Dinamani - கிருஷ்ணகிரி - http://www.dinamani.com/all-editions/edition-dharmapuri/krishnagiri/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3022610 தருமபுரி கிருஷ்ணகிரி ஆயுத பூஜையையொட்டி சாமந்தி பூ விலை உயர்வு DIN DIN Thursday, October 18, 2018 08:05 AM +0530 ஆயுத பூஜையையொட்டி, கிருஷ்ணகிரி மாவட்டத்தில் சாமந்தி பூவின் விலை உயர்ந்துள்ளது. இந்த திடீர் விலையேற்றதால் விவசாயிகள் மகிழ்ச்சி அடைந்துள்ளனர்.
விழாக் காலங்களைக் கருத்தில் கொண்டு கிருஷ்ணகிரி மாவட்டத்தில் அதிக எண்ணிக்கையிலான விவசாயிகள் மலர் சாகுபடியில் ஈடுபட்டு வருகின்றனர். குறிப்பாக ராயக்கோட்டை மற்றும் அதைச் சுற்றியுள்ள கிராமங்களான ஆலப்பட்டி, பூவத்தி, கிருஷ்ணகிரி உள்ளிட்ட 100-க்கும் மேற்பட்ட கிராமங்களில் ஆயுத பூஜையையொட்டி, மஞ்சள் சாமந்தி, வெள்ளை சாமந்தி பூ சாகுபடியில் ஆயிரத்துக்கும் மேற்பட்ட ஹெக்டேர் பரப்பளவில் விவசாயிகள் ஈடுபட்டிருந்தனர்.
இந்த நிலையில், கடந்த இரு நாள்களாக மழை இல்லாததால் சாமந்தி பூக்கள் நன்கு மலர்வதற்கான சூழ்நிலை இருக்கிறது.
இதனால், தரமான பூக்கள் அறுவடை செய்ததாலும் பூக்களின் விலை உயர்ந்துள்ளதாலும் விவசாயிகள் மகிழ்ச்சி அடைந்தனர்.
கடந்த வாரம் கிலோ சாமந்தி பூவின் விலை ரூ. 10 முதல் ரூ. 25 வரையில் இருந்த நிலையில், புதன்கிழமை அன்று ராயக்கோட்டை சந்தையில் சாமந்தி பூவின் விலை தரத்துக்கு ஏற்ப கிலோ ரூ. 100 முதல் ரூ. 150 வரையில் உயர்ந்தது. இதனால், விவசாயிகள் மகிழ்ச்சி அடைந்தனர்.
ஆயுதபூஜை, சரஸ்வதி பூஜையையொட்டி, ராயக்கோட்டை சந்தையில் கிருஷ்ணகிரி மாவட்டத்தைச் சேர்ந்த வியாபாரிகள் மட்டுமல்லாமல் தருமபுரி, கோவை, ஈரோடு, சென்னை, திருச்சி, மதுரை மற்றும் ஆந்திரம், கர்நாடகம் ஆகிய மாநிலங்களைச் சேர்ந்த வியாபாரிகளும் ஆர்வத்துடன் சாமந்தி பூக்களை அதிக விலை கொடுத்து வாங்கி சென்றனர்.
சில வியாபாரிகள் சாமந்தி சாகுபடி செய்யப்பட்டுள்ள கிராமத்துக்கு நேரில் சென்று விவசாயிகளிடமிருந்த சாமந்தி பூக்களை கொள்முதல் செய்தனர்.

]]>
http://www.dinamani.com/all-editions/edition-dharmapuri/krishnagiri/2018/oct/18/ஆயுத-பூஜையையொட்டி-சாமந்தி-பூ-விலை-உயர்வு-3022610.html
3022609 தருமபுரி கிருஷ்ணகிரி ஒகேனக்கல்லுக்கு நீர்வரத்துக் குறைவு DIN DIN Thursday, October 18, 2018 08:05 AM +0530 ஒகேனக்கல் காவிரி ஆற்றில் வரும் நீரின் அளவு குறைந்து, நொடிக்கு 12 ஆயிரம் கனஅடியாக வந்து கொண்டிருக்கிறது. செவ்வாய்க்கிழமை காலை நிலவரப்படி நொடிக்கு 10 ஆயிரம் கனஅடியாகவும், மாலை நிலவரப்படி தண்ணீரின் அளவு அதிகரித்து நொடிக்கு 13ஆயிரம் கனஅடியாக தண்ணீர் தமிழக-கர்நாடக எல்லையான பிலிகுண்டுலு வழியாக ஒகேனக்கல்லுக்கு வந்து கொண்டிருந்தது. 
மேலும் புதன்கிழமை காலை 7 மணி நிலவரப்படி தண்ணீரின் அளவு குறைந்து நொடிக்கு 12 ஆயிரம் கனஅடியாக வந்து கொண்டிருக்கிறது. 

]]>
http://www.dinamani.com/all-editions/edition-dharmapuri/krishnagiri/2018/oct/18/ஒகேனக்கல்லுக்கு-நீர்வரத்துக்-குறைவு-3022609.html
3022608 தருமபுரி கிருஷ்ணகிரி அதிமுக ஆண்டு தொடக்க விழா DIN DIN Thursday, October 18, 2018 08:04 AM +0530 ஊத்தங்கரையில் அதிமுக கட்சியின் 47-ஆவது ஆண்டு தொடக்க விழா புதன்கிழமை நடைபெற்றது.
நிகழ்ச்சிக்கு ஊத்தங்கரை ஒன்றியச் செயலாளர் ஏ.சி. தேவேந்திரன் தலைமை வகித்தார். மாநில நில வள வங்கித் தலைவர் சாகுல்அமீது, நகரச் செயலாளர் பி.கே. சிவானந்தம், தொகுதிச் செயலாளர்  திருஞானம், ஒன்றிய விவசாய  அணிச் செயலாளர் வேங்கன் ஆகியோர் முன்னிலை வகித்தனர். ஊத்தங்கரை சட்டப்பேரவைத் தொகுதி உறுப்பினர் மனோரஞ்சிதம் நாகராஜ் கலந்து கொண்டு ஊத்தங்கரை நான்குமுனை சந்திப்பில் உள்ள எம்.ஜி.ஆர். உருவச் சிலைக்கு மாலை அணிவித்து மரியாதை செலுத்தி இனிப்பு வழங்கினார். சிங்காரப்பேட்டை தொடக்க வேளாண்மை கூட்டுறவு சங்கத் தலைவர் சங்கரநாராயணன்,காரப்பட்டு தொடக்க வேளாண்மை கூட்டுறவு சங்க தலைவர் பண்டரிநாதன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/18/அதிமுக-ஆண்டு-தொடக்க-விழா-3022608.html
3022607 தருமபுரி கிருஷ்ணகிரி கண்கள் தானம் DIN DIN Thursday, October 18, 2018 08:04 AM +0530 ஒசூர் சிறு மற்றும் குறுந்தொழில்சாலைகள் சங்கத்தின் முன்னாள் தலைவர் ஞானசேகரன். அவருடைய தந்தை வெற்றிவேல் உடல் நலக்குறைவு காரணமாக புதன்கிழமை மரணம் அடைந்தார்.
அவருடைய இரு கண்களை தானமாகக் கொடுக்க ஞானசேகரனின் குடும்பத்தினர் முன் வந்தனர். இதையடுத்து பெங்களூரு நாராயணா நேத்ராலயா கண் மருத்துவமனைக்குத் தகவல் தெரிவிக்கப்பட்டு மருத்துவர்களிடம் வெற்றிவேலின் 2 கண்களும் தானமாக  அளிக்கப்பட்டன .

]]>
http://www.dinamani.com/all-editions/edition-dharmapuri/krishnagiri/2018/oct/18/கண்கள்-தானம்-3022607.html
3022606 தருமபுரி கிருஷ்ணகிரி தொழில் நல்லுறவு பரிசுத் திட்ட விருதுக்கு விண்ணப்பிக்கலாம் DIN DIN Thursday, October 18, 2018 08:03 AM +0530 தொழில் நல்லுறவு பரிசுத் திட்டத்தில் விருது பெற விண்ணப்பங்கள் வரவேற்கப்படுகின்றன.
இதுகுறித்து, கிருஷ்ணகிரி தொழிலாளர் உதவி ஆணையர் திருநந்தன், புதன்கிழமை வெளியிட்ட செய்திக் குறிப்பு:
வேலையளிப்பவர்கள் மற்றும் தொழிலாளர்களுக்கு இடையே தொழில் அமைதியும், நல்ல தொழில் உறவும் நிலவுவதை ஊக்குவிக்கும் வகையில், தமிழக அரசு தொழில் நல்லுறவு பரிசுத் திட்டத்தை செயல்படுத்தி உள்ளது.
நல்ல தொழில் உறவினைப் பேணி பாதுகாக்கும் வேலையளிப்பவர்கள் மற்றும் தொழிற்சங்கங்களுக்கு 2017-ஆம் ஆண்டிற்கான சிறப்பு விருதுகளை உயர் நீதிமன்ற ஓய்வு பெற்ற நீதிபதியின் தலைமையில் அமைக்கப்பட்ட ஒரு முத்தரப்புக் குழு தேர்வு செய்யும்.
இந்த விருதுக்குரிய விண்ணப்பங்களை தொழிலாளர் துறையின் வலைதளத்திலிருந்து பதிவிறக்கம் செய்து விண்ணப்பிக்கலாம். அல்லது இந்த விண்ணப்பங்களை அந்தந்த மாவட்டத்தில் உள்ள தொழிலாளர் உதவி ஆணையர் அலுவலகம், தொழிலாளர் துணை அணையர் (சமரசம்) அலுவலகம், வட்டாரத் தொழிலாளர் இணை ஆணையர் அலுவலகங்கள், தொழிலக பாதுகாப்பு மற்றும் சுகாதார உதவி இயக்குநர் அலுவலகங்கள் மற்றும் சென்னை தேனாம்பேட்டை டி.எம்.எஸ். வளாகத்தில் உள்ள தொழிலாளர் ஆணையர் அலுவலகத்திலிருந்தும் பெற்றுக் கொள்ளலாம்.
நிறைவு செய்யப்பட்ட விண்ணப்பத்துடன் விண்ணப்பக் கட்டணம் செலுத்திய விவரத்தினையும் இணைத்து சென்னை தொழிலாளர் ஆணையர் அலுவலகத்துக்கு அக்.31-ஆம் தேதிக்குள் வந்து அனுப்பி வைக்க வேண்டும் என அதில் அவர் தெரிவித்துள்ளார்.
 

]]>
http://www.dinamani.com/all-editions/edition-dharmapuri/krishnagiri/2018/oct/18/தொழில்-நல்லுறவு-பரிசுத்-திட்ட-விருதுக்கு-விண்ணப்பிக்கலாம்-3022606.html
3022605 தருமபுரி கிருஷ்ணகிரி தடகள போட்டிகளில் வென்றவர்களுக்குப் பாராட்டு DIN DIN Thursday, October 18, 2018 08:03 AM +0530 கிருஷ்ணகிரி மாவட்டம் ஒசூர் மகரிஷி வித்யா மந்திர் மெட்ரிக் மேல்நிலைப்பள்ளியில், சேலம் மண்டல அளவிலான தடகள விளையாட்டுப் போட்டிகளில் வெற்றி பெற்ற மாணவ, மாணவியருக்கு பரிசுகள் மற்றும் பாராட்டு சான்றிதழ்களை இளைஞர் நலன் மற்றும் விளையாட்டுத்துறை அமைச்சர் பாலகிருஷ்ணா ரெட்டி புதன்கிழமை வழங்கினார்.
நிகழ்ச்சிக்கு மாவட்ட ஆட்சியர் எஸ். பிரபாகர் தலைமை வகித்தார்.  முன்னதாக சேலம் சங்ககிரி, கிருஷ்ணகிரி, தருமபுரி ஆகிய கல்வி மாவட்டங்களிலிருந்து 500 மேற்பட்ட மாணவர்கள் கலந்து கொண்டு விளையாடினர். 
ஓட்டப் பந்தயம், ஈட்டி எறிதல், கைபந்து போட்டி, 1,500 மீட்டர் ஓட்டப் பந்தயம், குண்டு எறிதல் போட்டியில் வெற்றி பெற்ற மாணவர்களுக்கு அமைச்சர் கேடயம் மற்றும் பாராட்டு சான்றிதழ்களை வழங்கினார்.
நிகழ்ச்சியில் ஒசூர் கோட்டாட்சியர் விமல்ராஜ், மகரிஷி பள்ளிச் செயலாளர்கள் லோகநாதன், வெங்கடரமணன், ஆடிட்டர் மணி, பள்ளி முதல்வர் சைலாபாலாஜி, மாவட்ட உடற் கல்வி ஆய்வாளர் வளர்மதி, மற்றும் பலர் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/18/தடகள-போட்டிகளில்-வென்றவர்களுக்குப்-பாராட்டு-3022605.html
3022604 தருமபுரி கிருஷ்ணகிரி வாக்குப் பதிவை உறுதிப்படுத்தும் இயந்திரம் விரைவில் பொதுமக்களுக்கு செயல்விளக்கம் DIN DIN Thursday, October 18, 2018 08:02 AM +0530 கிருஷ்ணகிரி மாவட்டத்தில் உள்ள அனைத்து வட்டாட்சியர் அலுவலகங்களிலும் பொதுமக்களுக்கு வாக்குப் பதிவை உறுதிப்படுத்தும் இயந்திரத்தின் செயல்பாடு குறித்து செயல் விளக்கம் செய்து காண்பிக்கப்படும் என கிருஷ்ணகிரி மாவட்ட ஆட்சியர் சு. பிரபாகர் தெரிவித்தார்.
கிருஷ்ணகிரியை அடுத்த பையனப்பள்ளியில் உள்ள அரசு மதுபான கிடங்கு வளாகத்தில் கிருஷ்ணகிரி மாவட்டத்துக்கு ஒதுக்கீடு செய்யப்பட்டுள்ள 2,460 வாக்குப் பதிவை உறுதிப்படுத்தும் இயந்திரத்தை சரிபார்க்கும் பணி, புதன்கிழமை தொடங்கியது.
இந்தப் பணியை பெங்களூருவைச் சேர்ந்த பெல் நிறுவனத்தைச் சேர்ந்த 11 பொறியாளர்கள் மேற்கொண்டனர். 7 நாள்கள் நடைபெறும் இந்தப் பணிகளின்போது 40 வருவாய்த் துறையினர் உடனிருப்பர். 
இந்த நிலையில், கிருஷ்ணகிரி மாவட்ட ஆட்சியர் சு. பிரபாகர், இந்தப் பணியை புதன்கிழமைஆய்வு செய்தார். அப்போது அவர் தெரிவித்தது:கிராமங்களில் உள்ள வாக்காளர்களுக்கு இந்த இயந்திரத்தின் செயல்பாடு குறித்து விழிப்புணர்வு இல்லை. எனவே, தேர்தலுக்கு முன்பாக ஒவ்வொரு வட்டாட்சியர் அலுவலகத்திலும் இந்த இயந்திரத்தின் செயல்பாடு குறித்து விளக்கம் அளிக்கப்பட உள்ளது.
மேலும், ஒவ்வொரு கிராமத்துக்கும் சென்று, இந்த இயந்திரம் குறித்து கிராம மக்களிடம் விழிப்புணர்வு ஏற்படுத்தப்படும். இதற்கு இந்திய தேர்தல் ஆணையத்தால் அங்கீகரிக்கப்பட்ட அரசியல் கட்சியினர் வரவேற்பு அளித்துள்ளதாக அவர் தெரிவித்தார்.
அப்போது, முதல்நிலை சரிபார்ப்பு மேற்பார்வையாளர் ராமலிங்கம், வட்டாட்சியர் (தேர்தல்) தணிகாசலம் மற்றும் இந்திய தேர்தல் ஆணையத்தால் அங்கீகரிக்கப்பட்ட அரசியல் கட்சிகளின் பிரதிநிதிகள் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/18/வாக்குப்-பதிவை-உறுதிப்படுத்தும்-இயந்திரம்-விரைவில்-பொதுமக்களுக்கு-செயல்விளக்கம்-3022604.html
3022603 தருமபுரி கிருஷ்ணகிரி ஊத்தங்கரையில் அக்.21 இல் மினி மாரத்தான் DIN DIN Thursday, October 18, 2018 08:02 AM +0530 பணியில் இறந்த காவலர்களுக்கு வீர வணக்கம் செலுத்தும் வகையில் காவல்துறை, பொதுமக்கள் இணைந்து அக்.21 இல் காலை 6 மணிக்கு மினி மாரத்தான் ஓட்டம்  ஊத்தங்கரையில் நடைபெறவுள்ளது.
நிகழ்ச்சிக்கு காவல் துணைக் கண்காணிப்பாளர் பி.எம். தங்கவேலு தலைமை வகிக்கிறார். ஊத்தங்கரை அரசு மருத்துவமனை தலைமை மருத்துவ அலுவலர் கோ. மாரிமுத்து முன்னிலை வகிக்கிறார். சிறப்பு அழைப்பாளராக ஊத்தங்கரை குற்றவியல் நீதித்துறை நடுவர் டி. ராஜேஷ்ராஜிவ் கொடியசைத்துத் துவக்கி வைக்கிறார். மினி மாரத்தான் ஓட்டத்தில் கலந்து கொள்ள விருப்பம்  உள்ளவர்கள் வரும் 20 ஆம் தேதி மாலை 6 மணிக்குள் தங்களது பெயர்களை  ஊத்தங்கரை  காவல் நிலையத்தில் சென்று பதிவு செய்து கொள்ளலாம்.
ஓட்டத்தில் கலந்து கொள்ள வயது வரம்பு இல்லை. ஆண், பெண் இருபாலரும் கலந்து கொள்ளலாம். முதல் மூன்று இடங்களைப் பிடிப்பவர்களுக்கு சிறப்புப் பரிசுகள் வழங்கப்படும். மேலும் ஆறுதல் பரிசு 10 பேருக்கு வழங்கப்படும்.
போட்டியில் கலந்து கொண்டு இலக்கை எட்டிய அனைவருக்கும் சான்றிதழ்கள் வழங்கப்படும். ஊத்தங்கரை நீதிமன்ற வளாகம் எதிரில்  போட்டி துவங்கும். மேலும் விவரங்களுக்கு காவல் உதவி ஆய்வாளர் ச. அன்பழகன் செல்லிடப்பேசி  எண்ணை-9498173386 தொடர்பு கொள்ளலாம்.

]]>
http://www.dinamani.com/all-editions/edition-dharmapuri/krishnagiri/2018/oct/18/ஊத்தங்கரையில்-அக்21-இல்-மினி-மாரத்தான்-3022603.html
3022602 தருமபுரி கிருஷ்ணகிரி வன்கொடுமை தடுப்புச் சட்டத்தில் அரசுப் பள்ளி ஆசிரியை உள்பட இருவர் கைது DIN DIN Thursday, October 18, 2018 08:02 AM +0530 போச்சம்பள்ளி அருகே வன்கொடுமைத் தடுப்புச் சட்டத்தின் கீழ் அரசுப் பள்ளி ஆசிரியை மற்றும் அவரது கணவரை பாரூர் போலீஸார் கைது செய்தனர்.
கிருஷ்ணகிரி மாவட்டம், போச்சம்பள்ளியை அடுத்த பண்ணந்தூர் அருகே ஆத்துகொல்லை கிராமத்தைச் சேர்ந்தவர் சம்பத். இவரது மனைவி சரவணி (47). இவர், பண்ணந்தூர் அரசுப் பள்ளியில் உதவி தலைமை ஆசிரியராகப் பணியாற்றி வருகிறார். இவர்களது மகன் நவீன் (எ) நவீன்குமார் (27).
இவர், தன்னுடன் படித்த வாடமங்கலம் கிராமத்தைச் சேர்ந்த பிரபாகரன் (27) என்பவரிடம் அரசு வேலை வாங்கித் தருவதாக கடந்த 3 ஆண்டுகளுக்கு முன்பு ரூ. 4 லட்சம் பணம்  வாங்கினார்.
நவீன் தொடர்ந்து காலம் தாழ்த்தி வந்ததால், சந்தேகமடைந்த பிரபாகரன், பணத்தை திருப்பி தர வலியுறுத்தி வந்தார். இந்நிலையில், கடந்த சில மாதங்களுக்கு முன்பு பிரபாகரன் தனது தந்தை முருகேசனுடன் சேர்ந்து பணத்தை கேட்க, நவீன் வீட்டுக்குச் சென்றார்.
அங்கு நவீன் இல்லாததால், வீட்டில் இருந்த சம்பத், ஆசிரியை சரவணியிடம் பணத்தைத் திருப்பி தரக் கேட்டனர்.
அப்போது, இருதரப்பினருக்கு இடையே வாக்குவாதம் ஏற்பட்டது. இதில் ஆத்திரமடைந்த சரவணி, சம்பத் ஆகியோர் பிரபாகரனை ஆபாச வார்த்தைகளிலும், ஜாதி பெயரை கூறிய திட்டினராம்.
இதனால் மனமுடைந்த பிரபாகரன் நவீன் வீட்டின் முன் பூச்சி மருந்து குடித்து தற்கொலைக்கு முயன்றார். 
அவரை மீட்ட அவரது தந்தை, தருமபுரி அரசு மருத்துவக் கல்லூரி மருத்துவமனையில் சிகிசைக்காக அனுமதித்தார். சிகிச்சை பெற்று வந்த பிரபாகரன் பாரூர் போலீஸாரிடம் புகார் அளித்தார்.
இதுதொடர்பாக பர்கூர் டிஎஸ்பி தங்கவேல், வன்கொடுமைத் தடுப்புச் சட்டத்தின் கீழ் வழக்குப் பதிவு செய்து, சரவணி, சம்பத் ஆகியோரைக் கைது செய்தார். மேலும், நீதிமன்றத்தில் ஆஜர்படுத்தப்பட்ட இருவரையும், போலீஸார் சிறையில் அடைத்தனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/18/வன்கொடுமை-தடுப்புச்-சட்டத்தில்-அரசுப்-பள்ளி-ஆசிரியை-உள்பட-இருவர்-கைது-3022602.html
3022601 தருமபுரி கிருஷ்ணகிரி புதிய துணை மின்நிலையங்கள் அமைக்கும் பணியை விரைந்து முடிக்க வேண்டும்: அசோக்குமார் எம்.பி. அறிவுறுத்தல் DIN DIN Thursday, October 18, 2018 08:01 AM +0530 கிருஷ்ணகிரி மாவட்டத்தில் புதிய துணை மின்நிலையங்கள் அமைக்கும் பணிகளை விரைந்து முடிக்க வேண்டும் என தமிழ்நாடு மின்சார வாரிய மாவட்ட வளர்ச்சி ஒருங்கிணைப்பு மற்றும் கண்காணிப்பு குழுத் தலைவர் கே. அசோக்குமார் எம்.பி. தெரிவித்தார்.
கிருஷ்ணகிரி மாவட்ட ஆட்சியர் அலுவலகக் கூட்ட அரங்கில், தமிழ்நாடு மின்சார வாரிய மாவட்ட வளர்ச்சி ஒருங்கிணைப்பு மற்றும் கண்காணிப்புக் குழுக் கூட்டம் அதன் தலைவர் கே. அசோக்குமார் தலைமையில் செவ்வாய்க்கிழமை நடைபெற்றது. கிருஷ்ணகிரி மாவட்ட ஆட்சியர் சு. பிரபாகர், மின்வாரிய மேற்பார்வையாளர் நந்தகோபால், மனோரஞ்சிதம் நாகராஜ் எம்எல்ஏ உள்ளிட்டோர் பங்கேற்றனர்.
கூட்டத்தில் அதன் தலைவர் கே. அசோக்குமார் எம்.பி. பேசியது:
கடந்த ஜூலை மாதத்தில் கிருஷ்ணகிரி மாவட்டத்தில் பழுதான 705 மின்கம்பங்கள் கண்டறியப்பட்டு அதில் 553 புதிய மின்கம்பங்கள் மாற்றப்பட்டுள்ளன.
மீதமுள்ள மின்கம்பங்கள் விரைவில் மாற்றப்படும். தாழ்வழுத்த மின் குறைபாட்டைப் போக்கும் வகையில் 39 இடங்கள் கண்டறியப்பட்டு நூறு சதவீதம் பணிகள் முடிக்கப்பட்டு 39 புதிய மின்மாற்றிகள் அமைக்கப்பட்டுள்ளன.
கிருஷ்ணகிரி, போச்சம்பள்ளி, ஒசூர் ஆகிய மின்பகிர்மான வட்டங்களில் சோக்காடி, பர்கூர், கலுக்கொண்டப்பள்ளி ஆகிய இடங்களில் துணை மின்நிலையங்கள் அமைக்க அரசுக்கு கருத்துரு அனுப்பப்பட்டுள்ளது.
உத்தனப்பள்ளி உள்ளிட்ட பல்வேறு இடங்களில் நடைபெறும் புதிய துணை மின்நிலையங்கள் அமைக்கும் பணிகளை விரைந்து முடிக்க வேண்டும்.
51,429 பேருக்கு மின் இணைப்பு: கிருஷ்ணகிரி மின் திட்டத்தில் இதுவரை 51,429 விவசாய மின் இணைப்புகள் வழங்கப்பட்டுள்ளன. தட்கல் மின் இணைப்பாக 2017-18-ஆம் நிதியாண்டில் இலக்கு 1,972 நிர்ணயிக்கப்பட்டு அதில் 1,629 விவசாயிகளுக்கு மின் இணைப்புகள் வழங்கப்பட்டுள்ளன. 
தீன்தயாள் உபாத்யா கிராம ஜோதி யோஜனா திட்டத்தின் மூலம் கிருஷ்ணகிரி மாவட்டத்தில் 13 புதிய துணை மின் நிலையங்களும், 6 துணை மின் நிலையங்களில் மின் மாற்றி திறன் அதிகரித்தும், 300 கி.மீ. புதிய உயர் மின்  அழுத்த பாதை அமைக்கவும், 2,195 எண்ணிக்கையில் மும்முனை மின் அளவிகள், 7,361 எண்ணிக்கையில்  ஒரு முனை மின் அளவிகள் ஆகியவற்றை மாற்ற அனுமதி பெறப்பட்டுள்ளது.
இந்தப் பணிக்காக ரூ.79.86 கோடி நிதி ஒதுக்கீடு பெறப்பட்டுள்ளது. இந்த நிதியை முழுமையாகப் பயன்படுத்தி அனைத்து பணிகளையும் விரைந்து முடிக்க வேண்டும் என்றார்.

]]>
http://www.dinamani.com/all-editions/edition-dharmapuri/krishnagiri/2018/oct/18/புதிய-துணை-மின்நிலையங்கள்-அமைக்கும்-பணியை-விரைந்து-முடிக்க-வேண்டும்-அசோக்குமார்-எம்பி-அறிவுறுத்தல-3022601.html
3022600 தருமபுரி கிருஷ்ணகிரி கர்ப்பிணி மனைவியை எரித்துக் கொன்ற வழக்கில் கணவர் உள்பட 4 பேருக்கு ஆயுள் தண்டனை DIN DIN Thursday, October 18, 2018 08:01 AM +0530 கல்லாவி அருகே கர்ப்பிணி மனைவியை எரித்துக் கொன்ற வழக்கில், கணவர் உள்பட 4 பேருக்கு கிருஷ்ணகிரி மகளிர் நீதிமன்றம் ஆயுள் தண்டனை அளித்து புதன்கிழமை தீர்ப்பளித்தது.
கிருஷ்ணகிரி மாவட்டம், கல்லாவி அருகே கல்குண்டு கிராமத்தைச் சேர்ந்தவர் பாஷா (எ) பாதுஷா (37). தொழிலாளி. இவருக்கும், சிங்காரப்பேட்டை, மேட்டுத் தெருவைச் சேர்ந்த அன்வரின் மகள் அசினா என்ற ரசீயா (26) என்பவருக்கும் கடந்த 2011-ஆம் ஆண்டு திருமணம் நடைபெற்றது.
மனைவி ரசீயா 7 மாதக் கர்ப்பிணியாக இருந்துள்ளார். இந்த நிலையில், கணவர் பாஷாவுக்கும், பெங்களூரு, எம்.எஸ். பாளையம் பகுதியைச் சேர்ந்த அவரது உறவினர் அஸினா (24) என்ற பெண்ணுக்கும் பழக்கம் ஏற்பட்டது. இதனால், தம்பதிக்கு இடையே அடிக்கடி தகராறு ஏற்படுமாம்.
இந்த நிலையில், அஸினாவை, பெங்களூரிலிருந்து பாஷா, தனது கிராமமான கல்குண்டுவுக்கு அழைத்து வந்துள்ளார். 
இந்த நிலையில், பாஷாவும், அஸினாவும் ஒன்றாக இருப்பதை மனைவி ரசீயா கண்டுள்ளார். இதனால், தம்பதிக்கிடையே தகராறு ஏற்பட்டுள்ளது. இதையடுத்து, கணவன் பாஷா, அவரது தந்தை, பஷீர் சாபுகான் (72), தாய் அம்னு (எ)அபினாபி(65), பெங்களூருவைச் சேர்ந்த அஸினா(24), ஆகியோர் மனைவி ரசீயாவை 2013-ஆம் ஆண்டு, மே 25-ஆம் தேதி அதிகாலை தீ வைத்து எரித்துக் கொன்றனர். இதுகுறித்து, ரசீயாவின் தந்தை அன்வர் (62) அளித்த புகாரின் பேரில், கல்லாவி போலீஸார் வழக்குப் பதிந்து, 4 பேரையும் கைது செய்தனர். இந்த வழக்கு, விசாரணை கிருஷ்ணகிரி மகளிர் நீதிமன்றத்தில் நடைபெற்று வந்தது. விசாரணை நிறைவடைந்த நிலையில், நீதிபதி புதன்கிழமை தீர்ப்பளித்தார்.
அதில் ரசீயாவை தீவைத்துக் கொன்ற குற்றத்துக்காக அவரது கணவர் பாஷா உள்பட 4 பேருக்கு ஆயுள் தண்டனையும், கொலையை மறைத்து, தடயங்களை அழித்த குற்றத்துக்காக 7 ஆண்டுகள் சிறைத் தண்டனையும் ஏகக் காலத்தில் அனுபவிக்க வேண்டும். மேலும், தலா ரூ. 5 ஆயிரம் அபராதம் விதித்தும் தீர்ப்பு அளித்தார். அரசு சார்பில் வழக்குரைஞர் கலையரசி ஆஜரானார்.
 

]]>
http://www.dinamani.com/all-editions/edition-dharmapuri/krishnagiri/2018/oct/18/கர்ப்பிணி-மனைவியை-எரித்துக்-கொன்ற-வழக்கில்-கணவர்-உள்பட-4-பேருக்கு-ஆயுள்-தண்டனை-3022600.html
3022129 தருமபுரி கிருஷ்ணகிரி கேரள வெள்ள நிவாரண நிதி: ஐ.வி.டி.பி. சுய உதவிக் குழு உறுப்பினர்கள் ரூ.1 கோடி அளிப்பு DIN DIN Wednesday, October 17, 2018 09:19 AM +0530 ஐ.வி.டி.பி. சுய உதவிக் குழு உறுப்பினர்களின் கேரள வெள்ள நிவாரண நிதி ரூ.1 கோடியை, கேரள முதல்வர் பினராயி விஜயனிடம்,  ஐ.வி.டி.பி. தொண்டு நிறுவன நிறுவனர் ராமன் மகசேசே குழந்தை பிரான்சிஸ் வழங்கினார்.
கிருஷ்ணகிரியைத் தலைமையிடமாகக் கொண்டு செயல்படும் ஐ.வி.டி.பி. தொண்டு நிறுவனம், கிருஷ்ணகிரி, தருமபுரி, வேலூர் ஆகிய மாவட்டங்களில் சுயஉதவிக் குழுக்கள் மூலம் பெண்களின் பொருளாதார நிலையை மேம்படுத்தி உள்ளது. ஐ.வி.டி.பி. தொண்டு நிறுவனத்தில் 2 லட்சத்துக்கு மேற்பட்ட உறுப்பினர்களுடன் 12,800 மகளிர் சுய உதவிக் குழுக்கள் உள்ளன. இந்தத் தொண்டு நிறுவனம் பெண்களின் பொருளாதார மேம்பாட்டுக்கு மட்டுமில்லாமல், கல்வி வளர்ச்சிப் பணி, பிற சமூக மேம்பாடுப் பணி, பேரிடர் நிவாரணப் பணிகளிலும் ஈடுபட்டு வருகிறது.
அதன்படி,  கேரள மாநிலத்தில் கடந்த சில மாதங்களுக்கு முன்பு ஏற்பட்ட இயற்கை இடர்பாட்டினால் பாதிக்கப்பட்ட மக்களுக்கு உதவும் வகையில்  ஐ.வி.டி.பி. தொண்டு நிறுவனத்தின் சுய உதவிக் குழு உறுப்பினர்கள் தலா ரூ.50 வழங்க முன்வந்தனர். இதன் மூலம் ரூ.1 கோடி வசூல் ஆனது. 
இவ்வாறு திரட்டப்பட்ட நிதியை கேரள அரசிடம் வழங்கும் பொருட்டு ஐ.வி.டி.பி. தொண்டு நிறுவனத்தின் தலைவர் ராமன் மகசேசே குழந்தை பிரான்சிஸ், திருவனந்தபுரத்தில் உள்ள கேரள மாநில தலைமைச் செயலகத்தில் அம்மாநில முதல்வர் பினராயி விஜயனிடம் ரூ.1 கோடிக்கான வரைவோலையை அக்.15-ஆம் தேதி வழங்கினார். 
அப்போது, நிதியுதவி வழங்கிய மகளிர் சுய உதவிக் குழுக்களின் உறுப்பினர்களுக்கு கேரள மக்கள் சார்பில் அம் மாநில முதல்வர் பினராயி விஜயன் நன்றி தெரிவித்தார். 
 

