Dinamani - நாமக்கல் - http://www.dinamani.com/all-editions/edition-dharmapuri/namakkal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3007577 தருமபுரி நாமக்கல் இரட்டைக் கொலை வழக்கில் தம்பதிக்கு தலா 10 ஆண்டுகள் சிறை DIN DIN Tuesday, September 25, 2018 09:43 AM +0530 இரட்டைக் கொலை வழக்கில் தம்பதிக்கு தலா 10 ஆண்டுகள் சிறை தண்டனை விதித்து நாமக்கல் நீதிமன்றம் திங்கள்கிழமை தீர்ப்பளித்தது.
நாமக்கல் மாவட்டத்தை அடுத்த பரமத்தி அருகே கீரம்பூர் ஆண்டிப்பட்டிபுதூர் கிராமத்தைச் சேர்ந்தவர் ரவி (40). கட்டட மேஸ்திரி. இவரது நண்பர் அண்ணாதுரை (35). லாரி ஓட்டுநராக இருந்தார். இவர்கள் இருவரும் கடந்த 2016-ஆம் ஆண்டு செப்டம்பர் மாதம் 4-ஆம் தேதி இரவு கடப்பாறை மற்றும் சிமெண்ட் கற்களால் தாக்கப்பட்டு கொடூரமாகக் கொலை செய்யப்பட்டனர்.
இந்தக் கொலை தொடர்பாக அதே பகுதியைச் சேர்ந்த பழனிசாமி (53), அவரது மனைவி சரஸ்வதி (48), மகன்கள் விமல் ஆதித்தன் (30), விக்ரம் ஆதித்தன் (24) ஆகியோரை போலீஸார் கைது செய்தனர்.
விசாரணையில் கொலை செய்யப்பட்ட ரவிக்கும், பழனிசாமிக்கும் இடையே ஏற்கெனவே முன்விரோதம் இருந்துள்ளது. இதுதொடர்பாக 2 பேர் மீதும் பரமத்தி போலீஸில் வழக்குப் பதிவு செய்யப்பட்டிருந்தது.  மேலும் சம்பவத்துக்கு சில மாதங்களுக்கு முன்பு அண்ணாதுரையின் மனைவி மகேஸ்வரி அவரது கணவரை விட்டு பிரிந்து பெற்றோர் வீட்டுக்குச் சென்று விட்டார்.
இதற்கு பழனிசாமிதான் காரணம் என்று நினைத்த அண்ணாதுரை சம்பவத்தன்று தனது நண்பர் ரவியுடன் பழனிசாமி வீட்டுக்குச் சென்று அவரது மனைவி சரஸ்வதியிடம் தகராறு செய்துள்ளார்.
அப்போது ஏற்பட்ட தகராறில் பழனிசாமி, அவரது மனைவி சரஸ்வதி, இரு மகன்கள் சேர்ந்து அண்ணாதுரையை தாக்கினர். இதைத் தடுக்க முயன்ற ரவியையும் அவர்கள் தாக்கினர். இதில் 2 பேரும் உயிரிழந்தது போலீஸ் விசாரணையில் தெரியவந்தது.
இந்த வழக்கு விசாரணை நாமக்கல் மாவட்ட கூடுதல் அமர்வு நீதிமன்றத்தில் நீதிபதி தனசேகரன் முன்னிலையில் நடைபெற்றது. விசாரணை முடிந்த நிலையில், திங்கள்கிழமை தீர்ப்பளிக்கப்பட்டது. 
அதில் குற்றம்சாட்டப்பட்ட பழனிசாமி, அவரது மனைவி சரஸ்வதி இருவருக்கும் தலா 10 ஆண்டுகள் சிறை தண்டனை மற்றும் ரூ.10,000 அபராதம் விதித்து நீதிபதி உத்தரவிட்டார்.  வழக்கில் இருந்து விமல் ஆதித்தன். விக்ரம் ஆதித்தன் இருவரையும் விடுதலை செய்து நீதிபதி உத்தரவிட்டார்.

]]>
http://www.dinamani.com/all-editions/edition-dharmapuri/namakkal/2018/sep/25/இரட்டைக்-கொலை-வழக்கில்-தம்பதிக்கு-தலா-10-ஆண்டுகள்-சிறை-3007577.html
3007427 தருமபுரி நாமக்கல் சேதமடைந்த நிலையில் அரசுப் பள்ளி கட்டடம்: ஆட்சியரிடம் புகார்  நாமக்கல், DIN Tuesday, September 25, 2018 08:35 AM +0530 அரசுப் பள்ளிக் கட்டடம் சேதமடைந்திருப்பதால் மாணவர்கள் கடந்த 3 மாதங்களாக மரத்தடியில் அமர்ந்து படித்து வருவதாகவும், இதனால் சேதமடைந்த கட்டடத்தை சீரமைத்து தர நடவடிக்கை எடுக்குமாறு பெற்றோர் மாவட்ட ஆட்சியரிடம் திங்கள்கிழமை கோரிக்கை மனு அளித்தனர்.
 நாமக்கல் மாவட்டம், வெண்ணந்தூர் ஊராட்சி ஒன்றியம் மலையம்பாளையம் ஊராட்சி ஒன்றிய துவக்கப் பள்ளியில் கடந்த 1975-ஆம் ஆண்டு தொடங்கப்பட்டது.
 இந்தப் பள்ளியில் நிகழாண்டில் 284 மாணவ, மாணவியர் படித்து வருகின்றனர். பள்ளியில் போதிய கட்டட வசதி இல்லாததால் அருகில் உள்ள கோயில், மரத்தடி நிழலில் அமர்ந்து கல்வி பயின்று வருகின்றனர்.
 கடந்த மே மாதம் வீசிய பலத்த காற்றால் பள்ளி அருகில் இருந்த வேப்ப மரம் கட்டடத்தின் மேற்கூரையில் விழுந்ததில் கட்டடத்தின் ஒரு பகுதி சேதமடைந்தது. ஏற்கெனவே போதிய இடம் இல்லாத நிலையில், கட்டடம் சேதமடைந்துள்ளதால் இப்போது இட நெருக்கடி மேலும் அதிகரித்துள்ளது.
 அமர்ந்து படிக்கும் வகையில், பள்ளிச்சூழல் இல்லாததால் மாணவர்களின் கல்வி கற்கும் திறன் பாதிப்படைவதாக பெற்றோர் புகார் தெரிவித்தனர்.
 இதுகுறித்து இப் பள்ளி மாணவர்களின் பெற்றோர், நாமக்கல் மாவட்ட ஆட்சியர் அலுவலகத்தில் ஆட்சியர் மு. ஆசியா மரியத்திடம் திங்கள்கிழமை மனு அளித்தனர். இந்த மனுவை கல்வித்துறை அதிகாரிகளிடம் அளித்த ஆட்சியர் கோரிக்கைகள் மீது துரித நடவடிக்கை எடுக்க உத்தரவிட்டார்.

]]>
http://www.dinamani.com/all-editions/edition-dharmapuri/namakkal/2018/sep/25/சேதமடைந்த-நிலையில்-அரசுப்-பள்ளி-கட்டடம்-ஆட்சியரிடம்-புகார்-3007427.html
3007425 தருமபுரி நாமக்கல் நாமக்கல் திமுக மேற்கு மாவட்ட செயற்குழுக் கூட்டம்  திருச்செங்கோடு, DIN Tuesday, September 25, 2018 08:35 AM +0530 திமுக கட்சியின் நாமக்கல் மேற்கு மாவட்ட செயற்குழுக் கூட்டம் கூட்டுறவு காலனியில் உள்ள மாவட்டக் கழக அலுவலகத்தில் திங்கள்கிழமை நடைபெற்றது.
 மாவட்ட அவைத் தலைவர் இரா. நடனசபாபதி தலைமை வகித்தார்.
 கூட்டத்தில் மாவட்டச் செயலாளரும், பரமத்திவேலூர் சட்டப்பேரவைத் தொகுதி உறுப்பினருமான கே.எஸ். மூர்த்தி கலந்து கொண்டு கூட்ட தீர்மானங்கள் குறித்து விளக்கம் அளித்து பேசினார். துணைச் செயலாளர்கள் எஸ் .சேகர் எம்.செல்வராஜ், பொதுக்குழு உறுப்பினர்கள், செயற்குழு உறுப்பினர்கள், ஒன்றியச் செயலாளர்கள், நகரச் செயலாளர்கள், பேரூர் செயலாளர்கள், சார்பு அணி நிர்வாகிகள் மற்றும் கட்சியின் பொறுப்பாளர்கள், உறுப்பினர்கள் கலந்து கொண்டனர்.
 கூட்டத்தில், வரும் அக்டோபர் 3-ஆம் தேதி ஆளும் அதிமுக அரசைக் கண்டித்து பள்ளிபாளையத்தில் முன்னாள் மாநிலங்களவை உறுப்பினர் வசந்தி ஸ்டான்லி பங்கேற்கும் பொதுக் கூட்டத்திலும், அக்டோபர் 4-ஆம் தேதி திருச்செங்கோட்டில் உயர்நிலை செயல் திட்டக்குழு உறுப்பினரும், முன்னாள் அமைச்சருமான எ.வ. வேலு பங்கேற்கும் பொதுக் கூட்டத்திலும் மாவட்ட, ஒன்றிய, நகர, பேரூர் கழக நிர்வாகிகள், சார்பு அணி நிர்வாகிகள், ஊராட்சி, வார்டு கழகச் செயலாளர்கள், கழக தொண்டர்கள் அனைவரும் திரளாகக் கலந்து கொள்வது என தீர்மானங்கள் நிறைவேற்றப்பட்டன.
 
 

]]>
http://www.dinamani.com/all-editions/edition-dharmapuri/namakkal/2018/sep/25/நாமக்கல்-திமுக-மேற்கு-மாவட்ட-செயற்குழுக்-கூட்டம்-3007425.html
3007423 தருமபுரி நாமக்கல் எலச்சிபாளையத்தில் உழவர் உற்பத்தியாளர் நிறுவனப் பயிற்சி  திருச்செங்கோடு, DIN Tuesday, September 25, 2018 08:34 AM +0530 திருச்செங்கோடு அருகே புள்ளாகவுண்டம்பட்டி கிராமத்தில் அட்மா திட்டத்தின் கீழ் மாவட்ட அளவிலான உழவர் உற்பத்தியாளர் நிறுவனம் உருவாக்குதல் பற்றிய பயிற்சி விவசாயிகளுக்கு திங்கள்கிழமை அளிக்கப்பட்டது.
 எலச்சிபாளையம் வேளாண்மை உதவி இயக்குநர் (பொ) சத்திய பிரகாஷ் பயிற்சியைத் துவக்கி வைத்துப் பேசுகையில், மானிய திட்டங்கள், நுண்ணீர் பாசனம் மற்றும் உழவர் உற்பத்தியாளர் குழுக்கள் ஒன்றிணைந்து எவ்வாறு உழவர் உற்பத்தியாளர் நிறுவனம் அமைப்பது குறித்து விளக்கினார்.
 துணை வேளாண்மை அலுவலர் கஸ்பா ராஜ், உழவர் ஆர்வலர் குழு மற்றும் உழவர் உற்பத்தியாளர்கள் குழு பதிவேடுகளை சரிவர பராமரிக்க வேண்டும் என அறிவுறுத்தினார். ஈரோடு அக்காஸ் நிறுவனத் துணைத் தலைவர் முரளிதரன் பேசுகையில் உழவர் உற்பத்தியாளர் நிறுவன இயக்குநர் தேர்வு, நிலக்கடலை, சோளம், பயறுவகை பயிர்களை மதிப்புக் கூட்டி விற்பனை செய்வது குறித்துப் பேசினார்.
 உதவி தொழில்நுட்ப மேலாளர் செல்வகண்ணன் உழவன் செயலி பற்றி கூறினார். பயிற்சியில் இலுப்புலி மற்றும் புள்ளாகவுண்டம்பட்டி கிராம கூட்டுப் பண்ணையம் குழு விவசாயிகள் கலந்து கொண்டனர்.
 ஏற்பாடுகளை உதவி வேளாண்மை அலுவலர் ராஜ்குமார், பரமசிவம் மற்றும் உதவி தொழில்நுட்ப மேலாளர் சோனியா செய்திருந்தனர். கிருபா நன்றி கூறினார்.
 

]]>
http://www.dinamani.com/all-editions/edition-dharmapuri/namakkal/2018/sep/25/எலச்சிபாளையத்தில்-உழவர்-உற்பத்தியாளர்-நிறுவனப்-பயிற்சி-3007423.html
3007421 தருமபுரி நாமக்கல் நாமக்கல்லில் கம்பன் விழா: செப். 29-இல் துவக்கம்  நாமக்கல் DIN Tuesday, September 25, 2018 08:33 AM +0530 நாமக்கல் கம்பன் கழகம் சார்பில் கம்பர் விருது வழங்கும் விழா மற்றும் பட்டிமன்றம் வரும் 29, 30-ஆம் தேதிகளில் நடைபெறவுள்ளது.
 நாமக்கல் கம்பன் கழகம் சார்பில் கம்பன் விழா நாமக்கல் நளா ஹோட்டலில் வரும் 29-ஆம் தேதி தொடங்குகிறது. மாலை 5 மணிக்கு தொடங்கும் நிகழ்வில் சிறப்பு விருந்தினராக பெரியார் பல்கலைக்கழகத் துணைவேந்தர் பொ. குழந்தைவேல் பங்கேற்று பேசுகிறார். கம்பனில் பண்பாடுகள் என்ற தலைப்பில் காந்திய மக்கள் இயக்கத் தலைவர் தமிழருவி மணியன் பங்கேற்றுப் பேசுகிறார்.
 இதில் கம்பர் விருது இலங்கை ஜெயராஜ்க்கும், கம்பர் மாமணி விருது காரைக்குடி, நாட்டரசன்கோட்டை கம்பன் கழகங்களின் செயலர் பழ. பழனியப்பனுக்கும் வழங்கப்படுகிறது.
 விழாவில் துறைசார் வல்லுநர் விருதுகள் வழங்கப்படுகின்றன.
 மனிதநேய மருத்துவர் விருது மருத்துவர் ஆர். குழந்தைவேல், சமூக ஆர்வலர் விருது ஊழல் எதிர்ப்பு இயக்கத் தலைவர் என்.சிவப்பிரகாசம், வேளாண் வித்தகர் விருது இயற்கை வேளாண் பண்ணை எம்.கே.சேதுராமன், நல்லாசிரியர் விருது அழகு நகர் அரசு ஆரம்பப் பள்ளி ஆசிரியர் வி. விஜயலட்சுமி, அயலகத் தமிழர் விருது சிங்கப்பூர் மதி, இளைய விடிவெள்ளி விருது ஓ.செüதாபுரம் ஊராட்சி முன்னாள் தலைவர் எஸ். ரஞ்சித் ஆகியோருக்கு வழங்கப்படவுள்ளன. தொடர்ந்து கம்பன் விழா பேச்சுப் போட்டிகளில் வெற்றிபெற்ற மாணவர்களுக்குப் பரிசுகள் வழங்கப்படவுள்ளன.
 30- ஆம் தேதி மாலை 5 மணிக்குத் தொடங்கும் 2ஆம் நாள் நிகழ்வில், இலங்கை ஜெயராஜ் நடுவராக பங்கேற்கும் கம்ப காவியத்தில் நம்மை பெரிதும் ஈர்ப்பது அன்பின் வலிமையா? அறத்தின் பெருமையா? என்ற தலைப்பில் பட்டிமன்றம் நடைபெறவுள்ளது.
 அன்பின் வலிமையே என்ற அணியில் கவிஞர் மரபின் மைந்தன் முத்தையா, முனைவர் மு. பழனியப்பன், குருநானாம்பிகை ஆகியோர் பேசுகின்றனர். அறத்தின் பெருமையே என்ற அணியில் த.ராமலிங்கம், முனைவர் க.முருகேசன், முனைவர் விஜயசுந்தரி ஆகியோர் பேசுகின்றனர். விழா ஏற்பாடுகளை, நாமக்கல் கம்பன் கழகத் தலைவர் வ. சத்தியமூர்த்தி, செயலர் அரசு பரமேஸ்வரன், அமைப்பாளர் மா. தில்லை சிவக்குமார் ஆகியோர் செய்துள்ளனர்.
 

]]>
http://www.dinamani.com/all-editions/edition-dharmapuri/namakkal/2018/sep/25/நாமக்கல்லில்-கம்பன்-விழா-செப்-29-இல்-துவக்கம்-3007421.html
3007419 தருமபுரி நாமக்கல் பாலியல் வன்கொடுமைகளை தடுக்க தனிச்சட்டம்: மகிளா காங்கிரஸ் வலியுறுத்தல்  நாமக்கல், DIN Tuesday, September 25, 2018 08:33 AM +0530 பெண்களுக்கு எதிரான பாலியல் வன்கொடுமைகளைத் தடுக்க தனிச்சட்டம் இயற்றி தண்டனை வழங்க வேண்டும் என மகிளா காங்கிரஸ் வலியுறுத்தியுள்ளது.
 நாமக்கல் மாவட்ட காங்கிரஸ் அலுவலகத்தில் மகிளா காங்கிரஸ் கூட்டம் திங்கள்கிழமை மாலை நடைபெற்றது. கூட்டத்துக்கு மாவட்டத் தலைவர் கலைச்செல்வி தலைமை வகித்தார். கூட்டத்தில் மகிளா காங்கிரஸ் பிரிவிற்கு தனிக்கொடியை மாவட்ட மகளிர் காங்கிரஸ் பார்வையாளர் வழக்குரைஞர் சாரதாதேவி தலைமையின் வழிகாட்டுதலின்பேரில் அறிமுகப்படுத்தினார்.
 நிறைவேற்றப்பட்ட தீர்மானங்கள்: மகிளா காங்கிரஸýக்கு தனிக்கொடி அறிமுகப்படுத்திய தலைவர் மற்றும் அகில இந்திய மகிளா காங்கிரஸ் தலைவி சுஷ்மிதா தேவுக்கு நன்றி தெரிவிப்பது, பெண்களை பாலியல் வன்கொடுமைகளை தடுக்க தனிச்சட்டம் இயற்றி தண்டனை வழங்கக் கோருவது, தற்போது சொத்து வரி மற்றும் தண்ணீர் வரி உயர்வை உடனடியாக திரும்ப பெற வேண்டுவது உள்ளிட்டவை நிறைவேற்றப்பட்டன.
 கூட்டத்தில் கட்சியின் மாவட்டத் தலைவர்கள் கே.எம். ஷேக் நவீத், தனகோபால், முன்னாள் மாவட்டத் தலைவர் சுப்பிரமணியம், நாமக்கல் நகரத் தலைவர் ராம்குமார், துணைத் தலைவர் குப்புசாமி, வட்டாரத் தலைவர்கள் இளங்கோ, ஜெகநாதன், மாவட்ட காங்கிரஸ் துணைத் தலைவி ராணி உள்ளிட்ட மகளிர் காங்கிரஸ் நிர்வாகிகள் மற்றும் உறுப்பினர்கள் கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/sep/25/பாலியல்-வன்கொடுமைகளை-தடுக்க-தனிச்சட்டம்-மகிளா-காங்கிரஸ்-வலியுறுத்தல்-3007419.html
3007417 தருமபுரி நாமக்கல் தலைக்கவச விழிப்புணர்வு பேரணி   திருச்செங்கோடு, DIN Tuesday, September 25, 2018 08:33 AM +0530 ஜேசிஐ திருச்செங்கோடு சஞ்சீவனம் மற்றும் திருச்செங்கோடு வட்டார இருசக்கர வாகனம் பழுது பார்ப்போர் சங்கம் ஆகியவை இணைந்து தலைக்கவசம் அணிவதன் அவசியத்தை வலியுறுத்தி இருசக்கர வாகனப் பேரணியை திங்கள்கிழமை நடத்தியது.
 பேரணியில் திருச்செங்கோடு நகர காவல் துறையினர், போக்குவரத்து காவல் துறையினர் மற்றும் ஜேசிஐ உறுப்பினர்கள், இருசக்கர வாகனபழுது பார்ப்போர் சங்க உறுப்பினர்கள் என சுமார் 70-க்கும் மேற்பட்டோர் கலந்து கொண்டனர்.
 பேரணியை திருச்செங்கோடு துணை காவல் ஆய்வாளர் துவக்கி வைத்தார். சஞ்சீவனம் தலைவர் மகேந்திரன், இருசக்கர வாகனப் பழுது பார்ப்போர் சங்கத் தலைவர் சண்முகசுந்தரம் உள்ளிட்டோர் கலந்து கொண்டனர். அரசு பெண்கள் மேல்நிலைப் பள்ளி அருகே தொடங்கிய பேரணி, திருச்செங்கோடு முக்கிய வீதிகள் வழியாகச் சென்று பொதுமக்களிடம் தலைக்கவசம் அணிவதன் அவசியம் குறித்து துண்டு பிரசுரங்கள் வழங்கின.
 
 

]]>
http://www.dinamani.com/all-editions/edition-dharmapuri/namakkal/2018/sep/25/தலைக்கவச-விழிப்புணர்வு-பேரணி-3007417.html
3007415 தருமபுரி நாமக்கல் மேட்டூர் உபரி நீரை பாதுகாக்கும் வகையில் ரூ.6,800 கோடியில் புதிய கால்வாய் திட்டம்: அமைச்சர் வி.சரோஜா தகவல்  ராசிபுரம், DIN Tuesday, September 25, 2018 08:32 AM +0530 மேட்டூர் அணையின் வெள்ள உபரி நீரை புதிய இணைப்பு கால்வாய் மூலம் சரபங்கா நதி, திருமணி முத்தாறு, கரைபொட்டனார் ஆகிய ஆறுகளுடன் இணைத்து வறண்ட ஏரிகளுக்கு நீர் வழங்கும் ரூ. 6 ஆயிரத்து 800 கோடி மதிப்பிலான திட்டம் குறித்த முதல்கட்ட ஆய்வுக் கூட்டம் வெண்ணந்தூர் ஊராட்சி ஒன்றிய அலுவலகத்தில் திங்கள்கிழமை
 நடைபெற்றது.
 கூட்டத்தில், சமூக நலன் மற்றும் சத்துணவுத் திட்டத் துறை அமைச்சர் டாக்டர் வெ. சரோஜா தலைமை வகித்தார். பொதுப் பணித் துறை உயர் அதிகாரிகள் பங்கேற்ற இக் கூட்டத்தில், திட்டம் குறித்து அமைச்சர் வி. சரோஜா ஆய்வு மேற்கொண்டு பேசியதாவது:
 தமிழக முதல்வர் மேட்டூர் அணையின் வெள்ள உபரி நீரை சரபங்காநதி, திருமணிமுத்தாறு, கரைபொட்டனார் ஆகிய ஆறுகளுடன் இணைத்து வறண்ட ஏரிகளுக்கு நீர் வழங்கும் திட்டம் குறித்த புதிய திட்டத்தைச் செயல்படுத்த உத்தரவிட்டுள்ளார்.
 இதனால் மேட்டூர் அணையில் 120 அடிக்கு மேல் வரும் உபரி நீரை நீர்நிலைகளில் நிரப்பும் வகையில், புதிய திட்டம் செயல்படுத்தப்படவுள்ளது.
 திட்டத்துக்கு ஏற்கெனவே ரூ. 50 லட்சம் நிதி ஒதுக்கீடு செய்து கள ஆய்வுக்கு உத்தரவிடப்பட்டது. இந்தத் திட்டத்துக்கு முதல்நிலை ஆய்வறிக்கை ரூ. 6 ஆயிரத்து 800 கோடிக்கு தயாரிக்கப்பட்டுள்ளது.
 இந்தத் திட்டமானது 5 பிரிவுகளாக பிரிக்கப்பட்டு 3 பிரிவுகள் ஆரம்பக் காலப் பணிகள் முடிக்கப்பட்டுள்ளன. மீதமுள்ள 2 பணிகள் ஆய்வில் உள்ளன.
 இத் திட்டத்தின் மூலம் நாமக்கல், சேலம், திருச்சி பகுதிகளில் சுமார் 98 ஏரிகள், குட்டைகளின் பாசன பரப்பான 16 ஆயிரத்து 740 ஏக்கர் நிலங்கள்
 பயன்பெறும்.
 இவற்றுள் நாமக்கல் மாவட்டத்தில் உள்ள 83 ஏரிகள் மற்றும் குட்டைகளின் பாசன பரப்பான 14 ஆயிரத்து 237 ஏக்கர் நிலங்கள் பயன்பெறும்.
 இத் திட்டம் விரைந்து முடித்திட துறை அலுவலர்களுக்கு உத்தரவிடப்பட்டுள்ளது. குடிமராமத்துப் பணி திட்டத்தின் மூலம் பல்வேறு பகுதிகளில் விவசாயிகள் பயனடைந்துள்ளனர்.
 நாமக்கல் மாவட்டத்தில் பெய்த மழையினால் பல்வேறு நீர் நிலைகள் மற்றும் ஏரிகள் நிரம்பி உள்ளன. மேலும், இத் திட்டத்தின் மூலம் வீணாகக் கடலில் கலக்கும் மழைநீரை வறண்ட ஏரி, குளங்களில் சேமிக்கலாம் என்றார்.
 புதை சாக்கடை திட்டம் குறித்து ஆய்வு: முன்னதாக ராசிபுரம் நகராட்சியில் ரூ. 57 கோடியில் மேற்கொள்ளப்பட்டு வரும் புதை சாக்கடை திட்டப் பணிகள் குறித்து நகராட்சி அலுவலகத்தில் அவர் அதிகாரிகளுடன் ஆய்வு மேற்கொண்டார்.
 இதன் பின்னர் செய்தியாளர்களிடம் பேசியதாவது: இப்பணிகள் துரிதமாக நடைபெற்று வருகின்றன. டிசம்பர் மாதம் இறுதியில் முடிக்கப்படும். ராசிபுரத்திற்காக கூட்டுகுடிநீர் திட்டம் செயல்படுத்தப்பட்டு வருகிறது.
 தாட்கோ திட்டத்தின் நோக்கங்கள் மற்றும் அத் திட்டத்தில் எவ்வாறு பயன்பெறுவது என்பது குறித்தும், தனிநபர் கடன் குறித்து இளைஞர்கள் மற்றும் பொதுமக்களுக்கு விழிப்புணர்வு ஏற்படுத்தப்பட்டுள்ளது.
 மேலும் பயனாளிகளுக்கு நலத்திட்டங்கள் ஒரே இடத்தில் வழங்குவதற்கான பணிகள் மேற்கொள்ளப்பட்டு வருகின்றன என்றார் அமைச்சர்.
 இக் கூட்டங்களில் ராசிபுரம் முன்னாள் நகர்மன்றத் தலைவர் எம். பாலசுப்பிரமணியன், ராசிபுரம் நகராட்சி ஆணையாளர் (பொறுப்பு) ஆர். மகேஸ்வரி, நகராட்சி பொறியாளர் எம்.குணசேகரன், தாட்கோ மாவட்ட மேலாளர் எஸ்.சக்திவேல், பொதுப்பணித்துறை செயற்பொறியாளர் திட்ட உருவாக்கம் (சேலம்) எஸ்.பிரகாஷ் உள்ளிட்ட பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/sep/25/மேட்டூர்-உபரி-நீரை-பாதுகாக்கும்-வகையில்-ரூ6800-கோடியில்-புதிய-கால்வாய்-திட்டம்-அமைச்சர்-விசரோஜா-3007415.html
3006716 தருமபுரி நாமக்கல் மணியங்காளிபட்டியில் இலவச சட்ட விழிப்புணர்வு முகாம் DIN DIN Monday, September 24, 2018 08:32 AM +0530 மோகனூர் ஒன்றியம், மணியங்காளிபட்டியில் இலவச சட்ட விழிப்புணர்வு முகாம் சனிக்கிழமை நடைபெற்றது.
இதில் மாவட்ட சட்டப் பணிகள் ஆணைக்குழு செயலர் கோகுலகிருஷ்ணன் பேசியது:
ஏழை, எளிய பாமர மக்களுக்கும், சட்டம் பயன்பட வேண்டும். ஏழை மக்களுக்கு, சட்டம் எட்டாக் கனியாக இருக்கக் கூடாது. எந்த வகையான பிரச்னையாக இருந்தாலும், சமரச தீர்வு கண்டு, பகையைப் போக்கி நண்பர்களாக்கி விட
வேண்டும்.
பிரச்னைக்குத் தீர்வு கிடைக்கவில்லை என்றால் அரசு செலவில் வழக்குரைஞர் வைத்து வாதாட ஏற்பாடு செய்து தரப்படும். சாலை, மின்சாரம் மற்றும் தண்ணீர் வசதி, ரேஷன் அட்டை, முதியோர், ஆதரவற்றோர், விதவை உதவித்தொகை கிடைக்க நடவடிக்கை எடுக்கப்படும் என்றார். 
ராசிபாளையம், செவந்தாம்பாளையம் ஆகிய பகுதிகளிலும் விழிப்புணர்வு முகாம் நடைபெற்றது.

]]>
http://www.dinamani.com/all-editions/edition-dharmapuri/namakkal/2018/sep/24/மணியங்காளிபட்டியில்-இலவசசட்ட-விழிப்புணர்வு-முகாம்-3006716.html
3006715 தருமபுரி நாமக்கல் நியாயவிலைக் கடை பணியாளர்கள் சங்கக் கூட்டம் DIN DIN Monday, September 24, 2018 08:32 AM +0530 நாமக்கல் மாவட்ட நியாயவிலைக் கடை விற்பனையாளர்கள், கட்டுநர்கள் அனைத்து சங்கங்களின் ஒருங்கிணைப்புக் கூட்டம் நாமக்கல்லில் ஞாயிற்றுக்கிழமை நடந்தது.
கூட்டத்துக்கு தமிழ்நாடு அரசுப் பணியாளர் சங்கப் பொறுப்பாளர் மனோகரன் தலைமை வகித்தார். கூட்டத்தில் நியாயவிலைக் கடை விற்பனையாளர்கள், கட்டுநர்கள் அனைத்துச் சங்கங்களின் நிர்வாகிகளின் கருத்துகளை விவாதித்து ஏற்றுக் கொள்ள வேண்டும். வரும் 30-ஆம் தேதி நாமக்கல்லில் நடைபெறவுள்ள செயற்குழுக் கூட்டத்தில் மாவட்டத்தில் இருந்து அனைத்து விற்பனையாளர்கள், கட்டுநர்கள் பங்கேற்பது என முடிவு செய்யப்பட்டது. 
கூட்டத்தில் சங்கத்தின் மாவட்ட துணைத் தலைவர் தண்டபாணி, நிர்வாகிகள் மாதேஸ்வரன், ராஜசேகர், சரவணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/24/நியாயவிலைக்-கடைபணியாளர்கள்-சங்கக்-கூட்டம்-3006715.html
3006714 தருமபுரி நாமக்கல் திருச்செங்கோட்டில் போலி எஸ்.ஐ. கைது DIN DIN Monday, September 24, 2018 08:32 AM +0530 தேவனாங்குறிச்சி பகுதியில் காவல் அதிகாரி என்று கூறி பெண்ணை மிரட்டி பணம் பறிக்க முயன்றவர் கைது செய்யப்பட்டார்.
திருச்செங்கோடு அருகே தேவனாங்குறிச்சியைச் சேர்ந்தவர் விஜயகோபால் மனைவி பிரேமா (32). இவரது வீட்டுக்கு சனிக்கிழமை வந்த ஒருவர், தான் திருச்செங்கோடு நகர காவல் நிலையத்தில் உதவி காவல் ஆய்வாளராக இருப்பதாகவும், தனது நண்பருக்குத் தர வேண்டிய கடனை உடனே திருப்பித் தருவதற்கு பணம் கேட்டு மிரட்டியதாக பிரேமா ஊரக காவல் நிலையத்துக்குத் தகவல் தெரிவித்துள்ளார். அப்பகுதிக்கு வந்த காவல்துறையினர் காவல் அதிகாரி என்று கூறி மோசடி செய்ய முயன்றவரைப் பிடித்து காவல் நிலையத்துக்கு அழைத்துச் சென்றனர்.
விசாரணையில் அவர், திருச்செங்கோடு கோம்பை நகரைச் சேர்ந்த ரத்தினம் (44) என்பதும், பெயிண்டிங் காண்டிராக்டராக இருப்பதும் தெரியவந்தது. தனது நண்பர் கொடுத்த கடனை வாங்கவே எஸ்.ஐ. என்று கூறியதாகத் தெரிவித்தார். இதுகுறித்து ஊரக காவல்துறையினர் வழக்குப் பதிவு செய்து ரத்தினத்தை கைது செய்து திருச்செங்கோடு கிளைச் சிறையில் அடைத்தனர்.

]]>
http://www.dinamani.com/all-editions/edition-dharmapuri/namakkal/2018/sep/24/திருச்செங்கோட்டில்போலி-எஸ்ஐ-கைது-3006714.html
3006713 தருமபுரி நாமக்கல் நாம சங்கீர்த்தனம் DIN DIN Monday, September 24, 2018 08:31 AM +0530 ஜேசிஐ திருச்செங்கோடு டெம்பிள் கிளை சங்கத்தின் சார்பில், நாம சங்கீர்த்தன பஜனை நிகழ்ச்சியும், அதைத் தொடர்ந்து ஞாயிற்றுக்கிழமை ஸ்ரீ பாண்டுரங்கர், ருக்மணி தாயார் திருக்கல்யாண உற்சவமும் நடைபெற்றன.
ஸ்ரீ விட்டல்தாஸ் மகாராஜ் தலைமையில் நடைபெற்ற நாம சங்கீர்த்தன பக்தி பஜனை நிகழ்ச்சி கடந்த புதன்கிழமை தொடங்கி ஞாயிற்றுக்கிழமை வரை வேலுச்சாமி திருமண மண்டபத்தில் நடைபெற்றது.  ஸ்ரீ பாண்டுரங்கர், ஸ்ரீ ருக்மணி தேவி திருக்கல்யாண உற்சவ நிகழ்ச்சியை திருப்பதி தேவஸ்தானத்திலிருந்து வந்த பட்டாச்சாரியார்கள் நடத்தினர். மேளதாளம் முழங்க சிறப்பு அலங்காரத்தில் சுவாமி காட்சி அளித்தார். பக்தர்கள் சீர்வரிசைகள் கொண்டு வந்து திருக்கல்யாண உற்சவத்தில் கலந்து கொண்டனர். ஏராளமான பக்தர்கள் திருக்கல்யாண உற்சவ நிகழ்ச்சியில் கலந்து கொண்டனர்.

]]>
http://www.dinamani.com/all-editions/edition-dharmapuri/namakkal/2018/sep/24/நாம-சங்கீர்த்தனம்-3006713.html
3006712 தருமபுரி நாமக்கல் கடும் போக்குவரத்து நெரிசல்: கோட்டை சாலை வழியாக வாகனங்கள் இயக்குவதில் திட்டமிடல் அவசியம் DIN DIN Monday, September 24, 2018 08:31 AM +0530 ஆஞ்சநேயர் கோயில், நரசிம்ம சுவாமி கோயில்களுக்கு வார இறுதி நாள்களில் பக்தர்கள் அதிகம் வருவதால் அந் நாள்களில் கோட்டை சாலை வழியாக பேருந்துகள், கார்கள் உள்ளிட்ட வாகனங்களை இயக்கத் தடை விதிக்க வேண்டும் என பக்தர்கள் வேண்டுகோள் விடுத்துள்ளனர்.
நாமக்கல்லில் இருந்து சேலம், ராசிபுரம், திருச்செங்கோடு, ஈரோடு உள்ளிட்ட பகுதிகளுக்குச் செல்லும் பேருந்துகள், கார்கள், சரக்கு ஆட்டோக்கள் பூங்கா சாலை, கோட்டை சாலை வழியாகச் செல்லும்.
இது ஒருவழிப் பாதையாக அறிவிக்கப்பட்டு லாரி உள்ளிட்ட கனரக வாகனங்கள் செல்ல தடை விதிக்கப்பட்டுள்ளன.
அங்கு பூங்கா, உழவர் சந்தை, ஆஞ்சநேயர் கோயில், நரசிம்மர் கோயில், கோட்டை அரசு துவக்க மற்றும் உயர்நிலைப் பள்ளிகள், ஆரம்ப சுகாதார நிலையம் உள்ளிட்டவை அமைந்துள்ளன.
வார இறுதி நாள்கள், அமாவாசை உள்ளிட்ட இந்துகளின் விரத நாள்களில்  தமிழகத்தின் பல்வேறு பகுதிகளில் இருந்து ஆயிரக்கணக்கான மக்கள் ஆஞ்சநேயர், நரசிம்ம சுவாமி கோயில்களுக்கு வந்து செல்கின்றனர். இதனால் கடும் போக்குவரத்து நெரிசல் ஏற்படுகிறது.
சில நேரங்களில் சேலம் சாலை சந்திப்பிலிருந்து பரமத்தி சாலையில் உள்ள பூங்கா வரை சுமார் 1 கி.மீ. தூரத்துக்கு வாகனங்கள் அணிவகுத்து நிற்கின்றன. இதனால், இந்த 1 கி.மீ. தூரத்தைக் கடக்க வாகன ஓட்டிகள் சுமார் அரை மணி நேரம் வரை காத்திருக்க வேண்டிய நிலை உள்ளது. 
இதனால் கோயிலுக்கு பக்தர்கள் அதிக எண்ணிக்கையில் வரும் நாள்களில் இந்தச் சாலையில் போக்குவரத்தை ஒழுங்குப்படுத்த உரிய நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
இதுகுறித்து நாமக்கல்லைச் சேர்ந்த சுற்றுலா மற்றும் கலாசார ஆர்வலர் ஆர். பிரணவகுமார் தெரிவித்தது:
இதனால் முக்கியமான விரத நாள்கள், விடுமுறை நாள்களில் கோயில் பண்டிகை நாள்களில்  பேருந்துகள், கார்கள், சிறிய வகை சரக்கு ஆட்டோக்கள் என அனைத்து வாகனங்களையும் கோட்டை சாலை வழியாக இயக்க தடை விதிக்க வேண்டும். வாகனங்களை உழவர் சந்தையின் எதிரில் உள்ள கரூர்-சேலம் தேசிய நெடுஞ்சாலை இணைப்பு சாலை வழியாக இயக்க நடவடிக்கை எடுக்க வேண்டும். 
 மேலும் கோட்டை சாலையில் நரசிம்மர் கோயிலில் இருந்து சாலையைக் கடந்து ஆஞ்சநேயர் கோயிலுக்கு செல்வதால் அடிக்கடி விபத்து ஏற்படுகிறது. இதனால் சாலையின் மேல் நடைமேம்பாலம் அமைக்க வேண்டும். கோயிலுக்கு வரும் அனைத்து வாகனங்களையும் வாகன நிறுத்துமிடமான நாமக்கல் பூங்கா சாலையில் உள்ள வாகன நிறுத்துமிடத்தில் நிறுத்த அறிவுறுத்த வேண்டும். கோயிலைச் சுற்றியுள்ள சாலைகளில் வாகனங்களை நிறுத்துவதைத் தடுக்க போலீஸார் அல்லது கோயில் பணியாளர்கள் கண்காணிப்புப் பணியில் ஈடுபட வேண்டும்.
மேலும் இங்கு வாகனங்களை நிறுத்தக் கூடாது எனக் கோயில் நிர்வாகம் சார்பில் அறிவிப்புப் பலகை வைக்க வேண்டும். இதன்மூலம் கோட்டை சாலையில் போக்குவரத்து நெரிசல் தவிர்க்கப்பட்டு பக்தர்கள் சிரமம் இல்லாமல் கோயிலுக்குச் செல்ல முடியும் என்றார்.
 

