Dinamani - கரூர் - http://www.dinamani.com/all-editions/edition-trichy/karur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2982798 திருச்சி கரூர் வேம்பு மாரியம்மனுக்கு தனலட்சுமி அலங்காரம் DIN DIN Saturday, August 18, 2018 08:07 AM +0530 கரூர் வேம்பு மாரியம்மன் கோயிலில் வெள்ளிக்கிழமை அம்மனுக்கு ரூபாய்களால் தனலட்சுமி அலங்காரம் நடைபெற்றது.
கரூர் வேம்பு மாரியம்மனுக்கு ஆடிமாதம் கடைசி வெள்ளியில் தனலட்சுமி அலங்காரம் நடைபெறுவது வழக்கம். நிகழாண்டில் ஆடி மாத கடைசி வெள்ளியின்போது திமுக தலைவர் கருணாநிதிக்காக ஒரு வாரம் துக்க நிகழ்ச்சி அனுஷ்டிக்கப்பட்டதால் கோயிலில் சுவாமிக்கு அலங்காரம் செய்யப்படவில்லை. இதையடுத்து வெள்ளிக்கிழமை காலை அம்மனுக்கு ரூ. 8 லட்சம் மதிப்பில் ரூ. 5,10, 20, 50, 500, 2000 நோட்டுகளால் தனலட்சுமி அலங்காரம் செய்யப்பட்டிருந்தது.  கோயிலுக்கு ஏராளமான பக்தர்கள் வந்து சுவாமி தரிசனம் செய்தனர்.
 

]]>
http://www.dinamani.com/all-editions/edition-trichy/karur/2018/aug/18/வேம்பு-மாரியம்மனுக்கு-தனலட்சுமி-அலங்காரம்-2982798.html
2982797 திருச்சி கரூர் தவிட்டுப்பாளையத்தில் வெள்ளப் பாதிப்புக்கு உதவி DIN DIN Saturday, August 18, 2018 08:07 AM +0530 தவிட்டுப்பாளையத்தில் வெள்ளத்தால் பாதிக்கப்பட்டவர்களுக்கு பாய், போர்வைகளை வழங்கினார் அமைச்சர் எம்.ஆர். விஜயபாஸ்கர்.
காவிரியாற்றில் வெள்ளம் பெருக்கெடுத்து ஓடுவதால் வேலாயுதம்பாளையம் அருகே உள்ள தவிட்டுப்பாளையத்தில் 57 வீடுகளில் வெள்ள நீர் புகுந்தது. அவர்கள் அங்குள்ள தொடக்கப்பள்ளியில் பாதுகாப்பாக தங்க வைக்கப்பட்டுள்ளனர். 
அவர்களுக்கு வியாழக்கிழமை இரவு அமைச்சர் எம்.ஆர். விஜயபாஸ்கர் பாய், போர்வை உள்ளிட்ட பொருட்களை வழங்கினார். 
நிகழ்ச்சியில் மாவட்ட ஆட்சியர் த. அன்பழகன், மாவட்ட வருவாய் அலுவலர் ச. சூர்யபிரகாஷ், அதிமுக மாவட்ட அவைத் தலைவர் ஏ.ஆர். காளியப்பன், இளைஞரணி செயலர் விசிகே. ஜெயராஜ், ஒன்றியச் செயலர் கமலக்கண்ணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/18/தவிட்டுப்பாளையத்தில்-வெள்ளப்-பாதிப்புக்கு-உதவி-2982797.html
2982796 திருச்சி கரூர் கரூரில் கர்ணப் புறா பந்தயம் தொடக்கம் DIN DIN Saturday, August 18, 2018 08:07 AM +0530 கரூரில் கர்ணப்புறா பந்தயம் வெள்ளிக்கிழமை தொடங்கியது.
கரூர் நகராட்சியின் முன்னாள் உறுப்பினர் அமரர் இரா. வைரப்பெருமாள் நினைவாக 40-ம் ஆண்டு போட்டியாக கரூர் திருவள்ளுவர் மைதானத்தில் வெள்ளிக்கிழமை தொடங்கிய  பந்தயத்தை அதிமுக நகரச் செயலர் வை. நெடுஞ்செழியன், ஈரோடு பி. கந்தசாமி ஆகியோர் தொடக்கி வைத்தனர். 
போட்டியில் மொத்தம் 11புறாக்கள் பங்கேற்றன. 
கர்ணப்புறா வெள்ளைக் கண்ணை கொண்டிருத்தல் வேண்டும், வெள்ளை இறக்கை இருக்கக்கூடாது, ஒரு நாளைக்கு குறைந்தபட்சம் 4 மணி நேரம் பறக்க வேண்டும், கர்ணம் அடிப்பதை அதன் உரிமையாளர்கள் காண்பிக்க வேண்டும், ஒருமுறையாவது கர்ணம் அடிக்க வேண்டும் என்ற நிபந்தனையுடன் போட்டி நடைபெற்றது. 
போட்டியில் பங்கேற்ற புறாக்கள் மேலே பறந்ததும் கர்ணம் அடித்தது அனைவரது கவனத்தையும் ஈர்த்தது. வரும் 19-ம் தேதி வரை மூன்று நாட்கள் நடைபெறும் போட்டியில்  வெற்றிபெறும் புறாக்களின் உரிமையாளர்களுக்கு முதல் பரிசாக ரூ. 7,001, இரண்டாம் பரிசாக ரூ. 5,001, மூன்றாம் பரிசாக ரூ. 4,001, நான்காம் பரிசாக ரூ. 3,001, ஐந்தாம் பரிசாக ரூ. 2,001 வழங்கப்பட உள்ளது.  நிகழ்ச்சியில் திருவை அரங்கராஜ், எம். பழனிசாமி, வைரம் கருணாநிதி, தேவா உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/18/கரூரில்-கர்ணப்-புறா-பந்தயம்-தொடக்கம்-2982796.html
2982789 திருச்சி கரூர் மின்சாரம் தாக்கி சுமை தூக்கும் தொழிலாளி சாவு DIN DIN Saturday, August 18, 2018 08:05 AM +0530 மூலிமங்கலம் அருகே மின்சாரம் தாக்கி சுமை தூக்கும் தொழிலாளி இறந்தார்.
கரூர் மாவட்டம், மண்மங்கலம் அடுத்த புகழூர் கட்சியப்பன் காலனியைச் சேர்ந்தவர் சரவணன் (38), சுமை தூக்கும் தொழிலாளி. இவர் வியாழக்கிழமை மாலை வேப்பங்காட்டில் உள்ள தென்னந்தோப்பில் தேங்காய் ஏற்றச் சென்றபோது லாரியின் மேற்பகுதியில் நின்றுள்ளார். அப்போது லாரியின் மேல்பகுதியில் சென்ற மின்வயர் இவர் மீது உரசி சம்பவ இடத்திலேயே  இறந்தார். இதுகுறித்து வேலாயுதம்பாளையம் போலீஸார் வழக்குப்பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/karur/2018/aug/18/மின்சாரம்-தாக்கி-சுமை-தூக்கும்-தொழிலாளி-சாவு-2982789.html
2982788 திருச்சி கரூர் இளைஞரை மிரட்டி பைக், பணம் பறித்த இருவர் கைது DIN DIN Saturday, August 18, 2018 08:04 AM +0530 வீரராக்கியத்தில் இளைஞரிடம் கத்தியை காட்டி மிரட்டி பைக் மற்றும் பணம் பறித்த இருவரை போலீஸார் கைது செய்தனர்.
கரூர் மாவட்டம், கிருஷ்ணராயபுரம் அடுத்த வீரராக்கியத்தைச் சேர்ந்த ராமலிங்கம் மகன் அருண்(30). இவர் வியாழக்கிழமை தனது  தோட்டத்தில் பைக்கோடு நின்றபோது அங்கு வந்த  திருச்சி தராநல்லூரைச் சேர்ந்த அன்பழகன் மகன் தர்மராஜ் (25), கேரள மாநிலம் திருச்சூரைச் சேர்ந்த சுனில் (31) ஆகியோர் கத்தியைக் காட்டி மிரட்டி அவரது பைக்கை பறித்துள்ளனர். இதனால் அவர் சத்தம்போடவே அக்கம்பக்கத்தினர் ஓடிவந்து தர்மராஜ், சுனில் ஆகியோரை பிடித்து மாயனூர் போலீஸில் ஒப்படைத்தனர். போலீஸார் வழக்குப்பதிந்து இருவரையும் கைது செய்தனர்.
 

]]>
http://www.dinamani.com/all-editions/edition-trichy/karur/2018/aug/18/இளைஞரை-மிரட்டி-பைக்-பணம்-பறித்த-இருவர்-கைது-2982788.html
2982787 திருச்சி கரூர் மணவாடியில்  வீடு புகுந்து நகை திருடியவர் கைது DIN DIN Saturday, August 18, 2018 08:04 AM +0530 மணவாடியில் வீட்டின் பூட்டை உடைத்து நகை திருடிய இளைஞரை போலீஸார் கைது செய்தனர்.
கரூர் மாவட்டம், மணவாடி பெருமாள்பட்டி காலனியைச் சேர்ந்தவர் சக்திவேல். கடந்த 10-ம் தேதி இவர் தனது குடும்பத்தினருடன் கரூர் ஜவஹர்பஜாருக்குச் சென்றபோது வீட்டின் பூட்டை உடைத்து உள்ளே இருந்த ஒன்னரை பவுன் நகையை  திருடிச் சென்றனர். இதுதொடர்பான புகாரின்பேரில் வெள்ளியணை போலீஸார் வழக்குப்பதிந்து மர்ம நபரை தேடி வந்தனர்.
இந்நிலையில் வியாழக்கிழமை சக்திவேல் வீட்டில் நகை திருடியதாக தாந்தோணிமலை தென்றல் நகரைச் சேர்ந்த விஜயராஜ் மகன் ரத்தினகிரீஸ்வரன் (24) என்பவரை போலீஸார் கைது செய்து, அவரிடம் இருந்த நகையையும் பறிமுதல் செய்தனர்.
 

]]>
http://www.dinamani.com/all-editions/edition-trichy/karur/2018/aug/18/மணவாடியில்--வீடு-புகுந்து-நகை-திருடியவர்-கைது-2982787.html
2982786 திருச்சி கரூர் வாஜ்பாய் படத்துக்கு  மாலை அணிவித்து மரியாதை DIN DIN Saturday, August 18, 2018 08:04 AM +0530 கரூர் பேருந்துநிலைய ரவுண்டானா பகுதியில் வைக்கப்பட்டிருந்த வாஜ்பாய் படத்திற்கு வெள்ளிக்கிழமை மாலை காங்கிரஸ் கட்சியினருடன், பாஜகவினரும் மாலை அணிவித்து மரியாதை செலுத்தினர். 
முன்னாள் பிரதமர் வாஜ்பாய் மறைவையடுத்து கரூர் பேருந்துநிலைய ரவுண்டானா பகுதியில் அவரது படத்துக்கு காங்கிரஸ் கட்சி சார்பில் மாலை அணிவிக்கும் நிகழ்ச்சி வெள்ளிக்கிழமை நடைபெற்றது. நகரத் தலைவர் ஆர். ஸ்டீபன்பாபு தலைமையில் நடைபெற்ற  நிகழ்ச்சியில் மாவட்ட பொதுச் செயலர் சுரேகாபாலச்சந்தர் மற்றும் பாஜக மாவட்டச் செயலர் முருகானந்தம், நகரத் தலைவர் செல்வன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/18/வாஜ்பாய்-படத்துக்கு--மாலை-அணிவித்து-மரியாதை-2982786.html
2982785 திருச்சி கரூர் கட்டளைப் பகுதி மதகின் நீர் கசிவு சீரமைப்பு DIN DIN Saturday, August 18, 2018 08:03 AM +0530 கட்டளை பகுதியில் மதகில் நீர் கசிவு ஏற்பட்டதை சீரமைக்கும் பணிகளை வெள்ளிக்கிழமை மாவட்ட  ஆட்சியர் த. அன்பழகன் ஆய்வு செய்தார்.
கரூர் மாவட்டம், கிருஷ்ணராயபுரம் வட்டத்திற்குட்பட்ட கட்டளை பகுதியிலிருந்து வந்துகொண்டிருக்கும் நீரின் அளவு அதிகரித்துக்கொண்டே உள்ளது. வியாழக்கிழமை இரவு அதன் கரைப்பகுதிகளில் அமைக்கப்பட்டுள்ள சிறிய மதகுகள் வழியாக நீர்க்கசிவு ஏற்பட்டு அருகில் உள்ள விவசாய நிலங்களுக்குள் தண்ணீர் செல்லும் நிலை ஏற்பட்டது.
இதையறிந்த கிருஷ்ணராயபுரம் வட்டாட்சியர், வட்டார வளர்ச்சி அலுவலர், பொதுப்பணித்துறை உதவி செயற்பொறியாளர் ஆகியோர் உள்ளுர் மக்களின் உதவியுடன், விடிய விடிய போர்க்கால அடிப்படையில் நடவடிக்கைகளை மேற்கொண்டு மணல் மூட்டைகளைக் கொண்டும், கூடுதல் மணலைக் கொண்டும் நீர்க்கசிவு பகுதிகளை சரிசெய்தனர். இதனால் அருகிலுள்ள விவசாய நிலங்களில் நீர் கசியாமல்  தடுக்கப்பட்டது. இப்பகுதிகளில் மேற்கொள்ளப்படும் பணிகளை மாவட்ட ஆட்சியர் த. அன்பழகன் வெள்ளிக்கிழமை பார்வையிட்டு ஆய்வு செய்தார். அப்பகுதிகளிலுள்ள விவசாய நிலங்களில் நீர் புகாமல் இருப்பதைக் கண்காணித்திடவும், அப்பகுதி மக்களைப் பாதுகாப்பாக தாழ்வான இடங்களிலிருந்து மேடான இடங்களுக்கு கொண்டு செல்லவும், அவர்களுக்கு தேவையான அத்தியாவசிய தேவைகளை பூர்த்தி செய்யவும் சம்பந்தப்பட்ட துறை அலுவலர்களுக்கு அறிவுரை வழங்கினார்.  
மேலும், இரவு முழுவதும் பணியாற்றி உடனடியாக நடவடிக்கை எடுத்த அனைத்துத் துறை அலுவலர்களையும் பாராட்டிய மாவட்ட ஆட்சியர்  அப்பகுதியிலுள்ள மக்கள் யாரையும் ஆற்றில் குளிக்கவோ இறங்கவோ வேண்டாம் என்றும் அறிவுறுத்தினார். குளித்தலை வருவாய்க் கோட்டாட்சியர் லியாகத், பொதுப்பணித்துறை உதவி செயற்பொறியாளர் பிரபாகரன், வட்டார வளர்ச்சி அலுவலர் புவனேஸ்வரி, கிருஷ்ணராயபுரம் வட்டாட்சியர் சுரேஷ்குமார் உட்பட பலர் உடனிருந்தனர்.

]]>
http://www.dinamani.com/all-editions/edition-trichy/karur/2018/aug/18/கட்டளைப்-பகுதி-மதகின்-நீர்-கசிவு-சீரமைப்பு-2982785.html
2982784 திருச்சி கரூர் வாஜ்பாய் மறைவு: பாஜக மௌன ஊர்வலம் DIN DIN Saturday, August 18, 2018 08:03 AM +0530 முன்னாள் பிரதமர் வாஜ்பாய் மறைவையடுத்து கரூரில் பாஜகவினர் வெள்ளிக்கிழமை கருப்பு பேட்ஜ் அணிந்து மௌன ஊர்வலம் நடத்தினர்.
கரூர் பேருந்துநிலைய ரவுண்டானா பகுதியில் தொடங்கிய ஊர்வலத்திற்கு மாவட்டச் செயலர் முருகானந்தம் தலைமை வகித்தார். இதில் கோட்ட பொறுப்பாளர் சிவசாமி, பொதுச் செயலர்கள் நகுலன், கைலாசம், முருகானந்தம், கிருஷ்ணமூர்த்தி, 
நகரத் தலைவர் செல்வன் உள்ளிட்டோர் முன்னிலை வகித்தனர்.  
ஊர்வலம் பேருந்துநிலைய ரவுண்டானா பகுதியில் இருந்து ஜவஹர்பஜார், பழைய சேலம் பைபாஸ் சாலை வழியாக லைட்ஹவுஸ்கார்னரை அடைந்தது. மாவட்டச் செயலர் மோகன், இளைஞரணி செயலர் சிவம்சக்திவேல் உள்ளிட்டோர் திரளாக பங்கேற்றனர். முன்னதாக பேருந்துநிலைய ரவுண்டானா பகுதியில் வைக்கப்பட்டிருந்த வாஜ்பாய் படத்திற்கு மாலை அணிவித்து மௌன அஞ்சலி செலுத்தினர்.
 

]]>
http://www.dinamani.com/all-editions/edition-trichy/karur/2018/aug/18/வாஜ்பாய்-மறைவு-பாஜக-மௌன-ஊர்வலம்-2982784.html
2982783 திருச்சி கரூர் நீர்வரத்து அதிகரிப்பால் விவசாய நிலங்களைச் சூழ்ந்த நீர் DIN DIN Saturday, August 18, 2018 08:03 AM +0530 காவிரியில் நீர் வரத்து அதிகரித்துள்ளதையடுத்து நெரூர், திருமுக்கூடலூர், மேலமாயனூர் உள்ளிட்ட  இடங்களில் விவசாய நிலங்களுக்குள் தண்ணீர் புகுந்தது.  
மேற்குத் தொடர்ச்சி மலையில் பெய்துவரும் தொடர் மழையால் மேட்டூர் அணைக்கு வியாழக்கிழமை 1.80 லட்சம் கன அடி நீர் வந்துகொண்டிருந்தது. 
இந்நிலையில் அணைக்கு வெள்ளிக்கிழமை 2.25 லட்சம் கன அடி நீர் வருவதால்  இந்த நீர் அப்படியே காவிரி ஆற்றில் திறக்கப்படுகிறது. இதேபோல பவானிசாகர் அணையில் வியாழக்கிழமை விநாடிக்கு 50,000 கன அடி நீர் திறக்கப்பட்டு வந்த நிலையில் வெள்ளிக்கிழமை 70,000 கன அடியாக அதிகரித்துள்ளதால்  அந்த தண்ணீரும் பவானி கூடுதுறையில் காவிரி ஆற்றுடன் கலந்து வருகிறது. 
இதனால் காவிரியில் மேட்டூர் அணைக்கு கீழே 2.95 லட்சம் கன அடி நீரும், அமராவதியில் 13,000 கன அடி நீரும் என 3 லட்சம் கன அடி நீருக்கும் மேல் காவிரியில் வருவதால் கரூர் மாவட்டத்தில் காவிரியாற்றின் தாழ்வான பகுதியான தவுட்டுப்பாளையம், மேலமாயனூர் பகுதியில் வெள்ள நீர் ஏற்கெனவே வியாழக்கிழமை புகுந்துள்ள நிலையில், மேலும் பல ஏக்கர் விவசாய நிலங்களுக்குள் தண்ணீர் புகுந்தது.  
காவிரி நீரும், அமராவதி நீரும் சேர்ந்து திருமுக்கூடலூர், அரங்கநாதன் பேட்டை, சோமூர், மேலமாயனூர் உள்ளிட்ட கிராமங்களுக்குள் புகுந்து அங்குள்ள வாழை, கோரை, மரவள்ளிக்கிழங்குச் செடிகளை சூழ்ந்துள்ளது.

]]>
http://www.dinamani.com/all-editions/edition-trichy/karur/2018/aug/18/நீர்வரத்து-அதிகரிப்பால்-விவசாய-நிலங்களைச்-சூழ்ந்த-நீர்-2982783.html
2982782 திருச்சி கரூர் ஏரி, குளங்களில் பனை விதைகளை நடும் பணி DIN DIN Saturday, August 18, 2018 08:03 AM +0530 கரூர் மாவட்டத்தில் வெள்ளிக்கிழமை ஒரே நாளில் குளம், ஏரிகளில் 1,156 பனை மர விதைகளை விடுதலை சிறுத்தைகள் கட்சியினர் ஊன்றினர்.
விடுதலைச் சிறுத்தைகள் கட்சியின் தலைவர் தொல். திருமாவளவனின் பிறந்த தினத்தை முன்னிட்டு கரூர் மாவட்டத்தில் 10,000 பனை மர விதைகள் நடப்பட உள்ளன. இதை முன்னிட்டு வெள்ளிக்கிழமை மாவட்டச் செயலர் வழக்குரைஞர் பெ. ஜெயராமன் தலைமையிலும், மாவட்டச் செய்தித் தொடர்பாளர் இளங்கோ முன்னிலையிலும் அக்கட்சியினர் கரூர் தாந்தோணிமலை குளக்கரை, வெங்கக்கல்பட்டி தேசிய நெடுஞ்சாலை, கரூர் அரசு கலைக்கல்லூரி பூங்கா உள்ளிட்ட பகுதிகளில் வெள்ளிக்கிழமை ஒரே நாளில் 1,156 பனை மர விதைகளை ஊன்றினர். தொடர்ந்து அரவக்குறிச்சி, க.பரமத்தி உள்ளிட்ட அனைத்து ஒன்றியப் பகுதிகளிலும் 10,000 பனை மர விதைகளை ஊன்றப்போவதாகத் தெரிவித்தனர்.
நிகழ்ச்சியில் மாநில துணைச் செயலர் வழக்குரைஞர் பாஸ்கரன், தலைமைச் செயற்குழு உறுப்பினர் அகரமுத்து, நகரச் செயலர் முரளி, மாவட்ட அமைப்பாளர்கள் கண்மணி ராமச்சந்திரன், தீபக்குமார் உள்ளிட்டோர் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/aug/18/ஏரி-குளங்களில்-பனை-விதைகளை-நடும்-பணி-2982782.html
2982120 திருச்சி கரூர் கரூரில் திகவினர் ஆர்ப்பாட்டம் DIN DIN Friday, August 17, 2018 08:07 AM +0530 கரூரில் திகவினர் வியாழக்கிழமை கண்டன ஆர்ப்பாட்டத்தில் ஈடுபட்டனர்.
கரூர் வட்டாட்சியர் அலுவலகம் முன் நடைபெற்ற ஆர்ப்பாட்டத்துக்கு திக மாவட்டத் தலைவர் ப. குமாரசாமி தலைமை வகித்தார். மாநில சட்டத்துறை துணைத் தலைவர் மு.க. ராசசேகரன், பொதுக் குழு உறுப்பினர்கள் ராமசாமி, சே. அன்பு உள்ளிட்டோர் முன்னிலை வகித்தனர். இதில் விடுதலை வாசகர் வட்டத் தலைவர் மா. கண்ணதாசன், செயலர் கடவூர் மணிமாறன், துணைச் செயலர் கருவூர். கன்னல், துணைத் தலைவர் இரா. குடியரசு உள்ளிட்டோர் சிறப்புரையாற்றினர். உச்ச நீதிமன்றம் மற்றும் உயர் நீதிமன்றத்தில் தாழ்த்தப்பட்டோர், பிற்படுத்தப்பட்டோர் மற்றும் பெண்களுக்கு இடஒதுக்கீடு வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடைபெற்றது. திகவினர் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/aug/17/கரூரில்-திகவினர்-ஆர்ப்பாட்டம்-2982120.html
2982118 திருச்சி கரூர் வெள்ளம் கரைபுரண்டோடியும் குடிக்க நீர் இல்லை: பொதுமக்கள் கடும் அவதி DIN DIN Friday, August 17, 2018 08:06 AM +0530 காவிரி, அமராவதி நதிகளில் இரு கரைகளைத் தொட்டுக்கொண்டு தண்ணீர்  சென்ற நிலையிலும் கரூர் நகருக்குள் ஒரு சில இடங்களில் குடிநீர் விநியோகம் செய்யப்பட்டு 10 நாட்களுக்கும் மேலாவதால் பொதுமக்கள் கடும் அவதிக்குள்ளாகியுள்ளனர்.
மேற்குத் தொடர்ச்சி மலையில் தொடர்ந்து பெய்துவரும் கன மழையால் காவிரி, அமராவதி நதிகளில் வெள்ளப்பெருக்கு ஏற்பட்டுள்ளது. 
காவிரியில் 2 லட்சம் கன அடிநீரும், அமராவதியில் 11,000 கன அடி நீரும் திறக்கப்பட்டு கடந்த 10 ஆண்டுகளில் எப்போதும் இல்லாத அளவிற்கு ஆற்றில் இரு கரைகளையும் தொட்டுக்கொண்டு வெள்ள நீர் கரைபுரண்டு ஓடுகிறது. 
கரூர் நகரின் பெரும்பாலான பகுதிகளுக்கு காவிரி ஆற்றின் கட்டளைப் பகுதியில் இருந்துதான் நீருந்து நிலையம் மூலம் குடிநீர் விநியோகிக்கப்படுகிறது.  தற்போது நீருந்து நிலையம் முழுவதையும் தண்ணீர் சூழ்ந்துள்ளதால் மின்சாரத்தைப் பயன்படுத்த முடியாத நிலை ஏற்பட்டுள்ளது. இதனால் கரூரில் நகராட்சிக்குட்பட்ட 37, 48-வது வார்டுகளில் வசிக்கும் பொதுமக்களுக்கு முற்றிலும் குடிநீர் விநியோகம் நிறுத்தப்பட்டுள்ளது. கடந்த 10 நாட்களுக்கு மேலாகியும் குடிநீர் வராததால் பொதுமக்கள் லாரிகளில் பணம் கொடுத்து குடிநீர் வாங்கிப் பயன்படுத்தி வருகிறார்கள்.
இந்நிலையில் வியாழக்கிழமை கட்டளையில் இருந்து கரூர் நகருக்கு விநியோகம் செய்யப்படும் நீருந்து நிலையத்தை பார்வையிட்ட மாவட்ட ஆட்சியர் த. அன்பழகன் பின்னர் கூறுகையில், நீருந்து நிலையத்தை வெள்ள நீர் சூழ்ந்துள்ளதால் கரூர் நகராட்சிக்குட்பட்ட 10 வார்டுகளில் 16,154 குடியிருப்புகளில் உள்ள சுமார் 47,83 பேருக்கு சீரான குடிநீர் விநியோகம் செய்ய முடியாத நிலை ஏற்பட்டுள்ளது. இந்தப் பகுதிகளுக்கு லாரிகள் மூலம் குடிநீர் வழங்க கரூர் நகராட்சிக்கு அறிவுறுத்தப்பட்டுள்ளது. 
வெள்ளப்பெருக்கு குறைந்து சீரானவுடன் கட்டளையில் உள்ள மோட்டார்கள் பழுதுநீக்கப்பட்டு பொதுமக்களுக்கு குடிநீர் சீராக வழங்கப்படும் என்றார் அவர்.

]]>
http://www.dinamani.com/all-editions/edition-trichy/karur/2018/aug/17/வெள்ளம்-கரைபுரண்டோடியும்-குடிக்க-நீர்-இல்லை-பொதுமக்கள்-கடும்-அவதி-2982118.html
2982117 திருச்சி கரூர் கருணாநிதியின் உடல் அடக்கத்தை அரசியலாக்காதீர் DIN DIN Friday, August 17, 2018 08:06 AM +0530 கருணாநிதியின் உடல் அடக்கத்தை அரசியலாக்காதீர் என்றார் மக்களவைத் துணைத் தலைவர் மு. தம்பிதுரை.
கரூரில் வியாழக்கிழமை வெ. பசுபதிபாளையம், வெண்ணைமலை உள்ளிட்ட இடங்களில் நடைபெற்ற பொதுமக்களிடம் கோரிக்கை மனு பெறும் நிகழ்ச்சியில் பங்கேற்ற அவர் மேலும்  கூறியது:
நடிகர் ரஜினிகாந்த் இன்னமும்  கட்சி தொடங்கவில்லை. எனவே அவரது குற்றச்சாட்டுகளை பெரிதாக எடுத்துக்கொண்டு பதில் அளிக்க விரும்பவில்லை. 
மறைந்த முதல்வர் கருணாநிதியின் உடலுக்கு முதல்வர் எடப்பாடி பழனிசாமி, துணை முதல்வர் ஓ. பன்னீர்செல்வம் மற்றும் நான் ஆகிய மூவரும் சென்று அஞ்சலி செலுத்தினோம்.   தமிழக அரசு சார்பில் கருணாநிதிக்கு என்ன மரியாதை செய்ய வேண்டுமோ அது செய்யப்பட்டது. 
எம்ஜிஆர், ஜெயலலிதா உடல் அடக்கம் செய்யப்பட்டபோது யார் அங்கு வந்தார்கள்,  இருந்தார்கள்? எனவே வெறுமனே  குறை சொல்லக் கூடாது.  அண்ணா, எம்ஜிஆர்  உடல் அடக்கம் செய்யப்பட்ட இடத்தையே காலி செய்ய வேண்டும் என 10-க்கும் மேற்பட்ட வழக்குகள் இருந்தன. ஆகவே சட்டச் சிக்கல் இருந்ததால் கிண்டியில் இடம் ஒதுக்குவதாக முதல்வர் தெரிவித்தார். பின்னர் நீதிமன்றத்திற்குச் சென்று வழக்குத் தொடர்ந்து கருணாநிதியை மெரீனாவில் அடக்கம் செய்தார்கள். அதை தமிழக அரசும் ஆட்சேபிக்கவில்லை. எனவே கருணாநிதி உடல் அடக்கத்தை அரசியல் ஆக்காதீர்கள். 
கருணாநிதி முதல்வராக எம்.ஜி.ஆர். உழைத்தார். ஆனால் அவரைக் கட்சியில் இருந்து நீக்கியதால் இந்த இயக்கம் உருவானது. அதிமுக தனிப்பட்ட ஒருவரால் தொடக்கப்பட்ட இயக்கம் அல்ல, அது மக்கள் இயக்கம் என்றார் அவர்.
பின்னர் தவிட்டுப்பாளையம் காவிரி ஆற்றின் கரையோரம் வீடுகளில் வெள்ளம் சூழ்ந்த பகுதிகளைப் பார்வையிட்ட பின் கூறுகையில், வீடுகளை வெள்ளம் சூழ்ந்துள்ளது. இங்குள்ள 55 குடும்பங்களைச் சேர்ந்த 157 பேர் பத்திரமாக மீட்கப்பட்டு அங்குள்ள பள்ளியில் தங்க வைக்கப்பட்டுள்ளனர். 
சில இடங்களில் வெள்ளநீர் விவசாய நிலங்களுக்கும் புகுந்துள்ளது. இதனால் பாதிக்கப்பட்ட பொதுமக்கள், விவசாயிகளுக்கு இழப்பீடு கிடைக்க நடவடிக்கை எடுக்கப்படும். காவிரி-குண்டாறு நதிகளை இணைக்க நாடாளுமன்றத்தில் குரல்கொடுத்து விரைவில் இத்திட்டத்தை நிறைவேற்றுவோம். தற்போது காவிரி ஆற்றில் தடுப்பணைகள் கட்ட இயலாது. ஏனெனில் உச்ச நீதிமன்றத்தில் வழக்கு இருப்பதால் கட்டுவது சாத்தியம் கிடையாது என்றார். 
 

