Dinamani - தஞ்சாவூர் - http://www.dinamani.com/all-editions/edition-trichy/tanjore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3039861 திருச்சி தஞ்சாவூர் கஜா புயல்: முன்னெச்சரிக்கை நடவடிக்கை DIN DIN Friday, November 16, 2018 09:51 AM +0530 புதுக்கோட்டை மாவட்டத்தில்...
கஜா புயல் அறிவிப்பைத் தொடர்ந்து புதுக்கோட்டை கடலோரப் பகுதிகளில் மேற்கொள்ளப்பட்டுள்ள பாதுகாப்பு முன்னெச்சரிக்கை நடவடிக்கைகள் குறித்து புதுகை மாவட்ட கண்காணிப்பு அலுவலரும் அரசின் முதன்மை செயலருமான ஷம்பு கல்லோலிக்கர் வியாழக்கிழமை நேரில் பார்வையிட்டு ஆய்வு செய்தார்.
ஆய்வின்போது, அவர் செய்தியாளர்களிடம் கூறியது:  
கஜா புயல் அறிவிப்பைத் தொடர்ந்து, புதுக்கோட்டை மாவட்டத்தில் போதிய முன்னெச்சரிக்கை நடவடிக்கைகள் மேற்கொள்ளப்பட்டதா என ஆய்வு மேற்கொள்ளப்பட்டது. புயல் வீசினால் பொதுமக்களைப் பாதுகாக்கும் வகையில் 
பாதுகாப்பு மையங்கள் மற்றும் பள்ளிக்கூடங்கள் தயார்நிலையில் வைக்கப்பட்டுள்ளன. தாழ்வான பகுதிகளில் வசிப்பவர்களை இடமாற்றம் செய்து பாதுகாப்பாக வைத்திருக்க நடவடிக்கைகள் மேற்கொள்ளப்பட்டுள்ளது. பொதுமக்களுக்கு குடிநீர், உணவு உள்ளிட்டவை தங்கும் இடங்களிலேயே வழங்க நடவடிக்கை மேற்கொள்ளப்பட்டுள்ளது.
பொதுமக்கள் இரவு 8 மணி முதல் வீட்டை விட்டு வெளியே வரவேண்டாமென அறிவுறுத்தப்பட்டுள்ளனர். மருத்துவமனைகள் மற்றும் மருத்துவக் குழுக்கள் தயார்நிலையில் வைக்கப்பட்டுள்ளது. கடலோரப் பகுதிகளில் மீட்புப் பணிகளை மேற்கொள்ள 586 பேர் நியமிக்கப்பட்டுள்ளனர். 
மீட்டுப் பணிகளை மேற்கொள்ள 115 ஜேசிபி இயந்திரங்கள், டிராக்டர்களும் கடலோரப் பகுதியில் தயார்நிலையில் உள்ளது. புயல் முன்னெச்சரிக்கை நடவடிக்கைகள் குறித்து அனைத்து துறை அலுவலர்களுடன் ஆலோசனைக் கூட்டம் நடைபெற உள்ளது என்றார். ஆய்வின்போது, மாவட்ட வன அலுவலர் எம். ஆனந்தகுமார், மாவட்ட வருவாய் அலுவலர் அ.ராமசாமி, அறந்தாங்கி வருவாய் கோட்டாட்சியர் பஞ்சவர்ணம் மற்றும் அரசு அலுவலர்கள் பங்கேற்றனர்.

தயார்நிலையில் 
மணல் மூட்டைகள்
முன்னெச்சரிக்கை நடவடிக்கையாக புதுக்கோட்டை டவுன்ஹால் பகுதியில் மணல் மூட்டைகள் தயார்நிலையில் வைக்கப்பட்டிருப்பதாக மாவட்ட நிர்வாகம் சார்பில் தெரிவிக்கப்பட்டுள்ளது.

தஞ்சாவூர் மாவட்டத்தில்...
கஜா புயல் காரணமாக தஞ்சாவூர் மாவட்டத்தில் வியாழக்கிழமை முன்னெச்சரிக்கை நடவடிக்கை மேற்கொள்ளப்பட்டது.
மாவட்டத்தில் கஜா புயலை எதிர்கொள்வதற்காக மாவட்ட நிர்வாகம் சார்பில் பல்வேறு குழுக்கள் அமைக்கப்பட்டுள்ளன. 
இந்நிலையில், பாபநாசம் அரசு ஆண்கள் மேல்நிலைப் பள்ளியில் அமைக்கப்பட்டுள்ள நிவாரண முகாமில் கஜா புயல் தொடர்பாக மேற்கொள்ளப்பட்டு வரும் முன்னெச்சரிக்கை நடவடிக்கை பணிகளை வேளாண்மைத் துறை அமைச்சர் இரா. துரைக்கண்ணு வியாழக்கிழமை பார்வையிட்டார். மேலும், அவசரகால மீட்புக் கருவிகள் உபகரணங்களையும் அமைச்சர் ஆய்வு செய்தார்.
பின்னர், பாபநாசம் காப்பன் தெருவில் உள்ள குடிசைப் பகுதிகளில் கஜா புயல் கரையைக் கடப்பது குறித்து எடுத்துரைத்து, பாதுகாப்பாக முகாம்களில் தங்குமாறு அமைச்சர் அறிவுறுத்தினார். பாபநாசம், ராஜகிரியில் உயரமான மரங்களின் கிளைகள் வெட்டி அகற்றப்பட்டன.
இதேபோல, பட்டுக்கோட்டை அருகே அதிராம்பட்டினத்தில் உள்ள பல்நோக்குப் புயல் பாதுகாப்பு மையத்தில் ஜெனரேட்டர் வசதி, மீட்புக் கருவிகள், மருந்துகள், உணவுப் பொருட்கள் உள்ளிட்டவை குறித்து மாவட்டக் கண்காணிப்பு அலுவலரும், அரசு முதன்மைச் செயலருமான பிரதீப் யாதவ் வியாழக்கிழமை ஆய்வு செய்தார். மேலும், கடலோர கிராமங்களில் வசிக்கும் மக்களிடம் பாதுகாப்பாக இருக்குமாறு அறிவுறுத்தினார். அப்போது,  ஆட்சியர் ஆ. அண்ணாதுரை, மாவட்டக் காவல் கண்காணிப்பாளர் த. செந்தில்குமார் உள்ளிட்டோர் உடனிருந்தனர்.


தஞ்சாவூர் மாநகரில்
தஞ்சாவூர் மாநகரில் புயல் பாதிப்புகளைச் சமாளிப்பதற்காக பொக்லைன்,  மரம் அறுக்கும் இயந்திரங்களுடன் மாநகராட்சி பணியாளர்கள் வியாழக்கிழமை ரோந்துப் பணியில் ஈடுபட்டனர். மேலும்,  மழை நீர் தேங்கும் தாழ்வான பகுதிகளைக் கண்காணித்து வருகின்றனர். குடிநீர் பற்றாக்குறையைச் சமாளிக்க லாரிகளும் தயார் நிலையில் வைக்கப்பட்டுள்ளன.
மாநகரில் புயல் பாதுகாப்பு வழிமுறைகள், மக்கள் கடைப்பிடிக்க வேண்டியவை என்ன? என்பது குறித்து ஒலிபெருக்கி மூலம் இரு வாகனங்களில் முன்னெச்சரிக்கை செய்யப்பட்டது. இவற்றை கோட்டாட்சியர் சி. சுரேஷ், வட்டாட்சியர் ப. அருணகிரி உள்ளிட்டோர் பார்வையிட்டனர்.
 

]]>
http://www.dinamani.com/all-editions/edition-trichy/tanjore/2018/nov/16/கஜா-புயல்-முன்னெச்சரிக்கை-நடவடிக்கை-3039861.html
3039829 திருச்சி தஞ்சாவூர் நாதன்கோவிலில் மகா அஷ்டமி பெருவிழா DIN DIN Friday, November 16, 2018 09:44 AM +0530 கும்பகோணம் அருகே நாதன்கோவில் ஜெகநாத பெருமாள் கோயிலில் துலா உற்ஸவத்தையொட்டி மகா அஷ்டமி பெருவிழா புதன், வியாழக்கிழமைகளில் நடைபெற்றது.
இக்கோயிலில் ஆண்டுதோறும் ஐப்பசி மாதத்தில் வரும் சுக்லபட்ச அஷ்டமி மகா அஷ்டமி பெருவிழாவாக நடைபெறுவது வழக்கம். அதன்படி, புதன்கிழமை மாலை முதல்கால யாகசாலை பூஜைகளும், சிறப்பு யாகமும் நடைபெற்றது. பின்னர் பூர்ணாஹூதி தீபாராதனை செய்து பக்தர்களுக்கு பிரசாதம் வழங்கப்பட்டது.
இதையடுத்து,  2ஆவது நாளாக  வியாழக்கிழமை மகா அஷ்டமியையொட்டி  ஸ்ரீசூக்த ஹோமம்,  சுதர்சன ஹோமம்,  மூலவர் மற்றும் உற்சவ மூர்த்திகளுக்கு மகா திருமஞ்சனம் ஆகியவை நடைபெற்றது. இதில் திரளான பக்தர்கள் பங்கேற்று, சுவாமி தரிசனம் செய்தனர். விழா ஏற்பாடுகளை ஜெகநாத பெருமாள் கைங்கர்ய சபாவினர் செய்திருந்தனர்.
 

]]>
http://www.dinamani.com/all-editions/edition-trichy/tanjore/2018/nov/16/நாதன்கோவிலில்-மகா-அஷ்டமி-பெருவிழா-3039829.html
3039828 திருச்சி தஞ்சாவூர் தமிழ்ப் பல்கலை.யில் நடைபயிற்சியாளர்களுக்கு அடையாள அட்டை DIN DIN Friday, November 16, 2018 09:43 AM +0530 தஞ்சாவூர் தமிழ்ப் பல்கலைக்கழகத்தில் நடைபயிற்சி மேற்கொள்பவர்களுக்கு வியாழக்கிழமை அடையாள அட்டைகளை வழங்கினார் துணைவேந்தர் கோ. பாலசுப்பிரமணியன்.
மரங்கள், இயற்கை சூழல் நிறைந்த இப்பல்கலைக்கழக வளாகத்தில் ஏராளமானோர் நடைபயிற்சி மேற்கொள்கின்றனர். இந்நிலையில், வெளியாட்கள் வருவதைத் தடுப்பதற்காக, நடைபயிற்சி மேற்கொள்வோருக்கு அடையாள அட்டை வழங்கப்படுகிறது.
இந்த அடையாள அட்டை வழங்கும் பணியைப் பல்கலைக்கழகத் துணைவேந்தர் கோ. பாலசுப்பிரமணியன் வியாழக்கிழமை தொடங்கி வைத்தார். இதில், முதல் கட்டமாக 50 பேருக்கு அடையாள அட்டை வழங்கப்பட்டது.
இதுகுறித்து துணைவேந்தர் கூறுகையில், அடையாள அட்டை வைத்திருப்பவர்கள் மட்டுமே பல்கலைக்கழக வளாகத்தில் நடைபயிற்சி மேற்கொள்ள அனுமதிக்கப்படுவர். 
மேலும், நடைபயிற்சி மேற்கொள்பவர்கள் விண்ணப்பம் பெற நவ. 25-ம் தேதி வரை கால நீட்டிப்பு வழங்கப்பட்டுள்ளது. இந்த வாய்ப்பை நடைபயிற்சி மேற்கொள்பவர்கள் பயன்படுத்திக் கொள்ளலாம் என்றார் துணைவேந்தர்.
இந்நிகழ்ச்சியில் மொழிப்புல முதன்மையர் இரா. முரளிதரன், துணைப் பதிவாளர் ஜி. பன்னீர்செல்வம், கோட்டப் பொறியாளர் ப. செல்வபாண்டியன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/16/தமிழ்ப்-பல்கலையில்-நடைபயிற்சியாளர்களுக்குஅடையாள-அட்டை-3039828.html
3039827 திருச்சி தஞ்சாவூர் மருந்தாளுநர் சங்கத்தினர் ஆர்ப்பாட்டம் DIN DIN Friday, November 16, 2018 09:43 AM +0530 தஞ்சாவூர் அரசு ராசா மிராசுதார் மருத்துவமனை வளாகத்தில் தமிழ்நாடு அரசு அனைத்து மருந்தாளுநர் சங்கத்தினர் வியாழக்கிழமை பிற்பகல் உணவு இடைவேளையின்போது ஆர்ப்பாட்டத்தில் ஈடுபட்டனர். 
மக்கள் நலன் கருதி 1948 மருந்தியல் சட்ட விதிப்படி துணைச் சுகாதார மையங்களில் தொற்றாநோய் தடுப்பு மருந்துகளைக் கையாள மருந்தாளுநரை நியமனம் செய்ய வேண்டும். தலைக்காயம், விபத்து அவசர சிசிக்சை பிரிவு மருந்தகங்கள் 24 மணிநேரம் இயங்கக் கூடுதல் பணியிடங்களை உருவாக்கி மருந்தாளுநரை நியமனம் செய்ய வேண்டும் ஆகிய கோரிக்கைகளை வலியுறுத்தி முழக்கங்கள் எழுப்பினர். சங்கத்தின் மாவட்டத் தலைவர் எஸ். ரவி தலைமை வகித்தார். மோட்டார் வாகன பணிமனை மற்றும் பராமரிப்பு ஊழியர் சங்க மாநிலச் செயலர் எஸ். கோதண்டபாணி, தமிழ்நாடு அரசு ஊழியர் சங்க மாவட்டச் செயலர் ஏ. ரெங்கசாமி, வடக்கு வட்டச் செயலர் எம். சுப்பிரமணி, தமிழ்நாடு மருத்துவ ஆய்வக நுட்பநர் சங்க மாவட்டச் செயலர் எஸ். சித்திரைச்செல்வன், தமிழ்நாடு சத்துணவு ஊழியர் சங்க மாவட்டச் செயலர் தி. ரவிச்சந்திரன் ஆகியோர் பேசினர். தமிழ்நாடு அரசு அனைத்து மருந்தாளுநர் சங்க மாவட்டச் செயலர் கே. பாஸ்கரன், பொருளாளர் கே. ரமேஷ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/tanjore/2018/nov/16/மருந்தாளுநர்-சங்கத்தினர்-ஆர்ப்பாட்டம்-3039827.html
3039826 திருச்சி தஞ்சாவூர் அரசாணை நகலை எரித்த அரசு ஊழியர்கள் 21 பேர் கைது DIN DIN Friday, November 16, 2018 09:43 AM +0530 தமிழக மக்களின், இளைஞர்களின், அரசுத் துறைகளின் எதிர்காலத்தைக் கேள்விக்குறியாக்கும் விதமாக வெளியிடப்பட்டிருக்கும் அரசாணை எண் 56 நகலை தஞ்சாவூர் பனகல் கட்டடம் முன் வியாழக்கிழமை மாலை எரித்த தமிழ்நாடு அரசு ஊழியர் சங்கத்தைச் சேர்ந்த 21 பேரை போலீஸார் கைது செய்தனர். 
அரசாணை எண் 56 மூலம் அரசைத் தனியார் வசம் ஒப்படைக்கும் ஏற்பாடாக உள்ளது. இந்த அரசாணைத் தமிழக மக்களின், இளைஞர்களின், அரசுத் துறைகளின், அரசுப் பள்ளிகளின் எதிர்காலம் கேள்விக்குறியாக்கும் விதமாக வெளியிடப்பட்டுள்ளது. எனவே, அரசாணை எண் 56-ஐ தமிழக அரசுத் திரும்பப் பெற வேண்டும். இதை வலியுறுத்தி அரசாணை எண் 56 நகலை தமிழ்நாடு அரசு ஊழியர் சங்கத்தினர் எரித்து முழக்கங்கள் எழுப்பினர். சங்கத்தின் மாவட்டத் தலைவர் எஸ். கோவிந்தராசு தலைமை வகித்தார். மாநிலச் செயலர் பன்னீர்செல்வம், மாவட்டச் செயலர் ஏ. ரெங்கசாமி, நிர்வாகி எஸ். கோதண்டபாணி உள்ளிட்டோர் கலந்து கொண்டனர். இதுதொடர்பாக ஒரு பெண் உள்பட 21 பேர் கைது செய்யப்பட்டனர்.
 

]]>
http://www.dinamani.com/all-editions/edition-trichy/tanjore/2018/nov/16/அரசாணை-நகலை-எரித்த-அரசு-ஊழியர்கள்-21-பேர்-கைது-3039826.html
3039825 திருச்சி தஞ்சாவூர் ஓய்வுபெற்ற அலுவலர்கள் ஆர்ப்பாட்டம் DIN DIN Friday, November 16, 2018 09:43 AM +0530 இருபது அம்சக் கோரிக்கைகளை வலியுறுத்தி ஓய்வுபெற்ற அலுவலர் சங்கத்தினர் கும்பகோணம் சார்நிலை கருவூல அலுவலகம் முன்பு வியாழக்கிழமை கோரிக்கை முழக்க ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு சுந்தரபெருமாள் கோவில் கிளை செயலாளர் காசிநாதன் தலைமை வகித்தார். கும்பகோணம் வட்டக்கிளை செயலாளர் தயாநிதி, தலைவர் ராமச்சந்திரன், மாநில செயற்குழு உறுப்பினர் கிருஷ்ணமூர்த்தி, பொருளாளர் புண்ணியமூர்த்தி ஆகியோர் முன்னிலை வகித்து கோரிக்கைகளை விளக்கிப் பேசினர்.
இதில்,  அலுவலர் குழு பரிந்துரைகள் மீதான அரசாணையின்படி பணப்பலன்கனை 1.1.2016 ஆம் தேதி முதல் வழங்க வேண்டும், 21 மாத ஓய்வூதிய,  குடும்ப ஓய்வூதிய நிலுவைத் தொகையை உடனே வழங்க வேண்டும், குறைந்தபட்ச ஓய்வூதியம் மற்றும் குடும்ப ஓய்வூதியத்தை ரூ. 9 ஆயிரமாக உயர்த்தி வழங்க வேண்டும், மருத்துவ படியை மாதந்தோறும் ரூ. 1,000 ஆக வழங்க வேண்டும், 12.5.2017 தேதியிட்ட மத்திய அரசின் ஆணையின்படி முழுமையான ஓய்வூதிய பலன்கள் 1.1.2016 முதல் திருத்தி அமைத்து வழங்க வேண்டும் உள்ளிட்ட 20 அம்ச கோரிக்கைகளை நிறைவேற்ற வலியுறுத்தி முழக்கங்கள் எழுப்பப்பட்டது.
இதில் கும்பகோணம் வட்டத்தில் உள்ள ஓய்வுபெற்ற அலுவலர் சங்கத்தின் நிர்வாகிகள், உறுப்பினர்கள் பலர் பங்கேற்றனர்.
ஒரத்தநாட்டில்... வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு சங்கத்தின்  மாவட்ட  அமைப்பு செயலாளர் தங்கமுத்து தலைமை வகித்தார். ஆதார கிளை சங்கத்தின் தலைவர் ஒக்கநாடு கீழையூர் பவானந்தம்,     மருங்குளம்  பன்னீர்செல்வம்,  பொருளாளர்  வாண்டையார் இருப்பு சாமிநாதன் ஆகியோர் முன்னிலை வகித்தனர். ஆர்ப்பாட்டத்தில்  ஒக்கநாடு கீழையூர்,  மருங்குளம் ,  வாண்டையார் இருப்பு ஆகிய 3  கிளை  சங்க நிர்வாகிகள் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/16/ஓய்வுபெற்ற-அலுவலர்கள்-ஆர்ப்பாட்டம்-3039825.html
3039824 திருச்சி தஞ்சாவூர் கும்பகோணம் நாகேஸ்வரன் கோயிலில் இன்று கடைமுழுக்கு தீர்த்தவாரி DIN DIN Friday, November 16, 2018 09:42 AM +0530 கும்பகோணம் நாகேஸ்வர சுவாமி கோயிலில் ஐப்பசி மாத கடைமுழுக்கு தீர்த்தவாரி வெள்ளிக்கிழமை நடைபெறுகிறது.
ஆண்டுதோறும் ஐப்பசி மாதம் 30 ஆம் தேதி காவிரி ஆற்றில் பஞ்சமூர்த்தி சுவாமிகள் எழுந்தருளி தீர்த்தவாரி கொடுப்பது வழக்கம். மயிலாடுதுறை துலா கட்டம்,  கும்பகோணம் பகவத் படித்துறை கட்டம்,  ராமேஸ்வரம் தீர்த்த கட்டம் ஆகிய 3 இடங்களில் நடைபெறும் இத்தகைய கடைமுழுக்கு தீர்த்தவாரி புகழ்பெற்றது.
இத்தகைய கடைமுழுக்கு தீர்த்தவாரி நாளான வெள்ளிக்கிழமை காலை நாகேஸ்வரன் கோயிலிலிருந்து விநாயகர், சுப்ரமணியர், பெரியநாயகி அம்பாள், நாகேஸ்வர சுவாமி, சண்டிகேஸ்வரர் சுவாமி ஆகிய பஞ்சமூர்த்தி சுவாமிகள் சிறப்பு புஷ்ப அலங்காரத்தில் வீதியுலாவாக புறப்பட்டு காவிரி ஆற்றுக்கு செல்கின்றனர். பின்னர் காவிரி ஆற்றின் பகவத் படித்துறையில் பகல் 12 மணிக்கு அஸ்திர தேவருக்கு அபிஷேகமும், அதனைத் தொடர்ந்து பக்தர்கள் புனித நீராடலும் நடைபெறவுள்ளது. இதற்கான ஏற்பாடுகளை கோயில் நிர்வாகம் மற்றும் உபயதாரர்கள் செய்துள்ளனர்.
 

]]>
http://www.dinamani.com/all-editions/edition-trichy/tanjore/2018/nov/16/கும்பகோணம்-நாகேஸ்வரன்-கோயிலில்-இன்று-கடைமுழுக்கு-தீர்த்தவாரி-3039824.html
3039823 திருச்சி தஞ்சாவூர் மோட்டார் சைக்கிள் மோதி முதியவர் சாவு DIN DIN Friday, November 16, 2018 09:42 AM +0530 தஞ்சாவூர் அருகேயுள்ள அம்மன்பேட்டை வேதியபுரம் பிரதான சாலையைச் சேர்ந்தவர் எஸ். துரைராஜ் (65). இவர் வீட்டு வாசலில் புதன்கிழமை இரவு நின்று கொண்டிருந்தார். 
அப்போது, தஞ்சாவூரிலிருந்து திருவையாறு நோக்கிச் சென்று கொண்டிருந்த மோட்டார் சைக்கிள் இவர் மீது மோதியது. இதில், பலத்தக் காயமடைந்த துரைராஜ் தஞ்சாவூர் அரசு மருத்துவக் கல்லூரி மருத்துவமனையில் சேர்க்கப்பட்டு, அங்கு வியாழக்கிழமை உயிரிழந்தார்.
இதுகுறித்து நடுக்காவேரி போலீஸார் விசாரித்தனர்.
 

]]>
http://www.dinamani.com/all-editions/edition-trichy/tanjore/2018/nov/16/மோட்டார்-சைக்கிள்-மோதி-முதியவர்-சாவு-3039823.html
3039822 திருச்சி தஞ்சாவூர் ராஜகிரி ஊராட்சியில்  தூய்மைப் பணி DIN DIN Friday, November 16, 2018 09:42 AM +0530 பாபநாசம் வட்டம், ராஜகிரி ஊராட்சியில், ஊராட்சி சார்பில் தூய்மைப் பணி மேற்கொள்ளப்பட்டது.
இதில் ராஜகிரி ஊராட்சிக்குள்பட்ட  அனைத்து வார்டுகளிலும் உள்ள குப்பைகள்,  தேங்காய் மட்டைகள், பழைய டயர்கள் சேகரிக்கப்பட்டு வாகனம் மூலம் அப்புறப்படுத்தப்பட்டன. மேலும்,  அனைத்து மேல்நிலை நீர்த்தேக்க தொட்டிகளும் குளோரினேசன் செய்யப்பட்டு, தூய்மையான குடிநீர் வழங்க நடவடிக்கை மேற்கொள்ளப்பட்டது. இந்தப் பணிகளை பாபநாசம் வட்டார வளர்ச்சி அலுவலர்கள் நாராயணன், அறிவானந்தம் உள்ளிட்டோர் பார்வையிட்டு ஆய்வு செய்தனர்.  இதில் துணை வட்டார வளர்ச்சி அலுவலர் அரவிந்தன்,  ஊராட்சி செயலர் கலையரசன், ஊராட்சி துப்புரவுப் பணியாளர்கள்  உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/tanjore/2018/nov/16/ராஜகிரி-ஊராட்சியில்--தூய்மைப்-பணி-3039822.html
3039821 திருச்சி தஞ்சாவூர் மாநில கூடைப்பந்து போட்டி: தஞ்சாவூர் மாணவிகள் தேர்வு DIN DIN Friday, November 16, 2018 09:42 AM +0530 மாநில அளவிலான கூடைப்பந்து போட்டிக்கு தஞ்சாவூர் தூய இருதய மகளிர் மேல்நிலைப் பள்ளி மாணவிகள் தேர்வு செய்யப்பட்டுள்ளனர்.
கரூரில் தமிழ்நாடு பள்ளிக் கல்வி இயக்ககம் சார்பில் வெள்ளிக்கிழமை (நவ.16) முதல் 18-ம் தேதி வரை மாநில அளவில் 17 வயதுக்கு உட்பட்ட பள்ளி மாணவ, மாணவிகளுக்கான 61-வது குடியரசு தின விளையாட்டுப் போட்டிகள் நடைபெறவுள்ளன.
இதில், கூடைப்பந்து பிரிவில் தஞ்சாவூர் மண்டலத்திலிருந்து வெற்றி பெற்ற தூய இருதய மகளிர் மேல்நிலைப் பள்ளி மாணவிகள் பங்கேற்கவுள்ளனர்.  
மாமன்னன் ராஜராஜ சோழன் ஊரகக் கூடைப்பந்து அறக்கட்டளை சார்பில் இவர்களுக்குச் சீருடைகள், கூடைப்பந்து வழங்கும் நிகழ்ச்சி வியாழக்கிழமை நடைபெற்றது. பள்ளி வளாகத்தில் நடைபெற்ற இந்நிகழ்ச்சியில் அறக்கட்டளைத் தலைவர் இளவரசு, நிறுவனர் துரைராஜு ரமேஷ்குமார், பள்ளித் தலைமையாசிரியை கிரேசி உள்ளிட்டோர் கலந்து கொண்டனர். கடந்த ஆண்டு ஈரோட்டில் நடைபெற்ற 60-வது குடியரசு தின விளையாட்டுப் போட்டியில் தூய இருதய மகளிர் மேல்நிலைப் பள்ளி மாணவிகள் வெள்ளிப் பதக்கம் பெற்றனர் என்பது குறிப்பிடத்தக்கது.
 

]]>
http://www.dinamani.com/all-editions/edition-trichy/tanjore/2018/nov/16/மாநில-கூடைப்பந்து-போட்டி-தஞ்சாவூர்-மாணவிகள்-தேர்வு-3039821.html
3039820 திருச்சி தஞ்சாவூர் பாபநாசம் கிளைச் சிறையில் மாவட்ட சார்பு நீதிபதி ஆய்வு DIN DIN Friday, November 16, 2018 09:41 AM +0530 தஞ்சாவூர் மாவட்டம், பாபநாசம் கிளைச் சிறை மற்றும் பாபநாசம் வட்ட சட்டப் பணிகள் குழு அலுவலகம் ஆகிய இடங்களில் மாவட்ட  சட்டப் பணிகள் ஆணைக் குழுவின்  செயலாளரும்,  மாவட்ட சார்பு நீதிபதியுமான பி. சாந்தி புதன்கிழமை ஆய்வு மேற்கொண்டார்.
பாபநாசம் கிளைச் சிறையில் மாவட்ட  சார்பு  நீதிபதி பி. சாந்தி மேற்கொண்ட ஆய்வின்போது,   சிறை அலுவலக வளாகத்தில் உள்ள கோப்புகள்,  பதிவேடுகள் உள்ளிட்டவற்றை பார்வையிட்டு ஆய்வு செய்தார். மேலும்,  சிறைக் கைதிகளிடம்  சட்ட விழிப்புணர்வு பற்றி விளக்கிய அவர் கைதிகளுக்கு தேவையான அறிவுரை வழங்கினார். 
தவிர,  பாபநாசம் வட்ட சட்டப் பணிகள்  குழு அலுவலகத்தில் வைக்கப்பட்டுள்ள கோப்புகள், பதிவேடுகளை பார்வையிட்டு அவர் ஆய்வு செய்தார். 
இந்த ஆய்வின்போது,  பாபநாசம் வட்ட சட்டப் பணிகள் குழுவின் சட்ட பூர்வ தன்னார்வலர்கள் எஸ்.பி.ராஜேந்திரன், எஸ்.தனசேகரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/tanjore/2018/nov/16/பாபநாசம்-கிளைச்-சிறையில்-மாவட்ட-சார்பு-நீதிபதி-ஆய்வு-3039820.html
3039818 திருச்சி தஞ்சாவூர் ஒப்பிலியப்பன் கோயிலில் திருக்கல்யாணம் DIN DIN Friday, November 16, 2018 09:41 AM +0530 கும்பகோணம் அருகே திருநாகேஸ்வரம் ஒப்பிலியப்பன் கோயிலில் 103 வது ஆண்டு ஐப்பசி திருக்கல்யாண உற்ஸவ பெருவிழா புதன்கிழமை இரவு நடைபெற்றது.
தமிழக திருப்பதி என போற்றப்படும் ஒப்பிலியப்பன் கோயிலில் பூமிதேவி தாயார், ஒப்பிலியப்பன் வெங்கடாஜலபதி சுவாமிக்கு திருக்கல்யாண வைபவம் நடைபெற்றது. இதையொட்டி சிறப்பு நாகசுர இன்னிசை, ஆன்மிக சொற்பொழிவு, பரதநாட்டிய கலை நிகழ்ச்சிகள் நடைபெற்றது.
இதையடுத்து,  2ஆவது நாளான வியாழக்கிழமை இரவு வீணை இசை, பக்தி இன்னிசை பாடல் நிகழ்ச்சி நடைபெற்றது. இதில் ஏராளமான பக்தர்கள், இசை ரசிகர்கள் பங்கேற்றனர்.
இதேபோல, வரும் 25 ஆம் தேதி வரை நாள்தோறும் மாலை 6 மணி முதல் 9 மணி வரை பலவிதமான இசை நிகழ்ச்சிகள் நடைபெறவுள்ளன. 
விழா ஏற்பாடுகளை கோயில் நிர்வாகத்தினர், உபயதாரர்கள் செய்து வருகின்றனர்.

]]>
http://www.dinamani.com/all-editions/edition-trichy/tanjore/2018/nov/16/ஒப்பிலியப்பன்-கோயிலில்-திருக்கல்யாணம்-3039818.html
3039816 திருச்சி தஞ்சாவூர் தஞ்சாவூர் மாவட்டத்தில் பள்ளி, கல்லூரிகளுக்கு இன்று விடுமுறை DIN DIN Friday, November 16, 2018 09:41 AM +0530 கஜா புயலின் காரணமாக, தஞ்சாவூர் மாவட்டத்தில் உள்ள பள்ளி, கல்லூரிகளுக்கு வெள்ளிக்கிழமை (நவ. 16) விடுமுறை அறிவிக்கப்பட்டுள்ளது.
இதுகுறித்து ஆட்சியர் ஆ. அண்ணாதுரை வெளியிட்டுள்ள செய்திக்குறிப்பு: தஞ்சாவூர் மாவட்டத்தில் கஜா புயல் காரணமாக முன்னெச்சரிக்கை நடவடிக்கையாக அனைத்து பள்ளிகள் மற்றும் கல்லூரிகளுக்கு வெள்ளிக்கிழமை விடுமுறை அளிக்கப்படுகிறது.
 

]]>
http://www.dinamani.com/all-editions/edition-trichy/tanjore/2018/nov/16/தஞ்சாவூர்-மாவட்டத்தில்-பள்ளி-கல்லூரிகளுக்கு-இன்று-விடுமுறை-3039816.html
3039814 திருச்சி தஞ்சாவூர் கரம்பயம் பகுதிகளில் நவம்பர் 17 மின் தடை DIN DIN Friday, November 16, 2018 09:40 AM +0530 கரம்பயம் பகுதிகளில் சனிக்கிழமை (நவ.17) மின்சார விநியோகம் இருக்காது என அறிவிக்கப்பட்டுள்ளது. 
இது குறித்து பட்டுக்கோட்டை மின் வாரிய உதவி செயற்பொறியாளர் (கூ.பொ.) பி.லெட்சுமணன் வெளியிட்ட செய்திக்குறிப்பு: கரம்பயம் துணை மின் நிலையத்தில் பராமரிப்புப் பணிகள் நடைபெறவுள்ளதால்,  இங்கிருந்து மின்சாரம் பெறும் ஆலத்தூர்,  கிளாமங்கலம், கரம்பயம்,  செண்டாங்காடு,  முசிறி ஆகிய பகுதிகளில் சனிக்கிழமை காலை 9 .45 மணி முதல் மாலை 4.45 மணி வரை மின் விநியோகம் நிறுத்தப்படும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/tanjore/2018/nov/16/கரம்பயம்-பகுதிகளில்-நவம்பர்-17-மின்-தடை-3039814.html
3039813 திருச்சி தஞ்சாவூர் ஊரணிபுரம் பகுதிகளில் நவம்பர் 16 மின் நிறுத்தம் DIN DIN Friday, November 16, 2018 09:40 AM +0530 ஊரணிபுரம் துணை மின் நிலையத்தில் மாதாந்திர பராமரிப்பு பணிகள் நடைபெறவிருப்பதால், இங்கிருந்து மின் விநியோகம் பெறும் ஊரணிபுரம்,  பாதிரங்கோட்டை,  நம்பிவயல்,  கொள்ளுக்காடு, கர்ட்டாத்தி, வெட்டுவாக்கோட்டை,  அக்கரைவட்டம்,  தளிகைவிடுதி, உஞ்சியவிடுதி, காரியவிடுதி, கல்விராஜன்விடுதி, சிவவிடுதி ஆகிய பகுதிகளில் வெள்ளிக்கிழமை (நவ.16) காலை 9.45 மணி முதல் மாலை 5 மணி வரை மின் விநியோகம் இருக்காது என ஒரத்தநாடு மின்வாரிய செயற்பொறியாளர் சுரேஷ் தெரிவித்துள்ளார். 
 