]]>
http://www.dinamani.com/all-editions/edition-dharmapuri/namakkal/2018/sep/24/கடும்-போக்குவரத்து-நெரிசல்-கோட்டை-சாலை-வழியாக-வாகனங்கள்-இயக்குவதில்-திட்டமிடல்-அவசியம்-3006712.html
3006711 தருமபுரி நாமக்கல் குடும்ப பிரச்னை: ஒரே குடும்பத்தில் 4 பேர் தற்கொலை முயற்சி DIN DIN Monday, September 24, 2018 08:31 AM +0530 குடும்ப பிரச்னை காரணமாக நாமக்கல் நகராட்சி துப்புரவுத் தொழிலாளியின் மனைவி மற்றும் அவரது மகள் 3 பேர் ஞாயிற்றுக்கிழமை அரளி விதையை அரைத்துக் குடித்துத் தற்கொலைக்கு முயன்றனர்.
நாமக்கல்லை அடுத்த சிவியாம்பாளையம் அருந்ததியர் தெருவைச் சேர்ந்த வனராஜ் (56). இவர், நாமக்கல் நகராட்சியில் துப்புரவு பணியாளராகப் பணிபுரிந்து வருகிறார். இவருக்கு மகாலட்சுமி என்ற மனைவி மற்றும் கீதா(20), புனிதா(17),தேன்மொழி(14) என 3 மகள்கள் உள்ளனர். கணவன், மனைவிக்கிடையே கடந்த சில நாள்களாக குடும்ப பிரசினை காரணமாக தகராறு ஏற்பட்டு வந்தது.
இந்த நிலையில், ஞாயிற்றுக்கிழமை மாலை மதுபோதையில் வீட்டுக்கு வந்த வனராஜ், மனைவி மகாலட்சுமியுடன் தகராறில் ஈடுபட்டார். இதில் மனமுடைந்த மகாலட்சுமி தனது 3 மகள்களான கீதா, புனிதா, தேன்மொழி ஆகியோருக்கு அரளி விதையை அரைத்துக் கொடுத்து விட்டு, தானும் சாப்பிட்டுள்ளார். சிறிது நேரத்தில் மகாலட்சுமி, அவரது மகள்கள் 3 பேரும் வீட்டில் மயங்கி கிடந்தனர். இதைக் கண்ட அக்கம்பக்கத்தினர் 4 பேரையும் மீட்டு நாமக்கல் அரசு மருத்துவமனையில் சிகிச்சைக்காக சேர்த்தனர்.
இந்த சம்பவம் தொடர்பாக சேந்தமங்கலம் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/sep/24/குடும்ப-பிரச்னை-ஒரே-குடும்பத்தில்4-பேர்-தற்கொலை-முயற்சி-3006711.html
3006710 தருமபுரி நாமக்கல் மத்திய அரசுப் பணியாளர்களுக்கு இணையான ஊதியம் வழங்கக் கோரிக்கை DIN DIN Monday, September 24, 2018 08:31 AM +0530 7-ஆவது ஊதியக் குழு முரண்பாடுகளைக் களைந்து மத்திய அரசுக்கு இணையான ஊதியம் வழங்க வேண்டும் எனக் கோரிக்கை விடுக்கப்பட்டது.
தமிழ்நாடு அரசு அலுவலர் ஒன்றியத்தின் மாநில உயர்நிலைக் குழு கூட்டம், மாநிலத் தலைவர் சண்முகராஜன் தலைமையில் நாமக்கல்லில் சனிக்கிழமை நடைபெற்றது.
மாநில பொதுச்செயலர் தண்டபாணி, மாவட்டத் தலைவர் நவலடி ஆகியோர் பேசினர்.  நிறைவேற்றப்பட்ட தீர்மானங்கள்:
பழைய ஓய்வூதியத் திட்டத்தை மீண்டும் செயல்படுத்த வேண்டும். 21 மாத ஊதியக்குழு நிலுவைத் தொகையை வழங்க வேண்டும். ஏழாவது ஊதியக்குழு முரண்பாடுகளைக் களைந்து, மத்திய அரசுக்கு இணையான ஊதியம் வழங்க வேண்டும். 
ஊதியக்குழு ஒரு நபர் குழுவின் தலைவர் ஐஏஎஸ் அதிகாரி சித்திக் தன் அறிக்கையை விரைந்து அளிக்க வேண்டும்.
அங்கீகரிக்கப்படாத சங்கங்கள் அக்டோபர் 4-ஆம் தேதி நடத்தும் சிறு விடுப்புப் போராட்டம், நவம்பர் 27-ஆம் தேதி  நடத்தும் காலவரையற்ற போராட்டங்களில், அங்கீகரிக்கப்பட்ட சங்கங்கள் கலந்து கொள்ளாது.
 

]]>
http://www.dinamani.com/all-editions/edition-dharmapuri/namakkal/2018/sep/24/மத்திய-அரசுப்-பணியாளர்களுக்குஇணையான-ஊதியம்-வழங்கக்-கோரிக்கை-3006710.html
3006709 தருமபுரி நாமக்கல் சுற்றுச்சூழல் பாதுகாப்பு குறித்த குறும்படங்களுக்கு விருதுகள் DIN DIN Monday, September 24, 2018 08:30 AM +0530 சுற்றுச்சூழல் பாதுகாப்பு குறித்த சிறந்த விளம்பரத்துக்கான குறும்படங்களுக்கு விருதுகள் வழங்கப்பட இருப்பதாக அறிவிக்கப்பட்டுள்ளது.
இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்ட செய்திக் குறிப்பு:
தமிழகம் முழுவதும் மொத்தம் 8,000 பள்ளிகளில் மாவட்டத்துக்கு 250 பள்ளிகள் வீதம் சூழல் மன்றங்களுக்கு 40 முதல் 50 மாணவர்களைக் கொண்டு தேசிய பசுமைப் படை செயல்படுகிறது. மேலும், தமிழக அரசின் நிதியுதவியுடன் 11,469 பள்ளிகளில் தமிழ்நாடு முழுவதும் சூழல் மன்றங்கள் செயல்பட்டு வருகின்றன. 
சுற்றுச்சூழல் அமைச்சரின் அறிவிப்பின்படி, பொதுமக்களைச் சென்றடையும் வகையில், உரிய நிறுவனங்களிடம் இருந்து சுற்றுச்சூழல் பாதுகாப்பு குறித்து நிலம், காற்று, நீர், வனம், தொழிற்சாலை நடவடிக்கைகள், தாவரங்கள், விலங்குகள் உள்ளிட்ட ஏதாவது ஒரு தலைப்பில், பொது ஊடகங்களில் விளம்பரப்படுத்த ஏதுவான, தக்க தரமான விளம்பரப் படங்கள் விளம்பர பட தயாரிப்பு நிறுவனங்கள், திரைப்பட இயக்குநர்கள், திரைப்பட பயிற்சி மையம் மற்றும் திரைப்பட துறையில் அனுபவம் உள்ள தனிநபர்களிடம் இருந்து குறுந்தகடு, பென் டிரைவ் மூலம் சுற்றுச்சூழல் துறைக்கு 15.12.2018-க்குள் வரவேற்கப்படுகின்றன.
சிறந்த முதல் 3 படங்கள் தேர்வு செய்யப்பட்டு, பரிசுத் தொகையாக முறையே ரூ. 7 லட்சம், ரூ. 6 லட்சம், ரூ. 5 லட்சம் வழங்கப்படுவதோடு முதல்வர் எடப்பாடி பழனிசாமியால் சான்றிதழ்களும் வழங்கப்படும். 
எனவே, நாமக்கல் மாவட்டத்தைச் சேர்ந்த தகுதியான நபர்கள் சுற்றுச்சூழல் பாதுகாப்பு குறித்த சிறந்த விளம்பரப் படத்தைத் தயாரித்து லட்சம் பரிசை வெல்ல வேண்டும்.
 

]]>
http://www.dinamani.com/all-editions/edition-dharmapuri/namakkal/2018/sep/24/சுற்றுச்சூழல்-பாதுகாப்பு-குறித்தகுறும்படங்களுக்கு-விருதுகள்-3006709.html
3006708 தருமபுரி நாமக்கல் வாக்காளர் பட்டியல் சிறப்பு சுருக்க திருத்த முகாம்: சார் ஆட்சியர் ஆய்வு DIN DIN Monday, September 24, 2018 08:30 AM +0530 வாக்காளர் பட்டியல் சிறப்பு சுருக்க திருத்த முகாமில் பணிகளை நாமக்கல் சார் ஆட்சியர் சு. கிராந்திகுமார் பதி ஞாயிற்றுக்கிழமை ஆய்வு மேற்கொண்டார்.
தேர்தல் ஆணையத்தின் அறிவுறுத்தலின்படி, 1.1.2019ஐ தகுதி நாளாகக் கொண்ட வாக்காளர் பட்டியல் சிறப்பு சுருக்கமுறை திருத்தப் பணிகள் கடந்த 1-ஆம் தேதி தொடங்கி நடைபெற்று வருகின்றன.
இந்தச் சிறப்புச் சுருக்கமுறை திருத்தப் பணிகளின்போது 18 வயது பூர்த்தியடைந்த, அதாவது 31.12.2000 அன்றோ அல்லது அதற்கு முன்னரோ பிறந்த அனைவரும் வாக்காளர் பட்டியலில் பெயர் சேர்க்க படிவம்-6 விண்ணப்பித்தைப் பூர்த்தி செய்து உரிய ஆவணங்களுடன், சம்பந்தப்பட்ட வாக்காளர் பதிவு அலுவலகங்கள், உதவி வாக்காளர் பதிவு அலுவலகங்கள் மற்றும் அருகில் உள்ள வாக்குச் சாவடி மையங்களில் அளிக்கலாம். 
 மேலும் வாக்காளர்களின் தேவைக்கேற்ப பெயர் நீக்கம் செய்வதற்கான படிவம்-7, திருத்தம் செய்வதற்கான படிவம்-8 மற்றும் ஒரே சட்டப்பேரவைத் தொகுதிக்குள் இடமாற்றம் படிவம் 8ஏ ஆகியவற்றினையும் அளிக்க ஏற்பாடு செய்யப்பட்டுள்ளன. வாக்காளர் பட்டியல் சிறப்பு சுருக்கமுறை திருத்தப் பணியை முன்னிட்டு நான்கு ஞாயிற்றுக்கிழமைகளில் சிறப்பு முகாம்கள் நடத்தவும், தேர்தல் ஆணையம் உத்தரவிட்டிருந்தது.
அதையொட்டி நாமக்கல் மாவட்டம் முழுவதும் உள்ள 661 வாக்குச் சாவடி மையங்களில் சிறப்பு முகாம்கள் ஞாயிற்றுக்கிழமை நடைபெற்றன.
முகாமில் நாமக்கல் மாவட்டத்தில் உள்ள அனைத்து வாக்குச் சாவடி மையங்களிலும் வாக்குச்சாவடி நிலைய அலுவலர்கள் மற்றும் வாக்குச் சாவடி மைய அலுவலர்கள்,  மையங்களில் இருந்து விண்ணப்பங்களைப் பெற உரிய ஏற்பாடுகள் செய்யப்பட்டிருந்தன.
நாமக்கல் வடக்கு அரசு மேல்நிலைப்பள்ளி மற்றும் கோட்டை நகரவை உயர்நிலைப் பள்ளிகளில் நடைபெற்ற வாக்காளர் பட்டியல் சிறப்பு சுருக்க திருத்த முகாமை நாமக்கல் சார் ஆட்சியர் சு. கிராந்தி குமார் பதி  நேரில் பார்வையிட்டு ஆய்வு செய்தார்.
முகாமில் வாக்காளர் பட்டியல் வைக்கப்பட்டிருந்ததையும், பெயர் சேர்த்தல், நீக்கல், திருத்தம், முகவரி மாற்றத்துக்கான படிவங்கள் தேவையான அளவு உள்ளதா? என்றும் பார்வையிட்டு ஆய்வு செய்தார்.
மேலும் திருத்தப் பணிகள் மேற்கொள்வதற்காக வாக்குச் சாவடி மையத்துக்கு வந்த விண்ணப்பதாரர்களின் படிவங்களை பார்வையிட்டார். தொடர்ந்து சிறப்பு சுருக்க முறை திருத்த முகாம் அக்டோபர் 7, 14 ஆம் தேதிகளில் நடைபெறும். எனவே, இந்த வாய்ப்பைப் பயன்படுத்தி நாமக்கல் மாவட்டத்தில் தகுதி வாய்ந்த அனைவரும் வாக்காளர் பட்டியலில் தங்களின் பெயர்களைப் பதிவு செய்து கொள்ள வேண்டும் என சார் ஆட்சியர் தெரிவித்தார்.
ஆய்வின்போது நாமக்கல் வருவாய் வட்டாட்சியர் சி. செந்தில்குமார் உள்பட அரசு அலுவலர்கள் உடனிருந்தனர்.

]]>
http://www.dinamani.com/all-editions/edition-dharmapuri/namakkal/2018/sep/24/வாக்காளர்-பட்டியல்-சிறப்பு-சுருக்க-திருத்த-முகாம்-சார்-ஆட்சியர்-ஆய்வு-3006708.html
3006707 தருமபுரி நாமக்கல் பாவை பொறியியல் கல்லூரியில் வேளாண் மன்றத் துவக்க விழா DIN DIN Monday, September 24, 2018 08:30 AM +0530 பாவை பொறியியல் கல்லூரியில் வேளாண் பொறியியல் துறை சார்பில், வேளாண் மன்றத் துவக்க விழா சனிக்கிழமை நடைபெற்றது.
விழாவுக்கு பாவை கல்வி நிறுவனங்களின் தலைவர் ஆடிட்டர் என்.வி. நடராஜன் தலைமை வகித்தார்.  வேளாண் பொறியியல் துறை இறுதி ஆண்டு மாணவர் அ. அஜித்குமார் வரவேற்றார். கல்வி நிறுவனங்களின் தாளாளர் மங்கைநடராஜன் குத்துவிளக்கேற்றினார். விழாவில் நாகப்பட்டினம் பாரம்பரிய வேளாண் விஞ்ஞானி ஆலங்குடி பெருமாள், பயிற்சியாளர் ஸ்ரீராம் ஆகியோர் சிறப்பு விருந்தினர்களாகக் கலந்து கொண்டனர்.
பாவை கல்வி நிறுவனங்களின் தலைவர் ஆடிட்டர் என்.வி.நடராஜன் நிகழ்ச்சியில் பேசினார். சிறப்பு விருந்தினர் பாரம்பரிய வேளாண் விஞ்ஞானி ஆலங்குடி பெருமாள் பேசியது:
ஒற்றை நாட்டு நடவு முறையில் இயற்கை விவசாயம் பெருமளவில் செய்யப்படுகிறது. இயற்கை விவசாயத்தினை மீண்டும் நடைமுறைப்படுத்தி, விவசாயத்தினை மீட்டெடுக்க வேளாண் மாணவர்கள் முன்வரவேண்டும் என்றார். பயிற்சியாளர் ஸ்ரீராம், இயற்கை விவசாயி அசோகன், கல்லூரி இயக்குநர் கே.கே.ராமசாமி, கல்லூரியின் முதல்வர் எம்.பிரேம்குமார்,  வேளாண் பொறியியல் துறை பேராசிரியர் செ.மயில்சாமி, துறைத் தலைவர் சுபாஷினி உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-dharmapuri/namakkal/2018/sep/24/பாவை-பொறியியல்-கல்லூரியில்வேளாண்-மன்றத்-துவக்க-விழா-3006707.html
3006706 தருமபுரி நாமக்கல் அனைத்திந்திய ஜனநாயக மாதர் சங்க ஒன்றிய பேரவைக் கூட்டம் DIN DIN Monday, September 24, 2018 08:30 AM +0530 எலச்சிபாளையம் ஒன்றிய அனைத்திந்திய ஜனநாயக மாதர் சங்கத்தின் பேரவைக் கூட்டம் ஞாயிற்றுக் கிழமை சங்க அலுவலகத்தில் நடைபெற்றது.
சங்கத்தின் மாவட்ட துணைத் தலைவர் கோமதி தலைமையில் நடைபெற்ற கூட்டத்தில் மாநிலத் துணைத் தலைவர் சாவித்திரி  கலந்துகொண்டு ஒன்றிய புதிய நிர்வாகிகளை அறிமுகப்படுத்தி வைத்துப் பேசினார்.
ஒன்றியத் தலைவராக எம். சத்தியபாமா செயலாளராக எஸ். கோமதி பொருளாளராக ஆர். கலைச்செல்வி துணைத் தலைவராக ஏ. ரஹமத் துணைச் செயலாளராக வி. ஜெயராணி மற்றும் கமிட்டி உறுப்பினராக எஸ். கண்ணகி, லட்சுமி, ராஜேஸ்வரி உள்பட புதிய நிர்வாகிகள் தேர்வு செய்யப்பட்டனர்.
கூட்டத்தில் நிறைவேற்றப்பட்ட தீர்மானங்கள் விவரம்:
குமாரமங்கலம் பிரிவு சாலையில் இருபுறமும் கழிவுநீர் கால்வாய் ஓடை அமைக்க வேண்டும். இப் பகுதியில் அனைத்துப் பேருந்துகளும் நின்று செல்ல நடவடிக்கை எடுக்க வேண்டும்.
எலச்சிபாளையம் சந்தைப்பேட்டை, சத்யா நகர், சின்ன எலச்சிபாளையம், பனங்காடு போன்ற பகுதிகளில்
சாக்கடை கால்வாய்கள் தூர்வார
வேண்டும்.
எலச்சிபாளையம் பேருந்து நிறுத்தத்தில் பொதுமக்களுக்கு பொதுக் கழிப்பிட வசதியும், நிழற்கூடமும் ஏற்படுத்தித் தர வேண்டும். கடந்த நான்கு வருடமாக முதியோர் உதவித்தொகைக் கேட்டு விண்ணப்பித்த அனைவருக்கும் உதவித்தொகை வழங்க வேண்டும்.
பெண்கள் பணிபுரியும் இடங்களில் பாலியல் புகார் கமிட்டி அமைக்க வேண்டும் உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-dharmapuri/namakkal/2018/sep/24/அனைத்திந்திய-ஜனநாயக-மாதர்-சங்க-ஒன்றிய-பேரவைக்-கூட்டம்-3006706.html
3006705 தருமபுரி நாமக்கல் ஆர்.என்.ஆக்ஸ்போர்டு பள்ளியில் மாநில கைப்பந்து போட்டி DIN DIN Monday, September 24, 2018 08:29 AM +0530 பரமத்திவேலூர் அருகே பாண்டமங்கலம் ஆர்.என். ஆக்ஸ்போர்டு பள்ளியில் மாநில அளவில்  மாணவிகளுக்கான கைப்பந்து போட்டி ஞாயிற்றுக்கிழமை துவங்கியது. இப்போட்டி தொடர்ந்து மூன்று நாள்கள் நடைபெறுகிறது.
இதில் 14 வயதுக்கு உட்பட்டோர் மற்றும் 17 வயதுக்குள்பட்டோர்  பிரிவில் இருந்து சென்னை, மதுரை, கோவை, நாகர்கோவில், சேலம், தேனி உள்ளிட்ட மாவட்டங்களைச் சேர்ந்த 12 அணிகள் பங்கேற்றன.
முதல் நாளான ஞாயிற்றுக்கிழமை நடைபெற்ற கைப்பந்து போட்டியை பரமத்தி வேலூர் காவல்துறை துணைக் கண்காணிப்பாளர் ராஜூ  துவக்கி வைத்தார். நிகழ்ச்சியில் பரமத்தி வேலூர் காவல்துறை ஆய்வாளர் லட்சுமண குமார், பள்ளி நிர்வாகிகள் ராஜா, சக்திவேல், சேகர், அருள் உள்ளிட்டோர் உடன் இருந்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/24/ஆர்என்ஆக்ஸ்போர்டு-பள்ளியில்மாநில-கைப்பந்து-போட்டி-3006705.html
3006704 தருமபுரி நாமக்கல் குமாரபாளையத்தில் ஆதரவற்றுத் திரிந்த யாசகர்கள் 16 பேர் மீட்பு DIN DIN Monday, September 24, 2018 08:29 AM +0530 குமாரபாளையம் நகரத் தெருக்களில் ஆதரிப்போர் இல்லாமல் சுற்றித் திரிந்த யாசகர்கள் 16 பேர் மீட்கப்பட்டு விழுப்புரத்தில் உள்ள காப்பகத்துக்கு சனிக்கிழமை அனுப்பி வைக்கப்பட்டனர்.
குமாரபாளையம் நகரப் பகுதிகளில் ஆதரவற்ற நிலையில், தெருக்களில் யாககர்கள் சுற்றித் திரிந்தனர். நோயால் பாதிக்கப்பட்டும்,  சுகாதாரமின்றியும், உறவினர்களால் புறக்கணிக்கப்பட்ட நிலையில் உணவுக்கு கையேந்தியபடியும், பேருந்து நிலைய வளாகத்திலும் தங்கியிருந்தனர்.
இவர்களை, அட்சயம் அறக்கட்டளை எனும் தொண்டு நிறுவனம், கண்டறிந்து அவர்களுக்குத் தேவையான உதவிகளை அளித்து காப்பகங்களுக்கு அனுப்பி பராமரிக்கும் பணியை மேற்கொண்டுள்ளது.
இந்த நிலையில், நம்ம குமாரபாளையம் அமைப்புடன் இணைந்து குமாரபாளையத்தில் அட்சயம் அமைப்பு தன்னார்வலர்கள் ஆதரவற்றவர்களைக் கண்டறியும் பணியை சனிக்கிழமை மேற்கொண்டனர்.
நகரின் பல்வேறு பகுதிகளில்  உணவு, தங்குமிடம் இல்லாமல் வாழ்ந்துவந்த ஆதரவற்ற முதியோர்கள் 16 பேர் கண்டறியப்பட்டனர். அவர்களில் பலர் வயது முதிர்ந்தும், உறவினர்கள், குடும்பத்தாரால் புறக்கணிக்கப்பட்டு சமுதாயத்தில் ஒதுக்கப்பட்டவர்களாக வாழ்க்கை நடத்துவது தெரியவந்தது.
அவர்களை மீட்டதோடு,  முதியோர்களுக்கு முகச் சவரம் செய்து குளிக்கச் செய்து, சுத்தப்படுத்தினர். மேலும், சுத்தமான ஆடைகளை  அணிவித்தனர். தொடர்ந்து, இவர்களை விழுப்புரத்தில் உள்ள தனியார் காப்பகத்தில் தங்கவைக்க நடவடிக்கை எடுக்கப்பட்டது. இந் நிகழ்ச்சிக்கு, அமைப்பின் தலைவர் நவீன்குமார் தலைமை வகித்தார். நம்ம குமாரபாளையம்  அமைப்பின் தலைமை ஒருங்கிணைப்பாளர் எஸ்.ஓம் சரவணா முன்னிலை வகித்தனர். 
குமாரபாளையம் நகர்மன்ற முன்னாள் தலைவர் எஸ்.சேகர், திமுக நகரச் செயலர் கோ.வெங்கடேசன், அதிமுக நகரச் செயலர்  ஏ.கே.நாகராஜன், மகாத்மா காந்தி சமூக சேவை அமைப்புத் தலைவர் என். நாச்சிமுத்து, மக்கள் நீதி மய்யம்  கட்சி நகரப் பொறுப்பாளர் அறிவாளி சரவணன் ஆகியோர் வழியனுப்பி வைத்தனர். மொத்தம் 2 பெண்கள் உள்பட  16 ஆண்கள் மீட்கப்பட்டனர். இவர்களில், அந்தியூரைச் சேர்ந்த மதுப்பழக்கத்துக்கு அடிமையான சுமார் 51  வயது பெண்ணையும், பெருந்துறையைச் சேர்ந்த 60 வயது முதியவரையும் அவரது  உறவினர்கள் வந்து தாங்களே  பராமரித்துக் கொள்வதாகக் கூறினர். இறுதியில், ஒரு பெண் உள்பட 14 பேர் காப்பகத்துக்கு வாகனம் மூலம்  அழைத்துச் செல்லப்பட்டு
சேர்க்கப்பட்டனர். 

]]>
http://www.dinamani.com/all-editions/edition-dharmapuri/namakkal/2018/sep/24/குமாரபாளையத்தில்-ஆதரவற்றுத்-திரிந்த-யாசகர்கள்-16-பேர்-மீட்பு-3006704.html
3006703 தருமபுரி நாமக்கல் குமாரபாளையம் அருகே டேங்கர் லாரி - கார் மோதல்: கல்லூரி மாணவர்கள் இருவர் பலி DIN DIN Monday, September 24, 2018 08:29 AM +0530 குமாரபாளையம் அருகே தண்ணீர் டேங்கர் லாரியும், காரும் மோதிக் கொண்டதில் கல்லூரி மாணவர்கள் இருவர் ஞாயிற்றுக்கிழமை உயிரிழந்தனர்.
நாமக்கல் மாவட்டம், குமாரபாளையம் அருகே காளியண்ணக் கவுண்டர் நகர் பகுதியைச் சேர்ந்தவர் வேலு மகன் சந்தோஷ் (21).  அதே பகுதியைச் சேர்ந்தவர் சிவாஜி மகன் சரவணன் (20).  பள்ளித் தோழர்களான இருவரும்,  தற்போது இரண்டாம் ஆண்டு பொறியியல் படிப்பு படித்து வருகின்றனர்.  விடுமுறை நாளான ஞாயிற்றுக்கிழமை இருவரும் காரில் ஆனங்கூர் சாலை வழியாக குமாரபாளையம் நோக்கிச் சென்று கொண்டிருந்தனர்.
அப்போது,  காவடியாங்காடு பள்ளம் அருகே சென்றபோது, தொழிற்சாலைக்குத் தண்ணீர் ஏற்றிச் சென்ற டேங்கர் லாரியும்,  காரும் எதிர்பாராமல் நேருக்குநேர் மோதிக் கொண்டன.  இதில், காரில் சென்ற இருவரும் நிகழ்விடத்திலேயே உயிரிழந்தனர்.
இதனால்,  அந்தப் பகுதியில் போக்குவரத்து பாதிக்கப்பட்டது.  நிகழ்விடத்துக்கு விரைந்த போலீஸார்,  பொதுமக்கள் உதவியுடன் இருவரின் சடலங்களையும் மீட்டு பிரேதப் பரிசோதனைக்கு அனுப்பி வைத்தனர். 
இதுகுறித்து, குமாரபாளையம் போலீஸார் வழக்குப் பதிந்து விசாரணை நடத்தி வருகின்றனர். 

]]>
http://www.dinamani.com/all-editions/edition-dharmapuri/namakkal/2018/sep/24/குமாரபாளையம்-அருகே-டேங்கர்-லாரி---கார்-மோதல்கல்லூரி-மாணவர்கள்-இருவர்-பலி-3006703.html
3006201 தருமபுரி நாமக்கல் தலைமலைக்கு சிறப்புப் பேருந்து: எம்.எல்.ஏ. தொடங்கி வைத்தார் DIN DIN Sunday, September 23, 2018 05:06 AM +0530
புரட்டாசி மாதத்தை முன்னிட்டு தலைமலைக்கு சிறப்புப் பேருந்து சேவையை சேந்தமங்கலம் எம்எல்ஏ சி. சந்திரசேகரன் தொடங்கி வைத்தார்.
நாமக்கல் மாவட்டம், எருமப்பட்டி அருகே தலைமலையில் சஞ்சீவிராய பெருமாள் கோயில் உள்ளது. புரட்டாசி மாதத்தில் சனிக்கிழமைகளில் இக்கோயிலுக்கு தமிழகத்தின் பல்வேறு பகுதிகளிலிருந்து ஏராளமான பக்தர்கள் வந்து செல்கின்றனர். மலை அடிவாரமான வடவத்தூரிலிருந்து சஞ்சீவிபுரத்துக்குப் போதிய போக்குவரத்து வசதியின்றி பக்தர்கள் சிரமப்பட்டு வந்தனர்.
இதையடுத்து இம் மாதத்தில் வெள்ளி, சனிக்கிழமைகளில் சிறப்புப் பேருந்து இயக்க வேண்டும் என சேந்தமங்கலம் எம்எல்ஏ சி. சந்திரசேகரனிடம் தலைமலை சேவை அறக்கட்டளை சார்பில் கோரிக்கை மனு அளிக்கப்பட்டது. இதையடுத்து அவர் பரிந்துரையின்பேரில் எருமப்பட்டியிலிருந்து வடவத்தூர் சஞ்சீவிபுரத்துக்கு சிறப்புப் பேருந்து இயக்க போக்குவரத்துத் துறை சார்பில் நடவடிக்கை மேற்கொள்ளப்பட்டது.
இதன் தொடக்க விழா எருமப்பட்டியில் சனிக்கிழமை காலை நடைபெற்றது. சிறப்புப் பேருந்தை எம்எல்ஏ சி. சந்திரசேகரன் கொடியசைத்துத் தொடக்கி வைத்தார். இதில் ஒன்றியச் செயலர்கள் ஜெகதீசன், வரதராஜன், பேரூர் செயலர் பாலு, அறக்கட்டளை அறங்காவலர் ராஜேஷ், பொருளாளர் கர்ணன், நிர்வாகிகள் நடேசன், கார்த்திக், ராஜா, தனசேகரன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/தலைமலைக்கு-சிறப்புப்-பேருந்து-எம்எல்ஏ-தொடங்கி-வைத்தார்-3006201.html
3006200 தருமபுரி நாமக்கல் அரசுப் பள்ளிக்கு தொலைக்காட்சிப் பெட்டி அளிப்புகு DIN DIN Sunday, September 23, 2018 05:05 AM +0530
குமாரபாளையத்தை அடுத்த அருவங்காடு ஊராட்சி ஒன்றியத் தொடக்கப் பள்ளிக்கு இலவசமாக தொலைக்காட்சிப் பெட்டி சனிக்கிழமை வழங்கப்பட்டது.
குமாரபாளையம் உயர்தொழில்நுட்ப நெசவுப் பூங்கா சார்பில் முன்னாள் நகர்மன்றத் தலைவர் எஸ்.சேகர், இயக்குநர்கள் ஓ.ஆர்.செல்வராஜன், ஜீவானந்தம் உள்ளிட்டோர் இதனை வழங்க, பள்ளிபாளையம் வட்டாரக் கல்வி அலுவலர் கே.மேகலாதேவி பெற்றுக் கொண்டார்.
பள்ளியின் பெற்றோர் ஆசிரியர் கழகத் தலைவர் கே.முருகேசன், மேலாண்மைக் குழுத் தலைவர் பிரபாவதி கண்ணன் முன்னிலை வகித்தனர்.
பள்ளி மாணவ, மாணவியரின் தேவைக்காக ரூ. 37 ஆயிரம் மதிப்பிலான தொலைக்காட்சிப் பெட்டியை வழங்கியமைக்கு பள்ளித் தலைமை ஆசிரியர் பி.கண்ணன் மற்றும் மாணவ, மாணவியர் நன்றி தெரிவித்தனர். தொடர்ந்து, பள்ளி மேலாண்மைக் குழுக் கூட்டம் நடைபெற்றது. இதில், பள்ளி வளர்ச்சிக்குத் தேவையான நடவடிக்கைகள்குறித்து ஆலோசனை மேற்கொள்ளப்பட்டது.

 

]]>
http://www.dinamani.com/all-editions/edition-dharmapuri/namakkal/2018/sep/23/அரசுப்-பள்ளிக்கு-தொலைக்காட்சிப்-பெட்டி-அளிப்புகு-3006200.html
3006199 தருமபுரி நாமக்கல் இந்திய கம்யூ. பிரசாரக் குழுக்கு நாமக்கல்லில் வரவேற்பு DIN DIN Sunday, September 23, 2018 05:05 AM +0530
இந்திய கம்யூனிஸ்ட் கட்சி(சிபிஐ) மற்றும் ஏஐடியுசி சார்பில் அரசியல் சட்டத்தைப் பாதுகாப்போம், இந்தியாவைப் பாதுகாப்போம் என்ற முழக்கத்துடன் பிரசார இயக்கம் மேற்கொண்டுள்ள குழுவினருக்கு சனிக்கிழமை இரவு நாமக்கல்லில் வரவேற்பு அளிக்கப்பட்டது.
அரசியல் அமைப்புச் சட்டம் வகுத்தளித்த பேச்சுரிமை, எழுத்துரிமை, பொது இடங்களில் கூடும் உரிமை, சட்டத்தின் முன் அனைவரும் சமம், தீண்டாமை ஒழிப்பு, கல்வி, வேலைவாய்ப்பில் சம உரிமை, ஜாதி, இனம், மதம், பாலினம் சார்ந்த வேறுபாடின்மை ஆகிய அனைத்தும் நசுக்கப்பட்டு வருவதைக் கண்டித்து, பிரசார இயக்கம் நடத்தப்படுகிறது.
இதேபோல், இயற்கை வளங்கள், பொதுத்துறை நிறுவனங்கள், வேளாண்மை, வணிக நிறுவனங்கள், கைத்தறி உள்ளிட்ட சிறு, குறு தொழில்களுக்கு எதிரானவைகளை முன்வைத்தும் பிரசாரம் நடத்தப்படவுள்ளது.
மாநிலம் தழுவிய அளவில் கன்னியாகுமரி, தூத்துக்குடி, சென்னை, புதுச்சேரி, வேதாரண்யம், வேலூர் ஆகிய 6 முனைகளில் தொடங்கிய பிரசாரம், தமிழகம் முழுவதும் மக்களை சந்தித்து ஞாயிற்றுக்கிழமை அன்று திருப்பூரில் நிறைவுபெறும். அங்கு பொதுக்கூட்டம் நடைபெறுகிறது.
வேதாரண்யம் மற்றும் புதுச்சேரி பிராசரக் குழுவினர் சனிக்கிழமை பகலில் பெரம்பலூரில் இணைந்து இரவு நாமக்கல் வந்தனர். முன்னாள் எம்எல்ஏக்கள் கோ.பழனிசாமி, வை.சிவபுண்ணியம், முன்னாள் எம்பி எம்.செல்வராஜ் உள்ளிட்ட பல்வேறு நிர்வாகிகள் இடம்பெற்றிருந்த இந்த குழுவினருக்கு நாமக்கல் பூங்கா சாலையில் வரவேற்பு அளிக்கப்பட்டது.
கட்சியின் நாமக்கல் மாவட்ட செயலர் ஆர்.குழந்தான், நகரச் செயலர் என்.தம்பிராஜா உள்ளிட்ட நிர்வாகிகள் பங்கேற்று பிரசாரக் குழுவினரை வரவேற்றுப் பேசினர்.

