Dinamani - திருச்சி - http://www.dinamani.com/all-editions/edition-trichy/trichy/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2827252 திருச்சி திருச்சி நகை, செல்லிடப்பேசி பறிப்பு வழக்குகளில் 5 பேர் கைது DIN DIN Saturday, December 16, 2017 01:36 AM +0530 திருச்சி மாநகரின் பல்வேறு பகுதிகளில் நடைபெற்ற நகை, செல்லிடப்பேசி பறிப்பு வழக்குகளில் தொடர்புடைய கல்லூரி மாணவர்கள் உள்பட 5 பேர் வெள்ளிக்கிழமை கைது செய்யப்பட்டனர்.
திருச்சி மாநகரில் கண்டோன்மென்ட், மத்திய பேருந்து நிலையம் உள்ளிட்ட பகுதிகளில் கடந்த வாரத்தில் சாலையில் நடந்து சென்றவர்களிடம் செல்லிடப்பேசிகளையும், நகைகளையும் மோட்டார் சைக்கிளில் வந்தவர்கள் பறித்துச் சென்ற சம்பவங்கள் நிகழ்ந்தன.
இதுதொடர்பாக மாநகரக் காவல் ஆணையர் அ.அமல்ராஜ் உத்தரவின் பேரில், கண்டோன்மென்ட் காவல் ஆய்வாளர் சகாய அன்பரசு தலைமையிலான தனிப்படை போலீஸார் தீவிரமாக தேடுதல் வேட்டை நடத்தி வந்தனர். இந்த நிலையில் வெள்ளிக்கிழமை காலை திருச்சி ஜங்ஷன் கோரிமேடு பகுதியில் தனிப்படை போலீஸார் வாகனத் தணிக்கையை மேற்கொண்டனர். அப்போது அந்த வழியாக இரண்டு மோட்டார் சைக்கிள்களில் வந்த 5பேரை பிடித்து விசாரித்தனர். அவர்கள் 5 பேரும் மாநகரில் நடைபெற்ற நகை, செல்லிடப்பேசி பறிப்பு சம்பவங்களில் ஈடுபட்டு வந்தவர்கள் என்பதை ஒப்புக் கொண்டனர்.
இதைத் தொடர்ந்து, திருச்சி அவ்வையார்தெரு பெரியசாமி மகன் இம்ரான் (23), எடமலைப்பட்டிபுதூர் முத்துக்குமார் மகன் அர்ஜூன் (21), குமரன் நகர் நாகராஜன் மகன் தமிழ்மணி (19), புத்தூர் அய்யப்பன் மகன் கோவிந்தன் (19), திரு.வி.க. தெருவைச் சேர்ந்த பலராமன் மகன் விஜய் (21) ஆகிய 5 பேரை கைது செய்தனர். அவர்களில் கடைசி மூவரும் கல்லூரி மாணவர்கள் என்பது தெரிய வந்தது. விசாரணைக்குப் பின்னர் இவர்களிடமிந்து 16 பவுன் நகைகள், 10 செல்லிடப்பேசிகள், 2 மோட்டார் சைக்கிள்களை போலீஸார் பறிமுதல் செய்தனர்.

 

 

