Dinamani - அரியலூர் - http://www.dinamani.com/all-editions/edition-trichy/ariyalur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3023991 திருச்சி அரியலூர் பைக் - கார் மோதல்: ஒருவர் பலத்த காயம் DIN DIN Sunday, October 21, 2018 03:17 AM +0530  

அரியலூர் மாவட்டம் உடையார்பாளையம் அருகே சனிக்கிழமை இரவு இரு சக்கர வாகனம் மீது கார் மோதிய விபத்தில் ஒருவர் பலத்த காயமடைந்தார்.
உடையார்பாளையம் அருகேயுள்ள கழுமங்கலம் கிராமத்தைச் சேர்ந்த ஜெகன்நாதன் மகன் ஜெயபால்(35). சனிக்கிழமை இரவு இவர் தனது இரு சக்கர வாகனத்துக்கு பெட்ரோல் நிரப்ப பங்கிற்கு சென்று கொண்டிருந்தார். அப்போது எதிரே குமிழியம் கிராமத்தைச் சேர்ந்த சாமிநாதன் மகன் மனோ(30) என்பவர் ஓட்டி வந்த கார், எதிர்பாராத விதமாக ஜெயபால் ஓட்டி வந்த பைக் மீது மோதியது. இதில் பலத்த காயமடைந்த ஜெயபால் சிகிச்சைக்காக ஜயங்கொண்டம் அரசு மருத்துவமனையில் சேர்க்கப்பட்டார்.
பின்னர் மேல் சிகிச்சைக்காக தஞ்சை அரசு மருத்துவக் கல்லூரி மருத்துவமனையில் அனுமதிக்கப்பட்டார். புகாரின் பேரில் உடையார்பாளையம் போலீஸார் வழக்கு பதிந்து மனோவைக் கைது செய்தனர்.

 

]]>
http://www.dinamani.com/all-editions/edition-trichy/ariyalur/2018/oct/21/பைக்---கார்-மோதல்-ஒருவர்-பலத்த-காயம்-3023991.html
3023990 திருச்சி அரியலூர் கேட்பாரற்றுக் கிடந்த 2 மொபெட்டுகள் பறிமுதல் DIN DIN Sunday, October 21, 2018 03:17 AM +0530
அரியலூர் மாவட்டம் ஜயங்கொண்டம் பகுதியில் கேட்பாரற்றுக் கிடந்த 2 மோட்டார் சைக்கிள்கள் வெள்ளிக்கிழமை இரவு பறிமுதல் செய்யப்பட்டன.
ஜயங்கொண்டம் பகுதியில் காவல் உதவி ஆய்வாளர் அண்ணாதுரை தலைமையிலான போலீஸார் வெள்ளிக்கிழமை இரவு ரோந்து பணியில் ஈடுபடுத்தப்பட்டிருந்தனர். அப்போது புதுக்குடி பேருந்து நிறுத்தத்தில் ஒரு மோட்டார் சைக்கிளும், சின்ன வளையம் கிராமம் அருகே உள்ள வனச்சரகத்தில் ஒரு மோட்டார் சைக்கிளும் முகாந்திரம் ஏதும் இல்லாமல் கேட்பாரற்ற நிலையில் நீண்ட நேரமாக நின்று கொண்டிருந்தது.
இதனைப் பார்த்து சந்தேகமடைந்த போலீஸார் சுற்றுமுற்றும் எங்கு தேடியும் யாரும் இல்லாததால் அவ்விரண்டு மோட்டார் சைக்கிள்களையும் பறிமுதல் செய்து ஜயங்கொண்டம் போலீஸ் நிலையத்திற்கு கொண்டு செல்லப்பட்டு மேற்கொண்டு விசாரித்து வருகின்றனர்.

 

]]>
http://www.dinamani.com/all-editions/edition-trichy/ariyalur/2018/oct/21/கேட்பாரற்றுக்-கிடந்த-2-மொபெட்டுகள்-பறிமுதல்-3023990.html
3023989 திருச்சி அரியலூர் தூங்கியிருந்த பெண்ணிடம் 5 பவுன் சங்கிலி பறிப்பு DIN DIN Sunday, October 21, 2018 03:17 AM +0530
அரியலூர் மாவட்டம் திருமானூர் அருகே வீட்டில் தூங்கிக்கொண்டிருந்த பெண்ணிடம் 5 பவுன் தாலிச்சங்கிலியைப் பறித்துச்சென்ற மர்மநபர்களைப் போலீஸார் தேடிவருகின்றனர்.
வெங்கனூரைச் சேர்ந்தவர் கமலா(36). இவர், விடுமுறை என்பதால் குழந்தைகளை அழைத்துக்கொண்டு திருமானூர் அருகேயுள்ள குந்தபுரம் கிராமத்தில் வசிக்கும் தங்கை சித்ரா வீட்டிற்கு வந்து தங்கியுள்ளார். இந்நிலையில், வெள்ளிக்கிழமை நள்ளிரவு மின்சாரம் தடைபட்டதால், கதவைத் திறந்து வைத்துக்கொண்டு அனைவரும் வீட்டில் தூங்கியுள்ளனர். அப்போது, வீட்டுக்குள் புகுந்த மர்மநபர், கமலா கழுத்தில் அணிந்திருந்த 5 பவுன் தாலி சங்கிலியைப் பறித்துக்கொண்டு ஓடியுள்ளார்.
சப்தம் கேட்டு வீட்டில் உள்ளவர்கள் எழுந்து மர்மநபரைசிறிது தூரம் துரத்திச் சென்றும் பிடிக்க முடியவில்லை. இது தொடர்பாக திருமானூர் போலீஸார் வழக்குப் பதிந்து விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-trichy/ariyalur/2018/oct/21/தூங்கியிருந்த-பெண்ணிடம்-5-பவுன்-சங்கிலி-பறிப்பு-3023989.html
3023988 திருச்சி அரியலூர் உடையார்பாளையம் அருகே மணல் கடத்தல் : 7 பேர் கைது DIN DIN Sunday, October 21, 2018 03:17 AM +0530
அரியலூர் மாவட்டம் உடையார்பாளையம் அருகே மாட்டு வண்டிகளில் மணல் கடத்திய 7 பேர் சனிக்கிழமை கைது செய்யப்பட்டனர்.
உடையார்பாளையம் காவல் நிலைய உதவி ஆய்வாளர் ரவி தலைமையிலான போலீஸார் சனிக்கிழமை சோழங்குறிச்சி சாலையில் வாகனத் தணிக்கையில் ஈடுபட்டிருந்தனர். அப்போது, அவ்வழியே வந்த 7 மாட்டு வண்டிகளை மறித்து சோதனை மற்றும் விசாரணை மேற்கொண்டனர். விசாரணையில், சோழங்குறிச்சி கிராமத்தைச் சேர்ந்த ராமசந்திரன் (48), நாராயணன்(28), பஞ்சநாதன்(37), ஒக்கநத்தம் கிராமத்தைச் சேர்ந்த வீரமணி (44), குணசேகரன்(42), கடுவெட்டாங்குறிச்சி கிராமத்தைச் சேர்ந்த ராஜமணிக்கம்(38), காங்கயம்குறிச்சி கிராமத்தைச் சேர்ந்த வெங்கடாசலம் (52) ஆகியோர் சுத்தமல்லி ஓடை பகுதியில் இருந்து அரசு அனுமதியின்றி மாட்டுவண்டியில் மணல் கடத்திவந்தது தெரியவந்தது. இதையடுத்து போலீஸார் வழக்கு பதிந்து அந்த 7 பேரைக் கைது செய்து மாட்டு வண்டிகளைப் பறிமுதல் செய்தனர்.

 

]]>
http://www.dinamani.com/all-editions/edition-trichy/ariyalur/2018/oct/21/உடையார்பாளையம்-அருகே-மணல்-கடத்தல்--7-பேர்-கைது-3023988.html
3023987 திருச்சி அரியலூர் சிறுமியைத் திருமணத்துக்கு வற்புறுத்திய இளைஞர் கைது DIN DIN Sunday, October 21, 2018 03:16 AM +0530
அரியலூர் மாவட்டம் மீன்சுருட்டி அருகே சிறுமியைத் திருமணம் செய்து கொள்ள வற்புறுத்திய இளைஞர் சனிக்கிழமை கைது செய்யப்பட்டார்.
மீன்சுருட்டி அருகேயுள்ள மண்டபத்தேரியைச் சேர்ந்த சிறுமி ஒருவர் மீன்சுருட்டி அரசு பெண்கள் மேல்நிலைப் பள்ளியில் 8 ஆம் படித்து வருகிறார். இவர் பள்ளிக்குச் செல்லும்போது, குண்டவெளி கிராமத்தைச் சேர்ந்த ராஜேஷ்(20) என்பவர் வழிமறித்து தன்னைத் திருமணம் செய்து கொள்ளுமாறு வற்புறுத்தி வந்ததாகவும், இதனால் மன உளைச்சல் அடைந்ததாகவும் கூறப்படுகிறது. இதுகுறித்து அச்சிறுமியின் பெற்றோர் அளித்த புகாரின் பேரில், மீன்சுருட்டி போலீஸார் வழக்குப் பதிந்து ராஜேஷைக் கைது செய்து விசாரித்து வருகின்றனர்.

 

]]>
http://www.dinamani.com/all-editions/edition-trichy/ariyalur/2018/oct/21/சிறுமியைத்-திருமணத்துக்கு-வற்புறுத்திய-இளைஞர்-கைது-3023987.html
3023986 திருச்சி அரியலூர் அரியலூர் சித்தேரியை பறவைகள் சரணாலயமாக்கப்படுமா? DIN DIN Sunday, October 21, 2018 03:16 AM +0530
அரியலூர் நகரப் பகுதியில் உள்ள சித்தேரி, பறவைகள் சரணாலயமாகுமா என அப்பகுதி மக்கள் எதிர்பார்க்கின்றனர்.
பரந்து விரிந்து கிடக்கும் நிலப்பரப்பில் ஏரிகள் அதிகம் ஒருபக்கம், கண்ணுக்கு குளிர்ச்சியாக பச்சைப்பசேலென வயல்வெளிகள் காட்சி ஒரு பக்கம், முந்திரியும்,சோளமும், கடலையும் விளையும் மாவட்டமாக விளங்கி வருவது அரியலூர் மாவட்டம்.
இம்மாவட்டத்தில் கரைவெட்டி பறவைகள் சரணாலயமும், கங்கைகொண்ட சோழபுரம் பிரகதீஸ்வரர் திருக்கோயில், ஏலாக்குறிச்சி புனித அன்னை ஆலயம் தவிர இப்பகுதியில் சுற்றுலா தளங்கள் ஏதும் கிடையாது. ஒரு பூங்கா கூட இந்த மாவட்டத்தில் கிடையாது. இம்மாவட்ட மக்கள் பொழுதைக் கழிக்க திருச்சி, தஞ்சை, கடலூர் ஆகிய மாவட்டங்களுக்குச் செல்ல வேண்டியுள்ளது. இதில் குறிப்பாக கரைவெட்டி பறவைகள் சரணாலயம் சீசன் நேரத்தில் மட்டுமே களைகட்டும். மற்ற நேரங்களில் வெறிச்சோடிக் காணப்படும்.
இந்நிலையில், அரியலூர் நகரத்தின் பிரதான பெரிய ஏரியாக உள்ள சித்தேரி கடந்த சில மாதங்களாக ஒரு சுற்றுலா மையமாக மாறி வருகிறது. இந்த ஏரியின் கீழ் அரியலூர், தவுத்தாய் குளம் உள்ளிட்ட பகுதிகளில் 2,000 ஏக்கர் பரப்பளவில் நெல், மக்காச்சோளம், கடலை, கரும்பு உள்ளிட்ட பயிர்கள் சாகுபடி செய்யப்படுகிறது. மேலும் இந்த ஏரியில் மீன்கள் அதிகளவில் வளர்க்கப்பட்டு வருவதால் பல்வேறு இடங்களில் பறவை இனங்கள் இந்த ஏரிக்கு வந்து செல்கின்றன.
பகல் நேரங்களில் அருகிலுள்ள அறுவடை செய்யப்பட்ட வயல்களில் சிதறிக்கிடக்கும் நெல்மணிகளைத் தின்பதற்காகவும் நிழல் வெளிக்காகவும் செல்கின்றன. மாலை வேளையில் எங்கிருந்தாலும் வழிதவறாது இந்த ஏரிக்கு வந்துவிடுகின்றன.
அதனால் பகல் வேளைகளில் வெறிச்சோடியது போன்று காணப்படும் இந்த ஏரி, மாலை வேளையில் கண்களுக்கு இதமாக காட்சியளிக்கிறது. உரிய காலத்தில் 100 க்கும் மேற்பட்ட வகையான நீர்ப்பறவைகளும், 37 வகையான நிலப்பறவைகளும் வந்து செல்கின்றன.
இங்கு வரும் பறவையினங்களில், கொக்கு, ஊசிவால், வாத்து பூநாரை, நத்தை குத்தி நாரை, மஞ்சள் மூக்கு, காட்டு வாத்து, நீர் கோழி, கானாங்கோழி, மைனா, சுரண்டிவாயன், குன்னத்தாரா, வெண்தலை, கூழைக்கிடா, வெள்ளை அரிவாள் மூக்கான், மிளிரும் அரிவாள் மூக்கான், சாம்பல் நிற கொக்கு, மைல் கால் கோழி, ஆலா, கரண்டி மூக்கான், நத்தை கொத்தி நாரை, பாம்பு நாரை, கொசு உல்லான், சிறிய கொக்கு, முக்குளிப்பான், வண்ண நாரை, மடையான், உண்ணி கொக்கு, நாமக்கோழி, சிறைவி, நீர்காகம் உள்ளிட்டவை நீர்வாழ் பறவைகளாகும். வழக்கமான பறவைகளான ஆள்காட்டி குருவி, பருந்து, சிட்டு, வேதவால் குருவி, மஞ்சள் குருவி, மஞ்சு திருடி, மரங்கொத்தி பறவை, மைனா, புறா, மணியன் காக்கா, அண்டங்காக்கா, மயில், கல் குருவி, நாராயணபட்சி ஆகியவை நிலவாழ் பறவைகளாகும்.
இப்பறவைகள் இங்கு தங்கியிருக்கும் காலங்களில் அவற்றுக்குப் போதுமான உணவு வகைகள் எப்போதும் கிடைக்கிறது என்பதே இப்பறவைகளின் வருகைக்கு முக்கியக் காரணம். பல ஆயிரம் கி.மீ. தொலைவில் இருந்தும் இங்கு வரும் பறவைகள், இங்கேயே தங்கிவிடுவதும் உண்டு. இதனை சுற்றுவட்டார பகுதி மக்கள் பார்த்து ரசித்து செல்கின்றனர்.
இதுகுறித்து அரியலூர் நகர் வாசிகள் கூறியதாவது:
சிமென்ட் ஆலைகள் இருப்பதை தவிர இங்கு பொழுதுபோக்குக்காக ஒரு பூங்கா கிடையாது. மழை பெய்தால் மட்டுமே இங்குள்ள ஏரிகள் நிரம்பி மாவட்டம் பசுமையாக காணப்படும்.
அரியலூர் நகரத்தின் பிரதான ஏரியான சித்தேரியில் மழைநீர் நிரம்பி கடல் போல் காட்சியளிக்கும். இதை இப்பகுதி மக்கள் பார்த்து ரசித்து செல்வார்கள். தற்போது இந்த ஏரியில் வெளிநாட்டு பறவை இனங்கள் அதிகளவில் வந்துசெல்வதால் இப்பகுதி மக்கள் பார்வையிட்டுச் செல்கின்றனர்.
குறிப்பாக அதிகாலை நேரத்தில் ஏரியின் வழியாக நடைப்பயிற்சி மேற்கொள்ளும் போது அங்குள்ள மரத்தில் தங்கியுள்ள பறவைகளின் சப்தம் காதுக்கு இனிமையாக இருந்து வருகிறது.
எனவே ஏரியை மேம்படுத்தி, ஏரியைச் சுற்றி மரங்கள் மற்றும் நடைப்பயிற்சி மேற்கொள்வதற்காக தரைத்தளம் உள்ளிட்டவைகளை அமைத்து சித்தேரியை பறவைகள் சரணாலயமாக மாற்ற தமிழக அரசு நடவடிக்கை எடுக்க வேண்டும் என இப்பகுதி மக்களின் பிரதான கோரிக்கையாக உள்ளது.

 

]]>
http://www.dinamani.com/all-editions/edition-trichy/ariyalur/2018/oct/21/அரியலூர்-சித்தேரியை-பறவைகள்-சரணாலயமாக்கப்படுமா-3023986.html
3023985 திருச்சி அரியலூர் அரியலூரில் பிற்படுத்தப்பட்டோர் சுய தொழில் கடனுதவிக்கு விண்ணப்பிக்கலாம் DIN DIN Sunday, October 21, 2018 03:16 AM +0530
பிற்படுத்தப்பட்டோர் மற்றும் மிகவும் பிற்படுத்தப்பட்டோர் சுய தொழில் தொடங்கும் பொருட்டு கடனுதவி பெற விண்ணப்பிக்கலாம் என மாவட்ட ஆட்சியர் மு. விஜயலட்சுமி தெரிவித்துள்ளார்.
இதுகுறித்து அவர் வெளியிட்ட செய்திக்குறிப்பு:
அரியலூர் மாவட்டத்தில் பிற்படுத்தப்பட்டோர் மற்றும் மிகவும் பிற்படுத்தப்பட்டோர் இனத்தைச் சேர்ந்த மக்களுக்கு சுயதொழில் செய்வதற்காக தொழிற்கடன் வழங்குவதற்கு தமிழ்நாடு பிற்படுத்தப்பட்டோர் பொருளாதார மேம்பாட்டுக்கழகம் (டாப்செட் கோ) மூலம் தொழிற்கடன் வழங்கும் திட்டம் செயல்படத்தப்பட்டு வருகிறது. தொழிற்கடன், தனிநபர் கடன், சுயஉதவி குழுக்களுக்கான சிறுகடன், கறவை மாடுகள் வாங்க கடனுதவி போன்றவற்றைப் பெற விரும்புவர்கள், அரியலூர் மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம், கூட்டுறவு சங்கங்களின் மண்டல இணை பதிவாளர் அலுவலகம், மாவட்ட மத்திய கூட்டுறவு வங்கி, நகர கூட்டுறவு வங்கிகள் மற்றும் தொடக்க வேளாண் கூட்டுறவு கடன் சங்கங்களில் விண்ணப்பங்கள் பெற்று கொள்ளலாம்.
பிற்படுத்தப்பட்டோர் மற்றும் மிகவும் பிற்படுத்தப்பட்டோர் இனத்தவராக இருக்க வேண்டும்.18 முதல் 60 வயதுக்கு உட்பட்டவராக இருக்க வேண்டும். சாதிச் சான்று, வருமானச் சான்று, இருப்பிடச் சான்று, நிலத்தடி நீர் ஆய்வறிக்கை, சிட்டா, அடங்கல், சிறு,குறு விவசாயி சான்று, புல வரைபடம், கூட்டு வரைபடம் ஆகிய ஆவணங்களை வழங்க வேண்டும் எனத் தெரிவிக்கப்பட்டுள்ளது.

 

]]>
http://www.dinamani.com/all-editions/edition-trichy/ariyalur/2018/oct/21/அரியலூரில்-பிற்படுத்தப்பட்டோர்-சுய-தொழில்-கடனுதவிக்கு-விண்ணப்பிக்கலாம்-3023985.html
3023984 திருச்சி அரியலூர் அரசு செட்டாப் பாக்ஸ்களை வேறொரு நிறுவனத்துக்கு மாற்ற முயன்றால் கடும் நடவடிக்கை DIN DIN Sunday, October 21, 2018 03:15 AM +0530
தமிழ்நாடு அரசு கேபிள் டிவி நிறுவனத்திற்கு சொந்தமான செட்டாப் பாக்ஸ்களை வேறொரு நிறுவன செட்டாப் பாக்ஸிற்கு மாற்றிக்கொள்வது சட்டத்திற்கு புறம்பானது மற்றும் குற்ற செயலாகும். இந்த செயலில் ஈடுபடும் உள்ளூர் கேபிள் டிவி ஆபரேட்டர்கள் மீது காவல்துறையின் மூலம் கடுமையான நடவடிக்கை எடுக்கப்படும் என ஆட்சியர் மு.விஜயலட்சுமி வெளியிட்ட செய்திக் குறிப்பில் தெரிவித்துள்ளார்.
தமிழ்நாடு அரசு கேபிள் டிவி நிறுவனத்தின் மூலம், அரியலூர் மாவட்டம் முழுவதும் இதுவரை அரசுக்குச் சொந்தமான 27, 767 - செட்டாப் பாக்ஸ்கள் பொதுமக்களுக்கு, உள்ளூர் கேபிள் டிவி ஆபரேட்டர்கள் மூலமாக இலவசமாக வழங்கப்பட்டுள்ளது. இந்நிலையில் எந்த டிஜிட்டல் கம்பெனியின் செட்டாப் பாக்ஸையும் கொடுத்து அரசின் செட்டாப் பாக்ஸை இலவசமாக பெற்றுக் கொள்ளலாம் என்றும் அதற்கு எவ்வித முன்பணமும் தேவையில்லை என சமூக வலைதளங்கள் மூலம் தவறான தகவல் பரவிவருகிறது.

 

]]>
http://www.dinamani.com/all-editions/edition-trichy/ariyalur/2018/oct/21/அரசு-செட்டாப்-பாக்ஸ்களை-வேறொரு-நிறுவனத்துக்கு-மாற்ற-முயன்றால்-கடும்-நடவடிக்கை-3023984.html
3023395 திருச்சி அரியலூர் கோயில்களில் விஜயதசமி சிறப்பு வழிபாடு DIN DIN Saturday, October 20, 2018 08:32 AM +0530 விஜயதசமியை முன்னிட்டு அரியலூர் மாவட்ட கோயில்களில் சிறப்பு வழிபாடு வெள்ளிக்கிழமை நடைபெற்றது.
விஜயதசமி நாளில் கையில் எடுக்கும் செயல்கள் அனைத்தும் வெற்றியில் முடியும் என்பது நம்பிக்கை. இதை முன்னிட்டு கல்லங்குறிச்சி கலியுகவரதராச பெருமாள் கோயில், அரியலூர் ஆலந்துறையார் கோயில்களில் சிறப்பு வழிபாடுகள் நடைபெற்றன. இதேபோல திருமானூர், கீழப்பழுவூர்,செந்துறை,ஜயங்கொண்டம் பெருமாள், சிவன் கோயில்களிலும்  வழிபாடுகள் நடைபெற்றன.
மேலும் பள்ளிகளில் புதிதாக சேர்க்கப்பட உள்ள குழந்தைகள் தங்களது பெற்றோர் உதவியுடன் நெல் மணிகளிலும், சிலேட்டுகளிலும் விரல்களால் அ... ஆ... எழுதி "வித்யாரம்பம்" எனும் கல்வித் தொடக்கத்தை செய்தனர். அதைத் தொடர்ந்து மாணவ- மாணவிகளின் கல்வி வளம் சிறக்க ஹயக்ரீவ பெருமானை தரிசித்தனர். ஏராளமான பக்தர்கள் வழிபட்டனர். கோயில்களில் வழிபாட்டை முடித்த பெற்றோர் குழந்தைகளை பள்ளிகளில் சேர்த்தனர்.

]]>
http://www.dinamani.com/all-editions/edition-trichy/ariyalur/2018/oct/20/கோயில்களில்-விஜயதசமி-சிறப்பு-வழிபாடு-3023395.html
3023394 திருச்சி அரியலூர் ஜயங்கொண்டம், தா. பழூர் பகுதிகளில் அக்டோபர் 20 மின்தடை DIN DIN Saturday, October 20, 2018 08:32 AM +0530 அரியலூர் மாவட்டம், ஜயங்கொண்டம்,தா.பழூர் பகுதிகளில் சனிக்கிழமை மின்சாரம் இருக்காது.
மாதாந்திர பராமரிப்பு பணிகளால் மேற்கண்ட துணை மின் நிலையங்களில் இருந்து மின்சாரம் பெறும்  ஜயங்கொண்டம், கல்லாத்தூர், உட்கோட்டை, பிச்சனூர், குருவாலப்பர்கோவில், சிலால், பிலிச்சிகுழி,  கங்கைகொண்டசோழபுரம், இலையூர், வாரியங்காவல், செங்குந்தபுரம், புதுக்குடி, சூரியமணல், துளாரங்குறிச்சி,  உடையார்பாளையம், பரணம், இரும்புலிகுறிச்சி, தேவனூர், புதுச்சாவடி, சோழங்குறிச்சி. தா.பழுர்,  அனைக்குடம், கோடங்குடி, சோழமாதேவி, தென்கச்சிபெருமாள்நத்தம், நாயகனைபிரியாள்,  காடுவெட்டாங்குறிச்சி, இடங்கண்ணி, அண்ணகாரன்பேட்டை,  ஸ்ரீபுரந்தான், முட்டுவாஞ்சேரி, அறங்கோட்டை,  பொற்பதிந்தநல்லூர், கோடாலிகருப்பூர், உதயநத்தம், காரைகுறிச்சி, அருள்மொழி, இருகையூர்,  வாழைக்குறிச்சி, சிங்கராயபுரம் ஆகிய  பகுதிகளில் காலை 9.45 முதல் மாலை பணி நிறைவடையும் வரை மின்சாரம் இருக்காது.
 

]]>
http://www.dinamani.com/all-editions/edition-trichy/ariyalur/2018/oct/20/ஜயங்கொண்டம்-தா-பழூர்-பகுதிகளில்-அக்டோபர்-20-மின்தடை-3023394.html
3023393 திருச்சி அரியலூர் சமூக நீதிக்கான தந்தை பெரியார் விருது பெற விண்ணப்பிக்கலாம் DIN DIN Saturday, October 20, 2018 08:31 AM +0530 ஆண்டுதோறும் சமூக நீதிக்காக பாடுபடுவோரை சிறப்பு செய்வதற்காக சமூக நீதிக்கான தந்தை பெரியார் விருது தமிழக அரசால் வழங்கப்படுகிறது. இவ்விருதை பெறுவோருக்கு ரூ.1 லட்சம் பொற்கிழியும், ஒரு சவரன் தங்கப்பதக்கமும், தகுதியுரையும் வழங்கப்படுகிறது.
நிகழாண்டுக்கான விருது வழங்குவதற்கு உரியவர் தேர்ந்தெடுக்கப்பட உள்ளார். எனவே, சமூக நீதிக்காக பாடுபட்டு, மக்களின் வாழ்க்கைத்தரம் உயர மேற்கொள்ளப்பட்ட பணிகள் மற்றும் சாதனைகள் ஆகியவற்றுடன் விண்ணப்பதாரரின் பெயர், சுயவிவரம் மற்றும் முழு முகவரியுடன்  31.10.2018-க்குள் மாவட்ட ஆட்சியருக்கு விண்ணப்பிக்க வேண்டும் என ஆட்சியர் மு.விஜயலட்சுமி வெளியிட்ட செய்திக் குறிப்பில் தெரிவித்தார்.

]]>
http://www.dinamani.com/all-editions/edition-trichy/ariyalur/2018/oct/20/சமூக-நீதிக்கான-தந்தை-பெரியார்-விருது-பெற-விண்ணப்பிக்கலாம்-3023393.html
3023392 திருச்சி அரியலூர் ரேடியோதெரபி டெக்னீசியன் பணி:  பதிவு மூப்பை சரிபார்க்க அழைப்பு DIN DIN Saturday, October 20, 2018 08:31 AM +0530 சென்னை, மருத்துவப் பணியாளர் தேர்வு வாரிய தலைவரால் அறிவிக்கப்பட்ட ரேடியோதெரபி டெக்னீசியன் காலியிடங்களுக்கு வேலைவாய்ப்பகத்தால் பரிந்துரைக்கப்படும் உத்தேச பதிவு மூப்பு 11.10.2018 வரை இளம் அறிவியல் ரேடியோதெரபி டெக்னாலஜி கல்வித் தகுதியை பதிந்தவர்கள் பரிந்துரைக்கபடுவர்.
பல்கலைக் கழக மானிய குழுவால் அங்கீகரிக்கப்பட்ட அரசு,  தனியார் கல்லூரியில் இளம் அறிவியல் ரேடியோதெரபி டெக்னாலஜி முடித்திருக்க வேண்டும். 
ஆதிதிராவிடர், பழங்குடியினர்,அருந்ததியினர் மிகவும் பிற்படுத்தப்பட்ட வகுப்பினர், பிற்படுத்தப்பட்ட வகுப்பினர் மற்றும் இதர பிரிவினர் 01.07.2018 அன்றைய தேதியில் 18 முதல் 57 வயது வரை உள்ள பதிவுதாரர்கள் தங்களது வேலைவாய்ப்பு பதிவு மற்றும் பதிவு மூப்பை 24.10.2018-க்குள் நேரில் மாவட்ட வேலைவாய்ப்பகத்துக்கு வந்து சரிபார்த்துக் கொள்ள வேண்டும். 
மாவட்ட ஆட்சியர் மு. விஜயலட்சுமி வெளியிட்ட செய்திக் குறிப்பில் இதைத் தெரிவித்தார்.