]]>
http://www.dinamani.com/all-editions/edition-trichy/tanjore/2018/nov/16/ஊரணிபுரம்-பகுதிகளில்-நவம்பர்-16-மின்-நிறுத்தம்-3039813.html
3039810 திருச்சி தஞ்சாவூர் பேராவூரணியில் இயற்கை உர விற்பனை மையம் திறப்பு DIN DIN Friday, November 16, 2018 09:40 AM +0530 பேராவூரணி ஆவணம் சாலையில் சக்தி இயற்கை உரம் விற்பனை மையத்தின் திறப்பு விழா புதன்கிழமை நடைபெற்றது.
விழாவிற்கு முன்னாள் எம்எல்ஏ எஸ்.வி. திருஞானசம்பந்தம் தலைமை வகித்தார். பேரூராட்சி முன்னாள் தலைவர் என். அசோக்குமார் முன்னிலை வகித்தார். விற்பனை மையத்தை எம்எல்ஏ கோவிந்தராசு திறந்துவைத்து பேசினார்.
முதல் விற்பனையை நகைச்சுவை பேச்சாளர் மதுரை முத்து தொடங்கி வைக்க, லயன்.கே.கே.டி. சுப்பிரமணியன் பெற்றுக் கொண்டார்.
நிகழ்ச்சியில் சத்யம் நிறுவன மேலாளர் செந்தில்குமார்,  முன்னாள் மாவட்ட கவுன்சிலர் முத்துராமலிங்கம்,  வர்த்தகர் கழக தலைவர் ஆர்.பி. ராஜேந்திரன், லயன் எஸ். கந்தப்பன், செல்வராஜ் உள்ளிட்டோர் கலந்துகொண்டனர். முன்னதாக, கணேசன் வரவேற்றார். ஆக்ஸ்போர்டு தங்கராஜன் நன்றி கூறினார்.
 

]]>
http://www.dinamani.com/all-editions/edition-trichy/tanjore/2018/nov/16/பேராவூரணியில்-இயற்கை-உர-விற்பனை-மையம்-திறப்பு-3039810.html
3039808 திருச்சி தஞ்சாவூர் கஜா புயலால் பேருந்துகள் நிறுத்தம் DIN DIN Friday, November 16, 2018 09:39 AM +0530 கஜா புயல் காரணமாக தஞ்சாவூரில் வியாழக்கிழமை மாலை முதல் பேருந்துகள் இயக்கம் நிறுத்தப்பட்டது.
கஜா புயல் காரணமாக பொதுமக்களின் நலன் கருதி மாவட்டத்தில் பல்வேறு முன்னெச்சரிக்கை நடவடிக்கைகள் எடுக்கப்பட்டன.
இதன்படி, நாகை, திருவாரூர், வேதாரண்யம், வேளாங்கண்ணி, கடலூர், புதுச்சேரி வழித் தடப் பேருந்துகள் அனைத்தும் வியாழக்கிழமை மாலை நிறுத்தப்பட்டன. மேலும், சென்னை செல்லும் பேருந்துகள் திருச்சி வழியாக இயக்கப்பட்டன. புயல் பாதிப்பு இல்லாத மாவட்டங்களுக்குக் குறைந்த அளவில் பேருந்துகள் இயக்க நடவடிக்கை எடுக்கப்பட்டன. நகரப் பேருந்துகள் சேவை இரவில் முற்றிலுமாக நிறுத்தி வைக்கப்பட்டன. 
ரயில் சேவையும் நிறுத்தம்: இதேபோல, தஞ்சாவூரில் இருந்து சென்னைக்கு இயக்கப்படும் உழவன் விரைவு ரயில்,  மன்னார்குடியிலிருந்து சென்னைக்கு இயக்கப்படும் மன்னை விரைவு ரயில் சேவை வியாழக்கிழமை இரவு நிறுத்தப்பட்டது. மேலும், தஞ்சாவூர், கும்பகோணம், மயிலாடுதுறை வழியாக இயக்கப்படும் செந்தூர் விரைவு ரயில், அந்தியோதயா விரைவு ரயில்,  ராமேசுவரம் விரைவு ரயில்,  திருப்பதி விரைவு ரயில் ஆகியவை வியாழக்கிழமை திருச்சி வழியாக இயக்கப்பட்டன.
 

]]>
http://www.dinamani.com/all-editions/edition-trichy/tanjore/2018/nov/16/கஜா-புயலால்-பேருந்துகள்-நிறுத்தம்-3039808.html
3039805 திருச்சி தஞ்சாவூர் ஆறுகளில் மணல் திருடிய 7 பேர் கைது:  3 வாகனங்கள் பறிமுதல் DIN DIN Friday, November 16, 2018 09:39 AM +0530 கும்பகோணம் ஆறுகளில் மணல் திருட்டில் ஈடுபட்ட 7 பேரை போலீஸார் புதன்கிழமை இரவு கைது செய்தனர். அவர்கள் மணல் அள்ள பயன்படுத்திய 3 வாகனங்களையும் போலீஸார் பறிமுதல் செய்தனர்.
கும்பகோணத்தை அடுத்த பட்டீஸ்வரம் காவல் நிலையத்துக்குள்பட்ட  பகுதிகளில் புதன்கிழமை இரவு போலீஸார் வாகனச் சோதனையில் ஈடுபட்டிருந்தனர். அப்போது, பம்பப்படையூர் சாலையில் வந்த லாரியை மறித்து சோதனையிட்டபோது,  குடமுருட்டி ஆற்றிலிருந்து மணலை திருடிச் சென்றது தெரியவந்தது. இதையடுத்து,  லாரியிலிருந்த ஆரியப்படையூர் காளியம்மன்கோயில் தெருவை சேர்ந்த க. தேவதாஸ் (44), முழையூர் சமத்துவபுரத்தை சேர்ந்த க. வெங்கடேசன் (44) ஆகிய இருவரையும் பட்டீஸ்வரம் போலீஸார் கைது செய்ததுடன், லாரியையும் பறிமுதல் செய்தனர்.
இதேபோல, உடையாளூர் பகுதியில் போலீஸார் வாகன சோதனையில் ஈடுபட்டிருந்தபோது, வாகன நம்பர் பிளேட் இல்லாமல் வந்த டிப்பர் டிராக்டரை பிடித்து சோதனையிட்டனர். இதில்,  குடமுருட்டி ஆற்றிலிருந்து அனுமதியின்றி மணல் எடுத்து வந்தது தெரியவந்தது. இதையடுத்து டிராக்டரில் வந்த வலங்கைமான் வெள்ளாளர் தெருவை சேர்ந்த கு. மனோகரன் (35), வலங்கைமான் கைலாசநாதர் கோயில் தெருவை சேர்ந்த மா. வெங்கடேசன் (30) மற்றும் விசலூர் காந்தி நகரைச் சேர்ந்த அ. சிவா (23) ஆகிய மூவரையும் பட்டீஸ்வரம் போலீஸார் கைது செய்ததுடன்,  டிராக்டரையும் பறிமுதல் செய்தனர்.
கும்பகோணம் தாலுக்கா காவல் நிலையத்துக்குள்பட்ட பகுதியில் போலீஸார் வாகனச் சோதனையில் ஈடுபட்டிருந்த போது, மாங்குடி வளையப்பேட்டை புறவழிச்சாலையில் வந்த லாரியை சோதனையிட்ட போது, அரசலாற்றில் அனுமதியின்றி மணல் ஏற்றி வந்தது தெரிய வந்தது. இதையடுத்து லாரியில் வந்த வலங்கைமான் சந்திரசேகரபுரம் பிரதான சாலையைச் சேர்ந்த சி. ரமேஷ்குமார் (31), அதே பகுதியை சேர்ந்த த. மாதவன்(27) ஆகிய இருவரையும் தாலுக்கா போலீஸார் கைது செய்ததுடன், லாரியையும் பறிமுதல் செய்தனர்.

]]>
http://www.dinamani.com/all-editions/edition-trichy/tanjore/2018/nov/16/ஆறுகளில்-மணல்-திருடிய-7-பேர்-கைது--3-வாகனங்கள்-பறிமுதல்-3039805.html
3039804 திருச்சி தஞ்சாவூர் அதிராம்பட்டினத்தில் புதை சாக்கடை திட்டத்தை செயல்படுத்த இந்திய யூனியன் முஸ்லீம் லீக் வலியுறுத்தல் DIN DIN Friday, November 16, 2018 09:39 AM +0530 தஞ்சாவூர் மாவட்டம்,  அதிராம்பட்டினத்தில் புதை சாக்கடை திட்டத்தை  செயல்படுத்த வேண்டுமென இந்திய யூனியன் முஸ்லீம் லீக் கட்சி வலியுறுத்தியுள்ளது.  
இதுகுறித்து, அக்கட்சியின் மாநில துணைத் தலைவர் எஸ்.எஸ்.பி. நசுருதீன் தலைமையில் அக்கட்சி நிர்வாகிகள்  பட்டுக்கோட்டை சட்டப்பேரவை உறுப்பினர் சி.வி. சேகரை அண்மையில் நேரில் சந்தித்து அளித்த மனுவில் கூறியிருப்பது: 
அதிராம்பட்டினம் தேர்வுநிலை பேரூராட்சி 21 வார்டுகளையும், 12.80 சதுர கிலோ மீட்டர் பரப்பளவையும் கொண்டது. இப்பகுதியில், தற்போது சுமார் 70 ஆயிரம் பேர் வசிக்கின்றனர். கடந்த 2011 ஆம் ஆண்டு அப்போதைய தமிழக முதல்வர் ஜெயலலிதா, அதிராம்பட்டினம் பேரூராட்சியில் ரூ.23.73 கோடி மதிப்பீட்டில் புதை  சாக்கடை திட்டம் நிறைவேற்றப்படும் என அறிவித்தார்.
மேலும், அதிராம்பட்டினம் பொதுமக்களின் நீண்ட நாள் கோரிக்கையான இத்திட்டத்தை விரைந்து செயல்படுத்த வேண்டுமென மனுவில் வலியுறுத்தப்பட்டுள்ளது. மனுவைப் பெற்றுக்கொண்ட எம்எல்ஏ சி.வி.சேகர் உரிய நடவடிக்கை மேற்கொள்வதாக உறுதியளித்தார்.

]]>
http://www.dinamani.com/all-editions/edition-trichy/tanjore/2018/nov/16/அதிராம்பட்டினத்தில்-புதை-சாக்கடை-திட்டத்தை-செயல்படுத்த-இந்திய-யூனியன்-முஸ்லீம்-லீக்-வலியுறுத்தல்-3039804.html
3039802 திருச்சி தஞ்சாவூர் பட்டுக்கோட்டையில் 3 இடங்களில் நிலவேம்பு குடிநீர் வழங்கும் முகாம் தொடக்கம்  DIN DIN Friday, November 16, 2018 09:38 AM +0530 பட்டுக்கோட்டையில் 3 இடங்களில் 5 நாள் நிலவேம்பு குடிநீர் வழங்கும் முகாம் புதன்கிழமை தொடங்கியது.  
பட்டுக்கோட்டை நகராட்சி சார்பில் நீதிமன்ற வளாகம் எதிரில்,  பேருந்து நிலையம் எதிரில்,  பெரியகடைத்தெரு அண்ணா சிலை அருகில் ஆகிய 3  இடங்களில் 5 நாள் நிலவேம்பு குடிநீர் வழங்கும் முகாம் அமைக்கப்பட்டுள்ளன.  இவற்றை நகராட்சி ஆணையர் சே.அலாவுதீன் முன்னிலையில்,  எம்எல்ஏ சி.வி.சேகர் தொடங்கி வைத்து பொதுமக்களுக்கு நிலவேம்பு குடிநீர் வழங்கிப் பேசியது:
டெங்கு காய்ச்சல் தடுப்புப் பணிக்காக நகராட்சி மேற்கொள்ளும் அனைத்து தடுப்பு நடவடிக்கைகளுக்கும் பொதுமக்கள் ஒத்துழைப்பு வழங்க வேண்டும். நகராட்சியால் நிலவேம்பு குடிநீர் வழங்கப்படும் மையங்களில் தொடர்ந்து 5 நாள்களுக்கு நிலவேம்பு குடிநீர் வாங்கிப் பருகினால்  டெங்கு மற்றும் இதர காய்ச்சல்களில் இருந்து நம்மை தற்காத்து கொள்வதுடன்,  நோய் எதிர்ப்புத் தன்மையையும் உண்டாக்கி கொள்ளலாம். மேலும், டெங்கு கொசு புழுக்கள் வீடுகள், நிறுவனங்கள், பள்ளிகள் மற்றும் பொது இடங்களில் உற்பத்தியாகாமல் தடுக்க நகராட்சி நிர்வாகம் கூறும் வழிமுறைகளை கடைப்பிடிக்க வேண்டியது மிகவும் அவசியம் என்றார்.
பட்டுக்கோட்டை கூட்டுறவு விற்பனைச் சங்கத் தலைவர் இரா.கார்த்திகேயன், கூட்டுறவு பால் உற்பத்தியாளர்கள் சங்கத் தலைவர் சுப. ராஜேந்திரன், தென்னை வளர்ச்சி வாரிய முன்னாள் உறுப்பினர் ஏ. மலையய்யன் உள்ளிட்டோர் நிகழ்ச்சியில் கலந்து கொண்டனர். 
முகாம் ஏற்பாடுகளை நகராட்சி துப்புரவு அலுவலர் அந்தோணி ஸ்டீபன், துப்புரவு ஆய்வாளர்கள் ரவிச்சந்திரன், அறிவழகன், ஆரோக்கியசாமி, சுகாதார பரப்புரையாளர்கள், மேற்பார்வையாளர்கள் மற்றும் நகராட்சிப் பணியாளர்கள் செய்திருந்தனர்.

]]>
http://www.dinamani.com/all-editions/edition-trichy/tanjore/2018/nov/16/பட்டுக்கோட்டையில்-3-இடங்களில்-நிலவேம்பு-குடிநீர்-வழங்கும்-முகாம்-தொடக்கம்-3039802.html
3039800 திருச்சி தஞ்சாவூர் பாபநாசம் அரசுப் பள்ளியில் சாலை பாதுகாப்பு வார விழா DIN DIN Friday, November 16, 2018 09:38 AM +0530 பாபநாசம் அரசு ஆண்கள் மேல்நிலைப் பள்ளி வளாகத்தில் பள்ளியின் தேசிய மாணவர் படை, மற்றும் நாட்டு நலப்பணித் திட்டம் ஆகியவை சார்பில் புதன்கிழமை சாலை பாதுகாப்பு வார விழா கொண்டாடப்பட்டது.
விழாவுக்கு பள்ளித் தலைமை ஆசிரியர் வி. மணியரசன்  தலைமை வகித்தார். காவல் ஆய்வாளர் எஸ். நாகரெத்தினம், உதவி காவல் ஆய்வாளர் த.வெங்கடேசன் உள்ளிட்டோர் முன்னிலை வகித்தனர். 
விழாவில் பாபநாசம் காவல் துணை கண்காணிப்பாளர் நாகராஜன் கலந்து கொண்டு பேசும்போது,  சாலையில் செல்லும்போது கவனிக்க வேண்டிய சாலை விதிகள்,விபத்தில்லா பயணம், விபத்தில் பாதிக்கப்பட்டோருக்கு உதவுதல், மற்றும் காவல் துறை சார்பில் பயன்பாட்டிலுள்ள காவலன் செயலியை (ஆப்) பயன்படுத்தி காவல் துறையினருடன் தொடர்பு கொண்டு காவல்துறையின் உதவியை பெறுதல் உள்ளிட்டவை குறித்து மாணவர்களிடேயே விளக்கினார். 
பள்ளியின் முதுகலை ஆசிரியர் ஜெ. லோகநாதன், உடற்கல்வி ஆசிரியர் டி. செல்வகுமார் உள்ளிட்ட ஆசிரியர்கள், மாணவர்கள் பங்கேற்றனர்.
முன்னதாக,  பள்ளியின் உதவி தலைமை ஆசிரியர் வி.ரமேஷ் வரவேற்றார். நிறைவில் நாட்டு நலப்பணித் திட்ட ஒருங்கிணைப்பாளர் பி. முருகன் நன்றி கூறினார்.

]]>
http://www.dinamani.com/all-editions/edition-trichy/tanjore/2018/nov/16/பாபநாசம்-அரசுப்-பள்ளியில்-சாலை-பாதுகாப்பு-வார-விழா-3039800.html
3039797 திருச்சி தஞ்சாவூர் விதைப்புக் கருவி மூலம் நேரடி நெல் சாகுபடி செயல்விளக்கம் DIN DIN Friday, November 16, 2018 09:38 AM +0530 தஞ்சாவூர் மாவட்டம்,  மதுக்கூர் ஒன்றியம், வேப்பங்குளம் கிராமத்தில் நடப்பு சம்பா பருவத்தில் தேசிய உணவுப் பாதுகாப்புத் திட்டத்தின் கீழ் விவசாயி சந்திரசேகர் என்பவரின் 2.5 ஏக்கர் பரப்புள்ள வயலில் விதைப்புக் கருவி மூலம் நேரடி நெல் விதைப்பு குறித்த செயல்விளக்கம் வியாழக்கிழமை நடைபெற்றது.
இதில், மதுக்கூர் வட்டார வேளாண்மை அலுவலர் நவீன்சேவியர் பேசுகையில், தொடர்ந்து பெய்து வரும் மழையைப் பயன்படுத்தி விவசாயிகள் உழவு மேற்கொண்டு, விதைக்கருவி மூலம் நெல் விதைப்பு செய்து அதிக மகசூல் பெற்று கூடுதல் வருமானம் பெறலாம் என்றார். 
நேரடி நெல் விதைப்பு விழிப்புணர்வு முகாம் மற்றும் விதைக்கருவி மூலம் நெல் விதைப்பு செயல்விளக்கத்தில்  வேளாண்மை உதவி அலுவலர் கார்த்திக்,  பயிர் அறுவடை பரிசோதனையாளர்கள் 
திவ்யா, அர்ச்சனா தேவி, அமிர்தராஜ், அட்மா திட்ட அலுவலர்கள் லீலா, சரவணி,  பெனிக்சன் மற்றும் செங்கிப்பட்டி ஆர்.வி.எஸ். வேளாண்மைக் கல்லூரி மாணவிகள் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/16/விதைப்புக்-கருவி-மூலம்-நேரடி-நெல்-சாகுபடி-செயல்விளக்கம்-3039797.html
3039796 திருச்சி தஞ்சாவூர் பொதுமக்கள் சார்பில்  மாணவர்களுக்கு அஞ்சலகத்தில்  சேமிப்பு கணக்கு தொடக்கம் DIN DIN Friday, November 16, 2018 09:37 AM +0530 ஒரத்தநாடு அருகே அரசுப் பள்ளியை சேர்ந்த 81 மாணவர்களுக்கு அஞ்சலகத்தில் இலவசமாக சேமிப்பு கணக்குகளை பொதுமக்கள் தொடங்கி கொடுத்தனர். 
ஒரத்தநாடு அருகே உள்ள பின்னையூர் அரசு தொடக்கப் பள்ளியில் சுமார் 81 மாணவ, மாணவிகள் படித்து வருகின்றனர். 
இங்கு படிக்கும் மாணவர்களின் எண்ணிக்கையை அதிகரிக்கவும்,   மாணவர்களுக்கு இளம் வயதிலேயே எதிர்கால கல்வியை கருத்தில் கொண்டும்,  அரசுப் பள்ளி மாணவர்களிடையே சேமிப்பு பழக்கத்தை கொண்டு வரும் முயற்சியாக அதே ஊரைச் சேர்ந்த பொதுமக்களில் சிலர்  தங்களின் சொந்த செலவில் அனைவருக்கும் இலவசமாக அஞ்சலக வங்கி கணக்கை தொடங்கி பாஸ் புத்தகத்தை குழந்தைகள் தின நாளான புதன்கிழமை  வழங்கினர். இந்நிகழ்ச்சியில்,  வங்கிக் கணக்கை தனது சொந்த செலவில் அதே ஊரைச் சேர்ந்த கருணாநிதி, திருந்தையன், முன்னாள் ஊராட்சி மன்ற தலைவர் ராமச்சந்தின் ஆகியோர் வழங்கினர்.
பெற்றோர் ஆசிரியர் கழக தலைவர்  வெங்கடாசலம்,  தங்கப்பா.ராமமூர்த்தி, கலியமூர்த்தி,  அப்பாவு,  பள்ளித் தலைமை ஆசிரியர் அம்பிகா,  உயர்நிலைப் பள்ளி தலைமை ஆசிரியர் அறிவொளி,  உதவி தலைமை ஆசிரியர் ஆரேக்கியசாமி மற்றும்   அஞ்சலக ஊழியர் கவிஞானம் உள்ளிட்டோர் கலந்து கொண்டனர்.
நிறைவில் அனைத்து மாணவர்களுக்கும் இலவசமாக திருக்குறள் புத்தகம்,  எழுது பொருட்கள் வழங்கினர். மாணவர்களின் கலை நிகழ்ச்சியும் நடைபெற்றது.

]]>
http://www.dinamani.com/all-editions/edition-trichy/tanjore/2018/nov/16/பொதுமக்கள்-சார்பில்--மாணவர்களுக்கு-அஞ்சலகத்தில்-சேமிப்பு-கணக்கு-தொடக்கம்-3039796.html
3039793 திருச்சி தஞ்சாவூர் மருத்துவமனை பணியாளர்கள் ஆர்ப்பாட்டம் DIN DIN Friday, November 16, 2018 09:37 AM +0530 தஞ்சாவூர் காந்திஜி சாலையில் உள்ள சுகாதாரப் பணிகள் துணை இயக்குநர் அலுவலகம் முன் தமிழ்நாடு பல்நோக்கு மருத்துவமனை பணியாளர் சங்கத்தினர் கோரிக்கைகளை வலியுறுத்தி வியாழக்கிழமை மாலை ஆர்ப்பாட்டத்தில் ஈடுபட்டனர். 
அனுமதிக்கப்பட்ட நிரந்தர பணியிடங்களில் தற்காலிகமாகப் பணி நியமனம் செய்யப்பட்டுள்ளதைக் கருத்தில் கொண்டு இரு ஆண்டுகள் பணி முடித்த அனைத்து பல்நோக்கு மருத்துவமனைப் பணியாளர்களையும் பணி நிரந்தரம் செய்ய வேண்டும். தற்போது வழங்கப்பட்டு வரும் தினக்கூலி அடிப்படையிலான தொகுப்பூதியம் மாதந்தோறும் 5-ம் தேதிக்குள் கிடைக்க நடவடிக்கை எடுக்க வேண்டும். பல்நோக்கு மருத்துவமனைப் பணியாளர்களுக்கு இடமாறுதலுக்கான கலந்தாய்வு நடத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
சங்கத்தின் மாவட்டத் தலைவர் பே. சுந்தரலிங்கம் தலைமை வகித்தார். செயலர் ச. புருஷோத்தமன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/16/மருத்துவமனை-பணியாளர்கள்-ஆர்ப்பாட்டம்-3039793.html
3039792 திருச்சி தஞ்சாவூர் காவல் ஆய்வாளருக்கு பிடி ஆணை DIN DIN Friday, November 16, 2018 09:37 AM +0530 தஞ்சாவூர் நீதிமன்றத்தில் வழக்குத் தொடர்பாக சாட்சி சொல்ல ஆஜராகாத காவல் ஆய்வாளருக்கு வியாழக்கிழமை பிடி ஆணை பிறப்பிக்கப்பட்டது.
தஞ்சாவூர் மேற்குக் காவல் நிலையத்தில் 2010 ஆம் ஆண்டில் மோசடி தொடர்பாக வழக்குப் பதிவு செய்யப்பட்டது. 
இந்த வழக்கை அப்போதைய ஆய்வாளர் சிவகுமார் பதிவு செய்து விசாரித்தார். இதுதொடர்பாக தஞ்சாவூர் முதலாவது குற்றவியல் நடுவர் மன்றத்தில் வழக்குத் தொடுக்கப்பட்டது. 
இதில், சாட்சி சொல்ல ஆஜராகாத சிவகுமாருக்கு நடுவர் விஜயஅழகிரி வியாழக்கிழமை பிடி ஆணைப் பிறப்பித்தார். 
சிவக்குமார் தற்போது கோவை மாவட்டம், ரத்தினகிரி காவல் நிலையத்தில் ஆய்வாளராக உள்ளார்.

]]>
http://www.dinamani.com/all-editions/edition-trichy/tanjore/2018/nov/16/காவல்-ஆய்வாளருக்கு-பிடி-ஆணை-3039792.html
3039789 திருச்சி தஞ்சாவூர் சுவாமிமலையில் திருக்கார்த்திகை திருவிழா தொடக்கம் DIN DIN Friday, November 16, 2018 09:36 AM +0530 கும்பகோணம் அருகேயுள்ள சுவாமிமலை சுவாமிநாத சுவாமி கோயிலில் திருக்கார்த்திகை திருவிழா வியாழக்கிழமை காலை கொடியேற்றத்துடன் தொடங்கியது.
முருகனின் நான்காவது படைவீடான சுவாமிமலை சுவாமிநாத சுவாமி கோயில் புகழ்பெற்றது. தந்தையாகிய சிவபெருமானுக்கு ஓம் எனும் பிரணவ மந்திரத்தை உபதேசம் செய்வித்ததால் சிவகுருநாதனாக விளங்கும் சிறப்பு பெற்ற திருத்தலமாகும். இத்தலத்தில் ஆண்டுதோறும் திருக்கார்த்திகை திருவிழா வெகு விமரிசையாக கொண்டாடப்படுவது வழக்கம்.
நிகழாண்டு விழாவையொட்டி புதன்கிழமை விக்னேஸ்வர பூஜை,  வாஸ்துசாந்தி ஆகியவை நடைபெற்றது. தொடர்ந்து வியாழக்கிழமை காலை கொடிமரத்துக்கு சிறப்பு அபிஷேகம் செய்யப்பட்டது. அப்போது,  வள்ளி, தெய்வானையுடன் சுப்பிரமணிய சுவாமி சிறப்பு அலங்காரத்தில் எழுந்தருளினார். தொடர்ந்து மங்கள வாத்தியங்கள் முழங்க, கொடியேற்றத்துடன் விழா தொடங்கியது.
பின்னர் சுப்பிரமணியசுவாமி பரிவார தெய்வங்களுடன் மலைக்கோயிலிலிருந்து உற்ஸவ மண்டபம் எழுந்தருளும் நிகழ்ச்சி நடைபெற்றது. நவ. 16 ஆம் தேதி முதல் நவ. 23 ஆம் தேதி  வரை காலை மற்றும் இரவில் படிச்சட்டம், பல்லக்கு, பூத, ஆட்டுகிடா, வெள்ளிமயில், யானை, காமதேனு, வெள்ளிக்குதிரை போன்ற வாகனங்களில் சுவாமி வீதியுலா நடைபெறவுள்ளது.
நவ. 23-இல் திருக்கார்த்திகை விழா: விழாவில் நவ. 23 ஆம் தேதி திருக்கார்த்திகையை முன்னிட்டு அன்று காலை திருத்தேர் வடம் பிடித்தலும்,  இரவு தங்கமயில் வாகனத்தில் சுவாமி திருவீதியுலா வருதலும்,  தொடர்ந்து திருக்கார்த்திகை தீபக்காட்சியும் நடைபெற உள்ளது. விழா நாள்களில் தினமும் வேதபாராயணம், சிறப்பு சொற்பொழிவு,  இன்னிசை கச்சேரி,  சிறப்பு நாகசுர இன்னிசை நடைபெற உள்ளது.
விழா ஏற்பாடுகளை  திருக்கோயில் பணியாளர்கள்,  உபயதாரர்கள் இணைந்து செய்து வருகின்றனர்.

]]>
http://www.dinamani.com/all-editions/edition-trichy/tanjore/2018/nov/16/சுவாமிமலையில்-திருக்கார்த்திகை-திருவிழா-தொடக்கம்-3039789.html
3039122 திருச்சி தஞ்சாவூர் கஜா புயல்: பள்ளி, கல்லூரிகளுக்கு இன்று விடுமுறை DIN DIN Thursday, November 15, 2018 08:52 AM +0530 தஞ்சாவூர் மாவட்டத்தில் உள்ள பள்ளி, கல்லூரிகளுக்கு கஜா புயல் காரணமாக வியாழக்கிழமை (நவ. 15) விடுமுறை அறிவிக்கப்பட்டுள்ளது.
இதுகுறித்து ஆட்சியர் ஆ. அண்ணாதுரை வெளியிட்டுள்ள செய்திக்குறிப்பு:
வங்கக் கடலில் உருவாகியுள்ள கஜா புயல் வியாழக்கிழமை கரையைக் கடக்கும் என எதிர்பார்க்கப்படுகிறது. எனவே, முன்னெச்சரிக்கை நடவடிக்கையாக தஞ்சாவூர் மாவட்டத்தில் உள்ள அனைத்து பள்ளிகள் மற்றும் கல்லூரிகளுக்கு வியாழக்கிழமை விடுமுறை அளிக்கப்படுகிறது.
 

]]>
http://www.dinamani.com/all-editions/edition-trichy/tanjore/2018/nov/15/கஜா-புயல்-பள்ளி-கல்லூரிகளுக்கு-இன்று-விடுமுறை-3039122.html
3039120 திருச்சி தஞ்சாவூர் கஜா புயலை எதிர்கொள்ள மாவட்ட நிர்வாகம் தயார்: ஆட்சியர் DIN DIN Thursday, November 15, 2018 08:52 AM +0530 கஜா புயலை எதிர்கொள்ள மாவட்ட நிர்வாகம் தயார் நிலையில் உள்ளது என்றார் ஆட்சியர் ஆ. அண்ணாதுரை.
இதுகுறித்து அவர் மேலும் தெரிவித்திருப்பது: வங்கக் கடலில் உருவாகியுள்ள கஜா புயலை எதிர்கொள்ளும் வகையில் தஞ்சாவூர் மாவட்டத்தில் முன்னெச்சரிக்கை குழு,  தேடுதல் மற்றும் மீட்பு பணிக்குழு, பாதுகாப்பு மற்றும் உணவு வழங்கும் குழு, போக்குவரத்து மேலாண்மைக் குழு, நீர் வழி மேலாண்மைக் குழு, செய்தி மேலாண்மைக் குழு, சுகாதாரம் மற்றும் கழிவு நீர் மேலாண்மைக் குழு என 7 மாவட்ட அளவிலான குழுக்கள் அமைக்கப்பட்டுள்ளன.
மேலும், வருவாய் கோட்ட அளவில் மூன்று குழுக்களும்,  வட்ட அளவில் 9 குழுக்களும், சரக அளவில் 50 குழுக்களும், கடலோர வட்டங்களில் ஒவ்வொரு கிராமத்துக்கும் 5 குழுக்கள் வீதம் 27 கிராமங்களில் 135 குழுக்களும் அமைக்கப்பட்டுள்ளது. புயல் பாதிப்பு ஏற்படக்கூடிய பகுதிகளில் 1,932 முதல் நிலை உதவியாளர்கள் கண்டறியப்பட்டு அவர்களுக்குப் பயிற்சி அளிக்கப்பட்டுள்ளது.  
காவல் துறையைச் சேர்ந்த 66 பயிற்சி பெற்ற காவலர்களைக் கொண்ட 4 பேரிடர் மீட்பு குழுவினரும்,  புயல் பாதிப்பு ஏற்படும் பகுதிகளில் பணியாற்றக்கூடிய 161 தீயணைப்பு வீரர்களும் தயார் நிலையில் உள்ளனர். புயல் பாதிப்பு ஏற்படக் கூடிய பகுதிகளில் 24 படகுகள், அவசர கால ஊர்திகள், செஞ்சிலுவை சங்கம் மற்றும் தனியார் அவசர கால ஊர்திகள் தயார் நிலையில் உள்ளன. புயல் ஏற்படும் பட்சத்தில் பொதுமக்களை தங்க வைக்க 14 பல்நோக்கு புயல் பாதுகாப்பு மையங்கள், 8 இதர புயல் பாதுகாப்பு மையங்கள், 28 இதர நிவாரண மையங்கள் தயார் நிலையில் உள்ளன. மேலும், அரசுப் பள்ளிகள், சமுதாயக் கூடங்கள், கிராம சேவை மையங்கள், திருமண மண்டபங்கள், கல்வி நிறுவனங்கள் ஆகியவற்றை திறந்து வைக்க அறிவுறுத்தப்பட்டுள்ளது.
கால்நடைகளைப் பாதுகாக்க 195 கால்நடை பாதுகாப்பு முதல்நிலை உதவியாளர்களும், 36 பாதுகாப்பு மையங்களும், 131 கால்நடை பராமரிப்பு குழுக்களும், புயல் மற்றும் வெள்ளப் பாதிப்புகளைச் சமாளிக்கும் வகையில் 42,000 மணல் மூட்டைகள், 134 மரம் அறுக்கும் இயந்திரங்கள், 50 பயிற்சி பெற்ற மீனவர்கள் மற்றும் படகு உரிமையாளர்கள் தயார் நிலையில் உள்ளனர் என ஆட்சியர் தெரிவித்துள்ளார். 