]]>
http://www.dinamani.com/all-editions/edition-trichy/karur/2018/aug/17/கருணாநிதியின்-உடல்-அடக்கத்தை-அரசியலாக்காதீர்-2982117.html
2982119 திருச்சி கரூர் வெள்ளம் பாதித்தோருக்கு அமமுகவினர் உதவி DIN DIN Friday, August 17, 2018 08:06 AM +0530 தவிட்டுப்பாளையத்தில் வெள்ளத்தால் பாதிக்கப்பட்டவர்களுக்கு  அமமுகவினர் வியாழக்கிழமை நிவாரணப் பொருட்களை வழங்கினர்.
காவிரியாற்றில் வெள்ளப்பெருக்கு ஏற்பட்டுள்ளதால் கரூர் மாவட்டம் வேலாயுதம்பாளையத்தை அடுத்த தவிட்டுப்பாளையத்தில் குடியிருப்புக்குள் வெள்ள நீர் புகுந்தது. இதனால் 57 குடும்பங்களைச் சேர்ந்தவர்கள் அங்குள்ள பள்ளியில் பாதுகாப்பாக தங்க வைக்கப்பட்டுள்ளனர். அவர்களுக்கு கரூர் மாவட்ட அமமுகவினர் மாவட்ட துணைச் செயலர் தாரணி சரவணன் தலைமையில் நிவாரணப் பொருட்களாக பாய், பெட்ஷீட் உள்ளிட்ட பொருட்களை வழங்கினர். கட்சி நிர்வாகிகள் முரளி, கோல்டுஸ்பாட்ராஜா, வழக்குரைஞர் விஜயகுமார், விவேகானந்தன், கோயம்பள்ளிபாஸ்கரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/17/வெள்ளம்-பாதித்தோருக்கு-அமமுகவினர்-உதவி-2982119.html
2982116 திருச்சி கரூர் தாந்தோணிமலையில் ஆகஸ்ட் 18 மின் தடை DIN DIN Friday, August 17, 2018 08:05 AM +0530 வரும் 18-ம் தேதி தாந்தோணிமலை பகுதிகளில் மின்சாரம் இருக்காது.
இதுதொடர்பாக வெள்ளியணை உதவி செயற்பொறியாளர் த. ரவிச்சந்திரன் வெளியிட்ட செய்திக்குறிப்பு: 
கரூர் மின்வாரிய  கோட்டத்திற்குட்பட்ட தாந்தோணிமலை துணை மின் நிலையத்தில் நடைபெறும் பராமரிப்பு பணியால்  தாந்தோணிமலை, சுங்ககேட், மணவாடி, காந்திகிராமம், கத்தாளப்பட்டி, கன்னிமார்பாளையம், பசுபதிபாளையம், ஏமூர், மின்நகர், ஆட்சிமங்கலம், ராயனூர், கொரவபட்டி, பாகநத்தம், பத்தாம்பட்டி, செல்லாண்டிபாளையம் ஆகிய பகுதிகளில் காலை 9 மணி முதல் மாலை 5 மணி வரை மின்சாரம் இருக்காது.

]]>
http://www.dinamani.com/all-editions/edition-trichy/karur/2018/aug/17/தாந்தோணிமலையில்-ஆகஸ்ட்-18-மின்-தடை-2982116.html
2982115 திருச்சி கரூர் முனியப்பசுவாமிக்கு 2,008 பால்குட அபிஷேகம் DIN DIN Friday, August 17, 2018 08:05 AM +0530 குளிர்ந்தமலை முனியப்பசுவாமி கோயிலில் விழாவில் சுவாமிக்கு வியாழக்கிழமை 2,008 பால்குட அபிஷேகம் செய்யப்பட்டது.
கரூர் மாவட்டம், வேலாயுதம்பாளையத்தை அடுத்த குளிர்ந்தமலையில் முனியப்பசுவாமி கோயிலில் ஆடிக்கழுவாடி திருவிழா மற்றும் 2,008 பால்குட அபிஷேக விழா வியாழக்கிழமை நடைபெற்றது. முன்னதாக அதிகாலையில் பக்தர்கள் காவிரி ஆற்றுக்குச் சென்று புனித நீர் எடுத்து வந்து முனியப்ப சுவாமிக்கு அபிஷேக ஆராதனைகள் செய்தனர். பின்னர் பக்தர்கள் 2008 பால்குடங்களை எடுத்து வந்து சிறப்பு அபிஷேகம் செய்து நேர்த்திக்கடனை செலுத்தினர். தொடர்ந்து பக்தர்களுக்கு அன்னதானம் வழங்கப்பட்டது. விழாவில் வேலாயுதம்பாளையத்தை சுற்றியுள்ள பகுதிகளில் இருந்து ஏராளமான பக்தர்கள் பங்கேற்றனர்.
 

]]>
http://www.dinamani.com/all-editions/edition-trichy/karur/2018/aug/17/முனியப்பசுவாமிக்கு-2008-பால்குட-அபிஷேகம்-2982115.html
2982114 திருச்சி கரூர் கட்டடப் பொருள் கண்காட்சி, விற்பனை தொடக்கம் DIN DIN Friday, August 17, 2018 08:05 AM +0530 கரூரில் கட்டடப் பொருட்கள் கண்காட்சி மற்றும் விற்பனை வியாழக்கிழமை தொடங்கியது.
கரூரில் மாவட்ட கட்டட பொறியாளர் சங்கம் சார்பில் கட்டடப் பொருட்கள் கண்காட்சி மற்றும் விற்பனை பிரேம் மகாலில் வியாழக்கிழமை தொடங்கியது. வரும் 19-ம் தேதி வரை 4 நாட்கள் நடைபெற உள்ள கண்காட்சியை மக்களவை துணைத் தலைவர் மு. தம்பிதுரை, அமைச்சர் எம்.ஆர். விஜயபாஸ்கர் ஆகியோர்  தொடக்கி வைத்தனர். விழாவில் சங்கத் தலைவர் வைரம் கருணாநிதி, செயலர் பாலசுப்ரமணியன், கண்காட்சி ஒருங்கிணைப்புத் தலைவர்கள் பாஸ்கர்பாபு, ரவிக்குமார் உள்பட சங்கத்தினர் திரளாகப் பங்கேற்றனர். கண்காட்சியில் மொத்தம்  170 அரங்குகள் அமைக்கப்பட்டுள்ளன. இதில் நவீன கட்டுமானப் பொருட்கள், கிரஷர் இயந்திரங்களுக்குரிய பாகங்கள், கதவுகள், டைல்ஸ்கள், மார்பிள்கள் என பலவகையான கட்டுமானப் பொருட்கள் வைக்கப்பட்டுள்ளன.

]]>
http://www.dinamani.com/all-editions/edition-trichy/karur/2018/aug/17/கட்டடப்-பொருள்-கண்காட்சி-விற்பனை-தொடக்கம்-2982114.html
2982113 திருச்சி கரூர் 5 கிராமங்களுக்குள் புகுந்தது வெள்ள நீர்: நீரில் மூழ்கிய 1,000 ஏக்கர் வாழை, கோரை DIN DIN Friday, August 17, 2018 08:04 AM +0530 காவிரியில் ஏற்பட்ட வெள்ளப் பெருக்கால் கரூர் மாவட்டத்தில்  தவிட்டுப்பாளையம், திருமுக்கூடலூர் உள்ளிட்ட  5 கிராமங்களில் தண்ணீர் புகுந்தது. இதனால் சுமார் 1,000 ஏக்கர் வாழை, கோரை பயிர் நீரில் மூழ்கியது. 
மேட்டூர் அணைக்கு வந்து கொண்டிருக்கும் 1.80 லட்சம் கன அடி நீர் அப்படியே காவிரியாற்றில் திறக்கப்படுகிறது.  இந்நிலையில் பவானிசாகர் அணையில் 50,000 கன அடி நீர் திறக்கப்பட்டு அந்த நீர் பவானி கூடுதுறையில் காவிரியாற்றுடன் கலந்து வருகிறது. இதனால் காவிரியில் மேட்டூர் அணைக்கு கீழே 2.30 லட்சம் கன அடி நீர் வருவதால் கரூர் மாவட்டத்தில் தாழ்வான பகுதியான தவுட்டுப்பாளையம், மேலமாயனூர் பகுதியில் வியாழக்கிழமை அதிகாலை 3 மணியளவில் வெள்ள நீர் ஊருக்குள் புகுந்தது.
மேலும் அமராவதியில் வரும் 11,000 கன அடி நீர் திருமுக்கூடலூரில் காவிரியுடன் கலக்கிறது. ஏற்கெனவே காவிரியில் 2.30 லட்சம் கன அடிநீர் செல்வதால் அமராவதி நீர் அந்த தண்ணீரை எதிர்கொள்ள முடியாமல் காவிரி நீரும், அமராவதி நீரும் சேர்ந்து திருமுக்கூடலூர், அரங்கநாதன் பேட்டை, சோமூர், மேலமாயனூர் உள்ளிட்ட கிராமங்களுக்குள் புகுந்தது. இதனால் அப்பகுதியில் உள்ள சுமார் 1,000 ஏக்கரில் பயிரிடப்பட்டிருக்கும் கோரை, வாழைகள், மரவள்ளிக்கிழங்குச் செடிகள்  மூழ்கின.
தவுட்டுப்பாளையம் பகுதியில் தண்ணீர் புகுந்த பகுதிகளையும், அங்கிருந்தோர் வெளியேற்றப்பட்டு அங்குள்ள பள்ளியில் தங்க வைக்கப்பட்டிருப்பதையும் மக்களவை துணைத் தலைவர் மு. தம்பிதுரை, அமைச்சர் எம்.ஆர். விஜயபாஸ்கர், மாவட்டக் கண்காணிப்பு அலுவலர் விஜயராஜ்குமார் ஆகியோர் மாவட்ட ஆட்சியர் த. அன்பழகன் தலைமையில் பார்வையிட்டனர்.  
பின்னர் மக்களவை துணைத் தலைவர் மு. தம்பிதுரை கூறியது:
மேட்டூர் அணையிலிருந்து வியாழக்கிழமை காலை 11 மணி நிலவரப்பட்டி திறக்கப்பட்ட உபரி நீர் 1,70,000 கனஅடி வந்து கொண்டிருப்பதால் தாழ்வான பகுதிகளான தவுட்டுப்பாளையம், மல்லம்பாளையம், திருமுக்கூடலூர் ஆகிய பகுதிகளில் தண்ணீர் புகுந்ததையடுத்து தொடர்ந்து மாவட்ட நிர்வாகம் மற்றும் வருவாய் துறையினர் அங்கு கண்காணித்து வருகின்றனர்.  
தவுட்டுப்பாளையம் தாழ்வான குடியிருப்புப் பகுதியில் வெள்ளநீர் புகுந்ததில் அப்பகுதியைச் சேர்ந்த 56 குடும்பங்களிலுள்ள 157 பேர் சமுதாயக்கூடம் மற்றும் ஊராட்சி ஒன்றிய தொடக்கப்பள்ளியில் தங்க வைக்கப்பட்டுள்ளனர்.  அவர்களுக்கு அத்தியாவசிய தேவைகளான உணவு, உடை, போர்வை உள்ளிட்டவை வழங்கப்பட்டுள்ளன.  மேலும், அப்பகுதியில் பொது மருத்துவ முகாம் தொடர்ந்து நடைபெறுகிறது.  
வெள்ள நீர் தொடர்பாக ஒலிபெருக்கியில் பொதுமக்களுக்கு எச்சரிக்கை செய்யப்படுகிறது.  விழிப்புணர்வு பதாகைகள் ஆற்றங்கரையோரப் பகுதிகளில் வைக்கப்பட்டுள்ளன.  வருவாய்த் துறை, ஊரக வளர்ச்சித் துறை, பொதுப்பணித்துறை, காவல் துறையினர் தொடர்ந்து தீவிர கண்காணிப்பு பணிகளில் ஈடுபட்டுள்ளனர்.  ஆற்றங்கரையோரப் பகுதிகளிலுள்ள மக்கள் பாதுகாப்பான பகுதிகளுக்கு செல்ல தொடர்ந்து அறிவுறுத்தப்படுகின்றனர் என்றார் அவர். 
முன்னதாக, கண்காணிப்பு அலுவலர் மற்றும் மாவட்ட ஆட்சியர் ஆகியோர் திருமுக்கூடலூர் மற்றும் மல்லம்பாளையம் ஆகிய தாழ்வான பகுதிகளை பார்வையிட்டு ஆய்வு செய்தனர்.
மாவட்ட வருவாய் அலுவலர் ச. சூர்யபிரகாஷ், ஊரக வளர்ச்சி முகமைத் திட்ட இயக்குநர் எஸ். கவிதா, வருவாய்க் கோட்டாட்சியர் கு. சரவணமூர்த்தி, வட்டார வளர்ச்சி அலுவலர்கள் பரமேஸ்வரன்,  செல்வி, வட்டாட்சியர் (மண்மங்கலம்) கற்பகம், கூட்டுறவுச் சங்க பிரதிநிதிகள் ஏ.ஆர். காளியப்பன், எஸ். திருவிகா, வை. நெடுஞ்செழியன், கமலக்கண்ணன், கிருஷ்ணன் உள்ளிட்டோர் உடனிருந்தனர்.

திமுக கோரிக்கை
தவிட்டுப்பாளையத்தில் மக்களவை துணைத் தலைவர், அமைச்சர் ஆகியோர் வெள்ள நீர் புகுந்த பகுதிகளை ஆய்வு செய்துகொண்டிருந்தபோது அங்கு வந்த திமுக மாவட்டச் செயலர் நன்னியூர் ராஜேந்திரன் மக்களவை துணைத் தலைவரிடம், காவிரியாற்றில் வெள்ள காலங்களில் நீர் வீணாக கடலில் சென்று கலப்பதை தடுக்கும் வகையில் ஆற்றில் தடுப்பணைகள் மற்றும் கதவணைகள் கட்ட உரிய நடவடிக்கை எடுக்குமாறு கேட்டுக்கொண்டார்.
 

]]>
http://www.dinamani.com/all-editions/edition-trichy/karur/2018/aug/17/5-கிராமங்களுக்குள்-புகுந்தது-வெள்ள-நீர்-நீரில்-மூழ்கிய-1000-ஏக்கர்-வாழை-கோரை-2982113.html
2981670 திருச்சி கரூர் காவிரி, அமராவதியில் வெள்ளப்பெருக்கு: ஆற்றங்கரையோரம் வசிப்பவர்களுக்கு வெள்ள அபாய எச்சரிக்கை DIN DIN Thursday, August 16, 2018 08:56 AM +0530 காவிரி, அமராவதி ஆறுகளில் வெள்ளப்பெருக்கு ஏற்பட்டுள்ளதால் கரூர் மாவட்டத்தில் ஆற்றங்கரையோரம் வசிக்கும் பொதுமக்கள் பாதுகாப்பான இடத்துக்கு செல்லுமாறு அறிவுறுத்தப்பட்டுள்ளனர். 
மேலும் 5 குடும்பங்கள் வெளியேற்றப்பட்டு சமுதாயக் கூடங்களில் தங்க வைக்கப்பட்டுள்ளனர். 
சேலம் மாவட்டம் மேட்டூர் அணை, திருப்பூர் மாவட்டம் உடுமலை அமராவதி அணை ஆகியவற்றில் இருந்து உபரிநீர் திறந்துவிடப்பட்டுள்ளது. இதனால், கரூர் மாவட்டத்தில் தவிட்டுப்பாளையம், மல்லம்பாளையம் உள்ளிட்ட ஆற்றங்கரையோரப் பகுதிகளில் ஆட்சியர் த. அன்பழகன் புதன்கிழமை நேரில் பார்வையிட்டு ஆய்வு செய்தார். பின்னர் அவர் செய்தியாளர்களிடம் தெரிவித்தது: 
மேட்டூர் அணையில் இருந்து விநாடிக்கு சுமார் 1.40 லட்சம் கன அடி அளவிலான நீர் திறக்கப்பட்டுள்ளது. அமராவதி அணையிலிருந்து சுமார் 15,000 கன அடி, பவானி சாகர் அணையிலிருந்து சுமார் 30,000 கன அடி என மொத்தம் சுமார் 2 லட்சம் கனஅடி ஒட்டுமொத்தமாக வெளியேற்றப்பட்டு கரூர் மாவட்டத்தை வந்தடையும் சூழல் உள்ளது. 
எனவே, வருவாய்த் துறையினர், ஊரக வளர்ச்சித் துறையினர், காவல் துறையினர் மற்றும் பொதுப்பணித் துறையினர் எந்தெந்த இடங்களில் பாதிப்பு ஏற்படலாம் என கணிக்கப்பட்ட இடங்களில் 24 மணிநேரமும் கண்காணிப்பு பணிகளில் ஈடுபட்டுவருகின்றனர். இந்நிலையில், ஆற்றங்கரையோரம் உள்ள தவிட்டுப்பாளையம், கட்டிப்பாளையம் பகுதியில் 5 குடும்பங்கள் வெளியேற்றப்பட்டு மண்டபத்தில் தங்க வைக்கப்பட்டுள்ளனர். 
அவர்களுக்குத் தேவையான உணவு, இருப்பிடம் உள்ளிட்ட அடிப்படை வசதிகள் செய்து கொடுக்கப்பட்டுள்ளன. தொடர்ந்து கரையோரப்பகுதி மக்களுக்கு விழிப்புணர்வு துண்டுப்பிரசுரங்கள் வழங்கப்பட்டும், தண்டோரா, ஒலிபெருக்கி மூலமும் விழிப்புணர்வு ஏற்படுத்தப்பட்டு வருகின்றது. எனவே, காவிரி மற்றும் அமராவதி ஆற்றங்கரையோரங்களில் வசிக்கும் பொதுமக்கள் மேடான பகுதிகளுக்குச் செல்ல அறிவுறுத்தப்படுகின்றார்கள். ஆற்றுப்பகுதிகளில் குளிக்கவோ, வேடிக்கை பார்க்கச் செல்லவோ, செல்பி  எடுக்கவோ கூடாது. மேலும், அவசரத் தகவல்கள் தெரிவிக்க 1077 என்ற கட்டணமில்லா தொலைபேசியை தொடர்புகொள்ளலாம் என்றார். 
ஆய்வின்போது மாவட்ட வருவாய் அலுவலர் ச.சூர்யபிரகாஷ், மாவட்ட ஊரக வளர்ச்சி முகமை திட்ட இயக்குநர் எஸ்.கவிதா, வருவாய் கோட்டாட்சியர் கு.சரவணமூர்த்தி, பொதுப்பணித் துறை உதவி பொறியாளர் ஸ்ரீதர் உள்ளிட்டோர் உடன் இருந்தனர்.
 

]]>
http://www.dinamani.com/all-editions/edition-trichy/karur/2018/aug/16/காவிரி-அமராவதியில்-வெள்ளப்பெருக்கு-ஆற்றங்கரையோரம்-வசிப்பவர்களுக்கு-வெள்ள-அபாய-எச்சரிக்கை-2981670.html
2981048 திருச்சி கரூர் மாவோயிஸ்ட்டுகள், வழக்குரைஞருக்கு செப்.7 வரை காவல் நீட்டிப்பு DIN DIN Wednesday, August 15, 2018 09:22 AM +0530 கரூர் நீதிமன்றத்தில் செவ்வாய்க்கிழமை ஆஜர்படுத்தப்பட்ட பெண் மாவோயிஸ்ட்டுகள் சந்திரா, கலா மற்றும் வழக்குரைஞர் முருகன் ஆகியோருக்கு வரும் செப். 7 வரை காவலை நீட்டித்து நீதிபதி உத்தரவிட்டார்.
கரூர் வெங்கமேட்டில் பதுங்கியிருந்த பெண் மாவோயிஸ்டுகள் கலா(50), சந்திரா(45) ஆகியோர் கடந்த 2016 ஜூன் 21 ஆம் தேதி கியூ பிராஞ்ச் போலீஸாரால் கைது செய்யப்பட்டனர். தொடர்ந்து இவர்களுக்கு உதவியதாக மதுரை மாவட்டம் ஆலங்குளம் அன்புநகரைச் சேர்ந்த வழக்குரைஞர் முருகன் என்பவரையும் கியூ பிராஞ்ச் போலீஸார் கடந்த 8.1.2017-இல் கைது செய்தனர். பின்னர் இவர்கள் திருச்சி மத்திய சிறையில் அடைக்கப்பட்டனர். இவர்கள் மூவரும் அவ்வப்போது நீதிமன்றத்தில் ஆஜர்படுத்தப்பட்டு காவல் நீட்டிப்பு செய்யப்படுவது வழக்கம். இந்நிலையில், மூவரையும் போலீஸார் செவ்வாய்க்கிழமை கரூர் மாவட்ட முதன்மை அமர்வு நீதிமன்ற நீதிபதி நம்பிராஜன் முன்னிலையில் ஆஜர்படுத்தினர். அவர்களுக்கு வரும் செப். 7 வரை காவல் நீட்டிப்பு செய்து நீதிபதி உத்தரவிட்டார். இதையடுத்து அவர்கள் மீண்டும் பலத்த போலீஸ் பாதுகாப்புடன் திருச்சி மத்திய சிறைக்கு கொண்டு செல்லப்பட்டனர்.
 

]]>
http://www.dinamani.com/all-editions/edition-trichy/karur/2018/aug/15/மாவோயிஸ்ட்டுகள்-வழக்குரைஞருக்கு-செப்7-வரை-காவல்-நீட்டிப்பு-2981048.html
2981056 திருச்சி கரூர் கரூரில் நாளை கட்டட பொருள்கள் கண்காட்சி தொடக்கம் DIN DIN Wednesday, August 15, 2018 09:21 AM +0530 கரூர் மாவட்ட கட்டட பொறியாளர்கள் சங்கம் சார்பில் கட்டடப் பொருள்கள் விற்பனை, கண்காட்சி வியாழக்கிழமை தொடங்கி 4 நாள்கள்(ஆக.16 முதல் 19 வரை) பிரேம் மகாலில் நடைபெற உள்ளது. 
கண்காட்சியில் பல்வேறு நவீன கட்டுமான நிறுவனங்கள் சார்பில் 170 அரங்குகள் அமைக்கப்பட உள்ளன. கண்காட்சியை மக்களவை துணைத்தலைவர் மு.தம்பிதுரை, போக்குவரத்து துறை அமைச்சர் எம்.ஆர். விஜயபாஸ்கர், கிருஷ்ணராயபுரம் எம்எல்ஏ கீதா மணிவண்ணன் ஆகியோர் தொடங்கி வைக்கின்றனர். மாவட்ட ஆட்சியர் த.அன்பழகன், மாவட்ட காவல்கண்காணிப்பாளர் டி.கே. ராஜசேகரன், மாவட்ட வருவாய் அலுவலர் ச.சூர்யபிரகாஷ், நகராட்சி ஆணையர் ப.அசோக்குமார், கட்டடப் பொறியாளர் சங்கத்தின் முன்னாள் மாநிலத் தலைவர் ஆர்.மோகன்ராஜ் உள்ளிட்டோர் பங்கேற்கின்றனர். கண்காட்சிக்கு அனுமதி இலவசம் என கரூர் மவட்ட கட்டட பொறியாளர் சங்கத்தலைவர் வைரம்கருணாநிதி, செயலாளர் பாலசுப்ரமணியன் ஆகியோர் தெரிவித்துள்ளனர்.
 

]]>
http://www.dinamani.com/all-editions/edition-trichy/karur/2018/aug/15/கரூரில்-நாளை-கட்டட-பொருள்கள்-கண்காட்சி-தொடக்கம்-2981056.html
2980930 திருச்சி கரூர் ரயில்நிலையத்தில் பாதுகாப்பு ஏற்பாடுகள் ஆய்வு DIN DIN Wednesday, August 15, 2018 08:34 AM +0530 சுதந்திர தினத்தை முன்னிட்டு கரூர் ரயில்நிலையத்தில் மேற்கொள்ளப்பட்டுள்ள பாதுகாப்பு ஏற்பாடுகளை மாவட்ட காவல் கண்காணிப்பாளர் டிகே. ராஜசேகரன் செவ்வாய்க்கிழமை பார்வையிட்டு ஆய்வு செய்தார்.
நாட்டின் 72 ஆவது சுதந்திர தினம் புதன்கிழமை நாடு முழுவதும் கோலாகலமாகக் கொண்டாடப்பட உள்ளது. இதையொட்டி நாடு முழுவதும் பாதுகாப்பு ஏற்பாடுகள் பலப்படுத்தப்பட்டுள்ளது. 
கரூர் மாவட்டத்தில் மக்கள் அதிகளவில் கூடும் இடங்களான கரூர் ரயில் நிலையம், பேருந்து நிலையம் உள்ளிட்ட பகுதிகளில் மாவட்ட காவல் கண்காணிப்பாளர் டிகே.ராஜசேகரன் உத்தரவின்பேரில் பலத்த போலீஸ் பாதுகாப்பு போடப்பட்டுள்ளது. இதனையொட்டி கரூர் ரயில் நிலையத்தில் மேற்கொள்ளப்பட்டுள்ள பாதுகாப்பு ஏற்பாடுகளை செவ்வாய்க்கிழமை மாவட்ட காவல் கண்காணிப்பாளர் டிகே.  ராஜசேகரன்ஆய்வு செய்தார். அப்போது மோப்ப நாய் சுல்தான் வரவழைக்கப்பட்டு ரயில்நிலையங்களில் உள்ள பார்சல் அறை, 1,2,3,4 ஆவது நடைமேடைகள், பசுபதிபாளையம் ரயில்வே பாலம் உள்ளிட்ட இடங்களில் தண்டவாளங்கள் ஆகியவற்றில் சோதனை செய்யப்பட்டது. 
மேலும் ரயில்பயணிகளின் உடைமைகளையும் மோப்பநாய் சுல்தான் உதவியுடன் சோதனை செய்யப்பட்டது. மேலும், கண்காணிப்பு கேமராக்கள் மூலம் சந்தேகத்திற்குரிய நபர்கள் நடமாட்டம் உள்ளதா என கண்டறியுமாறு போலீஸாருக்கு அறிவுறுத்தப்பட்டது. தொடர்ந்து கரூர் பேருந்து நிலையத்திலும் ஆய்வு மேற்கொண்டார். ஆய்வின்போது, நகர துணை காவல் கண்காணிப்பாளர் கும்மராஜா, நகர காவல் ஆய்வாளர் பிருத்விராஜ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/karur/2018/aug/15/ரயில்நிலையத்தில்-பாதுகாப்பு-ஏற்பாடுகள்-ஆய்வு-2980930.html
2980929 திருச்சி கரூர் ஆக்கிரமிப்பு கோயில் நிலங்களை மீட்டு மீண்டும் கரூரை பஞ்சலிங்கத் தலமாக்க நடவடிக்கை DIN DIN Wednesday, August 15, 2018 08:34 AM +0530 ஆக்கிரமிப்பில் உள்ள கோயில் நிலங்கள் மீட்கப்பட்டு மீண்டும் கரூரை பஞ்சலிங்கத் தலமாக மாற்ற நடவடிக்கை எடுக்கப்படும் என்றார் அனைத்து சிவனடியார் கூட்டமைப்பின் மாநிலச் செயலர் சரவணன்.
கரூர் மாவட்டத்தில் திருக்கோயில்களுக்குச் சொந்தமான சுமார் 3,000 ஏக்கர் நிலங்கள் ஆக்கிரமிக்கப்பட்டுள்ளன. இந்த நிலங்களை அனைத்து சிவனடியார் கூட்டமைப்பினர் மற்றும் திருத்தொண்டர் சபையினர் வருவாய்த் துறையின் உதவியுடன் நீதிமன்றத்தில் வழக்கு தொடர்ந்து மீட்டு வருகின்றனர். 
இதில் கரூர் ஜவஹர் பஜாரில் கடந்த 7.8.2013-இல் ஆய்வு செய்த இந்த கூட்டமைப்பினர் அங்குள்ள மர அறுவை மில் அருகே கரூர் பசுபதீஸ்வரர் ஆலயத்துக்குச் சொந்தமான சுமார் ரூ.4 கோடி மதிப்பிலான 1.67 ஏக்கரில் கரியமாலீஸ்வரர் ஆலயம் இருந்த இடம் ஆக்கிரமிக்கப்பட்டிருப்பதைக் கண்டறிந்து நீதிமன்றத்தில் வழக்கு தொடர்ந்தனர். இந்த வழக்கில் கடந்த 7.12.2016-ல் கோயிலுக்குச் சொந்தமான நிலத்தை கோயிலுக்கு ஒப்படைக்கக் கோரி தீர்ப்பு வந்ததையடுத்து அந்த இடத்தில் கடந்த 3 ஆம் தேதி திருத்தொண்டர் சபை நிறுவனர் ராதாகிருஷ்ணன், ஆக்கிரமித்தவர்களிடம் உடனே காலி செய்யுமாறு நோட்டீஸ் வழங்கினார். மேலும் அந்த இடம் பூட்டபட்டு, யாரும் இனி இடத்திற்குள் அத்துமீறி பிரவேசிக்கக்கூடாது என நோட்டீசும் ஒட்டினார்.
இதையடுத்து செவ்வாய்க்கிழமை மீட்கப்பட்ட இடத்தை செவ்வாய்க்கிழமை அனைத்து சிவனடியார்கள் கூட்டமைப்பின் மாநிலச் செயலர் சரவணன் பார்வையிட்டு ஆய்வு செய்த பின்னர் செய்தியாளர்களிடம் கூறியது: கரூர் பஞ்சலிக்கத்தலமாக இருந்துள்ளது. 
அதாவது ஆநிலையப்பர் எனும் பசுபதீஸ்வரர், கோடீஸ்வரர், வஞ்சுமாலீஸ்வரர், நாகேஸ்வரர், கரியமாலீஸ்வரர் என பஞ்சலிங்கத்தலமாக இருந்ததில் ஆநிலையப்பர், கோடீஸ்வரர், வஞ்சுமாலீஸ்வரர் ஆலயம் மட்டும் தற்போது உள்ளது. 
ஜவஹர்பஜாரில் இருந்த கரியமாலீஸ்வரர் ஆலயம் முற்றிலும் இடிக்கப்பட்டு கோயில் சிலை மட்டும் பசுபதீஸ்வரர் கோயிலில் உள்ளது. 
ஆனால் கோயில் முற்றிலும் ஆக்கிரமிக்கப்பட்டிருந்ததை மீட்டு விட்டோம். இனி நாகேஸ்வரர் ஆலயம் எங்கிருக்கிறது, யாருடைய ஆக்கிரமிப்பில் இருக்கிறது என்பதைக் கண்டறிந்து அதையும் மீட்டு மீண்டும் பழைய காலத்தில் இருந்தவாறே கரூரை பஞ்சலிங்கத்தலமாக மாற்றுவோம் என்றார்.
ஆய்வின்போது பசுபதீஸ்வரர் கோயில் செயல் அலுவலர் ராஜாராம், தனி ஆய்வாளர் ராதாகிருஷ்ணன் ஆகியோர் உடனிருந்தனர்.

