் பால் கொம்பு நடப்பட்டு, பொங்கல் வைத்து பெருமாள் சுவாமிக்கு சிறப்பு பூஜைகள் நடைபெற்றன. அதனைத் தொடர்ந்து கோயில் முன் மேல்தீபம் ஏற்றப்பட்டது. 2-ஆம் நாள் பாப்பானூரில் உள்ள முனியப்பன், பெரியாண்டவர் சுவாமிக்கு முப்பெரும் பூஜைகள் நடைபெற்றன. சுவாமி சிலைகள் அலங்காரம் செய்யப்பட்டு சிறப்புப் பூஜைகள் நடைபெற்றன.  பன்றி, கோழி, ஆடுகள் பலியிட்டு முப்பெரும் பூஜை  நடைபெற்றது.  இதில் கலந்து கொண்ட உறவினர்கள், நண்பர்களுக்கு கறி விருந்து வழங்கப்பட்டது. இதில் சுற்று வட்டாரத்தைச் சேர்ந்த 2 ஆயிரத்துக்கும் மேற்பட்டோர் கலந்து கொண்டனர். ஏற்பாடுகளை முருகன், சூரியகணேஷ், சங்கர், பாஸ்கர், அண்ணாதுரை மற்றும் 12 கிராம மக்கள்  செய்து இருந்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/14/பெரியாண்டவர்-கோயிலில்-முப்பெரும்-பூஜை-2863252.html
2863250 தருமபுரி கிருஷ்ணகிரி அங்காளபரமேஸ்வரி அம்மன்  கோயில் திருவிழா கொடியேற்றம்   DIN DIN Wednesday, February 14, 2018 09:34 AM +0530 கிருஷ்ணகிரியில் ஸ்ரீ அங்காளபரமேஸ்வரி அம்மன் கோயில் மயான சூறைத் திருவிழா கொடியேற்றத்துடன் செவ்வாய்க்கிழமை தொடங்கியது. 
கிருஷ்ணகிரி பழையபேட்டையில் உள்ள ஸ்ரீ அங்காளபரமேஸ்வரி அம்மன் கோயில் மயான சூறைத் திருவிழா கொடியேற்றத்தைத் தொடர்ந்து,  ஹோமவிதான புன்யாங் வாசனம், துவாஜா ஹோஙனம், அங்குராபனம், முளைப்பாரி எடுத்துல்,  மங்கள வாத்திய சமேத யாகசாலை பிரவேசம், அக்னி முகம்,  மகா கணபதி ஹோமம், அஷ்டதிக பாலகா பரிவாரி பூஜை உள்ளிட்ட நிகழ்ச்சிகள் நடைபெற்றன. 
பக்தர்கள் பொங்கல் வைத்து வழிபாடு நடத்தினர். புதன்கிழமை மகா சிவராத்திரி விழாவும், 15-ஆம் தேதி சூலம் போடுதல்,  அம்மன் மயான சூறைக்கு புறப்படுதல் உள்ளிட்ட நிகழ்வுகள் நடைபெற உள்ளன.

]]>
http://www.dinamani.com/all-editions/edition-dharmapuri/krishnagiri/2018/feb/14/அங்காளபரமேஸ்வரி-அம்மன்--கோயில்-திருவிழா-கொடியேற்றம்-2863250.html
2863249 தருமபுரி கிருஷ்ணகிரி போச்சம்பள்ளியில் பன்னிரு தமிழ்வேதப் பெரு விழா DIN DIN Wednesday, February 14, 2018 09:33 AM +0530 போச்சம்பள்ளியில் பன்னிரு தமிழ்வேதப் பெருவிழா சிவ பூஜை மாநாடு மூன்று நாள்கள் நடைபெற்றன. இதில் தமிழ்நாடு,  கர்நாடகம்,  புதுச்சேரி  ஆகிய மூன்று மாநிலங்களைச் சேர்ந்த ஆயிரக்கணக்கானோர் கலந்து கொண்டனர். 
போச்சம்பள்ளியில் 29-ஆம் ஆண்டு பன்னிரு தமிழ்வேதப் பெருவிழா சிவபூஜை மாநாடு மூன்று நாள்கள் வெகு விமரிசையாக நடைபெற்றன. முதல் நாள் நடைபெற்ற சிவபூஜை மாநாட்டுக்கு காரைக்கால் பாலசுப்பிரமணியம், செல்வரங்கம், பாலாஜிராம்  ஆகியோர் முன்னிலை வகித்தனர், சுகந்தி சுரேஷ், கலைவாணி ஆறுமுகம்,  சக்திவேல் ஆகியோர் குத்து விளக்கேற்றி மாநாட்டை தொடக்கி வைத்தனர். அதனைத் தொடர்ந்து சேலம் அர்த்தநாரி  பன்னிரு தமிழ்வேதங்களுடன்  சிவனடியார்கள் ஆடிப்பாடி வீதி உலா நடைபெற்றது.  
சிவபூஜை மாநாடு செய்யாறு ராமலிங்கத்தின்  தமிழ்வேத இசை முழக்கத்துடன் நடைபெற்றது. பிற்பகல் குடியாத்தம் பக்தவச்சலம்,  பவானி வேலுசாமி ஆகியோரின் சொபொற்பொழிவு நடைபெற்றது. 2-ஆம் நாள் இரவு ஐந்தெழுத்துப் பெருவேள்வி  நடைபெற்றது.  மூன்றாம் நாள் நிறைவு விழாவில் திருமுறை நாதருக்கு கோடி அர்ச்சனை நடைபெற்றது. பக்தவச்சலம், புதுச்சேரி முருகசாமி ஆகியோரின் சொற்பொழிவு நடைபெற்றது. மாலை தமிழ்வேத இசை முழக்க கருத்தரங்கம், சொற்பொழிவு நடைபெற்றது. அதனைத் தொடர்ந்து திருமுறைக்கோடி அர்ச்சனை,  சொற்பொழிவு, தமிழ்வேத இசை முழக்கம் நடைபெற்றன. சென்னை ராமமூர்த்தி குழவினர் திருப்பள்ளியெழுச்சி பாடினர்.

]]>
http://www.dinamani.com/all-editions/edition-dharmapuri/krishnagiri/2018/feb/14/போச்சம்பள்ளியில்-பன்னிரு-தமிழ்வேதப்-பெரு-விழா-2863249.html
2863248 தருமபுரி கிருஷ்ணகிரி "மாற்றுத் திறனாளி மாணவர்களை  சாதனையாளர்களாக மாற்ற வேண்டும்' DIN DIN Wednesday, February 14, 2018 09:33 AM +0530 அனைவருக்கும் கல்வி இயக்கம் சார்பில் கிருஷ்ணகிரியில் நடைபெற்ற பயிற்சி முகாமில் மாற்றுத் திறனாளி மாணவர்களை சாதனையாளர்களாக மாற்ற வேண்டும் என மாவட்ட முதன்மைக் கல்வி அலுவலர் கே.பி.மகேஸ்வரி தெரிவித்தார்.
கிருஷ்ணகிரியில் மாற்றுத்திறன் கொண்ட குழந்தைகளுக்கு எளிதாக பாடப் பொருளை புரிந்து கொள்ளும் வகையில் பயிற்றுநர்களுக்கு பயிற்சி முகாம் நடைபெற்று வருகிறது. மூன்று நாள்கள் நடைபெறும் இந்தப் பயிற்சி முகாமில் மாவட்ட முதன்மைக் கல்வி அலுவலர் கே.பி. மகேஸ்வரி பேசியது:  ஒன்று முதல் 8-ஆம் வகுப்பு வரையில் பயிலும் பார்வைக் குறைபாடு, செவித்திறன்,   மனவளர்ச்சி,  உடலியக்கம்,  மூளை வளர்ச்சி குறைபாடு மற்றும் ஆட்டிசம் குறைபாடுகளுடைய மாற்றுத்திறன் குழுந்தைகளுக்கு எளிதாக பாடப் பொருளை புரிந்து கொள்ளும் வகையில் பாடம் நடத்திட இந்தப் பயிற்சி அளிக்கப்படுகிறது. 
இந்த பயிற்சியைக் கொண்டு மாற்றுத்திறனாளி மாணவர்களை சாதனையாளற்களாக மாற்றவேண்டும். அதற்கான முயற்சியைப் பயிற்றுநர்கள் மேற்கொள்ள வேண்டும் என்றார். முகாமில் மாவட்ட ஒருங்கிணைப்பாளர் ராஜேந்திரன், உதவித் திட்ட அலுவலர் நாராயணன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/14/மாற்றுத்-திறனாளி-மாணவர்களை--சாதனையாளர்களாக-மாற்ற-வேண்டும்-2863248.html
2863246 தருமபுரி கிருஷ்ணகிரி கூட்டுறவு சங்கத்தில் கடன் மோசடி: நடவடிக்கை எடுக்க கோரிக்கை DIN DIN Wednesday, February 14, 2018 09:33 AM +0530 ராயக்கோட்டை தொடக்க வேளாண்மைக் கூட்டுறவு கடன் சங்கத்தில் விவசாயிகள் பெயரில் போலியாக கடன் வழங்கி மோசடி செய்த பணியாளர்கள், நிர்வாகிகள் மீது நடவடிக்கை எடுக்க வேண்டும் என்று  தமிழக விவசாயிகள் சங்கக் கூட்டத்தில் கோரிக்கை விடுக்கப்பட்டுள்ளது.
தமிழக விவசாயிகள் சங்கக் கிளை தொடக்க விழா மற்றும் விவசாயிகள் சங்கக் கூட்டம் ராயக்கோட்டை அருகேயுள்ள  உடையாண்டஅள்ளியில் செவ்வாய்க்கிழமை நடைபெற்றது. கூட்டத்துக்கு மாவட்ட துணைத் தலைவர் கண்ணன் தலைமை வகித்தார். கிளைத் தலைவர் சண்முகம்  வரவேற்றுப் பேசினார். கிளை துணைத் தலைவர் கோவிந்தராஜ்,  செயலர் கோவிந்தராஜ்,  துணைச் செயலர் முருகேசன், பொருளாளர் திருமலை ஆகியோர் முன்னிலை வகித்தனர். 
தமிழக விவசாயிகள் சங்க மாநிலத் தலைவர் கே.எம். ராமகவுண்டர் விவசாயிகள் சங்கக் கொடியை ஏற்றி வைத்து பேசினார்.
 உடையாண்டஅள்ளி அரசு புறம்போக்கு நிலத்தில் உள்ள ஆக்கிரமிப்புகளை அகற்றிட வேண்டும்.  ராயக்கோட்டை தொடக்க வேளாண்மைக் கூட்டுறவு கடன் சங்கத்தில் போலியாக விவசாயிகள் பெயரில் கடன் எழுதி மோசடி செய்த பணியாளர்கள், நிர்வாகிகள் மீது நடவடிக்கை எடுக்க வேண்டும். 
விவசாய நிலங்களுக்கு பட்டா வழங்க வேண்டும். விவசாய விளை பொருள்களை எடுத்து செல்ல,  ஆக்கிரமிப்புகளை அகற்றிப் பாதை ஏற்படுத்தி தர வேண்டும். உடையாண்டஅள்ளி அருகில் கருப்பு கல் குவாரி அமைத்து, சட்ட விரோதமாக 400 அடி ஆழத்தில் கற்கள் வெட்டி எடுக்கப்படுவதால் நிலத்தடி நீர்மட்டம் குறைந்து, அருகில் உள்ள ஆழ்துளைக் கிணறுகளுக்கும், வீடுகளுக்கும் குடிநீர் பாதிப்பு ஏற்படுகிறது. மேலும் கிரானைட் குவாரிகளால் புகை மண்டலம் ஏற்பட்டு, மாசு ஏற்படுகிறது.
 அதை உடனடியாகத் தடை செய்ய வேண்டும். தென்பெண்ணை ஆற்று நீரை உடையாண்டஅள்ளிக்கு கொண்டுவர நடவடிக்கை எடுக்க வேண்டும். விவசாய விளை பொருள்களை நாசம் செய்யும் காட்டுப் பன்றிகளை சுட அனுமதிக்க வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன.
இதில் மேற்கு மாவட்டச் செயலர் ராஜா, துணைச் செயலர் வெங்கடேசன், பொருளாளர் அசோக்குமார், மாவட்ட துணைத் தலைவர் கோவிந்தராஜ், ஒன்றியத் தலைவர் தணிகாசலம் உள்பட பலர் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/feb/14/கூட்டுறவு-சங்கத்தில்-கடன்-மோசடி-நடவடிக்கை-எடுக்க-கோரிக்கை-2863246.html
2863244 தருமபுரி கிருஷ்ணகிரி மாற்றுத் திறனாளிகளுக்கு உபகரணங்கள் அளிப்பு DIN DIN Wednesday, February 14, 2018 09:32 AM +0530 ஊத்தங்கரை பகல் நேர பராமரிப்பு மையத்தில் பயிலும்  மாற்றுத் திறனாளி மாணவர்களுக்கு உதவி உபகரணங்கள் வழங்கும் நிகழ்ச்சி திங்கள்கிழமை நடைபெற்றது. 
நிகழ்ச்சிக்கு வட்டார வள மையப் பொறுப்பு மேற்பார்வையாளர் ஆர்.வசந்தி தலைமை வகித்தார். ஆண்கள் பள்ளியின் உதவித் தலைமை ஆசிரியர் கு.கணேசன் சிறப்பு அழைப்பாளராக கலந்து கொண்டு மாற்றுத் திறனாளி மாணவர்களுக்கு  ட்ரை சைக்கிள், வீல்சேர், ரோலோட்டர்,  காலிபர் உள்ளிட்ட உபகரணங்களை  வழங்கினார். நிகழ்ச்சியில்  ஒருங்கிணைப்பாளர் எம்.மேரி,  ஆசிரியப் பயிற்றுநர் பி.சிவபிரகாசம்,  மாற்றுத் திறனாளி மாணவர்களின் சிறப்பு ஆசிரியர்கள் சி.சுரேஷ்,  கே.கவிதா, பிசியோதெரபிஸ்ட் பூங்குழலி,  உதவியாளர் எம்.மல்லிகா மற்றும் பெற்றோர், மாணவர்கள் கலந்து கொண்டனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/14/மாற்றுத்-திறனாளிகளுக்கு-உபகரணங்கள்-அளிப்பு-2863244.html
2863243 தருமபுரி கிருஷ்ணகிரி காய்கறிகள் சாகுபடி விழிப்புணர்வு முகாம் DIN DIN Wednesday, February 14, 2018 09:32 AM +0530 பையூர் துல்லியப் பண்ணையில் காய்கறிகள் சாகுபடியில் உரங்களின் பயன்பாடு குறித்த விழிப்புணர்வு முகாம் அண்மையில் நடைபெற்றது.
கிருஷ்ணகிரி மாவட்டம்,  காவேரிப்பட்டணம் அடுத்த பையூரில் உள்ள கோவை தமிழ்நாடு வேளாண்மைப் பல்கலைக்கழகம், நீர்நுட்ப மையம், பையூர் மண்டல ஆராய்ச்சி நிலையம் இணைந்து, கிருஷ்ணகிரி முதல் பாம்பாறு வரையிலான உபவடிநிலப் பகுதி விவசாயிகளுக்கு, நீர் மேலாண்மை விழிப்புணர்வு கருத்தரங்கம் மற்றும் துல்லியப் பண்ணையில் காய்கறி சாகுபடி குறித்த விழிப்புணர்வு முகாம் பையூரில் நடைபெற்றது. 
குறிப்பிட்டளவு நீர், கரையும் உரங்களை பயன்படுத்துவது,  குறித்த நேரத்தில் உரங்களை பயன்படுத்துவது மற்றும்  அதிக மகசூல் பெறுவது  குறித்து விளக்கம் அளிக்கப்பட்டது. நீர்வள, நில வளத் திட்டம் குறித்தும்,  நீர் மேலாண்மை,  துல்லிய பண்ணைக் காய்கறி சாகுபடி குறித்தும் திட்ட விஞ்ஞானி செந்தில்குமார் விளக்கம் அளித்தார். 
இந்த முகாமில் 40-க்கும் மேற்பட்ட விவசாயிகள் பங்கேற்றனர். முகாமை தொழில்நுட்ப உதவியாளர் நந்தகுமார் உள்ளிட்டோர் ஒருங்கிணைத்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/14/காய்கறிகள்-சாகுபடி-விழிப்புணர்வு-முகாம்-2863243.html
2863241 தருமபுரி கிருஷ்ணகிரி போச்சம்பள்ளியில் இன்று கபடி போட்டி DIN DIN Wednesday, February 14, 2018 09:32 AM +0530 போச்சம்பள்ளியில் முத்து பிரதர்ஸ் சார்பில் 39-ஆம் ஆண்டு கபடி போட்டி புதன்கிழமை (பிப்.14)  நடைபெறுகிறது. 
இப்போட்டியில் பங்கு பெறும் அணிகளுக்கு பரிசு முறையே வழங்கப்படுகிறது.  போட்டிக்கு திமுக ஒன்றியச் செயலர் சாந்தமூர்த்தி,  கூட்டுறவு சங்கத் தலைவர் தூயமணி தலைமை வகிக்கின்றனர்.  முன்னாள் கவுன்சிலர் செல்வம்,  முன்னாள் ஒன்றியக் குழு துணைத் தலைவர் திருமால்,  முன்னாள் தலைவர் சக்கரவர்த்தி, தொழில்அதிபர் ரங்கநாதன், கபடிக் குழுத் தலைவர் சக்கரவர்த்தி ஆகியோர் முன்னிலை வகிக்கின்றனர். மனோகரன் வரவேற்றுப் பேசுகிறார். எம்ஜிஎம் மெட்ரிக் மேல்நிலைப் பள்ளி தலைவர் பன்னீர், காவல் ஆய்வாளர் மனோகரன் ஆகியோர் போட்டியில் வெற்றி பெறும் அணிகளுக்கு பரிசுகள் வழங்குகின்றனர். விளையாட்டுப் போட்டிக்கான ஏற்பாடுகளை முத்துக் கபடி குழுவினர் செய்து வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/14/போச்சம்பள்ளியில்-இன்று-கபடி-போட்டி-2863241.html
2863240 தருமபுரி கிருஷ்ணகிரி எரிபொருள் சிக்கனம் வலியுறுத்தி  மிதிவண்டி விழிப்புணர்வு ஊர்வலம் DIN DIN Wednesday, February 14, 2018 09:32 AM +0530 கிருஷ்ணகிரியில் எரிபொருள் சிக்கனத்தை வலியுறுத்தி, மிதிவண்டி விழிப்புணர்வு ஊர்வலம் செவ்வாய்க்கிழமை நடைபெற்றது .
பாரத் பெட்ரோலியம் நிறுவனம்,  கார்த்திக் கேஸ் ஏஜென்ஸி முகவர்  இணைந்து நடத்திய எரிபொருள் சிக்கனம் குறித்த மிதிவண்டி விழிப்புணர்வு ஊர்வலம், கிருஷ்ணகிரி புறநகர் பேருந்து நிலையம் அருகே தொடங்கியது. இந்த ஊர்வலத்தை, பாரத் பெட்ரோலிய நிறுவன முதுநிலை விற்பனை மேலாளர் சோனாவானே கிரிஷ்,  சில்லறை விற்பனை மேலாளர் வெங்கலவாப் விவேக் ஆகியோர் தொடங்கி வைத்தனர்.  கார்த்திக் கேஸ் ஏஜென்ஸி உரிமையாளர் குமரேசன் மற்றும் ஊழியர்கள்  பங்கேற்றனர். 
கிருஷ்ணகிரி நகரில் டி.பி.சாலை,  காந்தி சாலை வழியாகச் சென்ற இந்த ஊர்வலம், வட்டச் சாலை அருகே நிறைவு பெற்றது. இதில் பங்கேற்றோர் எரிபொருள் சிக்கனம்,  எரிபொருள் சேமிப்பை வலியுறுத்தி விழிப்புணர்வு வாசகங்கள் அடங்கிய பதாகைகளை ஏந்தி சென்றனர்.  

]]>
http://www.dinamani.com/all-editions/edition-dharmapuri/krishnagiri/2018/feb/14/எரிபொருள்-சிக்கனம்-வலியுறுத்தி--மிதிவண்டி-விழிப்புணர்வு-ஊர்வலம்-2863240.html
2863239 தருமபுரி கிருஷ்ணகிரி வழிப்பறி: 3 பேர் குண்டர் தடுப்பு சட்டத்தில் கைது DIN DIN Wednesday, February 14, 2018 09:31 AM +0530 சூளகிரி பகுதியில் வழிப்பறியில் ஈடுபட்ட 3 பேரை  குண்டர் தடுப்பு சட்டத்தின் கீழ் கைது செய்ய மாவட்ட ஆட்சியர் சி.கதிரவன் உத்தரவிட்டார். 
கிருஷ்ணகிரி மாவட்டம் சூளகிரி போலீஸார்,  காமன்தொட்டி பகுதியில் கடந்த மாதம் வாகனச் சோதனையில் ஈடுபட்டிருந்தனர். அப்போது, அந்த வழியாக வந்த மூன்று பேரை பிடித்து விசாரித்த போது அவர்கள் ஒசூர் பார்வதி நகரைச் சேர்ந்த இம்ரான்கான் (20),  அலேசீபம் பகுதியைச் சேர்ந்த முரளி (19),  உத்தனப்பள்ளி அடுத்த கிருஷ்ணாபுரத்தைச் சேர்ந்த முனிராஜ் (20)  என்பதும், அவர்கள், காமன்தொட்டி அருகே கங்காபுரம் பகுதியைச் சேர்ந்த ஆனந்த் என்பவரை, கோபசந்திரம் பேருந்து நிறுத்தம் அருகே வைத்து மிரட்டி, செல்லிடப்பேசி மற்றும் ரூ.30 ஆயிரத்தைப் பறித்துச் சென்றதும் தெரியவந்தது.
இதையடுத்து 3 பேரையும் போலீஸார் கைது செய்தனர். கைது செய்யப்பட்ட மூவரும் தேசிய நெடுஞ்சாலையில் வழிப்பறியில் ஈடுபட்டதால் அவர்கள் மீது குண்டர் தடுப்புச் சட்டத்தின் கீழ் நடவடிக்கை எடுக்க மாவட்ட எ.பி.மகேஷ்குமார், மாவட்ட ஆட்சியர் சி. கதிரவனுக்கு பரிந்துரை செய்தார்.
அதன் பேரில் 3 பேரையும் குண்டர் தடுப்புச் சட்டத்தின் கீழ் சிறையில் அடைக்க மாவட்ட ஆட்சியர் செவ்வாய்க்கிழமை உத்தரவிட்டார்.

]]>
http://www.dinamani.com/all-editions/edition-dharmapuri/krishnagiri/2018/feb/14/வழிப்பறி-3-பேர்-குண்டர்-தடுப்பு-சட்டத்தில்-கைது-2863239.html
2863238 தருமபுரி கிருஷ்ணகிரி அகசிப்பள்ளியில பிப்ரவரி 14 பிற்பகலில் மின்தடை   DIN DIN Wednesday, February 14, 2018 09:31 AM +0530 கிருஷ்ணகிரி மின்கோட்டத்துக்கு உள்பட்ட அகசிப்பள்ளி பீடரில் வளர்ச்சிப் பணிகள் நடைபெறுவதால் புதன்கிழமை (பிப்.14) கீழ்கண்ட பகுதிகளில் பிற்பகல் 2 மணி முதல் மாலை 4 மணி வரையில் மின்நிறுத்தம் செய்யப்படுகிறது என மின் கோட்ட செயற்பொறியாளர் எஸ்.கோவிந்தராஜூ, செவ்வாய்க்கிழமை வெளியிட்ட செய்திக்குறிப்பில் தெரிவித்தார்.
மின்நிறுத்தம் செய்யப்படும் பகுதிகள்: மருதேப்பள்ளி, கணவாய்ப்பட்டி, மேலேரிக்கொட்டாய்,  மங்கம்மாபுரம்,  தண்ணீர்பள்ளம், நாமகாரன்கொட்டாய், பெத்தனப்பள்ளி, வேட்டியம்பட்டி,  சவுளூர் மற்றும் அதைச் சுற்றியுள்ள பகுதிகள்.