]]>
http://www.dinamani.com/all-editions/edition-trichy/ariyalur/2018/oct/20/ரேடியோதெரபி-டெக்னீசியன்-பணி--பதிவு-மூப்பை-சரிபார்க்க-அழைப்பு-3023392.html
3023391 திருச்சி அரியலூர் ஜயங்கொண்டம் அருகே பேருந்துகள் மோதல்; பெண் சாவு: 15 பேர் காயம் DIN DIN Saturday, October 20, 2018 08:30 AM +0530 அரியலூர் மாவ ட்டம், ஜயங்கொண்டம் அருகே வியாழக்கிழமை அரசுப் பேருந்தும், தனியார் பேருந்தும் மோதிக்கொண்ட விபத்தில் பெண்  உயிரிழந்தார், 15 பேர் பலத்த காயமடைந்தனர்.
சென்னையில் இருந்து அரசுப் பேருந்து ஒன்று 20 பயணிகளுடன் கும்பகோணத்துக்கு வியாழக்கிழமை புறப்பட்டது. பேருந்தை வடலூரைச் சேர்ந்த ஜோதிவேல் (41) ஓட்டினார். நடத்துநராக சரவணன் இருந்தார். ஜயங்கொண்டம் அடுத்த சிலாலாம் கிராமம் அருகே கும்பகோணம் சாலையில் சென்ற இந்தப் பேருந்தும், எதிரே சென்னை நோக்கி வந்த தனியார் பேருந்தும் நேருக்கு நேர் மோதிக்கொண்டன. இதில் அரசுப் பேருந்தில் பயணித்த கும்பகோணம், பண்டாரவாடை கிராமத்தைச் சேர்ந்த சாகுல்ஹமீது மனைவி காதர்பீவி (34)  உயிரிழந்தார்.  பலத்த காயமடைந்த இவரின் கணவர் சாகுல்ஹமீது (41), அவரது குழந்தை அப்ரின்பாத்திமா(10), உறவினர்கள் நஸ்ரின் பானு (28 ), இவரது ஒன்றரை வயது மகள் ராகி பா, ஷேக் பாஷாவின் மனைவி ஹசீனா (38) , கார்குடி  கண்ணகி(40), காட்டுமன்னார்குடி சம்பத் மனைவி ராஜ பிரியா(34), இவரது தங்கை அறிவுக்கரசி(19), ராஜா மன்னார்குடியைச் சேர்ந்த புதியவன் மனைவி ஜெயலட்சுமி(36) , சென்னை சைதாப்பேட்டை சுப்ரமணியன் மகன் சங்கரமூர்த்தி (48) திருவாரூர் மாவட்டம் குன்னூர்  குருமூர்த்தி(38), நாகர்கோவில் ராமமூர்த்தி (38)  உள்ளிட்ட 15 பேரை தா. பழூர் போலீஸார் மீட்டு ஜயங்கொண்டம் அரசு மருத்துவமனைக்கு அனுப்பினர். இவர்களில் பாத்திமா குழந்தை ராகி பா, ஷேக் பாட்சா, ஹசீனா ஆகியோர் மேல் சிகிச்சைக்காக தஞ்சை மருத்துவக்கல்லூரி மருத்துவமனைக்கு அனுப்பப்பட்டனர்.  விபத்து குறித்து தா.பழூர் போலீஸார் வழக்குப்பதிந்து விசாரிக்கின்றனர்.  ஜயங்கொண்டம் அரசு மருத்துவமனையில் சிகிச்சை பெறுவோரை மாவட்ட ஆட்சியர் மு.விஜயலட்சுமி சந்தித்து ஆறுதல் கூறினார்.

]]>
http://www.dinamani.com/all-editions/edition-trichy/ariyalur/2018/oct/20/ஜயங்கொண்டம்-அருகே-பேருந்துகள்-மோதல்-பெண்-சாவு-15-பேர்-காயம்-3023391.html
3023390 திருச்சி அரியலூர் தேவாலயச் சீரமைப்புக்கு அரசு நிதியுதவி பெறலாம் DIN DIN Saturday, October 20, 2018 08:30 AM +0530 தமிழ்நாட்டில் சொந்தக் கட்டடங்களில் இயங்கும் கிறிஸ்தவ தேவாலயங்களைப் பழுது பார்க்க, சீரமைக்க நிதியுதவி வழங்கும் திட்டம் 2016-17 ஆம் ஆண்டு முதல் அரசால் செயல்படுத்தப்படுகிறது.
10 ஆண்டுகளுக்கு மேல் தேவாலயம் சொந்த கட்டடத்தில் இயங்கி இருத்தல் வேண்டும். இடமும், தேவாலயமும் பதிவுத் துறையில் பதிவு செய்யப்பட்டிருக்க வேண்டும். தேவாலய சீரமைப்பு பணிக்காக வெளி நாட்டிலிருந்து எந்த நிதியுதவியும் பெற்றிருத்தல் கூடாது.
சான்றிதழ் (பிற்சேர்க்கை -3) அளிக்க வேண்டும். மறு முறை நிதியுதவி 5 ஆண்டுக்கு பின் வழங்கப்படும். 
விண்ணப்பம் மற்றும் சான்றிதழ் ஜ்ஜ்ஜ்.க்ஷஸ்ரீம்க்ஷஸ்ரீம்ஜ்ஃ. ற்ய்.ஞ்ர்ஸ்.ண்ய்-  இல் வெளியிடப்பட்டுள்ளது. இதைப் பதிவிறக்கி  அதிலுள்ள சேர்க்கை -3 உள்ளவாறு பூர்த்தி செய்து உரிய ஆவணங்கள ,சான்றிதழ்களோடு மாவட்ட ஆட்சியருக்கு விண்ணப்பிக்க வேண்டும்.
ஆட்சியர் தலைமையிலான குழுவினரால் பரிசீலிக்கப்பட்டு, தேவாலயங்களை தர ஆய்வு செய்து, கட்டட வரைபடம் மற்றும் திட்ட மதிப்பீடு ஆகியவற்றுடன் தகுதியின் அடிப்படையில் தேர்வு செய்து உரிய முன் மொழிவுகளுடன் சிறுபான்மையினர் நல ஆணையருக்கு நிதி உதவி வேண்டி பரிந்துரை செய்யப்படும். 
நிதி உதவி இரு தவணைகளாக தேவாலயத்தின் வங்கிக் கணக்கில் மின்னணு பரிவர்த்தனை மூலம் செலுத்தப்படும். மாவட்ட ஆட்சியர் மு.விஜயலட்சுமி இதைத் தெரிவித்தார்.
 

]]>
http://www.dinamani.com/all-editions/edition-trichy/ariyalur/2018/oct/20/தேவாலயச்-சீரமைப்புக்கு-அரசு-நிதியுதவி-பெறலாம்-3023390.html
3023389 திருச்சி அரியலூர் குண்டர் சட்டத்தில் 2 பேர் கைது DIN DIN Saturday, October 20, 2018 08:29 AM +0530 அரியலூர் மாவட்டம், ஜயங்கொண்டம் மற்றும் செந்துறை பகுதியில் தொடர்ந்து குற்றச் செயல்களில் ஈடுபட்டு வந்த 2 பேர் வெள்ளிக்கிழமை கைது செய்யப்பட்டனர்.
ஆண்டிமடம் அருகேயுள்ள பட்டணக்குறிச்சி,இந்திரநகரைச் சேர்ந்த வடிவேல் மகன் மலர்மன்னன் (56),செந்துறை அருகேயுள்ள முள்ளுக்குறிச்சி கிராமம் கிழக்குத் தெருவைச் சேர்ந்த  ராமசாமி மகன் இளங்கோவன் (48) ஆகிய இருவரும் அப்பகுதிகளில் தொடர்ந்து குற்றச் செயல்களில் ஈடுபட்டு வந்ததால்,குண்டர் சட்டத்தில் கைது செய்யுமாறு மாவட்டக் காவல் கண்காணிப்பாளர் அபிநவ்குமார் பரிந்துரையின் பேரில் ஆட்சியர் மு. விஜயலட்சுமி உத்தரவிட்டார்.

]]>
http://www.dinamani.com/all-editions/edition-trichy/ariyalur/2018/oct/20/குண்டர்-சட்டத்தில்-2-பேர்-கைது-3023389.html
3022880 திருச்சி அரியலூர் தா.பழூரில் அட்மா திட்டம் ஆலோசனை DIN DIN Thursday, October 18, 2018 09:39 AM +0530 அரியலூர் மாவட்டம் தா.பழூர் வட்டார வேளாண் மையத்தில் அட்மா திட்டம் குறித்த ஆலோசனை கூட்டம் புதன்கிழமை நடைபெற்றது.
வட்டார வேளாண் உதவி இயக்குநர்(பொ) செல்வக்குமார் தலைமை வகித்தார். சோழமாதேவி  கிரீடு வேளாண்மை தொழில்நுட்ப முதுகலை வல்லுநர் அழகுகண்ணன் பங்கேற்று வேளாண் அறிவியல் மையத்தின் மூலம் செயல்படும்  திட்டங்கள் குறித்து எடுத்துரைத்தார். வேளாண் தொழில்நுட்ப வல்லுநர் அசோக், கால்நடை மருத்துவர்  கிருத்திகா ஆகியோர் பேசினர். 
தொடர்ந்து நடைபெற்ற கூட்டத்தில் நடப்பு சம்பா பயிரில் பிரதம மந்திரியின் பயிர்க் காப்பீட்டுத் திட்டத்தின் முக்கியத்துவம் பற்றியும், பூச்சித் தாக்குதல் பற்றியும், கால்நடைகளைப் பாதிக்கும் நோய்த்  தாக்குதல் பற்றியும்  எடுத்துரைத்தார். முன்னதாக அட்மா திட்ட தொழில்நுட்ப மேலாளர் சகாதேவன் வரவேற்றார். முடிவில் அட்மா திட்ட உதவி தொழில் நுட்ப மேலாளர் உஷா நன்றி கூறினார். 


 

]]>
http://www.dinamani.com/all-editions/edition-trichy/ariyalur/2018/oct/18/தாபழூரில்-அட்மா-திட்டம்-ஆலோசனை-3022880.html
3022879 திருச்சி அரியலூர் திறன் வளர்ப்பு பயிற்சியளிக்க தகுதியான நிறுவனங்கள் விண்ணப்பிக்கலாம் DIN DIN Thursday, October 18, 2018 09:38 AM +0530 அரியலூர் மாவட்ட நகர்ப்புற இளைஞர்களுக்கு திறன் வளர்ப்பு பயிற்சி அளிக்கத் தகுதியான நிறுவனங்கள் விண்ணப்பிக்கலாம் என மாவட்ட ஆட்சியர் மு. விஜயலட்சுமி தெரிவித்துள்ளார்.
இதுகுறித்து ஆட்சியர் வெளியிட்டுள்ள செய்திகுறிப்பு:  சென்னை மேலாண்மை இயக்குநர், தமிழ்நாடு மகளிர் நல மேம்பாட்டு நிறுவனம் உத்தரவின்படி 2018-19 ஆம் ஆண்டிற்கு நகர்ப்புற பகுதிகளில் உள்ள இளைஞர்களுக்கு வேலைவாய்ப்புடன் கூடிய திறன் வளர்ப்பு பயிற்சி அளிக்கப்படவுள்ளது. 
எனவே, தகுதியுள்ள நிறுவனங்கள், தங்களது கருத்துகளை திட்ட இயக்குநர் தமிழ்நாடு மாநில ஊரக வாழ்வாதார இயக்கம், மாவட்ட இயக்க மேலாண்மை அலகு எண் - 215 மாவட்ட ஆட்சியர் அலுவலகம் அரியலூர் என்ற முகவரிக்கு அக்.22 மாலை 5.00 மணிக்குள் அனுப்பிவைக்க வேண்டும். அனுப்பிவைக்கப்பட்ட கருத்துகளை மாவட்ட அளவிலான தேர்வுக் குழு மூலம் ஆய்வு செய்யப்பட்டு உரிய வழிகாட்டி நெறிமுறைகளின்படி பயிற்சியளிக்க ஆணை வழங்கப்படும் எனத் தெரிவித்துள்ளார்.

]]>
http://www.dinamani.com/all-editions/edition-trichy/ariyalur/2018/oct/18/திறன்-வளர்ப்பு-பயிற்சியளிக்க-தகுதியான-நிறுவனங்கள்-விண்ணப்பிக்கலாம்-3022879.html
3022878 திருச்சி அரியலூர் கொசுப்புழுக்கள் உற்பத்தியாகும் வகையில் தண்ணீர் தேங்கியிருந்தால் அபராதம் DIN DIN Thursday, October 18, 2018 09:38 AM +0530 அரியலூர் மாவட்டத்தில் கொசுப்புழுக்கள் உற்பத்தியாகும் வகையில் சுற்றுப்புறங்களில் தண்ணீர் தேங்கி இருந்தால்  நடவடிக்கை எடுக்கப்படும் என மாவட்ட ஆட்சியர் மு.விஜயலட்சுமி எச்சரிக்கை விடுத்துள்ளார்.
இதுகுறித்து அவர் வெளியிட்ட செய்திக்குறிப்பு: 
அனைத்து அரசு மற்றும் தனியார் துறை வளாகங்கள், அரசு மருத்துவமனைகள், அரசு ஆரம்ப சுகாதார நிலையங்கள், தனியார் மருத்துவமனைகள், அரசு மற்றும் தனியார் பள்ளிகள், கல்லூரிகள் உள்ளிட்ட கல்வி நிறுவனங்கள், சிமென்ட் தொழிற்சாலைகள், தனியார் வணிக வளாகக் கட்டடங்கள் மற்றும் வீடுகளின் சுற்றுப்புறத்தை தூய்மையாக வைத்திருப்பதோடு மட்டுமல்லாமல், தண்ணீர் தொட்டிகள் மற்றும் குடிநீர் விநியோகிக்கும் இயந்திரங்கள் ஆகியவற்றை சுகாதாரமான முறையில் பராமரித்திட வேண்டும். மேற்காணும் இடங்களில் தண்ணீர் தேங்கி கொசுப்புழு உற்பத்தி காணப்படும் பட்சத்தில் அக்.24 க்கு பிறகு அபராதத் தொகை வசூலிக்கப்படும்.
மேலும், வியாழக்கிழமை தோறும் அனைத்து பள்ளி, கல்லூரி மற்றும் அரசு அலுவலக வளாகங்களில் காணப்படும் ஏடிஸ் கொசுப்புழு உற்பத்தியாகும் இடங்களைக் கண்டறிந்து அதனை அகற்றும் பணிகளை மேற்கொள்ளவும், அனைத்து பள்ளிகள் மற்றும் கல்லூரிகளில் மருத்துவ அலுவலர் தலைமையிலான குழுவினர், மாணவ மாணவிகளுக்கு இறைவணக்கத்தின் போது காய்ச்சல் தடுப்பு நடவடிக்கை குறித்து விழிப்புணர்வு ஏற்படுத்தவும் மற்றும் பொதுமக்களுக்கு ஆரம்ப சுகாதார நிலையங்கள் மூலம் நிலவேம்புக் கசாயம், உப்புக்கரைசல் ஆகியவை வழங்கிடவும், காய்ச்சலால் பாதிக்கப்படும் நபர்கள் அருகில் உள்ள அரசு ஆரம்ப சுகாதார நிலையங்கள், அரசு மருத்துவமனைகளுக்குச் சென்று உரிய சிகிச்சை பெற வேண்டும் எனவும் தெரிவித்துள்ளார். 
ஜயங்கொண்டம் : அரியலூர் மாவட்டம் ஜயங்கொண்டம் நகராட்சி பகுதியில் வசிப்பவர்கள் தங்களது வீடுகளில் மழைநீர் தேங்கி கொசு உற்பத்தியாவது கண்டறியப்பட்டால் அபராதம் விதிக்கப்படும் என ஜயங்கொண்டம் நகராட்சி ஆணையர் வினோத் எச்சரித்துள்ளார்.  
இதுகுறித்து அவர் வெளியிட்ட செய்திக்குறிப்பு: 
ஜயங்கொண்டம் நகராட்சியில் மாவட்ட பொது சுகாதாரத் துறை மற்றும் நகராட்சி இணைந்து கொசுக்கள் உற்பத்தியாவதை தடுக்கும் பணியில் ஈடுபட்டு வருகின்றனர். மேலும் மக்களுக்கு டெங்கு காய்ச்சல் பரவாமல் தடுக்க நிலவேம்புக் குடிநீர் வழங்கப்பட்டு வருகிறது. 
தங்களது குடியிருப்பு பகுதியில் புல்கள், முட்புதர்கள் மண்டி கிடக்காமல் தூய்மையாக வைத்திருத்தல் வேண்டும். குடியிருப்பு பகுதியில் மழைநீர் தேங்கி கொசு உற்பத்தியாவது கண்டறியப்பட்டால் அபராதம் விதிக்கப்படுவதோடு நீதிமன்றத்தில் வழக்கு தொடக்கப்படும் என எச்சரிக்கை விடுத்துள்ளார்.
 

]]>
http://www.dinamani.com/all-editions/edition-trichy/ariyalur/2018/oct/18/கொசுப்புழுக்கள்-உற்பத்தியாகும்-வகையில்-தண்ணீர்-தேங்கியிருந்தால்-அபராதம்-3022878.html
3022877 திருச்சி அரியலூர் கூட்டுப் பண்ணையத் திட்ட உழவர் ஆர்வலர் குழு கூட்டம் DIN DIN Thursday, October 18, 2018 09:38 AM +0530 அரியலூர் மாவட்டம் ஜயங்கொண்டம் அருகே உள்ள முத்துசேர்வாமடம் கிராமத்தில் உழவர் ஆர்வலர் குழு கூட்டம் செவ்வாய்க்கிழமை நடைபெற்றது.
ஜயங்கொண்டம் வட்டார வேளாண்மை துறையின் மூலம் கூட்டுப் பண்ணையத் திட்டத்தின் கீழ் 2018-19 ஆம் ஆண்டில் சூரியமணல், வானதிரையன்பட்டினம், எரவாங்குடி, வெத்தியார்வெட்டு, குருவாலப்பர்கோவில்,  குலோத்துங்கநல்லூர், முத்துசேர்வாமடம் ஆகிய 7 வருவாய் கிராமங்களில் 35 உழவர் ஆர்வலர் குழுக்கள் தொடங்கப்பட்டுள்ளது. உழவர் குழு துவங்கும் வங்கிக் கணக்குகளில் பண்ணை இயந்திரங்கள் வாங்கவும் மற்றும் வேளாண் சிறு தொழில்கள் தொடங்கவும் பங்கு தொகையாக ரூ. 5 லட்சம் அரசால் செலுத்தப்படும். 
அரியலூர் மாவட்டம்  ஜயங்கொண்டம் அருகே உள்ள முத்துசேர்வாமடம் கிராமத்தில் தொடங்கப்பட்ட உழவர் ஆர்வலர் குழு கூட்டம் செவ்வாய்க்கிழமை நடைபெற்றது.  இதில் வேளாண் உதவி இயக்குநர் ராஜேந்திரன் கலந்து கொண்டு  பேசினார்.
 

]]>
http://www.dinamani.com/all-editions/edition-trichy/ariyalur/2018/oct/18/கூட்டுப்-பண்ணையத்-திட்ட-உழவர்-ஆர்வலர்-குழு-கூட்டம்-3022877.html
3022876 திருச்சி அரியலூர் கூட்டுறவு விற்பனை சங்க நிர்வாகிகள் பதவியேற்பு DIN DIN Thursday, October 18, 2018 09:38 AM +0530 அரியலூர் வேளாண்மை உற்பத்தியாளர்கள் கூட்டுறவு விற்பனை சங்க நிர்வாகிகள் செவ்வாய்க்கிழமை பதவியேற்றுக்கொண்டனர்.
இதில், தலைவராக வேலுசாமி, துணை தலைவராக சித்ரா கருணாநிதி, நிர்வாக குழு உறுப்பினர்களாக பிரகாசா, பாவேந்தன், முருகன், சேட்டு, ரவி, நித்யா, சுமதி, கிரிஷ்டியானா மேரி, தேன்மொழி ஆகியோரும் பதவியேற்றுக் கொண்டனர். நிகழ்ச்சியில், கூட்டுறவு சரக இணை பதிவாளர் அலுவலகக் கண்காணிப்பாளர் சொக்கலிங்கம், மார்க்கெட் கமிட்டி செயலாளர் சுப்பிரமணியன், மாநில ஒப்பந்தக்காரர் பிரேம் குமார், கூட்டுறவு நகர வங்கித் தலைவர் ஓ.பி. சங்கர் உள்பட பலரும் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/18/கூட்டுறவு-விற்பனை-சங்க-நிர்வாகிகள்-பதவியேற்பு-3022876.html
3022875 திருச்சி அரியலூர் கீழப்பழுவூரில் விவசாயிகளுக்கு பயிற்சி DIN DIN Thursday, October 18, 2018 09:37 AM +0530 அரியலூர் மாவட்டம் கீழப்பழூவூர் கிராமத்தில் வேளாண் தொழில்நுட்ப மேலாண்மை முகமை, விரிவாக்க சீரமைப்புத் திட்டத்தின் கீழ் வேளாண்மை மற்றும் இதர துறைகளில் சூரிய ஒளிசக்தி பயன்பாடு குறித்த பயிற்சி புதன்கிழமை நடைபெற்றது.
பயிற்சியில் கிரீடு வேளாண்மை அறிவியல் மைய தொழில்நுட்ப வல்லுநர் அசோக் குமார் கலந்து கொண்டு, வேளாண் துறை மற்றும் இதர துறைகளில் சூரிய ஒளிசக்தியின் பயன்பாடு குறித்து விவசாயிகளுக்கு விளக்கிக் கூறினார்.
தொடர்ந்து, பயிற்சியில் கலந்து கொண்ட விவசாயிகளுக்கு மக்காச்சோளத்தில் ராணுவ படைப்புழு தாக்குதலைக் கட்டுபடுத்தும் முறைகள், நெல் சாகுபடிக்கு பயிர்க் காப்பீடு குறித்தும் எடுத்துக் கூறப்பட்டது. 
நிகழ்ச்சியில், உதவி வேளாண்அலுவலர் க.ராதா, வட்டார தொழில்நுட்ப மேலாளர் ந.கலைமதி, உதவி தொழில்நுட்ப வல்லுநர் பி.அன்பழகன் மற்றும் விவசாயிகள் பலரும் கலந்து கொண்டனர்.
 

]]>
http://www.dinamani.com/all-editions/edition-trichy/ariyalur/2018/oct/18/கீழப்பழுவூரில்-விவசாயிகளுக்கு-பயிற்சி-3022875.html
3022170 திருச்சி அரியலூர் அரியலூர் அருகே பைக்குகள் மோதல்: இளைஞர் சாவு DIN DIN Wednesday, October 17, 2018 09:30 AM +0530 அரியலூர் மாவட்டம், வி.கைகாட்டி அருகே செவ்வாய்கிழமை இருசக்கர வாகனங்கள் மோதிக்கொண்ட விபத்தில் இளைஞர் உயிரிழந்தார்.
வி.கைகாட்டி அருகேயுள்ள நாகமங்கலம், தெற்கு குடிசல் கிராமத்தைச் சேர்ந்த தேவேந்திரன் (32). இவரது நண்பர் ஏலாக்குறிச்சி அருகேயுள்ள செங்கராயன்கட்டளை கிராமத்தைச் சேர்ந்த ராமதாசு (26). இருவரும் அரியலூரில் இருந்து வி.கைகாட்டி நோக்கி பைக்கில்  காட்டுப் பிரிங்கியம்,அய்யாநகர் என்ற இடமருகே வந்தபோது,  விக்கிரமங்கலம் அருகேயுள்ள ஆலவாய் கிராமத்தை சேர்ந்த பாலுசாமி (26)  ஓட்டி வந்த பைக்குடன் நேருக்கு நேர் மோதி தேவேந்திரன் உயிரிழந்தார். பலத்த காயமடைந்த ராமதாசு, பாலுச்சாமி  அரியலூர் அரசு மருத்துவமனையில் சேர்க்கப்பட்டனர்.  கயர்லாபாத் போலீஸார் வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/oct/17/அரியலூர்-அருகே-பைக்குகள்-மோதல்-இளைஞர்-சாவு-3022170.html
3022168 திருச்சி அரியலூர் வருவாய் மாவட்ட அளவிலான அறிவியல் கண்காட்சி DIN DIN Wednesday, October 17, 2018 09:30 AM +0530 அரியலூர் அரசு மேல்நிலைப் பள்ளியில் வருவாய் மாவட்ட அளவிலான அறிவியல் கண்காட்சி செவ்வாய்க்கிழமை நடைபெற்றது.
கண்காட்சியை மாவட்ட ஆட்சியர் மு. விஜயலட்சுமி தொடக்கி வைத்து தெரிவித்தது:
பள்ளி மாணவர்களின் அறிவியல் ஆர்வத்தை ஊக்குவிக்கும் வகையிலும், அதனை வளர்க்கும் முயற்சியிலும் பள்ளி அளவிலும்,கல்வி மாவட்ட அளவிலும்  ஆண்டுதோறும் அறிவியல் கண்காட்சி நடத்தப்படுகிறது.
கண்காட்சியுடன், அறிவியல் பெருவிழா, கணித கருத்தரங்கம் மற்றும் ஆசிரியர் கண்காட்சி ஆகியவையும் நடத்தப்பட்டது. வீட்டுக்கு ஒரு விஞ்ஞானியை உருவாக்கிடும் விதத்தில் இக்கண்காட்சியின் படைப்புகள் இடம்பெற்றிருந்தன.
110 பள்ளிகளிலிருந்து 110 படைப்புகள் இடம்பெற்றிருந்தன. சிறந்த 3 படைப்புகளுக்கு பரிசு வழங்கப்பட்டது. தேர்ந்தெடுக்கப்பட்ட படைப்புகள் மதுரையில் நடைபெறும் மாநில கண்காட்சியில் இடம்பெறும் என்றார் அவர்.
மாவட்ட முதன்மைக் கல்வி அலுவலர் அ.புகழேந்தி,அரியலூர் கல்வி மாவட்ட அலுவலாகள் செ. செல்வம் ,உடையார்பாளையம் கல்வி மாவட்ட அலுவலர் ந. மணிவண்ணன்,செந்துறை கல்வி மாவட்ட அலுவலர் க. வெற்றிச்செல்வி , பள்ளித் துணை ஆய்வாளர் ஆர். பழனிசாமி, தலைமையாசிரியர்கள் மற்றும் மாணவ, மாணவிகள் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/17/வருவாய்-மாவட்ட-அளவிலான-அறிவியல்-கண்காட்சி-3022168.html
3022167 திருச்சி அரியலூர் கோஷ்டி மோதல்:4 பேர் கைது DIN DIN Wednesday, October 17, 2018 09:30 AM +0530 அரியலூர் மாவட்டம் உடையார்பாளையம் அருகே இரு தரப்பினர் இடையே மோதல் தொடர்பாக 4 பேரை போலீஸார் செவ்வாய்க்கிழமை கைது செய்தனர்.
உடையார்பாளையம் அருகேயுள்ள வாணத்திரையான்பட்டினம் கிராமத்தைச் சேர்ந்தவர் சாமிநாதன் மகன் முத்தையன்(38). இவரது உறவினர் செம்மையன் மகன் செல்வம் (24).இவர்கள் இருவருக்கும் நில பிரச்னையால் முன்விரோதம் இருந்தது.
இந்நிலையில் திங்கள்கிழமை இரு தரப்பினரும் தகாத வார்த்தையால் திட்டி தாக்கி கொண்டனராம்.  இதுகுறித்து உடையார்பாளையம் போலீஸார் வழக்குப் பதிந்து இரு தரப்பைச் சேர்ந்த முத்தையன்,செந்தாமரை,செல்வம்,மல்லிகா ஆகிய 4 பேரை செவ்வாய்க்கிழமை கைது செய்தனர்.

]]>
http://www.dinamani.com/all-editions/edition-trichy/ariyalur/2018/oct/17/கோஷ்டி-மோதல்4-பேர்-கைது-3022167.html
3022165 திருச்சி அரியலூர் ஜயங்கொண்டம் அருகே செல்லிடப்பேசி டவர் அமைப்பதை  கண்டித்து  பொதுமக்கள் மறியல் DIN DIN Wednesday, October 17, 2018 09:29 AM +0530 அரியலூர் மாவட்டம், ஜயங்கொண்டம் அருகே குடியிருப்புப் பகுதியில் செல்லிடப்பேசி டவர் அமைக்க எதிர்ப்புத் தெரிவித்து அப்பகுதி மக்கள் செவ்வாய்க்கிழமை கொட்டும் மழையில் சாலை மறியலில் ஈடுபட்டனர்.
அரியலூர் மாவட்டம், ஜயங்கொண்டம் அருகேயுள்ள கழுவந்தோண்டி கிராமத்தில் மெயின் ரோட்டில் இருந்து ஊருக்கு செல்லும் பாதையில் குடியிருப்புகளுக்கு இடையில் தனியார்  இடத்தில் 5ஜி செல்போன் டவர் அமைக்க கடந்த 2 மாதத்திற்கு முன் ஒப்பந்தம் செய்து 20 அடி ஆழக் குழி தோண்டப்பட்டது. 
கடந்த 2 மாத காலமாக குழி மூடப்படாததால் கடந்த 1 மாதமாக மழையின்போது மழை நீர் வெளியேறாமல் அருகில் உள்ள வீடுகளுக்குள் புகுந்தது. இதையடுத்து  5ஜி செல்லிடபேசி டவர் அமைப்பதனால்  பாதிப்பு ஏற்படக்கூடும் எனக் கூறி இங்கு டவர் அமைக்கக் கூடாது, ஊருக்கு வெளிப்புறம் காட்டுக்குள் எங்கு வேண்டுமானாலும் அமைக்கட்டும், தோண்டிய குழியை மூட வலியுறுத்தி அப்பகுதி மக்கள் சாலை மறியலில் ஈடுபட்டனர். மறியல் தொடங்கிய அரை மணி நேரத்தில் மழை  தொடங்கி, சுமார் ஒரு மணிநேரம் மழை தொடர்ந்தும் மறியலும் தொடர்ந்தது.
தகவலறிந்த ஜயங்கொண்டம் காவல் உதவி ஆய்வாளர்கள் அண்ணாதுரை, செல்வம், வளையாபதி மற்றும் வருவாய் ஆய்வாளர் சிவசக்தி, விஏஓ ராஜேந்திரன் ஆகியோர் பொதுமக்களிடம் பேச்சுவார்த்தை நடத்தி,  அளித்த உறுதியின்பேரில்  பொதுமக்கள் கலைந்து சென்றனர். சாலை மறியலால் ஜயங்கொண்டம் கும்பகோணம் சாலையில் சுமார் ஒரு மணிநேரம் போக்குவரத்து பாதிக்கப்பட்டது.

