Dinamani - அரியலூர் - http://www.dinamani.com/all-editions/edition-trichy/ariyalur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3057732 திருச்சி அரியலூர் ஜயங்கொண்டம் அருகே வீடு புகுந்து 4 பவுன் திருட்டு DIN DIN Friday, December 14, 2018 04:03 AM +0530
அரியலூர் மாவட்டம் ஜயங்கொண்டம் அருகே வீட்டின் பூட்டை உடைத்து 4 பவுன் நகையை திருடிச் சென்றனர்.
ஜயங்கொண்டம் அருகே பொன்னேரி அடுத்த ஆமணக்கந்தோண்டி கிராமத்தைச் சேர்ந்தவர் பாஸ்கர் (42). இவர் ஜயங்கொண்டம் வட்டாட்சியரகம் எதிரே ஜெராக்ஸ் கடை நடத்தி வருகிறார் .
வியாழக்கிழமை இவர் குழந்தைகளை பள்ளியில் விட்டுவிட்டு மனைவி சித்ராதேவியுடன் கடைக்குச் சென்றுவிட்டடார். பின்னர் மாலை 3 மணியளவில் வீட்டுக்கு வந்து முன்பக்க கதவின் பூட்டைத் திறக்க முயன்றார்.
ஆனால் திறக்க முடியாததால் பின்பக்கம் சென்று பார்த்தபோது பின்பக்க கதவின் பூட்டை உடைத்து பீரோவில் இருந்த 4 பவன் நகைகள், 800 கிராம் வெள்ளி கொலுசுகள் மற்றும் ரூ. 5,100 ரொக்கம் திருட்டு போயிருந்தது தெரியவந்தது. புகாரின் பேரில் ஜயங்கொண்டம் போலீஸார் வழக்குப் பதிந்து விசாரிக்கின்றனர்

 

]]>
http://www.dinamani.com/all-editions/edition-trichy/ariyalur/2018/dec/14/ஜயங்கொண்டம்-அருகே-வீடு-புகுந்து-4-பவுன்-திருட்டு-3057732.html
3057731 திருச்சி அரியலூர் அரியலூர் அருகே மது விற்றவர் கைது DIN DIN Friday, December 14, 2018 04:03 AM +0530
அரியலூர் மாவட்டம், விக்கிரமங்கலம் அருகே மது விற்றவர் புதன்கிழமை இரவு கைது செய்யப்பட்டார்.
விக்கிரமங்கலம் காவல் நிலைய உதவி ஆய்வாளர் வினோத்கண்ணன் தலைமையிலான போலீஸார் புதன்கிழமை இரவு கொலையனூர் பகுதியில் ரோந்து பணியில் ஈடுபட்டபோது, அதே பகுதியைச் சேர்ந்த செந்தில்குமார் என்பவர் தனது வீட்டின் பின்புறத்தில் மதுவைப் பதுக்கி விற்றது தெரியவந்தது. இதையடுத்து போலீஸார் வழக்குப் பதிந்து அவரை கைது செய்தனர்.

 

]]>
http://www.dinamani.com/all-editions/edition-trichy/ariyalur/2018/dec/14/அரியலூர்-அருகே-மது-விற்றவர்-கைது-3057731.html
3057730 திருச்சி அரியலூர் ஜயங்கொண்டம் அருகே 2 கூரை வீடுகள் தீக்கிரை DIN DIN Friday, December 14, 2018 04:03 AM +0530
அரியலூர் மாவட்டம், ஜயங்கொண்டம் அருகே புதன்கிழமை இரவு நிகழ்ந்த தீ விபத்தில் 2 கூரை வீடுகள் எரிந்து நாசமாயின.
ஜயங்கொண்டம் அருகேயுள்ள இலையூர் காலனி தெருவைச் சேர்ந்த கூலித் தொழிலாளர்கள் சிங்காரம் (74), ராசு (70). சகோதரர்களான இருவரும் அருகருகே கூரை வீடுகளில் வசித்து வருகின்றனர். இந்நிலையில் புதன்கிழமை இரவு சுமார் 11 மணியளவில் எதிர்பாராத விதமாக சிங்காரம் வீடு தீப்பற்றி எரிந்தது. அருகே இருந்த ராசுவின் வீட்டிலும் தீப்பிடித்து எரிந்தது.
தகவலறிந்து வந்த ஜயங்கொண்டம் தீயணைப்பு துறை வீரர்கள் தீயை அணைத்தனர். இருப்பினும், இருவரது வீடுகளும், வீட்டிலிருந்து உடமைகளும் எரிந்து சேதமடைந்தன. ஜயங்கொண்டம் போலீஸார் விசாரிக்கின்றனர்.

 

]]>
http://www.dinamani.com/all-editions/edition-trichy/ariyalur/2018/dec/14/ஜயங்கொண்டம்-அருகே-2-கூரை-வீடுகள்-தீக்கிரை-3057730.html
3057729 திருச்சி அரியலூர் தேளூர், அரியலூரில் நாளை மின்தடை DIN DIN Friday, December 14, 2018 04:03 AM +0530
அரியலூர், தேளூர் பகுதிகளில் சனிக்கிழமை (டிச.15) மின்சாரம் இருக்காது.
மாதாந்திரப் பராமரிப்பு பணிகளால் அரியலூரின் ஒரு சில பகுதிகள், கயர்லாபாத், வாலாஜாநகரம், கல்லங்குறிச்சி, காட்டுப்பிரிங்கியம், பெரியநாகலூர், வாரணவாசி, அஸ்தினாபுரம், கொளப்பாடி, ராஜீவ்நகர், மணக்குடி, குறிச்சி நத்தம், புதுப்பாளையம், சிறுவளுர், ஜெமீன் ஆத்தூர், ரசுலாபாத், பாளம்பாடி, பார்ப்பனச்சேரி, தவுத்தாய்குளம், மல்லூர், கடுகூர், கோப்பிலியன்குடிக்காடு, தாமரைக்குளம், பொய்யாதநல்லூர், கோவிந்தபுரம், ஓ.கூத்தூர், ஒட்டக்கோவில், சீனிவாசபுரம், கிருஷ்ணாபுரம், ரெங்கசமுத்திரம், மண்ணுழி, தேளுர், வி.கைகாட்டி, ரெட்டிபாளையம், விளாங்குடி, நாகமங்கலம், நெஞ்சிக்கோரை, வெளிப்பிரிங்கியம், நாயக்கர்பாளையம், பெரியதிருக்கோணம், செட்டித்திருக்கோணம், விக்கிரமங்கலம், முனியங்குறிச்சி, நாச்சியார்பேட்டை, ஆச்சனூர் ஆகிய பகுதிகளில் காலை 9 மணி முதல் மாலை பணி நிறைவடையும் வரை மின்சாரம் இருக்காது என உதவி செயற்பொறியாளர் தெரிவித்துள்ளார்.

 

]]>
http://www.dinamani.com/all-editions/edition-trichy/ariyalur/2018/dec/14/தேளூர்-அரியலூரில்-நாளை-மின்தடை-3057729.html
3057728 திருச்சி அரியலூர் அரியலூர் அருகே விவசாயி தற்கொலை DIN DIN Friday, December 14, 2018 04:02 AM +0530
அரியலூர் மாவட்டம், தூத்தூர் அருகே குடும்ப பிரச்னையில் விவசாயி புதன்கிழமை இரவு விஷம் குடித்து தற்கொலை செய்து கொண்டார்.
தூத்தூர் அருகேயுள்ள நானாங்கூர் கிராமத்தைச் சேர்ந்தவர் ராமலிங்கம் (57), விவசாயி. குடும்ப பிரச்னையால் விரக்தியில் இருந்த இவர்,புதன்கிழமை இரவு விஷம் குடித்து தற்கொலை செய்து கொண்டார்.
தகவலறிந்த தூத்தூர் போலீஸார் சடலத்தை மீட்டு அரியலூர் அரசு மருத்துவமனைக்கு அனுப்பிவைத்து, வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/ariyalur/2018/dec/14/அரியலூர்-அருகே-விவசாயி-தற்கொலை-3057728.html
3057726 திருச்சி அரியலூர் தகராறு: அரியலூர்அரசு அலுவலர்கள் 5 பேர் மீது வழக்குப்பதிவு DIN DIN Friday, December 14, 2018 04:02 AM +0530
விடுப்பு சம்பந்தமாக வருவாய் ஆய்வாளருக்கும்,  கிராம நிர்வாக அலுவலர்களுக்கும் ஏற்பட்ட தகராறு காரணமாக 5 பேர் மீது போலீஸார் வியாழக்கிழமை வழக்குப் பதிந்தனர்.
அரியலூர் மாவட்டம் கருப்பூர் சேனாபதி கிராம நிர்வாக அலுவலராக இருப்பவர் ராயர்.  இவருக்கும்,  வருவாய் ஆய்வாளர் கார்த்திகேயனுக்கும் விடுப்பு சம்பந்தமாக கடந்த  7 ஆம் தேதி வட்டாட்சியரகத்தில் தகராறு ஏற்பட்டது.
அப்போது ராயருக்கு ஆதரவாக கிராம நிர்வாக அலுவலர்களான வெங்கனூர் பிரபாகர், குலமாணிக்கம் சுபாஷ்சந்திரபோஸ் ஆகியோர் வருவாய் ஆய்வாளர் கார்த்திகேயனை தாக்கினராம்.  இதில், வருவாய் ஆய்வாளருக்கு ஆதரவாக இருந்த துணை வட்டாட்சியர் குருமூர்த்தியும் தாக்கப்பட்டாராம்.
இதையடுத்து விஏஓக்கள்  3  பேரும் தாற்காலிக பணிநீக்கம் செய்யப்பட்டு புதன்கிழமை அந்த உத்தரவு ரத்து செய்யப்பட்டது.  இதையறிந்த வருவாய் ஆய்வாளர் அலுவலர்கள் முன்னேற்ற சங்கத்தினர் அன்று மாலை மாவட்ட ஆட்சியரின் காரை முற்றுகையிட்டு, விஏஓக்கள்  3 பேர் மீதும் வழக்குப் பதிய வேண்டும்.  அவர்களை வேறு வட்டத்துக்கு பணி மாற்றம் செய்யவேண்டும் எனக் கோரிக்கை வைத்தனர்.
இந்நிலையில், விஏஓக்கள் ராயர்,பிரபாகரன், சுபாஷ்சந்திரபோஸ், வருவாய் ஆய்வாளர் கார்த்திகேயன்,துணை வட்டாட்சியர் குருமூர்த்தி ஆகிய   5  பேர் மீது அரியலூர் போலீஸார் வியாழக்கிழமை வழக்குப் பதிவு செய்தனர்.

 

]]>
http://www.dinamani.com/all-editions/edition-trichy/ariyalur/2018/dec/14/தகராறு-அரியலூர்அரசு-அலுவலர்கள்-5-பேர்-மீது-வழக்குப்பதிவு-3057726.html
3057668 திருச்சி அரியலூர் கூட்டணி குறித்து தேர்தல் நேரத்தில் முடிவு: அன்புமணி DIN DIN Friday, December 14, 2018 03:43 AM +0530 கூட்டணி குறித்து தேர்தல் நேரத்தில் முடிவெடுக்கப்படும் என்றார் பாமக இளைஞரணித் தலைவர் அன்புமணி ராமதாஸ்.
மறைந்த வன்னியர் சங்கத் தலைவர் குருவுக்கு பாமக சார்பில் மணிமண்டபம் கட்டுவதற்கான பூமிபூஜை அவரது சொந்த ஊரான அரியலூர் மாவட்டம், ஆண்டிமடத்தை அடுத்த காடுவெட்டி கிராமத்தில் வியாழக்கிழமை நடைபெற்றது.
பாமக நிறுவனர் டாக்டர் ராமதாஸ் அடிக்கல் நாட்டினார். பாமக தலைவர் ஜி.கே. மணி, குருவின் மனைவி சொர்ணலதா உள்ளிட்டோர் கலந்து கொண்டனர்.
நிகழ்ச்சியில் பாமக இளைஞரணி தலைவர் அன்புமணிராமதாஸ் பேசியது:
இந்த பூமிபூஜையில் குருவின் குடும்பத்தினர் பங்கேற்காதது வருத்தமாக உள்ளது. குருவுக்கு நெருக்கடி, பயமுறுத்தல் வந்தபோதெல்லாம் ராமதாஸ் ஆதரவாக இருந்து அவரை மீட்டார். அவர் உடல்நிலை பாதிக்கப்பட்டு மருத்துவமனையில் சிகிச்சை பெற்றபோது அவரை காப்பாற்ற பல்வேறு நடவடிக்கைகளை ராமதாஸ் எடுத்தார்.
ஆனால், அதற்கு குருவோ அவரது குடும்பத்தினரோ ஒத்துழைக்கவில்லை. நடந்து முடிந்த 5 மாநில தேர்தலில் வென்றோருக்கு வாழ்த்து தெரிவிக்கிறோம்.
கூட்டணி சம்பந்தமாக தேர்தல் அறிவித்த பிறகு முடிவு எடுப்போம். யாருடனும் இதுவரை கூட்டணி குறித்து பேசவில்லை என்றார் அவர்.

 

]]>
http://www.dinamani.com/all-editions/edition-trichy/ariyalur/2018/dec/14/கூட்டணி-குறித்து-தேர்தல்-நேரத்தில்-முடிவு-அன்புமணி-3057668.html
3057248 திருச்சி அரியலூர் கிறிஸ்துவ மகளிர் உதவும் சங்கத்தில் பணியாற்ற அழைப்பு DIN DIN Thursday, December 13, 2018 09:48 AM +0530 அரியலூர் மாவ ட்டத்தில்  கிறிஸ்துவ மகளிர் உதவும் சங்கத்தில் சேவை நோக்கத்தில் பணியாற்றிட விருப்பம் உள்ளவர்கள் விண்ணப்பிக்கலாம்.
இதுகுறித்து மாவட்ட ஆட்சியர் மு. விஜயலட்சுமி புதன்கிழமை வெளியிட்டுள்ள செய்திக்குறிப்பு: கிறிஸ்துவ சமுதாயத்தை சார்ந்த ஆதரவற்ற, கணவரால் கைவிடப்பட்ட மற்றும் வயதான பெண்களுக்கு உதவிடும் வகையில், மாவட்ட ஆட்சியரைத் தலைவராகக் கொண்டு கிறிஸ்துவ மகளிர் உதவும் சங்கம் ஏற்படுத்த அரசாணை வெளியிடப்பட்டுள்ளது. அதைத் தொடர்ந்து கெளரவச் செயலர் மற்றும் இரண்டு கெளரவ இணைச் செயலர்கள் தேர்வு செய்யப்படவுள்ளார். இப்பணிக்கு சேவை நோக்குடன் பணியாற்ற விருப்பம் உள்ளவர்கள்  வரும் 17 ஆம் தேதிக்குள் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை அணுகி தங்கள் விருப்பத்தை தெரிவிக்கலாம். பொறுப்பாளர்களாக செயல்பட விருப்பமுள்ளவர்கள் அரியலூர் மாவட்டத்தைச் சேர்ந்தவர்களாக இருக்க வேண்டும்.  சமூகப் பணிகளில் எவ்வித புகார்களுக்கும் இடமின்றி,ஆர்வமுடன் செயல்படுபவராக இருத்தல் வேண்டும். மேலும் எவ்வித குற்றவியல் நடைவடிக்கைகளோ, நீதிமன்ற வழக்குகளோ நிலுவையில் இருத்தல் கூடாது.

]]>
http://www.dinamani.com/all-editions/edition-trichy/ariyalur/2018/dec/13/கிறிஸ்துவ-மகளிர்-உதவும்-சங்கத்தில்-பணியாற்ற-அழைப்பு-3057248.html
3057247 திருச்சி அரியலூர் அரியலூரில் தடை செய்யப்பட்ட பொருள்கள் பறிமுதல் DIN DIN Thursday, December 13, 2018 09:47 AM +0530 அரியலூரில் நகராட்சி அதிகாரிகள் புதன்கிழமை நடத்திய சோ தனையில்  தடைசெய்யப்பட்ட பொருள்கள் மற்றும் காலாவதியான பொருள்கள்  பறிமுதல் செய்யப்பட்டன.
தமிழகத்தில் 2019, ஜனவரி 1 ஆம் தேதி முதல் பிளாஸ்டிக் பொருள்கள் விற்பனைக்குத் தடை விதிக்கப்பட்டுள்ள நிலையில்,  அரியலூர் மாவட்டத்தில் பல்வேறு இடங்களிலுள்ள கடைகளில் பிளாஸ்டிக் பொருள்கள்  மற்றும் காலாவதியான  பொருள்கள் விற்பனை செய்யப்படுகிறதா என சுகாதார ஆய்வாளர்கள்,உணவு பாதுகாப்பு துறை அலுவலர்கள் ஆய்வு செய்து வருகின்றனர்
இதைத் தொடர்ந்து, அரியலூர் நகராட்சி ஆணையர் இ.திருநாவுக்கரசு தலைமையில்,சுகாதார ஆய்வாளர் மற்றும் அதிகாரிகள் நகராட்சிகளுக்கு உள்பட்ட சின்னக்கடைத்தெரு, பெரியக்கடைத்தெரு, மார்க்கெட் தெரு மற்றும் பள்ளிகளுக்கு அருகாமையில் உள்ள கடைகளில் புதன்கிழமை ஆய்வு மேற்கொண்டனர். 
இந்த ஆய்வில்,  ரூ.1.20 லட்சம் மதிப்பிலான குடிநீர் பாக்கெட்டுகள்,பிளாஸ்டிக் கப், பிளாஸ்டிக் பொருள்கள், காலாவதியான பொருள்கள்  மற்றும் தடைசெய்யப்பட்ட புகையிலை போன்ற பொருள்களை கைப்பற்றி அழித்தனர். நகராட்சிக்கு உள்பட்ட பகுதி முழுவதும் தொடர்ந்து இந்த ஆய்வு நடைபெறும் என அலுவலர்கள் தெரிவித்தனர். 
ஜனவரி 1 முதல் பிளாஸ்டிக் பொருள்கள் விற்பனை செய்யக் கூடாது என்றும் வணிகர்களுக்கு நகராட்சி ஆணையர் அறிவுறுத்தியுள்ளார்.
 

]]>
http://www.dinamani.com/all-editions/edition-trichy/ariyalur/2018/dec/13/அரியலூரில்-தடை-செய்யப்பட்ட-பொருள்கள்-பறிமுதல்-3057247.html
3057246 திருச்சி அரியலூர் வி.ஏ.ஓ.க்கள் மீது நடவடிக்கை கோரி அரியலூரில் வருவாய் ஆய்வாளர்கள் தர்னா DIN DIN Thursday, December 13, 2018 09:47 AM +0530 அரியலூரில் வருவாய் ஆய்வாளரைத் தாக்கிய கிராம நிர்வாக அலுவலர்கள் மீது நடவடிக்கை எடுக்க கோரி, மாவட்ட ஆட்சியர் அலுவலகத்தில், வருவாய் ஆய்வாளர்கள் புதன்கிழமை தர்னாவில் ஈடுபட்டனர்.
போட்டித் தேர்வுக்கு  விடுப்பு கேட்பது தொடர்பாக  அரியலூர் வட்டாட்சியரகத்துக்கு சேனாபதி கிராம நிர்வாக அலுவலர் ராயர் சென்ற போது, தலைமையிடத்து துணை வட்டாட்சியர் குருமூர்த்தி, வருவாய் ஆய்வாளர்  கார்த்திகேயன் ஆகியோருடன் பிரச்னை ஏற்பட்டது.
இதைத் தொடர்ந்து ராயர் நண்பர்களான கிராம நிர்வாக அலுவலர்கள் பிரபாகரன், சுபாஷ் சந்திரபோஸ் ஆகியோர் வருவாய் ஆய்வாளர் கார்த்திகேயனைத் தாக்கியுள்ளனர். இதுதொடர்பாக 3 கிராம நிர்வாக அலுவலர்களும் பணியிடை நீக்கம் செய்யப்பட்டனர்.
  உரிய விசாரணை நடத்த வேண்டும் எனக் கோரி தமிழ்நாடு கிராம நிர்வாக அலுவலர்கள் முன்னேற்றச் சங்கத்தினர் கடந்த 2 நாள்களாக தொடர்ப் போராட்டத்தில் ஈடுபட்டனர். இதையடுத்து புதன்கிழமை பிற்பகலில் மூவரின் பணியிடை நீக்க உத்தரவு ரத்து செய்யப்பட்டது. இதையறிந்த வருவாய் ஆய்வாளர்கள், அரியலூர் மாவட்ட ஆட்சியரகம் எதிரில் ஜயங்கொண்டம் சாலையில்  வருவாய் ஆய்வாளரைத் தாக்கிய கிராம நிர்வாக அலுவலர்கள் மூவர் மீதும் நடவடிக்கைக் கோரி புதன்கிழமை மாலை சாலை மறியலில் ஈடுபட்டனர்.
தகவலறிந்து  அப்பகுதிக்கு வந்த போலீஸார், ,மறியல் போராட்டத்துக்கு அனுமதி கிடையாது என்றும் மீறி போராட்டத்தில் ஈடுபட்டால் கைது செய்யப்படுவார்கள் என தெரிவித்தனர்.இதையடுத்து வருவாய் ஆய்வாளர்கள்  மாவட்ட ஆட்சியர் அலுவலகத்துக்குச் சென்று அங்கு ஆட்சியரின் காரை முற்றுகையிட்டு,காருக்கு முன்பும், பின்பும் அமர்ந்து தர்னாவில் ஈடுபட்டனர்.  இவர்களிடம் வருவாய்த்துறை அதிகாரிகள்,போலீஸார்  பேச்சுவார்த்தையில் ஈடுபட்டு வருகின்றனர்.

]]>
http://www.dinamani.com/all-editions/edition-trichy/ariyalur/2018/dec/13/விஏஓக்கள்-மீது-நடவடிக்கை-கோரி-அரியலூரில்-வருவாய்-ஆய்வாளர்கள்-தர்னா-3057246.html
3057245 திருச்சி அரியலூர் செந்துறை காவல் நிலையத்தில் காவல் கண்காணிப்பாளர் ஆய்வு DIN DIN Thursday, December 13, 2018 09:47 AM +0530 அரியலூர் மாவட்டம், செந்துறை காவல் நிலையத்தில் மாவட்டக் காவல் கண்காணிப்பாளர் வி.ஆர்.  ஸ்ரீனிவாசன் செவ்வாய்க்கிழமை இரவு திடீரென ஆய்வு மேற்கொண்டார்.
செந்துறை காவல் நிலையத்துக்கு செவ்வாய்க்கிழமை வந்த காவல் கண்காணிப்பாளர் ஆய்வு செய்தார்.  மேலும் முடிக்கப்படாத வழக்குகள் குறித்த விவரங்கள், பொதுமக்கள் அளித்த மனுக்கள் மீது மேற்கொள்ளப்பட்ட நடவடிக்கைகள் குறித்த விவரங்களையும் கேட்டறிந்து விரைவான தீர்வை மேற்கொள்ளுமாறு அதிகாரிகளுக்கு உத்தரவிட்டார். தொடர்ந்து, காவல் நிலைய வளாகத்தில் கண்காணிப்பாளர் ஸ்ரீனிவாசன் மரக்கன்றுகளையும் நட்டு வைத்தார்.
இதைத் தொடர்ந்து, குழுமூர் கிராமத்துக்குச் சென்ற  காவல் கண்காணிப்பாளர் ஸ்ரீனிவாசன் ,,அங்கு காவல்துறை-பொதுமக்கள் நல்லுறவுக் கூட்டத்தை நடத்தினார். காவல்துறையினர் மற்றும் பொதுமக்கள் நட்புறவுடன் இருக்க வேண்டும் . ரௌடிதனம் செய்பவர்கள் இரும்புக்கரம் கொண்டு அடக்கப்படுவர். பொதுமக்கள் எந்த நேரத்திலும் தன்னைத் தொடர்பு கொள்ளலாம்  எனத் தெரிவித்தார்.

]]>
http://www.dinamani.com/all-editions/edition-trichy/ariyalur/2018/dec/13/செந்துறை-காவல்-நிலையத்தில்-காவல்-கண்காணிப்பாளர்-ஆய்வு-3057245.html
3057244 திருச்சி அரியலூர் அனைத்து நலத்திட்ட உதவிகளையும் மக்கள் பெற்று பயன்பெற வேண்டும் DIN DIN Thursday, December 13, 2018 09:47 AM +0530 அரசால் செயல்படுத்தப்பட்டும் அனைத்து நலத்திட்டங்களையும் பெற்று பொதுமக்கள் முழுமையான பயன் பெற வேண்டும் என்றார் அரியலூர் மாவட்ட ஆட்சியர் மு. விஜயலட்சுமி.
அரியலூர் மாவட்டம், அணிகுதிச்சான் கிராமத்தில் புதன்கிழமை நடைபெற்ற மக்கள் தொடர்பு முகாமுக்குத் தலைமை வகித்து, வருவாய்த் துறை சார்பில் 115 பயனாளிளுக்கு ரூ.4.80 லட்சம் மதிப்பில் மனைவரி பட்டா, நத்தம் பட்டா உள்ளிட்டவற்றுக்கான ஆணைகள் மற்றும் இதரத் துறைகள் என மொத்தமாக 148 பயனாளிகளுக்கு ரூ.10.09 லட்சம் மதிப்பிலான நலத்திட்டஉதவிகளை வழங்கி, அவர் மேலும் பேசியது:
பொதுமக்களின் குறைகளைத் தீர்க்கும் வகையில் வாரந்தோறும் மக்கள் குறைகேட்பு நாள் கூட்டம் நடத்துவது போன்று, சம்பந்தப்பட்ட கிராமங்களுக்குச் சென்று மக்கள் தொடர்பு முகாம் நடத்தி, கோரிக்கைகளை மனுக்களாகப் பெற்று, அதன் அடிப்படையில் உரிய தீர்வுகள் காணப்பட்டு வருகின்றன.
அந்த வகையில், அணிகுதிச்சான் கிராமத்தில் நடத்தப்பட்ட முகாமிலும்  அரசின் பல்வேறு நலத்திட்டங்களிலிருந்து உதவிகள் பொதுமக்களுக்கு வழங்கப்பட்டிருக்கின்றன. இதுபோன்ற முகாம்களை சம்பந்தப்பட்ட பகுதிகளைச் சேர்ந்த கிராம மக்கள், விவசாயப் பெருங்குடி மக்கள் முழுமையாகப் பயன்படுத்திக் கொள்ள வேண்டும். மழைக்காலங்களில்  குடியிருப்புப் பகுதிகளில் மழைநீர் தேங்கா வண்ணம் பார்த்துக்கொள்ள வேண்டும்.மேலும், பெண்களுக்கென அரசு பல்வேறு நலத்திட்ட உதவிகளை செய்து வருகிறது. அரசின் அனைத்து நலத்திட்ட உதவிகளையும் அனைவரும் பெற்று பயன்பெற வேண்டும் என்றார்.
 மாவட்ட வருவாய் அலுவலர் சே.தனசேகரன், மாவட்ட ஊரக வளர்ச்சி முகமைத் திட்ட இயக்குநர் சு.சுந்தரராஜன், சமூக பாதுகாப்புத் திட்டத் துணை ஆட்சியர் அ.பூங்கோதை, மாவட்ட ஆட்சியரின் நேர்முக உதவியாளர் 
ஜெ.பாலாஜி, மகளிர் திட்ட இயக்குநர் லலிதா, ஊராட்சிகள் உதவி இயக்குநர் க.பழனிசாமி, தோட்டக்கலைத்துறை உதவி இயக்குநர் பா.சரண்யா, ஆதிதிராவிடர் மற்றும்  
பழங்குடியினர் நல அலுவலர் சங்கர் மற்றும் அனைத்துத்துறை அலுவலர்கள் பொதுமக்கள்  முகாமில் பங்கேற்றனர்.
முன்னதாக உடையார்பாளையம் கோட்டாட்சியர் ஜோதி  வரவேற்றர்.  நிறைவில் ஆண்டிமடம் வட்டாட்சியர் கோவிந்தராஜ் நன்றி கூறினார்.
 

]]>
http://www.dinamani.com/all-editions/edition-trichy/ariyalur/2018/dec/13/அனைத்து-நலத்திட்ட-உதவிகளையும்-மக்கள்-பெற்று-பயன்பெற-வேண்டும்-3057244.html
3057243 திருச்சி அரியலூர் தொல்லியல்துறை தளவாடப்பொருள்கள்அறையில் கொள்ளை முயற்சி DIN DIN Thursday, December 13, 2018 09:46 AM +0530 அரியலூர் மாவட்டம், கங்கைகொண்ட சோழபுரத்தில் உள்ள தொல்லியல்துறை தளவாடப் பொருள்கள் அறையில் செவ்வாய்க்கிழமை இரவு கொள்ளை முயற்சி நடைபெற்றுள்ளது.
ஜயங்கொண்டம் அருகிலுள்ள  கங்கைகொண்ட சோழபுரத்தில்  பிரசித்தி பெற்ற பிரகதீசுவரர் கோயில் உள்ளது. இக்கோயிலில் தொல்லியல் துறையின் தளவாடப் பொருள்கள் வைக்கும் அறை உள்ளன. இந்த அறையில் கோயிலின் பகுதிகளில் உள்ள புல்வெளிகளை சீரமைக்க புல் வெட்டும் இயந்திரம், கடப்பாரை, மண்வெட்டி உள்ளிட்ட தளவாடப் பொருள்கள் வைக்கப்பட்டுள்ளன.
தளவாடப் பொருள்கள் இருப்பு குறித்த ஆவணங்கள், தொல்லியல் துறை அலுவலக வருகைப் பதிவேடு உள்ளிட்ட ஆவணங்கள் அங்கு வைக்கப்பட்டிருக்கும்.
இந்த அறையின் பூட்டை செவ்வாய்க்கிழமை இரவு உடைத்த அடையாளம் தெரியாத மர்ம நபர்கள், அறையில் இருந்த 2 பீரோக்களின் பூட்டுகளையும் உடைத்துள்ளனர். 
அங்கு எதுவும் கிடைக்காததால், அனைத்தையும் அப்படியே போட்டுவிட்டு சென்றுவிட்டனர்.
இந்நிலையில், கோயில் அலுவலர்கள் புதன்கிழமை காலை சென்றபோது, அறையின் பூட்டு மற்றும் பீரோக்களின் பூட்டு உடைக்கப்பட்டிருப்பது கண்டு விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/ariyalur/2018/dec/13/தொல்லியல்துறை-தளவாடப்பொருள்கள்அறையில்-கொள்ளை-முயற்சி-3057243.html
3057242 திருச்சி அரியலூர் ஆண்டிமடம் அருகே மதுவிற்ற பெண் கைது DIN DIN Thursday, December 13, 2018 09:46 AM +0530 அரியலூர் மாவட்டம், ஆண்டிமடம்  அரு கே மதுவிற்ற பெண் செவ்வாய்க்கிழமை இரவு கைது செய்யப்பட்டார்.
ஆண்டிமடம் காவல் நிலைய உதவி ஆய்வாளர் கார்த்திக் தலைமையிலான போலீஸார் செவ்வாய்க்கிழமை இரவு விழுதுடையான் கிராமப் பகுதியில் ரோந்தில் ஈடுபட்டிருந்தனர்.
அப்போது,  விழுதுடையான் கிராமம், மேற்குத் தெருவில் மது விற்றுக் கொண்டிருந்த ஜெயந்தி (40) என்பவர் போலீஸாரைக் கண்டதும் தப்பியோட முயன்ற போது, போலீஸார் அவரைப் பிடித்து கைது செய்தனர். தொடர்ந்து அவரிடம் விசாரணையும் மேற்கொண்டு வருகின்றனர்.
 

