Dinamani - கரூர் - http://www.dinamani.com/all-editions/edition-trichy/karur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3058345 திருச்சி கரூர் நுகர்வோருக்கு விழிப்புணர்வு ஏற்படுத்த வேண்டும் DIN DIN Saturday, December 15, 2018 03:53 AM +0530
நுகர்வோரின் உரிமைகளை மாணவர்கள் அறிந்து அதுகுறித்து பொதுமக்களுக்கு விழிப்புணர்வு ஏற்படுத்த வேண்டும் என்றார் மாவட்ட ஆட்சியர் த. அன்பழகன்.
கரூர் மாவட்டம், மண்மங்கலம் வட்டம், எல்லைமேடு கரூர் வெற்றி விநாயகா மெட்ரிக் மேல்நிலைப்பள்ளியில் வெள்ளிக்கிழமை நடைபெற்ற தேசிய நுகர்வோர் பாதுகாப்பு தினவிழா மற்றும் உலக நுகர்வோர் தின விழாவுக்குத் தலைமை வகித்தும், நுகர்வோர் தொடர்பான விழிப்புணர்வுப் போட்டிகளில் வெற்றி பெற்ற மாணவ,மாணவிகளுக்கும், மாவட்ட அளவில் சிறப்பாக செயல்பட்ட குடிமக்கள் நுகவோர் மன்றங்களுக்கும் பரிசு மற்றும் பாராட்டுச் சான்றிதழ்களை வழங்கியும் மேலும் அவர் பேசியது:
ஒவ்வொரு தனி நபரும் தங்களது அடிப்படைத் தேவைகளை பிறர் மூலம் பூர்த்தி செய்து கொள்வதால் நாம் அனைவரும் நுகர்வோராக ஆகிவிடுகிறோம். அவ்வாறு பிற நிறுவனங்களின் தயாரிப்புகளை நாம் வாங்கிப் பயன்படுத்தும்போது அப்பொருளில் குறிப்பிட்டுள்ள கலவைகள் குறித்த விவரங்களையும், அதிகபட்ச விலைகளையும், தயாரிப்பு நாள் மற்றும் காலாவதியாகும் நாட்களையும் பார்த்து வாங்க வேண்டும். அவ்வாறு வாங்கும் பொருட்களுக்கு பில் கேட்டு வாங்க வேண்டும். அப்போதுதான் அப்பொருளில் குறைபாடு இருந்தால் நுகர்வோர் உரிமைச் சட்டத்தின் கீழ் நடவடிக்கை மேற்கொள்ள முடியும்.
மக்களைக் கவரும் வகையில் வெளியிடப்படும் விளம்பரத்தைப் பார்த்து வாங்குவதைக் காட்டிலும் அந்தப் பொருளில் உள்ள கலவைகள் குறித்தும், அதைப் பயன்படுத்துவதால் ஏற்படும் நன்மை தீமைகள் குறித்தும் அறிந்துகொண்ட பிறகே பயன்படுத்த வேண்டும். எந்தப் பொருள்களில் எதை கலப்படம் செய்வார்கள், எடை அளவுகளில் எவ்வாறு தவறு செய்வார்கள் என்பது குறித்து இங்கு அமைக்கப்பட்டுள்ள செயல் விளக்க கண்காட்சிகளை மாணவர், மாணவிகள் தெரிந்து கொண்டு, பிறருக்கு எடுத்துச்சொல்ல வேண்டும்.
மாணவ, மாணவிகளிடம் ஒரு தகவலைத் தெரிவித்தால் அதிகளவில் மக்களிடம் சென்றடையும் என்ற காரணத்திற்காகவே, இது போன்ற விழாக்கள் பள்ளிகளில் நடத்தப்படுகிறது. மாணவ பருவத்திலேயே நுகர்வோர் உரிமைகளை தெரிந்து கொள்வதற்காக பள்ளி, கல்லூரிகளில் குடிமக்கள் நுகர்வோர் மன்றங்கள் செயல்படுகின்றன. இதில் மாணவ-மாணவிகள் சேர்ந்து பொதுமக்களுக்கும் உரிய விழிப்புணர்வு ஏற்படுத்த வேண்டும். உணவுப் பொருள்கள், குடிநீர், எரிபொருள் மற்றும் மின்சக்தி போன்றவற்றை தேவைக்கு மிகுதியாகப் பயன்படுத்தி வீணடிக்காமல், தேவைக்கேற்ற அளவிலே பயன்படுத்த வேண்டும் என்றார்.
முன்னதாக உணவு பொருட்களில் கலப்படம் செய்வது தொடர்பாகவும், லிட்டர் அளவு, எடை அளவுகளில் நடைபெறும் தவறுகளை தெரிந்து கொள்ளுவதற்காகவும் அமைக்கப்பட்ட பல்வேறு செயல்விளக்க கண்காட்சிகளை பார்வையிட்டு, நுகர்வோர் பாதுகாப்பு மற்றும் நுகர்வோர் உரிமைகள் குறித்து நடைபெற்ற பல்வேறு விழிப்புணர்வு போட்டிகளில் வெற்றி பெற்ற மாணவ, மாணவிகளுக்கும் சிறப்பாக செயல்பட்ட குடிமக்கள் நுகர்வோர் மன்றங்களையும் பாராட்டி பரிசுகளை வழங்கினார்.
விழாவில் கூட்டுறவுச் சங்கங்களின் இணைப்பதிவாளர் போ. சீனிவாசன், மாவட்ட வழங்கல் அலுவலர் க.ரா. மல்லிகா, மாவட்ட முதன்மைக் கல்வி அலுவலர் க. தங்கவேல், குடிமக்கள் நுகர்வோர் மன்ற மண்டல ஒருங்கிணைப்பாளர் கே.கே. சொக்கலிங்கம், பள்ளித் தாளாளர் ஆர்த்தி ஆர். சாமிநாதன், ஆலோசகர் பி. பழனியப்பன், பள்ளி முதல்வர் டி. பிரகாசம், வட்டாட்சியர் ரா. ரவிக்குமார் (மண்மங்கலம்) உள்பட பலர் கலந்துகொண்டனர்.

 

]]>
http://www.dinamani.com/all-editions/edition-trichy/karur/2018/dec/15/நுகர்வோருக்கு-விழிப்புணர்வு-ஏற்படுத்த-வேண்டும்-3058345.html
3058344 திருச்சி கரூர் புகழூர் காகித ஆலைக்குநீர் மேலாண்மையில் திறமை மிக்க அலகு விருது DIN DIN Saturday, December 15, 2018 03:53 AM +0530
புகழூர் காகித ஆலைக்கு நீர் மேலாண்மையில் திறமை மிக்க அலகு விருது அண்மையில் வழங்கப்பட்டது.
இந்திய தொழிற்கூட்டமைப்பானது நீர்ப் பற்றாக்குறை சூழலில் பொருளாதார வளர்ச்சி மற்றும் மனித அபிவிருத்தி என்ற கருப்பொருளில் தண்ணீர் உபயோகிப்பு உச்சி மாநாட் அண்மையில் புதுதில்லியில் நடத்தியது.
இதில் ஆலையில் தண்ணீர்ப் பயன்பாட்டைக் குறைப்பதற்காக மேற்கொள்ளப்பட்ட திட்டங்கள், அதனால் அடைந்த பயன்கள் மற்றும் கழிவு நீர் வெளியேற்றத்தை குறைத்தல் மற்றும் பூஜ்ய திரவ வெளியேற்றத்தை அடைவதற்காக மேற்கொள்ளப்பட்ட முயற்சிகள் போன்றவை குறித்து பல்வேறு ஆய்வுகள் மேற்கொள்ளப்பட்டன.
இந்த விருது பெறுவதற்கான போட்டியில் அகில இந்தியளவில் காகிதக் கூழ் மற்றும் காகிதம், உரம், சிமெண்ட், வேதி பொருட்கள், தானியங்கி மோட்டார் வாகனம் உற்பத்தி, உருக்கு இரும்பு ஆலைகள் உள்ளிட்ட பல்வேறு நிறுவனங்கள் போட்டியிட்டன. இதில் நீர் மேலாண்மையில் திறமை மிக்க அலகு என்ற சிறப்பு பிரிவின் கீழ் தமிழ்நாடு செய்தித்தாள் காகித ஆலை தேர்வு செய்யப்பட்டு சான்றிதழ், விருது வழங்கப்பட்டது. விருதை அண்மையில் புதுதில்லியில் மத்திய நீர்வள அமைச்சகத்தின் பொது இயக்குநர் ராஜிவ்ரஞ்சன்மிஸ்ரா, செயலர் யுபி. சிங் ஆகியோர் வழங்கினர்.

 

]]>
http://www.dinamani.com/all-editions/edition-trichy/karur/2018/dec/15/புகழூர்-காகித-ஆலைக்குநீர்-மேலாண்மையில்-திறமை-மிக்க-அலகு-விருது-3058344.html
3058343 திருச்சி கரூர் கிராம நிர்வாக அலுவலர்கள் ஆர்ப்பாட்டம் DIN DIN Saturday, December 15, 2018 03:53 AM +0530
கோரிக்கைகளை வலியுறுத்தி கரூரில் கிராம நிர்வாக அலுவலர்கள் வெள்ளிக்கிழமை கண்டன ஆர்ப்பாட்டத்தில் ஈடுபட்டனர்.
பழைய ஓய்வூதியத் திட்டத்தை அமல்படுத்திட வேண்டும், உட்பிரிவு பட்டா மாறுதல் உள்பட அனைத்துவிதமான பட்டா மாறுதல்களிலும் விஏஓ பரிந்துரையை கட்டாயமாக்க வேண்டும், விஏஓக்களின் கல்வித் தகுதியை பட்டப்படிப்பாக உயர்த்த வேண்டும், ஒரே உத்தரவில் மாவட்ட மாறுதல் வழங்க வேண்டும் என்பன உள்ளிட்ட 20 அம்ச கோரிக்கைகளை வலியுறுத்தி கடந்த 10-ம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வருகின்றனர்.
இந்நிலையில் வெள்ளிக்கிழமை தமிழ்நாடு கிராம நிர்வாக அலுவலர்கள் சங்கத்தின் கரூர் மாவட்ட பிரிவு சார்பில் ஆர்ப்பாட்டம் கரூர் வட்டாட்சியரகம் முன் நடைபெற்றது. மாவட்டத் தலைவர் முருகேசன் தலைமை வகித்தார். முன்னாள் மாவட்டத் தலைவர் பழனியப்பன், மாவட்டச் செயலர் மங்கையர்க்கரசி உள்ளிட்டோர் பங்கேற்று கோஷங்கள் எழுப்பினர். திரளான விஏஓக்கள் பங்கேற்றனர்.

 

]]>
http://www.dinamani.com/all-editions/edition-trichy/karur/2018/dec/15/கிராம-நிர்வாக-அலுவலர்கள்-ஆர்ப்பாட்டம்-3058343.html
3058342 திருச்சி கரூர் மனைவி பிரிந்ததால் கணவர் தற்கொலை DIN DIN Saturday, December 15, 2018 03:53 AM +0530
திருமணமான 2 மாதத்தில் மனைவி பிரிந்து சென்றதால் புதுமாப்பிள்ளை தூக்கிட்டு தற்கொலை செய்துகொண்டார்.
கரூர் வடிவேல்நகரைச் சேர்ந்தவர் ஆறுமுகம் மகன் சதீஷ்குமார்(25). இவருக்கும் அதே பகுதியைச் சேர்ந்த அகிலாவுக்கும் (19) கடந்த 2 மாதங்களுக்கு முன் திருமணம் நடந்தது.
தினம்தோறும் சதீஷ்குமார் மதுகுடித்துவிட்டு வந்து மனைவியிடம் தகராறு செய்ததால் விரக்தியடைந்த அகிலா பெற்றோர் வீட்டுக்குச் சென்றுவிட்டாராம். இதனால் மனம் உடைந்த சதீஷ்குமார் வியாழக்கிழமை இரவு வீட்டில் தூக்கிட்டுத் தற்கொலை செய்துகொண்டார். கரூர் நகர காவல்நிலையத்தினர் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/dec/15/மனைவி-பிரிந்ததால்-கணவர்-தற்கொலை-3058342.html
3058341 திருச்சி கரூர் மினி பேருந்து  மோதி பெண் சாவு DIN DIN Saturday, December 15, 2018 03:52 AM +0530
கரூர் வெங்கமேடு அடுத்த வாங்கப்பாளையத்தைச் சேர்ந்தவர் அம்சா (55). இவர் வியாழக்கிழமை அங்குள்ள பேருந்து நிறுத்தத்தில் பரமத்தி வேலூர் செல்ல பேருந்துக்காகக் காத்திருந்தார். அப்போது அவ்வழியே வந்த மினி பேருந்து மோதி படுகாயமடைந்த அவர் இறந்தார். இதுகுறித்து போலீஸார் வழக்குப் பதிந்து மினிபேருந்து ஓட்டுநர் வெங்கேடு என்எஸ்கே நகரைச் சேர்ந்த சதீஷ்குமார் (34) என்பவரை கைது செய்தனர்.

 

]]>
http://www.dinamani.com/all-editions/edition-trichy/karur/2018/dec/15/மினி-பேருந்து--மோதி-பெண்-சாவு-3058341.html
3058340 திருச்சி கரூர் கரூர் மாவட்ட அமமுக பொறுப்பாளர்கள் நியமனம் DIN DIN Saturday, December 15, 2018 03:52 AM +0530
கரூர் மாவட்ட அமமுக பொறுப்பாளர்களை நியமித்து கட்சியின் துணைப் பொதுச் செயலாளர் டிடிவி தினகரன் அறிவித்துள்ளார். இதுகுறித்து, அவர் வெள்ளிக்கிழமை வெளியிட்ட அறிவிப்பு:
கரூர் மாவட்டத்துக்கு புதிய செயலாளர் நியமிக்கப்படும் வரை, கரூர் மாவட்ட பொறுப்பாளர்களாக அவைத் தலைவர் ந.அன்பழகனும், தலைமை நிலையச் செயலாளர் பி.பழனியப்பனும் நியமனம் செய்யப்பட்டுள்ளனர். அவர்களுக்கு முழு ஒத்துழைப்பு அளிக்க வேண்டுமென தனது அறிவிப்பில் டிடிவி தினகரன் தெரிவித்துள்ளார்.

 

]]>
http://www.dinamani.com/all-editions/edition-trichy/karur/2018/dec/15/கரூர்-மாவட்ட-அமமுக-பொறுப்பாளர்கள்-நியமனம்-3058340.html
3058339 திருச்சி கரூர் பிள்ளையார் நோன்பு விழாவில்ரூ. 27,000-க்கு ஏலம்போன 1 கிலோ உப்பு! DIN DIN Saturday, December 15, 2018 03:52 AM +0530  

கரூரில் வியாழக்கிழமை இரவு நடைபெற்ற பிள்ளையார் நோன்பு விழாவில் ஒரு கிலோ உப்பு ரூ. 27000-க்கு ஏலம் போனது.
கரூரில் கருவூர் நகரத்தார் சங்கம் சார்பில் வியாழக்கிழமை இரவு நடந்த பிள்ளையார் நோன்பு விழாவுக்கு சங்கத் தலைவர் சுப.செந்தில்நாதன் தலைமை வகித்தார். செயலர் மேலை பழநியப்பன் முன்னிலை வகித்து, நோன்பின் மாண்பை விளக்கினார்.
ஷோபிகா பழனியப்பன் மற்றும் குழந்தைகள் விநாயகர் அகவல் பாடினர். அகல்யா மெய்யப்பன், கரு.ரெத்தினம் ஆகியோர் ராமசாமி முத்தையா வழிபாட்டை நெறிப்படுத்தினர். சமூகப் பெரியவர்கள் வைரவன் கண. ராமையா இலை எடுத்துக் கொடுக்க குழந்தைகள் பெண்கள் பெரியவர்கள் 400 பேர் எரியும் சுடரொடு இலை விளக்கை விழுங்கி நோன்பு களைந்தனர். தொடர்ந்து வழிபாட்டில் வைத்து வழிபட்ட மங்களப்பொருட்கள் ஏலம் விடும் நிகழ்ச்சி நடைபெற்றது.
அப்போது ஒரு கிலோ உப்பு ரூ. 27,000 ரூபாய்க்கும், காமாட்சி விளக்கு, சர்க்கரை, கல்கண்டு, ஸ்கூல் பேக், வாழைப்பழம், தேங்காய் உள்ளிட்ட 21 மங்களப் பொருட்கள் ரூ. 1.57 லட்சத்திற்கும் ஏலம் போயின.
இத்தொகை கல்வி, திருமண உதவித் திட்டமாக சமுதாய மக்களுக்கு வழங்கப்பட உள்ளதாக நிர்வாகிகள் தெரிவித்தனர்.

 

]]>
http://www.dinamani.com/all-editions/edition-trichy/karur/2018/dec/15/பிள்ளையார்-நோன்பு-விழாவில்ரூ-27000-க்கு-ஏலம்போன-1-கிலோ-உப்பு-3058339.html
3058338 திருச்சி கரூர் வேலை ஆசை காட்டி ரூ. 15.50 லட்சம் மோசடி: 3 பேர் மீது வழக்குப் பதிவு DIN DIN Saturday, December 15, 2018 03:51 AM +0530
வேலை வாங்கித் தருவதாகக் கூறி முதியவரிடம் ரூ. 15.50 லட்சம் மோசடி செய்த 3 பேர் மீது பொருளாதார குற்றப்பிரிவு போலீஸார் வழக்குப்பதிந்துள்ளனர்.
கரூர் மாவட்டம் அரவக்குறிச்சி அடுத்த பாப்பநாயக்கன்பட்டியைச் சேர்ந்தவர் அங்கமுத்து (69). இவருக்கு கடந்த 28.8.2014-ல் திருச்சி பெட்டவாய்த்தலை தனியார் சர்க்கரை ஆலையில் தொழில்நுட்ப உதவியாளராக பணியாற்றிய கரூர் மருத்துவர் நகரைச் சேர்ந்த குமார் (47) என்பவரது அறிமுகம் கிடைத்துள்ளது. அப்போது குமார் தனக்கு புகழூரில் செயல்படும் டிஎன்பிஎல் ஆலையில் உள்ள அதிகாரிகளை நன்கு தெரியும் எனக் கூற, அங்கமுத்து தனது மகனுக்கு ஆலையில் மேலாளர் பதவி வாங்கித்தர முடியுமா எனக் கேட்டுள்ளார். அதற்கு குமார் உடனே முடியும், ஆனால் ரூ. 16 லட்சம் தர வேண்டும் எனக் கூறியுள்ளார். குமாருக்கு ஆதரவாக அவரது மனைவி பூமகள் (43), உறவினர் கணேசன் ஆகியோரும் பேசியுள்ளனர்.
இதையடுத்து அங்கமுத்து கடந்த 17.10.2014 வரை குமார் உள்ளிட்ட மூவரிடமும் ரூ.15.50 லட்சம் கொடுத்துள்ளார். ஆனால் 6 மாதங்களுக்கு மேலாகியும் வேலை வாங்கிக் கொடுக்கவில்லையாம். இதுதொடர்பாக மூவரிடமும் கேட்டபோது, அவசரப்பட்டால் வேலை கிடைக்காது எனக் கூறியுள்ளனர். இதனால் சந்தேகமடைந்த அங்கமுத்து கொடுத்த பணத்தைத் திரும்பித் தருமாறு கேட்க, ரூ. 6.80 லட்சத்தை மட்டும் கொடுத்தனர். மீதிப்பணம் கொடுக்க இழுத்தடித்தனர். இதனால் விரக்தியடைந்த அங்கமுத்து போலீஸில் புகார் செய்தும் எந்த நடவடிக்கையும் இல்லாததால் சென்னை உயர் நீதிமன்ற மதுரை கிளையில் குமார் உள்ளிட்ட மூவர் மீதும் வழக்குத் தொடர்ந்தார். இதையடுத்து நீதிமன்றம் உத்தரவிட்டதற்கிணங்க கரூர் மாவட்ட பொருளாதார குற்றப்பிரிவு போலீஸார் குமார் உள்ளிட்ட மூவர் மீதும் வியாழக்கிழமை வழக்குப்பதிந்து அவர்களைத் தேடி வருகின்றனர்.

 

]]>
http://www.dinamani.com/all-editions/edition-trichy/karur/2018/dec/15/வேலை-ஆசை-காட்டி-ரூ-1550-லட்சம்-மோசடி-3-பேர்-மீது-வழக்குப்-பதிவு-3058338.html
3057740 திருச்சி கரூர் ரயில் மின்பாதைப் பணி இம்மாத இறுதிக்குள் முடிவடையும் DIN DIN Friday, December 14, 2018 04:05 AM +0530
கரூர் - சேலம் ரயில் மின்பாதைப் பணிகள் இம்மாத இறுதிக்குள் முடிவடையும் என்றார் சேலம் கோட்ட மேலாளர் சுப்பாராவ்.
கரூர் ரயில் நிலையத்தில் வியாழக்கிழமை சேலம் கோட்ட ரயில்வே மேலாளர் சுப்பாராவ் திடீர் ஆய்வு மேற்கொண்டார். ரயில் நிலையத்தின் நடைமேடை, பயணிகளுக்கு குடிநீர் வழங்கப்படும் இடங்கள் மற்றும் ரயில் நிலையம் முன்புறம் உள்ள அப்பல்லோ மருத்துவமனையின் அவசர சிகிச்சை மையத்தில் வருகைப்பதிவேடு போன்ற இடங்களை ஆய்வு செய்தார்.
ஆய்வின்போது அவர் கூறுகையில், ரூ.100 கோடியில் நடைபெறும் கரூர்-சேலம் ரயில் மின்பாதை பணிகள் இம்மாத இறுதிக்குள் முடிந்துவிடும். பின்னர் ரயில்வே பாதுகாப்பு ஆணையர் தலைமையில் வழித்தடத்தில் சோதனை நடத்தி, விரைவில் மின்சார ரயில்கள் இயக்கப்படும். திருச்சி-பாலக்காடு பயணிகள் ரயிலில் பயணிகள் அதிகளவில் பயணிப்பதால் கூடுதல் பெட்டிகள் இணைக்கப்பட வேண்டும் என பொதுமக்கள் தரப்பில் கோரிக்கை விடப்பட்டுள்ளது. தற்போது பெட்டிகள் பற்றாக்குறை உள்ளது. விரைவில் புதுப்பெட்டிகள் வந்தவுடன் இணைக்கப்படும்.
கரூர் ரயில் நிலையம் முன் ஏடிஎம் மையங்கள் அமைக்க வேண்டும் என பொதுமக்கள் நீண்ட நாட்களாக கோரிக்கை விடுத்து வருகின்றனர்.
இதுதொடர்பாக கேவிபி மற்றும் எல்விபி வங்கிகளுக்கு பரிந்துரைத்துள்ளோம். விரைவில் ஏடிஎம் மையங்கள் அமைக்கப்படும்.
மேலும் எல்இடி தகவல் பலகை இன்னும் ஒரு மாதத்திற்குள் தயாராகிவிடும். நடைமேடை 1, 2 இடங்களில் தண்டவாளங்களின் அடிப்பகுதியில் தண்ணீர் செல்லும் வகையில் சிமென்ட் தளம் அமைக்கப்பட ரயில்வே துறைக்கு திட்ட வரைவு அனுப்பியுள்ளோம் என்றார் அவர்.
சேலம் கோட்ட துணை மேலாளர் அண்ணாதுரை, கரூர் ரயில் நிலைய மேலாளர் சுரேந்திரபாபு உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-trichy/karur/2018/dec/14/ரயில்-மின்பாதைப்-பணி-இம்மாத-இறுதிக்குள்-முடிவடையும்-3057740.html
3057739 திருச்சி கரூர் நலவாரியக் கலைஞர்கள் இலவச இசைக்கருவிகள் பெற அழைப்பு DIN DIN Friday, December 14, 2018 04:05 AM +0530
நாட்டுப்புற நலவாரியக் கலைஞர்களுக்கு இலவச இசைக்கருவிகள், ஆடை, ஆபரணங்கள் வழங்கப்பட உள்ளதாக மாவட்ட ஆட்சியர் த. அன்பழகன் தெரிவித்தார்.
இதுதொடர்பாக அவர் வெளியிட்ட செய்திக்குறிப்பு:
தமிழகத்தில் உள்ள நாட்டுப்புறக் கலைஞர்களின் சமூக மேம்பாட்டுக்காக தமிழக அரசால் தமிழ்நாடு நாட்டுப்புறக் கலைஞர்கள் நலவாரியம் செயல்படுகிறது.
கரூர் மாவட்டத்தில் 330 நாட்டுப்புறக் கலைஞர்கள் நலவாரியத்தில் உறுப்பினர்களாகப் பதிவு செய்துள்ளனர்.
இந்த நலவாரியத்தின் கீழ் சுற்றுலா பண்பாடு மற்றும் அறநிலையங்கள் துறையின்படி ஒரு மாவட்டத்திற்கு 10 கலைஞர்களைத் தேர்வு செய்து அவர்களுக்கு இலவசமாக இசைக் கருவிகள், ஆடை, ஆபரணங்கள் வழங்கப்பட உள்ளன. நலவாரியத்தில் உறுப்பினராகப் பதிவு பெற்றிருக்க வேண்டும்.
தொடர்ந்து 2 ஆண்டுகளுக்கு ஒருமுறை ரூ.10- கட்டணம் செலுத்தி புதுப்பித்திருக்க வேண்டும். ஏற்கெனவே
இத்துறையின் வாயிலாக இலவச இசைக்கருவிகள் பெற்றிருத்தல் கூடாது.
கரூர் மாவட்டத்தைச் சார்ந்த மேற்காணும் தகுதியுடைய கலைஞர்கள் தங்களுக்குத் தேவையான இசைக்கருவிகள் ஆடை, ஆபரணங்கள் குறித்து விண்ணப்பத்தை நலவாரியப்புத்தக நகலுடன் தலைமை ஆசிரியர், மாவட்ட அரசு இசைப்பள்ளி, 558, கருப்பாயி கோயில் தெரு, சவகர் பசார், கரூர் என்ற முகவரியில் வரும் 30-ம் தேதிக்குள் நேரடியாகவோ,தபால் மூலமோ அளித்திட வேண்டும்.

 

]]>
http://www.dinamani.com/all-editions/edition-trichy/karur/2018/dec/14/நலவாரியக்-கலைஞர்கள்-இலவச-இசைக்கருவிகள்-பெற-அழைப்பு-3057739.html
3057738 திருச்சி கரூர் மாற்றுத்திறனாளிக்கு உடனடி உதவி DIN DIN Friday, December 14, 2018 04:05 AM +0530
கோரிக்கையை உடனடியாக நிறைவேற்றிய மாவட்ட ஆட்சியருக்கு மாற்றுத்திறனாளியின் குடும்பத்தினர் நன்றி தெரிவித்தனர்.
கரூர் மாவட்டத்தின் பல்வேறு பகுதிகளில் ரூ. 8.55 கோடியிலான 6 பள்ளிக்கட்டடங்களை தமிழக முதல்வர் காணொலிக் காட்சி மூலம் தொடக்கி வைக்கும் நிகழ்ச்சி புதன்கிழமை நடைபெற்றது. இதையடுத்து கரூப்பூர் அரசு உயர்நிலைப்பள்ளியில் நடைபெற்ற நிகழ்ச்சியில் மாவட்ட ஆட்சியர் த. அன்பழகன் குத்துவிளக்கேற்றி, மாணவ-மாணவிகளுக்கு இனிப்புகளை வழங்கினார்.
நிகழ்ச்சியில் கருப்பூரைச் சேர்ந்த 27 வயது நிரம்பிய செந்தில்குமார் என்ற மாற்றுத்திறனாளி தன்னிடம் உள்ள சக்கர நாற்காலி மிகவும் பழுதடைந்துள்ளதால்,தனக்கு புதிய சக்கர நாற்காலி வழங்கி உதவிடும்படி மாவட்ட ஆட்சியரிடம் கோரிக்கை விடுத்தார். அதையடுத்து ஆட்சியரின் உத்தரவின் பேரில் ரூ. 5,220 மதிப்பில் புதிய சிறப்பு சக்கர நாற்காலி அவருடைய இல்லத்திற்கு அன்று இரவு கொண்டுவரப்பட்டது.
மாவட்ட ஆட்சியரே நேரடியாக செந்தில்குமாரின் இல்லத்திற்குச் சென்று புதிய சிறப்பு சக்கர நாற்காலியை வழங்கினார். ஆட்சியரின் வருகையை எதிர்பாராத செந்தில்குமார் குடும்பத்தினர் உடனடியாக கோரிக்கையை நிறைவேற்றித் தந்தமைக்கு நெகிழ்ச்சியுடன் தங்களது நன்றியைத் தெரிவித்துக் கொண்டனர்.
நிகழ்வின்போது மாவட்ட மாற்றுத்திறனாளிகள் நல அலுவலர் ஜான்சி உடனிருந்தார்.

 

]]>
http://www.dinamani.com/all-editions/edition-trichy/karur/2018/dec/14/மாற்றுத்திறனாளிக்கு-உடனடி-உதவி-3057738.html
3057737 திருச்சி கரூர் நிர்வாகிகள் நியமனம்: மாவட்ட காங்கிரஸாரிடையே வாக்குவாதம் DIN DIN Friday, December 14, 2018 04:04 AM +0530
புதிய நிர்வாகிகள் நியமனம் தொடர்பாக கரூர் மாவட்ட நிர்வாகிகள் ஆலோசனைக் கூட்டத்தில் வாக்குவாதம் ஏற்பட்டது.
கரூர் மாவட்டத்தில் காங்கிரஸ் மாவட்ட துணைத் தலைவர்கள், பொதுச் செயலர்கள், செயலர்கள் மற்றும் பேரூராட்சி புதிய தலைவர்கள் நியமிக்கப்பட்டுள்ளனர். இந்த பட்டியல் குறித்து நிர்வாகிகள் அறிவிப்புக் கூட்டம் மாவட்டத் தலைவர் சின்னசாமி தலைமையில் மாவட்ட அலுவலகத்தில் வியாழக்கிழமை நடைபெற்றது.
அகில இந்திய காங்கிரஸ் கமிட்டி உறுப்பினர் பேங்க் கே. சுப்ரமணியன், மாநில பொதுக்குழு உறுப்பினர் ஆர். ஸ்டீபன்பாபு உள்ளிட்டோர் முன்னிலை வகித்தனர். கூட்டத்தில் கட்சியின் அமைப்புத்தேர்தல் நடைபெற்றபோது கட்சியின் தேர்தல் பொறுப்பாளர் சஞ்சய்தத் முன்னிலையில் போடப்பட்ட ஒப்பந்தத்தின்படி நிர்வாகிகள் பட்டியல் அறிவிக்கப்படவில்லை எனக் கூறப்படுகிறது. அதாவது முன்னாள் மாவட்டத்தலைவர் பேங்க் கே. சுப்ரமணியன் ஆதரவாளர்களுக்கு புதிய நிர்வாகிகள் நியமன ஒதுக்கீடு 50 சதவீதமும், தற்போதைய மாவட்டத் தலைவர் சின்னசாமியின் ஆதரவாளர்களுக்கு 50 சதவீத இடமும் ஒதுக்கப்பட வேண்டுமாம்.
ஆனால் வியாழக்கிழமை அறிவிக்கப்பட்ட புதிய நிர்வாகிகள் பட்டியலில் மாவட்டத் தலைவரின் ஆதரவாளர்களுக்கு அதிகப்படியான இடம் ஒதுக்கீடு செய்யப்பட்டதாம்.
இதுதொடர்பாக பேங்க் கே. சுப்ரமணியன், பொதுக்குழு உறுப்பினர் ஆர். ஸ்டீபன்பாபு உள்ளிட்டோர் மாவட்டத் தலைவரிடம் கேட்டபோது கட்சியினரிடையே சலசலப்பு ஏற்பட்டது. பின்னர் தலைமையிடம் இதுதொடர்பாக புகார் தெரிவிப்போம் என பேங்க் சுப்ரமணியன் ஆதரவாளர்கள் கூறிச் சென்றனர். இதனால் அங்கு பரபரப்பு நிலவியது.

 

]]>
http://www.dinamani.com/all-editions/edition-trichy/karur/2018/dec/14/நிர்வாகிகள்-நியமனம்-மாவட்ட-காங்கிரஸாரிடையே-வாக்குவாதம்-3057737.html
3057736 திருச்சி கரூர் கிராம ஊராட்சிகளில் டிச. 18-ல் சிறப்பு கிராமசபைக் கூட்டம் DIN DIN Friday, December 14, 2018 04:04 AM +0530
கரூர் மாவட்டத்தில் உள்ள 157 கிராம ஊராட்சிகளிலும் வரும் 18-ம் தேதி சிறப்பு கிராமசபைக் கூட்டம் நடைபெற உள்ளது.
பிளாஸ்டிக் இல்லா மாநிலமாக தமிழகத்தை உருவாக்கும் வகையில் கரூர் மாவட்டத்திலுள்ள கிராம ஊராட்சிகளில் செயல்பட்டுவரும் வணிக நிறுவனங்களான டீக் கடை, பெட்டிக் கடை, சிற்றுண்டி, மளிகை மற்றும் பல்பொருள் அங்காடிகளில் ஒருமுறை பயன்படுத்தப்படும் பிளாஸ்டிக் பொருட்களை வரும் ஜன. 1 முதல் தடை செய்திடவும், இதுகுறித்து மக்களிடையே விழிப்புணர்வு ஏற்படுத்தவும் வரும் 18-ம் தேதி சிறப்பு கிராமசபைக் கூட்டம் நடைபெறவுள்ளது. எனவே ஊராட்சி பொதுமக்கள் அனைவரும் கூட்டத்தில் தவறாமல் பங்கேற்குமாறு மாவட்ட ஆட்சியர் த. அன்பழகன் கேட்டுக்கொண்டுள்ளார்.

