Dinamani - கரூர் - http://www.dinamani.com/all-editions/edition-trichy/karur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2866628 திருச்சி கரூர் கருவூலத் துறை அலுவலர்களுக்கு பயிற்சி DIN DIN Tuesday, February 20, 2018 01:30 AM +0530 கரூர் மாவட்டம், புலியூர் செட்டிநாடு பொறியியல் கல்லூரியில் அரசின் கருவூலத் துறை அலுவலர்களுக்கு ஒருங்கிணைந்த நிதி மற்றும் மனிதவளம் தொடர்பான பயிற்சி திங்கள்கிழமை தொடங்கியது.
வரும் 24 ஆம் தேதி வரை நடைபெறும் பயிற்சியைத் தொடங்கி வைத்து ஆட்சியர் கு.கோவிந்தராஜ் மேலும் பேசியது:
தமிழ்நாடு அரசுப் பணிகள் மின் ஆளுமை திட்டத்தின் கீழ் பல்வேறு துறைகளின் பணிகள் அனைத்தும் மின்மயமாக்கும் பணிகள் நடைபெற்று வருகின்றன. இத்திட்டத்தின் கீழ் பல்வேறு அரசுப் பணியாளர்களின் பணிப்பதிவேடுகள் கணினிமயமாக்கப்பட்டு வருகிறது. கரூர் மாவட்டத்தில் அரசுப் பணியாளர்களின் பணி பதிவேடுகள் பிரத்யேக மென்பொருள் மூலம் பதிவேற்றம் செய்யப்பட்டு வருகிறது.
இப்பணி விரைவில் முடிவுறும் தருவாயில் உள்ளது. அடுத்த கட்டமாக கருவூலத் துறை மேற்கொள்ளும் சம்பளம் மற்றும் சம்பளம் சாரா பணப் பரிவர்த்தனை அரசுத் துறை அலுவலகங்களில் இருந்து வலைதளம் மூலமாக பட்டியல்கள் பெற்று ஏற்பளிப்பு செய்யும் முறை அமல்படுத்தப்பட உள்ளது. அரசு அலுவலகங்களில் இப்பணிகளை மேற்கொண்டு வரும் பணியாளர்களுக்கு மென்பொருள் கையாளும் பயிற்சி அளிக்கும் வகையில் இந்நிகழ்ச்சி ஏற்பாடு செய்யப்பட்டுள்ளது. இப்பயிற்சியில் முதற்கட்டமாக நாற்பது அரசு அலுவலகங்கள், பள்ளிகள் தேர்ந்தெடுக்கப்பட்டு திங்கள்கிழமை (பிப். 19) முதல் வரும் 24 ஆம் தேதி வரை விப்ரோ நிறுவனத்தால் பயிற்சி வழங்கப்படுகிறது.
இப்பயிற்சியை பயன்படுத்தி இத்திட்டத்தினை வெற்றிகரமாக செயல்படுத்தி அனைத்துத்துறை அலுவலர்களும் பயன்பெற வேண்டும் என்றார்.
நிகழ்ச்சியில், கரூவூலம் மற்றும் கணக்குத்துறை கோவை மண்டல இணை இயக்குநர் டி.செல்வசேகர், கரூர் மாவட்ட கரூவூல அலுவலர் எஸ்.ஜெயபிரகாஷ், வருவாய் கோட்டாட்சியர் சரவணமூர்த்தி, செய்தி மக்கள் தொடர்பு அலுவலர் அ.செந்தில், கண்காணிப்பாளர் சி.ரவிச்சந்திரன், விப்ரúô ப்ராஜெக்ட் மேனேஜர் கே.மாணிக்கவேல், கல்லூரி முதல்வர் டாக்டர்.புனிதா, வட்டாட்சியர் அருள் உட்பட பலர் கலந்து கொண்டனர்.

 

]]>
http://www.dinamani.com/all-editions/edition-trichy/karur/2018/feb/20/கருவூலத்-துறை-அலுவலர்களுக்கு-பயிற்சி-2866628.html
2866627 திருச்சி கரூர் தென்னை உற்பத்தியாளர் சங்கம் நீரா பானம் உற்பத்திக்கு விண்ணப்பிக்கலாம் DIN DIN Tuesday, February 20, 2018 01:29 AM +0530 தென்னை உற்பத்தியாளர் சங்கத்தினர் நீரா பானம் உற்பத்திக்கு விண்ணப்பிக்கலாம் என ஆட்சியர் கு.கோவிந்தராஜ் தெரிவித்துள்ளார்.
இதுதொடர்பாக அவர் வெளியிட்டுள்ள செய்திக்குறிப்பு:
தென்னை மரத்திலிருந்து 'நீரா பானம்' உற்பத்தி மற்றும் 'நீரா'வில் இருந்து மதிப்பு கூட்டப்பட்ட பொருட்கள உற்பத்தி செய்ய தமிழ்நாடு நீரா உற்பத்தி சட்டம் - 2017 என்ற புதிய சட்டத்தை அரசு பிறப்பித்துள்ளது.
இச்சட்டத்தின்படி, தென்னை வளர்ச்சி வாரியம் மற்றும் கூட்டுறவு சங்கங்களில் பதிவு செய்த தென்னை உற்பத்தியாளர்கள் சங்கம் மற்றும் தென்னை உற்பத்தி நிறுவனங்கள் நீரா பானம் உற்பத்தி செய்ய விரும்பும் பட்சத்தில் விண்ணப்பத்தை சமர்ப்பிக்கலாம்.
இச்சட்டத்தின்படி பதிவு செய்த தென்னை உற்பத்தியாளர்கள் சங்கம் மற்றும் தென்னை உற்பத்தி நிறுவனங்கள், கரூர் ஆட்சியர் அலுவலகத்தில் உள்ள உதவி ஆணையர், கலால் துறை அலுவலகத்தில் விண்ணப்பம் பெற்று, உரிய கட்டணம் ரூ. 500-ஐ செலுத்தி விண்ணப்பத்தை சமர்ப்பிக்கலாம்.
மேலும் உரிமம் கோரி விண்ணப்பம் சமர்ப்பிக்கும் சங்கங்கள் கரூர் வேளாண் துணை இயக்குநர் (வேளாண் வணிகம்) மற்றும் கரூர் கலால் துறை உதவி ஆணையரை அணுகி முழு விபரங்களைத் தெரிந்து கொள்ளலாம் எனத் தெரிவித்துள்ளார்.

 

]]>
http://www.dinamani.com/all-editions/edition-trichy/karur/2018/feb/20/தென்னை-உற்பத்தியாளர்-சங்கம்-நீரா-பானம்-உற்பத்திக்கு-விண்ணப்பிக்கலாம்-2866627.html
2866626 திருச்சி கரூர் திருக்குறளை தேசிய நூலாக அறிவிக்கக்கோரி பிரதமரிடம் மனு: பெருங்கவிக்கோ வா.மு.சேதுராமன் தகவல் DIN DIN Tuesday, February 20, 2018 01:29 AM +0530 திருக்குறளை தேசிய நூலாக அறிவிக்கக் கோரி, பிரதமரிடம் மனு அளித்துள்ளதாக பெருங்கவிக்கோ வா.மு.சேதுராமன் தெரிவித்தார்.
பன்னாட்டுத் தமிழுறவு மன்றம் மற்றும் அனைத்துத் தமிழ் அமைப்புகளின் கூட்டமைப்பு சார்பில் பெருங்கவிக்கோ வா.மு.சேதுராமன் தலைமையில் தமிழுக்கு முதன்மை பரப்புரைக் குழு 26 ஆம் ஆண்டாக தனது பரப்புரையை கடந்த 12 ஆம் தேதி கன்னியாகுமரியில் துவங்கி திருநெல்வேலி, தூத்துக்குடி, ராசபாளையம், சிவகாசி, விருதுநகர், மதுரை, திண்டுக்கல் வழியாக கரூரை திங்கள்கிழமை இரவு வந்தது. இக்குழுவினருக்கு கரூர் திருக்குறள் பேரவை செயலாளர் மேலை.பழநியப்பன் தலைமையில் சிறப்பான வரவேற்பு அளிக்கப்பட்டது. தொடர்ந்து நடைபெற்ற கலந்துரையாடல் நிகழ்ச்சியில் பெருங்கவிக்கோ வா.மு.சேதுராமன் பேசுகையில், பன்னாட்டுத் தமிழுறவு மன்றம் மற்றும் அனைத்துத் தமிழ் அமைப்புகளின் கூட்டமைப்பு சார்பில் 26 ஆண்டுகளாக தமிழ்நாட்டிலே தமிழுக்கு முதன்மை வழங்க வேண்டும், அதாவது ஆட்சித் துறை, கல்வித் துறை, வழக்காடு மன்றம் என அனைத்து துறையிலும் எங்கும் தமிழ் எதிலும் தமிழ் என்ற கொள்கையை இந்த ஆட்சி கடைப்பிடித்து அதை நடைமுறைப்படுத்த வேண்டும் எனக்கோரி 1993-இல் கன்னியாகுமரி, முதல் சென்னை வரை தமிழ்நடை பயணம் மேற்கொண்டு அன்றைய முதல்வரிடம் கோரிக்கை மனு அளித்தோம்.
தமிழ்நாட்டில் தமிழை வாழ வைக்க வேண்டும், தமிழ் தான் தமிழர்களின் அடையாளம். இதைக் காக்க வேண்டும். கடந்த மூன்று மாதத்திற்கு முன் பிரதமரை சந்தித்து இந்தி மொழிக்கு என்ன மரியாதை ஆட்சியில் இருக்கிறதோ, அதேபோன்று தமிழுக்கும் உரிய மரியாதை அளிக்க வேண்டும், திருக்குறளை நாட்டின் தேசிய நூலாக அறிவிக்க வேண்டும் என வலியுறுத்தியுள்ளோம் என்றார்.
நிகழ்ச்சியில், கவிஞர்கள் மற்றும் தமிழ் ஆர்வலர்களுமான கடவூர் மணிமாறன், கருவூர் கன்னல், தென்னிலையார் என்கின்ற தென்னிலை கோவிந்தன், பாவலர் ப.எழில்வாணன், நன்செய்புகழூர் அழகரசன், கவிஞர் சண்முக சிதம்பரம் உள்ளிட்டோர் கருத்துரையாற்றினர்.

 

]]>
http://www.dinamani.com/all-editions/edition-trichy/karur/2018/feb/20/திருக்குறளை-தேசிய-நூலாக-அறிவிக்கக்கோரி-பிரதமரிடம்-மனு-பெருங்கவிக்கோ-வாமுசேதுராமன்-தகவல்-2866626.html
2866625 திருச்சி கரூர் தோகைமலை குடிநீர் திட்டத்தை செயல்படுத்தினால் சாலை மறியல் : வதியம் கிராம மக்கள் அறிவிப்பு DIN DIN Tuesday, February 20, 2018 01:29 AM +0530 தோகைமலை காவிரி கூட்டுக்குடிநீர் திட்டத்தை செயல்படுத்தினால் சாலை மறியல் மற்றும் குடும்ப அட்டையை ஒப்படைக்கும் போராட்டத்தில் ஈடுபடுவோம் என வதியம் ஊராட்சிக்குட்பட்ட கிராமமக்கள் தெரிவித்துள்ளனர்.
கரூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர்க்கும் கூட்டத்தில் மாவட்ட ஆட்சியர் கு.கோவிந்தராஜிடம் குளித்தலை அருகே வதியம் ஊராட்சியைச் சேர்ந்த கிராமமக்கள் அளித்த மனுவில் கூறியிருப்பது:
எங்கள் ஊராட்சிக்குள்பட்ட காவிரி ஆற்றுப்படுகையில் ஏற்கெனவே மணப்பாறை, மருங்காபுரி கூட்டுக்குடிநீர் திட்டம் செயல்படுத்தப்பட்டு வருகிறது. இந்நிலையில் எங்கள் பகுதியில் கடந்த 1.7.2016-ல் தோகைமலை கூட்டுக்குடிநீர் திட்டம் தொடங்குவதற்கான பணிகள் நடைபெற்றது. இந்த திட்டத்திற்கு நாங்கள் கடந்த இரு வருடங்களாôக எதிர்ப்பு தெரிவித்து அதிகாரிகள், அமைச்சர்களிடம் கோரிக்கை மனு அளித்தோம்.
இந்நிலையில் ஊர் பொதுமக்களுக்கு எந்த அறிவிப்பும் இன்றி கடந்த 15.2.18-ல் மீண்டும் தோகைமலை கூட்டுக்குடிநீர் திட்டம் தொடங்கப்பட்டுள்ளது. இதனால் எங்கள் பகுதி விவசாயம், குடிநீர் பாதிக்கப்படும் என்பதால் வரும் 21 ஆம் தேதி சாலை மறியல், குடும்ப அட்டை, ஆதார் அட்டை, வாக்காளர் அட்டையை ஒப்படைக்கும் போராட்டத்தில் ஈடுபடுவோம் எனத் தெரிவித்துள்ளனர்.
கொங்கு நாடு மக்கள் தேசியக் கட்சியினர் கோரிக்கை: கொமதேக மாவட்ட பொருளாளர் பி.தங்கவேல் அளித்துள்ள மனுவில், நெரூர் வடபாகம் ஒத்தக்கடை கிராமத்தில் 300-க்கும் மேற்பட்ட குடும்பத்தினர் வசித்து வருகிறோம். எங்களுக்கு நெரூர் காவிரி ஆற்றில் இருந்து வரும் குடிநீர் 2 மேல்நிலைக்குடிநீர் தேக்கத் தொட்டிகளில் நிரப்பப்பட்டு குடிநீர் விநியோகம் செய்யப்படுகிறது.
இந்நிலையில் கடந்த சில மாதங்களாக குழாயில் தண்ணீர் வருவதில்லை. இதற்கான காரணம் குறித்து சோதனை செய்தபோது சமூக விரோதிகள் சிலர் காவிரி ஆற்றில் இருந்து வரும் குடிநீரை குழாயில் முறைகேடாக உறிஞ்சி தென்னை மரந்தோப்பு, வாழை மரங்களுக்கு பயன்படுத்துகின்றனர். எனவே முறைகேடாக குடிநீரை உறிஞ்சி திருடுவோர் மீது கடும் நடவடிக்கை எடுக்க வேண்டும் எனத் தெரிவித்துள்ளனர்.

 

]]>
http://www.dinamani.com/all-editions/edition-trichy/karur/2018/feb/20/தோகைமலை-குடிநீர்-திட்டத்தை-செயல்படுத்தினால்-சாலை-மறியல்--வதியம்-கிராம-மக்கள்-அறிவிப்பு-2866625.html
2866624 திருச்சி கரூர் கரூர், குளித்தலையில் வழக்குரைஞர்கள் பணி புறக்கணிப்பு DIN DIN Tuesday, February 20, 2018 01:29 AM +0530 கரூர் மற்றும் குளித்தலை நீதிமன்ற வழக்குரைஞர்கள் திங்கள்கிழமை நீதிமன்ற புறக்கணிப்பு போராட்டத்தில் ஈடுபட்டனர்.
சென்னை உயர்நீதிமன்றத்தில் கடந்த 2009-இல் போலீஸாரால் வழக்குரைஞர்கள் தாக்கப்பட்ட சம்பவத்தை வழக்குரைஞர்கள் சங்கத்தினர் கருப்பு தினமாக அனுசரித்து வருகிறார்கள். இதையடுத்து திங்கள்கிழமை கரூர் வழக்குரைஞர் சங்கத்தினர் சங்கத்தலைவர் மாரப்பன் தலைமையிலும், குளித்தலை நீதிமன்ற வழக்குரைஞர் சங்கத்தினர் சங்கத்தலைவர் சாகுல்அமீது தலைமையிலும் நீதிமன்ற புறக்கணிப்பு போராட்டத்தில் ஈடுபட்டனர். இதனால் கரூர், குளித்தலை நீதிமன்றங்களில் அன்றாடப் பணிகள் பாதிக்கப்பட்டன.

 

]]>
http://www.dinamani.com/all-editions/edition-trichy/karur/2018/feb/20/கரூர்-குளித்தலையில்-வழக்குரைஞர்கள்-பணி-புறக்கணிப்பு-2866624.html
2866623 திருச்சி கரூர் மொபெட் - கார் மோதல்: முதியவர் சாவு DIN DIN Tuesday, February 20, 2018 01:28 AM +0530 தென்னிலை அருகே மொபட் மீது கார் மோதியதில் முதியவர் இறந்தார்.
கரூர் மாவட்டம் தென்னிலை எம்ஜிஆர் நகரைச் சேர்ந்தவர் கிட்டுசாமி(72). இவர் ஞாயிற்றுக்கிழமை தனது மொபெட்டில் கோவை - கரூர் தேசிய நெடுஞ்சாலையில் அங்குள்ள பெட்ரோல் விற்பனை நிலையம் அருகே சென்றபோது பின்னால் வந்த கார் மொபெட் மீது மோதியது. இதில் பலத்த காயமடைந்த கிட்டுசாமியை அக்கம்பக்கத்தினர் மீட்டு கரூரில் உள்ள தனியார் மருத்துவமனைக்கு கொண்டு சென்றனர். ஆனால் வழியிலேயே அவர் இறந்தார். இதுகுறித்து தென்னிலை போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/feb/20/மொபெட்---கார்-மோதல்-முதியவர்-சாவு-2866623.html
2866622 திருச்சி கரூர் இயற்கை வள மேம்பாட்டு திட்டத்தில் ரூ.7.40 கோடியில் பணிகள்: ஆட்சியர் DIN DIN Tuesday, February 20, 2018 01:28 AM +0530 கரூர் மாவட்டத்தில் இயற்கைவள மேம்பாட்டு பணி மற்றும் பண்ணை உற்பத்தி திட்டத்துக்கு 2017-18 ஆம் ஆண்டில் ரூ.7.40 கோடியில் பணிகள் நடைபெற்று வருவதாக ஆட்சியர் கு.கோவிந்தராஜ் தெரிவித்துள்ளார்.
கரூர் மாவட்டம், க.பரமத்தி ஊராட்சி ஒன்றியத்தில் இயற்கை வள மேம்பாட்டு பணி, பண்ணை உற்பத்தி திட்டம், வாழ்வாதார நிதி திட்டம் மற்றும் நுழைவு முகப்பு பணிகள் திங்கள்கிழமை நடைபெற்று வருவதைப் பார்வையிட்ட அவர் மேலும் கூறியது:
தமிழ்நாடு அரசு விவசாயம் மற்றும் விவசாயிகளின் நலன் மீது அக்கறை கொண்டு இரண்டாம் பசுமைப்புரட்சியை ஏற்படுத்தும் வகையில் பல்வேறு திட்டங்களை தீட்டி, அதற்கு நிதி ஒதுக்கி செயல்படுத்தி வருகிறது. அதனடிப்படையில் கரூர் மாவட்டத்தில் வறட்சியான க. பரமத்தி, அரவக்குறிச்சி மற்றும் கடவூர் ஊராட்சி ஒன்றியங்களில் இயற்கை வளங்களை மேம்படுத்த நிலத்தடி நீரை செறிவூட்ட சிறு, குறு ஓடைகளைத் தேக்கி தடுப்பணை அமைப்பது, பண்ணைக்குட்டை, கசிவு நீர்க்குட்டை, மூழ்கு குளம், நீர் செரிமான குழாய் அமைத்தல், வாய்க்கால் தூர் வாருதல், தடுப்புச்சுவர் அமைத்தல், வேளாண்கருவிகள் வழங்குதல், தோட்டப்பயிர்கள் வழங்குதல், ஆழ்துளை கிணறு அமைத்து அத்துடன் 2 மற்றும் 5 குதிரைத்திறன் கொண்ட மின்மோட்டார் வழங்குதல் போன்ற பணிகள் மேற்கொள்ளப்பட்டு வருகின்றன.
2017-18 ஆம் ஆண்டில் 1,082 பணிகள் மேற்கொள்ள ரூ.7.40 கோடி நிதி ஒதுக்கீடு செய்யப்பட்டுள்ளது. அதில், 887 பணிகள் ரூ.6.10 கோடி மதிப்பில் முடிவுற்றுள்ளது. மீதமுள்ள பணிகள் நடைபெற்று வருகிறது. இத்திட்டத்தின் கீழ் பயன்பெற விரும்பும் விவசாயிகள் அருகிலுள்ள தோட்டக்கலைத் துறை உதவி இயக்குநரிடம் அணுகி மனு செய்து பயன் பெறலாம் என்றார்.
நிகழ்ச்சியின் போது, வேளாண் இணை இயக்குநர் பாஸ்கரன், மாவட்ட ஆட்சியரின் நேர்முக உதவியாளர் (வேளாண்மை) ஜெயந்தி, துணை இயக்குநர்கள் கந்தசாமி, சுப்பையா, உதவி இயக்குநர் பாலகிருஷ்ணன், உதவி பொறியாளர் பிருத்திவ்ராஜ் உட்பட பலர் உடனிருந்தனர்.

 

]]>
http://www.dinamani.com/all-editions/edition-trichy/karur/2018/feb/20/இயற்கை-வள-மேம்பாட்டு-திட்டத்தில்-ரூ740-கோடியில்-பணிகள்-ஆட்சியர்-2866622.html
2866620 திருச்சி கரூர் மாவட்ட முதன்மைக்கல்வி அலுவலரிடம் பட்டதாரி ஆசிரியர் கழகத்தினர் மனு DIN DIN Tuesday, February 20, 2018 01:28 AM +0530 கரூர் மாவட்ட முதன்மைக் கல்வி அலுவலர் து. கணேசமூர்த்தியிடம் திங்கள்கிழமை தமிழ்நாடு மேல்நிலைப்பள்ளி பட்டதாரி ஆசிரியர் கழகத்தினர் சந்தித்து கோரிக்கை மனு அளித்தனர்.
மாவட்டச் செயலாளர் செ.ரவிசங்கர் தலைமையில் பட்டதாரி ஆசிரியர் கழகத்தினர் அளித்த மனுவில் அவர்கள் கூறியிருப்பது: அரசு மேல்நிலைப் பள்ளிகளின் அரசு தேர்வின்போது வசிப்பிடத்தில் இருந்து 15 கி.மீ.க்குள் பணிபுரிய அறை கண்காணிப்பாளராக பணியாற்ற அனுமதிக்க வேண்டும், இந்தப் பணியிடங்களை சீனியாரிட்டி அடிப்படையில் நடைமுறைப்படுத்த வேண்டும். ஆதி திராவிடர் நலத்துறை பள்ளிகளில் துறை அலுவலர்கள் நியமிக்கப்பட வேண்டும்.
தனியார் பள்ளிகளில் அரசுத் தேர்வின்போது முதன்மை கண்காணிப்பாளராக தனியார் பள்ளிகளின் முதல்வரை நியமிக்காமல் , அரசு பள்ளிகளில் தலைமையாசிரியராக பணியாற்றுவோரை நியமிக்க வேண்டும் எனத் தெரிவித்துள்ளனர்.

 

]]>
http://www.dinamani.com/all-editions/edition-trichy/karur/2018/feb/20/மாவட்ட-முதன்மைக்கல்வி-அலுவலரிடம்-பட்டதாரி-ஆசிரியர்-கழகத்தினர்-மனு-2866620.html
2866573 திருச்சி கரூர் பெண் மாவோயிஸ்டுகள், வழக்குரைஞருக்கு பிப்ரவரி 27 வரை காவல் நீட்டிப்பு DIN DIN Tuesday, February 20, 2018 01:16 AM +0530 கரூர் நீதிமன்றத்தில் திங்கள்கிழமை ஆஜரான பெண் மாவோயிஸ்ட்கள் கலா, சந்திரா மற்றும் வழக்குரைஞர் முருகனுக்கு பிப். 27 ஆம் தேதி வரை காவல் நீட்டிக்கப்பட்டது.
கரூர் வெங்கமேடு கணக்குப்பிள்ளை தெருவில் பதுங்கியிருந்த சேலம் மாவட்டம் தீவட்டிப்பட்டியைச் சேர்ந்த பெண் மாவோயிஸ்ட்கள் கலா (53), சந்திரா (46) ஆகிய இருவரையும் க்யூ பிரிவு போலீஸார் கடந்த 2016-ம் ஆண்டு ஜூலை 21ம் தேதி கைது செய்து திருச்சி பெண்கள் சிறையில் அடைத்தனர். இதையடுத்து பெண் மாவோயிஸ்ட்களுக்கு உதவியதாக மதுரை மாவட்டம் ஆலங்குளம் அன்பு நகரைச் சேர்ந்த வழக்குரைஞர் முருகனை (35) க்யூ பிராஞ்ச் போலீஸார் கடந்தாண்டு ஜன. 8 ஆம் தேதி கைது செய்து திருச்சி மத்திய சிறையில் அடைத்தனர்.
கைதான பெண் மாவோயிஸ்டுகள் மற்றும் வழக்குரைஞர் முருகன் ஆகியோர் கரூர் மாவட்ட தலைமை குற்றவியல் நீதிமன்றத்தில் திங்கள்கிழமை நீதிபதி பார்த்தசாரதி முன் ஆஜர்படுத்தப்பட்டனர். அவர்களுக்கு பிப்.27-ம்தேதி வரை காவலை நீட்டித்து நீதிபதி உத்தரவிட்டதையடுத்து பலத்த பாதுகாப்புடன் அவர்கள் மீண்டும் திருச்சி மத்திய சிறையில் அடைக்கப்பட்டனர்.

 

]]>
http://www.dinamani.com/all-editions/edition-trichy/karur/2018/feb/20/பெண்-மாவோயிஸ்டுகள்-வழக்குரைஞருக்கு-பிப்ரவரி-27-வரை-காவல்-நீட்டிப்பு-2866573.html
2866360 திருச்சி கரூர் மனைவியைக் கொன்று கணவர் தற்கொலை DIN DIN Monday, February 19, 2018 08:34 AM +0530 கரூர் அருகே மனைவியை கொன்று கணவர் தூக்கிட்டு தற்கொலை செய்துகொண்டார்.
கரூர் அருகே வேலாயுதம்பாளையம் காந்தி நகரைச் சேர்ந்தவர் கணேசன் (54), கூலித்தொழிலாளி. இவரது மனைவி பொன்னம்மாள் (50), வேலாயுதம்பாளையம் காவல் நிலையத் துப்புரவு தொழிலாளி. மகன் சுந்தரம் (27).
இந்நிலையில் கடந்த 5 மாதத்திற்கு முன் முடக்குவாதம் நோய் வந்ததால் கணேசன் வேலைக்கு செல்லாமல் வீட்டிலேயே இருந்தார். 
இதனிடையே மனைவியின் நடத்தையில் சந்தேகப்பட்டு அடிக்கடி அவரிடம் தகராறு செய்து வந்தாராம். 
சனிக்கிழமை இரவும் தம்பதிக்கிடையே தகராறு ஏற்பட, அவர்களது மகன் சுந்தரம் ஈரோட்டில் உள்ள உறவினர் வீட்டுக்குச் சென்றுவிட்டதாகக் கூறப்படுகிறது.  
தகராறு முற்றியதால் ஆத்திரமடைந்த கணேசன் வீட்டில் இருந்த டவலை எடுத்து மனைவியின் கழுத்தை இறுக்கி கொன்றார்.  பின்னர்  அவரும் தூக்கிட்டுத் தற்கொலை செய்துகொண்டார்.
தகவலறிந்த வேலாயுதம்பாளையம் போலீஸார் சடலங்களை மீட்டு கரூர் அரசு மருத்துவமனைக்கு அனுப்பி வைத்து,  மேலும் இதுகுறித்து வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-trichy/karur/2018/feb/19/மனைவியைக்-கொன்று-கணவர்-தற்கொலை-2866360.html
2866333 திருச்சி கரூர் கல்லூரி மாணவர்களுக்கு தொழில்முனைவோர் பயிற்சி DIN DIN Monday, February 19, 2018 08:23 AM +0530 கரூர் வள்ளுவர் அறிவியல் மற்றும் மேலாண்மைக் கல்லூரி மாணவர்களுக்கு தொழில்முனைவோர் பயிற்சி முகாம் அண்மையில் கரூரில் நடைபெற்றது.
நபார்டு வங்கி மற்றும் கரூர் வள்ளுவர் அறிவியல் மற்றும் மேலாண்மைக் கல்லூரி சார்பில் கல்லூரியின் வணிக மேலாண்மை, பொருளாதாரம் பயிலும் முதலாமாண்டு மாணவர்களுக்கு தொழில்முனைவோர் பயிற்சி முகாம் வள்ளுவர் ஹோட்டல் வாசுகி அரங்கில் அண்மையில் நடைபெற்றது. கல்லூரியின் தாளாளர் க. செங்குட்டுவன் தலைமை வகித்தார்.  நபார்டு உதவி பொதுமேலாளர் பரமேஸ்குமார் வரவேற்றார்.  கேவிகே மையப் பேராசிரியர் முனைவர் ஜே. திரவியம் முன்னிலை வகித்தார். இதில் சென்னை ஆடிட்டர் சீனிவாசன் சிறப்புரையாற்றினார்.
இதில் கல்லூரியின் வணிக மேலாண்மை மற்றும் பொருளாதரம் பயிலும் மாணவ, மாணவிகள் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/19/கல்லூரி-மாணவர்களுக்கு-தொழில்முனைவோர்-பயிற்சி-2866333.html
2866332 திருச்சி கரூர் ரஜினி, கமலால் தேமுதிகவுக்கு பாதிப்பில்லை DIN DIN Monday, February 19, 2018 08:23 AM +0530 ரஜினி, கமல் அரசியல் பிரவேசத்தால் தேமுதிகவுக்கு பாதிப்பில்லை என்றார் அதன் மாநில மகளிரணி செயலர் மாலதி வினோத்.
கரூரில் ஞாயிற்றுக்கிழமை நடைபெற்ற தேமுதிக மாவட்ட மகளிரணி நிர்வாகிகள் ஆலோசனைக்கூட்டத்தில் சிறப்பு அழைப்பாளராக பங்கேற்று மேலும் அவர் பேசியது:
தமிழகத்தின் ஆட்சியை நிர்ணயிப்பதில் மகளிர் பெரும் பங்கு வகிக்கிறார்கள். 
இதனால்தான் கட்சி நிறுவனர் விஜயகாந்த் அறிவுறுத்தலின்பேரில் இங்கு மாவட்ட நிர்வாகிகள் ஆலோசனைக்கூட்டம் நடைபெறுகிறது. தமிழகத்தில் பேருந்து கட்டண உயர்வைக் கண்டித்து பல போராட்டங்கள் நடத்தியும் பைசா கணக்கில் மட்டும் குறைத்துள்ளனர்.  இது வெறும் கண்துடைப்பு. பஸ் கட்டண உயர்வால் மக்கள் பெருமளவில் பாதிக்கப்பட்டுள்ளனர். குறிப்பாக கரூர் மாவட்ட ஜவுளித்தொழிலாளர்கள் அதிகளவில் பாதிப்படைந்துள்ளனர். 
இதைப்பற்றியெல்லாம் கண்டுகொள்ள அரசுக்கு நேரமில்லை. கரூர் மாவட்டத்தில் மணல் திருட்டு தொடர்ந்து நடந்து கொண்டிருப்பதால் நீர்மட்டம் குறைந்துவிட்டது. 
ரஜினி, கமல் ஆகியோர் விஜயகாந்துக்கு சினிமாவில் சீனியராக இருக்கலாம், ஆனால் அரசியலை பொறுத்தவரையில் ஜூனியர்தான். அவர்களது அரசியல் பிரவேசத்தால் தேமுதிகவுக்கு பாதிப்பு ஏற்படாது என்றார்.
மாவட்ட மகளிரணி செயலர் கமலம் தலைமை வகித்தார். கூட்டத்தில் கட்சியின் மாவட்டச் செயலர் கே.வி. தங்கவேல், துணைச் செயலர் சோமூர்ரவி, மாநில பொதுக்குழு உறுப்பினர் முருகன்சுப்பையா, நகரச் செயலர் காந்தி, ஒன்றியச் செயலர் ஜெயக்குமார் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/19/ரஜினி-கமலால்-தேமுதிகவுக்கு-பாதிப்பில்லை-2866332.html
2866331 திருச்சி கரூர் கார் மோதி முதியவர் சாவு DIN DIN Monday, February 19, 2018 08:23 AM +0530 கரூர் - கோவை தேசிய நெடுஞ்சாலையில்  ஞாயிற்றுக்கிழமை கார் மோதி முதியவர் இறந்தார்.
சின்னதாராபுரம் எம்.ஜி.ஆர் நகரைச் சேர்ந்தவர் கிட்டுசாமி (70), விவசாயி. கரூர் கோவை தேசிய நெடுஞ்சாலையில் உள்ள முருகன் பெட்ரோல் பங்க் அருகே ஞாயிற்றுக்கிழமை  மொபெட்டோடு நின்று கொண்டிருந்தபோது  கோவையிலிருந்து கரூர் நோக்கி வந்த அடையாளம் தெரியாத கார் மோதி பலத்த  காயமடைந்தார்.  மருத்துவம னைக்கு கொண்டு செல்லும் வழியில் இறந்தார். தென்னிலை போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/feb/19/கார்-மோதி-முதியவர்-சாவு-2866331.html
2866330 திருச்சி கரூர் கரூர் பேருந்து நிலையத்தை இடம் மாற்ற வலியுறுத்தல் DIN DIN Monday, February 19, 2018 08:22 AM +0530 கரூர் நகரில் போக்குவரத்து நெரிசலால் மக்கள் அவதியுறுவதைத் தடுக்கும் வகையில் பேருந்து நிலையத்தை வேறிடத்திற்கு மாற்ற வேண்டும் என தமிழக வாழ்வுரிமைக்கட்சி வலியுறுத்தியுள்ளது.
கரூரில் அக்கட்சியின் புதிய அலுவலகத் திறப்பு விழா மற்றும் புதிய மாவட்டச் செயலர் அறிமுகம்,  மாவட்ட நிர்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது.  
மாவட்டச் செயலர் இரா. கோவிந்தராஜ் தலைமை வகித்தார்.  மாவட்டத் தலைவர் சுப்ரமணி, பொருளாளர் செல்லமுத்து ஆகியோர் முன்னிலை வகித்தனர்.  
கூட்டத்தில் கட்சியின் புதிய மாவட்டச் செயலர் இரா. கோவிந்தராஜ் கட்சியினர் சிறப்பான ஒத்துழைப்பு வழங்குவது, பசுபதிபாளையம், பெரியகுளத்துப்பாளையம் ரயில்வே குகைவழிப்பாதை பணிகளை விரைந்து முடித்து மக்கள் பயன்பாட்டிற்கு விட வேண்டும். 
கரூர் நகரில் போக்குவரத்து நெரிசலால் மக்கள் மிகவும் அவதிக்குள்ளாகி வருவதைத் தடுக்க பேருந்து நிலையத்தை வேறு இடத்திற்கு மாற்ற வேண்டும்.  கரூர் அரசு மருத்துவக் கல்லூரி கட்டுமானப் பணிகளை விரைந்து முடித்து வரும் 2019-ம் ஆண்டில் மாணவர் சேர்க்கை நடத்த உரிய நடவடிக்கை எடுக்க வேண்டும்.  கோடை காலம் தொடங்கியுள்ள நிலையில் கரூர் மாவட்டத்தில் குடிநீர் தட்டுப்பாடு ஏற்படாத வகையில் மாவட்ட நிர்வாகம் முன்னெச்சரிக்கை நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 கூட்டத்தில் மாவட்ட தொழிற்சங்கச் செயலர் சந்திரசேகரன் மற்றும் மாவட்ட, ஒன்றிய, நகர  நிர்வாகிகள் திரளாகப் பங்கேற்றனர். நகரச் செயலர் குணசேகரன் வரவேற்றார். மாவட்ட இளைஞரணி செயலர் குழந்தைவேல் நன்றி கூறினார்.

