Dinamani - திருச்சி - http://www.dinamani.com/all-editions/edition-trichy/trichy/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042826 திருச்சி திருச்சி "சபரிமலையில் பக்தர்கள் மீது தொடரும்  மனித உரிமை மீறல்கள்' DIN DIN Wednesday, November 21, 2018 09:25 AM +0530 சபரிமலையில் பக்தர்கள் மீது கேரள அரசின் மனித உரிமை மீறல்கள் தொடருகிறது. இதை கண்டித்து திருச்சியில் புதன்கிழமை ஆர்ப்பாட்டம் நடத்தப்படும் என்றார் ஆர்.எஸ்.எஸ். அமைப்பின்  ஊடக த்துறை மாநிலப் பொறுப்பாளர் கிருஷ்ண. முத்துசாமி.
திருச்சியிலுள்ள ஆர்.எஸ்.எஸ். அமைப்பின் அலுவலகத்தில் செவ்வாய்க்கிழமை அவர் அளித்த பேட்டி:
சபரிமலைக்கு வரும் பக்தர்கள் மீது கேரள அரசின் மனித உரிமை மீறல்கள் தொடர்ந்து கட்டவிழ்த்துவிடப்படுகின்றன. பக்தர்கள் சுமந்துவரும் இருமுடிகளை பூட்ஸ் காலால் போலீஸார் எட்டி உதைக்கின்றனர்.  சன்னிதானத்தில்பக்தர்கள் யாரும் இரவில் தங்கக்கூடாது எனத் தெரிவிக்கின்றனர்.
குடிநீர், உணவு, கழிப்பிட போன்ற எந்த அடிப்படை வசதிகளையும்  கோயில் தேவஸ்தானம் செய்து தருவதில்லை.  சரண கோஷம்   போடக்கூடாது, சுவாமிக்கு நடைபெறும் நெய் அபிஷேகத்தை பார்க்கக்கூடாது எனவும் அரசு கூறி வருகிறது. இதுவரை 170 பக்தர்களை போலீஸார் கைது செய்திருக்கின்றனர்.
தொடர்ந்து மனித உரிமை மீறல்களில் ஈடுபட்டு வரும் கேரள அரசை கண்டித்து, அனைத்து இந்து அமைப்புகள் சார்பில் திருச்சி சிந்தாமணி அண்ணாசிலை அருகே புதன்கிழமை (நவ.21)  ஆர்ப்பாட்டம்  ஆர்.எஸ்.எஸ். மண்டலச் செயலர் கு.செல்வம் தலைமையில் நடைபெறுகிறது என்றார் அவர்.
 

]]>
http://www.dinamani.com/all-editions/edition-trichy/trichy/2018/nov/21/சபரிமலையில்-பக்தர்கள்-மீது-தொடரும்--மனித-உரிமை-மீறல்கள்-3042826.html
3042825 திருச்சி திருச்சி செங்காட்டுப்பட்டி பள்ளியில் பரிசளிப்பு விழா DIN DIN Wednesday, November 21, 2018 09:25 AM +0530 தேசிய நூலகவார விழாவையொட்டி செங்காட்டுப்பட்டி அரசு மேல்நிலைப் பள்ளியில் மாணவ, மாணவிகளுக்கு நடத்தப்பட்ட போட்டிகளில் வெற்றி பெற்றவர்களுக்கு செவ்வாய்க்கிழமை பரிசுகளை வழங்கினர்.
செங்காட்டுப்பட்டி கிளை நூலகம் சார்பில்,அரசு மேல்நிலைப் பள்ளி மாணவ, மாணவிகளுக்கு  ஓவியம், கட்டுரை, பேச்சுப் போட்டிகள் நடத்தப்பட்டடிருந்தன. போட்டிகளில் வென்றோருக்குப் பரிசு வழங்கும் விழாவுக்கு பள்ளித் தலைமையாசிரியர் கோபால் தலைமை வகித்தார். துறையூர் சட்டப்பேரவை உறுப்பினர் செ.ஸ்டாலின்குமார் விழாவில் பங்கேற்று, போட்டிகளில் வெற்றி பெற்றவர்களுக்குப் பரிசுகளை வழங்கிப் பேசினார். தொடர்ந்து, நூலக விழிப்புணர்வுப் பேரணி நடைபெற்றது. இதில் பள்ளி மாணவமாணவிகள் பங்கேற்று நூலகம் தொடர்பான விழிப்புணர்வு பதாகைகள் ஏந்தி முக்கிய வீதிகளில் சென்றனர். நிகழ்வுக்கான ஏற்பாடுகளை நூலகர் உமாமகேசுவரி, நூலகப் பணியாளர் மாணிக்கம் செய்திருந்தனர்.  முடிவில் ஆசிரியை ரமா நன்றி கூறினார்.

]]>
http://www.dinamani.com/all-editions/edition-trichy/trichy/2018/nov/21/செங்காட்டுப்பட்டி-பள்ளியில்-பரிசளிப்பு-விழா-3042825.html
3042824 திருச்சி திருச்சி திருவெறும்பூர், உப்பிலியபுரம் ஒன்றியங்களில் நவ.27,29 ஆம் தேதிகளில்  திறன் பயிற்சி விழிப்புணர்வு முகாம் DIN DIN Wednesday, November 21, 2018 09:24 AM +0530 திருச்சி மாவட்டம், திருவெறும்பூர், உப்பிலியபுரம் ஒன்றியங்களில் நவம்பர் 27,29 தேதிகளில் திறன் பயிற்சி விழிப்புணர்வு முகாம் நடைபெற உள்ளது.
இதுகுறித்து மாவட்ட ஆட்சியர் கு.ராசாமணி செவ்வாய்க்கிழமை வெளியிட்ட செய்திக்குறிப்பு: வேலைதேடும் இளைஞர்கள் கிராமப்புறங்களில் அதிகளவில் உள்ளனர், அவர்களுக்கான திறன் பயிற்சிகள், வேலைவாய்ப்பு விவரங்கள், திறன் பயிற்சிக்காக பதிவு செய்து போன்ற விழிப்புணர்வு செயல்பாடுகளை தமிழ்நாடு திறன் மேம்பாட்டுக் கழகம் வழங்கி வருகிறது.
இந்த செயல்பாடுகள் கிராமப்புற வேலைநாடுநர்களை சென்றடையும் வகையில் மாவட்டத்தில் உள்ள 14 ஒன்றியங்களிலும்  முகாம்களை நடத்த அரசு உத்தரவிட்டுள்ளது.  இதனடிப்படையில்,  நவம்பர் 27 இல் திருவெறும்பூரிலும், 29 இல் உப்பிலியபுரத்திலும் நடைபெறஉள்ளது. இவ்விரு  ஒன்றிய அலுவலகங்களில் நடைபெறும் திறன் பயிற்சி விழிப்புணர்வு முகாம்களில் அந்தந்த பகுதிகளைச் சேர்ந்த இளைஞர்கள் பங்கேற்று பயன்பெறலாம் என அவர் தெரிவித்துள்ளார்.
 

]]>
http://www.dinamani.com/all-editions/edition-trichy/trichy/2018/nov/21/திருவெறும்பூர்-உப்பிலியபுரம்-ஒன்றியங்களில்-நவ2729-ஆம்-தேதிகளில்--திறன்-பயிற்சி-விழிப்புணர்வு-முகா-3042824.html
3042823 திருச்சி திருச்சி கொப்பம்பட்டி, முருங்கப்பட்டி பகுதிகளில் நவம்பர் 22 மின்தடை DIN DIN Wednesday, November 21, 2018 09:24 AM +0530 துறையூர் மின் கோட்டத்துக்குள்பட்ட கொப்பம்பட்டி, து,ரெங்கநாதபுரம் உள்ளிட்ட பகுதிகளில் மாதாந்திர மின் பராமரிப்புப் பணிகள் காரணமாக வியாழக்கிழமை (நவ.22) மின் விநியோகம் இருக்காது.
இதுகுறித்து துறையூர் மின்கோட்ட செயற்பொறியாளர் ஆர்.தியாகராஜன்  செவ்வாய்க்கிழமை வெளியிட்டுள்ள செய்திக்குறிப்பு:
கொப்பம்பட்டி, து.ரங்கநாதபுரம், தளுகைமுருங்கப்பட்டியில் உள்ள துணை மின் நிலையங்களில் மாதாந்திர மின் பராமரிப்புப் பணிகள் நவ.22 ( வியாழக்கிழமை) மேற்கொள்ளப்பட உள்ளன.
இதன் காரணமாக இங்கிருந்து மின்விநியோகம் பெறும் கொப்பம்பட்டி, உப்பிலியபுரம், மாராடி, வைரிசெட்டிப்பாளையம், பி. மேட்டூர், எஸ். என். புதூர், கே.எம்.புதூர், சோபனபுரம், து.ரெங்கநாதபுரம், பச்சமலை, கிருஷ்ணாபுரம், நரசிங்கபுரம், கோவிந்தபுரம், மருவத்தூர், செல்லிபாளையம், செங்காட்டுப்பட்டி, வேங்கடத்தானூர், பெருமாள்பாளையம், த.முருங்கப்பட்டி, த. மங்கப்பட்டி,த. பாதர்பேட்டை ஆகிய பகுதிகளில் காலை 9 மணி முதல் மாலை 5 மணி வரை மின் விநியோகம் இருக்காது.
 

]]>
http://www.dinamani.com/all-editions/edition-trichy/trichy/2018/nov/21/கொப்பம்பட்டி-முருங்கப்பட்டி-பகுதிகளில்-நவம்பர்-22-மின்தடை-3042823.html
3042822 திருச்சி திருச்சி ஏ.டி.எம். மையத்தில் கேமராக்கள் திருட்டு: இருவர் கைது DIN DIN Wednesday, November 21, 2018 09:24 AM +0530 திருச்சி கீழரண்சாலையில் ஏடிஎம் மையத்தில் கேமரா திருட்டு போன வழக்கில் தேடப்பட்டு வந்த இருவர் திங்கள்கிழமை கைது செய்யப்பட்டனர்.
திருச்சி கீழரண்சாலை பகுதியிலுள்ள தனியார் வங்கி ஏ.டி.எம். மையத்தில் இருந்த கேமராக்கள் அண்மையில் திருட்டுப் போனதாகக் கூறி, வங்கியின் கேமரா கண்காணிப்பு அலுவலர் எஸ். ரபிசிந்துராஜ் கோட்டை காவல் நிலையத்தில் புகார் செய்தார். புகாரின் போரில் போலீஸார் மேற்கொண்ட விசாரணையில்,   கீழரண்சாலை சத்தியமூர்த்தி நகர் மு. செல்வம் (19), அவரது நண்பர் நாமக்கல் மாவட்டம், பரமத்திவேலூர் அருகிலுள்ள கொத்தமங்கலம்  அரசமங்கலம் காலனி கோபாலகிருஷ்ணன் (21)  ஆகியோர் கேமராக்களைத் திருடிச் சென்றது தெரிய வந்தது. இதையடுத்து இருவரையும் போலீஸார் கைது செய்தனர்.
 

]]>
http://www.dinamani.com/all-editions/edition-trichy/trichy/2018/nov/21/ஏடிஎம்-மையத்தில்-கேமராக்கள்-திருட்டு-இருவர்-கைது-3042822.html
3042821 திருச்சி திருச்சி திருச்சி மாவட்டத்தில் 140 மி.மீ மழை DIN DIN Wednesday, November 21, 2018 09:23 AM +0530 திருச்சி மாநகர் மற்றும் புறநகர்ப் பகுதிகளில் 140 மி.மீ. மழை பெய்துள்ளது.
வங்கக்கடலில் உருவாகியுள்ள குறைந்த காற்றழுத்த தாழி காரணமாக தமிழகத்தில் பல்வேறு பகுதிகளில் பரவலாக மழை பெய்யும் என்று வானிலை மையம் அறிவித்திருந்தது.  இதன் காரணமாக திங்கள்கிழமை இரவில் மாநகரிலும், புறநகர்ப் பகுதிகளிலும் பரவலாக மழை பெய்தது.
செவ்வாய்க்கிழமை காலையில் வெயில் காணப்பட்டாலும், பிற்பகலில் மாநகரிலும், புறநகரிலும் பல்வேறு பகுதிகளில் மழை பெய்தது.  செவ்வாய்க்கிழமை காலை 8.30 மணியுடன் முடிவடைந்த 24 மணி நேரத்தில் பதிவான மழையளவு விவரம் (மி.மீட்டரில்) :
லால்குடி- 1 மி.மீ,  மணப்பாறை- 8.40 புள்ளம்பாடி- 4.60, துறையூர்- 15, திருச்சி விமானநிலையம்- 6.60, திருச்சி டவுன்- 4.50, மருங்காபுரி- 4.20,  பொன்னணியாறு அணை- 1.60, , நவலூர்குட்டப்பட்டு- 5, நந்தியாற்றுத்தலைப்பு- 4.80, கல்லக்குடி- 2.40, வாய்த்தலை அணைக்கட்டு- 1, சமயபுரம்- 8, தேவிமங்கலம்- 8.20, கொப்பம்பட்டி 26, கோவில்பட்டி 9.20, தென்பரநாடு- 14, பொன்மலை- 14.60, திருச்சி ஜங்சன்- 6, துவாக்குடி- 5  மி.மீ.  மாவட்டத்தில் மொத்தமாக 140 மி.மீ. மழை பதிவாகியுள்ளது.

]]>
http://www.dinamani.com/all-editions/edition-trichy/trichy/2018/nov/21/திருச்சி-மாவட்டத்தில்-140-மிமீ-மழை-3042821.html
3042820 திருச்சி திருச்சி எந்தத் தேர்தலாக இருந்தாலும் திமுக-வுக்கு சாதகம்  DIN DIN Wednesday, November 21, 2018 09:23 AM +0530 தமிழகத்தில் அடுத்து நடைபெறும் எந்தத் தேர்தலாக இருந்தாலும் திமுகவுக்கு மட்டுமே சாதகமாக இருக்கும் என்றார் திருச்சி மேற்குத் தொகுதி சட்டப்பேரவை உறுப்பினரும்,  தெற்கு மாவட்டச் செயலருமான கே.என்.நேரு.
திருச்சியில் செவ்வாய்க்கிழமை நடைபெற்ற மக்களவைத் தொகுதிக்கான திமுக செயல்வீரர்கள் கூட்டத்துக்குத் தலைமை வகித்து பேசியது:
தமிழக அரசியலில் 1989 சட்டப் பேரவை தேர்தலின்போது இருந்த நிலை இப்போது திமுக-வுக்கு கிடைத்துள்ளது. அப்போது, எம்ஜிஆர் மரணத்துக்குப் பிறகு அதிமுக-வில் பல்வேறு அணிகள் தோன்று திமுக வெற்றிக்கு வழியாக அமைந்தது. இப்போதும் அதேநிலைதான் உள்ளது. 
அதிமுக-வில் ஓ. பன்னீர்செல்வம், எடப்பாடி கே. பழனிசாமி, டிடிவி தினகரன் என மூன்று அணிகளாக செயல்படுகின்றனர்.  அதிமுக-வில் பலமுனைகளில் வாக்குகள் பிரியும். திமுக-வின் தனித்த வாக்குகள் சிதறாமல் இருந்தாலே போதுமானது.
தேர்தலில் பணம் கொடுத்து வாக்குகளை விலைக்கு வாங்கலாம் என ஆளும்கட்சியும், பண பலம் கொண்ட கட்சிகளும் போட்டியிடலாம். கடந்த 8 ஆண்டுகளாக பதவியில் இல்லை என்பதற்காக திமுக-வினர் சுணக்கம் காட்டக் கூடாது. வாக்குச்சாவடி வாரியாக அமைக்கப்பட்ட கமிட்டி உறுப்பினர்கள் தங்களது சாவடிக்குள்பட்ட பகுதிகளில் தற்போதே தேர்தல் பணிகளை தொடங்க வேண்டும்.
தமிழகத்தில் அடுத்து நடைபெறும் எந்தத் தேர்தலாக இருந்தாலும் திமுக-வுக்கு மட்டுமே கள நிலவரம் சாதகமாக உள்ளது. திருச்சி மக்களவையில்உள்ள 6 தொகுதிகளிலும் திமுகவுக்கு அதிக வாக்குகள் கிடைக்கும்.கடந்த பேரவைத் தேர்தலில் அதிமுக, திமுக இரு கட்சிகளும் சம பலத்துடன் கூடிய வாக்கு விகிதத்தை பெற்றிருந்தன. சில தொகுதிகளில் 37 ஆயிரம் வாக்குகள் அதிகமாகவும், சில தொகுதிகளில் 30 ஆயிரம் வாக்குகள் குறைவாகவும் கிடைத்தன. 
இந்த முறை 6 தொகுதிகளிலும் அதிக வாக்குகள் கிடைக்கும். திருச்சி மக்களவைத் தொகுதி திமுக வசமாகும். இதுமட்டுமல்லாது தேர்தல் நேரத்தில் உள்ள சூழலும் வெற்றியை தீர்மானிக்கும். நமது தரப்பின் பலவீனத்தை அறிந்து எதிர்தரப்பினர் தேர்தல் களம் காணுவர். எனவே எச்சரிக்கையாக இருக்க வேண்டும் என்றார் நேரு.
கூட்டத்தில், தொகுதிப் பொறுப்
பாளர்கள் ஏ.கே.எஸ். விஜயன் ப. சச்சிதானந்தம், வடக்கு மாவட்ட செயலர் ந. தியாகராஜன், எம்எல்ஏ-க்கள் பெரியண்ணன் அரசு, அன்பில் மகேஷ் பொய்யாமொழி, சௌந்தரபாண்டியன் மற்றும் முன்னாள் எம்எல்ஏ-க்கள்,  நிர்வாகிகள் உள்ளிட்டோர் பங்கேற்றனர்.
கஜா புயல் பாதித்த பகுதிகளில் மக்களுக்குத் தேவையான அத்தியாவசிய பொருள்களை திமுக-வினர் சேகரித்து வழங்க வேண்டும் எனவும், நிவாரணத்தொகையை உயர்த்தி வழங்க தமிழக அரசு முன்வர வேண்டும் எனவும் தீர்மானம் நிறைவேற்றப்பட்டது.
 

]]>
http://www.dinamani.com/all-editions/edition-trichy/trichy/2018/nov/21/எந்தத்-தேர்தலாக-இருந்தாலும்-திமுக-வுக்கு-சாதகம்-3042820.html
3042819 திருச்சி திருச்சி தூய்மை இந்தியா திட்டத்தில் 4 ஆயிரம் தனிநபர் கழிப்பறை கட்டப்படும் DIN DIN Wednesday, November 21, 2018 09:23 AM +0530 தூய்மை இந்தியா திட்டத்தின் கீழ், திருச்சி மாநகராட்சியில் நிகழாண்டில் 4 ஆயிரம் தனிநபர் கழிப்பறைகள் கட்டப்படும் என்றார் மாநகராட்சி ஆணையர் ந.ரவிச்சந்திரன்.
திருச்சி மாநகராட்சி, கிராமாலயா, அலைகள் பெண்கள் கூட்டமைப்பு சார்பில் மாநகராட்சி மைய அலுவலகத்தில் செவ்வாய்க்கிழமை நடைபெற்ற உலக கழிப்பறை தின விழாவுக்குத் தலைமை வகித்து அவர் பேசியது:
இல்லம்தோறும் கழிவறைகள் தேவை என்பதன் அவசியத்தை உணர்த்துவதற்காகவே உலக கழிப்பறை தினம் கொண்டாடப்படுகிறது. திருச்சி மாநகராட்சியில் 450 பொது கழிப்பிடங்கள் கட்டப்பட்டு மகளிர் குழுக்கள் மற்றும் மாநகராட்சி நிர்வாகத்தால் பராமரிக்கப்பட்டு வருகிறது. இவைத்தவிர பள்ளிகளில் அமைக்கப்பட்டுள்ள 76 கழிப்பறைகளும் மாணவர்களின் சுகாதாரத்தை பேணும் வகையில் உரிய முறையில் பராமரிக்கப்பட்டு வருகிறது.
மத்திய, மாநில அரசுகள் இணைந்து தூய்மை இந்தியா திட்டத்தின் கீழ், தனிநபர் இல்ல கழிப்பிடங்களை ஊக்குவிக்கும் வகையில் மானியம் வழங்கி அனைத்து வீடுகளுக்கும் கட்டாய கழிப்பறை என்ற நிலையை உருவாக்கியுள்ளது.   திருச்சி மாநகராட்சியில் தூய்மை இந்தியா திட்டத்தின் கீழ் நிகழாண்டில் 4 ஆயிரம் தனிநபர் கழிப்பிடங்கள் கட்டப்படும் என்றார் அவர்.
இந்நிகழ்வில் மாநகரப் பகுதியில் கழிப்பறைகளை தூய்மையாக பராமரித்த 50 பணியாளர்களுக்கு பாராட்டுச் சான்றிதழ்கள் வழங்கப்பட்டன. நகரப் பொறியாளர் எஸ். அமுதவள்ளி, நகர் நல அலுவலர் ஜெகநாதன், கிராமாலயா தொண்டு நிறுவனத்தினர், மாநகராட்சி பணியாளர்கள், மகளிர் குழுக்கள் என ஏராளமானோர் பங்கேற்று, கைகளை தினமும் சோப்பு கொண்டு சுத்தம் செய்ய உறுதிமொழியேற்றனர்.
 

]]>
http://www.dinamani.com/all-editions/edition-trichy/trichy/2018/nov/21/தூய்மை-இந்தியா-திட்டத்தில்-4-ஆயிரம்-தனிநபர்-கழிப்பறை-கட்டப்படும்-3042819.html
3042800 திருச்சி திருச்சி மின்சாரம் பாய்ந்து பெண் காயம்: மின்வாரியத்தை கண்டித்து பேருந்து சிறைபிடிப்பு, மறியல் DIN DIN Wednesday, November 21, 2018 09:16 AM +0530 திருச்சி மாவட்டம், மணப்பாறை அருகே அறுந்து கிடந்த மின் கம்பிகளில் சிக்கிய பெண் காயமடைந்து மருத்துவமனையில் அனுமதிக்கப்பட்டார். இதைத் தொடர்ந்து மின்வாரியத்தின் அலட்சியப் போக்கை கண்டித்து பொதுமக்கள் அரசுப் பேருந்தை சிறைபிடித்து மறியலில் ஈடுபட்டனர்.
மணப்பாறை அடுத்த பனந்தோப்பைச் சேர்ந்தவர் ரெஜினாமேரி. செவ்வாய்க்கிழமை காலை தனது வீட்டின் பின்பகுதியில் தோட்ட வேலையில் ஈடுபடிருந்த போது, அறுந்துகிடந்த மின் கம்பிகளில் சிக்கி காயமடைந்தார்.  இதையடுத்து அவரை அப்பகுதியிலுள்ளவர்கள் மீட்டு தனியார் மருத்துவமனையில் அனுமதித்தனர்.
மின் கம்பிகள் அறுந்து கிடந்ததைக் கூட அறியாமல் மின் விநியோகம் செய்த மின்வாரியத்தைக் கண்டித்து அப்பகுதி பொதுமக்கள் அரசுப் பேருந்தையும், சிற்றுந்தையும் சிறைபிடித்து, சாலையில் மரங்களை போட்டு  மறியலில் ஈடுபட்டனர். தகவலறிந்து அங்கு வந்த மணப்பாறை போலீஸார் பொதுமக்களிடம் பேச்சுவார்த்தையில் ஈடுபட்டு,பேருந்துகளை விடுவித்தனர்.
 

]]>
http://www.dinamani.com/all-editions/edition-trichy/trichy/2018/nov/21/மின்சாரம்-பாய்ந்து-பெண்-காயம்-மின்வாரியத்தை-கண்டித்து-பேருந்து-சிறைபிடிப்பு-மறியல்-3042800.html
3042799 திருச்சி திருச்சி நீதிமன்ற உத்தரவு: இடிக்கப்பட்ட ஆக்கிரமிப்பு சுற்றுச்சுவர் DIN DIN Wednesday, November 21, 2018 09:16 AM +0530 மணப்பாறை அருகே வீடுகளின் முன்பு நகராட்சியில் ஆக்கிரமிப்பு செய்து கட்டப்பட்ட சுற்றுச்சுவர் நீதிமன்ற உத்தரவின்பேரில் செவ்வாய்க்கிழமை இடிக்கப்பட்டது.
மணப்பாறை பொத்தமேட்டுப்பட்டியைச் சேர்ந்தவர்கள் சின்னத்தம்பி, வேளாங்கண்ணி. இவர்கள் வீட்டின் அருகில் நகராட்சிக்குச் சொந்தமாக 30,000 லிட்டர் கொள்ளவவு கொண்ட மேல்நிலை நீர்தேக்கத் தொட்டி உள்ளது.
இந்த நிலையில், கடந்த சில ஆண்டுகளுக்கு முன்பு நீர்தேக்கத் தொட்டியைச் சுற்றி நகராட்சி நிர்வாகம்  சுர்றுச்சுவர் எழுப்பியது.  தங்கள் குடியிருப்புகளை மறைத்து  நகராட்சி நிர்வாகம் ஆக்கிரமிப்பு செய்ததாகக் கூறி, மணப்பாறை முதன்மை மாவட்ட உரிமையியல் நீதிமன்றத்தில் சின்னத்தம்பி, வேளாங்கண்ணி வழக்குத் தொடர்ந்திருந்தனர். இந்த வழக்கை விசாரித்த நீதிபதி கே.எம்.கலையரசி, ஆக்கிரமிப்பு சுற்றுச்சுவரை இடிக்க உத்தரவிட்டார். இதன்படி, செவ்வாய்க்கிழமை காலை நீதிமன்ற ஆணை நிறைவேற்றும் அலுவலர் பி. முருகேசன் முன்னிலையில் காவல்துறையினர் பாதுகாப்புடன் சுற்றுச்சுவர் இடித்துத் தரைமட்டமாக்கப்பட்டது.
 

]]>
http://www.dinamani.com/all-editions/edition-trichy/trichy/2018/nov/21/நீதிமன்ற-உத்தரவு-இடிக்கப்பட்ட-ஆக்கிரமிப்பு-சுற்றுச்சுவர்-3042799.html
3042798 திருச்சி திருச்சி குடியிருப்புகளைப் பார்வையிட்ட எம்.எல்.ஏ. DIN DIN Wednesday, November 21, 2018 09:15 AM +0530 மணப்பாறை மேட்டுப்பட்டியில் கஜா புயலால் சேதமடைந்த குடியிருப்புகளை சட்டப்பேரவை உறுப்பினர் ஆர்.சந்திரசேகர் செவ்வாய்க்கிழமை பார்வையிட்டார்.
நாகையை கஜா புயல் கடந்த பின்னரும், அதன் வேகத்தின் காரணமாக புதுக்கோட்டை மாவட்டப் பகுதிகளிலும், மணப்பாறை பகுதிகளிலும் பெரும் சேதத்தை ஏற்படுத்தியது. 
மின்கம்பங்கள் சாய்ந்து விநியோகம் பாதிக்கப்பட்ட நிலையில் குடியிருப்புகளும், விவசாய விளைநிலங்களும் பெருமளவில் சேதமடைந்தன.  இப்பகுதிகளில் சீரமைப்புப் பணிகள் மேற்கொள்ளப்பட்டு வருகின்றன.
இந்த நிலையில், மேட்டுப்பட்டி, எப். கீழையூர் பகுதிகளில் சேதமடைந்த குடியிருப்புகளைப் பார்வையிட்ட மணப்பாறை சட்டப்பேரவை உறுப்பினர் ஆர். சந்திரசேககர் பொதுமக்களுக்கு ஆறுதல் கூறினார். தொடர்ந்து, கனிகள் உதிர்ந்து  சேதமடைந்து காணப்பட்ட எலுமிச்சை தோட்டங்களையும் பார்வையிட்டார், 
இதற்கு அரசிடமிருந்து நிவாரணம் பெற்றுத் தர நடவடிக்கை எடுக்கப்படும் என்றார் சட்டப்பேரவை உறுப்பினர் ஆர்.சந்திரசேகர்.  மணப்பாறை ஒன்றியச் செயலர் எம்.பி. வெங்கடாசலம், வட்டார வளர்ச்சி அலுவலர் மருதைதுரை உள்ளிட்டோர் ஆய்வின்போது உடனிருந்தனர்.

]]>
http://www.dinamani.com/all-editions/edition-trichy/trichy/2018/nov/21/குடியிருப்புகளைப்-பார்வையிட்ட-எம்எல்ஏ-3042798.html
3042796 திருச்சி திருச்சி கஜா புயல்: அமமுக, முகநூல் நண்பர்கள் மூலம் தஞ்சைக்கு நிவாரணப் பொருள்கள் DIN DIN Wednesday, November 21, 2018 08:58 AM +0530 கஜா புயலால் பாதிக்கப்பட்ட தஞ்சாவூர் மாவட்ட மக்களுக்கு உதவிடும் வகையில் அம்மா மக்கள் முன்னேற்றக் கழகத்தின் சார்பில் ரூ.5 லட்சம் மதிப்பிலான நிவாரணப் பொருள்கள் அனுப்பி வைக்கப்பட்டன.
அம்மா மக்கள் முன்னேற்றக் கழகத்தின் திருச்சி மாநகர் மாவட்டம் சார்பில்சேலைகள், வேட்டிகள், பிஸ்கட் பாக்கெட்டுகள், 2000 குடிநீர் பாட்டில்கள், கொசுவர்த்தி பெட்டிகள், ரஸ்க், ரூ.1 லட்சம் மதிப்பு உள்ள மருந்துகள் என மொத்தமாக ரூ 5 லட்சம் மதிப்பு உடைய பொருள்கள் அனுப்பி வைக்கப்பட்டன. 
தில்லைநகரிலுள்ள மாவட்ட அலுவலகத்தில் திங்கள்கிழமை இரவு நடைபெற்ற நிகழ்வில், மாவட்டச் செயலர் ஜெ.சீனிவாசன்  நிவாரணப் பொருள்களை அனுப்பி வைத்தார். இந்த நிகழ்வில், மாவட்ட அவைத் தலைவர் ராமலிங்கம், நிர்வாகிகள் ஜோதிவாணன், ராமமூர்த்தி உள்ளிட்டோர் பங்கேற்றனர்.
முகநூல் நண்பர்கள்... கஜா புயலால் பாதிக்கப்பட்ட மக்களுக்கு உதவிடும் வகையில் முகநூல் நண்பர்கள் இணைந்த அமைப்பான திருச்சி எய்ம் டூ ஹை டிரஸ்ட் சார்பில்,  செவ்வாய்க்கிழமை நிவாரணப் பொருள்கள் அனுப்பி வைக்கப்பட்டன.
உலகின் பல்வேறு பகுதிகளில் முகநூலில் நண்பர்களாக உள்ளவர்களால் உருவாக்கப்பட்டு, திருச்சி உறையூரை தலைமையிடமாகக் கொண்டு செயல்படும்  எய்ம்டூ ஹை டிரஸ்ட் சார்பில், கஜா புயலுக்கான நிவாரணப் பொருள்கள் சேகரிக்கப்பட்டன.
அரிசி, சர்க்கரை, பருப்பு, குடிநீர் பாட்டில்கள், நாப்கின்,ரவை, சேமியா மற்றும் மளிகைப் பொருள்கள் என ரூ.1.50 லட்சம் மதிப்புடைய  நிவாரணப் பொருள்கள் தஞ்சாவூர் மாவட்டம், பேராவூரணி, வடகாடு, திருச்சிற்றம்பலம், ஈச்சங்விடுதி, கீரகாடு, திட்டக்குடி ஆகிய கிராமங்களுக்கு அனுப்பி வைக்கப்பட்டு, அங்குள்ள 500 குடும்பங்களுக்கு நேரடியாக வழங்கப்பட்டன.
செவ்வாய்க்கிழமை காலை நடைபெற்ற நிகழ்வில், இந்த டிரஸ்ட்டின் நிறுவனர் ஆர். மோகன், செயலர் எஸ்.சிவா, பொருளாளர் பகவதிராஜ், துணைத் தலைவர் கோபாலகிருஷ்ணன், இணைச் செயலர் ஹேமலதா ராஜேஷ் உள்ளிட்டோர்  நிவாரணப் பொருள்களை அனுப்பி வைத்தனர்.
நிகழ்வில், செயற்குழு உறுப்பினர்கள் சண்முகம், இளஞ்செழியன், ஆசிப், சாதிக், ஹரி, சாந்தி உள்ளிட்டோர்பங்கேற்றனர். முதல் கட்டமாக நிவாரணப் பொருள்கள் அனுப்பப்பட்ட நிலையில், விரைவில்  அடுத்த கட்ட நிவாரணப் பொருள்களை பொதுமக்களுக்கு வழங்குவோம் என்றார் எய்ம் டூ ஹை டிரஸ்ட்டின் நிறுவனர் மோகன்.

]]>
http://www.dinamani.com/all-editions/edition-trichy/trichy/2018/nov/21/கஜா-புயல்-அமமுக-முகநூல்-நண்பர்கள்-மூலம்-தஞ்சைக்கு-நிவாரணப்-பொருள்கள்-3042796.html
3042795 திருச்சி திருச்சி கூட்டுறவுத்துறை மூலம் கந்துவட்டிக்கடன்கள் பெருமளவில் ஒழிப்பு: அமைச்சர் செல்லூர் கே.ராஜூ பேச்சு DIN DIN Wednesday, November 21, 2018 08:57 AM +0530 கூட்டுறவுத் துறை மூலம் தமிழகத்தில் கந்துவட்டிக்கடன்கள் பெருமளவில் ஒழிக்கப்பட்டிருக்கிறது என்றார் மாநிலக் கூட்டுறவுத் துறை அமைச்சர் செல்லூர் கே.ராஜூ, திருச்சி கலையரங்கம் புதிய திருமண மண்டப அரங்கில் செவ்வாய்க்கிழமை நடைபெற்ற  65 ஆவது அனைந்திந்திய  மாநில கூட்டுறவு வார நிறைவு விழாவில் பங்கேற்று,  148 பயனாளிகளுக்கு ரூ.4.65 கோடி மதிப்பிலான நலத்திட்ட உதவிகளை வழங்கி மேலும் அவர் பேசியது:
தமிழகத்தில் கூட்டுறவுத் துறை மூலம், 13.43 லட்சம் பேருக்கு  ரூ.1436.99 கோடி சிறுவணிகக் கடன்கள் வழங்கப்பட்டுள்ளன. இதன் மூலம் ஏழை, எளிய மக்கள் கந்துவட்டிக் கடன்களில் சிக்கித் தவித்திருக்கும் நிலை மாநிலம் முழுவதும் அகற்றப்பட்டுள்ளது.  தற்போது கூட்டுறவுச் சங்கங்கள் அனைத்தும் போற்றிப் பாதுகாக்கப்பட வேண்டிய நிலையில், பலருக்கும் பயன்படக்கூடிய அமைப்பாக மாறியிருக்கிறது.
கூட்டுறவுத்துறை  மூலமாக வட்டியில்லாக் கடனாக மட்டும் 19,325 விவசாயிகளுக்கு ரூ.117.56 கோடியும், மத்தியக் காலக் கடனாக  ரூ.13.06 கோடியும்  வழங்கப்பட்டுள்ளது.  திருச்சி மாவட்டத்தில் 8 கூட்டுறவு மருந்தகங்களும், 4 அம்மா மருந்தகங்களும் இயங்கி வரும் நிலையில், குறைந்த விலையில் மருந்துகள் விற்பனை செய்யப்படுகின்றன. பண்ணைப் பசுமைக் காய்கறிக்கடைகள் மூலம் 1735 மெட்ரிக் டன் அளவுக்கு ரூ.2. 69 கோடிக்கு விற்பனை செய்யப்பட்டுள்ளன.     கூட்டுறவுத் துறை நடத்தும் அம்மா மருந்தகங்கள், பண்ணைப் பசுமைக் காய்கறிகடைகள் மூலம் விலைவாசி கட்டுக்குள் கொண்டு வரப்பட்டுள்ளது என்றார் அமைச்சர் செல்லூர் ராஜூ.
கூட்டுறவுத் துறை சார்பில் நடத்தப்பட்ட பல்வேறு போட்டிகளில் வெற்றி பெற்றவர்களுக்கு சுற்றுலாத் துறை அமைச்சர் வெல்லமண்டி என்.நடராஜனும், மாநில அளவில் சிறந்த கூட்டுறவுச் சங்கங்களுக்குப் பாராட்டுகேடயங்களை பிற்படுத்தப்பட்டோர் மற்றும் சிறுபான்மையினர் நலத்துறை அமைச்சர் எஸ். வளர்மதியும் வழங்கினர்.
இந்த விழாவுக்கு மாவட்ட ஆட்சியர் கு.ராசாமணி தலைமை வகித்தார்.  கூட்டுறவு, உணவு மற்றும் நுகர்வோர் பாதுகாப்புத் துறை முதன்மைச் செயலர் தயானந்த கட்டாரியா, கூட்டுறவுச் சங்கங்களின் பதிவாளர் ரா.பழனிச்சாமி முன்னிலை வகித்தனர்.
மக்களவை உறுப்பினரும், திருச்சி புறநகர் மாவட்ட அதிமுக செயலருமான டி.ரத்தினவேல், சட்டப்பேரவை உறுப்பினர்கள் எம். பரமேசுவரி, செல்வராசு, மாவட்ட மத்தியக் கூட்டுறவு வங்கி மேலாண் இயக்குநர் மா. உமாமகேசுவரி, கூட்டுறவு விற்பனை இணையக் கூடுதல் பதிவாளர் ம. அந்தோனிசாமி,  கூட்டுறவு ஒன்றிய மேலாண் இயக்குநர் வ. குணசேகரன் உள்ளிட்டோர் விழாவில் பங்கேற்றனர்.
முன்னதாக, தமிழ்நாடு கூட்டுறவு ஒன்றியத்தின் கூடுதல் பதிவாளர் வெ. லட்சுமி வரவேற்றார். நிறைவில், திருச்சி மண்டலக் கூட்டுறவு சங்கங்களின் இணைப் பதிவாளர் கே.சி. ரவிச்சந்திரன் நன்றி கூறினார்.
 