]]>
http://www.dinamani.com/all-editions/edition-trichy/karur/2018/aug/15/ஆக்கிரமிப்பு-கோயில்-நிலங்களை-மீட்டு-மீண்டும்-கரூரை-பஞ்சலிங்கத்-தலமாக்க-நடவடிக்கை-2980929.html
2980928 திருச்சி கரூர் நாளை ஜெகதாபியில் மக்கள் தொடர்பு திட்ட முகாம் DIN DIN Wednesday, August 15, 2018 08:34 AM +0530 ஜெகதாபியில் வியாழக்கிழமை (ஆக.16) மக்கள் தொடர்பு திட்ட முகாம் நடைபெறவுள்ளது என மாவட்ட வருவாய் அலுவலர் ச.சூர்யபிரகாஷ் தெரிவித்துள்ளார்.
இதுதொடர்பாக அவர் வெளியிட்டுள்ள செய்திக்குறிப்பு: 
கரூர் மாவட்டம் வெள்ளியணை குறுவட்டத்திற்குள்பட்ட  ஜெகதாபி கிராமம், மாரியம்மன் கோயில் திடல் அருகே வியாழக்கிழமை மக்கள் தொடர்பு திட்ட முகாம் நடைபெற உள்ளது. காலை சுமார் 11 மணியளவில்  நடைபெறும் இந்த முகாமிற்கு மாவட்ட வருவாய் அலுவலர் தலைமை வகிக்கிறார்.  மேலும் முகாமில், பல்வேறு அரசுத் துறையைச் சேர்ந்த அலுவலர்கள் கலந்து கொண்டு அவர்களது துறை சார்பான நலத்திட்ட உதவிகள் பற்றி பொதுமக்களுக்கு எடுத்துரைக்க உள்ளனர்.  மேலும் மருத்துவ முகாம், அரசுத்துறை சார்பாக கண்காட்சி ஆகியவை நடைபெற உள்ளன. எனவே, ஜெகதாபி கிராமத்தைச் சேர்ந்த பொதுமக்கள் அனைவரும் முகாமில் பங்கேற்று பயன்பெறுமாறு கேட்டுக்கொள்ளப்படுகிறது எனத் தெரிவித்துள்ளார்.
 

]]>
http://www.dinamani.com/all-editions/edition-trichy/karur/2018/aug/15/நாளை-ஜெகதாபியில்-மக்கள்-தொடர்பு-திட்ட-முகாம்-2980928.html
2980927 திருச்சி கரூர் ஆக.17 -இல் மாதாந்திர விளையாட்டுப் போட்டிகள் DIN DIN Wednesday, August 15, 2018 08:34 AM +0530 தமிழ்நாடு விளையாட்டு மேம்பாட்டு ஆணையத்தின் கரூர் மாவட்டப் பிரிவின் சார்பில் ஆகஸ்ட் மாதத்திற்கான மாவட்ட விளையாட்டுப் போட்டிகள் ஒத்திவைக்கப்பட்டு வரும் 17 ஆம் தேதி நடைபெற உள்ளது. 
இதில் பள்ளி, கல்லூரி, தனியார் நிறுவனங்களில்  பயிலும், பணிபுரியும் விளையாட்டு வீரர், வீராங்கனைகள் பங்கேற்கலாம். போட்டியில் ஆண்கள், பெண்கள் கலந்து கொள்ளலாம். போட்டியில் கலந்து கொள்பவர்களுக்கு  வயது வரம்பு கிடையாது. போட்டியில் பங்கேற்போர் வெள்ளிக்கிழமை காலை 8.30 மணிக்கு முன்னதாக மாவட்ட  விளையாட்டரங்கிற்குள் தயாராக இருக்க வேண்டும். மேலும் விவரங்களுக்கு, 94447 53260 என்ற எண்ணில் தொடர்பு கொள்ளலாம் என மாவட்ட விளையாட்டு அலுவலர் சாந்தி தெரிவித்துள்ளார்.

]]>
http://www.dinamani.com/all-editions/edition-trichy/karur/2018/aug/15/ஆக17--இல்-மாதாந்திர-விளையாட்டுப்-போட்டிகள்-2980927.html
2980926 திருச்சி கரூர் வாகனங்களில் இருந்து அதிக சப்தம் எழுப்பும் காற்று ஒலிப்பான்கள் பறிமுதல் DIN DIN Wednesday, August 15, 2018 08:33 AM +0530 கரூர் நகரில் பேருந்துகளில் அதிக சப்தம் எழுப்பும் 55 காற்று ஒலிப்பான்களை வட்டார போக்குவரத்து அலுவலர் தலைமையிலான குழுவினர் செவ்வாய்க்கிழமை பறிமுதல் செய்தனர்.  
85 டெசிபலுக்கு மேல் ஒலியின் அளவு இருந்தால் மனிதர்களின் செவித்திறன் பாதிக்கப்படும் என்பதால் கனரக வாகனங்களில் 85 டெசிபலுக்கு மேல் அதிக ஒலி எழுப்பக்கூடிய காற்று ஒலிப்பான்களை பயன்படுத்த மத்திய மோட்டார் வாகன விதிப்படி தடை விதிக்கப்பட்டுள்ளது. 
கரூரில் மினி பேருந்துகள் மற்றும் தனியார் பேருந்துகளில் அதிக சப்தம் எழுப்பக்கூடிய காற்று ஒலிப்பான்களை பயன்படுத்துவதாக கரூர் வட்டார போக்குவரத்து அலுவலருக்கு அடிக்கடி புகார்கள் வந்தன.
இதையடுத்து செவ்வாய்க்கிழமை வட்டார போக்குவரத்து அலுவலர் சுப்ரமணியன் தலைமையில் வட்டார போக்குவரத்து ஆய்வாளர்கள் ஆனந்த், மீனாட்சி, தனசேகரன் உள்ளிட்ட குழுவினர் கரூர் பேருந்துநிலையத்தில் திடீர் ஆய்வு மேற்கொண்டனர். அப்போது அதிக சப்தம் எழுப்பக்கூடிய காற்று ஒலிப்பான்களுடன் வந்த 25 மினி பேருந்துகள், 30 தனியார் பேருந்துகளில் பொருத்தப்பட்டிருந்த காற்று ஒலிப்பான்கள் பறிமுதல் செய்யப்பட்டன.
இதுதொடர்பாக வட்டார போக்குவரத்து அலுவலர் சுப்ரமணியன் கூறுகையில், ஆய்வின்போது தடை விதிக்கப்பட்ட 55 காற்று ஒலிப்பான்களைப் பறிமுதல் செய்துள்ளோம். மாவட்ட சுற்றுச்சூழல் பொறியாளர்அலுவலகத்தில் உள்ள கருவி மூலம் இவை ஆய்வுக்குள்படுத்தப்படும்.  ஆய்வு அறிக்கையின்படி வாகனங்களின் உரிமையாளர்களுக்கு அபராத நடவடிக்கை மேற்கொள்ளப்படும். 
மேலும் டிஸ்கோ லைட் எனும் அலங்கார விளக்குகள் 6 பேருந்துகளில் பறிமுதல் செய்யப்பட்டுள்ளது. இந்த சோதனை நடவடிக்கை தொடர்ந்து நடைபெறும் என்றார்.

]]>
http://www.dinamani.com/all-editions/edition-trichy/karur/2018/aug/15/வாகனங்களில்-இருந்து-அதிக-சப்தம்-எழுப்பும்-காற்று-ஒலிப்பான்கள்-பறிமுதல்-2980926.html
2980925 திருச்சி கரூர் மின்சாரம் தாக்கி தொழிலாளி சாவு: உறவினர்கள் மறியல் DIN DIN Wednesday, August 15, 2018 08:33 AM +0530 பேருந்துக்கு கூண்டு கட்டும் நிறுவனத்தில் செவ்வாய்க்கிழமை  மின்சாரம் தாக்கி தொழிலாளி இறந்தார். இதனிடையே அவரது உடலை வாங்க மறுத்து அவரது உறவினர்கள், கரூர் - பழைய சேலம் புறவழிச்சாலையில், மறியல் போராட்டத்தில் ஈடுபட்டதால் பரபரப்பு ஏற்பட்டது. 
கரூர் மாவட்டம் பஞ்சப்பட்டியைச் சேர்ந்த சுப்ரமணி மகன் பாரதி(21). இவர் கரூரில் கோவை சாலையில் உள்ள தனியார் பேருந்துக்கு கூண்டு கட்டும் நிறுவனத்தில் எலக்ட்ரீசியனாகப் பணியாற்றி வந்தார். 
இந்நிலையில் செவ்வாய்க்கிழமை வழக்கம்போல பேருந்தில் எலக்ட்ரிக் வேலை பார்த்தபோது திடீரென மின்சாரம் தாக்கியதில் படுகாயமடைந்த அவரை சக ஊழியர்கள் மீட்டு கரூரில் உள்ள தனியார் மருத்துவமனையில் அனுமதித்தனர். பின்னர் மேல்சிகிச்சைக்காக கரூர் அரசு மருத்துவமனைக்கு கொண்டு செல்லும் வழியில் அவர் உயிரிழந்தார்.  
இதையடுத்து அவரது உடல் பிரேதப் பரிசோதனைக்கு கரூர் அரசு மருத்துவமனையில் வைக்கப்பட்டிருந்தது. இதனிடையே இறந்துபோன பாரதியை பேருந்துக்கு கூண்டு கட்டும் நிர்வாகத்தினர் வந்து பார்க்காதாததாலும், இழப்பீடு வழங்கக்கோரியும் திடீரென பாரதியின் உறவினர்கள் மருத்துவமனை முன்பு உள்ள கரூர்-பழைய சேலம் பைபாஸ் சாலையில் அமர்ந்து மறியல் போராட்டத்தில் ஈடுபட்டனர். 
தகவலறிந்த கரூர் நகர துணை காவல் கண்காணிப்பாளர் கும்மராஜா, நகர காவல் ஆய்வாளர் பிருத்விராஜ் மற்றும் போலீஸார் சம்பவ இடத்திற்குச் சென்று போராட்டத்தில் ஈடுபட்டவர்களுடன் பேச்சுவார்த்தை நடத்தினர். பின்னர் பேருந்துக்கு கூண்டு கட்டும் நிறுவனத்திடம் இருந்து இழப்பீடு வாங்கித்தருகிறோம் என உறுதியளித்ததையடுத்து அவர்கள் மறியலைக் கைவிட்டு கலைந்து சென்றனர். இதனால் சுமார் அரை மணிநேரம் போக்குவரத்து பாதிக்கப்பட்டது.
 

]]>
http://www.dinamani.com/all-editions/edition-trichy/karur/2018/aug/15/மின்சாரம்-தாக்கி-தொழிலாளி-சாவு-உறவினர்கள்-மறியல்-2980925.html
2980924 திருச்சி கரூர் ஆக.18 இல் மாவட்ட கைப்பந்து போட்டி DIN DIN Wednesday, August 15, 2018 08:33 AM +0530 கரூர் மாவட்ட கைப்பந்து சங்கம் சார்பில் வரும் சனிக்கிழமை நடைபெறும் மாவட்ட போட்டியில் பங்கேற்க வீரர்களுக்கு அழைப்பு விடுக்கப்பட்டுள்ளது. 
கரூர் மாவட்ட கைப்பந்து சங்கம் மற்றும் கரூர் பரணி பார்க் கல்விக்குழுமம் சார்பில் நடத்தப்படும் மாவட்ட அளவிலான போட்டி சனிக்கிழமை (ஆக. 18) பரணிபார்க் பள்ளி மைதானத்தில் காலை 8 மணிக்கு நடைபெறுகிறது. போட்டியில் பங்கேற்கும் பள்ளிகள், கல்லூரிகள் மற்றும் கைப்பந்து வீரர்கள் ஆக. 17 ஆம் தேதி மாலை 5 மணிக்குள் 97509 91014 என்ற எண்ணில் தொடர்பு கொண்டு பதிவு செய்து கொள்ள வேண்டும். 
இப்போட்டியில் சிறப்பாக விளையாடும் வீரர்கள் வரும் 25, 26 ஆம் தேதிகளில் திண்டுக்கல் ஜிடிஎன் கலை மற்றும் அறிவியல் கல்லூரியில் நடைபெறும் மாநில சீனியர் கைப்பந்து சாம்பியன்ஷிப் போட்டியில் பங்கேற்கத் தகுதி பெறுவர் என மாவட்ட ஹேண்ட் பால் சங்கத்  தலைவர் எஸ்.மோகனரெங்கன், சங்க துணைத் தலைவர் சொ. ராமசுப்ரமணியன், பொதுச்செயலாளர் எம்.சுரேஷ் ஆகியோர் தெரிவித்துள்ளனர்.
 

]]>
http://www.dinamani.com/all-editions/edition-trichy/karur/2018/aug/15/ஆக18-இல்-மாவட்ட-கைப்பந்து-போட்டி-2980924.html
2980923 திருச்சி கரூர் கடவூர் ஒன்றியத்தில் வளர்ச்சிப் பணிகள் ஆய்வு DIN DIN Wednesday, August 15, 2018 08:32 AM +0530 கரூர் மாவட்டம், கடவூர் ஊராட்சி ஒன்றியத்திற்குட்பட்ட பகுதிகளில் நடைபெற்று வரும் வளர்ச்சித் திட்டப்பணிகளை மாவட்ட ஆட்சியர் த.அன்பழகன் செவ்வாய்க்கிழமை பார்வையிட்டு ஆய்வு செய்தார்.
கரூர் மாவட்டம், கடவூர் ஊராட்சி ஒன்றியத்தில்,  வரவணை, ஒடுகம்பட்டி, தென்னிலை, நன்னிப்பாறை, காணியாளம்பட்டி, சுக்காம்பட்டி, புங்கம்பாடி உள்ளிட்ட பகுதிகளில் நடைபெற்று வரும் பல்வேறு வளர்ச்சிப் பணிகளை மாவட்ட ஆட்சியர் த.அன்பழகன் செவ்வாய்க்கிழமை பார்வையிட்டு ஆய்வு செய்தார்.
ஒடுகாம்பட்டி பகுதியில் மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் மரக்கன்றுகள் நடும் திட்டத்தின் மூலம் 190 வேப்பங்கன்றுகள், 170 புளியங்கன்றுகள் என மொத்தம் 360 மரக்கன்றுகள் ரூ.10 லட்சம் மதிப்பில் நடப்பட்டு பாதுகாப்பாக வளர்க்கப்பட்டு வருவதையும்,  நன்னிப்பாறை - காணியாளம்பட்டி பகுதிகளில் ரூ.6 லட்சம் மதிப்பில் ஆழ்துளை கிணறு அமைக்கும் பணி ஆகியவற்றைப் பார்வையிட்டார். 
சுக்காம்பட்டியில் ரூ.0.88 லட்சம் மதிப்பில் தடுப்பணை கட்டும் பணி, புங்கம்பாடியில் ரூ.94.12 லட்சம் மதிப்பில் தடுப்பணை கட்டும் பணிஆகிய பணிகளைப் பார்வையிட்ட அவர் விரைவில் பணிகளை முடித்து பொதுமக்கள் பயன்பாட்டுக்கு கொண்டு வர வேண்டும் என பொறியாளர்களுக்கு உத்தரவிட்டார். 
தொடர்ந்து பிரதம மந்திரி கிராம சாலைகள் மேம்பாட்டுத்திட்டத்தின் கீழ் மாமரத்துப்பட்டி முதல் கீரனூர் வரை ரூ.2.25 கோடி மதிப்பில்  நடைபெற்று வரும் சாலைப் பணியைப் பார்வையிட்டு பணிகளை உரிய காலத்திற்குள் தரத்துடன் முடித்து மக்கள் பயன்பாட்டிற்கு கொண்டுவர வேண்டும் என்று அதிகாரிகளுக்கு அறிவுறுத்தினார். 
பின்னர், அங்குள்ள அங்கன்வாடியில் சமைக்கப்பட்டிருந்த சத்துணவினை சாப்பிட்டுப்பார்த்து உணவின் தரம் குறித்து ஆய்வுசெய்தார்.  சுக்காம்பட்டி பகுதியில் துப்பாக்கிச் சுடும் பயிற்சி மையத்தில் கழிவறையுடன் கூடிய அலுவலக கட்டடம் கட்டுவதற்கான இடத்தினையும்  ஆய்வு மேற்கொண்டார்.
 ஆய்வின்போது, ஊரக வளர்ச்சி முகமை திட்ட இயக்குநர் எஸ்.கவிதா, செயற்பொறியாளர் எஸ்.சடையப்பன்,  வட்டார வளர்ச்சி அலுவலர் மனோகரன், பொறியாளர்கள் தேவராஜன், கந்தசாமி, வட்டாட்சியர் (கடவூர்)புகழேந்தி,    உட்பட பலர் உடனிருந்தனர்.

]]>
http://www.dinamani.com/all-editions/edition-trichy/karur/2018/aug/15/கடவூர்-ஒன்றியத்தில்-வளர்ச்சிப்-பணிகள்-ஆய்வு-2980923.html
2980206 திருச்சி கரூர் கரூர் அருகே சூதாடிய 4 பேர் கைது DIN DIN Tuesday, August 14, 2018 08:06 AM +0530 கரூர் மாவட்டம் சிந்தலவாடியில் பணம் வைத்து சூதாடிய 4 பேரை போலீஸார் கைது செய்தனர்.
சிந்தலவாடியில் சிலர் ஞாயிற்றுக்கிழமை இரவு பணம் வைத்து சூதாடுவதாக லாலாப்பேட்டை போலீஸாருக்கு தகவல் கிடைத்தது. இதையடுத்து போலீஸார் சம்பவ இடத்திற்குச் சென்ற சோதனையிட்டபோது அங்கு பணம் வைத்து சூதாடிய அதே பகுதியைச் சேர்ந்த செல்வராஜ்(53), லோகேஸ்வரன்(30) உள்பட 4 பேரை கைது செய்தனர். மேலும் அவர்களிடம் இருந்து சூதாட்டப் பணம் ரூ.1000 பறிமுதல் செய்தனர்.

]]>
http://www.dinamani.com/all-editions/edition-trichy/karur/2018/aug/14/கரூர்-அருகே-சூதாடிய-4-பேர்-கைது-2980206.html
2980205 திருச்சி கரூர் மாட்டுவண்டி - தனியார் பேருந்து மோதல்: தொழிலாளி, இரு மாடுகள் சாவு DIN DIN Tuesday, August 14, 2018 08:05 AM +0530 கரூர் மாவட்டம் குளித்தலை அருகே மாட்டுவண்டி மீது தனியார் பேருந்து மோதியதில் மாட்டு வண்டித்தொழிலாளி  இறந்தார். மேலும் இரு மாடுகளும் இறந்தன.
குளித்தலை அடுத்த பரளியைச் சேர்ந்தவர் ஆறுமுகம் (52). மாட்டு வண்டித் தொழிலாளி. இவர், ஞாயிற்றுக்கிழமை இரவு தனது மாட்டு வண்டியில் கரூர் - திருச்சி தேசிய நெடுஞ்சாலையில் தண்ணீர்பள்ளி என்ற இடத்தில் வந்தபோது பின்னால் வந்த தனியார் பேருந்து மாட்டு வண்டி மீது மோதியது. இதில், சம்பவ இடத்திலேயே ஆறுமுகம் இறந்தார். மேலும், இரு மாடுகளும் இறந்தன. 
இந்த விபத்தில் பேருந்தில் பயணம் செய்த புலியூரைச்சேர்ந்த சிவகுமார்(24) உள்பட 5 பேர் காயமடைந்தனர். அவர்கள் குளித்தலை அரசு மருத்துவமனையில் அனுமதிக்கப்பட்டனர்.இதுகுறித்து குளித்தலை போலீஸார் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/aug/14/மாட்டுவண்டி---தனியார்-பேருந்து-மோதல்-தொழிலாளி-இரு-மாடுகள்-சாவு-2980205.html
2980204 திருச்சி கரூர் மதுக் கடைகளுக்கு நாளை விடுமுறை DIN DIN Tuesday, August 14, 2018 08:05 AM +0530 கரூர் மாவட்டத்தில் புதன்கிழமை (ஆக. 15) சுதந்திர தினத்தை முன்னிட்டு அனைத்து அரசு மதுபான சில்லறை விற்பனை கடைகள் மற்றும் அதனுடன் இணைந்த மதுக்கூடங்களில் மதுபானம் மற்றும் பீர் வகைகள் விற்பனை முடக்கம் செய்யப்படுகிறது. 
  விதிமுறைகளை மீறி விற்பனை செய்பவர்கள் மீது தமிழ்நாடு அரசு மதுபான சில்லறை விற்பனை கடைகள் மற்றும் மதுக்கூடங்கள் விதிகள் 2003-ன் படி நடவடிக்கை எடுக்கப்படும் என மாவட்ட ஆட்சியர் வெளியிட்ட செய்திக்குறிப்பில் தெரிவித்துள்ளார்.   

]]>
http://www.dinamani.com/all-editions/edition-trichy/karur/2018/aug/14/மதுக்-கடைகளுக்கு-நாளை-விடுமுறை-2980204.html
2980203 திருச்சி கரூர் கரூரில் கஞ்சா வைத்திருந்தவர் கைது DIN DIN Tuesday, August 14, 2018 08:05 AM +0530 கரூரில் விற்பனைக்காக அரைகிலோ கஞ்சா வைத்திருந்தவரை போலீஸார் கைது செய்தனர்.
கரூர் என்எஸ்கே நகரில் ஒருவர் கஞ்சா பதுக்கி வைத்து விற்பதாக வெங்கமேடு போலீஸாருக்கு ஞாயிற்றுக்கிழமை இரவு தகவல் கிடைத்தது. 
இதையடுத்து போலீஸார் சம்பவ இடத்திற்குச் சென்று அங்கு அரை கிலோ கஞ்சா பதுக்கி வைத்திருந்த கந்தசாமி(37) என்பவரைக் கைது செய்தனர்.

]]>
http://www.dinamani.com/all-editions/edition-trichy/karur/2018/aug/14/கரூரில்-கஞ்சா-வைத்திருந்தவர்-கைது-2980203.html
2980202 திருச்சி கரூர் குறுவட்ட போட்டி: சேரன் பள்ளி சிறப்பிடம் DIN DIN Tuesday, August 14, 2018 08:05 AM +0530 குறுவட்ட போட்டிகளில் வெண்ணைமலை சேரன் மெட்ரிக். பள்ளி மாணவர்கள் சிறப்பிடம் பிடித்துள்ளனர்.
கரூர் குறுவட்ட அளவிலான போட்டிகள் கரூரில் அண்மையில் நடைபெற்றது. இதில், 19 வயதுக்குட்பட்டோருக்கான கால்பந்து போட்டியில் வெண்ணைமலை சேரன் பள்ளி மாணவர்கள் முதலிடமும், மேசைப்பந்து போட்டியில் 19 வயதுக்குட்பட்டோர் மாணவிகள் பிரிவில் முதலிடமும் பிடித்துள்ளனர். மேலும், 14 வயதுக்குட்பட்ட மாணவர்கள் மற்றும் மாணவிகள் பிரிவில் இறகுப்பந்து போட்டியில் முதலிடமும் பிடித்துள்ளனர்.
கோகோ போட்டியில் 17, 19 வயதுக்குட்பட்டோர் பிரிவில் 2 ஆம் இடம் பிடித்துள்ளனர்.  வெற்றிபெற்ற மாணவ, மாணவிகளையும், பயிற்சியளித்த ஆசிரிய, ஆசிரியைகளையும் சேரன் பள்ளிகளின் தலைவர் பிஎம். கருப்பண்ணன், தாளாளர் பிஎம்கே.பாண்டியன், நிர்வாகி பிஎம்கே.பெரியசாமி, ஆலோசகர் பி.செல்வதுரை, முதல்வர் வி.பழனியப்பன் மற்றும் ஆசிரிய, ஆசிரியைகள் ஆகியோர் பாராட்டினர்.

]]>
http://www.dinamani.com/all-editions/edition-trichy/karur/2018/aug/14/குறுவட்ட-போட்டி-சேரன்-பள்ளி-சிறப்பிடம்-2980202.html
2980201 திருச்சி கரூர் காவிரி உபரி நீரை குளம், ஏரிகளில் நிரப்பக்கோரி ஆட்சியரிடம் மனு DIN DIN Tuesday, August 14, 2018 08:04 AM +0530 காவிரியில் வரும் உபரி நீரை குளம், ஏரிகளில் நிரப்ப நடவடிக்கை எடுக்க வேண்டும் என மாவட்ட ஆட்சியரிடம் திங்கள்கிழமை விவசாயிகள் புகார் மனு அளித்தனர்.  
கடவூர் வட்டம் வடவம்பாடி ஊராட்சி பொதுமக்கள் ஆட்சியரிடம் அளித்த மனுவில் தெரிவித்திருப்பதாவது: 
நிகழாண்டில் மேட்டூர் அணை இருமுறை நிரம்பியுள்ளது. அணை உபரிநீர் கொள்ளிடம் வழியாக கடலுக்குச் சென்று கலக்கிறது. இந்த நீரை கடவூர் பகுதியில் உள்ள ஏரி, குளங்கள், பஞ்சப்பட்டி ஏரி ஆகியவற்றுக்கு கொண்டு சென்று நிரப்ப நடவடிக்கை எடுக்க வேண்டும். மாயனூர் காவிரி ஆற்றில் இருந்து திண்டுக்கல் மாவட்டம் நத்தம் பகுதிக்கு ராட்சத குழாய் பதிக்கப்பட்டு பணிகள் முழுமையடையாத நிலையில், கடவூர் பகுதி வரை சோதனை முறையில் நீர் ஏற்றப்படுகிறது. நத்தம் பகுதிக்கு தண்ணீர்  செல்லாத நிலை உள்ளதால் தற்போது காவிரியின் உபரிநீரை அந்த குழாய் வழியே கடவூர், பஞ்சப்பட்டி ஏரிக்கு கொண்டு சென்று நிரப்ப வேண்டும் எனத் தெரிவித்துள்ளனர். 
கரூர் மாவட்ட பாமகவினர் அளித்துள்ள மனுவில், காவிரி ஆற்றில் ஒரு லட்சம் கன அடிக்கும் மேல் தண்ணீர் சென்றும் மாவட்டத்தில் பல்வேறு இடங்களில் பாசன வாய்க்கால்களில் தண்ணீர் வராத அவல நிலை உள்ளது. காவிரியில் தொடர்ந்து மணல் அள்ளியதால் ஆறு பள்ளமாகி நெரூர், ராஜவாய்க்கால்களில் தண்ணீர் ஏறிச்செல்ல முடியாத நிலை ஏற்பட்டுள்ளது. ஆண்டுதோறும் பொது பணித்துறை மூலம் ஒப்பந்தம்  விடப்பட்டு மண் தடுப்பணை அமைக்கப்பட்டு தண்ணீர் வாய்க்காலில் செல்ல வழிவகை செய்யப்பட்டு வந்தது. ஆனால் நிகழாண்டில் எந்த ஒருநடவடிக்கையும் எடுக்காததால் வாய்க்கால்களுக்கு தண்ணீர் செல்லவில்லை எனத் தெரிவித்துள்ளனர்.
கிருஷ்ணராயபுரம் அடுத்த சாலப்பட்டி, பூஞ்சோலைபுதூர், நத்தமேடு, மேட்டாங்கினம் ஆகிய பகுதிகளைச் சேர்ந்த பொதுமக்கள் அளித்த மனுவில், மணவாசி கோரகுத்தி பகுதியில் உள்ள வெள்ளரிக்காய் பதப்படுத்தும் தொழிற்சாலையில் இருந்து வெளியேறும் கழிவுப் பொருள்களால் விவசாய நிலங்கள் மாசடைந்தன. இதனைத் தொடர்ந்து, மாசு கட்டுப்பாட்டு வாரியம் ஆலை மின் இணைப்பை துண்டித்தது. ஆனால் ஆலை இதுவரை மூடப்படவில்லை. எனவே ஆலையை நிரந்தரமாக மூட நடவடிக்கை எடுக்க வேண்டும் என தெரிவித்துள்ளனர்.

]]>
http://www.dinamani.com/all-editions/edition-trichy/karur/2018/aug/14/காவிரி-உபரி-நீரை-குளம்-ஏரிகளில்-நிரப்பக்கோரி-ஆட்சியரிடம்-மனு-2980201.html
2980200 திருச்சி கரூர் 157 ஊராட்சிகளில்  நாளை கிராமசபை கூட்டம்: ஆட்சியர் DIN DIN Tuesday, August 14, 2018 08:04 AM +0530 சுதந்திர தினத்தன்று (ஆக.15) கரூர் மாவட்டத்தில் உள்ள 157 கிராம ஊராட்சிகளிலும் கிராம சபைக்கூட்டம் நடைபெற உள்ளது.
இதுதொடர்பாக மாவட்ட ஆட்சியர் த. அன்பழகன் வெளியிட்டுள்ள செய்திக்குறிப்பு: 
கரூர் மாவட்டத்தில் உள்ள 157 கிராம ஊராட்சிகளிலும் சுதந்திர தினத்தன்று (ஆக.15) சிறப்பு கிராமசபைக் கூட்டம் நடைபெற உள்ளது.      
இதில், குடிநீரைச் சிக்கனமாகப் பயன்படுத்துதல், கொசுக்கள் மூலம் பரவும் டெங்கு காய்ச்சல் தடுப்பு நடவடிக்கைகள், கிராம ஊராட்சி வளர்ச்சித் திட்டம், அந்தியோதயா இயக்கம், கிராம ஊராட்சி நிர்வாகம் மற்றும் பொதுநிதி செலவினம், பசுமை வீடு திட்டம், பிரதம மந்திரி குடியிருப்பு திட்டம், திறந்தவெளியில் மலம் கழித்தல் அற்ற ஊராட்சிகள், திறந்தவெளியில் மலம் கழிப்பதால் ஏற்படும் தீமைகளை எடுத்துரைத்தல், திடக்கழிவு மேலாண்மை திட்டம், மகாத்மா காந்தி தேசிய ஊரக வேலை உறுதித்திட்டம் ஆகியவை குறித்து விவாதிக்கப்பட உள்ளது. எனவே  சம்மந்தப்பட்ட  ஊராட்சி பொதுமக்கள் அனைவரும் கிராமசபைக் கூட்டத்தில் தவறாது கலந்து கொள்ள வேண்டும் எனத் தெரிவித்துள்ளார்.
 