]]>
http://www.dinamani.com/all-editions/edition-trichy/ariyalur/2018/dec/13/ஆண்டிமடம்-அருகே-மதுவிற்ற-பெண்-கைது-3057242.html
3056554 திருச்சி அரியலூர் பயிர்க்கடன் தள்ளுபடி கோரி பிச்சை எடுக்கும் போராட்டம் DIN DIN Wednesday, December 12, 2018 09:30 AM +0530 பயிர்க் கடன்களைத் தள்ளுபடி செய்ய வேண்டும் எனக் கோரி, அரியலூர் மாவட்டம், திருமழப்பாடியில் விவசாயி செவ்வாய்க்கிழமை பிச்சை எடுக்கும் போராட்டத்தை நடத்தினார்.
விவசாயிகளின் அனைத்துவிதமான பயிர்க்கடன்களைத் தள்ளுபடி செய்ய வேண்டும். விவசாய விளைப் பொருள்களுக்கு கட்டுப்படியான விலைகளை வழங்க வேண்டும் போன்ற பல்வேறு கோரிக்கைகளை நிறைவேற்ற வலியுறுத்தி  அகில இந்திய மக்கள் சேவை இயக்கத்தின் விவசாயப் பிரிவு மாநிலத் தலைவர் தங்க. சண்முகசுந்தரம் திருமழப்பாடி கிராமத்தில் தரையில் அமர்ந்து பொதுமக்களிடம் பிச்சைக் கேட்டுப் போராட்டம் நடத்தினார்.
மக்களுக்கு உணவளிக்கும் விவசாயிகளின் நிலை இன்று கவலைக்குரியதாகிவிட்டது. ஒருபுறம் வறட்சியால் பாதிக்கப்பட்ட விவசாயிகள், தற்போது கஜா புயலால் டெல்டா மாவட்ட பகுதிகளில் சொல்ல முடியாத அளவிற்குபாதிப்பைச் சந்தித்துள்ளனர்.  விவசாயிகளின் கோரிக்கைகளை நிறைவேற்றக் கோரி பல்வேறு கட்டப் போராட்டங்களை நடத்தினாலும் மத்திய, மாநில அரசுகள் செவிசாய்க்கவில்லை. எனவே அரசின் கவனத்தை ஈர்க்கும் வகையில் இதுபோன்ற போராட்டங்களை நடத்தும் சூழ்நிலைக்குத் தள்ளப்பட்டோம் என்றார் தங்க. சண்முகசுந்தரம்.

]]>
http://www.dinamani.com/all-editions/edition-trichy/ariyalur/2018/dec/12/பயிர்க்கடன்-தள்ளுபடி-கோரி-பிச்சை-எடுக்கும்-போராட்டம்-3056554.html
3056551 திருச்சி அரியலூர் காடுவெட்டி குருவுக்கு மணிமண்டபம்: நாளை அடிக்கல் நாட்டு விழா DIN DIN Wednesday, December 12, 2018 09:29 AM +0530 மறைந்த வன்னியர் சங்கத் தலைவர் காடுவெட்டி குருவுக்கு மணிமண்டபம் கட்டுவதற்கான அடிக்கல் நாட்டு விழா வியாழக்கிழமை (டிச.13) நடைபெறஉள்ளது. அரியலூர் மாவட்டம், மீன்சுருட்டி அருகிலுள்ள காடுவெட்டி கிராமத்தைச் சேர்ந்தவர் குரு. வன்னியர் சங்கத் தலைவராக இருந்த இவர், கடந்த மே 25 ஆம் தேதி உடல்நலக்குறைவால் காலமானார்.
இந்த நிலையில், காடுவெட்டி கிராமத்தில் குருவுக்கு மணிமண்டபம்கட்ட பாட்டாளி மக்கள் கட்சி முடிவு செய்திருந்த நிலையில், அதற்கான அடிக்கல்நாட்டு விழா வியாழக்கிழமை நடைபெறுகிறது. இந்த விழாவில், பா.ம.க.நிறுவனர் டாக்டர் ராமதாஸ், இளைஞரணித் தலைவர் அன்புமணி ராமதாஸ் உள்ளிட்டோர் பங்கேற்கின்றனர்.
 

]]>
http://www.dinamani.com/all-editions/edition-trichy/ariyalur/2018/dec/12/காடுவெட்டி-குருவுக்கு-மணிமண்டபம்-நாளை-அடிக்கல்-நாட்டு-விழா-3056551.html
3056550 திருச்சி அரியலூர் 2-ஆவது நாளாக  பணிகளைப் புறக்கணித்து வி.ஏ.ஓ.க்கள் போராட்டம் DIN DIN Wednesday, December 12, 2018 09:29 AM +0530 அரியலூர் மாவட்டத்தைச் சேர்ந்த 3 கிராம நிர்வாக அலுவலர்கள் பணியிடை நீக்கம் செய்யப்பட்டதைக் கண்டித்து,  தங்கள்பணிகளைப் புறக்கணித்து மாவட்ட ஆட்சியரகம் முன்பு இதர கிராம நிர்வாக அலுவலர்கள் போராட்டத்தில்  ஈடுபட்டனர்.
போட்டித் தேர்வு எழுதுவதற்காக 2 நாள் விடுப்பு கேட்பதற்காக அரியலூர் வட்டாட்சியர் அலுவலகத்துக்கு கடந்த 7 ஆம் தேதி சென்ற சேனாபதி கிராம நிர்வாக அலுவலர் ராயர், தலைமையிடத்துத் துணை வட்டாட்சியர் குருமூர்த்தி, வருவாய் ஆய்வாளர் கார்த்திகேயன் ஆகியோரிடம் கேட்ட போது பிரச்னை ஏற்பட்டது.
இதையடுத்து ராயரின் நண்பர்களான கிராம நிர்வாக அலுவலர்கள் பிரபாகரன், சுபாஷ்சந்திரபோஸ் ஆகிய இருவரும் தாக்கியதில் வருவாய் ஆய்வாளர் காயமடைந்து மருத்துவமனையில் சிகிச்சை பெற்று வருகிறார். இப்பிரச்னை தொடர்பாக ராயர் உள்பட 3 கிராம நிர்வாக அலுவலர்கள் தற்காலிக பணியிடை நீக்கம் செய்யப்பட்டனர். உரிய விசாரணை இல்லாமல் கோட்டாட்சியர்  3 பேரையும் பணியிடை நீக்கம் செய்துள்ளதாகவும், உரிய விசாரணை நடத்த வேண்டும் எனக் கோரி திங்கள்கிழமை காலை  மாவட்ட ஆட்சியரகத்தை முற்றுகையிட வந்த தமிழ்நாடு கிராம நிர்வாக அலுவலர்கள் முன்னேற்றச் சங்கத்தினர் கைது செய்யப்பட்டு மாலையில் விடுவிக்கப்பட்டனர்.
தொடர்ந்து, திங்கள்கிழமை இரவு வருவாய்த் துறை  அதிகாரிகள் நடத்திய பேச்சுவார்த்தையில் எவ்வித உடன்பாடும் ஏற்படாத நிலையில், கிராம நிர்வாக அலுவலர்கள் முன்னேற்றச் சங்கத்தினர் இரண்டாவது நாளாக செவ்வாய்க்கிழமையும் பணிகளைப் புறக்கணித்து, சங்கத்தின் மாநிலத் தலைவர் பொய்யாமொழி தலைமையில் போராட்டத்தில் ஈடுபட்டனர். இப்போராட்டத்தில் 89 பேர் பங்கேற்றனர்.

     

]]>
http://www.dinamani.com/all-editions/edition-trichy/ariyalur/2018/dec/12/2-ஆவது-நாளாக--பணிகளைப்-புறக்கணித்து-விஏஓக்கள்-போராட்டம்-3056550.html
3056548 திருச்சி அரியலூர் திருக்குறள் காட்டும் வாழ்வியல் நெறிமுறைகளை கடைப்பிடித்தால் மகிழ்ச்சியான வாழ்வு கிட்டும் DIN DIN Wednesday, December 12, 2018 09:29 AM +0530 திருக்குறள் காட்டும் வாழ்வியல் நெறிமுறைகளை அனைவரும் கடைப்பிடித்தால் மகிழ்ச்சியான வாழ்வு கிட்டும் என்று கருத்தரங்கில் பேராசிரியர்கள் பேசியுள்ளனர்.
அரியலூர் மாவட்டம், தத்தனூர் மீனாட்சி ராமசாமி கல்லூரியில்  திருக்குறள் நெறி வாழ்வோம் என்ற தலைப்பில் அண்மையில் நடைபெற்ற கருத்தரங்கில்,  கல்வி நிறுவனங்களின் தாளாளர் எம்.ஆர். ரகுநாதன்,கல்லூரிப் பேராசிரியைகள் மகாலட்சுமி, நீலகல்பனா, அருள்மொழிச்செல்வி, கனிமொழி, பேராசிரியர்கள் பாஸ்கர், கார்த்திகேயன் பேசினர். இக்கருத்தரங்கில் அவர்கள் பேசியது:
அறம், பொருள், இன்பம் என முப்பெரும் பிரிவுகளாய்  பிரித்தும் அழகுடன் இணைத்தும் கோர்த்தும் திருக்குறள் விளக்குகிறது. மனிதன் அன்போடும், பண்போடும் ,அறத்தோடும் வாழ்ந்து, முழுமையான  நல்வாழ்வை அடைய, அத்தகைய நிலைக்கு மனிதக்குலத்தை அழைத்துச் செல்ல வள்ளுவர் காட்டும் வாழ்க்கை 
முறைக்கு ஆற்றல் உண்டு.
எனவே தமிழ் மக்கள் திருக்குறள் காட்டும் வாழ்வியல்  நெறிமுறைகளைக் கடைப்பிடித்தால் நிச்சயமாக  மகிழ்வான  வாழ்வு கிட்டும் என்றனர். 
கல்வியியல் கல்லூரி ஆலோசகர் க.வரதராஜன் முன்னிலை வகித்தார். நிறைவில் பேராசிரியர் அன்பழகன்  நன்றி கூறினார். கல்வியியல் கல்லூரிப் பேராசிரியர் வேல்முருகன் ஏற்பாடுகளைச் செய்திருந்தார்.
 

]]>
http://www.dinamani.com/all-editions/edition-trichy/ariyalur/2018/dec/12/திருக்குறள்-காட்டும்-வாழ்வியல்-நெறிமுறைகளை-கடைப்பிடித்தால்-மகிழ்ச்சியான-வாழ்வு-கிட்டும்-3056548.html
3055875 திருச்சி அரியலூர் மக்கள் நீதிமன்றத்தில் ரூ. 2.35 கோடிக்கு தீர்வு DIN DIN Tuesday, December 11, 2018 08:54 AM +0530 அரியலூர், ஜயங்கொண்டத்திலுள்ள நீதிமன்றங்களில் சனிக்கிழமை இரவு வரை நடைபெற்ற  மக்கள் நீதிமன்றத்தில் ரூ. 2.35 கோடி மதிப்பில் தீர்வு காணப்பட்டது.
நீதிமன்றங்களில் நிலுவையில் உள்ள வழக்குகளில் 10,267 வழக்குகள் விசாரணைக்கு எடுத்துக்கொள்ளப்பட்டன. அவற்றுள் வங்கி வழக்குகளில் 78 வழக்குகள் ரூ. 36.79 லட்சத்துக்கும், 2,966 நீதிமன்ற உரிமையியல் மற்றும் குற்றவியல் வழக்குகளில் 971 வழக்குகள் ரூ.1.98 கோடிக்கும்  என மொத்தமாக மொத்தம் 1,049 வழக்குகளில் ரூ.2,35 கோடிக்கு  தீர்வு காணப்பட்டது. 
மாவட்ட முதன்மை அமர்வு நீதிபதி டி.சுமதி தலைமை வகித்தார். அரியலூர் கூடுதல் மாவட்ட அமர்வு நீதிபதி ஜெயக்குமார்,  தலைமை குற்றவியல் நீதித்துறை நடுவர் சஞ்சீவி பாஸ்கர், சார்பு நீதிபதி மற்றும் மாவட்ட சட்டப்பணிக்குழுவின் செயலர் சரவணன், முதன்மை மாவட்ட உரிமையியல் நீதிபதி கார்த்திகேயன், கூடுதல் மாவட்ட உரிமையியல் நீதிபதி மாணிக்கம், குற்றவியல் நடுவர் மகாலெட்சுமி ஆகியோர் கலந்து கொண்டனர்.
ஜயங்கொண்டத்தில் நடைபெற்ற அமர்வில் சார்பு நீதிபதி புஷ்பராணி, மாவட்ட உரிமையியல் நீதிபதி மற்றும் வட்ட சட்ட பணிக்குழு தலைவர் பாரதிராஜா மற்றும் நீதித்துறை நடுவர் மதிவாணன் மற்றும் மாவட்ட பார் அசோசியேயன் தலைவர் பழனிச்சாமி, வழக்கறிஞர்கள் சங்கத் தலைவர் செல்வராஜ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/ariyalur/2018/dec/11/மக்கள்-நீதிமன்றத்தில்-ரூ-235-கோடிக்கு-தீர்வு-3055875.html
3055872 திருச்சி அரியலூர் அரியலூரில் உரம் விற்போருக்கு பயிற்சி DIN DIN Tuesday, December 11, 2018 08:53 AM +0530 அரியலூர் மாவட்டம் த. வளவெட்டி குப்பத்திலுள்ள வேளாண் விரிவாக்க மையத்தில் உர விற்பனையாளர்களுக்கான பயிற்சி சனிக்கிழமை நடைபெற்றது.
வேளாண் இணை இயக்குநர் (பொ) இளங்கோவன் தலைமை வகித்துப் பேசினார். உதவி இயக்குநர் ராஜேந்திரன்  முன்னிலை வகித்து பேசினார். வேளாண் அலுவலர் சுப்பிரமணியன் உர  விற்பனையாளர்களுக்கு பயிற்சி அளித்தார். 
பயிற்சியில், அனைத்து உர விற்பனையாளர்களும்,விவசாயிகளுக்கு அவர்களது மண் வள அட்டையில்  பரிந்துரைக்கப்பட்டிருக்கும் அளவில் மட்டுமே உரங்களை வழங்க வேண்டும். 
மேலும் மக்காச்சோளத்தில்  படைப்புழுவை கட்டுப்படுத்த விவசாயிகளுக்கு பரிந்துரைத்து வழங்க வேண்டிய பூச்சிக்கொல்லி மருந்துகள் மற்றும் பயன்படுத்தும் முறைகள் குறித்து விளக்கப்பட்டது. பயிற்சி முடிவில் உதவி தொழில்நுட்ப மேலாளர் முருகன் நன்றி தெரிவித்தார்.

]]>
http://www.dinamani.com/all-editions/edition-trichy/ariyalur/2018/dec/11/அரியலூரில்-உரம்-விற்போருக்கு-பயிற்சி-3055872.html
3055871 திருச்சி அரியலூர் வீட்டுமனைப் பட்டா வழங்கக் கோரி நரிக்குறவர்கள் மனு DIN DIN Tuesday, December 11, 2018 08:53 AM +0530 அரியலூரில் பல ஆண்டுகளாக வசித்து வரும் தங்களுக்கு வீட்டுமனைப் பட்டா வழங்கக் கோரி மக்கள் குறைகேட்பு நாளில் நரிக்குறவர்கள் மனு அளித்தனர்.
அரியலூர் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில் ஆட்சியர் மு. விஜயலட்சுமியிடம் அவர்கள் அளித்த மனு;
அரியலூர் குறிஞ்சான்குட்டை பகுதியில் கடந்த 25 ஆண்டுகளாக 50-க்கும் மேற்பட்ட நரிக்குறவக் குடும்பங்களைச் சேர்ந்த நாங்கள் வசித்து வருகிறோம். மழைக் காலங்களில் வீட்டைச் சுற்றி தண்ணீர் தேங்குவதால் பல்வேறு நோய் பாதிப்புகள் ஏற்படுகின்றன. வடிகால் வசதி இல்லாததால் நாள்கணக்கில் தண்ணீர் தேங்கி நிற்கின்றன. எனவே, மாற்று இடத்தில் இலவச வீட்டு மனைபட்டா வழங்க வேண்டும்.
மகனை மீட்டுத் தர வேண்டும் :   அரியலூர் மாவட்டம், தத்தனூர் குடிக்காட்டை சேர்ந்த பிச்சைப்பிள்ளை அளித்த மனு: எனது மகன் இளங்கோவன்(23) இவர் கடந்த 3 ஆண்டுகளுக்கு முன்பு ஒப்பந்தத் தொழிலாளியாக சிங்கப்பூருக்கு சென்றார். வெளிநாடு சென்ற ஒருசில மாதங்கள் மட்டுமே தொடர்பில் இருந்தார். அதன் பிறகு இதுவரை எங்கு, எப்படி உள்ளார் என்ற விவரம் கிடைக்கவில்லை. எனவே, எனது மகனை மீட்டுத்தர வேண்டும்  என மனுவில் தெரிவித்துள்ளார்.
 

]]>
http://www.dinamani.com/all-editions/edition-trichy/ariyalur/2018/dec/11/வீட்டுமனைப்-பட்டா-வழங்கக்-கோரி-நரிக்குறவர்கள்-மனு-3055871.html
3055870 திருச்சி அரியலூர் நலவாரியக் கலைஞர்கள் இசைக்கருவி பெறலாம் DIN DIN Tuesday, December 11, 2018 08:53 AM +0530 நாட்டுப்புற கலைஞர்கள் சமூக மேம்பாட்டுக்காக தமிழக அரசால் தமிழ்நாடு நாட்டுப்புற கலைஞர்கள் நல வாரியம் செயல்படுகிறது. இந்த வாரியத்தில் அரியலூர் மாவட்டத்தில் 318 பேர் உறுப்பினர்களாக உள்ளனர். இக் கலைஞர்களுக்கு சுற்றுலா பண்பாடு மற்றும் அறநிலையங்கள் துறையின் படி ஒரு மாவட்டத்துக்கு 10 கலைஞர்களை தேர்வு செய்து, அவர்களுக்கு இலவச இசைக்கருவிகள், ஆடை, ஆபரணங்கள் வழங்கப்படுகின்றன.
இவற்றைப் பெறநலவாரியத்தில் பதிந்து 2 ஆண்டுகளுக்கு ஒரு முறை ரூ.10 கட்டணம் செலுத்தி புதுப்பித்திருக்க வேண்டும்.  
ஏற்கெனவே இசைக்கருவி பெற்றிருத்தல் கூடாது. அரியலூர் மாவட்டத்தைச் சேர்ந்தோர் தங்களுக்கு தேவையான இசைக்கருவிகள் ஆடை, ஆபரணங்கள் குறித்து விண்ணப்பத்தை நலவாரிய புத்தக நகலுடன் நகலுடன் தலைமை ஆசிரியர், மாவட்ட அரசு இசைப்பள்ளி, 12 ஆவது வார்டு, கதவு எண் 5, ராதாகிருஷ்ணன் தெரு, கே.சி.காம்ப்ளக்ஸ், விளாமுத்தூர் ரோடு, பெரம்பலூர் என்ற முகவரிக்கு 30 ஆம் தேதிக்குள் நேரடியாகவோ அல்லது அஞ்சல் மூலமோ விண்ணப்பிக்க வேண்டும். 
30 ஆம் தேதிக்கு பிறகு வரப்பெறும் விண்ணப்பங்கள் ஏற்கப்படாது. மாவட்ட ஆட்சியர்  மு.விஜயலட்சுமி இதை தெரிவித்தார்.

]]>
http://www.dinamani.com/all-editions/edition-trichy/ariyalur/2018/dec/11/நலவாரியக்-கலைஞர்கள்-இசைக்கருவி-பெறலாம்-3055870.html
3055869 திருச்சி அரியலூர் அரியலூர், பெரம்பலூரில் மக்கள் குறைகேட்பு நாள் DIN DIN Tuesday, December 11, 2018 08:52 AM +0530 அரியலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில், பயனாளிகளுக்கு ரூ.47 ஆயிரம் மதிப்பிலான நலத்திட்டஉதவிகள் வழங்கப்பட்டன.
மாவட்ட ஆட்சியர் மு. விஜயலட்சுமி கூட்டத்துக்குத் தலைமை வகித்து, பல்வேறு கோரிக்கைகள் தொடர்பாக பொதுமக்கள் அளித்த 373 மனுக்களைப் பெற்றுக் கொண்டார். இந்த மனுக்களை சம்பந்தப்பட்ட துறை அலுவலர்களிடம் வழங்கி உரிய  நடவடிக்கை எடுக்குமாறு உத்தரவிட்டார். கூட்டத்தில், மாவட்ட பிற்படுத்தப்பட்டோர் மற்றும் சிறுபான்மையினார் நலத்துறையின் சார்பில் 9 பயனாளிகளுக்கு ரூ.47, 250 மதிப்பில் இலவச தையல் இயந்திரங்களை ஆட்சியர் வழங்கினார். 
மாவட்ட வருவாய் அலுவலர்  சே.தனசேகரன், சமூக பாதுகாப்புத்திட்டத் துணை ஆட்சியர் அ.பூங்கோதை, மாவட்ட ஆட்சியரின் நேர்முக உதவியாளர் ஜெ.பாலாஜி உள்ளிட்ட பல்துறை அலுவலர்கள் பங்கேற்றனர்.
பெரம்பலூரில் :    பெரம்பலூர் மாவட்ட ஆட்சியரகத்தில்  குறைகேட்பு நாள் கூட்டத்துக்கு ஆட்சியர் வே.சாந்தா தலைமை வகித்து,.  பல்வேறு கோரிக்கைகள் தொடர்பாக பொதுமக்கள் அளித்த 238 மனுக்களைப் பெற்றுக் கொண்டார். இதை  சம்பந்தப்பட்ட துறை அலுவலர்களிடம் வழங்கி விரைவாக நடவடிக்கை எடுக்க உத்தரவிட்டார். மனித உரிமைகள் தினத்தையொட்டி, , மாவட்ட ஆட்சியர் வே.சாந்தா தலைமையில் ,  வருவாய் அலுவலர் ஆ. அழகிரிசாமி உறுதிமொழி வாசிக்க, அதனை அனைத்துத் துறை அதிகாரிகள், பணியாளர்கள் திரும்பக் கூறி எடுத்துக் கொண்டனர்.
நிகழ்வுகளில்,  வருவாய் அலுவலர் ஆ. அழகிரிசாமி, மகளிர் திட்ட உதவி இயக்குநர் தேவநாதன், ஆதிதிராவிடர் மற்றும் பழங்குடியின நல அலுவலர் மஞ்சுளா உள்ளிட்ட பல்துறை அலுவலர்கள் பங்கேற்றனர்.
 

]]>
http://www.dinamani.com/all-editions/edition-trichy/ariyalur/2018/dec/11/அரியலூர்-பெரம்பலூரில்-மக்கள்-குறைகேட்பு-நாள்-3055869.html
3055868 திருச்சி அரியலூர் லாரி மோதி அரிசி வியாபாரி சாவு DIN DIN Tuesday, December 11, 2018 08:52 AM +0530 அரியலூர் மாவட்டம், உடையார்பாளையம் அருகே  லாரி மோதியதில் அரிசி வியாபாரி  நிகழ்விடத்திலேயே திங்கள்கிழமை உயிரிழந்தார்.
உடையார்பாளையம் அருகிலுள்ள கைக்களத் தெருவைச் சேர்ந்தவர் பழனியாண்டி(62).   சைக்கிளில்  சென்று அரிசி வியாபாரம் செய்து வந்தார்.
தத்தனூர் அருகே சாலையோரத்தில் சைக்கிளில் பழனியாண்டி சென்று கொண்டிருந்த போது,  நெய்வேலியிலிருந்து சிமென்ட் ஆலைக்கு கரி ஏற்றி வந்த லாரி மோதியது.  இதில் நிகழ்விடத்திலேயே அவர் உயிரிழந்தார். இதுகுறித்து உடையார்பாளையம் போலீஸார்  வழக்குப்பதிந்து  விபத்துக்கு காரணமான லாரி ஓட்டுநரைத் தேடி வருகின்றனர்.

]]>
http://www.dinamani.com/all-editions/edition-trichy/ariyalur/2018/dec/11/லாரி-மோதி-அரிசி-வியாபாரி-சாவு-3055868.html
3055866 திருச்சி அரியலூர் கறவைப் பசுக்கள் வழங்குவதில் குளறுபடி: உதவி இயக்குநர் அலுவலகம் முற்றுகை DIN DIN Tuesday, December 11, 2018 08:52 AM +0530 விலையில்லா கறவைப் பசுக்கள் வழங்குவதில் குளறுபடி நடப்பதாகக் கூறி அரியலூர் மாவட்டம், சின்னவளையம் கால்நடைப் பராமரிப்புத் துறை உதவி இயக்குநர் அலுவலகத்தை பயனாளிகள் திங்கள்கிழமை முற்றுகையிட்டனர்.
ஜயங்கொண்டம் வட்டம், இடங்கன்னி, அன்னகாரன்பேட்டை கிராமங்களில் விலையில்லா கறவைப் பசுக்கள் பெற பயனாளிகள் தேர்வு செய்யப்பட்டனர்.அரசு விதிகளின்படி பசுக்களைத் தேர்வு செய்து முன்பணம் கொடுக்குமாறு அதிகாரிகள் கூறியதைத் தொடர்ந்து, முன்பணம் அளித்த பயனாளிகள், டிசம்பர் 10ஆம் தேதிக்குள் கறவைப் பசுக்களைப் பெற்றுக் கொள்வதாகக் கூறினர். ஆனால், தற்போது ஆந்திர பசுக்களைத்தான் வாங்க வேண்டும் என்றும்,  உரிய தொகையை வழங்காமல் அதிகாரிகள் இழுத்தடிப்பு செய்வதாகவும் கூறி சின்னவளையத்திலுள்ள கால்நடைப் பராமரிப்புத் துறை உதவி இயக்குநர் அலுவலகத்துக்கு பயனாளிகள் திங்கள்கிழமை வந்தனர். 
மாலை 4 மணி வரை அதிகாரிகள் யாரும் வராததால் ஆத்திரமடைந்த பயனாளிகள் அலுவலகத்தை முற்றுகையிட்டனர். தகவலறிந்து வந்த கால்நடைத்துறை அலுவலர்கள் மற்றும் ஜயங்கொண்டம் போலீஸார், செவ்வாய்க்கிழமை 
 பசுக்களை ஆய்வு செய்து, அங்கீகரிக்கப்பட்ட கால்நடை சந்தையின் மூலம் டோக்கன் வழங்கப்படும் எனக் கூறியதைத் தொடர்ந்து பயனாளிகள் கலைந்து சென்றனர்.
 

]]>
http://www.dinamani.com/all-editions/edition-trichy/ariyalur/2018/dec/11/கறவைப்-பசுக்கள்-வழங்குவதில்-குளறுபடி-உதவி-இயக்குநர்-அலுவலகம்-முற்றுகை-3055866.html
3055863 திருச்சி அரியலூர் கிராம நிர்வாக அலுவலர்கள் 3 பேர் பணியிடை நீக்கம்: போராட்டத்தில் ஈடுபட்ட 49 பேர் கைது DIN DIN Tuesday, December 11, 2018 08:51 AM +0530 அரியலூர் மாவட்டத்தைச் சேர்ந்த 3  கிராம நிர்வாக அலுவலர்கள் 3 பேர் பணியிடை நீக்கம் செய்யப்பட்டதைக்கண்டித்து,  மாவட்ட ஆட்சியரகம் முன்பு போராட்டத்தில் ஈடுபட்ட கிராம நிர்வாக அலுவலர்கள் 49 பேர் திங்கள்கிழமை கைது செய்யப்பட்டனர். 
அரியலூர் மாவட்டம், சேனாபதி கிராம நிர்வாக அலுவலராகப் பணிபுரிந்து வருபவர் ராயர். விடுப்பு தொடர்பாக, கடந்த 7 ஆம் தேதி அரியலூர் வட்டாட்சியர் அலுவலகத்துக்குச் சென்ற இவருக்கும்,தலைமையிடத்துத் துணை வட்டாட்சியர் குருமூர்த்தி,வருவாய் ஆய்வாளர் கார்த்திக்கும் இடையே வாக்கு வாதம் ஏற்பட்டு, பின்னர் அது கைகலப்பாக மாறியது.  இதைத் தொடர்ந்து ராயரின் நண்பர்களான  கிராம நிர்வாக அலுவலர்கள் வெங்கனூர் பிரபாகரன், குலமாணிக்கம் சுபாஷ் சந்திரபோஸ் தாக்கியதில் வருவாய் ஆய்வாளர் கார்த்திகேயன் காயமடைந்து,அரியலூர் அரசு மருத்துவமனையில் சிகிச்சை பெற்று வருகிறார். இதுகுறித்து தலைமையிடத்து துணை வட்டாட்சியர், வருவாய் ஆய்வாளர் அளித்த புகாரின் பேரில்,  கிராம நிர்வாக அலுவலர்கள் ராயர், பிரபாகரன், சுபாஷ் ஆகிய மூவரையும் அரியலூர் கோட்டாட்சியர் சத்தியநாராயணன் பணியிடை நீக்கம் செய்து உத்தரவிட்டார்.
உரிய விசாரணை இல்லாமல் கிராம நிர்வாக அலுவலர்கள் மூவர் பணியிடை நீக்கம் செய்யப்பட்டதாகக் கூறி இதைக் கண்டித்தும்,  முறையான விசாரணை நடத்த வேண்டும் என்று வலியுறுத்தியும் தமிழ்நாடு கிராம நிர்வாக அலுவலர்கள் முன்னேற்றச் சங்கத்தினர் ஆட்சியரிடம் மனு கொடுப்பதற்காக ஆட்சியரகம் வந்தனர்.
அவர்களை  அலுவலக நுழைவுவாயில் பகுதியிலேயே போலீஸார் தடுத்து நிறுத்தியதால், அங்கு வந்த 49 பேரும் அப்பகுதியிலேயே அமர்ந்து தர்னாவில் ஈடுபட்டனர். கலைந்து செல்லுமாறு போலீஸார் கூறியும் மறுத்ததால் அவர்கள் கைது செய்யப்பட்டு மாலையில் விடுவிக்கப்பட்டனர்.
 