 

]]>
http://www.dinamani.com/all-editions/edition-trichy/karur/2018/dec/14/கிராம-ஊராட்சிகளில்-டிச-18-ல்-சிறப்பு-கிராமசபைக்-கூட்டம்-3057736.html
3057735 திருச்சி கரூர் சிறப்பு மக்கள் குறைதீர் கூட்டத்தில் 43 பேருக்கு உதவி DIN DIN Friday, December 14, 2018 04:04 AM +0530
கரூர் வருவாய் கோட்டாட்சியரகத்தில் வியாழக்கிழமை நடைபெற்ற சிறப்பு மக்கள் குறைதீர் நாள் கூட்டத்தில் 43 பேருக்கு ரூ. 20.42 லட்சம் மதிப்பிலான நலத்திட்ட உதவிகளை மாவட்ட ஆட்சியர் த. அன்பழகன் வழங்கினார்.
கூட்டத்தில் பல்வேறு கோரிக்கைகள் குறித்து பொதுமக்கள் அளித்த 76 கோரிக்கை மனுக்களை மாவட்ட ஆட்சியர் பெற்று அவற்றின் மீது உடனடி நடவடிக்கை எடுத்திட உத்தரவிட்டார்.
பின்னர் மாவட்ட ஆட்சியர் பேசுகையில், வருவாய்க் கோட்டங்கள் வாரியாக சிறப்பு மக்கள் குறைதீர் நாள் கூட்டங்கள் நடத்தப்பட வேண்டும் என்ற தமிழக அரசின் அறிவுறுத்தலுக்கிணங்க கரூர், மண்மங்கலம், அரவக்குறிச்சி வட்டங்களை உள்ளடக்கிய கரூர் கோட்டத்திற்கு வருவாய்க் கோட்டாட்சியர் அலுவலகத்தில் இந்த சிறப்பு கூட்டம் நடைபெறுகிறது. அனைத்து தரப்பு மக்களின் கோரிக்கைகளின் மீதும் விசாரணை செய்து தகுதியுடைய அனைவருக்கும் உரிய நலத்திட்ட உதவிகள் கிடைக்க வேண்டும் என்ற தமிழக அரசின் உயரிய நோக்கத்தை நிறைவேற்றும் வகையில் அனைத்து அலுவலர்களும் பொதுமக்களின் மனுக்கள் மீது உடனுக்குடன் நடவடிக்கை எடுத்து கோரிக்கைகளை நிறைவேற்ற வேண்டும் என்றார்.
நிகழ்ச்சியில் பல்வேறு நலத்திட்டங்களின் கீழ் 43 நபர்களுக்கு ரூ. 20.42 லட்சம் மதிப்பிலான நலத்திட்ட உதவிகளை மாவட்ட ஆட்சியர் வழங்கினார். கரூர் வருவாய் கோட்டாட்சியர் கு.சரவணமூர்த்தி, சமூகப் பாதுகாப்புத்திட்ட தனித்துணை ஆட்சியர் மீனாட்சி உள்ளிட்ட அனைத்துத்துறை அலுவலர்கள் கலந்துகொண்டனர்.

 

]]>
http://www.dinamani.com/all-editions/edition-trichy/karur/2018/dec/14/சிறப்பு-மக்கள்-குறைதீர்-கூட்டத்தில்-43-பேருக்கு-உதவி-3057735.html
3057734 திருச்சி கரூர் ஹெச். ராஜா உருவ பொம்மை எரிப்பு DIN DIN Friday, December 14, 2018 04:04 AM +0530
கரூரில் ஹெச். ராஜா உருவபொம்மையை எரித்து விடுதலைச் சிறுத்தைகள் கட்சியினர் ஆர்ப்பாட்டத்தில் ஈடுபட்டனர்.
அண்மையில் செய்தியாளர்கள் சந்திப்பில் பாஜகவின் தேசியச் செயலர் ஹெச். ராஜா திருமாவளவன் தொட்ட கட்சியை மக்கள் தொட மாட்டார்கள் என சாதீய ரீதியில் பேசினாராம். இதைக் கண்டித்து கரூர் மாவட்ட விடுதலை சிறுத்தைகள் கட்சியினர் வியாழக்கிழமை மாவட்டச் செயலர் வழக்குரைஞர் பெ. ஜெயராமன் தலைமையில் மாநில பொறியாளர் அணிச் செயலர் செந்தில்குமார், செயற்குழு உறுப்பினர் அகரமுத்து உள்ளிட்டோர் முன்னிலையில் கரூர் பேருந்துநிலைய ரவுண்டானா முன்பு கண்டன ஆர்ப்பாட்டத்தில் ஈடுபட்டனர். பின்னர் திடீரென ஹெச். ராஜாவின் உருவபொம்மையை எரித்தனர்.
இதில் மாவட்டச் செய்தித் தொடர்பாளர் இளங்கோ, மாவட்ட தொண்டரணி அமைப்பாளர் ராஜா, மாவட்ட துணைச் செயலர் தனபால், நகரச் செயலாளர் முரளி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/karur/2018/dec/14/ஹெச்-ராஜா-உருவ-பொம்மை-எரிப்பு-3057734.html
3057733 திருச்சி கரூர் மாயனூர் அருகே வாகனம் மோதி முதியவர் சாவு DIN DIN Friday, December 14, 2018 04:03 AM +0530
மாயனூர் அருகே அடையாளம் தெரியாத வாகனம் மோதி முதியவர் இறந்தார்.
கரூர் மாவட்டம், கிருஷ்ணராயபுரத்தை அடுத்த பிள்ளாபாளையத்தைச் சேர்ந்தவர் ரெங்கசாமி(70). இவர் புதன்கிழமை இரவு கரூர்-திருச்சி தேசிய நெடுஞ்சாலையில் மாயனூர் அடுத்த கிழக்குகாலனி பிரிவு சாலை அருகே நடந்து சென்றபோது பின்னால் வந்த அடையாளம் தெரியாத வாகனம் மோதிவிட்டு நிற்காமல் சென்றுவிட்டது. இதில் படுகாயமடைந்த அவர் இறந்தார். மாயனூர் போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/dec/14/மாயனூர்-அருகே-வாகனம்-மோதி-முதியவர்-சாவு-3057733.html
3057672 திருச்சி கரூர் செந்தில்பாலாஜியின் ஆதரவாளர்கள் சென்னை பயணம் DIN DIN Friday, December 14, 2018 03:45 AM +0530
திமுகவில் இணைவதற்காக முன்னாள் அமைச்சர் வி. செந்தில்பாலாஜியின் ஆதரவாளர்கள் கரூரில் இருந்து சென்னைக்கு வியாழக்கிழமை வேனில் புறப்பட்டனர்.
கடந்த அதிமுக ஆட்சியில் போக்குவரத்துத் துறை அமைச்சராக இருந்தவர் வி. செந்தில்பாலாஜி. எடப்பாடி பழனிசாமி ஆட்சிக்கு எதிராக நம்பிக்கையில்லா தீர்மானம் கொண்டுவரப்பட்டபோது அதற்கு எதிராக வாக்களித்த தற்போதைய துணை முதல்வர் ஓ. பன்னீர் செல்வத்துக்கு எதிராக போர்க்கொடி தூக்கி தகுதி நீக்கம் செய்யப்பட்ட 18 எம்எல்ஏக்களில் ஒருவர். இதனால் டிடிவி தினகரன் அமமுகவைத் தொடங்கியபோது அதில் மாநில அமைப்புச் செயலராக, கொங்கு மண்டல பொறுப்பாளராக, கரூர் மாவட்டச் செயலராகப் பணியாற்றினார்.
இந்நிலையில் டிடிவி தினகரனுடன் ஏற்பட்ட கருத்து வேறுபாட்டால் தனது ஆதரவாளர்களுடன் சென்னைக்குச் சென்று வெள்ளிக்கிழமை (டிச.14) திமுகவில் இணைய உள்ளார் எனத் தெரிகிறது. இதையடுத்து கரூரில் இருந்து அவரது ஆதரவாளர்கள் வியாழக்கிழமை பிற்பகல் வேனில் சென்னைக்கு புறப்பட்டுச் சென்றனர்.
அவர்களில் ஒருவரான க. பரமத்தியைச் சேர்ந்த மணிகண்டன் (74) கூறுகையில், தற்போது கட்சியின் தலைமைப் பொறுப்பில் இருப்பவர்களின் செயல்பாடு சரியில்லை. இதனால்தான் முன்னாள் அமைச்சர் வி. செந்தில்பாலாஜி செல்லும் திமுகவுக்கு நாங்கள் செல்கிறோம் என்றார்.

 

]]>
http://www.dinamani.com/all-editions/edition-trichy/karur/2018/dec/14/செந்தில்பாலாஜியின்-ஆதரவாளர்கள்-சென்னை-பயணம்-3057672.html
3057234 திருச்சி கரூர் குத்துச்சண்டை: சேரன் பள்ளி மாணவி சிறப்பிடம் DIN DIN Thursday, December 13, 2018 09:43 AM +0530 மாநில அளவிலான குத்துச்சண்டை போட்டியில் முதலிடம் பிடித்து தங்கம் வென்ற வெண்ணைமலை சேரன் பள்ளி மாணவிக்கு புதன்கிழமை பாராட்டு விழா நடைபெற்றது.
 பள்ளி கல்வித்துறை சார்பில், நிகழ் கல்வியாண்டுக்கான  மாநில  குத்துச்சண்டை போட்டி திருப்பூரில் அண்மையில் நடைபெற்றது. இதில் 14 வயதுக்குட்பட்டோருக்கான போட்டியில், 38-40 கிலோ எடைப்பிரிவில் கரூர் வெண்ணைமலை சேரன் பள்ளி மாணவி எல்.தர்ஷினி முதலிடம் பிடித்து தங்கம் வென்றார்.
இதையடுத்து சிறப்பிடம் பிடித்த மாணவி மற்றும் பயிற்சி அளித்த உடற்கல்வி ஆசிரிய, ஆசிரியைகள் ஆகியோரை சேரன் பள்ளிகளின் தலைவர் பிஎம்.கருப்பண்ணன், தாளாளர் பிஎம்கே.பாண்டியன், நிர்வாகி பிஎம்கே.பெரியசாமி, ஆலோசகர் பி.செல்வதுரை, பள்ளி முதல்வர் வி.பழனியப்பன் மற்றும் ஆசிரிய, ஆசிரியைகள் பாராட்டினர்.

]]>
http://www.dinamani.com/all-editions/edition-trichy/karur/2018/dec/13/குத்துச்சண்டை-சேரன்-பள்ளி-மாணவி-சிறப்பிடம்-3057234.html
3057233 திருச்சி கரூர் காவிரியாற்றில் நெரூர்-உன்னியூர் இடையே ரூ.135 கோடியில் பாலம் DIN DIN Thursday, December 13, 2018 09:43 AM +0530 கரூர் - திருச்சி மாவட்டத்தை இணைக்கும் வகையில்,காவிரி ஆற்றின் குறுக்கே நெரூர் - உன்னியூர்  இடையே ரூ.135 கோடியில் உயர்நிலைப் பாலம் அமைக்கப்பட உள்ளது என்றார் மாநிலப் போக்குவரத்துத் துறை அமைச்சர் எம்.ஆர். விஜயபாஸ்கர்.
இப்பாலம் அமைப்பதற்காகத் தேர்வு செய்யப்பட்ட இடத்தை புதன்கிழமை பார்வையிட்டு ஆய்வு செய்த பின்னர், செய்தியாளர்களிடம் அமைச்சர் கூறியது:
கரூர் மாவட்ட மக்களின் நீண்ட நாள் கோரிக்கையை ஏற்று, கரூர் - திருச்சி மாவட்டங்களை இணைக்கும் வகையில்,  நெரூர்- உன்னியூர் இடையே காவிரியாற்றின் குறுக்கே புதிய பாலம் கட்ட தமிழக முதல்வர் அனுமதியளித்துள்ளார்.
 1,092 மீ. நீளத்தில் 12 மீ. அகலத்தில் 682 மீ. அணுகுசாலையுடன் சுமார் ரூ.135 கோடியில் உயர்நிலைப் பாலம் அமைக்க திட்ட வரைவுகள் தயாரிக்கப்பட்டு அரசுக்கு அனுப்பி வைக்கப்பட்டுள்ளது.  நிலம் கையகப்படுத்தும் பணி தொடர்ந்து நடைபெற்று வருகிறது.  
இப்பணி முடிந்த பின்னர் பாலம் கட்டுமானப் பணித் தொடங்கும். இந்த பாலம் கட்டி முடிக்கப்பட்டால் கரூரிலிருந்து சென்னை செல்வோருக்கு மிகுந்த வசதியாக இருப்பதுடன், பயண நேரமும் வெகுவாகக் குறையும். ஏற்கனவே  வாங்கல்-மோகனூர் இடையே அமைக்கப்பட்ட  பாலம் பொதுமக்களுக்கு பயனுள்ளதாக உள்ளது.  மாயனூர் கதவணையில் இருந்து திருச்சி சாலை வரை புதிதாக சாலை அமைக்க ரூ.7 கோடிக்கு ஒப்பந்தங்கள் விடப்பட்டுள்ளனஎன்றார் அமைச்சர் விஜயபாஸ்கர்.
இந்த ஆய்வுக்கு மாவட்ட ஆட்சியர் த. அன்பழகன் தலைமை வகித்தார்.ஆய்வின் போது  மாவட்ட வருவாய் அலுவலர் ச.சூர்யபிரகாஷ், வருவாய் கோட்டாட்சியர் சரவணமூர்த்தி, நெடுஞ்சாலைத்துறை கோட்டப் பொறியாளர் சீனிவாசராகவன், கூட்டுறவு சங்கப் பிரதிநிதிகள் ஏ.ஆர்.காளியப்பன், எஸ். திருவிகா, கமலக்கண்ணன், கிருஷ்ணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/13/காவிரியாற்றில்-நெரூர்-உன்னியூர்-இடையே-ரூ135-கோடியில்-பாலம்-3057233.html
3057232 திருச்சி கரூர் பாரம்பரிய ஜோதிடர் நலவாரியம் அமைக்க வலியுறுத்தல் DIN DIN Thursday, December 13, 2018 09:42 AM +0530 பாரம்பரிய ஜோதிடர் நலவாரியம் அமைக்க வேண்டும் என்று  பாரம்பரிய வள்ளுவர் குல ஜோதிடர்கள் சங்கம் வலியுறுத்தியுள்ளது.
கரூரில் புதன்கிழமை நடைபெற்ற சங்க மாநில நிர்வாகிகள் கூட்டம் மற்றும் புதிய உறுப்பினர்கள் பதவியேற்கும் விழாவில் இந்த தீர்மானம் நிறைவேற்றப்பட்டது. கூட்டத்துக்கு தலைவர் ம.செல்வதுரை நாயனார் தலைமை வகித்தார். செயலர் சதாசிவ ரகு, பொருளாளரும், ஒருங்கிணைப்பாளருமான ஜெயம் பழனிசாமி  முன்னிலை வகித்தனர். 
துணைத்தலைவர்கள் ஆர்.அருணாசலம், பாலமுருகன், துணைச்செயலாளர்கள் எஸ்.ரமேஷ், ராமுகண்ணன் உள்ளிட்டோர் பங்கேற்றனர். கூட்டத்தில் பாரம்பரிய ஜோதிடர்கள் நலவாரியத்தை தமிழக அரசு உடனே அமைக்க வேண்டும். 
ஏழை  ஜோதிடர்களுக்கு அரசு வழங்கும் சலுகைகள் 
அனைத்தும் கிடைக்க நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-trichy/karur/2018/dec/13/பாரம்பரிய-ஜோதிடர்-நலவாரியம்-அமைக்க-வலியுறுத்தல்-3057232.html
3057231 திருச்சி கரூர் காணொலிக் காட்சி  வாயிலாக 6 பள்ளிக் கட்டடங்களை திறந்தார் முதல்வர் DIN DIN Thursday, December 13, 2018 09:42 AM +0530 கரூர் மாவட்டத்தில் ரூ.8.55 கோடி மதிப்பீட்டில் கட்டப்பட்ட 6 பள்ளிக் கட்டடங்களை காணொலிக் காட்சி வாயிலாக முதல்வர் எடப்பாடி கே. பழனிசாமி புதன்கிழமை திறந்து வைத்தார்.
நபார்டுவங்கி நிதியுதவியுடன், கரூர் மாவட்டத்தில் மஞ்சப்புளியம்பட்டி, புதுவாடி, முத்தம்பட்டி, கருப்பூரில் தலா ரூ.1.69 கோடி மதிப்பீட்டில் கட்டப்பட்ட உயர்நிலைப் பள்ளிக் கட்டடங்கள்,  ரூ.1.20கோடியில் கட்டப்பட்ட கொ. ஓட்டப்பட்டி அரசு உயர்நிலைப் பள்ளிக் கட்டடம்,  ரூ.60 லட்சத்தில் காணியாளம்பட்டி அரசு மேல்நிலைப் பள்ளியில் கட்டப்பட்ட கூடுதல் வகுப்பறைக் கட்டடங்களை முதல்வர் எடப்பாடி பழனிசாமி காணொலிக் காட்சி வாயிலாக திறந்து வைத்தார்.
 கருப்பூர், மஞ்சம்புளியம்பட்டி பள்ளிகளில் நடைபெற்ற நிகழ்வில், முறையே மாவட்ட ஆட்சியர் த.அன்பழகன், கிருஷ்ணராயபுரம் சட்டப்பேரவை உறுப்பினர்  கீதா மணிவண்ணன் குத்துவிளக்கேற்றி மாணவ, மாணவிகளுக்கு இனிப்புகளை வழங்கினர்.
கரூர் வருவாய்க் கோட்டாட்சியர் கு.சரவணமூர்த்தி, முதன்மைக்கல்வி அலுவலர் தங்கவேல், மாவட்டக்கல்வி அலுவலர்கள் கனகராஜ், கபீர், ஒருங்கிணைந்த கல்வித்திட்ட அலுவலர் பக்தவச்சலம் உள்ளிட்டோர் நிகழ்வுகளில் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/13/காணொலிக்-காட்சி--வாயிலாக-6-பள்ளிக்-கட்டடங்களை-திறந்தார்-முதல்வர்-3057231.html
3057230 திருச்சி கரூர் அதிமுகவிலிருந்து பிரிந்து சென்றவர்கள் மீண்டும் இணைந்தால் உரிய மரியாதை கிடைக்கும் DIN DIN Thursday, December 13, 2018 09:41 AM +0530 அதிமுகவிலிருந்து பிரிந்து சென்றவர்கள் மீண்டும் தாய்க் கழகத்தில் இணைந்தால் அவர்களுக்கு உரிய மரியாதையும், பாதுகாப்பும் கிடைக்கும் என்றார் மாநிலப் போக்குவரத்துத் துறை அமைச்சரும், மாவட்ட அதிமுக செயலருமான எம்.ஆர்.விஜயபாஸ்கர்.
அம்மா மக்கள் முன்னேற்றக் கழகத்தின் அரவக்குறிச்சி ஒன்றியச் செயலர் ந. மணிகண்டன், மாவட்ட பாசறைச் செயலர் வேங்கை ராமச்சந்திரன் உள்ளிட்டோர் அக்கட்சியிலிருந்து விலகி அதிமுகவில் இணையும் விழா புதன்கிழமை நடைபெற்றது. அவர்களை வரவேற்று அமைச்சர் மேலும் பேசியது: எம்.ஜி.ஆர். மறைவுக்குப் பின்னர் அதிமுக பல்வேறு சோதனைகளைக் கண்டது. அப்போது கட்சிக்கு ஜெயலலிதா தலைமை தாங்கி, வழிநடத்தி ஒன்றரைக் கோடி தொண்டர்கள் உள்ள கட்சியாகஉருவாக்கிச் சென்றுள்ளார்.
அதிமுகவில் இருந்து பிரிந்து அமமுகவுக்குச் சென்றவர்கள், இப்போது தாய் கழகத்திற்குச் சென்றால் உரிய மரியாதை கிடைக்குமா என எதிர்பார்க்கிறார்கள். நிச்சயம் கிடைக்கும். இந்த இயக்கத்தில் உங்களுக்குரிய மரியாதையும், பாதுகாப்பும் எப்போதும் இருக்கும். 
திமுகவினர் தொடர்ந்த வழக்கின் காரணமாகத்தான் ஜெயலலிதா சிறைவாசம் அனுபவித்து தனது உயிரை நீத்தார். இப்போது அவர் அந்த இயக்கத்தில் இணையப்போவதாக சொல்கிறார்கள்.  அமைச்சர் பதவி கனவோடு திமுகவுக்குச் செல்லும் செந்தில்பாலாஜியின் கனவு நிறைவேற ஜெயலலிதாவின் ஆன்மா என்றும் அனுமதிக்காது என்றார்.
விழாவிற்கு முன்னதாக நிகழ்ச்சிக்கு கிருஷ்ணராயபுரம் சட்டப்பேரவை உறுப்பினர் எம்.கீதாமணிவண்ணன், மாவட்ட அவைத்தலைவர் ஏ.ஆர்.காளியப்பன், நகரக் கூட்டுறவு வங்கித்தலைவர் எஸ்.திருவிகா, நகரச் செயலாளர் வை.நெடுஞ்செழியன் உள்ளிட்டோர் முன்னிலை வகித்தனர். மாவட்ட இளைஞரணிச் செயலர் விசிகே.ஜெயராஜ், எம்ஆர்மன்ற இணைச்செயலாளர் எம்.செல்வராஜ், நகர அவைத்தலைவர் மலையம்மன் நடராஜன் உள்ளிட்டோர் பங்கேற்றனர். 


 

]]>
http://www.dinamani.com/all-editions/edition-trichy/karur/2018/dec/13/அதிமுகவிலிருந்து-பிரிந்து-சென்றவர்கள்-மீண்டும்-இணைந்தால்-உரிய-மரியாதை-கிடைக்கும்-3057230.html
3057229 திருச்சி கரூர் கரூர் நகராட்சிப் பகுதிகளில்  வீடு இல்லாதோர் கவனத்துக்கு... DIN DIN Thursday, December 13, 2018 09:41 AM +0530 கரூர் நகராட்சிக்குள்பட்ட  பகுதிகளில் வீடு இல்லாதோர் வீடு பெற விண்ணப்பிக்கலாம்.
இதுகுறித்து கரூர் மாவட்ட ஆட்சியர் த. அன்பழகன் புதன்கிழமை வெளியிட்டுள்ள செய்திக்குறிப்பு:
தமிழ்நாடு குடிசைப்பகுதி மாற்று வாரியத்தின் மூலம் பாரத பிரதமரின் அனைவருக்கும் வீடு திட்டத்தின் கீழ், கரூர் நகராட்சிப் பகுதியில் ஆட்சேபகரமான அரசு நிலங்களில் ஆக்கிரமித்து வரும் குடிசைவாசிகளுக்கு மறுகுடியமர்வு செய்வதற்கும், நகர்ப்புறங்களில் உள்ள வீடற்ற ஏழைகளுக்கு குடியமர்வு செய்யவும்  சணப்பிரட்டி மற்றும் தோரணக்கல்பட்டி பகுதியில் அடுக்குமாடி குடியிருப்புகள் கட்டும் திட்டம் செயல்படுத்தப்பட்டு வருகிறது. இத்திட்டப்பகுதிகளில் குடியிருப்பு ஒதுக்கீடு பெற கீழ்க்கண்ட தகுதிகள் உள்ள பயனாளிகளிடமிருந்து விண்ணப்பங்கள் வரவேற்கப்படுகின்றன. 
இத்திட்டத்தின் கீழ் பயன்பெற நகராட்சி எல்லைக்குள்பட்ட பகுதியில் வசிக்க வேண்டும்.  வேறு எங்கும் பயனாளியின் பெயரிலோ அல்லது அவரது குடும்பத்தாரின் பெயரிலோ வீடோ அல்லது வீட்டு மனையோ இருத்தல் கூடாது.                  
 பயனாளி மற்றும் குடும்பத்தாரின் ஆண்டு வருமானம் ரூ.3லட்சத்திற்கு குறைவாக இருக்க வேண்டும். 
பயனாளிகள் ஒவ்வொருவரும் ஒரு குடியிருப்பிற்கு தோராயமாக ரூ.1.88 லட்சம்பங்களிப்புத் தொகை செலுத்த வேண்டும். 
வட்டாட்சியரிடமிருந்து பெறப்பட்ட இருப்பிட சான்றிதழ், வருமானச் சான்றிதழ், மனுதாரர் மற்றும் அவரது குடும்பத்தில் உள்ள எவருக்கும் இந்திய நாட்டில் எங்கும் மனையோ வீடோ இல்லை என்று சான்றிதழ்,  மனுதாரர் குடிசைப்பகுதியில் ஆக்கிரமிப்பில் வாடகை வீட்டில் வசித்து வருகிறார் என்பதற்கான சான்றிதழ் போன்றவற்றுடன்,  உதவி நிர்வாகப் பொறியாளர் தமிழ்நாடு குடிசை மாற்று வாரியம், எண் 1, கேஎம்சி காலனி, பாலாம்பாள்புரம், கரூர்  என்ற முகவரியில் அணுகி இம்மாதம்
31 ஆம் தேதிக்குள் விண்ணப்பங்களை அளிக்க வேண்டும்.

]]>
http://www.dinamani.com/all-editions/edition-trichy/karur/2018/dec/13/கரூர்-நகராட்சிப்-பகுதிகளில்--வீடு-இல்லாதோர்-கவனத்துக்கு-3057229.html
3057228 திருச்சி கரூர் கரூரில் ஏ.வி. கிளினிக் திறப்பு விழா DIN DIN Thursday, December 13, 2018 09:41 AM +0530 கரூரில் ஏ.வி கிளினிக் திறப்புவிழா புதன்கிழமை நடைபெற்றது.
கரூர்-கோவைச்சாலையில் எல்ஜிபி பெட்ரோல் பங்க் எதிரே தோல், பொது மற்றும் சிறுநீரக அறுவை சிகிச்சைக்கான புதிய மருத்துவமனையான ஏ.வி கிளினிக் திறப்பு விழா புதன்கிழமை நடைபெற்றது.  புதிய மருத்துவமனையை கரூர் அமராவதி மருத்துவமனையின் மருத்துவர் என்.வேலுசாமி, மோகன் மருத்துவமனையின் மருத்துவர் கே.மோகன், ஈரோடு கல்யாணி கிட்னிகேர் சென்டரின் மருத்துவர் எம்.பிரபாகர் ஆகியோர் தொடங்கி வைத்தனர்.
 கரூர் எம்.குமாரசாமி பொறியியல் கல்லூரியின் தலைவர் எம்.குமாரசாமி, செயலர் கே.ராமகிருஷ்ணன், பரணிபார்க் கல்விக்குழுமங்களின் தாளாளர் எஸ்.மோகனரெங்கன், செயலர் பத்மாவதி மோகனரெங்கன் விழாவில் பங்கேற்று குத்துவிளக்கேற்றினர்.
 ராணி மருத்துவமனையின் மருத்துவர் இந்திராணி வேலுசாமி முன்னிலை வகித்தார். முன்னதாக மருத்துவமனையின் நிர்வாக இயக்குநர்கள் மருத்துவர்கள் அருண்விஜயன், வனிதா ஆகியோர் வரவேற்றனர். 
விழாவில் மருத்துவர்கள் மணிமேகலை வெங்கடாசலம், திருசெல்வி, வி.சக்திஜெயந்தி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/13/கரூரில்-ஏவி-கிளினிக்-திறப்பு-விழா-3057228.html
3057227 திருச்சி கரூர் தமிழ் அமைப்புகளுடன் இணைந்து விழிப்புணர்வுப் பேரணி DIN DIN Thursday, December 13, 2018 09:41 AM +0530 தமிழுக்கு முதன்மை விழிப்புணர்வை ஏற்படுத்தும் வகையில் தமிழ் அமைப்புளை இணைந்து ஆட்சியர் தலைமையில் பேரணி நடத்துவது என  திருக்குறள் பேரவை கூட்டத்தில் முடிவு செய்யப்பட்டுள்ளது.
கரூரில் செவ்வாய்க்கிழமை நடைபெற்ற  கூட்டத்துக்கு பேரவையின்  நிறுவனர் மேலை. பழநியப்பன் தலைமை வகித்தார்.  முனைவர்  கடவூர் மணிமாறன், கவிஞர் நன் செய்புகழூர் அழகரசன், க.ப.பாலசுப்ரமணியன், வ.சரவணன், ஆனிலை பாலமுருகன்  முன்னிலை வகித்தனர். கரூர் என்பதை அரசின் உச்சரிப்பு மாற்ற சீர்திருத்தத்தின்படி கருவூர் என மாற்றம் செய்ய திருத்தம் முன்மொழிந்த  மாவட்ட ஆட்சியருக்கு பாராட்டு தெரிவிப்பது, அரசின் அறிவிப்பின்படி வணிக நிறுவன பெயர்ப் பலகைகளில் தமிழுக்கு முதன்மை அறிவிப்பிற்கு நன்றி தெரிவிக்கப்பட்டது. மேலும்,  நடைமுறைப்படுத்தும் துறை ஒரு காலக்கெடு தந்து கண்டிப்புடன் செயல்படுத்த நடவடிக்கை மேற்கொள்ள வேண்டும்.  தமிழுக்கு முதன்மை விழிப்புணர்வை ஏற்படுத்தும் வகையில் தமிழ் அமைப்புகளை இணைத்து ஆட்சியர் தலைமையில் விழிப்புணர்வு பேரணி நடத்துவது,  தமிழ் உச்சரிப்பு சீர்திருத்த பரிந்துரைக் குழுவில் முனைவர் கடவூர் மணிமாறன்,  தமிழறிஞர் கருவை வேணு , மேலை பழநியப்பன் ஆகியோரை அலுவல் சாரா உறுப்பினராய் நியமித்த தமிழ் வளர்ச்சித் துறைக்கு நன்றி தெரிவிப்பது என்பன உள்ளிட்ட தீர்மானங்கள் நிறைவேற்றப்பட்டன. இரா.திருமூர்த்தி நன்றி கூறினார்.

]]>
http://www.dinamani.com/all-editions/edition-trichy/karur/2018/dec/13/தமிழ்-அமைப்புகளுடன்-இணைந்து-விழிப்புணர்வுப்-பேரணி-3057227.html
3057226 திருச்சி கரூர் அரசு ஊழியர் சங்கத்தினர்  உண்ணாவிரதம் DIN DIN Thursday, December 13, 2018 09:40 AM +0530 கரூரில் அரசு ஊழியர் சங்கத்தினர் புதன்கிழமை உண்ணாவிரத போராட்டத்தில் ஈடுபட்டனர்.
கரூர் வட்டாட்சியர் அலுவலகம் முன் நடைபெற்ற இந்த போராட்டத்திற்கு சங்கத்தின் மாவட்டத்தலைவர் மு.மகாவிஷ்ணன் தலைமை வகித்தார். செயலாளர் சக்திவேல் வரவேற்றார். தமிழ்நாடு அரசு அனைத்து மருந்தாளுநர் சங்க மாநிலத்தலைவர் மு.சுப்ரமணியன் உண்ணாவிரதத்தை தொடக்கி வைத்து பேசினார். அரசு மருத்துவக்கல்லூரி மருத்துவமனை முதல்வர் மருத்துவர் ரோஸி வெண்ணிலா ஊழியர் விரோதப் போக்குடன் செயல்படுவதாகக் கூறி போராட்டம் நடைபெற்றது. போராட்டத்தை தமிழ்நாடு அரசு ஊழியர் சங்கத்தின் மாநிலத் தலைவர் மு. சுப்பிரமணியன்  முடித்துவைத்தார். அரசு ஊழியர்கள் ஆர்ப்பாட்டத்தில் திரளாகப் பங்கேற்றனர்.