]]>
http://www.dinamani.com/all-editions/edition-trichy/trichy/2017/dec/16/நகை-செல்லிடப்பேசி-பறிப்பு-வழக்குகளில்-5-பேர்-கைது-2827252.html
2827207 திருச்சி திருச்சி சுமார் 100 ஆண்டுகளுக்கு பிறகுஸ்ரீரங்கத்திலிருந்து திருவானைக்காஅகிலாண்டேஸ்வரிக்கு சீர்வரிசை DIN DIN Saturday, December 16, 2017 01:29 AM +0530 சுமார் 100 ஆண்டுகளுக்குப் பிறகு ஸ்ரீரங்கம் கோயிலிலிருந்து திருவானைக்கா அகிலாண்டேஸ்வரி அம்மனுக்கு மார்கழி மாதப் பிறப்பை முன்னிட்டு வெள்ளிக்கிழமை இரவு சீர்வரிசை பொருள்கள் வழங்கப்பட்டது.
திருவானைக்கா கோயிலில் வீற்றிருக்கும் அகிலாண்டேஸ்வரி அம்மன் ஸ்ரீரங்கம் அரங்கநாதரின் சகோதரியாவார்.
சுமார் 100 ஆண்டுகளுக்கு முன்பு அரங்கநாதர், திருவானைக்கா கோயில் வருட உற்ஸவத்தின் போது நாச்சியார் தோப்பில் எழுந்தருளி, அன்றைய தினத்தில் தயாரிக்கப்படும் சிறப்பு நெய்வேத்தியத்தை (அமுது படைத்தல்) ஏற்றுக்கொண்டு, தாகம் மற்றும் களைப்பைபோக்க இளநீர் பருகியும் தோப்பிலிருந்து அதற்காக அமைக்கப்பட்ட வழிப்பாதை வழியாக தனது சகோதரி அகிலாண்டேஸ்வரி சன்னதிக்கு வந்து சீர்வரிசைகளை கொடுப்பது வழக்கமாக இருந்துள்ளது. ஆனால், இந்த வழக்கம் சில காலகட்டத்தில் நிறுத்தப்பட்டது.
சீர்வரிசை வழங்கும் வழக்கத்தை மீண்டும் புதுப்பிக்க ஸ்ரீரங்கம் கோயில் நிர்வாகம் முடிவு செய்தது.
அதன்படி சனிக்கிழமை மார்கழி மாத பிறப்பில் நடைபெறும் நிகழ்வாக அமைய வேண்டுமென்று வெள்ளிக்கிழமை இரவு ஸ்ரீரங்கம் கோயில் இணை ஆணையர் பொன்.ஜயராமன் தலைமையில் கோயில் தலைமை அர்ச்சகர் சுந்தர் பட்டர், முரளி பட்டர் மற்றும் அறங்காவலர்கள் டாக்டர் சீனிவாசன், கவிதா உள்ளிட்டோர் ஸ்ரீரங்கம் கோயிலில் இருந்து காரில் புறப்பட்டு திருவானைக்கா கோயிலுக்கு வந்தனர்.
அவர்களை சிவபக்தர்கள் கயிலாயம் வாத்தியம் வாசித்து ராமர் தீர்த்த குளத்திலிருந்து அழைத்து வந்தனர். திருவானைக்கா கோயில் உதவி ஆணையர் கோ.ஜெயப்பிரியா கோயில் மாலை அணிவித்து வரவேற்றார்.அதனை தொடர்ந்து மேளதாளம், வாணவேடிக்கை முழங்க சன்னதி வீதியிலிருந்த கோயில் யானை அகிலா முன் செல்ல, தட்டுகளில் பட்டு புடவை, தங்கத் தாலி, பழங்கள், குங்குமம், மாலைகள் வெற்றிலை பாக்கு உள்ளிட்ட பொருள்கள் சீர்வரிசையாக கோயிலுக்குள் கொண்டு சென்றனர். அதை முறைப்படி ஸ்ரீரங்கம் கோயில் இணை ஆணையர், திருவானைக்கா கோயில் உதவி ஆணையரிடம் அகிலாண்டேஸ்வரி சன்னதி எதிர்புறம் பிரசன்ன விநாயகர் முன்பு வழங்கினார்.
இதனையடுத்து, ஸ்ரீரங்கம் கோயிலிலிருந்து வந்த அனைவரும் அகிலாண்டேஸ்வரி சம்புகேஸ்வரை வழிபட்டுச் சென்றனர்.
மக்கள் நெகிழ்ச்சி: சுமார் 100 ஆண்டுகளுக்கு பிறகு இது போன்று ஸ்ரீரங்கம் கோயிலிலிருந்து சீர்வரிசை பொருள்கள் வருவதை பார்த்த திருவானைக்கா பகுதி மக்கள் நெகிழ்ச்சியடைந்தனர்.
இதுகுறித்து 80 வயதுடைய சிவபக்தர் ஒருவர் கூறுகையில், வைணவ கோயிலிலிருந்து சைவ கோயிலுக்கு சீர்வரிசை பொருள்கள் வருவதை கண்டு வியப்பில் ஆழ்ந்தோம். சைவமும், வைணவமும் ஒன்றுதான் என்று இந்த மங்கள பொருள்கள் பரிவர்த்தனை மூலம் தெரிந்து கொண்டோம் என்றார்.