புகார் தெரிவிக்கலாம்
புயல் மற்றும் மழை தொடர்பான புகார்களை 1077 என்ற கட்டணமில்லா தொலைபேசி எண்ணில் தஞ்சாவூர் மாவட்ட ஆட்சித் தலைவர் அலுவலகத்தில் செயல்படும் 24 மணி நேர அவசர கட்டுப்பாட்டு அறைக்கும், 100 என்ற எண்ணில் காவல் துறை கட்டுப்பாட்டு அறைக்கும், 101 என்ற எண்ணில் தீயணைப்பு துறை கட்டுபாட்டு அறைக்கும் தெரிவிக்கலாம். 
மேலும், பாதிப்புகள் குறித்த புகார்களை தஞ்சாவூர் வட்டத்தில் 04362 - 230456 என்ற எண்ணிலும், திருவையாறு வட்டத்தில் 04362 - 260248 என்ற எண்ணிலும், பூதலூர் வட்டத்தில் 04362 - 288107 என்ற எண்ணிலும், ஒரத்தநாடு வட்டத்தில் 04372-233225 என்ற எண்ணிலும், கும்பகோணம் வட்டத்தில் 0435-2430227 என்ற எண்ணிலும், திருவிடைமருதூர் வட்டத்தில் 0435 - 2460187 என்ற எண்ணிலும், பாபநாசம் வட்டத்தில் 04374-222456 என்ற எண்ணிலும், பட்டுக்கோட்டை வட்டத்தில் 04373 - 235049 என்ற எண்ணிலும், பேராவூரணி வட்டத்தில் 04373 - 232456 என்ற எண்ணிலும் பொதுமக்கள் தெரிவிக்கலாம் என ஆட்சியர் தெரிவித்துள்ளார்.

]]>
http://www.dinamani.com/all-editions/edition-trichy/tanjore/2018/nov/15/கஜா-புயலை-எதிர்கொள்ள-மாவட்ட-நிர்வாகம்-தயார்-ஆட்சியர்-3039120.html
3039117 திருச்சி தஞ்சாவூர் கும்பகோணம் கூட்டுறவு வங்கியில் தூய்மைப்பணி DIN DIN Thursday, November 15, 2018 08:52 AM +0530 கும்பகோணத்தில் 65ஆவது அனைத்திந்திய கூட்டுறவு வார விழாவை முன்னிட்டு கூட்டுறவு தொடக்க வேளாண்மை மற்றும் ஊரக வளர்ச்சி வங்கியில் புதன்கிழமை தூய்மைப்பணி நடைபெற்றது.
இந்நிகழ்ச்சிக்கு வங்கியின் தலைவர் அறிவழகன் தலைமை வகித்தார். துணைப் பதிவாளர் மாரீஸ்வரன் முன்னிலை வகித்தார். 
நிகழ்ச்சியின் தொடக்கமாக தூய்மை  இந்தியா திட்டத்தின்கீழ்,  வங்கி வளாகத்தை தூய்மைப்படுத்தும் பணி நடைபெற்றது. 
இதில் கும்பகோணம் வேளாண்மை உற்பத்தியாளர் கூட்டுறவு  விற்பனை சங்கத் தலைவர் அசோகன்,  வங்கியின் மேலாளர் மற்றும் கூட்டுறவு சார்  கண்காணிப்பாளர், வங்கி பணியாளர்கள் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-trichy/tanjore/2018/nov/15/கும்பகோணம்-கூட்டுறவு-வங்கியில்-தூய்மைப்பணி-3039117.html
3039115 திருச்சி தஞ்சாவூர் தமிழ்ப் பல்கலை.யில் மொழிபெயர்ப்பாளர்கள் பட்டியல் தயாரிக்கத் திட்டம்: துணைவேந்தர் பேச்சு DIN DIN Thursday, November 15, 2018 08:51 AM +0530 தஞ்சாவூர் தமிழ்ப் பல்கலைக்கழகத்தில் மொழிபெயர்ப்பாளர்கள் பட்டியல் தயாரிக்கப்பட்டுள்ளது என்றார் துணைவேந்தர் கோ. பாலசுப்பிரமணியன்.
இப்பல்கலைக்கழகத்தில் சாகித்ய அகாதெமி சார்பில் புதன்கிழமை நடைபெற்ற தேசிய புத்தக வார விழாவின் தொடக்க விழாவில் அவர் பேசியது:
சாகித்ய அகாதெமி என்ற பொதுத் துறை நிறுவனம் ஆண்டுக்கு ஏறத்தாழ 6,000-க்கும் அதிகமான நூல்களை 24 மொழிகளில் வெளியிட்டு வருகிறது. இந்தியாவின் பண்பாட்டு ஒற்றுமைக்கும், தேசிய ஒற்றுமைக்கும் மிகப் பெரிய பங்காற்றி வரும் சாகித்ய அகாதெமி மொழிபெயர்ப்பு மூலமாக பிற மொழி நூல்களையும் வெளியிடுகிறது. தமிழ்ப் பல்கலைக்கழகத்தில் தற்போது மொழிபெயர்ப்புத் துறையும், இந்திய மொழிகள் பள்ளியும் ஒப்பீட்டு ஆய்வுகளை மேற்கொண்டு வருகின்றன. இதை மேலும் வலுப்படுத்த மலையாளம், கன்னடம், தெலுங்கு, சம்ஸ்கிருதம் - பிராகிருதம் ஆகிய 4 துறைகளை உருவாக்க முயற்சி மேற்கொள்ளப்படுகிறது. 
இதற்காக தமிழ்நாட்டில் உள்ள மொழிபெயர்ப்பாளர்கள் பட்டியல் தயாரிக்கப்படவுள்ளது. பிற மொழிகளிலிருந்து நம் மொழிக்கும், நம் மொழியிலிருந்து பிற மொழிகளுக்கும் மொழிபெயர்க்கும் விதமாக மொழிபெயர்ப்பாளர்கள் பட்டியலை தயாரிக்குமாறு கூறியுள்ளேன். மொழிபெயர்ப்பாளர்கள் வெளி மாநிலங்களிலும், அயல்நாடுகளிலும் உள்ளனர். அவர்களை அடையாளம் கண்டு அவர்களிடம் மொழிபெயர்ப்பு பணி மேற்கொள்ளப்படவுள்ளது என்றார் துணைவேந்தர்.
விழாவில் சாகித்ய 
அகாதெமி பொறுப்பு அலுவலர் டி.எஸ். சந்திரசேகர்ராஜ், பல்கலைக்கழக மொழிப்புல முதன்மையர் இரா. முரளிதரன், நாட்டுப்புறவியல் துறைத் தலைவர் இரா. காமராசு உள்ளிட்டோர் கலந்து கொண்டனர்.

நவ. 20 வரை  புத்தகக் கண்காட்சி
இந்த விழாவையொட்டி, தமிழ்ப் பல்கலைக்கழக நிர்வாகக் கட்டடத்தில் சாகித்ய அகாதெமி சார்பில் புதன்கிழமை முதல் நவ. 20-ம் தேதி வரை புத்தகக் கண்காட்சி நடைபெறுகிறது. இதில், சாகித்ய அகாதெமி 600 தலைப்புகளில் நூல்களை விற்பனைக்காக வைத்துள்ளது. இவற்றுக்கு 20 முதல் 50 சதவீதம் வரை தள்ளுபடி வழங்கப்படுகிறது. மேலும், இக்கண்காட்சியில் தமிழ்ப் பல்கலைக்கழக வெளியீடுகள் 25 சதவீதத் தள்ளுபடி விலையில் விற்கப்படுகிறது.

]]>
http://www.dinamani.com/all-editions/edition-trichy/tanjore/2018/nov/15/தமிழ்ப்-பல்கலையில்-மொழிபெயர்ப்பாளர்கள்-பட்டியல்-தயாரிக்கத்-திட்டம்-துணைவேந்தர்-பேச்சு-3039115.html
3039113 திருச்சி தஞ்சாவூர் பாபநாசம் அருகே  டாஸ்மாக் கடை ஊழியர்கள் மீது மிளகாய்பொடி தூவி ரூ.3 லட்சம் பறிப்பு DIN DIN Thursday, November 15, 2018 08:51 AM +0530 தஞ்சாவூர் மாவட்டம், பாபநாசம் அருகே டாஸ்மாக் கடை விற்பனையாளர்கள் மீது மிளகாய் பொடி தூவி ரூ. 3 லட்சத்தை பறித்து சென்ற நபர்களை போலீஸார் தேடி வருகின்றனர்.
பாபநாசம் அருகேயுள்ள திருமண்டங்குடி கிராமத்தில் இயங்கி வரும் டாஸ்மாக் கடையில் 
தஞ்சாவூரை சேர்ந்த ராஜசேகர் (48),  மேற்பார்வையாளராக பணியாற்றி வருகிறார். கபிஸ்தலம் அருகேயுள்ள வடசருக்கை கிராமத்தை சேர்ந்த சீனிவாசன் மகன் அரிச்சந்திரன்(43) மற்றும் பழனிசாமி ஆகியோர் விற்பனையாளர்களாக வேலை செய்து வருகின்றனர்.
இந்நிலையில், செவ்வாய்க்கிழமை (நவ.13)  இரவு விற்பனைக்கு பின்னர் டாஸ்மாக் கடையை பூட்டிவிட்டு, மது விற்ற பணம் ரூ. 3 லட்சத்தை ஒரு பையில் எடுத்துக் கொண்டு அரிச்சந்திரன், பழனிசாமி ஆகிய இருவரும் ஒரு  இருசக்கர வாகனத்தில்  கபிஸ்தலம் நோக்கி சென்று கொண்டிருந்தனர்.
ராமானுஜபுரம் பிரதான சாலையில் சென்றபோது,  2 இருசக்கர வாகனங்களில் வந்த அடையாளம் தெரியாத மூன்று  பேர் அரிச்சந்திரன், பழனிசாமி வந்த வாகனத்தை வழிமறித்து,  அவர்கள் மீது மிளகாய் பொடியை தூவி அவர்களை கீழே தள்ளிவிட்டு இருசக்கர வாகன டேங்க் கவரில் வைத்திருந்த ரூ. 3 லட்சத்தை எடுத்துக் கொண்டு தப்பியோடிவிட்டனர். சம்பவம் தொடர்பாக டாஸ்மாக் கடை மேற்பார்வையாளர் ராஜசேகர் அளித்த புகாரின்பேரில்,  கபிஸ்தலம் போலீஸார் வழக்குப் பதிந்து ரூ. 3 லட்சத்தை பறித்து சென்ற 3 பேரையும் தேடி வருகின்றனர்.

]]>
http://www.dinamani.com/all-editions/edition-trichy/tanjore/2018/nov/15/பாபநாசம்-அருகே--டாஸ்மாக்-கடை-ஊழியர்கள்-மீது-மிளகாய்பொடி-தூவி-ரூ3-லட்சம்-பறிப்பு-3039113.html
3039111 திருச்சி தஞ்சாவூர் தமிழகம், தமிழர் நலனுக்காக பாடுபடும் மோடிக்கு ஆதரவளிக்க வேண்டும் DIN DIN Thursday, November 15, 2018 08:51 AM +0530 தமிழகம், தமிழர் நலனுக்காக பாடுபடுபவர் மோடி; அவருக்கு தமிழக மக்கள் ஆதரவளிக்க வேண்டும் என்றார் இந்து மக்கள் கட்சியின் தலைவர் அர்ஜுன்சம்பத் தெரிவித்தார்.
இதுகுறித்து அவர் கும்பகோணத்தில் நிருபர்களிடம் மேலும் கூறியதாவது: ரஜினிகாந்த் விரைவில் கட்சி ஆரம்பிக்க உள்ளதாக கூறியுள்ளார். அதற்கு முன்பாக, தமிழகத்தில் 20 தொகுதிகளின் இடைத்தேர்தல் தனியாகவோ, நாடாளுமன்ற தேர்தலுடன் சேர்ந்தோ நடந்தால் நாங்கள் ரஜினிகாந்தை ஆதரிப்போம். அவரை தலைமையேற்க வைத்து ஆன்மிக அமைப்புகள் ஒன்று சேர்ந்து, இந்து மக்கள் கட்சி சார்பில் 20 தொகுதிகளிலும் போட்டியிடுவோம்.
ராஜீவ்காந்தி கொலை வழக்கில் சிறையில் இருக்கும் 7 பேரை மனிதாபிமான அடிப்படையில் விடுதலை செய்ய வேண்டுமென்று ரஜினி கூறியுள்ளார். ஆனால் அதை புரிந்து கொள்ளாமல் சிலர் பேசி வருகின்றனர். தமிழர்கள் என பேசி தமிழ் தேச அரசியல் செய்பவர்கள் இந்திய ஒருமைப்பாட்டிற்கு எதிராகவும், தமிழகத்தில் சட்டம் ஒழுங்கு பிரச்னையை ஏற்படுத்துவதையும்தான் நோக்கமாக கொண்டுள்ளனர். எனவே, இத்தகைய அமைப்புகள், நிர்வாகிகள் பேச்சை நம்பி அவர்களது பின்னால் தமிழர்கள் செல்லக் கூடாது. 
உண்மையிலேயே தமிழகம், தமிழர் நலனுக்காக பாடுபடும் பிரதமர் மோடிக்கு வரும் நாடாளுமன்ற தேர்தலில் தமிழக மக்கள் ஆதரவளித்து வெற்றி பெற செய்ய வேண்டும். விரைவில் பதவிக்காலம் நிறைவடைய உள்ள சிலை திருட்டு தடுப்புப் பிரிவு ஐஜி பொன் மாணிக்கவேலின் பதவி காலத்தை மேலும் சில ஆண்டுகளுக்கு தமிழக அரசு நீட்டிக்க வேண்டும் என்றார் அர்ஜுன்சம்பத்.
 

]]>
http://www.dinamani.com/all-editions/edition-trichy/tanjore/2018/nov/15/தமிழகம்-தமிழர்-நலனுக்காக-பாடுபடும்-மோடிக்கு-ஆதரவளிக்க-வேண்டும்-3039111.html
3039110 திருச்சி தஞ்சாவூர் சொத்துத் தகராறில் முதியவர் வெட்டிக் கொலை: உறவினர் தலைமறைவு DIN DIN Thursday, November 15, 2018 08:50 AM +0530 தஞ்சாவூர் மாவட்டம்,  மதுக்கூர் அருகே சொத்துத் தகராறில் முதியவர் வெட்டிக் கொல்லப்பட்டார். இதுதொடர்பாக அவரது அண்ணன் மகனை போலீஸார் தேடி வருகின்றனர்.
மதுக்கூரை அடுத்த வேப்பங்குளம் நடுத்தெருவைச் சேர்ந்தவர் ஆர்.ஜெயராமன் (81). இவர் மனைவி சில ஆண்டுகளுக்கு முன் இறந்து விட்டார். வீட்டில் தனியாக வசித்து வந்த ஜெயராமனுக்கு குழந்தைகள் இல்லை.  
ஜெயராமனின் அண்ணன் மகன் அதே ஊர் மேலத் தெருவைச் சேர்ந்த விவசாயி எம்.தமிழரசன். இவருக்கும் ஜெயராமனுக்கும் இடையே சொத்துப் பிரச்னை தொடர்பாக தகராறு இருந்துள்ளது. இந்நிலையில், செவ்வாய்க்கிழமை இரவு ஜெயராமன் வீட்டுக்குச் சென்ற தமிழரசன் அவருடைய சொத்தை தனக்கு எழுதி தரும்படி வலியுறுத்தியுள்ளார். இதற்கு ஜெயராமன் மறுத்து விட்டாராம். இதனால் ஆத்திரமடைந்த தமிழரசன் அரிவாளால் ஜெயராமனை சரமாரியாக வெட்டிவிட்டு தப்பியோடி விட்டாராம். இதில் பலத்த காயமடைந்த ஜெயராமன் தஞ்சை மருத்துவக் கல்லூரி மருத்துவமனைக்கு அழைத்துச் செல்லும் வழியில் உயிரிழந்தார்.இதுகுறித்த புகாரின் பேரில்,  மதுக்கூர் போலீஸார் கொலை வழக்குப் பதிந்து தலைமறைவான தமிழரசனை தேடி வருகின்றனர்.
 

]]>
http://www.dinamani.com/all-editions/edition-trichy/tanjore/2018/nov/15/சொத்துத்-தகராறில்-முதியவர்-வெட்டிக்-கொலை-உறவினர்-தலைமறைவு-3039110.html
3039109 திருச்சி தஞ்சாவூர் குத்தகை பாக்கி:  தேவஸ்தான நிலம் மீட்பு DIN DIN Thursday, November 15, 2018 08:50 AM +0530 தஞ்சாவூரில் அரண்மனை தேவஸ்தானத்துக்குச் சொந்தமான நிலம் குத்தகை செலுத்தப்படாமல் நிலுவையில் இருந்ததால் புதன்கிழமை மீட்கப்பட்டது.
கரந்தையில் உள்ள மீனாட்சி சுந்தரேசுவரர் கோயில் தஞ்சாவூர் அரண்மனை தேவஸ்தானத்துக்கு உட்பட்டது. இக்கோயிலுக்கு சொந்தமான 6.39 ஏக்கர் பரப்பளவுள்ள நிலம் தஞ்சாவூர் அருகே கொடிக்காலூரில் உள்ளது. இந்நிலம் 5 பிரிவுகளாகப் பிரித்து குத்தகைக்கு விடப்பட்டது. 
ஆனால், குத்தகைதாரர் 2011 ஆம் ஆண்டு முதல் குத்தகை செலுத்தாமல் ரூ. 1.50 லட்சம் நிலுவை வைத்திருந்தாராம்.
இதுதொடர்பாக குத்தகைதாரருக்கு அரண்மனை தேவஸ்தான நிர்வாகம் பல முறை நோட்டீஸ் அனுப்பியும், அவர்கள் திரும்பச் செலுத்தாததுடன், நிலத்தையும் காலி செய்து தரவில்லை. எனவே, இதுகுறித்து தஞ்சாவூர் வருவாய் நீதிமன்றத்தில் அரண்மனை தேவஸ்தானம் சார்பில் வழக்குத் தொடுக்கப்பட்டது. இதில், நிலத்தை மீட்குமாறு தனித் துணை வட்டாட்சியர் பாலச்சந்திரன் அண்மையில் உத்தரவிட்டார்.இதன்படி, வருவாய் நீதிமன்ற அமலாக்க ஆய்வர் ரவிச்சந்திரன் முன்னிலையில்,  இந்நிலம் புதன்கிழமை மீட்கப்பட்டு, தஞ்சாவூர் அரண்மனை தேவஸ்தானத்திடம் ஒப்படைக்கப்பட்டது.

]]>
http://www.dinamani.com/all-editions/edition-trichy/tanjore/2018/nov/15/குத்தகை-பாக்கி--தேவஸ்தான-நிலம்-மீட்பு-3039109.html
3039108 திருச்சி தஞ்சாவூர் முதுநிலைப் பட்டதாரி ஆசிரியர்கள் ஆர்ப்பாட்டம் DIN DIN Thursday, November 15, 2018 08:50 AM +0530 தஞ்சாவூர் முதன்மைக் கல்வி அலுவலர் அலுவலகம் முன் தமிழ்நாடு முதுநிலைப் பட்டதாரி ஆசிரியர் கழகத்தினர் கோரிக்கைகளை வலியுறுத்தி புதன்கிழமை மாலை ஆர்ப்பாட்டம் நடத்தினர்.
அரசு உதவி பெறும் மேல்நிலைப் பள்ளிகளில் முதுகலை ஆசிரியர்களுக்குப் பதவி உயர்வு வழங்கும்போது தகுதி, திறன் என்ற வார்த்தையைப் பயன்படுத்தி, முன்னுரிமையைப் பின்பற்றாமல் பதவி உயர்வு வழங்கப்படுகிறது. எனவே, முன்னுரிமைப்படி பதவி உயர்வு வழங்க வேண்டும். தகுதி, திறன் என்ற வார்த்தையை நீக்க வேண்டும். இரண்டாம் கட்ட மாறுதல் கலந்தாய்வை உடனடியாக நடத்த வேண்டும். ஆசிரியர்களுக்குப் பணிப் பாதுகாப்புச் சட்டத்தை இயற்ற வேண்டும். நீட் பயிற்சி வகுப்புகளுக்கு முதுகலை ஆசிரியர்களை நியமிப்பதில் இருந்து விலக்கு அளிக்க வேண்டும் ஆகிய கோரிக்கைகளை வலியுறுத்தி முழக்கங்கள் எழுப்பப்பட்டன. கழகத்தின் மாவட்டத் தலைவர் சி. சந்திரசேகர் தலைமை வகித்தார். தமிழ்நாடு மேல்நிலைப் பள்ளி தலைமையாசிரியர் கழக மாநிலப் பொதுச் செயலர் எம். ரவிச்சந்திரன், தமிழ்நாடு அரசு ஊழியர் சங்க மாவட்டச் செயலர் ஏ. ரெங்கசாமி, தமிழ்நாடு முதுநிலைப் பட்டதாரி ஆசிரியர் கழக மாவட்ட அமைப்புச் செயலர் எம். சச்சிதானந்தம், பொருளாளர் ஜி. இளையராஜா உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/tanjore/2018/nov/15/முதுநிலைப்-பட்டதாரி-ஆசிரியர்கள்-ஆர்ப்பாட்டம்-3039108.html
3039107 திருச்சி தஞ்சாவூர் பி.எஸ்.என்.எல். அலுவலர்கள், ஊழியர்கள் பேரணி DIN DIN Thursday, November 15, 2018 08:49 AM +0530 ஊதிய மாற்றம் உள்ளிட்ட பல்வேறு கோரிக்கைகளை வலியுறுத்தி தஞ்சாவூரில் பி.எஸ்.என்.எல். அலுவலர்கள் மற்றும் ஊழியர்கள் சங்கங்களின் சார்பில் புதன்கிழமை பேரணி நடைபெற்றது .
15 சத சதவீத உயர்வுடன் கூடிய ஊதிய மாற்றம்,  ஓய்வூதிய மாற்றம்,  அடிப்படை ஊதியத்தில் ஓய்வூதிய பங்களிப்பு, பி.எஸ்.என்.எல். நிறுவனத்துக்கு 4ஜி அலைக்கற்றை ஒதுக்கீடு, இரண்டாவது ஊதியக் குழுப் பரிந்துரைக் குழுவில் தீர்க்கப்படாத பிரச்னைகளுக்கு தீர்வு, ஓய்வூதியதாரர்களுக்கு ஊதிய மாற்றம் ஆகியவற்றை வலியுறுத்தி இப்பேரணி நடத்தப்பட்டது.
மருத்துவக் கல்லூரி சாலையில் செஞ்சிலுவை சங்க அலுவலகம் அருகே தொடங்கிய இப்பேரணி பாலாஜி நகர் வழியாக பி.எஸ்.என்.எல். முதன்மைப் பொது மேலாளர் அலுவலகத்தில் முடிவடைந்தது. 
சங்கங்களின் மாவட்டத் தலைவர் ஆர். ராஜேந்திரன், அமைப்பாளர் டி.கே. உதயன், மாவட்டச் செயலர்கள், பொருளாளர் டி. சுப்பிரமணியன் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/tanjore/2018/nov/15/பிஎஸ்என்எல்-அலுவலர்கள்-ஊழியர்கள்-பேரணி-3039107.html
3039106 திருச்சி தஞ்சாவூர் கும்பகோணத்தில் 1 வயது குழந்தைக்கு பன்றிக் காய்ச்சல் DIN DIN Thursday, November 15, 2018 08:49 AM +0530 கும்பகோணத்தில் பன்றிக் காய்ச்சலால் பாதிக்கப்பட்ட ஒரு வயது ஆண் குழந்தைக்கு அரசு மருத்துவமனையில் சிகிச்சை அளிக்கப்பட்டு வருகிறது. 
கும்பகோணம் அருகே திருப்பனந்தாளை அடுத்த பாவூர் பகுதியை சேர்ந்தவர் மதியழகன். விவசாயியான இவருக்கு ஸ்ரீதர்ஷன் (1) என்ற ஆண் குழந்தை உள்ளது.
கடந்த ஒரு வாரத்திற்கு முன்பு ஸ்ரீதர்ஷனுக்கு காய்ச்சல் ஏற்பட்டுள்ளது. இதையடுத்து,  கும்பகோணத்திலுள்ள தனியார் மருத்துவமனையில் சிகிச்சைக்காக அனுமதித்தனர். தொடர்ந்து மேல்சிகிச்சைக்காக கும்பகோணம் மாவட்ட அரசு தலைமை மருத்துவமனையில் அனுமதித்தனர். அங்கு மருத்துவர்களின் பரிசோதனையில் குழந்தைக்கு பன்றிக்காய்ச்சல் இருப்பது உறுதி செய்யப்பட்டது. 
இதையடுத்து குழந்தை ஸ்ரீதர்ஷனை மருத்துவர்கள், கும்பகோணம் அரசு மருத்துவமனை வளாகத்திலேயே தனி அறையில் வைத்து, தீவிர சிகிச்சையளித்து வருகின்றனர்.
இதுதவிர,  மருத்துவனையில் 51 பேர் பல்வேறு விதமான காய்ச்சல் காரணமாக உள்நோயாளிகளாக சிகிச்சை பெற்று வருகின்றனர். 125 பேர் வெளிநோயாளிகளாக சிகிச்சை பெற்றுச் சென்றுள்ளனர் என மருத்துவமனை வட்டாரங்கள் தெரிவித்தன.
 

]]>
http://www.dinamani.com/all-editions/edition-trichy/tanjore/2018/nov/15/கும்பகோணத்தில்-1-வயது-குழந்தைக்கு-பன்றிக்-காய்ச்சல்-3039106.html
3039105 திருச்சி தஞ்சாவூர் கோயிலை பராமரிக்க கோரி மனு: தஞ்சை ஆட்சியர் பதிலளிக்க  உயர்நீதிமன்றம் உத்தரவு DIN DIN Thursday, November 15, 2018 08:48 AM +0530 திருவையாறில் உள்ள  பேர்மனார் கோயிலை பராமரிக்க கோரும் மனு தொடர்பாக தஞ்சை மாவட்ட ஆட்சியர் பதிலளிக்கச் சென்னை உயர்நீதிமன்ற மதுரைக் கிளை புதன்கிழமை உத்தரவிட்டது.
சென்னையைச் சேர்ந்த ஏ.ராதாகிருஷ்ணன் சென்னை உயர்நீதிமன்ற மதுரைக் கிளையில் தாக்கல் செய்த மனு:  தஞ்சாவூர் மாவட்டம் திருவையாறில்  உள்ள  பேர்மனார் கோயிலின் விமானம், மண்டபம் பகுதிகள் மிகவும் சேமதடைந்துள்ளது. எனவே இவற்றைப் பராமரிக்க உத்தரவிட வேண்டும் என்று குறிப்பிட்டிருந்தார்.
 இந்த மனு நீதிபதி வி.பவானி சுப்பராயன் முன்பு புதன்கிழமை விசாரணைக்கு வந்தன.   மனுவை விசாரித்த நீதிபதிதஞ்சாவூர் பேர்மனார் கோயில் பராமரிப்பு தொடர்பாக தஞ்சாவூர் ஆட்சியர் பதிலளிக்க உத்தரவிட்டு மனு மீதான விசாரணையை மூன்று வாரங்களுக்கு ஒத்திவைத்தார்.
 

]]>
http://www.dinamani.com/all-editions/edition-trichy/tanjore/2018/nov/15/கோயிலை-பராமரிக்க-கோரி-மனு-தஞ்சை-ஆட்சியர்-பதிலளிக்க-உயர்நீதிமன்றம்-உத்தரவு-3039105.html
3039104 திருச்சி தஞ்சாவூர் நீரிழிவு தின விழிப்புணர்வு பேரணி DIN DIN Thursday, November 15, 2018 08:48 AM +0530 உலக நீரிழிவு நாளையொட்டி, தஞ்சாவூரில் நீரிழிவு நோய் ஒழிப்பு விழிப்புணர்வு பேரணி புதன்கிழமை நடைபெற்றது.
இப்பேரணிக்கு நீரிழிவு நோய் தடுப்புச் சங்கத் தலைவர் துரைராஜன் தலைமை வகித்தார். இப்பேரணியை மருத்துவர்கள் ஜி. சிவச்சந்திரன், பாலசுஜிதா கொடியசைத்து தொடங்கி வைத்தனர். மன்னர் சரபோஜி கல்லூரி, புதிய பேருந்து நிலையம் வழியாக சிவப்ரீத்தி மருத்துவமனையில் முடிவடைந்தது.

]]>
http://www.dinamani.com/all-editions/edition-trichy/tanjore/2018/nov/15/நீரிழிவு-தின-விழிப்புணர்வு-பேரணி-3039104.html
3039103 திருச்சி தஞ்சாவூர் தஞ்சாவூரில் நேரு பிறந்த நாள் விழா DIN DIN Thursday, November 15, 2018 08:48 AM +0530 தஞ்சாவூரில் காங்கிரஸ் கட்சி சார்பில்,  மறைந்த பிரதமர் ஜவாஹர்லால் நேரு பிறந்த நாள் விழா புதன்கிழமை நடைபெற்றது.
தஞ்சாவூர் வடக்கு வீதியில் உள்ள நேரு சிலைக்கு தெற்கு மாவட்ட காங்கிரஸ் தலைவர் து. கிருஷ்ணசாமி வாண்டையார் தலைமையில் துணைத் தலைவர் கோ. அன்பரசன், பொருளாளர் வயலூர் எஸ். ராமநாதன்,  ஐஎன்டியுசி மாநிலப் பொதுச் செயலர் மோகன்ராஜ்,  மாநிலப் பொதுக்குழு உறுப்பினர் ஆர். கோவிந்தராஜ் உள்ளிட்டோர் மாலை அணிவித்தனர். 
இதேபோல, மாநகர மாவட்ட காங்கிரஸ் சார்பில் அதன் தலைவர் பி.ஜி. ராஜேந்திரன் தலைமையில் பொருளாளர் ஆர். பழனியப்பன் உள்ளிட்டோர் நேரு படத்துக்கு மாலை அணிவித்து அஞ்சலி செலுத்தினர்.
மேலும், கரந்தையில் ஐஎன்டியுசி சார்பில் மாவட்டத் தலைவர் கோ. ராகவேந்திரதாசன் தலைமையில் நேரு படத்துக்கு பலர் மாலை அணிவித்தனர்.

]]>
http://www.dinamani.com/all-editions/edition-trichy/tanjore/2018/nov/15/தஞ்சாவூரில்-நேரு-பிறந்த-நாள்-விழா-3039103.html
3039102 திருச்சி தஞ்சாவூர் கூட்டுறவு வார விழா தொடக்கம் DIN DIN Thursday, November 15, 2018 08:47 AM +0530 தஞ்சாவூர் சாமியப்பா கூட்டுறவு மேலாண்மைப் பயிற்சி நிலையத்தில் கூட்டுறவு வார விழா புதன்கிழமை தொடங்கியது.
கூட்டுறவு சங்கங்களின் மண்டல இணைப் பதிவாளர் மொ. ஏகாம்பரம் தலைமையில் நடைபெற்ற இவ்விழாவில் பெரியகோயில் சதய விழாக் குழுத் தலைவர் துரை. திருஞானம் கூட்டுறவு கொடியை ஏற்றி வைத்தார். மேலும், நிலைய வளாகத்தில் மரக்கன்றுகளை மாவட்டப் பால் வளத் தலைவர் ஆர். காந்தி, முன்னாள் கூட்டுறவு ஒன்றியத் தலைவர் எஸ். மோகன் நட்டு வைத்தனர். 
பின்னர், தஞ்சாவூர் காவேரி மொத்த விற்பனை பண்டகசாலையில் தூய்மைப் பணி மேற்கொள்ளப்பட்டது. இதில், நுகர்வோர் கூட்டுறவு பண்டகசாலை முன்னாள் தலைவர் வி. பண்டரிநாதன், துணைப் பதிவாளர்கள் மாரியப்பன், ஆர். மாரீஸ்வரன் உள்ளிட்டோர் கலந்து கொண்டனர். இந்த விழாவையொட்டி, மாவட்டத்தில் உள்ள அனைத்து கூட்டுறவு நிறுவனங்கள் மற்றும் பொது விநியோகத் திட்ட அங்காடிகள் அனைத்திலும் தூய்மைப்படுத்தும் பணி மேற்கொள்ளப்பட்டது. தொடர்ந்து, வியாழக்கிழமை (நவ.15) இலவச மருத்துவ முகாம், வெள்ளிக்கிழமை சிறப்பு விற்பனை முகாம், 17-ம் தேதி மாவட்ட அளவிலான விழா, 18-ம் தேதி தெலுங்கன்குடிகாடில் இலவச கால்நடை சிகிச்சை முகாம், 19-ம் தேதி திருபுவனத்தில் உறுப்பினர்கள் சந்திப்பு நிகழ்ச்சி, 20-ம் தேதி அதிராம்பட்டினத்தில் சிறுபான்மையினருக்கான கடன் வழங்கும் விழா ஆகியவை நடைபெறவுள்ளது.
 