]]>
http://www.dinamani.com/all-editions/edition-dharmapuri/krishnagiri/2018/feb/14/அகசிப்பள்ளியில-பிப்ரவரி-14-பிற்பகலில்-மின்தடை-2863238.html
2863237 தருமபுரி கிருஷ்ணகிரி ஊத்தங்கரை அருகே சமத்துவபுரத்தில் வீடுகள் ஒதுக்கீட்டில் முறைகேடு நடந்ததாக புகார் DIN DIN Wednesday, February 14, 2018 09:31 AM +0530 ஊத்தங்கரை அருகே கதவணி ஊராட்சியில் உள்ள பெரியார் நினைவு சமத்துவபுரத்தில் வீடுகள் வழங்கியதில் முறைகேடுகள் நடந்துள்ளதாக புகார் கூறப்படுகிறது.
 ஊத்தங்கரை ஒன்றியம், கதவணி ஊராட்சி பெரியார் நினைவு சமத்துவபுரத்தில் ஏழை மக்கள் பயன்பெரும் வகையில் 100 வீடுகள் உள்ளன. ஊத்தங்கரை -திருப்பத்தூர் நெடுஞ்சாலையில் இந்த சமத்துவபுரம் அமைந்துள்ளது. ஒவ்வொரு வீட்டுமனைக்கும் ஐந்து செண்டு காலிமனை ஒதுக்கப்பட்டு, அதில் வீடு கட்டப்பட்டுள்ளது. கடந்த 2010 - 2011-ஆம் ஆண்டு வீடுகள் தலா ரூ.1,64,217 மதிப்பில் கட்டப்பட்டது. இந்த சமத்துவபுரத்தில்  எஸ்சி பிரிவினருக்கு 40, எம்.பி.சி.பிரிவினருக்கு 25, பி.சி.க்கு 25,  ஒ.சி.பிரிவினருக்கு  10 வீடுகள் என மொத்தம் 100 வீடுகள் ஒதுக்கீடு செய்யப்பட்டன. இதில்  ஒசி பிரிவினரில் ஒருவருக்கு மட்டும் வீடு வழங்கப்பட்டது. மீதமுள்ள 9 வீடுகளுக்கு பயனாளிகள் இல்லாததால் 91 வீடுகள் மட்டும்  வழங்கப்பட்டன. மீதமுள்ள 9  வீடுகளை ஊத்தங்கரை, சிங்காரப்பேட்டையைச் சேர்ந்த பிராமணர்கள் தங்களுக்கு வழங்கக்  கோரி அதிகாரிகளிடம் அளித்த மனுக்களின் அடிப்படையில் சமத்துவபுரத்தில் உள்ள 9 வீடுகளை அவர்களுக்கு ஒதுக்கீடு செய்து  மாவட்ட ஆட்சியர்,  அதற்கான ஆணையை கடந்த 20.11.2017 இல் வழங்கினார். உத்தரவு பெற்றவர்கள் சமத்துவபுரத்தில்  ஒதுக்கப்பட்ட 18, 28, 38, 48, 58, 68, 78, 88, 98  எண்களைக் கொண்ட  வீடுகளுக்குச் சென்றபோது அந்த வீடுகளில் ஏற்கெனவே குடியிருந்து வருபவர்கள் தாங்கள் 5 ஆண்டுகளுக்கும் மேலாக வசித்து வருவதால் காலி செய்ய முடியாது என கூறினர்.
இதையடுத்து தங்களுக்கு ஒதுக்கீடு செய்த வீடுகளை வழங்குமாறு சம்பந்தப்பட்ட அதிகாரிகளிடம், பிராமணர்கள் மீண்டும் கோரிக்கை விடுத்தனர். இதுகுறித்து தகவலறிந்து  ஊத்தங்கரை வட்டார வளர்ச்சி அலுவலர்கள் அருள்மொழி, ராஜசேகர் மற்றும் அலுவலர்கள், 9 வீடுகளில் குடியிருப்போரைக்  காலி செய்வதற்கான உத்தரவை வழங்கினர்.அப்போது, சமத்துவபுரத்தில் காரப்பட்டு, கதவணி, அருணபதி உள்ளிட்ட பகுதிகளைச் சேர்ந்தவர்களுக்கு வீடுகள் வழங்கப்பட்டுள்ளன.  வீடுகளைப் பெற ரூ.60 ஆயிரம் முதல் ரூ.ஒரு லட்சம்  வரை கொடுத்ததாக அப்பகுதி மக்கள் தெரிவித்தனர். 10-க்கும் மேற்பட்டோர் தங்களுக்கு ஒதுக்கீடு செய்யப்பட்ட வீடுகளை சுமார் ரூ.3 லட்சத்துக்கு  வேறு நபர்களுக்கு விற்பனை செய்துள்ளதாகக் கூறப்படுகிறது. சுமார் 20-க்கும் மேற்பட்டோர் தங்களுக்கு ஒதுக்கப்பட்ட வீடுகளை மாதம் ரூ.1000- க்கு வாடகைக்கு விட்டுள்ளனர். சுமார் 15- க்கும் மேற்பட்ட வீடுகள் பூட்டியே  உள்ளன. 
இதுகுறித்து 9 வீடுகளில் வசித்துவருவோர் கூறியது:  நாங்கள் இந்த நிலத்தை பல தலைமுறையாகப் பயன்படுத்தி வந்தோம். இந்த நிலத்தை சமத்துவபுரம் அமைக்க ஒப்படைக்க வேண்டும் என்றும்,  அப்படி ஒப்படைக்கும்போது உங்களுக்கும் வீடு ஒதுக்கித் தரப்படும் எனவும் தெரிவித்தனர். 
அதை நம்பி, நாங்கள் நிலத்தை ஒப்படைத்தோம். தற்போது நாள்கள் குடியிருக்கும் வீடுகளை வேறு பிரிவினருக்கு ஒதுக்கீடு செய்துவிட்டு வீட்டைக் காலி செய்யுமாறு கூறுகின்றனர்.  சமத்துவபுரம் அமைவதற்கு எங்கள் அனுபவத்திலிருந்த நிலத்தைக் கொடுத்தோம். தற்போது எங்களுக்கு வேறு வீடுகள் எதுவும் கிடையாது என வேதனையுடன் தெரிவித்தனர்.இது குறித்து அதிகாரிகள் விசாரணை மேற்கொண்டனர். அதில், பயன்பாட்டில் இல்லாமல் உள்ள வீடுகளை ஆய்வு செய்தனர்.அதில் 9 பயனாளிகளுக்கு வீடு வழங்க நடவடிக்கை எடுப்பதாகக் கூறினர்.அரசு விதிமுறையின் படி உறுதிமொழிப் பத்திரத்தில் கூறியுள்ளபடி பயனாளிகள் வீட்டை 30 ஆண்டுகளுக்கு  விற்கவோ,  வாங்கவோ கூடாது என்று விதி இருந்தும் வீடுகளை சிலர் விற்றுச் சென்றது ஆய்வில் தெரியவந்தது.இது குறித்து மாவட்ட நிர்வாகம் உரிய நடவடிக்கை எடுக்க வேண்டும் என கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/krishnagiri/2018/feb/14/ஊத்தங்கரை-அருகே-சமத்துவபுரத்தில்-வீடுகள்-ஒதுக்கீட்டில்-முறைகேடு-நடந்ததாக-புகார்-2863237.html
2862581 தருமபுரி கிருஷ்ணகிரி தொழுநோய் விழிப்புணர்வு ஏற்படுத்தும் மாணவர்களுக்கு விருது அளிக்கப்படும்: ஆட்சியர் சி.கதிரவன் DIN DIN Tuesday, February 13, 2018 09:37 AM +0530 கிருஷ்ணகிரி மாவட்டத்தில் தொழுநோய் குறித்து விழிப்புணர்வு ஏற்படுத்தும் மாணவர்களுக்கு விருது வழங்கப்படும் என  மாவட்ட ஆட்சியர் சி.கதிரவன் தெரிவித்தார்.
கிருஷ்ணகிரி அரசு ஆடவர் கலைக் கல்லூரியில் மாவட்ட பொது சுகாதாரத் துறை,  தேசிய  தொழுநோய் திட்டம் சார்பில் தொழுநோய் விழிப்புணர்வு நிகழ்ச்சி திங்கள்கிழமை நடைபெற்றது.  ஆட்சியர் சி.கதிரவன் தலைமையில் நடைபெற்ற நிகழ்ச்சியில்,  நலப்பணிகள் இணை இயக்குநர் அசோக்குமார்,  சுகாதாரப் பணிகள் துணை இயக்குநர் பிரியா ராஜ்,  தொழுநோய் மருத்துவப் பணிகள் துணை இயக்குநர் ஆர்.புவனேஸ்வரி,  கல்லூரி முதல்வர் பி.ரவிகுமார் உள்ளிட்டோர் பங்கேற்றனர்.
நிகழ்ச்சியில் ஆட்சியர் சி.கதிரவன் பேசியது: தொழுநோய் மைக்ரோ பாக்டிரியம் லெப்ரே என்ற கிருமியால் பரவுகிறது. மனிதர்களுக்கு உணர்ச்சியற்ற தேமல்,  படை, அரிப்பு போன்றவற்றால் பாதிக்கப்பட்டவர்களுக்கு இந்த நோய் குறித்து கல்லூரி மாணவர்கள் விழிப்புணர்வு ஏற்படுத்த வேண்டும். அருகில் உள்ள அரசு மருத்துவமனை, சுகாதார நிலையங்களில் சிகிச்சை பெறுவது குறித்து அறிவுறுத்த வேண்டும்.  பாதிக்கப்பட்ட தொழுநோய் நோயாளிகளைக் கண்டறிந்து சிகிச்சைக்கும்,  நோய் குறித்து விழிப்புணர்வு ஏற்படுத்தும் மாணவர்களுக்கு விருது வழங்கப்படும். இம் மாவட்டத்தை தொழுநோய் இல்லாத மாவட்டமாக மாற்ற நடவடிக்கை எடுப்பதோடு, அவற்றைத் தவிர்க்கும் வகையில் நாம் உறுதிமொழியேற்க வேண்டும் என்றார். இதில் தொழுநோயால் பாதிக்கப்பட்டு முற்றிலும் குணமடைந்தோர் கௌரவிக்கப்பட்டனர்.

]]>
http://www.dinamani.com/all-editions/edition-dharmapuri/krishnagiri/2018/feb/13/தொழுநோய்-விழிப்புணர்வு-ஏற்படுத்தும்-மாணவர்களுக்கு-விருது-அளிக்கப்படும்-ஆட்சியர்-சிகதிரவன்-2862581.html
2862579 தருமபுரி கிருஷ்ணகிரி ஒசூர் அருகே கை, கால்களை வெட்டி மினி லாரி உரிமையாளர் கொலை: போலீஸார் விசாரணை DIN DIN Tuesday, February 13, 2018 09:37 AM +0530 ஒசூர் அருகே கை, கால்கள் வெட்டப்பட்ட நிலையில் மினி லாரி உரிமையாளர் கொடூரமாக கொலை செய்யப்பட்டார். அவரது உடலை கொலையாளிகள் ரயில் தண்டவாளத்தில் வீசி சென்றனர்.
கிருஷ்ணகிரி மாவட்டம், ஒசூர் அருகே உள்ள நஞ்சாபுரத்தில் உள்ள தனியார் இருசக்கர வாகனங்கள் தயாரிக்கும் தொழிற்சாலைக்கு செல்லும் சாலையில் உள்ள ரயில் தண்டவாளத்தில் சுமார் 30 வயது மதிக்கத்தக்க இளைஞர் ஒருவர், திங்கள்கிழமை கை, கால்கள் வெட்டப்பட்ட நிலையில் கொலையுண்டு கிடந்தார்.
இதை அந்த வழியாகச் சென்றவர்கள் பார்த்து மத்திகிரி காவல் நிலையத்துக்கு தகவல் தெரிவித்தனர். அதன் பேரில்  ஒசூர் டி.எஸ்.பி. விஜய கார்த்திக்ராஜ் மற்றும் மத்திகிரி  போலீஸார் சம்பவ இடத்துக்குச் சென்று உடலைக் கைப்பற்றி பிரேதப் பரிசோதனைக்காக ஒசூர் அரசு மருத்துவமனைக்கு அனுப்பி வைத்தனர்.
இதுகுறித்து போலீஸார் நடத்திய விசாரணையில், கொலையுண்டவர் ஒசூர் அருகேயுள்ள  பொம்மண்டப்பள்ளியைச் சேர்ந்த மினி லாரி உரிமையாளர்  முருகேஷ் (30) என்பது தெரிய வந்தது. மேலும் இருசக்கர வாகனங்களுக்காக வாட்டர் சர்வீஸ் செண்டரும் அவர் நடத்தி வந்துள்ளார். 
அவருக்கு திருமணமாகி ஆர்த்தி (26) என்ற மனைவியும், சாகித்யா (9), கல்கிதா (6) என்ற இரு மகள்களும் உள்ளனர். 
இந்த கொலை சம்பவம் குறித்து போலீஸார் விசாரணை நடத்தி வருகின்றனர். 

ஒன்றரை மாதத்தில் 5 கொலைகள்... 
கிருஷ்ணகிரி மாவட்டம், ஒசூர் மற்றும் சுற்று வட்டாரங்களில்
கடந்த ஒன்றரை மாதத்தில் மட்டும் 5 பேர் கொலை செய்யப்பட்டுள்ளனர். கடந்த மாதம் 6-ஆம் தேதி ஒசூர் அருகே கங்காபுரம் வனப்பகுதியில் சுமார் 25 வயது மதிக்கத்தக்க பெண் எரித்துக் கொலை செய்யப்பட்டார். விசாரணையில் அவர் பெங்களூரைச் சேர்ந்த பெண் என்ஜினீயர் அக்ஷதா என தெரிய வந்தது.
இதையடுத்து கடந்த மாதம் 13-ஆம் தேதி ஒசூரில் பிரபல ரெளடி சேட்டு கடத்தப்பட்டு நல்லகானகொத்தப்பள்ளியில் தலை துண்டித்துக் கொலை செய்யப்பட்டார்.  மேலும் கடந்த மாதம் 29-ஆம் தேதி கட்டடத் தொழிலாளி ராமசாமி என்பவர் தலையில் கல்லை போட்டு கொலை செய்யப்பட்டார்.  கடந்த 10-ஆம் தேதி ஒசூரில் கள்ளக்காதலுக்கு இடையூறாக இருந்த விக்டர் என்பவர் கொலை செய்யப்பட்டார். அது தொடர்பாக அவரது மனைவி ஐஸ்வர்யா, கள்ளக்காதலர் குணசேகரன் ஆகியோர் கைது செய்யப்பட்டனர். இந்த கொலை
சம்பவங்கள் ஒசூர் பகுதியில் பரபரப்பை ஏற்படுத்தியுள்ளன.
 

]]>
http://www.dinamani.com/all-editions/edition-dharmapuri/krishnagiri/2018/feb/13/ஒசூர்-அருகே-கை-கால்களை-வெட்டி-மினி-லாரி-உரிமையாளர்-கொலை-போலீஸார்-விசாரணை-2862579.html
2862577 தருமபுரி கிருஷ்ணகிரி சாலை விபத்தில் பெண் பலி DIN DIN Tuesday, February 13, 2018 09:36 AM +0530 ராயக்கோட்டை அருகே சாலை விபத்தில் பெண் உயிரிழந்தார்.
ராயக்கோட்டை அருகே உள்ள நாகமங்கலம் ஊராட்சி, உப்புபள்ளம் கிராமத்தைச் சேர்ந்தவர் முருகம்மாள் (40). இவரது மருமகன் பவுன்ராஜ் (28). பவுன்ராஜின் இருசக்கர வாகனத்தில் பின்புறம் முருகம்மாள் அமர்ந்திருந்தார். இருசக்கர வாகனம் சூளகுண்டா நோக்கி சென்று கொண்டிருந்தது. 
இந்த நிலையில், முத்தம்பட்டி அருகே பாறையூர் பிரிவு சாலை அருகே செனற போது இருசக்கர வாகனம் நிலைதடுமாறி கவிழ்ந்தது. இதில் பலத்த காயம் அடைந்த முருகம்மாள் நிகழ்விடத்திலேயே உயிரிழந்தார். இதில் பவுன்ராஜ் காயம் அடைந்தார். இந்த விபத்து குறித்து தகவல் அறிந்த ராயக்கோட்டை போலீஸார் சம்பவ இடத்துக்கு சென்று பலியான முருகம்மாளின் உடலை மீட்டு பிரேதப் பரிசோதனைக்காக தேன்கனிக்கோட்டை அரசு மருத்துவமனைக்கு அனுப்பி வைத்தனர். இது தொடர்பாக போலீஸார் வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/feb/13/சாலை-விபத்தில்-பெண்-பலி-2862577.html
2862575 தருமபுரி கிருஷ்ணகிரி ஊத்தங்கரை அதியமான் மெட்ரிக். பள்ளியில் சகோதரி நிவேதிதை ரத யாத்திரை கருத்தரங்கு DIN DIN Tuesday, February 13, 2018 09:36 AM +0530 ஊத்தங்கரை அதியமான் மெட்ரிக் மேல்நிலைப் பள்ளியில் சகோதரி நிவேதிதை 150 -ஆவது பிறந்த ஆண்டை முன்னிட்டு ரத யாத்திரை மற்றும் கருத்தரங்கு ஞாயிற்றுக்கிழமை நடைபெற்றது.
முன்னதாக அதியமான் கல்வி நிறுவனங்களின் நிறுவனர் சீனி.திருமால்முருகன் வரவேற்றார். 
திரைப்பட இயக்குநர் கஸ்தூரி ராஜா தலைமை வகித்து பேசும்போது பெண்கள் முன்னேற்றத்துக்காகப் பாடுபட்டவர் சகோதரி வேதிதை. பெண்கள் அனைத்துத் துறைகளிலும் முன்னேற வேண்டும். ஜெகதீஷ் சந்திரபோஸ்  அறிவியலில் நோபல் பரிசு பெறத்  தூண்டுகோளாக இருந்தவர் நிவேதிதை  என்றார். விழா ஒருங்கிணைப்பாளர்  வசந்தராணி முன்னிலை வகித்தார். சென்னைக் கம்பன் கழக செயற்குழு உறுப்பினர் வாசுகி கண்ணப்பன் சிறப்பு சொற்பொழிவாற்றினார். 
அதில் சகோதரி நிவேதிதையின் வாழ்க்கை வரலாற்றை அனைத்து மாணவிகளும் தெரிந்து கொண்டு அதைப் பின்பற்றி நடக்க வேண்டும் என்றார். பெங்களூரைச் சேர்ந்த கிருஷ்ணதாஸ் சிறப்புரையாற்றினார். இறுதியாக கிருஷ்ணகிரி வித்யா மந்திர் நடுநிலைப் பள்ளித் தாளாளர் ஸ்ரீதர் நன்றி கூறினார்.
 

]]>
http://www.dinamani.com/all-editions/edition-dharmapuri/krishnagiri/2018/feb/13/ஊத்தங்கரை-அதியமான்-மெட்ரிக்-பள்ளியில்-சகோதரி-நிவேதிதை-ரத-யாத்திரை-கருத்தரங்கு-2862575.html
2862573 தருமபுரி கிருஷ்ணகிரி இளைஞர்களை பக்கோடா விற்கச் சொன்ன பிரதமருக்கு மக்களே தீர்ப்புக் கூறுவர்: எ.செல்லக்குமார் DIN DIN Tuesday, February 13, 2018 09:35 AM +0530 இளைஞர்களை பக்கோடா விற்கச் சொன்ன பிரதமர் நரேந்திர மோடிக்கு எதிர்வரும் காலங்களில் மக்களே தீர்ப்பு கூறுவார்கள் என்று காங்கிரஸ் பொதுச் செயலரும், கோவா மாநில பொறுப்பாளருமான டாக்டர் எ. செல்லக்குமார் கூறினார்.
ஊத்தங்கரையில் காங்கிரஸ் கட்சியைச் சேர்ந்த பூசைக்காரன் இல்லத் திருமண விழாவில் கலந்துகொள்ள வந்த காங்கிரஸ் கோவா மாநில பொறுப்பாளர் எ.செல்லக்குமார் ஞாயிற்றுக்கிழமை செய்தியாளர்களிடம் கூறியது:  பிரதமர் மோடி  ஆட்சிக்கு வந்தால் கருப்புப் பணத்தை முற்றிலும் ஒழித்து, ஒவ்வொருவர் வங்கிக் கணக்கிலும் ரூ.15 லட்சம் செலுத்துவோம் என்று கூறினார். ஆனால் கருப்புப் பணம், கள்ளநோட்டுகளும் இன்னும் புழக்கத்தில் தான் உள்ளன.  ஆண்டுக்கு 2 கோடி இளைஞர்களுக்கு  வேலை வாய்ப்பு  வழங்குவதாகக் கூறிவிட்டு தற்போது ஒன்றரை லட்சம் பேர்களுக்கு மட்டும் தான் வேலை வாய்ப்பு வழங்கப்பட்டுள்ளதாக அரசே புள்ளி விவரத்தில் கூறியுள்ளது. இளைஞர்களை பக்கோடா விற்கச் சொல்லும் அவருக்கு எதிர்வரும் காலங்களில் மக்களே தீர்ப்பு கூறுவார்கள் என்றார். 
இந்த நிகழ்ச்சிக்கு மாவட்டத் தலைவர் எல்.சுப்பிரமணி தலைமை வகித்தார்.  முன்னாள் ஒன்றியக்குழுத் தலைவர் ஜெ.எஸ்.ஆறுமுகம் முன்னிலை வகித்தார்.  இதில் தருமபுரி மாவட்டத் தலைவர் சிற்றரசு, முன்னாள் மாவட்ட துணைத் தலைவர் ராமச்சந்திரன், முன்னாள் பேரூராட்சி உறுப்பினர் விஜயகுமார், கல்லாவி ரவிச்சந்திரன், எஸ்சி, எஸ்.டி  வட்டாரத் தலைவர் இளையராஜா, முன்னாள் ஒன்றியக் கவுன்சிலர் முத்து, முன்னாள்  மாவட்டச்  செயலர் குப்புசாமி மற்றும் தொழிற்சங்க உறுப்பினர்கள், வட்டார, நகரப் பிரதிநிதிகள் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-dharmapuri/krishnagiri/2018/feb/13/இளைஞர்களை-பக்கோடா-விற்கச்-சொன்னபிரதமருக்கு-மக்களே-தீர்ப்புக்-கூறுவர்-எசெல்லக்குமார்-2862573.html
2862571 தருமபுரி கிருஷ்ணகிரி போடூர்பள்ளம் வனப்பகுதியில் 60 யானைகள் முகாம் DIN DIN Tuesday, February 13, 2018 09:35 AM +0530 ஒசூர் அருகே போடூர்பள்ளம் வனப்பகுதியில் 60 யானைகள் முகாமிட்டுள்ளன. 
ஒசூர் வனச்சரகத்துக்கு உள்பட்ட சானமாவு காப்புக்காட்டில், 10- க்கும் மேற்பட்ட யானைகள் கூட்டம் முகாமிட்டிருந்த நிலையில், கடந்த 9-ஆம் தேதி 30-க்கும் மேற்பட்ட யானைகள் வந்தன. இதனால் சானமாவு காட்டில்  யானைகளின் எண்ணிக்கை 40 ஆக உயர்ந்தது.
இந்த யானைகள், ராயக்கோட்டை சாலையைக் கடந்து, போடூர்பள்ளம் வனப்பகுதிக்கு சென்றன. இந்த நிலையில் ஞாயிற்றுக்கிழமை தேன்கனிக்கோட்டை வனச்சரகப் பகுதியில் இருந்து, 20-க்கும் மேற்பட்ட யானைகள் சானமாவு காப்புக் காட்டுக்கு இடம் பெயர்ந்தன. அதனால் ஒசூர் வனச்சரகப் பகுதியில் உள்ள யானைகளின் எண்ணிக்கை, 60 ஆக உயர்ந்தது. போடூர்பள்ளம், சானமாவு என தனித்தனியாக யானைகள் கூட்டம் முகாமிட்டிருந்த நிலையில், திங்கள்கிழமை சானமாவு வனப்பகுதியில் இருந்து வெளியேறி, ராயக்கோட்டை சாலையைக் கடந்து 20-க்கும் மேற்பட்ட யானைகள், போடூர்பள்ளம் வனப்பகுதியில் தஞ்சம் அடைந்துள்ளன. 60-க்கும் மேற்பட்ட யானைகள் போடூர்பள்ளம் வனப்பகுதியில் உள்ள போதும், தனித்தனி குழுக்களாக முகாமிட்டுள்ளதால், அவற்றை விரட்டுவதில் வனத்துறைக்கு சிரமம் ஏற்பட்டுள்ளது.
 

]]>
http://www.dinamani.com/all-editions/edition-dharmapuri/krishnagiri/2018/feb/13/போடூர்பள்ளம்-வனப்பகுதியில்-60-யானைகள்-முகாம்-2862571.html
2862570 தருமபுரி கிருஷ்ணகிரி பிப்.14-இல் பேரவை உறுதிமொழிக் குழு கிருஷ்ணகிரியில் ஆய்வுப் பயணம் DIN DIN Tuesday, February 13, 2018 09:35 AM +0530 தமிழ்நாடு சட்டப் பேரவையின் 2016 - 2018  ஆண்டுக்கான  அரசு உறுதிமொழிக் குழு பிப்.14-ஆம் தேதி, கிருஷ்ணகிரி மாவட்டத்தில் ஆய்வுப் பயணம் மேற்கொள்ளப்பட உள்ளதாக மாவட்ட ஆட்சியர் சி.கதிரவன் தெரிவித்தார்.
இதுகுறித்து,  மாவட்ட ஆட்சியர், திங்கள்கிழமை வெளியிட்ட செய்திக் குறிப்பு: தமிழ்நாடு சட்டப்பேரவையின் 2016 - 2018 ஆண்டுக்கான அரசு உறுதிமொழிக் குழு, பிப்.14-ஆம் தேதி,  இம் மாவட்டத்தில் ஆய்வுப் பயணம் மேற்கொள்ள உள்ளது. இந்தக் குழுவின் தலைவர் மற்றும் 9 உறுப்பினர்கள்,  9 தலைமைச் செயலக அலுவலர்களும் பங்கேற்க உள்ளனர். 
இந்தக் குழுவின் ஆய்வுக் கூட்டம்,  மாவட்ட ஆட்சியர் அலுவலகக் கூட்ட அரங்கில் காலை 10 மணிக்கு மாவட்டத்தில் நிறைவேற்றப்பட்ட பணிகள், நடைபெற்று வரும் பணிகள் குறித்து ஆய்வு மேற்கொண்டு, நேரில் பார்வையிட உள்ளது என ஆட்சியர் தெரிவித்துள்ளார்.

