Dinamani - நாமக்கல் - http://www.dinamani.com/all-editions/edition-dharmapuri/namakkal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2846059 தருமபுரி நாமக்கல் முத்துகாப்பட்டியில் நாட்டு மாடுகள் அணிவகுப்பு  நாமக்கல், DIN Wednesday, January 17, 2018 09:52 AM +0530 நாமக்கல் முத்துகாப்பட்டியில் நாட்டு மாடுகள் அணிவகுப்பும், கோ பூஜையும் செவ்வாய்க்கிழமை நடைபெற்றன.
 நாமக்கல் அருகே முத்துகாப்பட்டி கிராமத்தில் பொங்கல் விழாவையொட்டி, கொங்குதேச கலாசார வரலாற்று ஆய்வு மையம் சார்பில், 3-ஆம் ஆண்டு கோ பூஜை, நாட்டு மாடுகள் அணிவகுப்பு நிகழ்ச்சி செவ்வாய்க்கிழமை நடந்தது.
 உலக நன்மைக்காகவும், சகலதோஷங்கள் நீங்கவும் நடைபெற்ற கோ பூஜையை சுகவனம் குருக்கள் தலைமை வகித்து நடத்தி வைத்தார்.
 முத்துகாப்பட்டி ஜமீன்தார் பிரசன்ன சிதம்பரம் முன்னிலை வகித்தார். இதில் 20-க்கும் மேற்பட்ட நாட்டு மாடுகள், சிறப்பு அலங்காரத்துடன், மாலை அணிவிக்கப்பட்டு அணிவகுத்து நின்றது. பொதுமக்கள் மாடுகளுக்கு பழங்கள், பூக்கள், அகத்திக் கீரை மற்றும் தானியங்களை வழங்கினர். தொடர்ந்து நாட்டுப் பசுக்கள் அணிவகுப்பும், தமிழரின் கலையான சிலம்பாட்டமும் நடைபெற்றன.
 
 
 

]]>
http://www.dinamani.com/all-editions/edition-dharmapuri/namakkal/2018/jan/17/முத்துகாப்பட்டியில்-நாட்டு-மாடுகள்-அணிவகுப்பு-2846059.html
2846042 தருமபுரி நாமக்கல் காணும் பொங்கல்: பொதுமக்கள் உற்சாகக் கொண்டாட்டம்  குமாரபாளையம், DIN Wednesday, January 17, 2018 09:46 AM +0530 குமாரபாளையம் நகராட்சிப் பூங்காவில் உறவினர்கள், நண்பர்களுடன் திரண்ட பொதுமக்கள் காணும் பொங்கலை செவ்வாய்க்கிழமை உற்சாகமாகக் கொண்டாடினர். இதனால், அப்பகுதி முழுவதும் மக்கள் கூட்டமாகக் காணப்பட்டது.
 பொங்கல் பண்டிகையின் நிறைவுநாளான காணும் பொங்கலை பொதுமக்கள் நதிக்கரையோரங்கள், சுற்றுலா தலங்கள் மற்றும் பொழுதுபோக்குப் பூங்காக்களில் திரண்டு விமரிசையாகக் கொண்டாடுவது வழக்கம். நிகழ் ஆண்டு குமாரபாளையம், சுற்றுவட்டாரப் பகுதிகளைச் சேர்ந்த பொதுமக்கள் சின்னப்பநாயக்கன் பாளையத்தில் உள்ள நகராட்சிப் பூங்காவுக்கு திரண்டு வந்தனர்.
 இதனால், நண்பகல் முதலே பூங்கா வளாகத்தில் மக்கள் கூட்டமாகக் காணப்பட்டது. புல்வெளிகளில் குடும்பத்துடன் அமர்ந்து பேசியும், விளையாடியும் பொழுதைக் கழித்தனர்.
 சிறுவர், சிறுமியர் பூங்காவில் உள்ள விளையாட்டுத் சாதனங்களில் உற்சாகமாக விளையாடினர். உணவுப் பொருள்கள், நொருக்குத் தீனிகளுடன் குவிந்த பொதுமக்கள் உறவினர்கள், நண்பர்களுடன் உண்டும், ஒருவருக்கொருவர் கொடுத்தும் மகிழ்ந்தனர்.
 காணும் பொங்கல் விழாவை பொதுமக்கள் பூங்காவில் உற்சாகமாகக் கொண்டாடியதால் அப்பகுதியில் மக்கள் நடமாட்டமாகவே காட்சியளித்தது.
 
 

]]>
http://www.dinamani.com/all-editions/edition-dharmapuri/namakkal/2018/jan/17/காணும்-பொங்கல்-பொதுமக்கள்-உற்சாகக்-கொண்டாட்டம்-2846042.html
2846041 தருமபுரி நாமக்கல் காந்தமலை முருகன் கோயிலில் ஜன.31-இல் தைப்பூச தேரோட்டம்  நாமக்கல் DIN Wednesday, January 17, 2018 09:45 AM +0530 மோகனூர் காந்தமலை பாலதண்டாயுத பாணி சுவாமி கோயில் தைப்பூச தேரோட்ட விழா வரும் 31-ஆம் தேதி நடைபெறவுள்ளது.
 மோகனூர் காந்தமலை பால தண்டாயுதபாணி சுவாமி கோயில் தைப்பூச தேர் திருவிழா வரும் 22-ஆம் தேதி துவங்குகிறது. 23-ஆம் தேதி காலை 7 மணிக்கு கொடியேற்றம், அபிஷேகம், 24 ஆம் தேதி முதல் 30-ஆம் தேதி வரை காலை அபிஷேகம், மாலை, யானை, மயில், குதிரை வாகனத்தில் சுவாமி வீதி உலா நடைபெறும்.
 29-ஆம் தேதி மாலை திருக்கல்யாணம், 31-ஆம் தேதி காலை 11 மணிக்கு சுவாமி திருத்தேரில் எழுந்தருளல், தொடர்ந்து தேர் வடம் பிடித்து இழுக்கப்படுகிறது. அன்று சந்திரகிரகணம் என்பதால் மாலை 4 மணிக்கு கோயில் நடை சாத்தப்படுகிறது. பிப்ரவரி 1 ஆம் தேதி காலை, அபிஷேகம், சத்தாபரணம், மாலை, குதிரை வாகனத்தில் வீதி உலா, 2ஆம் தேதி காலை, விடையாற்றி, 3ஆம் தேதி அன்னதானம், மயில் வாகனத்தில் உலா, 4ஆம் தேதி காலை காவிரி ஆற்றில் திருமஞ்சனம், காவடி ஆட்டம் நடைபெறுகிறது.
 
 
 

]]>
http://www.dinamani.com/all-editions/edition-dharmapuri/namakkal/2018/jan/17/காந்தமலை-முருகன்-கோயிலில்-ஜன31-இல்-தைப்பூச-தேரோட்டம்-2846041.html
2846040 தருமபுரி நாமக்கல் முத்துகாப்பட்டியில் நாட்டு மாடுகள் அணிவகுப்பு  நாமக்கல், DIN Wednesday, January 17, 2018 09:45 AM +0530 நாமக்கல் முத்துகாப்பட்டியில் நாட்டு மாடுகள் அணிவகுப்பும், கோ பூஜையும் செவ்வாய்க்கிழமை நடைபெற்றன.
 நாமக்கல் அருகே முத்துகாப்பட்டி கிராமத்தில் பொங்கல் விழாவையொட்டி, கொங்குதேச கலாசார வரலாற்று ஆய்வு மையம் சார்பில், 3-ஆம் ஆண்டு கோ பூஜை, நாட்டு மாடுகள் அணிவகுப்பு நிகழ்ச்சி செவ்வாய்க்கிழமை நடந்தது.
 உலக நன்மைக்காகவும், சகலதோஷங்கள் நீங்கவும் நடைபெற்ற கோ பூஜையை சுகவனம் குருக்கள் தலைமை வகித்து நடத்தி வைத்தார்.
 முத்துகாப்பட்டி ஜமீன்தார் பிரசன்ன சிதம்பரம் முன்னிலை வகித்தார். இதில் 20-க்கும் மேற்பட்ட நாட்டு மாடுகள், சிறப்பு அலங்காரத்துடன், மாலை அணிவிக்கப்பட்டு அணிவகுத்து நின்றது. பொதுமக்கள் மாடுகளுக்கு பழங்கள், பூக்கள், அகத்திக் கீரை மற்றும் தானியங்களை வழங்கினர். தொடர்ந்து நாட்டுப் பசுக்கள் அணிவகுப்பும், தமிழரின் கலையான சிலம்பாட்டமும் நடைபெற்றன.
 

]]>
http://www.dinamani.com/all-editions/edition-dharmapuri/namakkal/2018/jan/17/முத்துகாப்பட்டியில்-நாட்டு-மாடுகள்-அணிவகுப்பு-2846040.html
2846038 தருமபுரி நாமக்கல் ராசிபுரம் அருகே அனுமதியின்றி எருதாட்டம்: தடுக்கச் சென்ற வி.ஏ.ஓ. காயம்  ராசிபுரம், DIN Wednesday, January 17, 2018 09:44 AM +0530 நாமக்கல் மாவட்டம், ராசிபுரம் அருகே நாரைக்கிணறு பகுதியில் பொங்கல் விழாவையொட்டி அனுமதியின்றி நடைபெற்ற எருதாட்ட நிகழ்ச்சியை நிறுத்தச் சென்ற கிராம நிர்வாக அலுவலர் காளை முட்டியதில் காயமடைந்தார்.
 நாரைக்கிணறு பகுதியில் ஆண்டுதோறும் பொங்கல் விழாவையொட்டி ஜல்லிக்கட்டு, எருதாட்டம் போன்றவை நடைபெறும். இந்த நிலையில், செவ்வாய்க்கிழமை கிராமத்தில் எருதாட்டம் நடத்தப்பட்டது.
 இந் நிகழ்ச்சிக்கு காவல் துறையினரிடம் அனுமதி பெறவில்லை என்பதால், ஆயில்பட்டி காவல் துறையினர், கிராம நிர்வாக அலுவலர் முருகேசன் ஆகியோர் கிராமத்துக்குச் சென்று பொதுமக்களிடம் பேச்சு நடத்தினர்.
 அப்போது எருதாட்டத்தில் பங்கேற்ற காளை ஒன்று திடீரென ஓடிவந்து பேசிக் கொண்டிருந்த நாரைக்கிணறு கிராம நிர்வாக அலுவலர் முருகேசனை முட்டித் தள்ளியது. இதில் படுகாயமடைந்த அவர், ராசிபுரம் தனியார் மருத்துவமனையில் அனுமதிக்கப்பட்டார். அங்கு அவருக்கு சிகிச்சை அளிக்கப்பட்டது. இதுகுறித்து போலீஸார் விசாரணை நடத்தி வருகின்றனர்.
 
 

]]>
http://www.dinamani.com/all-editions/edition-dharmapuri/namakkal/2018/jan/17/ராசிபுரம்-அருகே-அனுமதியின்றி-எருதாட்டம்-தடுக்கச்-சென்ற-விஏஓ-காயம்-2846038.html
2846037 தருமபுரி நாமக்கல் ஒசக்கோட்டை ஸ்ரீ செளடேஸ்வரி அம்மன் கோயிலில் தை அமாவாசை பெருவிழா  நாமக்கல் DIN Wednesday, January 17, 2018 09:44 AM +0530 ஒசக்கோட்டை ஸ்ரீ செளடேஸ்வரி அம்மன் கோயிலில் தை அமாவாசை பெருவிழா செவ்வாய்க்கிழமை நடைபெற்றது.
 நாமக்கல் மாவட்டம், ஒசக்கோட்டையில் தேவாங்கர் சமூகத்துக்குப் பாத்தியப்பட்ட ஸ்ரீ செளடேஸ்வரி அம்மன் கோயிலில் ஆண்டுதோறும் தை அமாவாசை நாளில் தொட்டு அப்ப பெருவிழா நடைபெறும். நிகழ் ஆண்டு கடந்த 14-ஆம் தேதி ஸ்ரீ விநாயகர் பூஜையுடன் விழா துவங்கியது. 15-ஆம் தேதி மகா சண்டி யாக பூஜைகள் நடைபெற்றன.
 தை அமாவாசையை முன்னிட்டு செவ்வாய்க்கிழமை காலை 7 மணிக்கு கோ மாதா பூஜையும், 8 மணிக்கு அம்மனுக்கு மாங்கல்ய தாரணமும் நடைபெற்றன. தொடர்ந்து திருமஞ்சனம் மற்றும் சக்தி அழைப்பு, சாமுண்டி அழைப்பு, மகரஜோதி அழைப்பு பூஜைகள் நடைபெற்றன.
 விழாவில் வீரகுமாரர்கள் கத்திப்போட்டு வலம் வரும் நிகழ்ச்சியும், சாமுண்டிக் கோலாட்டக் குழுவினரின் கோலாட்ட நிகழ்ச்சியும், மாயா சிலம்பம் பவுண்டேஷன் சார்பில் சிலம்பாட்டமும் நடைபெற்றன. பக்தர்களுக்கு அன்னதானம் வழங்கப்பட்டது.
 புதன்கிழமை வசந்த உற்சவம் எனும் மஞ்சள் நீர் விழா நடைபெறுகிறது.
 விழாவை முன்னிட்டு சேலம், நாமக்கல், சிங்களாந்தபுரம், எலச்சிப்பாளையம், கொமாரபாளையம், வி.புதூர், கல்லாங்காடு, வி.நகர், ராசிபுரம், பெரியமணலி, குமரவேலிபாளையம், கொண்டப்பநாய்க்கன்பட்டி, மணலி, ஜேடர்பாளையம், பரமத்திவேலூர், பள்ளிபாளையம், பெருமாகவுண்டம்பட்டி பகுதிகளைச் சேர்ந்த வீரகுமாரர்கள் நடைப்பயணமாக கோயிலுக்கு வந்தனர். ஏற்பாடுகளை கோயில் நிர்வாகி சந்தானகிருஷ்ணராஜ் மற்றும் விழாக் குழுவினர் செய்திருந்தனர்.

]]>
http://www.dinamani.com/all-editions/edition-dharmapuri/namakkal/2018/jan/17/ஒசக்கோட்டை-ஸ்ரீ-செளடேஸ்வரி-அம்மன்-கோயிலில்-தை-அமாவாசை-பெருவிழா-2846037.html
2846035 தருமபுரி நாமக்கல் மாநில அளவிலான பெண்கள் கபடி போட்டி: 18 அணிகள் பங்கேற்பு  நாமக்கல், DIN Wednesday, January 17, 2018 09:43 AM +0530 தூசூர் இளம்புலி ஸ்போர்ட்ஸ் கிளப் சார்பில், நடைபெற்ற மாநில அளவிலான பெண்கள் கபடிப் போட்டியில் 18 அணிகள் பங்கேற்றன.
 நாமக்கல் அருகே தூசூரில் ஆண்டுதோறும் பொங்கல் விழாவை முன்னிட்டு, பரணி ராஜன் நினைவாக கபடிப் போட்டி நடைபெறும். நிகழ் ஆண்டு பொங்கலை முன்னிட்டு, பெண்கள் கபடி போட்டி தூசூர் மாரியம்மன் கோயில் திடலில் திங்கள்கிழமை நடைபெற்றது.
 இளம்புலி ஸ்போர்ட்ஸ் கிளப் செயலர் அருணகிரி போட்டிகளைத் துவக்கி வைத்தார். சென்னை, கோவை, சேலம், பொள்ளாச்சி, திருச்சி, உடுமலைப்பேட்டை, குமாரபாளையம் ஆகிய பகுதிகளைச் சேர்ந்த 18 அணிகள் போட்டிகளில் கலந்து கொண்டு விளையாடின. வெற்றிபெற்ற அணிகளுக்கு பரிசு மற்றும் சான்றிதழ்கள் வழங்கப்பட்டன.
 முன்னதாக இளம்புலி ஸ்போர்ட்ஸ் கிளப் சார்பில் மாநில அளவிலான வாலிபால் போட்டிகள் 2 நாள்கள் நடைபெற்றன. தமிழகம் முழுவதும் இருந்து 15-க்கும் மேற்பட்ட அணிகள் இப்போட்டியில் கலந்து கொண்டன.
 இதில் கோபிசெட்டிபாளையம் பிகேஆர் அணி முதலிடத்தையும், சென்னை ஜிகேஎம் அணி இரண்டாம் இடத்தையும், சென்னை சிவந்தி அணி மூன்றாம் இடத்தையும் பெற்றன. போட்டிகளில் வெற்றி பெற்றவர்களுக்கு பரிசு மற்றும் சான்றிதழ்கள் வழங்கப்பட்டன. சுற்றுவட்டாரப் பகுதியைச் சேர்ந்த பொதுமக்கள் பலர் போட்டியைக் கண்டு ரசித்தனர். செந்தில்குமார், கனகராஜூ ஆகியோர் நன்றி கூறினர்.
 

]]>
http://www.dinamani.com/all-editions/edition-dharmapuri/namakkal/2018/jan/17/மாநில-அளவிலான-பெண்கள்-கபடி-போட்டி-18-அணிகள்-பங்கேற்பு-2846035.html
2846034 தருமபுரி நாமக்கல் பாண்டமங்கலம் பிரசன்ன வெங்கட்ரமண சுவாமி கோயில் தேர் திருவிழா துவங்கியது  பரமத்திவேலூர், DIN Wednesday, January 17, 2018 09:43 AM +0530 பரமத்திவேலூர் அருகே பாண்டமங்கலம் பிரசன்ன வெங்கட்ரமண சுவாமி கோயில் தேர் திருவிழா செவ்வாய்க்கிழமை கொடியேற்றத்துடன் துவங்கியது.
 பாண்டமங்கலத்தில் பஞ்சபாண்டவர்கள் வழிபட்ட பிரசித்தி பெற்ற வெங்கட்ரமண சுவாமி கோயில் உள்ளது. மைசூர் மகாராஜாவுக்கு ஏற்பட்ட வயிற்றுவலி குணமானதால் இக் கோயிலுக்கென ஒரு தேரை செய்து வழங்கினார். இக் கோயில் தேர் திருவிழா செவ்வாய்க்கிழமை கொடியேற்றத்துடன் துவங்கியது.
 விழா நாள்களில் வரும் 21-ஆம் தேதிவரை இரவு அன்னம், சிம்மம்,அனுமந்தம், சேஷ, யானை வாகனங்களில் சுவாமி திருவீதி உலா வரும் நிகழ்ச்சி நடைபெறுகிறது. 22-ஆம் தேதி காலை 8 மணிக்கு மேல் பல்லக்கு உற்சவமும், மாலை 6 மணிக்கு திருக்கல்யாண உற்சவமும், இரவு 7 மணிக்கு புஷ்ப விமானத்தில் சுவாமி புறப்பாடும் நடைபெறுகிறது.
 23-ஆம் தேதி குதிரை வாகனத்தில் திருவீதி வருதல், 24-ஆம் தேதி அதிகாலை 4.30 மணிக்கு மேல் 5.30 மணிக்குள் சுவாமி திருத்தேருக்கு எழுந்தருளல், மாலை 4 மணிக்கு திருத்தேர் திருவீதி உலா வரும் நிகழ்ச்சி ஆகியவை நடைபெறுகின்றன.
 25-ஆம் தேதி வராஹ புஷ்கரணியில் தீர்த்தவாரி சக்கராஸ்நானமும், 26-ஆம் தேதி வசந்த உற்சவமும், 27-ஆம் தேதி புஷ்ப யாகமும், 28-ஆம் தேதி கருட உற்சவமும் நடைபெறுகின்றன.
 ஏற்பாடுகளை பாண்டமங்கலம் பிரசன்ன வெங்கட்ரமண சுவாமி கோயில் செயல் அலுவலர், விழாக் குழுவினர் செய்து வருகின்றனர்.

]]>
http://www.dinamani.com/all-editions/edition-dharmapuri/namakkal/2018/jan/17/பாண்டமங்கலம்-பிரசன்ன-வெங்கட்ரமண-சுவாமி-கோயில்-தேர்-திருவிழா-துவங்கியது-2846034.html
2846032 தருமபுரி நாமக்கல் முட்டை விலை DIN DIN Wednesday, January 17, 2018 09:42 AM +0530 நாமக்கல் மண்டல தேசிய முட்டை ஒருங்கிணைப்புக் குழு செவ்வாய்க்கிழமை அறிவித்த முட்டை பண்ணைக் கொள்முதல் விலை நாமக்கல்லில் ரூ. 3.95, சென்னையில் ரூ. 4.05.
கறிக்கோழி விலை
 பல்லடம் பிராய்லர் ஒருங்கிணைப்புக் குழு செவ்வாய்க்கிழமை அறிவித்த கறிக்கோழி பண்ணைக் கொள்முதல் விலை கிலோ ரூ. 79, முட்டைக்கோழி கிலோ ரூ.60.
 

]]>
http://www.dinamani.com/all-editions/edition-dharmapuri/namakkal/2018/jan/17/முட்டை-விலை-2846032.html
2846030 தருமபுரி நாமக்கல் வறட்சி தடுப்பு நடவடிக்கைகளை அரசு தொடங்க வேண்டும்: செ. நல்லசாமி  நாமக்கல் DIN Wednesday, January 17, 2018 09:42 AM +0530 தமிழக அரசு வறட்சி தடுப்பு நடவடிக்கைகளைத் தொடங்க வேண்டும் என தமிழ்நாடு விவசாயிகள் சங்கங்களின் கூட்டமைப்புச் செயலர் செ. நல்லசாமி தெரிவித்தார்.
 நாமக்கல்லில் அவர் செய்தியாளர்களுக்கு செவ்வாய்க்கிழமை அளித்த பேட்டி:
 காவிரி நடுவர் மன்றத்தின் தவறான தீர்ப்பு தமிழகத்தை கர்நாடகத்திடம் தண்ணீருக்கு கெஞ்ச வேண்டிய நிலைக்கு தள்ளி உள்ளது. தினசரி நீர்ப் பங்கீட்டு முறை என தீர்ப்பு திருத்தப்பட்டிருக்க வேண்டும். எனவே, உச்ச நீதிமன்றத்தில் சீராய்வு மனுவை தமிழக அரசு தாக்கல் செய்ய வேண்டும்.
 அதற்கு முன் விவசாய சங்கங்கள், அரசியல் கட்சிகளுடன் கருத்து கேட்புக் கூட்டத்தை நடத்த வேண்டும்.
 கர்நாடக அரசு, காவிரியில் வரக்கூடிய நீரை விகிதாச்சார அடிப்படையில் அந்தந்த மாநிலங்களுக்கு தினசரி பிரித்துக் கொடுக்க வேண்டும். தமிழகத்தில் கடந்த ஆண்டைப் போலவே நிகழாண்டும் வறட்சி தாண்டவமாடும் அபாயம் உள்ள நிலையில், வறட்சியைத் தடுப்பதற்கான முன்னேற்பாட்டை அரசு தொடங்க வேண்டும் என்றார்.

]]>
http://www.dinamani.com/all-editions/edition-dharmapuri/namakkal/2018/jan/17/வறட்சி-தடுப்பு-நடவடிக்கைகளை-அரசு-தொடங்க-வேண்டும்-செ-நல்லசாமி-2846030.html
2846028 தருமபுரி நாமக்கல் ராசிபுரம் பள்ளிகளில் ஆண்டு விழா  ராசிபுரம், DIN Wednesday, January 17, 2018 09:41 AM +0530 ராசிபுரம் வித்யாபாரதி மாடர்ன் மற்றும் நர்சரி பள்ளியின் ஆண்டு விழா அண்மையில் நடைபெற்றது.
 இதில் பள்ளித் தலைவர் எஸ். பாலாஜி தலைமை வகித்தார். பள்ளிச் செயலர் எஸ். கதிரேசன் சிறப்பு விருந்தினருக்கு நினைவு பரிசளித்தார். திருச்சி என்.ஐ.டி. பேராசிரியர் சி. சத்தியநாராயணன் சிறப்பு விருந்தினராகப் பங்கேற்றுப் பேசினார். பள்ளித் தாளாளர் எஸ். லாவண்யா பள்ளியின் ஆண்டறிக்கை வாசித்தார். விழாவில் சிறந்த மாணவர்கள், ஆசிரியர்கள் பாராட்டி கௌரவிக்கப்பட்டனர். மாணவ, மாணவியர்களின் கலை நிகழ்ச்சிகள் நடைபெற்றது.
 வாசவி வித்யாலயா: இதேபோல் ராசிபுரம் வாசவி வித்யாலயா மெட்ரிக் பள்ளியில் நடைபெற்ற 32-வது ஆண்டு விழாவில், பள்ளித் தலைவர் பி.வி.ஆர்.ராஜசேகரன் தலைமை வகித்தார். இணைச்செயலர் எம்.சம்பத் வரவேற்றார். பள்ளி முதல்வர் சி.கிருஷ்ணராஜ் ஆண்டறிக்கை வாசித்தார். சிறப்பு விருந்தினராக சேலம் ஏ.வி.ஆர்.கும்பகோணம் சில்வர் ஷாப் உரிமையாளர் ஏ.எஸ்.ரமேஷ் பங்கேற்று பேசினார். பள்ளி செயலர் எஸ்.சுந்தரேஸ்வர் குப்தா சிறப்பு விருந்தினரை அறிமுகம் செய்து வைத்துப் பேசினார். விழாவில் தேர்வில் சிறப்பிடம் பெற்ற மாணவர்கள் பாராட்டி பரிசளிக்கப்பட்டனர்.
 
 

]]>
http://www.dinamani.com/all-editions/edition-dharmapuri/namakkal/2018/jan/17/ராசிபுரம்-பள்ளிகளில்-ஆண்டு-விழா-2846028.html
2846027 தருமபுரி நாமக்கல் சாலை பாதுகாப்பு விழிப்புணர்வு பேரணி  பரமத்திவேலூர், DIN Wednesday, January 17, 2018 09:40 AM +0530 பரமத்திவேலூர் ஜூனியர் சேம்பர் சங்கம் சார்பில், நடைபெற்ற 29-ஆவது சாலை பாதுகாப்பு விழிப்புணர்வுப் பேரணியை பரமத்தி வேலூர் காவல்துறை துணைக் கண்காணிப்பாளர் சுஜாதா துவக்கி வைத்தார்.
 பேரணியில் 100-க்கும் மேற்பட்டோர் தலைக் கவசம் அணிந்து இருசக்கர வாகனத்தில் ஊர்வலமாகச் சென்று விழிப்புணர்வு ஏற்படுத்தினர்.
 கல்லூரி சாலை முன்பு துவங்கிய பேரணிக்கு ஜூனியர் சேம்பர் சங்கத்தின் மண்டல துணைத் தலைவர் சரவணன் தலைமை வகித்தார்.
 பரமத்தி வேலூர் சங்கத் தலைவர் தேவசெங்கோட்டுவேல் வரவேற்றார். செயலாளர் பிரபாகரன் முன்னிலை வகித்தார். பரமத்திவேலூர் காவல்துறை துணைக் கண்காணிப்பாளர் சுஜாதா, ஆய்வாளர் லட்சுமணகுமார் ஆகியோர் சிறப்பு விருந்தனர்களாகக் கலந்து கொண்டு இருசக்கர வாகனங்களின் முகப்பு விளக்குகளுக்கு கருப்பு நிற வில்லைகளை ஒட்டினர்.
 பின்னர் சாலையில் பாதுகாப்பாக பயணம் செய்வது குறித்தும், தலைக்கவசத்தின் அவசியம் குறித்து வாகன ஓட்டிகளிடையே விழிப்புணர்வு ஏற்படுத்தினார்.
 பேரணியை பரமத்தி வேலூர் காவல்துறை துணை கண்காணிப்பாளர் சுஜாதா துவக்கி வைத்தார். பேரணியில் 100-க்கும் மேற்பட்டோர் இரு சக்கர வாகனத்தில் தலைக்கவசம் அணிந்து பரமத்தி வேலூரின் முக்கிய வீதிகள் வழியாக சென்று விழிப்புணர்வு ஏற்படுத்தினர். பேரணி பரமத்தி வேலூர் அண்ணா சிலை அருகே நிறைவு பெற்றது.
 
 

]]>
http://www.dinamani.com/all-editions/edition-dharmapuri/namakkal/2018/jan/17/சாலை-பாதுகாப்பு-விழிப்புணர்வு-பேரணி-2846027.html
2846026 தருமபுரி நாமக்கல் படைவீடு அரசுப் பள்ளி மாணவ, மாணவியருக்குப் பாராட்டு  குமாரபாளையம் DIN Wednesday, January 17, 2018 09:40 AM +0530 குமாரபாளையத்தை அடுத்த படை வீடு அரசு உயர்நிலைப் பள்ளியில் அதிக மதிப்பெண் பெற்ற மாணவ, மாணவியரைப் பாராட்டி அண்மையில் பரிசுகள் வழங்கப்பட்டன.
 இப் பள்ளியில் அதிக மதிப்பெண் பெற்ற மாணவர்களை ஊக்குவிக்கும் வகையில் பத்தாம் வகுப்பு, அரையாண்டுத் தேர்வில் முதல் மூன்று இடங்களைப் பிடித்த மு. யோகேஸ்வரி, க. பவித்ரா, ச.கவின் ஆகியோருக்குப் பரிசுகள் வழங்கப்பட்டன.
 ஈரோடு நடுநகர் ரோட்டரி சங்கத் தலைவர் க. விஸ்வநாதன், மண்டலச் செயலர் பி.எம். பக்தவச்சலம், செயலர் எம்.கே. கோபி ஆகியோர் வாழ்த்துத் தெரிவித்தனர்.
 தலைமையாசிரியர் ந. பிரபாகரன் இந்நிகழ்ச்சிக்குத் தலைமை வகித்தார். உதவித் தலைமையாசிரியர் ப. வாசுதேவன் வரவேற்றார். ஆசிரியைகள் கா.கலைமகள், ச.நாகரத்தினம், ஐ.அனந்தநாயகி, த. நிர்மலா, ம. பிரியங்கா, ஆய்வக உதவியாளர் பூ. ஜெய்கீதா, கா.சர்மிளாதேவி உள்ளிட்ட பலர் கலந்து கொண்டனர். மேலும், மாணவ, மாணவியருக்கு பகவத்கீதை நூல் வழங்கப்பட்டது.
 
 

]]>
http://www.dinamani.com/all-editions/edition-dharmapuri/namakkal/2018/jan/17/படைவீடு-அரசுப்-பள்ளி-மாணவ-மாணவியருக்குப்-பாராட்டு-2846026.html
2846025 தருமபுரி நாமக்கல் சட்டையம்புதூரில் கோலப்போட்டி  திருச்செங்கோடு, DIN Wednesday, January 17, 2018 09:39 AM +0530 சட்டையம்புதூர் தைப்பொங்கல் விழாக்குழுவின் சார்பில் பெண்களுக்கான கோலப்போட்டி செவ்வாய்க்கிழமை நடைபெற்றது.
 இக் கோலப்போட்டியில் ஏராளமான பெண்கள் கலந்து கொண்டு தங்களுக்கு ஒதுக்கப்பட்ட இடத்தில் புள்ளி வைத்த கோலங்களை வரைந்தனர். கோலங்களுக்கு வண்ணப்பொடிகளால் நேர்த்தியாக அழகுபடுத்தி இருந்தனர். ஒரு மணிநேர கால அளவில் கோலங்களை முழுமையாகப் போட்டவர்கள் தேர்ந்தெடுக்கப்பட்டனர்.
 அவர்களில் சிறப்பாக கோலமிட்ட ரேவதிசிவக்குமார், நாகஜோதி ஆறுமுகம், ரமேஷ் மகள் ரம்யா ஆகியோர் சிறப்பிடம் பெற்றனர். அவர்களுக்கு தைப்பொங்கல் விழாக்குழு சார்பில் பரிசுகள் வழங்கப்பட்டன. கோலப்போட்டியை ஏராளமான பெண்களும் பொதுமக்களும் கண்டு ரசித்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/17/சட்டையம்புதூரில்-கோலப்போட்டி-2846025.html
2846023 தருமபுரி நாமக்கல் திருவள்ளுவர் தினத்தன்று மதுபானம் விற்ற 15 பேர் கைது: 380 மதுப்புட்டிகள் பறிமுதல்  நாமக்கல், DIN Wednesday, January 17, 2018 09:39 AM +0530 நாமக்கல் மாவட்டத்தில் திருவள்ளுவர் தினத்தன்று மதுபானம் விற்பனை செய்த 15 பேர் கைது செய்யப்பட்டனர். அவர்களிடம் இருந்து 380 மதுப்புட்டிகள் பறிமுதல் செய்யப்பட்டன.
 திருவள்ளுவர் தினத்தை முன்னிட்டு திங்கள்கிழமை மதுபான கடைகளை மூட அரசு உத்தரவிட்டிருந்தது. இந்த உத்தரவை மீறி யாராவது மது விற்பனையில் ஈடுபடுகிறார்களா? என மாவட்ட காவல் கண்காணிப்பாளர் அர. அருளரசு உத்தரவின் பேரில் கூடுதல் காவல் கண்காணிப்பாளர் எஸ். செந்தில் மேற்பார்வையில் மதுவிலக்கு போலீஸார் தீவிர சோதனையில் ஈடுபட்டனர்.
 நாமக்கல் மதுவிலக்கு அமலாக்கப் பிரிவு போலீஸார் நடத்திய சோதனையில் தடையை மீறி மது விற்பனை செய்த தனபால் (45), கணேசன் (48), சுரேஷ் (35), ஜானகிராமன் (30), ரவி (39), பொன்னுசாமி (48), முத்து (48), ஆனந்த் (25) என 8 பேர் கைது செய்யப்பட்டனர்.
 அவர்களிடமிருந்து 105 மதுப்புட்டிகள், மதுவைக் கடத்த பயன்படுத்திய 3 இரு சக்கர வாகனங்களை போலீஸார் பறிமுதல் செய்தனர். இதேபோல் திருச்செங்கோடு மதுவிலக்கு அமலாக்கப் பிரிவு போலீஸார் நடத்திய சோதனையில் தடையை மீறி மது விற்பனை செய்த 7 பேர் கைது செய்யப்பட்டனர்.
 அவர்களிடம் இருந்து 275 மதுப்புட்டிகளும், 2 இருசக்கர வாகனங்களும் பறிமுதல் செய்யப்பட்டன. மொத்தமாக திருவள்ளுவர் தினத்தை முன்னிட்டு தடையை மீறி மது விற்பனை செய்த 15 பேரைக் கைது செய்த போலீஸார் அவர்களிடம் இருந்து 380 மதுப்புட்டிகளைப் பறிமுதல் செய்தனர்.
 
