Dinamani - நாமக்கல் - http://www.dinamani.com/all-editions/edition-dharmapuri/namakkal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042153 தருமபுரி நாமக்கல் இந்திரா காந்தி பிறந்த நாள் கொண்டாட்டம் DIN DIN Tuesday, November 20, 2018 08:23 AM +0530 நாமக்கல் கிழக்கு மாவட்ட காங்கிரஸ் சார்பில், முன்னாள் பிரதமர் இந்திரா காந்தி பிறந்த நாள் விழா திங்கள்கிழமை கொண்டாடப்பட்டது.
நாமக்கல் மணிக்கூண்டு அருகே நடைபெற்ற இந்நிகழ்ச்சிக்கு, கிழக்கு மாவட்ட காங்கிரஸ் தலைவர் ஷேக்நவீத் தலைமை வகித்தார். இதில், அலங்கரிக்கப்பட்ட இந்திரா காந்தியின் படத்துக்கு மாலை அணிவித்து மரியாதை செலுத்தப்பட்டதோடு, பொதுமக்களுக்கு இனிப்புகள் வழங்கப்பட்டன.
மாவட்ட காங்கிரஸ் துணைத் தலைவர் மாணிக்கம், விவசாய அணி மாவட்டத் தலைவர் பாலமுரளி, மகளிரணி மாவட்ட துணைத் தலைவி பரிமளா, மாவட்டச் செயலர் மகேஸ்வரி, வட்டாரத் தலைவர்கள் கொல்லிமலை குப்புசாமி, புதுச்சத்திரம் இளங்கோ, நகர செயலர் தாமு, முன்னாள் நகர்மன்ற உறுப்பினர் சோடா ராஜேந்திரன், சேந்தமங்கலம் வட்டாரச் செயலர் ரத்தினம் உள்ளிட்ட பலர் கலந்து கொண்டனர். 
நாமக்கல் நகர காங்கிரஸ் கட்சி அலுவலகத்தில் நடைபெற்ற நிகழ்ச்சியில் மாவட்ட முன்னாள் காங்கிரஸ் தலைவர்கள் இரா.செழியன், வீ.பி.வீரப்பன், நகர காங்கிரஸ் முன்னாள் தலைவர் எஸ்.ஆர்.மோகன், மாநில பொதுக்குழு உறுப்பினர் பி.ஏ.சித்திக் உள்ளிட்ட பலர் கலந்து கொண்டனர்.
குமாரபாளையத்தில்...
குமாரபாளையத்தில் நகரத் தலைவர் ஜானகிராமன் தலைமை வகித்தார். மாவட்ட இளைஞரணித் தலைவர் சதீஷ்குமார் முன்னிலை வகித்தார். நாமக்கல் மேற்கு மாவட்டத்  தலைவர் தனகோபால் பங்கேற்று, கட்சிக் கொடியேற்றினார்.
தொடர்ந்து, அலங்கரிக்கப்பட்ட இந்திரா காந்தியின் உருவப் படத்துக்கு மாலை அணிவித்து மரியாதை செலுத்தப்பட்டது. பொதுமக்களுக்கு இனிப்புகள் வழங்கப்பட்டன. 
இந்நிகழ்ச்சியில், கட்சியின் நிர்வாகிகள் சுப்பிரமணி, சிவராஜ், சிவகுமார், சரவணன் உள்ளிட்ட பலர் கலந்துகொண்டனர்.  தொடர்ந்து, இந்திரா காந்தியின் ஆட்சிக் காலத்தில் மேற்கொள்ளப்பட்ட திட்டங்கள், சாதனைகள் குறித்து பொதுமக்களுக்கு விளக்கிக் கூறப்பட்டது.


 

]]>
http://www.dinamani.com/all-editions/edition-dharmapuri/namakkal/2018/nov/20/இந்திரா-காந்தி-பிறந்த-நாள்-கொண்டாட்டம்-3042153.html
3042152 தருமபுரி நாமக்கல் ஓய்வுபெற்ற ஆசிரியர் வீட்டின் பூட்டை உடைத்து ரூ.1 லட்சம் திருட்டு DIN DIN Tuesday, November 20, 2018 08:23 AM +0530 பரமத்தி வேலூர் வட்டம், ஜேடர்பாளையம் அருகே ஓய்வுபெற்ற ஆசிரியர் வீட்டின் பூட்டை உடைத்து, ரூ.1 லட்சத்தை திருடிச் சென்ற மர்ம நபர்கள் குறித்து ஜேடர்பளையம் போலீஸார் விசாரணை நடத்தி வருகின்றனர்.
ஜேடர்பாளையம் அருகே உள்ள ஆனங்கூர் காட்டுவலவைச் சேர்ந்தவர் கோவிந்தசாமி (68), ஓய்வுபெற்ற ஆசிரியர். இவர் தனது குடும்பத்துடன் ஞாயிற்றுக்கிழமை ஈரோட்டில் உள்ள உறவினர் வீட்டு திருமணத்துக்கு சென்றுள்ளார். திங்கள்கிழமை மதியம் திரும்பி வந்த போது, வீட்டின் பூட்டு உடைக்கப்பட்டிருப்பது கண்டு அதிர்ச்சி அடைந்து உள்ளே சென்று பார்த்தார். அதில், பீரோ உடைக்கப்பட்டு அதிலிருந்த ரூ.1 லட்சம் திருட்டு போனது தெரியவந்தது. ஜேடர்பாளையம் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/20/ஓய்வுபெற்ற-ஆசிரியர்-வீட்டின்-பூட்டை-உடைத்து-ரூ1-லட்சம்-திருட்டு-3042152.html
3042151 தருமபுரி நாமக்கல் வீட்டின் பூட்டை உடைத்து ரூ.50 ஆயிரம் திருட்டு DIN DIN Tuesday, November 20, 2018 08:23 AM +0530 நாமக்கல் மாவட்டம், ராசிபுரம் நகரில் வீட்டின் கதவு, பீரோவை உடைத்து ரூ.50 ஆயிரம் திருடிய மர்ம நபர்களை போலீஸார் தேடி வருகின்றனர். 
ராசிபுரம் அருகேயுள்ள ஆர்.புதுப்பாளையம் பகுதியைச் சேர்ந்தவர் மாதேஸ்வரன் (57). இவர் பல ஆண்டுகளாக ராசிபுரம் வீட்டு வசதி வாரியக் குடியிருப்பு பகுதியில் வாடகைக்கு குடியிருந்து வருகிறார். இந்நிலையில், ஞாயிற்றுக்கிழமை விடுமுறை என்பதால், மனைவி தமிழ்செல்வி, மகன்கள் ஸ்ரீநவீன், மொளரீஸ் ஆகியோருடன் புதுப்பாளையம் பகுதியில் உள்ள தனது தோட்டத்துக்கு சென்று தங்கினார். இந்நிலையில், திங்கள்கிழமை இவரது வீட்டின் முன்புற கதவு உடைக்கப்பட்டிருப்பதாக அப்பகுதியில் உள்ளவர்கள் தெரிவித்ததையடுத்து, இவர் குடும்பத்தினருடன் வீடு திரும்பினார். அப்போது, வீட்டின் முன்புற கதவின் பூட்டு உடைக்கப்பட்டும், வீட்டினுள் பீரோ உடைக்கப்பட்டு, அதில் வைத்திருந்த ரூ.50 ஆயிரம் திருடப்பட்டதும் தெரியவந்ததாம். தகவலின் பேரில் ராசிபுரம் காவல் ஆய்வாளர் சி.செல்லமுத்து சம்பவ இடத்துக்கு சென்று விசாரணை நடத்தி  வருகின்றனர்.

]]>
http://www.dinamani.com/all-editions/edition-dharmapuri/namakkal/2018/nov/20/வீட்டின்-பூட்டை-உடைத்து-ரூ50-ஆயிரம்-திருட்டு-3042151.html
3042150 தருமபுரி நாமக்கல் ராசிபுரம் புதிய பேருந்து நிலைய கடைகளை காலி செய்ய உத்தரவு DIN DIN Tuesday, November 20, 2018 08:22 AM +0530 ராசிபுரம் புதிய பேருந்து நிலையப் பகுதியில் உள்ள 41 வணிக வளாக கடைகளை காலி செய்ய உத்தரவிட்டுள்ளதால், கடைதாரர்கள் காலி செய்து வருகின்றனர். 
ராசிபுரம் புதிய பேருந்து நிலையப் பகுதியில் நகராட்சிக்கு சொந்தமான 100-க்கும் மேற்பட்ட கடைகள் உள்ளன. இதனை ஏலமுறையில் ஒப்பந்த அடைப்படையில் வாடகைக்கு விடப்பட்டுள்ளன. மேலும், இந்த கடைகள் கட்டப்பட்டு சுமார் 30 ஆண்டுகளுக்கு மேல் ஆகிவிட்டதால், பல்வேறு கடைகளின் மேல்தளம் பெயர்ந்து விழும் நிலை உள்ளது. மேலும், மழைக் காலங்களில் மழை நீர் கடைகளின் மேல் தளத்தில் இருந்து உள்புகுவதால், இந்த கடைகள் பயன்படுத்துவற்கு ஏற்றதல்ல என பொதுப்பணித் துறையினர் ஆய்வு செய்து அறிக்கை அளித்துள்ளனர். 
இதனால், புதிய பேருந்து நிலையப் பகுதியின் முன்பகுதியில் உள்ள 41 கடைகளை நவ.19-க்குள் அகற்ற வேண்டும் என ஒப்பந்ததாரர்களுக்கு நகராட்சி உத்தரவிட்டு நோட்டீஸ் அனுப்பியிருந்தது. 
இதனையடுத்து கடைகள் காலி செய்யப்பட்டு வருகின்றன. இதனால் திங்கள்கிழமை பெரும்பாலான கடைகள் காலி செய்யப்பட்டுள்ளன.
 

]]>
http://www.dinamani.com/all-editions/edition-dharmapuri/namakkal/2018/nov/20/ராசிபுரம்-புதிய-பேருந்து-நிலைய-கடைகளை-காலி-செய்ய-உத்தரவு-3042150.html
3042149 தருமபுரி நாமக்கல் நாளை நாமக்கல் கிழக்கு மாவட்ட திமுக செயற்குழுக் கூட்டம் DIN DIN Tuesday, November 20, 2018 08:22 AM +0530 நாமக்கல் கிழக்கு மாவட்ட திமுக செயற்குழுக் கூட்டம், வரும் புதன்கிழமை காலை 11 மணிக்கு நாமக்கல் மாவட்ட திமுக அலுவலகத்தில் நடைபெறவுள்ளது என மாவட்ட பொறுப்பாளர் செ.காந்திசெல்வன் தெரிவித்துள்ளார்.  
இதுகுறித்து அவர் வெளியிட்ட அறிக்கை: மாவட்ட அவைத் தலைவர் இரா.உடையவர் தலைமையில் நடைபெறும்  இக்கூட்டத்தில், மாநில, மாவட்டக் கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், முன்னாள் சட்டப்பேரவை உறுப்பினர்கள், நகர, ஒன்றிய, பேரூர் கழகச் செயலர்கள், மாவட்ட அளவிளான சார்பு அணிகளின் அமைப்பாளர்கள் மற்றும் துணை அமைப்பாளர்கள் அனைவரும் தவறாமல் கலந்துகொள்ள வேண்டும்.

]]>
http://www.dinamani.com/all-editions/edition-dharmapuri/namakkal/2018/nov/20/நாளை-நாமக்கல்-கிழக்கு-மாவட்ட-திமுக-செயற்குழுக்-கூட்டம்-3042149.html
3042148 தருமபுரி நாமக்கல் குடிநீர் விநியோகம் நிறுத்தம்: காலி குடங்களுடன் கிராம மக்கள் மனு DIN DIN Tuesday, November 20, 2018 08:22 AM +0530 6 மாதங்களாக குடிநீர் விநியோகம் செய்யவில்லையென காலி குடங்களுடன் கிராம மக்கள் மாவட்ட ஆட்சியரிடம் மனு அளித்தனர். 
நாமக்கல் மாவட்டம், சேந்தமங்கலம் ஒன்றியம், முத்துகாப்பட்டி ஊராட்சிக்குள்பட்ட புதுக்கோம்பையில் 32 குடும்பங்களை சேர்ந்த மக்கள் வசித்து வருகின்றனர். அவர்களுக்கு, ஊராட்சி நிர்வாகம் சார்பில் காவிரி நீர் இரண்டு நாள்களுக்கு ஒரு முறையும், ஆழ்துளைக் கிணறு மூலம் ஒரு நாள் விட்டு ஒருநாளும் குடிநீர் விநியோகம் செய்யப்பட்டது.
இந்நிலையில், கடந்த 3 மாதங்களாக காவிரி நீரும், 6 மாதங்களாக ஆழ்துளைக் குழாய் கிணற்று நீரும் விநியோகம் செய்யவில்லையாம். இதுகுறித்து ஊராட்சி நிர்வாகத்திடம் பலமுறை புகார் தெரிவித்தும் எவ்வித நடவடிக்கையும் எடுக்கவில்லையாம். இதையடுத்து, திங்கள்கிழமை காலை நாமக்கல் மாவட்ட ஆட்சியர் அலுவலகம் முன் காலி குடங்களுடன் திரண்ட மக்கள் ஆட்சியரிடம் மனு அளித்தனர்.
இதுகுறித்து பொதுமக்கள் கூறுகையில், முத்துகாப்பட்டி ஊராட்சிக்குள்பட்ட பெருமாபாளையம், முத்துகாப்பட்டி, மேத்ரமாதேவி ஆகிய பகுதிகளுக்கு, தடையின்றி தண்ணீர் விநியோகம் செய்யப்படுகிறது. ஆனால், புதுக்கோம்பையில் தண்ணீரை விலை கொடுத்து வாங்கி பயன்படுத்தி வருகிறோம். எங்களுக்கு தடையின்றி தண்ணீர் விநியோகம் செய்ய மாவட்ட நிர்வாகம் நடவடிக்கை எடுக்க வேண்டும் என்றனர்.                                   

]]>
http://www.dinamani.com/all-editions/edition-dharmapuri/namakkal/2018/nov/20/குடிநீர்-விநியோகம்-நிறுத்தம்-காலி-குடங்களுடன்-கிராம-மக்கள்-மனு-3042148.html
3042147 தருமபுரி நாமக்கல் இருசக்கர வாகனம் மீது டேங்கர் லாரி மோதல்: ஒருவர் சாவு DIN DIN Tuesday, November 20, 2018 08:21 AM +0530 பரமத்தி வேலூர் அருகே இருசக்கர வாகனத்தின் மீது டேங்கர் லாரி மோதியதில், ஐயப்ப பக்தர் சம்பவ இடத்திலேயே உயிரிழந்தார்.
பரமத்தி வேலூர் வட்டம், கந்தம்பாளையம் அருகே உள்ள மணியனூரை சேர்ந்த உதயகுமார் (47), திருச்செங்கோட்டில் உள்ள இருசக்கர வாகன விற்பனை நிறுவனத்தில் ஓட்டுநராக பணியாற்றி வந்தார். ஐயப்ப குருசாமியான இவர் சபரிமலை செல்வதற்காக மாலை அணிந்திருந்தார். திங்கள்கிழமை காலை மணியனூரில் இருந்து தனது உறவினரான கணேசனை (59), கரூரில் உள்ள ஒரு தனியார் மருத்துவமனைக்கு அழைத்துச் செல்ல தனது இருசக்கர வாகனத்தில் சென்றார்.
நாமக்கல்லில் இருந்து கரூர் செல்லும் தேசிய நெடுஞ்சாலையில் பரமத்தி வேலூர் பிரிவு சாலை அருகே சென்ற போது, பின்னால் வந்த டேங்கர் லாரி இருசக்கர வாகனத்தின் மீது மோதியது. இதில் படுகாயமடைந்த உதயகுமார் சம்பவ இடத்திலேயே உயிரிழந்தார். அவரது உறவினரான கணேசன் லேசான காயங்களுடன் உயிர் தப்பினார். தகவல் அறிந்து சம்பவ இடத்துக்கு வந்த பரமத்தி வேலூர் போலீஸார் உதயகுமாரின் உடலை மீட்டு, விபத்து குறித்து வழக்குப் பதிவு செய்தனர். தொடர்ந்து,  நாமக்கல் அருகே உள்ள களங்காணியைச் சேர்ந்த டேங்கர் லாரி ஓட்டுநர் துரைசாமியை (55) கைது செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/nov/20/இருசக்கர-வாகனம்-மீது-டேங்கர்-லாரி-மோதல்-ஒருவர்-சாவு-3042147.html
3042146 தருமபுரி நாமக்கல் மகளிர் சுகாதார வளாகத்தை பராமரிக்க கோரிக்கை DIN DIN Tuesday, November 20, 2018 08:21 AM +0530 ராசிபுரம் ஊராட்சி ஒன்றியத்துக்குள்பட்ட குருக்கப்புரம் ஊராட்சி பகுதியில் செயல்பட்டு வரும் மகளிர் சுகாதார வளாகம் இரவு நேரங்களில் மின்வசதி இல்லாமல் பூட்டிக் கிடப்பதால் பயன்பாடின்றி உள்ளது.
குருக்கப்புரம் ஊராட்சி பகுதியில் ஒருங்கிணைந்த மகளிர் பொது சுகாதார வளாகம் கட்டப்பட்டுள்ளது. இதற்கு தண்ணீர் வசதி, மின்வசதி போன்றவை செய்து தரப்பட்டது. இதனை அப்பகுதி பெண்கள் பயன்படுத்தி வரும் நிலையில், மாலை  நேரங்களில் ஊராட்சி நிர்வாகத்தால் இந்த சுகாதார வளாகம் பூட்டப்படுகிறது. மேலும், மின் விளக்குகள் எரியவதில்லை, சுகாதார வளாகத்தை சுற்றிலும் முள்புதர்கள் மண்டிக் கிடக்கின்றன.
எனவே, முள்புதர்களை அகற்றி, மின் விளக்குகளை எரிய செய்து இரவு நேரங்களிலும் பயன்படுத்தும் வகையில் சரிசெய்ய வேண்டும் என அப்பகுதி பெண்கள்
வலியுறுத்தியுள்ளனர்.
 

]]>
http://www.dinamani.com/all-editions/edition-dharmapuri/namakkal/2018/nov/20/மகளிர்-சுகாதார-வளாகத்தை-பராமரிக்க-கோரிக்கை-3042146.html
3042145 தருமபுரி நாமக்கல் கஜா புயலால் பாதித்த பகுதிகளுக்கு நகராட்சி பணியாளர்கள் அனுப்பி வைப்பு DIN DIN Tuesday, November 20, 2018 08:21 AM +0530 கஜா புயலால் பாதிக்கப்பட்ட பகுதிகளில் மீட்புப் பணிகளில் ஈடுபட, திருச்செங்கோட்டிலிருந்து நகராட்சி பணியாளர்கள் அனுப்பி வைக்கப்பட்டனர்.
கஜா புயல் பாதிக்கப்பட்ட மன்னார்குடி பகுதியில் மீட்பு பணிகளில் ஈடுபட, திருச்செங்கோடு, குமாரபாளையம்,  எடப்பாடி, மேட்டூர், ஆகிய நகராட்சிகளில் இருந்து 30-க்கும் மேற்பட்ட துப்புரவுப் பணியாளர்கள் திருச்செங்கோடு நகராட்சியில் இருந்து ஆணையர் மகேஸ்வரி கொடியசைத்து அனுப்பி வைத்தார். இதே போல் புயலால் பாதிக்கப்பட்ட ஆலங்குடி பகுதிக்கு பின் சீரமைப்பு பணிக்காக 50-க்கும் மேற்பட்ட மின்வாரிய ஊழியர்கள் அனுப்பி வைக்கப்பட்டனர். 

]]>
http://www.dinamani.com/all-editions/edition-dharmapuri/namakkal/2018/nov/20/கஜா-புயலால்-பாதித்த-பகுதிகளுக்கு-நகராட்சி-பணியாளர்கள்-அனுப்பி-வைப்பு-3042145.html
3042144 தருமபுரி நாமக்கல் கூட்டுப் பண்ணையம்: விவசாயிகளுக்கு பயிற்சி DIN DIN Tuesday, November 20, 2018 08:20 AM +0530 திருச்செங்கோட்டில் அட்மா திட்டத்தின் கீழ், விவசாயிகளுக்கு கூட்டுப் பண்ணையம் குறித்த பயிற்சி வழங்கப்பட்டது.
திருச்செங்கோட்டை அடுத்த நரிபாளிக்காடு கிராமத்தில் தொடங்கப்பட்டுள்ள உழவர் ஆர்வலர் குழு உறுப்பினர்களுக்கு கூட்டுப் பண்ணையம் குறித்து பயிற்சி வழங்கப்பட்டது. திருச்செங்கோடு வேளாண் உதவி இயக்குநர் ஜெயமணி தலைமை வகித்தார். 
இந்நிகழ்ச்சியில், ஈரோடு தனியார் நிறுவன துணைத் தலைவர் முரளிதரன் சிறப்பு விருந்தினராக கலந்துகொண்டு கூட்டுப் பண்ணையத்தின் வழிமுறைகள், பதிவேடுகள் பராமரிப்பு, உழவர் உற்பத்தியாளர் குழு குறித்து பயிற்சி வழங்கினார்.
உழவர் ஆர்வலர் குழு ஆரம்பிக்கும் போது, நபர்கள் தேர்வு செய்வது, எவ்வாறு ஒருங்கிணைந்து செயல்படுவது என்றும், உழவர் உற்பத்தியாளர் குழு ஆரம்பிக்க கடைப்பிடிக்க வேண்டிய நிபந்தனைகள், ஓருங்கிணைந்து அனைவருக்கும் பயனுள்ள இயந்திரங்கள் வாங்குவது குறித்தும், உழவர் உற்பத்தியாளர் நிறுவனம் ஆரம்பிப்பது பற்றியும் விளக்கமளித்தார்.
இத்திட்டத்தால் விவசாயிகளின் இழப்பு பகிரப்படுவதால், தற்கொலை சதவீதம் குறைகிறது மற்றும் கூடுதல் லாபம் பெற பல நன்மைகள் இத்திட்டத்தின் மூலம் கிடைக்கிறது என கூட்டத்தில் விளக்கமளிக்கப்பட்டது.
இந்த நிகழ்ச்சியில் வேளாண் உதவி இயக்குநர் ஜெயமணி, கூட்டுப் பண்ணையத்தினால் கிடைக்கும் நன்மைகளை குறித்து கூறினார். மேலும் உழவன் செயலி பற்றிய நன்மைகளையும், பதிவிறக்கம் செய்யும் முறைகளை பற்றியும் அட்மா வட்டார தொழில்நுட்ப மேலாளர் ஹேமலதா, பிரீத்தி ஆகியோர் விளக்கமளித்தனர்.
 

]]>
http://www.dinamani.com/all-editions/edition-dharmapuri/namakkal/2018/nov/20/கூட்டுப்-பண்ணையம்-விவசாயிகளுக்கு-பயிற்சி-3042144.html
3042143 தருமபுரி நாமக்கல் பரமத்தி வேலூரில் நிலவேம்பு குடிநீர் வழங்கும் முகாம் DIN DIN Tuesday, November 20, 2018 08:20 AM +0530 பரமத்தி வேலூரில் தி.மு.க சார்பில் ஒரு மாதத்துக்கு இலவசமாக பொதுமக்களுக்கு நிலவேம்பு குடிநீர் வழங்கும் முகாமை தி.மு.க. சட்டப்பேரவைத் தொகுதி உறுப்பினர் கே.எஸ்.மூர்த்தி திங்கள்கிழமை தொடங்கி வைத்தார்.
பரமத்தி வேலூர் மற்றும் சுற்று வட்டாரப் பகுதிகளில் தற்போது நிலவி வரும் பருவநிலை மாறுபாட்டால், பொதுமக்கள் காய்ச்சலால் பாதிக்கப்பட்டு சிகிச்சை பெற்று வருகின்றனர்.
இதையடுத்து, காய்ச்சலைத் தடுக்க முன்னெச்சரிக்கை நடவடிக்கையாக, பரமத்தி வேலூர் பழைய தேசிய நெடுஞ்சாலையில் நாமக்கல் மேற்கு மாவட்ட தி.மு.க. சார்பில் தொடர்ந்து ஒரு மாதத்துக்கு நிலவேம்பு குடிநீர் வழங்கும் முகாம் அமைக்கப்பட்டுள்ளது.
இம் முகாமுக்கு பரமத்தி வேலூர் நகர தி.மு.க. பிரமுகர் கண்ணன் தலைமை தாங்கினார். நகரச் செயலர் மாரப்பன் முன்னிலை வகித்தார். விழாவில் பரமத்தி வேலூர் சட்டப்பேரவைத் தொகுதி உறுப்பினர் கே.எஸ்.மூர்த்தி கலந்துகொண்டு பொதுமக்களுக்கு நிலவேம்பு குடிநீர் வழங்கி முகாமை தொடங்கி வைத்தார். இதில் பரமத்தி வேலூர் தி.மு.க. பொறுப்பாளர்கள் மற்றும் தொண்டர்கள் உள்ளிட்டோர் கலந்துகொண்டனர்.
நாமகிரிப்பேட்டையில்
நாமகிரிப்பேட்டை மேற்கு ஒன்றிய அமமுக சார்பில், பொதுமக்களுக்கு நிலவேம்பு குடிநீர் வழங்கும் விழா ஞாயிற்றுக்கிழமை நடைபெற்றது. நாமகிரிப்பேட்டை பேருந்து நிலையம் முன் நடைபெற்ற நிகழ்ச்சியில், நாமகிரிப்பேட்டை மேற்கு ஒன்றியச் செயலர் டி.மணிக்கண்ணன் தலைமை வகித்தார். அக்கட்சியின் மாநில அவைத் தலைவரும், நாமக்கல் கிழக்கு மாவட்டச் செயலருமான எஸ்.அன்பழகன், மாநில ஜெயலலிதா பேரவை இணைச் செயலர் ஏ.பி.பழனிவேல் ஆகியோர் பங்கேற்று நிலவேம்பு குடிநீர் வழங்கினர்.
இதில், ராசிபுரம் நகரச் செயலர் வி.டி.தமிழ்செல்வன், கொல்லிமலை ஒன்றியச் செயலர் சந்திரன், வெண்ணந்தூர் ஒன்றியச் செயலர் என்.கோபால், நாமகிரிப்பேட்டை பேரூர் செயலர் பெரியசாமி, சீராப்பள்ளி பேரூர் செயலர் செந்தில்குமார், புதுப்பட்டி பேரூர் செயலர் வெங்கடாசலம், ராசிபுரம் நகர பொதுக்குழு உறுப்பினர் உதயகுமார், அக்ரி நடராஜன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/nov/20/பரமத்தி-வேலூரில்-நிலவேம்பு-குடிநீர்-வழங்கும்-முகாம்-3042143.html
3042142 தருமபுரி நாமக்கல் பண்ணைப் பள்ளி- வெள்ளாடு, செம்மறியாடு வளர்ப்பு வகுப்புகள் DIN DIN Tuesday, November 20, 2018 08:20 AM +0530 வெண்ணந்தூர் வட்டாரம், நாச்சிப்பட்டி வருவாய் கிராமத்தில் அட்மா திட்டத்தின் கீழ், பண்ணைப் பள்ளி - வெள்ளாடு மற்றும் செம்மாறியாடு வளர்ப்பு குறித்த வகுப்புகள் அண்மையில் நடத்தப்பட்டன.
இதில் வேளாண் உதவி இயக்குநர் (பொ) மா.சௌந்தர்ராஜன், பண்ணைப் பள்ளி பயிற்சியில் கலந்துகொண்ட விவசாயிகளுக்கு ஆடு வளர்ப்பில் உள்ள நன்மைகள் மற்றும் புதிய தொழில்நுட்பங்களின் மூலம் புதிய ரகங்கள், பண்ணைப் பள்ளியின் நோக்கம், தீவன சாகுபடி குறித்தும், தீவனம் மேற்கொள்ளுவதன் மூலம் பெறும் லாபம், கால்நடைகள் மற்றும் பயிர் காப்பீடு திட்டத்தின் வாயிலாக கிடைக்கும் நன்மைகள் குறித்தும் விளக்கமளித்தார். வெண்ணந்தூர் கால்நடை பராமரிப்புத் துறையின் கால்நடை உதவி மருத்துவர் லில்லி அருள்குமாரி, அசோலா செயல்விளக்கம் செய்து காண்பித்தார். மேலும், இதில் கால்நடைகளுக்கு தடுப்பூசி, ஆடுகளுக்கு குடற்புழு நீக்கம் மருந்து கொடுக்கப்பட்டது.
மேலும், அசோலா தீவன உற்பத்திக்கு மர நிழலில் குறிப்பிட்ட ஆழத்தில் "சில்பாலினை' பரப்பி நல்ல தண்ணீர் நிரப்பி 3 கிலோ சாணம், செம்மண், சூப்பர் பாஸ்பேட் 50 கிராம் ஆகிவற்றைக் கொண்டு நிரப்பி அசோலா விதைகளை பரப்பிவிட வேண்டும். மீண்டும் வாரத்துக்கு ஒரு முறை தண்ணீர் விடவேண்டும். 15 நாள்களுக்கு பிறகு தினம் 1 கிலோ விதம் அசோலா தீவனம் அறுவடை செய்யலாம். அறுவடை செய்த அசோலாவை கறவை மாடுகளுக்கு 1 கிலோ விதம் உணவாக அளிக்கும்போது பால் உற்பத்தி பெருகும், பால் அடர்த்தியும் கூடுமென விளக்கமளித்தனர்.
பயிற்சி செயல்விளக்கத்தின் போது, அட்மா திட்ட வட்டார தொழில் நுட்ப மேலாளர் மா.ரமேஷ், உதவி தொழில் நுட்ப மேலாளர் கவிசங்கர், அட்மா திட்டப் பணிகள் மற்றும் திட்ட செயல்பாடுகள், மக்காசோளத்தில் படைப்புழுக்கள் தாக்குதல், கட்டுப்பாடு குறித்தும், உழவன் செயலியின் செயல்பாடுகள் குறித்தும் விளக்கமளித்தனர்.

]]>
http://www.dinamani.com/all-editions/edition-dharmapuri/namakkal/2018/nov/20/பண்ணைப்-பள்ளி--வெள்ளாடு-செம்மறியாடு-வளர்ப்பு-வகுப்புகள்-3042142.html
3042141 தருமபுரி நாமக்கல் 3 மாணவிகளின் மரணத்துக்கு நீதி கிடைக்கவில்லை: மாணவி கோகிலவாணியின் தந்தை வேதனை DIN DIN Tuesday, November 20, 2018 08:20 AM +0530 தருமபுரி பேருந்து எரிப்பு வழக்கில் தண்டனை விதிக்கப்பட்ட 3 பேர் விடுதலை செய்யப்பட்டதைத் தொடர்ந்து,  மாணவிகள் மரணத்துக்கு நீதி கிடைக்கவில்லை என உயிரிழந்த மாணவி கோகிலவாணியின் தந்தை வீராசாமி வேதனை தெரிவித்துள்ளார். 
தருமபுரி பேருந்து எரிப்பு வழக்கில் தண்டனை பெற்று சிறையில் அடைக்கப்பட்டிருந்த அதிமுகவைச் சேர்ந்த 3 பேர் திங்கள்கிழமை விடுதலை செய்யப்பட்டனர். 
இதற்கு பேருந்தில் இறந்த மாணவிகளில் நாமக்கல்லைச் சேர்ந்த மாணவி கோகிலவாணியும்  ஒருவர்.  அவரது தந்தை வீராசாமி,  மூவரின் விடுதலைக்கு கடும் எதிர்ப்பு தெரிவித்து உள்ளார்.
இதுகுறித்து அவர் செய்தியாளர்களிடம் கூறியது:-
கடந்த 2000-ஆம் ஆண்டு பிப்ரவரி 2-இல் பேருந்துக்கு தீ வைக்கப்பட்ட சம்பவத்தில்,  3 மாணவிகள் தீ வைத்து எரிக்கப்பட்டனர்.   வழக்கை விசாரித்த நீதிபதி, 3 பேருக்கு தூக்குத் தண்டனை விதித்து உத்தரவிட்டார். மற்றொரு நீதிபதி ஆயுள் தண்டனையாகக் குறைத்து உத்தரவிட்டார்.  ஆனால், நீதிமன்ற உத்தரவை அரசு நிறைவேற்றவில்லை. 
நீதி, நேர்மை கெட்டுப் போய் விட்டது. கோகிலவாணி இறந்த பிறகு வாழ்வில் விரக்தியடைந்து உடல்நலம் பாதிக்கப்பட்ட அவரது தாயார், கடந்த ஆண்டு உயிரிழந்தார். 
அதிமுகவினர் உணர்ச்சி வேகத்தில் செய்து விட்டார்கள் என்பதை ஏற்கமுடியாது. ஆளுநர் இவ்விவகாரக்தில் முதலில் விடுதலை செய்ய முடியாது என்றார். பின்னர், விடுதலை செய்ய அனுமதிக்கப்பட்டுள்ளனர். அப்பாவி மாணவியர் மூவரின் மரணத்துக்கு நீதி கிடைக்கவில்லை என்றார்.
 

]]>
http://www.dinamani.com/all-editions/edition-dharmapuri/namakkal/2018/nov/20/3-மாணவிகளின்-மரணத்துக்கு-நீதி-கிடைக்கவில்லை-மாணவி-கோகிலவாணியின்-தந்தை-வேதனை-3042141.html
3041539 தருமபுரி நாமக்கல் கோழிகளைக் கூண்டில் வளர்க்கத் தடை: உச்ச நீதிமன்றத் தீர்ப்பை ரத்து செய்யக் கோரிக்கை DIN DIN Monday, November 19, 2018 04:06 AM +0530
கோழிகளை கூண்டில் வளர்க்க விதிக்கப்பட்ட உச்ச நீதிமன்ற இடைக்கால தடை உத்தரவை முற்றிலுமாக ரத்து செய்ய மத்திய, மாநில அரசுகள் நடவடிக்கை எடுக்க வேண்டும் என கோழிப் பண்ணையார்கள் கோரிக்கை விடுத்துள்ளனர்.
தமிழ்நாடு கோழிப் பண்ணையாளர்கள் சங்கத் தலைமை அலுவலக கட்டடம், தானியக் கிடங்குகள் திறப்பு விழா மற்றும் ஆண்டு பொதுக்குழுக் கூட்டம் நாமக்கல் அருகே களங்காணியில் ஞாயிற்றுக்கிழமை நடைபெற்றது.
சங்கத் தலைவர் ஏ.கே.பி. சின்ராஜ் தலைமை வகித்தார். சங்க நிறுவனத் தலைவரும், தமிழ்நாடு வேளாண்மை பல்கலைக்கழக ஆட்சிமன்றக்குழு உறுப்பினருமான ஆர். நல்லதம்பி, அலுவலகக் கட்டடத்தையும், தானியக் கிடங்கையும் திறந்து வைத்தார்.
தேசிய முட்டை ஒருங்கிணைப்புக் குழு (நெக்) நாமக்கல் மண்டலத் தலைவர் பி. செல்வராஜ், சங்கச் செயலாளர் சுந்தரராஜ், பொருளாளர் இளங்கோ ஆகியோர் கோரிக்கைகள் குறித்துப் பேசினர்.
நிறைவேற்றப்பட்ட தீர்மானங்கள்: ஆண்டகளூர்கேட்டில் உள்ள கோழி நோய் ஆய்வகத்தை முட்டை ஏற்றுமதி செய்வதற்கு உலகத்தரம் வாய்ந்த ஆய்வகமாக மாற்றுவதற்கு மத்திய, மாநில அரசுகள் நடவடிக்கை எடுக்க வேண்டும். சோயா, கடுகு, சூரியகாந்தி போன்ற புண்ணாக்குகளுக்கு விதிக்கப்பட்ட 5 சதவீதம் ஜி.எஸ்.டி. வரியை முழுமையாக ரத்து செய்ய வேண்டும். கோழிகளைக் கூண்டில் வளர்க்க விதிக்கப்பட்ட உச்ச நீதிமன்ற இடைக்கால தடை உத்தரவை முற்றிலுமாக ரத்து செய்ய மத்திய, மாநில அரசுகள் நடவடிக்கை எடுக்க
வேண்டும்.
சேலத்தில் திருச்சி செல்ல நாமக்கல் பொம்மைகுட்டைமேட்டில் இருந்து திருச்சி வரை புறவழிச் சாலை அமைக்க தமிழக அரசு நடவடிக்கை எடுக்க வேண்டும். கோழிப் பண்ணை புதிதாக அமைப்பதற்கு கட்டட வரைபட அனுமதியை கிராம ஊராட்சிகளுக்கு வழங்க வேண்டும். கோழிப் பண்ணைகளுக்கு விதிக்கப்படும் சொத்து வரியை, முழுவதுமாக நீக்க மாநில அரசு நடவடிக்கை எடுக்க வேண்டும்.