]]>
http://www.dinamani.com/all-editions/edition-dharmapuri/krishnagiri/2018/oct/17/கேரள-வெள்ள-நிவாரண-நிதி-ஐவிடிபி-சுய-உதவிக்-குழு-உறுப்பினர்கள்-ரூ1-கோடி-அளிப்பு-3022129.html
3022019 தருமபுரி கிருஷ்ணகிரி ஒகேனக்கல்லுக்கு நீர்வரத்து அதிகரிப்பு DIN DIN Wednesday, October 17, 2018 08:37 AM +0530 காவிரியின்  நீர்ப்பிடிப்புப் பகுதிகளில் பெய்து வரும் கனமழையால் ஒகேனக்கல் காவிரி ஆற்றில் நீர்வரத்து நொடிக்கு 13 ஆயிரம் கனஅடியாக அதிகரித்துள்ளது.
காவிரியின் நீர்ப்பிடிப்புப் பகுதிகளில் தொடர்ந்து கனமழை பெய்து வருவதால், காவிரி ஆற்றில்  நீர்வரத்து அதிகரித்துள்ளது.இந்த நிலையில் திங்கள்கிழமை மாலை நிலவரப்படி ஒகேனக்கல்லுக்கு நீர்வரத்து நொடிக்கு 6,500 கனஅடியாக இருந்தது,  செவ்வாய்க்கிழமை காலை 7 மணி நிலவரப்படி  நொடிக்கு 10 ஆயிரம் கனஅடியாகவும்,  மாலை 5மணி நிலவரப்படி நொடிக்கு 13 ஆயிரம் கனஅடியாகவும் அதிகரித்துள்ளது.
 

]]>
http://www.dinamani.com/all-editions/edition-dharmapuri/krishnagiri/2018/oct/17/ஒகேனக்கல்லுக்கு-நீர்வரத்து-அதிகரிப்பு-3022019.html
3022018 தருமபுரி கிருஷ்ணகிரி நீர்நிலை ஆக்கிரமிப்புகளை  இடையூறுகளுக்கு இடமளிக்காமல் அகற்ற வேண்டும்: கே.அசோக்குமார் எம்.பி. DIN DIN Wednesday, October 17, 2018 08:37 AM +0530 கிருஷ்ணகிரி மாவட்டத்தில் நீர்நிலைகளில் காணப்படும்  ஆக்கிரமிப்புகளை  இடையூறுகளுக்கு இடமளிக்காமல் அகற்ற வேண்டும் என  மாவட்ட வளர்ச்சி மற்றும் கண்காணிப்புக் குழுக் கூட்டத்தில் கே.அசோக்குமார் எம்.பி. பேசினார்.
கிருஷ்ணகிரி மாவட்ட ஆட்சியர் அலுவலகக் கூட்ட அரங்கில் மாவட்ட வளர்ச்சி ஒருங்கிணைப்பு மற்றும் கண்காணிப்புக்குழுக் கூட்டம் செவ்வாய்க்கிழமை நடைபெற்றது. கூட்டத்துக்கு அதன் தலைவர் கே.அசோக்குமார் எம்.பி. தலைமை வகித்தார். மாவட்ட ஆட்சியர் சு.பிரபாகர் முன்னிலை வகித்தார். 
கூட்டத்தில் மத்திய அரசு செயல்படுத்தப்படும் திட்டங்கள் குறித்து அரசு அலுவலர்களுடன் ஆலோசனை நடத்திய மக்களவை உறுப்பினர் கே.அசோக்குமார்  பேசியது: கிராமப் புறங்களில் ஊரணிகள்,  தடுப்பணை கட்டுமான பணிகளை சட்டப்பேரவை,  மக்களவை உறுப்பினர்களின் ஆலோசனைகளைப் பெற்று  மேற்கொள்ள வேண்டும்.  ஏரி, குளங்களில் நீர்த் தேக்கிவைக்கும் பணிக்காக மேற்கொள்ளப்படும் தூர்வாரும் பணியைத் தரமாக மேற்கொள்ள வேண்டும். நீர்நிலைகளில்  காணப்படும் ஆக்கிரமிப்புகளை  அகற்றும்போது இடையூறுகளுக்கு இடமளிக்காமல் மேற்கொள்ள வேண்டும். பொதுப்பணித் துறை நீர்வள ஆதார அமைப்பு அலுவலர்கள், வட்டார வளர்ச்சி அலுவலர்கள்  இணைந்து களப் பணியாற்றி  நீர்நிலைகளை தூர்வார நடவடிக்கை மேற்கொள்ள வேண்டும். மழைக்காலம் தொடங்கிய நிலையில், வைரஸ் காய்ச்சல்  பரவாமல் தடுக்க முன்னெச்சரிக்கை நடவடிக்கை எடுக்க வேண்டும். கிருஷ்ணகிரி நகராட்சிக்கு உள்பட்ட தினசரி காய்கறிச் சந்தைகளை வியாபாரிகள், பொதுமக்கள் பாதிக்காத வகையில் நகராட்சி நிர்வாகம் சார்பில் இடத்தைத் தேர்வு செய்து அளிக்க வேண்டும். வனத்துறையினர் மூலமாக வனப்பகுதிகளில் அமைக்க வேண்டிய சாலைப் பணிகள், ஊராட்சிகளில் நிலுவையில் உள்ள பணிகளை விரைந்து முடிக்க வேண்டும் என்றார். 
இந்தக் கூட்டத்தில், எம்.எல்.ஏ.க்கள் டி.செங்குட்டுவன், மனோரஞ்சிதம் நாகராஜ்,  மாவட்ட வன அலுவலர் தீபக் பல்ஜி, திட்ட இயக்குநர்கள் லோகேஸ்வரி,  உமா மகேஸ்வரி உள்ளிட்ட பல்வேறு அரசுத் துறை அலுவலர்கள் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/17/நீர்நிலை-ஆக்கிரமிப்புகளை--இடையூறுகளுக்கு-இடமளிக்காமல்-அகற்ற-வேண்டும்-கேஅசோக்குமார்-எம்பி-3022018.html
3022016 தருமபுரி கிருஷ்ணகிரி கேரள வெள்ள நிவாரண நிதி: ஐ.வி.டி.பி. சுய உதவிக் குழு உறுப்பினர்கள் ரூ.1 கோடி அளிப்பு DIN DIN Wednesday, October 17, 2018 08:37 AM +0530 ஐ.வி.டி.பி. சுய உதவிக் குழு உறுப்பினர்களின் கேரள வெள்ள நிவாரண நிதி ரூ.1 கோடியை, கேரள முதல்வர் பினராயி விஜயனிடம்,  ஐ.வி.டி.பி. தொண்டு நிறுவன நிறுவனர் ராமன் மகசேசே குழந்தை பிரான்சிஸ் வழங்கினார்.
கிருஷ்ணகிரியைத் தலைமையிடமாகக் கொண்டு செயல்படும் ஐ.வி.டி.பி. தொண்டு நிறுவனம், கிருஷ்ணகிரி, தருமபுரி, வேலூர் ஆகிய மாவட்டங்களில் சுயஉதவிக் குழுக்கள் மூலம் பெண்களின் பொருளாதார நிலையை மேம்படுத்தி உள்ளது. ஐ.வி.டி.பி. தொண்டு நிறுவனத்தில் 2 லட்சத்துக்கு மேற்பட்ட உறுப்பினர்களுடன் 12,800 மகளிர் சுய உதவிக் குழுக்கள் உள்ளன. இந்தத் தொண்டு நிறுவனம் பெண்களின் பொருளாதார மேம்பாட்டுக்கு மட்டுமில்லாமல், கல்வி வளர்ச்சிப் பணி, பிற சமூக மேம்பாடுப் பணி, பேரிடர் நிவாரணப் பணிகளிலும் ஈடுபட்டு வருகிறது.
அதன்படி,  கேரள மாநிலத்தில் கடந்த சில மாதங்களுக்கு முன்பு ஏற்பட்ட இயற்கை இடர்பாட்டினால் பாதிக்கப்பட்ட மக்களுக்கு உதவும் வகையில்  ஐ.வி.டி.பி. தொண்டு நிறுவனத்தின் சுய உதவிக் குழு உறுப்பினர்கள் தலா ரூ.50 வழங்க முன்வந்தனர். இதன் மூலம் ரூ.1 கோடி வசூல் ஆனது.  இவ்வாறு திரட்டப்பட்ட நிதியை கேரள அரசிடம் வழங்கும் பொருட்டு ஐ.வி.டி.பி. தொண்டு நிறுவனத்தின் தலைவர் ராமன் மகசேசே குழந்தை பிரான்சிஸ், திருவனந்தபுரத்தில் உள்ள கேரள மாநில தலைமைச் செயலகத்தில் அம்மாநில முதல்வர் பினராயி விஜயனிடம் ரூ.1 கோடிக்கான வரைவோலையை அக்.15-ஆம் தேதி வழங்கினார்.  அப்போது, நிதியுதவி வழங்கிய மகளிர் சுய உதவிக் குழுக்களின் உறுப்பினர்களுக்கு கேரள மக்கள் சார்பில் அம் மாநில முதல்வர் பினராயி விஜயன் நன்றி தெரிவித்தார். 
 

]]>
http://www.dinamani.com/all-editions/edition-dharmapuri/krishnagiri/2018/oct/17/கேரள-வெள்ள-நிவாரண-நிதி-ஐவிடிபி-சுய-உதவிக்-குழு-உறுப்பினர்கள்-ரூ1-கோடி-அளிப்பு-3022016.html
3022015 தருமபுரி கிருஷ்ணகிரி ஒகேனக்கல்லில் தேசிய பேரிடர் மேலாண்மை குழுவினர் ஆய்வு DIN DIN Wednesday, October 17, 2018 08:36 AM +0530 தருமபுரி மாவட்டம்,  ஒகேனக்கல்லில்  திங்கள்கிழமை பிற்பகல் 3 மணியளவில் தேசிய பேரிடர் மேலாண்மை குழுவினர்,  மூன்று வழித்தடங்களில் பரிசல் இயக்குவது குறித்து ஆய்வு  மேற்கொண்டனர்.
பென்னாகரம் வட்டார வளர்ச்சி ஆணையர்  கிருஷ்ணன் தலைமையில், அரக்கோணத்திலிருந்து வந்திருந்த 5 பேர் கொண்ட தேசிய பேரிடர் மேலாண்மை குழுவினர், காவிரி ஆற்றில் நீர்வரத்து அதிகரிக்கும் காலங்களில் ஊட்டமலை பரிசல் துறை, மாமரத்து கடவு பரிசல் துறை மற்றும் கோத்திக்கல் பரிசல் துறை பகுதிகளில் இருந்து பரிசல்களை இயக்குவது குறித்தும், காவிரிஆற்றில் நீர்வரத்து அதிகரிக்கும் காலங்களில் பிரதான அருவியில் குளிக்கத் தடைவிதிக்கப்படுவதால், மாற்று இடங்களில் குளிப்பது குறித்தும்,  வெள்ளசீற்றத்தினால் பாதிக்கப்பட்ட சேதங்கள் குறித்தும், அவற்றிலிருந்து பாதிப்பு ஏற்படாமல் தடுப்பது குறித்தும் ஆய்வு
மேற்கொண்டனர்.
இந்த ஆய்வின் போது பென்னாகரம் வட்டாட்சியர் இல.பிரசன்னமூர்த்தி வருவாய்அலுவலர் சிவன், காவல்துணைஆய்வாளர் மாரி,  கிராம நிர்வாக அலுவலர் முருகேசன் ஆகியோர் உடனிருந்தனர்.

]]>
http://www.dinamani.com/all-editions/edition-dharmapuri/krishnagiri/2018/oct/17/ஒகேனக்கல்லில்-தேசிய-பேரிடர்-மேலாண்மை-குழுவினர்-ஆய்வு-3022015.html
3022014 தருமபுரி கிருஷ்ணகிரி நுகர்பொருள் வாணிபக் கழக கிடங்கில் சுமை தூக்கும் பணி DIN DIN Wednesday, October 17, 2018 08:36 AM +0530 கிருஷ்ணகிரி மண்டலத்தில் நுகர்பொருள் வாணிபக் கழகக் கிடங்குகளில்  50 சுமை தூக்கும் தொழிலாளர்கள்  ஒப்பந்த அடிப்படையில் நியமனம் செய்யப்பட உள்ளனர்.
இதுகுறித்து,  கிருஷ்ணகிரி மாவட்ட நிர்வாகம் சார்பில், செவ்வாய்க்கிழமை வெளியிட்ட செய்திக்குறிப்பு: தமிழ்நாடு நுகர்பொருள் வாணிபக் கழகம், கிருஷ்ணகிரி மண்டலத்தில்  உள்ள 5 வட்ட கிடங்குகளில் அக்.24-ஆம் தேதி முதல் 50 சுமை தூக்கும் பணியாளர்கள் ஒப்பந்த அடிப்படையில் நியமிக்கப்பட உள்ளனர்.
விருப்பமுள்ளவர்கள் நேரிலோ அல்லது கடிதத்தின் மூலமோ அக்.22-ஆம் தேதிக்குள் சக்திசரன்,  மண்டல மேலாளர், தமிழ்நாடு நுகர்பொருள் வாணிபக் கழகம், 45-25 சென்னை புறவழிச்சாலை, கிருஷ்ணகிரி 6250001 என்ற முகவரியில் தொடர்பு கொள்ளலாம். 
பணி புரியும் தொழிலாளர்களுக்கு தமிழ்நாடு நுகர்பொருள் வாணிபக் கழகத்தின் விதிமுறைகளின் படி ஏற்றுக் கூலி, இறக்கக் கூலி வழங்கப்படும் என 
தெரிவிக்கப்பட்டுள்ளது.


 

]]>
http://www.dinamani.com/all-editions/edition-dharmapuri/krishnagiri/2018/oct/17/நுகர்பொருள்-வாணிபக்-கழக-கிடங்கில்-சுமை-தூக்கும்-பணி-3022014.html
3021402 தருமபுரி கிருஷ்ணகிரி காவேரிப்பட்டணம் அருகே சாலையோரத்தில் கிடந்த குடும்ப அட்டைகள் DIN DIN Tuesday, October 16, 2018 05:15 AM +0530
கிருஷ்ணகிரி மாவட்டம், காவேரிப்பட்டணம் அருகே தேசிய நெடுஞ்சாலையோரம் குடும்ப அட்டைகள் (ஸ்மார்ட் கார்டுகள்) கிடந்தது குறித்து, வருவாய்த் துறையினர் விசாரணை செய்து வருகின்றனர்.
கிருஷ்ணகிரி - தருமபுரி மாவட்டங்களின் எல்லையில், காவேரிப்பட்டணத்தை அடுத்து தனியார் பால் நிறுவன உணவகம் அருகே கிருஷ்ணகிரியைச் சேர்ந்த ஓட்டுநர் வாகனத்தை நிறுத்திவிட்டு, உணவருந்த திங்கள்கிழமை சென்றார். அப்போது, தேசிய நெடுஞ்சாலையோரம், தமிழ்நாடு அரசின் உணவுப் பொருள் வழங்கல் மற்றும் நுகர்வோர் பாதுகாப்புத் துறையால் வழங்கப்பட்ட 129 குடும்ப அட்டைகள், ஓட்டுநர் உரிமம், ஆதார் அட்டைகள் கிடப்பதைக் கண்டார்.
இதையடுத்து, அந்த ஆவணங்களை எடுத்துச் சென்று, கிருஷ்ணகிரி நகரக் காவல் நிலையத்தில் ஒப்படைத்தார். இந்த ஆவணங்களைப் பெற்றுக் கொண்ட போலீஸார், அவற்றை, கிருஷ்ணகிரி வட்டாட்சியர் சேகரிடம் ஒப்படைத்தனர்.
இதைத் தொடர்ந்து, வருவாய்த் துறையினர் மேற்கொண்ட விசாரணையில், அந்த ஆவணங்கள், கிருஷ்ணகிரி மாவட்டம், போச்சம்பள்ளி வட்டம், பண்ணந்தூர், தாமோதரஅள்ளி, சாதிநாயக்கனப்பட்டி மற்றும் அதைச் சுற்றியுள்ள பகுதிகளைச் சேர்ந்தவர்களுடையது என்பதும், இந்த ஆவணங்கள், மக்கள் கணினி மையத்தில் போலியாகத் தயாரிக்கப்பட்டவை என்பதும் தெரிய வந்ததாக வருவாய்த் துறையினர் தெரிவித்தனர். இதுகுறித்து, அதிகாரிகள் தொடர்ந்து விசாரணை செய்து வருகின்றனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/காவேரிப்பட்டணம்-அருகே-சாலையோரத்தில்-கிடந்த-குடும்ப-அட்டைகள்-3021402.html
3021388 தருமபுரி கிருஷ்ணகிரி வேப்பனஅள்ளி - கிருஷ்ணகிரி வழித்தடத்தில் கூடுதல் பேருந்து இயக்கக் கோரிக்கை DIN DIN Tuesday, October 16, 2018 05:11 AM +0530
வேப்பனஅள்ளி - கிருஷ்ணகிரி வழித்தடத்தில் கூடுதல் பேருந்துகளை இயக்கக் கோரி கல்லூரி மாணவர்கள், மாவட்ட ஆட்சியர் பிரபாகரிடம் திங்கள்கிழமை மனு அளித்தனர்.
இதுகுறித்து, கல்லூரி மாணவ, மாணவியர் அளித்த மனு விவரம்: வேப்பனஅள்ளி ஊராட்சி ஒன்றியத்துக்கு உள்பட்ட எப்ரி, பல்லேரிப்பள்ளி, மணவாரனப்பள்ளி, தடத்தரை, நாச்சிக்குப்பம், அத்திகுண்டா உள்ளிட்ட பல்வேறு பகுதிகளில் இருந்து தினமும் 200 -க்கும் மேற்பட்டோர், கிருஷ்ணகிரியில் உள்ள அரசு ஆடவர் கலைக் கல்லூரி, அரசு மகளிர் கலைக் கல்லூரிக்கு பயிலுவதற்கு வந்து செல்லுகின்றனர். மேலும், நூற்றுக்கும் மேற்பட்ட அரசு அலுவலர்கள், தனியார் நிறுவனத்தில் பணியாற்றும் பணியாளர்கள், விவசாயிகள், தொழிலாளர்களும் கிருஷ்ண
கிரிக்கு வந்து செல்லுகின்றனர்.
இவர்களின் தேவைக்காக காலை 7.15 மற்றும் 8 மணிக்கு நகரப் பேருந்துகள் இரண்டு மட்டுமே இயக்கப்படுகின்றன. இதில், கல்லூரி மாணவ, மாணவியர், தொழிலாளர்கள், விவசாயிகள், அரசுப் பணியாளர்கள் என 500-க்கும் மேற்பட்டோர் பயணிக்கும் சூழல் உள்ளது. இதனால், அனைவரும் பாதிக்கப்படுகின்றனர். மேலும், கூட்ட நெரிசல் காரணமாக அனைவரும் உரிய நேரத்தில் தங்களது பணியிடங்களுக்கும், கல்லூரிகளுக்கும் செல்ல இயலாத நிலை உள்ளது. மேலும், இதனால் ஏற்படும் விபத்துகளால் பலர் காயம் அடைகின்றனர். எனவே, கல்லூரி மாணவர்களின் நலன் கருதி வேப்பனஅள்ளி - கிருஷ்ணகிரி வழித்தடத்தில் கூடுதல் பேருந்து இயக்க வேண்டும் என அவர்கள் கேட்டுக் கொண்டனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/வேப்பனஅள்ளி---கிருஷ்ணகிரி-வழித்தடத்தில்-கூடுதல்-பேருந்து-இயக்கக்-கோரிக்கை-3021388.html
3021387 தருமபுரி கிருஷ்ணகிரி சிறுமி பலாத்கார வழக்கில் தொழிலாளிக்கு 10 ஆண்டு சிறை DIN DIN Tuesday, October 16, 2018 05:11 AM +0530
கெலமங்கலம் அருகே சிறுமியை பாலியல் பலாத்காரம் செய்த வழக்கில், தொழிலாளிக்கு 10 ஆண்டுகள் சிறைத் தண்டனை விதித்து, கிருஷ்ணகிரி மகளிர் நீதிமன்றம் தீர்ப்பளித்துள்ளது.
கிருஷ்ணகிரி மாவட்டம், கெலமங்கலம் அருகே உள்ள காடுஉத்தனப்பள்ளி கிராமத்தைச் சேர்ந்தவர் திம்மப்பா(65). தொழிலாளியான இவர், கடந்த 2014 - ஆம் ஆண்டில் அதே பகுதியைச் சேர்ந்த சிறுமியை பாலியல் பலாத்காரம் செய்ததாக தேன்கனிக்கோட்டை அனைத்து மகளிர் போலீஸாரால் கைது செய்யப்பட்டார். போக்úஸா பிரிவின் கீழ் பதியப்பட்ட இந்த வழக்கு, கிருஷ்ணகிரி மகளிர் நீதிமன்றத்தில் நடைபெற்று வந்தது. இந்த வழக்கு, விசாரணை நிறைவடைந்த நிலையில், திங்கள்கிழமை தீர்ப்பு அளிக்கப்பட்டது. சிறுமியை பாலியல் பலாத்காரம் செய்த தொழிலாளி திம்மப்பாவுக்கு 10 ஆண்டுகள் சிறைத் தண்டனையும், சிறுமியை மிரட்டிய குற்றத்துக்காக 6 மாதம் சிறைத் தண்டனையும் விதித்து, தண்டனைகளை ஏக காலத்தில் அனுபவிக்க நீதிபதி உத்தரவிட்டார்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/சிறுமி-பலாத்கார-வழக்கில்-தொழிலாளிக்கு-10-ஆண்டு-சிறை-3021387.html
3021386 தருமபுரி கிருஷ்ணகிரி வாணிஒட்டில் அணை கட்டக் கோரி விவசாயிகள் ஆர்ப்பாட்டம் DIN DIN Tuesday, October 16, 2018 05:11 AM +0530
வாணிஒட்டில் அணை கட்டக் கோரி, கிருஷ்ணகிரியில் தமிழக விவசாயிகள் சங்கம் சார்பில் கவன ஈர்ப்பு ஆர்ப்பாட்டம், திங்கள்கிழமை நடைபெற்றது.
கிருஷ்ணகிரி புறநகர் பேருந்து நிலையம் அருகே நடைபெற்ற ஆர்ப்பாட்டத்துக்கு தமிழக விவசாயிகள் சங்கத்தின் மாநிலத் தலைவர் ராமகவுண்டர் தலைமை வகித்தார். சிறப்பு அழைப்பாளர்களாக எம்.எல்.ஏ.க்கள் டி.செங்குட்டுவன், பி.முருகன் உள்ளிட்டோர் பங்கேற்றனர்.
தென்பெண்ணை ஆற்றின் குறுக்கே, வாணிஒட்டு என்னுமிடத்தில் அணை கட்ட ஆயத்தப் பணியை விரைவுப்படுத்தவேண்டும்.
கிருஷ்ணகிரி மாவட்டத்தில் உள்ள ஏரிகளை பாசனக் கால்வாய்கள் மூலம் இணைத்து நீர் நிரப்ப வேண்டும். மேடான பகுதிகளில் உள்ள ஏரிகளுக்கு மின்மோட்டார் மூலம் நீர் நிரப்ப வேண்டும் என்பன உளளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் ஈடுபட்டோர் முழக்கங்களை எழுப்பினர்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/வாணிஒட்டில்-அணை-கட்டக்-கோரி-விவசாயிகள்-ஆர்ப்பாட்டம்-3021386.html
3021385 தருமபுரி கிருஷ்ணகிரி கிருஷ்ணகிரியில்நியாய விலைக்கடை பணியாளர்கள் ஆர்ப்பாட்டம் DIN DIN Tuesday, October 16, 2018 05:10 AM +0530
கிருஷ்ணகிரியில் பல்வேறு கோரிக்கைகளை வலியுறுத்தி, தமிழ்நாடு அரசு நியாய விலைக் கடை பணியாளர்கள் சங்கத்தினர் திங்கள்கிழமை ஆர்ப்பாட்டத்தில் ஈடுபட்டனர்.
கிருஷ்ணகிரி புறநகர் பேருந்து நிலையம் அருகே நடைபெற்ற ஆர்ப்பாட்டத்துக்கு அந்தச் சங்கத்தின் மாநில துணைத் தலைவர் சோமேஸ்வரன் தலைமை வகித்தார். மாவட்டச் செயலாளர் சங்கர் உள்ளிட்டோர் பங்கேற்றனர்.
தமிழ்நாடு அரசு நுகர்பொருள் வாணிப கழகப் பணியாளர்களுக்கு குறைந்தபட்ச ஊதியம் ரூ.22 ஆயிரம் வழங்கப்படுவதைப் போல கூட்டுறவு நியாய விலைக் கடை பணியாளர்களுக்கும் சம வேலை, சம ஊதியம் வழங்க வேண்டும். நியாய விலைக் கடை ஊழியர்கள் அனைவருக்கும் ஓய்வூதியம் அளிக்க வேண்டும். கூட்டுறவு நியாய விலைக் கடைகள் அனைத்தையும், பொது விநியோகத் திட்டத்தின் அடிப்படையில் வட்டாட்சியர், வட்ட வழங்கல் துறையுடன் இணைக்க வேண்டும் என்பன உள்ளிட்ட 30 அம்சக் கோரிக்கைகளை வலியுறுத்தி ஆர்ப்பாட்டத்தில் ஈடுபட்டோர் முழக்கங்களை எழுப்பினர்.
இந்த கோரிக்கைகளை வலியுறுத்தி காலவரையற்ற வேலைநிறுத்தத்தில் நியாய விலைக் கடை பணியாளர்கள் ஈடுபட்டதால் கிருஷ்ணகிரி மாவட்டத்தில் உள்ள 1,050 கடைகளில் 850-க்கும் மேற்பட்ட கடைகள் திங்கள்கிழமை அடைக்கப்பட்டிருந்தன.

 

]]>
http://www.dinamani.com/all-editions/edition-dharmapuri/krishnagiri/2018/oct/16/கிருஷ்ணகிரியில்நியாய-விலைக்கடை-பணியாளர்கள்-ஆர்ப்பாட்டம்-3021385.html
3021384 தருமபுரி கிருஷ்ணகிரி ரேடியோ தெரபி டெக்னீசியன் பணி: வேலைவாய்ப்பு பதிவு மூப்பை சரிபார்க்க அழைப்பு DIN DIN Tuesday, October 16, 2018 05:10 AM +0530
ரேடியோ தெரபி டெக்னீசியன் காலி பணியிடங்களுக்காக வேலைவாய்ப்பு அலுவலகத்தில் பதிவு செய்துள்ளோர் தங்களது பதிவு மூப்பை சரிபார்க்க கிருஷ்ணகிரி மாவட்ட வேலை வாய்ப்பு அலுவலர் கௌரிசங்கர் அழைப்பு விடுத்துள்ளார்.
இதுகுறித்து, அவர், திங்கள்கிழமை வெளியிட்ட செய்திக் குறிப்பு: தமிழ்நாடு மருத்துவப் பணியாளர் தேர்வு வாரியத்தால், ரேடியோ தெரபி டெக்னீசியன் காலி பணியிடங்களுக்கான பட்டியல் மாநில பதிவு அடிப்படையில் தயாரிக்கப்பட உள்ளது. இதற்கான கல்வித் தகுதி பி.எஸ்.சி. (ரேடியோதெரபி டெக்னாலஜி) படித்திருக்க வேண்டும். தமிழ்நாடு டாக்டர் எம்ஜிஆர் மருத்துவ பல்கலைக்கழகத்தால் அங்கீகரிக்கப்பட்ட கல்லூரியில் படித்திருக்க வேண்டும்.
வயது: 1.7.2018 அன்று எஸ்சிஏ, எஸ்சி, எஸ்டி, எம்பிசி, பிசி, பிசிஎம் ஆகியோருக்கு 57 வயது, பொதுப் பிரிவினருக்கு 30 வயது ஆகும்.
எனவே, இந்தக் கல்வி தகுதியுடைய கிருஷ்ணகிரி மாவட்ட வேலைவாய்ப்பு அலுவலகத்தில் பதிவு செய்துள்ள பதிவுதாரர்கள் அக்.16-ஆம் தேதி மாலைக்குள் தங்களது பதிவை மாவட்ட வேலைவாய்ப்பு அலுவலகத்தில் சரிபார்த்துக் கொள்ளலாம் என அவர் தெரிவித்துள்ளார்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/ரேடியோ-தெரபி-டெக்னீசியன்-பணி-வேலைவாய்ப்பு-பதிவு-மூப்பை-சரிபார்க்க-அழைப்பு-3021384.html
3021383 தருமபுரி கிருஷ்ணகிரி கர்நாடகத்தில் இருந்து நொகனூர் காப்புக் காட்டுக்கு வந்துள்ள 15 யானைகள்: விவசாயிகள் அச்சம் DIN DIN Tuesday, October 16, 2018 05:10 AM +0530
கர்நாடக மாநிலத்தில் இருந்து நொகனூர் காப்புக் காட்டுக்கு 15 யானைகள் வந்துள்ளதால் விவசாயிகள் கவலை அடைந்துள்ளனர்.
கர்நாடக மாநிலம், பன்னர்கட்டா காப்புக் காட்டிலிருந்து ஆண்டுதோறும் 100 - க்கும் மேற்பட்ட யானைகள் ஜவளகிரி, காப்புக்காடு வழியாக அஞ்செட்டி, உரிகம், நோகனூர், அய்யூர், பெட்டமுகிலாளம், சானமாவு வழியாக ஒசூர் அருகே உள்ள போடூர்ப்பள்ளம் கிராமத்தில் தஞ்சம் அடையும். வரும் வழியில் விவசாயப் பயிர்களை அழித்தும், காலால் மிதித்தும் சேதப்படுத்தும்.
இந்த நிலையில் தமிழக - கர்நாடக மாநில எல்லையில் கடந்த ஒரு வாரத்துக்கும் மேலாக 50-க்கும் மேற்பட்ட யானைகள் முகாமிட்டிருந்தன. அதில் 15 யானைகள் தமிழக எல்லையில் புகுந்து நோகனூர் காப்புக்காட்டுக்குள் திங்கள்கிழமை புகுந்தன.
தமிழக எல்லையில் 15 யானைகள் புகுந்துள்ளதால் தேன்கனிக்கோட்டை வனச்சரகர் ரவி தலைமையில் வனத் துறையினர் அந்த யானைகள் தீவிரமாகக் கண்காணித்து வருகின்றனர். அந்த யானைகள் நோகனூர் காப்புக் காட்டிலேயே முகாமிட்டுள்ளதால் விவசாயிகள் பெரும் அச்சமடைந்துள்ளனர். இந்த யானைகளை விரைவில் கர்நாடக மாநில எல்லைக்குள் விரட்ட நடவடிக்கை எடுக்க வேண்டும் என மாவட்ட வன அலுவலர் தீபக் பில்கியிடம் விவசாயிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/krishnagiri/2018/oct/16/கர்நாடகத்தில்-இருந்து-நொகனூர்-காப்புக்-காட்டுக்கு-வந்துள்ள-15-யானைகள்-விவசாயிகள்-அச்சம்-3021383.html
3021382 தருமபுரி கிருஷ்ணகிரி தேன்கனிக்கோட்டை அருகே ரூ.1.17 கோடியில் தார்ச்சாலை அமைக்க பூமிபூஜை DIN DIN Tuesday, October 16, 2018 05:09 AM +0530
தேன்கனிக்கோட்டை அருகே கல்பாலம் கூட்டுச்சாலை முதல் குண்டாலம் வரை ரூ.1.17 கோடியில் தார்ச் சாலை அமைக்க தளி எம்.எல்.ஏ. ஒய்.பிரகாஷ் தலைமையில் திங்கள்கிழமை பூமிபூஜை நடைபெற்றது.
தேன்கனிக்கோட்டை அருகே அகலகோட்டை ஊராட்சி கல்பாலம் கூட்டுச்சாலை முதல் கல்குட்டை, தம்பூரிதொட்டி, குரிமந்தை, குண்டாலம் வரை சாலை குண்டும், குழியுமாக இருந்தது. மழைக் காலங்களில் சாலையில் சென்று வரமுடியாதபடி குழிகளில் தண்ணீர் தேங்கும் நிலை ஏற்பட்டது.
இதையடுத்து கிராம மக்கள் கோரிக்கை விடுத்ததை அடுத்து தளி எம்.எல்.ஏ. பிரகாஷ், சட்டப்பேரவை மற்றும் மாவட்ட ஆட்சியரிடம் பேசி தமிழ்நாடு கிராமச் சாலைகள் மேம்பாடு திட்டத்தின் கீழ் ரூ.1.17 கோடியில் தார்ச்சாலை அமைக்க நடவடிக்கை மேற்கொண்டார். இதையடுத்து சாலை அமைக்கும் பணியை அவர் தொடக்கி வைத்தார்.
மேலும், அகலகோட்டை ஊராட்சியில் சாலை, குடிநீர் பிரச்னையை சரிசெய்ய எம்.எல்.ஏ.விடம் கிராம மக்கள் கோரிக்கை விடுத்தனர். இதுகுறித்து வட்டார வளர்ச்சி அலுவலரிடம் பேசி நடவடிக்கை எடுப்பதாகவும், கல்பாலம் சாலை புதுப்பிக்க மாவட்ட ஆட்சியரிடம் பேசி நடவடிக்கை எடுப்பதாகவும் எம்.எல்.ஏ. தளி ஓய்.பிரகாஷ் தெரிவித்தார்.
இந்த நிகழ்ச்சியில் ஒன்றியச் செயலாளர்கள் திவாகர், சீனிவாசலுரெட்டி, ஒன்றிய அவைத் தலைவர் நாகராஜ், துணை செயலாளர் முனிராஜ், பொருளாளர் ஜெயப்பிரகாஷ், மாவட்ட இளைஞரணி துணை அமைப்பாளர் வேணு, ஒன்றிய இளைஞரணி அமைப்பாளர் பிரபாகர், துணை அமைப்பாளர்கள் கிருஷ்ணமூர்த்தி, பைரவாமூர்த்தி, சீனிவாசன், ராமகிருஷ்ணன், சிவா, சந்துரூ, ஆனந்தன், சிக்கே கவுடா, மாவட்டப் பிரதிநிதி கெம்பண்ணா, நாராயணனசாமி, நாகிரெட்டி, பத்ரேகவுடா, சதீஷ், காந்தன், முனியப்பன் உள்பட கிராம மக்கள் பலர் கலந்து கொண்டனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/தேன்கனிக்கோட்டை-அருகே-ரூ117-கோடியில்-தார்ச்சாலை-அமைக்க-பூமிபூஜை-3021382.html
3021381 தருமபுரி கிருஷ்ணகிரி ரேடியோ தெரபி டெக்னீசியன் பணி: வேலைவாய்ப்பு பதிவு மூப்பை சரிபார்க்க அழைப்பு DIN DIN Tuesday, October 16, 2018 05:09 AM +0530 ரேடியோ தெரபி டெக்னீசியன் காலி பணியிடங்களுக்காக வேலைவாய்ப்பு அலுவலகத்தில் பதிவு செய்துள்ளோர் தங்களது பதிவு மூப்பை சரிபார்க்க கிருஷ்ணகிரி மாவட்ட வேலை வாய்ப்பு அலுவலர் கௌரிசங்கர் அழைப்பு விடுத்துள்ளார்.
இதுகுறித்து, அவர், திங்கள்கிழமை வெளியிட்ட செய்திக் குறிப்பு: தமிழ்நாடு மருத்துவப் பணியாளர் தேர்வு வாரியத்தால், ரேடியோ தெரபி டெக்னீசியன் காலி பணியிடங்களுக்கான பட்டியல் மாநில பதிவு அடிப்படையில் தயாரிக்கப்பட உள்ளது. இதற்கான கல்வித் தகுதி பி.எஸ்.சி. (ரேடியோதெரபி டெக்னாலஜி) படித்திருக்க வேண்டும். தமிழ்நாடு டாக்டர் எம்ஜிஆர் மருத்துவ பல்கலைக்கழகத்தால் அங்கீகரிக்கப்பட்ட கல்லூரியில் படித்திருக்க வேண்டும்.
வயது: 1.7.2018 அன்று எஸ்சிஏ, எஸ்சி, எஸ்டி, எம்பிசி, பிசி, பிசிஎம் ஆகியோருக்கு 57 வயது, பொதுப் பிரிவினருக்கு 30 வயது ஆகும்.
எனவே, இந்தக் கல்வி தகுதியுடைய கிருஷ்ணகிரி மாவட்ட வேலைவாய்ப்பு அலுவலகத்தில் பதிவு செய்துள்ள பதிவுதாரர்கள் அக்.16-ஆம் தேதி மாலைக்குள் தங்களது பதிவை மாவட்ட வேலைவாய்ப்பு அலுவலகத்தில் சரிபார்த்துக் கொள்ளலாம் என அவர் தெரிவித்துள்ளார்.