]]>
http://www.dinamani.com/all-editions/edition-dharmapuri/krishnagiri/2018/feb/13/பிப்14-இல்-பேரவை-உறுதிமொழிக்-குழு-கிருஷ்ணகிரியில்-ஆய்வுப்-பயணம்-2862570.html
2862565 தருமபுரி கிருஷ்ணகிரி கிருஷ்ணகிரியில் ஆட்சியரின் காரை மறித்து மனு அளிக்க முயன்ற ராணுவ வீரரால் பரபரப்பு DIN DIN Tuesday, February 13, 2018 09:33 AM +0530 கிருஷ்ணகிரி மாவட்ட ஆட்சியரின் காரை மறித்து,  வாக்குவாதத்தில் ஈடுபட்ட ராணுவ வீரரால் பரபரப்பு ஏற்பட்டது.
கிருஷ்ணகிரி மாவட்ட ஆட்சியர் அலுவலகக் கூட்ட அரங்கில்,  ஆட்சியர் சி.கதிரவன் தலைமையில் மக்கள் குறைதீர் கூட்டம்  திங்கள்கிழமைதோறும்  நடைபெறும்.  அதன்படி,  கூட்டத்தில் பங்கேற்க மாவட்ட ஆட்சியர் சி.கதிரவன், காரில் வந்தார்.
அப்போது,   காவேரிப்பட்டணம் அருகே உள்ள வரட்டம்பட்டி பூ நகரைச் சேர்ந்த பிரகாஷ் (45) மற்றும் சிலர் பதாகையை கையில் ஏந்தியவாறு,  மாவட்ட ஆட்சியரின் காரை மறித்து மனு அளிக்க முயன்றனர். 
இதையடுத்து, காரிலிருந்து இறங்கிய ஆட்சியர், மனுதாரரிடம் குறைகளைக் கேட்டறிந்தார். அப்போது, தான்  ராணுவ வீரர் என்றும், நிலப் பிரச்னை குறித்து, மாவட்ட ஆட்சியரிடம் பல முறை மனு அளித்தும் இதுவரை நடவடிக்கை ஏதும் எடுக்கவில்லை. எனவே, தனது மீது உடனே நடவடிக்கை எடுக்க வேண்டும் என வாக்குவாதத்தில் ஈடுபட்டார். இதையடுத்து,  மனுதாரரின் மனு மீது விசாரணை செய்ய காவல் துறைக்கு உத்தரவிடுவதாக ஆட்சியர் தெரிவித்தார். அப்போது, பாதுகாப்புப் பணியில் இருந்த போலீஸார், மனுதாரர்களை சமாதானப்படுத்தினர்.

]]>
http://www.dinamani.com/all-editions/edition-dharmapuri/krishnagiri/2018/feb/13/கிருஷ்ணகிரியில்-ஆட்சியரின்-காரை-மறித்துமனு-அளிக்க-முயன்ற-ராணுவ-வீரரால்-பரபரப்பு-2862565.html
2862563 தருமபுரி கிருஷ்ணகிரி இன்று பிஎஸ்என்எல் மெகா மேளா DIN DIN Tuesday, February 13, 2018 09:32 AM +0530 தருமபுரி மற்றும் கிருஷ்ணகிரி மாவட்டங்களில் பிஎஸ்என்எல் மெகா மேளா செவ்வாய்க்கிழமை நடைபெறவுள்ளது.
தருமபுரி பிரதான தொலைபேசியகம்,  தருமபுரி அப்பாவுநகர்,  தருமபுரி அரசுக் கலைக் கல்லூரி,  இலளிகம்,  பி. அக்ரஹாரம், பாலக்கோடு, மாட்லாம்பட்டி.
கிருஷ்ணகிரி மாவட்டம் லண்டன்பேட்டை,  டிஎன் ஹவுசிங்போர்டு,  காவேரிப்பட்டணம், நேர்லகிரி.
ஒசூர் அம்மா உணவகம், பத்லபள்ளி சூப்பர் மார்க்கெட், தொலைபேசி நிலையம், வட்டாட்சியர் அலுவலகம், காமராஜ் குடியிருப்பு,  மூக்காண்டபள்ளி, குமுதேபள்ளி, நரிப்பள்ளி, ஈச்சம்பாடி, எக்கூர், பண்ணந்தூர், பாகலூர், தேன்கனிக்கோட்டை, கெலமங்கலம். இந்த மேளாக்களில் பிஎஸ்என்எல் செல்லிடப்பேசி எண்ணுடன் ஆதார் எண் இணைப்பு, ரூ. 35 மதிப்புள்ள சிம் ரூ. 10-க்கு விற்பனை ஆகியவை நடைபெறும். வாடிக்கையாளர்கள் ஆதார் அட்டை எடுத்து வந்து சலுகைகளைப் பெற்றுக் கொள்ளலாம் என தருமபுரி தொலைத்தொடர்பு மாவட்டப் பொதுமேலாளர் கோ. பாலாஜி கேட்டுக்கொண்டுள்ளார்.
 

]]>
http://www.dinamani.com/all-editions/edition-dharmapuri/krishnagiri/2018/feb/13/இன்று-பிஎஸ்என்எல்-மெகா-மேளா-2862563.html
2862561 தருமபுரி கிருஷ்ணகிரி தேசிய நெடுஞ்சாலையில் விபத்துகளைத் தடுக்க ரூ.6.68 கோடியில் பணிகள் தொடக்கம் DIN DIN Tuesday, February 13, 2018 09:32 AM +0530 கிருஷ்ணகிரி அருகே தேசிய நெடுஞ்சாலையில் பல்வேறு இடங்களில் விபத்துகளைத் தடுக்கும் வகையில் ரூ.6.68 கோடி மதிப்பிலான பணிகளை கே.அசோக்குமார் எம்.பி. திங்கள்கிழமை தொடங்கி வைத்தார்.
கிருஷ்ணகிரி - சேலம் தேசிய நெடுஞ்சாலையில் மோட்டூர் பிரிவு சாலை,  திம்மாபுரம் பிரிவு சாலை, கிருஷ்ணகிரி அணை பிரிவு சாலை ஆகிய இடங்களில் அடிக்கடி விபத்துகள் ஏற்படுகின்றன. இதனால், பலர் உயிரிழந்துள்ளனர். 
எனவே, இந்த விபத்துகளைத் தடுக்க நடவடிக்கை எடுக்க வேண்டும் என பொதுமக்கள் சாலை மறியல் உள்ளிட்ட பல்வேறு போராட்டங்களில் ஈடுபட்டு வந்தனர்.  இந்த நிலையில், மாவட்டத்தில்  விபத்துகளைத் தடுக்க நடவடிக்கை எடுக்க வேண்டும் என மக்களவையில் கே.அசோக்குமார் எம்.பி. வலியுறுத்தினார். இதையடுத்து, அவரது கோரிக்கையை ஏற்று  தரை வழிப் போக்குவரத்துத் துறை சார்பில் ரூ.6.68 கோடி  நிதி ஒதுக்கீடு செய்யப்பட்டது. 
அதன்படி, கிருஷ்ணகிரி ஆவின் அருகே மோட்டூர் பிரிவு சாலை அருகே மேம்பாலத்துடன் கூடிய அணுகு சாலை,  கிருஷ்ணகிரி அணை பிரிவு சாலை அருகே ரூ.30 லட்சம் மதிப்பில் உயர் மின் கோபுரம்,  திம்மாபுரம் பிரிவு சாலை (காவேரிப்பட்டணம்) முதல் புதூர் , போச்சம்பள்ளி செல்லும் சாலை வரை ரூ.1.5 கி.மீ. நீளத்துக்கு ரூ. 4 கோடி மதிப்பில் அணுகுசாலை அமைக்கும் பணியை கே.அசோக்குமார் எம்.பி. தொடக்கி வைத்தார்.
இந்த நிகழ்ச்சியில் ஊராட்சி ஒன்றிய முன்னாள் தலைவர் கோவிந்தராஜ்,   நாளந்தா கல்வி குழுமத்தின் தாளாளர் சாமுண்டீஸ்வரி கொங்கரசன், இயக்குநர் கௌதமன், காவேரிப்பட்டணம் பேரூராட்சி முன்னாள் தலைவர் வாசுதேவன் உள்ளிட்டோர் பங்கேற்றனர். 

]]>
http://www.dinamani.com/all-editions/edition-dharmapuri/krishnagiri/2018/feb/13/தேசிய-நெடுஞ்சாலையில்-விபத்துகளைத்-தடுக்கரூ668-கோடியில்-பணிகள்-தொடக்கம்-2862561.html
2861938 தருமபுரி கிருஷ்ணகிரி குண்டர் தடுப்புச் சட்டத்தில் சென்னையைச் சேர்ந்தவர் கைது DIN DIN Monday, February 12, 2018 05:34 AM +0530 ஒசூரில் பல்வேறு திருட்டு சம்பவங்களில் ஈடுபட்டு வந்த சென்னையைச் சேர்ந்தவரை குண்டர் தடுப்புச் சட்டத்தின் கீழ் சிறையிலடைக்க மாவட்ட ஆட்சியர் சி.கதிரவன் உத்தரவிட்டார்.
ஒசூர் நகரக் காவல் நிலையத்திற்குள்பட்ட பகுதியில் வீடு புகுந்து திருடி வந்த சென்னையைச் சேர்ந்த வெங்கடேஷை போலீஸார் அண்மையில் கைது செய்தனர். இவர் வேலூர் மாவட்டம், சிங்கார நகர் முருக்கேரி குப்பத்தில் வசித்து வந்தார். வழிப்பறி, திருட்டு வழக்குகள் என பல்வேறு குற்ற வழக்குகளில் கைது செய்யப்பட்டு சிறையிலடைக்கப்பட்ட வெங்கடேஷ், அண்மையில் ஒசூர் மகாலட்சுமி நகரில் வீடு புகுந்து திருடினார். இதையடுத்து, எஸ்பி மகேஷ்குமார் பரிந்துரையின் பேரில் வெங்கடேஷை குண்டர் தடுப்புச் சட்டத்தில் கைது செய்ய ஆட்சியர் சி.கதிரவன் உத்தரவிட்டார்.

 

]]>
http://www.dinamani.com/all-editions/edition-dharmapuri/krishnagiri/2018/feb/12/குண்டர்-தடுப்புச்-சட்டத்தில்-சென்னையைச்-சேர்ந்தவர்-கைது-2861938.html
2861937 தருமபுரி கிருஷ்ணகிரி பெண்களின் சிறப்பை சிந்திக்க பாரதியை தூண்டியவர் சகோதரி நிவேதிதை! DIN DIN Monday, February 12, 2018 05:33 AM +0530 பெண்களின் சிறப்பை சிந்திக்க பாரதியைத் தூண்டியவர் சகோதரி நிவேதிதை என கிருஷ்ணகிரியில் ஞாயிற்றுக்கிழமை நடைபெற்ற சகோதரி நிவேதிதை ரத யாத்திரையில் கம்பன் கழக செயற்குழு உறுப்பினர் வாசுகி கண்ணப்பன் பேசினார்.
கிருஷ்ணகிரிக்கு ஞாயிற்றுக்கிழமை வந்த சகோதரி நிவேதிதையின் ரத யாத்திரைக்கு பொதுமக்கள் உற்சாக வரவேற்பு அளித்தனர். கிருஷ்ணகிரி ஜயப்பன் கோயில் அருகே நடைபெற்ற வரவேற்பு நிகழ்ச்சியில் சிவதாஸ், நகர்மன்ற முன்னாள் தலைவர் கே.ஆர்.சி. தங்கமுத்து, ஒருங்கிணைப்பாளர் வசந்தராணி உள்ளிட்டோர் பங்கேற்றனர்.
மங்கள இசையுடன் வரவேற்பு அளிக்கப்பட்ட நிலையில், கிருஷ்ணகிரி வட்டச் சாலை அருகே நடைபெற்ற சொற்பொழில் கம்பன் கழக செயற்குழு உறுப்பினர் வாசுகி கண்ணப்பன் பேசியது:
பெண்களின் சிறப்பை சிந்திக்கும்படி பாரதியைத் தூண்டியவர் சகோதரி நிவேதிதை. பெண்கள் அரசியலுக்கு வர வேண்டும். பெண்களுக்கு கல்வியும், அறிவும் அவசியம் என எடுத்துரைத்தார். மேலும், பெண்களை சுதந்திர போராட்டத்தில் பங்கேற்க ஊக்கமூட்டியவரும் சகோதரி நிவேதிதை என்றார்.

 

]]>
http://www.dinamani.com/all-editions/edition-dharmapuri/krishnagiri/2018/feb/12/பெண்களின்-சிறப்பை-சிந்திக்க-பாரதியை-தூண்டியவர்-சகோதரி-நிவேதிதை-2861937.html
2861936 தருமபுரி கிருஷ்ணகிரி குண்டர் தடுப்புச் சட்டத்தில் சென்னையைச் சேர்ந்தவர் கைது DIN DIN Monday, February 12, 2018 05:33 AM +0530 ஒசூரில் பல்வேறு திருட்டு சம்பவங்களில் ஈடுபட்டு வந்த சென்னையைச் சேர்ந்தவரை குண்டர் தடுப்புச் சட்டத்தின் கீழ் சிறையிலடைக்க மாவட்ட ஆட்சியர் சி.கதிரவன் உத்தரவிட்டார்.
ஒசூர் நகரக் காவல் நிலையத்திற்குள்பட்ட பகுதியில் வீடு புகுந்து திருடி வந்த சென்னையைச் சேர்ந்த வெங்கடேஷை போலீஸார் அண்மையில் கைது செய்தனர். இவர் வேலூர் மாவட்டம், சிங்கார நகர் முருக்கேரி குப்பத்தில் வசித்து வந்தார். வழிப்பறி, திருட்டு வழக்குகள் என பல்வேறு குற்ற வழக்குகளில் கைது செய்யப்பட்டு சிறையிலடைக்கப்பட்ட வெங்கடேஷ், அண்மையில் ஒசூர் மகாலட்சுமி நகரில் வீடு புகுந்து திருடினார். இதையடுத்து, எஸ்பி மகேஷ்குமார் பரிந்துரையின் பேரில் வெங்கடேஷை குண்டர் தடுப்புச் சட்டத்தில் கைது செய்ய ஆட்சியர் சி.கதிரவன் உத்தரவிட்டார்.

 

]]>
http://www.dinamani.com/all-editions/edition-dharmapuri/krishnagiri/2018/feb/12/குண்டர்-தடுப்புச்-சட்டத்தில்-சென்னையைச்-சேர்ந்தவர்-கைது-2861936.html
2861935 தருமபுரி கிருஷ்ணகிரி நாட்டுத் துப்பாக்கி வெடித்ததில் விவசாயி சாவு DIN DIN Monday, February 12, 2018 05:33 AM +0530 கிருஷ்ணகிரி அருகே நாட்டுத் துப்பாக்கி வெடித்ததில் விவசாயி உயிரிழந்தார்.
குருவிநாயனப்பள்ளி சாரகுண்டு பகுதியைச் சேர்ந்தவர் த.மதியழகன்(30). விவசாயியான இவர், ஆந்திர மாநில எல்லையில் உள்ள வனப் பகுதியில் நண்பர்களுடன் வேட்டைக்கு செல்வது வழக்கம். இந்த நிலையில், சனிக்கிழமை இரவு தனது நண்பர் தல்லத் (26) என்பவருடன் வேட்டைக்கு செல்ல முற்பட்டார்.
அப்போது, ஒரு புதரில் மறைத்து வைத்திருந்த உரிமம் இல்லாத நாட்டுத் துப்பாக்கியை எடுக்க முயன்றார். அப்போது, எதிர்பாராமல் துப்பாக்கி வெடித்ததில் அவரது இடதுபுற கழுத்துப் பகுதியில் குண்டு பாய்ந்ததில் நிகழ்விடத்திலே அவர் உயிரிழந்தார். இதுகுறித்து கந்திகுப்பம் போலீஸார் விசாரணை நடத்தி வருகின்றனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/12/நாட்டுத்-துப்பாக்கி-வெடித்ததில்-விவசாயி-சாவு-2861935.html
2861934 தருமபுரி கிருஷ்ணகிரி சேதமடைந்த அங்கன்வாடி மையத்தை சீரமைக்க வலியுறுத்தல் DIN DIN Monday, February 12, 2018 05:32 AM +0530 போச்சம்பள்ளியை அடுத்த வாடமங்கலத்தில் சேதமடைந்த அங்கன்வாடி மையக் கட்டடத்தை சீரமைக்க வேண்டும் என பொதுமக்கள் கோரிக்கை விடுத்துள்ளனர்.
இந்த மையத்தில் 2 முதல் 5 வயது வரையிலான 20 குழந்தைகள் படித்து வந்தனர். தற்போது கட்டடத்தின் மேற்கூரை, கதவு ஜன்னல் உடைந்து பழுதானதால் பெற்றோர்கள் தங்களது குழந்தைகளை பள்ளிக்கு அனுப்ப மறுக்கின்றனர். ஆபத்தான நிலையில் உள்ள இக் கட்டடத்தை புதுப்பிக்க வேண்டும் என நீண்ட நாள்களாக பெற்றோர்கள் கோரிக்கை விடுத்துள்ளனர்.
மேலும், குடிநீர் வசதி இல்லாததால் மையத்துக்கு வரும் குழந்தைகளுக்கு உணவு சமைப்பதற்காக நீண்ட தொலைவு சென்று பணியாளர்கள் தண்ணீர் எடுத்து வருகின்றனர். அங்கன்வாடி மையம் அருகே செடிகள் முளைத்து மரம்போல் வளர்ந்து கிடக்கிறது.
எனவே, பழையக் கட்டடத்தை அகற்றி அங்கு புதிய கட்டடம் அமைக்க வேண்டும் என்பதே பல்வேறு தரப்பினரின் எதிர்பார்ப்பாகவுள்ளது.

 