]]>
http://www.dinamani.com/all-editions/edition-trichy/karur/2018/feb/19/கரூர்-பேருந்து-நிலையத்தை-இடம்-மாற்ற-வலியுறுத்தல்-2866330.html
2866329 திருச்சி கரூர் கரூர் அருகே போலிச் சான்றிதழ்: ஓட்டுநர் மீது வழக்கு DIN DIN Monday, February 19, 2018 08:22 AM +0530 போலிச் சான்றிதழ் கொடுத்து அரசுப் பேருந்து ஓட்டுநர் பணியில் சேர்ந்ததாக இளைஞர் மீது போலீஸார் வழக்குப்பதிந்து விசாரிக்கின்றனர்.
கரூர் மாவட்டம், கிருஷ்ணராயபுரம் அடுத்த கனமத்தம்பட்டியைச் சேர்ந்தவர் தங்கவேல் மகன் கல்யாணசுந்தரம் (29). இவர் கடந்த 24.2.2015-ல் நடைபெற்ற அரசு பேருந்து ஓட்டுநர் பணிக்கான தேர்வில் பங்கேற்று படிப்புக்கான போலி ஆவணங்களைக்கொடுத்து கரூர் திருமாநிலையூரில் உள்ள அரசுப் பேருந்து பணிமனையில் வேலைக்குச் சேர்ந்தாராம்.  
இதுதொடர்பாக கரூர் திருமாநிலையூர் அரசு போக்குவரத்துக்கழக பணிமனை நிர்வாக அலுவலர் பிலிப்ஜான்பீட்டர்(57) அளித்த புகாரின்பேரில் கரூர் பசுபதிபாளையம் போலீஸார் கல்யாண சுந்தரம் மீது வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/feb/19/கரூர்-அருகே-போலிச்-சான்றிதழ்-ஓட்டுநர்-மீது-வழக்கு-2866329.html
2866328 திருச்சி கரூர் 100 அரசுப் பள்ளி மாணவர்கள் இஸ்ரோவுக்கு களப்பயணம் DIN DIN Monday, February 19, 2018 08:22 AM +0530 கரூர் அரசுப் பள்ளி மாணவர்கள் 100 பேர் களப்பயணமாக ஞாயிற்றுக்கிழமை இஸ்ரோ விண்வெளி ஆராய்ச்சி மையத்திற்கு சென்றனர்.
பள்ளி கல்வித் துறையின் அனைவருக்கும் இடைநிலைக் கல்வித் திட்டத்தின் கீழ் கரூர் மாவட்டத்தில் அரசுப் பள்ளிகளில் பயிலும் 9-ம் வகுப்பு மாணவர்களிடையே அறிவியல் ஆராய்ச்சி 
குறித்து அறிவை ஊக்குவிக்கும் வகையில் கேரள மாநிலம் திருவனந்தபுரம் தும்பாவில் உள்ள இஸ்ரோ விண்வெளி ஆராய்ச்சி மையத்திற்கு 100 பேர் ஞாயிற்றுக்கிழமை அழைத்துச் செல்லப்பட்டனர்.
இரு பேருந்துகளில் கரூர் நகராட்சி ஆண்கள் மேல்நிலைப்பள்ளியில் இருந்து இரவு 9 மணியளவில் புறப்பட்டுச் சென்ற மாணவர்களை கரூர் மாவட்ட முதன்மைக்கல்வி அலுவலர் து. கணேசமூர்த்தி வழியனுப்பினார்.   இதுதொடர்பாக அனைவருக்கும் இடைநிலைக்கல்வித் திட்ட  மாவட்டத் உதவி திட்ட ஒருங்கிணைப்பாளர் க. கனகராஜ் கூறுகையில், அறிவியல் வளர்ச்சியில் விண்வெளி ஆராய்ச்சி குறிந்து அறிந்துகொள்ள செல்லும் மாணவர்களுடன் 5 ஆசிரியர்களும் செல்கிறார்கள்.  
19, 20 -ம் தேதி ஆகிய இருநாட்கள் விண்வெளி ஆராய்ச்சி மையத்தில் தங்கி அங்குள்ள அறிவியல் ஆய்வுக்கூடங்கள், விண்வெளிக்கு ராக்கெட்டுகள் அனுப்பும்  இடம் உள்ளிட்ட இடங்களைப் பார்வையிடுகிறார்கள். 
இதன் மூலம் மாணவர்களுக்கு விண்வெளி ஆராய்ச்சி மைய செயல்பாடுகளை அறிந்துகொண்டு, எதிர்காலத்தில் அவர்களும் விண்வெளி ஆராய்ச்சியாளர்களாக வரும் வாய்ப்புள்ளது. தொடர்ந்து மாணவர்கள் வரும் 21-ம் தேதி கரூர் வந்தடைவர் என்றார்.

]]>
http://www.dinamani.com/all-editions/edition-trichy/karur/2018/feb/19/100-அரசுப்-பள்ளி-மாணவர்கள்-இஸ்ரோவுக்கு-களப்பயணம்-2866328.html
2865500 திருச்சி கரூர் பிப்.22-இல் ஆட்சியரகத்தில் அரசு உறுதிமொழி குழுவினர் ஆய்வு DIN DIN Sunday, February 18, 2018 02:24 AM +0530 கரூர் மாவட்டத்தில் நிலுவையிலுள்ள உறுதிமொழிகளை தமிழ்நாடு சட்டப்பேரவை அரசு உறுதிமொழிக் குழு வரும் 22 ஆம் தேதி ஆய்வு செய்ய உள்ளதாக மாவட்ட ஆட்சியர் கு.கோவிந்தராஜ் தெரிவித்துள்ளார்.
இதுதொடர்பாக அவர் சனிக்கிழமை கூறியது: கரூர் மாவட்டத்தில் உள்ள உறுதிமொழிகள் நிலுவைகளை ஆய்வு செய்ய, தமிழ்நாடு சட்டப்பேரவை 2016-18 ஆம் ஆண்டிற்கு அமைக்கப்பட்ட அரசு உறுதிமொழிக்குழு தலைவர் சி. ராஜா (சங்ககிரி சட்டப்பேரவை உறுப்பினர்)  தலைமையில்  உறுப்பினர்களான பி.ஆர்.ஜி.அருண்குமார் (கோவை எம்எல்ஏ ), காஞ்சிபுரம் எம்எல்ஏ சி.வி.எம்.பி. எழிலரசன், திருப்பூர் (தெற்கு) எம்எல்ஏ சு. குணசேகரன், திருவையாறு எம்எல்ஏ துரை. சந்திரசேகரன், வி.க.நகர் (சென்னை) எம்எல்ஏ ப. சிவ குமார் (எ) தாயகம் கவி, மேலூர் எம்எல்ஏ  பெ.பெரியபுள்ளான் (எ) செல்வம், திருக்கோயிலூர் எம்எல்ஏ முனைவர் க.பொன்முடி, பத்மநாபபுரம் (கன்னியாகுமரி) எம்எல்ஏ த. மனோ தங்கராஜ், ஊத்தங்கரை எம்எல்ஏ நா.மனோரஞ்சிதம் உள்ளிட்ட 10 பேர் கொண்ட குழு கரூர் மாவட்டத்தில் நிலுவையில் உள்ள உறுதிமொழிகளை வரும் 22 ஆம் தேதி காலை 10 மணியளவில் ஆட்சியரக கூட்டரங்கில் ஆய்வு செய்ய உள்ளார்கள்.  இந்த ஆய்வுக் கூட்டத்தில் அனைத்துத் துறை உயர் அலுவலர்கள் பங்கேற்க உள்ளனர் என்றார்.

]]>
http://www.dinamani.com/all-editions/edition-trichy/karur/2018/feb/18/பிப்22-இல்-ஆட்சியரகத்தில்-அரசு-உறுதிமொழி-குழுவினர்-ஆய்வு-2865500.html
2865498 திருச்சி கரூர் பிப். 20-இல் வெள்ளியணையில்  மின் நிறுத்தம் DIN DIN Sunday, February 18, 2018 02:22 AM +0530 கரூர் மின்வாரிய கோட்டத்திற்குட்பட்ட கரூர், வெள்ளியணை துணை மின்நிலையங்களில் செவ்வாய்க்கிழமை (பிப். 20) மாதாந்திரமின் பராமரிப்புப் பணிகள் நடைபெற உள்ளது. இதனால் காமராஜபுரம், செங்குந்தபுரம்,  கே.வி.பி.நகர், பெரியார்நகர்,  ஜவஹர் பஜார்,  
திருமாநிலையூர்,  அக்ரஹாரம், காந்திநகர், இரத்தினம் சாலை, கோவை ரோடு,  வடிவேல் நகர், ராமானுஜம் நகர், திருக்காம்புலியூர், ஆண்டான்கோவில்,  செல்லாண்டிபாளையம்,  சுக்காலியூர், சேலம்-புறவழிச்சாலை பகுதி, ஆண்டாங்கோவில் ரோடு மற்றும் வெள்ளியணை, செல்லாண்டிபட்டி,  பால்வார்பட்டி, மணவாடி, கே.பிச்சம்பட்டி, ஜெகதாபி, தாளப்பட்டி,  மூக்கணாங்குறிச்சி, விஜயநகரம்,  கந்தசாரபட்டி,  முஷ்டகிணத்துப்பட்டி ஆகிய பகுதிகளில் செவ்வாய்க்கிழமை காலை 9 மணிமுதல் 5 மணி வரை மின் விநியோகம் இருக்காது என இதுதொடர்பாக கரூர் மின்வாரிய செயற்பொறியாளர் கு.சிவக்குமார் வெளியிட்டுள்ள செய்திக்குறிப்பில் தெரிவித்துள்ளார்.

]]>
http://www.dinamani.com/all-editions/edition-trichy/karur/2018/feb/18/பிப்-20-இல்-வெள்ளியணையில்--மின்-நிறுத்தம்-2865498.html
2865496 திருச்சி கரூர் யுத்த முனையில் 3 லட்சம் குழந்தைப் போராளிகள்: கரூர் சிஐஐ தலைவர் தகவல் DIN DIN Sunday, February 18, 2018 02:21 AM +0530 உலகம் முழுவதும் யுத்தமுனையில் மூன்று லட்சத்துக்கும் மேற்பட்ட குழந்தை போராளிகள் ஈடுபடுத்தப்படுகிறார்கள் என்றார் கரூர் சிஐஐ தலைவர் வீரா ராஜேந்திரன்.
கரூரில் சைக்கோ அறக்கட்டளை சார்பில் அண்மையில் தூய மரியன்னை பள்ளியில் நடைபெற்ற சிவப்பு கைகள் பிரதியெடுப்பு உலக விழாவை முன்னிட்டு பள்ளி மாணவ, மாணவிகள் பிரசாரத்தை தொடங்கி வைத்து அவர் மேலும் பேசியது: 
உலகம் முழுவதும் யுத்த முனையில் மூன்று லட்சத்திற்கும் அதிகமான குழந்தைப் போராளிகள் ஈடுபடுத்தப்படுகிறார்கள். இவர்களில் பெரும்பான்மையான பெண் குழந்தைகள் பாலியல் சித்தரவதைகளுக்கு உள்ளாக்கப்பட்டும், இயல்பான குழந்தைத்தனங்கள் சிதைக்கப்பட்டு சாவின் வாசலில் நிறுத்தப்பட்டிருக்கிறார்கள் என்றார்.
விழாவில், சிறப்புரையாற்றிய தூய மரியன்னை பள்ளி தாளாளர் அருட்தந்தை ஹென்றி லாரன்ஸ், குழந்தைகள் உரிமைகள் பல விதங்களில் இன்று மீறப்பட்டு வருகின்றது. உலகளவிலான நடவடிக்கைகள் மூலம் குழந்தைகள் உரிமைகளை மீட்க வேண்டும் என்றார்.
விழாவில் நோக்க உரையாற்றிய சைக்கோ அறக்கட்டளையின் இயக்குநர் கிறிஸ்துராஜ்,  உலகம் முழுவதும் குழந்தைப் போராளிகளை மீட்க டெரடஸ் கோம்ஸ் ஜெர்மனி என்ற தன்னார்வ நிறுவனம், சைக்கோ அறக்கட்டளை போன்ற நிறுவனங்களுடன் இணைந்து 3 லட்சத்துக்கும் அதிகமான குழந்தைகளின் சிகப்பு கைகளை பதிவு செய்து ஐ.நா சபையிடம் கோரிக்கை வைக்கப்படும் என்றார். 
முன்னதாக தூய மரியன்னை பள்ளி தலைமை ஆசிரியர் பத்திநாதன் வரவேற்றார். விழாவில், சித்தர் நிறுவனத்தின் இயக்குநர் சேதுலிங்கன், சைக்கோ அறக்கட்டளையின் பிலோராணி, பிருந்தாதேவி, சந்தியா மாயா ஆகியோர் பேசினர். பள்ளி உதவி தலைமை ஆசிரியர் பால் சேவியர் நன்றி கூறினார்.

போட்டியில்,  வெற்றிபெறுவோருக்கு சான்றிதழ் மற்றும் கோப்பைகள் வழங்கப்பட உள்ளன.

]]>
http://www.dinamani.com/all-editions/edition-trichy/karur/2018/feb/18/யுத்த-முனையில்-3-லட்சம்-குழந்தைப்-போராளிகள்-கரூர்-சிஐஐ-தலைவர்-தகவல்-2865496.html
2865494 திருச்சி கரூர் மாநில பூப்பந்தாட்டப் போட்டி தொடக்கம் DIN DIN Sunday, February 18, 2018 02:21 AM +0530 கரூரில் மாநில அளவிலான சப்-ஜூனியர் பூப்பந்தாட்டப் போட்டிகள் சனிக்கிழமை துவங்கியது.
கரூர் பி ஸ்குயர் கிளப் சார்பில் சனிக்கிழமை மற்றும் ஞாயிற்றுக்கிழமை என இரு நாட்கள் நடைபெறும் இப்போட்டியை கதிரேசன், தியாகராஜன் ஆகியோர் துவக்கி வைத்தனர். போட்டிகள் 10, 13,15,17 வயதுக்குட்பட்ட மாணவ, மாணவிகளுக்கு ஒற்றையர் மற்றும் இரட்டையர் என இரு பிரிவுகளில் நடைபெறுகிறது. 
இதில் கோவை, திண்டுக்கல், ஈரோடு, கரூர், மதுரை, நாமக்கல், சேலம், 
தஞ்சாவூர், திருப்பூர், திருச்சி ஆகிய மாவட்டங்களைச் சேர்ந்த 400 வீரர், வீராங்கனைகள் பங்கேற்றனர்.
 கால் இறுதி, அரையிறுதி மற்றும் இறுதி போட்டிகள் ஞாயிற்றுக்கிழமை நடைபெறுகிறது. 

]]>
http://www.dinamani.com/all-editions/edition-trichy/karur/2018/feb/18/மாநில-பூப்பந்தாட்டப்-போட்டி-தொடக்கம்-2865494.html
2865492 திருச்சி கரூர் டெங்கு தடுப்பு நடவடிக்கை செலவின தொகையை அரசு வழங்க வலியுறுத்தல் DIN DIN Sunday, February 18, 2018 02:20 AM +0530 டெங்கு தடுப்பு நடவடிக்கையால் பேரூராட்சிகளுக்கு மாதம் ரூ.5 லட்சம் நிதிச்சுமை ஏற்படுவதை தவிர்க்க செலவினத்தொகையை அரசே ஏற்க வேண்டும் என பேரூராட்சி ஊழியர் சங்கம் வலியுறுத்தியுள்ளது.
கரூரில் அச்சங்கத்தின் மாநில செயற்குழுக்கூட்டம் மாவட்டத் தலைவர் மாதேஸ்வரன் தலைமையில் சனிக்கிழமை நடைபெற்றது. 
கூட்டத்தில், மாநிலச் செயலாளர் எஸ். கனகராஜ், மாநிலத் தலைவர் சு. உமா ராணி ஆகியோர் சிறப்புரையாற்றினர். கூட்டத்தில், 1.1.2016-இல் வெளியிடப்பட்ட அனைத்து நிலை செயல் அலுவலர் முன்னுரிமை பட்டியலின் அடிப்படையில் பட்டியல் வெளியிட்டு பதவி உயர்வு வழங்கிட பேரூராட்சிகளின் இயக்குநரைக் கேட்டுக்கொள்வது,  இரண்டாம் நிலை செயல் அலுவலர்களுக்கான பதவி உயர்வு ஆணை வழங்க வேண்டும்.  அரசாணை அடிப்படையிலும்,  உள்ளாட்சி தணிக்கையில் சுட்டிக்காட்டியவாறு திறந்தவெளி ஒப்பந்தப் புள்ளி முறையை அமல்படுத்திட வேண்டும், 
நோய்த் தடுப்பு மற்றும் பொருளாதாரத் துறையால் மேற்கொள்ளப்பட வேண்டிய டெங்கு தடுப்பு நடவடிக்கையை பேரூராட்சித் துறை மேற்கொள்வதால் மாதம் ஒன்றுக்கு ரூ.5 லட்சம் வரை ஆகும் செலவினத்தை பேரூராட்சி நிதியில் இருந்து மேற்கொள்வதால் பேரூராட்சிகளில் நிதிச்சுமை ஏற்பட்டுள்ளது. 
எனவே டெங்கு தடுப்பு நடவடிக்கையில் செலவிடப்பட்ட அனைத்து செலவினத் தொகையை பேரூராட்சிகளுக்கு அரசிடம் இருந்து வழங்க பேரூராட்சிகளின் இயக்குநர் நடவடிக்கை எடுக்க வேண்டும் எனக் கேட்டுகொள்வது என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-trichy/karur/2018/feb/18/டெங்கு-தடுப்பு-நடவடிக்கை-செலவின-தொகையை-அரசு-வழங்க-வலியுறுத்தல்-2865492.html
2865491 திருச்சி கரூர் ரூ.1.04 கோடியில் வளர்ச்சிப் பணிகள்: ஆட்சியர் ஆய்வு DIN DIN Sunday, February 18, 2018 02:20 AM +0530 கரூர் ஊராட்சி ஒன்றியப் பகுதியில் பண்ணைக் குட்டை அமைத்தல் பணி உள்ளிட்ட ரூ.1.05 கோடி மதிப்பில் நடைபெற்று வரும் வளர்ச்சிப் பணிகளை ஆட்சியர் கு.கோவிந்தராஜ் சனிக்கிழமை நேரில் பார்வையிட்டு ஆய்வு மேற்கொண்டார்.
ஆத்தூர் பூலாம்பாளையம் ஊராட்சி, வீரசோளி பாளையத்தில் ரூ.15 லட்சம் மதிப்பில் கட்டப்பட்டு வரும் சமுதாயக் கூடத்திற்கு பயன்படுத்தும் கட்டுமானப் பொருட்களின் தரம், ரூ.30 லட்சம் மதிப்பில் அம்மா பூங்கா மற்றும் ஜிம் அமைக்கும் பணி ஆகியவற்றை ஆட்சியர் பார்வையிட்டு ஆய்வு மேற்கொண்டார்.  பின்னர் வடமலைக்கவுண்டன்புதூர் பகுதியில் ரூ.10 லட்சம் மதிப்பில் கட்டி முடிக்கப்பட்ட சமுதாயக் கூடத்தை பார்வையிட்டு சமுதாயக் கூடத்தின் முன்பகுதியில் கொட்டகை அமைத்து அப்பகுதியில் பலவகை அழகு செடிகளை நடவு செய்ய வட்டார வளர்ச்சி அலுவலருக்கு உத்தரவிட்டார்.  அதேபகுதியில் ரூ.8 லட்சம் மதிப்பில் நிலத்தடி நீர் சேகரிக்கும் உறிஞ்சு குழி அமைக்கும் பணியை விரைவாக முடிக்க பொறியாளருக்கு ஆலோசனை வழங்கினார்.
    மேலும், வேட்டமங்கலம் ஊராட்சி நத்தமேடு பகுதியில் ஒரு இலட்சம் மதிப்பில் மகாத்மா காந்தி தேசிய ஊரக வேலை உறுதித் திட்டத்தின் கீழ் பண்ணை குட்டை அமைக்கும் பணியினை பார்வையிட்டு மழைக்காலத்தில் குட்டைக்கு தண்ணீர் வரும் வரத்துவாரிகளை கண்டறிந்து அவைகளையும் சீர் செய்ய பொறியாளர்களுக்கு ஆலோசனை வழங்கினார்.  பின்னர் பங்களா நகர் பகுதியில் ரூ.30 லட்சம் மதிப்பில் புதிதாக அம்மா பூங்கா மற்றும் ஜிம் அமைக்கப்படுவதை பார்வையிட்ட ஆட்சியர் மரத்தை வெட்டாமல் இயற்கை சூழலில் பூங்கா அமைக்கவும், அதை தரமாகவும், விரைவாகவும் முடிக்க வட்டார வளர்ச்சி அலுவலருக்கு உத்தரவிட்டார்.
பின்னர் திருக்காடுதுறை ஊராட்சியில் ரூ.1.80 லட்சம் மதிப்பில் பயனாளி ஒருவர் கட்டி வரும் சூரிய மின்சக்தியுடன் கூடிய பசுமை வீடு கட்டும் பணியை பார்வையிட்டு கட்டுமானப் பொருட்கள் தேவைக்கேற்ப கிடைப்பதை உறுதி செய்து கொண்டு பேச்சிப்பாறை பகுதியில் பிரதம மந்திரி வீடு கட்டும் திட்டத்தின் கீழ் தலா ரூ.1.70  லட்சம் மதிப்பில் 5 வீடுகள் கட்டும் பணி என மொத்தம் ரூ.1.04 கோடி மதிப்பில் நடைபெற்று வரும் பணிகளை பார்வையிட்டு விரைந்து முடிக்குமாறு வட்டார வளர்ச்சி அலுவலர் மற்றும் ஒன்றிய பொறியாளர்களுக்கு ஆட்சியர் உத்தரவிட்டார்.
ஆய்வின்போது, மாவட்ட ஊரக வளர்ச்சி முகமை திட்ட இயக்குநர் எஸ்.கவிதா, செயற்பொறியாளர் சடையப்பன், உதவி செயற்பொறியாளர் மீனாகுமாரி, வட்டார வளர்ச்சி அலுவலர் அன்புசெல்வன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/karur/2018/feb/18/ரூ104-கோடியில்-வளர்ச்சிப்-பணிகள்-ஆட்சியர்-ஆய்வு-2865491.html
2865179 திருச்சி கரூர் தண்டவாளத்தில் உடல் துண்டான  நிலையில் ஆண் சடலம் மீட்பு DIN DIN Saturday, February 17, 2018 08:52 AM +0530 கரூரில் ரயில் தண்டவாளத்தில் உடல் துண்டான நிலையில் கிடந்த ஆண் சடலம் குறித்து போலீஸார் விசாரணை நடத்தி வருகின்றனர்.
கரூர் வடக்குகாந்திகிராமம் அருகேயுள்ள ரயில் தண்டவாளத்தில் 50 வயது மதிக்கத்தக்க முதியவர் உடல் தலை வேறு, உடல் வேறாக  ரயிலில் அடிபட்டு துண்டிக்கப்பட்ட நிலையில் வெள்ளிக்கிழமை மாலை கிடந்தது. இதைக்கண்ட அப்பகுதியினர் கரூர் ரயில் நிலைய போலீஸாருக்கு தகவல் தெரிவித்தனர். இதையடுத்து போலீஸார் சம்பவ இடத்திற்கு சென்று சடலத்தை மீட்டு கரூர் அரசு மருத்துவமனைக்குஅனுப்பி வைத்து, வழக்குப்பதிந்து விசாரித்து வருகின்றனர்.
 

]]>
http://www.dinamani.com/all-editions/edition-trichy/karur/2018/feb/17/தண்டவாளத்தில்-உடல்-துண்டான--நிலையில்-ஆண்-சடலம்-மீட்பு-2865179.html
2865177 திருச்சி கரூர் மின் ஊழியர்கள் ஆர்ப்பாட்டம் DIN DIN Saturday, February 17, 2018 08:52 AM +0530 கோரிக்கைகளை வலியுறுத்தி கரூர் மாவட்டத்தில் மின்வாரிய ஊழியர்கள் வெள்ளிக்கிழமை வேலைநிறுத்தம் செய்து ஆர்ப்பாட்டத்தில் ஈடுபட்டனர்.
காலியிடங்களை நிரப்பிட வேண்டும், 27 மாத கால நிலுவையை வழங்கிட வேண்டும், ஊதிய உயர்வு வேண்டும் என்பன உள்ளிட்ட கோரிக்கைகளை வலியுறுத்தி தமிழகம் முழுவதும் மின்வாரிய தொழிலாளர்கள் வேலைநிறுத்தம் செய்து ஆர்ப்பாட்டத்தில் ஈடுபட்டனர். கரூரில் கோவை சாலையில் உள்ள மின்வாரிய அலுவலகம் முன் நடைபெற்ற ஆர்ப்பாட்டத்துக்கு மாவட்டத் தலைவர் குமரேசன் தலைமை வகித்தார். இதில் மின்வாரிய ஊழியர்கள் திரளாகப் பங்கேற்று தமிழக அரசுக்கு எதிராக கோஷங்களை எழுப்பினர்.