]]>
http://www.dinamani.com/all-editions/edition-trichy/ariyalur/2018/oct/17/ஜயங்கொண்டம்-அருகே-செல்லிடப்பேசி-டவர்-அமைப்பதை-கண்டித்து--பொதுமக்கள்-மறியல்-3022165.html
3022163 திருச்சி அரியலூர் வெளிமாநில விதைகளை விதிமீறி விற்றால் கடும் நடவடிக்கை DIN DIN Wednesday, October 17, 2018 09:29 AM +0530 அரியலூர் மாவட்டத்தில் வெளிமாநில விதைகளை சட்டத்துக்கு புறம்பாக விற்றால் கடும் நடவடிக்கை எடுக்கப்படும் என்றார் திருச்சி விதை ஆய்வு துணை இயக்குநர் ந. கண்ணன்.
இதுகுறித்த செய்திக் குறிப்பு:
அரியலூர் மாவட்டத்தில் உரிமம் பெற்று விதை விற்கும் விற்பனையாளர்கள், தமிழ்நாட்டில் உற்பத்தி செய்யப்படும் அறிவிக்கை செய்யப்பட்ட பல்வேறு பயிர்களின் ரகங்கள் மற்றும் வீரிய ஒட்டு விதைகளை விற்கின்றனர். மேலும் பல வெளி மாநிலங்களில் உற்பத்தியாகி தமிழ்நாட்டுக்கு வரும் விதைகளையும் விவசாயிகளுக்கு விற்கின்றனர்.
அவ்வாறு வெளி மாநிலங்களிலிருந்து  கொள்முதல் செய்யும் விதைகளின் ஒவ்வொரு குவியலுக்கும் விதை சட்டத்தில் உள்ளபடி கொள்முதல் பட்டியலுடன் படிவம்-2 கட்டாயம் பெறப்படவேண்டும். படிவம்-2 என்பது விதை உற்பத்தி செய்யும் மாநிலத்தின் விதைச் சான்று அலுவலரால் பிற மாநிலங்களுக்கு கொண்டு செல்ல அனுமதிக்கப்படும் சான்று. 
மேலும் விதை குவியல்களின் குவியல் எண்ணும் கொள்முதல் பட்டியலில் உள்ள குவியல் எண்ணும் ஒன்றாக இருக்கவேண்டும். கொள்முதல் செய்யப்படும் விதைகள் சான்று விதைகளாக இருந்தால் உற்பத்தியாளர் விவர அட்டையும், சான்று அட்டையும் ஒவ்வொரு மூட்டையிலோ அல்லது பையிலோ தையலிட்டு ஈயக்குண்டு கோர்க்கப்பட்டு அதில் முத்திரை இடப்பட்டிருக்க வேண்டும்.
சான்று அட்டையோ, உற்பத்தியாளர் அட்டையோ இல்லாமல் இருந்தாலோ அல்லது கிழிக்கப்பட்டிருந்தாலோ அந்த விதைகள் விற்பனைக்கு தடை விதிக்கப்படும். மேலும் விவர அட்டையில் பயிர், ரகம், நிலை, குவியல் எண், அளவு, ஆய்வு செய்த தேதி, காலாவதி நாள், உற்பத்தியாளர் முகவரி ஆகியவற்றை முழுமையாக குறிப்பிட வேண்டும்.
மேற்கண்டுள்ளவற்றில் குறைகள் ஏதும் இல்லாமல் விதை சட்டத்தில் காட்டியுள்ள வழிமுறைகளின்படி வெளி மாநில விதைகளை கொள்முதல் செய்து விவசாயிகளுக்கு விற்க வேண்டும். இதில் ஏதேனும் குறைகள் காணப்பட்டாலோ, விதை சட்டத்திற்கு புறம்பாக விற்பனை செய்தாலோ விற்பனையாளர்கள் மீது  சட்ட  நடவடிக்கை எடுக்கப்படும்.

]]>
http://www.dinamani.com/all-editions/edition-trichy/ariyalur/2018/oct/17/வெளிமாநில-விதைகளை-விதிமீறி-விற்றால்-கடும்-நடவடிக்கை-3022163.html
3022162 திருச்சி அரியலூர் பெட்ரோல் விலை உயர்வைக் கண்டித்து மறியல் DIN DIN Wednesday, October 17, 2018 09:29 AM +0530 பெட்ரோல், டீசல்  விலை உயர்வைக் கண்டித்து அரியலூர் மாவட்டம் கீழப்பழுவூரில் செவ்வாய்க்கிழமை சாலை மறியலில் ஈடுபட்ட   விவசாய சங்க நிர்வாகிகள் 5 பேர் கைது செய்யப்பட்டனர்.
தமிழகத்தில்  ஹைட்ரோகார்பன் திட்டத்தைச் செயல்படுத்தக் கூடாது. கல்லணை முதல் கீழணை வரை மணல் குவாரி அமைக்கக்  கூடாது.
பெட்ரோல், டீசல் விலை உயர்வைத் திரும்பப் பெற வேண்டும் என்பன உள்ளிட்ட கோரிக்கைகளை வலியுறுத்தி  இந்திய மக்கள் சேவை இயக்க விவசாயப் பிரிவு மாநிலத் தலைவர் தங்க சண்முக சுந்தரம், தமிழ்நாடு  விவசாயிகள் சங்க மாவட்டத் தலைவர் மூ. மணியன் ,தேசிய தென்னிந்திய நதிகள் இணைப்பு விவசாயிகள் சங்க  திருமானூர் ஒன்றியத் தலைவர் செந்தில்குமார், விவசாயிகள் சங்க நிர்வாகிகள் கபிலன், திருமாறன் ஆகிய 5 பேர்  கீழப்பழுவூரில் மறியலில் ஈடுபட்டனர். இதில் லாரியை இருசக்கர வாகனத்தின் மூலம் இழுத்து  மறியல் செய்ததால் 5 பேரையும் கைது  செய்து மாலையில் விடுவித்தனர்.
 

]]>
http://www.dinamani.com/all-editions/edition-trichy/ariyalur/2018/oct/17/பெட்ரோல்-விலை-உயர்வைக்-கண்டித்து-மறியல்-3022162.html
3022161 திருச்சி அரியலூர் ஆசிரியர்களுக்கு கற்றல் மேம்பாடு பயிற்சி DIN DIN Wednesday, October 17, 2018 09:28 AM +0530 கணினி தொழில்நுட்பத்தைப் பயன்படுத்தி மாணவர்களுக்கு எவ்வாறு கற்றலை மேம்படுத்துவது என்பது குறித்த பயிற்சி அரியலூர் அரசு மேல்நிலைப் பள்ளியில் செவ்வாய்க்கிழமை நடைபெற்றது.
பயிற்சியை வட்டார வள மைய மேற்பார்வையாளர் செல்வராணி தொடக்கி வைத்து வைத்துப் பேசினார். அரியலூர் ஒன்றியத்துக்குட்பட்டபள்ளிகளில் பணிபுரியும் அனைத்து ஆசிரியர்களும் கலந்து கொண்டனர்.  
பயிற்சியின் உட்கூறுகளாக கல்வியை எப்படி உலகளாவிய தகவல்களை பதிவிறக்கலாம் என்பதை பற்றியும், ஒவ்வொருவருக்கும் தங்கள் பாடத்திற்கு ஏற்ப பாடத்தை பதிவிறக்கி மாணவர்களுக்கு கற்றலை தெளிவான முறையில் ஏற்படுத்தலாம் என்பதை பற்றியும் எடுத்துக் கூறப்பட்டது.  ஆசிரியர்களின் சந்தேகங்களுக்கு பதிலளிக்கப்பட்டது. 
இப்பயிற்சியை வட்டார கல்வி அலுவலர்கள் ரவிச்சந்திரன், அமராவதி ஆகியோர் பார்வையிட்டனர்.   இடையத்தான்குடிஊராட்சி ஒன்றிய நடுநிலைப் பள்ளியின் ஆங்கில பட்டதாரி ஆசிரியை எமல்டாகுயின் மேரி பயிற்சி அளித்தார்.

]]>
http://www.dinamani.com/all-editions/edition-trichy/ariyalur/2018/oct/17/ஆசிரியர்களுக்கு-கற்றல்-மேம்பாடு-பயிற்சி-3022161.html
3021988 திருச்சி அரியலூர் 6 மாதக் குழந்தையை கொன்ற தந்தை கைது DIN DIN Wednesday, October 17, 2018 08:28 AM +0530 அரியலூர் மாவட்டம், மீன்சுருட்டி அருகே 6 மாத குழந்தையை கொன்ற தந்தையை போலீஸார் செவ்வாய்க்கிழமை கைது செய்தனர்.
அரியலூர் மாவட்டம், மீன்சுருட்டியை அடுத்த காடுவெட்டி கிராமத்தைச் சேர்ந்த மணிகண்டன் (27), அனுராதா (24)  தம்பதிக்கு ஜெயசுதா, 6 மாதக் குழந்தை ஜெகதீஷா என 2 குழந்தைகள். கடந்த 9 ஆம் தேதி இரவு மது போதையில் வீட்டுக்கு வந்த மணிகண்டன் மனைவியிடம் தகராறு செய்து அவரைத் தாக்கினார். இதனால் தனது 6 மாதக் குழந்தையை வீட்டில் விட்டுவிட்டு, ஜெயசுதாவைத் தூக்கிக்கொண்டு வெளியே சென்ற அனுராதா,  சிறிதுநேரம் கழித்து வந்து பார்த்தபோது  குழந்தை இறந்தது கிடந்தது தெரியவந்தது. இதையடுத்து குடும்பத்தினர் சேர்ந்து குழந்தையின் சடலத்தை வீட்டின் பின்புறம் புதைத்து விட்டனர்.
இந்நிலையில் சனிக்கிழமை மணிகண்டன் வீட்டுக்கு வந்த மீன்சுருட்டி ஆரம்ப சுகாதார நிலைய செவிலியர்கள் மூலம் குழந்தை இறந்த விவரம் தெரியவர,  அவர்கள் வட்டார மருத்துவ அலுவலர் லட்சுமிதரனிடம் இதுகுறித்து தெரிவித்தனர்.  இதையடுத்து அவர் அளித்த புகாரின்பேரில்  மீன்சுருட்டி போலீஸார் வழக்குப் பதிந்து குழந்தையின் சடலத்தைத் தோண்டியெடுத்து திருச்சி அரசு மருத்துவமனைக்கு அனுப்பிவைத்து தொடர்ந்த விசாரணையில் மணிகண்டன் குழந்தையைக் கழுத்தை நெரித்துக் கொன்றது  தெரியவந்தது. இதையடுத்து போலீஸார் அவரை செவ்வாய்க்கிழமை கைது செய்தனர்.

]]>
http://www.dinamani.com/all-editions/edition-trichy/ariyalur/2018/oct/17/6-மாதக்-குழந்தையை-கொன்ற-தந்தை-கைது-3021988.html
3021321 திருச்சி அரியலூர் அப்துல்கலாம் பிறந்த நாளை முன்னிட்டுஇளைஞர் எழுச்சி தின விழிப்புணர்வுப் பேரணி DIN DIN Tuesday, October 16, 2018 03:26 AM +0530
மறைந்த முன்னாள் குடியரசுத் தலைவர் ஏ.பி.ஜே.அப்துல்கலாம் பிறந்த நாளை முன்னிட்டு, அரியலூரில் இளைஞர் எழுச்சி தின விழிப்புணர்வுப் பேரணி திங்கள்கிழமை நடைபெற்றது.
அண்ணா சிலை அருகே நடைபெற்ற இந்த விழிப்புணர்வுப் பேரணியை மாவட்ட ஆட்சியர் மு. விஜயலட்சுமி கொடியசைத்து தொடங்கி வைத்தார். பேரணியில் பள்ளி மாணவ, மாணவிகள் கலந்து கொண்டனர். பேரணியானது அண்ணா சிலையில் தொடங்கி பிரதான சாலை வழியாகச் சென்று பழைய ஊராட்சி ஒன்றிய அலுவலகம் முன்பு நிறைவடைந்தது.
நிகழ்ச்சியில், கோட்டாட்சியர் நா. சத்தியநாராயணன், மாவட்ட முதன்மைக் கல்வி அலுவலரின் நேர்முக உதவியாளர் பழனியாண்டி ஆகியோர் கலந்து கொண்டனர். அரியலூர் அரசு கலைக் கல்லூரியில் இளைஞர் எழுச்சி தின விழிப்புணர்வு கருத்தரங்கம் மற்றும் பேரணி திங்கள்கிழமை நடைபெற்றது.
அப்துல் கலாமின் மேம்பாட்டு சிந்தனைகள் எனும் தலைப்பில் நடைபெற்ற கருத்தரங்கு நிகழ்ச்சியை கல்லூரி முதல்வர் பெ. பழனிசாமி தொடங்கி வைத்துப் பேசினார். பின்னர் அவர் திறனாய்வுப் போட்டிகளில் வெற்றி பெற்ற மாணவ, மாணவிகளுக்குப் பரிசுகள் வழங்கினார்.
சுற்றுச்சூழல் துறைத்தலைவர் ஆ.அருள், இயற்பியல் துறை பேராசிரியர் ம.இராசமூர்த்தி ஆகியோர் பங்கேற்றுப் பேசினர். முன்னதாக நாட்டு நலப் பணித்திட்ட அலுவலர் வெ. கருணாகரன் வரவேற்றார். முடிவில் தமிழ்த்துறை பேராசிரியர் பெ. கலைச்செல்வன் நன்றி கூறினார். தொடர்ந்து நாட்டு நலப் பணித்திட்ட மாணவர்கள் கல்லூரி வளாகத்தில் மரக்கன்றுகளை நட்டனர்.
தொடர்ந்து அப்துல் கலாமின் சிந்தனைகளை பொதுமக்களிடையே நினைவு கூரும்வகையில் விழிப்புணர்வுப் பேரணி நடைபெற்றது. பேரணியானது கல்லூரி வளாகத்தில் தொடங்கி ராஜாஜி நகர், செந்துறை சாலை, பெரிய கடைவீதி வழியாக சென்று பேருந்து நிலையத்தில் முடிவடைந்தது.
கல்லூரி மாணவர்கள் ரத்த தானம் :
அரியலூர் அருகேயுள்ள அண்ணா பல்கலைக்கழக பொறியியல் கல்லூரியில் இளைஞர் செஞ்சிலுவை சங்கம் மற்றும் நாட்டு நலப் பணித் திட்டம் சார்பில் சிறப்பு ரத்த தான முகாம் திங்கள்கிழமை நடைபெற்றது.
முகாமிற்கு, கல்லூரி முதல்வர் பி.சுரேஷ்குமார் தலைமை வகித்து தொடக்கி வைத்தார்.
அரியலூர் மாவட்ட ரத்த வங்கியைச் சேர்ந்த மருத்துவர் இ. சுந்தர்ராஜன் தலைமையில் 10 பேர் கொண்ட குழுவினர் பங்கேற்று 50 யூனிட் ரத்தத்தைச் சேகரித்தனர். தொடர்ந்து கல்லூரி வளாகத்தில் அப்துல் கலாம் பிறந்த நாளை மாணவ, மாணவிகள் கொண்டாடினர்.

 

]]>
http://www.dinamani.com/all-editions/edition-trichy/ariyalur/2018/oct/16/அப்துல்கலாம்-பிறந்த-நாளை-முன்னிட்டுஇளைஞர்-எழுச்சி-தின-விழிப்புணர்வுப்-பேரணி-3021321.html
3021320 திருச்சி அரியலூர் விடுதலைச்சிறுத்தைகள் கட்சியினர் ஆலோசனை DIN DIN Tuesday, October 16, 2018 03:26 AM +0530
அரியலூரில் விடுதலைச்சிறுத்தைகள் கட்சி நிர்வாகிகள் ஆலோசனை கூட்டம் திங்கள்கிழமை நடைபெற்றது.
அரியலூர் வடக்கு ஒன்றியம் சார்பில் நடைபெற்ற இக்கூட்டத்தில், நடைபெறவுள்ள மக்களவைத் தேர்தல் குறித்தும், 20.10.2018 ஆம் தேதிக்குள் வாக்குச்சாவடி முகவர்கள் பட்டியலைப் பூர்த்தி செய்யது ஒப்படைப்பது, திருச்சியில் டிசம்பர் 10 ஆம் தேதி நடைபெற உள்ள தேசம் காப்போம் மாநாட்டில் மாவட்டத்தில் இருந்து திரளாக கலந்து கொள்வது என்பன உள்ளிட்ட தீர்மானங்கள் நிறைவேற்றப்பட்டது.
கூட்டத்துக்கு, அக்கட்சியின் அரியலூர் வடக்கு ஒன்றியச் செயலர் செ. தங்கராசு தலைமை வகித்தார். அரியலூர் சட்டப் பேரவைத் தொகுதி ஒருங்கிணைப்பாளர் மருதவாணன், மாவட்டச் செயலர் பெ.மு.செல்வநம்பி, கவிஞர் கி. இளமாறன், மாநில அமைப்புச் செயலர் சு. திருமாறன், சிதம்பரம் மக்களவை தொகுதிச்செயலர் க.செல்லப்பன் ஆகியோர் முன்னிலை வகித்தனர். மாநில துணை செயலாளர்கள் பெ. அன்பானந்தம், ம. கருப்புசாமி, கதிர்வளவன் ஆகியோர் கலந்து கொண்டு பேசினர்.

 

]]>
http://www.dinamani.com/all-editions/edition-trichy/ariyalur/2018/oct/16/விடுதலைச்சிறுத்தைகள்-கட்சியினர்-ஆலோசனை-3021320.html
3021319 திருச்சி அரியலூர் ஊதியம் கேட்டு நகராட்சி அலுவலகம் முற்றுகை DIN DIN Tuesday, October 16, 2018 03:25 AM +0530
ஊதியம் கேட்டு அரியலூர் நகராட்சி மற்றும் உடையார்பாளையம் பேரூராட்சி அலுவலகத்தை துப்புரவுப் பணியாளர்கள் திங்கள்கிழமை முற்றுகையிட்டனர்.
அரியலூர் நகராட்சியில் துப்புரவுப் பணிகளுக்கு ஒப்பந்த அடிப்படையில் பணியாளர்கள் நியமிக்கப்பட்டு பணிபுரிந்து வருகின்றனர். இந்நிலையில், இவர்களுக்கு கடந்த சில மாதங்களாக ஊதியம் வழங்கவில்லை எனக்கூறப்படுகிறது. இந்நிலையில், ஊதியம் வழங்கக்கோரி அரியலூர் நகராட்சி அலுவலகத்தை துப்புரவுப் பணியாளர்கள் திங்கள்கிழமை முற்றுகையிட்டனர்.
இதனையடுத்து, பேச்சுவார்த்தையில் ஈடுபட்ட நகராட்சி அலுவலர்கள் ஓரிரு நாட்களில் கூலி வழங்கப்படும் எனக்கூறியதை அடுத்து அனைவரும் கலைந்து சென்றனர்.
இதேபோல், உடையார்பாளையம் பேரூராட்சியில் துப்புரவுப் பணியில் ஈடுபட்டு வரும் ஒப்பந்தப் பணியாளர்களுக்கும் சில மாதங்களாக சம்பளம் வழங்காததைக் கண்டித்து, பேரூராட்சி அலுவலகத்தை துப்புரவுப் பணியாளர்கள் முற்றுகையிட்டனர். அங்கு வந்த பேரூராட்சி அலுவலர்கள் உரிய நடவடிக்கை எடுக்கப்படும் எனக்கூறியதை அடுத்து அனைவரும் கலைந்து சென்றனர்.

 

]]>
http://www.dinamani.com/all-editions/edition-trichy/ariyalur/2018/oct/16/ஊதியம்-கேட்டு-நகராட்சி-அலுவலகம்-முற்றுகை-3021319.html
3021318 திருச்சி அரியலூர் சத்துணவு அமைப்பாளரை நியமிக்க வலியுறுத்தி மறியல் DIN DIN Tuesday, October 16, 2018 03:25 AM +0530
அரியலூர் மாவட்டம் விக்கிரமங்கலம் அடுத்த நாகமங்கலம் கிராமத்திலுள்ள அரசுப் பள்ளியில் சத்துணவு அமைப்பாளர் நியமிக்கக் கோரி அப்பள்ளி மாணவர்கள் திங்கள்கிழமை சாலை மறியலில் ஈடுபட்டனர்.
விக்கிரமங்கலம் அருகே நாகமங்கலம் கிராமத்திலுள்ள ஊராட்சி ஒன்றிய தொடக்கப் பள்ளியில் கடந்த 12 ஆம் தேதி சத்துணவு சாப்பிட்ட 15 மாணவர்களுக்கு வாந்தி மயக்கம் ஏற்பட்டு அரியலூர் அரசு மருத்துவமனையில் அனுமதிக்கப்பட்டனர். இப்பள்ளியில் சத்துணவு அமைப்பாளர் இல்லாததால் இச் சம்பவம் நடந்துள்ளதாகவும், உடனடியாக சத்துணவு அமைப்பாளரை நியமிக்க வேண்டும். தரமான உணவு, முட்டைகளை மாணவர்களுக்கு வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி அப்பள்ளி மாணவ, மாணவிகளுடன் இந்திய மாணவர் சங்கத்தினர் நாகமங்கலம்-விக்கிரமங்கலம் சாலையில் மறியலில் ஈடுபட்டனர். தகவலறிந்து சம்பவ இடத்துக்கு வந்த வட்டார வளர்ச்சி அலுவலர் ஜாகீர்உசேன் மற்றும் விக்கிரமங்கலம் போலீஸார் அவர்களிடம் பேச்சுவார்த்தை நடத்தி நடவடிக்கை எடுப்பதாக உறுதி அளித்தனர். இதையடுத்து, அவர்கள் கலைந்து சென்றனர்.

 

]]>
http://www.dinamani.com/all-editions/edition-trichy/ariyalur/2018/oct/16/சத்துணவு-அமைப்பாளரை-நியமிக்க-வலியுறுத்தி-மறியல்-3021318.html
3021317 திருச்சி அரியலூர் குடிநீர் கேட்டு கிராம மக்கள் சாலை மறியல் DIN DIN Tuesday, October 16, 2018 03:25 AM +0530
அரியலூர் மாவட்டம் செந்துறை அருகே குடிநீர் கேட்டு கிராம மக்கள் திங்கள்கிழமை சாலை மறியலில் ஈடுபட்டனர்.
செந்துறை அருகேயுள்ள பெரியாக்குறிச்சி கிராமத்தின் கீழத்தெருவில் வசிக்கும் சுமார் 100-க்கும் மேற்பட்ட குடும்பங்களுக்கு ஊராட்சி நிர்வாகம் சார்பில் மேல்நிலை நீர்தேக்கத் தொட்டி மூலம் குடிநீர் விநியோகம் செய்யப்பட்டு வருகிறது.
இந்நிலையில், கடந்த சில மாதங்களாக அப்பகுதி மக்களுக்கு குடிநீர் போதுமான அளவு விநியோகிக்கப்படவில்லை எனக்கூறப்படுகிறது.
இதுகுறித்து ஊராட்சி நிர்வாகத்தில் புகார் அளித்தும் முறையாக நடவடிக்கை எடுக்காததால், ஆத்திரமடைந்த அப்பகுதி மக்கள் செந்துறை - பெண்ணாடம் சாலையில் திங்கள்கிழமை மறியலில் ஈடுபட்டனர்.
தகவலறிந்து சம்பவ இடத்துக்கு வந்த வட்டார வளர்ச்சி அலுவலர் (திட்டம்) ராஜா மற்றும் செந்துறை போலீஸார் பேச்சுவார்த்தை நடத்தினர்.
அப்போது, குடிநீர் பிரச்சினை ஓரிரு நாட்களில் சீரமைக்கப்பட்டு, முழுமையாக குடிநீர் விநியோகம் செய்யப்படும் எனக்கூறியதை அடுத்து அனைவரும் கலைந்து சென்றனர்.

 

]]>
http://www.dinamani.com/all-editions/edition-trichy/ariyalur/2018/oct/16/குடிநீர்-கேட்டு-கிராம-மக்கள்-சாலை-மறியல்-3021317.html
3021316 திருச்சி அரியலூர் இன்று மின்நுகர்வோர் குறைதீர் கூட்டம் DIN DIN Tuesday, October 16, 2018 03:25 AM +0530
அரியலூர் ராஜாஜி நகர், கல்லூரிச் சாலையிலுள்ள தமிழ்நாடு மின் உற்பத்தி மற்றும் பகிர்மான கழக செயற்பொறியாளர் அலுவலகத்தில் செவ்வாய்க்கிழமை (அக்.16) காலை 11 மணியளவில் மின் நுகர்வோர் குறைதீர் கூட்டம் நடைபெறுகிறது.
பெரம்பலூர் மின் பகிர்மான வட்ட மேற்பார்வை பொறியாளர் தலைமையில் நடைபெறும் கூட்டத்தில், மின்நுகர்வோர்கள் தங்களது குறைகளை மனுக்கள் மூலம் தெரிவித்து பயன் பெறலாம் எனத் தெரிவிக்கப்பட்டுள்ளது. மேலும் விவரங்களுக்கு, 94458 53675 என்ற எண்ணில் தொடர்பு கொள்ளலாம்.

 

]]>
http://www.dinamani.com/all-editions/edition-trichy/ariyalur/2018/oct/16/இன்று-மின்நுகர்வோர்-குறைதீர்-கூட்டம்-3021316.html
3021315 திருச்சி அரியலூர் அரியலூரில் ஆட்சியரிடம் 302 மனுக்கள் அளிப்பு DIN DIN Tuesday, October 16, 2018 03:25 AM +0530
அரியலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைகேட்புக் கூட்டத்தில் 302 கோரிக்கை மனுக்கள் அளிக்கப்பட்டது.
கூட்டத்துக்கு ஆட்சியர் மு.விஜயலட்சுமி தலைமை வகித்தார். கூட்டத்தில் பொது மக்கள் மற்றும் மாற்றுத்திறனாளிகளிடம் பல்வேறு கோரிக்கைகள் அடங்கிய 302 கோரிக்கை மனுக்களை பெற்ற ஆட்சியர், இந்த கோரிக்கை மனுக்கள் மீது உடனடியாக நடவடிக்கை எடுக்குமாறு சம்மந்தப்பட்ட அதிகாரிகளுக்கு உத்தரவிட்டார். கூட்டத்தில், மாவட்ட வருவாய் அலுவலர் சே.தனசேகரன், துணை ஆட்சியர் (சமூக பாதுகாப்புத் திட்டம்) அ. பூங்கோதை உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-trichy/ariyalur/2018/oct/16/அரியலூரில்-ஆட்சியரிடம்-302-மனுக்கள்-அளிப்பு-3021315.html
3021314 திருச்சி அரியலூர் செந்துறை அருகேபள்ளிப் பேருந்தின் சக்கரத்தில் சிக்கி சிறுவன் உயிரிழப்பு DIN DIN Tuesday, October 16, 2018 03:24 AM +0530
அரியலூர் மாவட்டம் செந்துறை அருகே திங்கள்கிழமை காலை தனியார் பள்ளி பேருந்து சக்கரத்தில் சிக்கி சிறுவன் உயிரிழந்தான். செந்துறை அருகேயுள்ள சோழன்குடிக்காடு கிராமத்தைச் சேர்ந்தவர் கலைச்செல்வி. இவரது முதல் மகன் நவீன் (7) செந்துறையில் உள்ள ஒரு தனியார் பள்ளியில் 2 ஆம் வகுப்பு படித்து வருகிறான்.
தினமும் பள்ளி பேருந்தில் பள்ளிக்கு சென்று வருகிறான். இந்நிலையில், திங்கள்கிழமை காலை பள்ளிக்கு செல்வதற்கு, நவீனை பள்ளிப் பேருந்தில் ஏற்றிவிட கலைச்செல்வி சென்றுள்ளார். அப்போது, அவருடன் அவரது இரண்டரை வயது இளையமகன் நிதிஷ் சென்றுள்ளான். கலைச்செல்வி, நிதிஷை கீழே விட்டு விட்டு, நவீனைப் பேருந்தில் ஏற்றி வழியனுப்பி வைத்துள்ளார். தொடர்ந்து, நக்கம்பாடியைச் சேர்ந்த செல்வம் பேருந்தை இயக்கியபோது, கீழே நின்றுகொண்டிருந்த நிதிஷ் மீது பேருந்து மோதியதில், சக்கரத்தில் சிக்கி சிறுவன் நிதிஷ் சம்பவ இடத்திலேயே உயிரிழந்தான்.
தகவலறிந்து சம்பவ இடத்துக்கு வந்த குவாகம் போலீஸார், சிறுவனின் உடலை ஜயங்கொண்டம் அரசு மருத்துவமனைக்கு அனுப்பிவைத்தனர். ஓட்டுநர் செல்வத்திடம் விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/ariyalur/2018/oct/16/செந்துறை-அருகேபள்ளிப்-பேருந்தின்-சக்கரத்தில்-சிக்கி-சிறுவன்-உயிரிழப்பு-3021314.html
3021313 திருச்சி அரியலூர் பள்ளி மாணவ, மாணவிகளுக்கு ஒரு நாள் விழிப்புணர்வு சுற்றுலா DIN DIN Tuesday, October 16, 2018 03:24 AM +0530  

அரியலூர் சுற்றுலாத் துறை சார்பில் பள்ளி மாணவ, மாணவிகள் ஒரு நாள் விழிப்புணர்வு சுற்றுலாவுக்கு திங்கள்கிழமை அழைத்துச் செல்லப்பட்டனர்.
அரியலூர் மாவட்டத்தில் உள்ள அரசு உயர்நிலைப் பள்ளிகளில் நன்றாக கல்வி பயிலும் 150 மாணவ, மாணவியர்களைத் தேர்வு செய்து சுற்றுலாத் துறையின் சார்பில் ஒரு நாள் விழிப்புணர்வு சுற்றுலா செல்லும் நிகழ்ச்சி ஆட்சியர் அலுவலக வளாகத்தில் திங்கள்கிழமை நடைபெற்றது. சுற்றுலா பேருந்தை ஆட்சியர் தொடங்கி வைத்தார். நிகழ்ச்சியில், மாவட்ட முதன்மைக் கல்வி அலுவலர் அ.புகழேந்தி, தஞ்சாவூர் மாவட்ட சுற்றுலா அலுவலர் க.இளங்கோவன், ஆகியோர் கலந்து கொண்டனர்.