 

]]>
http://www.dinamani.com/all-editions/edition-trichy/karur/2018/dec/13/அரசு-ஊழியர்-சங்கத்தினர்--உண்ணாவிரதம்-3057226.html
3056484 திருச்சி கரூர் முன்னாள் அமைச்சர் செந்தில்பாலாஜி எந்தக் கட்சிக்கும் செல்லவில்லை DIN DIN Wednesday, December 12, 2018 08:56 AM +0530 முன்னாள் அமைச்சர் செந்தில்பாலாஜி எந்தக் கட்சிக்கும் செல்லவில்லை என்றார் அம்மா மக்கள் முன்னேற்றக் கழகத்தின் மாநிலப் பொருளாளர் ரங்கசாமி.
முன்னாள் அமைச்சரும், அம்மா மக்கள் முன்னேற்றக் கழகத்தின் கரூர் மாவட்டச் செயலருமான வி.செந்தில்பாலாஜி அக்கட்சியிலிருந்து விலகி, திமுகவில் சேர உள்ளதாக  செய்திகள் வெளியான நிலையில்,  கரூருக்கு செவ்வாய்க்கிழமை வந்த ரங்கசாமி, செய்தியாளர்களுக்கு அளித்த பேட்டியில் மேலும் கூறியது:
எங்களுக்குள் எந்த பிரச்னையும் இல்லை, சிக்கலும் இல்லை. முன்னாள் அமைச்சர் செந்தில்பாலாஜி எந்தக் கட்சிக்கும் செல்லவில்லை.  மற்றவர்கள் கூறி வருவதுபோல, வேறுமாதிரி எந்த சப்ஜெட்டும்  இல்லை. செந்தில்பாலாஜி கட்சிப் பணியில் தீவிரமாக இருப்பதால் அவரைத் தொடர்புகொள்ள முடியவில்லை. வெளியில் உள்ளவர்கள் ஏதாவது கூறுவார்கள்.
கரூரில் தங்கியிருந்ததாக நீங்கள் (செய்தியாளர்கள்) கூறும் தகுதிநீக்கம் செய்யப்பட்ட சட்டப்பேரவை உறுப்பினர்கள்  செந்தில்பாலாஜியை அடிக்கடி சந்தித்து வருவது சகஜம். அதற்காகத்தான் வந்து சென்றுள்ளனர். கஜா புயலால் பாதிக்கப்பட்டவர்களுக்கு பெட்ஷீட் வாங்க  கரூர் வந்தேன். இதற்கான ஏற்பாட்டை செந்தில்பாலாஜிதான் செய்திருந்தார் என்றார் ரங்கசாமி.

]]>
http://www.dinamani.com/all-editions/edition-trichy/karur/2018/dec/12/முன்னாள்-அமைச்சர்-செந்தில்பாலாஜி-எந்தக்-கட்சிக்கும்-செல்லவில்லை-3056484.html
3056448 திருச்சி கரூர் கரூரில் நாளை  பிள்ளையார் நோன்பு விழா DIN DIN Wednesday, December 12, 2018 08:47 AM +0530 கருவூர் நகரத்தார் சங்கம் சார்பில்  வியாழக்கிழமை   பிள்ளையார் நோன்பு விழா கரூரில் நடைபெறுகிறது.
இதுகுறித்து  இச்சங்கத்தின் செயலர் மேலை பழநியப்பன் வெளியிட்டுள்ள அறிக்கையில் கூறியிருப்பது:
கார்த்திகை தீப நாளில் நோன்பு விரதம் தொடங்கி ஒவ்வொரு இழை நூல் ஒன்றை எடுத்து, 21 ஆம் நாள் சஷ்டியும், சதயமும் கூடும் நாளில் நோன்பு களையும் நாளாக அன்றுமுன் இரவு  நாட்டுக்கோட்டை நகரத்தார் சமுதாய மக்கள் வீடுகள், கோயில்கள், மண்டபங்களில் ஒன்றுகூடி பிள்ளையார் நோன்பு விழாவைக் கொண்டாடுவர்.
கருப்பட்டியும், பாலும் வற்றக் காய்ச்சிய திரட்டுப்பால், கருப்பட்டி பணியாரம், அவல் பொரி வகைகள், ஆவாரம் பூ, கண்ணுப்பிள்ளை பூக்கொண்டு விநாயகரை அலங்கரித்து வழிபடுவர்.பின்னர் மாவிளக்கில் பிள்ளையார் பிடித்து, விநாயகர் முன் சமுதாயப் பெரியவர்கள் மரியாதை செய்து, அமர வைக்கப்பட்டு அவர்கள் வழிபாடு செய்து இழை எனும் மாவிளக்கின் திரியில் சுடர் ஏற்றிய பின்னர்  நோன்பு களையப்படும்.
 தொடர்ந்து வழிபாட்டில் வைத்து வழிபட்ட உப்பு, சர்க்கரை, கல்கண்டு, மஞ்சள் , மாலை , விளக்கு, சட்டை, பேரீட்சை, ஸ்கூல் பேக் பழம் உள்ளிட்ட மங்களப் பொருட்கள் ஏலம் நடைபெறும் என தெரிவித்துள்ளார்.

]]>
http://www.dinamani.com/all-editions/edition-trichy/karur/2018/dec/12/கரூரில்-நாளை-பிள்ளையார்-நோன்பு-விழா-3056448.html
3056446 திருச்சி கரூர் கரூர் பசுபதீஸ்வரர் கோயில் நில ஆக்கிரமிப்பை  அகற்ற மேற்கொண்ட நடவடிக்கை என்ன? இந்து சமய அறநிலையத் துறைக்கு உயர்நீதிமன்றம் கேள்வி DIN DIN Wednesday, December 12, 2018 08:46 AM +0530 கரூர் கல்யாண பசுபதீஸ்வரர் கோயில் நில ஆக்கிரமிப்பை அகற்றுவது குறித்து மேற்கொள்ளப்பட்ட நடவடிக்கைகள் என்ன? என இந்து அறநிலையத் துறை மற்றும் மாவட்ட ஆட்சியர் பதிலளிக்க உத்தரவிட்டு உயர்நீதிமன்ற மதுரை கிளை செவ்வாய்க்கிழமை உத்தரவிட்டது.
சென்னை திருத்தொண்டர் சபை நிறுவனர் ராதாகிருஷ்ணன், உயர்நீதிமன்ற மதுரை கிளையில் தாக்கல் செய்திருந்த மனு விவரம்: 
கரூரில் உள்ள கல்யாண பசுபதீஸ்வரர் கோயில் மிகவும் பிரசித்த பெற்ற பழமையான கோயில் ஆகும். இக் கோயிலுக்குச்  செந்தமாக 10 ஏக்கர் நிலம் உள்ளது. இதில், தற்போது 1 ஏக்கர் நிலம் முழுமையாக ஆக்கிரமிக்கப்பட்டு, அதில் வணிக வளாகங்கள், குடியிருப்புகள் கட்டப்பட்டுள்ளன.கோயிலுக்குச் சொந்தமான இடங்களை மீட்டு, கோயில் வருமானத்தை அதிகரித்தால்தான் கோயிலில் கால பூஜைகள் மற்றும் கோயிலுக்கு வரும் பக்தர்களுக்கு அடிப்படை வசதிகள் செய்து கொடுக்கமுடியும்.
எனவே கோயில் ஆக்கிரமிப்புகளை அகற்ற நடவடிக்கை எடுக்கவேண்டும் என அறநிலையத் துறை, மாவட்ட நிர்வாகத்துக்கு பல முறை மனு அளித்தும் எவ்வித நடவடிக்கையும் இல்லை. எனவே, சட்டவிரோதமாக மேற்கொள்ளப்பட்டுள்ள கோயில் நில ஆக்கிரமிப்பை அகற்ற உத்தரவிடவேண்டும் என மனுத் தாக்கல் செய்திருந்தார்.
இந்த மனுவை செவ்வாய்க்கிழமை விசாரித்த நீதிபதிகள் கே.கே. சசிதரன், பி.டி. ஆதிகேசவலு அமர்வு,  கோயில் நில ஆக்கிரமிப்பை அகற்றுவது குறித்து இந்து அறநிலையத் துறை, மாவட்ட ஆட்சியர் என்ன நடவடிக்கை எடுத்துள்ளனர் என்பது குறித்து, 2019, ஜன. 4ஆம் தேதி பதிலளிக்க உத்தரவிட்டு, வழக்கு விசாரணையை ஒத்திவைத்தனர்.

]]>
http://www.dinamani.com/all-editions/edition-trichy/karur/2018/dec/12/கரூர்-பசுபதீஸ்வரர்-கோயில்-நில-ஆக்கிரமிப்பை--அகற்ற-மேற்கொண்ட-நடவடிக்கை-என்ன-இந்து-சமய-அறநிலையத்-துறை-3056446.html
3056444 திருச்சி கரூர் நரிக்குறவக் குழந்தைகளுக்கு கல்வி ஊக்கத்தொகை வழங்கிய மாணவி DIN DIN Wednesday, December 12, 2018 08:45 AM +0530 கரூர் மாவட்டத்தைச் சேர்ந்த நரிக்குறவக் குழந்தைகளுக்கு தனியார் பள்ளி மாணவி ரூ.15,000 கல்வி ஊக்கத்தொகையை செவ்வாய்க்கிழமை வழங்கினார்.
ராமேசுவரப்பட்டியைச்  சேர்ந்தவர் ரக்ஷனா(14). இவர் கரூர் காக்காவாடியில் உள்ள தனியார் பள்ளியில் 7-ம் வகுப்பு படித்து வருகிறார்.  மரம் வளர்ப்பின் அவசியம், குறைந்த நீரில் விவசாயம் செய்தல்,  பொதுமக்களுக்கு மரக்கன்றுகள் வழங்குதல் உள்ளிட்ட சமூக பணிகளில் ஈடுபட்டு வருகிறார். 
இதைத் தொடர்ந்து,  கரூர் சிஎஸ்ஐ. ஆண்கள் பள்ளியில் எஸ்எஸ்எல்சி பயிலும் வேட்டைக்காரன்புதூர் ரஞ்சித்குமார்,  சிஎஸ்ஐ பெண்கள் மேல்நிலைப் பள்ளியில்  ஒன்பதாம் வகுப்பு பயிலும் வாசுகி, ஜோதிலட்சுமி ஆகிய  
நரிக்குறவக் குழந்தைகளுக்கு தலா ரூ.5000 வீதம் ஊக்கத்தொகையை  ரக்ஷனா செவ்வாய்க்கிழமை வழங்கினார். நிகழ்வில், பள்ளித் 
தலைமையாசிரியை  ஜெ.ஹெலன்பிரேம்குமார் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/12/நரிக்குறவக்-குழந்தைகளுக்கு-கல்வி-ஊக்கத்தொகை-வழங்கிய-மாணவி-3056444.html
3056442 திருச்சி கரூர் தேவேந்திரகுல வேளாளரை  எஸ்.சி. பட்டியலிலிருந்து நீக்க மாநில அரசு பரிந்துரைக்க வேண்டும் DIN DIN Wednesday, December 12, 2018 08:45 AM +0530 தேவேந்திரகுல வேளாளரை எஸ்.சி. பட்டியலிலிருந்து நீக்க  மாநில அரசு பரிந்துரைக்க வேண்டும் என்றார் புதிய தமிழகம் கட்சித் தலைவர் டாக்டர் க.கிருஷ்ணசாமி.
கரூரில் செவ்வாய்க்கிழமை செய்தியாளர்களுக்கு அவர் அளித்த பேட்டி:
தேவேந்திரகுல வேளாளர்களை அவர்கள் தற்போது இடம்பெற்றிருக்கும் பட்டியல் பிரிவில் இருந்து விலக்கி,   பிற்படுத்தப்பட்டோர் பட்டியலில் சேர்த்திட வேண்டும் என்று  வலியுறுத்தி ஏற்கெனவே மாநாடுகள் நடத்தப்பட்ட நிலையில், தற்போது மாவட்ட ஆட்சியர்களைச் சந்தித்து கோரிக்கை மனுவை அளித்து வருகிறோம்.
தேவேந்திரகுல வேளாளர்களை ஆங்கிலேயர்  காலத்தில் தவறுதலாகப்பட்டியல் பிரிவில் சேர்த்துள்ளனர்.  இதன் விளைவாக எங்களுக்கு ஏற்பட்டிருக்கும் விளைவுகள் ஏராளம்.  எங்கள் அடையாளத்தை  இழக்கும் நிலை ஏற்பட்டுள்ளது. எனவேதான்,  எஸ்.சி. பட்டியலிலிருந்து நீக்கிட வேண்டும் என்ற கோரிக்கையை எழுப்பி வருகிறோம். ஒவ்வொரு சமுதாயமும் தங்களை எப்படி முன்னேற்றிக்கொள்ள வேண்டும் என அந்த சமுதாயம்தான் முடிவு செய்ய வேண்டும். அந்த வகையில் தேவேந்திரகுல வேளாளர் கோரிக்கையை மாநில அரசு ஏற்று உடனே விடுவிக்க வேண்டும். மேலும் எஸ்சி பட்டியலில் இருந்து விடுவிக்க மத்திய அரசுக்கு மாநில அரசு பரிந்துரைக்க வேண்டும்.  
வடமாநிலத்தில் மூன்று மாநிலங்களில் நடந்த தேர்தலில் அதிக காலம் ஆட்சி நடந்துள்ளதால் அங்குள்ள மக்கள் ஆட்சி மாற்றத்தை விரும்பியுள்ளனர்.  மாநிலத் தேர்தல் அந்தந்த மாநிலங்களுக்கு மட்டும்தான் பொருந்தும். பாஜகவின் எந்த கொள்கையாலும் இந்திய மக்கள் பாதிக்கப்படவில்லை. ஜிஎஸ்டியால் விலைவாசி குறைவு ஏற்பட்டுள்ளது என்றார்.
பேட்டியின்போது, கட்சியின் மாவட்டச் செயலர் அசோகன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/karur/2018/dec/12/தேவேந்திரகுல-வேளாளரை--எஸ்சி-பட்டியலிலிருந்து-நீக்க-மாநில-அரசு-பரிந்துரைக்க-வேண்டும்-3056442.html
3056439 திருச்சி கரூர் கரூர் அருகே  தீப்பிடித்து எரிந்த ஆம்னி வேன் DIN DIN Wednesday, December 12, 2018 08:45 AM +0530 கரூர் மாவட்டம், தென்னிலை அருகே  ஓடும் காரில் திடீரென தீப்பற்றியது.  உடனடியாக தீ அணைக்கப்பட்டதால் குடும்பத்தினர் உயிர் தப்பினர்.
கரூர் மாவட்டம், பஞ்சப்பட்டியைச் சேர்ந்தவர் ராஜலிங்கம்(55).  இவர் கோவையில் நடைபெற்ற நிகழ்வில் பங்கேற்பதற்காக செவ்வாய்க்கிழமை தனது குடும்பத்தினருடன் ஆம்னி வேனில் புறப்பட்டுச் சென்றார். இந்த வேன் கரூர்- கோவை சாலையில் தென்னிலை அருகிலுள்ள செம்மாண்டாம்பாளையம் பிரிவு பகுதியில் சென்ற போது திடீரென இன்ஜினில் புகை வந்துள்ளது. இதையடுத்து வேனிலிருந்த அனைவரும் கீழே இறங்கிய சிறிது நேரத்தில் தீப்பிடிக்கத் தொடங்கியதுய
இதுகுறித்து தகவலறிந்த தீயணைப்புத் துறையினர் பகுதிக்குச் சென்று தீயை அணைத்தனர். உரிய நேரத்தில் வேனில் இருந்தவர்கள் இறங்கியதால் உயிரிழப்புகள் தடுக்கப்பட்டன. தென்னிலை போலீஸார் விசாரித்து வருகின்றனர்.

]]>
http://www.dinamani.com/all-editions/edition-trichy/karur/2018/dec/12/கரூர்-அருகே--தீப்பிடித்து-எரிந்த-ஆம்னி-வேன்-3056439.html
3056438 திருச்சி கரூர் மாணவிகளுக்கு தற்காப்பு கலைப் பயிற்சி DIN DIN Wednesday, December 12, 2018 08:44 AM +0530 கரூர் மாவட்டம்,  புன்னம்சத்திரம் நடுநிலைப்பள்ளி மாணவிகளுக்கு அளிக்கப்படும்  தற்காப்பு கலைப் பயிற்சி செவ்வாய்க்கிழமை தொடங்கியது. 
அனைவருக்கும் கல்வி இயக்கம் சார்பில், க.பரமத்தி ஒன்றியம்,  புன்னம்சத்திரம் நடுநிலைப்பள்ளியில் 6,7,8-ம் வகுப்புகளில் கல்வி பயிலும் மாணவிகளுக்கு மூன்று மாத கால தற்காப்பு கலை பயிற்சி அளிக்கப்பட உள்ளது.   
செவ்வாய்க்கிழமை நடைபெற்ற பயிற்சித் தொடக்க விழாவுக்கு, தலைமையாசிரியை பரமேசுவரி தலைமை வகித்தார்.  வட்டார வளமைய ஆசிரியர் பயிற்றுனர் கவிதா, கராத்தே பயிற்சியாளர் ராமசாமி முன்னிலை வகித்தனர். 
க.பரமத்தி வட்டார கல்வி அலுவலர் முருகன் பங்கேற்று, பயிற்சியைத் தொடக்கி வைத்தார். கராத்தே பயிற்சியாளர்கள் மற்றும் பள்ளி ஆசிரியர்கள் பங்கேற்றனர். பள்ளி ஆசிரியர் செல்வக்குமார் நன்றி கூறினார்.

]]>
http://www.dinamani.com/all-editions/edition-trichy/karur/2018/dec/12/மாணவிகளுக்கு-தற்காப்பு-கலைப்-பயிற்சி-3056438.html
3056437 திருச்சி கரூர் தேர்தல் வெற்றி: கரூரில்  காங்கிரஸார் கொண்டாட்டம் DIN DIN Wednesday, December 12, 2018 08:44 AM +0530 மத்தியப்பிரதேசம் உள்ளிட்ட மூன்று மாநிலங்களில் காங்கிரஸ் கட்சி வெற்றிபெற்றதையடுத்து, கரூரில்  காங்கிரஸ் கட்சியினர் செவ்வாய்க்கிழமை பட்டாசு வெடித்து  கொண்டாட்டத்தில் ஈடுபட்டனர்.
கரூர் பேருந்து நிலைய ரவுண்டானா பகுதியில் அகில இந்திய காங்கிரஸ் கமிட்டி உறுப்பினர் பேங்க் கே.சுப்ரமணியன் தலைமையில் கட்சியினர் பட்டாசு வெடித்து, பொதுமக்களுக்கு இனிப்புகளை வழங்கினர்.மாநிலப் பொதுக்குழு உறுப்பினர் ஆர்.ஸ்டீபன்பாபு, மாவட்டத்துணைத்தலைவர் சின்னையன், முன்னாள் வட்டாரத் தலைவர் ஆடிட்டர்ரவிச்சந்திரன், முன்னாள் மாவட்டச் செயலர் சுரேகாபாலச்சந்தர்,  தாந்தோணி வட்டார முன்னாள் தலைவர் குமார் உள்ளிட்டோர் பங்கேற்றனர்.  இதுபோல, மாவட்ட காங்கிரஸ் தலைவர் சின்னசாமி தலைமையில்,கட்சியினர் பொதுமக்களுக்கு இனிப்புகள் வழங்கியும், பட்டாசு வெடித்தும் கொண்டாடினர்.

]]>
http://www.dinamani.com/all-editions/edition-trichy/karur/2018/dec/12/தேர்தல்-வெற்றி-கரூரில்-காங்கிரஸார்-கொண்டாட்டம்-3056437.html
3056435 திருச்சி கரூர் தேசிய சாரணர் திறனறிதல் போட்டி: பரணி வித்யாலயா  சிறப்பிடம் DIN DIN Wednesday, December 12, 2018 08:44 AM +0530 தெலங்கானா மாநிலம், செகந்திராபாத்தில் நடைபெற்ற மாநிலங்களுக்கு இடையிலான தேசிய சாரணர் திறனறிதல் போட்டியில், கரூர் பரணி வித்யாலயா அணி சிறப்பிடம் பெற்றது.
டிச.1 முதல் 5 ஆம் தேதி வரை நடைபெற்ற இப்போட்டியில் தமிழக அணி சார்பில்  கரூர் பரணி வித்யாலயா சாரணர் அணி பங்கேற்றது.
மாநிலங்களுக்கு இடையிலான தேசிய சாரணர் திறனறிதல் போட்டிகளில் தமிழக அணி சார்பில் கரூர் பரணி வித்யாலயா சாரணர் அணி பங்கேற்றது. 
தீயணைப்பு மற்றும் மீட்கும் திறன்,  உடல் திறன், முதலுதவி, வனக்கலை, முகாம் ஆக்கல் திறன், கொடியேற்றம், கானகத்தில் சமையல், அணிவகுப்பு, வரைபடக் கலை உள்பட்ட 10 வகையான குழு திறன் போட்டிகளில், 
 பரணி பார்க் சாரணச் செயலர் பிரியா, சாரண ஆசிரியர் கருப்பசாமி மற்றும்  மாணவர்கள் தியானேஷ்வர், அபிஷேக், தயாகார்த்திக், கிர்த்திக்வாசன், லக்ஷ்மிவிஷ்ணு, பிருத்திவிராஜ், சஞ்சித், சூரியானந்தபதி, ஆகியோர்  போட்டிகளில் முதல் மற்றும் இரண்டாம் நிலைகளுடன் 
அதிகப் புள்ளிகளைப் பெற்று, மாநிலத்துக்குப் பெருமை சேர்த்தனர்.
சிறப்பிடம் பெற்ற பரணி வித்யாலயா சாரணர் அணிக்கு கரூர் மாவட்ட முதன்மைக் கல்வி அலுவவலர் தங்கவேல் திங்கள்கிழமை வாழ்த்து தெரிவித்தார். 
இந்நிகழ்வில், பரணிபார்க் கல்விக்குழுமத் தாளாளர் எஸ்.மோகனரெங்கன், செயலர் பத்மாவதி, முதன்மை முதல்வர் முனைவர் சொ. ராமசுப்ரமணியன்,  
நிர்வாக அலுவலர் சுரேஷ், பரணி வித்யாலயா முதல்வர் சுதாதேவி, பரணிபார்க் முதல்வர் சேகர், ஆசிரியர்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/12/தேசிய-சாரணர்-திறனறிதல்-போட்டி-பரணி-வித்யாலயா--சிறப்பிடம்-3056435.html
3056434 திருச்சி கரூர் கரூரில் கஞ்சா பதுக்கிய இருவர் கைது DIN DIN Wednesday, December 12, 2018 08:43 AM +0530 கரூரில் விற்பனை செய்வதற்காக  1 கிலோ  கஞ்சாவை பதுக்கி வைத்திருந்த இருவர் கைது செய்யப்பட்டனர்.
கரூர் பசுபதிபாளையம் அமராவதி ஆற்றின் கரையோரத்தில் விற்பனை செய்வதற்காக சிலர் கஞ்சாவைப் பதுக்கி வைத்திருப்பதாக வந்த புகாரின் பேரில் போலீஸார் திங்கள்கிழமை இரவு அங்கு சோதனையிட்டனர்.
இச்சோதனையில் அங்கு 1 கிலோ கஞ்சாவை பதுக்கி வைத்திருந்த தெற்கு காந்திகிராமம் சே. பாபு(29), வஞ்சியம்மன் கோயில் வே. சங்கர்(23) ஆகிய இருவரையும் கைது செய்தனர்.  அவர்களிடமிருந்து ரூ.10,000 மதிப்புள்ள கஞ்சா பறிமுதல் செய்யப்பட்டது.

]]>
http://www.dinamani.com/all-editions/edition-trichy/karur/2018/dec/12/கரூரில்-கஞ்சா-பதுக்கிய-இருவர்-கைது-3056434.html
3056433 திருச்சி கரூர் தாய்மொழியை மெல்ல, மெல்ல மறந்து வருகிறோம் DIN DIN Wednesday, December 12, 2018 08:43 AM +0530 தாய்மொழியை மெல்ல மெல்ல மறந்து வருகிறோம் என்றார்  தமிழ்நாடு முற்போக்கு எழுத்தாளர்- கலைஞர்கள் சங்க மாநிலச் செயற்குழு உறுப்பினர் கவிஞர் நா.முத்துநிலவன்.
இச்சங்கத்தின் சார்பில் கரூரில் செவ்வாய்க்கிழமை நடைபெற்ற பாரதியார் பிறந்த தின பேரவை நிகழ்ச்சியில் பங்கேற்று அவர் மேலும் பேசியது:
உலகிலேயே வேறு எந்த மொழிகளிலும் மனிதன் தனது பெயரை அடையாளம்
வைத்துக் கொண்டதில்லை. தமிழ் மொழியில் மட்டும்தான் தமிழ்செல்வி, தமிழ்செல்வன் என தனது தாய்மொழியையும் பெயருடன் இணைத்து அழகுப் பார்க்கிறான். பெயரவில் பெயர்களில் மட்டும் தமிழை அழகு பார்க்கக்கூடாது. உணர்வு, உள்ளப்பூர்வமாகவும் அழகு பார்க்கவில்லை.  தாய்மொழியை மெல்ல, மெல்ல மறந்து வருகிறோம். தன்னலமற்ற இலக்கியத்தன்மை, நூற்றுக்கும் மேற்பட்ட நாடுகளில் மொழிபெயர்த்த நூலாகிய திருக்குறளில் எங்கேயாவது தமிழ்மொழி என்ற வார்த்தை வெளிப்படவே இல்லை. அறம், வாழ்வியலை உலகம் முழுவதும் கற்றுக்கொடுக்கிறது திருக்குறள். 
பாரதி ஒரு ஆன்மிகவாதி.  இருப்பினும் ஆன்மிகத்தை டி ஆனால் மூட நம்பிக்கையில் திளையாதே என்றார்.  ஆங்கிலத்திலும், தமிழிலும் புலமைவாய்ந்தவர் பாரதி. ஆனால் அதே பாரதி ஆங்கிலத்தில் ஒரு மண்ணும் இல்லை என்றார். கூட்டத்துக்கு  பாடகர் இலக்குவன் தலைமை வகித்தார். ஓய்வுபெற்ற ஆசிரியர் காமராஜ் முன்னிலை வகித்தார்.  காதர்பாட்சா, தேன்மொழி, பொன்ஜெயராமன், பிரசன்னா மற்றும் தமிழ்நாடு முற்போக்கு எழுத்தாளர் கலைஞர்கள் சங்கத்தினர் உள்ளிட்டோர் நிகழ்வில் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/12/தாய்மொழியை-மெல்ல-மெல்ல-மறந்து-வருகிறோம்-3056433.html
3055886 திருச்சி கரூர் கரூரில் டிச.13-இல் சிறப்பு குறைகேட்பு நாள் கூட்டம் DIN DIN Tuesday, December 11, 2018 08:56 AM +0530 கரூர் கோட்டாட்சியர் அலுவலகத்தில் டிசம்பர் 13 ஆம் தேதி சிறப்பு குறைகேட்பு நாள் கூட்டம் நடைபெறுகிறது.
கரூர் மாவட்ட ஆட்சியர் த. அன்பழகன் தலைமையில் நடைபெறும் இந்தக் கூட்டத்தில் கரூர் வருவாய்க் கோட்டத்துக்குள்பட்ட கிராமங்களைச் சேர்ந்த பொதுமக்கள் பங்கேற்று,  தங்கள் குறைகளை மனுக்களாகத் தெரிவித்து பயன்பெறலாம் என்று தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/karur/2018/dec/11/கரூரில்-டிச13-இல்-சிறப்பு-குறைகேட்பு-நாள்-கூட்டம்-3055886.html
3055884 திருச்சி கரூர் மனித உரிமைகள் நாள் உறுதிமொழியேற்பு DIN DIN Tuesday, December 11, 2018 08:56 AM +0530 கரூர் மாவட்ட ஆட்சியரகத்தில் மாவட்ட ஆட்சியர் த. அன்பழகன் தலைமையில் அனைத்துத் துறை அலுவலர்களும் திங்கள்கிழமை மனிதஉரிமைகள் நாள் உறுதிமொழியேற்றுக் கொண்டனர்.
ஆட்சியரகத்தில் நடைபெற்ற நிகழ்வில், ஆட்சியர் த. அன்பழகன் உறுதிமொழியை வாசிக்க, அதை அனைத்துத் துறை அலுவலர்களும் திரும்பக் கூறி எடுத்துக் கொண்டனர்.
 மாவட்ட வருவாய் அலுவலர் ச.சூர்யபிரகாஷ், மாவட்ட ஆட்சியரின் நேர்முக உதவியாளர்(பொது) செல்வசுரபி, சமூக பாதுகாப்புத்திட்ட தனித்துணை ஆட்சியர் மீனாட்சி,   மாவட்ட வழங்கல் அலுவலர் மல்லிகா உள்ளிட்ட பல்துறை அலுவலர்கள், பணியாளர்கள் இந்த நிகழ்வில் பங்கேற்றனர். 

]]>
http://www.dinamani.com/all-editions/edition-trichy/karur/2018/dec/11/மனித-உரிமைகள்-நாள்-உறுதிமொழியேற்பு-3055884.html
3055883 திருச்சி கரூர் தமிழில் பெயர்ப்பலகைகளை எழுத வேண்டும் DIN DIN Tuesday, December 11, 2018 08:55 AM +0530 அனைத்து நிறுவனங்களும் பெயர்ப்பலகைகளைத் தமிழில் மாற்றி எழுத வேண்டும் என்று கரூர் மாவட்ட ஆட்சியர் த. அன்பழகன் தெரிவித்துள்ளார்.
இதுகுறித்து திங்கள்கிழமை வெளியிட்ட செய்திக்குறிப்பு:
 தமிழகத்தில் உள்ள அரசு அலுவலகங்கள் மற்றும் தனியார் நிறுவனங்களில் அமைக்கப்படும் பெயர்ப்பலகைகள்  முதலில் தமிழிலும், அதற்கெடுத்து தேவைப்பட்டால் ஆங்கிலம் மற்றும் பிற மொழிகளிலும் இடம்பெற வேண்டும். தமிழ் மற்றும் ஆங்கிலம் மட்டும் பயன்படுத்தினால் 5:3 என்ற  விகிதத்தில் அமைக்க வேண்டும் என தமிழக அரசு அரசாணை வெளியிட்டுள்ளது. 
கரூர் மாவட்டத்திலுள்ள கடைகள், தொழிற்சாலைகள், உணவகங்கள், உட்பட அனைத்து  வணிக நிறுவனங்களின் பெயர்ப்பலகைகளில் நிறுவனத்தின் பெயர், கட்டாயமாக முதலில் தமிழிலும், அதற்கடுத்து தேவைப்பட்டால் ஆங்கிலம் மற்றும் பிற மொழிகளிலும் இடம் பெறலாம்.   இவ்வாறு எழுதாத நிறுவனங்கள் மீது அபராதம் விதிக்கப்படும்.

]]>
http://www.dinamani.com/all-editions/edition-trichy/karur/2018/dec/11/தமிழில்-பெயர்ப்பலகைகளை-எழுத-வேண்டும்-3055883.html
3055882 திருச்சி கரூர் வங்கிகளில் நேரடியாக ஓய்வூதியம் பெற்றவர்கள் கவனத்துக்கு... DIN DIN Tuesday, December 11, 2018 08:55 AM +0530 வங்கிகளால் நேரடியாக ஓய்வூதியம் பெற்று வந்தவர்களுக்கு தற்போது கருவூலத்துறையின் மூலமாக வழங்கப்படுகிறது. எனவே ஓய்வூதியதாரர்கள் அதற்கான வாழ்நாள் சான்றிதழை கருவூலங்களில் அளிக்க வேண்டும் என்றுஅறிவிக்கப்பட்டுள்ளது.
இதுகுறித்து கரூர் மாவட்ட ஆட்சியர் த. அன்பழகன் திங்கள்கிழமை வெளியிட்ட செய்திக்குறிப்பு:
தமிழக அரசின் ஓய்வூதியர்களில் சிலர்   பொதுத்துறை வங்கி திட்டத்தின் மூலம் கடந்த ஆண்டு வரை வங்கிகளில் நேரடியாக ஓய்வூதியம் பெற்று வந்தனர்.  அத்திட்டத்தின் மூலம் ஓய்வூதியர்கள் பல சிரமங்களை சந்தித்து வந்தனர்.  
இந்த சிரமங்களைக் குறைத்து, அவர்கள் நலன் காக்கும் வகையில், பொதுத்துறை வங்கித்திட்டத்தின் மூலம் ஓய்வூதியம் பெறும் சுமார் 70,000  பேர் கருவூலத்துறை மூலமாக ஓய்வூதியம் திட்டத்துக்கு மாற்றப்பட்டுள்ளனர்.
பொதுத்துறை வங்கி திட்டத்திலுள்ள தமிழக அரசு ஓய்வூதியர்கள் கடந்த ஆண்டு வரை நவம்பர், டிசம்பர் மற்றும் ஜனவரி மாதங்களில் தங்களது வாழ்நாள் சான்றினை தாங்கள் ஓய்வூதியம் பெற்று வந்த வங்கிகளில் அளித்து வந்தனர். 
 தற்போது வங்கிகளில் நேரடியாக ஓய்வூதியம் பெற்று வரும் ஓய்வூதியர்கள் தங்களது அனைத்து ஓய்வூதிய பதிவேடுகளையும் ஓய்வூதியம் வழங்கும் அலுவலகம், சென்னை மற்றும் மாவட்ட கருவூலங்கள், சார் கருவூலங்களில் 2019 ஏப்.1-ம்தேதி முதல் ஜூன் 30-ம்தேதி வரை சமர்ப்பிக்கலாம் என தெரிவித்துள்ளார்.