]]>
http://www.dinamani.com/all-editions/edition-trichy/karur/2018/feb/17/மின்-ஊழியர்கள்-ஆர்ப்பாட்டம்-2865177.html
2865175 திருச்சி கரூர் தினகரன் ஆதரவாளர்கள் கொண்டாட்டம் DIN DIN Saturday, February 17, 2018 08:52 AM +0530 கரூரில் தினகரன் ஆதரவாளர்கள் பட்டாசு வெடித்தும், பொதுமக்களுக்கு இனிப்பு வழங்கியும் கொண்டாடினர்.
கரூரில் தினகரன் ஆதரவாளர்களை அதிமுக கட்சி மேலிடம் அடிப்படை உறுப்பினர் பதவியில் இருந்து நீக்கி வெள்ளிக்கிழமை பட்டியல் வெளியிட்டது. இதை வரவேற்கும் வகையில் தினகரன் ஆதரவாளர்கள் கரூரில் முன்னாள் அரவக்குறிச்சி தொகுதிச் செயலர் எஸ்பி. லோகநாதன் தலைமையில் கரூர் பேருந்து நிலைய ரவுண்டானா பகுதியில் பட்டாசு வெடித்து, பொதுமக்களுக்கு இனிப்பு வழங்கி கொண்டாடினர். நிகழ்ச்சியில் தாரணிசரவணன், முரளி, கோல்டுஸ்பாட் ராஜா, வேங்கை ராமச்சந்திரன், வழக்குரைஞர் விஜயகுமார், விவேகானந்தன், காதப்பாறை முன்னாள் ஊராட்சித் தலைவர் ஏ. தங்கவேல் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/feb/17/தினகரன்-ஆதரவாளர்கள்-கொண்டாட்டம்-2865175.html
2865174 திருச்சி கரூர் குளித்தலையில் திட்டப் பணிகளுக்கு பூமிபூஜை DIN DIN Saturday, February 17, 2018 08:52 AM +0530 குளித்தலை சட்டப்பேரவைத் தொகுதிக்குட்பட்ட பகுதிகளில் ரூ. 4.25 கோடியில் புதிய திட்டப் பணிகளுக்கு பூமிபூஜை வெள்ளிக்கிழமை நடைபெற்றது.
கரூர் மாவட்டம், குளித்தலை சட்டப்பேரவைத் தொகுதிக்குட்பட்ட அய்யர்மலை அரசு கலைக் கல்லூரியில்  மாவட்ட ஆட்சியர் கு. கோவிந்தராஜ்  தலைமையில்  போக்குவரத்துத் துறை அமைச்சர் எம்.ஆர். விஜயபாஸ்கர் ரூ. 3.56 கோடியில் 16 வகுப்பறைகள் மற்றும் 3 அறிவியல் ஆய்வுக்கூடங்கள் கட்டவும், தோகைமலை ஒன்றியம், கூடலூர் ஊராட்சியில் குன்னாகவுண்டன்பட்டி முதல் பேரூர் தேசியமங்கலம் சாலை வரை ரூ. 45.50 லட்சத்தில் தார்ச்சாலை அமைக்கும் பணி, கழுகூர் ஊராட்சி, மணப்பாறை சாலை முதல் செம்பாறை கல்லுப்பட்டி வரை ரூ. 23.65 லட்சத்தில் தார்ச்சாலை அமைக்கும் பணி என மொத்தம்  ரூ. 4.25 கோடியி ல் பணிகளைத் தொடங்கி வைத்து பணிகளை விரைவாக முடித்து பொதுமக்கள் பயன்பாட்டிற்கு கொண்டுவர அலுவலர்களுக்கு அறிவுரை வழங்கினார்.
வருவாய்க் கோட்டாட்சியர் கு. விமல்ராஜ், கல்லூரி முதல்வர் டாக்டர் அன்பரசு உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/17/குளித்தலையில்-திட்டப்-பணிகளுக்கு-பூமிபூஜை-2865174.html
2865172 திருச்சி கரூர் உலக திறனாய்வாளர்களைக் கண்டறிய  பிப்.20-ல் மாவட்ட தடகளப்போட்டி: 6,7,8 -ம் வகுப்பு மாணவர்களுக்கு அழைப்பு DIN DIN Saturday, February 17, 2018 08:51 AM +0530 சர்வதேச அளவில் உலகத் திறனாய்வாளர்களைக் கண்டறியும் வகையில் கரூரில் மாவட்ட அளவிலான தடகளப் போட்டிகள் வரும் 20-ம் தேதி நடைபெற உள்ளது.
இதுதொடர்பாக மாவட்ட ஆட்சியர் கு. கோவிந்தராஜ் வெளியிட்ட செய்திக்குறிப்பு:
தமிழ்நாடு விளையாட்டு மேம்பாட்டு ஆணைய கரூர் மாவட்ட விளையாட்டுப் பிரிவின் சார்பாக, 2017 -2018 ம் ஆண்டுக்கான உலகத் திறனாய்வுத் திட்டத்தின் கீழ் கல்வி மாவட்ட  அளவிலான   விளையாட்டுப் போட்டிகளில் பங்கேற்க  6, 7 மற்றும் 8 ம்  வகுப்பு  மாணவ, மாணவிகளுக்கு உடற்திறன் தேர்வுப் போட்டி வரும் 20-ம் தேதி காலை 9 மணிக்கு கரூர் மாவட்ட விளையாட்டரங்கில் நடைபெற உள்ளது. போட்டியில்  பங்கேற்கும் மாணவ, மாணவியர்கள்   வயதுச் சான்றிதழை பள்ளித்  தலைமையாசிரிடமிருந்து பெற்று வர வேண்டும்.  இதில் பங்கேற்கும் 6-ம் வகுப்பு மாணவ, மாணவிகள் 1.1.2005 அன்றோ அல்லது அதற்கு பின்னரோ  பிறந்திருத்தல் வேண்டும்.  7-ம் வகுப்பு மாணவ , மாணவிகள் 1.1.2004 அன்றோ அல்லது அதற்கு பிறகோ பிறந்திருத்தல் வேண்டும்.  8-ம் வகுப்பு மாணவ , மாணவிகள் 1.1.2003 அன்றோ அல்லது அதற்கு பின்னரோ பிறந்திருத்தல் வேண்டும்.  
தடகள விளையாட்டில் மாணவ, மாணவிகளுக்கு 100 மீ, 200 மீ, 400 மீ, குண்டு எறிதல், உயரம் தாண்டுதல், நீளம் தாண்டுதல் ஆகிய  பிரிவுகளில்  போட்டிகள் நடைபெறும். முதல் மூன்று இடங்களைப் பெறும்  வீரர், வீராங்கனைகளுக்கு வகுப்பு வாரியாக  பரிசு, சான்றிதழ் வழங்கப்படும். போட்டி நடைபெறும் நாளன்று காலை 9 மணிக்கு போட்டி நடைபெறும் இடத்திற்கு வந்து சேர வேண்டும். ஒரு   மாணவர் , மாணவி தடகள  விளையாட்டில்   ஏதேனும் 2  போட்டியில் மட்டுமே  பங்கேற்கலாம். எனவே கரூர் மாவட்டத்திலுள்ள அனைத்துப்பள்ளி அரசு மேல், உயர், மெட்ரிக் மேல், உயர், நடுநிலைப்பள்ளி தலைமையாசிரியர்கள் தங்கள் பள்ளியில் பயிலும் 6, 7, 8 -ம் வகுப்புகளைச் சேர்ந்த மாணவ, மாணவிகளை  மேற்கண்ட போட்டியில், அதிகளவில் கலந்து கொள்ள அனுப்பி வைக்க வேண்டும்.
 

]]>
http://www.dinamani.com/all-editions/edition-trichy/karur/2018/feb/17/உலக-திறனாய்வாளர்களைக்-கண்டறிய--பிப்20-ல்-மாவட்ட-தடகளப்போட்டி-678--ம்-வகுப்பு-மாணவர்களுக்கு-அழைப்-2865172.html
2865167 திருச்சி கரூர் தேவாரம், தமிழிசைப் போட்டி: பரணிபார்க் பள்ளி சிறப்பிடம் DIN DIN Saturday, February 17, 2018 08:48 AM +0530 மாநில தேவாரம், தமிழிசை போட்டியில் பரணிபார்க் மாணவர்கள் சிறப்பிடம் பிடித்துள்ளனர்.
கோவையில் குமரகுரு தொழில்நுட்பக்கல்லூரி மற்றும் மங்கையர்க்கரசியார் அறக்கட்டளை சார்பில் அண்மையில் மாநில அளவிலான தேவாரம், தமிழிசை பாடல் போட்டிகள் நடைபெற்றன. இதில் மாநிலம் முழுவதும் இருந்து 50 பள்ளிகளைச் சேர்ந்த 200-க்கும் மேற்பட்ட மாணவ, மாணவிகள் பங்கேற்றனர். தேவாரம், திருவாசகம், சிவபுராணம்,  திருப்புகழ் பாடல் போட்டிகளில் கரூர்பரணிபார்க் பள்ளி மாணவிகள் பிரகதி, கனிகா, ஜனனி, அனுஸ்ரீ ஆகியோர் சிறப்பிடம் பிடித்தனர்.
இவர்களை பள்ளித் தாளாளர் எஸ். மோகனரெங்கன், செயலர் பத்மாவதி மோகனரெங்கம், முதன்மை முதல்வர் சொ. ராமசுப்ரமணியன், பள்ளியின் அறநெறி ஆசிரியர்கள் சிவகாஞ்சனா, மகாலட்சுமி, கௌசல்யா உள்ளிட்டோர் பாராட்டினர். 
 

]]>
http://www.dinamani.com/all-editions/edition-trichy/karur/2018/feb/17/தேவாரம்-தமிழிசைப்-போட்டி-பரணிபார்க்-பள்ளி-சிறப்பிடம்-2865167.html
2864273 திருச்சி கரூர் மதுக்கடை காவலாளி கொலையில் திருச்சியைச் சேர்ந்த இருவர் கைது DIN DIN Friday, February 16, 2018 08:05 AM +0530 கரூர் அருகே அரசு மதுக்கடை காவலாளி கொலையில் திருச்சியைச் சேர்ந்த இருவரைப் போலீஸார் கைது செய்தனர்.
கரூர் பெரியகோதூரைச் சேர்ந்தவர் காளியப்பன் (60). இவர், அதே பகுதியில் உள்ள அரசு மதுக்கடையில் இரவுநேரக் காவலாளியாக வேலைபார்த்து வந்தார். கடந்த மாதம் 6 ஆம் தேதி இரவு மர்ம நபர்கள் மதுக்கடையின் பூட்டை உடைத்து கொள்ளையடிக்க முயன்றபோது, தடுத்த காளியப்பனைக் கட்டையால் அடித்துக்கொலை செய்துவிட்டு தப்பி ஓடிவிட்டனர். 
இதுகுறித்து மாவட்ட காவல் கண்காணிப்பாளர் டிகே. ராஜசேகரன் உத்தரவின்பேரில் நகர துணைக்காவல் கண்காணிப்பாளர் கும்மராஜா தலைமையில் வெங்கமேடு காவல் ஆய்வாளர் செந்தில்குமார் உள்ளிட்டோர் தலைமையில் தனிப்படை அமைக்கப்பட்டது.
இந்நிலையில் இந்த தனிப்படையினர் விசாரித்து கொலையாளிகளான திருச்சி மாவட்டம் ஸ்ரீரங்கம் நாகமலை கிராமத்தைச் சேர்ந்த சுலைமான் மகன் அல்லாபிச்சை, அவரது நண்பரும், திருச்சி குட்ஷெட் ரோடு முதலியார் சத்திரம் பகுதியைச் சேர்ந்தவருமான தர்மா (25) ஆகியோரை வியாழக்கிழமை கைது செய்தனர். 
கைதான இருவரையும் கரூர் குற்றவியல் நடுவர் நீதிமன்றம் 1-இல் ஆஜர்படுத்தி 15 நாட்கள் காவலுக்கு திருச்சி மத்திய சிறையில் அடைத்தனர்.
 

]]>
http://www.dinamani.com/all-editions/edition-trichy/karur/2018/feb/16/மதுக்கடை-காவலாளி-கொலையில்-திருச்சியைச்-சேர்ந்த-இருவர்-கைது-2864273.html
2864254 திருச்சி கரூர் மறியல்: சத்துணவு ஊழியர்கள் 92 பேர் கைது DIN DIN Friday, February 16, 2018 07:59 AM +0530 கரூரில் பல்வேறு கோரிக்கைகளை வலியுறுத்தி, சாலை மறியல் போராட்டத்தில் ஈடுபட்ட 76 பெண்கள் உள்பட 92 சத்துணவு ஊழியர்களைப் போலீஸார் கைது செய்தனர்.
சிறப்பு காலமுறை ஊதியத்தை மாற்றி காலமுறை ஊதியம் வழங்க வேண்டும், வரையறுக்கப்பட்ட குடும்ப பாதுகாப்புடன் கூடிய ஓய்வூதியம் வழங்கிட வேண்டும், பணிக்கொடை ரூ.5 லட்சம் வழங்க வேண்டும், உணவு மானியம் ரூ. 5 ஆக உயர்த்தி வழங்க வேண்டும், சத்துணவு அமைப்பாளர், சமையலர், உதவியாளர்களுக்கு பதவி உயர்வு வழங்க வேண்டும், காலிப்பணியிடம் வழங்க வேண்டும் என்பன உள்ளிட்ட கோரிக்கைகளை வலியுறுத்தி, சத்துணவு ஊழியர்கள் போராட்டத்தில் ஈடுபட்டு வருகிறார்கள். 
தொடர்ந்து கரூரில் சத்துணவு ஊழியர்கள் வியாழக்கிழமை வட்டாட்சியர் அலுவலகம் முன்பு ஆர்ப்பாட்டத்தில் ஈடுப்பட்டனர். ஆர்ப்பாட்டத்துக்கு மாவட்டத் தலைவர் வி.டி. ராஜேந்திரன் தலைமை வகித்தார். துணைத் தலைவர் ஆர். மாரிமுத்து வரவேற்றார். கோரிக்கைகளை விளக்கி மாவட்டச் செயலாளர் எம். சுந்தரம் பேசினார். மாவட்ட நிர்வாகிகள் பாஸ்கரன், நிர்மலா உள்ளிட்டோர் முன்னிலை வகித்தனர். மாநில பொதுச் செயலாளர் மு. கண்ணன் சிறப்புரையாற்றினார்.  இதையடுத்து ஆர்ப்பாட்டத்தில் ஈடுபட்ட சத்துணவு ஊழியர்கள் ஜவஹர் சாலையில் அமர்ந்து திடீரென சாலை மறியல் போராட்டத்தில் ஈடுபட்டனர். இதையடுத்து அங்கு நகர காவல் ஆய்வாளர் பிருத்விராஜ் தலைமையில் பாதுகாப்பு பணியில் ஈடுபட்ட போலீஸார் போராட்டத்தில் ஈடுபட்ட76 பெண்கள் உள்பட 92 பேரைக் கைது செய்தனர்.
 

]]>
http://www.dinamani.com/all-editions/edition-trichy/karur/2018/feb/16/மறியல்-சத்துணவு-ஊழியர்கள்-92-பேர்-கைது-2864254.html
2864244 திருச்சி கரூர் ரேஷன் கடை பூட்டை உடைத்து பொருள்கள் திருட்டு DIN DIN Friday, February 16, 2018 07:56 AM +0530 கரூர் மாவட்டம், சிந்தாமணிப்பட்டி அருகே ரேஷன் கடையின் பூட்டை உடைத்து ரூ.13,000 மதிப்புள்ள சர்க்கரை, பருப்பு, பாமாயிலை திருடிச் சென்ற மர்ம நபர்களைப் போலீஸார் தேடி வருகின்றனர்.
சிந்தாமணிப்பட்டி அருகே உள்ள தொண்டமாங்கிணம் ஊராட்சிக்குட்பட்ட குள்ளரெங்கன்பட்டியில் ரேஷன் கடை செயல்பட்டு வருகிறது. இந்த ரேஷன் கடையை செவ்வாய்க்கிழமை பணி முடிந்ததும் மாலையில் வழக்கம்போல் பூட்டிவிட்டுச் சென்றுள்ளனர். இந்நிலையில் புதன்கிழமை காலை கடையைத் திறக்கச்சென்றபோது, கடையின் பூட்டு உடைக்கப்பட்டு உள்ளே இருந்த 440 கிலோ சர்க்கரை, 43 கிலோ பருப்பு, 42 லிட்டர் பாமாயில் பாக்கெட்டுகள் ஆகியவற்றை மர்ம நபர்கள் திருடிச் சென்றிருப்பது தெரியவந்தது. இதுதொடர்பாக தொண்டமாங்கிணம் கூட்டுறவு பண்டக சாலையின் தலைவர் அண்ணாவி (48) அளித்த புகாரின்பேரில் சிந்தாமணிப்பட்டி போலீஸார் வழக்குப்பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-trichy/karur/2018/feb/16/ரேஷன்-கடை-பூட்டை-உடைத்து-பொருள்கள்-திருட்டு-2864244.html
2864243 திருச்சி கரூர் மின் கம்பி உரசி தீ விபத்து: ஜேசிபி, லாரி எரிந்து சேதம் DIN DIN Friday, February 16, 2018 07:55 AM +0530 ஜேசிபி இயந்திரம் ஏற்றிச் சென்ற டாரஸ் லாரி மீது மின்கம்பி உரசி ஏற்பட்ட தீ விபத்தில் லாரியும், ஜேசிபி இயந்திரமும் முற்றிலும் எரிந்து சேதமடைந்தது.
 திருநெல்வேலி மாவட்டம் விகே.புரம் கருவிந்தா பகுதியைச் சேர்ந்தவர் காசி (44). இவர் கரூரில் இருந்து டாரஸ் லாரியில் ஜேசிபி இயந்திரத்தை ஏற்றிக்கொண்டு திருநெல்வேலி நோக்கி புதன்கிழமை சென்றார். லாரி கரூர்-ஈசநத்தம் சாலையில் பாகநத்தம் குளிக்கால்பாறை பகுதியில் சென்றபோது மேலே சென்ற மின்கம்பி ஜேசிபி இயந்திரத்தில் உரசி திடீரென தீப்பற்றியது. இதில் லாரி மற்றும் ஜேசிபி இயந்திரம் முற்றிலும் எரிந்து சேதமடைந்தது. இதன் மதிப்பு ரூ.21 லட்சம் என கூறப்படுகிறது. இதுகுறித்து வெள்ளியணை போலீஸார் வழக்குப்பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/karur/2018/feb/16/மின்-கம்பி-உரசி-தீ-விபத்து-ஜேசிபி-லாரி-எரிந்து-சேதம்-2864243.html
2864242 திருச்சி கரூர் ஆசிரியர் கண்டித்ததால் விஷம் குடித்த மாணவர் DIN DIN Friday, February 16, 2018 07:55 AM +0530 கரூர் அருகே ஆசிரியர் கண்டித்ததால் பிளஸ்-2 மாணவர் விஷம் குடித்தார். 
கரூர் மாவட்டம் உப்பிடமங்கலம் அருகே உள்ள ஜோதிமடத்தைச்  சேர்ந்தவர் வெங்கடாசலம்.  இவரது மகன் பிரகாஷ்(18). இவர் உப்பிடமங்கலம் அரசு மேல்நிலைப்பள்ளியில் பிளஸ்-2 படித்து வருகிறார்.  இந்நிலையில் பள்ளியில் பிளஸ்-2 மாணவர்களுக்கு தனியாக வகுப்புகள் நடந்து வருவதாகக் கூறப்படுகிறது. வியாழக்கிழமை மதியம் மாணவர் பிரகாஷ் பள்ளி வகுப்பறைக்குச் செல்லாமல் நண்பர்களுடன் விளையாடியதால் பள்ளிதலைமை ஆசிரியர் தமிழ்மணி மாணவரைக் கண்டித்தாராம்.  இதில் மனமுடைந்த பிரகாஷ் வீட்டிற்குச் சென்றவுடன் அரளி விதையை அரைத்து குடித்து மயங்கிக் கிடந்துள்ளார். இதனை அவனது பெற்றோர் உடனே மாணவனை மீட்டு புலியூரில் உள்ள தனியார் மருத்துவமனையில் சேர்த்தனர். அங்கு மாணவருக்கு சிகிச்சை அளிக்கப்பட்டு வருகிறது. 
தகவலறிந்த ஆட்சியர் கு.கோவிந்தராஜ்,  மாவட்ட முதன்மைக் கல்வி அலுவலர் து.கணேசமூர்த்தி ஆகியோர் மாணவரை நேரில் சென்று பார்வையிட்டு விசாரணை மேற்கொண்டனர். மேலும் இதுகுறித்து வெள்ளியணை போலீஸார் வழக்குப்பதிந்து விசாரிக்கின்றனர்..
 

]]>
http://www.dinamani.com/all-editions/edition-trichy/karur/2018/feb/16/ஆசிரியர்-கண்டித்ததால்-விஷம்-குடித்த-மாணவர்-2864242.html
2864241 திருச்சி கரூர் கிராம உதவியாளர் சங்கத்தினர் காத்திருப்பு போராட்டம் DIN DIN Friday, February 16, 2018 07:55 AM +0530 கரூர் வட்டாட்சியர் அலுவலகத்திற்குள் வியாழக்கிழமை இரவு முதல் விடிய, விடிய கிராம உதவியாளர்கள் சங்கத்தினர் காத்திருப்பு போராட்டத்தில் ஈடுபட்டனர்.
 அலுவலக உதவியாளர்களுக்கு இணையான ஊதியம் ரூ.15,700 வழங்க வேண்டும்,  அரசு ஊழியர்களுக்கு வழங்குவது போல, கடைசி மாத ஊதியத்தில் 50 சதவீதம் ஓய்வூதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி கரூரில் தமிழ்நாடு வருவாய்த் துறை கிராம உதவியாளர் சங்கத்தினர் கரூர் வட்டாட்சியர் அலுவலகத்திற்குள் வியாழக்கிழமை மாலை 6 மணிமுதல் வெள்ளிக்கிழமை மாலை 6 மணிவரையிலான காத்திருப்பு போராட்டத்தைத் தொடங்கினர். 
போராட்டத்திற்கு, மாவட்டத் தலைவர் அரசகுமார் தலைமை வகித்தார். செயலாளர் தனலட்சுமி, பொருளாளர் மனோகரன் உள்ளிட்டோர் முன்னிலை வகித்தனர். இதில், அரசு ஊழியர் சங்கத்தின் கருணாகரன் வாழ்த்திப் பேசினார். 
போராட்டத்தில் கிராமஉதவியாளர்கள் திரளாக பங்கேற்றனர்

]]>
http://www.dinamani.com/all-editions/edition-trichy/karur/2018/feb/16/கிராம-உதவியாளர்-சங்கத்தினர்-காத்திருப்பு-போராட்டம்-2864241.html
2864240 திருச்சி கரூர் கோயில் நிலத்துக்கு சந்தை மதிப்பின்படி இழப்பீடு: கரூர் ஆட்சியர் அறிக்கை தாக்கல் செய்ய உத்தரவு DIN DIN Friday, February 16, 2018 07:54 AM +0530 கரூர் மாவட்ட ஆட்சியர் அலுவலகம் அமைந்துள்ள கோயில் நிலத்துக்கு தற்போதைய சந்தை மதிப்பிலான தொகையை வழங்குவதற்கான நடவடிக்கை குறித்து கரூர் மாவட்ட ஆட்சியர் அறிக்கை தாக்கல் செய்யுமாறு சென்னை உயர்நீதிமன்ற மதுரைக்கிளை வியாழக்கிழமை உத்தரவிட்டுள்ளது.
   திருத்தொண்டர்கள் சபை நிறுவனர் ராதாகிருஷ்ணன் தாக்கல் செய்த மனுவில், கரூர் தாந்தோணி கிராமத்தில் கல்யாண வெங்கட்ரமண சுவாமி கோயிலுக்கு சொந்தமாக 42 ஏக்கர் புன்செய் நிலங்கள் இருந்தன. இந்த இடத்தில் கரூர் மாவட்ட ஆட்சியர் அலுவலக பெருந்திட்ட வளாகம் அமைப்பதற்கு அரசு கையகப்படுத்தியது. தற்போது அந்த இடத்தில் மாவட்ட ஆட்சியர் அலுவலகம் செயல்பட்டு வருகிறது. இந்நிலையில் நிலம் கையகப்படுத்தி 15 ஆண்டுகளுக்கு மேலாகியும் சந்தை மதிப்புப்படி இழப்பீடு வழங்கவில்லை. எனவே, கையகப்படுத்தப்பட்ட நிலத்துக்கு இன்றைய சந்தை மதிப்பின்படி இழப்பீட்டு தொகையை கோயில் நிர்வாகத்திடம் வழங்க உத்தரவிட வேண்டும் என்று குறிப்பிட்டிருந்தார். இந்த மனு நீதிபதிகள் டி.எஸ்.சிவஞானம், ஆர்.தாரணி ஆகியோர் அடங்கிய அமர்வு முன்பாக வியாழக்கிழமை விசாரணைக்கு வந்தது. 
அப்போது அரசுத் தரப்பில், ரூ.1.31 கோடி இழப்பீடு வழங்க முடிவு செய்யப்பட்டுள்ளதாக அறிக்கை தாக்கல் செய்யப்பட்டது. அதற்கு, கோயில் நிர்வாகம் தரப்பில் ஆஜரான வழக்குரைஞர், தற்போதைய சந்தை மதிப்புப்படி, ஆட்சியர் அலுவலகத்துக்காக கையகப்படுத்தப்பட்ட 42 ஏக்கர் நிலத்துக்கு ரூ.212 கோடியே 78 லட்சத்து 19 ஆயிரத்து, 520 வழங்க வேண்டும் என்று வாதிட்டார்.  இருதரப்பு வாதங்களையும் கேட்ட நீதிபதிகள், கையகப்படுத்தபட்ட நிலத்துக்கு தற்போதைய சந்தை மதிப்பின்படியும், 2013 நில ஆர்ஜித சட்டத்தின்படியும் உரிய இழப்பீடு வழங்குவது அவசியம் எனக்கூறி அதற்கான நடவடிக்கை குறித்து கரூர் மாவட்ட ஆட்சியர் அறிக்கை தாக்கல் செய்யுமாறு உத்தரவிட்டு விசாரணையை மார்ச் 26 ஆம் தேதிக்கு ஒத்தி வைத்தனர்.
 

]]>
http://www.dinamani.com/all-editions/edition-trichy/karur/2018/feb/16/கோயில்-நிலத்துக்கு-சந்தை-மதிப்பின்படி-இழப்பீடுகரூர்-ஆட்சியர்-அறிக்கை-தாக்கல்-செய்ய-உத்தரவு-2864240.html
2864239 திருச்சி கரூர் வாகன ஓட்டிகளிடம் தலைக்கவச விழிப்புணர்வு DIN DIN Friday, February 16, 2018 07:54 AM +0530 வேலாயுதம்பாளையத்தில் வாகன ஓட்டிகளிடம் தலைக்கவசம் அணிவதன் பயன் குறித்த விழிப்புணர்வுத் துண்டுப்பிரசுரங்களை போலீஸார் வியாழக்கிழமை விநியோகித்தனர்.
கரூர் மாவட்டம், வேலாயுதம்பாளையம் காவல்துறை சார்பில் தலைக்கவசம் அணிவது குறித்தும், கார் ஓட்டுநர்கள் சீட் பெல்ட் அணிவது மற்றும் லாரி, பேருந்து ஓட்டுநர்கள் காற்று ஒலிப்பானை உபயோகப்படுத்தக் கூடாது குறித்து  விழிப்புணர்வு துண்டுபிரசுரம் வழங்கும் நிகழ்ச்சி வேலாயுதம்பாளையத்தில் வியாழக்கிழமை நடைபெற்றது.
நிகழ்ச்சியில் வேலாயுதம்பாளையம் காவல் ஆய்வாளர் குருநாதன் இருசக்கர வாகனம் மற்றும் கார், லாரி மற்றும் பேருந்து ஓட்டுநர்களிடம் விழிப்புணர்வு துண்டுபிரசுரம் வழங்கி,  தலைக்கவசம், சீட் பெல்ட் அணிவதால் ஏற்படும் நன்மைகள் குறித்து விளக்கினார்.
அப்போது பேருந்துப்  பயணிகளிடம், படியில் நின்று பயணம் செய்யக் கூடாது என்றும், வாகன ஓட்டிகளிடம் வாகனம் ஓட்டும் போது செல்போனில் பேசக்கூடாது. இரு சக்கர வாகன ஓட்டுநர்கள் கண்டிப்பாக தலைக் கவசம் அணிந்து வாகனத்தை ஓட்ட வேண்டும். கார்களில் செல்வோர் சீட் பெல்ட் அணிந்திருக்க வேண்டும். அனைத்து வாகன ஓட்டுநர்களும் காற்று ஒலிப்பான்களை பயன்படுத்தக் கூடாது, சரக்கு வாகனத்தில் அதிக பாரம் ஏற்றக் கூடாது, வெடிமருந்து மற்றும் எளிதில் தீப்பற்றக் கூடிய பொருட்களை அனுமதி இன்றி எடுத்துச் செல்லக் கூடாது. இரவு நேரங்களில் கனரக வாகனங்களை பாதுகாப்பு இல்லாத இடங்களில் நிறுத்தக்கூடாது,  குடி போதையில் வாகனத்தை ஓட்டக் கூடாது என்பன உள்ளிட்ட பல்வேறு ஆலோசனைகளையும்  ஓட்டுநர்களிடம் தெரிவித்தார். நிகழ்ச்சியில் காவல் உதவி ஆய்வாளர்கள் ஆறுமுகம், முருகன், கதிரேசன்  மற்றும் போலீஸார் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/16/வாகன-ஓட்டிகளிடம்-தலைக்கவச-விழிப்புணர்வு-2864239.html
2864238 திருச்சி கரூர் மாசி அமாவாசை: நொய்யல் பகுதி கோயில்களில் சிறப்பு அபிஷேகம் DIN DIN Friday, February 16, 2018 07:54 AM +0530 மாசி அமாவாசையை முன்னிட்டு, நொய்யல் மற்றும் அதன் சுற்று வட்டாரப் பகுதிகளில் உள்ள கோயில்களில் நடைபெற்ற சிறப்பு வழிபாட்டில் பக்தர்கள் திரளாகப் பங்கேற்றனர்.
மாசி அமாவாசையை முன்னிட்டு, கரூர் மாவட்டம், நொய்யலில் பிரசித்தி பெற்ற செல்லாண்டியம்மன் கோயிலில் அம்மனுக்கு பால், தயிர், பன்னீர், இளநீர், விபூதி, திருமஞ்சனம், சந்தனம், மற்றும் பல்வேறு வாசனை திரவியங்களால்  சிறப்பு அபிஷேகம் நடைபெற்றது.  
பின்னர் பல்வேறு பூக்களால் அலங்காரம் செய்யப்பட்டு, ஆராதனை நடைபெற்றது. 
வழிபாட்டில் சுற்று வட்டார பகுதிகளைச் சேர்ந்த ஏராளமான பக்தர்கள் கலந்து கொண்டு அம்மனை தரிசனம் செய்தனர்.  
தொடர்ந்து பக்தர்களுக்கு பிரசாதம் வழங்கப்பட்டது. 
இதேபோல், சேமங்கி மாரியம்மன் கோயில் மாரியம்மன்,  குந்தானிபாளையம் நத்தமேடு 
ஈஸ்வரன் கோயில் ஈஸ்வரன், நத்தமேடு அங்காள பரமேஸ்வரி அம்மன் கோயில் அம்மன், கரியம்பட்டியில் அங்காள பரமேஸ்வரி அம்மன், புன்னம் பெரியூர் அம்மன், குந்தானிபாளையம், திருக்காடுதுறை மாரியம்மன், தங்காயி அம்மன், குந்தானிபாளையம் பகவதி அம்மன் , தவுட்டுபாளையம் மாரியம்மன், பகவதியம்மன் ஆகிய கோயில்களிலும் சிறப்பு அபிஷேகம் மற்றும் ஆராதனை நடைபெற்றது. இதில், பக்தர்கள் திரளாகப் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/16/மாசி-அமாவாசை-நொய்யல்-பகுதிகோயில்களில்-சிறப்பு-அபிஷேகம்-2864238.html
2864237 திருச்சி கரூர் கரூரை தொழில்மிகை மாவட்டமாக்க வணிக வசதியாக்கல் சட்டம் DIN DIN Friday, February 16, 2018 07:53 AM +0530 கரூரில் தமிழ்நாடு வணிக வசதியாக்கல் சட்டம் குறித்த தீர்வுக்குழுக் கூட்டம் வியாழக்கிழமை நடைபெற்றது.
இந்தியாவிலேயே  தமிழகத்தை தொழில்மிகை முன்னோடி  மாநிலமாக  உருவாக்கும் வகையில், முதலீட்டாளர்கள் எளிதாகத் தொழில் தொடங்க  வகைசெய்யும் பொருட்டு தமிழக  அரசு,  தமிழ்நாடு வணிக  வசதியாக்கல்  சட்டம் - 2017ஐ  இயற்றியுள்ளது. 
தொழில் முனைவோர்கள்  என்ற  இணைய தளத்தில்  விண்ணப்பிக்கும்போது, அவை சம்பந்தப்பட்ட துறைகளுக்கு மின்னணு பகிர்வு செய்யப்படும். இச்சட்டத்தை செயல்படுத்தும் வகையில், கரூர் மாவட்டத்தில் உள்ள அனைத்து அரசுத் துறைகளின் முதன்மை அலுவலர்களுடன் மாவட்ட ஒருமுனை தீர்வுக்குழு கூட்டம் ஆட்சியர்  தலைமையில் வியாழக்கிழமை நடைபெற்றது. 
கூட்டத்தில், தமிழக அரசின் வணிக வசதியாக்கல் சட்டம் - 2017இன் முக்கிய அம்சங்கள் குறித்து மாவட்ட தொழில்மைய பொது மேலாளர் கணினி விளக்கக் காட்சியின் மூலம் விளக்கிக் கூறினார். மேலும், இச்சட்டத்தின் கீழ் இணையதளத்தின் மூலம் ஒரேநேரத்தில் அனைத்து  துறைகளுக்கும் விண்ணப்பித்தல்  மற்றும் ஒப்புதல் வழங்குதல் குறித்தும் விளக்கப்பட்டது. இதுதொடர்பாக மாவட்ட ஆட்சியர் கு.கோவிந்தராஜ் கூறுகையில், கரூர் மாவட்டத்தில்  தொழில்முனைவோர்களுக்கு  எவ்வித இடர்பாடுமின்றி  குறித்த  காலக்கெடுவுக்குள் வரைபட ஒப்புதல்களும், தேவையான உரிமங்களும் வழங்க அனைத்து துறைகளும் விரைந்து செயல்பட்டு, தொழில் மிகை மாவட்டமாக கரூர் மாவட்டத்தை மாற்றுவதற்கு அனைத்து அலுவலர்களும் ஒத்துழைக்க வேண்டும்  என்றார்.
 