]]>
http://www.dinamani.com/all-editions/edition-dharmapuri/krishnagiri/2018/feb/12/சேதமடைந்த-அங்கன்வாடி-மையத்தை-சீரமைக்க-வலியுறுத்தல்-2861934.html
2860825 தருமபுரி கிருஷ்ணகிரி கிருஷ்ணகிரி அருகே 25 கிலோ கஞ்சா, கார் பறிமுதல்: ஆந்திர மாநில இளைஞர் கைது DIN DIN Saturday, February 10, 2018 05:13 AM +0530 ஆந்திர மாநிலத்திலிருந்து கிருஷ்ணகிரி வழியாக கடத்த முயன்ற 25 கிலோ கஞ்சா மற்றும் அதற்கு பயன்படுத்திய காரை பறிமுதல் செய்த போலீஸார், ஆந்திர மாநில இளைஞரை வெள்ளிக்கிழமை கைது செய்தனர்.
கிருஷ்ணகிரி மாவட்டப் பகுதியில் ஆந்திர மாநில எல்லையான குருவிநாயனப்பள்ளி சோதனைச் சாவடியில், கந்திகுப்பம் போலீஸார் வாகனத் தணிக்கையில் வியாழக்கிழமை இரவு ஈடுபட்டனர்.
அப்போது, ஆந்திர மாநிலத்திலிருந்து வந்த காரை தடுத்து நிறுத்த முற்பட்டனர். போலீஸாரைக் கண்டதும், காரில் இருந்த 3 பேரும் தப்பியோடினர். போலீஸார் பிடியில் கார் ஓட்டுநர் சிக்கினார். தொடர்ந்து காரை சோதனை செய்ததில், காரில் 25 கிலோ கஞ்சா இருந்ததைக் கண்டறிந்தனர். மேலும், பிடிபட்ட கார் ஓட்டுநரிடம் மேற்கொண்ட விசாரணையில், அவர் ஆந்திர மாநிலம், விசாகப்பட்டினத்தைச் சேர்ந்த ஜெகந்தரா கோவிந்தன் (24) என்பதும், இவரது கூட்டாளிகள் விசாகப்பட்டினத்திலிருந்து கிருஷ்ணகிரி வழியாக தமிழ்நாட்டில் கரூர், நாமக்கல் உள்ளிட்ட பகுதிகளுக்கு கஞ்சா கடத்துவதும் தெரியவந்தது.
இதையடுத்து, கஞ்சா, கார் ஆகியவற்றை பறிமுதல் செய்த போலீஸார், வழக்குப் பதிந்து, ஜெகந்தரா கோவிந்தனை கைது செய்தனர். மேலும், தப்பியோடிய மூன்று பேரையும் தேடி வருகின்றனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/10/கிருஷ்ணகிரி-அருகே-25-கிலோ-கஞ்சா-கார்-பறிமுதல்-ஆந்திர-மாநில-இளைஞர்-கைது-2860825.html
2860821 தருமபுரி கிருஷ்ணகிரி காதலர் தினம்: ஒசூர் ரோஜாவுக்கு மவுசு டி.ஞானப்பிரகாசம் DIN Saturday, February 10, 2018 05:10 AM +0530 காதலர் தினக் கொண்டாட்டம் என்றாலே உடனடியாக நம் நினைவுக்கு வருவது சிவப்பு ரோஜாக்கள்தாம். ரோஜா மலருக்கு காதலர்கள் மத்தியில் எப்போதும் தனி ஈர்ப்பு உண்டு. இந்த ரோஜாக்களை உற்பத்தி செய்து, வெளிநாடுகளுக்கு ஏற்றுமதி செய்வதில் ஒசூர் விவசாயிகளின் பங்கு முக்கியமானது.
கிருஷ்ணகிரி மாவட்டம், ஓசூர் பகுதியில் ரோஜா மலர்கள் அதிகளவில் உற்பத்தி செய்யப்பட்டு வருவதுடன், ஆண்டுதோறும் காதலர் தினத்தை முன்னிட்டு வெளிநாடுகளுக்கு கோடிக் கணக்கில் ரோஜா மலர்கள் ஏற்றுமதி செய்யப்படுகின்றன.
ஒசூரில் நிலவும் குளிர்ச்சியான சீதோஷ்ண நிலை, அரசு வழங்கும் மானிய விலையில் பசுமைக் குடில் மற்றும் அரசு வழங்கும் 100 சதவீத சொட்டுநீர்ப் பாசன வசதிகளைப் பயன்படுத்தி ரோஜாக்களை உற்பத்தி செய்கின்றனர்.
ஒசூர் அருகே பாகலூர், தளி, தேன்கனிக்கோட்டை மற்றும் சுற்றுப் பகுதிகளில் 5 ஆயிரம் ஏக்கர் பரப்பளவில் ரோஜா சாகுபடி செய்யப்பட்டுள்ளது. ஓர் ஏக்கரில் 50,,000 ரோஜாக்கள் கிடைக்கும்.
ரோஜா மலர்களை பல வண்ணங்களில் உற்பத்தி செய்தாலும், காதலர்களுக்கு மிகவும் விருப்பமானது சிவப்பு ரோஜாக்கள்தாம். தாஜ்மஹால் ரகமான இதனை காதலர்கள் விரும்பி வாங்கும் மலராக உள்ளது. கடந்த 10 ஆண்டுகளாக இந்த ரகத்துக்கு கூடுதல் விலை கிடைத்து வருகிறது.
குறிப்பாக நோப்லஸ், கோல்டு ஸ்ட்ரைக், கார்வெட்டி, தாஜ்மகால், பீச் அவலஞ்ச், டி.ஏ. என்ற பலவிதவிதமான ரோஜாக்கள் இப் பகுதிகளில் விளைவிக்கப்படுகின்றன. இந்த ரோஜாக்கள் தோட்டத்தில் இருந்து பறிக்கப்பட்ட பின்னர், குளிர்பதனக் கிடங்கில் 2 நாள்கள் வைத்து பாதுகாக்கப்பட்டு, பின்னர் பெங்களுரு கொண்டு செல்லப்பட்டு, அங்கிருந்து விமானம் மூலம் ஜரோப்பா, அமெரிக்கா, ஆஸ்திரேலியா, அரபு நாடுகள் உள்ளிட்ட வளைகுடா நாடுகளுக்கும், உள்நாட்டில் சென்னை, கேரளம், தில்லி, ஹைதராபாத், மும்பை போன்ற பெருநகரங்களுக்கும் ஆண்டுதோறும் அனுப்பப்படுகின்றன.
சில ஆண்டுகளுக்கு முன் வரை, ஆஸ்திரேலியா போன்ற நாடுகளில் ஒசூர் பகுதி ரோஜாக்களுக்கு நல்ல வரவேற்பு இருந்தது. ஆனால், தற்போது சீனா- இந்தியாவுக்கு இடையே கடும் போட்டி ஏற்பட்டுள்ளதால், நமக்கு பின்னடைவு ஏற்பட்டுள்ளதாக, இப் பகுதி ரோஜா உற்பத்தியாளர்கள் வருத்தத்துடன் தெரிவித்தனர்.
ஆயினும் இந்தாண்டு, 2 கோடி ரோஜாக்கள் வெளிநாடுகளுக்கு ஏற்றுமதி செய்யத் திட்டமிட்டு இலக்கு நிர்ணயித்துள்ளதாகவும் அவர்கள் தெரிவித்தனர்.
வெளிநாட்டுச் சந்தையில், தாஜ் மகால் மற்றும் கிட்டம் வண்ணத்துடன் காணப்படும் பீச் அவலஞ்ச் என்ற ரோஜா மலருக்கு கடந்த சில ஆண்டுகளாக பெரும் வரவேற்பு கிடைத்து வருகிறது.
தமிழக அரசு மலர் உற்பத்தியாளர்களுக்கு, தோட்டக்கலைத் துறை மூலம் அளித்து வரும் மானியங்கள் ரோஜா உற்பத்தி செய்யும் விவசாயிகளுக்கு பயனுள்ளதாக இருந்து வருகிறது என விவசாயிகள் தெரிவித்தனர்.
பிப்ரவரி 14ஆம் தேதி கொண்டாடப்படும் காதலர் தினத்துக்காக பிப். 6-ஆம் தேதி முதல் ஏற்றுமதியைத் தொடக்கியுள்ளனர் ஏற்றுமதியாளர்கள். இந்தாண்டு ஒசூர் பகுதியிலிருந்து சர்வதேச சந்தைகளுக்கு 2 கோடி ரோஜா வரை ஏற்றுமதி செய்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/10/காதலர்-தினம்-ஒசூர்-ரோஜாவுக்கு-மவுசு-2860821.html
2860812 தருமபுரி கிருஷ்ணகிரி கிருஷ்ணகிரி மாவட்டத்தில் குரூப் 4 தேர்வுக்கு 46,638 பேர் விண்ணப்பிப்பு DIN DIN Saturday, February 10, 2018 05:01 AM +0530 கிருஷ்ணகிரி மாவட்டத்தில் ஞாயிற்றுக்கிழமை (பிப். 11) நடைபெற உள்ள குரூப் 4 தேர்வை எழுத 46,638 பேர் விண்ணப்பித்துள்ளனர்.
தமிழ்நாடு அரசு பணியாளர் தேர்வாணையத்தால் பிப்.11-ஆம் தேதி காலை குரூப்-4 தேர்வு நடைபெறுகிறது. அதன்படி, கிருஷ்ணகிரி மாவட்டத்தில் இத் தேர்வுக்கான முன்னேற்பாடுகள் குறித்து மாவட்ட ஆட்சியர் சி.கதிரவன் தலைமையில் மாவட்ட ஆட்சியர் அலுவலக கூட்ட அரங்கில் ஆய்வுக் கூட்டம் நடைபெற்றது.
இதில் கிருஷ்ணகிரி மாவட்ட ஆட்சியர் சி.கதிரவன் பேசியது: கிருஷ்ணகிரி மாவட்டத்தில் உள்ள 7 வட்டங்களில் கிருஷ்ணகிரியில் 50 தேர்வு மையங்கள், ஒசூரில் 34 மையங்கள், தேன்கனிக்கோட்டையில் 6 மையங்கள், போச்சம்பள்ளியில் 18 மையங்கள், ஊத்தங்கரையில் 20 மையங்கள், பர்கூரில் 7 தேர்வு மையங்கள் என மொத்தம் 138 தேர்வு மையங்களில் 43,638 பேர் தேர்வு எழுத உள்ளனர்.
தேர்வை கண்காணிப்பதற்காக 29 சிறப்பு பறக்கும் படை அமைக்கப்பட்டுள்ளது. மேலும், போக்குவரத்து வசதி குறைவான பகுதிகளில் தனியார் கல்லூரிகள் மூலம் சிறப்பு பேருந்துகள் இயக்க வசதி செய்யப்பட்டுள்ளது. தேர்வு மையங்களில் போலீஸ் பாதுகாப்பு, போக்குவரத்து வசதி, மின்வசதி, குடிநீர் போன்ற அடிப்படை வசதிகள் உள்ளிட்ட ஏற்பாடுகள் செய்யப்பட்டுள்ளன என்றார் அவர்.
இந்தக் கூட்டத்தில் மாவட்ட வருவாய் அலுவலர் எஸ்.சாந்தி, ஆட்சியரின் நேர்முக உதவியாளர் (பொது) குமரேசன் மற்றும் கல்வித் துறை, தீயணைப்புத் துறை, காவல் துறை உள்ளிட்ட பல்வேறு துறைகளைச் சேர்ந்த அலுவலர்கள் பங்கேற்றனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/10/கிருஷ்ணகிரி-மாவட்டத்தில்-குரூப்-4-தேர்வுக்கு-46638-பேர்-விண்ணப்பிப்பு-2860812.html
2860811 தருமபுரி கிருஷ்ணகிரி வெளிநாடு வாழ் தமிழர்களுக்கு நூல்கள் அளிக்க வேண்டுகோள் DIN DIN Saturday, February 10, 2018 05:01 AM +0530 வெளிநாடு வாழ் தமிழர்களுக்கு நூல்கள் அளிக்கும்படி பொதுமக்களுக்கு வேண்டுகோள் விடுக்கப்பட்டுள்ளது.
தமிழ்நாடு அரசு மூலம் யாழ்ப்பாணம், மலேசியா ஆகிய நாடுகளுக்கு தமிழ் நூல்கள் வழங்குவதற்காக பொதுமக்களிடமிருந்து நன்கொடையாக நூல்கள் பெறப்பட்டு வருகின்றன.
இதன் தொடர்ச்சியாக, கிருஷ்ணகிரி மாவட்ட மைய நூலகத்துக்கு மாவட்ட தொடக்கக் கல்வி அலுவலர் நடராஜன், கண்காணிப்பாளர் குழந்தைவேலு ஆகியோர் மாவட்ட நூலக அலுவலரிடம் 600 நூல்களை நன்கொடையாக வழங்கினார். ஏற்கெனவே வாசகர் வட்ட உறுப்பினர்கள், பொதுமக்கள், கல்லூரி மாணவர்கள், ஒசூர், போச்சம்பள்ளி, பர்கூர் ஆகிய நூலகங்கள் மூலம் 3,260 நூல்கள் பெறப்பட்டுள்ளன.
அப்போது, நூலக கண்காணிப்பாளர் அருள்செல்வம், இருப்பு சரிபார்ப்பு அலுவலர் மற்றும் முதல்நிலை நூலகர் கோபால்சாமி உள்ளிட்டோர் உடனிருந்தனர். வெளிநாடுகளில் வசிக்கும் தமிழர்கள் பயன்பெறும் வகையில், பொதுமக்கள் நூல்களை நன்கொடையாக மாவட்ட நூலகத்துக்கு வழங்கலாம்.
மேலும், பிப்.17-ஆம் தேதி முதல் பழைய மாவட்ட நூலக வளாகத்தில் சனிக்கிழமை, ஞாயிற்றுக்கிழமை ஆகிய நாள்களில் காவலர் எழுத்து போட்டித் தேர்வுக்கான இலவச பயிற்சி வகுப்புகள் காலை 10 முதல் மாலை 5 மணி வரையில் நடைபெற உள்ளது. மேலும் விவரங்களுக்கு 04343-236643 அல்லது 7402603665 என்ற எண்ணில் தொடர்பு கொள்ளலாம்.

 

]]>
http://www.dinamani.com/all-editions/edition-dharmapuri/krishnagiri/2018/feb/10/வெளிநாடு-வாழ்-தமிழர்களுக்கு-நூல்கள்-அளிக்க-வேண்டுகோள்-2860811.html
2860810 தருமபுரி கிருஷ்ணகிரி கிருஷ்ணகிரியில் நாளை நகைக் கடை திறப்பு DIN DIN Saturday, February 10, 2018 05:01 AM +0530 கிருஷ்ணகிரியில் பிப். 11-ஆம் தேதி ஸ்ரீ வெங்கடேஸ்வரா ஜூவல்லரி பேலஸ் என்ற நகைக் கடை திறக்கப்படஉள்ளது.
கிருஷ்ணகிரி-பெங்களூரு சாலையில் நடைபெறும் இந்த கடை திறப்பு விழாவில், சென்னை நல்லி சில்க்ஸ் உரிமையாளர் பத்மஸ்ரீ நல்லி குப்புசாமி செட்டியார், திரைப்பட நடிகை சமந்தா மற்றும் தொழிலதிபர்கள் பங்கேற்கின்றனர்.
இந்த கடையின் நிறுவனர் எம்.பி.சுரேஷ், இயக்குநர் பலராம் மணிகண்டன் மற்றும் குடும்பத்தினர் இந் நிகழ்வை ஒருங்கிணைக்கின்றனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/10/கிருஷ்ணகிரியில்-நாளை-நகைக்-கடை-திறப்பு-2860810.html
2860047 தருமபுரி கிருஷ்ணகிரி லாரி ஓட்டுநரைத் தாக்கி பணம் பறித்த 4 கொள்ளையர்கள் கைது DIN DIN Friday, February 9, 2018 02:39 AM +0530 தேசிய நெடுஞ்சாலையில் சென்ற லாரி ஓட்டுநரைத் தாக்கி பணம் பறித்த கொள்ளையர்கள் 4 பேரை பொதுமக்கள் பிடித்து சூளகிரி காவல் நிலையத்தில் ஒப்படைத்தனர்.
கிருஷ்ணகிரி மாவட்டம், சூளகிரி அருகே காமன்தொட்டி அருகே உள்ள எ.தின்னூரைச் சேர்ந்தவர் திம்மப்பா மகன் சாந்தகுமார் (22). இவர் உஸ்தனப்பள்ளியைச் சேர்ந்த அருண் என்பவருக்குச் சொந்தமான லாரியை ஓட்டி வருகிறார்.
இந்த நிலையில், வியாழக்கிழமை ஜல்லிக் கற்களை ஏற்றிக் கொண்டு ஒசூர் நோக்கிச் சென்றார். காமன்தொட்டி அருகில் சென்றபோது, 4 பேர் கொண்ட கும்பல் லாரியை வழி மறித்ததாம். அந்த கும்பல் ஓட்டுநர் சாந்தகுமாரிடம் பணம் கேட்டு மிரட்டியதாம். அதற்கு சாந்தகுமார், தான் இப்போது தான் சுமை ஏற்றிச் செல்வதாகவும், தன்னிடம் பணம் எதுவும் இல்லை எனவும் கூறினாராம்.
ஆனால், அவர்கள் ஆத்திரமடைந்து சாந்தகுமார் சட்டைப் பையில் இருந்த ரூ.100-ஐ பறித்துக் கொண்டு, கையில் வைத்திருந்த பீர் பாட்டிலால் சாந்தகுமாரின் தலையில் தாக்கினராம். இதில், பலத்த காயமேற்பட்டதில் அவர் அலறினார். அலறல் சத்தம் கேட்டு அருகில் இருந்த பொதுமக்கள் அங்கு திரண்டனர்.
அதையடுத்து, தப்பி ஓட முயன்ற 4 பேர் கொண்ட கும்பலை பொதுமக்கள் விரட்டி பிடித்தனர். பின்னர், அவர்கள் 4 பேரையும் கட்டி வைத்து, சூளகிரி போலீஸாருக்கு தகவல் தெரிவித்தனர்.
அதன் பேரில், அங்கு வந்த சூளகிரி காவல் ஆய்வாளர் சம்பத் மற்றும் போலீஸார் 4 பேரையும் சூளகிரி காவல் நிலையத்துக்கு அழைத்துச் சென்று விசாரணை நடத்தினர். அதில், அவர்கள் மத்திகிரியைச் சேர்ந்த உமரேஷ் (20), இர்பான் அலி (20), ஒசூரைச் சேர்ந்த ராகுல் குமார் (20), வித்யா சாகர் (20) என தெரியவந்தது.
அதையடுத்து, அவர்கள் 4 பேரையும் போலீஸார் கைது செய்தனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/லாரி-ஓட்டுநரைத்-தாக்கி-பணம்-பறித்த-4-கொள்ளையர்கள்-கைது-2860047.html
2860046 தருமபுரி கிருஷ்ணகிரி ஒசூர் சானமாவு காட்டுக்கு திரும்பி வந்த 11 யானைகள் DIN DIN Friday, February 9, 2018 02:39 AM +0530 தேன்கனிக்கோட்டை வனப் பகுதிக்கு விரட்டப்பட்ட யானைகள் மீண்டும் ஒசூர் சானமாவு காட்டுக்கு திரும்பி வந்தன. இதனால் பொதுமக்கள் கவலை அடைந்துள்ளனர்.
கிருஷ்ணகிரி மாவட்டம், ஒசூர் அருகே உள்ள சானமாவு காட்டில் கடந்த ஒரு மாதமாக 11 யானைகள் முகாமிட்டிருந்தன. அந்த யானைகளை வனத் துறையினர் போராடி தேன்கனிக்கோட்டை வனப் பகுதிக்கு விரட்டுவதும், மீண்டும் அந்த யானைகள் சானமாவு காட்டுக்கு வருவதும் என தொடர்ந்து வந்தது.
இந்த நிலையில், புதன்கிழமை 15 பேர் கொண்ட வனத் துறையினர் மற்றும் பொதுமக்கள் 11 யானைகளையும் பென்னிக்கல், சினிகிரிப்பள்ளி வழியாக தேன்கனிக்கோட்டை வனப் பகுதிக்கு விரட்டினர்.
இந் நிலையில், வியாழக்கிழமை அந்த 11 யானைகளும் மீண்டும் சானமாவு காட்டுக்கு திரும்பி வந்தன. இவை பீர்ஜேப்பள்ளி பகுதியில் உள்ள தக்காளி, நெல் தோட்டங்களைச் சேதப்படுத்தின. இதனால் விவசாயிகளும், பொதுமக்களும் கவலையடைந்துள்ளனர்.
இந்த யானைகளை தேன்கனிக்கோட்டை வனப் பகுதிக்கு விரட்டி, அங்கிருந்து கர்நாடக வனப் பகுதிக்கு விரட்ட நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/ஒசூர்-சானமாவு-காட்டுக்கு-திரும்பி-வந்த-11-யானைகள்-2860046.html
2860044 தருமபுரி கிருஷ்ணகிரி போக்குவரத்து விதிமுறைகளை மீறியதாக 450 பேர் மீது வழக்கு DIN DIN Friday, February 9, 2018 02:38 AM +0530 கிருஷ்ணகிரி மாவட்டத்தில் போக்குவரத்து விதிமுறைகளை மீறியதாக, 450 பேர் மீது வழக்குப் பதிவு செய்யப்பட்டுள்ளது.
கிருஷ்ணகிரி மாவட்ட எஸ்.பி. மகேஷ்குமார் உத்தரவின் பேரில், 5 உள்கோட்டங்களில் உள்ள 31 காவல் நிலைய எல்லைப் பகுதியில் நாள்தோறும் போலீஸார் வாகன சோதனை நடத்தி வருகின்றனர்.
அந்த வகையில், புதன்கிழமை நடத்தப்பட்ட வாகன சோதனையில் மதுபோதையில் வாகனம் ஓட்டிய 28 பேர் மீதும், தலைக்கவசம் அணியாமல் வாகனம் ஓட்டிய 203 பேர் மீதும், ஆவணங்கள், காப்பீடு உள்ளிட்ட பல்வேறு காரணங்களால் 219 பேர் என மொத்தம் 450 வாகன ஓட்டிகள் மீது வழக்குப் பதிவு செய்து ரூ.42 ஆயிரம் அபராத தொகையாக வசூல் செய்தனர். மேலும், மதுபோதையில் வாகனம் ஓட்டினால் கடும் நடவடிக்கை எடுக்கப்படும் என போலீஸார் எச்சரித்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/போக்குவரத்து-விதிமுறைகளை-மீறியதாக-450-பேர்-மீது-வழக்கு-2860044.html
2860043 தருமபுரி கிருஷ்ணகிரி ஒசூரில் 3-ஆவது சிப்காட்: தொழில்துறை அமைச்சர் ஆலோசனை DIN DIN Friday, February 9, 2018 02:38 AM +0530 ஒசூரில் 3-ஆவது மற்றும் 4-ஆவது சிப்காட் தொடங்குவது குறித்து அதிகாரிகளுடன் தமிழக தொழில்துறை அமைச்சர் எம.சி.சம்பத் வியாழக்கிழமை ஆலோசனை நடத்தினார்.
தமிழக தொழில்துறை அமைச்சர் எம்.சி.சம்பத் வியாழக்கிழமை கிருஷ்ணகிரிக்கு வந்தார். அவரை மாவட்ட ஆட்சியர் சி.கதிரவன் சால்வை அணிவித்து வரவேற்றார். அதையடுத்து, கிருஷ்ணகிரி மாவட்டத்தில் சிப்காட் பகுதி 3, பகுதி 4 அமைப்பது தொடர்பாக கிருஷ்ணகிரி அரசு விருந்தினர் மாளிகையில் அதிகாரிகளுடன் ஆலோசனை நடத்தினார்.
இந்த ஆலோசனையில், தமிழக இளைஞர் நலன் மற்றும் விளையாட்டுத் துறை அமைச்சர் பாலகிருஷ்ண ரெட்டி, சிப்காட் மேலாண்மை இயக்குநர் வாசுகி, மாவட்ட ஆட்சியர் சி.கதிரவன், தொழில்துறை துணை செயலர் பாலசுப்பிரமணி மற்றும் சிப்காட் திட்ட அலுவலர் சி.வெங்கடாசலம் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/ஒசூரில்-3-ஆவது-சிப்காட்-தொழில்துறை-அமைச்சர்-ஆலோசனை-2860043.html
2860013 தருமபுரி கிருஷ்ணகிரி அனுமதியின்றி கள் இறக்கியதாக 2 பேர் கைது DIN DIN Friday, February 9, 2018 02:33 AM +0530 மத்தூர் அருகே அனுமதியின்றி கள் இறக்கியதாக 2 பேரை மத்தூர் போலீஸார் கைது செய்தனர்.
போச்சம்பள்ளியை அடுத்த மத்தூர் அருகேயுள்ள ஆம்பள்ளி கிராமத்தின் வழியாக மத்தூர் காவல் ஆய்வாளர் கோபாலகிருஷ்ணன் விடியற்காலை ரோந்து செல்லும் போது, அப்பகுதியில் கூட்டமாக இருந்த சிலர் ஓட்டம் பிடித்தனர். வண்டியை நிறுத்தி பார்த்த போது, கையில் குடம் மற்றும் மரம் ஏறும் இடு பொருள்களுடன் இருந்தவரை அழைத்து விசாரணை செய்ததில், அவர் அதே கிராமத்தை சேர்ந்த அண்ணாமலை பெருமாள் (65), என்பதும் அனுமதியின்றி பனை மரத்தில் இருந்து கள் இறக்கி விற்பனை செய்ததும் தெரியவந்தது.
மேலும், ஆம்பள்ளியை அடுத்த கல்லேத்துப்பட்டி கிராமத்தை சேர்ந்த காளியப்பன் மகன் சுப்பிரமணியும் (55), இவரும் அப் பகுதியில் கள் இறக்கியது தெரியவந்தது.
இதையடுத்து, அவர்களிடமிருந்த கள் இறக்கும் இடுபொருள்கள், குடம், கத்தி ஆகியவற்றை பறிமுதல் செய்த காவல் ஆய்வாளர் கோபாலகிருஷ்ணன், வழக்கு பதிவு செய்து அவர்களை சிறையிலடைத்தார்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/அனுமதியின்றி-கள்-இறக்கியதாக-2-பேர்-கைது-2860013.html
2860011 தருமபுரி கிருஷ்ணகிரி சூளகிரி அருகே லாரி ஓட்டுநரைத் தாக்கி பணம் பறித்த 4 கொள்ளையர்கள் கைது DIN DIN Friday, February 9, 2018 02:33 AM +0530 தேசிய நெடுஞ்சாலையில் சென்ற லாரி ஓட்டுநரைத் தாக்கி பணம் பறித்த கொள்ளையர்கள் 4 பேரை பொதுமக்கள் பிடித்து சூளகிரி காவல் நிலையத்தில் ஒப்படைத்தனர்.
கிருஷ்ணகிரி மாவட்டம், சூளகிரி அருகே காமன்தொட்டி அருகே உள்ள எ.தின்னூரைச் சேர்ந்தவர் திம்மப்பா மகன் சாந்தகுமார் (22). இவர் உஸ்தனப்பள்ளியைச் சேர்ந்த அருண் என்பவருக்குச் சொந்தமான லாரியை ஓட்டி வருகிறார்.
இந்த நிலையில், வியாழக்கிழமை ஜல்லிக் கற்களை ஏற்றிக் கொண்டு ஒசூர் நோக்கிச் சென்றார். காமன்தொட்டி அருகில் சென்றபோது, 4 பேர் கொண்ட கும்பல் லாரியை வழி மறித்ததாம். அந்த கும்பல் ஓட்டுநர் சாந்தகுமாரிடம் பணம் கேட்டு மிரட்டியதாம். அதற்கு சாந்தகுமார், தான் இப்போது தான் சுமை ஏற்றிச் செல்வதாகவும், தன்னிடம் பணம் எதுவும் இல்லை எனவும் கூறினாராம்.
ஆனால், அவர்கள் ஆத்திரமடைந்து சாந்தகுமார் சட்டைப் பையில் இருந்த ரூ.100-ஐ பறித்துக் கொண்டு, கையில் வைத்திருந்த பீர் பாட்டிலால் சாந்தகுமாரின் தலையில் தாக்கினராம். இதில், பலத்த காயமேற்பட்டதில் அவர் அலறினார். அலறல் சத்தம் கேட்டு அருகில் இருந்த பொதுமக்கள் அங்கு திரண்டனர். அதையடுத்து, தப்பி ஓட முயன்ற 4 பேர் கொண்ட கும்பலை பொதுமக்கள் விரட்டி பிடித்தனர். பின்னர், அவர்கள் 4 பேரையும் கட்டி வைத்து, சூளகிரி போலீஸாருக்கு தகவல் தெரிவித்தனர்.
அதன் பேரில், அங்கு வந்த சூளகிரி காவல் ஆய்வாளர் சம்பத் மற்றும் போலீஸார் 4 பேரையும் சூளகிரி காவல் நிலையத்துக்கு அழைத்துச் சென்று விசாரணை நடத்தினர். அதில், அவர்கள் மத்திகிரியைச் சேர்ந்த உமரேஷ் (20), இர்பான் அலி (20), ஒசூரைச் சேர்ந்த ராகுல் குமார் (20), வித்யா சாகர் (20) என தெரியவந்தது. அதையடுத்து, அவர்கள் 4 பேரையும் போலீஸார் கைது செய்தனர். காயமடைந்த சாந்தகுமார் சிகிச்சைக்காக ஒசூர் அரசு மருத்துவமனையில் சேர்க்கப்பட்டார்.