 

]]>
http://www.dinamani.com/all-editions/edition-dharmapuri/krishnagiri/2018/oct/16/ரேடியோ-தெரபி-டெக்னீசியன்-பணி-வேலைவாய்ப்பு-பதிவு-மூப்பை-சரிபார்க்க-அழைப்பு-3021381.html
3020586 தருமபுரி கிருஷ்ணகிரி குழந்தை திருமணம் செய்வோர் மீது கடும் நடவடிக்கை: மாவட்ட நிர்வாகம் எச்சரிக்கை DIN DIN Monday, October 15, 2018 08:35 AM +0530 குழந்தை திருமணம் செய்வோர் மீது கடும் நடவடிக்கை எடுக்கப்படும் என கிருஷ்ணகிரி மாவட்ட நிர்வாகம் எச்சரிக்கை விடுத்துள்ளது.
இதுகுறித்து ஞாயிற்றுக்கிழமை மாவட்ட நிர்வாகம் சார்பில் வெளியிடப்பட்ட செய்திக் குறிப்பு:
கிருஷ்ணகிரி மாவட்டத்தில் குழந்தைகள் உரிமைகள் மற்றும் பாதுகாப்பை மேம்படுத்தும் வகையில் 333 ஊராட்சிகளில் கிராம அளவிலான குழந்தைகள் பாதுகாப்பு குழுக்கள் ஏற்படுத்தப்பட்டு செயல்பட்டு வருகின்றன. இந்தக் குழுக்களை வலுப்படுத்தும் வகையில் தன்னார்வலர்களை அதிகளவில் ஈடுபடுத்த மாவட்ட நிர்வாகம் பல்வேறு நடவடிக்கைகளை மேற்கொண்டு வருகிறது.  
குழந்தை திருமணம் என்பது ஆணுக்கு 21 வயதும், பெண்ணுக்கு 18 வயதும் நிறைவடையாமல் செய்யப்படும் திருமணம் ஆகும். இத்தகைய நிலையில், 18 வயது நிறைவடையாத பெண்ணை திருமணம் செய்யும் ஆண், அவரது பெற்றோர், திருமணத்தில் பங்கேற்போர் அனைவரின் மீதும் வழக்குப் பதிவு செய்யப்பட்டு 2 ஆண்டுகள் வரை பிணையில் வெளிவர முடியாத சிறை தண்டனையும், ரூ. ஒரு லட்சம் அபராதமும் விதிக்கப்படும்.
இத்தகைய நிலையில் குழந்தை திருமணத்தை நடத்துவோர் மீது மாவட்ட நிர்வாகத்தால் கடும் நடவடிக்கை எடுக்கப்படும். இதுதொடர்பாக வட்டாட்சியர், கிராம நிர்வாக அலுவலர், காவல் ஆய்வாளர், பள்ளி ஆசிரியர்கள், மாவட்ட சமூக நல அலுவலர் ஆகியோரைத் தொடர்பு கொண்டு தகவல் தெரிவிக்கலாம். 
குழந்தை திருமணம் குறித்து விழிப்புணர்வு வேண்டுவோர் மாவட்ட குழந்தை பாதுகாப்பு அலுவலரை 9385810200, 04343-238100,238200 ஆகிய எண்களிலும், குழந்தைகளுக்கான தேசிய அவசர தொலைபேசி எண் 1098 என்ற எண்ணிலும் தொடர்பு கொண்டு தெரிவிக்கலாம். மேலும், மாவட்ட நிர்வாகம் சார்பில் வழங்கப்பட்டுள்ள 1077, 04343-234444 என்ற எண்ணிலும், 6369700230 என்ற கட்செவி அஞ்சல் என்ற எண்ணிலும் புகார் தெரிவிக்கலாம். 
தகவல் தெரிவிக்கும் நபர்களின் விவரங்கள் ரகசியம் காக்கப்படும். குழந்தைகளுக்கு எதிரான குற்றச் செயல்களில் ஈடுபடுவோர் மீது மாவட்ட நிர்வாகம் கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/oct/15/குழந்தை-திருமணம்-செய்வோர்-மீது-கடும்-நடவடிக்கை-மாவட்ட-நிர்வாகம்-எச்சரிக்கை-3020586.html
3020585 தருமபுரி கிருஷ்ணகிரி கிருஷ்ணகிரியில் அரசு கல்லூரி ஆசிரியர்கள் போராட்டம் DIN DIN Monday, October 15, 2018 08:34 AM +0530 கிருஷ்ணகிரியில் பல்வேறு கோரிக்கைளை வலியுறுத்தி, சேலம் மண்டல தமிழ்நாடு அரசு கல்லூரி ஆசிரியர் கழகம் சார்பில் ஞாயிற்றுக்கிழமை உண்ணாவிர போராட்டத்தில் ஈடுபட்டனர்
கிருஷ்ணகிரி புறநகர்ப் பேருந்து நிலையம் அருகே நடைபெற்ற இந்த போராட்டத்துக்கு சேலம் மண்டலத் தலைவர் முருகன் தலைமை வகித்தார். மாநில துணைத் தலைவர் சிவப்பிரியா, தமிழ்நாடு ஓய்வு பெற்ற கல்லூரி ஆசிரியர் கழக மாநில பொதுச் செயலாளர் பெருமாள், இந்திய வங்கி ஊழியர் சம்மேளனத்தின் மாநிலத் தலைவர் ஹரிராவ் உள்ளிட்டோர் பங்கேற்றனர். 
கிராமப்புற கல்லூரிகளில் காலியாக உள்ள ஆசிரியர் பணியிடங்களை விரைந்து நிரப்ப வேண்டும். தர ஊதியம் பெறுவதற்கான அரசாணை 102-இல் திருத்தம் மேற்கொள்ள வேண்டும். 2015-ஆம் ஆண்டில் பணியில் சேர்ந்த ஆசிரியர்களுக்கு முழுத்தகுதிச் சான்று, பணிவரன் முறை ஆணை, தகுதிகாண்பருவம் முடித்தமைக்கான ஆணை வழங்க வேண்டும் என்பன உள்ளிட்ட கோரிக்கைகளை நிறைவேற்ற வலியுறுத்தி போராட்டம் நடைபெற்றது.
இதில் சேலம் மண்டலத்துக்குள்பட்ட பர்கூர், கிருஷ்ணகிரி, காரிமங்கலம், ஒசூர், சேலம், தருமபுரி, நாமக்கல், குமரபாளையம், ராசிபுரம், ஆத்தூர் ஆகிய இடங்களில் உள்ள 15 கல்லூரிகளில் பணியாற்றும் ஆசிரியர்கள் 100-க்கும் மேற்பட்டோர் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/15/கிருஷ்ணகிரியில்-அரசு-கல்லூரி-ஆசிரியர்கள்-போராட்டம்-3020585.html
3020584 தருமபுரி கிருஷ்ணகிரி கல்லாவியில் அக்.16-இல் அமைப்புசாரா நல வாரிய உறுப்பினர் சேர்க்கை முகாம் DIN DIN Monday, October 15, 2018 08:34 AM +0530 கல்லாவியில் தமிழ்நாடு கட்டுமானம் மற்றும் அமைப்புசாரா தொழிலாளர் நல வாரிய உறுப்பினர் சேர்க்கை முகாம் அக்.16-ஆம் தேதி நடைபெறுகிறது.
இதுகுறித்து கிருஷ்ணகிரி மாவட்ட சமூக பாதுகாப்புத் திட்ட தொழிலாளர் உதவி ஆணையர் த.முருகேசன், ஞாயிற்றுக்கிழமை வெளியிட்ட செய்திக் குறிப்பு:
தொழிலாளர் துறையின் கூட்டு முயற்சியில் கட்டுமானம், உடலுழைப்பு மற்றும் ஓட்டுநர்கள் உள்பட பல்வேறு அமைப்பு சாரா தொழிலில் ஈடுபட்டுள்ள தொழிலாளர்களை தமிழ்நாடு கட்டுமானம் மற்றும் அமைச்சாரா தொழிலாளர்கள் நல வாரியங்களில் உறுப்பினர்களாகப் பதிவு மற்றும் புதுப்பித்தல் செய்வதறாக கிருஷ்ணகிரி மாவட்டம், ஊத்தங்கரை அருகே உள்ள கல்லாவி ஊராட்சி மன்ற அலுவலக வளாகத்தில் அக்.16-ஆம் தேதி காலை 10 முதல் மதியம் 3 மணி வரையில் சிறப்பு முகாம் நடைபெறுகிறது. 
தமிழ்நாடு அரசு தொழிலாளர் துறையின் கீழ் கட்டுமானம் மற்றும் அமைப்புசாரா தொழிலாளர்களுக்கு 17 தொழிலாளர் நல வாரியங்கள் அமைத்து அதில் கட்டுமானம், உடலுழைப்பு மற்றும் ஓட்டுநர்கள் உள்பட பல்வேறு அமைப்பு சாரா தொழிலில் ஈடுபட்டுள்ள தொழிலாளர்களை உறுப்பினர்களாகப் பதிவு செய்து அவர்களுக்கு கல்வி, திருமணம், மகப்பேறு, கண்கண்ணாடி, ஓய்வூதியம், இயற்கை மரணம், விபத்து மரணம், ஈமச்சடங்கு போன்ற பல்வேறு நலத் திட்ட உதவிகளை வழங்கி வருகிறது. 
எனவே, தகுதி உள்ள தொழிலாளர்கள் முழுமையாக நிறைவு செய்யப்பட்ட பதிவு விண்ணப்பம், 2 புகைப்படங்கள், அசல் குடும்ப அட்டை, பதிவு பெற்ற அதிகாரியிடம் சான்றொப்பம் பெற்ற குடும்ப அட்டையின் நகல், ஆதார் அட்டை நகல், வாக்காளர் அடையாள அட்ட நகல், ஆதார் அட்டை இல்லாதவர்கள் அதற்கான படிவம் ஆகியற்றுடன் இந்த முகாமில் பதிவு செய்து பயன் பெறலாம். 
மேலும், எற்கனேவே தொழிலாளர் நல வாரியங்களில் பதிவு செய்யப்பட்ட தொழிலாளர்கள் தங்களின் பதிவினை இந்த முகாமில் புதுப்பித்துக் கொள்ளலாம். ஆதார் எண்ணை இணைக்காதவர்கள் இந்த முகாமில் பங்கேற்று இணைத்துக் கொள்ளலாம் என அதில் அவர் தெரிவித்தார்.

]]>
http://www.dinamani.com/all-editions/edition-dharmapuri/krishnagiri/2018/oct/15/கல்லாவியில்-அக்16-இல்-அமைப்புசாரா-நல-வாரிய-உறுப்பினர்-சேர்க்கை-முகாம்-3020584.html
3020583 தருமபுரி கிருஷ்ணகிரி ஒகேனக்கல்லுக்கு சுற்றுலாப் பயணிகளின் வருகை அதிகரிப்பு DIN DIN Monday, October 15, 2018 08:34 AM +0530 விடுமுறை நாளான ஞாயிற்றுக்கிழமை (அக்.14) மாநிலத்தின் பல்வேறு மாவட்டங்கள் மட்டுமன்றி, கர்நாடகம், ஆந்திரத்திலிருந்து ஏராளமான சுற்றுலாப் பயணிகள் ஒகேனக்கல்லில் குவிந்தனர்.
குடும்பத்துடன் எண்ணெய் தேய்த்து அருவியில் குளித்து மகிழ்ந்த சுற்றுலாப் பயணிகள் காவிரி ஆற்றின் அழகை ரசிப்பதற்காக பரிசல் சவாரி செய்து மகிழ்ந்தனர். பிரதான அருவி மட்டுமல்லாது முதலைப்பண்ணை மற்றும்  வண்ண  மீன்அருங்காட்சியகத்தை ஏராளமானோர் கண்டு ரசித்தனர். மழையில் நனைந்தபடியே பூங்காக்களில் குழந்தைகளுடன் பெற்றோர்கள் விளையாடி மகிழ்ந்தனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/15/ஒகேனக்கல்லுக்கு-சுற்றுலாப்-பயணிகளின்-வருகை-அதிகரிப்பு-3020583.html
3020582 தருமபுரி கிருஷ்ணகிரி கர்நாடகத்துக்கு கடத்தப்படவிருந்த ரேஷன் அரிசி பறிமுதல்: 2 பேர் கைது DIN DIN Monday, October 15, 2018 08:33 AM +0530 அஞ்செட்டி வழியாக கர்நாடகத்துக்கு கடத்தப்படவிருந்த 500 கிலோ ரேஷன் அரிசி மூட்டைகளை வனத் துறையினர் பறிமுதல்
செய்தனர்.
கிருஷ்ணகிரி மாவட்ட வனத் துறை அதிகாரி தீபக் பில்கி உத்தரவின் பேரில் அஞ்செட்டி வனத் துறை ரேஞ்சர் ரவி தலைமையில் வனத் துறையினர் அஞ்செட்டி சாலையில் வாகன சோதனையில் ஈடுபட்டிருந்தனர். அப்போது, அந்த வழியாக சென்ற வாகனத்தை நிறுத்தி சோதனை செய்தனர்.
அதில் 22 மூட்டைகளில் ரேஷன் அரிசி இருந்தது தெரிய வந்தது. வாகனத்தில் வந்த இரண்டு பேரை பிடித்து வனத் துறையினர் விசாரித்தனர். அப்போது, அவர்கள் கர்நாடகா மாநிலம், கனகபுராவைச் சேர்ந்த யாரப் மற்றும் அஜஸ்பாஜா என்பது தெரிய வந்தது.
இவர்கள் ரேஷன் அரிசி மூட்டைகளை கர்நாடகத்துக்கு கடத்திச் செல்வது தெரிய வந்தது. கைது செய்யப்பட்ட இருவரும் தேன்கனிகோட்டை வட்டாட்சியர் வெங்கடேஷிடம் ஒப்படைத்தனர். 
பறிமுதல் செய்யப்பட்ட அரிசி மூட்டைகள் உணவு தானிய சேமிப்பு கிடங்கிற்கு அனுப்பி வைக்கப்பட்டது.


 

]]>
http://www.dinamani.com/all-editions/edition-dharmapuri/krishnagiri/2018/oct/15/கர்நாடகத்துக்கு-கடத்தப்படவிருந்த-ரேஷன்-அரிசி-பறிமுதல்-2-பேர்-கைது-3020582.html
3020581 தருமபுரி கிருஷ்ணகிரி லாரி-பேருந்து மோதல்: பெண் சாவு DIN DIN Monday, October 15, 2018 08:33 AM +0530 சூளகிரி அருகே முன்னாள் சென்ற லாரி மீது தமிழக அரசு பேருந்து மோதியதில் பெண் உயிரிழந்தார். 
பெங்களூரிலிருந்து தமிழ் நாடு அரசு பேருந்து திருவண்ணாமலை நோக்கி சென்றது. இதனை  தண்டராம்பட்டை சேர்ந்த ஒட்டுநர் சிவகுமார்(43) ஓட்டிச்சென்றார். நடத்துநர் மணி(50) என்பவர் பணியில் இருந்தார். இந்த பேருந்தில் 33 பேர் பயணம் செய்தனர். இந்த நிலையில் கிருஷ்ணகிரி மாவட்டம் சூளகிரி தேசிய நெடுஞ்சாலையில் மேம்பாலம் அருகே பேருந்து சென்றபோது, முன்னாள் சென்று கொண்டிருந்த லாரியை முந்தி செல்ல முயன்ற போது லாரியின் பின்னால் வேகமாக மோதியது. இதில் பேருந்தின் இடது புறம் சேதமடைந்தது. மேலும் பயணிகளில் 8 பேர் பலத்த காயமடைந்தனர். இதில், திருவண்ணாமலை மாவட்டம், கலசபாக்கத்தை சேர்ந்த ராமசாமியின் மனைவி காசியம்மா(45) உயிரிழந்தார்.
 

]]>
http://www.dinamani.com/all-editions/edition-dharmapuri/krishnagiri/2018/oct/15/லாரி-பேருந்து-மோதல்-பெண்-சாவு-3020581.html
3020580 தருமபுரி கிருஷ்ணகிரி வன விலங்குகளை வேட்டையாடிய தம்பதி கைது DIN DIN Monday, October 15, 2018 08:32 AM +0530 கிருஷ்ணகிரி அருகே வன விலங்குகளை வேட்டையாடி விற்க முயன்ற போது தம்பதி கைது செய்யப்பட்டனர்.
கிருஷ்ணகிரி வனச் சரக அலுவலர் க.நாகேஷ், தலைமையிலான வனவர்கள் வி.ராஜேந்திரன், எம்.சம்பத்குமார், வனக் காப்பாளர்கள் எம்.கங்கை அமரன், பி.சிவக்குமார், வி.நாராயணன், சி.கோவிந்தசாமி ஆகியோர் கொண்ட தனிக் குழுவினர், கிருஷ்ணகிரி - ஒசூர் தேசிய நெடுஞ்சாலையில் பந்தாரப்பள்ளி அருகே உள்ள தனியார் உணவகம் அருகே கண்காணிப்பு பணியில் சனிக்கிழமை இரவு ஈடுபட்டனர்.
அப்போது, இரு சக்கர வாகனத்தில் வந்த தம்பதியை சந்தேகத்தின் பேரில் விசாரணை செய்ததில் அவர்கள், வனப் பகுதியில் வேட்டையாடிய முயல்கள், கவுதாரிகளை, நடேசன் என்பவருக்கு விற்பனை செய்ய கடத்தி வந்தது தெரியவந்தது. அவர்களிடம் தொடர்ந்து மேற்கொண்ட விசாரணையில் அவர்கள் ஊத்தங்கரை வட்டம், சந்திரப்பட்டி ஊராட்சியைச் சேர்ந்த வெள்ளிமலை கிராமத்தைச் சேர்ந்த காவேரி(44), அவரது மனைவி முத்தம்மா(38) என்பது தெரியவந்தது.
இருவரையும் கைது செய்த வனத் துறையினர் அவர்களிடமிருந்து 8 முயல்கள், 25 கவுதாரிகளையும் பறிமுதல் செய்தனர். இதுகுறித்து, வனத் துறையினர் தொடர்ந்து விசாரணை செய்து வருகின்றனர். 


 

]]>
http://www.dinamani.com/all-editions/edition-dharmapuri/krishnagiri/2018/oct/15/வன-விலங்குகளை-வேட்டையாடிய-தம்பதி-கைது-3020580.html
3020204 தருமபுரி கிருஷ்ணகிரி கிரிக்கெட் போட்டி: அணியைப் பதிவு செய்ய அழைப்பு DIN DIN Sunday, October 14, 2018 10:18 AM +0530 மாணவர்களுக்கான சுதந்திர தின கோப்பை கிரிக்கெட் போட்டியில் பங்கேற்க அக்.25-க்குள் அணியைப் பதிவு செய்யுமாறு கிருஷ்ணகிரி மாவட்ட கிரிக்கெட் சங்கச் செயலாளர் எஸ்.சீனிவாசன் கேட்டுக் கொண்டுள்ளார்.
இதுகுறித்து சனிக்கிழமை அவர் வெளியிட்ட அறிக்கை:
கிருஷ்ணகிரி மாவட்ட கிரிக்கெட் சங்கம் நடத்தும் 15 வயதுக்குள்பட்ட அரசு, தனியார் பள்ளி மாணவர்களுக்கான நாக் அவுட் முறையில் நடத்தப்படும் சுதந்திர தின கோப்பை கிரிக்கெட் போட்டியில் கிருஷ்ணகிரி வருவாய் மாவட்டத்தைச் சேர்ந்தை 1.9.2004 அன்றோ அல்லது அதற்கு பிறகோ பிறந்த அரசு, தனியார் பள்ளிகளில் பயிலும் மாணவர்கள் தங்களது பள்ளி அணிக்காக விளையாடலாம். பள்ளி அணியைப் பதிவு செய்த அக்.25-ஆம் தேதி கடைசி நாள். மேலும் விவிரங்களுக்கு மாவட்ட கிரிக்கெட் சங்கத்தின் இணைச் செயலாளர் சிவசங்கரை 9677000063 என்ற செல்லிடப்பேசி எண்ணில் தொடர்பு கொள்ளலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/oct/14/கிரிக்கெட்-போட்டி-அணியைப்-பதிவு-செய்ய-அழைப்பு-3020204.html
3020203 தருமபுரி கிருஷ்ணகிரி சர்வதேச பேரிடர் தணிக்கும் நாள் விழிப்புணர்வு ஊர்வலம் DIN DIN Sunday, October 14, 2018 10:18 AM +0530 தருமபுரி, கிருஷ்ணகிரி மாவட்டங்களில்  சர்வதேச பேரிடர் தணிக்கும் நாள் விழிப்புணர்வு ஊர்வலம் சனிக்கிழமை நடைபெற்றது.
ஆண்டுதோறும் சர்வதேச பேரிடர் தணிக்கும் நாள் அக்டோபர் 13-ஆம் தேதி கடைப்பிடிக்கப்படுகிறது. இதையொட்டி, கிருஷ்ணகிரி மாவட்டத்தில் அனைத்து வட்ட தலைமையிடங்களிலும் கல்லூரி மாணவர்களைக் கொண்டு பேரிடர் விழிப்புணர்வு ஊர்வலங்கள், பள்ளிகளில் பேரிடர் மேலாண்மை தலைப்பை முன்னிறுத்தி பல்வேறு போட்டிகளும், தீயணைப்பு மற்றும் மீட்பு பணி அலுவலர்கள் மூலம் பயிற்சிகளும் நடத்த ஏற்பாடுகள் செய்யப்பட்டுள்ளன. 
கிருஷ்ணகிரி புதிய பேருந்து நிலையம் அருகே பேரிடர் விழிப்புணர்வு ஊர்வலத்தை கிருஷ்ணகிரி மாவட்ட வருவாய் அலுவலர் எஸ்.சாந்தி கொடியசைத்து தொடங்கிவைத்தார்.  இந்த ஊர்வலத்தில் பங்கேற்றோர் பேரிடர் காலத்தில் மேற்கொள்ள வேண்டிய பாதுகாப்பு, முன்னெச்சரிக்கை குறித்து பொதுமக்களிடம் விழிப்புணர்வை ஏற்படுத்தினர்.
கிருஷ்ணகிரி புறநகர்ப் பேருந்து நிலையம் அருகே தொடங்கிய ஊர்வலம், லண்டன் பேட்டை, வட்டச் சாலை, பெங்களூரு சாலை வழியாக சென்று கிருஷ்ணகிரி வருவாய்க் கோட்டாட்சியர் அலுவலகம் அருகே நிறைவு பெற்றது. 
இந்த ஊர்வலத்தில்  வருவாய்க் கோட்டாட்சியர் சரவணன், வட்டாட்சியர் சேகர், சமூக பாதுகாப்பு தனி வட்டாட்சியர் பாலு, தீயணைப்புத் துறை அலுவலர் அண்ணாதுரை உள்ளிட்டோர்
பங்கேற்றனர். 
பாலக்கோட்டில்...
பாலக்கோடு அரசு ஆண்கள், பெண்கள் மேல்நிலைப் பள்ளிகள் சார்பில் சர்வதேச பேரிடர் தணிக்கும் நாள் விழிப்புணர்வு பேரணி சனிக்கிழமை நடைபெற்றது.
பேரணியை மாவட்ட ஆதிதிராவிடர் நல அலுவலர் கீதாராணி கொடியசைத்து தொடக்கிவைத்தார்.
வட்டாட்சியர் வெங்கடேஷ்வரன்  தலைமை வகித்தார்.துணை வட்டாட்சியர் சண்முக சுந்தரம், வருவாய் ஆய்வாளர் பழனிவேல், கிராம நிர்வாக அலுவலர்கள் சாம்ராஜ், சத்யா,  தலைமை ஆசிரியர்கள்  கலைச்செல்வி, லட்சுமணன் மற்றும் என்எஸ்எஸ், பசுமைப்படை மாணவ, மாணவிகள் பேரணியில் பங்கேற்றனர்.
அரசு ஆண்கள் மேல்நிலைப் பள்ளியிலிருந்து  பாலக்கோடு பேருந்து நிலையம் வரை இப் பேரணி நடைபெற்றது.
பென்னாகரத்தில்...
பென்னாகரம் அரசு ஆண்கள் பள்ளி சார்பில் நடைபெற்ற விழிப்புணர்வு பேரணியை துணை ஆட்சியர் அஜய் சீனிவாசன் கொடியசைத்து தொடங்கிவைத்தார்.
தலைமை ஆசிரியர் வீரமணி முன்னிலை வகித்தார். பள்ளியில் தொடங்கி பேருந்து நிலையம் வரை விழிப்புணர்வு பேரணி நடைபெற்றது. தீயணைப்பு துறை சார்பில் தீக்காயம் குறித்தும், தீயில் சிக்கிக் கொண்டவர்களைக் காப்பாற்றுவது குறித்தும் செய்முறை விளக்கமளித்தனர்.
பென்னாகரம் வட்டாட்சியர் இல.பிரசன்னமூர்த்தி, வருவாய் ஆய்வாளர் சிவன், தமிழாசிரியர்கள் முனியப்பன், பெருமாள் மற்றும் உதவி தலைமை ஆசிரியர் லட்சுமணன் ஆகியோர் கலந்து கொண்டனர்.
ஊத்தங்கரையில்...
கிருஷ்ணகிரி மாவட்டம், ஊத்தங்கரையில் சர்வதேச பேரிடர் தணிக்கும் நாள் விழிப்புணர்வு பேரணி  சனிக்கிழமை நடைபெற்றது.
பேரணிக்கு மாவட்ட ஆதிதிராவிடர் நல அலுவலர் சிவசங்கரன் தலைமை வகித்தார். ஊத்தங்கரை வருவாய் வட்டாட்சியர் பி.மாரிமுத்து, தலைமையிடத்து துணை வட்டாட்சியர் சிவசந்திரன்,  துணை வட்டாட்சியர்  அரவிந்தன், வருவாய் ஆய்வாளர்கள் குமார், நல்லதம்பி ஆகியோர் முன்னிலை வகித்தனர்.
பேரணியை மாவட்ட ஆதிதிராவிடர் நல அலுவலர் சிவசங்கரன் தொடக்கிவைத்தார். ஊத்தங்கரை வட்டாட்சியர் அலுவலகம் எதிரில் தொடங்கிய பேரணி முக்கிய  வீதிகள் வழியாகச் சென்றது.  இதில் அதியமான் கல்லூரி நாட்டு நலப்பணித் திட்ட மாணவிகள்,இளம்செஞ்சிலுவை சங்க மாணவிகள், வருவாய்த் துறை அலுவலர்கள் என 200 க்கும் மேற்பட்டோர் பங்கேற்றனர். கிராம நிர்வாக அலுவலர் திருஞானம் உள்பட பலர் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/14/சர்வதேச-பேரிடர்-தணிக்கும்-நாள்-விழிப்புணர்வு-ஊர்வலம்-3020203.html
3020202 தருமபுரி கிருஷ்ணகிரி சாலை விபத்தில் 2 மீனவர்கள் சாவு DIN DIN Sunday, October 14, 2018 10:17 AM +0530 தேன்கனிக்கோட்டை அருகே சனிக்கிழமை நிகழ்ந்த சாலை விபத்தில் 2 மீனவர்கள் உயிரிழந்தனர். 
கிருஷ்ணகிரி மாவட்டம், தேன்கனிக்கோட்டை பிரசாத் தெருவைச் சேர்ந்த கிருஷ்ணன்(38).  கம்மந்தூர் கிராமத்தைச் சேர்ந்தவர் கெஞ்சப்பா ஆகிய இருவரும் மீன்பிடிக்கும் தொழிலை செய்து வருகின்றனர். இவர்கள் சனிக்கிழமை தேன்கனிக்கோட்டையில் இருந்து பஞ்சப்பள்ளிக்கு மீன் பிடிக்க இரு சக்கர வாகனத்தில் மீன் வலையை எடுத்து சென்றனர். நீண்ட நேரமாகியும் அவர்கள் வீடு திரும்பாததால், அவர்களைத் தேடிக் கொண்டு உறவினர்கள் சென்றனர். அப்போது, விபத்தில் இருவரும் பலத்த காயங்களுடன் சாலையில் இறந்து கிடந்தனர். தேன்கனிக்கோட்டை போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/14/சாலை-விபத்தில்-2-மீனவர்கள்-சாவு-3020202.html
3020201 தருமபுரி கிருஷ்ணகிரி வாக்காளர் பட்டியல் சுருக்கத் திருத்தம்: கிருஷ்ணகிரியில் விழிப்புணர்வு கையெழுத்து இயக்கம் DIN DIN Sunday, October 14, 2018 10:17 AM +0530 கிருஷ்ணகிரியில் வாக்காளர் பட்டியலில் பெயர் சேர்த்தல், நீக்குதல், திருத்தம் குறித்து பொதுமக்களிடம் விழிப்புணர்வு ஏற்படுத்தும் வகையில் கையெழுத்து இயக்கத்தை மாவட்ட வருவாய் அலுவலர் எஸ்.சாந்தி, தொடங்கிவைத்தார்.
கிருஷ்ணகிரி வருவாய்க் கோட்டாட்சியர் அலுவலக வளாகத்தில் நடைபெற்ற நிகழ்ச்சியில்  கிருஷ்ணகிரி வருவாய்க் கோட்டாட்சியர் சரவணன் உள்ளிட்டோர் பங்கேற்றனர். 1.1.2019-ஆம் தேதியினை தகுதி ஏற்படுத்தும் நாளாகக் கொண்டு 18 வயது நிரம்பியவர்களை வாக்காளர் பட்டியலில் புதிதாக சேர்க்கும் வகையில் சுருக்கத்திருத்த முகாம் நடைபெற்று வருகிறது. கிருஷ்ணகிரி மாவட்டத்தில் உள்ள 1,850 வாக்குச்சாவடிகளில் இந்த முகாம் நவம்பர் 9 , 23 மற்றும் அக்.7 ஆகிய தேதிகளில் நடைபெற்றது. 
இதைத் தொடர்ந்து அக்.14-ஆம் தேதி வாக்காளர் பட்டியல் சிறப்பு திருத்த முகாம் நடைபெறுகிறது. 
இந்த முகாமில் உரிய படிவங்களை நிறைவு செய்து, வாக்காளர் பட்டியலில் பெயர் சேர்த்தல், நீக்கல், முகவரி மாற்றம் உள்ளிட்ட பணிகளை மேற்கொள்ளலாம். 
இந்த விழிப்புணர்வு இயக்கத்தில் கிருஷ்ணகிரி அறிஞர் அண்ணா கலைக் கல்லூரி, காவேரிப்பட்டணம் அரசு மேல்நிலைப் பள்ளியைச் சேர்ந்த தேசிய மாணவர் படை மாணவர்கள் 500-க்கும் மேற்பட்டோர் பங்கேற்று கையொப்பமிட்டனர். 