]]>
http://www.dinamani.com/all-editions/edition-trichy/tanjore/2018/nov/15/கூட்டுறவு-வார-விழா-தொடக்கம்-3039102.html
3039101 திருச்சி தஞ்சாவூர் பள்ளிகளில் குழந்தைகள் தின விழா கொண்டாட்டம் DIN DIN Thursday, November 15, 2018 08:47 AM +0530 பேராவூரணி பகுதி அரசுப் பள்ளிகளில் குழந்தைகள் தினவிழா புதன்கிழமை சிறப்பாக  கொண்டாடப்பட்டது. 
பேராவூரணியை அடுத்துள்ள பெரிய தெற்குக்காடு ஊராட்சி ஒன்றிய நடுநிலைப்பள்ளியில்  நடைபெற்ற விழாவிற்கு  பள்ளி தலைமை ஆசிரியை வீரம்மாள் தலைமை வகித்தார். சுற்றுச்சூழல் மன்றத்தின் சார்பில்,  சிறப்பாக செயல்படும் மாணவர்களுக்கு,  வேளாண்மை மற்றும் இந்திய கிராமியக் கல்வி அறக்கட்டளை சார்பில் பசுமை பாதுகாவலர் விருது மற்றும் வருங்கால பசுமை பாதுகாவலர் பாராட்டு சான்றிதழ் வழங்கப்பட்டது. சமூக ஆர்வலர் ரவி சொக்கலிங்கம்   சார்பில்,  மாணவ, மாணவிகளின் புகைப்படம் ஒட்டப்பட்ட வாழ்த்து அட்டைகள் பள்ளியில் உள்ள அனைத்து மாணவர்களுக்கும்  வழங்கப்பட்டது. 
விழாவில்,  பள்ளி ஆசிரியைகள் காந்திமதி,   ரஞ்சிதா,  குளோரி,  துர்கா உள்ளிட்டோர் கலந்து கொண்டனர். நிகழ்ச்சிக்கான ஏற்பாட்டை சுற்றுச்சூழல் மன்ற ஒருங்கிணைப்பாளர்  ராமநாதன் செய்திருந்தார்.
காலகம் அரசு உயர்நிலைப் பள்ளியில் குழந்தைகள் தின விழா பள்ளித் தலைமையாசிரியர் ரெ.ராமநாதன் தலைமையில் நடைபெற்றது. ஆசிரியை எஸ். மாலா வரவேற்றார். ஆசிரியை ரெ.வெற்றிச்செல்வி,  சோ.விஷ்ணுகுமாரி,  வை.பெ.ஆனந்தராஜ், ஜெ.செல்வகுமார் ஆகியோர் குழந்தைகள் தின சிறப்பு பற்றி  பேசினர். ஆசிரியர் நடராஜன் நன்றி கூறினார். மாணவ, மாணவிகளுக்கு பல்வேறு போட்டிகள் நடத்தப்பட்டு பரிசுகள் வழங்கப்பட்டன. 
பட்டுக்கோட்டையில்...  பட்டுக்கோட்டையை அடுத்த சுக்கிரன்பட்டி பிருந்தாவன் மேல்நிலைப் பள்ளியில் குழந்தைகள் தின விழா புதன்கிழமை நடைபெற்றது. 
இதில், பள்ளியில் அண்மையில் நடைபெற்ற பல்வேறு போட்டிகளில் வெற்றி பெற்ற குழந்தைகள், அறிவியல் கண்காட்சியில் சிறந்த வடிவமைப்பை உருவாக்கி காட்சிப்படுத்திய மாணவர்கள் ஆகியோருக்கு நினைவுப் பரிசுகள் வழங்கிப் பாராட்டப்பட்டனர்.  
விழாவுக்கு பள்ளித் தாளாளர் டி.சுவாமிநாதன் தலைமை வகித்தார்.  செயலர் ஜெ.சரவணன் முன்னிலை வகித்தார். இயக்குநர்கள் எம்.ராமையா, சி.கோபாலகிருஷ்ணன், எம்.ரெத்தினகுமார்,  எஸ்.ராஜமாணிக்கம்,  சி.மோகன்,  மருத்துவர்கள் கெளசல்யா ராமகிருஷ்ணன்,  கே.கண்ணன்,  கே.பிரசன்ன வெங்கடேஷ்,  தலைமை ஆசிரியர் ஏ.முகமது அக்பர் அலி மற்றும் பெற்றோர்கள், ஆசிரியர்கள், மாணவ, மாணவிகள் விழாவில் கலந்து கொண்டனர்.
விளாங்குடி பள்ளியில்...
திருவையாறு அருகே விளாங்குடியில் உள்ள ஊராட்சி ஒன்றிய நடுநிலைப் பள்ளியில் குழந்தைகள் தின விழா புதன்கிழமை நடைபெற்றது.
பள்ளித் தலைமையாசிரியை விமலா தலைமை வகித்தார். இதில், குழந்தைகளுக்குக் கலை நிகழ்ச்சிகள் மூலம் நேருவின் வாழ்க்கை வரலாறு எடுத்துரைக்கப்பட்டது. மேலும், டெங்கு காய்ச்சல், சுற்றுப்புறத் தூய்மை, பிளாஸ்டிக் பாதிப்பு உள்ளிட்டவை குறித்து விழிப்புணர்வு நிகழ்ச்சி நடைபெற்றது.
உதவி தலைமையாசிரியர் பெருந்தேவி உள்ளிட்டோர் கலந்து கொண்டனர்.

அலிவலத்தில்...
பட்டுக்கோட்டை அருகேயுள்ள அலிவலம் எஸ்.இ.டி.வித்யாதேவி மெட்ரிக் மேல்நிலைப் பள்ளியில் புதன்கிழமை  முன்னாள் பிரதமர் ஜவாஹர்லால் நேரு பிறந்த நாள் குழந்தைகள் தினமா கொண்டாடப்பட்டது.
இந்நிகழ்ச்சிக்கு பள்ளியின் நிர்வாக இயக்குநர் எல். கோவிந்தராசு தலைமை வகித்தார்.  பள்ளியின் அறங்காவலர் ஆர்.லெட்சுமணன், பள்ளியின் தாளாளர் சித்ரா கோவிந்தராசு ஆகியோர் முன்னிலை வகித்தனர். பள்ளியின் முதல்வர் சி. ராமலிங்கம் வரவேற்றார். நேருவின் பெருமைகளை பறைசாற்றும் வகையிலான பேச்சு, கட்டுரை, ஓவியம் மற்றும் கவிதை போட்டி நடத்தப்பட்டு, வென்ற மாணவர்களுக்கு பரிசுகள் வழங்கப்பட்டன. முன்னதாக, பள்ளியின் முதல்வர் சி. ராமலிங்கம் வரவேற்றார். நிறைவில்,  பள்ளியின் துணை முதல்வர் கதிரவன் நன்றி கூறினார். நிகழ்ச்சியில் பெற்றோர்கள்,  ஆசிரியர்கள்,  மாணவ-மாணவியர்கள் உள்பட பலர் கலந்து கொண்டனர். நிகழ்ச்சிக்கான ஏற்பாட்டை பள்ளியின் உடற்கல்வித் துறை ஆசிரியர்கள் மற்றும் ஆசிரியர்கள் செய்திருந்தனர்.
 

]]>
http://www.dinamani.com/all-editions/edition-trichy/tanjore/2018/nov/15/பள்ளிகளில்-குழந்தைகள்-தின-விழா-கொண்டாட்டம்-3039101.html
3039100 திருச்சி தஞ்சாவூர் கடைமடைக்கு வராத காவிரி: அதிராம்பட்டினத்தில் சாலை மறியலுக்கு முயன்ற 59 பேர் கைது DIN DIN Thursday, November 15, 2018 08:47 AM +0530 தஞ்சாவூர் மாவட்டம், அதிராம்பட்டினத்தில் காவிரி நீர் திறந்து விடக்கோரி சாலை மறியலுக்கு முயன்ற 59 பேர் புதன்கிழமை கைது செய்யப்பட்டனர்.
டெல்டா பாசனத்துக்காக கடந்த ஜூலை 19-ம் தேதி மேட்டூர் அணையும், ஜூலை 22-ம் தேதி கல்லணையும் திறக்கப்பட்டது. இந்த இரு அணைகளும் திறக்கப்பட்டு சுமார் 4 மாதங்களாகியுள்ள நிலையில் தஞ்சாவூர் மாவட்ட கடைமடைப் பகுதியான அதிராம்பட்டினம் பகுதிக்கு இதுவரை காவிரி நீர் வரவில்லை. 
இதனால் தங்கள் ஊரை தொடர்ந்து புறக்கணிக்கும் பொதுப்பணித்துறை நிர்வாகத்தைக் கண்டித்து, அதிராம்பட்டினத்தில் கடைமடைப்பகுதி விவசாயிகள், பொதுமக்கள் மற்றும் பல்வேறு அமைப்புகள் சார்பில் புதன்கிழமை சாலை மறியல் போராட்டம் நடத்தப்படும் என அறிவிக்கப்பட்டிருந்தது. இந்நிலையில், அதிராம்பட்டினம் பேரூராட்சி முன்னாள் தலைவர்  எஸ்.எச். அஸ்லம்,  பட்டுக்கோட்டை ஒன்றிய திமுக பிரதிநிதி அப்துல் ஹலீம்,  நாம் தமிழர் கட்சியின் தஞ்சை தெற்கு மாவட்டப் பொருளாளர் ஏ.ஜெ.ஜியாவுதீன் உள்ளிட்ட 5 பேரை போலீஸார் புதன்கிழமை காலை முன்னெச்சரிக்கை நடவடிக்கையாக கைது செய்தனர்.
இதைத்தொடர்ந்து, கைதானவர்களை உடனடியாக விடுவிக்கவும்,  அதிராம்பட்டினம் கடைமடைப் பகுதிக்கு காவிரி நீரை திறந்துவிடவும்  வலியுறுத்தி சாலை மறியலில் ஈடுபட முயன்ற 59 பேரை கைது செய்து, ஏரிப்புறக்கரை கிராமத்திலுள்ள இந்திய செஞ்சிலுவைச் சங்கக் கட்டடத்தில் தங்க வைத்தனர். மாலையில் அனைவரும் விடுவிக்கப்பட்டனர்.
 

]]>
http://www.dinamani.com/all-editions/edition-trichy/tanjore/2018/nov/15/கடைமடைக்கு-வராத-காவிரி-அதிராம்பட்டினத்தில்-சாலை-மறியலுக்கு-முயன்ற-59-பேர்-கைது-3039100.html
3039099 திருச்சி தஞ்சாவூர் கந்தசஷ்டி விழா: ஆதிகும்பேசுவர சுவாமி கோயிலில் திருக்கல்யாணம் DIN DIN Thursday, November 15, 2018 08:47 AM +0530 கும்பகோணம் ஆதிகும்பேசுவர சுவாமி கோயிலில் கந்த சஷ்டி விழாவை முன்னிட்டு புதன்கிழமை திருக்கல்யாண உற்சவம் நடைபெற்றது.
பல்வேறு சிறப்புடைய இக்கோயிலில் மங்களாம்பிகை உடனாய ஆதிகும்பேசுவர சுவாமி அருள்பாலித்து வருகிறார்.  இக்கோயிலில் கந்த சஷ்டி விழாவை முன்னிட்டு செவ்வாய்க்கிழமை இரவு சுப்பிரமணியர் சூரனை வதம் செய்யும் நிகழ்வு நடைபெற்றது.
தொடர்ந்து புதன்கிழமை காலை சுப்ரமணியருக்கும், தேவசேனாவுக்கும் திருக்கல்யாணம் நடைபெற்றது. இதில் ஏராளமானோர் பங்கேற்று சுவாமி தரிசனம் செய்தனர். இதற்கான ஏற்பாடுகளை கோயில் பணியாளர்கள், உபயதாரர்கள் இணைந்து செய்திருந்தனர்.
 

]]>
http://www.dinamani.com/all-editions/edition-trichy/tanjore/2018/nov/15/கந்தசஷ்டி-விழா-ஆதிகும்பேசுவர-சுவாமி-கோயிலில்-திருக்கல்யாணம்-3039099.html
3038413 திருச்சி தஞ்சாவூர் திருபுவனத்தில் இளம்பெண் பாலியல் பலாத்காரம்: தொடர்புடைய அனைவரையும் கைது செய்ய வலியுறுத்தல் DIN DIN Wednesday, November 14, 2018 09:33 AM +0530 தஞ்சாவூர் மாவட்டம், கும்பகோணம் அருகே பெண் மீதான பாலியல் வல்லுறவு சம்பவத்தில்  தொடர்புடைய அனைவரையும் கைது செய்ய வேண்டும் என அனைத்திந்திய ஜனநாயக மாதர் சங்கத்தினரும், உறவினர்களும் வலியுறுத்தியுள்ளனர்.
தஞ்சாவூர் ஆட்சியரகம் மற்றும் மாவட்டக் காவல் அலுவலகத்தில் செவ்வாய்க்கிழமை அனைத்திந்திய ஜனநாயக மாதர் சங்க மாவட்டச் செயலர் எஸ். தமிழ்ச்செல்வி தலைமையில் சுமார் 50 பேர் அளித்த மனு:
கும்பகோணம் அருகே 21 வயதுடைய பெண் நவ. 7-ம் தேதி அழைத்து செல்லப்பட்டு, குளிர்பானத்தில் மயக்க மருந்து கொடுக்கப்பட்டு, பாலியல் வல்லுறவு கொடுமைக்கு ஆளாக்கப்பட்டார். இதனால், அப்பெண்ணுக்கு அதிக அளவில் ரத்தப்போக்கு ஏற்பட்டு, தனியார் மருத்துவமனையில் சேர்க்கப்பட்டார். பின்னர் கும்பகோணம் அரசு மருத்துவமனையில் சிகிச்சை பெற்று வருகிறார். 
இதுகுறித்து கும்பகோணம் அனைத்து மகளிர் காவல் நிலையத்தினர் வழக்குப் பதிந்து திருபுவனத்தைச் சேர்ந்த சின்னப்பாவை கைது செய்தனர். மேலும், இச்சம்பவத்தில் ஒன்றுக்கு மேற்பட்டவர்கள் வல்லுறவு செய்திருக்கலாம் என்ற சந்தேகத்தையும் மருத்துவர்கள் தெரிவித்தனர். எனவே, இச்சம்பவத்தில் சம்பந்தப்பட்ட அனைவரையும் கைது செய்து, கடுமையான தண்டனை பெற்றுத் தர வேண்டும். 
மேலும், உடல் மற்றும் மன ரீதியாக பாதிக்கப்பட்ட அப்பெண்ணுக்கு ரூ. 10 லட்சம் நிவாரண உதவியும், அரசு வேலைவாய்ப்பும் வழங்க நடவடிக்கை எடுக்க வேண்டும் என வலியுறுத்தியுள்ளனர்.
அப்போது, சிஐடியு மாவட்டச் செயலர் சி. ஜெயபால், துணைச் செயலர் கே. அன்பு, தரைக்கடை வியாபாரிகள் சங்க மாவட்டத் தலைவர் மணிமாறன், செயலர் மில்லர் பிரபு, தமிழ்நாடு விவசாயிகள் சங்க மாவட்டச் செயலர் என்.வி. கண்ணன் உள்ளிட்டோர் உடனிருந்தனர்.
மார்க்சிஸ்ட் கண்டனம்:தவிர, மார்க்சிஸ்ட் கம்யூனிஸ்ட் கட்சி மாவட்டச் செயலர் கோ. நீலமேகம் வெளியிட்டுள்ள அறிக்கை:
இந்தக் கூட்டுப் பாலியல் வல்லுறவு வன்கொடுமையை வன்மையாகக் கண்டிக்கிறோம். இதர குற்றவாளிகளைக் கண்டுபிடிக்கக் காவல் துறைத் தயக்கம் காட்டுகிறது. 
இக்கொடியச் செயலுக்குப் பின்னால் கூட்டான கயமைத்தனம் உள்ளது என்பது தெரிய வருகிறது. காவல்துறை இவ்வழக்கை உரிய முறையில் விசாரித்து குற்றவாளிகள் அனைவரையும் கைது செய்ய வேண்டும்.  பாதிக்கப்பட்ட பெண்ணுக்கு உயர்ரக சிகிச்சை அளிக்க ஆட்சியர் ஏற்பாடு செய்வதுடன், உரிய நிவாரணம் வழங்க வேண்டும்.

]]>
http://www.dinamani.com/all-editions/edition-trichy/tanjore/2018/nov/14/திருபுவனத்தில்-இளம்பெண்-பாலியல்-பலாத்காரம்-தொடர்புடைய-அனைவரையும்-கைது-செய்ய-வலியுறுத்தல்-3038413.html
3038412 திருச்சி தஞ்சாவூர் திருபுவனத்தில் இளம்பெண் பாலியல் பலாத்காரம்: அனைத்துக் கட்சியினர் ஆர்ப்பாட்டம்-பேரணி DIN DIN Wednesday, November 14, 2018 09:32 AM +0530 கும்பகோணம் அருகே திருபுவனத்தில் இளம்பெண்ணை பாலியல் வன்கொடுமை செய்த வழக்கில் தொடர்புடைய அனைவரையும் கைது செய்ய வலியுறுத்தி அனைத்துக் கட்சி சார்பில் செவ்வாய்க்கிழமை ஆர்ப்பாட்டம் மற்றும் பேரணி நடைபெற்றது.
திருபுவனத்தில் கடந்த 8 ஆம் தேதி 21 வயது நிரம்பிய இளம்பெண் பாலியல் பலாத்காரம் செய்யப்பட்ட வழக்கில் திருபுவனம் காத்தாயி அம்மன் கோயில் தெருவைச் சேர்ந்த பட்டுப்புடவை வியாபாரி சின்னப்பனை (45) போலீஸார் கைது செய்தனர்.
 இந்த வழக்கில் தொடர்புடைய குற்றவாளிகள் அனைவரையும் கைது செய்ய வேண்டும். 
பாதிக்கப்பட்ட பெண்ணின் குடும்பத்துக்கு அரசு ரூ. 10 லட்சம் இழப்பீடு வழங்க வேண்டும். அந்த குடும்பத்தில் ஒருவருக்கு அரசு வேலையும்,  பாதிக்கப்பட்ட பெண்ணுக்கு உரிய மருத்துவ சிகிச்சையும் அளிக்க வேண்டும் என்பதை வலியுறுத்தி அனைத்து கட்சிகள்,  அனைத்து தொழிற்சங்க அமைப்புகள் மற்றும் அனைத்திந்திய ஜனநாயக மாதர் சங்க அமைப்பினர் சார்பில் ஆயிரக்கணக்கானோர் திருபுவனம் கடைவீதியில் செவ்வாய்க்கிழமை ஆர்ப்பாட்டத்தில் ஈடுபட்டனர். தொடர்ந்து,  கண்டன பேரணியும் நடைபெற்றது. 
இதில் ஆயிரக்கணக்கான பெண்கள் உள்ளிட்ட பட்டு நெசவுத் தொழிலாளர்கள் பலர் பங்கேற்றனர்.

]]>
http://www.dinamani.com/all-editions/edition-trichy/tanjore/2018/nov/14/திருபுவனத்தில்-இளம்பெண்-பாலியல்-பலாத்காரம்-அனைத்துக்-கட்சியினர்-ஆர்ப்பாட்டம்-பேரணி-3038412.html
3038411 திருச்சி தஞ்சாவூர் பேராவூரணி, பாபநாசத்தில் விஏஓ-க்கள் ஆர்ப்பாட்டம் DIN DIN Wednesday, November 14, 2018 09:32 AM +0530 பேராவூரணியில் கிராம நிர்வாக அலுவலர்களின்  கவன ஈர்ப்பு ஆர்ப்பாட்டம் திங்கள்கிழமை நடைபெற்றது.
இணையதள வசதிகளை வழங்க வேண்டும். கிராம நிர்வாக அலுவலர் அதிகாரத்தை பறிக்கக் கூடாது. கிராம நிர்வாக அலுவலர்களுக்கு அடிப்படை வசதிகளை செய்து தர வேண்டும். மாவட்ட மாறுதல்  வழங்கிட வேண்டும். கிராம நிர்வாக அலுவலர்களுக்கு கூடுதல் பொறுப்பு ஊதியம் வழங்க வேண்டும். 
கிராம நிர்வாக அலுவலர் கல்வித் தகுதியை பட்டப்படிப்பு ஆக்க வேண்டும். கிராம நிர்வாக அலுவலர்களுக்கு என தனித்துறை உருவாக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கவன ஈர்ப்பு ஆர்ப்பாட்டம் நடைபெற்றது.
பேராவூரணி வட்டாட்சியர்  அலுவலகம் எதிரில் நடைபெற்ற ஆர்ப்பாட்டத்துக்கு வட்டத் தலைவர் ரத்தினவேல் தலைமை வகித்தார். வட்டச் செயலாளர் சக்திவேல் முன்னிலை வகித்தார். மாவட்ட இணைச் செயலாளர் ராஜசேகர் கோரிக்கை விளக்க உரையாற்றினார். பொருளாளர் மருததுரை நன்றி கூறினார்.
பாபநாசத்தில்... வட்டாட்சியர் அலுவலக வளாகத்தில் தமிழ்நாடு கிராம நிர்வாக  அலுவலர்கள் சங்கத்தின்  பாபநாசம் வட்டக் கிளை சார்பில் நடைபெற்ற ஆர்ப்பாட்டத்துக்கு வட்டத் தலைவர் ராஜேஷ்  தலைமை வகித்தார்.
வட்ட செயலாளர் காசிநாதன், வட்டப் பொருளாளர் பத்மநாபன், துணைத் தலைவர் சதீஷ்குமார், துணை செயலாளர் சிவபிரகாசம் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/tanjore/2018/nov/14/பேராவூரணி-பாபநாசத்தில்-விஏஓ-க்கள்-ஆர்ப்பாட்டம்-3038411.html
3038410 திருச்சி தஞ்சாவூர் பட்டுக்கோட்டையில் எல்ஐசி முகவர்கள் ஆர்ப்பாட்டம் DIN DIN Wednesday, November 14, 2018 09:32 AM +0530 பல்வேறு கோரிக்கைகளை வலியுறுத்தி பட்டுக்கோட்டையில் எல்ஐசி முகவர்கள் சங்கம் (லிகாய்) சார்பில் செவ்வாய்க்கிழமை ஆர்ப்பாட்டம் நடைபெற்றது.
எல்ஐசி முகவர்களின் மெடிக்கிளைம் பாலிசிக்கான பிரீமியம் பிடித்தம் செய்யப்பட்டு உரிய மருத்துவ காப்பீட்டுத் துறைக்கு செலுத்தப்பட வேண்டும்.  ஆனால், பிரீமியம் பிடித்தம் செய்யப்பட்டும் கூட, உரிய முறையில் அது பராமரிக்கப்படாததால் மருத்துவ  சிகிச்சைப் பெற வேண்டிய நிலையில் உள்ள பல முகவர்களுக்கு உரிய காப்பீடு கிடைக்கவில்லை. 
மேலும், சொந்தப் பொறுப்பில் மருத்துவ சிகிச்சைப் பெற்ற பின்னர் அத்தொகையை இத்திட்டத்தின் கீழ் ரீ-இம்ப்ர்ஸ்மெண்ட் செய்யவும் முடியவில்லை.  இதனால் நூற்றுக்கணக்கான முகவர்கள் பெரும் அவதிக்கு ஆளாகியுள்ளனர். இப்பிரச்னை குறித்து எல்ஐசி நிர்வாகத்துக்கு கொண்டு சென்ற பிறகும் எந்த நடவடிக்கையும் இல்லை. 
எனவே, முகவர்களுக்கான மெடிக்கிளைம் பிரீமியம் பிடித்தம் செய்தும்,  அதை முறையாக பராமரிக்காத எல்ஐசி நிர்வாகத்தைக் கண்டித்து இந்த ஆர்ப்பாட்டம் நடைபெற்றது.
பட்டுக்கோட்டை எல்ஐசி கிளை அலுவலகம் முன் நடைபெற்ற ஆர்ப்பாட்டத்துக்கு லிகாய் அமைப்பின் கிளைத் தலைவர் எம்.சுந்தரராஜன் தலைமை வகித்தார். மாநில செயல் தலைவர் அ.பூவலிங்கம் கண்டன உரையாற்றினார்.  கிளைச் செயலர் எம்.வீரமணி, பொருளாளர் கே.மணவாளன் மற்றும் முகவர்கள் பங்கேற்றனர். முடிவில், எல்ஐசி 
கிளை மேலாளரிடம் கோரிக்கை மனுவை அளித்தனர்.
 

]]>
http://www.dinamani.com/all-editions/edition-trichy/tanjore/2018/nov/14/பட்டுக்கோட்டையில்-எல்ஐசி-முகவர்கள்-ஆர்ப்பாட்டம்-3038410.html
3038409 திருச்சி தஞ்சாவூர் பேராவூரணியில்  பேரிடர் மேலாண்மை குழு கூட்டம் DIN DIN Wednesday, November 14, 2018 09:32 AM +0530 பேராவூரணி வட்டாட்சியர் அலுவலக கூட்ட அரங்கில்,  பேராவூரணி சரக பேரிடர் மேலாண்மைக் குழு கூட்டம் மண்டல அலுவலரும், தனி வட்டாட்சியருமான ரீட்டா ஜெர்லின் தலைமையில் செவ்வாய்க்கிழமை நடைபெற்றது. 
சரக வருவாய் ஆய்வாளர் எம்.அஷ்ரப் அலி முன்னிலை வகித்தார். 
கூட்டத்தில் பேரூராட்சி, காவல்துறை, மின்துறை, பொதுப்பணித்துறை, தீயணைப்புத் துறை, கிராம நிர்வாக அலுவலர்கள், ஊராட்சி செயலாளர்கள்,  மற்றும் சமூக ஆர்வலர்கள் கலந்து கொண்டனர்.
வடகிழக்கு பருவமழை மற்றும் இயற்கை பேரிடர்களை கண்காணித்து தொடர் நடவடிக்கைகள் மேற்கொள்ளும் பொருட்டு நடைபெற்ற இக்கூட்டத்தில் மழை, வெள்ளம் புயல் இயற்கை பேரிடர் காலங்களில் செய்யக்கூடியவை, செய்யக்கூடாதவை குறித்து விளக்கமளிக்கப்பட்டது. 
மேலும்,  கண்காணிப்பு குழு மூலம், எவ்வித சவால்களையும் எதிர்கொள்ளும் விதமாக ஆயத்த நிலையில் இருக்க அறிவுறுத்தப்பட்டது. 
நிறைவாக கிராம நிர்வாக அலுவலர் செல்வம் நன்றி கூறினார். 
 

]]>
http://www.dinamani.com/all-editions/edition-trichy/tanjore/2018/nov/14/பேராவூரணியில்-பேரிடர்-மேலாண்மை-குழு-கூட்டம்-3038409.html
3038408 திருச்சி தஞ்சாவூர் மாவட்ட கருவூல அலுவலர் பொறுப்பேற்பு DIN DIN Wednesday, November 14, 2018 09:31 AM +0530 தஞ்சாவூர் மாவட்டக் கருவூல அலுவலராகப் பணியாற்றி வந்த எஸ். நடராஜன் சென்னை உதவி முத்திரைத்தாள் கண்காணிப்பாளராகப் பணி இடமாற்றம் செய்யப்பட்டார். 
இதைத்தொடர்ந்து, தமிழ்நாடு விளையாட்டு ஆணையத்தில் தலைமைக் கணக்கு அலுவலராகப் பணிபுரிந்து வந்த எஸ். சோமசுந்தரம் பணியிட மாறுதலில் தஞ்சாவூர் மாவட்டக் கருவூல அலுவலராக திங்கள்கிழமை பொறுப்பேற்றார்.
 

]]>
http://www.dinamani.com/all-editions/edition-trichy/tanjore/2018/nov/14/மாவட்ட-கருவூலஅலுவலர்-பொறுப்பேற்பு-3038408.html
3038407 திருச்சி தஞ்சாவூர் சுப்பிரமணிய சுவாமி கோயிலில் சூரசம்ஹாரம் DIN DIN Wednesday, November 14, 2018 09:31 AM +0530 தஞ்சாவூரில் பூக்காரத் தெரு சுப்பிரமணிய சுவாமி திருக்கோயில் கந்த சஷ்டிப் பெருவிழாவில் செவ்வாய்க்கிழமை இரவு சூரசம்ஹார நிகழ்ச்சி நடைபெற்றது.
இக்கோயிலில் கந்த சஷ்டி பெருவிழா நவ. 7-ம் தேதி கொடியேற்றத்துடன் தொடங்கியது. தொடர்ந்து நாள்தோறும் மான், பூதம், யானை, ரிஷபம் ஆகிய வாகனங்களில் சுவாமி புறப்பாடு நடைபெற்றது. இதைத்தொடர்ந்து, செவ்வாய்க்கிழமை இரவு சுப்பிரமணிய சுவாமி ஆடு மயில் வாகனத்தில் புறப்பாடு நடைபெற்றது. இதையடுத்து, சாந்தபிள்ளை கேட் மேம்பாலத்தின் கீழ் சூரசம்ஹார நிகழ்ச்சி நடைபெற்றது. இதில், ஏராளமான பக்தர்கள் கலந்து கொண்டு வழிபட்டனர்.
தொடர்ந்து, புதன்கிழமை (நவ.14) திருக்கல்யாணம், முத்துப் பல்லக்கும்,  நவ. 15-ம் தேதி குதிரை வாகனப் புறப்பாடும், 16-ம் தேதி திருத்தேரோட்டமும், 17-ம் தேதி தீர்த்தம் கொடுத்தல், மயில் வாகனத்தில் புறப்பாடும், 18-ம் தேதி அபிஷேகம், ஊஞ்சல் ஏகாந்த சேவையும் நடைபெறவுள்ளன.

]]>
http://www.dinamani.com/all-editions/edition-trichy/tanjore/2018/nov/14/சுப்பிரமணிய-சுவாமி-கோயிலில்-சூரசம்ஹாரம்-3038407.html
3038406 திருச்சி தஞ்சாவூர் பாபநாசம் அருகே மது விற்ற 2 பேர் கைது DIN DIN Wednesday, November 14, 2018 09:31 AM +0530 பாபநாசம் அருகே அரசு அனுமதியின்றி கள்ளத்தனமாக மது விற்பனை செய்த ஒரு பெண் உள்ளிட்ட 2 பேரை போலீஸார் திங்கள்கிழமை கைது செய்தனர்.
அம்மாபேட்டை காவல் சரக பகுதிகளில் போலீஸார் திங்கள்கிழமை ரோந்து பணியில் ஈடுபட்டனர். அப்போது,  ராராமுத்திரகோட்டை கிராமத்தில் பெண் ஒருவர் அரசு அனுமதியின்றி மது விற்பனை செய்வது தெரிய வந்தது. போலீஸாரின் விசாரணையில்,  அந்த பெண் ராராமுத்திரகோட்டை கிராமம் கீழத்தெருவை சேர்ந்த சத்தியஜோதி மனைவி மீனா (34) என்பது தெரியவந்தது. மேலும்,  மீனா வீட்டில் விற்பனைக்காக பதுக்கி வைத்திருந்த 10 மதுபாட்டில்களை போலீஸார் பறிமுதல் செய்து மீனாவை கைது செய்தனர்.
இதேபோல்,  அதே பகுதியிலுள்ள குளக்கரையில் மது விற்பனை செய்த ஜெயகுமார் (43) என்பவரிடமிருந்து 10 மது பாட்டில்களை பறிமுதல் செய்த போலீஸார் ஜெயகுமாரை கைது செய்தனர்.

]]>
http://www.dinamani.com/all-editions/edition-trichy/tanjore/2018/nov/14/பாபநாசம்-அருகே-மது-விற்ற-2-பேர்-கைது-3038406.html
3038405 திருச்சி தஞ்சாவூர் தமிழ்நாடு அனைத்துத் துறை ஓய்வூதியர்கள் ஆர்ப்பாட்டம் DIN DIN Wednesday, November 14, 2018 09:31 AM +0530 தமிழ்நாடு அரசு அனைத்துத்துறை ஓய்வூதியர்கள் சங்கம் சார்பில் 10 அம்சக் கோரிக்கைகளை வலியுறுத்தி கும்பகோணத்தில் செவ்வாய்க்கிழமை ஆர்ப்பாட்டம் நடைபெற்றது.
கும்பகோணம் காந்தி பூங்கா அருகில் நடைபெற்ற இந்த ஆர்ப்பாட்டத்துக்கு வட்டத் தலைவர் துரைராஜ் தலைமை வகித்தார். வட்ட துணைத் தலைவர் சண்முகம் வரவேற்றார். 
மாவட்ட இணைச் செயலாளர் வெங்கடேசன் தொடக்கவுரை நிகழ்த்தினார். வட்ட செயலாளர் அன்புமணி கோரிக்கைகளை விளக்கிப் பேசினார். இந்திய தொழிற்சங்க மைய நிர்வாகி கண்ணன் சிறப்பு அழைப்பாளராக பங்கேற்றுப் பேசினார்.
ஆர்ப்பாட்டத்தில், புதிய ஓய்வூதிய திட்டத்தை ரத்து செய்துவிட்டு, பழைய ஓய்வூதிய திட்டத்தையே நடைமுறைப்படுத்த வேண்டும். மருத்துவ காப்பீடு திட்டத்தை அரசே ஏற்று நடத்த வேண்டும். மருத்துவ பரிசோதனை கட்டணம்,  அறுவை சிகிச்சை செலவுகள் உள்ளிட்ட மருத்துவ சிகிச்சைகள் அனைத்தையும் காப்பீட்டு நிறுவனமே ஏற்க வேண்டும். மருத்துவப்படியை ரூ. 1000 உயர்த்தி வழங்க வேண்டும். காப்பீடு சந்தா தொகை ரூ. 350 லிருந்து ரூ. 150 ஆக குறைத்திட வேண்டும். 
மத்திய அரசு ஓய்வூதியர்களுக்கு வழங்குவதுபோல,  குறைந்தபட்ச ஓய்வூதியம் ரூ. 9,000,  மூன்றாம் விருப்ப ஓய்வூதிய நிர்ணயம் மற்றும் 21 மாத நிலுவை தொகை ஆகியவற்றை வழங்க வேண்டும் என்பது உள்ளிட்ட 10 அம்சக் கோரிக்கைகளை வலியுறுத்தப்பட்டது. கோரிக்கைகளை வலியுறுத்தி முழக்கங்களும் எழுப்பப்பட்டன. ஆர்ப்பாட்டத்தில் திரளான ஓய்வூதியர்கள் கலந்து கொண்டனர்.