 

]]>
http://www.dinamani.com/all-editions/edition-trichy/trichy/2017/dec/16/சுமார்-100-ஆண்டுகளுக்கு-பிறகுஸ்ரீரங்கத்திலிருந்து-திருவானைக்காஅகிலாண்டேஸ்வரிக்கு-சீர்வரிசை-2827207.html
2827206 திருச்சி திருச்சி மொழி வளர்ச்சிக்கு அயலகத் தமிழர்கள் ஒருங்கிணைவது அவசியம் DIN DIN Saturday, December 16, 2017 01:29 AM +0530 தமிழ் மொழி பாரெங்கும் பரவி தலைமுறை, தலைமுறையாய் வளர்ச்சி பெற வேண்டுமெனில் அயலகத் தமிழர்களை ஒருங்கிணைக்க வேண்டியது அவசியம் என திருச்சியில் நடந்த பன்னாட்டு கருத்தரங்கில் வலியுறுத்தப்பட்டது.
தஞ்சாவூர் தமிழ்ப் பல்கலைக் கழகம், திருச்சி பிஷப் ஹீபர் கல்லூரியின் முதுகலைத் தமிழாய்வுத்துறை ஆகியவை இணைந்து திசையெங்கும் தமிழியல் எனும் பன்னாட்டுக் கருத்தரங்கை கல்லூரி வளாகத்தில் வெள்ளிக்கிழமை நடத்தின.
தொடக்க விழாவுக்கு, கல்லூரி முதல்வர் த. பால்தயாபரன் தலைமை வகித்தார். விழாவில், தஞ்சாவூர் தமிழ்ப் பல்கலைக் கழக அயல்நாட்டுத் தமிழ்க் கல்வித்துறை தலைவர் குறிஞ்சி வேந்தன் பேசியது: உலகின் 35 நாடுகளில் தமிழர்கள் வாழ்கின்றனர். ஆனால், அங்குள்ள தமிழர்கள் தங்களது அடுத்தடுத்த தலைமுறைக்கு தமிழை கொண்டுசேர்ப்பதில் ஆர்வம் செலுத்துவதில்லை. தமிழ் கற்க வாரந்தோறும் குறிப்பிட்ட கிழமைகளில் பயிற்சி வகுப்புகளுக்கும்செல்லும் சூழல் உள்ளது. இந்தநிலை மாற வேண்டும்.
அயலகத் தமிழர்கள் என்றாலே இலங்கைத் தமிழர்களை மட்டுமே குறிப்பிடுகிறோம். இலங்கைத் தமிழர்கள் நமது சகோதரர்கள். ஆனால், 17ஆம் நூற்றாண்டிலேயே பசி, பட்டினி கொடுமையால் தமிழர்கள் பலரும் புலம்பெயர்ந்து பல்வேறு நாடுகளுக்கு சென்றுவிட்டனர்.
1875இல் ஏற்பட்ட பெரும்பஞ்சம் தமிழர்களை லட்சக்கணக்கில் இடம்பெயரச் செய்தது. அவர்களது வம்சாவளியினரையும், 35 நாடுகளில் வசிக்கும் தமிழர்களையும் ஒருங்கிணைத்து தமிழ் மொழியை பாரெங்கும் வளர்ச்சி பெறச் செய்ய வேண்டும். அதற்கு இத்தகைய பன்னாட்டு கருத்தரங்குகள் மிகவும் அவசியமானவை என்றார்.
மேலும், பிஷப் ஹீபர் கல்லூரியின் துணை முதல்வர் யோ. டென்னிசன் பேசினார்.