]]>
http://www.dinamani.com/all-editions/edition-dharmapuri/namakkal/2018/sep/23/இந்திய-கம்யூ-பிரசாரக்-குழுக்கு-நாமக்கல்லில்-வரவேற்பு-3006199.html
3006198 தருமபுரி நாமக்கல் எஸ்எஸ்எம் பாலிடெக்னிக் கல்லூரியில் பேரிடர் மேலாண்மைப் பயிற்சி DIN DIN Sunday, September 23, 2018 05:05 AM +0530
குமாரபாளையம் எஸ்எஸ்எம் பாலிடெக்னிக் கல்லூரியில் பேரிடர் மேலாண்மை பயிற்சி மற்றும் செயல்விளக்கப் பயிற்சி முகாம் சனிக்கிழமை நடைபெற்றது.
நாட்டு நலப்பணித்திட்டம், தொழில்நுட்பக் கல்வி இயக்ககம் இணைந்து நடத்திய பாலிடெக்னிக் கல்லூரி மாணவ, மாணவியருக்கான இம் முகாமுக்கு கல்லூரித் தலைவர் எஸ்எஸ்எம்.பி.இளங்கோ தலைமை வகித்தார். முதல்வர் (பொ) ஜி.கே.பாலமுருகன் வரவேற்றார். துணைத் தலைவர் பி.இ.ஈஸ்வர், தாளாளர் பி.இ.புருஷோத்தமன் முன்னிலை வகித்தனர்.
குமாரபாளையம் தீயணைப்பு மற்றும் மீட்புப்பணி நிலைய அலுவலர் ஆர்.நல்லதுரை, பேரிடர் மேலாண்மை குறித்துப் பேசினார். பெரு வெள்ளம், தீ விபத்து, நிலநடுக்கம், சுனாமி போன்ற பேரிடர் காலங்களில் மேற்கொள்ள வேண்டிய முன்னெச்சரிக்கை நடவடிக்கைகள், பேரிடரில் பாதிக்கப்பட்டோரை மீட்கும் வழிமுறைகள் குறித்து தீயணைப்புப் படையினர் செயல் விளக்கம் அளித்தனர்.
கல்லூரி விரிவுரையாளர் ஆர். தனசேகர், பேரிடர் மீட்கப்படுவோருக்கு அளிக்கப்பட வேண்டிய முதலுதவி சிகிச்சை குறித்து விளக்கிப் பேசினார். கல்லூரி நிர்வாக அலுவலர் மீனாட்சி சுந்தரராஜ், நாட்டு நலப்பணித் திட்ட அலுவலர்கள் பி. முருகவேல், எம். மணிராஜ் மற்றும் பல்வேறு கல்லூரிகளைச் சேர்ந்த மாணவ, மாணவியர் கலந்து கொண்டனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/எஸ்எஸ்எம்-பாலிடெக்னிக்-கல்லூரியில்-பேரிடர்-மேலாண்மைப்-பயிற்சி-3006198.html
3006197 தருமபுரி நாமக்கல் தலைமலை சஞ்சீவிராய பெருமாள் கோயிலுக்கு சாலை வசதி செய்து தரக் கோரிக்கை DIN DIN Sunday, September 23, 2018 05:05 AM +0530
தலைமலை சஞ்சீவிராய பெருமாள் கோயிலுக்கு வாகனங்களில் சென்று வரும் வகையில், சாலை வசதி ஏற்படுத்திக் கொடுக்க வேண்டும் எனக் கோரிக்கை விடுக்கப்பட்டுள்ளது.
இதுகுறித்து தலைமலை சேவை அறக்கட்டளை நிர்வாக அறங்காவலர் எம். ராஜேஷ், சேந்தமங்கலம் எம்எல்ஏ சி. சந்திரசேகரனிடம் சனிக்கிழமை அளித்த கோரிக்கை மனு விவரம்:
சஞ்சீவி மூலிகைக்காக அனுமன் எடுத்துவந்த மலையின் தலைப்பகுதி பூமியில் விழுந்து உருவான மலை என பக்தர்களால் நம்பப்பபடும், சிறப்புவாய்ந்த தலைமலையில் உள்ள சஞ்சீவிராய பெருமாள் கோயிலை ஆன்மிக சுற்றுலாத் தலமாக அறிவிக்க வேண்டும்.
கடல் மட்டத்திலிருந்து 2,400 அடி உயரத்தில் உள்ள இந்தக் கோயிலுக்குச் செல்லும் வழியில் குடிநீர் வசதி, சரியான படிக்கட்டு வசதி, இரவு, அதிகாலை நேரத்தில் மலையேறும் பக்தர்களின் பாதுகாப்பு, மலையின் இயற்கை வளம் பாதுகாப்பு கருதி பாதையில் சூரிய ஒளி மின் விளக்கு வசதிகளை ஏற்படுத்திக்கொடுக்க வேண்டும்.
பெண் பக்தர்களின் நலன் கருதி மலைப்பாதையில் கழிப்பிட வசதி, படிக்கட்டுகளில் ஆபத்தான இடங்களில் கைப்பிடி வசதி, வழியில் நிழற்கூடங்கள், மலை மீதும், வழியிலும் அவசர, அடிப்படை முதலுதவி மருத்துவ சேவை வசதிகளை ஏற்படுத்திக் கொடுக்க வேண்டும். மலை உச்சியில் உள்ள கோயில் வரை வாகனத்தில் சென்று சுவாமி தரிசனம் செய்யும் வகையில், அடிவாரத்தில் இருந்து கோயில் வரை சாலை அமைத்துக் கொடுக்க அரசு நடவடிக்கை எடுக்க வேண்டும்.

 

]]>
http://www.dinamani.com/all-editions/edition-dharmapuri/namakkal/2018/sep/23/தலைமலை-சஞ்சீவிராய-பெருமாள்-கோயிலுக்கு-சாலை-வசதி-செய்து-தரக்-கோரிக்கை-3006197.html
3006196 தருமபுரி நாமக்கல் நிர்வாகிகள் தேர்வு DIN DIN Sunday, September 23, 2018 05:04 AM +0530
திருச்செங்கோடு போட்டோ வீடியோ ஒளிப்பதிவாளர் நலச் சங்கத்தின் 2019-2020 நிர்வாகிகள் தேர்தல் வெள்ளிக்கிழமை நடைபெற்றது.
தலைவராக பாலாஜி ஸ்டுடியோ ஜெயக்குமார், துணை தலைவராக குலோத்துங்கன், பொருளாளராக முருகேசன் உள்ளிட்டோர் தேர்ந்தெடுக்கப்பட்டனர். இவர்களுக்கான சான்றிதழைத் தேர்தல் நடத்தும் அலுவலர்கள் இதயத்துல்லா, பொன்னுசாமி ஆகியோர் அளித்தனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/நிர்வாகிகள்-தேர்வு-3006196.html
3006195 தருமபுரி நாமக்கல் அனைத்துக் கல்லூரி மாணவர்களையும் வாக்காளர் பட்டியலில் சேர்க்க நடவடிக்கை: கல்லூரி தூதுவர்களுக்குப் பயிற்சி DIN DIN Sunday, September 23, 2018 05:04 AM +0530
மாவட்டத்தில் உள்ள கல்லூரிகளில் பயிலும் தகுதியுடைய அனைத்து மாணவ, மாணவியரையும் வாக்காளர் பட்டியலில் சேர்க்கும் பணிகளில் கல்லூரி தூதுவர்கள் ஈடுபட வேண்டும் என மாவட்ட ஆட்சியர் மு. ஆசியா மரியம் வேண்டுகோள் விடுத்துள்ளார்.
நாமக்கல் மாவட்ட ஆட்சியர் அலுவலகக் கூட்ட அரங்கில் வாக்காளர் பட்டியல் பெயர் சேர்ப்புப் பணியை மேற்கொள்வதற்காகக் கல்லூரி தூதுவர்களுக்கான செயல்விளக்கக் கூட்டம் ஆட்சியர் மு. ஆசியா மரியம் தலைமையில் வெள்ளிக்கிழமை நடைபெற்றது.
இக் கூட்டத்தில் வாக்காளர் பட்டியலில் புதிதாக வாக்காளர்களை இணையதளத்தின் மூலம் சேர்ப்பது குறித்துத் தேர்தல் பிரிவு கணினி அலுவலர்கள் கல்லூரி தூதுவர்களுக்குப் பயிற்சி அளித்தனர். இக் கூட்டத்தில் ஆட்சியர் பேசியது:
நாமக்கல் மாவட்டத்தில் வாக்காளர் பட்டியல் சிறப்பு சுருக்கமுறைத் திருத்தப் பணிகள் கடந்த 1-ஆம் தேதி முதல் நடைபெற்று வருகின்றன. இந்தப் பணிகளின்போது நாமக்கல் மாவட்டத்தில் உள்ள வாக்காளர் பட்டியலில் பெயர் சேர்க்கத் தகுதியுள்ள அனைத்து மாணவ, மாணவியர்களையும் இணையதளம் வாயிலாகப் பதிவு செய்ய பயிற்சி அளிக்கப்பட்டுள்ளது.
இந்தப் பணிகளில் நாமக்கல் மாவட்டத்திலுள்ள 54 கல்லூரிகளைச் சேர்ந்த கல்லூரி தூதுவர்கள் ஈடுபட உள்ளனர். நாமக்கல் மாவட்டத்தில் உள்ள கல்லூரிகளில் பயிலும் பல்வேறு மாவட்டங்களைச் சேர்ந்த மாணவ, மாணவியர்களையும் வாக்காளர் பட்டியலில் சேர்க்க வேண்டும்.
அனைத்துக் கல்லூரிகளிலும் பயிலும் தகுதியுள்ள மாணவ, மாணவியர்களை நூறு சதவீதம் சேர்க்க வேண்டும் என்றார்.
நாமக்கல் சார் ஆட்சியர் சு.கிராந்தி குமார் பதி, மாவட்ட ஆட்சியரின் நேர்முக உதவியாளர்(பொது) பால்பிரின்லி ராஜ்குமார், மாவட்ட பிற்படுத்தப்பட்டோர் நல அலுவலர் கண்ணன் உள்பட அனைத்து கல்லூரிகளைச் சேர்ந்த கல்லூரி தூதுவர்கள், அலுவலர்கள் கலந்துகொண்டனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/அனைத்துக்-கல்லூரி-மாணவர்களையும்-வாக்காளர்-பட்டியலில்-சேர்க்க-நடவடிக்கை-கல்லூரி-தூதுவர்களுக்குப்-பயி-3006195.html
3006194 தருமபுரி நாமக்கல் டாஸ்மாக் கடையை அகற்றக் கோரி ஆர்ப்பாட்டம் DIN DIN Sunday, September 23, 2018 05:04 AM +0530
திருச்செங்கோட்டை அடுத்த மல்லசமுத்திரம் பகுதியில் குடியிருப்புகளுக்கு நடுவில் இரண்டு நாள்களுக்கு முன் புதிதாகத் திறக்கப்பட்ட டாஸ்மாக் கடையை மூட வலியுறுத்தி பொதுமக்கள், பாமக-வினர் டாஸ்மாக் கடை முன் சனிக்கிழமை கண்டன ஆர்ப்பாட்டத்தில் ஈடுபட்டனர்.
மல்லசமுத்திரம் பகுதியில் இரண்டு தினங்களுக்கு முன் குடியிருப்புகளுக்கு மத்தியில் தனியாருக்குச் சொந்தமான இடத்தில் டாஸ்மாக் கடை திறக்கப்பட்டது.
இதனால் அந்தப் பகுதியில் குடியிருக்கும் பெண்கள், குழந்தைகளுக்குப் பாதுகாப்பு இல்லாத சூழ்நிலை உள்ளதால் மக்கள் கடையை அகற்றக் கோரியும், சாலைக்கு அருகில் உள்ளதால் விபத்து ஏற்பட வாய்ப்புள்ளதால் கடையை அகற்ற வலியுறுத்தியும் அப்பகுதி மக்கள், பாமகவினர் சனிக்கிழமை கண்டன ஆர்ப்பாட்டத்தில் ஈடுபட்டனர்.
இதில், பாமக மாவட்ட துணைச் செயலாளர் மாணிக்கம் தலைமை வகித்தார். மல்லசமுத்திரம் பாமக ஒன்றியச் செயலாளர் ராஜமாணிக்கம், நிர்வாகிகள் கலந்து கொண்டனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/டாஸ்மாக்-கடையை-அகற்றக்-கோரி-ஆர்ப்பாட்டம்-3006194.html
3006193 தருமபுரி நாமக்கல் அக்.2-இல் காந்தி சிலைக்கு கள் படையல்: செ.நல்லசாமி DIN DIN Sunday, September 23, 2018 05:03 AM +0530
கள் இறக்க அனுமதி வழங்கக்கோரி வரும் அக்டோபர் 2 ஆம் தேதி காந்தி ஜயந்தி அன்று சென்னையில் மகாத்மா காந்தி சிலைக்கு கள் படையல் வைத்து வழிபாடு நடத்தும் போராட்டம் நடத்தப்படும் என தமிழ்நாடு கள் இயக்க ஒருங்கிணைப்பாளர் செ.நல்லசாமி தெரிவித்தார்.
நாமக்கல்லில் அவர் செய்தியாளர்களுக்கு சனிக்கிழமை மாலை அளித்த பேட்டி: கள் இறக்குவதும், பருகுவதும் உணவு தேடும் உரிமை என அரசியல் சட்டம் கூறுகிறது. பிகாரில் 2 ஆண்டுகளுக்கு முன்பு பூரண மதுவிலக்கு அமல்படுத்தப்பட்டபோதும் கள் விற்பனைக்கு தடை விதிக்கப்படவில்லை.
தமிழகத்தில் கள் இறக்க அனுமதி அளிக்க வேண்டும் என வலியுறுத்தி, வரும் அக்டோபர் 2 ஆம் தேதி காந்தி ஜயந்தி அன்று, சென்னை கடற்கரை சாலையில் உள்ள காந்தி சிலையின் கீழ் கள் படையல் வைத்து வழிபாடு நடத்தும் போராட்டத்தை நடத்த உள்ளோம்.
அதே நாளில் பூரண மதுவிலக்கு கோரி சென்னையில் உண்ணாவிரதப் போராட்டம் நடத்தப் போவதாக காங்கிரஸ் கட்சி மூத்த தலைவர் குமரி ஆனந்தன் அறிவித்துள்ளார்.
குமரி ஆனந்தன் விவாதத்திற்கு தயார் என்றால், நாங்களும் விவாதத்திற்கு தயாராக இருக்கிறோம். அக்டோபர் 2 ஆம் தேதி அன்று போராட்டத்தைக் கைவிட்டு சென்னையில் விவாதத்தை வைத்துக்கொள்ளலாம். அதில் கள் போதைப்பொருள் என குமரிஆனந்தன் நிரூபித்துவிட்டால் கள் இயக்கத்தை கலைத்து விடுகிறோம்.
அமெரிக்கா, பிரேசில் போன்ற நாடுகளில் பெட்ரோல், டீசலில் 85 சதவீதம் அளவுக்கு எத்தனால் கலக்கப்படுகிறது. இந்தியாவில் வாஜ்பாய் பிரதமராக இருந்தபோது 5 சதவீதம் அளவுக்கு எத்தனால் கலக்கப்படும் என அறிவிக்கப்பட்டது. ஆனால் இதுவரை நடைமுறைக்கு வரவில்லை.
இந்தியாவின் சர்க்கரை தேவை 2.50 கோடி டன். ஆனால், கடந்த ஆண்டில் 3.20 கோடி டன் அளவுக்கு உற்பத்தியானது. நிகழாண்டில் ஆண்டில் 3.55 டன்னாக அதிகரிக்க வாய்ப்புள்ளது. உற்பத்தி அதிகரிப்பால் சர்க்கரை விற்பனையாகாத நிலையில், ஆலைகள் கரும்பு விவசாயிகளுக்கு பணம் வழங்காமல் பல ஆயிரம் கோடி ரூபாய் பாக்கி வைத்துள்ளன.
இந்த நிலை மாற, இந்தியாவில் உள்ள சர்க்கரை ஆலைகளில் சரிபாதி எண்ணிக்கையிலான ஆலைகளை எத்தனால் ஆலைகளாக மாற்ற வேண்டும். மேலும் வாகன எரிபொருள்களுடன் எத்தனால் கலக்க வேண்டும். இதன் மூலம் எரிபொருள் இறக்குமதி முற்றிலும் தவிர்க்கப்படும். இந்தியா வல்லரசாகும். ஆனால் ஆட்சியாளர்கள் தங்களின் சுய லாபத்துக்காக இதனை செய்ய மறுத்து வருகின்றனர்.
நிலத்தடி நீர் மட்டம் 1,000 அடிக்கும் கீழ் சென்றுவிட்ட நிலையில், நீரை செறிவூட்ட வேண்டியது காலத்தின் கட்டாயம் என்பதை ஆட்சியாளர்கள் உணர வேண்டும். மேட்டூர் அணை உபரி நீரை, திருமணிமுத்தாறு, சரபங்கா, வசிஷ்ட நதிகளுடன் இணைக்கும் திட்டத்தைச் செயல்படுத்த வேண்டும். மேலும் தமிழகம் முழுவதும் உள்ள அனைத்து ஏரி, குளங்களையும் ஆறுகளுடன் இணைக்கும் திட்டத்தைச் செயல்படுத்த வேண்டும் என்றார்.

 

]]>
http://www.dinamani.com/all-editions/edition-dharmapuri/namakkal/2018/sep/23/அக்2-இல்-காந்தி-சிலைக்கு-கள்-படையல்-செநல்லசாமி-3006193.html
3006192 தருமபுரி நாமக்கல் இந்திய கம்யூனிஸ்ட் பிரசாரக் குழு ராசிபுரம் வருகை DIN DIN Sunday, September 23, 2018 05:03 AM +0530
மத்திய, மாநில அரசின் மக்கள் விரோத கொள்கைகள் குறித்து பிரசாரம் மேற்கொள்ளும் இந்திய கம்யூனிஸ்ட் கட்சி, ஏஐடியூசி நிர்வாகிகள் கொண்ட பிரசாரக் குழு சனிக்கிழமை ராசிபுரம் வந்தது.
இக் குழு ராசிபுரம் அரசு போக்குவரத்துக் கழகப் பணிமனை முன் தொழிலாளர்களிடம் பிரசாரம் செய்தனர். அதைத் தொடர்ந்து புதிய பேருந்து நிலையம் முன் டீசல், பெட்ரோல் விலையைக் கட்டுப்படுத்த தவறிய மத்திய, மாநில அரசுகளுக்கு எதிராகப் பேசினர். இதில், சிபிஐ., நகரச் செயலர் எஸ். மணிமாறன் தலைமை வகித்தார்.
மாநில நிர்வாகக் குழு உறுப்பினர் டி.லெனின், ஏஐடியூசி மாநில செயலர்கள் எஸ்.சின்னுசாமி, ராதாகிருஷ்ணன், துணைத் தலைவர் சங்கையை உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/இந்திய-கம்யூனிஸ்ட்-பிரசாரக்-குழு-ராசிபுரம்-வருகை-3006192.html
3006191 தருமபுரி நாமக்கல் நாளை வகுரம்பட்டி கிராமத்தில் தூய்மையை சேவை விழிப்புணர்வு DIN DIN Sunday, September 23, 2018 05:03 AM +0530
நாமக்கல் மாவட்ட முன்னாள் படைவீரர்கள் பங்கேற்கும் தூய்மையே சேவை விழிப்புணர்வுப் பணி வகுரம்பட்டி கிராமத்தில் வரும் திங்கள்கிழமை நடைபெறவுள்ளது.
இதுகுறித்து மாவட்ட ஆட்சியர் வெளியிட்ட செய்திக்குறிப்பு: மகாத்மா காந்தியின் 150ஆவது பிறந்த தினத்தை முன்னிட்டு நாடு முழுவதும் கடந்த 15 ஆம் முதல் அக்டோபர் 2-ஆம் தேதி வரை தூய்மையே சேவை திட்டம் துவங்கப்பட்டு தூய்மை குறித்த விழிப்புணர்வு ஏற்படுத்தப்பட்டு வருகிறது. நாடு முழுவதும் உள்ள மாவட்ட முன்னாள் படைவீரர்கள், படைவீரர்கள் நல அலுவலகம் மூலம் அந்தந்த மாவட்டங்களில் மாவட்ட நிர்வாகத்தின் உதவியுடன் ஒரு கிராமத்தைத் தேர்வு செய்து மாவட்ட அளவிலான இதரத் துறைகளின் ஒத்துழைப்புடன் கிராமத்தில் தூய்மைப் பணி மேற்கொண்டு முன்னுதாரணமானக் கிரமமாக மாற்றப்படவுள்ளது.
அதனடிப்படையில் முன்னாள் படை வீரர்கள் நாமக்கல் அருகே வகுரம்பட்டி கிராமத்தில் மாவட்ட முன்னாள் படைவீரர் நல உதவி இயக்குநருடன் இணைந்து தூய்மையே சேவை திட்டத்தில் பங்கேற்று தூய்மைப் பணியினை மேற்கொள்ளவுள்ளனர். இந் நிகழ்ச்சியில் பொதுமக்கள் மற்றும் பள்ளி மாணவ, மாணவியர் பங்கேற்று தூய்மை குறித்த விழிப்புணர்வைப் பெற வேண்டும்.

 

]]>
http://www.dinamani.com/all-editions/edition-dharmapuri/namakkal/2018/sep/23/நாளை-வகுரம்பட்டி-கிராமத்தில்-தூய்மையை-சேவை-விழிப்புணர்வு-3006191.html
3006190 தருமபுரி நாமக்கல் நைனாமலை வரதராஜ பெருமாள் கோயிலில் புரட்டாசி மாத திருவிழா DIN DIN Sunday, September 23, 2018 05:03 AM +0530
புரட்டாசி மாத முதல் சனிக்கிழமையையொட்டி சேந்தமங்கலம் அருகே நைனாமலை வரதராஜ பெருமாள் கோயிலுக்கு ஏராளமான பக்தர்கள் குவிந்தனர்.
சேந்தமங்கலம் அருகே நைனாமலை வரதராஜ பெருமாள் கோயிலில் நிகழ் ஆண்டு புரட்டாசி மாத திருவிழா கடந்த வாரம் தொடங்கியது. அக்டோபர் 13-ஆம் தேதி வரை ஒவ்வொரு சனிக்கிழமையும் சிறப்பு பூஜைகள் நடைபெறுகின்றன.
மலை அடிவாரத்திலிருந்து சுமார் 4 கி.மீ தொலைவில் மலைப் பகுதியில் அமைந்துள்ள பெருமாள் கோயிலுக்குச் செல்ல 3,600 படிக்கட்டுகளைக் கடந்து செல்ல வேண்டும்.
இதனால், வெளி மாவட்டங்களிலிருந்து வரும் பக்தர்கள் அடிவாரத்தில் வெள்ளிக்கிழமை இரவே தங்கி மறுநாள் காலையில் பெருமாளை தரிசித்து விட்டு கீழே இறங்குகின்றனர்.
மலையேற முடியாத பக்தர்கள் அடிவாரத்தில் பெருமாளை நோக்கி வணங்கி நிற்கும் பக்த ஆஞ்சநேயரை வணங்கிச் சென்றனர். அத்துடன் ஆஞ்சநேயருக்கு நெய் தீபம் ஏற்றியும் வழிபட்டனர். பக்தர்கள் பாதுகாப்புக் கருதி அடிவாரத்தில் 8 இடங்களில் சேந்தமங்கலம் போலீஸார் கண்காணிப்பு கேமரா வைத்துக் கண்காணித்து வருகின்றனர்.
அத்துடன் பக்தர்கள் முதலுதவி பெறுவதற்காக வினைத் தீர்த்தபுரம் மருத்துவ குழுவினர் முகாம் அமைத்துள்ளனர். அதேபோல நாமக்கல்லிருந்து தீயணைப்புப் படையினரும் அவசர உதவிக்காக முகாமிட்டுள்ளனர்.
முதல் புரட்டாசி சனிக்கிழமையையொட்டி பக்தர்கள் நீண்ட வரிசையில் காத்திருந்து பக்த ஆஞ்சநேயரை வணங்கிச் சென்றனர்.
பரமத்தி வேலூர் பகுதிகளில் சனிபிரதோஷ வழிபாடு
பரமத்திவேலூர் சுற்றுவட்டாரப் பகுதிகளில் உள்ள சிவன் கோயில்களில் சனி பிரதோஷ வழிபாடு மற்றும் பேட்டை மீனாட்சி சுந்தரேஷ்வரர் கோயிலில் 108 சங்காபிஷேகம் சனிக்கிழமை நடைபெற்றது.
பாண்டமங்கலம் புதிய காசி விஸ்வநாதர், கபிலர்மலை சிவபுரத்தில் உள்ள சிவன் கோயில், நன்செய் இடையாறு திருவேலீஸ்வரர் கோயில், மாவுரெட்டி பீமேஷ்வரர் கோயில், பில்லூர் வீரட்டீஸ்வரர், பொத்தனூர் காசி விஸ்வநாதர், சக்திவிநாயகர், பேட்டையில் உள்ள மீனாட்சி சுந்தரேஸ்வரர் ஆகிய கோயில்களில் உள்ள நந்திகேஸ்வரருக்கு சனி பிரதோஷத்தை முன்னிட்டு சிறப்பு அபிஷேக, ஆராதனைகளும், சிறப்பு அலங்காரமும் நடைபெற்றன. பேட்டை மீனாட்சி சுந்தரேஷ்வர் கோயிலில் 108 சங்காபிஷேகமும் நடைபெற்றது. இதில், அந்தந்தப் பகுதிகளைச் சேர்ந்த ஏராளமான பக்தர்கள் கலந்து கொண்டு தரிசனம் செய்தனர்.
ராசிபுரம்பாவை கல்வி நிறுவனங்கள்-அரிமா அறக்கட்டளை சார்பில் உயர் கல்வி பயிலும் மாணவ, மாணவியர்களுக்கு நிதியுதவி வழங்கும் விழா- தலைமை- என்.வி.நடராஜன். ஜே.ஆர்.டாடா ஹால், காலை 10.
ஆர்.புதுப்பாளையம்
அரசு மேல்நிலைப் பள்ளி என்எஸ்எஸ் திட்ட முகாம் துவக்க விழா- தலைமை - தலைமையாசிரியர் மு.ஆ.உதயகுமார். மாவட்ட முதன்மை கல்வி அலுவலர் ப.உஷா பங்கேற்பு, பள்ளி வளாகம்,
காலை 10.

]]>
http://www.dinamani.com/all-editions/edition-dharmapuri/namakkal/2018/sep/23/நைனாமலை-வரதராஜ-பெருமாள்-கோயிலில்-புரட்டாசி-மாத-திருவிழா-3006190.html
3006102 தருமபுரி நாமக்கல் வரதராஜ பெருமாள் கோயிலில் புரட்டாசி மாத திருவிழா DIN DIN Sunday, September 23, 2018 03:18 AM +0530
புரட்டாசி மாத முதல் சனிக்கிழமையையொட்டி சேந்தமங்கலம் அருகே நைனாமலை வரதராஜ பெருமாள் கோயிலுக்கு ஏராளமான பக்தர்கள் குவிந்தனர்.
சேந்தமங்கலம் அருகே நைனாமலை வரதராஜ பெருமாள் கோயிலில் நிகழ் ஆண்டு புரட்டாசி மாத திருவிழா கடந்த வாரம் தொடங்கியது. அக்டோபர் 13-ஆம் தேதி வரை ஒவ்வொரு சனிக்கிழமையும் சிறப்பு பூஜைகள் நடைபெறுகின்றன. மலை அடிவாரத்திலிருந்து சுமார் 4 கி.மீ தொலைவில் மலைப் பகுதியில் அமைந்துள்ள பெருமாள் கோயிலுக்குச் செல்ல 3,600 படிக்கட்டுகளைக் கடந்து செல்ல வேண்டும்.இதனால், வெளி மாவட்டங்களிலிருந்து வரும் பக்தர்கள் அடிவாரத்தில் வெள்ளிக்கிழமை இரவே தங்கி மறுநாள் காலையில் பெருமாளை தரிசித்து விட்டு கீழே இறங்குகின்றனர்.
மலையேற முடியாத பக்தர்கள் அடிவாரத்தில் பெருமாளை நோக்கி வணங்கி நிற்கும் பக்த ஆஞ்சநேயரை வணங்கிச் சென்றனர். அத்துடன் ஆஞ்சநேயருக்கு நெய் தீபம் ஏற்றியும் வழிபட்டனர். பக்தர்கள் பாதுகாப்புக் கருதி அடிவாரத்தில் 8 இடங்களில் சேந்தமங்கலம் போலீஸார் கண்காணிப்பு கேமரா வைத்துக் கண்காணித்து வருகின்றனர்.
அத்துடன் பக்தர்கள் முதலுதவி பெறுவதற்காக வினைத் தீர்த்தபுரம் மருத்துவ குழுவினர் முகாம் அமைத்துள்ளனர். அதேபோல நாமக்கல்லிருந்து தீயணைப்புப் படையினரும் அவசர உதவிக்காக முகாமிட்டுள்ளனர்.
முதல் புரட்டாசி சனிக்கிழமையையொட்டி பக்தர்கள் நீண்ட வரிசையில் காத்திருந்து பக்த ஆஞ்சநேயரை வணங்கிச் சென்றனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/வரதராஜ-பெருமாள்-கோயிலில்-புரட்டாசி-மாத-திருவிழா-3006102.html
3006098 தருமபுரி நாமக்கல் தலைமலைக்கு சிறப்புப் பேருந்து: எம்எல்ஏ சந்திரசேகரன் தொடங்கி வைத்தார் DIN DIN Sunday, September 23, 2018 03:17 AM +0530  


புரட்டாசி மாதத்தை முன்னிட்டு தலைமலைக்கு சிறப்புப் பேருந்து சேவையை சேந்தமங்கலம் எம்எல்ஏ சி. சந்திரசேகரன் தொடங்கி வைத்தார்.
நாமக்கல் மாவட்டம், எருமப்பட்டி அருகே தலைமலையில் சஞ்சீவிராய பெருமாள் கோயில் உள்ளது. புரட்டாசி மாதத்தில் சனிக்கிழமைகளில் இக்கோயிலுக்கு தமிழகத்தின் பல்வேறு பகுதிகளிலிருந்து ஏராளமான பக்தர்கள் வந்து செல்கின்றனர். மலை அடிவாரமான வடவத்தூரிலிருந்து சஞ்சீவிபுரத்துக்குப் போதிய போக்குவரத்து வசதியின்றி பக்தர்கள் சிரமப்பட்டு வந்தனர்.
இதையடுத்து இம் மாதத்தில் வெள்ளி, சனிக்கிழமைகளில் சிறப்புப் பேருந்து இயக்க வேண்டும் என சேந்தமங்கலம் எம்எல்ஏ சி. சந்திரசேகரனிடம் தலைமலை சேவை அறக்கட்டளை சார்பில் கோரிக்கை மனு அளிக்கப்பட்டது. இதையடுத்து அவர் பரிந்துரையின்பேரில் எருமப்பட்டியிலிருந்து வடவத்தூர் சஞ்சீவிபுரத்துக்கு சிறப்புப் பேருந்து இயக்க போக்குவரத்துத் துறை சார்பில் நடவடிக்கை மேற்கொள்ளப்பட்டது.
இதன் தொடக்க விழா எருமப்பட்டியில் சனிக்கிழமை காலை நடைபெற்றது. சிறப்புப் பேருந்தை எம்எல்ஏ சி. சந்திரசேகரன் கொடியசைத்துத் தொடக்கி வைத்தார். இதில் ஒன்றியச் செயலர்கள் ஜெகதீசன், வரதராஜன், பேரூர் செயலர் பாலு, அறக்கட்டளை அறங்காவலர் ராஜேஷ், பொருளாளர் கர்ணன், நிர்வாகிகள் நடேசன், கார்த்திக், ராஜா, தனசேகரன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/sep/23/தலைமலைக்கு-சிறப்புப்-பேருந்து-எம்எல்ஏ-சந்திரசேகரன்-தொடங்கி-வைத்தார்-3006098.html
3006097 தருமபுரி நாமக்கல் தலைமலைசஞ்சீவிராய பெருமாள் கோயிலுக்கு  சாலை வசதி செய்து கொடுக்கக் கோரிக்கை DIN DIN Sunday, September 23, 2018 03:16 AM +0530
தலைமலை சஞ்சீவிராய பெருமாள் கோயிலுக்கு வாகனங்களில் சென்று வரும் வகையில், சாலை வசதி ஏற்படுத்திக் கொடுக்க வேண்டும் எனக் கோரிக்கை விடுக்கப்பட்டுள்ளது.
இதுகுறித்து தலைமலை சேவை அறக்கட்டளை நிர்வாக அறங்காவலர் எம். ராஜேஷ், சேந்தமங்கலம் எம்எல்ஏ சி. சந்திரசேகரனிடம் சனிக்கிழமை அளித்த கோரிக்கை மனு விவரம்:
சஞ்சீவி மூலிகைக்காக அனுமன் எடுத்துவந்த மலையின் தலைப்பகுதி பூமியில் விழுந்து உருவான மலை என பக்தர்களால் நம்பப்பபடும், சிறப்புவாய்ந்த தலைமலையில் உள்ள சஞ்சீவிராய பெருமாள் கோயிலை ஆன்மிக சுற்றுலாத் தலமாக அறிவிக்க வேண்டும்.
கடல் மட்டத்திலிருந்து 2,400 அடி உயரத்தில் உள்ள இந்தக் கோயிலுக்குச் செல்லும் வழியில் குடிநீர் வசதி, சரியான படிக்கட்டு வசதி, இரவு, அதிகாலை நேரத்தில் மலையேறும் பக்தர்களின் பாதுகாப்பு, மலையின் இயற்கை வளம் பாதுகாப்பு கருதி பாதையில் சூரிய ஒளி மின் விளக்கு வசதிகளை ஏற்படுத்திக்கொடுக்க வேண்டும்.
பெண் பக்தர்களின் நலன் கருதி மலைப்பாதையில் கழிப்பிட வசதி, படிக்கட்டுகளில் ஆபத்தான இடங்களில் கைப்பிடி வசதி, வழியில் நிழற்கூடங்கள், மலை மீதும், வழியிலும் அவசர, அடிப்படை முதலுதவி மருத்துவ சேவை வசதிகளை ஏற்படுத்திக் கொடுக்க வேண்டும். மலை உச்சியில் உள்ள கோயில் வரை வாகனத்தில் சென்று சுவாமி தரிசனம் செய்யும் வகையில், அடிவாரத்தில் இருந்து கோயில் வரை சாலை அமைத்துக் கொடுக்க அரசு நடவடிக்கை எடுக்க வேண்டும்.

 

]]>
http://www.dinamani.com/all-editions/edition-dharmapuri/namakkal/2018/sep/23/தலைமலைசஞ்சீவிராய-பெருமாள்-கோயிலுக்கு--சாலை-வசதி-செய்து-கொடுக்கக்-கோரிக்கை-3006097.html
3005908 தருமபுரி நாமக்கல் வெளிநாடுகளில் இருந்து மணல் இறக்குமதி செய்ய தனியாருக்கு அனுமதி: செல்ல ராசாமணி வலியுறுத்தல் DIN DIN Sunday, September 23, 2018 01:17 AM +0530
கட்டுமானப் பணிகளுக்கு குறைந்த விலையில் மணல் கிடைத்திட வெளிநாடுகளில் இருந்து மணல் இறக்குமதி செய்து, நேரடியாக விற்பனை செய்ய தனியார் நிறுவனங்களுக்கு அனுமதி அளிக்க வேண்டும் என தமிழ்நாடு மணல் லாரி உரிமையாளர்கள் சம்மேளனத் தலைவர் செல்ல ராசாமணி வலியுறுத்தினார்.
இதுகுறித்து அவர் அரசு மணல்குவாரிகள் இயக்க திட்ட இயக்குநர் அருண் தம்புராஜுக்கு அனுப்பிய மனு விவரம்: புதுக்கோட்டையைச் சேர்ந்த தனியார் நிறுவனத்தால் மலேசியாவில் இருந்து இறக்குமதி செய்யப்பட்ட 50,000 டன் மணலை, தமிழக அரசு யூனிட்டுக்கு ரூ.2,050 கொடுத்து அந்த நிறுவனத்திடம் இருந்து பெற்றுக்கொள்ள வேண்டும் என உச்சநீதிமன்றம் உத்தரவிட்டுள்ளது.
இந் நிலையில், இப்போது தமிழக அரசு வெளியிட்ட அறிவிப்பில் இந்த மணலை லாரிகள் யூனிட்டுக்கு ரூ.9,990 செலுத்தி பெற்றுக் கொள்ளலாம் என அறிவித்துள்ளது. அரசு மணல் குவாரிகளில் 1 யூனிட் மணல் ரூ.1,330-க்கு விற்பனை செய்யப்படும் நிலையில், இறக்குமதி மணலுக்கு 1 யூனிட் ரூ.9,990 என விலை நிர்ணயம் செய்யப்பட்டிருப்பது அதிர்ச்சியை ஏற்படுத்தியுள்ளது.
மேலும், தூத்துக்குடியில் ரூ.9,990-க்கு வாங்கி, தமிழகத்தின் பிற பகுதிகளுக்கு எடுத்துச் சென்றால், 1 யூனிட் ரூ.20,000-க்கு விற்க வேண்டிய நிலை ஏற்படும். இதனால் கட்டுமானத் தொழில் கடுமையாகப் பாதிக்கப்படும் நிலை ஏற்படும்.
லாரி உரிமையாளர்கள், கட்டுமானத் தொழிலில் தொடர்புடையவர்களின் வாழ்வாதாரத்தைப் பாதுகாத்திடவும், பொதுமக்களுக்கு குறைந்த விலையில் மணல் கிடைக்கவும் தமிழக முதல்வர் அறிவித்தபடி 70 மணல் குவாரிகளை உடனடியாக திறக்க வேண்டும். இப்போது நாமக்கல் மாவட்டம் குன்னிபாளையத்தில் மட்டுமே மணல் குவாரி இயங்கி வருகிறது.
தமிழகத்தில் மணல் விலை குறைய, வெளிநாடுகளில் மணல் இறக்குமதி செய்துகொள்ள விண்ணப்பிக்கும் அனைவருக்கும் அனுமதி அளிக்க வேண்டும்.
மணலின் தரத்தை மட்டும் பொதுப்பணித் துறை அதிகாரிகள் ஆய்வு செய்து, தரமான மணலாக இருந்தால் விற்பனைக்கு அனுமதி அளிக்கலாம். சில்லரை விற்பனையை இறக்குமதி செய்யும் தனியார் நிறுவனங்களே மேற்கொள்ள அனுமதி அளிக்க வேண்டும் எனத் தெரிவிக்கப்பட்டுள்ளது.