 

]]>
http://www.dinamani.com/all-editions/edition-trichy/ariyalur/2018/oct/16/பள்ளி-மாணவ-மாணவிகளுக்கு-ஒரு-நாள்-விழிப்புணர்வு-சுற்றுலா-3021313.html
3020698 திருச்சி அரியலூர் கிராமப்புற சாலைகளை மேம்படுத்த தேமுதிக வலியுறுத்தல் DIN DIN Monday, October 15, 2018 09:36 AM +0530 கிராமபுற சாலைகளை மேம்படுத்த தேமுதிக வலியுறுத்தியுள்ளது. அரியலூரில் ஞாயிற்றுக்கிழமை நடைபெற்ற அக்கட்சியின் ஒன்றிய நிர்வாகிகள் ஆலோசனைக் கூட்டத்துக்கு மாவட்டச் செயலாளர் ராம.ஜெயவேல் தலைமை வகித்தார்.  
கடுகூர், சுண்டகுடி, பொய்யூர், விளாங்குடி, மணக்கால் உள்ளிட்ட அனைத்து ஆரம்ப சுகாதார நிலையங்களில் போதிய மருத்துவர், செவிலியர்கள் நியமிக்க வேண்டும். சுண்டகுடி, ஆலந்துறையார்கட்டளை, வல்லக்குளம், வாழைக்குழி, மேலகாங்கியனூர், கோவிந்தபுரம், மணக்கால், சுப்பராயபுரம், கொத்தவாசல் உள்ளிட்ட அனைத்து கிராம சாலைகளையும் மேம்படுத்த வேண்டும். இடிந்து விழும்  நிலையில் உள்ள கடுகூர் மேல்நிலை நீர்த்தேக்கத் தொட்டியை சீரமைக்க வேண்டும். கோவிந்தபுரம், நாகமங்கலம், காஞ்சிலிக்கொட்டாய் கிராமங்களில் சேதமடைந்துள்ள பயணிகள் நிழற்குடைகளை சீரமைக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன. கட்சியின் ஒன்றியப் பொருளாளர் சசிகுமார், மாவட்ட பிரதிநிதிகள் ஜெய்சங்கர், பெரியசாமி, ஒன்றிய கேப்டன் மன்ற செயலாளர் பாலு உள்ளிட்டோர் பங்கேற்றனர். 
 

]]>
http://www.dinamani.com/all-editions/edition-trichy/ariyalur/2018/oct/15/கிராமப்புற-சாலைகளை-மேம்படுத்த-தேமுதிக-வலியுறுத்தல்-3020698.html
3020697 திருச்சி அரியலூர் மூதாட்டியிடம் தங்க செயின் பறிப்பு DIN DIN Monday, October 15, 2018 09:36 AM +0530 அரியலூர் அருகே ஆடு மேய்த்துக் கொண்டிருந்த முதாட்டியிடம் 4 பவுன் தங்க செயின் ஞாயிற்றுக்கிழமை பறிக்கப்பட்டது. 
அரியலூர் அருகே சாளைக்குறிச்சி கிராமத்தைச் சேர்ந்த சின்னப்பா மனைவி தனபாக்கியம்(75), சாளைக்குறிச்சி-ஒட்டக்கோவில் சாலையோரத்தில் ஆடு மேய்த்துக் கொண்டிருந்தார். அவ்வழியாக இரு சக்கர வாகனத்தில் வந்த மர்ம நபர், தனபாக்கியம் கழுத்தில் அணிந்திருந்த 4 பவுன் தங்கச் செயினை பறித்துச் சென்றார். இதுகுறித்து புகாரின் பேரில் அரியலூர் போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-trichy/ariyalur/2018/oct/15/மூதாட்டியிடம்-தங்க-செயின்-பறிப்பு-3020697.html
3020696 திருச்சி அரியலூர் அடையாளம் தெரியாத வாகனம் மோதி இளைஞர் சாவு DIN DIN Monday, October 15, 2018 09:35 AM +0530 கீழப்பழுவூர் அருகே அடையாளம் தெரியாத வாகனம் மோதியதில் இளைஞர் நிகழ்விடத்தில் உயிரிழந்தார். 
மதுரை மாவட்டம், தள்ளாக்குளம் விளக்குபகுதியைச் சேர்ந்த விருமாண்டி மகன் ராஜபாண்டி(20), பாண்டி மகன் பிரவீன்(21). நண்பர்களான இருவரும் தா.பழூர் அருகே ஞாயிற்றுக்கிழமை நடைபெற்ற ஜல்லிக்கட்டு போட்டியில் பங்கேற்க காளை மாடுகளை சுமை ஆட்டோவில் ஏற்றிக்கொண்டு, பின்னால் இரு சக்கர வாகனத்தில் சென்றனர். இரு சக்கர வாகனத்தை ராஜபாண்டி ஓட்டினார். 
கீழப்பழுவூர் அருகே சென்த போது அடையாளம் தெரியாத வாகனம் இரு சக்கர வாகனம் மீது மோதியது. இதில் ராஜபாண்டி நிகழ்விடத்தில் உயிரிழந்தார். காயமடைந்த பிரவீன் அரசு மருத்துவனையில் அனுமதிக்கப்பட்டார்.
இதுகுறித்து கீழப்பழுவூர் போலீஸார் வழக்குப் பதிவு செய்து விசாரணை நடத்தி வருகின்றனர்.   
 

]]>
http://www.dinamani.com/all-editions/edition-trichy/ariyalur/2018/oct/15/அடையாளம்-தெரியாத-வாகனம்-மோதி-இளைஞர்-சாவு-3020696.html
3020695 திருச்சி அரியலூர் பனைஓலையில் பொருள்கள் தயாரித்து வருவாய் ஈட்டும் பெண்கள் DIN DIN Monday, October 15, 2018 09:34 AM +0530 பனை ஓலையில் பல்வேறு விதமான கூடைகளை தயாரித்து சந்தைபடுத்தி வருகின்றனர் அரியலூர் மாவட்டம் செந்துறையை அடுத்த சிறுகடம்பூர் பகுதி பெண்கள்.
பனைமரத்தின் இருந்து கிடைக்கும் பதநீர் உடல் நலத்திற்கு ஏற்ற பானம். அதில் இருந்து கிடைக்கும் கருப்பட்டி, நுங்கு, பனங்கிழங்கு சாப்பிடாதவர் இருக்க முடியாது. பனை ஓலை, மட்டை, நார் என எல்லா பாகங்களும் பயன் தருகின்றன. குருத்தோலையில் இருந்து பல்வேறு அலங்கார பொருள்கள், பெட்டிகளும், ஓலையில் இருந்து பாய் முடைதல் முக்கிய தொழிலாக உள்ளது. ஆனால் சமீபகாலமாக பனை மரங்களை செங்கல் சூளையில் எரிப்பதற்கும், கட்டைக்காக அதிகளவில் வெட்டி அழிக்கப்படுகிறது. 
இந்நிலையில் பனைமரத்தின் முக்கியத்துவம் குறித்து பல்வேறு அமைப்பினர், சமூக ஆர்வலர்கள் மக்களிடம் விழிப்புணர்வு ஏற்படுத்தி வருகின்றனர். இச்சூழலில் டால்மியா போன்ற சிமென்ட் நிறுவனங்கள் தங்களது அறக்கட்டளை மூலம் செந்துறை வட்டம்,சிறுகடம்பூர் பகுதி பெண்களைத் தேர்வு செய்து, அவர்களுக்கு பனை ஓலையில் என்னென்ன பொருள்கள் தயாரிக்கலாம் என பயிற்சியளித்து உறுதியான வருமானத்துக்கு வழிகாட்டியிருக்கிறது. 
பனைஓலையில் கூடை தயாரிப்பு பயிற்சி பெற்ற அந்த பெண்கள், தாங்கள் தயாரிக்கும் பொருள்களை கோவா உள்ளிட்ட மாநிலங்களுக்கு ஏற்றுமதி செய்கின்றனர். குறிப்பாக, இப்பகுதி பெண்களால் தயாரிக்கப்படும் ஒயின்பேக் மற்றும் சிறு கூடை கோவாவில் அதிகளவில் விற்பனையாகுகிறது. மேலும் பல வண்ணங்களில் ஜூவல் பாக்ஸ், மதிய நேர சாப்பாடு பாக்ஸ், அர்ச்சனைக் கூடை, பழக்கூடை, பவுச் என்று பனை ஓலையில் பல பொருள்களைத் தயாரித்து அசத்துகின்றனர்.
இதுகுறித்து  சிறுகடம்பூர் வினோதினி கூறியது: மறந்து விட்ட பொருள்களில் ஒன்றான பனை தான் இப்போ எங்களுக்கு சோறு போடுகிறது. முன்பெல்லாம் பனை ஓலைப் பெட்டியைத்தான் மக்கள் சந்தைக்கு எடுத்துட்டுப் போவார்கள். இப்போ பாலித்தீன் என்ற அரக்கனுக்கு அடிமையாகிட்ட அவர்களை மறுபடியும் பனை ஓலைப் பெட்டியைத் தூக்க வைக்க முடியாது தான். ஆனாலும் அந்த பனை தயாரிப்பு பொருள்களில் நவீனம் புகுத்தி, வடிவம் மாற்றி கொடுத்துட்டு வருகிறோம்.
ராமநாதபுரம் மாவட்டத்தில் பனை மரங்கள் அதிகம் இருப்பதால, அங்கிருந்து மொத்தமாக பனை ஓலைகளை வாங்குகிறோம். ஒரு கட்டு ஓலை ரூ.25. ஒரு கட்டுக்கு மூணு சின்னப் பொருள்கள் வரை முடையலாம். ஒரு பொருளுக்கு குறைந்தது ரூ.60 லாபம் கிடைக்கும்.
கலர் கூடைகள் கொஞ்சம் கூடுதலான விலைக்கு போகிறது. ஒரு நாளைக்கு 4 பொருள்களாவது செஞ்சு ரூ.250 வரை சம்பாதிக்கிறோம். நகைப் பெட்டியில் இருந்து அர்ச்சனைத்தட்டு வரைக்கும் நாங்க எத்தனையோ பொருள்கள் செஞ்சாலும், ஒயின் பேக்கிற்கு மவுசு அதிகம்.  இந்த கைத்தொழில் தான் எங்களது பிள்ளைகளை படிக்க வைக்கிறது. சுற்றுச்சூழலுக்கு பாதிப்பு இல்லாத பனைபொருள்களை எல்லோரும் பயன்படுத்த வேண்டும். பனைபொருள்கள் பயன்பாட்டை ஊக்குவிக்கும் வகையில் கூட்டுறவு சங்கங்களை அரசு ஏற்படுத்த வேண்டும் என்றார் அவர்.
 

]]>
http://www.dinamani.com/all-editions/edition-trichy/ariyalur/2018/oct/15/பனைஓலையில்-பொருள்கள்-தயாரித்து-வருவாய்-ஈட்டும்-பெண்கள்-3020695.html
3020694 திருச்சி அரியலூர் மாணவியை பலாத்காரம் செய்ய முயன்ற இளைஞர் கைது DIN DIN Monday, October 15, 2018 09:34 AM +0530 அரியலூர் அருகே பள்ளி மாணவியை பாலியல் பலாத்காரம் செய்ய முயன்ற இளைஞர் ஞாயிற்றுக்கிழமை கைது செய்யப்பட்டார். 
அரியலூர் சடையப்பர் தெருவைச் சேர்ந்த 6ஆம் வகுப்பு மாணவி பாலம்பாடி சாலையில் ஆடு மேய்த்துக் கொண்டிருந்த தனது தாத்தாவை பார்ப்பதற்காக நடந்து சென்றார். அவ்வழியாக இரு சக்கர வாகனத்தில் வந்த அதேதெருவைச் சேர்ந்த மாரிமுத்து(19), மாணவியை மறித்து, உன்னுடைய தாத்தாவிடம் அழைத்து செல்வதாக கூறி அங்குள்ள காட்டுப்பகுதிக்கு கொண்டு சென்று பாலியல் பலாத்காரம் செய்ய முயற்சித்துள்ளார்.  அலறல் கேட்டு ஓடிவந்த அக்கம்பக்கத்தினர் மாணவியை மீட்டு பெற்றோரிடம் ஒப்படைத்தனர். 
இதுகுறித்து மாணவியின் பெற்றோர் அளித்த புகாரின் பேரில் அரியலூர் அனைத்து மகளிர் போலீஸார் வழக்குப் பதிவு செய்து மாரிமுத்துவை கைது செய்தனர்.

]]>
http://www.dinamani.com/all-editions/edition-trichy/ariyalur/2018/oct/15/மாணவியை-பலாத்காரம்-செய்ய-முயன்ற-இளைஞர்-கைது-3020694.html
3020693 திருச்சி அரியலூர் காங்கிரஸ் கட்சி கொடியேற்று விழா DIN DIN Monday, October 15, 2018 09:34 AM +0530 கீழப்பழுவூர் காந்திநகரில் இந்திய தேசிய காங்கிரஸ் கட்சியின் மகளிர் பிரிவு சார்பில் கொடியேற்று விழா ஞாயிற்றுக்கிழமை நடைபெற்றது.
விழாவுக்கு மகிளா காங்கிரஸ் மாவட்டத் தலைவர் மாரியம்மாள் தலைமை வகித்தார். துணைத் தலைவர்கள் தமிழரசி, பழனியம்மாள் ஆகியோர் முன்னிலை வகித்தனர். மாநில துணைத் தலைவி ரேவதி ஷாக்கிலோ கட்சி கொடியை ஏற்றிவைத்து இனிப்பு வழங்கினார். தொடர்ந்து, பல்வேறு கட்சியிலிருந்து விலகி காங்கிரஸில் 100க்கும் மேற்பட்டோர் இணைந்தனர்.
நிகழ்ச்சியில், மாவட்ட செயற்குழு உறுப்பினர் திருநாவுக்கரசு, இளைஞர் காங்கிரஸ் மாவட்ட பொதுச் செயலர் விஜயகுமார் உள்ளிட்டோர் பங்கேற்றனர். முன்னதாக, மேற்கு வட்டார மகளிர் காங்கிரஸ் தலைவி அமுதா வரவேற்றார்.

]]>
http://www.dinamani.com/all-editions/edition-trichy/ariyalur/2018/oct/15/காங்கிரஸ்-கட்சி-கொடியேற்று-விழா-3020693.html
3020692 திருச்சி அரியலூர் வேனாநல்லூரில் ஜல்லிக்கட்டு: காளைகள் முட்டியதில் 15 பேர் காயம் DIN DIN Monday, October 15, 2018 09:34 AM +0530 அரியலூர் மாவட்டம், தா.பழூர் அருகே வேனாநல்லூரில் ஞாயிற்றுக்கிழமை நடைபெற்ற ஜல்லிக்கட்டில் காளைகள் முட்டித் தள்ளியதில் 15 பேர் காயமடைந்தனர்.
முன்னதாக, கிராம முக்கியஸ்தர்களால் சீர்வரிசை எடுத்து வரப்பட்டது. தொடர்ந்து, மாரியம்மன் கோயில் முன்பு அமைக்கப்பட்டிருந்த வாடிவாசல் வழியாக கோயில் காளைகள் அவிழ்த்து விடப்பட்டன. இதன்பின், திருச்சி, பெரம்பலூர், அரியலூர், தஞ்சாவூர், புதுக்கோட்டை, கரூர், சேலம் உள்ளிட்ட பல்வேறு பகுதிகளில் இருந்து அழைத்து வரப்பட்ட 350 காளைகள் ஒவ்வொன்றாக அவிழ்த்து விடப்பட்டன. 
சீறிப்பாய்ந்து வந்த காளைகளை அடக்க முயன்றதில் பிராஞ்சேரி கண்ணன்(25), சோழங்குறிச்சி ராதாகிருஷ்ணன்(34), திருமானூர் பாலாஜி(28), கூழாட்டுகுப்பம் கலியமூர்த்தி(43) உள்ளிட்ட 15 பேர் காயமடைந்தனர். பலத்த காயமடைந்த சொக்கலிங்கபுரம் அசோக்குமார்(30), திருச்சியைச் சேர்ந்த முருகானந்தம்(31), சதிஷ்குமார்(23), கருப்பன் ஆகியோர் ஜயங்கொண்டம் அரசு மருத்துவமனையில் அனுமதிக்கப்பட்டனர். 
எஞ்சியவர்களுக்கு அருகிலுள்ள ஆரம்ப சுகாதார நிலையத்தில் முதலுதவி சிகிச்சை அளிக்கப்பட்டது. ஜல்லிக்கட்டில், காளைகளை அடக்கிய வீரர்களுக்கும், பிடிபடாத காளைகளின் உரிமையாளர்களுக்கு வெள்ளி நாணயங்கள், சில்வர் பாத்திரங்கள், கட்டில், சேர், வேட்டி, சேலை, சைக்கிள் உள்ளிட்ட பரிசுப் பொருள்கள் வழங்கப்பட்டது. சுற்றுப்புற கிராமங்களில் இருந்து திரளான மக்கள் ஜல்லிக்கட்டு போட்டியை கண்டு ரசித்தனர்.
 

]]>
http://www.dinamani.com/all-editions/edition-trichy/ariyalur/2018/oct/15/வேனாநல்லூரில்-ஜல்லிக்கட்டு-காளைகள்-முட்டியதில்-15-பேர்-காயம்-3020692.html
3019977 திருச்சி அரியலூர் விவசாயியைத் தாக்கிய இளைஞர் கைது DIN DIN Sunday, October 14, 2018 08:25 AM +0530 அரியலூர் மாவட்டம் உடையார்பாளையம் அருகே விவசாயியை தாக்கிய இளைஞர் சனிக்கிழமை கைது செய்யப்பட்டார்.
உடையார்பாளையம் பெருமாள் கோயில் தெருவைச் சேர்ந்த பக்கிரி மகன் பாலுசாமி(42), மகாலிங்கம் மகன் இளையராஜா(28). இவர்கள் இருவருக்கும் முன்விரோதம் இருந்து வந்துள்ளது. இந்நிலையில் சனிக்கிழமை பாலுசாமி தனது நிலத்தில் உள்ள முட்செடிகளை வெட்டிக்கொண்டிருந்தார். 
அப்போது அங்கு வந்த இளையராஜா பாலுசாமியை தகாத வார்த்தைகளால் திட்டி தாக்கியதாகக் கூறப்படுகிறது. இதுகுறித்து உடையார்பாளையம் காவல் நிலையத்தில் பாலுசாமி அளித்த புகாரின் பேரில் போலீஸார் வழக்கு பதிந்து இளையராஜாவைக் கைது செய்து விசாரணை நடத்தி வருகின்றார்.
 

]]>
http://www.dinamani.com/all-editions/edition-trichy/ariyalur/2018/oct/14/விவசாயியைத்-தாக்கிய-இளைஞர்-கைது-3019977.html
3019976 திருச்சி அரியலூர் மீன்சுருட்டி அருகே 6 மாதக் குழந்தை மர்மச்சாவு: சடலம் தோண்டி எடுப்பு DIN DIN Sunday, October 14, 2018 08:25 AM +0530 மது போதையில் ஏற்பட்ட தகராறில் 6 மாதக் குழந்தை மர்மமான முறையில் உயிரிழந்தது குறித்து போலீசார் விசாரித்து வருகின்றனர். 
அரியலூர் மாவட்டம் மீன்சுருட்டி அடுத்த காடுவெட்டி கிராமத்தைச் சேர்ந்தவர் மணிகண்டன் (27). அனுராதா (24). தம்பதிக்கு ஜெயசுதா, 6 மாதக் குழந்தை ஜெகதீஷா என 2 குழந்தைகள். கடந்த 9 ஆம் தேதி இரவு மது போதையில் வீட்டுக்கு வந்த மணிகண்டனுக்கும் அனுராதாவுக்கும்  தகராறு ஏற்பட்டது. 
இதில், ஆத்திரமடைந்த மணிகண்டன், அனுராதாவைத் தாக்கியுள்ளார். அனுராதா கோபித்துக்கொண்டு, தனது 6 மாத குழந்தை ஜெகதீஷாவை வீட்டில் விட்டுவிட்டு, ஜெயசுதாவைத் தூக்கிக்கொண்டு வெளியே சென்றுள்ளார். சிறிதுநேரம் கழித்து அனுராதா வீட்டுக்கு திரும்பிவந்து பார்த்தபோது, 6 மாத குழந்தை ஜெகதீஷா உயிரிழந்து கிடந்தது தெரியவந்தது. 
இதையடுத்து குடும்பத்தினர் சேர்ந்து குழந்தையின் சடலத்தை வீட்டின் பின்புறம் புதைத்து விட்டனர்.
இந்நிலையில் சனிக்கிழமை மணிகண்டன் வீட்டுக்கு வந்த மீன்சுருட்டி ஆரம்ப சுகாதார நிலைய செவிலியர்கள் மூலம் குழந்தை இறந்த விவரம் தெரியவந்தது. செவிலியர்கள் வட்டார மருத்துவ அலுவலர் லட்சுமிதரனிடம் இதுகுறித்து தெரிவித்தனர். 
இதையடுத்து அவர் அளித்த புகாரின்பேரில்  மீன்சுருட்டி போலீஸார் வழக்கு பதிந்து, குழந்தையின் சடலத்தை தோண்டி எடுத்து திருச்சி அரசு மருத்துவமனைக்கு உடற்கூறு ஆய்வுக்காக அனுப்பினர். போலீஸார் தொடர்ந்து விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-trichy/ariyalur/2018/oct/14/மீன்சுருட்டி-அருகே-6-மாதக்-குழந்தை-மர்மச்சாவு-சடலம்-தோண்டி-எடுப்பு-3019976.html
3019975 திருச்சி அரியலூர் அரியலூரில் மாவட்ட அறிவியல் கண்காட்சி DIN DIN Sunday, October 14, 2018 08:25 AM +0530 அரியலூர்  மாவட்டம் செந்துறை அறிஞர் அண்ணா மேல்நிலைப்பள்ளியில் கல்வி மாவட்ட அளவிலான  அறிவியல் கண்காட்சி வெள்ளிக்கிழமை நடைபெற்றது.
கண்காட்சியை மாவட்டக் கல்வி அலுவலர் வெற்றிச்செல்வி தலைமையேற்று தொடக்கி வைத்தார். 6 முதல் 12 ஆம் வகுப்பு வரை  மூன்று பிரிவுகளாக நடைபெற்ற இக்கண்காட்சியில் கலந்து கொண்ட 150-க்கும் மேற்பட்ட பள்ளி மாணவ, மாணவிகளின் படைப்புகள் இடம்பெற்றன. இந்தக் கண்காட்சியில் சிறுகடம்பூர் அரசு உயர்நிலைப்பள்ளி தலைமை ஆசிரியர் பாலசுந்தரம், உஞ்சினி அரசு  உயர்நிலைப்பள்ளி தலைமை ஆசிரியர் அன்பழகன் ஆகியோர் ஒருங்கிணைப்பாளராகக் கலந்து கொண்டனர்.  
இந்தக் கண்காட்சியில் தேர்ந்தெடுக்கப்பட்ட 25 மாணவர்கள், அரியலூரில் 16 ஆம் தேதி நடைபெறும் மாவட்ட அளவிலான கண்காட்சியில் கலந்து கொள்ள உள்ளனர்.  

]]>
http://www.dinamani.com/all-editions/edition-trichy/ariyalur/2018/oct/14/அரியலூரில்-மாவட்ட-அறிவியல்-கண்காட்சி-3019975.html
3019974 திருச்சி அரியலூர் அரியலூரில் பேரிடர் குறைப்பு தின ஒத்திகை DIN DIN Sunday, October 14, 2018 08:24 AM +0530 உலக பேரிடர் குறைப்பு தினத்தை முன்னிட்டு அரியலூரில் விழிப்புணர்வுப் பேரணி மற்றும் பேரிடர் ஒத்திகை நிகழ்ச்சிகள் சனிக்கிழமை நடைபெற்றது. 
அரியலூர் நிர்மலா மெட்ரிக். மேல்நிலைப் பள்ளியில் நடைபெற்ற நிகழ்ச்சியில் ஆட்சியர் மு. விஜயலட்சுமி கலந்து கொண்டு பேரணியைக் கொடியசைத்து தொடக்கி வைத்தார். பேரணியானது பிரதான சாலை வழியாகச் சென்று பேருந்து நிலையத்தில் முடிந்தது. பேரணியில் கலந்து கொண்ட மாணவ, மாணவிகள், விழிப்புணர்வு வாசகங்கள் அடங்கிய பதாககளை கையில் ஏந்திச் சென்றனர். அரியலூர் பேருந்துநிலையத்தில், ஆட்சியர் முன்னிலையில் நடைபெற்ற நிகழ்ச்சியில் கலந்து கொண்ட தீயணைப்புத் துறையினர், பேரிடர் காலங்களில் முன்னெச்சரிக்கை நடவடிக்கைகள் குறித்து செயல் விளக்கமளித்தனர்.
நிகழ்ச்சியில், மாவட்ட வருவாய் அலுவலர் சே.தனசேகரன், அரியலூர் கோட்டாட்சியர் நா.சத்தியநாராயணன், அரியலூர் தீயணைப்பு நிலைய அலுவலர் பன்னீர்செல்வம், மாவட்ட முதன்மை கல்வி அலுவலர் அ.புகழேந்தி, பேரிடர் மேலாண்மை வட்டாட்சியர்கள் விக்டோரியா,,சு.முத்துலட்சுமி மற்றும் தீயணைப்பு படைவீரர்கள் கலந்து கொண்டனர்.
பெரம்பலூரில் பெயரளவுக்கு நடைபெற்ற ஒத்திகை:   பெரம்பலூரில் பேரிடர் குறைப்பு தினத்தை முன்னிட்டு பேரிடர் மேலாண்மை மற்றும் அவசர கால மீட்பு நடவடிக்கைகள் பெயரளவுக்கு சனிக்கிழமை நடத்தப்பட்டன.  
பெரம்பலூர் நகராட்சி அலுவலக வளாகத்தில் தீயணைப்பு மற்றும் மீட்பு பணிகள் துறையினரின் ஒத்திகை நிகழ்ச்சி நடைபெற்றது. 
நிகழ்ச்சியில், தீயணைப்புத்துறை மூலம் ஏரி, குளம் மற்றும் வெள்ளத்தில் சிக்கியவர்களை மீட்க ரப்பர் படகு, மீட்பு பணியின்போது 100 மீட்டர் சுற்றளவுக்கு வெளிச்சம் தரக்கூடிய உயர் கோபுர விளக்கு, உயிர்காக்கும் மிதவை மற்றும் உடை, இரும்பு பொருள்களை வெட்டுவதற்கு தேவைப்படும் ஹைட்ராலிக் முறையில் இயங்கும் கருவி, மிதவை பம்பு, விபத்து நேரங்களில் வாகனங்களில் சிக்கியுள்ளவர்களை மீட்க உதவும் ஏர் லிப்டிங் ஆகிய பொருள்கள் வைக்கப்பட்டு  செயல்விளக்கம் அளிக்கப்பட்டது.  
மேலும், தீயணைப்புத் துறை மூலம் விபத்து மற்றும் வெள்ள நேரங்களில் பொதுமக்களை காப்பாற்ற, விபத்தில் நடக்க இயலாத நிலையில் உள்ளவரை விபத்து நிகழ்ந்த இடத்தில் இருந்து பாதுகாப்பான இடத்துக்கு அழைத்துச் செல்வது, வீடுகளில் சமையல் செய்யும்போது ஏற்படும் தீ விபத்துகளிலிருந்து பொதுமக்கள் தங்களை எவ்வாறு பாதுகாத்துக்கொள்வது குறித்த செயல்விளக்கமும் அளிக்கப்பட்டது. 
ஆனால், ஒத்திகை நிகழ்ச்சி தொடர்பான எவ்வித முன்னறிவிப்பும் இல்லாததால், இவற்றை பார்வையிட பொதுமக்கள் தரப்பில் இருந்து ஒருவர் கூட பங்கேற்கவில்லை.  பெயரளவில் நடத்தப்பட்ட இந்நிகழ்ச்சியில், மாவட்ட வருவாய் அலுவலர் ஆ. அழகிரிசாமி, வருவாய் கோட்டாட்சியர் விஸ்வநாதன், மாவட்ட தீயணைப்பு அலுவலர் செந்தில்குமார் உள்பட நகராட்சி துப்புரவு பணியாளர்கள் சிலர் பங்கேற்றனர்.