]]>
http://www.dinamani.com/all-editions/edition-trichy/karur/2018/feb/16/கரூரை-தொழில்மிகை-மாவட்டமாக்க-வணிக-வசதியாக்கல்-சட்டம்-2864237.html
2864236 திருச்சி கரூர் "ஓய்வூதியர்கள் மனு மீது விரைந்து நடவடிக்கை எடுக்க வேண்டும்' DIN DIN Friday, February 16, 2018 07:52 AM +0530 ஓய்வூதியர்களின் கோரிக்கை மனுக்கள் மீது விரைவாக நடவடிக்கை எடுக்க வேண்டும் என ஆட்சியர்  அலுவலர்களுக்கு உத்தரவிட்டார்.
கரூர் ஆட்சியர் அலுவலகத்தில் வியாழக்கிழமை நடைபெற்ற ஓய்வூதியர் குறைதீர்க் கூட்டத்திற்கு தலைமை வகித்து ஆட்சியர் மேலும் பேசியது: 
வருவாய்த் துறை, கல்வித் துறை, காவல்துறை மற்றும் பிற்படுத்தப்பட்டோர் நலத்துறை சார்பில் 23 ஓய்வூதியர்கள் மற்றும் பிற துறைகளைச் சார்ந்த 13 ஓய்வூதியர்கள் குடும்ப ஓய்வூதியம், 5 மற்றும் 6-வது ஊதியக்குழுவின் நிலுவை  கோருதல், பணிக்கொடை நிலுவை போன்ற கோரிக்கைகள் தொடர்பாக மனுக்கள் பெறப்பட்டுள்ளது. இம்மனுக்கள் மீது மீது உரிய துறை அலுவலர்கள் காலதாமதம் இல்லாமல்  உடனடி நடவடிக்கை மேற்கொண்டு ஓய்வூதியப் பலன்களை வழங்க  வேண்டும் என்றார். 
மேலும், கூட்டத்தில் இரு ஓய்வூதியதாரர்களுக்கு மருத்துவ நல நிதியாக ரூ.86,765-க்கான காசோலையினை ஆட்சியர் வழங்கினார்.
சென்னை ஓய்வூதியரக இணை இயக்குநர் மஞ்சுளா, துணை இயக்குநர் மதிவாணன், ஆட்சியரின் நேர்முக உதவியாளர் (கணக்கு) கார்த்திகேயன், மாவட்ட கருவூல அலுவலர் ஜெயபிரகாஷ், செய்தி மக்கள் தொடர்பு அலுவலர் அ.செந்தில் உட்பட பலர் கூட்டத்தில் கலந்து கொண்டனர்.

]]>
http://www.dinamani.com/all-editions/edition-trichy/karur/2018/feb/16/ஓய்வூதியர்கள்-மனு-மீது-விரைந்து-நடவடிக்கை-எடுக்க-வேண்டும்-2864236.html
2863627 திருச்சி கரூர் அம்மன் கோயில் உண்டியல் பணம்,  நகை திருட்டு DIN DIN Thursday, February 15, 2018 02:30 AM +0530 கரூர் மாவட்டம், குளித்தலையை அடுத்த வதியம் ஊராட்சிக்குட்பட்ட கண்டியூரில் பாம்பலாயி அம்மன் கோயில் உள்ளது. இந்த கோயில் பூசாரியாக கிருஷ்ணராயபுரம் அடுத்த வரகூரைச் சேர்ந்த மணிவாசகம் (53) உள்ளார்.  இந்த கோயில் ஊருக்குச் சற்று வெளியே உள்ளது. 
புதன்கிழமை காலை இவர் கோயிலைத் திறந்து உள்ளே சென்றபோது கோயில் உள்புற கதவு உடைக்கப்பட்டு உள்ளே இருந்த உண்டியலை மர்ம நபர்கள் உடைத்து பணத்தை திருடியுள்ளதும், கோயில் உள்ள கருவறையில் சுவாமி கழுத்தில் கிடந்த முக்கால் பவுன் தங்கத் தாலியையும்  திருடிச் சென்றிருப்பது தெரிய வந்தது. 
இதுகுறித்த புகாரின்பேரில் குளித்தலை போலீஸார் வழக்குப்பதிந்து மர்ம நபர்களை தேடி வருகின்றனர்.

]]>
http://www.dinamani.com/all-editions/edition-trichy/karur/2018/feb/15/அம்மன்-கோயில்-உண்டியல்-பணம்--நகை-திருட்டு-2863627.html
2863626 திருச்சி கரூர் தாந்தோணிமலை கோயிலில் மார்ச் 1-ல் தேரோட்டம் DIN DIN Thursday, February 15, 2018 02:30 AM +0530 தாந்தோணிமலை கல்யாண வெங்கடரமண சுவாமி கோயில் திருத்தேரோட்டம் மார்ச் 1-ல் நடைபெற உள்ளது.
தென் திருப்பதி எனப்படும் இக்கோயில்  மாசி மகத்தேரோட்டம் மற்றும் தெப்பத்தி ருவிழா வரும் 19-ம் தேதி தொடங்கி, 21-ம் தேதி துவஜாரோஹணம், மார்ச் 1-ல் திருத்தேரோட்டம், 3-ம் தேதி தெப்பத்திருவிழா நடைபெறுகிறது.  ஏற்பாடுகளை திருச்சி இணை ஆணையர் சி. கல்யாணி, உதவி ஆணையர்கள்  ம. சூரியநாராயணன், நா. சுரேஷ் மற்றும் திருக்கோயில் பணியாளர்கள் செய்கின்றனர்.
 

]]>
http://www.dinamani.com/all-editions/edition-trichy/karur/2018/feb/15/தாந்தோணிமலை-கோயிலில்-மார்ச்-1-ல்-தேரோட்டம்-2863626.html
2863624 திருச்சி கரூர் கரூரில் அதிமுக ஆலோசனைக் கூட்டம் DIN DIN Thursday, February 15, 2018 02:30 AM +0530 கரூரில் அதிமுக மாவட்ட நிர்வாகிகள் ஆலோசனைக் கூட்டம் புதன்கிழமை நடைபெற்றது.
வரும் 24 ஆம் தேதி மறைந்த முதல்வர் ஜெயலலிதாவின் பிறந்த நாளை சிறப்பாகக் கொண்டாடுவது குறித்து, கரூரில் மாவட்ட அதிமுக சார்பில் நடைபெற்ற ஆலோசனைக் கூட்டத்துக்கு, மாவட்டச் செயலாளரும், போக்குவரத்து துறை அமைச்சருமான எம்.ஆர். விஜயபாஸ்கர் தலைமை வகித்தார். மாவட்ட அவைத்தலைவர் ஏ. ஆர். காளியப்பன், துணைச் செயலாளர் பசுவை சிவசாமி, கரூர் முன்னாள் ஒன்றியக்குழுத் தலைவர் எஸ்.திருவிகா,  நகரச் செயலாளர் வை. நெடுஞ்செழியன், பேரவைச் செயலாளர் செ. காமராஜ், ஒன்றியச் செயலாளர்கள் கமலக்கண்ணன், பி. மார்கண்டேயன், கரூர் நகர்மன்ற முன்னாள் தலைவர் எம். செல்வராஜ்,  முன்னாள் மாணவரணி செயலாளர் தானேஷ் என்கிற முத்துக்குமார், நகர இளைஞரணி செயலாளர்  சேரன் பழனிசாமி உள்ளிட்டோர் பங்கேற்றனர். 
கூட்டத்தில், வரும் 24 ஆம் தேதி ஜெயலலிதா பிறந்தநாளில் ஏழைகளுக்கு நலத்திட்ட உதவிகள் வழங்குவது, அனைத்து இடங்களிலும் கட்சிக்கொடியேற்றி பொதுமக்களுக்கு இனிப்பு வழங்குவது என முடிவு செய்யப்பட்டது.

]]>
http://www.dinamani.com/all-editions/edition-trichy/karur/2018/feb/15/கரூரில்-அதிமுக-ஆலோசனைக்-கூட்டம்-2863624.html
2863622 திருச்சி கரூர் "பஸ் கட்டண உயர்வால் பொதுமக்கள் அவதி' DIN DIN Thursday, February 15, 2018 02:29 AM +0530 பஸ் கட்டண உயர்வால் பொதுமக்கள் அவதிப்படுகிறார்கள் என்றார் நடிகையும், காங்கிரஸ் தேசிய செய்தித் தொடர்பாளரான  குஷ்பு.
கரூரில் பஸ் கட்டண உயர்வைக் கண்டித்து திமுக கூட்டணி சார்பில் செவ்வாய்க்கிழமை இரவு பொதுக்கூட்டத்தில்  சிறப்பு அழைப்பாளராக பங்கேற்ற  அவர் மேலும் பேசியது:
மத்திய அரசின் ஜிஎஸ்டி வரிவிதிப்பு,  பெட்ரோல், டீசல் விலை உயர்வால் தமிழக மக்கள் அவதிக்குள்ளாகி வரும் நிலையில் திடீரென பேருந்துக் கட்டணத்தை எடப்பாடி அரசு உயர்த்தி மக்களை மேலும் அவதிக்குள்ளாக்கியுள்ளது.  தமிழகத்தை ஆளும் அரசுக்கு மக்கள் மீதோ, மக்களின் பிரச்னைகள் மீதோ அக்கறையில்லை.  பெண்களுக்கு ஸ்கூட்டர் வழங்கியது எதற்காக என்றால் மதுபோதையில் மயங்கிக் கிடக்கும் தங்களது கணவர்களை அழைத்து வருவதற்காகத்தான். தமிழகத்தில் நல்லாட்சி அமைய வேண்டுமென்றால் மு.க. ஸ்டாலின் தலைமையில் திமுக ஆட்சி அமைய வேண்டும் என்றார்.
திமுக மாவட்டச் செயலர் நன்னியூர்ராஜேந்திரன் தலைமை வகித்தார். காங்கிரஸ் மாவட்டத் தலைவர் சின்னசாமி, முன்னாள் தலைவர் பேங்க் கே. சுப்ரமணியன், திமுக கொள்கைப் பரப்புச் செயலர் புதுகை விஜயா,  காங். மாநில செய்தித் தொடர்பாளர் ஜோதிமணி உள்ளிட்டோர் பங்கேற்றனர். திமுக , காங்கிரஸ் கட்சி நிர்வாகிகள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/feb/15/பஸ்-கட்டண-உயர்வால்-பொதுமக்கள்-அவதி-2863622.html
2863621 திருச்சி கரூர் 1261 பேருக்கு ரூ.1.15 கோடியில் வேளாண் உபகரணம் வழங்கல் DIN DIN Thursday, February 15, 2018 02:29 AM +0530 நீர்வடிப்பகுதி மேலாண்மை  திட்டத்தில் 1, 261 பயனாளிகளுக்கு  ரூ.1 கோடியே ஒரு லட்சத்து பதினைந்தாயிரம் மதிப்பிலான உபகரணங்கள் வழங்கப்பட உள்ளதாக மாவட்ட ஆட்சியர் கு.கோவிந்தராஜ் தெரிவித்துள்ளார்.
கரூர் மாவட்டம் க. பரமத்தி ஊராட்சி ஒன்றியம், காருடையாம்பாளையத்தில் ஏழை விவசாய கூலித்தொழிலாளர்களுக்கு வேளாண் உபகரணங்களை வழங்கி மேலும் அவர் கூறியது: 
நீர்வளம் குறைந்த பகுதிகளில் நீர்வடிப்பகுதி மேலாண்மை திட்டத்தின் கீழ், கரூர் மாவட்டத்தில் குறைந்த நீர் செலவில் காய்ச்சலும், பாய்ச்சலும் என்ற யுக்தியை பயன்படுத்தி "ஒரு மடங்கு உற்பத்தி செலவு, இரண்டு மடங்கு லாபம்' என்ற நோக்கோடு பல்வேறு தொகுப்புத்  திட்டங்களை தமிழக அரசு வழங்கி வருகிறது. 
நிகழாண்டில் கரூர் மாவட்டத்தில், 175 பயனாளிகளுக்கு தலா ரூ.24,000 மதிப்பில் மின் தையல் இயந்திரங்கள், 186 பயனாளிகளுக்கு தலா ரூ.11,500 மதிப்பில் தார்ப்பாய் வழங்கப்பட உள்ளது. 
விளைநிலங்களில் நீர்வள ஆதாரத்தை மேம்படுத்த 109 பயனாளிகளுக்கு தலா ரூ.16,500 மதிப்பில் 20 அடி நீளம் கொண்ட 18 எண்ணிக்கையிலான பி.வி.சி குழாய்கள் வழங்கப்பட உள்ளன.  முதற்கட்டமாக தலா 5 பயனாளிகளுக்கு புதன்கிழமை வழங்கப்பட்டுள்ளது. 
இதேபோல், 791 பயனாளிகளுக்கு தலா ரூ.2,500 மதிப்பில் கடப்பாரை 1, மண்வெட்டி 2, களைக்கொத்து 1, பிக்காஸ் 1 மற்றும் கதிர்அரிவாள் 2 ஆகியவை 20 பயனாளிகளுக்கு புதன்கிழமை வழங்கப்பட்டுள்ளது. 
மொத்தம் 1,261 பயனாளிகளுக்கு ரூ.1 கோடியே ஒரு லட்சத்து பதினைந்தாயிரம் மதிப்பிலான உபகரணங்கள் வழங்கப்பட உள்ளது. முதற்கட்டமாக 25 நிலமில்லா ஏழை, எளிய விவசாயக் கூலிகளுக்கு ரூ.3 லட்சத்து பத்தாயிரம் மதிப்பிலான வாழ்வாதார உபகரணங்கள் மற்றும் வேளாண் உபகரணங்கள் வழங்கப்பட்டுள்ளது என்றார்.  
நிகழ்ச்சியில் வேளாண் இணை இயக்குநர் பாஸ்கரன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/karur/2018/feb/15/1261-பேருக்கு-ரூ115-கோடியில்-வேளாண்-உபகரணம்-வழங்கல்-2863621.html
2863619 திருச்சி கரூர் சாம்பல் புதன்: கிறிஸ்தவ  ஆலயங்களில் சிறப்பு வழிபாடு DIN DIN Thursday, February 15, 2018 02:28 AM +0530 கிறிஸ்தவர்களின் 40 நாள் தவக்காலம் புதன்கிழமை சாம்பல் புதனுடன் தொடங்கியதையடுத்து ஆலயங்களில் சிறப்பு திருப்பலி நடைபெற்றது.
இயேசு கிறிஸ்து சிலுவையில் அறையப்பட்ட நாளை புனித வெள்ளியாக கிறிஸ்தவர்கள் அனுஷ்டிக்கிறார்கள். பின்னர்  அவர் 3 நாட்கள் கழித்து உயிர்த்தெழுந்ததை ஈஸ்டர் பண்டிகையாகவும் கொண்டாடுகிறார்கள்.  ஈஸ்டர் பண்டிகைக்கு முன் 40 நாள் இரு வேளை  உண்ணா நோன்பு இருப்பதை தவக்காலமாக கடைப்பிடிப்பர்.  அந்த நாட்களில் இறைவனை மூன்று வேளையும் நினைத்து சிறப்பு தியானத்தில் ஈடுபடுவர்.  மேலும் தவக்காலத்தின் ஆறாவது நாளை குருத்தோலை ஞாயிறு தினமாக கடைப்பிடிப்பர். அந்நாளில் இயேசுவை கழுதையில் ஏற்றி, தாவீதின் குமாரனுக்கு ஓசான்னா (புகழ்) எனப் புகழ் பாடுவர்.  குருத்தோலை ஞாயிறன்று ஆலயத்தில் வழங்கப்பட்ட குருத்தோலையை  வீடுகளில் ஓராண்டாக வைத்து வழிபடுவர்.  தவக்காலம் தொடங்கும் புதன்கிழமையன்று அந்த குருத்தோலையை எரித்து சாம்பலாக்கி பக்தர்கள் நெற்றியில் பூசி சாம்பல் புதனாக அனுசரிப்பர்.
நிகழாண்டிற்கான தவக்காலம் புதன்கிழமை சாம்பல் புதனுடன்  தொடங்கியது. இதையடுத்து கரூரில் புனித தெரசாள் ஆலயத்தில் ஆலய பங்குத்தந்தை ராயப்பன் தலைமையில் மாலையில் சிறப்பு திருப்பலி  தொடங்கியது. முன்னதாக எரிக்கப்பட்ட சாம்பல் பக்தர்கள் நெற்றியில் பூசப்பட்டு, திருப்பலி நிறைவேற்றப்பட்டது. திரளான பக்தர்கள் பங்கேற்றனர். இதேபோல பசுபதிபாளையம் புனித கார்மேல் அன்னை ஆலயத்தில் பங்குத்தந்தை ஹென்றி தலைமையிலும், வேலாயுதம்பாளையம் புனித அந்தோனியார் ஆலயத்தில் பங்குத்தந்தை மரிய உபகாரம் தலைமையிலும் சிறப்பு திருப்பலி நடைபெற்றது.

]]>
http://www.dinamani.com/all-editions/edition-trichy/karur/2018/feb/15/சாம்பல்-புதன்-கிறிஸ்தவ--ஆலயங்களில்-சிறப்பு-வழிபாடு-2863619.html
2863617 திருச்சி கரூர் பள்ளி மாணவர்கள் களப்பயணம் DIN DIN Thursday, February 15, 2018 02:28 AM +0530 கரூர் வெற்றிவிநாயகா மெட்ரிக் மேல்நிலைப் பள்ளி மாணவர்கள் களப்பயணமாக புதன்கிழமை சுக்காலியூரில் உள்ள ஜவுளி பின்னலாடை நிறுவனத்திற்குச் சென்று பார்வையிட்டனர்.
கரூர் வெற்றி விநாயகா மெட்ரிக் மேல்நிலைப் பள்ளி மாணவ, மாணவிகள் களப்பயணமாக புதன்கிழமை கரூர் சுக்காலியூரில் உள்ள சிறந்த ஜவுளி பின்னலாடை நிறுவனத்திற்கு அழைத்துச் செல்லப்பட்டனர்.
அங்கு வெளிநாட்டிற்கு ஏற்றுமதி செய்யப்படும் போர்வைகள், விரிப்புகள், திரைச்சீலைகள், தலையணை உறைகள், கைக்குட்டைகள், துண்டுகள் ஆகியவற்றின் உற்பத்திப் பணிகள் மற்றும் மூலப்பொருள் தயாரிப்பு பணி, நூலுக்கு சாயம் ஏற்றுதல், கழிவு நீர் சுத்திகரிப்பு மற்றும் மறுமுறை பயன்படுத்துதல், ஆடை நெய்வதற்கு நூல் தறியில் ஏற்றுதல், போர்வையாக வெளிவருதல், தரம் பிரித்து சரிபார்த்தல் போன்ற பல தயாரிப்பு பணிகளை நேரடியாகக் கண்டறிந்தனர்.  ஏற்பாடுகளை, பள்ளி நிர்வாகத்தினர் செய்திருந்தனர்.

]]>
http://www.dinamani.com/all-editions/edition-trichy/karur/2018/feb/15/பள்ளி-மாணவர்கள்-களப்பயணம்-2863617.html
2863128 திருச்சி கரூர் நாடு முன்னேறியிருப்பது  காங்கிரஸால்தான் DIN DIN Wednesday, February 14, 2018 08:31 AM +0530 நாடு முன்னேறியிருப்பது காங்கிரஸ் கட்சியால்தான் என்றார் நடிகையும்,  அக்கட்சியின் தேசிய செய்தித் தொடர்பாளருமான குஷ்பு.
இதுகுறித்து கரூரில் செவ்வாய்க்கிழமை  அவர் அளித்த பேட்டி:
திமுக, காங்கிரஸ் கூட்டணி நன்றாக உள்ளது. பிரதமர் மோடி நிறைய விஷயங்கள் சொல்வார், ஆனால் எதையும் செய்ய மாட்டார்.  இந்தியா பல்வேறு மதம், ஜாதிகள் கொண்ட நாடு. ஆனால் பாஜக  நாடு முழுவதும் ஒரே மதம், ஒரே நாடு என்ற கொள்கையோடு செயல்படுகிறது. இந்தக் கட்சி தேவையா என்பதை பொதுமக்கள் சிந்திக்க வேண்டும்.   பஸ் கட்டண உயர்வால்  தமிழக மக்கள் அவதிப்படுகிறார்கள்.  தோல்வி பயத்தில்தான் உள்ளாட்சித் தேர்தலை அதிமுக அரசு சந்திக்கத் தயங்குகிறது.ஜிஎஸ்டியால் கரூரில் கொசுவலை, ஜவுளி உற்பத்தி முற்றிலும் பாதிக்கப்பட்டுள்ளது.
 தமிழகத்துக்கு எதுவும் செய்ய மாட்டோம். ஆனால் அங்கு காலூன்றுவோம் என பாஜக கூறுவது எப்படி சாத்தியம்?.  ஜிஎஸ்டி, பணமதிப்பு இழப்பு கொள்கையால் எல்லையில் தீவிரவாதம் இருக்காது என்றார் மோடி. ஆனால் எல்லையில் எத்தனையோ ராணுவ வீரர்களை இழந்துவிட்டோம். 
60 ஆண்டுகளில் இந்தியா டிஜிட்டல்மயமாகவும், தொழில் ரீதியாகவும் முன்னேறியிருக்கிறது என்றால் அது காங்கிரஸால்தான், பாஜகவால் அல்ல. அமித்ஷா பக்கோடா விற்பது நல்ல தொழில் எனக் கூறியிருக்கிறார்.  முதலில்  அத்தொழிலை அவர் தனது மகனுக்கு சொல்லிக்கொடுக்கட்டும் என்றார் குஷ்பு.  மாநில செய்தித் தொடர்பாளர் ஜோதிமணி,  கரூர் மாவட்டத் தலைவர் சின்னசாமி,  நகரத் தலைவர் ஆர். ஸ்டீபன்பாபு உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/karur/2018/feb/14/நாடு-முன்னேறியிருப்பது--காங்கிரஸால்தான்-2863128.html
2863022 திருச்சி கரூர் கராத்தே:  டிஎன்பிஎல் பப்ளிக் பள்ளி மாணவர்கள் சிறப்பிடம் DIN DIN Wednesday, February 14, 2018 07:48 AM +0530 வேலாயுதம்பாளையத்தில் அண்மையில் நடைபெற்ற மாவட்ட அளவிலான கராத்தே போட்டியில்  காகிதபுரம் டி.என்.பி.எல். பப்ளிக் பள்ளி மாணவர்கள் சிறப்பிடம் பிடித்தனர்.
கரூர் மாவட்டம் வேலாயுதம்பாளையத்தில் அண்மையில் ஈரோடு கராத்தே ஸ்கூல் ஆப் இந்தியா சார்பில் மாவட்ட அளவிலான கராத்தே போட்டிகள் நடைபெற்றன. இதில் மாவட்டத்தின் பல்வேறு பகுதியில் இருந்து மாணவ, மாணவிகள் 100-க்கும் மேற்பட்டோர் பங்கேற்றனர். 
கட்டா, குமித்தே ஆகிய இரு பிரிவுகளில் நடைபெற்ற போட்டியில் கரூர், காகிதபுரம் டி.என்.பி.எல். பப்ளிக் பள்ளி மாணவ, மாணவிகள் மஞ்சள், ஆரஞ்சு, பச்சை நிற பெல்ட்டுகளும், சான்றிதழ்களும் பெற்று மாநில அளவிலான கராத்தே போட்டிக்கு தகுதி பெற்றனர். சிறப்பிடம் பிடித்த மாணவ, மாணவிகளை பள்ளி முதல்வர் டாக்டர் வா.மு. அய்யப்பன், இருபால் ஆசிரியர்கள், நிர்வாகிகள் பாராட்டினர்.

]]>
http://www.dinamani.com/all-editions/edition-trichy/karur/2018/feb/14/கராத்தே--டிஎன்பிஎல்-பப்ளிக்-பள்ளி-மாணவர்கள்-சிறப்பிடம்-2863022.html
2863020 திருச்சி கரூர் மாணவி கர்ப்பம்: தொழிலாளி கைது DIN DIN Wednesday, February 14, 2018 07:47 AM +0530 பள்ளி மாணவியை கர்ப்பமாக்கிய தப்புத் தொழிலாளியை போலீஸார் கைது செய்தனர்.
கரூர் மாவட்டம் குளித்தலை அடுத்த மேட்டுமருதூரைச் சேர்ந்தவர் பொன்னுசாமி. இவரது 17 வயது மகள் திருச்சி மாவட்டம் முசிறியில் உள்ள அரசு மேல்நிலைப்பள்ளியில் கடந்த 2017-ல் பிளஸ் -1 படித்து வந்தார்.  அதே பகுதியைச் சேர்ந்தவர் கந்தசாமி (33), தப்பு அடிக்கும் தொழிலாளி.  கடந்தாண்டு மே மாதம் வீட்டின் தனியாக இருந்த மாணவியை கந்தசாமி மிரட்டி பலாத்காரம் செய்துள்ளார். 
இதனால் மாணவி 7 மாத கர்ப்பிணியானார். இதையடுத்து மாணவியின் பெற்றோர் அளித்த புகாரின்பேரில் குளித்தலை அனைத்து மகளிர் போலீஸார் திங்கள்கிழமை கந்தசாமியை கைது செய்து சிறையில் அடைத்தனர்.

]]>
http://www.dinamani.com/all-editions/edition-trichy/karur/2018/feb/14/மாணவி-கர்ப்பம்-தொழிலாளி-கைது-2863020.html
2863018 திருச்சி கரூர் மின்சாரம் தாக்கி இளம்பெண் சாவு DIN DIN Wednesday, February 14, 2018 07:46 AM +0530 கரூர் அருகே மின்சாரம் தாக்கி இளம்பெண் இறந்தார்.
கரூரை அடுத்த கிருஷ்ணராயபுரம் லட்சுமணம்பட்டியைச் சேர்ந்தவர் செந்தில்குமார் மனைவி அருந்ததி (28). இவர் திங்கள்கிழமை அதே பகுதியில் உள்ள தோட்டத்திற்குச் சென்றபோது அறுந்து கிடந்த மின்வயரில் மிதித்து இறந்தார்.
இதுதொடர்பாக லாலாபேட்டை போலீஸார் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/feb/14/மின்சாரம்-தாக்கி-இளம்பெண்-சாவு-2863018.html
2863017 திருச்சி கரூர் பரணி  வித்யாலயா மாணவிக்கு பாராட்டு DIN DIN Wednesday, February 14, 2018 07:46 AM +0530 ஹெல்ப்ஏஜ்  இந்தியா என்ற அமைப்பு சார்பில் மாநில அளவிலான கட்டுரைப் போட்டி "எனக்கு 64 வயதாகும்போது' என்ற தலைப்பில் மாநிலம் முழுவதும் அண்மையில் நடைபெற்றது. 
இப்போட்டியில் பங்கேற்ற பரணி வித்யாலயா எட்டாம் வகுப்பு மாணவி மிதுலா ஸ்ரீ மாநில அளவில் முதல் பரிசு பெற்றுள்ளார்.
பள்ளியில் நடைபெற்ற பாராட்டு விழாவில் ,இந்த மாணவியை ஹெல்ப்ஏஜ்  இந்தியாவின்  முதன்மை மேலாளர் ராதாகிருஷ்ணன் ,பள்ளித் தாளாளர் எஸ். மோகனரெங்கன், செயலர் பத்மாவதி மோகனரெங்கன், பள்ளியின் முதன்மை முதல்வர் சொ. ராமசுப்ரமணியன், முதல்வர் சுதாதேவி, பள்ளிஅறங்காவலர் சுபாஷினி, துணை முதல்வர் பிரியா, ஒருங்கிணைப்பாளர் ஹேமலதா உள்ளிட்டோர் பாராட்டினர்.
 

]]>
http://www.dinamani.com/all-editions/edition-trichy/karur/2018/feb/14/பரணி--வித்யாலயா-மாணவிக்கு-பாராட்டு-2863017.html
2863016 திருச்சி கரூர் அரவக்குறிச்சியில் ரஜினி  மன்ற அலுவலகம் திறப்பு DIN DIN Wednesday, February 14, 2018 07:46 AM +0530 அரவக்குறிச்சியில் செவ்வாய்க்கிழமை சிவன் ராத்திரியை முன்னிட்டு  ரஜினி மக்கள் மன்ற புதிய அலுவலகத் திறப்பு விழா நடைபெற்றது.
ஒன்றியச் செயலர் பாபு தலைமை வகித்தார்.  மாவட்டத் தலைவர் கே.எஸ். ராஜா பேசுகையில்,  ரஜினியின் கரத்தை வலுப்படுத்தும் வகையில் அரவக்குறிச்சி தொகுதியில் சுமார் 1 இலட்சம் உறுப்பினர்களைச் சேர்க்க வேண்டும் என்றார்.
மாவட்டச் செயலர் ஜவஹர், ஒன்றியத் தலைவர் செந்தில் மற்றும் மகளிர் அணி நிர்வாகிகள் சௌமியா, சரஸ்வதி உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/14/அரவக்குறிச்சியில்-ரஜினி--மன்ற-அலுவலகம்-திறப்பு-2863016.html
2863015 திருச்சி கரூர் தரச் சான்றிதழ் பெற தொழில் நிறுவனங்களுக்கு அழைப்பு DIN DIN Wednesday, February 14, 2018 07:45 AM +0530 "பூஜிய குறைபாடு, பூஜிய விளைவு' தரச் சான்றிதழ் பெற குறு, சிறு மற்றும் நடுத்தர உற்பத்தி தொழில் நிறுவனங்கள் விண்ணப்பிக்கலாம்.
இதுகுறித்து மாவட்ட ஆட்சியர் கு. கோவிந்தராஜ் வெளியிட்ட செய்திக்குறிப்பு:
உற்பத்திப் பொருட்களை 100 சதம் தரமாக, சுற்றுப்புற சூழலுக்கு எந்த எதிர்மறை விளைவுகளை ஏற்படுத்தாத வண்ணம் தயாரிக்கும் குறு, சிறு மற்றும் நடுத்தர உற்பத்தி தொழில் நிறுவனங்களுக்கு  "பூஜிய குறைபாடு பூஜிய விளைவு' தரச் சான்றிதழ்  மத்திய அரசின் மூலம்  வழங்கப்படவுள்ளது. 
தேசியக் கண்காணிப்பு மற்றும் செயல்படுத்தும் அலகு மூலம்  தரம், சுற்றுப்புற காரணிகள் ஆகியவற்றை அடிப்படையாகக் கொண்டு சான்றிதழ்  வழங்கப்படவுள்ளது. 
இத்திட்டத்தின் கீழ் 22,222 ரூ. 491 கோடியில் சான்றிதழ் வழங்க நிதி ஒதுக்கப்பட்டுள்ளது.  இதில் மத்திய அரசின்  ஒதுக்கீடான ரூ. 365 கோடியும் அடங்கும்.  இத்திட்டமானது ஒரு தன்னார்வத் திட்டமாகும்.  நிறுவனங்கள் தங்கள் நிறுவனத்திற்கான உத்யோக் ஆதார் குறிப்பாணை, தங்கள் நிறுவனத்தின் அமைப்பு, உற்பத்தி செயல்பாடு மற்றும் தேசிய தர நிர்ணய குழுமத்தியிலிருந்து பெறப்பட்ட சான்று ஆகியவற்றுடன் மத்திய அரசின் குறு, சிறு மற்றும் நடுத்தர தொழில் நிறுவன துறைக்கு தேசிய கண்காணிப்பு மற்றும் செயற்படுத்தும் அலகு மூலமாக விண்ணப்பிக்க வேண்டும். 
குறு, சிறு மற்றும் நடுத்தர தொழில் நிறுவனங்களின் தரச் சான்றிதழ் பதிவுக் கட்டணத்தில் குறு தொழில் நிறுவனங்களுக்கு  80 சதவீதம், சிறு தொழில் நிறுவனங்களுக்கு 60 சதவீதம்,  நடுத்தர தொழில் நிறுவனங்களுக்கு 
50சதவீதம் அரசு நிதியுதவி செய்கிறது.
பதிவு செய்தல், பதிவேடுகளின்படி கணித்தல், கள ஆய்வு, பாதுகாப்பு கணித்தல், ஆலோசனை மற்றும் மீளக்கணித்தல் ஆகியவற்றிற்கு மொத்தமாக குறு நிறுவனங்கள் ரூ.72,000,  சிறு தொழில் நிறுவனங்கள் ரூ.1,44,000, நடுத்தர தொழில் நிறுவனங்கள்  ரூ.1.80 லட்சம் விண்ணப்பக் கட்டணமாக குறு, சிறு மற்றும் நடுத்தர தொழில் நிறுவனங்கள் துறைக்குச்  செலுத்த வேண்டும். 
ஆதி திராவிடர், பழங்குடியினர் மற்றும் பெண்கள் ஆகியோரால் நடத்தப்படும்  நிறுவனங்களுக்கு  5 சதவீத கூடுதல் மானியமாக வழங்கப்படும்.
தொழில் நிறுவனங்களின் உற்பத்தியின் அடிப்படையிலான கள ஆய்வில் குறைந்தபட்ச மதிப்பீடு பெற்றிருக்க வேண்டும்.  ஏற்கெனவே பெறப்பட்ட மதிப்பீட்டை காட்டிலும் மீளாய்வின்போது மதிப்பீடு அதிகரித்திருக்க வேண்டும். 
இத்திட்டம் தொடர்பாக குறு, சிறு மற்றும் நடுத்தர தொழில் நிறுவன சங்கங்கள், தொழில் வர்த்தக சங்கம், இந்திய தொழில் கூட்டமைப்பு (சிஐஐ) ஆகிய அமைப்புகளின் மூலமாக விழிப்புணர்வு மற்றும் பயிற்சி வழங்கப்பட  உள்ளது. இந்தச் சான்றிதழானது உற்பத்தி மேலாண்மை, தர மேலாண்மை, சுற்றுப்புற மேலாண்மை, ஆற்றல் மேலாண்மை, பாதுகாப்பு மேலாண்மை, இயற்கை மேலாண் மை, அறிவுசார் மேலாண்மை, மனிதவள மேலாண்மை, வடிவமைப்பு மேலாண்மை மற்றும் நிறுவனத்தின் மொத்த வெளிப்பாடு ஆகியவற்றின் அடிப்படையில்  இந்திய தர நிர்ணய குழுமத்தின்  மூலம் வழங்கப்படும்.  
தொழில் நிறுவனங்களின் மதிப்பீடானது வெண்கலம், வெள்ளி, தங்கம், வைரம், பிளாட்டினம் என்ற அடிப்படையில் மதிப்பிடப்பட்டு தரச் சான்றிதழ் வழங்கப்பட உள்ளது.  
தொழில் நிறுவனங்களுக்கு இந்தச் சான்றிதழ் வழங்குவதன் மூலம் நிறுவன உற்பத்தி பொருள்களின் தர நிர்ணயம் செய்யப்படுவதால் அதிக வருவாய் ஈட்டவும், பன்னாட்டு சந்தையில் போட்டியிடவும் தகுதி பெறுகிறது.