]]>
http://www.dinamani.com/all-editions/edition-trichy/trichy/2018/nov/21/கூட்டுறவுத்துறை-மூலம்-கந்துவட்டிக்கடன்கள்-பெருமளவில்-ஒழிப்பு-அமைச்சர்-செல்லூர்-கேராஜூ-பேச்சு-3042795.html
3042794 திருச்சி திருச்சி பாஸ்போர்ட் விண்ணப்பிக்க பதிவு செய்தவர்களுக்கு மீண்டும் வாய்ப்பு DIN DIN Wednesday, November 21, 2018 08:57 AM +0530 பாஸ்போர்ட்டுக்கு  விண்ணப்பிக்க பதிவு செய்து, கஜா புயல் காரணமாக விண்ணப்பிக்க  முடியாத நிலை ஏற்பட்டதால், வேறு தேதிகளில் விண்ணப்பிக்கலாம் என திருச்சி பாஸ்போர்ட் அலுவலகம் அறிவித்துள்ளது.
திருச்சிமண்டல  பாஸ்போர்ட் அலுவலகத்தின் கீழ் திருச்சி, தஞ்சாவூரில் பாஸ்போர்ட் சேவை மையங்கள் செயல்பட்டு வருகின்றன. இந்த மையங்களில் மத்திய மண்டலத்துக்குள்பட்ட மாவட்டங்களைச் சேர்ந்தவர்கள் பாஸ்போர்ட் பெற விண்ணப்பிக்கலாம். இதைத் தவிர, பெரம்பலூர் உள்ளிட்ட மாவட்டங்களில் அஞ்சலகம் மூலமும் விண்ணப்பிக்க வசதி செய்யப்பட்டுள்ளது.
இந்த நிலையில், கஜா புயலால் டெல்டா மாவட்டங்கள் கடுமையாகப் பாதிக்கப்பட்டிருக்கும் நிலையில், பாஸ்போர்ட் விண்ணப்பிக்கப் பதிவு செய்து,  முடியாத நிலை ஏற்பட்டவர்களுக்கு வாய்ப்பை மண்டல பாஸ்போர்ட் அலுவலகம் வழங்கியுள்ளது.
இதுகுறித்து திருச்சி மண்டல பாஸ்போர்ட் அலுவலர் ஆர். ஆனந்த் வெளியிட்டுள்ள செய்திக்குறிப்பில் கூறியிருப்பது:
கஜா புயல் மற்றும் மழை காரணமாக நவம்பர் 16 ஆம் தேதிக்குப் பின்னர் பாஸ்போர்ட் விண்ணப்பிக்க பதிவு செய்தவர்கள் விண்ணப்பிக்க முடியாத நிலையில், அவர்கள் இணையதளத்திலேயே வேறு தேதிக்கு மாற்றிக் கொள்ள முடியும்.  ஏதேனும் 3 நாள்களை மாற்றிக் கொள்ளும் வசதி உள்ளதால் அதன்படி மாற்றிக் கொள்ளலாம்.
புயல் காரணமாக தொலைத்தொடர்பு வசதிகள் துண்டிக்கப்பட்டுள்ளதால்,  அவ்வாறு தேதியை மாற்றிக் கொள்ள முடியாதவர்கள் தங்கள் முன்பதிவு ஏ.ஆர்.என். சீட்டுடன் திருச்சி மரக்கடையிலுள்ள மண்டல பாஸ்போர்ட் அலுவலகத்துக்கு வந்து, தேதியை மாற்றிக் கொள்ளலாம். இதைத் தவிர,  டோக்கன் பெற்று குறிப்பிட்ட நாளில் விண்ணப்பிக்கவும் ஏற்பாடு செய்யப்பட்டுள்ளது.
டெல்டா பகுதியில் இயல்பு நிலை திரும்ப மேலும் சில நாள்கள் ஆகும் என்ற நிலை உள்ளதால், தேதி குறிப்பிடாமல் இந்த வசதியை பொதுமக்கள் பெற நடவடிக்கை எடுக்கப்பட்டுள்ளதாகத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/trichy/2018/nov/21/பாஸ்போர்ட்-விண்ணப்பிக்க-பதிவு-செய்தவர்களுக்கு-மீண்டும்-வாய்ப்பு-3042794.html
3042793 திருச்சி திருச்சி பாரதிதாசன் பல்கலைக்கழக பருவத்தேர்வுகள் ஒத்திவைப்பு DIN DIN Wednesday, November 21, 2018 08:57 AM +0530 திருச்சி பாரதிதாசன் பல்கலைக்கழகத்தின் பருவத் தேர்வுகள் நவ.26ஆம் தேதிக்கு ஒத்தி வைக்கப்பட்டுள்ளன.
இதுகுறித்து பல்கலைக்கழகப் பதிவாளர் ஜி.கோபிநாத் வெளியிட்டுள்ள செய்திக்குறிப்பு: கஜா புயல் பாதிப்பு காரணமாக ஏற்கெனவே பருவத் தேர்வுகள் ஒத்தி வைக்கப்பட்டிருந்தன. இந் நிலையில், நவ.22ம் தேதி முதல் 24 ஆம் தேதி வரை தேர்வுகளை நடத்த பல்கலைக் கழகம் முடிவு செய்திருந்தது. இருப்பினும் பல்வேறு கல்லூரிகளில் இருந்து வரப்பெற்ற வேண்டுகோளின்படி  இந்த தேர்வுகள் நவம்பர் 26 ஆம் தேதிக்கு ஒத்திவைக்கப்பட்டுள்ளன. இதற்காக அறிவிக்கப்பட்ட கால அட்டவணையின்படி தேர்வுகள் நடைபெறும் என்று அவர் தெரிவித்துள்ளார்.
 

]]>
http://www.dinamani.com/all-editions/edition-trichy/trichy/2018/nov/21/பாரதிதாசன்-பல்கலைக்கழக-பருவத்தேர்வுகள்-ஒத்திவைப்பு-3042793.html
3042792 திருச்சி திருச்சி மணப்பாறையில் மூன்று இடங்களில் பொதுமக்கள் சாலை மறியல் DIN DIN Wednesday, November 21, 2018 08:56 AM +0530 திருச்சி மாவட்டம், மணப்பாறையில் கஜாபுயலால் பாதிக்கப்பட்ட தங்கள் பகுதிக்கு ஆய்வு செய்ய அதிகாரிகள் வரவில்லை,  மின் இணைப்பு  வழங்குவதில் மெத்தமனமாக செயல்படுவதாகக் கூறி மூன்று இடங்களில் பொதுமக்கள் செவ்வாய்க்கிழமை சாலை மறியலில் ஈடுபட்டனர்.
கஜா புயலால் மணப்பாறை கடுமையாகப் பாதிக்கப்பட்டுள்ள நிலையில்,  புயலால் பாதிப்படைந்த தங்கள் பகுதிகளை வருவாய்த் துறை அதிகாரிகள் ஆய்வு செய்யவில்லை எனவும், மின் இணைப்பு வழங்குவதில் மெத்தனமாக செயல்படுவதாகவும், இதனால் குடிநீர் கிடைக்கவில்லை எனக் கூறி, நகராட்சிப் பகுதிக்குள்ப்பட்ட பாரதியார் நகர், லட்சுமிபுரம், ஒன்றியத்துக்குள்பட்ட பிள்ளையார்கோயில்பட்டி பகுதிகளில் செவ்வாய்க்கிழமை பொதுமக்கள் சாலை மறியலில் ஈடுபட்டனர்.
இதுகுறித்து தகவலறிந்து அப்பகுதிகளுக்கு வந்த போலீஸார், பொதுமக்களிடம் பேச்சுவார்த்தையில் ஈடுபட்டு,  மின் இணைப்புகளை இரவுக்குள் வழங்கவும்,  லாரிகள் மூலம் குடிநீர் விநியோகம் செய்யவும் நடவடிக்கை எடுப்பதாக உறுதியளித்ததைத் தொடர்ந்து, மறியலை பொதுமக்கள் கைவிட்டு கலைந்து சென்றனர். மணப்பாறை நகரில் மட்டும் கடந்த 3 நாள்களில் 18 இடங்களில் மின்வாரியத்தை கண்டித்து பொதுமக்கள் சாலை மறியலில் ஈடுபட்டுள்ளனர் என்பது குறிப்பிடத்தக்கது.

]]>
http://www.dinamani.com/all-editions/edition-trichy/trichy/2018/nov/21/மணப்பாறையில்-மூன்று-இடங்களில்-பொதுமக்கள்-சாலை-மறியல்-3042792.html
3042791 திருச்சி திருச்சி மின்விபத்துக்குக்கான  காரணம் என்ன? அமைச்சர் பதில் DIN DIN Wednesday, November 21, 2018 08:56 AM +0530 திருச்சி அரசு மருத்துவமனையில் சிகிச்சை பெற்றுவரும் மின்வாரிய ஊழியர்கள் இருவரையும் தமிழக மின்துறை அமைச்சர் தங்கமணி,  செவ்வாய்க்கிழமை  பார்வையிட்டு, அவர்களுக்கு அளிக்கப்படும் சிகிச்சைகள் குறித்து மருத்துவர்களிடம் கேட்டறிந்தார். பிறகு அவர் செய்தியாளர்களிடம் கூறுகையில்,
புயலால் 4 மாவட்டங்களில் மின்சார கட்டமைப்பு முழுமையாக சேதமடைந்து, அவை போர்க்கால அடிப்படையில் சீரமைக்கப்பட்டு வருகிறது. மின்ஊழியர்கள் தங்களது உயிரை பணயம் வைத்து சீரமைப்புப் பணியில் ஈடுபட்டு வருகின்றனர்.  அப்பணியாளர்களுக்கு வேண்டுமென்றே சிலர் அழுத்தம் கொடுக்கும் வகையில் பேசுவதால், இதுபோன்ற சம்பவங்கள் ஏற்பட்டுவிடுகிறது.  இச்சம்பவத்தில் மின்சாரம் எதிர் திசையில் இருந்து வந்துள்ளது. அது எப்படி வந்தது என்பது குறித்து அதிகாரிகள் விசாரணை நடத்தி வருகின்றனர்.  இந்த விபத்தை பொறுத்தவரை தனியார் ஒருவர் ஜெனரேட்டரை இயக்கியதால் மின் விபத்து ஏற்பட்டுள்ளதாக கூறப்படுகிறது. விசாரித்து தவறாக இருந்தால் உரிய நடவடிக்கை எடுக்கப்படும். பொதுமக்களும் இப்பணிகளில் உள்ள சிரமங்களை புரிந்து ஒத்துழைப்பு அளிக்க வேண்டும்.
புயலால் மொத்தம் ஒரு லட்சத்துக்கும் மேற்பட்ட மின்கம்பங்கள் சேதமடைந்துள்ளன. 20 மின் கோபுரங்கள், 291 துணை மின் நிலையங்கள் பாதிக்கப்பட்டுள்ளன. இவற்றை சீரமைக்கும் பணியில், 21 ஆயிரத்து 461 பணியாளர்கள் ஈடுபட்டுள்ளனர். இன்னும் 55 துணை மின் நிலையங்கள் மட்டும் சீரமைக்க வேண்டியுள்ளது. அதே நேரத்தில், மின் கம்பங்கள் நடும் பணியும் நடந்து வருகிறது. நகரங்களைப் பொறுத்தவரையில், புதுக்கோட்டையில் 50 சதவீதமும், தஞ்சாவூரில் 98 சதவீதமும், திருவாரூரில் 60 சதவீதம், நாகையில் 95 சதவீதம் மின்சாரம் வழங்கப்பட்டுள்ளது. நகர்ப்புறங்களில் ஓரிரு நாள்களில் முழுமையாகவும், ஊரகப்பகுதியில் ஒரு வாரத்திலும் முழுமையாக மின்சாரம் கொடுக்கப்படும் என்றார்.  அப்போது, அமைச்சர்கள் வெல்லமண்டி என். நடராஜன்,  எஸ். வளர்மதி,  ஆட்சியர் கு. ராசாமணி, மாநிலங்களவை உறுப்பினர் டி. ரத்தினவேல் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/trichy/2018/nov/21/மின்விபத்துக்குக்கான--காரணம்-என்ன-அமைச்சர்-பதில்-3042791.html
3042248 திருச்சி திருச்சி மணப்பாறையில் 8  இடங்களில் மக்கள் மறியல்: மின்வசதி, குடிநீரின்றி தவிப்பு DIN DIN Tuesday, November 20, 2018 08:57 AM +0530 திருச்சி மாவட்டம் மணப்பாறையில் புயல் பாதிப்பு பகுதிகளை வருவாய்த் துறை அதிகாரிகள் ஆய்வு செய்ய வரவில்லை, மின் இணைப்பு, குடிநீர் கூட கிடைக்கவில்லை எனக்கூறி திங்கட்கிழமை கோவில்பட்டி சாலையில் பொதுமக்கள் மறியலில் ஈடுபட்டனர்.
மணப்பாறை நகராட்சிக்குள்பட்ட 12, 13, 14 மற்றும் 15 ஆகிய வார்களில் உள்ள பொதுமக்கள் புயல் சீரமைப்பு பணியில் அதிகாரிகள் மெத்தனமாக செயல்படுவதாகக் கூறி கோவில்பட்டி சாலையில் மறியலில் ஈடுபட்டனர். தகவலறிந்து சம்பவ இடத்துக்கு வந்த நகராட்சி பொறியாளர் மனோகரனிடம் வாக்குவாதத்தில் ஈடுபட்டனர். தகவலறிந்து சம்பவ இடத்துக்கு வந்த காவல் துணை கண்காணிப்பாளர் ஆசைத்தம்பி பொதுமக்களிடம் பேச்சுவார்த்தை நடத்தியதில் மறியல் கைவிடப்பட்டது. 
இதேபோல் மணப்பாறை காமராசர் சிலை, மதுரை ரோடு, ஜெஜெ நகர், சொக்கலிங்கபுரம், பாரதியார் நகர், ரெட்டியப்பட்டி, மஸ்தான் தெரு ஆகிய பகுதிகளிலும் மின் இணைப்புகள், குடிநீர் கிடைக்கவில்லை எனக் கூறி பொதுமக்கள் ஆங்காங்கே சாலை மறியலில் ஈடுபட்டனர்.
புயல் முடிந்து 4  நாட்கள் ஆகியும் மணப்பாறை நகர்ப் பகுதியிலேயே 30 சதவீதம் மட்டுமே மின் இணைப்புகள் அளிக்கப்பட்டுள்ளதாகக் கூறப்படுகிறது. வெளிமாவட்டங்களில் இருந்து சுமார் 90-க்கும் மேற்பட்ட மின் ஊழியர்கள் மணப்பாறை பகுதிக்கு வரவழைக்கப்பட்டு பணிகள் நடைபெற்று வரும் நிலையில் பணிகள் முழுமையடையாததற்கு சரியான திட்டம் இல்லாததே காரணம் எனக் கூறப்படுகிறது. இந்நிலையில் கிராமப் புறங்களில் மின் விநியோகம் கிடைக்க குறைந்தபட்சம் ஒரு வாரம் ஆகும் எனத் தெரிகிறது.


 

]]>
http://www.dinamani.com/all-editions/edition-trichy/trichy/2018/nov/20/மணப்பாறையில்-8--இடங்களில்-மக்கள்-மறியல்-மின்வசதி-குடிநீரின்றி-தவிப்பு-3042248.html
3042247 திருச்சி திருச்சி துறையூர் சிவன் கோயிலில் 108 சங்காபிஷேகம் DIN DIN Tuesday, November 20, 2018 08:57 AM +0530 துறையூர் சிவன் கோயிலில் கார்த்திகை மாத சோம வாரத்தை முன்னிட்டு 108 சங்காபிஷேகம் நடைபெற்றது. 
துறையூர் ஆத்தூர் சாலையில் இந்து சமய அறநிலையத் துறைக்குச் சொந்தமான அருள்மிகு சம்பத் கௌரி உடனுறை ஸ்ரீ நந்திகேஸ்வரர் சிவன் கோயில் உள்ளது. 
இங்கு கார்த்திகை மாதம் முதல் திங்கள்கிழமை(நவ.19)யையொட்டி மூலவர் நந்திகேஸ்வரருக்கும், அம்பாளுக்கும்  பல்வேறு பொருள்களைக் கொண்டு சிறப்பு அபிஷேகம் நடைபெறுவது வழக்கம்.  நீர் நிரப்பப்பட்ட கலசம் மற்றும் 108 சங்குகள் முன்பு கோயில் குருக்கள் அமர்ந்து முறைப்படி மந்திரங்கள் ஓதினர். அதன் பின்னர் மூலவருக்கு சங்கு அபிஷேகம் நடைபெற்றது. மூலவருக்கு புது வஸ்திரம் சாற்றி மகா தீபாரதனை நடைபெற்றது. 
இதில், திரளான பக்தர்கள் பங்கேற்று தரிசனம் செய்தனர். அனைவருக்கும் பிரசாதம் வழங்கப்பட்டது.

]]>
http://www.dinamani.com/all-editions/edition-trichy/trichy/2018/nov/20/துறையூர்-சிவன்-கோயிலில்-108-சங்காபிஷேகம்-3042247.html
3042246 திருச்சி திருச்சி திருச்சியில் மீண்டும் மழை DIN DIN Tuesday, November 20, 2018 08:57 AM +0530 திருச்சி மாநகரம் மட்டுமின்றி மாவட்டம் முழுவதும் பரவலாக தொடர்ந்து நல்ல மழை பெய்து வருகிறது. மாவட்டம் முழுவதும் திங்கள்கிழமை காலை நிலவரப்படி 60.30 மி.மீ மழை பதிவாகியுள்ளது.
திங்கள்கிழமை காலையும், மாலையும் திருச்சி நகரம் மற்றும் மாவட்டத்தின் பல்வேறு பகுதிகளில் பரவலாக நல்ல மழை பெய்தது. மாலை 5 மணி முதல் இரவு வரை அவ்வப்போது விட்டுவிட்டு நகரின் பல்வேறு பகுதிகளில் லேசான மழை பெய்தது.
திங்கள்கிழமை காலை நிலவரப்படி மாவட்டத்தில் பதிவான மழையளவு (மி.மீ.):
லால்குடி- 1, புள்ளம்பாடி- 11.40, துறையூர்- 3, திருச்சி விமானநிலையம்- 1.90, திருச்சி நகரம்- 7, மருங்காபுரி- 12, நவலூர்குட்டப்பட்டு- 10, நந்தியாறுதலைப்பு- 2.40, கல்லக்குடி- 8.20, குப்பம்பட்டி 2, கோவில்பட்டி 2.20, தென்பரநாடு- 6, பொன்மலை- 12 மி.மீ என மாவட்டம் முழுவதும் மொத்தமாக 60.30 மி.மீ. மழை பதிவானது.

]]>
http://www.dinamani.com/all-editions/edition-trichy/trichy/2018/nov/20/திருச்சியில்-மீண்டும்-மழை-3042246.html
3042245 திருச்சி திருச்சி பள்ளி மாணவர்களுக்கான துணைத்தேர்வுகள் ரத்து: மண்டல துணை இயக்குநர் தகவல் DIN DIN Tuesday, November 20, 2018 08:56 AM +0530 செப்டம்பர், அக்டோபர் மாதத்தில் நடத்தப்படும் இடைநிலை,மேல்நிலைப் பள்ளிகளில் பயிலும் மாணவர்களுக்கான துணைத் தேர்வுகள் ரத்து செய்யப்பட்டுள்ளதாக அரசுத் தேர்வுகளுக்கான மண்டலத்துறை துணை இயக்குநர் கா.திருநாவுக்கரசு தெரிவித்துள்ளார். 
இதுகுறித்து அவர் திங்கள்கிழமை வெளியிட்டுள்ள செய்திக்குறிப்பு:  இடைநிலைக் கல்வி(எஸ்.எஸ்.எல்.சி) மேல்நிலைக்கல்வி முதலாமாண்டு (பிளஸ் -1) மற்றும் இரண்டாம் ஆண்டு (பிளஸ்-2)பொதுத்தேர்வு எழுதி தோல்வியுறும் மாணவர்களுக்கு (தனித் தேர்வர்கள்) செப்டம்பர் மற்றும் அக்டோபர் மாதத்தில் நடத்தப்படும் துணைத்தேர்வை ரத்து செய்து ஆணை வழங்கப்பட்டுள்ளது.
 தற்போதுள்ள நடைமுறைப்படி மார்ச்,ஏப்ரல் மாதத்தில் நடத்தப்படும் பருவத் தேர்வை பள்ளியிலும், தனித்தேர்வராகவும் எழுதி தேர்ச்சி பெறாதவர்களுக்கு மட்டும் ஜூன், ஜூலை சிறப்பு உடனடி தேர்வெழுத அனுமதி வழங்கப்பட்டுள்ளது.
இக்குறிப்பிட்ட அரசாணையின்படி செப்டம்பர், அக்டோபர் மாதத்தில் நடத்தப்படும் துணைத் தேர்வுகள் ரத்து செய்யப்பட்டுள்ளதால் ஜூன், ஜூலை 2019 முதல் மார்ச் பருவத்தில் நடத்தப்படும் பொதுத்தேர்வுக்கு விண்ணப்பிக்கத் தவறிய தனித்தேர்வர்களும் விண்ணப்பித்து பயன் பெறலாம். அதே போல ஜூன், ஜூலை மாதத்தில் நடத்தப்படும் இடைநிலைக்கல்வி மற்றும் மேல்நிலைக்கல்வி முதலாம் ஆண்டு மற்றும் இரண்டாம் ஆண்டு உடனடி சிறப்புத் துணைத் தேர்விற்கு விண்ணப்பித்தும் தேர்வு எழுதலாம் எனவும் அச்செய்திக்குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/trichy/2018/nov/20/பள்ளி-மாணவர்களுக்கான-துணைத்தேர்வுகள்-ரத்து-மண்டல-துணை-இயக்குநர்-தகவல்-3042245.html
3042244 திருச்சி திருச்சி பாதிக்கப்பட்ட பகுதிகளுக்கு ரயில் மூலம் தண்ணீர்  வழங்கக் கோரிக்கை DIN DIN Tuesday, November 20, 2018 08:56 AM +0530 தமிழகத்தில் புயலால் பாதிக்கப்பட்ட பகுதிகளுக்கு ரயில் மூலம் தண்ணீர் வழங்க வேண்டும் என பட்டுக்கோட்டை - தஞ்சாவூர் சந்திப்பு ரயில்பாதை கோரிக்கைக்குழு செயலாளர் கோ.சுந்தரவல்லி புகழேந்தி கோரிக்கை விடுத்துள்ளார்.
இதுகுறித்து அவர் விடுத்துள்ள செய்திக் குறிப்பு: புயலால் பாதிக்கப்பட்ட டெல்டா மாவட்டங்களில் பட்டுக்கோட்டை திருத்துறைப்பூண்டி சந்திப்பு இடையேயான பகுதிக்கு திருச்சி கோட்ட ரயில்வே சார்பில், தன்னார்வலர்கள் மற்றும்  அலுவலர் தொழிலாளர்கள் அடங்கிய மீட்பு, நிவாரணக்குழுவை அனுப்ப திட்டமிட்டுள்ளதற்கு நன்றியை பாராட்டுதலையும் தெரிவித்துக் கொள்கிறோம்.  மேலும் புயலால் பாதிக்கப்பட்ட பகுதிகளுக்கு காரைக்குடி- பட்டுக்கோட்டை- திருத்துறைப்பூண்டி ரயில் பாதையில் சிறப்பு ரயிலை இயக்கி குடிநீர் வழங்க  நடவடிக்கை எடுக்க வேண்டும். 
தஞ்சாவூர் பகுதியில் இருந்தும், புதுக்கோட்டையிலிருந்தும்  உள் கிராமங்களுக்கு உதவி, மீட்புப் பொருள்கள் கொண்டு செல்வதில் தேக்கநிலை ஏற்பட்டுள்ளது. எனவே, ரயில்வே துறை எடுக்கும் முயற்சிக்கு மக்கள் ஒத்துழைப்பு வழங்க வேண்டும்.
 

]]>
http://www.dinamani.com/all-editions/edition-trichy/trichy/2018/nov/20/பாதிக்கப்பட்ட-பகுதிகளுக்கு-ரயில்-மூலம்-தண்ணீர்-வழங்கக்-கோரிக்கை-3042244.html
3042243 திருச்சி திருச்சி திருமண வீட்டில் பூட்டை உடைத்து 63 பவுன் நகைகள் திருட்டு DIN DIN Tuesday, November 20, 2018 08:56 AM +0530 திருமண வீட்டில் கதவை உடைத்து 63 பவுன் நகைகளை திருடிச்சென்ற சம்பவம் குறித்து போலீஸார் விசாரணை மேற்கொண்டு வருகின்றனர்.
திருச்சி தில்லைநகர் 3 ஆவது குறுக்குத்தெருவைச் சேர்ந்தவர் கோ. தே. புலேந்திரன் (60). இவரது பேத்திக்கு மத்திய பேருந்து நிலையப் பகுதியில் உள்ள ஒரு திருமண மண்டபத்தில் திருமண நிகழ்ச்சி திங்கள்கிழமை நடைபெற்றது. இதனையடுத்து வீட்டில் அனைவரும் வீட்டை பூட்டிவிட்டு திருமண மண்டபத்திற்கு சென்றிருந்தனர். நண்பகல் 2.30 மணியளவில் புலேந்திரன் வீட்டுக்கு சென்றுள்ளார்.
அப்போது வீட்டின் பின்பக்க கதவு உடைக்கப்பட்டு, வீட்டினுள் பீரோவும் உடைக்கப்பட்டு அதிலிருந்த 63 பவுன் நகைகள் திருடப்பட்டிருந்தன. புகாரின் அடிப்படையில், தில்லைநகர் போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-trichy/trichy/2018/nov/20/திருமண-வீட்டில்-பூட்டை-உடைத்து-63-பவுன்-நகைகள்-திருட்டு-3042243.html
3042242 திருச்சி திருச்சி ஓவியப்போட்டியில் வெற்றி பெற்றவர்களுக்கு பரிசு வழங்கல் DIN DIN Tuesday, November 20, 2018 08:55 AM +0530 நூலக வார விழாவையொட்டி நடைபெற்ற ஓவியம் மற்றும் கதை சொல்லும் போட்டிகளில் வெற்றி பெற்றவர்களுக்கு பரிசு வழங்கும் நிகழ்ச்சி திருச்சியில் திங்கள்கிழமை நடைபெற்றது.
திருச்சி மாவட்ட பொது நூலகத்துறை -நூலக ஆணைக்குழுவின் கீழ் இயங்கும் உறையூர் ஊர்ப்புற நூலகத்தில் 51ஆவது தேசிய நூலக வாரவிழாவையொட்டி ஓவியப் போட்டிகள்  நடைபெற்றது.  
அதனைத் தொடர்ந்து போட்டியில் வெற்றிபெற்ற மாணவ, மாணவிகளுக்கு பரிசு வழங்கும் நிகழ்ச்சி திங்கள்கிழமை நடைபெற்றது. நிகழ்ச்சிக்கு வாசகர் வட்ட தலைவர் க.சுரேஷ் தலைமை வகித்தார்.  திருச்சி நகைச்சுவை மன்றச் செயலாளர் க. சிவகுருநாதன் சிறப்பு அழைப்பாளராக பங்கேற்று, வெற்றி பெற்றவர்களுக்கு பரிசுகளை வழங்கி சிறப்புரையாற்றினார்.  கவிஞர் தனலெட்சுமிபாஸ்கரன், கருத்தாக்கமிக்க நூல்களை நூலகர் விஜயலெட்சுமியிடம் வழங்கினார்.
 

]]>
http://www.dinamani.com/all-editions/edition-trichy/trichy/2018/nov/20/ஓவியப்போட்டியில்-வெற்றி-பெற்றவர்களுக்கு-பரிசு-வழங்கல்-3042242.html
3042241 திருச்சி திருச்சி அதிகாரிகளுடன் ஆட்சியர் ஆய்வு DIN DIN Tuesday, November 20, 2018 08:55 AM +0530 கஜா புயல் பாதிப்பு குறித்து வேளாண், வருவாய்த்துறை அதிகாரிகளுடன் ஆட்சியர் கு. ராசாமணி திங்கள்கிழமை ஆய்வு மேற்கொண்டார். 
மாவட்ட ஆட்சியரகத்தில் நடைபெற்ற கூட்டத்தில் ஆட்சியர் பேசுகையில்,  கஜா புயலால் சேதமடைந்த வேளாண் பயிர்கள் குறித்த விவரங்களை விடுபடாத வகையில் கணக்கெடுக்க அதிகாரிகளுக்கு உத்தரவிடப்பட்டுள்ளது என்றார்.  
நிகழ்ச்சியில்,  மாவட்ட வருவாய் அலுவலர் தா.சாந்தி, ஆட்சியரின் நேர்முக உதவியாளர்கள் (பொது) கோ.சிவருத்ரய்யா (பொது), சாந்தி (வேளாண்) வேளாண்துறை இணை இயக்குநர் பால்ராஜ்,  தோட்டக்கலைத்துறை உதவி இயக்குநர் கிருஷ்ணமூர்த்தி மற்றும் அனைத்து வட்டாட்சியர்கள் பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/20/அதிகாரிகளுடன்-ஆட்சியர்-ஆய்வு-3042241.html
3042240 திருச்சி திருச்சி புயல் சேதம்: அமைச்சர் 4ஆவது நாளாக ஆய்வு DIN DIN Tuesday, November 20, 2018 08:55 AM +0530 திருச்சி மாவட்டம் அந்தநல்லூர் ஒன்றியத்துக்கு உள்பட்ட வயலூரில் கஜா புயலால் சேதமடைந்த வாழைகளை அமைச்சர் எஸ்.வளர்மதி நான்காவது நாளாக திங்கள்கிழமையும் நேரில் பார்வையிட்டு ஆய்வு செய்தார்.
 திருச்சி மாவட்டம் அந்தநல்லூர் ஒன்றியம் வயலூரில் கஜா புயல் மழையினால் சேதமடைந்த வாழை சாகுபடியை கணக்கெடுக்கும் பணி நடைபெற்றது. இதனை பார்வையிட்டு, ஆய்வு செய்த அமைச்சர் எஸ்.வளர்மதி  கூறியது: திருச்சி மாவட்டத்தில் நவம்பர் 16 ஆம் தேதி கஜா புயல் மற்றும் தொடர் மழையினால் திருவெறும்பூர், அந்தநல்லூர்,லால்குடி, மண்ணச்சநல்லூர், மணிகண்டபுரம் ஆகிய ஒன்றியங்களில் வாழைகள் சேதமடைந்துள்ளன. மருங்காபுரி, மணப்பாறை, வையம்பட்டி ஆகிய பகுதிகளில் தென்னை மரங்களும், எலுமிச்சை செடிகளும் சேதமடைந்துள்ளன. மணப்பாறை பகுதியில் சாலையோரங்களில் இருந்த மரங்கள் முறிந்து விழுந்ததில் போக்குவரத்து பாதிக்கப்பட்டு உடனடியாக சீரமைக்கப்பட்டது. மணப்பாறை பகுதியில் கூட்டுக்  குடிநீர்த் திட்டத்தின் மூலம் குடிநீர்  வழங்குவதும் துண்டிக்கப்பட்டிருந்ததை சரி செய்து குடிநீர் வழங்கப்பட்டு வருகிறது.
       விவசாயிகள் நிலத்தில் யார் உழவு செய்து வருகிறார்களோ அவர்களுக்கு நிவாரண உதவித்தொகை கிடைக்க மாவட்ட நிர்வாகத்தின் சார்பில் நடவடிக்கை எடுக்கப்பட்டுள்ளது.சேதமடைந்த எந்த ஒரு விவசாய நிலமும் விடுபட்டு விடாமல் முழுமையாக கணக்கெடுக்கப்படும், அதே நேரத்தில் கணக்கெடுக்கும் பணியை நவம்பர் 22 ஆம் தேதிக்குள்  முடித்து அறிக்கை அளிக்க அதிகாரிகளுக்கு அறிவுறுத்தப்பட்டுள்ளதாக தெரிவித்தார்.
ஆய்வின் போது, மாவட்ட ஆட்சியர் கு. ராசாமணி, வேளாண்மைத்துறை இணை இயக்குநர் பால்ராஜ், மாவட்ட ஆட்சியரின் நேர்முக உதவியாளர்(வேளாண்மை)சாந்தி, தோட்டக்கலைத்துறை உதவி இயக்குநர் பத்மாவதி,விவசாயிகள் சங்கப் பிரதிநிதிகள் புலியூர் ஏ. நாகராஜன், சிவசூரியன், செல்வராஜ் மற்றும் விவசாயிகள் கலந்து கொண்டனர்.