 

]]>
http://www.dinamani.com/all-editions/edition-dharmapuri/namakkal/2018/sep/23/வெளிநாடுகளில்-இருந்து-மணல்-இறக்குமதி-செய்ய-தனியாருக்கு-அனுமதி-செல்ல-ராசாமணி-வலியுறுத்தல்-3005908.html
3005477 தருமபுரி நாமக்கல் பள்ளிபாளையத்தில் கள்ள ரூபாய் நோட்டு அச்சடித்த 4 பேர் கைது DIN DIN Saturday, September 22, 2018 08:13 AM +0530 பள்ளிபாளையத்தில் கள்ள ரூபாய் நோட்டுகளை அச்சடித்துப் புழக்கத்தில் விட முயன்ற 4 பேரை போலீஸார் வெள்ளிக்கிழமை கைது செய்தனர். 
 நாமக்கல் மாவட்டம்,  பள்ளிபாளையம் அருகே பாப்பம்பாளையத்தைச் சேர்ந்தவர் சுகுமார்(43).  கடந்த 8 ஆண்டுகளாக பிவிசி குழாய் தயாரிக்கும் நிறுவனத்தை நடத்தி வந்த இவர், தொழிலில் பல லட்சம் ரூபாய் நஷ்டம் அடைந்து, தொழிலை தொடர்ந்து நடத்த முடியாத நிலையில் உள்ளார். 
 சுகுமார் தனது நிறுவனத்தில் எலக்ட்ரிக்கல் வேலை செய்ததற்காக ஈரோடு மாணிக்கம்பாளையத்தைச் சேர்ந்த ரமேஷ் ( 28) என்பவருக்கு தர வேண்டிய ரூ.80,000-த்தை தராமல் காலம் தாழ்த்தி வந்துள்ளார். 
 இந்த நிலையில்,  வெள்ளிக்கிழமை காலை பணத்தைக் கேட்டு சுகுமார் வீட்டுக்கு ரமேஷ் சென்றுள்ளார்.  அப்போது அங்கு அசல் 100 ரூபாய் தாளை ஸ்கேன் செய்து,  கள்ள ரூபாய் நோட்டுகள் அச்சடித்ததைப் பார்த்துள்ளார்.  மேலும், ரமேஷுக்கு தர வேண்டியப் பணத்துக்கு ஏற்கெனவே அச்சடித்து வைத்துள்ள கள்ள ரூபாய் நோட்டுகளை சுகுமார் கொடுத்துள்ளார்.  இதனை வாங்க மறுத்த ரமேஷ், பள்ளிபாளையம் காவல் நிலையத்தில் புகார் அளித்தார். 
 உடனடியாக பாப்பம்பாளையம் பாரதி நகரில் உள்ள சுகுமார் வீட்டுக்குச் சென்ற காவல் ஆய்வாளர் வி.பாலமுருகன்,  உதவிக் காவல் ஆய்வாளர் பி.வெற்றிவேல் ஆகியோர் வீட்டில் சோதனையிட்டனர்.  அப்போது அங்கு 100 ரூபாய் நோட்டுகள் அச்சடித்து வைக்கப்பட்டிருந்தன.  இதையடுத்து,  வீட்டில் இருந்த சுகுமார் உள்ளிட்ட 4 பேரைப் பிடித்து போலீஸார் விசாரணை நடத்தினர். 
 விசாரணையில்,  தொழிலில் பல லட்சம் நஷ்டம் ஏற்பட்ட நிலையில், கடனில் தவித்த சுகுமார்,  தான் டீ குடிக்கச் செல்லும் பள்ளிபாளையம் கண்டிபுதூர் பஜனை மடத் தெருவைச் சேர்ந்த டீக் கடை உரிமையாளரான நாகூர் பானு (33) என்பவரிடம் கடனை அடைக்க ஆலோசனை கேட்டாராம். 
 அவர் தெரிவித்த ஆலோசனையின்படியே சுகுமார் வீட்டில் வைத்து கள்ள ரூபாய் நோட்டு அச்சடிக்கத் திட்டமிட்டு,  வியாழக்கிழமை காலை முதல் கள்ள ரூபாய் நோட்டுகளை அச்சடிக்கத் தொடங்கியுள்ளனர்.  ஆலாம்பாளையம் பொன்னி நகரைச் சேர்ந்த ரமேஷ் (31),  ஆவாரங்காடு காந்திபுரம் முதல் வீதியைச் சேர்ந்த சக்தி என்ற சந்திரசேகரன்(22) ஆகியோர் இதற்கு உதவியாக இருந்தது தெரியவந்தது.  மேலும் 4 பேருக்குமே கடன் பிரச்னை இருந்ததால்,  கடனை அடைக்க கள்ள ரூபாய் நோட்டுகளை அச்சடித்ததும் போலீஸ் விசாரணையில் தெரியவந்தது.   அச்சடிக்கப்பட்ட 100 ரூபாய் கள்ள நோட்டுகள், அச்சடிப்பதற்குப் பயன்படுத்திய இயந்திரம்,  தாள்கள் ஆகியவற்றை பறிமுதல் செய்த போலீஸார்,  4 பேரையும் கைது செய்து நீதிமன்றத்தில் ஆஜர்படுத்தி, சேலம் மத்திய சிறையில் அடைத்தனர்.


 

]]>
http://www.dinamani.com/all-editions/edition-dharmapuri/namakkal/2018/sep/22/பள்ளிபாளையத்தில்-கள்ள-ரூபாய்-நோட்டு-அச்சடித்த-4-பேர்-கைது-3005477.html
3005476 தருமபுரி நாமக்கல் அமைச்சர் தங்கமணி குறித்து சமூக வலைதளங்களில் அவதூறு: அதிமுக முன்னாள் பெண் எம்.எல்.ஏ. கைது DIN DIN Saturday, September 22, 2018 08:13 AM +0530 அமைச்சர் பி.தங்கமணி குறித்து சமூக வலைதளத்தில் அவதூறு கருத்துகள் பதிவு செய்ததைத் தட்டிக்கேட்ட அதிமுக நிர்வாகிக்கு கொலை மிரட்டல் விடுத்ததாக நாமக்கல்லைச் சேர்ந்த அ.தி.மு.க. முன்னாள் பெண் எம்.எல்.ஏ.வை போலீஸார் வெள்ளிக்கிழமை கைது செய்தனர். 
  நாமக்கல் முல்லை நகரைச் சேர்ந்தவர் சரஸ்வதி(59).  இவர் கடந்த 1991 ஆம் ஆண்டு கபிலர்மலை சட்டப்பேரவை தொகுதியில் அதிமுக சார்பில் போட்டியிட்டு, எம்.எல்.ஏ.வாக தேர்ந்தெடுக்கப்பட்டார்.  பின்னர்,  அ.தி.மு.க. கட்சியில் ஏற்பட்ட பிரச்னை காரணமாக கடந்த 2016ஆம் ஆண்டில் அ.தி.மு.க.வில் இருந்து விலகி தி.மு.க.வில் இணைந்தார்.
 கடந்த சில நாள்களாக இவர் முகநூல்,  கட்செவி அஞ்சல் உள்ளிட்ட சமூக வலைதளங்களில் தமிழக மின்சாரம்,  மதுவிலக்கு மற்றும் ஆயத் தீர்வைத் துறை அமைச்சர் பி.தங்கமணி குறித்து அவதூறாக கருத்துகளைப் பதிவு செய்து வந்துள்ளார்.  இதனைத் தட்டிக் கேட்க வீட்டுக்கு வருவதாக கூறிய கீரம்பூர் ஊராட்சியின் அ.தி.மு.க. கிளை கழகச் செயலாளர் ராஜா என்பவருக்கு சரஸ்வதி கொலை மிரட்டல் விடுத்துள்ளார். 
 இதனையடுத்து,  ராஜா அளித்த புகாரின்பேரில், 5 பிரிவுகளின் கீழ் வழக்குப் பதிவு செய்த நாமக்கல் போலீஸார், முன்னாள் எம்.எல்.ஏ. சரஸ்வதியை அவரது வீட்டில் வெள்ளிக்கிழமை காலை கைது செய்து,  நாமக்கல் காவல் நிலையத்துக்கு அழைத்துச் சென்று விசாரணை மேற்கொண்டனர். 
 இதன்பின்,  நாமக்கல் குற்றவியல் நீதித் துறை நடுவர் நீதிமன்றம் எண் 2 இல் ஆஜர்படுத்தினர்.   அங்கு நீதிபதி தமயந்தியிடம் தனக்கு  உடல் ரீதியாக  பிரச்னை இருப்பதால், சிகிச்சை பெற்று வருகிறேன். மேலும், தற்போது உடல்நிலை  சரியில்லை என சரஸ்வதி கூறியுள்ளார். 
 இதன்பின்,  சரஸ்வதியை நாமக்கல் தலைமை அரசு மருத்துவமனைக்கு அழைத்துச் சென்று பரிசோதனை செய்யுமாறு காவல்துறையினருக்கு நீதிபதி உத்தரவிட்டார்.   சரஸ்வதியை பரிசோதித்த மருத்துவர்கள் சேலம் அரசு மருத்துவமனைக்கு சிகிச்சைக்காகப் பரிந்துரை செய்தனர். 
  இதனையடுத்து,  மீண்டும் நீதிபதி முன் சரஸ்வதியை ஆஜர்படுத்தினர்.  கைதான சரஸ்வதியை வரும் அக்டோபர் 1ஆம் தேதி வரை நீதிமன்றக் காவலில் சேலம் மகளிர் கிளைச் சிறையில் வைக்க நீதிபதி உத்தரவிட்டார்.
 

]]>
http://www.dinamani.com/all-editions/edition-dharmapuri/namakkal/2018/sep/22/அமைச்சர்-தங்கமணி-குறித்து-சமூக-வலைதளங்களில்-அவதூறு-அதிமுக-முன்னாள்-பெண்-எம்எல்ஏ-கைது-3005476.html
3005475 தருமபுரி நாமக்கல் மாணவர்கள் செல்லிடப்பேசியைத் தவிர்த்து நூலகத்தைப் பயன்படுத்த வேண்டும் DIN DIN Saturday, September 22, 2018 08:12 AM +0530 மாணவர்கள் செல்லிடப்பேசியைத் தவிர்த்து நூலகத்தைப் பயன்படுத்த வேண்டும் என மனிதவள மேம்பாட்டுப் பயிற்சியாளர் மற்றும் பேச்சாளர் கதிர் தெரிவித்தார்.
நாமக்கல் செல்வம் கலை மற்றும் அறிவியல் கல்லூரியில் முத்தமிழ் மன்ற விழா, ஆசிரியர் தின விழா, கலைத்திருவிழா, உலக அறிவியல் தின விழா, முதலாமாண்டு மாணவர்களை வரவேற்கும் விழா ஆகிய ஐம்பெரும் விழா நடைபெற்றது. 
விழாவைக் கல்லூரி அறக்கட்டளை உறுப்பினர்  ஜெயம்செல்வராஜ் குத்துவிளக்கேற்றி  தொடக்கி வைத்தார். கல்லூரி தாளாளர் பி. செல்வராஜ் தலைமை வகித்தார். கல்லூரி முதல்வர் ந. ராஜவேல் வரவேற்றார். துணைத் தாளாளர் மருத்துவர் செ. பாபு,  செயலர் கவீத்ரா நந்தினிபாபு, நிர்வாக இயக்குநர் கே.எஸ். அருள்சாமி முன்னிலை வகித்தனர்.
பட்டிமன்றப் பேச்சாளர் நாகசரஸ்வதி பங்கேற்று "வாழ்க்கை கவிதை வாசிப்போம் வானம் அளவு யோசிப்போம்' எனும் தலைப்பில் பேசினார். அவர் பேசுகையில், ஒவ்வொருவரும் சிந்தித்து தங்கள் திறனை மேம்படுத்திக் கொள்ள வேண்டும். தன்னம்பிக்கையோடு வாழ்க்கையில் பயணித்தால் வானமளவு லட்சியங்களையும் வென்றிடலாம்.
மகாத்மா காந்தி, விவேகானந்தர், ஆப்ரகாம் லிங்கன்,  அப்துல் காலம் போன்றோர் சோதனைகளை சாதனைகளாக்கியவர்கள். இன்றைய நவீன உலகில் கணினி, செல்லிடப்பேசி போன்ற சாதனங்களின் நல்லனவற்றை மட்டும் எடுத்துக்கொண்டு  தீயனவற்றை கைவிட்டு வாழ்வில் வெற்றிபெற வேண்டும் என்றார்.
பிற்பகல் கலைத் திருவிழா நடைபெற்றது. இதில் மாணவர்களுக்குப் பல்வேறு போட்டிகள் நடத்தி வெற்றி பெற்ற மாணவர்களுக்குப் பரிசும் சான்றிதழ்களும் வழங்கப்பட்டன. விழாவின் இரண்டாம் நாள் நிகழ்வாக வியாழக்கிழமை உலக அறிவியல் தினம் கடைப்பிடிக்கப்பட்டது. விழாவுக்குச் சிறப்பு விருந்தினராக மனிதவள மேம்பாட்டுப் பயிற்சியாளர்,  பேச்சாளர் கதிர் பங்கேற்று பசித்திரு எனும் தலைப்பில், அறிவியல் என்பது மனிதனுடைய வளர்நிலை, ஒவ்வொருவரும் ஏன், எதற்கு, எப்படியென கேள்வி எழுப்பும்போது தான் பல சிந்தனைகள்தோன்றி அறிவியல் பிறக்கின்றது.
அரிஸ்டாடில், கலிலியோ போன்ற மேதைகள் பல்வேறு சோதனைகளுக்குப் பின்பே வெற்றிக் கண்டனர். மாணவர்கள் செல்லிடப்பேசியை தவிர்த்து நூலகத்தைப் பயன்படுத்த வேண்டும். பெற்றோர்களின் தியாகத்தையும், ஆசிரியர்களின் உணர்வுகளையும் மதிக்க கற்றுக்கொள்ள வேண்டும் என்றார்.
மேலும் உலக அறிவியல் தினத்தை முன்னிட்டு அறிவியல் கண்காட்சி நடத்தப்பட்டு மாணவர்களுக்கு பரிசுகள், சான்றிதழ்கள் வழங்கப்பட்டன.  விழாவைத் தொடர்ந்து முதலாம் ஆண்டு மாணவர்களை வரவேற்கும் விதமாக மாணவர்களுக்கு பலகலை நிகழ்ச்சிகளை நடத்தியும் அதில் வெற்றி பெற்ற மாணவர்களுக்குப் பரிசுகளும், சான்றிதழ்களும் வழங்கப்பட்டன. துணை முதல்வர் ப. தாமரைச்செல்வன் நன்றி கூறினார்.

]]>
http://www.dinamani.com/all-editions/edition-dharmapuri/namakkal/2018/sep/22/மாணவர்கள்-செல்லிடப்பேசியைத்-தவிர்த்து-நூலகத்தைப்-பயன்படுத்த-வேண்டும்-3005475.html
3005474 தருமபுரி நாமக்கல் ராசிபுரத்தை தலைமையிடமாகக் கொண்டு தனி கல்வி மாவட்டம் உருவாக்கக் கோரிக்கை DIN DIN Saturday, September 22, 2018 08:12 AM +0530 ராசிபுரத்தை தலைமையிடமாகக் கொண்டு தனி கல்வி மாவட்டம் உருவாக்க வேண்டும் என ஆசிரியர்கள் கோரிக்கை விடுத்துள்ளனர்.  
 தமிழ்நாடு பட்டதாரி ஆசிரியர் கழக நாமக்கல் மாவட்ட பொதுக்குழுக் கூட்டம் நாமக்கல்லில் நடைபெற்றது. கூட்டத்துக்கு மாவட்ட தலைவர் மலர்க்கண்ணன் தலைமை வகித்தார். இதில் முன்னாள் மாநிலத் தலைவர் இளங்கோவன், மாநில மகளிர் அணி செயலாளர் சுபத்ரா ஆகியோர் சிறப்பு அழைப்பாளர்களாகக் கலந்து கொண்டு பேசினர். 
 நிறைவேற்றப்பட்ட தீர்மானங்கள்: தன்பங்களிப்பு ஓய்வூதியத் திட்டத்தை ரத்து செய்து மீண்டும் பழைய ஓய்வூதிய திட்டத்தை அமல்படுத்த வேண்டும். 7ஆவது ஊதியக் குழுவின்படி வழங்கப்பட வேண்டிய 21 மாத நிலுவைத் தொகையை உடனடியாக வழங்க வேண்டும். மருத்துவர்களுக்கு உள்ளது போல் ஆசிரியர்களுக்கும் தனியாகப் பணிப்  பாதுகாப்பு சட்டம் இயற்ற வேண்டும். 
 பள்ளிபாளையம் அரசு ஆண்கள் மேல்நிலைப் பள்ளியில் இருபால் ஆசிரியர்கள் மீது பொய் புகார்களை அளிக்கும் நபர்கள் மீது துறைரீதியான நடவடிக்கை எடுக்க வேண்டும். ராசிபுரத்தை தலைமையிடமாகக் கொண்டு புதிய கல்வி மாவட்டம் உருவாக்க வேண்டும்.
 மாவட்ட செயலர் கண்ணன், பொருளாளர் ராஜு, துணைத் தலைவர் லோகநாதன் உள்பட பலர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/sep/22/ராசிபுரத்தை-தலைமையிடமாகக்-கொண்டுதனி-கல்வி-மாவட்டம்-உருவாக்கக்-கோரிக்கை-3005474.html
3005473 தருமபுரி நாமக்கல் மக்காளச்சோளப் பயிர் மேலாண்மை பயிற்சி DIN DIN Saturday, September 22, 2018 08:12 AM +0530 நாமகிரிப்பேட்டை பகுதியில் மக்காச்சோள பயிரில் அதிகம் ஏற்படும் படைப்புழு தாக்குதலைக் கட்டுப்படுத்தும் வழிமுறைகள் குறித்து வட்டார வேளாண்மை துறை உதவி இயக்குநர் (பொறுப்பு) பெ.மோகன் அறிவுறுத்தியுள்ளார். அவர் வெளியிட்டுள்ள செய்திக் குறிப்பு:
நாமகிரிப்பேட்டை வட்டாரத்தில் மக்காச்சோளத்தில் படைப்புழு தாக்கம் அதிகம் இருக்கிறது. இளம் புழுப் பருவம் கறுப்புத் தலையுடன் பச்சை நிறத்தில் காணப்படும், மூன்றாம் பருவத்தில் புழுவின் மேற்பகுதியில் பழுப்பு நிறமாகவும், பக்கவாட்டில் வெள்ளை நிற கோடுகள் தோன்ற ஆரம்பிக்கும்.
புழுக்கள் மொத்தம் 6 பருவ நிலைகளைக் கொண்டது. புழுக்கள் 6 பருவ நிலைகளில் தலை செம்பழுப்பு நிறமாகக் காணப்படும். 6-ஆம் நிலையின் புழுவின் தலைப்பகுதியில் வெண்ணிற கோடுகள் தென்படும். அதாவது "ஏ' வடிவக் கோடுகள் தலையில் காணப்படும். புழு பருவம் 14 நாள்கள் கோடைகாலத்திலும், 30 நாள்கள் குளிர்காலங்களிலும் காணப்படுகின்றன.
மேலும் முட்டையிலிருந்து வெளிவரும் இளம்புழுக்கள் இலையின் அடிப்பகுதியில் பச்சையத்தை சுரண்டி சேதத்தை ஏற்படுத்தும். இதனால், இலையின் மேற்பரப்பில் கண்ணாடி போன்று வெண்மையாகக் காணப்படும். இலைகளின் ஓரங்களில் வெட்டப்பட்டு கடித்து உண்ணும்.
நடுக்குருத்து பாதிக்கப்படும்போது பக்க கிளைகள் அல்லது பக்கக்குருத்து வளர ஆரம்பிக்கும். இரவு நேரங்களில் அதிகமாக உண்ணும். இப்புழுக்கள் மக்காச்சோளம், சோளம், பயறுவகைகள், பருத்தி, காய்கறி பயிர்கள் போன்ற பலவகையான பயிர்களைத் தாக்கும் குணமுடையது.
இதைக் கட்டுப்படுத்தும் முறைகள்: வயல்களில் களைகள் இல்லாமல் தூய்மையாக வைக்கவேண்டும். கோடை உழவு செய்வதன் மூலம் மண்ணிலுள்ள கூட்டுப்புழுக்களை அழிக்க இயலும். விளக்குப்பொறி வைத்து தாய் அந்துப்பூச்சிகளைக் கண்காணிக்க வேண்டும். விதை நேர்த்தி செய்வதால் ஆரம்பக் கட்டத்தில் இளம் பயிர்களைப் பாதுகாக்கலாம்.
எதிர் உயிர் நுண்ணுயிர்களான பிவேரியா பேசியான, மெட்டாரைசியம், அனைசோபியோ, பேசிலஸ் துரிஞ்சியன்சிஸ் போன்றவை ஒரு லிட்டர் தண்ணீருக்கு 2 முதல் 5 கிராம் வரை பயன்படுத்தி பாதிப்பைக் கட்டுப்படுத்தலாம். என்பிவி வைரஸ் கரைசலைத் தயாரித்து 1 லிட்டர் நீருக்கு 2 ஆடு வீதம் தெளிக்கலாம். கார்டாப் குருணை மருந்து ஹெக்டருக்கு 8 கிலோ மணலுடன் கலந்து குருத்துப் பகுதியில் போடுவதன் மூலம் புழுக்களைக் கட்டுப்படுத்தலாம்.

]]>
http://www.dinamani.com/all-editions/edition-dharmapuri/namakkal/2018/sep/22/மக்காளச்சோளப்-பயிர்-மேலாண்மை-பயிற்சி-3005473.html
3005472 தருமபுரி நாமக்கல் பணம் வைத்து சூதாட்டத்தில் ஈடுபட்ட 7 பேர் கைது DIN DIN Saturday, September 22, 2018 08:11 AM +0530 பரமத்தி வேலூர் அருகே உள்ள பொத்தனூர் காவிரி ஆற்றில் பணம் வைத்து சூதாட்டத்தில் ஈடுபட்ட 7 பேரை பரமத்தி வேலூர் போலீஸார் கைது செய்து விசாரணை நடத்தி வருகின்றனர்.
 பொத்தனூர் காவிரி ஆற்றுப் பகுதியில் உள்ள குட்டுக்காட்டில் சிலர் பணம் வைத்து சூதாட்டத்தில் ஈடுபடுவதாக பரமத்தி வேலூர் போலீஸாருக்கு தகவல் கிடைத்தது. அதன் அடிப்படையில், அங்கு சென்ற போலீஸார் அங்கு பணம் வைத்து சூதாட்டத்தில் ஈடுபட்டிருந்த பொத்தனூரைச் சேர்ந்த கார்த்திக் (22), சசிக்கண்ணன் (21), கிஷோர் (22), ஷேக் ஆரிப் (25), சதீஷ் (30), குணசங்கர் (40) மற்றும் செந்தில்ராஜா (30) ஆகிய 7 பேரை கைது செய்து, அவர்களிடம் இருந்து ரூ.3 ஆயிரத்து 500ஐ பறிமுதல் செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/sep/22/பணம்-வைத்து-சூதாட்டத்தில்-ஈடுபட்ட-7-பேர்-கைது-3005472.html
3005471 தருமபுரி நாமக்கல் செங்குந்தர் தொழில்நுட்பக் கல்லூரியில் விழிப்புணர்வு முகாம் DIN DIN Saturday, September 22, 2018 08:11 AM +0530 செங்குந்தர் தொழில்நுட்பக் கல்லூரியில் தொழில்முனைவோர் சங்கம்,  இந்திய தொழில் முனைவோர் நிறுவனம் ஆகியவை இணைந்து தொழில் முனைவோர் விழிப்புணர்வு முகாமை மூன்று நாள்கள் நடத்தியது.
முகாமின் தொடக்க நாளான செவ்வாய்க்கிழமை கல்லூரியின் செயலாளர் பேராசிரியர் பாலதண்டபாணி தலைமையில் முகாம் நடைபெற்றது. கல்லூரியின் முதல்வர் முனைவர் சதிஷ்குமார் வரவேற்றார். கல்லூரியின் முதன்மைச் செயல் அலுவலர் இன்ஜினியர் மதன், வேலைவாய்ப்பு இயக்குநர் அரவிந்த் திருநாவுக்கரசு ஆகியோர் வாழ்த்தினர். சிறப்பு அழைப்பாளராக இந்தியன் வங்கி சுயவேலைவாய்ப்பு பயிற்சி மையத்தின் பயிற்சியாளர் கண்ணன் கலந்து கொண்டு தொழில் முனைவோருக்கான வாய்ப்புகள், மானியங்கள் உள்ளிட்டவை பற்றி விளக்கினார்.
இரண்டாம் நாள் சிறப்பு அழைப்பாளராக சிறுகுறு தொழில் மேம்பட்டு மைய மாநிலப் பொருளாளரும் ஸ்ரீ கெளரியம்மன் இண்டஸ்ட்ரீஸ் உரிமையாளருமான தியாகராஜன் கலந்து கொண்டார். முகாமின் மூன்றாம் நாள் நாமக்கல்லில் உள்ள ஸ்ரீ கெளரியம்மன் இண்டஸ்ட்ரீஸ் நிறுவனத்துக்கு மாணவர்கள் அழைத்துச் செல்லப்பட்டனர்.

]]>
http://www.dinamani.com/all-editions/edition-dharmapuri/namakkal/2018/sep/22/செங்குந்தர்-தொழில்நுட்பக்-கல்லூரியில்விழிப்புணர்வு-முகாம்-3005471.html
3005470 தருமபுரி நாமக்கல் மகளிருக்கு வீட்டு உபயோக பொருள்கள் தயாரிப்பு பயிற்சி DIN DIN Saturday, September 22, 2018 08:10 AM +0530 ராசிபுரம் வாசவி வனிதா கிளப் சார்பில் மகளிருக்கான வீட்டு உபயோக ஒரு நாள் பயிற்சி முகாம் வெள்ளிக்கிழமை நடைபெற்றது. 
ராசிபுரம் வாசவி திருமண மண்டப வளாகத்தில் நடைபெற்ற இந்தப் பயிற்சி முகாமில் வனிதா மகளிர் கிளப் தலைவர் ஜி.காயத்திரி தலைமை வகித்தார். செயலர் எஸ்.யசோதா வரவேற்றார். இந்தப் பயிற்சி முகாமில் வாசவி கிளப் மண்டலத் தலைவர் பி.வி.ராஜசேகரன் சிறப்பு அழைப்பாளராகப் பங்கேற்று, துவக்கி வைத்துப் பேசினார்.  இதில், இயற்கை உடல் சோப்பு, பாத்திரம் தேய்க்கும் பொடி, இயற்கை வாசனை திரவியங்கள், குங்குமம், கண் மை, நாப்கின், சலவை தூள், பல் பொடி, இயற்கை முடி எண்ணெய், கொசு விரட்டி போன்றவை தயாரிப்பது குறித்த செயல்முறை பயிற்சியளிக்கப்பட்டது.  இந்தப் பயிற்சியாளர்கள் தாரணி, ஜிஜேந்திரன் உள்ளிட்டோர் பங்கேற்று செயல்விளக்கப் பயிற்சியளித்தனர்.  இதில் திரளான பெண்கள் பங்கேற்றுப் பயிற்சி பெற்றனர். இதில் வனிதா கிளப் பொருளாளர் சி.புஷ்பலதா உள்ளிட்ட பலர் பங்கேற்றனர். 
 

]]>
http://www.dinamani.com/all-editions/edition-dharmapuri/namakkal/2018/sep/22/மகளிருக்கு-வீட்டு-உபயோக-பொருள்கள்-தயாரிப்பு-பயிற்சி-3005470.html
3005469 தருமபுரி நாமக்கல் டிராக்டர் மோதியதில் தனியார் கல்லூரி பணியாளர் சாவு DIN DIN Saturday, September 22, 2018 08:10 AM +0530 உலகப்பம்பாளையம் பகுதியில் இருசக்கர வாகனத்தில் சென்ற தனியார் கல்லூரி பணியாளர் மீது டிராக்டர் மோதியதால் அவர் உயிரிழந்தார்.
திருச்செங்கோடு தனியார் கல்லூரியில் கணினி ஆப்ரேட்டராகப் பணிபுரிந்து வந்தவர் துறையூரைச் சேர்ந்த முகமது சித்திக் (35). இவருக்கு திருமணமாகி மனைவி மற்றும் ஒரு குழந்தை உள்ளனர். நேற்று மாலை தனது இருசக்கர வாகனத்தில் எளையாம்பாளையம் பகுதியில் இருந்து உஞ்சனை நோக்கிச் சென்றுள்ளார். உலகப்பம்பாளையம் அரசுப் பள்ளி அருகே சென்று கொண்டிருந்த போது, அவ்வழியாக முன்னால் சென்ற டிராக்டர் திடீரென பக்கவாட்டில் திரும்பியதாகக் கூறப்படுகிறது. 
இதனால் நிலை தடுமாறிய முகமது சித்திக் சென்ற இருசக்கர வாகனம் டிராக்டரின் பின்னால்  மோதியது. இதனால் ஏற்பட்ட விபத்தில் பலத்த காயமடைந்த அவர், சம்பவ இடத்திலேயே உயிரிழந்தார். இந்த சம்பவம் குறித்து திருச்செங்கோடு ஊரக காவல் துறையினர் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/sep/22/டிராக்டர்-மோதியதில்தனியார்-கல்லூரி-பணியாளர்-சாவு-3005469.html
3005468 தருமபுரி நாமக்கல் முன்னாள் பெண் எம்எல்ஏ கைதுக்கு திமுக கண்டனம் DIN DIN Saturday, September 22, 2018 08:09 AM +0530 அமைச்சர் பி.தங்கமணி மீது அவதூறு பரப்பியதாக, பொய் குற்றம்சாட்டி முன்னாள் பெண் எம்எல்ஏ கைது செய்யப்பட்டுள்ளதாகவும், இதனைக் கண்டிப்பதாகவும் திமுக தெரிவித்துள்ளது.
 நாமக்கல் கிழக்கு மாவட்ட திமுக செயற்குழுக் கூட்டம் மாவட்ட அவைத் தலைவர் ரா.உடையவர் தலைமையில் நடைபெற்றது. மாவட்ட பொறுப்பாளர் எஸ்.காந்திசெல்வன் கூட்டப்பொருள் குறித்து பேசினார்.துணைச் செயலர்கள் பி.ராமலிங்கம், கே.பொன்னுசாமி, எஸ்.விமலா சிவக்குமார், பொருளாளர் கே.செல்வம், மாநில மகளிர் தொண்டரணி துணை அமைப்பாளர் ப.ராணி,  நகர பொறுப்பாளர் சி.மணிமாறன், நகர செயலர் என்.ஆர்.சங்கர், ஒன்றிய செயலர்கள்  ஆர்.எம். துரைசாமி, கே.பி. ஜெகநாதன், கே.பி. ராமசாமி, டி.பாலசுந்தரம், எம்.பி. கெளதம், துரை என்ற ராமசாமி, வி.கே. பழனிவேல், பாலு என்ற பாலசுப்ரமணியன், பி.முத்துசாமி உள்ளிட்டோர் பங்கேற்றனர். 
நிறைவேற்றப்பட்ட தீர்மானம்:  
நாமக்கல்லை சேர்ந்த திமுக பிரமுகரும், முன்னாள் எம்எல்ஏவுமான சரஸ்வதி  சமூக வலைதளங்களில் அமைச்சர் தங்கமணி குறித்து அவதூறாக செய்தி பரப்பியதாக, பொய்குற்றம் சுமத்தி அவர் மீது நாமக்கல் போலீஸார் 5 பிரிவுகளில் பொய் வழக்குப் பதிவு செய்து, அவரை உடனடியாக கைது செய்து, சேலம் மத்திய சிறையில் அடைத்ததற்கு கண்டனம் தெரிவிப்பது உள்ளிட்ட தீர்மானங்கள் நிறைவேற்றப்பட்டன.


 

]]>
http://www.dinamani.com/all-editions/edition-dharmapuri/namakkal/2018/sep/22/முன்னாள்-பெண்-எம்எல்ஏ-கைதுக்கு-திமுக-கண்டனம்-3005468.html
3005467 தருமபுரி நாமக்கல் பரமத்தி வேலூர் காசி விஸ்வநாதர் கோயில் காவிரி கரையில் குழிகள் தோண்டி மணல் திருட்டு தடுப்பு நடவடிக்கை DIN DIN Saturday, September 22, 2018 08:09 AM +0530 பரமத்தி வேலூர் காசி விஸ்வநாதர் கோயில் அருகே தொடர் மணல் திருட்டை தடுக்கும் வகையில், காவல் துணைக் கண்காணிப்பாளர் ராஜு உத்தரவின்படி ஜேசிபி வாகனம் மூலம் குழிகள் தோண்டி தடுப்பு நடவடிக்கை மேற்கொள்ளப்பட்டுள்ளது.
 நாமக்கல் மாவட்டத்தில் மிகவும் பிரசித்தி பெற்ற காசி விஸ்வநாதர் கோயில் உள்ளது. இந்தக் கோயில் காவிரி கரையோரம் மற்றும் தேசிய நெடுஞ்சாலை காவிரி பாலம் அருகே தொடர்ந்து இரவு,பகலாக இரு சக்கர வாகனத்தின் மூலம் மணல் திருட்டு நடைபெற்று வருவதாக பரமத்திவேலூர் காவல் துணைக் கண்காணிப்பாளர் ராஜுவுக்கு தகவல் கிடைத்தது. அதன் பேரில், காவிரி கரையில் பொதுமக்களுக்கு இடையூறு இல்லாத வகையில் மணல் திருட்டை தடுக்கும் வகையில் குழிகள் தோண்டி மணல் திருட்டை தடுக்க உத்தரவிட்டார். அதன் அடிப்படையில், பரமத்தி வேலூர் காவல் ஆய்வாளர் லட்சுமணகுமார் மற்றும் போலீஸார் ஜேசிபி வாகன உதவியுடன் காவிரியாற்றில் மணல் திருட்டை தடுக்கும் வகையில் குழிகள் தோண்டி நடவடிக்கை எடுத்துள்ளனர். இதனால் காவிரி ஆற்றுக்கு குளிக்க வரும் பொதுமக்கள் மற்றும் பக்தர்கள் மகிழ்ச்சி அடைந்துள்ளனர். மேலும், காவிரி ஆற்றில் நான்கு சக்கர மற்றும் கனரக வாகனங்கள் செல்ல முடியாதபடி தடுப்புகள் அமைக்க உரிய நடவடிக்கை எடுக்கப்படும் என பரமத்தி வேலூர் காவல் துணைக் கண்காணிப்பாளர் ராஜு தெரிவித்தார்.