 

]]>
http://www.dinamani.com/all-editions/edition-dharmapuri/namakkal/2018/jan/17/திருவள்ளுவர்-தினத்தன்று-மதுபானம்-விற்ற-15-பேர்-கைது-380-மதுப்புட்டிகள்-பறிமுதல்-2846023.html
2846022 தருமபுரி நாமக்கல் ஊனாங்கால்பட்டியில் மாடு பூ தாண்டும் நிகழ்ச்சி  நாமக்கல், DIN Wednesday, January 17, 2018 09:38 AM +0530 மோகனூர் அருகே ஊனாங்கால்பட்டியில் மாடு பூ தாண்டும் நிகழ்ச்சி செவ்வாய்க்கிழமை நடைபெற்றது.
 மோகனூர் ஒன்றியம், ஊனாங்கால்பட்டி, ஒத்தையூர், நல்லையம்பட்டி, மேலப்பட்டி, தொட்டிப்பட்டி, மேலப்பட்டி, வடக்குப்பட்டி ஆகிய கிராமங்களில் தொட்டிய நாயக்கர் சமுதாயத்தினரால் ஆண்டுதோறும் பொங்கல் பண்டிகையை முன்னிட்டு மாடு பூ தாண்டும் நிகழ்ச்சி நடத்தப்பட்டு வருகிறது.
 ஊனாங்கால்பட்டி, ஒத்தையூர், தொட்டிப்பட்டி பகுதியைச் சேர்ந்தவர்கள் நடத்திய மாடு பூ தாண்டும் நிகழ்ச்சி, ஊனாங்கால்பட்டியில் செவ்வாய்க்கிழமை நடைபெற்றது.
 அதில், ஊனாங்கால்பட்டி, சின்னபெத்தாம்பட்டி, குன்னத்தூர், மேலப்பட்டி கிராமங்களைச் சேர்ந்த நான்கு சுவாமி மாடுகள் கலந்து கொண்டன.
 மூன்று முறை நடைபெற்ற மாடு பூ தாண்டும் போட்டியில் மேலப்பட்டியைச் சேர்ந்த சுவாமி மாடு வெற்றி பெற்றது. அதைத் தொடர்ந்து அந்த ஊர் கோமாளியை குதிரை மீது அமர வைத்து ஊர்வலமாக அழைத்துச் சென்றனர்.
 விழாவில் பல்வேறு பகுதிகளைச் சேர்ந்த ஏராளமான பொதுமக்கள் பங்கேற்றனர். விழாவை முன்னிட்டு கரகாட்டம், ஒயிலாட்டம், வீரதீர செயல்கள் நடைபெற்றன. ஏற்பாடுகளை விழாக் குழுவினர், ஊர் பொதுமக்கள் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/17/ஊனாங்கால்பட்டியில்-மாடு-பூ-தாண்டும்-நிகழ்ச்சி-2846022.html
2845418 தருமபுரி நாமக்கல் புதிய தொழில் பள்ளிகள் தொடங்க ஆன்லைனில் விண்ணப்பிக்க அழைப்பு  நாமக்கல், DIN Tuesday, January 16, 2018 10:38 AM +0530 மாவட்டத்தில் தொழில் பள்ளிகள் (ஐடிஐ) தொடங்கவும் அங்கீகாரம் பெறவும் விண்ணப்பிக்கலாம் என அறிவிக்கப்பட்டுள்ளது.
 நாமக்கல் மாவட்டம், கீரம்பூரில் உள்ள அரசு தொழில்பயிற்சி நிலைய பயிற்சி அலுவலர் பெ.பார்த்தீபன் வெளியிட்ட செய்திக்குறிப்பு:
 தமிழக அரசு வேலைவாய்ப்பு மற்றும் பயிற்சி துறையின் மூலம் தனியார் தொழில் பள்ளிகளில் பொறியியல், பொறியியல் அல்லாத 54 நீண்ட கால தொழில் பிரிவுகள், 35 குறுகிய கால தொழில் பிரிவுகள் மற்றும் டி.டி.சி. பயிற்சி ஆகியவை வழங்கப்பட்டு வருகின்றன.
 புதிதாக தொழில் பள்ளிகள் தொடங்குவதற்கு அங்கீகாரம் வழங்கவும் ஏற்கெனவே அங்கீகாரம் பெற்று செயல்பட்டு வரும் தொழில் பள்ளிகளுக்கு அங்கீகார நீட்டிப்பு ஆணை வழங்கவும் ஒவ்வோர் ஆண்டும் ஜனவரி 2-ஆம் தேதி முதல் ஏப்ரல் 30-ஆம் தேதி வரை விண்ணப்பங்கள் வழங்கப்பட்டு வந்தன.
 2017-2018ஆம் ஆண்டு முதல் இணைய தளம் வழியாக விண்ணப்பங்கள் பெறப்பட்டு வேலைவாய்ப்பு மற்றும் பயிற்சித்துறையின் மண்டல இணை இயக்குநர்களால் ஆய்வு செய்யப்பட்டு அங்கீகாரம் வழங்கப்பட்டு வருகிறது.
 2018-2019 ஆம் ஆண்டு தொழில் பள்ளிகளுக்கான அங்கீகார நீட்டிப்பு மற்றும் புதிதாக தொழில் பள்ளிகள் தொடங்குவதற்கு விண்ணப்பிக்கலாம். இணையதளம் மூலம் அங்கீகார நீட்டிப்பு கோரும் தொழில்பள்ளிகள் வரும் 31-ஆம் தேதிக்குள்ளும், புதிதாக அங்கீகாரம் கோரும் தொழில்பள்ளிகள் ஏப்ரல் 30-ஆம் தேதிக்குள்ளும் விண்ணப்பிக்க வேண்டும்.

]]>
http://www.dinamani.com/all-editions/edition-dharmapuri/namakkal/2018/jan/16/புதிய-தொழில்-பள்ளிகள்-தொடங்க-ஆன்லைனில்-விண்ணப்பிக்க-அழைப்பு-2845418.html
2845415 தருமபுரி நாமக்கல் மக்காச்சோளம் விலை சரிவால் விவசாயிகள் கவலை  நாமக்கல், DIN Tuesday, January 16, 2018 10:36 AM +0530 மக்காச்சோளம் விலை வீழ்ச்சி அடைந்துள்ளதால் விவசாயிகள் கவலை அடைந்துள்ளனர்.
 நாமக்கல் மாவட்டத்தில் கடந்த 5 ஆண்டுகளாக பருவமழை முறையாக பெய்யாததால் வறட்சியின் பிடியில் சிக்கியிருந்தது. இதனால் மாவட்டத்தின் பல்வேறு பகுதிகளில் தண்ணீர் பிரச்னை தலை விரித்தாடியது. குடங்களைத் தூக்கிக் கொண்டு குடிநீருக்காக பொதுமக்கள் அலைந்தனர். விவசாயம் பொய்த்து போனதால் பலரும் மாற்றுத் தொழிலைத் தேடி சென்றனர்.
 இந்த நிலையில், கடந்த ஆண்டு பரவலாக மழை பெய்தது. இதைப் பயன்படுத்தி விவசாயிகள் பயிர் சாகுபடி பணிகளைத் தொடங்கினர். பரமத்திவேலூர் வட்டத்தில் சுமார் 300 ஹெக்டேரில் மக்காச்சோளம் சாகுபடி செய்யப்பட்டுள்ளது. கடந்த ஆண்டு 100 கிலோ எடை கொண்ட ஒரு மூட்டை மக்காச்சோளம் ரூ. 2,000 வரை விலை போனது. இதனால் விவசாயிகளுக்கு ஓரளவு லாபம் கிடைத்தது. ஆனால், தற்போது ரூ. 1,000 வரையே விலை கிடைக்கிறது. செலவு செய்த கூலி கூட கிடைப்பதில்லை என விவசாயிகள் தெரிவித்தனர்.
 மக்காச்சோளத்தை இருப்பு வைத்து விற்பனை செய்ய முடியாது. ஒரு மாத காலத்தில் விற்பனை செய்யாவிட்டால் பூச்சி அரித்து போய் விடும். இதனால் வேறு வழியின்றி விவசாயிகள் மக்காச்சோளத்தைக் குறைந்த விலைக்கு விற்பனை செய்து வருகின்றனர்.
 
 

]]>
http://www.dinamani.com/all-editions/edition-dharmapuri/namakkal/2018/jan/16/மக்காச்சோளம்-விலை-சரிவால்-விவசாயிகள்-கவலை-2845415.html
2845413 தருமபுரி நாமக்கல் ஜன. 20-இல் பொட்டிரெட்டிபட்டியில் ஜல்லிக்கட்டுப் போட்டி  நாமக்கல், DIN Tuesday, January 16, 2018 10:36 AM +0530 நாமக்கல் அருகே பொட்டிரெட்டிப்பட்டியில் வரும் 20-ஆம் தேதி ஜல்லிக்கட்டுப் போட்டி நடைபெறுகிறது. இதற்கான ஆயத்த பணிகள் தீவிரம் அடைந்துள்ளன.
 நாமக்கல் மாவட்டத்திலும் அலங்காநத்தம், பொட்டிரெட்டிப்பட்டி மற்றும் போடிநாயக்கன்பட்டி பகுதிகளில் ஜல்லிக்கட்டு போட்டி கடந்தாண்டு நடந்தது. நிகழாண்டில் பொட்டிரெட்டிப்பட்டி பகுதியில் வரும் 20ஆம் தேதியும், அலங்காநத்தம் பகுதியில் 27ஆம் தேதியும் ஜல்லிக்கட்டு போட்டி நடத்த மாவட்ட நிர்வாகம் அனுமதி அளித்துள்ளது.
 இதுகுறித்து பொட்டிரெட்டிப்பட்டி ஜல்லிக்கட்டு போட்டி ஒருங்கிணைப்பு குழுத் தலைவர் செல்வராஜ் கூறியது:
 பொட்டிரெட்டிப்பட்டி கிராமத்தில் வரும் 20-ஆம் தேதி ஜல்லிக்கட்டுப் போட்டி நடத்த மாவட்ட நிர்வாகம் அனுமதி அளித்துள்ளது. இதையொட்டி, போட்டிக்கான ஏற்பாடுகளைத் தொடங்கி உள்ளோம்.
 முதல்கட்டமாக தடுப்பு கட்டைகள் கட்டும் பணியை முடித்து விட்டோம். வருகிற 17-ஆம் தேதி முதல் மாடுகள் மற்றும் மாடுபிடி வீரர்கள் பதிவைத் தொடங்க உள்ளோம். மாட்டின் உரிமையாளர்கள் கோமாரி நோய்த் தடுப்பூசி அட்டை மற்றும் கால்நடை மருத்துவர்கள் சான்றிதழுடன் வரவேண்டும். ஜல்லிக்கட்டுப் போட்டிக்கான ஆயத்த பணிகள் தீவிரமாக நடைபெற்று வருகின்றன.
 இதேபோல் போடிநாயக்கன்பட்டி பகுதியில் பிப்ரவரி 3-ஆம் தேதியும், கரியபெருமாள் புதூர் பகுதியில் 10-ஆம் தேதியும் ஜல்லிக்கட்டுப் போட்டி நடத்த அனுமதி அளிக்கப்பட்டுள்ளதாக அப்பகுதியைச் சேர்ந்த நிர்வாகிகள் கூறினர்.
 
 

]]>
http://www.dinamani.com/all-editions/edition-dharmapuri/namakkal/2018/jan/16/ஜன-20-இல்-பொட்டிரெட்டிபட்டியில்-ஜல்லிக்கட்டுப்-போட்டி-2845413.html
2845412 தருமபுரி நாமக்கல் திருச்செங்கோட்டில் ரேக்ளா பந்தயம்  திருச்செங்கோடு DIN Tuesday, January 16, 2018 10:35 AM +0530 திருச்செங்கோடு ஊர் நலக்கமிட்டி சார்பாக குதிரை ரேக்ளா பந்தயப்போட்டி திங்கள்கிழமை நடைபெற்றது.
 போட்டிகளை கே.எஸ்.ஆர். கல்வி நிறுவனங்களின் தாளாளர் கே.எஸ்.ரங்கசாமி, விவேகானந்தா கல்வி நிறுவனங்களின் தலைவர் மு.கருணாநிதி, எஸ்.கே.வி. கல்வி நிறுவனங்களின் தலைவர் கோல்டன் ஹார்ஸ் ரவி, டிஎஸ்பி.ராஜீ, லாரி உரிமையாளர்கள் சங்க தலைவர் பாரிகணேசன் ஆகியோர் கலந்து கொண்டு துவக்கி வைத்தனர்.
 அறிமுக குதிரைகளுக்கான போட்டிகள், 44 இன்ச் உயரம் கொண்ட குதிரைகளுக்கான போட்டிகள், பெரிய குதிரைகளுக்கான போட்டிகள் எனத் தனித்தனியாகப் போட்டிகள் நடத்தப்பட்டன. ரேக்ளா போட்டியானது சித்தளந்தூரில் துவங்கி சிஎச்பி காலனி ஐயப்பன் கோயில் வரை தூரம் நிர்ணயிக்கப்பட்டு நடத்தப்பட்டது.
 கோவை, கரூர், பவானி, சேலம், திருச்சி, உறையூர் போன்ற பகுதியிலிருந்து போட்டியாளர்கள் குதிரையுடன் கலந்து கொண்டனர். நடைபெற்ற போட்டிகளில் பந்தய தூரத்தை விரைவாக கடந்த வெங்கிடு, சக்தி, நம்பி, சாகுல், மோகன்,மகேந்திரன் ஆகியோர் ஓட்டிய குதிரைகள் பந்தய தூரத்தை கடந்து வெற்றி பெற்றன. அவர்களுக்குப் பரிசுக் கோப்பையும், பரிசுத் தொகையும் வழங்கப்பட்டது.
 

]]>
http://www.dinamani.com/all-editions/edition-dharmapuri/namakkal/2018/jan/16/திருச்செங்கோட்டில்-ரேக்ளா-பந்தயம்-2845412.html
2845410 தருமபுரி நாமக்கல் ராசிபுரம் பகுதிகளில் கடும் மூடு பனி  ராசிபுரம், DIN Tuesday, January 16, 2018 10:35 AM +0530 ராசிபுரம் உள்ளிட்ட சுற்று வட்டாரத்தின் பல்வேறு பகுதிகளில் இரு நாட்களாக அதிகாலை கடும் பனி மூட்டம் நிலவி வருவதால், பொதுமக்களும், வாகன ஓட்டிகளும் சிரமத்துக்குள்ளாகினர்.
 ராசிபுரம் பகுதியில் ஞாயிறு, திங்கள்கிழமைகளில் அதிகாலை வழக்கத்தை விட அதிக அளவு கடும் பனி மூட்டும், பனி பொழிவும் காணப்பட்டது. இதனால் எதிரில் வரும் வாகனங்கள், மக்கள் நடமாட்டம் தெரியாதவாறு இருந்தது. வாகனங்கள் முகப்பு விளக்குகளைப் போட்டபடியே சென்றன.
 இந்த நிலையில், இந்தப் பகுதியிலிருந்து பழனிக்கு பாத யாத்திரையாகச் சென்ற பக்தர்கள் பனி மூட்டத்தினால் சிரமத்துடன் பனி மூட்டத்தில் நடந்து சென்றனர். இப்பனி மூட்டம் காலை 8 மணி வரைத் தொடர்ந்தது. இப் பகுதியில் இதுபோன்ற பனி பொழிவுடன் கூடிய பனிமூட்டம் இதுவரை பார்க்காதது என பொதுமக்கள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/jan/16/ராசிபுரம்-பகுதிகளில்-கடும்-மூடு-பனி-2845410.html
2845409 தருமபுரி நாமக்கல்  நரசிம்மர் சுவாமி கோயிலில் ஜன.21-இல் தேர் வெள்ளோட்டம்  நாமக்கல், DIN Tuesday, January 16, 2018 10:35 AM +0530 நாமக்கல் நரசிம்மர் சுவாமி கோயில் திருத்தேர் வெள்ளோட்டம் வரும் 21-ஆம் தேதி நடைபெறுகிறது.
 நாமக்கல் நரசிம்மர் கோயிலில் ஆண்டுதோறும் தேர்த் திருவிழா வெகு விமரிசையாகக் கொண்டாடப்படுவது வழக்கம். அப்போது காலையில் நரசிம்மர், மாலையில் ஆஞ்சநேயர், ரங்கநாதர் எழுந்தருளிய தேர் பக்தர்களால் இழுத்துச் செல்லப்படும். இந்த நிலையில், நரசிம்மர் திருத்தேர் பழுதடைந்ததால் கடந்த 3 ஆண்டுகளாக தேர் இழுக்கப்படவில்லை.
 பின்னர், மிகுந்த பொருள்செலவில் திருத்தேர் மராமத்துப் பணிகள் மேற்கொள்ளப்பட்டன.
 பணிகள் அனைத்தும் முடிந்துள்ள நிலையில் வரும் 21-ஆம் தேதி காலை 11 மணிக்கு தேர் வெள்ளோட்டம் நடைபெறுகிறது. ஏற்பாடுகளை தக்கார் வெங்கடேஷ், உதவி ஆணையர் ரமேஷ் உள்ளிட்டோர் செய்தனர்.

]]>
http://www.dinamani.com/all-editions/edition-dharmapuri/namakkal/2018/jan/16/நரசிம்மர்-சுவாமி-கோயிலில்-ஜன21-இல்-தேர்-வெள்ளோட்டம்-2845409.html
2845408 தருமபுரி நாமக்கல் படித்த வேலையற்றோருக்கு உதவித்தொகை: விண்ணப்பிக்க அழைப்பு  நாமக்கல், DIN Tuesday, January 16, 2018 10:34 AM +0530 அரசு சார்பில் வழங்கப்படும் உதவித்தொகையைப் பெற வேலைவாய்ப்பு அலுவலகத்தில் பதிவு செய்துள்ள நபர்கள் விண்ணப்பிக்கலாம் என அறிவிக்கப்பட்டுள்ளது.
 இதுகுறித்து நாமக்கல் மாவட்ட ஆட்சியர் மு. ஆசியா மரியம் வெளியிட்ட செய்திக்குறிப்பு:
 படித்து வேலைவாய்ப்பு அலுவலகத்தில் பதிவு செய்து வேலையில்லாமல் 5 ஆண்டுகளுக்கு மேலாக காத்திருக்கும் இளைஞர்களுக்கு ஆண்டுதோறும் உதவித்தொகை வழங்கப்பட்டு வருகிறது.
 தற்போது 31.12.2017 உடன் முடிவடைந்த காலாண்டிற்கு எஸ்எஸ்எல்சி, பிளஸ் 2, பட்டப்படிப்பு உள்ளிட்ட கல்வி தகுதிகளை வேலைவாய்ப்பு அலுவலகத்தில் பதிவு
 செய்து, 5 ஆண்டு காலம் முடிவுற்ற பதிவுதாரர்களும், வேலைவாய்ப்பு அலுவலகத்தில் பதிவு செய்து ஓராண்டு முடிவுற்ற அனைத்து மாற்றுத் திறனாளிகளும், உரிய விண்ணப்பங்களை மாவட்ட வேலைவாய்ப்பு அலுவலகத்தில் இலவசமாகப் பெற்று பூர்த்தி செய்து நேரில் வழங்கலாம்.
 கடந்த ஆண்டு டிசம்பர் 31-ஆம் தேதி அன்று ஆதிதிராவிடர் மற்றும் பழங்குடியினர் 45 வயதுக்கு மிகாமலும், மற்றவர்கள் 40 வயதுக்கு மிகாமலும் இருக்க வேண்டும். மனுதாரரின் குடும்ப ஆண்டு வருமானம் ரூ. 50,000 மிகாமலும் இருக்க வேண்டும். மாற்றுத் திறனாளிகளுக்கு வருமான வரம்பு இல்லை. மனுதாரர் அரசு அல்லது தனியார் நிறுவனங்களின் மூலம் எந்தவிதமான நிதி உதவித் தொகையும் பெறுபவராகவோ இருக்கக் கூடாது.
 தகுதியுடையவர்கள் அனைத்து அசல் சான்றிதழ்கள் மற்றும் அடையாள அட்டையுடன் காலை 10 மணி முதல் மாலை 5 மணி முடிய, அலுவலக நாள்களில் வேலைவாய்ப்பு அலுவலகத்தை நேரில் தொடர்பு கொள்ளலாம். ஏற்கெனவே உதவித்தொகை பெறும் பயனாளிகள் அனைவரும் சுய உறுதிமொழி ஆவணம் அளித்து, ஓராண்டு முடிவுற்றவர்கள் மீண்டும் சுய உறுதிமொழி ஆவணம் உரிய இணைப்புகளுடன் வழங்க வேண்டும்.
 
 

]]>
http://www.dinamani.com/all-editions/edition-dharmapuri/namakkal/2018/jan/16/படித்த-வேலையற்றோருக்கு-உதவித்தொகை-விண்ணப்பிக்க-அழைப்பு-2845408.html
2845407 தருமபுரி நாமக்கல் ஆண்டாள் திருக்கல்யாண உற்சவம்  குமாரபாளையம் DIN Tuesday, January 16, 2018 10:34 AM +0530 குமாரபாளையம் ஐயப்பன் கோயிலில் ஸ்ரீஆண்டாள் திருக்கல்யாண உற்சவம் ஞாயிற்றுக்கிழமை வெகுவிமரிசையாக நடைபெற்றது.
 இக்கோயில் திருவிழா கடந்த வியாழக்கிழமை ஸ்ரீகூடாரவல்லி அம்மன் பூஜையுடன் தொடங்கி, நாள்தோறும் சிறப்பு வழிபாடுகள் நடத்தப்பட்டன. இதையடுத்து, ஞாயிற்றுக்கிழமை சிறப்பு அலங்காரத்துடன் மாப்பிள்ளை அழைப்பு நடைபெற்றது. தொடர்ந்து, ஸ்ரீஅரங்கநாதருக்கும், ஸ்ரீஆண்டாள் நாச்சியாருக்கும் திருக்கல்யாண உற்சவ விழா நடைபெற்றது. இதில், ஏராளமான பக்தர்கள் கலந்து கொண்டனர்.
 ஆண்டாளின் புகழைப் பாடும் பாடல்களைப் பாடியபடி, சிறுமியரின் கோலாட்ட நிகழ்ச்சியும் நடத்தப்பட்டது. திருக்கல்யாணத்தைத் தொடர்ந்து மலர் அலங்காரத்தில் ஊஞ்சல் உற்சவம் நிகழ்ச்சியும், திருவீதி உலாவும் நடைபெற்றது. விழாவில் பங்கேற்ற பக்தர்களுக்கு மஞ்சள் கயிறு, குங்குமம், உள்ளிட்ட பிரசாதங்கள் வழங்கப்பட்டன. விழா ஏற்பாடுகளை அம்மன் நகர் ஐயப்பன் ஆலய மஞ்சமாதா மாதர் சங்கத்தினர் மற்றும்
 ஸ்ரீ ஐயப்பா சேவாஅறக்கட்டளை நிர்வாகிகள் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/16/ஆண்டாள்-திருக்கல்யாண-உற்சவம்-2845407.html
2845406 தருமபுரி நாமக்கல் குமாரபாளையம் ஸ்ரீராமலிங்க செளடேஸ்வரியம்மன் கோயில் திருவிழா  குமாரபாளையம், DIN Tuesday, January 16, 2018 10:33 AM +0530 குமாரபாளையம் பழையபேட்டை ஸ்ரீராமலிங்க செளடேஸ்வரியம்மன் கோயில் அப்பத் திருவிழா ஞாயிற்றுக்கிழமை வெகு விமரிசையாக நடைபெற்றது.
 விழாவை முன்னிட்டு கடந்த 3-ஆம் தேதி அம்மனுக்கு முகூர்த்தக் கால் நடப்பட்டு, தொடர்ந்து சிறப்பு வழிபாடுகள் நடத்தப்பட்டு வந்தன. இதையடுத்து, கடந்த சனிக்கிழமை காவிரி ஆற்றிலிருந்து சக்தி அழைத்து வரப்பட்டது. தொடர்ந்து, காவிரி ஆற்றிலிருந்து கத்திபோட்டு, ஆடியபடி இளைஞர்கள் முன்செல்ல ஸ்ரீசாமுண்டி அழைத்தல் நடைபெற்றது.
 அலங்கரிக்கப்பட்ட குதிரையில் சிறப்பு வழிபாடுகளுடன் நகராட்சி அலுவலகம் அருகேயுள்ள காவிரிக் கரையில் தொடங்கிய ஊர்வலம் சேலம் சாலை வழியாகக் கோயிலைச் சென்றடைந்தது. இதையடுத்து, பொங்கல் பூஜை நடத்தப்பட்டது. சூடாம்பிகை மாதர் சங்கத்தைச் சேர்ந்த பெண்கள் பங்கேற்ற ஸ்ரீமகாஜோதி அழைத்தலும், மஞ்சள் நீராட்டு மெரவனை ஊர்வலமும் திங்கள்கிழமை நடைபெற்றது.
 இக்கோயில் செயல் அலுவலர் கா.பரமேஸ்வரன், திருவிழா ஆலோசனைக் குழுத் தலைவர் ஆர்.கே.ஏ. முருகேசன், தொழிலதிபர் எம்.எஸ்.குமணன், உறுப்பினர்கள் ஆர்.குணசேகரன், ஏ.வரதராஜன், பூசாரி சண்முகம், சி.லஷ்மி நாராயணன், கே.ராஜகோபால், ஜி.சவுண்டப்பன், எம்.ராஜகோபால் உள்பட ஏராளமானோர் கலந்து கொண்டனர்.

]]>
http://www.dinamani.com/all-editions/edition-dharmapuri/namakkal/2018/jan/16/குமாரபாளையம்-ஸ்ரீராமலிங்க-செளடேஸ்வரியம்மன்-கோயில்-திருவிழா-2845406.html
2845405 தருமபுரி நாமக்கல் சாலை விபத்து: தஞ்சை கிரிக்கெட் வீரர் பலி  பரமத்தி வேலூர், DIN Tuesday, January 16, 2018 10:32 AM +0530 பரமத்திவேலூர் அருகே தேசிய நெடுஞ்சாலையில் இரு கார்கள் ஒன்றுக்கு ஒன்று முந்திசெல்ல முயன்றபோது ஏற்பட்ட விபத்தில் தஞ்சையைச் சேர்ந்த கிரிக்கெட் வீரர் பலியானார். மேலும் 7 பேர் படுகாயமடைந்தனர்.
 பொங்கல் பண்டிகையை முன்னிட்டு, நாமக்கல் மாவட்டம், திருச்செங்கோடு அருகே சித்தாளந்தூர் பகுதியில் திங்கள்கிழமை நடைபெற்ற கிரிக்கெட் போட்டியில் பல்வேறு மாவட்டங்களைச் சேர்ந்த கிரிக்கெட் அணியினர் கலந்து கொண்டனர். அதில் தஞ்சையைச் சேர்ந்த காடை (எ) பிரபாகரன் (18) அடங்கிய குழுவினரும் வந்திருந்தனர்.
 இவர்கள் அனைவரும் பரமத்தி வேலூரில் உள்ள ஒரு தனியார் தங்கும் விடுதியில் அறை எடுத்து தங்கியிருந்தனர். திங்கள்கிழமை மாலை திருச்செங்கோடு அருகே சித்தாளந்தூரில் நடைபெற்ற கிரிக்கெட் போட்டியில் கலந்து கொண்ட பிறகு பரமத்தி வேலூருக்கு இரு கார்களில் 8 பேர் சென்று கொண்டிருந்தனர்.
 அப்போது இரு கார்களும் ஒன்றுக்கு ஒன்று முந்தி செல்ல முயன்றதாகக் கூறப்படுகிறது. மேல்சாத்தம்பூர் பிரிவு சாலை அருகே சென்றபோது இரு கார்களும் மோதி விபத்து நிகழ்ந்தது. கட்டுப்பாட்டை இழந்த இரு கார்களும் சாலையைக் கடந்து பள்ளத்தில் இறங்கியது. இதில் காடை (எ) பிரபாகரன் நிகழ்விடத்திலேயே பலியானார். படுகாயமடைந்த 3 பேர் ஈரோடு அரசு மருத்துவமனையிலும், மேலும் 4 பேர் சேலம் தனியார் மருத்துவமனையிலும் சேர்க்கப்பட்டு சிகிச்சை பெற்று வருகின்றனர். நல்லூர் போலீஸார் வழக்குப் பதிந்து விசாரிக்கின்றனர்.
 மற்றொரு விபத்து: பரமத்தி வேலூர் பழைய தேசிய நெடுஞ்சாலையில் மினி ஆட்டோ மீது இரு சக்கர வாகனம் மோதிய விபத்தில் கல்லூரி மாணவி உயிரிழந்தார்.
 மரவாபாளையத்தைச் சேர்ந்தவர் ராஜ்குமார் மகள் சந்தியா (20). கல்லூரி மாணவி. பரமத்தி வேலூர் ஐயர் தோட்டம் பகுதியைச் சேர்ந்த அவரது தோழி நிவேதாவின் (19) வீட்டுக்குச் சென்றிருந்தார். மீண்டும் வீட்டுக்கு இருசக்கரவாகனத்தில் சந்தியா, நிவேதா, நிவேதாவின் சகோதரர் பூபதி ஆகியோர் சென்றனர்.
 இவர்களது இருசக்கர வாகனம் பரமத்தி வேலூர் பழைய தேசிய நெடுஞ்சாலையில் சென்றபோது எதிரே வந்த மினி ஆட்டோ மீது மோதியது. இதில் படுகாயமடைந்த சந்தியா, கோவை தனியார் மருத்துவமனையில் அனுமதிக்கப்பட்டு அங்கு சனிக்கிழமை உயிரிழந்தார். நிவேதாவும், பூபதியும் சிகிச்சைக்கு பின்னர் வீடு திரும்பினர். பரமத்திவேலூர் போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-dharmapuri/namakkal/2018/jan/16/சாலை-விபத்து-தஞ்சை-கிரிக்கெட்-வீரர்-பலி-2845405.html
2845404 தருமபுரி நாமக்கல் மின்னணு வழிச்சீட்டு இல்லாமல் எடுத்துச்செல்லும் பொருள்களுக்கு விரைவில் அபராதம்  நாமக்கல், DIN Tuesday, January 16, 2018 10:31 AM +0530 மின்னணு வழிச்சீட்டு இல்லாமல் ரூ. 50,000 மதிப்புக்கு மேற்பட்ட பொருள்களை வாகனங்களில் கொண்டு சென்றால் ரூ. 10,000 அபராதம் விரைவில் விதிக்கப்படவுள்ளது.
 இதுகுறித்து வணிக வரித்துறை அதிகாரிகள் கூறியது: நாடு முழுவதும் சரக்குகளை வாகனங்களில் கொண்டு செல்வதை முறைப்படுத்த மின்னணு வழிச்சீட்டு முறை அறிமுகப்படுத்தப்பட்டுள்ளது. ரூ. 50,000 மதிப்புக்கு மேற்பட்ட பொருள்களை வாகனங்களில் கொண்டு செல்வதற்கு மின்னணு வழிச்சீட்டு வைத்திருப்பது கட்டாயம் ஆக்கப்பட்டுள்ளது. இந்த மின்னணு வழிச்சீட்டை ஆன்லைன் மூலமாக செல்லிடப்பேசி அல்லது கணினியில் உடனுக்குடன் உருவாக்கலாம். இதற்காக இணையதள முகவரி உருவாக்கப்பட்டுள்ளது.
 இதன்மூலம், பொருள்களை அனுப்புவோர், வாங்குபவர், லாரிகளில் கொண்டு செல்வோர் அனைவரும் மின்னணு வழிச்சீட்டை பெற்று, சோதனை நடத்தும் அதிகாரிகளிடம் காட்டலாம். இந்தச் சட்டம் பிப்ரவரி 2 ஆம் தேதி முதல் நடைமுறைக்கு வர உள்ளது. மின்னணு வழிச்சீட்டு இல்லாமல் சரக்குகளை கொண்டு செல்பவர்களுக்கு ரூ. 10,000 அபராதம் விதிக்கப்படும். மேலும் பொருள்களுக்கு விதிக்கப்பட்ட வரிகளின் அடிப்படையில் அபராத தொகை அதிகரிக்கப்படும். இதில் காய்கறிகள் உள்பட 154 பொருட்கள் கொண்டு செல்வதற்கு விதிவிலக்கு அளிக்கப்பட்டுள்ளது. இதுதொடர்பாக வணிகர்கள், கணக்காளர்கள், வாகன உரிமையாளர்களுக்கான விழிப்புணர்வு ஏற்படுத்தப்படும் என்றனர்.
 
 
 

]]>
http://www.dinamani.com/all-editions/edition-dharmapuri/namakkal/2018/jan/16/மின்னணு-வழிச்சீட்டு-இல்லாமல்-எடுத்துச்செல்லும்-பொருள்களுக்கு-விரைவில்-அபராதம்-2845404.html
2845402 தருமபுரி நாமக்கல் "ஆசிரியர்கள் நேர்மறை எண்ணத்துடன் செயல்பட வேண்டும்'    நாமக்கல், DIN Tuesday, January 16, 2018 10:31 AM +0530 ஒவ்வொரு நாளும் ஆசிரியர்கள் தங்களைப் புதுப்பித்துக் கொண்டு நேர்மறை எண்ணத்துடன் செயல்பட வேண்டும் என்றார் சென்னை மண்டல சி.பி.எஸ்.இ. அலுவலர் மகேஷ் டி. தர்மாதிகாரி.
 நாமக்கல் நேஷனல் பப்ளிக் பள்ளியின் 9-ஆம் ஆண்டு விழா அண்மையில் நடைபெற்றது. விழாவில் தலைமை விருந்தினராகப் பங்கேற்ற சென்னை மண்டல சி.பி.எஸ்.இ. அலுவலர் மகேஷ் டி. தர்மாதிகா பேசியது:
 கல்வியோடு மாணவர்களுக்கு மனிதநேய பண்பு தேவை, பெற்றோர்கள் குழந்தைகளுக்கு நல்ல வழிகாட்டியாக இருக்க வேண்டும். குழந்தைகளின் ஆர்வம் எண்ணங்களுக்கு பெற்றோர்கள் முக்கியத்துவம் அளிக்க வேண்டும். ஒவ்வொரு நாளும் ஆசிரியர்கள் தங்களைப் புதுப்பித்துக்கொண்டு நேர்மறை எண்ணத்துடன் செயல்பட வேண்டும் என்றார்.
 மாணவி செ.நந்திதா வரவேற்றார். பள்ளி முதல்வர் விக்டர் பிரேம்குமார் ஆண்டறிக்கை வாசித்தார். பள்ளித் தலைவர் சரவணன் பள்ளியின் செயல்பாடு குறித்துப் பேசினார். பள்ளி இயக்குநர் டாக்டர் பார்த்திபன் பேசினார்.
 "நீட்' மற்றும் ஜே.இ.இ. தேர்வில் சிறப்பிடம் பெற்று அரசு மருத்துவ மற்றும் தொழில்நுட்பக் கல்லூரிகளில் படித்துக் கொண்டிருக்கும் மாணவர்களுக்கும், கடந்த ஆண்டு 10-ஆம் வகுப்பில் 10-க்கு 10 தரப்புள்ளிகளைப் பெற்ற மாணவர்கள் பரிசுகள் வழங்கப்பட்டன. இதைத் தொடர்ந்து மாணவர்களின் கலை நிகழ்ச்சிகள் நடைபெற்றன.
 