]]>
http://www.dinamani.com/all-editions/edition-trichy/trichy/2018/nov/20/புயல்-சேதம்-அமைச்சர்-4ஆவது-நாளாக-ஆய்வு-3042240.html
3042239 திருச்சி திருச்சி கொப்பம்பட்டியில் நூலக வார விழா DIN DIN Tuesday, November 20, 2018 08:54 AM +0530 துறையூர் அருகே கொப்பம்பட்டி கிளை நூலகம், வாசகர் வட்டம் இணைந்து நூலகத்தில் நூலக வார விழா நிறைவு நாள் நிகழ்ச்சிகள் ஞாயிற்றுக்கிழமை நடத்தின.
நிகழ்ச்சிக்கு வாசகர் வட்டத் தலைவர் ப. அசோகன் தலைமை வகித்தார்.  வாசகர் வட்டச் செயலர் சி. மதிவாணன், அசோக் குமார் உள்ளிட்டோர் முன்னிலை வகித்தனர்.  பொறியாளர் சிவநாதன் புத்தகக் கண்காட்சியைத் தொடக்கி வைத்தார். நிகழ்ச்சியில், பள்ளி மாணவ மாணவிகளுக்கு பேச்சுப் போட்டிகள் நடத்தப்பட்டு வெற்றி பெற்ற தேவிஸ்ரீ, ஸ்ரீமதி, தனலட்சுமி, ஹேமலதா, தினேஷ்குமார் உள்ளிட்டோருக்கு பரிசுகள் வழங்கப்பட்டன. அரிமா சங்கத்தைச் சேர்ந்த 3 பேர் தலா ரூ. 1000 செலுத்தி நூலகப் புரவலராக இணைந்தனர். நிகழ்ச்சியில், வாசகர்கள், பள்ளி மாணவ மாணவிகள், ஆசிரியர்கள் பங்கேற்றனர். நூலகர்  சின்னம்மாள் நன்றி கூறினார்.
 

]]>
http://www.dinamani.com/all-editions/edition-trichy/trichy/2018/nov/20/கொப்பம்பட்டியில்-நூலக-வார-விழா-3042239.html
3042238 திருச்சி திருச்சி சிறைக் கைதிகளுக்கு காசநோய் கண்டறியும் முகாம் DIN DIN Tuesday, November 20, 2018 08:54 AM +0530 திருச்சி மாவட்டத்தில் உள்ள சிறைக் கைதிகளுக்கு நவ.19 ஆம் தேதி முதல்  டிசம்பர் 1ஆம் தேதி வரை  காசநோய் கண்டறியும் முகாம் நடைபெறுகிறது.
தேசிய காசநோய் ஒழிப்பு மையம், மாநில எய்ட்ஸ் கட்டுப்பாட்டு மையம் ஆகியவை இணைந்து திருச்சி மாவட்டத்தில் உள்ள சிறைச்சாலைகளில் கைதிகளுக்கு எய்ட்ஸ் மற்றும் காசநோய் உள்ளதா எனக் கண்டறிவதற்காக நடமாடும் சோதனைக்கூட வாகனத்தை தயார் செய்துள்ளது. இந்த வாகனத்தின் மூலம் மாவட்டம் முழுவதும் உள்ள கிளைச் சிறைகளில் கைதிகளுக்கு பரிசோதனை செய்யப்படவுள்ளது.  இந்த வாகனத்தை திங்கள்கிழமை இயக்கி வைத்து ஆட்சியர் கு.ராசாமணி கூறியது: திருச்சி மாவட்டத்தில் உள்ள கைதிகளுக்கு அந்தந்த சிறைச்சாலைகளுக்கே நேரில் சென்று காசநோய், எய்ட்ஸ் பரிசோதனை செய்யப்படவுள்ளது. திருச்சி மத்திய சிறைச்சாலையில் திங்கள்கிழமை முதல் நவ.27 ஆம் தேதி வரையும், மகளிர் சிறைச்சாலையில் நவ 28, ,29தேதிகளிலும், சங்கிலியாண்டபுரம், எம்.ஆர்.ஹோம், மன்னார்புரம், சுவாதா கிரசிலும், வி.என். நகரில் உள்ள குழந்தைகள் நல இல்லத்திலும்  பரிசோதனை செய்யப்படவுள்ளது. நவ.30ஆம் தேதி துறையூர், முசிறி, லால்குடி மற்றும் மணப்பாறை ஆகிய துணை சிறைச்சாலைகளில் உள்ள கைதிகளுக்கு பரிசோதனை மேற்கொள்ளப்படும் என்றார்.
 

]]>
http://www.dinamani.com/all-editions/edition-trichy/trichy/2018/nov/20/சிறைக்-கைதிகளுக்கு-காசநோய்-கண்டறியும்-முகாம்-3042238.html
3042237 திருச்சி திருச்சி மாநகராட்சி திருமண மண்டபத்தை திறக்கக் கோரி மனு DIN DIN Tuesday, November 20, 2018 08:54 AM +0530 ஓராண்டாக மூடப்பட்டுள்ள மாநகராட்சி திருமண மண்டபத்தை திறக்க வேண்டும் என வலியுறுத்தி பொன்மலைப்பட்டி பொதுமக்கள் மற்றும் தண்ணீர் அமைப்பின் நிர்வாகிகள் ஆட்சியரிடம் திங்கள்கிழமை மனு அளித்தனர்.
திருச்சி மாநகராட்சிக்குள்பட்ட 36 ஆவது வார்டில் உள்ள பொன்மலைப்பட்டி மாநகராட்சி திருமண மண்டபம் மராமத்து பணிக்காக கடந்த ஆண்டு டிசம்பர் மாதம் மூடப்பட்டது. மாநகரப் பகுதி மக்களுக்கு குறைந்த செலவில் திருமணம் நடத்த வசதியாக இருந்த மண்டபம் மூடப்பட்டதால் அதிக விலை கொடுத்து இதர திருமண மஹால்களுக்கு செல்வதில் ஏழை, எளிய, நடுத்தர மக்களுக்கு பெரிதும் நிதிச் சுமை ஏற்பட்டு வருகிறது.  எனவே, பணிகளை விரைந்து முடித்து விரைந்து பொதுமக்கள் பயன்பாட்டுக்கு திருமண மண்டபத்தை திறக்க வேண்டும் என அந்த மனுவில் தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/trichy/2018/nov/20/மாநகராட்சி-திருமண-மண்டபத்தை-திறக்கக்-கோரி-மனு-3042237.html
3042236 திருச்சி திருச்சி குறைதீர் கூட்டத்தில் ரூ.4.68 லட்சம் உதவி DIN DIN Tuesday, November 20, 2018 08:54 AM +0530 திருச்சி மாவட்ட ஆட்சியர் அலுவலகத்தில் திங்கள்கிழமை நடைபெற்ற குறைதீர் கூட்டத்தில் 51 பயனாளிகளுக்கு ரூ.4.68 லட்சத்தில் பல்வேறு நலத்திட்ட உதவிகள் வழங்கப்பட்டன.
திருச்சி மாவட்ட ஆட்சியர் அலுவலகத்தில் உள்ள கூட்டரங்கில் திங்கள்கிழமை மாவட்ட ஆட்சியர் கு.ராசாமணி தலைமையில் மக்கள் குறைதீர்க்கும் கூட்டம் நடைபெற்றது.
இக்கூட்டத்தில், மாற்றுத்திறனாளிகள் நலத்துறை சார்பில் மருங்காபுரியைச் சேர்ந்த மாணவிக்கு காதொலி கருவி வழங்கப்பட்டது. மேலும், ஒருங்கிணைந்த குழந்தை பாதுகாப்பு திட்டத்தின் கீழ் 46 மாணவர்களுக்கு கல்வி மற்றும் மருத்துவ உதவித் தொகையாக ரூ.4.10 லட்சம் வழங்கப்பட்டது. தேசிய அளவிலான சக்கர நாற்காலி கூடைப்பந்து விளையாட்டில் சிறப்பிடம் பெற்ற தொட்டியம், மின்னத்தம்பட்டியைச் சேர்ந்த ரமேஷுக்கு ரூ.15 ஆயிரம் ஊக்கத் தொகை வழங்கப்பட்டது. இதேபோல, 51 பயனாளிகளுக்கு மொத்தம் ரூ.4.68 லட்சம் மதிப்பில் நலத்திட்ட உதவிகள் வழங்கப்பட்டன.
இக் கூட்டத்தில், பல்வேறு கோரிக்கைகளுடன் கூடிய 400-க்கும் மேற்பட்ட மனுக்கள் பெறப்பட்டு உரிய அலுவலர்களிடம் ஒப்படைக்கப்பட்டது. மாவட்ட வருவாய் அலுவலர் தா. சாந்தி, தனித்துணை ஆட்சியர் பழனிதேவி, மாற்றுத்திறனாளிகள் நல அலுவலர் ரவிச்சந்திரன், மாவட்ட ஆதிதிராவிட நல அலுவலர் எஸ். நடராஜன் உள்ளிட்ட பல்வேறு துறை அலுவலர்கள் கலந்து கொண்டனர்.

]]>
http://www.dinamani.com/all-editions/edition-trichy/trichy/2018/nov/20/குறைதீர்-கூட்டத்தில்-ரூ468-லட்சம்-உதவி-3042236.html
3042235 திருச்சி திருச்சி சேதமடைந்த வாழைகளுடன் ஆட்சியர் அலுவலகத்தை விவசாயிகள் முற்றுகை DIN DIN Tuesday, November 20, 2018 08:53 AM +0530 கஜா புயலால் பாதிக்கப்பட்ட வாழைகளுடன் திருச்சி மாவட்ட ஆட்சியர் அலுவலகத்தை விவசாயிகள் திங்கள்கிழமை முற்றுகையிட்டு ஆர்ப்பாட்டத்தில் ஈடுபட்டனர்.
தமிழக ஏரி மற்றும் ஆற்றுப் பாசன விவசாயிகள் சங்கத்தின் சார்பில் நடைபெற்ற இந்த ஆர்ப்பாட்டத்துக்கு, சங்க மாநிலத் தலைவர் பூ. விசுவநாதன் தலைமை வகித்தார். மாநிலப் பொதுச் செயலர் வே. உலகநாதன், மாநில துணைத் தலைவர் சிவகாமி சேர்வை ஆகியோர் முன்னிலை வகித்தனர். இந்த ஆர்ப்பாட்டத்தில், செய்தியாளர்களிடம் மாநிலத் தலைவர் பூ. விசுவநாதன் கூறியது: கஜா புயலால் மாவட்டம் 5 ஆயிரம் ஏக்கரில் வாழைகள் நாசமாகியுள்ளது. ஒரு ஏக்கர் வாழைக்கு ரூ.80 ஆயிரம் வரை விவசாயிகள் செலவு செய்துள்ளனர். எனவே, புயலால் பாதிக்கப்பட்ட வாழைப் பயிர்களுக்கு ஏக்கருக்கு தலா ரூ.1 லட்சம் வழங்க வேண்டும். மாவட்டம் முழுவதும் புயல் பாதிப்புக்குள்ளான அனைத்து வகை பயிர்கள் குறித்து கணக்கெடுப்பு நடத்த வேண்டும். என்றார்.
இந்த ஆர்ப்பாட்டத்தில், சங்க மாநில செய்தி தொடர்பாளர் கோபிநாத், மாநில துணைச் செயலர் ஆர். சுப்பிரமணி, துணை அமைப்பாளர் ஆர். ராஜேந்திரன், உயர்நிலைக்குழு உறப்பினர் எம். ராஜு மற்றும் பாதிக்கப்பட்ட விவசாயிகள் என 100-க்கும் மேற்பட்டோர் கலந்து கொண்டனர். ஆர்ப்பாட்டத்தைத் தொடர்ந்து விவசாயிகள் அனைவரும் சேதமடைந்த வாழைகளுடன் ஆட்சியர் அலுவலகத்துக்குள் நுழைய முயன்றனர். போலீஸார் அவர்களை தடுத்து நிறுத்தியதால் இருதரப்புக்கும் இடையே வாக்குவாதம் ஏற்பட்டது. பின்னர், குறிப்பிட்ட சிலரை மட்டும் ஆட்சியரை சந்தித்து மனு அளிக்கச் செய்தனர். 
மனுவை பெற்றுக் கொண்ட ஆட்சியர் கு.ராசாமணி கூறுகையில், புயல் பாதிப்பு குறித்து மாவட்டம் முழுவதும் விரிவாக கணக்கெடுப்பு நடத்தப்படும். சேதமடைந்த பயிர்களுக்கு ஏற்ப அரசுக்கு உரிய பரிந்துரை அளித்து நிவாரணம் பெற்றுத்தரப்படும் என உறுதியளித்தார். இதையடுத்து விவசாயிகள் அனைவரும் கலைந்து சென்றனர்.

]]>
http://www.dinamani.com/all-editions/edition-trichy/trichy/2018/nov/20/சேதமடைந்த-வாழைகளுடன்-ஆட்சியர்-அலுவலகத்தை-விவசாயிகள்-முற்றுகை-3042235.html
3042234 திருச்சி திருச்சி ஸ்ரீரங்கம் கோயிலில் கைசிக ஏகாதசி விழா DIN DIN Tuesday, November 20, 2018 08:53 AM +0530 ஸ்ரீரங்கம் அருள்மிகு அரங்கநாதர் திருக்கோயிலில் திங்கள்கிழமை நடைபெற்ற கைசிக ஏகாதசி விழாவில் ஆயிரக்கணக்கான பக்தர்கள் கலந்து கொண்டு தரிசனம் செய்தனர். 
ஆண்டுதோறும் கார்த்திகை மாதத்தில் நடைபெறும் கைசிக ஏகாதசி விழா நிகழாண்டில் திங்கள்கிழமை காலை நடைபெற்றது. இதில், முதல் புறப்பாடாக நம்பெருமாள் காலை 10 மணிக்கு மூலஸ்தானத்தில் இருந்து புறப்பட்டு சந்தனு மண்டபத்திற்கு 10.30 மணிக்கு வந்து சேர்ந்தார். பின்னர் 11.30 மணி முதல் பிற்பகல் 1.30 மணி வரை திருமஞ்சனம்  கண்டருளினார். 
மாலை 5.30 மணிக்கு மேற்படி மண்டபத்திலிருந்து புறப்பட்டு 5.45 மணிக்கு மூலஸ்தானம் சென்று சேர்ந்தார் நம்பெருமாள். இரண்டாம் புறப்பாடு இரவு 8.30 மணிக்கு மூலஸ்தானத்திலிருந்து நம்பெருமாள் புறப்பட்டு 9 மணிக்கு அர்ச்சுன மண்டபத்துக்கு வந்து சேர்ந்தார். தொடர்ந்து 9.30 மணிமுதல் 11.30 மணி வரை நம்பெருமாளுக்கு 365 வஸ்திரங்கள் சமர்ப்பித்து, கற்பூர ஹாரத்தி அரையர் சேவையுடன் நடைபெற்றது. 
இதில் ஆயிரக்கணக்கான பக்தர்கள் கலந்து கொண்டு நம்பெருமாளை தரிசனம் செய்தனர். பின்னர் ஸ்ரீ பட்டர் சுவாமிகள் கைசிக புராணத்தை செவ்வாய்க்கிழமை அதிகாலை 2 மணி வரை வாசிக்கிறார். 
மேற்படி மண்டபத்திலிருந்து 5.15 மணிக்கு புறப்பட்டு மேல் படி வழியாக 5.45 மணிக்கு கட்டில் கற்பூர படியேற்ற சேவை நம்பெருமாள் கண்டருளுகிறார். 6 மணிக்கு மூலஸ்தானத்தை அடைகிறார் நம்பெருமாள். 
 ஏற்பாடுகளை கோயில் இணை ஆணையர் பொன்.ஜெயராமன் மற்றும் அறங்காவலர் குழுவினர் செய்திருந்தனர்.
 

]]>
http://www.dinamani.com/all-editions/edition-trichy/trichy/2018/nov/20/ஸ்ரீரங்கம்-கோயிலில்-கைசிக-ஏகாதசி-விழா-3042234.html
3042233 திருச்சி திருச்சி ரெங்கநாதருக்கு திருப்பதி கோயிலிலிருந்து வஸ்திர மரியாதை DIN DIN Tuesday, November 20, 2018 08:53 AM +0530 ஸ்ரீரங்கம் அருள்மிகு அரங்கநாதருக்கு திங்கள்கிழமை காலை கைசிக ஏகாதசி விழாவையொட்டி திருப்பதி கோயிலில் இருந்து கொண்டுவரப்பட்ட வஸ்திரங்கள், மங்களப் பொருள்கள் மற்றும் குடைகள் சமர்ப்பிக்கப்பட்டன.  
முகலாயர்கள் படையெடுப்பின்போது 40 ஆண்டுகள் ரெங்கநாதர் திருப்பதியில் எழுந்தருளி இருந்ததை நினைவு கூரும் விதமாக, கடந்த 2004 ஆம் ஆண்டு முதல் திருப்பதி கோயிலுக்கும், ஸ்ரீரங்கம் அரங்கநாதர் கோயிலுக்கும் இடையே மங்களப் பொருள்கள் பரிவர்த்தனை நடைபெற்று வருகிறது. 
ஸ்ரீரங்கம் கோயிலில் நடைபெறும் முக்கிய விழாவான கைசிக ஏகாதசி விழாவன்று திருப்பதி கோயிலிலிருந்து வஸ்திர மரியாதை பொருள்கள் வருவதும்,  அதற்கு நன்றி செலுத்தும் விதமாக ஒவ்வொரு ஆனி வாரஆஸ்தான தினத்தன்று வஸ்திர மரியாதை பொருள்கள் ஸ்ரீரங்கம் கோயிலிலிருந்து திருப்பதி கோயிலுக்கு சமர்பிக்கபடுவது வழக்கம். நிகழாண்டில் கைசிக ஏகாதசி விழா திங்கள் கிழமை நடைபெறுவதையொட்டி,  ஞாயிற்றுக்கிழமை இரவு திருப்பதி கோயிலிலிருந்து ஸ்ரீரங்கநாதர், மூலவர், உற்ஸவர், தாயார் (ஸ்ரீரங்கநாச்சியார்), ராமனுஜர் ஆகியோருக்கு வஸ்திரங்கள், மங்களப் பொருள்கள் மற்றும் குடைகள் ஆகியவற்றை திருப்பதி கோயில் நிர்வாக அதிகாரி அனில் குமார் சிங்கால், பொக்கிஷ பொறுப்பாளர் குருராஜன் ஆகியோர் தலைமையிலான குழுவினர் கொண்டு வந்தனர். 
இதனை முறைப்படி திங்கள்கிழமை காலை கோயிலில் உள்ள ரெங்கவிலாஸ மண்டபத்தில் இருந்து யானை ஆண்டாள் மீது வைத்து மேளதாளத்துடன் ஊர்வலமாக வந்து கருட மண்டபத்தின் வாயிலில் ஸ்ரீரங்கம் கோயில் இணை ஆணையர் பொன்.ஜெயராமன், கோயில் தலைமை அர்ச்சகர் சுந்தர் பட்டர், மற்றும் கோயில் கண்காணிப்பாளர் கிருஷ்ணண் ஆகியோரிடம்  ஒப்படைத்தனர்.

]]>
http://www.dinamani.com/all-editions/edition-trichy/trichy/2018/nov/20/ரெங்கநாதருக்கு-திருப்பதி-கோயிலிலிருந்து-வஸ்திர-மரியாதை-3042233.html
3042232 திருச்சி திருச்சி கார் -  அரசுப் பேருந்து மோதல்: ஒரே குடும்பத்தைச் சேர்ந்த 4 பேர் பலி DIN DIN Tuesday, November 20, 2018 08:53 AM +0530 திருச்சி மணிகண்டம் அருகே கார் டயர் வெடித்து அரசுப் பேருந்து மீது மோதிய விபத்தில் ஒரே குடும்பத்தைச் சேர்ந்த 4 பேர் உயிரிழந்தனர்.
தூத்துக்குடி மாவட்டம், ஏரல் அருகேயுள்ள சிறுத்தொண்டநல்லூரைச் சேர்ந்தவர் ரமேஷ் ரத்தினபாண்டியன் (43). இவரது மனைவி மேக்தலீன் ஷோபனா (40), தாய் சாந்தி (67), மகள் செரீன் (11), மகன் ஷியாம் (10).
இவர்கள் 5 பேரும், தூத்துக்குடியில் இருந்து காரில் சென்னைக்கு திங்கள்கிழமை புறப்பட்டுச் சென்றனர். காரை ரமேஷ் ரத்தினபாண்டியன் ஓட்டிவந்தார். திருச்சி - மதுரை தேசிய நெடுஞ்சாலையில் மணிகண்டம் அருகே அளுந்தூர் என்ற இடத்தில் வரும்போது காரின் முன்டயர் வெடித்து சாலையில் தாறுமாறாக ஓடி சாலையின் நடுவே இருந்த தடுப்புச் சுவரை தாண்டி எதிர்த்திசையில் வந்து கொண்டிருந்த அரசுப் பேருந்து மீது மோதியது. 
இந்த விபத்தில் சம்பவ இடத்திலேயே காரின் இடிபாடுகளுக்குள் சிக்கி மேக்தலீன் ஷோபனா, சாந்தி ஆகிய இருவரும் உயிரிழந்தனர். விபத்தைக் கண்ட அப்பகுதியினர் விரைந்து வந்து மீட்புப் பணி மேற்கொண்டனர். தகவலறிந்து சம்பவ இடத்துக்கு வந்த திருவெறும்பூர் டிஎஸ்பி சேகர், மணிகண்டம் போலீஸார் மீட்புப் பணிகளை துரிதப்படுத்தினர். மேலும், புதுகை மாவட்டத்தில் புயல் நிவாரணப் பணிகளுக்கு சென்றுகொண்டிருந்த அமைச்சர் எம்.ஆர். விஜயபாஸ்கரும், சம்பவ இடத்தில் தனது வாகனத்தை நிறுத்தி மீட்பு பணிகளுக்கு உதவினார். மாவட்டக் காவல் கண்காணிப்பாளர் ஜியாவுல் ஹக், திருச்சி அரசு மருத்துவமனை நிர்வாகத்தைத் தொடர்பு கொண்டு உதவிகளை விரைந்து வழங்க அறிவுறுத்தினார். மேலும், காயமடைந்தவர்களை ஆம்புலன்ஸில் ஏற்றி அரசு மருத்துவமனைக்கு அனுப்பி வைத்தார்.  ரமேஷ் ரத்தினபாண்டியன், செரீன் ஆகிய இருவரும் வழியிலேயே உயிரிழந்தது தெரியவந்தது.  ஷியாமிற்கு, தீவிர சிகிச்சை அளிக்கப்பட்டு வருகிறது. 
விசாரணையில், சென்னையில் உறவினர் துக்க நிகழ்ச்சிக்கு காரில் 5 பேரும் சென்றுகொண்டிருந்தது தெரியவந்தது. மணிகண்டம் போலீஸார் வழக்கு பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-trichy/trichy/2018/nov/20/கார்----அரசுப்-பேருந்து-மோதல்-ஒரே-குடும்பத்தைச்-சேர்ந்த-4-பேர்-பலி-3042232.html
3042231 திருச்சி திருச்சி புயலுக்கு பிறகு தமிழக அரசின் வேகம் குறைவு DIN DIN Tuesday, November 20, 2018 08:52 AM +0530 புயலுக்கு பிறகான தமிழக அரசின் நடவடிக்கைகளில் வேகம் குறைந்திருப்பதாக தேமுதிக பொருளாளர் பிரேமலதா குற்றம் சுமத்தினார்.
கஜா புயலால் பாதிக்கப்பட்ட பகுதிகளை பார்வையிடுவதற்காக திருச்சிக்கு திங்கள்கிழமை வந்திருந்த அவர், விமான நிலையத்தில் செய்தியாளர்களிடம் கூறியது: கஜா புயலால் டெல்டா மாவட்டங்களில் மிக பெரிய பாதிப்பு ஏற்பட்டுள்ளது. 
பாதிக்கப்பட்ட அனைத்து இடங்களுக்கும் தேமுதிக சார்பில் முடிந்த அளவு உதவிகள் வழங்கப்படுகிறது. தமிழக அரசின் செயல்பாடுகளை புயலுக்கு முந்தைய வேகத்தை தேமுதிக தலைவர் பாராட்டியிருந்தார். ஆனால், புயலுக்கு பிந்தைய அரசின் செயல்பாடுகள் மந்தநிலையிலேயே உள்ளது. பெரும்பாலான கிராமங்களுக்கு மின்சாரம் இல்லை. 
இதனால், குடிநீர், உணவு என அன்றாட வாழ்க்கைக்கு தேவையானவற்றை நிறைவேற்றிக் கொள்ள பெரிதும் சிரமப்படுகின்றனர். அமைச்சர்களே கிராமங்களுக்குள் செல்ல முடியாத நிலை உள்ளது. இந்த நேரத்தில் பொதுமக்களும் அரசுக்கு முழு ஒத்துழைப்பு அளித்து நிலைமையை சீர் செய்ய வேண்டும் என்றார் அவர்.
 

]]>
http://www.dinamani.com/all-editions/edition-trichy/trichy/2018/nov/20/புயலுக்கு-பிறகு-தமிழக-அரசின்-வேகம்-குறைவு-3042231.html
3042230 திருச்சி திருச்சி புயல் பாதிப்பை அரசியலாக்கக் கூடாது DIN DIN Tuesday, November 20, 2018 08:52 AM +0530 புயல் பாதிப்பை யாரும் அரசியலாக்கக் கூடாது எனவும், அனைத்துக் கட்சிகளும் இணைந்து களப்பணியாற்ற வேண்டும் என தமிழக பாஜக தலைவர் தமிழிசை சௌந்தரராஜன் தெரிவித்தார்.
புயல் பாதித்த பகுதிகளை பார்வையிட திங்கள்கிழமை வருகை தந்த அவர், திருச்சி விமான நிலையத்தில் செய்தியாளர்களிடம் கூறியது: கஜா புயலால் பாதிக்கப்பட்ட புதுக்கோட்டை, தஞ்சாவூர், திருவாரூர், நாகப்பட்டினம், வேதாரண்யம் உள்ளிட்ட டெல்டா பகுதி மக்களின் நியாயமான கோரிக்கைகளை அரசு உடனடியாக நிறைவேற்றி தர வேண்டும். புயல் பாதிப்பு சம்பவத்தை திமுக தலைவர் ஸ்டாலின் அரசியலாக்குவது கவலை அளிக்கிறது. பாதிக்கப்பட்ட மக்கள் செய்வது எதிர்ப்பு அல்ல. எதிர்பார்ப்பு. மத்திய அரசின் நிவாரணம் தமிழகத்துக்கு தேவைக்கேற்ப வழங்கப்படும். தொடர்ந்து நிவாரணம் கிடைக்க அனைத்து முயற்சிகளையும் செய்து வருகிறோம். தமிழக அரசின் செயல்பாடுகளை கணக்கிடுவதற்கான நேரம் இது கிடையாது. பரிதவிக்கும் மக்களை பரிவோடு அணுக வேண்டும் என்றார். புயல் நிவாரணம் குறித்த நடிகர்களின் செயல்பாடுகள் குறித்த கேள்விக்கு நடப்பது அரசியல், நடிப்பது அவர்களின் தொழில் என பதில் அளித்தார்.
தமிழக அரசு சிறப்பாக செயல்படுகிறது: பின்னர்,  புதுக்கோட்டை மாவட்டத்தில் புயலால் பாதிக்கப்பட்ட பகுதிகளை பார்வையிட்ட  அவர் செய்தியாளர்களிடம் கூறுகையில்,  புயல் மற்ற மாவட்டங்களை விடவும் அதிகமாக புதுக்கோட்டை மாவட்டத்தில் கோரத்தாண்டவம் ஆடியுள்ளது. மீட்புப் பணிகளில் தமிழக அரசு சிறப்பாக செயல்படுகிறது. மின் வாரிய ஊழியர்கள் வெளி மாவட்டங்களில் இருந்து வரவழைக்கப்பட்டு சீரமைப்புப் பணிகள் மேற்கொள்ளப்பட்டு வருகின்றன. மத்திய அரசு எதுவும் செய்யவில்லை என்று காங்கிரஸ் தலைவர் திருநாவுக்கரசர் கூறியிருப்பது கண்டிக்கத்தக்கது என்றார் அவர். 
பாதிப்புகளை பார்வையிட்டார்:  விராலிமலையில் வீடுகள் மற்றும் உறவினரை இழந்து தவிக்கும் குடும்பங்களைப் பார்வையிட வந்த தமிழிசை சௌந்தரராஜன், விராலிமலை தெற்கு தெருவில் சுவர் இடிந்து விழுந்து உயிரிழந்த சுதிர்குமார் மனைவி பரமேஸ்வரி(25)  வீட்டிற்குச் சென்று அவரது உறவினர்களுக்கு ஆறுதல் கூறியதோடு,  விரைவில் இழப்பீடு வழங்க தமிழக அரசுக்கு அழுத்தம் கொடுக்கப்படும் என்றார்.
பின்னர் புதிய பேருந்து நிலையம், கடைவீதி உள்ளிட்ட பகுதிகளில் பாதிக்கப்பட்ட பொதுமக்களிடம் இருந்து கோரிக்கை மனுக்கள் பெற்றார். இதில், விராலிமலை ஒன்றியத் தலைவர் ஏ. ராஜ்குமார், பொதுக்குழு உறுப்பினர் ஆர். பி. கென்னடி, எஸ். எம். சுந்தரம், சண்முகசந்தரம் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/20/புயல்-பாதிப்பை-அரசியலாக்கக்-கூடாது-3042230.html
3042229 திருச்சி திருச்சி டெல்டா பகுதிகளுக்கு மத்திய அரசு ரூ.5,000 கோடி வழங்க வேண்டும் DIN DIN Tuesday, November 20, 2018 08:52 AM +0530 கஜா புயலால் பாதிக்கப்பட்ட டெல்டா பகுதிகளுக்கு மத்திய அரசு ரூ.5 ஆயிரம் கோடி வழங்க வேண்டும் என தமிழக காங்கிரஸ் கமிட்டி தலைவர் சு. திருநாவுக்கரசர் வலியுறுத்தினார்.
கஜா புயலால் பாதிக்கப்பட்ட டெல்டா பகுதிகளை ஞாயிற்றுக்கிழமை பார்வையிட்டு, பொதுமக்களிடம் குறைகளை கேட்டறிந்த அவர், திருச்சிக்கு இரவு வந்து தங்கினார். பின்னர், திங்கள்கிழமை காலை திருச்சி புத்தூரில் உள்ள இந்திராகாந்தி சிலைக்கு மாலை அணிவித்து மரியாதை செலுத்தினார். இந்த நிகழ்ச்சியில், மாவட்டத் தலைவர்கள் ஜவஹர், கலை, கோவிந்தராஜன் உள்ளிட்ட நிர்வாகிகள் பலர் கலந்து கொண்டனர். பின்னர், செய்தியாளர்களிடம் திருநாவுக்கரசர் கூறியது: புயலுக்கு முந்தைய தமிழக அரசின் நடவடிக்கைகள் நன்றாக இருந்தன, ஆனால் புயலுக்குப் பிந்தைய நடவடிக்கைகள் திட்டமிடல் இல்லாமல் மெத்தனமாக செயல்பட்டிருப்பதை எடுத்துக் காட்டுகிறது. புயலால் பாதிக்கப்பட்ட 6 மாவட்டங்களில் பொதுமக்களுக்கு தேவையான அத்தியாவசிய பொருள்களை தமிழக அரசு ரேஷன்கடைகளில் சேமித்து வைத்திருந்தால் அவற்றை நிவாரணமாக வழங்கி தீர்வு கிடைத்திருக்கும்.  தமிழகத்தில் மிகப்பெரிய பாதிப்புகள் ஏற்பட்ட பிறகும் பிரதமரோ மத்திய அமைச்சர்களோ நேரில் வந்து பார்வையிட்டு பணிகளை முடுக்கிவிட்டு இருக்கலாம். புயல் பாதிக்கப்பட்டுள்ள மாவட்டங்களை பேரிடர் பாதிக்கப்பட்ட மாவட்டங்களாக அறிவிக்க வேண்டும். மாநில அரசு இதற்கு அழுத்தம் தரவேண்டும். மத்திய அரசானது பேரிடர் நிவாரண தொகையாக ரூ.5ஆயிரம் கோடியை உடனடியாக தமிழகத்திற்கு வழங்கவேண்டும். பாதிப்புக்குள்ளான பகுதிகளிலிருந்து மக்களுக்கான அத்தியாவசிய பொருள்கள் ஏதும் கிடைக்கப்பெறாதநிலையில் போராடுவதற்காக சாலைக்கு வருவது இயல்பானது தான். இது அரசாங்கத்தின் தவறு. இதில், பொதுமக்களை குற்றம்சாட்டுவது ஏற்றுக்கொள்ளமுடியாதது. அதேநேரம் போராடுபவர்களை கைதுசெய்வது என்பதும் ஏற்றுக்கொள்ள முடியாது. கைதானவர்களை விடுதலை செய்ய வேண்டும் என்றார் அவர்.

]]>
http://www.dinamani.com/all-editions/edition-trichy/trichy/2018/nov/20/டெல்டா-பகுதிகளுக்கு-மத்திய-அரசு-ரூ5000-கோடி-வழங்க-வேண்டும்-3042229.html
3041484 திருச்சி திருச்சி கஜா புயல் பாதிப்பு: வாழை, கரும்புக்கு அதிகளவில் இழப்பீடு வழங்க வேண்டும் DIN DIN Monday, November 19, 2018 03:48 AM +0530
கஜா புயல் பாதிப்பால் திருச்சி மாவட்டத்தில் சேதமடைந்த வாழைக்கு ஏக்கருக்கு ரூ.1 லட்சமும், கரும்புக்கு ரூ.50,000 மும் இழப்பீடாக வழங்க வேண்டும் என்று மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.
திருச்சியில் சனிக்கிழமை நடைபெற்ற இக்கட்சியின் மாநகர் மாவட்ட குழுக் கூட்டத்தில் இதற்கான தீர்மானம் நிறைவேற்றப்பட்டது.
கூட்டத்தில் நிறைவேற்றப்பட்ட இதர தீர்மானங்கள் : டெங்கு மற்றும் பன்றிக் காய்ச்சலுக்கான சிகிச்சைக்கு அரசு தலைமை மருத்துவமனைக்கு மட்டுமே செல்ல வேண்டிய நிலை உள்ளதால் மாநகராட்சியின் அனைத்து வார்டுகளிலும் நோய் கண்டறிவதற்கான முகாம்கள் அமைக்க வேண்டும்.கஜா புயல் காரணமாக மாவட்டத்தில் அந்தநல்லூர், மணிகண்டம், தொட்டியம், முசிறி, மண்ணச்சநல்லூர், லால்குடி வட்டாரங்களில் வாழைமரங்கள் கடுமையாக சேதமடைந்துள்ளன. அதோடு நெல், கரும்பு போன்ற பயிர்கள், தென்னை மரங்கள் முறிந்தும் கடுமையான பாதிப்பை அளித்துள்ளன. பல கிராமங்களில் வீடுகளும் சேதமடைந்துள்ளன.
எனவே மாவட்ட நிர்வாகம் உடனடியாக வாழை உள்ளிட்ட பயிர்கள், இடிந்த வீடுகள் பாதிப்பு குறித்து கணக்கெடுத்து உரிய நிவாரணத்தை இழப்பீடாக வழங்க வேண்டும். வீடுகளுக்குப் பாதிப்புக்கு ஏற்றவாறு இழப்பீடு வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்துக்கு மாவட்டச் செயற்குழு உறுப்பினர் கே.சி.பாண்டியன் தலைமை வகித்தார். மத்தியக் கட்டுப்பாட்டுக் குழு உறுப்பினர் எஸ். ஸ்ரீதர், மாநிலச் செயற்குழு உறுப்பினர் பி. செல்வசிங், மாநகர் மாவட்டச் செயலர் ஆர்.ராஜா மற்றும் மாவட்டச் செயற்குழு, மாவட்டக் குழு உறுப்பினர்கள் பங்கேற்றனர்.