 

]]>
http://www.dinamani.com/all-editions/edition-dharmapuri/krishnagiri/2018/oct/14/வாக்காளர்-பட்டியல்-சுருக்கத்-திருத்தம்கிருஷ்ணகிரியில்-விழிப்புணர்வு-கையெழுத்து-இயக்கம்-3020201.html
3020200 தருமபுரி கிருஷ்ணகிரி "ஒசூரில் சொத்து வரியை உயர்த்தக் கூடாது' DIN DIN Sunday, October 14, 2018 10:17 AM +0530 ஒசூரில் சொத்து வரியை உயர்த்தக் கூடாது என அனைத்து குடியிருப்போர் நலச் சங்கத்தினர் 50 ஆயிரம் பேரிடம் கையெழுத்து இயக்கத்தை நடத்தி, அதனை ஒசூர் நகராட்சி ஆணையர் பாலசுப்பிரமணியத்திடம் வெள்ளிக்கிழமை அளித்தனர். 
தமிழகத்தில் 10 ஆண்டுகளுக்கு ஒரு முறை சொத்து வரி உயர்த்தப்படும். 2008-இல் ஒசூர் நகராட்சியில் அதிகளவில் சொத்து வரி விதிக்கப்பட்டது. ஒசூர் மற்றும் அதனைச் சுற்றியுள்ள பகுதிகளில் சுமார் 3 ஆயிரம் தொழில்சாலைகள் இயங்கி வருகின்றன. இந்தத் தொழில்சாலைகளில் சுமார் 2 லட்சத்துக்கும் அதிகமான தொழிலாளர்கள் வேலை செய்து வருகின்றனர். அவர்களிடம் தொழில் வரி வசூலிக்கப்பட்டு வருகிறது.
எனவே, தமிழகத்தில் அதிக வரி வசூல் செய்யப்படுவது ஒசூர் நகராட்சியில் தான். வரி வசூலில் முதல் இடத்தில் உள்ள ஒசூர் நகராட்சியில் 50 சதவீதம் வரை சொத்து வரியை உயர்த்த திட்டமிட்டுள்ளது.
இதுகுறித்து அனைத்து குடியிருப்போர் நலச் சங்கத்தின் தலைவர் துரை தலைமையில் அனைத்து குடியிருப்போர் நலச் சங்கத்தின் நிர்வாகிகள், வியாபாரிகள் சங்கத்தினர், உணவக விடுதி உரிமையாளர்கள் சங்கம் உள்ளிட்ட பல்வேறு சங்கங்களின் நிர்வாகிகள் சொத்து வரிக்கு ஆட்சேபணை தெரிவித்து ஒசூர் நகராட்சி ஆணையரிடம் கோரிக்கை மனு அளித்தனர். மேலும், சுமார் 50 ஆயிரம் பேரிடம் பெறப்பட்ட கையெழுத்து மனுவையும் அளித்தனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/14/ஒசூரில்-சொத்து-வரியை-உயர்த்தக்-கூடாது-3020200.html
3020199 தருமபுரி கிருஷ்ணகிரி மான் வேட்டைக்குச் சென்றவர் கைது DIN DIN Sunday, October 14, 2018 10:16 AM +0530 உரிமம் பெறாத நாட்டுத் துப்பாக்கியுடன் அஞ்செட்டியை அடுத்த அட்டப்பள்ளம் காப்புக் காட்டில் சுற்றித் திரிந்தவர் கைது செய்யப்பட்டார். மேலும், தலைமறைவான 4 பேரை வனத் துறையினர் தேடி வருகின்றனர்.
அட்டப்பள்ளம் காப்புக் காட்டில் வனச்சரகர் ரவி தலைமையிலான வனத் துறையினர் ரோந்துப் பணியில் ஈடுபட்டிருந்தனர். அப்போது, துப்பாக்கியுடன் திரிந்த 5 பேரை விரட்டி சென்றனர். அவர்களில் சேஷராஜபுரத்தைச் சேர்ந்த மதலைமுத்து (47) கைது செய்யப்பட்டார். விசாரணையில் மான் வேட்டைக்காக சுற்றித்திரிந்தது தெரிய வந்தது. அவரிடமிருந்த துப்பாக்கியை பறிமுதல் செய்த வனத் துறையினர், தலைமறைவான 4 பேரை தேடி வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/14/மான்-வேட்டைக்குச்-சென்றவர்-கைது-3020199.html
3020198 தருமபுரி கிருஷ்ணகிரி கிருஷ்ணகிரியில் இயந்திரம் மூலம் தென்னை மரம் ஏறும் பயிற்சி DIN DIN Sunday, October 14, 2018 10:16 AM +0530 கிருஷ்ணகிரியில் தென்னை வளர்ச்சி வாரியம் மற்றும் வேளாண் அறிவியல் மையம் சார்பில் இயந்திரம் மூலம் விவசாயிகளுக்கு தென்னை மரம் ஏறும் பயிற்சி அளிக்கப்பட்டது.
தென்னை வளர்ச்சி வாரியத்தின் சென்னை, மண்டலம், மற்றும் கிருஷ்ணகிரியை அடுத்த எலுமிச்சங்கரியில் உள்ள வேளாண் அறிவியல் மையம் ஆகியன இணைந்து, விவசாயிகளுக்கு தென்னை மரம் ஏறும் பயிற்சியை அளித்தது.18 முதல் 40 வயது உள்ள இளைஞர்கள் இப் பயிற்சியில் பங்கேற்றனர்.
6 நாள்கள் நடைபெற்ற இந்த பயிற்சி முகாமை, தென்னை வளர்ச்சி மையத்தின் சென்னை மண்டல தொழில்நுட்ப அலுவலர் சி.சசிகுமார் தொடங்கிவைத்தார். வேளாண் அறிவியல் மையத்தின் தலைவர் சுந்தராஜ், திட்ட உதவியாளர் இஸ்மாயில் உள்ளிட்டோர் பங்கேற்றனர்.
இந்த பயிற்சி முகாமில் இயந்திரம் மூலம் தென்னை மரம் ஏறுவது குறித்தும், தென்னை மரம் ஏற பயன்படுத்தப்படும் இயந்திரத்தின் தொழில்நுட்பங்கள் குறித்தும் விளக்கப்பட்டது. மேலும், தென்னை மர சாகுபடிக்கான தென்னை மரத்தின் ரகத் தேர்வு, பராமரிப்பு, உரம் மேலாண்மை, பூச்சி மேலாண்மை, நீர் மேலாண்மை, தொழில்நுட்பங்கள், மனித வள மேம்பாட்டிற்கான தலைமைப் பண்பு, கால மேலாண்மைக் குழு கலந்தாய்வு உள்ளிட்டவை குறித்தும் பயிற்சி அளிக்கப்பட்டன. 
இந்த பயிற்சியில் பெண்கள் உள்பட 20 பேருக்கு பயிற்சி அளிக்கப்பட்டது. மேலும் 60 பேருக்கு பல கட்டமாக பயிற்சி அளிக்கப்பட உள்ளது. மேலும் எஸ்சி, எஸ்.டி. பிரிவினருக்கும் பயிற்சி அளிக்கப்பட உள்ளன. பயிற்சியின் போது பயனாளிகளுக்கு இலவச உணவு, இருப்பிடம் மற்றும் ரூ.4 ஆயிரம் மதிப்பிலான தென்னை மரம் ஏறும் இயந்திரம், சான்றிதழ்கள் வழங்கப்பட்டன. 

]]>
http://www.dinamani.com/all-editions/edition-dharmapuri/krishnagiri/2018/oct/14/கிருஷ்ணகிரியில்-இயந்திரம்-மூலம்-தென்னை-மரம்-ஏறும்-பயிற்சி-3020198.html
3020197 தருமபுரி கிருஷ்ணகிரி தனியார் வேலைவாய்ப்பு முகாம்: 482 பேருக்கு பணி நியமன ஆணை  DIN DIN Sunday, October 14, 2018 10:16 AM +0530 கிருஷ்ணகிரியில் சனிக்கிழமை நடைபெற்ற தனியார் துறை வேலைவாய்ப்பு முகாமில் 482 பேருக்கு பணி நியமன ஆணை வழங்கப்பட்டது. 
கிருஷ்ணகிரி அரசு மகளிர் மேல்நிலைப் பள்ளி வளாகத்தில் கிருஷ்ணகிரி மாவட்ட நிர்வாகம், வேலைவாய்ப்பு அலுவலகம், தமிழ்நாடு ஊரக வாழ்வாதார இயக்கம் ஆகியன இணைந்து  தனியார் துறை வேலைவாய்ப்பு முகாமை நடத்தின. 
இதில் சேலம், கோவை, சென்னை, ஒசூர், கிருஷ்ணகிரி ஆகிய நகரங்களைச் சேர்ந்த 75 தனியார் நிறுவனங்கள் பங்கேற்று, தங்கள் நிறுவனத்துக்கு தகுதியான நபர்களைத் தேர்வு செய்தனர். இந்த முகாமில் 965 பணி நாடுநர்கள் பங்கேற்றனர். இதில் தகுதி வாய்ந்த 482 பேர் தேர்வு செய்யப்பட்டு, அவர்களுக்கு பணி நியமன ஆணைகள் வழங்கப்பட்டன. 
இந்த நிகழ்வில் மகளிர் திட்ட அலுவலர் உமா மகேஸ்வரி, மாவட்ட வேலைவாய்ப்பு அலுவலர் கௌரி சங்கர், பள்ளி தலைமை ஆசிரியர் மகேந்திரன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/14/தனியார்-வேலைவாய்ப்பு-முகாம்-482-பேருக்கு-பணி-நியமன-ஆணை-3020197.html
3019450 தருமபுரி கிருஷ்ணகிரி மணல் குவாரி அமைக்க விவசாயிகள் எதிர்ப்பு DIN DIN Saturday, October 13, 2018 09:34 AM +0530 பென்னாகரம் அருகே அனுமதியின்றி விவசாய நிலத்தில் தனியார் நிறுவனத்தின் மணல் குவாரி அமைப்பதற்கு, அப்பகுதி விவசாயிகள் எதிர்ப்புத் தெரிவித்துள்ளனர்.
தருமபுரி மாவட்டம், பென்னாகரம் அருகே வட்டுவன அள்ளி ஊராட்சிக்குள்பட்ட பி.கோடுப்பட்டி பகுதியில் வசிக்கும் ராஜா என்பவருக்கு சொந்தமான விவசாய நிலத்தில், தனியார் மணல் குவாரி அமைக்க அப்பகுதி விவசாயிகள் எதிர்ப்புத் தெரிவிக்கின்றனர்.
இதுகுறித்து அப்பகுதி விவசாயிகள் கூறுகையில், இப்பகுதி மக்கள் விவசாயத்தையே பிரதான தொழிலாகக் கொண்டுள்ளனர். விவசாயத்துக்காக கிணற்றுப் பாசனத்தையே நம்பி வரும் நிலையில், விவசாய நிலத்தில்  தனியார் மணல் குவாரி அமைக்க, அனுமதியின்றி சோதனைக்காக இரவு நேரங்களில்  மணல் எடுக்கப்படுகிறது. அவ்வாறு மணல் எடுப்பதால்  கனிமவளம்  பாதிக்கப்பட்டு, அருகிலுள்ள விவசாய நிலத்தில் உள்ள கிணறுகள் வற்றிவிடும். மேலும், அனுமதியின்றி விவசாய நிலத்தில் மணல் எடுப்பதால், நீர்வளம் குறைந்து,விவசாய நிலங்கள் அனைத்தும் தரிசு நிலமாக மாறும் நிலை ஏற்படும். எனவே, அனுமதியின்றி மணல் அள்ளுவதை தடுக்க மாவட்ட ஆட்சியர் உடனடியாக நடவடிக்கை எடுக்க வேண்டும் என அப்பகுதி விவசாயிகள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/13/மணல்-குவாரி-அமைக்கவிவசாயிகள்-எதிர்ப்பு-3019450.html
3019449 தருமபுரி கிருஷ்ணகிரி தபால் தலை கண்காட்சி DIN DIN Saturday, October 13, 2018 09:34 AM +0530 கிருஷ்ணகிரியில் வெள்ளிக்கிழமை நடைபெற்ற தபால் தலை கண்காட்சியை 500-க்கும் மேற்பட்ட மாணவ, மாணவியர் பார்வையிட்டனர்.
கிருஷ்ணகிரி தலைமை அஞ்சல் அலுவலகத்தில் தேசிய அஞ்சல் வார விழா அக். 9 முதல் 15-ஆம் தேதி வரையில் நடைபெறுகிறது. இதையொட்டி, தபால் தலை கண்காட்சி வெள்ளிக்கிழமை நடைபெற்றது. இந்தக் கண்காட்சியை அஞ்சல் கோட்ட கண்காணிப்பாளர் சுப்பாராவ் தொடங்கி வைத்தார்.
இதில், காவேரிப்பட்டணத்தைச் சேர்ந்த ஓய்வுபெற்ற துணைப் பதிவாளர் ஜெயசந்திரன் (80), கடந்த 60 ஆண்டுகளாக சேகரித்து வைத்துள்ள தபால் தலைகளை பார்வைக்கு வைத்திருந்தார். 
மேலும், 150 ஆண்டுகளுக்கு முற்பட்ட தபால் தலைகள், சிறப்பு வெள்ளி நாணயங்கள், கதர் துணியால் செய்யப்பட்ட அஞ்சல் தலை, தங்க அஞ்சல் தலை, 3 ஆயிரத்துக்கும் மேற்பட்ட இந்திய, அயல்நாட்டு தபால் தலைகள், சிறப்பு தபால் உறைகள், தபால் அட்டைகளும் காட்சிக்கு வைக்கப்பட்டிருந்தன. குறிப்பாக, வெள்ளியால் ஆன ஆயிரம் ரூபாய் நோட்டு, உலகில் முதன் முறையாக கதர் துணியால் அச்சடிக்கப்பட்ட சிறப்பு அஞ்சல் தலை, உலகின் மிகச் சிறிய குரான் ஆகியவையும் பார்வைக்கு வைக்கப்பட்டிருந்தன. 
கண்காட்சியை, காவேரிப்பட்டணம், கிருஷ்ணகிரியைச் சேர்ந்த பள்ளி மாணவ, மாணவியர் 500-க்கும் மேற்பட்டோர் பார்வையிட்டனர்.
அக். 13-ஆம் தேதி, வணிக முன்னேற்ற தினத்தையொட்டி, வணிகர்களுக்கு அஞ்சல் துறையில் உள்ள சேவை பணி குறித்த விவரங்கள் தெரிவிக்கப்பட உள்ளன.

]]>
http://www.dinamani.com/all-editions/edition-dharmapuri/krishnagiri/2018/oct/13/தபால்-தலை-கண்காட்சி-3019449.html
3019448 தருமபுரி கிருஷ்ணகிரி சாலையில் உள்ள மின் கம்பத்தால் இடையூறு DIN DIN Saturday, October 13, 2018 09:34 AM +0530 பென்னாகரம் அருகே சாலையில் அமைந்துள்ள மின் கம்பத்தால் வாகன ஓட்டிகள் பெரும் சிரமத்தைச் சந்தித்து வருகின்றனர்.
பென்னாகரம் அருகே உள்ள பி.கோடுப்பட்டி பகுதியில் சாலையில் உள்ள மின் கம்பத்தால் அடிக்கடி விபத்துகள் ஏற்படுகின்றன. தாசம்பட்டி, கோடுப்பட்டி,மருக்காரம்பட்டி பகுதிகளிலிருந்து விளை பொருள்களை வாகனத்தில் ஏற்றி கொண்டு அதிகாலை, இரவு நேரத்தில் பென்னாகரம் வரும் விவசாயிகள் இந்த கம்பத்தால் பெரிதும் பாதிக்கப்படுகின்றனர். 
மின்வாரியம் உரிய நடவடிக்கை மேற்கொண்டு சாலையில் உள்ள கம்பத்தை அகற்ற வேண்டும் என பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/krishnagiri/2018/oct/13/சாலையில்-உள்ள-மின்-கம்பத்தால்-இடையூறு-3019448.html
3019447 தருமபுரி கிருஷ்ணகிரி கர்நாடக மாநிலத்துக்கு நியாய விலைக் கடை அரிசி கடத்தல்: ஓட்டுநர் கைது DIN DIN Saturday, October 13, 2018 09:33 AM +0530 கர்நாடக மாநிலத்துக்கு நியாய விலைக் கடை அரிசியைக் கடத்திய மினி வேனை பறிமுதல் செய்த தனிப் படையினர், அதன் ஓட்டுநரை வெள்ளிக்கிழமை கைது செய்தனர்.
கிருஷ்ணகிரி மாவட்ட வழங்கல் அலுவலர் சந்திரசேகர், தனி வட்டாட்சியர் (பறக்கும் படை), இளங்கோ, வருவாய் ஆய்வாளர் சலீம் பாஷா ஆகியோர் கொண்ட தனிப் படையினர், கிருஷ்ணகிரியை அடுத்த சிந்தகும்மனப்பள்ளியில் வாகனத் தணிக்கையில் வெள்ளிக்கிழமை ஈடுபட்டனர்.
அப்போது, அந்த வழியாக வந்த மினி வேனை தடுத்து நிறுத்தி சோதனை செய்ததில், அதில் ரூ.81,250 மதிப்பிலான 3.25 டன் நியாய விலைக் கடை அரிசி இருப்பது தெரியவந்தது. இதையடுத்து, மினி வேன் ஓட்டுநர் தருமபுரி மாவட்டம், கடகத்தூரைச் சேர்ந்த முனியப்பனிடம் (21) விசாரணை
செய்தனர். 
அதில், தருமபுரி மாவட்டத்திலிருந்து, கர்நாடக மாநிலத்துக்கு நியாய விலைக் கடை அரிசி கடத்துவது தெரியவந்தது. இதையடுத்து அரிசியுடன் மினி வேனை பறிமுதல் செய்து, ஓட்டுநர் முனியப்பனை குடிமைப் பொருள் கடத்தல் தடுப்பு மற்றும் குற்றப் புலனாய்வுத் துறை போலீஸாரிடம் ஒப்படைத்தனர்.

]]>
http://www.dinamani.com/all-editions/edition-dharmapuri/krishnagiri/2018/oct/13/கர்நாடக-மாநிலத்துக்குநியாய-விலைக்-கடை-அரிசி-கடத்தல்-ஓட்டுநர்-கைது-3019447.html
3019446 தருமபுரி கிருஷ்ணகிரி துபையில் கட்டுமான நிறுவனப் பணிக்கு தஞ்சாவூரில் நாளை நேர்காணல் DIN DIN Saturday, October 13, 2018 09:33 AM +0530 துபையில் கட்டுமான நிறுவனத்தில் வேலை வேண்டுவோர் தஞ்சாவூரில் அக். 14-ஆம் தேதி (ஞாயிற்றுக்கிழமை) நடைபெறும் முதற்கட்ட நேர்காணலில் பங்கேற்கலாம் என தெரிவிக்கப்பட்டுள்ளது.
இதுகுறித்து கிருஷ்ணகிரி மாவட்ட வேலைவாய்ப்பு அலுவலர் கௌரி சங்கர் வெள்ளிக்கிழமை வெளியிட்ட செய்திக் குறிப்பு: தமிழக அரசு முதன்மைச் செயலாளர், தொழிலாளர் மற்றும் வேலைவாய்ப்புத் துறை தலைவர் மற்றும் நிர்வாக இயக்குநர் சுனீல்பாலீவால் தெரிவித்துள்ள
தகவல் படி, துபையிலுள்ள கட்டுமான நிறுவனத்துக்கு இரண்டு ஆண்டு பணி அனுபவத்துடன் 27 முதல் 45 வயது வரையுள்ள கொத்தனார்கள், ஆபரேட்டர்கள், தச்சர்கள், போர்மென்கள் தேவைப்படுகிறார்கள்.
வேலை சம்பந்தப்பட்ட விவரங்கள் ‌w‌w‌w.‌o‌m​c‌m​a‌n‌p‌o‌w‌e‌r.​c‌o‌m என்ற வலைதளத்தில் அறிந்து கொள்ளலாம். கொத்தனார், ஆபரேட்டர், தச்சர்களுக்கு மாதம் ரூ.23 ஆயிரம் மற்றும் மிகை நேர பணி ஊதியம் ரூ.38 ஆயிரம் வழங்கப்படும். 
தேர்ந்தெடுக்கப்படுபவர்களுக்கு அனுபவத்தின் அடிப்படையில் கூடுதல் ஊதியம், இலவச இருப்பிடம், அந்த நாட்டின் சட்டத் திட்டத்துக்குள்பட்ட இதர சலுகைகள் வழங்கப்படும்.  
கொத்தனார், ஆபரேட்டர் மற்றும் தச்சர்கள் 10-ஆம் வகுப்பு தேர்ச்சி அல்லது இசிஎன்ஆர் பாஸ்போட் வைத்திருந்தல் வேண்டும். போர்மென் வேலைக்கு பட்ட படிப்பு (டிப்ளமோ) தேர்ச்சி பெற்றிருத்தல் வேண்டும். 
எனவே, கிருஷ்ணகிரி மாவட்டத்தைச் சேர்ந்தவர்கள், உரிய தகுதி மற்றும் விருப்பமிருப்பின், தங்களின் சுய விவரங்கள் அடங்கிய விண்ணப்பத்துடன் கல்வி அனுபவம், செல்லத்தக்க கடவுச் சீட்டு, இரண்டு புகைப்படத்துடன் தஞ்சாவூர் மாவட்ட வேலைவாய்ப்பு அலுவலகத்தில் அக். 14-ஆம் தேதி காலை 9 மணி முதல் மாலை 5 மணி வரையில் நடைபெறும் முதற்கட்ட நேர்காணலில் பங்கேற்கலாம் என அதில் அவர் தெரிவித்துள்ளார்.

]]>
http://www.dinamani.com/all-editions/edition-dharmapuri/krishnagiri/2018/oct/13/துபையில்-கட்டுமான-நிறுவனப்-பணிக்குதஞ்சாவூரில்-நாளை-நேர்காணல்-3019446.html
3019445 தருமபுரி கிருஷ்ணகிரி ஒசூரில் காய்கறி விலை வீழ்ச்சியால் விவசாயிகள் கவலை DIN DIN Saturday, October 13, 2018 09:32 AM +0530 ஒசூரில் காய்கறிகளின் விலை வீழ்ச்சியால், அதனை உற்பத்தி செய்த விவசாயிகள் பொருளாதார ரீதியாக பாதிக்கப்பட்டு கவலை அடைந்துள்ளனர்.
ஒசூர், சூளகிரி, தேன்கனிக்கோட்டை, பாகலூர், பேரிகை, கெலமங்கலம், தளி, சூளகிரி, ராயக்கோட்டை மற்றும் அதனைச் சுற்றியுள்ள சுமார் 500-க்கும் மேற்பட்ட கிராமங்களில், சுமார் 5 ஆயிரம் ஹெக்டேர் நிலப்பரப்பில் காய்கறிகள் பயிர் செய்யப்பட்டு வருகின்றன. 
தற்போது காய்கறிகளின் உற்பத்தி அதிகரித்துள்ளதால், அவற்றின் விலை கடுமையாக வீழ்ச்சியடைந்துள்ளது. தக்காளி ஒரு கிலோ ரூ.20 முதல் ரூ.40 வரை விற்பனை செய்யப்பட்டு வந்த நிலையில், தற்போது ஒரு கிலோ தக்காளி ரூ.1 முதல் ரூ.3 வரை மட்டுமே விற்பனை செய்யப்படுகிறது. இதனால் விவசாயிகள் தக்காளியைப் பறிக்காமல் நிலத்திலேயே விட்டு மாடுகளை மேய்க்க விடுகின்றனர். 
அதேபோல், பீன்ஸ் கிலோ ரூ.40 முதல் ரூ.60 வரை விற்பனை செய்யப்பட்டு வந்த நிலையில், தற்போது கிலோ ரூ.10 முதல் ரூ.15 வரை விற்பனை செய்யப்படுகிறது. ஒரு ஏக்கர் பீன்ஸ் நடவு செய்து அறுவடை வரை ரூ.1.5 லட்சம் செலவு செய்யப்படுவதாகவும், விலை வீழ்ச்சியால் ஒரு ஏக்கருக்கு ரூ.50 ஆயிரம் முதல் ரூ.65 ஆயிரம் வரை மட்டுமே கிடைப்பதால் பெருமளவில் இழப்பு ஏற்பட்டுள்ளதாக சூளகிரியைச் சேர்ந்த  விவசாயி முனிராஜ் தெரிவித்தார்.
அதேபோல், முட்டைகோஸ் ஒரு கிலோ ரூ.15 முதல் ரூ.30 வரை விற்பனை ஆகி வந்த நிலையில், ஒரு மூட்டை (100 கிலோ) ரூ.150-க்கும், சில்லறை விலையில் கிலோவுக்கு ரூ.2 முதல் ரூ.3 வரை மட்டுமே விற்பனை செய்யப்படுகிறது. இதனால் காய்கறி உற்பத்தி செய்த விவசாயிகள் பெருத்த நஷ்டம் அடைந்துள்ளனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/13/ஒசூரில்-காய்கறி-விலை-வீழ்ச்சியால்-விவசாயிகள்-கவலை-3019445.html
3018946 தருமபுரி கிருஷ்ணகிரி கிருஷ்ணகிரி அரசு மகளிர் கல்லூரியில் கிராமிய ஆடல் கலைப் பயிற்சி DIN DIN Friday, October 12, 2018 10:08 AM +0530 கிருஷ்ணகிரி அரசு மகளிர் கலைக் கல்லூரியில் கிராமிய நாட்டுப்புற ஆடல்கலை பயிற்சி வியாழக்கிழமை நடைபெற்றது.
கிருஷ்ணகிரி அரசு மகளிர் கலைக் கல்லூரியில் திருவையாறு தமிழ் ஐயர் கல்விக்கழகம், அவ்வை அறக்கட்டளை இணைந்து தமிழக நாட்டுப்புற ஆடல்கலைகளான கும்மி, கோலாட்டம், ஒயிலாட்டம் குறித்து பயிற்சி அளித்தது.
கல்லூரி முதல்வர் ஜெயந்தி தலைமையில் நடைபெற்ற இந்த நிகழ்ச்சியில் தமிழ்த் துறைத் தலைவர் சௌ.கீதா, திருவையாறு தமிழ் ஐயா கல்விக்கழக இயக்குநர் கலைவேந்தன் உள்ளிட்டோர் பங்கேற்றனர். இதில், அனைத்துத் துறைகளைச் சேர்ந்த 100 மாணவிகளுக்கு ஆடல்கலை பயிற்சி அளிக்கப்பட்டன. 
மேலும், நாட்டுப்புற ஆடல்கலைத் திலகம் என்ற விருதும், சான்றிதழும் வழங்கப்பட்டன. சிறந்த மாணவிகளுக்கு பதக்கங்கள் வழங்கப்பட்டன. தமிழ்த் துறைத் தலைவர் சௌ.கீதாவுக்கு கலைச்செம்மல் விருது வழங்கப்பட்டன. 
தமிழ்த் துறை உதவிப் பேராசிரியர் சிவகாமி, மாணவிகள் உள்ளிட்டோர் நிகழ்வை ஒருங்கிணைத்தனர்.