 

]]>
http://www.dinamani.com/all-editions/edition-dharmapuri/namakkal/2018/nov/19/கோழிகளைக்-கூண்டில்-வளர்க்கத்-தடை-உச்ச-நீதிமன்றத்-தீர்ப்பை-ரத்து-செய்யக்-கோரிக்கை-3041539.html
3041538 தருமபுரி நாமக்கல் பழங்குடியினருக்கு பட்டா வழங்க தாமதம்: தேசியக் கட்சிகள் மீது குற்றச்சாட்டு DIN DIN Monday, November 19, 2018 04:06 AM +0530
பல ஆண்டுகளாக வனப்பகுதியில் விவசாயம் செய்து வரும் பழங்குடியினருக்கு பட்டா வழங்க இதுவரை எந்த தேசியக் கட்சியும் முன்வரவில்லை என ஆதிவாசிகள் அமைப்பின் மாநில அமைப்பாளர் ரங்கநாதன் பேசினார்.
சர்வதேச பழங்குடியினர் தினத்தை முன்னிட்டு நாமக்கல் மாவட்டம், கொல்லிமலை அறப்பளீஸ்வரர் கோயில் வளாகத்தில் தமிழ்நாடு பழங்குடியினர் (எஸ்.டி.) மக்கள் நல முன்னேற்ற சங்கத்தின் சார்பில் புதிய வனக்கொள்கை குறித்த ஆலோசனைக் கூட்டம், மாநில தலைவர் பார்த்திபன் தலைமையில் நடைபெற்றது.
இதில் தமிழக ஆதிவாசிகள் பிரசார அமைப்பின் மாநில அமைப்பாளர் ரங்கநாதன் பேசியது:
வனப்பகுதியில் சொந்த நிலம் இல்லாத பழங்குடியினர் விவசாயம் செய்து வாழ்வாதாரத்துடன் இருந்து வந்தவர்களுக்கு, பட்டா வழங்கக் கோரி கடந்த 2006- ஆம் ஆண்டு புதுதில்லியில் ஆதிவாசிகள் போராட்டம் நடத்தினர்.
அதன் பின் வன உரிமைச்சட்டம் தீவிரப்படுத்தப்பட்டது. அதனால் பழங்குடியினரின் நிலங்களை யாரும் வாங்கவோ, விற்கவோ முடியாத நிலை உள்ளது. அந்நிலத்தை, அவர்களின் வாரிசுகள் பயன்படுத்திக் கொள்ளலாம். பல ஆண்டுகளாக வனப்பகுதியில் விவசாயம் செய்து வரும் பழங்குடியினருக்கு பட்டா வழங்க, இதுவரை எந்த தேசியக்கட்சியும் முன்வரவில்லை.
வன உரிமைச் சட்டத்தில் இந்தியாவில் 5,000 கிராமங்கள் செட்டில்மெண்ட் செய்த கிராமங்களாக அறிவிக்கப்பட்டன. அவற்றை வருவாய்க் கிராமங்களாக மாற்றாததால், அரசின் சலுகைகள் பெறமுடியாத நிலை உள்ளது என்றார்.
கூட்டத்தில் ஊராட்சி அமைப்புகளில் ஆதிவாசி மக்கள் தொகைக்கு ஏற்ப இடஓதுக்கீடு அளிக்க வேண்டும். ஆதிவாசி மக்கள் வாழும் பகுதிகளில் செயல்படும் அரசு பள்ளிகள் அனைத்திலும், தரமான கல்வி வழங்குவதை உறுதி செய்ய கல்வி அமைப்புகளின் நிர்வாகத்தில் ஆதிவாசி மக்களுக்கு பொறுப்பு வழங்க வேண்டும்.
ஜவ்வாது மலையில் வன நிலங்களில் பயிர் செய்யும் ஆதிவாசி மக்களை மிரட்டி வெளியேற்றும் நடவடிக்கையில் ஈடுபடும் வனத்துறையினர் மீது நடவடிக்கை எடுக்க வேண்டும்.

 

]]>
http://www.dinamani.com/all-editions/edition-dharmapuri/namakkal/2018/nov/19/பழங்குடியினருக்கு-பட்டா-வழங்க-தாமதம்-தேசியக்-கட்சிகள்-மீது-குற்றச்சாட்டு-3041538.html
3041537 தருமபுரி நாமக்கல் அரையாண்டுத் தேர்வு கால அட்டவணையை மாற்றித் தரக் கோரிக்கை DIN DIN Monday, November 19, 2018 04:06 AM +0530
மேல்நிலை வகுப்புகளுக்கான அரையாண்டுத் தேர்வு கால அட்டவணையை மாற்றித் தர வேண்டும் என நேரடி நியமனம் பெற்ற முதுகலை ஆசிரியர்கள் சங்கம் கோரிக்கை விடுத்துள்ளது.
சங்க மாநிலத் தலைவர் ஆ.ராமு, சென்னையில் பள்ளிக்கல்வி இயக்குநரிடம் அண்மையில் அளித்த மனு விவரம்: நிகழ் கல்வியாண்டில்(2018-2019)தமிழகம் முழுவதும் உள்ள மேல்நிலைப்பள்ளிகளில் பயின்று வரும் 11,12ஆம் வகுப்பு மாணவர்களுக்கான அரையாண்டுத்தேர்வு கால அட்டவணை வெளியிடப்பட்டுள்ளது. இத்தேர்வுகள் வரும் டிசம்பர் 10ஆம் தேதி தொடங்கி 22ஆம் தேதி
நிறைவடைகிறது.
இந்த தேர்வு அட்டவணையில் 11-ஆம் வகுப்பு மாணவர்களுக்கு தமிழ், ஆங்கிலம், இயற்பியல், வேதியியல், உயிரியில், கணிதம் உள்ளிட்ட தேர்வுகள் நடக்கும் நாட்களில் 12ஆம் வகுப்பு மாணவர்களுக்கும் அதே பாடத்தில் தேர்வு நடைபெறும் எனத் தெரிவிக்கப்பட்டுள்ளது. இதனால் ஆறு மாதத்துக்கும் மேல் பாடம் நடத்திய ஆசிரியர் தேர்வுக்கு முந்தைய நாள்களில் ஒரே நேரத்தில் 11,12ஆம் வகுப்பு மாணவர்களை சரியாக கவனித்து, பயிற்சி அளித்து ஊக்கப்படுத்த முடியாத சூழல் ஏற்படுகிறது. மேலும் ஒரு கல்வி ஆண்டில் முழு பாடத்தில் மாணவர்களின் திறனை சோதிக்கும் முதல் தேர்வு அரையாண்டு தேர்வாகும். ஆகவே மாணவர்கள், ஆசிரியர்கள் நலன் கருதி ஏற்கெனவே வெளியிடப்பட்டுள்ள அரையாண்டு தேர்வு கால அட்டவணையில் தேதியை மாற்றம் செய்யாமல் 12-ஆம் வகுப்புக்கு தமிழ் தேர்வு நடக்கும் நாளில் 11-ஆம் வகுப்புக்கு ஆங்கில தேர்வு நடத்துதல் என அனைத்து பாடங்களின் தேர்வு தேதிகளை மாற்றி புதிய திருத்தம் செய்யப்பட்ட அரையாண்டுத் தேர்வு கால அட்டவணையை வெளியிட வேண்டும்.

 

]]>
http://www.dinamani.com/all-editions/edition-dharmapuri/namakkal/2018/nov/19/அரையாண்டுத்-தேர்வு-கால-அட்டவணையை-மாற்றித்-தரக்-கோரிக்கை-3041537.html
3041536 தருமபுரி நாமக்கல் கொல்லிமலையில் நாளை திறன் பயிற்சி விழிப்புணர்வு முகாம் DIN DIN Monday, November 19, 2018 04:05 AM +0530
கொல்லிமலையில் வரும் 20-ஆம் தேதி திறன் பயிற்சி விழிப்புணர்வு முகாம் நடைபெறுகிறது.
இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்டுள்ள செய்திக்குறிப்பு:
தமிழக அரசால் திறன் பயிற்சி விழிப்புணர்வு மற்றும் சந்தையில் நிலவும் வேலைவாய்ப்புகள் குறித்து கிராமப்புற வேலைநாடுநர்களை சென்றடையும் வகையில், நாமக்கல் மாவட்டத்தின் அனைத்து ஊராட்சி ஒன்றியங்களிலும் முகாம் நடத்தப்பட்டு வருகிறது.
இதன்படி கொல்லிமலை ஊராட்சி ஒன்றிய இளைஞர்களுக்குத் திறன் பயிற்சி குறித்த விழிப்புணர்வு ஏற்படுத்தப்படவுள்ளது. கொல்லிமலை ஊராட்சி ஒன்றிய அலுவலகத்தில் திறன் பயிற்சி விழிப்புணர்வு முகாம் வரும் 20-ஆம் தேதி காலை 10 மணிக்கு நாமக்கல் மாவட்ட வேலைவாய்ப்பு அலுவலகத்தால் நடத்தப்படவுள்ளது. இதில் 5ஆம் வகுப்பு படித்தவர்கள் முதல் பட்டப்படிப்பு வரை கலந்து கொள்ளலாம்.
நாமக்கல் மாவட்டத்தில் அரசு மற்றும் தனியார் நிறுவனங்கள் மூலம் அழகுக் கலை, தையல் பயிற்சி, பெட் சைட் அசிஸ்டெண்ட், சிசிடிவி கேமரா பொருத்தும் பயிற்சி, கம்ப்யூட்டர் ஆப்ரேட்டர் பயிற்சி, எலக்ட்ரீசியன், வெல்டர் பயிற்சி, லேத் ஆப்ரேட்டர் பயிற்சி, ஆட்டோ மேட்டிவ் சர்வீஸ் டெக்னீசியன் பயிற்சி மற்றும் ஓட்டுநர் பயிற்சி போன்ற திறன் பயிற்சிகள் இலவசமாக அளிக்கப்படுகின்றன.
இதில் விருப்பப்படுவோர் திறன் பயிற்சியில் சேர்ந்து பயிற்சி பெறலாம். இப் பயிற்சி முடித்தவர்களுக்கு சான்றிதழும், தொடர்புடைய தனியார் துறைகளில் வேலைவாய்ப்பும் அளிக்கப்படுகின்றன.
மேலும் இப் பயிற்சியின்போது போக்குவரத்து செலவினம், பயிற்சி புத்தகம், எழுது பொருள் புத்தகப் பை போன்றவை இலவசமாக வழங்கப்படுகின்றன. எனவே, இத்திறன் பயிற்சி விழிப்புணர்வு முகாமில் கலந்து கொண்டு திறன் பயிற்சிக்குப் பதிவு செய்து, விரும்பும் பயிற்சியை இலவசமாகப் பெற்றுக் கொள்ளலாம்.

 

]]>
http://www.dinamani.com/all-editions/edition-dharmapuri/namakkal/2018/nov/19/கொல்லிமலையில்-நாளை-திறன்-பயிற்சி-விழிப்புணர்வு-முகாம்-3041536.html
3041535 தருமபுரி நாமக்கல் நாமக்கல் கிறிஸ்து அரசர் தேவாலயத்தில் திருவிழா தொடக்கம் DIN DIN Monday, November 19, 2018 04:05 AM +0530
நாமக்கல் கிறிஸ்து அரசர் தேவாலய ஆண்டு திருவிழா கொடியேற்றத்துடன் ஞாயிற்றுக்கிழமை தொடங்கியது.
முன்னதாக காலையில் திருப்பலி நடந்தது. அதைத் தொடர்ந்து தேவாலயம் முன்பு உள்ள கொடிகம்பத்தில் பங்குதந்தை சேவியர் லாரன்ஸ் கொடியேற்றி வைத்தார். இதில் பங்கு தந்தைகள் ஜான் அல்போன்ஸ், அருள்சுந்தர் மற்றும் ஏராளமான கிறிஸ்தவர்கள் கலந்து கொண்டனர். தொடர்ந்து திங்கள்கிழமை முதல் தினமும் மாலை 6.30 மணிக்கு தேவாலயத்தில் நவநாள் திருப்பலி நடக்கிறது. வரும் 25ஆம் தேதி நிறைவு நாள் அன்று மாலை 6.30 மணிக்கு கிறிஸ்து அரசர் தேர்பவனியும், அன்று இரவு 9.30 மணிக்கு திவ்விய நற்கருணை ஆசீர் மற்றும் கொடி இறக்கம் நிகழ்ச்சியும் நடக்கின்றன.

 

]]>
http://www.dinamani.com/all-editions/edition-dharmapuri/namakkal/2018/nov/19/நாமக்கல்-கிறிஸ்து-அரசர்-தேவாலயத்தில்-திருவிழா-தொடக்கம்-3041535.html
3041534 தருமபுரி நாமக்கல் அரசுப் பள்ளி மாணவர்கள் உற்பத்தி செய்த பொருள்கள் விற்பனை DIN DIN Monday, November 19, 2018 04:05 AM +0530
பரளி ஊராட்சி ஒன்றிய நடுநிலைப் பள்ளி மாணவர்கள் உற்பத்தி செய்த பொருள்கள் விற்பனை துவக்க விழா சனிக்கிழமை நடைபெற்றது.
நாமக்கல் மாவட்டம், மோகனூர் ஊராட்சி ஒன்றியம், பரளி ஊராட்சி ஒன்றிய நடுநிலைப் பள்ளியில் சுற்று வட்டாரத்தைச் சேர்ந்த 152 மாணவ, மாணவியர் படிக்கின்றனர். இப் பள்ளியில் ஏற்கெனவே இயற்கை வேளாண்மை முறையில், தோட்டம் அமைத்து காய்கறி, கீரை வகைகள் உற்பத்தி செய்து, விற்பனை செய்து வருகின்றனர்.
அதேபோல் மாணவர்களே சுயத் தொழில் மூலம் பல்வேறு பொருள்களை உற்பத்தி செய்வதற்குப் பயிற்சியும், ஊக்கமும் அளிக்கப்பட்டன. அதையடுத்து பினாயில், கை கழுவும் நீர்மம், சோப்பு பவுடர், பாத்திரம் தேய்க்கும் பவுடர், சீயக்காய் பொடி, குளியல் பொடி, காகிதப் பை போன்ற பொருள்களை உற்பத்தி செய்தனர்.
இந்த பொருள்கள் விற்பனை துவக்க விழா பள்ளியில் சனிக்கிழமை நடைபெற்றது. வட்டாரக் கல்வி அலுவலர் இளங்கோவன் தலைமை வகித்தார். கரூர் வைஸ்யா வங்கி துணைப் பொது மேலாளர் சுப்பையன் விற்பனையைத் துவக்கி வைத்தார்.
மாணவர்கள் உற்பத்தி செய்த பொருள்களை சுற்று வட்டாரத்தைச் சேர்ந்த மக்கள், ஆர்வத்துடன் வாங்கிச் சென்றனர். உற்பத்தி செய்த பொருள்கள் அனைத்தும் உடனடியாக விற்பனையானது.
வட்டார மேற்பார்வையாளர் சாந்தி, தலைமை ஆசிரியர் பி. சாந்தி, ஒருவந்தூர்புதூர் பள்ளித் தலைமை ஆசிரியர் சத்தியமூர்த்தி, பெற்றோர் ஆசிரியர் கழக நிர்வாகிகள், ஆசிரியர்கள், மாணவர்கள் உள்பட பலர் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/19/அரசுப்-பள்ளி-மாணவர்கள்-உற்பத்தி-செய்த-பொருள்கள்-விற்பனை-3041534.html
3041533 தருமபுரி நாமக்கல் மல்லசமுத்திரம் வட்டாரத்தில் பிரதம மந்திரி பயிர் காப்பீட்டு திட்ட முகாம் DIN DIN Monday, November 19, 2018 04:04 AM +0530
மல்லசமுத்திரம் வட்டாரத்தில் நடப்பு சம்பா (நெல் ஐஐ) பருவத்தில் மல்லசமுத்திரம் கீழ்முகம் மற்றும் மாமுண்டி ஆகிய கிராமங்களில் பிரதம மந்திரி பயிர் காப்பீட்டு திட்டம் அறிவிக்கை செய்யப்பட்டு திட்டம் செயல்படுத்தபட்டு வருகிறது.
இதற்கான விழிப்புணர்வு கூட்டம் மாமுண்டி கிராமம் கட்டிபாளையத்தில் வேளாண் துணை இயக்குநர் (மத்திய திட்டம்) வரதராஜூ தலைமை ஏற்றுப்பேசியதாவது:
பருவ சூழல் காரணமாக விதைப்பு செய்ய இயலாமை மற்றும் பொய்த்து போதல், அறுவடைக்கு பிந்தைய இழப்பு, விதைப்பு முதல் அறுவடை வரை உள்ள பயிர் காலங்களில் ஏற்படும் இயற்கை இடர்படுகளான வெள்ளம், வறட்சி மற்றும் பூச்சி நோய் தாக்குதல் ஆகியவற்றால் மகசூல் இழப்பு ஏற்படும் பொழுது இழப்பீடு வழங்கப்படும் என்று கூறினார்.
மல்லசமுத்திரம் வேளாண்மை உதவி இயக்குநர் சண்முகம் பேசியதாவது: நெல் பயிருக்கு காப்பீட்டு தொகை ரூ. 29 ஆயிரம் எனவும், விவசாயிகள் செலுத்த வேண்டிய பிரீமியத் தொகை ஏக்கருக்கு ரூ. 435 எனவும், இதற்கு விவசாயிகள் சேர கடைசி நாள் 30.11.2018 என்றும் கூறினார்.
இந்த பிரிமிய தொகையை விவசாயிகள் தொடக்க வேளாண்மைகூட்டுறவு கடன் சங்கம் , தேசிய மயமாக்கபட்ட வங்கிகள் மற்றும் பொது சேவை மையங்கள், மல்லசமுத்திரம் ஆகிய இடங்களில் பயிர் காப்பீடு செய்வதற்கு தேவையான முன்மொழிவு படிவம், விண்ணப்ப படிவம் , பயிர் சாகுபடி அடங்கல் ,ஆதார் அட்டை நகல், வங்கி கணக்கு புத்தக முதல்பக்க நகலுடன் நேரில் சென்று உரிய பிரிமியத் தொகையை செலுத்தி பிரதம மந்திரி பயிர் காப்பீட்டு திட்டத்தில் சேர்ந்து கொள்ளலாம். அதற்குரிய ரசீதை சம்பந்தப்பட்ட பொது சேவை மையங்களில் பெற்றுக் கொள்ளலாம்.
முகாமில் வேளாண்மை அலுவலர் அருள்ராணி, உதவி வேளாண்மை அலுவலர் அலாவுதீன் மற்றும் செந்தில்குமார் ஆகியோர் கலந்து கொண்டனர்.

 

]]>
http://www.dinamani.com/all-editions/edition-dharmapuri/namakkal/2018/nov/19/மல்லசமுத்திரம்-வட்டாரத்தில்-பிரதம-மந்திரி-பயிர்-காப்பீட்டு-திட்ட-முகாம்-3041533.html
3041531 தருமபுரி நாமக்கல் நாமக்கல் நகராட்சிக்கு ரூ. 7.30 கோடியில் புதிய கட்டடம்: முதல்வர் திறந்து வைத்தார் DIN DIN Monday, November 19, 2018 04:04 AM +0530
நாமக்கல் நகராட்சி அலுவலகத்துக்கு ரூ. 7.30 கோடி மதிப்பில் கட்டி முடிக்கப்பட்ட புதிய கட்டடத்தை முதல்வர் எடப்பாடி கே. பழனிசாமி திறந்து வைத்தார்.
நாமக்கல்-திருச்செங்கோடு சாலையில் வாரச்சந்தை வளாகத்தில் நகராட்சிக்கு ரூ. 7.30 கோடி மதிப்பீட்டில் 3 தளங்களுடன் புதிதாகக் கட்டடம் கட்டி முடிக்கப்பட்டுள்ளது.
இதன் திறப்பு விழா ஞாயிற்றுக்கிழமை நடைபெற்றது. விழாவுக்கு தமிழக மின்சாரம், மதுவிலக்கு மற்றும் ஆயத்தீர்வைத் துறை அமைச்சர் பி. தங்கமணி தலைமை வகித்தார். சமூக நலன் மற்றும் சத்துணவு திட்டத் துறை அமைச்சர் வி. சரோஜா, மாவட்ட ஆட்சியர் மு. ஆசியா மரியம், எம்பி பி.ஆர். சுந்தரம், எம்எல்ஏ கே.பி.பி.பாஸ்கர் ஆகியோர் முன்னிலை வகித்தனர்.
விழாவில் முதல்வர் எடப்பாடி கே. பழனிசாமி சிறப்பு அழைப்பாளராகக் கலந்து கொண்டு புதிய கட்டடத்தைத் திறந்து வைத்தார்.
அதைத் தொடர்ந்து கல்வெட்டை திறந்து வைத்து குத்துவிளக்கு ஏற்றினார். மேலும் அங்கு அலங்கரித்து வைக்கப்பட்டிருந்த முன்னாள் முதல்வர்கள் எம்.ஜி.ஆர், ஜெயலலிதாவின் உருவ படங்களுக்கு மலர்தூவி மரியாதை செலுத்தினார்.
பின்னர் நாமக்கல்லைச் சேர்ந்த லாரி, கோழிப் பண்ணையாளர்கள் சங்கம் உள்பட பல்வேறு சங்கங்களின் நிர்வாகிகளை சந்தித்துக் கோரிக்கை மனுக்களைப் பெற்றுக் கொண்டார்.
நிகழ்ச்சியை முடித்துக் கொண்டு வெளியே வந்த அவர், நாமக்கல்-திருச்செங்கோடு சாலையில் சிறிது தூரம் நடந்து சென்று இருபுறமும் அணிவகுத்து நின்ற பொதுமக்களை பார்த்து கை அசைத்தவாறு சென்றார். திங்கள்கிழமை முதல் நாமக்கல் நகராட்சி அலுவலகப் பணிகள் புதிய கட்டடத்தில் நடைபெறும் என அதிகாரிகள் தெரிவித்தனர்.
அரசு மருத்துவமனையில் எம்.ஆர்.ஐ. ஸ்கேன்:
முன்னதாக நாமக்கல் அரசு மருத்துவமனையில் ரூ. 7 கோடி மதிப்பில் நிறுவப்பட்டுள்ள எம்.ஆர்.ஐ. ஸ்கேன் வசதியை முதல்வர் எடப்பாடி கே. பழனிசாமி தொடக்கி வைத்தார். அப்போது அங்கிருந்த மருத்துவர்கள் எம்.ஆர்.ஐ. ஸ்கேன் கருவி செயல்படும் விதம் குறித்து முதல்வரிடம் விளக்கினர்.
பின்னர் எம்.ஆர்.ஐ. ஸ்கேன் கருவியின் பயன்கள் குறித்து தமிழ்நாடு மருத்துவம் மற்றும் ஊரக நலப் பணிகள் இயக்குநர் மருத்துவர் என். ருக்மணி
கூறியது:
தமிழகத்தில் அரசு மருத்துவக் கல்லூரி மருத்துவமனைகளில் எம்.ஆர்.ஐ. ஸ்கேன் மைய வசதி உள்ளது. நிகழாண்டில் அரசு மருத்துவக் கல்லூரி மருத்துவமனை இல்லாத 5 அரசு மருத்துவமனைகளில் தேசிய சுகாதார இயக்கம் தமிழ்நாடு மருத்துவ சேவைக் கழகம் சார்பில் இம் மையம் ஏற்படுத்தப்படும். மேலும் 15 அரசு மருத்துவமனைகளில் இந்த வசதி ஏற்படுத்தப்படும்.
நாமக்கல் மாவட்ட அரசு தலைமை மருத்துவமனையில் புதிதாக நிறுவப்பட்டுள்ள எம்.ஆர்.ஐ. ஸ்கேன் மையத்தில் நாள் ஒன்றுக்கு 15 பேருக்கு எம்.ஆர்.ஐ. ஸ்கேன் துல்லியமாக பார்க்க முடியும். வெளியில் ரூ. 5,000 கட்டணம் உள்ள எம்.ஆர்.ஐ. ஸ்கேன் இம் மையத்தில் ரூ. 2,500-க்கு பார்க்கப்படும். முதல்வரின் காப்பீடு அட்டை உள்ளவர்கள் அதைக் காண்பித்து இலவசமாக எம்.ஆர்.ஐ. ஸ்கேன் பார்த்துக் கொள்ளலாம் என்றார். முதல்வர் வருகையை முன்னிட்டு நாமக்கல் நகர் முழுவதும் அவரை வரவேற்கும் வகையில் அதிமுகவினர் கட்சிக் கொடி மற்றும் தோரணங்களைக் கட்டி இருந்தனர்.
நிகழ்ச்சிகளில் எம்.எல்.ஏ.க்கள் சி.சந்திரசேகரன், பொன்.சரஸ்வதி, நகராட்சி நிர்வாக மண்டல இயக்குநர் லட்சுமி, நாமக்கல் நகராட்சி ஆணையர் (பொறுப்பு) கமலநாதன், நாமக்கல் நகராட்சி முன்னாள் துணைத் தலைவர் கே. சேகர் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/19/நாமக்கல்-நகராட்சிக்கு-ரூ-730-கோடியில்-புதிய-கட்டடம்-முதல்வர்-திறந்து-வைத்தார்-3041531.html
3041530 தருமபுரி நாமக்கல் மாவட்டக் கல்வி அலுவலர் பொறுப்பில் மேல்நிலைப் பள்ளித் தலைமை ஆசிரியர்களை நியமிக்கக் கோரிக்கை DIN DIN Monday, November 19, 2018 04:04 AM +0530
மேல்நிலைப் பள்ளித் தலைமை ஆசிரியர்களை மட்டுமே பொறுப்பு மாவட்டக் கல்வி அலுவலர்களாக நியமிக்க வேண்டும் என மேல்நிலைப் பள்ளித் தலைமை ஆசிரியர்கள் கோரிக்கை விடுத்துள்ளனர்.
தமிழ்நாடு மேல்நிலைப் பள்ளித் தலைமை ஆசிரியர் கழக மாநிலப் பொதுக்குழுக் கூட்டம் மாநிலத் தலைவர் ஆ.சீனிவாசன் தலைமையில் நாமக்கல்லில் ஞாயிற்றுக்கிழமை நடைபெற்றது. மாநில அமைப்புச் செயலர் மு.ஆ. உதயக்குமார் வரவேற்றார்.
நிறைவேற்றப்பட்ட தீர்மானங்கள்:
மேல்நிலைப் பள்ளித் தலைமை ஆசிரியர்கள் பணியிடமும், மாவட்டக் கல்வி அலுவலர் பணியிடமும் ஒத்த பணியிடமாக உள்ளதால் மேல்நிலைப் பள்ளித் தலைமை ஆசிரியர்களின் பணிப் பதிவேடு, பராமரிப்பு, ஓய்வூதிய பலன்கள், வருங்கால வைப்பு நிதி மற்றும் விடுப்பு அதிகாரம் போன்ற அனைத்துப் பணிகளும் முதன்மைக் கல்வி அலுவலரின் நேரடி கட்டுப்பாட்டின் கீழ் தொடர்ந்து நடைபெற வேண்டும்.
மேல்நிலைப் பள்ளித் தலைமை ஆசிரியர்களை மட்டுமே பொறுப்பு மாவட்டக் கல்வி அலுவலர்களாக நியமிக்க வேண்டும். காலியாக உள்ள மாவட்டக் கல்வி அலுவலர் பணியிடங்களை பணி மூப்பு பட்டியல் படி உடனடியாக நிரப்ப வேண்டும். பணியில் மூத்த மேல்நிலைப் பள்ளித் தலைமை ஆசிரியர்களை மட்டுமே முதன்மைக் கல்வி அலுவலரின் நேர்முக உதவியாளர்களாக நியமிக்க வேண்டும்.
500 பள்ளிகளுக்கு ஒரு கல்வி மாவட்டம் அமைக்கப்பட்டுள்ள நிலையில், 1,650 பள்ளிகள் உள்ள நாமக்கல் மாவட்டத்தில் 2 கல்வி மாவட்டங்கள் மட்டுமே உள்ளன. இங்கு ராசிபுரத்தைத் தலைமையிடமாகக் கொண்டு புதிய கல்வி மாவட்டத்தை உடனடியாக அறிவிக்க வேண்டும்.
மத்திய அரசின் கேந்திரிய வித்யாலயா, நவோதயா வித்யாலயா பள்ளிகளின் முதல்வர்களுக்கு இணையான ஊதியத்தை மேல்நிலைப் பள்ளித் தலைமை ஆசிரியர்களுக்கு வழங்க வேண்டும்.
அரசின் நலத் திட்டங்கள் சார்ந்த விவரங்களை தமிழக கல்வித் துறைக்கும், பள்ளிக் கல்வி இயக்ககத்துக்கும் உடனுக்குடன் தெரிவிக்க ஏதுவாக, ஒவ்வோர் அரசு மேல்நிலைப் பள்ளிக்கும் கணினி பயிற்சி பெற்ற நலத்திட்ட அலுவலரை நியமிக்க வேண்டும்.
மேல்நிலைப் பள்ளி தலைமை ஆசிரியர்களின் அரசுத் தேர்வு பணிக்களுக்கான உழைப்பு ஊதியம் நாள் ஒன்றுக்கு ரூ. 750 வழங்க வேண்டும். தமிழக அரசின் 6-ஆவது ஊதியக் குழு காலத்திலிருந்து உயர்நிலைப் பள்ளி தலைமை ஆசிரியர்கள், வட்டாட்சியர்களுக்கு வழங்கப்பட்டு தனி ஊதியம் தற்போது ரூ. 2,000-மாக உயர்த்தப்பட்டுள்ளது. இதுபோல் மேல்நிலைப் பள்ளித் தலைமை ஆசிரியர்களின் கோரிக்கையை ஏற்று மறுக்கப்பட்ட தனி ஊதியத்தை ரூ. 2,500 ஆக நிர்ணயித்து வழங்க உரிய உத்தரவைப் பிறப்பிக்க வேண்டும்.
மாணவர்களின் கற்றல் சுமையைக் குறைக்கவும், படிக்கும் பாடங்களில் ஆழ்ந்த புலமை பெறவும், 1978-க்கு முன்பு புதுமுக வகுப்புகளில் நடைமுறையில் இருந்தவாறு மொழி மற்றும் ஆங்கில பாடங்களுடன் மூன்று பாடங்கள் மட்டும் மூன்றாம் தொகுதியில் கற்பிக்க வேண்டும்.
தற்போது நடைமுறையில் உள்ள 4 பாடங்கள் கற்பிக்கும் முறையைக் கைவிட வேண்டும்.
மாநில பொதுச் செயலர் மா. ரவிச்சந்திரன், பொருளாளர் மா. கணேசன், பிரசார செயலர் எ. பிரேம்குமார் மற்றும் நிர்வாகிகள் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/19/மாவட்டக்-கல்வி-அலுவலர்-பொறுப்பில்-மேல்நிலைப்-பள்ளித்-தலைமை-ஆசிரியர்களை-நியமிக்கக்-கோரிக்கை-3041530.html
3041529 தருமபுரி நாமக்கல் அரசியலில் நேர்மை இல்லாததால் எனக்கு அரசியல் பிடிக்காது DIN DIN Monday, November 19, 2018 04:04 AM +0530
காமராஜருக்கு பிறகு அரசியலில் நேர்மை இல்லை என்பதால் எனக்கு அரசியல் பிடிக்காது என இயக்குநர் பாரதிராஜா குறிப்பிட்டார்.
நாமக்கல் மாவட்டம் ராசிபுரம் நகரில் புதிய உணவக திறப்பு விழாவில் பங்கேற்று குத்துவிளக்கேற்றி துவக்கி வைத்த அவர், செய்தியாளர்களிடம் பேசியது:
சீமான் சொற்பொழிவு எனக்குப் பிடிக்கும். ஆனால் அவரது கட்சியில் நான் உறுப்பினராக இல்லை. அரசியலிலும் இல்லை. 50 ஆண்டுகள் எம்ஜிஆர்., கருணாநிதி ஆகியோருடன் நல்ல பழக்கம் இருந்தது. நேர்மையான அரசியல்வாதிகள் அன்று இருந்தார்கள்.
காமராஜ் என்று தோற்கப்பட்டோரோ அன்றே அரசியலில் எனக்கு ஆர்வம் இல்லை. என்னை பொருத்தவரை நான் வெளிப்படையானவன். உணர்ச்சி பூர்வமானவன். அரசியல்வாதிகளுக்கு இது தேவையில்லை. எதையும் அடக்கி ஆளவேண்டும். உள்ளே என்ன எண்ணுகிறோமோ! அது வெளியில் தெரியக்கூடாது.
அவர்கள்தான் அரசியல்வாதிகள். எனக்கு இதுபோன்று வராது என்பதால் நான் அரசியல்வாதி அல்ல. சாதாரண குடிமகனாக நான் நல்ல கலைஞனாக இருந்து நல்ல பதிவு செய்துவிட்டு போகலாம் என்று இருக்கிறேன். ரஜினி, கமல் போன்று பெரிய நடிகர்களை வைத்து படம் எடுத்து பல ஆண்டுகள் ஆகிவிட்டது. தற்போது அவர்கள் பாதை வேறு. கமல், ரஜினி போன்ற நடிகர்கள் கட்சி ஆரம்பித்துள்ளது பற்றி கேட்கிறார்கள், ஏன் அவர்கள் அரசியல் கட்சி துவங்கக் கூடாது. ஒட்டளிக்கும் உரிமை உள்ள எல்லோருக்கும் கட்சி துவங்கும் உரிமை உள்ள்து. தற்போது முற்போக்கு சிந்தனையோடு ஓம் என்ற ஒரு படம் எடுத்துக்கொண்டிருக்கிறேன். சமூகத்தின் அடிப்படையில் ஒரு படம் வித்தியாசமாக எடுக்கப்பட்டு வருகிறது. தமிழக புயல் பாதிப்பில் அரசு நல்ல முன்னேற்பாடுகள் செய்துள்ளது. சிறப்பாக பணியாற்றியுள்ளது.
திரையுலகம் சார்பில் நிவாரணத்துக்கு பங்களிப்பு இருக்க வேண்டும். இது குறித்து திரைத்துறை சங்கங்களுடன் ஆலோசிப்போம் என்றார்.

 

]]>
http://www.dinamani.com/all-editions/edition-dharmapuri/namakkal/2018/nov/19/அரசியலில்-நேர்மை-இல்லாததால்-எனக்கு-அரசியல்-பிடிக்காது-3041529.html
3041528 தருமபுரி நாமக்கல் நவ. 21-இல் டாஸ்மாக் கடைகளுக்கு விடுமுறை DIN DIN Monday, November 19, 2018 04:03 AM +0530
மிலாது நபி தினத்தை முன்னிட்டு வரும் 21-ஆம் தேதி டாஸ்மாக் கடைகளுக்கு விடுமுறை அறிவிக்கப்பட்டுள்ளது.
இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்டுள்ள செய்திக் குறிப்பு:
நாமக்கல் மாவட்டத்தில் வரும் 21-ஆம் தேதி மிலாது நபி தினத்தை முன்னிட்டு அன்றைய தினத்தில் டாஸ்மாக் கடைகள் மற்றும் பார்கள், உரிமம் பெற்ற பார்கள் ஆகியவற்றை மூட வேண்டும் என அரசால் உத்தரவிடப்பட்டுள்ளது.
அரசு உத்தரவின்படி வரும் 21-ஆம் தேதி நாமக்கல் மாவட்டத்தில் உள்ள அனைத்து டாஸ்மாக் கடைகள், பார்கள், உரிமம் பெற்ற பார்கள் மூடப்பட வேண்டும். இந்த நாளில் திறந்தாலோ, மறைமுகமாக விற்பனை செய்தாலோ சம்மந்தப்பட்டவர்கள் மீது கடுமையான நடவடிக்கை எடுக்கப்படும்.