]]>
http://www.dinamani.com/all-editions/edition-trichy/ariyalur/2018/oct/14/அரியலூரில்-பேரிடர்-குறைப்பு-தின-ஒத்திகை-3019974.html
3019973 திருச்சி அரியலூர் மாற்றுத்திறனாளி குழந்தைகளுக்கான மருத்துவ முகாம் DIN DIN Sunday, October 14, 2018 08:24 AM +0530 செந்துறை அரசு மேல்நிலைப் பள்ளியில், வட் டார வள மையம், அனைவருக்கும் கல்வி இயக்கம் சார்பில் மாற்றுத்திறனாளி குழந்தைகளுக்கான மருத்துவ முகாம் வெள்ளிக்கிழமை நடைபெற்றது.
முகாமில், பொது மருத்துவர், எழும்பு முறிவு மருத்துவர், கண், காது-மூக்கு-தொண்டை மருத்துவர் உள்ளிட்ட பல்வேறு நோளுக்கான சிறப்பு மருத்துவர்கள் கலந்து கொண்டு 6 முதல் 18 வயது வரையிலான மாற்றுத்திறனாளி  குழந்தைகளுக்கு சிகிச்சை அளித்தனர். 
முகாமில், உபகரணங்கள் மற்றும் அறுவை சிகிச்சை தேவைப்படுவோர் கண்டறியப்பட்டு அவர்களுக்கு அனைவருக்கும் கல்வி இயக்கத்தின் சார்பில் உபகரணங்களும், அடையாள அட்டை இல்லாத மாற்றுத்திறனாளி குழந்தைகளுக்கு தேசிய அடையாள அட்டையும் வழங்கப்பட்டது. இதில் வட்டார வளமைய மேற்பார்வையாளர் குணசேகரன், கண் மருத்துவர் மதியழகன் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/ariyalur/2018/oct/14/மாற்றுத்திறனாளி-குழந்தைகளுக்கான-மருத்துவ-முகாம்-3019973.html
3019972 திருச்சி அரியலூர் கனிமங்கள் சுரண்டப்படுவதால் அரியலூரில் அழிந்து வரும் விவசாயம் DIN DIN Sunday, October 14, 2018 08:23 AM +0530 அரியலூர் மாவட்டத்தைச் சுற்றிலும் கனிமங்கள் சுரண்டப்படுவதால் நிலத்தடி நீர் குறைந்து, விவசாயம் அழிந்து வருகிறது.
ராஜேந்திரசோழனின் தலைநகராக இருந்த கங்கை கொண்ட சோழபுரத்தை உள்ளடக்கியது அரியலூர் மாவட்டம். மாவட்டத்தில் ஒரு பகுதி டெல்டா பகுதியாகவும், அரியலூர், ஜயங்கொண்டம், செந்துறை உள்ளிட்ட பகுதிகள் வறட்சி பகுதியாகவும் உள்ளது.
இம் மாவட்டம் பல ஆயிரம் ஆண்டுகளுக்கு முன்பு கடலாக இருந்து நிலப்பரப்பாக மாறியதால் கனிம வளம் பெற்றுள்ள பூமியாகும். கால்சியம், இரும்பு, அலுமினியம், வேதிப்பொருள், கலவையான கடல் அடிவண்டல் இன்று சுண்ணாம்புக் கல் ஜிப்சம், நாடியூல்ஸ் என்ற படிகவகை பாறையும்,அதனிடையே பாசில் என்ற தொல்லுரியிரிகளும் நிறைந்த மாவட்டமாகும்.
அரியலூர் பகுதியில் சுமார் 60 கோடி டன் சுண்ணாம்பு படிவு, 1 கோடி ஜிப்சம் படிவு உள்ளதால் இங்குள்ள 10 சிமென்ட் ஆலை நிறுவனங்கள், விவசாயிகளிடம் நிலத்தை குறைந்த விலைக்கு வாங்கி, அதில் கனிமங்களை எடுத்து வருகின்றனர். கிட்டதட்ட 3 ஆயிரம் ஹெக்டேர் வரை கனிம சுரங்கங்களாக உள்ளது. 166-க்கும் மேற்பட்ட சுண்ணாம்புக் கல் சுரங்கத்தினாலும், சிமென்ட் ஆலைகளாலும் இன்று அரியலூர் மாவட்டம் பெரிதும் பாதிக்கப்பட்டுள்ளது.  தற்போது ஜயங்கொண்டம் பழுப்பு நிலக்கரி திட்டத்துக்காக 10 ஆயிரம் ஏக்கர் விவசாய நிலம் கையகப்படுத்தப்பட்டுள்ளது. கனிம வளக் கொள்ளை  மீத்தேன், நியூட்ரினோ, கெயில், ஷேல் கேஸ் போன்ற திட்டத்துக்கு எதிர்ப்பு தெரிவித்து அப்பகுயினர் போராட்டம் நடத்திவருகின்றனர். கடந்த 1990களில் மிகப்பெரிய கனிமவளக் கொள்ளை நடைபெற்றதும் அரியலூர் மாவட்டத்தில் தான். தற்போது அரசு சிமென்ட் ஆலைகளால் ஆண்டிற்கு ஐந்து லட்சம் டன் சிமென்ட் உற்பத்தி செய்யப்படுகிறது . ஏனைய தனியார் சிமென்ட் ஆலைகளால் 50 லட்சம் டன் சிமென்ட் உற்பத்தி செய்யப்படுகிறது. சிமென்ட் ஆலை நாள் ஒன்றுக்கு 1 லட்சம் லிட்டர் தண்ணீர் எடுப்பதால், இம்மாவட்டத்தில் தண்ணீர் பிரச்னை தலைவிரித்தாடுகிறது. 
மேலும், இங்குள்ள ஒவ்வொரு சுண்ணாம்பு சுரங்கங்களும் 200 அடி முதல் 500 அடி வரை தோண்டப்பட்டுள்ளன. மேலும், காலாவதியான சுரங்கங்கள் மூடப்படாமலேயே உள்ளன. 6 ஆண்டுகளுக்கு முன்பு சேலம், திருச்சி, அரியலூர் நகரை மையப்படுத்தி லேசான நிலநடுக்கம் உணரப்பட்டதாக ஆய்வாளர்கள் தெரிவித்துள்ளனர்.  ஆனால் தனியார் சிமென்ட் ஆலைகள் சுரங்கம் தோண்டுவதை நிறுத்தியபாடும் இல்லை. மேலும், சுரங்கங்களுக்கான இடைவெளி 500 அடி இருக்க வேண்டும் என்ற விதி குறித்து அதிகாரிகள் கண்டுகொள்வதில்லை.  
இதுகுறித்து சமூக நல செயற்பாட்டாளர்கள் கூட்டமைப்பின் மாவட்ட ஒருங்கிணைப்பாளர் இளவரசன் கூறியது: 
ஆலையில் இருந்து வெளிவரும் புகையால் சுற்றுப்பகுதியைச் சேர்ந்த பலர் நுரையீரல் பிரச்னை, ஆஸ்துமா, கேன்சர் போன்ற கொடிய நோய்களில் இறந்து கொண்டிருக்கின்றனர். 
கர்ப்பிணி பெண்கள், முதியோர் ஆகியோர் பாதிக்கப்பட்டு வருகின்றனர். இப்பகுதியில் 400 அடிக்கும் மேல் சுண்ணாம்பு வெட்டி எடுக்கிறார்கள். இதனால் நிலத்தடி நீர்மட்டம் குறைவதோடு, பூகம்பம் வருவதற்கும், கடல் நீர் உள்ளே புகும் வாய்ப்புள்ளது. நாம் சுண்ணாம்புக் கல் கிடைக்கிறது என்பதற்காக சிமென்ட் உற்பத்தி செய்து வெளிநாடுகளுக்கும் அனுப்புகிறோம். மேலும், சுண்ணாம்பு சுரங்கங்கள் மூடப்படாமல் திறந்து கிடப்பதால் அவ்வப்போது கால்நடைகள் தவறிவிழுந்து உயிரிழப்புகள் ஏற்படுகின்றன.
 

]]>
http://www.dinamani.com/all-editions/edition-trichy/ariyalur/2018/oct/14/கனிமங்கள்-சுரண்டப்படுவதால்-அரியலூரில்-அழிந்து-வரும்-விவசாயம்-3019972.html
3019971 திருச்சி அரியலூர் தையல் பயிற்சி பெற்றவர்களுக்கு  சான்றிதழ் வழங்கல் DIN DIN Sunday, October 14, 2018 08:23 AM +0530 அரியலூர் மாவட்டம் செந்துறை அருகேயுள்ள எம்.கே.பாரா மெடிக்கல் கல்லூரியில் தமிழ்நாடு திறன் மேம்பாட்டு கழகம் சார்பில் நடைபெற்ற தையல் பயிற்சி முடித்த பெண்களுக்கு சனிக்கிழமை சான்றிதழ் வழங்கப்பட்டன.
கல்லூரி நிறுவனர் பன்னீர்செல்வம் தலைமை வகித்தார்.செந்துறை காவல் நிலைய உதவி ஆய்வாளர் பிரகஸ்பதி கலந்து கொண்டு தையல் பயிற்சி முடித்த 20 பெண்களுக்கு சான்றிதழ்களை வழங்கினார். கல்வி அறக்கட்டளை தலைவர் சேகர், கொசமற்றம் நிதி நிறுவன மேலாளர் சண்முகநாதன், ஸ்கை கணினி நிறுவனர் சங்கர்குரு  ஆகியோர் முன்னிலை வகித்தனர். இதில் தையல் பயிற்சி ஆசிரியர்கள் சங்கீதா மற்றும் ரம்யா ஆகியோர் கலந்து கொண்டனர். 
 

]]>
http://www.dinamani.com/all-editions/edition-trichy/ariyalur/2018/oct/14/தையல்-பயிற்சி-பெற்றவர்களுக்கு--சான்றிதழ்-வழங்கல்-3019971.html
3019970 திருச்சி அரியலூர் இளைஞர் எழுச்சி நாள் திறனாய்வு போட்டிகள் DIN DIN Sunday, October 14, 2018 08:23 AM +0530 அப்துல்கலாம் பிறந்த நாளை முன்னிட்டு அரியலூர் அரசு கலைக் கல்லூரியில் நாட்டு நலப் பணித்  திட்ட அலகு 1, 3 சார்பில் இளைஞர் எழுச்சி நாள் திறனாய்வுப் போட்டிகள் வெள்ளிக்கிழமை நடைபெற்றது.
அப்துல் கலாமின் கனவுகள், இந்திய அறிவியல் வளர்ச்சியில் கலாமின் பங்கு போன்ற தலைப்புகளில் பேச்சுப் போட்டி, கட்டுரைப் போட்டி போட்டிகள் நடத்தப்பட்டு, மாணவ, மாணவிகளுக்கு பரிசுகள் வழங்கப்பட்டன. போட்டியை கல்லூரி முதல்வர் பெ.பழனிச்சாமி தலைமை வகித்தார்.
போட்டிகளுக்கு தமிழ்த்துறைப் பேராசிரியர்கள் க.தமிழ்மாறன் , பெ.கலைச்செல்வன் ஆகியோர் நடுவர்களாக செயல்பட்டனர். போட்டிகளுக்கான ஏற்பாடுகளை நாட்டு நலப் பணித்திட்ட அலுவலர்கள் வெ.கருணாகரன், ப.செல்வமணி ஆகியோர் செய்திருந்தனர்.

]]>
http://www.dinamani.com/all-editions/edition-trichy/ariyalur/2018/oct/14/இளைஞர்-எழுச்சி-நாள்-திறனாய்வு-போட்டிகள்-3019970.html
3019969 திருச்சி அரியலூர் இன்று வாக்காளர் பட்டியல் சுருக்கமுறை திருத்த சிறப்பு முகாம் DIN DIN Sunday, October 14, 2018 08:23 AM +0530 அரியலூர் மாவட்டத்தில் ஞாயிற்றுக்கிழமை வாக்காளர் பட்டியல் சிறப்பு சுருக்க முறைத் திருத்த முகாம் நடைபெறுகிறது. 
இந்திய தேர்தல் ஆணையத்தின் உத்தரவின்படி, வாக்காளர் பட்டியல் சுருக்க முறைத் திருத்த சிறப்பு முகாம்கள்  கடந்த 9.9.2018, 23.9.2018 மற்றும் 7.10.2018 ஆகிய தினங்களில் நடத்தப்பட்டன. இதன் தொடர்ச்சியாக அரியலூர் மாவட்டத்தில் அரியலூர் மற்றும் ஜயங்கொண்டம் சட்டப்பேரவைத் தொகுதிகளுக்குட்பட்ட அனைத்து 587 வாக்குச்சாவடி மையங்களிலும் ஞாயிற்றுக்கிழமை (அக்.14) 4 ஆம் கட்ட சிறப்பு முகாம் நடைபெற உள்ளது. இதற்கான அனைத்து முன்னேற்பாடுகளும் விரிவாக மேற்கொள்ளப்பட்டுள்ளன. மேற்கண்ட சிறப்பு முகாம் பணிகளை கண்காணித்திடும் பொருட்டு, துணை ஆட்சியர் மற்றும் வட்டாட்சியர் நிலையிலான கண்காணிப்பு குழுக்கள் அமைக்கப்பட்டுள்ளது. 
எனவே பொதுமக்கள் இந்த சிறப்பு முகாமைப் பயன்படுத்திக்கொள்ள வேண்டும் என ஆட்சியர் மு.விஜயலட்சுமி வெளியிட்ட செய்திக்குறிப்பில் தெரிவித்துள்ளார்.
 

]]>
http://www.dinamani.com/all-editions/edition-trichy/ariyalur/2018/oct/14/இன்று-வாக்காளர்-பட்டியல்-சுருக்கமுறை-திருத்த-சிறப்பு-முகாம்-3019969.html
3019968 திருச்சி அரியலூர் 2 வீடுகளில் நகைகள் திருட்டு DIN DIN Sunday, October 14, 2018 08:22 AM +0530 அரியலூர் மாவட்டம் திருமானூர் அருகே 2 வீடுகளில் புகுந்து நகைகளை திருடிச் சென்ற மர்ம நபர்களைப் போலீஸார் தேடி வருகின்றனர்.
திருமானூர் அருகேயுள்ள கொரத்தாக்குடி மேலத்தெருவில் வசித்து வருபவர் ஜெயா (27). இவர் வெள்ளிக்கிழம இரவு மின்சாரம் இல்லாததால், வீட்டின் கதவை சாத்தி விட்டு, வீட்டின் முன்பு குடும்பத்தினருடன் தூங்கியுள்ளார். சனிக்கிழமை அதிகாலை எழுந்து பார்த்த போது, வீட்டின் உள்ளே பீரோவில் இருந்த 5 பவுன் தங்க நகைகள் காணாமல் போயிருப்பது தெரியவந்தது. 
இதேபோல், பக்கத்து வீட்டில் வசிக்கும் விஜயக்குமார்(29) என்பவரின் வீட்டிலிருந்த ஒன்றரை பவுன் தங்க நகைகளை திருடிச் சென்றுள்ளனர். இதுகுறித்து வெங்கனூர் போலீஸார் விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/ariyalur/2018/oct/14/2-வீடுகளில்-நகைகள்-திருட்டு-3019968.html
3019534 திருச்சி அரியலூர் சத்துணவில் முட்டை சாப்பிட்ட  15 மாணவர்களுக்கு வாந்தி, மயக்கம் DIN DIN Saturday, October 13, 2018 09:59 AM +0530 அரியலூர் மாவட்டம் வி. கைகாட்டி அருகே அரசுப் பள்ளியில் வெள்ளிக்கிழமை மதியம் சத்துணவுடன் முட்டை சாப்பிட்ட மாணவ, மாணவிகள் 15 பேருக்கு வாந்தி, மயக்கம் ஏற்பட்டதால் அப்பகுதியில் பரபரப்பு ஏற்பட்டது.
 வி.கைகாட்டி அருகே நாகமங்கலம் கிராமத்தில் உள்ள ஊராட்சி ஒன்றிய தொடக்கப் பள்ளியில் சுமார் 100-க்கும்  மேற்பட்ட மாணவ, மாணவிகள் பயின்று வருகின்றனர். இந்நிலையில் இவர்களுக்கு வெள்ளிக்கிழமை மதியம் சத்துணவு சாப்பாட்டுடன் முட்டை வழங்கப்பட்டது.  இதை சாப்பிட்ட சிறிது நேரத்தில் 5 ஆம் வகுப்பு மாணவர்கள் ராஜா, அஜய்,சிவராஜ், மாணவிகள் திவ்யா, காவியா, கீதா, சரண்யா, ரஞ்சனி, கார்த்திகா, திவ்யா,கீதாகுமாரி, பவித்ரா, சௌமியா, தேவிகா, தீபிகா ஆகியோருக்கு திடீரென வாந்தி மயக்கம் ஏற்பட்டது. 
இதையறிந்த பள்ளி ஆசிரியர்கள் அவர்களை விளாங்குடி அரசு ஆரம்ப சுகாதார நிலையத்தில் சேர்த்தனர். 
அங்கு அவர்களைப் பரிசோதித்த மருத்துவர்கள், கெட்டுப்போன முட்டையை மாணவர்கள் சாப்பிட்டதால்  வாந்தி, மயக்கம் ஏற்பட்டுள்ளது எனக் கூறி மேல் சிகிச்சைக்காக அரியலூர் அரசு மருத்துவமனைக்கு அனுப்பி வைத்தனர். அங்கு மருத்துவர்கள் அவர்களுக்கு சிகிச்சை அளித்து வருகின்றனர். 

]]>
http://www.dinamani.com/all-editions/edition-trichy/ariyalur/2018/oct/13/சத்துணவில்-முட்டை-சாப்பிட்ட--15-மாணவர்களுக்கு-வாந்தி-மயக்கம்-3019534.html
3019480 திருச்சி அரியலூர் அரசுப் பள்ளி ஆய்வக உதவியாளர் மீது மோசடி புகார் DIN DIN Saturday, October 13, 2018 09:44 AM +0530 அரியலூர் மாவட்டம் ஜயங்கொண்டம் அருகே சத்துணவு மையங்களில் வேலை வாங்கித் தருவதாகக் கூறி, பல லட்சம் மோசடியில் ஈடுபட்டதாக அரசுப் பள்ளி ஆய்வக உதவியாளர் மீது பெண்கள் அளித்த புகாரின் பேரில் போலீஸார் விசாரணை மேற்கொண்டு வருகின்றனர்.
ஜயங்கொண்டம் அருகே வேலாயுதநகரைச் சேர்ந்தவர் செந்தில்குமார் மனைவி ஜெயந்தி(47). ஜயங்கொண்டம் அரசு மேல்நிலைப் பள்ளியில் ஆய்வக உதவியாளராகப் பணிபுரிந்து வரும் இவர், செங்குந்தபுரம், கீழகுடியிருப்பு, சோழங்குறிச்சி உள்ளிட்ட பகுதிகளில் கூலி வேலை
 செய்து வரும் பெண்களிடம், சத்துணவு மையங்களில் வேலை வாங்கித் தருவதாக கூறி ரூ.20 ஆயிரத்தில் இருந்து ரூ.3 லட்சம் வரை பெற்று வந்ததாகக் கூறப்படுகிறது. 
பணத்தை கொடுத்து ஏமாந்த பெண்கள் சிலர், அரியலூர் மாவட்ட காவல் கண்காணிப்பாளரிடம் புகார் அளித்துள்ளனர். இந்த புகார் மனு மீது விசாரணை நடத்தி நடவடிக்கை எடுக்குமாறு அவர் உத்தரவிட்டதையடுத்து, ஜயங்கொண்டம் போலீஸார் வெள்ளிக்கிழமை விசாரணையை தொடங்கியுள்ளனர்.
 

]]>
http://www.dinamani.com/all-editions/edition-trichy/ariyalur/2018/oct/13/அரசுப்-பள்ளி-ஆய்வக-உதவியாளர்-மீது-மோசடி-புகார்-3019480.html
3019465 திருச்சி அரியலூர் நுண்ணீர் பாசன தொழில்நுட்ப  பயிற்சி பெற விண்ணப்பிக்கலாம் DIN DIN Saturday, October 13, 2018 09:39 AM +0530 தமிழக தோட்டக் கலை மற்றும் மலைப்பயிர்கள் துறை வாயிலாக நுண்ணீர்ப் பாசனம் அமைப்பது தொடர்பான தொழல்நுட்பப் பயிற்சியில் விவசாயிகள் கலந்து கொண்டு பயன்பெறலாம். 
நுண்ணீர் பாசன அமைப்பைத் தொடர்ந்து பராமரிப்பது தொடர்பான தொழில்நுட்பங்கள் குறித்தும் இப்பயிற்சியில் அளிக்கப்படும். பயிற்சி முடித்த நபர்கள் நுண்ணீர் பாசன நிறுவனங்கள், விவசாயிகள் ஆர்வலர் குழு உற்பத்தியாளர் குழு, உற்பத்தியாளர் நிறுவனங்களில் இப்பொருள் தொடர்பான பணிகளை மேற்கொள்ள வாய்ப்புள்ளது. குறைந்தபட்சம் 8 ஆம் வகுப்பு தேர்ச்சி பெற்றவர்கள், தொழிற்பயிற்சி முடித்தவர்கள் (ஐடிஐ) தோட்டக்கலை வேளாண்மை பட்டயம், சிவில் மற்றும் இயந்திரவியல் பட்டயப் படிப்பு படித்த ஆர்வமுள்ள 16 முதல் 40 வயது வரை உள்ள அனைவரும் இப்பயிற்சியில் கலந்து கொள்ளலாம்.  பயிற்சி காலம் ஒரு வாரம். மாவட்ட தலைநகரங்களில் பயிற்சி நடைபெறும். பயிற்சியில் கலந்து கொள்ள விரும்புபவர்கள் சுய விவரங்களுடன் படிவத்தில் பூர்த்தி செய்து, தமிழ்நாடு தோட்டக்கலை வளர்ச்சி முகமை, வேளாண் வளாகம், சேப்பாக்கம், சென்னை - 600 005 என்ற முகவரிக்கு விண்ணப்பிக்க வேண்டும் என அரியலூர் மாவட்ட தோட்டக் கலை துறை துணை இயக்குநர் பி.அன்புராஜன் வெளியிட்ட செய்திக்குறிப்பில் தெரிவித்துள்ளார்.
 

]]>
http://www.dinamani.com/all-editions/edition-trichy/ariyalur/2018/oct/13/நுண்ணீர்-பாசன-தொழில்நுட்ப--பயிற்சி-பெற-விண்ணப்பிக்கலாம்-3019465.html
3019464 திருச்சி அரியலூர் அரியலூர் நகர கூட்டுறவு வங்கி சார்பில்  100 பேருக்கு ரூ.43.55 லட்சம் கடன் DIN DIN Saturday, October 13, 2018 09:39 AM +0530 அரியலூர் நகர கூட்டுறவு வங்கியில் நடைபெற்ற கடன் வழங்கும் விழாவில் 100 பயனாளிகளுக்கு ரூ.43.55 லட்சம் கடனுதவி வழங்கப்பட்டது. 
விழாவுக்கு அரசு தலைமை கொறடா தாமரை எஸ்.ராஜேந்திரன் பங்கேற்று, மகளிர் சுய உதவி குழு, மாற்றுத் திறனாளிகள் கடன், தனிநபர் கடன், அடமானக் கடன், சிறு தொழில் தொடங்க  தொழில் கடன், வீடு கட்ட கடன் உள்ளிட்டவைகளுக்கு சுமார் ரூ. 43.55 லட்சத்துக்கான கடன் தொகையை பயனாளிகளுக்கு வழங்கினார். விழாவுக்கு அரியலூர் நகர கூட்டுறவு வங்கித் தலைவர் ஓ.பி.சங்கர் தலைமை வகித்தார். ஜயங்கொண்டம் எம்.எல்.ஏ.ராமஜெயலிங்கம், கூட்டுறவு சங்கங்களின் மண்டல  இணை பதிவாளர் பழனிவேல், கூட்டுறவு சங்கங்களின் துணை பதிவாளர் செல்வராஜ், வங்கி துணை தலைவர் பழனியாண்டி, வங்கி மேலாளர்கள் சுமதி, கந்தசாமி ஆகியோர் முன்னிலை வகித்தனர். முன்னதாக மேலாண்மை இயக்குநர் சுரேஷ் அனைவரையும் வரவேற்றார்.

]]>
http://www.dinamani.com/all-editions/edition-trichy/ariyalur/2018/oct/13/அரியலூர்-நகர-கூட்டுறவு-வங்கி-சார்பில்--100-பேருக்கு-ரூ4355-லட்சம்-கடன்-3019464.html
3019463 திருச்சி அரியலூர் முத்ரா கடன் திட்டத்தின் கீழ் 150 பேருக்கு ரூ.1 கோடி கடன் வழங்கல் DIN DIN Saturday, October 13, 2018 09:38 AM +0530 அரியலூர் மாவட்டம் கீழப்பழுவூர் அருகேயுள்ள பாரத ஸ்டேட் வங்கியின் ஊரக சுய வேலைவாய்ப்பு பயிற்சி நிறுவனத்தில் வெள்ளிக்கிழமை நடைபெற்ற கடன் மேளாவில்,150 பேருக்கு ரூ.1 கோடி கடன் வழங்கப்பட்டுள்ளது.  
கடன் மேளாவில் ஆட்சியர் மு. விஜயலட்சுமி கலந்து கொண்டு, பயனாளிகளுக்கு கடன் தொகையை வழங்கினார். மேலும் இந்த முகாமில் கடன் பெறுவதற்கான விண்ணப்பங்களையும் பெற்றுக்கொண்டார். இப்பயிற்சி நிறுவனத்தின் மூலம் 200-க்கும் மேற்பட்ட தொழில் பயிற்சிகள், 5,000-க்கும் மேற்பட்ட வேலைவாய்ப்பற்ற இளைஞர்களுக்கு வழங்கப்பட்டுள்ளது. 
இதில் சுமார் 4,000-க்கும் மேற்பட்டவர்கள் சுயதொழில் செய்து வருகின்றனர். மேலும் இவர்களை ஊக்கப்படுத்தும் வகையில் முத்ரா கடன் திட்டத்தின் மூலம் தங்களின் தொழிலை மேம்படுத்துவதற்காக சுமார் 150 விண்ணப்பங்கள் பெறப்பட்டு, வங்கிகள் மூலம் சுமார் ரூ.1 கோடி அளவிற்கு கடன் வழங்கப்பட்டுள்ளது என்றார் பாரத ஸ்டேட் வங்கியின் ஊரக வேலைவாய்ப்பு பயிற்சி நிறுவனத்தின் இயக்குநர் வெங்கிடாசலம்.
நிகழ்ச்சியில் விழுப்புரம் பாரத ஸ்டேட் வங்கியின் முதன்மை மேலாளர் ஜான்வெட், அரியலூர் கிளை மேலாளர் இளஞ்சேரன், மாவட்ட தொழில் மைய திட்ட மேலாளர் சகுந்தலா, சென்னை கதர் கிராம வாரிய உதவி இயக்குநர் ஜெயபிரகாஷ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/13/முத்ரா-கடன்-திட்டத்தின்-கீழ்-150-பேருக்கு-ரூ1-கோடி-கடன்-வழங்கல்-3019463.html
3019462 திருச்சி அரியலூர் திருமானூரில் ஓய்வுபெற்ற அலுவலர்கள் கூட்டம் DIN DIN Saturday, October 13, 2018 09:38 AM +0530 அரியலூர் மாவட்டம் திருமானூர் ஊராட்சி ஒன்றிய அலுவலகக் கூட்டரங்கில் திருமானூர் வட்டார ஓய்வுபெற்ற அலுவலர் சங்கத்தின் மாதாந்திர சிறப்புக் கூட்டம் நடைபெற்றது.
கூட்டத்துக்கு அச்சங்கத்தின் மாவட்ட சங்கச் செயலாளரும், கிளை தலைவருமான தி.மா. கணேசன் தலைமை வகித்தார். பொருளாளர் எஸ்.ஜெபமாலை வரவு செலவு கணக்குகளை சமர்பித்தார். 
கூட்டத்தில், உயிரிழந்த சங்க உறுப்பினர்களுக்கு மௌன அஞ்சலி செலுத்தப்பட்டது. தொடர்ந்து நடைபெற்ற கூட்டத்தில் திருமானூர் ஊராட்சிக்குட்பட்ட கீழ வீதி, நடு வீதி, வடக்கு வீதி, மேல வீதி உள்ளிட்ட பகுதிகளில் குண்டும் குழியுமாக உள்ள சாலைகளை சீரமைத்து நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-trichy/ariyalur/2018/oct/13/திருமானூரில்-ஓய்வுபெற்ற-அலுவலர்கள்-கூட்டம்-3019462.html
3019461 திருச்சி அரியலூர் மின்மாற்றி பழுதை சீரமைக்கக்கோரி மக்கள் மறியல் DIN DIN Saturday, October 13, 2018 09:38 AM +0530 அரியலூர் மாவட்டம் திருமானூர் அருகே விழுப்பனாங்குறிச்சி கிராமத்தில் கடந்த 50 நாள்களுக்கு முன்பு பழுதான மின்மாற்றியை சரி செய்யப்படாததைக் கண்டித்து அப்பகுதி மக்கள் வெள்ளிக்கிழமை சாலை மறியலில் ஈடுபட்டனர்.
திருமானூர் அருகே விழுப்பனாங்குறிச்சி கிராமத்திலுள்ள மின்மாற்றி கடந்த 50 நாள்களுக்கு முன்பு பழுதாகிப் போனது. இதையடுத்து இந்த ஊருக்கு அருகிலுள்ள வடுகர்பாளையம் கிராமத்தில் இருந்து மின் விநியோகிக்கப்பட்டு வந்த நிலையில், கடந்த 3 நாள்களுக்கு முன்பு இந்த மின்மாற்றியும் பழுதானது. 
இதனால் மின்சாரம் இல்லாமல் அவதிப்பட்டு வந்த விழுப்பனாங்குறிச்சி கிராம மக்கள், அப்பகுதி சாலையில் அமர்ந்து மறியலில் ஈடுபட்டனர். 
தகவலறிந்து சம்பவ இடத்துக்கு வந்த மின்வாரியப் பொறியாளர்கள், உடனடியாக மின்மாற்றி சரி செய்து நடவடிக்கை எடுப்பதாக உறுதியளித்ததின் பேரில் அனைவரும் கலைந்து சென்றனர். 