 

]]>
http://www.dinamani.com/all-editions/edition-trichy/trichy/2018/nov/19/கஜா-புயல்-பாதிப்பு-வாழை-கரும்புக்கு-அதிகளவில்-இழப்பீடு-வழங்க-வேண்டும்-3041484.html
3041463 திருச்சி திருச்சி மலேசியா கடத்த முயன்ற ரூ.5.94 லட்சம் கரன்சி பறிமுதல் DIN DIN Monday, November 19, 2018 03:36 AM +0530
மலேசியாவுக்கு, கடத்த முயன்ற ரூ. 5.94 லட்சம் மதிப்பிலான வெளிநாட்டு கரன்சிகள் திருச்சி விமான நிலையத்தில் சனிக்கிழமை இரவு பறிமுதல் செய்யப்பட்டன.
திருச்சியிலிருந்து மலேசியா செல்லும் மலிண்டோ விமானம் சனிக்கிழமை இரவு புறப்படத் தயாராக இருந்தது. அதில் செல்லவிருந்த பயணிகளையும் அவர்களது உடைமைகளையும் சுங்கத் துறை அதிகாரிகள் சோதனை மேற்கொண்டனர்.
இதில் தஞ்சாவூரைச் சேர்ந்த ரெஜியா பானு சுபையர் (59) என்ற பெண்மணி தனது கைப்பையில் ரூ. 5.94 லட்சம் மதிப்பிலான வெளிநாட்டு பணத்தாள்களை (கரன்சிகள் - அமெரிக்க டாலர் 7,100 மற்றும் மலேசிய ரிங்கிட் 6,700 ) மறைத்து கடத்திச் செல்ல இருந்தது தெரியவந்தது. அவற்றை சுங்கத்துறை அதிகாரிகள் மீட்டு விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-trichy/trichy/2018/nov/19/மலேசியா-கடத்த-முயன்ற-ரூ594-லட்சம்-கரன்சி-பறிமுதல்-3041463.html
3041461 திருச்சி திருச்சி தமிழக அரசின் ஆய்வுக்குப் பின் மத்திய குழு வருகை குறித்து முடிவு DIN DIN Monday, November 19, 2018 03:36 AM +0530
கஜா புயல் பாதிப்பு குறித்து தமிழக அரசு ஆய்வு செய்த பிறகு மத்திய குழு வருவது குறித்து முடிவு செய்யப்படும் என்றார் மத்திய இணை அமைச்சர் பொன். ராதாகிருஷ்ணன்.
தூத்துக்குடியில் ஞாயிற்றுக்கிழமை அவர் அளித்த பேட்டி: கப்பலோட்டிய தமிழன் வ.உ.சி.யின் அப்பழுக்கற்ற தேசபக்தியை பின்பற்றும் வகையில், அந்த மூலமந்திரத்தை எடுத்து பிரதமர் மோடி தலைமையிலான பாஜக அரசு செயல்பட்டு வருகிறது. கன்னியாகுமரியில் இருந்து தொடங்கி தூத்துக்குடி, ராமேசுவரம் வழியாக சென்னை வரை சிறிய அளவிலான உள்நாட்டு படகுப் போக்குவரத்து தொடங்கப்பட உள்ளது. அதற்கான பணிகள் நடைபெற்று வருகிறது. தூத்துக்குடி வஉசி துறைமுகத்தை ஆழப்படுத்தும் பணி மீண்டும் ஆய்வு செய்யப்பட்டு வகுக்கப்பட்டுள்ளது. கஜா புயல் பாதித்த பகுதிகளை சில இடங்களுக்குச் சென்றேன். புயல் பாதித்த சில மணி நேரத்தில் பாதிக்கப்பட்ட மக்களுக்கு இருப்பிடம், உணவு, சுகாதாரம் என அனைத்து வசதிகளையும் அரசு உடனடியாக கவனித்துள்ளது. மாவட்ட ஆட்சியர்களுடன் மூத்த ஐஏஎஸ் அதிகாரிகள் ஒருங்கிணைந்த முயற்சியாக செயல்பட்டு உள்ளனர். மத்திய அரசும் 70 கப்பல்களை அனுப்பி கடலில் இருந்த மீனவர்கள் கரை திரும்ப ஏற்பாடு செய்தது. மத்திய, மாநில அரசுகளின் ஒருங்கிணைந்த முன்னேற்பாடு முயற்சி வெற்றி பெற்றுள்ளது.
கஜா புயலால் பாதிப்பு அதிகம்; சரிசெய்ய வேண்டியது ஏராளமாக உள்ளது. புயல் பாதிப்பு குறித்து தமிழக அரசு ஆய்வு செய்த பிறகு மத்திய குழு வருகை குறித்து முடிவு செய்யப்படும் என்றார் அவர்.
முன்னதாக, ஓட்டப்பிடாரத்தில் வஉசி நினைவு இல்லத்தில் உள்ள சிலைக்கும், தூத்துக்குடி வஉசி துறைமுகத்தில் உள்ள சிலைக்கும் பொன். ராதாகிருஷ்ணன் மாலை அணிவித்து மரியாதை செலுத்தினார்.

 

]]>
http://www.dinamani.com/all-editions/edition-trichy/trichy/2018/nov/19/தமிழக-அரசின்-ஆய்வுக்குப்-பின்-மத்திய-குழு-வருகை-குறித்து-முடிவு-3041461.html
3041460 திருச்சி திருச்சி அதிமுகவில் 1.25 லட்சம் உறுப்பினர்கள் புதிதாக சேர்ப்பு: எம்.பி. குமார் தகவல் DIN DIN Monday, November 19, 2018 03:36 AM +0530
திருச்சி மாநகர் மாவட்டத்தில் புதிதாக சுமார் 1.25 லட்சம் உறுப்பினர்கள் சேர்க்கப்பட்டுள்ளனர் என்றார் மக்களவை உறுப்பினரும் திருச்சி மாநகர் மாவட்ட அதிமுக செயலாளருமான ப. குமார்.
திருச்சி அதிமுக மாநகர் மாவட்ட அலுவலகத்தில் புதிய உறுப்பினர்களுக்கான அட்டை வழங்கும் நிகழ்ச்சி ஞாயிற்றுக்கிழை நடைபெற்றது. அதில், பங்கேற்று புதிய உறுப்பினர் அட்டைகளை வழங்கி எம்.பி.குமார் கூறுகையில், கட்சித் தலைமை அறிவிப்பிற்கிணங்க அதிகளவில் புதிய உறுப்பினர்களை சேர்க்கும் பணிகள் நடந்து வருகிறது. இது வரையில் சுமார் 1.25 லட்சம் உறுப்பினர்கள் சேர்க்கப்பட்டுள்ளனர். ஏற்கெனவே அறிவித்தபடி புதிய உறுப்பினர்களை அதிகளவில் சேர்க்கும் நிர்வாகிகளுக்கு பரிசுகள் வழங்கப்படும். ஜனவரியில் அது தொடர்பாக நடைபெறவுள்ள நிகழ்ச்சியில் பரிசுகள் வழங்கப்படும் என்றார். நிகழ்ச்சியின்போது, வழக்குரைஞர் ராஜ்குமார், அருள்ஜோதி, அய்யப்பன், பத்மநாதன், பாண்டி உள்ளிட்ட கட்சி நிர்வாகிகள் பலரும் பங்கேற்றனர்.

 

]]>
http://www.dinamani.com/all-editions/edition-trichy/trichy/2018/nov/19/அதிமுகவில்-125-லட்சம்-உறுப்பினர்கள்-புதிதாக-சேர்ப்பு-எம்பி-குமார்-தகவல்-3041460.html
3041459 திருச்சி திருச்சி கூட்டுறவு வார விழா மினி மாரத்தான்: ஏராளமானோர் பங்கேற்பு DIN DIN Monday, November 19, 2018 03:36 AM +0530
அனைத்திந்திய கூட்டுறவு வார விழாவையொட்டி திருச்சியில் ஞாயிற்றுக்கிழமை நடைபெற்ற மினி மாரத்தான் போட்டியில் ஏராளமானோர் பங்கேற்றனர்.
திருச்சி மாவட்டத்தில் 65ஆவது அனைத்திந்திய கூட்டுறவு வார விழா கடந்த 14 ஆம் தேதி தொடங்கியது. ஒவ்வொரு நாளும் ஒரு மையக் கருத்தைக் கொண்டு நிகழ்வுகள் நடத்தப்பட்டு வருகின்றன. இதன் ஒரு பகுதியாக, பிளாஸ்டிக் ஒழிப்பு, கொசு ஒழிப்பு மற்றும் சுற்றுப்புறத்தை தூய்மையாக வைத்துக் கொள்வது தொடர்பாகவும், பொதுமக்களிடம் விழிப்புணர்வை ஏற்படுத்தும் வகையிலும் மினி மாரத்தான் ஓட்டத்தை நடத்த கூட்டுறவுத் துறை முடிவு செய்திருந்தது. அதன்படி, திருச்சி தென்னூர் அண்ணாநகர் உழவர்சந்தை மைதானத்தில் ஞாயிற்றுக்கிழமை நடைபெற்ற மினி மாரத்தான் ஓட்டத்தில் கல்லூரி மாணவிகள், பெண்கள் ஏராளமானோர் பங்கேற்றனர். மாவட்ட ஆட்சியர் கு.ராசாமணி மாரத்தானை தொடக்கி வைத்தார்.
தென்னூர் உழவர்சந்தை மைதானத்தில் தொடங்கிய மாரத்தான் ஓட்டம் அண்ணாநகர்-நீதிமன்ற இணைப்புச் சாலை, நீதிமன்றம், பாரதிதாசன் சாலை, மாநகராட்சி வளாகம், தலைமை அஞ்சல் அலுவலகம், புதுக்கோட்டை சாலை, குட்ஷெட் மேம்பாலம், சேதுராமன்பிள்ளை காலனி, டிவிஎஸ் டோல்கேட் வழியாகச் சென்ற அண்ணா விளையாட்டரங்கத்தில் முடிவடைந்தது. ஒவ்வொரு பிரிவிலும் தேர்ந்தெடுக்கப்பட்டவர்களுக்கு மாநகரக் காவல் ஆணையர் முனைவர் அ. அமல்ராஜ் பரிசுகளை வழங்கினார்.
இந்த நிகழ்வுகளில், திருச்சி மண்டலக் கூட்டுறவுச் சங்கங்களின் இணைப் பதிவாளர் முனைவர் கே.சி. ரவிச்சந்திரன், ஆவின் பெருந்தலைவர் சி.கார்த்திகேயன், திருச்சி மாவட்ட மத்தியக் கூட்டுறவு வங்கியின் மேலாண் இயக்குநர் மா. உமாமகேசுவரி, மாவட்ட விளையாட்டு மற்றும் இளைஞர் நலன் அலுவலர் சி. புண்ணியமூர்த்தி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/trichy/2018/nov/19/கூட்டுறவு-வார-விழா-மினி-மாரத்தான்-ஏராளமானோர்-பங்கேற்பு-3041459.html
3041458 திருச்சி திருச்சி கஜா புயல் பாதிப்புபயிர்கள் சேதம்: ஆட்சியர் ஆய்வு DIN DIN Monday, November 19, 2018 03:35 AM +0530
திருச்சி மாவட்டத்தில், புயலால் சேதமடைந்த பயிர்களை மாவட்ட ஆட்சியர் கு. ராசாமணி ஞாயிற்றுக்கிழமை பார்வையிட்டார்.
அந்தநல்லுர், லால்குடி, மணிகண்டம், திருவெறும்பூர், மண்ணச்சநல்லுர் ஆகிய ஊராட்சி ஒன்றிப் பகுதியில் புயலால் சேதமடைந்த வாழை, கரும்பு, தென்னைகளை ஆய்வு செய்த ஆட்சியர், சேதம் குறித்த விவரங்களை கணக்கெடுப்பு பணி வருவாய், வேளாண்மை அதிகாரிகள், கிராம நிர்வாக அலுவலர் ஆகியோர் கொண்ட குழு மூலம் முடுக்கி விடப்பட்டுள்ளது.
இப்பணிகள் நவ.22 ஆம் தேதிக்குள் முடிக்கவும் உத்தரவிடப்பட்டுள்ளது. இவைதவிர குடிசை வீடுகள் மற்றும் ஓட்டு வீடுகள் சேதமான விவரங்களும் முழுமையாக சேகரிக்கவும் நடவடிக்கை எடுக்கப்பட்டுள்ளது என்றார். ஆய்வின்போது, லால்குடி வருவாய் கோட்டாட்சியர் ஆர்.பாலாஜி, வேளாண்மைத்துறை இணைஇயக்குநர் பால்ராஜ், தோட்டக்கலைத்துறை இணைஇயக்குநர் கிருஷ்ணமூர்த்தி, மாவட்டஆட்சியரின் நேர்முகஉதவியாளர் சாந்தி (விவசாயம்), மண்ணச்சநல்லுர் வட்டாட்சியர் என்.ராஜேஸ்கண்ணன் உள்ளிட்டோர் உடன் இருந்தனர்.
கிராமங்களில் அமைச்சர் ஆய்வு
மணப்பாறை, நவ. 18: கஜா புயலால் பாதிக்கப்பட்ட மணப்பாறை சுற்றுவட்டார கிராமங்களில் அமைச்சர் எஸ். வளர்மதி ஞாயிற்றுக்கிழமை ஆய்வு மேற்கொண்டார்.
மணப்பாறையில் ஸ்ரீரங்கம் சட்டப்பேரவைத் தொகுதிக்குள்பட்ட கண்ணுடையான்பட்டி, சித்தாந்தம், கே.பெரியப்பட்டி, சமுத்திரம், மொண்டிப்பட்டி, கலிங்கப்பட்டி மற்றும் தொப்பம்பட்டி ஆகிய 7 ஊராட்சிகளில் பிற்பட்டோர் மற்றும் சிறுபான்மையினர் நலத்துறை அமைச்சர் எஸ்.வளர்மதி ஞாயிற்றுகிழமை ஆய்வு மேற்கொண்டார்.
அப்போது கீழபூசாரிப்பட்டியில் பொதுமக்களின் குடிநீர் பற்றாக்குறை குறித்து கேட்டறிந்தார். அப்போது அவ்வழியே உணவகங்களுக்கு குடிநீர் கொண்டு சென்ற லாரியை மடக்கி பொதுமக்களுக்கு குடிநீர் வழங்க ஏற்பாடு செய்தார் அமைச்சர்.
மேலும், புயல் பாதிப்பு பகுதிகளில் போர்க்கால அடிப்படையில் சீரமைப்பு பணிகள் நடைபெற்றுவருவதாகவும், 24 மணி நேரத்தில் அனைத்து பகுதிகளுக்கும் முழுமையான மின் இணைப்பு மற்றும் குடிநீர் வழங்கப்படும் எனத் தெரிவித்தார். நிகழ்ச்சியில், அதிமுக மாவட்ட பொருளாளர் செல்வராஜ், அன்னை.கோபால், கூட்டுறவு சங்க தலைவர்கள் வீரமுத்து, செல்வம், ஏழுமலை, ராசு, சந்திரசேகர் ஆகியோர் உடனிருந்தனர்.

 

]]>
http://www.dinamani.com/all-editions/edition-trichy/trichy/2018/nov/19/கஜா-புயல்-பாதிப்புபயிர்கள்-சேதம்-ஆட்சியர்-ஆய்வு-3041458.html
3041457 திருச்சி திருச்சி மணப்பாறையில் 6 இடங்களில் பொதுமக்கள் மறியல் DIN DIN Monday, November 19, 2018 03:35 AM +0530
திருச்சி மாவட்டம், மணப்பாறையில் புயல் பாதிப்பு பகுதிகளை மக்களவை உறுப்பினர்கள், வருவாய்த் துறை அதிகாரிகள் ஆய்வு செய்ய வரவில்லை என்றும், மின் இணைப்பு தருவதில் வாரியம் மெத்தனமாக செயல்படுவதாகவும் கூறி ஞாயிற்றுக்கிழமை பொதுமக்கள் 6 இடங்களில் சாலை மறியலில் ஈடுபட்டனர்.
கஜா புயலால் மணப்பாறை முழுவதும் 1500 மின்கம்பங்கள், நூற்றுக்கணக்கான வீடுகள் சேதமடைந்தன. புயல் பாதிப்புகளை மக்களவை துணைத் தலைவர் மு. தம்பிதுரை, மாநிலங்களவை உறுப்பினர் டி.ரெத்தினவேல், சட்டப்பேரவை உறுப்பினர் ஆர். சந்திரசேகர், மாவட்ட ஆட்சியர் கு. ராசாமணி ஆகியோர் சனிக்கிழமை காலை நேரில் ஆய்வு மேற்கொண்டனர். அப்போது மணப்பாறை பகுதியை அடுத்த சீகம்பட்டி, உசிலம்பட்டி ஆகிய கிராமங்களில் அவர்கள் வரவில்லை என்றும், வருவாய்த் துறையினர் கூட நேரில் வந்து கணக்கீடு செய்யவில்லை என்றும், மின் இணைப்புகள், குடிநீர் விநியோகம் கிடைக்கவில்லை எனவும் கூறி, ஆத்திரமடைந்த அப்பகுதி மக்கள் உசிலைஊரணி அருகே விழுந்து கிடந்த மரங்களை சாலையில் போட்டு சாலை மறியலில் ஈடுபட்டனர். இச்சம்பவத்தில் மணப்பாறை - கோவில்பட்டி போக்குவரத்து சுமார் அரைமணி நேரம் பாதிக்கப்பட்டது. அவ்வழியே சென்ற ஆம்புலன்ஸ்களும் மறியலில் சிக்கிக் கொண்டது.
தகவலறிந்து சம்பவ இடத்துக்குவந்த காவல் ஆய்வாளர் மனோகர், வட்டார வளர்ச்சி அலுவலர் மருதைதுரை ஆகியோர் பொதுமக்களிடம் சமரசம் பேசி உறுதி அளித்தனர். இதையடுத்து, மறியலை கைவிட்டு பொதுமக்கள் கலைந்து சென்றனர். இதேபோல் மணப்பாறை காமராசர் சிலை, கோவில்பட்டி சாலை பஈஇஇ பேங்க் முன்புறம், பாரதியார் நகர், திண்டுக்கல் ரோடு, சேதுரத்தினபுரம் ஆகிய பகுதிகளிலும் மின் இணைப்புகள், குடிநீர் கோரி பொதுமக்கள் ஆங்காங்கே சாலை மறியலில் ஈடுபட்டனர்.

 

]]>
http://www.dinamani.com/all-editions/edition-trichy/trichy/2018/nov/19/மணப்பாறையில்-6-இடங்களில்-பொதுமக்கள்-மறியல்-3041457.html
3041455 திருச்சி திருச்சி திருச்சியிலிருந்து ரூ.11.72 லட்சம் நிவாரண பொருள்கள் அனுப்பி வைப்பு DIN DIN Monday, November 19, 2018 03:35 AM +0530 கஜா புயலால் பாதிக்கப்பட்ட நாகை, திருவாரூர் மாவட்ட மக்களுக்கு உதவி செய்திடும் வகையில் திருச்சி மாநகராட்சி சார்பில் ரூ.11.72 லட்சம் மதிப்புள்ள நிவாரணப் பொருள்கள் ஞாயிற்றுக்கிழமை அனுப்பி வைக்கப்பட்டன.
மாநகராட்சி வளாகத்தில் நடைபெற்ற இந்த நிகழ்வில் ஆணையர் ந.ரவிச்சந்திரன் நிவாரணப் பொருள்களைஅனுப்பி வைத்தார். இதில், குடிநீர் பாட்டில் 200 மில்லி, 1 லிட்டர், பால் பவுடர், பிஸ்கட், ரொட்டி, ரஸ்க், போர்வை, கைலி மற்றும் துண்டுகள், புடவை, 25 கிலோ அரிசி மூட்டை 48, 5 கிலோ அரிசி மூட்டை 150, 10 கிலோ அரிசி மூட்டை 5, பால் 200, 500 மில்லி, 1 லிட்டர், சோப்பு, பாய், மெழுகுவர்த்தி என 16 வகையான பொருள்கள் 23,418 எண்ணிக்கையில் அனுப்பப்பட்டன.
இந்த பொருள்கள் திருவாரூர் மாவட்ட ஆட்சியரகத்துக்கு கொண்டு செல்லப்பட்டு, அங்கிருந்து தேவைப்படும் பகுதிகளுக்கும், நாகை மாவட்டப் பகுதிகளுக்கும் அனுப்பி வைக்கப்படும் என்று மாநகராட்சி வட்டாரங்கள் தெரிவித்தன.

 

]]>
http://www.dinamani.com/all-editions/edition-trichy/trichy/2018/nov/19/திருச்சியிலிருந்து-ரூ1172-லட்சம்-நிவாரண-பொருள்கள்-அனுப்பி-வைப்பு-3041455.html
3041454 திருச்சி திருச்சி பாதிக்கப்பட்ட வாழை, கரும்புக்கு அதிகளவில் இழப்பீடு வழங்க வேண்டும் DIN DIN Monday, November 19, 2018 03:35 AM +0530
கஜா புயல் பாதிப்பால் திருச்சி மாவட்டத்தில் சேதமடைந்த வாழைக்கு ஏக்கருக்கு ரூ.1 லட்சமும், கரும்புக்கு ரூ.50,000 மும் இழப்பீடாக வழங்க வேண்டும் என்று மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.
திருச்சியில் சனிக்கிழமை நடைபெற்ற இக்கட்சியின் மாநகர் மாவட்ட குழுக் கூட்டத்தில் இதற்கான தீர்மானம் நிறைவேற்றப்பட்டது.
கூட்டத்தில் நிறைவேற்றப்பட்ட இதர தீர்மானங்கள்: டெங்கு மற்றும் பன்றிக் காய்ச்சலுக்கான சிகிச்சைக்கு அரசு தலைமை மருத்துவமனைக்கு மட்டுமே செல்ல வேண்டிய நிலை உள்ளதால் மாநகராட்சியின் அனைத்து வார்டுகளிலும் நோய் கண்டறிவதற்கான முகாம்கள் அமைக்க வேண்டும்.
கஜா புயல் காரணமாக மாவட்டத்தில் அந்தநல்லூர், மணிகண்டம், தொட்டியம், முசிறி, மண்ணச்சநல்லூர், லால்குடி வட்டாரங்களில் வாழைமரங்கள் கடுமையாக சேதமடைந்துள்ளன. அதோடு நெல், கரும்பு போன்ற பயிர்கள், தென்னை மரங்கள் முறிந்தும் கடுமையான பாதிப்பை அளித்துள்ளன. பல கிராமங்களில் வீடுகளும் சேதமடைந்துள்ளன.
எனவே மாவட்ட நிர்வாகம் உடனடியாக வாழை உள்ளிட்ட பயிர்கள், இடிந்த வீடுகள் பாதிப்பு குறித்து கணக்கெடுத்து உரிய நிவாரணத்தை இழப்பீடாக வழங்க வேண்டும். வீடுகளுக்குப் பாதிப்புக்கு ஏற்றவாறு இழப்பீடு வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்துக்கு மாவட்டச் செயற்குழு உறுப்பினர் கே.சி.பாண்டியன் தலைமை வகித்தார். மத்தியக் கட்டுப்பாட்டுக் குழு உறுப்பினர் எஸ். ஸ்ரீதர், மாநிலச் செயற்குழு உறுப்பினர் பி. செல்வசிங், மாநகர் மாவட்டச் செயலர் ஆர்.ராஜா மற்றும் மாவட்டச் செயற்குழு, மாவட்டக் குழு உறுப்பினர்கள் பங்கேற்றனர்.

 

]]>
http://www.dinamani.com/all-editions/edition-trichy/trichy/2018/nov/19/பாதிக்கப்பட்ட-வாழை-கரும்புக்கு-அதிகளவில்-இழப்பீடு-வழங்க-வேண்டும்-3041454.html
3041452 திருச்சி திருச்சி தடியூன்றி தாண்டுதல் போட்டியில் திருச்சி மாணவர் சிறப்பிடம் DIN DIN Monday, November 19, 2018 03:34 AM +0530
கடலூரில் அண்மையில் நடைபெற்ற குடியரசு தின தடகளப் போட்டிகளில், திருச்சி தேசியக் கல்லூரி மேல்நிலைப் பள்ளி பிளஸ் 2 மாணவர் ஏ. அபிஷேக் தடியூன்றி தாண்டுதல் போட்டியில் இரண்டாம் பெற்றார்.
பள்ளிக் கல்வித்துறை சார்பில் மாநிலஅளவிலான 61 ஆவது குடியரசு தின தடகளப் போட்டிகள் கடலூர் மாவட்டம், நெய்வேலி பாரதி விளையாட்டரங்கில் அண்மையில் நடைபெற்றது.
இதில் திருச்சி மண்டலத்தின் சார்பில் தடியூன்றி தாண்டுதல் போட்டியில் தேசியக் கல்லூரி பிளஸ் 2 மாணவர் ஏ. அபிஷேக் இரண்டாமிடம் பெற்றார். இந்த வெற்றியின் மூலம் தேசிய அளவிலான போட்டிக்கும் அவர் தகுதி பெற்றார்.
சிறப்பிடம் பெற்ற மாணவரை பள்ளிச் செயலர் எஸ். குஞ்சிதபாதம், தலைமையாசிரியர் வி. பாலசுப்பிரமணியன், உதவித் தலைமையாசிரியர் சி. ஸ்ரீதரன், உடற்கல்வி இயக்குநர் சி. கார்த்திகேயன், ஆசிரியர் சம்பத்குமார் ஆகியோர் வாழ்த்தினர்.

 

]]>
http://www.dinamani.com/all-editions/edition-trichy/trichy/2018/nov/19/தடியூன்றி-தாண்டுதல்-போட்டியில்-திருச்சி-மாணவர்-சிறப்பிடம்-3041452.html
3041451 திருச்சி திருச்சி நோயாளிகளுடன் மருத்துவர்கள் உரையாடுவது கட்டாயம் DIN DIN Monday, November 19, 2018 03:33 AM +0530
நோயாளிகளுக்கு சிகிச்சை அளிப்பதோடு மருத்துவரின் பணி முடிந்துவிடுவதில்லை. அந்த நோய் வராமல் தடுக்கும் விஷயங்களை ஏற்படுத்துவதும், நோயாளிகளுடன் மருத்துவர்கள் உரையாடுவதும் கட்டாயத் தேவையாகும் என்றார் சித்த மருத்துவர் கு. சிவராமன்.
திருச்சி மகாத்மாகாந்தி நினைவு அரசு மருத்துவமனையின் மூளை நரம்பியல் மருத்துவர் அ. வேணி எழுதிய மூளை என்னும் மூலவர்- பக்கவாதத்தையும் வெல்லலாம் என்ற நூலை ஞாயிற்றுக்கிழமை நடைபெற்ற விழாவில் வெளியிட்டு, மேலும் அவர் பேசியது: நூல் எழுதும் பழக்கமும், வாசிக்கும் பழக்கமும் குறைந்து வரும் நிலையில், பக்கவாதப் பாதிப்புகள், அதை தடுக்கும் முறைகள் குறித்த நூல் எழுதப்பட்டிருப்பது பாராட்டுக்குரியது. மருத்துவத்துறையில் அனைத்து நவீன வசதிகளும் இரண்டாம் நிலை நகரங்களுக்கும் வந்துவிட்டநிலையில், அடுத்த தலைமுறையைப் பாதுகாக்க வேண்டும் என்ற சூழல் நமக்கு இருக்கிறது. நோயாளிகளுக்கு சிகிச்சை அளிப்பதோடு மருத்துவரின் பணி முடிந்துவிட்டதாகக் கருதக்கூடாது நோயாளிகளுடன் மருத்துவர்கள் உரையாடுவது கட்டாயம் தேவையாகும் என்றார் சிவராமன்.
இந்த விழாவுக்கு, சென்னை மருத்துவக் கல்லூரி முதன்மைப் பேராசிரியர் ஏ.வி. சீனிவாசன் தலைமை வகித்தார். நூல் குறித்த கருத்துரையை அப்பல்லோ மருத்துவமனையின் தலைமை இருதய மருத்துவர் ந. செந்தில்குமார் எடுத்துரைத்து பேசினார். மூடநீக்கியல் மருத்துவர் எஸ். குமரேசபதி , மருத்துவர் பி.கலையரசன் ஆகியோரும் பேசினர். முதல் நூலைப் பெற்றுக் கொண்டு மாநகராட்சிஆணையர் ந.ரவிச்சந்திரன், தொழிலதிபர் டி.ஜி.பவானி சங்கர் ஆகியோர் பேசினர். கி.ஆ.பெ.விசுவநாதம் மருத்துவக் கல்லூரி முதல்வர் ஜி. அனிதா, மூளை நரம்பியல் மருத்துவர் கே.பானு, மாநகராட்சிப் பொறியாளர்எஸ். அமுதவள்ளி, நோய் குறியீட்டியல் மருத்துவர் ரெ. சிவஇளங்கோ ஆகியோர் பேசினர்.
நூலாசிரியர் மருத்துவர் அ.வேணிஏற்புரையாற்றினார். விழா நிகழ்வை திருச்சி நகைச்சுவை மன்றச் செயலர் க.சிவகுருநாதன் தொகுத்தளித்தார். மானஸமித்ரா வித்யாபீடத்தின் இயக்குநர் ஷீலாஜோஸ், சட்டப்பேரவை முன்னாள் உறுப்பினர் மல்லிகா சின்னசாமி, புறநகர் மாவட்ட மதிமுக செயலர் டி.டி.சி.சேரன், தமிழ்நாடு ஏஐடியுசி கட்டடத் தொழிலாளர் சங்க மாநிலத் துணைத் தலைவர் க.சுரேஷ் உள்ளிட்டோர் பங்கேற்றனர்.
முன்னதாக,பள்ளி முழு நலக்கல்வித் திட்டத்தின் முதன்மைக் கருத்தாளர் கவிஞர் மணமேடு குருநாதன் வரவேற்றார். இயற்கை மருத்துவர் டி. பிரீத்தி புஷ்கரிணி நன்றி கூறினார்.

 

]]>
http://www.dinamani.com/all-editions/edition-trichy/trichy/2018/nov/19/நோயாளிகளுடன்-மருத்துவர்கள்-உரையாடுவது-கட்டாயம்-3041451.html
3041450 திருச்சி திருச்சி ஊதிய முரண்பாடுகள்: டிச. 23 இல் உண்ணாவிரதம் இருக்க முடிவு DIN DIN Monday, November 19, 2018 03:32 AM +0530
இடை நிலை ஆசிரியர்களுக்கு ஊதிய முரண்பாடுகளைக் களைய வலியுறுத்தி, சென்னையில் டிச. 23 இல் குடும்பத்துடன் சாகும் வரை தொடர் உண்ணாவிரதம் நடத்த உள்ளதாக இடைநிலை பதிவு மூப்பு ஆசிரியர்கள் இயக்க மாநில பொதுச் செயலாளர் ஜே.ராபர்ட் தெரிவித்துள்ளார்.
திருச்சி மாவட்டம், சமயபுரம் நெ.1 டோல்கேட் பகுதியில் உள்ள தனியார் திருமண மண்டபத்தில் இடைநிலை பதிவு மூப்பு ஆசிரியர்கள் இயக்கம் மாநில அளவிலான மாவட்ட, வட்ட நிர்வாகிகள் கூட்டம் ஞாயிற்றுக்கிழமை நடைபெற்றது.
மாநில பொதுச் செயலாளர் ஜே.ராபர்ட் தலைமை வகித்து பேசியது: தமிழகத்தில் 2009 ம் ஆண்டு அமல்படுத்தப்பட்ட ஆறாவது ஊதியக்குழுவின்படி, ஊதிய முரண்களைக் களைய வலியுறுத்தி வரும் 25 ஆம் தேதி சென்னையில் ஒரு நாள் உண்ணாவிரதப் போராட்டம், 2 ஆம் கட்டமாக டிச. 4 ஆம் தேதி முதல் வேலைநிறுத்தப் போராட்டம் மற்றும் டிச. 23 இல் சென்னையில் மீண்டும் குடும்பத்துடன் சாகும் வரை உண்ணாவிரதம் நடத்த தீர்மானிக்கப்பட்டுள்ளது என்றார் அவர்.

 

]]>
http://www.dinamani.com/all-editions/edition-trichy/trichy/2018/nov/19/ஊதிய-முரண்பாடுகள்-டிச-23-இல்-உண்ணாவிரதம்-இருக்க-முடிவு-3041450.html
3041449 திருச்சி திருச்சி வ.உ.சி.சிலைக்கு கட்சியினர் மாலை அணிவித்து மரியாதை DIN DIN Monday, November 19, 2018 03:32 AM +0530  

சுதந்திரப் போராட்டத் தியாகி வ.உ.சிதம்பரனாரின் 82 ஆம் ஆண்டு நினைவு தினத்தையொட்டி திருச்சியிலுள்ள அவரது சிலைக்கு பல்வேறு அரசியல் கட்சியினர், அமைப்புகளைச் சேர்ந்தோர் ஞாயிற்றுக்கிழமை மாலை அணிவித்து மரியாதை செலுத்தினர்.
திருச்சி நீதிமன்றம் அருகிலுள்ள வ.உ.சி. சிலைக்கு அம்மா மக்கள் முன்னேற்றக் கழகத்தின் சார்பில் வடக்கு மாவட்டச் செயலர் ஆர். மனோகரன், மாநகர் மாவட்டச் செயலர் ஜெ.சீனிவாசன், மாநில அமைப்புச் செயலர் சாருபாலா ஆர்.தொண்டைமான் , கட்சி நிர்வாகிகள் சாத்தனூர் ராமலிங்கம் உள்ளிட்டோர் மாலை அணிவித்து மரியாதை செலுத்தினர் . காங்கிரஸ் கட்சி சார்பில் மாநகர் மாவட்டத் தலைவர் வி.ஜவஹர் தலைமையில் கட்சியினர் மாலை அணிவித்தனர். மதிமுக சார்பில் மாவட்டச் செயலர்கள் திருச்சி மாநகர் வெல்லமண்டி சோமு, புறநகர் டி.டி.சி. சேரன், பாஜக சார்பில் மாவட்டத் தலைவர் தங்க.ராஜய்யன் உள்ளிட்டோர் மாலை அணிவித்தனர்.
வெள்ளாளர் முன்னேற்றக் கழகத்தின் நிறுவனத் தலைவர் ஆர்.வி. ஹரிஹரூண், புதிய நீதிக்கட்சி மாநகர் மாவட்டத் தலைவர் பாலுப்பிள்ளை, அகில இந்திய வஉசி பேரவை பொதுச் செயலர் கிருஷ்ணமூர்த்தி, தமிழ்நாடு முத்தரையர் சங்க மாநிலப் பொதுச் செயலர் மரு.பாஸ்கரன் உள்ளிடேடோரும் மாலை அணிவித்தனர்.

 

]]>
http://www.dinamani.com/all-editions/edition-trichy/trichy/2018/nov/19/வஉசிசிலைக்கு-கட்சியினர்-மாலை-அணிவித்து-மரியாதை-3041449.html
3041392 திருச்சி திருச்சி காலமானார் வீ. காமராஜ் DIN DIN Monday, November 19, 2018 01:55 AM +0530
திருச்சி மாவட்டம், தொட்டியம் அருகே உள்ள மகேந்திரமங்கலத்தைச் சேர்ந்த அதிமுக கிளைச் செயலாளர் வீ. காமராஜ் (52) உடல்நலக்குறைவால் ஞாயிற்றுக்கிழமை காலமானார்.
இவர், தினமணி நாளிதழின் நாகை பதிப்பில் உதவி ஆசிரியராக பணிபுரியும் ஆர். தங்கராஜின் மாமா ஆவார். காமராஜின் இறுதிச்சடங்கு மகேந்திரமங்கலத்தில் திங்கள்கிழமை மாலை நடைபெறவுள்ளது. இவருக்கு விஜயா என்ற மனைவியும், 4 மகன்களும் உள்ளனர். தொடர்புக்கு: 83005 22864.