]]>
http://www.dinamani.com/all-editions/edition-trichy/karur/2018/feb/14/தரச்-சான்றிதழ்-பெற-தொழில்-நிறுவனங்களுக்கு-அழைப்பு-2863015.html
2863014 திருச்சி கரூர் அமித்ஷாவுக்கு கருத்துக்கு எதிர்ப்பு: பொதுக்கூட்டத்தில் பக்கோடா  விற்ற காங்கிரஸ் கட்சியினர் DIN DIN Wednesday, February 14, 2018 07:45 AM +0530 பாஜகவின் தேசியத் தலைவர் அமித்ஷாவின் பக்கோடா கருத்துக்கு எதிர்ப்புத் தெரிவித்து கரூரில் செவ்வாய்க்கிழமை திமுக கூட்டணி சார்பில் நடைபெற்ற பொதுக்கூட்டத்தில் பகோடா விற்று காங்கிரஸ் கட்சியினர் எதிர்ப்புத் தெரிவித்தனர்.
அண்மையில் பாஜகவின் தேசிய தலைவர் அமித்ஷா பக்கோடா விற்றால் கூட சுயதொழில்தான். அதன்மூலம் லாபம் பெறலாம் என்ற கருத்தை  கூறியிருந்தார். இதற்கு மக்களை பக்கோடா விற்கச் சொல்வதாக காங்கிரஸ் கடும் எதிர்ப்புத் தெரிவித்தது. 
இந்நிலையில் கரூரில் செவ்வாய்க்கிழமை இரவு பேருந்துக் கட்டண உயர்வை கண்டித்து  திமுக கூட்டணி சார்பில் நடைபெற்ற பொதுக்கூட்டத்தில் காங்கிரஸ் தேசிய செய்தித் தொடர்பாளர் நடிகை குஷ்பு பொதுமக்களுக்கு பக்கோடா விற்று அமித்ஷாவுக்கு எதிர்ப்புத் தெரிவித்தார். நிகழ்ச்சியில் கரூர் மாவட்ட திமுக செயலர் நன்னியூர் ராஜேந்திரன், காங். கட்சியின் மாநில செய்தித் தொடர்பாளர் ஜோதிமணி, காங். மாவட்டத் தலைவர் சின்னசாமி, முன்னாள் தலைவர் பேங்க் சுப்ரமணியன், நகரத் தலைவர் ஆர்.ம ஸ்டீபன்பாபு உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/feb/14/அமித்ஷாவுக்கு-கருத்துக்கு-எதிர்ப்பு-பொதுக்கூட்டத்தில்-பக்கோடா--விற்ற-காங்கிரஸ்-கட்சியினர்-2863014.html
2863013 திருச்சி கரூர் பொதுமக்களின் கோரிக்கைகளுக்கு உடனடி நடவடிக்கை: ஆட்சியர் DIN DIN Wednesday, February 14, 2018 07:45 AM +0530 செய்தித்தாள், வலைதளம், நேரடி கோரிக்கை மனுக்கள் வாயிலாகவும் மற்றும் நேரில் பார்த்தும் தக்க சமயத்தில் உதவி கோரும் கரூர் மாவட்ட மக்களுக்கு உடனடியாக உதவி வருகிறார் கரூர் மாவட்ட ஆட்சியர் கு. கோவிந்தராஜ்.
கரூர் வடக்கு காந்திகிராமம் பகுதியில் மிகவும் வறுமையில் இருக்க இடம்கூட இல்லாத நிலையில் உள்ள பரசுராமன் தையல் தொழில் மூலம் பலரது கிழிந்த துணிகளைத் தைத்துக் கொடுப்பதுடன் பள்ளிக் குழந்தைகள் மற்றும் ஏழைகளுக்கு இலவசமாக துணி தைத்துத் கொடுப்பது குறித்து வலைதளத்தில் படித்த மாவட்ட ஆட்சியர் உடனே அவரை நேரில் அழைத்து மாதாந்திர உதவித்தொகை மற்றும் ஒரு புதிய தையல் இயந்திரத்தை திங்கள்கிழமை வழங்கினார்.
கரூர் சீனிவாசபுரத்தை சேர்ந்த விசாலாட்சி தனது தள்ளாத வயதில் உழைக்க உடம்பில் தெம்பில்லை,  மருத்துவச் செலவுக்கு பணமில்லை என்று மனுவாக நேரில் அளித்த கோரிக்கையை ஆய்வு செய்து உடனடியாக முதியோர் உதவித்தொகைக்கான உத்தரவையும் திங்கள்கிழமை வழங்கினார்.
கொளந்தனூர் கூலி தொழிலாளி சுந்தரராசன் 3 மாதம் கழுத்து வலியால் அவதிப்பட்டு வந்த நிலையில் மாவட்ட ஆட்சியரை நேரில் சந்தித்து உதவி கோரினார். அவருக்கு தமிழ்நாடு முதல்வரின் விரிவான மருத்துவக் காப்பீட்டு திட்டத்தின் கீழ் சிகிச்சை பெற உடனடியாக அடையாள அட்டையை வழங்கி தன்விருப்ப நிதியிலிருந்து ரூ.10,000 மருத்துவச் செலவுக்கு வழங்கி  சென்னை ஓமாந்தூரார் அரசு மருத்துவமனையில் தண்டுவட அறுவை மேல் சிகிச்சை பெற பரிந்துரைக் கடிதம் அளித்து,  தொடர்புடைய மருத்துவரிடம் நாள்தோறும் சிகிச்சை தொடர்பாக கேட்டுக் தெரிந்து கொள்வதாகத் தெரிவித்தார். இதுகுறித்து மாவட்ட ஆட்சியர் கூறுகையில்,  அவதியுறும் மக்கள் மனு செய்தாலோ, நேரில் சந்தித்தாலோ அல்லது தொலைபேசியில் தொடர்பு கொண்டாலோ உடன் தொடர் நடவடிக்கை எடுக்கப்படும் என்றார்.
 

]]>
http://www.dinamani.com/all-editions/edition-trichy/karur/2018/feb/14/பொதுமக்களின்-கோரிக்கைகளுக்கு-உடனடி-நடவடிக்கை-ஆட்சியர்-2863013.html
2863012 திருச்சி கரூர் பிரதமரின் இலவச எரிவாயு இணைப்பு வழங்கும் விழா DIN DIN Wednesday, February 14, 2018 07:44 AM +0530 கரூரில் பிரதம மந்திரியின் ஏழைகளுக்கு இலவச எரிவாயு திட்டத்தில் கியாஸ் இணைப்பு வழங்கும் விழா செவ்வாய்க்கிழமை நடைபெற்றது.
பிரதம மந்திரியின் உஜ்வாலா இலவச எரிவாயு திட்டத்தில் இதுவரை கியாஸ் இணைப்புப் பெறாத வறுமைக்கோட்டுக்கு கீழ் உள்ளவர்களுக்கு இலவச கியாஸ் இணைப்பு வழங்கப்படுகிறது. இத்திட்டத்தில் கரூர் என்எஸ்கே நகரில் அக்னீஸ்வரா இண்டேன் கியாஸ் ஏஜென்சி சார்பில் ஏழை பயனாளிகளுக்கு இலவச கியாஸ் இணைப்பு வழங்கும் விழா செவ்வாய்க்கிழமை நடைபெற்றது.  கரூர் கோட்டாட்சியர் கு. சரவணமூர்த்தி தலைமை வகித்து இணைப்பை வழங்கினார்.
நிகழ்ச்சியில் ஆண்டாங்கோயில் ஊராட்சி முன்னாள் தலைவர் எம்.ஆர். சேகர், ஏஜென்சி உரிமையாளர்கள் ஜி. கார்த்திகேயன், செல்வம், கணேசன் மற்றும் ஊழியர்கள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/feb/14/பிரதமரின்-இலவச-எரிவாயு-இணைப்பு-வழங்கும்-விழா-2863012.html
2863011 திருச்சி கரூர் மூதாட்டியிடம் ஐந்தரை பவுன் செயின் பறிப்பு DIN DIN Wednesday, February 14, 2018 07:44 AM +0530 கரூரில் மூதாட்டியிடம் ஐந்தரை பவுன் செயினை பறித்துச் சென்ற மர்ம நபர்களை போலீஸார் தேடி வருகின்றனர்.
கரூர் நரிக்கட்டியூர் தமிழ்நகரைச் சேர்ந்தவர் குணசேரன் மாமியார் ராமாயி (70). இவர் திங்கள்கிழமை இரவு வீட்டின் முன் நின்றுகொண்டிருந்தபோது அவ்வழியிலே இருசக்கர வாகனத்தில் இரு மர்ம நபர்கள் ராமாயி கழுத்தில் கிடந்த ஐந்தரை பவுன் செயினை பறித்துக்கொண்டு தப்பினர். இதுகுறித்து குணசேகரன் அளித்த புகாரின்பேரில் கரூர் பசுபதிபாளையம் போலீஸார் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/feb/14/மூதாட்டியிடம்-ஐந்தரை-பவுன்-செயின்-பறிப்பு-2863011.html
2863010 திருச்சி கரூர் நம்பிக்கை, கொள்கையில் உறுதிகொண்டவரே வெல்வார் DIN DIN Wednesday, February 14, 2018 07:44 AM +0530 வாழ்வில் வெற்றியாளனாக மாற தன்மீது நம்பிக்கை,  கொள்கை உறுதி மிகவும் அவசியம் என்றார் விஜய் டிவி நிகழ்ச்சி தொகுப்பாளர் சி. கோபிநாத்.
கரூர் கொங்கு கலை, அறிவியல் கல்லூரி, கொங்கு மேல்நிலைப்பள்ளி சார்பில் கரூரில் செவ்வாய்க்கிழமை நடைபெற்ற வாழ்வியல் கருத்தரங்கில் அவர் மேலும் பேசியது:
நாம் யார் என்பதை நீங்கள் புரிந்துகொள்ள வேண்டும்.  உங்களது பிம்பத்தை நீங்கள்தான் உருவாக்கிக்கொள்ள வேண்டும். மற்றவர்களால் உருவாக்க முடியாது. ஜெயித்த பின் உங்களை இந்த உலகம் நம்பும், ஆனால் ஜெயிக்கும் முன் உங்களை நீங்கள் நம்ப வேண்டும். எந்த ஒரு தலைவரையோ, நடிகரையோ கொண்டாடுங்கள். ஆனால் உங்களுக்குள் இருக்கும் ஹீரோவை கொண்டாட மறந்து விடாதீர்கள்.  
வெற்றி என்பதை இப்போது உங்களிடம் என்ன இருக்கிறதோ அதோடு தொடர்புபடுத்தாதீர்கள். வெற்றி என்பதை உங்களால் என்ன முடியும் என்பதோடு  தொடர்புபடுத்துங்கள். இது உங்கள் உலகம், நான்தான் ராஜா எனச் சிந்தியுங்கள். பொருளாதாரம் இல்லை, குடும்ப பின்னணி இல்லை  என எண்ண வேண்டாம். 
சூழ்நிலை அனுமதிக்காதபோதும்கூட  படித்து ஜெயிக்கிறதுதான் உண்மையான படிப்பு. உங்களை நீங்கள் மதியுங்கள், இந்த உலகம் உங்களை மதிக்கும். மற்றவர்கள் கூறினாலும்  நீங்கள் நினைத்தால்தான் உங்களது திறமை வெளிப்படும்.  குடும்பச் சூழ்நிலையை ஆழ்மனதில் அனுமதிக்காமல் வெற்றியாளனாக மாறுவதே சாதனை. தாலியைக் கூட அடமானம் வைத்து குழந்தைகளை படிக்க வைக்கும் தேசம் நம் தேசம்.  உலகம் கெட்டதையும் கூறும், நல்லதையும் கூறும். இதில் நல்லதை எடுத்துக்கொள்ளுங்கள், கெட்டதை விட்டு விடுங்கள். மனிதனை மனிதன் நம்ப வேண்டும். மனிதன்தான் மாற்றங்களைக் கொடுப்பவன். 
தன்னிடம் உள்ள இயலாமையை அடிக்கடி கூறி நம்பிக்கையிழக்க வைக்கும் வைக்கும் நண்பனிடம் பழக வேண்டாம்.  உற்சாகப்படுத்துவனுக்கு உறுதுணையாக இருங்கள்.  உங்களின் மன உறுதியைக் குலைப்பவோனாடு சேர வேண்டாம்.  நமது பலவீனம் நமக்கு நன்றாகத் தெரியும், ஆனால் பலம் தெரியாது. அதை வெளிக்கொணர முயற்சி செய்யுங்கள்.  
முதலில் உங்களை மதிப்பீடு செய்யுங்கள்.  நான் சாதாரணன் என நினைத்தால், உலகம் உங்களை சாதாரணமாகத்தான் காணும். எதிர்மறையான சிந்தனைக்கு இடம் கொடுக்காதீர்கள். வாழ்வில் வெற்றியாளனாக மாற தன்மீதான நம்பிக்கை, நல்ல நண்பனைத் தேடல், கொள்கை உறுதி போன்றவை மிக அவசியம் என்றார்.
கொங்கு கல்வி அறக்கட்டளைத் தலைவர் அட்லஸ் எம். நாச்சிமுத்து தலைமை வகித்தார். செயலர் ஆர். மனோகரன், பொருளாளர் என்எஸ்என். ஜெயபாலன், துணைத் தலைவர் வி. வீரப்பன், இணைச் செயலர் விசா ம. சண்முகம் ஆகியோர் முன்னிலை வகித்தனர். கல்லூரித் தாளாளர் இன்ஜினியர் பி. சிவக்குமார், கொங்கு மேல்நிலைப்பள்ளித் தாளாளர் எல்ஐசி சி. நடராஜன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/feb/14/நம்பிக்கை-கொள்கையில்-உறுதிகொண்டவரே-வெல்வார்-2863010.html
2863009 திருச்சி கரூர் கார் மோதி முதியவர் சாவு DIN DIN Wednesday, February 14, 2018 07:43 AM +0530 ஏமூர் அருகே மொபெட் மீது கார் மோதி முதியவர் இறந்தார்.
கரூர் மாவட்டம், புலியூர் அருகே உள்ள உப்பிடமங்கலம் ஏபி.நகரைச் சேர்ந்தவர்  பெரியசாமி (70). இவர் தனது மொபெட்டில் திங்கள்கிழமை  திருச்சி-கரூர் தேசிய நெடுஞ்சாலையில் ஏமூரில் குன்னூர் பிரிவுச் சாலையில் சென்றபோது பின்னால் வந்த கார் மோதி இறந்தார். புகாரின்பேரில் வெள்ளியணை போலீஸார் வழக்குப்பதிந்து கார் ஓட்டுநர் உப்பிடமங்கலத்தைச் சேர்ந்த நகுல்சாமி மகன் விமல்குமாரை (25) தேடி வருகின்றனர்.
 

]]>
http://www.dinamani.com/all-editions/edition-trichy/karur/2018/feb/14/கார்-மோதி-முதியவர்-சாவு-2863009.html
2862449 திருச்சி கரூர் கோயில் நில ஆக்கிரமிப்பாளர்களுக்கு துணைபோனால் குற்றவியல் நடவடிக்கை: திருத்தொண்டர் சபை DIN DIN Tuesday, February 13, 2018 08:43 AM +0530 கோயில் நிலங்களை ஆக்கிரமிப்பவர்களுக்குத் துணை போகும் அதிகாரிகள் மீது குற்றவியல் நடவடிக்கை எடுக்கப்படும் என்றார் திருத்தொண்டர் சபையின் நிறுவனர் ஆர்.ராதாகிருஷ்ணன்.
கரூர் வெண்ணைமலையில் பாலசுப்ரமணிய சுவாமி கோயிலுக்குச் சொந்தமான நிலங்கள் ஆக்கிரமிப்பு வழக்கில் வருவாய்த் துறையினர் திங்கள்கிழமை நில அளவை மேற்கொண்டு வருவதை ஆய்வு செய்த அவர் பின்னர் செய்தியாளர்களிடம் தெரிவித்தது: 
தமிழகத்தில் திருக்கோயில்களுக்குச் சொந்தமான 7 லட்சம் ஏக்கர் நிலங்கள் ஆக்கிரமிப்புக்குள்ளாகியுள்ளன. 5 லட்சம் ஏக்கர் நிலங்களுக்கான பட்டா உள்ளன. இதுவரையில், சுமார் 23,000 ஏக்கர் நிலங்களை திருத்தொண்டர் சபை மற்றும் அனைத்து சிவனடியார் கூட்டமைப்பினர் மீட்டுள்ளனர். கரூரில் இனாம் கரூர் பகுதியில் சுமார் 2,000 ஏக்கர் நிலங்கள் கோயிலுக்குச் சொந்தமானவை. இதில் 1912 ஆம் ஆண்டிற்கான ஆவணத்தின்படி வெண்ணைமலை பாலசுப்ரமணிய சுவாமி கோயிலுக்குச் சொந்தமான 497 ஏக்கர் நிலங்களில் 150 ஏக்கர் நிலங்கள் ஆக்கிரமிக்கப்பட்டுள்ளன. இதுகுறித்து  மாவட்ட நிர்வாகத்திடம் முறையிட்டும் நடவடிக்கை இல்லை. இதையடுத்து, திருத்தொண்டர் சபை, உயர்நீதிமன்ற மதுரைக் கிளையில் வழக்கு தொடர்ந்தது. இந்த வழக்கில் கடந்த மாதம் 20 ஆம் தேதி முதல் கோயில் நிலங்கள் அளக்கப்பட்டு வருகிறது.   
கோயில் நிலங்களை ஆக்கிரமிப்பவர்களுக்கு துணை போகும் அதிகாரிகள் மீது குற்றவியல் நடவடிக்கை எடுக்க உள்ளோம். இந்து சமய அறநிலைய சட்டவிதிமுறையின்படி, கோயில் நிலங்களை ஆக்கிரமித்துள்ள ஏழை, எளியவர்களை வாடகைதாரர்களாக மாற்ற உள்ளோம். கோயில் சொத்துக்களை மீட்பதில் அதிகாரிகளுக்கு அக்கறை இல்லை.  அதிகாரிகளின் அலட்சியப் போக்கினால் தான் கோயில் நிலங்கள் ஆக்கிரமிக்கப்படுகின்றன என்றார். பேட்டியின்போது, அனைத்து சிவனடியார் கூட்டமைப்பின் தலைவர் ராமநாதன், செயலாளர் சரவணன், கோயில் செயல் அலுவலர் ராஜாராம் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/karur/2018/feb/13/கோயில்-நில-ஆக்கிரமிப்பாளர்களுக்கு-துணைபோனால்-குற்றவியல்-நடவடிக்கை-திருத்தொண்டர்-சபை-2862449.html
2862448 திருச்சி கரூர் பெண் மாவோயிஸ்ட்டுகள், வழக்குரைஞருக்கு பிப்ரவரி 19 வரை காவல் நீட்டிப்பு DIN DIN Tuesday, February 13, 2018 08:43 AM +0530 கரூர் நீதிமன்றத்தில் திங்கள்கிழமை ஆஜரான பெண் மாவோயிஸ்ட்டுகள் கலா, சந்திரா மற்றும் வழக்குரைஞர் முருகனுக்கு பிப்.19 ஆம் தேதி வரை காவல் நீட்டிக்கப்பட்டது.
கரூர் வெங்கமேடு கணக்குப்பிள்ளை தெருவில் பதுங்கியிருந்த சேலம் மாவட்டம் தீவட்டிப்பட்டியைச் சேர்ந்த பெண் மாவோயிஸ்ட்கள் கலா (53), சந்திரா (46) ஆகிய இருவரையும் க்யூ பிரிவு போலீஸார் கடந்த 2016 ஆம் ஆண்டு ஜூலை 21 ஆம் தேதி கைது செய்து திருச்சி பெண்கள் சிறையில் அடைத்தனர்.
இதையடுத்து பெண் மாவோயிஸ்ட்டுகளுக்கு உதவியதாக மதுரை மாவட்டம் ஆலங்குளம் அன்பு நகரைச் சேர்ந்த வழக்குரைஞர் முருகனை (35) க்யூ பிராஞ்ச் போலீஸார் கடந்தாண்டு ஜன. 8 ஆம் தேதி கைது செய்து திருச்சி மத்திய சிறையில் அடைத்தனர். கைதான பெண் மாவோயிஸ்டுகள் மற்றும் வழக்குரைஞர் முருகன் ஆகியோர் கரூர் மாவட்ட முதன்மை அமர்வு நீதிமன்றத்தில் திங்கள்கிழமை  நீதிபதி நம்பிராஜன் முன் ஆஜர்படுத்தப்பட்டனர். அவர்களுக்கு பிப்.19 ஆம் தேதி வரை காவலை நீட்டித்து, நீதிபதி உத்தரவிட்டார். இதையடுத்து பலத்த பாதுகாப்புடன் அவர்கள் மீண்டும் திருச்சி மத்திய சிறையில் அடைக்கப்பட்டனர்.
 

]]>
http://www.dinamani.com/all-editions/edition-trichy/karur/2018/feb/13/பெண்-மாவோயிஸ்ட்டுகள்-வழக்குரைஞருக்கு-பிப்ரவரி-19-வரை-காவல்-நீட்டிப்பு-2862448.html
2862397 திருச்சி கரூர் இருசக்கர வாகனங்களை திருடிய இளைஞர் கைது DIN DIN Tuesday, February 13, 2018 08:24 AM +0530 கரூரில் இருசக்கர வாகனங்களைத் திருடிய இளைஞரைப் போலீஸார் கைது செய்தனர்.
கரூர் தாந்தோணிமலையைச் சேர்ந்த சீதாராமன் மகன் நிஜந்தன்(23) என்பவர் தனது பைக்கை கடந்த 9 ஆம் தேதி கரூர் பசுபதீஸ்வரர் கோயில் முன்பு நிறுத்திவிட்டு திரும்பி வந்து பார்த்தபோது, பைக்கைக் காணவில்லை. இதேபோல் கரூர் ஆண்டாங்கோயிலைச் சேர்ந்த லோகநாதன்(48) என்பவர் தனது மொபெட்டை கடந்த 3 ஆம் தேதி உழவர்சந்தையில் நிறுத்திவிட்டு காய்கறி வாங்கச் சென்றுள்ளார். திரும்பி வந்துபார்த்தபோது காணவில்லை. புகாரின்பேரில், கரூர் நகர போலீஸார் வழக்கு பதிந்து இருசக்கர வாகனத் திருடியவரைத் தேடி வந்தனர்.  
இந்நிலையில் ஞாயிற்றுக்கிழமை இரவு கரூர் பேருந்துநிலையப் பகுதியில் வாகனச் சோதனையில் போலீஸார் ஈடுபட்டபோது, பைக்கில் வந்த இளைஞரைப் பிடித்து விசாரித்தனர். அவர் விருதுநகர் மாவட்டம் அருப்புக்கோட்டை மண்டப சாலையைச் சேர்ந்த சுப்புராஜ் மகன் சிவா (23) எனத் தெரியவந்தது. அவர் மேற்குறிப்பிட்ட நிஜந்தன், லோகநாதன் ஆகியோரது இருசக்கர வாகனங்களைத் திருடியதாக தெரிய வந்தது. இதையடுத்து அவரை கைது செய்த போலீஸார் அவரிடம் இருந்து இரு இருசக்கர வாகனங்களையும் பறிமுதல் செய்தனர்.

]]>
http://www.dinamani.com/all-editions/edition-trichy/karur/2018/feb/13/இருசக்கர-வாகனங்களைதிருடிய-இளைஞர்-கைது-2862397.html
2862396 திருச்சி கரூர் அரியலூர் இளைஞர் மீது நடவடிக்கை கோரி எஸ்.பி-யிடம் மனு DIN DIN Tuesday, February 13, 2018 08:24 AM +0530 சமூக வலைதளத்தில் மறைந்த முதல்வர் ஜெயலலிதா, மோடி குறித்து தகவறான தகவல் பரப்பும் அரியலூர் மாவட்ட இளைஞர் மீது நடவடிக்கை கோரி கரூர் மாவட்டக் காவல் கண்காணிப்பாளர் அலுவலகத்தில் மாவட்ட எஸ்.பி டிகே. ராஜசேகரனிடம் திண்டுக்கல் மாவட்டம் ஆஷநிப்பட்டியைச் சேர்ந்த எஸ்.சூர்யமூர்த்தி என்பவர் திங்கள்கிழமை புகார் மனு கொடுத்தார். 
மனுவில் அவர் கூறியிருப்பது: சமூக வலைதளத்தில் அரியலூர் மாவட்டத்தைச் சேர்ந்த இளைஞர் சுண்டகுடி செல்வம் என்ற பெயரில் மறைந்த தமிழக முதல்வர் ஜெயலலிதாவின் நற்பெயருக்கு களங்கம் விளைவிக்கும் வகையிலும் மற்றும் பிரதமர் மோடி குறித்தும் தவறான கருத்துக்கள்,  புகைப்படங்களையும் சித்தரித்து மிகவும் மோசமான வகையில் பரப்பி வருகிறார். 
அவர் மீது உரிய நடவடிக்கை எடுக்க வேண்டும் என மனுவில் கூறியுள்ளார்.

]]>
http://www.dinamani.com/all-editions/edition-trichy/karur/2018/feb/13/அரியலூர்-இளைஞர்-மீது-நடவடிக்கை-கோரி-எஸ்பி-யிடம்-மனு-2862396.html
2862395 திருச்சி கரூர் தாந்தோணிமலையில் தமிழ்நாடு ஆசிரியர் கூட்டணியினர் ஆர்ப்பாட்டம் DIN DIN Tuesday, February 13, 2018 08:23 AM +0530 மாவட்ட தொடக்கக் கல்வி அலுவலரைக் கண்டித்து,  தமிழ்நாடு ஆசரியர் கூட்டணியினர் தாந்தோணி உதவி தொடக்கக் கல்வி அலுவலகம் முன்பு திங்கள்கிழமை ஆர்ப்பாட்டத்தில் ஈடுபட்டனர். 
கரூர் மாவட்டம், தாந்தோணி கூடுதல் உதவி தொடக்கக் கல்வி அலுவலரின் ஆசிரியர் விரோதப் போக்கு குறித்து மனு அளித்தும் நடவடிக்கை எடுக்காத மாவட்ட தொடக்க கல்வி அலுவலரை கண்டித்து, தமிழ்நாடு ஆசிரியர் கூட்டணியின் தாந்தோணி வட்டார கிளை சார்பில் தாந்தோணி உதவி தொடக்கக் கல்வி அலுலகம் முன்பு திங்கள்கிழமை ஆர்ப்பாட்டம் நடைபெற்றது. ஆர்ப்பாட்டத்திற்கு, வட்டாரத் தலைவர் மா. பிரபாகரன் தலைமை வகித்தார். செயலாளர் சு. சதீஸ் குமார் வரவேற்றார். இதில், மாவட்டச் செயலாளர் பா. பெரியசாமி கண்டன உரையாற்றினார்.  உயர்மட்ட குழுத் தலைவர் வீ. சுந்தரகணேசன், மாநில துணைத் தலைவர் எம்.ஏ. ராஜா, மாநில கொள்கை பரப்புச்செயலாளர் கு. பரணிதரன், மாவட்டத் தலைவர் ரகுபதி உள்ளிட்டோர் பங்கேற்றனர்.  வட்டார பொருளாளர் கவிதா மணி நன்றி கூறினார்.

]]>
http://www.dinamani.com/all-editions/edition-trichy/karur/2018/feb/13/தாந்தோணிமலையில்-தமிழ்நாடு-ஆசிரியர்-கூட்டணியினர்-ஆர்ப்பாட்டம்-2862395.html
2862394 திருச்சி கரூர் மணல் லாரி பறிமுதல்: ஓட்டுநர் தப்பியோட்டம் DIN DIN Tuesday, February 13, 2018 08:23 AM +0530 நெரூர் அருகே காவிரி ஆற்றில் இருந்து மணல் கடத்த முயன்றவர் போலீஸாரைக் கண்டதும் தப்பி ஓடினார்.
 கரூர் மாவட்டத்தில் நீர்நிலைகளில் மணல் அள்ள தடைவிதிக்கப்பட்டுள்ளனது. இந்நிலையில் வாங்கல் போலீஸார் ஞாயிற்றுக்கிழமை இரவு நெரூர் அரசு மேல்நிலைப்பள்ளி அருகே வாகனச் சோதனையில் ஈடுபட்டனர். அப்போது அவ்வழியாக வந்த மணல் லாரியை மடக்கினர். இதையடுத்து போலீஸாரைக் கண்டதும் லாரி ஓட்டுநர் தப்பி ஓடிவிட்டார். இதையடுத்து லாரியை மணலுடன் போலீஸார் காவல் நிலையத்திற்கு கொண்டு சென்றனர். மேலும் இதுதொடர்பாக வழக்குப்பதிந்து லாரி ஓட்டுநரைத் தேடி வருகின்றனர்.