]]>
http://www.dinamani.com/all-editions/edition-trichy/ariyalur/2018/dec/11/கிராம-நிர்வாக-அலுவலர்கள்-3-பேர்-பணியிடை-நீக்கம்-போராட்டத்தில்-ஈடுபட்ட-49-பேர்-கைது-3055863.html
3055255 திருச்சி அரியலூர் முதன்மைக் கல்வி  அலுவலரை ஏமாற்றி  ரூ. 78,000  மோசடி DIN DIN Monday, December 10, 2018 09:48 AM +0530 அரியலூர் மாவட்ட  முதன்மைக் கல்வி அலுவலரை ஏமாற்றி அவரது வங்கிக் கணக்கில் ரூ. 78 ஆயிரம் எடுக்கப்பட்டது.
அரியலூர் மாவட்ட முதன்மை கல்வி அலுவலரான ஆ. புகழேந்தி கடந்த  6 ஆம் தேதி  இரும்புலிக்குறிச்சி மேல்நிலைப்பள்ளிக்கு ஆய்வுக்குச் சென்றபோது அவரை செல்லிடபேசியில் தொடர்புக் கொண்ட மர்ம நபர் மும்பையில் இருந்து பேசுவதாகவும், உங்களது ஏடிஎம் கார்டில் சிப் பொருத்த வேண்டும் எனவும் கூறி, ஏடிஎம் கார்டு ரகசிய எண் அனைத்து தகவல்களையும் பெற்று, அவரது வங்கிக் கணக்கில் இருந்து ரூ. 78 ஆயிரத்தை எடுத்துவிட்டாராம்.
இதுகுறித்து அவர் மாவட்டக் காவல் கண்காணிப்பாளரிடம் அளித்த புகாரின் பேரில் அரியலூர் போலீஸார் ஞாயிற்றுக்கிழமை  வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/dec/10/முதன்மைக்-கல்வி--அலுவலரை-ஏமாற்றி--ரூ-78000--மோசடி-3055255.html
3055254 திருச்சி அரியலூர் ஆடுகளை திருடிய மூவர் பிடிபட்டனர் DIN DIN Monday, December 10, 2018 09:47 AM +0530 அரியலூர் மாவட்டம், கயர்லாபாத் அருகே ஆடுகளைத் திருடிய 3 பேர் சனிக்கிழமை இரவு பிடிபட்டனர்.
காட்டுப்பிரிங்கியம் கிராமத்தைச் சேர்ந்த மணிவேல்,இளவரசி,இளையபெருமாள் ஆகியோர் சனிக்கிழமை பிற்பகல் கள்ளங்குறிச்சி நீரேற்று நிலையப் பகுதியில் தங்களது ஆடுகளை மேய்த்து கொண்டிருந்த நிலையில், டீ குடிக்க அருகிலுள்ள கடைக்குச் சென்று விட்டு திரும்பி வந்தபோது, மர்ம நபர்களை தங்களது ஆடுகளை இருசக்கர வாகனத்தில் ஏற்றுவதைக் கண்டு சத்தம் போட்டனர்.
இதையடுத்து அவர்கள் ஆடுகளுடன் அங்கிருந்து தப்பினர். இதையடுத்து மணிவேல் மாவட்ட காவல் கண்காணிப்பாளர் அலுவலகத்தில் உடனே அளித்த புகாரின்பேரில் பெரிய நாவலூர் பிரிவுப் பாதை அருகே  வாகன சோதனையில் ஈடுபட்டிருந்த கயர்லாபாத் போலீஸார்  அவ்வழியே 10 ஆடுகளை ஏற்றி வந்த மூவரை மறித்து விசாரித்ததில், மேற்கண்ட நபர்களுக்கு சொந்தமான ஆடுகளை அவர்கள் திருடி வந்தது தெரியவந்தது. இதையடுத்து ஆடுகளை மீட்ட போலீஸார் உரியவர்களிடம் அவற்றை ஒப்படைத்தனர். 
மேலும்  ஆடுகள் திருடிய தா.பழூர் மாரியம்மன் கோயில் தெருவைச் சேர்ந்த இளவரசன் மகன் அஜித்குமார் (21), கடலூர் மாவட்டம் காட்டுமன்னார்குடி,கொல்லக்குடி கிராமத்தைச் சேர்ந்த முருகன் மகன் சாமிநாதன் (23), இரும்புலிக்குறிச்சி,காலனித் தெருவைச் சேர்ந்த சுப்பிரமணியன் மகன் புஷ்பராகர்(21) ஆகிய 3 பேரையும் கைது செய்து விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/dec/10/ஆடுகளை-திருடிய-மூவர்-பிடிபட்டனர்-3055254.html
3055253 திருச்சி அரியலூர் இலவசங்களை நம்பி வாக்களிக்கக் கூடாது: ஐ.ஜே.கே. தலைவர் DIN DIN Monday, December 10, 2018 09:47 AM +0530 இலவசங்களையும், சினிமாகாரர்களையும் நம்பி வாக்களிப்பதை மக்கள் தவிர்க்க வேண்டும் என்றார் ஐ.ஜே.கே. தலைவர் பாரிவேந்தர்.
அரியலூர் மாவட்டம் ஜயங்கொண்டத்தில் ஞாயிற்றுக்கிழமை நடைபெற்ற இந்திய ஜனநாயக கட்சி நிர்வாகி இல்லத் திருமண விழாவில் பங்கேற்ற அவர் பின்னர் கூறியது:
காந்தி, நேரு உள்ளிட்ட தேச தலைவர்களின் வரிசையில் பிரதமர் மோடி போற்றப்பட வேண்டியவர்.  அவர் தங்கள் நாட்டிற்கும் வர வேண்டுமென ஏங்காத நாடுகள் கிடையாது. இலவசங்களையும், சினிமாகாரர்களையும் நம்பி வாக்களிப்பதை மக்கள் தவிர்க்க வேண்டும். சற்று அவர்களின் பின் புலங்களை ஆராய்ந்து வாக்களிக்க வேண்டும். 
கஜா புயல் பாதிக்கப்பட்ட பகுதிகளை மத்தியக் குழு பார்வையிட்டு முறையான ஆய்வறிக்கைகளை மத்திய அரசிடம் கொடுத்துள்ளதாகத் தெரிகிறது. இதனால், அதிகபட்ச நிவாரணத் தொகையை மத்திய அரசு ஒதுக்கும் என நம்புகிறேன். அதற்குத் தேவையான ஆதாரங்கள், விளக்கங்களை மத்திய அரசுக்கு தமிழக அரசு கொடுக்க வேண்டும். திமுக கூட்டணியில் தற்போது கருத்து வேறுபாடு நிலவுகிறது. திமுகவை நம்பி இருந்தவர்களை அவர்கள் ஏமாற்றக் கூடாது என்றார் அவர்.

]]>
http://www.dinamani.com/all-editions/edition-trichy/ariyalur/2018/dec/10/இலவசங்களை-நம்பி-வாக்களிக்கக்-கூடாது-ஐஜேகே-தலைவர்-3055253.html
3055252 திருச்சி அரியலூர் சோனியாகாந்தி பிறந்த நாளில் நலத் திட்ட உதவி DIN DIN Monday, December 10, 2018 09:47 AM +0530 நாடாளுமன்ற காங்கிரஸ் தலைவர் சோனியகாந்தி பிறந்த தினத்தை அரியலூரில் காங்கிரஸ் கட்சியினர் ஞாயிற்றுக்கிழமை பொதுமக்களுக்கு இனிப்புகளை வழங்கிக் கொண்டாடினர்.
கட்சியின் அரியலூர் நகரத் தலைவர் சந்திரசேகர் தலைமையில் செட்டி ஏரிக்கரையிலுள்ள விநாயகர் கோயிலில் சிறப்பு அபிஷேகம் நடத்தப்பட்டு, பின்னர் காமராஜர் சிலை அருகே கட்சிக் கொடியை மூத்த காங்கிரஸ் தலைவர் சீனி. பாலகிருஷ்ணன் ஏற்றினார். தொடர்ந்து அக்கட்சியினர் பொதுமக்களுக்கு இனிப்புகளை வழங்கினர். விழாவில் அக்கட்சியின் மாவட்ட துணை தலைவர் திருஞானசம்பந்தம், மாவட்டச் செயலர் சேகர் உள்பட பலர் கலந்து கொண்டனர்.
பெரம்பலூர்: காங்கிரஸ் கட்சியின் தலைவர் சோனியா காந்தி பிறந்த நாளை முன்னிட்டு, பெரம்பலூர் மாவட்டத்தில் அக் கட்சி சார்பில் நலத்திட்ட உதவி வழங்கும் நிகழ்ச்சி ஞாயிற்றுக்கிழமை நடைபெற்றது.
பெரம்பலூர் மாவட்டம், வேப்பந்தட்டை வட்டம், நெய்குப்பை கிராமத்தில் நடைபெற்ற விழாவுக்கு, அக்கட்சியின் மாவட்ட பொதுச் செயலர் டி. பால்ராஜ் தலைமை வகித்தார். வட்டாரத் தலைவர்கள் கே. கிருஷ்ணமூர்த்தி, வி. சின்ராஜு ஆகியோர் முன்னிலை வகித்தனர்.
மாவட்டத் தலைவர் வழக்குரைஞர் டி. தமிழ்ச்செல்வன், கட்சிக் கொடியேற்றி, நலத்திட்ட உதவி வழங்கி சிறப்புரையாற்றினார்.
இதில், ஏழை, எளிய மாணவர்களுக்கு பென்சில், பேனா, நோட்டு உள்ளிட்ட எழுதுபொருள்களும், பொதுமக்களுக்கு மரக்கன்று, பூச்சி மருந்து தெளிக்கும் உபகரணங்களும் வழங்கப்பட்டன.
மாவட்ட பொருளாளர் ஆசைத்தம்பி, பொதுக்குழு உறுப்பினர் சிவாஜி மூக்கன், பெரம்பலூர் தொகுதி ஊடக பிரிவுத் தலைவர் செந்தில்பிரசாத், மாவட்ட துணைப் பொதுச்செயலர் துரை. ராமச்சந்திரன், வட்டாரத் தலைவர்கள் செந்தில், காமராஜ், ரமேஷ் உள்ளிட்ட பலர் பங்கேற்றனர். கிராம கமிட்டி துணைத் தலைவர் எஸ். சுரேஷ் நன்றி கூறினார்.
 

]]>
http://www.dinamani.com/all-editions/edition-trichy/ariyalur/2018/dec/10/சோனியாகாந்தி-பிறந்த-நாளில்-நலத்-திட்ட-உதவி-3055252.html
3055251 திருச்சி அரியலூர் "பணிச்சுமையை குடும்பத்துக்குள் கொண்டு வரக்கூடாது' DIN DIN Monday, December 10, 2018 09:46 AM +0530 காவல் துறையினர் தங்களது பணிச் சுமையை குடும்பத்துக்குள் கொண்டு வரக் கூடாது என்றார்  மத்திய மண்டல ஐ.ஜி. வரதராஜன்.  
அரியலூர் மாவட்ட ஆயுதப்படை மைதானத்தில் கடந்த 3 நாள்களாக நடைபெற்ற வந்த காவல் துறையினருக்கான மன அழுத்தப் பயிற்சி வகுப்பு ஞாயிற்றுக்கிழமை நிறைவடைந்தது. நிகழ்ச்சியில் பங்கேற்று வரதராஜன் மேலும் பேசியது:
காவல்துறையினர் தங்களது பணிச் சுமையை குடும்பத்துக்கும், குடும்பச் சுமையை பணியின்போதும் கொண்டு வரக் கூடாது.அப்படி கொண்டு வருவதால்தான் காவல் துறையினருக்கு மன அழுத்தம் ஏற்படுகிறது. இந்த மன அழுத்தத்தைப் போக்க தமிழக அரசு ரூ. 10 கோடி நிதி ஒதுக்கி காவல் துறையினருக்கு மன அழுத்தத்தை போக்கும் பயிற்சியை நடத்தி வருகிறது. இந்தப் பயிற்சியை இந்தியாவில் வேறு  எங்கும் அளிப்பதில்லை.
அரியலூர் மாவட்டத்தில் உள்ள அனைத்துக் காவலர்களுக்கும் இந்தப் பயிற்சி 23 வாரங்கள் நடைபெறவுள்ளது. வாரத்தில் வெள்ளி, சனி, ஞாயிறு ஆகிய கிழமைகளில் பணிக்கு விடுமுறை  அளிக்கப்பட்டு பயிற்சி அளிக்கப்படவுள்ளது. 
எனவே நாட்டின் சட்டம், ஒழுங்கு, பாதுகாப்பு என மக்களை நேரடியாகச் சந்திக்கும் காவலர்களின் இன்னல்களைப் பொதுமக்களும் உணர்ந்து இணக்கத்துடன் செயல்பட வேண்டும். 
அப்போதுதான் காவல்துறை நம் நண்பன் என்பது எளிதில் புலப்படும்  என்றார் அவர். பின்னர் பயிற்சி பெற்ற காவலர்களுக்கு சான்றிதழ்களை வழங்கினார். அரியலூர் மாவட்டக் காவல் கண்காணிப்பாளர் ஆர். ஸ்ரீனிவாசன் தலைமை வகித்தார்.

]]>
http://www.dinamani.com/all-editions/edition-trichy/ariyalur/2018/dec/10/பணிச்சுமையை-குடும்பத்துக்குள்-கொண்டு-வரக்கூடாது-3055251.html
3054675 திருச்சி அரியலூர் டிச.12, 20 தேதிகளில் தொழிலாளர் வாரிய உறுப்பினர் சேர்க்கை முகாம் DIN DIN Sunday, December 9, 2018 04:01 AM +0530
அரியலூர் மாவட்டத்தில் டிசம்பர் 12,20 தேதிகளில் தொழிலாளர் வாரியத்துக்கான உறுப்பினர் சேர்க்கை முகாம் நடைபெறுகிறது.
இதுகுறித்து மாவட்ட ஆட்சியர் மு. விஜயலட்சுமி வெள்ளிக்கிழமை வெளியிட்டுள்ள செய்திக்குறிப்பு:அரியலூர் மாவட்டம், கீழப்பழுவூர் ஊராட்சிக் கூட்டரங்கில் டிசம்பர் 12, சுத்தமல்லி கிராம சேவை மையத்தில்20 ஆம் தேதியும் அமைப்புசாராத் தொழிலாளர் வாரியத்தில் உறுப்பினர் சேர்க்கை முகாம் நடைபெறுகிறது. பதிவு விண்ணப்பங்கள், புதுப்பித்தல் விண்ணப்பங்கள் மற்றும் நல உதவி கேட்பு மனுக்கள் முகாமில் பெற்றுக் கொள்ளப்படும்.
கடைகள், நிறுவனங்களில் வேலை செய்பவர்கள், தெருசுமை வியாபாரிகள், தையல் கலைஞர்கள் உள்பட 60 வகையான தொழிலில் ஈடுபட்டுள்ளவர்களும், கட்டுமானம் உள்பட 38 வகையான தொழில்களில் ஈடுபட்டுள்ளவர்களும் உறுப்பினர்களாக சேரலாம். பல்வேறு தொழில்களில் ஈடுபட்டுள்ள தொழிலாளர்கள் சான்றொப்பமிடப்பட்ட குடும்ப அடையாள அட்டை, ஆதார் அட்டை, வயதுச் சான்று,வாக்காளர் அடையாள அட்டை, ஓட்டுநர் உரிமம், மூன்று போட்டோ, செய்யும் வேலைக்கான உரிய பதிவு விண்ணப்பத்தில் பெறப்பட்ட தேதியுடன் வி.ஏ.ஓ கையொப்பம், வங்கி கணக்குப் புத்தகத்தின் நகல் ஆகியவற்றுடன் முகாமில் நேரில் பங்கேற்கலாம்.

 

 

]]>
http://www.dinamani.com/all-editions/edition-trichy/ariyalur/2018/dec/09/டிச12-20-தேதிகளில்-தொழிலாளர்-வாரிய-உறுப்பினர்-சேர்க்கை-முகாம்-3054675.html
3054674 திருச்சி அரியலூர் மக்களுக்குப் பயனளிக்கும் வகையில்இ-சேவை மையங்கள் செயல்படுவது எப்போது?சி.சண்முகவேல் DIN DIN Sunday, December 9, 2018 04:00 AM +0530
பொதுமக்களின் அலைச்சலை குறைத்து அவர்களுக்குப் பயனளிக்கும் வகையில் அரியலூர் மாவட்டத்தில் தொடங்கப்பட்ட இ-சேவை மையங்கள் பெரும்பாலானவை திறக்கப்படாமல் பூட்டிக் கிடப்பதாகக் குற்றச்சாட்டு எழுந்துள்ளது.
வருவாய்த் துறைச் சான்றிதழ்கள், சமூகப் பாதுகாப்புத் திட்ட விண்ணப்பம், போட்டித் தேர்வு, பாஸ்போர்ட் விண்ணப்பங்கள் பதிவு, ஆதார் அட்டை, வாக்காளர் அடையாள அட்டை பதிவிறக்கம் என 40 வகையான சேவைகளை பொதுமக்கள் பெறும் வகையில், பெரும்பாலான அரசுத் துறைகள் இணைக்கப்பட்டு இ- சேவை மையங்கள் தொடங்கப்பட்டன.
கடந்த 2015 ஆம் ஆண்டு முதல் அரியலூர் மாவட்டத்தில் மின்னாளுமைத் திட்டத்தின் கீழ் முதலில் ஆட்சியரகத்திலும், அதைத் தொடர்ந்து
வட்டாட்சியர், நகராட்சி அலுவலகங்களுக்கும், கிராம ஊராட்சிப் பகுதிகள், மாவட்டத்தில் தேர்ந்தெடுக்கப்பட்ட தொடக்க வேளாண் கூட்டுறவுக் கடன் சங்கங்களுக்கும் இ-சேவை மையங்கள் விரிவுப்படுத்தப்பட்டு இயங்கி வந்தன.
அலைச்சலைக் குறைக்க : பொதுமக்களின் அலைச்சலைக் குறைக்கும் வகையில், கிராமங்கள் தோறும் இ-சேவை மையங்களைத் தொடங்கத் திட்டமிட்ட மாநில அரசு, அதற்கான கட்டடங்களைக் கட்டி, மகளிர் சுய உதவிக்குழுவினருக்குப் பயிற்சியளித்து, கணினி மற்றும் இணையதள வசதியையும் பெற்றுத் தந்து, மையங்களை உருவாக்கின.
பயனற்ற நிலையில் இ-சேவை மையங்கள் : கிராமங்கள் தோறும் மக்கள் வசதிக்காக தொடங்கப்பட்டாலும், மாவட்டத்தில் பெரும்பாலான பகுதிகளில் கிராம சேவை மையங்கள் திறக்கப்படாமல் காட்சிப் பொருளாகவே இருக்கிறது என்ற குற்றச்சாட்டு பொதுமக்கள் மற்றும் சமூக ஆர்வலர்கள் மத்தியில் உள்ளது.
பல கோடி ரூபாய் செலவில் இந்த மையங்கள் அமைக்கப்பட்டாலும் அவை பயனற்ற நிலையில் இருப்பதால் மக்கள் வரிப்பணம் வீணாகுவதாகவும் அவர்கள் வருத்தம் தெரிவிக்கின்றனர்.
அரியலூர் மாவட்டம், திருமழப்பாடியிலுள்ள இ-சேவை மையம் பொதுமக்களின் துணி உலர்த்தும் இடமாகவும், இரவு நேரங்களில் சமூக விரோதிகளின் கூடாராமாகவும் விளங்குகிறது. இதுபோல, பள்ளக்காவேரி கிராமத்தில் கட்டப்பட்ட கிராம சேவை மையங்கள் இன்னும் திறக்கப்படாமலேயே உள்ளது.மாவட்டத்தில் இதுபோன்ற பல சேவை மையங்கள் இருந்தும் அவை திறக்கப்படாமல் அல்லது மக்கள் பயன்படாத நிலையிலேயே இருக்கின்றனர் என்கின்றனர் சமூக ஆர்வலர்கள்.மாவட்ட நிர்வாகம் இப்பிரச்னையில் கூடுதல் கவனம் செலுத்தி, கிராமங்களில் கட்டி முடிக்கப்பட்ட இ-சேவை மையங்களைத் திறக்க நடவடிக்கை எடுக்க வேண்டும். அதிவேக இணைய வசதியுடன் சேவைகளுடன் கூடிய மையங்களை மகளிர் சுய உதவிக்குழுக்கள் மூலமாக நடத்த வேண்டும் என்கின்றனர் பொதுமக்கள் மற்றும் சமூக ஆர்வலர்கள்.

 

]]>
http://www.dinamani.com/all-editions/edition-trichy/ariyalur/2018/dec/09/மக்களுக்குப்-பயனளிக்கும்-வகையில்இ-சேவை-மையங்கள்-செயல்படுவது-எப்போதுசிசண்முகவேல்-3054674.html
3054673 திருச்சி அரியலூர் படைவீரர் நலநிதியிலிருந்துரூ.10.67 லட்சம் உதவித்தொகை அளிப்பு DIN DIN Sunday, December 9, 2018 04:00 AM +0530
தமிழ்நாடு முன்னாள் படைவீரர் நலநிதியிலிருந்து அரியலூர் மாவட்டத்தைச் சேர்ந்த 45 மானியதாரர்களுக்கு ரூ.10.67 லட்சம் மதிப்பில் நிதியுதவி அளிக்கப்பட்டுள்ளது என்றார் மாவட்ட ஆட்சியர் மு. விஜயலட்சுமி.
அரியலூரில் வெள்ளிக்கிழமை இரவு நடைபெற்ற படைவீரர் கொடிநாள் தேநீர் விருந்து வழங்கும் நிகழ்ச்சிக்குத் தலைமை வகித்து, பிளஸ் 2 பொதுத்தேர்வில் சிறப்பிடம் பெற்றவர்களுக்குப் பரிசுத் தொகை, 6 பேருக்கு ஈமச்சடங்குத் தொகை உள்ளிட்ட ரூ.57 ஆயிரம் மதிப்பிலான உதவித்தொகைகளை வழங்கி. மேலும் அவர் பேசியது:
முன்னாள் படைவீரர் நல அலுவலகம் சார்பில், தமிழ்நாடு முன்னாள் படைவீரர் நலநிதியிலிருந்து 45 மானியதாரர்களுக்கு ரூ.10.67 லட்சம் நிதியுதவி, முன்னாள் படைவீரர்களின் குழந்தைகள் 17 பேருக்கு தொகுப்பு நிதியிலிருந்து கல்வி உதவித் தொகை மற்றும் ஆண்டு பராமரிப்பு மானியம் ரூ.1.51 லட்சமும் வழங்கப்பட்டுள்ளது.
பிரதமரின் கல்வி நிதியுதவியின் கீழ், 11 முன்னாள் படைவீரர்களின் குழந்தைகளுக்கு நிகழாண்டில் ரூ.2.64 லட்சம் மதிப்பில் உதவித்தொகைவழங்கப்பட்டுள்ளது.
மாவட்டத்தில் முன்னாள் படைவீரர் நல அலுவலகம் மூலமாக சிறப்பு வேலைவாய்ப்புப் பிரிவில் 129 முன்னாள் படைவீரர்கள் பதிவு செய்துள்ளனர்.
இவர்களில் நிகழாண்டில் 75 முன்னாள் படைவீரர்கள் வேலைவாய்ப்பிற்காக பரிந்துரைக்கப்பட்டு 9 முன்னாள் படைவீரர்கள் பணியில் அமர்த்தப்பட்டுள்ளனர் என்றார் அவர்.
நிகழ்வுக்கு மாவட்ட வருவாய் அலுவலர் சே.தனசேகரன் முன்னிலை வகித்தார். முன்னாள் படைவீரர் நல உதவி இயக்குநர் கா.குணசேகரன், முன்னாள் படைவீரர் நல அலுவலகக் கண்காணிப்பாளர் ம.கலையரசிகாந்திமதி, உதவியாளர் மு.ஜஸ்டின் திரவியம் மற்றும் முன்னாள் ராணுவத்தினர், அவர்களது குடும்பத்தினர் நிகழ்வில் பங்கேற்றனர்.

 

]]>
http://www.dinamani.com/all-editions/edition-trichy/ariyalur/2018/dec/09/படைவீரர்-நலநிதியிலிருந்துரூ1067-லட்சம்-உதவித்தொகை-அளிப்பு-3054673.html
3054672 திருச்சி அரியலூர் ஆண்டிமடம் அருகே பள்ளி மாணவர் மாயம் DIN DIN Sunday, December 9, 2018 04:00 AM +0530
அரியலூர் மாவட்டம் ஆண்டிமடம் அருகே பள்ளிக்குச் சென்ற மாணவரைக் காணவில்லை என காவல் நிலையத்தில் புகார் செய்யப்பட்டுள்ளது.
ஆண்டிமடம் அருகிலுள்ள சாத்தனம்பட்டு மேலத்தெருவைச் சேர்ந்தவர் ராமலிங்கம்.இவரது மகன் அன்பரசன்(15).ஆண்டிமடத்திலுள்ள அரசு மேல்நிலைப் பள்ளியில் 10 ஆம் வகுப்பு படித்து வருகிறார். வியாழக்கிழமை பள்ளிக்குச் சென்ற அன்பரசன் மீண்டும் வீட்டுக்கு திரும்பவில்லை. உறவினர்கள், நண்பர்களின் வீடு என பல இடங்களில் தேடியும் கிடைக்கவில்லை.
இதுகுறித்து ஆண்டிமடம் காவல் நிலையத்தில் ராமலிங்கம் புகார் அளித்தார். இப்புகாரின் பேரில் போலீஸார் சனிக்கிழமை வழக்குப் பதிந்து, காணாமல் போன அன்பரசனைத் தேடி வருகின்றனர்.

 

]]>
http://www.dinamani.com/all-editions/edition-trichy/ariyalur/2018/dec/09/ஆண்டிமடம்-அருகே-பள்ளி-மாணவர்-மாயம்-3054672.html
3054671 திருச்சி அரியலூர் பருத்தி பாதிப்பு: விஷம் குடித்த விவசாயி சாவு DIN DIN Sunday, December 9, 2018 04:00 AM +0530
அரியலூர் மாவட்டம், கீழ எசனைப் பகுதியில் காட்டுஓடையில் பெருக்கெடுத்த மழை நீரால் பருத்திப் பயிர் பாதிக்கப்பட்டதால் மனமுடைந்த விஷம் குடித்த விவசாயி வெள்ளிக்கிழமை இரவு உயிரிழந்தார்.
அரியலூர் மாவட்டம், கீழ எசனை கிராமத்தைச் சேர்ந்த விவசாயி ராமர் (40). தனக்குச் சொந்தமான ஒரு ஏக்கர் நிலத்தில் பருத்தி பயிரிட்டிருந்தார். மானாவாரிப் பயிரான பருத்திக்குத் தேவையான நேரத்தில் தண்ணீர் பாய்ச்சினால் போதும் என்றிருந்த நிலையில், அண்மையில் பெய்த மழையின் காரணமாக காட்டு ஓடையில் ஏற்பட்ட தண்ணீர் பெருக்கெடுத்து ராமர் வயல்பகுதியில் சென்றதால் பருத்தி முழுவதும் பாதிக்கப்பட்டது.
இதனால், மனமுடைந்த நிலையில் காணப்பட்ட ராமர், கடந்த 23 ஆம் தேதி வீட்டிலிருந்த விஷமருந்தை குடித்து, ஆபத்தான நிலையில் தஞ்சாவூர் மருத்துவக் கல்லூரி மருத்துவமனையில் சேர்க்கப்பட்டார்.
தொடர்ந்து பல நாள்களாக சிகிச்சை பெற்று வந்த அவர் சிகிச்சை பலனின்றி வெள்ளிக்கிழமை நள்ளிரவு உயிரிழந்தார். இதுகுறித்து கீழப்பழுவூர் போலீஸார் வழக்குப்பதிந்து விசாரித்து வருகின்றனர்.

 

]]>
http://www.dinamani.com/all-editions/edition-trichy/ariyalur/2018/dec/09/பருத்தி-பாதிப்பு-விஷம்-குடித்த-விவசாயி-சாவு-3054671.html
3054670 திருச்சி அரியலூர் உடையார்பாளையத்தில் விடுதலைச் சிறுத்தைகள் சாலை மறியல் DIN DIN Sunday, December 9, 2018 04:00 AM +0530
அரியலூர் மாவட்டம், உடையார்பாளையத்தில் விடுதலைச்சிறுத்தைகள் கட்சியினர் சனிக்கிழமை சாலை மறியலில் ஈடுபட்டனர்.
உடையார்பாளையத்தில் அம்பேத்கர் நினைவு நாளையொட்டி விடுதலைச் சிறுத்தைகள் கட்சி சார்பில் வைக்கப்பட்டிருந்த பதாகை, சனிக்கிழமை காலை கிழிக்கப்பட்டிருந்தது.
இதைக் கண்டு அதிர்ச்சியடைந்த விடுதலைச் சிறுத்தைகள் கட்சியினர் சனிக்கிழமை காலை உடையார்பாளையம் பேருந்து நிலையம் அருகே சாலை மறியலில் ஈடுபட்டனர்.
பதாகையைக் கிழித்தவர்களை உடனடியாக கைது செய்ய வேண்டும் எனக் கோரி போராட்டத்தில் ஈடுபட்டவர்களிடம் உடையார்பாளையம் போலீஸார் பேச்சுவார்த்தையில் ஈடுபட்டனர். உரிய நடவடிக்கை எடுக்கப்படும் என உறுதியளித்ததைத் தொடர்ந்து, மறியலைக் கைவிட்டு அவர்கள் கலைந்து சென்றனர்.

 

]]>
http://www.dinamani.com/all-editions/edition-trichy/ariyalur/2018/dec/09/உடையார்பாளையத்தில்-விடுதலைச்-சிறுத்தைகள்-சாலை-மறியல்-3054670.html
3054669 திருச்சி அரியலூர் மணல் அள்ள அனுமதி வழங்க வேண்டும் DIN DIN Sunday, December 9, 2018 03:59 AM +0530  

தொகுப்பு வீடுகள் கட்டும் பணிக்காக, பயனாளிகளின் வீடுகளுக்கு கொண்டு செல்ல மணல் அள்ளுவதற்கு அனுமதியளிக்க வேண்டும் என்று மாட்டுவண்டித் தொழிலாளர்கள் சங்கம் வலியுறுத்தியுள்ளது.
அரியலூர் மாவட்டம், தா. பழூர் அருகிலுள்ள கோட்டியால் கிராமத்தில் நடைபெற்ற இந்த சங்கத்தின் கூட்டத்துக்கு மாட்டுவண்டித் தொழிலாளர்கள் சங்க மாவட்டத் தலைவர் சுரேஷ்குமார் தலைமை வகித்தார்.தொகுப்பு வீடுகளுக்கு மணல் அள்ளும் மாட்டு வண்டியை வருவாய்,காவல் துறையினர் பறிமுதல் செய்யக் கூடாது. மாவட்ட பயனாளிகளுக்கு மணல் அள்ள அனுமதி அளிக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில், விவசாய சங்க மாவட்டச் செயலர் இளங்கோவன்,மார்க்சிஸ்ட் கம்யூனிஸ்ட் கட்சியின் ஒன்றியச் செலர் ராதாகிருஷ்ணன் மாநிலக் குழு உறுப்பினர் திருமுருகன் உள்பட பலர் கலந்து கொண்டு பேசினர்.

 

]]>
http://www.dinamani.com/all-editions/edition-trichy/ariyalur/2018/dec/09/மணல்-அள்ள-அனுமதி-வழங்க-வேண்டும்-3054669.html
3053978 திருச்சி அரியலூர் ரூ.18 ஆயிரம் லஞ்சம் :அரியலூரில் உதவிச் செயற்பொறியாளர் உள்பட இருவர் கைது DIN DIN Saturday, December 8, 2018 08:57 AM +0530 அரியலூர்  மாவ ட்டம், செந்துறை அருகே ஏரி மராமத்து பணிக்கு  ஒப்பந்தம் வழங்க பாசனதாரர் சங்கத் தலைவரிடம் ரூ.18 ஆயிரம் லஞ்சம் பெற்றதாக   மருதையாறு வடிநிலக் கோட்ட உதவிச் செயற்பொறியாளர் வெள்ளிக்கிழமை கைது செய்யப்பட்டார்.
 செந்துறை அருகிலுள்ள நல்லநாயகபுரம் பாசனதாரர் சங்கத்தின் தலைவர் தமிழ்வேல். இவர்,  தங்கள் பகுதியிலுள்ள பெரிய ஏரியைத் தூர்வாரி, கரையைப் பலப்படுத்தும் பணிக்கு ஒப்பந்தம் வழங்கக் கோரி, அரியலூரிலுள்ள மருதையாறு வடிநிலக் கோட்ட நீர்வள ஆதாரத்துறை அலுவலகத்தில் விண்ணப்பித்திருந்தார். 
இப்பணிக்கு  ஒப்பந்தம் வழங்குவதற்கு தனக்கு ரூ.18 ஆயிரம் லஞ்சமாக  வழங்க வேண்டும் என வடிநிலக் கோட்ட உதவிச் செயற்பொறியாளர் மணிமாறன் கூறினாராம். இவருக்கு இடைத்தரராக அவரது கார் ஓட்டுநர் சக்திவேலும் இருந்துள்ளார்.
 லஞ்சம் தர விரும்பாத தமிழ்வேல்,  அரியலூரிலுள்ள ஊழல் தடுப்பு மற்றும் கண்காணிப்புப் பிரிவு அலுவலகத்தில் புகார் செய்தார்.  இந்த புகாரின் பேரில் வழக்குப்பதிவு செய்த போலீஸார், ரசாயனம் தடவிய ரூ.18 ஆயிரத்தை தமிழ்வேலிடம் வழங்கினர். போலீஸார் வழங்கிய ஆலோசனையின்படி, அரியலூர்- செந்துறை சாலையிலுள்ள  மருதையாறு வடிநில கோட்ட நீர்வள துறை அலுவலகத்துக்கு வெள்ளிக்கிழமை மாலை  சென்ற தமிழ்வேல், உதவிச் செயற்பொறியாளர் மணிமாறனிடம் ரூ.18 ஆயிரத்தை கொடுத்துள்ளார்.  அப்போது அங்கு மறைந்திருந்த  ஊழல் தடுப்பு மற்றும் கண்காணிப்புப் பிரிவுபோலீஸார்,மணிமாறன் மற்றும் அவரது கார் ஓட்டுநர் சக்திவேலை கைது செய்தனர். மேலும் ஓ.கூத்தூரிலுள்ள மணிமாறன் வீட்டிலும் போலீஸார் சோதனை மேற்கொண்டனர்.
 