]]>
http://www.dinamani.com/all-editions/edition-trichy/karur/2018/dec/11/வங்கிகளில்-நேரடியாக-ஓய்வூதியம்-பெற்றவர்கள்-கவனத்துக்கு-3055882.html
3055881 திருச்சி கரூர் மகளை மீட்டுத் தரக் கோரி ஆட்சியரிடம் தாய் மனு DIN DIN Tuesday, December 11, 2018 08:55 AM +0530 காவிரி ஆறுப்பாதுகாப்பு இயக்க ஒருங்கிணைப்பாளர் முகிலன் தனது மகளைக் கடத்திச் சென்றுவிட்டதாகவும், அவரைமீட்டுத் தர வேண்டும் எனக் கோரி ,  கரூர் மாவட்ட ஆட்சியரிடம்  அப்பெண்ணின் தாயார்  திங்கள்கிழமை புகார் அளித்தார்.
கரூரில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில், ஆட்சியர் த. அன்பழகனிடம், ராஜேந்திரம் மணல்குவாரியைத் தடை  செய்ய வேண்டும், காவிரியாற்றில் மணல் அள்ள அனுமதிக்கக்கூடாது போன்ற கோரிக்கைகளை வலியுறுத்தி காவிரி ஆறுப் பாதுகாப்பு இயக்க ஒருங்கிணைப்பாளர் முகிலன், ராஜேசுவரி உள்ளிட்டோர்  மனு அளிக்க வந்தனர்.
அப்போது,   அங்கு வந்த  நாமக்கல் மாவட்டம், குமாரபாளையம் முருகேசன் மனைவி கஸ்தூரி (55) ,  தனது மகள் ராஜேசுவரி மற்றும் முகிலனைக் கண்டதும், ஆவேசத்தில் வாக்குவாதம் செய்தார். இதைத் தொடர்ந்து ஆட்சியரிடம் மனு அளித்தார். மனுவில் அவர் கூறியிருப்பது:
எம்.எஸ்.சி. பட்டதாரியான எனது மகள் ராஜேசுவரி (30) கடந்த 3 மாதங்களுக்கு முன்பு திடீரென மாயமானார். பல இடங்களில் தேடியும் அவரைக் கண்டுபிடிக்க முடியவில்லை. இதுகுறித்து குமாரபாளயம் காவல் நிலையத்தில் புகார் செய்திருந்தேன்.
இந்த நிலையில், கடந்த வாரம் கரூர் மாவட்ட ஆட்சியரகத்தில் மக்கள் குறைகேட்பு நாள் கூட்டத்தில்,   காவிரி ஆறுப் பாதுகாப்பு இயக்க ஒருங்கிணைப்பாளர் முகிலனுடன் எனது மகள் வந்து மனு அளித்ததை நாளிதழ்களில் கண்டேன்.
இதுகுறித்து முகிலனைத் தொடர்பு கொண்டு விவரங்கள் கேட்டபோது சரியான பதில் கிடைக்கவில்லை.  தனது மகளை முகிலன் கடத்திச் சென்றுவிட்டதாகவும், 3 மாதங்களுக்குப் பின்னர் தற்போதுதான் மகளைப் பார்ப்பதாகவும், மகளுக்கு அமெரிக்க மாப்பிள்ளையும் திருமணம் செய்ய ஏற்பாடு செய்துவந்தநிலையில் திடீரென சமூக போராட்டத்திற்குச் சென்றுவிட்டார். எனவே அவரை மீட்டுத் தர வேண்டும் என மனுவில் கூறியிருந்தார்.
இதற்குப் பதிலளித்த மாவட்ட ஆட்சியர்,  உங்கள் மகள் 18 வயதைக் கடந்தவர் என்பதால், தன்னிச்சையாக முடிவெடுத்துக் கொள்ளும் அதிகாரம் உள்ளது. எனவே நீதிமன்றத்துக்குச் சென்று பிரச்னையைத் தீர்த்துக் கொள்ளுங்கள் என்றார்.நான் என் விருப்ப்படிதான் இந்த இயக்கத்தில் சேர்ந்து சமூகத்துக்குப் போராடி வருகிறேன். என்னை யாரும் கடத்தவில்லை என்றார் ராஜேசுவரி.
 

]]>
http://www.dinamani.com/all-editions/edition-trichy/karur/2018/dec/11/மகளை-மீட்டுத்-தரக்-கோரி-ஆட்சியரிடம்-தாய்-மனு-3055881.html
3055880 திருச்சி கரூர் மொழியின் பெருமையை எதிர்கால சந்ததிக்கு எடுத்துச் செல்வது நம் கடமை DIN DIN Tuesday, December 11, 2018 08:55 AM +0530 நம் மொழியின் பெருமையை எதிர்கால சந்ததியினருக்கு எடுத்துச் செல்வது நம் ஒவ்வொருவரின் கடமையாகும் என்றார்  சிங்கப்பூர் சமூக அறிவியல் கல்லூரிப் பேராசிரியை எம்.எஸ்.ஸ்ரீலக்ஷ்மி.
கரூர் கொங்கு கலை அறிவியல் கல்லூரித் தமிழாய்வுத் துறை, தென்காசி  ஒருங்கிணைந்த சமூக வளர்ச்சி ஆராய்ச்சி மையம்,
அட்லாண்டா அமெரிக்கத் தமிழ் கல்விக் கழகம், தூத்துக்குடி முத்துநகர் இலக்கிய வட்டம் சார்பில் கல்லூரி வளாகத்தில் திங்கள்கிழமை நடைபெற்ற பன்னாட்டு ஆய்வுக் கருத்தரங்கில் பங்கேற்று, மேலும் அவர் பேசியது:
மொழி ஒருவருக்கு விழிபோன்றது. பிற நாட்டவர்கள் தமிழ்மொழியை உற்று நோக்கும்  இவ்வேளையில் தமிழகத்தில்  மக்கள் தமிழ் மொழி பேசுவதை  மெல்ல, மெல்ல குறைத்துக் கொண்டு வருவது வருத்தமளிக்கிறது.
 பல்வேறு நாடுகளில் ஆட்சி மொழியாக உள்ள  தமிழ் இங்கும் அபரீத வளர்ச்சி பெற வேண்டும்.
 தற்கால இலக்கியங்கள் மட்டுமின்றி  சங்க இலக்கியங்கள் வரை அனைத்து இலக்கியங்களிலும் உள்ள இன்பத்தை நுகர முன்வர வேண்டும். எதிர்கால சந்ததியினருக்கு நம் மொழியின் பெருமையை எடுத்துச் செல்வது நம் ஒவ்வொருவரின் கடமையாகும் என்றார். 
லண்டன் பல்கலைக்கழக விரிவுரையாளர் சிவாபிள்ளை பேசியது:
லண்டன் பல்கலைக்கழகத்தில் 1914 -ம் ஆண்டு தமிழ் இருக்கை ஏற்படுத்தப்பட்டது. பின்னர் அது பல காரணங்களால் அகற்றப்பட்டது. ஆனால் தற்போது இருக்கை ஏற்படுத்தப்பட்டதோடு மட்டுமின்றி கடந்த ஜூலை முதல் தமிழை பயிற்று மொழியாக பல்கலைக் கழகத்தில் பயிற்றுவிக்கிறோம்.
 இங்கு படிக்கும் மாணவர்கள் கூட மேற்படிப்பினை லண்டன் பல்கலைக்கழகத்தில் படிக்கலாம். இதுபோன்ற ஆய்வுக் கருத்தரங்கள் நடைபெறுவதன் மூலம் நுட்பமான இலக்கியப் பண்பாடு,கலாசாரத்தை நம் மொழி பெற்றுள்ளது என்பதை உலக்குக்கு பறைசாற்றலாம் என்றார். 
சென்னை குறள் மலைச் சங்க நிறுவனர் பா.ரவிக்குமார் சிறப்புரையாற்றினார்.
கொங்கு கல்வி அறக்கட்டளைத்தலைவர் அட்லஸ் எம். நாச்சிமுத்து தலைமை வகித்து கருத்தரங்கு மலரை வெளியிட்டு பேசினார்.துணைத்தலைவர் ஏ.வீரப்பன்,கொங்கு கலை அறிவியல் கல்லூரியின் முன்னாள் தாளாளர் எஸ்.ராஜேந்திரன்,ராமநாதபுரம் சேதுபதி அரசு கலைகல்லூரி பேராசிரியர் முனைவர் வீ.பால்முருகன்  முன்னிலை வகித்தனர். 
கல்லூரியின் தமிழாய்வுதுறைத்தலைவர் முனைவர் சி.அழகர் வரவேற்றார். 
மனோன்மணீயம் சுந்தரனார் பல்கலைக்கழக ஆட்சிக்குழு உறுப்பினர் சு. அழகேசன்,  கல்லூரி முதல்வர்(பொ) புஸ்பராணி  உள்ளிட்டோர் பேசினர்.  கருத்தரங்கில் மத்திய, மாநிலப்பல்கலைக்கழகங்களில் பணிபுரியும் பேராசிரியர்கள், மாணவ, மாணவிகள் ஆய்வுக் கட்டுரைகளைச் சமர்ப்பித்தனர். 
 

]]>
http://www.dinamani.com/all-editions/edition-trichy/karur/2018/dec/11/மொழியின்-பெருமையை-எதிர்கால-சந்ததிக்கு-எடுத்துச்-செல்வது-நம்-கடமை-3055880.html
3055879 திருச்சி கரூர் ஆட்சியரகத்தில் குடும்பத்துடன் தீக்குளிக்க முயன்ற விவசாயி DIN DIN Tuesday, December 11, 2018 08:54 AM +0530 நிலத்தகராறு பிரச்னையில் புகார் அளித்தும் நடவடிக்கை எடுக்கப்படாததை கண்டித்து கரூர் மாவட்ட ஆட்சியரகத்தில் குடும்பத்துடன் விவசாயி திங்கள்கிழமை தீக்குளிக்க முயன்றார்.
கரூர் மாவட்ட ஆட்சியரகத்தில் திங்கள்கிழமை மக்கள் குறைகேட்பு நாள் கூட்டம் நடைபெற்றது. அங்கு தனது மனைவி, தாயுடன் வந்த  ஒருவர், பையில் வைத்திருந்த மண்ணெண்ணெயை மற்ற இருவர்  மீது ஊற்றிக் கொண்டு தீக்குளிக்க முயன்றார். அங்கு பாதுகாப்புப்பணியிலிருந்த போலீஸார் அதைத் தடுத்தனர். மேலும் அங்கு நிறுத்தப்பட்டிருந்த தீயணைப்பு வாகனத்தின் மூலம் மூவர் மீதும் தண்ணீர் பீய்ச்சி அடிக்கப்பட்டது. தொடர்ந்து மூவரும் ஆட்சியரிடம் அழைத்துச் செல்லப்பட்டனர். அப்போது நடைபெற்ற விசாரணையில், தீக்குளிக்க முயன்றவர் கரூர் மாவட்டம், சிந்தாமணிப்பட்டி அருகிலுள்ள பொசியம்பட்டியைச் சேர்ந்த தங்கராசு (45) என்பது தெரிய வந்தது.
தனக்கும், தனது பக்கத்து வீட்டைச் சேர்ந்த நடராஜன் என்பவருக்கும் இடையே ஏற்பட்ட நிலத்தகராறில் சில மாதங்களுக்கு முன்பு தாக்கப்பட்டு கால்முறிவு ஏற்பட்டது. மேலும், தனது மனைவி, தாயாரை கொலை செய்துவிடுவதாகவும் நடராஜன் குடும்பத்தினர் மிரட்டுகின்றனர்.  இதுகுறித்து மனு அளித்தும் நடவடிக்கை இல்லாததால்தான் தாங்கள் தற்கொலைக்கு முயன்றதாகத் தெரிவித்தனர்.
இதையடுத்து காவல் கண்காணிப்பாளர் அலுவலகத்துக்கு விவசாயி தங்கராசுவை அழைத்துச் சென்று உரிய நடவடிக்கை எடுக்குமாறு  ஆட்சியர் காவல்துறையினருக்கு உத்தரவிட்டார்.
வீட்டுமனைப் பட்டா வேண்டும்:  வேட்டமங்கலம் மேல்பாகம் கிராமத்தில் வசித்து வரும் தங்களுக்கு வீடோ, நிலமோ இல்லை. எனவே பொதுமக்கள் நலன் கருதி 80 குடும்பங்களுக்கு வீட்டுமனைப் பட்டா வழங்க வேண்டும் என இப்பகுதி மக்கள் மனு அளித்தனர்.
மணல் அள்ள அனுமதி தேவை : காவிரி, அமராவதி ஆறுகளில் மணல் அள்ள அனுமதிகேட்டு மாட்டு வண்டியில் மணல் அள்ளுவோர் திங்கள்கிழமை மனு அளித்தனர்.
 

]]>
http://www.dinamani.com/all-editions/edition-trichy/karur/2018/dec/11/ஆட்சியரகத்தில்-குடும்பத்துடன்-தீக்குளிக்க-முயன்ற-விவசாயி-3055879.html
3055878 திருச்சி கரூர் தாட்கோ மூலம் தொழில்தொடங்க ரூ.60 லட்சம் கடனுதவி DIN DIN Tuesday, December 11, 2018 08:54 AM +0530 தாட்கோ மூலம் தொழில் தொடங்க தலா ரூ.3 லட்சம் வீதம் 20 பேருக்கு ரூ.60 லட்சம் கடனுதவி வழங்கப்பட்டது.
கரூர் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்துக்கு,  ஆட்சியர் த.அன்பழகன் தலைமை வகித்தார். பல்வேறு கோரிக்கைகள் தொடர்பாக பொதுமக்கள் அளித்த 337 மனுக்களைப் பெற்றுக் கொண்ட அவர், அதை சம்பந்தப்பட்ட துறை அலுவலர்களிடம் வழங்கி உரிய நடவடிக்கை எடுக்க உத்தரவிட்டார்.
தாட்கோ மூலம் சுகாதார பணியில் உள்ளோரின் வாரிசுகள் 20 பேருக்கு தலா ரூ.3 லட்சம் வீதம் ரூ.60 லட்சம் கடனுதவியை ஆட்சியர் வழங்கினார்.
கஜா புயலால் பாதிக்கப்பட்டவர்களுக்கு நடையனூர் நம்மாழ்வார் தென்னை உற்பத்தியாளர்கள் நிர்வாகம் சார்பாக ரூ.25,000 வழங்கப்பட்டது.
 மாவட்ட வருவாய் அலுவலர் ச.சூர்யபிரகாஷ், மாவட்ட ஆட்சியரின் நேர்முக உதவியாளர் (பொது) செல்வசுரபி, மக்கள் குறை தீர்க்கும் தனித்துணை ஆட்சியர் கே.மீனாட்சி உள்ளிட்டோர் கூட்டத்தில் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/11/தாட்கோ-மூலம்-தொழில்தொடங்க-ரூ60-லட்சம்-கடனுதவி-3055878.html
3055876 திருச்சி கரூர் காவல் கண்காணிப்பாளரிடம் கொங்கு அமைப்பினர் மனு DIN DIN Tuesday, December 11, 2018 08:54 AM +0530 பிற்படுத்தப்பட்டோர் சமுதாயத்தை இழிவாக பேசியவர் மீது நடவடிக்கை எடுக்கக் கோரி  கொங்குநாடு மக்கள் தேசியக் கட்சியினர் உள்ளிட்ட கொங்கு அமைப்புகள், வ.உ.சி. பேரவையினர் மாவட்டக் காவல் கண்காணிப்பாளர் அலுவலகத்தில் திங்கள்கிழமை புகார் அளித்தனர்.
கொங்குநாடு மக்கள் தேசியக் கட்சியின் மாநில வர்த்தக அணிச் செயலர் விசா ம.சண்முகம் தலைமையில் கொங்கு இளைஞர் பேரவையினர் உள்ளிட்ட கொங்கு அமைப்பினர் அளித்த மனு:
பிற்படுத்தப்பட்ட சமுதாயத்தினரையும்,  பெண்களையும் இழிவாக பேசி, அதை சமூக வலைத்தளங்களில் விடியோவாக வெளியிட்டு சாதிய மோதலை ஏற்படுத்தும் வகையில் செயல்பட்டுள்ள
 திருவள்ளூர் மாவட்டம், நரசிங்கபுரத்தைச் சேர்ந்த அன்பழகன் மீதும், அவரை பின்பற்றவர்கள் மீதும்  நடவடிக்கை எடுக்க வேண்டும்.
அகில இந்திய வ.உ.சி.பேரவையினர்  அளித்த மனு: , பாரம்பரியம் கொண்ட வெள்ளாளர் சமூகத்தைச் சேர்ந்த எங்கள் மீது சில கட்சியினர் கேவலமாக பேசியுள்ளனர். மேலும், சமூக வலைத்தளங்களில் அவதூறாக கருத்துகளைப் பரப்பி வருகின்றனர். எனவே இவர்கள் மீது நடவடிக்கை எடுக்க வேண்டும் எனக் கூறியுள்ளனர்.

]]>
http://www.dinamani.com/all-editions/edition-trichy/karur/2018/dec/11/காவல்-கண்காணிப்பாளரிடம்-கொங்கு-அமைப்பினர்-மனு-3055876.html
3055250 திருச்சி கரூர் காவலர்களுக்கான பயிற்சி முகாம் நிறைவு DIN DIN Monday, December 10, 2018 09:46 AM +0530 காவலர்கள் மற்றும் அதிகாரிகளுக்கு மன அழுத்தக் குறைப்பு பயிற்சி முகாம்  நிறைவு விழா ஞாயிற்றுக்கிழமை நடைபெற்றது.
கரூர் மாவட்ட காவல்துறையில் பணியாற்றும் அதிகாரிகள் மற்றும் காவலர்களுக்கு கடந்த 7-ம் தேதி காவலர் நிறைவாழ்வு என்ற பெயரில் தொடங்கிய பயிற்சி முகாம் ஆயுதப்படை மைதானத்தில்  நடைபெற்றது. இதில் 39 பேர் பங்கேற்றனர்.
நிறைவு நாளான ஞாயிற்றுக்கிழமை பயிற்சியில் பங்கேற்றவர்களுக்கு சான்றிதழ் வழங்கும் நிகழ்ச்சி நடைபெற்றது. மாவட்ட காவல் கண்காணிப்பாளர் தி.கி. ராஜசேகரன் பங்கேற்று சான்றிதழ் வழங்கிப் பேசினார்.
கரூர் மாவட்ட கூடுதல் காவல் கண்காணிப்பாளர் எம். பாஸ்கரன், கரூர் நகர துணைக்காவல் கண்காணிப்பாளர் எம். கும்மராஜா, தனிப்பிரிவு காவல் ஆய்வாளர் அருள்மொழிஅரசு உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/10/காவலர்களுக்கான-பயிற்சி-முகாம்-நிறைவு-3055250.html
3055249 திருச்சி கரூர் கிணற்றுக்குள் தவறி விழுந்த மாணவி சாவு DIN DIN Monday, December 10, 2018 09:45 AM +0530 கடவூர் அருகே கிணற்றில் தவறி விழுந்த 10-ம் வகுப்பு மாணவி இறந்தார்.
கரூர் மாவட்டம் கடவூர் அடுத்த வீரணாம்பட்டியைச் சேர்ந்தவர் காளியப்பன் மகள் துளசி (16). குருணிகுளத்துப்பட்டி அரசு மேல்நிலைப்பள்ளியில் 10-ம் வகுப்பு படித்து வந்த இவர் சனிக்கிழமை காலை வீட்டில் இருந்து ஆடுகளை மேய்ச்சலுக்காக ஓட்டிச் சென்றார். 
அங்குள்ள தோட்டத்தில் மேய்ந்து கொண்டிருந்தபோது ஆடுகளை விரட்டச் சென்றவர்  எதிர்பாராதவிதமாக அங்கிருந்த கிணற்றுக்குள் விழுந்த அவர் இறந்தார். சிந்தாமணிப்பட்டி போலீஸார் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/dec/10/கிணற்றுக்குள்-தவறிவிழுந்த-மாணவி-சாவு-3055249.html
3055248 திருச்சி கரூர் அரிசி ஆலையில்  சிசிடிவி கேமரா உடைப்பு: 4 பேர் மீது வழக்கு DIN DIN Monday, December 10, 2018 09:45 AM +0530 கரூர் அருகே அரிசி ஆலையில் சிசிடிவி கேமராவை உடைத்ததாக 4 பேர் மீது போலீஸார் வழக்குப்பதிந்துள்ளனர்.
கரூரை அடுத்த பஞ்சமாதேவி படிக்காரமண்டபம் பகுதியைச் சேர்ந்தவர் பிரகாஷ் அதே பகுதியில் அரிசி ஆலை நடத்தி வருகிறார். இவருக்கும் அதே பகுதியைச் சேர்ந்த பாலாஜிக்கும் கொடுக்கல், வாங்கல் தொடர்பாக முன்விரோதம் இருந்தது.
இந்நிலையில் கடந்த 5-ம் தேதி பாலாஜி மற்றும் நெரூரைச் சேர்ந்த துரைமுருகன், வித்யாசேகர், சதா ஆகியோர் சேர்ந்து பாலாஜியின் அரிசி ஆலை முன் பொருத்தியிருந்த சிசிடிவி கேமராவை உடைத்தார்களாம். புகாரின்பேரில் வாங்கல் போலீஸார் வழக்குப்பதிந்து 4 பேர் மீதும் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/dec/10/அரிசி-ஆலையில்--சிசிடிவி-கேமரா-உடைப்பு-4-பேர்-மீது-வழக்கு-3055248.html
3055247 திருச்சி கரூர் கிறிஸ்துமஸ் கீத வழிபாடு DIN DIN Monday, December 10, 2018 09:45 AM +0530 தென்னிந்திய திருச்சபை தாந்தோணிமலை சேகரத்தில் கிறிஸ்துமஸ் கீத வழிபாடு ஞாயிற்றுக்கிழமை நடைபெற்றது.
இதில் பாமாலை, திருமறைப்பாடம், விசுவாசப்பிரமாணம் உள்ளிட்ட ஜெப வழிபாடுகள் நடைபெற்றன. கரூர் மறை மாவட்டத் தலைவர் பென்சிலிசாலமோன்ராஜ் வாழ்த்தினார். அருட்தந்தை டி. ராஜதுரை கிறிஸ்துமஸ் பண்டிகை குறித்து சிறப்புரையாற்றினார்.  பொருளாளர் பால்ராஜ் வரவேற்றார்.  விஜய் நன்றி கூறினார். கிறிஸ்தவர்கள் திரளாகப் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/10/கிறிஸ்துமஸ்-கீத-வழிபாடு-3055247.html
3055246 திருச்சி கரூர் போக்குவரத்து அமைச்சருக்கு பாராட்டு விழா DIN DIN Monday, December 10, 2018 09:45 AM +0530 குலாலர் இளைஞர் நற்பணி மன்றம் சார்பில் போக்குவரத்து துறை அமைச்சருக்கு ஞாயிற்றுக்கிழமை பாராட்டு விழா நடைபெற்றது.
அமைச்சரின் மக்கள் சேவையைப் பாராட்டி கரூர் வெண்ணைமலையில்  நடைபெற்ற விழாவுக்கு மன்றத் தலைவர் என். சம்பத் தலைமை வகித்தார். நிர்வாகிகள் கருப்பண்ணசாமி, கிருஷ்ணன் உள்ளிட்டோர் முன்னிலை வகித்தனர். மன்ற துணைத் தலைவர் பி. முருகேசன் அமைச்சரின் சேவையை பாராட்டிப் பேசினார்.
நிகழ்ச்சியில் மன்றத் தலைவர் என். சம்பத் வழங்கிய கேடயத்தை பெற்றுக்கொண்டு அமைச்சர் எம்.ஆர். விஜயபாஸ்கர் பேசுகையில், தேர்தல் நேரத்தில் எனக்கு உதவிகரமாக இருந்தீர்கள்,  கடந்த தேர்தலில் சிலர் செய்த சதியால் எனக்கு 441 வாக்குகள் வித்தியாசத்தில் மட்டுமே வெற்றி கிடைத்தது. வரும் தேர்தல்களில் அந்த வித்தியாசத்தை  44,000  ஆக மாற்றிக் காட்டுவீர்கள் என்ற நம்பிக்கை உள்ளது. எப்போதும் உங்களுக்கு உறுதுணையாக இருப்பேன் என்றார். அதிமுக நிர்வாகிகள் ஏ.ஆர். காளியப்பன், எஸ். திருவிகா, வை. நெடுஞ்செழியன், எம். செல்வராஜ், கமலக்கண்ணன், மலையம்மன்நடராஜன், தானேஷ் உள்ளிட்டோர் பங்கேற்றனர்.  மன்றச் செயலர் அர்சுணன், மனோகரன் ஆகியோர் வரவேற்று பேசினர்.

]]>
http://www.dinamani.com/all-editions/edition-trichy/karur/2018/dec/10/போக்குவரத்து-அமைச்சருக்கு-பாராட்டு-விழா-3055246.html
3055245 திருச்சி கரூர் பாஜகவின் சாதனைகளை விளக்க தீர்மானம் DIN DIN Monday, December 10, 2018 09:44 AM +0530 பாஜக பூத் கமிட்டி உறுப்பினர்கள் வீடு, வீடாகச் சென்று மக்களை சந்தித்து மோடி அரசின் சாதனைத் திட்டங்களை விளக்கிக் கூற வேண்டும் எனத் தீர்மானம் நிறைவேற்றப்பட்டுள்ளது. 
கரூரில் பாஜக சார்பில் கரூர் சட்டப்பேரவை தொகுதிக்கான பூத் கமிட்டி பொறுப்பாளர்கள் ஆலோசனைக்கூட்டம் சனிக்கிழமை நடைபெற்றது. 
வரும் மக்களவை மற்றும் சட்டப்பேரவைத் தேர்தலை எதிர்கொள்ளும் வகையில் பாஜகவில் 5 பூத்களுக்கு ஒரு பொறுப்பாளர் என்ற விகிதத்தில் அமைக்கப்பட்ட பூத் கமிட்டிக்கு சக்திகேந்திரா என்றும், 20 பூத்களுக்கு ஒரு பொறுப்பாளர் என்ற விகிதத்தில் அமைக்கப்பட்டிருக்கும் பூத் கமிட்டிக்கு மகா சக்திகேந்திரா என்றும் பெயரிடப்பட்டுள்ளது. 
இந்த பூத் கமிட்டி பொறுப்பாளர்களுக்கு வரும் தேர்தல்களை முன்னிட்டு பூத் கமிட்டியின் செயல்பாடு குறித்த ஆலோசனைக் கூட்டம் வெங்கமேட்டில் ஞாயிற்றுக்கிழமை நடைபெற்றது. மாவட்ட பொதுச் செயலர் கிருஷ்ணமூர்த்தி தலைமை வகித்தார்.  
சிறப்பு விருந்தினர்களாக  கட்சியின் மாநில துணைத் தலைவர் இன்ஜினியர் சுப்ரமணி, திருச்சி கோட்ட இணைப்பொறுப்பாளர் கே. சிவசாமி 
உள்ளிட்டோர் பங்கேற்றுசிறப்புரையாற்றினர். 
கூட்டத்தில் வரும் மக்களவை மற்றும் இடைத்தேர்தலில் கரூர் மாவட்டத்தில் உள்ள அனைத்துத் தொகுதிகளையும் பாஜக கைப்பற்ற கட்சியினர் பாடுபட வேண்டும். 
பூத் கமிட்டி உறுப்பினர்கள் வீடு, வீடாகச் சென்று மக்களை சந்தித்து மோடி அரசின் சாதனைத்திட்டங்களை விளக்கிக்கூற வேண்டும். குறிப்பாக மத்திய அரசின் இலவச கியாஸ் திட்டம் மற்றும் பிரதமர் வீடுகள் கட்டும் திட்டங்களை எடுத்துரைக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. 
கூட்டத்தில் மாநில நெசவாளர் அணி துணைத் தலைவர் பிரபாகர், கரூர் நாடாளுமன்ற அமைப்பாளர் பார்த்தீபன், மாவட்ட பொதுச் செயலாளர் நகுலன், மாவட்டச் செயலாளர் மோகன், ஓபிசி பிரிவு மாவட்டத் தலைவர் எம்.கே. கணேசமூர்த்தி உள்ளிட்ட கட்சியினர் திரளாக பங்கேற்றனர். நகரத்தலைவர் ஆர்.செல்வன் நன்றி கூறினார்.
 

]]>
http://www.dinamani.com/all-editions/edition-trichy/karur/2018/dec/10/பாஜகவின்-சாதனைகளை-விளக்க-தீர்மானம்-3055245.html
3055244 திருச்சி கரூர் "உடலுக்கு வேலியாக இருந்தவை பாரம்பரிய உணவுகள்' DIN DIN Monday, December 10, 2018 09:43 AM +0530 உடலுக்கு வேலியாக இருந்தவை பாரம்பரிய உணவுகள் என்றார் முன்னாள் காவல்துறை அதிகாரி அ. பாரி.
கரூரில் ஞாயிற்றுக்கிழமை நடைபெற்ற  விழாவில் வீ.கௌதமன் என்ற சாதாரணன் எழுதிய  உயிர்வேலி என்ற புத்தகத்தை  வெளியிட்டு அவர் மேலும் பேசியது:
இன்று நேற்றல்ல, பன்னெடுங்காலமாக மனிதர்களை, உயிர்களை, தாவரங்களை காப்பாற்றிய பெருமை வேலிக்குத்தான் உண்டு. அதனால்தான் தென் தமிழகத்தில் உள்ள திருநெல்வேலி என்ற மாவட்டம் உருவான வரலாறு சிறப்புடையது,. பல ஆண்டுகளுக்கு முன் சிவனடியார் ஒருவர் அங்குள்ள இறைவனுக்கு அமுதம் படைத்து வந்தார். பஞ்சம் நிலவிய அக்காலத்தில் அமுதம் படைக்க நெல் கிடைக்காத நேரத்தில் பல இடங்களில் தேடிக்கிடைத்த நெல்மணிகளை காய வைத்துவிட்டு தாமிரபரணியில் குளிக்கச் செல்கிறார். அப்போது திடீரென மழை பெய்கிறது. அய்யோ நெல் வீணாகிவிடுமே என்ற அஞ்சிய சிவனடியார் இறைவனை வேண்டி, நெல்லைக் காப்பாற்றுமாறு வேண்டுகிறார். உடனே இறைவன் சூரியக்கதிரால் வேலியமைத்து நெல்மணிகளை மழையில் இருந்து காப்பாற்றினார். இதனால்தான் அந்த மாவட்டத்திற்கு திருநெல்வேலி என்ற பெயர் வந்தது.
தமிழகத்தின் பாரம்பரியத்தை உலகெங்கும் கொண்டு சென்றது வேலி எனும் சொற்றொடர்தான்.  தாலி பெண்ணுக்கு வேலி என்பார்கள். அதில் மிகப்பெரிய பொருள் உள்ளது. வேலியைப்பற்றி இந்த நூலில் ஆசிரியர் ரசித்து படைத்திருக்கிறார். நகர்புறத்தில் இருப்போர் வேலியைக் கண்டிருக்கிறார்களா என்றால் அது கேள்விக்குறியானது. கிராமத்தில் இருப்போருக்கு வேலிதான் தாய்வீடு. இன்றைய காலகட்டத்தில் பாரம்பரிய விவசாயம் அழிந்து வருகிறது. சோளமும், கம்பும்தான் சர்க்கரை நோயாளிகளுக்கு சிறந்த உணவு.  கடலை எண்ணெய் போல உலகத்தில் சத்தானது கிடையாது. இதில் கொழுப்பு அதிகளவில் இருக்கிறது என்ற தவறான பிரசாரத்தால் அதன் பயன்பாடு குறைந்துவிட்டது.  உணவுப் பழக்க வழக்கத்தில் ஏற்பட்ட மாற்றத்தால் இன்று சர்க்கரை நோயாளிகள் அதிகளவில் உருவாகிவிட்டார்கள்.  பாரம்பரிய உணவு வகைகள் நமது உடலுக்கு வேலியாக இருந்தன. அவற்றை மறந்ததே இன்று உருவாகும் பல்வேறு நோய்களுக்கு காரணம் என்றார் அவர்.
ச. ராசேந்திரன் தலைமை வகித்தார். நூலை காவல்துறை அதிகாரி பாரி வெளியிட, கோவை ஆலயம் எம்என். மனோகரன் பெற்றுக்கொண்டார். 
விழாவில் சக்திகோச் நடராஜ், கோவை காளிதாசன் உள்ளிட்டோர் பங்கேற்றனர். நூலை எழுதிய சாதாரணன் என்கிற வீ. கௌதமன் ஏற்புரையாற்றினார்.
 