 

]]>
http://www.dinamani.com/all-editions/edition-dharmapuri/namakkal/2018/nov/19/நவ-21-இல்-டாஸ்மாக்-கடைகளுக்கு-விடுமுறை-3041528.html
3041114 தருமபுரி நாமக்கல் கூட்டுறவு வேளாண் சங்கத்தில் ரூ. 16 லட்சத்துக்கு மஞ்சள் ஏலம் DIN DIN Sunday, November 18, 2018 09:56 AM +0530 திருச்செங்கோடு வேளாண் உற்பத்தியாளர்கள் கூட்டுறவு விற்பனைச் சங்கத்தில் சனிக்கிழமை நடைபெற்ற வாராந்திர ஏலத்தில் 310 மூட்டை மஞ்சள் ரூ. 16 லட்சத்துக்கு விற்பனையானது.
ஆத்தூர், கெங்கவல்லி, கூகையூர், கள்ளக்குறிச்சி, பொம்மிடி, அரூர், ஜேடர்பாளையம், பரமத்திவேலூர், நாமக்கல், மேட்டூர், பூலாம்பட்டி ஆகிய பகுதிகளிலிருந்து இந்த மஞ்சள் விற்பனைக்கு வந்தது.
மஞ்சளைக் கொள்முதல் செய்ய ஈரோடு, ராசிபுரம், நாமகிரிப்பேட்டை, சேலம் ஆகிய ஊர்களிலிருந்து 50 க்கும் மேற்பட்ட  வியாபாரிகள் வந்திருந்தனர்.
மறைமுக ஒப்பந்தப்புள்ளி  மூலம் ரூ. 16 லட்சத்துக்கு மஞ்சள் விற்பனையானது. விரலி ரகம் குவிண்டாலுக்கு ரூ. 7,259 முதல்  ரூ. 8,469 வரை விற்பனையானது.
கிழங்கு ரகம் ரூ. 5,811முதல் ரூ. 6,758 வரையும், பனங்காளி ரகம் குவிண்டாலுக்கு ரூ. 7,009 முதல் ரூ. 10,100 வரையும் விலைபோனது. கடந்த வாரம் 310 மூட்டை மஞ்சள் ரூ. 16 லட்சத்துக்கு விலை போனது. 300 மூட்டை மஞ்சள் ரூ. 15 லட்சத்துக்கு விற்பனையானது.
தற்போதைய ஏலத்தில் விவசாயிகளுக்கு உடனுக்குடன் பணம் பட்டுவாடா செய்யப்பட்டது. மற்ற விற்பனை நிலையங்களை விட விவசாயிகளுக்குக் குவிண்டாலுக்கு ரூ. 200 அதிகம் கிடைத்ததாக   கூட்டுறவு சங்க நிர்வாகிகள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/nov/18/கூட்டுறவு-வேளாண்-சங்கத்தில்-ரூ-16-லட்சத்துக்கு-மஞ்சள்-ஏலம்-3041114.html
3041113 தருமபுரி நாமக்கல் கஜா புயல் இழப்பீடுகளை அரசு விரைந்து வழங்க வேண்டும்: இ.ஆர்.ஈஸ்வரன் DIN DIN Sunday, November 18, 2018 09:55 AM +0530 கஜா புயல் இழப்பீடுகளை விவசாயிகளுக்கு விரைந்து வழங்க தமிழக அரசு நடவடிக்கை எடுக்க வேண்டும் என கொங்குநாடு மக்கள் தேசிய கட்சி பொதுச் செயலாளர் இ.ஆர். ஈஸ்வரன் வேண்டுகோள் விடுத்துள்ளார்.
நாமக்கல் மாவட்ட கொ.ம.தே.க. பொதுக் குழுக் கூட்டம் ராசிபுரத்தில் சனிக்கிழமை நடைபெற்றது. இதில், பங்கேற்ற அவர் பின்னர், செய்தியாளர்களிடம் பேசியது:
கஜா புயல் பாதிப்புகளை அதிகாரிகளும், அமைச்சர்களும் மிகச் சிறப்பாகத் திட்டமிட்டு முடிந்த வரை குறைத்திருக்கின்றனர்.  இது பாராட்டப்பட வேண்டியது. இன்று எந்த நேரத்திலும் அவசரம் என்றால் முதல்வரையும், அமைச்சர்களையும் சந்திக்க முடியும் என்ற காரணத்தினால்தான்  புயல் பாதிப்பு கட்டுப்படுத்த பட்டுள்ளது. விவசாயிகள் பயிர் இழப்பீடு எவ்வாறு பெறுவது? என்ற குழப்பத்தில் உள்ளனர்.  புயல் பாதிப்புப் பணிகளை அரசு வேகமாகக் கணக்கிட்டு மத்திய அரசிடம் முழு இழப்பீட்டுத் தொகைகளைப் பெற்று வழங்க வேண்டும். 
உள்ளாட்சித் தேர்தலைப் பொருத்த வரையில் உயர் நீதிமன்றத் தீர்ப்பு வலுவாக இருந்தாலும், தமிழக அரசு அதைத் தள்ளிபோடாமல் விரைந்து தேர்தலை நடத்த வேண்டும்.
திருமணி முத்தாற்றிலிருந்து தண்ணீர் கொண்டு வந்து கோரையாற்றில் கலந்திடும் திட்டத்தில் அரசு எந்த ஓர் ஆரம்பக் கட்ட நடவடிக்கையும் எடுக்கவில்லை.  திட்டத்தை அரசு செயல்படுத்த முன்வர வேண்டும். 
 தற்போது ஆளும் கட்சிக்கும் தினகரனுக்கும் இடையே நடப்பது உள்கட்சி சுயநலப் போராட்டம்.  தேர்தல் வந்தால் இருவரும் இணைந்துகூடச் செயல்படுவார்கள்.
மத்திய அரசு, நாடு முன்னேறுகிறது என்று கூறி வந்தாலும் எந்த மாற்றமும் இல்லை என்றார் அவர்.
கட்சியின் மாநிலச் செயற்குழு உறுப்பினர் ஏ.கே.பி. சின்ராஜ்,  மாநில விவசாய அணி இணைச் செயலர் டி.எஸ். சந்திரசேகர் உள்ளிட்டோர் உடனிருந்தனர்.

]]>
http://www.dinamani.com/all-editions/edition-dharmapuri/namakkal/2018/nov/18/கஜா-புயல்-இழப்பீடுகளை-அரசு-விரைந்து-வழங்க-வேண்டும்-இஆர்ஈஸ்வரன்-3041113.html
3041112 தருமபுரி நாமக்கல் ஸ்னூக்கர், பில்லியர்ட்ஸ் போட்டிகள் DIN DIN Sunday, November 18, 2018 09:55 AM +0530 நாமக்கல் மாவட்ட அளவிலான ஸ்னூக்கர், பில்லியர்ட்ஸ் போட்டிகள் ராசிபுரம் ஸ்போர்ட்ஸ் ட்ரெயினிங் சென்டரில் சனிக்கிழமை நடைபெற்றது.
வயது அடிப்படையில் நான்கு பிரிவின் கீழ் போட்டிகள் நடைபெற்றன. முன்னதாக போட்டிகளை நாமக்கல் மாவட்ட ஸ்னூக்கர், பில்லியர்ட்ஸ் அசோசியேஷன் தலைவர் வி. பாலு துவக்கி வைத்தார். இதில் ஸ்னூக்கர் போட்டியில் குருசாமிபாளையம் ஸ்ரீவித்யா மந்திர் பள்ளி மாணவர் எல். கிஷோர், பாவை வித்யாஸ்ரம் பள்ளி மாணவி மதுனிஷா ஆகியோர் முதலிடம் பிடித்தனர். பில்லியர்ட்ஸ் பிரிவில் ஞானோதயா பள்ளி மாணவர் மைத்தீஸ்வரன், ஜெவிஎம்., பள்ளி மாணவி கவியரசி ஆகியோர் முதலிடம் பிடித்தனர். 
பால்-8 பிரிவில் எஸ்விபி., மாணவர் கிஷோர், எஸ்.ஆர்.வி. பள்ளி மாணவி மோகனா ஆகியோர் முதலிடம் பிடித்தனர். போட்டியில் வெற்றி பெற்றவர்களுக்கு மாவட்ட ஸ்னூக்கர், பில்லியர்ட்ஸ் அசோசியேஷன் செயலர் ஆர். ரஞ்சித் குமார், பொருளாளர் ஆர். நவநீதன் ஆகியோர் பரிசுகள் வழங்கிப் பாராட்டினர்.

]]>
http://www.dinamani.com/all-editions/edition-dharmapuri/namakkal/2018/nov/18/ஸ்னூக்கர்-பில்லியர்ட்ஸ்-போட்டிகள்-3041112.html
3041111 தருமபுரி நாமக்கல் நம்பிக்கை இல்ல குழந்தைகளுக்கு இனிப்பு வழங்கல் DIN DIN Sunday, November 18, 2018 09:55 AM +0530 நாமக்கல் அருகே லத்துவாடி நம்பிக்கை இல்லத்தில் குழந்தைகளுக்கு இனிப்பு வழங்கப்பட்டது.
அகில இந்திய காங்கிரஸ் உறுப்பினர் கார்த்தி சிதம்பரம் பிறந்தநாளை முன்னிட்டு இந் நிகழ்ச்சி நடைபெற்றது. நிகழ்ச்சியில்
தமிழக காங்கிரஸ் பொதுக்குழு உறுப்பினர் பீ.ஏ. சித்திக், நாமக்கல் நாடாளுமன்றத் தொகுதி முன்னாள் இளைஞர் காங்கிரஸ் தலைவர் ஆர்.சி. கதிரவன், முன்னாள் நாமக்கல் நகர காங்கிரஸ் தலைவர் எஸ்.ஆர். மோகன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/18/நம்பிக்கை-இல்ல-குழந்தைகளுக்கு-இனிப்பு-வழங்கல்-3041111.html
3041110 தருமபுரி நாமக்கல் அனுமதியின்றி போராட்டம்: திமுகவினர் கைது DIN DIN Sunday, November 18, 2018 09:54 AM +0530 குமாரபாளையத்தில் போக்குவரத்துக்கும், பொதுமக்களுக்கும் இடையூறு ஏற்படுத்தும் வகையில் சனிக்கிழமை மாலை திடீர் போராட்டத்தில் ஈடுபட்ட திமுகவினர் மீது போலீஸார் வழக்குப் பதிவு செய்துள்ளனர். 
குமாரபாளையத்தில்  சட்ட விரோதமாக மது விற்பனை நடைபெற்று வருவதாக தொடர்ந்து திமுகவினர் குற்றம் சாட்டி வருவதோடு,  உரிய நடவடிக்கை எடுக்க வேண்டும் என வலியுறுத்தி வருகின்றனர். இந்நிலையில், தகவல் உரிமைச் சட்டத்தில்  கேட்கப்பட்ட கேள்விக்கு, குமாரபாளையத்தில் உள்ள டாஸ்மாக் சில்லறை விற்பனை நிலையங்களில் மது அருந்தும் கூடங்கள் ஏலம் விடப்படவில்லை எனத் தெரிவிக்கப்பட்டுள்ளது.
ஆனால், சட்டவிரோதமாக மது அருந்தும் கூடங்கள் இயங்குவதாக திமுகவினர்  புகார் தெரிவித்திருந்தனர்.
இதுதொடர்பாக வைக்கப்பட்ட தட்டி சேதப்படுத்தப்பட்டதாகக்  கூறப்படுகிறது. இந்நிலையில், ஆனங்கூர் பிரிவு அருகே திமுக நாமக்கல் மேற்கு மாவட்டச் செயலர் எஸ்.சேகர்  தலைமையில் திமுகவினர் திரண்டு போராட்டத்தில் ஈடுபட முடிவு செய்தனர். இதனால், அப்பகுதியில் போக்குவரத்துப் பாதிக்கப்பட்டது. இதையடுத்து, போராட்டத்தில் ஈடுபட முயன்ற திமுகவினரைக் கைது செய்த போலீஸார்  காவல் நிலையத்துக்கு அழைத்துச் சென்றனர்.
குமாரபாளையம் காவல் ஆய்வாளர் தேவி  முன்னிலையில் நடைபெற்ற பேச்சுவார்த்தையைத் தொடர்ந்து திமுகவினர் விடுவிக்கப்பட்டனர். ஆனால்,  சட்ட விரோதமாகக் கூடியதோடு பொதுமக்களுக்கும், போக்குவரத்துக்கும் இடையூறு ஏற்படுத்திய திமுகவினர் 33 பேர் மீது போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-dharmapuri/namakkal/2018/nov/18/அனுமதியின்றி-போராட்டம்-திமுகவினர்-கைது-3041110.html
3041109 தருமபுரி நாமக்கல் ஐயப்ப பக்தர்கள் விரதம் தொடங்கினர் DIN DIN Sunday, November 18, 2018 09:54 AM +0530 கார்த்திகை மாத பிறப்பை முன்னிட்டு பரமத்திவேலூர் பகுதியில் சனிக்கிழமை ஐயப்ப பக்தர்கள் மாலை அணிந்து விரதத்தைத் தொடங்கினர். 
ஐயப்ப சுவாமிக்கு உகந்த கார்த்திகை மாதமான கார்த்திகை மாதம் தொடங்கியதை முன்னிட்டு பரமத்திவேலூர் மற்றும் சுற்றுவட்டார பகுதிகளில் இருந்து வந்த ஐயப்ப பக்தர்கள் சனிக்கிழமை காலை பரமத்திவேலூர் காவிரி ஆற்றில் புனித நீராடினர். பின்னர் செட்டியார் தெருவில் உள்ள ஐயப்பன் கோயிலுக்கும்,  சிலர் ராஜ ராஜேஸ்வரி ஆசிரமம், பஞ்சமுக விநாயகர் உள்ளிட்ட கோயில்களுக்கும் சென்று ஐயப்பன் பஜனை பாடல்களை பாடி குருசாமியிடம் மாலை அணிந்து விரதத்தைத் தொடங்கினர்.
 

]]>
http://www.dinamani.com/all-editions/edition-dharmapuri/namakkal/2018/nov/18/ஐயப்ப-பக்தர்கள்-விரதம்-தொடங்கினர்-3041109.html
3041108 தருமபுரி நாமக்கல் நவ. 22-இல் அரசு ஊழியர்களுக்கு மாவட்ட அளவிலான விளையாட்டுப் போட்டிகள் DIN DIN Sunday, November 18, 2018 09:54 AM +0530 நாமக்கல்லில் வரும் 22 மற்றும் 23 ஆகிய தேதிகளில் அரசு ஊழியர்களுக்கு மாவட்ட அளவிலான விளையாட்டுப் போட்டிகள் நடைபெறுகின்றன.
இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்டுள்ள செய்திக் குறிப்பு:
நாமக்கல் மாவட்ட அரசு அலுவலர்களுக்கான விளையாட்டுப் போட்டிகள் வரும் 22 மற்றும் 23-ஆம் தேதிகளில் காலை 8.30 மணியளவில் நடத்தப்பட உள்ளது. போட்டி ஆண், பெண் இரு பாலருக்கும் நடத்தப்பட உள்ளது.
தடகளம் (ஆண்களுக்கான போட்டி): 100 மீ, 200 மீ,  800 மீ, 1,500 மீ ஓட்டம், உயரம் தாண்டுதல், நீளம் தாண்டுதல், குண்டெறிதல், தொடர் ஓட்டம் நடத்தப்படுகின்றன.
தடகளம் (பெண்களுக்கான போட்டி) : 100 மீ, 200 மீ, 400 மீ, 800 மீ ஓட்டம், நீளம் தாண்டுதல், உயரம் தாண்டுதல், குண்டெறிதல், தொடர் ஓட்டம் நடத்தப்படுகின்றன. தடகளம் போட்டிகள் 22-ஆம் தேதி காலை 8.30 மணிக்கு மாவட்ட விளையாட்டு அரங்கத்தில் நடைபெறுகிறது.
கபாடி, வாலிபால் இருபாலருக்கும் நடத்தப்படுகின்றன. கால்பந்து  ஆண்களுக்கு மட்டும் நடத்தப்படுகிறது. கூடைப்பந்து போட்டிகள் இருபாலருக்கும் நாமக்கல் அரசு தெற்கு ஆண்கள் மேல்நிலைப் பள்ளியிலும், டென்னிஸ், இறகு பந்து போட்டிகள்  இருபாலருக்கும்  நாமக்கல் ஆபிசர்ஸ் கிளப்பிலும், டேபிள் டென்னிஸ் போட்டி இருபாலருக்கும் விக்டோரியா ஹால் நாமக்கல்லிலும் நடைபெறுகின்றன.
மாவட்ட அளவிலான விளையாட்டுப் போட்டியில் கலந்து கொண்டு  தேர்ந்தெடுக்கப்பட்ட விளையாட்டு வீரர், வீராங்கனைகள் மாநில அரசின் அனைத்துத் துறையிலும் பணிபுரியும் ஊழியர்கள் அனைத்து அலுவலர்களும் இப் போட்டியில் கலந்து கொள்ளலாம்.
காவல் துறையில் அமைச்சுப் பணியாளராகப் பணிபுரியும் பணியாளர்கள் இப் போட்டியில் கலந்து கொள்ளலாம். அரசுப் பள்ளியில் பணிபுரியும் உடற்கல்வி ஆசிரிய, ஆசிரியைகள் இப் போட்டியில் கலந்து கொள்ளலாம்.
நிதி உதவிபெறும் பள்ளியில் பணிபுரியும் உடற்கல்வி ஆசிரிய, ஆசிரியைகள்,  சீருடைப் பணியாளர்கள்,  தற்காலிக, தினக்கூலி பணியாளர்கள்,  6 மாதத்துக்குள் அரசுப் பணியில் சேர்ந்த பணியாளர்கள் இப் போட்டியில் பங்குபெற அனுமதியில்லை.
தொழில்முறை விளையாட்டு வீரர்கள் அல்லது ஒப்பந்தப் பணியாளர்கள் இப் போட்டியில் பங்கு பெற அனுமதியில்லை. அரசுப் பணியாளர்கள், அடையாள அட்டையை கண்டிப்பாகக் கொண்டு வர  வேண்டும்.

]]>
http://www.dinamani.com/all-editions/edition-dharmapuri/namakkal/2018/nov/18/நவ-22-இல்-அரசு-ஊழியர்களுக்கு-மாவட்ட-அளவிலான-விளையாட்டுப்-போட்டிகள்-3041108.html
3041107 தருமபுரி நாமக்கல் கஜா புயல் பாதிப்பு: இரு குடும்பங்களுக்கு நிவாரண உதவி DIN DIN Sunday, November 18, 2018 09:53 AM +0530 நன்செய் இடையாறில் கஜா புயலால் மரக்கிளை முறிந்து விழுந்ததில் வீடுகள் சேதமடைந்தன.  8 பேர் லேசான காயங்களுடன் உயிர்த்தப்பினர்.
கஜா புயலால் பாதிக்கப்பட்ட குடும்பத்தாருக்கு வருவாய்த் துறையினர் மற்றும் பரமத்திவேலூர் சட்டப் பேரவைத் தொகுதி உறுப்பினர் நேரில் சந்தித்து ஆறுதல் கூறி நிவாரண உதவிகள் வழங்கினார்.
நன்செய் இடையாறில் முனியப்பசுவாமி கோயில் உள்ளது. இக் கோயிலுக்கு அருகே ஆஸ்பெட்டாஸ் சீட் வேயப்பட்ட 5 வீடுகள் உள்ளன. வீடுகளுக்கு அருகே மிகவும் பழைமை வாய்ந்த அரச மரம் உள்ளது. கஜா புயல் காரணமாக வெள்ளிக்கிழமை அதிகாலை பெய்த கனமழை மற்றும் காற்றால் அரச மரத்தின் பெரிய கிளை ஒன்று ஒடிந்து சிவா மற்றும் கோபால் ஆகியோரது வீடுகளின் மீது விழுந்தது.
இதில் வீட்டினுள் இருந்த சிவா அவரது மனைவி வீரமணி, வீரமணியின் தாய் அலமேலு, மகன் சக்தி ஆகியோரும் மற்றொரு வீட்டில் தூங்கிக்கொண்டிருந்த கோபால் அவரது மனைவி கலா, மகள் ஹரிப்பிரியா,மகன் சந்தோஷ் ஆகியோரும் லேசான காயங்களுடன் உயிர்த் தப்பினர்.
வீட்டிலிருந்து பொருள்கள்,  மேற்கூறை, சுவர்கள் இடிந்து நாசமானது குறித்து வருவாய்த் துறையினர் விசாரணை நடத்தி வந்தனர்.
புயலால் பாதிக்கப்பட்ட குடும்பத்தினருக்கு பரமத்தி வேலூர் சட்டப்பேரவைத் தொகுதி உறுப்பினர் கே.எஸ்.மூர்த்தி, மோகனூர் மண்டல துணை வட்டாட்சியர் விஜயகாந்த் ஆகியோர் நேரில் சந்தித்து ஆறுதல் கூறி நிவாரண உதவிகளை வழங்கினர்.

]]>
http://www.dinamani.com/all-editions/edition-dharmapuri/namakkal/2018/nov/18/கஜா-புயல்-பாதிப்பு-இரு-குடும்பங்களுக்கு-நிவாரண-உதவி-3041107.html
3041106 தருமபுரி நாமக்கல் சத்துணவு, அங்கன்வாடி ஓய்வூதியர்களுக்கு குறைந்தபட்சம் ரூ. 7,850 வழங்கக் கோரிக்கை DIN DIN Sunday, November 18, 2018 09:53 AM +0530 சத்துணவு, அங்கன்வாடி ஓய்வூதியருக்கு குறைந்தபட்சம் ரூ. 7,850 வழங்க வேண்டும் எனக் கோரிக்கை விடுக்கப்பட்டுள்ளது.
சத்துணவு மற்றும் அங்கன்வாடி ஓய்வூதியர் சங்க மாநில மாநாடு நாமக்கல்லில் சனிக்கிழமை நடைபெற்றது. சங்க மாநிலத் தலைவர் ஆர்.செல்வராஜ் தலைமை வகித்தார்.  தமிழ்நாடு அரசு ஊழியர் சங்கத்தின் நாமக்கல் மாவட்டத் தலைவர் கே.ராஜேந்திரப்பிரசாத் வரவேற்றார். சங்க மாநிலப் பொருளாளர் எம்.பாக்கியம் துவக்கி வைத்துப் பேசினார்.  சிஐடியு மாநில துணைத் தலைவர் எம்.சந்திரன் வாழ்த்திப் பேசினார்.  சங்க மாநில பொதுச் செயலர் இ. மாயமலை வேலை அறிக்கை வாசித்தார். பொருளாளர் எஸ்.கிருஷ்ணமூர்த்தி வரவு,செலவு அறிக்கை வாசித்தார்.   
 தமிழ்நாடு அரசு ஊழியர் சங்க முன்னாள் மாநிலச் செயலர் ஏ.நிஸார் அகமது,  அனைத்துத் துறை ஓய்வூதியர் சங்க மாநிலச்செயலாளர் எம்.முருகேசன்,  அரசு ஊழியர் சங்க மாநிலத் தலைவர் எம்.சுப்பிரமணியம் ஆகியோர் பேசினர். புதிய நிர்வாகிகள் தேர்வு நடைபெற்றது.
நிறைவேற்றப்பட்ட தீர்மானங்கள்: பயனளிப்பு ஓய்வூதியத் திட்டத்தை அமலாக்கி, பங்கேற்பு ஓய்வூதிய திட்டத்தை ரத்து செய்ய வேண்டும்.  சத்துணவு அங்கன்வாடி ஓய்வூதியருக்கு குறைந்தபட்சம் ரூ.7,850 வழங்க வேண்டும்.  குடும்ப ஓய்வூதியம், அகவிலைப்படி, மருத்துவப்படி, பொங்கல் போனஸ் உள்ளிட்டவைகளை வழங்க வேண்டும். ஓய்வுபெறும்போது சத்துணவு, அங்கன்வாடி பணியாளர் நிலையில் ரூ. 5 லட்சம் சமையலர் உதவியாளர் நிலையில் ரூ.3 லட்சம் ஒட்டு மொத்தத் தொகையாக வழங்க வேண்டும். 3 மாத தவணையில் ஓய்வூதியம் வழங்குவதை தவிர்த்து மாதம்தோறும் கடைசி தேதியில் ஓய்வூதியம் வழங்கவேண்டும். 
தணிக்கை தடையில்லாச் சான்று பெறுவதற்கு என சத்துணவு அங்கன்வாடி ஊழியர்களை மாவட்ட தலைமை இடத்துக்கு அலைக்கழிப்பதை தவிர்க்க வேண்டும். தணிக்கை ஒன்றிய தலைமை இடத்தில் நடைபெறவும்,  தடையில்லா சான்று அளிக்கும் பொறுப்பை வட்டார வளர்ச்சி அலுவலருக்கும் அளிக்க வேண்டும்.  
 அரசு உத்தரவுப்படி ஆண்டுக்கு ஒருமுறை மட்டும் வாழ்வுறுதி சான்று அளிப்பதை உறுதிப்படுத்த வேண்டும்.  ஒவ்வொரு மாதமும் அல்லது மூன்று மாதத்துக்கு ஒருமுறை வாழ்வுறுதிச்சான்று பெறுவதை கைவிட வேண்டும் உள்ளிட்டவை நிறைவேற்றப்பட்டன.

]]>
http://www.dinamani.com/all-editions/edition-dharmapuri/namakkal/2018/nov/18/சத்துணவு-அங்கன்வாடி-ஓய்வூதியர்களுக்கு-குறைந்தபட்சம்-ரூ-7850-வழங்கக்-கோரிக்கை-3041106.html
3041105 தருமபுரி நாமக்கல் அனைத்திந்தியக் கூட்டுறவு வார விழா: 1,922 பேருக்கு ரூ. 22.39 கோடி நலத்திட்ட உதவி: அமைச்சர்  வழங்கினார் DIN DIN Sunday, November 18, 2018 09:52 AM +0530 கூட்டுறவுத் துறையின் சார்பில் 65-ஆவது அனைத்திந்தியக் கூட்டுறவு வார விழா ராசிபுரத்தில் சனிக்கிழமை நடைபெற்றது.
இதில் நாமக்கல் மாவட்ட ஆட்சியர் மு. ஆசியா மரியம் தலைமை வகித்தார். நாமக்கல் எம்பி., பி.ஆர்.சுந்தரம் முன்னிலை வகித்தார். இந் நிகழ்ச்சியில் சமூக நலன் மற்றும் சத்துணவுத் திட்டத் துறை அமைச்சர் வெ. சரோஜா பங்கேற்று 1,922 பயனாளிகளுக்கு ரூ. 22. 39 கோடி மதிப்பிலான நலத்திட்ட உதவிகளை வழங்கினார்.
விழாவில் அவர் பேசியது:
சமூக நலத் துறையின் கீழ் செயல்படும் தையல் கூட்டுறவு சங்கங்களின் மூலம் மாணவ, மாணவியர்களுக்கு சீருடை தைக்கும் பணியில் ஈடுபடும் 98 சங்கங்களை சார்ந்த 90 ஆயிரம் மகளிர் இத் திட்டத்தினால் பயன்பெறுகிறார்கள். அவர்களுக்கு சமூக நலத் துறையின் மூலம் தையல் கூலியாக ரூ. 42.31 கோடி ஒதுக்கீடு
செய்யப்பட்டுள்ளது.
இத் திட்டத்தின் மூலம் ஆண்டுக்கு 40 லட்சம் மாணவ, மாணவியர்கள் பயன்பெறுகிறார்கள். மேலும், ஒருங்கிணைந்த குழந்தைகள் வளர்ச்சித் திட்டத்தின் கீழ் குழந்தைகளுக்கு இணை உணவு தயாரிப்பதற்காக தமிழகத்தில் 25 தயாரிப்பு சங்கங்களில் ஏறத்தாழ 55 ஆயிரம் மகளிர்
பயன்பெறுகிறார்கள்.
மேலும், பொதுவிநியோக திட்டத்தின் கீழ் ஏழை, எளிய மக்களுக்கு அரிசி, பருப்பு, சர்க்கரை, எண்ணெய் உள்ளிட்ட உணவுப் பொருள்கள் வழங்கப்பட்டு வருகின்றன. முள்ளுக்குறிச்சி பகுதியில் மலைவாழ் மக்கள் பயன்பெறும் வகையில் மத்திய கூட்டுறவு வங்கியின் கிளை அமைக்கப்பட்டுள்ளது. பொதுமக்கள் அனைவரும் அரசின் நலத் திட்டங்களை பெற்று பயன்பெற வேண்டும்
என்றார்.
கூட்டுறவுத் துறையின் 65-ஆவது அனைத்திந்தியக் கூட்டுறவு வார விழாவில் பயிர்க் கடனாக 1,436 பயனாளிகளுக்கு ரூ. 11.54 கோடி, மத்திய கால கடனாக 291 பயனாளிகளுக்கு ரூ. 3.70 கோடி, மகளிர் சுய உதவிக் குழு கடனாக 140 பயனாளிகளுக்கு ரூ. 5.36 கோடி உள்ளிட்ட தனிநபர் கடன், டாப்செட்கோ கடன், மாற்றுத்திறனாளி கடன் உள்ளிட்ட பல்வேறு திட்டங்களின் கீழ் பயனாளிகளுக்கு ரூ. 22.39 கோடிக்கு திட்டங்கள் வழங்கப்பட்டன. விழாவில் சிறந்த கூட்டுறவு சங்கங்கள், கூட்டுறவாளர்களுக்கு நினைவு பரிசளிக்கப்பட்டது.
நிகழ்ச்சியில் கூட்டுறவுச் சங்கங்களின் இணைப் பதிவாளர் பொ. பாலமுருகன் உள்ளிட்ட கூட்டுறவுத்துறை அலுவலர்கள், கூட்டுறவு வங்கித் தலைவர்கள், இயக்குநர்கள் உள்ளிட்டோர்
பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/18/அனைத்திந்தியக்-கூட்டுறவு-வார-விழா-1922-பேருக்கு-ரூ-2239-கோடி-நலத்திட்ட-உதவி-அமைச்சர்--வழங்கினார-3041105.html
3041104 தருமபுரி நாமக்கல் நவ. 27- இல் மட்கி உரமாக்குதல் தொழில்நுட்பப் பயிற்சி DIN DIN Sunday, November 18, 2018 09:52 AM +0530 நாமக்கல்லில் தாவரக் கழிவுகளை மட்கி உரமாக்கும் தொழில்நுட்பங்கள் குறித்த இலவச பயிற்சி முகாம் வரும் 27ஆம் தேதி நடைபெறுகிறது.
இதுகுறித்து நாமக்கல் வேளாண்மை அறிவியல் நிலையத் தலைவர் என். அகிலா வெளியிட்ட செய்திக் குறிப்பு:
நாமக்கல் வேளாண்மை அறிவியல் நிலையத்தில் வரும் 27-ஆம் தேதி காலை 9 மணிக்கு தாவரக் கழிவுகளை மட்கி உரமாக்குதல் குறித்த தொழில்நுட்பங்கள் என்ற தலைப்பில் ஒரு நாள் இலவசப் பயிற்சி முகாம் நடைபெறுகிறது.
பயிற்சியில் மண் பரிசோதனையின் முக்கியத்துவங்கள், மண் வள மேம்பாட்டை அதிகரிக்கும் வழிமுறைகள், வேளாண்மையில் வெளிவரும் கழிவுகள் பற்றிய விவரங்கள், தாவரக் கழிவுகளை மட்கி உரமாக்குதல் பற்றிய குறிப்புகள், வேஸ்ட் டீகம்போசர் தயாரிக்கும் முறைகள் குறித்த விரிவான விளக்க உரைகளும் மற்றும் செயல் விளக்கமும் செய்து காண்பிக்கப்படும்.
பயிற்சியில் விவசாயிகள், பண்ணையாளர்கள், ஊரக மகளிர், இளைஞர்கள் மற்றும் ஆர்வமுள்ளவர்கள்
பங்கேற்கலாம்.
விருப்பமுள்ளவர்கள் நாமக்கல் வேளாண்மை அறிவியல் நிலையத்துக்கு நேரில் வந்தோ அல்லது 04286-266345,  266650 என்ற தொலைபேசி எண் மூலமாகவோ 27-ஆம் தேதி காலை 9 மணிக்குள் பெயரை முன்பதிவு செய்து கொள்ள வேண்டும்.
பயிற்சிக்குப் பதிவு செய்வதில் நாமக்கல் மாவட்ட விவசாயிகளுக்கு முன்னுரிமை வழங்கப்படும். மேலும் பயிற்சிக்கு வரும் விவசாயிகள் தங்களுடைய ஆதார் எண்ணைக் கண்டிப்பாகப் பதிவு செய்ய வேண்டும் எனத் தெரிவித்தார்.

]]>
http://www.dinamani.com/all-editions/edition-dharmapuri/namakkal/2018/nov/18/நவ-27--இல்-மட்கி-உரமாக்குதல்-தொழில்நுட்பப்-பயிற்சி-3041104.html
3040499 தருமபுரி நாமக்கல் கஜா புயலால் 21,000 மின் கம்பங்கள் சேதம் DIN DIN Saturday, November 17, 2018 09:30 AM +0530 கஜா புயல் காரணமாக,  21 ஆயிரம் மின் கம்பங்கள், 2 மின் கோபுரங்கள் சேதமடைந்துள்ளன.  இவற்றை சீரமைக்கும் பணியில் 8 ஆயிரத்துக்கும் மேற்பட்ட மின் வாரியப் பணியாளர்கள் ஈடுபட்டுள்ளனர் என்றார் மின்சாரம், மதுவிலக்கு,  ஆயத் தீர்வைத் துறை அமைச்சர் பி.தங்கமணி. 
 நாமக்கல் மாவட்டத்துக்குள்பட்ட திருசெங்கோட்டில் அவர் செய்தியாளர்களுக்கு வெள்ளிக்கிழமை அளித்த பேட்டி:-
 கஜா புயல் காரணமாக,  தஞ்சை, திருவாரூர், நாகை, புதுக்கோட்டை உள்ளிட்ட மாவட்டங்களில் மிக அதிக அளவில் மின் விநியோகம் பாதிக்கப்பட்டுள்ளது.  இந்த மாவட்டங்களில்  மொத்தம் 21,000 மின் கம்பங்கள்,  2 மின் கோபுரங்கள் சேதமடைந்துள்ளன என முதல் கட்டமாகத் தெரியவந்துள்ளது. 
 மாவட்டங்களின் உள்பகுதிகளில் தொடர்ந்து மழை பெய்து வருவதால்,  முழுமையான விவரம் இனிமேல் தான் தெரியவரும்.  மின் விநியோகத்தைச் சீரமைக்கும் பணிகளில் மின்வாரியப் பணியாளர்கள் முழு வீச்சில் ஈடுபட்டுள்ளனர். 
மின் வாரியம் சார்பில் முதலில் மருத்துவமனைகள்,  மாவட்ட ஆட்சியர் அலுவலகம், குடிநீர் நீரேற்றும் நிலையங்கள் உள்ளிட்ட அத்தியாவசிய இடங்களில் உடனடியாக மின் இணைப்பு கொடுக்க முயற்சிகள் நடைபெற்று வருகின்றன.  8 ஆயிரத்துக்கும் மேற்பட்ட மின் வாரியப் பணியாளர்கள் இந்தப் பணியில் ஈடுபட்டுள்ளனர்.  சாய்ந்த மரங்கள் அகற்றப்பட்டு வருகின்றன. 
    தமிழக முதல்வர் எடப்பாடி கே.பழனிசாமியின் அறிவுறுத்தலின்படி,  மின் விநியோகம் சீரமைப்புப் பணிகள் போர்க்கால அடிப்படையில் மேற்கொள்ளப்பட்டு வருகின்றன.   மின் வாரியத் தலைவர்,  உயரதிகாரிகள் நாகை மாவட்டத்தில் அமைச்சர்கள் முகாமிட்டு, பணிகளைத் தீவிரப்படுத்த உள்ளோம். 
 மேலும்,  தேவையான எண்ணிக்கையில் மின் கம்பங்கள் மற்றும் மின்மாற்றிகள் கையிருப்பில் உள்ளன.  முகாம்களில் ஜெனரேட்டர் வைத்து மின்சாரம் கொடுக்கப்பட்டுள்ளது.  
இன்னும் 2 அல்லது 3 நாட்களில் அனைத்து பகுதிகளுக்கும் மின்சாரம் வழங்கப்பட்டு விடும்.  மக்கள் பாதுகாப்பாக முகாம்களில் உள்ளதால், அச்சப்படத் தேவையில்லை. உள் மாவட்டங்களில் பலத்த காற்று வீசுவதால், அங்கும் மின்வாரியம் தீவிர கண்காணிப்பில் உள்ளது என்றார். 
பேட்டியின்போது  சமூக நலம்,  சத்துணவுத் திட்டத் துறை அமைச்சர் வெ.சரோஜா உள்ளிட்டோர் உடனிந்தனர்.