]]>
http://www.dinamani.com/all-editions/edition-trichy/ariyalur/2018/oct/13/மின்மாற்றி-பழுதை-சீரமைக்கக்கோரி-மக்கள்-மறியல்-3019461.html
3019460 திருச்சி அரியலூர் மீன் பண்ணை குளங்கள்,  குட்டைகள் அமைக்க மானியம் DIN DIN Saturday, October 13, 2018 09:37 AM +0530 அரியலூர் மாவட்டத்தில் புதிய மீன் பண்ணை குளங்கள், குட்டைகள் அமைக்க 40 சதவீதம் மானியம் வழங்கப்படுவதாக ஆட்சியர் மு.விஜயலட்சுமி தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு: 
தமிழ்நாடு அரசு மீன்வளத் துறை மூலம் மத்திய அரசின் ஒருங்கிணைந்த வளர்ச்சி, மீன்வள மேலாண்மை மற்றும் நீலப் புரட்சி திட்டத்தின் கீழ் மீன் வளர்ப்பில் ஆர்வமுள்ளவர்கள் நன்னீர் மீன்வளர்ப்பு, உவர்நீர் இறால் வளர்ப்பு மேற்கொள்ள ஏதுவாக கீழ்கண்ட திட்டங்களை செயல்படுத்தப்படவுள்ளது.
புதிய மீன்பண்ணைக் குளங்கள்,குட்டைகள் அமைத்தல் திட்டத்தின் கீழ் ஒரு ஹெக்டேர் மீன்வளர்ப்பு குளம் அமைத்திட ஆகும் செலவினத் தொகை ரூ.7 லட்சத்தில் 40 சதவீத விழுக்காடு அதிகபட்சமாக ரூ.2.80 லட்சம் மானியத் தொகை வழங்கப்படும்.
ஏற்கெனவே உள்ள மீன்வளர்ப்பு குளங்கள், தொட்டிகள் சீரமைத்தல், புதுப்பித்தல் திட்டத்தின் கீழ் ஒரு ஹெக்டேருக்கு ஆகும் செலவினத் தொகை ரூ.3.50 லட்சத்தில் 40 சதவீதம் மானியம் ரூ.1.40 லட்சம் வழங்கப்படும்
நன்னீர் மீன்வளர்ப்பு இடுபொருள் செலவினம் ஒரு ஹெக்டேர் மீன்வளர்ப்ப்ல்ற்கு இடுபொருட்களுக்கு ஆகும் செலவினத்தொகை ரூ.1.50 லட்சத்தில் 40 சதவீதம் மானியம் ரூ.60 ஆயிரம் வழங்கப்படும்.
பயனாளிகள் முன்னுரிமை மற்றும் தகுதியின் அடிப்படையில் தேர்வு செய்யப்படுவார்கள். விருப்பமுள்ள விவசாயிகள் , மீன் வளர்ப்போர் ஒரு மாதத்திற்குக்குள் அரியலூர், மாவட்ட மீன்துறை உதவி இயக்குநர் அலுவலகத்தில் விண்ணப்பிக்க வேண்டும். 
மேலும் விவரங்களுக்கு அரியலூர் மாவட்ட ஆட்சியர் அலுவலகத்தில் உள்ள மீன்வளத் துறை அலுவலகத்தை நேரில் தொடர்பு கொள்ளுமாறு தெரிவித்துள்ளார்.

]]>
http://www.dinamani.com/all-editions/edition-trichy/ariyalur/2018/oct/13/மீன்-பண்ணை-குளங்கள்-குட்டைகள்-அமைக்க-மானியம்-3019460.html
3019459 திருச்சி அரியலூர் இந்தியாவில் ஆளுநர் பதவி  தேவையில்லாதது DIN DIN Saturday, October 13, 2018 09:37 AM +0530 இந்தியாவில் ஆளுநர் பதவியே தேவையில்லாதது என்றார் திரைப்பட இயக்குநர் கௌதமன்.
அரியலூர் மாவட்டம் ஜயங்கொண்டம் பகுதியில் பல்வேறு நிகழச்சிகளில் கலந்து கொள்ள வெள்ளிக்கிழமை வந்த அவர் செய்தியாளர்களுக்கு அளித்த பேட்டி:   ராஜீவ் காந்தி கொலை வழக்கில் சிறையில் உள்ள 7 பேரை விடுதலை செய்யக்கோரி அமைச்சரவை கூட்டத்தில் தீர்மானம் நிறைவேற்றப்பட்டு, 28 நாள்கள் ஆகியும் காலம் தாழ்த்துவது நீதிக்குப் புறம்பானது. 
தமிழக அரசு வேடிக்கை பார்த்து வருவதும், ஆளுநர் காலம் தாழ்த்தி வருவதும் வேதனை அளிக்கிறது.
நக்கீரன் கோபால் மீது வழக்கு பதிவு செய்து, அவரை தேசிய பாதுகாப்பு சட்டத்தில் சிறையில் அடைக்க முயற்சி செய்தது கண்டனத்துக்குரியது. ஆளுநர் தமிழர் விரோத போக்கைக்  கடைப்பிடித்து வருவதை நிறுத்திக் கொள்ள வேண்டும். மத்திய அரசின் தூதுவராக உள்ள ஆளுநர், தமிழகத்தில் பிரச்னையை ஏற்படுத்துவது உள்ளிட்ட செயல்களை பார்க்கும் போது தமிழகத்திற்கு மட்டுமல்ல இந்தியா முழுவதுமே ஆளுநர் பதவி என்பது தேவையில்லை. 
ஆளுநர் மக்களால் தேர்ந்தெடுக்கப்பட வேண்டும். மத்திய அரசுக்கு தேவையானவர்களை நிறுத்தி கலகத்தை ஏற்படுத்துவது தற்போது நடைபெற்று வருகிறது. 
வைரமுத்து பிரச்னையில், பெண்ணாகப் பிறந்த யாருக்கும் பாலியல் தொந்தரவு கொடுப்பது தண்டனைக்குரிய குற்றம். தவறு யார் செய்தாலும் ஆவணங்களை நிரூபிக்கும் பட்சத்தில் சம்மந்தபட்டவர்கள் மீது தகுந்த நடவடிக்கை எடுக்கப்படவேண்டும். நிர்மலாதேவி மீது வெளிப்படையான விசாரணை நடத்த வேண்டும் . அவருக்குப் பின்னால் எவ்வளவு பெரிய அதிகாரிகள் இருந்தாலும் அவர்கள் மீது நடவடிக்கை எடுத்து சிறையில் அடைக்க வேண்டும் என்றார் அவர்.
 

]]>
http://www.dinamani.com/all-editions/edition-trichy/ariyalur/2018/oct/13/இந்தியாவில்-ஆளுநர்-பதவி--தேவையில்லாதது-3019459.html
3018899 திருச்சி அரியலூர் பயிர்க் காப்பீடு செய்ய அழைப்பு DIN DIN Friday, October 12, 2018 09:52 AM +0530 பிரதம மந்திரியின் பயிர் காப்பீடு திட்டத்தின் கீழ் பயன் பெற விவசாயிகளுக்கு அழைப்பு விடுத்துள்ளார் ஆட்சியர் மு.விஜயலட்சுமி.
இதுகுறித்து அவர் வெளியிட்ட செய்திக்குறிப்பு: அரியலூர் மாவட்டத்தில் 2018 - 19 ராபி பருவத்தில் நெல் - 2 சம்பா பயிர் சாகுபடி செய்யவுள்ள அனைத்து விவசாயிகளும், பிரதம மந்திரி பயிர் காப்பீட்டுத் திட்டத்தில் சேர்ந்து
பயனடையலாம். இத்திட்டத்தின் கீழ் பயன்பெற விரும்பும் விவசாயிகள் உரிய ஆவணங்களுடன் அருகில் உள்ள தொடக்க வேளாண்மை கூட்டுறவு கடன் சங்கங்களின் சேவை மையம் மற்றும் பொது சேவை மைய முகவர்களை அணுகி பதிவுசெய்து கொள்ளலாம். சம்பா பயிருக்கு ஏக்கர் ஒன்றுக்கு ரூ. 443.25 பிரிமியத்தை நவம்பர் 30 ஆம் தேதிக்குள் செலுத்த வேண்டும்.  மேலும் விவரங்களுக்கு வட்டார வேளாண் அலுவலர்களை அணுகுமாறு கேட்டுக்கொள்ளப்படுகிறார்கள்.

]]>
http://www.dinamani.com/all-editions/edition-trichy/ariyalur/2018/oct/12/பயிர்க்-காப்பீடு-செய்ய-அழைப்பு-3018899.html
3018898 திருச்சி அரியலூர் பெண்ணை தாக்கிய மூதாட்டி கைது DIN DIN Friday, October 12, 2018 09:52 AM +0530 அரியலூர் மாவட்டம் விக்கிரமங்கலம் அருகே பெண்ணைத் தாக்கிய மூதாட்டி வியாழக்கிழமை கைது செய்யப்பட்டார். 
விக்கிரமங்கலம் அருகேயுள்ள சுந்தரேசபுரம் மேலதெருவைச் சேர்ந்தவர் செங்கமலம் மனைவி செல்வமணி(32). அதே பகுதியைச் சேர்ந்தவர் முத்தையன் மனைவி செல்வம் (52). இவர்களிடையே முன்விரோதம் இருந்து வந்துள்ளது. இந்நிலையில் கடந்த இரு தினங்களுக்கு முன்பு ஏற்பட்ட தகராறில் ஆத்திரமடைந்த செல்வம், அவரது மகள் ஜெயா(24), மகன் கொளஞ்சி (22) ஆகிய 3 பேரும் சேர்ந்து செல்வமணியைத் தாக்கியுள்ளனர். இதில், பலத்த காயமடைந்த செல்வமணி அரியலூர் அரசு மருத்துவமனையில் சிகிச்சை பெற்று வருகிறார். புகாரின் பேரில் விக்கிரமங்கலம் போலீஸார் வழக்குப் பதிந்து செல்வத்தை வியாழக்கிழமை கைது செய்தனர்.

]]>
http://www.dinamani.com/all-editions/edition-trichy/ariyalur/2018/oct/12/பெண்ணை-தாக்கிய-மூதாட்டி-கைது-3018898.html
3018897 திருச்சி அரியலூர் ஆண்டிமடத்தில் அக்டோபர் 12 மின்தடை DIN DIN Friday, October 12, 2018 09:52 AM +0530 அரியலூர் மாவட்டம் ஆண்டிமடம் துணை மின் நிலையத்தில் வெள்ளிக்கிழமை (அக். 12) மாதாந்திர பராமரிப்பு பணிகள் நடைபெற உள்ளது. இதனால் இங்கிருந்து மின்சாரம் பெறும் ஆண்டிமடம், விளந்தை, கவரப்பாளையம், பெரிய கிருஷ்ணாபுரம், பெரியதத்தூர், வரதராஜன்பேட்டை, அகரம், அழகாபுரம், சிலம்பூர், திராவிடநல்லூர், காட்டாத்தூர், அய்யூர், காங்குழி, சூரகுழி, கூவத்தூர், குளத்தூர், இராங்கியம், பெரியகருக்கை, திருராமன் ஆகிய பகுதிகளில் வெள்ளிக்கிழமை காலை 9.45 முதல் மாலை பணி நிறைவடையும் வரை மின்விநியோகம் இருக்காது எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/ariyalur/2018/oct/12/ஆண்டிமடத்தில்-அக்டோபர்-12-மின்தடை-3018897.html
3018896 திருச்சி அரியலூர் விடுதலைச்சிறுத்தைகள் கட்சியினர் ஆலோசனை DIN DIN Friday, October 12, 2018 09:51 AM +0530 அரியலூர் மாவட்டம் ஜயங்கொண்டத்தில், மக்களவை தேர்தல் பணி குறித்து விடுதலைச்சிறுத்தைகள் கட்சி சார்பில் ஜயங்கொண்டம் சட்டப் பேரவை தொகுதி பொறுப்பாளர்கள் ஆலோசனைக் கூட்டம் புதன்கிழமை மாலை நடைபெற்றது.
கூட்டத்திற்கு, சட்டப்பேரவைத் தொகுதி செயலர் இலக்கியதாசன் தலைமை வகித்தார். மாவட்டச் செயலர் செல்வநம்பி முன்னிலை வகித்தார். தேர்தல் களப்பணி குறித்து கட்சியின் முதன்மை செயலர் பாவரசு, மாநில அமைப்பு செயலர் இளமாறன் ஆகியோர் பங்கேற்று பேசினர். மாவட்ட துணைச் செயலர் கதிர்வளவன் நிகழ்ச்சியினை தொகுத்து வழங்கினார். கட்சி நிர்வாகிகள் பலரும் கலந்து கொண்டனர். கூட்டத்தில், டிசம்பர் 10 ஆம் தேதி திருச்சியில் நடைபெறவுள்ள தேசம் காப்போம் மாநாட்டில் திரளாக பங்கேற்பது என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-trichy/ariyalur/2018/oct/12/விடுதலைச்சிறுத்தைகள்-கட்சியினர்-ஆலோசனை-3018896.html
3018895 திருச்சி அரியலூர் வினாடி-வினா போட்டியில் வென்றவர்களுக்கு பரிசு DIN DIN Friday, October 12, 2018 09:51 AM +0530 அரியலூர் மாவட்ட காவல் துறை சார்பில், ஊர்க்காவல் படை அலுவலகத்தில் உள்ள கலையரங்கில்  வியாழக்கிழமை நடைபெற்ற வினாடி- வினா போட்டிகளில் திரளான மாணவ, மாணவிகள் பங்கேற்றனர். 
இந்திய காவல் துறையில் வீர, தீர செயல்கள் புரிந்து உயிர்நீத்த காவல்துறையினரைக் கௌரவிக்கும் வகையில், அவர்களது நினைவாக இப்போட்டி நடத்தப்பட்டது.  அரியலூர், உடையார்பாளையம், செந்துறை கல்வி மாவட்டங்களில் இருந்து 100-க்கும் மேற்பட்ட பள்ளி மாணவ, மாணவிகள் கலந்து கொண்டு நாட்டில் வீர-தீர செயல் புரிந்தவர்களின் வாழ்க்கை வரலாறு, அவர்களது  சாதனைகளை எடுத்துரைத்தனர். 
இப்போடியில் வென்றோருக்கு மாவட்ட காவல் கண்காணிப்பாளர் அபிநவ்குமார் பரிசுகளை வழங்கினார். 
அரியலூர் உட்கோட்ட காவல் துணை கண்காணிப்பாளர் மோகன்தாஸ்,ஜயங்கொண்டம் உட்கோட்டம் காவல் துணை கண்காணிப்பாளர் கென்னடி,துணை கண்காணிப்பாளர்(பயிற்சி)மேகலா உள்ளிட்டோர் கலந்து கொண்டனர்.


 

]]>
http://www.dinamani.com/all-editions/edition-trichy/ariyalur/2018/oct/12/வினாடி-வினா-போட்டியில்-வென்றவர்களுக்கு-பரிசு-3018895.html
3018894 திருச்சி அரியலூர் மதுவிற்றவர் கைது DIN DIN Friday, October 12, 2018 09:51 AM +0530 அரியலூர் மாவட்டம் விக்கிரமங்கலம் அருகே மதுபானம் விற்றவர் வியாழக்கிழமை கைது செய்யப்பட்டார்.
விக்கிரமங்கலம் காவல் நிலைய உதவி ஆய்வாளர் சாமிதுரை தலைமையிலான போலீஸார் வியாழக்கிழமை அப்பகுதியில் ரோந்து பணியில் ஈடுபட்டிருந்த போது, கீழநத்தம் நடுத்தெருவைச் சேர்ந்த ராஜா(36) என்பவர் தனது வீட்டின் பின்புறம் மறைத்து வைத்து மதுபான பாட்டில்கள் விற்றுக்கொண்டிருந்தது தெரியவந்தது. இதையடுத்து போலீஸார் வழக்குப் பதிந்து அவரை கைது செய்தனர்.
 

]]>
http://www.dinamani.com/all-editions/edition-trichy/ariyalur/2018/oct/12/மதுவிற்றவர்-கைது-3018894.html
3018893 திருச்சி அரியலூர் மாதிரி வாக்குப் பதிவு: அரியலூர் ஆட்சியர் ஆய்வு DIN DIN Friday, October 12, 2018 09:50 AM +0530 அரியலூர் மாவட்ட ஆட்சியர் அலுவலகத்தில் வியாழக்கிழமை நடைபெற்ற மாதிரி வாக்குப் பதிவு நிகழ்வை ஆட்சியர் மு.விஜயலட்சுமி ஆய்வு செய்தார். 
2019 மக்களவை தொகுதி தேர்தலை முன்னிட்டு அரியலூர் மாவட்டத்தில் அரியலூர் மற்றும் ஜயங்கொண்டம் சட்டப் பேரவைத் தொகுதிகளுக்கு பயன்படுத்தும் பொருட்டு ஒதுக்கீடு செய்யப்பட்டுள்ள மின்னணு வாக்குப்பதிவு இயந்திரங்கள் முதற்கட்டமாக சரிபார்க்கும் பணி கடந்த 5 ஆம் தேதி 10 ஆம் தேதி வரை அனைத்து அரசியல் கட்சிப் பிரதிநிதிகள் முன்னிலையில் உரிய பாதுகாப்போடு நடைபெற்றது. பணியின் போது, அரியலூர் மாவட்டத்துக்கு ஒதுக்கீடு செய்யப்பட்ட 1,470 வாக்குப்பதிவு இயந்திரங்களையும், 800 கட்டுப்பாட்டு இயந்திரங்களையும், 800 வாக்காளர் சரிபார்ப்பு காகித தணிக்கை இயந்திரங்களையும் சரிபார்க்கும் பணியை பெங்களூரு பாரத மின்னணு லிமிடெட் நிறுவனத்தைச் சேர்ந்த 12 பொறியாளர்கள் மேற்கொண்டனர்.
பணியின் நிறைவு நாளான  வியாழக்கிழமை மேற்படி சரிபார்க்கப்பட்ட மின்னணு வாக்குப்பதிவு இயந்திரங்களில், அங்கீகரிக்கப்பட்ட அரசியல் கட்சிகளின் பிரதிநிதிகளால் தேர்ந்தெடுக்கப்பட்ட 5 சதவீத இயந்திரங்களைக் கொண்டு, அவர்களின் முன்னிலையில், மாதிரி வாக்குப்பதிவு செய்து காண்பிக்கப்பட்டது. 
மாதிரி வாக்குப்பதிவு நிகழ்வினை மாவட்ட ஆட்சியர் மு.விஜயலட்சுமி ஆய்வு செய்தார். ஆய்வின் போது, அரியலூர் வருவாய் கோட்டாட்சியர் நா.சத்தியநாராயணன், தேர்தல் பிரிவு தனி வட்டாட்சியர் க.சந்திரசேகரன்,  அரியலூர், ஜயங்கொண்டம் மற்றும் ஆண்டிமடம் வட்டாட்சியர்கள் ஆகியோர் உடனிருந்தனர்.

]]>
http://www.dinamani.com/all-editions/edition-trichy/ariyalur/2018/oct/12/மாதிரி-வாக்குப்-பதிவு-அரியலூர்-ஆட்சியர்-ஆய்வு-3018893.html
3018892 திருச்சி அரியலூர் மணல் கடத்தல்: 4  பேர் கைது DIN DIN Friday, October 12, 2018 09:50 AM +0530 அரியலூர் மாவட்டம் செந்துறை அருகே வெள்ளாற்றில் இருந்து லாரியில் மணல் கடத்தி வந்த 2 பேர் வியாழக்கிழமை கைது செய்யப்பட்டனர்.
செந்துறை அருகேயுள்ள தெத்தேரி பகுதி வெள்ளாற்றிலிருந்து அனுமதியின்றி வாகனங்களில் மணல் கடத்தப்பட்டு வருவது தொடர்கதையாகி வருகிறது. இந்நிலையில், வியாழக்கிழமை காலை தளவாய் காவல் நிலையப் போலீஸார் காவல் நிலையம் முன்பு வாகனச் சோதனையில் ஈடுபட்டிருந்தபோது, அவ்வழியே வந்த 2 லாரிகளை மறித்து சோதனை செய்ததில், வெள்ளாற்றிலிருந்து அனுமதியின்றி மணல் ஏற்றி வந்தது தெரியவந்தது.
இதனையடுத்து 2 லாரிகளைப் பறிமுதல் செய்த போலீஸார், லாரிகளின் ஓட்டுநர்களான சேலத்தைச் சேர்ந்த சபரிவாசன்(27), முருகேசன்(29) ஆகிய 2 பேரையும் கைது செய்தனர். மேலும், லாரிகளின் உரிமையாளர் மீதும் வழக்கு பதிவு செய்யப்பட்டுள்ளது. 
இதேபோல், உடையார்பாளையம் காவல் நிலைய உதவி ஆய்வாளர் ஸ்ரீதர் தலைமையிலான போலீஸார் வியாழக்கிழமை தத்தனூர் பகுதியில் ரோந்து பணியில் ஈடுபட்டனர். அப்போது அவ்வழியாக வந்த மாட்டு வண்டிகளை நிறுத்தி சோதனை செய்ததில், நாச்சியார்பேட்டை கிராமத்தைச் சேர்ந்த பாலகிருஷ்ணன்(47), ஆதிச்சனூர் கிராமத்தைச் சேர்ந்த ராஜகோபால் (55) ஆகிய இருவரும் மாட்டுவண்டியில் நாச்சியார்பேட்டை ஓடையில் இருந்து சட்டவிரோதமாக மணல் அள்ளி வந்தது தெரியவந்தது. இதையடுத்து போலீஸார் வழக்கு பதிந்து அவர்கள் இருவரையும் கைது செய்தனர். மேலும், மாட்டு வண்டிகளைப் பறிமுதல் செய்தனர்.

]]>
http://www.dinamani.com/all-editions/edition-trichy/ariyalur/2018/oct/12/மணல்-கடத்தல்-4--பேர்-கைது-3018892.html
3018754 திருச்சி அரியலூர் "பாஜகவின் மக்கள் விரோதப் போக்கை மக்களிடம் எடுத்துரைப்போம்' DIN DIN Friday, October 12, 2018 08:40 AM +0530 பாரதிய ஜனதா கட்சியின் ஊழல் ஆட்சியை அனைத்து தரப்பு மக்களிடம் எடுத்துரைப்போம் என்றார் அகில இந்திய காங்கிரஸ் செயலரும்,  தமிழக பொறுப்பாளருமான ஸ்ரீ வெல்ல பிரசாத்.
அரியலூரில் இந்திய தேசிய காங்கிரஸ் கட்சியின் வாக்குச் சாவடி தலைவர்கள், பிரதிநிதிகள் ஆலோசனை கூட்டம் வியாழக்கிழமை நடைபெற்றது. இதில் கலந்து கொண்ட அகில இந்திய காங்கிரஸ் செயலரும், தமிழகப் பொறுப்பாளருமான ஸ்ரீ வெல்ல பிரசாத், கூட்டத்தில் பங்கேற்றவர்களின் ஆலோசனைகளைக் கேட்டறிந்தார். 
பின்னர் அவர் செய்தியாளர்களுக்கு அளித்த பேட்டி: 
வருகின்ற மக்களவைத் தேர்தல் மற்றும் உள்ளாட்சி மன்ற தேர்தலுக்கான ஆயத்தப் பணிகள் குறித்து ஆலோசனை கூட்டம் நடைபெற்றது. 
தற்போது  நடைபெற்று வரும் மத்திய பாஜக அரசின் மக்கள் விரோதப் போக்கு மற்றும் ஊழல் ஆட்சி குறித்து வீடுதோறும் காங்கிரஸ் கட்சியினர் திண்ணைப் பிரசாரத்தில் ஈடுபடுவார்கள். மேலும் கடந்த காங்கிரஸ் ஆட்சி காலத்தில் நடைபெற்ற மக்கள் நலத் திட்டங்கள், வேலைவாய்ப்புகள், நாட்டின் பொருளாதார நிலைமை குறித்தும் மக்களிடம் கொண்டு செல்வோம் என்றார் அவர்.
கூட்டத்துக்கு அக்கட்சியின் மாவட்டத் தலைவர் ராஜேந்திரன் தலைமை வகித்தார். 
இந்திய தேசிய காங்கிரஸ் கட்சியின் பிற்படுத்தப்பட்டோர்  பிரிவு ஒருங்கிணைப்பாளர் அறிவழகன் மற்றும் மாவட்ட ஒன்றிய நிர்வாகிகள் அனைத்து அணி பொறுப்பாளர்கள் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/12/பாஜகவின்-மக்கள்-விரோதப்-போக்கைமக்களிடம்-எடுத்துரைப்போம்-3018754.html
3018241 திருச்சி அரியலூர் 6 கிராமங்களில்  அம்மா திட்ட முகாம் DIN DIN Thursday, October 11, 2018 09:19 AM +0530 அரியலூர் மாவட்டத்துக்குள்பட்ட 6 கிராமங்களில் அம்மா திட்ட முகாம் வெள்ளிக்கிழமை (அக்.12) நடைபெற உள்ளது.
இதுகுறித்து மாவட்ட ஆட்சியர் மு.விஜயலட்சுமி வெளியிட்ட அறிக்கை:  மாவட்டத்துக்குள்பட்ட கோவில் எசனை(கி), ஆலந்துறையார்கட்டளை, அணைக்குடம், தர்மசமுத்திரம், பெரியாக்குறிச்சி, அணிக்குதிச்சான் (தெ) ஆகிய 6 கிராமங்களில் நடைபெறும் முகாமில், இலவச வீட்டுமனைப் பட்டா, பிறப்பு, இறப்பு, சாதி சான்றிதழ் ஆகியவற்றில் தகுதி பெற்ற மனுக்கள் மீது உடனடி தீர்வு வழங்கப்படும்.


 

]]>
http://www.dinamani.com/all-editions/edition-trichy/ariyalur/2018/oct/11/6-கிராமங்களில்--அம்மா-திட்ட-முகாம்-3018241.html
3018240 திருச்சி அரியலூர் அரசுப் பள்ளியில் அறிவியல் ஆய்வக கட்டடம் திறப்பு DIN DIN Thursday, October 11, 2018 09:18 AM +0530 ஜயங்கொண்டம் அருகே வெத்தியார்வெட்டு கிராமத்தில் உள்ள ஆதிதிராவிடர் நல அரசு மேல்நிலைப் பள்ளியில் ரூ.55 லட்சத்தில் கட்டப்பட்ட அறிவியல் ஆய்வகக் கட்டடம் புதன்கிழமை திறக்கப்பட்டது.  
இக்கட்டடத்தை தமிழக முதல்வர் எடப்பாடி கே.பழனிசாமி காணொலிக் காட்சி மூலம் திறந்து வைத்தார். அதனைத் தொடர்ந்து, மாவட்ட ஆட்சியர் மு.விஜயலட்சுமி புதிதாக திறக்கப்பட்ட கட்டடத்தில் குத்துவிளக்கேற்றினார். உடையார்பாளையம் கோட்டாட்சியர் ஜோதி, ஆதிதிராவிட மற்றும் பழங்குடியினர் நலத்துறை துணை ஆட்சியர் கதிர்சங்கர், ஜயங்கொண்டம் வட்டாட்சியர் குமரய்யா, பள்ளித் தலைமையாசிரியர், ஆசிரியர்கள், மாணவ, மாணவியர் பங்கேற்றனர்.
 