]]>
http://www.dinamani.com/all-editions/edition-trichy/ariyalur/2018/dec/08/ரூ18-ஆயிரம்-லஞ்சம்-அரியலூரில்-உதவிச்-செயற்பொறியாளர்-உள்பட-இருவர்-கைது-3053978.html
3053977 திருச்சி அரியலூர் குடிநீர் விநியோகம் கோரி பொதுமக்கள் சாலை மறியல் DIN DIN Saturday, December 8, 2018 08:56 AM +0530 அரியலூர் மாவட்டம்,  கீழப்பழுவூர் அருகே குடிநீர் விநியோகம் செய்யக் கோரி  வெள்ளிக்கிழமை பொதுமக்கள் சாலை மறியலில் ஈடுபட்டனர்.
கீழப்பழுவூர் அருகிலுள்ள இடையத்தான்குடிகிராமத்தில் சுமார் 250-க்கும் மேற்பட்ட குடும்பங்கள் வசித்து வருகின்றன.
 ஊராட்சி சார்பில் மேல்நிலை நீர்தேக்கத் தொட்டி மூலம் குடிநீர் விநியோகம் செய்யப்பட்டு வருகிறது.  இந்நிலையில்  மின் மோட்டார் பழுது காரணமாக கடந்த ஒரு வாரமாக குடிநீர் சரியாக விநியோகிக்கப்படவில்லை எனக் கூறப்படுகிறது. 
அக்கிராமத்தில் உள்ள கைப்பம்பில் தங்களது  தேவைக்கு மக்கள் தண்ணீரை எடுத்துவந்தனர். மோட்டார் பழுதாகி ஒருவாரம் ஆகியும் சரிசெய்யாததால், ஆத்திரமடைந்த இடையத்தான்குடி  கிராம மக்கள்  வெள்ளிக்கிழமை காலை பேருந்தை வழிமறித்து காலிக்குடங்களுடன் மறியலில் ஈடுபட்டனர். தகவலறிந்து வந்த கீழப்பழுவூர் போலீஸார் மற்றும் வட்டார வளர்ச்சி துணை அலுவலர்கள் உரிய நடவடிக்கை எடுக்கப்படும் என தெரிவித்ததையடுத்து அனைவரும் கலைந்து சென்றனர்.
 

]]>
http://www.dinamani.com/all-editions/edition-trichy/ariyalur/2018/dec/08/குடிநீர்-விநியோகம்-கோரி-பொதுமக்கள்-சாலை-மறியல்-3053977.html
3053976 திருச்சி அரியலூர் காவல்துறையினருக்கான பயிற்சி வகுப்பு தொடக்கம் DIN DIN Saturday, December 8, 2018 08:56 AM +0530 அரியலூர், பெரம்பலூர் மாவட்டங்களில் காவல்துறையில் பணியாற்றுவோருக்கான பயிற்சி  வகுப்பு வெள்ளிக்கிழமை தொடங்கியது.
மாவட்ட ஆயுதப்படை வளாகத்தில் நடைபெற்ற நிகழ்வில், திருச்சி சரக டி.ஐ.ஜி. ஆர். லலிதா லட்சுமி பயிற்சியைத் தொடக்கி வைத்து பேசினார். அப்போது அவர் பேசியது:  பணியில் ஈடுபடும் காவல்துறை அதிகாரிகள் மற்றும் காவலர்கள் மன அழுத்தம் இல்லாமல், மனநிறைவோடு வாழ இப்பயிற்சி வழங்கப்படவுள்ளது. இதனை காவல்துறை அதிகாரிகளும்,காவலர்களும் பயன்படுத்திக்கொள்ள வேண்டும் என்றார் அவர். 
பயிற்சிக்கு மாவட்ட காவல் கண்காணிப்பாளர் வி.ஆர். ஸ்ரீனிவாசன் தலைமை வகித்து பேசியது:
முதல் கட்டமாக அரியலூர் காவல் ஆய்வாளர்கள் 2 பேருக்கும்,உதவி ஆய்வாளர்கள் 3 பேருக்கும் காவலர்கள் 30 பேருக்கும் என 35 பேருக்கு இப்பயற்சி வழங்கப்படுகிறது. 
அரியலூர் மாவட்டத்திலுள்ள 836 காவல் அதிகாரிகள் மற்றும் காவலர்கள, 23 குழுக்களாக பிரிக்கப்பட்டு வாரம் தோறும் வெள்ளி,சனி,ஞாயிறு ஆகிய மூன்று நாள்களில் அனைவருக்கும் பயிற்சி அளிக்கப்படவுள்ளது என்றார் அவர்.
பெங்களூரு நிமான்ஸ் மருத்துவமனையில் பயிற்சி பெற்று வந்த காவல் ஆய்வாளர் சுமதி,உதவி ஆய்வாளர் லட்சுமிபிரியா, 
பேராசிரியர் ராஜசேகர் ஆகியோர் காவலர்களுக்குப் பயிற்சி அளித்தனர். 
பெரம்பலூர்: பெரம்பலூர் மாவட்டக் காவல்துறை சார்பில், காவலர்களுக்கு நிறைவாழ்வு பயிற்சி முகாம் தொடக்க விழா வெள்ளிக்கிழமை நடைபெற்றது. 
 பெரம்பலூர் ஆயுதப்படை வளாகத்தில் நடைபெற்ற தொடக்க விழாவுக்கு டி.ஐ.ஜி. ஆர். லலிதா லட்சுமி தலைமை வகித்தார். மாவட்டக் காவல் கண்காணிப்பாளர் திஷா மித்தல் முன்னிலை வகித்தார். மத்திய மண்டல ஐ.ஜி. வரதராஜூ  முகாமைத் தொடக்கி வைத்துப் பேசினார்.
ஆய்வாளர் சுப்புலட்சுமி, உதவி ஆய்வாளர் சத்யா, மருத்துவர் புவனேசுவரி ஆகியோர், மன அழுத்தம் போக்கும் வழிமுறைகள் குறித்து பயிற்சி அளிக்கின்றனர். 
தொடர்ந்து 3 நாள்கள் அளிக்கப்படும் இப் பயிற்சியானது, பெரம்பலூர் மாவட்டத்தில் வாரம்தோறும் அளிக்கப்பட உள்ளதாக காவல்துறை சார்பில் தெரிவிக்கப்பட்டது.

]]>
http://www.dinamani.com/all-editions/edition-trichy/ariyalur/2018/dec/08/காவல்துறையினருக்கான-பயிற்சி-வகுப்பு-தொடக்கம்-3053976.html
3053975 திருச்சி அரியலூர் இணையவழியில் வனவர் தேர்வு: 70 பேர் பங்கேற்பு DIN DIN Saturday, December 8, 2018 08:56 AM +0530 அரியலூர் மாவட்டத்தில் வெள்ளிக்கிழமை நடைபெற்ற வனவர் தேர்வில் 70 பேர் பங்கேற்று தேர்வு எழுதினர்.
தமிழ்நாடு வனச் சீருடைப் பணியாளர் குழுமம் வனவர்களுக்கானத் தேர்வு  டிசம்பர் 6 ஆம் தேதி முதல் 9 ஆம் தேதி வரையிலும், ஓட்டுநர் உரிமத்துடன் வனக் காப்பாளருக்கான தேர்வு டிசம்பர் 10,11 தேதிகளிலும் நடத்த முடிவு செய்யப்பட்டு, அதற்கான பணிகள் மேற்கொள்ளப்பட்டன.
இதன்படி, அரியலூர் மாவட்டத்தில் இத்தேர்வை எழுத விண்ணப்பித்தவர்களுக்கு தத்தனூர் மீனாட்சி ராமசாமி கல்லூரியில் இணைய வழி மூலம் வெள்ளிக்கிழமை தேர்வு நடைபெற்றது. தேர்வுக்கு அழைக்கப்பட்டிருந்த 100 பேரில் 70 பேர் மட்டுமே பங்கேற்ற நிலையில், 30 பேர் தேர்வெழுத வரவில்லை.
மாவட்ட ஆட்சியர் மு.விஜயலட்சுமி தேர்வு மையத்தைப் பார்வையிட்டு ஆய்வு மேற்கொண்டார். மாவட்ட வன அலுவலர் (பொ) த.இளங்கோவன், வனச்சரக அலுவலர் இரா.குமார்,கல்லூரித் தாளாளர் எம்.ஆர்.ரகுநாதன், நிர்வாக இயக்குநர் க.செந்தில்குமரன், வனக் காப்பாளர்கள், பணியாளர்கள் உள்ளிட்டோர் அப்போது உடனிருந்தனர்.
 

]]>
http://www.dinamani.com/all-editions/edition-trichy/ariyalur/2018/dec/08/இணையவழியில்-வனவர்-தேர்வு-70-பேர்-பங்கேற்பு-3053975.html
3053974 திருச்சி அரியலூர் கொடிநாள்: அரியலூர் மாவட்டத்தில் ரூ.23.50 லட்சம் வசூல் செய்ய இலக்கு DIN DIN Saturday, December 8, 2018 08:55 AM +0530 அரியலூர் மாவட்டத்தில் நிகழாண்டில் ரூ.23.50 லட்சம் கொடிநாள் வசூல் செய்ய இலக்கு நிர்ணயிக்கப்பட்டுள்ளது என்றார் மாவட்ட ஆட்சியர் மு. விஜயலட்சுமி.
அரியலூர் மாவட்ட ஆட்சியரகத்தில் வெள்ளிக்கிழமை நடைபெற்ற நிகழ்வில், நிதியை வழங்கி கொடிநாள் வசூலைத் தொடக்கி வைத்து, மேலும் அவர் பேசியது:
தாயகத்தை காக்கும் பணியில் முப்படைகளிலும் பணியாற்றும் படைவீரர்கள்,  பணியிலிருந்து ஓய்வுபெற்ற முன்னாள் படைவீரர்கள், அவர்களது குடும்பத்தினரை கௌரவிக்கும் வகையில் ஆண்டுதோறும் டிசம்பர் 7 ஆம் தேதி கொடிநாள் அனுசரிக்கப்படுகிறது.
அதன்படி, நிகழாண்டுக்கான கொடிநாள் தினத்தில் வசூல் செய்யும் பணி வெள்ளிக்கிழமை தொடங்கப்பட்டுள்ளது. அரியலூர் மாவட்டத்தில் 2017 ஆம் ஆண்டுக்கான கொடிநாள் வசூல் இலக்காக ரூ.21,36,900 நிர்ணயிக்கப்பட்டது. ஆனால், அனைத்துத் துறை அலுவலர்களின் ஒத்துழைப்போடு, நிர்ணயித்த இலக்கை எட்டி கூடுதலாக ரூ.6,58,100  வசூல் செய்யப்பட்டது. அதாவது மாவட்டத்தில் ரூ.27,95,000 வசூல் செய்யப்பட்டது.
நிகழாண்டில் ரூ.23,50 லட்சம் கொடிநால் வசூல் செய்ய இலக்கு நிர்ணயிக்கப்பட்டுள்ளது.  
கடந்த ஆண்டை போல கொடிநாள் நிதி வசூலில் அனைத்துறைகளின் ஒத்துழைப்புடன் நிர்ணயிக்கப்பட்டுள்ள இலக்கைவிட கூடுதலாக வசூலித்து, சாதனை படைக்க வேண்டும் என்றார் அவர். 
இந்நிகழ்வில், முன்னாள் படைவீரர் நல உதவி இயக்குநர் கா.குணசேகரன், முன்னாள் படைவீரர் நல அலுவலகக் கண்காணிப்பாளர் ம.கலையரசிகாந்திமதி, உதவியாளர் மு.ஜஸ்டின் திரவியம் ஆகியோர் கலந்துகொண்டனர்.

]]>
http://www.dinamani.com/all-editions/edition-trichy/ariyalur/2018/dec/08/கொடிநாள்-அரியலூர்-மாவட்டத்தில்-ரூ2350-லட்சம்-வசூல்-செய்ய-இலக்கு-3053974.html
3053973 திருச்சி அரியலூர் அரியலூர், பெரம்பலூரில் கிராம நிர்வாக அலுவலர்கள் உண்ணாவிரதம் DIN DIN Saturday, December 8, 2018 08:55 AM +0530 கிராம நிர்வாகப் பணியிடங்களை மறுசீரமைப்பு செய்ய வேண்டும் என்பனஉள்ளிட்ட 21 அம்சக் கோரிக்கைகளை வலியுறுத்தி அரியலூர் மற்றும் பெரம்பலூரில்  கிராம நிர்வாக அலுவலர்கள் சங்கத்தினர் வெள்ளிக்கிழமை உண்ணாவிரதம் இருந்தனர்.
கிராம நிர்வாக அலுவலர்களுக்கு மாவட்ட மாறுதலை ஒரே அரசாணையின் மூலம் அனைவருக்கும் வழங்குதல் வழங்க வேண்டும். கிராம நிர்வாக அலுவலகங்களில் அடிப்படை வசதிகளை ஏற்படுத்தித் தர வேண்டும்.
கிராம நிர்வாக அலுவலர்கள் செய்து வரும் கணினி வழி சான்றுகள் மற்றும் இணையதளப் பணிகளுக்கு செலவினத் தொகை வழங்க வேண்டும்.கிராம நிர்வாக அலுவலர்களுக்கு தனிச் சிறப்பு ஊதியம் மாதம் ரூ.5 ஆயிரம் வழங்க வேண்டும். அடங்கல் சான்றிதழை கிராம நிர்வாக அலுவலர் டிஜிட்டல் கையொப்பமிட்டு வழங்க அனுமதிக்க வேண்டும் என்பன உள்ளிட்ட 21 கோரிக்கைகள் வலியுறுத்தி இந்த உண்ணாவிரதம் நடைபெற்றது.
அரியலூர் நகராட்சி அலுவலகம் அருகே நடத்தப்பட்ட உண்ணாவிரதத்துக்கு சங்கத்தின் மாவட்டத் தலைவர் மணிவண்ணன் தலைமை வகித்தார். மாவட்ட நிர்வாகிகள், வட்ட நிர்வாகிகள் கோரிக்கைகளை வலியுறுத்திப் பேசினர். உண்ணாவிரதப் போராட்டத்தில் ஏராளமானோர் பங்கேற்றனர்.
பெரம்பலூரில் :  பெரம்பலூர் மாவட்ட ஆட்சியர் அலுவலகம் அருகில் நடைபெற்ற உண்ணாவிரதப் போராட்டத்துக்கு, தமிழ்நாடு கிராம நிர்வாக அலுவலர்கள் சங்கத்தின் மாவட்டத் தலைவர் ரா. ராஜா தலைமை வகித்தார். மாவட்டச் செயலர் மா. ரெங்கராஜ் முன்னிலை வகித்தார். மாவட்ட பொருளாளர் பெ. கார்த்திகேயன் கோரிக்கைகளை விளக்கி பேசினார்.   
போராட்டத்தில், பெரம்பலூர் மாவட்டத்தில் பணிபுரியும் 94 கிராம நிர்வாக அலுவலர்களும் பங்கேற்றதால் வருவாய்த்துறை சார்பில், சான்றிதழ் வழங்குதல் உள்ளிட்ட அன்றாட பணிகள் பெரிதும் பாதிக்கப்பட்டது. இதனால், பொதுமக்கள் அவதியுற்றனர்.

]]>
http://www.dinamani.com/all-editions/edition-trichy/ariyalur/2018/dec/08/அரியலூர்-பெரம்பலூரில்-கிராம-நிர்வாக-அலுவலர்கள்-உண்ணாவிரதம்-3053973.html
3053972 திருச்சி அரியலூர் மயக்க பவுடரை தூவி பெண்ணிடம் நகை பறித்தவர் கைது DIN DIN Saturday, December 8, 2018 08:55 AM +0530 அரியலூர் மாவட்டம்,  ஜயங்கொண்டம் அருகே பெண்ணின் முகத்தில் மயக்க பவுடரை தூவி தோடுகளை பறித்துச் சென்றவர் வியாழக்கிழமை இரவு கைது செய்யப்பட்டார்.
ஜயங்கொண்டம் வட்டம், இலையூர் மேலவெளி தெற்குத்தெருவைச் சேர்ந்த ரங்கநாதன் மனைவி புஷ்பவள்ளி (55). கட்டட த் தொழிலாளி.  வேலைக்குச் செல்வதற்காக  ஜயங்கொண்டம் - விருத்தாச்சலம் சாலை காந்திபூங்கா அருகே வேலைக்குச் செல்வதற்காக புதன்கிழமை நின்று கொண்டிருந்தார். 
அப்போது அந்த வழியாக வந்த மர்ம நபர், கட்டட வேலைக்கு அழைத்துச் செல்வதாகக் கூறி,  குருவாலப்பர்கோயில் பகுதிக்கு அழைத்துச் சென்று, அங்கு உள்ள ஒரு கருவேல மரக்காட்டில் வைத்து புஷ்பவல்லியின் கழுத்தை நெரித்து முகத்தில் மயக்க பவுடர் தூவி காதுகளில் இருந்த முக்கால் பவுன் தோடு மற்றும் மாட்டல்களை பறித்துக் கொண்டு ஓடி விட்டார்.
அப்பகுதியில் ஆடு மேய்த்தவர்கள் புஷ்பவள்ளி மயங்கி கிடப்பதை கண்டு, அவர் முகத்தில் தண்ணீர் தெளித்தனர். 
மயக்கம் தெளிந்து பார்த்தபோது இரண்டு காதுகளும் அறுந்து ரத்தம் வந்துள்ளதும், தோடு  திருட்டு போனதும் தெரியவந்தது. 
இதுகுறித்து மீன்சுருட்டி போலீஸார் வழக்குப் பதிந்து, ஜயங்கொண்டம் கடைவீதி பகுதியிலுள்ள கண்காணிப்பு கேமராவில் பதிவான காட்சிகளை வைத்து, விசாரணை செய்ததில், நகையைப் பறித்துச் சென்றவர் கும்பகோணம் அருகிலுள்ள ஏராகரம் கிராமத்தைச் சேர்ந்த செந்தில்(எ)செந்தில்குமார் என்பது தெரியவந்தது. 
இதையடுத்து போலீஸார் அவரை வியாழக்கிழமை இரவு கைது செய்தனர்.

]]>
http://www.dinamani.com/all-editions/edition-trichy/ariyalur/2018/dec/08/மயக்க-பவுடரை-தூவி-பெண்ணிடம்-நகை-பறித்தவர்-கைது-3053972.html
3053450 திருச்சி அரியலூர் பிளாஸ்டிக் ஒழிப்பு விழிப்புணர்வு பேரணி DIN DIN Friday, December 7, 2018 09:35 AM +0530 அரியலூரில், தமி ழ்நாடு மாசுக் கட்டுப்பாட்டு வாரியம் சார்பில் பிளாஸ்டிக் ஒழிப்பு விழிப்புணர்வு பேரணி வியாழக்கிழமை நடைபெற்றது.
நகராட்சி அலுவலகம் முன்பு நடைபெற்ற நிகழ்ச்சியில் மாவட்ட ஆட்சியர் மு.விஜயலட்சுமி மாணவ,மாணவிகளுக்கு துணிப்பை வழங்கி, பேரணியைத் தொடங்கி வைத்தார். பேரணியில் கலந்து கொண்ட பள்ளி மாணவ, மாணவிகள் பிளாஸ்டிக் உபயோகத்தைத் தடுப்போம் என்ற முழக்கங்களை எழுப்பிச் சென்றனர். முக்கிய வீதிகளின் வழியாக சென்ற பேரணி பழைய ஊராட்சி ஒன்றிய அலுவலகம் முன் நிறைவடைந்தது. நிகழ்ச்சியில், மாவட்ட சுற்றுச்சூழல் பொறியாளர் சேரலாதன், நகராட்சி ஆணையர் திருநாவுக்கரசு, உதவிப்பொறியாளர்கள் பிரபாகரன், இளமதி மற்றும் பள்ளி ஆசிரியர்கள் கலந்து கொண்டனர்.


 

]]>
http://www.dinamani.com/all-editions/edition-trichy/ariyalur/2018/dec/07/பிளாஸ்டிக்-ஒழிப்பு-விழிப்புணர்வு-பேரணி-3053450.html
3053449 திருச்சி அரியலூர் "ஒப்பந்தத் தொழிலாளர்களுக்கு உபகரணங்கள் வேண்டும்' DIN DIN Friday, December 7, 2018 09:35 AM +0530 ஒப்பந்தத் தொழிலாளர்களுக்கு வேலை சம்பந்தப்பட்ட உபகரணங்கள் வழங்க வேண்டும் என ஏஐடியுசி சங்க பேரவைக் கூட்டத்தில் தீர்மானம் நிறைவேற்றப்பட்டது.
அரியலூர் மாவட்டம், ஜயங்கொண்டத்தில் புதன்கிழமை நடைபெற்ற அச்சங்க கூட்டத்தில் தமிழக அரசால் 11.10.2017 தேதியில் பிறப்பிக்கப்பட்ட அரசாணைப்படி ஒப்பந்த துப்புரவுத் தொழிலாளர்களுக்கு குறைந்தபட்ச அடிப்படைச் சம்பளம் ரூ.10 ஆயிரம் மற்றும் பஞ்சப்படி சேர்த்து ஊதியம்  வழங்கப்பட வேண்டும்.
ஒப்பந்தத் தொழிலாளர்களுக்கு வேலை சம்பந்தப்பட்ட தொழில் உபகரணங்கள் தரமான கையுறை, சீருடை வழங்கப்பட வேண்டும். அசுத்தங்களை சுத்தமாக்கும் தொழிலாளர்களின் உடல்நலம் காக்க 6 மாதத்துக்கு ஒருமுறை சிறப்பு மருத்துவ சிகிச்சை வழங்கிட வேண்டும்.
மழைக் காலங்களில்  பணி மேற்கொள்ள அனைத்து தொழிலாளர்களுக்கும் மழை கோட் வழங்க வேண்டும். சேமநலநிதி மற்றும் புதிய  பங்களிப்பு ஓய்வுதியம் பிடித்தம் தொகைக்கு அனைவருக்கும் கணக்கு சீட்டு வழங்கப்பட வேண்டும் என்பன உள்ளிட்ட  தீர்மானங்கள் நிறைவேற்றப்பட்டன.
சங்க செயலர் தம்பிசிவம் தலைமை வகித்தார். செயற்குழு உறுப்பினர்கள் காமராஜ், துரை ஆகியோர் முன்னிலை வகித்தனர். ஏஐடியுசி மாநில நிர்வாக குழு உறுப்பினர் டி. தண்டபாணி சிறப்புரையாற்றினார். இந்திய கம்யூ. ஒன்றியச் செயலர்கள் ராமநாதன், சின்னதுரை, செயற்குழு உறுப்பினர்கள் வீராசாமி, ஜெயா, லட்சுமி மற்றும் துப்புரவுப் பணியாளர்கள் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/dec/07/ஒப்பந்தத்-தொழிலாளர்களுக்கு-உபகரணங்கள்-வேண்டும்-3053449.html
3053448 திருச்சி அரியலூர் பல் மருத்துவரை தாக்கிய மேலும் இருவர் கைது DIN DIN Friday, December 7, 2018 09:34 AM +0530 அரியலூர் மாவட்டம்,  ஜயங்கொண்டம் அருகே பெண் பல் மருத்துவரைத் தாக்கிய வழக்கில் மேலும் இருவரை போலீஸார் வியாழக்கிழமை கைது செய்தனர்.
ஜயங்கொண்டம் அருகேயுள்ள வாரியங்காவல் பகுதியைச் சேர்ந்தவர் பரமேஸ்வரி (30). பல் மருத்துவரான இவர், செவ்வாய்க்கிழமை மாலை வீட்டின் வாசலில் நின்று கொண்டிருந்தபோது அதே பகுதியைச் சேர்ந்த அண்ணாதுரை (51),வெள்ளையன் (எ) சின்னதுரை(62), சிவா(28), ராஜா(எ)செல்வம் (30) ஆகிய நால்வரும் சேர்ந்து முன்விரோதம் காரணமாக தாக்கினர்.  இதில் பலத்த காயமடைந்த பரமேஸ்வரி அளித்த புகாரின் பேரில் ஜயங்கொண்டம் போலீஸார் வழக்குப் பதிந்து அண்ணாதுரை,சின்னதுரையை செவ்வாய்க்கிழமை கைது செய்தனர்.இந்நிலையில் தலைமறைவாக இருந்த சிவா,ராஜா(எ)செல்வம் ஆகியோரை வியாழக்கிழமை கைது செய்தனர்.

]]>
http://www.dinamani.com/all-editions/edition-trichy/ariyalur/2018/dec/07/பல்-மருத்துவரை-தாக்கிய-மேலும்-இருவர்-கைது-3053448.html
3053446 திருச்சி அரியலூர் பள்ளி மாணவி கர்ப்பம்: கட்டட தொழிலாளி கைது DIN DIN Friday, December 7, 2018 09:33 AM +0530 அரியலூர் அருகே 9 ஆம் வகுப்பு மாணவியை கர்ப்பமாக்கிய கட்டடத் தொழிலாளி புதன்கிழமை இரவு கைது செய்யப்பட்டார்.
ஆண்டிமடம் அருகேயுள்ள கூவத்தூர் கிராமத்தைச் சேர்ந்தவர் அய்யப்பன் (23). கட்டடத் தொழிலாளியான இவர், திருமணம் செய்வதாகக் கூறி அதே பகுதியைச் சேர்ந்த 9 ஆம் வகுப்பு மாணவியை  பலாத்காரம் செய்துள்ளார். 
அந்த மாணவிக்கு வயிற்றுவலி ஏற்பட்டதையடுத்து, பெற்றோர் அவரை ஜயங்கொண்டம் அரசு மருத்துவமனைக்கு அழைத்து சென்றனர். அங்கு மாணவியை பரிசோதித்த மருத்துவர்கள், மாணவி 4 மாத கர்ப்பமாக இருப்பதாக தெரிவித்தனர். இதுகுறித்து புகாரின் பேரில் ஆண்டிமடம் போலீஸார் போஸ்கோ சட்டத்தின் கீழ் வழக்குப் பதிந்து அய்யப்பனை புதன்கிழமை இரவு கைது செய்தனர்.
 

]]>
http://www.dinamani.com/all-editions/edition-trichy/ariyalur/2018/dec/07/பள்ளி-மாணவி-கர்ப்பம்-கட்டட-தொழிலாளி-கைது-3053446.html
3053445 திருச்சி அரியலூர் அரியலூர் ஓய்வூதியர் குறைதீர் கூட்டம் DIN DIN Friday, December 7, 2018 09:33 AM +0530 அரியலூர் மாவட்ட ஆட்சியரகத்தில் ஓய்வூதியர் குறைதீர் கூட்டம் வியாழக்கிழமை நடைபெற்றது.
ஆட்சியர் மு. விஜயலட்சுமி தலைமை வகித்து, ஓய்வூதியர்கள் அளித்த கோரிக்கை மனுக்கள் மீது உடனடி நடவடிக்கை எடுக்க சம்பந்தப்பட்ட துறை அலுவலர்களுக்கு உத்தரவிட்டார்.
கூட்டத்தில், மாவட்ட வருவாய் அலுவலர் சே. தனசேகரன், ஓய்வூதிய இயக்க இணை இயக்குநர் எஸ்.மஞ்சுளா, ஆட்சியரின் நேர்முக உதவியாளர் (கணக்குகள்) ரெங்கராஜன், மாவட்ட கருவூல அலுவலர் இந்திரா மற்றும் ஓய்வூதியர் சங்கத்தலைவர், உறுப்பினர்கள் கலந்துகொண்டனர்.

]]>
http://www.dinamani.com/all-editions/edition-trichy/ariyalur/2018/dec/07/அரியலூர்-ஓய்வூதியர்-குறைதீர்-கூட்டம்-3053445.html
3053443 திருச்சி அரியலூர் மது விற்றவர் கைது DIN DIN Friday, December 7, 2018 09:33 AM +0530 அரியலூர் மாவட்டம், விக்கிரமங்கலம் அருகே மது விற்றவர் வியாழக்கிழமை கைது செய்யப்பட்டார்.
விக்கிரமங்கலம் காவல் நிலைய உதவி ஆய்வாளர் வினோத்கண்ணன் தலைமையிலான போலீஸார் வியாழக்கிழமை அப்பகுதியில் ரோந்து சென்றபோது  கொலையனூர் கிராமத்தைச் சேர்ந்த சின்னதுரை(50) என்பவர் தனது வீட்டின் பின்புறத்தில் மதுவை பதுக்கி வைத்து விற்றுக் கொண்டிருந்தது தெரியவந்தது. இதையடுத்து போலீஸார்அவரைக்  கைது செய்தனர்.