 

]]>
http://www.dinamani.com/all-editions/edition-dharmapuri/namakkal/2018/nov/17/கஜா-புயலால்-21000-மின்-கம்பங்கள்-சேதம்-3040499.html
3040476 தருமபுரி நாமக்கல் கஜா புயலால் பாதிக்கப்பட்டோருக்கு உடனடியாக நிவாரணம்: முதல்வர் எடப்பாடி கே.பழனிசாமி DIN DIN Saturday, November 17, 2018 09:27 AM +0530 கஜா புயலால் பாதிக்கப்பட்டவர்களுக்கு நிவாரணப் பணிகள் வழங்க,  அரசு நிர்வாகம்  தீவிர நடவடிக்கையை எடுத்து வருகிறது என்று தமிழக முதல்வர் எடப்பாடி கே,பழனிசாமி தெரிவித்தார். 
நாமக்கல் மாவட்டத்துக்குள்பட்ட திருச்செங்கோடு, பள்ளிபாளையம் ஊராட்சி ஒன்றியங்களில் உள்ள 669 ஊரகக் குடியிருப்புகள், ஆலாம்பாளையம் பேரூராட்சி, படவீடு பேரூராட்சி,  சேலம் மாவட்டம் சங்ககிரி பேரூராட்சிகளுக்கான கூட்டுக் குடிநீர்த் திட்டத்தை தமிழ்நாடு குடிநீர் வடிகால் வாரியத்தின் சார்பில் ரூ.399.46 கோடியில் செயல்படுத்த அடிக்கல் நாட்டு விழா, ரூ.87.21 கோடி மதிப்பீட்டில் செயல்படுத்தப்படவுள்ள திருச்செங்கோடு நகராட்சிக்கான குடிநீர் அபிவிருத்தி திட்ட அடிக்கல் நாட்டு விழா, அரசு நலத் திட்ட உதவிகள் வழங்கும் விழா ஆகியன திருச்செங்கோடு அரசு ஆண்கள் மேல்நிலைப்பள்ளி வளாகத்தில்  வெள்ளிகிழமை மாலை நடைபெற்றது. 
விழாவில், திட்டங்களுக்கு அடிக்கல் நாட்டி, 1,706 பயனாளிகளுக்கு ரூ.8.13 கோடி மதிப்பிலான அரசு நலத் திட்ட உதவிகளை வழங்கி முதல்வர் பேசியது:-
 கஜா புயலால் பாதிக்கப்பட்ட மக்களுக்கு உடனடியாக நிவாரணம் செய்ய வேண்டுமென்று நிவாரணப் பணிகள் முடுக்கிவிடப்பட்டு, பணிகள் நடைபெற்றுக் கொண்டிருக்கின்றன.  புயல் வருவதற்கு முன்பாகவே, மூத்த ஐஏஎஸ் அதிகாரிகளை 6 கடலோர மாவட்டங்களுக்கும் அனுப்பி,  பணிகள் செய்த காரணத்தினால்தான் பாதிப்பு குறைந்திருக்கிறது. 
கஜா புயலினால், சாய்ந்துள்ள அதிகமான மின்கம்பங்களும், ஒடிந்து விழுந்த மரங்களும் அப்புறப்படுத்தப்பட்டுள்ளன. கிட்டத்தட்ட 27,000 மின்கம்பங்கள் சாய்ந்துள்ளதாக தகவல் அளித்துள்ளனர். இன்னும் முழுமையாக கணக்கிடப்படவில்லை. 105 துணை மின்நிலையங்கள் பாதிக்கப்பட்டுள்ளதாக கணக்கு கூறுகின்றனர். இவ்வளவு பணிகளும் துரிதமாக, போர்க்கால அடிப்படையில் செய்து அந்த மக்களுக்கு தேவையான மின்சார வசதியை அரசு செய்து கொடுக்கும்.,
குடிநீர்த் திட்டங்களுக்கு முக்கியத்துவம் 
தமிழ்நாட்டில் 102.66 லட்சம் மக்கள் பயனடையும் வகையில் 55 குடிநீர் வழங்கும் திட்டங்களை தமிழ்நாடு குடிநீர் வடிகால் வாரியம்  செயல்படுத்தி வருகிறது. தேசிய ஊரகக் குடிநீர்த் திட்டத்துக்கான ஒதுக்கீட்டை மத்திய அரசு குறைத்துள்ள போதிலும், நபார்டு வங்கியின் நிதி உதவியுடன் ஊரகப் பகுதியில் குடிநீர் வழங்கும் திட்டங்களை மாநில அரசால் தொடர்ந்து சிறப்பாகச் செயல்படுத்தப்பட்டு வருகிறது.  
2011-ஆம் ஆண்டு முதல் 2018 ஆம் ஆண்டு வரை 7 ஆண்டுகளில் தமிழ்நாடு குடிநீர் வடிகால் வாரியத்தின் மூலம் நாமக்கல் மாவட்டத்தில் ரூ.58.64 கோடி மதிப்பீட்டில் 2.2 லட்சம் மக்கள் பயன்பெறும் வகையில் 6 குடிநீர் அபிவிருத்தித்  திட்டங்கள், 1 புதை சாக்கடைத் திட்டம் ஆகியன நிறைவேற்றப்பட்டுள்ளன.
  ரூ.185.24 கோடி மதிப்பீட்டில் நாமக்கல் நகராட்சிக்கென குடிநீர் அபிவிருத்தித் திட்டம் மற்றும் ரூ.55.42 கோடி மதிப்பீட்டில் ராசிபுரம் நகராட்சி புதை சாக்கடைத் திட்டம் ஆகிய இரண்டு திட்டங்கள் தற்போது செயலாக்கத்தில் உள்ளன.     
    பருவ காலங்களில் பெய்கின்ற மழைநீர் வீணாகாமல் இருப்பதற்காக ஒரு நீண்டகால திட்டத்தை வகுத்து, திட்டங்கள் தீட்டி, முதல்கட்டமாக குடிமராமத்து என்ற அற்புதமான திட்டத்தை வகுத்து,  அதற்காக 1,519  ஏரிகள் தேர்வு செய்யப்பட்டு,  ரூ.100 கோடி ஒதுக்கீடு செய்யப்பட்டு,  அந்தத் திட்டம் வெற்றி கண்டது.   நிகழாண்டில் 1511 ஏரிகள் தேர்வு செய்யப்பட்டு,  அதற்காக  ரூ.328 கோடி நிதி ஒதுக்கீடு செய்யப்பட்டுள்ளது.  
ஓடைகள்,  நதிகளின் குறுக்கே தடுப்பணை கட்டவேண்டும் என்று கோரிக்கையின் அடிப்படையில்,  மூன்றாண்டு திட்டமாக இந்தத் திட்டத்திற்காக ரூ.1000 கோடி ரநிதி ஒதுக்கீடு செய்து, முதல் கட்டமாக நிகழாண்டு அந்தப் பணிகளை துவங்கியிருக்கின்றோம்.  அதுமட்டுமல்லாமல், நதிகளின் குறுக்கே தடுப்பணை கட்டுவதற்கு ஆய்வுப் பணிகளை மேற்கொண்டிருக்கின்றோம்.  
கரூர் மாவட்டம் வாங்கல் என்ற இடத்தில் புதிய தடுப்பணை ரூ.400 கோடி  மதிப்பீட்டில் கட்டுவதற்கு நடவடிக்கை எடுக்கப்பட்டு வருகிறது.  இதனால் 1 டிஎம்சி தண்ணீர் தேக்கப்படும்.   . 
நாமக்கல்லில் திருச்சி வரை சாலை அகலப்படுத்தும் பணிக்கு மாநில அரசு திட்டம் தயாரித்து மத்திய அரசுக்கு அனுப்பி திட்டத்தைச் செயல்படுத்த அனுமதி பெற்றுள்ளது. இதுபோல் நாமக்கல்-துறையூர் சாலை விரிவுபடுத்த வேண்டும் என்ற கோரிக்கையும் அரசின் ஆய்வில் உள்ளது. இதன் மூலம் நாமக்கல் மாவட்டத்தில் உள்ள அத்தனை சாலைகளும் மேம்படுத்தப்பட்ட சாலைகளாக மாறும்  என்றார். 
விழாவுக்கு மின்சாரம், மதுவிலக்கு மற்றும் ஆயத்தீர்வைத்துறை அமைச்சர் பி.தங்கமணி தலைமை வகித்தார்.  நாமக்கல் மாவட்ட ஆட்சியர் மு.ஆசியா மரியம் வரவேற்றார்.  
நகராட்சி நிர்வாகம், ஊரக வளர்ச்சி மற்றும் சிறப்புத்திட்டங்கள் செயலாக்கத் துறை அமைச்சர் எஸ்.பி.வேலுமணி,  சமூக நலம்,   சத்துணவுத் திட்டத்துறை அமைச்சர் வெ.சரோஜா, எம்.பி.க்கள் பி.ஆர்.சுந்தரம்,  எஸ்.செல்வக்குமார சின்னையன்,  எம்எல்ஏக்கள் பொன்.சரஸ்வதி, கே.பி.பி.பாஸ்கர்,  சி.சந்திரசேகரன், எஸ்.ராஜா,   தமிழ்நாடு குடிநீர்  வடிகால் வாரிய கோவை மண்டல தலைமை பொறியாளர் எம்.ஜெயசீலன் உள்ளிட்டோர் பங்கேற்றனர்.


"குற்றங்களின் எண்ணிக்கை குறைந்துவிட்டது'
இந்தியாவில், மற்ற மாநிலங்களை ஒப்பிட்டுப் பார்க்கும்போது சட்டம்-ஒழுங்கு சிறப்பாக செயல்பட்டு குற்றங்களின் எண்ணிக்கை குறைந்து விட்டது என்று முதல்வர் எடப்பாடி கே.பழனிசாமி தெரிவித்தார்.
விழாவில் அவர் மேலும் பேசியது:-
எல்லா மாநகராட்சிப் பகுதிகளிலும் சிசி டிவி கேமராக்கள் வைத்திருக்கிறோம். இந்தத் திட்டத்தை அனைத்து நகராட்சிகளுக்கும் விரிவுபடுத்த உள்ளோம். அரசு மக்களுக்கு திட்டங்களை வாரி, வாரி வழங்கிக் கொண்டிருப்பது எதிர்க்கட்சிகளின் கண்ணுக்குத் தெரியவில்லை  என்றார்.
 

]]>
http://www.dinamani.com/all-editions/edition-dharmapuri/namakkal/2018/nov/17/கஜா-புயலால்-பாதிக்கப்பட்டோருக்கு-உடனடியாக-நிவாரணம்-முதல்வர்-எடப்பாடி-கேபழனிசாமி-3040476.html
3040485 தருமபுரி நாமக்கல் விவசாய வருமானத்துக்கும் வரி: செ.நல்லசாமி வலியுறுத்தல் DIN DIN Saturday, November 17, 2018 09:24 AM +0530 கருப்புப் பணத்தை வெள்ளையாக்கும் போலி விவசாயிகளை அடையாளம் கண்டு தடுத்திட விவசாய வருமானத்துக்கும் வரி விதிக்க வேண்டும் என்றும் இதைச் செயல்படுத்தும் முன்னர் விவசாய கமிஷன் பரிந்துரைகளை முழுமையாக அமல்படுத்த வேண்டும் என்றும் தமிழ்நாடு விவசாயிகள் சங்கங்களின் கூட்டமைப்புச் செயலர் செ.நல்லசாமி தெரிவித்தார். 
நாமக்கல்லில் அவர் வெள்ளிக்கிழமை செய்தியாளர்களுக்கு  அளித்த பேட்டி:-
 விவசாய வருமானத்துக்கு வருமான வரி இல்லை என்பதால், கருப்புப் பணத்தை நல்ல பணமாக மாற்ற உதவும் கருவியாக சிலர் விவசாயத்தைப் பயன்படுத்துகின்றனர்.  இதனை தடுக்க விவசாய கமிஷன் பரிந்துரைகளை முழுமையாக அமல்படுத்திவிட்டு,  விவசாய வருமானத்துக்கும் வரி விதிக்க வேண்டும். இதன் மூலம் கருப்புப் பணத்தை வெள்ளையாக்கும் சிலரின் முயற்சி தடுக்கப்படும். 
  அரசியல்வாதிகள்,  நடிகர்கள்,  தொழிலதிபர்கள்,  விளையாட்டு வீரர்கள் விவசாயம் செய்தால் நல்ல லாபம் கிடைக்கிறது.  ஆனால், விவசாயத்தைத் தொழிலாகக் கொண்ட வேறு எந்தத் தொழிலையும் அறிந்திராத விவசாயிகளுக்கு சில நேரங்களில் நஷ்டம் ஏற்படுகிறது. 
 கால்நடைகளுக்கு தடுப்பூசி: தற்போது கோமாரி நோயால் பாதிக்கப்பட்டு நூற்றுக்கணக்கான கால்நடைகள் இறந்துள்ளன.  கஜா புயலைத் தொடர்ந்து ஏற்பட்டுள்ள சூழல் மாற்றத்தால் இந்த நோய் வேகமாகப் பரவ வாய்ப்புள்ளது.  இதனால் அனைத்து கால்நடைகளுக்கும் கோமாரி நோய் தடுப்பூசியை உடனடியாக போட வேண்டும். 
மழைக் காலத்தில் இந்த நோய் வேகமாகப் பரவ வாய்ப்புள்ளதால், வரும் காலத்தில் ஆகஸ்ட் மாதத்திலேயே கோமாரி நோய் தடுப்பூசி போட நடவடிக்கையெடுக்க வேண்டும்.
நிகழாண்டில் தடுப்பூசி போடப்பட்ட கால்நடைகளுக்கும் நோய்த் தாக்குதல் உள்ளது.  இதனால் இனிவரும் காலங்களில் தரமான தடுப்பூசிகளைப் போட நடவடிக்கை எடுக்க வேண்டும்.  மேலும், கோமாரி நோய் கட்டுக்குள் வரும் வரை மாட்டுச் சந்தைகள் கூடுவதை தற்காலிகமாக நிறுத்தி வைக்க வேண்டும். 
வாகனப் பெருக்கத்தைக் கட்டுப்படுத்த வேண்டும்:
   காற்று மாசுபாட்டைத் தடுக்க வாகனப் பெருக்கத்தைக் கட்டுப்படுத்த வேண்டும்.  எரிபொருளுடன் எத்தனால் கலக்கும் திட்டத்தைச் செயல்படுத்த வேண்டும்.  பட்டாசு வெடிக்க நிபந்தனை விதித்ததை வரவேற்கிறோம்.  அதே சமயத்தில் இந்தத் தொழிலை நம்பியுள்ள தொழிலாளர்களின் வாழ்வாதாரத்தைப் பாதுகாக்க மாற்றுத் தொழில் வாய்ப்பை அரசு ஏற்படுத்திக் கொடுக்க வேண்டும். 
ஐ.நா. சபையில் கொண்டுவரப்பட்ட மரண தண்டனை கூடாது எனக் கொண்டுவரப்பட்ட தீர்மானத்தை எதிர்த்து இந்தியா வாக்களித்துள்ளது.  இதனை வரவேற்கிறோம்.  மரண தண்டனை இல்லை என்றால் குற்றங்கள் அதிகரிக்கும். 
கள் இறக்க அனுமதி தேவை: கள் இறக்க அனுமதி,  நீரா இறக்க, விற்க விதிக்கப்பட்டுள்ள நிபந்தனைகளை முழுமையாக நீக்க வலியுறுத்தி, தமிழ்நாடு கள் இயக்கம் சார்பில் பரப்புரை பயணம் மேற்கொள்ளப்படவுள்ளது.  வரும் 17 ஆம் தேதி காலை கோவை செஞ்சிலுவைச் சங்கம் முன்பு தொடங்கும் இந்தப் பயணம், திருப்பூர், ஈரோடு, சேலம், அரூர், திருவண்ணாமலை,  வேலூர் வழியாகச் சென்று 19-ஆம் தேதி இரவு சென்னையில் நிறைவடைகிறது.  அன்று இந்த கோரிக்கைகள் தொடர்பாக முதல்வரை நேரில் சந்தித்து மனு அளிக்க உள்ளோம் என்றார்.  

]]>
http://www.dinamani.com/all-editions/edition-dharmapuri/namakkal/2018/nov/17/விவசாய-வருமானத்துக்கும்-வரி-செநல்லசாமி-வலியுறுத்தல்-3040485.html
3040484 தருமபுரி நாமக்கல் அழியா இலங்கையம்மன் கோயிலில் பொங்கல் விழா DIN DIN Saturday, November 17, 2018 09:24 AM +0530 ராசிபுரம் அருகேயுள்ள கூனவேலம்பட்டிபுதூர் அழியா இலங்கையம்மன் கோயிலின் ஆண்டு திருவிழாவையொட்டி, பொங்கல் விழா வெள்ளிக்கிழமை அதிகாலை நடைபெற்றது. 
இந்தத் திருவிழா பூச்சாட்டுதலுடன் நவம்பர் 12-ல் தொடங்கியது.  இதையொட்டி,  கூனவேலம்பட்டிபுதூர் கிராமத்தில் அரிசி சோறு சமையல், குழம்புக்கு தாளிப்பு, எண்ணெய் பலகாரம் போன்றவற்றை 3 நாள்களுக்கு யாரும் சமைக்க மாட்டார்கள் என்பது காலம் காலமாக
கடைபிடிக்கப்பட்டுவரும் நடைமுறையாகும். 
வழக்கமான அரிசி உணவுக்குப் பதிலாக கோதுமை, ரவை,  தினை மாவு, ஆரியம், கம்பு போன்றவற்றாலான உணவு முறைகளையே கிராம மக்கள் சமைத்து உண்டனர். இதன்பின்னர்,  திருவிழாவையொட்டி  வியாழக்கிழமை அம்மனுக்கு சிறப்பு,  அபிஷேக பூஜைகள் நடைபெற்றன. சுவாமி ஊர்வலமும் நடைபெற்றது. இதையடுத்து, வெள்ளிக்கிழமை அதிகாலை பொங்கல் வைத்து, கிராம மக்கள் வழிபட்டனர். திருவிழா நடத்துவதில் இரு பிரிவினருக்கு இடையே பிரச்னை ஏற்பட்டதால்,  வருவாய்த் துறையினர் பல்வேறு கட்டுப்பாடுகளை விதித்திருந்தனர். இதையடுத்து, காவல் கண்காணிப்பாளர் அர.அருளரசு தலைமையில் போலீஸார் பாதுகாப்புப் பணியில் ஈடுபட்டனர்.


 

]]>
http://www.dinamani.com/all-editions/edition-dharmapuri/namakkal/2018/nov/17/அழியா-இலங்கையம்மன்-கோயிலில்-பொங்கல்-விழா-3040484.html
3040483 தருமபுரி நாமக்கல் திறமையை வளர்த்தால் வாழ்வில் முன்னேறலாம்: மாணவர்களுக்கு காவல் கண்காணிப்பாளர் அறிவுரை DIN DIN Saturday, November 17, 2018 09:23 AM +0530 தகுதி,  திறமையை வளர்த்துக்கொண்டால், மாணவர்கள் வாழ்வில் முன்னேறலாம் என்று நாமக்கல் மாவட்ட காவல் கண்காணிப்பாளர் அர.அருளரசு தெரிவித்தார்.
ராசிபுரம் அருகேயுள்ள ஆர்.புதுப்பாளையம் அரசு மேல்நிலைப் பள்ளியில் குழந்தைகள் தின விழா, காவலர் வீரவணக்க நாள் போட்டி  ஆகியன அண்மையில் நடைபெற்றன. இதில்,  விநாடி வினா, பேச்சுப் போட்டி உள்ளிட்ட போட்டிகளில் வெற்றி பெற்றவர்களுக்கு சான்றிதழ்களை வழங்கி, அர.அருளரசு  பேசியது:-
நீங்கள் என்னவாக வேண்டும் எனநினைக்கிறீர்களோ,  அதற்கேற்றவாறு தன்னம்பிக்கையுடன் செயல்பட வேண்டும். அப்போதுதான் இலக்கை அடைய முடியும்.  
ஒரு மாணவர் கல்வியால் 20 சதவீதமும், சமுதாயத்தில் 80 சதவீதமும் அனுபவத்தை கற்றுக் கொள்ள முடியும் என்றார். 
நிகழ்ச்சிக்கு பள்ளி தலைமை ஆசிரியர் மு.ஆ.உதயகுமார் தலைமை வகித்தார்.  டிஎஸ்பி., ஆர்.விஜயராகவன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/nov/17/திறமையை-வளர்த்தால்-வாழ்வில்-முன்னேறலாம்-மாணவர்களுக்கு-காவல்-கண்காணிப்பாளர்-அறிவுரை-3040483.html
3040482 தருமபுரி நாமக்கல் "இயற்கை, யோகா மருத்துவக் கல்லூரியில் சேர நீட் தேர்வு தேவையில்லை' DIN DIN Saturday, November 17, 2018 09:23 AM +0530 இயற்கை மற்றும் யோகா மருத்துவக் கல்லூரியில் சேர நீட் தேர்வு தேவையில்லை என்று எக்ஸல் இயற்கை,  யோகா மருத்துவக் கல்லூரி முதல்வர் கவிதா தெரிவித்தார்.
குமாரபாளையத்தில் உள்ள எக்ஸல் கல்லூரி நிறுவன வளாகத்தில் உள்ள எக்ஸல் இயற்கை,  யோகா மருத்துவக் கல்லூரியின் தொடக்க விழா அண்மையில் நடைபெற்றது.  இதில், கவிதா பேசியது:
தமிழ்நாடு டாக்டர் எம்.ஜி.ஆர் மருத்துவப் பல்கலைக் கழகத்தின் அங்கீகாரம் பெற்றுள்ள எக்ஸல் இயற்கை, யோகா  மருத்துவக் கல்லூரி மருத்துவமனை உலக தரத்துக்கு இணையான மருந்துவ வசதிகளைக் கொண்டுள்ளது. மேலும், 100 படுக்கை கொண்ட உள்,  புற நோயாளிகள் பிரிவு சிறப்பாக செயல்படுகிறது.
கழுத்து வலி, முதுகு வலி, தோள்பட்டை வலி, ரத்த அழுத்தம், மூட்டு வலி, பக்கவாதம், உடல் பருமன், சர்க்கரை வியாதி, ஆஸ்துமா, மாதவிடாய் கோளாறுகள், மன அழுத்தம், தூக்கமின்மை போன்ற நோய்களுக்கு இயற்கை முறையிலான சிகிச்சைகள் சிறப்புடன் வழங்கப்படுகிறது. மருத்துவமனையின் சிறப்பு அம்சமாக உணவு சிகிச்சை, யோகா சிகிச்சை, நீர் சிகிச்சை, மண் சிகிச்சை, நிற சிகிச்சை, மசாஜ் சிகிச்சை, நறுமண சிகிச்சை, காந்த சிகிச்சை, அக்குபஞ்சர் சிகிச்சை, இயன்முறை சிகிச்சை போன்றவை சிறந்த மருத்துவர்களைக் கொண்டு வழங்கப்படுகிறது. 
நிகழாண்டில் இயற்கை மற்றும் யோகா மருத்துவக் கல்லூரிக்கான மாணவர் சேர்க்கை கல்லூரியில் நேரடியாகவும், தமிழக அரசின் இந்திய மருத்துவ படிப்புகளுக்கான கலந்தாய்வு மூலமாகவும் நடைபெற்று வருகிறது. இந்தப் படிப்பில் சேர தேசிய தகுதித்தேர்வு(நீட்) தேவையில்லை என்றார். 
விழாவுக்கு எக்ஸல் கல்வி நிறுவனங்களின் தலைவர் ஏ.கே. நடேசன் தலைமை வகித்தார்.  துணைத் தலைவர் என்.மதன் கார்த்திக் முன்னிலை வகித்தார்.  நிர்வாக இயக்குநர் சண்முகநாதன்,பார்மஸி கல்லூரி முதல்வர் மணிவண்ணன்,பிசியோதெரபி கல்லூரி முதல்வர் ஐயப்பன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/nov/17/இயற்கை-யோகா-மருத்துவக்-கல்லூரியில்-சேர-நீட்-தேர்வு-தேவையில்லை-3040482.html
3040481 தருமபுரி நாமக்கல் நாட்டுக்கோழி வளர்ப்பு: நவ. 22-இல் இலவசப் பயிற்சி DIN DIN Saturday, November 17, 2018 09:22 AM +0530 நாட்டுக்கோழி வளர்ப்பு குறித்த இலவசப் பயிற்சி நாமக்கல்லில் நவம்பர் 22-இல் நடைபெறுகிறது.
இதுகுறித்து நாமக்கல் வேளாண்மை அறிவியல் நிலையத் தலைவர் என்.அகிலா வெளியிட்ட செய்திக்குறிப்பில் கூறியிருப்பதாவது:-
நாட்டுக் கோழி வளர்ப்பு பயிற்சி எனும் தலைப்பில் ஒரு நாள் இலவசப் பயிற்சி முகாம்  நாமக்கல் வேளாண்மை அறிவியல் நிலையத்தில் வரும் 22ஆம் தேதி காலை 9 மணிக்கு  தொடங்கி, மாலை வரை நடைபெறுகிறது. முகாமில் நாட்டுக்கோழி ரகங்கள், நவீன கோழி வளர்ப்பு முறைகள், தீவன மேலாண்மை, குஞ்சு பொரிக்கும் விதம், குஞ்சு பொரிப்பான்களின் பயன்கள் குறித்த பயிற்சி நடத்தப்பட உள்ளது.  நாட்டுக்கோழிகளைத் தாக்கும் நோய்கள், அறிகுறிகள், அவற்றை தடுக்கும் முறைகள்,  பராமரிக்கும் முறைகள் குறித்தும் விரிவாக எடுத்துரைக்கப்படும். பயிற்சியில் விவசாயிகள், பண்ணையாளர்கள், ஊரக மகளிர், இளைஞர்கள்,  ஆர்வமுள்ளவர்கள் கலந்துகொள்ளலாம். விருப்பமுள்ளவர்கள் நாமக்கல் வேளாண்மை அறிவியல் நிலையத்துக்கு நேரில் வந்தோ அல்லது 04286-266345,  266650 என்ற தொலைபேசி எண் மூலமாகவோ நவம்பர் 22ஆம் தேதி காலை 9 மணிக்குள் பெயரை முன்பதிவு செய்து கொள்ள வேண்டும். பயிற்சிக்கு பதிவு செய்வதில் நாமக்கல் மாவட்ட விவசாயிகளுக்கு முன்னுரிமை அளிக்கப்படும். மேலும் பயிற்சிக்கு வரும் விவசாயிகள் ஆதார் எண்னை கண்டிப்பாக பதிவு செய்ய வேண்டும் என்று அகிலா கூறியுள்ளார்.  
 

]]>
http://www.dinamani.com/all-editions/edition-dharmapuri/namakkal/2018/nov/17/நாட்டுக்கோழி-வளர்ப்பு-நவ-22-இல்-இலவசப்-பயிற்சி-3040481.html
3040480 தருமபுரி நாமக்கல் கிராம உதவியாளர்கள் தர்னா DIN DIN Saturday, November 17, 2018 09:22 AM +0530 அம்சக் கோரிக்கைகளை வலியுறுத்தி,   கிராம உதவியாளர்கள் தர்னாவில் ஈடுபட்டனர்.
திருச்செங்கோடு வட்டாட்சியர் அலுவலகத்தில் வெள்ளிக்கிழமை  3 மணி நேரம் தொடர்ந்து  நடைபெற்ற உள்ளிருப்பு தர்னாவுக்கு,  கிராம ஊழியர்கள் சங்கத்தின்  மாவட்டச் செயலர் செந்தில்குமார் தலைமை தாங்கினார். 
உதவியாளர்களுக்கு வரையறுக்கப்பட்ட காலமுறை ஊதியம்,  பழைய முறையிலான ஓய்வூதியம்,  ஜமாபந்தி படி,  இயற்கை இடர்பாடு சிறப்புப் படி ஆகியவற்றை வழங்கிட வேண்டும்,  கிராம அலுவலர் பதவி உயர்வை 30 சதவீதமாக உயர்த்தியும், பத்தாண்டு என்பதை ஆறு ஆண்டாக குறைத்தும் வழங்கிடவேண்டும்,  பொங்கல் போனஸ் நாள்கணக்கில் வழங்கிட வேண்டும், கடைசி மாதம் பெறும் ஊதியத்தில் 50 சதவீதம் ஓய்வூதியமாக வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதுகுறித்து   சங்கத்தின் மாவட்டச் செயலர் செந்தில்குமார் கூறியது:-
கோரிக்கைகளை தமிழக அரசு பரிசீலித்து நடவடிக்கை எடுக்க வேண்டும்.  இல்லையெனில்,  சென்னை சேப்பாக்கம் விருந்தினர் மாளிகை அருகே டிசம்பர் 19-இல் கருப்பு உடை அணிந்து தர்னாவில் ஈடுபடுவோம் என்றனர்.

]]>
http://www.dinamani.com/all-editions/edition-dharmapuri/namakkal/2018/nov/17/கிராம-உதவியாளர்கள்-தர்னா-3040480.html
3040479 தருமபுரி நாமக்கல் நகராட்சி பள்ளியின் 115-வது ஆண்டு விழா DIN DIN Saturday, November 17, 2018 09:21 AM +0530 குமாரபாளையம் நகராட்சிக்குள்பட்ட புத்தர் தெரு தொடக்க,  உயர்நிலைப் பள்ளியின் 115-வது ஆண்டு விழா வெள்ளிக்கிழமை நடைபெற்றது. 
விழாவுக்கு, தொடக்கப் பள்ளியின் பெற்றோர் ஆசிரியர் கழகத் தலைவர் வி.வாசுதேவன் தலைமை வகித்தார். பள்ளித் தலைமை ஆசிரியர்கள் கிருஷ்ணவேணி, முருகேசன் ஆகியோர் ஆண்டறிக்கை வாசித்தனர். சிறப்பு விருந்தினராக வட்டார வள மைய மேற்பார்வையாளர் மல்லிகேஸ்வரி பங்கேற்றுப் பேசினார். 
10-ஆம் வகுப்பு தேர்வில் அதிக மதிப்பெண்கள் பெற்ற மாணவர்கள் ஹரிபிரசாத், பிரபாகரன், பரத்குமார் ஆகியோருக்கு உயர்நிலைப் பள்ளியின் பெற்றோர் ஆசிரியர் கழகத் தலைவர் சிவசக்தி கே.சண்முகசுந்தரம் தங்கக் காசு மற்றும் ரொக்கப் பரிசுகளை வழங்கினார். குமாரபாளையம் வருவாய் முன்னாய் ஆய்வாளர் ஏ.ரவிச்சந்திரன், மாணவர்கள், பெற்றோர் கலந்து கொண்டனர். தொடர்ந்து, கலை நிகழ்ச்சிகள் நடைபெற்றன.

]]>
http://www.dinamani.com/all-editions/edition-dharmapuri/namakkal/2018/nov/17/நகராட்சி-பள்ளியின்-115-வது-ஆண்டு-விழா-3040479.html
3040478 தருமபுரி நாமக்கல் மழையால் மரம் விழுந்தது: 2 வீடுகள் சேதம் DIN DIN Saturday, November 17, 2018 09:21 AM +0530 பரமத்தி வேலூர் அருகேயுள்ள நன்செய் இடையாறில் வெள்ளிக்கிழமை அதிகாலை காற்றுடன் பெய்த மழையால் மரம் ஒடிந்து விழுந்தது. இதில்,  2 வீடுகள் சேதமடைந்தது.  அப்போது, வீடுகளில் தூங்கிக் கொண்டிருந்த 8 பேர் காயம் அடைந்தனர்.
நன்செய் இடையாற்றில் முனியப்ப சுவாமி கோயிலுக்கு அருகே மிகவும் பழைமை வாய்ந்த அரச மரத்தையொட்டியவாறு, சிமென்ட் ஷீட்டாலான 5 வீடுகள் உள்ளன.
கஜா புயல் காரணமாக,  வெள்ளிக்கிழமை அதிகாலை பெய்த பலத்த மழை,  காற்றால் அரச மரத்தின் பெரிய கிளை உடைந்தது. இதில்,  இரு வீடுகளின் மீது விழுந்தது. இதனால், ஒரு வீட்டினுள் தூங்கிக் கொண்டிருந்த சிவா,  அவரது மனைவி வீரமணி,  வீரமணியின் தாய் அலமேலு,  மகன் சக்தி ஆகியோரும்,  மற்றொரு வீட்டில் தூங்கிக் கொண்டிருந்த கோபால்,  அவரது மனைவி கலா, மகள் ஹரிப்பிரியா, மகன் சந்தோஷ் ஆகிய 8 பேரும் காயம் அடைந்தனர். இருப்பினும், வீட்டில் இருந்து பொருள்கள் சேதம் அடைந்தன.
சேதம் அடைந்த வீடுகளை வருவாய்த் துறையினர் நேரில் சென்று பார்வையிட்டனர். இந்த இருவரது வீடுகள் கடந்த 2வருடங்களுக்கு முன்னர் தீ விபத்தில் எரிந்ததும் குறிப்பிடத்தக்கது.

]]>
http://www.dinamani.com/all-editions/edition-dharmapuri/namakkal/2018/nov/17/மழையால்-மரம்-விழுந்தது-2-வீடுகள்-சேதம்-3040478.html
3040477 தருமபுரி நாமக்கல் இலவச தையல்கலை பயிற்சிக்கு பெண்கள் விண்ணப்பிக்க அழைப்பு DIN DIN Saturday, November 17, 2018 09:21 AM +0530 நாமக்கல்லில் நடைபெறும் இலவச தையல்கலை பயிற்சிக்கு பெண்கள் விண்ணப்பிக்கலாம் என அறிவிக்கப்பட்டுள்ளது. 
இதுகுறித்து இந்தியன் வங்கியின் சுய வேலைவாய்ப்பு பயிற்சி நிறுவன இயக்குநர் ரவிச்சந்திரன் வெளியிட்டுள்ள செய்திக்குறிப்பில் கூறியிருப்பதாவது:-
நாமக்கல்லில் உள்ள இந்தியன் வங்கி சுய வேலைவாய்ப்பு நிறுவனம் சார்பில் பெண்களுக்கான தையல்கலை பயிற்சி நவம்பர் 26-ஆம் தேதி துவங்கப்படுகிறது. 
30 நாள்கள் அளிக்கப்படும் இந்தப் பயிற்சிக்கு, நாமக்கல் மாவட்டத்தைச் சேர்ந்த பெண்கள் 35 பேர் மட்டும் நேர்காணலில் தேர்ந்தெடுக்கப்படவுள்ளனர். வறுமைக் கோட்டுக்குக் கீழ் உள்ளோரும், முதலில் வரும் விண்ணப்பங்களுக்கும் முன்னுரிமை அளிக்கப்படும்.  குறைந்தபட்சம் 8ஆம் வகுப்பு தேர்ச்சி பெற்றிருக்க வேண்டும்.18 வயதுக்குமேல் 45 வயதுக்குள்பட்டவராக இருக்கவேண்டும். பயிற்சி செலவு, பயிற்சி பொருட்கள், உணவு என அனைத்தும் இலவசமாக வழங்கப்படும். விருப்பமுள்ளவர்கள் நாமக்கல்-திருச்சி சாலை ரயில்வே மேம்பாலம் அருகில் உள்ள இந்தியன் வங்கி சுய வேலைவாய்ப்பு நிறுவனத்தில் நவம்பர் 22ஆம் தேதி நடைபெறும் நேர்காணலில் பங்கேற்கலாம். மேலும் விவரங்களுக்கு 04286-221004 என்ற தொலைபேசி எண்ணில் தொடர்புகொள்ளலாம் என்று ரவிச்சந்திரன் கூறியுள்ளார்.


 

]]>
http://www.dinamani.com/all-editions/edition-dharmapuri/namakkal/2018/nov/17/இலவச-தையல்கலை-பயிற்சிக்கு-பெண்கள்-விண்ணப்பிக்க-அழைப்பு-3040477.html
3039885 தருமபுரி நாமக்கல் கோயில் திருவிழாவை அமைதியாக நடத்த நடவடிக்கை எடுக்கக் கோரிக்கை DIN DIN Friday, November 16, 2018 09:55 AM +0530 முத்தரப்புப் பேச்சுவார்த்தையில் முடிவு செய்தபடி கோயில் திருவிழாவை அமைதியாக நடத்த உரிய நடவடிக்கை எடுக்க வேண்டும் என பொதுமக்கள் காவல் துறைக்குக் கோரிக்கை விடுத்தனர்.
நாமக்கல் மாவட்டம், ராசிபுரம் அருகே கூனவேலம்பட்டிபுதூரில் ஆயா கோயில் எனும் அழியா இலங்கை அம்மன் கோயில் திருவிழாவை அமைதியான முறையில் நடத்தி கொடுக்க வலியுறுத்தி, அப் பகுதி பொதுமக்கள் நாமக்கல் மாவட்ட காவல் அலுவலகத்தில் மாவட்ட காவல் கண்காணிப்பாளர் அர. அருளரசுவிடம் வியாழக்கிழமை மனு அளித்தனர்.
அந்த மனு விவரம்: அழியா இலங்கை அம்மன் கோயில் திருவிழா கடந்த 12-ஆம்  தேதி பூச்சாட்டுதலுடன் தொடங்கியபோது ஒரு பிரிவினர் தங்களைப் பூச்சாட்டில் கலந்து கொள்ள அனுமதிக்காமல் தடுத்தனர். இதையடுத்து ராசிபுரம் வட்டாட்சியர் அலுவலகத்தில் நடைபெற்ற முத்தரப்பு பேச்சுவார்த்தையில் திருவிழாவை இந்து சமய அறநிலைய துறையே நடத்திட வேண்டும்.
தனி நபர்கள் யாருக்கும் முன்னுரிமை அளிக்கக் கூடாது. விழாவில் கலை நிகழ்ச்சிகள், வாண வேடிக்கை நடத்தக் கூடாது என முடிவு எடுக்கப்பட்டது.
இந் நிலையில் ஒரு பிரிவினர் அமைதி பேச்சுவார்த்தையை மீறும் வகையில் கலை நிகழ்ச்சிகளையும், வாண வேடிக்கைகளையும் நடத்த முயற்சி செய்து வருகின்றனர்.   எனவே இந்த செயல்களை தடுத்து கோயில் திருவிழாவை அமைதியாக நடத்திக் கொடுக்க நடவடிக்கை எடுக்க வேண்டும்.


 

]]>
http://www.dinamani.com/all-editions/edition-dharmapuri/namakkal/2018/nov/16/கோயில்-திருவிழாவை-அமைதியாக-நடத்த-நடவடிக்கை-எடுக்கக்-கோரிக்கை-3039885.html
3039884 தருமபுரி நாமக்கல் வருவாய் கிராம ஊழியர்கள் உள்ளிருப்பு தர்னா DIN DIN Friday, November 16, 2018 09:55 AM +0530 பல்வேறு கோரிக்கைகளை வலியுறுத்தி, தமிழ்நாடு வருவாய்க் கிராம ஊழியர் சங்கம் சார்பில், வட்டாட்சியர் அலுவலகங்களில் உள்ளிருப்பு தர்னா வியாழக்கிழமை நடைபெற்றது.
வருவாய்க் கிராம ஊழியர்களுக்கு வரையறுக்கப்பட்ட காலமுறை ஊதியம் வழங்க வேண்டும். பணி நாள்களைக் கணக்கிட்டு பொங்கல் போனஸ் வழங்க வேண்டும். பழைய முறையிலான ஓய்வூதியம் வழங்க வேண்டும். ஜமாபந்திபடி, இயற்கை இடர்பாடு பணிக்கு சிறப்புபடி வழங்க வேண்டும். கிராம நிர்வாக அலுவலர் பதவி உயர்வை 30 சதவீதமாக உயர்த்தியும், 10 ஆண்டுகள் பணி என்பதை 6 ஆண்டுகளாகக் குறைத்தும் நிர்ணயிக்க வேண்டும்.  கடைசி மாதம் பெறும் ஊதியத்தில் 50 சதவீதம் ஓய்வூதியமாக வழங்க வேண்டும் ஆகிய 7-அம்சக் கோரிக்கைகளை வலியுறுத்தி, இந்தப் போராட்டம் நடைபெற்றது.
நாமக்கல் வட்டாட்சியர் அலுவலகத்தில் நடைபெற்ற போராட்டத்துக்கு சங்கத்தின் வட்டத் தலைவர் எ. சுப்ரமணி தலைமை வகித்தார்.
மாவட்ட ஒருங்கிணைப்புத் தலைவர் பரமசிவம், வட்டச் செயலாளர் ராமகிருஷ்ணன், பொருளாளர் விஜயகுமார் ஆகியோர் முன்னிலை வகித்தனர். இதில் சங்க நிர்வாகிகள் மற்றும் உறுப்பினர்கள் பங்கேற்றனர். இதுபோல் மோகனூர், சேந்தமங்கலம், பரமத்திவேலூர், ராசிபுரம், கொல்லிமலை, திருச்செங்கோடு, குமாரபாளையம் வட்டாட்சியர் அலுவலகங்களிலும் இந்தப் போராட்டம் நடைபெற்றது.