 

]]>
http://www.dinamani.com/all-editions/edition-trichy/trichy/2018/nov/19/காலமானார்-வீ-காமராஜ்-3041392.html
3041004 திருச்சி திருச்சி விரைவில் விண்வெளி சார்ந்து புதிய தொழில் கொள்கை DIN DIN Sunday, November 18, 2018 08:40 AM +0530 விண்வெளி சார்ந்து புதிய தொழில் கொள்கை விரைவில் வெளியிடப்படும் என தமிழக தொழில் துறை அமைச்சர் எம்.சி.சம்பத் தெரிவித்தார்.
இந்திய தொழில்கள் கூட்டமைப்பு (சிஐஐ), தமிழ்நாடு தொழில் வழிகாட்டி மற்றும் ஏற்றுமதி மேம்பாட்டு நிறுவனம் ஆகியவை இணைந்து உலகத் தொழில் முதலீட்டாளர்கள் மாநாடு-2019 குறித்த விழிப்புணர்வு கருத்தரங்கை திருச்சியில் சனிக்கிழமை நடத்தின. இக் கருத்தரங்கை தொடக்கி வைத்து அமைச்சர் எம்.சி. சம்பத் பேசியது: இந்தியாவிலேயே மிகப்பெரிய பொருளாதாரத்தை கொண்ட இரண்டாவது மாநிலமாக தமிழகம் உள்ளது. தொழில்மையமாக்கப்பட்ட மாநிலங்களின் வரிசையில் 3ஆவது இடத்தையும், தொழிற்சாலைகள் மற்றும் தொழிற்சாலை பணியாளர்களின் எண்ணிக்கையில் முதலிடத்தையும் பெற்றுள்ளது. 
பாதுகாப்புத்துறை சார்ந்த தளவாடங்களை உள்நாட்டிலேயே உற்பத்தி செய்வதற்காக சென்னை, திருச்சி, கோவை, சேலம், ஒசூர் நகரங்களை ஒருங்கிணைந்து தொழில் கூட்டமைப்பு மத்திய அரசு ஏற்படுத்தப்படவுள்ளது. இதன் தொடர்ச்சியாக தமிழக அரசும் விண்வெளி சார்ந்து புதிய தொழில் கொள்கையை உருவாக்கவுள்ளது. இதற்கு அச்சாரமாக ஒரகடத்தை அடுத்த வல்லம் - வடகால் சிப்காட் பகுதியில், ரூ. 198 கோடி மதிப்பீட்டில் வானூர்தி உதிரி பாகங்கள் தயாரிக்கும் தொழிற்பூங்காவுக்கு தமிழக முதல்வர் எடப்பாடி கே.பழனிசாமி அண்மையில் அடிக்கல் நாட்டினார். இந்த பூங்காவில் 9 தொழில் நிறுவனங்களுக்கு இடங்கள் ஒதுக்கீட்டுக்கான ஆணைகளும் வழங்கப்பட்டுள்ளன.
தமிழக அரசின் சிப்காட் மற்றும் டிட்கோ நிறுவனத்தின் சார்பில், 245 ஏக்கர் பரப்பளவில் அமைய உள்ள இந்த பூங்கா வளாகத்தில் முதல்கட்டமாக அமைய உள்ள வானூர்தி உதிரிபாகங்கள் உற்பத்தி செய்யும் 50 நிறுவனங்கள் தொழில் தொடங்க விருப்பம் தெரிவித்துள்ளன. இவற்றில் 20 நிறுவனங்கள் தங்களுக்கு இடம் ஒதுக்கீடு செய்ய கோரிக்கை வைத்துள்ளன. இதில் 9 நிறுவனங்கள் ரூ. 1,000 கோடி மதிப்பீட்டில் அமையவுள்ளன. அடுத்த நான்கு அல்லது ஐந்து ஆண்டுகளில் ரூ. 3,000 கோடி முதலீட்டில் பூங்கா விரிவுபடுத்தப்படும். இதன் மூலம் 10 ஆயிரம் பேருக்கு நேரடியாகவும், 25 ஆயிரம் பேருக்கு மறைமுகமாகவும் வேலைவாய்ப்பு வழங்கப்படும். இந்த பூங்காவில் விமான உதிரிபாக தயாரிப்பு நிறுவனங்கள் மட்டுமின்றி, விமானங்கள் பழுது பார்க்கும் வசதி வாய்ப்பும் ஏற்படுத்தப்பட உள்ளது. இதற்கென புதிய தொழில் கொள்கையை தமிழக அரசு விரைவில் வெளியிடவுள்ளது என்றார் அவர். நிகழ்ச்சியில், ஊரகத் தொழில்துறை அமைச்சர் பா. பெஞ்சமின், சுற்றுலாத்துறை அமைச்சர் வெல்லமண்டி என். நடராஜன், தமிழக அரசின் கூடுதல் தலைமைச் செயலர் கே. ஞானதேசிகன், சிஐஐ தமிழகத் தலைவர் எம். பொன்னுசாமி, தென்மண்டல துணைத் தலைவர் சஞ்சய் ஜெயவர்த்தனவேலு, தமிழக துணைத் தலைவர் எஸ். சந்திரமோகன், தொழில்வழிகாட்டி நிறுவன துணைத் தலைவர் எம். வேல்முருகன் உள்ளிட்டோர் பேசினர்.


திருச்சிக்கு தனி அடையாளம்
கருத்தரங்கில் பேசிய அமைச்சர்கள், அரசு அலுவலர்கள் பேசுகையில், தமிழகத்தின் மையப் பகுதியாக திருச்சி விளங்குகிறது. காரைக்காலில் துறைமுகம், திருச்சியில் பன்னாட்டு விமானநிலையம் விரிவாக்கம், அனைத்து மாநிலங்களுக்குமான சாலைப் போக்குவரத்து, திறன் வாய்ந்த மனித வளம் உள்ளதால் திருச்சியை முன்னிலைப்படுத்த வேண்டும். சிறு, குறுந்தொழில்கள் சங்கம், இந்திய தொழில்கள் கூட்டமைப்பு மற்றும் தொழில்முனைவோர் இணைந்து இதற்காக தொடர்ந்து பணியாற்ற வேண்டும் என வேண்டுகோள் விடுக்கப்பட்டது.
 

]]>
http://www.dinamani.com/all-editions/edition-trichy/trichy/2018/nov/18/விரைவில்-விண்வெளி-சார்ந்து-புதிய-தொழில்-கொள்கை-3041004.html
3041003 திருச்சி திருச்சி வாழை சேதம்: ரயில் முன் பாய்ந்து  விவசாயி தற்கொலை DIN DIN Sunday, November 18, 2018 08:40 AM +0530 கஜா புயல் காரணமாக திருவானைக்கா பகுதியில் வாழை சேதமடைந்ததால் மனமுடைந்த விவசாயி, வெள்ளிக்கிழமை இரவு ரயில் முன் பாய்ந்து தற்கொலை செய்து கொண்டார்.
திருவானைக்கா மேலக்கொண்டையம்பேட்டை வடக்கு தெருவில் வசிப்பவர் நடராஜன் மகன் செல்வராஜ் (30). இவருக்கு சரண்யா என்ற மனைவி,  தனுஷ்கா(2) என்ற பெண் குழந்தையும் இருந்த நிலையில், திம்மராய சமுத்திரம் பகுதியில் தனக்குச் சொந்தமான 2 ஏக்கர் நிலத்தில் கடந்த ஜூன் மாதத்தில் வாழை பயிர் செய்திருந்தார். இந்நிலையில், கஜா புயலால் இவரது வயலில் பயிரிடப்பட்டிருந்த வாழை அனைத்தும் நாசமடைந்தது. இதனால் மனமுடைந்த செல்வராஜ், வெள்ளிக்கிழமை இரவு 11.30 மணியளவில் கஜா புயலால் ஏற்பட்ட வாழை நட்டம், கடனை அடைப்பது குறித்தும் தனது நண்பர்கள் மற்றும் மனைவியுடன் புலம்பியுள்ளார். பின்னர் வீட்டை விட்டு வெளியே வந்த அவர், வீட்டின் அருகே வசிக்கும் சதானந்தம், பாஸ்கர், வீரா ஆகியோருக்கு செல்பேசி மூலம் தான் ரயில் முன் பாய்ந்து தற்கொலை செய்துகொள்ளப் போவதாகவும், திருவானைக்கா ரயில்வே மேம்பாலம் ரயில் தண்டவாளத்தில் இருப்பதாகவும் கூறியுள்ளார். இதையடுத்து சம்பவ இடத்துக்கு அவரது நண்பர்கள் வருவதையறிந்த செல்வராஜ், அருகிலிருந்த புதருக்குள் மறைந்து கொண்டார். அப்போது, திருச்சி நோக்கி வந்த ராமேசுவரம் ரயில் முன் திடீரெனப் பாய்ந்து தற்கொலை செய்து கொண்டார். இதில், செல்வராஜ் சம்பவ இடத்திலேயே உயிரிழந்தார். ரயில்வே போலீஸார் வழக்கு பதிந்து விசாரணை செய்து வருகின்றனர்.

]]>
http://www.dinamani.com/all-editions/edition-trichy/trichy/2018/nov/18/வாழை-சேதம்-ரயில்-முன்-பாய்ந்து--விவசாயி-தற்கொலை-3041003.html
3041002 திருச்சி திருச்சி லால்குடியில் கோ பூஜை DIN DIN Sunday, November 18, 2018 08:40 AM +0530 உலக நன்மைக்காகவும்,  அனைவருக்கும் லட்சுமிகடாட்சம் கிடைக்கவும்  திருச்சி மாவட்டம், லால்குடி பரமசிவபுரம் சாரதா இல்லத்தில் சனிக்கிழமை  கோ பூஜை நடைபெற்றது.
இப்பகுதிக்கு கொண்டு வரப்பட்ட பசுக்களுக்கு மாலை அணிவித்து, பிரார்த்தனைகள், பூஜைகள் செய்யப்பட்டன. இந்த நிகழ்வில் திருச்சி  மாவட்ட பதிவு பெற்ற பிராமணர் சங்கத்தின் தலைவர் தத்தாத்ரேயன் என்கிற சங்கர், செயலர் ஸ்ரீதர் சாஸ்திரி,  தென்பாரத பாரதிய கிசான் சங்க அமைப்புச் செயலர்  ஸ்ரீகணேசன், லால்குடி வீரசேகரன், ரயில் ரங்கராஜன், சீனிவாசன், அக்ரி சுப்பிரமணியன், ராகவன் உள்ளிட்டோர் பங்கேற்றனர். நிறைவில் லால்குடி கேதார்நாத் நன்றி கூறினார்.
 

]]>
http://www.dinamani.com/all-editions/edition-trichy/trichy/2018/nov/18/லால்குடியில்-கோ-பூஜை-3041002.html
3041001 திருச்சி திருச்சி கார்த்திகை மாதம் பிறப்பு: ஐயப்ப பக்தர்கள் மாலை அணிந்து விரதம் தொடங்கினர் DIN DIN Sunday, November 18, 2018 08:39 AM +0530 கார்த்திகை மாதம் பிறந்ததை முன்னிட்டு திருச்சி நகரம் மட்டுமல்லது மாவட்டம் முழுவதும் உள்ள ஐயப்பன், விநாயகர், முருகன் கோயில்களில் ஐயப்ப பகத்ர்கள் சனிக்கிழமை மாலை அணிந்து விரதத்தை தொடங்கினர்.
கார்த்திகை தொடங்கி தை மாதம் வரை சபரிமலையில் மண்டல மற்றும் மகரவிளக்கு பூஜைகள் வெகு விமரிசையாக நடைபெறும். இதனையொட்டி நாடு முழுவதிலும் இருந்து லட்சக்கணக்கான பக்தர்கள் சபரிமலைக்கு புனித யாத்திரை சென்று ஐயப்பனை தரிசனம் செய்வது வழக்கம். தமிழ் மாதங்களில் பிரசித்தி பெற்ற கார்த்திகை மாதத்தில் ஐயப்பப் பக்தர்கள் மாலை அணிந்து ஒரு மண்டலம் விரதம் இருந்து சபரிமலை செல்வதும் வழக்கம்.
நிகழாண்டு சனிக்கிழமை (நவ.17) கார்த்திகை மாதம் பிறந்துள்ளதால் சபரிமலையில் மண்டல மற்றும் மகர விளக்கு பூஜைகள் நடைபெற்று வருகின்றன. சபரிமலை சீசன் கார்த்திகை முதல் தேதியான நவ.17இல் தமிழகம் முழுவதும் ஏராளமான ஐயப்ப பக்தர்கள் விரதத்தை தொடங்கியுள்ளனர்.
திருச்சி மலைக்கோட்டை மாணிக்கவிநாயகர் கோயில், உச்சிப்பிள்ளையார் கோயில், கண்டோன்மென்ட் ஐயப்பன் கோயில் உள்ளிட்ட கோயில்களில் அதிகாலையே பக்தர்கள் கூட்டம் நிரம்பி வழிந்தது. காவிரியில் புனிதநீராடி ஈரத்துணியுடன் வந்து ஐயப்பனை வழிபட்டனர். பின்னர், குருசுவாமியின் திருக்கரங்களால் 54 அல்லது 108 மணிகள் உள்ள துளசி மணி மாலையை அணிந்து விரதத்தை தொடக்கினர். குருசுவாமி இல்லாதவர்கள் அவரவர் வசிப்பிடத்துக்கு அருகில் உள்ள கோயில்களுக்கு சென்று அர்ச்சகரை குருவாக ஏற்று மாலை அணிந்து கொண்டனர். குழந்தைகள் முதல் பெரியவர்கள் வரை ஆயிரக்கணக்கானோர் மாலை அணிந்தனர். இதனால் அதிகாலையிலேயே கோயில்களில் பக்தர்கள் கூட்டம் அலைமோதியது.
சபரிமலை சீசனை முன்னிட்டு சந்தனமாலை, ருத்ராட்சமாலை, துளசிமாலை, செந்துளசி மாலை என 12 வகையான மாலைகளின் விற்பனை திருச்சி கடைவீதிகளில் விறுவிறுப்பாக நடைபெற்று வருகிறது. கருப்பு, நீலம், காவி வேஷ்டிகளின் விற்பனையும் ஜவுளிகடைகளில் அதிகரித்துள்ளது. கார்த்திகை விரதம் தொடங்கியுள்ளதால் காய்கறிகள், பூக்களின் விலையும் உயரும் என எதிர்பார்க்கப்படுகிறது.

]]>
http://www.dinamani.com/all-editions/edition-trichy/trichy/2018/nov/18/கார்த்திகை-மாதம்-பிறப்பு-ஐயப்ப-பக்தர்கள்-மாலை-அணிந்து-விரதம்-தொடங்கினர்-3041001.html
3041000 திருச்சி திருச்சி புயல் பாதிப்புகளை ஆய்வு செய்யவில்லை எனக்கூறி மறியல் DIN DIN Sunday, November 18, 2018 08:39 AM +0530 திருச்சி மாவட்டம் மணப்பாறையில் புயல் பாதிப்புகளை அதிகாரிகள் ஆய்வு செய்யவில்லை எனக்கூறி தவிட்டுப்பட்டி கிராம மக்கள் சனிக்கிழமை சாலை மறியல் போராட்டத்தில் ஈடுபட்டனர். 
மணப்பாறையில் கஜா புயல் காரணமாக ஆயிரக்கணக்கான மரங்கள், 1500 மின்கம்பங்கள், நூற்றுக்கணக்கான வீடுகள் சேதமடைந்தன. இந்நிலையில், சனிக்கிழமை புயல் பாதிப்புகளை மக்களவை துணைத் தலைவர் மு. தம்பிதுரை, மாநிலங்களவை உறுப்பினர் டி. ரெத்தினவேல், எம்எல்ஏ ஆர்.சந்திரசேகர், மாவட்ட ஆட்சியர் கு. ராசாமணி நேரில் ஆய்வு மேற்கொண்டனர். அப்போது மணப்பாறை பகுதியை அடுத்த தவிட்டுப்பட்டி, உசிலம்பட்டி ஆகிய கிராமங்களில் யாரும் வந்து புயல்பாதிப்புகளை கணக்கிடவில்லை எனக் கூறி அப்பகுதி மக்கள் புதுகாலனி அருகே சாலை மறியலில் ஈடுபட்டனர். தகவலறிந்து சம்பவ இடத்துக்கு வந்த போலீஸார் பேச்சு நடத்தியதை அடுத்து பொதுமக்கள் கலைந்து சென்றனர். இதனால் மணப்பாறை - கோவில்பட்டி போக்குவரத்து சுமார் அரைமணி நேரம் பாதிக்கப்பட்டது.

]]>
http://www.dinamani.com/all-editions/edition-trichy/trichy/2018/nov/18/புயல்-பாதிப்புகளை-ஆய்வு-செய்யவில்லை-எனக்கூறி-மறியல்-3041000.html
3040999 திருச்சி திருச்சி மாவட்டத்தில் 9,300 மரங்கள், 40 வீடுகள், 1,570 மின் கம்பங்கள் சேதம் DIN DIN Sunday, November 18, 2018 08:39 AM +0530 திருச்சி மாவட்டத்தில் கஜா புயல் பாதிப்பால் 9,300 மரங்கள், 1,570 மின் கம்பங்கள், 40 வீடுகள் சேதமடைந்துள்ளதாக மாவட்ட ஆட்சியர் கு.ராசாமணி தெரிவித்துள்ளார்.
இதுகுறித்து அவர் சனிக்கிழமை வெளியிட்டுள்ள செய்திக்குறிப்பு: கஜா புயல் வெள்ளிக்கிழமை காலை நாகையில் கரையைக் கடந்த பின்னர், பலத்த சூறை காற்றுடன் மழை பெய்தது. அதன் தாக்கம் திருச்சி மாவட்டப் பகுதிகளிலும் எதிரொலித்தது.  மாவட்டத்தில் கஜா புயல் பாதிப்பால் பூலாங்குடி பர்மா காலனி ஆட்டோ ஓட்டுநர் துரைசாமி (74) மீது  மரம் விழுந்தும், , மருங்காபுரி வட்டம்,  மரவப்பட்டியைச் சேர்ந்த அ. சின்னம்மாள் (70) மீது ஓட்டுவீடு சரிந்தும் விழுந்ததால் இருவரும் உயிரிழந்தனர்.  சின்னம்மாளைக் காப்பாற்ற முயன்ற  சித்ரா காயத்துடன் மருத்துவமனையில் சிகிச்சை பெற்று வருகிறார்.
திருச்சி மாவட்டத்தில் இதுவரை 40 வீடுகள், 9300 மரங்கள், 1570 மின் கம்பங்கள் சேதமடைந்துள்ளன. 10 ஆடுகள், 1 காளை, 9 பசுக்கள் உயிரிழந்துள்ளன. மாவட்டத்தில் ஏற்பட்டுள்ள மனித உயிரிழப்பு மற்றும் கால்நடை உயிரிழப்புகளுக்கு அரசிடமிருந்து நிவாரணம் பெற்றஉத் தரப்படும்.பயிர், வாழை சேதங்கள் குறித்து வேளாண் துறையின் கணக்கெடுத்து வருகின்றனர். இந்த விவரம் கிடைத்தப்பின்னர் அரசுக்கு அனுப்பப்படும் என ஆட்சியர் தெரிவித்துள்ளார்.
சிறப்புக் குழுவை அனுப்ப வேண்டும் : திருச்சி, கரூர் மாவட்டத்தில் 10,000 ஏக்கரில் பயிரிடப்பட்டிருந்த 1 லட்சம் வாழைகள்  கஜா புயலால் சேதமடைந்துள்ள நிலையில்,  வேளாண் துறை முதன்மைச் செயலரும், வேளாண் உற்பத்தி ஆணையருமான ககன்தீப்சிங் பேடியிடம் விடுத்த கோரிக்கையின்படி, விரைவில் சிறப்புக்குழு மாவட்டத்தில்ஆய்வு மேற்கொள்ளும் என்று  அவர் தெரிவித்துள்ளார். இதுபோல, தேசிய வாழை ஆராய்ச்சி  மையத்தின் இயக்குநர் உமாவிடம் வாழைசேதம் குறித்த விவரங்கள் தெரிவிக்கப்பட்டுள்ளன. பாதிப்புகள் குறித்து விஞ்ஞானிகள்  அறிக்கை வழங்குவார்கள். அதன் விவரம் வாழை விவசாயிகளுக்குத் தெரிவிக்கப்படும் என்று அறிவித்ததாக  தமிழ் மாநில காங்கிரஸ் கட்சியின் விவசாயப் பிரிவு மாநிலத் தலைவர் புலியூர் ஏ.நாகராஜன் தெரிவித்துள்ளார்.

]]>
http://www.dinamani.com/all-editions/edition-trichy/trichy/2018/nov/18/மாவட்டத்தில்-9300-மரங்கள்-40-வீடுகள்-1570-மின்-கம்பங்கள்-சேதம்-3040999.html
3040998 திருச்சி திருச்சி கஜா புயல் பாதிப்பு: மணப்பாறையில் 100-க்கும் மேற்பட்ட மின்கம்பங்கள், மரங்கள் சாய்ந்தன: மக்களவை துணைத் தலைவர் ஆறுதல் DIN DIN Sunday, November 18, 2018 08:38 AM +0530 கஜா புயலின் கோரத்தாண்டவத்தால் மணப்பாறையில், நூற்றுக்கணக்கான மரங்கள், மின் கம்பங்கள் அடியோடு சாய்ந்தன. இதனால் மின்சாரம் முழுமையாகத் துண்டிக்கப்பட்டுள்ளது. மேலும், ஆயிரத்திற்கும் மேற்பட்ட வீடுகள் சேதமடைந்துள்ளன. இதனால் பொதுமக்களின் இயல்பு வாழ்க்கை கடுமையாக பாதிக்கப்பட்டது. 
மணப்பாறையில் வெள்ளிக்கிழமை காலை கஜா புயலால் ஆயிரக்கணக்கான மரங்கள், 1,500-க்கும் மேற்பட்ட மின் கம்பங்கள் அடியோடு சாய்ந்தன. ஆயிரத்திற்கும் மேற்பட்ட வீடுகள் சேதமடைந்தன. குடிசை வீடுகள் தரைமட்டமாகின. செல்பேசி கோபுரங்கள் சரிந்தன. மின் கம்பிகள் அறுந்து வீடுகளிலும், சாலைகளிலும் விழுந்து கிடப்பதைக் காணமுடிகிறது. மின்சாரம் முழுமையாக துண்டிக்கப்பட்ட நிலையில், குடிநீர் தட்டுப்பாடு ஏற்பட்டுள்ளதால் உணவகங்கள் மூடப்பட்டுள்ளன. மின்சாரம் இல்லாமல் மக்களின் இயல்பு வாழ்க்கை முழுமையாக முடங்கியுள்ளது. 
மக்களவை துணைத் தலைவர், ஆட்சியர் ஆய்வு:  கஜா புயலால் மணப்பாறையில் பாதிக்கப்பட்ட பகுதிகளை மக்களவை துணை தலைவர் மு.தம்பிதுரை, மாநிலங்களவை உறுப்பினர் டி.ரெத்தினவேல், எம்எல்ஏ ஆர்.சந்திரசேகர், மாவட்ட ஆட்சியர் கு. ராசாமணி ஆகியோர் புதன்கிழமை ஆய்வு மேற்கொண்டனர். நகரில் ஆரம்ப சுகாதார நிலையம், சாலை சீரமைப்பு பணிகள், சேதமடைந்த குடியிருப்புகளை ஆய்வு செய்த பின்னர் மக்களவை துணைத் தலைவர் மேலும் கூறியது: 
மணப்பாறையில் முழுவீச்சில் மீட்புப் பணிகள் நடைபெற்று வருகிறது. அமைச்சர் சம்பத் தலைமையிலான குழு நேரில் பார்வையிட உள்ளனர். இதுகுறித்து முதல்வர், துணை முதல்வரிடம் பேசியுள்ளேன். மக்களுக்கு தேவையான நிவாரணப் பணிகள் செய்துதரப்படும் என்றார். மணப்பாறை சாலைகளில் ஆயிரக்கணக்கான மரங்கள் விழுந்து போக்குவரத்து பாதிக்கப்பட்டது சீரமைக்கப்பட்டுள்ளது. 
அடுத்ததாக குடிநீர்த் தேவை பூர்த்தி செய்ய நடவடிக்கை எடுக்கப்படும். 1,500 மின் கம்பங்கள் சேதமடைந்துள்ளன. ஓரிரு நாட்களில் சரி செய்யப்படும் என்றார் மாவட்ட ஆட்சியர் கு.ராசாமணி. 

]]>
http://www.dinamani.com/all-editions/edition-trichy/trichy/2018/nov/18/கஜா-புயல்-பாதிப்பு-மணப்பாறையில்-100-க்கும்-மேற்பட்ட-மின்கம்பங்கள்-மரங்கள்-சாய்ந்தன-மக்களவை-துணைத்-3040998.html
3040997 திருச்சி திருச்சி பச்சப்பெருமாள்பட்டியில் அம்மா திட்ட முகாம் DIN DIN Sunday, November 18, 2018 08:37 AM +0530 துறையூர் வட்டம் பச்சபெருமாள்பட்டியில் அம்மா திட்ட முகாம் வெள்ளிக்கிழமை நடைபெற்றது.
அங்குள்ள பள்ளியில் நடைபெற்ற முகாமிற்கு துறையூர் வட்டாட்சியர் பு. ரவிசங்கர் தலைமை வகித்தார். சமூக பாதுகாப்பு நலத்திட்ட தனி வட்டாட்சியர் சிவசங்கரன், உப்பிலியபுரம் மண்டல துணை வட்டாட்சியர் நடராஜன் ஆகியோர் முன்னிலை வகித்தனர். 
உதவித் தொகை உள்ளிட்ட பல்வேறு கோரிக்கைகள் தொடர்பாக பொதுமக்களிடமிருந்து 123  மனுக்கள் பெறப்பட்டதில், 89 மனுக்கள் மீது உடனடியாக தீர்வு காணப்பட்டது. முன்னதாக, வருவாய் ஆய்வாளர் பரசுராமன் வரவேற்றார். முடிவில் கிராம நிர்வாக அலுவலர் உமாவதி நன்றி கூறினார். பள்ளி வளாகத்தில் மரக்கன்றுகள் நடப்பட்டது.
 

]]>
http://www.dinamani.com/all-editions/edition-trichy/trichy/2018/nov/18/பச்சப்பெருமாள்பட்டியில்-அம்மா-திட்ட-முகாம்-3040997.html
3040996 திருச்சி திருச்சி "அதிமுக வெற்றிக்கு தீவிர களப்பணியாற்ற வேண்டும்' DIN DIN Sunday, November 18, 2018 08:37 AM +0530 மக்களவைத் தேர்தல் வெற்றிக்காக அதிமுக தொண்டர்கள் தீவிரமாக களப்பணியாற்ற வேண்டும் என்றார் திருச்சி மாநகர் மாவட்ட அதிமுக செயலரும், மக்களவைத் தொகுதி உறுப்பினருமான ப.குமார்.
திருச்சி கே.கே.நகர் சுந்தர் நகர் பகுதியில் சனிக்கிழமை நடைபெற்ற 41 அ வார்டு பூத் கமிட்டி கூட்டத்தில் பங்கேற்று, அவர் மேலும் பேசியது :
பதினாறாவது மக்களவையின் பதவிக்காலம் 2019, மே 19 ஆம் தேதியுடன் முடிகிறது.  மக்களவைத் தேர்தலை நடத்துவதற்கு தேர்தல் ஆணையமும் தயாராகி வருகிறது. 
விரைவில்  தேர்தல் நடைபெறும் நிலையில்,  அதிமுக தலைமைக் கழக உத்தரவின்படி, திருச்சி மக்களவைத் தொகுதிக்குள்பட்டு மாவட்டத்தில் இருக்கும் 4 தொகுதிகளிலும் மரத்தடியில் அமர்ந்து பூத் கமிட்டி அமைத்து நாம் ஒற்றுமையுடன் பணியாற்ற வேண்டும்.
அதிமுக தொண்டர்கள்அனைவரும் தீவிரமாகப் பாடுபட்டு தேர்தலில் வெற்றிக்காக முனைப்புடன் செயல்பட வேண்டும். விரைவில் பகுதி கமிட்டி, மண்டல கமிட்டி அமைக்கப்பட உள்ளது. மற்ற கட்சிகளில் பணவசதி இருந்தால்தான் பதவிக்கு வர முடியும். ஆனால், அதிமுகவில் மட்டும்தான், பூத் கமிட்டியில் உறுப்பினராக இருந்தாலும் பதவிக்கு வரலாம். கடினமாக உழைத்தால் சாதாரணத் தொண்டன் கூட உயர் பதவிக்கு வர முடியும். எனவே நாம் அனைவரும் ஒற்றுமையுடன் உழைத்து தேர்தலில் வெற்றிக்கு வித்திட வேண்டும் என்றார் குமார்.
ஜங்சன் பகுதிச் செயலர் நாகநாதர் பாண்டி வரவேற்றார். முன்னாள் மாவட்டச் செயலர் கே.சி. பரமசிவம், நிர்வாகிகள் அருள்ஜோதி, டாக்டர் தமிழரசி, பேரூர் கண்ணதாசன், சகாதேவ் பாண்டியன், ஏர்போர்ட் விஜி, பாலசுப்பிரமணியன் உள்ளிட்டோர் பங்கேற்றனர்.


 

]]>
http://www.dinamani.com/all-editions/edition-trichy/trichy/2018/nov/18/அதிமுக-வெற்றிக்கு-தீவிர-களப்பணியாற்ற-வேண்டும்-3040996.html
3040995 திருச்சி திருச்சி குப்பையில்லா நகரம்: மக்களிடம் ஆலோசனை கோரும் மாநகராட்சி DIN DIN Sunday, November 18, 2018 08:37 AM +0530 திருச்சி மாநகராட்சியை குப்பையில்லா நகரமாக அனுமதிக்க பொதுமக்கள் தங்களது ஆலோசனை மற்றும் ஆட்சேபணைகளை தெரிவிக்கலாம் என ஆணையர் ந. ரவிச்சந்திரன் தெரிவித்தார்.
இதுதொடர்பாக, அவர் கூறியது: தூய்மை இந்தியா திட்டத்தின் கீழ், திருச்சி மாநகராட்சியை குப்பையில்லா நகரமாக 
அறிவிப்பு வெளியிட நடவடிக்கை மேற்கொள்ளப்பட்டு வருகிறது. 
இதன்படி, மாநகராட்சியில் அமைந்துள்ள பள்ளிகள், மத்திய மாநில அரசு அலுவலகங்கள், வங்கிகள், சுய உதவிக் குழுக்கள், தன்னார்வ தொண்டு நிறுவனங்கள், நகர் நல சங்கங்கள், அடுக்குமாடி குடியிருப்பு நல சங்கங்கள், தன்னார்வ தொண்டு அலுவலகங்கள், சங்கங்கள், உணவகங்கள், ரயில் நிலையம், பேருந்துநிலையங்கள், மருத்துவமனைகள் மற்றும் 50 பணியாளர்களுக்கு மேல் பணிபுரியும் நிறுவனங்களிடம் குப்பையில்லா நகரமாக்க உறுதிமொழி கடிதம் பெறப்பட்டுள்ளது.
இதனையேற்று திருச்சி மாநகராட்சி தனி அலுவலரால் திருச்சி மாநகரை குப்பையில்லா நகரம் என அறிவிக்க நவ.13ஆம் தேதி தீர்மானம் நிறைவேற்றப்பட்டுள்ளது.
பொதுமக்கள் தங்களது ஆலோசனைகள் மற்றும் ஆட்சேபணைகளை வரும் 15 நாள்களுக்குள் தெரிவிக்கலாம். மாநகராட்சி ஆணையருக்கு கடிதம் மூலமாகவோ, மின்னஞ்சல் மூலமாகவோ தெரிவிக்கலாம் என்றார் அவர்.

]]>
http://www.dinamani.com/all-editions/edition-trichy/trichy/2018/nov/18/குப்பையில்லா-நகரம்-மக்களிடம்-ஆலோசனை-கோரும்-மாநகராட்சி-3040995.html
3040994 திருச்சி திருச்சி குழந்தைகள் தினப் போட்டிகளில் வெற்றி பெற்றோர் DIN DIN Sunday, November 18, 2018 08:36 AM +0530 திருச்சி நகைச்சுவை மன்றம் சார்பில் குழந்தைகள் தினத்தையொட்டி சனிக்கிழமை நடத்தப்பட்ட  அனைத்துப் பள்ளி மாணவ, மாணவிகளுக்கான நகைச்சுவைத் துணுக்கு மற்றும் ஓவியப் போட்டிகளில் வெற்றி பெற்றவர்கள் விவரங்கள் அறிவிக்கப்பட்டுள்ளன.
திருச்சி வாசவி வித்யாலயத்தில் நடத்தப்பட்ட இந்த போட்டிக்கு  நகைச்சுவை மன்ற அறங்காவலர் பாலசுப்பிரமணியன் தலைமை வகித்தார். ஜென்னீஸ் அகாதெமி இயக்குநர் பொன்னிளங்கோ முன்னிலை வகித்தார். வாசவி வித்யாலயா மெட்ரிகுலேசன் பள்ளி முதல்வர் பாவை போட்டிகளைத் தொடக்கி வைத்தார். மாதவ மனோகரன் வாழ்த்துகளை வழங்கினார். மாநகரின் பல்வேறு பகுதிகளைச் சேர்ந்த மாணவ, மாணவிகள் போட்டிகளில் பங்கேற்றனர். 
போட்டிகளில் வெற்றி பெற்றவர்கள் விவரம் ( முறையே முதல் மூன்று இடங்கள் ) :
நகைச்சுவை துணுக்குப் போட்டி:  குழந்தைகள் பிரிவு- வாசவி வித்யாலயம் வி. சுதர்சன்,  காவேரி மெட்ரிக் பள்ளி வே. மீராசினி, ரானே வித்யாலயம் எஸ்.ஏ. சண்முகில்,  ஜூனியர் பிரிவு-  மகாத்மாகாந்தி வித்யாலயம் ஆர். அர்ஷித் உபனிஷ்,  வாசவி வித்யாலயம் சந்தோஷ், அகிலாண்டேசுவரி வித்யாலயம் அர்ஜூன்,  சீனியர் பிரிவு-  சந்தானம் வித்யாலயம் ஆர்.பி.சுரேஷ், அகிலாண்டேசுவரி வித்யாலயம் டி. கிரிதரன்,  காவேரி குளோபல் பள்ளி ஆர்.எஸ். பிரவீன்,   ஆறுதல் பரிசு- சேவா சங்கம் க.அபிராமி.
 ஓவியப் போட்டி : குழந்தைகள் பிரிவு- வாசவி வித்யாலயம் ஹரினி,  அகிலாண்டேசுவரி வித்யாலயம் கிருஷ் நாராயணன்,  ஆர்.பி. அனுலேகா,  ஜூனியர் பிரிவு- சாவித்திரி வித்யாசாலா  எம். தர்சினி ஸ்ரீ,   காவேரி குளோபல் பள்ளி சி. அக்சிதா,  மகாத்மாகாந்தி பள்ளி எஸ். ஹரிஷ்குமார்,  சீனியர் பிரிவு-  சாவித்திரி வித்யாசாலா எம். பர்சானா பேகம்,   ஸ்ரீசங்கரா மெட்ரிகுலேசன் பள்ளி வி. வைஷ்ணவி,  அகிலாண்டேசுவரி வித்யாலயா வி.ரம்யா.
போட்டிகளில் வெற்றி பெற்றவர்களுக்கு நவம்பர் 24 ஆம் தேதி நடைபெறும் விழாவில் பரிசுகள் வழங்கப்படும் என்று அறிவிக்கப்பட்டுள்ளது.