]]>
http://www.dinamani.com/all-editions/edition-dharmapuri/krishnagiri/2018/oct/12/கிருஷ்ணகிரி-அரசு-மகளிர்-கல்லூரியில்-கிராமிய-ஆடல்-கலைப்-பயிற்சி-3018946.html
3018944 தருமபுரி கிருஷ்ணகிரி வயலில் பூச்சிவிரட்டி செயல் விளக்கம் DIN DIN Friday, October 12, 2018 10:07 AM +0530 காவேரிப்பட்டணம் அருகே உள்ள கால்வேஅள்ளி கிராமத்தில் கோவை வேளாண்மை பல்கலைக்கழக மாணவிகள் பூச்சிவிரட்டி குறித்து செயல் விளக்கம் அளித்தனர்.
பையூர் மண்டல வேளாண் ஆராய்ச்சி நிலையத்தின் சார்பில் கிராமத் தாங்கல் திட்டத்தின் கீழ் கோவை வேளாண்மை பல்கலைக்கழக மாணவிகள் பல்வேறு செயல்முறைகளை விவசாயிகளுக்கு செய்து காட்டி வருகிறார்கள்.
அந்தவகையில், கால்வேஅள்ளி கிராமத்தில் பூச்சி விரட்டி குறித்து, மாணவிகள் செயல்விளக்கம் செய்து காட்டினர். அப்போது, செயற்கை மருந்துகளைப் பயன்படுத்துவதன் மூலம் மண்ணின் வளம் குறைந்து, பயிர்களில் அதிக அளவில் பூச்சி தாக்குதல்கள் காணப்படுகின்றன. இந்தப் பூச்சித் தாக்குதலை இயற்கை முறையில் பூச்சி விரட்டிகளைத் தயாரித்து, பூச்சிகளைக் கட்டுப்படுத்த முடியும். அதன்படி, நொச்சி, எருக்கு, புங்கம், வேப்பம், தும்பை ஆகியவற்றின் இலைகளைப் பயன்படுத்தி பூச்சிகளை விரட்டலாம். இந்த இலைகளின் கசப்பு தன்மையே பூச்சிகளை விரட்டுகிறது. இதனால், பயிர்களுக்கும் பாதுகாப்பாக உள்ளது.  
செய்முறை: இந்த 5 வகையான இலைகளை கையளவு எடுத்து, அதனை 5 லிட்டர் மாட்டுக் கோமியத்தில் 25 நாள்கள் ஊற வைத்து அதனை 3-5 சத அளவில் இலைத்தெளிப்பானாகப் பயன்படுத்தலாம்.  மேலும், இஞ்சி, பூண்டு, மிளகாய் ஆகியவற்றை அரைத்து சேர்த்தால் அதன் வீரியம் மேலும் அதிகரிக்கும் என அவர்கள் விவசாயிகளிடம் தெரிவித்தனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/12/வயலில்-பூச்சிவிரட்டிசெயல்-விளக்கம்-3018944.html
3018942 தருமபுரி கிருஷ்ணகிரி தந்தை பெரியார் விருதுக்கு விண்ணப்பிக்கலாம் DIN DIN Friday, October 12, 2018 10:07 AM +0530 தந்தை பெரியார் விருதுக்கு சமூக நீதிக்காகப் பாடுபடுபவர்களிடமிருந்து விண்ணப்பங்கள் வரவேற்கப்படுவதாக கிருஷ்ணகிரி மாவட்ட ஆட்சியர் சு.பிரபாகர் தெரிவித்துள்ளார்.
இதுகுறித்து வியாழக்கிழமை அவர் வெளியிட்ட செய்திக் குறிப்பு: ஒவ்வொரு ஆண்டும் சமூக நீதிக்காக பாடுபடுபவர்களை சிறப்பு செய்வதற்காக சமூக நீதிக்கான தந்தை பெரியார் விருது தமிழக அரசால் வழங்கப்பட்டு வருகிறது. இந்த விருதை பெறுவோருக்கு ரூ.ஒரு லட்சம் பொற்கிழியும், ஒரு சவரன் தங்கப்பதக்கமும், தகுதியுரையும் வழங்கப்பட்டு வருகிறது.   
அதன்படி, 2018-ஆம் ஆண்டிற்கான தமிழக அரசின் சமூக நீதிக்கான தந்தை பெரியார் விருது வழங்குவதற்கு உரிய விருதாளர் தேர்ந்தெடுக்கப்பட உள்ளனர். எனவே, சமூக நீதிக்காகப் பாடுபட்டு, மக்களின் வாழ்க்கைத்தரம் உயர மேற்கொள்ளப்பட்ட பணிகள், சாதனைகள் ஆகியவற்றுடன் விண்ணப்பத்தாரரின் பெயர், சுய விவரம், முழு முகவரியுடன் அக்.31-ஆம் தேதிக்குள் மாவட்ட ஆட்சியருக்கு விண்ணப்பிக்கலாம். எனவே, கிருஷ்ணகிரி மாவட்டத்தில் உள்ள சமூக ஆர்வலர்கள் உரிய காலத்துக்குள் விண்ணப்பித்து, பயன்பெறலாம் என அதில் அவர் தெரிவித்துள்ளார். 

]]>
http://www.dinamani.com/all-editions/edition-dharmapuri/krishnagiri/2018/oct/12/தந்தை-பெரியார்-விருதுக்கு-விண்ணப்பிக்கலாம்-3018942.html
3018941 தருமபுரி கிருஷ்ணகிரி மணல் கொள்ளையைத் தடுக்க முயன்ற வனக்காவலர் மீது தாக்குதல் DIN DIN Friday, October 12, 2018 10:07 AM +0530 தேன்கனிகோட்டை அருகே மணல் கொள்ளையைத் தடுக்க முயன்ற வனக்காவலர் மீது தாக்குதல் நடைபெற்றது குறித்து போலீஸார் விசாரணை நடத்தி வருகின்றனர். 
கிருஷ்ணகிரி மாவட்டம், தேன்கனிகோட்டை அருகே உரிகம் வனப்பகுதிக்குள்பட்ட  கோவள்ளி என்ற இடத்தில் மணல் கடத்தப்படுவதாக வந்த தகவலை அறிந்து நிகழ்விடத்துக்கு  வன அதிகாரி மாணிக்கம் மற்றும் வனப்பாதுகாவலர் முனியாண்டி ஆகியோர் புதன்கிழமை நேரில் சென்று பார்த்தார்.
அப்போது, அங்கு மணல் கடத்தலில்  ஈடுப்பட்டிருந்த  தக்கட்டி கிராமத்தை சேர்ந்த சின்னசாமி மற்றும் நான்கு பேர் டிராக்டரை கொண்டு மணல் அள்ளி கொண்டிருந்தனர். இதைத் தடுக்க முயன்ற போது அவர்கள் 4 பேரும்  வனப்பாதுகாவலர் முனியாண்டி மீது தாக்குதல் நடத்தினராம். இதில் காயமடைந்த வனப்பாதுகாவலர் முனியாண்டி நிகழ்விடத்திலே மயங்கி விழுந்தார். 
இதையடுத்து, தேன்கனிக்கோட்டை மருத்துவமனையில் முனியாண்டி அனுமதிக்கப்பட்டார். இதுகுறித்து வனக்காப்பாளர் முனியாண்டி அளித்த புகாரின் பேரில் அஞ்செட்டி போலீஸார் வழக்குப் பதிவு செய்து தலைமறைவான சின்னசாமி மற்றும் அவரது கூட்டாளிகளைக் தேடி வருகின்றனர். 

]]>
http://www.dinamani.com/all-editions/edition-dharmapuri/krishnagiri/2018/oct/12/மணல்-கொள்ளையைத்-தடுக்க-முயன்ற-வனக்காவலர்-மீது-தாக்குதல்-3018941.html
3018940 தருமபுரி கிருஷ்ணகிரி ஒசூரில் ஆசிரியர்களுக்கு திறன் மேம்பாட்டு பயிற்சி DIN DIN Friday, October 12, 2018 10:07 AM +0530 ஒசூரில் அகஸ்தியா அகில உலக அறக்கட்டளையுடன் இணைந்து அரசுப் பள்ளிகளில் பணிபுரியும் 100 ஆசிரியர்களுக்கு அறிவியல் திறன் மேம்பாட்டுப் பயிற்சியை டைட்டான் நிறுவனம்
வழங்குகிறது.
டைட்டான் நிறுவனம் பல்வேறு சமூக வளர்ச்சித் திட்டங்களை செயல்படுத்தி வருகிறது. அதில் "பெண் குழந்தைகளுக்கு கல்வி மற்றும் சிறப்பு பார்வை' திட்டம் மிகுந்த வரவேற்பை பெற்றுள்ளது. அறிவியலை அனுபவ ரீதியாக கற்கும் முயற்சியை டைட்டன் நிறுவனம், அகஸ்தியா அகில உலக அறக்கட்டளையுடன் இணைந்து அரசுப் பள்ளி மாணவ, மாணவிகளுக்கு கற்பிக்க முயற்சி மேற்கொண்டுள்ளது. அதன்படி நடமாடும் அறிவியல் ஆய்வுக்கூடத்தை அமைத்து, கிருஷ்ணகிரி மாவட்டத்தில் உள்ள கெலமங்கலம் ஒன்றியத்தில் 30 அரசுப் பள்ளிகளில் உள்ள சுமார் 22,500 மாணவர்களுக்கு கடந்த 2 ஆண்டுகளில் பல்வேறு அறிவியல் செயல்பாடுகளை
விளக்கியுள்ளது.
ஆசிரியர் திறன் மேம்பாடு பயிற்சி திட்டம்: இதேபோல ஆசிரியர்களுக்கு அறிவியல் ஆக்கத் திறனை மேம்படுத்தி, அதற்கான பயிற்சி மற்றும் விளக்கமுறையை அளிக்கும் வகையில் அகஸ்தியா அகில உலக அறக்கட்டளையுடன் இணைந்து அரசுப் பள்ளிகளில் இருந்து தேர்ந்தெடுக்கப்பட்ட 100 ஆசிரியர்களுக்கு 4 நாள்கள் பயிற்சி முகாமை டைட்டான் நிறுவனம் நடத்துகிறது.  இந்த பயிற்சியின் போது மாணவர்களிடம் நற்சிந்தனையை தூண்டுவது, பிரச்னைகளுக்குத் தீர்வு காணும் திறனை வளர்ப்பது போன்றவை கற்றுத்தரப்படும். 
இந்த முகாம் வியாழக்கிழமை தொடங்கி 4 நாள்கள் நடைபெறுகிறது.  
 

]]>
http://www.dinamani.com/all-editions/edition-dharmapuri/krishnagiri/2018/oct/12/ஒசூரில்-ஆசிரியர்களுக்கு-திறன்-மேம்பாட்டு-பயிற்சி-3018940.html
3018938 தருமபுரி கிருஷ்ணகிரி அரசு கல்லூரி மாணவர்களுக்கு தொல்லெழுத்து பயிலரங்கம் DIN DIN Friday, October 12, 2018 10:06 AM +0530 கிருஷ்ணகிரி அரசு அருங்காட்சியகத்தில் அரசு ஆடவர் கலைக் கல்லூரி மாணவ, மாணவிகளுக்கு தொல்லெழுத்து பயிலரங்கம் நடைபெற்றது.
கிருஷ்ணகிரி அரசு அருங்காட்சியகத்தில், கிருஷ்ணகிரி அரசு ஆடவர் கலைக் கல்லூரியில் பயிலும் வரலாற்றுத் துறை மாணவ, மாணவிகளுக்கு தொல்லெழுத்து பயிலரங்கம் மூன்று நாள்கள் நடைபெற்றன. அக்.9 முதல் 11-ஆம் தேதி வரையில் நடைபெற்ற இந்த பயிலரங்கில் முதல் நாள் நிகழ்வாக அரசு அருங்காட்சியகத்தின் காப்பாட்சியர் கோவிந்தராஜ், இந்தியாவின் வரலாற்றுக்கு முற்பட்ட காலம், தமிழ் எழுத்துக்கள் தோன்றி காலம், அதன் வடிவம் ஆகியவற்றை விளக்கினார். அத்துடன் பிராமி என்னும்
2 ஆயிரம் ஆண்டுகளுக்கு முற்பட்ட தமிழ் எழுத்துகளை
எழுத பயிற்சி அளித்தார். 
கடந்த 2 ஆயிரம் ஆண்டுகளாக தமிழ் எழுத்துக்கள் எவ்வாறு மாற்றமடைந்து, தற்போதைய நிலையை அடைந்தது என விளக்கினார். இரண்டாம் நாள் நிகழ்வில் தமிழ் மொழியில் இருந்து பிரிந்து வளர்ந்த வட்டெழுத்து குறித்தும், பிற்கால கல்வெட்டுக்களில் காணப்படும் கிரந்த எழுத்துக்களை எவ்வாறு படிப்படி என்பது குறித்தும் பயிற்சி அளித்தார். பழங்கால தமிழ் எண்கள் கல்வெட்டுகளில் எழுதப்பட்டிருக்கும் விதம் குறித்தும் விளக்கப்பட்டது. 
மூன்றாம் நாள் நிகழ்வில் கல்வெட்டுக்களைப் படியெடுப்பது குறித்து, செய்முறை பயிற்சி அளிக்கப்பட்டது. அதில் மாணவர்கள் போச்சம்பள்ளியில் இருந்து கொண்டுவரப்பட்ட கி.பி.13-ஆம் நூற்றாண்டைச் சேர்ந்த ஹொய்சாள மன்னர் சோமேஸ்வரன் காலத்தில் திருவனந்தீஸ்வரமுடைய நாயனார் கோயிலுக்கு தானம் வழங்கப்பட்ட செய்தியைக் குறிக்கும் கல்வெட்டை தாமே படியேடுத்து, அதில் உள்ள எழுத்துக்களைப் படிக்க கற்றுக் கொண்டனர். 
இந்த பயிற்சியை அருங்காட்சியகப் பணியாளர்கள் கிருஷ்ணன், செல்வகுமார், கல்லூரிப் பேராசிரியர் வெங்கடேஸ்வரன் ஆகியோர் ஒருங்கிணைத்தனர். பயிற்சியில் பங்கேற்ற மாணவர்களுக்கு சான்றிதழ்கள் வழங்கப்பட்டன.

]]>
http://www.dinamani.com/all-editions/edition-dharmapuri/krishnagiri/2018/oct/12/அரசு-கல்லூரி-மாணவர்களுக்கு-தொல்லெழுத்து-பயிலரங்கம்-3018938.html
3018937 தருமபுரி கிருஷ்ணகிரி கிருஷ்ணகிரி நகராட்சி பூங்காவில்  அடிப்படை வசதிகளை மேம்படுத்த வலியுறுத்தல் DIN DIN Friday, October 12, 2018 10:06 AM +0530 கிருஷ்ணகிரி நகராட்சி பூங்காவில் அடிப்படை வசதிகளை மேம்படுத்த மாவட்ட மின் வாரிய ஓய்வூதியர் சங்கம் வலியுறுத்தியது.
இதுகுறித்து அந்தச் சங்கத்தின் செயலாளர் சந்திரசேகரன் கிருஷ்ணகிரி நகராட்சி ஆணையருக்கு அளித்த கோரிக்கை மனு: கிருஷ்ணகிரி நகரில் தொழிற்பேட்டை அருகே கடந்த மூன்று ஆண்டுகளுக்கு முன்பு கிருஷ்ணகிரி நகராட்சியால் பூங்கா திறக்கப்பட்டது. அப்போது, பொதுமக்கள் அதிக அளவில் பூங்காவுக்கு குடும்பத்துடன் வந்தனர். தற்போது பூங்காவில் உள்ள பெரும்பாலான விளக்குகள் ஒளிர்வது இல்லை. பூங்கா இருள் சூழ்ந்து காணப்படுகிறது. இதனால், பூங்காவைப் பயன்படுத்தி வந்த பொதுமக்களின் எண்ணிக்கை மிகவும் குறைந்துவிட்டது.
நாய்கள், பாம்புகளின் நடமாட்டம் பூங்காவில் அதிகமாக உள்ளது. இதனால், நடைபயிற்சிக்கு செல்லும் பெண்கள், முதியவர்கள் பெரும் அவதிக்குள்ளாகி வருகின்றனர். எனவே, நகராட்சி பூங்காவில் காணப்படும் வசதிகளை மேம்படுத்த வேண்டும் என அதில் கோரிக்கை விடுக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/oct/12/கிருஷ்ணகிரி-நகராட்சி-பூங்காவில்-அடிப்படை-வசதிகளை-மேம்படுத்த-வலியுறுத்தல்-3018937.html
3018936 தருமபுரி கிருஷ்ணகிரி கிருஷ்ணகிரியில் இன்று அஞ்சல் தலை கண்காட்சி DIN DIN Friday, October 12, 2018 10:06 AM +0530 கிருஷ்ணகிரியில் உள்ள தலைமை அஞ்சலகத்தில் அக்.12-ஆம் தேதி அஞ்சல் தலை கண்காட்சி நடைபெறுகிறது.
இதுகுறித்து கிருஷ்ணகிரி கோட்ட அஞ்சல் கண்காணிப்பாளர் சுப்புராவ், வியாழக்கிழமை வெளியிட்ட செய்திக் குறிப்பு:
இந்திய அஞ்சல் துறை, ஒவ்வொரு ஆண்டும்  இந்திய அஞ்சல் வார விழாவை கொண்டாடி வருகிறது. அதைபோல் நிகழாண்டு அக்.9 முதல் 15-ஆம் தேதி வரையில் தேசிய அஞ்சல் வார விழாவை கொண்டாடுகிறது. இதில் அக்.12-ஆம் தேதி அஞ்சல் தலை சேகரிப்பு விழா கொண்டாடப்படுகிறது.
அதன்படி, கிருஷ்ணகிரி தலைமை அஞ்சலகத்தின் முதல் தளத்தில் அஞ்சல் தலை கண்காட்சி நடைபெறுகிறது. இதை பொதுமக்கள், மாணவ, மாணவிகள் கண்டுகளிக்க ஏற்பாடு செய்யப்பட்டுள்ளது. அதனால், கிருஷ்ணகிரி மாவட்ட பள்ளிகள் இந்த அரிய வாய்ப்பைப் பயன்படுத்திக் கொள்ளுமாறு அஞ்சல் துறை நிர்வாகம் கேட்டுக் கொள்கிறது. இந்தக் கண்காட்சியானது அக்.12-ஆம் தேதி காலை 10 முதல் மதியம் 3 மணி வரையில் நடைபெறும் என அதில் அவர் தெரிவித்துள்ளார்.
 

]]>
http://www.dinamani.com/all-editions/edition-dharmapuri/krishnagiri/2018/oct/12/கிருஷ்ணகிரியில்-இன்றுஅஞ்சல்-தலை-கண்காட்சி-3018936.html
3018935 தருமபுரி கிருஷ்ணகிரி லாரி மோதியதில் தொழிலதிபர் சாவு DIN DIN Friday, October 12, 2018 10:05 AM +0530 ஒசூர் அருகே லாரி மோதியதில் தனியார் தொழிற்சாலையின் உரிமையாளர்  உயிரிழந்தார்.
ஒசூர் சிப்காட் மூக்கண்டப்பள்ளி எம்.ஜி.ஆர் நகரைச் சேர்ந்தவர் குமரவேல் (61). இவர் தனியார் நிறுவனம் நடத்தி வந்தார். புதன்கிழமை அந்திவாடி அத்திப்பள்ளி சாலையில் பொம்மண்டப்பள்ளி சந்திப்பு அருகில் இரு சக்கர வாகனத்தில் சென்று கொண்டிருந்தார். 
அப்போது, அந்த வழியாக வந்த லாரி மோதியது. இதில் குமரவேல் நிகழ்விடத்திலே உயிரிழந்தார். விபத்து குறித்து தகவல் அறிந்ததும் மத்திகிரி போலீஸார் நிகழ்விடத்துக்குச் சென்று குமரவேலின் உடலை மீட்டு பிரேத பரிசோதனைக்காக ஒசூர் அரசு மருத்துவமனைக்கு அனுப்பி வைத்தனர். 
 

]]>
http://www.dinamani.com/all-editions/edition-dharmapuri/krishnagiri/2018/oct/12/லாரி-மோதியதில்-தொழிலதிபர்-சாவு-3018935.html
3018934 தருமபுரி கிருஷ்ணகிரி வீட்டின் பூட்டை உடைத்து நகை, பணம் திருட்டு DIN DIN Friday, October 12, 2018 10:05 AM +0530 கிருஷ்ணகிரி அருகே வீட்டின் பூட்டை உடைத்து ரூ.3 லட்சம்,  6 பவுன் நகைகளைத் திருடிச் சென்ற மர்ம நபர்களை போலீஸார் தேடி வருகின்றனர்.
கிருஷ்ணகிரி முல்லை நகரைச் சேர்ந்தவர் ஜான்பீட்டர்(50). கிருஷ்ணகிரியில் செயல்படும் தருமபுரி மாவட்ட கூட்டுறவு பால் உற்பத்தியாளர்கள் ஒன்றியத்தில் பொறியாளராகப் பணியாற்றி வருகிறார். இவரது மனைவி கரோலின் ஷீலா(45), கிருஷ்ணகிரியில் செயல்படும் ஒரு பள்ளியில் ஆசிரியராகப் பணியாற்றி வருகிறார்.
இவர்கள், இருவரும் புதன்கிழமை பணிக்குச் சென்றனர். அன்று மாலை வீடு திரும்பிய கரோலின் ஷீலா வீட்டின் பூட்டு உடைக்கப்பட்டிருப்பதைக் கண்டு அதிர்ச்சி அடைந்தார். 
பின்னர், வீட்டிற்குள் சென்று பார்த்த போது, பீரோ உடைக்கப்பட்டு, அதில் வைத்திருந்த ரொக்கம் 3 லட்சம், 6 பவுன் நகை திருடு போனது தெரியவந்தது. தகவல் அறிந்த போலீஸார், நிகழ்விடத்துக்கு விரைந்து வந்து விசாரணை மேற்கொண்டனர். 

]]>
http://www.dinamani.com/all-editions/edition-dharmapuri/krishnagiri/2018/oct/12/வீட்டின்-பூட்டை-உடைத்து-நகை-பணம்-திருட்டு-3018934.html
3018933 தருமபுரி கிருஷ்ணகிரி அறிவியல் கருத்தரங்கு போட்டி: பாரத் சர்வதேசப் பள்ளி மாணவர் சிறப்பிடம் DIN DIN Friday, October 12, 2018 10:05 AM +0530 ஒசூரில் அண்மையில் நடைபெற்ற இந்திய விண்வெளி ஆராய்ச்சி விழா அறிவியல் கருத்தரங்கு போட்டியில் கிருஷ்ணகிரி பாரத் சர்வதேசப் பள்ளி மாணவர் சிறப்பிடம் பெற்றார்.
கிருஷ்ணகிரி மாவட்டம், ஒசூரில் இந்திய விண்வெளி ஆராய்ச்சி மையம் சார்பில் விண்வெளி ஆராய்ச்சி விழா கொண்டாடப்பட்டது. இந்த விழாவின் ஒரு பகுதியாக பள்ளி, கல்லூரி மாணவ, மாணவிகளுக்கு விண்வெளி மற்றும் ஆராய்ச்சி தொழில்நுட்பம் என் தலைப்பில் கருத்தரங்கு போட்டி நடைபெற்து.
 இதில், கிருஷ்ணகிரி பாரத் சர்வ தேசப் பள்ளியைச் சேர்ந்த 12-ஆம் வகுப்பு மாணவர் டார்வின் முதலிடம் பெற்றார். இந்த மாணவருக்கு தமிழ்நாடு ஆளுநர் பன்வாரிலால் புரோகித், பரிசு வழங்கி பாராட்டினார். அப்போது, தமிழ்நாடு இளைஞர் நலன் மற்றும் விளையாட்டு மேம்பாட்டுத் துறை அமைச்சர் பா.பாலகிருஷ்ணா ரெட்டி, கிருஷ்ணகிரி மாவட்ட ஆட்சியர் சு.பிரபாகர், விஞ்ஞானிகள் உள்ளிட்டோர் உடனிருந்தனர்.
மேலும், பள்ளியில் நடைபெற்ற நிகழ்ச்சியில், மாணவர் டார்வினை பாராட்டி, பள்ளியின் நிறுவனர் மணி ரூ.5 ஆயிரம் வழங்கினார். பள்ளியின் தாளாளர் கிருஷ்ணவேனி மணி, இயக்குநர் சந்தோஷ், முதல்வர் நரேந்திரநாத் ரெட்டி, ஒருங்கிணைப்பாளர் ராஜேஷ்குமார் மற்றும் ஆசிரியர்கள், மாணவ, மாணவிகள் பாராட்டினர்.

]]>
http://www.dinamani.com/all-editions/edition-dharmapuri/krishnagiri/2018/oct/12/அறிவியல்-கருத்தரங்கு-போட்டி-பாரத்-சர்வதேசப்-பள்ளி-மாணவர்-சிறப்பிடம்-3018933.html
3018015 தருமபுரி கிருஷ்ணகிரி ஓட்டுநர் உரிமம் பெற இணையதளம் வாயிலாக விண்ணப்பிக்கும் வசதி DIN DIN Thursday, October 11, 2018 07:38 AM +0530 ஓட்டுநர் உரிமம் பெற இணையதளம் வாயிலாக விண்ணப்பிக்கும் வசதி உள்ளதாக கிருஷ்ணகிரி மாவட்ட நிர்வாகம் தெரிவித்துள்ளது.
மாவட்ட நிர்வாகம் சார்பில் புதன்கிழமை வெளியான செய்திக் குறிப்பு:
2012-ஆம் ஆண்டு முதல் வாகனங்களுக்கான பதிவு கட்டணம் மற்றும் வரி இணையதளம் மூலம் செலுத்தும் வசதி செய்யப்பட்டு நடைமுறையில் உள்ளது.
இதன் தொடர்ச்சியாக வாகனம் சம்பந்தப்பட்ட அனைத்துப் பணிகளும், அதாவது பெயர் மாற்றம் செய்தல், உரிமம் மாற்றம் செய்தல், தவணைத் கொள்முதல் மற்றும் தவணை ரத்து செய்தல் போன்ற அனைத்துப் பணிகளும் இணையதளம் மூலம் மனு செய்யும் வகையில் ஏற்பாடு செய்யப்பட்டு, அதற்கான கட்டணம் கணினி வழியாகச் செலுத்தும் வசதி ஏற்படுத்தப்பட்டுள்ளது.
கடந்த 2017-ஆம் ஆண்டு மார்ச் 1-ஆம் தேதி முதல் அனைத்து வட்டாரப் போக்குவரத்து அலுவலகங்கள் மற்றும் பகுதி அலுவலகங்களில் ஓட்டுநர் உரிமம் சம்பந்தப்பட்ட அனைத்து பணிகளும் இணையதளம் மூலம் விண்ணப்பிக்கப்பட்டு ஓட்டுநர் உரிமம் வழங்கப்பட்டு வருகின்றன. தற்போது, விண்ணப்பதாரர் அதற்குரிய கட்டடணத்தை மட்டும் வட்டாரப் போக்குவரத்து அலுவலகத்துக்கு நேரடியாகச் சென்று செலுத்தி வருகின்றனர்.
இந்த நிலையில், 1.10.2018 முதல் ஓட்டுநர் உரிமம் சம்பந்தப்பட்ட அனைத்துப் பணிகளுக்கான (அதாவது பழகுநர் உரிமம், நிரந்தர ஓட்டுநர் உரிமம், ஓட்டுநர் உரிமம் முகவரி மாற்றம் செய்தல், நகல் ஓட்டுநர் உரிமம் பெறுதல்) கட்டணம் முழுவதுமாக மனுதாரர்கள் தங்கள் இருப்பிடத்திலிருந்து செயல்படுத்தும் வசதியை போக்குவரத்துத் துறை நடைமுறைப்படுத்தியுள்ளது. 
மனுதாரர்கள் நேரடியாக https://parivahan.gov.in/sarathiservicecov6/sarathiHomePublic.do இணையதளம் மூலம் விண்ணப்பித்து, அதற்கான தொகையை இணையதளம் மூலம் செலுத்தி பயன்பெறலாம். அங்கீகரிக்கப்பட்ட ஓட்டுநர் பயிற்சி பள்ளிகள் மூலமாகவும் விண்ணப்பிக்கலாம்.
ஆனால், மனுவை நிறைவு செய்த  பிறகு, அதற்கான கட்டணத்தையும் இணைய தளத்தில் வங்கி இணைய சேவை மூலமாக டெபிட் கார்டு, கிரிடிட் கார்டு மூலம் ரசீதை உருவாக்கி அதை அருகில் உள்ள பாரத ஸ்டேட் வங்கியில் செலுத்தலாம்.
செலுத்திய பின்பு ஒப்புகை சீட்டை அல்லது பணம் கட்டிய ரசீதுடன் வட்டாரப் போக்குவரத்து அலுவலகம் மற்றும் மோட்டார் வாகன ஆய்வாளர் அலுவலகத்துக்குச் சென்று தகுந்த தகுதிக்கான தேர்வில் பங்கேற்று, புகைப்படம் எடுத்து உரிமத்தினை பெற்றுக் கொள்ளலாம். 
இதன் மூலம் மனுதாரர்கள் அலுவலகத்துக்கு வந்த பணம் செலுத்துவதால் ஏற்படும் கால விரயம் குறைக்கப்படுகிறது.  
இதேபோன்று, வட்டாரப் போக்குவரத்து அலுவலகப் பணிகள் அனைத்தும் படிப்படியாக இணையதளம் மூலம் அளிக்க திட்டமிடப்பட்டுள்ளதாக அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-dharmapuri/krishnagiri/2018/oct/11/ஓட்டுநர்-உரிமம்-பெற-இணையதளம்-வாயிலாக-விண்ணப்பிக்கும்-வசதி-3018015.html
3018014 தருமபுரி கிருஷ்ணகிரி தக்காளி விலை வீழ்ச்சி: விவசாயிகள் கவலை DIN DIN Thursday, October 11, 2018 07:37 AM +0530 கிருஷ்ணகிரி மாவட்டம் ஒசூர், சூளகிரி, தேன்கனிக்கோட்டை ஆகிய பகுதிகளில் தக்காளி விலை வீழ்ச்சியால் விவசாயிகள் கவலை அடைந்துள்ளனர்.
கிருஷ்ணகிரி மாவட்டத்தில் சுமார் 5 ஆயிரம் ஏக்கர் நிலப்பரப்பில் விவசாயிகள் தக்காளி பயிரிட்டுள்ளனர். தற்போது ஒசூர், தளி, பாகலூர், பேரிகை, ராயக்கோட்டை, கெலமங்கலம், தேன்கனிக்கோட்டை ஆகிய பகுதிகளில் அறுவடை செய்யப்பட்டு வருகிறது. இப்பகுதிகளில் அறுவடை செய்யப்படும் தக்காளிக்கு உரிய விலை கிடைக்காததால் விவசாயிகள் வேதனை அடைந்துள்ளனர்.
ஒசூர் பத்தளப்பள்ளி மொத்த காய்கறி சந்தை, ராயக்கோட்டை தக்காளி மண்டி, ஒசூர் உழவர் சந்தை ஆகிய பகுதிகளில் தக்காளி விலை 20 கிலோ கொண்ட ஒரு கூடை ரூ. 40 முதல் ரூ. 50 வரை விற்பனை செய்யப்படுகிறது. ஏமாற்றம் அடைந்த விவசாயிகள் கூறுகையில், ஒரு கூடை தக்காளியை பறிக்கவே ரூ. 50 செலவு செய்ய வேண்டியுள்ளதாக வேதனை தெரிவித்தனர். இதனால் தோட்டத்திலிருந்து பறிக்கப்பட்ட தக்காளிகளை சாலையோரம் கொட்டிச் சென்றனர். அதை அவ் வழியாக வரும் பொதுமக்கள் எடுத்துச் செல்வதோடு, கால்நடைகளுக்கும் உணவாகி வருகிறது.

]]>
http://www.dinamani.com/all-editions/edition-dharmapuri/krishnagiri/2018/oct/11/தக்காளி-விலை-வீழ்ச்சி-விவசாயிகள்-கவலை-3018014.html
3018013 தருமபுரி கிருஷ்ணகிரி ஊத்தங்கரை அருகே அரசு பல்வகை தொழில்நுட்பக் கல்லூரி கட்டடம் திறப்பு DIN DIN Thursday, October 11, 2018 07:37 AM +0530 ஊத்தங்கரையை அடுத்த அப்பிநாயக்கன்பட்டி கிராமத்தில் அரசு பல்வகை தொழில்நுட்பக் கல்லூரியில் கட்டப்பட்டுள்ள கூடுதல் கட்டடங்களை தமிழக முதல்வர் எடப்பாடி கே. பழனிசாமி காணொலி காட்சி மூலம் புதன்கிழமை திறந்து வைத்தார்.
ரூ. 10 கோடியே 69 லட்சம் மதிப்பீட்டில் மாணவர் விடுதி, இரு ஆய்வகக் கட்டடம், இரு  நான்கு சக்கர வாகனங்கள் நிறுத்துமிடம் உள்ளிட்டவை திறந்து வைத்தார். நிகழ்ச்சியில் மாவட்ட ஆட்சியர் டாக்டர் பிரபாகர், முன்னாள் பர்கூர் சட்டபேரவைத் தொகுதி உறுப்பினர் கிருஷ்ணமூர்த்தி, மாநில நிலவள வங்கித் தலைவர் சாகுல் அமித், ஒன்றியச் செயலாளர் ஏ.சி. தேவேந்திரன், வித்தியா மந்திர் கல்வி நிறுவனங்களின் நிறுவனர் வே. சந்திரசேகரன், பாலிடெக்னிக் கல்லூரி முதல்வர் எப்சிபா ஏஞ்சலா, கல்லூரி மாணவர்கள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/11/ஊத்தங்கரை-அருகே-அரசு-பல்வகை-தொழில்நுட்பக்-கல்லூரி-கட்டடம்-திறப்பு-3018013.html
3018012 தருமபுரி கிருஷ்ணகிரி இன்று இலவச ஆடு வளர்ப்பு பயிற்சி DIN DIN Thursday, October 11, 2018 07:36 AM +0530 கிருஷ்ணகிரி அருகே அக்டோபர் 11-ஆம் தேதி (வியாழக்கிழமை) ஒரு நாள் இலவச ஆடு வளர்ப்பு பயிற்சி முகாம் நடைபெறுகிறது.
கிருஷ்ணகிரியை அடுத்த எலுமிச்சங்கிரியில் உள்ள வேளாண் அறிவியல் மையத் தலைவர் சுந்தராஜ், புதன்கிழமை வெளியிட்ட செய்திக் குறிப்பு:
எலுமிச்சங்கிரி கிராமத்தில் செயல்படும் வேளாண்மை அறிவியல் மையத்தில் புதிய சாகுபடி தொழில்நுட்பத்தை விவசாயிகளுக்குத் தெரியப்படுத்தும் விதமாக நிலைய பயிற்சிகளை வழங்கி வருகிறது. அதன்படி, அக்.11-ஆம் தேதி ஆடு வளர்ப்பு குறித்து இலவசப் பயிற்சி முகாம் நடைபெறுகிறது.  இந்தப் பயிற்சியில் பங்கேற்க விருப்பம் உள்ள விவசாயிகள், காலை 9.30 மணிக்குள் பயிற்சி மையத்துக்கு வந்து பயன்பெற வேண்டும் என அதில் அவர் தெரிவித்தார்.