]]>
http://www.dinamani.com/all-editions/edition-dharmapuri/namakkal/2018/nov/16/வருவாய்-கிராம-ஊழியர்கள்-உள்ளிருப்பு-தர்னா-3039884.html
3039883 தருமபுரி நாமக்கல் கொப்பரைத் தேங்காய் விலை உயர்வு DIN DIN Friday, November 16, 2018 09:55 AM +0530 பரமத்திவேலூர் வெங்கமேட்டில் உள்ள சேலம் ஒழுங்குமுறை விற்பனை கூடத்தில் வியாழக்கிழமை நடைபெற்ற கொப்பரைத் தேங்காய் ஏலத்தில் கொப்பரைத் தேங்காய் விலை உயர்ந்துள்ளது.
பரமத்திவேலூர் சுற்று வட்டாரப் பகுதிகளில் விளையும் தேங்காய்களை உடைத்து அதன் பருப்புகளை சிறு விவசாயிகள் வியாழக்கிழமை தோறும் பரமத்தி வேலூர் வெங்கமேட்டில் உள்ள சேலம் ஒழுங்குமுறை விற்பனை கூடத்துக்குக் கொண்டு
வருகின்றனர்.
இங்கு தரத்துக்கு தகுந்தார்போல் மறைமுக ஏலம் விடப்படுகிறது.
கடந்த வாரம் நடைபெற்ற ஏலத்துக்கு 552 கிலோ கொப்பரைத் தேங்காய் கொண்டு வரப்பட்டிருந்தது.
இதில் அதிகபட்சமாக கிலோ ஒன்று ரூ. 85.09 பைசாவுக்கும், குறைந்த பட்சமாக ரூ. 78.68 பைசாவுக்கும், சராசரியாக ரூ. 80.10 பைசாவுக்கும் ஏலம் போனது. மொத்தம் ரூ. 38 ஆயிரத்து 248-க்கு வர்த்தகம் நடைபெற்றது.
வியாழக்கிழமை நடைபெற்ற ஏலத்துக்கு 213 கிலோ கொப்பரைத் தேங்காய் கொண்டு வரப்பட்டிருந்தது. இதில் அதிகபட்சமாக கிலோ ஒன்று ரூ. 85.50 பைசாவுக்கும், குறைந்தபட்சமாக ரூ. 81.65 பைசாவுக்கும், சராசரியாக ரூ. 83.15 பைசாவுக்கும் ஏலம்போனது. மொத்தம் ரூ. 16 ஆயிரத்து 140க்கு வர்த்தகம் நடைபெற்றது. கொப்பரைத் தேங்காயின் வரத்துக் குறைந்துள்ளதால் விலை உயர்வடைந்துள்ளதாக வியாபாரிகள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/nov/16/கொப்பரைத்-தேங்காய்-விலை-உயர்வு-3039883.html
3039882 தருமபுரி நாமக்கல் மாதந்தோறும் மருத்துவப்படி ரூ. 1,000 வழங்கக் கோரி ஓய்வூதியர்கள் ஆர்ப்பாட்டம் DIN DIN Friday, November 16, 2018 09:55 AM +0530 மாதந்தோறும் மருத்துவப்படி ரூ. 1,000 வழங்கக் கோரி ஓய்வூதியர்கள் ஆர்ப்பாட்டத்தில் ஈடுபட்டனர்.
ஓய்வுபெற்ற அலுவலர் சங்க நாமக்கல் மாவட்ட கிளை சார்பில் நாமக்கல் பூங்கா சாலையில் நடைபெற்ற ஆர்ப்பாட்டத்துக்கு சங்கத் தலைவர் கருப்பன் தலைமை வகித்தார். அகில இந்திய மாநில அரசுப் பணியாளர் மகா சம்மேளன தேசியக்குழு உறுப்பினர் தம்பிராஜா சிறப்பு விருந்தினராகப் பங்கேற்றுப் பேசினார்.
ஆர்ப்பாட்டத்தில் குறைந்தபட்ச ஓய்வூதியம், குடும்ப ஓய்வூதியம் ரூ. 9,000 வழங்க வேண்டும். மாதம்தோறும் மருத்துவப்படி ரூ. 1,000 வழங்க வேண்டும். புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை அமல்படுத்த வேண்டும்.
மருத்துவக் காப்பீட்டுத் திட்டத்தை அரசே ஏற்று நடத்த வேண்டும். ஓய்வூதியர் அனைவருக்கும் வருமான வரி செலுத்துவதிலிருந்து விலக்கு அளிக்க வேண்டும். ஓய்வூதியர்களுக்கு அரசுப் பேருந்துகளில் 50 சதவீதம் பயணச்சலுகை வழங்க வேண்டும். ஓய்வூதியர் இறந்துவிட்டால் ஈமச் சடங்குக்காக ரூ. 25,000  வழங்க வேண்டும்.
ஓய்வூதியர் மற்றும் குடும்ப ஓய்வூதியர்களுக்கு பண்டிகை முன்பணம் ரூ. 5,000 வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

]]>
http://www.dinamani.com/all-editions/edition-dharmapuri/namakkal/2018/nov/16/மாதந்தோறும்-மருத்துவப்படி-ரூ-1000-வழங்கக்-கோரிஓய்வூதியர்கள்-ஆர்ப்பாட்டம்-3039882.html
3039880 தருமபுரி நாமக்கல் ஓய்வுபெற்ற அலுவலர் சங்கத்தினர் ஆர்ப்பாட்டம் DIN DIN Friday, November 16, 2018 09:54 AM +0530 பரமத்திவேலூர் வட்டாட்சியர் அலுவலகம் முன்  வியாழக்கிழமை ஓய்வுபெற்ற அலுவலர் சங்கத்தினர் 20 அம்சக் கோரிக்கைகளை வலியுறுத்தி, ஆர்ப்பாட்டத்தில் ஈடுபட்டனர்.
பரமத்தி வேலூர் வட்டாட்சியர் அலுவலகம் முன் ஓய்வுபெற்ற அலுவலர் சங்கம் சார்பில் நடைபெற்ற ஆர்ப்பாட்டத்துக்கு பரமத்தி வேலூர் வட்டாரத் தலைவர் முத்துரங்கன் தலைமை வகித்தார். செயலாளர் பட்டாபிராமன், பொருளாளர் அர்த்தனாரி ஆகியோர் முன்னிலை வகித்தனர். ஆர்ப்பாட்டத்தில் ஓய்வுபெற்ற அலுவலர்களுக்கு 21 மாத ஓய்வூதியம், குடும்ப ஓய்வூதிய நிலுவைத்தொகை வழங்க வேண்டும், குறைந்தபட்ச ஓய்வூதியம் மற்றும் குடும்ப ஓய்வூதியமாக ரூ. 9,000 வழங்க வேண்டும். மாதந்தோறும் மருத்துவப்படியாக ரூ. 1,000 வழங்க வேண்டும். மேலும் நிர்வாகத் தீர்ப்பாயம் அமைக்கப்படும் என மறைந்த முதல்வர் ஜெயலலிதாவின் உறுதிமொழியை உடனடியாக நிறைவேற்ற வேண்டும் என்பன உள்ளிட்ட 20 அம்சக் கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர்.  மாவட்டத் தலைவர் ஜெயனூலாதின் உள்ளிட்ட 50-க்கும் மேற்பட்ட ஓய்வூதியர்கள் கலந்து கொண்டனர்.

]]>
http://www.dinamani.com/all-editions/edition-dharmapuri/namakkal/2018/nov/16/ஓய்வுபெற்ற-அலுவலர்-சங்கத்தினர்-ஆர்ப்பாட்டம்-3039880.html
3039878 தருமபுரி நாமக்கல் அரசுப் பள்ளி மாணவர்களுக்கு நோட்டு புத்தகங்கள் அளிப்பு DIN DIN Friday, November 16, 2018 09:54 AM +0530 கொந்தளம் அருகே எஸ்.கே. மேட்டூர் அரசினர் உயர்நிலைப் பள்ளி மாணவ, மாணவிகளுக்கு அன்னை தெரசா பேரவை சார்பில், இலவச நோட்டு புத்தகங்கள் வழங்கும் விழா புதன்கிழமை நடைபெற்றது.
இதில் திருச்செங்கோடு வருவாய்க் கோட்டாட்சியர் பாஸ்கரன் கலந்து கொண்டு மாணவ, மாணவிகளுக்கு இலவச நோட்டு, புத்தகங்களை வழங்கினார்.
கொந்தளம் ஊராட்சிக்குள்பட்ட எஸ்.கே. மேட்டூர் அரசினர் உயர்நிலைப் பள்ளியில் அன்னை தெரசா பேரவை சார்பில் இலவச நோட்டு புத்தகங்கள் வழங்கும் விழா நடைபெற்றது.
விழாவுக்கு நாமக்கல் மாவட்ட அன்னை தெரசா பேரவையின் தலைவர் சொக்கலிங்கம் தலைமை வகித்தார். மாவட்ட பொதுச் செயலாளர் ராஜமாணிக்கம் முன்னிலை வகித்தார். பொருளாளர் சக்திவேல் வரவேற்றுப் பேசினார்.
திருச்செங்கோடு வருவாய்க் கோட்டாட்சியர் பாஸ்கரன் கலந்து கொண்டு மாணவ, மாணவிகளுக்கு இலவச நோட்டு புத்தகங்களை வழங்கினார்.
பரமத்திவேலூர் வட்டாட்சியர் ருக்குமணி, பரமத்திவேலூர் காவல் துறை ஆய்வாளர் லட்சுமணகுமார், கொந்தளம் ஊராட்சி மன்ற முன்னாள் தலைவர் செந்தில், வெங்கரை கூட்டுறவு சங்க பால்வள தலைவர் விஜயகுமார் உள்ளிட்ட பலர் கலந்து கொண்டனர். பள்ளியின் தலைமை ஆசிரியர் இளங்கோவன் நன்றி கூறினார்.
 

]]>
http://www.dinamani.com/all-editions/edition-dharmapuri/namakkal/2018/nov/16/அரசுப்-பள்ளி-மாணவர்களுக்கு-நோட்டு-புத்தகங்கள்-அளிப்பு-3039878.html
3039876 தருமபுரி நாமக்கல் மல்யுத்தப் போட்டி: ஜேகேகே நடராஜா கல்லூரி மாணவர்களுக்குப் பாராட்டு DIN DIN Friday, November 16, 2018 09:54 AM +0530 சேலம் பெரியார் பல்கலைக் கழக அளவிலான மல்யுத்தப் போட்டியில் சிறப்பிடம் பெற்ற மாணவர்களுக்கு வியாழக்கிழமை பாராட்டுத் தெரிவிக்கப்பட்டது.
சேலம் பெரியார் பல்கலைக்கழக அளவிலான மல்யுத்தப் போட்டிகள் அண்மையில் நடைபெற்றன. இதில், 57 கிலோ பிரிவில் பங்கேற்ற குமாரபாளையம் ஜேகேகே நடராஜா கலை மற்றும் அறிவியல் கல்லூரியில் பி.காம் (சி.ஏ) முதலாமாண்டு மாணவர் ஏ. சசிகுமார் முதலிடம் பெற்று தங்கப்பதக்கம் பெற்றார்.
மேலும், பி.எஸ்.சி (சி.எஸ்) பயிலும் ஜி. கவியரசன், 92 கிலோ எடை பிரிவில் இரண்டாமிடம் பெற்று வெள்ளிப் பதக்கமும், பி.காம்., (சி.ஏ) முதலாமாண்டு மாணவர் எஸ். நவின்குமார், 61 கிலோ எடை பிரிவிலும், மூன்றாமாண்டு பிஎஸ்சி., (சி.எஸ்) பயிலும் மாணவர் ஐ. முரளி ஆனந்தன் 65 கிலோ எடை பிரிவிலும், மூன்றாமிடம் பெற்று, வெண்கலப் பதக்கம் வென்றனர். பதக்கம் வென்ற மாணவர்களுக்கு ஜேகேகே நடராஜா கல்வி நிறுவனங்களின் தலைவர் என். செந்தாமரை. நிர்வாக இயக்குநர் எஸ்.ஓம் சரவணா ஆகியோர் பாராட்டியதோடு, மாநில, தேசிய மற்றும் சர்வதேச அளவிலான போட்டிகளில் பங்கேற்று சாதனை படைக்க வேண்டும் என வாழ்த்துத் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/nov/16/மல்யுத்தப்-போட்டி-ஜேகேகே-நடராஜா-கல்லூரிமாணவர்களுக்குப்-பாராட்டு-3039876.html
3039874 தருமபுரி நாமக்கல் மருந்தாளுநர் பணியிடங்களை உருவாக்கக் கோரி ஆர்ப்பாட்டம் DIN DIN Friday, November 16, 2018 09:53 AM +0530 அரசு மருத்துவமனைகளில் புதிய மருந்தாளுநர் பணியிடங்களை உருவாக்கக் கோரி ஆர்ப்பாட்டம் நடைபெற்றது.
தமிழ்நாடு அரசு அனைத்து மருந்தாளுநர் சங்கம் சார்பில் நாமக்கல் அரசு மருத்துவமனை வளாகத்தில் வியாழக்கிழமை நடைபெற்ற ஆர்ப்பாட்டத்துக்கு சங்க மாவட்டத் தலைவர் செல்வம் தலைமை வகித்தார். சங்க மாநிலத் தலைவர் சுப்பிரமணியன்,  மாவட்டச் செயலர் கார்த்திகேயன் ஆகியோர் கோரிக்கைகளை விளக்கிப் பேசினர்.
ஆர்ப்பாட்டத்தில் அரசு மருத்துவமனைகளில் தாய் திட்டத்தில் புதிய மருந்தாளுநர் பணியிடம் உருவாக்க வேண்டும். இரவு பணியை ரத்து செய்ய வேண்டும். தலைக்காயம் மற்றும் விபத்து அவசர சிகிச்சை பிரிவு மருந்தகங்கள் 24 மணி நேரம் இயங்கக் கூடுதல் பணியிடங்களை உருவாக்கி மருந்தாளுநர்களை நியமனம் செய்ய வேண்டும். இந்திய மருந்தியல் சட்டப்படி மருந்துகளை மருந்தாளுநர் மட்டுமே கையாள வேண்டும் என உத்தரவிட வேண்டும் உள்ளிட்ட கோரிக்கைகளை வலியுறுத்தி முழக்கம் எழுப்பினர்.
இதில் மாவட்ட நிர்வாகிகள் சேகர், முரளி, அன்பழகன், சாலை சுப்பிரமணியன், கோபிகிருஷ்ணன் உள்ளிட்டோர் பங்கேற்றனர். மாவட்டப் பொருளாளர் சிவக்குமார் நன்றி கூறினார்.

]]>
http://www.dinamani.com/all-editions/edition-dharmapuri/namakkal/2018/nov/16/மருந்தாளுநர்-பணியிடங்களை-உருவாக்கக்-கோரி-ஆர்ப்பாட்டம்-3039874.html
3039872 தருமபுரி நாமக்கல் நாமக்கல் கோட்டை நகரவை பள்ளியில் குழந்தைகள் தின விழா DIN DIN Friday, November 16, 2018 09:53 AM +0530 நாமக்கல் கோட்டை நகரவை உயர்நிலைப் பள்ளியில் குழந்தைகள் தின விழா, அறிவியல் தின விழா, ஜவாஹர்லால் நேரு பிறந்தநாள் விழா,  நோபல் பரிசு பெற்ற சர்.சி.வி. ராமன் பிறந்தநாள் விழா புதன்கிழமை நடைபெற்றது.
விழாவில் தலைமை ஆசிரியர் மரகதம் வரவேற்றார். நாமக்கல் கவிஞர் சிந்தனைப் பேரவைத் தலைவர் டி.எம்.மோகன் அறிமுகவுரையாற்றினார். விழாவுக்கு சிறப்பு விருந்தினராகப் பங்கேற்ற பேராசிரியர் சின்னு பாண்டியராசு "பிஞ்சு தான் பழமாகும்' என்ற தலைப்பில் மாணவர்கள் தன்னை அறியும் வகையில் தன்னம்பிக்கை மேம்பாட்டுப் பயிற்சியளித்தார்.
மேலும் பள்ளி மாணவ, மாணவியர்களுக்கு பேச்சு, கட்டுரை, ஓவியப் போட்டிகளில் வெற்றி பெற்ற மாணவர்களுக்குப் பரிசுகள்  வழங்கப்பட்டன. விழாவில் பள்ளியின் கட்டட குழுச் செயலர் உழவன் தங்கவேலு, பெற்றோர் ஆசிரியர் கழகத் துணைத் தலைவர் ரவி, பெற்றோர் ஆசிரியர் கழகப் பொருளாளர் ராஜன், திருக்குறள் ராசா, மேலாண்மைக் குழு உறுப்பினர்கள் கமால்பாஷா, நரசிம்மன், வாசகர் வட்டத் தலைவர் ஜோதிலிங்கம், ஜவஹர் பாலபவன் தில்லைசிவக்குமார் உள்ளிட்டோர் பங்கேற்றனர். பட்டதாரி ஆசிரியர் கண்ணன் நன்றி கூறினார்.
குருசாமிபாளையம்: குழந்தைகள் தின விழாவை முன்னிட்டு ராசிபுரம் அருகே குருசாமிபாளையம் செங்குந்தர் மகாஜன மேல்நிலைப் பள்ளியில் சிகரம் குழந்தைகள் நூலகம் சார்பாக எழுத்தாளர்-குழந்தைகள் கலந்துரையாடல் நிகழ்ச்சி புதன்கிழமை
நடைபெற்றது. 
இந் நிகழ்ச்சியில் குழந்தைகளுக்கான எழுத்தாளர் விழியன் சிறப்பு அழைப்பாளராக கலந்து கொண்டு மாணவர்களுடன் கலந்துரையாடினார்.
நிகழ்ச்சியில் மாணவ, மாணவியர், பள்ளி நிர்வாகக் குழுவினர், தலைமை ஆசிரியர், ஆசிரியர்கள் உள்பட பலர் கலந்து
கொண்டனர். 
விழாவில் சிகரம் அறிவகத்தின் இயக்குநர்கள் செந்தில்ராஜா, சுரேந்தர் மற்றும் அறிவியல் இயக்க நிர்வாகி சரஸ்வதி ஆகியோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/16/நாமக்கல்-கோட்டை-நகரவை-பள்ளியில்-குழந்தைகள்-தின-விழா-3039872.html
3039095 தருமபுரி நாமக்கல் கீழே கிடந்த ரூ.30,000 பணத்தை காவல் நிலையத்தில் ஒப்படைத்த ஆட்டோ ஓட்டுநருக்கு எஸ்.பி பாராட்டு DIN DIN Thursday, November 15, 2018 08:29 AM +0530 கேட்பாரற்று கிடந்த ரூ.30,000-த்தை காவல் நிலையத்தில் ஒப்படைத்த ஆட்டோ ஓட்டுநருக்கு நாமக்கல் மாவட்ட காவல் கண்காணிப்பாளர் பாராட்டு தெரிவித்தார். 
 நாமக்கல் மாவட்டம்,  ராசிபுரம், பெரிய கடைவீதியில் கடந்த 3 ஆம் தேதி கேட்பாரற்று கீழே கிடந்த ரூ.30,000-த்தை ராசிபுரத்தைச் சேர்ந்த ஆட்டோ ஓட்டுநர் ரவி என்பவர் கண்டெடுத்து, அருகில் யாரும் உரிமை கோராததால், ராசிபுரம் காவல் நிலையத்தில் ஒப்படைத்தார். 
 ஆட்டோ ஓட்டுநரின் இந்தச் செயலை பாராட்டும் விதமாக நாமக்கல் மாவட்ட காவல் கண்காணிப்பாளர் அர.அருளரசு, மாவட்ட காவல் அலுவலகத்திற்கு புதன்கிழமை அவரை நேரில் அழைத்து சான்று மற்றும் வெகுமதி வழங்கி பாராட்டினார். 
 கண்டெடுக்கப்பட்ட பணத்திற்கு இதுவரை எவரும் உரிமை கோரி வரவில்லை.  எனவே உரிமையானவர்கள் தகுந்த ஆதாரத்துடன் ராசிபுரம் காவல் துணைக் கண்காணிப்பாளரை அணுகி பெற்றுக்  கொள்ளலாம் என மாவட்ட காவல் கண்காணிப்பாளர் தெரிவித்தார்.

]]>
http://www.dinamani.com/all-editions/edition-dharmapuri/namakkal/2018/nov/15/கீழே-கிடந்த-ரூ30000-பணத்தை-காவல்-நிலையத்தில்-ஒப்படைத்த-ஆட்டோ-ஓட்டுநருக்கு-எஸ்பி-பாராட்டு-3039095.html
3039034 தருமபுரி நாமக்கல் உசிலம்பட்டி பகுதியில் நவம்பர் 16 மின்தடை DIN DIN Thursday, November 15, 2018 07:58 AM +0530 மதுரை மாவட்டம் உசிலம்பட்டிபகுதியில் வியாழக்கிழமை (நவ.16) மின்தடை ஏற்படும் என அறிவிக்கப்பட்டுள்ளது. 
மொண்டிக்குண்டு, தும்மக்குண்டு உபமின்நிலையங்களில் வியாழக்கிழமை (நவ.16) மாதாந்திர பராமரிப்புப் பணிகள் நடைபெறுகின்றன.இதனால் அன்று காலை 9 மணி முதல் பிற்பகல் 2 மணி வரைமின்தடை ஏற்படும் பகுதிகள் விவரம்: 
உசிலம்பட்டி நகர் பகுதிகள், நக்கலப்பட்டி, தொட்டப்பநாயக்கனூர், மேக்கிலார்பட்டி, கீரிப்பட்டி, சிந்துபட்டி, தும்மக்குண்டு, வேப்பனூத்து, பூதிப்புரம், வடுகபட்டி, போத்தம்பட்டி, உத்தப்பநாயக்கனூர், உ.வாடிப்பட்டி, குளத்துப்பட்டி.கல்யாணிபட்டி, கல்லூத்து, எரவாபட்டி, மொண்டிக்குண்டு, கொப்பிலிபட்டி, வெள்ளைமலைப்பட்டி, வையம்பட்டி, லிங்கப்பநாயக்கனூர், புதுக்கோட்டை, 
சீமானூத்து, துரைச்சாமிபுரம் புதூர் மற்றும் அதைச்சுற்றியுள்ள பகுதிகள். இத்தகவலை மின்உற்பத்தி மற்றும்பகிர்மானக் கழக உசிலம்பட்டி செயற்பொறியாளர் (பொறுப்பு)ஆர்.கண்ணன்தெரிவித்துள்ளார்.
 

]]>
http://www.dinamani.com/all-editions/edition-dharmapuri/namakkal/2018/nov/15/உசிலம்பட்டி-பகுதியில்-நவம்பர்-16-மின்தடை-3039034.html
3039033 தருமபுரி நாமக்கல் அனுமதியற்ற வீட்டுமனைகளை வரன்முறைப்படுத்த காலக்கெடு நீட்டிப்பு DIN DIN Thursday, November 15, 2018 07:57 AM +0530 அனுமதியற்ற வீட்டு மனைகளை வரன்முறைப்படுத்த விண்ணப்பிக்க, வரும் 16-ஆம் தேதி வரை கால அவகாசம் நீட்டிக்கப்பட்டுள்ளது.
இதுகுறித்து நாமக்கல் மாவட்ட ஆட்சியர் மு,ஆசியாமரியம் வெளியிட்ட செய்திக்குறிப்பு: தமிழக அரசால் அனுமதியற்ற மனைப் பிரிவுகளில் அமையும் தனிப்பட்ட மனைகளை வரன்முறைப்படுத்துவதற்கு விண்ணப்பிக்க ஏற்கெனவே கடந்த 3-ஆம் தேதி வரை அவகாசம் வழங்கப்பட்டிருந்தது. 
 ஆனால், கடந்த 3-ஆம் தேதி முதல் 6-ஆம் தேதி வரை விடுமுறையாக இருந்ததால், அனுமதியற்ற மனைப் பிரிவுகளை வரன்முறைப்படுத்துவதற்காக கால நீட்டிப்பு வழங்கக் கோரி பொதுமக்கள் வேண்டுகோள் விடுத்தனர்.  இதன் அடிப்படையில், தமிழக அரசின் உத்தரவின்பேரில் அனுமதியற்ற மனைப் பிரிவுகளை வரன்முறைப்படுத்துவதற்காக இணையதளம் மூலமாக பதிவு செய்ய வரும் 16-ஆம் தேதி வரை கால நீட்டிப்பு வழங்கப்பட்டுள்ளது.
எனவே, தமிழக அரசால் நிர்ணயிக்கப்பட்டுள்ள காலத்துக்குள் நாமக்கல் மாவட்டத்துக்குள்பட்ட பகுதிகளில் 20.10.2018-க்கு முன் கிரயம் பெற்றுள்ள அனுமதியற்ற மனைகளின் உரிமையாளர்கள் இணையதள முகவரியில் ரு.500  செலுத்தி பதிவு செய்த ரசீதை ஆவணங்களுடன் இணைத்து சம்பந்தப்பட்ட நகராட்சி, பேருராட்சி,  ஊராட்சி ஒன்றிய அலுவலகங்களில் விண்ணப்பித்து மனையை வரன்முறைப்படுத்திக் கொள்ளலாம்.
மேலும், மனையின் கிரையப் பத்திர நகல், நடப்பு வரையிலான வில்லங்கச் சான்று நகல், பட்டா நகல் நில அளவை வரைபட நகல், மனை அமையும் மனைப் பிரிவின் வரைபடம் 5 நகல்கள் மற்றும் அடையாள அட்டையுடன் விண்ணப்பிக்க வேண்டும்.  நாமக்கல் மாவட்டத்துக்குள்பட்ட பகுதிகளில் உள்ள அனுமதியற்ற மனைப் பிரிவுகளின் உரிமையாளர்கள் இந்த வாய்ப்பை பயன்படுத்திக் கொள்ளலாம்.


 

]]>
http://www.dinamani.com/all-editions/edition-dharmapuri/namakkal/2018/nov/15/அனுமதியற்ற-வீட்டுமனைகளை-வரன்முறைப்படுத்த-காலக்கெடு-நீட்டிப்பு-3039033.html
3039032 தருமபுரி நாமக்கல் ஜவாஹர்லால் நேரு பிறந்த தினம் DIN DIN Thursday, November 15, 2018 07:57 AM +0530 ராசிபுரம் அருகேயுள்ள வடுகம் முனியப்பம்பாளையம் காங்கிரஸ் கிராம கமிட்டி சார்பில் முன்னாள் பிரதமர் ஜவாஹர்லால் நேரு பிறந்த தினம் புதன்கிழமை நடைபெற்றது.  இதில் கிராம காங்கிரஸ் கமிட்டி துணைத் தலைவர் பி.சவுந்தரராஜன் தலைமை வகித்தார்.  முன்னாள் ஊராட்சி மன்ற உறுப்பினர் எம்.சுப்ரமணி வரவேற்றார்.
பின்னர், காங்கிரஸ் கொடியேற்று விழா ஜவாஹர்லால் நேரு திரு உருவப் படத்திற்கு மாலை அணிவித்து மரியாதை செலுத்தினர்.  பின்னர் மாணவ மாணவியர்களுக்கு நோட்டு, பேனா, பென்சில்  வழங்கப்பட்டன. இதில் நாமக்கல் மாவட்ட காங்கிரஸ் கமிட்டி டாக்டர் ஆர்.செழியன் சிறப்பு விருந்தினராகப் பங்கேற்று மாணவ மாணவியர்களுக்கு நோட்டு, பேனா, முதியோர்களுக்கு வேட்டி சேலை  வழங்கினார். பின்னர் அனைவருக்கும் இனிப்பு வழங்கப்பட்டது. 
இந்த நிகழ்ச்சியில் மாவட்ட காங்கிரஸ் செயலாளர் எஸ்.தாஜ் முகமது, மாவட்ட துணைத் தலைவர் எஸ்.ராஜ்குமார்,  முன்னாள் மாவட்ட இளைஞர் காங்கிரஸ் தலைவர்
பி.வி.செந்தில் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/15/ஜவாஹர்லால்-நேரு-பிறந்த-தினம்-3039032.html
3039031 தருமபுரி நாமக்கல் ஆனங்கூர் செல்வ விநாயகர் கோயில் கும்பாபிஷேகம் DIN DIN Thursday, November 15, 2018 07:56 AM +0530 பரமத்தி வேலூர் வட்டம், பிலிக்கல்பாளையம் அருகே உள்ள ஆனங்கூர் செல்வ விநாயகர் மற்றும் சங்கலிஆண்டவர் கோயில்களின் மஹா கும்பாபிஷேக விழா புதன்கிழமை நடைபெற்றது.  இதில் சுற்று வட்டாரப் பகுதிகளைச் சேர்ந்த பக்தர்கள் கலந்து கொண்டு தரிசனம் செய்தனர்.
 செவ்வாய்க்கிழமை காலை 10.30 மணிக்கு மேல் பக்தர்கள் காவிரி ஆற்றுக்கு சென்று புனித தீர்த்தம் எடுத்து வரும் நிகழ்ச்சியும்,  மாலை 5 மணிக்கு மேல் விநாயகர் பூஜை, வாஸ்து சாந்தி, காப்புக் கட்டுதல் மற்றும் முதற்கால யாகபூஜை நடைபெற்றது.  புதன்கிழமை அதிகாலை 4.30 மணிக்கு மேல் விநாயகர் பூஜை, புன்யாகமும், 6 மணிக்கு மேல் இரண்டாம் கால யாக பூஜையும்,  6.15 மணிக்கு மேல் உயிர்க்கலை அளித்தலும்,  யாத்தர தானமும் நடைபெற்றது.  காலை 6.35 மணிக்கு செல்வ விநாயகர்,  சங்கலி ஆண்டவர் ஆகிய கோயில்களுக்கும், சப்த கன்னிமார்களுக்கு மஹா கும்பாபிஷேகம் நடைபெற்றது.  இதில் சுற்று வட்டாரப் பகுதியைச் சேர்ந்த பக்தர்கள் கலந்து கொண்டு தரிசனம் செய்தனர்.  விழா ஏற்பாடுகளை ஆனங்கூர், பாகம்பாளையம், கண்டிபாளையம் ஊர் பொதுமக்கள் மற்றும் சங்கிலிஆண்டவர் குடிபாட்டு மக்கள் செய்திருந்தனர்.

]]>
http://www.dinamani.com/all-editions/edition-dharmapuri/namakkal/2018/nov/15/ஆனங்கூர்-செல்வ-விநாயகர்-கோயில்-கும்பாபிஷேகம்-3039031.html
3039030 தருமபுரி நாமக்கல் மாவட்ட அளவிலான விளையாட்டு போட்டிகள்:  500 பேர் பங்கேற்பு DIN DIN Thursday, November 15, 2018 07:56 AM +0530 நாமக்கல்லில் நடைபெற்ற மாதாந்திர விளையாட்டுப் போட்டிகளில் 500 மாணவ,  மாணவிகள் பங்கேற்றனர்.
நாமக்கல் மாவட்ட ஆட்சியர் அலுவலக வளாகத்தில் உள்ள மாவட்ட விளையாட்டு அரங்கத்தில் மாவட்ட  அளவிலான விளையாட்டுப் போட்டிகள் புதன்கிழமை நடைபெற்றன. விளையாட்டுப் போட்டிகளை மாவட்ட விளையாட்டு அலுவலர் சி.த.பெரியகருப்பன் துவக்கிவைத்தார். 
இதில் தடகள விளையாட்டுப் போட்டிகளில் 100, 800 மீட்டர் ஓட்டம்,  நீளம் தாண்டுதல், மும்முறை தாண்டுதல்,  குண்டெறிதல்,  ஈட்டி எறிதல் மற்றும் தட்டெறிதல் போட்டிகள் நடைபெற்றன.  நீச்சல் போட்டியில் 50, 100, 200 மற்றும் 400 மீட்டர் ப்ரி ஸ்டைல் போட்டிகளும்,  50 மீட்டர் பேக் ஸ்டோக்,  50 மீட்டர் பிரஸ்ட் ஸ்டோக்,  50 மீட்டர் பட்டர்பிளை ஸ்டோக் மற்றம் 200 மீட்டர் தனித் திறன் போட்டிகளும் நடைபெற்றன. மேலும், கபாடி மற்றும் கால்பந்துப் போட்டிகளும் நடைபெற்றன. போட்டிகளில் முதல் 2 இடங்களைப் பிடித்தவர்களுக்கு பரிசுகள் மற்றும் சான்றிதழ்கள் வழங்கப்பட்டன.  இதில் நாமக்கல் மாவட்டத்தில் உள்ள தனியார் மற்றும் அரசுப் பள்ளிகளைச் சேர்ந்த 500 மாணவ,  மாணவிகள் கலந்துகொண்டனர். போட்டிக்கான ஏற்பாடுகளை மாவட்ட விளையாட்டு அலுவலர் மற்றும் அலுவலக ஊழியர்கள் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/nov/15/மாவட்ட-அளவிலான-விளையாட்டு-போட்டிகள்--500-பேர்-பங்கேற்பு-3039030.html
3039029 தருமபுரி நாமக்கல் திருச்செங்கோட்டில் ரூ.400 கோடியில் கூட்டுக் குடிநீர் திட்டப்பணிகள்: முதல்வர் நாளை தொடங்கி வைக்கிறார் DIN DIN Thursday, November 15, 2018 07:56 AM +0530 ரூ.400 கோடி மதிப்பிலான கூட்டுக் குடிநீர் திட்டப் பணிகளை வெள்ளிக்கிழமை திருச்செங்கோட்டில் முதல்வர் எடப்பாடி கே.பழனிசாமி அடிக்கல் நாட்டி தொடங்கி வைக்கிறார். 
திருச்செங்கோடு, பள்ளிபாளையம் ஊராட்சி ஒன்றியங்களில் உள்ள 669 ஊரகக் குடியிருப்புகள் மற்றும் ஆலாம்பாளையம், படவீடு பேரூராட்சிகள்,  சேலம் மாவட்டம் சங்ககிரி பேரூராட்சிப் பகுதிகள் பயன்பெறும் வகையில் ரூ.399.46 கோடி செலவில் கூட்டுக் குடிநீர் திட்டம் நிறைவேற்றப்பட உள்ளது. இதற்கான அடிக்கல் நாட்டு விழாவும், திருச்செங்கோடு நகராட்சிக்கு ரூ.87.21 கோடிம் மதிப்பீட்டில் குடிநீர் மேம்பாட்டுத் திட்ட அடிக்கல் நாட்டு விழாவும் வெள்ளிக்கிழமை மாலை 5 மணிக்கு திருச்செங்கோடு அரசு ஆண்கள் மேல்நிலைப்பள்ளி வளாகத்தில் நடக்கிறது.  இதில் தமிழக முதல்வர் எடப்பாடி கே.பழனிசாமி பங்கேற்று குடிநீர் திட்டப் பணிகளுக்கு அடிக்கல் நாட்டுகிறார். 
விழாவில் தமிழக மின்சாரம், மதுவிலக்கு மற்றும் ஆயத்தீர்வைத் துறை அமைச்சர் பி.தங்கமணி, சமூக நலன் மற்றும் சத்துணவு திட்டத் துறை அமைச்சர் வெ.சரோஜா மற்றும் எம்.பி., எம்.எல்.ஏக்கள் கலந்து கொள்கின்றனர். 
இதேபோல் நாமக்கல்-திருச்செங்கோடு சாலையில் ரூ.7.30 கோடி மதிப்பில் கட்டப்பட்ட நகராட்சி அலுவலக புதிய கட்டடத்தை வரும் 18 ஆம் தேதி முதல்வர் திறந்து வைக்கிறார்.  மேலும் நாமக்கல் அரசு மருத்துவமனையில் எம்.ஆர்.ஐ. ஸ்கேன் வசதியையும் முதல்வர் தொடங்கி வைக்க உள்ளார் என அதிகாரிகள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/nov/15/திருச்செங்கோட்டில்-ரூ400-கோடியில்-கூட்டுக்-குடிநீர்-திட்டப்பணிகள்-முதல்வர்-நாளை-தொடங்கி-வைக்கிறார்-3039029.html
3039028 தருமபுரி நாமக்கல் பள்ளிகளில் குழந்தைகள் தின விழா DIN DIN Thursday, November 15, 2018 07:56 AM +0530 திருச்செங்கோடு நகராட்சி துவக்கப்பள்ளிகளில்  குழந்தைகள்  தினவிழா புதன்கிழமை கொண்டாடப்பட்டது.
திருச்செங்கோடு நகராட்சி துவக்கபள்ளிகளில் நடைபெற்ற குழந்தைகள் தின விழாவில் பள்ளிகளின் தலைமை ஆசிரியர்கள் வரவேற்புரை ஆற்றினர்.  பள்ளிகளின் கிராமக் கல்விக் குழு தலைவர்கள், மேலாண்மை குழு தலைவர்கள் தலைமை தாங்கினர்.  மேலாண்மை குழு உறுப்பினர்கள், பெற்றோர்-ஆசிரியர் சங்கத்தினர் முன்னிலை வகித்தனர். மாணவ, மாணவிகளுக்கு ஜவாஹர்லால் நேரு குறித்த கட்டுரை எழுதுதல், பேச்சுப் போட்டி, ஓவியம் வரைதல் போன்ற போட்டிகளும்,  விளையாட்டுப் போட்டிகளும் நடத்தப்பட்டன. போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.  சட்டையம்புதூர் நகராட்சி துவக்கப் பள்ளியில் நடைபெற்ற விழாவில் கிராமக்கல்விக் குழு தலைவர் கலந்து கொண்டு போட்டிகளில் வெற்றி பெற்ற மாணவர்களுக்கு பரிசுகள் வழங்கி வாழ்த்திப் பேசினார். 
பள்ளியின் தலைமை ஆசிரியர் சாகிதாபானு, ஆசிரியர்கள் சடையப்பன்,கலா, வெற்றிச்செல்வி ஆகியோர் கலந்து கொண்டனர்.
குமாரபாளையத்தில்...
குமாரபாளையம் நகராட்சி, சின்னப்பநாயக்கன்பாளையம் தொடக்கப் பள்ளியில் குழந்தைகள் தின விழா புதன்கிழமை நடைபெற்றது. 
இந் நிகழ்ச்சிக்கு, திருச்செங்கோடு கல்வி மாவட்ட அலுவலர் பி.ரமேஷ் தலைமை வகித்தார்.  பள்ளித் தலைமையாசிரியை கற்பகம் முன்னிலை வகித்தார்.  நிகழ்ச்சியில், பள்ளிக்குத் தேவையான 6 மின்விசிறிகளை நகைக்கடை உரிமையாளர் செந்தில் வழங்கினார்.  தொடர்ந்து, குழந்தைகளின் மாறுவேடம், பாட்டு மற்றும் கலாசார போட்டிகள் நடத்தப்பட்டு, பரிசுகள் வழங்கப்பட்டன. தளிர்விடும் பாரதம் அமைப்பின் தலைவர் சீனிவாசன் உள்ளிட்ட பலர் பங்கேற்றனர். 
குமாரபாளையத்தில் நம்பிக்கையின் பாலம் அமைப்பு சார்பில் நடைபெற்ற குழந்தைகள் தின விழாவுக்கு நிர்வாகி கிறிஸ்டி தலைமை வகித்தார்.  இதில், மாணவ, மாணவியருக்கு கட்டுரை,  பேச்சு, ஓவியம் மற்றும் பல்வேறு போட்டிகள் நடத்தப்பட்டு,  கல்வி உபகரணங்கள் பரிசாக வழங்கப்பட்டன.