]]>
http://www.dinamani.com/all-editions/edition-trichy/karur/2018/dec/10/உடலுக்கு-வேலியாக-இருந்தவை-பாரம்பரிய-உணவுகள்-3055244.html
3055243 திருச்சி கரூர் பள்ளி மாணவர்களுக்கு கட்டுரைப் போட்டி: திருக்குறள் பேரவை அறிவிப்பு DIN DIN Monday, December 10, 2018 09:43 AM +0530 கருவூர் திருக்குறள் பேரவையின் 33-ம் ஆண்டு விழாவையொட்டி பள்ளி மாணவ, மாணவிகளுக்கான கட்டுரைப் போட் டியை அறிவிக்கப்பட்டுள்ளது.
இதுதொடர்பாக பேரவைச் செயலரும், நிறுவனருமான மேலை. பழநியப்பன் விடுத்துள்ள அறிக்கை: 
பேரவை ஆண்டு விழாவையொட்டி 6-ம் வகுப்பு முதல் 9-ம் வகுப்பு வரை பயிலும்  மாணவ, மாணவிகள் தன் தாய் தந்தையருக்கு எழுதும் கடித நடையில் "வள்ளுவத்தை வாழ்வியல் ஆக்குவேன்' என்ற பொதுத் தலைப்பில் ஏதாவது ஒரே ஒரு குறளை மேற்கோள் காட்டி அதன்படி வாழ்ந்து 
காட்டுவேன் எனப் பெற்றோருக்கு உறுதியளிக்கும் நடையில் ஏ4 அளவு பேப்பரில் 2-ல் இருந்து 3 பக்கத்துக்கு மிகாமல் தெளிவான எழுத்தில் கட்டுரை எழுதி,  
வகுப்பாசிரியர் கையெழுத்து பெற்று பள்ளியின் பெயர் வகுப்பு, வீட்டு முகவரியுடன் கட்டுரைகளை வரும் 25-ம் தேதிக்குள் கிடைக்குமாறு "கட்டுரைப் போட்டி "திருக்குறள் பேரவை 72. சீனிவாசபுரம் - கருவூர் 639-001 முகவரிக்கு அனுப்ப வேண்டும்.
10-ம் வகுப்பு முதல் பிளஸ்-2 வரை படிக்கும் மாணவ, மாணவிகள் " வாழ்ந்து காட்டுவேன்" என்ற பொதுத் தலைப்பில் 2 அல்லது 3 திருக்குறளை மேற்கோளிட்டு ஏ4 பேப்பரில் 4 பக்கங்களுக்கு மிகாமல் தெளிவான கையெழுத்தில் பள்ளியின் பெயர், வீட்டு முகவரியுடன் டிச.30-க்குள் வகுப்பு ஆசிரியர் கையெழுத்துடன் மேலே குறிப்பிட்ட முகவரிக்கு அனுப்ப வேண்டும். 
2 பிரிவுகளுக்கும் தலா 10 மாணவ, மாணவியர் தேர்ந்தெடுக்கப்பட்டு பரிசளிப்பு விழாவில் டாலர், வெள்ளி நாணயம் , நூல், சான்றிதழ் வழங்கப்படும்.
 

]]>
http://www.dinamani.com/all-editions/edition-trichy/karur/2018/dec/10/பள்ளி-மாணவர்களுக்கு-கட்டுரைப்-போட்டிதிருக்குறள்-பேரவை-அறிவிப்பு-3055243.html
3055242 திருச்சி கரூர் காங்கிரஸார் சிறப்பு வழிபாடு, அன்னதானம் DIN DIN Monday, December 10, 2018 09:43 AM +0530 காங்கிரஸ் மூத்த தலைவர் சோனியாகாந்தி பிறந்த நாளை முன்னிட்டு கரூரில் காங்கிராஸார் வழிபாட்டுத் தலங்களில் சிறப்பு வழிபாடு செய்து, ஆதரவற்றோருக்கு அன்னதானம் வழங்கினர்.
அகிலஇந்திய காங். கமிட்டி உறுப்பினர் பேங்க் கே. சுப்ரமணியன் தலைமையில் கட்சியினர் கரூர் மாவடியான் கோவில் தெருவில் கட்சிக்கொடியேற்றினர். மாநில பொதுக்குழு உறுப்பினர் ஆர். ஸ்டீபன்பாபு முன்னிலை வகித்தார். 
தொடர்ந்து அங்கு பொதுமக்களுக்கு இனிப்பு வழங்கினர். பின்னர் அங்குள்ள தர்ஹாவில் சிறப்பு வழிபாட்டைத் தொடர்ந்து க. பரமத்தி பொன்னாச்சியம்மன் கோயில், கரூர் வேம்பு மாரியம்மன் கோயில்களில் சிறப்பு வழிபாடுகள் நடைபெற்றன.  தொடர்ந்து காந்திகிராமத்தில் மாவட்ட மனித உரிமைகள் பிரிவு சார்பில் மாவட்டத் தலைவர் எஸ். ஜெகதீஷ் தலைமையில் ராமகிருஷ்ணா இல்ல குழந்தைகளுக்கு மதிய உணவு வழங்கப்பட்டது. 
கரூர் மாவட்ட காங்கிரஸ் கமிட்டி சார்பில் மாவட்டத் தலைவர் த. சின்னசாமி  தலைமையில் கரூரில் உள்ள சிஎஸ்ஐ ஆண்கள், பெண்கள் பள்ளியில் குழந்தைகளுக்கு உணவு, பொதுமக்களுக்கு இனிப்பு வழங்கப்பட்டது. 
மாநில செய்தித் தொடர்பாளர் ஜோதிமணி, முன்னாள் எம்எல்ஏ ஆர்.எம். பழனிச்சாமி, கரூர் நகரத் தலைவர் செளந்தரராஜன் உள்ளிட்டோர் பங்கேற்றனர். 
மாநில பொதுக்குழு உறுப்பினர் ஆர். ஸ்டீபன்பாபு, மாவட்டத் துணைத் தலைவர் சின்னையன், முன்னாள் வட்டாரத் தலைவர் ஆடிட்டர் ரவிச்சந்திரன், மனோகரன், இளைஞர் காங்.தலைவர் பிரேம்குமார், முன்னாள் மாவட்ட பொதுச் செயலாளர் சுரேகாபாலச்சந்தர், மாவட்டச் செயலர் கண்ணன், எஸ்சி, எஸ்டி பிரிவுத் தலைவர் வெங்கடாசலம் உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/karur/2018/dec/10/காங்கிரஸார்-சிறப்பு-வழிபாடு-அன்னதானம்-3055242.html
3054682 திருச்சி கரூர் கரூர் நகரக் கூட்டுறவு வங்கி : நிகழாண்டில் ரூ.4 கோடி கடன் வழங்க இலக்கு DIN DIN Sunday, December 9, 2018 04:03 AM +0530
கரூர் நகரக் கூட்டுறவு வங்கி சார்பில் நிகழாண்டில் ரூ.4 கோடி கடன் வழங்க இலக்கு நிர்ணயிக்கப்பட்டுள்ளது என்றார் இவ்வங்கித் தலைவர் எஸ்.திருவிகா.
கரூர் நகர கூட்டுறவு வங்கி சார்பில் கடன் வழங்குவதற்கான விண்ணப்பம் வழங்கும் நிகழ்ச்சி வெங்கமேடு மற்றும் கரூர் பேருந்துநிலைய ரவுண்டானா பகுதியில் சனிக்கிழமை நடைபெற்றது.
இந்த நிகழ்வுக்கு, வங்கியின் மேலாண் இயக்குநர் வ.வள்ளி தலைமை வகித்தார். பொதுமேலாளர் ஆர்.சேகர், வங்கி துணைத்தலைவர் ஜூபிடர் பாஸ்கரன், நகர அதிமுக செயலாளர் வை.நெடுஞ்செழியன் முன்னிலை வகித்தனர்.
மாவட்ட நுகர்வோர் கண்காணிப்புக் குழு உறுப்பினரும், நெரூர் கூட்டுறவு வங்கித் தலைவருமான ஏ.ஆர். காளியப்பன் விண்ணப்பங்கள் வழங்குதலைத் தொடக்கி வைத்தார். பூர்த்தி செய்யப்பட்ட விண்ணப்பங்களை நகரக் கூட்டுறவு வங்கித்தலைவர் எஸ்.திருவிகா பெற்றுக்கொண்டு பேசியது: கரூர் நகர வங்கியில் மத்திய வங்கி மற்றும் இரு கிளைகள் இயங்கி வருகின்றன. இதில் வங்கியின் மேம்பாட்டுக்காக வெங்கமேடு கிளையை அதே பகுதியில் உள்ள ஜேஜே.சாலைக்கும், வேலன் கண்மருத்துவமனை அருகே செயல்படும் கிளையை வடிவேல்நகருக்கும் மாற்ற உள்ளோம். மேலும் மேட்டுத்தெருவில் உள்ள தலைமைக் கூட்டுறவு வங்கியின் கட்டடம் கட்டப்பட்டு 100 ஆண்டுகளுக்கும் மேலானதால் அந்த கட்டிடத்தை இடித்து அதே இடத்தில் புதிய கட்ட உள்ளோம். நிகழாண்டில் ரூ.4 கோடி கடன் வழங்க இலக்கு நிர்ணயித்துள்ளோம் என்றார். இந்த நிகழ்வில், நகர அவைத் தலைவர் மலையம்மன் நடராஜன், எம்.ஆர்.மன்ற இணைச் செயலர் எம்.செல்வராஜ், நகர பேரவை செயலர் செல்வராஜ் , கரூர் கூட்டுறவு வீடுகட்டும் சங்கத்தின் தலைவர் செல்மணி, நகரக் கூட்டுறவு வங்கி மேலாளர்கள் குகநாதன், சி.செந்தில் மற்றும் வங்கிப்பணியாளர்கள் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/karur/2018/dec/09/கரூர்-நகரக்-கூட்டுறவு-வங்கி--நிகழாண்டில்-ரூ4-கோடி-கடன்-வழங்க-இலக்கு-3054682.html
3054681 திருச்சி கரூர் கரூர், குளித்தலையில் தேசிய மக்கள் நீதிமன்றம் DIN DIN Sunday, December 9, 2018 04:03 AM +0530
கரூர் மற்றும் குளித்தலை நீதிமன்றங்களில் சனிக்கிழமை நடைபெற்ற தேசிய மக்கள் நீதிமன்றத்தில் 648 வழக்களுக்குத் தீர்வு காணப்பட்டு, ரூ.19.83 கோடி மதிப்பில் நிவாரணம் வழங்கப்பட்டது.
கரூர் மாவட்ட சட்டப்பணிகள் ஆணைக்குழு சார்பில் தேசிய மக்கள் நீதிமன்றம் சனிக்கிழமை நடைபெற்றது. இதில் வங்கி காசோலை வழக்குகள், சிவில் வழக்குகள், புரோநோட்டு மற்றும் வங்கி வராக்கடன் வழக்குகள், மோட்டார் வாகன விபத்து இழப்பீடு வழக்குகள், ஜீவனாம்சம், சிவில் மற்றும் கிரிமினல் சம்பந்தப்பட்ட வழக்குகள் தொடர்பாக விசாரணை நடைபெற்றது.
கரூர் மாவட்ட நீதிமன்ற வளாகத்தில் நடைபெற்ற தேசிய மக்கள் நீதிமன்றத்தை மாவட்ட சட்டப்பணிகள் ஆணைக்குழுத் தலைவரும்(பொ), மகளிர் விரைவு நீதிமன்ற நீதிபதியுமான எஸ்.சசிகலா தொடக்கி வைத்தார். மாவட்ட சட்டப்பணிகள் ஆணைக்குழு செயலரும், சார்புநீதிபதியுமான ஆர்.தங்கவேல் மற்றும் நீதிபதிகள், வழக்குரைஞர்கள், நீதிமன்ற ஊழியர்கள் பங்கேற்றனர். ஓய்வுபெற்ற மாவட்ட நீதிபதி என்.நாகராஜன், குற்றவியல் விரைவு நீதிமன்ற நீதிபதி ஜி.ரகோத்தமன், வழக்குரைஞர்கள் கணேசன், பாரதிதாசன், சமூக ஆர்வலர்கள் கேகே.சொக்கலிங்கம், கே.முருகானந்தம் ஆகியோர் அமர்வுகளில் பங்கேற்று வழக்குகளை விசாரித்தனர்.
குளித்தலை சார்பு நீதிமன்றத்தில் நடைபெற்ற மக்கள் நீதிமன்றத்தில், ஓய்வுபெற்ற மாவட்ட நீதிபதி எம்.மாராயி, வழக்குரைஞர் ஏ.ஜாபர்சேட், சமூக ஆர்வலர் கவிதாவும், குளித்தலை நீதிமன்ற நடுவர் எண்-1 நீதிபதி வி.பிரஷ்னேவ், வழக்குரைஞர் எம்.ஜெயராமன், சமூக ஆர்வலர் பி.நாராயணன் ஆகியோரும் பங்கேற்றனர். கரூர் மற்றும் குளித்தலையில் நடைபெற்ற அமர்வுகளில் மொத்தம் 5,414 வழக்குகள் விசாரணைக்கு எடுத்துக்கொள்ளப்பட்டன. இதில், 648 வழக்குகளுக்குத் தீர்வுகாணப்பட்டு, ரூ.19.83 கோடி பயனாளிகளுக்கு நிவாரணமாக வழங்கப்பட்டது.

 

]]>
http://www.dinamani.com/all-editions/edition-trichy/karur/2018/dec/09/கரூர்-குளித்தலையில்-தேசிய-மக்கள்-நீதிமன்றம்-3054681.html
3054680 திருச்சி கரூர் சமூகவலைத்தளங்களில் இழிவான கருத்தை பதிவிட்டவர் மீது நடவடிக்கை கோரி மனு DIN DIN Sunday, December 9, 2018 04:03 AM +0530
பிற்படுத்தப்பட்ட சமூகத்தைச் சேர்ந்த பெண்களை பற்றி சமூக வலைத்தளங்களில் இழிவான கருத்தை பதிவிட்டவர் மீது நடவடிக்கை கோரி, கரூர் மாவட்டக் காவல் கண்காணிப்பாளர் அலுவலகத்தில் பாஜகவினர் சனிக்கிழமை மனு அளித்தனர்.
இக்கட்சியின் ஓ.பி.சி. அணி மாவட்டத் தலைவர் எம்.கே.கணேசமூர்த்தி, பாஜக மாவட்டத் தலைவர் முருகானந்தம் உள்ளிட்ட பா.ஜ.க.வினர் காவல் கண்காணிப்பாளர் அலுவலகத்தில் அளித்த மனுவில் கூறியிருப்பது:
அம்பேத்கர் நினைவு நாளில் அவரது புகழுக்கு களங்கம் விளைவிக்கும் வகையில், விடுதலைச்சிறுத்தைகள் கட்சியைச் சேர்ந்த நபர் பிற்படுத்தப்பட்ட பெண்கள் குறித்து இழிவாக பேசி அதை சமூக வலைத்தளங்களில் பதிவிட்டுள்ளார்.
சாதிய மோதல்களைத் தூண்டும் வகையில் பிரசாரம் செய்யும் அவர் மீது கடும் நடவடிக்கை எடுக்க வேண்டும் என கூறியுள்ளனர்.
இதனை மறுத்து, விடுதலைச் சிறுத்தைகள் கட்சியின் கரூர் மாவட்டச் செயலர் பெ.ஜெயராமன், மாநில தலைமைச் செயற்குழு உறுப்பினர் அகரமுத்து, மாவட்ட தொண்டரணி அமைப்பாளர் வழக்குரைஞர் ராஜா, செய்தித்தொடர்பாளர் இளங்கோ உள்ளிட்டோர் கண்காணிப்பாளர் அலுவலகத்தில் அளித்த மனுவில் கூறியிருப்பது:
சமூக வலைத்தளங்களில் பேசி பதிவிட்டிருப்பவர் விடுதலைச் சிறுத்தைகள் கட்சியைச் சேர்ந்தவர் அல்ல. அவருக்கும், விடுதலை சிறுத்தைகள் கட்சிக்கும் எந்த தொடர்பில்லை. கட்சியின் பெயரைக் கெடுக்கவும், சாதி மோதலை உருவாக்கும் வகையிலும், ஜனவரி முதல்வாரத்தில் திருச்சியில் நடக்க இருக்கும் கட்சி மாநாட்டை சீர்குலைக்கும் வகையிலும் பொதுவெளியில் கட்சி மீது அவதூறு பரப்புவர்கள் மீது நடவடிக்கை எடுக்க வேண்டும் என மனுவில் தெரிவித்துள்ளனர்.

 

]]>
http://www.dinamani.com/all-editions/edition-trichy/karur/2018/dec/09/சமூகவலைத்தளங்களில்-இழிவான-கருத்தை-பதிவிட்டவர்-மீது-நடவடிக்கை-கோரி-மனு-3054680.html
3054679 திருச்சி கரூர் அறிவியல் கண்காட்சி: வெள்ளியணை அரசுப் பள்ளிக்கு பதக்கம் DIN DIN Sunday, December 9, 2018 04:02 AM +0530
மாவட்ட அளவிலான அறிவியல் கண்காட்சியில் வெள்ளியணை அரசுப்பள்ளிக்கு இரண்டாம் பரிசாக வெள்ளிப் பதக்கம் கிடைத்துள்ளது.
மாற்றுத்திறனாளிகள் நலத்துறை சார்பில், பள்ளி, கல்லூரி மாணவ, மாணவிகளுக்கிடையேயான மாவட்ட அளவிலான அறிவியல் கண்காட்சி அண்மையில் நடைபெற்றது. இதில் வெள்ளியணை அரசுப்பள்ளியில் 9 -ம் வகுப்பு படிக்கும் மாணவர் மனோஜ் இரண்டாம் பரிசை வென்று வெள்ளிப் பதக்கம், பாராட்டுச்சான்று பெற்றார். இதைத் தொடர்ந்து போட்டியில் பங்கேற்ற மற்றும் பரிசு பெற்றவர்களுக்கான பாராட்டு விழா பள்ளி வளாகத்தில் வெள்ளிக்கிழமை நடைபெற்றது. பள்ளித் தலைமையாசிரியர் தமிழரசன் தலைமை வகித்தார். பள்ளி கட்டடக் குழுத்தலைவர் வெ.ராமநாதன் முன்னிலை வகித்தார். பாரத ஸ்டேட் வங்கியின் மூத்த மேலாளர் கோபால் சாமி சிறப்பு விருந்தினராகப் பங்கேற்று, கண்காட்சியில் கலந்து கொண்ட சஞ்சய், ஹரிபாலா, பெரியசாமி,பொன்னுசாமி,சுகி,ஜெகன்,மனோஜ் ஆகியோருக்கு பரிசு மற்றும் பாராட்டுச் சான்றுகளும் வழங்கினார்.
விழாவில் தொழிலதிபர் எம்.சண்முக சுந்தரம்,தொழில் முனைவோர் சி.அன்பரசர்,
பள்ளி முன்னாள் மாணவர் சங்கச் செயலர் அ.கிருஷ்ணன், ஆசிரியர்கள்,மாணவர்கள்,பெற்றோர்கள் உள்ளிட்டோர் பங்கேற்றனர். நிறைவில் பட்டதாரி அறிவியல் ஆசிரியர் பெ.தனபால் நன்றி கூறினார்.

 

]]>
http://www.dinamani.com/all-editions/edition-trichy/karur/2018/dec/09/அறிவியல்-கண்காட்சி-வெள்ளியணை-அரசுப்-பள்ளிக்கு-பதக்கம்-3054679.html
3054678 திருச்சி கரூர் வேலாயுதம்பாளையம் பகுதியில் கள் விற்ற மூவர் கைது DIN DIN Sunday, December 9, 2018 04:02 AM +0530
வேலாயுதம்பாளையம் பகுதியில் கள் விற்றதாக வெள்ளிக்கிழமை இரவு மூவர் கைது செய்யப்பட்டனர்.
கரூர் மாவட்டம், வேலாயுதம்பாளையம் பகுதியில் உள்ள மூலிமங்களம், பாண்டிபாளையம், பெரியசங்கம்பாளையம் பகுதியில் சிலர் அரசு அனுமதியின்றி கள் இறக்கி விற்பதாக போலீஸாருக்கு வெள்ளிக்கிழமை இரவு தகவல் கிடைத்தது. இதையடுத்து ,வேலாயுதம்பாளையம்காவல் உதவி ஆய்வாளர் செந்தில்குமார் தலைமையிலான போலீஸார், அங்கு சோதனையிட்டபோது, கள் விற்ற மூலிமங்களத்தைச் சேர்ந்த அருணாசலம்(60), பாண்டிபாளையத்தைச் சேர்ந்த காமராஜ்(53), பெரியசங்கம்பாளையத்தைச் சேர்ந்த அருணாசலம்(45) ஆகியோரைக் கைது செய்தனர்.

 

]]>
http://www.dinamani.com/all-editions/edition-trichy/karur/2018/dec/09/வேலாயுதம்பாளையம்-பகுதியில்-கள்-விற்ற-மூவர்-கைது-3054678.html
3054677 திருச்சி கரூர் கரூர் அருகே காதல் ஜோடி தற்கொலை DIN DIN Sunday, December 9, 2018 04:02 AM +0530
கரூர் அருகே காதலுக்கு குடும்பத்தினர் எதிர்ப்பு தெரிவித்ததால்,மனமுடைந்த காதல் ஜோடி சனிக்கிழமை இரவு தற்கொலை செய்து கொண்டது.
கரூர் மாவட்டம், குளித்தலை வட்டம், தாளியம்பட்டி கிராமத்தைச் சேர்ந்த கருப்பையா மகன் கோபி (22). கரூரிலுள்ள ஜவுளி ஏற்றுமதி நிறுவனத்தில் ஓட்டுநராகப் பணியாற்றி வந்தார். தாளியம்பட்டி அருகிலுள்ள அய்யனேரி கிராமத்தைச் சேர்ந்த செல்வம் மகள் கவிதா (19). இவர் கரூரிலுள்ள கல்லூரியொன்றில் 2 ஆம் ஆண்டு படித்து வந்தார்.
இவர்கள் இருவரும் காதலித்து வந்த நிலையில், இவர்களது குடும்பத்தில் எதிர்ப்புதெரிவிக்கப்பட்டது. இதனால் மனமுடைந்த நிலையில் காணப்பட்ட கோபி, திம்மாச்சிபுரம் பகுதியிலுள்ள தனது உறவினர் வீட்டுக்கு கவிதாவை சனிக்கிழமை அழைத்து வந்துள்ளார்.
சனிக்கிழமை இரவு உறவினர் வீட்டில் கோபி தூக்கிட்டுத் தற்கொலை செய்து கொண்டார். இதை கண்டு அதிர்ச்சியடைந்த கவிதா, அங்கிருந்த அரளி விதையை அரைத்துச் சாப்பிட்டதால் சிறிது நேரத்தில் அவரும் உயிரிழந்தார்.
இதுகுறித்து தகவலறிந்த லாலாப்பேட்டை போலீஸார் இருவரின் சடலத்தை கைப்பற்றி குளித்தலை அரசு மருத்துவமனைக்கு அனுப்பி வைத்தனர். தொடர்ந்து விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-trichy/karur/2018/dec/09/கரூர்-அருகே-காதல்-ஜோடி-தற்கொலை-3054677.html
3054676 திருச்சி கரூர் அமராவதி ஆற்றில் பல்வேறு இடங்களில் புதிய மணல் குவாரி : அரசாணையைத் திரும்ப பெறக் கோரி உண்ணாவிரதம் DIN DIN Sunday, December 9, 2018 04:01 AM +0530
அமராவதியில் மணல்குவாரி அமைப்பதற்கான அரசாணையை திரும்பப் பெறக்கோரி உண்ணாவிரதம் மற்றும் தெருமுனைப் பிரசாரத்தை நடத்துவதென அமராவதி சுற்றுச்சூழல் பாதுகாப்பு இயக்கம் முடிவு செய்துள்ளது.
கரூரில் அமராவதி சுற்றுச்சூழல் பாதுகாப்பு மற்றும் பல்வேறு அமைப்புகள் சார்பில் கலந்தாய்வு கூட்டம் சனிக்கிழமை நடைபெற்றது. கூட்டத்துக்கு
சாயக்கழிவால் பாதிக்கப்பட்ட விவசாயிகள் சங்கத்தலைவர் கே.ராமசாமி தலைமை வகித்தார்.சாமானிய மக்கள் கட்சியின் பொதுச்செயலர் குணசேகரன், மனிதநேய ஜனநாயகக் கட்சியின் மாவட்டச் செயலர் ஷேக்இஸ்மாயில், ஆதித்தமிழர் முன்னேற்றக் கழக மாவட்டச் செயலர் ரா.முல்லையரசு உள்ளிட்டோர் முன்னிலை வகித்தனர். அமராவதி சுற்றுச்சூழல் பாதுகாப்பு இயக்க ஒருங்கிணைப்பாளர் ம.தென்னரசு வரவேற்று பேசினார்.
இந்தக் கூட்டத்தில் நிறைவேற்றப்பட்ட தீர்மானங்கள்: கரூர் மாவட்டத்தில் அமராவதி ஆற்றில் மேலப்பாளையம், கோயம்பள்ளி, புலியூர்,பஞ்சமாதேவி, பள்ளப்பாளையம் போன்ற பகுதிகளில் புதிய மணல் குவாரி அமைக்க மாவட்ட நிர்வாகம் பிறப்பித்த அரசாணையைத் திரும்பப் பெறக்கோரி உண்ணாவிரதம், ஆற்றில்மணல் அள்ளுவதால் இன்னல்கள் குறித்து மக்களிடையே தெருமுனை பிரசாரம் நடத்தி விழிப்புணர்வு ஏற்படுத்துவது என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில் தந்தை பெரியார் திக மாவட்டத்தலைவர் தனபால் மற்றும் பல்வேறு அமைப்பினர் பங்கேற்றனர்.

 

]]>
http://www.dinamani.com/all-editions/edition-trichy/karur/2018/dec/09/அமராவதி-ஆற்றில்-பல்வேறு-இடங்களில்-புதிய-மணல்-குவாரி--அரசாணையைத்-திரும்ப-பெறக்-கோரி-உண்ணாவிரதம்-3054676.html
3053971 திருச்சி கரூர் கொடிநாள் நிதியை தாராளமாக அளிக்க  பொதுமக்கள் முன்வர வேண்டும் DIN DIN Saturday, December 8, 2018 08:54 AM +0530 கரூர் மாவட்டத்தில் கொடிநாள் நிதியைத் தாராளமாக அளிக்க பொதுமக்கள் முன்வர வேண்டும் என்றார் மாவட்ட ஆட்சியர் த. அன்பழகன்.
கரூர் மாவட்ட ஆட்சியரகத்தில் வெள்ளிக்கிழமை  கொடிநாள் நிதி வசூல் தொடக்கம், தேநீர் விருந்து மற்றும் அரசு நலத்திட்ட உதவிகள் வழங்கும் விழா நடைபெற்றது. இந்த விழாவில் 9 பேருக்கு ரூ.1.16 லட்சம் மதிப்பிலான நலத்திட்ட உதவிகளை வழங்கி, ஆட்சியர் பேசியது: முப்படைகளில் பணியாற்றிய  முன்னாள் படைவீரர்கள், போரில் வீரமரணம் அடைந்த படைவீரர்கள், காயமடைந்த படைவீரர்கள் ஆகியோரின் தன்னலமற்ற சேவையினை போற்றும் வகையில் கொடிநாள் விழா நடத்தப்படுகிறது.  
படைவீரர்களின் தேவைகளைப் பூர்த்தி செய்யும் வகையில் பொதுமக்கள் தாராளமாக நிதியை அளிக்க முன்வர வேண்டும்.
முன்னாள் படைவீரர் மகன் என்பதே பெருமை :  மாவட்ட ஆட்சியரை என்பதைவிட  முன்னாள் ராணுவ வீரரின் மகன் என்பதையே பெருமையாகக் கருதுகின்றேன். எனது தந்தையும் நமது தாய்நாட்டிற்காக பணியாற்றிய முன்னாள் ராணுவ வீரர்தான். முற்காலத்தில் படையெடுப்பு காரணமாகவே தமிழ் மொழி பரவி வந்தது.  ஆயிரம் தொழில்கள் செய்யலாம்.  ஆனால் ராணுவத்தில் பணிபுரிவது வேறு.  அதன் மூலம் ஒழுக்கம் உருவாகிறது.  அது கடைசிவரை நம்முடன் வருகிறது.  பஞ்சாப்புக்கு அடுத்து ராணுவத்தில் தமிழர்களே அதிகளவில் பணிபுரிகின்றனர். 
சிங்கப்பூர் போன்ற நாடுகளில் 10-ம் வகுப்பு முடித்தவுடன் இரண்டு ஆண்டுகள் ராணுவப் பயிற்சி முடித்த பின்னரே
 மேல்படிப்பு படிக்க முடியும்.  அதன் காரணமாக அவர்கள் ஒழுக்கமுள்ளவர்களாக மாறி கடைசி வரை அதை கடைப்பிடிக்கிறார்கள்.  
கரூர் மாவட்டத்தில் முன்னாள் படைவீரர்களின் கோரிக்கைகள் உடனுக்குடன் பரிசீலிக்கப்பட்டு தீர்வு காணப்படுகிறது என்றார் ஆட்சியர்.
 மாவட்ட ஆட்சியரின் நேர்முக உதவியாளர்கள் (பொது)செல்வசுரபி,  (சிறுசேமிப்பு) தமிழ்ச்செல்வி, வேளாண் இணை இயக்குநர் ஜெயந்தி, ஒருங்கிணைந்த குழந்தைகள் வளர்ச்சித் திட்ட அலுவலர் பரிமளாதேவி, முன்னாள் படைவீரர் நல அலுவலக நல அமைப்பாளர் வீரபத்திரன் உள்ளிட்டோர் நிகழ்வில் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/08/கொடிநாள்-நிதியை-தாராளமாக-அளிக்க--பொதுமக்கள்-முன்வர-வேண்டும்-3053971.html
3053970 திருச்சி கரூர் மூதாட்டியிடம்  நகைபறிப்பு DIN DIN Saturday, December 8, 2018 08:53 AM +0530 கரூரில் மூதாட்டியிடம் 6 பவுன் நகையைப் பறித்துச் சென்ற அடையாளம் தெரியாத நபர்களை போலீஸார் தேடிவருகின்றனர். 
கரூர் ராமானுஜம் நகரைச் சேர்ந்த பழனியப்பன்மனைவி முத்தம்மாள்(70). வியாழக்கிழமை இரவு வீட்டின் அருகே உள்ள கடைக்குச் 
சென்றுவிட்டு , மீண்டும் வீட்டை நோக்கி  முத்தம்மாள் நடந்துசென்றார்.
அப்போது பின்னால் மோட்டார் சைக்கிளில் வந்த அடையாளம் தெரியாத நபர்கள், முத்தம்மாள் அணிந்திருந்த 6 பவுன் சங்கிலியை பறித்துக் கொண்டு தப்பியோடிவிட்டனர்.
இதுகுறித்து கரூர் நகர காவல்நிலையத்தினர் வழக்குப்பதிந்து அடையாளம் தெரியாத நபர்களை தேடி வருகின்றனர்.
 

]]>
http://www.dinamani.com/all-editions/edition-trichy/karur/2018/dec/08/மூதாட்டியிடம்--நகைபறிப்பு-3053970.html
3053969 திருச்சி கரூர் காவல்துறையினருக்கான பயிற்சி முகாம் தொடக்கம் DIN DIN Saturday, December 8, 2018 08:53 AM +0530 கரூரில் காவல்துறையினருக்கான பயிற்சி முகாம் வெள்ளிக்கிழமை தொடங்கியது.
கரூர் மாவட்டத்தில் பணியாற்றும் காவல்துறை அதிகாரிகள் மற்றும் 
காவலர்களுக்கான  மன அழுத்தத்தை குறைக்கும் வகையில் நடத்தப்படும் இந்த பயிற்சி முகாம் தொடக்க விழா  ஆயுதப்படை மைதானத்தில் நடைபெற்றது.
மத்திய மண்டல ஐ.ஜி. வி. வரதராஜு பயிற்சி முகாமைத் தொடக்கி வைத்தார்.  மாவட்டக் காவல் கண்காணிப்பாளர் டி.கே.ராஜசேகரன், கூடுதல் காவல் கண்காணிப்பாளர்கள் பாரதி, பாஸ்கரன் மற்றும் துணைக் கண்காணிப்பாளர்கள் நிகழ்வில் பங்கேற்றனர்.
பாலவிடுதி காவல் ஆய்வாளர் டி.சந்தோஷ்குமார், வெங்கமேடு காவல் உதவி ஆய்வாளர் கிருத்திகா, கொங்கு கலை அறிவியல் கல்லூரி பேராசிரியர் வடிவேல் ஆகியோர் பயிற்சி அளித்தனர்.