]]>
http://www.dinamani.com/all-editions/edition-trichy/ariyalur/2018/oct/11/அரசுப்-பள்ளியில்-அறிவியல்-ஆய்வக-கட்டடம்-திறப்பு-3018240.html
3018239 திருச்சி அரியலூர் தகவல் அறியும் உரிமை சட்ட  விழிப்புணர்வு வார விழா DIN DIN Thursday, October 11, 2018 09:18 AM +0530 அரியலூர் மாவட்ட ஆட்சியர் அலுவலகத்தில் தகவல்  அறியும் உரிமை  சட்டம் குறித்து பொதுமக்களுக்கு எடுத்துரைக்கும் வகையில், கலைக் குழுவினரின் விழிப்புணர்வு நிகழ்ச்சியை ஆட்சியர் மு.விஜயலட்சுமி தொடக்கி வைத்தார்.
ஆண்டுதோறும் அக்டோபர் 5 முதல் 12 ஆம் தேதி வரை தகவல் பெறும் உரிமைச் சட்ட வார விழா கொண்டாடப்பட்டு  வருகிறது. இதன் ஒரு பகுதியாக அரியலூர் மாவட்டத்தில் பொதுமக்கள் அதிகம் கூடும் இடங்களில்  நாட்டுப்புறக் கலைஞர்களைக் கொண்டு தகவல் பெறும் உரிமை சட்டம் குறித்த விழிப்புணர்வு நிகழ்ச்சி நடைபெற உள்ளது. உரிமை சட்டம் குறித்து, வீதி நாடகம், தப்பாட்டம், கரகாட்டம், விழிப்புணர்வு பாடல்கள் போன்ற பல்வேறு கலை நிகழ்ச்சிகள் மூலம் பொது மக்களிடம் நாட்டுப்புற கலைஞர்கள் விழிப்புணர்வு ஏற்படுத்த உள்ளனர்.

]]>
http://www.dinamani.com/all-editions/edition-trichy/ariyalur/2018/oct/11/தகவல்-அறியும்-உரிமை-சட்ட--விழிப்புணர்வு-வார-விழா-3018239.html
3018238 திருச்சி அரியலூர் கூட்டுறவு சங்கத்தில் ரூ.2.48 லட்சம் முறைகேடு: உதவியாளர் கைது   DIN DIN Thursday, October 11, 2018 09:18 AM +0530 அரியலூர் மாவட்டம், பொய்யூர் தொடக்க வேளாண் கூட்டுறவு சங்கத்தில் உறுப்பினர்களுக்கு கடன் வழங்கியதாக வரவு வைத்து ரூ.2.48 லட்சம் முறைகேடு செய்த உதவியாளர் புதன்கிழமை கைது செய்யப்பட்டார். 
பொய்யூர் தொடக்க வேளாண்மை கூட்டுறவு சங்க அலுவலகத்தில் உதவியாளராகப் பணியாற்றி வருபவர் ஆ.செந்தில்குமார். இவர், சங்க உறுப்பினர்களுக்கு கடன் வழங்குவது போல் மோசடியில் ஈடுபடுவதாக அரியலூர் சரக துணைப் பதிவாளர் கே.கே.செல்வராஜ், பெரம்பலூர் வணிகக் குற்றப்புலனாய்வுப் பிரிவு போலீஸில் புகார் அளித்தார்.  
அதன்பேரில் போலீஸார் விசாரணை நடத்தியதில், அலுவலக உதவியாளர் ஆ.செந்தில்குமார், கரும்பு ஆலைகளிலிருந்து வரப்பெற்ற கடன் தொகையை உறுப்பினர்களுக்கு வழங்கியதாக ரூ.2 லட்சத்து 48 ஆயிரம் முறைகேட்டில் ஈடுபட்டதும், அவருக்கு உடந்தையாக சங்க (பொ) செயலர் சாமிநாதன், எழுத்தர் குருநாதன் ஆகியோர் செயல்பட்டது தெரியவந்தது. இதுகுறித்து வழக்குப்பதிவு செய்த போலீஸார், செந்தில்குமாரை கைது செய்தனர். தலைமறைவான சாமிநாதன், குருநாதன் தேடப்பட்டு வருகின்றனர்.

]]>
http://www.dinamani.com/all-editions/edition-trichy/ariyalur/2018/oct/11/கூட்டுறவு-சங்கத்தில்-ரூ248-லட்சம்-முறைகேடு-உதவியாளர்-கைது-3018238.html
3018237 திருச்சி அரியலூர் செந்துறையில் வாக்காளர் விழிப்புணர்வுப் பேரணி DIN DIN Thursday, October 11, 2018 09:18 AM +0530 செந்துறையில் புதன்கிழமை நடைபெற்ற வாக்காளர் விழிப்புணர்வுப் பேரணியில் திரளான மாணவர்கள் பங்கேற்றனர்.
செந்துறை அண்ணாநகரில் விழிப்புணர்வுப் பேரணியை எம்.கே.பாராமெடிக்கல் கல்லூரி தாளாளர் பன்னீர்செல்வம் கொடியசைத்து தொடக்கி வைத்தார். வாக்காளர் விழிப்புணர்வு வாசகங்கள் அடங்கிய பதாகைகளை மாணவர்கள் கைகளில் ஏந்திச்  சென்றனர்.
முக்கிய வீதிகள் வழியாகச் சென்ற பேரணி பேருந்து நிலையத்தில் நிறைவடைந்தது. 

]]>
http://www.dinamani.com/all-editions/edition-trichy/ariyalur/2018/oct/11/செந்துறையில்-வாக்காளர்-விழிப்புணர்வுப்-பேரணி-3018237.html
3018236 திருச்சி அரியலூர் கிராமப்புற மக்களின் வாழ்வாதாரத்தை உயர்த்தும் நடவடிக்கை தீவிரம்: டால்மியா அறக்கட்டளை ஆலோசகர் DIN DIN Thursday, October 11, 2018 09:17 AM +0530 அரியலூர் மாவட்டத்துக்குள்பட்ட செந்துறை வட்டார மக்களின் வாழ்வதாரத்தை உயர்த்தும் பணியில் டால்மியா சிமென்ட் நிறுவனம் ஈடுபட்டு வருவதாக ஓய்வு பெற்ற மத்திய அரசின் முதன்மைச் செயலாளரும், டால்மியா அறக்கட்டளை ஆலோசகருமான அசோக்குமார் குப்தா தெரிவித்தார்.
ஆலை வளாகத்தில் அவர் புதன்கிழமை செய்தியாளர்களுக்கு அளித்தப் பேட்டி:  டால்மியா சிமென்ட் ஆலை, டால்மியா பாரத் அறக்கட்டளை மூலம் பல்வேறு சமூக முன்னேற்றப் பணிகள் செய்யப்பட்டு வருகிறது. குறிப்பாக கிராம் பரிவர்தன் திட்டத்தின் மூலம் சிறு, குறு விவசாயிகள், நிலமற்ற விவசாய கூலித்தொழிலாளர்கள், பொருளாராத்தில் பின் தங்கிய குடும்பங்களின்  மாத வருவாயை உயர்த்த பல்வேறு நடவடிக்கைகள் மேற்கொள்ளப்பட்டு வருகிறது.
செந்துறை பகுதி மக்களின் முக்கிய வாழ்வாதாரங்களான கால்நடைகள், மீன் வளர்ப்பு, விவசாயம் சாராத தொழில்களை அடிப்படையாகக் கொண்டு திட்டங்கள் தீட்டப்பட்டு பணிகள்  செய்யப்பட்டு வருகின்றன. செந்துறை வட்டாரத்தில் 365 குடும்பங்களில் தேர்ந்தெடுக்கப்பட்டவர்களுக்கு விவசாயம், கால்நடைகள், திறன்மேம்பாடு, சுயத்தொழில் உள்ளிட்ட பயிற்சிகள் அளிக்கப்பட்டு தேவையான அனைத்து உதவிகளும் செய்யப்பட்டு வருகிறது என்றார் அசோக்குமார் குப்தா.

]]>
http://www.dinamani.com/all-editions/edition-trichy/ariyalur/2018/oct/11/கிராமப்புற-மக்களின்-வாழ்வாதாரத்தை-உயர்த்தும்-நடவடிக்கை-தீவிரம்-டால்மியா-அறக்கட்டளை-ஆலோசகர்-3018236.html
3018235 திருச்சி அரியலூர் அரியலூரில் ஊரக வளர்ச்சித்துறை அலுவலர்கள் ஆர்ப்பாட்டம் DIN DIN Thursday, October 11, 2018 09:17 AM +0530 அரியலூரில் கோரிக்கைகளை வலியுறுத்தி தமிழ்நாடு ஊரக வளர்ச்சித்துறை அலுவலர்கள் புதன்கிழமை ஆர்ப்பாட்டம் நடத்தினர். 
அரியலூர் அண்ணாசிலை அருகே நடைபெற்ற ஆர்பாட்டத்திற்கு சங்கத்தின் மாவட்டத் தலைவர் ஜெபராஜ் தலைமை வகித்தார். தமிழ்நாடு அரசு அலுவலர் சங்க மாவட்டச் செயலர் பஞ்சாபிகேசன் கோரிக்கையை விளக்கிப் பேசினார். 
 ஊழியர் விரோத போக்கை கடைபிடிக்கும் புதுக்கோட்டை மாவட்ட திட்ட அலுவலர் மீது நடவடிக்கை எடுக்க வேண்டும்.
மகளிர் திட்ட  அலுவலர் பணியிடத்தை ஊரக வளர்ச்சி உதவி இயக்குநர்களைக் கொண்டு  நிரப்புவது, வட்டார மேலாளர் பணியிடங்களை துணை வட்டார வளர்ச்சி அலுவலர்களைக் கொண்டு நிரப்ப வேண்டும் என்பது உள்ளிட்ட கோரிக்கையை வலியுறுத்தி நடைபெற்ற ஆர்ப்பாட்டத்தில் திரளானோர் பங்கேற்றனர்.
 

]]>
http://www.dinamani.com/all-editions/edition-trichy/ariyalur/2018/oct/11/அரியலூரில்-ஊரக-வளர்ச்சித்துறை-அலுவலர்கள்-ஆர்ப்பாட்டம்-3018235.html
3018234 திருச்சி அரியலூர் துபையில் உள்ள கட்டுமான நிறுவனத்தில் வேலைவாய்ப்பு DIN DIN Thursday, October 11, 2018 09:17 AM +0530 துபையிலுள்ள கட்டுமான நிறுவனத்துக்கு கொத்தனார்கள், ஆப்ரேட்டர்கள், தச்சர்கள்  மற்றும்  போர்மென்கள்  தேவைப்படுவதாக தமிழக அரசின் முதன்மைச் செயலாளரும், தொழிலாளர் மற்றும் வேலைவாய்ப்புத் துறை நிர்வாக இயக்குநருமான சுனீல் பாலீவால் தெரிவித்துள்ளார்.
இதுகுறித்து அவர் செவ்வாய்க்கிழமை வெளியிட்டுள்ள செய்திக்குறிப்பு:  துபையில் உள்ள கட்டுமான நிறுவனத்துக்கு 2  ஆண்டுகள் பணி அனுபவத்துடன் 27 முதல் 45 வயது வரையுள்ள கொத்தனார்கள், ஆப்ரேட்டர்கள், தச்சர்கள்  மற்றும்  போர்மென்கள்  தேவைப்படுகிறார்கள்.வேலை சம்மந்தப்பட்ட விவரங்கள் இந்நிறுவன வலைதளத்தில்  w‌w‌w.‌o‌m​c‌m​a‌n‌p‌o‌w‌e‌r.​c‌o‌m  அறிந்து கொள்ளலாம். தேர்ந்தேடுக்கப்படுபவர்களுக்கு அனுபவத்தின் அடிப்படையில் கூடுதல் ஊதியம், இலவச இருப்பிடம் மற்றும் அந்நாட்டின் சட்ட திட்டத்திற்குட்பட்ட இதர சலுகைகள் வழங்கப்படும். பாஸ்போர்ட் வைத்திருத்தல் வேண்டும். போர்மென் வேலைக்கு டிப்ளமோ தேர்ச்சியும், மற்ற வேலைக்கு பத்தாம் வகுப்பு தேர்ச்சி பெற்றிருத்தல் அவசியம். உரிய தகுதி விருப்பமுள்ளவர்கள், தஞ்சாவூர் மாவட்ட வேலைவாய்ப்பு அலுவலகத்தில் 14.10.2018 அன்று காலை 9 மணிமுதல் மாலை 5 மணி வரை நடைபெறும் முதற்கட்ட நேர்காணலில் கலந்து கொள்ளலாம்.  

]]>
http://www.dinamani.com/all-editions/edition-trichy/ariyalur/2018/oct/11/துபையில்-உள்ள-கட்டுமான-நிறுவனத்தில்-வேலைவாய்ப்பு-3018234.html
3017526 திருச்சி அரியலூர் நீதிமன்ற உத்தரவு படி கையகப்படுத்திய நிலத்துக்கு ஏக்கருக்கு  ரூ. 13 லட்சம் வழங்க வேண்டும் DIN DIN Wednesday, October 10, 2018 09:19 AM +0530 அரியலூர் மாவட்டம் ஜயங்கொண்டம் பழுப்பு பழுப்பு நிலக்கரி திட்டத்துக்காக கையகப்படுத்திய நிலத்துக்கு ஏக்கர் ஒன்றிற்கு ரூ.13 லட்சம் வழங்க வேண்டும் என அதன் உரிமையாளர்கள் கோரிக்கை விடுத்துள்ளனர்.
ஜயங்கொண்டம் நிலக்கரி திட்டத்துக்கு நிலம் அளித்த மேலூர் கிராம மக்களின் கருத்து கேட்பு கூட்டம்  மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது.  கூட்டத்துக்கு தலைமை வகித்த ஆட்சியர், நிலம் அளித்த விவசாயிகளுக்கு ஏக்கர் ஒன்றிற்கு சந்தை மதிப்பை விட 2 மடங்கு கூடுதலாக ரூ.5 லட்சத்து 40 ஆயிரம் இழப்பீடு வழங்கப்படும் என அறிவித்தார். இதற்கு எதிர்ப்பு தெரிவித்த விவசாயிகள் சிறப்பு நீதிமன்றம் உத்தரவிட்ட ஏக்கருக்கு ரு. 13 லட்சம் என இழப்பீடு வழங்க வேண்டும் என கோரிக்கை விடுத்தனர். தொடர்ந்து எழுத்துபூர்வமாக ஆட்சியரிடம் மனு அளித்தனர். 
ஜயங்கொண்டம் பழுப்பு நிலக்கரி திட்டத்துக்காக மேலூர், புதுச்சாவடி, ஜயங்கொண்டம், தேவனூர் உள்ளிட்ட 13  கிராமங்களில் இருந்து  கடந்த 18 ஆண்டுகளுக்கு முன்பு நிலங்கள் கையகப்படுத்தப்பட்டன. இழப்பீடு போதுமானதாக இல்லை என நில உரிமையாளர்கள் உயர்நீதிமன்றத்தில் வழக்கு தொடுத்தனர். இதையடுத்து, நீதிமன்றம் ஏக்கருக்கு குறைந்தது ரூ. 13 லட்சம் வழங்க வேண்டும் என கடந்த சில ஆண்டுகளுக்கு முன்பு உத்தரவிட்டது குறிப்பிடத்தக்கது.
 

]]>
http://www.dinamani.com/all-editions/edition-trichy/ariyalur/2018/oct/10/நீதிமன்ற-உத்தரவு-படி-கையகப்படுத்திய-நிலத்துக்கு-ஏக்கருக்கு-ரூ-13-லட்சம்-வழங்க-வேண்டும்-3017526.html
3017525 திருச்சி அரியலூர் மர்ம காய்ச்சல்:  ஒரே குடும்பத்தில் 4 பேருக்கு பாதிப்பு DIN DIN Wednesday, October 10, 2018 09:19 AM +0530 அரியலூர் மாவட்டம் செந்துறை அடுத்துள்ள மருவத்தூர் ஊராட்சியில் ஒரே குடும்பத்தைச் சேர்ந்த 4 பேர் மர்மக் காய்ச்சலால் பாதிக்கப்பட்டுள்ளதால், அப்பகுதி மக்கள் அச்சமடைந்துள்ளனர்.
மருவத்தூர், சடக்குடிக்காடு, விழுப்பணங்குறிச்சி, பாசாளம் ஆகிய கிராமங்களில் கடந்த சில காலமாக சிலர் மர்மக் காய்ச்சலால் பாதிக்கப்பட்டு வருகின்றனர். இதையடுத்து மருவத்தூர் ஊராட்சிக்குட்பட்ட கிராமங்களில் தூய்மைப் பணி மேற்கொள்வதுடன், மேல்நிலை நீர்த்தேக்கத் தொட்டிகளை ஊராட்சி நிர்வாகம் சுத்தம் செய்து வருகிறது. சுகாதாரத் துறையினர் வீடு, வீடாகச் சென்று காய்ச்சல் உள்ளவர்களைக் கண்டறிந்து மருத்துவமனைக்கு அனுப்பி வைத்து வருகின்றனர்.
இந்நிலையில், மருவத்தூர் காலனி தெருவைச் சேர்ந்த ராஜா மனைவி விருத்தம்பாள்(29) மர்மக் காய்ச்சலால் பாதிக்கப்பட்டு அரியலூர் அரசு மருத்துவமனையில் சிகிச்சை பெற்று வருகிறார். அவரது மகன்கள் விக்னேஷ் (12), தமிழ்வாணன்(8), விஜய் (7) ஆகியோரும் மர்மக் காய்ச்சலால் செந்துறையில் உள்ள தனியார் மருத்துவமனையில் அனுமதிக்கப்பட்டுள்ளனர். ஊராட்சி நிர்வாகம் மற்றும் சுகாதாரத் துறை இணைந்து நடவடிக்கை எடுத்தும் மர்மக் காய்ச்சல் பரவி வருவது அப்பகுதியினரிடையே அச்சத்தை ஏற்படுத்தியுள்ளது.

]]>
http://www.dinamani.com/all-editions/edition-trichy/ariyalur/2018/oct/10/மர்ம-காய்ச்சல்--ஒரே-குடும்பத்தில்-4-பேருக்கு-பாதிப்பு-3017525.html
3017405 திருச்சி அரியலூர் துபையில் உள்ள  கட்டுமான நிறுவனத்தில் வேலைவாய்ப்பு DIN DIN Wednesday, October 10, 2018 08:39 AM +0530 துபையிலுள்ள கட்டுமான நிறுவனத்துக்கு கொத்தனார்கள், ஆப்ரேட்டர்கள், தச்சர்கள்  மற்றும்  போர்மென்கள்  தேவைப்படுவதாக தமிழக அரசின் முதன்மைச் செயலாளரும், தொழிலாளர் மற்றும் வேலைவாய்ப்புத் துறை நிர்வாக இயக்குநருமான சுனீல் பாலீவால் தெரிவித்துள்ளார்.
இதுகுறித்து அவர் செவ்வாய்க்கிழமை வெளியிட்டுள்ள செய்திக்குறிப்பு:  துபையில் உள்ள கட்டுமான நிறுவனத்துக்கு 2  ஆண்டுகள் பணி அனுபவத்துடன் 27 முதல் 45 வயது வரையுள்ள கொத்தனார்கள், ஆப்ரேட்டர்கள், தச்சர்கள்  மற்றும்  போர்மென்கள்  தேவைப்படுகிறார்கள்.வேலை சம்மந்தப்பட்ட விவரங்கள் இந்நிறுவன வலைதளத்தில்  w‌w‌w.‌o‌m​c‌m​a‌n‌p‌o‌w‌e‌r.​c‌o‌m அறிந்து கொள்ளலாம். தேர்ந்தேடுக்கப்படுபவர்களுக்கு அனுபவத்தின் அடிப்படையில் கூடுதல் ஊதியம், இலவச இருப்பிடம் மற்றும் அந்நாட்டின் சட்ட திட்டத்திற்குட்பட்ட இதர சலுகைகள் வழங்கப்படும். பாஸ்போர்ட் வைத்திருத்தல் வேண்டும். போர்மென் வேலைக்கு டிப்ளமோ தேர்ச்சியும், மற்ற வேலைக்கு பத்தாம் வகுப்பு தேர்ச்சி பெற்றிருத்தல் அவசியம். உரிய தகுதி விருப்பமுள்ளவர்கள், தஞ்சாவூர் மாவட்ட வேலைவாய்ப்பு அலுவலகத்தில் 14.10.2018 அன்று காலை 9 மணிமுதல் மாலை 5 மணி வரை நடைபெறும் முதற்கட்ட நேர்காணலில் கலந்து கொள்ளலாம்.  மேலும் விவரங்களுக்கு 82206 34389/ 95662 39685 ஆகிய எண்களில் தொடர்பு கொள்ளலாம்.
 

]]>
http://www.dinamani.com/all-editions/edition-trichy/ariyalur/2018/oct/10/துபையில்-உள்ள--கட்டுமான-நிறுவனத்தில்-வேலைவாய்ப்பு-3017405.html
3017404 திருச்சி அரியலூர் தகவல் அறியும் உரிமை சட்ட  விழிப்புணர்வு வார விழா DIN DIN Wednesday, October 10, 2018 08:38 AM +0530 அரியலூர் மாவட்ட ஆட்சியர் அலுவலகத்தில் தகவல்  அறியும் உரிமை  சட்டம் குறித்து பொதுமக்களுக்கு எடுத்துரைக்கும் வகையில், கலைக் குழுவினரின் விழிப்புணர்வு நிகழ்ச்சியை ஆட்சியர் மு.விஜயலட்சுமி திங்கள்கிழமை தொடக்கி வைத்தார்.
        தமிழ்நாடு முழுவதும் தகவல் ஆணையம் ஆண்டுதோறும் அக்டோபர் 5 முதல் 12 ஆம் தேதி வரை தகவல் பெறும் உரிமைச் சட்ட வார விழாவை கொண்டாடி வருகிறது. இதன் ஒரு பகுதியாக அரியலூர் மாவட்டத்தில் பொதுமக்கள் அதிகம் கூடும் இடங்களான மாவட்ட ஆட்சியரகம், பேருந்து நிலையம் ஆகிய பல்வேறு இடங்களில் பொதுமக்கள் அறிந்துகொள்ளும் வகையில் நாட்டுப்புறக் கலைஞர்களைக் கொண்டு தகவல் பெறும் உரிமை சட்டம் குறித்த விழிப்புணர்வு நிகழ்ச்சி நடைபெற உள்ளது. உரிமை சட்டம் குறித்து, வீதி நாடகம், தப்பாட்டம், கரகாட்டம், விழிப்புணர்வு பாடல்கள் போன்ற பல்வேறு கலை நிகழ்ச்சிகள் மூலம் பொது மக்களிடம் நாட்டுப்புற கலைஞர்கள் விழிப்புணர்வு ஏற்படுத்த உள்ளனர்.
 

]]>
http://www.dinamani.com/all-editions/edition-trichy/ariyalur/2018/oct/10/தகவல்-அறியும்-உரிமை-சட்ட--விழிப்புணர்வு-வார-விழா-3017404.html
3017403 திருச்சி அரியலூர் நீதிமன்ற உத்தரவு படி கையகப்படுத்திய நிலத்துக்கு ஏக்கருக்கு  ரூ. 13 லட்சம் வழங்க வேண்டும் DIN DIN Wednesday, October 10, 2018 08:38 AM +0530 அரியலூர் மாவட்டம் ஜயங்கொண்டம் பழுப்பு பழுப்பு நிலக்கரி திட்டத்துக்காக கையகப்படுத்திய நிலத்துக்கு ஏக்கர் ஒன்றிற்கு ரூ.13 லட்சம் வழங்க வேண்டும் என அதன் உரிமையாளர்கள் கோரிக்கை விடுத்துள்ளனர்.
ஜயங்கொண்டம் நிலக்கரி திட்டத்துக்கு நிலம் அளித்த மேலூர் கிராம மக்களின் கருத்து கேட்பு கூட்டம்  மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது.  கூட்டத்துக்கு தலைமை வகித்த ஆட்சியர், நிலம் அளித்த விவசாயிகளுக்கு ஏக்கர் ஒன்றிற்கு சந்தை மதிப்பை விட 2 மடங்கு கூடுதலாக ரூ.5 லட்சத்து 40 ஆயிரம் இழப்பீடு வழங்கப்படும் என அறிவித்தார். இதற்கு எதிர்ப்பு தெரிவித்த விவசாயிகள் சிறப்பு நீதிமன்றம் உத்தரவிட்ட ஏக்கருக்கு ரு. 13 லட்சம் என இழப்பீடு வழங்க வேண்டும் என கோரிக்கை விடுத்தனர். தொடர்ந்து எழுத்துபூர்வமாக ஆட்சியரிடம் மனு அளித்தனர். 
ஜயங்கொண்டம் பழுப்பு நிலக்கரி திட்டத்துக்காக மேலூர், புதுச்சாவடி, ஜயங்கொண்டம், தேவனூர் உள்ளிட்ட 13  கிராமங்களில் இருந்து  கடந்த 18 ஆண்டுகளுக்கு முன்பு நிலங்கள் கையகப்படுத்தப்பட்டன. இழப்பீடு போதுமானதாக இல்லை என நில உரிமையாளர்கள் உயர்நீதிமன்றத்தில் வழக்கு தொடுத்தனர். இதையடுத்து, நீதிமன்றம் ஏக்கருக்கு குறைந்தது ரூ. 13 லட்சம் வழங்க வேண்டும் என கடந்த சில ஆண்டுகளுக்கு முன்பு உத்தரவிட்டது குறிப்பிடத்தக்கது.

]]>
http://www.dinamani.com/all-editions/edition-trichy/ariyalur/2018/oct/10/நீதிமன்ற-உத்தரவு-படி-கையகப்படுத்திய-நிலத்துக்கு-ஏக்கருக்கு-ரூ-13-லட்சம்-வழங்க-வேண்டும்-3017403.html
3016825 திருச்சி அரியலூர் காமரசவல்லியில் நேரடி நெல் கொள்முதல் நிலையம் திறப்பு DIN DIN Tuesday, October 9, 2018 08:46 AM +0530 அரியலூர் மாவட்டம் காமரசவல்லி கிராமத்தில் தமிழ்நாடு நுகர்பொருள் வாணிபக் கழகம் மூலம் அமைக்கப்பட்டுள்ள நேரடி நெல் கொள்முதல் நிலையம் திங்கள்கிழமை திறக்கப்பட்டது.
அரியலூர் மாவட்டத்தில் ஏலாக்குறிச்சி, திருமழப்பாடி மற்றும் தா.பழூர் ஆகிய பகுதிகளில் நேரடி நெல்  கொள்முதல் நிலையங்கள் திறக்கப்பட்டு செயல்பட்டு வருகிறது. காமரசவல்லியில் திங்கள்கிழமை நேரடி கொள்முதல் நிலையத்தை அரசு தலைமை கொறடா தாமரை எஸ்.ராஜேந்திரன் திறந்து வைத்தார். 
நிகழ்ச்சிக்கு, ஆட்சியர் மு.விஜயலட்சுமி தலைமை வகித்தார். அரியலூர் வருவாய் கோட்டாட்சியர் நா.சத்தியநாராயணன், எம்.எல்.ஏ.ராமஜெயலிங்கம் ஆகியோர் முன்னிலை வகித்தனர். முன்னதாக தமிழ்நாடு நுகர்பொருள் வாணிபக் கழக மண்டல மேலாளர் எஸ். உமா மகேஸ்வரி வரவேற்றார். முடிவில் வேளாண் உதவி இயக்குநர் கண்ணன் நன்றி தெரிவித்தார்.
 