]]>
http://www.dinamani.com/all-editions/edition-dharmapuri/namakkal/2018/jan/16/ஆசிரியர்கள்-நேர்மறை-எண்ணத்துடன்-செயல்பட-வேண்டும்-2845402.html
2845401 தருமபுரி நாமக்கல் பொங்கல் பண்டிகை: பொதுமக்கள் கொண்டாட்டம்  குமாரபாளையம், DIN Tuesday, January 16, 2018 10:30 AM +0530 குமாரபாளையத்தில் திமுக, காங்கிரஸ் மற்றும் பல்வேறு அமைப்புகள் சார்பில் பொங்கல் விழா ஞாயிற்றுக்கிழமை கொண்டாடப்பட்டது.
 குமாரபாளையம் நகர திமுக சார்பில் நடைபெற்ற தமிழ்ப் புத்தாண்டு விழா, பொங்கல் மற்றும் விளையாட்டு விழாவுக்கு நகரச் செயலர் கோ.வெங்கடேசன் தலைமை வகித்தார்.
 தலைமை சொத்துப் பாதுகாப்புக் குழு உறுப்பினர் ஜேகேஎஸ்.மாணிக்கம், மாவட்டத் துணைச் செயலர் எஸ்.சேகர், முன்னாள் நகர்மன்றத் தலைவர் வெ.ஜெகநாதன், தொழிலதிபர் கே.எஸ்.இளவரசன் ஆகியோர் முன்னிலை வகித்தனர்.
 கட்சியின் மாவட்டச் செயலர் கே.எஸ்.மூர்த்தி கட்சிக் கொடியை ஏற்றி வைத்ததோடு, பொங்கல் விழாவைத் தொடக்கி வைத்தார்.
 நகரின் 20 இடங்களில் கொண்டாடப்பட்ட இவ்விழாவில் நகர அவைத் தலைவர் ஆர்.பி.பரமசிவம், பொருளாளர் மா.அன்பரசு, துணைச் செயலர்கள் எம்.செல்வம், ஏ.கோவிந்தராஜ், ஜி.சின்னப்பொன்னு, நகர இளைஞரணி அமைப்பாளர் ஆர்.சரவணன் உள்ளிட்ட பலர் கலந்து கொண்டனர்.
 குமாரபாளையம் காங்கிரஸ் கட்சி அலுவலகத்தில் நடைபெற்ற பொங்கல் விழாவுக்கு நகரப் பொறுப்பாளர்கள் சுப்பிரமணி, சிவகுமார், காளியப்பன் தலைமை வகித்தனர். நகர பொருளாளர் சிவராஜ் வரவேற்றார். நாமக்கல் மேற்கு மாவட்ட தலைவர் தனகோபால் கட்சிக் கொடியேற்றினார். நிர்வாகிகள் ஜானகிராமன், கிருஷ்ணமூர்த்தி, சரவணன், கோகுல்நாத் உள்ளிட்டோர் பங்கேற்றனர். முன்னதாக, காமராஜர் சிலைக்கு மாலை அணிவித்த நிர்வாகிகள், பொதுமக்களுக்கு பொங்கல் வழங்கினர்.
 திருச்செங்கோட்டில்...
 திருச்செங்கோடு பகுதிகளில் பொங்கல் திருநாளில் பொதுமக்கள் அதிகாலையில் ஆதவனுக்கு பொங்கல் படைத்தும், புத்தாடை அணிந்தும் கொண்டாடினர்.
 மேலும் தைத் திருநாளை வரவேற்கும் விதமாக அர்த்தநாரீஸ்வரர் கோயில், கைலாசநாதர் கோயில், காளிபட்டி கந்தசாமி கோயில் போன்ற பிரசித்தி பெற்ற கோயில்களில் மூலவருக்கு பலவகை அபிஷேகங்கள் செய்யப்பட்டு சிறப்பு அலங்காரத்தில் மூலவர்கள் காட்சி தந்தனர். நகரின் 30 க்கும் மேற்பட்ட பகுதிகளில் தைப் பொங்கல் விழாக் குழு சார்பில் விளையாட்டுப் போட்டிகள் நடத்தப்பட்டு வெற்றி பெற்றவர்களுக்கு பரிசுகள் வழங்கப்பட்டன.
 சூரியம்பாளையம் பகுதியில் இளைஞர்களுக்கான கபடிப் போட்டி நடத்தப்பட்டதில் 10 க்கும் மேற்பட்ட அணியினர் கலந்து கொண்டு விளையாடினர். சட்டையம்புதூர் பகுதியில் சிறுவர்,சிறுமிகளுக்கான விளையாட்டுப் போட்டிகள் நடத்தப்பட்டன.
 ராசிபுரத்தில்...
 ராசிபுரம் திருவள்ளுவர் அரசு கலைக் கல்லூரியில் முன்னாள் மாணவர்கள் சங்கத்தின் சார்பில் திருவள்ளுவர் தின விழா திங்கள்கிழமை
 கொண்டாடப்பட்டது.
 விழாவிற்கு முன்னாள் மாணவர்கள் சங்கத்தின் துணைத் தலைவர் முனைவர். பெ.துரைசாமி தலைமை வகித்தார். சங்க இணைச் செயலர் முனைவர் வி. சந்திரசேகரன், அரசு பள்ளி ஆசிரியர் கை.பெரியசாமி, பேராசிரியர் எஸ். சுரேஷ், வழக்குரைஞர் சக்திவேல், மாதேஸ்வரன் ஆகியோர் முன்னிலை வகித்தனர்.
 விழாவில் கல்லூரியில் அமைந்துள்ள திருவள்ளுவர் சிலைக்கு சங்கத்தின் துணைத் தலைவர் துரைசாமி மாலை அணிவித்து மரியாதை செய்தார். பிறகு விழாவில் கலந்து கொண்டோர் திருக்குறள் குறித்துப் பேசினர்.
 கல்லூரியின் பொன்விழாவை ஒட்டி கல்லூரி வளாக சுற்றுச்சுவரில் திருக்குறளை பரப்ப அதன் வரிகளை ஓவியங்களாக வரைய முடிவு செய்யப்பட்டது. முன்னாள் மாணவர்கள் சங்கச் செயலாளர் பேராசிரியர் இரா. சிவக்குமார், என்.சி.சி மாணவர்கள் உள்ளிட்ட பலர் இதில் கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/jan/16/பொங்கல்-பண்டிகை-பொதுமக்கள்-கொண்டாட்டம்-2845401.html
2845308 தருமபுரி நாமக்கல் தலைமைக் காவலர் தூக்கிட்டு தற்கொலை DIN DIN Tuesday, January 16, 2018 09:40 AM +0530 நாமக்கல் மாவட்டம், ராசிபுரம் அருகே நாமகிரிப்பேட்டை காவலர்கள் குடியிருப்பில் வசிக்கும் தலைமைக் காவலர் ஞாயிற்றுக்கிழமை தூக்கிட்டுத் தற்கொலை செய்து கொண்டார்.
நாமகிரிப்பேட்டை புதுக்காவலர் குடியிருப்பில் வசித்து வந்தவர் பி. மாதவன் (47). இவர், பேளுகுறிச்சி காவல் நிலையத்தில் தலைமைக் காவலராகப் பணியாற்றி வந்தார். இவருக்கு மது அருந்தும் பழக்கம் இருந்ததாம்.
இதனால், மனைவி கலைச்செல்வியுடன் அடிக்கடி தகராறு ஏற்பட்டு வந்ததாகவும், வேலைப்பளு காரணமாக அவர் மன அழுத்தத்தில் இருந்ததாகவும் கூறப்படுகிறது.
இந்த நிலையில், சனிக்கிழமை இரவு வீட்டு அறையில் தூங்கச் சென்றவர், ஞாயிற்றுக்கிழமை காலை நெடுநேரமாகியும் அறையிலிருந்து வெளியே வராததால் சந்தேகமடைந்த குடும்பத்தினர் ஜன்னலைத் திறந்து பார்த்தபோது மின்விசிறியில் அவர் தூக்கிட்டு இறந்து கிடந்தார்.
தகவல் அறிந்த நாமகிரிப்போட்டை காவல் ஆய்வாளர் மணிகண்டன், சடலத்தை கைப்பற்றி ராசிபுரம் அரசு மருத்துவமனைக்கு உடற்கூறு பரிசோதனைக்காக அனுப்பி வைத்தார். மேலும் இதுகுறித்து,  வழக்குப் பதிந்து விசாரணை நடத்தி வருகின்றனர். உயிரிழந்த தலைமைக் காவலர் மாதவனுக்கு இரு மகன்கள் உள்ளனர்.

]]>
http://www.dinamani.com/all-editions/edition-dharmapuri/namakkal/2018/jan/16/தலைமைக்-காவலர்-தூக்கிட்டு-தற்கொலை-2845308.html
2844509 தருமபுரி நாமக்கல் அறிவியல் கண்டுபிடிப்புகளை உருவாக்க 500 பேருக்கு ஊக்க நிதி DIN DIN Sunday, January 14, 2018 01:57 AM +0530
அறிவியல் கண்டுபிடிப்புகளை உருவாக்க உயர்கல்வி மாணவர்கள் 500 பேருக்கு ஊக்க நிதி அளிக்கப்படவுள்ளது என தமிழ்நாடு மாநில அறிவியல் மற்றும் தொழில்நுட்ப கவுன்சில், உறுப்பினர் செயலர் ஆர்.ஸ்ரீனிவாசன் தெரிவித்தார்.
நாமக்கல் மாவட்டம், எக்ஸல் கல்வி நிறுவனங்கள், தொழில்நுட்பக் கல்விக் கழகம் சார்பில் அறிவியல் மற்றும் தொழில்நுட்பம் மற்றும் விமானவியல் கண்காட்சி எக்ஸல் கல்வி நிறுவன வளாகத்தில் நடைபெற்றது.
2 நாட்கள் நடைபெற்ற கண்காட்சியின் நிறைவு விழா நிகழ்வு வியாழக்கிழமை மாலை நடைபெற்றது. நிறைவு விழாவிற்கு எக்ஸல் கல்வி நிறுவனங்களின் தலைவர் ஏ.கே.நடேசன் தலைமை வகித்தார். கல்லூரி முதல்வர்கள் வி.கே.சண்முகநாதன், ஈ.பழனிச்சாமி, அறிவியல் அலுவலர் ரமணன், தொழிற்சாலை உறவுகள் மற்றும் ஆராய்ச்சித் திட்ட இயக்குநர் டி.தேவகுமார், தொழில்நுட்ப இயக்குநர் என்.செங்கோட்டையன் ஆகியோர் வாழ்த்திப் பேசினர்.
சிறப்பு விருந்தினராகப் பங்கேற்ற தமிழ்நாடு மாநில அறிவியல் மற்றும் தொழில்நுட்ப கவுன்சில், உறுப்பினர் செயலர் ஆர்.ஸ்ரீனிவாசன் பேசியது: மாணவர்களுக்கு மன தைரியம் ஏற்பட வேண்டும் என்ற நோக்கிலும், படித்த பாடத்தை திரும்பவும் நினைவூட்டவும் இதுபோன்ற நிகழ்ச்சிகள் நடத்தப்படுகின்றன. அறிவியல் தொழில்நுட்பம் தொடர்பான நிகழ்ச்சிகள் நடத்துவதில் தமிழகம் இந்தியாவுக்கே முன்னோடியாக திகழ்கிறது.
கணித மேதை ராமானுஜர் பிறந்த நாளை முன்னிட்டு தமிழகம் முழுவதும் கணித நிகழ்ச்சிகள் நடத்தப்பட்டு வருகின்றன. மேலும், மாணவர் அறிவியல் கண்டுபிடிப்புகளை ஊக்குவிக்க தமிழக அரசு ஆண்டுக்கு ரூ.40 லட்சம் நிதி அளிக்கிறது. மத்திய அரசின் அறிவியல் தொழில்நுட்ப துறையும் ரூ.30 லட்சம் அளிக்கிறது. இதற்காக மாணவர்களிடம் இருந்து 7,500 விண்ணப்பங்கள் வந்துள்ளன.
நிகழாண்டில் அறிவியல் கண்டுபிடிப்புகளை உருவாக்க பொங்கலுக்கு பிறகு அந்த விண்ணப்பங்கள் தேர்வு செய்யப்படும். இதன்மூலம் அறிவியல் கண்டுபிடிப்புகளை உருவாக்க உயர்கல்வி மாணவர்கள் 500 பேருக்கு ஊக்க நிதி அளிக்கப்படும்.
மேலும், தமிழ்நாடு அறிவியல் தொழில்நுட்ப மையத்துடன் இணைந்து தமிழ்நாடு அறிவியல், தொழில்நுட்ப , மாநில மன்றத்தின் இன்ஸ்பயர் விருது படைப்புகளுக்காக கடந்த 2010 முதல் 2016 வரையில் தொடக்கப்பள்ளி மாணவர்கள் 78,000 பேருக்கு தலா ரூ.5,000 வீதம் ஊக்க நிதி அளிக்கப்பட்டு புதிய அறிவியல் படைப்புகள் கண்டுபிடிக்க உதவி புரிந்துள்ளோம்.
சக்குராய் பரிமாற்ற திட்டத்தில் ஜப்பான் நாட்டிற்கு தமிழக மாணவர்களை அனுப்பியுள்ளோம். இதன்மூலம் அறிவியல் விழிப்புணர்வு ஏற்பட்டு வருகிறது என்றார்.
எக்ஸல் கல்வி நிறுவனங்களின் துணைத் தலைவர் என்.மதன் கார்த்திக், சென்னை ஆயில்டெக் தொழில் நிறுவனத் தலைவர் திலிப் ராதாகிருஷ்ணன் உள்ளிட்டோர் பங்கேற்றனர்.
தொடர்ந்து கணிதவியல் வினாடி, வினா போட்டி உள்ளிட்ட போட்டிகள் நடத்தப்பட்டன. பின்னர் போட்டிகளில் வெற்றி பெற்றவர்களுக்கு சான்றிதழ்கள் வழங்கப்பட்டன.
கண்காட்சியில் பொறியியல் கல்லூரிகள், பாலிடெக்னிக் கல்லூரி, ஆர்க்கிடெக்சர் கல்லூரிகள் மற்றும் பள்ளி மாணவ, மாணவிகளின் அறிவியல் படைப்பாற்றல் கண்காட்சி, விமானவியல் கண்காட்சிகள் இடம்பெற்றிருந்தன.
மேலும், குட்டி விமானங்களின் விமானவியல் சாகசங்கள் நிகழ்த்தப்பட்டன. குறிப்பாக, இதில் காற்று, சூரிய ஆற்றல் சேமிப்பு, ரோபோ மனிதன், கட்டடக் கலை மாதிரிகள், தகவல்கள் இடம் பெற்றிருந்தன. கண்காட்சியை சேலம், நாமக்கல் மாவட்டங்களைச் சேர்ந்த சுமார் 15,000 மாணவ,மாணவிகள் பார்வையிட்டனர்.

 

]]>
http://www.dinamani.com/all-editions/edition-dharmapuri/namakkal/2018/jan/14/அறிவியல்-கண்டுபிடிப்புகளை-உருவாக்க-500-பேருக்கு-ஊக்க-நிதி-2844509.html
2844508 தருமபுரி நாமக்கல் பரமத்தி வேலூர் அருகே மனுநீதி முகாம் DIN DIN Sunday, January 14, 2018 01:57 AM +0530 பரமத்தி வேலூர் வட்டம், நல்லூர் அருகே உள்ள கோலாரத்தில் அண்மையில் நடைபெற்ற மனுநீதி திட்ட நாள் முகாமில் 60 பயனாளிகளுக்கு ரூ.26.70 லட்சத்தில் நலத்திட்ட உதவிகளை நாமக்கல் மாவட்ட ஆட்சியர் மு.ஆசியா மரியம் வழங்கினார்.
முகாமுக்கு ஆட்சியர் மு.ஆசியா மரியம் தலைமை தாங்கினார். திருச்செங்கோடு வருவாய் கோட்டாட்சியர் பாஸ்கரன் வரவேற்றார். சேலம், நாமக்கல் மாவட்ட ஒருங்கிணைந்த பால் உற்பத்தியாளர்கள் கூட்டுறவு ஒன்றியத் தலைவர் சின்னுசாமி வாழ்த்தி பேசினார்.
இதில், நல்லூர் உள் வட்டத்துக்குள்பட்ட கோலாரம், செருக்கலை மற்றும் ராமதேவம் உள்ளிட்ட பகுதிகளைச் சேர்ந்த பொதுமக்களுக்கு பல்வேறு நலத்திட்ட உதவிகளை வழங்கினார்.
வருவாய்த் துறையின் சார்பில் 144 பயனாளிகளுக்கு ரூ.15,30,000 மதிப்பிலான இலவச வீட்டுமனைப் பட்டா, மாற்றுத் திறனாளிகள் உதவித்தொகை, வாரிசு சான்று, பட்டா மாறுதல், நத்தம் தோராய பட்டா உள்ளிட்ட பல்வேறு நலத்திட்ட உதவிகளையும், வேளாண் துறை சார்பில் 5 விவசாயிகளுக்கு ரூ. 76,300 மானிய நிதி உதவியுடன் ரூ.2,05,958-ம், மின்கல தெளிப்பான், ரொட்டாவேட்டர், சோலார் பவர் லைட் டிராப் உள்ளிட்ட வேளாண் கருவிகளையும் வழங்கினார்.
தோட்டக்கலை மற்றும் மலைப் பயிர்கள் துறையின் சார்பில் 5 பயனாளிகளுக்கு ரூ.1,60,240 மதிப்பிலான சொட்டு நீர்ப் பாசனம் அமைப்பதற்கான மானியம், விதைகள் மற்றும் பழக்கன்றுகளையும், மாற்றுத் திறனாளிகள் நலத்துறையின் சார்பில் 3 பேர்களுக்கு மாதம் ரூ.1500 வீதம் ரூ.54 ஆயிரம் மதிப்பிலான மாதாந்திர பராமரிப்பு பெருவதற்கான உத்தரவும் வழங்கப்பட்டது.
ஊரக வளர்ச்சி மற்றும் ஊராட்சி வளர்ச்சி துறையின் சார்பில் 3 பயனாளிகளுக்கு தலா ரூ.2.40 லட்சம் வீதம்,ரூ.7.20 லட்சத்தில் பசுமை வீடுகள் கட்டுவதற்கான ஆணைகள் உட்பட 160 பயனாளிகளுக்கு ரூ.26.70 லட்சத்தில் பல்வேறு நலத்திட்ட உதவிகளை வழங்கினார். அதனைத் தொடர்ந்து பொதுமக்களிடம் கோரிக்கை மனுக்களை பெற்றுக்கொண்டார்.
முகாமில் துறை சார்ந்த அதிகாரிகள் கலந்துகொண்டனர். பரமத்தி வேலூர் வட்டாட்சியர் ருக்மணி நன்றி கூறினார்.

 

]]>
http://www.dinamani.com/all-editions/edition-dharmapuri/namakkal/2018/jan/14/பரமத்தி-வேலூர்-அருகே-மனுநீதி-முகாம்-2844508.html
2844507 தருமபுரி நாமக்கல் நாமக்கல் செல்வம் கல்லூரியில் பொங்கல் விழா DIN DIN Sunday, January 14, 2018 01:57 AM +0530 நாமக்கல் செல்வம் கலை மற்றும் அறிவியல் கல்லூரியில் சமத்துவ பொங்கல் விழா அண்மையில் கொண்டாடப்பட்டது.
தாளாளர் பொ.செல்வராஜ் தலைமை வகித்தார். முதல்வர் ந.ராஜவேல் வரவேற்றார். ஜெயம் செல்வராஜ், துணை தாளாளர் செ.பாபு, செயலர் கவீத்ராநந்தினி பாபு முன்னிலை வகித்தனர். தேர்வுக் கட்டுப்பாட்டு அலுவலர் கி.சி.அருள்சாமி, துணை முதல்வர்கள் வாழ்த்தி பேசினர். விழாவில், மாணவ மாணவியர் கலந்துகொண்டு சமத்துவ பொங்கலிட்டு மகிழ்ந்தனர்.
இவ்விழாவின் சிறப்பு அம்சமாக காங்கேயம், புளியங்குளம், அந்தியூர், பருகூர், கும்பகோணம், குட்டை போன்ற பாரம்பரிய காளைகள் மாணவ, மாணவியர் முன் காட்சிப்படுத்தப்பட்டன. இது தமிழ் பாரம்பரிய காளைகள் குறித்து மாணவ, மாணவியரிடையே விழிப்புணர்வு ஏற்படுத்தப்பட்டது.
நவீன வளர்ச்சியால் கலாசாரம் பாதுகாக்கப்படுகின்றனவா? அழிக்கப்படுகின்றனவா? என்ற தலைப்பில் பேராசிரியர்கள் பங்கு பெற்ற பட்டிமன்றம் நடைபெற்றது.
மேலும் மாணவ, மாணவியர் கிராமிய நடனம், கோலாட்டம், கரகாட்டம், ஒயிலாட்டம் முதலான தமிழ் பாரம்பரிய நடனங்களை ஆடி மகிழ்ந்தனர். மாணவர்களுக்கு கலைப் போட்டிகளும், மாணவியருக்கு கோலப் போட்டிளும் நடத்தப்பட்டு பரிசுகள் வழங்கப்பட்டன. துணை முதல்வர் கே.கே.கவிதா நன்றி கூறினார்.

]]>
http://www.dinamani.com/all-editions/edition-dharmapuri/namakkal/2018/jan/14/நாமக்கல்-செல்வம்-கல்லூரியில்-பொங்கல்-விழா-2844507.html
2844506 தருமபுரி நாமக்கல் நாமகிரிப்பேட்டையில் ஜன.18-இல் மின் நிறுத்தம் DIN DIN Sunday, January 14, 2018 01:56 AM +0530 நாமகிரிப்பேட்டை பகுதியில் பராமரிப்புப் பணிகள் நடைபெறுவதால், ஜன.18-இல் மின்சாரம் நிறுத்தப்படும் என மின்வாரியம் அறிவித்துள்ளது.
இதுகுறித்து ராசிபுரம் மின்வாரிய செயற்பொறியாளர் எஸ்.நாகராஜன் வெளியிட்டுள்ள செய்தி: நாமகிரிப்பேட்டை துணை மின்நிலையப் பகுதியில் பராமரிப்புப் பணிகள் நடைபெறுவதால், ஜன.18-இல் நாமகிரிப்பேட்டை, சீராப்பள்ளி, தண்ணீர்பந்தல்காடு, மூலப்பள்ளிப்பட்டி, மெட்டாலா, ஆயில்பட்டி, காக்காவேரி, அரியாகவுண்டம்பட்டி, வெள்ளக்கல்பட்டி, புதுப்பட்டி, பச்சுடையாம்பாளையம், பட்டணம் ஆகிய பகுதிகளில் காலை 9 மணி முதல் மதியம் 2 மணி வரை மின் நிறுத்தம் செய்யப்படும்.

 

]]>
http://www.dinamani.com/all-editions/edition-dharmapuri/namakkal/2018/jan/14/நாமகிரிப்பேட்டையில்-ஜன18-இல்-மின்-நிறுத்தம்-2844506.html
2844505 தருமபுரி நாமக்கல் நாமக்கல்லில் பொங்கல் பொருள்கள் விற்பனை அமோகம் DIN DIN Sunday, January 14, 2018 01:55 AM +0530 பொங்கல் பண்டிகையை முன்னிட்டு, நாமக்கல் நகரில் கரும்பு உள்ளிட்ட பொங்கல் பொருள்களின் விற்பனை அமோகமாக இருந்தது.
பொங்கல் பண்டிகையையொட்டி, வீட்டு முற்றத்தில் கரும்பு, மஞ்சள் குலை வைத்து பொங்கலிட்டு சூரிய பகவானை வழிபடுகின்றனர். இந்த பூஜையில் ஆவாரம் பூ, பூலாம் பூ மற்றும் வேப்பிலை அடங்கிய காப்புக் கட்டு பூ வீட் டின் தாழ்வாரத்தில் கட்டப்படுகிறது. கரும்பு, மஞ்சள், காப்புக் கட்டு பூ ஆகியவற்றை நாமக்கல் நகரில் பல்வேறு இடங்களில் வியாபாரிகள் விற்பனைக்காக குவித்து வைத்துள்ளனர். இதனை மக்கள் ஆர்வமுடன் வாங்கிச் செல்கின்றனர்.
நாமக்கல் நகரில் உழவர் சந்தை மற்றும் கடை வீதியில் கரும்பு, மஞ்சள் கொத்து விற்பனை களை கட்டியது. அதிகாலை முதல் ஏராளமானோர் வந்து பொங்கல் பொருள்களை வாங்கிச் சென்றனர். இதில் ஒரு ஜோடி கரும்பு ரூ.50 முதல் ரூ.70 வரையிலும், மஞ்சள் கொத்து ஒரு ஜோடி ரூ.40 வரையிலும், காப்புக் கட்டு பூ ரூ.5 முதல் ரூ.10 வரையிலும், கோலப் பொடி ஒரு பாக்கெட் ரூ.5-க்கும் விற்பனை செய்யப்பட்டன. நாமக்கல் பேருந்து நிலையத்தில் வெளியூர் செல்லும் பயணிகள் குவிந்ததால் திருச்சி, சேலம், மதுரை, துறையூர், கரூர், ஈரோடு, கோவை செல்லும் பேருந்துகளில் கூட்டம் நிரம்பி வழிந்தது.

 

]]>
http://www.dinamani.com/all-editions/edition-dharmapuri/namakkal/2018/jan/14/நாமக்கல்லில்-பொங்கல்-பொருள்கள்-விற்பனை-அமோகம்-2844505.html
2844504 தருமபுரி நாமக்கல் மாவட்ட அளவிலான செஸ் போட்டி DIN DIN Sunday, January 14, 2018 01:55 AM +0530 நாமக்கல் மாவட்ட அளவிலான செஸ் போட்டிகள் அண்மையில் நடைபெற்றன. நாமக்கல் மாவட்ட செஸ் பவுண்டேஷன் சார்பில் நடைபெற்ற இப் போட்டிகளை தலைவர் டாக்டர் ரமேஷ் தலைமை வகித்து துவக்கி வைத்தார். செயலாளர் ஞானசேகரன் முன்னிலை வகித்தார். 25 பள்ளிகளைச் சேர்ந்த சுமார் 200 மாணவ, மாணவிகள் கலந்து கொண்டனர். இவர்களில் 27 பேர் சர்வதேச தரப் புள்ளிகள் பெற்றவர்கள். நாமக்கல் மாவட்டத்திலிருந்து தேசிய அளவில் வெற்றி பெற்ற சிபி விஷால், சுபாஷ் மதிவாணன், வேல் விஸ்வநாதன் ஆகியோருக்கு சிறப்பு பரிசுகள் வழங்கப்பட்டன.
போட்டிகள் 9 வயது, 11, 13,15 வயது மற்றும் பொதுப்பிரிவு என்று 5 பிரிவுகளாக நடந்தன. போட்டிகள் 6 சுற்றுக்களாக நடந்தன. 9 வயது மாணவர் பிரிவில் நந்தேஸ், பாரத், ஹஸ்வந்குமார், மாணவிகள் பிரிவில் தீட்க்சா, பிரதீக்ஷô, ரிதன்யா ஆகியோர் முறையே முதல் மூன்று இடங்களைப் பெற்றனர். 11 வயது மாணவர் பிரிவில் யதுநந்தன், சந்தர்,கிஷோர்ராகவ், மாணவிகள் பிரிவில் பூமிகா, ரஸ்மிகா, மதிவதனி ஆகியோர் முதல் மூன்று இடங்களைப் பெற்றனர். 13 வயதுடையோர் பிரிவில் மாணவர்கள் யோகப்பிரியன், கார்த்திக் குகன், விக்னேஷ், மாணவிகள் பிரிவில் ரக்ஷிதா, விஷ்ணுபிரியா, கோபிதா ஆகியோர் முதல் மூன்று இடங்களில் வந்தனர். 15 வயது மாணவர் பிரிவில் வேல் விஸ்வநாதன், சூரியபாரதி, பூபேஷ் மாணவிகள் பிரிவில் அபிசுகா, மகிமா, கனிஷா ஆகியோர் முதல் மூன்று இடங்களை பெற்றனர். அனைத்து பிரிவுகளிலும் முதலிரண்டு இடங்களைப் பெற்ற 2 பேர் மாநில அளவிலான போட்டிக்கு அனுப்பி வைக்கப்படுவார்கள்.
பொதுப் பிரிவில் முதல் 4 இடங்களை முறையே சிபிவிஷால், தர்ஷன், பழனிசாமி, செல்வம் ஆகியோர் பெற்றனர். இவர்களும் மாநில போட்டிக்கு அனுப்பி வைக்கப்படுவார்கள்.
பரிசுகளை தலைவர் டாக்டர் ரமேஷ், செயலாளர் ஞானசேகரன், ஆதாயம, சிவம் ஆகியோர் வழங்கினர். தேவேந்திரன் தலைமை நடுவராக விளங்கினார். நடுவர்களாக சிவராமகிருஷ்ணன்,சீனிவாசன், சரண்யா, அழகம்மை, கார்த்திகேயன், விஜயகுமார் ஆகியோர் இருந்தனர்.

 

]]>
http://www.dinamani.com/all-editions/edition-dharmapuri/namakkal/2018/jan/14/மாவட்ட-அளவிலான-செஸ்-போட்டி-2844504.html
2844502 தருமபுரி நாமக்கல் அரசு கல்லூரியில் நூல் வெளியீட்டு விழா DIN DIN Sunday, January 14, 2018 01:55 AM +0530 நாமக்கல் அறிஞர் அண்ணா அரசு கலைக் கல்லூரி பொன் விழாவையொட்டி, தமிழ்த் துறையின் சார்பாக திருவள்ளுவர் தினம் மற்றும் நூல் வெளியீட்டு விழா அண்மையில் நடைபெற்றது.
கல்லூரி முதல்வர் அ.லீலாகுளோரிபாய் தலைமை வகித்தார். உதவி பேராசிரியர் பி.கந்தசாமி வரவேற்றார். உதவி பேராசிரியர் துரை.ரவிக்குமார் எழுதிய ஆண் பேசும் பெண்ணியம், மூன்றாம் பிறை, யாப்பருங்கலக்காரிகை, தொல்காப்பியம் எழுத்து ஆகிய நான்கு நூல்களை ஓய்வுபெற்ற காவல் கண்காணிப்பாளர் விஜயராகவன் வெளியிட்டார். ஓய்வுபெற்ற கலால் துறை ஆணையர் சி.க.கருப்பண்ணன் நூல்களைப் பெற்றுக் கொண்டார்.
நாமக்கல் தமிழ்ச் சங்க இணைச் செயலர் ராசாக்கவுண்டர் பேசினார். நூல்கள் குறித்து தமிழ்த் துறைத் தலைவர் மு.நடராஜன், உதவி பேராசிரியர்கள் அ.சின்னதுரை, க.பூபதி ஆகியோர் பேசினர்.
திருவள்ளுவர் தினத்தையொட்டி, பொங்கல் வைத்து மாணவர்களிடையே பல்வேறு போட்டிகள் நடத்தி பரிசுகள் வழங்கப்பட்டன. இந்நிகழ்ச்சிகளை உதவி பேராசிரியர் அரசு பரமேஸ்வரன் ஒருங்கிணைத்து நடத்தினார்.

 

]]>
http://www.dinamani.com/all-editions/edition-dharmapuri/namakkal/2018/jan/14/அரசு-கல்லூரியில்-நூல்-வெளியீட்டு-விழா-2844502.html
2844501 தருமபுரி நாமக்கல் திருவிழா நடத்துவதில் இருதரப்பினரிடையே பிரச்னை: கோயில்களுக்கு "சீல் DIN DIN Sunday, January 14, 2018 01:54 AM +0530 கோயில் திருவிழா நடத்துவதில் இருதரப்பினர் இடையே பிரச்னை ஏற்பட்டதால், வருவாய்த் துறை அதிகாரிகள் கோயில்களுக்கு சனிக்கிழமை "சீல்' வைத்தனர்.
நாமக்கல் நகராட்சிக்குள்பட்ட தும்மங்குறிச்சி மேலப்பட்டி, மேல்முகம் கிராமத்தில் சின்ன காமாட்சி அம்மன், பெரிய காமாட்சி அம்மன் மற்றும் பெரியசாமி கோயில்கள் உள்ளன. இக்கோயில்களில் திருவிழா நடத்துவது தொடர்பாக, இருதரப்பினர் இடையே பிரச்னை இருந்து வந்தது.
இந்த நிலையில், கடந்த 8-ஆம் தேதி ஒரு தரப்பினர் நாமக்கல் மாவட்ட ஆட்சியர் மு.ஆசியா மரியத்திடம் கோரிக்கை மனு அளித்தனர். அதில், வழக்கத்துக்கு மாறாக ஒரு குறிப்பிட்ட சமுதாயத்தைச் சேர்ந்தவர்கள் கடந்த 4-ஆம் தேதி ஊரில் கூட்டம் போட்டு, மற்ற சமுதாயத்தைச் சேர்ந்தவர்களை ஒதுக்கிவிட்டு, வரும் 14-ஆம் தேதி முதல் 17-ஆம் தேதி வரை இக்கோயிலில் திருவிழா நடத்த முடிவு செய்துள்ளனர். மற்ற சமுதாய மக்களை திருவிழாவில் கலந்துகொள்ள விடாமல் தடை செய்யவும் முடிவு செய்து உள்ளனர். இதனால் பிரச்னை ஏற்பட வாய்ப்புள்ளது.
எனவே, திருவிழா நடத்துவதை தடுத்து நிறுத்தி, ஜாதி கலவரம் ஏற்படாமல் இருக்க நடவடிக்கை எடுக்க வேண்டும் என அதில் தெரிவிக்கப்பட்டிருந்தது. இதையடுத்து, அதிகாரிகள் இருதரப்பினரிடமும் பேச்சுவார்த்தை நடத்தியதில் உடன்பாடு ஏற்படவில்லை.
இந்நிலையில், நாமக்கல் வட்டாட்சியர் பாலகிருஷ்ணன் தலைமையில், மேல்முகம் கிராமத்தில் உள்ள கூத்தாண்டவர் கோயில், கொங்கலம்மன், விநாயகர் கோயில், பெரியகாமாட்சி அம்மன், சின்ன காமாட்சி அம்மன், பெரியசாமி கோயில் மற்றும் வீரமாத்தியம்மன் கோயில் உள்பட 8 கோயில்களை வருவாய்த் துறை அதிகாரிகள் பூட்டி "சீல்' வைத்தனர். இதேபோல் கோயில் வீடு ஒன்றுக்கும் "சீல்' வைக்கப்பட்டது. மேலும், அசம்பாவிதங்கள் ஏற்படாமல் இருக்க பலத்த போலீஸ் பாதுகாப்பு போடப்பட்டுள்ளது.