]]>
http://www.dinamani.com/all-editions/edition-trichy/karur/2018/dec/08/காவல்துறையினருக்கான-பயிற்சி-முகாம்-தொடக்கம்-3053969.html
3053968 திருச்சி கரூர் அமராவதி ஆற்றில் ஆண் சடலம் DIN DIN Saturday, December 8, 2018 08:53 AM +0530 கரூரில் அமராவதி ஆற்றுக்குள் கிடந்த ஆண் சடலம் குறித்து போலீஸார் விசாரித்து வருகின்றனர்.
கரூர் வஞ்சியம்மன் கோயில் அருகே அமராவதி ஆற்றுக்குள் 45 வயது மதிக்கத்தக்க ஆண் சடலம் கிடப்பதாக, வியாழக்கிழமை இரவு அப்பகுதி கிராமநிர்வாக அலுவலர் முத்துப்பிரியனுக்கு தகவல் கிடைத்தது. 
இத்தகவலின் பேரில்  கரூர் நகர காவல் நிலையத்தில் முத்துப்பிரியன் புகார் அளித்தார். இதன்பேரில் போலீஸார் அமராவதி ஆற்றுப் பகுதிக்குச் சென்று சடலத்தை கைப்பற்றினர்.
இறந்தவர் யார், அவர் எந்த ஊரைச் சேர்ந்தவர் என்பது தெரியவில்லை. 
தற்கொலை செய்து கொண்டாரா அல்லது வேறு பகுதியில் கொலை செய்யப்பட்டு இப்பகுதியில் போட்டுச் சென்றார்களா என்பது குறித்து போலீஸார் விசாரிக்கின்றனர்.
 

]]>
http://www.dinamani.com/all-editions/edition-trichy/karur/2018/dec/08/அமராவதி-ஆற்றில்-ஆண்-சடலம்-3053968.html
3053967 திருச்சி கரூர் அரவக்குறிச்சி தொகுதி இடைத்தேர்தல்: பா.ஜ.க. ஆலோசனைக் கூட்டம் DIN DIN Saturday, December 8, 2018 08:52 AM +0530 கரூரில் பாரதிய ஜனதா கட்சி சார்பில் அரவக்குறிச்சி தொகுதி இடைத்தேர்தலுக்காக மேற்கொள்ள வேண்டிய  பணிகள் குறித்த ஆலோசனைக் கூட்டம் வெள்ளிக்கிழமை நடைபெற்றது.
கட்சியின் மாநிலத் துணைத் தலைவர் பி.டி. அரசகுமார் கூட்டத்தில் சிறப்புரையாற்றினார். அவர் தனது உரையில்,  உலகின் பல்வேறு பகுதிகளில் இந்தியர்கள் தைரியமாக வாழ்கிறோம் எனக் கூறுகிறார்கள் என்றால், மோடி இருக்கிறார் என்ற தைரியம்தான்.  வெளிநாட்டவர்கள்  இந்தியரைத் தொட்டுப்பார்க்க அச்சப்படுவதற்கு காரணமும் மோடி மேல் உள்ள பயம்தான் என்றார்.   
கூட்டத்துக்கு மாவட்டத்தலைவர் முருகானந்தம் தலைமை வகித்தார். அரவக்குறிச்சி சட்டமன்ற பொறுப்பாளர் பிரபு முன்னிலை வகித்தார். கரூர் மக்களவைத் தொகுதி அமைப்பாளர் சிவசாமி, பொறுப்பாளர் பார்த்திபன் உள்ளிட்டோர் பங்கேற்று பேசினர். கூட்டத்தில் மாவட்டப் பொருளாளர் குணசேகர், பொதுச்செயலாளர்கள் கிருஷ்ணமூர்த்தி, கைலாசம், மாவட்டச் செயலர்கள் மோகன், பரணி உள்ளிட்டோர் பங்கேற்றனர். நிறைவில் மாநில இளைஞரணிச் செயலர்  கோபிநாத் நன்றி கூறினார்.
 

]]>
http://www.dinamani.com/all-editions/edition-trichy/karur/2018/dec/08/அரவக்குறிச்சி-தொகுதி-இடைத்தேர்தல்-பாஜக-ஆலோசனைக்-கூட்டம்-3053967.html
3053966 திருச்சி கரூர் கிராமநிர்வாக அலுவலர்கள் உண்ணாவிரதம் DIN DIN Saturday, December 8, 2018 08:52 AM +0530 கிராம நிர்வாக அலுவலர்களுக்கு இணையதள வசதியுடன் கூடிய மடிக்கணினி வழங்க வேண்டும் என்பனஉள்ளிட்ட 21 அம்சக் கோரிக்கைகளை வலியுறுத்தி,  கரூரில் தமிழ்நாடு கிராம நிர்வாக அலுவலர்கள் சங்கத்தினர் வெள்ளிக்கிழமை உண்ணாவிரதம் நடத்தினர்.
புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை அமல்படுத்த வேண்டும்.  கிராம நிர்வாக அலுவலர்கள் பணியிடத்துக்கு பட்டம் பெற்றிருக்க வேண்டும் என கல்வித்தகுதியாக அறிவிக்க வேண்டும். கிராம நிர்வாக அலுவலர்களுக்கு இணையதள வசதியுடன் கூடிய மடிக்கணினி வழங்க வேண்டும் என்பன உள்ளிட்ட 21 அம்சக் கோரிக்கைகளை வலியுறுத்தி இந்த உண்ணாவிரதம் நடைபெற்றது. கரூர் மாவட்ட ஆட்சியர் அலுவலகம் முன்பு நடைபெற்ற உண்ணாவிரதப் போராட்டத்துக்கு தமிழ்நாடு கிராம நிர்வாக அலுவலர்கள் சங்கத்தின்   மாவட்டத் தலைவர் முருகேசன் தலைமை வகித்தார். மாவட்டச் செயலர்  மங்கையர்கரசி, பொருளர் முத்துபிரியன் உள்ளிட்டோர் முன்னிலை வகித்தனர். 
இந்த உண்ணாவிரதப் போராட்டத்தில் மாவட்டத்தின் பல்வேறு பகுதிகளில் பணியாற்றும்கிராம நிர்வாக அலுவலர்கள்  பங்கேற்றனர்.

]]>
http://www.dinamani.com/all-editions/edition-trichy/karur/2018/dec/08/கிராமநிர்வாக-அலுவலர்கள்-உண்ணாவிரதம்-3053966.html
3053965 திருச்சி கரூர் கரூர் நகரப் பகுதிகளில் டிச.11-இல் மின்தடை DIN DIN Saturday, December 8, 2018 08:52 AM +0530 மாதாந்திர மின் பராமரிப்புப் பணிகள் காரணமாக நகர் நகர் மற்றும் அதையொட்டியுள்ள பகுதிகளில் டிசம்பர்11 ( செவ்வாய்க்கிழமை) மின் விநியோகம் ரத்து செய்யப்படும் என அறிவிக்கப்பட்டுள்ளது.
இதுகுறித்து தமிழ்நாடு மின் உற்பத்தி மற்றும் பகிர்மானக் கழகத்தின் கரூர் கோட்டச் செயற்பொறியாளர் எஸ்.செந்தாமரை  வெள்ளிக்கிழமை வெளியிட்டுள்ள செய்திக்குறிப்பு:
கரூர் துணை மின் நிலையத்தில் மாதாந்திர மின் பராமரிப்புப் பணிகள் டிசம்பர் 11 ஆம் தேதி மேற்கொள்ளப்பட உள்ளன.
இதனால் இங்கிருந்து மின் விநியோகம் பெறும் காமராஜபுரம்,  கே.வி.பி.நகர், செங்குந்தபுரம்,  பெரியார்நகர்,  ஜவகர்பஜார், திருமாநிலையூர்,  அக்ரஹாரம், காந்திநகர்,  ரத்தினம்சாலை,  கோவைசாலை,  வடிவேல்நகர், ராமானுஜம்நகர்,  திருக்காம்புலியூர்,  ஆண்டான்கோவில்ரோடு,  செல்லாண்டிபாளையம், சுக்காலியூர்,  சேலம்-புறவழிச்சாலை,  ஆண்டாங்கோவில் ஆகிய பகுதிகளில் காலை 9 மணி முதல் மாலை 5 மணிவரை மின் விநியோகம் இருக்காது என அவர் தெரிவித்துள்ளார்.

]]>
http://www.dinamani.com/all-editions/edition-trichy/karur/2018/dec/08/கரூர்-நகரப்-பகுதிகளில்-டிச11-இல்-மின்தடை-3053965.html
3053964 திருச்சி கரூர் புஞ்சைப்புகழூரில் காவிரியாற்றின் குறுக்கே ரூ.490 கோடியில் கதவணை: அமைச்சர் ஆய்வு DIN DIN Saturday, December 8, 2018 08:52 AM +0530 கரூர் மாவட்டம், புஞ்சைப்புகழூர் காவிரியாற்றின் குறுக்கே சுமார் ரூ.490 கோடி மதிப்பில் கதவணை அமைக்கப்படவுள்ளது.  இந்த அணை அமைய உள்ள பகுதியை போக்குவரத்துத் துறை அமைச்சர் எம்.ஆர். விஜயபாஸ்கர் வெள்ளிக்கிழமை பார்வையிட்டு ஆய்வு செய்தார்.
மண்மங்கலம் வட்டத்திலுள்ள புஞ்சைப்புகழூர் பகுதியில் காவிரியாற்றின் குறுக்கே கதவணை கட்டும் பணிக்கான முதற்கட்ட ஆய்வு வெள்ளிக்கிழமை நடைபெற்றது. தேர்வு செய்யப்பட்ட இடத்தை பார்வையிட்ட பின்னர், அமைச்சர் விஜயபாஸ்கர் கூறியது: கரூர்  மற்றும் நாமக்கல் மாவட்ட மக்களின் நீண்ட நாள் கோரிக்கையை ஏற்று இந்த கதவணையைக் கட்ட முதல்வர் உத்தரவிட்டிருக்கிறார். அதன் அடிப்படையில்,  புஞ்சைப்புகழூர் பகுதி காவிரியாற்றின் குறுக்கே 1,140மீ. நீளத்திலும், 12மீ. அகலம் மற்றும் 2.5 மீ. உயரம் கொண்ட கதவுகளுடன் கூடிய கதவணை சுமார் ரூ.490 கோடியில் அமைக்கப்படவுள்ளது. இப்பணிகள் முடிவுற்ற பின் கதவணையின் மூலம் சுமார் 1 டி.எம்.சி தண்ணீர் தேக்கப்படும். 
ஆற்றின் மட்டம் தாழ்ந்து போனதால் கரூர் மாவட்டத்தில் வாங்கல் வாய்க்காலிலும், நாமக்கல் மாவட்டத்தில் மோகனூர் வாய்க்காலிலும் பல ஆண்டுகளாக தண்ணீர் செல்லாமல் விவசாய பணிகள் பாதிக்கப்பட்டு வந்தது.  இந்த கதவணை அமைக்கும் பணிகள் முடிவுற்ற பின் இவ்விரு வாய்க்கால்களுக்கும் தண்ணீர் செல்லும் வகையில் வடிவமைக்கப்பட்டுள்ளது.  
அதன் காரணமாக 2 மாவட்டங்களிலும் சுமார் 10,000 ஏக்கர் விளைநிலங்கள் பயனடைவதுடன் கரூர் நகராட்சி, நாமக்கல் மாவட்டத்திற்கான குடிநீர் ஆதாரங்களும் மேம்பாடு அடையும்.  அத்துடன் இப்பகுதியில் உள்ள கிணறுகள், ஆழ்துளைக் கிணறுகள் போன்றவற்றின் நிலத்தடிநீர் மட்டம் உயரவும், செறிவூட்டம் ஏற்படவும் அதிக வாய்ப்புள்ளது.  
கரூர் மாவட்டத்தில், காவிரி, அமராவதி, குடகனாறு, நங்காஞ்சி போன்ற ஆறுகளில் பொதுமக்கள் மற்றும் விவசாயிகளின் கோரிக்கையை ஏற்று தடுப்பணைகள் கட்டி கொடுக்கப்பட்டுள்ளன என்றார் அமைச்சர்.
இந்தாய்வின் போது, மாவட்ட ஆட்சியர் த. அன்பழகன், , காவிரி ஆற்றுப் பாதுகாப்பு கோட்டச்  செயற்பொறியாளர் சரவணன், செயற்பொறியாளர் (நீர்வளம்) ஷாஜன், கரூர் கோட்டாட்சியர்கு.சரவணமூர்த்தி, கூட்டுறவு சங்க பிரதிநிதிகள் ஏ.ஆர்.காளியப்பன், எஸ்.திருவிகா, பொறியாளர் கமலக்கண்ணன், பசுவை சிவசாமி உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/karur/2018/dec/08/புஞ்சைப்புகழூரில்-காவிரியாற்றின்-குறுக்கே-ரூ490-கோடியில்-கதவணை-அமைச்சர்-ஆய்வு-3053964.html
3053963 திருச்சி கரூர் அனைத்துக்கட்சிக் கூட்டத்தை தமிழக அரசு கூட்ட வேண்டும்: ஜி.கே.மணி DIN DIN Saturday, December 8, 2018 08:51 AM +0530 மேக்கேதாட்டு அணை விவகாரம் தொடர்பாக விவாதிப்பதற்காக அனைத்துக் கட்சிக் கூட்டத்தை தமிழக அரசு கூட்ட வேண்டும் என்றார் பாட்டாளி மக்கள் கட்சியின் மாநிலத் தலைவர் ஜி.கே.மணி.
கரூரில் வெள்ளிக்கிழமை நடைபெற்ற கட்சி நிர்வாகிகள் கூட்டத்தில் பங்கேற்ற அவர் செய்தியாளர்களுக்கு அளித்த பேட்டி :
தமிழகத்தில் கஜா புயலால் 12 மாவட்டங்கள் அதிகளவில் பாதிக்கப்பட்டுள்ளன. அரசு நிவாரணப்பணிகளை மேற்கொண்டாலும் பாதிக்கப்பட்டவர்கள் அதிலிருந்து மீளவில்லை. கரூர் மாவட்டத்தில் கடவூர், குளித்தலை, கிருஷ்ணராயபுரம் பகுதியிலும் பலத்த சேதம் ஏற்பட்டுள்ளது. ஆனால் இந்த பகுதிகளிலும் அரசு போதிய கவனம் செலுத்தவில்லை. 
கரூர், திருச்சி, நாமக்கல் மாவட்டங்களில் பயிரிடப்படும் வெற்றிலைக்கு போதிய விலை கிடைக்கவில்லை. இதை அரசு கவனத்தில் எடுத்துக்கொள்ள வேண்டும்.   கரூரில் புதைசாக்கடைத் திட்டமும் முறையாக, தரமாக செயல்படுத்தப்படவில்லை.
மேக்கேதாட்டுவில் அணை கட்டுவதற்குத் திட்ட அறிக்கை தயாரிக்க மத்திய அரசு அனுமதியளித்திருப்பது தமிழகத்தை வஞ்சிக்கும் செயலாகும்.  இப்பிரச்னை குறித்து விவாதிக்க   தமிழக அரசு உடனடியாக அனைத்துக் கட்சிக் கூட்டத்தை கூட்ட வேண்டும் என்றார் மணி.
முன்னதாக நடைபெற்ற ஆலோசனைக் கூட்டத்துக்கு   கட்சியின் மாநிலத் துணைப் பொதுச் செயலர் பிஎம்கே. பாஸ்கரன் தலைமை வகித்தார். மாநிலத் தலைவர் ஜி.கே. மணி சிறப்புரையாற்றினார்.  கஜா புயலினால் கரூர் மாவட்டத்தில் பாதிக்கப்பட்ட விவசாயிகளுக்கு ஏக்கருக்கு ரூ.5 லட்சம்  நஷ்ட ஈடு வழங்கிட வேண்டும்.  மாவட்டத்தில் நிலவும் குடிநீர் பற்றாக்குறையை போக்க நடவடிக்கை  எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
முன்னதாக,  மாவட்டத்தலைவர் ஐஎம்.பாபு வரவேற்றார். மாவட்டச் செயலர்கள் வே.கண்ணன், முருகன் ஆகியோர் முன்னிலை வகித்தனர்.   
கூட்டத்தில், மாநிலத் துணைத்தலைவர் பொங்கலூர் மணிகண்டன், மாநில இளைஞர்கள் சங்கத்தின் சதீஷ், முத்து, இளம்பெண்கள் சங்கத்தின் கார்த்திகா, வித்யா உள்ளிட்டோர் கூட்டத்தில் பங்கேற்றனர்.


 

]]>
http://www.dinamani.com/all-editions/edition-trichy/karur/2018/dec/08/அனைத்துக்கட்சிக்-கூட்டத்தை-தமிழக-அரசு-கூட்ட-வேண்டும்-ஜிகேமணி-3053963.html
3053469 திருச்சி கரூர் "நல்ல புத்தகம் என்பது கோயிலுக்குச் சமமானது' DIN DIN Friday, December 7, 2018 09:44 AM +0530 நல்ல புத்தகம் என்பது ஒரு கோயிலுக்குச் சமமானது என்றார் கரூர் அரசு கலைக் கல்லூரியின் இணைப் பேராசிரியர் முனைவர் கி. மாரியம்மாள்.
உலக புத்தக தினத்தை முன்னிட்டு தமிழ்நாடு அறிவியல் இயக்க கரூர் மாவட்டப் பிரிவின் சார்பில் வியாழக்கிழமை அரசு கலைக் கல்லூரியில் நடைபெற்ற புத்தக கலைப்பயணத் தொடக்க விழா மற்றும் புத்தக ஊர்தி பயணத் தொடக்க விழாவில் பங்கேற்று அவர் மேலும் பேசியது:
ஒரு புத்தகம் எழுதிய ஆசிரியரின் படைப்பின் கனவு மெய்ப்பட வேண்டும் என்றால் புத்தகப் பதிப்பில் ஆசிரியர் சமூகச் சிந்தனையைப் பற்றி கூறியிருக்கிறாரே, அறிவியல் சிந்தனை பற்றி பேசியிருக்கிறாரே இது எந்த அளவுக்கு உண்மை என்பதை ஆறாவது அறிவைக் கொண்டு அலசி ஆராய வேண்டும். இதுதான் திறனாய்வு. புத்தகத்தை ஆழ்ந்து படித்தால் மட்டுமே அவரது படைப்பு வெற்றி பெற்றதாகக் கருத முடியும்.  அந்த இடத்தில் ஆசிரியரும் வெற்றி பெறுகிறார்.  நல்ல புத்தகம் என்பது ஒரு கோயிலுக்குச் சமம். கோயிலில் மிகுந்த பயபக்தியோடு வழிபடுவோம். அதுபோன்றுதான் புத்தகங்களையும் பக்தியோடு கையாள வேண்டும்.
மாணவ, மாணவிகள் எத்தனை பேர் நூலகத்திற்குச் செல்கிறோம் என்பதை எண்ணிப்பார்க்க வேண்டும். நூலக நூல்கள் தங்களை புரட்ட மாட்டார்களா என ஏங்கிக் கொண்டிருக்கின்றன. மாணவ, மாணவிகள் தயவு செய்து தங்களது வாழ்க்கை மேம்பட வேண்டுமென்றால், போட்டித் தேர்வுகளில் வெற்றி பெற வேண்டுமென்றால் நூலகத்திற்குச் செல்லுங்கள், அதிகளவில் புத்தகங்கள் படியுங்கள், பொது அறிவையும், ஞானத்தையும் பெற்றுக் கொள்ளுங்கள் என்றார் அவர். 
அரசு கலைக் கல்லூரி முதல்வர் (பொ) முனைவர் அர. ரவிச்சந்திரன் தலைமை வகித்தார். அறிவியல் இயக்க இணைச் செயலர் ஜான்பாஷா முன்னிலை வகித்தார். இதில் சிறப்பு அழைப்பாளர்களாக பரணிபார்க் கல்விக் குழும முதன்மை முதல்வர் சொ. ராமசுப்ரமணியன், வெண்ணைமலை சேரன் மெட்ரிக் பள்ளி முதல்வர் வி. பழனியப்பன், பள்ளபட்டி கிரசன்ட் பள்ளி முதல்வர் என். சாகுல்அமீது மற்றும் அறிவியல் இயக்க மாவட்டத் தலைவர் தீபம் உ. சங்கர், துணைச் செயலர் பொன். ஜெயராம், மாநிலச் செயலர் பாலகிருஷ்ணன், ஓய்வுபெற்ற ஆசிரியர் மா. காமராஜ் உள்ளிட்டோர் பங்கேற்றனர். தொடர்ந்து புத்தக ஊர்தியை மாவட்ட முதன்மைக் கல்வி அலுவலர் கே. தங்கவேல் தொடக்கி வைத்தார். இந்தப்  ஊர்தி பயணம் மாவட்டங்களில் உள்ள அனைத்துப் பள்ளிகள், கல்லூரிகளுக்கும் சென்று மாணவ, மாணவிகளிடையே புத்தக வாசிப்பை ஊக்குவிக்கும் வகையில் விழிப்புணர்வு ஏற்படுத்தப்பட உள்ளதாக அறிவியல் இயக்க நிர்வாகிகள் தெரிவித்தனர்.
 

]]>
http://www.dinamani.com/all-editions/edition-trichy/karur/2018/dec/07/நல்ல-புத்தகம்-என்பது-கோயிலுக்குச்-சமமானது-3053469.html
3053468 திருச்சி கரூர் திருமாநிலையூர் கிளை வாய்க்காலில் ஆக்கிரமிப்பு அகற்றம் DIN DIN Friday, December 7, 2018 09:43 AM +0530 செல்லாண்டிபாளையத்தில்  திருமாநிலையூர் கிளை வாய்க்காலில் உள்ள ஆக்கிரமிப்புகள் வியாழக்கிழமை பொக்லின் இயந்திரம் மூலம் அகற்றப்பட்டது.
கரூரை அடுத்த டி.செல்லாண்டிபாளையத்தில் திருமாநிலையூர் ராஜவாய்க்காலின் கிளை வாய்க்கால் உள்ளது. இதன் மூலம் அப்பகுதியில் சுமார் 1000 ஏக்கர் நிலங்கள் பாசனவசதி பெறுகின்றன. அமராவதி ஆற்றில் கடந்த 19 ஆண்டுகளுக்குப்பின் இப்போதுதான் ஓரளவுக்கு தண்ணீர் வந்துகொண்டிருக்கிறது. 19 ஆண்டுகளாக போதிய தண்ணீர் வராததால் ஆற்றில் இருந்து பிரியும் வாய்க்கால்களான திருமாநிலையூர் ராஜவாய்க்கால் மற்றும் அதன் கிளைவாய்க்கால்கள் தூர்ந்துபோயின. மேலும் வாய்க்காலை ஆக்கிரமித்து சிலர் வீடுகளின் சுற்றுச்சுவர்களையும் கட்டினர். தற்போது தண்ணீர் செல்வதால் ஆக்கிரமிப்புகளால் திருமாநிலையூர் ராஜவாய்க்காலின் கிளை வாய்க்காலில் கடைமடை பகுதிக்கு தண்ணீர் செல்ல இயலாத நிலை ஏற்பட்டது. 
இதையடுத்து அமராவதி பாசன விவசாயிகள் கிளை வாய்க்காலின் ஆக்கிரமிப்புகளை அகற்ற நடவடிக்கை எடுக்க வேண்டும் என கடந்த மாதம் 30-ம் தேதி நடைபெற்ற விவசாயிகள் குறைதீர்க்கும் கூட்டத்தில் வலியுறுத்தினர். 
இதையடுத்து பொதுப்பணித் துறை அமராவதி வடிநிலக் கோட்ட பொறியாளர் ராஜகோபால், உதவிப் பொறியாளர் சரவணன் மற்றும் வருவாய்த்துறை அதிகாரிகள் வியாழக்கிழமை டி. செல்லாண்டிபாளையத்தில் போலீஸ் பாதுகாப்புடன் திருமாநிலையூர் ராஜவாய்க்காலின் கிளை வாய்க்காலை ஆக்கிரமித்து கட்டப்பட்டிருந்த வீட்டின் சுற்றுச்சுவர் உள்ளிட்டவற்றை இடித்து அகற்றினர்.

]]>
http://www.dinamani.com/all-editions/edition-trichy/karur/2018/dec/07/திருமாநிலையூர்-கிளை-வாய்க்காலில்-ஆக்கிரமிப்பு-அகற்றம்-3053468.html
3053467 திருச்சி கரூர் அம்பேத்கர் படத்துக்கு மாலை அணிவித்து மரியாதை DIN DIN Friday, December 7, 2018 09:43 AM +0530 அம்பேத்கரின் நினைவு தினத்தை முன்னிட்டு கரூரில் விடுதலைச் சிறுத்தைகள் உள்ளிட்ட கட்சியினர் அவரது படத்திற்கு  வியாழக்கிழமை மாலை அணிவித்து மரியாதை செலுத்தினர்.
கரூர் மாவட்ட விடுதலைச் சிறுத்தைகள் கட்சி சார்பில் பேருந்து நிலைய ரவுண்டானா காமராஜர் சிலை முன்வைக்கப்பட்டிருந்த அம்பேத்கர் படத்துக்கு மாவட்டச் செயலர் வழக்குரைஞர் பெ. ஜெயராமன் தலைமையில் மாலை அணிவிக்கப்பட்டது. மாநில தலைமை செயற்குழு உறுப்பினர்அகரமுத்து, பொறியாளர் அணி மாநில துணைச் செயலர் செந்தில்குமார், மாவட்ட தொண்டரணி அமைப்பாளர் வழக்குரைஞர் ராஜா, மாவட்ட செய்தித் தொடர்பாளர் இளங்கோ, வணிகர் அணி அமைப்பாளர் கண்மணி ராமச்சந்திரன் உள்ளிட்டோர்  பங்கேற்றனர்.
 தமிழ்நாடு எஸ்சி, எஸ்டி பிரிவு அலுவலர் நலச்சங்கம் சார்பில் கரூர் வட்டாட்சியர் அலுவலகம் முன் நடைபெற்ற நிகழ்ச்சியில் சங்க மாவட்டத் தலைவர் ராஜ்குமார் தலைமை வகித்து அம்பேத்கர் படத்திற்கு மாலை அணிவித்தனர். பொருளாளர் ரமேஷ், இணைச் செயலர் ஈஸ்வரன், துணைத் தலைவர் ரவி உள்ளிட்டோர் பங்கேற்றனர். 
இந்தியக் குடியரசுக் கட்சி சார்பில் பேருந்துநிலைய ரவுண்டானா காமராஜர் சிலை முன் நடைபெற்ற நிகழ்ச்சிக்கு மாவட்டத் தலைவர் ஆனந்தராஜ் தலைமை வகித்தார்.  இணைச் செயலர் விமல்ராஜ், தொழிற்சங்க செயலர் மதன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/07/அம்பேத்கர்-படத்துக்கு-மாலை-அணிவித்து-மரியாதை-3053467.html
3053466 திருச்சி கரூர் வெற்றிலைக்கு நல்ல விலை கிடைக்க சிறப்பு வழிபாடு! DIN DIN Friday, December 7, 2018 09:43 AM +0530 கஜா புயல் பாதித்த மாவட்டங்களில் விவசாயம் செழிக்கவும், வெற்றிலைக்கு போதிய விலை கிடைக்கவும் சிந்தலவாடி  மகாமாரியம்மன் கோயிலில் வியாழக்கிழமை 1.08 லட்சம் வெற்றிலை அலங்கார வழிபாட்டில் ஈடுபட்டனர் விவசாயிகள்.
கரூர் மாவட்டத்தில் கிருஷ்ணராயபுரம், லாலாப்பேட்டை, வேலாயுதம்பாளையம், புகழூர் வட்டாரங்களில் அதிகளவில் வெற்றிலை சாகுபடி நடைபெற்று வருகிறது. கற்பூரம், வெள்ளைக்கொடி ஆகிய இரு வகையிலான வெற்றிலை சாகுபடி நடைபெற்றாலும் அதிகளவில் கற்பூரம் சாகுபடிதான் செய்யப்படுகிறது. குறிப்பாக கிருஷ்ணராயபுரம்,குளித்தலை, லாலாப்பேட்டை, மாயனூர் பகுதியில் மட்டும் சுமார் 1,500 ஏக்கரில் வெற்றிலை பயிரிடப்படுகிறது. கடந்த ஆகஸ்ட் மாதம் முதல் கரூர் மாவட்டத்தில் அவ்வப்போது மழை பெய்வதால் வெற்றிலை விளைச்சல் அமோகமாக உள்ளது. இருப்பினும் விலை வீழ்ச்சியடைந்ததால் விவசாயிகள் கவலையடைந்தனர்.
இதனால் வெற்றிலைக்குப் போதிய விலை கிடைக்கவும், கஜா புயலால் பாதிக்கப்பட்ட நாகை, திருவாரூர், தஞ்சை, புதுக்கோட்டை, திண்டுக்கல் உள்ளிட்ட மாவட்டங்களில் விவசாயம் மீண்டும் செழித்து வளரவும் வேண்டி கரூர் மாவட்டம் லாலாபேட்டை அருகே உள்ள சிந்தலவாடி மகா மாரியம்மன் கோயிலில் வியாழக்கிழமை வெற்றிலை விவசாயிகள் மற்றும் பொதுமக்கள் 1லட்சத்து 8 ஆயிரம் வெற்றிலைகளைக் கொண்டு கோயிலுக்குள் சுவாமிக்கும், பின்னர் கோயில் முழுவதும் அலங்காரம் செய்தனர். பின்னர் சிறப்பு வழிபாடு செய்தனர். இதில் ஏராளமான வெற்றிலை விவசாயிகள், பொதுமக்கள் உள்ளிட்டோர் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/dec/07/வெற்றிலைக்கு-நல்ல-விலை-கிடைக்க-சிறப்பு-வழிபாடு-3053466.html
3053465 திருச்சி கரூர் கண்டுபிடிப்புகளால் பெருமை சேர்க்க வேண்டும் DIN DIN Friday, December 7, 2018 09:42 AM +0530 புதிய கண்டுபிடிப்புகளால் நாட்டுக்குப் பெருமை சேர்க்க் வேண்டும் என்றார் மாவட்ட ஆட்சியர் த. அன்பழகன்.
2018-19ஆம் கல்வியாண்டில் கரூர் மாவட்ட பள்ளிக் கல்வித் துறை சார்பில் பள்ளி மாணவ, மாணவிகளிடையே அறிவியல் திறன் மற்றும் ஆர்வத்தை வளர்க்கும் வகையில் இந்தக் கண்காட்சி புலியூர் ராணி மெய்யம்மை மேல்நிலைப் பள்ளியில் வியாழக்கிழமை நடைபெற்றது.
கண்காட்சியை மாவட்ட ஆட்சியர் த. அன்பழகன்  தொடக்கி வைத்து ஒவ்வொரு மாணவரின் படைப்பையும் பார்வையிட்டு அதன் விளக்கங்களை மாணவ-மாணவிகளிடம் கேட்டறிந்து பாராட்டினார்.
கண்காட்சியில் கரூர் மாவட்டத்தில் உள்ள பள்ளிகளில் 100 அரசு உயர்நிலை மற்றும் மேல்நிலைப் பள்ளிகளில் 9 முதல் பிளஸ்-2 வகுப்பு வரை பயிலும் மாணவர்கள், ஒரு பள்ளிக்கு 2 மாணவர்கள் வீதம் 200 மாணவர்கள் தங்களின் வழிகாட்டி ஆசிரியர்களுடன் கலந்து கொண்டனர்.
உணவுப் பாதுகாப்பு, புவி வெப்பமயமாதல், நகரும் பொருட்களில் அறிவியல் கண்டுபிடிப்புகள், இயற்கைப் பாதுகாப்பு, கணிதவியல், அறிவியல், பொருட்களின் பயன்பாடு என மொத்தம் 8 வித தலைப்புகளில் 100 வித படைப்புகளை மாணவ-மாணவிகள் காட்சிப்படுத்தியிருந்தனர்.
அனைவரின் படைப்புகளையும் பார்வையிட்ட மாவட்ட ஆட்சியர், எதிர்காலத்தில் கல்வியில் சிறந்து விளங்கி நாட்டுக்கும், மக்களுக்கும், விவசாயத்திற்கும் பயன்படக்கூடிய பல கண்டுபிடிப்புகளை கண்டுபிடித்து நாட்டுக்குப் பெருமை சேர்க்க வேண்டும் என்றார்.
கண்காட்சியில் காட்சிப்படுத்தப்பட்ட தலைப்புகளின் கீழான படைப்புகளில், ஒவ்வொரு தலைப்பிலும் தலா 3 பரிசுகள் வீதம் 24 படைப்புகளுக்கு பரிசு வழங்கப்படவுள்ளது. முதல் பரிசாக ரூ.1500, இரண்டாம் பரிசாக ரூ.1000, மூன்றாம் பரிசாக ரூ.500 வழங்கப்படும். பங்கேற்ற அனைத்து மாணவ-மாணவிகளுக்கும் பாராட்டுச் சான்றிதழ்கள் வழங்கப்பட உள்ளன.
நிகழ்ச்சியில் மாவட்ட முதன்மைக்கல்வி அலுவலர் தங்கவேல், மாவட்டக் கல்வி அலுவலர்கள் கனகராஜ், கபீர், பள்ளித் தலைமை ஆசிரியர் ஜோதிமுருகன் உட்பட பலர் கலந்து கொண்டனர்.
 