]]>
http://www.dinamani.com/all-editions/edition-trichy/karur/2018/feb/13/மணல்-லாரி-பறிமுதல்-ஓட்டுநர்-தப்பியோட்டம்-2862394.html
2862393 திருச்சி கரூர் பள்ளி கட்டண உயர்வு: டிஎன்பிஎல் ஆலை முன்பு தொழிற்சங்கத்தினர் வாயிற்கூட்டம் DIN DIN Tuesday, February 13, 2018 08:23 AM +0530 உயர்த்தப்பட்ட பள்ளி கட்டண உயர்வை திரும்ப பெறக் கோரி டிஎன்பிஎல் ஆலை முன் தொழிற்சங்கத்தினர் திங்கள்கிழமை வாயிற்கூட்டம் நடத்தினர். 
டிஎன்பிஎஸ் பள்ளி நிர்வாகம் எவ்வித முன்னறிவிப்பின்றி கடந்த மாத ஊழியர்களின் ஊதியத்தில் பள்ளிக் கட்டண உயர்வு என்ற பெயரில் ஒரு தொகையைப் பிடித்தம் செய்ததாகக் கூறப்படுகிறது. 
ஊழியர்களுக்கு எவ்வித முன் அறிவிப்பும் இன்றி பிடித்தம் செய்த தொகையை உடனே திரும்ப வழங்க வேண்டும் எனக் கோரிக்கை விடுத்து ஆலை முன்பு தொழிற்சங்கம் சார்பில் வாயிற்கூட்டம் திங்கள்கிழமை நடைபெற்றது. இதில், அண்ணா தொழிற்சங்க செயலாளர் பசவலிங்கம், தொழிலாளர் சங்க அமைப்பு  செயலாளர் ஜீவானந்தம்,  எல்.பி.எப். தொழிலாளர் சங்க செயலாளர் பெரியசாமி ஆகியோர் கோரிக்கைகளை விளக்கிப் பேசினர். 
இதில், மூன்று சங்கங்களின் நிர்வாகிகள் மற்றும்  தொழிலாளர்கள் பெருந்திரளாக  கலந்து கொண்டனர். முன்னதாக கோரிக்கைகளை விளக்கி கோஷங்கள் எழுப்பப்பட்டன.

]]>
http://www.dinamani.com/all-editions/edition-trichy/karur/2018/feb/13/பள்ளி-கட்டண-உயர்வு-டிஎன்பிஎல்-ஆலை-முன்பு-தொழிற்சங்கத்தினர்-வாயிற்கூட்டம்-2862393.html
2862392 திருச்சி கரூர் ஜெயலலிதா படத்தை சட்டப்பேரவையில் வைக்கக் கூடாது: கரூர் மாவட்ட திமுக DIN DIN Tuesday, February 13, 2018 08:23 AM +0530 தமிழக சட்டப்பேரவையில் ஜெயலலிதா படத்தை வைக்கக் கூடாது என கரூர் மாவட்ட திமுக செயற்குழுக் கூட்டத்தில் தீர்மானம் நிறைவேற்றப்பட்டது.
கரூர் மாவட்ட திமுக அலுவலகத்தில் அக்கட்சியின் மாவட்ட செயற்குழுக் கூட்டம் மாவட்டச் செயலாளர் நன்னியூர் ராஜேந்திரன் தலைமையில் திங்கள்கிழமை நடைபெற்றது. கூட்டத்திற்கு, கட்சியின் உயர்மட்டக் குழு உறுப்பினர் கேசி.பழனிசாமி, மாநில விவசாய அணிச் செயலாளர் ம. சின்னசாமி,  வழக்குரைஞர் மணிராஜ் ஆகியோர் முன்னிலை வகித்தனர். கூட்டத்தில் சிறப்பு அழைப்பாளர்களாக மாநில நிதிக்குழு தலைவர் பொங்கலூர்பழனிசாமி, செயலாளர் எம்.கந்தசாமி ஆகியோர் பங்கேற்று சிறப்புரையாற்றினர்.
கூட்டத்தில், வரலாறு நிறைந்த, மிகப்பெரிய ஜனநாயக மாண்பைக் கடைப்பிடித்து வரும் தமிழக சட்டப்பேரவையில் குற்றவாளி என நீதிமன்றத்தால் தீர்ப்பளிக்கப்பட்ட ஜெயலலிதாவின் படத்தை வைக்கக் கூடாது.  விவசாயிகள் மீது அக்கறை காட்டாத தமிழக அரசின் அலட்சியத்தால் டெல்டா மாவட்டங்களில் சம்பா பயிர் கருகி வருவதைத் தடுக்க உடனே அண்டை மாநிலமான கர்நாடக அரசுடன் பேசி, போதிய காவிரி நீரை பெற்றுத்தர நடவடிக்கை எடுக்க வேண்டும்.  
வரும் உள்ளாட்சித்தேர்தலில் தொகுதி மறுவரையறை என்ற பெயரில் ஆளும் கட்சிக்கு ஆதரவாக செயல்பட்டு  மறுவரை அமைப்பை ஏற்படுத்திக் கொடுத்த தமிழக தேர்தல் ஆணையத்தைக் கண்டிப்பது, மீண்டும் சரியான வரையறை செய்து புதிய பட்டியலை வெளியிட வேண்டும் எனக் கேட்டுக்கொள்வது, மாவட்டம் முழுவதும் அரசு சுவரில் அனுமதியின்றி விளம்பரம் செய்து பொதுமக்களுக்கு இடையூறு ஏற்படுத்தும் கரூர் மாவட்ட அதிமுக இரு அணிகளையும் இக்கூட்டம் வன்மையாகக் கண்டிப்பதுடன், உடனே மாவட்ட நிர்வாகம் அகற்ற நடவடிக்கை எடுக்க வேண்டும் என கேட்டுக்கொள்வது என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில் கட்சி நிர்வாகிகள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/feb/13/ஜெயலலிதா-படத்தை-சட்டப்பேரவையில்-வைக்கக்-கூடாது-கரூர்-மாவட்ட-திமுக-2862392.html
2862391 திருச்சி கரூர் பொது சுகாதாரத் துறை கூட்டமைப்பினர் கருப்பு பேட்ஜ் அணிந்து ஆர்ப்பாட்டம் DIN DIN Tuesday, February 13, 2018 08:22 AM +0530 கரூரில் பொது சுகாதாரத் துறை கூட்டமைப்பினர் திங்கள்கிழமை கருப்பு பேட்ஜ் அணிந்து கண்டன ஆர்ப்பாட்டத்தில் ஈடுபட்டனர்.
திருப்பூர் மாவட்டம் வெள்ளக்கோவில் அரசு ஆரம்ப சுகாதார நிலையத்தில் பணியாற்றிய செவிலியர் மணிமாலாவை மன உளைச்சலுக்கு ஆளாக்கி, அவரை தற்கொலைக்குத் தூண்டிய மருத்துவர்கள் தமயந்தி, சக்தி அகிலாண்டேஸ்வரி ஆகியோர் மீது கொலை வழக்கு பதிவு செய்ய வேண்டும், இறந்து மூன்று நாட்களாகியும் இதுவரை முதல் விசாரணை அறிக்கை(எப்ஐஆர்) பதிவு செய்யாத காவல் துறையைக் கண்டித்தும், கரூரில் தமிழ்நாடு பொது சுகாதாரத் துறை கூட்டமைப்பின் கரூர்மாவட்டம் சார்பில் கண்டன ஆர்ப்பாட்டம் திங்கள்கிழமை நடைபெற்றது.,
கரூர் மாவட்ட முதன்மைக் கல்வி அலுவலர் அலுவலகம் முன்பு நடைபெற்ற இந்த ஆர்ப்பாட்டத்திற்கு கூட்டமைப்பின் அமைப்பாளர் சரவணன் தலைமை வகித்தார். 
இதில், அடிப்படை பணியாளர் சங்கத்தின் செல்வன், அண்ணா துரை, அனைத்து மருந்தாளுநர் சங்கத்தின் பிரேம் குமார்,  அரசு ஊழியர் சங்க மாவட்டத் தலைவர் மு. மகாவிஷ்ணன், பொருளாளர் ஜெயராம், செயலாளர் சக்திவேல், தமிழ்நாடு கல்வித்துறை நிர்வாக அலுவலர் சங்க மாநில துணைத் தலைவர் செல்வகுமார், மாவட்டச் செயலாளர் லட்சுமணன், தமிழ்நாடு வேளாண்மைத் துறை அமைச்சுப் பணியாளர் சங்க மாவட்டச் செயலாளர் சங்கர் ஆகியோர் கண்டன உரையாற்றினர்.
தொடர்ந்து, செவிலியர் மணிமாலாவின் தற்கொலைக்கு காரணமான மருத்துவர்கள் தமயந்தி, சக்தி அகிலாண்டேஸ்வரிக்கு எதிராக கோஷங்களை எழுப்பினர். இதில் தமிழ்நாடு பொது சுகாதாரத் துறையினர் மற்றும் செவிலியர்கள் கருப்பு பேட்ஜ் அணிந்து பங்கேற்றனர்.

]]>
http://www.dinamani.com/all-editions/edition-trichy/karur/2018/feb/13/பொது-சுகாதாரத்-துறை-கூட்டமைப்பினர்கருப்பு-பேட்ஜ்-அணிந்து-ஆர்ப்பாட்டம்-2862391.html
2862390 திருச்சி கரூர் சாலை பாதுகாப்பு, குற்றத் தடுப்பு துண்டுப்பிரசுரம் விநியோகம் DIN DIN Tuesday, February 13, 2018 08:22 AM +0530 கரூரில் போலீஸார் சார்பில் சாலை பாதுகாப்பு மற்றும் குற்றத்தடுப்பு விழிப்புணர்வு துண்டுப்பிரசுரம் திங்கள்கிழமை பொதுமக்களுக்கு விநியோகிக்கப்பட்டது. 
கரூர் பேருந்து நிலைய ரவுண்டானா பகுதியில் நகர காவல் துறை சார்பில் நடைபெற்ற சாலை பாதுகாப்பு மற்றும் விழிப்புணர்வுப் பேரணியை மாவட்டக் காவல் கண்காணிப்பாளர் டிகே. ராஜசேகரன் தொடங்கி வைத்தார். பேரணி, பேருந்து நிலைய ரவுண்டானாவில் இருந்து திண்ணப்பா திரையரங்கம் வரை நடைபெற்றது. இதில், பங்கேற்ற போலீஸார் குற்றங்களைத் தடுப்பதற்கான வழிமுறைகள், சாலை பாதுகாப்பு விதிமுறைகளைக் கடைப்பிடிக்க வேண்டியவை குறித்த விழிப்புணர்வு துண்டுப்பிரசுரங்களை பொதுமக்களிடம் வழங்கி விழிப்புணர்வு ஏற்படுத்தினர்.
நிகழ்ச்சியில் கரூர் நகர துணைக்காவல் கண்காணிப்பாளர் எம்.கும்மராஜா மற்றும் காவல் ஆய்வாளர்கள், போக்குவரத்து காவல் ஆய்வாளர்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/feb/13/சாலை-பாதுகாப்பு-குற்றத்-தடுப்பு-துண்டுப்பிரசுரம்-விநியோகம்-2862390.html
2862388 திருச்சி கரூர் குறைதீர்க் கூட்டத்தில் 340 மனுக்கள் அளிப்பு DIN DIN Tuesday, February 13, 2018 08:22 AM +0530 கரூர்  மாவட்ட ஆட்சியர் அலுவலகத்தில் திங்கள்கிழமை மக்கள் குறைதீர்க்கும் கூட்டம் ஆட்சியர் கு.கோவிந்தராஜ் தலைமையில் நடைபெற்றது.  
கூட்டத்தில், பொதுமக்களிடம் இருந்து பல்வேறு கோரிக்கைகள் தொடர்பாக 340 மனுக்கள் பெறப்பட்டன. மனுக்களை சம்பந்தப்பட்ட அலுவலர்களிடம் வழங்கிய மாவட்ட ஆட்சியர் அவற்றின் மீது உரிய நடவடிக்கை எடுத்திட உத்தரவிட்டார். கூட்டத்தில், மனு அளித்த விசாலாட்சி என்ற பயனாளிக்கு உடனடியாக முதியோர் உதவித்தொகைக்கான ஆணை, பரசுராம் என்பவருக்கு தையல் இயந்திரம் வழங்கப்பட்டன. ஆதி திராவிடர் நலத்துறை சார்பில் 6 பேருக்கு இலவச வீட்டுமனைப் பட்டா உள்ளிட்ட  நலத்திட்ட உதவிகள் வழங்கப்பட்டன.
கூட்டத்தில், மாவட்ட வருவாய் அலுவலர் ச.சூர்யபிரகாஷ், சிறுபான்மையினர் நல அலுவலர் சாந்தி, மக்கள் குறைதீர்க்கும் தனித்துணை ஆட்சியர் பாலசுப்ரமணியன் உள்ளிட்டோர் பங்கேற்றனர்.
அமராவதி ஆற்றில் தண்ணீர் திருட்டு: கரூர் ஆண்டாங்கோவில் பகுதியில் அமராவதி ஆற்றில் வட்டக்கிணறுகள் அமைத்து டீசல் மோட்டார், மின் மோட்டார் மூலம் தண்ணீர் வரைமுறையின்றி உறிஞ்சப்பட்டு டேங்கர் லாரிகளில் கடத்தப்பட்டு வருகிறது. இந்தத் தண்ணீரை திருடி சாயப்பட்டறைகளுக்கு பயின்படுத்தி வருகின்றனர். இதை மாசுக்கட்டுப்பாட்டு வாரிய அதிகாரிகளும், பொதுப்பணித் துறை அதிகாரிகளும் கண்டுகொள்வதில்லை.  எனவே டேங்கர் லாரிகளில் தண்ணீர் திருடும் மாபியாக்கள் மீது உரிய நடவடிக்கை எடுக்க வேண்டும் என தமிழ் உணர்வாளர் கூட்டமைப்பு மற்றும் அமராவதி சுற்றுச்சூழல் பாதுகாப்பு இயக்கத்தினர் ஆட்சியரிடம் மனு அளித்துள்ளனர். 
பி.வெள்ளாளப்பட்டி சாலை யை சீரமைக்க வேண்டும்:
கரூர் வட்டம் புலியூர் பேரூராட்சிக்குட்பட்ட புலியூர் பேருந்து நிறுத்தத்தில் இருந்து பி.வெள்ளாளப்பட்டி-திருச்சி-கரூர் புறவழிச்சாலை மிகவும் பழுதடைந்துள்ளது. பழுதான இந்தச் சாலையை சீரமைத்து தர நடவடிக்கை எடுக்க வேண்டும் என ஆதித்தமிழர் பேரவையினர் ஆட்சியரிடம் வழங்கிய மனுவில் தெரிவித்துள்ளனர். 
நடவுக் கூலியைப் பெற்றுத் தரவேண்டும்: இனுங்கூர் அரசு விதைப்பண்ணையில் இனுங்கூரைச் சேர்ந்த 15-க்கும் மேற்பட்ட பெண் தொழிலாளர்கள் நடவு பணியில் ஈடுபட்டு வருகிறோம். நடவு செய்த பின் எங்களது கூலி பாக்கியை வேளாண் அலுவலர் கவிதா தர மறுக்கிறார். 2017-ல் உள்ள கூலி பாக்கி ரூ.5,500 மற்றும் அன்லோடிங் கட்டண பாக்கியான ரூ.30,000 வரை எங்களுக்கு தரவில்லை. எனவே இந்த பணத்தை பெற்றுத்தர உரிய நடவடிக்கை எடுக்க வேண்டும் என குமாறு கேட்டுக்கொள்கிறோம் என இனுங்கூர் அரசு விதைப் பண்ணைத் தொழிலாளர்கள் ஆட்சியரிடம்  அளித்த மனுவில் தெரிவித்துள்ளனர்.

]]>
http://www.dinamani.com/all-editions/edition-trichy/karur/2018/feb/13/குறைதீர்க்-கூட்டத்தில்-340-மனுக்கள்-அளிப்பு-2862388.html
2862387 திருச்சி கரூர் கரூரில் அரசுப் பள்ளி மாணவிகளுக்கு கருத்தரங்கம் DIN DIN Tuesday, February 13, 2018 08:21 AM +0530 கரூரில் 7, 8 ஆம் வகுப்பு பயிலும் அரசுப் பள்ளி மாணவிகளுக்கு சமூக அறிவியல் பாடம் குறித்த கருத்தரங்கம் அண்மையில் நடைபெற்றது.
கரூர் அரசினர் மகளிர் மேல்நிலைப்பள்ளியில் அனைவருக்கும் கல்வி இயக்கத்தின் பள்ளி பரிமாற்றத் திட்டத்தின் கீழ் நடைபெற்ற இந்தக் கருத்தரங்கில், கரூர் ஒன்றியம் மற்றும் அரவக்குறிச்சி ஒன்றியம் மலைக்கோவிலூர்  ஊராட்சி ஒன்றிய நடுநிலைப் பள்ளிகளைச் சேர்ந்த  7,8 ஆம் வகுப்பு பயிலும் 60 மாணவிகள் பங்கேற்றனர்.  முன்னதாக கருத்தரங்கில், கரூர் அரசினர் மகளிர் மேல்நிலைப்பள்ளி தலைமை ஆசிரியை இரா. விஜயராணி அவர்கள் வரவேற்றார். இதில், சமூக அறிவியல் பாடம் கற்பிக்கப்பட்டு அப்பாடக் கருத்துகள் வழியாக மக்கள்தொகை பெருக்கத்தால் ஏற்படும்  விளைவுகள், மக்கள்தொகை  பெருக்கத்தை ஆக்கப்பூர்வமான செயல்பாடுகளில் பயன்படுத்தும் வழிமுறைகள் என மாணவிகள் உணரும் வகையில்  மெய்நிகர் வகுப்பின்  வாயிலாக காட்சிப்படுத்தி விளக்கப்படுத்தப்பட்டது.
மாதிரி  வாக்குச்சாவடி அமைக்கப்பட்டு பள்ளி மாணவத் தலைவியைத் தேர்தல் வாயிலாக தேர்ந்தெடுத்து வெற்றி பெற்ற மாணவிக்கு  பாராட்டு தெரிவிக்கப்பட்டது. 
இந்நிகழ்வின் மூலம் நாடாளுமன்றத்தேர்தல், சட்டமன்றத் தேர்தல், உள்ளாட்சித் தேர்தல்   நடைபெறுவது குறித்த அடிப்படை அறிவு செயல்விளக்கம் மூலம் நடத்திக் காண்பிக்கப்பட்டது. 
கலாகாலேட்சபம்  வாயிலாக சாலை பாதுகாப்பு விழிப்புணர்வு  பற்றிய பாடல் அரங்கேற்றப்பட்டது. இதில், இரு பள்ளிகளைச் சார்ந்த பொறுப்பு ஆசிரியர்களும் கலந்து  கொண்டனர்.

]]>
http://www.dinamani.com/all-editions/edition-trichy/karur/2018/feb/13/கரூரில்-அரசுப்-பள்ளி-மாணவிகளுக்கு-கருத்தரங்கம்-2862387.html
2861775 திருச்சி கரூர் க.பரமத்தி அரசுப் பள்ளிக்கு விருது DIN DIN Monday, February 12, 2018 02:53 AM +0530 க. பரமத்தி அரசுத் தொடக்கப்பள்ளிக்கு 5-எஸ் எனப்படும் தரக்கட்டுப்பாடு விருது வழங்கப்பட்டுள்ளது.
தரக்கட்டுப்பாடு தொடர்பான தேசிய கருத்தரங்கம் அண்மையில் சத்தியமங்கலம் பன்னாரி அம்மன் கல்வி நிறுவனத்தில் நடைபெற்றது. இதில், க. பரமத்தி அரசு தொடக்கப்பள்ளிக்கு 5எஸ் விருது வழங்கப்பட்டது. கரூர் மாவட்ட க.பரமத்தி தொடக்கப் பள்ளி தலைமை ஆசிரியர் செல்வக்கண்ணணுக்கு தருமபுரி மாவட்ட காவல் துறை கண்காணிப்பாளர் பண்டாரி கங்காதர் மற்றும் மேலாண் மை இயக்குநர் வத்சவா ஆகியோர் வழங்கினார்.
விழாவில் 70க்கும் மேற்பட்ட பெரு நிறுவனங்கள் கலந்து கொண்டன. முன்னதாக மேலாண் இயக்குநர் வத்சவா தலைமையில் இயக்குநர்கள் சங்கர சுப்பிரமணியன், மாரிமுத்து, நாராயணன் அடங்கிய குழு கடந்த ஜனவரி 22 ஆம் தேதி க.பரமத்தி ஊராட்சிய ஒன்றிய தொடக்கப் பள்ளியில் ஆய்வு மேற்கொண்டனர். சாலை விதிகளைப் பின்பற்றுதல், பள்ளி வளாகத் தூய்மை, எடுத்த பொருளை எடுத்த இடத்தில் வைப்பது உள்ளிட்ட அம்சங்களைக் கணக்கில் கொண்டு ஆய்வு செய்தனர்.

 

]]>
http://www.dinamani.com/all-editions/edition-trichy/karur/2018/feb/12/கபரமத்தி-அரசுப்-பள்ளிக்கு-விருது-2861775.html
2861774 திருச்சி கரூர் அதிமுக உறுப்பினர் சேர்க்கை முகாம் DIN DIN Monday, February 12, 2018 02:53 AM +0530 கரூரில் நகராட்சிக்குட்பட்ட 48 வார்டுகளிலும் அதிமுக உறுப்பினர் சேர்க்கை மற்றும் புதுப்பித்தல் முகாம் ஞாயிற்றுக்கிழமை நடைபெற்றது.
கரூர் நகராட்சிக்குட்பட்ட 1 ஆவது வார்டில் பெரியகோதூர் ஆதி திராவிடர் காலனியில் தொடங்கிய முகாமை மக்களவை துணைத் தலைவர் மு. தம்பிதுரை தொடக்கி வைத்துப் பேசினார். தொடர்ந்து ஈரோடு மெயின் ரோடு, வேலுசாமிபுரம், திருக்காம்புலியூர் மைதானம், ராமானுஜம் நகர், காமராஜபுரம், புதுகுளத்துப் பாளையம், வெங்கமேடு உள்ளிட்ட பகுதிகளில் நடைபெற்ற முகாமைப் பார்வையிட்டார்.
மேலும் புதிய உறுப்பினர்களுக்கான சேர்க்கை விண்ணப்பங்களை வழங்கினார். நிகழ்ச்சியில், மாவட்ட அவைத் தலைவர் ஏ.ஆர்.காளியப்பன், முன்னாள் நகர்மன்றத் தலைவர் தமிழ்நாடு எம்.செல்வராஜ், நகர அவைத் தலைவர் மலையம்மன் நடராஜன் உள்ளிட்டோர் பங்கேற்றனர்.
இதேபோல கரூர் ஐந்து ரோடு பாலம்மாள்புரம், வஉசி தெரு, திருமாநிலையூர் உள்ளிட்ட பகுதிகளில் நடைபெற்ற முகாம்களை போக்குவரத்து துறை அமைச்சர் எம்.ஆர்.விஜயபாஸ்கர் பார்வையிட்டார். மேலும், பூர்த்தி செய்யப்பட்ட விண்ணப்பங்களை பார்வையிட்டார். நிகழ்ச்சியின்போது கரூர் முன்னாள் ஒன்றியக்குழு தலைவர் எஸ்.திருவிகா, நகரச் செயலாளர் வை.நெடுஞ்செழியன் உள்ளிட்டோர் பங்கேற்றனர்.
கரூர் தொழிற்பேட்டை, நரிக்கட்டியூர் உள்ளிட்ட பகுதிகளில் கிருஷ்ணராயபுரம் எம்எல்ஏ எம். கீதா, உறுப்பினர் சேர்க்கை முகாமைப் பார்வையிட்டார். இந்நிகழ்ச்சியில் மாவட்ட துணைச் செயலாளர் பசுவை சிவசாமி, முன்னாள் மாணவரணி செயலாளர் தானேஷ் என்கிற முத்துக்குமார் உள்ளிட்டோர் பங்கேற்றனர். மொத்தம் கரூர் நகராட்சிக்குட்பட்ட 48 வார்டுகளிலும் உறுப்பினர் சேர்க்கை மற்றும் புதுப்பித்தல் முகாம் ஞாயிற்றுக்கிழமை நடைபெற்றது.

 

]]>
http://www.dinamani.com/all-editions/edition-trichy/karur/2018/feb/12/அதிமுக-உறுப்பினர்-சேர்க்கை-முகாம்-2861774.html
2861773 திருச்சி கரூர் டிஎன்பிஎஸ்சி குரூப் - 4 தேர்வில் 26,183 பேர் பங்கேற்பு DIN DIN Monday, February 12, 2018 02:52 AM +0530 கரூர் மாவட்டத்தில் நடைபெற்று வரும் டிஎன்பிஎஸ்சி குரூப் -4 தேர்வில் தகுதிவாய்ந்த 30,433 தேர்வர்களில், 26,183 பேர் தேர்வெதினர். 4, 250 பேர் தேர்வு எழுத வரவில்லை என்றார் ஆட்சியர் கு.கோவிந்தராஜ்.
கரூரில் பசுபதீஸ்வரர் பெண்கள் பள்ளி, நகராட்சி ஆண்கள் பள்ளி, எம்.ஏ.எம். பள்ளி, மாயனூர் அரசுப் பள்ளி, குளித்தலை அரசு ஆண்கள் பள்ளி, குளித்தலை அரசு பெண்கள் பள்ளி ஆகிய பள்ளிகளில் அமைக்கப்பட்டிருந்த தேர்வு மையங்களை ஞாயிற்றுக்கிழமை பார்வையிட்டு ஆய்வு செய்த ஆட்சியர் பின்னர் தெரிவித்தது:
கரூர் மாவட்டத்தில் ஞாயிற்றுக்கிழமை நடைபெற்ற டிஎன் பிஎஸ்சி குரூப்-4 தொகுதிக்கான போட்டித் தேர்வு 96 மையங்களில் நடைபெற்றது.
தேர்வுப் பணியில் 96 முதன்மை கண்காணிப்பாளர்கள், 96 ஆய்வு அலுவலர்கள், 1,540 அறை கண்காணிப்பாளர்கள், 19 மண்டல அலுவலர்கள் மற்றும் 15 பறக்கும் படை அலுவலர்கள் ஈடுபட்டு கண்காணிப்பு பணி மேற்கொண்டனர்.
தேர்வு எழுதுவோருக்கென கரூர் பேருந்து நிலையத்தில் இருந்து சிறப்பு பேருந்து வசதி, மாற்றுத்திறனாளிகள் தேர்வு எழுத ஏதுவாக தேர்வுக் கூடங்களில் தரைதளத்தில் இட ஒதுக்கீடும் செய்யப்பட்டிருந்தது. இதில் கரூர் வட்டத்தில் விண்ணப்பத்திருந்த 17,498 பேரில் 14, 990 பேர் தேர்வெழுதினர். 2, 508 பேர் தேர்வு எழுத வரவில்லை.
அரவக்குறிச்சி வட்டத்தில் 2,212 பேருக்கு 1, 859 பேரும், கடவூர் வட்டத்தில் 1,677 பேரில் 1,469 பேரும், கிருஷ்ணராயபுரம் வட்டத்தில் 2,199 பேரில் 1,934 பேரும், குளித்தலை வட்டத்தில் 4,478 பேரில் 3,860 பேரும், மண்மங்கலம் வட்டத்தில் 2,369 பேரில் 2,071 பேரும் தேர்வு எழுதினர். ஒட்டுமொத்தமாக தேர்வு எழுத தகுதிவாய்ந்த 30,433 தேர்வர்களில், 4250 ú26பர் தேர்வு எழுத வரவில்லை என்றார்.
ஆய்வின் போது கரூர் வருவாய் கோட்டாட்சியர் கு.சரவணமூர்த்தி, குளித்தலை வருவாய் கோட்டாட்சியர் கு.விமல்ராஜ், கரூர் வட்டாட்சியர் கு.அருள், குளித்தலை வட்டாட்சியர் டி.கலியமூர்த்தி, கிருஷ்ணராயபுரம் வட்டாட்சியர் எம்.பாலசுந்தரம் உட்பட பலர் உடனிருந்தனர்.

 

]]>
http://www.dinamani.com/all-editions/edition-trichy/karur/2018/feb/12/டிஎன்பிஎஸ்சி-குரூப்---4-தேர்வில்-26183-பேர்-பங்கேற்பு-2861773.html
2861772 திருச்சி கரூர் மாநில யோகாசனப் போட்டியில் வென்றவர்களுக்குப் பரிசு DIN DIN Monday, February 12, 2018 02:52 AM +0530 கரூரில் ஞாயிற்றுக்கிழமை நடைபெற்ற மாநில அளவிலான யோகாசனப் போட்டியில் வென்றவர்களுக்குப் பரிசுகள் வழங்கப்பட்டன.
கரூரில் ஸ்ரீ சிவ ஷண்முகம் தியான பீடம் மற்றும் யுனிவர்சல் யோகா அகாதெமி சார்பில் மாநில அளவிலான யோகாசனப் போட்டிகள் ஞாயிற்றுக்கிழமை நடைபெற்றது.
போட்டிக்கு, கரூர் நகர துணை காவல் கண்காணிப்பாளர் எம். கும்மராஜா தலைமை வகித்தார். என்.கோமதி வரவேற்றார். போட்டியை தமிழ்நாடு யோகாசன சங்கச் செயலாளர்
நீ.ராமலிங்கம் தொடங்கி வைத்தார்.
தனிநபர் பொதுப்பிரிவு மற்றும் ஓப்பன் கிராண்ட் சாம்பியன் ஆகிய இரு பிரிவுகளில் நடைபெற்ற இப்போட்டிகளில், 7 வயது முதல் 16 வயது வரையிலான மாணவ, மாணவிகள் என சுமார் 500-க்கும் மேற்பட்டோர் பங்கேற்றனர். ஆசனத்தின் தொடக்க நிலை , முழுமை, தளர்த்தும் நிலை, முகபாவம், சுவாச நிலை ஆகியவை அடிப்படையில் மதிப்பெண்கள் வழங்கப்பட்டன.
போட்டியில் வென்றவர்களுக்கு சான்றிதழ், பரிசு மற்றும் கோப்பைகளை முன்னாள் அமைச்சர் ம. சின்னசாமி வழங்கினார்.
இதில், பங்கேற்ற அனைத்து போட்டியாளர்களுக்கும் நினைவுப் பரிசுகள் மற்றும் சான்றிதழ்கள் வழங்கப்பட்டன.