]]>
http://www.dinamani.com/all-editions/edition-dharmapuri/namakkal/2018/nov/15/பள்ளிகளில்-குழந்தைகள்-தின-விழா-3039028.html
3039027 தருமபுரி நாமக்கல் நாமக்கல்லில் காங்கிரஸ் சார்பில் நேரு பிறந்த நாள் விழா DIN DIN Thursday, November 15, 2018 07:55 AM +0530 நாமக்கல் கிழக்கு மாவட்ட காங்கிரஸ் கட்சி சார்பில் முன்னாள் பிரதமர் நேரு பிறந்த நாள் விழா புதன்கிழமை கொண்டாடப்பட்டது.
நாமக்கல் கிழக்கு மாவட்ட காங்கிரஸ் கட்சி சார்பில் முன்னாள் பிரதமர் ஜவாஹர்லால் நேரு பிறந்த நாள் விழா நேரு பூங்காவில் நடைபெற்றது.  விழாவுக்கு மாவட்டத் தலைவர் கே.எம்.ஷேக் நவீத் தலைமை வகித்தார்.  முன்னாள் மாவட்டத் தலைவர் சுப்பிரமணியம்,  நகர காங்கிரஸ் கமிட்டி தலைவர் ராம்குமார் முன்னிலை வகித்தனர். 
விழாவில்,  நாமக்கல் கிழக்கு மாவட்ட காங்கிரஸ் தலைவர் ஷேக் நவீத் நேரு சிலைக்கு மாலை அணிவித்து மரியாதை செய்தார்.  மேலும்,  பொதுமக்களுக்கு இனிப்புகளை வழங்கினார்.  இதனைத்தொடர்ந்து,  நாமக்கல் கிழக்கு மாவட்டத்துக்குள்பட்ட சேந்தமங்கலம்,  பாச்சல்,  ராசிபுரம் உள்ளிட்ட பல்வேறு பகுதிகளில் நேரு பிறந்த நாள் விழா கொண்டாடப்பட்டு, பொதுமக்களுக்கு இனிப்புகள் வழங்கப்பட்டன. 
மேலும்,  பள்ளி மாணவ,  மாணவிகளுக்கு இனிப்புகள் மற்றும் நோட்டு புத்தகங்கங்கள் வழங்கப்பட்டன.  இந்த விழாவில்,  மாவட்ட துணைத் தலைவர் மாணிக்கம்,  பொருளாளர் கமல்நாத்  உள்ளிட்ட கட்சி நிர்வாகிகள் பங்கேற்றனர். 
இதுபோல்,  மாவட்ட முன்னாள் காங்கிரஸ் தலைவர் டாக்டர் செழியன் தலைமையில் நாமக்கல்லில் காங்கிரஸ் கட்சியினர் நேரு சிலைக்கு மாலை அணிவித்து மரியாதை செலுத்தினர். 
மாநில காங்கிரஸ் பொதுக்குழு உறுப்பினர் பீ.ஏ.சித்திக்,  முன்னாள் நாமக்கல் வட்டார காங்கிரஸ் தலைவர் ராஜன்,  நாமக்கல் நகர காங்கிரஸ் முன்னாள் தலைவர் எஸ்.ஆர்.மோகன்,  அருணாசலம்,  ராஜன், ஜபருல்லா உள்ளிட்டோர்
பங்கேற்றனர். 
நகராட்சி நிர்வாகம் மரியாதை செலுத்த வேண்டுகோள்:  முன்னாள் பிரதமர் நேரு சிலை அமைந்துள்ள பூங்கா,  நகராட்சி கட்டுப்பாட்டில் உள்ளது.  சுதந்திர போராட்ட வீரர்,  முன்னாள் பிரதமர் என்ற முறையில் நேரு பிறந்த நாள், நினைவு நாட்களில் அவரது சிலைக்கு நகராட்சி நிர்வாகம் மரியாதை செலுத்த வேண்டும் என காங்கிரஸ் கட்சியினர் கோரிக்கை விடுத்தனர். 
மேலும்,  இந்த நாட்களில் சிலைக்கு மரியாதை செலுத்த ஏதுவாக காலை 7 மணிக்கு முன்னரே பூங்கா முகப்பில் உள்ள கதவைத் திறந்துவிடவும் நகராட்சி நிர்வாகம் நடவடிக்கையெடுக்க வேண்டும் என கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/namakkal/2018/nov/15/நாமக்கல்லில்-காங்கிரஸ்-சார்பில்-நேரு-பிறந்த-நாள்-விழா-3039027.html
3039026 தருமபுரி நாமக்கல் நாளை நாமக்கல்லில் தனியார் துறை வேலைவாய்ப்பு முகாம் DIN DIN Thursday, November 15, 2018 07:55 AM +0530 நாமக்கல் மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வரும் வெள்ளிக்கிழமை (நவ.16) நடைபெறுகிறது.
இதுகுறித்து நாமக்கல் மாவட்ட ஆட்சியர் மு.ஆசியா மரியம் வெளியிட்டுள்ள செய்திக்குறிப்பு: தனியார் துறை நிறுவனங்களும்,  தனியார் துறையில் பணிபுரிய விருப்பம் உள்ள மனுதாரர்களும் நேரடியாகச் சந்திக்கும் வேலைவாய்ப்பு முகாம் மாதம்தோறும் நாமக்கல் மாவட்ட வேலைவாய்ப்பு அலுவலகத்தில் நடைபெற்று வருகிறது.
நவம்பர் மாதத்துக்கான தனியார் துறை வேலைவாய்ப்பு முகாம் வரும் வெள்ளிக்கிழமை நடைபெறுகிறது.  தனியார் துறை நிறுவனங்கள் தங்களுக்கு தேவையான நபர்களை அவர்களது நிர்வாகிகளைக் கொண்டோ அல்லது நேரில் வந்தோ தேர்வு செய்து கொள்ளலாம்.  
இம் முகாமில் பல்வேறு தனியார் நிறுவனங்கள் கலந்து கொண்டு விற்பனையாளர்,  விற்பனை பிரதிநிதி, மேற்பார்வையாளர், மேலாளர், கணினி இயக்குபவர்,  கணக்காளர், காசாளர்,  தட்டச்சர், மெக்கானிக்,  இரவுக் காவலர், ஆசிரியர் போன்ற பணிகளுக்கு டிப்ளமோ,  பட்டபடிப்பு மற்றும் பள்ளிப் படிப்பு முடித்த ஆண்,  பெண் தேவைப்படுகின்றனர். மேலும், அனைத்துவித கல்வித் தகுதிக்கும் ஆட்கள் தேவை என தனியார் துறை நிறுவனங்கள் தெரிவித்துள்ளன. 
இந்தப் பணிகளுக்கு தகுதியும்,  விருப்பமும் உள்ள நபர்கள் வெள்ளிக்கிழமை காலை 11 மணிக்கு நாமக்கல் மாவட்ட வேலைவாய்ப்பு அலுவலகத்திற்கு நேரில் வந்து முகாமில் பங்கேற்று பயன்
பெறலாம்.
 

]]>
http://www.dinamani.com/all-editions/edition-dharmapuri/namakkal/2018/nov/15/நாளை-நாமக்கல்லில்-தனியார்-துறை-வேலைவாய்ப்பு-முகாம்-3039026.html
3039025 தருமபுரி நாமக்கல் கொங்கு மெட்ரிக். பள்ளியில் குழந்தைகள் தின விழா DIN DIN Thursday, November 15, 2018 07:55 AM +0530 பரமத்தி வேலூர் கொங்கு மெட்ரிக் மேல்நிலைப்பள்ளியில் குழந்தைகள் தின விழா புதன்கிழமை கொண்டாடப்பட்டது.
 பரமத்தி வேலூர் கொங்கு மெட்ரிக் மேல்நிலைப்பள்ளியில் புதன்கிழமை குழந்தைகள் தினவிழா சிறப்பாக கொண்டாடப்பட்டது.  விழாவில் குழந்தைகளுக்கு விளையாட்டுப் போட்டிகள் நடத்தப்பட்டன. இதில் வெற்றி பெற்ற மாணவ,  மாணவிகளுக்கு பள்ளியின் தலைவர் கிருத்திகன்லோகேஷ், துணைத்தலைவர் சுப்பிரமணியம் ஆகியோர் பரிசுகள் வழங்கி பாராட்டினர்.  பள்ளியின் துணைச் செயலாளர் நடராஜன்,  வாகன இயக்குநர் செந்தில்குமார், பள்ளியின் முதல்வர் மற்றும் ஆசிரிய, ஆசிரியைகள் பாராட்டினர்.

]]>
http://www.dinamani.com/all-editions/edition-dharmapuri/namakkal/2018/nov/15/கொங்கு-மெட்ரிக்-பள்ளியில்-குழந்தைகள்-தின-விழா-3039025.html
3039024 தருமபுரி நாமக்கல் சிறப்பு மனு நீதி திட்ட முகாம்: ரூ.45 லட்சம் நலத் திட்ட உதவிகள் அளிப்பு DIN DIN Thursday, November 15, 2018 07:54 AM +0530 சிறப்பு மனு நீதி திட்ட முகாமில் 182 பயனாளிகளுக்கு ரூ.45.88 லட்சம் மதிப்பிலான பல்வேறு அரசு நலத் திட்ட உதவிகளை மாவட்ட ஆட்சியர் மு.ஆசியா மரியம் வழங்கினார். 
நாமக்கல் மாவட்டம், எருமப்பட்டி வட்டம், முட்டாஞ்செட்டி கிராமத்தில் சிறப்பு மனு நீதி திட்ட முகாம் புதன்கிழமை நடைபெற்றது.  மாவட்ட ஆட்சியர் மு.ஆசியா மரியம் பங்கேற்று 182 பயனாளிகளுக்கு பல்வேறு அரசுத் துறைகளின் மூலம் ரூ.45.88 லட்சம் மதிப்பிலான அரசு நலத் திட்ட உதவிகளை வழங்கினார்.
முகாமில் வருவாய்த் துறையின் சார்பில் 52 பயனாளிகளுக்கு இலவச வீட்டுமனைப் பட்டா,  47 பயனாளிகளுக்கு தோராயப் பட்டா,  39 பயனாளிகளுக்கு கல்வி உதவித்தொகை,  33 பயனாளிகளுக்கு முதியோர் உதவித்தொகை பெறுவதற்கான ஆணை,   1 பயனாளிக்கு திருமண நிதியுதவித்தொகை,  5 பயனாளிகளுக்கு இயற்கை மரண உதவித்தொகை, வேளாண்மை துறையின் சார்பில் 3 பயனாளிகளுக்கு நலத் திட்ட உதவி,  தோட்டக்கலைத் துறையின் சார்பில் 2 பயனாளிகளுக்கு விதைப் பொட்டலங்கள் என மொத்தம் 182 பயனாளிகளுக்கு ரூ.45,88,417 மதிப்பிலான நலத் திட்ட உதவிகள்
வழங்கப்பட்டன. 
அதனைத்தொடர்ந்து,  பொதுமக்களிடமிருந்து கோரிக்கை மனுக்களைப் பெற்றுக்கொண்ட ஆட்சியர்,  உரிய அலுவலரிடம் வழங்கி அம் மனுக்கள் மீது துரித நடவடிக்கைகள் மேற்கொள்ள உத்தரவிட்டார்.
முகாமில் வேளாண்மை துறை, கால்நடை பராமரிப்புத் துறை, ஒருங்கிணைந்த குழந்தை வளர்ச்சி திட்டம், சமூக நலத் துறை, மாற்றுத் திறனாளிகள் நலத் துறை, பொது சுகாதாரம் மற்றும் நோய் தடுப்பு மருந்துத் துறை, மாவட்ட பிற்படுத்தப்பட்டோர் மற்றும் சிறுபான்மையினர் நலத் துறை, தோட்டக் கலை மற்றும் மலை பயிர்கள் துறை, ஊரக வளர்ச்சித் துறை உள்ளிட்ட பல்வேறு துறை அலுவலர்கள் திட்ட விளக்கவுரையாற்றினர்.  மேலும்,  பல்வேறு துறைகளின் சார்பில் கண்காட்சி அரங்குகள் அமைக்கப்பட்டிருந்தன. 
முகாமில்,  நாமக்கல் சார்-ஆட்சியர் சு.கிராந்தி குமார் பதி,  சமூக பாதுகாப்புத் திட்ட தனித் துணை ஆட்சியர் சமூக பாதுகாப்புத் திட்டம் எம்.துரை,  மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் கண்ணன்,  வழங்கல் மற்றும் நுகர்வோர் பாதுகாப்பு அலுவலர் உ.ஃபர்ஹத் பேகம், ஒருங்கிணைந்த குழந்தைகள் வளர்ச்சித் திட்ட மாவட்ட திட்ட அலுவலர் பத்மாவதி,  மாவட்ட மாற்றுத் திறனாளிகள் நல அலுவலர் ஜெகதீசன்,  சேந்தமங்கலம் வருவாய் வட்டாட்சியர் சு.பிரகாசம் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/15/சிறப்பு-மனு-நீதி-திட்ட-முகாம்-ரூ45-லட்சம்-நலத்-திட்ட-உதவிகள்-அளிப்பு-3039024.html
3039023 தருமபுரி நாமக்கல் முத்திரைக் கொல்லர் தேர்வு: நுழைவுச் சீட்டு பெற்றுக் கொள்ள அறிவுறுத்தல் DIN DIN Thursday, November 15, 2018 07:54 AM +0530 முத்திரைக் கொல்லர் பணியிடத்துக்கு விண்ணப்பித்தவர்கள், வரும் 29 மற்றும் 30 ஆகிய தேதிகளில் தேர்வுக்கூட நுழைவுச் சீட்டு பெற்றுக் கொள்ளலாம் என அறிவிக்கப்பட்டுள்ளது. 
இதுகுறித்து நாமக்கல் மாவட்ட தொழிலாளர் துறை உதவி ஆணையர் மாதேஸ்வரன் வெளியிட்டுள்ள செய்திக்குறிப்பு: தொழிலாளர் துறையில் கோவை கூடுதல் தொழிலாளர் ஆணையர் மண்டலத்தில் காலியாக உள்ள முத்திரைக்  கொல்லர் பணியிடங்களுக்கான எழுத்துத் தேர்வு, வரும் டிச. 2-ஆம் தேதி காலை 10 மணியிலிந்து 12 மணி வரை சேலம் ஜங்சன் சாலையில் உள்ள சோனா பொறியியல் கல்லூரியில் நடைபெறுகிறது.  
தகுதியின் அடிப்படையில் விண்ணப்பதாரர்களின் முகவரிக்கு அஞ்சல் மூலமாக எழுத்துத் தேர்வுக்கான நுழைவுச் சீட்டு அனுப்பப்பட்டுள்ளது.  நுழைவுச் சீட்டு பெறப்படாத தகுதியுள்ள விண்ணப்பதாரர்கள் நாமக்கல் மாவட்ட தொழிலாளர் உதவி ஆணையர் (அமலாக்கம்) அலுவலகத்தில் வரும் 29 மற்றும் 30 ஆகிய தேதிகளில் நேரில் அணுகி நுழைவுச் சீட்டைப் பெற்றுக் கொள்ளலாம்.
நுழைவுச் சீட்டு பெற நேரில் வரும் விண்ணப்பதாரர்கள் தங்களது ஏதேனும் ஒரு அடையாள அட்டையுடன், அதன் நகலில் தங்களது பாஸ்போர்ட் அளவு புகைப்படத்தை ஒட்டி ஏ அல்லது பி பிரிவு அரசு அலுவலரிடம் சான்றொப்பம் பெற்று வரவேண்டும்.
 

]]>
http://www.dinamani.com/all-editions/edition-dharmapuri/namakkal/2018/nov/15/முத்திரைக்-கொல்லர்-தேர்வு-நுழைவுச்-சீட்டு-பெற்றுக்-கொள்ள-அறிவுறுத்தல்-3039023.html
3039022 தருமபுரி நாமக்கல் சடையம்பாளையம் செபஸ்தியார் ஆலய நேர்ந்தளிப்பு விழா DIN DIN Thursday, November 15, 2018 07:54 AM +0530 குமாரபாளையத்தை அடுத்த சடையம்பாளையத்தில் புனித செபஸ்தியார் ஆலய நேர்ந்தளிப்பு விழா புதன்கிழமை நடைபெற்றது. 
இங்குள்ள தேவாலயம் கட்டப்பட்டு, 50 ஆண்டுகள் நிறைவடைந்ததால்,  பழைய தேவாலயம் உள்ள இடத்தில், தற்போது புதிய தேவாலயம் கட்டப்பட்டுள்ளது. இந்த புதிய ஆலயத்தின் நேர்ந்தளிப்பு விழா பங்குத்தந்தை இருதயசெல்வம் தலைமையில் நடைபெற்றது.  சிறப்பு விருந்தினராகப் பங்கேற்ற சேலம் மறை மாவட்ட ஆயர் சிங்கராயன் சிறப்பு பிரார்த்தனை செய்தார். 
இந் நிகழ்ச்சியில், பல்வேறு மாவட்டங்களைச் சேர்ந்த பங்குத் தந்தைகள், சடையம்பாளையம் மற்றும் சுற்று வட்டாரப் பகுதிகளைச் சேர்ந்த பொதுமக்கள் திரளானோர் கலந்து கொண்டனர். 

]]>
http://www.dinamani.com/all-editions/edition-dharmapuri/namakkal/2018/nov/15/சடையம்பாளையம்-செபஸ்தியார்-ஆலய-நேர்ந்தளிப்பு-விழா-3039022.html
3039021 தருமபுரி நாமக்கல் ஆண்டிப்பட்டி கெங்கம்மாள் கோயில் குட முழுக்கு விழா DIN DIN Thursday, November 15, 2018 07:53 AM +0530 ஆண்டிப்பட்டி கெங்கம்மாள் கோயில் குடமுழுக்கு விழா புதன்கிழமை நடைபெற்றது.
 நாமக்கல் அருகே ஆண்டிபட்டி கெங்கம்மாள் கோயில் குட முழுக்கு விழா கடந்த 12ஆம் தேதி காலை பரமத்தி வேலூர் காவிரி ஆற்றில் இருந்து தீர்த்தக்குடம் எடுத்து வருதல் நிகழ்ச்சியுடன் துவங்கியது.  இதனையடுத்து,  மாலை கங்கா பூஜை,  கணபதி ஹோமம்,  வாஸ்து பூஜை,  ம்ருத்ஸங்க்ருஹணம்,  அங்குரார்ப்பணம், ரக்ஷாபந்தனம் நடைபெற்றது.  13ஆம் தேதி காலை யாக சாலை பிரவேசம்,  கடஸ்தாபனம்,  பூர்ண கும்பகடஸ்தாபணம்,  அக்நிமதணம்,  சாந்தி ஹோமம்,  பூர்ணாஹூதி நடைபெற்றது.  மாலை லக்ஷ்மி ஹோமம், நவக்கிரஹ ஹோமம்,  காயத்ரி ஹோமம்,  பூர்ணாஹூதி, தீபாராதனை நடைபெற்றது. 
 புதன்கிழமை அதிகாலை 3 மணிக்கு நூதன அஷ்டபந்தன பிரதிஷ்டை,  விநாயகர்,  கெங்கையம்மன், வீரபத்திரர் சுவாமிகளுக்கு யாகசாலை பூஜை, கணபதி ஹோமம், நவக்கிரஹ ஹோமம், சாந்தி ஹோமம், பிரதிஷ்டை பூர்ணாஹூதி நடைபெற்றது.  காலை 7.15 மணிக்கு விநாயகர், கெங்கம்மாள், வீரபத்திரர் ஆலயங்களுக்கு குடமுழுக்கு விழா நடைபெற்றது.  இதனைத் தொடர்ந்து தீபாராதனை நடைபெற்றது. 
  குடமுழுக்கு விழா ஏற்பாடுகளை அறங்காவலர்கள் குழுத் தலைவர் கண்ணையன்,  துணைத் தலைவர் கார்த்திகேயன்,  செயலர் பிரபாகரன்,  இணைச் செயலர் மாதேஸ்வரன், பொருளாளர் கணேஷ் உள்ளிட்ட கமிட்டி உறுப்பினர்கள் மற்றும் ஊர் பொதுமக்கள் செய்திருந்தனர்.  கும்பாபிஷேக விழாவில் ஆண்டிப்பட்டி சுற்று வட்டார பகுதிகளைச் சேர்ந்த ஏராளமான பக்தர்கள் கலந்துகொண்டனர்.


 

]]>
http://www.dinamani.com/all-editions/edition-dharmapuri/namakkal/2018/nov/15/ஆண்டிப்பட்டி-கெங்கம்மாள்-கோயில்-குட-முழுக்கு-விழா-3039021.html
3039020 தருமபுரி நாமக்கல் இருசக்கர வாகனம் மோதியதில் முதியவர் பலி DIN DIN Thursday, November 15, 2018 07:53 AM +0530 பரமத்தி வேலூர் பழைய தேசிய நெடுஞ்சாலையில் நடந்து சென்றவர் மீது இரு சக்கர வாகனம் மோதியதில் நடந்து சென்ற முதியவர் படுகாயமடைந்து மருத்துவமனைக்கு கொண்டு செல்லும் வழியிலேயே உயிரிழந்தார்.  விபத்து குறித்து பரமத்தி வேலூர் போலீசார் விசாரணை நடத்தி வருகின்றனர்.
பரமத்தி வேலூர்,தெற்கு நல்லியாம்பாளையத்தைச் சேர்ந்தவர் தங்கமணி (65). இவர் செவ்வாய்க்கிழமை இரவு பழைய தேசிய நெடுஞ்சாலையில் உள்ள ஒரு பெட்ரோல் நிரப்பும் நிலையம் அருகே நடந்து சென்று கொண்டிருந்தார்.  அப்போது நான்கு சாலையில் இருந்து மூன்று சாலை நோக்கிச் சென்ற இரு சக்கர வாகனம் ஒன்று தங்கமணி மீது மோதியுள்ளது.  இதில் தங்கமணி படுகாயமடைந்துள்ளார்.  இதைப் பார்த்த அருகில் இருந்தவர்கள் அவரை காப்பாற்றி பரமத்தி வேலூர் அரசு மருத்துவமனைக்கு கொண்டு சென்றனர்.  ஆனால்,  மருத்துவமனைக்கு கொண்டு செல்லும் வழியிலேயே தங்கமணி உயிரிழந்தார். மேலும், இரு சக்கர வாகனத்தில் வந்த நன்செய் இடையாறைச் சேர்ந்த பழனியப்பன் மகன் லோகஷ்வரன் (27) படுகாயமடைந்து பரமத்தி வேலூர் அரசு மருத்துவமனையில் சிகிச்சைக்காக சேர்க்கப்பட்டுள்ளார்.  விபத்து குறித்து பரமத்தி வேலூர் போலீசார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/15/இருசக்கர-வாகனம்-மோதியதில்-முதியவர்-பலி-3039020.html
3038498 தருமபுரி நாமக்கல் நவம்பர் 14 மின் தடை DIN DIN Wednesday, November 14, 2018 09:51 AM +0530 எஸ்.வாழவந்தி
 எஸ்.வாழவந்தி துணை மின் நிலையத்தில் பராமரிப்புப் பணிகள் மேற்கொள்ளவிருப்பதால்  புதன்கிழமை (நவ.14) காலை 9 மணி முதல் பிற்பகல் 2 மணி வரை மின் விநியோகம் நிறுத்தப்படும் என மின் வாரிய செயற்பொறியாளர் இ.ராணி தெரிவித்துள்ளார்.
மின் நிறுத்தம் செய்யப்படும் பகுதிகள்:  மோகனூர்,  மோகனூர் சர்க்கரை ஆலைப் பகுதி,  குட்லாம்பாறை,  கீழ்சாத்தம்பூர், எஸ்.வாழவந்தி, மணப்பள்ளி,பாலப்பட்டி, எம்.ராசாம்பாளையம், காளிபாளையம் , ஆரியூர்,நன்செய் இடையார்,  ஓலப்பாளையம்,  புதுப்பாளையம், ராசாம்பாளையம், செங்கப்பள்ளி, பெரியகரசப்பாளையம், சின்ன கரசப்பாளையம்,  நொச்சிப்பட்டி, பெரமாண்டம்பாளையம்,  குன்னிபாளையம், எல்லைக்காட்டூர், தீர்த்தாம்பாளையம்,  பேட்டப்பாளையம், தோப்பூர், மணியங்காளிப்பட்டி, நெய்க்காரன்பட்டி.
 

]]>
http://www.dinamani.com/all-editions/edition-dharmapuri/namakkal/2018/nov/14/நவம்பர்-14-மின்-தடை-3038498.html
3038495 தருமபுரி நாமக்கல் பழைய ஓய்வூதியத் திட்டத்தை அமல்படுத்தக் கோரி ஆர்ப்பாட்டம் DIN DIN Wednesday, November 14, 2018 09:51 AM +0530 பழைய ஓய்வூதியத் திட்டத்தை அமல்படுத்தக் கோரி நாமக்கல்லில் ஓய்வூதியர்கள் ஆர்ப்பாட்டத்தில் ஈடுபட்டனர். 
தமிழ்நாடு அரசு அனைத்துத் துறை ஓய்வூதியர் சங்கம் சார்பில் நாமக்கல் பூங்கா சாலையில் செவ்வாய்க்கிழமை மாலை நடைபெற்ற ஆர்ப்பாட்டத்துக்கு சங்க மாவட்ட தலைவர் ஜெகதீசன் தலைமை வகித்தார். 
புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை அமல்படுத்த வேண்டும்.  மருத்துவக் காப்பீட்டுத் திட்டத்தை அரசே ஏற்று நடத்த வேண்டும்.  மத்திய அரசு ஓய்தியர்களுக்கு வழங்குவது போல் குறைந்தபட்ச ஓய்வூதியம் ரூ.9,000, மாத நிலுவைத் தொகை மற்றும் மூன்றாம் விருப்ப ஓய்வூதிய நிர்ணயம் ஆகியவற்றை வழங்க வேண்டும். 
கம்முடேஷன் பிடித்தம் செய்வதை 10 ஆண்டுகளாக குறைக்க வேண்டும்.  ஓய்வூதியர் அனைவருக்கும் வருமான வரி செலுத்துவதிலிருந்து விலக்கு அளிக்க வேண்டும் உள்ளிட்ட கோரிக்கைகளை நிறைவேற்றக் கோரி முழக்கம் எழுப்பினர்.
சங்க மாவட்டச் செயலர் இளங்கோவன், மின் வாரிய ஓவ்வூதியர் நல அமைப்பு மாவட்டத் தலைவர் காளியப்பன் மற்றும் சங்க நிர்வாகிகள்
பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/nov/14/பழைய-ஓய்வூதியத்-திட்டத்தை-அமல்படுத்தக்-கோரி-ஆர்ப்பாட்டம்-3038495.html
3038493 தருமபுரி நாமக்கல் அரசுப் பள்ளி தலைமையாசிரியர்களுக்கு கற்றல் அடைவுத் திறன் குறித்த கூட்டம் DIN DIN Wednesday, November 14, 2018 09:50 AM +0530 ஒருங்கிணைந்த பள்ளிக்கல்வித் திட்டத்தின் மூலம் அரசுப்பள்ளி தலைமையாசிரியர்களுக்கான கற்றல் அடைவுத் திறன் குறித்த கூட்டம் திருச்செங்கோடு வட்டார வள மையத்தில் அண்மையில் நடைபெற்றது.
மாவட்ட ஒருங்கிணைப்பாளர் சிவராமன் தலைமை வகித்தார்.  மேற்பார்வையாளர் சந்திரசேகர்,  வட்டார கல்வி அலுவலர்கள் மாதவன், உதயகுமார் ஆகியோர் அடைவுத்தேர்வு நடத்தப்பட்ட 50 துவக்க மற்றும் உயர்நிலைப்பள்ளி தலைமையாசிரியர்களுக்கு மீளாய்வுக் கூட்டம் குறித்து விளக்கினர்.  மாணவர்களுக்கு கிரேடு முறையில் மதிப்பெண் வழங்கப்பட்டு வருவதனால்,  மாணவர்களின் கற்றல் தரம் எவ்வாறு மேம்படுகிறது என ஆலோசிக்கப்பட்டது.  மாணவர்கள் தமிழ், ஆங்கிலம் போன்ற பாடங்களில் வாசித்தல், எழுதுதல் திறன், கணித அடிப்படை திறன்கள் போன்றவற்றில் ஏற்படும் முன்னேற்றம் குறித்தும்,  மேம்படுத்துதல் குறித்தும் மீளாய்வு செய்யப்பட்டது.  திறன்களில் 50 சதவீதத்துக்கும் குறைவான மதிப்பெண் பெற்ற பள்ளிகளில் முன்னேற்றம் காண செயல்படுத்த வேண்டிய நடவடிக்கைகள் குறித்து விவாதிக்கப்பட்டு மேற்கொள்ள அறிவுறுத்தப்பட்டது.

]]>
http://www.dinamani.com/all-editions/edition-dharmapuri/namakkal/2018/nov/14/அரசுப்-பள்ளி-தலைமையாசிரியர்களுக்குகற்றல்-அடைவுத்-திறன்-குறித்த-கூட்டம்-3038493.html
3038492 தருமபுரி நாமக்கல் கஜா புயல்: கோழிப்பண்ணை பராமரிப்பில் கூடுதல் கவனம் செலுத்த அறிவுறுத்தல் DIN DIN Wednesday, November 14, 2018 09:50 AM +0530 கஜா புயல் காரணமாக காற்றின் வேகம் அதிகரிக்கும் என்பதால், கோழிப்பண்ணைகளில் தீவனம் நனையாமல் இருக்க படுதாவை பக்கவாட்டில் கட்டி தொங்கவிட வேண்டும்.  கால்நடைகளை இருப்பிடத்திலேயே வைத்திருக்க வேண்டும் என வானிலை ஆராய்ச்சி நிலையம் அறிவுறுத்தியுள்ளது. 
 கஜா புயல் உருவாகி இருப்பதைத் தொடர்ந்து நாமக்கல் கால்நடை மருத்துவக் கல்லூரி மற்றும் ஆராய்ச்சி நிலையம் சிறப்பு வானிலை அறிக்கையை வெளியிட்டுள்ளது. 
 அதன் விவரம்:  கஜா புயல் வங்கக் கடலில் மையம் கொண்டு, தமிழகத்தை நோக்கி நகர ஆரம்பித்துள்ளது. இது புதன்கிழமை மாலை முதல் வியாழக்கிழமை மாலை வரையிலான நேரத்தில் தமிழகத்தின் கடற்கரையை கடலூருக்கும், நாகப்பட்டினத்திற்கும் இடையே கடக்க வாய்ப்பு உள்ளதாகத் தெரிகிறது.
 அப் புயல் நிலப்பரப்பில் கடக்கும் போது காற்றழுத்தத் தாழ்வு நிலையாக உருவாகி,  அதிகபட்சமாக காற்று மணிக்கு 40 கி.மீட்டர் என்ற அளவில் வீசக்கூடும்.  இந்த புயல் கடக்கும் போது, நாமக்கல் மாவட்டமும் இதன் பாதையில் இருக்கும் எனக் கணிக்கப்பட்டு உள்ளது.
 எனவே, கோழிப் பண்ணையாளர்கள் கோழிகள் மற்றும் தீவனம் நனையாமல் இருக்க பண்ணைகளில் பக்கவாட்டில் படுதாவை கட்ட வேண்டும்.  தீவனத்தை பாதுகாப்பான ஈரமற்ற இடத்தில் வைக்க வேண்டும்.  முன்னெச்சரிக்கையாக தேவையான தீவனத்தை முன்கூட்டியே தயார் நிலையில் வைக்க வேண்டும்.  மேலும், ஆடு மற்றும் மாடு வளர்ப்போர் தங்களின் கால்நடைகளை 2 நாட்களுக்கு இருப்பிடத்திலேயே வைத்திருக்க வேண்டும்.

]]>
http://www.dinamani.com/all-editions/edition-dharmapuri/namakkal/2018/nov/14/கஜா-புயல்-கோழிப்பண்ணை-பராமரிப்பில்கூடுதல்-கவனம்-செலுத்த-அறிவுறுத்தல்-3038492.html
3038489 தருமபுரி நாமக்கல் பஸ் வசதி இல்லை பல கி.மீ. தூரம்  நடந்து பள்ளி செல்லும் மாணவர்கள் ஆர்.ரமேஷ்கிருஷ்ணன் DIN Wednesday, November 14, 2018 09:50 AM +0530 நாமக்கல் மாவட்டம், ராசிபுரம் அருகே போதிய பேருந்து வசதி இல்லாததால், பல கி.மீ. தொலைவு நடந்து பள்ளிக்குச் செல்ல வேண்டிய நிலைக்கு மாணவர்கள் ஆளாகியுள்ளனர்.
நாமக்கல் மாவட்டம், வெண்ணந்தூர் ஊராட்சி ஒன்றியம், வெள்ளைபிள்ளையார் கோயில் பகுதியில் செயல்பட்டு வரும் அரசு ஆண்கள் பள்ளியில் 1,200 பேரும், அரசு பெண்கள் பள்ளியில் சுமார் 1,300 பேரும் என மொத்தம் 2,500 மாணவ,  மாணவியர் பயின்று வருகின்றனர்.
ராசிபுரம் - ஆட்டையாம்பட்டி பிரதான சாலையில் அமைந்துள்ள இப் பள்ளிகளில், ஆட்டையாம்பட்டி, வெண்ணந்தூர், அத்தனூர், ஒலப்பட்டி, அலவாய்ப்பட்டி, நடுப்பட்டி, மணக்காடு, அறமத்தாம்பாளையம், அனந்தகவுண்டம்பாளையம், பொன்பரப்பிபட்டி, சௌதாபுரம், 85-ஆர்.கொமாரபாளையம் உள்ளிட்ட பல்வேறு பகுதிகளிலிருந்து வரும் மாணவ,  மாணவியர் பயின்று வருகின்றனர்.
இதில் ஆட்டையாம்பட்டி, வெண்ணந்தூர், அத்தனூர் பகுதிகளைத் தவிர,  பிற பகுதிகளுக்கு போதிய பேருந்து வசதி இல்லை.  இதனால், ஏற்படும் கூட்ட நெரிசலால் பிரதான ஊர்களுக்கு செல்லும் மாணவ,  மாணவியர்  சிரமப்பட்டுத் தான் பேருந்தில் ஏறி வீடு செல்கின்றனர்.
அரசுப் பேருந்து வசதி இல்லை: அறமத்தாம்பாளையம், மணக்காடு, அனந்தகவுண்டம்பாளையம், 85-ஆர்.கொமாரபாளையம், பொன்பரப்பிபட்டி போன்ற பகுதியிலிருந்து பள்ளிக்கு வரும் மாணவ, மாணவியர் சுமார் 7 கி.மீ. தொலைவில் இருந்து வர வேண்டும்.  ஒரு சில தனியார் மினி பேருந்துகளை தவிர, அரசுப் பேருந்து வசதி இல்லாததால், இப் பகுதியில் இருந்து வரும் மாணவர்கள் நாள்தோறும் பெரும்
சிரமமடைகின்றனர்.
இப் பகுதிகளில் இருந்து மட்டும் சுமார் 300-க்கும் மேற்பட்ட மாணவர்கள் நாள்தோறும் பள்ளிக்கு வந்து செல்கின்றனர்.  இவர்களில் பலர் நடந்தே பள்ளிக்கு சென்று வருகின்றனர்.  மாலை வேளைகளில் சிறப்பு வகுப்புகளை முடித்து செல்லும் மாணவியர் வீடு செல்ல பெரும் சிரமமடைகின்றனர்.