]]>
http://www.dinamani.com/all-editions/edition-dharmapuri/krishnagiri/2018/feb/09/சூளகிரி-அருகே-லாரி-ஓட்டுநரைத்-தாக்கி-பணம்-பறித்த-4-கொள்ளையர்கள்-கைது-2860011.html
2860009 தருமபுரி கிருஷ்ணகிரி போக்குவரத்து விதிமுறைகளை மீறியதாக 450 பேர் மீது வழக்கு DIN DIN Friday, February 9, 2018 02:33 AM +0530 கிருஷ்ணகிரி மாவட்டத்தில் போக்குவரத்து விதிமுறைகளை மீறியதாக, 450 பேர் மீது வழக்குப் பதிவு செய்யப்பட்டுள்ளது.
கிருஷ்ணகிரி மாவட்ட எஸ்.பி. மகேஷ்குமார் உத்தரவின் பேரில், 5 உள்கோட்டங்களில் உள்ள 31 காவல் நிலைய எல்லைப் பகுதியில் நாள்தோறும் போலீஸார் வாகன சோதனை நடத்தி வருகின்றனர்.
அந்த வகையில், புதன்கிழமை நடத்தப்பட்ட வாகன சோதனையில் மதுபோதையில் வாகனம் ஓட்டிய 28 பேர் மீதும், தலைக்கவசம் அணியாமல் வாகனம் ஓட்டிய 203 பேர் மீதும், ஆவணங்கள், காப்பீடு உள்ளிட்ட பல்வேறு காரணங்களால் 219 பேர் என மொத்தம் 450 வாகன ஓட்டிகள் மீது வழக்குப் பதிவு செய்து ரூ.42 ஆயிரம் அபராத தொகையாக வசூல் செய்தனர். மேலும், மதுபோதையில் வாகனம் ஓட்டினால் கடும் நடவடிக்கை எடுக்கப்படும் என போலீஸார் எச்சரித்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/போக்குவரத்து-விதிமுறைகளை-மீறியதாக-450-பேர்-மீது-வழக்கு-2860009.html
2860008 தருமபுரி கிருஷ்ணகிரி கெலமங்கலம் வனப் பகுதியில் அழுகிய நிலையில் இளம்பெண் சடலம் DIN DIN Friday, February 9, 2018 02:33 AM +0530 கெலமங்கலம் அருகே வனப் பகுதியில் அழுகிய நிலையில் கிடந்த இளம்பெண் சடலம் குறித்து போலீஸார் விசாரணை நடத்தி வருகின்றனர்.
கிருஷ்ணகிரி மாவட்டம், கெலமங்கலம் அருகே உள்ளது அய்யூர் காப்புக் காடு. இந்த பகுதியில் குச்சுவாடியில் இருந்து குடியூர் செல்லும் வனப் பகுதியில், சுமார் 20 முதல் 25 வயது மதிக்கத்தக்க இளம்பெண் சடலம் கிடந்தது தெரியவந்தது.
தகவலின் பேரில் கெலமங்கலம் போலீஸார் விரைந்து சென்று விசாரணை நடத்தினர். அதில், சடலமாக கிடந்த பெண்ணுக்கு 25 வயதுக்குள் இருக்கலாம் எனவும், அவர் சுடிதார் அணிந்திருந்தார் எனவும், இறந்து 2 நாள்களுக்கு மேல் இருக்கலாம் எனவும் தெரியவந்தது. இதைத் தொடர்ந்து, போலீஸார் சடலத்தை மீட்டு பிரேத பரிசோதனைக்காக தருமபுரி அரசு மருத்துவக் கல்லூரி மருத்துவமனைக்கு அனுப்பி வைத்தனர்.
இளம்பெண் கொலை செய்யப்பட்டாரா அல்லது விஷமருந்தி தற்கொலை செய்து கொண்டாரா என கெலமங்கலம் போலீஸார் விசாரணை நடத்தி வருகின்றனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/கெலமங்கலம்-வனப்-பகுதியில்-அழுகிய-நிலையில்-இளம்பெண்-சடலம்-2860008.html
2860007 தருமபுரி கிருஷ்ணகிரி கிருஷ்ணகிரியில் சீருடை பணியாளர் போட்டித் தேர்வுக்கு இலவச பயிற்சி DIN DIN Friday, February 9, 2018 02:32 AM +0530 சீருடை பணியாளர் போட்டித் தேர்வுக்கு இலவச பயிற்சி கிருஷ்ணகிரி மாவட்ட வேலைவாய்ப்பு அலுவலகத்தில் வழங்கப்படுகிறது.
இதுகுறித்து கிருஷ்ணகிரி மாவட்ட ஆட்சியர் சி.கதிரவன், வெளியிட்ட செய்தி: கிருஷ்ணகிரி மாவட்ட வேலைவாய்ப்பு அலுவலகத்தில் இயங்கி வரும் தன்னார்வ பயிலும் வட்டத்தின் மூலம், பல்வேறு போட்டித் தேர்வுகளுக்கு இலவச பயிற்சி வகுப்புகள் நடத்தப்பட்டு வருகின்றன. மேலும், இந்த வட்டத்தில் அனைத்து போட்டித் தேர்வுகளுக்கு தேவையான பொது அறிவு புத்தகங்கள், பாடப் புத்தகங்கள் உள்ளன.
தற்போது, தமிழ்நாடு சீருடை பணியாளர் தேர்வுக் குழுமத்தால் 6,140 இரண்டாம் நிலை காவலர் பணியிடங்களுக்கு அறிக்கை வெளியிடப்பட்டுள்ளது. இந்த காலி பணியிடங்களுக்கான எழுத்துத் தேர்வு மார்ச் அல்லது ஏப்ரலில் நடைபெற உள்ளது. இந்த போட்டித் தேர்வுக்கு, இந்த அலுவலகத்தின் மூலம் இலவச பயிற்சி வகுப்பு பிப்.14-ஆம் தேதி தொடங்க உள்ளது.
இந்த வகுப்பில், முந்தைய தேர்வுகளின் மாதிரி வினாத்தாள்கள், தேர்வுக்கான பாடக் குறிப்புகள் வழங்கப்படும். மேலும், மாதிரி போட்டித் தேர்வுகளும் நடத்தப்படும்.
எனவே, இந்த பயிற்சியில் சேர விரும்பும் இளைஞர்கள்,இரண்டாம் நிலை காவலர் பணியிடத்துக்கான தேர்வுக்கு விண்ணப்பித்த ஆதாரம், வேலைவாய்ப்பு அடையாள அட்டை, குடும்ப அட்டை, மார்பளவு புகைப்படம் ஆகியவற்றுடன் பிப்.13-ஆம் தேதிக்குள் மாவட்ட வேலைவாய்ப்பு அலுவலகத்துக்கு நேரிலோ அல்லது தபால் மூலமாகவோ விண்ணப்பித்து தங்கள் பெயரை பதிவு செய்து பயன் பெறலாம்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/கிருஷ்ணகிரியில்-சீருடை-பணியாளர்-போட்டித்-தேர்வுக்கு-இலவச-பயிற்சி-2860007.html
2860006 தருமபுரி கிருஷ்ணகிரி ஒசூர் சானமாவு காட்டுக்கு திரும்பி வந்த 11 யானைகள் DIN DIN Friday, February 9, 2018 02:32 AM +0530 தேன்கனிக்கோட்டை வனப் பகுதிக்கு விரட்டப்பட்ட யானைகள் மீண்டும் ஒசூர் சானமாவு காட்டுக்கு திரும்பி வந்தன. இதனால் பொதுமக்கள் கவலை அடைந்துள்ளனர்.
கிருஷ்ணகிரி மாவட்டம், ஒசூர் அருகே உள்ள சானமாவு காட்டில் கடந்த ஒரு மாதமாக 11 யானைகள் முகாமிட்டிருந்தன. அந்த யானைகளை வனத் துறையினர் போராடி தேன்கனிக்கோட்டை வனப் பகுதிக்கு விரட்டுவதும், மீண்டும் அந்த யானைகள் சானமாவு காட்டுக்கு வருவதும் என தொடர்ந்து வந்தது.
இந்த நிலையில், புதன்கிழமை 15 பேர் கொண்ட வனத் துறையினர் மற்றும் பொதுமக்கள் 11 யானைகளையும் பென்னிக்கல், சினிகிரிப்பள்ளி வழியாக தேன்கனிக்கோட்டை வனப் பகுதிக்கு விரட்டினர்.
இந் நிலையில், வியாழக்கிழமை அந்த 11 யானைகளும் மீண்டும் சானமாவு காட்டுக்கு திரும்பி வந்தன. இவை பீர்ஜேப்பள்ளி பகுதியில் உள்ள தக்காளி, நெல் தோட்டங்களைச் சேதப்படுத்தின. இதனால் விவசாயிகளும், பொதுமக்களும் கவலையடைந்துள்ளனர்.
இந்த யானைகளை தேன்கனிக்கோட்டை வனப் பகுதிக்கு விரட்டி, அங்கிருந்து கர்நாடக வனப் பகுதிக்கு விரட்ட நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/09/ஒசூர்-சானமாவு-காட்டுக்கு-திரும்பி-வந்த-11-யானைகள்-2860006.html
2860005 தருமபுரி கிருஷ்ணகிரி மல்லிக்கல் மலை காலபைரவர் கோயிலில் தேய்பிறை அஷ்டமி சிறப்பு வழிபாடு DIN DIN Friday, February 9, 2018 02:32 AM +0530 மல்லிக்கல் மலை காலபைரவர் கோயிலில் தேய்பிறை அஷ்டமி சிறப்பு வழிபாடு பதன்கிழமை நடைபெற்றது .
போச்சம்பள்ளியில் இருந்து செல்லம்பட்டி செல்லும் வழியில் உள்ள அண்ணாமலைபுதூர் மல்லிக்கல் 150 அடி உயரமுள்ள மலை உச்சியில் 700 ஆண்டுகால பழமை வாய்ந்த கோயில் உள்ளது.
இக் கோயிலில் மாதந்தோறும் தேய்பிறை அன்று கால பைரவருக்கு சிறப்பு வழிபாடு நடைபெறுவது வழக்கம் அதே போல், பதன்கிழமை தேய்பிறை அஷ்டமியையொட்டி, காலபைரவருக்கு அஷ்டலட்சுமி யாகம், குபேர யாகம், தனகார்சன் அதிருத்ரய யோகம் உள்பட பல்வேறு சிறப்பு யாகங்கள் நடத்தப்பட்டன. இதைத் தொடர்ந்து, காலபைரவருக்கு சிறப்பு அபிஷேகமும், அர்ச்சனையும், நடைபெற்றது. பின்னர் வேதபாராயணம், சிறப்பு உபசார பூஜைகளும், மங்களார்த்தியும் நடைபெற்றது. பின்னர் சுவாமி சிறப்பு அலங்காரத்தில் பக்தர்களுக்கு அருள் பாலித்தார். இதை தொடர்ந்து காலபைரவருக்கு மகா தீபாராதனை நடைபெற்றது.
இதில் சுற்று வட்டாரப் பகுதியை சேர்ந்த பக்தர்கள் பங்கேற்று மலையை சுற்றி வலம் வந்து காலபைரவரை வழிபட்டனர். விழாவில் அன்னதானம் வழங்கப்பட்டது.

 

]]>
http://www.dinamani.com/all-editions/edition-dharmapuri/krishnagiri/2018/feb/09/மல்லிக்கல்-மலை-காலபைரவர்-கோயிலில்-தேய்பிறை-அஷ்டமி-சிறப்பு-வழிபாடு-2860005.html
2859387 தருமபுரி கிருஷ்ணகிரி ஒசூர் உதவி தொடக்கக் கல்வி அலுவலர் உள்பட 2 பேர் இடைநீக்கம்: ஆசிரியர்கள் வைப்பு நிதியில் ரூ.29 லட்சம் மோசடி DIN DIN Thursday, February 8, 2018 02:45 AM +0530 ஆசிரியர்கள் வைப்பு நிதியில் ரூ.29 லட்சம் மோசடி செய்ததாக, ஓசூர் உதவி தொடக்கக் கல்வி அலுவலர் உள்பட 2 பேர் பணி இடைநீக்கம் செய்யப்பட்டுள்ளனர்.
தருமபுரி மாவட்டம், பாலக்கோடு பகுதியை சேர்ந்தவர் பிரேம்ஆனந்த் (58). இவர் ஒசூர் உதவி தொடக்கக் கல்வி அலுவலராகப் பணியாற்றி வருகிறார். இவர், கடந்த 3 ஆண்டுகளுக்கு முன்னர், சூளகிரி உதவி தொடக்கக் கல்வி அலுவலகத்தில் பணியாற்றினர். அப்போது, அவரது கட்டுப்பாட்டில் 49 தொடக்கப் பள்ளிகளும், 18 நடுநிலைப்பள்ளிகளும் செயல்பட்டு வந்தன. இங்கு 200-க்கும் மேற்பட்ட ஆசிரியர்கள் பணியாற்றினர்.
ஒசூர் ஒன்றிய அளவில் பணிபுரியும் தொடக்க, நடுநிலைப்பள்ளி ஆசிரியர்களிடம் சம்பளத்தில் பிடித்தம் செய்யும் வருங்கால வைப்பு நிதி மற்றும் ஓய்வூதியப் பலன்களுக்கான தொகையை உதவி தொடக்கக் கல்வி அலுவலர்தான், அவர்களது வங்கிக் கணக்குக்கு அனுப்பி வைப்பது வழக்கம். இந்த நிலையில், பிரேம்ஆனந்த், சூளகிரியில் பணியாற்றிய 3 ஆண்டுகளில் ஆசிரியர்களிடம் பிடித்தம் செய்த தொகையை, சம்பந்தப்பட்டவர்களின் வங்கிக் கணக்கில் செலுத்தவில்லை. இந்த நிலையில், தற்போதைய சூளகிரி உதவி தொடக்கக் கல்வி அலுவலர் சுதாவிடம், ஆசிரியர்கள் பிடித்தம் செய்த தொகை குறித்து கேட்டு, உரிய ஆவணங்களைக் காண்பித்தனர். இதுகுறித்து ஆசிரியர்கள் 5 பேர், மாவட்ட தொடக்கக் கல்வி அலுவலர் நடராஜனிடம் புகார் அளித்தனர். இதையடுத்து, கணக்குகளை தணிக்கைக் குழு அதிகாரிகள் ஆய்வு மேற்கொண்டனர்.
இதில், போலி ஆவணங்கள் தயாரித்து, ஆசிரியர்களிடம் பிடித்தம் செய்த ரூ.29 லட்சம் பணத்தை, சூளகிரி உதவி தொடக்கக் கல்வி அலுவலகத்தில் இளநிலை உதவியாளராகப் பணியாற்றும் பாலமுரளி கணக்கில் செலுத்தியிருப்பது தெரியவந்தது. அவரிடம் நடத்திய விசாரணையில், உதவி தொடக்கக் கல்வி அலுவலர் பிரேம்ஆனந்த், மோசடியில் ஈடுபட்டது தெரியவந்தது.
இதுதொடர்பான அறிக்கையை ஆட்சியரிடமும், மாவட்ட தொடக்கக் கல்வி அலுவலரிடமும் அதிகாரிகள் சமர்ப்பித்தனர். இதையடுத்து, சென்னை தொடக்க கல்வி இயக்குநர் கருப்புசாமிக்கு அறிக்கை அனுப்பி வைக்கப்பட்டது. அவரது உத்தரவின் பேரில், தற்போது ஒசூர் உதவி தொடக்க கல்வி அலுவலராகப் பணிபுரிந்து வரும் பிரேம் ஆனந்த் மற்றும் இளநிலை உதவியாளர் பாலமுரளி ஆகியோர் பணி இடைநீக்கம் செய்யப்பட்டுள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/ஒசூர்-உதவி-தொடக்கக்-கல்வி-அலுவலர்-உள்பட-2-பேர்-இடைநீக்கம்-ஆசிரியர்கள்-வைப்பு-நிதியில்-ரூ29-லட்சம்-2859387.html
2859368 தருமபுரி கிருஷ்ணகிரி பாலீஸ் செய்வதுபோல நகைத் திருட முயற்சி; வடமாநில இளைஞர் கைது DIN DIN Thursday, February 8, 2018 02:40 AM +0530 பாரூர் அருகே நகைக்கு பாலீஸ் செய்வதுபோல் நடித்து வெள்ளி நகைகளைத் திருட முயன்ற வடமாநில இளைஞரை போலீஸார் கைது செய்தனர்.
போச்சம்பள்ளியை அடுத்த பாரூர் அருகே நாகர்கோவில் கிராமத்தைச் சேர்ந்தவர் குமரன். இவரது மனைவி அனிதா வீட்டில் தனியாக இருந்தபோது வீட்டுக்கு வந்த இளைஞர், தன்னை நகைகளுக்கு பாலீஸ் செய்பவர் என்றும், வீட்டிலுள்ள வெள்ளிப் பொருள்களைக் கொடுத்தால் அதை பாலீஸ் செய்து தருவதாகவும் கூறியுள்ளார்.
மேலும் பாலீஸ் செய்வதற்கு பணம் தேவையில்லை, உணவு கொடுத்தால்போதும் என்றும் கூறியுள்ளார்.
இதை நம்பி, அனிதா தன் வீட்டில் இருந்த ரூ. 10 ஆயிரம் மதிப்பிலான வெள்ளிக் கொலுசு, வெள்ளி டம்ளர், வெள்ளி நகை போன்றவற்றை எடுத்து இளைஞரிடம் கொடுத்துள்ளார்.
அவற்றை வாங்கிய இளைஞர் தண்ணீர் நனைத்து பாலீஸ் செய்து சிறிதுநேரத்தில் திருப்பிக் கொடுத்தபோது அதில் வெள்ளிப் பொருள்களின் எடை குறைவாக இருந்தது.
இதனால் சந்தேகம் அடைந்த அனிதா அந்த இளைஞரிடம் கேட்டபோது அவர் தப்பிக்க முயன்றார்.
சுதாகரித்த அனிதா கூச்சலிட்டு பொதுமக்களைக் கூட்டி அந்த இளைஞரைப் பிடித்து பாரூர் போலீஸில் ஒப்படைத்தனர். போலீஸார் அந்த இளைஞரிடம் விசாரணை நடத்தியதில் அவர், கிருஷ்ணகிரி பழையபேட்டை அருகே பெத்தகோட்டை கிராமத்தில் வசிக்கும் நாகேஷ் மகன் திலிப் (22) என்பதும், இவர்கள் பிகார் மாநிலத்தைச் சேர்ந்தவர்கள் என்பதும், திலிப்புடன் மேலும் 3 பேர் சேர்ந்து இதுபோல நகைகளை பாலீஸ் செய்வதுபோல திருட்டில் ஈடுபடுவதும் தெரியவந்தது. இதையடுத்து உதவி ஆய்வாளர் அ.பட்டு வழக்குப் பதிந்து அவரைக் கைது செய்தார்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/பாலீஸ்-செய்வதுபோல-நகைத்-திருட-முயற்சி-வடமாநில-இளைஞர்-கைது-2859368.html
2859367 தருமபுரி கிருஷ்ணகிரி அரசு அருங்காட்சியகத்தில் கல்வெட்டு பயிற்சி DIN DIN Thursday, February 8, 2018 02:40 AM +0530 கிருஷ்ணகிரி அரசு அருங்காட்சியகத்தில் கல்லூரி மாணவ, மாணவிகளுக்கு குறுகிய கால கல்வெட்டு பயிற்சி அளிக்கப்பட்டது.
கிருஷ்ணகிரி அரசு அருங்காட்சியகத்தில் குறுகிய கால கல்வெட்டு பயிற்சி மூன்று நாள்கள் நடைபெற்றன. இதில், போலுப்பள்ளியில் உள்ளஅறிஞர் அண்ணா கலை மற்றும் அறிவியல் கல்லூரியின் வரலாற்றுத் துறையைச் சேர்ந்த 50 மாணவ, மாணவிகள் பங்கேற்றனர்.
இந்தப் பயிற்சியில் இந்தியாவில் எழுத்து தோன்றியது, அந்த எழுத்துக்கும், தமிழ்நாட்டு எழுத்துகளுக்கும் உள்ள தொடர்புகள், தமிழ் பிராமி எனும் 2 ஆயிரம் ஆண்டுகளுக்கு முற்பட்ட தமிழ் எழுத்துகள், கடந்த 2 ஆண்டுகளாக தமிழ் எழுத்துகள் எவ்வாறு மாற்றமடைந்து, தற்போதைய நிலையை எவ்வாறு அடைந்தது என்பது குறித்தும், தமிழ் பிராமி எழுத்திலிருந்து, வட்ட எழுத்தாகவும், தமிழாகவும் பிரித்து எழுத்துகள் வளர்ந்த விதம் உள்ளிட்டவைகள் குறித்து பயிற்சி அளிக்கப்பட்டன.
பயிற்சியின் இறுதிநாளான புதன்கிழமை அன்று, கல்வெட்டு படியெடுத்தல் குறித்து செய்முறை பயிற்சி அளிக்கப்பட்டது. அருங்காட்சியகத்தில் உள்ள விஜயநகரக் கால கல்வெட்டை மாணவ, மாணவிகள் படியெடுத்து, அதில் உள்ள எழுத்துகளை படிக்கக் கற்றுக் கொண்டனர்.
கிருஷ்ணகிரி அரசு அருங்காட்சியக காப்பாட்சியர் கோவிந்தராஜ், மாணவர்களுக்கு பயிற்சி அளித்தார். பயிற்சியில் பங்கேற்ற மாணவ,மாணவிகளுக்கு சான்றிதழ்கள் வழங்கப்பட்டன. இந்த நிகழ்வுக்கு கல்லூரியின் முதல்வர் டேவிட் அமிர்தராஜ் தலைமை வகித்தார். கல்லூரியின் உதவி பேராசிரியர் முனியம்மாள், மகேஷ்குமார், விஸ்வபாரதி, அருங்காட்சியக பணியாளர்கள் கிருஷ்ணன், செல்வக்குமார் உள்ளிட்டோர் பயிற்சியை ஒருங்கிணைத்தனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/அரசு-அருங்காட்சியகத்தில்-கல்வெட்டு-பயிற்சி-2859367.html
2859366 தருமபுரி கிருஷ்ணகிரி திமுக நிர்வாகிகள் கலந்தாய்வு கூட்டம் DIN DIN Thursday, February 8, 2018 02:39 AM +0530 கிருஷ்ணகிரி மாவட்டம், மதகொண்டப்பள்ளியில் திமுக பொது உறுப்பினர்கள் கலந்தாய்வு கூட்டம் நடைபெற்றது.
கூட்டத்துக்கு தளி வடக்கு ஒன்றிய அவைத் தலைவர் கிரிஸ் தலைமை வகித்தார். ஒன்றியச் செயலாளர் சீனிவாசலுரெட்டி வரவேற்றார். ஒன்றிய துணைச் செயலாளர்கள் மஞ்சுநாத், வெங்கடேஷ், சாந்தி தேவராஜ், பொருளாளர் மஞ்சுநாத், மாவட்ட பிரதிநிதி குருவாரெட்டி ஆகியோர் முன்னிலை வகித்தனர்.
கூட்டத்தில் கிருஷ்ணகிரி மேற்கு மாவட்ட திமுக செயலாளர் ஒய்.பிரகாஷ் எம்.எல்.ஏ கலந்து கொண்டு பொது உறுப்பினர்களிடையே சிறப்புரை ஆற்றினார். இந்தக் கூட்டத்தில் மார்ச் 1-ம் தேதி அனைத்து கிராமங்களிலும் திமுக செயல் தலைவர் ஸ்டாலின் பிறந்த நாளை கட்சி கொடி ஏற்றி நல உதவிகளை வழங்கி கொண்டாடுவது என தீர்மானம் நிறைவேற்றப்பட்டது.
கூட்டத்தில் மாவட்ட துணைச் செயலாளரும், வேப்பனஹள்ளி தொகுதி எம்எல்ஏவுமான முருகன் , மாவட்ட அவைத் தலைவர் யுவராஜ், மாவட்டப் பொருளாளர் ஜெயராமன், தலைமை செயற்குழு உறுப்பினர் சுகுமாரன், பொதுகுழு உறுப்பினர் சின்னசாமி, ஒன்றிய செயலாளர்கள் திவாகர். காதர்பாஷா, அணிகளின்அமைப்பாளர்கள், ஊராட்சி செயலாளர்கள் கலந்து கொண்டனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/திமுக-நிர்வாகிகள்-கலந்தாய்வு-கூட்டம்-2859366.html
2859365 தருமபுரி கிருஷ்ணகிரி கிருஷ்ணகிரியில் வருவாய்த் துறை அலுவலர்கள் தற்செயல் விடுப்புப் போராட்டம் DIN DIN Thursday, February 8, 2018 02:39 AM +0530 20 அம்ச கோரிக்கைகளை வலியுறுத்தி கிருஷ்ணகிரி மாவட்டத்தில், வருவாய்த் துறை அலுவலர்கள் தற்செயல் விடுப்பு போராட்டத்தில் ஈடுபட்டுள்ளனர்.
தமிழ்நாடு வருவாய்த் துறை அலுவலர்கள் சங்கத்தின் சார்பில் பழைய ஓய்வூதியத் திட்டத்தை நடைமுறைப்படுத்த வேண்டும். மக்கள் தொகைக்கு ஏற்ப, புதிய வருவாய் கிராமம், உள்வட்டம், வட்டம், கோட்டம், மாவட்ட என உருவாக்க வேண்டும்.
மேம்படுத்தப்பட்ட தனி ஊதியம் அளிக்க வேண்டும் என்பன உள்ளிட்ட 20 அம்ச கோரிக்கைகளை வலியுறுத்தி தமிழகம் முழுவதும் வருவாய்த் துறையின் அலுவலக உதவியாளர்கள் முதல் வட்டாட்சியர்கள் வரையில் தற்செயல் விடுப்பு எடுத்து போராட்டத்தில் ஈடுபட்டுள்ளனர்.
அதன்படி, கிருஷ்ணகிரி மாவட்டத்தில் வருவாய்த் துறையினர் போராட்டத்தில் ஈடுபட்டதால் அரசுப் பணிகள் பாதிக்கப்பட்டன. கிருஷ்ணகிரி வட்டாட்சியர் அலுவலகம் மூடப்பட்டிருந்தது. கிருஷ்ணகிரி மாவட்டத்தில் மொத்தம் 323 பேரில் 300 பேர் போராட்டத்தில் பங்கேற்றனர். 7 பேர் பயிற்சிக்காக வெளியூர் சென்றுள்ளனர்.
ஊத்தங்கரையில்... ஊத்தங்கரையில் தமிழ்நாடு வருவாய்த் துறை ஊழியர்கள் சார்பில் 20 அம்சக் கோரிக்கைகளை வலியுறுத்தி, தற்செயல் விடுப்புப் போராட்டம் புதன்கிழமை நடைபெற்றது. வருவாய்த் துறை அலுவலர்கள் யாரும் அலுவலக பணிக்குச் செல்லாததால் வருவாய்த் துறை அனைத்து பணிகளும் கிமுடங்கின. இதனால் பொதுமக்கள் பெரிதும் பாதிப்புக்குள்ளாகினர்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/கிருஷ்ணகிரியில்-வருவாய்த்-துறை-அலுவலர்கள்-தற்செயல்-விடுப்புப்-போராட்டம்-2859365.html
2859364 தருமபுரி கிருஷ்ணகிரி ஒசூரில் கனமழை DIN DIN Thursday, February 8, 2018 02:39 AM +0530 ஒசூரில் புதன்கிழமை காலை முதல் மாலை வரை கடும் வெயில் நிலவி வந்த நிலையில் இரவு கனமழை பெய்தது.
ஒசூரில் புதன்கிழமை மாலை லேசான மழைத் தூறல் ஆரம்பித்தது. இதைத் தொடர்ந்து இரவு 8 மணி கனமழை பெய்தது. அரை மணிநேரம் பெய்த கனமழையால் நகரின் முக்கிய வீதிகளில் மழைநீர் கழிவுநீருடன் சேர்ந்து சாலையில் ஓடியது.
குறிப்பாக வட்டாட்சியர் சாலையிலிருந்து பழைய நகராட்சி அலுவலகம் வரை கழிவுநீருடன், மழைநீர் சேர்ந்தே ஓடியதால் பாதசாரிகள் மிகவும் சிரமமடைந்தனர். பாகலூர் சந்திப்பு அருகே மழைநீர்த் தேங்கி நின்றது. மழை காரணமாக நகரின் பல பகுதிகளில் மின்சாரம் துண்டிக்கப்பட்டது.