]]>
http://www.dinamani.com/all-editions/edition-dharmapuri/namakkal/2018/jan/14/திருவிழா-நடத்துவதில்-இருதரப்பினரிடையே-பிரச்னை-கோயில்களுக்கு-சீல்-2844501.html
2844500 தருமபுரி நாமக்கல் விவசாயிகள் தற்கொலை சமூகத்துக்கு அவமானம்: உ.சகாயம் DIN DIN Sunday, January 14, 2018 01:54 AM +0530 விவசாயிகள் தற்கொலை செய்து கொள்வதும், மாரடைப்பால் மாண்டு போவதும் சமூகத்துக்கு அவமானம் என்றார் சென்னை அறிவியல் நகர துணைத் தலைவர் உ.சகாயம்.
நாமக்கல் அருகே லத்துவாடியில் உள்ள நம்பிக்கை இல்லத்தில் பொங்கல் விழா சனிக்கிழமை கொண்டாடப்பட்டது. விழாவுக்கு தலைமை வகித்து உ.சகாயம் பேசியது:-
விவசாயிகள்தான் நம்முடைய வாழ்க்கையின் அடித்தளமாக, ஆதாரமாக உள்ளனர். அவர்கள் வாழ்ந்தால்தான், நாம் வாழ முடியும். ஆனால், விவசாயிகளின் வாழ்க்கையில் வறுமையும், வெறுமையும் நிறைந்திருக்கிறது. விவசாயிகள் தற்கொலை செய்து கொள்வதும், மாரடைப்பால் மாண்டு போவதும், சமூகத்துக்கு அவமானம்.
1,000 ஆண்டுகளுக்கு முன் இந்திய துணைக் கண்டம் முழுமைக்கும் இருந்த ஒரே சாம்ராஜ்யம் சோழப் பேரரசு என அமெரிக்க பத்திரிக்கை கூறுகிறது. நாம் வரலாற்று உண்மைகளை தெரிந்திருக்கவில்லை. நம் மொழி மீது நமக்கு நம்பிக்கை, பற்றுதல் இல்லை. வாழ்க்கைக்காக ஒரு மொழி இருக்கிறது என்று சொன்னால் அது தமிழ்மொழி தான் என்றார்.
விழாவை முன்னிட்டு, கலைநிகழ்ச்சிகள் நடைபெற்றன. மேலும் 30 விவசாயிகள் பாராட்டி கெளரவிக்கப்பட்டனர். நம்பிக்கை இல்ல நிர்வாகி கதிர்செல்வன், சுப்பிரமணியம் கலை அறிவியல் கல்லூரி தாளாளர் சு.பழனியாண்டி, தமிழ் ஆர்வலர்கள் பங்கேற்றனர்.

 

]]>
http://www.dinamani.com/all-editions/edition-dharmapuri/namakkal/2018/jan/14/விவசாயிகள்-தற்கொலை-சமூகத்துக்கு-அவமானம்-உசகாயம்-2844500.html
2844002 தருமபுரி நாமக்கல் அடுத்தடுத்து மூன்று கார்கள் மீது மோதிய மினி லாரி DIN DIN Saturday, January 13, 2018 07:40 AM +0530 பரமத்தி வேலூரில் இருந்து மோகனூர் செல்லும் சாலையின் குறுக்கே உள்ள தேசிய நெடுஞ்சாலை உயர்மட்ட பாலத்தில் அடுத்தடுத்த கார்களின் மீது மினி லாரி மோதிய விபத்தில் மூன்று கார்கள் சேதமடைந்தன. 
பரமத்தி வேலூரில் இருந்து மோகனூர் செல்லும் சாலையின் மேல் உயர்மட்ட தேசிய நெடுஞ்சாலை பாலம் உள்ளது.  இப்பாலத்தை கடப்பதற்காக நின்று கொண்டிருந்த காரின் மீது மினி லாரி மோதி,  உடன் சென்ற மற்ற இரண்டு கார்கள் மீதும் மோதியுள்ளது.  இதில் மூன்று கார்களும் சேதமடைந்தன. காரில் பயணம் செய்த அனைவரும் அதிர்ஷ்டவசமாக உயிர் தப்பினர்.  இதில் காரில் வந்த ஈரோடு மாவட்டம்,மூலனூரைச் சேர்ந்த அருண்குமார் (23),  இராசிபுரம் அருகே உள்ள பொட்டணத்தைச் சேர்ந்த ராஜீவ்காந்தி (30), சேலத்தைச் சேர்ந்த அருண் (32), ஆகியோரும்,மதுரையைச் சேர்ந்த மினி லாரி ஓட்டுநர் ஹரிகிருஷ்ணன் (25) ஆகியோர் லேசான காயங்களுடனும்,  அவர்களுடன் வந்தவர்களும் காயமின்றி உயிர்தப்பினர்.  
 மேலும் விபத்து காரணமாக கரூர்-நாமக்கல் தேசிய நெடுஞ்சாலையில் சுமார் 1 மணி நேரம் போக்குவரத்து பாதிப்பு ஏற்பட்டது.

]]>
http://www.dinamani.com/all-editions/edition-dharmapuri/namakkal/2018/jan/13/அடுத்தடுத்து-மூன்று-கார்கள்-மீது-மோதிய-மினி-லாரி-2844002.html
2844001 தருமபுரி நாமக்கல் 10 நாட்டு துப்பாக்கிகள் பறிமுதல் DIN DIN Saturday, January 13, 2018 07:39 AM +0530 கொல்லிமலையில் அனுமதி பெறாமல் வைத்திருந்த 10 நாட்டு துப்பாக்கிகளை போலீஸார் வெள்ளிக்கிழமை பறிமுதல் செய்தனர். 
 கொல்லிமலை மலை கிராமங்களில் அவ்வப்போது அனுமதி பெறாத துப்பாக்கிகளை பொது இடத்தில் போட்டுவிட்டு செல்வது தொடர்கிறது.  கடந்த 6 மாதங்களில் 100 துப்பாக்கிகள் இதுபோல் பறிமுதல் செய்யப்பட்டுள்ளதாகவும், இதுபோலவே வெள்ளிக்கிழமை அன்றும் கொல்லிமலையில் பொது இடங்களில் இருந்து 10 துப்பாக்கிகளை பறிமுதல் செய்துள்ளதாகவும் நாமக்கல் மாவட்ட கூடுதல் காவல் கண்காணிப்பாளர் எஸ்.செந்தில் தெரிவித்தார்.

]]>
http://www.dinamani.com/all-editions/edition-dharmapuri/namakkal/2018/jan/13/10-நாட்டு-துப்பாக்கிகள்-பறிமுதல்-2844001.html
2844000 தருமபுரி நாமக்கல் சேகோ ஆலை உரிமையாளர் வீட்டில் கொள்ளையடித்த வழக்கில் இருவர் கைது:  55 சவரன் நகை மீட்பு DIN DIN Saturday, January 13, 2018 07:39 AM +0530 ராசிபுரம் அருகேயுள்ள வெண்ணந்தூர் வடுகம்பாளையம் பகுதியில் உள்ள சேகோ ஆலை உரிமையாளர் வீட்டில் ரொக்கம்,  நகை கொள்ளையடித்த வழக்கில் இருவரை போலீஸார் வெள்ளிக்கிழமை கைது செய்துள்ளனர்.  அவர்களிடம் இருந்து 55 சவரன் நகை மீட்கப்பட்டது.
வெண்ணந்தூர் வடுகம்பாளையம் பகுதியைச் சேர்ந்தவர் ஏ.ஆர்.துரைசாமி (70) . இவரது மகன் சதாசிவம் சேகோ ஆலை நடத்தி வருகின்றனர்.  இந் நிலையில் கடந்த 21.03.17 -ல் குடும்பத்துடன் திருப்பதி கோயிலுக்கு சென்றிருந்தபோது,  அவர்களது வீட்டின் பூட்டை  உடைத்து 60 சவரன் நகை,  40 ஆயிரம் பணம் கொள்ளையடிக்கப்பட்டது . இது சம்பந்தமாக வெண்ணந்தூர் காவல் துறையினர் வழக்குப் பதிவு செய்து தனிப்படை அமைத்து குற்றவாளிகளைத் தேடிவந்தனர்.  இந் நிலையில்,  கடந்த 2 தினங்களுக்கு முன்பு இதே சேகோ ஆலையில் கடந்த சில மாதங்களுக்கு முன்பு வேலை செய்த ஆயிபாளையத்தைச் சேர்ந்த ரஞ்சித் என்பவரை  கைது செய்து விசாரணை மேற்கொண்டதில்,  மல்லூர் பாரப்பட்டியைச் சேர்ந்த தங்கவேலுடன் சேர்ந்து கொள்ளையடித்தது தெரியவந்தது.
 இதனையடுத்து,  காவல் துறையினர் வெண்ணந்தூர் பகுதியில் பதுங்கியிருந்த பாரப்பட்டியை சேர்ந்த தங்கவேலையும்  கைது செய்து விசாரணை மேற்கொண்டனர்.  
விசாரணையில், இருவரும் சேர்ந்து கொள்ளையடித்தை ஒப்புக் கொண்டனர்.   இருவரையும் கைது செய்த போலீஸார் 55 சவரன் நகையை பறிமுதல் செய்தனர். இவரையும் நீதிமன்றத்தில் ஆஜர்படுத்தினர்.   இதில் கைது செய்யப்பட்ட மல்லூர் பாரப்பட்டியை சேர்ந்த தங்கவேல் மீது பல்வேறு திருட்டு வழக்குகள் இருப்பது குறிப்பிடத்தக்கது.

]]>
http://www.dinamani.com/all-editions/edition-dharmapuri/namakkal/2018/jan/13/சேகோ-ஆலை-உரிமையாளர்-வீட்டில்-கொள்ளையடித்த-வழக்கில்-இருவர்-கைது--55-சவரன்-நகை-மீட்பு-2844000.html
2843999 தருமபுரி நாமக்கல் நாமக்கல்லில் சுவாமி  விவேகானந்தர் பிறந்த நாள் விழா DIN DIN Saturday, January 13, 2018 07:38 AM +0530 சுவாமி விவேகானந்தரின் 155ஆம் ஆண்டு பிறந்த நாள் விழா அகில பாரதிய வித்யார்த்தி பரிஷத்தின் நாமக்கல் நகர கிளை சார்பில் தேசிய இளைஞர் எழுச்சி நாளாக வெள்ளிக்கிழமை கொண்டாடப்பட்டது.
நாமக்கல் மணிக்கூண்டு அருகே நடைபெற்ற விழாவுக்கு அகில பாரதிய வியார்த்தி பரிஷத்தின் மாநில செயற்குழு உறுப்பினர் பிரபு தலைமை வகித்தார்.  மாவட்ட இணை ஒருங்கிணைப்பாளர் சக்தி முன்னிலை வகித்தார்.  தொடர்ந்து பாரதிய கிஷான் சங்க நிர்வாகி ஸ்ரீகணேசன் சுவாமி விவேகானந்தர் குறித்து பேசினார். 
 அலங்கரிக்கப்பட்டு வைக்கப்பட்டிருந்த சுவாமி விவேகானந்தரின் உருவப்படத்துக்கு பாஜக நகரச் செயலர் வரதராஜன்,  மாவட்ட பொதுச் செயலர் முத்துக்குமார்,  தேசிய செயற்குழு உறுப்பினர் மனோகரன்,  வழக்குரைஞர் குப்புசாமி உள்ளிட்டோர் மலர் தூவி மரியாதை செலுத்தினர்.

]]>
http://www.dinamani.com/all-editions/edition-dharmapuri/namakkal/2018/jan/13/நாமக்கல்லில்-சுவாமி--விவேகானந்தர்-பிறந்த-நாள்-விழா-2843999.html
2843998 தருமபுரி நாமக்கல் முறைகேடாக மணல் விற்பனை: கண்டித்து ஆர்ப்பாட்டம் DIN DIN Saturday, January 13, 2018 07:38 AM +0530 பரமத்தி வேலூரில் அரசு மணல் குவாரியில் மணல் எடுத்து முறைகேடாக விற்பனை செய்வதை கண்டித்தும்,  மணலுக்கான விலை நிர்ணயம் செய்யக் கோரி தமிழக கட்டடத் தொழிலாளர்கள் மத்திய சங்கம் மற்றும் மணலை ஆதாரமாக கொண்டு செயல்படும் நிறுவனத்தைச் சேர்ந்தவர்கள் பரமத்தி வேலூர் அண்ணாசிலை அருகே வெள்ளிக்கிழமை  ஆர்ப்பாட்டத்தில் ஈடுபட்டனர்.
   ஆர்ப்பாட்டத்துக்கு தமிழக கட்டட தொழிலாளர்கள் மத்திய சங்க மாவட்டத் தலைவர் வேலுப்பிள்ளை தலைமை தாங்கினார்.  மாவட்டச் செயலாளர் நாகராஜன் வரவேற்றார். 
அமைப்பு சாரா கட்டுமானத் தொழிற்சங்க கூட்டமைப்புத் தலைவர் ராமகிருஷ்ணன், பொருளாளர் செல்வராஜ், இணைச் செயலாளர் தமிழ்ச்செல்வி ஆகியோர்  சிறப்புரையாற்றினர்.  
தமிழகத்தில் ஒட்டுமொத்த மணல் குவாரிகள் மூடப்பட்ட சூழ்நிலையில்,  கட்டுமானத் தொழிலாளர்களின் வாழ்வாதாரம் வெகுவாக பாதிக்கப்பட்டுள்ளது.  மேலும் வீடு கட்டும் உரிமையாளர்களும்,  மணலை ஆதாரமாக கொண்டு செயல்படும் சிறுதொழில் நிறுவனங்களும் பாதிக்கப்பட்டுள்ளன.
  பரமத்தி வேலூரை அடுத்துள்ள பாலப்பட்டியில் அரசு மணல் குவாரி செயல்பட்டு வருகிறது.  இங்கு மாட்டு வண்டிகள் மூலம் மட்டுமே மணல் எடுக்க அனுமதி அளிக்கப்பட்டுள்ளது.  மாட்டு வண்டி ஒன்றுக்கு மணல் எடுப்பதற்கு நாள் ஒன்றுக்கு ஒரு முறை மட்டுமே அனுமதி அளிக்கப்பட்டுள்ளது.  
மேலும் மாட்டு வண்டி உரிமையாளர்களுக்கு அடையாள அட்டை வழங்கப்பட்டுள்ளது.  ஒருமுறை காவிரியில் இருந்து மணல் எடுத்து வரும் மாட்டு வண்டி ஒன்றுக்கு பொதுப்பணித்துறை மூலம் ரூ.63 வசூல் செய்யப்பட்டு வருகிறது. இங்கிருந்து எடுத்துச் செல்லப்படும் மணலை எடுத்துச் செல்லும் மணலை மாட்டு வண்டி உரிமையாளர்கள் ரூ.4 ஆயிரம் முதல் ரூ.5 ஆயிரம்  வரை விற்பனை செய்வதாகவும்,  மாநில அரசு மாட்டு வண்டி மணலுக்கான விலையை நிர்ணயம் வேண்டும் எனவும், முறைகேடாக மணலை விற்பனை செய்வதை தடுக்க வேண்டும் எனக் கூறி பரமத்தி வேலூர் அண்ணாசிலை அருகே கண்டன ஆர்ப்பாட்டத்தில் ஈடுபட்டனர். 
    ஆர்ப்பாட்டத்தில் தமிழக கட்டடத் தொழிலாளர்கள் மத்திய சங்கத்தினர், அமைப்புசாரா தொழிலாளர்கள் மத்திய சங்கம்,  பரமத்தி வேலூர் கட்டுமான பொறியாளர்கள் அமைப்பினர் மற்றும் மணலை ஆதாரமாகக் கொண்டு செயல்பட்டு வரும் பல்வேறு சங்கங்களைச் சேர்ந்தோர் மற்றும் கட்டத் தொழிலாளர்கள் உள்ளிட்ட 300-க்கும் மேற்பட்டோர் கலந்து கொண்டனர். 
  தமிழக கட்டடத் தொழிலாளர்கள் மத்திய சங்க துணைத் தலைவர் ரவி நன்றி கூறினார்.
 

]]>
http://www.dinamani.com/all-editions/edition-dharmapuri/namakkal/2018/jan/13/முறைகேடாக-மணல்-விற்பனை-கண்டித்து-ஆர்ப்பாட்டம்-2843998.html
2843997 தருமபுரி நாமக்கல் பூவன் வாழைத்தார் ரூ.1,000-க்கு ஏலம்: விவசாயிகள் மகிழ்ச்சி DIN DIN Saturday, January 13, 2018 07:38 AM +0530 பரமத்தி வேலூர் தினசரி வாழைத்தார் ஏலச் சந்தையில் வெள்ளிக்கிழமை நடைபெற்ற ஏலத்தில் பொங்கல் பண்டிகையை முன்னிட்டு பூவன் வாழைத்தார் அதிகபட்சமாக ரூ.1,000-க்கு ஏலம் போனது.   இதனால் வாழை பயிர் செய்துள்ள விவசாயிகள் மகிழ்ச்சியடைந்துள்ளனர்.
   பரமத்தி வேலூர் காவிரி கரையோரப் பகுதிகளில் ஆயிரக்கணக்கான ஏக்கரில் வாழை பயிர் செய்யப்பட்டுள்ளது.  இங்கு விளையும் வாழைத்தார்கள் கேரளம், கர்நாடகம், ஆந்திரம் உள்ளிட்ட பல்வேறு மாநிலங்களுக்கும்,  சேலம்,  கோவை,  ஈரோடு,  கரூர், திண்டுக்கல் உள்ளிட்ட பல்வேறு மாவட்டங்களுக்கும் தினந்தோறும் லாரிகள் மூலம் அனுப்பப்பட்டு வருகின்றன.   கடந்த சில நாட்களுக்கு முன்பு நடைபெற்ற ஏலத்திற்கு 800 வாழைத்தார்கள் மட்டுமே விவசாயிகள் கொண்டு வந்திருந்தனர்.  இதில் பூவன் வாழைத்தார் அதிகபட்சமாக ரூ.400-க்கும்,  ரஸ்தாளி வாழைத்தார் அதிகபட்சமாக ரூ.300-க்கும்,பச்சைநாடன் வாழைத்தார் அதிகபட்சமாக ரூ.300-க்கும், கற்பூரவள்ளி வாழைத்தார் ரூ.350-க்கும் ஏலம் போயின.  மொந்தன் வாழைக்காய் ஒன்று ரூ.7-க்கு விற்பனையானது.
  வெள்ளிக்கிழமை நடைபெற்ற ஏலத்துக்கு  2 ஆயிரத்துக்கும் மேற்பட்ட வாழைத்தார்கள் விவசாயிகள் ஏலத்துக்கு கொண்டு வந்திருந்தனர்.  இதில் பூவன் வாழைத்தார் அதிகபட்சமாக ரூ.1,000-க்கும்,  ரஸ்தாளி வாழைத்தார் அதிகபட்சமாக ரூ.550-க்கும்,  பச்சைநாடன் வாழைத்தார் அதிகபட்சமாக ரூ.600-க்கும்,  கற்பூரவள்ளி வாழைத்தார் ரூ.600-க்கும் ஏலம் போயின.   
மொந்தன் வாழைக்காய் ஒன்று ரூ.10-க்கு விற்பனையானது.  பொங்கல் பண்டிகையை முன்னிட்டு வாழைத்தார்கள் விலை உயர்ந்துள்ளதாகவும்,  வியாபாரிகள் அதிக அளவில் வந்திருந்ததால் வாழை பயிர் செய்துள்ள விவசாயிகள் மகிழ்ச்சியடைந்துள்ளனர்.
 

]]>
http://www.dinamani.com/all-editions/edition-dharmapuri/namakkal/2018/jan/13/பூவன்-வாழைத்தார்-ரூ1000-க்கு-ஏலம்-விவசாயிகள்-மகிழ்ச்சி-2843997.html
2843996 தருமபுரி நாமக்கல் அரசின் சாதனை விளக்க புகைப்படக் கண்காட்சி DIN DIN Saturday, January 13, 2018 07:38 AM +0530 எலச்சிபாளையம் ஊராட்சி ஒன்றியம்,  வையப்பமலை வாரச்சந்தை வளாகத்தில் நாமக்கல் மாவட்ட செய்தி மக்கள் தொடர்புத் துறையின் சார்பில் அரசின் சாதனை விளக்க புகைப்படக் கண்காட்சி வெள்ளிக்கிழமை அமைக்கப்பட்டது.  இப் புகைப்படக் கண்காட்சியினை வாரச்சந்தைக்கு வருகை தந்த பொதுமக்கள் ஏராளமானோர் பார்வையிட்டனர்.
    இப் புகைப்படக் கண்காட்சியில்  முதல்வர் எடப்பாடி பழனிச்சாமி அரசு நலத் திட்ட உதவிகள் வழங்கிய புகைப்படங்கள்,  புதிய திட்டப் பணிகளை துவக்கி வைத்த நிகழ்ச்சிகளின் புகைப்படங்கள் அமைச்சர் பி.தங்கமணி  மற்றும்  அமைச்சர் மருத்துவர் வெ.சரோஜா  ஆகியோர் நாமக்கல் மாவட்டத்தில் பயனாளிகளுக்கு பல்வேறு நலத் திட்ட உதவிகள் வழங்கிய புகைப்படங்கள்,  புதிய திட்டப் பணிகளை துவக்கி வைத்த நிகழ்ச்சிகளின் புகைப்படங்கள்,  மாவட்ட ஆட்சித்தலைவர்.மு.ஆசியா மரியம் கலந்து கொண்ட முக்கிய நிகழ்வுகளின் புகைப்படங்கள் உள்ளிட்ட பல்வேறு புகைப்படங்கள் இப் புகைப்படக் கண்காட்சியில் வைக்கப்பட்டிருந்தன. 
இக் கண்காட்சியினை ஏராளமான பொதுமக்கள் நேரில் பார்வையிட்டு ,  தமிழ்நாடு அரசின் திட்டங்கள் மற்றும் சாதனைகளை இப் புகைப்படக் கண்காட்சியின் மூலம் அறிந்து கொள்ள முடிகிறது என்று  தெரிவித்தனர்.
 இந் நிகழ்ச்சியில்,  செய்தி மக்கள் தொடர்பு அலுவலர் மு.அண்ணாதுரை,  உதவி மக்கள் தொடர்பு அலுவலர்(செய்தி) கி.மோகன்ராஜ் உட்பட அரசுத் துறை அலுவலர்கள், பொதுமக்கள்  கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/jan/13/அரசின்-சாதனை-விளக்க-புகைப்படக்-கண்காட்சி-2843996.html
2843995 தருமபுரி நாமக்கல் 1.60 லட்சம் குழந்தைகளுக்கு போலியோ சொட்டு மருந்து வழங்க இலக்கு DIN DIN Saturday, January 13, 2018 07:37 AM +0530 நாமக்கல் மாவட்டத்தில் 1.60 லட்சம் குழந்தைகளுக்கு போலியோ சொட்டு மருந்து வழங்க இலக்கு நிர்ணயிக்கப்பட்டுள்ளது என மாவட்ட ஆட்சியர் மு.ஆசியா மரியம் தெரிவித்தார். 
 நாமக்கல் மாவட்ட பொது சுகாதாரம் மற்றும் நோய் தடுப்பு மருந்துத் துறையின் சார்பில் தீவிர போலியோ சொட்டு மருந்து வழங்கும் முகாம் வரும் 28 மற்றும் மார்ச் மாதம் 11 ஆம் தேதி நடைபெறவுள்ளது.  
 இதுதொடர்பான அனைத்து துறை அலுவலர்களுக்கான ஆலோசனைக் கூட்டம் மாவட்ட ஆட்சியர் அலுவலக கூட்டரங்கில் வெள்ளிக்கிழமை நடைபெற்றது.  இக் கூட்டத்திற்கு மாவட்ட ஆட்சியர் மு.ஆசியா மரியம் தலைமை வகித்து துறை அலுவலர்களுக்கு அறிவுரைகள் வழங்கி பேசியது:  நாமக்கல் மாவட்டத்தில் கடந்த ஆண்டு நடைபெற்ற போலியோ சொட்டு மருந்து முகாமில் 5 வயதிற்குட்பட்ட 1,61,746 குழந்தைகளுக்கு போலியோ சொட்டு மருந்து வழங்கப்பட்டுள்ளது.   அதைப் போலவே,  இந்த ஆண்டு நடைபெறவுள்ள தீவிர போலியோ சொட்டு மருந்து முகாமில் 1.60  லட்சம் குழந்தைகளுக்கு போலியோ சொட்டு மருந்து வழங்கத் திட்டமிடப்பட்டுள்ளது. 
  இப் பணிக்காக கிராமப் பகுதியில் 1,079 முகாம்களும்,   நகராட்சிப்  பகுதியில் 119 முகாம்களும் என மொத்தம் 1,198 முகாம்கள் அமைக்கப்படவுள்ளன.   இப் பணிகளை மேற்கொள்ள பொது சுகாதாரத் துறை,  ஒருங்கிணைந்த குழந்தைகள் வளர்ச்சித் திட்டம்,  சத்துணவுத் திட்டத் துறை,  பள்ளிக்கல்வித் துறை,  ஊரக வளர்ச்சி மற்றும் உள்ளாட்சித் துறை,  வருவாய்த் துறை,  ரோட்டரி சங்கம்,   மகளிர் சுய உதவிக் குழுக்கள் மற்றும் தன்னார்வலர்கள் என சுமார் 4,823 பணியாளர்கள் ஈடுபடுத்தப்படவுள்ளனர்.  
    மேலும்,  மக்கள் அதிகம் கூடும் இடங்களான பேருந்து நிலையம்,   ரயில் நிலையம்,   சந்தைகள்,   திரையரங்குகள்,  கோயில்கள்,  சுங்கச்சாவடி போன்ற இடங்களில் 48 சிறப்பு முகாம்கள் அமைக்கப்படவுள்ளன.
   மேலும்,  சமுதாயத்தில் பின்தங்கியுள்ள மக்களான நாடோடிகள்,  நரிக்குறவர்கள்,  கட்டுமானத் தொழிலாளர்களின் குழந்தைகள் மற்றும் போக்குவரத்து வசதி இல்லாத மலை கிராமங்களில் உள்ள குழந்தைகள் பயன்பெறும் வகையில் 36 நடமாடும் குழுக்களும் அமைக்கப்படவுள்ளன.  சொட்டு மருந்து வழங்கும் பணிகளுக்காக சுகாதாரத் துறை மற்றும் பிற துறை சார்ந்த சுமார் 118-க்கும் மேற்பட்ட வாகனங்கள் பயன்படுத்தப்பட உள்ளன. 
   தீவிர போலியோ சொட்டு மருந்து வழங்கும் முகாம்களுக்கு தேவையான தடுப்பு மருந்துகள் தயார் நிலையில் உள்ளன.  அரசு வழங்கும் போலியோ சொட்டு மருந்து தரமானது, வீரியமிக்கது,  பாதுகாப்பானது.
   இதனால் மாவட்டத்திலுள்ள பொதுமக்கள்,  குறிப்பாக தாய்மார்கள் தங்கள் வீடுகளில் உள்ள அன்று பிறந்த குழந்தை முதல் 5 வயதிற்குட்பட்ட அனைத்து குழந்தைகளுக்கும் ஏற்கனவே சொட்டு மருந்து கொடுத்திருந்தாலும்,  மீண்டும் தற்போது நடைபெறும் முகாம்களில் அளிக்கப்படும் போலியோ சொட்டு மருந்து வழங்கி போலியோ இல்லாத சமுதாயத்தை உருவாக்க முழு ஒத்துழைப்பு அளிக்க வேண்டும் என்றார். 
   கூட்டத்தில்,   சுகாதாரத் துறை துணை இயக்குநர் கோ.ரமேஷ்குமார் உள்பட மருத்துவத் துறை,  வருவாய்த் துறை,  வளர்ச்சித் துறை உள்ளிட்ட அனைத்துத் துறை அலுவலர்கள் கலந்து கொண்டனர்.
 

]]>
http://www.dinamani.com/all-editions/edition-dharmapuri/namakkal/2018/jan/13/160-லட்சம்-குழந்தைகளுக்கு-போலியோ-சொட்டு-மருந்து-வழங்க-இலக்கு-2843995.html
2843994 தருமபுரி நாமக்கல் விவேகானந்தர் பிறந்த தினம் DIN DIN Saturday, January 13, 2018 07:37 AM +0530 ராசிபுரம் அருகேயுள்ள ஒ.சௌதாபுரம் பகுதியில் கோவை ராமகிருஷ்ணா மிஷன் முன்னாள் மாணவர்கள் சங்கம் நாமக்கல் கிளை சார்பில் விவேகானந்தர் பிறந்த தினவிழா மற்றும் இளைஞர் தினம் வெள்ளிக்கிழமை கொண்டாடப்பட்டது.  இதனையடுத்து,  அங்கு நூலகம் முன்பாக உள்ள விவேகானந்தர் சிலைக்கு விவேகானந்தர் அறக்கட்டளை நிர்வாகி விக்னேஷ் பங்கேற்று மாலை அணிவித்து மரியாதை செலுத்தி இளைஞர் தின உறுதிமொழி ஏற்றனர்.
பின்னர்,  அரசு உயர் நிலைப் பள்ளியில் விவேகானந்தர் தொடர்பான கட்டுரைப் போட்டி, பேச்சுப் போட்டிகள் நடத்தப்பட்டு,  மாணவ,  மாணவியருக்கு பரிசுகள் வழங்கப்பட்டன.  பொதுமக்களுக்கு இனிப்புகள் வழங்கினர்.   இவ் விழாவுக்கான ஏற்பாடுகளை இராமகிருஷ்ண மிஷன் முன்னாள் மாணவர் சங்க இணைச் செயலர் கே.அருணாசலம் உள்ளிட்டோர் செய்திருந்தனர்.

]]>
http://www.dinamani.com/all-editions/edition-dharmapuri/namakkal/2018/jan/13/விவேகானந்தர்-பிறந்த-தினம்-2843994.html
2843993 தருமபுரி நாமக்கல் பொங்கல் விழா விளையாட்டு போட்டிகள் DIN DIN Saturday, January 13, 2018 07:37 AM +0530 நாமக்கல் மாவட்ட காவல் துறை அமைச்சுப் பணியாளர்களுக்கான பொங்கல் விழா விளையாட்டு போட்டிகள் மாவட்ட ஆயுதப்படை வளாகத்தில் வெள்ளிக்கிழமை நடைபெற்றது. 
 விளையாட்டுப் போட்டிகளை மாவட்ட காவல் கண்காணிப்பாளர் அர.அருளரசு தொடங்கிவைத்தார்.  உறி அடித்தல்,  இசை  நாற்காலி, அதிர்ஷ்ட வட்டம் ஆகிய போட்டிகள் நடத்தப்பட்டன. காவல் துறை அமைச்சு பணியாளர்கள் 100-க்கும் மேற்பட்டோர் பங்கேற்றனர்.

]]>
http://www.dinamani.com/all-editions/edition-dharmapuri/namakkal/2018/jan/13/பொங்கல்-விழா-விளையாட்டு-போட்டிகள்-2843993.html
2843992 தருமபுரி நாமக்கல் இன்று நாமக்கல் நம்பிக்கை இல்லத்தில் பொங்கல் விழா DIN DIN Saturday, January 13, 2018 07:37 AM +0530 நாமக்கல் நம்பிக்கை இல்லத்தில் பொங்கல் விழா சனிக்கிழமை நடைபெறவுள்ளது. 
  விழாவில் காலை 9 மணிக்க பொங்கல் வைத்தல் நிகழ்வும், 10 மணிக்கு கலை நிகழ்ச்சிகளும், 11 மணிக்கு விவசாயிகளை பாராட்டும் நிகழ்வும் நடைபெறும்.  விவசாயிகளை பாராட்டி மாவட்ட ஆட்சியர் மு.ஆசியா மரியம் பேசுகிறார்.  சென்னை அறிவியல் நகர துணைத்தலைவர் உ.சகாயம் பங்கேற்று பல்வேறு நிலைகளில் சிறப்பிடம் பெற்றவர்களுக்கு பரிசுகளை வழங்கிப் பேசுகிறார்.

]]>
http://www.dinamani.com/all-editions/edition-dharmapuri/namakkal/2018/jan/13/இன்று-நாமக்கல்-நம்பிக்கை-இல்லத்தில்-பொங்கல்-விழா-2843992.html
2843991 தருமபுரி நாமக்கல் மாற்றுத் திறனாளிகள் பள்ளியில் பொங்கல் விழா DIN DIN Saturday, January 13, 2018 07:36 AM +0530 குமாரபாளையம் ஸ்ரீகம்பத்துக்காரர் மாற்றுத் திறனாளிகள் சிறப்புப் பள்ளியில் தமிழர்களின் பாரம்பரிய விழாவான சமத்துவப் பொங்கல் விழா வெள்ளிக்கிழமை சிறப்பாகக் கொண்டாடப்பட்டது . 
விழாவுக்கு, பள்ளித் தாளாளர் உமா மகேஸ்வரி தலைமை வகித்தார்.  மாற்றுத் திறனாளி மாணவ,  மாணவியர் மற்றும் பெற்றோர்கள் கலந்து கொண்டனர்.  பாரம்பரிய முறைப்படி பொங்கலிடப்பட்டு, வழிபாடு நடத்தப்பட்டு அனைவருக்கும் வழங்கப்பட்டது.  மாணவ, மாணவியருக்கு போட்டிகள் நடத்தப்பட்டு,  பரிசுகள் வழங்கப்பட்டன. 
 சிறப்பு விருந்தினராக குமாரபாளையம் ஸ்ரீராகவேந்திரா பாலிடெக்னிக் கல்லூரி முதல்வர் எஸ்.விஜயகுமார் பங்கேற்றுப் பேசினார்.  பள்ளியின் சிறப்பாசிரியர் லாவண்டா உள்ளிட்ட பலர் கலந்து கொண்டனர். 