]]>
http://www.dinamani.com/all-editions/edition-trichy/ariyalur/2018/dec/07/மது-விற்றவர்-கைது-3053443.html
3053440 திருச்சி அரியலூர் பெண்கள் பள்ளியில் கலந்துரையாடல் நிகழ்ச்சி DIN DIN Friday, December 7, 2018 09:32 AM +0530 அரியலூர் மாவட்டம், ஜயங்கொண்டம் அருகேயுள்ள மீன்சுருட்டி அரசு பெண்கள் மேல்நிலைப் பள்ளியில் காரைக்கால் வானொலி நிலையம் சார்பில் ஊரும் உறவும் என்ற தலைப்பில் கலந்துரையாடல் நிகழ்ச்சி புதன்கிழமை மாலை நடைபெற்றது.
காரைக்கால் வானொலி அறிவிப்பாளர் கலியபெருமாள் நெறிப்படுத்தி வழங்கினார். பள்ளி ஆசிரியர்கள், மாணவர்கள் கலந்து கொண்டு ஊரும்,உறவும் என்ற தலைப்பில் பேசினர். அப்போது, மாணவிகள் பல இன்னல்களுக்கு ஆளாகி மரணத்துக்கு தள்ளப்படுவதை தடுப்பது குறித்தும், நீட் உள்ளிட்ட தேர்வுகளில் எவ்வாறு வெற்றி பெறுவது குறித்தும், ஆசிரியர்களும், மாணவிகளும் பேசினர். இந்நிகழ்ச்சி காரைக்கால் வானொலியில் நேரடி ஒலிபரப்பு செய்யப்பட்டது. தொடர்ந்து மாணவிகளுக்கு மரக்கன்றுகள் வழங்கப்பட்டன.
ஏற்பாடுகளை நேயர் மன்றத் தலைவர் ராஜா பெரியசாமி செய்தார். நிகழ்ச்சியில் ஆசிரியர்கள் உஷாராணி, பெரியசாமி, அருண்தேவன், வண்டார்குழலி, சபிதா மற்றும் பள்ளி மாணவிகள் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/dec/07/பெண்கள்-பள்ளியில்-கலந்துரையாடல்-நிகழ்ச்சி-3053440.html
3052644 திருச்சி அரியலூர் உரிமமின்றி பழ மரக்கன்று விற்றால் கடும் நடவடிக்கை DIN DIN Thursday, December 6, 2018 08:31 AM +0530 அரியலூர் மாவட்டத்தில் வணிக உரிமமின்றி பழ, மரக்கன்று விற்றால்  கடும் நடவடிக்கை எடுக்கப்படும் என்றார் திருச்சி விதை ஆய்வு துணை இயக்குநர் ந. கண்ணன்.
இதுகுறித்து புதன்கிழமை அவர் வெளியிட்ட செய்திக் குறிப்பு:  விதை உரிமம் பெறாமல் முந்திரி, மா, பலா,நெல்லி,தென்னை மற்றும் பழ மரக் கன்றுகளை விற்பது விதை தரக்கட்டுபாட்டு ஆணையின் படி குற்றமாகும்.  விவசாயிகளின் நலன் கருதி பழ மரக் கன்றுகளை விற்போர் விதை தரக்கட்டுபாட்டு ஆணையின் கீழ் விதை வணிக உரிமம் பெற்றுதான் விற்க வேண்டும்.
விவசாயிகளுக்கு கன்றுகள் விநியோகிக்கும்போது அதற்கு உரிய ரசீது கொடுக்க வேண்டும்.மேலும் கன்றுகள் இருப்பு விவரங்களை பதிவேட்டில் பதிந்து முறையாக கணக்கு பராமரிக்க வேண்டும். உரிமம் பெறாமல் நாற்றுகள் மற்றும் கன்றுகளை விற்கும் நர்சரி பண்ணைகள் மீது வழக்குத் தொடரப்படும். விவசாயிகளும் அங்கீகாரம் பெற்ற நர்சரி பண்ணைகளில் மட்டுமே தரமான கன்றுகளை வாங்கிப் பயன்படுத்த வேண்டும்.
 

]]>
http://www.dinamani.com/all-editions/edition-trichy/ariyalur/2018/dec/06/உரிமமின்றி-பழ-மரக்கன்று-விற்றால்-கடும்-நடவடிக்கை-3052644.html
3052643 திருச்சி அரியலூர் சாலைப் பாதுகாப்பு கலந்தாய்வுக் கூட்டம் DIN DIN Thursday, December 6, 2018 08:31 AM +0530 அரியலூர் மாவட்டக் காவல் கண்காணிப்பாளர் அலுவலகத்தில்,சாலைப் பாதுகாப்பு தொடர்பாக கலந்தாய்வுக் கூட்டம் செவ்வாய்க்கிழமை நடைபெற்றது.
சாலை பாதுகாப்பு, விபத்து நடைபெறாமல் தடுப்பது, விபத்துகளைத் தடுக்க முன்னெச்சரிக்கை நடவடிக்கை மற்றும் பொதுமக்களிடம் விழிப்புணர்வு எற்படுத்துவது  தொடர்பாக இந்தக் கூட்டம் நடைபெற்றது.
மாவட்டக் காவல் கண்காணிப்பாளர் ஆர். ஸ்ரீனிவாசன் தலைமையில் நடைபெற்ற கூட்டத்தில் வட்டாரப் போக்குவரத்து அலுவலர்கள், போக்குவரத்து காவல் ஆய்வாளர்கள், தேசிய மற்றும் மாநில,மாவட்ட நெடுஞ்சாலை துறை அலுவலர்கள்,சிமென்ட் ஆலை நிர்வாகிகள் கலந்து கொண்டனர்.கூட்டத்தில், ரூ. 30 லட்சத்தில் செந்துறை ரவுண்டானா-ஓட்டக்கோவில் வரை சாலையில் முகப்பு குவி கண்ணாடி வைத்தல், உயர் கோபுர மின் விளக்குகள் அமைத்தல், எச்சரிக்கை பலகை வைத்தல் போன்ற பணிகளை அமைத்துத் தருவதாக ராம்கோ சிமென்ட் ஆலை நிர்வாகிகள் தெரிவித்தனர்.  பொதுமக்கள் நலன் கருதி சாலை விபத்தைத் தடுக்க தடுப்பரண்கள், தகுந்த ஒளிரும் ஸ்டிக்கர் ஒட்டி தர மற்ற தனியார் சிமென்ட் ஆலைகள்  நிர்வாகிகள் சம்மதித்தனர்.
தொடர்ந்து விபத்து தடுப்பு மற்றும் சாலை பாதுகாப்பு தொடர்பாக செந்துறை சாலையில் கண்கூசும் விளக்குகள் எரியும் வாகனங்களுக்கு முகவிளக்கில் கருப்பு வில்லை ஒட்டியும், வாகன ஓட்டிகளுக்கு அறிவுரை வழங்கி விழிப்புணர்வு ஏற்படுத்தினார் வி.என். ஸ்ரீனிவாசன்.
 

]]>
http://www.dinamani.com/all-editions/edition-trichy/ariyalur/2018/dec/06/சாலைப்-பாதுகாப்பு-கலந்தாய்வுக்-கூட்டம்-3052643.html
3052642 திருச்சி அரியலூர் ஸ்டெர்லைட் ஆலைக்கு எதிராக பேரவையில் தீர்மானம் தேவை: இயக்குநர் அமீர் DIN DIN Thursday, December 6, 2018 08:30 AM +0530 தூத்துக்குடி ஸ்டெர்லைட் ஆலைக்கு எதிராக சட்டப்பேரவையில் தமிழக அரசு சிறப்புத் தீர்மானம் இயற்ற வேண்டும் என்றார் திரைப்பட இயக்குநர் அமீர். 
நீட் தேர்வில் தோல்வியடைந்து தற்கொலை செய்து கொண்ட அரியலூர் மாவட்டம், குழுமூர் கிராமத்தை சேர்ந்த மாணவி அனிதாவின் இறுதி அஞ்சலியில் பங்கேற்ற திரைப்பட இயக்குநர் அமீர், தமிழக அரசை அவதூறாகப் பேசியதாகத்  தொடரப்பட்ட வழக்கு அரியலூர் குற்றவியல் நீதித்துறை நடுவர் நீதிமன்றத்தில் நடைபெறுகிறது.
இந்த வழக்கில் புதன்கிழமை ஆஜரான அமீர் பின்னர்  கூறியது:  ஸ்டெர்லைட் ஆலை விஷயத்தில் தேசிய பசுமை தீர்ப்பாயம் கூறிய வார்த்தை சர்வாதிகாரமானது. இதில் தமிழக அரசு, மத்திய அரசின் கைப்பாவையாக செயல்படுகிறது. கஜா புயல் நிவாரணப் பணிகளில் தமிழக அரசு சரியாக செயல்படவில்லை. தமிழக அரசும், மத்திய அரசும் தமிழக மக்கள் மீது அக்கறை இல்லாமலேயே உள்ளன. இதனால்தான் இதுவரை புயல் பாதித்த பகுதிகளை பிரதமர் பார்வையிடவில்லை.
தமிழக அரசு கூறிய நிவாரணத் தொகையும் இதுவரை கிடைக்கவில்லை. மாநில சுயாட்சி கிடைக்கும்போதுதான் மாநில உரிமைகள் கிடைக்கும். ஒகேனக்கலில் அணை கட்டலாம் என அதிமுக எம்பி தம்பிதுரை கூறியது  மகிழ்ச்சி.வரும் சிறப்பு சட்டப் பேரவைக் கூட்டத்தொடரில்  தூத்துக்குடி ஸ்டெர்லைட் ஆலைக்கு எதிராக தமிழக அரசு சிறப்பு சட்டம் இயற்ற  வேண்டும் என்றார் அவர்.

]]>
http://www.dinamani.com/all-editions/edition-trichy/ariyalur/2018/dec/06/ஸ்டெர்லைட்-ஆலைக்கு-எதிராக-பேரவையில்-தீர்மானம்-தேவை-இயக்குநர்-அமீர்-3052642.html
3052641 திருச்சி அரியலூர் உடையார்பாளையம் அருகே நிலத் தகராறு: ஒருவர் கைது DIN DIN Thursday, December 6, 2018 08:30 AM +0530 அரியலூர் மாவட்டம், உடையார்பாளையம் அருகேயுள்ள புளியங்குழி கிராமத்தைச் சேர்ந்த காத்தசாமிக்கும்(40) அதே பகுதியில் வசிக்கும் பிச்சைபிள்ளை மகன் சுந்தர்ராஜூக்கும் (27) நிலப்பிரச்னையால் முன்விரோதம் இருந்தது. 
இந்நிலையில் புதன்கிழமை ஏற்பட்ட தகராறில் ஆத்திரமடைந்த சுந்தர்ராஜ்,அவரது தந்தை பிச்சைபிள்ளை,அவரது தம்பி சிவராசு ஆகிய 3 பேரும் சேர்ந்து காத்தசாமியை தாக்கினர். இதில் பலத்த காயமடைந்த அவர் ஜயங்கொண்டம் அரசு மருத்துவமனையில் சிகிச்சை பெறுகிறார். புகாரின் பேரில் உடையார்பாளையம் போலீஸார் வழக்குப் பதிந்து சுந்தராஜூவை கைது செய்து மற்ற 2 பேரை தேடுகின்றனர்.

]]>
http://www.dinamani.com/all-editions/edition-trichy/ariyalur/2018/dec/06/உடையார்பாளையம்-அருகே-நிலத்-தகராறு-ஒருவர்-கைது-3052641.html
3052640 திருச்சி அரியலூர் அரசு தேர்வுகள் உதவி இயக்குநர் அலுவலகம் திறப்பு DIN DIN Thursday, December 6, 2018 08:30 AM +0530 அரியலூர் அரசு மேல்நிலைப் பள்ளி வளாகத்தில் அரசு தேர்வுகள் உதவி இயக்குநர் அலுவலகம் புதன்கிழமை திறக்கப்பட்டது.
மாவட்ட முதன்மைக் கல்வி அலுவலர் அ. புகழேந்தி, அரசு தேர்வுகள் உதவி இயக்குநர் கோ. சுரேஷ்ராஜா ஆகியோர் கலந்து கொண்டு பணியைத் தொடக்கி வைத்தனர். 
விழாவில் அரியலூர் முதன்மைக் கல்வி அலுவலரின்  நேர்முக உதவியாளர்கள், கண்காணிப்பாளர்கள், அலுவலகப் பணியாளர்கள் மற்றும் அரசு தேர்வுகள் உதவி இயக்குநர் அலுவலகப் பணியாளர்கள் அனைவரும் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/dec/06/அரசு-தேர்வுகள்-உதவி-இயக்குநர்-அலுவலகம்-திறப்பு-3052640.html
3052638 திருச்சி அரியலூர் பெண் பல் மருத்துவரை தாக்கிய 2 பேர் கைது DIN DIN Thursday, December 6, 2018 08:30 AM +0530 அரியலூர் மாவட்டம்,  ஜயங்கொண்டம் அருகே பெண் பல் மருத்துவரைத் தாக்கிய 2 பேர் செவ்வாய்க்கிழமை இரவு கைது  செய்யப்பட்டனர்.
ஜயங்கொண்டம் அருகேயுள்ள வாரியங்காவல் பகுதியைச் சேர்ந்தவர் பரமேஸ்வரி (30). பல் மருத்துவரான இவர், செவ்வாய்க்கிழமை மாலை வீட்டின் வாசலில் நின்று கொண்டிருந்தபோது அதே பகுதியைச் சேர்ந்த அண்ணாதுரை (51),வெள்ளையன் (எ) சின்னதுரை(62), சிவா(28), ராஜா(எ)செல்வம் (30) ஆகிய நால்வரும் சேர்ந்து முன்விரோதம் காரணமாக தாக்கினர்.  இதில் பலத்த காயமடைந்த பரமேஸ்வரி அளித்த புகாரின் பேரில் ஜயங்கொண்டம் போலீஸார் வழக்குப் பதிந்து அண்ணாதுரை,சின்னதுரையை கைது செய்தனர். மற்றவர்களை தேடிவருகின்றனர்.
 

]]>
http://www.dinamani.com/all-editions/edition-trichy/ariyalur/2018/dec/06/பெண்-பல்-மருத்துவரை-தாக்கிய-2-பேர்-கைது-3052638.html
3052637 திருச்சி அரியலூர் பொய்யூரில் மண் வள தினக் கொண்டாட்டம் DIN DIN Thursday, December 6, 2018 08:29 AM +0530 அரியலூர் மாவட்டம், பொய்யூர் கிராமத்தில் வேளாண் துறை, தேசிய மண் வள இயக்கம் சார்பில் உலக மண் வள தின விழா புதன்கிழமை கொண்டாடப்பட்டது.
நிகழ்ச்சியில் அரியலூர் வட்டார வேளாண் உதவி இயக்குநர் பூவலிங்கம்  தலைமை வகித்து, இயற்கை விவசாயம் மூலம் மண்வள பாதுகாப்பு குறித்தும்,வேளாண் அலுவலர் சவிதா, வளமான மண்ணின் இயல்புகள்  பற்றியும், மண் பரிசோதனை நிலைய உதவி வேளாண் அலுவலர் கமலா, மண் மாதிரி சேகரிக்கும் முறை மற்றும் மண்வள அட்டையில் உள்ள உரப் பரிந்துரைகள்,எவ்வாறு உரமிடுவது குறித்தும் பேசினர். 
தொடர்ந்து அக்கிராம விவசாயிகளுக்கு மண் வள அட்டை வழங்கப்பட்டு, மண் மாதிரி சேகரிக்கப்பட்டது.இதேபோல அரியலூர் வட்டாரத்திலுள்ள அனைத்து கிராமங்களிலும் மண் வள தின விழா கொண்டாடப்பட்டு, மண் மாதிரி சேகரிக்கப்பட்டது. 
பெரம்பலூர்: பெரம்பலூர் மாவட்ட வேளாண்துறை சார்பில், வாலிகண்டபுரத்தில் உள்ள வேளாண் அறிவியல் மையத்தில், உலக மண்வள தின விழா புதன்கிழமை கொண்டாடப்பட்டது.உணவு மற்றும் வேளாண் அமைப்பு சார்பில் கடந்த 2005 முதல் ஆண்டுதோறும் டிச. 5-ல் இத்தினம் கொண்டாடப்படுகிறது. அதன்படி, பெரம்பலூர் மாவட்ட வேளாண் துறை சார்பில் நடைபெற்ற விழாவுக்கு தலைமை வகித்த வேளாண் துணை இயக்குநர் சந்தானகிருஷ்ணன், மண் பரிசோதனை அடிப்படையில் ஒருங்கிணைந்த உர நிர்வாகம், இயற்கை உரங்களான எரு, உயிர் உரங்களான அசோஸ்பைரில்லம், பாஸ்போபாக்டீரியா, பசுந்தாள் உரம், பசுந்தழை உரம், மண்புழு உரம், அதன் பயன்பாடு குறித்து விளக்க உரையாற்றினார். 
தொடர்ந்து, மண் பரிசோதனையால் ஏற்படும் நன்மை, மண்வளத்தை காத்திட பயிர் சுழற்சி முறை, ஊடுபயிர், கலப்பு பயிர் (நவதானிய விதைப்பு) ஆகிய தொழில்நுட்பங்கள் மற்றும் மண் பரிசோதனையின் முக்கியத்துவம், மண் வளத்தை பாதுகாக்க வேண்டிய அவசியம் மற்றும் மண் மாதிரி எடுப்பது குறித்து செயல்விளக்கம் அளிக்கப்பட்டது. 
வேளாண் அறிவியல் கல்லூரி முதல்வர் ஆவுடைநாயகம், வேளாண் அறிவியல் மையத்தலைவர் நேதாஜி மாரியப்பன் ஆகியோர் முன்னிலையில் நடைபெற்ற நிகழ்ச்சியில், வேளாண் உதவி இயக்குநர் கீதா, மெட்ராஸ் பெர்டிலைசர் லிமிடெட் உதவி மேலாளர் ராஜா உள்பட வேப்பந்தட்டை வட்டார விவசாயிகள் பலர் பங்கேற்றனர்.

]]>
http://www.dinamani.com/all-editions/edition-trichy/ariyalur/2018/dec/06/பொய்யூரில்-மண்-வள-தினக்-கொண்டாட்டம்-3052637.html
3052636 திருச்சி அரியலூர் பெண்ணிடம் நகை பறிப்பு DIN DIN Thursday, December 6, 2018 08:29 AM +0530 அரியலூர் மாவட்டம், ஜயங்கொண்டம் அருகே பெண்ணின் முகத்தின் மீது மயக்க பவுடர்தூவி தோடுகளை பறித்துச் சென்ற மர்ம நபர்களை போலீஸார் தேடுகின்றனர். ஜயங்கொண்டம் அருகேயுள்ள இலையூர் மேலவெளி தெற்கு தெருவைச் சேர்ந்தவர் ரங்கநாதன் மனைவி புஷ்பவள்ளி (55). கட்டட  தொழிலாளி.
இந்நிலையில் ஜயங்கொண்டம் - விருத்தாச்சலம் சாலை காந்திபூங்கா அருகே வேலைக்கு செல்வதற்காக புதன்கிழமை நின்று கொண்டிருந்தார். 
அப்போது அந்த வழியாக வந்த மர்ம நபர் ஒருவரை  கட்டட வேலைக்கு அழைத்துச் செல்வதாக கூறி குருவாலப்பர்கோயில் பகுதிக்கு அழைத்துச் சென்று, அங்கு உள்ள ஒரு கருவேல மரக்காட்டில் வைத்து புஷ்பவல்லியின் கழுத்தை நெரித்து முகத்தில் மயக்க பவுடர் தூவி காதுகளில் இருந்த முக்கால் பவுன் தோடு மற்றும் மாட்டல்களை பறித்துக் கொண்டு ஓடி விட்டார்.
அப்பகுதியில் ஆடு மேய்தோர் புஷ்பவள்ளி மயங்கி கிடப்பதை கண்டு, அவர் முகத்தில் தண்ணீர் தெளித்தனர்.
மயக்கம் தெளிந்து பார்த்தபோது இரண்டு காதுகளும் அறுந்து ரத்தம் வந்துள்ளதும், தோடு போனதும் தெரியவந்தது. இதையடுத்து  ஜயங்கொண்டம் அரசு மருத்துவமனையில் சிகிச்சை பெறுகிறார். மீன்சுருட்டி போலீஸார் வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/dec/06/பெண்ணிடம்-நகை-பறிப்பு-3052636.html
3052635 திருச்சி அரியலூர் ஸ்கேட்டிங்கில் பதக்கம்; மாணவர்களுக்கு பாராட்டு DIN DIN Thursday, December 6, 2018 08:29 AM +0530 சர்வதேச ஸ்கேட்டிங் போட்டியில் தங்கம், வெள்ளி,வெண்கலம் வென்ற அரியலூர் மான்போர்ட் பள்ளி மாணவர்களை பாராட்டினர். 
அரியானா மாநிலம் பரிதாபாவில் அண்மையில் நடைபெற்ற சர்வதேச அளவிலான ஸ்கேட்டி போட்டியில் பல்வேறு நாட்டு மாணவர்கள் கலந்து கொண்டதில் தமிழகத்திலிருந்து பங்கேற்ற 120 மாணவ,மாணவிகளில்  அரியலூர் மான்போர்ட் பள்ளி மாணவர்கள் ரூபேஸ்குமார் ரோடு ரேசில் தங்கமும்,ரிங்க் ரேசில் வெள்ளியும் பெற்றார். ரிஜ்வானுல்ஹக் ரோடு ரேசில் தங்கமும்,ரிங்க் ரேசில் தங்கமும் பெற்றார். ஜாக்சன் ஜெய்கிஷோர் ரோடு ரேசில் வெள்ளியும்,ரிங்க் ரேசில் வெண்கலும் வென்றார். இவர்களையும், பயிற்சியாளர் விஜயகுமாரையும் மான்போர்ட் பள்ளி முதல்வர் டோமினிக்சாவியோ, கராத்தே மாஸ்டர் அந்தோனிராஜேஸ், மற்றும் ஆசிரியர்கள், மாணவர்கள் ஆகியோர் வாழ்த்திப் பாராட்டினர்.

]]>
http://www.dinamani.com/all-editions/edition-trichy/ariyalur/2018/dec/06/ஸ்கேட்டிங்கில்-பதக்கம்-மாணவர்களுக்கு-பாராட்டு-3052635.html
3052035 திருச்சி அரியலூர் முன்னாள் மனைவியை கத்தியால் குத்தியவர் கைது DIN DIN Wednesday, December 5, 2018 08:18 AM +0530 அரியலூர் மாவட்டம் மீன்சுருட்டி அருகே முன்னாள் மனைவியை கத்தியால் குத்தியவர் திங்கள்கிழமை இரவு கைது செய்யப்பட்டார்.
கடலூர் மாவட்டம் காட்டு மன்னார்கோவில் அருகேயுள்ள உடையார்குடி பெரியார் நகரைச் சேர்ந்தவர் மணிவண்ணன். இவரது மனைவி சங்கீதா.இவர்களுக்கு தரண்யாதேவி (11) என்ற மகளும்,மணிசர்மா(9) என்ற மகனும் உள்ள நிலையில் கருத்து வேறுபாட்டால் கடந்த 2012-ல் சங்கீதா விவாகரத்து பெற்று, மீன்சுருட்டி அருகேயுள்ள ராதாபுரம் கிராமத்தில் உள்ள தனது தந்தை கலியமூர்த்தி வீட்டில் வசித்து வருகிறார். 
இந்நிலையில் ராதாபுரத்துக்கு அடிக்கடி சென்று சங்கீதாவுடன் தகராறில் ஈடுபட்டு வந்த மணிவண்ணன் ஞாயிற்றுக்கிழமை இரவு ஏற்பட்ட தகராறில் சங்கீதாவை கத்தியால் குத்திச் சென்றார். இதில் பலத்த காயமடைந்த அவர் ஜயங்கொண்டம் அரசு மருத்துவமனையில் சிகிச்சை பெறுகிறார். காரின் பேரில் மீன்சுருட்டி போலீஸார் வழக்குப் பதிந்து மணிவண்ணனை திங்கள்கிழமை இரவு கைது செய்தனர்.

]]>
http://www.dinamani.com/all-editions/edition-trichy/ariyalur/2018/dec/05/முன்னாள்-மனைவியை-கத்தியால்-குத்தியவர்-கைது-3052035.html
3052034 திருச்சி அரியலூர் குண்டர் சட்டத்தில்  4 பேர் கைது DIN DIN Wednesday, December 5, 2018 08:18 AM +0530 அரியலூர் அருகே மது தயாரிக்க மூலப் பொருள் வைத்திருந்த 4 பேர் குண்டர் சட்டத்தில் செவ்வாய்க்கிழமை கைது செய்யப்பட்டனர்.
அரியலூர் அருகேயுள்ள தா.பழூர் பகுதியில் மதுபானம் தயாரிக்க மூலப் பொருள் வைத்திருந்ததாக அதே பகுதியைச் சேர்ந்த ராஜலிங்கம், கோவையைச் சேர்ந்த மணி, பெங்களூரை சேர்ந்த முனியாண்டி,கடலூரை சேர்ந்த ஜோதி ஆகிய 4 பேரை தா.பழூர் போலீஸார் கடந்த மாதம் கைது செய்து திருச்சி மத்திய சிறையில் அடைத்தனர்.
இந்நிலையில் இவர்களை குண்டர் சட்டத்தில் கைது  செய்ய மாவட்ட காவல் கண்காணிப்பாளர் ஸ்ரீனிவாசன் அளித்த பரிந்துரையின்பேரில், மாவட்ட ஆட்சியர் மு. விஜயலட்சுமி அதற்கு உத்தரவிட்டதையடுத்து செவ்வாய்க்கிழமை அவர்கள் குண்டர் சட்டத்தில் கைது செய்யப்பட்டனர்.

]]>
http://www.dinamani.com/all-editions/edition-trichy/ariyalur/2018/dec/05/குண்டர்-சட்டத்தில்-4-பேர்-கைது-3052034.html
3052033 திருச்சி அரியலூர் சமாதான பேச்சில் காடுவெட்டி குரு  குடும்பத்தினரிடையே  உடன்பாடு DIN DIN Wednesday, December 5, 2018 08:17 AM +0530 அரியலூர் மாவட்டம் உடையார்பாளையம் கோட்டாட்சியர் அலுவலகத்தில் காடுவெட்டி குடும்பத்தினரிடையே கடந்த இரு நாள்களாக நடைபெற்று வந்த சமாதானப் பேச்சுவார்த்தையில் செவ்வாய்க்கிழமை  உடன்பாடு ஏற்பட்டது.
மாநில வன்னியர் சங்க தலைவராக இருந்த குரு காலமான நிலையில், அவரது மனைவி சொர்ணலதா தனது சம்மதமில்லாமல் சொத்துக்காக தனது மகளுக்கு காடுவெட்டி குருவின் தங்கை மகனைத் திருமணம் செய்து வைத்து விட்டதாக கணவரின் குடும்பத்தார் மீது குற்றம் சாட்டினார்.
இந்நிலையில் தனது அத்தை மகன் மனோஜ்குமாரை திருமணம் செய்துகொண்ட குருவின் மகள் விருதாம்பிகை தனது தந்தையின் சமாதிக்கு அஞ்சலி செலுத்த வருவதற்கு கிராம மக்கள் எதிர்ப்புத் தெரிவித்தனர். இதனால் அப்பகுதியில் பரபரப்பு ஏற்பட்டது.
இந்நிலையில் குரு குடும்ப பிரச்னைகளை தீர்க்க உடையார்பாளையம் கோட்டாட்சியர் ஜோதி முயற்சி மேற்கொண்டார். குருவின் மனைவி சொர்ணலதா அவரின் மகன் கனலரசன் மற்றும் மகள் விருதாம்பிகை, குருவின் தங்கை குடும்பத்தினர், குருவின் தாயார் மற்றும் கிராம பொதுமக்கள் இடையே உடையார்பாளையம் கோட்டாட்சியர் அலுவலகத்தில் ஞாயிற்றுக்கிழமை முதல் பேச்சுவார்த்தை நடைபெற்று வந்தது.
 இந்நிலையில் செவ்வாய்க்கிழமை நடைபெற்ற பேச்சுவார்த்தையில் உடன்பாடு ஏற்பட்டது. பேச்சுவார்த்தையில்  தனிப்பட்ட நபர்களை சம்பந்தமில்லாமல் சமூக வலைதளங்கள் மூலம் பேசுவது, பதிவிடுவதை குருவின் குடும்பத்தினர்  தவிர்க்க வேண்டும். குருவின் சமாதிக்கு செல்ல விரும்பும் குருவின் மகன், மகள்,உறவினர்களை ஊரார் தடுக்கக் கூடாது. சட்டம், ஒழுங்கு பாதிக்கக்கூடிய வகையில் யாரும் செயல்படக் கூடாது. குரு மனைவி வழி உறவினர்கள்,அவரது தாய் வீட்டுக்கு வந்து செல்வதை யாரும் தடுக்கக் கூடாது. மீறும் பட்சத்தில் குற்றவியல்  நடவடிக்கைக்கு ஒத்துழைக்க வேண்டும் என்பதை இரு தரப்பினரும் ஏற்றுக்கொண்டனர்.

]]>
http://www.dinamani.com/all-editions/edition-trichy/ariyalur/2018/dec/05/சமாதான-பேச்சில்-காடுவெட்டி-குரு--குடும்பத்தினரிடையே--உடன்பாடு-3052033.html
3051526 திருச்சி அரியலூர் மக்கள் குறைகேட்பு நாள் கூட்டத்தில் 408  மனுக்கள் DIN DIN Tuesday, December 4, 2018 09:56 AM +0530 அரியலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில் பல்வேறு கோரிக்கைகள் தொடர்பாக 408 மனுக்கள் அளிக்கப்பட்டன.
ஆட்சியர் மு. விஜயலட்சுமி இக்கூட்டத்துக்குத் தலைமை வகித்து,  முதியோர் உதவித்தொகை, இலவச வீட்டுமனைப்பட்டா, தொகுப்பு வீடுகள், திருமண நிதியுதவித் திட்டம் போன்ற பல்வேறு கோரிக்கைகள் தொடர்பாக பொதுமக்கள் அளித்த 408 மனுக்களைப் பெற்றுக் கொண்டார். இந்த மனுக்களை சம்பந்தப்பட்ட துறை அலுவலர்களிடம் வழங்கி விரைவாக நடவடிக்கை எடுக்குமாறு உத்தரவிட்டார். மாவட்ட வருவாய் அலுவலர் சே.தனசேகரன், சமூக பாதுகாப்புத் திட்ட துணை ஆட்சியர் அ.பூங்கோதை  உள்ளிட்ட பல்துறை அலுவலர்கள் கூட்டத்தில் பங்கேற்றனர்.
 

]]>
http://www.dinamani.com/all-editions/edition-trichy/ariyalur/2018/dec/04/மக்கள்-குறைகேட்பு-நாள்-கூட்டத்தில்-408--மனுக்கள்-3051526.html
3051525 திருச்சி அரியலூர் வளரும் கலாம் விருது பெற்ற மாணவர்களுக்குப் பாராட்டு DIN DIN Tuesday, December 4, 2018 09:56 AM +0530 அரியலூர் மாவட்டம்,  புதுச்சாவடியில் திங்கள்கிழமை நடைபெற்ற நிகழ்வில், வளரும் கலாம் விருது பெற்ற மாணவர்கள் பாராட்டப்பட்டனர்.
ஜயங்கொண்டம் அருகிலுள்ள புதுச்சாவடி ஊராட்சி ஒன்றியத் தொடக்கப் பள்ளியில் பள்ளியில் பள்ளிக் கல்வித்துறை, மாரல் பவுண்டேசன் சார்பில் இந்த விழா நடத்தப்பட்டது.
விஷன் 2020 பசுமைநேசன், அரியலூர் ராயல் சங்கம் சார்பில், மாணவ, மாணவிகளுக்கு வளரும் கலாம் விருது, மாநிலஅளவிலான குழந்தை விஞ்ஞானி விருது, சிறந்த அறிவியல் மாணவர் விருது ஜயங்கொண்டத்தில் அண்மையில் நடைபெற்ற விழாவில் வழங்கப்பட்டது. 
இந்த விருது பெற்றவர்களை மாவட்டக் கல்வி அலுவலர் மணிவண்ணன், ஜயங்கொண்டம் அன்னைதெரசா பள்ளித் தாளாளர் முத்துக்குமரன்,  ஆசிரியர் செங்குட்டுவன்,  மீனாட்சி ராமசாமி மெட்ரிகுலேசன் பள்ளித் தாளாளர் பாலசுப்பிரமணியன், பள்ளி மேலாண்மைக் குழுத் தலைவர் பாத்திமாபீவி உள்ளிட்டோர் பங்கேற்று, விருது பெற்றவர்களை வாழ்த்திப் பேசினர். முன்னதாக பள்ளித் தலைமையாசிரியர் சாந்தி வரவேற்றார்.  நிறைவில் அறிவியல் ஆசிரியர் செங்குட்டுவன் நன்றி கூறினார்.
 