 

]]>
http://www.dinamani.com/all-editions/edition-dharmapuri/namakkal/2018/sep/22/பரமத்தி-வேலூர்-காசி-விஸ்வநாதர்-கோயில்-காவிரி-கரையில்-குழிகள்-தோண்டி-மணல்-திருட்டு-தடுப்பு-நடவடிக்கை-3005467.html
3005466 தருமபுரி நாமக்கல் ஆழ்துளைக் கிணறு அமைக்கும் தொழிலுக்கு ஜி.எஸ்.டி. வரி விலக்கு அளிக்கக் கோரிக்கை DIN DIN Saturday, September 22, 2018 08:09 AM +0530 ஆழ்துளைக் கிணறு அமைக்கும் தொழிலுக்கு ஜி.எஸ்.டி. வரி விதிப்பில் இருந்து விலக்கு அளிக்க வேண்டும் என கோரிக்கை விடுக்கப்பட்டுள்ளதாக, அகில இந்திய ஆழ்துளைக் கிணறு அமைக்கும் உரிமையாளர்கள் நலச் சங்கத்தினர் தெரிவித்தனர்.
இதுகுறித்து அகில இந்திய ஆழ்துளைக் கிணறு அமைக்கும் உரிமையாளர்கள் நலச் சங்கத்தின் தலைவர் சோனி.குணசேகரன் கூறியது: உலகளவில் ஆழ்துளைக் கிணறு அமைக்கும் தொழிலில் இந்தியர்கள் அதிகளவில் ஈடுபட்டு வருகின்றனர். அரசு  விதித்த ஜி.எஸ்.டி. வரியினால் ஆழ்துளைக் கிணறு அமைக்கும் தொழில் மட்டுமல்லாது விவசாயத் தொழிலும் பாதிக்கப்பட்டு வருகிறது. 
ஆயிரம் அடிவரை ஆழ்துளைக் கிணறு அமைத்தும் நீர் வராமல் போனால் கிணறு அமைக்கும் விவசாயிகளிடம் எவ்வாறு ஜி.எஸ்.டி. வரியையும் கேட்பது என்று தெரியவில்லை. விவசாயிகளின் நலனைக் காக்கவும், எங்களின் தொழிலை சிரமமின்றி தொடரவும் அரசு உடனடியாக ரிக் தொழிலுக்கு ஜி.எஸ்.டி. வரியில் இருந்து விலக்கு அளிக்க வேண்டும். டீசல் விலை ஏற்றத்தினால் ரிக் தொழில் மிகப் பெரிய அளவில் பொருளாதார ரீதியாகப் பாதிக்கப்பட்டு வருகிறது. டீசல் விலை ஏற்றத்தைக் கொண்டு ஆழ்துளைக் கிணறு அமைக்கக் கட்டணத்தை உயர்த்த முடியவில்லை. 
பெரும்பாலும் விவசாயிகளே ஆழ்துளைக் கிணறுகள் அமைப்பதால் எங்கள் தொழிலின் மூலமாக விவசாயிகளுக்கு முடிந்த அளவு விலை குறைத்து  கட்டணம் பெற்று வருகிறோம். டீசல் விலை ஏற்றம், ஜி.எஸ்.டி. வரி விதிப்பு போன்றவற்றால்  தொடர்ந்து விவசாயிகளுக்கு தொழில் முறையாக உதவ முடிவதில்லை. எனவே, ரிக் தொழிலுக்கு ஜி.எஸ்.டி. வரி விலக்கு, டீசல் விலை குறைப்பு செய்து விவசாயத்தைக் காக்க மத்திய,மாநில அரசுகள் உடனடியாக நடவடிக்கை எடுக்க வேண்டும் எனத் தெரிவித்தார்.

]]>
http://www.dinamani.com/all-editions/edition-dharmapuri/namakkal/2018/sep/22/ஆழ்துளைக்-கிணறு-அமைக்கும்-தொழிலுக்குஜிஎஸ்டி-வரி-விலக்கு-அளிக்கக்-கோரிக்கை-3005466.html
3005465 தருமபுரி நாமக்கல் பல்கலைக்கழக அளவிலான கோகோ போட்டிகள் DIN DIN Saturday, September 22, 2018 08:08 AM +0530 சேலம் பெரியார் பல்கலைக்கழக அளவில் கல்லூரிகளுக்கு இடையிலான ஆடவர்  கோ-கோ போட்டிகள் குமாரபாளையம் எஸ்எஸ்எம் கலை மற்றும் அறிவியல் கல்லூரியில் இரு நாள்கள் நடைபெற்றன. 
கல்லூரி விளையாட்டரங்கில்  புதன்கிழமை நடைபெற்றத் தொடக்க நிகழ்ச்சிக்கு கல்லூரித் தலைவர் எம்.எஸ்.மதிவாணன் தலைமை வகித்தார்.  கல்லூரி இயக்குநர் கே.ராமசாமி வரவேற்றார். சேலம் பெரியார் பல்கலைக்கழக உடல்கல்வி இயக்குநர்  ஓ.வெங்கடாசலம் கல்லூரி முதல்வர் கே. காமராஜ் ஆகியோர் போட்டிகளைத் தொடக்கி வைத்து,  மாணவர்களுக்கு வாழ்த்துத் தெரிவித்தனர். 
இதில், சேலம் பெரியார் பல்கலைக்கழகத்துக்குள்பட்ட 24 கல்லூரிகளைச் சேர்ந்த மாணவர்கள் பங்கேற்று விளையாடினர். தகுதிச்சுற்றில் தொடங்கிய  போட்டிகள் பல கட்டங்களாகவும், இறுதிப் போட்டிகள் வியாழக்கிழமையும் நடைபெற்றன. இதில்,  நாமக்கல் கிங் கலை அறிவியல் கல்லூரி முதலிடம், சேலம் அரசினர் கலைக் கல்லூரி இரண்டாமிடம், சேலம் ஏவிஎஸ்  கலை அறிவியல் கல்லூரி மூன்றாமிடம் மற்றும் திருச்செங்கோடு கேஎஸ்ஆர் கலை அறிவியல் கல்லூரி நான்காமிடம்  பெற்றது. 
போட்டியில் வென்ற அணிகளுக்கு பதக்கம் மற்றும் சான்றிதழ் வழங்கப்பட்டது. உடல்கல்வி இயக்குநர்கள் செங்கமலை, கே.மோகன்குமார் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/22/பல்கலைக்கழக-அளவிலான-கோகோ-போட்டிகள்-3005465.html
3005464 தருமபுரி நாமக்கல் குப்பைகளைத் தரம் பிரித்து வழங்கிய குடும்பத்தினருக்குப் பரிசு! DIN DIN Saturday, September 22, 2018 08:08 AM +0530 குமாரபாளையம்  நகராட்சியில் திடக்கழிவு மேலாண்மைத் திட்டத்துக்கு பூரண ஒத்துழைப்பு அளிக்கும் வகையில் குப்பைகளைத் தரம்  பிரித்து வழங்கிய குடும்பத்தினருக்கு பாராட்டுத் தெரிவிக்கப்பட்டதோடு, பரிசுகளும் வழங்கப்பட்டன. 
குமாரபாளையம்  நகராட்சியில் திடக்கழிவு மேலாண்மைத் திட்டத்தின் கீழ் 33 வார்டுகளில் வீடுகள், வணிக நிறுவனங்கள்,  தொழில்கூடங்கள் உள்ளிட்டவற்றில் மக்கும், மக்காத குப்பைகள் தள்ளுவண்டிகள், மின்சார வாகனங்கள்,  ஆட்டோக்கள் மூலம் தினசரி பெறப்பட்டு வருகிறது. வீடுகளிலிருந்து பெறப்படும் மக்கும் குப்பைகளை  உரமாக்குவதற்கு 10 வீடுகளுக்கு ஒரு பேரல் வீதம் 25 வார்டுகளில்  சுமார் 1800 பேரல்கள்  வைக்கப்பட்டுள்ளன. 
துப்புரவுப் பணியாளர்கள் மூலம் பெறப்படும் மக்கும் குப்பைகள் பேரலில்  போடப்பட்டு உரமாக்கப்படுகின்றன. மேலும், மக்காத குப்பைகளான பேப்பர், பிளாஸ்டிக், ரப்பர், கண்ணாடி புட்டிகள்,  தகரம், துணிமணிகள் போன்றவை பெறப்பட்டு மறுசுழற்சி செய்வதற்கு விற்பனை செய்யப்பட்டு,  அதற்கான தொகையில் ஊக்கப் பரிசாக அந்தந்த பகுதியில் பணியாற்றும் துப்புரவுப் பணியாளர்களுக்கு  வழங்கப்படுகிறது. 
மேலும், இத்திட்டத்தினை சிறப்பான முறையில் செயல்படுத்த குடியிருப்புகளில்  மக்கும், மக்காத, குப்பைகளை சரியான முறையில் தரம் பிரித்து கொடுக்கும் குடும்பத்தினருக்கும் பாராட்டும்,  பரிசும் வழங்கும் நிகழ்ச்சி வியாழக்கிழமை நடைபெற்றது. குமாரபாளையம் நடராஜா நகர், சுந்தரம் காலனி,  அபெக்ஸ் காலனி, அய்யன் தோட்டம், நாராயண நகர் உள்ளிட்ட பகுதிகளில் சிறப்பான முறையில் குப்பைகளை தரம் பிரித்து கொடுக்கும் 25 குடும்பங்கள் தேர்வு செய்யப்பட்டு, ஊக்கப் பரிசுகள் வழங்கப்பட்டன. 
குமாரபாளையம்  நகராட்சி ஆணையர் ஆர்.மகேஸ்வரி, டெக்சிட்டி அரிமா சங்கச் செயலர் ஐ.ஜேம்ஸ், செயலர் ராஜ்குமார்,  பொருளாளர் சீனிவாசன் மற்றும் நிர்வாகிகள் பரிசுகளை வழங்கினர். நகராட்சிப் பொறியாளர் எம்.குணசேகரன்,  சுகாதார அலுவலர் ராமமூர்த்தி, சுகாதார ஆய்வாளர்கள் குமரவேல், செல்வராஜ் உள்ளிட்ட பலர்  பங்கேற்றனர். 
 

]]>
http://www.dinamani.com/all-editions/edition-dharmapuri/namakkal/2018/sep/22/குப்பைகளைத்-தரம்-பிரித்து-வழங்கிய-குடும்பத்தினருக்குப்-பரிசு-3005464.html
3005463 தருமபுரி நாமக்கல் பரமத்தி வேலூர் ஏலச் சந்தையில் பூக்களின் விலை சரிவு DIN DIN Saturday, September 22, 2018 08:08 AM +0530 பரமத்தி வேலூர் தினசரி பூக்கள் ஏலச் சந்தையில் வெள்ளிக்கிழமை நடைபெற்ற ஏலத்தில் பூக்களின் விலை சரிவடைந்ததால் பூக்கள் பயிர் செய்துள்ள விவசாயிகள் கவலை அடைந்துள்ளனர். 
 பரமத்திவேலூர் சுற்றுவட்டாரப் பகுதிகள் மற்றும் கரூர் மாவட்டம், வேலாயுதம்பாளையம் சுற்றுவட்டாரப் பகுதிகளில் பல்வேறு வகையான பூக்கள் பயிர் செய்யப்பட்டுள்ளது. இங்கு விளையும் பூக்களை விவசாயிகள் பரமத்தி வேலூரில் உள்ள ஏலச் சந்தைக்கு கொண்டு வந்து ஏலம் விடுகின்றனர். கடந்த வாரம் நடைபெற்ற ஏலத்தில் குண்டு மல்லி கிலோ ரூ.1200க்கும், முல்லை பூ கிலோ ரூ.850 க்கும், சம்பங்கி கிலோ ரூ.600 க்கும், அரளி கிலோ ரூ.200 க்கும், ரோஜா கிலோ ரூ.200 க்கும், செவ்வந்திப்பூ கிலோ ரூ.200க்கும் ஏலம் போனது. 
வெள்ளிக்கிழமை நடைபெற்ற ஏலத்தில் குண்டு மல்லி கிலோ ரூ.300 க்கும், முல்லை பூ கிலோ ரூ.300க்கும், சம்பங்கி கிலோ ரூ.100க்கும், அரளி கிலோ ரூ.100 க்கும், ரோஜா கிலோ ஒன்று ரூ.150 க்கும், செவ்வந்திப்பூ கிலோ ஒன்று ரூ.150க்கும் ஏலம் போனது. கடந்த வாரம் விநாயகர் சதுர்த்தி விழா என்பதால், பூக்களின் விலை உயர்வடைந்திருந்தது. தற்போது விசேஷ நிகழ்ச்சிகள் எதுவும் இல்லாததால் பூக்கள் விலை சரிவடைந்துள்ளதாக வியாபாரிகள் தெரிவித்தனர்.
உர மேலாண்மை குறித்த விவசாய கருத்தரங்கு
ராசிபுரம், செப்.21:   வெண்ணந்தூர் வட்டாரம் ஒ.சௌதாபுரம் தொடக்க வேளாண்மை கூட்டுறவு கடன் சங்க வளாகத்தில் இப்கோ நிறுவனம் சார்பில், உர மேலாண்மை குறித்த விவசாயக் கருத்தரங்கு வெள்ளிக்கிழமை நடைபெற்றது. இந்தக் கருத்தரங்கில், சங்கத்தின் தலைவர் எஸ்.பி.தாமோதரன் தலைமை வகித்தார்.  
கடன் சங்க செயலர் கே.அருணாசலம் வரவேற்றார். இப்கோ நிறுவன சென்னை மண்டல மேலாளர் சி.ஜெயராஜ், பங்கேற்று நவீன தொழில்நுட்ப நீர் மேலாண்மையில், இப்கோ நிறுவனம் தயாரிக்கும் உரங்களான உரச்சான்று பெற்ற சாகரிகா குருணை உரம், கடற்பாசி உரம், திரவ உரம் போன்றவற்றை எவ்வாறு விவசாயிகள் பயன்படுத்துவது என்பது குறித்து விளக்கிக் கூறினார். மேலும், மகசூல் அதிகரிப்பதுடன், செலவு குறைவு, விதைப்பில் எளிமை போன்றவை குறித்தும் விவசாயிகளுக்கு தெரிவித்தார். 
சேலம் மண்டல விற்பனை மேலாளர் அருள்மணி பங்கேற்று இப்பகுதியில் தென்னை, மரவள்ளி, வெங்காயம் போன்றவற்றை பயிரிட்டுள்ள விவசாயிகள், சாகரிகா குருணை உரம், கடற்பாசி உரம், திரவ உரம் போன்றவற்றை பயன்படுத்துவதன் மூலம் 100 சத மகசூல் முழுமையாகப் பெற முடியும் என்றார். காளப்பநாயக்கன்பட்டி, கொல்லிமலை பகுதியில் இந்த உரம் பயன்படுத்தப்பட்டதால், கிடைத்த மகசூல் குறித்து விவசாயிகளுக்கு தெரிவித்தார். மேலும், விவசாயிகளின் சந்தேகங்களுக்கு விளக்கமளிக்கப்பட்டது.
தமிழ்நாடு நெடுஞ்சாலைத் துறை 
பராமரிப்பு ஊழியர் சங்கப் பொதுக்குழு கூட்டம்
திருச்செங்கோடு, செப்.21:  தமிழ்நாடு நெடுஞ்சாலைத் துறை பராமரிப்பு ஊழியர் சங்க மாவட்ட பொதுக்குழுக் கூட்டம் வெள்ளிக்கிழமை நடைபெற்றது.
கூட்டத்துக்கு பொறுப்பாளர் துரை.இளங்கோ தலைமை தாங்கினார். மணிவண்ணன், முருகேசன், ஸ்ரீதர் முன்னிலை வகித்தனர்.
மாநிலத் லைவர் வைரவன், மாநில பொதுச்செயலாளர் விஜயகுமார் சிறப்புரை ஆற்றினர்.
கூட்டத்தில், ஏழாவது ஊதியக் குழுவில் உள்ள தர ஊதியம் நிர்ணயம் செய்து பணியாளர்களுக்கு வழங்கிட வேண்டும். விதிமுறைகளை தளர்த்தி வாரிசு அடிப்படையில் பணி வழங்கிட வேண்டும். சாலை ஆய்வாளர், இரவுக் காவலர், அலுவலக உதவியாளர் போன்ற பணிகளுக்கு பதிவு முன்னிலை அடிப்படையில் பணி வழங்கிட வேண்டும். பணியாளர்களுக்கு வீட்டு வாடகைப்படி நகர ஈட்டுப்படி வழங்கிட வேண்டும் போன்ற தீர்மானங்கள் நிறைவேற்றப்பட்டன. கூட்டத்தில் பணியாளர்கள் பலர் கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/sep/22/பரமத்தி-வேலூர்-ஏலச்-சந்தையில்-பூக்களின்-விலை-சரிவு-3005463.html
3004832 தருமபுரி நாமக்கல் சக்தி அறக்கட்டளை மூலம் 5 லட்சம் மரக்கன்றுகள் நட முடிவு DIN DIN Friday, September 21, 2018 08:39 AM +0530 நாமக்கல் மாவட்டத்தில் சக்தி கல்வி, கலாசார அறக்கட்டளை ஒருங்கிணைப்பாளர்கள் கூட்டம் நாமக்கலில் வியாழக்கிழமை நடைபெற்றது.
சக்தி கல்வி, கலாசார அறக்கட்டளை நிறுவனர் மற்றும் பாஜக அமைப்புசாரா தொழிலாளர் பிரிவு துணைத் தலைவர், பாஜக ஊடக பிரிவு சென்னை கோட்ட பொறுப்பாளர் என்.கே.எஸ். சக்திவேல் தலைமை வகித்தார்.
நிறைவேற்றப்பட்ட தீர்மானங்கள்...
அடுத்த ஒரு ஆண்டில் நாமக்கல் மாவட்டத்தில் 5 லட்சம் மரக்கன்றுகள் நடுவது, ஆண்டுதோறும் 25 ஆதரவற்ற குழந்தைகளின் கல்விச் செலவை ஏற்பது, பெண்கள் மற்றும் குழந்தைகளுக்கு ஏற்படும் பாலியல் வன்கொடுமைகளுக்கு மக்கள் மத்தியில் விழிப்புணர்வு பிரசாரம் மேற்கொள்வது. 
கூட்டத்தில் அறக்கட்டளை நிர்வாகி விஜயகுமாரி, ஒருங்கிணைப்பாளர்கள் பரமேஸ்வரி, ராஜு, ஜோதிமணி, சுசீலா, ராஜேஸ்வரி, ராணி, ராதா, தனலட்சுமி, சந்திரமோகன், கேசவன், லட்சுமி, சரவணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/21/சக்தி-அறக்கட்டளை-மூலம்-5-லட்சம்-மரக்கன்றுகள்-நட-முடிவு-3004832.html
3004830 தருமபுரி நாமக்கல் "இலக்கியங்களை சமூக கண்ணோட்டத்துடன் அணுக வேண்டும்' DIN DIN Friday, September 21, 2018 08:38 AM +0530 மாணவர்கள் இலக்கியங்களைப் பாடமாக படிப்பதோடு மட்டுமல்லாமல் சமூகக் கண்ணோட்டத்தோடு அணுக வேண்டும் என்றார் எழுத்தாளர் முனிஷ்.
நாமக்கல் கவிஞர் ராமலிங்கம் அரசு மகளிர் கல்லூரியில் தமிழ்த் துறை சார்பில், தமிழ் இலக்கிய மன்றத் துவக்க விழா நடைபெற்றது. விழாவுக்கு கல்லூரி முதல்வர் (பொறுப்பு) சுஜாதா தலைமை வகித்தார். விழாவில் சிறப்பு அழைப்பாளராகப் பங்கேற்ற எழுத்தாளர் முனிஷ் பேசியது:
மாணவர்கள் இலக்கியங்களைப் பாடமாகப் படிப்பதோடு மட்டுமல்லாமல் சமூக கண்ணோட்டத்தோடு அணுகுதல் வேண்டும். மாணவர்கள் தெரிந்தோதெரியாமலோ செய்யக்கூடிய சிறு தவறுகள் அவர்களுக்குக் கிடைக்கக் கூடிய பெறும் வாய்ப்பினை இழக்கச் செய்கிறது.
அதனால், வாய்ப்புகளை சரியாகப் பயன்படுத்துதல் வேண்டும். வாழும்போதும் விழும்போதும் நம்மை ஏற்றுக் கொள்ளும் தாய், தந்தையரை மதிக்க வேண்டும். நாம் முன்னேறுவதுடன் நம்முடன் இருப்பவர்களையும் மேம்படுத்துதல் வேண்டும்.   
 பார்வையற்றவருக்குப் பார்வை கிடைத்தால் எவ்வாறு இந்த உலகத்தை புதிய கண்ணோட்டத்தோடு பார்ப்பார்களோ அதுபோல் இலக்கியங்களையும், சமூகத்தையும் புதிய கண்ணோட்டத்தோடு நோக்குதல் வேண்டும் என்றார். 
 துறை தலைவர் ஆனந்தநாயகி, கெளரி, சசிரேகா உள்ளிட்ட பலர் பங்கேற்றனர். மேலும் பல்வேறு போட்டிகளில் வெற்றி பெற்ற மாணவியர்களுக்கு சான்றிதழ் வழங்கப்பட்டது.

]]>
http://www.dinamani.com/all-editions/edition-dharmapuri/namakkal/2018/sep/21/இலக்கியங்களை-சமூக-கண்ணோட்டத்துடன்-அணுக-வேண்டும்-3004830.html
3004827 தருமபுரி நாமக்கல் "விவசாயிகள் இரட்டிப்பு லாபம் பெற உழவர் உற்பத்தியாளர் நிறுவனம் தொடங்குங்கள்' DIN DIN Friday, September 21, 2018 08:37 AM +0530 விவசாயிகளின் தற்போது நிலைமாறி இரட்டிப்பு லாபம் பெற விவசாயிகள் ஒருங்கிணைந்து உழவர் உற்பத்தியாளர் நிறுவனம் தொடங்க வேண்டும் என நவணி கிராமத்தில் நடைபெற்ற பயிற்சியில் அறிவுறுத்தப்பட்டது.
புதுச்சத்திரம் வட்டாரத்தில் வேளாண்மை தொழில் நுட்ப மேலாண்மை முகமையின் கீழ் நவணி கிராமத்தில் விவசாயிகள் ஒன்றிணைந்து உழவர் உற்பத்தியாளர் நிறுவனம் அமைத்தல் குறித்த பயிற்சி அண்மையில் நடைபெற்றது.
பயிற்சிக்கு புதுச்சத்திரம் வட்டார வேளாண்மை உதவி இயக்குநர் பொ. பேபிகலா தலைமை வகித்துப் பேசியதாவது: விவசாயத்தில் தற்போது உள்ள நிலையை மாற்ற வேண்டுமானால் விவசாயிகள் வியாபாரிகளாக மாறினால்தான் சாத்தியமாகும்.
விவசாயிகள் குழுவாக இணைந்து செயல்பட்டால் தங்களுக்கு வேண்டிய இடுபொருள்களை மொத்தமாகக் கொள்முதல் செய்யலாம். அதன்மூலம் குறைவான விலைக்கு இடுபொருள்களை வாங்கிச் செலவைக் குறைக்கலாம். விவசாயப் பணிகளை இயந்திரங்களைப் பயன்படுத்தி துரிதமாக செய்து முடிக்கலாம். விளைவிக்கப்பட்ட விளைபொருள்களைக் கூட்டாக சேர்ந்து விற்பனை செய்யும்போது இடைத்தரகர்களை தவிர்த்து அதிக விலைக்கு விற்பனை செய்து பயன் அடையலாம். விளைபொருள்களை எந்தச் சந்தையில் விலை கூடுதலாகக் கிடைக்கிறது என்பதை வேளாண்மைத் துறையின் இணையதளம் மூலம் தெரிந்து அங்கு சென்று குழுவாக விற்பனை செய்து அதிக லாபம் ஈட்டலாம். மேலும் விளைவித்த விளைபொருள்களை அப்படியே விற்காமல் மதிப்பு கூட்டி விற்பனை செய்வதால் வருமானம் இரட்டிப்பாகிறது.  அதனால், விவசாயிகள் ஒன்றிணைந்து உழவர் உற்பத்தியாளர் நிறுவனம் அமைத்து விவசாயிகள் வியாபாரியாக மாறவேண்டும். அப்போது விவசாயிகளின் வருமானம் உயர்ந்து வாழ்க்கை தரம் உயரும் என்றார். 
பயிற்சிக்கான ஏற்பாடுகளை உதவி வேளாண்மை அலுவலர் கிருஷ்ணமூர்த்தி, அட்மா வட்டார தொழில் நுட்ப மேலாளர் உள்ளிட்டோர் இதில் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/21/விவசாயிகள்-இரட்டிப்பு-லாபம்-பெறஉழவர்-உற்பத்தியாளர்-நிறுவனம்-தொடங்குங்கள்-3004827.html
3004823 தருமபுரி நாமக்கல் காங்கிரஸ், திமுகவுக்கு எதிரான அதிமுகவின் போராட்டம் அவசியமானதுதான் DIN DIN Friday, September 21, 2018 08:36 AM +0530 காங்கிரஸ், திமுக கட்சிகளை சர்வதேச போர்க் குற்றவாளிகளாக அறிவிக்க வேண்டும் என வரும் 25-ஆம் தேதி அதிமுக நடத்தும் போராட்டம் அவசியமானதுதான் என புதிய தமிழகம் கட்சித் தலைவர் கே. கிருஷ்ணசாமி தெரிவித்தார்.
நாமக்கல்லில் அவர் செய்தியாளர்களுக்கு வியாழக்கிழமை மாலை அளித்த பேட்டி:
தேவேந்திர குல வேளாளர் சமுதாய மக்கள் எஸ்.சி. பிரிவில் சேர்க்கப்பட்டதால், கடந்த 90 ஆண்டுகளில் அனைத்துத் துறைகளிலும் இந்த சமுதாய மக்களின் வளர்ச்சி தடுக்கப்பட்டுவிட்டது. இதனால் தேவேந்திர வேளாளர் சமுதாயத்தை பட்டியல் பிரிவில் இருந்து நீக்கி, இதர பிற்படுத்தப்பட்டோர் பட்டியலில் சேர்க்க வேண்டும்.
கருணாஸ் தான் சட்டப்பேரவை உறுப்பினர் என்ற மாண்பை மறந்து விட்டு பேசியிருக்கிறார். அவர் தானாக பேசவில்லை, யாரோ அவரை பேச வைத்துள்ளனர். கருணாஸ் மட்டுமல்லாது, அவரை பேச தூண்டியவர்கள் மீதும் காவல் துறை நடவடிக்கை எடுக்க வேண்டும்.
இதுபோன்றே மக்களிடம் பிரிவினையை தூண்டும் வகையில் பேசி வருபவர்களைக் கடுமையாகத் தண்டிக்க வேண்டும்.
இலங்கையில் விடுதலைப் புலிகளுக்கு எதிரான இறுதிப் போரில் இந்திய அரசு உதவியதாக அப்போது அதிபராக இருந்த ராஜபட்ச இப்போது ஒப்புக்கொண்டுள்ளார்.
இலங்கையில் பல லட்சம் தமிழ் மக்களைக் கொன்று குவித்த ராஜபட்சவுக்கு உதவி செய்த அப்போது மத்தியில் ஆட்சி செய்த காங்கிரஸ் கட்சியும், அந்த அரசில் அங்கம் வகித்த திமுகவும் பதில் சொல்லியே ஆக வேண்டும். 
இலங்கை அரசுக்கு உதவியதாக காங்கிரஸ் மற்றும் திமுக கட்சிகளை சர்வதேச போர்க்குற்றவாளிகளாக அறிவிக்க வேண்டும் என வரும் 25-ஆம் தேதி அதிமுக நடத்தும் போராட்டம் அவசியமானது. ராஜபட்சவை எப்படி சர்வதேச போர்க்குற்றவாளியாக அறிவிக்க வேண்டும் எனக் கூறுகிறோமோ, அதுபோல இலங்கை அரசுக்கு உதவிய காங்கிரஸ், திமுக இரண்டுமே சர்வதேச போர்க்குற்றவாளிகளாக அறிவிக்கப்பட வேண்டும்.
தமிழகத்தில் ஊழல் என்பது திராவிடக் கட்சிகளின் ஆட்சியில் ஊறிப்போன விஷயம். இப்போது ஆட்சியாளர்கள் மீது ஊழல் குற்றச்சாட்டுகள் தெரிவிக்கும் திமுக, அடிப்படை ஆதாரங்களை நீதிமன்றத்தில் கொடுக்காமல் வெளியில் தெரிவிப்பது என்பது ஆட்சியாளர்களை எப்படியாவது பதவியிலிருந்து இறக்க வேண்டும் என்பதற்காக மேற்கொள்ளப்படும் மூன்றாம் தர அரசியல்.
மத்தியில் ஆட்சியில் உள்ள தேசியக் கட்சியின் செயலராக உள்ள ஹெச். ராஜா பரபரப்பாக பேசப்பட வேண்டும் என்பதற்காக கடுமையாக பேசுவதைத் தவிர்க்க வேண்டும் என்றார்.
 

]]>
http://www.dinamani.com/all-editions/edition-dharmapuri/namakkal/2018/sep/21/காங்கிரஸ்-திமுகவுக்கு-எதிரான-அதிமுகவின்-போராட்டம்-அவசியமானதுதான்-3004823.html
3004821 தருமபுரி நாமக்கல் பாலப்பட்டியில் உயர் மின்கோபுர விளக்கு அமைக்கும் பணி: எம்எல்ஏ தொடக்கி வைத்தார் DIN DIN Friday, September 21, 2018 08:36 AM +0530 பரமத்தி வேலூர் சட்டப்பேரவைத் தொகுதிக்குள்பட்ட பாலப்பட்டியில் ரூ. 8 லட்சம் செலவில்  உயர் மின்கோபுர விளக்கு அமைப்பதற்கான பூமி பூஜையை பரமத்தி வேலூர் எம்எல்ஏ கே.எஸ்.மூர்த்தி வியாழக்கிழமை தொடக்கி வைத்தார்.
பாலப்பட்டி அரசினர் மேல்நிலைப் பள்ளி அருகே உயர் மின்கோபுர விளக்கு அமைக்க வேண்டும் என அப் பகுதியைச் சேர்ந்த பொதுமக்கள் கோரிக்கை விடுத்து வந்தனர். இதையடுத்து தொகுதி உறுப்பினரின் வேண்டுகோளை ஏற்று மாநிலங்களவை உறுப்பினர் திருச்சி சிவா தொகுதி மேம்பாட்டு நிதியிலிருந்து ரூ. 8 லட்சம் நிதி ஒதுக்கீடு செய்தார். இதற்கான பூமிபூஜை வியாழக்கிழமை நடைபெற்றது.
விழாவில் மோகனூர் வட்டார வளர்ச்சி அலுவலர் தேன்மொழி முன்னிலை வகித்தார். பரமத்தி வேலூர் சட்டப்பேரவைத் தொகுதி உறுப்பினர் கே.எஸ். மூர்த்தி கலந்து கொண்டு ரூ. 8 லட்சம் மதிப்பிலான உயர் மின்கோபுர விளக்கு அமைப்பதற்கான பூமி பூஜையைத் தொடக்கி வைத்தார்.
பின்னர் ஓலப்பாளையம் ஊராட்சி ஒன்றியத் தொடக்கப் பள்ளியில்  ரூ. 4.5 லட்சம் செலவில் அமைக்கப்பட்டுள்ள குடிநீர் சுத்திகரிப்பு இயந்திர பயன்பாட்டைத் தொடக்கி
வைத்தார். 
நிகழ்ச்சியில் மோகனூர் மேற்கு ஒன்றிய திமுக செயலாளர் சண்முகம், தலைமை ஆசிரியை திலகவதி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/sep/21/பாலப்பட்டியில்-உயர்-மின்கோபுர-விளக்கு-அமைக்கும்-பணி-எம்எல்ஏ-தொடக்கி-வைத்தார்-3004821.html
3004820 தருமபுரி நாமக்கல் அண்ணா பிறந்த நாளையொட்டி அக். 5-இல் சைக்கிள் போட்டி DIN DIN Friday, September 21, 2018 08:35 AM +0530 அண்ணா பிறந்த நாளை சிறப்பிக்கும் வகையில், நாமக்கல் மாவட்ட அளவிலான மிதிவண்டி போட்டி வரும் அக்டோபர் 5-ஆம் தேதி நடைபெற இருப்பதாக மாவட்ட ஆட்சியர் மு. ஆசியா மரியம் தெரிவித்தார்.
இதுகுறித்து அவர் வெளியிட்டுள்ள செய்திக் குறிப்பு:
தமிழக முன்னாள் முதல்வர் அண்ணா பிறந்த நாளை சிறப்பிக்கும் நோக்கில், ஒவ்வொரு ஆண்டும் மாவட்ட அளவில் மாணவ, மாணவிகளுக்கான மிதிவண்டி போட்டி நடத்தப்பட்டு வருகிறது.
அந்த வகையில், நிகழாண்டுக்கான போட்டி வரும் அக்டோபர் மாதம் 5 ஆம் தேதி காலை 7 மணிக்கு ஆட்சியர் அலுவலக வளாகம் முன்பு தொடங்க உள்ளது. 
 இதில் மாணவர்களுக்கு 13-வயதுக்குள் 15 கி.மீ, 15 வயதுக்குள் 20 கி.மீ., 17 வயதுக்குள் 20 கி.மீ. தூரமும், மாணவிகளுக்கு 10 கி.மீ., 15 கி.மீ, 15 கி.மீ. தூரம் என 3 பிரிவுகளில் போட்டிகள் நடைபெற உள்ளன.
இதில் ஒவ்வொரு பிரிவிலும் முதல் மூன்று இடங்களைப் பெறுவோருக்கு பரிசும், முதல் 10 இடங்களைப் பெறுவோருக்கு தகுதிச் சான்றிதழ்களும் வழங்கப்பட இருக்கின்றன. 
இந்த மாவட்ட அளவிலான போட்டியில் பங்கேற்க விரும்பும் மாணவ, மாணவிகள் அந்தந்தப் பள்ளித் தலைமை ஆசிரியர்களிடமிருந்து சான்றிதழ்களைப் பெற்று மாவட்ட விளையாட்டு மற்றும் இளைஞர் நலத்துறை அலுவலர் முன் குறிப்பிட்ட நாளில் நேரில் வந்து பயனடையலாம்.

]]>
http://www.dinamani.com/all-editions/edition-dharmapuri/namakkal/2018/sep/21/அண்ணா-பிறந்த-நாளையொட்டிஅக்-5-இல்-சைக்கிள்-போட்டி-3004820.html
3004819 தருமபுரி நாமக்கல் கொப்பரைத் தேங்காய் விலை சரிவு DIN DIN Friday, September 21, 2018 08:35 AM +0530 பரமத்திவேலூர் வெங்கமேட்டில் உள்ள சேலம் ஒழுங்குமுறை விற்பனை கூடத்தில் வியாழக்கிழமை நடைபெற்ற கொப்பரைத் தேங்காய் ஏலத்தில் வரத்து அதிகம் காரணமாக விலை சரிவடைந்தது.
பரமத்திவேலூர் சுற்று வட்டாரப் பகுதிகளில் விளையும் தேங்காய்களை உடைத்து அதன் பருப்புகளை சிறு விவசாயிகள் பரமத்திவேலூர் வெங்கமேட்டில் உள்ள சேலம் ஒழுங்குமுறை விற்பனைக் கூடத்துக்கு வியாழக்கிழமை தோறும் கொண்டு வருகின்றனர். இங்கு தரத்துக்குத் தகுந்தார்போல் மறைமுக ஏலம்
விடப்படுகிறது.
கடந்த வாரம் வியாழக்கிழமை நடைபெற்ற ஏலத்துக்கு 2,442 கிலோ கொப்பரைத் தேங்காய் கொண்டு வரப்பட்டிருந்தது.
இதில், அதிகபட்சமாக கிலோ ஒன்று ரூ. 98.15 பைசாவிற்கும், குறைந்த பட்சமாக ரூ. 93.69 பைசாவுக்கும், சராசரியாக ரூ.97.19 பைசாவுக்கும் ஏலம் போனது. மொத்தம் ரூ.2 லட்சத்து 21 ஆயிரத்து 500-க்கு வர்த்தகம் நடைபெற்றது.
வியாழக்கிழமை நடைபெற்ற ஏலத்துக்கு 2,603 கிலோ கொப்பரைத் தேங்காய்க் கொண்டு வரப்பட்டிருந்தது.
இதில் அதிகபட்சமாக கிலோ ஒன்று ரூ.90.69 பைசாவிற்கும், குறைந்த பட்சமாக ரூ.85.10 பைசாவிற்கும், சராசரியாக ரூ.88.69 பைசாவிற்கும் ஏலம் போனது. மொத்தம் ரூ. 2 லட்சத்து 18 ஆயிரத்து 11 க்கு வர்த்தகம் நடைபெற்றது. வரத்து அதிகரித்ததால் விலை சரிவடைந்துள்ளதாக விவசாயிகள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/sep/21/கொப்பரைத்-தேங்காய்-விலை-சரிவு-3004819.html
3004818 தருமபுரி நாமக்கல் வேளாண் கருவிகள் பயன்பாடு பயிற்சி DIN DIN Friday, September 21, 2018 08:35 AM +0530 பரமத்தி வேலூர் வட்டம், செருக்கலை பகுதியில் வேளாண் கருவிகளை பயன்படுத்துவது குறித்து விவசாயிகளுக்கு ஒருநாள் பயிற்சி அளிக்கப்பட்டது.
பரமத்தி வட்டார வேளாண் துறை அட்மா திட்ட பொறியியல் துறை சார்பில், வேளாண் கருவிகளை பயன்படுத்துவது குறித்த பயிற்சி நாமக்கல் வேளாண் துறை துணை இயக்குநர் அசோகன் தலைமையில் நடைபெற்றது. பயிற்சியில் வேளாண் துறையின் மூலம் வழங்கப்படும் மானியத் திட்டங்கள், கூட்டுப்பண்ணை அமைப்பதன் பயன்கள், மானாவாரி சாகுபடி திட்டம், வேளாண் இயந்திரங்களுக்கு மானியம் மற்றும் மாவட்ட தொழில் மையம் மூலம் கடன் பெறும் வசதிகள் ஆகியவை குறித்து விவசாயிகளிடையே எடுத்துக் கூறப்பட்டது. வட்டார தொழில்நுட்ப மேலாளர் பன்னீர்செல்வம், உதவி தொழில்நுட்ப மேலாளர் ரவீனா ஆகியோர் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/21/வேளாண்-கருவிகள்பயன்பாடு-பயிற்சி-3004818.html
3004817 தருமபுரி நாமக்கல் மஹேந்ரா கல்வி நிறுவனருக்கு சிறந்த கல்வியாளர் விருது DIN DIN Friday, September 21, 2018 08:35 AM +0530 மஹேந்ரா கல்வி நிறுவனங்களின் நிறுவனர் எம்.ஜி.பாரத்குமாருக்கு 2018-ஆம் ஆண்டின் சிறந்த கல்வியாளர் விருது இந்திய பொறியியல் அமைப்பின் சார்பில் வழங்கப்பட்டது.
சேலம் மாவட்ட இந்திய பொறியியல் அமைப்பின் சார்பில், அண்மையில் நடைபெற்ற விழாவில் இதற்கான விருது அவருக்கு வழங்கி கௌரவிக்கப்பட்டது. மஹேந்ரா தொழில்நுட்பக் கல்லூரிக்கு புதுமை புகுத்துதல், நிலைத்தன்மை போன்றவற்றுக்கான 2018-ஆம் ஆண்டின் விருதும், இக்கல்லூரியின் சிவில் துறைத் தலைவர் வித்யா, சிறந்த மாணவியாக இறுதியாண்டு சிவில் பிரிவு மாணவி சி.மதுரநாகலட்சுமி ஆகியோர் தேர்வு செய்யப்பட்டு விருது வழங்கப்பட்டது.  விழாவில், இந்திய பொறியியல் அமைப்பு சேலம் பிரிவு தலைவர் கே.பாண்டியன், செயலர் சரவணன், சேலம் ரயில்வே கோட்ட மேலாளர் சுப்பாராவ், ஸ்ரீஹரிகோட்டா, இஸ்ரோ துணை இயக்குநர் வி.ரங்கநாதன் ஆகியோர் பங்கேற்று விருதை வழங்கினர். இதில், மஹேந்ரா பொறியியல் கல்லூரி செயல் இயக்குநர் இரா.சாம்சன் ரவீந்திரன், கல்லூரி முதல்வர் டி.இளங்கோ உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-dharmapuri/namakkal/2018/sep/21/மஹேந்ரா-கல்வி-நிறுவனருக்குசிறந்த-கல்வியாளர்-விருது-3004817.html
3004816 தருமபுரி நாமக்கல் வீட்டுக்குள் நுழைந்து இருசக்கர வாகனம், பணம்  திருட்டு DIN DIN Friday, September 21, 2018 08:34 AM +0530 பரமத்தி வேலூர் பேட்டை செட்டியார் தெருவில் குடியிருப்பவர் சக்திவேல் (43) . இவரது மனைவி பூங்கோதை. புதன்கிழமை இரவு வீட்டின் கதவை திறந்து வைத்துவிட்டு தூங்கியுள்ளார்.  வியாழக்கிழமை காலை எழுந்து பார்த்தபோது  வீட்டில் இருந்த 4 செல்லிடைப்பேசிகள், ரூ. 12 ஆயிரம் பணம் மற்றும் இருசக்கர வாகனம் காணாமல்போனது தெரியவந்தது. தகவல் அறிந்த பரமத்திவேலூர் போலீஸார் விசாரணை நடத்தினர். துணைக் கண்காணிப்பாளர் ராஜூ தலைமையில் தனிப்படை அமைக்கப்பட்டுள்ளது.
 