பேராவூரணியில்... 
வட்டாட்சியர்  அலுவலகம் முன்பு நடைபெற்ற ஆர்ப்பாட்டத்துக்கு ஓய்வு பெற்ற கிராம நிர்வாக அலுவலர் கணே.மாரிமுத்து தலைமை 
வகித்தார். 
சுந்தர்ராஜ்,  வீரப்பன் ஆகியோர் முன்னிலை வகித்தனர். கிராம உதவியாளர் சங்க கௌரவத் தலைவர் கணேசன் வரவேற்றார். தமிழ்நாடு கிராம ஓய்வுபெற்ற உதவியாளர் சங்க மாநில செயலாளர் பிச்சைமுத்து விளக்க உரையாற்றினார். சங்க மாவட்ட துணைத் தலைவர்  ரமணி,  மாவட்ட இணைச்செயலாளர் அண்ணாதுரை ஆகியோர் சிறப்புரையாற்றினர்.

]]>
http://www.dinamani.com/all-editions/edition-trichy/tanjore/2018/nov/14/தமிழ்நாடு-அனைத்துத்-துறை-ஓய்வூதியர்கள்-ஆர்ப்பாட்டம்-3038405.html
3038403 திருச்சி தஞ்சாவூர் சாலை மறியல்: 70 பேர் கைது DIN DIN Wednesday, November 14, 2018 09:30 AM +0530 ஒப்பந்தத் தொழிலாளர்களைப் பணி நிரந்தரம் செய்ய வலியுறுத்தி தஞ்சாவூர் மணிமண்டபம் அருகேயுள்ள மின் வாரிய மேற்பார்வைப் பொறியாளர் அலுவலகம் முன் சிஐடியு சார்ந்த தமிழ்நாடு மின் ஊழியர் மத்திய அமைப்பினர் செவ்வாய்க்கிழமை சாலை மறியல் போராட்டத்தில் ஈடுபட்டனர்.
மின் வாரியத்தில் அனைத்து ஒப்பந்தத் தொழிலாளர்களையும் பணி நிரந்தரம் செய்ய வேண்டும். அனைத்து ஒப்பந்த ஊழியர்களையும் அடையாளம் கண்டு ஒப்பந்தப்படி ரூ. 380 தினக் கூலி வழங்க வேண்டும். சிட் மற்றும் கே2 ஒப்பந்த அடிப்படையில் வேலை வழங்க வேண்டும். வழக்கில் உள்ள அனைத்து ஒப்பந்த ஊழியர்களையும் அடையாளம் காண வேண்டும் ஆகிய கோரிக்கைகளை வலியுறுத்தி இப்போராட்டம் நடைபெற்றது. சிஐடியு மாவட்டத் தலைவர் டி. கோவிந்தராஜு தலைமை வகித்தார். மாவட்டச் செயலர் சி. ஜெயபால், துணைச் செயலர் கே. அன்பு, மத்திய சங்கத்தின் வட்டத் தலைவர் ஏ. அதிதூதமைக்கேல்ராஜ், செயலர் பி. காணிக்கைராஜ், பொருளாளர் எம். ஆரோக்கியசாமி உள்ளிட்டோர் கலந்து கொண்டனர். இதனால் அப்பகுதியில் போக்குவரத்து பாதிக்கப்பட்டது. இதில், ஈடுபட்ட 2 பெண்கள் உள்பட 70 பேரை போலீஸார் கைது செய்தனர்.
 

]]>
http://www.dinamani.com/all-editions/edition-trichy/tanjore/2018/nov/14/சாலை-மறியல்-70-பேர்-கைது-3038403.html
3038402 திருச்சி தஞ்சாவூர் "கஜா' புயல்: தேவையான ஏற்பாடுகளை செய்து வருகிறோம்: ஆட்சியர் தகவல் DIN DIN Wednesday, November 14, 2018 09:30 AM +0530 கஜா புயலை எதிர்கொள்ளத் தேவையான அனைத்து நடவடிக்கைகளையும் மேற்கொண்டு வருகிறோம் என ஆட்சியர் ஆ. அண்ணாதுரை தெரிவித்தார்.
கஜா புயல் குறித்த முன்னேற்பாடு ஆய்வு கூட்டம் கும்பகோணம் நகராட்சி அலுவலகத்தில் செவ்வாய்க்கிழமை நடைபெற்றது. இக்கூட்டத்திற்கு தலைமை வகித்து ஆட்சியர் ஆ. அண்ணாதுரை பேசியதாவது: கஜா புயலை முன்னிட்டு சாலையோரங்களில் உள்ள அனைத்து விளம்பர பதாதைகளையும் அகற்ற வேண்டும். 
கால்நடைகளை பாதுகாப்பாக வைத்து கொள்ள அறிவுறுத்த வேண்டும். வருவாய்த்துறையினர் தேவையானஅத்தியாவசிய பொருள்களை வாங்கி இருப்பு வைத்துக் கொள்ள வேண்டும். சாலையோரங்களில் பட்டுப்போன மரங்களை அகற்றிட வேண்டும். வட்ட அளவில் வருவாய் அலுவலர் தலைமையில் குழு அமைத்து, அனைத்து முன்னெச்சரிக்கை நடவடிக்கைகளையும் மேற்கொள்ள வேண்டும். மேலும், அனைத்து குழுவினரும் மரம் அறுக்கும் இயந்திரம், லாரி உள்ளிட்ட வாகனங்களுடன் 5 பேர் கொண்ட குழுக்களை 24 மணி நேரமும் தயார் நிலையில் வைத்துக் கொள்ள வேண்டும்.  பொதுமக்களிடமிருந்து வரும் தகவல்களை அதிகாரிகள் அலட்சியப்படுத்தாமல் உடனடியாக துரித நடவடிக்கை எடுக்க வேண்டும் என்றார் ஆட்சியர். 
தொடர்ந்து அவர் செய்தியாளர்களிடம் கூறியது:தஞ்சை மாவட்டத்திலுள்ள  9 வட்டங்களில் 22 புயல் பாதுகாப்பு குழு அமைக்கப்பட்டுள்ளது. அதில் அனைத்து துறையினரும் தயார் நிலையில் இருப்பர்.  பள்ளி , கல்லூரிகளுக்கு விடுமுறை விடுவது குறித்து பின்னர் அறிவிக்கப்படும். அவசர தேவைக்கு 24 மணி நேரம் இயங்கும் 1077 என்ற எண்ணை தொடர்பு கொண்டு புகார்களை தெரிவிக்கலாம். கஜா புயலால் எந்த வித உயிர் சேதமும் ஏற்படாமல் இருப்பதற்கு மாவட்ட நிர்வாகம் முழு  ஏற்பாட்டினை செய்து வருகிறது என்றார் ஆட்சியர். 
இந்த கூட்டத்திற்கு மாவட்ட ஊரக வளர்ச்சி முகமை அலுவலர் மந்திராசலம், மாவட்ட வழங்கல் அலுவலர் அழகர்சாமி, ஏடிஎஸ்பி சிவசேகரன், நகராட்சி ஆணையர் உமாமகேஸ்வரி மற்றும் அனைத்துத் துறை அதிகாரிகளும் பங்கேற்றனர்.


 

]]>
http://www.dinamani.com/all-editions/edition-trichy/tanjore/2018/nov/14/கஜா-புயல்-தேவையான-ஏற்பாடுகளை-செய்து-வருகிறோம்-ஆட்சியர்-தகவல்-3038402.html
3038401 திருச்சி தஞ்சாவூர் வங்கிகளில் ஓய்வூதியம் பெற்று வந்த ஓய்வூதியர்கள் கவனத்துக்கு... DIN DIN Wednesday, November 14, 2018 09:29 AM +0530 பொது துறை வங்கிகள் திட்டத்தின் கீழ் ஓய்வூதியம் பெற்று, தற்போது கருவூலத் துறை மூலம் ஓய்வூதியம் பெறும் ஓய்வூதியதாரர்கள் 2019 - 20 ஆம் ஆண்டுக்கான நேர்காணலுக்கு வாழ்நாள் சான்றை அளிக்க வேண்டும் என தஞ்சாவூர் மாவட்ட கருவூல அலுவலர் சோமசுந்தரம் தெரிவித்துள்ளார்.
இதுகுறித்து அவர் மேலும் தெரிவித்திருப்பது: தமிழகஅரசின் ஓய்வூதியர்களில் சிலர் பொதுத் துறை வங்கித் திட்டத்தின் கீழ் பல்வேறு வங்கிகளில் நேரடியாக ஓய்வூதியம் பெற்று வந்தவர்கள், தற்போது முன்னோடி திட்டத்தின் மூலம் கருவூலத் துறைக்கு 2018, ஜனவரி முதல் மாற்றம் செய்யப்பட்டு கருவூலத் துறையில் ஓய்வூதியம் பெற்று வருகின்றனர்.
அத்தகைய ஓய்வூதியதாரர்கள் (சிவில் ஆசிரியர் மற்றும் குடும்ப ஓய்வூதியதாரர்கள்) அனைவரும் 2019 - 20 ஆம் ஆண்டுக்கான தங்களது வாழ்நாள் சான்றை தங்களது ஓய்வூதிய ஆவணங்கள் பராமரிக்கப்படும் தஞ்சாவூர் மாவட்டக் கருவூலம் மற்றும் தஞ்சாவூர் அலகைச் சார்ந்த சார் கருவூலங்களில் 2019 ஆம் ஆண்டு ஏப். 1 முதல் ஜூன் 30-ம் தேதிக்குள் வாழ்நாள் சான்றை உரிய ஓய்வூதிய புத்தக நகல், ஆதார் அட்டை, பான் அட்டை நகல்களுடன் நேரில் ஆஜராகுமாறு கேட்டுக் கொள்ளப்படுகிறது.

]]>
http://www.dinamani.com/all-editions/edition-trichy/tanjore/2018/nov/14/வங்கிகளில்-ஓய்வூதியம்-பெற்று-வந்தஓய்வூதியர்கள்-கவனத்துக்கு-3038401.html
3038400 திருச்சி தஞ்சாவூர் நவம்பர் 15 மின்தடை DIN DIN Wednesday, November 14, 2018 09:29 AM +0530 பராமரிப்புப் பணிகள் காரணமாக திருப்புறம்பியம் மற்றும் சுற்றியுள்ள பகுதிகளில் நவம்பர் 15 ஆம் தேதி மின்தடை செய்யப்படுகிறது.
இதுகுறித்து கும்பகோணம் தெற்கு உதவி செயற்பொறியாளர் க. வீரராகவன் வெளியிட்டுள்ள செய்திக்குறிப்பு: திருப்புறம்பியம் துணை மின்நிலையத்தில் பராமரிப்பு பணிகள் நடைபெற உள்ளதால்,  திருப்புறம்பியம்,  நீலத்தநல்லூர்,  தேவனாஞ்சேரி,  இன்னம்பூர், கொந்தகை,  திருவைக்காவூர்,  பொன்பேத்தி,  சத்தியமங்கலம் மற்றும் அதனைச் சுற்றியுள்ள கிராமங்களில் வரும் 15 ஆம் தேதி காலை 9 மணி முதல் மாலை 5 மணி வரை மின்சார விநியோகம் இருக்காது என அதில் தெரிவிக்கப்பட்டுள்ளது.
பட்டுக்கோட்டை: மதுக்கூர், அதிராம்பட்டினம் பகுதிகளில் வியாழக்கிழமை (நவ.15) மின்சார விநியோகம் இருக்காது என அறிவிக்கப்பட்டுள்ளது.
மதுக்கூர் துணை மின் நிலையத்தில் பராமரிப்புப் பணிகள் நடைபெறவுள்ளதால், இங்கிருந்து மின்சாரம் பெறும் மதுக்கூர், அதிராம்பட்டினம், அத்திவெட்டி, பெரியக்கோட்டை, கன்னியாக்குறிச்சி, மூத்தாக்குறிச்சி,  காடந்தங்குடி, துவரங்குறிச்சி, தாமரங்கோட்டை, முத்துப்பேட்டை ஆகிய பகுதிகளில் வியாழக்கிழமை காலை 9 மணி முதல் மாலை 5 மணி வரை மின்சார விநியோகம் இருக்காது என மதுக்கூர் மின் வாரிய உதவி செயற்பொறியாளர் ஆர். ஜெய்சங்கர் தெரிவித்துள்ளார்.

]]>
http://www.dinamani.com/all-editions/edition-trichy/tanjore/2018/nov/14/நவம்பர்-15-மின்தடை-3038400.html
3038399 திருச்சி தஞ்சாவூர் உணவக உரிமையாளர்களுடன் டெங்கு காய்ச்சல் விழிப்புணர்வு கூட்டம் DIN DIN Wednesday, November 14, 2018 09:29 AM +0530 கும்பகோணம் நகராட்சி பகுதிகளில் உள்ள அனைத்து உணவக உரிமையாளர்களுடனான டெங்கு மற்றும் பன்றி காய்ச்சல் குறித்த விழிப்புணர்வுக் கூட்டம் செவ்வாய்க்கிழமை நடைபெற்றது.
கும்பகோணம் தலைமை தபால் நிலைய சாலையில் நடைபெற்ற இக்கூட்டத்திற்கு நகர் நல அலுவலர் பிரேமா தலைமை வகித்து,  காய்ச்சல் தடுப்புகள் குறித்து விளக்கிப் பேசினார். 
கூட்டத்தில் டெங்கு காய்ச்சல் மற்றும் தடுக்கும் வழிமுறைகள்,  உணவகங்களில் கொசு புழுக்கள் உருவாகாமல் தடுத்து நோயில் இருந்து பாதுகாப்பது குறித்த குறும்படம் திரையிடப்பட்டது. 
கூட்டத்தில்,  உணவக உரிமையாளர்கள்,  நகராட்சி துப்புரவு ஆய்வாளர்கள், துப்புரவு மேற்பார்வையாளர்,  பரப்புரையாளர்கள்,  தனியார் துப்புரவு பணியாளர்கள் உள்ளிட்ட பலர் பங்கேற்றனர். நிறைவில் உணவக உரிமையாளர் சங்கத் தலைவர் முருகானந்தம் நன்றி கூறினார்.
 

]]>
http://www.dinamani.com/all-editions/edition-trichy/tanjore/2018/nov/14/உணவக-உரிமையாளர்களுடன்-டெங்கு-காய்ச்சல்-விழிப்புணர்வு-கூட்டம்-3038399.html
3038398 திருச்சி தஞ்சாவூர் பழைய விலையில் உரம் வழங்க வலியுறுத்தல் DIN DIN Wednesday, November 14, 2018 09:28 AM +0530 விவசாயிகளுக்குப் பழைய குறைந்த விலையிலேயே உரம் கிடைக்க மத்திய, மாநில அரசுகள் நடவடிக்கை எடுக்க வேண்டும் என தமாகா விவசாய அணி வலியுறுத்தியுள்ளது.
தஞ்சாவூரில் தமாகா விவசாய அணி டெல்டா மாவட்ட,  மாநில நிர்வாகிகள் கூட்டம் செவ்வாய்க்கிழமை நடைபெற்றது.
மத்திய அரசு உர விலையைக் கடுமையாக உயர்த்தியுள்ளது. மூட்டைக்கு ரூ. 1,100 என விற்கப்பட்ட டிஏபி விலை ரூ. 1,450 ஆகவும், பாக்டம்பாஸ் ரூ. 900-லிருந்து ரூ. 1,050 ஆகவும்,  பொட்டாஷ் விலை ரூ. 600-லிருந்து ரூ. 950 ஆகவும்,  ஜிங் சல்பேட் கிலோ ரூ. 35-லிருந்து ரூ. 100 ஆகவும் உயர்த்தப்பட்டுள்ளது. யூரியாவின் எடை 50 கிலோவிலிருந்து 45 கிலோவாக குறைக்கப்பட்டுள்ளது. இதனால், விவசாயிகள் மிகுந்த பாதிப்புக்கு ஆளாகியுள்ளனர். எனவே, விவசாயிகளுக்குப் பழைய குறைந்த விலையிலேயே உரம் கிடைக்க மத்திய, மாநில அரசுகள் நடவடிக்கை எடுக்க வேண்டும்.
2016,  2017 ஆம் ஆண்டுகளில் பயிர் காப்பீடு செய்த விவசாயிகளுக்கு இதுவரை இழப்பீட்டுத் தொகை வழங்கப்படாமல் காப்பீட்டு நிறுவனங்கள் இழுத்தடித்து வருகின்றன. எனவே, 2018 - 19 ஆம் ஆண்டுக்குக் காப்பீட்டுத் தொகையை மத்திய, மாநில அரசுகளே செலுத்த வேண்டும். விவசாயிகளுக்குத் தேவையான பயிர் கடனைக் கூட்டுறவு,  மத்திய அரசு வணிக வங்கிகள் கால தாமதமின்றி வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
தமாகா விவசாய அணி மாநிலத் தலைவர் புலியூர் ஏ. நாகராஜன் தலைமை வகித்தார். மாநிலத் துணைத் தலைவர்கள் திருப்பதி வாண்டையார், வாசு. கோவிந்தராஜ், டி.கே.எஸ். கைலாசம், கார்த்தி, தியாகராசன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/14/பழைய-விலையில்-உரம்-வழங்க-வலியுறுத்தல்-3038398.html
3038397 திருச்சி தஞ்சாவூர் பிஎஸ்என்எல் நிறுவனத்தில் அகண்ட அலைவரிசையில் கண்ணாடியிழை தரைவழித் திட்டம் அறிமுகம் DIN DIN Wednesday, November 14, 2018 09:28 AM +0530 பி.எஸ்.என்.எல். நிறுவனத்தில் அகண்ட அலைவரிசையில் கண்ணாடி இழைத் தரைவழித் திட்டம் அறிமுகப்படுத்தப்பட்டுள்ளது என்றார் அந்நிறுவனத்தின் தஞ்சாவூர் முதன்மைப் பொது மேலாளர் சி.வி. வினோத்.
தஞ்சாவூரில் செய்தியாளர்களிடம் செவ்வாய்க்கிழமை அவர் தெரிவித்தது:
பி.எஸ்.என்.எல். நிறுவனத்தில் முதல் முறையாக வீடுகளுக்கும், அலுவலகங்களுக்கும் பயன்படக்கூடிய வகையில் அதிவேகம் கொண்ட, அதிக அளவிலான பதிவிறக்கத்துடன் கூடிய அகண்ட அலைவரிசையில் கண்ணாடி இழைத் தரைவழித் திட்டம் அறிமுகம் செய்யப்பட்டுள்ளது. இச்சேவை மூலம் வினாடிக்கு 50 மெகா பைட் வேகத்திலிருந்து 100 மெகா பைட் வேகத் திறன் கொண்ட அகண்ட அலைவரிசையைப் பெறலாம். இதில், விருப்பத்துக்கு ஏற்ப இணைய வசதி, டேட்டா, விடியோ கான்பரன்சிங், ஆன்லைன் வகுப்புகள், வேகத்திறன் உத்தரவாதம் ஆகியவற்றைப் பெற முடியும்.
தனி நபர் மற்றும் வீடுகளுக்கு பைப்ரோ காம்போ யு.எல்.டி.-இல் ரூ. 777 மாத வாடகைத் திட்டத்தில் வினாடிக்கு 50 மெகா பைட் வேகத்தில் 500 ஜி.பி. வரையிலும், ரூ. 1,277 மாத வாடகைத் திட்டத்தில் வினாடிக்கு 100 மெகா பைட் வேகத்தில் 750 ஜி.பி. வரையிலும் பெறலாம்.
மேலும், வர்த்தக நிறுவனங்களுக்கும் பயன்தரக்கூடிய பைப்ரோ காம்போ யு.எல்.டி.-இல் ரூ. 1,291 மாத வாடகைத் திட்டத்தில் வினாடிக்கு 100 மெகா பைட் வேகத்தில் 500 ஜி.பி. வரையிலும், ரூ. 2,095 மாத வாடகையில் ஆயிரம் ஜி.பி. வரையிலும், ரூ. 5,999 மாத வாடகையில் வினாடிக்கு 70 மெகா பைட் வேகத்தில் 1,250 ஜி.பி. வரையிலும் பெற்றுப் பயனடையலாம்.
இச்சேவை தஞ்சாவூர், கும்பகோணம், மயிலாடுதுறை, நாகை, காரைக்கால், திருவாரூர், திருச்சி, கரூர், அரியலூர், பெரம்பலூர் உள்பட அனைத்து பகுதிகளிலும் பெறலாம். இந்தச் சேவை கேபிள் ஆபரேட்டர்கள் மூலமாக வழங்கப்படவுள்ளது.
இந்தத் திட்டத்தின் மூலம் அனைத்து நெட்வொர்க்களுக்கும் நாடு முழுவதும் இலவசமாகப் பேசலாம். இத்திட்டத்தில் இணைந்து பயன் பெற - 04362 - 231700, 275400 ஆகிய எண்களில் தொடர்பு கொள்ளலாம்.
மேலும், செல்லிடப்பேசித் திட்டத்தில் வாடிக்கையாளர்களுக்கென மிகக் குறைந்த செலவில் ஆண்டு முழுவதும் அளவற்ற அனைத்து நெட்வொர்க்களுக்கும் தில்லி, மும்பை உள்பட அனைத்து அழைப்புகளுடன் 100 எஸ்.எம்.எஸ்., அதிக அளவில் பதிவிறக்கம் செய்து கொள்ளும் வசதியுடன் ரூ. 1,699-க்கு நாள்தோறும் 2 ஜி.பி.யும், ரூ. 2,099-க்கு நாள்தோறும் 4 ஜி.பி.யும் பெறலாம்.
இலவச வைஃபை சேவை: தற்போது, தஞ்சாவூர் பெரியகோயிலில் இலவச வைஃபை சேவை வழங்கப்படுகிறது. இதேபோல, தஞ்சாவூர் தொலைத்தொடர்பு மாவட்டத்தில் (தஞ்சாவூர், திருவாரூர்) 74 இடங்களில் 2019, மார்ச் 31-ம் தேதிக்குள் இலவச வை - பை வசதி ஏற்படுத்தப்படும். செயற்கைக்கோள் மூலம் தொலைபேசி சேவை வழங்கும் திட்டத்தை அரசு விரைவில் செயல்படுத்த உள்ளது.
78,000 இணைப்புகள்: தஞ்சாவூர் மாவட்டத்தில் தற்போது 54,000 தரைவழி இணைப்புகளும், 24,000 அகண்ட அலைவரிசை இணைப்புகளும் உள்ளன என்றார் வினோத். அப்போது, துணைப் பொது மேலாளர்கள் எஸ். ராஜாராமன், ஆர். விவேகானந்தன், உதவிப் பொது மேலாளர் எம். குணசேகரன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/tanjore/2018/nov/14/பிஎஸ்என்எல்-நிறுவனத்தில்-அகண்ட-அலைவரிசையில்-கண்ணாடியிழை-தரைவழித்-திட்டம்-அறிமுகம்-3038397.html
3037740 திருச்சி தஞ்சாவூர் குடந்தையில் காவிரி ரதயாத்திரை குழுவுக்கு வரவேற்பு DIN DIN Tuesday, November 13, 2018 03:13 AM +0530
காவிரி நதியை தூய்மையாக வைத்துக் கொள்ள வலியுறுத்தும் விழிப்புணர்வு ரதயாத்திரை குழுவுக்கு கும்பகோணத்தில் திங்கள்கிழமை சிறப்பான வரவேற்பு அளிக்கப்பட்டது.
அகில பாரதிய துறவியர் சங்கம் மற்றும் காவிரி நதிநீர் பாதுகாப்பு அறக்கட்டளை சார்பில், காவிரி விழிப்புணர்வு ரத யாத்திரை கடந்த அக். 23ஆம் தேதி கர்நாடக மாநிலம் தலைக்காவிரியில் தொடங்கி வரும் 15-ம் தேதி பூம்புகாரில் நிறைவடைய உள்ளது. இந்த ரதயாத்திரையில் காவிரி அன்னையின் சிலை அமைக்கப்பட்டு, அதற்கு ஆங்காங்கே பூஜைகளும் நடத்தப்படுகிறது.
காவிரி ஆறு ஓடும் கரையோரப் பகுதி ஊர்களில் உள்ள பொதுமக்களிடம், காவிரி ஆற்றினை பொதுமக்கள் மாசுபடுத்தக் கூடாது, தூய்மையாக வைத்துக் கொள்ள வேண்டும்.
அதேபோல, நீர்நிலைகளை பாதுகாக்க வேண்டும் என ரதயாத்திரை குழுவினர் பிரசாரம் செய்து வருகின்றனர்.
அதன்படி, காவிரி அன்னை ரதத்துடன் வந்த அகில பாரதிய துறவியர்கள் சங்க தலைவர் ராமானந்தா சுவாமிகள், ஒருங்கிணைப்பாளர் வேதாந்தானந்தா சுவாமிகள் உள்ளிட்டோருக்கு  கும்பகோணம் கொட்டையூர் புறவழிச்சாலையில் மாசிமக ஆரத்தி பெருவிழா மற்றும் தென்பாரத கும்பமேளா மகாமகம் அறக்கட்டளை தலைவர் பி.கல்யாணசுந்தரம், செயலாளர் சத்தியநாராயணன் உள்ளிட்டோர் வரவேற்பளித்தனர்.
பின்னர் ரதத்தில் உள்ள காவிரி அன்னைக்கு  சிறப்பு பூஜைகள் நடைபெற்றது. தொடர்ந்து மாலை கும்பகோணம் பாலக்கரை   காவிரி படித்துறையில் அன்னை காவிரிக்கு சிறப்பு ஆரத்தி நடைபெற்றது. அகில பாரதிய துறவியர்கள் சங்கத் தலைவர் சுவாமி ராமானந்தா செய்தியாளர்களிடம் கூறியதாவது:
 நீர் நிலைகளை தூய்மையாக வைத்திருத்தல், பராமரித்து பாதுகாத்தல், நன்றி செலுத்தி வணங்குதல் ஆகியவை நமது கடமையாகும். இதுகுறித்து பொதுமக்களிடம் விழிப்புணர்வை ஏற்படுத்தும் விதமாக   8 வது ஆண்டாக காவிரி ரத யாத்திரை நடைபெற்று வருகிறது. காவிரியில் தடுப்பணை கட்டாததால் பல டிஎம்சி தண்ணீர் வீணாக கடலில் கலந்தது.
இதுபோன்ற நடவடிக்கைகளை தடுக்க தமிழக அரசு, நீர் மேலாண்மைக்கு தனியாக அமைச்சகத்தை உருவாக்க வேண்டும். தமிழக அரசு நீர் ஆதாரத்தை பாதுகாக்க காவிரியில் நடைபெறும் மணல் கொள்ளையை தடுக்க உறுதியான நடவடிக்கை எடுக்க வேண்டும் என்றார்.

 

]]>
http://www.dinamani.com/all-editions/edition-trichy/tanjore/2018/nov/13/குடந்தையில்-காவிரி-ரதயாத்திரை-குழுவுக்கு-வரவேற்பு-3037740.html
3037739 திருச்சி தஞ்சாவூர் போக்குவரத்து விதிமீறல் 10 நாள்களில் ரூ.50 ஆயிரம் வசூல் DIN DIN Tuesday, November 13, 2018 03:12 AM +0530
கும்பகோணத்தில் விதிமுறைகளை மீறி வாகனம் ஓட்டியவர்களிடமிருந்து கடந்த 10 நாள்களில் அபராதமாக 50 ஆயிரம் ரூபாயை போக்குவரத்து போலீஸார் வசூலித்துள்ளனர்.
தமிழகத்தில் போக்குவரத்து விதிகளை மீறுபவர்களை பிடித்து அபராதம் விதிக்குமாறு போக்குவரத்து போலீஸாருக்கு உயர்நீதிமன்றம் அறிவுறுத்தியிருந்தது. இதன்படி, கும்பகோணம் நான்கு சந்திப்பு சாலை, உச்சிப்பிள்ளையார் கோயில், பாலக்கரை, மேம்பாலம் உள்ளிட்ட முக்கிய இடங்களில் கடந்த 10 நாள்களாக கும்பகோணம் டிஎஸ்பி கமலக்கண்ணன் மேற்பார்வையில் போக்குவரத்து காவல் ஆய்வாளர் அருள்செல்வன் தலைமையில் போக்குவரத்து போலீஸார் வாகன சோதனையில் ஈடுபட்டனர்.
இதில் போக்குவரத்து விதிமீறல், மது அருந்திவிட்டு வாகனம் ஓட்டுதல், சிக்னல் விதிமீறல், மூன்று பேர் வாகனத்தில் செல்லுதல், தலைக்கவசம் அணியாதது உள்ளிட்ட விதிமீறல்களில் ஈடுபடும் வாகன ஓட்டிகளிடம் அபராதம் வசூலிக்கப்பட்டது. இதில் கடந்த 10 நாள்களில் மட்டும் ரூ. 50 ஆயிரம் வரை அபராதம் வசூலிக்கப்பட்டுள்ளதாக போலீஸ் உயரதிகாரிகள் தெரிவித்தனர்.

 

]]>
http://www.dinamani.com/all-editions/edition-trichy/tanjore/2018/nov/13/போக்குவரத்து-விதிமீறல்-10-நாள்களில்-ரூ50-ஆயிரம்-வசூல்-3037739.html
3037738 திருச்சி தஞ்சாவூர் அதிராம்பட்டினத்துக்கு வராத காவிரி: விவசாயிகள், பொதுமக்கள் கடும் அதிருப்தி DIN DIN Tuesday, November 13, 2018 03:12 AM +0530
டெல்டா பாசனத்துக்காக கடந்த ஜூலை 19-ம் தேதி மேட்டூர் அணையும், ஜூலை 22-ம் தேதி கல்லணையும் திறக்கப்பட்டது. இந்த இரு அணைகளும் திறக்கப்பட்டு சுமார் 4 மாதங்களாகியுள்ள நிலையில் தஞ்சாவூர் மாவட்டத்தில் கடைமடைப் பகுதியான அதிராம்பட்டினம் பகுதிக்கு இதுவரை காவிரி நீர் வரவில்லை.
இதனால் தங்கள் ஊரை தொடர்ந்து புறக்கணிக்கணிக்கும் பொதுப்பணித்துறை நிர்வாகத்தின் செயல்பாடுகள் குறித்து அதிராம்பட்டினம் பகுதி மக்கள் கடும் அதிருப்தி தெரிவிக்கின்றனர்.
இதுகுறித்து அதிராம்பட்டினம் பேரூராட்சி முன்னாள் தலைவர் எஸ்.எச். அஸ்லம் திங்கள்கிழமை வெளியிட்ட அறிக்கை:
குடிநீர் தேவைக்காக அதிராம்பட்டினம் கடைமடைப் பகுதியின் ஏரி, குளங்களுக்கு முறை வைக்காமல் தண்ணீர் திறந்து விடக்கோரி, ஆட்சியர் மற்றும் பொதுப்பணித்துறை அதிகாரிகளிடம் கடந்த ஜூலை 23, ஆக. 13 ஆகிய தேதிகளில் மனுக்கள் அளிக்கப்பட்டது.
இதையடுத்து, கடந்த ஆக. 21-ம் தேதி பட்டுக்கோட்டையில் வருவாய் கோட்டாட்சியர் தலைமையில் பொதுப்பணித்துறை, காவல்துறை அதிகாரிகள் முன்னிலையில் பேச்சுவார்த்தை நடத்தப்பட்டது. இதில், முதல்கட்டமாக அதிராம்பட்டினத்திலுள்ள 5 குளங்களை 20 நாள்களுக்குள் நிரப்பித் தருவதாக அதிகாரிகள் கையொப்பமிட்டு எழுத்துப்பூர்வமாக உறுதியளித்தனர். எனினும் அதிராம்பட்டினம் பகுதிக்கு தண்ணீர் வரவில்லை. இதைத் தொடர்ந்து, கடந்த செப். 17 -ம் தேதி, அதிராம்பட்டினத்தை சேர்ந்த சுமார் 600-க்கும் மேற்பட்டோர் தஞ்சாவூரில் ஆட்சியரை நேரில் சந்தித்து தண்ணீர் விட வலியுறுத்தி மனு அளித்தனர்.