படிக்கட்டுகளில் ஆபத்தான பயணம்: ஆட்டையாம்பட்டி, வெண்ணந்தூர், நாச்சிப்பட்டி போன்ற பகுதிகளுக்கு அரசுப் பேருந்துகளில் செல்லும் மாணவ, மாணவியர் பெரும்பாலும் முண்டியடித்துக் கொண்டு பேருந்தில் ஏறுகின்றனர். இதனால் மாணவர்களுக்கு பேருந்து பயணம் என்பது ஆபத்தானதாகவே உள்ளது.  இதனைத் தவிர்க்க அரசு போதிய பேருந்து வசதி செய்துதர வேண்டும் என்கின்றனர் அப்பகுதியினர்.

அரசின் விலையில்லா மிதிவண்டி: கடந்த ஆண்டு இப் பள்ளியில் பயிலும் பிளஸ் 1 மாணவர்களுக்கு விலையில்லா மிதிவண்டி வழங்கப்படவில்லை எனக் கூறப்படுகிறது.
இதுகுறித்து இப் பகுதி பள்ளித் தலைமையாசிரியர்களிடம் கேட்டபோது,  இப் பகுதியில் பேருந்து வசதி குறைவாக இருப்பது குறித்து போக்குவரத்துத் துறை அதிகாரிகள் மட்டுமின்றி,  சம்பந்தப்பட்ட அதிகாரிகளுக்கும் கடிதம் அனுப்பப்பட்டுள்ளது.
இந்த ஆண்டு பிளஸ் 1, பிளஸ் 2 மாணவர்களுக்கு அரசின் விலையில்லா மிதிவண்டி வழங்க அரசு உத்தரவிட்டுள்ளதால்,  விரைவில் அவை வழங்கப்படும் என்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/14/பஸ்-வசதி-இல்லை-பல-கிமீ-தூரம்--நடந்து-பள்ளி-செல்லும்-மாணவர்கள்-3038489.html
3038488 தருமபுரி நாமக்கல் கோயிலில் பூஜை செய்வதில் பிரச்னை: பூசாரிக்கு கத்திக்குத்து DIN DIN Wednesday, November 14, 2018 09:49 AM +0530 கோயிலில் பூஜை செய்தில் ஏற்பட்ட முன் விரோதத்தால் பூசாரியை கத்தியால் குத்திய அவரது உறவினர்கள் 3 பேரை போலீஸார் தேடி வருகின்றனர். 
நாமக்கல் மாவட்டம், எருமப்பட்டி அருகே பீமநாயக்கனூரில் அங்காளபரமேஸ்வரி கோயில் உள்ளது.  இக் கோயிலில் பூஜை செய்வதில் பூசாரிகளான குப்பபோயர்(60), அவரது உறவினர் குப்புசாமிக்கும்(58) இடையே முன்விரோதம் இருந்து வந்தது.
இப் பிரச்னை தொடர்பாக குப்ப போயர் நீதிமன்றத்தில் வழக்குத் தொடர்ந்துள்ளார்.  வழக்கு விசாரணை முடிவில் குப்ப போயருக்கு சாதமாக தீர்ப்பு வந்துள்ளதாகத் தெரிகிறது.
இந்த நிலையில்,  செவ்வாய்க்கிழமை காலை 5 மணிக்கு குப்ப போயர் வீட்டில் இருந்து வெளியே வந்துள்ளார்.  அப்போது, மறைந்திருந்த குப்புசாமி மற்றும் அவரது சகோதரர்கள் ஏழுமலை,  மணிகண்டன் ஆகியோர் குப்ப போயரை சரமாரியாக கத்தியால் குத்திவிட்டு தப்பி ஓடிவிட்டனர். 
படுகாயமடைந்தவரை அருகில் இருந்தவர்கள் மீட்டு, நாமக்கல் மருத்துவமனையில் அனுமதித்தனர்.  மேல் சிகிச்சைக்காக சேலம் அரசு மருத்துவமனையில் சேர்த்துள்ளனர்.  
இச்சம்பவம் தொடர்பாக எருமப்பட்டி போலீஸார் வழக்குப் பதிவுசெய்து  தலைமறைவாக உள்ள குப்புசாமி, ஏழுமலை, மணிகண்டன் ஆகிய 3 பேரையும் தேடி வருகின்றனர். கோயில் பிரச்னை தொடர்பாக மோதல் ஏற்பட்டுள்ளதை அடுத்து, அங்கு போலீஸார் பாதுகாப்பு பணியில் ஈடுபட்டுள்ளனர். இச் சம்பவம் அப்பகுதியில் பெரும் பரபரப்பை ஏற்படுத்தி உள்ளது.


 

]]>
http://www.dinamani.com/all-editions/edition-dharmapuri/namakkal/2018/nov/14/கோயிலில்-பூஜை-செய்வதில்-பிரச்னை-பூசாரிக்கு-கத்திக்குத்து-3038488.html
3038486 தருமபுரி நாமக்கல் மண்ணெண்ணெய் விளக்கு தவறி விழுந்து தீப்பற்றியதில் மூதாட்டி பலி DIN DIN Wednesday, November 14, 2018 09:49 AM +0530 பரமத்தி வேலூர் வட்டம்,  பிலிக்கல்பாளையம் அருகே மண்ணெண்ணெய் விளக்கு தவறி விழுந்ததில் ஏற்பட்ட தீ விபத்தில் 95 வயது மூதாட்டி சிகிச்சை பலனின்றி உயிரிழந்தது குறித்து ஜேடர்பாளையம் போலீசார் வழக்குப் பதிவு செய்து விசாரணை நடத்தி வருகின்றனர்.
பிலிக்கல்பாளையம் அருகே உள்ள நல்லாகவுண்டம்பாளையத்தைச் சேர்ந்தவர் வரதப்ப நாய்க்கர் (100). இவரது மனைவி ரங்கம்மாள் (95).  இவர் திங்கட்கிழமை இரவு தனது வீட்டில் மண்ணெண்ணெய் விளக்கை ஏற்றி வைத்து தூங்கியுள்ளார்.  அப்பொழுது  விளக்கு தவறி விழுந்ததில் ரங்கம்மாளின் சேலையில் தீப்பற்றியுள்ளது.  இதில் அவரது அலறல் சத்தம் கேட்டு அருகில் இருந்த அவரது குடும்பத்தினர் அவரை மீட்டு ஈரோடு அரசு மருத்துவமனையில் சிகிச்சைக்காக சேர்த்தனர்.  ஆனால் அங்கு சிகிச்சை பலனின்றி ரங்கம்மாள் செவ்வாய்கிழமை உயிரிழந்தார்.  
இது குறித்து ஜேடர்பாளையம் போலீசார் வழக்கு பதிவு செய்து விசாரணை நடத்தி வருகின்றனர்.


 

]]>
http://www.dinamani.com/all-editions/edition-dharmapuri/namakkal/2018/nov/14/மண்ணெண்ணெய்-விளக்கு-தவறி-விழுந்து-தீப்பற்றியதில்-மூதாட்டி-பலி-3038486.html
3038485 தருமபுரி நாமக்கல் பழமரக்கன்று, மலர்ச்செடி, அலங்கார செடிகள் விற்பனை DIN DIN Wednesday, November 14, 2018 09:48 AM +0530 தோட்டக் கலைத்துறை மூலம் பழமரக்கன்று,  மலர்ச்செடி, அலங்கார செடிகள் விற்பனை செய்யப்படுகிறது. 
இதுகுறித்து நாமக்கல் மாவட்ட ஆட்சியர் மு.ஆசியா மரியம் வெளியிட்ட செய்திக்குறிப்பு:  நாமக்கல் மாவட்டத்தில் பொதுமக்களிடையே, சுற்றுச்சூழல் குறித்த விழிப்புணர்வு அதிகரித்து வரும் நிலையில்,  பொது மற்றும் தனியார் விழாக்களில் கலந்து கொள்பவர்களுக்கு பழமரக் கன்றுகள், மலர்ச் செடிகள் வழங்கும் வழக்கம் பிரபலமடைந்து வருகிறது. 
அவற்றை அதிகரிக்கவும்,  சுற்றுச்சூழலை மேம்படுத்தவும், தோட்டக்கலைத் துறை மூலம், தரமான பழமரக் கன்றுகள், மலர் செடிகள், அலங்காரச் செடிகள் மற்றும் இதர தோட்டக்கலை நடவுச் செடிகள் அரசு நிர்ணயித்த விலையில்,  அரசு தோட்டக்கலை பண்ணைகளில் உற்பத்தி செய்து விநியோகம் செய்யப்பட்டு வருகிறது.
விழாக்களுக்கு தேவைப்படும் செடிகளை, முன்கூட்டியே நேரடியாகவோ அல்லது இணையதளம் மூலமாகவோ( உழவன் செயலி) பதிவு செய்து கொள்ளலாம்.  செடிகளுக்கான தொகையை முன்பணமாகச் செலுத்தி,  செடிகளை பண்ணையில் இருந்து விழா நடக்கும் இடத்துக்கே நேரடியாகவோ அல்லது அரசு தோட்டக்கலைப் பண்ணையினை நேரடியாக அணுகி பெற்றுக் கொள்ளலாம்.
மேலும் விவரங்களுக்கு அருகில் உள்ள வட்டார தோட்டக் கலை உதவி இயக்குநர் அலுவலகங்களைத் தொடர்பு கொள்ளலாம்.


 

]]>
http://www.dinamani.com/all-editions/edition-dharmapuri/namakkal/2018/nov/14/பழமரக்கன்று-மலர்ச்செடி-அலங்கார-செடிகள்-விற்பனை-3038485.html
3038483 தருமபுரி நாமக்கல் நாளை நாமக்கல்லில் மாற்றுத் திறனாளிகளுக்கான விளையாட்டு போட்டிகள் DIN DIN Wednesday, November 14, 2018 09:48 AM +0530 மாற்றுத் திறனாளிகளுக்கான மாவட்ட அளவிலான விளையாட்டு போட்டிகள் வரும் வியாழக்கிழமை நடைபெறுகின்றன.
இதுகுறித்து நாமக்கல் மாவட்ட ஆட்சியர் மு.ஆசியாமரியம் வெளியிட்டுள்ள செய்திக்குறிப்பு: தமிழ்நாடு விளையாட்டு மேம்பாட்டு ஆணையம் சார்பில் நாமக்கல் மாவட்ட ஆட்சியர் அலுவலக பெருந்திட்ட வளாகத்தில் உள்ள மாவட்ட விளையாட்டு அரங்கத்தில் வரும் வியாழக்கிழமை காலை 9 மணிக்கு மாற்றுத் திறனாளிகளுக்கான மாவட்ட அளவிலான தடகளம் மற்றும் குழு விளையாட்டு போட்டிகள் நடைபெறுகின்றன.
இதையொட்டி, கால், கை ஊனமுற்றோர், குள்ளமானோர்களுக்கு 50 மீட்டர் மற்றும் 100 மீட்டர் ஓட்டப்பந்தயமும், கால் ஊனமுற்றோருக்கு குண்டு எறிதல் போட்டியும், இரு கால்களும் ஊனமுற்றோருக்கு 100 மீட்டர் சக்கர நாற்காலி போட்டியும் நடைபெறுகிறது.  இதேபோல் முற்றிலும் பார்வையற்றோர் மற்றும் மிக குறைந்த பார்வையற்றோருக்கு ஓட்டப் பந்தயம் மற்றும் குண்டு எறிதல் போட்டிகளும்,  மனநலம் பாதிக்கப்பட்டவர்களுக்கு 50 மீட்டர் மற்றும் 100 மீட்டர் ஓட்டப்பந்தயமும், காது கேளாதவர்களுக்கு 100 மீட்டர், 200 மீட்டர் மற்றும் 400 மீட்டர் ஓட்டப்பந்தயம்,  நீளம் தாண்டுதல், குண்டு எறிதல் போட்டிகளும் நடைபெறுகின்றன. 
இதுதவிர, கை, கால் ஊனமுற்றோருக்கு இறகுப்பந்து, மேஜைப்பந்து போட்டிகளும், பார்வையற்றோருக்கு கைப்பந்து போட்டியும்,  மனநலம் பாதிக்கப்பட்டவர்களுக்கு எறிபந்து போட்டியும்,  காது கேளாதவர்களுக்கு கபடி போட்டியும் நடத்தப்பட உள்ளது.  இப் போட்டிகளில் வெற்றி பெறும் நபர்களுக்கு பரிசு மற்றும் சான்றிதழ் வழங்கப்படும்.

]]>
http://www.dinamani.com/all-editions/edition-dharmapuri/namakkal/2018/nov/14/நாளை-நாமக்கல்லில்-மாற்றுத்-திறனாளிகளுக்கான-விளையாட்டு-போட்டிகள்-3038483.html
3038482 தருமபுரி நாமக்கல் பரமத்திவேலூர் பகுதியில் சூரசம்ஹார விழா DIN DIN Wednesday, November 14, 2018 09:48 AM +0530 பரமத்திவேலூர் சுற்று வட்டாரப் பகுதிகளில் உள்ள கபிலர்மலை, பாண்டமங்கலம், பொத்தனூர்,வேலூர், பாலப்பட்டி உள்ளிட்ட பகுதிகளில் முருகன் கோயில்களில் கந்த சஷ்டி விழாவை முன்னிட்டு ஆறாம் நாளான செவ்வாய்க்கிழமை சூரசம்ஹார விழா நடைபெற்றது.
கந்த சஷ்டி விழாவை முன்னிட்டு பாண்டமங்கலம் புதிய காசி விஸ்வநாதர் கோவிலில் கடந்த 8 ஆம் தேதி மாலை காப்பு கட்டுதல் நிகழ்ச்சியுடன் தொடங்கியது.  8ஆம் தேதி முதல் 12 ஆம் தேதி வரை  காலை யாக பூஜைகள், மூலவர் அபிஷேகமும், சிறப்பு அலங்காரம் மற்றும் மகா தீபாராதனை நடைபெற்றது.  மாலையில் சுவாமி திருவீதி உலா வரும் நிகழ்ச்சி நடைபெற்றது.  சூரசம்ஹார விழாவை முன்னிட்டு செவ்வாய்க்கிழமை காலை யாக பூஜைகளும், யாக வேள்வி நிறைவும்,  மஹா தீபாராதனையும், சிறப்பு அலங்காரமும் நடைபெற்றது.  மாலை முருகப்பெருமான் சக்தியிடம் வேல் வாங்கும் நிகழ்ச்சியும் 6 மணிக்கு மேல் சூரசம்ஹார விழாவும் நடைபெற்றது.  இரவு 8 மணிக்கு சூரனை வதம் செய்த முருகப்பெருமான் முக்கிய வீதிகள் வழியாக திருவீதி உலா வரும் நிகழ்ச்சி நடைபெற்றது.
இந்த நிகழ்ச்சியில், பாண்டமங்கலம் மற்றும் சுற்று வட்டாரப் பகுதிகளைச் சேர்ந்த ஏராளமான பொதுமக்களும் பக்தர்களும் கலந்து கொண்டனர்.  புதன்கிழமை மாலை 6 மணிக்கு மேல் பாண்டமங்கலம் புதிய காசி விஸ்வநாதர் கோயிலில் எழுந்தருளியுள்ள முருகப்பெருமானுக்கு திருக்கல்யாண உற்சவம் நடைபெறுகிறது.  கபிலர்மலை பாலசுப்பிரமணிய சுவாமி கோயிலில் சூரசம்ஹார விழா வெகு விமரிசையாக நடைபெற்றது.  
இதேபோல், பொத்தனூர் பச்சைமலை முருகன்,  பேட்டை பகவதியம்மன் கோயிலில் எழுந்தருளியுள்ள பாலமுருகன்,அனிச்சம்பாளையத்தில் வேல் வடிவில் எழுந்தருளியுள்ள சுப்பிரமணியர் மற்றும் பாலப்பட்டியில் உள்ள கதிர்காமத்து கதிர்மலை முருகன் உள்ளிட்ட கோயில்களில் சூரசம்ஹார விழாவினை முன்னிட்டு முருகப்பெருமானுக்கு சிறப்பு அபிஷேக ஆராதனைகளும், சிறப்பு அலங்காரங்களும் செய்யப்பட்டன.
வெண்ணந்தூரில்...
ராசிபுரம்-வெண்ணந்தூர் பகுதிகளில் நடைபெற்ற சூரசம்ஹார விழாவில் திரளான பக்தர்கள் பங்கேற்று வழிபட்டனர். 
ராசிபுரம் ஸ்ரீகைலாசநாதர் ஆலயத்தில் உள்ள முருகர், எல்லை மாரியம்மன் கோயிலில் உள்ள முருகர் சன்னதி ஆகியவற்றின் சார்பில் சூரசம்ஹாரவிழா நடந்தது.  இதனையடுத்து சுவாமி திருவிழா அழைத்து வரப்பட்டது.  சூரசம்ஹார நிகழ்ச்சிகள் நடத்தப்பட்டன. இதே போல், வெண்ணந்தூர் முத்துக்குமார சுவாமி கோயிலில் நடந்த சூரசம்ஹார நிகழ்ச்சியில் ஆயிரக்கணக்கானோர் கலந்து
கொண்டனர். 
இக் கோயிலில் கந்த சஷ்டி திருவிழாவையெட்டி நவ.8-ல் முத்துகுமாரசுவாமிக்கு தேவ சேனாதிபதி பட்டமும்,  கங்காணமும் கட்டி சக்தியிடம் வேல் தரும் நிகழ்ச்சி நடைபெற்றது. நவ.9 ம் தேதி மூலவருக்கு சிறப்பு அபிஷேகம் நடைபெற்றது.  நாள்தோறும் சிறப்பு அபிஷேகம் நடந்தது.  இதனையடுத்து, முக்கிய நிகழ்வான சூரனை வதம் செய்யும் சூரசம்ஹார நிகழ்ச்சி செவ்வாய்க்கிழமை
நடைபெற்றது. 
 இதில் சுற்று வட்டாரப்பகுதிகளிலிருந்து ஆயிரக்கணக்கான பொதுமக்கள் கலந்துகொண்டு சுவாமி தரிசனம் மேற்கொண்டனர்.  இதனையடுத்து,  புதன்கிழமை சுப்பிரமணிய சுவாமிக்கு திருக் கல்யாண நிகழ்ச்சி நடைபெறுகிறது. பக்தர்களுக்கு அன்னதானமும் வழங்கப்பட்டது.  பின்னர் சுப்ரமணிய சுவாமி திருவீதி அழைத்து வரப்பட்டார். 


 

]]>
http://www.dinamani.com/all-editions/edition-dharmapuri/namakkal/2018/nov/14/பரமத்திவேலூர்-பகுதியில்-சூரசம்ஹார-விழா-3038482.html
3038480 தருமபுரி நாமக்கல் மணல் கடத்திச் சென்ற சரக்கு ஆட்டோ கவிழ்ந்து விபத்து DIN DIN Wednesday, November 14, 2018 09:47 AM +0530 பரமத்தி வேலூர் வட்டம், பரமத்தி அருகே நாமக்கல்லில் இருந்து கரூர் செல்லும் தேசிய நெடுஞ்சாலையில் மணல் கடத்திச்சென்ற சரக்கு ஆட்டோ கவிழ்ந்து விபத்துக்குள்ளானது. 
செவ்வாய்க்கிழமை காலை மணலைக் கடத்திக்கொண்டு நாமக்கலில் இருந்து கரூர் செல்லும் தேசிய நெடுஞ்சாலையில் நாமக்கல் நோக்கிச் சென்ற சரக்கு ஆட்டோ திடீரென சாலையோரத்தில் கவிழ்ந்து விபத்துக்குள்ளானது.  தகவல் அறிந்து அங்கு வந்த பரமத்தி போலீஸார் சோதனை செய்தனர்.  இதில் சட்டவிரோதமாக மணல் கடத்தி வந்திருப்பதும், சரக்கு ஆட்டோவின் ஓட்டுநர் தப்பி ஓடியதும் தெரியவந்தது.  அதையடுத்து மணல் கடத்தி வந்த சரக்கு ஆட்டோவை பறிமுதல் செய்து, தப்பியோடிய ஓட்டுநரை  பரமத்தி போலீசார் தேடி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/nov/14/மணல்-கடத்திச்-சென்றசரக்கு-ஆட்டோ-கவிழ்ந்து-விபத்து-3038480.html
3038479 தருமபுரி நாமக்கல் முருகன் கோயில்களில் சிறப்பு வழிபாடு DIN DIN Wednesday, November 14, 2018 09:47 AM +0530 கந்தசஷ்டி விழாவை முன்னிட்டு நாமக்கல் முருகன் கோயில்களில் செவ்வாய்க்கிழமை சிறப்பு பூஜை நடைபெற்றது. 
  நாமக்கல் கடைவீதி பாலதண்டாயுதபாணி கோயிலில் காலையில் சிறப்பு அபிஷேகம் தொடர்ந்து வெள்ளிக் கவசத்தில் சிறப்பு அலங்காரம் செய்யப்பட்டு, மகா தீபாராதனை நடந்தது.  அதில் சுற்று வட்டத்தைச் சேர்ந்த ஏராளமான பக்தர்கள் பங்கேற்று சுவாமி தரிசனம் செய்தனர்.
  சேந்தமங்கலம் அருகே தத்தகிரி முருகன் கோயிலில் கந்த சஷ்டி திருவிழாவை முன்னிட்டு சுவாமிக்கு பல்வேறு அபிஷேகங்கள் செய்யப்பட்டு, தொடர்ந்து ராஜ அலங்காரத்தில் பக்தர்களுக்கு அருள் பாலித்தார்.  சூரனை வதம் செய்யும் நிகழ்ச்சி நடந்தது.  பக்தர்களுக்கு அன்னதானம் வழங்கப்பட்டது.
    மோகனூர் காந்தி நகர்,  பாலதண்டாயுதபாணி கோயிலில் கந்தசஷ்டி விழாவை முன்னிட்டு காலை 6.30 மணிக்கு கணபதி பூஜை,  7 மணிக்கு சக்தி, சுப்ரமணியர் ஹோமம், 8.30 மணிக்கு சுவாமிக்கு சிறப்பு அபிஷேகம்,  மாலை 6 மணிக்கு சந்தனக்காப்பு அலங்காரம், தொடர்ந்து சூரசம்ஹாரம் நிகழ்ச்சி நடந்தது.  

]]>
http://www.dinamani.com/all-editions/edition-dharmapuri/namakkal/2018/nov/14/முருகன்-கோயில்களில்சிறப்பு-வழிபாடு-3038479.html
3038478 தருமபுரி நாமக்கல் மறியல் போராட்டம்: மின்வாரிய ஒப்பந்தத் தொழிலாளர்கள் 70 பேர் கைது DIN DIN Wednesday, November 14, 2018 09:47 AM +0530 பணி நிரந்தரம் உள்ளிட்ட கோரிக்கைகளை வலியுறுத்தி சாலை மறியல் போராட்டத்தில் ஈடுபட்ட ஒப்பந்தத் தொழிலாளர்களை காவல் துறையினர் கைது செய்தனர்.
 மின் வாரிய ஒப்பந்தத் தொழிலாளர்கள் சார்பில் பல்வேறு கோரிக்கைகளை  வலியுறுத்தி மாநிலம் தழுவிய மறியல் போராட்டம் செவ்வாய்க்கிழமை நடந்தது. நாமக்கல் பேருந்து நிலையம் அருகில் நடந்த மறியல் போராட்டத்துக்கு சிஐடியு மாவட்டச் செயலர் வேலுசாமி தலைமை வகித்தார்.  நாமக்கல் கிளை தலைவர் சின்னுசாமி, செயலர் கோவிந்தராசு, பொருளாளர் முருகேசன் ஆகியோர் கோரிக்கை குறித்து பேசினர்.
 அனைத்து ஒப்பந்தத் தொழிலாளர்களுக்கும் முத்தரப்பு ஒப்பந்தபடி தினமும் ரூ.380 கூலி வழங்க வேண்டும்.  அனைத்து ஒப்பந்தத் தொழிலாளர்களை அடையாளம் காண்பதுடன், வழக்கில் உள்ள தொழிலாளர்களையும் நிரந்தரம் செய்ய வேண்டும். மாதத்தில் 25 நாட்கள் வேலை வழங்க வேண்டும்.  ஒப்பந்த தொழிலாளர்கள் அனைவருக்கும் பாதுகாப்பு உபகரணங்களும், அடையாள அட்டையும் வழங்க வேண்டும்.
ஒப்பந்தத் தொழிலாளர்களை படிப்படியாக நிரந்தரம் செய்ய வேண்டும். மின் வாரியத்தில் 15,000 கள உதவியாளர் மற்றும் 10,000 வயர்மேன் காலிப் பணியிடங்களில் ஒப்பந்தத் தொழிலாளர்களை பணியமர்த்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கம் எழுப்பினர்.  தொடர்ந்து சாலையில் அமர்ந்து மறியல் போராட்டத்தில் ஈடுபட்டனர்.  மறியலில் ஈடுபட்ட 70 தொழிலாளர்களை காவல் துறையினர் கைது செய்து, மாலையில் விடுவித்தனர்.


 

]]>
http://www.dinamani.com/all-editions/edition-dharmapuri/namakkal/2018/nov/14/மறியல்-போராட்டம்-மின்வாரிய-ஒப்பந்தத்-தொழிலாளர்கள்-70-பேர்-கைது-3038478.html
3038476 தருமபுரி நாமக்கல் வீட்டுத் தோட்ட காய்கறி விதைகள்: 40 சதவீதம் மானியத்தில் விற்பனை DIN DIN Wednesday, November 14, 2018 09:47 AM +0530 வீட்டுத் தோட்ட காய்கறி விதைகளை 40 சதவீதம் மானியத்தில் ஒரு பொட்டலம் ரூ.25-க்கு பெற்றுக் கொள்ளலாம் என நாமக்கல் மாவட்ட ஆட்சியர் மு.ஆசியா மரியம் தெரிவித்துள்ளார். 
இதுகுறித்து அவர் வெளியிட்ட செய்திக்குறிப்பு:  நாமக்கல் மாவட்டத்தில் புறநகர் மற்றும் கிராமப்புறங்களில் உள்ள வீட்டுத் தோட்டங்களில் காய்கறிகள் பயிரிடுவதை ஊக்குவிக்கும் வகையில் வீட்டுத் தோட்ட காய்கறி விதைகள் வழங்கும் திட்டம் செயல்படுத்தப்பட்டு வருகிறது.
நிகழாண்டு உயர் விளைச்சல் தரும் பீர்க்கன்,  தக்காளி, வெண்டை,  முருங்கை, தட்டைப்பயிர், மிளகாய் மற்றும் அவரை ஆகிய காய்கறிகளில் ஏதாவது 5 காய்கறி விதைகள் அடங்கிய பொட்டலம் 40 சதவீதம் மானிய விலையில் ரூ.25-க்கு விநியோகம் செய்யப்படவுள்ளது.  மொத்தம் 7,200 பொட்டலங்கள் இருப்பு உள்ளது. 
இத் திட்டத்தின்படி ஒவ்வொரு பயனாளியும் அதிகபட்சமாக 6 காய்கறி விதை பொட்டலங்கள் வரை பெறலாம்.  இந்த விதைகளை கிராமங்கள் மற்றும் புறநகர்களில் உள்ள மக்கள்,  தங்கள் பகுதிகளில் உள்ள வட்டார தோட்டக்கலை உதவி இயக்குநர் அலுவலகம் மூலம் பெற்று பயன் பெறலாம்.  மேலும் விவரங்களுக்கு நாமக்கல் மாவட்ட தோட்டக் கலை துணை இயக்குநர் அலுவலகத்தை 04286-280827 என்ற தொலைபேசி எண்ணில் தொடர்பு கொள்ளலாம்.

]]>
http://www.dinamani.com/all-editions/edition-dharmapuri/namakkal/2018/nov/14/வீட்டுத்-தோட்ட-காய்கறி-விதைகள்-40-சதவீதம்-மானியத்தில்-விற்பனை-3038476.html
3038475 தருமபுரி நாமக்கல் அரசு நிதி உதவி: சிறுபான்மையினர் கல்வி நிறுவனங்கள் விண்ணப்பிக்கலாம் DIN DIN Wednesday, November 14, 2018 09:46 AM +0530 சிறுபான்மையினர் கல்வி நிறுவனங்கள் அடிப்படை கட்டமைப்பு வசதிகளை மேம்படுத்திக்கொள்ள அரசின் நிதி உதவியைப் பெற விண்ணப்பிக்கலாம் என அறிவிக்கப்பட்டுள்ளது. 
இதுகுறித்து நாமக்கல் மாவட்ட ஆட்சியர் மு.ஆசியா மரியம் வெளியிட்ட செய்திக்குறிப்பு: சிறுபான்மையினர் நலத் துறை மூலம் நடத்தப்படும் சிறுபான்மையினர் கல்வி நிறுவனங்கள்,  அரசு உதவி பெறும், அரசு உதவி பெறாத துவக்க, நடுநிலை, உயர்நிலை மற்றும் மேல்நிலைப்பள்ளி ஆகிய சிறுபான்மையினர் நலப் பள்ளிகளுக்கு புதிய வகுப்பறைக் கட்டடம், அறிவியல் ஆய்வுக்கூடம், நூலகம்,  கழிப்பறை வசதி, விளையாட்டு மைதானம் மற்றும் சுற்றுச்சுவர் உள்ளிட்ட அடிப்படை உட்கட்டமைப்பு வசதிகளை ஏற்படுத்திக் கொள்ளும் வகையில் ஐ.டி.எம்.ஐ.  திட்டத்தின் கீழ் பள்ளி ஒன்றுக்கு அதிகபட்சம் ரூ.50 லட்சம் வரை அரசு நிதி உதவி வழங்கி வருகிறது. 
இத் திட்டத்தில் பயன்பெற விருப்பம் உள்ள அனைத்து சிறுபான்மையின கல்வி நிறுவனங்கள், அடிப்படை உட்கட்டமைப்பு வசதிகளைப் பெற்றுக்கொள்ளும் வகையில் சிறுபான்மையினர் சான்றிதழ்,  பள்ளி பதிவுச் சான்றிதழ்,  அறக்கட்டளை பதிவுச் சான்றிதழ்,  யு டைஸ் கோடு,  பொதுப்பணித் துறை செயற்பொறியாளர் திட்ட மதிப்பீடு சான்றிதழ் பெற்றிருக்க வேண்டும்.
அதற்கான விண்ணப்பம் நாமக்கல் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் பெற்றுக் கொள்ளலாம்.   மேலும் விவரங்களுக்கு சம்பந்தப்பட்ட அலுவலகத்தை நேரில் அணுகலாம். 


 

]]>
http://www.dinamani.com/all-editions/edition-dharmapuri/namakkal/2018/nov/14/அரசு-நிதி-உதவி-சிறுபான்மையினர்-கல்வி-நிறுவனங்கள்-விண்ணப்பிக்கலாம்-3038475.html
3037792 தருமபுரி நாமக்கல் மணல் இரண்டாம் விற்பனை கிடங்குக்கு எதிர்ப்பு: கிராம மக்கள் முற்றுகை DIN DIN Tuesday, November 13, 2018 03:30 AM +0530
மணல் இரண்டாம் விற்பனை கிடங்கு அமைக்க எதிர்ப்புத் தெரிவித்து கிராம மக்கள் லாரியை மறித்து முற்றுகைப் போராட்டத்தில் ஈடுபட்டனர்.
நாமக்கல் மாவட்டம், மோகனூர் அருகே குன்னிபாளையத்தில் அரசு மணல் குவாரி செயல்படுகிறது. அங்கிருந்து எடுத்துச் செல்லப்படும் மணல், குமரிபாளையம் ஊராட்சி, ஊனாங்கல்பட்டியில் இரண்டாம் விற்பனைக் கிடங்கில் இருப்பு வைக்கப்பட்டு, லாரிகளுக்கு விற்பனை செய்யப்பட்டு வந்தது.
இந் நிலையில், இரண்டாம் விற்பனை கிடங்குக்கு வாடகை உயர்த்திக் கேட்டதால், இருப்பு வைக்க இடமின்றி மணல் குவாரி தற்காலிகமாக நிறுத்தப்பட்டது. இதையடுத்து, சின்னபெத்தாம்பட்டி ஊராட்சி குளத்துப்பாளையத்தில் இடம் தேர்வு செய்யப்பட்டது.
அதைத்தொடர்ந்து திங்கள்கிழமை காலை முதல் அரசு மணல் குவாரியில் லாரிகளில் லோடு ஏற்றப்பட்டு, இரண்டாம் விற்பனைக் கிடங்கு அமைந்துள்ள குளத்துப்பாளையம் கொண்டு வந்து இருப்பு வைக்கப்பட்டது. அதற்கு அப் பகுதியைச் சேர்ந்த கிராம மக்கள் எதிர்ப்புத் தெரிவித்தனர். சாலை பழுதடைந்துவிடும் என்பதுடன், அவ் வழியாகச் செல்லும் குடிநீர்த் திட்டக் குழாய் சேதமடையும் என்பதால், மணல் லாரியை முற்றுகையிட்டு போராட்டத்தில் ஈடுபட்டனர்.
தகவல் அறிந்த நாமக்கல் டி.எஸ்.பி. ராஜேந்திரன், மோகனூர் காவல் ஆய்வாளர் சுகுமார், பொதுப்பணித் துறை உதவி செயற்பொறியாளர் பாலசுப்ரமணியன் உள்ளிட்டோர் சம்பவ இடத்துக்குச் சென்று போராட்டத்தில் ஈடுபட்டவர்களுடன் பேச்சுவார்த்தை நடத்தினர்.
அப்போது சாலையை அகலப்படுத்துவதுடன், குடிநீர் குழாய் பழுதடைந்தால், உடனுக்குடன் சரி செய்ய நடவடிக்கை எடுப்பதாகவும் உறுதி அளித்தனர். அதையடுத்து, பொதுமக்கள் போராட்டத்தைக் கைவிட்டு கலைந்து சென்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/மணல்-இரண்டாம்-விற்பனை-கிடங்குக்கு-எதிர்ப்பு-கிராம-மக்கள்-முற்றுகை-3037792.html
3037791 தருமபுரி நாமக்கல் அரசுப் பள்ளிக்கு கூடுதல் வகுப்பறைகள் கட்டித் தர கோரிக்கை DIN DIN Tuesday, November 13, 2018 03:30 AM +0530
அரசுப் பள்ளியில் சேதமடைந்த கட்டடத்தை மாற்றி கூடுதல் வகுப்பறைகள் கட்டித்தர வேண்டும் என கிராம மக்கள் கோரிக்கை விடுத்துள்ளனர்.
நாமக்கல் மாவட்டம், நாமகிரிப்பேட்டை வட்டாரம் ஊனந்தாங்கல் ஊராட்சிக்குட்பட்ட சின்ன வரகூர் கோம்பை ஊராட்சி ஒன்றிய நடுநிலைப் பள்ளியில் போதிய கட்டட வசதி இல்லை. நான்கு வகுப்பறையில் ஒரு ஓட்டு கட்டடம் பழுதடைந்துள்ளது. 8ஆம் வகுப்பு திண்ணையில் தான் நடைபெறுகிறது. மழைக் காலத்தில் ஓட்டு கட்டடத்தில் உள்ளே அமர்ந்து படிக்க சிரமமாக உள்ளது. மேலும் ஓட்டு கட்டடம் பலவீனமாக உள்ளது.
இப் பள்ளியானது மலைப் பகுதியில் உள்ளதால், மாணவர்கள் சின்னவரகூர் கோம்பை, கொளக்கமேடு, கீரைக்காடு, குட்டகாடு, பெரிய வரகூர் கோம்பை, புதுவலவு, சின்ன செக்கடி, பச்சாக்கவுண்டம்பட்டி ஆகிய பகுதிகளில் இருந்து மலை மீது இருந்தும் 3 கி.மீ தூரம் வரை தினமும் நடந்து வந்து படிக்கின்றனர். மழைக் காலத்தில் மழை நீர் அப்படியே உள்ளே விழுகிறது. இதனால் மாணவர்களின் உடல் நலம் பாதிக்கப்படுகிறது. எங்கள் பகுதிக்கு போதிய பேருந்து வசதி இல்லை. எங்கள் பகுதி குழந்தைகள் ஆரம்பக் கல்வியைத் தொடர்ந்து கற்றிட எங்கள் ஊர்ப் பள்ளிக்கு 4 கூடுதல் வகுப்பறைக் கட்டடமும், குடிநீர்த் தொட்டியும் கட்டித் தர வேண்டும்.