]]>
http://www.dinamani.com/all-editions/edition-trichy/karur/2018/aug/14/157-ஊராட்சிகளில்--நாளை-கிராமசபை-கூட்டம்-ஆட்சியர்-2980200.html
2980199 திருச்சி கரூர் நல்லெண்ணங்களே உயர்நிலைக்கு அடிப்படை: நடிகர் ராஜேஷ் DIN DIN Tuesday, August 14, 2018 08:04 AM +0530 வாழ்க்கை முறையை நல்லெண்ணங்களின் அடிப்படையில் அமைத்துக் கொண்டால் உயர்நிலையை அடையலாம் என்றார் நடிகர் ராஜேஷ்.
கரூரில் திங்கள்கிழமை இரவு நடைபெற்ற தாந்தோன்றிமலை லயன்ஸ் சங்க புதிய நிர்வாகிகள் பணியேற்பு விழாவில் சிறப்பு விருந்தினராகப் பங்கேற்று மேலும் அவர் பேசியது: ஒவ்வொருவருக்கும் சமுதாய சேவையாற்ற வேண்டும் என்ற சிந்தனை வேண்டும். காமராஜர், கக்கன் மாதிரி மக்களுக்காக பணியாற்ற வேண்டும். காமராஜர் தமிழகத்தை ஆண்டதைவிட ஜெயிலில்தான் அதிக காலம் இருந்தார். பெரியார் போன்று சமுதாய மூடப்பழக்க வழக்கங்களை ஒழிக்க முற்படாவிட்டாலும் நம்மால் இயன்றதை இந்த சமுதாயத்திற்கு பணியாற்ற வேண்டும்.  உலகத்திலே 8,000 ஆண்டுகளாக ஒரே இடத்தில் வசிக்கும் மக்கள் இந்தியர்கள். மற்ற நாட்டினரெல்லாம் நாடோடிகளாகத்தான் வாழ்ந்தார்கள். உணவையே மருத்துவமாக்கிவிட்டனர் நமது சித்தர்கள்.  4,448 வியாதிகள் இருந்ததைக் கண்டுபிடித்தனர் அவர்கள்.  இந்த வியாதிகளுக்கு மேல் வேற வியாதிகளே கிடையாது. இந்த வியாதிகள் அனைத்துக்கும் மருந்து கண்டுபிடித்தவர் அகத்திய முனிவர். 
நம்முன்னோர் வாழ்ந்த வாழ்க்கை முறையை கடைப்பிடிக்கத் தவறிவிட்டோம். வாழை இலையில் சாப்பிட்டால் நரை, திரை எதுவும் வராது. வாரத்திற்கு இருநாட்கள் நல்லெண்ணெய் தேய்த்து குளித்தால் முடிகள் கொட்டாது.  9 மணிக்கு மேல் வாட்ஸ்அப், டிவி பார்க்காதீர்கள், 10 மணிக்குள் தூங்க வேண்டும்.  அனைத்து பறவைகளும் காலை 5.30 மணிக்குள் விழித்துக்கொள்கின்றன. ஆனால் நம்மில் சிலர் சூரியன் உதித்த பின்னர்தான் எழும் வழக்கத்தையை கொண்டிருக்கிறோம்.  
படித்தல், எழுதுதல், பேசுதல் ஆகிய முக்குணங்களையும் கொண்டிருந்ததால்தான் திமுக தலைவர் கருணாநிதி வயதுமுதிர்ந்த காலத்திலும் கூட அறிவாளியாக திகழ்ந்தார்.  வாழ்க்கை முறையை நல்லெண்ணங்களின் அடிப்படையில் அமைத்துக்கொண்டால் வாழ்வில் உயர்நிலையை அடையலாம். மரங்களை வெட்டக்கூடாது என்பதற்காகத்தான் அதனை தெய்வத்தின் மரங்களாக முன்னோர்கள் வழிபட்டனர்.  1857-ல் ஏற்பட்ட பஞ்சத்தால் நம் நாடு உருக்குலைந்தபோது அதனை ஆய்வு செய்ய ராணி எலிசபெத் கூறியபோது, ஆங்கிலேயர்கள் ஆய்வு செய்த அறிக்கையில் உலகிலேயே வேளாண்மையை இந்தியாவை பார்த்துதான், குறிப்பாக தமிழர்களை பார்த்துதான் கற்றுக்கொள்ள வேண்டும் என்ற அறிக்கை கொடுத்தனர். முன்னோர்கள் வகுத்த பாதையை கடைப்பிடிப்போம், நோயற்ற சமுதாயத்தை உருவாக்குவோம் என்றார்.விழாவில், புதிய நிர்வாகிகளை லயன்ஸ் சங்க இரண்டாம் துணை ஆளுநர் சேதுகுமார் பணியில் அமர்த்தினார். விழாவில் மண்டலத்தலைவர் மேலை.பழநியப்பன் மற்றும் சங்க நிர்வாகிகள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/aug/14/நல்லெண்ணங்களே-உயர்நிலைக்கு-அடிப்படை-நடிகர்-ராஜேஷ்-2980199.html
2980198 திருச்சி கரூர் சுதந்திர தினத்தன்று நியாயவிலை கடைகளின் பதிவேடுகள் தணிக்கை DIN DIN Tuesday, August 14, 2018 08:04 AM +0530 சுதந்திர தினத்தன்று கிராம சபைக் கூட்டத்தில் கிராமப்புறங்களில் செயல்படும் நியாய விலை அங்காடிகளின் பதிவேடுகள் தணிக்கை செய்யப்படும் எனத் தெரிவித்துள்ளார் மாவட்ட ஆட்சியர் த.அன்பழகன்.
இதுதொடர்பாக அவர் வெளியிட்டுள்ள செய்திக்குறிப்பு: 
பொது விநியோகத் திட்ட செயல்பாட்டிலும், நியாய விலைக் கடைகளின் செயல்பாட்டிலும்  தூய்மையான நடைமுறையைக் கொண்டு வரும் வகையில், நியாய விலை கடைகளின் பதிவேடுகளை சமூக தணிக்கைக்குட்படுத்த அரசாணை பிறப்பிக்கப்பட்டுள்ளது.
கரூர் மாவட்டத்தில் இத்திட்டம் வரும் 15 ஆம் தேதி சுதந்திர தினத்தன்று நடைபெற உள்ள கிராமசபைக்கூட்டங்களில் செயல்படுத்தப்பட உள்ளது. அன்றைய தினம்  கிராமசபைக் கூட்டத்தில், கிராமப் புறங்களில் செயல்படும் நியாயவிலைக் கடைகளில் பயன்படுத்தப்படும் பதிவேடுகள் மற்றும் பயனாளிகளின் பட்டியல் சமுதாயத் தணிக்கை குழுவினரால் தணிக்கை செய்யப்படும். எனவே பொதுமக்கள் அனைவரும் கிராமசபைக்கூட்டத்தில் பங்கேற்று பொதுவிநியோகத் திட்ட செயல்பாடுகள் குறித்து தங்களது கருத்துகளைத் தெரிவிக்கலாம் எனத் தெரிவித்துள்ளார்.

]]>
http://www.dinamani.com/all-editions/edition-trichy/karur/2018/aug/14/சுதந்திர-தினத்தன்று-நியாயவிலை-கடைகளின்-பதிவேடுகள்-தணிக்கை-2980198.html
2980196 திருச்சி கரூர் ஆட்சியர் அலுவலகத்தில் மக்கள் குறைதீர்க்கும் கூட்டம் DIN DIN Tuesday, August 14, 2018 08:03 AM +0530 கரூர் மாவட்ட ஆட்சியர் அலுவலகக் கூட்டரங்கில் பொதுமக்கள் குறை தீர்க்கும் நாள் கூட்டம் திங்கள்கிழமை ஆட்சியர் த.அன்பழகன் தலைமையில் நடைபெற்றது. 
கூட்டத்தில், பொதுமக்களிடம் இருந்து முதியோர் உதவித்தொகை, விதவை உதவித்தொகை, கணவனால் கைவிடப்பட்டோர் உதவித்தொகை, மாற்றுத்திறனாளிகள் உதவித்தொகை, வீட்டுமனைப் பட்டா உள்ளிட்ட பல்வேறு கோரிக்கைகள் தொடர்பாக  மொத்தம் 235 மனுக்கள் வரப்பெற்றன. மனுக்களைப் பரிசீலித்து சம்பந்தப்பட்ட துறை அலுவலர்களிடம் வழங்கி அவற்றின் மீது உடனடி நடவடிக்கை எடுத்திட  ஆட்சியர் உத்தரவிட்டார்.
மேலும், முதல்வரின் தனிப்பிரிவு மனுக்கள், அமைச்சர்கள் பெறும் முகாம் மனுக்கள் மீது தனிக்கவனம் செலுத்தி உடனுக்குடன் நடவடிக்கை எடுக்க வேண்டும். மேலும்,  ஆட்சியரின் மனுநீதி நாள் முகாம் மனுக்கள், மாவட்ட உயர் அலுவலர்களின் மனுநீதி நாள் முகாம் மனுக்கள், அம்மா திட்ட முகாம் ஆகியவற்றில் பெறப்பட்ட மனுக்கள் மீது உரிய விசாரணை மேற்கொண்டு காலதாமதம் இன்றி நடவடிக்கை எடுக்க அதிகாரிகளுக்கு உத்தரவிட்டார். 
இதில் மாவட்ட வருவாய் அலுவலர் ச.சூர்யபிரகாஷ், சமூக பாதுகாப்பு திட்ட தனித்துணை ஆட்சியர் என்.எஸ். பாலசுப்ரமணியம், ஆதிதிராவிடர் நல அலுவலர் ஜெ.பாலசுப்ரமணியன், பிற்படுத்தப்பட்டோர் மற்றும் சிறுபான்மை நல அலுவலர் த. குமரேசன் மற்றும் அரசு அலுவலர்கள் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-trichy/karur/2018/aug/14/ஆட்சியர்-அலுவலகத்தில்-மக்கள்-குறைதீர்க்கும்-கூட்டம்-2980196.html
2980195 திருச்சி கரூர் மாயனூர் ரயில்வே கேட் பகுதியில் குகை வழிப் பாதை அமைக்க வலியுறுத்தல் DIN DIN Tuesday, August 14, 2018 08:03 AM +0530 மாயனூர் ரயில்வே கேட் பகுதியில் குகை வழிப்பாதை அமைத்து தர வேண்டும் என வாகன ஓட்டிகள் கோரிக்கை விடுத்துள்ளனர்.
கரூர் மாவட்டம் மாயனூர் தடுப்பணை கடந்த 2008-இல் கட்டப்பட்டது.  நாமக்கல், திருச்சி போன்ற மாவட்டங்களுக்குச் செல்லும் வாகன ஓட்டிகள் மாயனூர் ரயில்வே கேட்டை கடந்துதான் செல்ல வேண்டியுள்ளது.  இந்த ரயில்வே கேட் வழியாக தினசரி சுமார் 60-க்கும் மேற்பட்ட ரயில்கள் இயக்கப்படுவதால், ரயில்வே கேட் மூடப்படும்போது அப்பகுதியில் போக்குவரத்து நெரிசல் ஏற்படுகிறது. இதனால் வாகன ஓட்டிகள் உள்ளிட்ட பொதுமக்கள் பெரிதும் சிரமப்படுகின்றனர். எனவே மாயனூர் ரயில்வே கேட் பகுதியில் குகைவழிப்பாதை அமைக்க வேண்டும் என மாயனூர் தடுப்பணைக்கு வரும் சுற்றுலா பயணிகள் மற்றும் வாகன ஓட்டிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-trichy/karur/2018/aug/14/மாயனூர்-ரயில்வே-கேட்-பகுதியில்-குகை-வழிப்-பாதை-அமைக்க-வலியுறுத்தல்-2980195.html
2979651 திருச்சி கரூர் மேலமாயனூரில் விவசாய நிலங்களுக்குள் புகுந்த காவிரி நீர்: 50 ஏக்கர் வாழை, சோளம் மூழ்கும் அபாயம் DIN DIN Monday, August 13, 2018 08:42 AM +0530 காவிரியாற்றில் 1.32 லட்சம் கன அடி நீர் திறக்கப்பட்டதால் கரூர் மாவட்டம் மேலமாயனூரில் விவசாய நிலங்களுக்குள் தண்ணீர் புகுந்தது. இதனால் சுமார் 50 ஏக்கர் நிலத்தில் பயிரிடப்பட்டுள்ள வாழை, சோளம் நீரில் மூழ்கும் அபாய நிலையில் உள்ளது.
காவிரியின் நீர் பிடிப்புப் பகுதியில் பெய்யும் கன மழையால் மேட்டூர் அணைக்கு நீர்வரத்து அதிகரித்து, கடந்த மாதம் 23-ம் தேதி அணை மொத்த கொள்ளளவான 120 அடியை எட்டிய நிலையில் டெல்டா பாசனத்துக்கு தண்ணீர் திறக்கப்பட்டது. 
இந்நிலையில் திடீரென நீர்வரத்து குறைந்ததால் அணையின் நீர்மட்டம் 116 அடியாகச் சரிந்த நிலையில் காவிரியின் நீர்பிடிப்புப் பகுதியில் தொடரும் பலத்த மழையால் அணைக்கு மீண்டும் நீர்வரத்து அதிகரித்து சனிக்கிழமை நிகழாண்டில் 2-ஆவது முறையாக அணை நிரம்பியுள்ளது. 
இந்நிலையில் அணைக்கு 1.32 லட்சம் கன அடி நீர் வருவதால் அணையின் பாதுகாப்புக் கருதி ஆற்றில் அப்படியே தண்ணீர் திறக்கப்படுகிறது. இதனால் ஆற்றில் வெள்ளம் கரைபுரண்டு ஓடுவதால் கரூர் மாவட்டத்தின் மாயனூர் கதவணைப்பகுதி அருகே உள்ள மேலமாயனூரில் ஆற்றின் கரையோரம் உள்ள விவசாய நிலங்களுக்குள் ஞாயிற்றுக்கிழமை காலை நீர் புகுந்தது. இதனால் அப்பகுதியில் நடப்பட்டிருந்த வாழைகள், சோளப்பயிர்கள் தண்ணீரில் மூழ்கி வருகின்றன. 
ஆற்றுக்கு மேலும் தண்ணீர் வரத்து அதிகரித்துள்ளதால் இரவுக்குள் வாழை, சோளப்பயிர்கள் அனைத்தும் மூழ்கிவிடும் என விவசாயிகள் கூறுகின்றனர். இதுதொடர்பாக அப்பகுதி விவசாயிகள் கூறியது: மாயனூரில் 1.04 டிஎம்சி தண்ணீரைத் தேக்கி வைக்கும் வகையில் அணை கட்டியதற்கு பிறகுதான் இந்த பிரச்னை ஏற்பட்டுள்ளது. அணை கட்டப்படும் முன் ஆற்றில் வரும் தண்ணீர் அனைத்தும் சென்றுவிடும். ஆனால் மாயனூரில் கதவணை கட்டியவுடன் தற்போது முக்கால் டிஎம்சி தண்ணீரை சேமித்து வைத்தபின்தான் ஷர்ட்டர்களில் தண்ணீர் திறக்கப்படுகிறது. இதனால் அணையில் தேக்கி வைக்கப்படும் தண்ணீர் மற்றும் ஆற்றில் தண்ணீர் வரத்து அதிகரிக்கும்போது அவை விவசாய நிலங்களுக்குள் புகுந்துவிடுகின்றன. 
ஏற்கெனவே அமராவதி ஆற்றில் அதிகளவு வெள்ளப்பெருக்கு ஏற்படும்போது, காவிரியிலும் தண்ணீர் அதிகம் வந்தால் காவிரியும், அமராவதியும் இணையும் இடமான கும்பக்குழி பகுதியில் உள்ள விவசாய நிலங்களில் தண்ணீர் புகுந்து வந்தது.  தற்போது கும்பழியில் பாதாள நீர்வடிப்பகுதி ஏற்படுத்தப்பட்டதால் அதில் இருந்து விவசாயிகளுக்கு விடிவு காலம் பிறந்தது. 
தற்போது காவிரியில் வெள்ளப்பெருக்கு ஏற்படும்போது 1லட்சம் கன அடிக்கு மேல் வரும் நீர்  அணையில் தேக்கி வைக்கப்படும்போது விவசாய நிலங்களுக்குள் நீர் புகுந்துவிடுகிறது. இப்போது ஞாயிற்றுக்கிழமை மாலை 4 மணி நிலவரப்படி 1.32 லட்சம் கன அடி நீர் வருவதாகக் கூறுகிறார்கள். தற்போது மேலமாயனூரில் வெள்ள நீர் புகுந்துவிட்டது. 
மேலும் கீழமாயனூர், மாயனூர், நத்தமேடு உள்ளிட்ட காவிரியின் கரையோர பகுதிகளிலும் வெள்ள நீர் புகும் அபாயம் ஏற்பட்டுள்ளது. எனவே மாவட்ட நிர்வாகம் உடனடியாக மேலமாயனூர், நத்தமேடு உள்ளிட்ட பகுதிகளில் கரையை மணல் மூட்டைகளைக் கொண்டு வலுப்படுத்த வேண்டும். தற்போது மேலமாயனூரில் பயிரிடப்பட்டுள்ள வாழை, சோளம் நீரில் மூழ்கும் நிலை உள்ளது. அவற்றிற்கும் உரிய இழப்பீட்டை வழங்க வேண்டும் என்றனர்.
 

]]>
http://www.dinamani.com/all-editions/edition-trichy/karur/2018/aug/13/மேலமாயனூரில்-விவசாய-நிலங்களுக்குள்-புகுந்த-காவிரி-நீர்-50-ஏக்கர்-வாழை-சோளம்-மூழ்கும்-அபாயம்-2979651.html
2979650 திருச்சி கரூர் வெள்ளியணையில் சூதாடிய 4 பேர் கைது DIN DIN Monday, August 13, 2018 08:41 AM +0530 வெள்ளியணை பகுதியில் பணம் வைத்து சூதாடிய 4 பேரை போலீஸார் கைது செய்தனர். கரூரை அடுத்த வெள்ளியணை கோட்டமேடு பகுதியில் சனிக்கிழமை இரவு சிலர் பணம் வைத்து சூதாடுவதாக வெள்ளியணை போலீஸாருக்கு தகவல் கிடைத்துள்ளது. இதையடுத்துபோலீஸார் சம்பவ இடத்திற்குச் சென்று சோதனையிட்டபோது அங்கு பணம் வைத்து சூதாடிய அதே பகுதியைச் சேர்ந்த சுப்ரமணி (57), பாலுசாமி (65) உள்பட 4 பேரை கைது செய்தனர்.
 

]]>
http://www.dinamani.com/all-editions/edition-trichy/karur/2018/aug/13/வெள்ளியணையில்-சூதாடிய-4-பேர்-கைது-2979650.html
2979649 திருச்சி கரூர் மாணவர்களுக்கு ஊக்கத்தொகை DIN DIN Monday, August 13, 2018 08:41 AM +0530 கரூரில் சோழிய வெள்ளாளர் கல்வி நலச்சங்கம் சார்பில் 5-ம் ஆண்டு கல்வி உதவித்தொகை வழங்கும் விழா ஞாயிற்றுக்கிழமை நடைபெற்றது. 
தலைவர் எம். சிவசாமி தலைமையில் 10-ம் வகுப்பு மற்றும் பிளஸ்-2 பொதுத்தேர்வில் அதிக மதிப்பெண் பெற்ற மாணவ, மாணவிகளுக்கு பரிசுகள் வழங்கப்பட்டன. 
தொடர்ந்து புதிய நிர்வாகிகளில் தலைவராக கே.வி. சுப்ரமணி, செயலராக ராஜமாணிக்கம், பொருளாளராக கே. கனகராஜ், கௌரவத் தலைவராக எம். சிவசாமி ஆகியோர் தேர்வு செய்யப்பட்டனர். சங்க நிர்வாகிகள் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/aug/13/மாணவர்களுக்கு-ஊக்கத்தொகை-2979649.html
2979648 திருச்சி கரூர் ஓய்வுபெற்ற தொழிலாளர் நலச் சங்க ஆலோசனை DIN DIN Monday, August 13, 2018 08:41 AM +0530 கரூரில் போக்குவரத்துக்கழக ஓய்வுபெற்ற தொழிலாளர் மற்றும் பென்சனர்  நலச் சங்க கரூர் மண்டல  ஆலோசனைக்கூட்டம் ஞாயிற்றுக்கிழமை சங்கத்தலைவர் துரைராஜ் தலைமையில் நடைபெற்றது. 
சங்கச் செயலர் பன்னீர்செல்வம் முன்னிலை வகித்தார். இதில் நிர்வாகக் குழு உறுப்பினர்கள் ராஜேந்திரன், மணி உள்ளிட்ட சங்கத்தினர் திரளாக பங்கேற்றனர்.
கூட்டத்தில் கடந்த 30 மாதமாக வழங்கப்படாத அரசால் அறிவிக்கப்பட்டு உயர்த்தப்பட்ட பஞ்சப்படி உயர்வை உடனடியாக வழங்கிட வேண்டும், ஏழாவது ஊதியக்குழுவின் ஊதிய உயர்வை ஓய்வுபெற்ற தொழிலாளர்களுக்கும் உடனே  வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-trichy/karur/2018/aug/13/ஓய்வுபெற்ற-தொழிலாளர்-நலச்-சங்க-ஆலோசனை-2979648.html
2979647 திருச்சி கரூர் சிறுமி கர்ப்பம்; இளைஞர் கைது DIN DIN Monday, August 13, 2018 08:40 AM +0530 பள்ளிச் சிறுமியை கர்ப்பமாக்கிய இளைஞரை போலீஸார் போக்ஸோ சட்டத்தில் கைது செய்தனர்.
கரூர் ஆத்தூரைச் சேர்ந்தவர் சரவணன். இவர் தற்போது கரூரில் உள்ள கேஎம்சி காலனி அபார்ட்மென்ட் வீட்டில் வசிக்கிறார். இவரது 17 வயது மகள் புன்னம்சத்திரத்தில் உள்ள பள்ளி ஒன்றில் 10-ம் வகுப்பு படித்து வந்துள்ளார். இந்நிலையில் கடந்த சில மாதங்களாக பள்ளிக்குச் செல்லாமல் கரூரில் உள்ள கொசுவலை நிறுவனத்திற்கு வேலைக்குச் சென்றுள்ளார். இதனிடையே சரவணன் குடியிருக்கும் அபார்ட்மென்டைச் சேர்ந்த  முருகன் மகன் தருண்குமார் (21) என்பவர் மாணவியிடம் உன்னைத் திருமணம் செய்துகொள்கிறேன் எனக்கூறி கர்ப்பமாக்கினாராம்.  தற்போது 8 மாத கர்ப்பிணியாக உள்ள நிலையில் இதுதொடர்பாக மாணவியின் தாயார் சுமதி கரூர் அனைத்து மகளிர் காவல் நிலையத்தில் அளித்த புகாரின்பேரில் போலீஸார்  தருண்குமாரை  கைது செய்தனர்.

]]>
http://www.dinamani.com/all-editions/edition-trichy/karur/2018/aug/13/சிறுமி-கர்ப்பம்-இளைஞர்-கைது-2979647.html
2979646 திருச்சி கரூர் கடல் போல் மாயனூர் கதவணை! DIN DIN Monday, August 13, 2018 08:40 AM +0530 காவிரி ஆற்றில் 1.32 லட்சம் கன அடி நீர் வருவதால் மாயனூர் கதவணை கடல்போலக் காட்சியளிக்கிறது.
கர்நாடகாவில் மேற்குத் தொடர்ச்சி மழையில் பலத்த மழை பெய்துவருவதால் அம்மாநிலத்தின்  அனைத்து அணைகளுக்கும் வரும் நீர் அப்படியே திறந்துவிடப்படுகிறது. 
மேட்டூர் அணையும் அதன் கொள்ளவை நிகழாண்டில் இரண்டாவது முறையாக எட்டியுள்ளதால் அணையின் பாதுகாப்புக்கருதி அணைக்கு  வரும் நீர் முற்றிலும் அப்படியே அணையில் இருந்து திறக்கப்படுகிறது. இதனால் காவிரி ஆற்றில் வெள்ளப்பெருக்கு ஏற்பட்டுள்ளது.
கரூர் மாவட்டம், மாயனூரில் காவிரி-குண்டாறு நதிகளை இணைக்கும் வகையில் கடந்த திமுக ஆட்சியில் கட்டப்பட்ட கதவணையில் தற்போது முக்கால் டிஎம்சி தண்ணீர் தேக்கி வைக்கப்பட்டு ஆற்றில் வரும் அனைத்து நீரும் அப்படியே திருச்சி மாவட்டம், முக்கொம்புக்கு திறக்கப்படுகிறது. 
இதுதொடர்பாக மாயனூர் கதவணை உதவிசெயற்பொறியாளர் ஒருவர் கூறியது: மேட்டூர் அணையில் திறக்கப்படும் நீரின் அளவைப் பொறுத்து மாயனூர் கதவணையில் தண்ணீரை தேக்கி வைத்து திறந்து வருகிறோம். 
தொடர்ந்து நீர்வரத்தை கண்காணித்து வருகிறோம். ஏற்கெனவே மாவட்ட ஆட்சியர் உத்தரவின்படி அணை உள்ளிட்ட இடங்களில் பாதுகாப்பு ஏற்பாடுகளைச் செய்துள்ளோம். மேலும் பொதுமக்கள் ஆற்றில் இறங்காதவாறு எச்சரிக்கை பலகையும் ஆங்காங்கே வைத்துள்ளோம். வருவாய்த் துறையினர் ஏற்கெனவே கரையோரம் உள்ள பகுதிகளில் தண்டோரா போட்டு எச்சரிக்கை விடுத்து வருகிறார்கள் என்றார் அவர்.

]]>
http://www.dinamani.com/all-editions/edition-trichy/karur/2018/aug/13/கடல்-போல்-மாயனூர்-கதவணை-2979646.html
2979645 திருச்சி கரூர் நெரூர் சுயம்புஅக்னீஸ்வரர் கோயிலில் நாத உத்ஸவ விழா: ஏராளமான கலைஞர்கள் பங்கேற்பு DIN DIN Monday, August 13, 2018 08:40 AM +0530 கரூர் அருகேயுள்ள நெரூர் ஸ்ரீ சௌந்திரநாயகி உடனுறை சுயம்பு ஸ்ரீ அக்னீஸ்வரர் கோயிலில் ஞாயிற்றுக்கிழமை நடைபெற்ற நாத உத்ஸவ விழாவில்  நாதஸ்வர,  கலைஞர்கள் திரளாக பங்கேற்று நாதஸ்வரம் வாசித்தனர்.
தொடர்ந்து 9-ம்ஆண்டாக நடைபெற்ற விழாவில் முன்னதாக காலை 6 மணிக்கு காட்டுப்புத்தூர் கேஎஸ். பிரபாகரன் குழுவினரின் மங்கள இசையுடன் சுவாமிக்கு சிறப்பு அபிஷேகம், ஆராதனை நடைபெற்றது. 
இதையடுத்து 8 மணிக்கு சாய் சங்கீதாலாயா இசைப்பள்ளி மாணவிகளின் வீணை பக்தி இசைக் கச்சேரியும், 10 மணிக்கு சேலம் மாவட்ட அரசு இசைப் பள்ளியின் நாதஸ்வர ஆசிரியர் பெட்டவாய்த்தலை ஆ. சங்கரன் குழுவினரின் நாத சங்கமம் நிகழ்ச்சியும், 12 மணிக்கு திருச்சி கே. மகாலட்சுமியின் திருமுறை பாராயண நிகழ்ச்சியும், சிவத்திரு ராமலிங்கத்தின்  
விளக்க உரையும் நடைபெற்ற தொடர்ந்து பிற்பகல் 2 மணிக்கு கோவை பாலகிருஷ்ணன் குழுவினரின் இசை வழிபாடும், மாலை 6 மணிக்கு 300-க்கும் மேற்பட்ட நாதஸ்வர, தவில் வித்வான்கள் பங்கேற்ற நாத உத்ஸவ நிகழ்ச்சியும் நடைபெற்றது. நிகழ்ச்சிகளை கரூர் திருக்குறள் பேரவை செயலர் மேலை. பழநியப்பன் தொகுத்து வழங்கினார். தொடர்ந்து பக்தர்களுக்கு அன்னதானம் நடைபெற்றது.  விழாவில் கரூர் மாவட்ட வருவாய் அலுவலர் ச. சூர்யபிரகாஷ், மாவட்ட ஊரக வளர்ச்சி முகமைத் திட்ட அலுவலர் எஸ். கவிதா மற்றும் பக்தர்கள் திரளாக பங்கேற்றனர். ஏற்பாடுகளை ஸ்ரீஅக்னீஸ்வரர் வழிபாட்டு மன்றத்தினர் செய்தனர்.

]]>
http://www.dinamani.com/all-editions/edition-trichy/karur/2018/aug/13/நெரூர்-சுயம்புஅக்னீஸ்வரர்-கோயிலில்-நாத-உத்ஸவ-விழா-ஏராளமான-கலைஞர்கள்-பங்கேற்பு-2979645.html
2979644 திருச்சி கரூர் தாந்தோணிமலை கோயிலில் திருப்பவித்ரோத்ஸவ விழா: ஆக. 23-இல் தொடக்கம்  DIN DIN Monday, August 13, 2018 08:39 AM +0530 தாந்தோணிமலை கல்யாண வெங்கடரமண சுவாமி கோயிலில் திருப்பவித்ரோத்ஸவ விழா வரும் 23-ம்தேதி தொடங்குகிறது. 
தென் திருப்பதி எனப்படும் இக்கோயிலில் சமஸ்த அபசாரங்கள் கால தேஸ சூழ்நிலைகளால் அனுஷ்டிக்க முடியாத ஸகங்கர்யங்களால் ஏற்படக்கூடிய தோஷங்கள் நிவர்த்தியாகவும், ஸன்னதி மேலும் புனிதமடையவும் வரும் 25-ம் தேதி திருப்பவித்ரோத்ஸவம் நடக்கிறது. 
முன்னதாக இந்த விழா வரும் 23-ம்தேதி ஆச்சார்யவர்னம், விஷேச ஆராதனம், புண்யாஹம், வாஸ்துசாந்தியுடன் தொடங்குகிறது. தொடர்ந்து பவித்ர ஆராதனம், ஸயனாதிவாசம் மூரத்திஹோமம் உள்ளிட்டவையும், 24-ம் தேதி புண்யாஹம், கும்ப ஆராதனம், மஹாசாந்தி ஹோமம் உள்ளிட்ட நிகழ்ச்சிகளும் நடக்கின்றன.
25-ம் தேதி காலை 6 மணிக்கு மகாபூர்ணாஹூதி, அக்னி சமாரோபணம், கடம் பெருமாள் திருவீதி புறப்பாடு, மஹா திருப்பாவாடை, நைவேத்யம், புஷ்பாஞ்சலி, ப்ரம்மகோஷம் சாற்றுமுறை உள்ளிட்ட நிகழ்ச்சிகள் நடக்கின்றன. ஏற்பாடுகளை கோயில் உதவி ஆணையர் ம. சூரியநாராயணன்,  செயல் அலுவலர் ந. சுரேஷ் மற்றும் திருப்பணியாளர்கள் செய்கிறார்கள்.
 