]]>
http://www.dinamani.com/all-editions/edition-trichy/karur/2018/dec/07/கண்டுபிடிப்புகளால்-பெருமை-சேர்க்க-வேண்டும்-3053465.html
3053464 திருச்சி கரூர் கரூரில் தமுமுகவினர்  கருப்புச்சட்டையுடன் ஆர்ப்பாட்டம் DIN DIN Friday, December 7, 2018 09:42 AM +0530 கரூரில் தமுமுகவினர் கருப்புச்சட்டை அணிந்து வியாழக்கிழமை கண்டன ஆர்ப்பாட்டத்தில் ஈடுபட்டனர்.
பாபர் மசூதி இடிக்கப்பட்ட அன்று அன்றைய பிரதமர் நாட்டு மக்களுக்கு அளித்த வாக்குறுதியை நிறைவேற்றக் கோரியும், மசூதி இடிப்புக்கு பிறகு நடைபெற்ற விசாரணையின்போது ஆஜரான உபி மாநிலத்தின் இன்றைய தலைமை வழக்குரைஞர் கே.கே. வேணுகோபால் கோரியபடி மீண்டும் பாபர் மசூதியை அதே இடத்தில் கட்டிக்கொடுக்க வேண்டும்,  மசூதியை இடித்த குற்றவாளிகள் என சிபிஐ குற்றம்சுமத்தியுள்ளவர்களுக்குஉரிய தண்டனை வழங்கக் கோரியும் பேருந்து நிலைய ரவுண்டானா ஆர்எம்எஸ் அலுவலகம் முன் இந்த ஆர்ப்பாட்டம் நடைபெற்றது.
மாவட்டத் தலைவர் எம். உபைதுர்ரகுமான் தலைமை வகித்தார். தலைமை செயற்குழு உறுப்பினர் எஸ்.டி. கமர்தீன் சிறப்புரையாற்றினார். 
ஆர்ப்பாட்டத்தில் தமுமுகவின் அன்சாரி,  விடுதலைச் சிறுத்தைகள் கட்சியின் மாவட்டச் செயலர் ஜெயராமன் மற்றும் நாம் தமிழர் கட்சியினர் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/07/கரூரில்-தமுமுகவினர்--கருப்புச்சட்டையுடன்-ஆர்ப்பாட்டம்-3053464.html
3053463 திருச்சி கரூர் அரசு அலுவலர்களுக்கான விளையாட்டுப் போட்டிகள் DIN DIN Friday, December 7, 2018 09:42 AM +0530 கரூரில் அரசு அலுவலர்கள் மற்றும் பணியாளர்களுக்கான விளையாட்டுப் போட்டிகள் வியாழக்கிழமை நடைபெற்றன.
தமிழ்நாடு விளையாட்டு மேம்பாட்டு ஆணையத்தின் கரூர் மாவட்ட பிரிவு சார்பில் அரசு அலுவலர்களுக்கு  வியாழக்கிழமை நடந்த குழு மற்றும் தடகள  போட்டிகளை  மாவட்ட ஆட்சியர் த. அன்பழகன் தொடங்கி வைத்து, பூப்பந்துப் போட்டியில் கலந்துகொண்டார்.
அரசு அலுவலர்கள், பணியாளர்களின் வேலைப்பளுவின் காரணமாக ஏற்படும் மன அழுத்தத்தைக் குறைப்பதற்காகவும், பல்வேறு துறை சார்ந்த பணியாளர்களை ஒருங்கிணைத்து சகஜ நிலையை உருவாக்கி ஒருங்கிணைந்த துறை பணிகளை மேற்கொள்ளவும், அரசுப் பணியாளர்களிடத்தில் விளையாட்டில் உள்ள தனித்தன்மையை வெளிக்கொணரும் விதமாகவும் ஆண்டுதோறும் விளையாட்டுப்போட்டி நடத்தப்படுகிறது.
அதனடிப்படையில் வியாழக்கிழமை விளையாட்டு மேம்பாட்டு ஆணையத்தின் கரூர் மாவட்ட பிரிவு சார்பில் நடைபெற்ற விளையாட்டுப் போட்டிகளில் 100 மீ, 200 மீ, 800 மீ, நீளம் தாண்டுதல், உயரம் தாண்டுதல், குண்டு எறிதல் உள்ளிட்ட போட்டிகள் ஆண்களுக்கும், 100 மீ, 200 மீ, 400 மீ, 800 மீ, நீளம் தாண்டுதல், உயரம் தாண்டுதல், குண்டு எறிதல் உள்ளிட்ட போட்டிகள் பெண்களுக்கும் நடைபெற்றன. மேலும் இறகுப்பந்து, பூப்பந்து, டேபிள் டென்னிஸ், கபடி, கையுந்து பந்து, கூடைப்பந்து போன்ற குழு போட்டிகள் ஆண்களுக்கு மட்டும் நடைபெற்றது.      
அரசு அலுவலர்கள் மனமகிழ் மன்றத்தில் நடைபெற்ற அரசு அலுவலர்களுக்கான பூப்பந்து போட்டியில் ஒற்றையர் பிரிவில் மாவட்ட ஆட்சியர் த. அன்பழகனை எதிர்த்து மருத்துவர் விஜயராகவன், இரட்டையர் பிரிவில் மாவட்ட ஆட்சியர்,  மருத்துவர் விஜயராகவன் ஆகியோர் ஒரு அணியாகவும், மருத்துவர்கள் சுரேஷ், செந்தில் ஆகியோர் மற்றொரு அணியாகவும் விளையாடினர்.  இரு போட்டிகளிலும் ஆட்சியர் அணி வென்றது.  தடகள போட்டிகளில் அதிக பரிசுகளை வென்று கல்வித் துறை முதல் இடத்தையும், சுகாதாரத் துறை இரண்டாம் இடத்தையும், ஊரக வளர்ச்சித்துறை மூன்றாம் இடத்தையும் பெற்றது. மாவட்ட ஆட்சியர் பரிசுகள் வழங்கினார்.  போட்டிகளில் வெற்றி பெற்றவர்கள் மாநில அளவில் கலந்து கொள்ள உள்ளனர்.

]]>
http://www.dinamani.com/all-editions/edition-trichy/karur/2018/dec/07/அரசு-அலுவலர்களுக்கான-விளையாட்டுப்-போட்டிகள்-3053463.html
3053462 திருச்சி கரூர் அருள் ஐஏஎஸ் அகாதெமி தொடக்க விழா DIN DIN Friday, December 7, 2018 09:41 AM +0530 கரூரில் அருள் ஐஏஎஸ் அகாதெமி தொடக்க விழா வியாழக்கிழமை நடைபெற்றது.
கரூர் ஜவஹர்பஜாரில் ஆல்வின் வளாகத்தில் யுபிஎஸ்சி, டிஎன்பிஎஸ்சி, வங்கி, நீட், எஸ்எஸ்சி போன்ற தேர்வுகளுக்கு தயாராகும் வகையில் அமைக்கப்பட்டுள்ள அருள் ஐஏஎஸ் அகாதெமியை அதன் தலைவர் ம. அருள்முருகன் தலைமையில் அகாதெமியின் நிறுவனரும், அதிமுக நகர அவைத் தலைவருமான மலையம்மன் நடராஜன்  தொடக்கி வைத்தார். சாந்திமலையம்மன் நடராஜன் குத்துவிளக்கேற்றினார். 
விழாவில் சிறப்பு விருந்தினர்களாக  அதிமுக நகரச் செயலர் வை. நெடுஞ்செழியன், கரூர் நகர்மன்ற முன்னாள் தலைவர் எம். செல்வராஜ், மாவட்ட செயற்குழு உறுப்பினர் ஆர். மணிவண்ணன், கொங்கு பள்ளித் தாளாளர் சிவக்குமார், நகர இளைஞரணி செயலர் சேரன்பழனிசாமி, நகர பேரவை துணைத் தலைவர் செல்மணி மற்றும் தொழிலதிபர்கள் அலைடுகணேசன், பழனிமுருகன் ஜூவல்லரி பாலமுருகன், விவிஜி. சுந்தர்ராஜ், அன்பொளி காளியப்பன் உள்ளிட்டோர் பங்கேற்றனர்.  பிஎல்ஏ டிரேடர்சின் பாண்டியன் நன்றி கூறினார்.
இதுதொடர்பாக அகாதெமியின் தலைவர் ம. அருள்முருகன் கூறுகையில், கரூர் மட்டுமின்றி அருகில் உள்ள அனைத்து மாவட்டங்களைச் சேர்ந்த போட்டித் தேர்வெழுதுவோருக்கு வரப்பிரசாதமாக இந்த அகாதெமியை  தொடங்கியுள்ளோம். 
இங்கு சேரும் அனைவரையும் அரசு அதிகாரிகளாக மாற்றுவோம் என உறுதிகூறுகிறோம் என்றார்.
 

]]>
http://www.dinamani.com/all-editions/edition-trichy/karur/2018/dec/07/அருள்-ஐஏஎஸ்-அகாதெமி-தொடக்க-விழா-3053462.html
3053460 திருச்சி கரூர் கரூரில் மழை: மக்கள் மகிழ்ச்சி DIN DIN Friday, December 7, 2018 09:41 AM +0530 கரூர் நகரில் வியாழக்கிழமை நண்பகல் பெய்த மழையால் மக்கள் மகிழ்ச்சியடைந்தனர்.
கரூர் மாவட்டத்தில் நண்பகல் வரை வெயில் அடித்த நிலையில் மாலை 3.30 மணியளவில் மழை பெய்யத் தொடங்கியது. சுமார் கால் மணி நேரம் பெய்த மழையால் சாலைகளில் மழை நீர் பெருக்கெடுத்தோடியது. குளிர்ந்த நிலை ஏற்பட்டதால் பொதுமக்கள் மகிழ்ச்சியடைந்தனர்.
 

]]>
http://www.dinamani.com/all-editions/edition-trichy/karur/2018/dec/07/கரூரில்-மழை-மக்கள்-மகிழ்ச்சி-3053460.html
3053459 திருச்சி கரூர் பதவி உயர்வு பெற்ற  காவலர்களுக்கு எஸ்பி பாராட்டு DIN DIN Friday, December 7, 2018 09:40 AM +0530 காவல் துறையில் பதவி உயர்வுபெற்ற காவலர்களை மாவட்ட காவல் கண்காணிப்பாளர் வியாழக்கிழமை பாராட்டினார்.
தமிழ்நாடு காவல்துறையில் 2003-ம் ஆண்டு காவலராக பணிக்குச் சேர்ந்து முதல்நிலைக் காவலராக பணியாற்றி வந்த கரூர் மாவட்டத்தைச் சேர்ந்த 60 பேர் டிச.1 முதல் தலைமைக் காவலர்களாக பதவி உயர்வு பெற்றனர்.  அவர்கள் வியாழக்கிழமை மாவட்ட காவல் கண்காணிப்பாளர் டிகே. ராஜசேகரனை சந்தித்து வாழ்த்துப்பெற்றனர்.
 

]]>
http://www.dinamani.com/all-editions/edition-trichy/karur/2018/dec/07/பதவி-உயர்வு-பெற்ற--காவலர்களுக்கு-எஸ்பி-பாராட்டு-3053459.html
3053458 திருச்சி கரூர் காவிக்கொடியேந்தி இந்து முன்னணி ஆர்ப்பாட்டம் DIN DIN Friday, December 7, 2018 09:40 AM +0530 அயோத்தியில் ராமர் கோயில் கட்டக் கோரியும், இதற்காக மத்திய அரசு நாடாளுமன்றத்தில் சட்டம் இயற்றக் கோரியும் இந்து முன்னணி சார்பில் காவிக்கொடியேந்தி வியாழக்கிழமை ஆர்ப்பாட்டம் நடைபெற்றது.
கரூர் பேருந்து நிலைய ரவுண்டானா ஆர்எம்எஸ் அலுவலகம் முன் நடந்த ஆர்ப்பாட்டத்துக்கு ந. முருகேசன் தலைமை வகித்தார். மாநில பொருளாளர் சண்முகசுந்தரம் சிறப்புரையாற்றினார். பொருளாளர் ரமேஷ்குமார் முன்னிலை வகித்தார். மாவட்டச் செயலர்கள் கேவி. ராமகிருஷ்ணன், ராஜலிங்கம் ஆகியோர் பேசினர். மாவட்ட செயற்குழு உறுப்பினர் ஜெகதீஷ் வரவேற்றார்.
 

]]>
http://www.dinamani.com/all-editions/edition-trichy/karur/2018/dec/07/காவிக்கொடியேந்தி-இந்து-முன்னணி-ஆர்ப்பாட்டம்-3053458.html
3052618 திருச்சி கரூர் குழந்தைக்கு எச்.ஐ.வி. வராமல் தடுப்பதில் கரூர் முதலிடம் DIN DIN Thursday, December 6, 2018 08:23 AM +0530 தாயிடமிருந்து குழந்தைக்கு எச்.ஐ.வி. பரவாமல் 97.9 விழுக்காடு தடுத்து இந்திய அளவில் கரூர் மாவட்டம் முதலிடம் பிடித்துள்ளது என்றார் மாவட்ட ஆட்சியர் த. அன்பழகன்.
எய்ட்ஸ் என்பது தொற்று நோயல்ல,  எய்ட்ஸ் நோயாளிகளை யாரும் ஒதுக்க வேண்டாம். அவர்களுடன் அன்புடன் பழக வேண்டும் என்ற விழிப்புணர்வை பொதுமக்களுக்கு ஏற்படுத்தும் வகையில் ஆட்சியரகத்தில் புதன்கிழமை நடைபெற்ற கல்லூரி மாணவ-மாணவிகள் பங்கேற்ற விழிப்புணர்வு பேரணியை மாவட்ட ஆட்சியர் த. அன்பழகன்   தொடக்கி வைத்தார்.
பின்னர், மாவட்ட ஆட்சியரகக் கூட்டரங்கில் நடைபெற்ற நிகழ்ச்சியில், எச்.ஐ.வி.  குழந்தைகளுக்கு பரவாமல் தடுக்கும் பணியில் சிறப்பாக மாவட்டம் முழுவதும் ஈடுபட்ட 71 அலுவலர்களுக்கு பாராட்டுச் சான்றிதழ்களை வழங்கி மேலும் அவர் பேசியது:
எச்.ஐ.வி. என்பது தொற்று நோயல்ல. எச்.ஐ.வி.யால் பாதிக்கப்பட்டவர்களை யாரும் ஒதுக்கக்கூடாது. அவர்களிடம் அன்புடன் பழக வேண்டும். எச்.ஐ.வி. நோய் வரமால் தடுப்பது நம் ஒவ்வொருவரின் சுய கட்டுப்பாட்டில்தான் உள்ளது. எச்.ஐ.வி நோயால் பாதிக்கப்பட்டோரைக் கண்டறிந்து அவர்களுக்கு உரிய உயிர்காக்கும் சிகிச்சையை அரசு தொடர்ந்து வழங்கி வருகிறது. 
எச்.ஐ.வி.யால் பாதிக்கப்பட்ட தாயிடமிருந்து குழந்தைக்கு அந்த நோய் வராமல் தடுக்க பிரசவத்தின்போதும், குழந்தை பிறந்த பின்னும் மேற்கொள்ளப்படும் முறையான முன்னெச்சரிக்கை நடவடிக்கையை மேற்கொண்டு, தாயிடமிருந்து குழந்தைக்கு எச்.ஐ.வி. பரவாமல் 97.9 விழுக்காடு மக்களுக்கு தடுத்ததில் இந்திய அளவில் கரூர் மாவட்டம் முதலிடம் பெற்றுள்ளது. இந்த களப்பணியில் மிகுந்த அர்பணிப்புடன் பணியாற்றிய அனைத்து அலுவலர்களையும் பாராட்டுகிறேன்.
அனைவரும் உங்களுடைய எச்.ஜ.வி. நிலையை அறிந்துகொள்ள வேண்டும் என்ற கருத்தை மையப்படுத்தி இந்த ஆண்டு உலக எய்ட்ஸ் தினம் அனுசரிக்கப்படுகின்றது. இந்தியாவிலேயே தமிழகத்தில்தான் எச்.ஐ.வி. உள்ளவர்களைக் கண்டறிய 780 நம்பிக்கை மையங்கள், 55 கூட்டு மருந்து சிகிச்சை மையங்கள் மற்றும் 174 துணை கூட்டு மருந்து சிகிச்சை மையங்கள் செயல்படுகின்றன.  கரூர் மாவட்டத்தில் உள்ளள 16 ஒருங்கிணைந்த ஆலோசனை மற்றும் பரிசோதனை மையங்கள் வாயிலாக இலவச எச்.ஐ.வி. பரிசோதனை மேற்கொள்ளப்படுகிறது. 
கரூர் மாவட்டத்தில் உள்ள அரசு மருத்துவமனைகளில் செயல்படும் நம்பிக்கை மையங்களில் ஏப்.2017 முதல் மார்ச் 2018 வரை 7,293 கர்ப்பிணிகளுக்கு எச்.ஐ.வி. பரிசோதனை செய்யப்பட்டதில் 7 பேருக்கு எச்.ஐ.வி. இருப்பது கண்டறியப்பட்டு தொடர் சிகிச்சை அளிக்கப்பட்டு அவர்களுக்கு எச்.ஐ.வி. இல்லாத குழந்தைகள் பிறந்திருப்பது குறிப்பிடத்தக்கது. மேலும், 30,270 ஆண்களுக்கு செய்யப்பட்ட பரிசோதனையில் 98 நபர்களுக்கும், 29,963 பெண்களுக்கு செய்யப்பட்ட பரிசோதனையில் 81 பெண்கள் மற்றும் 12 திருநங்கைகளுக்கும் எச்.ஐ.வி. இருப்பது கண்டறியப்பட்டு அவர்களுக்கு கூட்டு மருந்து சிகிச்சைக்குப் பரிந்துரைக்கப்ட்டு தொடர் சிகிச்சை மேற்கொள்கின்றனர். எச்.ஐ.வி. தடுப்பு குறித்த விழிப்புணர்வை பொதுமக்களிடத்திலும், இளைய தலைமுறையினரிடத்திலும் ஏற்படுத்தும் வகையில், கரூர் மாவட்டத்தில் 23 செஞ்சுருள் சங்கங்கள் பல்வேறு கல்லூரிகளில் தொடங்கப்பட்டு தற்போது சுமார் 5,200 மாணவ-மாணவிகள் இதில் தன்னார்வ உறுப்பினர்களாக உள்ளனர். எனவே, எச்.ஐ.வி.யால் பாதிக்கப்பட்டவர்களை ஒதுக்காமல், புறக்கணிக்காமல் நம்மில் ஒருவராக கருதி அவர்களுடன் அன்புடன் பழக வேண்டும் என்ற விழிப்புணர்வு அனைவரிடத்திலும் ஏற்படவேண்டும் என்றார். அதனைத் தொடர்ந்து நடைபெற்ற சமபந்தி விருந்தில் அனைவருடனும் அமர்ந்து மாவட்ட ஆட்சியர் உணவருந்தினார். 
நிகழச்சியில் சுகாதாரத் துறை இணை இயக்குநர் மருத்துவர் விஜயகுமார், மாவட்ட எய்ட்ஸ் தடுப்பு மற்றும் கட்டுப்பாட்டு அலுவலர் சுமதி மற்றும் எச்.ஐ.வி.உள்ளோர் கூட்டமைப்பைச் சார்ந்தோர், தொண்டு நிறுவனத்தினர் கலந்துகொண்டனர். முன்னதாக மாவட்ட ஆட்சியரகத்தில் தொடங்கிய பேரணி, திண்டுக்கல் சாலை வழியாக அரசு கலைக் கல்லூரியை அடைந்தது. இதில் பங்கேற்ற மாணவ, மாணவிகள் எய்ட்ஸ் நோய் குறித்த விழிப்புணர்வு  வாசகங்கள் அடங்கிய பதாகைகளை ஏந்தியவாறும், கோஷங்களை எழுப்பியவாறும் பங்கேற்றனர்.

]]>
http://www.dinamani.com/all-editions/edition-trichy/karur/2018/dec/06/குழந்தைக்கு-எச்ஐவி-வராமல்-தடுப்பதில்-கரூர்-முதலிடம்-3052618.html
3052617 திருச்சி கரூர் குடியரசுத் தலைவர் தேசிய விருது தேர்வு முகாம்: பரணிபார்க் கல்வி குழும மாணவர்கள் 80 பேர் தேர்வு DIN DIN Thursday, December 6, 2018 08:23 AM +0530 அகில இந்தியளவில் பள்ளி மாணவர்களுக்கு வழங்கப்படும்  மிக உயர்ந்த பட்ச விருதான இந்திய குடியரசுத் தலைவர் தேசிய விருது தேர்வு முகாமில் பங்கேற்க கரூர் பரணி பார்க் கல்வி குழுமத்தை சேர்ந்த சாரணர் இயக்க மாணவ மாணவியர் 80 பேர் நிகழாண்டில் தேர்வாகியுள்ளனர். 
பாரத சாரணர் இயக்கத்தின் தேசியத் தலைமையகம் ஆண்டுதோறும் ஜனவரி மாதத்தில், மாநில தலைநகரங்கள் மற்றும் மாநில பயிற்சியகங்களில், குடியரசு தலைவர் தேசிய விருது வழங்குவதற்கான தேர்வு முகாம்களை நடத்துகிறது. இம் முகாமின் முடிவில் வெற்றி பெற்றவர்களுக்கு இந்திய குடியரசுத் தலைவர் கையொப்பமிட்ட தேசிய உயர் விருதுகள் புது தில்லியில் உள்ள குடியரசுத் தலைவர் மாளிகையில் நடைபெறும் விழாவில் ஆண்டு தோறும் வழங்கப்படுகிறது.
இத்தகைய தேசிய உயர் விருது தேர்வு முகாமுக்கு முன்னோட்டமாக தமிழக சாரணர் இயக்க மாநில தலைமையக ஏற்பாட்டில் மாநில அளவிலான முன் தயாரிப்பு முகாம் கரூர் பரணி பார்க் கல்விக் குழும சாரணர் திடலில் கடந்த வாரம் நடைபெற்றது.
இந்த முகாமில் தமிழகத்தின் பல்வேறு மாவட்டங்களைச் சேர்ந்த சுமார் 160 பேர் கலந்து கொண்டனர்.  முகாம் நிறைவில் பரணி பார்க் கல்வி குழுமத்தை சேர்ந்த 80 மாணவ, மாணவிகள் அடுத்த மாதம் சென்னையில் நடைபெறும் குடியரசு தலைவர் தேசிய விருது தேர்வு முகாமில் பங்கேற்கத் தேர்வு செய்யப்பட்டுள்ளனர்.
கடந்த 2 ஆண்டுகளில் இக்கல்வி குழுமத்தைச் சேர்ந்த 200 பேர் குடியரசு தலைவர் தேசிய விருது பெற்று கரூருக்கு பெருமை தேடித் தந்துள்ளனர் என்பதும், தேசிய சாதனையாளர்களை தொடர்ந்து உருவாக்கி வரும் பரணி பார்க் கல்விக் குழுமத்தை பாராட்டும் விதமாக பரணி பார்க் , பரணி வித்யாலயா இரண்டு  பள்ளிகளையும் இணைத்து "பரணி பார்க் சாரணர் மாவட்டம்' என்ற தேசிய உயர் அங்கீகாரம் இப்பள்ளிகளுக்கு வழங்கப்பட்டுள்ளதும் குறிப்பிடத்தக்கது.  
தேர்வாகிய மாணவர்களுக்கு கரூர் மாவட்ட முதன்மைக் கல்வி அலுவலர் தங்கவேல், பரணி பார்க் கல்வி குழுமத் தாளாளர் எஸ். மோகனரெங்கன், செயலர் பத்மாவதி மோகனரெங்கன், முதன்மை முதல்வர் சொ. ராமசுப்ரமணியன், ஆசிரியர்கள், பெற்றோர் பாராட்டு தெரிவித்தனர்.

]]>
http://www.dinamani.com/all-editions/edition-trichy/karur/2018/dec/06/குடியரசுத்-தலைவர்-தேசிய-விருது-தேர்வு-முகாம்-பரணிபார்க்-கல்வி-குழும-மாணவர்கள்-80-பேர்-தேர்வு-3052617.html
3052616 திருச்சி கரூர் ஜெயலலிதா நினைவு தினம்: மாலை அணிவித்து மரியாதை DIN DIN Thursday, December 6, 2018 08:23 AM +0530 மறைந்த தமிழக முதல்வர் ஜெயலலிதாவின் இரண்டாமாண்டு நினைவு தினத்தை முன்னிட்டு அவரது படத்துக்கு அதிமுகவினர், அமமுகவினர் மற்றும் தீபா பேரவையினர் மாலை அணிவித்து மரியாதை செலுத்தினர்.
அதிமுகவினர்... பேருந்து நிலைய ரவுண்டானா பகுதியில் அலங்கரிக்கப்பட்ட ஜெயலலிதா படத்துக்கு மாவட்ட அதிமுக சார்பில் மாவட்ட அவைத் தலைவர் ஏ.ஆர். காளியப்பன் தலைமையில் கட்சியினர் மாலை அணிவித்து மரியாதை செலுத்தினர். 
நிகழ்ச்சியில் கரூர் நகர கூட்டுறவு வங்கித் தலைவர் எஸ். திருவிகா, மாவட்ட துணைச் செயலர் பசுவைசிவசாமி, பொருளாளர் கண்ணதாசன், நகரச் செயலர் வை. நெடுஞ்செழியன், பேரவைச் செயலர் செ. காமராஜ், இளைஞரணிச் செயலர் விசிகே. ஜெயராஜ்,  ஒன்றியச் செயலர்கள் பி. மார்க்கண்டேயன், இன்ஜினியர் கமலக்கண்ணன், எம்ஜிஆர் மன்ற இணைச் செயலர் எம். செல்வராஜ், முன்னாள் மாணவரணிச் செயலர் தானேஷ், முன்னாள் பொருளாளர் பேங்க் நடராஜன், நகர அவைத் தலைவர் மலையம்மன் நடராஜன், பொருளாளர் ஜூபீடர் பாஸ்கரன், நகர இளைஞரணிச் செயலர் சேரன்பழனிசாமி, துணைச் செயலர் பழனிராஜ், நகர பேரவை துணைத் தலைவர் செல்மணி, நகர மாணவரணி பொருளாளர் மதன்குமார் உள்ளிட்ட கட்சியினர் திரளாக பங்கேற்றனர். தொடர்ந்து வேலாயுதம்பாளையம் மலைவீதியில் மௌன அஞ்சலி பேரணி நடத்தினர். 
அமமுகவினர்.. கரூர் சர்ச் கார்னர் பகுதியில் அமமுக சார்பில் மத்திய நகரச் செயலர் கோல்ட்ஸ்பாட் ராஜா தலைமையில் அக்கட்சியினர் ஜெயலலிதா படத்திற்கு மாலை அணிவித்தனர். மாவட்ட இணைச் செயலர் மாலதிநல்லுசாமி, பொருளாளர் பிகேஎஸ். முரளி, தெற்கு நகரச் செயலர் மோகனசுப்பு, மாவட்ட மாணவரணி செயலர் சந்துரு, பொதுக் குழு உறுப்பினர் சுப்ரமணி உள்ளிட்டோர் பங்கேற்றனர். இதேபோல காதப்பாறையில் முன்னாள் ஊராட்சித் தலைவர் ஏ.தங்கவேல் தலைமையில் மாலை அணிவிக்கப்பட்டது.
தீபா பேரவை... கரூர் பேருந்து நிலைய ரவுண்டானா பகுதியில் எம்ஜிஆர் அம்மா தீபா பேரவை சார்பில் மாவட்டச் செயலர் விகே. துரைசாமி தலைமையில் நடைபெற்ற மாலை அணிவிக்கும் நிகழ்ச்சியில் மாவட்ட இணைச் செயலர் மூர்த்தி, ஒன்றியச் செயலர் நல்லசாமி,  நகரச் செயலர் ஞானசேகரன் உள்ளிட்டோர் பங்கேற்றனர். 
இதேபோல இந்தியக் குடியரசுக் கட்சி சார்பில் கரூர் பேருந்துநிலைய ரவுண்டானா காமராஜர் சிலை முன் ஜெயலலிதா படத்துக்கு கட்சியின் மாவட்டத் தலைவர் ஆனந்தராஜ் தலைமையில் மாலை அணிவித்தனர். இணைச் செயலர் விமல்ராஜ், தொழிற்சங்கச் செயலர் மதன் உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/karur/2018/dec/06/ஜெயலலிதா-நினைவு-தினம்-மாலை-அணிவித்து-மரியாதை-3052616.html
3052615 திருச்சி கரூர் "பிளாஸ்டிக் ஒழிப்பு விழிப்புணர்வு ஏற்படுத்துவது அவசியம்' DIN DIN Thursday, December 6, 2018 08:22 AM +0530 பொதுமக்களிடம் பிளாஸ்டிக் ஒழிப்பு குறித்து விழிப்புணர்வு ஏற்படுத்துவது மிகவும் அவசியம் என்றார் மாவட்ட முதன்மைக் கல்வி அலுவலர் க. தங்கவேல்.
கரூர் வெண்ணைமலை சேரன் மெட்ரிக் பள்ளி சார்பில் புதன்கிழமை வெங்கமேடு என்எஸ்கே நகர் அருகே நடைபெற்ற பிளாஸ்டிக் ஒழிப்பு விழிப்புணர்வு குறித்து பள்ளி மாணவ, மாணவிகள் பங்கேற்ற விழிப்புணர்வு பேரணியை தொடக்கி வைத்து மேலும் அவர் கூறியது:
தமிழக அரசு வரும் ஜன.1 முதல் பிளாஸ்டிக் பயன்படுத்த தடையாணை பிறப்பித்துள்ளது. இதுதொடர்பாக பொதுமக்களிடையே விழிப்புணர்வு ஏற்படுத்தும் வகையில் இந்தப் பேரணி நடக்கிறது. 
குறிப்பாக பிளாஸ்டிக் பைகளில் பெரும்பாலான தொழிலாளர்கள் டீ, காபி வாங்குவது, உணவகங்களில் சூடாக குழம்பு வாங்கும் பழக்கம் அதிகரித்து வருகிறது.  இவ்வாறு சூடான பொருட்கள் பிளாஸ்டிக் பைகளில் வாங்கி பயன்படுத்தும்போது புற்றுநோய் உள்ளிட்ட அபாயகரமான நோய்கள் ஏற்படுவதாக ஆராய்ச்சியில் தெரிய வந்துள்ளது. 
இதை பொதுமக்கள் தவிர்க்க வேண்டும். மேலும் வெங்கமேடு சந்தையில் அதிகளவில் பிளாஸ்டிக் பை பயன்பாடு இருப்பது தெரியவந்ததையடுத்து கடந்தவாரம் அவை பறிமுதல் செய்யப்பட்டன. பொதுமக்களிடம் பிளாஸ்டிக் பைகளின் ஆபத்து குறித்து போதிய விழிப்புணர்வை மாணவ, மாணவிகளும் ஏற்படுத்த வேண்டும் என்றார். 
முன்னதாக பேரணிக்கு பள்ளித் தாளாளர் பிஎம்கே. பாண்டியன் தலைமை வகித்தார். பள்ளி முதல்வர் வி. பழனியப்பன் வரவேற்றார். பேரணி வெங்கமேடு என்எஸ்கே நகரில் துவங்கி, பழைய சேலம் பைபாஸ் சாலை வழியாகச் சென்று வாங்கப்பாளையத்தில் முடிவடைந்தது. பேரணியில் ஆயிரத்துக்கும் மேற்பட்ட என்சிசி, என்எஸ்எஸ், ஜேஆர்சி மாணவ, மாணவிகள் பங்கேற்று, பிளாஸ்டிக்கை தவிர்ப்போம் உடல்நலத்தை காப்போம், பிளாஸ்டிக் என்பது அழகானது, விட்டெறிந்தால் விஷமானது, பிளாஸ்டிக்கை தவிர்த்து துணிப்பைகளை பயன்படுத்துவோம், வரும் தலைமுறையினரை காப்போம் போன்ற விழிப்புணர்வு வாசகங்கள் அடங்கிய பதாகைகளை ஏந்தியவாறும், கோஷமிட்டவாறும் சென்றனர்.


 

]]>
http://www.dinamani.com/all-editions/edition-trichy/karur/2018/dec/06/பிளாஸ்டிக்-ஒழிப்பு-விழிப்புணர்வு-ஏற்படுத்துவது-அவசியம்-3052615.html
3052614 திருச்சி கரூர் பள்ளிவாசலில்  பணிபுரிந்தோருக்கு ஓய்வூதியம் DIN DIN Thursday, December 6, 2018 08:22 AM +0530 பள்ளிவாசலில் பணியாற்றியோர் ஓய்வூதியம் பெற விண்ணப்பிக்கலாம். 
இதுதெடார்பாக மாவட்ட ஆட்சியர் த. அன்பழகன் வெளியிட்ட செய்திக்குறிப்பு: தமிழக அரசு சிறுபான்மையினர் நலத் துறை சார்பில் உலமாக்கள் வாரியம் செயல்படுகிறது.  இதன் மூலம் பள்ளிவாசல்கள், மதரஸாக்களில் பணிபுரியும் 18 முதல் 60 வயதுடையோர் பதிவு செய்யப்பட்டு, அதற்கான அடையாள அட்டை வழங்கப்படுகிறது.
இந்த அடையாள அட்டை உடையவர்கள் கல்வி உதவித்தொகை, திருமண உதவித்தொகை இயற்கை மரணம் உதவித்தொகை, ஈமச்சடங்கு உதவித்தொகை, விபத்து மரண உதவித்தொகை, மகப்பேறு கருச்சிதைவு உதவித்தொகை உள்ளிட்ட அரசு நலத்திட்டங்கள் பெற விண்ணப்பிக்கலாம். 60 வயது அடைந்து ஓய்வு பெற்றவர்கள் ஓய்வூதியம் பெற விண்ணப்பிக்கலாம்.
விண்ணப்பத்தை மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர்,  மாவட்ட ஆட்சியர் அலுவலகம், கரூர் என்ற முகவரிக்கு அனுப்பி வைக்கலாம். 