 

]]>
http://www.dinamani.com/all-editions/edition-trichy/tanjore/2018/nov/13/அதிராம்பட்டினத்துக்கு-வராத-காவிரி-விவசாயிகள்-பொதுமக்கள்-கடும்-அதிருப்தி-3037738.html
3037735 திருச்சி தஞ்சாவூர் தஞ்சாவூர் மாவட்டத்தில் 11 பேருக்கு டெங்கு காய்ச்சல் DIN DIN Tuesday, November 13, 2018 03:10 AM +0530
தஞ்சாவூர் மாவட்டத்தில் உள்ள அரசு மற்றும் தனியார் மருத்துவமனைகளில் 11 பேர் டெங்கு காய்ச்சல் உறுதிபடுத்தப்பட்ட நிலையில் சிகிச்சை பெற்று வருகின்றனர்.
தஞ்சாவூர் மாவட்டத்தில் அரசு மற்றும் தனியார் மருத்துவமனைகளில் காய்ச்சலால் பாதிக்கப்பட்ட ஆயிரக்கணக்கானோர் நாள்தோறும் சிகிச்சை பெற்று செல்கின்றனர். தஞ்சாவூர் அரசு மருத்துவக் கல்லூரி மருத்துவமனையில் பேராவூரணியைச் சேர்ந்த பாகம்பிரியாள் (30), தஞ்சாவூரைச் சேர்ந்த வைரத்தம்மாள் (70), ஒரத்தநாட்டைச் சேர்ந்த சரவணன் (30), திருவையாறைச் சேர்ந்த அருணாசலம் (17), திருவாரூரைச் சேர்ந்த தர்மராஜ் (26) ஆகியோர் டெங்கு காய்ச்சல் பாதிப்பால் சிகிச்சை பெற்று வருகின்றனர். மேலும், 26 பேர் பல்வேறு காய்ச்சல்களால் பாதிக்கப்பட்ட நிலையில் சிகிச்சை பெற்று வருகின்றனர்.
இதேபோல, கும்பகோணத்தை அடுத்த திருப்பனந்தாள் மாதா கோவில் தெருவைச் சேர்ந்த ரத்தினசாமி மகனும், பொறியாளருமான கலைச்செல்வன் (20), டெங்கு காய்ச்சலால் பாதிக்கப்பட்ட நிலையில் கும்பகோணம் அரசு தலைமை மருத்துவமனையில் சிகிச்சை பெற்று வருகிறார். மேலும், காய்ச்சலால் பாதிக்கப்பட்ட 40 பேரும் சிகிச்சை பெற்று வருகின்றனர். மாவட்டத்தில் குறிப்பாக, டெங்கு காய்ச்சல் உறுதி செய்யப்பட்ட 11 பேருக்கு அரசு மற்றும் தனியார் மருத்துவமனைகளில் சிகிச்சை அளிக்கப்பட்டு வருகிறது.
மேலும், 315 பேர் உள்நோயாளிகளாக சிகிச்சை பெற்று வருகின்றனர் என மாவட்ட சுகாதாரப் பணிகள் இணை இயக்குநர் ஐ. ரவீந்திரன் தெரிவித்தார்.

 

]]>
http://www.dinamani.com/all-editions/edition-trichy/tanjore/2018/nov/13/தஞ்சாவூர்-மாவட்டத்தில்-11-பேருக்கு-டெங்கு-காய்ச்சல்-3037735.html
3037734 திருச்சி தஞ்சாவூர் இளைஞரிடம் செல்லிடப்பேசியை பறித்த இருவர் கைது DIN DIN Tuesday, November 13, 2018 03:10 AM +0530
பாபநாசம் ஒன்பத்துவேலி, மாதா கோவில் தெருவைச் சேர்ந்த பாஸ்கர் மகன் அகஸ்டின் (18). இவர் ஞாயிற்றுக்கிழமை மாலை கும்பகோணம் புதிய பேருந்து நிலையம் அருகே ஜான் செல்வராஜ் நகரில் செல்லிடப்பேசியில் பேசியபடி நடந்து சென்று கொண்டிருந்தார்.
அப்போது, அவரை பின்தொடர்ந்து வந்த இரண்டு இளைஞர்கள், அகஸ்டினை வழிமறித்து அவரிடம் இருந்த செல்லிடப்பேசியை பறித்ததுடன், அவரிடமிருந்த 500 ரூபாயையும் பறித்துக் கொண்டு தப்பி ஓடியுள்ளனர். அகஸ்டின் கூச்சலிடவே, அப்பகுதியிலிருந்த பொதுமக்கள் அவர்கள் இருவரையும் சுற்றி வளைத்து பிடித்து, கும்பகோணம் மேற்கு காவல் நிலையத்தில் ஒப்படைத்தனர்.
போலீஸாரின் விசாரணையில், அவர்கள் கும்பகோணம் அரிய திடல் திருவள்ளுவர் நகர் பூக்கொல்லை பகுதியைச் சேர்ந்த முனியசாமி மகன் சிவா (19), அதே பகுதியைச் சேர்ந்த கருணாநிதி மகன் சந்துரு (19) என்பது தெரியவந்தது. சம்பவம் தொடர்பாக அகஸ்டின் அளித்த புகாரின்பேரில், சிவா, சந்துரு ஆகிய 2 பேரையும் போலீஸார் கைது செய்து விசாரித்து வருகின்றனர்.

 

]]>
http://www.dinamani.com/all-editions/edition-trichy/tanjore/2018/nov/13/இளைஞரிடம்-செல்லிடப்பேசியை-பறித்த-இருவர்-கைது-3037734.html
3037733 திருச்சி தஞ்சாவூர் சாலையோர குடியிருப்புகளை அகற்ற நோட்டீஸ்: பாதிக்கப்பட்டோருக்கு மாற்று இடம் வழங்க வலியுறுத்தல் DIN DIN Tuesday, November 13, 2018 03:10 AM +0530
தஞ்சாவூர் அருகே சாலையோர குடியிருப்புகளை அகற்றுமாறு நெடுஞ்சாலைத் துறை நோட்டீஸ் வழங்கியுள்ளதைத் தொடர்ந்து, பாதிக்கப்பட்ட மக்கள் மாற்று இடம் வழங்க வலியுறுத்தி மாவட்ட ஆட்சியரகத்தில் திங்கள்கிழமை திரண்டனர்.
தஞ்சாவூர் ஆட்சியரகத்தில் திங்கள்கிழமை நடைபெற்ற மக்கள் குறைதீர்க்கும் நாள் கூட்டத்தில் பாபநாசம் அருகேயுள்ள வடபாதி, அருந்தவபுரத்தைச் சேர்ந்த ஏறத்தாழ 100 பேர் அளித்த மனு:
வடபாதி, அருந்தவபுரத்தில் சாலையோர குடியிருப்புகளில் ஏறத்தாழ 100 ஆண்டுகளாக 188 குடும்பங்கள் வசித்து வருகிறோம். இந்நிலையில், பொதுப் பணித் துறை, நெடுஞ்சாலைத் துறைக்குச் சொந்தமான இடத்தில் உள்ள வீடுகளை 7 நாட்களுக்குள் இடித்து இடத்தைக் காலி செய்து கொள்ள வேண்டும் என்றும், தவறும்பட்சத்தில் நடவடிக்கை எடுக்கப்படும் எனவும் அலுவலர்கள் நவ. 7-ம் தேதி நோட்டீஸ் கொடுத்தனர்.
இப்பகுதியில் வசிக்கும் அனைத்து குடும்பங்களும் தினக் கூலி வேலை பார்த்து வருகிறோம். மேலும் யாருக்கும் சொந்த நிலமோ, இடமோ கிடையாது. அனைவரும் வறுமைக் கோட்டுக்குக் கீழே உள்ளவர்கள். எனவே, எங்களது வாழ்வாதாரத்துக்கு மாற்று வழிவகை செய்து தர வேண்டும் என தெரிவித்துள்ளனர்.
இதேபோல, தஞ்சாவூர் அருகே திட்டை பகுதியில் உள்ள கோணியக்குறிச்சியைச் சேர்ந்த சுமார் 50 பேர் அளித்த மனு:
கோணியக்குறிச்சி சாலைத் தெருவில் ஏறத்தாழ 40 ஆண்டுகளாக வசித்து வருகிறோம். இந்நிலையில் 10 நாட்களுக்கு முன்பு வந்த நெடுஞ்சாலைத் துறை அலுவலர்கள், வீடுகளை இடிக்க உள்ளோம் என்றும், 15 நாட்களுக்குள் காலி செய்து கொள்ள வேண்டும் எனவும் நோட்டீஸ் கொடுத்தனர். மேலும், எங்களிடம் கையொப்பமும் பெற்றுச் சென்றனர். இதனால், வறுமைக் கோட்டுக் கீழ் வாழும் சுமார் 30 குடும்பங்கள் பாதிக்கப்பட்டுள்ளோம். இந்த இடத்தை விட்டால் வேறு தங்குவதற்குக் கூட இடம் இல்லை. எனவே, அப்பகுதியிலேயே வீடு கட்டி மாற்று இடம் வழங்க வேண்டும் என தெரிவித்துள்ளனர்.
விவசாயத் தொழிலாளர் சங்க மாவட்டச் செயலர் சி. பக்கிரிசாமி தலைமையில் பட்டுக்கோட்டை அருகேயுள்ள நடுவிக்காடு கிராம மக்கள் அளித்த மனு:
நடுவிக்காடு கிராமத்தில் சுமார் 20 குடும்பங்கள் 50 ஆண்டுகளாக வசித்து வருகிறோம். விவசாய கூலி வேலை செய்து வருகிறோம். குடியிருக்கும் வீடுகளுக்கு வரி செலுத்துகிறோம்.
இந்நிலையில், இந்த இடத்தைக் காலி செய்ய வேண்டும் என நெடுஞ்சாலைத் துறையில் இருந்து அக். 30-ம் தேதி நோட்டீஸ் வந்துள்ளது.
இதனால், மிகுந்த மன வேதனைக்கும், நெருக்கடிக்கும் ஆளாகியுள்ளோம். எனவே, அதே இடத்துக்கு இலவச பட்டா வழங்க நடவடிக்கை எடுக்க வேண்டும்.
ஆரம்ப சுகாதார நிலையம் தேவை
மேலும், விவசாயத் தொழிலாளர் சங்க மாவட்டத் துணைத் தலைவர் வெ. ஜீவகுமார், விவசாயிகள் சங்க மாவட்டச் செயலர் என்.வி. கண்ணன், மார்க்சிஸ்ட் கம்யூனிஸ்ட் கட்சி கிளைச் செயலர் ஜெ. சுபாஷ் சந்திரபோஸ் மற்றும் செங்கிப்பட்டி பகுதி மக்கள் அளித்த மனு:
செங்கிப்பட்டி பகுதி, சுற்றியுள்ள 50 கிராமங்களுக்குச் சந்தைப் பகுதியாக உள்ளது. ஆனால், செங்கிப்பட்டியில் ஆரம்ப சுகாதார நிலையம் இல்லாததால், அப்பகுதி மக்கள் பூதலூர், தஞ்சாவூருக்குச் செல்லும் நிலை உள்ளது. இதனால், வயதானவர்கள், பெண்கள் மிகுந்த சிரமத்துக்கு ஆளாகின்றனர். எனவே, செங்கிப்பட்டியில் ஆரம்ப சுகாதார நிலையம் அமைக்க நடவடிக்கை எடுக்க வேண்டும் என தெரிவித்துள்ளனர்.

 

]]>
http://www.dinamani.com/all-editions/edition-trichy/tanjore/2018/nov/13/சாலையோர-குடியிருப்புகளை-அகற்ற-நோட்டீஸ்-பாதிக்கப்பட்டோருக்கு-மாற்று-இடம்-வழங்க-வலியுறுத்தல்-3037733.html
3037732 திருச்சி தஞ்சாவூர் வாகனத்தில் வாளுடன் சுற்றித் திரிந்த 2 பேர் கைது DIN DIN Tuesday, November 13, 2018 03:10 AM +0530
பட்டுக்கோட்டை நகரம், அண்ணா நகரைச் சேர்ந்த சதாசிவம் மகன் பார்த்தா (எ) சதீஷ் (16). பட்டுக்கோட்டையை அடுத்த சூரப்பள்ளம் கிராமத்தைச் சேர்ந்த லோகநாதன் மகன் பிரசாந்த் (22). இருவரும் நண்பர்கள்.
ஞாயிற்றுக்கிழமை காலை இருவரும் சூரப்பள்ளம் பைபாஸ் சாலையில் மோட்டார் சைக்கிளில் அரசால் தடை செய்யப்பட்ட, கொடுங்காயம் ஏற்படுத்தக்கூடிய சுமார் 3 அடி நீளமுள்ள வாளை கையில் உயர்த்திப் பிடித்தபடி அதிவேகத்தில் ஓட்டியவாறு அநாயசமாக சுற்றித் திரிந்துள்ளனர். இதை பார்த்த அப்பகுதி மக்கள் அச்சமடைந்தனர்.
இதனிடையே, அப்பகுதியில் ரோந்து சென்ற பட்டுக்கோட்டை தாலுகா போலீஸார் இளைஞர்கள் இருவரையும் தடுத்து நிறுத்தி கைது செய்தனர். அவர்களிடமிருந்து பைக், வாள் ஆகியவை பறிமுதல் செய்யப்பட்டது.

 

]]>
http://www.dinamani.com/all-editions/edition-trichy/tanjore/2018/nov/13/வாகனத்தில்-வாளுடன்-சுற்றித்-திரிந்த-2-பேர்-கைது-3037732.html
3037731 திருச்சி தஞ்சாவூர் ஆங்கில வடிவ ஊர் பெயரை தமிழில் மாற்ற கருத்து தெரிவிக்கலாம் DIN DIN Tuesday, November 13, 2018 03:09 AM +0530
தஞ்சாவூர் மாவட்டத்தில் ஆங்கில வடிவில் உள்ள ஊர்களின் பெயர்களைத் தமிழ் வடிவில் மாற்றம் செய்ய பொதுமக்கள் கருத்துகள் தெரிவிக்கலாம் என ஆட்சியர் ஆ. அண்ணாதுரை தெரிவித்துள்ளார்.
இதுகுறித்து அவர் மேலும் தெரிவித்திருப்பது: தமிழ்நாட்டில் ஆங்கில உச்சரிப்பு மற்றும் எழுத்து வடிவம் கொண்ட ஊர் பெயர்களைத் தமிழ் வடிவிலேயே மாற்றம் செய்யும் வகையில் தமிழக அரசால் உயர்நிலைக் குழுக்கள் அமைக்கப்பட்டுள்ளது. தஞ்சாவூர் மாவட்டத்தில் உள்ள உயர் நிலைக் குழுக் கூடி மாவட்டத்தில் உள்ள மாநகராட்சி, நகராட்சிகள், பேரூராட்சிகள், வருவாய் கிராமங்கள் மற்றும் ஊராட்சிகளின் ஆங்கிலப் பெயர்களை மாற்றம் செய்ய முடிவு செய்யப்பட்டுள்ளது.
எனவே, தஞ்சாவூர் மாவட்டத்தில் உள்ள பொதுமக்கள் தங்கள் ஊர் பெயர்கள் ஆங்கில உச்சரிப்பு மற்றும் எழுத்து வடிவத்தில் இருக்கும் பட்சத்தில், அதை தமிழ் உச்சரிப்பு மற்றும் எழுத்து வடிவமாக மாற்றி அமைக்கத் தங்களுடைய ஆலோசனை மனுக்களை ஆட்சியரகத்தில் மூன்றாம் தளத்தில் அமைந்துள்ள தமிழ் வளர்ச்சி உதவி இயக்குநர் அலுவலகத்துக்கு நேரிலோ அல்லது அஞ்சலிலோ அல்லது ஹக்ற்ஹம்ண்ப்க்ங்ஸ்ங்ப்ர்ல்ம்ங்ய்ற்ஃஞ்ம்ஹண்ப்.ஸ்ரீர்ம் என்ற இணையதள முகவரியிலோ நவ. 15-ம் தேதிக்குள் அளிக்கலாம். பெறப்படும் மனுக்கள் உயர்நிலைக் குழுவால் பரிசீலிக்கப்பட்டு பெயர் மாற்றம் செய்வதற்குத் தமிழக அரசுக்குப் பரிந்துரைக்கப்படும்.

]]>
http://www.dinamani.com/all-editions/edition-trichy/tanjore/2018/nov/13/ஆங்கில-வடிவ-ஊர்-பெயரை-தமிழில்-மாற்ற-கருத்து-தெரிவிக்கலாம்-3037731.html
3037730 திருச்சி தஞ்சாவூர் சர்க்கார் படத்துக்கு சுயேச்சை கூட்டமைப்பு வரவேற்பு DIN DIN Tuesday, November 13, 2018 03:09 AM +0530  

சுயேச்சையாக போட் டியிட்டு ஆட்சிமாற்றம் காணலாம் என்ற கருத்திற்காக சர்க்கார் படத்திற்கு தமிழக சுயேச்சை
வேட்பாளர்கள் கூட்டமைப்பு நன்றி தெரிவித்து தீர்மானம் நிறைவேற்றியுள்ளது.
தமிழக சுயேச்சை வேட்பாளர்கள் கூட்டமைப்பின் சார்பில் முன்னாள் கிராம பஞ்சாயத்து தலைவர்களுக்கான ஆலோசனைக் கூட்டம் தஞ்சை விளார் சாலையில் ஞாயிற்றுக்கிழமை நடைபெற்றது. கூட்டத்துக்கு மாநில ஒருங்கிணைப்பாளர் செல்வராஜ் தலைமை வகித்தார். சந்திரசேகரன் வரவேற்றார். செய்தி தொடர்பாளர் கோபுராஜ் முன்னிலை வகித்தார்.
கூட்டத்தில் நிறைவேற்றப்பட்ட தீர்மானங்கள் விவரம்: தேர்தல் ஆணையம் கிராம பஞ்சாயத்து உள்ளிட்ட உள்ளாட்சி தேர்தலை விரைவில் நடத்த வேண்டும். நடைபெறவுள்ள 20 சட்டப்பேரவைத் தொகுதிகளுக்கான இடைத்தேர்தலில் சுயேச்சை வேட்பாளர்கள் கூட்டமைப்பின் சார்பில் வேட்பாளர்களை நிறுத்தி வெற்றி பெற கடுமையாக உழைப்பது, வாக்குரிமை உள்ள வாக்காளர்கள் அனைவரும் வாக்களிக்க விழிப்புணர்வு ஏற்படுத்துவது, நடிகர் விஜய் நடித்த சர்கார் திரைப்படம் பல்வேறு சர்ச்சைகளுக்கு உட்பட்டாலும் கடைசியாக வரும் காட்சியில் சுயேச்சையாக போட்டியிட்டு ஆட்சி மாற்றம் காணலாம் என்ற கருத்தை கொண்டு வந்த தயாரிப்பாளர் முருகதாஸ், நடிகர் விஜய் உள்ளிட்ட சர்கார் திரைப்பட குழுவினருக்கு நன்றி தெரிவிப்பது ஆகிய தீர்மானங்கள் நிறைவேற்றப்பட்டன. இதில் நிர்வாகிகள் பலர் பங்கேற்றனர்.

 

]]>
http://www.dinamani.com/all-editions/edition-trichy/tanjore/2018/nov/13/சர்க்கார்-படத்துக்கு-சுயேச்சை-கூட்டமைப்பு-வரவேற்பு-3037730.html
3037729 திருச்சி தஞ்சாவூர் பாபநாசம் வட்டத்தில்இலவச சட்ட சேவைகள் குறித்த விழிப்புணர்வு பிரசாரம் DIN DIN Tuesday, November 13, 2018 03:09 AM +0530
சட்ட சேவைகள் வாரத்தையொட்டி பாபநாசம் வட்ட சட்டப் பணிகள் குழு சார்பில், பொதுமக்களுக்கு வழங்கப்பட்டு வரும் இலவச சட்ட உதவிகள் மற்றும் சேவைகள் குறித்த பிரசாரம் கடந்த வெள்ளிக்கிழமை தொடங்கி ஞாயிற்றுக்கிழமை (நவ. 18) வரை நடைபெறுகிறது.
பாபநாசம் மாவட்ட உரிமையியல் மற்றும் குற்றவியல் நீதித்துறை நடுவர்மன்ற நீதிபதி எஸ்.ராஜசேகர் உத்தரவின்படி நடைபெற்ற இந்த பிரசாரத்தில் பாபநாசம் வட்ட சட்டப் பணிகள் குழுவின் சட்டபூர்வ தன்னார்வலர்கள் எஸ்.பி.ராஜேந்திரன், எஸ்.தனசேகர் மற்றும் வழக்குரைஞர் பன்னீர்செல்வம் உள்ளிட்ட குழுவினர் பங்கேற்றுள்ளனர்.
இவர்கள், பாபநாசம் நீதிமன்ற எல்லைக்குள்பட்ட கோபுராஜபுரம், மாலாபுரம், உமையாள்புரம், மேலகபிஸ்தலம், வடசருக்கை, கருப்பூர், உள்ளிட்ட கிராமங்களுக்கு சென்று பொதுமக்களிடம் பாபநாசம் வட்ட சட்ட பணிகள் குழு சார்பில் பொதுமக்களுக்கு வழங்கப்படும் இலவச சட்ட ஆலோசனைகள் மற்றும் இலவச சட்ட சேவைகள் பற்றி விளக்கமளித்து பிரசாரம் மேற்கொண்டு வருகின்றனர். பிரசாரத்தின்போது விழிப்புணர்வு துண்டுப் பிரசுரங்களும் வழங்கப்பட்டு வருகின்றன.

 

]]>
http://www.dinamani.com/all-editions/edition-trichy/tanjore/2018/nov/13/பாபநாசம்-வட்டத்தில்இலவச-சட்ட-சேவைகள்-குறித்த-விழிப்புணர்வு-பிரசாரம்-3037729.html
3037728 திருச்சி தஞ்சாவூர் தமிழக கால்பந்து அணிக்கு தேர்வு: அதிராம்பட்டினம் பள்ளி மாணவருக்குப் பாராட்டு DIN DIN Tuesday, November 13, 2018 03:08 AM +0530
தமிழக கால்பந்து அணிக்கு தேர்வு செய்யப்பட்ட அதிராம்பட்டினம் பள்ளி மாணவருக்கு பாராட்டு தெரிவிக்கப்பட்டது.
அதிராம்பட்டினம் காதிர் முகைதீன் ஆண்கள் மேல்நிலைப்பள்ளி 8 ஆம் வகுப்பு மாணவர் ஏ.எஸ்.முகமது ஆத்திப் (13). அகில இந்திய பள்ளிகளின் விளையாட்டு குழுமம் சார்பில், தூத்துக்குடியில் 14-வயதுக்குள்பட்ட தமிழக கால்பந்து அணியில் பங்கேற்கும் வீரர்களை தேர்வு செய்வதற்கான போட்டி அண்மையில் நடைபெற்றது.
இப்போட்டியில், மண்டல அளவிலான கால்பந்து போட்டிகளில் வென்ற 80-க்கும் மேற்பட்ட பள்ளி மாணவர்கள் கலந்து கொண்டனர்.
இதில் பங்கேற்ற அதிராம்பட்டினம் காதிர் முகைதீன் ஆண்கள் மேல்நிலைப்பள்ளி மாணவர் ஏ.எஸ்.முகமது ஆத்திப், தமிழக கால்பந்து அணியில் விளையாட தேர்வு செய்யப்பட்டார். இதையடுத்து, இவர் வரும் நவ.26-ம் தேதி அஸாமில் நடைபெறவுள்ள அகில இந்திய கால்பந்து போட்டியில் தமிழக அணி சார்பில் பங்கேற்று விளையாட உள்ளார்.
தமிழக அணிக்கு தேர்வாகிய மாணவர் ஏ.எஸ்.முகமது ஆத்திப், அவருக்குப் பயிற்சியளித்த உடற்கல்வி ஆசிரியர்கள் ஏ.ராஜா, ஏ.ஜெயகாந்தன் ஆகியோரை, காதிர் முகைதீன் கல்வி நிறுவனங்களின் செயலர் எஸ்.ஜெ.அபுல்ஹசன், பள்ளித் தலைமை ஆசிரியர் ஏ.எல்.அஸ்ரப் அலி, ஆசிரியர்கள், மாணவர்கள் பாராட்டினர்.

 

]]>
http://www.dinamani.com/all-editions/edition-trichy/tanjore/2018/nov/13/தமிழக-கால்பந்து-அணிக்கு-தேர்வு-அதிராம்பட்டினம்-பள்ளி-மாணவருக்குப்-பாராட்டு-3037728.html
3037727 திருச்சி தஞ்சாவூர் அதிராம்பட்டினத்துக்கு வராத காவிரி விவசாயிகள், பொதுமக்கள் கடும் அதிருப்தி DIN DIN Tuesday, November 13, 2018 03:08 AM +0530
டெல்டா பாசனத்துக்காக கடந்த ஜூலை 19-ம் தேதி மேட்டூர் அணையும், ஜூலை 22-ம் தேதி கல்லணையும் திறக்கப்பட்டது. இந்த இரு அணைகளும் திறக்கப்பட்டு சுமார் 4 மாதங்களாகியுள்ள நிலையில் தஞ்சாவூர் மாவட்டத்தில் கடைமடைப் பகுதியான அதிராம்பட்டினம் பகுதிக்கு இதுவரை காவிரி நீர் வரவில்லை.
இதனால் தங்கள் ஊரை தொடர்ந்து புறக்கணிக்கணிக்கும் பொதுப்பணித்துறை நிர்வாகத்தின் செயல்பாடுகள் குறித்து அதிராம்பட்டினம் பகுதி மக்கள் கடும் அதிருப்தி தெரிவிக்கின்றனர்.
இதுகுறித்து அதிராம்பட்டினம் பேரூராட்சி முன்னாள் தலைவர் எஸ்.எச். அஸ்லம் திங்கள்கிழமை வெளியிட்ட அறிக்கை:
குடிநீர் தேவைக்காக அதிராம்பட்டினம் கடைமடைப் பகுதியின் ஏரி, குளங்களுக்கு முறை வைக்காமல் தண்ணீர் திறந்து விடக்கோரி, ஆட்சியர் மற்றும் பொதுப்பணித்துறை அதிகாரிகளிடம் கடந்த ஜூலை 23, ஆக. 13 ஆகிய தேதிகளில் மனுக்கள் அளிக்கப்பட்டது.
இருப்பினும் தண்ணீர் திறந்து விடுவதில் தொடர்ந்து தாமதம் ஏற்பட்டதால், அதிராம்பட்டினம் ஈஸ்ட் கோஸ்ட் சாலையில் அமர்ந்து மறியல் போராட்டம் நடத்தப்படும் என அறிவிக்கப்பட்டது.
இதையடுத்து, கடந்த ஆக. 21-ம் தேதி பட்டுக்கோட்டையில் வருவாய் கோட்டாட்சியர் தலைமையில் பொதுப்பணித்துறை, காவல்துறை அதிகாரிகள் முன்னிலையில் பேச்சுவார்த்தை நடத்தப்பட்டது. இதில், முதல்கட்டமாக அதிராம்பட்டினத்திலுள்ள 5 குளங்களை 20 நாள்களுக்குள் நிரப்பித் தருவதாக அதிகாரிகள் கையொப்பமிட்டு எழுத்துப்பூர்வமாக உறுதியளித்தனர். எனினும் அதிராம்பட்டினம் பகுதிக்கு தண்ணீர் வரவில்லை.
இதைத் தொடர்ந்து, கடந்த செப். 17 -ம் தேதி, அதிராம்பட்டினத்தை சேர்ந்த சுமார் 600-க்கும் மேற்பட்டோர் தஞ்சாவூரில் ஆட்சியரை நேரில் சந்தித்து தண்ணீர் விட வலியுறுத்தி மனு அளித்தனர்.
இதன் பின்னரும் அதிரை பகுதிக்கு தண்ணீர் வராததால், கடந்த செப்.24, அக்.15 ஆகிய தேதிகளில் மீண்டும் ஆட்சியரை நேரில் சந்தித்து முறையிடப்பட்டது. இத்தனைக்குப் பிறகும் இதுவரை அதிராம்பட்டினம் கடைமடைப்பகுதிக்கு ஆற்று நீர் வந்து சேரவில்லை.
சுமார் 4 மாதங்களாக அதிராம்பட்டினம் கடைமடைப்பகுதி தண்ணீர் திறந்துவிடாமல் தொடர்ந்து புறக்கணிக்கும் கல்லணை கால்வாய் உள்கோட்ட பொதுப்பணித்துறை அதிகாரிகளின் அலட்சியப் போக்கை கண்டித்து, புதன்கிழமை (நவ.14) காலை 10 மணிக்கு அதிரை பேரூராட்சி அலுவலகம் அருகில் ( ஈஸ்ட் கோஸ்ட் சாலையில்) சாலை மறியல் போராட்டம் நடத்த முடிவு செய்யப்பட்டுள்ளது என அறிக்கையில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-trichy/tanjore/2018/nov/13/அதிராம்பட்டினத்துக்கு-வராத-காவிரி-விவசாயிகள்-பொதுமக்கள்-கடும்-அதிருப்தி-3037727.html
3037726 திருச்சி தஞ்சாவூர் உள்ளாட்சித் தேர்தலை விரைவாக நடத்த வேண்டும் DIN DIN Tuesday, November 13, 2018 03:08 AM +0530
உள்ளாட்சித் தேர்தலை விரைவாக நடத்த வேண்டும் என தமிழக சுயேச்சை வேட்பாளர்கள் கூட்டமைப்பு வலியுறுத்தியுள்ளது.
தஞ்சாவூரில் இக்கூட்டமைப்பின் தஞ்சாவூர் ஒன்றிய அளவிலான ஆலோசனைக் கூட்டம் ஞாயிற்றுக்கிழமை நடைபெற்றது.
உள்ளாட்சித் தேர்தலை விரைவில் நடத்தத் தேர்தல் ஆணையம் நடவடிக்கை எடுக்க வேண்டும். தமிழகம் முழுவதும் உள்ள ஊராட்சிகளில் ஊராட்சி மக்கள் தலைவரைத் தேர்ந்தெடுத்து மக்கள் பணியாற்றி சமூகச் சேவை செய்யவும், அரசுத் திட்டங்களைச் செயல்படுத்தவும் ஊக்கப்படுத்த வேண்டும். நடைபெறவுள்ள 20 தொகுதிகளுக்குச் சுயேச்சை வேட்பாளர்கள் கூட்டமைப்பு சார்பில் வேட்பாளர்களைப் போட்டியிடச் செய்து, அவர்களது வெற்றிக்கு உழைப்பது, வாக்குரிமை உள்ள அனைத்து வாக்காளர்களும் வாக்களித்தல் குறித்த விழிப்புணர்வு ஏற்படுத்துதல் என்பன உள்ளிட்ட தீர்மானங்கள் நிறைவேற்றப்பட்டன. இக்கூட்டத்துக்குக் கூட்டமைப்பின் மாநில ஒருங்கிணைப்பாளர் எஸ். செல்வராஜ் தலைமை வகித்தார். செய்தி தொடர்பாளர் மா. கோபுராஜ் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-trichy/tanjore/2018/nov/13/உள்ளாட்சித்-தேர்தலை-விரைவாக-நடத்த-வேண்டும்-3037726.html
3037725 திருச்சி தஞ்சாவூர் தஞ்சாவூரில் வழக்குரைஞர்கள் பணி புறக்கணிப்பு DIN DIN Tuesday, November 13, 2018 03:08 AM +0530
தஞ்சாவூர் நீதிமன்றத்தில் வழக்குரைஞர்கள் திங்கள்கிழமை பணிப் புறக்கணிப்புப் போராட்டத்தில் ஈடுபட்டனர்.
தஞ்சாவூர் தாலுகா காவல் நிலையத்தில் வழக்குரைஞர் சரவணன் மீது கொலை முயற்சி வழக்குப் பொய்யாகப் பதிவு செய்ததாகவும், அந்த வழக்கைத் திரும்பப் பெற வலியுறுத்தியும், தொடர்புடைய காவல் உதவி ஆய்வாளர் மீது நடவடிக்கை எடுக்கக் கோரியும் தஞ்சாவூர் வழக்குரைஞர்கள் பணிப் புறக்கணிப்புப் போராட்டம் மேற்கொண்டனர்.