]]>
http://www.dinamani.com/all-editions/edition-trichy/trichy/2018/nov/18/குழந்தைகள்-தினப்-போட்டிகளில்-வெற்றி-பெற்றோர்-3040994.html
3040993 திருச்சி திருச்சி ஐயப்ப சேவா சங்க அன்னதான,  மருத்துவ முகாம் தொடக்கம் DIN DIN Sunday, November 18, 2018 08:36 AM +0530 அகில பாரத ஐயப்ப சேவா சங்கத்தின் திருச்சி மாவட்ட யூனியன் சார்பில் ஐயப்ப பக்தர்களின் வசதிக்காக ஸ்ரீரங்கத்தில் அன்னதான மற்றும் மருத்துவமுகாம் சனிக்கிழமை தொடங்கப்பட்டது.
திருச்சி வழியாக சபரிமலைக்கு செல்லும் பக்தர்கள் நீராடி, திருச்சியில் பிரசித்தி பெற்ற கோயில்களில் தரிசனம் செய்வது உண்டு. இவர்களுக்காக அன்னதான மற்றும் 
சிறப்பு மருத்துவ முகாம் அகில பாரத ஐயப்ப சேவா சங்கத்தின் திருச்சி மாவட்டம் சார்பில் கடந்த 8 ஆண்டுகளாக நடத்தப்பட்டு வருகிறது. 
அதன்படி நிகழாண்டில் நவம்பர் 17 ஆம் தேதி முதல்  2019, ஜனவரி 17 ஆம் தேதி வரை தொடர்ந்து 65 நாள்களுக்கு அன்னதானம் வழங்கும் வகையில் ஏற்பாடுகள் செய்யப்பட்டுள்ளன.
திருச்சி ஸ்ரீரங்கம் மேலூர் சாலையில் மூலத்தோப்பு கார் பார்க்கிங் பகுதியில் ஏற்பாடு செய்யப்பட்டுள்ள இடத்தில் அன்னதான முகாமை  அகில பாரத ஐயப்ப சேவா சங்கத்தின் போஷகர் என்.வி. முரளியும், மருத்துவ முகாமை கே.ஆர்.டி. வெங்கடேசனும் தொடக்கி வைத்தனர்.   
மாவட்டத் தலைவர் என். ரமேஷ் சங்கக்கொடியேற்றி வைத்தார். 
நிகழ்ச்சியில் மாவட்ட கௌரவத் தலைவர் சபரிதாசன் குருசாமி, மாவட்டச் செயல் தலைவர் கிருஷ்ணன்,  அலுவலகச் செயலர் அம்சராம், முகாம் அலுவலர் முத்து, இணை அலுவலர்கள் சரவணன், ராஜகோபால், முருகேசன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/18/ஐயப்ப-சேவா-சங்க-அன்னதான--மருத்துவ-முகாம்-தொடக்கம்-3040993.html
3040992 திருச்சி திருச்சி கலிங்கமுடையான்பட்டியில்  இலவச கால்நடை மருத்துவ முகாம் DIN DIN Sunday, November 18, 2018 08:35 AM +0530 துறையூர் அருகே கலிங்கமுடையான்பட்டியில் அனைத்திந்திய 65 ஆவது கூட்டுறவு வாரவிழாவையொட்டி சனிக்கிழமை இலவச கால்நடை மருத்துவ முகாம் நடைபெற்றது.
முகாமுக்கு, திருச்சி மாவட்ட பால் உற்பத்தியாளர்கள் ஒன்றியக் கூட்டுறவு நிறுவனத் தலைவர் சி. கார்த்திகேயன் தலைமை வகித்தார். துணைத்தலைவர் தங்க பிச்சைமுத்து, உதவி பொதுமேலாளர்(பொ). பி.துரையரசன், துறையூர் ஒன்றிய அதிமுக செயலர் சேனை ப. செல்வம் உள்ளிட்டோர் முன்னிலை வகித்தனர். கலிங்கமுடையான்பட்டி ஊராட்சி முன்னாள் தலைவர் முருகையா வரவேற்றார். முகாமுக்கு, அழைத்து வரப்பட்ட மாடுகளைப் பரிசோதித்து துறையூர், முசிறி பகுதியைச் சேர்ந்த கால்நடை மருத்துவர்கள் இலவச மருத்துவ உதவி செய்தனர். துறையூர் ஓங்காரக் குடில் சார்பில் முகாமில் பங்கேற்ற மாடுகளுக்கு பசுந்தீவனம் அளிக்கப்பட்டது. கலிங்கமுடையான்பட்டி பால் உற்பத்தியாளர்கள் கூட்டுறவு சங்கத்தினர்களில் அதிக பால் உற்பத்தி செய்த 3 பேருக்கும், சிறந்த முறையில் மாடு மற்றும் கிடாரி கன்று வளர்த்தவர்களில் தலா 3 பேருக்கும் பரிசுகள் வழங்கப்பட்டன.
 

]]>
http://www.dinamani.com/all-editions/edition-trichy/trichy/2018/nov/18/கலிங்கமுடையான்பட்டியில்--இலவச-கால்நடை-மருத்துவ-முகாம்-3040992.html
3040991 திருச்சி திருச்சி ஸ்ரீரங்கம் வணிகர்களுக்கு  தராசு மறுமுத்திரை சிறப்பு முகாம் DIN DIN Sunday, November 18, 2018 08:35 AM +0530 ஸ்ரீரங்கம்பகுதி வணிகர்களுக்கான தராசு மறுமுத்திரை முகாம் நவம்பர் 19 ஆம் தேதி முதல் 23 ஆம் தேதி வரை நடைபெறும் என்று அறிவிக்கப்பட்டுள்ளது.
இதுகுறித்து தொழிலாளர் உதவி ஆணையர் ( அமலாக்கம்) இரா.சதீஷ்குமார் வெளியிட்டுள்ள செய்திக்குறிப்பு:
ஸ்ரீரங்கம் பகுதி வணிகர்களுக்காக 2018- டி காலாண்டுக்கான சிறப்பு முகாமை நடத்திட திருச்சி சட்டமுறை எடையளவு கூடுதல் கட்டுப்பாட்டு அதிகாரி தர்மசீலன் உத்தரவிட்டுள்ளார்.  
இதனால் ஸ்ரீரங்கம், திருவானைக்கா, மாம்பழச்சாலை, மேலூர், உத்தமர்சீலி, ஸ்ரீரங்கம் மார்க்கெட் பகுதி காய்கறி வியாபாரிகள், இறைச்சிக் கூடங்கள், பூ சந்தைகளில் உள்ள கடைகள், நிறுவனங்களின் பயன்பாட்டில் உள்ள  மின்னணு தராசு, மேடை தராசு ஆகிய இனங்கள் ஒவ்வொரு ஆண்டுக்கும் மறு முத்திரையிட்டுக் கொள்ள வேண்டும்.
இதற்கான சிறப்பு முகாம்  ஸ்ரீரங்கம் மேலூர் சாலை மூலத்தோப்பு ஜி.எஸ்.ஆர்.கே. திருமண மண்டபத்தில் நவம்பர் 19 முதல் 23 ஆம் தேதி வரை நடைபெறஉள்ளது. 
முகாமில் வியாபாரிகள் பங்கேற்று, தாங்கள் கடைகள், நிறுவனங்களில் பயன்படுத்தி வரும் தராசுகளுக்கு முத்திரையிட்டுக் கொள்ள வேண்டும். முத்திரையிடாமல் பயன்படுத்தும் வணிகர்கள் மீது எடையளவு கருவி பறிமுதல், ரூ.5000 அபராதம் விதிக்கப்படும் என்று அவர் தெரிவித்துள்ளார்.

]]>
http://www.dinamani.com/all-editions/edition-trichy/trichy/2018/nov/18/ஸ்ரீரங்கம்-வணிகர்களுக்கு--தராசு-மறுமுத்திரை-சிறப்பு-முகாம்-3040991.html
3040990 திருச்சி திருச்சி எரிவாயு நுகர்வோர்  குறைதீர்க்கும் கூட்டம் DIN DIN Sunday, November 18, 2018 08:35 AM +0530 துறையூர் வட்டாட்சியர் அலுவலகத்தில் எரிவாயு நுகர்வோர் குறைதீர்க்கும் கூட்டம் சனிக்கிழமை நடைபெற்றது.
கூட்டத்துக்கு, திருச்சி மாவட்ட வருவாய் அலுவலர் சாந்தி தலைமை வகித்தார். மாவட்ட வழங்கல் மற்றும் நுகர்வோர் அலுவலர் கிறிஸ்டி, வட்ட வழங்கல் அலுவலர் பி. தமிழ்செல்வன் உள்ளிட்டோர் முன்னிலை வகித்தனர். வட்டாட்சியர் பு. ரவிசங்கர் வரவேற்றார். கூட்டத்தில், துறையூர் வட்டத்திலுள்ள 6 எல்பிஜி எரிவாயு முகவர்கள், தலைமையிடத்து துணை வட்டாட்சியர் சி.  செல்வி, துறையூர் மண்டல துணை வட்டாட்சியர் தனலட்சுமி உள்ளிட்ட வருவாய் துறையினர் மற்றும் நுகர்வோர்கள்  பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/18/எரிவாயு-நுகர்வோர்--குறைதீர்க்கும்-கூட்டம்-3040990.html
3040989 திருச்சி திருச்சி திருச்சியில்  266.10 மி.மீ பதிவு DIN DIN Sunday, November 18, 2018 08:34 AM +0530 திருச்சி மாநகரம் மட்டுமின்றி மாவட்டம் முழுவதும் கஜா புயல் தாக்கம் காரணமாக 266.10 மி.மீ. மழை பதிவாகியுள்ளது.
கஜா புயல் காரணமாக திருச்சியில் வியாழக்கிழமை இரவு தொடங்கிய மழை இடைவிடாது வெள்ளிக்கிழமை காலை வரை பெய்தது. இதன் தொடர்ச்சியாக, வெள்ளிக்கிழமை மேகமூட்டத்துடன் காணப்பட்டது. ஒரு சில இடங்களில் சாரல்மழை பெய்தது. சனிக்கிழமை காலை நிலவரப்படி மாவட்டத்தில் பதிவான மழையளவு (மி.மீ.):
லால்குடி- 3.20, புள்ளம்பாடி- 7.20, துறையூர்- 3, திருச்சி விமானநிலையம்- 7.20, திருச்சி நகரம்- 7, மருங்காபுரி- 40, பொன்னையாறு- 30.40, நவலூர்குட்டப்பட்டு- 16.40, நந்தியாறுதலைப்பு- 6, கல்லக்குடி- 10.30, வாத்தலை அணைக்கட்டு- 9.60, சமயபுரம்- 10, தேவிமங்கலம்- 8.20, குப்பம்பட்டி 21, கோவில்பட்டி 26.20, தென்பரநாடு- 15, பொன்மலை- 12, திருச்சி சந்திப்பு- 14, துவாக்குடி- 9.60 என மொத்தம் 266.10 மி.மீ. மழை பதிவானது.
 

]]>
http://www.dinamani.com/all-editions/edition-trichy/trichy/2018/nov/18/திருச்சியில்--26610-மிமீ-பதிவு-3040989.html
3040988 திருச்சி திருச்சி அண்ணா பிறந்த நாளையொட்டி  பேச்சு, கட்டுரை, கவிதை ஒப்பித்தல் போட்டியில் மாணவ, மாணவிகள் பங்கேற்பு DIN DIN Sunday, November 18, 2018 08:34 AM +0530 பேரறிஞர் அண்ணாவின் 110 ஆவது பிறந்த நாளையொட்டி திமுக இளைஞரணி அறக்கட்டளை சார்பில் திருச்சி கலைஞர் அறிவாலயத்தில் சனிக்கிழமை நடத்தப்பட்ட பள்ளி மாணவ, மாணவிகளுக்கான பேச்சு, கட்டுரை, கவிதை ஒப்பித்தல் போட்டியில் ஏராளமான மாணவ, மாணவிகள் பங்கேற்றனர்.
போட்டி தொடக்க விழாவுக்கு வடக்கு மாவட்ட திமுக செயலர் காடுவெட்டி ந.தியாகராஜன் தலைமை வகித்தார். சட்டப்பேரவை உறுப்பினர்கள்  அ.சௌந்தரபாண்டியன், செ.ஸ்டாலின்குமார் முன்னிலை வகித்தனர்.  மாவட்ட இளைஞரணி அமைப்பாளர் ஆனந்த் மற்றும் நிர்வாகிகள், திமுக நிர்வாகிகள் உள்ளிட்டோர் பங்கேற்றனர்.
திருச்சி மாநகர் மற்றும் மாவட்டத்தின் பல்வேறு பகுதிகளைச் சேர்ந்த பள்ளிகளில் பயிலும் உயர்நிலை, மேல்நிலைப் பள்ளி மாணவ, மாணவிகள் போட்டிகளில் நூற்றுக்கும் மேற்பட்டோர்  பங்கேற்றனர்.
 பேச்சு, கட்டுரை, கவிதை ஒப்பித்தல் போட்டிகளுக்குரிய தலைப்புகள் ஏற்கெனவே அறிவிக்கப்பட்டிருந்தன. அதன்படி, ஒவ்வொரு பிரிவிலும் மாணவ, மாணவிகள் மாவட்ட அளவில் தேர்வு செய்யப்பட்டன. ஒவ்வொரு போட்டிக்கும் நடுவர்களும் நியமிக்கப்பட்டிருந்தனர். வெற்றி பெற்றவர்கள் குறித்த விவரம் விரைவில் அறிவிக்கப்படும் என்று திமுக இளைஞரணியினர் தெரிவித்தனர்.

]]>
http://www.dinamani.com/all-editions/edition-trichy/trichy/2018/nov/18/அண்ணா-பிறந்த-நாளையொட்டி--பேச்சு-கட்டுரை-கவிதை-ஒப்பித்தல்-போட்டியில்-மாணவ-மாணவிகள்-பங்கேற்பு-3040988.html
3040987 திருச்சி திருச்சி சக்திபடைத்த பெண்கள் சாதனை நிகழ்த்த கைத்தொழில் ஒரு காரணி DIN DIN Sunday, November 18, 2018 08:34 AM +0530 சக்தி படைத்த பெண்கள் சாதனை நிகழ்த்த கைத்தொழில் காரணியாகும் என்றார் ரோட்டரி மாவட்ட ஆளுநரும் (தேர்வு )மற்றும் ஷானவாஸ் மருத்துவமனையின் தலைவருமான   மருத்துவர் ஏ.ஜமீர்பாஷா.
திருச்சி எனேபிள் மற்றும் யுகா அமைப்புகள் இணைந்து, டால்மியா சிமென்ட்ஸ் நிறுவனத்தின் சமூகப் பாதுகாப்புத் திட்டத்தின் கீழ் தையல் இயந்திரங்கள் வழங்குதல், பூ தையல் பயிற்சிக் கையேடு வெளியீட்டு விழா ஸ்ரீமதி இந்திராகாந்தி கல்லூரி வளாகத்தில்  சனிக்கிழமை நடைபெற்றது. இந்த விழாவில்  பங்கேற்று, மகளிருக்கு தையல் இயந்திரங்களை வழங்கி, அவர் மேலும் பேசியது: 
இன்றைய நிலையில், பெண்கள்  வாழ்க்கைத் தரத்தை மேம்படுத்த உதவக்கூடியது தையல்கலைதான். அந்த கலையிலும் தற்போது நவீன தொழில்நுட்பங்கள் வந்துவிட்டன.  3 நாளில் பூ தையல் பயிற்சியை எவ்வாறு கற்பது குறித்த கையேட்டை வெளியிட்டிருப்பதும் பாராட்டுக்குரியது.இந்தியாவில் 70 சதவிகிதப் பகுதி கிராமங்களாகத்தான் உள்ளன. ரோட்டரி சார்பில் மார்பக புற்றுநோய் குறித்த விழிப்புணர்வு ஏற்படுத்தப்பட்டு வருகிறது. அனைத்து கிராம மக்களுக்கும் மார்பக புற்றுநோய் குறித்த சோதனையை செய்ய கிராமங்கள் தோறும் செல்லத் திட்டமிட்டு, அதற்கான பணிகள் மேற்கொண்டு வருகிறோம் என்றார் ஜமீர்பாஷா.
திருச்சி பாரதிதாசன் பல்கலைக்கழகத்தின் முன்னாள் துணைவேந்தரும், எனேபிள் தலைவருமான கே.மீனா விழாவுக்குத் தலைமை வகித்து பேசுகையில்,  முன்பெல்லாம் வேலைக்குச் சென்றாலும் கூட வீட்டிலேயே தையல் இயந்திரங்களை வைத்து தையல் தொழில் செய்து வந்தனர் பெண்கள். தையல்கலைப் பயிற்சி பெற்றாலே பெண்களுக்குத் தன்னம்பிக்கை வந்துவிடும் என்றார்.
யுகாவின்  தலைவரும், எனேபிளின் இணைச் செயலருமானஅல்லிராணி பாலாஜி விழாவில் தொடக்கவுரையாற்றினார். நிகழ்ச்சியில்,  அனைத்து பெண்கள் சங்கங்களின் ஒருங்கிணைப்பாளர் ஜம்பகா ராமகிருஷ்ணன் வாழ்த்திப் பேசினர்.
ஸ்ரீரங்கம் நாட்டியாலயா இயக்குநர் ரேவதி முத்துசுவாமி, ஸ்கோப் தொண்டு நிறுவனர் சுப்புராமன் உள்ளிட்டோர் பங்கேற்றனர். எனேபிள் பொருளாளர்  எஸ். வித்யாலட்சுமி நன்றி கூறினார்.

]]>
http://www.dinamani.com/all-editions/edition-trichy/trichy/2018/nov/18/சக்திபடைத்த-பெண்கள்-சாதனை-நிகழ்த்த-கைத்தொழில்-ஒரு-காரணி-3040987.html
3040986 திருச்சி திருச்சி துறையூரில் அங்கன்வாடி மையம் திறப்பு DIN DIN Sunday, November 18, 2018 08:33 AM +0530 துறையூரில் புதிய அங்கன்வாடி மையம் வெள்ளிக்கிழமை திறக்கப்பட்டது. 
நகராட்சி 18ஆவது வார்டுக்குள்பட்ட விநாயகர் தெருவில் பழமையான கட்டடத்தில் செயல்பட்ட அங்கன்வாடி மையத்துக்கு புதியக் கட்டடம் சட்டப்பேரவை உறுப்பினர் தொகுதி மேம்பாட்டு நிதியிலிருந்து ரூ.5.98 லட்சத்தில் புதிய கட்டடம் கட்டப்பட்டது. 
புதிய அங்கன்வாடி மையக் கட்டடத்தை சட்டப்பேரவை உறுப்பினர் செ.ஸ்டாலின்குமார் திறந்து வைத்தார். வட்டார குழந்தைகள் வளர்ச்சித் திட்ட அலுவலர் லலிதா, நகராட்சி ஆணையர் வே.நவேந்திரன், திமுக நகரச் செயலாளர் ந.முரளி உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/18/துறையூரில்-அங்கன்வாடி-மையம்-திறப்பு-3040986.html
3040985 திருச்சி திருச்சி பரியேறும் பெருமாள் திரைப்பட இயக்குநருக்கு பாராட்டு DIN DIN Sunday, November 18, 2018 08:33 AM +0530 தமிழ்நாடு தொழிலாளர் கல்வி மையத்தின் சார்பில், பரியேறும் பெருமாள் திரைப்பட இயக்குநர் மாரி செல்வராஜுக்கு திருச்சியில் வெள்ளிக்கிழமை பாராட்டு விழா நடைபெற்றது.
விழாவுக்கு அகில இந்திய பிஎஸ்என்எல் அதிகாரிகள் சங்க மாநில துணைச் செயலர் செ. காமராஜ் தலைமை வகித்தார். தேசிய தொலைத்தொடர்பு சம்மேளன மாவட்டத் தலைவர் பி. சுந்தரம், மாவட்ட பொருளாளர் ஏ.சேகர் ஆகியோர் முன்னிலை வகித்தனர்.
தமிழ்நாடு கலை, இலக்கிய பெருமன்ற மாநிலப் பொருளாளர் ரத்தினவேலு, கவிஞர் கலியமூர்த்தி, பிஎஸ்என்எல் எஸ்சி, எஸ்டி ஊழியர் நலச் சங்க அகில இந்தியத் தலைவர் பி.என். பெருமாள், தேசிய தொலைத்தொடர்பு சம்மேளன அகில இந்தியதுணைத் தலைவர் சி.கே. மதிவாணன், வாசிப்போர் களம் அமைப்பின் நிர்வாகி சு. கருப்பையா, தொழிலாளர் கல்வி மைய துணைப் பொதுச் செயலர் ஆர். அசோக்குமார் ஆகியோர் வாழ்த்திப் பேசினர்.
தமிழ்நாடு முற்போக்கு எழுத்தாளர், கலைஞர்கள் சங்க மாநில துணைத் தலைவர் கவிஞர் நந்தலா பேசியது: சமூகத்தில் இன்றளவும் நீடித்து வரும் அவலங்களை எந்தவித எதிர்ப்புக்கும் ஆளாகாமல், உள்ளதை உள்ளபடி, நேர்மையாகவும், திறமையாகவும் திரைப்படமாக வெளிப்படுத்தியுள்ளார் மாரிசெல்வராஜ். சமூக மாற்றத்துக்கு வித்திடும் வகையில் படைப்புகள் தமிழ் திரைத்துறையில் அடுத்தடுத்து வருவது பாராட்டுக்குரியது. இத்தகைய இளம்படைப்பாளிகள் ஊக்குவிக்கப்பட வேண்டும் என்றார் அவர். தொடர்ந்து, திரைப்பட இயக்குநர் மாரி செல்வராஜ் ஏற்புரையாற்றினார்.  நிகழ்ச்சியில், சமூக செயற்பாட்டாளர்கள், தொழிலாளர் கல்வி மையத்தினர், தமிழ் ஆர்வலர்கள், சாதி மறுப்பாளர்கள் என பலர் கலந்து கொண்டனர்.
 

]]>
http://www.dinamani.com/all-editions/edition-trichy/trichy/2018/nov/18/பரியேறும்-பெருமாள்-திரைப்பட-இயக்குநருக்கு-பாராட்டு-3040985.html
3040451 திருச்சி திருச்சி மாவட்டத்தில் பெரும் பாதிப்பு: மரங்கள், வாழைகள் சாய்ந்தன DIN DIN Saturday, November 17, 2018 08:55 AM +0530 கஜா புயலால் திருச்சி மாவட்டத்தின் பல்வேறு பகுதிகளிலும் வெள்ளிக்கிழமை பெரும் பாதிப்பை ஏற்படுத்தியிருக்கிறது. அதிகளவில் வாழை மரங்கள் சாய்ந்து விழுந்துள்ளன.
கஜா புயல்  வியாழக்கிழமை நாகையை கடக்கத் தொடங்கியதும் திருச்சி மாநகர் மற்றும் புறநகர்ப் பகுதிகளிலும் காற்று வீசத் தொடங்கியது. அப்போது லேசாக மழை பெய்து வந்தது.  நாகையில் புயல் கரையைக் கடந்த பின்னர், இந்த காற்றின் வேகம் அதிகரிக்கத் தொடங்கி, மழையும் தீவிரமாக பெய்தது.
வேகமாக வீசிய காற்றின் காரணமாக சுப்பிரமணியபுரம்,  மன்னார்புரம் பழைய வட்டாரப் போக்குவரத்து அலுவலர் அலுவலகம், திருச்சி மாநகராட்சி அலுவலக வளாகம், பழையச் சுற்றுலா மாளிகை, டிவிஎஸ் டோல்கேட், கருமண்டபம், பொன்மலைப்பட்டி பேருந்து நிலையம், நீதிமன்றம்,  பாரதியார் சாலை நல்லி சில்க்ஸ் அருகே போன்ற பல்வேறு இடங்களில் சாலையோர மரங்கள் சாய்ந்து விழுந்தன. இதுபோல, மாநகராட்சி நுழைவுவாயில் அருகில் இருந்த புங்கை மரம் திடீரென சாய்ந்து காவலர் அறை மீது விழுந்தது.  இதில் காவல் பணியில் இருந்த சாமி என்பவர் உயிர்த் தப்பினார். 
மின்மாற்றி வெடித்தது: மேலும், திருச்சி- புதுக்கோட்டை தேசிய நெடுஞ்சாலையில் வேலன் மருத்துவமனை  எதிரில் சாலையின் மையத் தடுப்பில் இருந்த மின் கம்பங்கள்,  பழையச் சுற்றுலா மாளிகை வளாகத்தில் இருந்த மின் கம்பங்கள் சாய்ந்து விழுந்தன.   பலத்த மழை மற்றும் காற்றின் காரணமாக மணப்பாறை வட்டம், வேங்கைக்குறிச்சியில் 10 வீடுகள்  சேதமடைந்துள்ளன.  திருச்சி மத்திய மண்டல ஐ.ஜி. அலுவலகம் முன்பிருந்த மின் மாற்றி வெள்ளிக்கிழமைஅதிகாலை வெடித்தது. இதனால் மின் வயர்கள் சாலையில் விழுந்தன. அந்த நேரத்தில் சாலையில் மக்கள் நடமாட்டம் இல்லாததால் உயிர் சேதம் தவிர்க்கப்பட்டது. 
    திருச்சி பாரதிதாசன் பல்கலைக்கழக வளாகத்தில்  உள்ள மரங்களும் சாய்ந்து விழுந்தன. 
சாலைகளில் தேங்கிய மழைநீர் : திருச்சி மாநகரின் பல்வேறு பகுதிகளில் வெள்ளிக்கிழமை காலை பெய்த தொடர் மழையின் காரணமாக சாலைகளில் மழைநீர்த் தேங்கிக் காணப்பட்டது. குறிப்பாக, திருச்சி மத்தியப் பேருந்து நிலையம், பாலக்கரை, சத்திரம் பேருந்து நிலையம், தென்னூர், தில்லைநகர் போன்ற மாநகரின் பல்வேறு சாலைகளில் மழைநீர் தேங்கிக் காணப்பட்டது. பொதுமக்களின் இயல்பு வாழ்க்கையும் முடங்கியது. பிற்பகல் 12 மணிக்கு மேல்தான் மழை நின்றது.
வாழைகள் சேதம் :  வெள்ளிக்கிழமை காலை வீசிய பலத்த காற்றின் காரணமாக திருச்சி மாவட்டத்தில் பயிரிடப்பட்டு,  அறுவடை செய்யும் நிலைக்குத் தயாராக இருந்த வாழைமரங்கள் சாய்ந்து விழுந்தன. குறிப்பாக வயலூர், சீராத்தோப்பு, குழுமணி, ஏகிரிமங்கலம், ஜீயபுரம், அல்லூர், பேட்டைவாய்த்தலை,  கல்லணை அருகிலுள்ள பனையக்குறிச்சி, கிளிக்கூடு, உத்தமர்சீலி, திருவளர்ச்சோலை போன்ற பகுதிகளில் பயிரிடப்பட்டிருந்த 10,000 ஏக்கர் மதிப்புள்ள 1 லட்சத்துக்கும் மேற்பட்ட வாழைகள் காற்றின் காரணமாக சாய்ந்து விழுந்தன. இதுபோல, லால்குடி மற்றும் மண்ணச்சநல்லூர், முசிறி வட்டத்தின் பல்வேறு பகுதிகளிலும் வாழைகள் பெருமளவில் சாய்ந்து சேதத்தை ஏற்படுத்தியிருக்கின்றன.
முன்னெச்சரிக்கை இல்லை :  மற்ற பகுதிகளில் கஜா  புயல் காரணமாக பாதிப்பு ஏற்படலாம் என்பதை முன்கூட்டியே கண்டறிந்து முன்னெச்சரிக்கை நடவடிக்கைகள் மேற்கொள்ளப்பட்ட நிலையில், திருச்சி மாவட்டத்தில் பாதிப்பு ஏற்படலாம் என்பதே முன்னரே தெரிவித்திருந்தால், நாங்கள் பயிரிட்டிருந்த வாழைகளைக் காக்கும் வகையில் சவுக்குக் கட்டைகளை வைத்து பாதுகாத்திருப்போம். ஆனால் எந்த முன்னெச்சரிக்கையும் இல்லாத நிலையில், வாழைகள் கடுமையான அளவில் சேதம் அடைந்துள்ளன.
எனவே சேதமடைந்த விவசாயிகளுக்கு ஏக்கருக்கு ரூ.5 லட்சம் வரை நிவாரணம் வழங்கிட வேண்டும்  என்றார் தமாகா விவசாய அணி மாநிலத் தலைவர் புலியூர் ஏ.நாகராஜன்.
மின் இணைப்புத் துண்டிப்பு :  புயல் காரணமாக  மழை பெய்தாலும், காற்றும் அதிகமாக வீசியதால் புறநகரின் பல்வேறு பகுதிகளில் வியாழக்கிழமை  இரவே மின் விநியோகம் ரத்தானது. மாநகரில் பல பகுதிகளில் வெள்ளிக்கிழமை காலையில் ரத்தான மின் விநியோகம் பிற்பகலுக்குப் பிறகே சரியானது.
காற்றின் காரணமாக மாநகர், புறநகர்ப் பகுதிகளில் ஆஸ்பெஸ்டாஸ் கூரைகள், தார்பாய்கள் என கடைகள் மீது போடப்பட்டிருந்தவை காற்றில் பறந்தன. இதன் காரணமாக திருச்சி மாநகரின் பல்வேறு இடங்களில் சிறிய கடைகள் மூடப்பட்டிருந்தன. அதிகாலை முதல் மின் விநியோகம் ரத்தானதால் சமையல் தயார் செய்ய முடியாத நிலை ஏற்பட்டதால் சிறிய நிலையில் உள்ள உணவகங்கள் பல மூடப்பட்டன.

லால்குடி, மண்ணச்சநல்லூரில்...
திருச்சி மாவட்டம் லால்குடி, மண்ணச்சநல்லூர் பகுதிகளில் கஜா புயலால் பயிரிடப்பட்டிருந்த ரூ.10 கோடி மதிப்பிலான 10 லட்சத்துக்கும் அதிகமான வாழை மரக்கன்றுகள் வெள்ளிக்கிழமை முறிந்து  சேதமடைந்தது. 
லால்குடி பகுதியில்  சுமார் 1,000 ஏக்கர் பரப்பளவில் பயிரிட்டிருந்த 10 லட்சத்துக்கும் அதிகமான வாழை மரங்கள் முறிந்து விழுந்தது. 
இந்த சேதங்களை ஈடுசெய்யும் வகையில் விவசாயிகளுக்கு அரசு உதவ வேண்டுமென இப்பகுதி விவசாயிகள் கோரிக்கை விடுத்துள்ளனர்.
மின்சாரம் துண்டிப்பு: அதேபோல, பலத்த காற்றுடன் மழை பெய்ததால் முன்னெச்சரிக்கை நடவடிக்கையாக நிறுத்தி வைக்கப்பட்டிருந்த மின் இணைப்பு 2 மணிக்குப் பிறகு சீரானது. இதனால் இப்பகுதிகளில் மக்களின் இயல்பு வாழ்க்கை பிற்பகல் வரை பாதிக்கப்பட்டது.
போக்குவரத்து பாதிப்பு: லால்குடி அருகே தாளக்குடி முருகன் கோயில் பகுதியில் இருந்த பழமையான நாவல் மரம் முறிந்து விழுந்ததால் திருச்சி-சிதம்பரம் சாலையில் சுமார் அரைமணி நேரம் போக்குவரத்து தடைபட்டது. 
தகவலறிந்து சம்பவ இடத்துக்குச் சென்ற ஸ்ரீரங்கம் தீயணைப்புத் துறையினர் மற்றும் கொள்ளிடம் போலீஸார் நிகழ்விடத்துக்குச் சென்று சாலையில் குறுக்கே கிடந்த மரத்தை அப்புறப்படுத்தியதைத் தொடர்ந்து போக்குவரத்து சீரானது.
 

]]>
http://www.dinamani.com/all-editions/edition-trichy/trichy/2018/nov/17/மாவட்டத்தில்-பெரும்-பாதிப்பு-மரங்கள்-வாழைகள்-சாய்ந்தன-3040451.html
3040450 திருச்சி திருச்சி ஆட்டோ மீது மரம் விழுந்ததில்  ஓட்டுநர் சாவு DIN DIN Saturday, November 17, 2018 08:54 AM +0530 திருச்சியில் கஜா புயலால் ஆட்டோ மீது மரம் விழுந்து அமுக்கியதில் ஆட்டோ ஓட்டுநர் வெள்ளிக்கிழமை உயிரிழந்தார்.
திருச்சி மாவட்டம், நவல்பட்டு  பர்மா காலனி பக்தவச்சலம் நகரைச் சேர்ந்தவர் துரைசாமி (62). ஓய்வு பெற்ற துப்பாக்கித் தொழிற்சாலை ஊழியரான இவர், நவல்பட்டு பகுதியில் ஆட்டோவில் சென்று கொண்டிருந்தார். அப்போது, சாலையோரம் இருந்த மரம் பெயர்ந்து ஆட்டோ  மீது விழுந்து நசுங்கியது. இதில் இடிபாடுகளில் சிக்கிய துரைசாமி நிகழ்விடத்தில் உயிரிழந்தார். மரம் அப்புறப்படுத்தப்பட்டு உடல் மீட்கப்பட்டது.
 

]]>
http://www.dinamani.com/all-editions/edition-trichy/trichy/2018/nov/17/ஆட்டோ-மீது-மரம்-விழுந்ததில்--ஓட்டுநர்-சாவு-3040450.html
3040449 திருச்சி திருச்சி திருச்சி மாவட்டத்தில் 677.30 மி.மீ. மழை பதிவு DIN DIN Saturday, November 17, 2018 08:54 AM +0530 திருச்சி மாவட்டத்தில் கஜா புயல் காரணமாக  மொத்தமாக 677.30 மி. மீ. மழை பதிவாகியுள்ளது.
கஜா புயல் காரணமாக  வியாழக்கிழமை இரவில் லேசாக பெய்யத் தொடங்கிய மழை பின்னர் படிப்படியாக அதிகரிக்கத் தொடங்கியது. வெள்ளிக்கிழமை காலை 6 மணிக்கு மேல் பலத்த காற்றுடன் பெய்த மழை தொடர்ந்து முற்பகல் 11 மணி வரை நீடித்தது. அதன்பிறகு படிப்படியாக மழை நின்றது.  இதனால் சாலைகளில் மரங்கள் சாய்ந்து விழுந்தது.
 கே.கேநகர், உறையூர், காஜாமலை பயணியர் மாளிகை, சமயபுரம்- மண்ணச்சநல்லூர் சாலை, வாளாடி- லால்குடி சாலை, மணப்பாறை- குளித்தலை சாலை,   மணப்பாறை- கோவில்பட்டி சாலை, ரயில்வே மேம்பாலம், மணப்பாறை- திருச்சி சாலை  போன்ற பகுதிகளில் புயலால் சேதமடைந்த  பகுதிகளில் சீரமைப்புப் பணிகளை மாவட்ட ஆட்சியர் கு.ராசாமணி வெள்ளிக்கிழமை காலை நேரில் பார்வையிட்டு, ஆய்வு செய்தார். 
திருச்சி மாவட்டத்தில் கஜா புயலால் ஏற்பட்ட சேதம், சீரமைப்புப்பணிகளை மாவட்டத்துக்கான கண்காணிப்பு அலுவலரும், அண்ணா மேலாண்மைப் பயிற்சி நிலைய இயக்குநரும் முதன்மைச் செயலருமான கே.பனீந்திரரெட்டி திருச்சியில் முகாமிட்டு கண்காணித்து வருகிறார்.
மாவட்டத்தில் பதிவான மழையளவு விவரம் :  மாவட்டத்தில் வெள்ளிக்கிழமை காலை 8.30 மணியுடன் முடிவடைந்த 24 மணி நேரத்தில் மழை அளவு விவரம் ( மி.மீட்டரில்): நவலூர் குட்டப்பட்டு- 45 மி.மீ,  திருச்சி டவுன்- 42, புள்ளம்பாடி- 40.60,  கல்லக்குடி- 40.20,  சமயபுரம்- 39,  திருச்சி ஜங்சன்- 38.60,  துவாக்குடி நீர்ப்பாசன மேலாண்மைப் பயிற்சி நிலையம்- 38.20,  லால்குடி- 35, பொன்மலை- 34.50,  நந்தியாற்றுத்தலைப்பு- 33.40, பொன்னணியாறு அணை- 31.20,  வாய்த்தலை அணைக்கட்டு- 31,  திருச்சி விமான நிலையம்- 29.80,  மணப்பாறை- 29.40,  துறையூர்- 29, கொப்பம்பட்டி-26,  தேவிமங்கலம்- 25, மருங்காபுரி-  22.20,  முசிறி-17, புலிவலம்- 15, கோவில்பட்டி-13.20,  தென்பறநாடு- 10,  சிறுகுடி- 9, தாத்தையங்கார்பேட்டை- 4 மி.மீ. 
மாவட்டத்தில் சராசரியாக 27.09 மி.மீ. மழையும், மொத்தமாக 677.30 மி.மீ. மழையும் பதிவாகியுள்ளது.
 