]]>
http://www.dinamani.com/all-editions/edition-trichy/ariyalur/2018/oct/09/காமரசவல்லியில்-நேரடி-நெல்-கொள்முதல்-நிலையம்-திறப்பு-3016825.html
3016824 திருச்சி அரியலூர் அரசு கலைக் கல்லூரியில் வன உயிரின வாரவிழா நிறைவு DIN DIN Tuesday, October 9, 2018 08:46 AM +0530 அரியலூர் அரசு கலைக் கல்லூரியில் வன உயிரின வார விழா திங்கள்கிழமை நிறைவுபெற்றது. 
தமிழக  வனத் துறை சார்பில் வன உயிரினங்கள் குறித்து பள்ளி மாணவர்கள், பொதுமக்களுக்கு  விழிப்புணர்வை ஏற்படுத்தும்  வகையில் ஆண்டுதோறும் வன உயிரின வார(அக்.2 முதல் 8 வரை) விழா கொண்டாடப்படுகிறது. அதன்படி, அரியலூர் அரசு கலைக் கல்லூரியில் கடந்த 2 ஆம்  தேதி முதல் அக்டோபர் 8 வரை வன உயிரின வார விழா கொண்டாடப்பட்டது. இதில், வன உயிரினங்கள் குறித்து மாணவர்களுக்கு பேச்சு, கட்டுரை, ஓவியப்  போட்டிகள், விநாடி வினா உள்ளிட்ட போட்டிகள் இடம் பெற்றுள்ளன. 
இதன் நிறைவு விழா அரசு கலைக் கல்லூரி கலையரங்களில் திங்கள்கிழமை நடைபெற்றது. விழாவில், கலந்து கொண்ட அரசு தாமரை எஸ்.ராஜேந்திரன், சுற்றுசூழலை பாதுகாப்பதோடு வன வளங்களை மேம்படுத்த வேண்டும். மரம் வளர்த்தால் அது நம்மை வளர்க்கும். நாட்டிற்கும் வீட்டிற்கும் நன்மை பயக்கும் என்றார் அவர். 
தொடர்ந்து அவர், பல்வேறு போட்டிகளில் வெற்றி பெற்ற பள்ளி, கல்லூரி மாணவ, மாணவிகளுக்கு பரிசுகள், சான்றிதழ்கள் வழங்கினார். பின்னர் கல்லூரி வளாகத்தில் மரக்கன்றுகளை நட்டார். விழாவுக்கு அரியலூர் கோட்டாட்சியர் நா.சத்தியநாராயணன் தலைமை வகித்தார். ஜயங்கொண்டம் எம்.எல்.ஏ.ராமஜெயலிங்கம், வன அலுவலர் (பொ) த.இளங்கோவன், அரசு கலைக்கல்லூரி முதல்வர் பெ.பழனிச்சாமி, வனச்சரக அலுவலர் இரா.குமார் மற்றும் வன காப்பாளர், வன சரகப்பணியாளர்கள், பள்ளி, கல்லூரி மாணவி, மாணவிகள், அலுவலர்கள் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/09/அரசு-கலைக்-கல்லூரியில்-வன-உயிரின-வாரவிழா-நிறைவு-3016824.html
3016823 திருச்சி அரியலூர் தலைமை ஆசிரியைக் கண்டித்து  தொடக்கப் பள்ளி மாணவர்கள் மறியல் DIN DIN Tuesday, October 9, 2018 08:45 AM +0530 அரியலூர் மாவட்டம் ஜயங்கொண்டம் அருகே தலைமை ஆசிரியரைக் கண்டித்து மாணவர்கள், பெற்றோர்களுடன் சேர்ந்து திங்கள்கிழமை சாலை மறியலில் ஈடுபட்டனர்.
ஜயங்கொண்டம் அருகே இலையூர் கிராமத்திலுள்ள ஊராட்சி ஒன்றிய தொடக்கப் பள்ளியில் 250-க்கும் மேற்பட்ட மாணவ, மாணவிகள் பயின்று வருகின்றனர். இப்பள்ளி தலைமை ஆசிரியர், மாணவ, மாணவிகளை ஜாதிப்பெயரைச் சொல்லி தரக்குறைவாகத் திட்டி வருவதாகக் கூறப்படுகிறது. 
இதுகுறித்து பாதிக்கப்பட்ட மாணவ, மாணவிகள் தங்களது பெற்றோரிடம் தெரிவித்துள்ளனர். அவர்கள் தலைமை ஆசிரியரைக் கண்டித்ததாகத் தெரிகிறது. 
இருப்பினும் தலைமை ஆசிரியர் தொடர்ந்து ஜாதிப்பெயரைச் சொல்லி  திட்டி வந்த காரணத்தால், ஆத்திரமடைந்த மாணவ, மாணவிகள் தங்களது பெற்றோருடன் இலையூர் பேருந்து நிறுத்தம் அருகே திங்கள்கிழமை சாலை மறியலில் ஈடுபட்டனர். தகவலறிந்து சம்பவ இடத்துக்கு வந்த கல்வித்துறை அதிகாரிகள் மற்றும் காவல் துறையினர் உரிய நடவடிக்கை எடுக்கப்படும் எனத் தெரிவித்ததைத் தொடர்ந்து அவர்கள் கலைந்து சென்றனர். 
 

]]>
http://www.dinamani.com/all-editions/edition-trichy/ariyalur/2018/oct/09/தலைமை-ஆசிரியைக்-கண்டித்து--தொடக்கப்-பள்ளி-மாணவர்கள்-மறியல்-3016823.html
3016822 திருச்சி அரியலூர் சாத்தமங்கலம், கூத்தூரில் பகுதிகளில் மின் தடை DIN DIN Tuesday, October 9, 2018 08:45 AM +0530 அரியலூர் மாவட்டம் சாத்தமங்கலம் துணை மின் நிலையத்தில் செவ்வாய்க்கிழமை (அக்டோபர் 9) மாதாந்திர பராமரிப்பு பணிகள் நடைபெற உள்ளன. இதனால், இங்கிருந்து  மின்சாரம் பெறும் பகுதிகளான சாத்தமங்கலம், வெற்றியூர், விரகாலூர், கள்ளூர், கீழகொளத்தூர், திருமானூர், சேனாபதி, முடிகொண்டான்,  வண்ணம்புத்தூர், அன்னிமங்கலம், அரண்மனைக்குறிச்சி, திருமழபாடி, கண்டிராதித்தம், புதுக்கோட்டை, இலந்தைக்கூடம், கோவிலூர், ஏலாக்குறிச்சி, மாத்தூர், காமரசவல்லி, குருவாடி, தூத்தூர் மற்றும் இடைப்பட்ட கிராமங்கள் செவ்வாய்க்கிழமை காலை 9.00 மணி முதல் பணி நிறைவடையும் வரை மின்விநியோகம் இருக்காது எனத் தெரிவிக்கப்பட்டுள்ளது.
நாளை மின்தடை: அரியலூர் மாவட்டம் கூத்தூர் துணை மின்நிலையத்தில் மாதாந்திர பராமரிப்பு பணிகள் புதன்கிழமை (அக்.10) நடைபெற உள்ளது. இதனால், அரியலூர் மேற்கு பகுதி, பி.ஆர். நல்லூர், கூத்தூர், கூடலூர், குளத்தூர், ராமலிங்கபுரம், ரசுலாபுரம்,  உசேன்நகரம், அல்லிநகரம், மேலமாத்தூர், வெண்மணி, காடூர் நமங்குணம்,  கீழப்பெரம்பலூர், துங்கபுரம், குழுமூர் மற்றும் கிளியப்பட்டு ஆகிய ஊர்களில் புதன்கிழமை காலை 9.45 மணி முதல் பராமரிப்பு பணிகள் முடியும் வரை மின் விநியோகம் இருக்காது என உதவி செயற்பொறியாளர் எம்.செல்லப்பாங்கி திங்கள்கிழமை வெளியிட்ட செய்திக் குறிப்பில் தெரிவித்துள்ளார்.
 

]]>
http://www.dinamani.com/all-editions/edition-trichy/ariyalur/2018/oct/09/சாத்தமங்கலம்-கூத்தூரில்-பகுதிகளில்-மின்-தடை-3016822.html
3016821 திருச்சி அரியலூர் தொடர் மணல் திருட்டு: 15 பேர் கைது DIN DIN Tuesday, October 9, 2018 08:45 AM +0530 அரியலூர் மாவட்டம் செந்துறை அருகேயுள்ள வெள்ளாற்றில் கடந்த 3 நாள்களாக தொடர்  மணல் திருட்டில் ஈடுபட்டுவந்த 15 பேர் கைது செய்யப்பட்டனர். 
செந்துறை அருகே உள்ள  வெள்ளாறு மற்றும் ஆணை வாரி ஓடைகளில் தொடர் மணல் திருட்டு நடைபெற்று வருகின்றது. இதனையடுத்து மாவட்ட காவல் கண்காணிப்பாளர் அபிநவ்குமார் உத்தரவின்பேரில்,  போலீஸார் கடந்த 3 தினங்களில் வெள்ளாறு மற்றும் ஆணை வாரி ஓடைகளில் மணல் அள்ளிய 4 டிராக்டர்கள், 11 மாட்டு வண்டிகள் ஆகியவற்றைப் பறிமுதல் செய்தனர். இதில், தொடர்புடைய 15 பேரைக் கைது செய்தனர். மேலும், ஞாயிற்றுக்கிழமை இரவு ஆணை வாரி ஓடையில் மணல் அள்ளிச் செல்லும் வகையில், பாதையை சீரமைக்கப் பயன்படுத்திய ஜே.சி.பி இயந்திரத்தை தளவாய் போலீஸார் பறிமுதல் செய்து அதன் ஓட்டுநர் ராஜீவ் காந்தி என்பவரைக் கைது செய்தனர்.
 

]]>
http://www.dinamani.com/all-editions/edition-trichy/ariyalur/2018/oct/09/தொடர்-மணல்-திருட்டு-15-பேர்-கைது-3016821.html
3016820 திருச்சி அரியலூர் பைக் மீது அரசுப் பேருந்து மோதி இளைஞர் சாவு DIN DIN Tuesday, October 9, 2018 08:44 AM +0530 அரியலூர் மாவட்டம் தா.பழூர் அருகே திங்கள்கிழமை இருசக்கர வாகனம் மீது அரசு பேருந்து மோதியதில் இளைஞர் ஒருவர் உயிரிழந்தார்.
மீன்சுருட்டி அருகேயுள்ள புதுப்பாளையம் பகுதியைச் சேர்ந்த ராமலிங்கம் மகன் சங்கர்(39), செல்வராஜ் மகன் வீரமணி (30). இவர்கள் இருவரும் இரு சக்கர வாகனத்தில் தா.பழூர் பகுதிக்கு சென்று கொண்டிருந்தனர். தேவமங்கலம் சந்தை குட்டை அருகே சென்றபோது அவ்வழியே வந்த அரசுப் பேருந்து மோதியதில் சம்பவ இடத்திலேயே சங்கர் உயிரிழந்தார். பலத்த காயமடைந்த வீரமணி ஜயங்கொண்டம் அரசு மருத்துவமனையில் அனுமதிக்கப்பட்டார். இதுகுறித்து தா.பழூர் போலீஸார் வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/oct/09/பைக்-மீது-அரசுப்-பேருந்து-மோதி-இளைஞர்-சாவு-3016820.html
3016819 திருச்சி அரியலூர் உலக முட்டை தினப் போட்டிகள் DIN DIN Tuesday, October 9, 2018 08:44 AM +0530 உலக முட்டை தினத்தை முன்னிட்டு அரியலூர் மாவட்டம் கல்லக்குடி ஊராட்சி ஒன்றிய நடுநிலைப் பள்ளி பசுமைப் படை  சார்பில் மாணவ, மாணவிகளுக்கான ஓவியம் மற்றும் கவிதைப் போட்டிகள் திங்கள்கிழமை நடைபெற்றது.
இதில் ஐந்தாம் வகுப்பு மாணவர்களுக்காக நடத்தப்பட்ட ஓவியப் போட்டியில் விஸ்வாவும், ஆறாம் வகுப்பு மாணவர்களுக்காக நடத்தப்பட்ட கவிதைப் போட்டியில் ராணியும் வெற்றி பெற்றனர். மாணவ, மாணவிகளுக்கு பள்ளி தலைமை ஆசிரியை வளர்மதி பரிசுகள் வழங்கினார். போட்டியின் நடுவர்களாக வேதா, கங்கா தேவி, கவிதா, ராஜராஜ சோழன், ராஜேஸ்வரி, பாரதி, துர்கா, ஆனந்த் ஆகியோர் செயல்பட்டனர். ஏற்பாடுகளை பசுமைப்படை பொறுப்பாளர் சாந்தி, தீபக் ஆகியோர் செய்திருந்தனர். 

]]>
http://www.dinamani.com/all-editions/edition-trichy/ariyalur/2018/oct/09/உலக-முட்டை-தினப்-போட்டிகள்-3016819.html
3016818 திருச்சி அரியலூர் சம்பா பயிர் காப்பீடு திட்ட விழிப்புணர்வு முகாம் DIN DIN Tuesday, October 9, 2018 08:44 AM +0530 அரியலூர் மாவட்டம் திருமானூர் அருகேயுள்ள காமரசவல்லி கிராமத்தில் வட்டார வேளாண் மையம் சார்பில் சம்பா பயிர் காப்பீடு திட்டம் குறித்த விழிப்புணர்வு முகாம் திங்கள்கிழமை நடைபெற்றது.
முகாமில், வேளாண் உதவி அலுவலர்கள் சே. கண்ணன்கலந்து கொண்டு, பாரத பிரதமரின் பயிர்க் காப்பீடு திட்டம் குறித்து  எடுத்துரைத்தார். மேலும் இந்தத் திட்டத்தின் கீழ் நடப்பு சம்பா பருவத்தில் நெல் சாகுபடி செய்யும் விவசாயிகள் தங்களுடைய காப்பீட்டு விண்ணப்பத்தை தொடக்க வேளாண் கூட்டுறவு சங்கங்கள் அல்லது தங்கள் பகுதி பொது சேவை மையங்களில் சமர்பித்து , ஏக்கருக்கு ரூ.433 பிரிமியம் செலுத்தி பயிர்க் காப்பீடு செய்து ரசீது பெற்றுக் கொள்ளலாம். 30.11.2018 அன்று நெற்பயிருக்கு பிரிமியம் செலுத்த கடைசி நாள் என்றார் அவர். 
மேலும் விபரங்களுக்கு வேளாண் உதவி அலுவலர்கள் திருமானூர் மகேந்திரன்- 94430 01791 , கீழகாவட்டாங்குறிச்சி முருகன்-74020 90915, ஏலாக்குறிச்சி ஜெய்சங்கர்- 97866 03192, திருமழபாடி க.ரமேஷ் - 97155 47603 ,கீழப்பழுவூர் க.ராதா - 96551 27246 ஆகியோரைத் தொடர்பு கொண்டு பயன்பெறலாம் என்றார். 

]]>
http://www.dinamani.com/all-editions/edition-trichy/ariyalur/2018/oct/09/சம்பா-பயிர்-காப்பீடு-திட்ட-விழிப்புணர்வு-முகாம்-3016818.html
3016817 திருச்சி அரியலூர் பொதுமக்கள் குறைகேட்பு DIN DIN Tuesday, October 9, 2018 08:43 AM +0530 அரியலூர், பெரம்பலூர் மாவட்ட ஆட்சியர் அலுவலகங்களில் பொதுமக்கள் குறைதீர்க்கும் நாள் கூட்டம் திங்கள்கிழமை நடைபெற்றது. 
பெரம்பலூர் ஆட்சியரகத்தில் நடைபெற்ற கூட்டத்துக்கு ஆட்சியர் வே. சாந்தா தலைமை வகித்து பல்வேறு கோரிக்கைகள் அடங்கிய 185 மனுக்கள் பெற்றார்.   
தொடர்ந்து, ஆலத்தூர் வட்டம், தொண்டப்பாடி கிராமத்தைச் சேர்ந்த ராசு மகன் பெரியசாமி கல்குவாரி தண்ணீரில் மூழ்கி உயிரிழந்ததைத் தொடர்ந்து, அவரது குடும்பத்தினருக்கு தமிழக முதல்வரின் பொது நிவாரண நிதியிலிருந்து ரூ. 50 ஆயிரத்துக்கான காசோலை, சமூக பாதுகாப்புத் திட்டத்தின் கீழ் 7 பேருக்கு முதியோர் உதவித்தொகை மற்றும் விதவை உதவித்தொகை பெறுவதற்கான ஆணைகள், சுற்றுலா துறை சார்பில் உலக சுற்றுலா தினத்தை முன்னிட்டு கல்லூரி மாணவ, மாணவிகளிடையே நடத்தப்பட்ட பேச்சு, கட்டுரை போட்டிகளில் வென்றவர்களுக்கு பாராட்டு சான்றிதழ்கள் வழங்கினார். கூட்டத்தில், மாவட்ட வருவாய் அலுவலர் ஆ. அழகிரிசாமி, மாவட்ட ஊரக வளர்ச்சி முகமை திட்ட இயக்குநர் ஸ்ரீதர், சமூக பாதுகாப்புத் திட்ட தனித்துணை ஆட்சியர் மனோகரன் உள்ளிட்ட பலர் கலந்து கொண்டனர்.
அரியலூர்: அரியலூரில் நடைபெற்ற கூட்டத்துக்கு, மாவட்ட ஆட்சியர் மு.விஜயலட்சுமி தலைமை வகித்தார். இதில், மொத்தம் 347 மனுக்கள் பெறப்பட்டன. மேலும், தாய் தந்தையரை இழந்த மற்றும் பல்வேறு சூழ்நிலைகளால் பதிக்கப்பட்ட 42 குழந்தைகளுகளின் படிப்பு மற்றும் வாழ்வாதாரத்தை மேம்படுத்த நிதிவுதவியாக குழுந்தைக்கு மாதம் ரூ. 2,000 வீதம் (ஏப்.2017 முதல் மார்ச் 2018 வரை) 12 மாதங்களுக்கு 42 குழந்தைகளுக்கும் மொத்தம் ரூ.9,84,000-க்கான காசோலைகளை வழங்கினார்.
கூட்டத்தில், மாவட்ட வருவாய் அலுவலர் சே.தனசேகரன், சமூக பாதுகாப்பு திட்ட துணை ஆட்சியர் அ.பூங்கோதை, மாவட்ட குழந்தைகள் பாதுகாப்பு அலுவலர் கா.முகமது யூனுஸ்கான் ஆகியோர் கலந்து கொண்டனர்.

]]>
http://www.dinamani.com/all-editions/edition-trichy/ariyalur/2018/oct/09/பொதுமக்கள்-குறைகேட்பு-3016817.html
3016116 திருச்சி அரியலூர் ஆண்டிமடம் அருகே விவசாயி மர்மச் சாவு DIN DIN Monday, October 8, 2018 08:42 AM +0530 அரியலூர் மாவட்டம், ஆண்டிமடம் அருகே சனிக்கிழமை நள்ளிரவு விவசாயி மர்மமான முறையில் நள்ளிரவு உயிரிழந்து கிடந்தார்.
ஆண்டிமடம் அருகேயுள்ள பெரியதத்தூர் கிராமத்தைச் சேர்ந்தவர் கலியபெருமாள்(45), விவசாயி. இவருக்கு மனைவி கவிதா,இரண்டு மகன்,ஒரு மகள் உள்ள நிலையில், விளைந்தை கிராமத்தைச் சேர்ந்த கலையரசி என்பவருடன் தொடர்பு இருந்ததாக கூறப்படுகிறது. இந்நிலையில்,சனிக்கிழமை இரவு கலையரசி வீட்டுக்குச் சென்ற கலியபெருமாள் அங்கு மர்மமான முறையில் உயிரிழந்தார். இதுகுறித்து ஆண்டிமடம் போலீஸார் வழக்குப் பதிந்து கலையரசியிடம் விசாரிக்கின்றனர்.
 

]]>
http://www.dinamani.com/all-editions/edition-trichy/ariyalur/2018/oct/08/ஆண்டிமடம்-அருகே-விவசாயி-மர்மச்-சாவு-3016116.html
3016115 திருச்சி அரியலூர் தூய்மை பள்ளி விருது: ஆசிரியர்களுக்கு பாராட்டு DIN DIN Monday, October 8, 2018 08:42 AM +0530 அரியலூர் மாவட்டம், ஆண்டிமடம் அருகேயுள்ள சிலுவைச் சேரி ஊராட்சி ஒன்றிய தொடக்கப் பள்ளியில்  மத்திய,மாநில அரசின் தூய்மைப் பள்ளி விருது பெற்ற ஆசிரியர்களுக்கு பாராட்டு விழா சனிக்கிழமை நடைபெற்றது. 
பள்ளி மேலாண்மைக் குழுத் தலைவர் மங்கையர்க்கரசி தலைமை வகித்தார். பெற்றோர் ஆசிரியர் கழகத் தலைவர் தேன்மொழி முன்னிலை வகித்தார். 
ஓய்வு பெற்ற தமிழாசிரியர் ராஜேந்திரன், ஓய்வு பெற்ற ஆசிரியை தேன்மொழி ஆகியோர் சிறப்புரையாற்றினர். விழாவில், கிராம பொதுமக்கள் மற்றும் மாணவர்களின் பெற்றோர் தலைமை ஆசிரியர் சசிகலா மற்றும் பள்ளி ஆசிரியர்களை வாழ்த்தினர்.

]]>
http://www.dinamani.com/all-editions/edition-trichy/ariyalur/2018/oct/08/தூய்மை-பள்ளி-விருது-ஆசிரியர்களுக்கு-பாராட்டு-3016115.html
3016114 திருச்சி அரியலூர் வியாபாரிகள் சீட்டு  திட்டங்கள்,பரிசு குலுக்கல் நடத்தக் கூடாது DIN DIN Monday, October 8, 2018 08:42 AM +0530 அரியலூர் மாவட்டம், வணிக நிறுவனங்கள் தங்களது வணிகத்தை பெருக்கிக் கொள்ளும் நோக்கோடு பரிசுக் குலுக்கல் திட்டங்களை நடத்துகிறார்கள். பரிசு திட்டங்கள் மூலம் பொருட்களை விலை கூட்டி விற்பது, தரமற்ற பொருட்களை விற்பது, அளவு குறைப்பது, கலப்பட பொருட்கள் மற்றும் பழைய இருப்பு பொருட்களை விற்பது போன்ற செயல்கள் மூலம் நுகர்வோர் வணிகர்களால் ஏமாற்றப்படுகிறார்கள்.
அரியலூர் மாவட்ட நுகர்வோரின் பாதுகாப்பைக் கருத்தில் கொண்டு இனிவரும் நாள்களில் தனிநபர், விற்பனைக் கூடங்கள் மற்றும் வணிக நிறுவனங்கள் தங்கள் வியாபாரத்தில் சீட்டு கூப்பன் திட்டங்கள், குலுக்கல் திட்டங்கள், பரிசு திட்டங்கள், சலுகை திட்டங்கள் போன்றவற்றைச் செயல்படுத்தக் கூடாது. மீறினால்  குற்ற நடவடிக்கை எடுக்கப்படும் என மாவட்ட ஆட்சியர் மு. விஜயலட்சுமி வெளியிட்ட செய்திக் குறிப்பில தெரிவித்தார்.

]]>
http://www.dinamani.com/all-editions/edition-trichy/ariyalur/2018/oct/08/வியாபாரிகள்-சீட்டு-திட்டங்கள்பரிசு-குலுக்கல்-நடத்தக்-கூடாது-3016114.html
3016113 திருச்சி அரியலூர் மழைநீர் பாதிப்பிலிருந்து பயிர்களைக் காக்க வழிமுறைகள் DIN DIN Monday, October 8, 2018 08:41 AM +0530 அரியலூர் மாவட்டத்தில் மழைநீர் பாதிப்பிலிருந்து பயிர்களைக் காக்க வேண்டிய வழிமுறைகள் குறித்து வேளாண் உதவி இயக்குநர் க. பூவலிங்கம் யோசனை தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு:
தற்போது தொடரும் பலத்த மழையால் அனைத்துப் பயிர்களின் வயல்களிலும் மழைநீர் தேங்கிக் காணப்படுகிறது. இதனால் பாக்டீரியம், பூஞ்சாணம் போன்றவற்றால் பயிர்களுக்கு நோய்த் தாக்குதல் ஏற்பட அதிக வாய்ப்புள்ளது.
குறிப்பாக பருத்தியில் வெர்டிசீலியம் வாடல் நோய் வேர் அழுகல் நோய் ஆல்டர் நேரியா இலைப்புள்ளிநோய் இலைக்கருகல் நோய் புகையிலைக் கீற்று வைரஸ் நோய் ஆகிய நோய்கள் தாக்கும் அபாயம் உள்ளது. 
மேலும் செடிகளிலுள்ள சப்பைகள் காய்கள் அழுகி உதிர வாய்ப்புள்ளது. 
பருத்தி வயல்களில் தேங்கியுள்ள மழைநீரால் மெக்னீசியம் சத்துப் பற்றாக்குறை ஏற்பட்டு பருத்தி இலையோரங்கள் சிவப்பு நிறமாக மாறி உதிர்ந்து விடுகிறது. இதனால் விவசாயிகளுக்கு மகசூல் இழப்பு ஏற்பட அதிக வாய்ப்புள்ளது.
பருத்தியை மழை நீரிலிருந்து பாதுகாக்க வயல்களில் தேங்கும் நீரை 5 பாத்திகளுக்கு இடையே பார் அமைத்து வயலைச் சுற்றி வடிகால் வசதி செய்து தேங்கிய நீரைவெளியேற்ற வேண்டும்.
பருத்திச் செடிகளில் வேரழுகல் நோய் காணப்படும்போது சூடோமோனாஸ் அல்லது டிரைகோடெர்மா விரிடி உள்ளிட்ட எதிர் உயிர்க் கொல்லிகளில்  ஏதாவது ஒன்றை லிட்டருக்கு 2 கிராம் அல்லது கார்பன்டாசிம் அல்லது மேன்கோசெப் பூஞ்சாணக் கொல்லி மருந்துகளில் ஏதாவது ஒன்றை லிட்டருக்கு 2 கிராம் அல்லது காப்பர் ஆக்ஸிகுளோரைடைலி 2 கிராமமுடன் பாக்டீரியா கொல்லியான ஸ்டிரெப்டோமைசின் சல்பேட்டை பத்து லிதண்ணீருக்கு ஒரு கிராம் என்ற அளவில் கலந்து செடிக்குச் செடி வேர் பகுதிகளில் ஊற்றுவதன் மூலம் வேரழுகல் நோயைக் கட்டுப்படுத்தலாம்.
மேலும் மழை நின்ற பிறகு செடிகள் சப்பைகள் நன்கு செழிப்புடன் இருக்க வளர்ச்சி ஊக்கிஅல்லது டி.ஏ.பி.2 சதக் கரைசலைத் தெளிக்க வேண்டும் பருத்தியில் இலைகள் சிவப்பாக தென்படும்போது,மெக்னீசியம் சல்பேட் 100கிராம் ஜிங் சல்பேட் 50 கிராம் யூரியா 10கிராம் ஆகியவற்றை 10லிட்டர் தண்ணீரில் கலந்து தெளித்துக் கட்டுப்படுத்தலாம். இவ்வாறு செய்வதன் மூலம் மழையிலிருந்து பருத்தியைக் காப்பாற்றி அதிக மகசூலைப் பெறலாம். இதுபோல மக்காச்சோளம்,நெல் கரும்பு ஆகியவை பயிரிடப்பட்டுள்ள வயல்களில் தேங்கியுள்ள மழைநீரை தகுந்த வடிகால் வசதி செய்து வெளியேற்றினால் பயிர்களை காப்பாற்றலாம்.

]]>
http://www.dinamani.com/all-editions/edition-trichy/ariyalur/2018/oct/08/மழைநீர்-பாதிப்பிலிருந்து-பயிர்களைக்-காக்க-வழிமுறைகள்-3016113.html
3016112 திருச்சி அரியலூர் சம்பா சாகுபடி செய்யும் விவசாயிகள் பயிர்க் காப்பீடு செய்ய அழைப்பு DIN DIN Monday, October 8, 2018 08:41 AM +0530 அரியலூர் மாவட்டம், செந்துறை வருவாய் கிராமங்களான அசாவீரன்குடிக்காடு, மணபத்தூர், குழுமுர், வஞ்சினபுரம், செந்துறை சன்னாசிநல்லூர், தளவாய், அயன்தத்தனூர், நமங்குனம், நக்கம்பாடி, ஆனந்தவாடி ஆகிய கிராமங்களில் சம்பா நெல் சாகுபடி செய்யும் விவசாயிகள் பிரதம மந்திரியின் பயிர்க் காப்பீடு திட்டத்தில் சேர அழைப்பு விடுக்கப்பட்டுள்ளது.
மழை, வெள்ளம், வறட்சி போன்ற இயற்கை இடர்பாடுகள் அதனால் விதைக்க இயலாமை மற்றும் பூச்சி, நோய் தாக்குதல் போன்ற காரணங்களால் ஏற்படும் இழப்பிற்கு பிரதம மந்திரி பயிர் காப்பீடு திட்டத்தில் சேர்ந்து காப்பீடு செய்துள்ள விவசாயிகளுக்கு மட்டும் இழப்பீடு தொகை வழங்கப்படும் .
எனவே நெல் பயிரிடும் விவசாயிகள் ரபீ பருவத்திற்கு வரும்  நவ. 30-க்குள் அருகிலுள்ள தேசிய வங்கிகள் மற்றும் தொடக்க வேளாண் கூட்டுறவுக்  கடன் சங்கம்,அல்லது மத்திய அரசின் அனுமதி பெற்ற பொதுச் சேவை மையத்திலோ பயிர்க் காப்பீடு செய்து கொள்ளலாம் என செந்துறை வட்டார வேளாண் உதவி இயக்குநர் நாகராஜன் வெளியிட்ட செய்திக் குறிப்பில் தெரிவித்தார்.
வேலும் விவரங்களுக்கு உதவி வேளாண் அலுவலர்கள் பாரி-9047874495, ஆனந்தி-90477 92391, மலர்கொடி-9787483625, ஒளிச்செல்வி- 6379419263, ராஜா -9943519833 ஆகியோரை  தொடர்புக் கொள்ளலாம்.
 

]]>
http://www.dinamani.com/all-editions/edition-trichy/ariyalur/2018/oct/08/சம்பா-சாகுபடி-செய்யும்-விவசாயிகள்-பயிர்க்-காப்பீடு-செய்ய-அழைப்பு-3016112.html