]]>
http://www.dinamani.com/all-editions/edition-dharmapuri/namakkal/2018/jan/13/மாற்றுத்-திறனாளிகள்-பள்ளியில்-பொங்கல்-விழா-2843991.html
2843990 தருமபுரி நாமக்கல் பழனி பாதயாத்திரை பக்தர்களுக்கு பல்வேறு பகுதியில் அன்னதானம் வழங்க ஏற்பாடு DIN DIN Saturday, January 13, 2018 07:36 AM +0530 ராசிபுரம் ஓம்ஸ்ரீ ஆறுபடை முருகன் திருப்பணி குழுவினர் சார்பில் பழனிக்கு பாதயாத்திரை மேற்கொள்ளும் பக்தர்களுக்கு 6-ம் ஆண்டாக அன்னதானம் வழங்கும் விழா ஜன.14-ல் பல்வேறு இடங்களில் நடைபெறுகிறது.
ராசிபுரம் ஒம்ஸ்ரீ ஆறுபடை முருகன் திருப்பணி குழுவினர் சார்பில் ராசிபுரம் வழியாக பழனி தைபூச விழாவில் பங்கேற்க பாதயாத்திரை மேற்கொள்ளும் பக்தர்களுக்கு ஆண்டுதோறும் அன்னதானம் வழங்கப்பட்டு வருகிறது.  இந்த ஆண்டு 6-ம் ஆண்டாக இதற்கான விழா ஜன.14-ல் நடைபெறுகிறது.  ராசிபுரம் ஸ்ரீநித்யசுமங்கலி மாரியம்மன் கோயில் வளாகத்தில் அன்னதானம் வழங்கும் விழா நடைபெறும்.  இதனையடுத்து ஜன. 15-ல் அரச்சலூர் பி.கொமாரபாளையம் மாகாளியம்மன் கோவில் வளாகத்திலும் அன்னதானம் பக்தர்களுக்கு நடைபெறும்.  இதற்கான ஏற்பாடுகளை திருப்பணி குழுவினர் கே.ராமசாமி, வி.கௌரிசங்கர், பி.சதீஸ்குமார் ஆகியோர் செய்துள்ளனர்.  
ஓம் பாதயாத்திரை குழு:   இதே போல்,  ராசிபுரம் ஓம் பழனி பாதயாத்திரை குழு சார்பில் பழனிக்கு பாதயாத்திரையாக செல்லும் பக்தர்களுக்கு தை. 1 முதல் தை.5 வரை பல்வேறு இடங்களில் அன்னதானம் வழங்கப்படுகிறது.  முன்னதாக ஜன.14-ல் ராசிபுரம் சித்தி விநாயகர் கோயிலில் இருந்து அதிகாலை ஊர்வலமாக புறப்பட்டு, ராசிபுரம் முனியப்பன் கோயயில் முன்பாக பக்தர்களுக்கு அன்னதானம் வழங்கப்படும்.   இதனையொட்டி வியாழக்கிழமை, சித்தி விநாயகர் கோயில் உள்ள ஸ்ரீபாலமுருகனுக்கும், உற்சவமூர்த்திக்கு சிறப்பு அபிஷேகம் செய்து,  பின்னர் நித்ய சுமங்கலி மாரியம்மன் கோயிலில் இருந்து உற்சவ மூர்த்தி நகர்வலமாக அழைத்து வரப்பட்டார்.  இதில் திரளான பக்தர்கள் பங்கேற்றனர்.          

]]>
http://www.dinamani.com/all-editions/edition-dharmapuri/namakkal/2018/jan/13/பழனி-பாதயாத்திரை-பக்தர்களுக்கு-பல்வேறு-பகுதியில்-அன்னதானம்-வழங்க-ஏற்பாடு-2843990.html
2843989 தருமபுரி நாமக்கல் தாழ்த்தப்பட்ட, பழங்குடியினர் தொழில் தொடங்க மானிய கடனுதவி:  ஜன.18இல் நேர்காணல் DIN DIN Saturday, January 13, 2018 07:36 AM +0530 தாழ்த்தப்பட்ட, பழங்குடியினர் தொழில் துவங்க மானியத்துடன் கூடிய வங்கிக்கடன் பெற சிறப்பு நேர்காணல் வரும் 18 ஆம் தேதி மாவட்ட தொழில் மைய அலுவலகத்தில் நடைபெறவுள்ளது. 
  இதுகுறித்து மாவட்ட ஆட்சியர் மு.ஆசியா மரியம் வெளியிட்ட செய்திக்குறிப்பு:  தமிழ்நாடு அரசு குறு, சிறு மற்றும் நடுத்தர தொழில் கொள்கையினை வெளியிட்டு மானியத்துடன் கூடிய பல்வேறு கடன் உதவித் திட்டங்களை நடைமுறைப்படுத்தி வருகிறது.  
 தொழில் வணிகத் துறை வாயிலாக நடைமுறைப்படுத்தப்பட்டு வரும் படித்த வேலையற்ற இளையஞர்களுக்கான வேலை வாய்ப்பு உருவாக்கும் திட்டம்,   பிரதமரின் வேலை வாய்ப்பு உருவாக்கும் திட்டம்,   புதிய தொழில் முனைவோர் மற்றும் தொழில் நிறுவன மேம்பாட்டுத் திட்டம் ஆகிய கடன் திட்டங்களில் தாழ்த்தப்பட்ட மற்றும் பழங்குடியினத்தைச் சார்ந்தவர்களுக்கு கடனுதவி வழங்கப்படுகிறது. 
   தாழ்த்தப்பட்ட மற்றும் பழங்குடியினத்தைச் சார்ந்த நபர்கள் குறைந்தபட்சம் 8ஆம் வகுப்பு தேர்ச்சி பெற்றிருக்க வேண்டும்.  முதல் பட்டப்படிப்பு, பட்டயப் படிப்பு தேர்ச்சி வரை தகுதி பெற்ற நபர்கள்,  விருப்பத்திற்கு ஏற்றவாறு ஏற்புடைய கடன் உதவி திட்டத்தைச் தேர்வு செய்து கொள்ளலாம். 
    இந்த கடனுதவி பெற சிறப்பு நேர்முகத் தேர்வு வரும் 18ஆம் தேதி காலை 11 மணிக்கு நாமக்கல் மாவட்ட தொழில் மைய கூட்ட அரங்கில் நடைபெறவுள்ளது.  மாவட்டத்தில் உள்ள தாழ்த்தப்பட்ட, பழங்குடி இனத்தைச் சார்ந்தவர்கள் படிப்பு சான்றிதழ்கள்,  விலைப்பட்டியல் நகல்கள், குடும்ப அட்டை நகல்கள் மற்றும் புகைப்படத்துடன் தவறாமல் கொள்ளலாம்.
 

]]>
http://www.dinamani.com/all-editions/edition-dharmapuri/namakkal/2018/jan/13/தாழ்த்தப்பட்ட-பழங்குடியினர்-தொழில்-தொடங்க-மானிய-கடனுதவி--ஜன18இல்-நேர்காணல்-2843989.html
2843988 தருமபுரி நாமக்கல் ராசிபுரம் அரசுப் பள்ளியில் பொங்கல் விழா DIN DIN Saturday, January 13, 2018 07:35 AM +0530 ராசிபுரம் நகராட்சிப் பகுதியில் உள்ள அரசு நடுநிலைப் பள்ளியின் மாணவ,  மாணவியர் பொங்கல் விழாவினை பாரம்பரிய முறைப்படி வேட்டி, சேலை அணிந்து வந்து கரும்பு, மஞ்சள் வைத்து சூரியனுக்கு படையலிட்டு  கொண்டாடி மகிழ்ந்தனர். 
ராசிபுரம் நகராட்சிப் பகுதியில் உள்ள அரசு நடுநிலைப் பள்ளியின் மாணவர்கள் ஒன்றிணைந்து பொங்கல் சமைக்க முடிவு செய்தனர்.  இதனையடுத்து மாணவ மாணவியர்கள், ஆசிரியர்கள்,  தொண்டு நிறுவனத்தின் ஒன்றிணைந்து தலைமையாசிரியர் கு.பாரதி தலைமையில் பள்ளி வளாகத்தில்  பொங்கல் வைத்து கொண்டாடி மகிழ்ந்தனர். முன்னதாக மாணவ,  மாணவியர் வேட்டி சேலை அணிந்து வந்தது அனைவரையும் கவருவதாக இருந்தது.  பின்னர் மஞ்சள் கொம்பு கரும்பும் கட்டி வைத்து புதுப்பானையில் பொங்கலிட்டனர். இதில் ராசிபுரம் எஜூகேசனல் சிட்டி ரோட்டரி சங்கத் தலைவர் எல்.தருண்குமார்,  செயலர் பாலவெங்கடமணி, ஜேசிஸ் சங்கத் தலைவர் சசிரேகா, அறிவியல் இயக்க ராசிபுரம் கிளை தலைவர் துரைசாமி, வனிதா கிளப் மூர்த்தி உள்ளிட்டோர் பங்கேற்றனர்.
வெற்றி விகாஸ் பள்ளியில் பொங்கல் விழா:  ராசிபுரம் கீரனூர் வெற்றி விகாஸ் - ஸ்ரீசைதன்யா கல்விக் குழுமங்களின் பள்ளிகள் சார்பில் ஆண்கள் மேல்நிலைப் பள்ளி வளாகத்தில் போகித் திருவிழா கொண்டாடப்பட்டது. பள்ளியின் வழிபாட்டுத் திடல் வண்ணக் கோலங்களால் அலங்கரிக்கப்பட்டு, போகிக் குண்டம்  உருவாக்கப்பட்டது.  ஆசிரிய, ஆசிரியைகளும், மாணவர்களும், பெற்றோர்களும்,  பணியாளர்களும் போகிக் குண்டத்தை சுற்றிலும் கூடி வழிபாடு செய்த பின், போகித் தீ மூட்டினர்.
 மாணவர்கள்  சிறு சிறு தாள்களில் தங்களிடம் ஏதேனும் தீய பழக்கங்கள் இருப்பின் இந்த போகி முதல் அப் பழக்கத்தை நான் போகித் தீயில் இட்டு கொளுத்துவதன் மூலம், நல்ல ஒழுக்கம் மிகுந்த மாணவர்களாக மாறுவோம் என்று சங்கல்பமேற்று, அதனை போகித் தீயிலிட்டு வணங்கினர்.  பின்னர் பள்ளி நிர்வாகத்தின் சார்பில் அனைவருக்கும் போகி மற்றும் பொங்கல் வாழ்த்துகளை கல்வி நிறுவனங்களின் இயற்பியல் துறை இயக்குநரும் பள்ளியின் நிர்வாக அலுவலருமான கே. சந்திரசேகரன் தெரிவித்தார்.  
    கல்வி நிறுவனங்களின் நிறுவனர் கே. குணசேகரன்,  தலைவர் ஜி.வெற்றிச்செல்வன்,  செயலாளர் பாலசுப்ரமணியன், இணைச்செயலாளர் ஆர்.யு. சிற்றரசன், பொருளாளர் பழனிவேலு,  தாளாளர் ஜி.விஜய் இயக்குநர்கள் துரைசாமி,   சந்திரசேகரன், மாரிமுத்து,  ரவி, தாசப்பிரகாசம், ஸ்ரீ சைதன்யா கல்வி நிறுவனங்களின் துணைப்பொது மேலாளர் சுரேஷ் பாபு, ஒருங்கிணைப்பாளர் ராம்பிரசாத்,  துர்க்கபிரசாத், நரசிங்க ராவ், பள்ளி தலைமையாசிரியர்கள் ஜேம்ஸ் டேனியல் அற்புதராஜ், ரம்யா ராணி, ஜெ. சுதர்சனா உள்ளிட்டோர் பங்கேற்று மாணவர்களுக்கு பொங்கல் வழங்கியும்,  வாழ்த்து தெரிவித்தனர்.     
 

]]>
http://www.dinamani.com/all-editions/edition-dharmapuri/namakkal/2018/jan/13/ராசிபுரம்-அரசுப்-பள்ளியில்-பொங்கல்-விழா-2843988.html
2843987 தருமபுரி நாமக்கல் அட்மா திட்டத்தில் சோலார் விளக்குப் பொறி செயல்விளக்கம் DIN DIN Saturday, January 13, 2018 07:35 AM +0530 நாமகிரிப்பேட்டை வட்டார வேளாண்மை துறை சார்பில் அட்மா திட்டத்தின் கீழ் சோலார் விளக்கு பொறி அமைப்பது குறித்து செயல்விளக்கம் விவசாயிகளுக்கு அளிக்கப்பட்டது.  அட்மா திட்டத்தில் 2017-18 ம் நிதி ஆண்டில் ஊனந்தாங்கல் கிராமத்தில் செல்வம் என்பவர் தோட்டத்தில் நாமகிரிப்பேட்டை வேளாண்மை உதவி இயக்குநர் பொ.அசோகன் தலைமையில் சோலார் விளக்குப் பொறி குறித்த செயல் விளக்கம் அளிக்கப்பட்டது. 
  சோலார் விளக்குப்பொறி பற்றியும் அதன் பயன்களான பூச்சிகளின் எண்ணிக்கையைக் கட்டுப்படுத்தும் முறைகள் பற்றியும் விளக்கம் அளித்தனர்.   மாலை நேரத்தில் தீமை செய்யும்  பூச்சிகள் அதிகம் நடமாட்டம் இருப்பதால்,  மாலை 6 மணி முதல் இரவு 9 மணி வரை அமைக்க வேண்டும்.  அதனால் பறக்கும் பூச்சிகளான தண்டு  துளைப்பான்,  பழம் துளைப்பான்,  தத்துப் பூச்சிகள் ஆகியவற்றின் தாய் அந்துப் பூச்சிகளை கட்டுப்படுத்தலாம். மேலும்,  ஒரு தாய் அந்துப்பூச்சியை கவர்ந்து அழிப்பதின் மூலம் 300 முதல் 400 வரையிலான பூச்சிகளைக் கட்டுப்படுத்த முடியும்.  விளக்குப் பொறியைப் பயன்படுத்துவதன் மூலம் நன்மை மற்றும் தீமை செய்யும் பூச்சிகளை எளிதாக இனம் கண்டறிந்து உரிய தொடர் நடவடிக்கை மேற்கொள்ள முடியும்.  மேலும்,  ரசாயன பூச்சிக்கொல்லி மருந்து பயன்படுத்துவதைக் குறைத்துக் கொள்ள இயலும். 
 

]]>
http://www.dinamani.com/all-editions/edition-dharmapuri/namakkal/2018/jan/13/அட்மா-திட்டத்தில்-சோலார்-விளக்குப்-பொறி-செயல்விளக்கம்-2843987.html
2843922 தருமபுரி நாமக்கல் நாமக்கல் கால்நடை மருத்துவமனையில் குதிரைக்கு அதி நவீன கண் அறுவை சிகிச்சை DIN DIN Saturday, January 13, 2018 02:57 AM +0530 கண்ணில் மிகவும் அரிதான,  உருண்டைப் புழு நோய்த் தாக்கி பார்வைக் குறைபாட்டால் சிரமப்பட்டு வந்த 6 வயது குதிரைக்கு,  நாமக்கல் கால்நடை மருத்துவக் கல்லூரி மருத்துவமனையில் அதிநவீன முறையில் அறுவை சிகிச்சை அளிக்கப்பட்டது.  அந்தக் குதிரை குணமடைந்தது.
நாமக்கல் கால்நடை மருத்துவக் கல்லூரி மற்றும் ஆராய்ச்சி நிலையத்தில் தினமும் 60 முதல் 95 சிறிய மற்றும் பெரிய கால்நடைகளுக்கு மருத்துவ சிகிச்சைகள் அளிக்கப்பட்டு வருகின்றன.  யானை,  குதிரை உள்ளிட்ட பெரிய அளவிலான கால்நடை அறுவை சிகிச்சைகளுக்கும் கோவை,  ஈரோடு,  சேலம்,  தருமபுரி,  கரூர்,  திருச்சி உள்ளிட்ட மாவட்டங்களில் கால்நடை வளர்ப்போர் இந்த  கல்லூரி மருத்துவமனைக்கு கொண்டு வந்து சிகிச்சை எடுத்துச் செல்கின்றனர். 
இந்த நிலையில்,  கோவை மாவட்டம்,  பொள்ளாச்சியைச் சேர்ந்த நிஷாந்த் என்பவருக்குச் சொந்தமான குதிரைக்கு கடந்த ஒரு வாரமாக கண்ணில் உருண்டைப் புழு நோய்த் தாக்கியது தெரியவந்தது.  அந்தக் குதிரையின் கண்ணில் உருண்டைப் புழு வளர்ந்து விட்டதால், அதன் பார்வை தெரிவதில் சிரமப்பட்டு வந்தது. 
இதனையடுத்து,  அந்தக் குதிரையை நாமக்கல் கால்நடை மருத்துவக் கல்லூரி-ஆராய்ச்சி நிலையத்தில் சிகிச்சைக்காகச் சேர்த்தனர்.  அப்போது இந்த நிலையத்தின் சிகிச்சைத் துறை கால்நடை மருத்துவர் கதிர்வேல் தலைமையில்,  கால்நடை மருத்துவர்கள் ஜெயக்குமார்,  குமரேசன்,  சங்கர்,  நெப்போலியன் உள்ளிட்ட  குழுவினர்,  அந்தக் குதிரைக்கு சிகிச்சை அளித்தனர்.
குதிரைக்கு மயக்க மருந்து செலுத்தி, அதிநவீன கருவிகள் கொண்டு உருண்டைப் புழு அகற்றப்பட்டது.  சுமார் 3 மணி நேரம் நடந்த மிகவும் நுட்பமான இந்த அறுவை சிகிசைக்குப் பிறகு, குதிரை நல்ல பார்வைத் திறனுடன் நடந்து சென்றது.
   பொதுவாக,  குதிரைகளுக்கு புழுத் தடுப்பு மருந்துகள் கொடுத்தால் இதுபோன்ற நோய் தாக்காது.  இந்தக் குதிரைக்குத் தேவையான புழுத் தடுப்பு மருந்துகள்,  உரிமையாளரிடம் அளிக்கப்பட்டு,  3 நாள் தொடர் கண்காணிப்பில் நாமக்கல் கால்நடை மருத்துவமனையில் அதனை வைத்து பராமரிக்க உள்ளனர். 

]]>
http://www.dinamani.com/all-editions/edition-dharmapuri/namakkal/2018/jan/13/நாமக்கல்-கால்நடை-மருத்துவமனையில்-குதிரைக்கு-அதி-நவீன-கண்-அறுவை-சிகிச்சை-2843922.html
2843476 தருமபுரி நாமக்கல் அரசுக் கல்லூரியில் நூல் வெளியீட்டு விழா DIN DIN Friday, January 12, 2018 08:54 AM +0530 ராசிபுரம் திருவள்ளுவர் அரசு கலை அறிவியல் கல்லூரியில் தமிழாய்வுத் துறை பேராசிரியர் எழுதிய நூல் வெளியீட்டு விழா வியாழக்கிழமை நடந்தது.  
இக் கல்லூரியின் தமிழாய்வு துறைப் பேராசிரியர் முனைவர் க.செல்வராஜ் கொல்லிமலை,  இலக்கிய பண்பாட்டுப்பதிவுகள்,  சமுதாய நோக்கில் கொங்கு வட்டார புதுக்கவிதைகள் என்ற நூல் எழுதியுள்ளார். இதற்கான வெளியீட்டு விழாவில்,  திருவள்ளுவர் அரசுக் கல்லூரி தமிழாய்வுத் துறை உதவிப் பேராசிரியர் இரா.கலைச்செல்வி வரவேற்றார்.  
கல்லூரியின் முதல்வர் சீ.மணிமேகலை விழாவில் தலைமை வகித்து, மூன்று நூல்களையும் வெளியிட்டுப் பேசினார்.  தமிழாய்வு துறைத் தலைவர் ர.வேணுகோபால் சிறப்பு அழைப்பாளராகப் பங்கேற்று,  மூன்று நூல்களின் முதல் பிரதிகளைப் பெற்றுக் கொண்டார்.  நூலாசிரியர் க.செல்வராஜ் ஏற்புரையாற்றினார்.  விழாவில்,  கணிதத் துறை தலைவர் சதாசிவம், அரசியல் அறிவியல் துறைத் தலைவர் பாலகிருஷ்ணன்,  தமிழ்த் துறை பேராசிரியர்கள் ந.தனசேகர்,  அண.செல்வகணபதி,  இரா.ரம்யாமகேஸ்வரி,  து.ரேணுகாதேவி,  ஆங்கிலத் துறை பேராசிரியர் கலைவாணன் உள்ளிட்டோர்  பேசினர். 
 

]]>
http://www.dinamani.com/all-editions/edition-dharmapuri/namakkal/2018/jan/12/அரசுக்-கல்லூரியில்-நூல்-வெளியீட்டு-விழா-2843476.html
2843475 தருமபுரி நாமக்கல் சீட்டு நடத்தி பண மோசடி: ஒருவர் கைது DIN DIN Friday, January 12, 2018 08:54 AM +0530 திருச்செங்கோட்டில் சீட்டு நடத்தி ஏலம் எடுத்தவருக்கு பணத்தை தராமல் இழுத்தடித்து கொலை மிரட்டல் விடுத்ததாக காவல் துறையினர் புதன்கிழமை கைது செய்தனர்.
திருச்செங்கோடு பாலூத்து தெருவைச் சேர்ந்தவர் செந்தில் (43).  இவர் லாரி பாடி பில்டிங் பட்டறை வைத்துள்ளார்.  எஸ்என்டி சாலையில் சீட் கவர் தைக்கும் கடை வைத்துள்ள செல்வகணபதி (38) என்பவரிடம் செந்தில் மாதாந்திர சீட்டு தொகையினை செலுத்தி  வந்துள்ளார்.  மாதம் ரூ 15 ஆயிரம் வீதம்  15 மாதம் சீட்டுப்  பணம் செலுத்திக் கொண்டு வந்தவருக்கு சீட்டு காலம் 1.5.16 முதல் 1.7.17 வரை  பணம் முழுவதும் கட்டி இருந்தார்.  இந்த நிலையில் சீட்டு முடிவடைந்ததால் பணம் ரூ 2 லட்சத்து 25 ஆயிரத்தை கேட்டபோது செல்வகணபதி காலம் தாழத்தி வந்தாராம். பிறகு   3 தவணையாக ரூ 1.25 லட்சம் கொடுத்துவிட்டார்.  மீதி பணம் ரூ 1 லட்சத்தை கேட்ட  செந்திலை தகாத வார்த்தைகளால் திட்டி  கொலை மிரட்டல் விடுத்தாராம்.  இதுபோல, பலரிடம் சீட்டுப் பணம் தராமல் செல்வகணபதி மோசடி செய்ததாகக் கூறப்படுகிறது.
  இதுகுறித்து செந்தில் திருச்செங்கோடு நகர போலீசில் புகார் செய்தார்.   அவர்கள் வழக்குப் பதிவு செயது விசாரணை நடத்தினர்.  செல்வகணபதியை கைது செய்து நீதிமன்றத்தில் ஆஜர்படுத்தினர்.  அவரை 15 நாள் காவலில் வைக்கும்படி நீதிபதி வேல் மயில் உத்தரவிட்டார்.  மேலும்,  திருச்செங்கோடு காவல் துறையினர் விசாரணை நடந்தி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/jan/12/சீட்டு-நடத்தி-பண-மோசடி-ஒருவர்-கைது-2843475.html
2843474 தருமபுரி நாமக்கல் நாமக்கல்லில் பாவை விழா:300 பேர் பங்கேற்பு DIN DIN Friday, January 12, 2018 08:54 AM +0530 நாமக்கல்லில் இந்து சமய அறநிலையத் துறை சார்பில் பாவை விழா நடைபெற்றது. இதில் 300 மாணவ,  மாணவிகள் பங்கேற்றனர்.
 இந்து சமய அறநிலையத் துறை சார்பில் ஒவ்வோர் ஆண்டும் திருப்பாவை,   திருவெம்பாவை ஒப்புவித்தல், கட்டுரைப் போட்டி நடத்தப்பட்டு வருகிறது.  நிகழாண்டில் நாமக்கல் மாவட்ட இந்து சமய அறநிலையத் துறை சார்பில் பாவை விழா நாமக்கல்லில் வியாழக்கிழமை நடைபெற்றது. 
 போட்டியை உதவி ஆணையர் வெங்கடேஷ் துவக்கி வைத்தார்.  இதில் 1ஆம் வகுப்பு முதல் 5ஆம் வகுப்பு வரை திருப்பாவை,  திருவெம்பாவை 1 முதல் 5 பாசுரங்கள் ஒப்பித்தல் போட்டியும்,  திருப்பாவையில் மார்கழியும் ஆண்டாளும்,  திருவெம்பாவையில் மாணிக்கவாசகர் என்ற தலைப்பில் கட்டுரை போட்டியும் நடைபெற்றது. 
 6 வகுப்பு முதல் 8ஆம் வகுப்பு வரை திருப்பாவை,  திருவெம்பாவை 1 முதல் 10 பாசுரங்கள் ஒப்பித்தல் போட்டியும்,  திருப்பாவையில் ஆண்டாளின் கிருஷ்ண பக்தி,   திருவெம்பாவையில் உள்ளம் உருகும் திருவாசகம் என்ற தலைப்பில் கட்டுரைப் போட்டியும் நடைபெற்றது.
 9ஆம் வகுப்பு முதல் 12ஆம் வகுப்பு வரை திருப்பாவை,  திருவெம்பாவை 1 முதல் 20 பாசுரங்கள் ஒப்புவித்தல் போட்டியும்,  திருப்பாவையில் வைணவ வேதம்,  திருவெம்பாவையில் சிவம் என்ற தலைப்பில் கட்டுரைப் போட்டியும் நடைபெற்றது. 
 ஒவ்வொரு போட்டிக்கும் தனித்தனியாக முதல் பரிசாக ரூ.1,500 மதிப்பிலும்,  2ஆம் பரிசாக ரூ.1,000 மதிப்பிலும்,  3ஆம் பரிசாக ரூ.750 மதிப்பிலும் பரிசுகள் வழங்கப்பட்டன. 
 இந்தப் போட்டியில் நாமக்கல் மாவட்டத்தைச் சேர்ந்த சுமார் 300 மாணவ,  மாணவிகள் பங்கேற்றனர்.  போட்டிக்கான ஏற்பாடுகளை நாமக்கல் மாவட்ட இந்து சமய அறநிலையத் துறை அலுவலர்கள் செய்திருந்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/12/நாமக்கல்லில்-பாவை-விழா300-பேர்-பங்கேற்பு-2843474.html
2843473 தருமபுரி நாமக்கல் ராசிபுரம் வித்யா நிகேதன் பள்ளியில் பொங்கல் திருநாள் கொண்டாட்டம் DIN DIN Friday, January 12, 2018 08:53 AM +0530 ராசிபுரம் வித்யா நிகேதன் மெட்ரிக் மேல்நிலைப்பள்ளி மற்றும் வித்யா நிகேதன் இண்டல் மெட்ரிக் மேல்நிலைப் பள்ளிகளின் சார்பில் தைப்பொங்கல்,  மாட்டுப்பொங்கல், காணும் பொங்கல் ஆகிய முப்பெரும் "பொங்கல் விழா' வியாழக்கிழமை கொண்டாடப்பட்டது.
கண்ணைக் கவரும், வண்ணக் கோலங்களுக்கும்,  செங்கரும்பு கட்டுகளுக்கும்,  மாவிலைத் தோரணங்களும் கட்டி வைத்து பள்ளி மைதானத்தில் ஆசிரிய, ஆசிரியைகள், மாணவர்கள் சார்பாக புது பானைகளில் பொங்கல் வைக்கப்பட்டது.  பொங்கல் பொங்கியதும்  "பொங்கலோ பொங்கல்" என்ற சத்தத்துடன் இளங்கன்றும்,  பசு பட்டியை மிதிக்க பாரம்பரிய முறைப்படி நடந்தது.   பொங்கல் விழா குறித்து மாணவர்கள் அறிந்து கொள்ளும் வகையில் பொங்கலின் சிறப்புகளை மாணவர்கள் செயல்வழி கற்றலில் கற்கும் வண்ணம்  இது அமைந்தது.  பின்னர் செங்கரும்பு,  வாழைப்பழத்துடன் பொங்கலும் ஆதவனுக்கு படைக்கப்பட்டு அனைத்து மாணவ - மாணவிகளுக்கும் வழங்கப்பட்டது.  ஒரே நாளில்  தைப் பொங்கல், மாட்டுப் பொங்கல், காணும்பொங்கல் ஆகிய மூன்றும் கொண்டாடப்பட்டன.
இவ் விழாவில்,  மாணவ,  மாணவிகள் பாரம்பரிய முறையுடன் கிராமிய நடனம் ஆடினர்.  பொங்கலின் பாரம்பரிய விளையாட்டுகளான உறியடித்தல்,  கபடி, வடம் இழுத்தல் ஆகியவை  நடந்தன. 
   முன்னதாக, விழாவில் ஆசிரியை ஆர்.தங்கம் வரவேற்றார்.  பள்ளியின் பொருளாளர் ஆர்.கணேசன்,  துணைச் செயலாளர்கள் ஆர். இளையப்பன்,  சி.ஈஸ்வர மூர்த்தி,  இயக்குனர்கள் எஸ். பிரகாஷ்,  பி. சீனிவாசன் ஆகியோர் கலந்து கொண்டு பொங்கல் விழாவை துவக்கி வைத்தனர்.  மேலும் இவ் விழாவில் மாணவர்களின் ஆடலும் பாடலும், ஆசிரியை பி.சத்யா,  ஆசிரியை ஆர்.வள்ளியம்மாள் பொங்கல் பாடல்கள் பாடினர்.  மார்கழி மாதம் திருவெம்பாவை போட்டியில் வெற்றி பெற்ற மாணவர்களுக்கு இயக்குநர் மற்றும் சிவனடியார்களால் பரிசுகள் வழங்கப்பட்டன.  

]]>
http://www.dinamani.com/all-editions/edition-dharmapuri/namakkal/2018/jan/12/ராசிபுரம்-வித்யா-நிகேதன்-பள்ளியில்-பொங்கல்-திருநாள்-கொண்டாட்டம்-2843473.html
2843472 தருமபுரி நாமக்கல் மணல் மாட்டு வண்டிகளால் புத்துயிர் பெற்ற லாடம் கட்டும் தொழில் DIN DIN Friday, January 12, 2018 08:53 AM +0530 பரமத்தி வேலூர் அருகே திறக்கப்பட்டுள்ள மணல் குவாரியால் அதிக அளவில் மாடுகளுக்கு லாடம் கட்டுவதல் அதிக வருவாய் கிடைப்பதால், அழிந்து வரும் நிலையில் இருந்த லாடம் கட்டும் தொழில் புத்துயிர் பெற்றுள்ளது.  இதனால் லாடம் கட்டும் தொழிலாளர்கள் மகிழ்ச்சி அடைந்துள்ளனர்.
கிராமப்புற விவசாயகளின் உற்ற தோழனாக இருந்து வந்தன மாடுகள்.  கிராமப்புறங்களில் வீடுகள் தோறும் கால்நடைகள் மற்றும் நாட்டுக்கோழிகள் வளர்ப்பது தொன்று தொட்டு இருந்து வந்தது.  வாகனப் போக்குவரத்து அதிக அளவில் பயன்பாட்டிற்கு வந்ததால், கால்நடைகளின் வளர்ப்பு குறைந்துள்ளது.  மேலும்,  உழவுக்கும் இடுபொருட்கள் எடுத்துச் செல்லவும், அறுவடை செய்த பொருட்களை ஏற்றிச் செல்வதற்கு மாடுகளைப் பயன்படுத்தி வந்தனர்.  அதிக பாரம் ஏற்றிச் செல்லவதற்காகவே பொதிமாடுகளை வளர்த்து வந்தனர். ஆனால்,  தற்பொழுது உழவுக்கு இயந்திரங்களும்,  பொருட்களை ஏற்றி, இறக்கி செல்வதற்கு வாகன வசதி வந்ததால் பெரும்பாலான பகுதிகளில் மாடுகளை வளர்ப்பது குறைந்துள்ளது. 
தற்போது விவசாயிகளுக்காக பரமத்தி வேலூர் அருகே உள்ள பாலப்பட்டி காவிரி ஆற்றில் இருந்து பொதுப்பணித் துறை மூலம் மாட்டு வண்டிகள் மூலம் மணல் எடுப்பதற்கு அனுமதி அளித்துள்ளது.  இதனால் அப் பகுதியில் தினசரி சுமார் ஆயிரத்திற்கும் மேற்பட்ட மாட்டு வண்டிகள் மூலம் மணல் எடுக்கப்பட்டு வருகிறது.  ஒரு மணல் மாட்டு வண்டிக்கு இரு மாடுகள் வீதம் சுமார் 2 ஆயிரத்திற்கும் மேற்பட்ட மாடுகளை மணல் எடுப்பவர்கள் வண்டியில் பூட்டி ஓட்டி வருகின்றனர்.  இந்த மாடுகள் மணல் மற்றும் தார்ச்சாலை மணல் பாரங்களுடன் இழுத்துச் செல்வதால்,  அதன் கால்களின் குழம்புகள் தேய்வடைந்து, கால்கள் பாதிக்கப்படும். இதனால் மாடுகளுக்கு லாடம் கட்டுவது வழக்கம்.  இந்த லாடம் கட்டும் தொழிலை பரம்பரையாகச் செய்து வரும்  ராசிபுரத்தைச் சேர்ந்த சதார் மகன் ரஜித் (59) கூறியதாவது.
     எனது தந்தைக்குப் பிறகு இத் தொழிலில் கடந்த 35 வருடங்களாக ஈடுபட்டு வருகிறேன்.  போதிய வருவாய் கிடைக்கவில்லை என்றாலும்,  மாற்று தொழில் தெரியாததால் சேலம், ஈரோடு உள்ளிட்ட பகுதிகளுக்குச் சென்று மாடுகளுக்கு லாடம் கட்டி வந்தேன்.  தற்பொழுது பரமத்தி வேலூர் அருகே உள்ள பாலப்பட்டியில் காவிரி ஆற்றில் இருந்து மணல் எடுப்பதற்கு அரசு அனுமதி அளித்துள்ளது.  இதனால் இங்கு மணல் பாரம் ஏற்றிச் செல்வதற்கு தினந்தோறும் ஆயிரக்கணக்கான மாட்டு வண்டிகள் வந்து செல்கின்றன. இங்கு நான் மட்டும் அல்லாது இத் தொழிலை சார்ந்த 5-க்கும்  மேற்பட்டோர் லாடம் கட்டும் தொழிலில் ஈடுபட்டு வருகின்றனர்.  இனால் போதிய அளவிற்கு வருவாய் கிடைத்து வருகிறது. லாடம் கட்டுவதற்கான மூலப்பொருட்கள் சேலம், கரூர் உள்ளிட்ட பகுதிகளில் இருந்து வாங்கி வருவதாகவும்,  ஒரு ஜோடி மாட்டுக்கு லாடம் அடிப்பதற்கு ரூ.400 வரையிலும் கூலியாக வாங்கி வருகிறோம்.  
லாடம் அடிப்பதால் மாடுகளுக்கு தீங்கு ஏற்படாத வகையில் அவற்றின் கால்கள் பாதுகாக்கப்படுவது மிகுந்த மகிழ்ச்சியை ஏற்படுத்தியுள்ளது.  மணல் மாட்டு வண்டிகளால் மாசு ஏற்படாமலும்,  சாலைகள் பழுது ஏற்படாத வகையிலும் உள்ளது எனத் தெரிவித்தார். 
    எங்கள் தொழில் மேம்படவும், போதிய வருவாய் கிடைத்திடும் வகையில் விவசாயத் தொழிலுக்கு இயந்திரங்கள் பயன்படுத்துவதை தவிர்த்து, மாடுகளை பயன்படுத்தி உழவு, இடு பொருட்கள் கொண்டு செல்ல  வேண்டும் எனவும் கூறினார்.