 

]]>
http://www.dinamani.com/all-editions/edition-dharmapuri/krishnagiri/2018/feb/08/ஒசூரில்-கனமழை-2859364.html
2859363 தருமபுரி கிருஷ்ணகிரி விவசாய நிலத்தில் மின்கோபுர பணி தடுத்து நிறுத்தம்; இழப்பீடு வழங்காததால் விவசாயிகள் ஆவேசம் DIN DIN Thursday, February 8, 2018 02:39 AM +0530 விவசாய நிலங்களில் மின் உயர் கோபுரம் அமைக்கும் பணிகளுக்கு உரிய இழப்பீடுகளை வழங்காததால் ஆவேசமடைந்த விவசாயிகள் போச்சம்பள்ளி அருகே மின் பணிகளை புதன்கிழமை தடுத்து நிறுத்தினர்.
காங்கேயத்திலிருந்து சத்தீஸ்கர் மாநிலத்துக்கு 800 கே.வி. மின் உயர் கோபுரம் அமைக்கும் பணி நடைபெற்று வருகிறது. இதில் போச்சம்பள்ளி வட்டத்தில் உள்ள விவசாய நிலங்களில் வழியாக கடந்த 6 மாதங்களாகப் பணிகள் முழு வீச்சியில் நடைபெற்று வருகின்றன.
விவசாய நிலங்களில் இந்த மின் பாதை மற்றும் மின் உயர கோபுரம் அமைக்க மா மரங்களுக்கு ஒரு மரத்துக்கு ரூ.18 ஆயிரமும், தென்னை மரத்துக்கு ரூ. 28 ஆயிரம் வழங்கப்படும் என்று விவசாயிகளிடம் பேச்சு வார்த்தை நடத்தி பணிகள் நடைபெறுகின்றன. ஆனால், அதன்படி மரங்களுக்கு உரிய இழுப்பீடு வழங்கப்படவில்லை எனக் கூறப்படுகிறது. இந்த நிலையில், போச்சம்பள்ளி அருகே சந்தூரிலிருந்து குள்ளம்பட்டிச் செல்லும் வழியில் விவசாயி ராஜேந்திரபிரசாத் என்பவரது ஒரு ஏக்கர் நிலத்தில் மின் உயர கோபுரம் அமைக்கப் பணி நடைபெற்று வருகிறது.
இந்த நிலத்திலிருந்த 100 மா மரங்கள் வெட்டப்பட்டு இதுவரை அதற்கு உண்டான இழப்பீடு வழங்கப்படவில்லை. இதை அறிந்த தமிழ்நாடு விவசாய சங்க மாவட்டத் துணைச் செயலாளர் வரதராஜன், விவசாயிகள் மாதேஸ்வரன், முனிரத்தினம், மகேந்திரன், ஜலபதி, மாரியப்பன் உள்ளிட்டோர் அந்த இடத்துக்குச் சென்று இழப்பீடு அளித்தபின் வேலையைத் தொடருமாறு கூறி பணிகளை நிறுத்தினர். இதுகுறித்து விவசாயிகள் சங்க மாவட்ட துணை செயலாளர் வரதராஜன் கூறியதாவது:
விவசாய நிலத்தில் மின் பாதை மற்றும் கோபுரம் அமைக்க உரிய இழப்பீடு இன்னமும் வழங்கப்படவில்லை. விவசாயி ராஜேந்திரபிரசாத் நிலத்துக்கும் இழப்பீடு தொகை அளிக்கவில்லை. உரிய இழப்பீடு அளிக்கும் வரை பணியை செய்ய விட மாட்டோம் என்றார்.

 

]]>
http://www.dinamani.com/all-editions/edition-dharmapuri/krishnagiri/2018/feb/08/விவசாய-நிலத்தில்-மின்கோபுர-பணி-தடுத்து-நிறுத்தம்-இழப்பீடு-வழங்காததால்-விவசாயிகள்-ஆவேசம்-2859363.html
2858916 தருமபுரி கிருஷ்ணகிரி ஆளுநரைக் கண்டித்து தி.மு.க.வினர் கருப்புக் கொடி ஆர்ப்பாட்டம் DIN DIN Wednesday, February 7, 2018 08:17 AM +0530 கிருஷ்ணகிரியில் அரசு அலுவலர்களுடன் ஆய்வு பணி மேற்கொண்ட தமிழக ஆளுநர் பன்வாரிலால் புரோஹித்தைக் கண்டித்து தி.மு.க.வினர் செவ்வாய்க்கிழமை கருப்புக் கொடி ஆர்ப்பாட்டத்தில் ஈடுபட்டனர்.
கிருஷ்ணகிரி மாவட்டம்,  திம்மாபுரத்தில் ந.டைபெற்ற நிகழ்ச்சியில் பங்கேற்ற ஆளுநர் பன்வாரிலால் புரோஹித்,  தேசிய நெடுஞ்சாலை வழியாக சுற்றுலா மாளிகைக்கு காரில் சென்றார்.  அப்போது,  கிருஷ்ணகிரியை அடுத்துள்ள சுங்க வசூல் மையம் அருகே  கிழக்கு மாவட்ட திமுக பொறுப்பாளர் டி.செங்குட்டுவன் எம்.எல்.ஏ. தலைமையில் நூற்றுக்கும் மேற்பட்ட தி.மு.க.வினர் கருப்புக்கொடி ஏந்தி, கருப்புச் சட்டை அணிந்து தங்களது கண்டனத்தை தெரிவித்தனர்.  அப்போது, ஆளுநருக்கு எதிராக தமிழிலும், ஆங்கிலத்திலும் முழக்கங்களை எழுப்பினர்.  
இந்த கருப்புக் கொடி ஆர்ப்பாட்டத்தில் முன்னாள் மாவட்டச் செயலர் இ.ஜி.சுகவனம்,  சொத்துப் பாதுகாப்புக் குழு உறுப்பினர் வெற்றிச்செல்வன்,  மாநில விவசாய அணி துணைச் செயலர் வெங்கடேசன்,  மாவட்ட பொருளாளர் ராஜேந்திரன், நகரச் செயலர் எஸ்.கே.நவாப் உள்ளிட்டோர் பங்கேற்றனர். 
 

]]>
http://www.dinamani.com/all-editions/edition-dharmapuri/krishnagiri/2018/feb/07/ஆளுநரைக்-கண்டித்து-திமுகவினர்-கருப்புக்-கொடி-ஆர்ப்பாட்டம்-2858916.html
2858915 தருமபுரி கிருஷ்ணகிரி நீதிமன்ற தட்டச்சர், இளநிலை உதவியாளர் பணி நியமனம் ரத்து DIN DIN Wednesday, February 7, 2018 08:17 AM +0530 கிருஷ்ணகிரி மாவட்ட நீதிமன்றத்தில்  தட்டச்சர்,  இளநிலை உதவியாளர் பணி நியமனம் ரத்து செய்யப்பட்டுள்ளதாக  மாவட்ட நிர்வாகம் தெரிவித்துள்ளது. 
இதுகுறித்து, செவ்வாய்க்கிழமை வெளியிட்ட செய்திக்குறிப்பு: கிருஷ்ணகிரி மாவட்ட நீதிமன்றத்தில் இளநிலை உதவியாளர், தட்டச்சர் ஆகிய காலி பணியிடங்களுக்கு விண்ணப்பித்தவர்களின் சான்றிதழ் சரிபார்க்கும் பணி பிப்.7 முதல் 10-ஆம் தேதி வரை நடைபெறும் என அறிவிக்கப்பட்டிருந்தது.
இந்த நிலையில், தமிழ்நாடு அரசுப் பணியாளர் தேர்வாணையம் மூலம் காலிப் பணியிடங்கள் நிரப்பப்பட்டதால், மேற்படி இளநிலை உதவியாளர், தட்டச்சர் ஆகிய பணிக்கான சான்றிதழ் சரிபார்ப்பு ரத்து செய்யப்படுகிறது. அத்துடன் இளநிலை உதவியாளர், தட்டச்சர் பணி நியமனம் ரத்து செய்யப்படுகிறது என முதன்மை மாவட்ட நீதிபதியின் செய்திக் குறிப்பில் தெரிவிக்கப்பட்டுள்ளதாக அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/feb/07/நீதிமன்ற-தட்டச்சர்-இளநிலை-உதவியாளர்-பணி-நியமனம்-ரத்து-2858915.html
2858914 தருமபுரி கிருஷ்ணகிரி கிராமத்துக்குள் புகுந்த காட்டு யானை: பொதுமக்கள் அச்சம் DIN DIN Wednesday, February 7, 2018 08:16 AM +0530 கெலமங்கலம் அருகே கிராமத்துக்குள் காட்டு யானை புகுந்ததால் பொதுமக்கள் அச்சமடைந்தனர்.
கிருஷ்ணகிரி மாவட்டம், சூளகிரி அருகே கடந்த 10 நாள்களுக்கும் மேலாக அட்டகாசம் செய்து வந்த காட்டு யானை, அந்த பகுதியைச் சேர்ந்த விவசாயிகள் ராஜப்பா, முனிராஜ், தேவன் ஆகியோரை  தூக்கி வீசிக் கொன்றது. அந்த யானையை வனத்துறையினர் திங்கள்கிழமை மயக்க ஊசி போட்டு பிடித்து பிலிகுண்டுலு வனப்பகுதியில் விட்டனர்.
இதையடுத்து சூளகிரி சுற்றுவட்டாரப் பகுதி மக்கள் நிம்மதி அடைந்தனர். இந்த நிலையில் கெலமங்கலம் அருகே வெள்ளிச்சந்தை பகுதிக்கு செவ்வாய்க்கிழமை அதிகாலை 7 யானைகள் வந்தன. அதில் இருந்து ஒரு காட்டு யானை மட்டும் தனியாகப் பிரிந்து கிராமப் பகுதிக்கு வந்தது.
இதைப் பார்த்த கிராம மக்கள் அதிர்ச்சி அடைந்தனர். ஆனால் சிறிது நேரத்தில் அந்த ஒற்றை யானை ஊடேதுர்க்கம் வனப்பகுதிக்குள் சென்று கூட்டத்துடன் சேர்ந்து கொண்டது. இதனால் கிராம மக்கள் நிம்மதி அடைந்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/07/கிராமத்துக்குள்-புகுந்த-காட்டு-யானைபொதுமக்கள்-அச்சம்-2858914.html
2858913 தருமபுரி கிருஷ்ணகிரி சாமனப்பள்ளியில் 300 காளைகள் பங்கேற்ற எருது விடும் விழா DIN DIN Wednesday, February 7, 2018 08:16 AM +0530 சூளகிரி அருகே சாமனப்பள்ளியில் 300 காளைகள் பங்கேற்ற எருது விடும் விழா நடைபெற்றது. 
கிருஷ்ணகிரி மாவட்டம், சூளகிரியை அடுத்த சாமனப்பள்ளியில், செவ்வாய்க்கிழமை எருது விடும் விழா நடைபெற்றது. இதில், தியாகரசனப்பள்ளி, மோத்துகானப்பள்ளி,  சப்படி, பாத்தக்கோட்டா,  திருமலைக் கோட்டா, உத்தனப்பள்ளி, சூளகிரி, மாரண்டப்பள்ளி, புக்கசாகரம், கானலட்டி உள்பட 20 க்கும் மேற்பட்ட கிராமங்கள் மற்றும் கர்நாடக மாநிலத்தில் இருந்து, 300- க்கும் மேற்பட்ட காளைகள் பங்கேற்றன. 
வண்ணப் பொடிகள் மற்றும் கொம்பு பகுதியில் தட்டிகளை கட்டி அலங்கரிக்கப்பட்ட காளைகளை விழா திடலில் உரிமையாளர்கள் ஓட விட்டனர். அதை அடக்கிய இளைஞர்கள், அதன் கொம்புகளில் கட்டப்பட்டிருந்த தட்டிகளை எடுத்தனர். இதில் நான்கு பேருக்கு லேசான காயம் ஏற்பட்டது. விழாவை காண, 5 ஆயிரத்துக்கும் மேற்பட்ட  பொதுமக்கள் வந்திருந்தனர். இதையொட்டி சூளகிரி போலீஸார் பாதுகாப்புப் பணியில் ஈடுபட்டிருந்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/07/சாமனப்பள்ளியில்-300-காளைகள்-பங்கேற்ற-எருது-விடும்-விழா-2858913.html
2858912 தருமபுரி கிருஷ்ணகிரி கிருஷ்ணகிரி அணைக்கு நிலம் வழங்கியவர்களுக்கு நில பட்டா வழங்க வலியுறுத்தல் DIN DIN Wednesday, February 7, 2018 08:16 AM +0530 கிருஷ்ணகிரி அணைக்கு நிலம் வழங்கியவர்களுக்கு அரசு வழங்கிய நிலத்துக்கு பட்டா வழங்க வேண்டும் என செவ்வாய்க்கிழமை நடைபெற்ற தமிழக விவசாயிகள் சங்கக் கூட்டத்தில் வலியுறுத்தப்பட்டது.
தமிழக விவசாயிகள் சங்கத்தின் நிறுவனர் தலைவர் நாராயணசாமியின் 94-ஆவது பிறந்தநாள் விழா மற்றும் சங்கக் கூட்டம் கிருஷ்ணகிரியில் அதன் மாநிலத் துணைத் தலைவர் தோப்பயைகவுண்டர் தலைமை வகித்தார். மாநிலத் தலைவர் ராமகவுண்டர், மாவட்ட பொதுச் செயலர் சுந்தரேசன், நிர்வாகிகள் வண்ணப்பா, சுப்பிரமணிரெட்டி உள்ளிட்டோர் 
பங்கேற்றனர்.
எண்ணேகொல்புதூர் திட்டத்தைக் கைவிட்டு,  வாணி ஓட்டு திட்டத்தை நடைமுறைப்படுத்த வேண்டும். விண்ணப்பித்த அனைத்து விவசாயிகளுக்கும் உடனே மின் இணைப்பு வழங்க வேண்டும். தென்பெண்ணை ஆற்றில் 3 இடங்களில் அணைக் கட்டி, மின்சாரம் தயாரிக்க வேண்டும். கிருஷ்ணகிரி அணைக்காக நிலம் வழங்கியவர்களுக்கு மாற்றாக அரசு வழங்கிய நிலத்துக்கு பட்டா வழங்க வேண்டும். அரசு செலவில் விவசாயத்தை இயந்திரமயமாக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-dharmapuri/krishnagiri/2018/feb/07/கிருஷ்ணகிரி-அணைக்கு-நிலம்-வழங்கியவர்களுக்கு-நில-பட்டா-வழங்க-வலியுறுத்தல்-2858912.html
2858911 தருமபுரி கிருஷ்ணகிரி பிப்ரவரி 7 மின்தடை DIN DIN Wednesday, February 7, 2018 08:15 AM +0530 கிருஷ்ணகிரி மின்பகிர்மான வட்டம்,  ஒசூர் கோட்டத்தைச் சேர்ந்த உத்தனப்பள்ளி மற்றும் கெம்பட்டி துணை மின்நிலையத்தில் பராமரிப்புப் பணிகள் மேற்கொள்ளப்பட உள்ளதால், புதன்கிழமை (பிப். 7) காலை 9 மணி முதல் பிற்பகல்  2 மணி வரை மின் நிறுத்தம் செய்யப்படும்.
மின் நிறுத்தம் செய்யப்படும் பகுதிகள்: உத்தனப்பள்ளி, அகரம்,  தியானதுர்க்கம்,  நாகமங்கலம்,  நல்லராலபள்ளி, பீர்ஜேபள்ளி, உள்ளுகுறுக்கை, போடிச்சிபள்ளி, காடுதானபள்ளி, இருதாளம், வரகானபள்ளி, டி.கொத்தபள்ளி, கெலமங்கலம், அனுசோனை, கடூர், பொம்மதாதனூர், சின்னட்டி, ஜே.காருபள்ளி, முகலூர், அக்கொண்டபள்ளி, டி.கொத்தூர்,  பைரமங்கலம், ஜக்கேரி, பச்சனப்பட்டி, பஞ்சாட்சிபுரம்,  பேவநத்தம்,  அலசட்டி, கெம்பட்டி, பேளகொண்டபள்ளி, மதகொண்டபள்ளி, பூனப்பள்ளி, முத்தூர், கப்பக்கல்,  உளிவீரனபள்ளி,  ஒன்னட்டி,  குமாரனபள்ளி, உப்பாரபள்ளி, ஜாகீர்கோடிபள்ளி, தளிஉப்பனூர், குருபரபள்ளி, கே.அக்ரஹாரம், குப்பட்டி, டி.கொத்தூர், நல்லசந்திரம், தாரவேந்திரம், பி.பி.பாளையம், ஜவளகிரி, அகலகோட்டை, கல்லுபாளையம், பி.ஆர்.தொட்டி, மானுபள்ளி, கெம்பத்தபள்ளி, உனிசநத்தம், பின்னமங்கலம், அன்னியாளம், கக்கதாசம், தேன்கனிக்கோட்டை, மாரசந்திரம், நொகனூர், குந்துகோட்டை, அந்தேவனபள்ளி, அஞ்செட்டி, உரிகம், தக்கட்டி, ஒசட்டி, கண்டகானபள்ளி, பாலதோட்டனபள்ளி, செட்டிப்பள்ளி, பேளூர், மருதானபள்ளி, தண்டரை, பென்னங்கூர், திம்மசந்திரம், அரசகுப்பம்.
பென்னாகரத்தில்... தருமபுரி மாவட்டம் பென்னாகரம் துணை மின் நிலையத்தில் மாதாந்திர பராமரிப்புப் பணிகள் மேற்கொள்ளப்படவுள்ளதால், இங்கிருந்து மின் விநியோகம் செய்யப்படும் பகுதிகளுக்கு புதன்கிழமை (பிப். 7) காலை 9 மணி முதல் மாலை 5 மணி வரை மின்சாரம் இருக்காது என செயற்பொறியாளர் தீ. சிவானந்தம் அறிவித்துள்ளார்.
இதனால் மின் விநியோகம் ரத்து செய்யப்படும் பகுதிகள்:
பென்னாகரம், ஒகேனக்கல், ஏரியூர், பெரும்பாலை, சின்னம்பள்ளி, பி. அக்ரஹாரம், அதகப்பாடி, தாசம்பட்டி, சத்தியநாதபுரம், ஜக்கம்பட்டி மற்றும் சுற்று வட்டார கிராமங்கள்.

]]>
http://www.dinamani.com/all-editions/edition-dharmapuri/krishnagiri/2018/feb/07/பிப்ரவரி-7-மின்தடை-2858911.html
2858910 தருமபுரி கிருஷ்ணகிரி ஒசூர் - பெங்களூரு இடையே இரட்டை ரயில் பாதை அமைக்க மத்திய அரசு ரூ.376 கோடி ஒதுக்கீடு: தொழில் துறையினர் வரவேற்பு DIN DIN Wednesday, February 7, 2018 08:15 AM +0530 ஒசூர் -பெங்களூரு இடையே இரட்டை ரயில் பாதை அமைக்க ரூ.376 கோடி நிதி ஒதுக்கீடு செய்யப்பட்டதற்கு ஒசூர் சிறு மற்றும் குறுந்தொழில் சங்கம் (ஹோஸ்டியா சங்கம்), ஒசூர் பயணிகள் சங்கம், ஐஎன்டியூசி, பாஜக  வரவேற்றுள்ளன. 
கிருஷ்ணகிரி மாவட்டம், ஒசூர் முதல் கர்நாடக மாநிலம் பையபனஹள்ளி வரையிலான இரட்டை ரயில் பாதை அமைக்கும் திட்டத்துக்கு ரூ. 376 கோடி நிதி ஒதுக்கப்பட்டுள்ளது. இதற்கு பொதுமக்கள், தொழில் துறையினர் வரவேற்பு தெரிவித்துள்ளனர். 
இது குறித்து ஒசூர் சிறு மற்றும் குறுந்தொழில் சங்கத்தின் தலைவர் வெற்றி.ஞானசேகரன் கூறியது.  ஹோஸ்டியா சங்கம் சார்பில் நீண்ட காலமாக ஒசூர் முதல் பெங்களூரு வரை இரட்டை ரயில் பாதை அமைக்க வேண்டும் என கோரிக்கை விடுத்து வந்தோம்.  மேலும்,  இந்த இரட்டை ரயில் பாதையை மின்மயமாக்க வேண்டும் என பல ஆண்டுகளாக கோரிக்கை விடுத்து வந்தோம்.  இந்தத் திட்டத்துக்கு மத்திய அரசு ரூ.376 கோடி நிதி ஒதுக்கீடு செய்துள்ளது.  இந்தத் திட்டத்தினால் தொழில் நகரமான ஒசூர் மிக வேகமாக வளர்ச்சி பெறும். ஒசூரும், பெங்களூரும் இரட்டை நகரங்களாக உருவெடுக்கும்.
இதன் மூலம் ஒசூரில் தொழில்சாலை உற்பத்திஅதிகரிக்கும். தொழில் வளர்ச்சி அடையும் என்றார். 
ஐஎன்டியூசி மாநில மூத்த துணைத் தலைவரும், முன்னாள் எம்எல்ஏவுமான கே.ஏ.மனோகரன் கூறியது: ஒசூரில் இருந்து கர்நாட மாநிலம் பையபனஹள்ளி வரை இரட்டை ரயில் பாதைத் திட்டத்துக்கு மத்திய அரசு நிதி ஒதுக்கீடு செய்துள்ளது.  இதன் மூலம் ஒசூரில் இருந்து பெங்களூருக்கு சென்று வரும் தொழிலாளர்கள், வியாபாரிகள், மென்பொருள் பொறியாளர்கள்,  தனியார் நிறுவனத்தில் வேலை செய்யும் தமிழர்களுக்கு மிகவும் பயனுள்ளதாக இருக்கும்.  மேலும் ஒசூரில் உற்பத்தி செய்யப்படும் மோட்டார் வாகனங்களை இந்தியாவின் மற்ற மாநிலங்களுக்குக் கொண்டு செல்லவும்,  வெளிநாடுகளுக்கு ஏற்றுமதி செய்யவும் இத் திட்டம் மிகவும் பயனுள்ளதாக இருக்கும் என்றார். 
   பாஜக மாநில இளைஞரணிச் செயலர் எம்,நாகராஜ் கூறியது:  மத்திய அரசு ஒசூரில் மிகப் பெரிய திட்டங்களை செயல்படுத்தி வருகிறது.  குறிப்பாக,  ஒசூரில் இருந்து பெங்களூருக்கு இரட்டை ரயில் பாதை திட்டத்துக்கு ரூ.376 கோடி நிதி ஒதுக்கீடு செய்துள்ளது.  இத் திட்டத்தை ஒசூர் மக்கள் சார்பில் வரவேற்கிறேன்.  மேலும், ஒசூர் நகராட்சியில் ரூ.100 கோடி நிதியில் மத்திய அரசு அம்ருத் திட்டத்தில் அபிவிருத்திப் பணிகளை தொடக்கி செயல்படுத்தி வருகிறது.   மத்திய அரசின் பாரத் மாலா திட்டத்தின் ரூ.10 ஆயிரம் கோடி நிதியில் ஒசூரையும்,  பெங்களூரையும் இணைக்கும் தேசிய நெடுஞ்சாலை அமைக்க மத்திய அரசு நடவடிக்கை எடுத்து வருகிறது.  ஒசூரில் மத்திய அரசு மேலும் பல பெரிய தொழிற்சாலைகள் அமைக்க நடவடிக்கை எடுத்து வருகிறது. எனவே இனி ஒசூர் அசுர வேகத்தில் வளர்ச்சி அடையும் என்றார். 
ஒசூர் -பெங்களூரு இடையே இரட்டை ரயில் பாதை திட்டத்தை ஒசூர் ரயில் பயணிகள் மேம்பாட்டுச் சங்கத்தின் தலைவர் சுப்பிரமணியம் வரவேற்றுள்ளார்.  அதேவேளையில் ஒசூர் -ஜோலார்பேட்டைபுதிய ரயில்பாதை அமைக்கும் திட்டத்தையும் மத்திய அரசு நிறைவேற்ற வேண்டும் என கோரிக்கை விடுத்தார். 