 

]]>
http://www.dinamani.com/all-editions/edition-trichy/tanjore/2018/nov/13/தஞ்சாவூரில்-வழக்குரைஞர்கள்-பணி-புறக்கணிப்பு-3037725.html
3037724 திருச்சி தஞ்சாவூர் பாபநாசம் அருகே வாகனம் மோதியதில் முதியவர் சாவு DIN DIN Tuesday, November 13, 2018 03:07 AM +0530
பாபநாசம் அருகே இருசக்கர வாகனம் மோதியதில் சாலையில் நடந்து சென்ற முதியவர் பலத்த காயமடைந்து மருத்துவமனையில் ஞாயிற்றுக்கிழமை உயிரிழந்தார்.
பாபநாசம் அருகே கபிஸ்தலம் காவல் சரகம், அண்டக்குடி கிராமம், நடுத்தெருவைச் சேர்ந்தவர் ஜெயராமன் (70). இவர் சனிக்கிழமை அண்டக்குடி கடைவீதியில் நடந்து சென்று கொண்டிருந்தார்.அப்போது அந்த வழியாக வந்த இருசக்கர வாகனம் ஜெயராமன் மீது மோதி விட்டு நிற்காமல் சென்றுவிட்டதாம்.
இதில் பலத்த காயமடைந்த ஜெயராமனை அக்கம்பக்கத்தினர் மீட்டு கும்பகோணம் அரசு மருத்துவமனையில் சேர்த்தனர். அங்கு சிகிச்சை பலனின்றி ஜெயராமன் ஞாயிற்றுக்கிழமை உயிரிழந்தார்.
விபத்து குறித்த புகாரின்பேரில் கபிஸ்தலம் போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/tanjore/2018/nov/13/பாபநாசம்-அருகே-வாகனம்-மோதியதில்-முதியவர்-சாவு-3037724.html
3037723 திருச்சி தஞ்சாவூர் மீட்கப்பட்ட குழந்தை காப்பகத்தில் ஒப்படைப்பு DIN DIN Tuesday, November 13, 2018 03:07 AM +0530
தஞ்சாவூர் மாவட்ட ஆட்சியரகத்தில் திங்கள்கிழமை நடைபெற்ற மக்கள் குறைதீர்க்கும் நாள் கூட்டத்தில், ஆதரவற்ற நிலையில் மீட்கப்பட்ட குழந்தைக் காப்பகத்தில் ஒப்படைக்கப்பட்டது.
ஆட்சியர் ஆ. அண்ணாதுரை தலைமையில் நடைபெற்ற இக்கூட்டத்தில் இலவச வீட்டு மனைப் பட்டா, கல்விக் கடன் உள்பட பல்வேறு கோரிக்கைகள் அடங்கிய 416 மனுக்கள் வரப்பெற்றன.
மேலும், திருவையாறு பங்களா தெருவில் இருந்து மீட்கப்பட்டு, அரசு ராசா மிராசுதார் மருத்துவமனையில் சேர்க்கப்பட்ட பெண் குழந்தை, தொட்டில் குழந்தைத் திட்டத்தின்கீழ் தற்காலிகமாகப் பராமரிப்பதற்காக சேலம் மாவட்டம், லைப் லைன் அறக்கட்டளையிடம் ஒப்படைக்கப்பட்டது.
கூட்டத்தில் மாவட்ட வருவாய் அலுவலர் ந. சக்திவேல், குழந்தைகள் நலக் குழுத் தலைவர் திலகவதி உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-trichy/tanjore/2018/nov/13/மீட்கப்பட்ட-குழந்தை-காப்பகத்தில்-ஒப்படைப்பு-3037723.html
3037722 திருச்சி தஞ்சாவூர் மூன்றாவது வெள்ளிக்கிழமைகளில் ஓய்வூதியர் குறைதீர் கூட்டம் DIN DIN Tuesday, November 13, 2018 03:07 AM +0530
தஞ்சாவூர் மாவட்ட ஆட்சியரகத்தில் மாதந்தோறும் மூன்றாவது வெள்ளிக்கிழமைகளில் வருவாய்த் துறை, நில அளவைத் துறை ஓய்வூதியர்களுக்கான மாதாந்திர குறை தீர் கூட்டம் நடைபெறும் என ஆட்சியர் ஆ. அண்ணாதுரை தெரிவித்துள்ளார்.
இதுகுறித்து அவர் மேலும் தெரிவித்திருப்பது:
வருவாய் நிர்வாக ஆணையர் மற்றும் கூடுதல் தலைமைச் செயலரின் அறிவுரைப்படி, ஒவ்வொரு மாதமும் மூன்றாம் வெள்ளிக்கிழமையன்று வருவாய்த்துறை மற்றும் நில அளவைத்துறை ஓய்வூதியர்களுக்கான மாதாந்திர குறைதீர் கூட்டம் ஆட்சியரகத்தில் நடைபெறவுள்ளது. இக்கூட்டத்தில் கலந்து கொள்ள விரும்பும் வருவாய்த் துறை மற்றும் நில அளவைத் துறையில் பணியாற்றி ஓய்வு பெற்ற ஓய்வூதியதாரர்கள் தங்களது ஓய்வூதியப் பலன்கள் தொடர்பான கோரிக்கை மனுக்களை கடைசியாகப் பணியாற்றி ஓய்வு பெற்ற வட்ட, கோட்ட, மாவட்ட நிலை அலுவலகங்களில் ஒவ்வொரு மாதமும் இரண்டாம் மற்றும் நான்காம் வியாழக்கிழமைகளில் மாலை 5 மணி முதல் 6 மணி வரை தொடர்புடைய வட்ட அல்லது கோட்ட அல்லது மாவட்ட நிலை அலுவலர்களை நேரில் அணுகி அளிக்கலாம்.
வட்ட அல்லது கோட்ட அல்லது மாவட்ட நிலை அலுவலகத்தில் பரிசீலனை செய்யப்பட்டு, ஆட்சியர் அலுவலகத்துக்கு அனுப்பப்படும் மனுக்களின் மனுதாரர்கள் மூன்றாம் வெள்ளிக்கிழமை அன்று நடைபெறும் வருவாய்த் துறை மற்றும் நில அளவைத் துறை ஓய்வூதியர்களுக்கான மாதாந்திர குறைதீர் கூட்டத்தில் கலந்து கொள்ளலாம்.

 

]]>
http://www.dinamani.com/all-editions/edition-trichy/tanjore/2018/nov/13/மூன்றாவது-வெள்ளிக்கிழமைகளில்-ஓய்வூதியர்-குறைதீர்-கூட்டம்-3037722.html
3037717 திருச்சி தஞ்சாவூர் 20 தொகுதிகளிலும் அதிமுக வெற்றி பெறும் DIN DIN Tuesday, November 13, 2018 03:05 AM +0530
இடைத்தேர்தலில் 20 தொகுதிகளிலும் அதிமுக வெற்றி பெறும் என்றார் அதிமுக துணை ஒருங்கிணைப்பாளரும், அமைப்புச் செயலருமான கே.பி. முனுசாமி.
தஞ்சாவூரில் திங்கள்கிழமை மாலை நடைபெற்ற திருமண வரவேற்பு நிகழ்ச்சியில் பங்கேற்ற அவர் பின்னர் செய்தியாளர்களிடம் தெரிவித்தது:
முன்னாள் முதல்வர் ஜெயலலிதா அறிவித்த நலத்திட்ட உதவிகள் ஒவ்வொரு குடும்பத்துக்கும் செல்கிறது. மேலும், முதல்வர் எடப்பாடி பழனிசாமியின் புதிய திட்டங்களும் அனைத்து குடும்பங்களுக்கும் சென்றடைவதால் 20 தொகுதிகளிலும் அதிமுக வெற்றி பெறும். மக்களை ஏமாற்றுவதற்காக தினகரன் அணியினர் உண்ணாவிரதம் என்ற நாடகத்தை நடத்துகின்றனர். அதிமுகவில் உறுப்பினர் சேர்க்கை நடைபெற்று வருகிறது. இப்பணி முடிந்த பிறகு கட்சித் தேர்தலை தலைமைக் கழகம் அறிவிக்கும்.
இலவச திட்டங்களின் மூலம் ஏற்றத் தாழ்வற்ற சமுதாயத்தை உருவாக்க வேண்டும் என்ற பெரியார், அண்ணாவின் கனவு நிறைவேற்றப்பட்டு வருகிறது. மேலும், எம்.ஜி.ஆரின் சத்துணவு திட்டம், ஜெயலலிதாவின் விலையில்லா சைக்கிள், சீருடை, மடிக்கணினி உள்ளிட்ட திட்டங்களின் மூலம் தமிழகம் கல்வியில் முன்னோடியாகத் திகழ்கிறது.
இத்தகைய அபரிமித வளர்ச்சியை சர்கார் படத்தில் விளையாட்டுத்தனமாக விமர்சித்துள்ளனர். இப்படம் ஸ்டாலினை திருப்திப்படுத்துவதற்காக எடுக்கப்பட்ட படம். இதில், இயக்குநர் முருகதாசும், நடிகர் விஜய்யும் பலிகடா ஆக்கப்பட்டுள்ளனர் என்றார் முனுசாமி.

 

]]>
http://www.dinamani.com/all-editions/edition-trichy/tanjore/2018/nov/13/20-தொகுதிகளிலும்-அதிமுக-வெற்றி-பெறும்-3037717.html
3037716 திருச்சி தஞ்சாவூர் சிலை கடத்தல் வழக்கு: கும்பகோணம் நீதிமன்றத்தில் சுபாஷ் கபூர் ஆஜர் DIN DIN Tuesday, November 13, 2018 03:05 AM +0530
சிலை கடத்தல் வழக்குகளில் தொடர்புடைய சுபாஷ் சந்திர கபூரை போலீஸார் கும்பகோணம் நீதிமன்றத்தில் திங்கள்கிழமை ஆஜர்படுத்தினர்.
அரியலூர்  மாவட்டம், உடையார்பாளையம்  காவல்  சரகம், சித்தமல்லி  வரதராஜப் பெருமாள் கோயிலில்  கடந்த  2008  ஆம்  ஆண்டு  20  சிலைகள்  திருட்டு  போனது. அதே போல , அரியலூர்  மாவட்டம்,  விக்கிரமங்கலம் காவல்  சரகம்,  ஸ்ரீபுரந்தான்  பிரகதீஸ்வரர் கோயிலில்  கடந்த  2008  ஆம்  ஆண்டு  8  சிலைகள்  திருட்டு  போனது. விருதுநகர் மாவட்டம்,  பழுவூர்  சிவன் கோயிலில் கடந்த  2006 ஆம்  ஆண்டு  6 ஐம்பொன் சிலைகள்  காணாமல் போனது.
இந்த  மூன்று  வழக்குகளிலும் தொடர்புடைய அமெரிக்காவைச்  சேர்ந்த  சுபாஷ்சந்திரகபூரை தமிழக  சிலை  கடத்தல்  தடுப்புப்  பிரிவு போலீஸார்  கைது  செய்து சிறையில் அடைத்தனர்.
இந்த  மூன்று  வழக்குகளும்  கும்பகோணம் கூடுதல் தலைமை குற்றவியல் நீதிமன்றத்தில் திங்கள்கிழமை விசாரணைக்கு  வந்தது. அப்போது, சுபாஷ்சந்திர கபூரை  போலீஸார் நீதிபதி முன்பு ஆஜர்படுத்தினர். வழக்கை விசாரித்த நீதிபதி வரும் 26-ம் தேதிக்கு வழக்கை ஒத்திவைத்து உத்தரவிட்டார்.இதையடுத்து சுபாஷ்சந்திர கபூரை போலீஸார் மீண்டும் திருச்சி மத்திய சிறையில் அடைத்தனர்.
சித்தமல்லி வரதராஜபெருமாள் கோயில் சிலைகள் மாயமான வழக்கில் ஓய்வு பெற்ற சிறப்பு உதவி ஆய்வாளரும், கேரள மாநிலம் மூணாறைச் சேர்ந்தவருமான விபூசந்திரன் நீதிமன்றத்தில் சாட்சியம் அளிக்க வந்தார். அவரிடம் வாக்குமூலம் பெற்றுக் கொண்ட நீதிபதி மீண்டும் சம்மன் அனுப்பும்போது ஆஜராக வேண்டும் என உத்தரவிட்டார்.

 

]]>
http://www.dinamani.com/all-editions/edition-trichy/tanjore/2018/nov/13/சிலை-கடத்தல்-வழக்கு-கும்பகோணம்-நீதிமன்றத்தில்-சுபாஷ்-கபூர்-ஆஜர்-3037716.html
3037715 திருச்சி தஞ்சாவூர் மர்மக் காய்ச்சலுக்கு 2 வயது குழந்தை சாவு DIN DIN Tuesday, November 13, 2018 03:05 AM +0530
கும்பகோணத்தில் மர்மக் காய்ச்சலால் பாதிக்கப்பட்ட 2 வயது குழந்தை ஞாயிற்றுக்கிழமை இரவு உயிரிழந்தது.
டெங்கு காய்ச்சலால் பாதிக்கப்பட்ட பொறியாளர் உள்பட 6 பேர் தஞ்சாவூர், கும்பகோணம் அரசு மருத்துவமனைகளில் சிகிச்சை பெற்று வருகின்றனர்.
தமிழகம் முழுவதும் டெங்கு காய்ச்சல் உள்ளிட்ட காய்ச்சல்கள் பரவி வருகிறது. இந்நிலையில், கும்பகோணம் தோப்புத்தெரு செளராஷ்டிரா தெருவைச் சேர்ந்த தையல்கலைஞர் சுரேஷ் - ரம்யாவின் மகள் கவிஸ்ரீ (2) என்ற பெண் குழந்தை கடந்த ஒரு வாரமாக காய்ச்சலால் அவதிப்பட்டு வந்துள்ளது. அவரை பெற்றோர் சிகிச்சைக்காக கும்பகோணம் அரசு மருத்துவனையிலும், மேல்சிகிச்சைக்காக தஞ்சாவூர் மருத்துவக்கல்லூரி மருத்துவமனை மற்றும் திருச்சியில் உள்ள தனியார் மருத்துவமனையிலும் அனுமதித்தனர். அங்கு குழந்தையை பரிசோதித்த மருத்துவர்கள், குழந்தைக்கு மர்ம காய்ச்சல் இருப்பதாகத் தெரிவித்துள்ளனர். தொடர்ந்து, வீட்டுக்கு கொண்டு வந்தபோது, குழந்தை கவிஸ்ரீ ஞாயிற்றுக்கிழமை இரவு இறந்தது. இதுகுறித்து கும்பகோணம் போலீஸாரும், சுகாதாரத் துறையினரும் விசாரித்து வருகின்றனர்.

 

]]>
http://www.dinamani.com/all-editions/edition-trichy/tanjore/2018/nov/13/மர்மக்-காய்ச்சலுக்கு-2-வயது-குழந்தை-சாவு-3037715.html
3037172 திருச்சி தஞ்சாவூர் வல்லத்தில் புதை வடிகால் திட்டப் பணிகள் தொடங்கிவைப்பு DIN DIN Monday, November 12, 2018 08:41 AM +0530 தஞ்சாவூர் மாவட்டம், வல்லம் பேரூராட்சியில் ரூ. 34.51 கோடியில் புதை வடிகால் திட்டப் பணிகள் தொடக்க விழா வல்லத்தில் ஞாயிற்றுக்கிழமை நடைபெற்றது.
ஆட்சியர் ஆ. அண்ணாதுரை தலைமையில் நடைபெற்ற இந்த விழாவில் பங்கேற்ற வேளாண்மை துறை அமைச்சர் இரா. துரைக்கண்ணு பூமிபூஜையை தொடங்கி வைத்ததுடன், பணிகளை கொடியசைத்து தொடங்கி வைத்தார்.எம்பிக்கள் ஆர். வைத்திலிங்கம், கு. பரசுராமன் ஆகியோர் பேசினர். 
தஞ்சாவூர் மாவட்டம், வல்லம் பேரூராட்சியின் பரப்பளவு 7.60 சதுர கி.மீட்டராகும். 15 வார்டுகள் கொண்ட இப்பேரூராட்சியில் 2033 ஆம் ஆண்டு (22,800 பேர் ) மக்கள்தொகையை கருத்தில் கொண்டு ரூ. 34.51 கோடியில் புதை வடிகால் திட்டத்தை செயல்படுத்த தமிழக அரசு அண்மையில் நிர்வாக அனுமதி அளித்தது.
இதன்படி, ஒரு நபருக்கு நாளொன்றுக்கு 115 லிட்டர் என 2.35 மில்லியன் லிட்டர் கழிவுநீரை வெளியேற்றும் வகையில், பேரூராட்சியின் 15 வார்டுகளை உள்ளடக்கி, 235 மில்லியன் லிட்டர் கொள்ளளவுள்ள தூண்டப்பட்ட சகதி முறை தொழில்நுட்பத்திலான கழிவுநீர் சுத்திகரிப்பு நிலையத்துடன் கூடிய புதை வடிகால் திட்டம் செயல்படுத்தப்பட உள்ளது.
இத்திட்டத்தின்படி,  27,675 மீட்டர் நீளத்திற்கு கழிவுநீர்க் குழாய்களும், 1056 ஆள்நுழைவுக் குழாய்களும் அமைக்கப்பட உள்ளன. இத்திட்டம் செயல்படுத்தப்பட்டால் 3787 வீட்டு இணைப்புகள் மூலம் 15,402 மக்கள் பயனடைவார்கள் என குடிநீர் வடிகால் வாரிய அதிகாரிகள் தெரிவித்தனர். 
முன்னதாக, விழாவில் தமிழ்நாடு குடிநீர் வடிகால் வாரிய நிர்வாக பொறியாளர் க. விஸ்வநாதன் வரவேற்றார்.  
வல்லம் பேரூராட்சி முன்னாள் தலைவர் சிங்ஜெகதீசன் மற்றும் பலர் பங்கேற்றனர். நிறைவில் உதவி இயக்குநர் (பேரூராட்சிகள்) குற்றாலிங்கம் நன்றி கூறினார்.

]]>
http://www.dinamani.com/all-editions/edition-trichy/tanjore/2018/nov/12/வல்லத்தில்-புதை-வடிகால்-திட்டப்-பணிகள்-தொடங்கிவைப்பு-3037172.html
3037171 திருச்சி தஞ்சாவூர் அதிமுக வாக்குச்சாவடி முகவர்களுக்கான ஆலோசனைக் கூட்டம் DIN DIN Monday, November 12, 2018 08:41 AM +0530 அதிமுக வாக்குச்சாவடி முகவர்களுக்கான ஆலோசனைக் கூட்டம் தஞ்சாவூரில் இரு இடங்களில் ஞாயிற்றுக்கிழமை நடைபெற்றது.
தஞ்சாவூர் மருத்துவக் கல்லூரி பகுதி, கரந்தை ஆகிய பகுதிகளில் நடைபெற்ற இக்கூட்டத்துக்கு வேளாண்மைத் துறை அமைச்சர் இரா. துரைக்கண்ணு தலைமை வகித்தார். இதில் எம்பிக்கள் ஆர். வைத்திலிங்கம், கு. பரசுராமன் ஆகியோர் முன்னிலை வகித்தனர். 
அப்பகுதி செயலாளர்கள் சரவணன், அறிவுடைநம்பி, அதிமுக வாக்குச்சாவடி முகவர்கள், வாக்கு சேகரிப்போர் உள்ளிட்ட பலர் பங்கேற்றனர். இதில் வாக்குச்சாவடி முகவர்கள் எப்படி செயல்படுவது என்பது குறித்த கையேட்டினை அமைச்சர் இரா. துரைக்கண்ணு, அதிமுக வாக்குச்சாவடி முகவர்களிடம் வழங்கி, வாக்கு சேகரிப்பது குறித்து பேசினார்.

]]>
http://www.dinamani.com/all-editions/edition-trichy/tanjore/2018/nov/12/அதிமுக-வாக்குச்சாவடி-முகவர்களுக்கான-ஆலோசனைக்-கூட்டம்-3037171.html
3037170 திருச்சி தஞ்சாவூர் சோழபுரத்தில் குடிநீர் தொட்டிகள் திறப்பு DIN DIN Monday, November 12, 2018 08:40 AM +0530 கும்பகோணம் அருகே சோழபுரம் பேரூராட்சியில் மூன்று இடங்களில் ரூ. 7 லட்சம் மதிப்பீட்டில் அமைக்கப்பட்ட குடிநீர் தொட்டிகளை கும்பகோணம் எம்எல்ஏ சாக்கோட்டை க. அன்பழகன் பொதுமக்கள் பயன்பாட்டுக்காக ஞாயிற்றுக்கிழமை திறந்து வைத்தார்.
கும்பகோணத்தை அடுத்த சோழபுரம் பேரூராட்சி அண்ணா நகரில் ரூ. 2.50 லட்சம் மதிப்பீட்டிலும், ராமானுஜபுரம் பெரியார் நகரில் ரூ. 2 லட்சம் மதிப்பீட்டிலும், காமராஜர் தெருவில் ரூ. 2.50 லட்சம் மதிப்பீட்டிலும் என மொத்தம் ரூ. 7 லட்சம் மதிப்பீட்டில் கும்பகோணம் எம்எல்ஏ தொகுதி மேம்பாட்டு நிதியிலிருந்து புதிதாக ஆழ்குழாய் அமைத்து சின்டெக்ஸ் தொட்டி மூலம் குடிநீர் வழங்கும் பணிகள் நடைபெற்று நிறைவடைந்தன.  இவற்றை கும்பகோணம் எம்எல்ஏ சாக்கோட்டை க. அன்பழகன் ஞாயிற்றுக்கிழமை பொதுமக்கள் பயன்பாட்டுக்கு திறந்துவைத்தார்.  இந்நிகழ்ச்சியில்,  கும்பகோணம் கிழக்கு ஒன்றிய கழக செயலாளர் டி.கணேசன், சோழபுரம் பேரூர் நிர்வாகிகள்,  ஒன்றிய துணை செயலாளர்கள், மாவட்ட பிரதிநிதிகள், பகுதி செயலாளர்கள், ஊராட்சி கழக செயலாளர்கள் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-trichy/tanjore/2018/nov/12/சோழபுரத்தில்-குடிநீர்-தொட்டிகள்-திறப்பு-3037170.html
3037169 திருச்சி தஞ்சாவூர் பாபநாசம் அருகே தம்பிக்கு கத்திக்குத்து: அண்ணன் கைது DIN DIN Monday, November 12, 2018 08:40 AM +0530 பாபநாசம் அருகே அம்மாபேட்டை காவல் சரகம், சாலியமங்கலம் மேலத்தெருவை சேர்ந்த விவசாயி சதாசிவம். இவருக்கு இரண்டு மனைவிகள் உள்ளனர். முதல் மனைவியின் மகன் ஏகாம்பரம் (55). இவரது மனைவி சித்ரா,  மகன் கார்த்தி உள்ளிட்டோர் ஒரு வீட்டிலும், சதாசிவம்அவரது இரண்டாவது மனைவி மங்கயர்க்கரசி, மகன் கணபதி (34) உள்ளிட்டோர் மற்றொரு வீட்டிலும் வசித்து வருகின்றனர்.
இரு குடும்பத்தினருக்குமிடையே இடப்பிரச்னை காரணமாக முன்விரோதம் இருந்து வந்ததாம். இந்நிலையில்,  கடந்த வெள்ளிக்கிழமை இரு குடும்பத்தினருக்கும் இடையே மீண்டும் தகராறு ஏற்பட்டது. இதில் ஏகாம்பரம், கார்த்தி, சித்ரா ஆகிய 3 பேரும் சேர்ந்து மங்கையர்க்கரசி, கணபதி ஆகிய 2 பேரையும் தகாத வார்த்தைகளால் திட்டி, கொலை மிரட்டல் விடுத்தனராம்.  அப்போது  கார்த்தி,  கணபதியின் இடுப்பு பகுதியில் கத்தியால் குத்தியதாக கூறப்படுகிறது.இதில் பலத்த காயமடைந்த கணபதி,  தஞ்சாவூர் அரசு மருத்துவ கல்லூரி மருத்துவமனையில் அனுமதிக்கப்பட்டு அங்கு சிகிச்சை பெற்று வருகிறார். 
சம்பவம் குறித்து மங்கையர்க்கரசி அளித்த புகாரின்பேரில்,  ஏகாம்பரம், கார்த்தி, சித்ரா ஆகிய 3 பேர் மீது அம்மாபேட்டை போலீஸார் வழக்குப் பதிந்து இவர்களில் ஏகாம்பரத்தை கைது செய்தனர். தொடர்புடைய மற்ற 2 பேரையும் தேடி வருகின்றனர். 

]]>
http://www.dinamani.com/all-editions/edition-trichy/tanjore/2018/nov/12/பாபநாசம்-அருகே-தம்பிக்கு-கத்திக்குத்து-அண்ணன்-கைது-3037169.html
3037168 திருச்சி தஞ்சாவூர் பேராவூரணி அரசு மருத்துவமனையில் ஆட்சியர் ஆய்வு DIN DIN Monday, November 12, 2018 08:40 AM +0530 பேராவூரணி அரசு மருத்துவமனையில் ஞாயிற்றுக்கிழமை ஆட்சியர் ஆ.அண்ணாதுரை திடீர் ஆய்வு நடத்தினார்.
இந்த ஆய்வின்போது,   மருத்துவமனை உள்நோயாளிகள் பிரிவில் அனுமதிக்கப்பட்டிருந்த காய்ச்சல் நோயாளிகளை நலம் விசாரித்து, அவர்களுக்கு அளிக்கப்பட்டு வரும் சிகிச்சை குறித்து மருத்துவர்களிடம் கேட்டறிந்தார். 
மேலும், மருத்துவமனை கழிவறைகள்,  ஆண்கள், பெண்கள் வார்டு ஆகியவற்றை ஆய்வு செய்த ஆட்சியர்,  சுத்தமாகவும் சுகாதாரமாகவும் பராமரிக்குமாறு மருத்துவ அலுவலர்களை அறிவுறுத்தினார். அங்கிருந்த பயன்படுத்தப்படாத கிணற்றில் கொட்டப்பட்டிருந்த மருத்துவக் கழிவுகளை உடனடியாக அப்புறப்படுத்துமாறு அலுவலர்களுக்கு உத்தரவிட்ட  ஆட்சியர்,  இதுபோல் மீண்டும் மருத்துவக் கழிவுகளை கொட்டினால் அவர்கள் மீது நடவடிக்கை எடுக்கப்பட்டு பணி நீக்கம் செய்யப்படுவர் என எச்சரித்தார் .பேராவூரணி வட்டாட்சியர் பாஸ்கரன், மருத்துவ அலுவலர்கள் வெங்கடேசன், சினேகா பிரியதர்சினி,  வட்டார வளர்ச்சி அலுவலர்கள், பேரூராட்சி துறை, வருவாய் துறை, மற்றும் சுகாதாரத் துறையினர் ஆய்வின்போது உடனிருந்தனர். 

]]>
http://www.dinamani.com/all-editions/edition-trichy/tanjore/2018/nov/12/பேராவூரணி-அரசு-மருத்துவமனையில்ஆட்சியர்-ஆய்வு-3037168.html
3037167 திருச்சி தஞ்சாவூர் குரூப் 2 தேர்வு: தஞ்சை மாவட்டத்தில் 13,715 பேர் எழுதினர் DIN DIN Monday, November 12, 2018 08:39 AM +0530 தமிழ்நாடு அரசுப் பணியாளர் தேர்வாணையத்தால் (டிஎன்பிஎஸ்சி) ஞாயிற்றுக்கிழமை நடத்தப்பட்ட குரூப் 2 தேர்வை தஞ்சாவூர் மாவட்டத்தில் 13,715 பேர் எழுதினர்.
டிஎன்பிஎஸ்சி சார்பில் நகராட்சி ஆணையர், சார் பதிவாளர், உதவி பிரிவு அதிகாரி, உதவி தொழிலாளர் ஆய்வாளர், சிறைத்துறை நன்னடத்தை அதிகாரி,  இளநிலை வேலைவாய்ப்பு அலுவலர், உள்ளாட்சி தணிக்கை உதவி ஆய்வாளர், கைத்தறி ஆய்வாளர், கூட்டுறவு சங்கங்களின் முதுநிலை ஆய்வாளர், வருவாய் உதவியாளர் உள்ளிட்ட பல்வேறு விதமான பதவிகளில் 1,199 காலியிடங்களை நிரப்பும் வகையில் குரூப் 2 முதல்நிலைத் தேர்வு அறிவிக்கப்பட்டது. இத்தேர்வை எழுத தஞ்சாவூர் மாவட்டத்தில் 18,303 பேர் விண்ணப்பித்திருந்தனர்.
தஞ்சாவூர் மாவட்டத்தில் தஞ்சாவூர், கும்பகோணம், பட்டுக்கோட்டை வட்டங்களில் உள்ள 64 மையங்களில் ஞாயிற்றுக்கிழமை நடைபெற்ற இத்தேர்வில் 13,715 பங்கேற்றனர்.  
4,588 பேர் தேர்வெழுத வரவில்லை. வருகை சதவீதம் 74.9. குறிப்பாக, தஞ்சாவூரில் 34 மையங்களில் 9758 பேரும், கும்பகோணத்தில் 18 மையங்களில் 5,260 பேரும், பட்டுக்கோட்டையில் 12 மையங்களில் 3,288 பேரும் பங்கேற்று தேர்வெழுதினர். 
தஞ்சாவூர் வல்லம் பெரியார் நூற்றாண்டு பாலிடெக்னிக் கல்லூரி தேர்வு மையத்தில் ஆட்சியர் ஆ. அண்ணாதுரை நேரில் பார்வையிட்டு ஆய்வு செய்தார். மேலும், தேர்வர்களுக்கு வழங்கப்பட்டுள்ள வசதிகளையும் பார்வையிட்டார். இதில் கோட்டாட்சியர் சுரேஷ் உள்ளிட்ட பலர் உடனிருந்தனர்.


 

]]>
http://www.dinamani.com/all-editions/edition-trichy/tanjore/2018/nov/12/குரூப்-2-தேர்வு-தஞ்சை-மாவட்டத்தில்-13715-பேர்-எழுதினர்-3037167.html
3037166 திருச்சி தஞ்சாவூர் தஞ்சாவூர், மாரியம்மன் கோயில் பகுதிகளில் நவம்பர் 13 மின்தடை DIN DIN Monday, November 12, 2018 08:39 AM +0530 தஞ்சாவூர், மாரியம்மன் கோயில் உள்ளிட்ட பகுதிகளில் வரும் 13 ஆம் தேதி மின்தடை செய்யப்படுகிறது.
இதுகுறித்து தஞ்சாவூர் நகரிய உதவி செயற்பொறியாளர் ஜோ. சுகுமார், சாலியமங்கலம் மின்வாரிய உதவி செயற்பொறியாளர் ஆர். ராமச்சந்திரன் ஆகியோர் வெளியிட்டுள்ள செய்திக்குறிப்பு:  
தஞ்சாவூர் கே.வி. மணிமண்டபம் துணைமின்நிலையத்தில் மாதாந்திர பராமரிப்புப் பணிகள் நடைபெற உள்ளதால் அருளானந்த நகர், யாகப்பா நகர், அருளானந்த அம்மாள் நகர், புதுக்கோட்டை சாலை, வ.உ.சி. நகர், மேரீஸ் கார்னர், நாஞ்சிக்கோட்டை சாலை, அண்ணா நகர், சாந்தி நகர், பூக்காரத்தெரு, கோரிகுளம், நிர்மலா நகர், பழைய வீட்டுவசதி வாரிய குடியிருப்பு, பெரியார் நகர், இந்திரா நகர், எழில் நகர், நடராஜபுரம் தெற்கு, டி.பி.எஸ். நகர், மங்களபுரம், கண்ணன் நகர், பாலாஜி நகர், ஜெ.ஜெ. நகர், பொன்நகர், பாண்டியன் நகர், சுந்தரம் நகர், எல்ஐசி காலனி விரிவாக்கம் மற்றும் சுற்றியுள்ள பகுதிகளில் வரும் 13 ஆம் தேதி காலை 9 மணி முதல் மாலை 5.30 மணி வரை மின்விநியோகம் இருக்காது.
இதேபோல, தஞ்சாவூர் மாரியம்மன்கோயில்  துணை மின்நிலையத்தில் பராமரிப்புப் பணிகள் நடைபெற உள்ளதால்,  புன்னைநல்லூர் மாரியம்மன் கோயில்,  ஞானம் நகர், பணங்காடு, புறவழிச்சாலை, அன்னை இந்திரா நகர், சித்தர்காடு, மறியல், கடகடப்பை, தில்லை, களக்குடி, ஆர்.எம்.எஸ். காலனி, ஆலங்குடி, போஸ்டல் காலனி, நெட்டாநல்லூர், நெல்லிதோப்பு, எடவாக்குடி, காந்தாவணம், குளிச்சப்பட்டு ஆகிய பகுதிகளில் வரும் 13 ஆம் தேதி காலை 9 மணி முதல் மாலை 5 மணி வரை மின்விநியோகம் இருக்காது.

]]>
http://www.dinamani.com/all-editions/edition-trichy/tanjore/2018/nov/12/தஞ்சாவூர்-மாரியம்மன்-கோயில்-பகுதிகளில்-நவம்பர்-13-மின்தடை-3037166.html
3037165 திருச்சி தஞ்சாவூர் பல்வேறு கட்சிகள் சார்பில் பொதுமக்களுக்கு நிலவேம்பு குடிநீர் DIN DIN Monday, November 12, 2018 08:38 AM +0530 தஞ்சாவூர் மாவட்டத்தில் அதிராம்பட்டினம், பேராவூரணியில் கட்சியினர் சார்பில் பொதுமக்களுக்கு ஞாயிற்றுக்கிழமை நிலவேம்பு குடிநீர் வழங்கப்பட்டது.
திமுக சார்பில்....பேராவூரணியில் திமுக மருத்துவர் அணி மற்றும் ஒன்றிய,  நகரக் கழகம் சார்பில் பொதுமக்கள் 1000 பேருக்கு நிலவேம்பு  குடிநீர்  ஞாயிற்றுக்கிழமை வழங்கப்பட்டது. 
பேராவூரணி அண்ணாசிலை அருகில் நடைபெற்ற நிலவேம்பு குடிநீர் வழங்கும் முகாமிற்கு திமுக ஒன்றியப் பொறுப்பாளர் க.அன்பழகன் தலைமை வகித்தார். முன்னாள் பேரூராட்சித் தலைவர் என்.அசோக்குமார் நிலவேம்பு குடிநீரை பொதுமக்களுக்கு வழங்கி முகாமை தொடங்கி வைத்தார். 
முகாமில்,முன்னாள் மாவட்ட துணை செயலாளர் என். செல்வராஜ், முன்னாள் ஒன்றிய செயலாளர் சுப.சேகர்,  நகரச் செயலாளர் கோ. நீலகண்டன் உள்ளிட்ட ஒன்றிய, நகர, மருத்துவர் அணி நிர்வாகிகள் கலந்து கொண்டனர்.  முகாமில் சுமார் ஆயிரம் பேருக்கு நிலவேம்பு குடிநீர் மற்றும் டெங்கு மற்றும் பன்றிக் காய்ச்சல் தடுப்பு விழிப்புணர்வு கையேடு வழங்கப்பட்டது .
இந்திய யூனியன் முஸ்லீம் லீக் சார்பில்... அதிராம்பட்டினம் தக்வா பள்ளிவாசல் அருகில் பேரூர் இந்திய யூனியன் முஸ்லீம் லீக் கட்சி சார்பில் நிலவேம்பு குடிநீர் கசாயம் வழங்கும் முகாம் ஞாயிற்றுக்கிழமை நடைபெற்றது.  இதில்,  பொதுமக்கள், வர்த்தகர்கள், வாகன ஓட்டுநர்கள், துப்புரவுப் பணியாளர்கள் என சுமார் 500-க்கும் மேற்பட்டோருக்கு நிலவேம்பு குடிநீர் கசாயம் வழங்கப்பட்டது. முகாமுக்கு அக்கட்சியின் அதிரை பேரூர் தலைவர் கே.கே. ஹாஜா நஜ்முதீன் தலைமை வகித்தார். பொருளாளர் ஏ.சேக் அப்துல்லா, துணைச் செயலர் அபுபக்கர், மாவட்டப் பிரதிநிதி எம்.ஆர். ஜமால் முகமது ஆகியோர் முன்னிலை வகித்தனர். டாக்டர் எச்.அப்துல் ஹக்கீம் முகாமைத் தொடங்கி வைத்தார். முகாமில் பங்கேற்ற இந்திய யூனியன் முஸ்லீம் லீக் கட்சியின் மாநில துணைத் தலைவர் எஸ்.எஸ்.பி. நசுருதீன் சுகாதாரத்தின் அவசியம் குறித்துப் பேசினார். கட்சியின் மாவட்ட ஊடகப்பிரிவு பொறுப்பாளர் ஏ.சாகுல் ஹமீது நன்றி கூறினார்.
நாம் தமிழர் கட்சி சார்பில்....சுவாமிமலையில் நாம் தமிழர் கட்சி சார்பில் டெங்கு காய்ச்சல் உள்ளிட்ட காய்ச்சல்களை தடுக்கும் விதமாக ஞாயிற்றுக்கிழமை நிலவேம்பு குடிநீர் விநியோகிக்கப்பட்டது.  இந்நிகழ்வுக்கு நாம் தமிழர் கட்சியின் பாபநாசம் சட்டப்பேரவை தொகுதி செயலாளர் இரா. தூயவன் தலைமை வகித்தார். மண்டல மாணவர் பாசறை செயலாளர் தா. முகம்மது யூசுப் நிலவேம்பு குடிநீர் விநியோகத்தை தொடங்கி வைத்தார். இதில் நகரச் செயலாளர் ம. பிரபாகரன் உள்ளிட்ட பலர் பங்கேற்றனர். இதில் 1,000-க்கும் மேற்பட்ட பொதுமக்களுக்கு நிலவேம்பு குடிநீர் வழங்கப்பட்டது. தொடர்ந்து,  டெங்கு தடுப்பு நடவடிக்கை தொடர்பாக விழிப்புணர்வு பிரசாரம் செய்யப்பட்டது.