]]>
http://www.dinamani.com/all-editions/edition-dharmapuri/krishnagiri/2018/oct/11/இன்று-இலவச-ஆடு-வளர்ப்பு-பயிற்சி-3018012.html
3018011 தருமபுரி கிருஷ்ணகிரி கிருஷ்ணகிரியில் அக்.13-இல் தனியார் துறை வேலைவாய்ப்பு முகாம் DIN DIN Thursday, October 11, 2018 07:36 AM +0530 கிருஷ்ணகிரியில் அக்டோபர் 13-ஆம் தேதி தனியார் துறை வேலைவாய்ப்பு முகாம் நடைபெறுகிறது.
இதுகுறித்து, கிருஷ்ணகிரி மாவட்ட ஆட்சியர் சு. பிரபாகர், புதன்கிழமை வெளியிட்ட செய்திக் குறிப்பு:
கிருஷ்ணகிரி மாவட்ட வேலைவாய்ப்பு அலுவலகம், தமிழ்நாடு ஊரக வாழ்வாதார இயக்கம் ஆகியன இணைந்து கிருஷ்ணகிரியில் தனியார் துறை வேலைவாய்ப்பு முகாமை அக்டோபர் 13-ஆம் தேதி நடத்துகிறது.
கிருஷ்ணகிரி அரசு மகளிர்  மேல்நிலைப் பள்ளி வளாகத்தில் காலை 9 மணிக்குத் தொடங்க உள்ள இந்த முகாமில் கிருஷ்ணகிரி, ஒசூர், சேலம் ஆகிய நகரங்களைச் சார்ந்த தனியார் நிறுவனங்கள், தங்களது நிறுவனத்துக்குத் தேவையான பணியாளர்களைத் தேர்வு செய்ய உள்ளனர்.
10-ஆம் வகுப்புத் தோல்வி, 10, 12 ஆகிய வகுப்புகள் பயின்றவர்கள், பட்டப்படிப்பு, தொழில் கல்வி (ஐ.டி.ஐ.), பட்டயப்படிப்பு படித்த 18 முதல் 45 வயது உடையவர்கள் இதில் பங்கேற்கலாம். இந்தத் தகுதிகள் உள்ள பணிநாடுநர்கள் தங்களுடைய சுய விவரம், கல்விச் சான்றிதழ்களின் நகல்களுடன், இந்த  வேலைவாய்ப்பு முகாமில் பங்கேற்று பயன்பெறலாம் என அதில் அவர் தெரிவித்தார்.
 

]]>
http://www.dinamani.com/all-editions/edition-dharmapuri/krishnagiri/2018/oct/11/கிருஷ்ணகிரியில்-அக்13-இல்-தனியார்-துறை-வேலைவாய்ப்பு-முகாம்-3018011.html
3018010 தருமபுரி கிருஷ்ணகிரி ஐ.வி.டி.பி. தொண்டு நிறுவனம் சார்பில் கல்வி உதவித்தொகை அளிப்பு DIN DIN Thursday, October 11, 2018 07:36 AM +0530 கிருஷ்ணகிரியை தலைமையிடமாகக் கொண்டு செயல்படும் ஐ.வி.டி.பி. தொண்டு நிறுவனம் சார்பில் ரூ. 11 லட்சம் மதிப்பிலான கல்வி உதவி, அண்மையில் வழங்கப்பட்டது.
கிருஷ்ணகிரியை தலைமையிடமாகக் கொண்டு செயல்பட்டு வரும் ஐ.வி.டி.பி. தொண்டு நிறுவனம், 12,800 சுய உதவிக் குழுக்களுடன் கிருஷ்ணகிரி, தருமபுரி, வேலூர் ஆகிய மாவட்டங்களில் செயல்பட்டு வருகிறது. ஐ.வி.டி.பி. கூட்டமைப்பில் 5 ஆண்டுகளாகப் பணியாற்றி வரும் பணியாளர்களின் குழந்தைகளுக்கு ஒவ்வோர் ஆண்டும் கல்வி உதவித் தொகை வழங்கி வருகிறது.
அதன்படி 8-ஆவது ஆண்டாக அண்மையில் கல்வி உதவித் தொகை வழங்கும் நிகழ்ச்சி நடைபெற்றது. அதன்படி, 104 பணியாளர்களின் 176 குழுந்தைகளுக்கு ரூ. 11 லட்சம் கல்வி உதவித் தொகை வழங்கப்பட்டது. மேலும், 12-ஆம் வகுப்பு பொதுத் தேர்வில் முதல் மதிப்பெண் பெற்ற பணியாளரின் குழந்தைக்கு ரூ.30 ஆயிரம் மதிப்பிலான மடிக்கணினி, 10-ஆம் வகுப்பில் அதிக மதிப்பெண் பெற்றவருக்கு 4 கிராம் தங்க நாணயமும் வழங்கப்பட்டன. 
ஐ.வி.டி.பி. தொண்டு நிறுவனத்தின் தலைவர் ராமன் மகசேசே குழந்தை பிரான்சிஸ் தலைமையில் நடைபெற்ற இந்த விழாவில் கிருஷ்ணகிரி பல்லவன் கிராம வங்கியின் மண்டல மேலாளர் பாஸ்கர், உதவித் தொகைகளை வழங்கினார்.  ஐ.வி.டி.பி. தொண்டு நிறுவனத்தின் நிர்வாக உறுப்பினர்கள் ஜோஷ்வா சைமன், நந்தினி ஜோஷ்வா உள்ளிட்டோர் விழாவை ஒருங்கிணைத்தனர். இதுவரை பணியாளர்களின் குழந்தைகளுக்கு ரூ. 90 லட்சம் கல்வி உதவித் தொகை வழங்கப்பட்டுள்ளது என்பது குறிப்பிடத்தக்கது.


 

]]>
http://www.dinamani.com/all-editions/edition-dharmapuri/krishnagiri/2018/oct/11/ஐவிடிபி-தொண்டு-நிறுவனம்-சார்பில்-கல்வி-உதவித்தொகை-அளிப்பு-3018010.html
3017582 தருமபுரி கிருஷ்ணகிரி பென்னாகரம் பேருந்து நிலையத்தில் போக்குவரத்து நெரிசல் தீருமா? DIN DIN Wednesday, October 10, 2018 09:36 AM +0530 பென்னாகரம் பேருந்து நிலையத்தில் இடையூறாக நிறுத்தப்படும் இருசக்கர வாகனங்கள்,  பேருந்துகளால்  போக்குவரத்து நெரிசல்  ஏற்படுவதால் பயணிகள்,  பொதுமக்கள் பாதிக்கப்படுகின்றனர்.
தருமபுரி மாவட்டம், பென்னாகரம் பேருந்து நிலையத்துக்கு தினந்தோறும் பென்னாகரம், அதன் சுற்றுவட்டாரப் பகுதிகளான ஏரியூர், தாசம்பட்டி, பெரும்பாலை, முதுகம்பட்டி உள்ளிட்ட பகுதிகளிலிருந்து ஆயிரத்துக்கும் மேற்பட்டோர் வந்து செல்கின்றனர்.
பென்னாகரத்திலிருந்து தருமபுரி, பாலக்கோடு, மேச்சேரி, ஏரியூர் மற்றும் தாசம்பட்டி போன்ற பகுதிகளுக்கு 30-க்கும் மேற்பட்ட பேருந்துகள் இயக்கப்படுகின்றன. இந்த நிலையில் காலை, மாலை நேரங்களில் பள்ளி மாணவ, மாணவியர்கள், விவசாயிகள் என எப்போதும் பரபரப்பாகக் காணப்படும் இந்தப் பேருந்து நிலையத்தில் இருசக்கர வாகனங்களை ஆங்காங்கே நிறுத்துவதால் போக்குவரத்துக்கும், பேருந்துகளை நிறுத்துவதற்கும் இடையூறாக உள்ளது. இதனால் பேருந்து நிலையத்தில் உரிய இடத்தில் பேருந்துகள் நிறுத்தப்படாமல் மாற்று இடங்களில் நிறுத்தும் நிலை ஏற்படுவதால்,  பொதுமக்கள், பயணிகள்  மிகுந்த சிரமமடைகின்றனர். எனவே, பென்னாகரம் பேருந்து நிலையத்தின் வெளிப்புறத்தில் இருசக்கர வாகனங்களை உரிய இடத்தில் நிறுத்திசெல்ல நடவடிக்கை எடுக்க வேண்டும். இதனை, போக்குவரத்துக் காவல்துறையினர் கண்காணித்து, மீறுவோர் மீது நடவடிக்கை எடுக்க வேண்டும் என பொதுமக்கள், பயணிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/krishnagiri/2018/oct/10/பென்னாகரம்-பேருந்து-நிலையத்தில்-போக்குவரத்து-நெரிசல்-தீருமா-3017582.html
3017580 தருமபுரி கிருஷ்ணகிரி லட்சுமி நாராயண சுவாமி கோயிலில் நவராத்திரி விழா தொடக்கம் DIN DIN Wednesday, October 10, 2018 09:36 AM +0530 கிருஷ்ணகிரி லட்சுமி நாராயண சுவாமி கோயிலில்  நவராத்திரி விழா கொடியேற்றத்துடன், செவ்வாய்க்கிழமை தொடங்கியது.
கிருஷ்ணகிரி,  பழையபேட்டை  லட்சுமி நாராயணசுவாமி கோயிலில் நவராத்திரி விழா கொடியேற்றத்துடன் தொடங்கியது. இதையொட்டி, விஷ்வக்சன ஆராதனை, புன்யாவாசனம், கங்கனம் கட்டுதல் உள்ளிட்ட நிகழ்வுகள் நடைபெற்றன. உற்சவர் பெருமாள் சிறப்பு அலங்காரத்தில் பக்தர்களுக்கு அருள்பாலித்தார். சுவாமிக்கு சிறப்பு ஆராதனைகள் நடைபெற்றன. 

]]>
http://www.dinamani.com/all-editions/edition-dharmapuri/krishnagiri/2018/oct/10/லட்சுமி-நாராயண-சுவாமி-கோயிலில்-நவராத்திரி-விழா-தொடக்கம்-3017580.html
3017578 தருமபுரி கிருஷ்ணகிரி நீர்நிலைகளை சேதப்படுத்தினால் கடும் நடவடிக்கை: ஆட்சியர் சு.பிரபாகர் DIN DIN Wednesday, October 10, 2018 09:35 AM +0530 கிருஷ்ணகிரி மாவட்டத்தில் நீர் நிலைகளை சேதப்படுத்தினால் கடும் நடவடிக்கை எடுக்கப்படும் என மாவட்ட ஆட்சியர் சு.பிரபாகர், எச்சரித்துள்ளார்.
கிருஷ்ணகிரி மாவட்ட ஆட்சியர் அலுவலகக் கூட்ட அரங்கில்,  ஆட்சியர் சு.பிரபாகர் தலைமையில் நீர்நிலைகள் தொடர்பான ஆய்வுக் கூட்டம், செவ்வாய்க்கிழமை நடைபெற்றது. இக்கூட்டத்தில் விவசாயிகள் பேசியது: கிருஷ்ணகிரி அணையின் இடது மற்றும் வலது புறக் கால்வாய்களில் வினாடிக்கு 200 கன அடி நீர் கடந்து செல்ல வேண்டும். ஆனால், தற்போது வினாடிக்கு 140 கன அடிக்கும் குறைவாகவே நீர் கடந்து செல்கிறது. எனவே, கால்வாய்களின் உயரத்தை உயர்த்திக் கட்ட வேண்டும். கிருஷ்ணகிரி அணையில் புதிய மதகு அமைக்கப்பட்டுள்ள நிலையில், அணையில் 40 முதல் 41 அடிவரை மட்டுமே நீர் தேக்கி வைக்கப்படுகிறது. உபரி நீர் ஆற்றில் திறந்து விடப்பட்டு வீணாக்கப்படுகிறது. அணையில் 50 அடி வரையில் நீரைத் தேக்கிவைக்க வேண்டும்  என வலியுறுத்தினர்.
இதற்குப் பதிலளித்து மாவட்ட ஆட்சியர் சு.பிரபாகர் பேசியது: நீர்நிலைகளை சம்பந்தப்பட்ட அலுவலர்கள் கள ஆய்வு மேற்கொண்டு, சாத்தியக் கூறுகள் உள்ள திட்டங்களை நிறைவேற்றும் வகையில் ஏரிகள், குளங்கள், குட்டைகளுக்கு நீர் கொண்டு செல்லவும், தடுப்பணைகள் உள்ளிட்டவற்றை அமைப்பதற்கு ஏற்ற நிலையை அறிந்து உரிய நடவடிக்கை எடுக்கப்பட்டு வருகிறது. விவசாயத்துக்கு பயன்படும் நீர்நிலைகளின் கரைகளைச் சேதப்படுத்தினால் கடும் நடவடிக்கை எடுக்கப்படும் என எச்சரித்தார்.
இந்தக் கூட்டத்தில்  மாவட்ட வருவாய் அலுவலர் எஸ்.சாந்தி,  பொதுப்பணித் துறை உதவி செயற்பொறியாளர் நடராஜன், மாவட்ட ஊரக வளர்ச்சி முகமைத் திட்ட அலுவலர் (பொறுப்பு) உமா மகேஸ்வரி,  ஊராட்சிகளின் உதவி இயக்குநர் சுசீலா ராணி மற்றும் விவசாயிகள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/10/நீர்நிலைகளை-சேதப்படுத்தினால்-கடும்-நடவடிக்கை-ஆட்சியர்-சுபிரபாகர்-3017578.html
3017576 தருமபுரி கிருஷ்ணகிரி விவசாயப் பயிர்களை சேதப்படும் யானைகள் DIN DIN Wednesday, October 10, 2018 09:35 AM +0530 கிருஷ்ணகிரி மாவட்டம், சூளகிரி வட்டம் ஆலியாளம் கிராமத்தில் புகுந்துள்ள 12 யானைகள்,  நெல், ராகி பயிர்களை தின்றும்,  காலால் மிதித்தும் சேதப்படுத்தி வருவதால் விவசாயிகள் கவலை அடைந்துள்ளனர். 
போடூர்பள்ளம் வனப்பகுதியில் 2 குட்டியானைகள்,  10 பெரிய யானைகள் முகாமிட்டுள்ளன. இந்த யானைகள் பகல் நேரங்களில் வனப்பகுதியில் பதுங்கி, இரவு நேரங்களில்  காய்கறி, நெல், தக்காளி, ராகி உள்ளிட்ட பயிர்களைச் சேதப்படுத்தி வருகின்றன. 
இந்த நிலையில் திங்கள்கிழமை ஆலியாளம் கிராமத்தில்,  சீனப்பா, வெங்கடேசன், கிருஷ்ணப்பா ஆகியோரின் நிலங்களில் புகுந்து பயிர்களை யானைகள் சேதப்படுத்தியுள்ளன. இந்த யானைகளை,  ஒசூர் கோட்ட வனத்துறையினர் கடந்த இரு நாள்களாக பட்டாசுகளை வெடித்து விரட்டும் பணியில் ஈடுபட்டும் பயனில்லை. 
 யானைகள் அதே பகுதிகளில் முகாமிட்டுள்ளதால் விவசாயிகள் அச்சமடைந்துள்ளனர். இந்த யானைகளை, ஜவளகிரி வனப்பகுதிக்கு விரட்ட நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.


 

]]>
http://www.dinamani.com/all-editions/edition-dharmapuri/krishnagiri/2018/oct/10/விவசாயப்-பயிர்களை-சேதப்படும்-யானைகள்-3017576.html
3016923 தருமபுரி கிருஷ்ணகிரி ஒசூரில் தாமிரவருணி புஷ்கர ரதத்துக்கு வரவேற்பு DIN DIN Tuesday, October 9, 2018 09:26 AM +0530 ஒசூரில் தாமிரவருணி புஷ்கரம் விழிப்புணர்வு ரத யாத்திரைக்கு பல்வேறு இந்து அமைப்புகள் வரவேற்பு அளித்தன. 
144 ஆண்டுகளுக்கு பின்னர் திருநெல்வேலி மாவட்டத்தில் உள்ள தாமிரவருணி ஆற்றில் புஷ்கரம் நிகழ்ச்சி வரும் அக. 11- ஆம் தேதி தொடங்கி, 21 -ஆம் தேதி வரை 11 நாள்கள் நடைபெறுகின்றன.  இதனையொட்டி தமிழகத்தின் பல்வேறு பகுதிகளிலிருந்தும் விசுவ ஹிந்து பரிஷத் மற்றும் பஜ்ரங் தள் அமைப்பு சார்பில் 12 ராசிக்கான நதிகளின் ரதங்கள் தாமிரவருணிக்கு கொண்டு செல்லப்படுகின்றன.
ஒசூரில் விசுவ ஹிந்து பரிஷத் மற்றும் பஜ்ரங் தள் அமைப்பு சார்பில் குரு பகவான் மீன ராசியிலிருந்து பிரவேசிக்கும் போது கோதாவரி நதியின் உபநதியான ப்ரணீதா நதியின்  நீர் ரதத்தில் எடுத்துச் செல்லப்படுகிறது.
ஒசூர் மத்திகிரி ராமர் கோயிலிலிருந்து இந்த ரத யாத்திரை புறப்பட்டது.  முன்னதாக, கோயிலில் பல்வேறு சிறப்பு பூஜைகள் நடைபெற்றன.  இதனையடுத்து,  நகரின் முக்கிய வீதிகள் வழியாக ரதம் சென்று காந்தி சிலை அருகே உள்ள விநாயகர் கோயிலை வந்தடைந்து. 
இந்த ரத யாத்திரையை பா.ஜ.க. மாநில பொதுச் செயலாளர் கே.எஸ்.நரேந்திரன்,  கோட்டப் பொறுப்பாளர் பாலகிருஷ்ணன், மாநில இளைஞரணி துணைத் தலைவர் எம்.நாகராஜ், பஜ்ரங் தள் மாவட்டச் செயலாளர் தேவராஜ் உள்ளிட்டோர் வரவேற்றனர்.  இந்த ரத யாத்திரைக்கு  மேளதாளங்கள் முழங்க பல்வேறு இடங்களில் இந்து அமைப்பினர், பா.ஜ.க.வினர் வரவேற்றனர்.  இந்த ரதம்,  ஒசூரிலிருந்து சூளகிரி, கிருஷ்ணகிரி,  காவேரிப்பட்டணம்,  பாலக்கோடு, தருமபுரி வழியாக மதுரை சென்றடைகிறது.  10 ஆம் தேதி மதுரையில் தமிழகத்தில் 12 பகுதிகளிலிருந்து கொண்டு வரப்படும் 12 ராசிக்கான நதிகளின் ரதங்களும் தொடர்ந்து திருநெல்வேலி மாவட்டம்,  பாபநாசம் பகுதியிலுள்ள தாமிரவருணி நதிக்கு கொண்டு செல்லப்பட உள்ளன.
இந்த புஷ்கர விழிப்புணர்வு ரத யாத்திரை நிகழ்ச்சியில் ஒசூர் பகுதியிலுள்ள இந்து அமைப்பினர், பொதுமக்கள் கலந்து கொண்டு வழிபாடு நடத்தினர்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/ஒசூரில்-தாமிரவருணி-புஷ்கர-ரதத்துக்கு-வரவேற்பு-3016923.html
3016794 தருமபுரி கிருஷ்ணகிரி கிருஷ்ணகிரியில் மனைப் பிரிவுகளை வரன்முறைப்படுத்த சிறப்பு முகாம் DIN DIN Tuesday, October 9, 2018 08:38 AM +0530 கிருஷ்ணகிரி  நகராட்சிப் பகுதியில் அங்கீகரிக்கப்படாத மனைப் பிரிவுகளை வரன்முறைப்படுத்தும் வகையிலான சிறப்பு முகாம்  திங்கள்கிழமை நடைபெற்றது. 
கிருஷ்ணகிரி  நகராட்சிப் பகுதியில் அங்கீகரிக்கப்படாத மனைப் பிரிவுகளில் உள்ள மனைகளை வரன்முறைப்படுத்திட  கிருஷ்ணகிரி நேதாஜி சாலையில் சிறப்பு முகாம் நடைபெற்றது. முகாமிற்கு நகராட்சி ஆணையர் ரமேஷ் தலைமை வகித்தார். நகரமைப்பு அலுவலர் சாந்தி, ஆய்வாளர் சிவக்குமார் உள்ளிட்டோர் பங்கேற்றனர்.
முகாமை தொடங்கி வைத்து கிருஷ்ணகிரி நகராட்சி ஆணையர் பேசியது: அங்கீகரிக்கப்படாத மனைப் பிரிவுகளை வரன்முறைப்படுத்த நவம்பர் 3-ஆம் தேதி வரை கால நீட்டிப்பு செய்யப்பட்டுள்ளது. இந்த முகாமிற்கு வருபவர்கள், ஏற்கெனவே மனைப் பிரிவினை வரன்முறைப்படுத்த விண்ணப்பித்த இணையதளப் பதிவுக்கான ஒப்புகை ரசீது நகல்,  உரிமையாளரின் புகைப்பட அடையாளச் சான்று, மனைப்பிரிவு வரைப்படம், விற்பனை ஆவணம்,  மனை விற்றவர் அல்லது உரிமையாளர் பெயரில் உள்ள புலப்படம்,  பட்டா, சிட்டா உள்ளிட்ட வருவாய்த் துறை ஆவணங்கள், மனை கிரயம் பெற்ற நாளிலிருந்து இதுநாள் வரை இணையதள வில்லங்கச் சான்றிதழ் ஆகியவற்றைக் கொண்டு வர வேண்டும். 
கடந்த 2016 -ஆம் ஆண்டு, அக்டோபர் 20-ஆம் தேதிக்கு முன்பு வாங்கிய மனைகளுக்கு மட்டுமே வரன்முறைப்படுத்தி, அங்கீகாரம் வழங்கப்படும் என்றார் அவர்.  இந்த முகாமில் 50-க்கும் மேற்பட்டோர் மனைகளை வரன்முறைப்படுத்த மனுக்கள் அளித்தனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/கிருஷ்ணகிரியில்-மனைப்-பிரிவுகளை-வரன்முறைப்படுத்த-சிறப்பு-முகாம்-3016794.html
3016792 தருமபுரி கிருஷ்ணகிரி புரட்டாசி அமாவாசை: நெருப்பூர் முத்தையன் கோயிலில் வழிபாடு DIN DIN Tuesday, October 9, 2018 08:38 AM +0530 தருமபுரி மாவட்டம், நாகமரை ஊராட்சிக்குள்பட்ட  நெருப்பூர் அருகே சந்தன மரக்கடத்தல் வீரப்பன் வழிபட்ட  முத்தையன் கோயிலுக்கு அமாவாசை தினங்களில் தருமபுரி, சேலம், கிருஷ்ணகிரி போன்ற மாவட்டங்களிலிருந்து பக்தர்கள் வந்துசெல்வது வழக்கம். இந்தநிலையில் திங்கள்கிழமை புரட்டாசி அமாவாசையையொட்டி  ஏராளமான பக்தர்கள் வந்திருந்து, அங்குள்ள  குகையில் வற்றாத நீருற்றில் உள்ள முத்தையன் சுவாமியை வழிபட்டனர். பின்னர் அலங்கரிக்கப்பட்ட முத்தையன் சுவாமி பல்லக்கில் ஊர்வலம் சென்ற பாதையில் ,  பக்தர்கள் படுத்துக் கொண்டு தங்களின் நேர்த்திக்கடன் செலுத்தி வழிபட்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/09/புரட்டாசி-அமாவாசை-நெருப்பூர்-முத்தையன்-கோயிலில்-வழிபாடு-3016792.html
3016790 தருமபுரி கிருஷ்ணகிரி மத்தூரில் நாளை தொழிலாளர் நல வாரியங்களில் உறுப்பினர் சேர்க்கை சிறப்பு முகாம் DIN DIN Tuesday, October 9, 2018 08:37 AM +0530 மத்தூரில்  அக்.10 - இல் அமைப்பு சாரா தொழிலாளர் நல வாரியங்களில் உறுப்பினர் சேர்க்கைக்கான சிறப்பு முகாம் நடைபெறுகிறது.
இதுகுறித்து, கிருஷ்ணகிரி சமூகப் பாதுகாப்புத் திட்டத்தின் தொழிலாளர் உதவி ஆணையர் த.முருகேசன்,  திங்கள்கிழமை வெளியிட்ட செய்திக் குறிப்பு: தொழிலாளர் துறையின் கூட்டு முயற்சியில் கட்டுமானம்,  உடல் உழைப்பு மற்றும் ஓட்டுநர்கள் உள்பட பல்வேறு அமைப்பு சாரா தொழிலில் ஈடுபட்டுள்ள தொழிலாளர்களை, தமிழ்நாடு கட்டுமானம் மற்றும் அமைப்பு சாரா தொழிலாளர் நல வாரியங்களில் உறுப்பினர்களாகப் பதிவு மற்றும் புதுப்பித்தல் செய்வதற்காக சிறப்புப் பதிவு முகாம் அக்.10-ஆம் தேதி (புதன்கிழமை) காலை 10 மணி முதல் பிற்பகல் 3 மணி வரையில் மத்தூரில் உள்ள ஊராட்சி ஒன்றியத் தொடக்கப் பள்ளி வளாகத்தில் நடைபெறுகிறது.  தமிழ்நாடு அரசு தொழிலாளர் துறையின் கீழ் கட்டுமானம் மற்றும் அமைப்புச் சாரா தொழிலாளர்களுக்கு, 17 தொழிலாளர் நல வாரியங்கள் அமைத்து, அதில் கட்டுமானம்,  உடலுழைப்பு மற்றும் ஓட்டுநர்கள் உள்பட பல்வேறு அமைப்பு சாரா தொழிலில் ஈடுபட்டுள்ள தொழிலாளர்களை உறுப்பினர்களாகப் பதிவு செய்து, அவர்களுக்கு கல்வி, திருமணம், மகப்பேறு, கண்கண்ணாடி, ஓய்வூதியம்,  இயற்கை மரணம், விபத்து மரணம், ஈமச்சடங்கு போன்ற பல்வேறு நலத்திட்ட உதவிகளை வழங்கி வருகிறது. 
எனவே,  இந்தப் பதிவு முகாமில் தொழிலாளர்கள் முழுமையாக நிறைவு செய்யப்பட்ட பதிவு விண்ணப்பம்,  2 புகைப்படம்,  அசல் குடும்ப அட்டை, அரசு பதிவு பெற்ற அதிகாரியிடம் சான்றொப்பம் பெற்ற குடும்ப அட்டை நகல், ஆதார் அட்டை நகல், வாக்காளர் அடையாள அட்டை நகல், ஆதார் அட்டை இல்லாதவர்கள் அதற்கான படிவத்துடன் நேரில் வரவேண்டும்.  ஏற்கெனவே தொழிலாளர் நல வாரியங்களில் பதிவு செய்யப்பட்ட தங்களின் பதிவினை இந்த முகாமில் கலந்து கொண்டு புதுப்பித்துக் கொள்ளலாம்.    ஏற்கெனவே பதிவு பெற்ற தொழிலாளர்கள் தங்களது ஆதார் எண்ணை இந்த முகாமின்போது அளித்து,  தங்களது பதிவு எண்ணுடன் சேர்த்து கொள்ளுமாறு தெரிவித்துள்ளார்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/மத்தூரில்-நாளை-தொழிலாளர்-நல-வாரியங்களில்-உறுப்பினர்-சேர்க்கை-சிறப்பு-முகாம்-3016790.html
3016788 தருமபுரி கிருஷ்ணகிரி மாணவர்கள் அப்துல் கலாமை முன்மாதிரியாகக் கொண்டு முன்னேற வேண்டும்: ஆளுநர் பன்வாரிலால் புரோஹித் DIN DIN Tuesday, October 9, 2018 08:37 AM +0530 பள்ளி மாணவர்கள்,  குடியரசு முன்னாள் தலைவர் அப்துல் கலாமை முன்மாதிரியாக (ரோல் மாடலாகக்) கொண்டு வாழ்வில் முன்னேற வேண்டும் என்றார், தமிழக ஆளுநர் பன்வாரிலால் புரோஹித்.  
ஒசூர் அதியமான் பொறியியல் கல்லூரியில் இந்திய விண்வெளி ஆராய்ச்சி நிறுவனம்   சார்பில் விண்வெளி ஆராய்ச்சி  வார நிறைவு விழா திங்கள்கிழமை நடைபெற்றது.  
இதில்  தமிழக ஆளுநர் பன்வாரிலால் புரோஹித் கலந்துகொண்டு போட்டிகளில் வெற்றி பெற்ற மாணவர்களுக்கு பரிசுகளை வழங்கி சிறப்புரையாற்றினார். 
அப்போது ஆளுநர் பேசியது:   குடியரசு முன்னாள் தலைவர் அப்துல் கலாம்  மிக எளிமையாக வாழ்ந்து மற்றவர்களுக்கு முன்னுதாரணமாக  திகழ்ந்தார்.  அவர் குடியரசுத் தலைவராகப் பதவியேற்ற போது 2 சூட்கேஸ் உடைமைகளை குடியரசு மாளிகைக்குக்  கொண்டு சென்றார்.  அதில் ஒரு சூட்கேஸில் புத்தகங்கள்,  மற்றொன்றில் அவர் அணியும் உடைகள் இருந்தன.   குடியரசுத் தலைவர் பதவிக் காலம் முடிவடைந்ததும்  அதே 2 சூட்கேஸ்களில் தனது உடைமைகளை எடுத்துக் கொண்டு திரும்பிச் சென்றார். அந்த அளவுக்கு மிகவும் எளிமையாக வாழ்ந்தார் அப்துல் கலாம்.  மாணவர்கள் அவரை ரோல் மாடலாகக் கொண்டு வாழ்வில் முன்னேற வேண்டும் என்றார்.  
இந்த விழாவில் இந்திய விண்வெளி ஆராய்ச்சி நிறுவனத்தின் இயக்குநர் பாண்டியது பேசியது:  இந்திய விண்வெளி ஆராய்ச்சி  நிறுவனம் தொடர்ந்து பல செயற்கைக்கோள்களை விண்ணுக்கு அனுப்பி சாதனைப் படைத்து வருகிறது.  இந்தியாவில் முதலில்  ஒரு டி.வி. சேனல் மட்டுமே இருந்தது. தற்போது இந்தியா முழுவதும் 832 டி.வி. சேனல்கள் உள்ளன. ஆன்மிகம், விளையாட்டு, குழந்தைகளுக்கான சேனல், செய்தி சேனல் மற்றும்  பொழுதுபோக்கு சேனல்கள் ஆகும்.  அதுமட்டுமின்றி, கேரள வெள்ளத்தில் அந்த மாநில அரசுக்கு பல்வேறு முன்னெச்சரிக்கைகளை வழங்கியது இஸ்ரோ.  செல்லிடப்பேசி போன்ற அதிவேக இணையதள சேவைக்கு இஸ்ரோவின் பல்வேறு செயற்கைக்கோள்கள் பயன்பட்டு வருகின்றன.  கஞ்சா எந்தப் பகுதிகளில் பயிர் செய்யப்படுகிறது என்பதையும் துல்லியமாகக் கண்டறியக் கூடிய தொழில் நுட்பம் நம்மிடம் உள்ளது.  
பூமிக்கு அருகில் உள்ள கிரகம் செவ்வாய்.  இந்தக் கிரகத்திற்கு 51 முறை உலக அளவில் செயற்கைக்கோள்கள் அனுப்பப்பட்டுள்ளன.  அதில் 21 முறை வெற்றி பெற்றுள்ளது. இதில் இந்தியா அனுப்பிய முதல் செயற்கைக்கோள் வெற்றி பெற்றது குறிப்பிடத்தக்கது என்றார். 
இந்த விழாவில்,  இந்திய விண்வெளி ஆராய்ச்சி நிறுவனத்தின் துணை இயக்குநர் வெங்கட்ராமன்,  தமிழக இளைஞர் நலன் மற்றும் விளையாட்டுத் துறை அமைச்சர் பாலகிருஷ்ணா ரெட்டி,   மாவட்ட ஆட்சியர் எஸ்.பிரபாகர்,  அதியமான் பொறியியல கல்லூரி முதல்வர் ஜி.ரங்கநாத்,  காவல்துறை கண்காணிப்பாளர் மகேஷ்குமார் உள்பட பலர் கலந்து கொண்டனர்.
இந்த விழாவில் 5 ஆயிரத்துக்கும் மேற்பட்ட  அரசு மற்றும் தனியார் பள்ளி மாணவர்கள் பங்கேற்றனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/மாணவர்கள்-அப்துல்-கலாமை-முன்மாதிரியாகக்-கொண்டு-முன்னேற-வேண்டும்-ஆளுநர்-பன்வாரிலால்-புரோஹித்-3016788.html
3016787 தருமபுரி கிருஷ்ணகிரி சாலை விபத்தில் ஒருவர் பலி DIN DIN Tuesday, October 9, 2018 08:37 AM +0530 ஊத்தங்கரை அருகே சாலையோர புளியமரத்தில் கார் மோதியதில் ஒருவர் உயிரிழந்தார். 5 பேர் காயமடைந்தனர்.
ஊத்தங்கரையை  அடுத்த சிங்காரப்பேட்டை -  திருப்பத்தூர்  நெடுஞ்சாலையில் குரங்குமேடு பகுதியில் ஓட்டுநரின்  கட்டுப்பாட்டை இழந்த கார், சாலையோர  புளியமரத்தில் மோதியது. இதில் ஆண்டியூர் பகுதியைச் சேர்ந்த வேடியப்பன் என்பவர் உயிரிழந்தார்.
 மேலும், அவருடன் சென்ற சேலம் மாவட்டம் கருமந்துறை பகுதியைச் சேர்ந்த குமார், தனபால், மாதையன்,  ஊத்தங்கரையை அடுத்த சாமாட்சிகொட்டாய் பகுதியைச் சேர்ந்த திருப்பதி, ஆண்டியூர் பகுதியை சேர்ந்த கோவிந்தராஜ் ஆகியோர்  பலத்த காயமடைந்தனர். இவர்கள் அனைவரும் ஊத்தங்கரை அரசு மருத்துவமனையில் அனுமதிக்கப்பட்டு, பின்னர் தீவிர  சிகிச்சைக்காக  தருமபுரி அரசு மருத்துவமனைக்கு  அனுப்பி வைக்கப்பட்டனர். இந்த விபத்து குறித்து சிங்காரப்பேட்டை போலீஸார் வழக்குப் பதிவுசெய்து விசாரித்து வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/சாலை-விபத்தில்-ஒருவர்-பலி-3016787.html
3016786 தருமபுரி கிருஷ்ணகிரி நுகர்வோர் குழுக் கூட்டம் DIN DIN Tuesday, October 9, 2018 08:36 AM +0530 ஊத்தங்கரை வட்டார வளர்ச்சி அலுவலகத்தில் நுகர்வோர் குழுக் கூட்டம் திங்கள்கிழமை நடைபெற்றது.
நிகழ்ச்சிக்கு  ஊத்தங்கரை வட்டார வளர்ச்சி அலுவலர் எம்.சண்முகம் தலைமை வகித்தார். சமூக நுகர்வோர் நல பாதுகாப்புச் சங்க மாநில பொதுச் செயலாளர் டாக்டர் கே.எம்.சந்திரமோகன் முன்னிலை வகித்து பேசினார். மாவட்ட நுகர்வோர் சங்கத் தலைவர் சக்திமனோகரன், நுகர்வோர் சேவை சங்க மாவட்டச் செயலாளர் கோபிநாத்,  நுகர்வோர் சங்க  ஒன்றியத் தலைவர் முனியப்பன் ஆகியோர்  கலந்துகொண்டு  நுகர்வோர் தெரிந்து கொள்ள வேண்டிய பல்வேறு கருத்துகளை விளக்கிக் கூறினர். 