]]>
http://www.dinamani.com/all-editions/edition-trichy/karur/2018/aug/13/தாந்தோணிமலை-கோயிலில்-திருப்பவித்ரோத்ஸவ-விழா-ஆக-23-இல்-தொடக்கம்-2979644.html
2978996 திருச்சி கரூர் சக்தி மாரியம்மன் கோயிலில்: அக்னிச்சட்டி ஏந்தி திருநங்கைகள் நேர்த்திக் கடன் DIN DIN Sunday, August 12, 2018 02:57 AM +0530
மணவாசி சக்திமாரியம்மன் கோயில் திருவிழாவில் திருநங்கைகள் அக்னிச்சட்டி ஏந்தி நேர்த்திக் கடன் செலுத்தினர்.
கரூர் மாவட்டம், கிருஷ்ணராயபுரம் அருகே உள்ள மணவாசி கிராமத்தில் அரசு வழங்கிய நிலத்தில் திருநங்கைகள் 100க்கும் மேற்பட்டோர் வசித்து வருகின்றனர். திருநங்கைகளால் அதே பகுதியில் 5 ஆண்டுக்கு முன்பு கட்டப்பட்ட சக்தி மாரியம்மன் கோயிலில் ஆண்டுதோறும் திருவிழா நடத்தப்பட்டு வருகிறது. ஆறாம் ஆண்டுத் திருவிழா ஜூலை 27ஆம் தேதி காப்புக் கட்டுதலுடன் துவங்கியது. தொடர்ந்து, தினந்தோறும் அம்மனுக்கு திருநங்கைகள் சிறப்பு வழிபாடு, தீபாராதனை செய்தனர். வெள்ளிக்கிழமை காலை மேள தாளம் முழங்க மாயனூர் காவிரி ஆற்றுக்குச் சென்று புனித நீர் எடுத்தும், கரகம் பாலித்தும் வந்து அம்மனுக்கு சிறப்பு அபிஷேகம் செய்தனர். இதையடுத்து கோயிலுக்கு வந்த பக்தர்களுக்கு அன்னதானம் வழங்கினர். சனிக்கிழமை காலை சுமார் 1 கி.மீ. தொலைவில் உள்ள மணவாசி காளியம்மன் கோயிலுக்குச் சென்று அங்கிருந்து ஊர்வலமாக அக்னிச்சட்டி எடுத்தும், அலகு குத்தியும் கோயிலுக்கு வந்து தங்களது நேர்த்திக் கடனை செலுத்தினர். பின்னர் மாலையில் முளைப்பாரி எடுக்கும் நிகழ்ச்சி நடைபெற்றது. ஞாயிற்றுக்கிழமை (ஆக.12) காலை கூழ் ஊற்றி அம்மனை குளிர வைக்கும் நிகழ்ச்சியும், மாலையில் கும்பம் களைப்பு நிகழ்ச்சி நடைபெற உள்ளது. இதன்பின் அன்னதானத்துடன் விழா முடிவடைகிறது.
விழாவில் மும்பை, கர்நாடகா உள்ளிட்ட பல்வேறு மாநிலங்களில் மட்டுமல்லாது தமிழகத்தின் பல்வேறு மாவட்டங்களில் இருந்தும் திருநங்கைகள் திரளாக பங்கேற்றனர்.

 

]]>
http://www.dinamani.com/all-editions/edition-trichy/karur/2018/aug/12/சக்தி-மாரியம்மன்-கோயிலில்-அக்னிச்சட்டி-ஏந்தி-திருநங்கைகள்-நேர்த்திக்-கடன்-2978996.html
2978994 திருச்சி கரூர் இயந்திரத்தில் இருந்து விழுந்த தொழிலாளி சாவு DIN DIN Sunday, August 12, 2018 02:57 AM +0530
செங்கல் சூளையில் மணல் அரிக்கும் இயந்திரத்தில் இருந்து விழுந்த தொழிலாளி வெள்ளிக்கிழமை இரவு உயிரிழந்தார்.
நாமக்கல் மாவட்டம், பரமத்திவேலூரைச் சேர்ந்த கருப்பண்ணன்(43), அய்யர்மலையில் உள்ள செங்கல்சூளையில் தொழிலாளியாக வேலை பார்த்து வந்தார். கடந்த வியாழக்கிழமை (ஆக.9) சூளையில் மண் அரிக்கும் இயந்திரத்தில் ஏற்பட்ட கோளாறு சரிசெய்யும் பணியில் ஈடுபட்டிருந்தார்.
அப்போது இயந்திரத்தில் இருந்து தவறி கீழே விழுந்ததில் காயமடைந்த கருப்பண்ணன், குளித்தலை அரசு மருத்துவமனையில் அனுமதிக்கப்பட்டார். அங்கு சிகிச்சை பலனின்றி வெள்ளிக்கிழமை இரவு பரிதாபமாக இறந்தார். இதுகுறித்து குளித்தலை போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/aug/12/இயந்திரத்தில்-இருந்து-விழுந்த-தொழிலாளி-சாவு-2978994.html
2978992 திருச்சி கரூர் ரசாயனக் கலவையின்றி சதுர்த்திக்கு தயாராகும் விநாயகர் சிலைகள் DIN DIN Sunday, August 12, 2018 02:56 AM +0530
விநாயகர் சதுர்த்தி கொண்டாட்டத்துக்காக ரசாயனக் கலவையின்றி பல்வேறு வடிவங்களில் விநாயகர் சிலைகள் தயாராகி வருகின்றன.
விநாயகர் சதூர்த்தி விழா செப்.13ஆம் தேதி கொண்டாடப்பட உள்ளது. இதற்காக கரூரில் செட்டிப்பாளையம் அணைக்கட்டுப் பகுதியில் பல வண்ணங்களில் 3 முதல் 12 அடி வரையில் விநாயகர் சிலைகள் தயாரிக்கப்படுகின்றன.
இதுகுறித்து காஞ்சிபுரத்தைச் சேர்ந்த சிலை வடிவமைப்பாளர்கள் கூறுகையில், விநாயகர் சதுர்த்திக்காக ஆண்டுதோறும் இங்கு தங்கிவிநாயகர் சிலைகள் தயாரித்து விற்பனை செய்து வருகிறோம். யானை முகம், எலி வாகனம், சிங்க முகம், ஜல்லிக்கட்டு விநாயகர், சிவன், பார்வதி விநாயகர் என ஐந்து வகையான சிலைகளை தயாரிக்கப்படுகிறது.
நீர்நிலைகளில் கரைக்கப்படும் இந்த சிலைகள் ரசாயனக் கலவையின்றி காகிதக்கூழ், தேங்காய் நார் மூலம் தயாரிக்கப்படுகிறது. மூன்று அடி சிலைகள் ரூ.2,000மும், 12 அடி உயர சிலைகள் ரூ.9,000 வரை விற்பனை செய்யப்படுகிறது என்றனர்.

 

]]>
http://www.dinamani.com/all-editions/edition-trichy/karur/2018/aug/12/ரசாயனக்-கலவையின்றி-சதுர்த்திக்கு-தயாராகும்-விநாயகர்-சிலைகள்-2978992.html
2978991 திருச்சி கரூர் வேளாண், தோட்டக்கலைத் துறை செயல்பாடுகள்: ஆட்சியர் ஆய்வு DIN DIN Sunday, August 12, 2018 02:56 AM +0530  

கரூர் வட்டாரத்தில் வேளாண்மை, தோட்டக்கலைத் துறை செயல்பாடுகளை மாவட்ட ஆட்சியர் வெள்ளிக்கிழமை ஆய்வு செய்தார்.
கரூர் வட்டாரம், புஞ்சை கடம்பன்குறிச்சி வருவாய் கிராமத்தில் 2017-18ஆம் ஆண்டு விலையில்லா வெள்ளாடுகள் வழங்கும் திட்டத்தின் கீழ் 86 பயனாளிகளுக்கு ரூ.11.18 லட்சம் மதிப்பில் வழங்கப்பட்ட 384 வெள்ளாடுகள், அதன் குட்டிகளை மாவட்ட ஆட்சியர் த.அன்பழகன் நேரில் பார்வையிட்டார். தொடர்ந்து, அதே பகுதியில் தோட்டக்கலைதுறை மூலம் பாரம்பரிய இயற்கை வேளாண்மைத் திட்டத்தின் கீழ் செயல்பட்டு வரும் இயற்கை முறையிலான தென்னை சாகுபடி விவசாய குழு, திட்ட செயல்பாடுகள், இயற்கை முறை சாகுபடி, மண்புழு உர தயாரிப்பு, கூட்டு பண்ணைய திட்டத்தின் கீழ் குழுவிற்கு வழங்கப்பட்ட பவர் டில்லர் செயல்பாடு குறித்து ஆய்வு செய்தார். பின்னர் அங்குள்ள விவசாயிகளிடம் தென்னை நார்க் கழிவு தயார் செய்ய முன்வர வேண்டும் என ஆட்சியர் கேட்டுக் கொண்டார்.
புஞ்சை தோட்டக்குறிச்சி கிராமத்தில்தேசிய வளர்ச்சித் திட்டத்தின் கீழ் சிதம்பரம் என்ற விவசாயி நிலத்தில் அமைக்கப்பட்ட நிழல்வலை கூடாரம், நீடித்த நிலையான கரும்பு சாகுபடி முறையில் நாற்று நடவு மாதிரி வயலை நேரில் பார்வையிட்டு ஆய்வு செய்தார்.
ஆய்வின் போது, வேளாண்மை இணை இயக்குநர் கு.பா.ஜெயந்தி, கால்நடை பாராமரிப்பு துறை மண்டல இணை இயக்குநர் இளங்கோவன், மாவட்ட ஆட்சியரின் நேர்முக உதவியாளர் (வேளாண்மை)வெ.கந்தசாமி, தோட்டக்கலைத் துறை துணை இயக்குநர்கள் மோகன்ராம், கலா, வேளாண் பொறியியல்துறை செயற்பொறியாளர் ராஜ்குமார் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-trichy/karur/2018/aug/12/வேளாண்-தோட்டக்கலைத்-துறை-செயல்பாடுகள்-ஆட்சியர்-ஆய்வு-2978991.html
2978989 திருச்சி கரூர் ஆடி அமாவாசை: காவிரி ஆற்றில் முன்னோர்களுக்கு தர்ப்பணம் DIN DIN Sunday, August 12, 2018 02:56 AM +0530
கரூர் மாவட்ட காவிர் ஆற்றங் கரையோரப் பகுதிகளில் ஆடி அமாவாசையை முன்னிட்டு சனிக்கிழமை திரளானோர் முன்னோர்களுக்கு திதி கொடுத்து வழிபாடு செய்தனர்.
மாவட்டத்தின் காவிரி கரையோரப் பகுதிகளான நெரூர், வாங்கல், லாலாப்பேட்டை, மாயனூர், குளித்தலை, வேலாயுதம் பாளையம் உள்ளிட்ட இடங்களில் ஏராளமானோர் தங்களது முன்னோர்களுக்கு சிறப்பு வழிபாடு நடத்தி திதி கொடுத்தனர். திதி வழிபாட்டின் போது முன்னோர்களை நினைத்தும், அவர்கள் விரும்பி உண்ணும் திண்பண்டங்களை படைத்து ஆற்றில் நீராடி திதி கொடுத்து விரதத்தை முடித்துக் கொண்டனர். மேலும் ஆடி அமாவாசையை முன்னிட்டு மாவட்டத்தில் உள்ள அனைத்துக் கோயில்களில் நடைபெற்ற சிறப்பு வழிபாட்டில் திரளான பக்தர்கள் பங்கேற்றனர்.

 

]]>
http://www.dinamani.com/all-editions/edition-trichy/karur/2018/aug/12/ஆடி-அமாவாசை-காவிரி-ஆற்றில்-முன்னோர்களுக்கு-தர்ப்பணம்-2978989.html
2978988 திருச்சி கரூர் இந்திய மாணவர் சங்க மாவட்ட மாநாடு DIN DIN Sunday, August 12, 2018 02:56 AM +0530
கரூரில் இந்திய மாணவர் சங்க மாவட்ட மாநாடு சனிக்கிழமை நடைபெற்றது.
மாநாட்டுக்கு சங்கத்தின் தலைவர் அருண்குமார் தலைமை வகித்தார். மாநில துணைத் தலைவர்கள் கண்ணன், ஏ.டி.கண்ணன் ஆகியோர் சிறப்புரையாற்றினர். குளித்தலை அரசு கலை கல்லூரிக்குத் தேவையான பேராசிரியர்களை நியமிப்பது, அரசுப் பள்ளிகளை பாதுகாத்திட போதிய நிதி ஒதுக்க வேண்டும். தனியார் பள்ளிகளில் இட ஒதுக்கீட்டை அமல்படுத்துவது உள்ளிட்ட தீர்மானங்கள் நிறைவேற்றப்பட்டன. முன்னதாக, குளித்தலை ஒன்றியச் செயலாளர் பிரவீன்குமார் வரவேற்றார். துணை ஒருங்கிணைப்பாளர் சந்தோஷ்குமார் நன்றி கூறினார்.

 

]]>
http://www.dinamani.com/all-editions/edition-trichy/karur/2018/aug/12/இந்திய-மாணவர்-சங்க-மாவட்ட-மாநாடு-2978988.html
2978987 திருச்சி கரூர் காவிரி ஆற்றில் மணல் அள்ளிய இருவர் கைது DIN DIN Sunday, August 12, 2018 02:55 AM +0530
கரூர் அருகே காவிரி ஆற்றில் அனுமதியின்றி மணல் அள்ளிய இருவர் கைது செய்யப்பட்டனர்.
கரூர் மாவட்டம், வாங்கல் போலீஸார் வெள்ளிக்கிழமை இரவு நெரூர் சாலையில் வாகனச் சோதனையில் ஈடுபட்டனர். அவ்வழியே காவிரி ஆற்றில் இருந்து அனுமதியின்றி லாரியில் மணல் ஏற்றி வந்த கிருஷ்ணராயபுரம் அருகே பழைய ஜெயங்கொண்டத்தைச் சேர்ந்த ராஜவேல் மகன் ஞானவேலைக்(24) கைது செய்தனர். மேலும் அவரிடம் இருந்த லாரி பறிமுதல் செய்யப்பட்டது.
அதேபோல, மாயனூர் அருகே மேட்டாங்கினம் பகுதியில் காவிரி ஆற்றில் வெள்ளிக்கிழமை இரவு அனுமதியின்றி லாரியில் மணல் அள்ளிக் கொண்டிருந்த மணவாசியைச் சேர்ந்த சிவாவை போலீஸார் கைது செய்தனர். அவரிடமிருந்த லாரி பறிமுதல் செய்யப்பட்டது.

 

]]>
http://www.dinamani.com/all-editions/edition-trichy/karur/2018/aug/12/காவிரி-ஆற்றில்-மணல்-அள்ளிய-இருவர்-கைது-2978987.html
2978985 திருச்சி கரூர் இளைஞர் தூக்கிட்டுத் தற்கொலை DIN DIN Sunday, August 12, 2018 02:55 AM +0530
கரூர் அருகே தந்தை இறந்த துக்கத்தில் இளைஞர் தூக்கிட்டுத் தற்கொலை செய்து கொண்டார்.
கரூர் அடுத்த குப்பகவுண்டன் வலசு பகுதியைச் சேர்ந்த ரவிச்சந்திரன் மகன் ஸ்ரீபதி(19), க.பரமத்தியில் உள்ள கிரஷரில் தொழிலாளியாக வேலை செய்து வந்தார். கடந்த 6 மாதத்துக்கு முன்பு ரவிச்சந்திரன் இறந்தது முதல் ஸ்ரீபதி துக்கத்தில் இருந்து வந்தாராம். இந்நிலையில், வெள்ளிக்கிழமை அதேபகுதியில் உள்ள தனது பாட்டி வீட்டில் தூக்கிட்டுத் தற்கொலை செய்து கொண்டார். இதுகுறித்து தென்னிலை போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/karur/2018/aug/12/இளைஞர்-தூக்கிட்டுத்-தற்கொலை-2978985.html
2978984 திருச்சி கரூர் ஆக.13-இல் மக்கள் குறைதீர் கூட்டம் DIN DIN Sunday, August 12, 2018 02:55 AM +0530
கரூர் மாவட்ட ஆட் சியர் அலுவலகத்தில் திங்கள்கிழமை (ஆக.13) மக்கள் குறைதீர் கூட்டம் நடைபெறுகிறது.
இதுகுறித்து ஆட்சியர் த.அன்பழகன் வெளியிட்ட செய்திக் குறிப்பு: திமுக தலைவர் மு.கருணாநிதி மறைவையடுத்து அரசு சார்பில் ஒரு வாரம் துக்கம் அனுஷ்டிக்கப்பட்டது. வருகிற திங்கள்கிழமையுடன் ஒரு வாரம் முடிவடைவதால் ஆட்சியர் தலைமையில் மக்கள் குறைதீர்க்கும் நாள் கூட்டம் நடைபெறும். பொதுமக்கள் கோரிக்கை மனுக்களை அளித்து பயன்பெறலாம்.

]]>
http://www.dinamani.com/all-editions/edition-trichy/karur/2018/aug/12/ஆக13-இல்-மக்கள்-குறைதீர்-கூட்டம்-2978984.html
2978982 திருச்சி கரூர் மானியத்தில் சொட்டுநீர் பாசனம்: பயன்பெற அழைப்பு DIN DIN Sunday, August 12, 2018 02:54 AM +0530
சிறு, குறு விவசாயிகளுக்கு சொட்டுநீர் பாசனம் அமைக்க 100 சதவீதம் மானியம் வழங்கப்படுகிறது.
இதுகுறித்து மாவட்ட ஆட்சியர் த.அன்பழகன் வெளியிட்ட செய்திக் குறிப்பு: பாசன நீரை சேமிக்க உதவும் நுண்ணீர் பாசனத் திட்டம் தமிழக அரசால் தொடர்ந்து செயல்படுத்தப்பட்டு வருகிறது. நாட்டிலேயே தமிழகத்தில் மட்டுமே சிறு, குறு விவசாயிகளுக்கு 100 சதவிகித மானியமும், இதர விவசாயிகளுக்கு 75 சதவிகித மானியம் வழங்கப்படுகிறது. விவசாயிகள் செலுத்த வேண்டிய நுண்ணீர் பாசன அமைப்புகளுக்கான சரக்கு மற்றும் சேவை வரியை தமிழக அரசே ஏற்றுக் கொண்டுள்ளது.
கரூர் மாவட்டத்தில் இத்திட்டத்தில் வேளாண்மைத் துறை மூலம் 2,386 ஹெக்டேருக்கு ரூ.9.61 கோடியும், தோட்டக்கலை துறை மூலம் 2,160 ஹெக்டேருக்கு ரூ.13.14 கோடி நிதி ஒதுக்கீடு செய்யப்பட்டு செயல்படுத்தப்பட்டு வருகிறது. இத்திட்டத்தில் வாழை பயிருக்கு சொட்டுநீர் பாசனத்திற்கு சிறு, குறு விவசாயிகளுக்கு ஹெக்டேருக்கு 81,135, இதர விவசாயிகளுக்கு ரூ.63,025, கரும்பு பயிருக்கு சிறு, குறு விவசாயிகளுக்கு ரூ.97,134, இதர விவசாயிகளுக்கு ரூ.75,452 மானியமாக வழங்கப்படுகிறது.
மேலும், காய்கறி பயிருக்கு சிறு, குறு விவசாயிகளுக்கு ரூ.1.13 லட்சம், இதர விவசாயிகளுக்கு ரூ.87,880, தென்னை பயிருக்கு சிறு, குறு விவசாயிகளுக்கு ரூ.27,770, இதர விவசாயிகளுக்கு ரூ.21,572 வழங்கப்படுகிறது.
தெளிப்பு நீர் பாசனத்திற்கு மழைத் தூவான் கருவிக்கு சிறு, குறு விவசாயிகளுக்கு ரூ.30,498, இதர விவசாயிகளுக்கு ரூ.23,690 வழங்கப்படுகிறது.
இத்திட்டத்தில் பயன்பெற விரும்பும் விவசாயிகள் ஆதார் அட்டை, அடங்கல், கணிணி சிட்டா, நில வரைபடம், சிறு, குறு விவசாயிகளாக இருப்பின் வட்டாட்சியரிடம் இருந்து பெறப்பட்ட சான்றுடன் இணையதளத்தில் பதிவு செய்து கொள்ளலாம். மேலும் வட்டார தோட்டக்கலை உதவி இயக்குநர், வேளாண்மை உதவி இயக்குநர், கூட்டுறவு சர்க்கரை ஆலை (கரும்பிற்கு மட்டும்) அலுவலகத்தை அணுகி பதிவு செய்து பயன் அடையலாம்.

 

]]>
http://www.dinamani.com/all-editions/edition-trichy/karur/2018/aug/12/மானியத்தில்-சொட்டுநீர்-பாசனம்-பயன்பெற-அழைப்பு-2978982.html
2978504 திருச்சி கரூர் மாடர் பெண்டத்லான் போட்டி: இந்தியா சார்பில் பங்கேற்கும் மாணவியருக்கு பாராட்டு DIN DIN Saturday, August 11, 2018 09:46 AM +0530 மாடர் பெண்டத்லான் போட்டியில் இந்தியா சார்பில் பங்கேற்கும் கரூர் மாணவிகளை அமைச்சர் எம்.ஆர்.விஜயபாஸ்கர் வெள்ளிக்கிழமை பாராட்டினார். 
புணேவில் அண்மையில் தேசிய அளவிலான குதிரையேற்றம், வாள்வீச்சு, துப்பாக்கிச் சுடுதல், தடகளம், நீச்சல் ஆகிய போட்டிகளை ஒருங்கிணைந்த போட்டியாக நடத்தப்படும் மாடர்ன் பெண்டத்லான் போட்டியில் கரூரைச் சேர்ந்த தனியார் பள்ளி மாணவியர் எஸ்.மெளனிகா, எஸ்.வேதஸ்ரீ ஆகியோர் தமிழக அணி சார்பில் பங்கேற்று மூன்றாமிடம் பிடித்தனர்.
இந்த அணியினர் வருகிற செப்.28ஆம் தேதி அயர்லாந்து நாட்டில் நடைபெறும் சர்வதேச போட்டியில் இந்தியா சார்பில் பங்கேற்கும் மாணவிகள் எஸ்.மௌனிகா, எஸ்.வேதஸ்ரீ ஆகியோர் மாநில போக்குவரத்துத் துறை அமைச்சர் எம்.ஆர்.விஜயபாஸ்கரை சந்தித்து வாழ்த்துப் பெற்றனர்.நிகழ்ச்சியில், கிருஷ்ணராயபுரம் சட்டப்பேரவை உறுப்பினர் எம்.கீதா மணிவண்ணன், ஊரக வளர்ச்சி முகமை திட்ட இயக்குநர் எஸ்.கவிதா, அதிமுக நகரச் செயலாளர் வை.நெடுஞ்செழியன், முன்னாள் மாணவரணிச் செயலாளர் தானேஷ்  உள்ளிட்டோர் உடனிருந்தனர். 
 

]]>
http://www.dinamani.com/all-editions/edition-trichy/karur/2018/aug/11/மாடர்-பெண்டத்லான்-போட்டிஇந்தியா-சார்பில்-பங்கேற்கும்-மாணவியருக்கு-பாராட்டு-2978504.html
2978502 திருச்சி கரூர் சிறப்பாக பணியாற்றிய  காவலர்களுக்கு பாராட்டு DIN DIN Saturday, August 11, 2018 09:46 AM +0530 கரூர் மாவட்டத்தில் குற்ற நிகழ்வுகளை தடுப்பதில் சிறப்பாக பணியாற்றிய காவலர்கள் பாராட்டப்பட்டனர். 
மாவட்டக் காவல் கண்காணிப்பாளர் அலுவலகத்தில் மாதாந்திர குற்ற கலந்தாய்வுக் கூட்டம் வெள்ளிக்கிழமை நடைபெற்றது. கூட்டத்துக்கு மாவட்டக் காவல் கண்காணிப்பாளர் டி.கே.ராஜசேகரன் தலைமை வகித்தார். மாவட்டத்தில் குற்ற நிகழ்வுகள், அதனை முற்றிலும் தடுக்க வேண்டியவை குறித்து விவாதிக்கப்பட்டது. மேலும் சிறப்பாக பணியாற்றிய காவலர்கள் பாராட்டப்பட்டனர்.
கூடுதல் காவல் கண்காணிப்பாளர் எம்.பாஸ்கரன், மதுவிலக்கு கூடுதல் காவல் கண்காணிப்பாளர் சி.பாரதி, நகர காவல் துணைக் கண்காணிப்பாளர் எம்.கும்மராஜா உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/karur/2018/aug/11/சிறப்பாக-பணியாற்றிய-காவலர்களுக்கு-பாராட்டு-2978502.html
2978500 திருச்சி கரூர் பள்ளிக் கட்டடங்களுக்கு 2018 வரை அனுமதி தர வலியுறுத்தல் DIN DIN Saturday, August 11, 2018 09:45 AM +0530 பள்ளிக் கட்டடங்களுக்கு 2018 வரை அனுமதி தர தமிழக நர்சரி, பிரைமரி மற்றும் உயர்நிலை, மேல்நிலை, சிபிஎஸ்இ, ஐசிஎஸ்இ பள்ளிகள் சங்கம் வலியுறுத்தியுள்ளது.
கரூரில் அச்சங்கத்தின் சார்பில் பள்ளி கட்டடங்களுக்கு நகர ஊரமைப்புத் துறையின் அனுமதி பெறுவது தொடர்பான விளக்கக் கூட்டம் சங்கத்தின் மாநிலத் தலைவர் பி.ராஜூ தலைமையில் வெள்ளிக்கிழமை நடைபெற்றது. பொருளாளர் செல்வ.ரமேஷ்பாபு முன்னிலை வகித்தார். நகர ஊரமைப்பு துறையின் திருச்சி மண்டல உதவி இயக்குநர் ஆர்.நாகேஸ்வரன் சிறப்புரையாற்றினார். 
ஊரகப் பகுதிகளில் கட்டப்பட்டுள்ள பள்ளி கட்டடங்களுக்கு 2011 வரைக்கும் அரசு அனுமதி வழங்கியுள்ளது. அதேபோன்று, நகர்ப் பகுதிகளில் கட்டப்பட்டுள்ள கட்டடங்களுக்கு 2018 வரை அனுமதி வழங்க வேண்டும். ஊரகப் பகுதிகளில் பள்ளிக் கட்டடம் கட்ட சதுர அடிக்கு ரூ.7.50 கட்டணம் வசூலிக்கப்படுவதைப் போல, நகர்ப் பகுதிகளிலும் கட்டணம் வசூலிக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன. சங்க நிர்வாகிகள் திரளாக பங்கேற்றனர்.


 

]]>
http://www.dinamani.com/all-editions/edition-trichy/karur/2018/aug/11/பள்ளிக்-கட்டடங்களுக்கு-2018-வரை-அனுமதி-தர-வலியுறுத்தல்-2978500.html
2978498 திருச்சி கரூர் ஆக.14-இல் கரூரில் மின் தடை DIN DIN Saturday, August 11, 2018 09:45 AM +0530 கரூரில் மாதாந்திர பராமரிப்புப் பணி நடைபெற இருப்பதால் ஆக.14ஆம் தேதி மின் விநியோகம் இருக்காது.
இதுகுறித்து கரூர் மின்வாரிய உதவி செயற்பொறியாளர் ஏ.மொண்டி வெளியிட்ட அறிக்கை: கரூர் துணைமின் நிலையத்தில் இருந்து மின் விநியோகம் பெறும் காமராஜபுரம், செங்குந்தபுரம், கே.வி.பி.நகர், பெரியார் நகர், ஜவஹர் பஜார், திருமாநிலையூர், அக்ரஹாரம், காந்திநகர், ரத்தினம் சாலை, கோவை ரோடு, வடிவேல் நகர், ராமானுஜம் நகர், திருக்காம்புலியூர், ஆண்டாங்கோவில் ரோடு, செல்லாண்டிபாளையம், சுக்காலியூர், சேலம்-புறவழிச்சாலை, ஆண்டாங்கோவில் மற்றும் சுற்றியுள்ள பகுதிகளில் ஆக.14ஆம் தேதி காலை 9 மணி முதல் மாலை 5 மணி வரை மின் விநியோகம் இருக்காது.

]]>
http://www.dinamani.com/all-editions/edition-trichy/karur/2018/aug/11/ஆக14-இல்-கரூரில்-மின்-தடை-2978498.html
2978497 திருச்சி கரூர் அதிமுக பிரமுகரை தாக்கிய 2 பேர் மீது வழக்குப் பதிவு DIN DIN Saturday, August 11, 2018 09:45 AM +0530 மதுபோதையில் அதிமுக ஊராட்சி செயலரைத் தாக்கிய இருவர் மீது வியாழக்கிழமை வழக்குப் பதியப்பட்டது.
அரவக்குறிச்சி அடுத்த மலைக்கோவிலூர் பாரதிநகரைச் சேர்ந்தவர் தேவராஜ் (54). நாகம்பள்ளி ஊராட்சி அதிமுக செயலாளரான இவர் ஆக.8ஆம் தேதி தேநீர் கடையில் தேநீர் அருந்திக் கொண்டிருந்தார். அங்கு மதுபோதையில் வந்த அதே பகுதியைச் சேர்ந்த கிருபானந்தா, விவேக் ஆகியோர் தேவராஜிடம் தகராறு செய்து தாக்கினர். காயமடைந்த தேவராஜ் கரூர் அரசு மருத்துவமனையில் அனுமதிக்கப்பட்டார்.
இதுகுறித்த புகாரின் பேரில் அரவக்குறிச்சி போலீஸார் கிருபானந்தா, விவேக் ஆகியோர் மீது வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/aug/11/அதிமுக-பிரமுகரை-தாக்கிய-2-பேர்-மீது-வழக்குப்-பதிவு-2978497.html
2978495 திருச்சி கரூர் மானிய விலையில் பழச்செடிகள்:  பயன்பெற விவசாயிகளுக்கு அழைப்பு DIN DIN Saturday, August 11, 2018 09:45 AM +0530 மானாவாரி பகுதி மேம்பாட்டுத் திட்டத்தின் மூலம் விவசாயிகள் பழச்செடிகளை மானிய விலையில் பெற்று பயன்பெறலாம்.
இதுகுறித்து மாவட்ட ஆட்சியர் த.அன்பழகன் வெள்ளிக்கிழமை வெளியிட்ட செய்திக் குறிப்பு: தோட்டக்கலைத் துறை சார்பில் நீடித்த நிலையான வேளாண்மைக்கான தேசிய இயக்கத்தின் கீழ் செயல்படுத்தப்படும் மானாவாரி பகுதி மேம்பாட்டுத் திட்டத்தின் கீழ் மானாவாரி பகுதிகளில் சாகுபடி பரப்பை அதிகரிக்கவும், விவசாயிகளின் வருமானத்தை பெருக்க பல்வேறு திட்டங்கள் செயல்படுத்தப்பட்டு வருகிறது. 
நிகழாண்டில் (2018-19) இத்திட்டம் மாவட்டத்தில் ரூ.21.24 கோடியில் செயல்படுத்தப்பட உள்ளது. இத்திட்டத்தின் கீழ் நிலத்திற்கேற்ற வகையில் குழுக்கள் அமைத்து ஒருங்கிணைந்த பண்ணைய முறைகளை கடை பிடித்து இரட்டிப்பு லாபம் பெற வழி செய்யப்படும்.
நிகழாண்டு தோட்டக்கலை சார்ந்த பண்ணையத்தின் கீழ் பழங்கள், முந்திரி, மஞ்சள், மரவள்ளி போன்ற பயிர்களுடன் ஊடுபயிர், கலப்புப்பயிர், பல அடுக்கு பயிர் சாகுபடி செய்ய ஹெக்டேருக்கு ரூ.25,000 வரை மானியம் வழங்கப்படும். மேலும் குறைந்த காலத்தில் நிறைந்த வருவாயை ஈட்டித்தரும் பசுமைக் குடில்கள், நிழல்வலை கூடங்கள் அமைக்க மானியம் வழங்கப்படும். விவசாய உற்பத்தித் திறனை உயர்த்தும் நவீன தொழில்நுட்பங்களின் பலன்கள் மற்றும் செயற்பாடுகள் பற்றி பயிற்றுவிப்பதற்காக பயிற்சிகளும் அளிக்கப்படும்.
இதனை பற்றிய தகவல் அறிய அருகிலுள்ள வட்டார தோட்டக்கலை உதவி இயக்குநர் அலுவலகம், உழவன் செயலி மூலம் தொடர்பு கொண்டு பயன் பெறலாம்.
 