]]>
http://www.dinamani.com/all-editions/edition-trichy/trichy/2018/nov/17/திருச்சி-மாவட்டத்தில்-67730-மிமீ-மழை-பதிவு-3040449.html
3040448 திருச்சி திருச்சி கஜா புயல்: நாகை, திருவாரூர் மாவட்டத்துக்கு 400 துப்புரவுப் பணியாளர்கள் அனுப்பி வைப்பு DIN DIN Saturday, November 17, 2018 08:54 AM +0530 கஜா புயலால் பெரும் பாதிப்புக்குள்ளாகியிருக்கும் நாகப்பட்டினம், திருவாரூர் மாவட்டங்களில்  சீரமைப்புப் பணிகளை மேற்கொள்ள திருச்சியிலிருந்து 400 துப்புரவுப் பணியாளர்கள் வெள்ளிக்கிழமை புறப்பட்டுச் சென்றனர்.
கஜா புயலால் நாகப்பட்டினம், திருவாரூர், தஞ்சாவூர், புதுக்கோட்டை மாவட்டங்கள் பெருமளவிலான சேதத்தை சந்தித்துள்ளன. அந்த மாவட்டங்களில் சீரமைப்புப் பணிகள் மேற்கொள்ளப்பட்டு வருகின்றன.
இந்நிலையில், திருச்சி மாவட்டத்திலிருந்து கூடுதல் பணியாளர்களை அனுப்புமாறு திருவாரூர், நாகப்பட்டினம் மாவட்ட ஆட்சியர்கள், கோரியிருந்தனர். அதன் அடிப்படையில், திருச்சி மாவட்ட நிர்வாகத்தின்சார்பில் பல்வேறு பேரூராட்சிகளிலும், மாநகராட்சிகளிலும் பணிபுரியும்  400 துப்புரவுப் பணியாளர்கள் மற்றும் இதரப் பணியாளர்கள் 4 பேருந்துகள், 15 லாரிகளில் திருச்சியிலிருந்து வெள்ளிக்கிழமை பிற்பகல் அனுப்பி வைக்கப்பட்டனர். மேலும் சீரமைக்கும் பணிக்குத் தேவையான மரம் அறுக்கும் இயந்திரங்களும் மற்றும் இதர இயந்திரங்கள் கொண்டு சென்றனர்.
திருச்சி மாவட்ட ஆட்சியரகம் மற்றும் மாநகராட்சி வளாகத்திலிருந்து துப்புரவுத் தொழிலாளர்களை மாவட்ட ஆட்சியர் கு.ராசாமணி வழியனுப்பி வைத்தார். நிகழ்ச்சிகளில் மாநகராட்சி ஆணையர் ந.ரவிச்சந்திரன், மாவட்ட வருவாய் அலுவலர் தா.சாந்தி,  பொறியாளர் எஸ். அமுதவள்ளி உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/trichy/2018/nov/17/கஜா-புயல்-நாகை-திருவாரூர்-மாவட்டத்துக்கு-400-துப்புரவுப்-பணியாளர்கள்-அனுப்பி-வைப்பு-3040448.html
3040447 திருச்சி திருச்சி 1,500 மின் கம்பங்கள் சேதம் DIN DIN Saturday, November 17, 2018 08:53 AM +0530 கஜாபுயல் காரணமாக திருச்சி மாவட்டத்தில் 1500 மின் கம்பங்கள் சேதமடைந்துள்ளதாகவும், இதில் அதிகபட்சமாக மணப்பாறை பகுதியில் மட்டும் 800 மின் கம்பங்கள் சாய்ந்து சேதமடைந்துள்ளதாகவும்  திருச்சி மாவட்ட கண்காணிப்பு அலுவலரும், அண்ணா மேலாண்மைப் பயிற்சி மைய இயக்குநரும் முதன்மைச் செயலருமான கே. பனீந்திரரெட்டி.
மாவட்டத்தில் கஜா புயால் ஏற்பட்ட சேதங்களை விரைவில் சரிசெய்வது குறித்தும், டெங்கு தடுப்பு முன்னெச்சரிக்கை நடவடிக்கைகள் குறித்தும் திருச்சி மாவட்ட ஆட்சியரகத்தில் அனைத்துத் துறை அலுவலர்களுடன் வெள்ளிக்கிழமை நடத்திய ஆய்வுக் கூட்டத்தில் அவர் மேலும் தெரிவித்தது:
கஜா புயலால் திருச்சி மாவட்டத்தில் மணப்பாறை, துவரங்குறிச்சி, மருங்காபுரி பகுதிகளில் 100-க்கும் மேற்பட்ட மரங்கள் சாய்ந்துள்ளன. மணப்பாறை பகுதியில் 800 மின் கம்பங்களும், மணிகண்டம் ஒன்றியத்தில் 300 மின் கம்பங்களும், இதரப் பகுதிகளில் 400 மின்கம்பங்களும் சேதமடைந்துள்ளன. 
மணப்பாறை பகுதியில் மின் கம்பங்களை சரி செய்ய ஏற்கெனவே 500 மின்கம்பங்கள்  தயார் நிலையில் உள்ளன. மேலும், தற்போது 600 மின் கம்பங்கள் திருச்சியிலிருந்து அனுப்பி வைக்கப்பட்டுள்ளன. மணப்பாறை, மேட்டுப்பட்டி பகுதிகளில்தான் அதிகளவில் மின் கம்பங்கள் சேதமடைந்துள்ளன.
அந்தநல்லூர், திருவெறும்பூர், லால்குடி, மண்ணச்சநல்லூர் பகுதிகளில் வாழைகள் அதிகளவில் சேதமடைந்துள்ளன. மாவட்டத்தில் 9 பசு மாடுகள், 1 காளை, 5 வெள்ளாடுகள் உயிரிழந்துள்ளன.இவற்றை கால்நடைத்துறையின் மூலமாக உடனடியாக பிரேத பரிசோதனை செய்துஉரிமையாளர்களிடம் ஒப்படைக்கப்பட்டது. 
மாநகராட்சிப் பகுதியில் 70 மரங்கள் விழுந்துள்ளன. 
இவை உடனடியாக அப்புறப்படுத்தப்பட்டு  வருகின்றன என்றார் பனீந்திரரெட்டி.
ஆய்வுக் கூட்டத்தில், மாநகராட்சி ஆணையர் ந. ரவிச்சந்திரன், மாவட்ட வருவாய் அலுவலர் தா.சாந்தி,  மாவட்ட ஆட்சியரின் நேர்முக உதவியாளர் ( பொது) சிவருத்ரயா, ஊரக வளர்ச்சி முகமைத் திட்ட இயக்குநர்  கோ. மலர்விழி, வேளாண் இணை இயக்குநர் பால்ராஜ், சுகாதாரத் துறை இணை இயக்குநர் சம்சாத் பேகம், மாவட்ட முதன்மைக் கல்வி அலுவலர் மா.ராமகிருட்டிணன், தோட்டக்கலைத் துறை துணை இயக்குநர் கிருஷ்ணமூர்த்தி உள்ளிட்டபல்துறை அலுவலர்கள் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/nov/17/1500-மின்-கம்பங்கள்-சேதம்-3040447.html
3040446 திருச்சி திருச்சி துறையூர் அருகே  மின்னல் தாக்கியதில் 2 மாடுகள் சாவு DIN DIN Saturday, November 17, 2018 08:53 AM +0530 துறையூர் அருகே மின்னல் தாக்கியதில் கட்டப்பட்டிருந்த 2 மாடுகள் வெள்ளிக்கிழமை உயிரிழந்தது.
துறையூர் ஒன்றியம் சொக்கநாதபுரம் ஊராட்சியைச் சேர்ந்த சடையன் மகன் பொம்மன். கொல்லப்பட்டியில் உள்ள அவரது நிலத்தில் பசு, காளை மாடுகளை வெவ்வேறு மரக்கட்டையில் கட்டி வைத்திருந்தார். வெள்ளிக்கிழமை அதிகாலை இடி, மின்னல், பலத்த காற்றுடன் லேசான மழை பெய்தது.
அப்போது, மின்னல் தாக்கியதில் ஏற்பட்ட அதிர்வில் தரையில் படுத்திருந்த 2 மாடுகளும் நிகழ்விடத்தில் உயிரிழந்தது. 
 

]]>
http://www.dinamani.com/all-editions/edition-trichy/trichy/2018/nov/17/துறையூர்-அருகே--மின்னல்-தாக்கியதில்-2-மாடுகள்-சாவு-3040446.html
3040445 திருச்சி திருச்சி பெண் தீக்குளித்து தற்கொலை DIN DIN Saturday, November 17, 2018 08:53 AM +0530 திருச்சி, கோட்டை பெரியதெரு, கொல்ல வடுகர் சந்து பகுதியைச் சேர்ந்தவர் வரதராஜன், இவரது மனைவி லட்சுமி (50).  கணவன்- மனைவி இடையே ஏற்பட்ட கருத்து வேறுபாடு காரணமாக லட்சுமி வியாழக்கிழமை உடலில் தீ வைத்து தற்கொலை செய்துகொண்டார். 
ரூ. 2 லட்சம் மோசடி செய்தவர் கைது: திருச்சி கண்டோன்மென்ட் ஒத்தக்கடை பகுதியைச் சேர்ந்தவ மோ. தரணி. இவர், அதே பகுதியில் உள்ள ஒரு பிரபல செல்லிடப்பேசி விற்பனை மையத்தில் செல்லிடப்பேசி வாங்க சென்றார். அங்கு விற்பனையாளராக பணியாற்றிய அரியலூர் மாவட்டம் உடையார் பாளையம் அருகேயுள்ள நாயக்கர்பாளையம் வடக்குத் தெருவைச் சேர்ந்த  த. அருள்ராஜ் (28) என்பவரை அணுகினார். அவரிடம் செல்போன் வாங்குவதற்காக கொடுத்த ஆவணங்களைக் கொடுத்துள்ளார். மேலும் சிலரும் அதுபோல ஆவணங்களை கொடுத்துள்ளனர். அவற்றைக் கொண்டு உரிய நபர்களின் அனுமதியின்றி அவர்களின் பெயரில் ரூ. 5.30 லட்சத்துக்கு செல்லிடப்பேசி கடன் வாங்கியுள்ளார். 
இந்த விவரம் தெரிந்த அனைவரும் அருள்ராஜிடம் கேட்டபோது ரொக்கத்தை திருப்பித் தருவதாக உறுதியளித்து ரூ. 3.30 லட்சத்தை கொடுத்துள்ளார். மீதி ரூ. 2 லட்சம் திருப்பித்தரவில்லை. இது குறித்து புகாரின் அடிப்படையில் போலீஸார் வியாழக்கிழமை அருள்ராஜை கைது செய்தனர்.

]]>
http://www.dinamani.com/all-editions/edition-trichy/trichy/2018/nov/17/பெண்-தீக்குளித்து-தற்கொலை-3040445.html
3040444 திருச்சி திருச்சி திருச்சி வந்த விமானங்கள் திருப்பி அனுப்பிவைப்பு DIN DIN Saturday, November 17, 2018 08:53 AM +0530 கஜா புயலால் ஏற்பட்ட மோசமான வானிலை காரணமாக வெள்ளிக்கிழமை  திருச்சி வந்த விமானங்கள் வேறு விமான நிலையங்களுக்கு திருப்பி அனுப்பி வைக்கப்பட்டது. 
கஜா புயலால்  திருச்சி மாவட்டத்திலும் இயல்பு நிலை பாதிக்கப்பட்டது. இதன் காரணமாக சாலைப் போக்குவரத்தை விட விமானம் மற்றும் ரயில் போக்குவரத்து பாதிப்புக்குள்ளானது. இதில், திருச்சி விமான நிலையத்தில் அதிகாலை 1.30-க்கு மணிக்கு சிங்கப்பூர் விமானம் புறப்பட்டுச் சென்ற பின்னர் முற்பகல் 11.45 மணி வரையில் விமானப் போக்குவரத்து முற்றிலுமாக பாதிப்புக்குள்ளானது. அதன் பிறகே விமானங்கள் இயக்கப்பட்டன.
அதிகாலை 4.30-மணிக்கு சார்ஜாவிலிருந்து திருச்சி வந்து, அதன் பின்னர் 5.30க்கு புறப்பட வேண்டிய ஏர் இந்தியா எக்ஸ்பிரஸ் விமானம் மோசமான வானிலை காரணமாக கொச்சி விமான நிலையத்துக்கு திருப்பி அனுப்பி வைக்கப்பட்டது.  பின்னர் சில மணி நேரம் கழித்து மீண்டும் திருச்சி வந்து சென்றது.  காலை 9.10க்கு திருச்சி வரவேண்டிய ஸ்ரீலங்கன் விமானம் பகல் 1.19-க்கு திருச்சி வந்து சென்றது. காலை 7.40-க்கு கொச்சியிலிருந்து வரவேண்டிய இண்டிகோ விமானம் திருப்பி அனுப்பப்பட்டு பகலில் வந்து சென்றது. சென்னையிலிருந்து காலை 6.25-க்கு வரவேண்டிய இண்டிகோ விமானம் பகல் 12.42 மணிக்கும், முற்பகல் 11மணிக்கு வரவேண்டிய இண்டிகோ விமானம்  மாலை 4.25 மணிக்கும் திருச்சி  வந்து சென்றது. பிற்பகல் 3 மணிக்கு வரவேண்டிய இலங்கை விமானம் ரத்து செய்யப்பட்டது.

]]>
http://www.dinamani.com/all-editions/edition-trichy/trichy/2018/nov/17/திருச்சி-வந்த-விமானங்கள்-திருப்பி-அனுப்பிவைப்பு-3040444.html
3040443 திருச்சி திருச்சி திருச்சி கோட்டத்தில் பல ரயில்கள் ரத்து DIN DIN Saturday, November 17, 2018 08:52 AM +0530 கஜா புயல் காரணமாக ஏற்பட்ட பாதிப்புகளைத் தொடர்ந்து ரயில் போக்குவரத்தும் பாதிக்கப்பட்டது. திருச்சி ரயில்வே கோட்டத்தில் பல ரயில்கள் ரத்து செய்யப்பட்டதுடன், திருச்சி வந்த 3 ரயில்கள் நடுவழியில் நின்று தாமதமாகச் சென்றன.
மயிலாடுதுறை - தஞ்சாவூர், மயிலாடுதுறை - திருச்சி-மயிலாடுதுறை, திருச்சி - மயிலாடுதுறை,  மயிலாடுதுறை - திருவாரூர், காரைக்குடி-திருச்சி, திருச்சி -மன்னார்குடி, காரைக்கால்-வேளாங்கண்ணி-காரைக்கால், வேளாங்கண்ணி-நாகை-வேளாங்கண்ணி, திருச்சி-காரைக்கால், காரைக்குடி-விருதுநகர் டெமு, திருச்சி - காரைக்குடி டெமு இரு ரயில்கள் , திருச்சி - காரைக்குடி, திருச்சி -ராமேஸ்வரம் -திருச்சி உள்ளிட்ட  பயணிகள் ரயில்களும், மன்னார்குடி-திருப்பதி பாமணி விரைவு ரயில் ஆகியவை வெள்ளிக்கிழமை முற்றிலுமாக ரத்து செய்யப்பட்டன. 

மாற்று வழியில் இயக்கம்  மற்றும் தாமதம்
மைசூர் - மயிலாடுதுறை விரைவு ரயில், எர்ணாக்குளம் காரைக்கால் விரைவு ரயில், கோவை - மன்னார்குடி விரைவு ரயில்கள்  தஞ்சை ரயில் நிலையத்துடன் ரத்து செய்யப்பட்டன. திருச்செந்தூர்-சென்னை விரைவு ரயில் மற்றும் திருச்சி-சென்னை விரைவு ரயில் ஆகியவை தஞ்சை வழியாக மெயின் லைனில் இயக்குவதற்கு பதிலாக திருச்சி, விருத்தாசலம், விழுப்புரம் வழியாக இயக்கப்பட்டன.

ராமேஸ்வரம்- சென்னை விரைவு ரயில்கள்  16852, 2262 ஆகியவை  ராமேஸ்வரத்திலிருந்து இயக்குவதற்கு பதிலாக ராமநாதபுரத்திலிருந்து இயக்கப்பட்டன. அதேபோல திருச்சி-திண்டுக்கல் பயணிகள் ரயில் மாலை 6.25-க்கு பதிலாக 65 நிமிடங்கள் தாமதமாக 7.30-க்கு திருச்சியிலிருந்து புறப்பட்டுச் சென்றன. 

நடுவழியில் நின்ற ரயில்கள்
கரூரிலிருந்து திருச்சி வந்த ரயில்கள் காற்று காரணமாக மின் கம்பிகளில் மரங்கள் விழுந்ததால் மின் இணைப்பு துண்டிக்கப்பட்டு ஆங்காங்கே நடுவழியில் நின்று தாமதமாக புறப்பட்டுச் சென்றன. வட மாநிலத்திலிருந்து கரூர் வழியாக திருச்சி வரும் டி கார்டன் விரைவு ரயில் பெருகமணி பகுதியிலும், கரூர்-திருச்சி பயணிகள் ரயில் பேட்டை வாய்த்தலை பகுதியிலும் நடுவழியில் நின்றன. பின்னர் சுமார் 2 மணி நேரம் தாமதத்துக்கு பின்னர் புறப்பட்டுச் சென்றன.

]]>
http://www.dinamani.com/all-editions/edition-trichy/trichy/2018/nov/17/திருச்சி-கோட்டத்தில்-பல-ரயில்கள்-ரத்து-3040443.html
3040442 திருச்சி திருச்சி பாரதிதாசன் பல்கலை.க்கழகத்தில் பருவத் தேர்வுகள்  நவம்பர் 20 வரை ரத்து DIN DIN Saturday, November 17, 2018 08:51 AM +0530 திருச்சி பாரதிதாசன் பல்கலைக்கழகத்தில் நவம்பர் 17 ( சனிக்கிழமை) முதல் 20 ஆம் தேதி வரை நடைபெறவிருந்த பருவத் தேர்வுகள்  கஜா புயல் காரணமாக ரத்து செய்யப்பட்டுள்ளதாக அறிவிக்கப்பட்டுள்ளது.
இதுகுறித்து பாரதிதாசன் பல்கலைக்கழகத்தின் தேர்வு நெறியாளர் முனைவர்  க. துரையரசன் வெள்ளிக்கிழமை வெளியிட்டுள்ள செய்திக்குறிப்பு: 
திருச்சி பாரதிதாசன் பல்கலைக்கழகத்தின் ஆளுகைக்குள்பட்ட மாவட்டங்களில் இயங்கி வரும் கல்லூரிகளில் நவம்பர் பருவத் தேர்வுகள் தொடங்கி நடைபெற்று  வருகின்றன. இந்நிலையில், கஜா புயல் பாதிப்பு காரணமாக தஞ்சாவூர், திருவாரூர்,நாகப்பட்டினம், புதுக்கோட்டை, திருச்சி மாவட்டங்களில் பாதிப்பு ஏற்பட்டுள்ள நிலையில்,  சனிக்கிழமை ( நவ.17) முதல் நவம்பர் 20 ஆம் தேதி வரை நடைபெறவிருந்த அனைத்துத் 
தேர்வுகளும் ரத்து செய்யப்படுகின்றன.
மேலும், நவம்பர் 21 ஆம் தேதி மீலாது நபி அரசு விடுமுறை என்பதால்,  நவம்பர் 22 ஆம் தேதி முதல் திட்டமிட்டுள்ளவாறு தேர்வுகள் நடைபெறும். ரத்து செய்யப்பட்டுள்ள தேர்வுகளுக்கான தேதி பின்னர் அறிவிக்கப்படும் என்று அச்செய்திக்குறிப்பில் அவர் தெரிவித்துள்ளார்.

]]>
http://www.dinamani.com/all-editions/edition-trichy/trichy/2018/nov/17/பாரதிதாசன்-பல்கலைக்கழகத்தில்-பருவத்-தேர்வுகள்--நவம்பர்-20-வரை-ரத்து-3040442.html
3040441 திருச்சி திருச்சி திருச்சியில் ரூ. 4.70 லட்சம்  கடத்தல் தங்கம் பறிமுதல் DIN DIN Saturday, November 17, 2018 08:51 AM +0530 சிங்கப்பூரிலிருந்து கடத்தி வரப்பட்ட ரூ. 4.70 லட்சம் தங்க சங்கிலிகள் திருச்சியில் வெள்ளிக்கிழமை பறிமுதல் செய்யப்பட்டன.
சிங்கப்பூரிலிருந்து வெள்ளிக்கிழமை அதிகாலை திருச்சிக்கு ஸ்கூட் விமானத்தில் வந்த பயணிகளையும் அவர்களது உடமைகளையும் சுங்கத்துறை அதிகாரிகள் சோதனை மேற்கொண்டனர். 
அப்போது சேலத்தைச்சேர்ந்த குமுதம் என்ற பெண் , ரூ. 4.70 லட்சம் மதிப்புள்ள 150 கிராம் தங்க சங்கிலிகள்  3-ஐ தனது உடைமைகளுக்குள் மறைத்து எடுத்து வந்தது தெரியவந்தது. 
இதையடுத்து அவற்றை பறிமுதல் செய்து விசாரிக்கின்றனர். 
 

]]>
http://www.dinamani.com/all-editions/edition-trichy/trichy/2018/nov/17/திருச்சியில்-ரூ-470-லட்சம்--கடத்தல்-தங்கம்-பறிமுதல்-3040441.html
3040440 திருச்சி திருச்சி பிஎஸ்என்எல் ஊழியர்கள், அதிகாரிகள் டிச.3 முதல் காலவரையற்ற வேலைநிறுத்தம் DIN DIN Saturday, November 17, 2018 08:51 AM +0530 கோரிக்கைகளை வலியுறுத்தி, டிசம்பர் 3 ஆம் தேதி முதல் பிஎஸ்என்எல் ஊழியர்கள், அதிகாரிகளின் காலவரையற்ற வேலைநிறுத்தம் தொடங்கும் என்றார் தேசியத் தொலைத்தொடர்பு ஊழியர் சம்மேளனத்தின் தேசிய மூத்த துணைத் தலைவர் சி.கே.மதிவாணன்.
நாடு முழுவதும் பிஎஸ்என்எல் நிறுவனத்தில் 1.85லட்சம் ஊழியர்கள், அதிகாரிகள் பணியாற்றி வருகின்றனர். இதைத் தவிர ஒரு லட்சம் ஒப்பந்தத் தொழிலாளர்கள் பணியாற்றி வருகின்றனர்.  
நான்காம் தலைமுறை சேவையை பிஎஸ்என்எல் நிறுவனம் வழங்க, பொதுத்துறை வங்கிகள் மூலம் நிறுவனத்துக்குத் தேவையான கடனுதவியை வழங்கி, அந்த சேவையைத் தொடங்கிட மத்திய அரசு உரிய நடவடிக்கை எடுக்க வேண்டும்.  அதிகாரிகள், ஊழியர்களுக்கு வழங்க வேண்டிய படித்தொகையை உயர்த்தி வழங்க வேண்டும் என கேட்டால்,  10 ஆண்டுகளுக்கு முன்பு உள்ள முறையை பின்பற்றப்படும் எனக் கூறுகிறார்கள்.
எனவே எங்கள் கோரிக்கைகளை வலியுறுத்தி வேலைநிறுத்தப் போராட்டம் மேற்கொள்வதை தவிர வேறுவழியில்லை. இதைத் தொடர்ந்து டிசம்பர் 3 ஆம் தேதி முதல் பிஎஸ்என்எல் ஊழியர்கள், அதிகாரிகளின் வேலைநிறுத்தம்  தொடங்கும். 
தொலைத்தொடர்புத் துறையாக இருந்து, 2000 ஆம் ஆண்டில் பிஎஸ்என்எல் பொதுத்துறை நிறுவனமாக மாற்றப்பட்ட போது, அப்போதயை பிரதமர்  வாஜபேயி அளித்த வாக்குறுதிகள் எதுவும் நிறைவேற்றப்படவில்லை.  நிறுவனத்துக்குரிய சொத்துகள் எல்லாம் குடியரசுத் தலைவர் பெயரில் இருக்கின்றன. 
ஆனால், பிஎஸ்என்எல் ஊழியர்கள், அதிகாரிகளிடம் சொத்துவரி வசூலிக்கப்பட்டு வருகிறது எதற்காக என்பது தெரியவில்லை. 
எனவே, மீண்டும் பிஎஸ்என்எல் நிறுவனத்தை மீண்டும் தொலைத்தொடர்புத் துறையாக அறிவித்து, இங்கு பணியாற்றும் தொழிலாளர்கள், அதிகாரிகளை மத்திய அரசு ஊழியர்களாக அறிவிக்க வேண்டும் என வலியுறுத்த உள்ளோம்.
பிஎஸ்என்எல் நிறுவனத்தில் தற்போது 45 சதவிகிதத் தொழிலாளர்கள் ஒப்பந்தத் தொழிலாளர்களாக உள்ளனர். இவர்களுக்கு வழங்கப்படும்ஊதியம் கூட குறிப்பிட்ட தேதியில் வழங்கப்படுவதில்லை. 
தற்போதைய நிரந்தரப் பணியாளர்கள் இன்னும் 10 ஆண்டுகள் ஒய்வு பெற்றுவிடும் நிலையில் உள்ளனர். எனவே வருங்காலத்தில்ஒப்பந்தத் தொழிலாளர்களை வைத்து பணிகளை செய்து கொள்ளலாம் என்ற நிலையில் மத்திய அரசு உள்ளது. 
எனவேஒப்பந்தத் தொழிலாளர்களின் பல்வேறு பிரச்னைகளை முன்னிறுத்தி,  2019, மார்ச் மூன்றாவது வாரத்தில் தில்லியில் அகில இந்திய அளவில் மாநாடு நடைபெற உள்ளது. தில்லி முதல்வர் அரவிந்த் கேஜரிவால் இந்த மாநாட்டில் பங்கேற்கஉள்ளார் என்றார் மதிவாணன்.
பேட்டியின்போது,  அகில இந்திய பிஎஸ்என்எல் அதிகாரிகள் சங்கத்தின் மாநிலத் துணைச் செயலர் எஸ்.காமராஜ்,  தேசியத் தொலைத்தொடர்பு ஒப்பந்தத் தொழிலாளர் சம்மேளனத்தின்  மாநிலத் தலைவர் வி.பாபு,  அகில இந்தியத் துணைப் பொருளாளர் கே.எம். இளங்கோவன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/trichy/2018/nov/17/பிஎஸ்என்எல்-ஊழியர்கள்-அதிகாரிகள்-டிச3-முதல்-காலவரையற்ற-வேலைநிறுத்தம்-3040440.html
3039857 திருச்சி திருச்சி துறையூர் நூலக வாசகர் வட்டத்துக்கு அரசு விருது DIN DIN Friday, November 16, 2018 09:50 AM +0530 துறையூர் கிளை நூலக வாசகர் வட்டம் வாசகர்களை ஈர்க்கவும், வாசிப்பு பழக்கத்தை பொதுமக்களிடம் அதிகரிக்கும் வகையில் பல்வேறு நடவடிக்கைகள் எடுத்து வருகிறது. இந்நிலையில் தமிழக அரசு நூலகத் துறை  அறிவித்திருந்த சிறந்த வாசகர் வட்டத்துக்கான நூலக ஆர்வலர் விருதுக்கு துறையூர் வாசகர் வட்டத்தை தேர்வு செய்து விருது வழங்கியது. அண்மையில் சென்னையில் நடைபெற்ற அரசு விழாவில் பள்ளி கல்வித் துறை அமைச்சர் கே.ஏ. செங்கோட்டையன், மீன் வளத்துறை அமைச்சர் ஜெயக்குமார் உள்ளிட்டோர் துறையூர் வாசகர் வட்டத் தலைவர் தி.நடராஜனிடம் நூலக ஆர்வலர் விருது வழங்கினர். அப்போது, கிளை நூலகர் பெ. பாலசுந்தரம் உடனிருந்தார்.

]]>
http://www.dinamani.com/all-editions/edition-trichy/trichy/2018/nov/16/துறையூர்-நூலக-வாசகர்-வட்டத்துக்கு-அரசு-விருது-3039857.html
3039855 திருச்சி திருச்சி நூலக வாரவிழா DIN DIN Friday, November 16, 2018 09:50 AM +0530 துறையூர் பகுதியில் உள்ள கீரம்பூர், கண்ணனூர் உள்ளிட்ட கிளை நூலகங்களில் நூலக வாரவிழாவையொட்டி வியாழக்கிழமை பல்வேறு நிகழ்ச்சிகள் நடைபெற்றது. 
கீரம்பூர் கிளை நூலகர் ச. நூர் அகமது, ஊராட்சி ஒன்றிய தொடக்கப் பள்ளியில் கதை சொல்லுதல் நிகழ்ச்சியை நடத்தினார். கண்ணனூர் நூலகத்தில் மாணவ மாணவிகள் பார்வையிட புத்தகங்களை, கிளை நூலகர் ஆர். கோவிந்தராஜ் காட்சி வைத்தார். நிகழ்ச்சியில், பள்ளி மாணவ, மாணவிகள், ஆசிரியர்கள் பங்கேற்றனர்.

]]>
http://www.dinamani.com/all-editions/edition-trichy/trichy/2018/nov/16/நூலக-வாரவிழா-3039855.html
3039853 திருச்சி திருச்சி மகளிர் நீதிமன்ற அரசு வழக்குரைஞர் நீக்கம் DIN DIN Friday, November 16, 2018 09:49 AM +0530 திருச்சி மாவட்ட மகளிர் நீதிமன்ற அரசு வழக்குரைஞர் அதிரடியாக பணியிலிருந்து விடுவிக்கப்பட்டுள்ளார்.
திருச்சி மாவட்ட மகளிர் நீதிமன்றத்தின் அரசுத் தரப்பு வழக்குரைஞர் கிருஷ்ணவேணி என்பவர், கடந்த, 2017ம் ஆண்டு, ஜூன் மாதம் நியமிக்கப்பட்டார். இவரது கணவர் அதிமுகவில் பொறுப்பில் உள்ளார். இந்நிலையில் கிருஷ்ணவேணியை அரசு வழக்குரைஞர் பொறுப்பிலிருந்து நீக்கி, சட்ட அமைச்சக செயலர் உத்தரவு பிறப்பித்துள்ளார். இந்த இடத்தில் புதிதாக யாரையும்
நியமிக்கப்படவில்லை.

]]>
http://www.dinamani.com/all-editions/edition-trichy/trichy/2018/nov/16/மகளிர்-நீதிமன்ற-அரசு-வழக்குரைஞர்-நீக்கம்-3039853.html
3039851 திருச்சி திருச்சி சாலை விபத்தில்  இளைஞர் சாவு DIN DIN Friday, November 16, 2018 09:49 AM +0530 திருச்சி மாவட்டம் மணப்பாறை அடுத்த துவரங்குறிச்சி அருகே  வியாழக்கிழமை அதிகாலை இருசக்கர வாகனம் தடுப்புச் சுவரில் மோதி விபத்துக்குள்ளானதில் இளைஞர் சம்பவ இடத்திலேயே உயிரிழந்தார். 
திருவையாறு விஷ்ணம்பட்டியைச் சேர்ந்த தேவதாஸ் மகன் ஆரோக்கிய சுரேஷ் (28), அதே ஊரைச் சேர்ந்தவரும், அவரது நண்பருமான சரவணன் ஆகிய இருவரும் இருசக்கர வாகனத்தில் மதுரை நோக்கி சென்றுகொண்டிருந்தனர். அப்போது, சேத்துப்பட்டி பகுதியில் இருசக்கர வாகனம் நிலைத்தடுமாறி தடுப்பு சுவரில் மோதி விபத்துக்குள்ளானதில் ஆரோக்கிய சுரேஷ் சம்பவ இடத்திலேயே உயிரிழந்தார். சரவணன், காயத்துடன் அப்பகுதியில் மதுபோதையில் கிடந்துள்ளார். தகவலறிந்து அங்கு சென்ற போலீஸார் மேற்கொண்ட விசாரணையில் மேற்கண்ட தகவல்கள் தெரியவந்தது. 
இதையடுத்து, ஆரோக்கியசுரேஷின் உடலை மணப்பாறை அரசு மருத்துவமனைக்கு அனுப்பி வைத்த துவரங்குறிச்சி போலீஸார் விபத்து குறித்து மேற்கொண்டு விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2018/nov/16/சாலை-விபத்தில்--இளைஞர்-சாவு-3039851.html
3039850 திருச்சி திருச்சி டாஸ்மாக் பணியாளர்கள் ஆர்ப்பாட்டம் DIN DIN Friday, November 16, 2018 09:48 AM +0530 சில்லரை விற்பனை தொகையை டாஸ்மாக் நிர்வாகமே தினந்தோறும் பெற்றுச் செல்ல வலியுறுத்தி தமிழ்நாடு அரசு டாஸ்மாக் பணியாளர்கள் சங்கத்தினர் வியாழக்கிழமை ஆர்ப்பாட்டத்தில் ஈடுபட்டனர்.
திருச்சி மாவட்ட பழைய ஆட்சியரகம் அருகே நடைபெற்ற ஆர்ப்பாட்டத்துக்கு மாநில துணைச் செயலர் பி. முருகானந்தம் தலைமை வகித்தார். மாவட்டத் தலைவர் ஜவஹர்லால் நேரு, மாவட்ட அமைப்புச் செயலர் எஸ். பெருமாள் ஆகியோர் முன்னிலை வகித்தனர். மாவட்டச் செயலர் என். கண்ணன் வரவேற்றார்.
ஆர்ப்பாட்டத்தை தொடக்கி வைத்து சங்கத்தின் மாநிலத் தலைவர் கு. பால்பாண்டியன் பேசியது:
டாஸ்மாக் மதுக்கடைகளில் தினந்தோறும் விற்பனையாகும் மதுபானங்களுக்கான தொகையை கடையிலேயே பாதுகாப்பாக வைத்திருக்க டாஸ்மாக் நிர்வாகம் அறிவுறுத்துகிறது. 
ஆனால், உள்ளூர் காவல்துறையோ கடைகளில் பணம் வைத்திருந்தால் பாதுகாப்பு இருக்காது. எனவே, விற்பனையாளர்கள் அவரவர் வீட்டுக்கு கொண்டு சென்றுவிட்டு மறுநாள் வங்கியில் செலுத்த நிர்பந்தம் செய்கின்றனர். 
இரவு பணி முடிந்து தொகையை எடுத்துச் செல்லும்போது வழிப்பறை கொள்ளையர்கள் பணத்தை திருடிச் சென்றால் அந்தத் தொகையை திரும்ப செலுத்த வேண்டிய கட்டாயம் ஏற்படுகிறது. மேலும், பொய் வழக்கு, காவல்துறை தாக்குலுக்கும் ஆளாக நேரிடுகிறது. 
திருச்சி மாவட்டத்திலும் இதுபோன்ற சம்பவங்களால் டாஸ்மாக் பணியாளர்கள் பெரிதும் பாதிக்கப்பட்டு வருகின்றனர். எனவே, சென்னை மாநகரில் உள்ளதைப் போன்று அனைத்து மாவட்டங்களிலும் சில்லரை விற்பனை தொகையை அன்றாடம் டாஸ்மாக் நிர்வாகமே நேரில் கடைக்கு வந்து பெற்றுச் செல்ல வேண்டும் என்றார்.
இந்த ஆர்ப்பாட்டத்தில், மாவட்ட நிர்வாகிகள், வட்ட நிர்வாகிகள், டாஸ்மாக் பணியாளர்கள் என பலர் கலந்து கொண்டனர்.