]]>
http://www.dinamani.com/all-editions/edition-dharmapuri/krishnagiri/2018/oct/09/நுகர்வோர்-குழுக்-கூட்டம்-3016786.html
3016785 தருமபுரி கிருஷ்ணகிரி கூட்டுறவு சங்கத்தில் புதிய கடன் வழங்க விவசாயிகள் கோரிக்கை DIN DIN Tuesday, October 9, 2018 08:36 AM +0530 வேளாண் கூட்டுறவு சங்கத்தில் புதிய கடன் வழங்க வேண்டும் என தமிழ்நாடு விவசாயிகள் சங்கம் கோரிக்கை விடுத்துள்ளது.
கிருஷ்ணகிரி மாவட்டம், பர்கூர் ஊராட்சி ஒன்றியத்துக்கு உள்பட்ட ஒரப்பம் கிராமத்தில் தமிழ்நாடு விவசாயிகள் சங்க புதிய கிளை திங்கள்கிழமை தொடங்கப்பட்டது. இந்த நிகழ்வுக்கு சங்கத் தலைவர் ராமசாமி தலைமை வகித்தார். தமிழக விவசாயிகள் சங்கத்தின் மாநிலக் குழு உறுப்பினர் கண்ணு உள்ளிட்டோர் பங்கேற்றனர்.
இந்த நிகழ்ச்சியில் கிளை சங்கத்தின் தலைவராக ராமசாமி, துணைத் தலைவராக வேலு, செயலாளராக ஆறுமுகம், துணைச் செயலாளராக சிவன், பொருளாளராக குமார் ஆகியோர் தேர்வு செய்யப்பட்டனர். வறட்சியால் பாதிக்கப்பட்ட மா, தென்னை  மரங்களுக்கு இழப்பீடு வழங்க வேண்டும்,  புதிய மரக் கன்றுகளை வழங்க வேண்டும்,  தேசிய நெடுஞ்சாலையில் ஏற்படும் விபத்துகளை குறைக்க, ஒரப்பம் கிராமத்தில் உயர்மட்ட மேம்பாலம் அமைக்க வேண்டும், வேளாண்மை கூட்டுறவு சங்கத்தில் புதிய கடன் வழங்க வேண்டும். எண்ணேகொல்புதூரில் இருந்து படேதலாவ் ஏரிக்கு கால்வாய் அமைக்க வேண்டும் என்பன உள்ளிட்ட பல்வேறு தீர்மானங்கள் கூட்டத்தில் நிறைவேற்றப்பட்டன.
 

]]>
http://www.dinamani.com/all-editions/edition-dharmapuri/krishnagiri/2018/oct/09/கூட்டுறவு-சங்கத்தில்-புதிய-கடன்-வழங்க-விவசாயிகள்-கோரிக்கை-3016785.html
3016783 தருமபுரி கிருஷ்ணகிரி ஒசூர் அந்திவாடியில் ரூ.3.69 கோடியில் உள்விளையாட்டு அரங்கம், உடற்பயிற்சிக் கூடம்: பணிகள் தொடக்கிவைப்பு DIN DIN Tuesday, October 9, 2018 08:35 AM +0530 ஒசூர்  அந்திவாடி விளையாட்டு அரங்கில் ரூ.3.69 கோடி மதிப்பில் உள் விளையாட்டு அரங்கம் மற்றும் உடற்பயிற்சிக் கூடம் அமைக்க  அமைச்சர் பாலகிருஷ்ணா ரெட்டி திங்கள்கிழமை பூமி பூஜை செய்து பணிகளை தொடக்கி வைத்தார்.
கிருஷ்ணகிரி மாவட்டம், ஒசூர் அந்திவாடியில்,  தமிழ்நாடு விளையாட்டு மேம்பாட்டு ஆணையம் சார்பில் உள் விளையாட்டு அரங்கம், உடற்பயிற்சி கூடம் அமைக்கும் பணிகளை இளைஞர் நலன் மற்றும் விளையாட்டு மேம்பாட்டுத்துறை அமைச்சர் பூமிபூஜை செய்து தொடக்கி  வைத்தார்.
நிகழ்ச்சிக்கு மாவட்ட ஆட்சியர் எஸ்.பிரபாகர் தலைமை வகித்தார். இதில் அமைச்சர் பேசியது: முன்னாள் முதல்வர் ஜெயலலிதா விளையாட்டுத் துறையில் தமிழகம் சர்வதேச அளவில் சிறந்து விளங்க தமிழக விளையாட்டு வீரர்கள் கலந்து கொள்ளும் வகையில் எண்ணற்றத் திட்டங்களை வழங்கினார்.  அதனடிப்படையில் தற்போது முதல்வர் எடப்பாடி கே.பழனிசாமி, சர்வதேச அளவில் நடைபெறும் விளையாட்டுப் போட்டிகளில் கலந்து கொள்ளும் வீரர்களுக்கு ஊக்கத் தொகை மற்றும் பயிற்சியாளர்களுக்கு ஊக்கத் தொகைகளை வழங்கி வருகிறார். 
அந்திவாடி விளையாட்டு மைதானத்தில்  நடைபாதை,  உடற்பயிற்சிக் கூடம், கூடைப்பந்து மைதானம் அமைக்கப்படுகிறது.  இதனால் இந்தப் பகுதியில் உள்ள மாணவர்கள், விளையாட்டு வீரர்கள்,  பொதுமக்களுக்கு பயனடைவார்கள்.
மூன்றுமாதங்களில் இப்பணிகள் முடிக்கப்பட்டு விளையாட்டு மைதானம் பயன்பாட்டுக்கு வழங்கப்படும் என்றார்.
இந்நிகழ்ச்சியில்  வட்டாட்சியர் முத்துப்பாண்டி,முன்னாள் உள்ளாட்சிப் பிரதிநிதி வாசுதேவன்,  ஒசூர் நகராட்சி ஆணையர் பாலசுப்பிரமணி, மற்றும் பலர் கலந்து கொண்டனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/09/ஒசூர்-அந்திவாடியில்-ரூ369-கோடியில்-உள்விளையாட்டு-அரங்கம்-உடற்பயிற்சிக்-கூடம்-பணிகள்-தொடக்கிவைப்ப-3016783.html
3016094 தருமபுரி கிருஷ்ணகிரி கிருஷ்ணகிரி அணையின் நீர்மட்டம் 41 அடியாக உயர்வு DIN DIN Monday, October 8, 2018 08:35 AM +0530 கிருஷ்ணகிரி அணையின் நீர்மட்டம் ஞாயிற்றுக்கிழமை நிலவரப்படி 41 அடியாக உயர்ந்துள்ளது.
கிருஷ்ணகிரி மாவட்டத்தில் கடந்த சில நாள்களாக தொடர்ந்து மழை பெய்து வருகிறது. குறிப்பாக கிருஷ்ணகிரி அணையின் நீர்ப்பிடிப்புப் பகுதிகள், கர்நாடக மாநிலம் பெங்களூரு உள்ளிட்ட பகுதிகளில் தொடர்ந்து மழை பெய்து வருவதால் கிருஷ்ணகிரி அணைக்கு நீர்வரத்து படிப்படியாக அதிகரித்தது. ஞாயிற்றுகிழமை நிலவரப்படி விநாடிக்கு 621 கன அடி தண்ணீர் வந்து கொண்டிருந்தது. இதனால் நீர்மட்டம் 41 அடியாக உயர்ந்தது. அணையிலிருந்து பாசனத்துக்காக  விநாடிக்கு 606 கன அடி தண்ணீர் திறந்துவிடப்பட்டுள்ளது. மேலும், நெடுங்கல் அணையிலிருந்து பாரூர் ஏரிக்கு விநாடிக்கு 200 கன அடியும், கெலவரப்பள்ளி அணையிலிருந்து விநாடிக்கு 610 கன அடி தண்ணீரும் திறந்து விடப்பட்டுள்ளது. கெலவரப்பள்ளி அணையின் நீர்மட்டம் 42.15 அடியாக உள்ளது.

]]>
http://www.dinamani.com/all-editions/edition-dharmapuri/krishnagiri/2018/oct/08/கிருஷ்ணகிரி-அணையின்-நீர்மட்டம்-41-அடியாக-உயர்வு-3016094.html
3016093 தருமபுரி கிருஷ்ணகிரி ஐயப்பன் கோயிலின் பாரம்பரியத்தை கடைப்பிடிக்க வலியுறுத்தி ஊர்வலம் DIN DIN Monday, October 8, 2018 08:35 AM +0530 சபரிமலை ஐயப்பன் கோயிலின் பாரம்பரியத்தை கடைப்பிடிக்க வலியுறுத்தி, கிருஷ்ணகிரியில் பெண்கள் பங்கேற்ற ஊர்வலம் ஞாயிற்றுக்கிழமை நடைபெற்றது.
ஐயப்பன் கன்னி பூஜை சங்கம், இந்து அன்னையர் முன்னணி, அகில பாரத ஐயப்பா சேவா சங்கம், அடுத்து இந்து சமுதாய மக்கள் ஆகிய அமைப்புகள் இணைந்து, சபரிமலை ஐயப்பன் கோயிலின் பாரம்பரியத்தைக் காக்க வலியுறுத்தி ஊர்வலம் நடைபெற்றது. 
கிருஷ்ணகிரி சென்னை சாலையில் உள்ள பெரிய மாரியம்மன் கோயில் அருகே தொடங்கிய ஊர்வலம், சென்னை சாலை, சேலம் சாலை வழியாக ஐயப்பன் கோயில் அருகே நிறைவு பெற்றது. இந்த பேரணியில் ஒருங்கிணைப்பாளர்கள் யுகேஷ்வரன், வெங்கடேஷ், அனைத்து சமுதாய ஒருங்கிணைப்பாளர்கள் மணிகண்டன், மீனாட்சி உள்ளிட்டோர் பங்கேற்றனர். 
சபரிமலை ஐயப்பன் கோயிலுக்கு 50 வயது வரையில் இந்து தர்ம கலாசாரங்களை மீறி செல்லமாட்டேன் என கிருஷ்ணகிரியில் உள்ள ஐயப்பன் கோயில் முன் பெண்கள் உறுதியேற்றனர். இதையடுத்து குருசாமிகள், ஐயப்பன் கோயிலுக்கு செல்ல 10 முதல் 50 வயது  உள்ள பெண்களுக்கு மாலை அணிவிக்கவும், இருமுடி கட்டவும் மாட்டேன், கோயிலுக்கு அழைத்து செல்லமாட்டேன் என உறுதிமொழி ஏற்றனர். மேலும், ஐயப்பன் கோயிலில்  விளக்கு ஏற்றி சிறப்பு பூஜைகளை நடத்தினர். இதில், ஏராளமான பக்தர்கள் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/08/ஐயப்பன்-கோயிலின்-பாரம்பரியத்தை-கடைப்பிடிக்க-வலியுறுத்தி-ஊர்வலம்-3016093.html
3016092 தருமபுரி கிருஷ்ணகிரி ஒசூர் அருகே லாரி மீது பேருந்து மோதியதில் 10 பேர் காயம் DIN DIN Monday, October 8, 2018 08:34 AM +0530 ஒசூர் அருகே நின்றிருந்த லாரி மீது கர்நாடக அரசு பேருந்து மோதியதில் 10 பேர் காயமடைந்தனர்.
ஒசூர் அருகே சப்படி கிராமத்தில் சென்னை- பெங்களூரு தேசிய நெடுஞ்சாலையில் பழுதாகி நின்றிருந்த லாரி மீது கர்நாடக மாநில அரசுப் பேருந்து சனிக்கிழமை இரவு மோதியதில் காயமடைந்த 10 பேர் கிருஷ்ணகிரி மற்றும் தருமபுரி மாவட்ட அரசு மருத்துவமனைகளில் அனுமதிக்கப்பட்டனர். இதுகுறித்து சூளகிரி போலீஸார் வழக்குப் பதிந்து விசாரணை நடத்தி வருகின்றனர். 
தொடரும் விபத்துகள்...
தேசிய நெடுஞ்சாலையில் நின்றிருந்த லாரிகள் மீது அவ்வப்போது வாகனங்கள் மோதி விபத்துக்குள்ளாவது அதிகரித்து வருவதைத் தடுக்க ஒசூர் டி.எஸ்.பி மீனாட்சி தலைமையில் கடந்த வாரம் அனைத்து காவல் ஆய்வாளர்கள் மற்றும் காவலர்கள் பங்கேற்ற விழிப்புணர்வு கூட்டம் நடத்தப்பட்டு தகுந்த அறிவுரை வழங்கப்பட்ட நிலையிலும், தொடர்ந்து சாலையில் வாகனங்கள் நிறுத்தப்படுவதும், விபத்துகள் ஏற்படுவதும் தொடர்கிறது.

]]>
http://www.dinamani.com/all-editions/edition-dharmapuri/krishnagiri/2018/oct/08/ஒசூர்-அருகே-லாரி-மீது-பேருந்து-மோதியதில்-10-பேர்-காயம்-3016092.html
3016091 தருமபுரி கிருஷ்ணகிரி மின்சாரம் பாய்ந்ததில் மாணவர் சாவு DIN DIN Monday, October 8, 2018 08:34 AM +0530 அஞ்செட்டி அருகே மின்சாரம் பாய்ந்ததில் மாணவர் உயிரிழந்தார்.
அஞ்செட்டி அருகேயுள்ள அனுமந்தபுரத்தைச் சேர்ந்த நாகராஜ் மகன் தீபக்(17). ஒசூர் பகுதியில் உள்ள  தனியார் கல்லூரியில் டிப்ளமோ முதலாமாண்டு படித்து வந்தார். ஞாயிற்றுக்கிழமை நண்பர்களுடன் கல்லூரி வளாகத்தில் கிரிக்கெட் விளையாடிக் கொண்டிருந்த போது, பந்து பறந்து சென்று கல்லூரி உணவக் கூரையில் சிக்கிக் கொண்டது. 
அதை எடுப்பதற்காக சுவர் மீது ஏறிய போது மின் கம்பி உரசியதில் மின்சாரம் பாய்ந்து தீபக் தூக்கிவீசப்பட்டார். சூளகிரி ஆரம்ப சுகாதார நிலையத்துக்கு கொண்டு செல்லும் வழியிலே அவர் உயிரிழந்தார்.இதுகுறித்து சூளகிரி போலீஸார் வழக்குப் பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/krishnagiri/2018/oct/08/மின்சாரம்-பாய்ந்ததில்-மாணவர்-சாவு-3016091.html
3016090 தருமபுரி கிருஷ்ணகிரி இரு சக்கர வாகனம் மீது கார் மோதியதில் ஒருவர் சாவு DIN DIN Monday, October 8, 2018 08:33 AM +0530 மத்தூர் அருகே இரு சக்கர வாகனம் மீது கார் மோதியதில் கம்பைநல்லூர் காடம்பரஅள்ளியைச் சேர்ந்த மாது (55) உயிரிழந்தார். மேலும்,ஒருவர் காயமடைந்தார்.
மத்தூர் அருகேயுள்ள களர்பதி ஏழாம் அணி காவலர் குடியிருப்பு மற்றும் பயிற்சி நிலையம் பகுதியில் மத்தூரில் இருந்து போச்சம்பள்ளி நோக்கி சென்ற இரு சக்கர வாகனம் மீது பின்னால் வந்த கார் மோதியதில் கம்பைநல்லூரை அடுத்த காடம்பரஅள்ளியைச் சேர்ந்த சின்னசாமி மகன் மாது (55)  நிகழ்விடத்திலே உயிரிழந்தார். இரு சக்கர வாகனத்தில் வந்த வேங்கடராமநாயுடு மகன் கோபால் (60) என்பவர் காயமடைந்தார்.
விபத்து குறித்து வழக்குப் பதிந்த மத்தூர் போலீஸார் தலைமறைவான ஓட்டுநரை தேடி வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/08/இரு-சக்கர-வாகனம்-மீதுகார்-மோதியதில்-ஒருவர்-சாவு-3016090.html
3016089 தருமபுரி கிருஷ்ணகிரி சாலை விபத்தில் பிளஸ் 2 மாணவர் சாவு DIN DIN Monday, October 8, 2018 08:33 AM +0530 ஒசூரில் இரு சக்கர வாகனம் மீது அடையாளம் தெரியாத வாகனம் மோதியதில் பிளஸ் 2 மாணவர் உயிரிழந்தார்.
ஒசூர் மத்தம் சாலை பகுதியைச் சேர்ந்தவர் கலைவாஷிங்டன். இவரது மகன் ஹரிகரன் (18). இவர் ஒசூரில் உள்ள தனியார் பள்ளியில் பிளஸ் 2 படித்து வந்தார். இந்த நிலையில் இரு சக்கர வாகனத்தில்  கிருஷ்ணகிரி பெங்களூரு தேசிய நெடுஞ்சாலையில் தமிழ்நாடு உணவகம்  மேம்பாலத்தில் சென்று கொண்டிருந்த மாணவர் மீது அவ்வழியாக சென்ற அடையாளம் தெரியாத வாகனம் மோதியதில் நிகழ்விடத்திலே மாணவர் உயிரிழந்தார். இந்த விபத்து குறித்து ஒசூர் நகரக் காவல் ஆய்வாளர் லட்சுமணதாஸ் தலைமையிலான போலீஸார் மாணவரின் சடலத்தை மீட்டு பிரேத பரிசோதனைக்காக ஒசூர் அரசு மருத்துவமனைக்கு அனுப்பி வைத்தனர். 

]]>
http://www.dinamani.com/all-editions/edition-dharmapuri/krishnagiri/2018/oct/08/சாலை-விபத்தில்பிளஸ்-2-மாணவர்-சாவு-3016089.html
3016088 தருமபுரி கிருஷ்ணகிரி கிருஷ்ணகிரி மாவட்டத்தில் வாக்காளர் பட்டியலில் பெயர் சேர்த்தல் சிறப்பு முகாம் DIN DIN Monday, October 8, 2018 08:33 AM +0530 கிருஷ்ணகிரி மாவட்டத்தில் நடைபெறும் வாக்காளர் பட்டியலில் பெயர் சேர்த்தல், நீக்கல், திருத்த சிறப்பு முகாமில் இதுவரை 23,133 பேர் மனு அளித்துள்ளனர்.
கிருஷ்ணகிரி மாவட்டத்தில் 1,850 வாக்குச்சாவடி மையங்களிலும், வாக்காளர் பட்டியலில் பெயர் சேர்த்தல், நீக்கல், திருத்தம் மேற்கொள்ளதல் மற்றும் இடமாறுதல் செய்வதற்கான விண்ணப்பங்கள் படிவம் 6,7,8 மற்றும் 8ஏ பெறுதல் சிறப்பு முகாம் ஞாயிற்றுக்கிழமை நடைபெற்றது. 
இந்த சிறப்பு முகாமை வாக்காளர் பட்டியல் பார்வையாளர் ஆனந்தராவ் விஷ்ணுபாட்டீல் இரண்டாவது நாளாக ஆய்வு மேற்கொண்டார். அப்போது, அவர் கூறியது:
இந்த முகாமில் இரண்டு முறை பதிவு சரிபார்த்தல், வாக்காளர் எண்ணிக்கை, வீடு தோறும் வாக்காளர் பட்டியல் உள்ளவாறு சரி செய்யப்பட்டுள்ளதா? வெளியூர் சென்றவர்கள் விவரம், சட்டப்பேரவைத் தொகுதியில் முகவரி மாற்றம் செய்வது குறித்து அந்த வாக்குச்சாவடி அலுவலர்கள் உரிய முறையில் மேற்கொள்ள வேண்டும். 
இதுவரை நடைபெற்ற முகாம்களில் படிவம் 6-ஐ 18,533 பேரும், படிவம் 7-ஐ 1,370 பேரும், படிவம் 8-ஐ 2,138 பேரும், படிவம் 8-ஏ ஐ 1,092 பேரும் என மொத்தம் 23,133 பேர் மனுக்களாக அளித்துள்ளனர். மேலும், இந்த முகாம், அனைத்து வாக்குச்சாவடி மையங்களிலும் அக்.14-ஆம் தேதி நடைபெற உள்ளது. 
அக்டோபர் கடைசிவரை நிறைவு செய்யப்பட்ட விண்ணப்பங்களை வாக்குச்சாவடி நிலைய அலுவலர்கள், கோட்டாட்சியர் அலுவலகம், வட்டாட்சியர் அலுவலகங்கள், நகராட்சி அலுவலகங்களில் உள்ள வாக்காளர் அலுவலர்களிடம் நேரில் வழங்கலாம் என்றார். 
அப்போது, கிருஷ்ணகிரி மாவட்ட ஆட்சியர் சு.பிரபாகர், மாவட்ட வருவாய் அலுவலர் எஸ்.சாந்தி உள்ளிட்ட பல்வேறு அரசு அலுவலர்கள் உள்ளிட்டோர் உடனிருந்தனர்.

]]>
http://www.dinamani.com/all-editions/edition-dharmapuri/krishnagiri/2018/oct/08/கிருஷ்ணகிரி-மாவட்டத்தில்-வாக்காளர்-பட்டியலில்-பெயர்-சேர்த்தல்-சிறப்பு-முகாம்-3016088.html
3015482 தருமபுரி கிருஷ்ணகிரி இளைஞர் கொலை வழக்கில் 5 பேர் கைது DIN DIN Sunday, October 7, 2018 03:15 AM +0530  

தேன்கனிக்கோட்டை அருகே இளைஞரை கொலை செய்த வழக்கில் அவரது நண்பர்கள் 5 பேரை போலீஸார் கைது செய்தனர்.
தேன்கனிக்கோட்டை வட்டம், அந்தேவனப்பள்ளியைச் சேர்ந்த முருகன் மகன் பாலசந்திரன் (28) அக்.2 ஆம் தேதி அந்தேவனப்பள்ளி பேருந்து நிலையம் அருகே மது அருந்தி மயங்கி கிடந்தார். நீண்ட நேரமாகியும் அவருக்கு மயக்கம் தெளியாததால், தருமபுரி அரசு மருத்துவமனையில் அனுமதிக்கப்பட்டார்.
அவரை பரிசோதித்த மருத்துவர்கள் பாலசந்திரனின் தலையில் தாக்கப்பட்டுள்ளதை தெரிவித்தனர். அவர் சிகிச்சை பலனின்றி உயிரிழந்தார். இதுகுறித்து தேன்கனிக்கோட்டை போலீஸார் நடத்திய விசாரணையில், அந்தேவனப்பள்ளியைச் சேர்ந்த பிரதீப்குமார் (26), கெம்பன் என்கிற சுரேஷ் (28), அம்பரீஷ் என்கிற அமரேசன் (22), பிரவீன்குமார் (28), கிருஷ்ணமூர்த்தி (28) ஆகிய 5 பேரும் பாலசந்திரனை கொலை செய்தது தெரிய வந்தது.
அவர்கள் 5 பேரையும் போலீஸார் கைது செய்தனர். இதுதொடர்பாக அவர்களிடம் போலீஸார் விசாரணை நடத்தினர்.முன்விரோதம் காரணமாக பாலசந்திரனைத் தாக்கியது விசாரணையில் தெரிய வந்தது.

 

]]>
http://www.dinamani.com/all-editions/edition-dharmapuri/krishnagiri/2018/oct/07/இளைஞர்-கொலை-வழக்கில்-5-பேர்-கைது-3015482.html
3014784 தருமபுரி கிருஷ்ணகிரி கிருஷ்ணகிரி மின் கோட்டத்தில் மின் தடங்கல் குழு அமைப்பு DIN DIN Saturday, October 6, 2018 02:50 AM +0530  

கிருஷ்ணகிரி மின் கோட்டத்தில் ஏற்படும் மின் தடங்கலை சந்திக்கும் வகையில் குழு அமைக்கப்பட்டுள்ளதாக மேற்பார்வை பொறியாளர் நந்தகோபால் தெரிவித்தார்.
இதுகுறித்து அவர் வெள்ளிக்கிழமை தெரிவித்தது: வடகிழக்கு பருவ மழையை கருத்தில் கொண்டு முன்னெச்சரிக்கை நடவடிக்கைக்காகவும், உயர் அழுத்த, தாழ்வழுத்த மின்பாதையில் தடை (பிரேக் டவுன்) மற்றும் மின் தடங்கல் சார்ந்த இதர பணிகளுக்காகவும் கிருஷ்ணகிரி நகர் மற்றும் உபகோட்டத்துக்காக மின்தடங்கல் குழு அமைக்கப்பட்டு தயார் நிலையில் உள்ளது.
எனவே, கிருஷ்ணகிரி நகர் மற்றும் உபகோட்டத்துக்குள்பட்ட பகுதிகளில் ஏதாவது மின் தடங்கல், தடை போன்றவை ஏற்பட்டால் இந்த குழுவினருக்கு செல்லிடப்பேசி மூலம் தகவல் தெரிவிக்கலாம். இந்தக் குழுவினர் எந்த நேரத்திலும் குறைகளை சரி செய்வர்.
அதன்படி, பழைய பேட்டை பகுதிக்கு உதவி பொறியாளர் லட்சுமணன் - 9445855440, தொழிற்பேட்டை இளநிலை பொறியாளர் விமலா-9445855450, அவதானப்பட்டி உதவி பொறியாளர் சண்முகம் - 9445981253, பழைய பேட்டை முகவர் முதல் நிலை ஆரோக்கியம் - 9047815282, நகரம் முகவர் முதல்நிலை செல்வகுமார் - 9976152415, எம்.சி.பள்ளி முகவர் முதல்நிலை முருகன் - 9965802205, தொழிற்பேட்டை - முகவர் முதல்நிலை சவுரிநாதன் - 9443512268, தொழிற்பேட்டை கம்பியாளர் பையாஸ் - 9843346133, நகரம் கம்பியாளர்கள் மாது - 9498833815, விஸ்வநாதன் - 9498833812, ஆலப்பட்டி கம்பியாளர்கள் சரவணன் - 978736149, குமரேசன் - 9655349196, பழைய பேட்டை மின்பாதை ஆய்வாளர் ராஜேந்திரன் - 9487219027, பழைய பேட்டை கம்பியாளர்கள் பெரியசாமி - 9894459251, புருசோத்தமன் - 9080337695, அவதானப்பட்டி கம்பியாளர்கள் சந்திரகுமார் - 9489170535, எம்.சி.பள்ளி மின்பாதை ஆய்வாளர் ராஜப்பன்-9843846077, வாகன ஓட்டுநர் முருகன் - 9790234592 ஆகியோரை அந்தந்த எண்களில் தொடர்பு கொண்டு தெரிவிக்கலாம். அத்துடன் கட்செவி அஞ்சல் எண்ணான - 6380006162 என்ற எண்ணிலும் தெரிவிக்கலாம்.

 

]]>
http://www.dinamani.com/all-editions/edition-dharmapuri/krishnagiri/2018/oct/06/கிருஷ்ணகிரி-மின்-கோட்டத்தில்-மின்-தடங்கல்-குழு-அமைப்பு-3014784.html
3014783 தருமபுரி கிருஷ்ணகிரி கேரம் போட்டி: 65 மாணவ, மாணவியர் பங்கேற்பு DIN DIN Saturday, October 6, 2018 02:50 AM +0530  கிருஷ்ணகிரியில் வெள்ளிக்கிழமை நடைபெற்ற மாவட்ட அளவிலான கேரம் போட்டியில் 65 மாணவ, மாணவியர் பங்கேற்றனர்.
கிருஷ்ணகிரி மாவட்ட விளையாட்டு மைதானத்தில் நடைபெற்ற மாவட்ட அளவிலான கேரம் விளையாட்டுப் போட்டியை கிருஷ்ணகிரி தாலுகா காவல் ஆய்வாளர் சீனிவாசன் தொடங்கி வைத்தார். மாவட்ட விளையாட்டு அலுவலர் எஸ்.சிவரஞ்சன், உடற்கல்வி ஆசிரியர்கள் சஞ்சய், முனிராஜ், தனலட்சுமி, பரந்தாமன், இளையபல்லவன் உள்ளிட்டோர் பங்கேற்றனர்.
போட்டியில் இளையோர் பிரிவில் ஒன்று முதல் ஐந்தாம் வகுப்பு வரையிலும், முத்தோர் பிரிவில் 6 முதல் பிளஸ் - 2 வரை பயிலும் மாணவ, மாணவியரும் பங்கேற்றனர். போட்டிகள் ஒற்றையர், இரட்டையர் என இரு பிரிவுகளில் நடைபெற்றன.
அரசு, தனியார் பள்ளிகளைச் சேர்ந்த 65 மாணவ, மாணவியர் இதில் பங்கேற்றனர். இந்தப் போட்டியில் முதலிடம் பெற்றவர்கள் மாநில அளவிலான போட்டிக்குத் தகுதி பெற்றனர்.
இருவேறு விபத்தில் இருவர் பலி
ஒசூர், அக். 5: சூளகிரி, அஞ்செட்டி பகுதியில் நிகழ்ந்த இருவேறு விபத்துகளில் இருவர் உயிரிழந்தனர்.
கிருஷ்ணகிரி மாவட்டம், தேன்கனிக்கோட்டை வட்டம், அஞ்செட்டியை அடுத்த சித்தாண்டபுரம் பகுதியைச் சேர்ந்தவர் பெருமாள் (23), டிராக்டர் ஓட்டுநர். இவர் வியாழக்கிழமை அஞ்செட்டி-நாட்றாம்பாளையம் சாலை வளைவில் டிராக்டரில் வேகமாக திரும்பிய போது, எதிர்பாராதவிதமாக டிராக்டர் கவிழ்ந்து விபத்துக்குள்ளானது. இதில், படுகாயமடைந்த பெருமாள் நிகழ்விடத்திலேயே உயிரிழந்தார். இதுகுறித்து அஞ்செட்டி போலீஸார் வழக்குப் பதிந்து விசாரணை நடத்தி வருகின்றனர்.
தருமபுரி மாவட்டம், காரிமங்கலத்தை அடுத்த உதரம்பட்டி பகுதியைச் சேர்ந்தவர் மாதையன்(48), ஒசூரில் உள்ள தனியார் குவாரியில் வேலை செய்து வந்தார். இவர் வியாழக்கிழமை இரவு ஒசூர்-கிருஷ்ணகிரி தேசிய நெடுஞ்சாலையில் உள்ள சின்னாறு பாலம் அருகே நடந்து சென்ற போது, அவ்வழியாகச் சென்ற அடையாளம் தெரியாத வாகனம் அவர் மீது மோதி விட்டு நிற்காமல் சென்றது. இதில் படுகாயமடைந்த அவர் சம்பவ இடத்திலேயே உயிரிழந்தார்.