]]>
http://www.dinamani.com/all-editions/edition-dharmapuri/namakkal/2018/sep/21/வீட்டுக்குள்-நுழைந்து-இருசக்கர-வாகனம்-பணம்--திருட்டு-3004816.html
3004815 தருமபுரி நாமக்கல் இந்திய கம்யூனிஸ்ட்  பிரசார இயக்கத்துக்கு வரவேற்பு DIN DIN Friday, September 21, 2018 08:34 AM +0530 இந்திய கம்யூனிஸ்ட் கட்சி சார்பில் நாடு தழுவிய அளவில் நடைபெறும் வாகனப் பிரசார இயக்கத்துக்கு குமாரபாளையத்தில் வியாழக்கிழமை மாலை வரவேற்பு அளிக்கப்பட்டது . 
இந்திய  அரசியல் சாசனத்தைப் பாதுகாப்போம், இந்தியாவைப் பாதுகாப்போம் எனும் முழக்கத்துடன் மத்திய பாஜக அரசைக் கண்டித்து நடைபெறும் இப் பிரசார இயக்க வாகனத்துக்கு குமாரபாளையம் பள்ளிபாளையம் பிரிவில்  கட்சியின் நகரச் செயலர் எஸ்.பி. கேசவன் தலைமையில் வரவேற்பு அளிக்கப்பட்டது. நகரத் துணைச் செயலர் எஸ். காமராஜ் முன்னிலை வகித்தார்.
கோரிக்கைகளை விளக்கிக் கட்சியின் மாநிலப் பொருளாளர்  எம். ஆறுமுகம், மாநிலக் குழு உறுப்பினர் எஸ். மணிவேல், மாவட்டச் செயலர் ஆர். குழந்தான் ஆகியோர்  சிறப்புரையாற்றினர்.
வடக்கு ஒன்றியச் செயலர் பிஎஸ்பி. அர்த்தனாரி, நகரப் பொருளாளர் எஸ்.ஏ. மனோகரன், நகரக் குழு உறுப்பினர்கள் எஸ்.ஈஸ்வரன், சேகர், மணிவேலன், சூரிய நாராயணன் உள்ளிட்ட பலர் கலந்து கொண்டனர்.
இப் பிரசார இயக்கத்தில் மத்திய பாஜக அரசின் மக்கள் விரோதப் போக்கு, திட்டங்கள் குறித்து  விளக்கிப் பேசப்பட்டது. 
 

]]>
http://www.dinamani.com/all-editions/edition-dharmapuri/namakkal/2018/sep/21/இந்திய-கம்யூனிஸ்ட்--பிரசார-இயக்கத்துக்கு-வரவேற்பு-3004815.html
3004814 தருமபுரி நாமக்கல் புதுச்சத்திரம் ஒன்றியத்தில் ரூ. 1.55 கோடி மதிப்பில் வளர்ச்சிப் பணிகள்: ஆட்சியர் ஆய்வு DIN DIN Friday, September 21, 2018 08:34 AM +0530 புதுச்சத்திரம் ஊராட்சி ஒன்றியத்திற்குள்பட்ட பகுதிகளில் ரூ. 1.55 கோடி மதிப்பீட்டில் மேற்கொள்ளப்பட்டு வரும் பல்வேறு வளர்ச்சி திட்டப் பணிகளை மாவட்ட ஆட்சியர் மு. ஆசியா மரியம் நேரில் பார்வையிட்டு ஆய்வு செய்தார்.
நாமக்கல் மாவட்டம், புதுசத்திரம் ஊராட்சி ஒன்றியம், செல்லப்பம்பட்டி, மின்னாம்பள்ளி, களங்கானி, காரைக்குறிச்சி, திருமலைப்பட்டி, கதிராநல்லூர் ஆகிய ஊராட்சிகளுக்குட்பட்ட பகுதிகளில் ரூ. 1.55 கோடி மதிப்பீட்டில் ஊரக வளர்ச்சி மற்றும் ஊராட்சித்துறையின் சார்பில் மேற்கொள்ளப்பட்டு வரும் பல்வேறு வளர்ச்சி திட்டப் பணிகளை மாவட்ட ஆட்சியர் மு. ஆசியா மரியம் அண்மையில் நேரில் பார்வையிட்டு ஆய்வு செய்தார்.
ஆய்வின்போது மாவட்ட ஊரக வளர்ச்சி முகமையின் திட்ட இயக்குநர் சி. மாலதி, புதுச்சத்திரம் ஊராட்சி ஒன்றிய வட்டார வளர்ச்சி அலுவலர்கள் ஏ.பிரபாகரன், டி.ஏ.சரவணன் மற்றும் அலுவலர்கள் உடனிருந்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/21/புதுச்சத்திரம்-ஒன்றியத்தில்-ரூ-155-கோடி-மதிப்பில்-வளர்ச்சிப்-பணிகள்-ஆட்சியர்-ஆய்வு-3004814.html
3004813 தருமபுரி நாமக்கல் டாஸ்மாக் கடையை முற்றுகையிட விவசாயிகள் முயற்சி DIN DIN Friday, September 21, 2018 08:34 AM +0530 பாண்டமங்கலம் அருகே விதிமுறை மீறி செயல்படும் அரசு டாஸ்மாக் கடையை விவசாயிகள் வியாழக்கிழமை முற்றுகையிட முயன்றனர்.
பாண்டமங்கலம் அருகே பூசாரிபாளையம் பகுதியில் டாஸ்மாக் கடை  இயங்கி வருகிறது. இக் கடை விவசாயம் சார்ந்த பகுதியில் அமைந்துள்ளது. இக் கடையை சுற்றி கரும்பு, மரவள்ளிக்கிழங்கு உள்ளிட்ட பயிர்களும், கரையோரத்தில் வாழை, தென்னை, எலுமிச்சை உள்ளிட்ட பயிர்களையும் விவசாயிகள் பயிர் செய்துள்ளனர். இக் கடை அரசு விதிமுறைக்கு புறம்பாக காலை முதல் இரவு 12 வரை இயங்கி வருவதாகவும், இங்கு மது அருந்த வருபவர்கள் விவசாய தோட்டத்தில் புட்டிகளை வீசி வருவதோடு வாழைத்தார், தேங்காய்களைப் பறித்துச் செல்வதாக டாஸ்மாக் மேலாளிடம் புகார் தெரிவித்தனர்.
ஆனால் இதுதொடர்பாக நடவடிக்கை எடுக்கப்படாததால் விவாயிகள்  டாஸ்மாக் கடையை வியாழக்கிழமை முற்றுகையிட முயன்றனர். தகவல் அறிந்து அங்கு வந்த பரமத்தி வேலூர் போலீஸார் விவசாயிகளிடம் பேச்சு நடத்தினர். பின்னர் அப்பகுதி விவசாயிகள் பரமத்தி வேலூர் காவல் துணைக் கண்காணிப்பாளர் (பயிற்சி) சாந்தியிடம் மனு அளித்தனர். 
மனுவின் அடிப்படையில் உரிய நடவடிக்கை எடுக்கப்படும் என துணைக் கண்காணிப்பாளர் சாந்தி உறுதியளித்தார்.
 

]]>
http://www.dinamani.com/all-editions/edition-dharmapuri/namakkal/2018/sep/21/டாஸ்மாக்-கடையை-முற்றுகையிட-விவசாயிகள்-முயற்சி-3004813.html
3004812 தருமபுரி நாமக்கல் நாமக்கல்லில் தேமுதிகவினர் திமுகவில் இணைந்தனர் DIN DIN Friday, September 21, 2018 08:33 AM +0530 நாமக்கல்லில் தேமுதிகவினர் 10 பேர் மாவட்டபொறுப்பாளர் முன்னிலையில் திமுகவில் இணைந்தனர்.
நாமக்கல் கிழக்கு மாவட்டம், மோகனூர் கிழக்கு ஒன்றியம், ஆரியூர் முன்னாள் ஊராட்சி மன்றத் தலைவர் ராஜாகண்ணன் உள்ளிட்ட 10 பேர் தேமுதிகவிலிருந்து விலகி நாமக்கல் கிழக்கு மாவட்ட திமுக பொறுப்பாளர் எஸ். காந்திசெல்வன் முன்னிலையில் திமுகவில் இணைந்தனர். 
மாவட்ட திமுக அலுவலகத்தில் வியாழக்கிழமை நடைபெற்ற நிகழ்ச்சியில் மாவட்ட விவசாய அணி அமைப்பாளர் நவலடி, வர்த்தகர் அணி அமைப்பாளர் ராமலிங்கம், மோகனூர் பேரூராட்சி முன்னாள் துணைச் செயலர் வரதராஜன், மாவட்ட மாணவர் அணித் துணை அமைப்பாளர் நவீன், ஒருவந்தூர் நீரேற்று பாசன சங்க முன்னாள் தலைவர் ராஜேந்திரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/21/நாமக்கல்லில்-தேமுதிகவினர்-திமுகவில்-இணைந்தனர்-3004812.html
3004756 தருமபுரி நாமக்கல் முட்டைக்கு வாரத்தில் 3 நாள்கள் விலை நிர்ணயம்: கோழிப் பண்ணையாளர்கள் வலியுறுத்தல் DIN DIN Friday, September 21, 2018 07:53 AM +0530 வாரத்தில் 3 நாள்கள் மட்டுமே முட்டை விலையை நிர்ணயம் செய்ய வேண்டும் என தமிழ்நாடு கோழிப் பண்ணையாளர்கள் சங்கம் வலியுறுத்தியுள்ளது.
 நாமக்கல் மண்டலத்தில் 1,100-க்கும் மேற்பட்ட கோழிப் பண்ணைகள் உள்ளன.  இவற்றின் மூலம் தினசரி சுமார் 3  கோடி முட்டைகள் உற்பத்தி செய்யப்பட்டு வருகின்றன.  இந்த முட்டைகளுக்கு தேசிய முட்டை ஒருங்கிணைப்புக் குழு சார்பில் திங்கள்,  வியாழன் மற்றும் சனிக்கிழமை என வாரத்தில் 3 நாள்கள் மட்டும் விலை நிர்ணயம் செய்யப்பட்டு வந்தது. இந்த விலை மீதமுள்ள நாள்களுக்கும் பொருந்தும்.
 இந்த நிலையில், கடந்த சில நாள்களாக தேசிய முட்டை ஒருங்கிணைப்புக் குழு முட்டைக்கான விலையை தினசரி நிர்ணயம் செய்து வருகிறது.  இதற்கு தமிழ்நாடு கோழிப் பண்ணையாளர்கள் சங்கம் ஆட்சேபம் தெரிவித்துள்ளது.
 நாமக்கல் மண்டலத்தில் முட்டை கொள்முதல் விலை ஒவ்வொரு வாரமும் பழைய முறைப்படி திங்கள்கிழமை,  வியாழக்கிழமை மற்றும் சனிக்கிழமைகளில் மட்டுமே நிர்ணயம் செய்யப்பட வேண்டும் என தமிழ்நாடு கோழிப் பண்ணையாளர்கள் சங்க தலைவர் ஏ.கே.பி.சின்ராஜ் தெரிவித்துள்ளார். 
 கோழிப் பண்ணையாளர்கள் சங்கத்தின் இந்த கோரிக்கை குறித்து தேசிய முட்டை ஒருங்கிணைப்புக் குழு நாமக்கல் மண்டலத் தலைவர் பி.செல்வராஜ் கூறியது:  நாமக்கல் மண்டலத்தில் பண்ணையாளர்கள் சில நாள்களுக்கு முன்னர் தேசிய முட்டை ஒருங்கிணைப்புக் குழு நிர்ணயம் செய்யும் விலையில் இருந்து 60 முதல் 70 காசுகள் வரை குறைத்து கொடுத்துள்ளனர்.   அதனால் பண்ணையாளர்களுக்கும்,  வியாபாரிகளுக்கும் பெரும் இழப்பு ஏற்பட்டது.
 இதை தவிர்க்கும் பொருட்டே நாமக்கல் மண்டல தேசிய முட்டை ஒருங்கிணைப்புக் குழு பல்வேறு தொடர் நடவடிக்கைகளை மேற்கொண்டு வருகிறது.  முட்டைக்கான விலையை தினசரி நிர்ணயம் செய்வதன் மூலம் இனிவரும் காலங்களில் முட்டை வியாபாரமானது சுமுகமாக நடைபெறும். 
பண்ணையாளர்கள் முட்டை விலையை தேசிய முட்டை ஒருங்கிணைப்புக் குழு நிர்ணயம் செய்யும் விலையில் இருந்து 25 காசுகளுக்கு மேல் குறைத்து கொடுக்காமல் இருந்தால், முட்டை விலையை அதிகரிக்கவும், சுமுகமாக வியாபாரம் நடத்தவும் முடியும் என்றார்.
 

]]>
http://www.dinamani.com/all-editions/edition-dharmapuri/namakkal/2018/sep/21/முட்டைக்கு-வாரத்தில்-3-நாள்கள்-விலை-நிர்ணயம்-கோழிப்-பண்ணையாளர்கள்-வலியுறுத்தல்-3004756.html
3004755 தருமபுரி நாமக்கல் குமாரபாளையம் காவல் நிலையம் முன் தீக்குளித்த பெண் சாவு DIN DIN Friday, September 21, 2018 07:53 AM +0530 சொத்துகளை  ஏமாற்றியோர் மீது நடவடிக்கை எடுக்கக் கோரி குமாரபாளையம் காவல் நிலையம் முன் தீக்குளித்த  பெண், ஈரோடு அரசு மருத்துவமனையில் சிகிச்சை பலனின்றி வியாழக்கிழமை உயிரிழந்தார். 
குமாரபாளையத்தை அடுத்த ஓலப்பாளையம், காந்திநகர், வாய்க்கால் கரையைச் சேர்ந்தவர் சேகர் மனைவி பார்வதி (46) .   கடந்த 2015-ஆம் ஆண்டு கோவை பீளமேட்டில் ஜவுளிக் கடை நடத்தி வந்தபோது,  குமாரபாளையம், சுந்தரம்  நகரைச் சேர்ந்த ஈஸ்வரன் என்பவருடன் அறிமுகம் ஏற்பட்டுள்ளது.
இவர்களுக்கிடையே நெருக்கம் அதிகரித்ததால்,   கணவர் சேகர் பார்வதியைப் பிரிந்து சென்றார்.
இந் நிலையில், பார்வதியின் ரூ.1.30 கோடி  மதிப்பிலான சொத்துகள்,  உடைமைகளை ஈஸ்வரன் அபகரித்துக் கொண்டதாகக் கூறப்படுகிறது.
இதனால்,  தனது  சொத்து மற்றும் உடைமைகளை மீட்டுத் தரக் கோரி,  கடந்த ஜூலை மாதம் நாமக்கல் மாவட்ட காவல்  கண்காணிப்பாளர் அலுவலகத்தில் பார்வதி புகார் அளித்தார்.  இதையடுத்து, குமாரபாளையம் போலீஸார் வழக்குப் பதிவு  செய்து,  குமாரபாளையம் ராஜாஜி நகரைச் சேர்ந்த தேவராஜ் மகன் ஈஸ்வரன் (42),  அவரது மனைவி  மலர்க்கொடி (31),  ஈஸ்வரனின் சகோதரர் ஜம்பு (44) ஆகியோரைத் தேடி வந்தனர்.
இந்த நிலையில்,  புதன்கிழமை மாலை குமாரபாளையம் காவல் நிலையத்துக்கு வந்த பார்வதி,  தன்னை ஏமாற்றியோர் மீது  நடவடிக்கை எடுக்குமாறு கூச்சலிட்டபடி, மண்ணெண்ணெய்யை ஊற்றித் தீ வைத்துக் கொண்டார்.
இதைக் கண்டு  அதிர்ச்சியடைந்த பொதுமக்கள் மற்றும் போலீஸார் தண்ணீரை ஊற்றி அவர் மீது பற்றிய தீயை அணைத்ததோடு,  அவரை தீவிர சிகிச்சைக்காக ஈரோடு அரசு  மருத்துவமனைக்கு அனுப்பி வைத்தனர். 
அங்கு,  சிகிச்சை பலனளிக்காமல்  பார்வதி வியாழக்கிழமை உயிரிழந்தார்.  இதுகுறித்து, குமாரபாளையம் போலீஸார் வழக்குப் பதிந்து விசாரணை மேற்கொண்டுள்ளனர். 

]]>
http://www.dinamani.com/all-editions/edition-dharmapuri/namakkal/2018/sep/21/குமாரபாளையம்-காவல்-நிலையம்-முன்-தீக்குளித்த-பெண்-சாவு-3004755.html
3004213 தருமபுரி நாமக்கல் சொத்துகளை ஏமாற்றியோர் மீது நடவடிக்கை எடுக்கக் கோரி பெண் தீக்குளிப்பு DIN DIN Thursday, September 20, 2018 09:39 AM +0530 சொத்துகளை ஏமாற்றியோர் மீது நடவடிக்கை எடுக்கக் கோரி பெண் ஒருவர் புதன்கிழமை குமாரபாளையம் காவல் நிலையம் முன் தீக்குளித்து தற்கொலைக்கு முயன்றார்.
குமாரபாளையத்தை அடுத்த  ஓலப்பாளையம், காந்திநகர், வாய்க்கால்கரையைச் சேர்ந்தவர் சேகர் மனைவி பார்வதி (46). இவர், கடந்த  2015-ஆம் ஆண்டு கோவை பீளமேட்டில் ஜவுளிக் கடை வைத்திருந்தாரம். அப்போது, குமாரபாளையம், சுந்தரம்  நகரைச் சேர்ந்த ஈஸ்வரன் அறிமுகமாகி நெருக்கமாகியுள்ளார். இதனால், பார்வதியின் கணவர் சேகர், தனது மகனுடன் பிரிந்து சென்றார்.
இந்நிலையில், பார்வதியும், ஈஸ்வரனும் சேர்ந்து வாழ்ந்ததாகக் கூறப்படுகிறது. அப்போது பார்வதியின் ஜவுளிக் கடையிலிருந்து ரூ.98 லட்சத்து 50 ஆயிரம் மதிப்பிலான ஜவுளிகளை குமாரபாளையம் பகுதியில் ஈஸ்வரன் விற்பனை  செய்துவிட்டாராம். மேலும், 2016-இல் குமாரபாளையம் பகுதியில் 48 சென்ட் நிலத்தை இருவரும் சேர்ந்து வாங்கியுள்ளனர். 
இந்த நிலையில், இருவருக்கும் இடையே ஏற்பட்ட கருத்து வேறுபாடால் பிரிந்தனராம்.  இதனால், 34 சென்ட் நிலத்தை திருபிக்க் கொடுத்த ஈஸ்வரன்,  மீதமுள்ள 14 சென்ட் நிலத்தை கொடுக்கவில்லையாம்.  மேலும், பார்வதியிடம் இருந்து கார், இருசக்கர வாகனம், குளிர்சாதன இயந்திரம், கணினி  உள்பட ரூ.1.30 கோடி மதிப்பிலான உடமைகளையும் திருப்பித் தரவில்லை எனக் கூறப்படுகிறது.
இதையடுத்து, தனது சொத்து மற்றும் உடமைகளை மீட்டுத் தரக் கோரி,  கடந்த ஜூலை மாதம் பார்வதி அளித்த புகாரின் பேரில்,  உரிய விசாரணை நடத்துமாறு மாவட்டக் காவல் கண்காணிப்பாளர் அலுவலகம் உத்தரவிட்டது. அதன்பேரில், கடந்த  செப். 9-ஆம் தேதி வழக்குப் பதிவு செய்த குமாரபாளையம் போலீஸார், பார்வதியை ஏமாற்றியதாக  குமாரபாளையம் ராஜாஜி நகரைச் சேர்ந்த தேவராஜ் மகன் ஈஸ்வரன் (42),  அவரது மனைவி மலர்க்கொடி  (31), ஈஸ்வரனின் சகோதரர் ஜம்பு (44) ஆகியோரை தேடி வந்தனர். 
இந் நிலையில், புதன்கிழமை மாலை குமாரபாளையம் காவல் நிலையத்துக்கு வந்த பார்வதி,  தன்னை  ஏமாற்றியோர் மீது  நடவடிக்கை எடுக்க வேண்டும் எனக் கூச்சலிட்டபடி, உடலில் மண்ணெண்ணெய் ஊற்றி தீ வைத்துக் கொண்டு காவல்  நிலையத்துக்குள் நுழைய முயன்றார். 
உடலில் தீ கொளுந்துவிட்டு எரிவதைக்  கண்ட பொதுமக்கள் மற்றும் போலீஸார் தண்ணீரை ஊற்றி தீயை அணைத்தனர்.  இதையடுத்து, பலத்த தீக்காயங்களுடன் மீட்கப்பட்ட பார்வதி ஈரோடு அரசு மருத்துவமனைக்கு மேல்சிகிச்சைக்கு அனுப்பி வைக்கப்பட்டார்.

]]>
http://www.dinamani.com/all-editions/edition-dharmapuri/namakkal/2018/sep/20/சொத்துகளை-ஏமாற்றியோர்-மீது-நடவடிக்கை-எடுக்கக்-கோரி-பெண்-தீக்குளிப்பு-3004213.html
3004173 தருமபுரி நாமக்கல் பட்டா வழங்கக் கோரி மனு  ராசிபுரம், DIN Thursday, September 20, 2018 09:29 AM +0530 ராசிபுரம் பிற்பட்டோர் காலனி பகுதியில் குடியிருப்போர் வீட்டுக்கு பட்டா வழங்கக் கோரி ராசிபுரம் வட்டாட்சியரிடம் மனு அளித்தனர்.
 ராசிபுரம் 8-ஆவது வார்டு பகுதியில் உள்ள பிற்பட்டோர் காலனி பகுதியில் சுமார் 80 பேர் குடியிருந்து வருகின்றனர். இவர்களுக்கு கடந்த 1985-ஆம் ஆண்டு நிபந்தனை பட்டாவுடன் கூடிய இடம் ஒதுக்கீடு செய்யப்பட்டு, தற்போது வீடுகள் கட்டி குடியிருந்து வருகின்றனர்.
 நிபந்தனை பட்டா விதிமுறையின் படி, இடத்தின் உரிமையாளர் 30 ஆண்டுகளுக்கு இந்த இடத்தை விற்கவோ, பெயர் மாற்றம் செய்யவோ, கடன் பெறவோ முடியாது. இந்நிலையில், தற்போது 30 ஆண்டுகள் கடந்த நிலையில், அப்பகுதியினர் சுமார் 80 பேர் வீடுகளுக்கு பட்டா கேட்டு வந்தனர். ஆனால், பலமுறை பட்டா கேட்டும் வழங்கப்படாததால், சுமார் 100-க்கும் மேற்பட்ட பெண்களும், அப்பகுதியினரும் வட்டாட்சியர் அலுவலகம் முன் திரண்டனர். பின்னர் பட்டா வழங்கக் கோரி மனு அளித்தனர். இதனையடுத்து, இந்த கோரிக்கையின் மீது பட்டா வழங்க நடவடிக்கை எடுப்பதாக வட்டாட்சியர் அலுவலக அதிகாரிகள் உறுதியளித்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/20/பட்டா-வழங்கக்-கோரி-மனு-3004173.html
3004171 தருமபுரி நாமக்கல் குழாய் உடைப்பால் வீணாகும் காவிரி குடிநீர்  ராசிபுரம், DIN Thursday, September 20, 2018 09:29 AM +0530 ராசிபுரம் நகருக்கு குடிநீர் வழங்கும் பிரதான குழாயில் உடைப்பு ஏற்பட்டதால், காவிரி குடிநீர் வீணாகிறது.
 ராசிபுரம் நகருக்கு எடப்பாடி கோனேரிப்பட்டி காவிரி ஆற்றுப் பகுதியில் இருந்து குழாய் மூலம் காவிரி குடிநீர் கொண்டுவரப்படுகிறது. இந்நிலையில், ராசிபுரம் அருகேயுள்ள முத்துக்காளிப்பட்டி பகுதியில் உள்ள பிரதான குடிநீர் குழாயில் உடைப்பு ஏற்பட்டதால், குடிநீர் வீணாகி சாலையிலும், விளைநிலங்களிலும் வழிந்தோடியது(படம்). இதனையடுத்து அப்பகுதியினர் நகராட்சி அதிகாரிகளுக்கு தகவல் கொடுத்ததன் பேரில், குடிநீர் வடிகால் வாரிய அலுவலர்களும், நகராட்சி குடிநீர் வழங்கல் துறையினரும் சம்பவ இடத்துக்கு வந்து குழாய் உடைப்பை சீரமைக்கும் பணியில் ஈடுபட்டனர்.

]]>
http://www.dinamani.com/all-editions/edition-dharmapuri/namakkal/2018/sep/20/குழாய்-உடைப்பால்-வீணாகும்-காவிரி-குடிநீர்-3004171.html
3004169 தருமபுரி நாமக்கல் இந்திய விவசாய தொழிலாளர் சங்கத்தினர் ஆர்ப்பாட்டம்  ராசிபுரம், DIN Thursday, September 20, 2018 09:28 AM +0530 நாமகிரிப்பேட்டை ஒன்றிய அகில இந்திய விவசாய தொழிலாளர் சங்கத்தினர் பல்வேறு கோரிக்கைகளை வலியுறுத்தி, ராசிபுரம் வட்டாட்சியர் அலுவலகம் முன் புதன்கிழமை ஆர்ப்பாட்டத்தில் ஈடுபட்டனர்.
 ஆர்ப்பாட்டத்துக்கு விவசாய சங்கத்தின் ஒன்றியத் தலைவர் பி.செல்வராஜ் தலைமை வகித்தார். ஒன்றியப் பொருளாளர் இ.குப்பண்ணன் முன்னிலை வகித்தார். கிராமப் புறங்களில் வீடு இல்லாத ஏழைகளுக்கு வீட்டுமனை வழங்க வேண்டும். ராசிபுரம் வட்டத்தில் ஏரி, குளங்கள், நீரோடைகள் தூர்வார 100 நாள் வேலை திட்டத்தின் அனைத்து தொழிலாளர்களையும் முழுமையாகப் பயன்படுத்த வேண்டும். 60 வயது நிறைவடைந்த தொழிலாளர்களுக்கு ஓய்வூதியம் ரூ.3 ஆயிரம் வழங்க வேண்டும். குடும்ப அட்டைதாரர்களுக்கு அனைத்து பொருள்களையும் முழுமையாக வழங்க வேண்டும். தனிநபர் கழிப்பிடம் கட்டியதற்கான கட்டட நிதியை வழங்க வேண்டும் என்பன உள்ளிட்ட பல்வேறு கோரிக்கைகள் இதில் வலியுறுத்தப்பட்டன.
 இதில் திரளான பெண்கள் பங்கேற்று, கோரிக்கைகளை வலியுறுத்தி முழக்கமெழுப்பினர். அதனைத் தொடர்ந்து, வட்டாட்சியரிடம் கோரிக்கை மனு அளித்தனர். இதில் விவசாய சங்க நிர்வாகிகள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/20/இந்திய-விவசாய-தொழிலாளர்-சங்கத்தினர்-ஆர்ப்பாட்டம்-3004169.html
3004167 தருமபுரி நாமக்கல் நாளை மாவட்ட திமுக செயற்குழுக் கூட்டம்  நாமக்கல், DIN Thursday, September 20, 2018 09:28 AM +0530 நாமக்கல் கிழக்கு மாவட்ட திமுக செயற்குழுக் கூட்டம் நாமக்கல்லில் வெள்ளிக்கிழமை நடைபெறுகிறது.
 இதுகுறித்து நாமக்கல் கிழக்கு மாவட்ட திமுக பொறுப்பாளர் எஸ்.காந்திசெல்வன் வெளியிட்டுள்ள அறிக்கை: நாமக்கல் கிழக்கு மாவட்ட திமுக செயற்குழுக் கூட்டம் மாவட்ட அவைத் தலைவர் ரா.உடையவர் தலைமையில் கட்சி அலுவலகத்தில் வெள்ளிக்கிழமை மாலை 4 மணிக்கு நடைபெறவுள்ளது.
 கூட்டத்தில் நகராட்சி, ஒன்றியம், பேரூராட்சி, சார்பு அணிகளின் பணிகள் குறித்தும் மற்றும் கட்சி ஆக்கப்பணிகள் குறித்தும் விவாதிக்கப்படவுள்ளன. எனவே, இக்கூட்டத்தில் மாநில, மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், முன்னாள் எம்.எல்.ஏ.க்கள், நகராட்சி, ஒன்றியம், பேரூராட்சி செயலர்கள், மாவட்ட அளவிலான சார்பு அணிகளின் அமைப்பாளர்கள் அனைவரும் தவறாமல் கலந்துகொள்ள வேண்டும்.

]]>
http://www.dinamani.com/all-editions/edition-dharmapuri/namakkal/2018/sep/20/நாளை-மாவட்ட-திமுக-செயற்குழுக்-கூட்டம்-3004167.html
3004163 தருமபுரி நாமக்கல் ஏலச் சந்தையில் வெல்லம் விலை உயர்வு  பரமத்தி வேலூர், DIN Thursday, September 20, 2018 09:28 AM +0530 பரமத்தி வேலூர் வட்டம், பிலிக்கல்பாளையம் சந்தையில் புதன்கிழமை நடைபெற்ற ஏலத்தில் வெல்லம் விலை உயர்ந்துள்ளதால் வெல்ல உற்பத்தியாளர்கள் மகிழ்ச்சி அடைந்துள்ளனர்.
 பரமத்தி வேலூர் வட்டத்தில் ஜேடர்பாளையம், சோழசிராமணி, அய்யம்பாளையம், கபிலர்மலை, பரமத்தி வேலூர், பாண்டமங்கலம், நன்செய் இடையாறு உள்ளிட்ட பகுதிகளில் ஏராளமான ஏக்கரில் கரும்பு பயிர் செய்யப்பட்டுள்ளது. இப்பகுதிகளில் விளையும் கரும்புகளை கரும்பு ஆலை உரிமையாளர்கள் வாங்கி வந்து உருண்டை வெல்லம், அச்சு வெல்லம் மற்றும் நாட்டுச் சர்க்கரை ஆகியவற்றை தயார் செய்கின்றனர். பின்னர் அவற்றை 30 கிலோ கொண்ட சிப்பங்களாக (மூட்டைகளாக) கட்டி பிலிக்கல்பாளையத்தில் உள்ள வெல்ல ஏலச் சந்தைக்கு கொண்டு வருகின்றனர். வாரந்தோறும் சனி மற்றும் புதன்கிழமைகளில் வெல்ல ஏலம் நடைபெறும். பல்வேறு மாவட்டங்களில் இருந்தும், வெளி மாநிலங்களில் இருந்தும் வெல்லத்தை ஏலம் எடுப்பதற்கு வியாபாரிகள் வந்து செல்கின்றனர்.
 கடந்த வாரம் நடைபெற்ற ஏலத்துக்கு 18 ஆயிரம் உருண்டை மற்றும் அச்சு வெல்ல சிப்பங்கள் கொண்டு வரப்பட்டிருந்தன. இதில் 30 கிலோ கொண்ட குண்டு வெல்லம் சிப்பம் ஒன்று ரூ.1,100 வரையிலும், அச்சு வெல்லம் ரூ.1,100 வரையிலும் ஏலம் போனது. புதன்கிழமை நடைபெற்ற ஏலத்துக்கு 10 ஆயிரம் உருண்டை மற்றும் அச்சு வெல்ல சிப்பங்களும் கொண்டு வரப்பட்டிருந்தன. இதில் குண்டு வெல்லம் ரூ.1,150 வரையிலும், அச்சு வெல்லம் ரூ.1,150 வரையிலும் ஏலம் போனது. வெல்லம் விலை உயர்வால் வெல்ல உற்பத்தியாளர்கள் மகிழ்ச்சி அடைந்துள்ளனர்.