]]>
http://www.dinamani.com/all-editions/edition-trichy/ariyalur/2018/dec/04/வளரும்-கலாம்-விருது-பெற்ற-மாணவர்களுக்குப்-பாராட்டு-3051525.html
3051524 திருச்சி அரியலூர் கூத்தூர், அல்லிநகரம் பகுதிகளில் நாளை மின்தடை DIN DIN Tuesday, December 4, 2018 09:56 AM +0530 மாதாந்திர மின் பராமரிப்புப் பணிகள் காரணமாக கூத்தூர், அல்லிநகரம் உள்ளிட்ட பகுதிகளில் புதன்கிழமை (டிச.5) மின் விநியோகம் இருக்காது.
இதுகுறித்து  தமிழ்நாடு மின் உற்பத்தி மற்றும்பகிர்மானக் கழகத்தின் கூத்தூர் துணை மின் நிலையச் செயற்பொறியாளர் எம். செல்லப்பாங்கி திங்கள்கிழமை வெளியிட்ட செய்திக்குறிப்பு: அரியலூர் மாவட்டம், கூத்தூர் துணை மின் நிலையத்தில் மாதாந்திர மின் பராமரிப்புப் பணிகள் புதன்கிழமை மேற்கொள்ளப்பட உள்ளன. 
இதனால் இங்கிருந்து மின் விநியோகம் பெறும் அரியலூர் மேற்குப் பகுதி, பி.ஆர்.நல்லூர், கூத்தூர், கூடலூர், குளத்தூர், ராமலிங்கபுரம், ரசுலாபுரம்,  உசேன்நகரம், அல்லிநகரம், மேலமாத்தூர், வெண்மணி, காடூர் நமங்குணம், புதுவேட்டக்குடி, கோயில்பாளையம்,  கீழப்பெரம்பலூர், துங்கபுரம், குழுமூர் மற்றும் கிளியப்பட்டு ஆகிய கிராமங்களில் காலை 9.45 முதல் பராமரிப்பு பணிகள் முடியும் வரை மின் விநியோகம் இருக்காது.
 

]]>
http://www.dinamani.com/all-editions/edition-trichy/ariyalur/2018/dec/04/கூத்தூர்-அல்லிநகரம்-பகுதிகளில்-நாளை-மின்தடை-3051524.html
3051523 திருச்சி அரியலூர் திடீர் குப்பத்துக்கு அடிப்படை வசதிகள் செய்துதர வலியுறுத்தல் DIN DIN Tuesday, December 4, 2018 09:56 AM +0530 அரியலூர் மாவட்டம் , கீழப்பழுவூர் அருகிலுள்ள திடீர்குப்பத்துக்கு அடிப்படை வடதி செய்து தரக்கோரி அப்பகுதி மக்கள்மனு அளித்தனர்.
அரியலூர் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தின் போது, ஆட்சியர் மு. விஜயலட்சுமியிடம்  திடீர் குப்பம் மக்கள் அளித்த மனு:
 கீழப்பழுவூர் அருகிலுள்ள திடீர்குப்பம் பகுதியில் கடைசித்தெருவில் சுமார் 30-க்கும் மேற்பட்ட குடும்பங்கள் வசித்து வருகின்றோம். எங்கள் தெருவிற்கு வாகனங்கள் செல்ல சரியான சாலையில்லை, தெருவிளக்குகள் இல்லை. குடிநீர் இல்லை.
 நீண்டதொலைவுக்குச் சென்று தண்ணீர்ப்பிடிக்கும் சூழல் உள்ளது. எனவே குடிநீர் உள்ளிட்ட அடிப்படை வசதிகளை செய்து தரநடவடிக்கை எடுக்க வேண்டும் என்று தெரிவித்திருந்தனர்.
இந்த மனுவின் மீது உரிய விசாரணை நடத்தி நடவடிக்கை எடுக்குமாறு சம்பந்தப்பட்ட துறை அலுவலர்களுக்கு ஆட்சியர் உத்தரவிட்டார்.
 

]]>
http://www.dinamani.com/all-editions/edition-trichy/ariyalur/2018/dec/04/திடீர்-குப்பத்துக்கு-அடிப்படை-வசதிகள்-செய்துதர-வலியுறுத்தல்-3051523.html
3051522 திருச்சி அரியலூர் செந்துறை அருகே மாட்டுவண்டிகளை சிறைபிடித்து பொதுமக்கள் போராட்டம் DIN DIN Tuesday, December 4, 2018 09:55 AM +0530 அரியலூர் மாவட்டம், செந்துறை அருகே ஆலத்தியூர் வெள்ளாற்றில் அனுமதிக்கப்பட்ட இடத்தையும் கடந்து மணல் அள்ளுவதாகக் கூறி,  சேந்தமங்கலம் கிராம பொதுமக்கள் திங்கள்கிழமை மாட்டுவண்டிகளை சிறைபிடித்து போராட்டத்தில் ஈடுபட்டனர்.
செந்துறை அருகிலுள்ள ஆலத்தியூர் வெள்ளாற்றில் அண்மையில் மாட்டு வண்டிகள் மூலம் மணல் அள்ளிக்கொள்ள அரசு அனுமதி வழங்கியது. இதனையடுத்து அப்பகுதியை சேர்ந்தவர்கள் மாட்டு வண்டிகளை கொண்டு அரசின் அனுமதியுடன் மணல் அள்ளிவருகின்றனர். இந்நிலையில், ஆலத்தியூர் அருகிலிருக்கும் சேந்தமங்கலம் கிராம எல்லைக்குட்பட்ட பகுதியில் உள்ள வெள்ளாற்றில் தற்போது மணல் அள்ளப்படுவதாகவும், இங்கு 
அனுமதியில்லாமல் மணல் அள்ளப்பட்டு வருவதாகவும் பொதுமக்கள் புகார் தெரிவித்து வந்தனர். காலை, மாலை நேரங்களில் நூற்றுக்கணக்கான மாட்டுவண்டிகள் ஒரே நேரத்தில் சாலையில் வருவதால் பள்ளிக்குச் செல்லும் குழந்தைகள், பேருந்துகளுக்கு இடையூறு ஏற்படுவதாகவும் கூறி , சேந்தமங்கலம் கிராமமக்கள் அவ்வழியே மணல் ஏற்றிவந்த மாட்டு வண்டிகளை  திங்கள்கிழமை சிறைபிடித்து போராட்டத்தில் ஈடுபட்டனர்.
 தகவலறிந்து வந்த தளவாய் போலீஸார் மற்றும் வருவாய்த்துறையினர் உடனடி நடவடிக்கை மேற்கொள்ளப்படும் என தெரிவித்ததையடுத்து போராட்டம் கைவிடப்பட்டது.
 

]]>
http://www.dinamani.com/all-editions/edition-trichy/ariyalur/2018/dec/04/செந்துறை-அருகே-மாட்டுவண்டிகளை-சிறைபிடித்து-பொதுமக்கள்-போராட்டம்-3051522.html
3051521 திருச்சி அரியலூர் குற்றச் சம்பவங்களைத் தடுக்க  ரோந்து வாகன சேவை தொடக்கம் DIN DIN Tuesday, December 4, 2018 09:55 AM +0530 அரியலூர் மாவட்டத்தில் குற்றச் சம்பவங்களைத் தடுக்கும் வகையில்,  இரு சக்கர ரோந்து வாகனச் சேவை திங்கள்கிழமை தொடக்கி வைக்கப்பட்டது.
மாவட்டக் காவல் கண்காணிப்பாளர் அலுவலக வளாகத்தில் நடைபெற்ற நிகழ்வில், கண்காணிப்பாளர் வி.ஆர்.  ஸ்ரீனிவாசன் இந்த சேவையைத் தொடக்கி வைத்தார். இதைத் தொடர்ந்து செய்தியாளர்களிடம் அவர் கூறியது:  மாவட்டத்தின் பல்வேறு பகுதிகளில் செயல்பட்டு வரும் காவல் நிலையங்களுக்குள்பட்ட பகுதியில் இந்த 20 ரோந்து வாகனங்களை இயக்கும் காவலர்கள் கண்காணிப்புப் பணியை மேற்கொள்வர்.
ரோந்து பணியில் ஈடுபடும் காவல் துறையினரிடம்,பொதுமக்கள் தங்களது பிரச்னைகளை மனுவாக அளித்து தீர்வுகாணலாம். மேலும் ஒவ்வொரு வாரம் ஒவ்வொரு காவல் நிலையங்களிலும் மக்கள் தொடர்பு முகாம் நடத்தப்படும். அப்போது, பொதுமக்களிடம் புகார்கள் பெற்று,அதனடிப்படையில் விசாரணை செய்யவும் நடவடிக்கை எடுக்கப்பட்டுள்ளது என்றார்.
 

]]>
http://www.dinamani.com/all-editions/edition-trichy/ariyalur/2018/dec/04/குற்றச்-சம்பவங்களைத்-தடுக்க--ரோந்து-வாகன-சேவை-தொடக்கம்-3051521.html
3051520 திருச்சி அரியலூர் 16,908 மாற்றுத் திறனாளிகளுக்கு  ரூ.41.69 கோடியில் நலத்திட்டஉதவிகள் DIN DIN Tuesday, December 4, 2018 09:55 AM +0530 அரியலூர் மாவட்டத்தில் 2011 முதல் நிகழாண்டு வரை 16,908 மாற்றுத் திறனாளிகளுக்கு ரூ.41.69 கோடியில் நலத்திட்டஉதவிகள் வழங்கப்பட்டுள்ளன என்றார் மாவட்ட ஆட்சியர் மு. விஜயலட்சுமி.
அரியலூரில் திங்கள்கிழமை நடைபெற்ற மாற்றுத் திறனாளிகள் தின விழாவில் , 137 மாற்றுத் திறனாளிகளுக்கு  ரூ.41 லட்சம் மதிப்பிலான நலத்திட்ட உதவிகளை வழங்கி, மேலும் அவர் பேசியது: 1992 ஆம் ஆண்டு டிசம்பர் 3 ஆம் தேதி முதல் மாற்றுத்திறனாளிகள் தினம் கொண்டாடப்பட்டு வருகிறது. மாற்றுத் திறனாளிகள் உலகத்தில் எதை இழந்தாலும், நம்பிக்கையை இழக்கக்கூடாது. நம்பிக்கையுடன் செயல்படுவோருக்கு வெற்றி நிச்சயம்.
அரியலூர் மாவட்டத்தில் மாற்றுத்திறனாளிகளுக்கு பல்வேறு நலத்திட்ட உதவிகள் வழங்கப்பட்டு வருகின்றன. 2011 ஆம் ஆண்டு முதல் நிகழாண்டு வரை
16,908 மாற்றுத்திறனாளிகளுக்கு ரூ.41.69 கோடி நலத்திட்ட உதவிகள் வழங்கப்பட்டுள்ளன என்றார்.
இந்த விழாவில், மாற்றுத் திறனாளிகள் நலன் கருதி  சிறப்பாகப் பணியாற்றிய அரியலூர் அரசுத்  தலைமை மருத்துவமனை முடநீக்கியியல் மருத்துவர்கள்  கொளஞ்சிநாதன், மணிகண்டன், பிரவீன் ஆகியோருக்கு நற்சான்றிதழ்களை வழங்கி பாராட்டினர்.
45 பேருக்கு இணைப்புச் சக்கரங்கள் பொருத்தப்பட்ட ஸ்கூட்டர்கள் உள்ளிட்ட நலத்திட்டஉதவிகள் 137 பேருக்கு வழங்கப்பட்டன.
விழாவுக்கு மக்களவை  உறுப்பினர் மா. சந்திரகாசி, ஜயங்கொண்டம் சட்டப்பேரவை முன்னாள் உறுப்பினர் ஜெ.கே.என். ராமஜெயலிங்கம் முன்னிலை வகித்தனர்.
மாவட்ட மாற்றுதிறனாளிகள் நல அலுவலர் (பொ) ச.காமாட்சி, மாவட்ட ஊரக வளர்ச்சி முகமை திட்ட இயக்குநர் (பொ) லலிதா, மாவட்ட முதன்மைக் கல்வி அலுவலர் அ.புகழேந்தி, சமூக பாதுகாப்புத் திட்டத் துணை ஆட்சியர் பூங்கோதை, மாவட்ட தொழில் மைய அலுவலர் சகுந்தலா, முடநீக்கு வல்லுநர்  சா.ராமன், கொல்லாபுரம் ஹெலன்ஹெல்லர் காதுகேளாதோர்க்கான சிறப்பு பள்ளியின் லில்லிகேத்ரின்  மற்றும் மாற்றுத்திறனாளி மாணவர்கள், சிறப்பு பள்ளி ஆசிரியர்கள் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/ariyalur/2018/dec/04/16908-மாற்றுத்-திறனாளிகளுக்கு--ரூ4169-கோடியில்-நலத்திட்டஉதவிகள்-3051520.html
3050817 திருச்சி அரியலூர் இடத்தகராறில் மோதல்: 4 பேர் மீது வழக்கு DIN DIN Monday, December 3, 2018 09:51 AM +0530 அரியலூர் மாவட்டம், ஆண்டிமடம் அருகே இடத்தகராறில் ஏற்பட்ட மோதல் தொடர்பாக 4 பேர் மீது சனிக்கிழமை வழக்குப் பதிந்து விசாரணை நடைபெறுகிறது.
ஆண்டிடம் அருகேயுள்ள நெட்டலகுறிச்சி கிராமத்தைச் சேர்ந்தவர் குணசேகரன்.இவரது சகோதரர் ஜெயச்சந்திரன். இருவருக்கும் இடப் பிரச்னையால் ஜயங்கொண்டம் நீதிமன்றத்தில் வழக்கு நிலுவையில் உள்ள நிலையில் கடந்த 2 நாள்களுக்கு  முன் இருவருக்கும் இடையே தகராறு ஏற்பட்டது. இரு தரப்பினரும் தாக்கிக் கொண்டதில் காயமடைந்த ஜெயச்சந்திரன்,  இவரது மனைவி எழிலரசியும் ஆகியோர் ஜயங்கொண்டம் அரசு மருத்துவமனையிலும், குணசேகரன் தஞ்சை அரசு மருத்துவக் கல்லூரி மருத்துவமனையிலும் சிகிச்சை பெறுகின்றனர்.
இதுகுறித்து இரு தரப்பினரும் தனித்தனியே அளித்த புகாரின் ஜெயச்சந்திரன்,அவரது மனைவி எழிலரசி, குணசேகரன், இவருக்கு ஆதரவாக அவரது தந்தை தங்கையன் ஆகியோர் மீது ஆண்டிமடம் போலீஸார் வழக்குப் பதிந்து  விசாரிக்கின்றனர்.

]]>
http://www.dinamani.com/all-editions/edition-trichy/ariyalur/2018/dec/03/இடத்தகராறில்-மோதல்-4-பேர்-மீது-வழக்கு-3050817.html
3050815 திருச்சி அரியலூர் நூலக அறிவைப் பெற்றிட வேண்டும் DIN DIN Monday, December 3, 2018 09:50 AM +0530 அனைவரும் நூலக அறிவைப் பெற்றிட வேண்டும் என்றார் மாவட்ட முதன்மைக் கல்வி அலுவலர் அ. புகழேந்தி.
அரியலூர் மாவட்ட நூலக ஆணைக்குழு சார்பில் அரியலூர் அரசு மேல்நிலைப் பள்ளியில் அண்மையில் நடந்த இளம் படைப்பாளர்களுக்கான விருது வழங்கும் விழாவில் அவர் மேலும் பேசியது:அனைவரிடமும் வாசிக்கும் பழக்கம் வெகுவாகக் குறைந்து வருவதையொட்டி மாணவர்கள் இளம் பருவத்திலேயே நூலக அறிவு பெற்றிட இதுவரை பொது நூலகங்களில் 12 ஆயிரம் மாணவர்களை உறுப்பினராகச் சேர்க்க உத்தரவிட்டுள்ளேன்.
இதேபோல, ஆசிரியர்களையும் நூலகத்தில் உறுப்பினராக சேர்க்க ஆணை வழங்க உள்ளேன். அனைவரும் வாசிக்கும் பழக்கத்தை உருவாக்கிக் கொள்வதோடு, அரியலூரை கல்வியில் முதன்மை மாவட்டமாக கொண்டு வர அனைவரும் ஒத்துழைக்க வேண்டும் என்றார் அவர்.பின்னர் போட்டிகளில் வென்ற மாணவ, மாணவிகளுக்கு பரிசு, கேடங்களை வழங்கினார்.
விழாவில் நூலகர் விருது பெற்ற கீழபழூவூர் ரா. முருகானந்தம், நூலக சமூக ஆர்வலர் விருது பெற்ற வாசகர் வட்டத் தலைவர் ராமகிருஷ்ணன் ஆகியோர் பாராட்டப்பட்டனர்.  மாவட்ட நூலக அலுவலர் சண்முகநாதன் தலைமை வகித்தார். அரியலூர் கல்வி மாவட்ட அலுவலர் ஹரி செல்வராசு, நூலகர்கள் அம்பேத்கர், நாராயணசாமி, முருகானந்தம் மற்றும் சமூக ஆர்வலர்கள், வாசகர்கள் உள்ளிட்டோர் கலந்து கொண்டனர். மாவட்ட மைய நூலகர் ஜான் பாஷா வரவேற்றார்.முடிவில் நூலகர் ந. செசிராபூ நன்றி தெரிவித்தார்.

]]>
http://www.dinamani.com/all-editions/edition-trichy/ariyalur/2018/dec/03/நூலக-அறிவைப்-பெற்றிட-வேண்டும்-3050815.html
3050814 திருச்சி அரியலூர் நடவு வயல்களில் இரைதேடும் பறவைகள் DIN DIN Monday, December 3, 2018 09:50 AM +0530 அரியலூர் மாவட்டம், திருமானூர் டெல்டா பகுதிகளில் சம்பா நெல் சாகுபடி தற்போது தீவிரமாக நடைபெற்று வரும் வேளையில், வயல்களில் உள்ள பூச்சிகளைத் தின்ன பறவைகள் கூட்டம் கூட்டமாக வந்து குவிகின்றன.
அரியலூர் மாவட்டத்தில் திருமானூர் மற்றும் தா.பழூர் ஒன்றியங்கள் டெல்டா பகுதிகளாக உள்ளன. இதில் திருமானூர் ஒன்றியப் பகுதிகளில் சம்பா நெல் சாகுபடி கடந்த 15 நாட்களாக தீவிரமாக நடைபெறுகிறது. இதற்காக உழவு பணிகளில் இயந்திரங்கள் ஈடுபடுத்தப்படும் நிலையில் அப்போது வயல்களில் இருக்கும் பூச்சியினங்களை தின்னவும், நடவு செய்யப்பட்ட வயல்களில் உள்ள பூச்சிகளைத் தின்னவும் ஏராளமான பறவைகள் தற்போது வயல்களில் ஆக்கிரமித்துள்ளன.
திருமானூர் ஒன்றியத்தில் அமைந்துள்ள மிகப்பெரிய பறவைகள் சரணாலயமான கரைவெட்டி ஏரியில் உள் நாடு மட்டுமன்றி வெளிநாடுகளிலிருந்தும் நூற்றுக்கும் மேற்பட்ட பறவையினங்கள் ஆண்டு தோறும் அக்டோபர் மாதம் முதல் மே மாதம் வரை இங்கு வந்து தங்கி இனப்பெருக்கம் செய்து செல்வது வழக்கம்.
அவ்வாறு இங்கு வரும் பறவைகள் அருகேயுள்ள வயல்களில் தங்களுக்கு தேவையான பூச்சிகளை இரையாக தேடிக்கொள்கின்றன. நடவு செய்யப்பட்ட வயல்களில் கூட்டம் கூட்டமாக பறவைகள் இரை தேடும் போது,  நடவு செய்யப்பட்ட நெற்பயிற்கள் சில சேதமடைவதும் வழக்கமாக உள்ளது. இதனால், அவ்வபோது விவசாயிகள் வயல்களில் சென்று அவற்றை விரட்டுவதையும் காணமுடிகிறது.

]]>
http://www.dinamani.com/all-editions/edition-trichy/ariyalur/2018/dec/03/நடவு-வயல்களில்-இரைதேடும்-பறவைகள்-3050814.html
3050810 திருச்சி அரியலூர் கலை நிகழ்ச்சி மூலம் சுகாதார விழிப்புணர்வு DIN DIN Monday, December 3, 2018 09:49 AM +0530 அரியலூர் மாவட்டம் தா. பழூரில் தூய்மை இந்தியா திட்டத்தின் கீழ் சுகாதார விழிப்புணர்வு கலை நிகழ்ச்சி ஞாயிற்றுக்கிழமை நடைபெற்றது.
மண்டல துணை வட்டார வளர்ச்சி அலுவலர் கிருஷ்ணமூர்த்தி தலைமை வகித்தார்.  டெங்கு நோய் எப்படி பரவுகிறது, திறந்தவெளியில் அசுத்தம் செய்வதால் ஏற்படும் தீங்கு உள்ளிட்டவை குறித்து ஆடல், பாடல் மற்றும் நாடகம் மூலம் பொதுமக்களுக்கு கலைக் குழுவினர் விழிப்புணர்வை ஏற்படுத்தினர். நிகழ்ச்சியில் துப்புரவுப் பணியாளர்கள், மகளிர் சுய உதவிக்குழுக்கள் மற்றும் கிராம பொதுமக்கள் கலந்து கொண்டனர்.
 

]]>
http://www.dinamani.com/all-editions/edition-trichy/ariyalur/2018/dec/03/கலை-நிகழ்ச்சி-மூலம்-சுகாதார-விழிப்புணர்வு-3050810.html
3050808 திருச்சி அரியலூர் நிவாரணப் பொருள் அனுப்பிய மகளிர் குழு DIN DIN Monday, December 3, 2018 09:49 AM +0530 கஜா புயலால் பாதிக்கப்பட்ட தஞ்சாவூர் மாவட்டம் பேராவூரணி அருகேயுள்ள மணக்காடு கிராமத்துக்கு அரியலூர் மாவட்டம் திருமானூர் டான்வாப் பண்ணைக்குழு மற்றும் களஞ்சியம் மகளிர் குழு சார்பில் ரூ. 30 ஆயிரம் மதிப்பிலான அரிசி, தீ பெட்டி, மெழுகுவர்த்தி, கொசுவர்த்தி மற்றும் பிஸ்கட் பாக்கெட்டுகள் ஞாயிற்றுக்கிழமை அனுப்பிவைக்கப்பட்டன.
நிகழ்ச்சியில்  டான்வாப் பண்ணைக் குழுத் தலைவர் கஸ்தூரிகருணாகரன் மற்றும் குழு உறுப்பினர்கள் பலரும் கலந்து கொண்டனர்.
 

]]>
http://www.dinamani.com/all-editions/edition-trichy/ariyalur/2018/dec/03/நிவாரணப்-பொருள்-அனுப்பிய-மகளிர்-குழு-3050808.html
3050189 திருச்சி அரியலூர் அனைத்து ஓய்வூதியர்களுக்கும் வரிவிலக்கு அளிக்க வேண்டும் DIN DIN Sunday, December 2, 2018 03:33 AM +0530
அனைத்து ஓய்வூதியர்களுக்கும் வருமான வரி விலக்கு அளிக்க வேண்டும் என்று , தமிழ்நாடு அனைத்துத்துறை ஓய்வூதியர் சங்கம் வலியுறுத்தியுள்ளது.
பெரம்பலூர் துறைமங்கலத்திலுள்ள ஊராட்சி ஒன்றிய அலுவலகத்தில் நடைபெற்ற மாவட்டப் பேரவைக் கூட்டத்துக்கு மாவட்டத் தலைவர் பெ. மாயவேலு தலைமை வகித்தார். மாவட்டச் செயலர் பி. முருகேசன் முன்னிலை வகித்தார். மாநிலப் பொதுச் செயலர் பி. கிருஷ்ணமூர்த்தி கூட்டத்தில் சிறப்பு விருந்தினராகப் பங்கேற்று பேசினார். கூட்டத்தில் நிறைவேற்றப்பட்ட தீர்மானங்கள் :
புதிய ஓய்வூதியத் திட்டத்தை ரத்து செய்து, பழைய திட்டத்தை அமல்படுத்த வேண்டும். மருத்துவக் காப்பீட்டுத் திட்டத்தை அரசே ஏற்பதோடு, மாதாந்திர சந்தா தொகையை ரூ. 350 லிருந்து ரூ. 150 ஆக குறைத்திட வேண்டும். மருத்துவப் படி மாதம் ரூ. 1,000 வழங்க வேண்டும்.
ஓய்வூதியர் அனைவருக்கும் வருமான வரி விலக்கு அளிக்க வேண்டும். முழு ஓய்வூதியம் பெற மத்திய அரசைப்போல 20 ஆண்டுகளாக குறைத்திட வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. தமிழ்நாடு அனைத்துத்துறை ஓய்வூதியர் சங்கத்தைச் சேர்ந்த நிர்வாகிகள் பலர் கூட்டத்தில் பங்கேற்றனர். நிறைவில் துணைத் தலைவர் பி. நீலமேகம் நன்றி கூறினார்.

 

]]>
http://www.dinamani.com/all-editions/edition-trichy/ariyalur/2018/dec/02/அனைத்து-ஓய்வூதியர்களுக்கும்-வரிவிலக்கு-அளிக்க-வேண்டும்-3050189.html
3050188 திருச்சி அரியலூர் சிசிடிவி கேமரா வசதியை எதிர்நோக்கி அரியலூர் ரயில் நிலையம் DIN DIN Sunday, December 2, 2018 03:33 AM +0530
திருச்சி- சென்னை ரயில் வழித்தடத்தில் அமைந்திருப்பது, முன் மாதிரி ரயில் நிலையம் என்று ரயில்வே துறையினரால் அறிவிக்கப்பட்ட அரியலூர் ரயில் நிலையத்தில் குற்றச் சம்பவங்களைத் தடுக்கும் வகையில் உடனடியாக சிசிடிவி கண்காணிப்பு கேமராக்கள் பொருத்தி, பாதுகாப்பை மேம்படுத்த வேண்டும் என்று பயணிகளும், சமூக ஆர்வலர்களும் வலியுறுத்தியுள்ளனர்.
தெற்கு ரயில்வேயின் திருச்சி கோட்டத்தில் முன் மாதிரி ரயில் நிலையங்களில் ஒன்றாக அறிவிக்கப்பட்டிருப்பது அரியலூர் ரயில் நிலையம். ஆயிரக்கணக்கான பயணிகள் வந்து செல்லும் ரயில் நிலையமாகத் திகழ்கிறது. இதைத் தவிர, சிமென்ட் ஆலைகள் அதிகம் கொண்ட இந்த மாவட்டத்திலிருந்து உற்பத்தி செய்யப்படும் சிமென்ட் மூட்டைகள் மாநிலத்தின் பல்வேறு பகுதிகளுக்கும், இதர மாநிலங்களுக்கும் சரக்கு ரயில் மூலம் அனுப்பப்பட்டு வருவதால் சரக்குப் போக்குவரத்தும் தொடர்ந்து நடைபெற்று வருகிறது.
தென் மாவட்டங்களிலிருந்து சென்னை நோக்கிச் செல்லும் ரயில்கள் அனைத்தும் அரியலூரைக் கடந்துதான் செல்ல வேண்டும். இதைத் தவிர ரயில்பாதை வசதி இல்லாத பெரம்பலூர் மாவட்ட மக்களும், அரியலூர் மாவட்டத்தின் பிற பகுதிகளைச் சேர்ந்தவர்கள், தஞ்சாவூர் மாவட்டத்தின் சில பகுதிகளைச் சேர்ந்தவர்கள் சென்னை செல்ல வேண்டும் எனில் அவர்கள் அரியலூர் வந்துதான் செல்ல வேண்டிய நிலை உள்ளது.
இன்றைய நிலையில் கண்காணிப்பு கேமராக்கள் பொருத்தப்படாத அலுவலகமே இல்லை என்ற நிலையில், முன்மாதிரி ரயில் நிலையமாக அறிவிக்கப்பட்டாலும் அரியலூர் ரயில் நிலையத்துக்கு அந்த வசதி இதுவரை கிடைத்தபாடில்லை.
கண்காணிப்பு கேமரா வசதிகள் இல்லை: சரக்குப் போக்குவரத்து மற்றும் ரயில் சேவைகள் தொடர்ந்து நடைபெற்று வரும் இந்த ரயில் நிலையத்தில் குற்றச் சம்பவங்களைத் தடுக்கவும், கண்
காணிக்கும் வகையிலான கேமரா வசதிகள் இல்லை என்கின்றனர் பொதுமக்கள்.
சிசிடிவி கண்காணிப்பு கேமராக்கள் வசதி இல்லாத காரணத்தால் இந்த ரயில் நிலைய வளாகத்தில் நடைபெறும் குற்றச் சம்பவங்களைக் கண்காணிக்க முடியாத நிலை உள்ளது. இதனால் ரயில் நிலையத்துக்கு வரும் பொதுமக்கள், குறிப்பாக பெண் பயணிகள் அச்சத்துடன் வரும் நிலையே காணப்படுகிறது.
மேலும், ரயில் நிலையத்தின் வெளிப்பகுதியில் நிறுத்தி வைக்கப்படும் இரு சக்கர வாகனங்கள் திருடப்படும்சம்பவங்களும் தொடர்ந்து நிகழ்கின்றன. கடந்த வாரத்தில் 4 இரு சக்கர வாகனங்கள் திருட்டு போன நிலையில், ரயில்வே போலீஸாரிடம் புகார் அளித்தாலும் இதுவரை குற்றவாளிகள் கைது செய்யப்படவில்லை என்கின்றனர் ரயில் பயணிகள்.
அவசியத் தேவை கண்காணிப்பு கேமராக்கள் : ரயில் நிலையத்துக்கு வரும் பொதுமக்கள், பயணிகளின் பாதுகாப்பைக் கருத்தில் கொண்டும், குற்றச் சம்பவங்களைக் கண்காணித்துத் தொடர் நடவடிக்கைகளையும் மேற்கொள்ள வேண்டும் எனில் கண்காணிப்பு கேமராக்களைப் பொருத்துவது அவசியமானதாகும்.
ரயில் நிலையத்தில் குற்றச் சம்பவங்கள் எளிதில் தப்பிச் செல்லும் வகையில் சுற்றுப்புறப் பகுதிகள் திறந்தவெளியாக இருக்கின்றன.
எனவே ரயில்வே துறை உடனடியாக பொதுமக்கள், பயணிகளின் நலனைக் கருத்தில் கொண்டு கண்காணிப்பு கேமராக்களைப் பொருத்த வேண்டும் என்பதே சமூக ஆர்வலர்கள், பொதுமக்களின் கோரிக்கையாக உள்ளது.
மது அருந்துமிடமாகவும் மாறும் அவலம்

அரியலூர் ரயில் நிலையத்துக்குச் செல்லும் வழியில் அண்ணாநகரில் டாஸ்மாக் மதுக்கடை இயங்கி வருகிறது. இதனால், மது அருந்துவோர் அருகாமையிலுள்ள ரயில் நிலைய வளாகப் பகுதியில் மது அருந்தும் நிலையும் காணப்படுகிறது.ரயில் நிலையத்துக்கு வரும் பெண் பயணிகளிடம் மதுபோதையில் இருப்பவர்கள் தகராறு செய்தல், மதுபாட்டில்களை உடைத்து சாலையில் வீசியெறிந்து செல்லுதல் போன்ற சம்பவங்களும் அவ்வப்போது நிகழ்வதும் தொடர்கதையாகி வருகிறது. எனவே அச்சத்துடனேயே பெண் பயணிகள் ரயில் நிலையத்துக்கு வெளியே காத்திருக்கும் பேருந்துகளில் ஏறிச் செல்ல வேண்டிய நிலை உள்ளது என்கின்றனர் சமூக ஆர்வலர்கள்.