 

]]>
http://www.dinamani.com/all-editions/edition-trichy/karur/2018/feb/12/மாநில-யோகாசனப்-போட்டியில்-வென்றவர்களுக்குப்-பரிசு-2861772.html
2861771 திருச்சி கரூர் "உலகிலேயே உயர்ந்த அறநூல் திருக்குறளே' DIN DIN Monday, February 12, 2018 02:52 AM +0530 உலகிலேயே உயர்ந்த அறநூல் திருக்குறளே என்றார் திருப்பூர் கிருஷ்ணன். கரூர் திருக்குறள் பேரவையின் 31 ஆவது ஆண்டு விழாவை முன்னிட்டு நடத்தப்பட்ட போட்டிகளில் வென்றவர்களுக்கு பரிசுகள் வழங்கி அமுத சுரபி ஆசிரியர் திருப்பூர் கிருஷ்ணன் பேசியது:
அரசியல் பதவி, அதிகாரங்கள் சில வருடங்கள் மட்டுமே. ஆனால் திருக்குறளின் அதிகாரங்கள் மட்டுமே என்றும் நிலைத்தது. ஒன்றே முக்கால் அடியில் இத்தனை நீதியை சொன்ன குறள் தான், உலகிலேயே உயர்ந்த அறநூல். ஜாதி, மத ஆத்திக, நாத்திக வேற்றுமை நீக்கி மொழியால், குறளால் ஒன்றுபட வேண்டும். தமிழ்நாட்டிலேயே கரூர் திருக்குறள் பேரவை தான் திருக்குறள் பட்டயப் படிப்பு கல்லூரியைத் தொடங்க உள்ளது வரலாற்று பதிவாக அமையும் என்றார்.
திருவள்ளுவர் பட பேரணி: முன்னதாக பேரவை சார்பில் கரூர் பசுபதீஸ்வரர் ஆலய வளாகத்தில் திருவள்ளுவர் பட பேரணியை கரூர் திருக்குறள் பேரவை நிறுவனர் மேலை.பழநியப்பன் தலைமையில் கண் மருத்துவர் ப. ரமேஷ் தொடங்கி வைத்தார். பேரணி முக்கிய வீதிகள் வழியே சென்று கரூர் நகரத்தார் சங்க மண்டபத்தை வந்தடைந்தது. தொடர்ந்து மண்டபத்தில் நடைபெற்ற விழாவுக்கு பேரவைத் தலைவர் பி.டி.கோச் ப. தங்கராசு தலைமை வகித்தார். புரவலர் அவுரா பழ. ஈசுவரமூர்த்தி, பிஎன். அனந்தநாராயணன், ஏ.ஆர்.கே. சேது சுப்பிரமணியன் ஆகியோர் முன்னிலை வகித்தனர். பேரவை நிறுவனர் மேலை. பழநியப்பன் வரவேற்றார்.
சிறந்த அமைப்புகளுக்குப் பரிசு: தொடர்ந்து குளித்தலை தமிழ்ப்பேரவை, கரூர் நலவாழ்வு மையம் ஆகியவை சிறந்த அமைப்புக்கான பாராட்டு பெற்றன.
பேரவையின் சிறப்பு மலர் வெளியீடு: சிறப்பு மலரை திருப்பூர் கிருஷ்ணன் வெளியிட பட்டயக் கணக்காளர் மகாதேவன் பெற்றுக் கொண்டார். விழாவில், வள்ளுவர் கல்வி அறக்கட்டளை தலைவர் க. செங்குட்டுவன், ப.தங்கராசு, அவுரா பழ.ஈசுவரமூர்த்தி உள்ளிட்டோருக்கு பாராட்டு, விருதுகள் வழங்கப்பட்டன.
சிறந்த நூல்களுக்குப் பரிசு: சிறந்த நூல் போட்டியில் முதல் ப ரிசை வென்ற "வீழ்வதற்கல்ல வாழ்க்கை' நூல் ஆசிரியர் லேனா.தமிழ்வாணனுக்கு முதல் பரிசு ரூ.5,000, இரண்டாம் பரிசு பெற்ற சொ.சேதுபதிக்கு ரூ. 3,000 ரொக்கம், மூன்றாம் பரிசு பெற்ற அண்டனூர் சுராவிற்கு ரூ.2,000 ரொக்கம் மற்றும் விருதுகள் வழங்கப்பட்டன. முதல் பரிசைப் பெற்ற நூல் ஆசிரியர் லேனா.தமிழ்வாணன், வள்ளுவத்தை வாழ்வியல் நெறியாகப் பின்பற்றினால் நல்ல சமுதாயம் உருவாகும் என பரிசளிப்பு விழாவில் பேசினார்.
விழாவில், இளசை சுந்தரம், கடவூர் மணிமாறன், லலிதா சுந்தரம், அருணா பொன்னுசாமி ஆகியோர் ஏற்புரையாற்றினர். தமிழ் இசை சங்கத் தலைவரும், திருக்குறள் பேரவையின் நிர்வாகியுமான க.ப.பாலசுப்ரமணியம் நன்றி கூறினார்.

 

]]>
http://www.dinamani.com/all-editions/edition-trichy/karur/2018/feb/12/உலகிலேயே-உயர்ந்த-அறநூல்-திருக்குறளே-2861771.html
2861770 திருச்சி கரூர் பிளஸ்-2 மாதிரி பொதுத்தேர்வில் வென்றவர்களுக்கு பரிசளிப்பு DIN DIN Monday, February 12, 2018 02:52 AM +0530 கரூர் வள்ளுவர் அறக்கட்டளை சார்பில் பிளஸ்-2 மாணவர்களுக்கு நடத்தப்பட்ட மாதிரி பொதுத்தேர்வில் வென்றவர்களுக்குப் பரிசுகள் ஞாயிற்றுக்கிழமை வழங்கப்பட்டது.
கரூர் வள்ளுவர் கல்வி அறக்கட்டளை சார்பில் கடந்த மாதம் 9 ஆம் தேதி அரசுப் பள்ளிகளில் பயிலும் பிளஸ்-2 மாணவ, மாணவிகளுக்கு மாதிரி பொதுத்தேர்வு நடத்தப்பட்டது. இதில், மாவட்டம் முழுவதும் 30-க்கும் மேற்பட்ட அரசுப் பள்ளிகளில் இருந்து 3,000-க்கும் மேற்பட்ட மாணவ, மாணவிகள் பங்கேற்றனர். இதில் பாட வாரியாக முதல் மதிப்பெண் பெற்ற மாணவ, மாணவிகளுக்கு பரிசுகள் வழங்கும் விழா கரூர் வள்ளுவர் ஹோட்டல் மேலாண்மைக் கல்லூரியில் ஞாயிற்றுக்கிழமை நடைபெற்றது.
விழாவிற்கு, அறக்கட்டளைத் தலைவர் க.செங்குட்டுவன் தலைமை வகித்தார்.விவேகானந்தா மேல்நிலைப் பள்ளி தலைமை ஆசிரியர் பாலசுப்ரமணியன் வரவேற்றார். மாவட்ட முதன்மைக் கல்வி அலுவலர் கணேசமூர்த்தி வெற்றி பெற்ற மாணவ, மாணவிகளுக்கு பரிசுகள் வழங்கி சிறப்புரையாற்றினார். புலியூர் ராணி மெய்யம்மை பள்ளி தலைமை ஆசிரியர் ஜோதிமுருகன் நன்றி கூறினார்.
 

]]>
http://www.dinamani.com/all-editions/edition-trichy/karur/2018/feb/12/பிளஸ்-2-மாதிரி-பொதுத்தேர்வில்-வென்றவர்களுக்கு-பரிசளிப்பு-2861770.html
2861769 திருச்சி கரூர் ஏப். இறுதிக்குள் 2 லட்சம் உறுப்பினர் சேர்க்கை: ரஜினி மக்கள் மன்றம் DIN DIN Monday, February 12, 2018 02:51 AM +0530 கரூர் மாவட்டத்தில் ஏப்ரல் மாத இறுதிக்குள் 2 லட்சம் உறுப்பினர்களை சேர்க்க ரஜினி மக்கள் மன்றத்தினர் முடிவெடுத்துள்ளனர்.
கரூரில் மாவட்ட ரஜினி மக்கள் மன்ற ஆலோசனைக் கூட்டம் மாவட்டத் தலைவர் கே.எஸ். ராஜா தலைமையில் ஞாயிற்றுக்கிழமை நடைபெற்றது.
மாவட்டச் செயலாளர் கே.என். ஜவஹர், கே.வி.பாலகுமார் ஆகியோர் முன்னிலை வகித்தனர். பொருளாளர் பி.சிவா வரவேற்றார். அமைப்பாளர் கீதம்ரவி நன்றி கூறினார்.
கூட்டத்தில், கரூர் மாவட்டத்தில் ஏப்ரல் மாத இறுதிக்குள் 2 லட்சம் உறுப்பினர்களைச் சேர்ப்பது, ரஜினி கட்சிக்கொடியை அறிமுகப்படுத்திய பிறகு வார்டு வாரியாக நலத்திட்ட உதவிகள் வழங்கி கட்சிக் கொடியை அறிமுகப்படுத்துவது, ஒவ்வொரு வார்டுகளிலும் குழு அமைத்து குறைந்தபட்சம் 1000 உறுப்பினர்களைச் சேர்ப்பது, விளம்பர தட்டிகள், போஸ்டர்கள், நோட்டீஸ்கள் மூலம் மன்ற நிகழ்வுகளை தெரிவிக்கும்போது, அரசியல் கட்சிகளை விமர்சனம் செய்யக்கூடாது என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில், மன்ற நிர்வாகிகள் ராஜா, ரவி, பாலமுருகன், சபாபதி உள்ளிட்ட மாவட்ட, நகர, ஒன்றிய நிர்வாகிகள் திரளாகப் பங்கேற்றனர்.

 

]]>
http://www.dinamani.com/all-editions/edition-trichy/karur/2018/feb/12/ஏப்-இறுதிக்குள்-2-லட்சம்-உறுப்பினர்-சேர்க்கை-ரஜினி-மக்கள்-மன்றம்-2861769.html
2861139 திருச்சி கரூர் கோடைக்கு முன்பே தொடங்கியதுதர்ப்பூசணி விற்பனை! DIN DIN Sunday, February 11, 2018 01:00 AM +0530 கரூரில் கோடைக்கு முன்பே தாகம் தணிக்க கரூருக்கு தர்பூசணி வந்துவிட்டது. கரூரில் பொதுமக்கள் ஆர்வத்துடன் வாங்கிச் செல்கின்றனர்.
ஆப்பிரிக்க கண்டத்தைச் சேர்ந்த கொடிப் பயிராக கருதப்படும் தர்ப்பூசணி நீர்ச் சத்து அதிகம் நிறைந்தது என்பதால் கோடை காலங்களில் தாகம் போக்கும் அருமருந்தாக உள்ளது. குறிப்பாக மார்ச்சில் தொடங்கும் கோடை காலத்திற்குத்தான் அதிகளவில் தர்ப்பூசணி கரூருக்கு விற்பனை வரும். ஆனால் நிகழாண்டில் கோடைக்கு முன்பே கரூருக்கு ஏராளமான தர்ப்பூசணி பழங்கள் குவியத் தொடங்கியுள்ளன. விழுப்புரம், சேலம், திண்டிவனம் உள்ளிட்ட மாவட்டங்களில் இருந்து விற்பனைக்காக அவை கொண்டு வரப்பட்டுள்ளன.
கார்போஹைட்ரேட் 7.6 கிராம், புரோட்டின் 0.6 கிராம், தயாமின் 0.003 மி.கிராம், வைட்டமின் சி 8.1 மி.கிராம், வைட்டமின் ஈ 0.05 மி.கிராம், இரும்பு 0.24 மி.கிராம், மெக்னீசியம் 10 மி.கிராம் என பல்வேறு வைட்டமின்கள், நார்ச்சத்துக்கள் உள்ளட்டங்கியுள்ள தர்ப்பூசணி உடலுக்கு சத்தான உணவாகக் கருதப்படுகிறது. தற்போது கரூர் நகர் பகுதியில் தாந்தோணிமலை, கரூர் லைட்ஹவுஸ் கார்னர், திருமாநிலையூர், அரசு மருத்துவமனை, ஜவஹர் பஜார் உள்ளிட்ட பகுதிகளில் அதிகளவில் விற்பனைக்காக உள்ளது.
இதுதொடர்பாக கரூரைச் சேர்ந்த தர்ப்பூசணி வியாபாரி கூறுகையில், கடந்த 2017-ல் தமிழகத்தில் பருவ மழை ஓரளவு பெய்ததால் மேட்டூர், திண்டிவனம், விழுப்புரம் பகுதியில் தர்ப்பூசணி விளைச்சல் அதிகரித்துள்ளது. கடும் வெயில் காலமான மார்ச் மாதத்திற்கு பிறகுதான் இந்த பழம் விற்பனைக்கு வரும், ஆனால் தற்போது நன்றாக பெய்த மழையால் முன்னதாகவே தர்ப்பூசணி அறுவடைக்கு வந்துவிட்டது. பழம் கிலோ ரூ.20-க்கு விற்பனை செய்யப்படுகிறது. கடந்தாண்டு ரூ.30 வரை விற்கப்பட்டது. ஆனால் இந்த ஆண்டு குறைத்து விற்பனை செய்கிறோம் என்றார்.

 

]]>
http://www.dinamani.com/all-editions/edition-trichy/karur/2018/feb/11/கோடைக்கு-முன்பே-தொடங்கியதுதர்ப்பூசணி-விற்பனை-2861139.html
2861138 திருச்சி கரூர் கரூர், குளித்தலை நீதிமன்றங்களில் தேசிய மக்கள் நீதிமன்றம்: 660 வழக்குகளில் ரூ.15.21 கோடி நிவாரணம் DIN DIN Sunday, February 11, 2018 01:00 AM +0530 கரூர், குளித்தலை நீதிமன்றங்களில் நடைபெற்ற தேசிய மக்கள் நீதிமன்றத்தில் 660 வழக்குகளில் ரூ.15.21 கோடியில் நிவாரணம் வழங்கப்பட்டது.
கரூர் மாவட்ட சட்டப்பணிகள் ஆணைக்குழு சார்பில் தேசிய மக்கள் நீதிமன்றம் கரூர், குளித்தலை நீதிமன்றங்களில் சனிக்கிழமை நடைபெற்றது. கரூர் மாவட்ட நீதிமன்ற வளாகத்தில் கரூர் தலைமை குற்றவியல் நீதிபதி பி. பார்த்தசாரதி தொடக்கி வைத்தார். இதில் கரூர் மாவட்ட சட்டப்பணிகள்ஆணைக்குழுச் செயலர் ஆர். தங்கவேல், முதன்மை சார்பு நீதிபதி டிவி. மணி, கூடுதல் சார்பு நீதிபதி சத்யதாரா, கூடுதல் உரிமையியல் நீதிமன்ற நீதிபதி ஜெயபிரகாஷ் மற்றும் வழக்குரைஞர்களும், நீதிமன்ற ஊழியர்களும் பங்கேற்றனர்.
மொத்தம் மூன்று அமர்வுகள் ஏற்படுத்தப்பட்டு விசாரிக்கப்பட்டது. இதில் ஓய்வுபெற்ற மாவட்ட நீதிபதி என். நாகராஜன், வழக்குரைஞர் ஆர். சதீஷ்குமார், சமூக ஆர்வலர் கேகே. சொக்கலிங்கம், முதன்மை சார்பு நீதிபதி டிவி. மணி, வழக்குரைஞர் பி. ராமநாதன், சமூக ஆர்வலர் கே. முருகானந்தம் ஆகியோர் பங்கேற்றனர்.
குளித்தலை சார்பு நீதிமன்றத்தில் நடைபெற்ற அமர்வில் சார்பு நீதிபதி எம். அகிலாசாலினி, வழக்குரைஞர் எம். பரமசிவம், சமூக ஆர்வலர் எஸ். நடராஜன் ஆகியோர் பங்கேற்றனர். இரு இடங்களிலும் நடைபெற்ற நிகழ்ச்சிகளில் வங்கி காசோலை வழக்குகள், புரோநோட்டு வழக்குகள், வங்கி வராக்கடன் வழக்குகள், மோட்டார் வாகன விபத்து இழப்பீடு வழக்குகள், சிவில் , கிரிமினல் வழக்குகள் உள்ளிட்டவை விசாரிக்கப்பட்டன. மொத்தம் 6053 வழக்குகள் சமரசத் தீர்வுக்கு எடுத்துக்கொள்ளப்பட்டு 660 வழக்குகளில் தீர்வு காணப்பட்டு பயனாளிகளுக்கு ரூ. 15.21 கோடியில் நிவாரணம் வழங்கப்பட்டது.

 

]]>
http://www.dinamani.com/all-editions/edition-trichy/karur/2018/feb/11/கரூர்-குளித்தலை-நீதிமன்றங்களில்-தேசிய-மக்கள்-நீதிமன்றம்-660-வழக்குகளில்-ரூ1521-கோடி-நிவாரணம்-2861138.html
2861137 திருச்சி கரூர் கரூர் ரயில் நிலைய உணவகத்திற்கு 'சீல்' DIN DIN Sunday, February 11, 2018 01:00 AM +0530 கரூர் ரயில் நிலைய உணவகத்திற்கு சனிக்கிழமை அதிகாரிகள் சீல் வைத்தனர்.
கரூர் ரயில் நிலையத்தில் சேலம் ரயில்வே கோட்ட கூடுதல் மேலாளர் சந்திரபால், வணிக மேலாளர் விஜிபின் ஆகியோர் சனிக்கிழமை காலை திடீர் ஆய்வு மேற்கொண்டனர். அப்போது ரயில் நிலைய உணவகம் சுகாதாரமின்றி இருந்ததாம். இதையடுத்து உணவகத்துக்கு அதிகாரிகள் சீல் வைத்தனர். பின்னர் உணவகத்தை நடத்தி வருபவர் அதிகாரிகளிடம் மன்னிப்பு கேட்டதையடுத்து மாலையில் மீண்டும் திறக்கப்பட்டது.

 

]]>
http://www.dinamani.com/all-editions/edition-trichy/karur/2018/feb/11/கரூர்-ரயில்-நிலைய-உணவகத்திற்கு-சீல்-2861137.html
2861135 திருச்சி கரூர் கார் மோதி தொழிலாளி சாவு DIN DIN Sunday, February 11, 2018 12:59 AM +0530  பைக் மீது கார் மோதி தொழிலாளி இறந்தார்.
கரூர் வாங்கலைச் சேர்ந்தவர் ராமகிருஷ்ணன் (46), தொழிலாளி. இவர் வெள்ளிக்கிழமை தனது பைக்கில் வாங்கல்-என்.புதூர் சாலையில் செவ்வந்திபாளையம் பகுதியில் சென்றபோது எதிரே மாடுகள் வந்ததால் நிலைதடுமாறி விழுந்தார்.
அப்போது அவ்வழியே வந்த கார் அவர் மீது மோதி படுகாயமடைந்த அவரை அக்கம்பக்கத்தினர் மீட்டு கரூர் அரசு மருத்துவமனைக்கு கொண்டு சென்றனர்.
ஆனால் வழியிலேயே இறந்தார். வாங்கல் போலீஸார் வழக்குப்பதிந்து விசாரிக்கின்றனர்.


இளைஞர் கொலை
கரூர் அருகே இளைஞரை அடித்துக்கொன்று முட்புதரில் வீசி விட்டுச் சென்ற மர்ம நபர்களை போலீஸார் தேடி வருகின்றனர்.
கரூர் அருகே காந்திகிராமம் வடக்குப்பாளையம் பகுதியில் முட்புதருக்குள் அடித்துக்கொலை செய்யப்பட்ட நிலையில் 30 வயது மதிக்கத்தக்க இளைஞர் சனிக்கிழமை சடலமாக கிடந்தார்.
இதுதொடர்பாக அப்பகுதியினர் கரூர் பசுபதிபாளையம் போலீஸாருக்கு தகவல் கொடுத்தனர்.
இதையடுத்து போலீஸார் மற்றும் நகர துணைக் காவல் கண்காணிப்பாளர் கும்மராஜா ஆகியோர் சடலத்தை கைப்பற்றி கரூர் அரசு மருத்துவமனைக்கு அனுப்பினர். பசுபதிபாளையம் போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/feb/11/கார்-மோதி-தொழிலாளி-சாவு-2861135.html
2861134 திருச்சி கரூர் க.பரமத்தி அருகே இளைஞர் தற்கொலை DIN DIN Sunday, February 11, 2018 12:59 AM +0530 க.பரமத்தி அடுத்த பவித்திரம் அருகே சனிக்கிழமை காலை இளைஞர் தீக்குளித்து தற்கொலை செய்து கொண்டார்.
க.பரமத்தி ஒன்றியம் பவித்திரம்மேடு பகுதியைச் சேர்ந்தவர் செல்லமுத்து மகன் வெங்கடேசன் (23), பொறியியல் பட்டதாரி. போட்டித் தேர்வுக்குப் படித்து வந்த இவர் கடந்த பல நாட்களாக உடல் நலம் பாதிக்கப்பட்டு வேதனையில் இருந்தாராம்.
இந்நிலையில் சனிக்கிழமை காலை வீட்டின் மொட்டை மாடிக்குச் சென்ற இவர் மண்ணெண்ணெய் ஊற்றித் தீ வைத்துக் கொண்டார்.
இதையடுத்து கோவை தனியார் மருத்துவமனைக்கு கொண்டு செல்லப்பட்டு, மீண்டும் கரூர் அரசு மருத்துவமனையில் சேர்க்கப்பட்ட வெங்கடேசன் இறந்தார். க. பரமத்தி போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/feb/11/கபரமத்தி-அருகே-இளைஞர்-தற்கொலை-2861134.html
2861133 திருச்சி கரூர் வார்டு மறுவரையறை: கரூர் உள்பட 5 மாவட்ட ஆட்சியர்களுடன் கருத்துக் கேட்பு DIN DIN Sunday, February 11, 2018 12:58 AM +0530 தமிழ்நாடு மறுவரையறை ஆணையம் சார்பில், வரைவு வார்டு மறுவரையறை கருத்துருக்கள் மீதான மண்டல அளவிலான கருத்துக் கேட்பு கூட்டம் சேலம் ஆட்சியர் அலுவலகத்தில் சனிக்கிழமை நடைபெற்றது.
தமிழ்நாடு வார்டு மறுவரையறை ஆணையர் மற்றும் மாநிலத் தேர்தல் ஆணையர் மாலிக் பெரோஸ்கான் கலந்து கொண்டு சேலம், கிருஷ்ணகிரி, தருமபுரி, நாமக்கல் மற்றும் கரூர் மாவட்டங்களின் கருத்துருக்களைக் கேட்டறிந்தார். அப்போது அவர் பேசியது:
இந்த 5 மாவட்டங்களைப் பொருத்தவரை ஜனவரி 12 ஆம் தேதி வரை பெறப்பட மனுக்களில் 793 மனுக்கள் பரிசீலனை செய்யப்பட்டு, மறுவரையறை ஆணையத்துக்கு பரிந்துரை செய்யப்பட்டுள்ளன. மீதமுள்ள 998 மனுக்கள் பரிசீலனை செய்யப்பட உள்ளன.
இந்த மனுக்களைப் பரீசிலனை செய்து ஒரு வார காலத்துக்குள் உரிய நடவடிக்கை மேற்கொண்டு மறுவரையறை ஆணையத்துக்கு உடனடியாக அறிக்கை அனுப்ப வேண்டும். இதனால் நியாய விலைக் கடைகள் மாறுவதோ, ஆதார் அட்டையில் திருத்தம் செய்வதோ தேவை இல்லை. பொதுமக்களுக்கு எந்தவொரு அசெளகரியமும் ஏற்படாது என்றார்.
இதனிடையே, உள்ளாட்சி அமைப்பினர், அனைத்துக் கட்சியினர் தங்களது கருத்துகளைத் தெரிவித்தனர். சிலர் தேர்தல் ஆணையர் கருத்துக்கு, எதிர்ப்புத் தெரிவித்தனர். இக் கூட்டம் இரவு 7 மணி வரை நடைபெற்றது.
கூட்டத்தில், நகராட்சி நிர்வாக ஆணையர் கோ.பிரகாஷ், ஊரக வளர்ச்சி மற்றும் ஊராட்சித் துறை இயக்குநர் பாஸ்கர், பேரூராட்சிகள் இயக்குநர் பழனிசாமி, மறுவரையறை ஆணைய உறுப்பினர் செயலர் ராஜசேகர், சேலம் ஆட்சியர் ரோகிணி ராம்தாஸ், கிருஷ்ணகிரி ஆட்சியர் சி.கதிரவன், தருமபுரி ஆட்சியர் கே.விவேகானந்தன், கரூர் ஆட்சியர் ஜி.கோவிந்தராஜ், நாமக்கல் ஆட்சியர் ஆசியா மரியம் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-trichy/karur/2018/feb/11/வார்டு-மறுவரையறை-கரூர்-உள்பட-5-மாவட்ட-ஆட்சியர்களுடன்-கருத்துக்-கேட்பு-2861133.html
2861079 திருச்சி கரூர் சென்னை ரெளடி பினுவின் கூட்டாளி கரூரில் சிக்கினார் DIN DIN Sunday, February 11, 2018 12:47 AM +0530 கரூரில் துணை நடிகர் என்ற போர்வையில் சென்னை ரௌடி பினு 2 ஆண்டாக தலைமறைவு வாழ்க்கை வாழ உதவிய அவரது கூட்டாளி மாதவன் போலீஸாரிடம் சனிக்கிழமை சிக்கினார்.
சென்னை வண்டலூர் வடக்கு மலையம்பாக்கம் பகுதியில் வண்டலூர்-மீஞ்சூர் சாலையில் சூளைமேட்டைச் சேர்ந்த பிரபல ரௌடி பினுவின் பிறந்த நாள் கொண்டாட்டத்துக்கு வந்த ரெளடிகளைச் சுற்றி வளைத்த போலீஸார் அவர்களில் 75 பேரைக் கைது செய்தனர்.
இவர்களில் தப்பியோடிய கேரள மாநிலத்தைச் சேர்ந்த சூளைமேடு பினு, அவரது முக்கியக் கூட்டாளிகளான கனகு என்கிற கனகராஜ், விக்கி என்கிற விக்னேஷ் உள்ளிட்ட 25 பேரைப் பிடிக்க 4 தனிப்படைகள் அமைக்கப்பட்டுள்ளன.
இந்நிலையில் பினுவின் கூட்டாளிகளில் ஒருவரான கரூர் லாலாபேட்டையைச் சேர்ந்த மாதவனை (45) பிடிக்க சென்னை ஒருங்கிணைப்பு குற்றப் புலனாய்வுத்துறை அதிகாரிகள் மற்றும் திருச்சி குற்றப் புலனாய்வுத்துறை போலீஸார் அடங்கிய தனிப்படையினர் சனிக்கிழமை கரூர் வந்தனர்.
கரூர் மருத்துவ நகரில் மாதவன் தங்கியிருந்த வீட்டை அதிகாலையில் அவர்கள் சுற்றிவளைத்த நிலையில், தப்ப முயன்ற மாதவனை மடக்கி, கரூரில் ரகசிய இடத்தில் வைத்து விசாரித்து வருகின்றனர்.
விசாரணையில் சென்னை சூளைமேட்டில் மாதவன் முடிதிருத்தும் கடை நடத்தி வந்தபோது கடைக்கு வந்த பினுவின் கூட்டாளிகளுடன் பழக்கம் ஏற்பட்டது. அவர்கள் மாதவனை பினுவிடம் அறிமுகப்படுத்த, பின்னர் பினுவின் நம்பிக்கைக்குரியவரானார் மாதவன். இந்நிலையில் போலீஸார் தன்னைத் தேடுவதையறிந்த பினு கேரளத்திலும், துணை நடிகர் என்ற போர்வையில் மாதவனின் துணையோடு கரூர் மருத்துவ நகரில் 2 ஆண்டாக வாடகை வீட்டிலும் மாறி மாறி தலைமறைவு வாழ்க்கை நடத்தினார்.
கரூரில் தங்கியிருந்தபோது பக்கத்து வீட்டுக்காரர்களுடன்கூட தொடர்பின்றி இருந்த பினு, இரவு நேரங்களில் மட்டும் காரில் வெளியே சென்று வருவாராம். கடந்த 2 வாரங்களுக்கு முன்புதான் இங்கிருந்து சென்னைக்குச் சென்றது தெரியவந்தது.
இதையடுத்து மாதவனைக் கைது செய்து கரூர் நீதிமன்றத்தில் ஆஜர்படுத்தி சென்னைக்கு அழைத்துச் செல்ல உள்ளதாக காவல்துறை வட்டாரங்கள் தெரிவித்தன.

 

]]>
http://www.dinamani.com/all-editions/edition-trichy/karur/2018/feb/11/சென்னை-ரெளடி-பினுவின்-கூட்டாளி-கரூரில்-சிக்கினார்-2861079.html
2860724 திருச்சி கரூர் குரூப் 4 தேர்வை சிறப்பாக நடத்த ஒத்துழைப்பு தேவை' DIN DIN Saturday, February 10, 2018 02:42 AM +0530 தமிழ்நாடு அரசு பணியாளர் தேர்வாணையம் நடத்தும் தொகுதி-4-க்கான தேர்வை சிறப்பாக நடத்த அலுவலர்கள் ஒத்துழைக்க வேண்டும் என்றார் மாவட்ட ஆட்சியர் கு. கோவிந்தராஜ்.
கரூர் ஆட்சியரகத்தில் டிஎன்பிஎஸ்சி நடத்தும் தொகுதி 4-க்கான தேர்வை சிறப்பாக நடத்துவது தொடர்பாக வெள்ளிக்கிழமை நடைபெற்ற ஆலோசனைக் கூட்டத்துக்குத் தலைமை வகித்து மேலும் அவர் கூறியது:
குரூப்-4க்கான தேர்வில் இந்த முறை முதல்முறையாக 5 நிமிடம் கூடுதல் நேரம் ஒதுக்கப்பட்டுள்ளது. அந்த நேரத்தில் எத்தனை கேள்விகளுக்கு பதிலளிக்கவில்லை என்பதை குறிப்பிட மட்டும் பயன்படுத்திக் கொள்ள வேண்டும்.
தேர்வெழுத கரூர் பேருந்து நிலையம் மூலம் பல்வேறு மையங்களுக்கு செல்பவரின் வசதிக்காக தகவல் தெரிந்து கொள்ள தமிழ்நாடு அரசு போக்குவரத்துக்கழகம் மற்றும் காவல்துறை சார்பாக உதவி மையம் அமைக்கப்படவுள்ளது. மாற்றுத்திறனாளிகளுக்கு எழுதிக் கொடுப்பவர்களுக்கு கூடுதலாக 30 நிமிடம் ஒதுக்கப்படும். 10.45 மணிக்குள் தேர்வு எழுத வராதவர்களின் எண்ணிக்கை தேர்வு மையக் கண்காணிப்பாளர் மூலம் சம்பந்தப்பட்ட வட்டாட்சியர் மூலம் புதிய மென்பொருள் மூலம் கணினியில் பதிவேற்றப்படவுள்ளது.
தேர்வு மையங்கள் முழுமையாக விடியோ பதிவு மூலம் காவல்துறையின் மூலம் கண்காணிக்கப்படவுள்ளது. தேர்வு எழுத வருவோரின் வசதிக்காக தேர்வு மையங்களுக்கு உரிய நேரத்தில் செல்ல பேருந்து வசதி மற்றும் தேர்வு மையங்களில் குடிநீர், கழிவறை
மற்றும் மின்சாரம் உள்ளிட்ட அனைத்து வசதிகளும் செய்யப்பட்டுள்ளன.
இந்த தேர்வு பணியில் ஈடுபட்டுள்ளவர்கள் அவரவர் பணியை சிறப்பாக செய்து தேர்வை நல்லபடியாக நடத்த ஒத்துழைக்க வேண்டும் என்றார்.
கூட்டத்தில் மாவட்ட வருவாய் அலுவலர் ச. சூர்யபிரகாஷ், மாவட்ட ஆட்சியரின் நேர்முக உதவியாளர் (பொது) சைபுதீன், துணைக் காவல் கண்காணிப்பாளர்கள் கும்மராஜா (கரூர்), முத்துகருப்பன் (குளித்தலை), வருவாய் கோட்டாட்சியர் சரவணமூர்த்தி, தமிழ்நாடு அரசு பணியாளர் தேர்வாணைய பிரிவு அலுவலர் பாஸ்கரபாண்டியன் உள்பட பல்வேறு அரசு அலுவலர்கள் கலந்து கொண்டனர்.