]]>
http://www.dinamani.com/all-editions/edition-dharmapuri/namakkal/2018/sep/20/ஏலச்-சந்தையில்-வெல்லம்-விலை-உயர்வு-3004163.html
3004162 தருமபுரி நாமக்கல் கோமாரி நோய் தடுப்பூசி முகாம்  பரமத்திவேலூர், DIN Thursday, September 20, 2018 09:27 AM +0530 பரமத்தி வேலூர் வட்டம், பரமத்தி அருகே உள்ள ஆவாரங்காடு பகுதியில் கால்நடைகளுக்கான சிறப்பு கோமாரி நோய் தடுப்பூசி முகாம் நடைபெற்றது.
 இதில் 250-க்கும் மேற்பட்ட கால்நடைகளுக்கு கோமாரி நோய் தடுப்பூசி போடப்பட்டது.
 ஆவாரங்காடு பகுதியில் நடைபெற்ற கால்நடைகளுக்கான சிறப்பு கோமாரி நோய் தடுப்பூசி முகாமில் திடுமல் கால்நடை மருத்துவமனை உதவி மருத்துவர் டாக்டர் சையதுஅஸ்லாம் கலந்துகொண்டு, ஆவாரங்காடு சுற்றுவட்டாரப் பகுதிகளைச் சேர்ந்த சுமார் 250-க்கும் மேற்பட்ட பசு, எருமை உள்பட 3 மாதங்களான கன்றுகளுக்கும் தடுப்பூசி போட்டனர். மேலும், நோய்த் தடுப்பு குறித்து விவசாயிகளிடம் விழிப்புணர்வு ஏற்படுத்தினர்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/கோமாரி-நோய்-தடுப்பூசி-முகாம்-3004162.html
3004161 தருமபுரி நாமக்கல் திருச்செங்கோடு திருமலையில் கேதார கெளரி விரத பூஜை  திருச்செங்கோடு, DIN Thursday, September 20, 2018 09:27 AM +0530 ஸ்ரீ அர்த்தநாரீஸ்வரர் திருக்கோயிலில் புரட்டாசி மாதம் நடைபெறும் கேதார கெளரி விரத பூஜை கடந்த திங்கள்கிழமை தொடங்கி 21 நாள்கள் நடைபெறுகிறது.
 முதல்நாள் நடைபெற்ற பூஜையில் கேதார கெளரி அம்மனுக்கு சிறப்பு அபிஷேகங்கள் செய்யப்பட்டு, சிறப்பு அலங்காரத்தில் பூஜைகள் நடத்தப்பட்டன. இதில், 21 வகையான படையல்களை வைத்தும், வாழைப்பழம், பாக்கு, மஞ்சள், அதிரசம், நோன்பு கயிறு ஆகியவற்றை தலா 21 வைத்து பூஜை செய்யப்பட்டது. பலவகை பூக்களைக் கொண்டு பூச்சொரிதல் நடத்தப்பட்டது. தொழில் சிறக்கவும், வருமானம் பெருகவும், மணவாழ்வு சிறக்கவும் நடத்தப்படும் இந்த பூஜை தொடர்ந்து 21 நாள்கள் நடத்தப்பட்டு ஸ்ரீஅர்த்தநாரீஸ்வரர் தரிசனம் நடைபெறும்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/திருச்செங்கோடு-திருமலையில்-கேதார-கெளரி-விரத-பூஜை-3004161.html
3004159 தருமபுரி நாமக்கல் தீபாவளியை கோ-ஆப்டெக்ஸýடன் கொண்டாடுங்கள்: ஆட்சியர் வேண்டுகோள்  நாமக்கல், DIN Thursday, September 20, 2018 09:26 AM +0530 பட்டுக்கான தர முத்திரை பதித்த பட்டுப் புடவைகள் உள்ளிட்ட அனைத்து வகையான ஆடை வகைகளையும் 30 சதவீத தள்ளுபடியில் வாங்கி, தீபாவளி பண்டிகையை கோ-ஆப்டெக்ஸ் உடன் கொண்டாட வேண்டும் என பொதுமக்களுக்கு மாவட்ட ஆட்சியர் மு.ஆசியா மரியம் வேண்டுகோள் விடுத்துள்ளார்.
 நாமக்கல் மாரியம்மன் கோயில் அருகில் செயல்பட்டு வரும் கோ-ஆப்டெக்ஸ் விற்பனை நிலையத்தில் தீபாவளி சிறப்பு விற்பனை தொடக்க நிகழ்ச்சி புதன்கிழமை நடைபெற்றது.
 மாவட்ட ஆட்சியர் மு.ஆசியா மரியம் தீபாவளி சிறப்பு விற்பனையை தொடக்கி வைத்து, தீபாவளி பண்டிகையொட்டி அறிமுகப்படுத்த வைக்கப்பட்டிருந்த புதிய ரக பலவண்ண பட்டுப் புடவைகளை பார்வையிட்டார். மேலும், கைத்தறி புடவைகள், துண்டுகள், படுக்கை விரிப்புகள் உள்ளிட்ட பல்வேறு துணி ரகங்களையும் பார்வையிட்டார்.
 பின்னர் நடைபெற்ற நிகழ்வில் அவர் பேசியது: கோவை, மதுரை, பரமக்குடி, திருச்சி மற்றும் சேலம் பகுதிகளில் நெசவாளர்களால் தயாரிக்கப்பட்ட அனைத்து ரக காட்டன் புடவைகள் புதிய வடிவமைப்பிலும், ஆர்கானிக் மற்றும் களங்காரி காட்டன் புடவைகள் குறைந்த விலையில் நேர்த்தியான வண்ணங்களிலும் உருவாக்கப்பட்டு விற்பனைக்கு வைக்கப்பட்டுள்ளன.
 கோ-ஆப்டெக்ஸ் நிறுவனத்தில் ஏற்றுமதி ரகங்களான ஏப்ரான், குல்ட் மெத்தைகள், கையுறைகள், டேபிள் மேட், திரைச்சீலை துணிகள், தலையணை உறையுடன் கூடிய படுக்கை விரிப்புகள் பொதுமக்களிடையே பெரும் வரவேற்பை பெற்றுள்ளன.
 தீபாவளி பண்டிகையை முன்னிட்டு தமிழ்நாடு அரசு கைத்தறி ரகங்களுக்கு 30 சதவீத சிறப்பு தள்ளுபடி வழங்குகிறது. மேலும், வாடிக்கையாளர்கள் பயன்பெறும் வகையில் அனைத்து விடுமுறை நாள்களிலும் நாமக்கல், திருச்செங்கோடு கோ-ஆப்டெக்ஸ் விற்பனை நிலையங்கள் செயல்படும்.
 ஒவ்வொரு ஆண்டும் புதிய ரகங்களை உருவாக்கி தமிழ்நாட்டுக்கு பெருமை சேர்க்கும் நெசவாளர்களின் வாழ்வில் ஒளியேற்ற அனைவரும் கைத்தறி துணிகளை வாங்கி நெசவாளர்களுக்கு உதவிடும் வகையில் பொதுமக்கள் தீபாவளி பண்டிகையை கோ-ஆப்டெக்ஸ் உடன் இணைந்து கொண்டாட வேண்டும்.
 தீபாவளி பண்டிகைக்கு நாமக்கல் கோ-ஆப்டெக்ஸ் விற்பனை நிலையத்துக்கு ரூ.70 லட்சமும், திருச்செங்கோடு கோ-ஆப்டெக்ஸ் விற்பனை நிலையத்துக்கு ரூ.10 லட்சமும் என மொத்தம் நாமக்கல் மாவட்ட விற்பனை நிலையங்களின் இலக்கு ரூ.80 லட்சம் நிர்ணயிக்கப்பட்டுள்ளது என்றார்.
 இந்த நிகழ்ச்சியில் சேலம் கோ-ஆப்டெக்ஸ் மேலாளர் (வடிவமைப்பு மற்றும் உற்பத்தி) என்.குணசேகரன், கோ-ஆப்டெக்ஸ் நாமக்கல் விற்பனை நிலைய மேலாளர் பி.செல்வாம்பாள், சிறப்பு தள்ளுபடி முதல் விற்பனை வாடிக்கையாளர் ஆசிரியை ந.மங்களகெüரி உள்பட கோ-ஆப்டெக்ஸ் பணியாளர்கள், வாடிக்கையாளர்கள் பங்கேற்றனர்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/தீபாவளியை-கோ-ஆப்டெக்ஸýடன்-கொண்டாடுங்கள்-ஆட்சியர்-வேண்டுகோள்-3004159.html
3004157 தருமபுரி நாமக்கல் புகையிலைப் பொருள்கள் விற்பனை கடைக்கு சீல்; உரிமம் ரத்து  நாமக்கல், DIN Thursday, September 20, 2018 09:26 AM +0530 தடை செய்யப்பட்ட புகையிலைப் பொருள்களை விற்பனை செய்த கடையை பூட்டி சீல் வைத்த உணவுப் பாதுகாப்பு துறையினர், அந்தக் கடையின் உரிமத்தை ரத்து செய்தனர்.
 நாமக்கல் பகுதியில் தடை செய்யப்பட்ட புகையிலைப் பொருள்களான குட்கா, சைனி, சுவாகத், கூலிப் போன்றவை விற்பனை செய்வதாக நாமக்கல் மாவட்ட ஆட்சியருக்கு தகவல் கிடைத்தது.
 அவரது உத்தரவின் பேரில், மாவட்ட உணவுப் பாதுகாப்பு நியமன அலுவலர் புஷ்பராஜ் தலைமையில், உணவுப் பாதுகாப்பு அலுவலர்கள் கிருஷ்ணமூர்த்தி, முருகன், கார்த்திகேயன் ஆகியோர் நாமக்கல் கடை வீதியில் உள்ள அசோக்குமார் (35) என்பவருக்கு சொந்தமான கடையில் புதன்கிழமை காலை சோதனை மேற்கொண்டனர்.
 அதில், தமிழக அரசால் தடை செய்யப்பட்ட குட்கா, சைனி, கூலிப் போன்ற புகையிலைப் பொருள்கள் பதுக்கி வைத்து விற்பனை செய்வது கண்டுபிடித்து பறிமுதல் செய்தனர். தொடர்ந்து அந்த கடையை பூட்டி சீல் வைத்தனர். மேலும் உரிமத்தையும் ரத்து செய்தனர். கடையில் இருந்து ரூ.25 ஆயிரம் மதிப்புள்ள, 25 கிலோ தடைசெய்யப்பட்ட புகையிலைப் பொருள்கள் பறிமுதல் செய்யப்பட்டன. பறிமுதல் செய்யப்பட்ட புகையிலைப் பொருள்களில் இருந்து 3 மாதிரிகள் சோதனைக்காக அனுப்பி வைக்கப்பட்டுள்ளன.
 ஆய்வு அறிக்கையின் அடிப்படையில் நடவடிக்கை எடுக்கப்படும். சில்லறை விற்பனையில் ஒன்று, இரண்டு என்ற எண்ணிக்கையில் தடைசெய்யப்பட்ட புகையிலைப் பொருள்களை வைத்திருந்தாலும் சம்பந்தப்பட்ட கடையின் உரிமம் ரத்து செய்யப்படும் என புஷ்பராஜ் தெரிவித்தார்.
 

]]>
http://www.dinamani.com/all-editions/edition-dharmapuri/namakkal/2018/sep/20/புகையிலைப்-பொருள்கள்-விற்பனை-கடைக்கு-சீல்-உரிமம்-ரத்து-3004157.html
3004154 தருமபுரி நாமக்கல் வில்வித்தை போட்டி: ஜேகேகே நடராஜா கல்லூரி மாணவர்கள் சாதனை  குமாரபாளையம், DIN Thursday, September 20, 2018 09:26 AM +0530 வில்வித்தை போட்டியில் ஜேகேகே நடராஜா கல்லூரி மாணவர்கள் சாதனை படைத்துள்ளனர்.
 சென்னை உலக பல்கலைக்கழக சேவை மையத்தில் வில்வித்தை போட்டிகள் அண்மையில் நடைபெற்றன. இப்போட்டியினை, பதஞ்சலி யோகா மற்றும் ஆராய்ச்சி மையக் கல்லூரியும், அர்ஜுனா வில்வித்தை அகாதெமியும் இணைந்து ஏற்பாடு செய்திருந்தன. இதில், தமிழகம் மட்டுமல்லாமல் பிற மாநிலங்களையும் சேர்ந்த 150-க்கும் மேற்பட்ட போட்டியாளர்கள் கலந்துகொண்டனர்.
 இதில், 2 நிமிடங்களில், 6 அம்புகளை இலக்கை நோக்கி தொடுத்து, முதல் 10 போட்டியாளர்களில் சிறந்த வில்வித்தையாளர்களாக குமாரபாளையம் ஜேகேகே நடராஜா பொறியியல் மற்றும் தொழில்நுட்பக் கல்லூரியின் இறுதியாண்டு தகவல் தொழில்நுட்பத் துறை மாணவர் ஆர்.தீபக், மின்னணுவியல் துறை மாணவர் எம்.ரிஷப் கண்ணா ஆகியோர் தேர்வு பெற்றனர். இவர்களின் பெயர்கள் "இந்தியன் புக் ஆப் ரெகார்ட்ஸ்" புத்தகத்தில் இடம் பெறுகிறது.
 இவர்களுக்கு, ஜேகேகே நடராஜா கல்வி நிறுவனங்களின் தலைவர் என்.செந்தாமரை, நிர்வாக இயக்குநர் எஸ்.ஓம் சரவணா ஆகியோர் பாராட்டு தெரிவித்ததோடு, சர்வதேச அளவிலான வில்வித்தை போட்டிகளில் பங்கேற்று சாதனை படைக்க வேண்டும் என வாழ்த்தினர்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/வில்வித்தை-போட்டி-ஜேகேகே-நடராஜா-கல்லூரி-மாணவர்கள்-சாதனை-3004154.html
3004151 தருமபுரி நாமக்கல் கட்டுரைப் போட்டி: சிறப்பிடம் பெற்ற டிரினிடி கல்லூரி மாணவிக்கு பாராட்டு  நாமக்கல், DIN Thursday, September 20, 2018 09:25 AM +0530 கட்டுரைப் போட்டியில் சிறப்பிடம் பெற்ற நாமக்கல் டிரினிடி கல்லூரி மாணவிக்கு பாராட்டு தெரிவிக்கப்பட்டது.
 தமிழ் வளர்ச்சித் துறை சார்பில் மாவட்ட அளவிலான கட்டுரைப் போட்டி நாமக்கல்லில் அண்மையில் நடைபெற்றது. இதில் நாமக்கல் மாவட்டத்திலுள்ள 20 கல்லூரிகளைச் சேர்ந்த மாணவ, மாணவியர் பங்கேற்றனர். இதில், நாமக்கல் டிரினிடி மகளிர் கலை, அறிவியல் கல்லூரியின் முதலாம் ஆண்டு வேதியியல் பாடப் பிரிவு மாணவி எஸ்.சுகிர்தா நாமக்கல் மாவட்ட அளவிலான கட்டுரைப் போட்டியில் முதலிடம் பெற்று ரூ.10 ஆயிரம் பரிசு பெற்றார்.
 இதையடுத்து, மாணவி சுகிர்தாவுக்கு கல்லூரி வளாகத்தில் புதன்கிழமை பாராட்டு விழா நடைபெற்றது. கல்லூரி தலைவர் பி.எஸ்.கே.செங்கோடன் தலைமை வகித்து மாணவிக்கு பாராட்டு, வாழ்த்துகளை தெரிவித்தார். அதேபோல் கவிதைப் போட்டியில் பங்கேற்ற மாணவி எஸ்.ஸ்ரீகமலி, பேச்சுப் போட்டியில் பங்கேற்ற மாணவி எஸ்.நவீனா ஆகியோருக்கும் பாராட்டு
 தெரிவிக்கப்பட்டது.
 இந்நிகழ்வில் கல்லூரி செயலர் கே.நல்லுசாமி, டிரினிடி மெட்ரிக் பள்ளித் தலைவர் ஆர்.குழந்தைவேல், செயலர் டி.சந்திரசேகரன், கல்லூரி முதல்வர் எம்.ஆர்.லட்சுமிநாராயணன், அறிஞர் அண்ணா அரசுக் கல்லூரி பேராசிரியர் அரசு பரமேஸ்வரன் மற்றும் பேராசிரியர்கள் கலந்துகொண்டு வாழ்த்து தெரிவித்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/20/கட்டுரைப்-போட்டி-சிறப்பிடம்-பெற்ற-டிரினிடி-கல்லூரி-மாணவிக்கு-பாராட்டு-3004151.html
3004148 தருமபுரி நாமக்கல் அவதூறு பரப்புவர்கள் மீது நடவடிக்கை: எம்.எல்.ஏ. பொன் சரஸ்வதி    திருச்செங்கோடு, DIN Thursday, September 20, 2018 09:25 AM +0530 திருச்செங்கோடு நகராட்சி மீது அவதூறு பரப்புவர்கள் மீது சட்டப்பூர்வ நடவடிக்கை எடுக்கப்படும் என எம்.எல்.ஏ. பொன் சரஸ்வதி தெரிவித்தார்.
 திருச்செங்கோடு நகராட்சி நிர்வாகம் குறித்தும், திருச்செங்கோடு எம்.எல்.ஏ. குறித்தும் ஆதித்தமிழர் பேரவைக் கட்சியின் தலைவர் அதியமான் குற்றச்சாட்டுக்களை தெரிவித்திருந்தார்.
 அதற்கு திருச்செங்கோடு எம்.எல்.ஏ. பொன்.சரஸ்வதி வெளியிட்ட அறிக்கை: திருச்செங்கோடு நகராட்சிக்கு கடந்த 5 ஆண்டுகளாக ஆணையர் நியமிக்கப்படாததால் பணிகள் பாதிப்படைந்துள்ளன. இந்நிலையில் கடந்த வாரம் ஆணையர் நியமிக்கப்பட்டு நகராட்சிப் பணிகள் துரிதமாக நடைபெற்று வருகின்றன.
 துப்புரவுப் பணி ஊழியர்கள் முறையாக பணிக்கு வருவதில்லை என பொதுமக்களிடம் இருந்து புகார் வரப்பெற்றதையடுத்து, அவர்களின் பணிகள் கண்காணிக்கப்பட்டன. அதில், பல தொழிலாளர்கள் காலையில் வருகைப் பதிவேட்டில் கையெழுத்திட்டு பணிகளை செய்யாமல், சொந்த பணிகளுக்கு செல்வது கண்டுபிடிக்கப்பட்டது. இதனையடுத்து தினசரி நான்கு வேளை வருகைப் பதிவேட்டில் கையெழுத்திட வலியுறுத்தப்பட்டு, அவர்களது பணிகள் கண்காணிக்கப்படுகின்றன.
 மேலும், திருச்செங்கோடு நகராட்சியில் நான் எந்தவிதமான டெண்டர்களையும் எடுக்கவில்லை. தனியார் நிறுவனங்கள் தான் டெண்டர் எடுத்து பணிகளை செய்து வருகின்றனர். இப்பணிகளுக்கு அந்நிறுவனத்தின் ஊழியர்கள் மட்டுமே பயன்படுத்தப்படுகின்றனர்.
 மேலும், திருச்செங்கோடு நகராட்சியில் இதுவரை பாதாள சாக்கடை திட்டம் செயல்படுத்தப்படவில்லை. அப்படி இருக்க பாதாள சாக்கடை பணிகளுக்கு தொழிலாளர்களை எவ்வாறு பயன்படுத்த முடியும்? அதேபோல், நகராட்சி ஊழியர்கள் இறந்தால் அவர்களது குடும்பத்துக்கு அரசு விதிமுறைபடி ரூ.25 ஆயிரம் உடனடியாக வழங்கப்பட்டு வருகிறது. எனவே, ஆதாரமற்ற அவதூறுகளை பரப்புவர்கள் மீது சட்டப்பூர்வ நடவடிக்கை எடுக்கப்படும் என அதில் தெரிவித்துள்ளார்.
 

]]>
http://www.dinamani.com/all-editions/edition-dharmapuri/namakkal/2018/sep/20/அவதூறு-பரப்புவர்கள்-மீது-நடவடிக்கை-எம்எல்ஏ-பொன்-சரஸ்வதி-3004148.html
3004146 தருமபுரி நாமக்கல் குடிநீர் கட்டணம் 3 முதல் 8 மடங்கு வரை உயர்வு  நாமக்கல், DIN Thursday, September 20, 2018 09:24 AM +0530 நாமக்கல் நகராட்சியில் குடிநீர் கட்டணம் 3 முதல் 8 மடங்கு வரை உயர்த்தப்பட்டுள்ளதால், பொதுமக்கள் அதிர்ச்சி அடைந்துள்ளனர்.
 மாநகராட்சி மற்றும் நகராட்சிகளில் குடிநீர் கட்டணம் திருத்தி அமைக்கப்பட்டுள்ளது. இதன்படி புதிய கட்டணம் குறித்த கேட்பு அறிவிப்பை வீடுகள், வணிக வளாகங்கள், கடைகள் உள்ளிட்டவைகளுக்கு நாமக்கல் நகராட்சி நிர்வாகம் தற்போது விநியோகம் செய்து வருகிறது.
 இதன்படி, நாமக்கல் நகராட்சியில் வீட்டு இணைப்புக்கான பழைய கட்டணம் ரூ.384, ரூ.768, ரு.912-ஆக இருந்த பலருக்கு தற்போது ரூ.2,160-ஆக உயர்த்தப்பட்டுள்ளது. இதுபோல் ரூ.768-ஆக இருந்த சிலருக்கு ரூ.5,400, ரூ.6,480 என உயர்த்தப்பட்டுள்ளது. இந்த புதிய கட்டண கேட்பு அறிவிப்பை பார்த்த பொதுமக்கள் கடும் அதிர்ச்சி அடைந்துள்ளனர். இதுகுறித்து நாமக்கல் கிழக்கு மாவட்ட காங்கிரஸ் தலைவர் கே.எம்.ஷேக்நவீத் தெரிவித்தது: தற்போது பழைய கட்டணத்தில் இருந்து 3 முதல் 8 மடங்கு வரை கட்டணம் உயர்த்தப்பட்டுள்ளது. இதனால் பொதுமக்கள் கடுமையாக பாதிக்கப்பட்டுள்ளனர். எனவே, குடிநீர் கட்டண உயர்வை தமிழக அரசு உடனடியாக திரும்பப் பெற வேண்டும். இந்த கோரிக்கை குறித்து தலைமைச் செயலர், நகராட்சி நிர்வாக இயக்குநர், மாவட்ட ஆட்சியர், நகராட்சி ஆணையருக்கு மனு அனுப்பியுள்ளேன். மேலும், குடிநீர் கட்டண உயர்வை ரத்து செய்ய வேண்டும் என உயர்நீதிமன்றத்தில் வழக்குத் தொடரவும் உள்ளேன் என்றார்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/குடிநீர்-கட்டணம்-3-முதல்-8-மடங்கு-வரை-உயர்வு-3004146.html
3004144 தருமபுரி நாமக்கல் ஞானோதயா இண்டர்நேஷனல் பள்ளியில் மழலையருக்கான விளையாட்டுப் போட்டிகள்  ராசிபுரம், DIN Thursday, September 20, 2018 09:24 AM +0530 ராசிபுரம் ஞானோதயா இண்டர்நேஷனல் பள்ளியில் மழலையர்களுக்கான விளையாட்டுப் போட்டிகள் ஞான் கிட்ஸ் என்ற தலைப்பில் அண்மையில் நடைபெற்றன. இவ்விழாவில் பள்ளியின் தலைவர் தி.அரங்கண்ணல் தலைமை வகித்தார். தாளாளர் பி.மாலாலீனா விழாவினை துவக்கி வைத்தார். ப்ரி.கே.ஜி., எல்.கே.ஜி., யூ.கே.ஜி., குழந்தைகள் அவர்களது பெற்றோர்கள் இதில் கலந்து கொண்டனர். முன்னதாக பள்ளியின் முதல்வர் ஜி.ஆரோக்கியதாஸ் வரவேற்றார்.
 விழாவில் குழந்தைகளுக்கான ஓட்டப்பந்தயம், தண்ணீர் நிரப்புதல், உருளைக்கிழங்கு சேகரித்தல் போன்ற விளையாட்டு போட்டிகள் நடைபெற்றன. பெற்றோர்களுக்கு மெதுவாக நடத்தல், அதிர்ஷ்ட போட்டிகள் நடைபெற்றன. பள்ளி இயக்குநர் உஷா நடராஜன், முதல்வர் ஜி.ஆரோக்கியராஜ் உள்ளிட்டோர் பங்கேற்று பேசினர். வெற்றி பெற்ற அனைத்து குழந்தைகளுக்கு பரிசுகள், சான்றிதழ்களை பள்ளியின் தாளாளர் பி.மாலாலீனா வழங்கினர்.
 குழந்தைகளுக்கான கலை நிகழ்ச்சிகள் நடைபெற்றன. பள்ளியின் எல்.கே.ஜி. ஆசிரியை சரண்யா உள்ளிட்டோர் இதில் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/20/ஞானோதயா-இண்டர்நேஷனல்-பள்ளியில்-மழலையருக்கான-விளையாட்டுப்-போட்டிகள்-3004144.html
3004141 தருமபுரி நாமக்கல் அஞ்சல் ஊழியர்கள் ஆர்ப்பாட்டம்  நாமக்கல் DIN Thursday, September 20, 2018 09:24 AM +0530 புதிய ஓய்வூதியத் திட்ட ரத்து உள்ளிட்ட கோரிக்கைகளை வலியுறுத்தி, நாமக்கல்லில் அஞ்சல் ஊழியர்கள் புதன்கிழமை மாலை ஆர்ப்பாட்டத்தில் ஈடுபட்டனர்.
 நாமக்கல்லில் தலைமை அஞ்சல் அலுவலகம் முன் நடைபெற்ற ஆர்ப்பாட்டத்துக்கு, அஞ்சல் துறை ஊழியர் தொழிற்சங்க நிர்வாகி பி.எ.துரைசாமி தலைமை வகித்தார்.
 புதிய ஓய்வூதியத் திட்டம் ரத்து, குறைந்தபட்ச ஓய்வூதியம் நிர்ணயம், கமலேஷ் சந்திரா கமிட்டியின் பரிந்துரைகளை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கம் எழுப்பப்பட்டது. முன்னதாக வேலைநிறுத்த பொன் விழா ஆண்டு மற்றும் தியாகிகள் நினைவைப் போற்றும் வகையில் நிர்வாகிகள் பேசினர்.
 
 

]]>
http://www.dinamani.com/all-editions/edition-dharmapuri/namakkal/2018/sep/20/அஞ்சல்-ஊழியர்கள்-ஆர்ப்பாட்டம்-3004141.html
3004136 தருமபுரி நாமக்கல் நாமக்கல்லில் தெருநாய்களுக்கு கருத்தடை அறுவை சிகிச்சை: தினமணி செய்தி எதிரொலி  நாமக்கல், DIN Thursday, September 20, 2018 09:23 AM +0530 தெருநாய்கள் தொல்லை குறித்து தினமணியில் வெளியான செய்தியைத் தொடர்ந்து, நாமக்கல்லில் தெருநாய்களின் இனப்பெருக்கத்தை கட்டுப்படுத்த அவற்றுக்கு கருத்தடை அறுவை சிகிச்சை செய்யும் பணி புதன்கிழமை தொடங்கியுள்ளது.
 நாமக்கல் மாவட்டத்தில் நாமக்கல், திருச்செங்கோடு, ராசிபுரம், பள்ளிபாளையம், குமாரபாளையம் என 5 நகராட்சிகள் உள்ளன. இங்கு இரவு 11 மணிக்கு மேல் காலை 5 மணி வரை பிரதான சாலைகளில் மக்கள் நடந்து செல்ல முடியாத அளவுக்கு நாய்த் தொல்லை அதிகளவில் உள்ளன. தவிர மாவட்டத்தில் உள்ள 17 பேரூராட்சிகளிலும் இதே நிலை தான் உள்ளது.
 நாய்த் தொல்லை குறித்து தினமணியில் கடந்த 14-ஆம் தேதி செய்தி வெளியானதைத் தொடர்ந்து, நாமக்கல் நகராட்சி பகுதியில் தெருநாய்களின் இனப்பெருக்கத்தை கட்டுப்படுத்த அவற்றுக்கு கருத்தடை செய்யும் பணி இரண்டாம்கட்டமாக புதன்கிழமை தொடங்கியது.
 இதுகுறித்து நகராட்சி அலுவலர்கள் கூறியது: கடந்த 2014-ஆம் ஆண்டு நகராட்சி நிர்வாகம் சார்பில் கணக்கெடுப்பு நடத்தப்பட்டது. அதில், நகராட்சிக்கு உள்பட்ட பகுதியில் 1,463 தெருநாய்கள் இருப்பது தெரியவந்தது. இவற்றின் இனப்பெருக்கத்தை கட்டுப்படுத்த அப்போதே 680 நாய்களுக்கு கருத்தடை அறுவை சிகிச்சை செய்யப்பட்டது.
 தற்போது மீதமுள்ள நாய்களுக்கு இரண்டாம்கட்டமாக கருத்தடை அறுவை சிகிச்சை செய்யும் பணி தொடங்கி உள்ளது. இப்பணியை கால்நடை மருத்துவர் சொக்கலிங்கம் தலைமையிலான குழுவினர் தொடங்கி உள்ளனர். இன்னும் ஒரிரு வாரங்களில் இப்பணி நிறைவடையும் என்றனர்.

உணவகங்கள் கண்காணிக்கப்படுமா?
 நாமக்கல் நகரில் சிறியது, பெரியது என அனைத்து விதமான உணவகங்களிலும் சேரும் கழிவுகள், இரவு நேரத்தில் உணவகங்களுக்கு வெளியிலேயே பிளாஸ்டிக் தொட்டிகளில் சேகரித்து வைக்கப்படுகின்றன.
 இந்தக் கழிவுகளை நகராட்சி துப்புரவுப் பணியாளர்கள் அதிகாலை நேரத்தில் தான் எடுத்துச் செல்கின்றனர். இரவு நேரத்தில் அந்த பிளாஸ்டிக் தொட்டியில் உள்ள இறைச்சிக் கழிவுகளுக்காக ஏராளமான நாய்கள் சுற்றி வருகின்றன.
 அந்த நேரத்தில், சாலை வழியாக நடந்து அல்லது மோட்டார் சைக்கிளில் செல்பவர்களை நாய்கள் அச்சுறுத்துவதும், சில சமயங்களில் கடித்து விடுவதும் தொடருகிறது. இதனைத் தடுக்க, இரவு நேரத்தில் சாலை ஓரத்தில் உணவகக் கழிவுகளை சேகரித்து வைக்க தடை விதிக்க வேண்டும் என பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-dharmapuri/namakkal/2018/sep/20/நாமக்கல்லில்-தெருநாய்களுக்கு-கருத்தடை-அறுவை-சிகிச்சை-தினமணி-செய்தி-எதிரொலி-3004136.html
3003361 தருமபுரி நாமக்கல் நாமகிரிப்பேட்டையில் நாளை இலவச திறன் வளர்ப்பு பயிற்சி முகாம்  நாமக்கல், DIN Wednesday, September 19, 2018 08:41 AM +0530 நாமகிரிப்பேட்டையில் வரும் வியாழக்கிழமை இலவச திறன் விழிப்புணர்வு பயிற்சி முகாம் நடைபெறுகிறது.
 இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்ட செய்திக் குறிப்பு:
 தமிழக அரசால் திறன் பயிற்சி, திறன் விழிப்புணர்வு மற்றும் வேலைவாய்ப்புகள் பற்றி கிராமப்புற வேலைநாடுநர்களைச் சென்றடையும் வகையில் நாமக்கல் மாவட்டத்தின் அனைத்து ஊராட்சி ஒன்றியங்களிலும் முகாம்கள் நடத்தப்பட்டு வருகின்றன.
 அதன்படி நாமகிரிப்பேட்டை ஊராட்சி ஒன்றிய இளைஞர்களுக்கு திறன் பயிற்சி குறித்து விழிப்புணார்வு ஏற்படுத்தும் வகையில், நாமகிரிப்பேட்டை ஊராட்சி ஒன்றிய அலுவலகத்தில் திறன் பயிற்சி விழிப்புணர்வு முகாம் வியாழக்கிழமை காலை 10 மணிக்கு நாமக்கல் மாவட்ட வேலைவாய்ப்பு அலுவலகத்தால் நடத்தப்படவுள்ளது.
 முகாமில் 5-ஆம் வகுப்புப் படித்தவர்கள் முதல் பட்டப்படிப்பு வரை படித்த அனைத்துத் தரப்பினரும் கலந்து கொள்ளலாம். நாமக்கல் மாவட்டத்தில் அரசு மற்றும் தனியார் நிறுவனங்கள் மூலம் அழகுக்கலை, தையல் பயிற்சி, பெட் சைட் அசிஸ்டென்ட், சிசிடிவி கேமரா பொருத்தும் பயிற்சி, கணினி இயக்குபவர் பயிற்சி, எலக்ட்ரீசியன், வெல்டர், லேத் ஆப்ரேட்டர், ஆட்டோ மேட்டிவ் சர்வீஸ் டெக்னீசியன் பயிற்சி, ஓட்டுநர் பயிற்சி போன்ற திறன் பயிற்சிகள் இலவசமாக அளிக்கப்படுகின்றன.
 இந் நிறுவனங்களால் அளிக்கப்படும் பயிற்சிகளில் விருப்பப்படும் திறன் பயிற்சியில் சேர்ந்து பயிற்சி பெறலாம். பயிற்சி முடித்தவர்களுக்கு சான்றிதழும், தொடர்புடைய தனியார் துறைகளில் வேலைவாய்ப்பும் அளிக்கப்படுகின்றன. மேலும், இப் பயிற்சியின்போது போக்குவரத்து செலவினம், பயிற்சி புத்தகம், எழுது பொருள், புத்தகப் பை போன்றவை இலவசமாக வழங்கப்படுகின்றன. எனவே, இளைஞர்கள், இளம்பெண்கள் முகாமில் கலந்து கொண்டு திறன்பயிற்சிக்கு பதிவு செய்து, இலவசப் பயிற்சி பெற்று பயன்பெறலாம்.

]]>
http://www.dinamani.com/all-editions/edition-dharmapuri/namakkal/2018/sep/19/நாமகிரிப்பேட்டையில்-நாளை-இலவச-திறன்-வளர்ப்பு-பயிற்சி-முகாம்-3003361.html
3003358 தருமபுரி நாமக்கல் எருமப்பட்டியில் சமுதாய வளைகாப்பு விழா  நாமக்கல், DIN Wednesday, September 19, 2018 08:41 AM +0530 நாமக்கல் மாவட்ட ஒருங்கிணைந்த குழந்தைகள் வளர்ச்சித் திட்டத் துறை சார்பில், வட்டார சமுதாய வளைகாப்பு விழா எருமப்பட்டியில் அண்மையில் நடைபெற்றது.
 விழாவுக்கு சேந்தமங்கலம் எம்எல்ஏ சி. சந்திரசேகரன் பங்கேற்று அரசின் சார்பில் வழங்கப்பட்ட வளைகாப்பு சீர்வரிசை பொருள்கள், தனது சொந்த நிதியில் கர்ப்பிணிகளுக்கு தலா ரூ. 200 வழங்கினார்.
 வட்டார ஒருங்கிணைந்த குழந்தைகள் வளர்ச்சி திட்ட அலுவலர்(பொறுப்பு) கீதா முன்னிலை வகித்தார்.
 கர்ப்பிணிகளுக்கு பிரசவ கால முன் கவனிப்பு, பின் கவனிப்பு மற்றும் அரசு சார்பில் வழங்கப்படும் திட்டங்கள் குறித்து வட்டார சுகாதார மேற்பார்வையாளர் வே. பாலமுரளிபாபு, மருத்துவம் சாராத மேற்பார்வையாளர் ரா. முருகேசன் ஆகியோர் விளக்கமளித்தனர்.
 கர்ப்பிணிகள் பதிவு செய்ய வேண்டிய அவசியம், தடுப்பூசி போட்டுக் கொள்வதின் அவசியம் குறித்து கிராம சுகாதார செவிலியர் டி. தமிழரசி விளக்கம் அளித்தார்.
 நிகழ்ச்சியில் கர்ப்பிணிகளுக்கு 5 வகை கலவை சாதம் வழங்கப்பட்டது. சமுதாய வளைகாப்பு விழாவில் 150 கர்ப்பிணி தாய்மார்கள் கலந்துகொண்டனர். விழா ஏற்பாடுகளை ஒருங்கிணைந்த குழந்தைகள் வளர்ச்சித் திட்ட பணியாளர்கள் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/19/எருமப்பட்டியில்-சமுதாய-வளைகாப்பு-விழா-3003358.html
3003356 தருமபுரி நாமக்கல் திமுக சார்பில் மத்திய, மாநில அரசுகளைக் கண்டித்து ஆர்ப்பாட்டம்  நாமக்கல், DIN Wednesday, September 19, 2018 08:41 AM +0530 நாமக்கல் கிழக்கு மாவட்ட திமுக சார்பில் மத்திய, மாநில அரசுகளைக் கண்டித்து நாமக்கல்லில் ஆர்ப்பாட்டம் செவ்வாய்க்கிழமை காலை நடைபெற்றது.
 நாமக்கல் அண்ணா சிலை அருகில் நடைபெற்ற ஆர்ப்பாட்டத்துக்கு நகர கழகப் பொறுப்பாளர் சி. மணிமாறன் முன்னிலை வகித்தார். ஆர்ப்பாட்டத்துக்குத் தலைமை வகித்து செ. காந்திசெல்வன் பேசியதாவது(படம்):
 தமிழக அமைச்சர்கள் பலர் மீது ஊழல் குற்றச்சாட்டு உள்ளது. குட்கா ஊழலில் அமைச்சர், டிஜிபி வீடுகளில் சிபிஐ போலீஸார் சோதனை நடத்தினர்.
 இதுபோல் முதல்வர் உள்பட பல்வேறு அமைச்சர்கள் குறித்த ஊழல் குற்றச்சாட்டுகள் வெளியாகி உள்ளன. இதனால் சம்பந்தப்பட்ட அமைச்சர்கள், டிஜிபி பதவி விலக வேண்டும்.
 இதுபோல் மத்திய அரசு ரஃபேல் போர் விமான ஊழல் உள்ளிட்ட பல்வேறு ஊழல் முறைகேட்டில் ஈடுபட்டுள்ளதாக குற்றச்சாட்டு எழுந்துள்ளது. மேலும் பெட்ரோல், டீசல் விலையைக் கடுமையாக உயர்த்தி வருவதால் அத்தியாவசிய பொருள்களின் விலையும் உயர்ந்து வருகின்றன.
 மத்திய, மாநில அரசுகள் மக்களுக்கான அரசுகளாக இல்லாமல், ஊழல் மிகுந்த ஆட்சியாக உள்ளது. மத்திய, மாநில ஆட்சியாளர்களுக்கு வரும் தேர்தலில் மக்கள் பாடம் புகட்டுவார்கள் என்றார்.
 ஆர்ப்பாட்டத்தில் மாவட்ட அவைத் தலைவர் ரா. உடையார், துணைச் செயலர்கள் பி. ராமலிங்கம், கே.பொன்னுசாமி, எஸ். விமலா சிவக்குமார், பொருளாளர் கே. செல்வம், மாநில மகளிர் தொண்டரணி துணை அமைப்பாளர் ப. ராணி, சட்ட திட்ட திருத்தக்குழு உறுப்பினர் ரா. நக்கீரன், முன்னாள் மாவட்டப் பொறுப்பாளர் பார். இளங்கோவன், முன்னாள் எம்எல்ஏக்கள் கே.பி. ராமசுவாமி கே. பழனியம்மாள், சரசுவதி உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/sep/19/திமுக-சார்பில்-மத்திய-மாநில-அரசுகளைக்-கண்டித்து-ஆர்ப்பாட்டம்-3003356.html
3003354 தருமபுரி நாமக்கல் விவசாயிகளுக்கு பருப்பு ஆலை குறித்த பயிற்சி  திருச்செங்கோடு, DIN Wednesday, September 19, 2018 08:40 AM +0530 பருப்பு ஆலை குறித்த பயிற்சி வகுப்பு சிறுமொளசி கிராமத்தில் அண்மையில் நடத்தப்பட்டது.
 இதில் வட்டப்பரப்பு, வேட்டுவம்பாளையம், சிறுமொளசி, அத்திபாளையம் , சித்தாளந்தூர் கிராமத்தைச் சேர்ந்த விவசாயிகள் சுயஉதவிக் குழு, அம்மா பண்ணை மகளிர் குழுவைச் சார்ந்த பெண்கள் என 50-க்கும் மேற்பட்டோர் கலந்து கொண்டனர்.
 நிகழ்ச்சிக்கு எளச்சிபாளையம் பகுதியில் வசந்தம் மாவு மில் நிறுவனத்தை நடத்தி வரும் சக்திவேல் கலந்து கொண்டு மாவு தயாரிப்பில் சிறுதொழில் தொடங்குவது பற்றியும், அதற்கான முதலீடு, வழிமுறைகள், இடவசதி, வங்கி கடன் உதவி பெறுவது பற்றியும் விளக்கமாகவும், தெளிவாகவும் கூறினார். நிறுவனம் மூலம் எந்த மாதிரி சிறுதொழில் செய்யலாம், இயந்திரங்கள் வாங்குவதற்கான வழிமுறைகளை பற்றியும் எளிதாக புரியும்படி கூறினார்.
 நிகழ்ச்சியில் உதவி வேளாண்மை அலுவலர் ரமேஷ்பிரபாகர் கலந்து கொண்டு வேளாண்மை மானியத் திட்டங்களை பற்றி விரிவாக விளக்கினார்.
 திருச்செங்கோடு, வேளாண்மை தொழில்நுட்ப மேலாண்மை முகமை (அட்மா) வட்டாரத் தொழில்நுட்ப மேலாளர். ந. ஹேமலதா, நிகழ்ச்சியை தொகுத்து வழங்கியதோடு அட்மா திட்ட செயல்முறைகளை பற்றியும், உழவன் செயலியின் பதிவிறக்க பயன்களையும் பற்றியும் விளக்கமாகக் கூறினார்.
 