 

]]>
http://www.dinamani.com/all-editions/edition-trichy/ariyalur/2018/dec/02/சிசிடிவி-கேமரா-வசதியை-எதிர்நோக்கி-அரியலூர்-ரயில்-நிலையம்-3050188.html
3050187 திருச்சி அரியலூர் சிறுமியை இரண்டாவது திருமணம் செய்தவர் கைது DIN DIN Sunday, December 2, 2018 03:33 AM +0530
அரியலூர் மாவட்டம் , ஜயங்கொண்டம் அருகே சிறுமியை இரண்டாவது திருமணம் செய்த இளைஞர் வெள்ளிக்கிழமை இரவு கைது செய்யப்பட்டார்.
ஜயங்கொண்டம் அருகிலுள்ள படநிலை கிராமத்தைச் சேர்ந்தவர் ம. செல்வகுமார்(36). இவருக்கு மனைவி தமிழ்ச்செல்வி (30) , இரண்டு பெண் குழந்தைகள், ஒரு ஆண் குழந்தை உள்ளது.
இந்த நிலையில், அதே பகுதியைச் சேர்ந்த 16 வயது சிறுமியை செல்வகுமார் திருமணம் செய்த தகவல் அவரது மனைவி தமிழ்ச்செல்விக்குத் தெரிய வந்தது. இதுகுறித்து கேட்டபோது அவரை கொலை செய்துவிடுவதாக மிரட்டல் விடுத்தாராம். ஜயங்கொண்டம் அனைத்து மகளிர் காவல் நிலையத்தில் தமிழ்ச்செல்வி அளித்த புகாரின் பேரில், போலீஸார் வழக்குப் பதிந்து, போக்சோ சட்டத்தின் கீழ் செல்வகுமாரை வெள்ளிக்கிழமை இரவு கைது செய்தனர்.

 

]]>
http://www.dinamani.com/all-editions/edition-trichy/ariyalur/2018/dec/02/சிறுமியை-இரண்டாவது-திருமணம்-செய்தவர்-கைது-3050187.html
3050186 திருச்சி அரியலூர் திருமானூரில் சேறும் சகதியும் நிறைந்த சாலையில் நாற்று நடும் போராட்டம் DIN DIN Sunday, December 2, 2018 03:32 AM +0530
அரியலூர் மாவட்டம், திருமானூரில் சேறும் சகதியுமான சாலையைச் சீரமைக்கக் கோரி பொதுமக்கள் சாலையில் நாற்று நட்டு சனிக்கிழமை போராட்டத்தில் ஈடுபட்டனர்.
திருமானூர் காந்தி நகரில் சுமார் 450 க்கும் மேற்பட்ட குடும்பங்கள் வசித்து வருகின்றன.
இவர்கள் வசிக்கும் குடியிருப்புக்கு செல்லும் சாலையைச் சீரமைத்து தரக்கோரி ,அப்பகுதி மக்கள் பலமுறை ஊராட்சி நிர்வாகத்திடம் மனு அளித்தும் நடவடிக்கை இல்லை. அண்மையில் பெய்த மழையின் காரணமாக இந்த சாலை மேலும் மோசமடைந்து சேறும், சகதியுமாய் காணப்பட்டது.
இந்நிலையில், காந்திநகர் குடியிருப்புப் பகுதிகளில் வசிக்கும் மக்கள் தெருவில் நாற்று நடும் போராட்டத்தில் ஈடுபட்டனர். வயலுக்கு உரம் இடுவதுபோல, அடியுரம் இட்டும், கயிறு கொண்டு பாத்தி அமைத்தும் தங்களது எதிர்ப்பை அரசுக்கு வெளிப்படுத்தினர்.
அகில இந்திய மாதர் சங்கத்தின் திருமானூர் ஒன்றியப் பொறுப்பாளர் சுதா, மாவட்ட மகளிர் காங்கிரஸ் தலைவி மாரியம்மாள், மார்க்சிஸ்ட் கம்யூனிஸ்ட் கட்சி ஒன்றியச் செயலர் புனிதன் உள்ளிட்டோர் போராட்டத்தில் பங்கேற்றனர்.

 

]]>
http://www.dinamani.com/all-editions/edition-trichy/ariyalur/2018/dec/02/திருமானூரில்-சேறும்-சகதியும்-நிறைந்த-சாலையில்-நாற்று-நடும்-போராட்டம்-3050186.html
3050185 திருச்சி அரியலூர் தகராறில் ஈடுபட்ட இருவர் கைது DIN DIN Sunday, December 2, 2018 03:32 AM +0530
அரியலூர் அருகே வயல் வேலைக்கு பெண் வர மறுத்ததைத் தொடர்ந்து ஏற்பட்ட தகராறு தொடர்பாக இருவர் வெள்ளிக்கிழமை கைது செய்யப்பட்டனர்.
அரியலூர் மாவட்டம், திருமானூர் அருகிலுள்ள காமரசவல்லி கிராமத்தைச் சேர்ந்த ஜெயசங்கர் மனைவி பழனியம்மாள். இவரை அதே கிராமத்தைச் சேர்ந்த தங்கையன் என்பவர், தனது நிலத்தில் வயல் வேலைக்கு வருமாறு அழைத்தாராம். இதற்கு பழனியம்மாள் மறுத்துள்ளார்.
இதுகுறித்து தகவலறிந்த தங்கையனின் சகோதரர் திருமுருகன், வெள்ளிக்கிழமை மாலை ஜெயசங்கர் வீட்டுக்குச் சென்று தகராறில் ஈடுபட்டராம்.
தங்கள் வீட்டுக்கு வந்து எப்படி தகராறு செய்யலாம் எனக் கேட்டு ஜெயசங்கரின் சகோதரர் செந்தில்குமார் , தங்கையனிடம் சென்று தகராறில் ஈடுபட்டாராம். மேலும் ஒருவரையொருவர் தாக்கிக் கொண்டனர். இதுகுறித்து இருதரப்பினரும் தூத்தூர் காவல் நிலையத்தில் தனித்தனியே புகார் அளித்தனர். இப்புகாரின் பேரில் போலீஸார் வழக்குப்பதிந்து, திருமுருகன், செந்தில்குமாரைக் கைது செய்து விசாரித்து வருகின்றனர்.

 

]]>
http://www.dinamani.com/all-editions/edition-trichy/ariyalur/2018/dec/02/தகராறில்-ஈடுபட்ட-இருவர்-கைது-3050185.html
3050184 திருச்சி அரியலூர் உடையார்பாளையம் அருகே மது விற்ற இருவர் கைது DIN DIN Sunday, December 2, 2018 03:32 AM +0530
அரியலூர் மாவட்டம், உடையார்பாளையம் அருகே மதுவிற்ற இருவர் சனிக்கிழமை கைது செய்யப்பட்டனர்.
உடையார்பாளையம் காவல் உதவி ஆய்வாளர் ஸ்ரீதர் தலைமையிலான போலீஸார் இடையார் கிராமத்தில் சனிக்கிழமை ரோந்தில் ஈடுபட்டிருந்தனர்.
அப்போது அங்குள்ள டாஸ்மாக் மதுக்கடைக்குப் பின்புறம் மதுபாட்டில்களை அதிக விலைக்கு விற்பனை செய்து கொண்டிருந்த அதே பகுதியைச் சேர்ந்த கொளஞ்சிநாதன்(46),தா.சோழங்குறிச்சி கிராமத்தைச் சேர்ந்த வினோத் ஆகிய இருவரையும் போலீஸார் கைது செய்தனர்.

]]>
http://www.dinamani.com/all-editions/edition-trichy/ariyalur/2018/dec/02/உடையார்பாளையம்-அருகே-மது-விற்ற-இருவர்-கைது-3050184.html
3050183 திருச்சி அரியலூர் உலக எய்ட்ஸ் தின விழிப்புணர்வுப் பேரணி DIN DIN Sunday, December 2, 2018 03:32 AM +0530
உலக எய்ட்ஸ் தினத்தை முன்னிட்டு, பெரம்பலூரில் இந்திய செஞ்சிலுவை மற்றும் இளையோர் செஞ்சிலுவைச் சங்கம் சார்பில், எய்ட்ஸ் விழிப்புணர்வுப் பேரணி சனிக்கிழமை நடைபெற்றது.
பெரம்பலூர் அரசு மேல்நிலைபப் பள்ளி வளாகத்தில் நடைபெற்ற நிகழ்வுக்கு மாவட்டக் கல்வி அலுவலர் பெ. அம்பிகாபதி தலைமை வகித்தார். இந்திய செஞ்சிலுவைச் சங்க மாவட்ட கௌரவச் செயலர் ந. ஜெயராமன், மாவட்ட எய்ட்ஸ் கட்டுப்பாட்டு மருத்துவ அலுவலர் ஆர். திவ்யா முன்னிலை வகித்தனர்.
பெரம்பலூர் மாவட்ட வருவாய் அலுவலர் ஆ. அழகிரிசாமி கொடியசைத்து பேரணியைத் தொடக்கி வைத்தார். நகரின் முக்கிய வீதிகள் வழியாக சென்ற பேரணி, மீண்டும் பள்ளி வளாகத்தில் நிறைவடைந்தது. தொடர்ந்து, பள்ளி வளாகத்தில் நடைபெற்ற விழிப்புணர்வு நிகழ்வில், மாவட்ட சட்டப் பணிகள் ஆணைக்குழு நிர்வாக அலுவலர் டி. வெள்ளைச்சாமி, பள்ளி உதவித் தலைமையாசிரியர் வெங்கடேசன், மாவட்ட மாநில பொதுக் குழு உறுப்பினர் மு. கார்த்திகேயன் ஆகியோர் எய்ட்ஸ்
நோய் குறித்த விளக்கவுரையாற்றினர்.
மாவட்ட இணை கன்வீனர்கள் ஆர். ராஜமாணிக்கம், எம். ஜோதிவேல், ஆர். துரை, உறுப்பினர் தேவேந்திரன் மற்றும் இளையோர் செஞ்சிலுவைச் சங்க மாணவ, மாணவிகள், உறுப்பினர்கள் நிகழ்வுகளில் பங்கேற்றனர்.
மாவட்ட இணை கன்வீனர் த. மாயக்கிருஷ்ணன் ஏற்பாடுகளைச் செய்திருந்தார். முன்னதாக, இளையோர் செஞ்சிலுவைச் சங்க மாவட்ட கன்வீனர் வீ. ராதாகிருஷ்ணன் வரவேற்றார். நிறைவில் மாவட்டப் பொருளாளர் எம். கருணாகரன் நன்றி கூறினார்.
அரியலூரில் : அரியலூர் பேருந்து நிலைய வளாகத்தில் எய்ட்ஸ் விழிப்புணர்வு முகாமையும், அதைத் தொடர்ந்து விழிப்புணர்வுப் பேரணியையும் மாவட்ட வருவாய் அலுவலர் எஸ். தனசேகரன் சனிக்கிழமை கொடியசைத்துத் தொடக்கி வைத்தார்.
முன்னதாக, விழிப்புணர்வு உறுதிமொழி ஏற்கும் நிகழ்வும் நடைபெற்றது.
அண்ணா சிலை முன்பு தொடங்கிய பேரணிநகரின் முக்கிய வீதிகளின் வழியாக சென்று பழைய ஊராட்சி ஒன்றிய அலுவலகம் முன்பு நிறைவடைந்தது. பேரணியில் மாணவ, மாணவிகள் பங்கேற்று விழிப்புணர்வு முழக்கங்களை எழுப்பிச் சென்றனர்.
மாவட்டக் காவல் கண்காணிப்பாளர் சீனிவாசன், வட்டாட்சியர் சு.முத்துலெட்சுமி, மாவட்டத் திட்ட மேலாளர் (பொ) சுமதி, வட்டார மருத்துவ அலுவலர் அனிதா, மாவட்ட எய்ட்ஸ் தடுப்பு மற்றும் கட்டுப்பாடு சங்க பணியாளர்கள் மகேந்திரன், செல்லமுத்து, சுதா உள்ளிட்டோர் நிகழ்வில் பங்கேற்றனர்.

]]>
http://www.dinamani.com/all-editions/edition-trichy/ariyalur/2018/dec/02/உலக-எய்ட்ஸ்-தின-விழிப்புணர்வுப்-பேரணி-3050183.html
3050182 திருச்சி அரியலூர் ஊராட்சி கமிட்டி தலைவர்களுக்கு நியமன அடையாள அட்டைகள் அளிப்பு DIN DIN Sunday, December 2, 2018 03:31 AM +0530
அரியலூர் மாவட்ட காங்கிரஸ் கமிட்டி சார்பில் சட்டப்பேரவைத் தொகுதிக்குள்பட்ட ஊராட்சி கமிட்டித் தலைவர்கள் நியமனம் மற்றும் ஆய்வுக் கூட்டம் அரியலூர் மற்றும் திருமானூரில் வெள்ளிக்கிழமை இரவு நடைபெற்றது.
இக்கூட்டங்களுக்கு மாவட்டத் தலைவர் ஜி.ராஜேந்திரன் தலைமை வகித்தார். அகில இந்திய காங்கிரஸ் கமிட்டியின் பிற்படுத்தப்பட்டோர் பிரிவின் தேசிய ஒருங்கிணைப்பாளர் வி.கே. அறிவழகன் கூட்டத்தில் பங்கேற்று, ஊராட்சி கமிட்டி தலைவர்களுக்கு நியமன அடையாள அட்டைகளை வழங்கிப் பேசினார். அவர் தனது உரையில், காங்கிரஸ் கட்சியினர் அரியலூர் சட்டப்பேரவைத் தொகுதிக்குள்பட்ட பகுதிகளில் தீவிர களப்பணியாற்ற வேண்டும் என்பதற்காகத்தான் இதுபோன்ற கூட்டங்கள் நடத்தப்படுகின்றன.
காங்கிரஸ் ஆட்சி காலத்தில் கொண்டு வரப்பட்ட திட்டங்களையும், அதனால் மக்கள் பெற்ற பயன்களையும் எடுத்துக் கூறவேண்டும். காங்கிரஸ் கட்சி ஆட்சி விரைவில் மலரும் என்றார் அவர். தலைமை நிலையப் பேச்சாளர் கோ.மோதன்தாஸ் வாழ்த்திப் பேசினார். கூட்டத்தில் காங்கிரஸ் கட்சி நகரத் தலைவர் சந்திரசேகர், செய்தித் தொடர்பாளர் சிவகுமார் உள்ளிட்டோர் பங்கேற்றனர்.திருமானூரில் நடைபெற்ற கூட்டத்துக்க மேற்கு வட்டாரத் தலைவர் பாண்டியராஜன் தலைமை வகித்தார். மாவட்ட மகளிர் அணித் தலைவி மாரியம்மாள், மாநிலப் பொதுக்குழு உறுப்பினர் பூண்டிசந்தானம் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/ariyalur/2018/dec/02/ஊராட்சி-கமிட்டி-தலைவர்களுக்கு-நியமன-அடையாள-அட்டைகள்-அளிப்பு-3050182.html
3050143 திருச்சி அரியலூர் மேக்கேதாட்டு அணை கட்ட அனுமதி: கிருஷ்ணகிரியில் டிச.8 இல் ஆர்ப்பாட்டம்: ஜி.கே.வாசன் அறிவிப்பு DIN DIN Sunday, December 2, 2018 03:16 AM +0530
மேக்கேதாட்டுவில் அணை கட்ட மத்திய அரசு அனுமதியளித்ததைக் கண்டித்து கிருஷ்ணகிரியில் டிசம்பர் 8 ஆம் தேதி கண்டன ஆர்ப்பாட்டம் நடைபெறும் என்றார் தமிழ் மாநில காங்கிரஸ் தலைவர் ஜி.கே.வாசன்.
அரியலூரில் சனிக்கிழமை நடைபெற்ற அக் கட்சியின் 5 ஆம் ஆண்டு தொடக்க விழா பொதுக்கூட்டத்தில் கொடியேற்றி, மேலும் அவர் பேசியது: தமிழ் மாநில காங்கிரஸ் தொடங்கப்பட்ட போது இருந்த ஆர்வம் இன்று மக்களிடம் உள்ளதை காணமுடிகிறது. லட்சியத்துக்காக ஆரம்பிக்கப்பட்ட கட்சி இதுவாகும். 2001 பேரவைத் தேர்தலின் போதும், அதற்கு முன்பும் த.மா.கா. எங்கே எனக் கேட்டோருக்கு காட்டப்பட்டுள்ள கூட்டம் இது. தமிழகத்தில் த.மா.கா.வில் மட்டுமே இளைஞர்கள் அதிகம் உள்ளனர்.
கஜா புயலால் பாதிக்கப்பட்ட மக்களுக்கு மத்திய அரசு இதுவரை நிவாரணம் வழங்காமலிருப்பது வேதனை அளிக்கிறது. ஏற்கனவே இரண்டு, மூன்று புயல்கள் தாக்கிய போதும் மத்திய அரசு முறையாக நிவாரணம் வழங்கவில்லை. ரூ.1,000 கோடி நிவாரணம் என்பது போதுமானதல்ல. கூடுதலாக நிதியை மத்திய அரசு வழங்க வேண்டும். வீடுகளை இழந்தவர்களுக்கு அடுக்குமாடி குடியிருப்புகளை கட்டி தர வேண்டும்.தமிழகத்தில் உள்ளாட்சித் தேர்தல் நடந்திருந்தால் கஜா புயல் பாதிக்கப்பட்ட மக்களுக்கு முறையாக நிவாரணம் வழங்கியிருக்கலாம்.
மேக்கேதாட்டுவில் அணை கட்டுவதற்கு கர்நாடகத்துக்கு மத்திய அரசு மறைமுகமாக ஆதரவு தருகிறது. இதைக் கண்டித்து கிருஷ்ணகிரியில் டிசம்பர் 8 ஆம் தேதி ஆர்ப்பாட்டம் நடைபெறும். ஸ்டெர்லைட் ஆலை விவகாரத்தில் தமிழக அரசு மாற்று நிலைபாட்டில் ஈடுபட கூடாது. அங்கு பணியில் இருந்தவர்களுக்கு மாற்று வேலையை வழங்க வேண்டும். மக்களின் எதிர்ப்பை மீறி தமிழகத்தில் எந்தத் திட்டத்தையும் மத்திய அரசு கொண்டுவருவதற்கு தமிழக அரசு அனுமதியளிக்க கூடாது.
தமிழ் மாநில காங்கிரஸ் கட்சி மூன்று தலைமுறைக்குச் சொந்தமானது. இதுவரை நீதிமன்றத்தால் தேடப்படாத கட்சி தமாகா. எந்த பலமும் இல்லாமல் மக்கள் பலத்தை மட்டுமே நம்பி இயங்கும் கட்சி தமாகா. தேர்தல் நேரத்தில் ஒருமித்த கருத்துடைய கட்சியுடன் கூட்டணி அமைக்கும். மூப்பனாருடன் அமர்ந்து அரசியல் செய்த தலைவர்கள் இன்று என்னை தலைவராக ஏற்றுக் கொண்டு கட்சியை வழிநடத்துவது மகிழ்ச்சியளிக்கிறது என்றார்.
கட்சியின் மாநிலத் துணைத் தலைவர் ஞானதேசிகன்: 1996 ஆம் ஆண்டில் இக்கட்சியை மூப்பனார் தொடங்கினார். அதன்படி கணக்கெடுத்துப் பார்த்தால் இது 10 ஆம் ஆண்டு தொடக்க விழாக் கூட்டமாகும். அரசியலில் நேர்மையாகவும்,உண்மையாகவும் இருக்க வேண்டும் என்று மறைந்த தலைவர் மூப்பனார் எங்களுக்கு கற்றுத் தந்த பாடம்.
அதனை அவரது மகன் வழியில் சென்று கொண்டிருக்கிறோம்.
எங்களது கட்சிக்கு சைக்கிள் சின்னம் கேட்டு தொடரப்பட்ட வழக்கின் தீர்ப்பு அடுத்த வாரம் வருகிறது. தீர்ப்பு எங்களுத்து சாதகமாக வரும் என்று எதிர்ப்பார்க்கிறோம் என்றார் அவர்.
தொடர்ந்து முன்னாள் எம்.பி. சித்தன்,மாநிலத் துணைத் தலைவர் கோவை தங்கம் உள்ளிட்ட கட்சி நிர்வாகிகள் கலந்து கொண்டு பேசினர்.
தொடர்ந்து ஜி.கே.மூப்பனார் பெயரில் யூ டீயூப் சேனலை ஜி.கே.வாசன் தொடக்கி வைத்தார். இதைத் தொடர்ந்து, ஜி.கே.வாசனுக்கு அரியலூர் மாவட்டத் தலைவர் எஸ்.ஆர்.குமார் நினைவுப் பரிசாக வீரவாளை வழங்கினார்.
கூட்டத்தில் தமிழ் மாநில காங்கிரஸ் கட்சியின் விவசாயப் பிரிவு மாநிலத் தலைவர் புலியூர் ஏ.நாகராஜன், இதர அணி மாநில நிர்வாகிகள், மாவட்டத் தலைவர்கள் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/ariyalur/2018/dec/02/மேக்கேதாட்டு-அணை-கட்ட-அனுமதி-கிருஷ்ணகிரியில்-டிச8-இல்-ஆர்ப்பாட்டம்-ஜிகேவாசன்-அறிவிப்பு-3050143.html
3050121 திருச்சி அரியலூர் பெரம்பலூர், அரியலூரில்உலக எய்ட்ஸ் தின விழிப்புணர்வு பேரணி DIN DIN Sunday, December 2, 2018 03:09 AM +0530
உலக எய்ட்ஸ் தினத்தை முன்னிட்டு, பெரம்பலூரில் இந்திய செஞ்சிலுவை மற்றும் இளையோர் செஞ்சிலுவைச் சங்கம் சார்பில், மாவட்ட அளவிலான எய்ட்ஸ் விழிப்புணர்வு சனிக்கிழமை நடைபெற்றது.
பெரம்பலூர் அரசு மேல்நிலைபப் பள்ளி வளாகத்தில் நடைபெற்ற நிகழ்வுக்கு மாவட்டக் கல்வி அலுவலர் பெ. அம்பிகாபதி தலைமை வகித்தார். இந்திய செஞ்சிலுவைச் சங்க மாவட்ட கௌரவச் செயலர் ந. ஜெயராமன், மாவட்ட எய்ட்ஸ் கட்டுப்பாட்டு மருத்துவ அலுவலர் ஆர். திவ்யா முன்னிலை வகித்தனர்.
பெரம்பலூர் மாவட்ட வருவாய் அலுவலர் ஆ. அழகிரிசாமி கொடியசைத்து பேரணியைத் தொடக்கி வைத்தார். அரசுத் தலைமை மருத்துவமனை, , பழைய பேருந்து நிலையம், காந்தி சிலை பெரியார் சிலை, காமராஜர் வளைவு, சங்குப்பேட்டை, சிவன் கோயில், தேரடி, கடைவீதி, கனரா வங்கி, பழைய நகராட்சி அலுவலகம் வழியாக சென்ற பேரணி, மீண்டும் பள்ளி வளாகத்தில் நிறைவடைந்தது.
தொடர்ந்து, பள்ளி வளாகத்தில் நடைபெற்ற விழிப்புணர்வு நிகழ்வில், மாவட்ட சட்டப் பணிகள் ஆணைக்குழு நிர்வாக அலுவலர் டி. வெள்ளைச்சாமி, பள்ளி உதவித் தலைமையாசிரியர் வெங்கடேசன், மாவட்ட மாநில பொதுக் குழு உறுப்பினர் மு. கார்த்திகேயன் ஆகியோர் எய்ட்ஸ் நோய் குறித்த விளக்கவுரையாற்றினர்.
மாவட்ட இணை கன்வீனர்கள் ஆர். ராஜமாணிக்கம், எம். ஜோதிவேல், ஆர். துரை, உறுப்பினர் தேவேந்திரன் மற்றும் இளையோர் செஞ்சிலுவைச் சங்க மாணவ, மாணவிகள், உறுப்பினர்கள் நிகழ்வுகளில் பங்கேற்றனர்.
மாவட்ட இணை கன்வீனர் த. மாயக்கிருஷ்ணன் ஏற்பாடுகளைச் செய்திருந்தார். முன்னதாக, இளையோர் செஞ்சிலுவைச் சங்க மாவட்ட கன்வீனர் வீ. ராதாகிருஷ்ணன் வரவேற்றார். நிறைவில் மாவட்டப் பொருளாளர் எம். கருணாகரன் நன்றி கூறினார்.
அரியலூரில் : அரியலூர் பேருந்து நிலைய வளாகத்தில் எய்ட்ஸ் விழிப்புணர்வு முகாமையும், அதைத் தொடர்ந்து விழிப்புணர்வுப் பேரணியையும் மாவட்ட வருவாய் அலுவலர் எஸ். தனசேகரன் சனிக்கிழமை கொடியசைத்துத் தொடக்கி வைத்தார். முன்னதாக, விழிப்புணர்வு உறுதிமொழி ஏற்கும் நிகழ்வும் நடைபெற்றது.
அண்ணா சிலை முன்பு தொடங்கிய பேரணிநகரின் முக்கிய வீதிகளின் வழியாக சென்று பழைய ஊராட்சி ஒன்றிய அலுவலகம் முன்பு நிறைவடைந்தது. பேரணியில் மாணவ, மாணவிகள் பங்கேற்று விழிப்புணர்வு முழக்கங்களை எழுப்பிச் சென்றனர்.
மாவட்டக் காவல் கண்காணிப்பாளர் சீனிவாசன், வட்டாட்சியர் சு.முத்துலெட்சுமி, மாவட்டத் திட்ட மேலாளர் (பொ) சுமதி, வட்டார மருத்துவ அலுவலர் அனிதா, மாவட்ட எய்ட்ஸ் தடுப்பு மற்றும் கட்டுப்பாடு சங்க பணியாளர்கள் மகேந்திரன், செல்லமுத்து, சுதா உள்ளிட்டோர் நிகழ்வில் பங்கேற்றனர்.

 

]]>
http://www.dinamani.com/all-editions/edition-trichy/ariyalur/2018/dec/02/பெரம்பலூர்-அரியலூரில்உலக-எய்ட்ஸ்-தின-விழிப்புணர்வு-பேரணி-3050121.html
3049468 திருச்சி அரியலூர் டாஸ்மாக் கடையை இழுத்து மூடிய 2 பேர் கைது DIN DIN Saturday, December 1, 2018 03:30 AM +0530
அரியலூர் மாவட்டம், உடையார்பாளையத்தில் டாஸ்மாக் கடையில் வாக்குவாதத்தில் ஈடுபட்டதுடன், அக்கடையை மூடிய 2 பேரை போலீஸார் வெள்ளிக்கிழமை கைது செய்தனர். உடையார்பாளையம்-  இடையார் சாலையில் டாஸ்மாக் கடை உள்ளது .
இங்கு மணகெதியைச் சேர்ந்த கலியபெருமாள்(40)  விற்பனையாளராக உள்ளார்.
வெள்ளிக்கிழமை இரவு அங்கு மது வாங்க வந்த  உடையார்பாளையம் ராஜா(29), ரா. மணிகண்டன்(27) ஆகிய இருவரும் விற்பனையாளரிடம் மது கேட்டு தகராறில் ஈடுபட்டதுடன், கடையை இழுத்து மூடினர்.
இதுகுறித்து, உடையார்பாளையம் காவல் நிலையத்தில் கலியபெருமாள் அளித்த புகாரின் பேரில்  இருவரையும் போலீஸார் கைது செய்தனர்.

 

]]>
http://www.dinamani.com/all-editions/edition-trichy/ariyalur/2018/dec/01/டாஸ்மாக்-கடையை-இழுத்து-மூடிய-2-பேர்-கைது-3049468.html
3049467 திருச்சி அரியலூர் சேறு சகதியுமாக உள்ள சாலை: அவதிப்படும் மாணவ, மாணவிகள் DIN DIN Saturday, December 1, 2018 03:30 AM +0530
அரியலூர் மாவட்டம், திருமானூர் அருகே பள்ளிக்குச் செல்லும் மண் சாலையை தார்ச் சாலையாக மாற்ற வேண்டும் என பொதுமக்கள் கோரிக்கை விடுத்துள்ளனர்.
அரியலூர் மாவட்டம், அன்னிமங்கலம் ஊராட்சிக்குள்பட்டது பாளையபாடி கிராமம். இங்குள்ல பாசன வாய்க்கால் கரையில் ஊராட்சி ஒன்றிய நடுநிலைப் பள்ளி இயங்கி வருகிறது.
இப்பள்ளியில் இக்கிராமத்தைச் சேர்ந்த மாணவ, மாணவிகள் பயன்று வரும் நிலையில் கடந்த சில ஆண்டுகளுக்கு முன்பு மண் சாலை அமைக்கப்பட்டது. அதற்கு பின்னர் தார்ச்சாலை அமைக்கப்படவில்லை. அண்மையில் பெய்த மழையின் காரணமாக இந்த சாலை சேறுசகதியுமாக உள்ளதால் மாணவ, மாணவிகள், பள்ளி ஆசிரிய, ஆசிரியைகள் பள்ளிக்குச் செல்ல முடியாது அவதியுற்று வருகின்றனர். எனவே மாணவ,மாணவிகள் நலனில் கருத்தில் கொண்டு ஊராட்சி ஒன்றிய நடுநிலைப்பள்ளிக்கு செல்லும் மண் சாலையைத் தார்ச்சாலையாக மாற்ற வேண்டும் என்று அப்பகுதி பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-trichy/ariyalur/2018/dec/01/சேறு-சகதியுமாக-உள்ள-சாலை-அவதிப்படும்-மாணவ-மாணவிகள்-3049467.html
3049465 திருச்சி அரியலூர் நியாயவிலைக்கடை மாற்றத்துக்கு எதிர்ப்பு: ரெட்டிப்பாளையத்தில் மக்கள் சாலை மறியல் DIN DIN Saturday, December 1, 2018 03:29 AM +0530
அரியலூர் மாவ ட்டம், வி.கைகாட்டி அருகே நியாய விலைக்கடை மாற்றப்படுவதை கண்டித்து கிராம மக்கள் வெள்ளிக்கிழமை சாலை மறியலில் ஈடுபட்டனர்.
வி.கைகாட்டி அருகேயுள்ள ரெட்டிப்பாளையத்தில் இயங்கி வந்த நியாயவிலைக் கடை சேதமடைந்து. இதையடுத்து இக்கடையை மயிலாண்டகோட்டை கிராமத்துக்கு வெள்ளிக்கிழமை முதல் மாற்றுவதற்கான ஏற்பாடுகள் செய்யப்பட்டன.
இதையறிந்த ரெட்டிப்பாளையம் மக்கள், தங்கள் கிராமத்திலிருந்து வேறொரு ஊருக்கு நியாயவிலைக்கடையை மாற்றுவதற்கு எதிர்ப்பு தெரிவித்து வெள்ளிக்கிழமை காலை திருச்சி- சிதம்பரம் சாலையில் மறியலில் ஈடுபட்டனர். ரெட்டிப்பாளையம், நாயக்கர்பாளையம், சந்திரப்பாளையம் உள்ளிட்ட கிராமங்களைச் சேர்ந்த நாங்கள் இந்த கடையில் பொருள்களை பெற்று வந்தோம். தற்போது 3 கி.மீ. தொலைவைத் தாண்டி கடை மாற்றப்படுவதால் எங்களுக்கு பெரும் பாதிப்பு ஏற்படும். எனவே ரெட்டிப்பாளையத்திலேயே இக்கடை இயங்க நடவடிக்கை எடுக்க வேண்டும் என்று மறியலில் ஈடுபட்ட பொதுமக்கள் தெரிவித்தனர். விக்கிரமங்கலம் போலீஸார் மற்றும் அரியலூர் வட்ட வழங்கல் அலுவலர் கோவிந்தராஜ் மறியலில் ஈடுபட்ட பொதுமக்களிடம் பேச்சுவார்த்தை நடத்தினர்.
அப்போது, பழுதடைந்த கட்டடம் சீரமைக்கப்பட்டவுடன் மீண்டும் நியாய விலைக்கடை இங்கேயே மீண்டும் செயல்படும். மேலும்.
கடை மாற்றி அமைக்க அருகில் இடம் உள்ளதா என விசாரித்து நடவடிக்கை எடுக்கப்படும் என தெரிவித்ததையடுத்து மறியலில் ஈடுபட்டோர் கலைந்து சென்றனர். இந்த மறியலால் திருச்சி - சிதம்பரம் சாலையில் 1 மணி நேரம் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-trichy/ariyalur/2018/dec/01/நியாயவிலைக்கடை-மாற்றத்துக்கு-எதிர்ப்பு-ரெட்டிப்பாளையத்தில்-மக்கள்-சாலை-மறியல்-3049465.html
3049464 திருச்சி அரியலூர் திரைத்துறையில் கலைவாணரால் அடையாளம்காணப்பட்டவர்கள் பலர் DIN DIN Saturday, December 1, 2018 03:29 AM +0530
திரைத்துறையில் கலைவாணர் என்.எஸ். கிருஷ்ணால் அடையாளம் காணப்பட்டவர்கள் பலர் என்று கருத்தரங்கில் எடுத்துரைக்கப்பட்டது.
அரியலூர் மாவட்டம், தத்தனூர் மீனாட்சி ராமசாமி கல்லூரியில் கலைவாணர் என்.எஸ்.கிருஷ்ணன் பிறந்த நாள் கருத்தரங்கு வியாழக்கிழமை நடைபெற்றது. இக்கருத்தரங்கில் பங்கேற்று பேராசியர்கள் பலர் இக்கருத்தை எடுத்துரைத்தனர். அவர்கள் பேச்சின் முக்கியக் கருத்துகள்:
சொந்தமாக நகைச்சுவை வசனங்களை எழுதி அதையே நாடகத்திலும், திரைப்படங்களிலும் பயன்படுத்துவதை வழக்கமாகக் கொண்டிருந்தவர் என்.எஸ்.கிருஷ்ணன். நகைச்சுவை மூலமாகக் கருத்துகளைப் பரப்பினார். சிரிக்கமட்டுமல்லாது சிந்திக்கத் தூண்டிய வகையிலான பாடல்களை அளித்தவர். பழங்கலைகளின் பண்பு கெடாமல் அவற்றைப் புதுமைப்படுத்தி மக்கள் மன்றத்திற்குத் தந்தவர். திரைத்துறையில் இவரால் அடையாளம் காணப் பட்டவர்கள் பலர் என்றனர் அவர்கள்.
இக்கருத்தரங்குக்கு கல்லூரித் தாளாளர் எம்.ஆர்.ரகுநாதன் தலைமை வகித்தார். இயக்குநர் ராஜமாணிக்கம்,ஆலோசகர் தங்க.பிச்சையப்பா,இணைச் செயலர் எம்.ஆர்.கமல்பாபு ஆகியோர் முன்னிலை வகித்தனர்.
பேராசிரியர்கள் பாலமுருகன், அபுதாகீர், கலையரசி, நீலகல்பனா, சரண்யா, தமிழ்ச்செல்வி, சுஜீதா பேகம், துரைராஜ், விநாயகவேல், சக்தி ஆகியோர் கலைவாணர் குறித்த உரையை வழங்கினர்.நிறைவில், பேராசிரியை மகாலெட்சுமி நன்றி கூறினார். பேராசிரியை மாலதி உள்ளிட்டோர் ஏற்பாடுகளைச் செய்திருந்தனர்.