]]>
http://www.dinamani.com/all-editions/edition-dharmapuri/krishnagiri/2018/feb/07/ஒசூர்---பெங்களூரு-இடையே-இரட்டை-ரயில்-பாதைஅமைக்க-மத்திய-அரசு-ரூ376-கோடி-ஒதுக்கீடு-தொழில்-துறையினர்-2858910.html
2858316 தருமபுரி கிருஷ்ணகிரி காவேரிப்பட்டணத்தில் பிப்.13 வரை ஒருநாள் விட்டு ஒருநாள் மின்விநியோகம் DIN DIN Tuesday, February 6, 2018 08:33 AM +0530 காவேரிப்பட்டணத்தில் பிப்.6 முதல் 13-ஆம் தேதி வரையில் ஒருநாள் விட்டு ஒருநாள் மின்விநியோகம் செய்யப்படும் என அறிவிக்கப்பட்டுள்ளது.
இதுகுறித்து கிருஷ்ணகிரி மின்பகிர்மான வட்டத்தின் செயற்பொறியாளர் எஸ்.கோவிந்தராஜு திங்கள்கிழமை வெளியிட்ட செய்தி: கொத்தலம் பீடர் மின்தொடரில் கம்பி மாற்ற வளர்ச்சிப் பணிகள் நடைபெற உள்ளது. எனவே, மேட்டுப்பள்ளம், போடரஅள்ளி, குண்டாங்காடு, பாறைக்கொட்டாய், சின்னவரட்டம்பட்டி, கொத்தலம் மற்றும் அதை சுற்றியுள்ள பகுதிகளில் பிப்.6 முதல் 13-ஆம் தேதி வரை காலை 10 முதல் மதியம் 2 மணி வரையில் ஒரு நாள் விட்டு ஒரு நாள் மின்விநியோகம் செய்யப்படும். எனவே, பொதுமக்கள் இந்த வளர்ச்சிப் பணிக்கு முழு ஒத்துழைப்பு வழங்க வேண்டும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/feb/06/காவேரிப்பட்டணத்தில்-பிப்13-வரை-ஒருநாள்-விட்டு-ஒருநாள்-மின்விநியோகம்-2858316.html
2858315 தருமபுரி கிருஷ்ணகிரி அஞ்செட்டியில் எருது விடும் விழாவில் கீழே விழுந்த முதியவர் சாவு DIN DIN Tuesday, February 6, 2018 08:33 AM +0530 அஞ்செட்டியில் நடைபெற்ற எருது விடும் விழாவில், மாட்டை பார்த்து பயந்து ஓடி கீழே விழுந்த முதியவர் சிகிச்சை பலனின்றி உயிரிழந்தார். 
கிருஷ்ணகிரி மாவட்டம், தேன்கனிக்கோட்டை வட்டம், அஞ்செட்டியில் ஞாயிற்றுக்கிழமை எருது விடும் விழா நடைபெற்றது.இந்த விழாவைக் காண அஞ்செட்டி அருகே உள்ள பூஞ்சோலை கிராமத்தைச் சேர்ந்த பச்சையப்பன் (68) சென்றார். அப்போது, ஓடி வந்த காளைகளைக் கண்டு பயந்த பச்சையப்பன் ஓடினார். அப்போது, அவர் எதிர்பாராதவிதமாக தவறி கீழே விழுந்தார். இதில் அவருக்கு நெற்றி மற்றும் காலில் பலத்த காயமேற்பட்டது.
அவரை அருகில் இருந்தவர்கள் மீட்டு சிகிச்சைக்காக அஞ்செட்டி அரசு மருத்துவமனையில் சேர்த்தனர். பிறகு மேல்சிகிச்சைக்காக ஒசூரில் உள்ள தனியார் மருத்துவமனையில் சேர்த்தனர். ஆனாலும் சிகிச்சை பலனின்றி அவர் உயிரிழந்தார். இதுகுறித்து அஞ்செட்டி போலீஸார் வழக்குப் பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/06/அஞ்செட்டியில்-எருது-விடும்-விழாவில்-கீழே-விழுந்த-முதியவர்-சாவு-2858315.html
2858313 தருமபுரி கிருஷ்ணகிரி "ஒசூர் நகராட்சி முழுவதும் ஒகேனக்கல் கூட்டுக் குடிநீர் வழங்க வேண்டும்' DIN DIN Tuesday, February 6, 2018 08:33 AM +0530 ஒசூர் நகராட்சி முழுவதும் ஒகேனக்கல் கூட்டுக் குடிநீர் வழங்க வேண்டும் என ஒசூர் நகர திமுக பொது உறுப்பினர்கள் கூட்டத்தில் தீர்மானம் நிறைவேற்றப்பட்டது. 
ஒசூர் நகர திமுக பொது உறுப்பினர்கள் கூட்டம் ஞாயிற்றுக்கிழமை தேன்கனிக்கோட்டை சாலையில் உள்ள திருமண  மண்டபத்தில் நடைபெற்றது. இந்த கூட்டத்துக்கு நகர அவைத் தலைவர் கருணாநிதி தலைமை வகித்தார். நகரச் செயலர் மாதேஸ்வரன் அனைவரையும் வரவேற்று பேசினார். கிருஷ்ணகிரி மேற்கு மாவட்டச் செயலரும், தளி எம்.எல்.ஏவுமான பிரகாஷ் ,வேப்பனப்பள்ளி எம்.எல்.ஏ. முருகன் ஆகியோர் கலந்துகொண்டு சிறப்புரையாற்றினார்.
இக் கூட்டத்தில் நிறைவேற்றப்பட்ட தீர்மானங்கள்: 2ஜி பொய் வழக்கில் வெற்றிபெற்ற ராஜா, கனிமொழி எம்.பி.க்கு வாழ்த்து தெரிவிக்கப்பட்டது. திமுக செயல் தலைவர் ஸ்டாலின் பிறந்தநாள் மார்ச் 1-ஆம் தேதி ஒசூர் நகரில் உள்ள 45 வார்டுகளிலும் கொடியேற்றி இனிப்பு வழங்கி கொண்டாடுவது. மார்ச் 24, 25 தேதிகளில் ஈரோட்டில் நடைபெறும் மண்டல மாநாட்டுக்கு துணை அமைப்பாளர்கள், கிளை கழகச் செயலர்கள், பொறுப்பாளர்கள் அனைவரும் கலந்துகொள்வது. நகரத்துக்குள்பட்ட காலியாக உள்ள பொறுப்புகளை நியமனம் செய்வது. ஒசூர் நகராட்சியில் ஒகேனக்கல் கூட்டுக் குடிநீர் திட்டம் அனைத்து பகுதிக்கும் கிடைக்கவும், விஷக் காய்ச்சல் பரவாமல் தடுக்கவும், குண்டும் குழியுமான சாலைகளை சீரமைக்க வலியுறுத்தியும், திருவள்ளுவர் நகர், முல்லை வேந்தன் நகரில் உள்ள தெருவிளக்குகள் எரிய செய்ய வேண்டும் உள்ளிட்ட தீர்மானங்கள் நிறைவேற்றப்பட்டன. நகர பொறுளாளர் சென்னீரப்பா நன்றி கூறினார்.
இதில், மாவட்ட அவைத் தலைவர் யுவராஜ், மாநில  சிறுபான்மை நல உரிமை பிரிவு துணை செயலர் விஜய்குமார்,தலைமை செயற்குழு உறுப்பினர் சுகுமாறன், மாவட்ட மாணவரணி அமைப்பாளர் எஸ்.ஏ.சத்யா உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-dharmapuri/krishnagiri/2018/feb/06/ஒசூர்-நகராட்சி-முழுவதும்-ஒகேனக்கல்-கூட்டுக்-குடிநீர்-வழங்க-வேண்டும்-2858313.html
2858312 தருமபுரி கிருஷ்ணகிரி விவசாயத் தொழிலாளர்கள் ஆர்ப்பாட்டம் DIN DIN Tuesday, February 6, 2018 08:32 AM +0530 கிருஷ்ணகிரியில் பல்வேறு கோரிக்கைகளை வலியுறுத்தி, அகில இந்திய விவசாயத் தொழிலாளர்கள் திங்கள்கிழமை ஆர்ப்பாட்டத்தில் ஈடுபட்டனர்.
கிருஷ்ணகிரி பழைய பேட்டை, காந்தி சிலை அருகே நடைபெற்ற ஆர்ப்பாட்டத்துக்கு, அந்த அமைப்பின் வட்டாரத் தலைவர் ரங்கநாதன் தலைமை வகித்தார். மாகத்மா காந்தி தேசிய ஊரக வேலை உறுதியளிப்புத் திட்டத்தை பேரூராட்சி, நகர் பகுதிகளுக்கு விரிவுபடுத்த வேண்டும். தகுதியான அனைவருக்கும் அடையாள அட்டை வழங்க வேண்டும். பணி செய்த நாள்களுக்கான தொகையை உடனே வழங்க வேண்டும் என்பன உள்ளிட்ட கோரிக்கைகளை வலியுறுத்தி ஆர்ப்பாட்டத்தில் பங்கேற்றோர் முழக்கங்களை எழுப்பினர்.

]]>
http://www.dinamani.com/all-editions/edition-dharmapuri/krishnagiri/2018/feb/06/விவசாயத்-தொழிலாளர்கள்-ஆர்ப்பாட்டம்-2858312.html
2858310 தருமபுரி கிருஷ்ணகிரி ஒசூரில் விடிய விடிய நடைபெற்ற பல்லக்கு உற்சவம் DIN DIN Tuesday, February 6, 2018 08:32 AM +0530 ஒசூரில் விடிய விடிய நடைபெற்ற பல்லக்கு உற்சவத்தை காண ஆயிரக்கணக்கான பக்தர்கள் திரண்டனர். 
கிருஷ்ணகிரி மாவட்டம், ஒசூரில் ஆண்டுதோறும் சந்திரசூடேஸ்வர சுவாமி கோயில் தேர்த் திருவிழா வெகு விமரிசையாக நடைபெறுகிறது. இதையொட்டி, முன்னதாக  பல்லக்கு உற்சவம் மற்றும் கரக உற்சவம் நடைபெறுவது வழக்கம். 
மார்ச் 1-ஆம் தேதி சந்திரசூடேஸ்வர சுவாமி கோயில் தேர்த் திருவிழா நடைபெறவுள்ள நிலையில், ஒசூர் நகரில் பல்லக்கு மற்றும் கரக உற்சவம் ஞாயிற்றுக்கிழமை இரவு நடைபெற்றது. 
விழாவை முன்னிட்டு விநாயகர், சந்திரசூடேஸ்வரர், முருகர், கோட்டை மாரியம்மன், எல்லம்மன், சின்ன கோட்டை மாரியம்மன், வெங்கடேஸ்வர சுவாமி, மகாலட்சுமி, மணல் மாரியம்மன், சனீஸ்வர பகவான், காளியம்மன், சாய்பாபா உள்ளிட்ட 25-க்கும் மேற்பட்ட சுவாமிகளின் பல்லக்குகள் வண்ண விளக்குகளாலும், மலர்களாலும் அலங்கரிக்கப்பட்டு ராம்நகர், காந்தி சாலை, நேதாஜி சாலை, போஸ் பஜார், வட்டாட்சியர் அலுவலக சாலை என நகரின் முக்கிய வீதிகளின் வழியாக மேள, தாளம், நையாண்டி ஆட்டம், நாதஸ்வர இசையுடன்  விடிய விடிய ஊர்வலமாக கொண்டு செல்லப்பட்டன. விழாவின் முக்கிய நிகழ்ச்சியாக ஸ்ரீ தர்மராஜா சுவாமி பூ கரகம் நடைபெற்றது. 
இந்த கரகம், தேர்பேட்டையில் உள்ள தர்மராஜ சுவாமி கோயிலில் சிறப்பு பூஜைகளுக்கு பின்னர் ஊர்வலமாக ராயக்கோட்டை சாலைச் சந்திப்பு, கும்பார தெரு, நெசவுத்தெரு, திகிலர்பேட்டை உள்ளிட்ட முக்கிய வீதிகளின் வழியாக ஊர்வலமாக கொண்டு செல்லப்பட்டது. கரகம் சென்ற வழியெங்கும் பொதுமக்கள் தங்கள் வீடுகளின் முன் தண்ணீர் தெளித்து கோலமிட்டு கரகத்துக்கு பூஜை செய்தனர்.
விழாவையொட்டி, ஒசூர் பேருந்து நிலையம் அருகே சந்திரசூடேஸ்வர சுவாமி அன்னதான கமிட்டி தலைவர் முன்னாள் எம்.எல்.ஏ. கே.கோபிநாத்  சார்பில் பொதுமக்களுக்கு அன்னதானம் வழங்கப்பட்டது. மேலும் நாதஸ்வர கச்சேரி மற்றும் இன்னிசை கச்சேரியும் நடைபெற்றது.
கடும் குளிரையும் பொருள்படுத்தாமல் விழாவைக் காண ஒசூர் மற்றும் சுற்று வட்டாரப் பகுதிகளிலிருந்து ஆயிரக்கணக்கான பக்தர்கள் வந்திருந்தனர். 


 

]]>
http://www.dinamani.com/all-editions/edition-dharmapuri/krishnagiri/2018/feb/06/ஒசூரில்-விடிய-விடிய-நடைபெற்ற-பல்லக்கு-உற்சவம்-2858310.html
2858309 தருமபுரி கிருஷ்ணகிரி கிருஷ்ணகிரிக்கு வந்த ஆளுநருக்கு வரவேற்பு DIN DIN Tuesday, February 6, 2018 08:32 AM +0530 கிருஷ்ணகிரி மாவட்டத்தில் செவ்வாய்க்கிழமை (பிப். 6) தமிழக ஆளுநர் பன்வாரிலால் புரோஹித் பல்வேறு நிகழ்ச்சியில் பங்கேற்க உள்ள  நிலையில், கிருஷ்ணகிரிக்கு திங்கள்கிழமை வருகை தந்த அவருக்கு மாவட்ட நிர்வாகம் சார்பில் வரவேற்பு அளிக்கப்பட்டது.
காவேரிப்பட்டணத்தை அடுத்த சப்பாணிப்பட்டியில் நடைபெறும் தனியார் நிகழ்ச்சியில் பங்கேற்கும் அவர், தொடர்ந்து தூய்மை பாரத் திட்டப் பணியை மேற்கொள்கிறார்.
பின்னர், அங்கிருந்து கிருஷ்ணகிரி சுற்றுலா மாளிகையில் பிற்பகல் 3.15 முதல் மாலை 5 மணி வரையில் பொதுமக்கள், தொண்டு நிறுவனங்கள், அரசியல் கட்சிப் பிரதிநிதிகள் ஆகியோரிடம் கோரிக்கை மனுக்களை பெறுகிறார். 
இந்த நிகழ்ச்சிகளில் பங்கேற்கும் வகையில், கிருஷ்ணகிரிக்கு திங்கள்கிழமை இரவு வருகை புரிந்த தமிழக ஆளுநரை, கிருஷ்ணகிரி மாவட்ட ஆட்சியர் சி.கதிரவன் பூங்கொத்து அளித்து வரவேற்றார். தமிழ்நாடு இளைஞர் நலன் மற்றும் விளையாட்டு மேம்பாட்டுத் துறை அமைச்சர் பா.பாலகிருஷ்ணா ரெட்டி, கிருஷ்ணகிரி மாவட்ட காவல் கண்காணிப்பாளர் டி.மகேஷ்
குமார் உள்ளிட்டோர் அவரை வரவேற்றனர்.

]]>
http://www.dinamani.com/all-editions/edition-dharmapuri/krishnagiri/2018/feb/06/கிருஷ்ணகிரிக்கு-வந்த-ஆளுநருக்கு-வரவேற்பு-2858309.html
2858307 தருமபுரி கிருஷ்ணகிரி அத்திகானுரில் எருது விடும் விழா DIN DIN Tuesday, February 6, 2018 08:32 AM +0530 மத்தூர் அருகே அத்திகானுரில் எருது விடும் விழா ஞாயிற்றுக்கிழமை நடைபெற்றது .
போச்சம்பள்ளியை அடுத்த மத்தூர் அருகில் உள்ள அத்திகானூர் கிராமத்தில் பொங்கலை முன்னிட்டு ஆண்டுதோறும் எருது விடும் விழா நடைபெறுவது வழக்கம். இந்நிலையில், ஞாயிற்றுக்கிழமை நடைபெற்ற விழாவில் வேலூர், கிருஷ்ணகிரி, தருமபுரி மாவட்டங்களை சேர்ந்த  220 காளைகள் பங்கேற்றன. இவற்றைக் காண சுற்று வட்டார கிராமங்களை சேர்ந்த 10 ஆயிரத்துக்கும் மேற்பட்டோர் கலந்துகொண்டனர். இதில் தங்க நாணயம், இருசக்கர வாகனம், மற்றும் பீரோ ஆகியன பரிசாக வழங்கப்பட்டன.
விழாவில் ஊத்தங்கரை டிஎஸ்பி அர்சுணன் தலைமையில் மத்தூர் காவல் ஆய்வாளர் கோபாலகிருஷ்ணன் உள்பட 30-க்கும் மேற்பட்ட போலீஸார் பாதுகாப்பு பணியில் ஈடுபட்டிருந்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/06/அத்திகானுரில்-எருது-விடும்-விழா-2858307.html
2858306 தருமபுரி கிருஷ்ணகிரி திம்மராய சுவாமி கோயில் தேர்த் திருவிழா DIN DIN Tuesday, February 6, 2018 08:31 AM +0530 ஒசூர் அருகே பாகலூர் பேரிகை சாலையில் உள்ள குடிசெட்லு திம்மராய சுவாமி கோயில் தேர்த் திருவிழா ஞாயிற்றுக்கிழமை நடைபெற்றது .
பாகலூர் அருகே குடிசெட்லுவில் பிரசித்தி பெற்ற ஸ்ரீதேவி, பூதேவி சமேத பிரசன்ன திம்மராய சுவாமி கோயில் உள்ளது. இந்த கோயிலில் ஆண்டுதோறும் தேர்த் திருவிழா வெகு சிறப்பாக நடைபெறுவது வழக்கம். இந்த ஆண்டும் தேர்த் திருவிழாவையொட்டி, தினமும் சுவாமிக்கு விசேஷ பூஜைகளும், திருக்கல்யாண உற்சவமும் நடைபெற்றது. 
தேர்த் திருவிழாவை முன்னிட்டு, மூலவருக்கு காலை அபிஷேகமும், சுவாமிக்கு அலங்கார சேவையும், யாகமும் நடத்தப்பட்டது. தொடர்ந்து ஆஞ்சநேய சுவாமிக்கு அபிஷேகமும், ரதத்துக்கு புஷ்ப அலங்காரமும் செய்யப்பட்டது.
விழாவில் குடிசெட்லு, பாகலூர், பேரிகை, சூளகிரி மற்றும் கர்நாடக மாநிலத்தைச் சேர்ந்த ஆயிரக்கணக்கான பக்தர்கள் கலந்துகொண்டு தேரை வடம் பிடித்து இழுத்தனர். தேர் முக்கிய வீதிகள் வழியாக சுற்றி வந்தது. திருமஞ்சன சேவை மற்றும் மகாமங்களாரத்தி, தீர்த்த பிரசாதம், அபிஷேகம் நடைபெற்றது. பின்னர் அன்னதானம்  நடைபெற்றது.
 

]]>
http://www.dinamani.com/all-editions/edition-dharmapuri/krishnagiri/2018/feb/06/திம்மராய-சுவாமி-கோயில்-தேர்த்-திருவிழா-2858306.html
2857669 தருமபுரி கிருஷ்ணகிரி உள்ளாட்சித் தேர்தலை விரைந்து நடத்த வேண்டும்: தமிழிசை செளந்தரராஜன் DIN DIN Monday, February 5, 2018 08:07 AM +0530 தமிழகத்தில் உள்ளாட்சித் தேர்தலை விரைந்து நடத்த வேண்டும் என்றார் பாஜக மாநிலத் தலைவர் தமிழிசை செளந்தரராஜன்.
தேன்கனிக்கோட்டையில் ஞாயிற்றுக்கிழமை பாஜக நிர்வாகிகள் ஆலோசனைக் கூட்டத்தில் பங்கேற்பதற்கு முன்னதாக செய்தியாளர்களிடம் அவர் கூறியது:
தமிழகத்தில் ஊழல் மலிந்துள்ளது. மாநில அரசியலில் மாற்றத்தை எதிர்பார்த்து மக்கள் காத்திருக்கின்றனர்.  பாஜகவும் மாற்றத்திற்கு தயாராகிவருகிறது. மொழி அரசியல் நடைபெறும் தமிழகத்தில் மருத்துவக் காப்பீட்டுத் திட்டம் விரிவுபடுத்தவில்லை.  இந்த நிலையில், மத்திய பட்ஜெட்டில் ஏழை மக்களுக்காக சிறந்த திட்டமாக மருத்துவக் காப்பீடு அறிவிக்கப்பட்டுள்ளது.
பாஜக மூத்த தலைவர் சுப்பிரமணியன் சுவாமி கூறுவது அவரது சொந்தக் கருத்து.  அரசியல் களத்துக்கு நடிகர்கள் வந்த பிறகே எனது கருத்தை தெரிவிப்பேன்.  காவிரியிலிருந்து தண்ணீர் பெற்றுத் தர தமிழக பாஜக முனைப்புடன் செயல்படுகிறது என்றார்.
 கட்சி நிர்வாகிகள் ஆலோசனைக் கூட்டத்துக்கு தளி தொகுதி பொறுப்பாளர் நாராயணன் தலைமை தாங்கினார்.  மாநில பொதுச் செயலாளர் நரேந்திரன், கோட்ட பொறுப்பாளர் பாலகிருஷ்ணன்,  மாவட்ட தலைவர் முனிராஜ், மாநில இளைஞர் அணி செயலாளர் நாகராஜ்,  நகர தலைவர் பார்த்திபன், மாவட்ட பொதுச் செயலாளர் வரதராஜன், மாநில செயற்குழு உறுப்பினர் கோடீஸ்வரன் உள்பட பலர் கலந்து கொண்டனர். 
தமிழிசை செளந்தரராஜனுக்கு ஒசூரில் மாவட்ட செயலாளர் ராஜி,  பாஜக ஒசூர் நகரத் தலைவர் சங்கர், நகர பொதுச் செயலாளர்கள் கிரிஷ், தங்கராஜ், மாவட்ட துணைத் தலைவர் போத்திராஜ் ஆகியோர் வரவேற்பு அளித்தனர்.

]]>
http://www.dinamani.com/all-editions/edition-dharmapuri/krishnagiri/2018/feb/05/உள்ளாட்சித்-தேர்தலை-விரைந்து-நடத்த-வேண்டும்-தமிழிசை-செளந்தரராஜன்-2857669.html
2857668 தருமபுரி கிருஷ்ணகிரி சூளகிரி அருகே யானை தாக்கியதில் மேலும் ஒருவர் பலி DIN DIN Monday, February 5, 2018 08:07 AM +0530 சூளகிரி அருகே சுற்றித் திரியும் ஒற்றை யானை ஞாயிற்றுக்கிழமை மேலும் ஒரு விவசாயியைத் தாக்கி கொன்றது. 
 கூட்டத்திலிருந்து தனியாகப் பிரிந்து வனப் பகுதியில் சுற்றித் திரியும் ஆண் யானை,  கடந்த சில நாள்களாக சூளகிரி வனப் பகுதியில் வயல்வெளிகளில் புகுந்து பயிர்களை துவம்சம் செய்து வருகிறது. இந்த நிலையில்,   சனிக்கிழமை சின்னாறு பகுதியில் பந்தரகுட்டை கிராமத்தைச் சேர்ந்த விவசாயி ராஜப்பாவை (60) தாக்கிக் கொன்றது. இறந்த ராஜப்பாவின் உடலை மீட்க சென்றவரையும் தாக்கியது. 
இந்த நிலையில்,  ஞாயிற்றுக்கிழமை காலை சூளகிரி அருகே உள்ள தேவர்குட்டப்பள்ளியைச் சேர்ந்த விவசாயி முனிராஜ் (60) என்பவர் சின்னாறு நோக்கி நடந்து சென்று கொண்டிருந்தார்.  அப்போது, எதிரே வந்த யானையைப் பார்த்ததும் முனிராஜ் தப்பி ஓடினார்.
ஆனால்,  யானை அவரை துரத்திச் சென்று தும்பிக்கையால் தூக்கி வீசி,  தந்தத்தால் குத்திக் கொன்றது.  அப்போது, அங்கிருந்த பாறை மீது யானையின் தந்தம் மோதி உடைந்துள்ளது.  இதையடுத்து,  யானையை விரட்டும் வரை உயிரிழந்த முனிராஜியின் உடலை எடுக்க விடாமல் காவல்,  வனத் துறையினரிடம் அப் பகுதி மக்கள் வாக்குவாதத்தில் ஈடுபட்டனர்.
மேலும்,  சம்பவ இடத்துக்கு வந்த எம்.எல்.ஏ. முருகனிடம் யானையை விரட்ட வேண்டும் என பொதுமக்கள் கோரிக்கை விடுத்தனர்.  பின்னர், பொதுமக்களைச் சமரசம் செய்த போலீஸார்,  உயிரிழந்த விவசாயியின் உடலை பிரேத பரிசோதனைக்காக மருத்துவமனைக்கு அனுப்பிவைத்தனர்.
 தருமபுரி மண்டல வன பாதுகாவலர் உலகநாதன்,  கிருஷ்ணகிரி மாவட்ட வன அலுவலர் தீபக் பில்கி,  மாவட்ட ஆட்சியர் சி. கதிரவன்,  எஸ்.பி., மகேஷ்குமார் ஆகியோர் சம்பவ இடத்துக்கு வந்தனர்.  இதைத் தொடர்ந்து,  மயக்க ஊசி போட்டு யானையைப் பிடித்து அடர்ந்த வனப் பகுதியில் விட  முடிவு செய்யப்பட்டது. இதற்காக கர்நாடக மாநிலம்,  பன்னார்கட்டாவிலிருந்து டாக்டர் அருண் ஷா மற்றும் ஒசூர் கால்நடை மருத்துவர் பிரகாஷ் ஆகியோர் அடங்கிய குழுவினர் துப்பாக்கி மூலம் யானைக்கு மயக்க ஊசி செலுத்த வனப் பகுதிக்குள் சென்றனர். 
ஆனால்,  ஞாயிற்றுக்கிழமை மாலை 6 மணி வரை யானை தென்படவில்லை.  தொடர்ந்து யானையைப் பிடிப்பதற்கான முயற்சிகள் நடைபெற்று வருகின்றன.