]]>
http://www.dinamani.com/all-editions/edition-trichy/trichy/2018/nov/16/டாஸ்மாக்-பணியாளர்கள்-ஆர்ப்பாட்டம்-3039850.html
3039848 திருச்சி திருச்சி திருச்சியில் ரூ. 6.25 லட்சம் வெளிநாட்டு கரன்சிகள் பறிமுதல் DIN DIN Friday, November 16, 2018 09:48 AM +0530 உரிய அனுமதியின்றி மலேசியாவுக்கு கடத்த முயன்ற ரூ. 6.25 லட்சம் மதிப்பிலான வெளிநாட்டு கரன்சியை திருச்சி விமான நிலையத்தில் சுங்கத் துறையினர் வியாழக்கிழமை பறிமுதல் செய்தனர்.
திருச்சியில் இருந்து மலேசியா செல்லும் விமானம் வியாழக்கிழமை அதிகாலை புறப்படத் தயாராக இருந்தது. இதையடுத்து, அந்த விமானப் பயணிகளின் உடைமைகளை சுங்கத்துறையினர் பரிசோதனை செய்தனர்.  இதில் மதுரை புதூர் பகுதியைச் சேர்ந்த ரெஜினாபானு (44) என்ற பெண், தனது உடைமைகளுக்குள், ரூ. 100 மற்றும் ரூ. 50  உள்ளிட்ட வெளிநாட்டு பணத்தாள்களை(கரன்சிகள்) மறைத்து வைத்திருந்தார். மேலும், அவற்றுக்கு உரிய அனுமதி பெறவில்லை.
இதனையடுத்து அவற்றை சுங்கத் துறையினர் பறிமுதல் செய்து விசாரணை மேற்கொண்டு வருகின்றனர். கடந்த சில நாள்களாகவே தொடர்ந்து, திருச்சி விமான நிலையத்தில், தங்கம், ரொக்கம் உள்ளிட்ட  பல்வேறு வகையிலான கடத்தல் பொருள்களை தினமும் சுங்கத் துறையினர் பறிமுதல் செய்து வருவது குறிப்பிடத்தக்கது.
 

]]>
http://www.dinamani.com/all-editions/edition-trichy/trichy/2018/nov/16/திருச்சியில்-ரூ-625-லட்சம்-வெளிநாட்டு-கரன்சிகள்-பறிமுதல்-3039848.html
3039846 திருச்சி திருச்சி மதுக்கடையை அகற்றக்கோரி பெண்கள் முற்றுகை DIN DIN Friday, November 16, 2018 09:48 AM +0530 திருச்சி மாவட்டம் மணப்பாறை அருகே மதுக்கடையை அகற்றக்கோரி கிராம மக்கள் மதுக்கடையை முற்றுகையிட்டு வியாழக்கிழமை போராட்டத்தில் ஈடுபட்டனர்.
மணப்பாறை அடுத்த மருங்காபுரி ஒன்றியம் வெள்ளைக்கோன்பட்டியில் அரசு மதுபானக் கடை கடந்த சில நாட்களுக்கு முன்பு தொடங்கப்பட்டது. 
இந்நிலையில் மதுக்கடையைத் திறக்கக்கூடாது என்று அப்பகுதியைச் சேர்ந்த பெண்கள் சிலர் வியாழக்கிழமை மதுக்கடையை முற்றுகையிட்டு போராட்டத்தில் ஈடுபட்டனர். தகவலறிந்து சம்பவ இடத்துக்கு வந்த மணப்பாறை காவல் துணை கண்காணிப்பாளர் ஆசைத்தம்பி பேச்சுவார்த்தையில் ஈடுபட்டார். இதில் உடன்படாத நிலையில் மருங்காபுரி வட்டாட்சியர் அலுவலகத்தில் அதிகாரிகள் மட்டத்தில் இருதரப்பு பேச்சுவார்த்தை நடைபெற்றது. அதில் 45 நாட்களில் மதுக்கடையை குறிப்பிட்ட பகுதியில் இருந்து இடமாற்றம் செய்துகொள்வதாக உறுதி அளிக்கப்பட்டது. இதையடுத்து, போராட்டம் கைவிடப்பட்டது. 

]]>
http://www.dinamani.com/all-editions/edition-trichy/trichy/2018/nov/16/மதுக்கடையை-அகற்றக்கோரி-பெண்கள்-முற்றுகை-3039846.html
3039845 திருச்சி திருச்சி தனியார் நிறுவன ஊழியர் வீட்டில் 13 பவுன் நகைகள், ரொக்கம் திருட்டு DIN DIN Friday, November 16, 2018 09:47 AM +0530 திருச்சியில் தனியார் நிறுவன ஊழியர் வீட்டின் பூட்டை உடைத்து 13 பவுன் நகைகள், ரொக்கம் ரூ. 23 ஆயிரம் ஆகியவற்றை மர்மநபர்கள் திருடிச் சென்றுள்ளனர். 
திருச்சி காட்டூர் கணேஷ்நகர் 4 ஆவது தெருவைச் சேர்ந்தவர் சந்திரசேகரன்.  தனியார் இருசக்கர வாகன விற்பனை நிறுவனத்தில் பணியாற்றி வருகிறார். இந்நிலையில், புதன்கிழமை மாலை அவர் தனது மனைவி விஜியை பக்கத்து தெருவில் உள்ள அவரது பெற்றோர் வீட்டில் விட்டுவிட்டு இரவில் வீடு திரும்பியுள்ளார். அப்போது வீட்டின் பூட்டு உடைக்கப்பட்டிருந்தது கண்டு அதிர்ச்சியடைந்த அவர் உள்ளே சென்று பார்த்ததில், பீரோ உடைக்கப்பட்டு அதன் உள்ளே இருந்த 13 பவுன் நகைகள் மற்றும் ரூ. 23,000 ரொக்கம் ஆகியவை திருடு போயிருந்தது தெரியவந்தது. புகாரின் பேரில் போலீஸார் வழக்குப் பதிந்து விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/trichy/2018/nov/16/தனியார்-நிறுவன-ஊழியர்-வீட்டில்-13-பவுன்-நகைகள்-ரொக்கம்-திருட்டு-3039845.html
3039843 திருச்சி திருச்சி 1.73 லட்சம் மாணவ, மாணவிகளுக்கு நிலவேம்பு குடிநீர் வழங்கல் DIN DIN Friday, November 16, 2018 09:47 AM +0530 திருச்சி மாநகராட்சிப் பகுதியில் டெங்கு, பன்றிக்காய்ச்சல் தடுப்பு நடவடிக்கையின் ஒரு பகுதியாக பள்ளி மாணவ, மாணவிகள், அங்கன்வாடி மையக் குழந்தைகளுக்கு தினமும் நிலவேம்புக் குடிநீர் வழங்கப்பட்டு வருகிறது.
இதன் மூலம் 1.54 லட்சம் மாணவர்கள், 19 ஆயிரம் குழந்தைகள் பயன்பெற்று வருகின்றனர்.
மழைக்கால நோய்களைத் தடுக்கவும், கொசுக்கள் மற்றும் வைரஸ் மூலம் பரவும் டெங்கு காய்ச்சல், பன்றிக்காய்ச்சலை தடுக்கவும் திருச்சி மாநகராட்சி சார்பில் பல்வேறு தடுப்பு நடவடிக்கைகள் எடுக்கப்பட்டு வருகின்றன. மேலும், தமிழக அரசு உத்தரவின் பேரில், திருச்சி மாநகராட்சி ஆணையர் ந. ரவிச்சந்திரன் அறிவுரையின்படி பள்ளிகள், அங்கன்வாடி மையங்களில் தினமும் நிலவேம்புக் குடிநீர் விநியோகிக்கப்பட்டு வருகிறது.
இதன்படி, திருச்சி புனித அன்னாள் மேல்நிலைப் பள்ளியில் வியாழக்கிழமை நிலவேம்பு குடிநீர் வழங்கப்பட்டது. மாநகராட்சி மருத்துவர் வே. ரத்னா, நிர்வாக அலுவலர் நா. சண்முகம் ஆகியோர் மாணவிகளுக்கு நிலவேம்பு குடிநீர் வழங்கி டெங்கு தடுப்பு நடவடிக்கைகள் குறித்து சிறப்புரையாற்றினர். 
பின்னர், செய்தியாளர்களிடம் மருத்துவர் வே. ரத்னா கூறியது:
திருச்சி மாநகராட்சி சித்த மருந்தகத்தில் இருந்து தினமும் 1,200 லிட்டர் நிலவேம்புக் குடிநீர் தயார் செய்து மாநகராட்சி எல்லைக்குள்பட்ட பள்ளிகளுக்கு சுழற்சி முறையில் விநியோகம் செய்யப்படுகிறது. பள்ளிகள் மட்டுமின்றி மாநகராட்சி எல்லைக்குள்பட்ட அனைத்து அங்கன்வாடி மையக் குழந்தைகளுக்கும் நிலவேம்புக் குடிநீர் வழங்கப்படுகிறது. இவை தவிர பீமநகர், எடமலைப்பட்டி புதூர், இ.பி. சாலை ஆகிய பகுதிகளில் உள்ள சித்த மருந்தகங்களிலும் தினமும் பொதுமக்களுக்கு நிலவேம்பு குடிநீர் வழங்கப்படுகிறது. இவை தவிர, மக்கள் அதிகம் கூடும் இடங்களான மத்திய பேருந்து நிலையம், சத்திரம் பேருந்துநிலையம், புகை வண்டி நிலையம், அம்மா உணவகங்கள், மாநகராட்சி அலுவலகங்கள்,  ஆரம்ப சுகாதார நிலையங்கள் ஆகிய இடங்களிலும் நிலவேம்புக் குடிநீர் வழங்கப்படுகிறது என்றார் அவர்.
 

]]>
http://www.dinamani.com/all-editions/edition-trichy/trichy/2018/nov/16/173-லட்சம்-மாணவ-மாணவிகளுக்கு-நிலவேம்பு-குடிநீர்-வழங்கல்-3039843.html
3039842 திருச்சி திருச்சி அரசு ஊழியர்கள் போராட்டம் DIN DIN Friday, November 16, 2018 09:47 AM +0530 இளைஞர்களின் வேலைவாய்ப்பை பறிக்கும் வகையிலான அரசாணையை எரிக்கும் போராட்டத்தில் அரசு ஊழியர் சங்கத்தினர் ஈடுபட்டனர்.
தமிழ்நாடு அரசு ஊழியர் சங்கத்தின் சார்பில் அரசாணை 56 நகல் எரிப்பு போராட்டம் திருச்சியில் வியாழக்கிழமை நடைபெற்றது. திருச்சி மத்திய பேருந்துநிலையம் அருகே வ.உ.சி. சாலையில் அமைந்துள்ள ஊரக நலப்பணிகள் இணை இயக்குநர் அலுவலகம் முன் நடைபெற்ற இந்த ஆர்ப்பாட்டத்துக்கு மாவட்டத் தலைவர் விவேகானந்தன் தலைமை வகித்தார். மாவட்டச் செயலர் கென்னடி கோரிக்கைகளை விளக்கிப் பேசினார்.
 தமிழக அரசின் அரசாணை 56 ஆனது வேலைதேடும் இளைஞர்களுக்கு எதிரானது. அரசு வேலைவாய்ப்பை பறிக்கும் வகையில் உள்ளது. கருவூல கணக்குத்துறையை தனியாருக்கு தாரை வார்க்கும் வகையில் அமைந்துள்ளது. 
எனவே, இந்த அரசாணையை எரிப்பதாகக் கூறி அதன் நகலை எரிக்க முயன்றனர். 
பாதுகாப்புக்கு நின்றிருந்த போலீஸார் தடுத்து நிறுத்தி நகலை பறிமுதல் செய்தனர். பின்னர், சங்க நிர்வாகிகள், அரசு ஊழியர்கள் கோரிக்கைகளை வலியுறுத்தி கோஷங்களை எழுப்பி ஆர்ப்பாட்டத்தில் ஈடுபட்டனர்.
 

]]>
http://www.dinamani.com/all-editions/edition-trichy/trichy/2018/nov/16/அரசு-ஊழியர்கள்-போராட்டம்-3039842.html
3039841 திருச்சி திருச்சி தூய்மை இந்தியா விழிப்புணர்வு நிகழ்ச்சி DIN DIN Friday, November 16, 2018 09:47 AM +0530 தூய்மை இந்திய இயக்கம் குறித்து தெருக்கூத்து கலைஞர்களுடன் கலை நிகழ்ச்சி நடத்தி பொதுமக்களிடையே விழிப்புணர்வு ஏற்படுத்தப்பட்டது.
மத்திய தகவல் ஒளிபரப்பு அமைச்சகத்தின் மக்கள் தொடர்பு திருச்சி கள அலுவலகம், திருச்சி மாநகராட்சி ஆகியவை இணைந்து தூய்மை இந்தியா இயக்கம் தொடர்பான விழிப்புணர்வு நிகழ்ச்சியை கோஅபிஷேகபுரம் கோட்டத்துக்குட்பட்ட பாரதி நகர் சங்கீதபுரம் பகுதிகளில் வியாழக்கிழமை நடத்தின.
இந்த விழிப்புணர்வு முகாமை தொடக்கி வைத்து திருச்சி கள விளம்பர அலுவலர் கே, தேவி பத்மநாபன் பேசியது: தூய்மை இந்தியா இயக்கத்தில் நாட்டிலேயே முன்னோடி நகரமாக திருச்சி மாநகராட்சி விளங்கி வருகிறது. மேலும், தமிழகத்திலேயே தூய்மை நகரங்களின் பட்டியலில் முதலிடத்தில் உள்ளது. தொடர்ந்து முதல் இடத்தை திருச்சி மாநகராட்சி தக்க வைத்திருக்க வேண்டுமெனில் பொதுமக்கள் ஒத்துழைப்பு அவசியமானது. குப்பைகளை தரம் பிரித்து வழங்க வேண்டும். வீடுகளில் சேகரமாகும் குப்பைகளை அவர்களே மாற்றுத் திட்டம் மூலம் அகற்ற வேண்டும். உரமாக்குதல், எரிவாயு தயாரித்தல் மூலம் குப்பைகளை பயனுள்ளதாக மாற்றலாம். மக்களுக்கு உதவ மாநகராட்சி நிர்வாகமும் தயாராகவுள்ளது. காந்தியடிகளின் 150ஆவது பிறந்ததினமான அடுத்தாண்டு அக்டோபர் 2ஆம் தேதிக்குள் திறந்தவெளி கழிப்பிடமில்லாத நாடாக இந்தியாவை மாற்ற இலக்கு நிர்ணயித்து மத்திய, மாநில அரசுகள் செயல்படுவதற்கு பொதுமக்கள் தங்களது பங்களிப்பை அளிக்க வேண்டும் என்றார் அவர்.  தஞ்சை நஞ்சை லாவணி கலைக் குழுவின் இசை ஆடல் பாடல் நிகழ்ச்சிகள் மூலம் விழிப்புணர்வு நிகழ்ச்சிகள் நடத்தப்பட்டன. 
 

]]>
http://www.dinamani.com/all-editions/edition-trichy/trichy/2018/nov/16/தூய்மை-இந்தியா-விழிப்புணர்வு-நிகழ்ச்சி-3039841.html
3039840 திருச்சி திருச்சி சாலைகளில் சுற்றித்திரியும் கால்நடைகள் பறிமுதல்: அபராதம் விதிப்பு DIN DIN Friday, November 16, 2018 09:46 AM +0530 திருச்சி மாநகராட்சிப் பகுதியில் சாலைகளில் சுற்றித் திரியும் கால்நடைகள் பறிமுதல் செய்யப்பட்டு அபராதம் விதிக்கப்படும் என ஆணையர் ந. ரவிச்சந்திரன் தெரிவித்துள்ளார்.
இதுதொடர்பாக, மாநகராட்சி ஆணையர் மேலும் கூறியது:
திருச்சி மாநகராட்சி எல்லைக்குள்பட்ட பகுதிகளில் கால்நடைகளால் பொதுமக்களுக்கும், பொது சுகாதாரத்துக்கும் இடையூறு ஏற்படுவதைத் தடுக்க கால்நடை வளர்ப்போருக்கென தனியே உப விதிகள் தயார் செய்யப்பட்டு மாமன்றத்தில் தீர்மானம் நிறைவேற்றப்பட்டுள்ளது. இதன்படி, கால்நடை வளர்ப்போர் அனைவரும் அவரவர் இருப்பிடத்திலேயே கால்நடைகளை கட்டி முறையாக பராமரிக்க வேண்டும். கேட்பாரன்றி சாலைகளில் கால்நடைகள் சுற்றித்திரிவது கண்டறியப்பட்டால் மாநகராட்சி அலுவலர்கள் அந்த கால்நடைகளைப் பறிமுதல் செய்து கோ-சாலைக்கு கொண்டுசெல்வர். மேலும், கால்நடை உரிமையாளர்களுக்கு ரூ.5 ஆயிரம் அபராதம் விதிக்கப்படும். எனவே, திருச்சி மாநகராட்சிக்குள்பட்ட பகுதிகளில் கால்நடைகளை வளர்ப்போர் அவரவர் கால்நடைகளை சாலைகளில் சுற்றித் திரியாதவண்ணம் அவரவர் இருப்பிடத்திலேயே பராமரிக்க வேண்டும் என அறிவுறுத்தப்படுகிறார்கள்.
 

]]>
http://www.dinamani.com/all-editions/edition-trichy/trichy/2018/nov/16/சாலைகளில்-சுற்றித்திரியும்-கால்நடைகள்-பறிமுதல்-அபராதம்-விதிப்பு-3039840.html
3039838 திருச்சி திருச்சி திருச்சி சுற்றுப்பகுதிகளில் திடீர் மழை DIN DIN Friday, November 16, 2018 09:46 AM +0530 கஜா புயல் தாக்கம் காரணமாக திருச்சி மற்றும் சுற்றுப் பகுதிகளில் வியாழக்கிழமை இரவு மழை பெய்தது.
திருச்சியில் வியாழக்கிழமை பிற்பகல் கருமேகங்கள் கூடி மழை பெய்வதற்கான வாய்ப்புகள் தோன்றின. ஆனால், மழை பெய்யவில்லை. இந்நிலையில், புயல் கரையை கடக்கும் முன்பாக இரவு 8 மணிக்கு மேல் திருச்சி மாநகரில் மழை பெய்யத் தொடங்கியது. திருச்சி தில்லைநகர் பகுதியில் பரவலாக நல்ல மழை பெய்தது. மாநகரில் பெரும்பாலான இடங்களில் பரவலாக மழை பெய்தது. இதேபோல, திருவரங்கம், வயலூர், மணிகண்டம், திருவெறும்பூர், லால்குடி, புள்ளம்பாடி, சமயபுரம், மண்ணச்சல்லூர், கல்லக்குடி  உள்ளிட்ட பகுதிகளிலும் வியாழக்கிழமை இரவு மழை பெய்தது.

]]>
http://www.dinamani.com/all-editions/edition-trichy/trichy/2018/nov/16/திருச்சி-சுற்றுப்பகுதிகளில்-திடீர்-மழை-3039838.html
3039837 திருச்சி திருச்சி பன்றிக்காய்ச்சலுக்கு பெண் பலி DIN DIN Friday, November 16, 2018 09:46 AM +0530 திருச்சி அரசு மருத்துவமனையில் பன்றிக்காய்ச்சலுக்கு சிகிச்சை பெற்று வந்த ராணி (48) உயிரிழந்தார்.
கடலூர் மாவட்டம், விருத்தாசலத்தைச் சேர்ந்த இவர், பன்றிக்காய்ச்சலால் பாதிக்கப்பட்டு  திருச்சி மகாத்மா காந்தி நினைவு அரசு மருத்துவமனையில் புதன்கிழமை சிகிச்சைக்கு சேர்க்கப்பட்டார்.
சிறப்பு பிரிவில் சேர்க்கப்பட்டு தீவிர சிகிச்சை பெற்று வந்த இவர், வியாழக்கிழமை உயிரிழந்தார்.
இதுதொடொர்பாக, அரசு மருத்துவக் கல்லூரி முதன்மையர் ஜி. அனிதா கூறியது: பன்றிக்காய்ச்சல் வைரஸ் கண்டறியப்பட்டு தனியார் மருத்துவமனையில் சிகிச்சை பெற்ற ராணி, நோயின் தாக்கம் அதிகரித்த நிலையிலேயே அரசு மருத்துவமனைக்கு கொண்டுவரப்பட்டார். 
மூச்சு திணறல் காரணமாக வியாழக்கிழமை உயிரிழந்தார். பன்றிக்காய்ச்சல் வைரஸ் இருப்பது பரிசோதனையில் உறுதி செய்யப்பட்டால் உடனடியாக அரசு மருத்துவமனைக்கு வந்தால் உயிரிழப்பின்றி பாதுகாக்க முடியும். திருச்சி அரசு மருத்துவமனையில் பன்றிக்காய்ச்சல் பாதிப்புடன் வந்த பலரும் நல்ல முறையில் சிகிச்சை பெற்று வீடு திரும்பியுள்ளனர் என்றார் அவர்.

]]>
http://www.dinamani.com/all-editions/edition-trichy/trichy/2018/nov/16/பன்றிக்காய்ச்சலுக்கு-பெண்-பலி-3039837.html
3039836 திருச்சி திருச்சி திருச்சியில் முதன் முறையாக அப்பல்லோ மருத்துவமனையில் பித்தப்பை நுண்துளை அறுவைச் சிகிச்சை DIN DIN Friday, November 16, 2018 09:46 AM +0530 திருச்சி அப்பல்லோ சிறப்பு மருத்துவமனையில் ஒரேநாளில், பித்தப் பை  நுண்துளை சிறப்பு அறுவைச் சிகிச்சை மேற்கொள்ளப்பட்டதாக மருத்துவ நிபுணர்கள் தெரிவித்துள்ளனர். 
இது குறித்து திருச்சி அப்பல்லோ சிறப்பு மருத்துவமனையில் வியாழக்கிழமை நடைபெற்ற செய்தியாளர்கள் சந்திப்பு நிகழ்ச்சியின்போது,  நுண்துளை மருத்துவ சிகிச்சை நிபுணர் முகமது மன்சூர், மயக்க நிபுணர் கார்த்திக் ஆகியோர் அளித்த பேட்டியில் மேலும் கூறியது, அறுவைச் சிகிச்சைகள் தேவைப்படும் நபர்கள் ரத்தம் மற்றும் தேவைப்படும் பரிசோதனைகளான கம்ப்ளீட்  பிளட்கவுண்ட் (இர்ம்ல்ப்ங்ற்ங் ஆப்ர்ர்க் இர்ன்ய்ற்), லிவர் பங்க்ஷன் டெஸ்ட் (கண்ஸ்ங்ழ் ஊன்ய்ஸ்ரீற்ண்ர்ய் பங்ள்ற்ள்) ரீனல் பங்க்ஷன் டெஸ்ட் (தங்ய்ஹப் ஊன்ய்ஸ்ரீற்ண்ர்ய் பங்ள்ற்ள்), மற்றும் எக்ஸ்ரே (ல-தஹஹ்), அல்ட்ரா சவுண்ட்,  அப்டமன் இதர ரேடியோலஜி பரிசோதனைகள் மேற்கொள்ளப்பட்டு மயக்கவியல்  நிபுணரின் ஆலோசனையுடன் அறுவைச் சிகிச்சைக்கு உட்படுத்தப்படுவர்.
இந்நோயாளிகள் காலை 6 மணிக்கு மருத்துவமனையில் உள்நோயாளிகளாக அனுமதிக்கப்பட்டு 7 மணிக்கு அறுவைசிகிச்சை மேற்கொண்டு 6 முதல் 8 மணி நேரத்திற்குள், நோயாளியின் ரத்த அழுத்தம், பிராணவாயு கிரகிப்பு போன்றவை மருத்துவர் மற்றும் உடனிருப்போர் கூறும் கட்டளைகளை பின்பற்றுதல் வாந்தி மயக்கம் மற்றும் வலி இல்லாமலிருத்தல். 
நீராகாரம் பருகுதல் மற்றும் சிறுநீர் வெளியேற்றம். அறுவை சிகிச்சை மேற்கொண்ட இடத்தில் ரத்தம் வெளியேறாமலிருத்தல், நோயாளிகள் எவ்வித இடைஞ்சலின்றி தாங்களே வீட்டிற்கு செல்ல முன்வருதல் உள்ளிட்டவை சீராக இருந்தால்  நோயாளிகள் டிஸ்சார்ஜ் செய்யப்படுகின்றனர்.
தற்போது,  இந்த அறுவைச் சிகிச்சை தற்பொழுது திருச்சி அப்போலோ சிறப்பு மருத்துவமனையில் மேற்கொள்ளப்படுகின்றது.  பொதுவாக, நுண்துளை பித்தப்பை அறுவைச் சிகிச்சை, நுண்துளை குடல் வால்வு அறுவைச் சிகிச்சை மற்றும் நுண்துளை குடலிறக்க அறுவைச் சிகிச்சைகள் அதிகமாக மேற்கொள்ளப்படுகிறது. 
இந்த அறுவைச் சிகிச்சைக்கு பஅட (பழ்ஹய்ள்ஸ்ங்ழ்ள்ங் ஹக்க்ஷர்ம்ண்ய்ண்ள் ல்ப்ஹய்ங்) க்ஷப்ர்ஸ்ரீந் என்ற மருந்துக்கள் பயன்படுத்துவதால் துரிதவலி நிவாரணம், நோயாளிகள் விரைவாக உடல் நிலைத்தேறுதல் மற்றும்  மயக்கம், வாந்தி போன்றவை மற்ற மருந்துகளை பயன்படுத்தும் பொது இருப்பதை விட மிககுறைவு என்றனர். 
பேட்டியின்போது, அப்பல்லோ மருத்துவமனையின் இயக்குநர் எஸ். செந்தில்குமார், நிர்வாக அதிகாரி சிவம், மயக்கவியல் நிபுணர் அங்கப்பன், வர்த்தகப்பிரிவு அதிகாரி டி.பி. கோபிநாத் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/trichy/2018/nov/16/திருச்சியில்-முதன்-முறையாக-அப்பல்லோ-மருத்துவமனையில்-பித்தப்பை-நுண்துளை-அறுவைச்-சிகிச்சை-3039836.html
3039834 திருச்சி திருச்சி குற்றச் செய்திகள் DIN DIN Friday, November 16, 2018 09:45 AM +0530 காரில் கடத்தப்பட்ட கஞ்சா பறிமுதல்: 2 பேர் கைது
ஆந்திராவில் இருந்து காரில் கடத்தி வரப்பட்ட ரூ.17 லட்சம் மதிப்புள்ள கஞ்சாவை  போலீஸார் பறிமுதல் செய்தனர். 
திருச்சி மாவட்டம் சமயபுரம் சுங்கச்சாவடி அருகே போதை பொருள் கடத்தல் தடுப்புப் பிரிவு  காவல் துணைக் கண்காணிப்பாளர்  ஆனந்த் தலைமையில், உதவி ஆய்வாளர் புவனேஸ்வரி மற்றும் போலீஸார் வாகன சோதனையில் ஈடுபட்டிருந்தனர். 
அப்போது, சென்னையில் இருந்து திருச்சி நோக்கி வந்த ஆந்திர மாநில பதிவு எண் கொண்ட காரை நிறுத்தி சோதனையிட்டனர்.  அதில் சுமார் 170 கிலோ  கஞ்சா மறைத்து கடத்தி வரப்பட்டது தெரியவந்தது. 
காரில் வந்த இருவரை பிடித்து  விசாரணை மேற்கொண்டதில்,  அவர்கள் ஹைதராபாத் ஹைடெக் சிட்டி  பாலாஜி நகரை சேர்ந்த சத்தியநாராயணா(28),  மற்றும் செர்ரி என்பதும், கஞ்சாவை மதுரைக்கு கடத்தி சென்றதும் தெரியவந்தது. இருவரையும் கைது செய்த போலீஸார் கஞ்சாவையும், கடத்தலுக்கு பயன்படுத்தப்பட்ட காரையும் பறிமுதல் செய்தனர். பறிமுதல் கஞ்சாவின் மதிப்பு ரூ.17 லட்சம் என போலீஸார் தெரிவித்துள்ளனர்.


முதியவர் தற்கொலை : திருச்சி கிராப்பட்டி பகுதியில் அமைந்துள்ளது புனித தோமையர்  இல்லம் (காப்பகம்). இங்கு தங்கியிருந்தவர் திருச்சி மாவட்டம் மணப்பாறை அருகேயுள்ள பண்ணாங்கொம்பு பகுதியைச் சேர்ந்த வி. கிருஷ்ணன் (70). முதுமை மற்றும் பல்வேறு நோய்களால் அவதிக்குள்ளகியிருந்த அவருக்கு சிகிச்சையும் அளிக்கப்பட்டு வந்தது. இந்நிலையில் அவர் புதன்கிழமை இரவு  திடீரென மாயமானார். 
காப்பகப் பணியாளர்கள் தேடியபோது ,  வளாகத்தில் உள்ள மரத்தில் தூக்கில் சடலமாக தொங்கினார்.  காப்பக நிர்வாகி ரெக்டாபிங்க் அளித்த புகாரின் பேரில் எடமலைப்பட்டி புதூர் போலீஸார் வழக்குப் பதிந்து விசாரணை மேற்கொண்டுள்ளனர்.
இளைஞர் தூக்கிட்டுத் தற்கொலை: திருச்சி காட்டூர் பகுதியைச் சேர்ந்தவர் அப்துல் ரபீக் மகன் அப்துல்வாகீத் (20). இவர் பெல் நிறுவனத்தில் பழகுநர் பயிற்சி பெற்று வந்தார். அவரது தந்தை சரியாக வேலைக்குச் செல்லாமல் சுற்றி வந்ததாக கூறப்படுகிறது. இது குறித்து அவரது பெற்றோருக்கிடையே அடிக்கடி குடும்பத் தகராறு ஏற்பட்டுள்ளது. இதனால் விரக்தியடைந்த அப்துல்வாகீத் வியாழக்கிழமை தூக்கிட்டுத் தற்கொலை செய்துகொண்டார். 
மற்றொருவர் தற்கொலை முயற்சி: பெல் நிறுவனத்தில் பழகுநர் பயிற்சி பெற்று வருபவர் தூத்துக்குடியைச் சேர்ந்த முனியாண்டி. இவர் புதன்கிழமை வகுப்புக்குச் சென்று விடுதிக்கு திரும்பிய பின்னர்,தனது பெற்றோரிடம் போனில் பேசியுள்ளார். அதன் பின்னர் தலைமுடிக்கு அடிக்கும் சாயத்தை (ஹேர் டை) எடுத்து குடித்து தற்கொலைக்கு முயன்றுள்ளார். அக்கம் பக்கத்தினர் அவரை மீட்டு மருத்துவமனையில் சேர்த்துள்ளனர். இந்த இரு வழக்குகள்  தொடர்பாக பெல் போலீஸார் வழக்குப் பதிந்து விசாரணை மேற்கொண்டு வருகின்றனர்.


இரு திருட்டு சம்பவங்கள்:  காட்டூர் பிள்ளையார் கோயில் தெருவைச் சேர்ந்தவர் மகேஷ் மனைவி கண்ணகி (42). இவர் தஞ்சை தமிழ் பல்கலைக்கழகத்தில் திட்ட அலுவலராகப் பணியாற்றி வருகிறார். இந்நிலையில், புதன்கிழமை இரவு வீட்டில் தனது குழந்தைகளுடன் உறங்கிக் கொண்டிருந்தபோது, அதிகாலையில் வீட்டின் உள்ளே நுழைந்த மர்மநபர்கள் கண்ணகியின் கழுத்தில் கிடந்த 4 சவரன் நகைகளை பறித்துச் சென்று விட்டனர்.
இதேபோல், காட்டூர் பாத்திமா தெருவைச் சேர்ந்தவர் தாஜூதீன். இவர் தனது உறவினர் ஒருவர் மருத்துவமனையில் சிகிச்சை பெற்று வருவதை அடுத்து அவருக்கு உதவியாக சென்று விட்டார். வீட்டில் அவரது மகள் 14 வயது சிறுமி ஜாஸ்மின் மட்டும் தனியே இருந்துள்ளார். இதையறிந்த மர்ம நபர்கள் சிறுமியை மிரட்டி, அவர் அணிந்திருந்த 3 சவரன் நகை, செல்பேசி, கொலுசு ஆகியவற்றைப் பறித்துச் சென்றுவிட்டனர். 
புகாரின் பேரில் திருவெறும்பூர் போலீஸார் வழக்குப் பதிந்து விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/trichy/2018/nov/16/குற்றச்-செய்திகள்-3039834.html
3039833 திருச்சி திருச்சி வீட்டின் பூட்டை உடைத்து மூன்றரை பவுன் நகை, ரொக்கம் திருட்டு DIN DIN Friday, November 16, 2018 09:45 AM +0530 துறையூர் அருகே வீட்டின் பூட்டை உடைத்து மூன்றரை பவுன் தங்க நகை மற்றும் ரொக்கம் ரூ. 25 ஆயிரம் திருடிச்சென்ற மர்மநபர்களைப் போலீஸார் தேடி வருகின்றனர். 
துறையூர் அருகே த. பாதர்பேட்டை காட்டுக்கொட்டகை பகுதியைச் சேர்ந்தவர் பெரியசாமி மகன் புருஷோத்தமன்(38). கட்டட மேஸ்திரி. 
உறவினர் வீட்டு திருமண நிகழ்ச்சியில் பங்கேற்க நவ. 13 தருமபுரிக்கு குடும்பத்துடன் சென்றார்.  
புதன்கிழமை வீட்டுக்குத் திரும்பினார். அப்போது வீட்டின் பூட்டுகள் உடைக்கப்பட்டிருப்பது கண்டு அதிர்ச்சியடைந்த அவர் உள்ளே சென்று பார்த்தபோது, மூன்றரை பவுன் தங்க நகை, ரூ. 25000 ரொக்கம் ஆகியவற்றை மர்ம நபர்கள் திருடிச் சென்றது தெரியவந்தது. 
புகாரின் பேரில் உப்பிலியபுரம் போலீஸார் வியாழக்கிழமை வழக்குப் பதிவு செய்து மர்மநபர்களைத் தேடி வருகின்றனர்.

]]>
http://www.dinamani.com/all-editions/edition-trichy/trichy/2018/nov/16/வீட்டின்-பூட்டை-உடைத்து-மூன்றரை-பவுன்-நகை-ரொக்கம்-திருட்டு-3039833.html