 

]]>
http://www.dinamani.com/all-editions/edition-trichy/ariyalur/2018/dec/01/திரைத்துறையில்-கலைவாணரால்-அடையாளம்காணப்பட்டவர்கள்-பலர்-3049464.html
3049462 திருச்சி அரியலூர் பள்ளி மாணவரை காணவில்லை எனப் புகார் DIN DIN Saturday, December 1, 2018 03:29 AM +0530
அரியலூர் மாவட்டம், மீன்சுருட்டி அருகே பள்ளிக்குச் சென்ற மாணவரைக் காணவில்லை என காவல் நிலையத்தில் புகார் அளிக்கப்பட்டுள்ளது.
மீன்சுருட்டி வங்குடி ரைஸ்மில் தெருவைச் சேர்ந்த வேலு மகன் சக்தி (14). இவர் கடலூர் மாவட்டம், காட்டுமன்னார்குடியிலுள்ள தனியார் பள்ளியில் 9 ஆம் வகுப்பு படித்து வந்தார்.
கடந்த இரு நாள்களுக்கு முன்பு பள்ளிக்குச் சென்ற சக்தி மீண்டும் வீடு திரும்பவில்லை. உறவினர்கள், நண்பர்களின் வீடுகளில் தேடியும் அவரைக் கண்டுபிடிக்க முடியவில்லை. இதுகுறித்து மீன்சுருட்டி காவல் நிலையத்தில் வேலு அளித்த புகாரின் பேரில் போலீஸார் வெள்ளிக்கிழமை வழக்குப் பதிந்து, காணாமல் போன சக்தியைத் தேடி வருகின்றனர்.

 

]]>
http://www.dinamani.com/all-editions/edition-trichy/ariyalur/2018/dec/01/பள்ளி-மாணவரை-காணவில்லை-எனப்-புகார்-3049462.html
3049422 திருச்சி அரியலூர் த.மா.கா. 5-ஆம் ஆண்டு தொடக்க விழா: அரியலூரில் இன்று பொதுக்கூட்டம் DIN DIN Saturday, December 1, 2018 03:19 AM +0530  

தமிழ் மாநில காங்கிரஸ் கட்சியின் 5 ஆம் ஆண்டு தொடக்க விழாவையொட்டி, அரியலூரில் சனிக்கிழமை பொதுக்கூட்டம் நடைபெறுகிறது.
அரியலூர் தவுத்தாய்குளம் புறவழிச்சாலை அருகே நடைபெறும் பொதுக்கூட்டத்தில் த.மா.கா. தலைவர் ஜி.கே.வாசன் பங்கேற்று சிறப்புரையாற்றுகிறார்.
மாநிலச் செயற்குழு உறுப்பினர்கள் ஜி.ஆர்.மூப்பனார், சுரேஷ் மூப்பனார், சுதாகர் மூப்பனார், கட்சி மூத்த தலைவர் ஞானதேசிகன், முன்னாள் எம்எல்ஏக்கள் விடியல் சேகர், கோவை தங்கம், ரெங்கராஜன், மாசிலமாணி, தங்கமுத்து, மாநில பொதுச் செயலர் சக்திவேல், தலைமை நிலைய செயலர்கள் அசோகன், சீனிவாசன் மற்றும் மாவட்ட, ஒன்றிய, நகர நிர்வாகிகள் உள்ளிட்டோர் பங்கேற்கின்றனர்.

 

]]>
http://www.dinamani.com/all-editions/edition-trichy/ariyalur/2018/dec/01/தமாகா-5-ஆம்-ஆண்டு-தொடக்க-விழா-அரியலூரில்-இன்று-பொதுக்கூட்டம்-3049422.html
3048869 திருச்சி அரியலூர் சிறப்பு குறைதீர் கூட்டத்தில் 58 மனுக்கள் அளிப்பு DIN DIN Friday, November 30, 2018 08:48 AM +0530 அரியலூர் கோட்டாட்சியர் அலுவலகத்தில் வியாழக்கிழமை நடைபெற்ற சிறப்பு குறைதீர் கூட்டத்தில் 58 கோரிக்கை மனுக்கள் பெறப்பட்டன.
வருவாய் நிர்வாகம், பேரிடர் மேலாண்மை மற்றும் பேரிடர் தணிக்கை துறை சார்பில் நடைபெற்ற இக்கூட்டத்துக்கு ஆட்சியர் மு. விஜயலட்சுமி தலைமை வகித்து, ஆதி திராவிடர் மற்றும் பழங்குடியினர் சாதிச்சான்றுகள் வழங்குதல், "அ' பதிவேடு கணினிமயமாக்கல் பணியின்போது, ஏற்பட்டுள்ள தவறுகள், விடுதல்கள் தொடர்பான குறைகள் மற்றும் பட்டா மாறுதல், மாற்றுத்திறனாளிகள் அளித்த 58 கோரிக்கை மனுக்கள் மீது உடனடியாக நடவடிக்கை எடுக்குமாறு சம்மந்தப்பட்ட துறை அலுவலர்களுக்கு உத்தரவிட்டார்.
கூட்டத்தில், அரியலூர் வருவாய் கோட்டாட்சியர் நா.சத்தியநாராயணன், மாவட்ட ஆட்சியரின் நேர்முக உதவியாளர் ஜெ.பாலாஜி, தனித்துணை ஆட்சியர் பூங்கோதை, அரியலூர் வட்டாட்சியர் சு.முத்துலெட்சுமி மற்றும் அலுவலர்கள், பொதுமக்கள் கலந்துகொண்டனர்.
 

]]>
http://www.dinamani.com/all-editions/edition-trichy/ariyalur/2018/nov/30/சிறப்பு-குறைதீர்-கூட்டத்தில்-58-மனுக்கள்-அளிப்பு-3048869.html
3048868 திருச்சி அரியலூர் அரியலூர், பெரம்பலூர் மாவட்டத்தில் பலத்த மழை DIN DIN Friday, November 30, 2018 08:47 AM +0530 அரியலூர் மாவட்டத்தில் வியாழக்கிழமை முதல் மீண்டும் சாரல் காற்றுடன் பலத்த மழை பெய்ததால் பல இடங்களில் மழைநீர் சூழ்ந்துள்ளது.
இடைவிடாது தொடர்ந்து பெய்த மழையால் அரியலூர் - பெரம்பலூர் புறவழிச்சாலை, திருச்சி சாலை, செந்துறை ரவுண்டானா, ராஜாஜி நகர் மின்வாரிய அலுவலகம் பகுதி, உழவர் சந்தை, மார்கெட், கல்லங்குறிச்சி சாலை, புது மார்க்கெட் தெரு உள்ளிட்ட தாழ்வான இடங்களில் மழைநீருடன் கழிவுநீர் சேர்ந்து சாலைகளில் தேங்கியது.
இதேபோல் ஜயங்கொண்டம்,செந்துறை,திருமானூர், தா.பழூர், மீன் சுருட்டி, ஆண்டிமடம் உள்ளிட்ட அனைத்து பகுதிகளிலும் மழைநீருடன் கழிவுநீர் சேர்ந்து  சாலைகளில் ஓடியது. ஜயங்கொண்டம் என்ஏஜி காலனியில் மீண்டும் மழைநீர் சூழந்துள்ளதால் மக்கள் வீட்டில் இருந்து வெளியே வரமுடியாமல் தவித்து வருகின்றனர்.திருச்சி - சிதம்பரம் சாலையில் மழைநீர் பெருக்கெடுத்து ஓடியது. 
எனவே மாவட்ட நிர்வாகம் கவனத்தில் எடுத்து ஆக்கிரமிப்புகளை அகற்றி சீரமைத்தால் மட்டுமே இதுபோன்ற நிகழ்வுகளைத் தடுக்க முடியும். இல்லையெனில் தொடர்மழை வந்தால் அரியலூர் கடும் பாதிப்பை சந்திக்க நேரிடும் என பொதுமக்கள் தெரிவித்தனர்.
பெரம்பலூர் : பெரம்பலூர் மாவட்டத்தில் வியாழக்கிழமை அதிகாலை முதல் மாலை வரை பெய்த தொடர் மழையால், பொதுமக்களின் இயல்பு வாழ்க்கை பெரிதும் பாதிப்படைந்தது. 
பெரம்பலூர் மாவட்டத்தில் கடந்த சில தினங்களாக அவ்வப்போது பரவலாக மழை பெய்து வந்தது. இரவு நேரத்தில் மழை பெய்வதும், பகலில் விட்டு விட்டு மழை பெய்து கொண்டிருந்தது. இந்நிலையில், வியாழக்கிழமை அதிகாலை முதல் மாலை 4 மணி வரை பெரம்பலூர் மாவட்டத்தின் பல்வேறு இடங்களில் பரவலாக கனமழை பெய்தது. காலையிலிருந்து தொடர்ந்து மழை பெய்ததால் நகரின் பல்வேறு இடங்களில் சாலைகளில் தண்ணீர் தேங்கியது.
இதனால் வாகனங்களின் போக்குவரத்துக்கு பாதிப்பு ஏற்பட்டது. வணிக நிறுவனங்கள் வழக்கமான வியாபாரத்தை செய்யமுடிய வில்லை. இதனால், நகரின் பிரதான சாலைகளில் உள்ள தரைக்கடை, தள்ளு வண்டி வியாபாரிகள் பெரிதும் பாதிக்கப்பட்டனர். மேலும், நகரில் மக்கள் நடமாட்டம் குறைந்து காணப்பட்டதோடு, பொதுமக்களின் இயல்பு வாழ்க்கை பெரிதும் பாதிக்கப்பட்டது.
மழை அளவு:
வியாழக்கிழமை காலை 8 மணி முதல் மாலை 4 மணி வரை பெய்த மழை அளவு (மில்லி மீட்டரில்). செட்டிக்குளம் - 15, பெரம்பலூர்- 20, வேப்பந்தட்டை - 20, தழுதாழை - 23, பாடாலூர் - 19, எறையூர் - 9, லப்பைக்குடிகாடு - 19, அகரம் சிகூர் - 21, கிருஷ்ணாபுரம் - 12, வி.களத்தூர் - 10, புதுவேட்டக்குடி - 17 என மொத்தம் 185 மி.மீட்டரும், சராசரியாக 16.82 மி.மீ மழை பெய்தது. 

]]>
http://www.dinamani.com/all-editions/edition-trichy/ariyalur/2018/nov/30/அரியலூர்-பெரம்பலூர்-மாவட்டத்தில்-பலத்த-மழை-3048868.html
3048865 திருச்சி அரியலூர் ஆனைக்கொம்பின் ஈயின் தாக்குதலில் இருந்து சம்பா பயிரை காப்பாற்ற யோசனை DIN DIN Friday, November 30, 2018 08:47 AM +0530 திருமானூர் வட்டாரத்தில் நடப்பு சம்பா பருவத்தில் நெற்பயிரினைத் தாக்கும் ஆனைக்கொம்பன் ஈயைக் கட்டுப்படுத்த வேளாண் துறை யோசனை வழங்கியுள்ளது. 
அரியலூர் மாவட்டம் திருமானூர் வட்டாரத்தில் நடப்பு சம்பா பருவத்தில் சுமார் 7,000 ஹெக்டேர் அளவில் கோ -ஆர் 50 , சி.ஆர் 1009, பிபீடி 5204 ஆகிய நெல் ரகங்கள் நடவு செய்து 20 முதல் 30 நாள்கள் பயிராக உள்ளது. இந்த வயலை ஆய்வு செய்த போது, நெற்பயிரின் தூர்களின் குருத்துப்பகுதி வெங்காய இலை சருகு போன்று காணப்பட்டது. இந்த அறிகுறி நெற்பயிரினைத் தாக்கும் ஆனைக்கொம்பன் ஈயின் சேதமாகும்.  
     இந்தப்பூச்சியின் தாக்குதல் பொருளாதார சேத நிலை அளவினை (10 இலைகளில் ஒரு இலை வெங்காயத்தாள் போல் இருக்கும்) விட அதிகமாகும் போது மகசூல் இழப்பு ஏற்படும்.  
இதனைக் கட்டுப்படுத்த பூச்சிக்கொல்லி மருந்துகளான தையோமெத்தோசைம் 25 சதவீத ரஎ 40 கிராம் ஏக்கர் அல்லது பிப்ரோனில் 5 சதவீத உஇ 400 மி.லி ஏக்கர் என்ற அளவில் காலை அல்லது மாலை வேளைகளில் தெளித்து கட்டுபடுத்தி , அதிக மகசூல் பெறலாம் என திருமானூர் வட்டார வேளாண் உதவி இயக்நர் சே.கண்ணன் தெரிவித்துள்ளார்.
 

]]>
http://www.dinamani.com/all-editions/edition-trichy/ariyalur/2018/nov/30/ஆனைக்கொம்பின்-ஈயின்-தாக்குதலில்-இருந்து-சம்பா-பயிரை-காப்பாற்ற-யோசனை-3048865.html
3048863 திருச்சி அரியலூர் அரியலூரில் இருந்து ரூ.10 லட்சம் மதிப்பில் நிவாரண உதவி DIN DIN Friday, November 30, 2018 08:46 AM +0530 கஜா புயலால் பாதிக்கப்பட்ட தஞ்சாவூர் மாவட்ட மக்களுக்கு அரியலூர் மாவட்ட பள்ளி கல்வித்துறை சார்பில் ரூ.10 லட்சம் மதிப்பிலான நிவாரணப் பொருள்கள் வியாழக்கிழமை அனுப்பி வைக்கப்பட்டன.
அரியலூர் கோட்டாட்சியர் அலுவலக வளாகத்தில் நடைபெற்ற நிகழ்ச்சியில் மாவட்ட ஆட்சியர் மு.விஜயலட்சுமி கொடியசைத்து நிவாரணப் பொருள்களை அனுப்பை வைத்து மேலும் தெரிவித்ததாவது: 
கஜா புயலினால் ஏற்பட்ட பாதிப்புக்குள்ளான தஞ்சாவூர் மாவட்ட  மக்களுக்கு அரியலூர் மாவட்ட பள்ளிக் கல்வித்துறையின் மூலம் ரூ.10 லட்சம் மதிப்புள்ள உணவுப் பொருள்கள், படுக்கை விரிப்புகள், போர்வைகள், தார்ப்பாய், புதிய துணிமணிகள், தீப்பெட்டிகள், மெழுகுவர்த்திகள் மற்றும் இதர அத்தியாவசிய பொருள்கள் அரியலூர் மாவட்ட முதன்மைக் கல்வி அலுவலகம் மூலமாக பள்ளிகளிலும், மாணவ, மாணவிகளிடமும் பெறப்பட்டு, முதன்மைக் கல்வி அலுவலர் தலைமையிலான குழு மூலம் சம்மந்தப்பட்ட மக்களுக்கு வழங்க பள்ளிக் கல்வித்துறை அமைச்சரிடம் ஒப்படைக்கப்படவுள்ளது என்றார் அவர்.
நிகழ்வின்போது, மாவட்ட முதன்மை கல்வி அலுவலர் அ.புகழேந்தி, மாவட்ட ஆட்சியரின் நேர்முக உதவியாளர் பாலாஜி, மாவட்ட கல்வி அலுவலர்கள் ந.மணிவண்ணன், அரி.செல்வராசு, இரா.வெற்றிச்செல்வி, முதன்மை கல்வி அலுவலரின் நேர்முக உதவியாளர் ரா.பொய்யாமொழி மற்றும் பி.செந்தில், பள்ளித் துணை ஆய்வாளர் ரா.பழனிச்சாமி மற்றும் சுற்றுச்சூழல் ஒருங்கிணைப்பாளர் ஏ.கொளஞ்சிநாதன் மற்றும் அலுவலர்கள் உடனிருந்தனர்.
தேமுதிக சார்பில் ரூ. 2 லட்சம் மதிப்பில் நிவாரண உதவி:
அரியலூர் மாவட்ட தேமுதிக சார்பில் ரூ.2 லட்சம் மதிப்பிலான நிவாரணப் பொருள்கள் வியாழக்கிழமை அனுப்பி வைக்கப்பட்டன.
கஜா புயலால் பாதிப்படைந்த டெல்டா மாவட்ட மக்களுக்கு வழங்கும் வகையில் அரியலூர் மாவட்ட தேமுதிக சார்பில் ரூ. 2 லட்சம் மதிப்பிலான அரிசி, சேலை, வேட்டி, துண்டு, கைலி, போர்வை, துரித உணவுப் பொருள்கள், வாளி, மெழுகுவர்த்தி, கொசுவர்த்தி, ரஸ்க், பிஸ்கட், ராந்தல் விளக்கு, தார்ப்பாய், தலையணை உள்ளிட்ட பொருள்களை தேமுதிக மாவட்டச் செயலர் ராம.ஜெயவேல் அனுப்பி வைத்தார். நிகழ்ச்சியில் கட்சி நிர்வாகிகள் பலர் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/nov/30/அரியலூரில்-இருந்து-ரூ10-லட்சம்-மதிப்பில்-நிவாரண-உதவி-3048863.html
3048861 திருச்சி அரியலூர் வெள்ளாடு வளர்ப்போருக்கான இலவசப் பயிற்சி DIN DIN Friday, November 30, 2018 08:46 AM +0530 வெள்ளாடு வளர்ப்போருக்கான இலவசப் பயிற்சி வகுப்பு அரியலூர் தலைமை கால்நடை மருத்துவமனையில் வியாழக்கிழமை நடைபெற்றது.
இதில், அரசு சார்பில் வெள்ளாடுகள் வழங்கப்பட்ட பயனாளிகளுக்கு ஆடுகளை வளர்த்தல், பாதுகாத்தல், மருத்துவமனைகளில் ஆடுகளுக்கு அளிக்கப்படும் சிகிச்சை முறைகள், சந்தைப்படுத்துதல் போன்ற பயிற்சிகள் அளிக்கப்பட்டன. பயிற்சி வகுப்பில் கடுகூர், ஆனந்தவாடி உள்ளிட்ட பகுதிகளை சேர்ந்த பெண்கள் கலந்து கொண்டனர்.  கால்நடை ஆராய்ச்சி மற்றும் பயிற்சி மைய உதவி பேராசிரியர் சரவணஜெயம் பயிற்சியளித்தார். கால்நடை உதவி இயக்குநர் முருகேசன், மருத்துவர்கள் செல்வபாண்டி, மஹாலட்சுமி உட்பட பலரும் கலந்து கொண்டனர். 

]]>
http://www.dinamani.com/all-editions/edition-trichy/ariyalur/2018/nov/30/வெள்ளாடு-வளர்ப்போருக்கான-இலவசப்-பயிற்சி-3048861.html
3048202 திருச்சி அரியலூர் அரியலூர் மாவட்டத்தில் நாளை அம்மா திட்டம் முகாம் நடைபெறும் கிராமங்கள் DIN DIN Thursday, November 29, 2018 08:53 AM +0530 அரியலூர் மாவட்டத்தில் வெள்ளிக்கிழமை (நவ.30) அம்மா திட்டம் முகாம் நடைபெறும் கிராமங்களை மாவட்ட நிர்வாகம் அறிவித்துள்ளது.
இதுகுறித்து மாவட்ட ஆட்சியர் மு. விஜயலட்சுமி புதன்கிழமை வெளியிட்டுள்ள செய்திக்குறிப்பு:
வருவாய்த்துறையின் சார்பில் அலுவலர்கள் கிராமங்களில் முகாமிட்டு,  பொதுமக்களின் குறைகளை மனுக்களைப் பெற்று, அந்த மனுக்கள் மீதுஉரிய விசாரணை நடத்தி தீர்வு காணும் வகையில் அம்மா திட்டம் முகாம் மாவட்டத்தில் நடத்தப்பட்டு வருகிறது.இந்த முகாமில்,வருவாய்த்துறையின் சமூகப்பாதுகாப்புத் திட்டங்கள், இலவச வீட்டுமனைப் பட்டாக்கள், பிறப்பு, இறப்பு சான்றிதழ், சாதி சான்றிதழ் போன்றவை தொடர்பாக பெறப்படும் மனுக்கள் மீது உடனடியாகத் தீர்வு காணப்படும். அதன்படி,  நவம்பர் 30 ஆம் தேதி மாவட்டத்தில் உள்ள அனைத்து வட்டங்களிலும் இந்த முகாம் நடைபெறும்.   சன்னாவூர் வடக்கு, விளாங்குடி,    தத்தனூர் கிழக்கு,  கோடாலிக்கருப்பூர், வஞ்சினபுரம்,ஆண்டிமடம்   ஆகிய கிராமங்களில் முகாம் நடைபெறும். எனவே சம்பந்தப்பட்ட கிராமங்களைச் சேர்ந்த பொதுமக்கள் முகாமில் பங்கேற்று பயன்பெறலாம்.
 

]]>
http://www.dinamani.com/all-editions/edition-trichy/ariyalur/2018/nov/29/அரியலூர்-மாவட்டத்தில்-நாளை-அம்மா-திட்டம்-முகாம்-நடைபெறும்-கிராமங்கள்-3048202.html
3048201 திருச்சி அரியலூர் அதிகளவிலான நிதி ஒதுக்கீட்டால் பள்ளிக் கல்வித்துறை பெரும் வளர்ச்சி DIN DIN Thursday, November 29, 2018 08:53 AM +0530 பள்ளிக் கல்வித்துறைக்கு கடந்த 5 ஆண்டுகளில் ரூ.85,000 கோடி நிதி ஒதுக்கீடு செய்யப்பட்டது. அதிகளவிலான நிதி ஒதுக்கீட்டில் இத்துறை பெரும் வளர்ச்சியடைந்திருக்கிறது என்றார் அரசு தலைமைக் கொறடா தாமரை எஸ்.ராஜேந்திரன்.
ஜயங்கொண்டம் அரசு மேல்நிலைப் பள்ளியில் புதன்கிழமை நடைபெற்ற நிகழ்ச்சியில்,  ஜயங்கொண்டம், அரியலூர் அரசு ஆண்கள் மேல்நிலைப் பள்ளிகள்,  பாத்திமா, நிர்மலா பெண்கள் மேல்நிலைப் பள்ளிகள், மகிமைபுரம் , சிஎஸ்ஐ பள்ளிகளில் பிளஸ் 1 பயிலும்  4613 மாணவ, மாணவிகளுக்கு மிதிவண்டிகளை வழங்கி மேலும் அவர் பேசியது: 
பள்ளி மாணவ, மாணவிகளின் நலன்கருதி  விலையில்லா எண்ணற்ற பல்வேறு நலத்திட்டங்களை தமிழக அரசு செயல்படுத்தி வருகிறது. 
 பள்ளிக்கல்வித்துறைக்கு கடந்த 5 ஆண்டுகளில் ரூ.85 ஆயிரம் கோடி நிதி ஒதுக்கியதில் பள்ளிக்கல்வித்துறை பெரும் வளர்ச்சி அடைந்துள்ளது. விலையில்லா நோட்டு புத்தகங்கள், மடிக்கணினிகள், விலையில்லா மிதிவண்டி, காலணிகள், வண்ணச் சீருடைகள் வழங்குதல் உள்ளிட்டபல்வேறு திட்டங்களை செயல்படுத்தி வருவதன் மூலம் பள்ளிக் கல்வித்துறை பெரும் வளர்ச்சியடைந்துள்ளது. அரசின் நலத்திட்டங்களைப் பெற்று கல்விப் பயிலும் மாணவ, மாணவிகள் நன்றாகப் பயின்று நாட்டிற்கும், வீட்டிற்கும் பெருமை சேர்க்க வேண்டும் என்றார் அவர். 
விழாவுக்கு ஆட்சியர் மு.விஜயலட்சுமி தலைமை வகித்தார்.ஜயங்கொண்டம் எம்.எல்.ஏ.ராமஜெயலிங்கம்  முன்னிலை வகித்தார்.
மாவட்ட முதன்மைக் கல்வி அலுவலர் அ.புகழேந்தி,  ஆவின் துணைத் தலைவர் தங்க.பிச்சைமுத்து,  கல்வி மாவட்ட அலுவலர்கள்உடையார்பாளையம் மணிவண்ணன், அரியலூர்(பொ)செல்வராசு, செந்துறை வெற்றிச்செல்வி,பெற்றோர் ஆசிரியர் கழகத் தலைவர்கள் ஓ.பி.சங்கர் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/nov/29/அதிகளவிலான-நிதி-ஒதுக்கீட்டால்-பள்ளிக்-கல்வித்துறை-பெரும்-வளர்ச்சி-3048201.html
3048200 திருச்சி அரியலூர் ரூ.2,641 கோடி முன்னுரிமை கடன் வழங்க இலக்கு DIN DIN Thursday, November 29, 2018 08:52 AM +0530 அரியலூர் மாவட்ட முன்னோடி வங்கி சார்பில்  வளம் சார்ந்த கடன் திட்டத்தில் ரூ. 2, 641 கோடி முன்னுரிமைக் கடனாக வழங்க இலக்கு நிர்ணயிக்கப்பட்டுள்ளது என்றார் மாவட்ட  ஆட்சியர் மு.விஜயலட்சுமி.
அரியலூர் மாவட்டஆட்சியரகத்தில் புதன்கிழமை  நடைபெற்ற நிகழ்வில், நபார்டு வங்கியின்  2018-19 ஆம் ஆண்டுக்கான வளம்சார்ந்த கடன் திட்ட அறிக்கையை வெளியிட்டு, மேலும் அவர் பேசியது;
 மாவட்டத்தில் தற்போது உள்ள அடிப்படைக் கட்டமைப்பு வசதிகள், விரிவாக்க சேவை மையங்களின் செயல்பாடு, பெருகிவரும் தொழில்நுட்பப் பரிமாற்றம், வங்கிகளின் நிதி ஆதாரம் ஆகியவற்றை ஆதாரமாக கொண்டு ஒவ்வொரு ஆண்டும் நபார்டு செறிவு சார் கடன் திட்ட அறிக்கை வெளியிடப்படுகிறது.
அந்த வகையில் 2019-2020 ஆம் ஆண்டு வேளாண் துறைக்கு ரூ.2,344 கோடி, சிறு, குறு தொழில்களுக்கு ரூ.58 கோடி, இதர முன்னுரிமை கடன்களுக்கு ரூ.239 கோடி வழங்க இலக்கு நிர்ணயிக்கப்பட்டுள்ளது.  மாவட்டத்தில் உள்ள அனைத்து வங்கிகளும் இந்த திட்ட அறிக்கையைப் பின்புலமாகக் கொண்டு,அடுத்த ஆண்டுக்கான அவர்களது கடன் திட்டங்களை தயாரிக்கும் மாவட்டத்தின் முன்னோடி வங்கியான பாரத ஸ்டேட் வங்கி அந்த திட்டங்களை ஒழுங்குமுறைப்படுத்தி மாவட்டக் கடன் திட்டமாக தயாரித்து பின்னர் வெளியிடப்படும்.
மேலும், சொட்டு நீர்ப்பாசனம், தரிசு நில மேம்பாடு, பழப்பயிர் பண்ணைகள், மீன் வளர்ப்பு, ஊரகக் கிடங்குகள்,  குழுக்கள் அமைத்தல் போன்ற கடன் திட்டங்களுக்கு அதிக முன்னுரிமை கொடுக்கப்படும் என்றார் அவர்.  மாவட்ட ஊரக வளர்ச்சி முகமை திட்ட இயக்குநர்(பொ) லலிதா,நபார்டு வங்கியின் மாவட்ட  வளர்ச்சி மேலாளர் நவீன்குமார், மாவட்ட முன்னோடி வங்கி மேலாளர் இளஞ்சேரன், அரியலூர் ரிசர்வ் வங்கி மேலாளர் பாலாஜி  உள்ளிட்டோர் இந்த நிகழ்வில் பங்கேற்றனர்.

]]>
http://www.dinamani.com/all-editions/edition-trichy/ariyalur/2018/nov/29/ரூ2641-கோடி-முன்னுரிமை-கடன்-வழங்க-இலக்கு-3048200.html