]]>
http://www.dinamani.com/all-editions/edition-trichy/karur/2018/dec/06/பள்ளிவாசலில்--பணிபுரிந்தோருக்கு-ஓய்வூதியம்-3052614.html
3052613 திருச்சி கரூர் கிறிஸ்துவ மகளிர் உதவும் சங்கத்தில் பணி DIN DIN Thursday, December 6, 2018 08:22 AM +0530 கிறிஸ்துவ மகளிர் உதவும் சங்கத்தில் அலுவல் சாரா உறுப்பினர் பணிக்கு விண்ணப்பிக்கலாம்.
கரூர் மாவட்டத்தில்  சிறுபான்மை கிறிஸ்துவ சமுதாயத்தை சேர்ந்த ஆதரவற்றோர், ஏழ்மை நிலையில் உள்ள பெண்கள், கணவரால் கைவிடப்பட்ட மற்றும் வயதான பெண்களுக்கு தன்னம்பிக்கை ஏற்படுத்தும் வகையில் சுயதொழில் மூலம் வருமானம் பெற வழி செய்வதற்காக சிறுதொழில் தொடங்க கரூர் மாவட்ட கிறிஸ்துவ மகளிர் உதவும் சங்கம் அமைத்திட தமிழக அரசு உத்தரவிட்டுள்ளது.  சங்கத்தை செயல்படுத்த  மாவட்ட ஆட்சியரைத் தலைவராகவும், மகளிர் திட்ட அலுவலரை துணைத் தலைவராகவும், மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை பொருளாளராகவும் கொண்ட குழு அமைக்கப்பட்டுள்ளது.
இந்த சங்கத்துக்கு அலுவல் சாரா உறுப்பினராக,  ஒரு கௌரவ செயலாளர், 2 இணைச் செயலர்கள் மற்றும் 3 உறுப்பினர்கள் என 6 பேர் தேர்வு செய்யப்பட உள்ளனர்.  
விருப்பமுடையோர் தங்கள் விவரம், புகைப்படத்துடன் விண்ணப்பங்களை மாவட்ட ஆட்சியரகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் வரும் 10-ம் தேதிக்குள் விண்ணப்பிக்கலாம்.
 

]]>
http://www.dinamani.com/all-editions/edition-trichy/karur/2018/dec/06/கிறிஸ்துவ-மகளிர்-உதவும்-சங்கத்தில்-பணி-3052613.html
3052612 திருச்சி கரூர் விஏஓக்கள் காத்திருப்புப் போராட்டம் DIN DIN Thursday, December 6, 2018 08:22 AM +0530 கரூரில் கிராம நிர்வாக அலுவலர்கள் புதன்கிழமை இரவு விடிய, விடிய காத்திருப்புப் போராட்டத்தில் ஈடுபட்டனர்.
புதிய ஓய்வூதியத் திட்டத்தை ரத்து செய்து மீண்டும் பழைய ஓய்வூதிய திட்டத்தை கொண்டு வரவேண்டும், கிராம நிர்வாக அலுவலர் பணியிடத்திற்கான கல்வித் தகுதியை பட்டப்படிப்பாக உயர்த்த வேண்டும், ஒரே உத்தரவில் மாவட்ட மாறுதல் கலந்தாய்வு நடத்திட வேண்டும் என்பன உள்ளிட்ட 20 அம்ச கோரிக்கைகளை வலியுறுத்தி கரூரில் தமிழ்நாடு கிராம நிர்வாக அலுவலர் சங்கம் சார்பில் விடிய, விடிய காத்திருப்பு போராட்டம் கரூர் வட்டாட்சியர் அலுவலக வளாகத்தில் புதன்கிழமை இரவு தொடங்கினர்.  மாவட்டத் தலைவர் முருகேசன் தலைமை வகித்தார். 
இப்போராட்டம் வியாழக்கிழமை அதிகாலை 6 மணிவரை நடைபெறும் என நிர்வாகிகள் தெரிவித்தனர். போராட்டத்தில் 20 பேர் ஈடுபட்டுள்ளனர்.
 

]]>
http://www.dinamani.com/all-editions/edition-trichy/karur/2018/dec/06/விஏஓக்கள்-காத்திருப்புப்-போராட்டம்-3052612.html
3052611 திருச்சி கரூர் பெருமாள் கோயிலில் வரும் 8-ம் தேதி வைகுந்த ஏகாதசி DIN DIN Thursday, December 6, 2018 08:21 AM +0530 கரூர் அபயபிரதான ரெங்கநாத சுவாமி கோயிலில் வரும் 8-ம் தேதி வைகுந்த ஏகாதசி விழா தொடங்கி 28-ஆம் தேதி வரை நடைபெறுகிறது.
குலசேகர ஆழ்வாரால் போற்றப்பட்ட இக்கோயில் விழாவை முன்னிட்டு ஒவ்வொரு நாளும் பகல்பத்து, இராப்பத்து மறும் வைகுண்டு ஏகாதசி உத்ஸவங்களும், வரும் 18-ம் தேதி விழாவின் முக்கிய நிகழ்ச்சியான பரமபதவாசல் திறப்பு நிகழ்ச்சியும் நடைபெறுகிறது. 
ஏற்பாடுகளை கோயில் இணை ஆணையர் சி. கல்யாணி, உதவி ஆணையர் ம. சூரியநாராயணன், செயல் அலுவலர் நா. சுரேஷ் உள்ளிட்டோர் செய்கிறார்கள்.

]]>
http://www.dinamani.com/all-editions/edition-trichy/karur/2018/dec/06/பெருமாள்-கோயிலில்-வரும்-8-ம்-தேதி-வைகுந்த-ஏகாதசி-3052611.html
3052610 திருச்சி கரூர் ஐயப்ப பக்தர்கள் பூக்குழி இறங்கி நேர்த்திக் கடன் DIN DIN Thursday, December 6, 2018 08:21 AM +0530 ஊரணி காளியம்மன் கோயிலில் ஐயப்ப பக்தர்கள் செவ்வாய்க்கிழமை இரவு பூக்குழி இறங்கி தங்களது  நேர்த்திக்கடனை செலுத்தினர். 
ஆண்டுதோறும் தாந்தோணிமலை ஊரணிகாளியம்மன் கோயிலில் ஐயப்ப சேவா சங்கம் சார்பில் ஐயப்ப பக்தர்கள் பூக்குழி இறங்கி நேர்த்திக்கடன் செலுத்துவர். நிகழாண்டு விழா கடந்த மாதம் 30-ம் தேதி இரவு காப்புக்கட்டுதலுடன் தொடங்கியது. தொடர்ந்து ஒவ்வொரு நாளும்  சிறப்பு வழிபாடு நடைபெற்றது. செவ்வாய்க்கிழமை காலை 7 மணிக்கு சக்தி கன்னிகளுக்கு அருள் அழைத்து வருதல் நிகழ்ச்சி, நெய் விளக்கு ஏற்றும் நிகழ்ச்சி நடைபெற்றது. பிற்பகல் 1 மணிக்கு பக்தர்களுக்கு அன்னதானம்,  இரவு பூக்குழி இறங்கும் நிகழ்ச்சி நடைபெற்றது. பக்தர்கள் கோயில் முன் அமைக்கப்பட்ட தீக்குண்டத்தில் இறங்கி தங்களது நேர்த்திக்கடனை செலுத்தினர். இதில் பக்தர்கள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/dec/06/ஐயப்ப-பக்தர்கள்-பூக்குழி-இறங்கி-நேர்த்திக்-கடன்-3052610.html
3052609 திருச்சி கரூர் பெண் விஏஓவை ஏமாற்றி வங்கிக் கணக்கில் மோசடி DIN DIN Thursday, December 6, 2018 08:21 AM +0530 கரூரில் பெண் விஏஓவை ஏமாற்றி அவரின் வங்கிக் கணக்கில்  ரூ. 45,000 மோசடி செய்தவரை  போலீஸார் தேடுகின்றனர்.
கரூரைச் சேர்ந்தவர் வசந்தி (40). கிராம நிர்வாக அலுவலரான  இவரின் செல்லிடபேசிக்கு  புதன்கிழமை காலை பேசிய மர்ம நபர், நான் வங்கி மேலாளர் பேசுகிறேன்.  உங்கள் வங்கிக்கணக்கில் குளறுபடி உள்ளது. எனவே கணக்கைச் சரிபார்க்க வங்கி அக்கவுண்ட் விவரங்களை கூறுமாறு கேட்டுள்ளார். இதையடுத்து வசந்தி தனது வங்கிக்கணக்கு எண்,  பின் நம்பரை கூறியுள்ளார். இதையடுத்து சிறிது நேரத்தில் அவரது செல்லிடபேசிக்கு வந்த ரூ. 45,000 எடுத்ததாக குருந்தகவல் வந்தது. இதனால் அதிர்ச்சியடைந்த வசந்தி சம்பந்தப்பட்ட  வங்கிக்கு சென்று மேலாளரிடம் கேட்டபோது, அவர் செல்லிடபேசியில் பேசவில்லை எனத் தெரியவந்தது. கரூர் மாவட்ட பொருளாதார குற்றப்பிரிவு போலீஸார் விசாரிக்கின்றனர்.
 

]]>
http://www.dinamani.com/all-editions/edition-trichy/karur/2018/dec/06/பெண்-விஏஓவை-ஏமாற்றிவங்கிக்-கணக்கில்-மோசடி-3052609.html
3052061 திருச்சி கரூர் மேக்கேதாட்டுவில்  அணை கட்டினால் நாட்டின் இறையாண்மை பாதிக்கும் DIN DIN Wednesday, December 5, 2018 08:28 AM +0530 மேக்கேதாட்டுவில்  அணை கட்டினால் நாட்டின் இறையாண்மை பாதிக்கப்படும் என்றார் மக்களவை துணைத் தலைவர் மு. தம்பிதுரை.
கரூர் தாந்தோணிமலையில் செவ்வாய்க்கிழமை நடைபெற்ற புதிய காவல் நிலையத் திறப்பு விழாவில் பங்கேற்ற அவர்  மேலும் கூறியது:
காவிரி ஆணையம் இருக்கும்போதும், உச்ச நீதிமன்றம் தெளிவாகத் தீர்ப்பளித்துள்ள நிலையிலும் கர்நாடக அரசு மேக்கேதாட்டுவில்  அணை கட்ட முயல்வது தேவையற்றது. மத்திய அரசும் அணைகட்ட விவரம் கேட்டிருப்பதும் தேவையற்றது. பாஜவும், காங்கிரஸும் கர்நாடகத் தேர்தலை முன்னிட்டு அணை கட்ட முயற்சிப்பது வருந்தத்தக்கது.  இரு கட்சிகளும் கருத்தில் கொள்ள வேண்டும் என்ற நிலைப்பாடு காங்கிரஸுக்கோ, பாஜகவுக்கோ இல்லை.  
சில மாநிலங்களில் பாஜக வென்றாலும் பல மாநிலங்களில் அக்கட்சி வெல்ல முடியாத நிலையில் உள்ளது.  பெங்களூர் நகரத்திற்கு தண்ணீர் தேவையென்றால் கிருஷ்ணராஜசாகர் அணையில் இருந்து எடுத்துக் கொள்ளலாம். அதற்காக புதிய அணை அவசியமில்லை.
கர்நாடகா காவிரியில் மின் உற்பத்தி செய்ய நினைத்தால் அதற்கேற்ற இடம் ஒகேனக்கல்தான். தனது ஆட்சிக்காலத்தில் எம்ஜிஆர்கூட  மின் உற்பத்திக்காக அங்கேயே அணை கட்ட வேண்டும் எனத் தெரிவித்திருந்தார்.  ஆனால் அப்போதைய கர்நாடக அமைச்சர்கள் மேக்கேதாட்டுவில் அணை கட்ட வலியுறுத்தினர். மேக்கேதாட்டுவில் அணை கட்டினால் தேச நலன் பாதிக்கும், தமிழகத்தையும் பாதிக்கும். தமிழக மக்கள் என்றும் ஏற்க மாட்டார்கள்.
அணையை ஒகேனக்கல்லில்தான் கட்டவேண்டும் என்பதே தமிழக நிலைப்பாடு. 
 அதிமுகவின் நிலைப்பாடும் இதுதான். ஒகேனக்கல்லில் அணை கட்டி கர்நாடகம் மின்சாரம் எடுத்துக் கொள்ளட்டும். எங்களது அனுமதியின்றி அணை கட்டக்கூடாது  என காவிரி ஆணையம் கூறியிருக்கிறது என்றார் அமைச்சர். பேட்டியின்போது போக்குவரத்துத் துறை அமைச்சர் எம்.ஆர். விஜயபாஸ்கர், கிருஷ்ணராயபுரம் எம்எல்ஏ  எம். கீதாமணிவண்ணன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/karur/2018/dec/05/மேக்கேதாட்டுவில்--அணை-கட்டினால்-நாட்டின்-இறையாண்மை-பாதிக்கும்-3052061.html
3052060 திருச்சி கரூர் குளித்தலை அருகே குழந்தையை கொன்று தாய் தற்கொலை முயற்சி DIN DIN Wednesday, December 5, 2018 08:28 AM +0530 குளித்தலை அருகே குழந்தையைக் கொன்று தாய் தற்கொலைக்கு முயன்றார்.
கரூர் மாவட்டம், குளித்தலையை அடுத்த பரளியைச் சேர்ந்தவர் செல்வம் மகள் ரம்யா (25). இவருக்கும் திருச்சி மாவட்டம், கொளக்குடியைச் சேர்ந்த தங்கதுரைக்கும் (35) கடந்த 3 ஆண்டுக்கு முன் திருமணம் நடந்த நிலையில்,  மூன்றே மாதங்களில் பிரச்னை ஏற்பட்டு கணவரை பிரிந்து பெற்றோர் வீட்டுக்கு வந்துவிட்டார். 
இந்நிலையில் பரளியைச் சேர்ந்த மணிமாறனுடன் ரம்யாவுக்கு பழக்கம் ஏற்பட்டு அவர்களுக்கு தேவதர்ஷினி என்ற குழந்தை பிறந்தது.  இந்நிலையில் ரம்யா மணிமாறனிடம்  குழந்தைக்கு தந்தை யார் எனப் பலர் கேட்கிறார்கள், இதனால் என்னைத் திருமணம் செய்துகொள்ளுங்கள் என திங்கள்கிழமை இரவு கேட்டபோது  மணிமாறன் அதற்கு மறுத்தாராம். 
இதனால் வாழ்வில் விரக்தியடைந்த ரம்யா செவ்வாய்க்கிழமை காலை தனது இரண்டரை வயது மகள் கழுத்தை கயிற்றால் இறுக்கிக் கொன்றுவிட்டு,  மண்ணெண்ணையைக் குடித்துவிட்டு மயங்கிக் கிடந்தார். 
இதைக்கண்ட அக்கம்பக்கத்தினர் அவரை குளித்தலை அரசு மருத்துவமனையில் சேர்த்தனர்.  தகவலறிந்த குளித்தலை போலீஸார் குழந்தையின் சடலத்தை மீட்டு  குளித்தலை அரசு மருத்துவமனைக்கு அனுப்பிவைத்து,  ரம்யாவின் காதலன் மணிமாறனை தேடுகின்றனர்.

]]>
http://www.dinamani.com/all-editions/edition-trichy/karur/2018/dec/05/குளித்தலை-அருகே-குழந்தையை-கொன்று-தாய்-தற்கொலை-முயற்சி-3052060.html
3052026 திருச்சி கரூர் அமைச்சு பணியாளருக்கு மாவட்ட எஸ்பி பாராட்டு DIN DIN Wednesday, December 5, 2018 08:15 AM +0530 காவல்துறை அமைச்சுப் பணியாளர்களுக்கு நடைபெற்ற செஸ் போட்டியில் வென்றவருக்கு மாவட்டக் காவல் கண்காணிப்பாளர் டிகே. ராஜசேகரன் பாராட்டுத் தெரிவித்தார்.
தமிழ்நாடு காவல்துறை அமைச்சுப் பணியாளர்களுக்கு 58-வது சரக விளையாட்டுப் போட்டிகள் அண்மையில் சென்னை செம்மனஞ்சேரியில் உள்ள செயின்ட்ஜோசப் பொறியியல் கல்லூரியில் நடைபெற்றன. 
இதில் கரூர் மாவட்ட காவல் கண்காணிப்பாளர் அலுவலகத்தில் உதவியாளராக பணியாற்றும் ரா. ஜெயபாலன் திருச்சி சரக சார்பில் பங்கேற்று சதுரங்கப் போட்டியில் முதல் பரிசு பெற்றார். 
இதையடுத்து அவருக்கு மாவட்ட காவல் கண்காணிப்பாளர் அலுவலகத்தில் செவ்வாய்க்கிழமை மாவட்ட காவல் கண்காணிப்பாளர் டிகே. ராஜசேகரன் பாராட்டுச் சான்றிதழ் வழங்கிப் பாராட்டினார்.

]]>
http://www.dinamani.com/all-editions/edition-trichy/karur/2018/dec/05/அமைச்சு-பணியாளருக்கு-மாவட்ட-எஸ்பி-பாராட்டு-3052026.html
3052025 திருச்சி கரூர் பேருந்துகளில் மதுவின் தீமை விழிப்புணர்வு ஸ்டிக்கர் DIN DIN Wednesday, December 5, 2018 08:15 AM +0530 மது அருந்துவதால் ஏற்படும் தீமைகள் குறித்து பொதுமக்களிடையே விழிப்புணர்வு ஏற்படுத்தும் வகையில் பேருந்துகளில் விழிப்புணர்வு ஸ்டிக்கர்களை மதுவிலக்கு ஆயத்தீர்வு துறையினர் ஒட்டினர்.  
கரூர் மாவட்ட மதுவிலக்கு மற்றும் ஆயத்தீர்வைத் துறையினர், மதுவிலக்கு பிரிவு போலீஸார் சார்பில் மதுபானம் மற்றும் கள்ளச்சாராயம் அருந்துவதினால் ஏற்படும் தீமைகள் குறித்து பொதுமக்களிடையே விழிப்புணர்வு ஏற்படுத்தும் வகையில் அரசு, தனியார் பேருந்துகளில் விழிப்புணர்வு ஸ்டிக்கர் ஒட்டும் நிகழ்ச்சி கரூர் அரசு பேருந்து நிலையத்தில் செவ்வாய்க்கிழமை மாலை நடைபெற்றது. மாவட்ட கலால்துறை உதவி ஆணையர் சர்புதீன் பங்கேற்று பேருந்துகளில் விழிப்புணர்வு ஸ்டிக்கர்களை ஒட்டினார். இதில் தொடர்ந்து மதுபானம் அருந்துவதால் கண்பார்வை இழப்பு ஏற்படும், உடல் உறுப்புகள் பாதித்து நரம்பு தளர்ச்சி ஏற்படும். குடும்பத்தில் வறுமை தாண்டவமாடும், குடும்பத்தில் சண்டை சச்சரவுகள் ஏற்பட்டு மன நிம்மதி குறையும் போன்ற வாசகங்கள் இடம்பெற்றிருந்தன. நிகழ்ச்சியில் மதுவிலக்கு பிரிவு காவல் ஆய்வாளர் ஆர். நாகலட்சுமி, மோட்டார் வாகன ஆய்வாளர் வி. ஆனந்த், கோட்ட கலால் அலுவலர் செந்தில் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/05/பேருந்துகளில்-மதுவின்-தீமை-விழிப்புணர்வு-ஸ்டிக்கர்-3052025.html
3052024 திருச்சி கரூர் "நலத்திட்டச் செயல்பாடுகளில் தமிழகமே முன்னோடி' DIN DIN Wednesday, December 5, 2018 08:14 AM +0530 மக்கள் நலத் திட்டங்களைச் செயல்படுத்துவதில் மற்ற மாநிலங்களுக்கெல்லாம் முன்னோடி மாநிலமாக  தமிழகமே திகழ்கிறது என்றார் போக்குவரத்துத் துறை அமைச்சர் எம்.ஆர். விஜயபாஸ்கர்.
தமிழக அரசின் சிறப்புத் திட்டங்களுள் ஒன்றான மாணவ-மாணவிகளுக்கு விலையில்லா சைக்கிள் வழங்கும் திட்டத்தின் கீழ் அரவக்குறிச்சி ஊராட்சி ஒன்றியத்திற்குட்பட்ட மலைக்கோவிலூர் மற்றும் ஈசநத்தம் அரசு மேல்நிலைப்பள்ளிகளில் செவ்வாய்க்கிழமை 386 மாணவ,மாணவிகளுக்கு  விலையில்லா சைக்கிள்களை மாவட்ட ஆட்சியர் த. அன்பழகன் தலைமையில் வழங்கி மேலும் அவர் பேசியது:
தமிழக அரசானது பொதுமக்களின் நலனில் அக்கறை கொண்டு எண்ணற்ற திட்டங்களைச் செயல்படுத்தி வருகின்றது. 2018-2019-ம் ஆண்டுக்கு கரூர் மாவட்டத்திற்கு 13,384 மாணவ-மாணவிகளுக்கு சைக்கிள் ஒதுக்கீடு செய்யப்பட்டு, அதனடிப்படையில்  நிகழ்ச்சி இன்று தொடங்கியுள்ளது. 
மறைந்த முதல்வர்  எம்.ஜி.ஆர். பள்ளி மாணவர்களுக்காக சத்துணவு திட்டத்தைக் கொண்டு வந்தார். முன்னாள் முதல்வர் ஜெயலலிதா அதற்கும் ஒருபடி 
மேலே போய் ஏழைவீட்டுப் பிள்ளைகளும் கல்வியில் சிறந்து விளங்க 14 வகை விலையில்லாப் பொருட்களை வழங்க உத்தரவிட்டார்.
வசதி படைத்தோரின் குழந்தைகள் மட்டுமே பயன்படுத்தி வந்த மடிக்கைணினியை, சாதாரண ஏழைப் பிள்ளைகளின் கைகளிலும் கொடுத்து அழகுபார்ப்பது தமிழக அரசு. தமிழகத்தில் 32.40 லட்சம் மாணவ-மாணவிகளுக்கு விலையில்லா மடிக்கணினி வழங்கப்பட்டுள்ளது. 
நீட் போன்ற மத்திய அரசின் எந்தவொரு நுழைவுத்தேர்வையும் எதிர்கொள்ளும் வகையில் பாடத்திட்டங்களில் மாற்றங்களைக் கொண்டுவந்து மாணவ-மாணவிகளுக்கு சிறப்பு பயிற்சி அளிக்கப்படுகின்றது. 
கிராமங்களை நோக்கி ஸ்மார்ட் வகுப்புகளை தமிழக அரசு விரிவுபடுத்தி வருகிறது. அரசுப்பள்ளி மாணவ-மாணவிகளுக்கும் தனியார் பள்ளிகளை விஞ்சும் அளவிற்கு பள்ளிச்சீருடைகள் மாற்றியமைக்கப்பட்டுள்ளன. நலத் திட்டங்களை செயல்படுத்துவதில் மற்ற மாநிலங்களுக்கெல்லாம் முன்னோடி மாநிலமாக  தமிழகம் திகழ்கிறது. 
தேசியளவில் உயர்கல்வி படிப்போர் 23 சதவீதமாக இருக்கும்போதும், தமிழகத்தில் உயர் கல்வி பயில்வோர் 46.9 சதவீதமாக உள்ளனர். கடந்த ஐந்து வருடங்களில் மட்டும் 46 கல்லூரிகளை தமிழக அரசு வழங்கியுள்ளது. 
தமிழகத்திற்கான நிதிநிலை அறிக்ககையில் 6ல் ஒரு பங்கு நிதியினை கல்வித் துறைக்காக தமிழக அரசு ஒதுக்கி வருகின்றது என்றார் அவர்.
நிகழ்ச்சியில் கிருஷ்ணராயபுரம் எம்எல்ஏ  ம. கீதாமணிவண்ணன், மாவட்ட வருவாய் அலுவலர் ச. சூர்யபிரகாஷ், ஊரக வளர்ச்சி முகமைத் திட்ட இயக்குநர் எஸ். கவிதா, முதன்மைக்கல்வி அலுவலர் தங்கவேல், கூட்டுறவு சங்கப் பிரதிநிதிகள், ஏ.ஆர். காளியப்பன், எஸ். திருவிகா, பி.மார்க்கண்டேயன், கமலக்கண்ணன் உள்ளிட்டோர் கலந்து கொண்டனர். 
தொடர்ந்து கரூர் மாவட்டம், கொடையூர், நாகம்பள்ளி, புங்கம்பாடி மற்றும் ஈசநத்தம் ஆகிய ஊராட்சிகளுக்குட்பட்ட பகுதிகளில் ரூ. 2.47.19 கோடியில் பல்வேறு பணிகளுக்கு பூமி பூஜையிட்டு பணிகளை மக்களவை துணைத் தலைவர் மு.தம்பிதுரை, அமைச்சர் எம்.ஆர். விஜயபாஸ்கர் ஆகியோர் தொடங்கிவைத்தனர்.
 

]]>
http://www.dinamani.com/all-editions/edition-trichy/karur/2018/dec/05/நலத்திட்டச்-செயல்பாடுகளில்-தமிழகமே-முன்னோடி-3052024.html
3052023 திருச்சி கரூர் அரசுப் பணியாளர்களுக்கு நாளை விளையாட்டு போட்டி DIN DIN Wednesday, December 5, 2018 08:14 AM +0530 கடந்த மாதம் 20-ம் தேதி நடைபெற இருந்த அரசுப் பணியாளர்களுக்கான விளையாட்டுப் போட்டி மழையால் ஒத்தி வைக்கப்பட்டு வியாழக்கிழமை நடைபெறுகிறது.
இதுதொடர்பாக மாவட்ட ஆட்சியர் த. அன்பழகன் வெளியிட்ட செய்திக்குறிப்பு:  
இதில் உள்விளையாட்டரங்க குழுப்  போட்டிகளான இறகுப்பந்து, டென்னிஸ் மற்றும் டேபிள் டென்னிஸ்  ஆகிய போட்டிகள் கரூர்  ஆபிசர்ஸ் கிளப்  மைதானத்தில் காலை 7 மணிக்கும், வெளி விளையாட்டரங்கப் போட்டிகளான தடகளம் மற்றும் குழுப் போட்டிகளில்  கூடைப்பந்து, கபடி, கையுந்துபந்து,  கால்பந்து (ஆண்களுக்கு மட்டும்)  ஆகிய போட்டிகள்  கரூர் மாவட்ட விளையாட்டரங்கில் காலை 10.30 மணிக்கும் நடைபெறும்.  
தடகளப் போட்டியில் ஆண்களுக்கு  100 மீ., 200 மீ., 800 மீ, 1500 மீ. ஓட்டங்களும், நீளம் தாண்டுதல், உயரம் தாண்டுதல், குண்டு எறிதல் போட்டிகளும்,  பெண்களுக்கு 100 மீ.,  
200 மீ.,  400 மீ.,  800 மீ.ஓட்டங்களும்,  நீளம் தாண்டுதல்,  உயரம் தாண்டுதல், குண்டு  எறிதல் போட்டியும் நடைபெற உள்ளது. 
வெற்றி பெற்ற வீரர், வீராங்கனைகள் கரூர் மாவட்டத்தின்  சார்பில் மாநிலப் போட்டிக்கு அழைத்துச் செல்லப்படுவர். போட்டியில் கலந்து கொள்ளும் வீரர், வீராங்கனைகள் தங்கள் அலுவலகத்தில் பெறப்பட்ட அடையாள அட்டை  கொண்டு வருதல் வேண்டும்.

]]>
http://www.dinamani.com/all-editions/edition-trichy/karur/2018/dec/05/அரசுப்-பணியாளர்களுக்குநாளை-விளையாட்டு-போட்டி-3052023.html
3052022 திருச்சி கரூர் மணல் கடத்திய இருவர் மீது வழக்கு DIN DIN Wednesday, December 5, 2018 08:14 AM +0530 குளித்தலையில் லாரியில் மணல் கடத்திய இருவர் மீது போலீஸார் வழக்குப்பதிவு செய்துள்ளனர்.
கரூர் மாவட்டம் குளித்தலை போலீஸார் திங்கள்கிழமை இரவு குளித்தலை பெரியபாலம் காவிரி ஆற்றங்கரையில் வாகனச் சோதனையில் ஈடுபட்டபோது அவ்வழியே வந்த லாரியை மடக்கினர்.
லாரியில் இருந்தவர்கள் தப்பிவிட, போலீஸார் லாரியை சோதனை செய்தபோது காவிரி ஆற்றில் இருந்து அனுமதியின்றி மணல் எடுத்து வரப்பட்டது தெரியவந்தது.  இதையடுத்து லாரி ஓட்டுநர் குளித்தலை கண்டியூரைச் சேர்ந்த நிர்மல்குமார், லாரி உரிமையாளர் பிரதீப் ஆகியோர் மீது  வழக்குப்பதிந்து இருவரையும் தேடுகிறார்கள்.
 

]]>
http://www.dinamani.com/all-editions/edition-trichy/karur/2018/dec/05/மணல்-கடத்திய-இருவர்-மீது-வழக்கு-3052022.html
3052021 திருச்சி கரூர் தாந்தோணிமலையில் புதிய காவல் நிலையம் திறப்பு DIN DIN Wednesday, December 5, 2018 08:14 AM +0530 தாந்தோணிமலையில் செவ்வாய்க்கிழமை நடைபெற்ற புதிய காவல் நிலையத் திறப்பு விழாவில் மக்களவை துணைத் தலைவர் மு. தம்பிதுரை, அமைச்சர் எம்.ஆர்.விஜயபாஸ்கர், திருச்சி சரக ஐஜி, டிஐஜி உள்ளிட்டோர் பங்கேற்றனர்.      
காவல் நிலையத்தை மக்களவை துணைத் தலைவர் மு. தம்பிதுரை, அமைச்சர் எம்.ஆர். விஜயபாஸ்கர் ஆகியோர்  மாவட்ட ஆட்சியர் த. அன்பழகன் தலைமையிலும், திருச்சி மத்திய மண்டல காவல் துறை தலைவர் வி. விரதராஜூ, துணைத் தலைவர் ஆர். லலிதாலஷ்மி முன்னிலையிலும் திறந்து வைத்தனர்.
அப்போது அவர்கள் கூறுகையில்,   கரூர் நகராட்சிக்குட்பட்ட பகுதியில் சட்டம்- ஒழுங்கை சீரிய முறையில் பராமரிக்கும் வகையிலும், குற்றச் சம்பவங்களை 
தவிர்க்கும் வகையிலும், பொதுமக்களுக்காக முழுநேரக் கண்காணிப்பு மற்றும் பாதுகாப்பு பணிகளில் ஈடுபடும் வகையிலும் இந்தக் காவல்நிலையம் திறக்கப்பட்டுள்ளது.
பசுபதிபாளையம் காவல் நிலைய எல்லைக்குட்பட்ட தாந்தோணிமலை, தோரணக்கல்பட்டி, ஆச்சிமங்கலம், கருப்பம்பாளையம் மற்றும் அப்பிபாளையம் உள்ளிட் 5 தாய் கிராமங்களையும் அவற்றுக்குட்பட்ட 33 குக்கிராமங்களையும் உள்ளடக்கி 2 துணை காவல் ஆய்வாளர்களும், 28 காவலர்களையும் கொண்டு  இந்தக் காவல் நிலையம் செயல்படும் என்றனர். 
நிகழ்ச்சியில், மாவட்டக் காவல் கண்காணிப்பாளர் டி.கே. ராஜசேகரன், கிருஷ்ணராயபுரம் எம்எல்ஏ எம். கீதாமணிவண்ணன், மாவட்ட வருவாய் அலுவலர் ச. சூர்யபிரகாஷ், கூடுதல் காவல் கண்காணிப்பாளர்கள் பாரதி, பாஸ்கரன்,  துணை காவல் கண்காணிப்பாளர்கள் எம். கும்மராஜா(கரூர் நகரம்), சுகுமார்(குளித்தலை), முத்தமிழ்ச்செல்வன் (அரவக்குறிச்சி), சிற்றரசு(ஆயுதப்படை), கூட்டுறவுச் சங்க பிரதிநிதிகள், ஏ.ஆர். காளியப்பன், எஸ். திருவிகா, மார்க்கண்டேயன், பசுவைசிவசாமி, வை.நெடுஞ்செழியன், கமலக்கண்ணன், செல்வராஜ், கிருஷ்ணன், விசிகே.ஜெயராஜ் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/dec/05/தாந்தோணிமலையில்-புதிய-காவல்-நிலையம்-திறப்பு-3052021.html