]]>
http://www.dinamani.com/all-editions/edition-dharmapuri/namakkal/2018/sep/19/விவசாயிகளுக்கு-பருப்பு-ஆலை-குறித்த-பயிற்சி-3003354.html
3003353 தருமபுரி நாமக்கல் மலைக்கோட்டையைச் சுற்றி பதாகைகள் வைக்கத் தடை: நகராட்சி மீண்டும் அறிவிப்பு  நாமக்கல், DIN Wednesday, September 19, 2018 08:40 AM +0530 நாமக்கல் மலைக்கோட்டையைச் சுற்றி விளம்பர பதாகைகள் வைக்க மற்றும் சுவரொட்டிகள் ஒட்ட நகராட்சி நிர்வாகம் தடை விதித்துள்ளது. இரண்டு ஆண்டுகளுக்கு முன்னர் அனைத்துக் கட்சி கூட்டத்தில் நிறைவேற்றப்பட்ட தீர்மான முடிவை இப்போது செயல்படுத்த முன்வந்தாலும், நகராட்சி நிர்வாகத்தின் முடிவை பொதுமக்கள் வரவேற்றுள்ளனர்.
 நாமக்கல் நகராட்சி அலுவலகத்தில் அழகிய நாமக்கல் குறித்த ஆலோசனைக் கூட்டம் நாமக்கல் சட்டப்பேரவைத் தொகுதி உறுப்பினர் கே.பி.பி.பாஸ்கர் தலைமையில் செவ்வாய்க்கிழமை நடைபெற்றது. நகராட்சி ஆணையர்(பொறுப்பு) கமலநாதன், டி.எஸ்.பி. ராஜேந்தின் ஆகியோர் முன்னிலை வகித்தனர்.
 நாமக்கல் எம்எல்ஏ கே.பி.பி.பாஸ்கர் எம்எல்ஏவான பிறகு கடந்த 7 ஆண்டுகளில் நாமக்கல் நகரம் அழகு பெற்றுள்ளது என்பதை இந்த நகரத்தை சேர்ந்த அனைவரும் அறிவர். உழவர் சந்தை எதிரில் உள்ள சாக்கடைக் கழிவுகள் தேங்கி நின்ற இடம் செலம்ப கவுண்டர் பெயரில் அழகிய பூங்காவாக, நாமக்கல்லின் அடையாளமாக மாறியுள்ளது. இதுபோல் மலைக்கோட்டை அடிவாரத்தில் 3 குளங்கள் சீரமைக்கப்பட்டு, பொழுதுபோக்கு அம்சங்களுடன் கூடிய பூங்காகளும் அமைக்கப்பட்டுள்ளன.
 இந்த நகரின் அழகைச் சீர்குலைக்கும் வகையில், நாமக்கல் மலைக்கோட்டையைச் சுற்றி விளம்பர, வாழ்த்துப் பதாகைகள் மற்றும் சுவரொட்டிகள் ஒட்டக் கூடாது என கடந்த 2016ஆம் ஆண்டில் கோட்டாட்சியர் தலைமையில் நடைபெற்ற அனைத்துக் கட்சி கூட்டத்தில் தீர்மானம் நிறைவேற்றப்பட்டுள்ளது.
 ஆனால், தீர்மானத்தை கடைப்பிடிக்காமல் தற்போது வரை விளம்பரப் பதாகைகள் வைப்பது, சுவரொட்டி ஒட்டுவது தொடர்கிறது. இது நாமக்கல் நகரத்தின் அழகைச் சீர்குலைக்கிறது.
 எனவே, தற்போதைய கூட்டத்தில் நிறைவேற்றப்பட்ட தீர்மானத்தின்படி இனி நாமக்கல் மலைக்கோட்டையைச் சுற்றியுள்ள சாலைகள் மற்றும் சுவர்களில் பதாகைகள் வைப்பவர்கள், சுவரொட்டிகள் ஒட்டுபவர்கள் மீது குற்றவியல் நடவடிக்கை எடுக்கப்படும்.
 மேலும், பதாகைகள் பறிமுதல் செய்யப்படும் என முடிவு செய்யப்பட்டுள்ளது. பூங்கா சாலையில் போக்குவரத்துக்கு இடையூறாக வைக்கப்படும் கடைகள் போலீஸார் மூலம் அப்புறப்படுத்தப்படும் என முடிவு செய்யப்பட்டது.
 இந்தக் கூட்டத்தில் சுகாதார அலுவலர் பேச்சிமுத்து, முன்னாள் நகராட்சி துணைத் தலைவர் சேகர் மற்றும் விளம்பர பதாகை தயாரிப்பாளர்கள் உள்ளிட்டோர் பங்கேற்றனர்.
 இதையும் கொஞ்சம் கவனியுங்க...
 நகராட்சிப் பகுதியில் பதாகைகள் வைக்க, சுவரொட்டிகள் ஒட்ட கட்டுப்பாடுகள் விதிக்கப்பட்டுள்ள போதிலும், நகராட்சி அலுவலகம் அமைந்துள்ள பரமத்தி சாலையில் அண்ணா சிலை தொடங்கி, செலம்ப கவுண்டர் பூங்கா வரை அரசியல் கட்சிகள் பதாகைகள் வைப்பது தொடர்ந்து கொண்டிருக்கிறது. ஏற்கெனவே குறுகலாக உள்ள இந்த சாலையில் பதாகைகளை வைத்து மறைத்துக் கொள்வதால், நாமக்கல் பேருந்து நிலையத்தில் இருந்து கரூர்-சேலம் தேசிய நெடுஞ்சாலைக்குச் செல்லும் இந்தச் சாலை கடும் போக்குவரத்து நெரிசலில் சிக்கித் தவிக்கிறது.
 இதுபோல், அண்ணா சிலை தொடங்கி நகராட்சி வணிக வளாகம் வரை பரமத்தி சாலையில் சாலையின் பாதி அளவான வெள்ளைக் குறியீடு வரை வாகனங்கள் நிறுத்தி வைக்கப்படுகின்றன. இதனால் இந்த சாலையில் விபத்து ஏற்படாத நாள்களே இல்லை என்ற நிலை ஏற்பட்டுள்ளது.
 நகரம் அழகாக இருக்க வேண்டும் என்பதற்காக 2 ஆண்டுகளுக்கு முன்பு நிறைவேற்றப்பட்ட தீர்மானத்தை இப்போது அமல்படுத்த முடிவெடுத்துள்ள நகராட்சி நிர்வாகம், நகராட்சி அலுவலகம் எதிரிலேயே பல ஆண்டுகளாகத் தொடர்ந்து வரும் போக்குவரத்து இடையூறுகளுக்கு நிரந்தர தீர்வு காண நடவடிக்கையெடுக்க வேண்டும். அழகிய நாமக்கல் என்ற முழக்கத்தோடு, விபத்தில்லா நாமக்கல் என்ற முழக்கத்தையும் நகராட்சி முன்வைக்க வேண்டும் என்கின்றனர் சமூக ஆர்வலர்கள்.
 

]]>
http://www.dinamani.com/all-editions/edition-dharmapuri/namakkal/2018/sep/19/மலைக்கோட்டையைச்-சுற்றி-பதாகைகள்-வைக்கத்-தடை-நகராட்சி-மீண்டும்-அறிவிப்பு-3003353.html
3003350 தருமபுரி நாமக்கல் இன்றைய மின்தடை ராசிபுரம் DIN DIN Wednesday, September 19, 2018 08:40 AM +0530 ராசிபுரம் துணை மின்நிலையத்தில் பராமரிப்பு பணிகள் நடைபெறுவதால், செப்.19-ல் மின்விநியோகம் இருக்காது என ராசிபுரம் மின்வாரிய அதிகாரி எஸ்.நாகராஜன் தெரிவித்துள்ளார்.
 இது குறித்து அவர் வெளியிட்டுள்ள செய்திக்குறிப்பு: ராசிபுரம் துணை மின்நிலையத்தில் செப்.19-ல் மின்பாதையில் பராமரிப்பு பணிகள் நடைபெறுகின்றன. இதனால் ராசிபுரம், கவுண்டம்பாளையம், முருங்கப்பட்டி, முத்துக்காளிப்பட்டி, மசக்காளிப்பட்டி, புதுப்பாளையம், பட்டணம், ப.மு.பாளையம், வடுகம், வெள்ளாளப்பட்டி, சிங்களாந்தபுரம், போடிநாயக்கன்பட்டி, கதிராநல்லூர், நத்தமேடு, கண்ணூர்பட்டி, மோளப்பாளையம், அரசப்பாளையம், வேலம்பாளையம், வெள்ளாளப்பட்டி, ஆண்டகளூர்கேட், குருசாமிபாளையம் உள்ளிட்ட பகுதிகளில் காலை 9 மணி முதல் மாலை 2 வரை மின்சாரம் நிறுத்தப்படும்.
 
 

]]>
http://www.dinamani.com/all-editions/edition-dharmapuri/namakkal/2018/sep/19/இன்றைய-மின்தடை-ராசிபுரம்-3003350.html
3003348 தருமபுரி நாமக்கல் தடகளப் போட்டி: பரமத்தி மலர் மெட்ரிக். பள்ளி சாம்பியன்  பரமத்திவேலூர், DIN Wednesday, September 19, 2018 08:39 AM +0530 பரமத்திவேலூர் அருகே பரமத்தி மலர் பள்ளி மாணவர்கள் வட்ட அளவிலான தடகளப் போட்டியில் ஒட்டுமொத்த சாம்பியன் பட்டம் பெற்று பள்ளிக்குப் பெருமை சேர்த்துள்ளனர்.
 கந்தம்பாளையம் வட்ட அளவிலான தடகளப் போட்டிகள் வசந்தபுரத்தில் உள்ள இராமமூர்த்தி உயர்நிலைப் பள்ளியில் நடைபெற்றது. இப் போட்டியில் 400-க்கும் மேற்பட்ட மாணவர்கள் கலந்து கொண்டனர்.
 இதில், 14 வயதுக்குள்பட்டோர் பிரிவில் பரமத்தி மலர் மெட்ரிக். பள்ளி மாணவர் குகன், திவித்ராஜ், சமீர் அனீஷ், தீபக் ஆகியோர் ஓட்டப் பந்தயத்தில் முதலிடமும் பெற்றனர். 17 வயதுக்குள்பட்டோர் பிரிவில் ஜெயசூர்யா ஓட்டப் பந்தயம், நீளம் தாண்டுதலில் முதலிடமும் பெற்று தனிநபர் சாம்பியன் பட்டம் பெற்றார்.
 அதுபோல அச்சுதன், திவாகர், கிஷோர், சந்துரு ஆகியோர் பல்வேறு பிரிவு ஓட்டப் பந்தயத்தில் முதலிடமும் பெற்றனர்.
 18 வயதுக்குள்பட்டோர் பல்வேறு மீட்டர் ஓட்டப்பந்தயத்தில் கார்த்திகேயன், செந்தூர்வேலன், தினேஷ் ஆகியோரும் முதலிடம் பெற்றனர்.
 பிரவின்குமார் 3 ஆயிரம் மீட்டர் தொடர் ஓட்டத்தில் முதலிடமும், மோனீஷ் ராஜ்குமார் 400 மீட்டர், 4*400 மீட்டர் தொடர் ஓட்டம் மற்றும் 400 மீட்டர் தடை தாண்டுதல் போட்டிகளில் முதலிடம் பெற்றார்.
 மலர் மெட்ரிக் பள்ளி மாணவர்கள் 139 புள்ளிகள் பெற்று ஒட்டுமொத்த சாம்பின் பட்டத்தை கடந்த நான்கு ஆண்டுகளாக பெற்று சாதனை படைத்து வருகின்றனர். முதல் மற்றும் இரண்டாம் இடம் பெற்ற மாணவர்கள் அக்டோபர் மாதம் நடைபெற உள்ள மாவட்ட அளவிலான தடகள போட்டிக்கு தகுதி பெற்றுள்ளனர். வெற்றி பெற்ற மாணவர்களையும், பயிற்சியளித்த உடற்கல்வி ஆசிரியர்களையும் பள்ளியின் தலைவர் பழனியப்பன், செயலாளர் கந்தசாமி, பொருளாளர் வெங்கடாசலம், இயக்குநர்கள், ஆசிரிய, ஆசிரியைகள் பாராட்டினர்.
 
 

]]>
http://www.dinamani.com/all-editions/edition-dharmapuri/namakkal/2018/sep/19/தடகளப்-போட்டி-பரமத்தி-மலர்-மெட்ரிக்-பள்ளி-சாம்பியன்-3003348.html
3003347 தருமபுரி நாமக்கல் தந்தையைக் கொன்ற வழக்கில் மகனின் நண்பர்கள் நால்வர் கைது  ராசிபுரம், DIN Wednesday, September 19, 2018 08:39 AM +0530 ராசிபுரம் அருகே குடும்பத் தகராறு காரணமாக தந்தையை குத்திக்கொலை செய்த மகன் கைது செய்யப்பட்ட நிலையில், இந்த வழக்கில் தொடர்புடைய மகனின் நண்பர்கள் மேலும் நால்வர் கைது செய்யப்பட்டுள்ளனர்.
 பேளுக்குறிச்சி பகுதியில் உள்ள கல்குறிச்சியைச் சேர்ந்தவர் பெரியசாமி (54), இவர் அப்பகுதியில் டிராக்டர் டிரைவராக உள்ளார். இவருக்கும் இவரது மனைவிக்கும் ஏற்பட்ட குடும்பத் தகராறு காரணமாக மனைவியை பிரிந்து தனியாக குடியிருந்து வருகிறார். மேலும் இவருக்கு குடிப்பழக்கம் இருந்து வந்ததாக கூறப்படுகிறது.
 இந்த நிலையில், ஞாயிற்றுக்கிழமை அதிகாலை அவர் கொலை செய்யப்பட்ட நிலையில் அவரது வீட்டில் இறந்து கிடந்தார். தகவல் அறிந்த பேளுக்குறிச்சி போலீஸார் நிகழ்விடம் சென்று விசாரணை நடத்தினர்.
 அதில் குடும்பத் தகராறு காரணமாக அவரது மகன் அஜித் (18), கத்தியால் தந்தையைக் குத்தி கொன்றது தெரியவந்தது. இதனையடுத்து அஜித்தை கைது செய்த போலீஸார் அவரிடம் விசாரணை நடத்தினர். மேலும் இந்தக் கொலையில், அவருக்கு உதவிய அவரது நண்பர்களான கல்லூரி மாணவர் நாமக்கல் பகுதியை சேர்ந்த எம்.மதுக்குமார் (19), ஆர்.விஜய்குமார் (19), ஏ.பிரசாந்த் (19), எஸ்.படையப்பா ஆகிய நால்வரை செவ்வாய்க்கிழமை கைது செய்தனர்.
 

]]>
http://www.dinamani.com/all-editions/edition-dharmapuri/namakkal/2018/sep/19/தந்தையைக்-கொன்ற-வழக்கில்-மகனின்-நண்பர்கள்-நால்வர்-கைது-3003347.html
3003346 தருமபுரி நாமக்கல் புகைப்பட கலைஞர் தற்கொலை  பரமத்திவேலூர், DIN Wednesday, September 19, 2018 08:39 AM +0530 ஓலப்பாளையம் அருகே குடும்பத் தகராறு காரணமாக மனமுடைந்த புகைப்பட கலைஞர் தற்கொலை செய்து கொண்டார்.
 ஓலப்பாளையத்தைச் சேர்ந்தவர் தில்முகி (எ) செந்தில் (38)(படம்). புகைப்பட கலைஞர். இவரது மனைவி கோகிலா (28). இவர்களுக்கு 8 வயதில் பெண் குழந்தையும், 2 வயதில் ஒரு ஆண் குழந்தையும் உள்ளனர். செந்திலுக்கும், அவரது மனைவிக்கும் கடந்த சில நாள்களாகக் குடும்பத் தகராறு இருந்து வந்ததாம். இந்த நிலையில் மனமுடைந்த செந்தில், செவ்வாய்க்கிழமை விஷம் குடித்து தற்கொலை செய்து கொண்டார். பரமத்தி வேலூர் போலீஸார் வழக்குப் பதிந்துள்ளனர்.
 
 

]]>
http://www.dinamani.com/all-editions/edition-dharmapuri/namakkal/2018/sep/19/புகைப்பட-கலைஞர்-தற்கொலை-3003346.html
3003345 தருமபுரி நாமக்கல் முனைவர் பட்டம் பெற்ற அரசுப் பள்ளி ஆசிரியருக்கு பாராட்டு  ராசிபுரம், DIN Wednesday, September 19, 2018 08:38 AM +0530 சர்வதேச தமிழ் பல்கலைக்கழகத்தில் முனைவர் பட்டம் பெற்ற கொல்லிமலை அரசுப் பள்ளியின் ஆசிரியர் கை.பெரியசாமிக்கு பாராட்டு விழா பல்வேறு அமைப்புகள் சார்பில் ராசிபுரம் ரோட்டரி ஹாலில் அண்மையில் நடைபெற்றது.
 சர்வதேச தமிழ்ப் பல்கலைக்கழகம் அரசுப் பள்ளி ஆசிரியர் கை.பெரியசாமிக்கு முனைவர் பட்டம் வழங்கி கௌரவித்தது. இதனையடுத்து, நடைபெற்ற பாராட்டு விழாவில், திருச்செங்கோடு வட்ட கல்வி அலுவலர் மு.ஆ.உதயகுமார் தலைமை வகித்தார்.
 ராசிபுரம் அண்ணாசாலை அரசுப் பள்ளி ஆசிரியர் பெ.மாதேஸ்வரன், காரைக்குறிச்சிப்புதூர் அரசுப் பள்ளித் தலைமையாசிரியர் ஸ்ரீதரன், நகர கூட்டுறவு வங்கித் தலைவர் எம்.பாலசுப்பிரமணியம், சேலம் மாவட்ட கல்வி அலுவலர் பி.தங்கவேல், இந்தியன் வங்கியின் முன்னாள் துணை பொதுமேலாளர் பி.தங்கவேல், ஓய்வு பெற்ற மாவட்ட முதன்மை கல்வி அலுவலர் பி.குணசேகரன், ரோட்டரி சங்கத் தலைவர் எல்.சிவக்குமார், எம்.ஜி.சேகரன், தமிழர் தேசிய முன்னணி மாவட்டத் தலைவர் பி.தட்சிணாமூர்த்தி, எம்.ஜி.மஞ்சுநாத் உள்ளிட்ட பலர் பங்கேற்றுப் பேசினர். பின்னர் ஆசிரியர் கை.பெரியசாமி ஏற்புரையாற்றி பேசினார்.
 

]]>
http://www.dinamani.com/all-editions/edition-dharmapuri/namakkal/2018/sep/19/முனைவர்-பட்டம்-பெற்ற-அரசுப்-பள்ளி-ஆசிரியருக்கு-பாராட்டு-3003345.html
3003344 தருமபுரி நாமக்கல் ஸ்ரீவிஸ்வகர்மா ஜயந்தி விழா  நாமக்கல், DIN Wednesday, September 19, 2018 08:38 AM +0530 நாமக்கல் விஸ்வகர்மா கைவினைஞர்கள் சங்க இளைஞரணி பேரவையின் சார்பில் விஸ்வகர்மா ஜயந்தி விழாவை முன்னிட்டு நாமக்கல் மணிக்கூண்டு அருகில் ஸ்ரீவிஸ்வகர்மா சுவாமியின் படத்திறப்பு விழா நடைபெற்றது.
 ஸ்ரீ தியாகராஜர் பேரவைத் தலைவர் கோட்டை கோபால் நிகழ்ச்சிக்கு தலைமை வகித்தார். தங்கவேல் ஆச்சாரியார் சுவாமி படத்தைத் திறந்து வைத்தார். விஸ்வகர்மா சங்கத் தலைவர் கிருஷ்ணமூர்த்தி, செயலர் மணிவண்ணன் ஆகியோர் முன்னிலை வகித்தனர். சங்கப் பிரமுகர்கள் சரவணன், கோவிந்தன், மூர்த்தி உள்ளிட்டோர் பங்கேற்றனர். ஜயந்தி விழாவை முன்னிட்டு நாமக்கல் அருள்மிகு ஏகாம்பர காமாட்சி அம்மன் கோயிலில் சுவாமிக்கு சிறப்பு அபிஷேகம் மற்றும் அலங்காரம் நடைபெற்றன. விஸ்வகர்ம சமூகத்தினர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/sep/19/ஸ்ரீவிஸ்வகர்மா-ஜயந்தி-விழா-3003344.html
3003343 தருமபுரி நாமக்கல் வடகிழக்குப் பருவ மழை முன்னேற்பாடு: நீர்வழிப் பாதைகளை முழுமையாக ஆய்வு செய்ய ஆட்சியர் உத்தரவு  நாமக்கல், DIN Wednesday, September 19, 2018 08:38 AM +0530 வடகிழக்குப் பருவ மழை தொடங்கிய நிலையில் மாவட்டத்தில் உள்ள நீர்வழிப் பாதைகளை முழுமையாக ஆய்வு செய்து தடைகள், ஆக்கிரமிப்புகளை அகற்ற வேண்டும் என அதிகாரிகளுக்கு மாவட்ட ஆட்சியர் மு. ஆசியா மரியம் உத்தரவிட்டார்.
 வடகிழக்குப் பருவமழை முன்னெச்சரிக்கை நடவடிக்கை குறித்த ஆலோசனைக் கூட்டம் மாவட்ட ஆட்சியர் அலுவலகத்தில் ஆட்சியர் மு. ஆசியா மரியம் தலைமையில் செவ்வாய்க்கிழமை நடைபெற்றது.
 கூட்டத்தில் வருவாய்த் துறை, பொதுப்பணித் துறை, ஊரக வளர்ச்சித்துறை, தமிழ்நாடு குடிநீர் வடிகால் வாரியம், தமிழ்நாடு மின்சார வாரியம், நெடுஞ்சாலைத் துறை, தீயணைப்புத் துறை, காவல்துறை உள்ளிட்ட பல்வேறு துறை அலுவலர்களுடன் வடகிழக்குப் பருவமழை காலத்தில் மேற்கொள்ள வேண்டிய பணிகள் குறித்து ஆட்சியர் ஆலோசித்தார்.
 கூட்டத்தில் ஆட்சியர் பேசியது: பொதுப் பணித் துறையினர் மற்றும் ஊரக வளர்ச்சித்துறையினர் மழைக் காலங்களில் மழைநீர் செல்ல கூடிய பகுதிகளில் உள்ள நீர்த்தேக்கங்கள் மற்றும் கால்வாய்கள் தூர் வாரி சுத்தம் செய்ய வேண்டும்.
 ஏரி, குளம், வரத்து வாய்க்கால்கள், நீர் நிலைகளில் உள்ள தடைகள் மற்றும் ஆக்கிரமிப்புகளை அகற்ற வேண்டும். வாய்க்கால்கள், வடிகால் வாய்க்கால்கள், ஆறுகளின் குறுக்கே கட்டப்பட்டுள்ள தடுப்பணைகள் பழுது ஏற்பட்டு இருப்பின் அந்த பழுதுகளை சரி செய்ய வேண்டும்.
 மணல் மூட்டைகள், சவுக்கு கட்டைகள் சேகரித்து இருப்பு வைக்க வேண்டும். உணவு வழங்கல் துறை அலுவலர்கள் மழைக்காலங்களில் பாதிக்கப்படக்கூடிய வாய்ப்புள்ள பகுதிகள் என்ற கண்டறியப்பட்ட பகுதிகளுக்கான ரேஷன் பொருட்களை பாதுகாப்பான இடங்களில் சேகரித்து வைக்க வேண்டும்.
 கால்நடைத்துறையினர் கால்நடைகளுக்கு தேவையான மருந்துகளை தேவையான அளவு இருப்பு வைக்க வேண்டும். வருவாய்துறையினர் நிவாரண முகாம்களின் பட்டியலை தயார் நிலையில் வைத்திருக்க வேண்டும். மழை அளவு நிலையங்களை சம்பந்தப்பட்ட வருவாய் கோட்டாட்சியர்கள் தணிக்கை செய்து நல்ல நிலையில் உள்ளதை உறுதி செய்து கொள்ள வேண்டும்.
 மேலும் வடகிழக்கு பருவமழை காலங்களில் வட்டாட்சியர்கள் மழை அளவு மற்றும் இதர சேதங்கள் குறித்த அறிக்கையை ஒவ்வொரு நாளும் காலை 7 மணிக்குள் 1077 என்ற கட்டணமில்லா தொலைபேசி எண்ணிற்கு தவறாமல் தெரிவிக்க வேண்டும்.
 நெடுஞ்சாலைத்துறையினர் ஆபத்தான நிலையில் உள்ள மரங்களை அகற்றிட வேண்டும். குடிநீரை கொண்டு செல்வதற்கான வாகனங்கள், எரிவாயு, ஜெனரேட்டர், பம்ப்செட், படகுகள், மரங்களை அறுக்கும் இயந்திர ரம்பங்கள், தடையில்லா மின்சக்தி வழங்கும் சாதனங்கள், ஆகியவற்றை தயார் நிலையில் வைத்துக்கொள்ள வேண்டும்.
 தீயணைப்புத் துறையின் சார்பில் அரசு அலுவலகங்கள், பொதுமக்கள் அதிகமாக வந்து செல்லும் வணிக வளாகங்கள், மருத்துவமனைகள், பள்ளிக்கூடங்கள், கல்லூரிகள் ஆகிய இடங்களில் அவசர கால செயல்பாடு குறித்த ஒத்திகை நடத்த வேண்டும்.
 வடகிழக்குப் பருவமழையினால் ஏற்படும் பேரிடர் தொடர்பாக பொதுமக்கள் உடனுக்குடன் மாவட்ட ஆட்சியர் அலுவலகத்தில் இயங்கி வரும் தொலைபேசி எண் 1077, 04286-281377இல் தெரிவிக்கலாம்.
 தமிழ்நாடு மின்சாரவாரியம் பருவமழைக்காலத்தில் பாதிக்கப்பட்ட பகுதிகளில் நேரில் சென்று தேவைப்படும் நேரங்களில் முக்கியமான இடங்களில் மின்சார இடையூறுகளை பழுது பார்க்க 24 மணிநேரமும் அலுவலர்கள் பணியில் இருப்பதை உறுதிசெய்து கொள்ள வேண்டும் என்றார்.
 கூட்டத்தில் மாவட்ட வருவாய் அலுவலர் கு.பழனிசாமி, மாவட்ட ஆட்சியரின் நேர்முக உதவியாளர்(பொது) செ.பால்பிரின்ஸ்லிராஜ்குமார் உள்ளிட்ட பல்வேறு அரசுத்துறை அலுவலர்கள் பங்கேற்றனர்.
 
 

]]>
http://www.dinamani.com/all-editions/edition-dharmapuri/namakkal/2018/sep/19/வடகிழக்குப்-பருவ-மழை-முன்னேற்பாடு-நீர்வழிப்-பாதைகளை-முழுமையாக-ஆய்வு-செய்ய-ஆட்சியர்-உத்தரவு-3003343.html
3003269 தருமபுரி நாமக்கல் கோகுல்ராஜ் கொலை வழக்கு: கல்லூரித் தோழியின் தாயார் சாட்சியம்: அக்.1-க்கு விசாரணை ஒத்திவைப்பு DIN DIN Wednesday, September 19, 2018 08:19 AM +0530 கோகுல்ராஜ் கொலை வழக்கில் அவரது கல்லூரித் தோழியின் தாயார்,  நண்பர் உள்பட 6 பேர் நாமக்கல் மாவட்ட முதன்மை அமர்வு நீதிமன்றத்தில் செவ்வாய்க்கிழமை ஆஜராகி சாட்சியம் அளித்தனர்.  இதையடுத்து,  வழக்கு விசாரணையை அக்டோபர் மாதம் 1ஆம் தேதிக்கு ஒத்திவைத்து நீதிபதி கே.எச்.இளவழகன் உத்தரவிட்டார். 
 சேலம் மாவட்டம்,  ஓமலூரைச் சேர்ந்த பொறியியல் பட்டதாரி கோகுல்ராஜ், கடந்த 2015ஆம் ஆண்டு ஜூன் மாதம் 24ஆம் தேதி பள்ளிபாளையம் அருகே கிழக்கு தொட்டிப்பாளையம் ரயில் பாதையில் தலை துண்டிக்கப்பட்ட நிலையில், கொலை செய்யப்பட்டுக் கிடந்தார். 
 இதுதொடர்பாக வழக்குப் பதிவு செய்த திருச்செங்கோடு போலீஸார், சேலம் மாவட்டம் சங்ககிரியைச் சேர்ந்த தீரன் சின்னமலைக் கவுண்டர் பேரவை நிறுவனர் எஸ்.யுவராஜ், அவரது சகோதரர் தங்கதுரை உள்பட 17 பேரை கைது செய்தனர். 
      இந்த வழக்கு விசாரணை நாமக்கல் மாவட்ட முதன்மை அமர்வு நீதிமன்றத்தில் நடைபெற்று வருகிறது.  கடந்த ஆகஸ்ட்  30ஆம் தேதி சாட்சிகளிடம் விசாரணை தொடங்கியது. கோகுல்ராஜின் தாய் சித்ரா, பள்ளிபாளையம் காவிரி ஆர்.எஸ். ரயில் நிலைய அலுவலர் கைலாஷ் சந்த் மீனா,  கோகுல்ராஜின் சகோதரர் கலைச்செல்வன், கோகுல்ராஜின் கல்லூரித் தோழி சுவாதி ஆகியோர் நாமக்கல் மாவட்ட முதன்மை அமர்வு நீதிமன்றத்தில் ஆஜராகி சாட்சியம் அளித்தனர்.  இவர்களிடம் யுவராஜ் தரப்பு வழக்குரைஞர் குறுக்கு விசாரணை நடத்தியுள்ளார். 
    இதில் சுவாதி,  வழக்கு விசாரணையின்போது தனக்கு கோகுல்ராஜ் யார் என்றே தெரியாது என சாட்சியம் அளித்தார்.  இந்த நிலையில்,  சுவாதியின் தாய் செல்வி நாமக்கல் மாவட்ட முதன்மை அமர்வு நீதிமன்றத்தில் ஆஜராகி சாட்சியம் அளித்தார்.  அவரிடம் அரசுத் தரப்பு வழக்குரைஞர் கேள்விகளைக் கேட்டு பதிலைப் பெற்றார்.  
மேலும், திருச்செங்கோடு மலைக் கோயிலிலிருந்து சிபிசிஐடி போலீஸ் தரப்பில் சேகரிக்கப்பட்ட சிசிடிவி பதிவு காட்சிகள் செல்விக்குக் காண்பிக்கப்பட்டன.  அப்போது அதில் வருவோர் ஆண், பெண் எனத் தெரிகிறது. எனினும், அவர்கள் யார் என்று தெரியவில்லை என்றார். 
தொடர்ந்து மதிய உணவு இடைவேளைக்குப் பின் மீண்டும் சாட்சிகளிடம் விசாரணை நடைபெற்றது.  கோகுல்ராஜின் நண்பர் கார்த்திக்ராஜா நீதிமன்றத்தில் ஆஜராகி சாட்சியம் அளித்தார்.  அவர் மலைக்கோயில் சி.சி.டி.வி. பதிவில் உள்ளது கோகுல்ராஜ் மற்றும் சுவாதி என்று சாட்சியம் அளித்தார்.  மேலும், கோகுல்ராஜ் மாயமானது முதல், திருச்செங்கோடு காவல் நிலையத்தில் புகார் கொடுத்ததது வரை கோகுல்ராஜின் சகோதரர் கலைச்செல்வன், சுவாதி ஆகியோரிடம்தான் பேசிய விவரத்தையும் அவர் சாட்சியமாக அளித்தார். 
 இதுபோல், பள்ளிபாளையம் ரயில்வே துணை மேலாளர் கதிரேசன்,  ரயில் ஓட்டுநர்கள் வடிவேல்,  முனுசாமி, கோகுல்ராஜ் திருச்செங்கோட்டில் படித்த தனியார் கல்லூரி முதல்வர் தியாகராஜன் ஆகியோர் நீதிமன்றத்தில் ஆஜராகி சாட்சியம் அளித்தனர்.   இதைத் தொடர்ந்து, வழக்கு விசாரணையை அக்டோபர் 1ஆம் தேதிக்கு ஒத்திவைத்து நீதிபதி உத்தரவிட்டார்.

]]>
http://www.dinamani.com/all-editions/edition-dharmapuri/namakkal/2018/sep/19/கோகுல்ராஜ்-கொலை-வழக்கு-கல்லூரித்-தோழியின்-தாயார்-சாட்சியம்-அக்1-க்கு-விசாரணை-ஒத்திவைப்பு-3003269.html
3002813 தருமபுரி நாமக்கல் தியாகிகளுக்கு வீரவணக்கம்  ராசிபுரம், DIN Tuesday, September 18, 2018 09:37 AM +0530 வன்னியர் சங்கம் சார்பில் 1987-ஆம் ஆண்டு நடைபெற்ற இட ஒதுக்கீடு போராட்டத்தில் உயிர் நீத்தவர்களுக்கு வீர வணக்க நாள் நிகழ்ச்சி பாமக சார்பில் திங்கள்கிழமை நடைபெற்றது.
 ராசிபுரம் புதிய பேருந்து நிலையம் முன் நடைபெற்ற நிகழ்ச்சியில் பாமக மாவட்ட அமைப்புச் செயலர் ஆ. மோகன்ராஜ் தலைமை வகித்தார். நகர வன்னியர் சங்கத் தலைவர் சு. கணேசன் வரவேற்றார். பாமக மாநில துணைப் பொதுச் செயலர் ஒ.பி. பொன்னுசாமி, நகர பாமக செயலர் கே. மணிகண்டன் உள்ளிட்ட பலர் பங்கேற்று தியாகிகளுக்கு மலரஞ்சலி செலுத்தினர்.
 

]]>
http://www.dinamani.com/all-editions/edition-dharmapuri/namakkal/2018/sep/18/தியாகிகளுக்கு-வீரவணக்கம்-3002813.html