]]>
http://www.dinamani.com/all-editions/edition-dharmapuri/namakkal/2018/jan/12/மணல்-மாட்டு-வண்டிகளால்-புத்துயிர்-பெற்ற-லாடம்-கட்டும்-தொழில்-2843472.html
2843471 தருமபுரி நாமக்கல் விழிப்புணர்வு முகாம் DIN DIN Friday, January 12, 2018 08:53 AM +0530 குமாரபாளையம் அரசு மகளிர் மேல்நிலைப் பள்ளியில் மாணவியருக்கான மனநலம் மற்றும் தற்கொலை விழிப்புணர்வு பயிற்சி முகாம் நடைபெற்றது.
நாமக்கல் மாவட்ட மன நலத் திட்டம் சார்பில் நடைபெற்ற இம்முகாமுக்கு, பள்ளித் தலைமையாசிரியை வசந்தா தலைமை வகித்தார். மாவட்ட மனநல மருத்துவர் குணமணி, ஆலோசகர் ரமேஷ் ஆகியோர் மன அழுத்தம், காரணிகள், அதிலிருந்து விடுபடுதல் குறித்து விளக்கிப் பேசினர். நிகழ்காலத்துக்கு ஒத்துவராத திரைப்படக் காட்சிகளை உருவகம் செய்து கொண்டு நடப்பது தவறான பழக்கம். சமூக வலைதள விளையாட்டுகளால் மன அழுத்தம் ஏற்பட்டு தற்கொலை வரையில் தூண்டுகிறது. எனவே, மாணவப் பருவத்தை மிகவும் எச்சரிக்கையுடன் கடக்க வேண்டும் என அறிவுறுத்தப்பட்டது. தொடர்ந்து, மாணவியரின் சந்தேகங்களுக்கு விளக்கம் அளிக்கப்பட்டது.

]]>
http://www.dinamani.com/all-editions/edition-dharmapuri/namakkal/2018/jan/12/விழிப்புணர்வு-முகாம்-2843471.html
2843470 தருமபுரி நாமக்கல் கொப்பரையின் விலை தொடர்ந்து சரிவு DIN DIN Friday, January 12, 2018 08:52 AM +0530 பரமத்தி வேலூர் சேலம் ஒழுங்குமுறை விற்பனைக் கூடத்தில் வியாழக்கிழமை நடைபெற்ற கொப்பரைத் தேங்காய் ஏலத்திற்கு கொப்பரை தேங்காயின் வரத்து குறைந்தும்,  விலையும் சரிவடைந்துள்ளது.
 பரமத்தி வேலூர் சுற்று வட்டாரப் பகுதிகளில் விளையும் தேங்காய்களை உடைத்து அதன் பருப்புகளை சிறு விவசாயிகள் வியாழக்கிழமை பரமத்தி வேலூர்,வெங்கமேட்டில் உள்ள சேலம் ஒழுங்குமுறை விற்பனை கூடத்திற்கு கொண்டு வருகின்றனர்.   கடந்த வியாழக்கிழமை நடைபெற்ற ஏலத்திற்கு 1482 கிலோ கொண்டு வரப்பட்டிருந்தது.  இதில் அதிகபட்சமாக கிலோ ஒன்று ரூ.134.89 பைசாவிற்கும்,  குறைந்த பட்சமாக ரூ.113.69-க்கும், சராசரியாக ரூ.132.70 பைசாவிற்கும் ஏலம் போனது. 
மொத்தம் ரூ.1 லட்சத்து 72 ஆயிரத்து 13-க்கு வர்த்தகம் நடைபெற்றது. வியாழக்கிழமை நடைபெற்ற ஏலத்திற்கு 1476 கிலோ கொண்டு வரப்பட்டிருந்தது.  இதில் அதிகபட்சமாக கிலோ ஒன்று ரூ.133.69 பைசாவிற்கும்,  குறைந்த பட்சமாக ரூ.115.69 பைசாவிற்கும், சராசரியாக ரூ.122.50 பைசாவிற்கும் ஏலம் போனது.  மொத்தம் ரூ.1 லட்சத்து 52 ஆயிரத்து 710-க்கு வர்த்தகம் நடைபெற்றது.  கொப்பரைத் தேங்காயின் வரத்து குறைந்தும் வியாபாரிகள் அதிக அளவில் வராததாலும்,  விலை தொடர்ந்து சரிவடைந்துள்ளது.
 

]]>
http://www.dinamani.com/all-editions/edition-dharmapuri/namakkal/2018/jan/12/கொப்பரையின்-விலை-தொடர்ந்து-சரிவு-2843470.html
2843469 தருமபுரி நாமக்கல் அரசுப் பேருந்து ஓட்டுநரை தற்கொலைக்கு தூண்டிய வழக்கு: 2 பெண்களுக்கு தலா 5 ஆண்டு சிறை DIN DIN Friday, January 12, 2018 08:52 AM +0530 அரசுப் பேருந்து ஓட்டுநரை தற்கொலைக்கு தூண்டிய வழக்கில் 2 பெண்களுக்கு தலா 5 ஆண்டுகள் சிறை தண்டனை விதித்து நாமக்கல் நீதிமன்றம் வியாழக்கிழமை தீர்ப்பளித்தது. 
 நாமக்கல் மாவட்டம் கந்தம்பாளையம் அருகே உள்ள மணியனூர் அருகே  வைரம்பாளையத்தை சேர்ந்தவர் ஆனந்தகுமார்(40). இவர் அரசு போக்குவரத்து கழகத்தில் ஓட்டுநராக பணியாற்றி வந்தார். இவரது மனைவி சுகவனேஸ்வரி(31). 
கடந்த 2012ஆம் ஆண்டு ஏப்ரல் மாதம் 8ஆம் தேதி ஆனந்தகுமார் தூக்கிட்டு தற்கொலை செய்து கொண்டார். 
 இதையடுத்து தற்கொலைக்கு தூண்டியவர்கள் மீது நடவடிக்கை எடுக்கக்கோரி சுகவனேஸ்வரி நல்லூர் போலீஸில் புகார் அளித்தார்.  போலீஸார் நடத்திய விசாரணையில் பணம் கொடுக்கல், வாங்கல் பிரச்னையில் அதே பகுதியை சேர்ந்த செந்தில்குமார் மனைவி சாந்தி(34),  சின்னத்துரை மனைவி லதா (44) மற்றும் சிவக்குமார்(35) ஆகியோர் ஆனந்தகுமாரை அவமானப்படுத்தியதால் மனமுடைந்து தற்கொலை செய்து கொண்டது தெரியவந்தது. 
 இதையடுத்து சாந்தி, லதா, சிவக்குமார் ஆகிய 3 பேரையும் போலீஸார் கைது செய்தனர்.  இதுதொடர்பான வழக்கு நாமக்கல் சார்பு நீதிமன்றத்தில் நீதிபதி பாரி முன்னிலையில் நடந்தது.  வழக்கு விசாரணை முடிந்த நிலையில் வியாழக்கிழமை தீர்ப்பளிக்கப்பட்டது. 
குற்றம்சாட்டப்பட்ட சாந்தி,  லதா இருவருக்கும் தலா 5 ஆண்டுகள் சிறைத் தண்டனை, ரூ.1,000 அபராதம் விதித்து நீதிபதி தீர்ப்பளித்தார்.  வழக்கில் இருந்து சிவக்குமார் விடுவிக்கப்பட்டார்.  வழக்கில் தொடர்புடைய பாப்பாயி(70) என்பவர் ஏற்கனவே இறந்து விட்டார் என்பது குறிப்பிடத்தக்கது.

]]>
http://www.dinamani.com/all-editions/edition-dharmapuri/namakkal/2018/jan/12/அரசுப்-பேருந்து-ஓட்டுநரை-தற்கொலைக்கு-தூண்டிய-வழக்கு-2-பெண்களுக்கு-தலா-5-ஆண்டு-சிறை-2843469.html
2843468 தருமபுரி நாமக்கல் அரசு மகளிர் கல்லூரியில் பொங்கல் விழா DIN DIN Friday, January 12, 2018 08:52 AM +0530 நாமக்கல் கவிஞர் ராமலிங்கம் அரசு மகளிர் கல்லூரியில் பொங்கல் விழா வியாழக்கிழமை கொண்டாப்பட்டது.
 விழாவுக்கு கல்லூரி முதல்வர் கிரேட்டா மேரி தென்றல் தலைமை வகித்தார். அக் கல்லூரியில் பணியாற்றும் பேராசிரியர்கள்,  துறைத் தலைவர்கள், பணியாளர்கள் தமிழர்களின் பாரம்பரிய உடையான வேட்டி, சேலையில் வந்தனர்.   அதேபோல்,  அக் கல்லூரியில் தமிழ், ஆங்கிலம், இயற்பியல், கணிதம் உள்ளிட்ட 13 துறைகளிலும் படிக்கும் 3,000 மாணவியர்கள் சேலை அணிந்து வந்து,  புதுப் பானைகளில் பொங்கல் வைத்து கரும்பு,  மஞ்சள் கட்டி,  வாழை இலையில் பொங்கல் படையலிட்டு சூரியனை வழிபட்டனர்.
 

]]>
http://www.dinamani.com/all-editions/edition-dharmapuri/namakkal/2018/jan/12/அரசு-மகளிர்-கல்லூரியில்-பொங்கல்-விழா-2843468.html
2843467 தருமபுரி நாமக்கல் டாஸ்மாக் மதுபான கடைகளுக்கு  3 நாள்கள் விடுமுறை DIN DIN Friday, January 12, 2018 08:52 AM +0530 ஜனவரி மாதத்தில் டாஸ்மாக் மதுபானக் கடைகளுக்கு 3 நாட்கள் விடுமுறை அளிக்கப்பட்டுள்ளது. 
     இதுகுறித்து நாமக்கல் மாவட்ட ஆட்சியர் மு.ஆசியா மரியம் வெளியிட செய்திக்குறிப்பு: நாமக்கல் மாவட்டத்தில் வரும் 15ஆம் தேதி திருவள்ளுவர் தினம்,  26ஆம் தேதி குடியரசு தினம் மற்றும் 31ஆம் தேதி வள்ளலார் தினத்தை முன்னிட்டு டாஸ்மாக் மதுபானக் கடை,  மதுபானக் கூடங்களை மூட வேண்டும்.  இந்த நாட்களில் மதுபானக் கூடங்களை திறந்தாலோ அல்லது மதுபானங்கள் விற்பனை செய்வது கண்டறியப்பட்டாலோ கடும் நடவடிக்கை எடுக்கப்படும்.

]]>
http://www.dinamani.com/all-editions/edition-dharmapuri/namakkal/2018/jan/12/டாஸ்மாக்-மதுபான-கடைகளுக்கு-3-நாள்கள்-விடுமுறை-2843467.html
2843466 தருமபுரி நாமக்கல் சேலம்-கரூர் ரயிலை மயிலாடுதுறை வரை நீட்டிக்க திமுக கோரிக்கை DIN DIN Friday, January 12, 2018 08:51 AM +0530 \சேலம்-கரூர் பயணிகள் ரயிலை மயிலாடுதுறை வரை நீட்டிக்க வேண்டும் என திமுக கோரிக்கை விடுத்துள்ளது. 
 சேலம் ரயிவே கோட்ட மேலாளர் ஹரிசங்கர்வர்மாவிடம், நாமக்கல் கிழக்கு மாவட்ட திமுக பொறுப்பாளர் பார். இளங்கோவன் வியாழக்கிழமை அளித்த மனு விவரம்:  நாமக்கல் ரயில் நிலையத்தில் பயணிகளின் வசதிக்காக புதிய மேற்கூறை,  இருக்கை இதர அடிப்படை வசதிகள் செய்ய வேண்டும்.  சென்னை, பழனி விரைவு ரயில் இரண்டிலும் நாமக்கல்லுக்கு அதிகமான இருக்கை ஒதுக்கீடு செய்ய வேண்டும்.  குளிர்சாதன மூன்றடுக்கு படுக்கை கொண்ட ரயில் பெட்டி ஒன்றை ஒதுக்க வேண்டும்.  சென்னையிலிருந்து மதுரைக்கு வாரம் ஒரு முறை இயக்கப்படும் மிக விரைவு ரயில்களை(எண் 2601, 2602)  நாமக்கல் ரயில் நிலையத்தில் நிறுத்திச் செல்ல வேண்டும்.
 மேலும் சேலம்-கரூர் பயணிகள் ரயிலை மயிலாடுதுறை வரை நீட்டிக்க வேண்டும்.  புதிதாக பயணிகள் ரயிலை சேலத்திலிருந்து ராமேஸ்வரத்திற்கு நாமக்கல் வழியாக இயக்க வேண்டும்.  சேலம், நாமக்கல்,  கரூர், திண்டுக்கல் வழியாக மின் பாதை உடனடியாக அமைக்க வேண்டும்.  புதிதாக இன்டர்சிட்டி விரைவு ரயில் மதுரையிலிருந்து பெங்களூருக்கு கரூர், நாமக்கல், சேலம் வழியாக செல்ல நடவடிக்கை எடுக்க வேண்டும்.
  மேலும்,  மயிலாடுதுறை,  மைசூரு எக்ஸ்பிரஸ் ரயில், தூத்துக்குடி எக்ஸ்பிரஸ் ரயில் திருநெல்வேலி,  ஜம்முதாவி எக்ஸ்பிரஸ் ரயில் ஆகியவற்றை ஈரோடு வழியாக செல்வதை மாற்றி நாமக்கல், கரூர் வழியாக செல்ல அனுமதிக்க வேண்டும். 
 நாமக்கல் ரயில் நிலையத்தில் சரக்குகள் ஏற்ற, இறக்க நவீன வசதிகள் செய்து கொடுக்க வேண்டும்.  சேலத்திலிருந்து காரைக்காலுக்கு நாமக்கல் வழியாக ரயில்பாதை அமைப்பதற்கான அளவீடு முடிந்துவிட்டதால் உடனடியாக ரயில்பாதை அமைக்க வேண்டும் எனத் தெரிவிக்கப்பட்டுள்ளது.
 மாநில மாணவரணி துணைச் செயலர் ரா.தமிழரசன்,  நாமக்கல் நகரப் பொறுப்பாளர் சி.மணிமாறன், மாவட்ட மாணவரணி அமைப்பாளர், மாவட்ட கலை இலக்கிய பகுத்தறிவு பேரவை துணைஅமைப்பாளர் கே.மோகன், நகர பொறுப்புக்குழு உறுப்பினர் டி.டி. சரவணன் ஆகியோர் உடனிருந்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/12/சேலம்-கரூர்-ரயிலை-மயிலாடுதுறை-வரை-நீட்டிக்க-திமுக-கோரிக்கை-2843466.html
2843465 தருமபுரி நாமக்கல் போக்குவரத்து தொழிலாளர்கள் போராட்டத்துக்கு ஆதரவு தெரிவித்து சிபிஐ ஆர்ப்பாட்டம் DIN DIN Friday, January 12, 2018 08:51 AM +0530 போக்குவரத்துத் தொழிலாளர்கள் போராட்டத்துக்கு ஆதரவு தெரிவித்து இந்திய கம்யூனிஸ்ட் கட்சி சார்பில்  நாமக்கல்லில் வியாழக்கிழமை ஆர்ப்பாட்டம் நடைபெற்றது. 
 நாமக்கல் பூங்கா சாலையில் நடந்த ஆர்ப்பாட்டத்துக்கு அக் கட்சியின் நகரச் செயலர் லாளர் ந.தம்பிராஜா தலைமை வகித்தார்.  ஏஐடியுசி மாவட்ட பொதுச்செயலர் பி.தனசேகரன், போக்குவரத்துக் கழகத் தொழிலாளர் ஒன்றிய பொதுச் செயலர் என்.முருகராஜ் ஆகியோர் கோரிக்கையை விளக்கி பேசினர்.
 ஊதிய உயர்வு,  ஓய்வூதியம் உள்ளிட்ட கோரிக்கைகளை நிறைவேற்றக் கோரி வேலைநிறுத்த போராட்டத்தில் ஈடுபட்டுள்ள போக்குவரத்து தொழிலாளர்களுக்கு ஆதரவு தெரிவித்தும்,  அவர்களது கோரிக்கையை தமிழக அரசு உடனடியாக நிறைவேற்றக் கோரியும் முழக்கம் எழுப்பினர்.
 

]]>
http://www.dinamani.com/all-editions/edition-dharmapuri/namakkal/2018/jan/12/போக்குவரத்து-தொழிலாளர்கள்-போராட்டத்துக்கு-ஆதரவு-தெரிவித்து-சிபிஐ-ஆர்ப்பாட்டம்-2843465.html
2843464 தருமபுரி நாமக்கல் நீதிமன்றத்தில் காலிப் பணியிடம்:விண்ணப்பிக்க அழைப்பு DIN DIN Friday, January 12, 2018 08:51 AM +0530 நாமக்கல் மாவட்ட நீதிமன்றத்தில் காலியாக உள்ள பணியிடங்களுக்கு வரும் 31ஆம் தேதிக்குள் விண்ணப்பிக்கலாம் என நாமக்கல் தலைமை நீதித் துறை நடுவர் நீதிமன்றம் அறிவித்துள்ளது. 
 இதுகுறித்த செய்திக்குறிப்பு:  நாமக்கல் மாவட்ட குற்றவியல் நீதித்துறை அலகில் 15 அலுவலக உதவியாளர் பணியிடம்,  ஒரு மசால்சி பணியிடம் காலியாக உள்ளது. விண்ணப்ப படிவத்தை கோர்ட்ஸ்.ஜிஓவி.ஐஎன்/டிஎன்/நாமக்கல் என்ற இணையதள முகவரியில் பதவிறக்கம் செய்து கொள்ளலம்.  இந்த இணையதளத்தில் பணி தொடர்பாக கல்வித் தகுதி, வயது வரம்பு உள்ளிட்ட கூடுதல் விவரங்களை அறிந்து கொள்ளலாம்.
  பூர்த்தி செய்யப்பட்ட விண்ணப்பங்கள் வரும் 31ஆம் தேதிக்குள் தலைமை நீதித் துறை நடுவர்,  தலைமை நீதித் துறை நடுவர் நீதிமன்றம், நாமக்கல் 637003 என்ற முகவரிக்கு அனுப்பிவைக்க வேண்டும்.

]]>
http://www.dinamani.com/all-editions/edition-dharmapuri/namakkal/2018/jan/12/நீதிமன்றத்தில்-காலிப்-பணியிடம்விண்ணப்பிக்க-அழைப்பு-2843464.html
2842854 தருமபுரி நாமக்கல் அரசுப் பேருந்துகளில் கூடுதல் கட்டணம் வசூலிப்பதாக புகார் DIN DIN Thursday, January 11, 2018 09:28 AM +0530 அரசு போக்குவரத்துக் கழக ஊழியர்களின் தொடர் போராட்டத்தைத் தொடர்ந்து, தாற்காலிகமாக நியமிக்கப்பட்டுள்ள ஊழியர்கள் கூடுதல் கட்டணம் வசூலிப்பதாக புகார் எழுந்துள்ளது.
ஊதியஉயர்வு, ஓய்வூதிய பலன்களை உடனடியாக வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, போக்குவரத்து ஊழியர்கள் கடந்த 4-ஆம் தேதி முதல் வேலைநிறுத்தப் போராட்டத்தில் ஈடுபட்டு வருகின்றனர்.இதனால் பெரும்பாலான இடங்களுக்கு போக்குவரத்து சேவை முடங்கி உள்ளது.
போக்குவரத்து ஊழியர்கள் பணிக்குச் செல்லாததால், தாற்காலிக பணியாளர்களைக் கொண்டு போக்குவரத்து சேவையை இயக்க அரசு நடவடிக்கை எடுத்துள்ளது. அதில், தாற்காலிக நடத்துநர்கள் பயணிகளிடம் கூடுதல் கட்டணம் வசூல் செய்வதாக குற்றச்சாட்டு எழுந்துள்ளது. நாமக்கல் பேருந்து நிலையத்தில் இருந்து செல்லும் புறநகர் பேருந்துகளில் ரூ.7 மற்றும் ரூ.8 கட்டணத்துக்கு ரூ.10 எனவும், ரூ. 11-க்கு ரூ.15 எனவும், ரூ.18-க்கு ரூ.20 எனவும், ரூ.26-க்கு ரூ.30 எனவும் புதன்கிழமை வசூல் செய்யப்பட்டது. இதனால்  நடத்துநரிடம் பயணிகள் வாக்குவாதத்தில் ஈடுபட்டனர். இதுகுறித்து நாமக்கல் மாவட்டம், வலையபட்டியைச் சேர்ந்த ஆர்.விக்னேஸ்வரன் கூறியது, நாமக்கல்லிலிருந்து வலையபட்டிக்கு ரூ.8 கட்டணம். ஆனால், திருச்சி சென்ற கும்பகோணம் கோட்ட பேருந்தில் ரூ.10 வசூல் செய்யப்படுகிறது. இதனால் வழக்கமாக பேருந்தில் செல்லக்கூடிய பள்ளி, கல்லூரி மாணவர்கள், தொழிலாளர்கள் பெரிதும் பாதிக்கப்பட்டுள்ளனர் என்றார்.

]]>
http://www.dinamani.com/all-editions/edition-dharmapuri/namakkal/2018/jan/11/அரசுப்-பேருந்துகளில்-கூடுதல்-கட்டணம்-வசூலிப்பதாக-புகார்-2842854.html
2842853 தருமபுரி நாமக்கல் பரமத்தி வேலூர் ஏலச் சந்தையில் வெற்றிலை விலை உயர்வு DIN DIN Thursday, January 11, 2018 09:27 AM +0530 பரமத்தி வேலூர் வெற்றிலை ஏலச் சந்தையில் வெற்றிலை விலை உயர்வடைந்துள்ளதால், வெற்றிலை பயிர் செய்துள்ள விவசாயிகள் மகிழ்ச்சியடைந்துள்ளனர்.
பரமத்தி வேலூர் சுற்று வட்டாரப் பகுதிகளான பாண்டமங்கலம், பொத்தனூர், வேலூர், அனிச்சம்பாளையம், குப்புச்சிப்பாளையம், நன்செய் இடையாறு, பாலப்பட்டி உள்ளிட்ட பகுதிகளில் ஏராளமான ஏக்கரில் வெற்றிலை பயிர் செய்யப்பட்டுள்ளது.
இங்கு விளையும் வெற்றிலைகள் கர்நாடகம், கேரளம், குஜராத், மகாராஷ்டிரம் உள்ளிட்ட பல்வேறு மாநிலங்களுக்கும், சேலம், கோவை, மதுரை, திருப்பூர் உள்ளிட்ட பல்வேறு மாவட்டங்களுக்கும் ஏற்றுமதி செய்யப்படுகின்றன. கடந்த வாரம் நடைபெற்ற ஏலத்தில் வெள்ளைக்கொடி வெற்றிலை (இளம்பயிர் மார்) 104 கவுளி கொண்ட சுமை ஒன்று ரூ.4 ஆயிரத்துக்கும், கற்பூரி வெற்றிலை (இளம்பயிர் மார்) சுமை ஒன்று ரூ.3 ஆயிரத்துக்கும், வெள்ளைக்கொடி வெற்றிலை (முதியம்பயிர் மார்) சுமை ஒன்று ரூ.1,750-க்கும், கற்பூரி வெற்றிலை (முதியம் மார்) ரூ.1,500-க்கும் ஏலம் போயின. புதன்கிழமை நடைபெற்ற ஏலத்தில் வெள்ளைக்கொடி வெற்றிலை (இளம்பயிர் மார்) 104 கவுளி கொண்ட சுமை ஒன்று ரூ.5 ஆயிரத்துக்கும், கற்பூரி வெற்றிலை (இளம்பயிர் மார்) சுமை ஒன்று ரூ.4 ஆயிரத்துக்கும், வெள்ளைக்கொடி வெற்றிலை (முதியம்பயிர் மார்) சுமை ஒன்று ரூ.2,500-க்கும், கற்பூரி வெற்றிலை (முதியம்பயிர் மார்) சுமை ஒன்று ரூ.2 ஆயிரத்துக்கும் ஏலம் போயின.
வெற்றிலை வரத்து குறைந்துள்ளதால், விலை உயர்ந்துள்ளதாக வியாபாரிகள் தெரிவித்தனர்.

]]>
http://www.dinamani.com/all-editions/edition-dharmapuri/namakkal/2018/jan/11/பரமத்தி-வேலூர்-ஏலச்-சந்தையில்-வெற்றிலை-விலை-உயர்வு-2842853.html
2842852 தருமபுரி நாமக்கல் பள்ளிக் கல்வித் துறை சார்பில் கலைத் திருவிழா DIN DIN Thursday, January 11, 2018 09:27 AM +0530 நாமக்கல்லில் பள்ளிக் கல்வித் துறை சார்பில் புதன்கிழமை கலைத் திருவிழா கொண்டாடப்பட்டது.
நாமக்கல் தெற்கு அரசு ஆண்கள் மேல்நிலைப் பள்ளியில்  பள்ளிக் கல்வித் துறை சார்பில் பள்ளி மாணவ, மாணவியருக்கான கலைத் திருவிழா நடைபெற்றது.
மாவட்ட முதன்மைக் கல்வி அலுவலர் பி.உஷா தலைமை வகித்து விழாவை தொடக்கி வைத்து பேசியது: பள்ளிக் கல்வித் துறையின் கீழ் இயங்கி வரும் தொடக்கநிலை, நடுநிலை, உயர்நிலை மற்றும் மேல்நிலைப் பள்ளிகளில் படிக்கும் அனைத்து வகை மாணவ, மாணவியரும் பங்கேற்கும் வகையில் கலைத் திருவிழா நடத்தப்படுகிறது.
கலைப் போட்டிகள் முதல் பிரிவாக ஒன்று முதல் 5-ஆம் வகுப்பு வரையும், 2-ஆம் பிரிவு 6 முதல் 8-ஆம் வகுப்பு வரையும், 3-ஆம் பிரிவு 9  மற்றும் 10-ஆம் வகுப்பும், 4-ஆம் பிரிவு 11 மற்றும் பிளஸ் 2 வகுப்புக்கும் நடத்தப்படுகின்றன. 
இந்த 4 பிரிவுகளில் நடைபெறும் போட்டிகள் பள்ளி நிலையில் தொடங்கி கல்வி மாவட்ட, வருவாய் மாவட்ட மற்றும் மாநில அளவிலான நிலைகளில் நடைபெறும். போட்டிகளில் ஒவ்வொரு நிலையிலும் தேர்வு பெற்றவர்கள் அடுத்தடுத்த நிலைகளில் கலந்துகொள்வார்கள் என்றார்.
 இதில் மொழியாற்றல், பாரம்பரியம், ஆன்மிகம், கிராமியம், நாட்டுப்புறக் கலைகள் ஆகிய பிரிவுகளில் கலைப் போட்டிகள் நடைபெற்றன.
போட்டிகள் நாமக்கல் தெற்கு அரசு மேல்நிலைப் பள்ளி, நாமக்கல் அரசு பெண்கள் மேல்நிலைப் பள்ளி, நாமக்கல் கந்தசாமி கண்டர் பள்ளி, மாவட்ட ஆசிரியர் பயிற்சி நிறுவனம், திருச்செங்கோடு ஆண்கள் மேல்நிலைப் பள்ளி ஆகியவற்றில் நடைபெற்றன. இந்த போட்டிகளில் நாமக்கல் மாவட்டத்தில் உள்ள 200-க்கும் மேற்பட்ட பள்ளிகளைச் சேர்ந்த 3,000 மேற்பட்ட மாணவ, மாணவியர் கலந்துகொண்டனர்.
இதில் மாவட்டக் கல்வி அலுவலர் அருளரங்கள், மாவட்ட ஆசிரியர் பயிற்சி நிறுவன முதல்வர் பெரியசாமி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/jan/11/பள்ளிக்-கல்வித்-துறை-சார்பில்-கலைத்-திருவிழா-2842852.html
2842851 தருமபுரி நாமக்கல் குமாரபாளையம் சந்தையில் பொங்கல் கொண்டாட்டம் DIN DIN Thursday, January 11, 2018 09:27 AM +0530 குமாரபாளையம் நகராட்சி தினசரி காய்கறி சந்தை வளாகத்தில் புதன்கிழமை சந்துப் பொங்கல் கொண்டாட்டம் நடைபெற்றது.
குமாரபாளையம் பேருந்து நிலையம் அருகேயுள்ள தினசரி காய்கறி சந்தை வளாகத்தில் ஸ்ரீமுத்து முனியப்ப சுவாமி கோயில் உள்ளது. இக்கோயிலின் 28-ஆம் ஆண்டு பொங்கல் விழாவை முன்னிட்டு காவிரி ஆற்றிலிருந்து வியாழக்கிழமை காலை மேளதாளங்கள் முழங்க தீர்த்தக் குடங்களுடன் வியாபாரிகள், பொதுமக்கள் ஊர்வலமாக கோயிலுக்கு வந்தனர். இதையடுத்து, முனியப்ப சுவாமிக்கு அபிஷேகம் மற்றும் அலங்கார வழிபாடுகள் நடைபெற்றன. மேலும், வியாபாரிகள் தங்கள் வியாபாரம் செழிக்க பொங்கல் வைத்து வழிபட்டனர். தொடர்ந்து, அன்னதானம் வழங்கப்பட்டது. விழாவை முன்னிட்டு தினசரி சந்தைக்கு விடுமுறை விடப்பட்டிருந்தது. விழா ஏற்பாடுகளை தினசரி காய்கறி வியாபாரிகள் சங்கத் தலைவர் எம்.வெங்கடேசன் தலைமையில் நிர்வாகிகள் செய்திருந்தனர்.

]]>
http://www.dinamani.com/all-editions/edition-dharmapuri/namakkal/2018/jan/11/குமாரபாளையம்-சந்தையில்-பொங்கல்-கொண்டாட்டம்-2842851.html
2842850 தருமபுரி நாமக்கல் முதல் நாடாளுமன்ற உறுப்பினரின் 98-ஆவது பிறந்த நாள் விழா DIN DIN Thursday, January 11, 2018 09:27 AM +0530 இந்திய  அரசியல் நிர்ணய சபை என அழைக்கப்பட்ட அப்போதைய நாடாளுமன்றத்தில் உறுப்பினராக பதவி வகித்த டி.எம்.காளியண்ண கவுண்டரின் 98-ஆவது பிறந்த நாளில்,  நகரின் முக்கியப் பிரமுகர்கள் புதன்கிழமை அவரை சந்தித்து வாழ்த்துகளை தெரிவித்தனர்.
1948-இல் அரசியல் நிர்ணய சபைக்கு 28 வயதில் சென்ற  இளம் உறுப்பினரான இவர் பிகாம், எம்ஏ பொருளாதாரம் படித்தவர். எம்.எல்.ஏ, எம்.பி, எம்.எல்.சி. ஆக இருந்தவர். தமிழ்நாடு காங்கிரஸ் துணைத் தலைவராகவும், பொருளாளராகவும், மேலவை துணைத் தலைவராகவும் பொறுப்பு வகித்தவர்.
திருச்செங்கோட்டை அடுத்த கஸ்தூரிபட்டியின் ஜமீன்தாரான இவர் எளிமையாக இருந்தவர். பல்வேறு பொறுப்புகளுக்காக 36 முறை தேர்தலில் நின்ற பழுத்த அனுபவம் கொண்டவர். அமைச்சர் பதவியை விட அதிகாரமிக்க சேலம், தருமபுரி, கிருஷ்ணகிரி, நாமக்கல் உள்ளிட்ட சேலம் மாவட்டத்தின் பெரிய பதவியான ஜில்லா போர்டு தலைவர் பதவியை வகித்தவர். இவரது பதவிக் காலத்தில் மிகப்பெரிய சாதனையாக  ஒன்றுபட்ட சேலம் மாவட்டத்தில் ஆயிரம் பள்ளிக் கூடங்களை தொடக்கி வைத்தார்.
தனது காலத்தில் காங்கிரஸ் முக்கியத் தலைவர்களோடு மிக நெருக்கமாக இருந்தார். தனது பதவிக் காலங்களில் தமிழகத்துக்கு பல மேம்பாட்டுத் திட்டங்களை கொண்டு வந்தார்.
சிறந்த மேடைப் பேச்சாளரும், பண்பாளருமான இவரது 98-ஆவது பிறந்த நாளில், கே.எஸ்.ஆர். கல்லூரிகளின் தாளாளர் ரங்கசாமி, முன்னாள் நகர்மன்றத் தலைவர் நடேசன், எஸ்.கே.வி. கல்வி நிறுவனங்களின் தலைவர் கோல்டன் ஹார்ஸ் ரவி, பொருளாளர் டாக்டர் பாலசுப்பிரமணியம், ரேன் இந்தியா செயல் இயக்குநர் நாகராஜ், எக்ஸ்னோரா செயலர் பொன்.கோவிந்தராசு, ஒளவை கே.எஸ்.ஆர். மெட்ரிக் பள்ளி முதல்வர் தங்கம், உள்ளிட்ட நகரப் பிரமுகர்கள் அவருக்கு வாழ்த்துகளை தெரிவித்து ஆசி பெற்றனர். இதில், செல்வவினாயகர், அருள்மாரியம்மன், ஸ்ரீ ஐயப்பன்  கோயில் பொறுப்பாளர்கள்  கலந்துகொண்டனர்.
 