 

]]>
http://www.dinamani.com/all-editions/edition-dharmapuri/namakkal/2018/nov/13/அரசுப்-பள்ளிக்கு-கூடுதல்-வகுப்பறைகள்-கட்டித்-தர-கோரிக்கை-3037791.html
3037790 தருமபுரி நாமக்கல் விசைத்தறி மேம்பாட்டுக்கான மத்திய அரசின் திட்டங்கள் குறித்த கருத்தரங்கம்: குமாரபாளையத்தில் இன்று நடக்கிறது DIN DIN Tuesday, November 13, 2018 03:29 AM +0530
விசைத்தறித் துறை மேம்பாட்டுக்கான இந்திய அரசின் திட்டங்கள் குறித்த கருத்தரங்கம் குமாரபாளையத்தை அடுத்த லட்சுமி நகரில் செவ்வாய்க்கிழமை நடைபெறுகிறது.
மத்திய அரசு விசைத்தறித் துறையின் மேம்பாட்டுக்கு பவர் டெக்ஸ் இந்தியா எனும் பெயரில் பல்வேறு வளர்ச்சித் திட்டங்களை செயல்படுத்தி வருகிறது. இதுகுறித்து விசைத்தறியாளர்களுக்கு விளக்கும் வகையில் கருத்தரங்கை கோவை மண்டல ஜவுளி ஆணையர் அலுவலகம், குமாரபாளையம் சித்ரா விசைத்தறி சேவை மையமும் இணைந்து கருத்தரங்கை நடத்துகின்றன.
இந்தக் கருத்தரங்குக்கு கோவை மண்டல ஜவுளி ஆணையர் அலுவலக இணை இயக்குநர் எம்.பாலசுப்பிரமணியம் தலைமை வகிக்கிறார். குமாரபாளையம் கொங்கு விசைத்தறி ஜவுளி உற்பத்தியாளர் சங்கத் தலைவர் கே.ஜி.பழனிச்சாமி முன்னிலை வகிக்கிறார். ஜவுளி ஆணையர் அலுவலக தொழில்நுட்ப அலுவலர் சுந்தரேஸ்வரன் வரவேற்கிறார்.
மத்திய அரசின் விசைத்தறி வளர்ச்சி திட்டங்கள் குறித்து கோவை மண்டல ஜவுளி ஆணையர் அலுவலக உதவி இயக்குநர் எம்.ஆர்.சுதாராணி, வங்கிக் கடன் உதவிகள் குறித்து குமாரபாளையம் இந்தியன் வங்கியின் தலைமை மேலாளர் டி.சுமதி, ஜவுளித்துறை வளர்ச்சிக்கான மாநில அரசின் சிறப்பு திட்டங்கள் குறித்து நாமக்கல் மாவட்ட தொழில் மையத்தின் பொது மேலாளர் ரங்கசாமி, திருச்செங்கோடு கைத்தறி மற்றும் ஜவுளித் துறை உதவி இயக்குநர் ஆர்.விஸ்வநாதன் ஆகியோர் பேசுகின்றனர். விசைத்தறியாளர்கள் இக்கூட்டத்தில் பங்கேற்று மத்திய அரசு விசைத்தறி மேம்பாட்டுக்கு செயல்படுத்தி வரும் பல்வேறு வளர்ச்சித் திட்டங்கள் குறித்து தகவல்களை பெற்று பயனடைய வேண்டும் என குமாரபாளையம் சித்ரா விசைத்தறி நிலையத்தின் பொறுப்பு அதிகாரி ஜி.பன்னீர்செல்வம் கேட்டுக்
கொண்டுள்ளார்.

 

]]>
http://www.dinamani.com/all-editions/edition-dharmapuri/namakkal/2018/nov/13/விசைத்தறி-மேம்பாட்டுக்கான-மத்திய-அரசின்-திட்டங்கள்-குறித்த-கருத்தரங்கம்-குமாரபாளையத்தில்-இன்று-நடக்-3037790.html
3037789 தருமபுரி நாமக்கல் நிலுவை ஊதியம் வழங்கக் கோரி பெண் ஊழியர் திடீர் தர்னா DIN DIN Tuesday, November 13, 2018 03:29 AM +0530  

நிலுவையில் உள்ள ஊதியத்தை வழங்கக் கோரியும் மற்றும் பணி நிரந்தரம் செய்யக்கோரியும் நாமக்கல் மாவட்ட அரசு தலைமை மருத்துவமனை வளாகத்தில் பெண் ஊழியர் ஒருவர் தர்னா போராட்டத்தில் ஈடுபட்ட ôர்.
நாமக்கல் அன்புநகரை சேர்ந்தவர் இளவரசி. இவர் நாமக்கல் மாவட்ட பார்வையிழப்பு தடுப்பு சங்கத்தில் ஒப்பந்த ஊழியராக பணிபுரிந்து வருகிறார். இந்நிலையில் கடந்த இரண்டு மாதங்களாக இவருக்கு ஊதியம் வழங்கப்படவில்லை எனக் கூறப்படுகிறது. இந்த நிலையில், திங்கள்கிழமை நாமக்கல் மாவட்ட அரசு தலைமை மருத்துவமனை வளாகத்தில் உள்ள சுகாதாரத் துறை நலப் பணிகள் இணை இயக்குநர் அலுவலகத்தில் திடீர் தர்னா போராட்டத்தில் ஈடுபட்டார்.
இதுகுறித்து அவர் தெரிவித்தது- கடந்த 2 மாதங்களாக ஊதியம் வழங்கவில்லை. சுகாதாரத் துறை அதிகாரிகள் ஊதியம் வழங்க மறுக்கின்றனர். எவ்விதப் பணியும் வழங்கப்படவில்லை. 2 மாதம் நிலுவையில் உள்ள ஊதியத்தை உடனடியாக வழங்க வேண்டும். பணி நிரந்தரம் செய்யவேண்டும் என்றார். பெண் ஊழியரின் திடீர் போராட்டத்தால் இணை இயக்குநர் அலுவலக வளாகத்தில் பரபரப்பு ஏற்பட்டது.
இதுகுறித்து நலப் பணிகள் இணை இயக்குநர் எல். உஷா கூறுகையில், நாமக்கல் மாவட்ட பார்வையிழப்பு தடுப்பு சங்கத்தில் தற்காலிக டேட்டா எண்ட்ரி ஆப்ரேட்டராக பணிபுரிகிறார். அவர் அரசு ஊழியர் கிடையாது. ஊதியமும் பார்வையிப்பு தடுப்பு சங்கம் மூலம் வழங்கப்படும். இணை இயக்குநர் அலுவலகத்தில் அவர் பணிபுரியவில்லை. பார்வையிழப்பு தடுப்புச் சங்கத்தை அவர் அணுக வேண்டும் என்றார்.

 

]]>
http://www.dinamani.com/all-editions/edition-dharmapuri/namakkal/2018/nov/13/நிலுவை-ஊதியம்-வழங்கக்-கோரி-பெண்-ஊழியர்-திடீர்-தர்னா-3037789.html
3037770 தருமபுரி நாமக்கல் மணல் கடத்தி வந்த லாரி, மினி ஆட்டோ பறிமுதல்: 3 பேர் கைது DIN DIN Tuesday, November 13, 2018 03:24 AM +0530 பரமத்திவேலூர் அருகே உள்ள பொத்தனூரில் ஞாயிற்றுக்கிழமை இரவு மேற்கு வண்ணாந்துறைப் பகுதியில் பரமத்திவேலூர் போலீசார் வாகனச் சோதனையில் ஈடுபட்டிருந்தனர்.
அப்போது அவ் வழியாக வந்த மினி ஆட்டோவை நிறுத்தி சோதனை மேற்கொண்டனர். இதில் பொன்மலர்பாளையத்திலிருந்து பரமத்திவேலூருக்கு மணல் கடத்தி வந்தது தெரியவந்தது. இதனையடுத்து, மினி ஆட்டோவின் உரிமையாளரான கொந்தளம் சொக்நாதபுரத்தைச் சேர்ந்த கார்த்திகேயன் மகன் மனோஜ் பிரபாகரன் (33), அதே பகுதியைச் சேர்ந்த சங்கர் மகன் சூர்யா (22) ஆகிய இருவரையும் பரமத்திவேலூர் போலீசார் கைது செய்தனர். மேலும், மணல் கடத்தலுக்குப் பயன்படுத்திய மினி ஆட்டோவை பறிமுதல் செய்து விசாரணை நடத்தி வருகின்றனர். இதேபோல், பரமத்தியில் நாமக்கல்லில் இருந்து கரூர் செல்லும் தேசிய நெடுஞ்சாலையில் பரமத்தி போலீசார் வாகனச் சோதனையில் ஈடுபட்டிருந்தனர். அப்போது அவ்வழியாக வந்த லாரி ஒன்றை நிறுத்தி சோதனை மேற்கொண்டனர். இதில் எஸ்.வாழவந்தியில் சேலத்துக்கு மணல் கடத்திச் சென்றது தெரியவந்தது. இதனையடுத்து தருமபுரி மாவட்டம், காரிமங்கலத்தைச் சேர்ந்த விஜயேந்திரன் மகனான லாரியின் ஓட்டுநர் சம்பத்தை (30) கைது செய்து, மணல் லாரியை பறிமுதல் செய்தனர். மேலும் தலைமறைவான தருமபுரி மாவட்டம், காரிமங்கலத்தைச் சேர்ந்த லாரியின் உரிமையாளர் ரத்தினம் (52) மற்றும் மணலைக் கடத்திய எஸ்.வாழவந்தியைச் சேர்ந்த பெரியசாமி மகன் ரமேஷ் ஆகிய இருவரையும் பரமத்தி போலீசார் தேடி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/nov/13/மணல்-கடத்தி-வந்த-லாரி-மினி-ஆட்டோ-பறிமுதல்-3-பேர்-கைது-3037770.html
3037769 தருமபுரி நாமக்கல் தீபாவளி வாரச் சீட்டு நடத்தி ரூ.1 கோடி மோசடி: பாதிக்கப்பட்டோர் எஸ்.பி.யிடம் புகார் DIN DIN Tuesday, November 13, 2018 03:23 AM +0530

தீபாவளி வாரச்சீட்டு நடத்தி ரூ.1 கோடி மோசடியில் ஈடுபட்டவரிடம் பணத்தை மீட்டுத் தர வேண்டும் பாதிக்கப்பட்ட மக்கள் கோரிக்கை
விடுத்தனர்.
நாமக்கல் ஏ.எஸ்.பேட்டையில் கடந்த 10 ஆண்டுகளாக பரிபூரண விநாயகா தீபாவளி வாரச் சீட்டு என்ற பெயரில் ஜெயச்சந்திரன் என்பவர் சீட்டு நடத்தி வந்துள்ளார். இவரிடம் வாரா, வாரம் ரூ.100, ரூ.200, ரூ.300, ரூ. 500 மற்றும் ரூ.1,000 என பொதுமக்கள் பணம் செலுத்தியுள்ளனர். பணத்தை 50 வாரம் செலுத்த வேண்டும். மேலும், 50 வாரம் முழுமையாகச் செலுத்தியவர்களுக்கு 51-வது வாரத்தில் வட்டியுடன் திரும்பி வழங்கப்படும் எனத் தெரிவித்துள்ளார்.
மேலும், ஒவ்வொரு வீட்டிற்கும் சென்று பணம் பெற்றுக் கொண்டு அவரவர்களுக்கு தனித்தனியாக அட்டை வழங்கி, பணம் பெற்றுக்கொண்டு பதிவு செய்து கொடுத்துள்ளார். தற்போது 50 வாரம் வரை பொதுமக்களிடம் பணம் வீடுவீடாகச் சென்று வசூல் செய்துள்ளார். 51வது வாரம் தாங்கள் கட்டிய பணம் முதிர்வுத்தொகை வட்டியுடன் ஜெயச்சந்திரன் வீட்டுக்கு கொண்டு வந்து தருவார் என எதிர்பார்த்த மக்கள் ஏமாற்றமடைந்தனர்.
அவரது வீட்டில் சென்று கேட்டதற்கு வீட்டிற்கு வந்து தந்து விடுகிறேன் எனத் தெரிவித்துள்ளார். இதை நம்பிச் சென்ற மக்கள் அவர் வராதது கண்டு அவருடைய செல்போனில் தொடர்பு கொண்டனர். ஆனால், செல்லிடப்பேசியிலும் தொடர்புகொள்ள முடியவில்லை. இதனையடுத்து, வீட்டில் சென்று பார்த்த போது வீட்டிலும் ஜெயச்சந்திரன் இல்லை.
இதனையடுத்து, நாமக்கல் மாவட்ட காவல் அலுவலகத்தில் மாவட்ட காவல் கண்காணிப்பாளர் அர.அருளரசிடம் திங்கள்கிழமை பொதுமக்கள் புகார் அளித்தனர். இதுகுறித்து பணம் செலுத்தி பாதிக்கப்பட்டவர்கள் தெரிவித்தது: ஜெயச்சந்திரன் தீபாவளி வாரச் சீட்டு கடந்த 9 ஆண்டுகளாக நடத்தி வருகிறார். இதுவரை யாரையும் ஏமாற்றாமல் 51ஆவது வாரம் பணம் கட்டியவர்களுக்கு வட்டியுடன் திரும்பக் கொடுத்துள்ளார். இதனை நம்பி எங்களுக்கு தெரிந்த நண்பர்கள், உறவினர்கள் என பலரையும் இந்த தீபாவளி வார சீட்டில் சேர்த்து விட்டோம்.
50 வாரங்கள் பணம் கட்டிய எங்களுக்கு 51ஆவது வாரம் வட்டியுடன் திரும்ப கிடைக்கும் என இருந்தவர்களுக்கு ஏமாற்றமே மிஞ்சியது. ஜெயச்சந்திரன் தற்போது தலைமறைவாக உள்ளார். மேலும் அவருடைய செல்லிடப்பேசியிலும் தொடர்புகொள்ள முடியவில்லை. இந்த சீட்டில் சின்னமுதலைப்பட்டி பகுதியைச் சேர்ந்த 1,000-க்கும் மேற்பட்டோர் பணம் கட்டியுள்ளனர். மாவட்ட காவல் கண்காணிப்பாளர் தகுந்த நடவடிக்கை எடுத்து பணத்தை மீட்டுக் கொடுக்க வேண்டும் என்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/தீபாவளி-வாரச்-சீட்டு-நடத்தி-ரூ1-கோடி-மோசடி-பாதிக்கப்பட்டோர்-எஸ்பியிடம்-புகார்-3037769.html
3037768 தருமபுரி நாமக்கல் ஜேடர்பாளையம் அருகே: நூதன முறையில் 8 பவுன் நகை திருடியவர் கைது DIN DIN Tuesday, November 13, 2018 03:23 AM +0530
பரமத்தி வேலூர் வட்டம், ஜேடர்பாளையம் அருகே வீட்டில் சோலார் மின்தகடு அமைப்பதாகக் கூறி பீரோவில் இருந்த 8 பவுன் தங்க நகையை நூதன முறையில் திருடிச் சென்ற நபரை ஜேடர்பாளையம் போலீஸார் திங்கள்கிழமை கைது செய்தனர்.
ஜேடர்பாளையம் அருகே உள்ள வடகரையாத்தூரைச் சேர்ந்தவர் தங்கவேல். இவரது மனைவி பானுமதி (45). இவர்களது வீட்டில் கடந்த 2 ஆம் தேதி சோலார் மின்தகடு அரசு மானியத்துடன் பொருத்தி தருவதாக மர்ம நபர் ஒருவர் வந்துள்ளார். இதற்காக மின்தகடு மற்றும் பேட்டரிகள் அமைக்கும் இடத்தையும் குறிப்பிட்டு, மறுநாள் வருவதாகக் கூறி ரூ.500 முன் தொகையாக வாங்கிச் சென்றுள்ளார். பின்னர், 3 ஆம் தேதி காலை வந்த மர்ம நபர் வயர்கள் அமைக்கும் இடங்களையும், வயர்களை வீட்டுக்கு வெளியே இழுத்துச் செல்லும் படியும் தங்கவேல் மற்றும் பானுமதியிடம் கூறியுள்ளார்.
அப்போது பானுமதியும், தங்கவேலுவும் வயர்களை இழுத்துக்கொண்டு வெளியே சென்றுள்ளனர். அப்போது அந்த மர்மநபர் வீட்டினுள் இருந்த பீரோவை திறந்து உள்ளே இருந்த 8 பவுன் தங்க நகை மற்றும் ரொக்கம் ரூ.50 ஆயிரத்தை திருடிக்கொண்டு போதிய அளவு வயர் இல்லை. அதனால் மறுநாள் வயர்கள் வாங்கி வருவதாகக் கூறிச் சென்றுள்ளார். 3ஆம் தேதி இரவு பானுமதி பீரோவைத் திறந்து பார்த்த போது பீரோவில் இருந்த 8 பவுன் நகை மற்றும் பணம் காணாமல் போனது தெரியவந்தது. இது குறித்து பானுமதி ஜேடர்பாளையம் காவல் நிலையத்தில் புகார் அளித்துள்ளார்.
புகாரின் அடிப்படையில், ஜேடர்பாளையம் போலீஸார் வழக்குப் பதிவு செய்து மர்ம நபரைத் தேடி வந்தனர். மாவட்ட காவல்துறை கண்காணிப்பாளர் அருளரசு உத்தரவுப்படி, பரமத்திவேலூர் காவல் துறை துணை கண்காணிப்பாளர் ராஜு மேற்பார்வையில் தனிப்படை அமைக்கப்பட்டு, மர்ம நபரை தேடி வந்தனர். இந்த நிலையில், திங்கள்கிழமை ஜேடர்பாளையம் பேருந்து நிலையம் அருகே தனிப் படையினர் வாகனச் சோதனையில் ஈடுபட்டிருந்தனர். அப்போது அங்கு சந்தேகத்துக்குரிய வகையில் நின்று கொண்டிருந்த நபரைப் பிடித்து விசாரணை நடத்தினர். விசாரணையில், மதுரை மாவட்டம், வாடிப்பட்டி அருகே உள்ள நெடுங்குளத்தைச் சேர்ந்த பழனி என்பவரது மகன் மாரிமுத்து (28) என்பதும், கடந்த 3 ஆம் தேதி வடகரையாத்தூரில் பானுமதியின் வீட்டில் சோலார் மின் தகடு அமைப்பதாகக் கூறி, நூதன முறையில் பணம் மற்றும் நகையை திருடிச் சென்றது தெரியவந்தது.
பின்னர், அவரிடமிருந்து 8 பவுன் நகையை தனிப்படை போலீசார் மீட்டு தொடர்ந்து விசாரணை நடத்தி
வருகின்றனர்.
மேலும் இதுகுறித்து போலீசார் கூறும்போது, அரசு மானியத்தில் சோலார் மின் தகடு அமைப்பதாகக் கூறி வரும் நபர்களிடம் பொதுமக்கள் ஏமாற வேண்டாம் எனவும், அந்தந்தப் பகுதி ஊராட்சி மன்ற அலுவலர்கள் மற்றும் சம்பந்தப்பட்ட அதிகாரிகளிடம் தொடர்பு கொண்டு உறுதி செய்து கொள்ள வேண்டும் என பொதுமக்களுக்கு அறிவுரை வழங்கியுள்ளனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/ஜேடர்பாளையம்-அருகே-நூதன-முறையில்-8-பவுன்-நகை-திருடியவர்-கைது-3037768.html
3037767 தருமபுரி நாமக்கல் திருச்செங்கோட்டில் பேருந்து விபத்து: 10- க்கும் மேற்பட்டோர் காயம் DIN DIN Tuesday, November 13, 2018 03:23 AM +0530
திருச்செங்கோடு அடுத்த மேட்டுப்பாளையம் மாதா கோயில் அருகே பேருந்து முன் சக்கர டயர் வெடித்து நிலை தடுமாறிய பேருந்தால் ஏற்பட்ட விபத்தில் 10 -க்கும் மேற்பட்டோர் காயமடைந்தனர்.
ராசிபுரத்திலிருந்து திருச்செங்கோடு நோக்கி திங்கட்கிழமை மதியம் வந்த தனியார் பேருந்து மேட்டுப்பாளையம் சாலை மாதா கோயில் பகுதியில் வந்து கொண்டிருந்தது. அப்போது பேருந்தின் முன்சக்கர டயர் வெடித்தது. இதனால் நிலை தடுமாறிய பேருந்து ஓட்டுனரின் கட்டுப்பாட்டை இழந்து சாலையில் இருந்து விலகி சாலையோர பள்ளத்திற்குள் சென்று பேருந்தின் முன்பக்க பகுதிகள் சேதமடைந்து, விபத்துக்குள்ளானது. பேருந்தில் பயணம் செய்த 30- க்கும் மேற்பட்ட பயணிகளில் 10 -க்கும் மேற்பட்ட பயணிகள் காயமடைந்தனர். காயமடைந்தவர்களை அருகில் இருந்தவர்கள் மீட்டு திருச்செங்கோடு அரசு மருத்துவமனைக்கு சிகிச்சைக்காக அனுப்பி வைத்தனர். இதில் நாட்டாமங்கலம் பகுதியைச் சேர்ந்த சீரங்கன்(70), அதே பகுதியைச் சேர்ந்த புவனேஷ்வரி(35), பேருந்தின் ஓட்டுநர் சங்கர்(46), எலிமேடு பகுதியைச் சேர்ந்த கந்தன்(70) ஆகியோர் சிகிச்சை பெற்று வருகின்றனர். சிகிச்சை பெற்றவர்களில் சிலர் வீடு திரும்பினர். விபத்து குறித்து திருச்செங்கோடு ஊரக காவல்துறையினர் விசாரணை நடத்தி வருகின்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/திருச்செங்கோட்டில்-பேருந்து-விபத்து-10--க்கும்-மேற்பட்டோர்-காயம்-3037767.html
3037766 தருமபுரி நாமக்கல் கிராம நிர்வாக அலுவலர்கள் ஆர்ப்பாட்டம் DIN DIN Tuesday, November 13, 2018 03:23 AM +0530
திருச்செங்கோடு  வட்டாட்சியர்  அலுவகம் முன்பு பல்வேறு கோரிக்கைகளை வலியுறுத்தி திங்கள்கிழமை கிராம நிர்வாக அலுவலர்கள் சங்கத்தினர் ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு தமிழ்நாடு கிராம நிர்வாக அலுவலர்கள் சங்கத்தின் வட்டாரத் தலைவர் முருகன் தலைமை வகித்தார். ஆர்ப்பாட்டத்தின் போது தமிழக அரசு அறிமுகப்படுத்திய இ-அடங்கல் முறையை ரத்து செய்ய வேண்டும், தங்களது பணிச் சூழலுக்கு ஏற்ப நவீன வசதிகளுடன் கூடிய லேப்டாப் மற்றும் இண்டர்நெட் வசதி வழங்க வேண்டும், தங்களது பணியிடங்களில் கழிப்பிடம் உள்ளிட்ட அடிப்படை வசதிகள் செய்து கொடுக்க வேண்டும், 2012 ம் ஆண்டு அரசு உத்தரவின்படி மாவட்ட அளவிலான பணி மாறுதல்கள் வழங்கப்பட வேண்டும், திருச்செங்கோடு தாலுகாவில் காலியாக உள்ள 13 கிராம நிர்வாக அலுவலர் பணியிடங்கள் உடனடியாக நிரப்பப்பட வேண்டும் உள்ளிட்ட பல்வேறு கோரிக்கைகளை வலியுறுத்தி முழக்கமிட்டு, ஆர்ப்பாட்டத்தில் ஈடுபட்டனர். 50- க்கும் மேற்பட்ட கிராம நிர்வாக அலுவலர்கள் ஆர்ப்பாட்டத்தில் கலந்து கொண்டனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/கிராம-நிர்வாக-அலுவலர்கள்-ஆர்ப்பாட்டம்-3037766.html
3037765 தருமபுரி நாமக்கல் இலவச வீட்டு மனைப் பட்டா வழங்க பொதுமக்கள் கோரிக்கை DIN DIN Tuesday, November 13, 2018 03:22 AM +0530
இலவச வீட்டுமனைப் பட்டா வழங்க வேண்டும் என நாமக்கல் நகராட்சிப் பகுதியைச் சேர்ந்த பொதுமக்கள் கோரிக்கை விடுத்துள்ளனர்.
நாமக்கல் நகராட்சிக்குள்பட்ட கிருஷ்ணாபுரம் மற்றும் உத்தமபாளையம் பகுதி பொதுமக்கள் மாவட்ட வருவாய் அலுவலர் கு.பழனிசாமியிடம் ஆட்சியர் அலுவலகத்தில் திங்கள்கிழமை அளித்த மனு விவரம்: நாமக்கல் நகரப் பகுதியில் உள்ள கிருஷ்ணாபுரம், உத்தமபாளையம் பகுதியில் மேச்சல் அரசு புறம் போக்கு நிலத்தில் அருந்ததியர் வகுப்பைச் சேர்ந்த 80 குடும்பங்கள் கடந்த 10 ஆண்டுகளுக்கு மேல் குடும்பத்துடன் வசித்து வருகிறோம். இப் பகுதியில் குடியிருக்கும் எங்களுக்கு இலவச வீட்டுமனைப் பட்டா கோரி பலமுறை மனு அளித்துள்ளோம். ஆனால், தற்போது வரை எங்களுக்கு இலவச வீட்டுமனைப் பட்டா வழங்கவில்லை. எனவே, அருந்ததியர் வகுப்பைச் சேர்ந்த எங்களுக்கு இலவச வீட்டுமனைப் பட்டா உடனடியாக வழங்க நடவடிக்கை எடுக்க வேண்டும்.

 

]]>
http://www.dinamani.com/all-editions/edition-dharmapuri/namakkal/2018/nov/13/இலவச-வீட்டு-மனைப்-பட்டா-வழங்க-பொதுமக்கள்-கோரிக்கை-3037765.html
3037764 தருமபுரி நாமக்கல் விதிமுறைகளை மீறிய வாகன ஓட்டிகளுக்கு ரூ.18 ஆயிரம் அபராதம் DIN DIN Tuesday, November 13, 2018 03:22 AM +0530
பரமத்தி வேலூர் வட்டம், பரமத்தியில் வட்டாரப் போக்குவரத்துத் துறையினர் திங்கள்கிழமை நடத்திய வாகனத் தணிக்கையில் 9 வாகன ஓட்டிகளுக்கு ரூ.18 ஆயிரம் அபராதம் விதித்து நடவடிக்கை எடுத்துள்ளனர்.
சென்னை போக்குவரத்து ஆணையாளரின் உத்தரவின்படி நாமக்கல் வட்டார போக்குவரத்து அலுவலர் (தெற்கு) வெங்கடேசன் தலைமையிலான வட்டார போக்குவரத்து ஆய்வாளர் நித்யா, மாவட்ட செயலாக்கப் பிரிவு மோட்டார் வாகன ஆய்வாளர்கள் சரவணன், புஷ்பா மற்றும் போலீஸார் பரமத்தி அருகே வாகனத் தணிக்கையில் ஈடுபட்டனர். இதில் தலைக் கவசம் மற்றும் கார்களில் சீட் பெல்ட் அணியாமலும், அதிக பாரம் ஏற்றி வந்த வாகனங்கள், பிரதிபலிக்கும் பட்டைகள் ஓட்டாமலும் இயக்கியது உள்ளிட்ட 9 வாகனங்களுக்கு மொத்தம் ரூ.18 ஆயிரம் அபராதம் விதிக்கப்பட்டது. மேலும் இதர குற்றங்களுக்காக 29 வாகனங்களுக்கு ரூ.17 ஆயிரம் இணக்கக் கட்டனம் நிர்ணயிக்கப்பட்டு, வாகனத் தணிக்கை அறிக்கை வழங்கப்பட்டது. மேலும் ஓட்டுநர்களுக்கு சாலைப் பாதுகாப்பு குறித்த விழிப்புணர்வு ஏற்படுத்தினர்.

 

]]>
http://www.dinamani.com/all-editions/edition-dharmapuri/namakkal/2018/nov/13/விதிமுறைகளை-மீறிய-வாகன-ஓட்டிகளுக்கு-ரூ18-ஆயிரம்-அபராதம்-3037764.html
3037763 தருமபுரி நாமக்கல் அஞ்சல் ஊழியர்கள் உண்ணாவிரதப் போராட்டம் DIN DIN Tuesday, November 13, 2018 03:22 AM +0530
எழுத்தர் காலிப் பணியிடங்களை நிரப்ப வலியுறுத்தி அகில இந்திய அஞ்சல் ஊழியர் சங்கங்கள் சார்பில் உண்ணாவிரதப் போராட்டம் நடைபெற்றது.
நாமக்கல் கோட்ட அஞ்சல் கண்காணிப்பாளர் அலுவலகம் முன்பு திங்கள்கிழமை நடந்த உண்ணாவிரதப் போராட்டத்துக்கு சங்கத்தின் தலைவர்கள் நடராஜன், துரைசாமி ஆகியோர் தலைமை வகித்தனர். நாமக்கல் அஞ்சல் கோட்டத்தில் கடுமையான பணியாளர்கள் பற்றாக்குறை நிலவும் நிலையில், 2001-05ஆம் ஆண்டுகளில் விடுபட்டு போன 29 எழுத்தர் பணியிடங்களை உடனடியாக நிரப்ப வேண்டும். அதுவரை இடைக்கால ஏற்பாடாக தகுதி உள்ள கிராமப்புற அஞ்சல் ஊழியர்களைப் பயன்படுத்திக் கொள்ள அனுமதிக்க வேண்டும் என வலியுறுத்தி இந்த போராட்டம் நடைபெற்றது. இதில் நாமக்கல் கோட்ட ச்செயலர்கள் அன்பழகன், சுரேஷ், ஈஸ்வரன், திருச்செங்கோடு கிளைச் செயலர்கள் ராமச்சந்திரன், சம்பத்குமார், சுப்பிரமணியன் மற்றும் இந்திய அஞ்சல் ஊழியர் சங்கங்கள் நாமக்கல் கோட்ட கிளைகள் மற்றும் திருச்செங்கோடு கிளைகளைச் சேர்ந்த நிர்வாகிகள் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/nov/13/அஞ்சல்-ஊழியர்கள்-உண்ணாவிரதப்-போராட்டம்-3037763.html
3037756 தருமபுரி நாமக்கல் நிலுவை ஊதியம் வழங்கக் கோரி பெண் ஊழியர் திடீர் தர்னா DIN DIN Tuesday, November 13, 2018 03:19 AM +0530
நிலுவையில் உள்ள ஊதியத்தை வழங்கக் கோரியும் மற்றும் பணி நிரந்தரம் செய்யக்கோரியும் நாமக்கல் மாவட்ட அரசு தலைமை மருத்துவமனை வளாகத்தில் பெண் ஊழியர் ஒருவர் தர்னா போராட்டத்தில் ஈடுபட்ட ôர்.
நாமக்கல் அன்புநகரை சேர்ந்தவர் இளவரசி. இவர் நாமக்கல் மாவட்ட பார்வையிழப்பு தடுப்பு சங்கத்தில் ஒப்பந்த ஊழியராக பணிபுரிந்து வருகிறார். இந்நிலையில் கடந்த இரண்டு மாதங்களாக இவருக்கு ஊதியம் வழங்கப்படவில்லை எனக் கூறப்படுகிறது. இந்த நிலையில், திங்கள்கிழமை நாமக்கல் மாவட்ட அரசு தலைமை மருத்துவமனை வளாகத்தில் உள்ள சுகாதாரத் துறை நலப் பணிகள் இணை இயக்குநர் அலுவலகத்தில் திடீர் தர்னா போராட்டத்தில் ஈடுபட்டார்.
இதுகுறித்து அவர் தெரிவித்தது- கடந்த 2 மாதங்களாக ஊதியம் வழங்கவில்லை. சுகாதாரத் துறை அதிகாரிகள் ஊதியம் வழங்க மறுக்கின்றனர். எவ்விதப் பணியும் வழங்கப்படவில்லை. 2 மாதம் நிலுவையில் உள்ள ஊதியத்தை உடனடியாக வழங்க வேண்டும். பணி நிரந்தரம் செய்யவேண்டும் என்றார். பெண் ஊழியரின் திடீர் போராட்டத்தால் இணை இயக்குநர் அலுவலக வளாகத்தில் பரபரப்பு ஏற்பட்டது.
இதுகுறித்து நலப் பணிகள் இணை இயக்குநர் எல். உஷா கூறுகையில், நாமக்கல் மாவட்ட பார்வையிழப்பு தடுப்பு சங்கத்தில் தற்காலிக டேட்டா எண்ட்ரி ஆப்ரேட்டராக பணிபுரிகிறார். அவர் அரசு ஊழியர் கிடையாது. ஊதியமும் பார்வையிப்பு தடுப்பு சங்கம் மூலம் வழங்கப்படும். இணை இயக்குநர் அலுவலகத்தில் அவர் பணிபுரியவில்லை. பார்வையிழப்பு தடுப்புச் சங்கத்தை அவர் அணுக வேண்டும் என்றார்.

 

]]>
http://www.dinamani.com/all-editions/edition-dharmapuri/namakkal/2018/nov/13/நிலுவை-ஊதியம்-வழங்கக்-கோரி-பெண்-ஊழியர்-திடீர்-தர்னா-3037756.html
3037253 தருமபுரி நாமக்கல் இயல்பை விட குறைவான மழை: வடகிழக்குப் பருவ மழை கை கொடுக்குமா? DIN DIN Monday, November 12, 2018 09:28 AM +0530 நாமக்கல் மாவட்டத்தில் இதுவரை குறைந்தளவு மழையளவு பதிவாகியுள்ள நிலையில், தற்போது துவங்கியுள்ள வடகிழக்குப் பருவ மழையாவது கைகொடுக்க வேண்டும் என விவசாயிகள் எதிர்பார்த்துள்ளனர்.
 நாமக்கல் மாவட்டத்தில் தென்னை, கரும்பு, நெல், மக்காச்சோளம், சோளம், காய்கறி பயிர்கள் என ஒரு லட்சம் ஹெக்டேர் பரப்பளவில் பயிர் சாகுபடி செய்யப்பட்டு வருகிறது. 
 20 ஆண்டுகளுக்கு முன் வரை கார், ராபி(கோடை விவசாயம்) பருவம் எனப்படும் இரு போக சாகுபடி செய்யப்பட்டு வந்த நிலை மாறி ராபி பருவ விவசாயம் என்பது முழுமையாகக் குறைந்து வருகிறது. வழக்கமாக நாமக்கல் மாவட்டத்துக்கு வடகிழக்குப் பருவமழையே கைகொடுக்கும். கோடை மழை மற்றும் தென் மேற்குப் பருவமழை எதிர்பார்க்கும் அளவுக்கு இருக்காது. ஆனால் நிகழாண்டு கோடை மழை மற்றும் தென்மேற்குப் பருவமழையின் தொடக்கம் விவசாயிகளுக்கு நம்பிக்கை தரும் வகையில் இருந்தது.
மே மாதத்தில் பரவலாக கோடை மழை பெய்தது. இதுபோல் தென்மேற்குப் பருவமழை தொடங்கிய சில நாள்கள் மாவட்டம் முழுவதும் பரவலாக மழை பெய்தது. இதனால் மாவட்டத்தின் பல்வேறு பகுதிகளில் ஏரி, குளங்களுக்கு நீர்வர தொடங்கியது. பல ஆண்டுகளுக்குப்பின் நாமக்கல் மாவட்டத்தில் தென்மேற்குப் பருவமழை கணிசமாக பெய்ய தொடங்கியதால் விவசாயிகள் மகிழ்ச்சி அடைந்தனர். ஆனால், அதன்பிறகு ஏரி, குளங்களுக்கு நீர் வரும் வகையில் கன மழை இல்லாமல் போனது.
கடந்த சில ஆண்டுகளாக கோடை மழை, தென்மேற்குப் பருவ மழை ஆரம்பத்தில் கன மழையுடன் தொடங்கியதை நம்பி உழுவது, விதைப்பது உள்ளிட்ட பணிகளை செய்து விவசாயிகள் பாதிக்கப்பட்டனர்.
அதனால் நிகழ் ஆண்டு பெரும்பாலான விவசாயிகள் விவசாய பணிகளைத் தொடங்காமல் வடகிழக்குப் பருவமழையை மட்டுமே நம்பி காத்திருக்கின்றனர்.
இதுகுறித்து விவசாயிகள் கூறியது:
நாமக்கல் மாவட்டத்தின், சராசரி மழை அளவு 716.54 மி.மீ. நிகழாண்டில் அக்டோபர் மாதம் வரை 557.28 மி.மீ. மழை பெய்திருக்க வேண்டும். ஆனால், 456.68 மி.மீ மழை பதிவாகியுள்ளது. இயல்பை விட சுமார் 100 மி.மீ அளவுக்கு மழை குறைவாக பெய்துள்ளது.
கோடை மழை அதிக அளவில் பெய்வதுபோல் தொடங்கி பிறகு பெய்யாமல் போனது. அதுபோல் தென் மேற்கு பருவமழையும் விவசாயத்துக்குத் தேவையான அளவு இல்லை. இதனால் வடகிழக்குப் பருவமழையை மட்டுமே நம்பி உள்ளோம்.  பல ஆண்டுகளாக வறட்சி நிலவி வரும் நிலையில், நிகழ் ஆண்டு வடகிழக்குப் பருவமழை கூடுதலாக பெய்யும் என்ற அறிவிப்பு மகிழ்ச்சி அளிக்கிறது என்றனர்.

]]>
http://www.dinamani.com/all-editions/edition-dharmapuri/namakkal/2018/nov/12/இயல்பை-விட-குறைவான-மழை-வடகிழக்குப்-பருவ-மழை-கை-கொடுக்குமா-3037253.html