]]>
http://www.dinamani.com/all-editions/edition-trichy/karur/2018/aug/11/மானிய-விலையில்-பழச்செடிகள்-பயன்பெற-விவசாயிகளுக்கு-அழைப்பு-2978495.html
2978493 திருச்சி கரூர் ஆடி கடைசி வெள்ளி: கோயில்களில் சிறப்பு வழிபாடு DIN DIN Saturday, August 11, 2018 09:44 AM +0530 கரூர் மாவட்டத்தில் உள்ள கோயில்களில் ஆடிமாத கடைசி வெள்ளியை முன்னிட்டு நடைபெற்ற சிறப்பு வழிபாட்டில்  திரளான பக்தர்கள் பங்கேற்றனர்.
மாவட்டத்தில் உள்ள புகழிமலை, பாலமலை, வெண்ணைமலை முருகன் கோயில்களில் சிறப்பு வழிபாடுகள் நடைபெற்றது. கரூர் பசுபதீஸ்வரர், தாந்தோணிமலை கல்யாண வெங்கடரமண சுவாமி உள்ளிட்ட கோயில்களில் சிறப்பு வழிபாடுகள் நடைபெற்றது. பக்தர்கள் நீண்ட வரிசையில் காத்திருந்து தரிசனம் செய்தனர். 
ஆண்டாங்கோவில் தீர்த்த மாரியம்மன் கோயிலில் அம்மனுக்கு 700 கண் அலங்காரம் செய்யப்பட்டிருந்தது. அதேபோல, சிந்தலவாடி மகா மாரியம்மன்கோயிலில் நவதானியங்கள் செழித்து வளரும் வகையில் அம்மனுக்கு நவதானிய அலங்காரம் செய்யப்பட்டிருந்தது.
குத்துவிளக்கு வழிபாடு: கரூர் 24 மனை தெலுங்கு செட்டியார்களின் ஸ்ரீ அன்னை காமாட்சியம்மன் விழா குழு சார்பில் நடைபெற்ற 1,001 குத்துவிளக்கு வழிபாட்டில் பெண் பக்தர்கள் திரளாக பங்கேற்றனர். வழிபாட்டை முன்னிட்டு காமாட்சியம்மனுக்கு சிறப்பு அலங்காரம் செய்யப்பட்டு தீபாராதனை நடைபெற்றது. பூஜையில் பங்கேற்ற பெண்களுக்கு உதிரிப்பூ, வழிபாட்டு பொருள்கள், அன்னதானம் வழங்கப்பட்டது.

]]>
http://www.dinamani.com/all-editions/edition-trichy/karur/2018/aug/11/ஆடி-கடைசி-வெள்ளி-கோயில்களில்-சிறப்பு-வழிபாடு-2978493.html
2978492 திருச்சி கரூர் 3.69 லட்சம் பேருக்கு குடற்புழு நீக்க மாத்திரை: ஆட்சியர் ஆய்வு DIN DIN Saturday, August 11, 2018 09:44 AM +0530 கரூர் மாவட்டத்தில் 3,69,923 பேருக்கு வெள்ளிக்கிழமை குடற்புழு நீக்க மாத்திரை வழங்கப்பட்டது.  
கரூர் தாந்தோன்றி அரசு மேல்நிலைப் பள்ளியில் மாணவ, மாணவிகளுக்கு குடற்புழு நீக்க  மாத்திரைகள் வழங்கப்படுவதை பார்வையிட்டு ஆய்வு செய்த ஆட்சியர் த.அன்பழகன் செய்தியாளர்களிடம் கூறியது: 
உடல் ஆரோக்கியத்தை மேம்படுத்தும் வகையில் குடற்புழு நீக்க மாத்திரைகள் ஒரு வயது முதல் 19 வயதிற்குள்பட்ட 3,69,923 குழந்தைகள், மாணவ , மாணவிகள், அங்கன்வாடிகள், அரசு, உதவி பெறும், தனியார் பள்ளிகள், கல்லூரிகள், அரசு  நிதி உதவி பெறும் பள்ளிகள், சுயநிதி கல்லூரிகள், துணை சுகாதார நிலையங்கள் மற்றும் ஆரம்ப சுகாதார நிலையங்களில் இலவசமாக வழங்கப்பட்டுள்ளது. இதன் மூலம் குழந்தைகளுக்கு வைட்டமின் ஏ மற்றும் இரும்புச்சத்து குறைபாடு ஏற்படுவது தடுக்கப்படும். குறிப்பாக, ரத்தச் சோகை குறைபாடு வராமல் தடுக்க முடியும். 
மாணவ, மாணவியர் படிப்பில் அதிக கவனம் செலுத்துவதோடு விளையாட்டு போன்ற இதர நடவடிக்கைகளில் அதிக ஊக்கம் மற்றும் புத்துணர்வுடன் பங்கேற்க ஏதுவாகும்.
பள்ளிக்குச் செல்லாத குழந்தைகளுக்கு அங்கன்வாடி பணியாளர்கள் மூலம் குடற்புழு நீக்க மருந்து வழங்கப்பட உள்ளது. 5 வயதிற்குள்பட்ட குழந்தைகளில் 50 சதவீதம் உடல் வளர்ச்சி குன்றியும், 45 சதவீதம் பேர் எடை குறைவாகவும்  உள்ளனர்.  இந்த மருந்து உட்கொள்வதன் மூலம் குறைபாடுகள் அனைத்தும் வராமல் தடுக்கப்படுகிறது என்றார். நிகழ்ச்சியில், சுகாதாரப் பணிகள் துணை இயக்குநர் நிர்மல்சன், பள்ளித் தலைமையாசிரியர் ராமநாதன் உள்ளிட்டோர் உடனிருந்தனர். 

]]>
http://www.dinamani.com/all-editions/edition-trichy/karur/2018/aug/11/369-லட்சம்-பேருக்கு-குடற்புழு-நீக்க-மாத்திரை-ஆட்சியர்-ஆய்வு-2978492.html
2978490 திருச்சி கரூர் மின்வாரிய ஓய்வூதியர் பொதுக்குழு கூட்டம் DIN DIN Saturday, August 11, 2018 09:44 AM +0530 கரூரில் மாவட்ட மின்வாரிய ஓய்வூதியர் சங்க பொதுக்குழு கூட்டம், சங்கத்தின் 22ஆம் ஆண்டு தொடக்க விழா வெள்ளிக்கிழமை நடைபெற்றது. கூட்டத்துக்கு சங்கத் தலைவர் ஜவஹர் தலைமை வகித்தார். கெளரவத் தலைவர் சிவராமன் முன்னிலை வகித்தார். 
இணைச் செயலாளர் கோபாலன் வரவேற்றார். செயலாளர் ராஜகோபால் ஆண்டறிக்கை வாசித்தார். 
சம்மேளனத் தலைவர் ஸ்ரீதரன், பொதுச் செயலாளர் ஜெகநாதன் ஆகியோர் பேசினர்.  
ஓய்வு பெற்ற மின்வாரிய ஊழியர்கள், குடும்ப ஓய்வூதியர்களுக்கு 7வது ஊதியக் குழு அடிப்படையில் ஓய்வூதியம் பெற்றுத் தந்த சம்மேளனத்துக்கு பாராட்டுத் தெரிவிப்பது உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-trichy/karur/2018/aug/11/மின்வாரிய-ஓய்வூதியர்-பொதுக்குழு-கூட்டம்-2978490.html
2978488 திருச்சி கரூர் மாயனூர் அருகே வெறிநாய்கள் கடித்து 3 ஆட்டுக் குட்டிகள் சாவு DIN DIN Saturday, August 11, 2018 09:43 AM +0530 மாயனூர் அருகே வெறிநாய்கள் கடித்து குதறியதில் 3 ஆட்டுக் குட்டிகள் இறந்தது. 6 ஆடுகள் காயமடைந்தது.
கரூர் மாவட்டம், மாயனூர் அருகே முனையனூரை அடுத்த பூஞ்சோலை புதூரைச் சேர்ந்த விவசாயி விஜயகுமார்(40). இவர் வீட்டின் அருகே ஆட்டுப்பட்டி அமைத்து 50க்கும் அதிகமான செம்மறியாடுகளை வளர்த்து வருகிறார். வழக்கம் போல வியாழக்கிழமை மேய்ச்சலுக்கு விட்ட ஆடுகளை இரவு பட்டியில் அடைத்தார். வெள்ளிக்கிழமை காலை பட்டிக்குச் சென்றபோது அங்கு வெறிநாய்களால் கடித்து குதறப்பட்டு மூன்று ஆட்டுக் குட்டிகள் இறந்து கிடந்தது. மேலும் 6 ஆடுகள் காயத்துடன் இருந்தது. 
இதுகுறித்து கிராம நிர்வாக அலுவலருக்கு விஜயகுமார் தகவல் அளித்தும் அதிகாரிகள் எவரும் வரவில்லை. இதையடுத்து உயிரிழந்த 3 குட்டிகளையும் புதைத்தார். காயமடைந்த ஆடுகளை உப்பிடமங்கலம் அரசு கால்நடை மருத்துவமனைக்கு கொண்டு சென்று முதலுதவி சிகிச்சையளித்தார்.
இதுகுறித்து விஜயகுமார் கூறுகையில், உப்பிடமங்கலம், சேங்கல், மாயனூர் உள்ளிட்ட பகுதிகளில் கோழி இறைச்சிக் கடைகளில் உள்ள கழிவுகள் எங்கள் பகுதியில் கொட்டப்படுகின்றன. இதனால் இங்கு ஏராளமான வெறிநாய்கள் கூட்டம், கூட்டமாக திரிகின்றன. 
இறைச்சிக்கழிவுகள் கிடைக்காத நிலையில் இரவு வேளைகளில் ஆட்டுப் பட்டிக்குள் நுழைந்து ஆடுகளை கடித்து குதறுகின்றன. சுற்றித் திரியும் வெறிநாய்களை பிடிக்க அதிகாரிகள் நடவடிக்கை எடுக்க வேண்டும். மேலும் வெறிநாய்களுக்கு பலியாகும் ஆடுகளுக்கு உரிய நிவாரணம் கிடைக்க நடவடிக்கை எடுக்க வேண்டும் என்றார்.
 

]]>
http://www.dinamani.com/all-editions/edition-trichy/karur/2018/aug/11/மாயனூர்-அருகே-வெறிநாய்கள்-கடித்து-3-ஆட்டுக்-குட்டிகள்-சாவு-2978488.html
2978486 திருச்சி கரூர் முருங்கை குளிர்பதனக் கிடங்கு அமைக்கப்படுமா? விவசாயிகள் எதிர்பார்ப்பு DIN DIN Saturday, August 11, 2018 09:43 AM +0530 விலை வீழ்ச்சியை சமாளிக்க அரவக்குறிச்சியில் முருங்கைக்காய் குளிர்பதனக் கிடங்கு அமைக்கப்படுமா என்ற எதிர்பார்ப்பில் விவசாயிகள் காத்திருக்கின்றனர்.
வைட்டமின் பி, சி, மற்றும் கால்சியம், இரும்பு, அழற்சி எதிர்ப்பு பண்புகள் நிறைந்த முருங்கைக்காய் கரூர் மாவட்டம் அரவக்குறிச்சியை சுற்றியுள்ள கொத்தாம்பாளையம், தடாகோவில், வெஞ்சமாங்கூடலூர், அம்மாபட்டி, ஈசந்த்தம், ஆலமரத்துபட்டி உள்ளிட்ட 30க்கும் அதிகமான கிராமங்களில் சுமார் 20,000 ஏக்கரில் சாகுபடி செய்யப்படுகிறது. இங்கு விளையும் முருங்கைக்காய் திரட்சி, சுவையாக இருப்பதால் ஆந்திரா, கர்நாடகா, சத்தீஸ்கர், மகாராஷ்டிரா ஆகிய மாநிலங்களில் மட்டுமல்லாது இங்கிலாந்து, மலேசியா உள்ளிட்ட வெளிநாடுகளுக்கும் ஏற்றுமதி செய்யப்படுகிறது.  
வெப்ப, மித வெப்ப மண்டல பயிரான முருங்கை மார்ச், ஏப்ரல் மாதங்களில் அதிகளவில் முதல்போக விளைச்சலையும்,  ஜூன், ஜூலையில் இரண்டாம் போக விளைச்சலை கொடுக்கிறது. மற்ற காலங்களில் ஓரளவு விலை கிடைத்தாலும், விளைச்சல் காலங்களில் அதிகளவு சந்தைக்கு வரத்து வருவதால் அதன் விலையில் வீழ்ச்சியடைந்து விவசாயிகள் கடும் அவதிக்குள்ளாகி வருகின்றனர். இதனால் விலை வீழ்ச்சியை சமாளிக்க அரவக்குறிச்சியில் இயற்கை மருத்துவம் நிறைந்த முருங்கைகாய் பவுடர் தொழிற்சாலை அல்லது விளைச்சல் நேரங்களில் அவற்றை பாதுகாக்க குளிர்பதனக் கிடங்கு அமைத்து தரவேண்டும் என விவசாயிகள் கோரிக்கை விடுத்துள்ளனர்.
இதுகுறித்து ஈசநத்தம் முருங்கை விவசாயிகள் கூறுகையில், முருங்கைக் காய்களை வெளிமாநில வியாபாரிகள் மொத்தமாக கொள்முதல் செய்யும் வகையில் மலைக்கோவிலூர், இந்திரா நகர், பள்ளபட்டி, ஈசநத்தம் ஆகிய பகுதிகளில் சந்தை செயல்படுகிறது. 
சீசன் காலங்களில் வெளிமாநிலங்களுக்கு நாளொன்றுக்கு 20,000 டன் விற்பனைக்கு அனுப்பப்படுகிறது. தற்போது விளைச்சல் அதிகளவில் இருப்பதால், இருவாரங்களுக்கு முன் கிலோ ரூ.100 வரைக்கும் போன முருங்கைக்காய் தற்போது ரூ.10க்கு கூட வாங்க ஆளில்லை. 
மூன்று நாள்களுக்கு மேல் காய்கள் தாங்காது என்பதால் வேறு வழியின்றி விற்பனை செய்ய வேண்டியிருப்பதால் கூலிக்கு கூட விலை கிடைப்பதில்லை. 30 வருடங்களுக்கு முன் அரவக்குறிச்சி மற்றும் அதன் சுற்றுவட்டார  பகுதிகளில் சுமார் 50,000 ஏக்கரில் முருங்கைச் சாகுபடி நடந்து வந்தது. இப்போது பாதியாகக் குறைந்து விட்டதற்கு, விளைச்சல் காலங்களில் போதிய விலை கிடைக்காமல் போவது தான். எனவே அரவக்குறிச்சி முருங்கை விவசாயிகளை காப்பாற்ற  அரவக்குறிச்சியில் முருங்கைப் பவுடர் தொழிற்சாலை அல்லது குளிர்பதனக் கிடங்கு அமைக்க வேண்டும். இல்லையெனில் முருங்கை விவசாயம் முற்றிலும் அழிந்து விடும் என்றார்.

]]>
http://www.dinamani.com/all-editions/edition-trichy/karur/2018/aug/11/முருங்கை-குளிர்பதனக்-கிடங்கு-அமைக்கப்படுமா-விவசாயிகள்-எதிர்பார்ப்பு-2978486.html
2977753 திருச்சி கரூர் அம்மா திட்ட  முகாம்கள் ரத்து DIN DIN Friday, August 10, 2018 08:53 AM +0530 கரூர் மாவட்டத்தில் வெள்ளிக்கிழமை நடைபெற இருந்த அம்மா திட்ட முகாம்கள் ரத்து செய்யப்பட்டுள்ளது.
இதுதொடர்பாக மாவட்ட ஆட்சியர் த.அன்பழகன் வெளியிட்டுள்ள செய்திக்குறிப்பு: 
தமிழக முன்னாள் முதல்வர் டாக்டர் மு.கருணாநிதி செவ்வாய்க்கிழமை காலமா
னார். இதைத் தொடர்ந்து அரசு நிகழ்ச்சிகள் அனைத்தும் ஒரு வார காலத்திற்கு ரத்து செய்யப்படுவதாக தமிழக அரசால் அறிவிக்கப்பட்டுள்ளது. அதன்படி, கரூர் மாவட்டத்தில் வெள்ளிக்கிழமை (ஆக.10) நடைபெறுவதாக இருந்த அம்மா திட்ட முகாம்கள் ரத்து செய்யப்படுகிறது.  மேலும், சனிக்கிழமை (ஆக.11) நடைபெறுவதாக  அறிவிக்கப்பட்ட உணவு பொருள் வழங்கல் குறைதீர் கூட்டம் வரும் 18 ஆம் தேதி நடைபெறும் எனத் தெரிவித்துள்ளார்.

]]>
http://www.dinamani.com/all-editions/edition-trichy/karur/2018/aug/10/அம்மா-திட்ட--முகாம்கள்-ரத்து-2977753.html
2977751 திருச்சி கரூர் தீயில் கருகி இளம்பெண் சாவு DIN DIN Friday, August 10, 2018 08:52 AM +0530 கரூர் மாவட்டம் குளித்தலை அருகே தீயில் கருகி இளம்பெண் இறந்தது குறித்து போலீஸார் விசாரணை நடத்தி வருகின்றனர்.
 குளித்தலை அடுத்த மேலநங்கவரத்தைச் சேர்ந்தவர் குமார். இவரது மனைவி கோமதி(33). இவர்களுக்கு இரு குழந்தைகள் உள்ளனர். கடந்த 3 ஆம் தேதி வீட்டில் மண்ணெண்ணை அடுப்பில் சமையல் செய்தபோது திடீரென சேலையில் தீப்பற்றியது. இதில், உடல் கருகிய நிலையில் துடித்த அவரை அக்கம்பக்கத்தினர் காப்பாற்றி சிகிச்சைக்காக திருச்சி அரசு மருத்துவமனையில் அனுமதித்தனர். அங்கு சிகிச்சை பலனின்றி புதன்கிழமை இரவு இறந்தார். இதுகுறித்து குளித்தலை போலீஸார் வழக்குப்பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/aug/10/தீயில்-கருகி-இளம்பெண்-சாவு-2977751.html
2977749 திருச்சி கரூர் கருணாநிதிக்கு கவிதாஞ்சலி DIN DIN Friday, August 10, 2018 08:52 AM +0530 கரூர் திருக்குறள் பேரவை சார்பில் மறைந்த முதல்வர் மு.கருணாநிதிக்கு கவிதாஞ்சலி நிகழ்ச்சி வியாழக்கிழமை ஆர்யாஸ் உணவு விடுதியில் நடைபெற்றது. நிகழ்ச்சியில், கரூர் திருக்குறள் பேரவையின் நிறுவனத் தலைவர் மேலை.பழநியப்பன் அறிமுக உரையாற்றினார். புலவர் அருணா. பொன்னுசாமி தலைமை வகித்தார். முனைவர் கடவூர் மணிமாறன் முன்னிலை வகித்தார். 
நிகழ்ச்சியில், மறைந்த முன்னாள் முதல்வர் மு.கருணாநிதிக்கு கவிஞர் குழந்தை, கருவூர் கன்னல், நன்செய்ப்புகழூர் அழகரசன், வ.சரவணன், சண்முக சிதம்பரம், முனைவர் இனியன் கோவிந்தராஜூ உள்ளிட்டோர் கவிதாஞ்சலி பாடினர். ஏற்பாடுகளை கரூர் திருக்குறள் பேரவை செய்திருந்தது.

]]>
http://www.dinamani.com/all-editions/edition-trichy/karur/2018/aug/10/கருணாநிதிக்கு-கவிதாஞ்சலி-2977749.html
2977748 திருச்சி கரூர் வேலாயுதம்பாளையத்தில் மொட்டையடித்து திமுகவினர் அஞ்சலி DIN DIN Friday, August 10, 2018 08:52 AM +0530 கரூர் மாவட்டம் வேலாயுதம்பாளையம் ரவுண்டானா பகுதியில் திமுகவினர் மொட்டையடித்து அஞ்சலி செலுத்தும் நிகழ்ச்சி வியாழக்கிழமை நடைபெற்றது. 
சென்னையில் திமுக தலைவர் மு.கருணாநிதி செவ்வாய்க்கிழமை காலமானார். இதையடுத்து, அவரது உடல் மெரீனா கடற்கரையில் அண்ணா நினைவிடத்துக்கு அருகில் புதன்கிழமை நல்லடக்கம் செய்யப்பட்டது. 
இதைத்தொடர்ந்து, கரூர் மாவட்டம் வேலாயுதம்பாளையத்தில் வியாழக்கிழமை மாலை, கரூர் ஒன்றிய தி.மு.க. செயலாளர் கந்தசாமி தலைமையில் புன்செய் புகழூர் பேரூர் செயலாளர் சாமிநாதன் முன்னிலையில் அதே பகுதியைச் சேர்ந்த  மாவட்ட இலக்கிய அணி புரவலர் பொறியாளர் திருமலை, ராமன் சந்திரசேகரன், குணசேகரன், குழந்தைசாமி, குணாளன் உள்ளிட்ட சுமார் 20 பேர்  மொட்டையடித்து கருணாநிதியின் படத்திற்கு அஞ்சலி செலுத்தினர். இதில், மாவட்ட பிரதிநிதிகள் வாசுதேவன், நூர்முகமது, பேரூர் கழக பொருளாளர் பாண்டியன், ஒன்றிய துணைச் செயலாளர்  சாதிக் பாட்ஷா உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/aug/10/வேலாயுதம்பாளையத்தில்-மொட்டையடித்து-திமுகவினர்-அஞ்சலி-2977748.html
2977746 திருச்சி கரூர் 3.69 லட்சம் பள்ளி மாணவ, மாணவிகளுக்கு இன்று இலவச குடற்புழு நீக்க மாத்திரை DIN DIN Friday, August 10, 2018 08:52 AM +0530 கரூர் மாவட்டத்தில் வியாழக்கிழமை 3,69,923 பள்ளி மாணவ, மாணவிகளுக்கு இலவசமாக குடற்புழு நீக்க மாத்திரை வழங்க ஏற்பாடு செய்யப்பட்டுள்ளதாக மாவட்ட ஆட்சியர் த.அன்பழகன் தெரிவித்துள்ளார்.  
இதுதொடர்பாக அவர் வெளியிட்டுள்ள செய்திக்குறிப்பு: 
தமிழக அரசின் பொது சுகாதாரத் துறை சார்பில் வெள்ளிக்கிழமை (ஆக.10) தேசிய குடற்புழு நீக்க  தினம் கடைப்பிடிக்கப்படுகிறது. கரூர் மாவட்டத்தில் உள்ள மாணவர்களின் உடல் ஆரோக்கியத்தை மேம்படுத்துவதற்காக குடற்புழு நீக்க மாத்திரைகள் 1 வயது முதல் 19 வயதிற்குட்பட்ட மொத்தம் 3,69,923 குழந்தைகள் மற்றும் மாணவ, மாணவிகளுக்கு அரசு மற்றும்  அரசு சார்ந்த பள்ளிகள், தனியார் பள்ளிகள், கல்லூரிகள், அரசு  நிதி உதவி பெறும் பள்ளிகள், சுயநிதி கல்லூரிகள், துணை சுகாதார நிலையங்கள் மற்றும் ஆரம்ப சுகாதார நிலையங்கள் உள்ளிட்ட இடங்களில் இலவசமாக வழங்கப்பட உள்ளது.  இதன் மூலம் குழந்தைகளுக்கு வைட்டமின் ஏ மற்றும் இரும்புச்சத்து குறைபாடு ஏற்படுவது தடுக்கப்படும். குறிப்பாக, ரத்தச்சோகை குறைபாடு வராமல் தடுக்க முடியும். பள்ளி செல்லாத குழந்தைகளுக்கு அங்கன்வாடி பணியாளர்களின் மூலமாக அங்கன்வாடி மையத்திற்கு அழைத்து வந்து குடற்புழு நீக்க மருந்து வழங்கப்பட உள்ளது எனத் தெரிவித்துள்ளார். 
 

]]>
http://www.dinamani.com/all-editions/edition-trichy/karur/2018/aug/10/369-லட்சம்-பள்ளி-மாணவ-மாணவிகளுக்கு-இன்று-இலவச-குடற்புழு-நீக்க-மாத்திரை-2977746.html
2977745 திருச்சி கரூர் மாவட்டத்தில் 108 இடங்களில் விநாயகர் சிலை பிரதிஷ்டை: இந்து முன்னணி முடிவு DIN DIN Friday, August 10, 2018 08:51 AM +0530 விநாயகர் சதூர்த்தியை முன்னிட்டு, கரூர் மாவட்டத்தில் 108 இடங்களில் விநாயகர் சிலை பிரதிஷ்டை செய்து வழிபாடு நடத்த இந்து முன்னணி முடிவு செய்துள்ளது.
இந்து முன்னணியின் கரூர் மாவட்ட நிர்வாகிகள் ஆலோசனைக் கூட்டம் கரூரில் வியாழக்கிழமை மாலை நடைபெற்றது. கூட்டத்திற்கு, மாவட்ட பொது செயலாளர் ந. முருகேசன் தலைமை வகித்தார். பொருளாளர் ரமேஷ் குமார், ஒருங்கிணைப்பாளர் சக்தி, செயலாளர் ராஜலிங்கம் உள்ளிட்டோர் முன்னிலை வகித்தனர். மாநில பொருளாளர் நா. சண்முகசுந்தரம் சிறப்புரையாற்றினார். 
கூட்டத்தில், கோயில் நிலம், கோயில் பணம், சிலை கொள்ளை போகுது, கோயிலை காப்போம் எனக்கூறி ஆக.12 ஆம் தேதி முதல் 18 ஆம் தேதி வரை குடும்பத்தோடு கோயிலுக்குள் சென்று பிரார்த்தனை செய்வது, வரும் 19 ஆம் தேதி கோயில் பாதுகாப்பு விழிப்புணர்வு யாத்திரை நடத்துவது, வரும் செப்.13 ஆம் தேதி விநாயகர் சதூர்த்தி விழாவை முன்னிட்டு மாவட்டம் முழுவதும் 108 இடங்களில் விநாயகர் சிலைகளை பிரதிஷ்டை செய்து சிறப்பு வழிபாடு நடத்துவது என்பன உள்ளிட்ட தீர்மானங்கள் நிறைவேற்றப்பட்டன. இதில் இந்து முன்னணியினர் திரளாக பங்கேற்றனர்.

]]>
http://www.dinamani.com/all-editions/edition-trichy/karur/2018/aug/10/மாவட்டத்தில்-108-இடங்களில்-விநாயகர்-சிலை-பிரதிஷ்டை-இந்து-முன்னணி-முடிவு-2977745.html
2977743 திருச்சி கரூர் தாய்சேய் நலவிடுதியில் தாய்ப்பால் வார விழா DIN DIN Friday, August 10, 2018 08:51 AM +0530 கரூர் கஸ்தூரிபாய் தாய் சேய் நல விடுதியில் தாய்ப்பால் வார விழா வியாழக்கிழமை நடைபெற்றது. 
கரூர் ஹோஸ்ட் லயன்ஸ் சங்கம் மற்றும் கரூர் சக்தி லயன்ஸ் சங்கம் சார்பில் நடைபெற்ற நிகழ்ச்சியில் சிறப்பு விருந்தினராகப் பங்கேற்ற அரிமா சங்க மண்டலத் தலைவர் மேலும் பேசியது: தாய்மார்களுக்கு மார்பகப் புற்றுநோயை தடுக்கக் கூடிய வல்லமை தாய்ப்பாலுக்கு உண்டு.  அழகு கெடும் என்பது  முற்றிலும் தவறு. குழந்தைகளுக்கு அறிவு வளமும், சிந்தனை வளமும், சொல் வளமும் கிடைக்க தாய்ப்பால் ஊட்டுவது அவசியம் என்றார். 
முன்னதாக நிகழ்ச்சிக்கு கரூர் ஹோஸ்ட் லயன்ஸ் சங்கத் தலைவர் டாக்டர் எஸ்.ரவி தலைமை வகித்தார். சிறப்பு விருந்தினராக  அரிமா சங்கத்தின் 324 ஏ2 மாவட்டத்தினுடைய இரண்டாம் துணை ஆளுநர் சேதுக்குமார் பங்கேற்றுப் பேசினார்.  தொடர்ந்து நிகழ்ச்சியில் கைக்குழந்தைகளுடன் பங்கேற்ற நூற்றுக்கும் மேற்பட்ட தாய்மார்களுக்கு பழ வகைகள், சங்கு ஆகியன வழங்கப்பட்டன. நிகழ்ச்சியில், கரூர் நகராட்சி சுகாதார அலுவலர் ஆனந்த், ஹோஸ்ட் லயன்ஸ் சங்கச் செயலர் எஸ்.எஸ் ரமேஷ், கரூர் சக்தி லயன்ஸ் சங்கத் தலைவர் எஸ். பத்மாவதி, செயலர் எஸ்.சௌந்தர்யா உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/10/தாய்சேய்-நலவிடுதியில்-தாய்ப்பால்-வார-விழா-2977743.html
2977742 திருச்சி கரூர் அனுமதிக்கப்பட்ட வழித்தடத்தில் மினி பேருந்து இயக்கக் கோரிக்கை DIN DIN Friday, August 10, 2018 08:51 AM +0530 அனுமதிக்கப்பட்ட வழித்தடத்தில் மினி பேருந்து இயக்க நடவடிக்கை எடுக்க வேண்டும் என ஆதித்தமிழர் பேரவையினர் ஆட்சியரிடம் வலியுறுத்தினர்.
இதுதொடர்பாக அக்கட்சியினர் அண்மையில் மாவட்ட ஆட்சியர் த. அன்பழகனிடம் அளித்த கோரிக்கை மனுவில் தெரிவிக்கப்பட்டிருப்பதாவது: 
கரூர் பேருந்து நிலையத்தில் இருந்து தாந்தோணிமலை வழியாக ஏமூர் நடுப்பாளையம், கத்தாளப்பட்டி, செல்லாண்டிபட்டி வரை இயக்கப்பட்டு வந்த மினி பேருந்து தற்போது அனுமதிக்கப்பட்ட ஏமூர்-நடுப்பாளையம்  வழியாகச் செல்லாமல் அனுமதி மறுக்கப்பட்ட மணவாடி, கல்லுமடை வழியாகச் செல்கிறது. இதனால் ஏமூர்-நடுப்பாளையம் பகுதி பொதுமக்கள் மிகவும் பாதிக்கப்படுகிறார்கள். எனவே அனுமதிக்கப்பட்ட வழித்தடமான ஏமூர்-நடுப்பாளையம் வழியாக செல்லாண்டிபட்டி வரை மினி பேருந்தை இயக்க உரிய நடவடிக்கை எடுக்க வேண்டும் எனத் தெரிவித்துள்ளனர்.