 

]]>
http://www.dinamani.com/all-editions/edition-dharmapuri/krishnagiri/2018/oct/06/கேரம்-போட்டி-65-மாணவ-மாணவியர்-பங்கேற்பு-3014783.html
3014782 தருமபுரி கிருஷ்ணகிரி கிருஷ்ணகிரியில் பேரிடர் மேலாண்மைக் கூட்டம் DIN DIN Saturday, October 6, 2018 02:50 AM +0530
கிருஷ்ணகிரியில் வடகிழக்கு பருவமழை தொடர்பான பேரிடர் மேலாண்மைக் கூட்டம் வெள்ளிக்கிழமை நடைபெற்றது.
கூட்டத்தில் கிருஷ்ணகிரி மாவட்ட ஆட்சியர் சு.பிரபாகர் பேசியது: கிருஷ்ணகிரி மாவட்டத்தில் வெள்ள பாதிப்புகளை கண்காணிக்கவும், மீட்பு நடவடிக்கைகளை மேற்கொள்ளவும் வட்டார அளவில் பல துறை அலுவலர்கள் அடங்கிய 10 குழுக்கள் அமைக்கப்பட்டுள்ளன.
வெள்ள பாதிப்பு பகுதிகளில் உள்ள நிவாரண முகாம்களை உடனடியாக தணிக்கை செய்யவும், நிவாரண முகாம்களுக்கு செல்லும் வழிகளை ஆய்வு செய்யவும் அறிவுறுத்தப்பட்டுள்ளது. அணைகள், ஏரிகளில் நீர் அளவை தொடர்ந்து சம்பந்தப்பட்ட துறை அலுவலர்கள் கண்காணிக்குமாறு அறிவுறுத்தப்பட்டுள்ளது. அத்துடன் உபரி நீர் திறந்துவிடும்போது நீர் செல்லும் கீழ்நிலைப் பகுதிகளில் வசிக்கும் மக்களுக்கு உரிய எச்சரிக்கை செய்ய அறிவுறுத்தப்பட்டுள்ளது.
கிருஷ்ணகிரி மாவட்டத்தில் வெள்ள பாதிப்புகள் நிகழாமல் இருக்கவும், பருவமழையினால் பேரிடர் நிகழ்வுகள் ஏதும் ஏற்படாத வகையில் முன்னெச்சரிக்கை நடவடிக்கைகள் மேற்கொள்ள அறிவுறுத்தப்பட்டுள்ளது.
கிராமம் மற்றும் வார்டு அளவில் செயல்படும் முதல் பொறுப்பாளர்கள், தன்னார்வலர்கள் வெள்ள பாதிப்பு, பேரிடர் தொடர்பான தகவலை அந்த பகுதியின் வட்டாட்சியர், வட்டார வளர்ச்சி அலுவலர் ஆகியோருக்கு தகவல் தெரிவிக்கலாம். பொதுமக்கள் தங்களது புகார்களை மாவட்ட ஆட்சியர் அலுவலக வளாகத்தில் 24 மணி நேரமும் செயல்படும் 1077 என்ற கட்டணமில்லா தொலைபேசி எண்ணில் தெரிவிக்கலாம்.
மேலும், புகார்கள் குறித்து தெளிவான விவரங்களுடன் 6369700230 என்ற கட்செவி அஞ்சல் எண்ணுக்கு அனுப்பலாம். இவை தவிர கூடுதலாக 04342-234444 என்ற தொலைபேசி எண்ணிலும் உடனடியாக தெரிவிக்கலாம் என்றார் அவர்.
இந்தக் கூட்டத்தில் மாவட்ட வருவாய் அலுவலர் எஸ்.சாந்தி, ஊரக வளர்ச்சி முகமையின் திட்ட இயக்குநர் உமா மகேஸ்வரி உள்ளிட்ட பல்வேறு அரசுத் துறை அலுவலர்கள் பங்கேற்றனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/06/கிருஷ்ணகிரியில்-பேரிடர்-மேலாண்மைக்-கூட்டம்-3014782.html
3014290 தருமபுரி கிருஷ்ணகிரி பாரத மாதா கோயில்: அரசு தனது உறுதியை நிறைவேற்ற வேண்டும்: இல.கணேசன் DIN DIN Friday, October 5, 2018 03:22 AM +0530
பாரத மாதா கோயில் கட்டப்படும் என தமிழக அரசு அளித்த உறுதியை நிறைவேற்றும் என நம்புவதாக பா.ஜ.க. தேசிய செயற்குழு உறுப்பினர்.இல.கணேசன் தெரிவித்தார்.
கிருஷ்ணகிரியில் மகாசக்தி கேந்தரம், சக்தி கேந்திரம் மற்றும் வாக்குச் சாவடி பொறுப்பாளர்கள் ஆலோசனைக் கூட்டம் வியாழக்கிழமை நடைபெற்றது. இந்தக் கூட்டத்தில் பங்கேற்க வந்த இல.கணேசன், செய்தியாளர்களிடம் தெரிவித்தது:
பா.ஜ.க. தனது தேர்தல் பணியைத் தொடங்கி விட்டது. தேர்தல் வரும் நேரத்தில் யாருடன் கூட்டணி என்பது குறித்து முடிவு செய்வோம். தருமபுரி மாவட்டம், பாப்பாரப்பட்டியில் பாரத மாதா கோயில் கட்டப்படும் என தமிழக அரசு உறுதி அளித்துள்ளது. அதனை நிறைவேற்றும் என நம்பிக்கை உள்ளது. டாலர் மதிப்பு உயர்வும், கச்சா எண்ணெய் விலை அதிகமாவதும்தான் பெட்ரோல் விலை அதிகரிப்புக்குக் காரணம். பெட்ரோல், டீசல் விலையை மத்திய அரசு கட்டுப்படுத்த இயலாத நிலையில் உள்ளது. உலகில் பல்வேறு நாடுகள் இதனால், பாதிக்கப்பட்டுள்ள நிலையில், இந்தியாவுக்கு இந்த நிலையைச் சமாளிக்கும் சக்தி உள்ளது. பெட்ரோல் விலையை ஜி.எஸ்.டிக்குள் கொண்டு வர மத்திய பெட்ரோலிய அமைச்சர் எல்லா மாநில அரசுகளுடனும் பேசி வருகிறார். இது வெற்றி பெற்றால், 25 சதவீதம் விலை குறையும். ரஃபேல் ராணுவ விமான விவகாரத்தில் ராகுல் காந்தியின் குற்றச்சாட்டு கற்பனையானது. நடிகர் விஜய் மட்டுமல்லா, யார் வேண்டுமானாலும் கட்சி தொடங்கலாம். கட்சியை தேர்தல் ஆணையத்தில் பதிவு செய்தாலும், மக்கள் இடத்தில் அங்கீகாரம் பெற வேண்டும். தமிழ்நாட்டில் அரசியலில் வெற்றிடம் உள்ளது. எல்லோரும் கருணாநிதி, ஜெயலலிதா ஆகிவிட முடியாது. சபரிமலை ஐயப்பன் கோயிலுக்கு பெண்களை அனுமதிப்பது துரதிருஷ்டமான முடிவு. இதுகுறித்து மாநில அரசு மேல்முறையீடு செய்யவில்லை. நீதிமன்றத்துக்குக் கட்டுப்பட்டு மக்கள் முடிவு எடுப்பார்கள் எனத் தெரியவில்லை. தெய்வத்தின் மீது அச்சப்பட்டு, தெய்வத்துக்குக் கட்டுப்பட்டுத் தான் மக்கள் வாழ்வார்கள்.
அத்துமீறி, அநாகரிகமாக தனிப்பட்ட முறையில் பேசினால் நடவடிக்கை எடுத்துத்தான் ஆக வேண்டும். எச்.ராஜா, எஸ்.வி.சேகர் ஆகியோரை ஏன் கைது செய்யவில்லை எனக் கேட்கிறார்கள். நீதிமன்றமே முன்வந்து எடுத்துக் கொண்ட வழக்கு என்பதால், காவல் துறை நடவடிக்கை எடுக்க இயலாது என காவல் துறை அலுவலர்கள் தெரிவித்துள்ளனர்.
இந்த நாடு, தர்மத்துக்குக் கட்டுப்பட்ட நாடு. தகாத உறவு குறித்த தீர்ப்பால் நமது பண்பாடு அழிந்து விடாது. இந்த தீர்ப்பு குறித்து மக்களே முடிவெடுப்பார்கள் என்றார் அவர். அப்போது, பாஜக மாவட்டத் தலைவர் வேணுகோபால், கோட்டப் பொறுப்பாளர் பாலகிருஷ்ணன், அகில இந்திய வக்பு வாரிய உறுப்பினர் முனவரி பேகம் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/05/பாரத-மாதா-கோயில்-அரசு-தனது-உறுதியை-நிறைவேற்ற-வேண்டும்-இலகணேசன்-3014290.html
3014289 தருமபுரி கிருஷ்ணகிரி அரசு பெண்கள் பள்ளிக்கு குடிநீர் சுத்திகரிப்பு இயந்திரம் DIN DIN Friday, October 5, 2018 03:22 AM +0530
ராயக்கோட்டை அரசு பெண்கள் பள்ளியில் குடிநீர் சுத்திகரிப்பு இயந்திரத்தை முருகன் எம்.எல்.ஏ. புதன்கிழமை தொடங்கி வைத்தார்.
கிருஷ்ணகிரி மாவட்டம், ராயக்கோட்டை அரசு பெண்கள் மேல்நிலைப் பள்ளியில் 1,500-க்கும் மேற்பட்ட மாணவியர் பயில்கின்றனர். பள்ளியில் சுத்தமான குடிநீர் வசதி இல்லாதது குறித்து பெற்றோர்-ஆசிரியர் கழகத்தினர், வேப்பனஅள்ளி சட்டப்பேரவைத் தொகுதி உறுப்பினரிடம் கோரிக்கை விடுத்தனர்.
அதை ஏற்ற அவர், சட்டப்பேரவைத் தொகுதி உறுப்பினர் தொகுதி மேம்பாட்டு நிதியிலிருந்து ரூ.3.50 லட்சம் ஒதுக்கீடு செய்தார். அந்த நிதியிலிருந்து அமைக்கப்பட்ட குடிநீர் சுத்திகரிப்பு இயந்திரத்தை முருகன் எம்.எல்.ஏ, மாணவியரின் பயன்பாட்டுக்கு தொடங்கி வைத்தார்.
இந்த நிகழ்ச்சிக்கு மாவட்டக் கல்வி அலுவலர் சேகர் தலைமை வகித்தார். பெற்றோர்-ஆசிரியர் கழகத் தலைவர் கோபால், தலைமையாசிரியர் உமா, பல்வேறு அரசியல் கட்சிப் பிரமுகர்கள் ஆசிரியர்கள், மாணவியர் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/05/அரசு-பெண்கள்-பள்ளிக்கு-குடிநீர்-சுத்திகரிப்பு-இயந்திரம்-3014289.html
3014288 தருமபுரி கிருஷ்ணகிரி தளி அருகே காதல் ஜோடி தூக்கிட்டு தற்கொலை DIN DIN Friday, October 5, 2018 03:22 AM +0530 தளி அருகே காதல் ஜோடி தூக்கிட்டு தற்கொலை செய்து கொண்டது குறித்து போலீஸார் விசாரித்து வருகின்றனர்.
கிருஷ்ணகிரி மாவட்டம், தேன்கனிக்கோட்ட வட்டம், தளி அருகே உள்ள சாவரபத்தம் கிராமத்தைச் சேர்ந்தவர் அனுமப்பா மகன் ஹேமண்ணா (26). இவர் 10-ஆம் வகுப்பு வரை படித்து விட்டு விவசாயம் செய்து வந்தார்.
அதே பகுதியைச் சேர்ந்த சூடப்பா மகள் சூடம்மா (21), பி.காம் படித்து விட்டு வீட்டில் இருந்து வந்தார். ஹேமண்ணாவும், சூடம்மாவும் ஒரே சமுதாயத்தைச் சேர்ந்தவர்கள். மேலும், இவர்கள் ஒரே கிராமத்தைச் சேர்ந்தவர்கள் என்பதால், அவர்களுக்குள் பழக்கம் ஏற்பட்டுள்ளது.
இந்த நிலையில், ஹேமண்ணா குடும்பத்துக்கும், சூடம்மா குடும்பத்துக்கும் இடையே நீண்ட காலமாக மனக்கசப்பு இருந்து வந்ததாம். இதனால் தங்களின் காதலுக்கு பெற்றோர் சம்மதிக்க மாட்டார்கள் என ஹேமண்ணாவும், சூடம்மாவும் நினைத்தனராம்.
இதையடுத்து, அவர்களிருவரும் ஹேமண்ணாவின் விவசாய நிலம் அருகில் உள்ள புளிய மரத்தில் புதன்கிழமை இரவு தூக்கிட்டு தற்கொலை செய்து கொண்டனர். வியாழக்கிழமை ஹேமண்ணா, சூடம்மா ஆகிய இருவரும் தூக்கில் சடலமாக தொங்கியதைக் கண்ட அப் பகுதியினர், அவர்களின் உறவினர்களுக்கு தகவல் தெரிவித்தனர். தகவலின் பேரில் நிகழ்விடத்துக்கு வந்த தளி போலீஸார், 2 பேரின் உடல்களை மீட்டு, வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/05/தளி-அருகே-காதல்-ஜோடி-தூக்கிட்டு-தற்கொலை-3014288.html
3014287 தருமபுரி கிருஷ்ணகிரி தேமுதிக ஆலோசனைக் கூட்டம் DIN DIN Friday, October 5, 2018 03:21 AM +0530
கிருஷ்ணகிரியில் தேமுதிக நிர்வாகிகள் ஆலோசனைக் கூட்டம் வியாழக்கிழமை நடைபெற்றது.
இந்தக் கூட்டத்துக்கு மாவட்டப் பொறுப்பாளர் முருகேசன் தலைமை வகித்தார். மாவட்ட துணைச் செயலர் முத்து, பொதுக் குழு உறுப்பினர் சதீஷ் உள்ளிட்டோர் பங்கேற்றனர். கூட்டத்தில், நடைபெற உள்ள மக்களவைத் தேர்தல், தீவிர உறுப்பினர் சேர்க்கை, கட்சியின் வளர்ச்சி உள்ளிட்டவைகள் குறித்து ஆலோசனைகள் வழங்கப்பட்டன.

]]>
http://www.dinamani.com/all-editions/edition-dharmapuri/krishnagiri/2018/oct/05/தேமுதிக-ஆலோசனைக்-கூட்டம்-3014287.html
3014285 தருமபுரி கிருஷ்ணகிரி தனி நலவாரியம் அமைக்க புகைப்படக் கலைஞர்கள் வலியுறுத்தல் DIN DIN Friday, October 5, 2018 03:21 AM +0530
தனி நலவாரியம் அமைக்க புகைப்படக் கலைஞர்கள் வலியுறுத்தி உள்ளனர்.
கிருஷ்ணகிரியில் தமிழ்நாடு விடியோ மற்றும் போட்டோகிராபர்கள் சங்க மாநில செயற்குழு, பொதுக் குழுக் கூட்டம் அண்மையில் நடைபெற்றது. இந்தக் கூட்டத்துக்கு மாநிலத் தலைவர் பிரேம்லால் தலைமை வகித்தார். மாநில பொதுச் செயலர் கண்ணன், பொருளாளர் சிவகுமார், கிருஷ்ணகிரி மாவட்டத் தலைவர் சிவக்குமார், கௌரவத் தலைவர் அசோக்பாபு உள்ளிட்டோர் பங்கேற்றனர்.
புகைப்படக் கலைஞர்கள் பயன் பெறும் வகையில் தனி நலவாரியம் அமைக்க தமிழக அரசு நடவடிக்கை எடுக்க வேண்டும். தமிழ்நாடு முழுவதும் உறுப்பினர்களுக்கு ஒரே மாதிரியான அடையாள அட்டை வழங்க வேண்டும். புகைப்படக் கலைஞர்கள் பயன் பெறும் வகையில் தொழில்சார்ந்த பயிற்சி வகுப்புகள் நடத்த வேண்டும் என்பன உள்ளிட்ட பல்வேறு தீர்மானங்கள் இந்தக் கூட்டத்தில் நிறைவேற்றப்பட்டன. இதில், மாநில அளவிலான நிர்வாகிகள் தேர்வு செய்யப்பட்டனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/05/தனி-நலவாரியம்-அமைக்க-புகைப்படக்-கலைஞர்கள்-வலியுறுத்தல்-3014285.html
3014284 தருமபுரி கிருஷ்ணகிரி கே.ஆர்.பி. அணை உபரி நீரை பாம்பாறு அணைக்கு விட கோரிக்கை DIN DIN Friday, October 5, 2018 03:21 AM +0530 கே.ஆர்.பி. அணையில் இருந்து வெளியேறும் உபரி நீரை ஊத்தங்கரை பாம்பாறு அணைக்கு விட வேண்டும் என அப்பகுதி விவசாயிகள் கோரிக்கை விடுத்துள்ளனர்.
கிருஷ்ணகிரி மாவட்டம், ஊத்தங்கரையை அடுத்த பாம்பாறு அணை 42 அடி கொள்ளளவு கொண்டதாகும். கிருஷ்ணகிரி மற்றும் தருமபுரி ஆகிய இரு மாவட்டங்களில் 4 ஆயிரம் ஏக்கர் பாசன வசதி கொண்டது. இந்த அணையின் நீர்ப்பாசனப் பகுதியான மாரம்பட்டி, கானம்பட்டி, மூன்றம்பட்டி, பாவக்கல், கொட்டுகாரம்பட்டி, நல்லவன்பட்டி, சிங்காரப்பேட்டை, நாயக்கனூர், நாப்பிராம்பட்டி, வண்டிக்காரன்கொட்டாய், புதூர் என 100-க்கும் மேற்பட்ட கிராமங்களுக்கு விவசாயமும், குடிநீர் ஆதாரமாய் இந்த அணை விளங்கி வருகிறது.
ஊத்தங்கரை, மிட்டப்பள்ளி, சிங்காரப்பேட்டை ஆகிய பகுதிகளில் உள்ள மக்களுக்கு குடிநீர் ஆதாரமாக விளங்கும் பாம்பாறு அணை, கட்டிய 34 ஆண்டுகளில் கடந்த ஆண்டு தான் முழுமையாக வறண்டது. பாம்பாறு அணைக்கு நீர் வரத்து ஆதாரமான பகுதிகளும் வறட்சியில் வறண்டதால் பாம்பாறு அணையின் பாசனக் கால்வாய்கள் தூர் வாரப்படாமல் முள்புதர்கள் சூழப்பட்டுள்ளது. இதனால், இந்த அணையை நம்பியுள்ள பல்வேறு கிராம விவசாயிகளும் கடுமையாகப் பாதிக்கப்பட்டுள்ளனர்.
கிருஷ்ணகிரி கே.ஆர்.பி. அணை நிரம்பி அதன் உபரி நீர் அனைத்தும் தென்பெண்ணை ஆறு வழியாக சாத்தனூர் அணைக்கு சென்று வீணாக கடலில் கலக்கிறது. இந்த உபரி நீரை பாரூர் பெரிய ஏரி, பெனுகொண்டாபுரம் ஏரி வழியாக பாம்பாறு அணைக்கு கொண்டு வந்தால், இப்பகுதியில் உள்ள ஆழ்துளைக் கிணறுகளில் நிலத்தடி நீர்மட்டம் உயர்ந்து விவசாயிகள் பயன்பெறுவர். மேலும் குடிநீர் தட்டுப்பாடு நீங்கும்.
எனவே, வீணாக கடலில் கலக்கும் உபரிநீரை பாம்பாறு அணைக்கு விடவேண்டும் என பகுதி விவசாயிகள், பாம்பாறு அணை நீர் பாதுகாப்பு சங்கம் சார்பில் மாவட்ட ஆட்சியருக்கு கோரிக்கை விடப்பட்டுள்ளது.

 

]]>
http://www.dinamani.com/all-editions/edition-dharmapuri/krishnagiri/2018/oct/05/கேஆர்பி-அணை-உபரி-நீரை-பாம்பாறு-அணைக்கு-விட-கோரிக்கை-3014284.html
3013518 தருமபுரி கிருஷ்ணகிரி நிலத் தகராறு: 8 பேர் மீது வழக்கு DIN DIN Thursday, October 4, 2018 03:20 AM +0530
வேலம்பட்டி அருகே நிலத் தகராறில் உறவினரிடையே ஏற்பட்ட மோதல் தொடர்பாக எட்டு பேர் மீது நாகரசம்பட்டி போலீஸார் வழக்குப் பதிவு செய்துள்ளனர்.
கிருஷ்ணகிரி மாவட்டம், போச்சம்பள்ளியை அடுத்த வேலம்பட்டி அருகே கூரம்பட்டி பொன்நகர் கிராமத்தைச் சேர்ந்தவர் சின்னத்தம்பி மகன் சகாதேவன். இவருக்கும், அதே கிராமத்தைச் சேர்ந்த ராமசாமிக்கும் இடையே கடந்த இரண்டு வருடமாக நிலத் தகராறு காரணமாக முன் விரோதம் இருந்து வருகிறது. இந் நிலையில் கடந்த இரண்டு நாள்களுக்கு முன்பு இருவருக்கும் இடையே மீண்டும் வாய்த் தகராறு ஏற்பட்டு மோதல் ஏற்பட்டுள்ளது. இருவரும் காவேரிப்பட்டணம் அரசு மருத்துவமனையில் சிகிச்சை பெற்றனர்.
இருவரும் அளித்த புகாரின்பேரில் 8 பேர் மீது நாகரசம்பட்டி போலீஸார் வழக்குப் பதிந்துள்ளனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/04/நிலத்-தகராறு-8-பேர்-மீது-வழக்கு-3013518.html
3013517 தருமபுரி கிருஷ்ணகிரி பனை விதை விதைக்கும் விழா DIN DIN Thursday, October 4, 2018 03:20 AM +0530
கொடமாண்டப்பட்டி அரசு மருத்துவமனை பின்புறம் பனை விதை விதைக்கும் நிகழ்ச்சி புதன்கிழமை நடைபெற்றது.
மத்தூர் அருகே கொடமாண்டப்பட்டி கிராமத்தில் உள்ள அரசு ஆரம்ப சுகாதார நிலைய பின்புறம் கிருஷ்ணகிரி மாவட்ட பொது சுகாதாரம் மற்றும் நோய்த் தடுப்பு மருத்துவத் துறை சார்பில் காந்தி ஜயந்தியை முன்னிட்டு பனை விதை விதைக்கும் நிகழ்ச்சி நடைபெற்றது.
நிகழ்ச்சியை மத்தூர் வட்டார வளர்ச்சி அலுவலர் ஞானப்பிரகாசம் தலைமை வகித்தார். கொடமாண்டப்பட்டி அரசு ஆரம்ப சுகாதார நிலைய மருத்துவர் ராஜ்குமார் முன்னிலை வகித்து பனை விதைகளை விதைத்து தண்ணீர் உற்றினார். இதில், செவிலியர் சீதாலட்சுமி மருந்து ஆளுநர் சுந்தர் மற்றும் அலுவலக ஊழியர்கள் கலந்து கொண்டனர்.

]]>
http://www.dinamani.com/all-editions/edition-dharmapuri/krishnagiri/2018/oct/04/பனை-விதை-விதைக்கும்-விழா-3013517.html
3013516 தருமபுரி கிருஷ்ணகிரி ஒசூரில் பழக்கடையில் தீ விபத்து DIN DIN Thursday, October 4, 2018 03:19 AM +0530
ஒசூரில் பாகலூர் சாலையில் உள்ள பழக்கடையில் திடீரென தீ விபத்து புதன்கிழமை ஏற்பட்டது.
ஒசூர் பாகலூர் சாலையில் நசீர் என்பவரது கடையில் அதிகாலையில் தீ விபத்து நிகழ்ந்தது. இதுகுறித்து தகவல் அறிந்த சிப்காட் தீயணைப்பு நிலைய வீரர்கள் தீயை அணைத்தனர். அதற்குள் அந்தக் கடை முழுவதும் தீயில் எரிந்து நாசமடைந்தது. இதுகுறித்து ஒசூர் அட்கோ போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/krishnagiri/2018/oct/04/ஒசூரில்-பழக்கடையில்-தீ-விபத்து-3013516.html
3013515 தருமபுரி கிருஷ்ணகிரி சாலையோரம் லாரிகளை நிறுத்தாதீர்கள்: போலீஸார் அறிவுறுத்தல் DIN DIN Thursday, October 4, 2018 03:19 AM +0530
லாரிகளை நெடுஞ்சாலையோரம் நிறுத்தாதீர்கள் என லாரி ஓட்டுநர்களுக்கு சாலை விதிமுறைகள் குறித்து ஆலோசனை வழங்கும் விழிப்புணர்வு கூட்டம் ஒசூரில் காவல்துறை சார்பில் புதன்கிழமை நடைபெற்றது.
திருச்சி சமயபுரம் சுங்கச் சாவடி சாலையோரத்தில் விதிமுறைகளை மீறி நின்றிருந்த லாரி மீது கார் மோதிய விபத்தில் ஒரே குடும்பத்தை சேர்ந்த 8 பேர் உயிரிழிந்தனர். இந்த கோர விபத்துக்கு முக்கிய காரணம் சாலை விதிமுறைகளை மீறி லாரி நிறுத்தப்பட்டிருந்ததுதான் என்று பரவலாக எதிர்ப்பு கிளம்பியது.
அதைத் தொடர்ந்து மாநிலம் முழுவதும் காவல் துறை சார்பில் லாரி உரிமையாளர்கள், ஓட்டுநர்களுக்கு விழிப்புணர்வுக் கூட்டங்கள் நடத்தப்பட்டு வருகின்றன.
அதன் ஒரு பகுதியாக ஒசூரில் விழிப்புணர்வுக் கூட்டம் நடைபெற்றது. கூட்டத்துக்கு ஒசூர் டி.எஸ்.பி மீனாட்சி தலைமை வகித்துப் பேசியதாவது:
ஓட்டுநர்கள் தேசிய நெடுஞ்சாலை விதிமுறைகளை கடைப்பிடிக்க வேண்டும். விபத்து ஏற்படுவதைத் தடுக்க வாகன ஓட்டுநர்கள் அனைவரும் நெடுஞ்சாலையில் வாகனங்கள் நிறுத்துவதைத் தவிர்க்க வேண்டும்.
பெட்ரோல் நிலையங்கள், நான்கு சக்கர வாகனம் நிறுத்துமிடங்களை தவிர மற்ற இடங்களில் நிறுத்தக் கூடாது.
சாலையில் செல்லும்போது திடீரென வாகனங்கள் பழுதானால் அந்தப் பகுதியில் உள்ள காவல் நிலையத்துக்கு உடனடியாகத் தெரிவிக்க வேண்டும்,
சாலையில் முன்னால் செல்லும் வாகனத்தை முந்தும் போதும் திடீரென வேகத்தை குறைக்கும்போதும் இண்டிகேட்டர் விளக்கை பயன்படுத்த வேண்டும், அனைவரும் சாலை விதிகளைத் தெரிந்திருக்க வேண்டும் என அறிவுறுத்தப்பட்டது.
கூட்டத்தில் காவல் ஆய்வாளர்கள் லட்சுமணதாஸ் ( ஒசூர் நகரம்), பெரியசாமி( அட்கோ), போக்குவரத்து காவல் உதவி ஆய்வாளர் செல்வமணி உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-dharmapuri/krishnagiri/2018/oct/04/சாலையோரம்-லாரிகளை-நிறுத்தாதீர்கள்-போலீஸார்-அறிவுறுத்தல்-3013515.html
3013104 தருமபுரி கிருஷ்ணகிரி காந்தி ஜயந்தி விழா DIN DIN Wednesday, October 3, 2018 09:18 AM +0530 மகாத்மா காந்தியின் பிறந்தநாள் விழாவை பல்வேறு அரசியல் கட்சியினர் செவ்வாய்க்கிழமை கொண்டாடினர்.
கிருஷ்ணகிரி நகரில் காந்தியின் உருவச் சிலைக்கு காங்கிரஸ் கட்சியினர் மாலை அணிவித்து மரியாதை செலுத்தினர். அப்போது, பொதுமக்களுக்கு இனிப்புகள் வழங்கப்பட்டன. இந்த நிகழ்வில் மாவட்டத் தலைவர் சுப்பிரமணி, எஸ்சி, எஸ்.டி. பிரிவுத் தலைவர் ஆறுமுக சுப்பிரமணி உள்ளிட்டோர் பங்கேற்றனர். 
தேமுதிக சார்பில் நடைபெற்ற விழாவில் அதன் மாவட்ட பொறுப்பாளர் முருகேசன் தலைமை வகித்தார். இனிப்புகள் வழங்கப்பட்டன. கிருஷ்ணகிரி மற்றும் அதைச் சுற்றியுள்ள பகுதிகளில் பொதுமக்கள், காங்கிரஸ் கட்சியினர், சுதந்திரப் போராட்ட வீரர்கள் உள்ளிட்டோர் தனித் தனியாக காந்தி ஜயந்தி விழாவை கொண்டாடினர்.
 

]]>
http://www.dinamani.com/all-editions/edition-dharmapuri/krishnagiri/2018/oct/03/காந்தி-ஜயந்தி-விழா-3013104.html
3013103 தருமபுரி கிருஷ்ணகிரி தமிழ் கையொப்பம் விழா DIN DIN Wednesday, October 3, 2018 09:18 AM +0530 கிருஷ்ணகிரியில் தமிழ் கையொப்பம் விழா, செவ்வாய்க்கிழமை நடைபெற்றது.
மக்கள் பாதை அமைப்பு சார்பில் நடைபெற்ற இந்த விழாவுக்கு அதன் மாவட்டத் திட்ட துணை ஒருங்கிணைப்பாளர் ராதாகிருஷ்ணன் தலைமை வகித்தார். தமிழுக்கு அமுதென்று பேர் அமைப்பின் மாவட்டத் திட்ட ஒருங்கிணைப்பாளர் ராமச்சந்திரன் உள்ளிட்டோர் பங்கேற்றனர்.
தமிழைத் தாய் மொழியாகக் கொண்ட அனைவரும், தங்களின் பெயரையும், முன்னெழுத்தையும் தமிழிலேயே எழுத வேண்டும் என வலியுறுத்தும் வகையில் இந்த கையொப்ப விழா நடைபெற்றது. இதில் பல ஆயிரத்துக்கும் மேற்பட்டோர் தங்களது கையொப்பத்தை தமிழ் மொழியில் இட்டனர். 
அரசு ஆவணங்களில் தமிழில் கையொப்பம் இட வேண்டும் என வலியுறுத்தும் வகையில் துண்டுப் பிரசுரங்கள் விநியோகம் செய்யப்பட்டன.  கலை நிகழ்ச்சிகளும் நடைபெற்றன.
 

]]>
http://www.dinamani.com/all-editions/edition-dharmapuri/krishnagiri/2018/oct/03/தமிழ்-கையொப்பம்-விழா-3013103.html