]]>
http://www.dinamani.com/all-editions/edition-dharmapuri/namakkal/2018/jan/11/முதல்-நாடாளுமன்ற-உறுப்பினரின்-98-ஆவது-பிறந்த-நாள்-விழா-2842850.html
2842849 தருமபுரி நாமக்கல் பொங்கல் பண்டிகைக்கு தயார் நிலையில் பானைகள்! DIN DIN Thursday, January 11, 2018 09:26 AM +0530 பொங்கல் பண்டிகையை முன்னிட்டு பரமத்திவேலூர் வட்டாரத்தில் மண் பானை தயார் செய்யப்பட்டு வருகிறது.
பரமத்தி வேலூர் அருகே உள்ள இராமநாயக்கன்பாளையம், பரமத்தி அருகே மேல்சாத்தம்பூர், சோளிபாளையம் உள்ளிட்ட பகுதிகளில் மண்பானை தயாரிக்கும் பணியில் கடந்த சில வாரங்களாக தொழிலாளர்கள் தீவிரமாக ஈடுபட்டு வந்தனர். இந்த மண்பானைகள் தயாரிக்கும் பணியில் ஈடுபட்டுள்ள இராமநாயக்கன் பாளையத்தைச் சேர்ந்த மண்பாண்ட தொழிலாளர்கள் கூறியது: பொங்கல் பண்டிகையை முன்னிட்டு தயாரிக்கப்படும் பானைகள் பரமத்தி வேலூர், ஈரோடு மற்றும் நாமக்கல் மாவட்டத்தில் உள்ள பல்வேறு கிராமங்களுக்கு விற்பனைக்கு கொண்டு செல்லப்படுகின்றன. மேலும் சுற்றுவட்டாரப் பகுதிகளை சேர்ந்தவர்களும், வியாபாரிகளும் நேரடியாக வந்து பானைகளை வாங்கி சென்று விற்பனை
செய்கின்றனர்.
ஒரு படி அரிசி வைத்து சமைக்கும் பானை முதல் 5 படி வரை பொங்கல் வைக்கும் மண்பானைகளை ரூ.50 முதல் ரூ.150 வரை விற்பனை செய்து வருவதாக தெரிவித்தனர்.
மேலும், மண் பானை தயாரிப்பில் ஈடுபட்டுள்ள எங்கள் தொழில் அழிந்து வரும் நிலையில் உள்ளது. மழைக் காலங்களில் பாதிக்கப்படும் எங்கள் தொழிலுக்கு தமிழக அரசு உதவித் தொகையாக மாதம் ரூ.4 ஆயிரம் வரை வழங்க வேண்டும். மேலும், மண்பானை தயாரிப்பதற்காக மின் சக்கரமும், இலவச மின்சாரத்தையும் வழங்க வேண்டும் என கோரிக்கை விடுத்துள்ளனர்.

]]>
http://www.dinamani.com/all-editions/edition-dharmapuri/namakkal/2018/jan/11/பொங்கல்-பண்டிகைக்கு-தயார்-நிலையில்-பானைகள்-2842849.html
2842848 தருமபுரி நாமக்கல் நாமக்கல் மாவட்டத்தில் 13.62 லட்சம் வாக்காளர்கள்: 33,848 வாக்காளர்கள் நீக்கம் DIN DIN Thursday, January 11, 2018 09:26 AM +0530 நாமக்கல் மாவட்டத்தில் உள்ள 6 சட்டப்பேரவைத் தொகுதிகளிலும் மொத்தம் 13,62,036 வாக்காளர்கள் உள்ளனர் என மாவட்ட ஆட்சியர் மு.ஆசியா மரியம் தெரிவித்தார்.
நாமக்கல் மாவட்ட ஆட்சியர் அலுவலகத்தில் புதன்கிழமை மாவட்ட ஆட்சியர் மு.ஆசியா மரியம் இறுதி வாக்காளர் பட்டியலை வெளியிட்டார். இதனை மாவட்ட வருவாய் அலுவலர் கு.பழனிசாமி பெற்றுக்கொண்டார்.
பட்டியலை வெளியிட்டு ஆட்சியர் பேசியது: நாமக்கல் மாவட்டத்தில் உள்ள ராசிபுரம், சேந்தமங்கலம், நாமக்கல், பரமத்திவேலூர், திருச்செங்கோடு, குமாரபாளையம் ஆகிய 6 சட்டப்பேரவைத் தொகுதிகளில் கடந்த ஆண்டு அக். 3-ஆம் தேதி முதல் டிச. 15-ஆம் தேதி வரை பொதுமக்களிடமிருந்து பெறப்பட்ட சேர்த்தல், நீக்கல், திருத்தம், இடமாற்ற படிவங்களை விசாரணை செய்து உரிய திருத்தங்கள் மேற்கொள்ளப்பட்டு இறுதி வாக்காளர் பட்டியல் வெளியிடப்பட்டுள்ளது. 
இதன்படி ராசிபுரம் (எஸ்சி) சட்டப்பேரவைத் தொகுதியில் 1,09,903 ஆண், 1,13,630 பெண் என மொத்தம் 2,23,533 வாக்காளர்கள் உள்ளனர்.
சேந்தமங்கலம் (எஸ்டி) சட்டப்பேரவைத் தொகுதியில் 1,13,404 ஆண், 1,17,211 பெண், 14 திருநங்கைகள் என மொத்தம் 2,30,629 வாக்காளர்கள் உள்ளனர்.
நாமக்கல் சட்டப்பேரவைத் தொகுதியில் உள்ள 1,18,295 ஆண்,  1,25,430 பெண், 37 திருநங்கைகள் என மொத்தம் 2,43,762 வாக்காளர்கள் உள்ளனர்.
பரமத்தி வேலூர் சட்டப்பேரவைத் தொகுதியில் 1,01,310 ஆண், 1,07,578 பெண், 7 திருநங்கைகள் என மொத்தம் 2,08,895 வாக்காளர்கள் உள்ளனர்.
திருச்செங்கோடு சட்டப்பேரவைத் தொகுதியில் 1,07,140 ஆண், 1,11,998 பெண், 34 திருநங்கைகள் என மொத்தம் 2,19,172 வாக்காளர்கள் உள்ளனர்.
குமாரபாளையம் சட்டப்பேரவைத் தொகுதியில் 1,16,041 ஆண் வாக்காளர்கள், 1,19,980 பெண் வாக்காளர்கள், 24 திருநங்கை வாக்காளர்கள் என மொத்தம் 2,36,045 வாக்காளர்கள் உள்ளனர்.
நாமக்கல் மாவட்டத்தில் மொத்தம் உள்ள 6 சட்டப்பேரவைத் தொகுதிகளுக்குள்பட்ட 1,569 வாக்குச் சாவடி மையங்களில் வரைவு வாக்காளர் பட்டியலின் படி உள்ள 13,85,899 வாக்காளர்களில் உரிய திருத்தங்கள் மேற்கொள்ளப்பட்டு 9,985 வாக்காளர்கள் புதிதாக சேர்க்கப்பட்டும், 33,848 வாக்காளர்கள் நீக்கம் செய்யப்பட்டும் மொத்தம் 6,66,093 ஆண், 6,95,827 பெண், 116 திருநங்கைகள் என மொத்தம் 13,62,036 வாக்காளர்கள் இறுதி வாக்காளர் பட்டியலில் வாக்காளர்களாக உள்ளனர்.
இறுதி வாக்காளர் பட்டியல் மாவட்ட தேர்தல் அலுவலர் அலுவலகம், சம்பந்தப்பட்ட வாக்காளர் பதிவு அலுவலர் மற்றும் வருவாய் கோட்டாட்சியர் அலுவலகங்கள், வட்டாட்சியர் அலுவலகங்கள் மற்றும் சம்பந்தப்பட்ட வாக்குச் சாவடி மையங்களில் பொதுமக்கள் பார்வையிடலாம். 
மேலும் வாக்காளர் பட்டியலில் புதியதாக சேர்க்கப்பட்டவர்களுக்கு வாக்காளர் புகைப்பட அடையாள அட்டைகள் சம்பந்தப்பட்ட வட்டாட்சியர் அலுவலக அரசு இ-சேவை மையங்கள் வாயிலாக வழங்கப்படும் என்றார்.
மாவட்ட வருவாய் அலுவலர் கு.பழனிசாமி, நாமக்கல் சார்-ஆட்சியர் சு.கிராந்தி குமார் பதி, மாவட்ட ஆட்சியரின் நேர்முக உதவியாளர் பால் பிரின்ஸ்லி ராஜ்குமார், மாவட்ட ஆட்சியர் அலுவலக தேர்தல் தனி வட்டாட்சியர் சுப்பிரமணியம் உள்ளிட்டோர் உடனிருந்தனர்.

]]>
http://www.dinamani.com/all-editions/edition-dharmapuri/namakkal/2018/jan/11/நாமக்கல்-மாவட்டத்தில்-1362-லட்சம்-வாக்காளர்கள்-33848-வாக்காளர்கள்-நீக்கம்-2842848.html
2842847 தருமபுரி நாமக்கல் இயற்கை வேளாண்மை விழிப்புணர்வு ஓட்டம் DIN DIN Thursday, January 11, 2018 09:26 AM +0530 குமாரபாளையத்தில் கல்லூரி மாணவ, மாணவியர் பங்கேற்ற இயற்கை வேளாண்மை விழிப்புணர்வு மாரத்தான் ஓட்டம் புதன்கிழமை நடைபெற்றது.
ஸ்ரீராகவேந்திரா பாலிடெக்னிக் கல்லூரியின் சார்பில் நடைபெற்ற இப்போட்டிக்கு முதல்வர் எஸ்.விஜயகுமார் தலைமை வகித்தார்.
ஆண்களுக்கு பன்னிரண்டரை கி.மீ, பெண்களுக்கு 4 கி.மீ. தொலைவு இலக்காக வைக்கப்பட்டது. எடப்பாடி சாலை, குமாரபாளையம் பேருந்து நிலையம், பள்ளிபாளையம் சாலை மற்றும் முக்கிய வீதிகள் வழியாக மாரத்தான் ஓட்டம் நடைபெற்றது.
கல்லூரிப் பொருளாளர் கே.பரமசிவம், தேவூர் காவல் உதவி ஆய்வாளர் மாதையன் ஆகியோர் கொடியசைத்து மாரத்தான் ஓட்டத்தை தொடக்கி வைத்தனர். இயற்கை வேளாண்மையின் முக்கியத்துவம், இயற்கை பாதிப்பால் ஏற்படும் சுற்றுச்சூழல் பாதிப்புகள் குறித்து விழிப்புணர்வு ஏற்படுத்தப்பட்டது. 
முதல் 10 இடங்களைப் பிடித்த மாணவ, மாணவியர் பரிசுக்குத் தேர்வு செய்யப்பட்டனர்.

]]>
http://www.dinamani.com/all-editions/edition-dharmapuri/namakkal/2018/jan/11/இயற்கை-வேளாண்மை-விழிப்புணர்வு-ஓட்டம்-2842847.html
2842846 தருமபுரி நாமக்கல் திருச்செங்கோட்டில் துணை வாக்காளர் பட்டியல் வெளியீடு DIN DIN Thursday, January 11, 2018 09:26 AM +0530 திருச்செங்கோடு வருவாய் கோட்டத்துக்குள்பட்ட பரமத்திவேலூர், திருச்செங்கோடு, குமாரபாளையம் ஆகிய சட்டப்பேரவைத் தொகுதிகளுக்கான துணை வாக்காளர் பட்டியலை கோட்டாட்சியர் பாஸ்கரன் புதன்கிழமை  வெளியிட்டார்.
துணை வாக்காளர் பட்டியல் பிரதிகளை அதிமுக  மாவட்ட துணை செயலர் முருகேசன், நாமக்கல்  மாவட்ட திமுக இளைஞர் அணி அமைப்பாளர் கார்த்திகேயன், பாஜக நகரத் தலைவர் ரஜினிகாந்த், காங்கிரஸ் நகரத் தலைவர் செல்வகுமார், இந்திய கம்யூனிஸ்ட் கட்சியின் முருகேசன் ஆகியோர் பெற்றுக்கொண்டனர். வட்டாட்சியர்கள் பூவராகவன், ருக்மணி, ரகுநாதன், கோட்டாட்சியரின் நேர்முக உதவியாளர் குணசேகரன், தேர்தல் துணை வட்டாட்சியர் சுப்பிரமணியம் உடனிருந்தனர்.
10.1.2018 தேதி வரை திருச்செங்கோட்டில் 2,19,172 வாக்காளர்களும், பரமத்தி  வேலூரில் 2,08,895 வாக்காளர்களும், குமாரபாளையத்தில் 2,36,045 வாக்காளர்களும் உள்ளதாக கோட்டாட்சியர் பாஸ்கரன் தெரிவித்தார்.

]]>
http://www.dinamani.com/all-editions/edition-dharmapuri/namakkal/2018/jan/11/திருச்செங்கோட்டில்-துணை-வாக்காளர்-பட்டியல்-வெளியீடு-2842846.html
2842845 தருமபுரி நாமக்கல் தமிழ்நாடு பிராமணர் சங்க நிர்வாகிகள் கூட்டம் DIN DIN Thursday, January 11, 2018 09:25 AM +0530 தமிழ்நாடு பிராமணர் சங்கத்தின் புதிய நிர்வாகிகள் தேர்வு மற்றும் ஆலோசனைக் கூட்டம் குமாரபாளையத்தில் புதன்கிழமை நடைபெற்றது. 
சங்கத்தின் மாநில துணைத் தலைவரும், ஈரோடு மாவட்டத் தலைவருமான பி.முரளிதரன் தலைமை வகித்தார். சிறப்பு விருந்தினராக முன்னாள் மாநில கொள்கை பரப்புச் செயலர் குடந்தை கே.ஆர்.கிருஷ்ணாராவ் பங்கேற்றார். குமாரபாளையம் கிளையின் தலைவராக என்.சாம்பசிவ சிவாச்சாரியார், செயலராக கே.கே.பாலசுப்பிரமணியம், பொருளாளராக கே.மோகன், பவானி - காலிங்கராயன்பாளையம் கிளைத் தலைவராக டி.மணிகண்ட சிவாச்சாரியார், செயலராக கே.ரமேஷ் தேர்வு செய்யப்பட்டனர். இதில், மாநில ஒருங்கிணைப்பாளர் எல்.குமார், மாநில துணைத் தலைவர் எஸ். ஸ்ரீதரன், மாநில இணைச் செயலர்கள் எஸ்.வினோத்குமார், கே.செளந்தர்ராஜன், மாவட்ட ஆலோசகர் டி.சதாசிவம், நாமக்கல் மாவட்டச் செயலர் ஏ.வெங்கடேசன் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-dharmapuri/namakkal/2018/jan/11/தமிழ்நாடு-பிராமணர்-சங்க-நிர்வாகிகள்-கூட்டம்-2842845.html
2842844 தருமபுரி நாமக்கல் பட்டாசு வியாபாரிகள் ஆர்ப்பாட்டம் DIN DIN Thursday, January 11, 2018 09:25 AM +0530 சிவகாசி பட்டாசு தொழிலுக்கு ஏற்பட்டுள்ள நெருக்கடிக்கு தீர்வு காண வலியுறுத்தி, நாமக்கல்லில் பட்டாசு வியாபாரிகள் புதன்கிழமை ஆர்ப்பாட்டத்தில் ஈடுபட்டனர். 
பட்டாசு வெடிப்பதால் சுற்றுச்சூழல் மாசு ஏற்படுவதாகக் கூறி, நாடு முழுவதும் பட்டாசு உற்பத்தி, விற்பனைக்கு தடை விதிக்கக் கோரி உச்ச நீதிமன்றத்தில் வழக்கு தொடரப்பட்டுள்ளது. 
கடந்த தீபாவளி நேரத்தில் தில்லி உள்பட 5 மாநிலங்களில் பட்டாசால் மாசு ஏற்படுவதாக கூறி இதன் விற்பனைக்கு நீதிமன்றம் தடை விதித்தது. இதனால் வியாபாரிகள் கடும் இழப்பைச் சந்தித்தனர். இதனால் வெளி மாநில பட்டாசு வியாபாரிகள் தீபாவளிக்கு பின் பட்டாசு உற்பத்திக்கான ஆர்டரை கொடுக்க முன்வரவில்லை.
சுற்றுச்சூழல் மாசு சட்டத்தில் பட்டாசுக்கு சிறப்பு சட்டத் திருத்தம் கொண்டு வர வேண்டும். பட்டாசுக்கு தடை கோரி போடப்பட்டுள்ள வழக்குகளை விரைந்து முடிக்கவேண்டும் என்ற கோரிக்கைகளை வலியுறுத்தி, கடந்த டிச. 26 முதல் பட்டாசு உரிமையாளர்கள் ஆலைகளை மூடி போராட்டம் நடத்தி வருகின்றனர்.  850-க்கும் அதிகமான பட்டாசு ஆலைகள் அடைக்கப்பட்டுள்ளதால், 5 லட்சம் தொழிலாளர் பாதிக்கப்பட்டுள்ளனர்.
இந்நிலையில், சிவகாசி பட்டாசு தொழிலை பாதுகாக்க வலியுறுத்தி, நாமக்கல் மாவட்ட பட்டாசு, மத்தாப்பு வியாபாரிகள் சங்கம் சார்பில் நாமக்கல் பூங்கா சாலையில் புதன்கிழமை மாலை ஆர்ப்பாட்டம் நடைபெற்றது.
ஆர்ப்பாட்டத்துக்கு சங்கத் தலைவர் வி.எஸ்.லோகநாத் தலைமை வகித்தார். செயலர் கே.லோகேஸ்வரன் முன்னிலை வதித்தார். துணைத் தலைவர்கள் ஆர்.முத்துசாமி, டி.ராஜன் மற்றும் நிர்வாகிகள் பங்கேற்றனர். பொருளாளர் எஸ்.செல்வம் நன்றி கூறினார்.
 

]]>
http://www.dinamani.com/all-editions/edition-dharmapuri/namakkal/2018/jan/11/பட்டாசு-வியாபாரிகள்-ஆர்ப்பாட்டம்-2842844.html
2842843 தருமபுரி நாமக்கல் "அறிவியல் கண்காட்சிகள் படைப்பாற்றலை வளர்த்துக் கொள்ள உதவும்' DIN DIN Thursday, January 11, 2018 09:25 AM +0530 அறிவியல், தொழில்நுட்ப கண்காட்சிகள் மாணவர்களுக்கு படைப்பாற்றலை வளர்த்துக்கொள்ள உதவும் என தமிழ்நாடு மாநில அறிவியல் மற்றும் தொழில்நுட்ப கவுன்சில் உறுப்பினர் செயலர் ஆர்.ஸ்ரீனிவாசன் கூறினார்.
நாமக்கல் மாவட்டம் எக்ஸல் கல்வி நிறுவனம் மற்றும் இந்திய தொழில்நுட்பக் கல்விக் கழகம் சார்பில், அறிவியல் தொழில்நுட்பம் மற்றும் விமானவியல் கண்காட்சி  எக்ஸல் கல்வி நிறுவன வளாகத்தில் புதன்கிழமை காலை தொடங்கியது.
விழாவுக்கு எக்ஸல் கல்வி நிறுவனங்களின் தலைவர் ஏ.கே.நடேசன் தலைமை வகித்தார். துணைத் தலைவர் என்.மதன்கார்த்திக் வரவேற்றார். நிர்வாக அறங்காவலர் என்.பார்வதி குத்துவிளக்கேற்றி தொடங்கி வைத்தார்.
எக்ஸல் கல்வி நிறுவனங்களின் முதல்வர்கள் வி.கே.சண்முகநாதன், ஈ.பழனிச்சாமி, எம்.அருண் கார்த்திக், தொழிற்சாலை உறவுகள் மற்றும் ஆராய்ச்சித் திட்ட இயக்குநர் டி.தேவகுமார், தொழில்நுட்ப இயக்குநர் என்.செங்கோட்டையன் ஆகியோர் பேசினர். சிறப்பு அழைப்பாளர்களாக ஈரோடு மாவட்ட முதன்மைக்கல்வி அலுவலர் ஆர்.பாலமுரளி பங்கேற்றார்.
சிறப்பு விருந்தினராக சென்னை ஆயில்டெக் குழும நிறுவனங்களின் குழுமத் தலைவர் திலீப் ராதாகிருஷ்ணன் பங்கேற்று அறிவியல், தொழில்நுட்பக் கண்காட்சியை தொடங்கி வைத்து பேசியது: தானியங்கி தொழில்நுட்பம் வாயிலாக மனித சக்தியின் தேவை குறைந்து வருகிறது. சூரிய சக்தி உற்பத்தியினால் பல மடங்கு மின் தேவை பூர்த்தியாகி கொண்டிருக்கிறது. தொழில்நுட்ப வளர்ச்சியால் பல மணி நேரம் மிச்சமாகிறது.
மாணவர்கள் பாடங்களை மதிப்பெண்களுக்காக படிக்கக் கூடாது. பாடத்தின் அடிப்படையை புரிந்து படிக்கவேண்டும் என்றார்.
ஷோசாவா குழும நிறுவனங்களின் நிர்வாக இயக்குநர் எஸ்.கே.ஹசாரி பேசியது: மாணவர்கள் இன்னும் கூடுதலாக முயற்சிக்கவேண்டும். இலக்கு எது என்பதை முடிவு செய்து கொண்டு அதற்கு தயார் செய்ய வேண்டும் என்றார்.
தமிழ்நாடு மாநில அறிவியல் மற்றும் தொழில்நுட்பக் கவுன்சில் உறுப்பினர் செயலர் ஆர்.ஸ்ரீனிவாசன், புனித தெரசா வரலாற்றுக் கண்காட்சி மற்றும் கணிதவியல் கண்காட்சியை தொடங்கி வைத்து பேசியது: இதுபோன்ற கண்காட்சிகள் படைப்பாற்றலை வளர்த்துக் கொள்ள உதவும் என்றார்.
கண்காட்சி வரும் 12-ஆம் தேதி வரை 3 நாள்கள் நடைபெற உள்ளது. இதில் பொறியியல், பாலிடெக்னிக், ஆர்க்கிடெக்சர் கல்லூரிகள் மற்றும் பள்ளி மாணவ, மாணவியரின் அறிவியல் படைப்பாற்றல் கண்காட்சி, விமானவியல் கண்காட்சிகள் இடம் பெற்றுள்ளன.
 

]]>
http://www.dinamani.com/all-editions/edition-dharmapuri/namakkal/2018/jan/11/அறிவியல்-கண்காட்சிகள்-படைப்பாற்றலை-வளர்த்துக்-கொள்ள-உதவும்-2842843.html
2842842 தருமபுரி நாமக்கல் பொங்கல் போனஸ் ரூ.10,000 வழங்கக் கோரிக்கை DIN DIN Thursday, January 11, 2018 09:25 AM +0530 தமிழக அரசில் பணியாற்றும் ஏ மற்றும் பி பிரிவு பணியாளர்களுக்கு பொங்கல் போனஸ் ரூ.10,000 வழங்க வேண்டும் என நேரடி நியமனம் பெற்ற முதுநிலை பட்டதாரி ஆசிரியர்கள் சங்கம் கோரிக்கை விடுத்துள்ளது. 
சங்க மாநிலத் தலைவர் ஆ.ராமு, தமிழக முதல்வருக்கு புதன்கிழமை அனுப்பிய கோரிக்கை மனு: தமிழக அரசில் பணியாற்றும் சி மற்றும் டி பிரிவு அலுவலர்களுக்கு பொங்கல் போனஸ் ரூ.3,000 வழங்கப்படும் என்ற அறிவிப்புக்கு வரவேற்பையும், நன்றியையும் தெரிவித்துக்கொள்கிறோம்.
பொங்கல் பண்டிகைக்கு ஏ மற்றும் பி பிரிவு பணியாளர்களுக்கு ரூ.1,000 பொங்கல் போனஸாக வழங்கப்படுவது வழக்கம். ஆனால், தமிழக அரசில் பணிபுரியும் ஏ மற்றும் பி பிரிவு அலுவலர்களுக்கு தற்போது போனஸ் மற்றும் மிகைத் தொகை அறிவிக்கப்படாதது அதிர்ச்சி ஏற்படுத்தியுள்ளது.
போனஸ் மற்றும் மிகைத் தொகை என்பது அரசு அலுவலர்கள், ஆசிரியர்களின் உரிமை.  எனவே, தமிழக அரசில் பணிபுரியும் ஏ மற்றும் பி பிரிவு அலுவலர்களுக்கு போனஸாக ரூ.5,000, சி மற்றும் டி பிரிவு பணியாளர்களுக்கு போனஸாக ரூ.10,000 வழங்கிட வேண்டும்.
 

]]>
http://www.dinamani.com/all-editions/edition-dharmapuri/namakkal/2018/jan/11/பொங்கல்-போனஸ்-ரூ10000-வழங்கக்-கோரிக்கை-2842842.html
2842305 தருமபுரி நாமக்கல் கந்து வட்டி தடுக்க  ஆர்ப்பாட்டம் DIN DIN Wednesday, January 10, 2018 09:23 AM +0530 கந்து வட்டி கொடுமையை தடுத்து நிறுத்த நடவடிக்கை எடுக்கக் கோரி,  மார்க்சிஸ்ட் கம்யூனிஸ்ட் கட்சியினர் ஆர்ப்பாட்டத்தில் ஈடுபட்டனர்.
நாமக்கல் பூங்கா சாலையில் செவ்வாய்க்கிழமை காலை நடைபெற்ற ஆர்ப்பாட்டத்துக்கு, கட்சியின் நாமக்கல் தாலுகா குழு செயலர் பி.ஜெயமணி தலைமை வகித்தார். 
கந்து வட்டி புகார் மனுக்கள் மீது உரிய நடவடிக்கை எடுத்து,  பாதிக்கப்பட்டோருக்கு நீதியும், நிவாரணமும் கிடைத்திட தமிழக அரசு உரிய நடவடிக்கை எடுக்க வேண்டும்,   நாமக்கல் அருகே காவேட்டிபட்டியில் புத்தாண்டு தினத்தன்று அருந்ததியர் மக்கள் மீது தாக்குதல் நடத்தியவர்கள் மீது வன்கொடுமை தடுப்பு சட்டத்தின் கீழ் நடவடிக்கை எடுக்க வேண்டும், இந்தச் சம்பவம் காவல் நிலையம் சென்று முறையிட்ட மார்க்கிஸ்ட் கம்யூனிஸ்ட் கட்சியினரை கண்ணியம் குறைவாக பேசி மிரட்டிய காவல்துறையினர் மீது நடவடிக்கை எடுக்க வேண்டும் என ஆர்ப்பாட்டத்தில் வலியுறுத்தப்பட்டது. 
 மாநிலக் குழு உறுப்பினர் ஏ.ரங்கசாமி,  மாவட்டச் செயலர் எஸ்.கந்தசாமி,   மாவட்ட செயற்குழு உறுப்பினர்கள் எம்.அசோகன், என்.வேலுசாமி, கே.தங்கமணி, மாவட்டக்குழு உறுப்பினர்கள் கே.மோகன், எஸ்.ஆறுமுகம், பி.ராமசாமி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-dharmapuri/namakkal/2018/jan/10/கந்து-வட்டி-தடுக்க--ஆர்ப்பாட்டம்-2842305.html
2842304 தருமபுரி நாமக்கல் லாரி ஓட்டுநரிடம் வழிப்பறி: 4 பேருக்கு 5 ஆண்டுகள் சிறை DIN DIN Wednesday, January 10, 2018 09:22 AM +0530 லாரியை வழிமறித்து ஓட்டுநரை மிரட்டி பணம் பறித்த வழக்கில்,  4 பேருக்கு 5 ஆண்டுகள் சிறை தண்டனை விதித்து நாமக்கல் நீதிமன்றம் செவ்வாய்க்கிழமை தீர்ப்பளித்தது. 
திருச்செங்கோடு அருகே கருவேப்பம்பட்டியைச் சேர்ந்த லாரி ஓட்டுநர் பழனிசாமி.  இவர் 2013 ஆம் ஆண்டு பிப்ரவரி  24 ஆம் தேதி ராமநாதபுரத்தில் இருந்து பொருள்களை ஏற்றிக்கொண்டு திருச்செங்கோடு சென்றுள்ளார். 
பரமத்திவேலூர் அருகே கந்தம்பாளையம் என்ற இடத்தில் நள்ளிரவில் லாரியை வழிமறித்த கும்பல், பழனிசாமியின் செல்லிடப்பேசி, ரூ.9,700 பணத்தை பறித்துக்கொண்டு தப்பிச்சென்றது. 
புகாரின்பேரில் நல்லூர் போலீஸார் வழக்குப் பதிந்து,  திருச்செங்கோடு புறநகரைச் சேர்ந்த அருண் என்ற அருணாசலம்(20), அருண்பாண்டியன்(20),  மணிகண்டன் என்ற மணி(20),  ஆர்.மணிகண்டன்(20),  விக்னேஷ்(20),  சக்திவேல் (21), எ.மணிகண்டன்(21)  ஆகிய 7 பேரை கைது செய்து,  நாமக்கல் சார்பு நீதிமன்றத்தில் வழக்கு தொடர்ந்தனர்.
விசாரணை முடிந்த நிலையில் நீதிபதி பாரி செவ்வாய்க்கிழமை தீர்ப்பளித்தார். இதில் அருண் என்ற அருணாசலம், அருண்பாண்டியன், மணிகண்டன் என்ற மணி, ஆர்.மணிகண்டன் ஆகிய 4 பேருக்கும் தலா 5 ஆண்டு சிறை தண்டனையும்,  தலா ரூ.1,000 அபராதம் விதித்தும் தீர்ப்பளித்தார். மேலும்,  விக்னேஷ், சக்திவேல், எ.மணிகண்டன் ஆகிய 3 பேரையும் வழக்கில் இருந்து விடுதலை செய்தும் தீர்ப்பளித்தார்.
 

]]>
http://www.dinamani.com/all-editions/edition-dharmapuri/namakkal/2018/jan/10/லாரி-ஓட்டுநரிடம்-வழிப்பறி-4-பேருக்கு-5-ஆண்டுகள்-சிறை-2842304.html
2842189 தருமபுரி நாமக்கல் கூட்டுறவு சங்கத்தில் ரூ.53 லட்சம் மஞ்சள் வர்த்தகம் DIN DIN Wednesday, January 10, 2018 08:16 AM +0530 ராசிபுரம் வேளாண்மை உற்பத்தியாளர்கள் கூட்டுறவு விற்பனை சங்கத்தின் நாமகிரிப்பேட்டை ஏல மையத்தில் ரூ.53 லட்சத்துக்கு மஞ்சள் வர்த்தகம் நடைபெற்றது. 
ராசிபுரம் அருகேயுள்ள நாமகிரிப்பேட்டை சுற்று வட்டார பகுதியில் மஞ்சள் விளைச்சல் அதிகம் உள்ளதால்,   வேளாண்மை கூட்டுறவு சங்கத்தில் வாரம்தோறும் செவ்வாய்க்கிழமை மஞ்சள் ஏலம் நடக்கும்.  இதில்,  சுற்றுவட்டார பகுதி விவசாயிகள் மஞ்சள் கொணடு வந்த ஏலத்தில் பங்கேற்பர். 
இந்த வாரம் நடைபெற்ற ஏலத்தில் 1260  மூட்டை மஞ்சள் கொண்டுவரப்பட்டன.  இதில், விரலி ரகம் குவிண்டாலுக்கு ரூ.6,596 முதல் ரூ.9,489 வரையும்,   உருண்டை ரகம் ரூ.6,349 முதல்  ரூ.7,685 வரையும்,  பனங்காளி ரகம் ரூ.16, 899 முதல் ரூ.17, 402 
வரையும் விற்பனையானது.
பருத்தி ரூ.2 கோடிக்கு விற்பனை: இதே போல்,  ராசிபுரம் வேளாண்மை உற்பத்தியாளர்கள் கூட்டுறவு விற்பனை சங்கத்தின் ஆர்.கவுண்டம்பாளையம் ஏல மையத்தில் திங்கள்கிழமை நடைபெற்ற பருத்தி ஏலத்தில் ரூ.2 கோடிக்கு பருத்தி வர்த்தகம் நடந்தது. இதில் ஆர்சிஎச், ரக பருத்தி குவிண்டால் ரூ.4 ,882 முதல் ரூ.5,693 வரையும்,  டிசிஎச் ரகம் குவிண்டாலுக்கு ரூ.6,112 முதல் ரூ.7,0 77 வரையும் விலை போனது. இதில் மொத்தம் 10547 மூட்டைகளில் பருத்தி கொண்டுவரப்பட்டது. 
 