]]>
http://www.dinamani.com/all-editions/edition-trichy/tanjore/2018/nov/12/பல்வேறு-கட்சிகள்-சார்பில்-பொதுமக்களுக்கு-நிலவேம்பு-குடிநீர்-3037165.html
3037164 திருச்சி தஞ்சாவூர் 7 தமிழரை விடுவிக்கக் கோரி சைக்கிள் பேரணி: தஞ்சைக்கு வந்த குழுவினருக்கு வரவேற்பு DIN DIN Monday, November 12, 2018 08:38 AM +0530 ராஜீவ்காந்தி கொலை வழக்கில் சிறையில் உள்ள 7 தமிழர்களை விடுதலை செய்யக் கோரி தமிழக வாழ்வுரிமை கட்சி சார்பில் சிவகங்கையில் தொடங்கி தஞ்சாவூருக்கு ஞாயிற்றுக்கிழமை வந்த  சைக்கிள் பேரணிக்கு சிறப்பான வரவேற்பு அளிக்கப்பட்டது.
ராஜீவ்காந்தி கொலை வழக்கில் 27 ஆண்டுகளுக்கும் மேலாக சிறையில் வாடும் 7 தமிழர்களை விடுதலை செய்யக் கோரி தமிழக வாழ்வுரிமை கட்சி மாநில இளைஞரணித் தலைவர் ஜெரோன்குமார் தலைமையில் செயலாளர் முருகானந்தம், சிவகங்கை மாவட்ட செயலாளர் காளீஸ்வரன், தலைவர் பாலா உள்ளடக்கிய 7 பேர் கடந்த 10 ஆம் தேதி சிவங்கையில் இருந்து சைக்கிளில் பேரணியாகப் புறப்பட்டனர். ராஜீவ்காந்தி கொலை வழக்கில் 27 ஆண்டுகளுக்கும் மேலாக சிறையில் வாடும் 7 தமிழர்களை விடுதலை செய்யக் கோரும் தமிழக அமைச்சரவை தீர்மானத்திற்கு ஒப்புதல் அளிக்க வலியுறுத்தி தமிழக ஆளுநரிடம் மனு அளிப்பதற்காக இப்பேரணியைத் தொடங்கியுள்ளனர். 
தஞ்சாவூர் புதிய பேருந்து நிலையத்துக்கு ஞாயிற்றுக்கிழமை வந்த இக்குழுவினரை தஞ்சை மாவட்ட தமிழக வாழ்வுரிமை கட்சி செயலாளர் பாபு தலைமையில், தலைவர் கலைச்செல்வன், பொருளாளர் தமிழரசன் உள்ளிட்டோர் சிறப்பான வரவேற்பு அளித்தனர்.
தொடர்ந்து, சைக்கிள் பேரணி குழுவினர் தஞ்சையில் இரவு தங்கிவிட்டு, திங்கள்கிழமை கும்பகோணம், காட்டுமன்னார்கோவில், விருத்தாசலம், வடலூர், கடலூர், விழுப்புரம், மேல்மருவத்தூர், பெருங்களத்தூர் வழியாக வரும் 21ஆம் தேதி சென்னையை அடைந்து, தமிழக ஆளுநரை சந்தித்து மனு அளிக்க உள்ளனர்.
 

]]>
http://www.dinamani.com/all-editions/edition-trichy/tanjore/2018/nov/12/7-தமிழரை-விடுவிக்கக்-கோரி-சைக்கிள்-பேரணி-தஞ்சைக்கு-வந்த-குழுவினருக்கு-வரவேற்பு-3037164.html
3037163 திருச்சி தஞ்சாவூர் மருமகளை கோடாரியால் வெட்டிய விவசாயி கைது DIN DIN Monday, November 12, 2018 08:38 AM +0530 ஒரத்தநாடு வட்டம் , திருவோணம் ஒன்றியம்,  புதுவிடுதி கிராமத்தை சேர்ந்தவர் வெள்ளைச்சாமி. இவருடைய தம்பி முத்துசாமி. இவர்களுக்கிடையே இடப்பிரச்னை காரணமாக முன்விரோதம் இருந்துள்ளது. 
இந்நிலையில்,  சனிக்கிழமை வெள்ளைச்சாமிக்கும்- முத்துசாமிக்கும் இடையே தகராறு ஏற்பட்டுள்ளது. அப்போது, அங்கு வந்த வெள்ளைச்சாமியின் மருமகள் ராதாகனி (29),  தனது மாமனாருக்கு ஆதரவாக பேசியுள்ளார். இதில் ஆத்திரமடைந்த முத்துசாமி கோடாரியால் ராதாகனியை வெட்டினாராம்.  இதில் தலையில் பலத்த காயமடைந்த ராதாகனியை உறவினர்கள் மீட்டு பட்டுக்கோட்டை அரசு மருத்துவமனையில் சேர்த்தனர். பின்னர் அவர் மேல் சிகிச்சைக்காக தஞ்சாவூர் அரசு மருத்துவக் கல்லூரி மருத்துவமனையில் அனுமதிப்பட்டார். 
இதுகுறித்து ராதாகனி அளித்த புகாரின்பேரில்,  திருவோணம் போலீஸார் வழக்குப் பதிந்து  முத்துசாமியை கைது செய்தனர்.

]]>
http://www.dinamani.com/all-editions/edition-trichy/tanjore/2018/nov/12/மருமகளை-கோடாரியால்வெட்டிய-விவசாயி-கைது-3037163.html
3037162 திருச்சி தஞ்சாவூர் முன்விரோதம்: தாக்குதலில் ஈடுபட்டதாக 2 பேர் கைது DIN DIN Monday, November 12, 2018 08:38 AM +0530 பாபநாசம் அருகே மட்டையாந்திடல் கிராமம், மேலத்தெருவை சேர்ந்தவர்கள் சுப்ரமணியன்(49), ரமேஷ்குமார்(39). விவசாயிகள். இவர்கள் இருவருக்குமிடையே முன்விரோதம் இருந்து வந்ததாம்.
இந்நிலையில், சனிக்கிழமை இருவருக்குமிடையே மீண்டும் தகராறு ஏற்பட்டு ஒருவரை ஒருவர் அரிவாளால் வெட்டிக் கொண்டனராம். 
காயமடைந்த இருவரும் தஞ்சாவூர் அரசு மருத்துவக் கல்லூரி மருத்துவ  மனையில் அனுமதிக்கப்பட்டு சிகிச்சை பெற்றனர்.
இதுதொடர்பாக இருதரப்பினரும் அளித்த புகாரின் அடிப்படையில் பாபநாசம் போலீஸார் வழக்குப் பதிந்து,  சுப்ரமணியன், ரமேஷ்குமார் ஆகிய இருவரையும் கைது செய்தனர்.

]]>
http://www.dinamani.com/all-editions/edition-trichy/tanjore/2018/nov/12/முன்விரோதம்தாக்குதலில்-ஈடுபட்டதாக-2-பேர்-கைது-3037162.html
3037161 திருச்சி தஞ்சாவூர் கும்பகோணத்தில் மாரத்தான் போட்டி: ஆயிரக்கணக்கானோர் பங்கேற்பு DIN DIN Monday, November 12, 2018 08:37 AM +0530 பாப்புலர் ஃப்ரண்ட் ஆஃப் இந்தியா சார்பில் மக்களின் ஆரோக்கியத்தை வலியுறுத்தி கும்பகோணத்தில் ஞாயிற்றுக்கிழமை மாரத்தான் போட்டி நடைபெற்றது.
கும்பகோணம் செட்டிமண்டபம் அருகே புறவழிச்சாலையில் போட்டியை கும்பகோணம் எம்எல்ஏ சாக்கோட்டை க. அன்பழகன், பாப்புலர் ஃப்ரண்ட் ஆஃப் இந்தியா மாநில செயலாளர் முகைதீன் அப்துல் காதர் ஆகியோர் கொடியசைத்து தொடங்கி வைத்தனர். செட்டிமண்டபத்திலிருந்து நான்கு சந்திப்பு சாலை, நீதிமன்றம், பாலக்கரை, உச்சிப்பிள்ளையார் கோயில் வழியாக  பழைய மீன்மார்க்கெட்டில் 5 கி.மீட்டருக்கு போட்டி நடைபெற்றது. ஆண்கள், பெண்கள் என இரு பிரிவுகளாக நடைபெற்ற போட்டியில் 1,500 பேர் பங்கேற்று உற்சாகமாக ஓடினர்.
வெற்றி பெற்ற இருபாலருக்கும் ரூ.23 ஆயிரம் மதிப்பிலான ரொக்கப் பரிசுகள் வழங்கப்பட்டன. போட்டிக்கான ஏற்பாடுகளை தஞ்சை மாவட்டத் தலைவர் முகம்மது அலி ஜின்னா தலைமையில் பாப்புலர் ஃப்ரண்ட் ஆஃப் இந்தியா அமைப்பினர் செய்திருந்தனர்.

]]>
http://www.dinamani.com/all-editions/edition-trichy/tanjore/2018/nov/12/கும்பகோணத்தில்-மாரத்தான்-போட்டி-ஆயிரக்கணக்கானோர்-பங்கேற்பு-3037161.html
3036648 திருச்சி தஞ்சாவூர் அனுபவமிக்க பாரம்பரிய மருத்துவர்களுக்கு சான்று வழங்க வலியுறுத்தல் DIN DIN Sunday, November 11, 2018 08:37 AM +0530 அனுபவமிக்க பாரம்பரிய மருத்துவர்களுக்கு மாவட்ட ஆட்சியர் மூலம் தொழில் பாதுகாப்புச் சான்று வழங்க அரசு நடவடிக்கை எடுக்க வேண்டும் என தமிழக ஓமியோபதி சித்தா டாக்டர்கள் சங்கம் வலியுறுத்தியுள்ளது.
தஞ்சாவூரில் இச்சங்கத்தின் சார்பில் கருத்தரங்கம், மாநிலப் பொதுக் குழுக் கூட்டம் உள்ளிட்ட ஐம்பெரும் விழா சனிக்கிழமை நடைபெற்றது.
அரசு அங்கீகாரம் இல்லாத, தகுதியுள்ள அனுபவமிக்க பாரம்பரிய மருத்துவர்களுக்கு இந்திய மருத்துவக் கழகச் சட்டப்படி அரசுப் பதிவு வழங்கச் சட்டத்தில் இடமில்லை. என்றாலும், தமிழ்நாட்டின் தாய் மருத்துவத்தை ஏழைகளுக்குக் குறைந்த செலவில் முற்றிலும் நோயைக் குணப்படுத்தும் சித்த மருத்துவத்தின் சேவையும், அனுபவமும் என்னென்றும் அழியாமல் பாதுகாக்கவும், பாரம்பரிய மருத்துவத் தொழிலில் பாதுகாப்புக் கிடைக்கவும் அனைத்து மாவட்ட ஆட்சியர் மூலம் மருத்துவத் தொழில் பாதுகாப்புச் சான்றிதழ் வழங்க அரசு நடவடிக்கை எடுக்க வேண்டும்.
தமிழ்நாடு ஓமியோபதி மருத்துவ கவுன்சிலுக்கு உறுப்பினர்களைத் தேர்வு செய்ய தேர்தல் நடத்த வேண்டும். 
இதேபோல, சித்த மருத்துவத் துறையை ஒழுங்குபடுத்தி திறம்படச் செயல்படுத்த தமிழ்நாடு சித்தா மருத்துவ கவுன்சிலுக்கு தலைவர், உறுப்பினர்களைத் தேர்வு செய்யத் தேர்தல் நடத்த வேண்டும் என்பன உள்ளிட்ட தீர்மானங்கள் நிறைவேற்றப்பட்டன. மாநிலத் தலைவர் கே. பக்கிரிசாமி தலைமை வகித்தார். மாநிலப் பொதுச் செயலர் கே. சின்னையன், துணைத் தலைவர் சி. இன்பரசன், பொருளாளர் ஆர். ஸ்டீபன், துணைப் பொதுச் செயலர் ஜி. மீனாட்சிசுந்தரம் உள்ளிட்டோர் கலந்து கொண்டனர்.


 

]]>
http://www.dinamani.com/all-editions/edition-trichy/tanjore/2018/nov/11/அனுபவமிக்க-பாரம்பரிய-மருத்துவர்களுக்கு-சான்று-வழங்க-வலியுறுத்தல்-3036648.html
3036647 திருச்சி தஞ்சாவூர் மாற்றுத் திறனாளிகளுக்கு ஊக்கமளிக்கவே நலத்திட்டங்கள்: அமைச்சர் துரைக்கண்ணு பேச்சு DIN DIN Sunday, November 11, 2018 08:37 AM +0530 மாற்றுத் திறனாளிகளுக்கு ஊக்கமளிக்கவே நலத்திட்ட உதவிகள் வழங்கப்படுகின்றன என்றார் வேளாண் துறை அமைச்சர் இரா. துரைக்கண்ணு.
தஞ்சாவூர் மாவட்ட ஆட்சியரகத்தில் சனிக்கிழமை நடைபெற்ற மாற்றுத் திறனாளிகளுக்கான நலத்திட்ட உதவிகள் வழங்கும் விழாவில் அவர் பேசியது:
மாற்றுத் திறனாளிகளுக்கு நம்பிக்கையூட்டி வாழ்வில் உயர்ந்த நிலையை அடைவதற்கு வழிவகை செய்யும் வகையில் தமிழக அரசின் சார்பில் பல்வேறு நலத்திட்ட உதவிகள் வழங்கப்பட்டுள்ளன. மாற்றுத்திறனாளிகள் பிறரை நம்பியிருக்காமல் சுயமாகத் தங்கள் வாழ்க்கையை வளப்படுத்தும் வகையில் அவர்களுக்கு ஊக்கமளிக்கவே தமிழக அரசு பல்வேறு நலத் திட்டங்களைச் செயல்படுத்தி வருகிறது. 
மாற்றுத்திறனாளிகளுக்கு மறைந்த முதல்வர் ஜெயலலிதா அரசுப் பணியில் தனி இட ஒதுக்கீடு வழங்கினார். மாற்றுத்திறனாளிகள் தமிழக அரசால் செயல்படுத்தப்படும் நலத்திட்டங்கள் மூலம் பயன் பெற்று வாழ்வில் உயர்ந்த நிலையை அடைய வேண்டும் என்றார் அமைச்சர்.
பின்னர், மாற்றுத்திறனாளிகள் மற்றும் இதர பயனாளிகளுக்கு ரூ. 1 கோடியே 14 லட்சத்து 24 ஆயிரத்து 606 மதிப்பிலான அரசு நலத் திட்ட உதவிகளை அமைச்சர் வழங்கினார். மாவட்ட ஆட்சியர் ஆ. அண்ணாதுரை, மாநிலங்களவை உறுப்பினர் ஆர். வைத்திலிங்கம், மக்களவை உறுப்பினர்கள் கு. பரசுராமன் (தஞ்சாவூர்), ஆர்.கே. பாரதிமோகன் (மயிலாடுதுறை), மாவட்டக் காவல் கண்காணிப்பாளர் த. செந்தில்குமார், மாவட்ட வருவாய் அலுவலர் ந. சக்திவேல் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/tanjore/2018/nov/11/மாற்றுத்-திறனாளிகளுக்கு-ஊக்கமளிக்கவே-நலத்திட்டங்கள்-அமைச்சர்-துரைக்கண்ணு-பேச்சு-3036647.html
3036646 திருச்சி தஞ்சாவூர் இடி, மின்னலின்போது கணினி, தொலைபேசி பயன்பாடு வேண்டாம் DIN DIN Sunday, November 11, 2018 08:37 AM +0530 இடி, மின்னலின்போது தொலைக்காட்சிப் பெட்டி, மிக்சி, கிரைண்டர், கணினி, தொலைபேசி போன்ற சாதனங்களைப் பயன்படுத்த வேண்டாம் என தமிழ்நாடு மின் உற்பத்தி மற்றும் பகிர்மானக் கழகம் தெரிவித்துள்ளது.
வடகிழக்குப் பருவமழை, வெள்ளக்காலத்தில் ஏற்படும் மின் விபத்துகளைத் தவிர்க்க பொதுமக்களுக்கான விழிப்புணர்வு குறித்து அக்கழகத்தின் தஞ்சாவூர் மின் பகிர்மான வட்ட மேற்பார்வைப் பொறியாளர் த.நா. சங்கரன் தெரிவித்திருப்பது:
மழைக்காலத்தில் மின் மாற்றிகள், மின் கம்பங்கள், மின் பகிர்வுப் பெட்டிகள், மின் கம்பத் தாங்கு கம்பிகள் ஆகியவற்றின் அருகே செல்ல வேண்டாம்.
மழையாலும், பெருங்காற்றாலும் மின் கம்பி அறுந்து விழுந்திருந்தால், அதன் அருகே செல்ல வேண்டாம். அதுகுறித்து அருகிலுள்ள மின் வாரிய அலுவலகத்துக்கு உடனடியாகத் தகவல் அளிக்க வேண்டும்.
இடி, மின்னலின்போது திறந்தவெளியில் இருக்க வேண்டாம். அத்தருணத்தில் உடனடியாக கான்கிரீட் கூரையிலான பெரிய கட்டடம், வீடு, உலோகத்தால் மேலே மூடப்பட்ட பேருந்து, கார், வேன் போன்ற வாகனங்களில் தஞ்சம் அடையலாம்.
இடி, மின்னலின்போது குடிசை வீட்டிலோ, மரத்தின் அடியிலோ, பேருந்து நிறுத்த நிழற்குடையின் கீழோ தஞ்சம் அடைய வேண்டாம். மேலும், தண்ணீர் தேங்கியுள்ள பகுதிகளை விட்டு அகல வேண்டும்.
இடி, மின்னலின்போது தஞ்சமடைய அருகில் எதுவும் இல்லாத பட்சத்தில் மின் கம்பிகள், மின் கம்பங்கள், மரங்கள், உலோகக் கம்பி வேலி போன்றவை இல்லாத தாழ்வான பகுதிகளைத் தேர்ந்தெடுக்க வேண்டும்.
இடி, மின்னலின்போது டிவி, மிக்சி, கிரைண்டர், கணினி, தொலைபேசி போன்றவற்றை பயன்படுத்த வேண்டாம். மேலும் திறந்தவெளியில் உள்ள ஜன்னல், கதவு போன்றவற்றின் அருகில் இருக்க வேண்டாம்.
அவசர காலத்தில் தொடர்பு கொள்ள...:
மழை, வெள்ளம் மற்றும் அவசர காலத்தில் கோட்டச் செயற் பொறியாளர்களைத் தொடர்பு கொள்ள வேண்டிய செல்லிடப்பேசி எண்கள்:
தஞ்சாவூர் - 9445853742, தஞ்சாவூர் நகரியம் - 9445853731, பட்டுக்கோட்டை - 9445853846, ஒரத்தநாடு - 9445853818, கும்பகோணம் - 9445853772, கும்பகோணம் வடக்கு - 9445853796.
உதவிச் செயற் பொறியாளர்களைத் தொடர்பு கொள்ள வேண்டிய எண்கள்:
தஞ்சாவூர் 9445853744, தஞ்சாவூர் நகரியம் - 9445853732, புறநகர் - 9445853745, திருவையாறு - 9445853743, பட்டுக்கோட்டை நகரம் - 9445853850, பட்டுக்கோட்டை புறநகர் - 9445853848, மதுக்கூர் - 9445853847, பேராவூரணி - 9445853849, ஒரத்தநாடு நகரம் - 9445853819, ஒரத்தநாடு புறநகர் - 9445853820, சாலியமங்கலம் - 9445853821.
கும்பகோணம் நகரம் - 9445853773, புறநகர் - 9445853774, பாபநாசம் - 9445853775, கும்பகோணம் வடக்கு - 9445853797, கும்பகோணம் தெற்கு - 9445449278.
 

]]>
http://www.dinamani.com/all-editions/edition-trichy/tanjore/2018/nov/11/இடி-மின்னலின்போது-கணினி-தொலைபேசி-பயன்பாடு-வேண்டாம்-3036646.html
3036645 திருச்சி தஞ்சாவூர் கோயில்களில் குறைந்த கட்டணத்தில் மின் ரிக்ஷாக்களை இயக்க வேண்டும்: கிராமப்புற நுகர்வோர் பாதுகாப்பு இயக்கம் DIN DIN Sunday, November 11, 2018 08:37 AM +0530 தஞ்சை மாவட்டத்தில் உள்ள கோயில்களில் குறைந்த கட்டணத்தில் சுற்றுச்சூழலுக்கு கேடு விளைவிக்காத மின்சார ரிக்ஷாக்களை இயக்க வேண்டும் என தஞ்சை மாவட்ட கிராமப்புற நுகர்வோர் பாதுகாப்பு இயக்கம் வலியுறுத்தியுள்ளது.
இதுகுறித்து அந்த இயக்கத்தின் தலைவர் சுந்தர. விமல்நாதன், செயலர் ஆதிசிவம் ஆகியோர் மாவட்ட ஆட்சியருக்கு அனுப்பிய மனு விவரம்: சென்னை உயர் நீதிமன்ற உத்தரவின்படியும், அரசாணைப்படியும் 2011 ஆம் ஆண்டுக்குப் பிறகு இதுவரை அமைக்கப்படாத தஞ்சை மாவட்ட நுகர்வோர் பாதுகாப்புக் குழுவை உடனே அமைக்க வேண்டும். ஜெனரிக் மருந்துகள் விற்கும் ஜென்ஒளஷதி மருந்தகங்கள் பற்றிய செய்தியை நாளிதழ்களில் வெளியிட்டு மக்களிடம் விழிப்புணர்வு ஏற்படுத்த வேண்டும்.
சுற்றுச்சூழலுக்கு கேடு விளைவிக்காத, பராமரிப்பு செலவு குறைந்த, சப்தம் எழுப்பாத மின்சார ரிக்ஷாக்களை கோயில்கள் அதிகமுள்ள கும்பகோணம், ஒப்பிலியப்பன் கோயில், சுவாமிமலை உள்ளிட்ட பகுதிகளில் குறைந்த கட்டணத்தில் இயக்க வேண்டும்.
நுகர்வோர் பாதுகாப்புத் துறை அலுவலர்கள் மாவட்டத்தில் உள்ள கல்லூரிகள், மேல்நிலைப் பள்ளிகளில் உள்ள 
நுகர்வோர் மன்றங்களை நேரில் ஆய்வு செய்து, அவற்றை உரிய முறையில் செயல்பட வைத்திட வேண்டும். 
தஞ்சாவூர் அரசு மருத்துவக் கல்லூரி மருத்துவமனை,  கும்பகோணம் மாவட்ட அரசு தலைமை மருத்துவமனை, முதன்மைக் கல்வி அலுவலகம், கும்பகோணம் போக்குவரத்துக் கழகம், உள்ளூர் திட்டக் குழுமம், தஞ்சாவூர் மாநகராட்சி, நகராட்சிகள், பேரூராட்சிகள், ஊராட்சிகளில் நுகர்வோர் ஆலோசனை குறைதீர் கூட்டங்களை நடத்த வேண்டும். 
 

]]>
http://www.dinamani.com/all-editions/edition-trichy/tanjore/2018/nov/11/கோயில்களில்-குறைந்த-கட்டணத்தில்-மின்-ரிக்ஷாக்களை-இயக்க-வேண்டும்-கிராமப்புற-நுகர்வோர்-பாதுகாப்பு-இயக-3036645.html
3036644 திருச்சி தஞ்சாவூர் தேசிய திறனாய்வுத் தேர்வுக்கு பட்டுக்கோட்டை பாலிடெக்னிக்கில்  நவ.16-ல் இலவசப் பயிற்சி தொடக்கம் DIN DIN Sunday, November 11, 2018 08:36 AM +0530 பட்டுக்கோட்டை பாலிடெக்னிக் கல்லூரியில் தேசிய திறனாய்வுத்  தேர்வுக்கான  இலவசப் பயிற்சி நவம்பர் 16-ம் தேதி தொடங்குகிறது. இதுகுறித்து அக்கல்லூரி முதல்வர் வீ. முத்துவேலு வெளியிட்ட செய்திக்குறிப்பு: 
இந்த இலவசப் பயிற்சியை கல்லூரி நிர்வாகம் மற்றும் எஸ்.டி.எஸ். அறப்பணி அறக்கட்டளை ஆகியன இணைந்து நடத்துகின்றன. நிகழாண்டில் 8-ம் வகுப்பு பயிலும் மாணவ, மாணவிகள், குறிப்பாக தேசிய திறனாய்வுத் தேர்வுக்கு  விண்ணப்பித்துள்ளவர்கள் மட்டும் பயிற்சிக்கு அனுமதிக்கப்படுவர்.  
7 நாள்கள் நடைபெறவுள்ள இப்பயிற்சியில் பங்கேற்க விரும்பும் மாணவ, மாணவிகள் பட்டுக்கோட்டை பாலிடெக்னிக் கல்லூரி பண்டக சாலையில் நவ. 12-ம் தேதி முதல் ரூ.100 செலுத்தி விண்ணப்பங்களைப் பெற்றுக் கொள்ளலாம். 
பூர்த்தி செய்யப்பட்ட விண்ணப்பங்கள் நவ.15   மாலை 5 மணிக்குள் வந்து சேர வேண்டும். 2 பாஸ்போர்ட் சைஸ் புகைப்படம், ஆதார் அட்டை நகல்,  பள்ளித் தலைமை ஆசிரியரின் ஒப்புதல் கடிதம் ஆகிய ஆவணங்களை இணைக்க வேண்டும். பயிற்சிக்குத் தேர்வு செய்யப்படும் மாணவ, மாணவிகளுக்கு இலவச பயிற்சி அளிக்கப்படும்.

]]>
http://www.dinamani.com/all-editions/edition-trichy/tanjore/2018/nov/11/தேசிய-திறனாய்வுத்-தேர்வுக்கு-பட்டுக்கோட்டை-பாலிடெக்னிக்கில்-நவ16-ல்-இலவசப்-பயிற்சி-தொடக்கம்-3036644.html
3036643 திருச்சி தஞ்சாவூர் திருவையாறு அருகே அம்மா திட்ட முகாம் DIN DIN Sunday, November 11, 2018 08:35 AM +0530 திருவையாறு அருகேயுள்ள கோனேரிராஜபுரம் கிராமத்தில் அம்மா திட்டச் சிறப்பு முகாம் அண்மையில் நடைபெற்றது.
வட்டாட்சியர் ராமச்சந்திரன் தலைமையில் நடைபெற்ற முகாமில் பொதுமக்களிடமிருந்து முதியோர் உதவித்தொகை, திருமண உதவித் தொகை உள்ளிட்டவை கோரி வரப்பெற்ற 36 மனுக்களில் 5 மனுக்கள் மீது உடனடித் தீர்வு காணப்பட்டு, ஆணை வழங்கப்பட்டது. மற்ற மனுக்கள் பரிசீலனைக்கு ஏற்றுக் கொள்ளப்பட்டன.
சமூகப் பாதுகாப்புத் திட்டத் தனி வட்டாட்சியர் நெடுஞ்செழியன், முன்னாள் ஊராட்சித் தலைவர் மணிகண்டன், விஏஓ நான்சி, வருவாய் ஆய்வாளர் தேவிகா உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/11/திருவையாறு-அருகேஅம்மா-திட்ட-முகாம்-3036643.html
3036642 திருச்சி தஞ்சாவூர் தொடர் திருட்டில் ஈடுபட்ட 3 பேர் கைது DIN DIN Sunday, November 11, 2018 08:35 AM +0530 கோவை மாவட்டம், கோவில்பாளையம் பகுதிகளில் தொடர் திருட்டில் ஈடுபட்ட 3 பேரை காவல் துறையினர் சனிக்கிழமை கைது செய்தனர்.
கோவில்பாளையம் அருகே உள்ள காளப்பட்டியில் பூட்டியிருந்த வீட்டை உடைத்து கொள்ளை முயற்சியில் ஈடுபட்டவர்களை பொதுமக்கள் பிடித்து கோவில்பாளையம் காவல் துறையினரிடம் வெள்ளிக்கிழமை ஒப்படைத்தனர். 
விசாரணையில், அவர்கள் தஞ்சாவூர் மாவட்டம், திருவிடைமருதூர் பகுதியைச் சேர்ந்த ராமு  மகன்  குபேந்திரன் (27),  சீனிவாசபுரம் பகுதியைச் சேர்ந்த கார்த்திகேயன் மகன் பாண்டி (25), திருப்பூர் மாவட்டம், பிரிட்ஜ்வே காலனி பகுதியைச் சேர்ந்த ஆரோக்கியசாமி மகன் செபாஸ்டியன் (47) என்பது தெரியவந்தது. 
இதையடுத்து, காவல் துறையினர் அவர்கள் 3 பேரிடமும் தொடர்ந்து விசாரித்ததில் வெள்ளாணைபட்டியில் இருசக்கர வாகனம் திருடியதாகத் தெரிவித்துள்ளனர்.
இதையடுத்து 3 பேர் மீதும் வழக்குப் பதிவு செய்த காவல் துறையினர், அவர்களை நீதிமன்றத்தில் ஆஜர்படுத்தி கோவை மத்தியச் சிறையில் அடைத்தனர்.

]]>
http://www.dinamani.com/all-editions/edition-trichy/tanjore/2018/nov/11/தொடர்-திருட்டில்-ஈடுபட்ட-3-பேர்-கைது-3036642.html
3036641 திருச்சி தஞ்சாவூர் சத்துணவுக்குத் தனித் துறை அமைக்க வலியுறுத்தல் DIN DIN Sunday, November 11, 2018 08:35 AM +0530 சத்துணவுத் திட்டத்துக்குத் தனித் துறை ஏற்படுத்த வேண்டும் என தமிழ்நாடு அரசு சத்துணவு பணியாளர் சங்கம் வலியுறுத்தியுள்ளது.
தஞ்சாவூரில் சனிக்கிழமை நடைபெற்ற இச்சங்கத்தின் மாநிலச் செயற்குழுக் கூட்டத்தில், எம்.ஜி.ஆர். சத்துணவு திட்டத்துக்குத் தமிழக அரசுத் தனித் துறையை ஏற்படுத்த வேண்டும். சத்துணவு - அங்கன்வாடி பணியாளர்களுக்குப் பணி விதிகளை ஏற்படுத்தி பணி வரன்முறை செய்ய வேண்டும். பள்ளிகளில் பள்ளி அலுவலகப் பணி, யோகா, உடற்பயிற்சி, நன்னடத்தை கல்வி ஆகியவற்றை மாணவ, மாணவிகளுக்குக் கற்பிப்பதற்காகச் சத்துணவு அமைப்பாளர்களுக்கு உரிய பயிற்சி அளித்து, பிற்பகலிலும் பள்ளிகளில் தொடர்ந்து நிரந்தரப் பணியில் பணிபுரிய ஆணையிட வேண்டும்.  கல்வித் தகுதி அடிப்படையில் உரிய கால முறை ஊதியம் வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
சங்கத்தின் மாநிலத் தலைவர் வ. ஆறுமுகம் தலைமை வகித்தார். மாநிலப் பொதுச் செயலர் அ. அயோத்தி, மாவட்டத் தலைவர் கே. ராஜேந்திரன், தமிழ்நாடு அரசுப் பணி ஓய்வு சத்துணவு பணியாளர் சங்க மாநிலத் தலைவர் சே.க. விஜயபாண்டியன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/tanjore/2018/nov/11/சத்துணவுக்குத்-தனித்-துறை-அமைக்க-வலியுறுத்தல்-3036641.html