 

]]>
http://www.dinamani.com/all-editions/edition-trichy/karur/2018/feb/10/குரூப்-4-தேர்வை-சிறப்பாக-நடத்த-ஒத்துழைப்பு-தேவை-2860724.html
2860722 திருச்சி கரூர் போக்குவரத்துக் கழக தொழிற்சங்கம் ஆர்ப்பாட்டம் DIN DIN Saturday, February 10, 2018 02:41 AM +0530 கரூரில் போக்குவரத்துக் கழக ஏஐடியுசி தொழிற்சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.
கரூர் திருமாநிலையூர் அரசுப் போக்குவரத்து கழக பணிமனை முன் நடைபெற்ற ஆர்ப்பாட்டத்துக்கு மாநில நிர்வாகக் குழு உறுப்பினர் வி. மனோகரன் தலைமை வகித்தார். இந்திய கம்யூ. மாவட்டச் செயலர் கே.கே. பெரியசாமி, ஏஐடியு மாவட்டத் தலைவர் எம். ஷேசன் ஆகியோர் சிறப்புரையாற்றினர். சங்கத்தின் கரூர் மண்டலத் தலைவர் ஆர். ராஜேந்திரன், பொதுச் செயலர் ஏ. செல்வராஜ், பொருளாளர் பி. செல்வராஜ் உள்ளிட்டோர் விளக்கவுரையாற்றினர். ஆர்ப்பாட்டத்தில் வேலைநிறுத்தத்தைக் காரணம் காட்டி பழிவாங்கும் நடவடிக்கையை கண்டித்து கோஷங்கள் எழுப்பப்பட்டன. இதில் தொழிற்சங்கத்தினர் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/feb/10/போக்குவரத்துக்-கழக-தொழிற்சங்கம்-ஆர்ப்பாட்டம்-2860722.html
2860720 திருச்சி கரூர் பிப்.26,27-ல் வெண்பன்றி வளர்ப்பு இலவச பயிற்சி DIN DIN Saturday, February 10, 2018 02:40 AM +0530 கரூர் பண்டுதகாரன்புதூர் கால்நடை ஆராய்ச்சி மையத்தில் வரும் 26,27-ம் தேதிகளில் வெண்பன்றி வளர்ப்பு இலவச பயிற்சி நடைபெற உள்ளது.
இதுதொடர்பாக பண்டுதகாரன்புதூர் கால்நடை மருத்துவ பல்கலைக்கழக பயிற்சி மற்றும் ஆராய்ச்சி மையத் தலைவர் பெ. வசந்தகுமார் வெளியிட்ட செய்திக்குறிப்பு: பயிற்சியில் வெண்பன்றி இனங்கள், கொட்டகை அமைப்பு, தீவன மேலாண்மை, பன்றிகளைத் தாக்கும் நோய்கள், அவற்றைத் தடுக்கும் முறைகள், விற்பனை உத்திகள், பண்ணைப் பொருளாதாரம் குறித்து விளக்கப்படுகிறது.
பயிற்சியில் பங்கேற்க விரும்புவோர் மையத்திற்கு காலை 10.30 மணிக்கு வந்து பெயரை பதிய வேண்டும்.

 

]]>
http://www.dinamani.com/all-editions/edition-trichy/karur/2018/feb/10/பிப்2627-ல்-வெண்பன்றி-வளர்ப்பு-இலவச-பயிற்சி-2860720.html
2860719 திருச்சி கரூர் வேலாயுதம்பாளையம் அருகே சூதாட்டம்: 4 பேர் கைது DIN DIN Saturday, February 10, 2018 02:39 AM +0530 வேலாயுதம்பாளையம் அருகே சூதாடிய 4 பேரை கைது செய்த போலீஸார் அவர்களிடம் சூதாட்ட பணத்தையும் பறிமுதல் செய்தனர்.
வேலாயுதம்பாளையம் அருகே கரூர் - ஈரோடு சாலையில் தனியார் கல்லூரி பகுதியில் சிலர் பணம் வைத்து சூதாடுவதாக வேலாயுதம்பாளையம் போலீஸாருக்கு வியாழக்கிழமை தகவல் கிடைத்துள்ளது. இதையடுத்து போலீஸார் சம்பவ இடத்திற்குச் சென்று சோதனை நடத்தியபோது அங்கு பணம் வைத்துச் சூதாடிய ஈரோடு மாவட்டம், கொடுமுடி ஊஞ்சலூர் பகுதியைச் சேர்ந்த சிவகுமார் (48) உள்பட 4 பேரை கைது செய்து, சூதாட்டம் பணம் ரூ. 2050-ஐயும் பறிமுதல் செய்தனர்.

 

]]>
http://www.dinamani.com/all-editions/edition-trichy/karur/2018/feb/10/வேலாயுதம்பாளையம்-அருகே-சூதாட்டம்-4-பேர்-கைது-2860719.html
2860718 திருச்சி கரூர் ஆசிரியர் கூட்டணி காத்திருப்பு போராட்டம் DIN DIN Saturday, February 10, 2018 02:39 AM +0530 கரூரில் தமிழ்நாடு ஆரம்பப்பள்ளி ஆசிரியர் கூட்டணியின் கரூர் மாவட்டக் கிளையினர் வெள்ளிக்கிழமை காத்திருப்புப் போராட்டத்தில் ஈடுபட்டனர்.
கரூர் மாவட்ட முதன்மைக்கல்வி அலுவலர் அலுவலகம் முன் நடைபெற்ற போராட்டத்துக்கு மாவட்டத் தலைவர் பெ. காளிதாஸ் தலைமை வகித்தார். மாவட்டச் செயலர் ஐ. ஜெயராமன், பொருளாளர் பெ. கனகராஜ் உள்ளிட்டோர் முன்னிலை வகித்தனர்.
தமிழக இடைநிலை ஆசிரியர்களுக்கு மத்திய அரசு ஆசிரியர்களுக்கு இணையான ஊதியம் வழங்க வேண்டும், தன்பங்கேற்பு ஓய்வூதியத் திட்டத்தை கைவிட்டு விட்டு பழைய ஓய்வூதியத் திட்டத்தை அமல்படுத்த வேண்டும்.
கற்பித்தல் பணியை பாதிக்கும் வகையில் ஆசிரியர்களைக்கொண்டு புள்ளிவிவரங்களை வலைதளத்தில் பதிவு செய்வதைத் தவிர்க்க வேண்டும். தமிழகத்தில் உள்ள அனைத்து தொடக்க, நடுநிலைப்பள்ளிகளுக்கும் இன்றைய தேவையைக் கருத்தில் கொண்டு இணையதள வசதியுடன் கணினி வழங்கி அதை இயக்கிட பணியாளர்கள் நியமிக்க வேண்டும்
என்பன உள்ளிட்ட 15 அம்ச கோரிக்கைகளை வலியுறுத்தி நடைபெற்ற காத்திருப்பு போராட்டத்தில் திரளான ஆசிரியர்கள் பங்கேற்றனர்.

 

]]>
http://www.dinamani.com/all-editions/edition-trichy/karur/2018/feb/10/ஆசிரியர்-கூட்டணி-காத்திருப்பு-போராட்டம்-2860718.html
2860717 திருச்சி கரூர் கால்நடைப் பராமரிப்பு துறையில் உதவியாளர் பணி DIN DIN Saturday, February 10, 2018 02:39 AM +0530 கரூர் மாவட்டத்தில் கால்நடை பராமரிப்புத் துறையில் காலியாகவுள்ள 24 கால்நடைப் பராமரிப்பு உதவியாளர் காலியிடங்களுக்கு கரூர் மாவட்டத்தை சேர்ந்த தகுதியானவர்களிடமிருந்து விண்ணப்பங்கள் வரவேற்கப்படுகிறது.
இதுதொடர்பாக மாவட்ட ஆட்சியர் கு. கோவிந்தராஜ் செய்திக்குறிப்பு:
இப்பணியிடங்களுக்கு கல்வித்தகுதி 10-ம் வகுப்பு, வயது வரம்பு: எஸ்சிஏ 18-35, எஸ்சி.18-35, எஸ்டி 18-35, பிசி 18-32 ஓசி 18-30 (1.7.15 அன்றுள்ளவாறு) மற்றும் கால்நடைகளை கையாளத் தெரிந்திருக்க வேண்டும். மிதிவண்டி ஓட்டத் தெரிந்திருக்க வேண்டும்.
ஊதிய விகிதம் ரூ.15900-50400, விண்ணப்பப்படிவம் வலைத்தளத்தில் பதிவிறக்க வேண்டும். பூர்த்தி செய்யப்பட்ட விண்ணப்பங்களை மண்டல இணை இயக்குநர் அலுவலகம், கால்நடைப் பராமரிப்புத்துறை, கால்நடை பெருமருத்துவமனை வளாகம், கொளந்தாகவுண்டனூர், பசுபதிபாளையம் அஞ்சல், கரூர் -4.
விண்ணப்பங்கள் கிடைக்க வேண்டிய கடைசி நாள் வரும் 22-ம் தேதி பிற்பகல் 5.45 மணிக்குள் கிடைக்கும் வகையில் நேரிலோ, தபால் மூலமோ அனுப்பலாம். கால்நடை பராமரிப்பு உதவியாளர் பதவிக்கு நேர்காணல் அடிப்படையில் மட்டுமே தேர்வு செய்யப்படுவர். நேர்காணலில் அதிக மதிப்பெண் பெறும் விண்ணப்பதாரர்கள் இனசுழற்சி அடிப்படையில் தேர்வு செய்யப்படுவர். நேர்காணல் மாவட்ட ஆட்சியர் தலைமையில் மாவட்ட அளவில் நடைபெறும்.

 

]]>
http://www.dinamani.com/all-editions/edition-trichy/karur/2018/feb/10/கால்நடைப்-பராமரிப்பு-துறையில்-உதவியாளர்-பணி-2860717.html
2860716 திருச்சி கரூர் கிணற்றில் புதுப்பெண் சடலமாக மீட்பு DIN DIN Saturday, February 10, 2018 02:38 AM +0530 கிருஷ்ணராயபுரம் அருகே புதுப்பெண் கிணற்றில் சடலமாக மீட்கப்பட்டது குறித்து போலீஸார் விசாரிக்கின்றனர். கரூர் மாவட்டம், கடவூரை அடுத்த கரிச்சிப்பட்டியைச் சேர்ந்தவர் செல்வராஜ் மகள் சாந்தி (24).
இவருக்கும் கிருஷ்ணராயபுரம் அடுத்த குப்பனம்பட்டியைச் சேர்ந்த பாலசுப்ரமணியனுக்கும் கடந்த 4 மாதத்துக்கு முன் திருமணம் நடைபெற்றது. இந்நிலையில் தம்பதிக்கு இடையே அடிக்கடி தகராறு ஏற்பட்டதாம். இதனிடையே கடந்த மாதம் 7-ம் தேதி சாந்தி திடீரென மாயமான நிலையில் வியாழக்கிழமை கணவர் வீட்டின் அருகே உள்ள கிணற்றில் சடலமாக மிதப்பதாக அப்பகுதியினர் தெரிவித்தனர். இதையடுத்து முசிறி தீயணைப்புத் துறையினர் சம்பவ இடத்திற்கு சென்று சாந்தியின் சடலத்தை மீட்டு கரூர் அரசு மருத்துவமனைக்கு அனுப்பினர். குளித்தலை போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/feb/10/கிணற்றில்-புதுப்பெண்-சடலமாக-மீட்பு-2860716.html
2860714 திருச்சி கரூர் போட்டிகளில் பங்கேற்பதே முக்கியம் DIN DIN Saturday, February 10, 2018 02:38 AM +0530 போட்டிகளில் பங்கேற்று வெற்றி பெறுவது என்பதைவிட அவற்றில் பங்கேற்பதே முக்கியம் என்றார் கரூர் கோட்டாட்சியர் கு. சரவணமூர்த்தி.
கரூர் ஸ்ரீ அன்னை வித்யாலயா நர்சரி மற்றும் பிரைமரி பள்ளியில் வெள்ளிக்கிழமை அண்மையில் கரூரில் நடைபெற்ற மண்டல அளவிலான மாணவ, மாணவிகளுக்கான கையெழுத்துப்போட்டியில் வெற்றி பெற்ற பள்ளியின் 2-ம் வகுப்பு மாணவி சி. கனிஷ்காவுக்கு பரிசு, பாராட்டுச் சான்றிதழ் வழங்கி மேலும் அவர் பேசியது:
ஒருவரைப் பாராட்டுவது என்பது அவரைப் பெருமைப்படுத்துவது. ஒரு போட்டியில் வென்றவரைப் பாராட்டும்போது அவருக்கு அதே போட்டியில் மேலும் பல வெற்றிகளைக் குவிக்க ஊக்கம் கிடைக்கும்.
வாழ்க்கையில் எதுவும் நமக்கு கிடைக்கவில்லையே என நம்மை நாமே வருத்திக் கொள்ளக் கூடாது. போட்டியில் வெற்றி, தோல்வி என்பது அடுத்த விஷயம். அனைத்துப் போட்டிகளிலும் பங்கேற்க வேண்டும். அப்போதுதான் நம்மிடம் உள்ள திறமை எந்த அளவுக்கு உள்ளது என்பதை அறிய முடியும்.
படிப்புடன் பொது அறிவையும் வளர்த்துக்கொள்வது மிக அவசியம் என்றார் அவர்.
பள்ளித் தாளாளர் ஆர். மணிவண்ணன் தலைமை வகித்தார். அறக்கட்டளை நிர்வாகிகள் எஸ். புஷ்பராஜ், கார்த்திகேயன், பள்ளி நிர்வாக அலுவலர்கள், தலைமை ஆசிரியர், ஆசிரியர்கள் ஆகியோர் பங்கேற்றனர்.

 

]]>
http://www.dinamani.com/all-editions/edition-trichy/karur/2018/feb/10/போட்டிகளில்-பங்கேற்பதே-முக்கியம்-2860714.html
2860713 திருச்சி கரூர் அய்யர்மலையில் தொழில்நெறி வழிகாட்டும் கண்காட்சி, கருத்தரங்கு DIN DIN Saturday, February 10, 2018 02:38 AM +0530 அய்யர்மலையில் தொழில்நெறி வழிகாட்டும் கண்காட்சி, கருத்தரங்கு வெள்ளிக்கிழமை நடைபெற்றது.
கரூர் மாவட்டம், குளித்தலை வட்டம், அய்யர்மலை, ரத்தினகிரீஸ்வரர் திருக்கோவில் தியான மண்டபத்தில் வேலைவாய்ப்பு மற்றும் பயிற்சித் துறை சார்பில் நடைபெற்ற நிகழ்ச்சிக்கு தலைமை வகித்து மாவட்ட ஆட்சியர் கு.கோவிந்தராஜ் பேசியது:
கல்லூரி மாணவ, மாணவிகள் தமிழ்நாடு அரசு தேர்வாணையம் நடத்தும் தொகுதி 1, 2, 2ஏ, 4 ஆகிய தேர்வுகள், வங்கித்தேர்வுகள், ரயில்வே தேர்வுகள் ஆகிய தேர்வுகளுக்குத் தேவையான புத்தகங்களை வாங்கி படிக்க வேண்டும். மாணவ, மாணவிகள் அனைத்துப் போட்டித்தேர்வுகளிலும் கலந்து கொள்ள வேண்டும். ஒருமுறை தோல்வியுற்றாலும் மனம் தளராமல் விடாமுயற்சி செய்து தங்களது குறிக்கோளை அடைய வேண்டும். தேர்வில் வெற்றி பெற்ற மாணவர்கள் மேலும் பற்பல போட்டித்தேர்வுகளை எழுதி தேசியளவில் வெற்றி பெற்று நாட்டிற்கு நற்பெயரை ஈட்டித்தர வேண்டும் என்றார்.
தொடர்ந்து, வேலைவாய்ப்பு மற்றும் பயிற்சித்துறை சார்பில் நடத்தப்பட்ட தொழில்நெறி வழிகாட்டுதல் தொடர்பான கட்டுரைப்போட்டிகளில் வெற்றி பெற்ற முதல் 3 கல்லூரி மாணவ, மாணவிகளுக்கு ஆட்சியர் பரிசு வழங்கினார்.
நிகழ்ச்சியில் வருவாய் கோட்டாட்சியர் கு. விமல்ராஜ், மாவட்ட வேலைவாய்ப்பு அலுவலர் சே. ஆறுமுகம், வட்டாட்சியர் கலியமூர்த்தி, கணிதத் துறை முனைவர் வேணுகோபால், வணிகவியல் துறை முனைவர் பெரியசாமி, இளைஞர் மேம்பாட்டுத்திட்ட ஒருங்கிணைப்பாளர் ஆ. ஜெகதீசன் உட்பட பலர் பங்கேற்றனர்.

 

 

]]>
http://www.dinamani.com/all-editions/edition-trichy/karur/2018/feb/10/அய்யர்மலையில்-தொழில்நெறி-வழிகாட்டும்-கண்காட்சிகருத்தரங்கு-2860713.html
2860712 திருச்சி கரூர் கரூரில்குழந்தைகளைக் கொன்று பெண் தற்கொலை முயற்சி DIN DIN Saturday, February 10, 2018 02:38 AM +0530 கரூரில் இரு குழந்தைகளை கிணற்றில் தள்ளிக்கொன்று பெண் தற்கொலைக்கு முயன்றார்.
கரூர் ஆண்டாங்கோயில் புதூரைச் சேர்ந்தவர் ஜெயக்குமார்(38), கரூரில் நிதி நிறுவனம் நடத்தி வருகிறார். இவரது மனைவி விஜயலட்சுமி(35). இவர் புகழூர் காகித ஆலையில் மனித வளத்துறை பிரிவு ஊழியர். இவர்களுக்கு யாழினி (6) என்ற மகளும், பிரனித்(2) என்ற மகனும் இருந்தனர். டிஎன்பிஎல் ஆலையில் பணியாற்றிய மேலாளர் ஒருவர் சென்னையில் உடல் நிலை சரியில்லாமல் போனதால் அவரை ஜெயகுமார் தனது குடும்பத்தினருடன் கடந்த 2 நாட்களுக்குச் சென்று பார்த்தார். இதையடுத்து வெள்ளிக்கிழமை காலை அனைவரும் கரூர் வந்துள்ளனர்.
அப்போது விஜயலட்சுமி தனக்கு உடல்நிலை சரியில்லை எனக்கூ றியதையடுத்து ஜெயகுமார் தனது பைக்கில் மனைவி, குழந்தைகளை அழைத்துக்கொண்டு மூலிமங்கலத்தில் உள்ள தனது மாமியார் வீட்டில் விட்டுவிட்டுச் சென்றுள்ளார்.
இதனிடையே திடீரென விஜயலட்சுமி தனது குழந்தைகளை அழைத்துக் கொண்டு அங்குள்ள தோட்டத்து கிணற்றை நோக்கிச் சென்றுள்ளார். இதைக்கண்ட அவரின் தாய் ஓடி வருவதற்குள் விஜயலட்சுமி அங்கிருந்த கிணற்றுக்குள் இரு குழந்தைகளையும் தள்ளிவிட்டு, தானும் குதித்துள்ளார். அக்கம்பக்கத்தினர் மூவரையும் காப்பாற்றி கரூர் அரசு மருத்துவமனையில் அனுமதித்தனர். இதில் சிகிச்சை பலனின்றி இரு குழந்தைகளும் இறந்தன. விஜயலட்சுமிக்கு தீவிர சிகிச்சை அளிக்கப்படுகிறது. வேலாயுதம்பாளையம் போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/feb/10/கரூரில்குழந்தைகளைக்-கொன்று-பெண்-தற்கொலை-முயற்சி-2860712.html
2860198 திருச்சி கரூர் அங்கன்வாடி, சமுதாயக் கூடத்துக்கு பூமிபூஜை DIN DIN Friday, February 9, 2018 05:37 AM +0530 கரூர் நகராட்சிக்குட்பட்ட பகுதியில் சட்டப்பேரவை உறுப்பினர் தொகுதி மேம்பாட்டு நிதி ரூ. 25 லட்சத்தில் அங்கன்வாடி மையம், சமுதாயக் கூடம் கட்டும் பணிகளுக்கான பூமிபூஜையை போக்குவரத்துத் துறை அமைச்சர் எம்.ஆர். விஜயபாஸ்கர் வியாழக்கிழமை தொடக்கிவைத்தார்.
கரூர் நகராட்சிக்குட்பட்ட 40-வது வார்டு ராயனூரில் ரூ.10 லட்சத்தில் புதிய அங்கன்வாடி மையக் கட்டடம் அமைக்கவும், 43-வது வார்டு ஒத்தையூர், பால்வார்பட்டி, 48-வது வார்டு பெருமாள்பட்டி ஆகிய இடங்களில் தலா ரூ.5 லட்சத்தில் தனித்தனியே 3 சமுதாயக்கூடங்கள் கட்ட என மொத்தம் ரூ.25 லட்சத்தில் 4 பணிகளுக்கு வியாழக்கிழமை பூமிபூஜை நடைபெற்றது. இதில் போக்குவரத்துத்துறை அமைச்சர் எம்.ஆர்.விஜயபாஸ்கர் பங்கேற்று, பூமிபூஜையைத்தொடங்கி வைத்து பணிகளை விரைவாக முடித்து பயன்பாட்டிற்கு கொண்டுவர அலுவலர்களுக்கு அறிவுறுத்தினார். நிகழ்ச்சியில், வருவாய்க் கோட்டாட்சியர் சரவணமூர்த்தி, நகராட்சி ஆணையர் ப. அசோக்குமார், செய்தி- மக்கள் தொடர்பு அலுவலர் அ. செந்தில், வட்டாட்சியர் அருள், கூட்டுறவுச் சங்க பிரதிநிதிகள் ஏ.ஆர்.காளியப்பன், விசிகே. ஜெயராஜ், மல்லிகாசுப்பராயன் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-trichy/karur/2018/feb/09/அங்கன்வாடி-சமுதாயக்-கூடத்துக்கு-பூமிபூஜை-2860198.html
2860197 திருச்சி கரூர் கோழிகளுக்கு வெள்ளைக் கழிச்சல் தடுப்பூசி தயார் DIN DIN Friday, February 9, 2018 05:37 AM +0530 கால்நடை மையங்களில் தயார் நிலையில் 2.0 லட்சம் டோசஸ் வெள்ளைக் கழிச்சல் தடுப்பூசி வைக்கப்பட்டுள்ளதாக மாவட்ட ஆட்சியர் கு. கோவிந்தராஜ் தெரிவித்தார்.
இதுதொடர்பாக அவர் வெளியிட்ட செய்திக்குறிப்பு:
கோழிகளைத் தாக்கும் வெள்ளைக் கழிச்சல் நோய் என்பது ஒரு வகை நச்சுயிரியால் ஏற்படும் தொற்று நோய். இந்நோய் தீவனம், குடிநீர், காற்று மூலம் பரவும் தன்மை கொண்டது. நோய் கண்ட கோழிகள் வெள்ளையாகவும்,பச்சையாகவும் கழியும். மூச்சுத் திணறல், நடுக்கம், வாதம், சோர்வு மற்றும் தீவனம் உட்கொள்ளும் அளவு குறைந்தும் காணப்படும். நோய் பாதித்த கோழிகள், தலையை கால்களுக்கு இடையே சொருகிக் கொள்ளும். இந்நோய் தாக்கிய கோழிகளில் இறப்பு எண்ணிக்கை அதிகமாக இருக்கும். உரிய வயதில் ( 2 மாத வயதில் ) வெள்ளைக் கழிச்சல் தடுப்பூசி அளிப்பதன் மூலம் இந்நோய் வராமல் தடுக்கலாம். இந்நோயைக் கட்டுப்படுத்தும் விதமாக ஆண்டுதோறும் பிப்ரவரி மாதத்தில் கால்நடை பராமரிப்புத் துறையினரால் இரு வாரவிழா நடத்தப்படுகிறது. கரூர் மாவட்டத்திற்கென 2.05 லட்சம் டோசஸ் வெள்ளைக் கழிச்சல் தடுப்பூசி பெறப்பட்டு அனைத்து கால்நடை நிலையங்களிலும் தயார் நிலையில் உள்ளது. இதற்காக வெள்ளிக்கிழமை (9-ம் தேதி) 22-ம் தேதி வரை கரூர் மாவட்டத்தில் உள்ள அனைத்து கால்நடை பெரு மருத்துவமனை, கால்நடை மருத்துவமனை, கால்நடை மருந்தகம், ஊரக கால்நடை மருந்தகம் மற்றும் கால்நடை கிளை நிலையப் பகுதிகளில் இலவசமாகக் கோழிக்கழிச்சல் நோய் தடுப்பூசி போடப்பட இருக்கிறது. இத்தடுப்பூசியை 2 மாத வயது முடிந்த கோழிக்குஞ்சுகள் முதல் போடலாம்.
எனவே விவசாயிகள் மற்றும் கோழி வளர்ப்போர் அனைவரும் இவ்வரிய வாய்ப்பைப் பயன்படுத்தி கோழிக்கழிச்சல் நோய் தடுப்பூசியை இலவசமாகத் தங்கள் கோழிகளுக்குப் போட்டுக்கொண்டு கோழிகளை இறப்பிலிருந்தும் பொருளாதார இழப்பிலிருந்தும் பாதுகாத்து பயனடையலாம்.

 

]]>
http://www.dinamani.com/all-editions/edition-trichy/karur/2018/feb/09/கோழிகளுக்கு-வெள்ளைக்-கழிச்சல்-தடுப்பூசி-தயார்-2860197.html
2860196 திருச்சி கரூர் 'குரூப் 4 தேர்வில் 31 ஆயிரம் பேர் பங்கேற்பர்' DIN DIN Friday, February 9, 2018 05:36 AM +0530 கரூர் மாவட்டத்தில் வரும் 11-ம் தேதி நடைபெற உள்ள டிஎன்பிஎஸ்சி குரூப்-4 தேர்வை 30,725 பேர் எழுத உள்ளதாக மாவட்ட ஆட்சியர் கு. கோவிந்தராஜ் தெரிவித்தார்.
கரூர் ஆட்சியரகத்திலுள்ள மாவட்ட கருவூல பாதுகாப்பு அறையில் துப்பாக்கி ஏந்திய காவலர் பாதுகாப்பில் தமிழ்நாடு அரசு பணியாளர் தேர்வாணைய தொகுதி - 4 க்கான கேள்வித்தாள் இருப்பில் உள்ளதை வியாழக்கிழமை பார்வையிட்ட பின் மேலும் அவர் கூறியது:
தமிழ்நாடு அரசுப் பணியாளர் தேர்வாணையத்தால் வரும் 11-ம் தேதி (ஞாயிற்றுக்கிழமை) நடத்தப்படவுள்ள தொகுதி - 4 க்கான போட்டித் தேர்வை கரூர் மாவட்டத்தில் 30,725 பேர் எழுதுகிறார்கள். இவர்களுக்கு 96 தேர்வு மையங்கள் தேர்வு செய்யப்பட்டுள்ளன.
தேர்வுப் பணியில் 96 முதன்மைக் கண்காணிப்பாளர்கள், 96 ஆய்வு அலுவலர்கள், 1540 அறை கண்காணிப்பாளர்கள், 19 மண்டல அலுவலர்கள் மற்றும் 15 பறக்கும் படை அலுவலர்கள் நியமிக்கப்பட்டுள்ளனர்.
தேர்வெழுதுவோர் தேர்வு மையங்களுக்கு உரிய நேரத்தில் சென்றடைய கரூர் பேருந்து நிலையத்தில் இருந்து சிறப்பு பேருந்து வசதியும், மாற்றுத்திறனாளிகள் தேர்வு எழுத ஏதுவாக தேர்வு கூடங்களில் தரைதளத்தில் இட ஒதுக்கீடும் செய்யப்பட்டு உள்ளது.
கரூர் மையத்தில் ஒரே பெயருடைய பள்ளிகள்
1. புனித தெரசா மெட்ரிக் மேல்நிலைப்பள்ளி, கரூர் வடக்கு பிரதட்சணம் ரோட்டிலும், புனித தெரசா பெண்கள் மேல்நிலைப்பள்ளி, காந்தி கிராமத்திலும் உள்ளது. 2. சேரன் மெட்ரிகுலேசன் பள்ளி, ராமகிருஷ்ணபுரத்திலும், சேரன் மெட்ரிகுலேசன் மேல்நிலைப்பள்ளி, வெண்ணமலையிலும், சேரன் மேல்நிலைப்பள்ளி, புன்னம் சத்திரத்திலும் உள்ளது என்பதால் தேர்வாளர்கள் தங்களுக்கு உரிய சரியான தேர்வு மையத்தை தேர்வுக்கூட அனுமதி சீட்டில் சரிபார்த்து, சரியான தேர்வு மையங்களுக்கு செல்ல வேண்டும் என்றார்.
மாவட்ட வருவாய் அலுவலர் ச. சூர்யபிரகாஷ், ஆட்சியரின் நேர்முக உதவியாளர் (பொது) சைபுதீன், மாவட்டக் கருவூல அலுவலர் ஜெயபிரகாஷ் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-trichy/karur/2018/feb/09/குரூப்-4-தேர்வில்-31-ஆயிரம்-பேர்-பங்கேற்பர்-2860196.html
2860195 திருச்சி கரூர் விவேகானந்தாநகர், வஉசி தெருவை 6-வது வார்டில் இணைக்க மனு DIN DIN Friday, February 9, 2018 05:36 AM +0530  வார்டு மறுவரையரையில் கரூர் விவேகானந்தா நகர், வ.உ.சி. தெரு பகுதியை 6-வது வார்டில் இணைக்க அப்பகுதியினர் நகராட்சி ஆணையர் ப. அசோக்குமாரிடம் வியாழக்கிழமை கோரிக்கை மனு அளித்தனர்.
மனுவில் கூறியிருப்பது: கரூர் நகராட்சிக்குட்பட்ட 13-வது வார்டில் விவேகானந்தா நகர், வஉசி தெரு ஆகியவை இருந்தது. தற்போது வார்டு மறுவரையரையில் இரு பகுதிகளும் புதிதாக உருவாக்கப்பட்டு 10-வது வார்டு ரிசர்வ் வார்டில் இணைக்கப்பட்டுள்ளன. இந்த இரு பகுதிகளிலும் இந்துக்களில் அனைத்து இனத்தினர், இஸ்லாமியர்கள், கிறிஸ்தவர் குடும்பத்தினர் வசிக்கிறார்கள். இந்நிலையில் இந்த இரு பகுதிகளும் ரிசர்வ் வார்டில் இணைக்கப்பட்டுள்ளதால் வரும் உள்ளாட்சித் தேர்தலில் போட்டியிட மற்ற இனத்தவருக்கு வாய்ப்பு இருக்காது. எனவே இந்த இணைப்பை மறுபரிசீலனை செய்து விவேகானந்தா நகர், வஉசி தெரு ஆகிய இரண்டையும் புதிதாக உருவாக்கப்பட்டுள்ள சிறிய வார்டாகிய நேரு நகர் முதல் கொங்கு நகர் வரையுள்ள அனைத்து இனத்தவரும் வசிக்கும் 6-வது வார்டில் இணைக்க வேண்டும்.

 

]]>
http://www.dinamani.com/all-editions/edition-trichy/karur/2018/feb/09/விவேகானந்தாநகர்-வஉசி-தெருவை-6-வது-வார்டில்-இணைக்க-மனு-2860195.html
2860194 திருச்சி கரூர் சிறுமிக்கு பாலியல் தொல்லை: போக்சோ சட்டத்தில் தந்தை கைது DIN DIN Friday, February 9, 2018 05:36 AM +0530 கரூரில் மகளுக்கு பாலியல் தொல்லை கொடுத்த தந்தையை போலீஸார் போக்சோ சட்டத்தின் கீழ் கைது செய்தனர்.
திண்டுக்கல் மாவட்டம், டி.கூடலூர் கட்டையம் குளத்துப்பட்டியைச் சேர்ந்தவர் ஜெயபாலன், (38), டெய்லர். இவருக்கும் திண்டுக்கல் மாவட்டம் வேடசந்தூர் அடுத்த புளியம்பட்டியைச் சேர்ந்த செல்வமணிக்கும் (31) 14 வயதில் மகளும், 7 வயதில் மகனும் உள்ளனர். இவர்கள் கரூர் செங்குந்தபுரத்தில் வசித்து வந்த நிலையில் கணவன், மனைவியிடையே கருத்துவேறுபாட்டால் கடந்த 5 ஆண்டுகளாக அதே பகுதியில் பிரிந்து வாழ்ந்தனர். அப்போது மகள் தந்தையுடனும், மகன் தாயுடனும் வசித்து வந்தனர். இந்நிலையில் தனது மகளுக்கு கணவர் கடந்த 5 ஆண்டுகளாக பாலியல் தொல்லை கொடுப்பதாக தாய் செல்வமணி புதன்கிழமை கரூர் அனைத்து மகளிர் காவல் நிலையத்தில் புகார் செய்தார். இதையடுத்து போலீஸார் ஜெயபாலனை போக்சோ சட்டத்தின்கீழ்(குழந்தைகளை பாலியல் வன்கொடுமையில்இருந்து தடுக்கும் சட்டம்) கைது செய்து சிறையில் அடைத்தனர்.

 

]]>
http://www.dinamani.com/all-editions/edition-trichy/karur/2018/feb/09/சிறுமிக்கு-பாலியல்-தொல்லை-போக்சோ-சட்டத்தில்-தந்தை-கைது-2860194.html