]]>
http://www.dinamani.com/all-editions/edition-dharmapuri/namakkal/2018/jan/10/கூட்டுறவு-சங்கத்தில்-ரூ53-லட்சம்-மஞ்சள்-வர்த்தகம்-2842189.html
2842188 தருமபுரி நாமக்கல் "இளம்தலைமுறையினருக்கு பண்டைய மரபுகளை எடுத்து செல்ல வேண்டும்' DIN DIN Wednesday, January 10, 2018 08:16 AM +0530 பண்டைய மரபுகளை இளம்தலைமுறையினருக்கு எடுத்துச் செல்ல வேண்டும் என்று பாவை நிருத்யாலயா நடனப் பள்ளி விழாவில் பங்கேற்ற இன்னர்வீல் இன்டர்நேஷனல் சங்கத்தின் மாவட்ட உறுப்பினர் தெய்வானை இராமசாமி,   கும்பகோணம் ஏ.என்.எஸ்.  நிறுவனங்களின் பங்குதாரர் எ.ஆனந்த் குமார்  ஆகியோர் கூறினர்.
ஆண்டாள் சரித்திரம் - சூடிக்கொடுத்த சுடர்கொடி எனும் தலைப்பில் இசை நடன நிகழ்ச்சி ராசிபுரம் பாவை நிருத்யாலயா நடனப் பள்ளியில் அண்மையில் நடைபெற்றது.  இதில்,  தெய்வானை இராமசாமி, எ.ஆனந்த் குமார் ஆகியோர்
பேசியது:-
நிருத்யாலயா நாட்டியப் பள்ளிக் குழந்தைகளின் நடனமும்,  ஆசிரியர்களின் வழிநடத்தலும்,  ஈடுபாடும்,  ஸ்ரீவில்லிபுத்தூர் திருப்பாவையையே மேடையில் கொண்டு வந்துள்ளது.  மேலும் திருப்பாவையின் கண்டேன்,கண்டேன் கோதையை, ஆண்டாள் அடவு,  பைங்கிளி வண்ணன், திருப்பாவை நோன்பு, வாரணம் ஆயிரம், மாலை மாற்றினாள் கோதை போன்ற நடனங்கள் பழங்கால நிகழ்வுகள் ஆகியன கண் முன்னே கொண்டுவந்துள்ளன.
ஆசிரியர்களின் கற்பித்தலும், மாணவர்களின் ஒழுக்கமும், கீழ்படிதலும் மிக நேர்த்தியாக திருப்பாவையை அரங்கேற்றியுள்ளது. அப்துல்கலாம் போன்று நினைத்ததில் உறுதியாக நின்று சாதிக்கும் ஆற்றல் பண்டைய காலக்கட்டத்திலும் கடைப்பிடிக்கப்பட்டதற்கு திருப்பாவை ஒரு  எடுத்துக்காட்டாகும். 
திருப்பாவையானது பண்டைய புவிஅமைப்பு, வரலாறு, தமிழின் சிறப்பு, போன்ற பல தகவல்களை இக்கால தலைமுறையினர் அறிவதற்கு வடிகாலாக அமைகிறது.  பண்டைய மரபினைஅடுத்த தலைமுறையினருக்கு எடுத்துச் செல்லும் இது போன்ற பணி பாராட்டக்கூடியது என்றனர்.
விழாவுக்கு பாவை கல்வி நிறுவனங்களின் தலைவர் ஆடிட்டர் என்.வி.நடராஜன் தலைமை வகித்தார்.  பாவை கல்வி நிறுவனங்களின் தாளாளர் மங்கை நடராஜன், துணைத்தலைவர் டி.ஆர்.மணிசேகரன், செயலர் டி.ஆர்.பழனிவேல், இணைச் செயலர் என்.பழனிவேல், இயக்குனர் (சேர்க்கை) கே.செந்தில், இயக்குநர் (நிர்வாகம்)  கே.கே.இராமசாமி, ஜேசீஸ் பயிற்சியாளர் கோகுல்,  பாவை வித்யாஷ்ரம் குழும பள்ளிகளின் இயக்குநர்  சி.சதீஷ்,  பாவை கல்வி நிறுவனங்களின் இயக்குநர் (மாணவர் நலன்) அவந்தி இராஜவேல்,  பாவை நிருத்யாலயா நாட்டியப் பள்ளியின் இயக்குநர் அனுபமாநரேஷ், பாடகர் இராதாகிருஷ்ணன், பாவை வித்யாஷ்ரம் குழுமப் பள்ளிகளின் துணை முதல்வர் ரோஹித் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-dharmapuri/namakkal/2018/jan/10/இளம்தலைமுறையினருக்கு-பண்டைய-மரபுகளை-எடுத்து-செல்ல-வேண்டும்-2842188.html
2842187 தருமபுரி நாமக்கல் லாரி ஓட்டுநரிடம் பணம் பறித்த வழக்கு: 4 பேருக்கு 5 ஆண்டுகள் சிறை DIN DIN Wednesday, January 10, 2018 08:16 AM +0530 லாரியை வழிமறித்து ஓட்டுநரை மிரட்டி பணம் பறித்த வழக்கில்,  4 பேருக்கு 5 ஆண்டுகள் சிறை தண்டனை விதித்து நாமக்கல் நீதிமன்றம் செவ்வாய்க்கிழமை தீர்ப்பளித்தது. 
திருச்செங்கோடு அருகே கருவேப்பம்பட்டியைச் சேர்ந்த லாரி ஓட்டுநர் பழனிசாமி.  இவர் 2013 ஆம் ஆண்டு பிப்ரவரி  24 ஆம் தேதி ராமநாதபுரத்தில் இருந்து பொருள்களை ஏற்றிக்கொண்டு திருச்செங்கோடு சென்றுள்ளார். 
பரமத்திவேலூர் அருகே கந்தம்பாளையம் என்ற இடத்தில் நள்ளிரவில் லாரியை வழிமறித்த கும்பல், பழனிசாமியின் செல்லிடப்பேசி, ரூ.9,700 பணத்தை பறித்துக்கொண்டு தப்பிச்சென்றது. 
புகாரின்பேரில் நல்லூர் போலீஸார் வழக்குப் பதிந்து,  திருச்செங்கோடு புறநகரைச் சேர்ந்த அருண் என்ற அருணாசலம்(20), அருண்பாண்டியன்(20),  மணிகண்டன் என்ற மணி(20),  ஆர்.மணிகண்டன்(20),  விக்னேஷ்(20),  சக்திவேல் (21), எ.மணிகண்டன்(21)  ஆகிய 7 பேரை கைது செய்து,  நாமக்கல் சார்பு நீதிமன்றத்தில் வழக்கு தொடர்ந்தனர்.
விசாரணை முடிந்த நிலையில் நீதிபதி பாரி செவ்வாய்க்கிழமை தீர்ப்பளித்தார். இதில் அருண் என்ற அருணாசலம், அருண்பாண்டியன், மணிகண்டன் என்ற மணி, ஆர்.மணிகண்டன் ஆகிய 4 பேருக்கும் தலா 5 ஆண்டு சிறை தண்டனையும்,  தலா ரூ.1,000 அபராதம் விதித்தும் தீர்ப்பளித்தார். மேலும்,  விக்னேஷ், சக்திவேல், எ.மணிகண்டன் ஆகிய 3 பேரையும் வழக்கில் இருந்து விடுதலை செய்தும் தீர்ப்பளித்தார்.

]]>
http://www.dinamani.com/all-editions/edition-dharmapuri/namakkal/2018/jan/10/லாரி-ஓட்டுநரிடம்-பணம்-பறித்த-வழக்கு-4-பேருக்கு-5-ஆண்டுகள்-சிறை-2842187.html
2842186 தருமபுரி நாமக்கல் விபத்தில் இளைஞர் சாவு: 3 பேர் காயம் DIN DIN Wednesday, January 10, 2018 08:15 AM +0530 பரமத்தி வேலூர் பழைய தேசிய நெடுஞ்சாலையில் இரு சக்கர வாகனங்கள் மோதிக் கொண்ட விபத்தில்,   இளைஞர் இறந்தார்.   மேலும்,  குழந்தை உட்பட 3 பேர் காயமடைந்தனர்.
 கரூர் மாவட்டத்துக்குள்பட்ட வேலாயுதம்பாளையம் தெற்கு வள்ளுவர் நகரைச் சேர்ந்தவர் வீரமலை மகன் விஜயகுமார் (38), சுற்றுலா வாகன ஓட்டுநராகப் பணியாற்றி வந்தார்.
இவர்  திங்கள்கிழமை இரவு பரமத்தி வேலூரில் இருந்து வேலாயுதம்பாளையம் செல்ல பரமத்தி வேலூர் பழைய தேசிய நெடுஞ்சாலையில் தனது இருசக்கர வாகனத்தில் சென்று கொண்டிருந்தார். 
அப்போது சாலையைக் கடக்க முயன்ற மற்றொரு இரு சக்கர வாகனத்தின் மீது விஜயகுமார் ஓட்டி வந்த இரு சக்கர வாகனம் மோதியது.  இதில், விஜயகுமார்,  மற்றொரு வாகனத்தில் வந்த வெங்கமேடு பகுதியைச் சேர்ந்த பிரகாஷ் (28),  அவரது குழந்தை யாழினி (4) ,   உறவினர் லோகாம்பாள் (45) ஆகியோர் காயம் அடைந்தனர்.
இதில் மருத்துவமனைக்கு கொண்டு செல்லப்பட்ட விஜயகுமார், வழியிலேயே இறந்தார். மற்ற மூவரும்  நாமக்கல் அரசு மருத்துவமனையில் சிகிச்சை பெற்று வருகின்றனர். 
இந்த விபத்து குறித்து பரமத்தி வேலூர் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/jan/10/விபத்தில்-இளைஞர்-சாவு-3-பேர்-காயம்-2842186.html
2842185 தருமபுரி நாமக்கல் முத்தாயம்மாள் கல்லூரிக்கு தேசிய நட்சத்திர அந்தஸ்து DIN DIN Wednesday, January 10, 2018 08:15 AM +0530 ராசிபுரம் முத்தாயம்மாள் கலை,   அறிவியல் கல்லூரியில் உள்ள நுண்ணுயிரியல்,  உயிர் வேதியியல்,  உயிர் தொழில் நுட்பவியல், வேதியியல், கணினி அறிவியல் ஆகிய 5 துறைகளுக்கு தேசிய அளவிலான நட்சத்திர அந்தஸ்தை மத்திய அரசின் அறிவியல்,  தொழில்நுட்ப அமைச்சகத்தைச் சேர்ந்த பயோ டெக்னாலஜி துறை அளித்துள்ளது.
இந்த அந்தஸ்தை பெற நாடு முழுவதிலும் இருந்து பல பல்கலைக்கழகங்கள்,  கல்லூரிகள் அளித்த விண்ணப்பங்களை அளித்திருந்தனர்.  புதுதில்லியில் அண்மையில் நடைபெற்ற ஆய்வுக்கூட்டத்தில்  பல்வேறு துறை வல்லுநர்களின் முன்பு கல்லூரியின் முதல்வர்  இரா. செல்வகுமரன்,  மேம்பட்ட ஆராய்ச்சி மையத் துறைத் தலைவர் என். சுதாகர் ஆகியோர்  கல்லூரியின் ஆய்வு கூடங்கள், ஆராய்ச்சி நிலை, கட்டமைப்பு, உபகரணங்கள், மாணவர்களின் சாதனைகள் போன்றவற்றை சமர்ப்பித்தனர். இதையடுத்து, அந்தஸ்து வழங்கப்பட்டுள்ளது.
இதற்கான முயற்சிகளை மேற்கொண்டவர்களை  கல்லூரித் தாளாளர் கே.பி. இராமசுவாமி,  செயலர் ஆர். முத்துவேல் ராமசுவாமி,  புல முதன்மையர்கள் ஆ.ஸ்டெல்லாபேபி  (நிர்வாகம்),  எஸ். பி. விஜியகுமார் (கல்வி),  ஏ. பழனிசாமி, எம். என். பெரியசாமி ஆகியோர் பாராட்டினர்.

]]>
http://www.dinamani.com/all-editions/edition-dharmapuri/namakkal/2018/jan/10/முத்தாயம்மாள்-கல்லூரிக்கு-தேசிய-நட்சத்திர-அந்தஸ்து-2842185.html
2842184 தருமபுரி நாமக்கல் நகைச்சுவை சிறப்பு பட்டிமன்றம் DIN DIN Wednesday, January 10, 2018 08:15 AM +0530 பொங்கல் பண்டிகையை முன்னிட்டு,  நாமக்கல் நகைச்சுவை மன்றம் சார்பில் அனுபவங்கள் சிரிப்பதற்கா, சிந்திப்பதற்கா எனும் தலைப்பில் நகைச்சுவை சிறப்பு பட்டிமன்றம் நடைபெற்றது. 
நிகழ்வுக்கு மன்றத் தலைவர் ஆர்.குழந்தைவேலு தலைமை வகித்தார். செயலர் அரசு பரமேஸ்வரன் வரவேற்றார். இதில், மாவட்டக் காவல் கண்காணிப்பாளர் அர.அருளரசு பங்கேற்று பேசினார். 
சிரிப்பதற்கே என்ற பிரிவில் திருத்தணி ரா.வேதநாயகி, சிந்திப்பதற்கே என்ற பிரிவில் புவனகிரி ரா.அன்பழகன் ஆகியோர் பேசினர். இதில் அனுபவங்கள் சிரிப்பதற்கே என நடுவர் ரெ.சண்முகவடிவேலு தீர்ப்பளித்தார். நிகழ்வில் தொழிலதிபர் எம்.முருகேசனுக்கு ஊருக்கு பெருமை சேர்ப்போர் என்ற விருதை  தொழிலதிபர் எம்.கே.வெங்கடாசலம்,  பாவை கல்லூரி தலைவர் நடராஜன் ஆகியோர் வழங்கினர். நிறைவில் நாமக்கல் வின்னர்ஸ் சேம்பர் நிறுவனர் டி.எம்.மோகன் நன்றி கூறினார்.

]]>
http://www.dinamani.com/all-editions/edition-dharmapuri/namakkal/2018/jan/10/நகைச்சுவை-சிறப்பு-பட்டிமன்றம்-2842184.html
2842183 தருமபுரி நாமக்கல் எக்ஸல் கல்வி நிறுவனத்தில் இன்று அறிவியல் கண்காட்சி DIN DIN Wednesday, January 10, 2018 08:14 AM +0530 நாமக்கல் மாவட்டம், எக்ஸல் கல்வி நிறுவனம், இந்திய தொழில்நுட்பக் கல்விக் கழகத்துடன் இணைந்து நடத்தும் அறிவியல், தொழில்நுட்பம் மற்றும் விமானவியல் கண்காட்சி  எக்ஸல் கல்வி நிறுவன வளாகத்தில்  புதன்கிழமை தொடங்குகிறது.
கண்காட்சி தொடக்க விழாவிற்கு எக்ஸல் கல்வி நிறுவனங்களின் தலைவர்  ஏ.கே.நடேசன் தலைமை வகிக்கிறார். துணைத் தலைவர் என். மதன்கார்த்திக் வரவேற்றார். நிர்வாக அறங்காவலர் என்.பார்வதி குத்துவிளக்கேற்றி வைத்து நிகழ்ச்சியைத் தொடக்கி வைக்கிறார். கண்காட்சி வரும் 12ஆம் தேதி வரை 3 நாள்கள் நடைபெற உள்ளது. கண்காட்சியில் பொறியியல் கல்லூரிகள், பாலிடெக்னிக் கல்லூரி, ஆர்க்கிடெக்சர் கல்லூரிகள் மற்றும் பள்ளி மாணவ,மாணவிகளின் அறிவியல் படைப்பாற்றல் கண்காட்சி, விமானவியல் கண்காட்சி, விமானவியல் சாகசங்கள் இடம் பெறகின்றன. மேலும் கணிதவியல் ஆசிரியர்கள், பள்ளி மாணவ, மாணவியர்களுக்கான கணித மாதிரிகள் தொடர்பான பயிலரங்கு நடைபெற இருக்கிறது. கண்காட்சி மற்றும் அறிவுத்திறன் போட்டிகளில் சேலம், நாமக்கல், ஈரோடு மாவட்டங்களில் இருந்து  பள்ளி மாணவ, மாணவிகள் சுமார் 12,000 பேர் பங்கேற்க உள்ளனர்.

]]>
http://www.dinamani.com/all-editions/edition-dharmapuri/namakkal/2018/jan/10/எக்ஸல்-கல்வி-நிறுவனத்தில்-இன்று-அறிவியல்-கண்காட்சி-2842183.html
2842182 தருமபுரி நாமக்கல் தொடர்ந்து பணி வழங்க மறுப்பு: தாற்காலிக சுகாதாரப் பணியாளர்கள் தர்னா DIN DIN Wednesday, January 10, 2018 08:14 AM +0530 தொடர்ந்து பணி வழங்க மறுக்கும் மோகனூர் பேரூராட்சி நிர்வாகத்தைக் கண்டித்து, தாற்காலிக சுகாதாரப் பணியாளர்கள் தர்னாவில் ஈடுபட்டனர். 
மோகனூர் பேரூராட்சியில் உள்ள 15 வார்டுகளில் சுகாதாரப் பணிகளை  34 நிரந்தர சுகாதாரப் பணியாளர்கள் மேற்கொண்டுவருகின்றனர். இதுதவிர, தினக்கூலி தொழிலாளர்களாக 20 பேர்  கடந்த 15 ஆண்டுகளாகப் பணியாற்றி வருகின்றனர்.  நிதி பற்றாக்குறையால் தினக்கூலி தொழிலாளர்களுக்கு ஊதியம் வழங்க முடியாத நிலை ஏற்பட்டதால், சுழற்சி முறையில் பணி வழங்க பேரூராட்சி நிர்வாகம் முடிவு செய்துள்ளது.  
இதைக்  கண்டித்து,  பேரூராட்சி அலுவலகம் முன் தினக்கூலி தொழிலாளர்கள் 20 பேர் செவ்வாய்க்கிழமை காலை ரையில் அமர்ந்து தர்னாவில் ஈடுபட்டனர்.  இதையடுத்து,  பேரூராட்சி அலுவலர்கள் சமரசம் செய்ததன்பேரில், அவர்கள் கலைந்து சென்றனர். 
இதுகுறித்து செயல் அலுவலர் கோமதியிடம் கேட்டபோது, அவர் கூறியது:-
நிதி பற்றாக்குறையால், தினக்கூலி தொழிலாளர்களுக்கு பணி வழங்க முடியவில்லை. அதனால் மாதம் 10 பேருக்கு பணி வழங்குவதாகத் தெரிவிக்கப்பட்டது. ஆனால் அவர்கள் ஏற்றுக் கொள்ளவில்லை. போதுமான நிதி வந்ததும், தினக்கூலி தொழிலாளர்களுக்கு முழுமையாக பணி வழங்கப்படும் என்றார்.
 

]]>
http://www.dinamani.com/all-editions/edition-dharmapuri/namakkal/2018/jan/10/தொடர்ந்து-பணி-வழங்க-மறுப்பு-தாற்காலிக-சுகாதாரப்-பணியாளர்கள்-தர்னா-2842182.html
2842181 தருமபுரி நாமக்கல் ராசிபுரம் வட்டாட்சியர் அலுவலகத்தில் சிதிலமடைந்து கிடக்கும் சிலைகள் DIN DIN Wednesday, January 10, 2018 08:14 AM +0530 ராசிபுரம் வட்டாட்சியர் அலுவலகத்தில் பல்வேறு சுவாமி சிலைகள் கேட்பாரற்று பல மாதங்களாக வீணாகி வருகிறது. இதனை அப்புறப்படுத்தி கோயில்களில் வைத்துப் பராமரிக்க வேண்டும் என பொதுமக்கள் வேண்டுகோள் விடுத்துள்ளனர்.
ராசிபுரம் வட்டாட்சியர் அலுவலகத்தில் பல மாதங்களாக பல்வேறு சுவாமி சிலைகள்  அசுத்தம் நிறைந்த பகுதியில் தரையில் கிடத்தி வைக்கப்பட்டுள்ளது. இதில் சிவலிங்கம், துர்கை, நாகர், பலிபீடம், சிம்ம வாகனம், எலிவாகனம்  ஆகிய கற்சிலைகள் பராமரிப்பு இன்றி இருக்கிறது. இவற்றை உடனடியாக எடுத்து கோயில்களில் வைத்து முறையாக பூஜைகள் செய்து பக்தர்கள் வழிபாடு நடத்தி ஏற்பாடு செய்ய வேண்டும் என பொதுமக்கள் வேண்டுகோள் விடுத்துள்ளனர்.
 

]]>
http://www.dinamani.com/all-editions/edition-dharmapuri/namakkal/2018/jan/10/ராசிபுரம்-வட்டாட்சியர்-அலுவலகத்தில்-சிதிலமடைந்து-கிடக்கும்-சிலைகள்-2842181.html
2842179 தருமபுரி நாமக்கல் நடைபாதை ஆக்கிரமிப்பை அகற்றக் கோரிக்கை DIN DIN Wednesday, January 10, 2018 08:13 AM +0530 ஆதிதிராவிடர் குடியிருப்பில் நடைபாதை ஆக்கிரப்பை அகற்ற வேண்டும் எனக் கோரிக்கை விடுக்கப்பட்டுள்ளது. 
நாமக்கல் மாவட்டம், முட்டாஞ்செட்டி பழைய ஆதிதிராவிடர் தெருவைச் சேர்ந்த மக்கள், மாவட்ட ஆட்சியர் அலுவலகத்தில் ஆட்சியர் மு. ஆசியா மரியத்திடம் திங்கள்கிழமை அளித்த மனு விவரம்:
பழைய ஆதிதிராவிடர் தெருவில் 250 குடும்பத்தினர் வசிக்கிறோம். அங்கு தனி நபர் ஒருவர் பொதுப் பாதையை ஆக்கிரமித்து வீடு கட்டி வருகிறார். 
மேலும் ஆதிதிராவிடர்களின் பிரதான கோயில் பாதை, மயான பாதையில் உள்ள ஆக்கிரமிப்பு மற்றும் அனைத்து வீதிகளிலும் உள்ள ஆக்கிரமிப்புகளை அகற்ற நடவடிக்கை எடுக்க வேண்டும்.

]]>
http://www.dinamani.com/all-editions/edition-dharmapuri/namakkal/2018/jan/10/நடைபாதை-ஆக்கிரமிப்பை-அகற்றக்-கோரிக்கை-2842179.html
2842178 தருமபுரி நாமக்கல் அரசுப் பணியாளர்கள் ஆர்ப்பாட்டம் DIN DIN Wednesday, January 10, 2018 08:13 AM +0530 போக்குவரத்துத் தொழிலாளர்கள் கோரிக்கைகளை நிறைவேற்ற வலியுறுத்தி, தமிழ்நாடு அரசுப் பணியாளர் சங்கத்தினர் ஆர்ப்பாட்டத்தில் ஈடுபட்டனர். 
 நாமக்கல் பூங்கா சாலையில் நடைபெற்ற ஆர்ப்பாட்டத்துக்கு,  சங்கத்தின் மாவட்டத்  தலைவர் ரா.தமிழ்மணி தலைமை வகித்தார்.  செயலர் துரைராஜூ முன்னிலை வகித்தார். பொருளாளர் பன்னீர்செல்வம் வரவேற்றார். 
மாநிலத் துணைத் தலைவர் ரா.ரவீந்திரன்,  அகில இந்திய அரசுப் பணியாளர் மகா சம்மேளன தேசியக் குழு உறுப்பினர் ந.தம்பிராஜா ஆகியோர் பேசினர். ஆர்ப்பாட்டத்தில் பழைய ஓய்வூதிய திட்டத்தை அமல்படுத்த வேண்டும்,  உயர்நீதிமன்ற உத்தரவின்படி சம வேலைக்கு சம ஊதியம் வழங்க வேண்டும், தொகுப்பூதியம், தினக் கூலி ஒப்பந்த அடிப்படையில் பணியாற்றுவோருக்கு காலமுறை ஊதியம் வழங்க வேண்டும்,  தமிழக அரசின் 7ஆவது ஊதியக்குழு முரண்பாடுகளைக் களைய வேண்டும். கிராம நிர்வாக அலுவலர்கள்: 
அரசு போக்குவரத்துக்கழக தொழிலாளர்களின் கோரிக்கைகளை நிறைவேற்ற வேண்டும் என்பன உள்ளிட்ட கோரிக்கைகள் ஆர்ப்பாட்டத்தில் வலியுறுத்தப்பட்டன.

]]>
http://www.dinamani.com/all-editions/edition-dharmapuri/namakkal/2018/jan/10/அரசுப்-பணியாளர்கள்-ஆர்ப்பாட்டம்-2842178.html
2842177 தருமபுரி நாமக்கல் மார்க்சிஸ்ட் கம்யூனிஸ்ட் ஆர்ப்பாட்டம் DIN DIN Wednesday, January 10, 2018 08:13 AM +0530 கந்து வட்டி கொடுமையை தடுத்து நிறுத்த நடவடிக்கை எடுக்கக் கோரி,  மார்க்சிஸ்ட் கம்யூனிஸ்ட் கட்சியினர் ஆர்ப்பாட்டத்தில் ஈடுபட்டனர்.
நாமக்கல் பூங்கா சாலையில் செவ்வாய்க்கிழமை காலை நடைபெற்ற ஆர்ப்பாட்டத்துக்கு, கட்சியின் நாமக்கல் தாலுகா குழு செயலர் பி.ஜெயமணி தலைமை வகித்தார். 
கந்து வட்டி புகார் மனுக்கள் மீது உரிய நடவடிக்கை எடுத்து,  பாதிக்கப்பட்டோருக்கு நீதியும், நிவாரணமும் கிடைத்திட தமிழக அரசு உரிய நடவடிக்கை எடுக்க வேண்டும்,   நாமக்கல் அருகே காவேட்டிபட்டியில் புத்தாண்டு தினத்தன்று அருந்ததியர் மக்கள் மீது தாக்குதல் நடத்தியவர்கள் மீது வன்கொடுமை தடுப்பு சட்டத்தின் கீழ் நடவடிக்கை எடுக்க வேண்டும், இந்தச் சம்பவம் காவல் நிலையம் சென்று முறையிட்ட மார்க்கிஸ்ட் கம்யூனிஸ்ட் கட்சியினரை கண்ணியம் குறைவாக பேசி மிரட்டிய காவல்துறையினர் மீது நடவடிக்கை எடுக்க வேண்டும் என ஆர்ப்பாட்டத்தில் வலியுறுத்தப்பட்டது. 
மாநிலக் குழு உறுப்பினர் ஏ.ரங்கசாமி,  மாவட்டச் செயலர் எஸ்.கந்தசாமி,   மாவட்ட செயற்குழு உறுப்பினர்கள் எம்.அசோகன், என்.வேலுசாமி, கே.தங்கமணி, மாவட்டக்குழு உறுப்பினர்கள் கே.மோகன், எஸ்.ஆறுமுகம், பி.ராமசாமி உள்ளிட்டோர் பங்கேற்றனர்.
திருச்செங்கோட்டில்...
போக்குவரத்துத் தொழிலாளர்களுக்கு ஆதரவாக,  மார்க்சிஸ்ட் கம்யூனிஸ்ட் கட்சியினர்  ஆர்ப்பாட்டத்தில் ஈடுபட்டனர்.
எலச்சிபாளையம் பேருந்து நிறுத்தம் அருகே நடைபெற்ற ஆர்ப்பாட்டத்துக்கு,   எலச்சிபாளையம் ஒன்றியச் செயலர் சுரேஷ் தலைமை தாங்கினார்.   கட்சியின் ஒன்றியக் குழு உறுப்பினர்  வெங்கடாசலம்,சு நிர்வாகிகள் சுந்தரம், ரமேஷ்,  சோமசுந்தரம் உள்ளிட்டோர் பங்கேற்றனர்.
போராடும் தொழிலாளர்களை கைது செய்யக் கூடாது,  நடவடிக்கை எடுக்கக் கூடாது என்பன உள்ளிட்ட கோரிக்கைகளும் வலியுறுத்தப்பட்டன.
இதையடுத்து,  50-க்கும் மேற்பட்டோரை போலீஸார் கைது செய்து,  மாலையில் விடுவித்தனர்.

]]>
http://www.dinamani.com/all-editions/edition-dharmapuri/namakkal/2018/jan/10/மார்க்சிஸ்ட்-கம்யூனிஸ்ட்-ஆர்ப்பாட்டம்-2842177.html
2842176 தருமபுரி நாமக்கல் தீக்காயமடைந்த சிறுமி சாவு DIN DIN Wednesday, January 10, 2018 08:12 AM +0530 தீக்காயம் அடைந்த சிறுமி இறந்தார்.
நாமக்கல் மாவட்டத்துக்குள்பட்ட செல்லப்பம்பட்டி அருகே கிழக்கு பாலப்பட்டியைச் சேர்ந்த , லாரி ஓட்டுநர் சக்திவேல்  மகள் ஜீவஸ்ரீ(7),  அரசு தொடக்கப் பள்ளியில் 2ஆம் வகுப்பு படித்து வந்தார். 
இவர் அண்மையில் தனது வீட்டின் முன்பு உள்ள குப்பைகளுக்கு தீ வைத்து உள்ளார்.  அப்போது திடீரென தீ அவரது ஆடையில் பற்றிக்கொண்டது. பலத்த தீக்காயம் அடைந்த அவர் நாமக்கல் அரசு அரசு மருத்துவமனையிலும்,  பின்னர் கோவை, சேலம் பகுதிகளில் உள்ள தனியார் மருத்துவமனைகளிலும் சிகிச்சை பெற்றார்.  
மேல்சிகிச்சைக்காக சென்னை அரசு மருத்துவமனையில் சேர்க்கப்பட்ட அவர்,  அங்கு சிகிச்சை பலனின்றி திங்கள்கிழமை இரவு உயிரிழந்தார். 
புகாரின்பேரில்  நல்லிபாளையம் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-dharmapuri/namakkal/2018/jan/10/தீக்காயமடைந்த-சிறுமி-சாவு-2842176.html
2842175 தருமபுரி நாமக்கல் வேளாண் திட்டங்கள்: ஆட்சியர் ஆய்வு DIN DIN Wednesday, January 10, 2018 08:12 AM +0530 வேளாண்மை  திட்டப் பணிகளை மாவட்ட ஆட்சியர் மு.ஆசியா மரியம் ஆய்வு மேற்கொண்டார். 
நாமக்கல் மாவட்ட வேளாண் அறிவியல் நிலையம்,  மாவட்ட நீர்வடி பகுதி மேம்பாட்டு முகமை ஆகியன சார்பில் செயல்படுத்தப்பட்டு வரும் திட்டங்கள் குறித்து நாமக்கல் மாவட்டம் அணியாபுரம், மோகனூர், ராமதேவம், கோலாரம் உள்ளிட்ட பல்வேறு பகுதிகளில் ஆட்சியர்அண்மையில் நேரில் பார்வையிட்டு ஆய்வு செய்தார்.
அப்போது வேளாண் அறிவியல் நிலையம் உதவியுடன் அணியாபுரத்தில் பயிரிடப்பட்டிருந்த புதிய ரக துலுக்க சாமந்தி பூ சாகுபடி, மோகனூர் பகுதியில் அமைக்கப்பட்டிருந்த காடை பண்ணை,  மரபணு மாற்றம் செய்யப்பட்ட திலேபியா மீன் வளர்ப்பு ஆகியவற்றை ஆட்சியர் நேரில் பார்வையிட்டு
ஆய்வு செய்தார்.
ஆய்வின்போது திட்டம் குறித்து  துறை அலுவலர்களிடமும்,  பயன்கள் குறித்து விவசாயிகளிடமும் ஆட்சியர் விவரங்களைக் கேட்டறிந்தார்.
பின்னர் மாவட்ட நீர்வடி பகுதி மேம்பாட்டு முகமையின் சார்பில் பயனாளிகளுக்கு ரூ.2.64 லட்சம் மதிப்பிலான நலத்திட்ட உதவிகளை ஆட்சியர் வழங்கினார். 
ஆய்வின் போது வேளாண்மை அறிவியல் நிலையத் தலைவர் என்.அகிலா, வேளாண்மை பொறியியல் துறை செயற்பொறியாளர் எம்.ஜெயமணி, உதவி செயற்பொறியாளர் எஸ்.ஜெகதீசன், மாவட்ட நீர்வடி பகுதி மேம்பாட்டு முகமை துணை இயக்குநர் எம்.சுப்பையா, மாவட்ட ஆட்சியரின் நேர்முக உதவியாளர்(வேளாண்மை)ரா.சுப்பிரமணியம், வேளாண்மை அலுவலர் அன்புச்செல்வி, நீர்வடி பகுதி மேம்பாட்டு முகமை விரிவாக்க அலுவலர் பி.பாலசுப்பிரமணியம் உள்ளிட்டோர் உடனிருந்தனர்.

]]>
http://www.dinamani.com/all-editions/edition-dharmapuri/namakkal/2018/jan/10/வேளாண்-திட்டங்கள்-ஆட்சியர்-ஆய்வு-2842175.html
2841739 தருமபுரி நாமக்கல் கோயில் திருவிழா நடத்துவதில் பிரச்னை: பொதுமக்கள் ஆட்சியரிடம் முறையீடு DIN DIN Tuesday, January 9, 2018 09:31 AM +0530 பல்வேறு சமுதாயத்தினரை ஒதுக்கிவிட்டு ஒரு குறிப்பிட்ட சமுதாயத்தினர் மட்டுமே கோயில் திருவிழாவை நடத்தி முயற்சிப்பதாகவும், இதைத் தடுத்து நிறுத்த வேண்டும் எனவும் கிராம மக்கள் கோரிக்கை விடுத்துள்ளனர்.
நாமக்கல் அருகே தும்மங்குறிச்சி கிராம மக்கள் மாவட்ட ஆட்சியர் அலுவலகத்தில் ஆட்சியர் மு. ஆசியா மரியத்திடம் திங்கள்கிழமை அளித்த மனு விவரம்:
தும்மங்குறிச்சி கிராமத்தில் பல்வேறு சமுதாய மக்கள் வழிபாடு செய்து வரும் சின்ன, பெரிய காமாட்சி அம்மன், பெரியசாமி கோயில்கள் உள்ளன. பல்வேறு சமுதாயத்தினர் சார்பில் இக்கோயில்களில் ஆண்டுதோறும் தை மாதம் 1-ஆம் தேதி திருவிழா நடத்துவது வழக்கம். 
இந்த நிலையில், ஒட்டுமொத்த சமுதாய மக்களையும் ஒதுக்கி விட்டு ஒரு சமுதாய மக்கள் மட்டும் திருவிழா நடத்த முயற்சி செய்து வருகின்றனர். இதனால், ஜாதி மோதல்கள் ஏற்பட வாய்ப்புள்ளன. இதுகுறித்து மாவட்ட நிர்வாகம் தலையிட்டு உரிய நடவடிக்கை எடுக்க வேண்டும்.
 

]]>
http://www.dinamani.com/all-editions/edition-dharmapuri/namakkal/2018/jan/09/கோயில்-திருவிழா-நடத்துவதில்-பிரச்னை-பொதுமக்கள்-ஆட்சியரிடம்-முறையீடு-2841739.html
2841738 தருமபுரி நாமக்கல் சட்டையம்புதூரில் மாரியம்மன் திருவீதி உலா DIN DIN Tuesday, January 9, 2018 09:30 AM +0530 சட்டையம்புதூர் ஸ்ரீ அழகு முத்து மாரியம்மன் புஷ்ப வாகனத்தில் எழுந்தருளி பம்பை மேளதாளத்துடன்  திருவீதி உலா வரும்  நிகழ்ச்சி திங்கள்கிழமை நடைபெற்றது.
ஈரோடு மாவட்டம், பண்ணாரியில் எழுந்தருளி உள்ள
ஸ்ரீ பண்ணாரி மாரியம்மன் கோயிலுக்கு சட்டையம்புதூர் ஸ்ரீ அழகு முத்து மாரியம்மன் கோயிலிலிருந்து 100-க்கும் மேற்பட்ட பக்தர்கள் மாலை அணிந்து விரதம் இருந்து நடைப்பயணமாக பண்ணாரி அம்மன் ஆலயத்துக்குச் சென்று சிறப்பு பூஜைகள், அன்னதானம் செய்து வழிபடுவர்.
நிகழாண்டும் அதுபோல பக்தர்கள் கோயிலில் மாலை அணிந்து ஸ்ரீஅழகு முத்து மாரியம்மன் திருவீதி உலாவின்போது தீர்த்தக் குடம் எடுத்து பஜனை பாடல்களைப் பாடி வந்தனர்.
ஊரின் பிரதான வீதிகளில் வலம் வந்த மாரியம்மனை பொதுமக்கள் தரிசனம் செய்து வழிபட்டனர். பின்பு நடைபெற்ற சிறப்பு பூஜையில் ஏராளமான பக்தர்கள், பொதுமக்கள் கலந்து கொண்டு ஸ்ரீ அழகுமுத்து மாரியம்மன் மூலவரை தரிசனம் செய்தனர்.
 

]]>
http://www.dinamani.com/all-editions/edition-dharmapuri/namakkal/2018/jan/09/சட்டையம்புதூரில்-மாரியம்மன்-திருவீதி-உலா-2841738.html