]]>
http://www.dinamani.com/all-editions/edition-trichy/karur/2018/aug/10/அனுமதிக்கப்பட்ட-வழித்தடத்தில்-மினி-பேருந்து-இயக்கக்-கோரிக்கை-2977742.html
2977740 திருச்சி கரூர் சாரதா கல்லூரிக்கு  வரும் 13 ஆம் தேதி  நாக் கமிட்டி வருகை DIN DIN Friday, August 10, 2018 08:50 AM +0530 கரூர் சாரதா கல்லூரிக்கு வரும் 13,14 ஆம் தேதிகளில் நாக் கமிட்டி வருகை தர உள்ளது.
இதுதொடர்பாக அக்கல்லூரியின் செயலர் யத்தீஸ்வரி நீலகண்ட பிரியா அம்பா கூறியது: 
ஸ்ரீ சாரதா நிகேதன் மகளிர் அறிவியல் கல்லூரி 1987-இல் ஸ்ரீமத் சுவாமி சித்பாவந்தரால் நிறுவப்பட்டு திருப்பராய்த்துறை ஸ்ரீராமகிருஷ்ண தபோவனத்தின் கீழ் செயல்பட்டு வருகிறது. இக்கல்லூரியின் தரத்தினை தேசிய கல்வி தரத்துடன் ஒப்பீடு செய்து தேசிய தரச்சான்று வழங்க தேசிய தர மதிப்பீட்டுக் குழு வரும் 13, 14 ஆம் தேதிகளில் கல்லூரிக்கு வருகிறது என்றார். 
நிகழ்ச்சியின்போது, திருநெல்வேலி சாரதா கல்லூரிச் செயலர் யத்தீஸ்வரி சரவணபவ பிரியா அம்பா, கல்லூரியின் கல்வி ஆலோசகர் மேஜர் பி.சந்திரசேகரன் ஆகியோர் உடனிருந்தனர்.

]]>
http://www.dinamani.com/all-editions/edition-trichy/karur/2018/aug/10/சாரதா-கல்லூரிக்கு--வரும்-13-ஆம்-தேதி--நாக்-கமிட்டி-வருகை-2977740.html
2977144 திருச்சி கரூர் கருணாநிதி மறைவு: வெறிச்சோடிய சாலைகள் DIN DIN Thursday, August 9, 2018 08:41 AM +0530 திமுக தலைவர் கருணாநிதி மறைவால் மாவட்டத்தில் கடைகள் முழுமையாக அடைக்கப்பட்டிருந்தன. பேருந்துகள், கனரக வாகனங்கள் இயக்கப்படாததால் சாலைகள் வெறிச்சோடி காணப்பட்டன.
திமுக தலைவர் மு.கருணாநிதி செவ்வாய்க்கிழமை மரணமடைந்ததையடுத்து, நள்ளிரவு முதல் பேருந்துகள் இயக்கப்படுவது தவிர்க்கப்பட்டது. மேலும் தமிழக அரசும் புதன்கிழமை பொது விடுமுறை நாளாக அறிவித்தது.
இதன்காரணமாக, மாவட்டத்தில் அரசு, தனியார், மினி பேருந்துகள், ஆட்டோ, வேன்கள் இயக்கப்படவில்லை. மேலும் வர்த்தக நிறுவனங்கள், பலசரக்கு, காய்கறி கடைகள் என அனைத்து கடைகளும் மூடப்பட்டிருந்தன. இதனால் கரூரின் முக்கிய சாலைகளான கோவை சாலை, ஜவஹர் பஜார், காமாட்சியம்மன் கோவில் வீதி, செங்குந்தபுரம் வீதிகள் உள்ளிட்ட அனைத்து பகுதிகளில் மக்கள் நடமாட்டம் இன்றி வெறிச்சோடி காணப்பட்டன. 
மேலும் மாவட்டத்தில் அனைத்து பெட்ரோல் விற்பனை நிலையங்கள், டாஸ்மாக் மதுபானக் கடைகள், ஓட்டல்கள் மூடப்பட்டன.  மத்திய அரசு அலுவலகங்கள், வங்கிகளுக்கு விடுமுறை விடப்படாததால் வங்கிகள், அஞ்சலகங்கள் திறக்கப்பட்டிருந்தன. 
கருணாநிதி உடல் இறுதி மரியாதைக்குப் பிறகு மாலையில் சில இடங்களில் தேநீர் கடைகள், உணவகங்கள் திறக்கப்பட்டன. அசம்பாவிதங்கள் தடுக்கும் வகையில் மாவட்டம் முழுவதிலும் பலத்த போலீஸ் பாதுகாப்பு போடப்பட்டிருந்தது. 
மாவட்டத்தில் பேருந்துகள் இயக்கப்படாததால் கரூர் ரயில் நிலையத்தில் பயணிகள் கூட்டம் அதிகளவில் காணப்பட்டது.
பல்வேறு கட்சியினர் மாலை அணிவித்து மரியாதை:  கரூரில் திமுக தலைவர் மு.கருணாநிதி படத்திற்கு திமுக, காங்கிரஸ் உள்ளிட்ட பல்வேறு கட்சியினர் புதன்கிழமை மாலை அணிவித்து மரியாதை செலுத்தினர்.
திமுக தலைவர் கருணாநிதி செவ்வாய்க்கிழமை காலமானதையடுத்து கரூர் பேருந்து நிலைய ரவுண்டானாவில் காமராஜர் சிலை முன்பு வைக்கப்பட்ட கருணாநிதி படத்துக்கு காங்கிரஸ் கட்சி சார்பில் மாலை அணிவித்து மரியாதை செலுத்தப்பட்டது. அகில இந்திய காங்கிரஸ் கமிட்டி உறுப்பினர் பேங்க் கே.சுப்ரமணியன் தலைமை வகித்தார். நகரத் தலைவர் ஆர்.ஸ்டீபன்பாபு, தாந்தோணி குமார் உள்ளிட்டோர் பங்கேற்றனர்.
மனிதநேய ஜனநாயக கட்சி சார்பில் மாவட்டச் செயலாளர் இஸ்மாயில் தலைமையில் அக்கட்சியினர் மாலை அணிவித்தனர். மாவட்டப் பொருளாளர் ஜாகீர்உசேன், துணைச் செயலாளர்கள் வினிஸ்ராஜ், ஷாஜகான், நகரச் செயலாளர் பாரூக் உள்ளிட்டோர் பங்கேற்றனர். பசுபதிபாளையம் காவல்நிலையம் முன் வைக்கப்பட்டிருந்த கருணாநிதி படத்துக்கு அப்பகுதி திமுகவினர் மாலை அணிவித்து மரியாதை செலுத்தினர். பெண்கள் ஒப்பாரி வைத்தனர். 
இதுதவிர, திருமாநிலையூர், வெங்கமேடு, தாந்தோணிமலை, குளித்தலை, க.பரமத்தி, அரவக்குறிச்சி, பள்ளபட்டி உள்ளிட்ட பல்வேறு பகுதியில் திமுகவினர் கருணாநிதி படத்துக்கு மாலை அணிவித்து மரியாதை செலுத்தினர். 
திமுக ஊராட்சி செயலாளர் துரைசாமி தலைமையில் தென்னிலை கடைவீதியில் நடைபெற்ற மௌன ஊர்வலத்தில் திரளான திமுகவினர் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/09/கருணாநிதி-மறைவு-வெறிச்சோடிய-சாலைகள்-2977144.html
2977143 திருச்சி கரூர் காவிரி ஆற்றில் மணல் கடத்த பயன்படுத்திய லாரி பறிமுதல் DIN DIN Thursday, August 9, 2018 08:41 AM +0530 குளித்தலை காவிரி ஆற்றில் மணல் கடத்த பயன்படுத்திய லாரியை போலீஸார் பறிமுதல் செய்தனர்.
கரூர் மாவட்டம், குளித்தலை காவிரி ஆற்றுக்குள் சிலர் லாரியில் அனுமதியின்றி மணல் அள்ளுவதாக செவ்வாய்க்கிழமை இரவு போலீஸாருக்கு தகவல் வந்தது. காவல் சிறப்பு உதவி ஆய்வாளர் முத்துசாமி தலைமையிலான போலீஸார் அங்கு சென்றதைக் கண்ட மணல் கடத்தும் கும்பல் லாரியை விட்டு விட்டு தப்பியோடினர். லாரியை பறிமுதல் செய்த போலீஸார், தப்பியோடிய மணல் கடத்தல் கும்பலைத் தேடி வருகின்றனர். 

]]>
http://www.dinamani.com/all-editions/edition-trichy/karur/2018/aug/09/காவிரி-ஆற்றில்-மணல்-கடத்த-பயன்படுத்திய-லாரி-பறிமுதல்-2977143.html
2977142 திருச்சி கரூர் ஓரினச்சேர்க்கைக்கு மறுத்த மாணவன் கொலை: இளைஞர் கைது DIN DIN Thursday, August 9, 2018 08:40 AM +0530 க.பரமத்தி அருகே ஓரினச்சேர்க்கைக்கு மறுத்த பள்ளி மாணவனைக் கொலை செய்த இளைஞர் புதன்கிழமை கைது செய்யப்பட்டார். 
கரூர் மாவட்டம், க.பரமத்தி அருகே பி.விஸ்வநாதபுரி அண்ணாநகரைச் சேர்ந்த விஸ்வநாதன் மகன் சிரஞ்சீவி(13). அப்பகுதியில் உள்ள அரசு நடுநிலைப் பள்ளியில் 8ஆம் வகுப்பு படித்து வந்தான். செவ்வாய்க்கிழமை வழக்கம் போல பள்ளிக்குச் சென்ற சிரஞ்சீவி மாலையில் வெகுநேரமாகியும் வீடுதிரும்பவில்லை. இதையடுத்து அவனது பெற்றோர், உடன் படிக்கும் சக மாணவர்களிடம் விசாரித்த போது பள்ளிக்கு வரவில்லை எனக் கூறியுள்ளனர். மேலும் அதேபகுதியைச் சேர்ந்த ராஜ் மகன் பிரதீப்புடன்(19) பார்த்ததாகக் கூறினர். 
இதுகுறித்து பிரதீப்பிடம் கேட்டபோது பார்க்கவே இல்லை எனக் கூறியுள்ளான். அவன் மீது சந்தேகம் கொண்ட விஸ்வநாதன் க.பரமத்தி போலீஸில் புகார் செய்தார். இதையடுத்து போலீஸார் பிரதீப்பிடம் விசாரித்த போது,  ஓரினச்சேர்க்கை பழக்கம் உள்ளதாகவும், செவ்வாய்க்கிழமை காலை பள்ளிக்குச் சென்ற சிரஞ்சீவியிடம் விளையாடலாம் எனக் கூறி அங்குள்ள வாய்க்கால் மேட்டுக்கு அழைத்துச் சென்று, ஓரினச் சேர்க்கைக்கு கட்டாயப்படுத்திய போது மறுத்ததால் சிரஞ்சீவியை அங்கு கிடந்த பழைய சேலையால்  வாய், மூக்கை பொத்தி கொலை செய்து சடலத்தை அங்கேயே போட்டு விட்டு வந்ததாகக் கூறினான். இதையடுத்து, போலீஸார் பிரதீப்பைக் கைது செய்தனர்.
 

]]>
http://www.dinamani.com/all-editions/edition-trichy/karur/2018/aug/09/ஓரினச்சேர்க்கைக்கு-மறுத்த-மாணவன்-கொலை-இளைஞர்-கைது-2977142.html
2976631 திருச்சி கரூர் கரூர் மாவட்டத்தில் கடைகள் அடைப்பு, பேருந்துகள் நிறுத்தம் DIN DIN Wednesday, August 8, 2018 04:09 AM +0530 திமுக தலைவர் கருணாநிதி மறைவையடுத்து கரூர் மாவட்டத்தில் செவ்வாய்க்கிழமை மாலை அனைத்து கடைகளும் அடைக்கப்பட்டன. மக்கள் நடமாட்டம் மிகுந்த பகுதியில் போலீஸார் குவிக்கப்பட்டனர். மேலும் கட்சிக்கொடி அரைக்கம்பத்தில் பறக்கவிடப்பட்டது.
கரூரில் வணிக நிறுவனங்கள் நிறைந்த கோவைச்சாலை, ஜவஹர் சாலை, காமாட்சியம்மன் கோயில் வீதி, பேருந்துநிலையம், அரசு மருத்துவமனை பழைய திண்டுக்கல் சாலை, பழைய பேருந்து நிலையம், திருமாநிலையூர், திருக்காம்புலியூர் ரவுண்டானா, லைட் ஹவுஸ் கார்னர், காந்திகிராமம், பசுபதிபாளையம் கடைவீதி உள்ளிட்ட பகுதிகளில் அனைத்து வணிக நிறுவனங்கள், ஜவுளிக்கடைகள், டீக்கடைகள், ஹோட்டல்கள் உள்ளிட்ட அனைத்து வணிக நிறுவனங்களும் அடைக்கப்பட்டன. இதேபோல புலியூர், வேலாயுதம்பாளையம், அரவக்குறிக்குறிச்சி, பள்ளபட்டி, க.பரமத்தி, குளித்தலை, கிருஷ்ணராயபுரம், தரகம்பட்டி உள்ளிட்ட மாவட்டத்தின் அனைத்து பகுதிகளிலும் கடைகள் அடைக்கப்பட்டன. 
அனைத்து பள்ளிகளும் பள்ளிகள் வழக்கத்தை விட 3.40 மணிக்கு மூடப்பட்டன.  
மாவட்ட காவல் கண்காணிப்பாளர் டிகே.ராஜசேகரன் தலைமையில் ஏராளமான போலீஸார் கரூர் பேருந்து நிலையம், ரயில் நிலையம், பேருந்து நிலைய மனோகரா கார்னர், ஜவஹர் பஜார் உள்ளிட்ட பகுதிகளில் குவிக்கப்பட்டனர். மேலும், கலைஞர் அறிவாலயம் உள்ளிட்ட பகுதிகளில் கட்சிக் கொடிகள் அரைக்கம்பத்தில் பறக்கவிடப்பட்டன. போலீஸார் தீவிர ரோந்து பணியில் ஈடுபட்டனர். 
கரூர் பேருந்து நிலையத்திற்கு வந்து சென்ற வெளியூர் பேருந்துகள் அனைத்தும் போலீஸ் பாதுகாப்புடன் இயக்கப்பட்டன. கோவையில் இருந்து கரூர் வந்த அரசுப் பேருந்து ஓட்டுநர்
பாதுகாப்பு கருதி பேருந்துப் பயணிகளை இறக்கி விட்டு பணிமனைக்கு பேருந்தை கொண்டு சென்றார். இதையடுத்து, பேருந்து நிலையத்தில் நின்றிருந்த போலீஸார் மாற்றுப் பேருந்தை ஏற்பாடு செய்த பயணிகளை திருச்சிக்கு அனுப்பிவைத்தனர். இரவு 8 மணிக்கு மேல் பேருந்து நிலையம் வந்தடைந்த பயணிகள் ரயில் நிலையம் சென்று அவரவர் ஊருக்கு சென்றனர்.
உள்ளூரில் இயக்கப்பட்ட மினி பேருந்துகள், மினி ஆட்டோக்கள் நிறுத்தப்பட்டன. 
கரூர் மாவட்டத்தில் சினிமா காட்சிகள் ரத்து செய்யப்பட்டன. டாஸ்மாக் கடைகள் அனைத்தும் மாலை 6 மணிக்கு மூடப்பட்டன.

]]>
http://www.dinamani.com/all-editions/edition-trichy/karur/2018/aug/08/கரூர்-மாவட்டத்தில்-கடைகள்-அடைப்பு-பேருந்துகள்-நிறுத்தம்-2976631.html
2976630 திருச்சி கரூர் மோட்டார் வாகன சட்ட திருத்தத்தை திரும்பப்பெறக்கோரி வேலைநிறுத்தம் DIN DIN Wednesday, August 8, 2018 04:09 AM +0530 மோட்டார் வாகன சட்ட திருத்த மசோதாவிற்கு எதிர்ப்பு தெரிவித்து, கரூரில் செவ்வாய்க்கிழமை சுற்றுலா வாகனங்கள் இயக்கப்படவில்லை. மேலும் இருசக்கர வாகன பழுதுபார்க்கும் கடைகளும் அடைக்கப்பட்டிருந்தன. ஆனால் ஆட்டோக்கள் வழக்கம்போல இயங்கின.
மோட்டார் வாகனச் சட்ட திருத்த மசோதாவால் கார்பரேட் நிறுவனங்கள் மட்டுமே பயனடையும். இதனால் வாகனங்களின் உதிரிபாகங்கள் விலையேற்றம் கடுமையாக இருக்கும். 
மேலும் வாகனங்கள் பழுதானால் கார்பரேட் நிறுவனங்களில் மட்டுமே பழுதை சீரமைக்க முடியும்.  மெக்கானிக்குகள், உதிரிபாகம் விற்பனையாளர்கள், சுற்றுலா வாகன ஓட்டிகள் என அனைத்து தரப்பினரும் பாதிக்கப்படும் நிலை ஏற்பட்டுள்ளதால் இந்த மசோதாவை திரும்ப பெறக்கோரி நாடுமுழுவதும் செவ்வாய்க்கிழமை ஒரு நாள் வேலைநிறுத்தம் நடைபெற்றது. கரூர் மாவட்டத்தில் இருசக்கர வாகன பழுதுபார்ப்போர் சங்கத்தினர் பங்கேற்றதால் கரூரில் திருமாநிலையூர், லைட்ஹவுஸ் கார்னர், ஜவஹர் பஜார் உள்ளிட்ட பகுதிகளில் செயல்பட்டு வந்த இருசக்கர வாகன பழுதுபார்ப்போர் தங்களது கடைகளை அடைத்து தங்களது எதிர்ப்பை காட்டினர். மேலும் கரூர் சன்னதி தெருவில் உள்ள சுற்றுலா வேன் ஓட்டுநர்கள் வேலைநிறுத்தத்தில் ஈடுபட்ட தங்களது வாகனங்களை நிறுத்தியிருந்தனர். 
இந்த வேலைநிறுத்தத்தில் தனியார் பேருந்துகள், ஆட்டோக்கள் பங்கேற்காததால் அவைகள் வழக்கம்போல இயங்கின. இந்த வேலைநிறுத்தத்தால் கரூர் மாவட்டத்தில் மக்களுக்கு எந்தவித பாதிப்பும் ஏற்படவில்லை. 
தொழிற்சங்கத்தினர் ஆர்ப்பாட்டம்: கரூர் பேருந்துநிலைய ரவுண்டானா ஆர்எம்எஸ் அலுவலகம் முன் நடைபெற்ற இந்த ஆர்ப்பாட்டத்திற்கு தொமுச மாவட்டச் செயலாளர் பழ.அப்பாசாமி தலைமை வகித்தார். ஐஎன்டியுசி மாநிலச் செயலாளர் டிவி.அம்பலவாணன், சிஐடியு மாவட்டத் தலைவர் ஜி. ஜீவானந்தம், ஏஐடியுசி மாவட்டச் செயலாளர் ஜிபிஎஸ். வடிவேலன், ஏஐசிசிடியு மாவட்டச் செயலாளர் எம். பால்ராஜ் உள்ளிட்டோர் சிறப்புரையாற்றினர். 
ஆர்ப்பாட்டமானது, கார்பரேட் நிறுவனங்களுக்கு ஆதரவாக உள்ள மோட்டார் வாகனச் சட்டத் திருத்த மசோதாவை திரும்பப் பெற வேண்டும் என வலியுறுத்தி நடைபெற்றது. 
இதில்  பொது போக்குவரத்து,  சரக்கு வாகனங்கள், உதிரிபாக விற்பனையாளர்கள், மெக்கானிக்குகள், ஓட்டுநர் பயிற்சிப்பள்ளி உள்ளிட்ட  தொழில்களைச் சேர்ந்தவர்களும் திரளாகப் பங்கேற்றனர்.

]]>
http://www.dinamani.com/all-editions/edition-trichy/karur/2018/aug/08/மோட்டார்-வாகன-சட்ட-திருத்தத்தை-திரும்பப்பெறக்கோரி-வேலைநிறுத்தம்-2976630.html
2976629 திருச்சி கரூர் தொடர் திருட்டில் ஈடுபட்ட இளைஞருக்கு சிறை DIN DIN Wednesday, August 8, 2018 04:08 AM +0530 கரூர் மாவட்டத்தில் தொடர் திருட்டில் ஈடுபட்ட இளைஞருக்கு சிறைத்தண்டனை வழங்கப்பட்டன.
 கரூர் மாவட்டம் கிருஷ்ணராயபுரம் அடுத்த கருப்பத்தூரைச் சேர்ந்த செல்வராஜ் மகன் சங்கர்(28). இவர் கடந்த 2013, 2014 ஆம் ஆண்டுகளில் கரூர் நகர் பகுதிகளில் பல்வேறு பகுதியில் தொடர் திருட்டில் ஈடுபட்டு வந்தார். இதையடுத்து அவரைக் கைது செய்த போலீஸார், கரூர் குற்றவியல் நீதிமன்றம் எண்-1 இல் வழக்குத் தொடர்ந்தனர். இந்த வழக்கு திங்கள்கிழமை விசாரணைக்கு வந்தது. வழக்கில் குற்றவாளி சங்கருக்கு 3 ஆண்டுகள் சிறைத்தண்டனை வழங்கி நீதிபதி மோகனவள்ளி உத்தரவிட்டதையடுத்து சங்கர் திருச்சி மத்திய சிறையில் அடைக்கப்பட்டார்.

]]>
http://www.dinamani.com/all-editions/edition-trichy/karur/2018/aug/08/தொடர்-திருட்டில்-ஈடுபட்ட-இளைஞருக்கு-சிறை-2976629.html
2976011 திருச்சி கரூர் ஆற்றில் மூழ்கிய இளைஞர் சடலம் மீட்பு DIN DIN Tuesday, August 7, 2018 08:36 AM +0530 ஆற்றில் மூழ்கிய இளைஞர் சடலம் ஞாயிற்றுக்கிழமை இரவு மீட்கப்பட்டது. 
கரூர் சணப்பிரட்டியை அடுத்த கொளந்தாகவுண்டனூர் காமதேனு நகரைச் சேர்ந்த பாண்டியராஜன் மகன் கார்த்திகேயன்(26). இவர் அப்பகுதியில் உள்ள தனியார் அச்சகத்தில் கூலித் தொழிலாளியாக வேலை செய்து வந்தார். கடந்த வெள்ளிக்கிழமை (ஆக.3) நண்பர்களுடன் வாங்கல் காவிரி ஆற்றில் குளிக்கச் சென்ற கார்த்திகேயன், நீரில் அடித்துச் செல்லப்பட்டார். 
தீயணைப்பு வீரர்கள் சம்பவ இடத்திற்குச் சென்று இளைஞரின் உடலைத் தேடினர். இந்நிலையில் 3 நாள்களுக்குப் பிறகு ஞாயிற்றுக்கிழமை இரவு முள்புதரில் சிக்கியிருந்த சடலம் மீட்கப்பட்டு பிரேத பரிசோதனைக்கு கரூர் அரசு மருத்துவமனைக்கு அனுப்பி வைக்கப்பட்டது. இதுகுறித்து வாங்கல் போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-trichy/karur/2018/aug/07/ஆற்றில்-மூழ்கிய-இளைஞர்-சடலம்-மீட்பு-2976011.html
2976007 திருச்சி கரூர் திருக்குறள் பேரவை சார்பில் பிழையின்றி தமிழ் அறியும் திட்டம் துவக்கம் DIN DIN Tuesday, August 7, 2018 08:35 AM +0530 கரூர் திருக்குறள் பேரவை சார்பில் பிழையின்றி தமிழ் அறியும் திட்டம் துவக்கப்பட்டுள்ளது.
இதுகுறித்து பேரவையின் செயலாளர் மேலை.பழனியப்பன் திங்கள்கிழமை வெளியிட்ட அறிக்கை:  அண்மைக் காலமாக பொது இடங்களில் ஒட்டப்படும் சுவரொட்டிகள், விளம்பர பதாகைகள், துண்டு பிரசுரங்கள், வெளியிடப்படும் நூல்களில் ஏராளமான தவறுகள் உள்ளன. இதனால் தமிழறிஞர்கள் கவலை தெரிவித்ததையடுத்து கரூர் திருக்குறள் பேரவை சார்பில் இனி இதுபோன்ற தவறுகள் நிகழா வகையில் பிழையின்றி தமிழ் அறியும் திட்டம் துவங்கப்பட்டுள்ளது.
இத்திட்டத்தில் தமிழில் எழும் ஐயப்பாடுகளை தமிழறிஞர்கள் முனைவர் கோவிந்தராசு 94430- 19884, கவிஞர் கருவூர் குழந்தை 89039-41177, முனைவர் கடவூர் மணிமாறன் 94431-44372 ஆகியோரது செல்பேசி எண்களில் கேட்டறிந்து பிழையின்றி தமிழை எழுதலாம்.

]]>
http://www.dinamani.com/all-editions/edition-trichy/karur/2018/aug/07/திருக்குறள்-பேரவை-சார்பில்-பிழையின்றி-தமிழ்-அறியும்-திட்டம்-துவக்கம்-2976007.html
2976005 திருச்சி கரூர் தாந்தோணிமலையில் ஆதிதிராவிட பள்ளி மாணவியர் விடுதி திறப்பு DIN DIN Tuesday, August 7, 2018 08:35 AM +0530 தாந்தோணிமலையில் ரூ.1.14 கோடி மதிப்பில் கட்டப்பட்ட பள்ளி மாணவியர் விடுதி காணொலிக் காட்சி மூலம் திறக்கப்பட்டதையடுத்து குத்துவிளக்கேற்றி மாணவிகளுக்கு இனிப்புகள் வழங்கப்பட்டன.
மாவட்ட ஆதிதிராவிடர் நலத்துறை சார்பில் கட்டப்பட்ட மாணவியர் விடுதியை முதல்வர் எடப்பாடி கே.பழனிசாமி காணொலிக் காட்சி மூலம் திங்கள்கிழமை திறந்து வைத்தார். 
இதையடுத்து விடுதியில்  குத்துவிளக்கேற்றிய மாவட்ட ஆட்சியர் த.அன்பழகன் கூறியது: மாவட்டத்தில் ஆதிதிராவிட, பழங்குடியின நலத்துறையின் கீழ் 19 பள்ளி, கல்லூரி விடுதிகள் செயல்படுகின்றன. இதன் மூலம் 1,215 மாணவ, மாணவிகள் விடுதிகளில் தங்கி படித்து வருகின்றனர். தற்போது திறக்கப்பட்ட விடுதியில் 100 மாணவியர் தங்கி படிக்கவுள்ளனர் என்றார்.
தொடர்ந்து, அரசு ஆதிதிராவிடர் தொடக்கப் பள்ளியில் 5ஆம் வகுப்பில் நன்மதிப்பெண் பெற்ற 8 மாணவ, மாணவியர், 6ஆம் வகுப்பை விரும்பும்  உண்டு, உறைவிடப் பள்ளியில் படிப்பதற்கான உத்தரவு, அரசுப் பள்ளிகளில் பத்தாம் வகுப்பில் நன்மதிப்பெண் பெற்ற 8 மாணவ, மாணவிகளுக்கு பிளஸ்1 வகுப்பை விரும்பும் உண்டு, உறைவிடப் பள்ளியில் படிப்பதற்கான உத்தரவுகள் வழங்கப்பட்டன. 
நிகழ்ச்சியில், மாவட்ட வருவாய் அலுவலர் ச.சூர்யபிரகாஷ், ஆதிதிராவிட, பழங்குடியினர் நல அலுவலர் ஜெ.பாலசுப்ரமணியம், கரூர் நகராட்சி ஆணையர் ப.அசோக்குமார், கூட்டுறவு சங்க பிரதிநிதி வை.நெடுஞ்செழியன், விடுதி காப்பாளர்கள் இந்திராகாந்தி, முருகேசன், அண்ணாதுரை உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/karur/2018/aug/07/தாந்தோணிமலையில்-ஆதிதிராவிட-பள்ளி-மாணவியர்-விடுதி-திறப்பு-2976005.html
2976003 திருச்சி கரூர் ஜவுளி, கொசுவலை தொழிலை பாதுகாக்க நடவடிக்கை வேண்டும் DIN DIN Tuesday, August 7, 2018 08:35 AM +0530 வெளிநாட்டுத் தயாரிப்புகளால் கரூரில் பாதிக்கப்பட்டுள்ள ஜவுளி, கொசுவலைத் தயாரிப்பு தொழிலைப் பாதுகாக்க மத்திய அரசு நடவடிக்கை எடுக்க வேண்டும் என்று மக்களவையில் கரூர் தொகுதி அதிமுக உறுப்பினர் மு.தம்பிதுரை வலியுறுத்தினார்.
இது தொடர்பாக மக்களவையில் திங்கள்கிழமை கேள்வி நேரத்தின் போது, துணைக் கேள்வி எழுப்பி அவர் பேசியதாவது: 
நாட்டில் உற்பத்தித் திறன் அதிகரித்துள்ளதாகவும், உள்நாட்டு மொத்த உற்பத்தி (ஜிடிபி) உச்சத்தை எட்டியுள்ளதாகவும் மத்திய அரசு கூறி வருகிறது. ஆனால், அது உண்மை அல்ல. பெரும்பாலான சிறு தொழில் நிறுவனங்கள் மூடப்பட்டு வருகின்றன. எனது கரூர் மக்களவைத் தொகுதி ஜவுளித் தொழில், கொசுவலைக்கு மிகவும் புகழ்பெற்ற பகுதியாக உள்ளது. 
மேலும், இங்கு திறன் மேம்பாடு திட்டமும் செயல்படுத்தப்பட்டு வருகிறது. ஆனால், இங்குள்ள சிறுதொழில் நிறுவனங்களில் பல மூடப்பட்டுவிட்டன. நமது நாட்டில் சீனத் தயாரிப்புகள் குவிக்கப்பட்டு வருவதுதான் இதற்குக் காரணமாகும். பெரும்பாலான மக்கள் சீனத் தயாரிப்புகளையே வாங்கி வருகின்றனர். நமது தொழில்துறை திருப்திகரமாக இல்லாததால் இது நிகழ்கிறது. 
அதேபோன்று, வங்கதேசமும் அந்நாட்டின் பொருள்களை நமது நாட்டில் குவித்து வருகிறது. கரூர் தொகுதியில் கொசுவலை தயாரிப்பு ஆலைகள் அனைத்தும் மூடப்பட்டுள்ளன. இதற்குக் காரணம் நமது நாட்டுக்குள் மலிவான விலையில் பொருள்கள் கொண்டு வரப்படுகின்றன. இதனால், இதுபோன்ற வெளிநாட்டுப் பொருள்களை இறக்குமதி செய்வதற்கான கொள்கையை மறுபரிசீலனை செய்ய வேண்டும் என்று மத்திய அமைச்சகத்திடம் பலமுறை கோரிக்கை வைத்துள்ளேன். வங்கதேசத்தில் இருந்து இந்தியாவுக்கு தயாரிப்புகள் சட்டவிரோதமாக அனுப்பப்படுகின்றன. இதனால், குறிப்பாக எனது கரூர் தொகுதியில் தொழில்கள் மிகவும் பாதிக்கப்பட்டு வருகின்றன என்றார் தம்பிதுரை.
இதற்கு மத்திய வர்த்தக துறை அமைச்சர் சுரேஷ் பிரபு பதில் அளித்துப் பேசுகையில், "பல முக்கியமான விஷயங்களை அவையில் உறுப்பினர் (தம்பிதுரை) சுட்டிக்காட்டியுள்ளார்.  அவை கவனத்தில் எடுத்துக் கொள்ளப்பட்டுள்ளன. இந்தப் பிரச்னைகளைக் களைவதற்காக வர்த்தகத் துறை அமைச்சகம் விரைவில் ஒரு புதிய தொழில் கொள்கையை அறிவிக்க உள்ளது. இது ஏற்கெனவே இறுதி செய்யப்பட்டுவிட்டது. தற்போது அமைச்சகங்கள் இடையே ஆலோசனை மேற்கொள்ளப்பட்டு வருகிறது. இந்த கொள்கைத் திட்டம் விரைவில் அமைச்சரவைக்கு எடுத்துச் செல்லப்படும். பொருள்களின் தரத்தை மதிப்பிடுவதற்காக ஒரு முக்கிய திட்டத்தை அரசு செயல்படுத்தியுள்ளது' என்றார்.