]]>
http://www.dinamani.com/all-editions/edition-dharmapuri/krishnagiri/2018/feb/05/சூளகிரி-அருகே-யானை-தாக்கியதில்-மேலும்-ஒருவர்-பலி-2857668.html
2857667 தருமபுரி கிருஷ்ணகிரி ஒசூர் கெலவரப்பள்ளி அணையிலிருந்து பாசனத்துக்கு தண்ணீர் திறப்பு DIN DIN Monday, February 5, 2018 08:06 AM +0530 ஒசூர் கெலவரப்பள்ளி அணையின் வலது,  இடதுபுற பிரதான கால்வாய்கள் மூலம் 2017-2018-ஆம் ஆண்டுக்கான இரண்டாம் போக பாசனத்துக்கு ஞாயிற்றுக்கிழமை தண்ணீர் திறந்துவிடப்பட்டது.
நிகழ்ச்சியில் தமிழக இளைஞர் நலன் மற்றும் விளையாட்டுத் துறை அமைச்சர் பி.பாலகிருஷ்ணா ரெட்டி பங்கேற்று, அணையிலிருந்து கால்வாய்கள் மூலம் தண்ணீரை திறந்துவைத்து பேசியது:
கெலவரப்பள்ளி அணையின் இடதுபுற பிரதான கால்வாய் மற்றும்  பிரிவு கால்வாய்கள் மூலம் 5,918 ஏக்கரும்,  வலதுபுற பிரதான கால்வாய் மூலம் 2,082 ஏக்கர் நிலங்கள் பாசன வசதி பெறுகின்றன. இதன்மூலம் ஒசூர்  மற்றும்  சூளகிரி  வட்டத்தில் உள்ள 22 கிராமங்கள் பயன்பெறும்.  
தட்டகானப்பள்ளி,  மோரனப்பள்ளி, பெத்தகொல்லு பூதிநத்தம், தொரப்பள்ளி, சாமனப்பள்ளி, பெத்த முத்தாளி    திருச்சிப்பள்ளி, சென்னத்தூர், முத்தாளி, காமன்தொட்டி, அட்டகுறுக்கி, அட்டூர்,  தின்னூர், நல்லகானகொத்தப்பள்ளி,  கதிரேப்பள்ளி,  சுபகிரி, மாருதாண்டப்பள்ளி, மாரசந்திரம், கோனேரிப்பள்ளி,    கொத்தூர், சின்னகொல்லு, உள்ளிட்ட கிராமங்களுக்கு அணையின் நீர் இருப்பு மற்றும் அணைக்கு வரும் நீர் வரத்து ஆகியவற்றை கருத்தில் கொண்டு  90 நாள்களுக்கு சுழற்சி முறையில் முதல் 10 நாள்களுக்கு தொடர்ந்து தண்ணீர் திறந்து விடப்படும்.  பிறகு, 5 நாள்கள் தண்ணீர் திறப்பை நிறுத்தி,  6 நனைப்புகளுக்கு நீர் வழங்கப்படும். 
வலதுபுற பிரதான கால்வாயில் விநாடிக்கு  26 கன அடியும்,  இடதுபுற பிரதான கால்வாயில் விநாடிக்கு 62 கன அடியும் தண்ணீர் வெளியேற்றப்படும்.  அணையின் முழுக் கொள்ளளவு  481.00  க. அடி. விவசாயிகள் தண்ணீரை சிக்கனமாகப் பயன்படுத்தி அதிக விளைச்சல் பெற வேண்டும் என்றார்.
நிகழ்ச்சியில்,  மாவட்ட ஆட்சியர் சி.கதிரவன்,  ஒசூர் சார்-ஆட்சியர் சந்திரகலா ,  பொதுப்பணித் துறை உதவி செயற்பொறியாளர் குமார்,  முன்னாள் கவுன்சிலர் ஜெயப்பிரகாஷ், அதிமுக ஒன்றிய பொருளாளர் சிட்டி ஜெகதீஷ், பிரபாகர் ரெட்டி உள்பட பலர் கலந்து கொண்டனர்.          

]]>
http://www.dinamani.com/all-editions/edition-dharmapuri/krishnagiri/2018/feb/05/ஒசூர்-கெலவரப்பள்ளி-அணையிலிருந்து-பாசனத்துக்கு-தண்ணீர்-திறப்பு-2857667.html
2857666 தருமபுரி கிருஷ்ணகிரி கிருஷ்ணகிரி சுங்க வசூல் மையத்தை மாற்ற கோரி ஆர்ப்பாட்டம் DIN DIN Monday, February 5, 2018 08:06 AM +0530 கிருஷ்ணகிரி சுங்க வசூல் மையத்தை மாற்ற கோரி, நுகர்வோர் சேவை சங்கம் சார்பில் ஞாயிற்றுக்கிழமை போராட்டம் நடைபெற்றது.
ஆர்ப்பாட்டத்துக்கு சங்க நிறுவனர் ராஜேஷ் ஜெயராமன் தலைமை வகித்தார். திராவிடர் விடுதலைக் கழகத்தின் தலைவர் கொளத்தூர் மணி, மாவட்டச் செயலாளர் குமார், துணைச் செயலாளர் வாஞ்சிநாதன், நுகர்வோர் உரிமை பாதுகாப்பு சங்க நிர்வாகி சக்தி மனோகரன், சிறுபான்மை நுகர்வோர் சங்க நிர்வாகி டேனியல் சக்கரவர்த்தி உள்ளிட்டோர் பலர் பங்கேற்றனர்.
கிருஷ்ணகிரி நகரிலிருந்து 5 கிலோ மீட்டருக்குள் அமைக்கப்பட்டுள்ள சுங்க வசூல் மையத்தை மாற்று இடத்துக்கு மாற்ற வேண்டும். 
இந்த சுங்க வசூல் மையத்தால் கிருஷ்ணகிரி மாவட்ட ஆட்சியர் அலுவலகம், மாவட்டக் காவல் கண்காணிப்பாளர் அலுவலகம் உள்ளிட்ட பல்வேறு அரசு அலுவகங்களுக்குச் செல்லும் பொதுமக்களின் வசதியை கருத்தில் கொண்டு இவ் வழியாக பேருந்துகள் எளிதாக கடந்து செல்லும் வகையில் தனி வழிப்பாதை அமைக்க வேண்டும். 
கிருஷ்ணகிரி மாவட்டத்தைச் சேர்ந்த வாகனங்களுக்கு ரூ.5 என்ற கட்டணத்தில் 24 மணி நேரமும் சென்று வரும் வகையில் ரசீது வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் பங்கேற்றோர் முழக்கங்களை எழுப்பினர்.

]]>
http://www.dinamani.com/all-editions/edition-dharmapuri/krishnagiri/2018/feb/05/கிருஷ்ணகிரி-சுங்க-வசூல்-மையத்தை-மாற்ற-கோரி-ஆர்ப்பாட்டம்-2857666.html
2857665 தருமபுரி கிருஷ்ணகிரி ஏப்ரல் முதல் ஒசூரிலிருந்து விமான சேவை: அமைச்சர் பாலகிருஷ்ணா ரெட்டி DIN DIN Monday, February 5, 2018 08:06 AM +0530 ஒசூரிலிருந்து வரும் ஏப்ரலில் விமான சேவை தொடங்கும் என அமைச்சர் பி.பாலகிருஷ்ணா ரெட்டி தெரிவித்தார். 
ஒசூரில் ஹோஸ்டியா சங்கம் சார்பில், தமிழக அரசுக்கு நன்றி தெரிவிக்கும் விழா, சிறு மற்றும் குறுந்தொழில் சங்கத்தின் குடும்ப விழா பாகலூர் சாலையில் ஞாயிற்றுக்கிழமை ஹோஸ்டியா சங்கத் தலைவர் வெற்றி.ஞானசேகரன் தலைமையில் நடைபெற்றது. ஒசூரில் இருந்து விமான சேவை ஏப்ரல் மாதம் தொடங்கப்படும். இதுதொடர்பாக மத்திய அமைச்சரிடம் பேசி உறுதி செய்தேன். ஒசூர்-  பெங்களூரு இரட்டை நகரமாக்கும் திட்டத்தின் கீழ் மத்திய அரசு பாரத் மாலா திட்டத்தில் ரூ.10 ஆயிரம் கோடியில் ஒசூர்- பெங்களூரைச் சுற்றி தேசிய நெடுஞ்சாலை அமைக்கும் திட்டம் அமல்படுத்தப்படவுள்ளது. இதில் கர்நாடக மாநிலம் ஆனேக்கல், பேளகொண்டப்பள்ளி விமான நிலையம், பேரண்டப்பள்ளி, பேரிகை, சர்ஜாபுரம் வழியாக தேசிய நெடுஞ்சாலை அமையும். 2 ஆயிரம் நிலப்பரப்பில் 3-ஆவது சிப்காட் விரைவில் தொடங்கப்படும். சூசூவாடி முதல் பேரண்டப்பள்ளி வரை வெளிவட்டச் சாலை விரைவில் அமைக்கப்படும் என்றார்.
விழாவில் மாவட்ட ஆட்சியர் சி.கதிரவன் பேசியது: அடுத்த 5 ஆண்டுகளில் ஒசூரும், பெங்களூரும் இரட்டை நகரங்களாக உருவெடுக்கும். இதற்குத் தேவையான அடிப்படை கட்டமைப்பு வசதிகள் மேம்படுத்தப்படும். விரைவில் வர்த்தக மையம் தொடங்கப்படும் என்றார்.   
"ஒசூர் நகராட்சி தொழில்சாலைக்கு ஒரு எச்பி மின்சாரத்திற்கு ரூ.30 ஆக இருந்த தொழில் வரியை ரூ.300 ஆக உயர்த்தியுள்ளதை குறைக்க நடவடிக்கை எடுக்க வேண்டும்'என ஹோஸ்டியா சங்கத்தின் தலைவர் வெற்றி.ஞானசேகரன் கேட்டுக் கொண்டார். விழாவில் ஹோஸ்டியா சங்கத்தின் செயலாளர் பத்மநாபன்,  சங்கத்தின் முன்னாள் தலைவர் தனசேகரன், முன்னாள் கவுன்சிலர் ஜெயபிரகாஷ், வட்டாட்சியர் பூசன்குமார் உள்ளிட்ட பலர் கலந்து கொண்டன்.

]]>
http://www.dinamani.com/all-editions/edition-dharmapuri/krishnagiri/2018/feb/05/ஏப்ரல்-முதல்-ஒசூரிலிருந்து-விமான-சேவை-அமைச்சர்-பாலகிருஷ்ணா-ரெட்டி-2857665.html
2857664 தருமபுரி கிருஷ்ணகிரி ஒசூரில் அம்ருத் திட்ட பணிகள் தொடக்கம் DIN DIN Monday, February 5, 2018 08:06 AM +0530 மத்திய அரசின் அம்ருத் திட்டத்தில் ஒசூரை மேம்படுத்தவும், பசுமை நகராக மாற்றும் வகையில் அம்ருத் திட்டத்தின் கீழ் ரூ.2.72 கோடி மதிப்பிலான பணிகளை அமைச்சர் பா.பாலகிருஷ்ணா ரெட்டி ஞாயிற்றுக்கிழமை தொடக்கிவைத்தார்.
ஒசூர் நகராட்சி 8-ஆவது வார்டு சாமுண்டி நகர், 10 வது வார்டு ரெயின்போ கார்டன், 11 வது வார்டு தென்றல் நகர், 38 வது வார்டு பாரதிதாசன் நகர், 41 வது வார்டு மஞ்சு ஸ்ரீ நகர் ஆகிய 5 இடங்களில் அம்ருத் திட்டம் 2017-2018 திட்டத்தின் கீழ்  பூங்கா மேம்பாட்டு பணிகளுக்காக பூமி பூஜை செய்து பணிகளை தொடக்கிவைத்து அமைச்சர் பேசியது:
ஒசூர் நகரை பசுமை நகராக மாற்றும் வகையில் 5 இடங்களில் பொதுமக்கள் பயன் பெறும் வகையில் அம்ருத் திட்டத்தின்  பூங்காஅமைக்கும் பணிகள் தொடங்கப்பட்டுள்ளன. பொதுமக்கள் பூங்காங்களை நல்ல முறையில் பயன்படுத்தி கொள்ள வேண்டும். இதேபோல ரெயின்போ காலனியில் சாலை வசதி செய்து தரப்படும் என்றார்.
நிகழ்ச்சியில் ஒசூர் நகராட்சி ஆணையாளர் செந்தில்முருகன்,  நகராட்சி பொறியாளர் கார்த்திகேயன், தருமபுரி கூட்டுறவு ஒன்றிய தலைவர் நாராயணன், முன்னாள் நகர் மன்ற உறுப்பினர்கள் வாசுதேவன், நந்தகுமார், கூட்டுறவு சங்க நிர்வாகி பிரபாகர்ரெட்டி, நகரச் செயலாளர் பால்நாராயணன், ஒன்றிய பொருளாளர் சிட்டிஜெகதீஸ் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-dharmapuri/krishnagiri/2018/feb/05/ஒசூரில்-அம்ருத்-திட்ட-பணிகள்-தொடக்கம்-2857664.html
2857663 தருமபுரி கிருஷ்ணகிரி கிருஷ்ணகிரியில் மு.க.ஸ்டாலினுக்கு உற்சாக வரவேற்பு DIN DIN Monday, February 5, 2018 08:05 AM +0530 கிருஷ்ணகிரிக்கு ஞாயிற்றுக்கிழமை இரவு வந்த திமுக செயல் தலைவர் மு.க.ஸ்டாலினுக்கு அக் கட்சியினர் உற்சாக வரவேற்பு அளித்தனர்.
தருமபுரியில் திங்கள்கிழமை நடைபெற்ற உள்ள திருமண விழாவில் பங்கேற்பதற்காக ஞாயிற்றுக்கிழமை இரவு கிருஷ்ணகிரி வந்தார். அவருக்கு கிருஷ்ணகிரி திமுக கிழக்கு மாவட்ட பொறுப்பாளர் டி.செங்குட்டுவன் எம்எல்ஏ, மேற்கு மாவட்டச் செயலாளர் ஒய்.பிரகாஷ் எம்எல்ஏ, தருமபுரி மாவட்டச் செயலாளர் தடங்கம் சுப்பிரமணி எம்எல்ஏ மற்றும் எம்எல்ஏ-க்கள் முருகன், பனைமரத்துப்பட்டி ராஜேந்திரன் மற்றும் கட்சி நிர்வாகிகள்,  தொண்டர்கள் உற்சாக வரவேற்பு அளித்தனர்.
கிருஷ்ணகிரியில் உள்ள தமிழ்நாடு ஹோட்டலில் ஞாயிற்றுக்கிழமை இரவு தங்கும் அவர், திங்கள்கிழமை தருமபுரியில் நடைபெறும் திருமண நிகழ்ச்சியில் பங்கேற்கிறார்.
 

]]>
http://www.dinamani.com/all-editions/edition-dharmapuri/krishnagiri/2018/feb/05/கிருஷ்ணகிரியில்-முகஸ்டாலினுக்கு-உற்சாக-வரவேற்பு-2857663.html
2857662 தருமபுரி கிருஷ்ணகிரி ஒசூர் தனியார் தொழிற்சாலையில் ரூ.90 லட்சம் முறைகேடு DIN DIN Monday, February 5, 2018 08:05 AM +0530 ஒசூர் முதலாவது சிப்காட்டில் தனியார் தொழிற்சாலையில் ரூ.90 லட்சம் முறைகேடு செய்யப்பட்டுள்ளதாக அந்த நிறுவன நிதி மேலாளர் மீது காவல் நிலையத்தில் புகார் செய்யப்பட்டுள்ளது.
ஒசூர் முதலாவது சிப்காட்டில் சூசூவாடியில் நான்கு சக்கர வாகனங்களை தயாரிக்கும் தனியார் தொழிற்சாலை ஒன்று செயல்பட்டு வருகிறது. இந்த தொழிற்சாலையில் சென்னை அண்ணா நகரைச் சேர்ந்த கல்யாண் (50) மனித வளத் துறை மேலாளராகப் பணிபுரிந்து வருகிறார். இவர் ஒசூர் சிப்காட் காவல் நிலையத்தில் ஒரு புகார் அளித்துள்ளார்.
அதில் கர்நாடக மாநிலம், அத்திப்பள்ளியைச் சேர்ந்த சீனிவாசலு (37) எங்கள் நிறுவனத்தில் நிதி மேலாளராக வேலை செய்து வருகிறார். இந்த நிலையில், கடந்த 1.4.2017 முதல் 31.12.2017 வரையில் எங்கள் நிறுவன கணக்குகளை சரி பார்த்த போது ரூ.90 லட்சத்து 70 ஆயிரத்து 772 தொகை முறைகேடாக மோசடி செய்யப்பட்டுள்ளது தெரிய வந்தது.இதுதொடர்பாக விசாரணை நடத்தி உரிய நடவடிக்கை எடுக்க வேண்டும் என அதில் குறிப்பிட்டுள்ளார். 
அதன் பேரில் ஒசூர் சிப்காட் போலீஸார் விசாரித்து மோசடி உள்ளிட்ட பிரிவுகளின் கீழ் சீனிவாசலு மீது வழக்குப் பதிவு செய்துள்ளார். தொடர்ந்து விசாரணை நடைபெற்று வருகிறது.

]]>
http://www.dinamani.com/all-editions/edition-dharmapuri/krishnagiri/2018/feb/05/ஒசூர்-தனியார்-தொழிற்சாலையில்-ரூ90-லட்சம்-முறைகேடு-2857662.html
2857661 தருமபுரி கிருஷ்ணகிரி முட்டைகோஸை தாக்கும் அந்துப்பூச்சியை கட்டுப்படுத்த யோசனை DIN DIN Monday, February 5, 2018 08:05 AM +0530 கிருஷ்ணகிரி மாவட்டத்தில் சாகுபடி செய்யப்படும் முட்டைகோஸ் பயிரைத் தாக்கும் அந்துப்பூச்சிகளைக் கட்டுப்படுத்துவது குறித்து விவசாயிகளுக்கு செயல்விளக்கம் அளிக்கப்பட்டது.
கிருஷ்ணகிரி மாவட்டத்தில் 950 ஹெக்டேர் பரப்பளவில் முட்டைகோஸ் சாகுபடி செய்யப்படுகிறது. இந்த தோட்டக்கலைப் பயிரை வைர முதுகு அந்துப்பூச்சிகள் தாக்கப்படுவதால் மகசூல் பெரிதும் பாதிக்கப்படுகிறது. அந்துப்பூச்சியின் புழுக்கள் முட்டைகோஸின் இளம் இலைகளையும், குருத்துகளையும் தாக்குகின்றன. 
இந்த இளம் புழுக்கள், இலைகளை துளையிட்டு பச்சையத்தை சுரண்டுகின்றன.மேலும், வளர்ந்த புழுக்கள், இலைகளை துளையிட்டு சேதப்படுத்தும். மகசூலை பெரிதும் பாதிக்கும் இந்த அந்துப்பூச்சியைக் கட்டுப்படுத்துவது குறித்து, கிருஷ்ணகிரி மாவட்டம், சூளகிரி அருகே உள்ள லாலிகல் கிராமத்தில் விவசாயிகளுக்கு செயல் விளக்கம் அளிக்கப்பட்டது. 
கிருஷ்ணகிரியை அடுத்த எலுமிச்சங்கிரியில் உள்ள வேளாண் அறிவியல் மையத்தின் தலைவர் தோ.சுந்தராஜ், விவசாயிகளுக்கு இந்த செயல்விளக்கத்தை அளித்தார். முட்டைகோஸ் பயிர்களுக்கு இடையே கவர்ச்சி பயிராக கடுகு பயிரை பயிரிடலாம். கடுகு பயிருக்கு மட்டும் டைக்குளோர்வாஸ் 0.076 சதவீதம் தெளித்து புழுக்களின் நடமாட்டத்தை கட்டுப்படுத்தலாம். 
இனக்கவர்ச்சி பொறியை ஹெக்டேருக்கு 12 வைக்கலாம். இனக்கவர்ச்சி பொறியை எவ்வாறு பயன்படுத்துவது குறித்தும் விளக்கம் அளிக்கப்பட்டது. பயிர் சுழற்சி முறையில் பூசனி, தர்பூசணி, தக்காளி, அவரை போன்ற பயிர்களை சாகுபடி செய்யலாம். 

]]>
http://www.dinamani.com/all-editions/edition-dharmapuri/krishnagiri/2018/feb/05/முட்டைகோஸை-தாக்கும்-அந்துப்பூச்சியை-கட்டுப்படுத்த-யோசனை-2857661.html
2857035 தருமபுரி கிருஷ்ணகிரி ரெளடி கொலை வழக்கில் 3 பேர் நீதிமன்றத்தில் சரண் DIN DIN Sunday, February 4, 2018 02:50 AM +0530 ஒசூரில் ரெளடி கொலை செய்யப்பட்ட வழக்கில் 3 பேர் கிருஷ்ணகிரி நீதிமன்றத்தில் சனிக்கிழமை சரணடைந்தனர்.
ஒசூர் சமத்துவபுரத்தைச் சேர்ந்தவர் சேட்டு. இவர் ராம் நகரில் உணவகம் நடத்தி வந்தார். பல்வேறு குற்ற வழக்குகளில் தொடர்புடைய இவர் சூளகிரி அருகே அண்மையில் கொலை செய்யப்பட்டார். இதுதொடர்பாக ஒசூர் அட்கோ போலீஸார் மேற்கொண்ட விசாரணையில், ரெளடி கொற கோபியின் கோஷ்டியினர் இக் கொலையை செய்தது தெரியவந்தது. இதையடுத்து அவர்களை போலீஸார் தேடி வந்தனர்.
இந்த நிலையில், ஒசூர் ராம் நகரைச் சேர்ந்த ரெளடி கொற கோபி, கடந்த மாதம் 25-ஆம் தேதி தருமபுரி நீதிமன்றத்தில் சரணடைந்தார். சேலம் சிறையில் அடைக்கப்பட்ட அவரை, போலீஸார் 2 நாள்கள் காவலில் எடுத்து விசாரித்து மீண்டும் சிறையில் அடைத்தனர்.
இக் கொலை தொடர்பாக கொற கோபியின் ஆதரவாளரான ராஜா(எ) தொப்பி ராஜைவை கடந்த சில நாள்களுக்கு முன்பு போலீஸார் கைது செய்தனர். இந்த நிலையில், ஒசூர் ராம் நகரைச் சேர்ந்த ராஜேஷ்(33), பிரிவின்(31), நிரேஷ்(34) ஆகிய 3 பேரும் கிருஷ்ணகிரி குற்றவியல் நடுவர் நீதிமன்றம் எண்- 2-இல் நீதிபதி ஜெயபிரகாஷ் முன்னிலையில் சரணடைந்தனர்.
அவர்களை பிப்.6-ஆம் தேதி வரை நீதிமன்ற காவலில் வைக்க நீதிபதி உத்தரவிட்டார். இதையடுத்து, அவர்கள் மூவரும் சேலம் சிறையில் அடைக்கப்பட்டனர்.

 

]]>
http://www.dinamani.com/all-editions/edition-dharmapuri/krishnagiri/2018/feb/04/ரெளடி-கொலை-வழக்கில்-3-பேர்-நீதிமன்றத்தில்-சரண்-2857035.html