]]>
http://www.dinamani.com/all-editions/edition-trichy/karur/2018/aug/07/ஜவுளி-கொசுவலை-தொழிலை-பாதுகாக்க-நடவடிக்கை-வேண்டும்-2976003.html
2976001 திருச்சி கரூர் அரசுப் பள்ளியில் செஞ்சுருள் மன்றக் கூட்டம் DIN DIN Tuesday, August 7, 2018 08:34 AM +0530 புகழூர் அரசு ஆண்கள் மேல்நிலைப் பள்ளியில் செஞ்சுருள் மன்றக் கூட்டம் திங்கள்கிழமை நடைபெற்றது. நிகழ்ச்சிக்கு பள்ளித் தலைமையாசிரியர் சோ.முத்துசாமி தலைமை வகித்தார். சிறப்பு விருந்தினராகப் பங்கேற்ற மருத்துவர் க.கண்ணன், வளரிளம் பருவத்தில் மாணவர்களின் உடல், உள்ளத்தில் ஏற்படும் மாற்றங்கள் என்ற தலைப்பில் பேசினார். தொடர்ந்து, மாணவர்களின் சந்தேகங்களுக்கு விளக்கமளித்தார். முன்னதாக, செஞ்சுருள் மன்ற உறுப்பினர் சு.மணிகண்டன் வரவேற்றார்.
 மன்றப் பொறுப்பாசிரியர் நா.குப்புசாமி நன்றி கூறினார். ஏற்பாடுகளை பள்ளி செஞ்சுருள் மன்றத்தினர் செய்திருந்தனர்.

]]>
http://www.dinamani.com/all-editions/edition-trichy/karur/2018/aug/07/அரசுப்-பள்ளியில்-செஞ்சுருள்-மன்றக்-கூட்டம்-2976001.html
2975999 திருச்சி கரூர் ஓவியப் போட்டியில் வென்ற பரணி வித்யாலயா பள்ளி மாணவர்களுக்கு பாராட்டு DIN DIN Tuesday, August 7, 2018 08:34 AM +0530 திருச்சி மண்டல அளவிலான ஓவியப் போட்டியில் பரணி வித்யாலயா பள்ளி மாணவி முதலிடம் பிடித்தார். 
ஸ்ரீ ராம் இலக்கிய கழகத்தின் திருச்சி மண்டல அளவிலான ஓவியப் போட்டிகள் திருச்சியில் ஞாயிற்றுக்கிழமை நடைபெற்றது. சுமார் 300 மாணவர்கள் இப்போட்டியில் பங்கேற்றனர். 6 முதல் 8ஆம் வகுப்பு வரையிலான மாணவ, மாணவிகளுக்கு நடைபெற்ற போட்டியில் கரூர் பரணி வித்யாலயா மாணவி காரல் சரோன் முதல் பரிசு வென்றார். அதே பிரிவில் ஜசிந் மூன்றாம் பரிசும், செனிடா ஆறுதல் பரிசு பெற்றனர்.
 9 முதல் பிளஸ் 2 வகுப்பு மாணவர்களுக்கான  ஓவியப் போட்டியில் மாணவர் தியனேஷ்வர் இரண்டாம் பரிசு வென்றார். 
ஓவியப் போட்டியில் பல்வேறு பரிசுகளைப் பெற்று பெருமை சேர்த்த மாணவ, மாணவிகளுக்கு பள்ளியில் திங்கள்கிழமை பாராட்டு விழா நடைபெற்றது. விழாவிற்கு பரணி பார்க் கல்வி குழுமத் தாளாளர் எஸ்.மோகனரெங்கன் தலைமை வகித்தார்.செயலர் பத்மாவதி மோகனரெங்கன் முன்னிலை வகித்தார். பரணி பார்க் கல்வி குழும முதன்மை முதல்வர் சொ.ராமசுப்ரமணியன், நிர்வாக அலுவலர் எம்.சுரேஷ், பரணி வித்யாலயா பள்ளி முதல்வர் எஸ்.சுதாதேவி, துணை முதல்வர் ஆர்.பிரியா மற்றும் இருபால் ஆசிரியர்கள் பாராட்டினர்.

]]>
http://www.dinamani.com/all-editions/edition-trichy/karur/2018/aug/07/ஓவியப்-போட்டியில்-வென்ற-பரணி-வித்யாலயா-பள்ளி-மாணவர்களுக்கு-பாராட்டு-2975999.html
2975997 திருச்சி கரூர் சாயக்கழிவால் பாதிக்கப்பட்டோருக்கு இழப்பீடு: சட்டசபையில் குரல் எழுப்ப விவசாயிகள் கோரிக்கை DIN DIN Tuesday, August 7, 2018 08:34 AM +0530 சாயக்கழிவால் பாதிக்கப்பட்டோருக்கு இழப்பீடு கிடைக்க சட்டப்பேரவையில் குரல் எழுப்ப அமமுக துணை பொதுச்செயலாளர் டிடிவி தினகரனிடம், மாவட்ட நிலத்தடி நீர் பாதுகாப்பு மற்றும் சாயக்கழிவால் பாதிக்கப்பட்ட விவசாயிகள் சங்கம் சார்பில் கோரிக்கை மனு அளிக்கப்பட்டது.
இதுதொடர்பாக அண்மையில் கரூர் வந்த டிடிவி தினகரனிடம், சங்கச் செயலாளர் ராமலிங்கம் தலைமையில் விவசாயிகள் அளித்த மனு: கரூர் மாவட்டத்தில் இயங்கும் சாய, சலவை ஆலைகள் பெரும்பாலும் சுத்தகரிக்கப்படாத சாயக்கழிவுகளை அமராவதி ஆறு மற்றும் வாய்க்கால்களில் திறந்து விடுகின்றன. இதனால் விவசாய நிலங்கள், குடிநீர் ஆதாரங்கள் விஷமாக மாறுவதோடு, உப்புத் தன்னை கொண்டவையாக மாறிவிட்டன. இதனால் விவசாயம் செய்ய முடியாத நிலை ஏற்பட்டுள்ளது.
மேலும் 2003, 04ஆம் ஆண்டுகளில் சாயக்கழிவால் பாதிக்கப்பட்ட விவசாயிகளுக்கு இழப்பீடு வழங்க இழப்பீட்டு ஆணையம் அறிவித்தும் இதுவரை வழங்கப்படவில்லை. மேலும் 2005-2018 வரை எந்தவிதமான நிவாரணம் அறிவிக்கப்படவும் இல்லை. 
இருப்பினும் சாயப்பட்டறை, சலவை ஆலை உரிமையாளர்கள் தொடர்ந்து சுத்திகரிக்கப்படாத கழிவுகளை திறந்து விடுவதை தடுக்க எந்த நடவடிக்கையும் எடுக்கப்படுவதில்லை. விவசாயிகளின் கோரிக்கையை சட்டசபையில் எழுப்பி உரிய தீர்வு கிடைக்க நடவடிக்கை எடுக்க வேண்டும் என அதில் வலியுறுத்தியுள்ளனர்.

]]>
http://www.dinamani.com/all-editions/edition-trichy/karur/2018/aug/07/சாயக்கழிவால்-பாதிக்கப்பட்டோருக்கு-இழப்பீடு-சட்டசபையில்-குரல்-எழுப்ப-விவசாயிகள்-கோரிக்கை-2975997.html
2975996 திருச்சி கரூர் கோடங்கிப்பட்டிக்கு  சீரான குடிநீர் கோரி குறைதீர் கூட்டத்தில் மனு DIN DIN Tuesday, August 7, 2018 08:33 AM +0530 சீரான குடிநீர் கோரி குறைதீர் கூட்டத்தில் கோடங்கிப்பட்டி கிராம மக்கள் கோரிக்கை மனு அளித்தனர். 
கரூர் மாவட்ட ஆட்சியர் அலுவலகத்தில் பொதுமக்கள் குறைதீர் கூட்டம் திங்கள்கிழமை நடைபெற்றது. கூட்டத்துக்கு மாவட்ட ஆட்சியர் த.அன்பழகன் தலைமை வகித்தார். 
கோடங்கிப்பட்டி கிராம மக்கள் அளித்த மனு: கோடங்கிப்பட்டி முத்தாளம்மன் நகருக்கு தாந்தோணி ஊராட்சி ஒன்றிய அலுவலகம் சார்பில் ஆழ்குழாய் கிணறு அமைத்து குடிநீர் விநியோகம் செய்யப்பட்டது. கடந்த இரு மாதங்களுக்கு முன்பு ஆழ்குழாய் பழுதானதால் குடிநீர் விநியோகம் நிறுத்தப்பட்டது. இதனால், குடிநீருக்கு அருகில் உள்ள தோட்டங்களுக்குச் சென்று எடுத்து வருகிறோம். குடிநீருக்கு திண்டாடுவதால் ஆழ்குழாய் கிணற்றை சரிசெய்து குடிநீர் தட்டுப்பாட்டை போக்க நடவடிக்கை எடுக்க வேண்டுமென அதில் வலியுறுத்தியுள்ளனர்.
கரூர்-திருச்சி 4 வழிச்சாலை அமைப்பதை தடுக்க வேண்டும்: கிருஷ்ணராயபுரம் சிவாயம் அடுத்த குப்பாச்சிப்பட்டி பகுதியைச் சேர்ந்த கிராமமக்கள் அளித்த மனுவில், கரூர்-திருச்சி சாலையை நான்கு வழிச்சாலையாக மாற்ற பாப்பக்காபட்டி ஏரி நடுவே கல் நடப்பட்டுள்ளது. இந்தச் சாலை ஏரி நடுவே அமைக்கப்பட்டால் ஏரியில் தண்ணீர் தேக்க முடியாது. மேலும் ஏரி வழியாக சாலை அமைக்கப்படும் போது விவசாய கிணறு, நிலங்கள் பாதிக்கும். எனவே குளித்தலை-மணப்பாறை சாலை அருகே அமைத்தால் ஏரி, விவசாய நிலங்கள்பாதுகாக்கப்படும் என வலியுறுத்தியுள்ளனர்.
ஆதித்தமிழர் பேரவை சார்பில் அளிக்கப்பட்ட மனுவில், கிருஷ்ணராயபுரத்தை அடுத்த கண்ணமுத்தாம்பட்டியில் அருந்ததியர்களுக்கு 30 ஆண்டுக்கு முன்பு தமிழக அரசால் கட்டிக் கொடுக்கப்பட்ட வீடுகளின் மேற்கூரை பழுதடைந்திருப்பதால் மழைக் காலங்களில் நீர் கசிவதோடு, இடிந்து விழும் நிலையில் உள்ளது. எனவே, இந்த குடியிருப்புகளை சீரமைத்து தர வேண்டும்.
கோரிக்கை தொடர்பாக 302 மனுக்கள் அளிப்பு:
முதியோர், விதவை, கணவரால் கைவிடப்பட்டோர், மாற்றுத் திறனாளிகள் உதவித்தொகை, வீட்டுமனைப் பட்டா, வேலைவாய்ப்பு, புதிய குடும்ப அட்டை, கல்விக்கடன் உள்ளிட்ட பல்வேறு கோரிக்கைகள் தொடர்பாக பொதுமக்களிடமிருந்து 302 மனுக்கள் பெறப்பட்டன. இந்த மனுக்கள் மீது உரிய விசாரணை மேற்கொண்டு நடவடிக்கை எடுக்க சம்பந்தப்பட்ட அலுவலர்களுக்கு உத்தரவிடப்பட்டன.
தொடர்ந்து, கடவூர் வட்டம், கீழ்பகுதி கிராமத்தைச் சேர்ந்த பாலமுருகன் கிணற்றில் தவறி விழுந்து இறந்ததையடுத்து அவரது தாயார் லட்சுமியிடம் முதல்வரின் பொது நிவாரண நிதியில் இருந்து ரூ.50,000க்கான காசோலை,  மாற்றுத் திறனாளிகள் நலத்துறை சார்பில் மனு அளித்தவருக்கு மாற்றுத் திறனாளி அடையாள அட்டையை ஆட்சியர் த.அன்பழகன் வழங்கினார். 
மேலும், பொய்யாமணி ஊராட்சி ஒன்றிய நடுநிலைப் பள்ளி பட்டதாரி ஆசிரியர் பூபதி, கனவு ஆசிரியர் விருது பெற்றமைக்காக பாராட்டுத் தெரிவிக்கப்பட்டது. 
மாவட்ட வருவாய் அலுவலர் ச.சூர்யபிரகாஷ், ஆட்சியரின் நேர்முக உதவியாளர் (பொது) செல்வசுரபி, மாவட்ட முதன்மைக் கல்வி அலுவலர் அனந்தநாராயணன், சமூக பாதுகாப்புத் திட்ட தனித்துணை ஆட்சியர் என்.எஸ்.பாலசுப்ரமணியம், பிற்படுத்தப்பட்ட, சிறுபான்மையின நல அலுவலர் த.குமரேசன், மாற்றுத் திறனாளிகள் நல அலுவலர் ஜான்சி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/karur/2018/aug/07/கோடங்கிப்பட்டிக்கு--சீரான-குடிநீர்-கோரி-குறைதீர்-கூட்டத்தில்-மனு-2975996.html
2975440 திருச்சி கரூர் கரூர் முன்னாள் எம்பி. கே.சி. பழனிசாமியின் சொத்துகள் முடக்கம் DIN DIN Monday, August 6, 2018 08:41 AM +0530 வங்கிக் கடனை திருப்பிச் செலுத்தாததால் கரூர் முன்னாள் எம்பி. கே.சி. பழனிசாமியின் சொத்துகள் முடக்கப்பட்டுள்ளன.
கரூர் மாவட்டம், காவாளிபாளையத்தைச் சேர்ந்தவர் கே.சி. பழனிசாமி. திமுகவைச் சேர்ந்த இவர் கட்சியின் சொத்துப் பாதுகாப்புக்குழு உறுப்பினராக உள்ளார். 
இவர் 1990, 1997 ஆகிய இருமுறை பழனி தண்டாயுதபாணி கோயில் அறங்காவலர் குழுத் தலைவராவும், 2004-ல் கரூர் எம்பியாகவும் இருந்தவர். 
2011-ல் அரவக்குறிச்சி சட்டப்பேரவை உறுப்பினராகத் தேர்வு செய்யப்பட்டார். 
இவர் கரூர் மாவட்டம், மாயனூரில் பாலீத்தீன் சிமென்ட் பைகள் தயாரிக்கும் பேக்கேஜிங் நிறுவனம், புதுச்சேரி மாநிலம் திருவண்டார் கோயில் பகுதியில் காகித ஆலையை நடத்தி வருகிறார். 
இந்நிலையில் வங்கிக்கடனைத் திருப்பிச் செலுத்தாததால்  இவரது சொத்துகளை பாரத ஸ்டேட் வங்கி கையகப்படுத்துவதாகத் தெரிவித்துள்ளது. 
கேசி. பழனிசாமி மற்றும் அவரது உறவினர்களின் சொத்துகளை அடமானம் வைத்து மாயனூர், புதுச்சேரி நிறுவனங்கள் பெயரில் ரூ. 173 கோடி கடனாகப் பெறப்பட்டுள்ளது. 
கடன்தொகையை குறிப்பிட்ட தேதிக்குள் செலுத்தாததால் கனரா வங்கி, பாங்க் ஆப் இந்தியா, ஐடிபி வங்கிகள் உள்ளிட்ட வங்கிகளின் கூட்டமைப்பு சார்பில் கடன்தாரர் அடமானம் வைத்து உத்தரவாதம் அளித்த சொத்துக்கள் முடக்கப்பட்டு கையகப்படுத்தப்படுவதாகக் கூறப்பட்டுள்ளது.


 

]]>
http://www.dinamani.com/all-editions/edition-trichy/karur/2018/aug/06/கரூர்-முன்னாள்-எம்பி-கேசி-பழனிசாமியின்-சொத்துகள்-முடக்கம்-2975440.html
2975439 திருச்சி கரூர் கவிதைகள் சமூக அவலத்தைப் பேச வேண்டும் DIN DIN Monday, August 6, 2018 08:40 AM +0530 கவிதைகள் சமூக அவலத்தைப் பேச வேண்டும் என்றார் திரைப்பட பாடலாசிரியர் விக்டர்தாஸ்.
கரூரில் ஞாயிற்றுக்கிழமை நடைபெற்ற தமிழ்ப்பட்டறை பசுமை இயக்க  தொடக்க விழா மற்றும் கவிஞர் கரூர் பூபகீதன் எழுதிய வேர்களின் குறுக்குவெட்டுத் தோற்றம், கவிஞர் ராசமாணிக்கம் எழுதிய நான் எனும் மண்குடம் எனும் நூல்கள் வெளியீட்டு விழாவில் பங்கேற்ற அவர் மேலும் பேசியது:
கவிதைகள் இந்த சமூகத்தின் அவலத்தைப் பாடுவது, சமூகம் சார்ந்து பேசுவதாக இருக்க வேண்டும். குறிப்பாக  ஒடுக்கப்பட்ட மக்களுக்காக, உடைந்துபோன இதயத்திற்காக குரல்கொடுப்பவையாக இருக்க வேண்டும்.  35 ஆண்டுகளைத் தாண்டி 2000 முதல் 2006 வரை 120 படங்களுக்கு மேல் திரைப்பாடல் எழுதியுள்ளேன்.  
முன்னணி இசையமைப்பாளர்களுக்கும் பாடல் எழுதியுள்ளேன். எனது வரிகளில் சமுதாயம் சார்ந்த கருத்துகள் இடம் பெற்றிருக்கும். 
கண்ணதாசன் மீது கொண்ட அளப்பரிய காதலால் 10 வயதிலேயே அவரது கவிதையை ருசித்தவன். உயர்ந்த பதவியில் இருப்பவர்கள் எந்த காவியத்தை யார் இயற்றினார்கள் எனத் தெரியாமல் பேசுகிறார்கள். இது அரசியல் மேடை இல்லையென்றாலும், தமிழ்ப் பற்றாளன் என்ற முறையில் மிகவும் வருத்தமளிக்கிறது என்றார். 
தமிழ்ப்பட்டறை இலக்கிய பேரவையின் நிறுவனர் சேக்கிழார் அப்பாசாமி தலைமை வகித்தார். பேரவையின் கவிஞர் கருவை ந. ஸ்டாலின் வரவேற்றார். தலைமை மண்டல ஒருங்கிணைப்பாளர்கள் முனைவர் கோமதி கேசவன், புருஷோத்தமன் உள்ளிட்டோர் முன்னிலை வகித்தனர். விழாவில் கவிஞர் செ. ராசமாணிக்கம் எழுதிய நான் எனும் 
மண்குடம் எனும் முதல்நூலை திரைப்பட பாடலாசிரியர் விக்டர்தாஸ் நூலை வெளியிட, ஆசிரியர் சிவக்குமார் பெற்றுக்கொண்டார்.  
 கவிஞர் கரூர் பூபகீதன் எழுதிய வேர்களின் குறுக்குவெட்டுத்தோற்றம் நூலை அஸ்ரப்அலி வெளியிட தமிழ்பட்டறை இலக்கிய நிர்வாகிகள் பெற்றுக்கொண்டனர். விழாவில் தமிழறிஞர்கள், எழுத்தாளர்கள் திரளாகப் பங்கேற்றனர்.
 

]]>
http://www.dinamani.com/all-editions/edition-trichy/karur/2018/aug/06/கவிதைகள்-சமூக-அவலத்தைப்-பேச-வேண்டும்-2975439.html
2975438 திருச்சி கரூர் புன்னம்சத்திரம் அருகே மளிகைக் கடைக்காரர் வீட்டில் 12 பவுன் நகை, ரூ.13,000 திருட்டு DIN DIN Monday, August 6, 2018 08:40 AM +0530 மளிகைக்கடைக்காரர் வீட்டில் 12 பவுன் நகை, ரூ.13,000  ஆகியவற்றை திருடிச் சென்ற மர்ம நபர்களை போலீஸார் தேடுகின்றனர்.
கரூர் மாவட்டம் புன்னம்சத்திரம் அருகேயுள்ள அதியமான் கோட்டையைச் சேர்ந்தவர் ராஜேந்திரன் (57). வீட்டுடன் மளிகைக் கடை நடத்தி வருகிறார்.  இவர் தனது மனைவி சந்திரா (47), மகள்கள் ரம்யா (30), ராஜேஸ்வரி(26), ராஜலட்சுமி (24) ஆகியோருடன் கடந்த 2-ம் தேதி வெளியூர் சென்று ஞாயிற்றுக்கிழமை அதிகாலை வீடு திரும்பினார்.
அப்போது  வீட்டின் பூட்டு உடைக்கப்பட்டு,  பீரோவில் இருந்த துணிகள்,  கல்லூரி மாணவிகளான ராஜேஸ்வரி, ராஜலட்சுமி ஆகியோரின்  கல்விச் சான்றிதழ்கள், வாகனத்தின் ஆர்சி புக் மற்றும் வீட்டில் இருந்த பொருட்களை தீ வைத்து எரித்து விட்டு மர்ம நபர்கள் பீரோவை  தூக்கிச் சென்றது தெரியவந்தது. பீரோவில் 12 பவுன் நகை, ரூ. 13,000 இருந்ததாகக் கூறப்படுகிறது.  வேலாயுதம்பாளையம் போலீசார் விசாரித்து வருகின்றனர். 
 

]]>
http://www.dinamani.com/all-editions/edition-trichy/karur/2018/aug/06/புன்னம்சத்திரம்-அருகே-மளிகைக்-கடைக்காரர்-வீட்டில்-12-பவுன்-நகை-ரூ13000-திருட்டு-2975438.html
2975437 திருச்சி கரூர் ஜூனியர் அத்லெடிக் சாம்பியன் போட்டி DIN DIN Monday, August 6, 2018 08:40 AM +0530 கரூர் மாவட்ட ஜூனியர் அத்லடிக் சாம்பியன்ஷிப் போட்டிகள் புலியூர் மைதானத்தில் அண்மையில் நடைபெற்றன. 
இதில் கரூர் மாவட்டத்தில் இருந்து பல்வேறு பள்ளிகளைச் சேர்ந்த வீரர், வீராங்கனைகள் பங்கேற்றனர். போட்டியில் வேலம்மாள் பள்ளி மாணவி ராமேஸ்வரபட்டி ரக்ஷனா14 வயதுக்குட்பட்டோர் உயரம் தாண்டுதல் பிரிவில் 1.20மீ. உயரம் தாண்டி முதலிடம் பிடித்தார். இதையடுத்து இந்த மாணவி சென்னையில் நடைபெற உள்ள மாநில அளவிலான போட்டிக்கு தகுதி பெற்றுள்ளார்.
மாணவியை கரூர் அத்லெடிக் அசோசியேசன் செயலர் பெருமாள், தலைவர் கனகராஜ் உள்ளிட்டோர் பாராட்டினர்.

]]>
http://www.dinamani.com/all-editions/edition-trichy/karur/2018/aug/06/ஜூனியர்-அத்லெடிக்-சாம்பியன்-போட்டி-2975437.html
2975436 திருச்சி கரூர் ஊரக வளர்ச்சித் துறையினர் ஆக.9-ல் உண்ணாவிரதம் DIN DIN Monday, August 6, 2018 08:40 AM +0530 முதல்வரைக் கண்டித்து வரும் 9-ம் தேதி அனைத்து மாவட்ட தலைநகரங்களில்  உண்ணாவிரதப் போராட்டம் நடத்துவது என ஊரக வளர்ச்சித் துறை அலுவலர் சங்கக் கூட்டத்தில் தீர்மானம் நிறைவேற்றப்பட்டது.
கரூரில் அச்சங்க மாநில செயற்குழுக் கூட்டம் அதன் தலைவர் எம். சுப்ரமணியம் தலைமையில் ஞாயிற்றுக்கிழமை நடைபெற்றது. மாநில பொதுச் 
செயலாளர் ரமேஷ் சிறப்புரையாற்றினார். 
இதில் ஊரக வளர்ச்சித்துறை செயலர்களுக்கு காலமுறை ஊதியம் வழங்க வேண்டும், ஓவர்சியர்களுக்கு ஊதிய விகிதத்தில் மாற்றம் ஏற்படுத்த வேண்டும் என்பன உள்ளிட்ட கோரிக்கைகளை வலியுறுத்தி 10 நாட்களுக்கும் மேலாக ஊரக வளர்ச்சித் துறையினர் காலவரையற்ற வேலைநிறுத்தப் போராட்டத்தில் ஈடுபட்டபோது, அமைச்சர், எம்எல்ஏ மற்றும் ஆணையர்கள் உங்களது கோரிக்கையை நிறைவேற்றித் தருகிறோம் என வாக்குறுதி அளித்ததால் போராட்டம் கைவிடப்பட்டது. ஆனால் அவர்கள் இதுவரை வாக்குறுதியை நிறைவேற்றாததைக் கண்டித்தும், தமிழக ஆசிரியர்கள், அலுவலர்களை ஒருமையில் பேசிய முதல்வரைக் கண்டித்தும் வரும் 9-ம் தேதி அனைத்து மாவட்டங்களின் தலைநகரங்களில் உண்ணாவிரதப் போராட்டம் நடத்துவது என்பன உள்ளிட்ட கோரிக்கைகள் நிறைவேற்றப்பட்டன.  மாவட்டச் செயலர் வெங்கடாசலம், மாநில செயற்குழு உறுப்பினர் சரவணன், மாவட்ட துணைத் தலைவர் மனேகரன் உள்ளிட்டோர் பங்கேற்றனர்.
பொருளாளர் விஜயபாஸ்கர் வரவேற்றார்.
 

]]>
http://www.dinamani.com/all-editions/edition-trichy/karur/2018/aug/06/ஊரக-வளர்ச்சித்-துறையினர்-ஆக9-ல்-உண்ணாவிரதம்-2975436.html
2975435 திருச்சி கரூர் ஆகஸ்ட் 10-ல் கறவை மாடுகளில் இனப்பெருக்க மேலாண்மை வழிகாட்டல் நிகழ்ச்சி DIN DIN Monday, August 6, 2018 08:39 AM +0530 கரூர் பண்டுதக்காரன்புதூர் கால்நடை மருத்துவ பல்கலை மற்றும் ஆராய்ச்சி மையத்தில் விவசாயிகளுக்கு வரும் 10-ம் தேதி கறவை மாடுகளில் இனப்பெருக்க மேலாண்மை வழிகாட்டல் நிகழ்ச்சி நடைபெற உள்ளது.
இதுதொடர்பாக மையத் தலைவர் முனைவர் பி. வசந்தகுமார் வெளியிட்ட செய்திக்குறிப்பு: 
பால் உற்பத்தியில் தற்போது இந்தியா உலகளவில் முதலிடம் வகிக்கிறது. அண்மைக்காலங்களில் ஜெர்சி, சிந்தி கலப்பின மாடுகளை தவிர நம்நாட்டு இனங்களான தார்பார்கள், கிர், காங்கேயம், புலிகுளம் போன்றவை அதிகளவில் வளர்க்கப்படுகின்றன. இந்த இன மாடுகளில் தேசிய மாட்டின இனப்பெருக்கத் திட்டத்தின் கீழ் புதிய அறிவியல் தொழில்நுட்பங்கள் மூலம் கறவை மாடுகளில் இனப்பெருக்க மேலாண்மை பற்றி விவசாயிகளுக்கு வழிகாட்டுதல் நிகழ்ச்சி மையத்தில் வரும் 10-ம்தேதி நடைபெறுகிறது, 
இதில் கறவை மாடுகளில் மலட்டுத்தன்மை ஏற்படுத்தும் காரணிகள்,  மலட்டுத்தன்மையின்  அறிகுறிகள், புதிய மற்றும் நவீன சினை பருவ முறைகள்மற்றும் அவற்றை பயன்படுத்துவதன் அவசியம்,செயற்கை முறை கருவூட்டல் உள்ளிட்டவை தொடர்பாக பயிற்சிகள் அளிக்கப்பட உள்ளது. 
இதில் விவசாயிகள் பங்கேற்கலாம் என தெரிவித்துள்ளார்.
 

]]>
http://www.dinamani.com/all-editions/edition-trichy/karur/2018/aug/06/ஆகஸ்ட்-10-ல்-கறவை-மாடுகளில்-இனப்பெருக்க-மேலாண்மை-வழிகாட்டல்-நிகழ்ச்சி-2975435.html
2975434 திருச்சி கரூர் அய்யம்பாளையத்தில் மது விற்றவர் கைது DIN DIN Monday, August 6, 2018 08:39 AM +0530 வேலாயுதம்பாளையம் அருகே அரசு அனுமதியின்றி மது விற்றவரை போலீஸார்  கைது செய்தனர். 
கரூர் மாவட்டம், வேலாயுதம்பாளையம் அருகேயுள்ள புங்கோடை காளிபாளையத்தை சேர்ந்தவர் சுப்ரமணி (45). இவர்  உரிய அனுமதியதின்றி தோட்டக்குறிச்சி  அய்யம்பாளையம் பேருந்து நிறுத்தம் அருகே மது விற்பதாக வேலாயுதம்பாளையம் காவல் உதவி ஆய்வாளர் செந்தில்குமாருக்கு சனிக்கிழமை இரவு தகவல் கிடைத்தது. இதையடுத்து சம்பவ இடத்திற்குச் சென்ற போலீஸார் அங்கு மது விற்றுக்கொண்டிருந்த சுப்ரமணியை கைதுசெய்து, அவரிடமிருந்து 5 பாட்டில் மதுவை பறிமுதல் செய்தனர்.

]]>
http://www.dinamani.com/all-editions/edition-trichy/karur/2018/aug/06/அய்யம்பாளையத்தில்-மது-விற்றவர்-கைது-2975434.html