இதில், லண்டன் சூழலில் தமிழ்க் கற்றல் எனும் தலைப்பில் லண்டன் பல்கலைக் கழக பேராசிரியர் சிவா பிள்ளை, சிங்கப்பூர் மொழி பண்பாட்டுச் சூழல் எனும் தலைப்பில் சிங்கப்பூர் கல்வி அமைச்சக பாடத்துறைத் தலைவர் ரா.விமலன், ஆஸ்திரேலிய தமிழர்களின் வாழ்வியல் எனும் தலைப்பில் சிட்னி தமிழ்க்கலைக்கழக செயலர் ரா.ஜெ. அனகன்பாபு, மலேசிய மொழி பண்பாட்டுச் சூழல் எனும் தலைப்பில் மலேயா பல்கலைக் கழக பேராசிரியர் சு.குமரன் ஆகியோர் முதல் அமர்வில் உரையாற்றினர்.
அமெரிக்கத் தமிழர்களின் இன்றைய வாழ்வியல் எனும் தலைப்பில் கவிஞர் நந்தலாலா, தமிழ் மற்றும் கொரியமக்களின் பண்பாட்டு ஒற்றுமைகள் எனும் தலைப்பில் அண்ணா பல்கலை. உதவிப் பேராசிரியர் சிந்தியா, சுவிட்சர்லாந்தும், தமிழர் பண்பாடும் எனும் தலைப்பில் சூரிச் மாநில கலாசார ஒருங்கிணைப்பாளர் மதிவதினி, துபை தமிழர் வாழ்வியல் எனும் தலைப்பில் துபை கட்டுமானத்துறை பொறியாளர் ரவி சொக்கலிங்கம் ஆகியோர் இரண்டாம் அமர்வில் உரையாற்றினர்.
ஏற்பாடுகளை, கல்லூரியின் முதுகலை தமிழாய்வுத்துறை மாணவர், மாணவிகள், பேராசிரியர்கள், உதவிப் பேராசிரியர்கள் செய்திருந்தனர்.
மூவருக்கு கரிகால்சோழன் விருது
தஞ்சாவூர் தமிழ்ப் பல்கலைக் கழகத்தின் சார்பில், சிறந்த படைப்பாளிகள் தேர்வு செய்யப்பட்டு 2016ஆம் ஆண்டுக்கான கரிகால் சோழன் விருது 3 பேருக்கு வழங்கப்படவுள்ளது. பல்லைக் கழகத்தில் நிறுவப்பட்டுள்ள கோ. சாரங்கபாணி அறக்கட்டளை மூலம், சிங்கப்பூர் முஸ்தபா வழங்கும் இந்த விருது இலங்கையைச் சேர்ந்த தெளிவத்தை ஜோசப், மலேசியாவைச் சேர்ந்த சை. பீர்முகமது, சிங்கப்பூர் பாலபாஸ்கரன் ஆகியோருக்கு வழங்கப்படுகிறது. சென்னையில் வரும் 23ஆம் தேதி நடைபெறும் விழாவில் இந்த விருது வழங்கப்படவுள்ளதாக பேராசிரியர் குறிஞ்சி வேந்தன் தெரிவித்துள்ளார்.

 

]]>
http://www.dinamani.com/all-editions/edition-trichy/trichy/2017/dec/16/மொழி-வளர்ச்சிக்கு-அயலகத்-தமிழர்கள்-ஒருங்கிணைவது-அவசியம்-2827206.html
2827204 திருச்சி திருச்சி மெக்கானிக் தூக்கிட்டுத் தற்கொலை DIN DIN Saturday, December 16, 2017 01:28 AM +0530 திருச்சி பாலக்கரை பகுதியில் மெக்கானிக் வியாழக்கிழமை தூக்கிட்டுத் தற்கொலை செய்து கொண்டார்.
பாலக்கரை மறைமலை அடிகள் தெருவைச் சேர்ந்த கணேசன் மகன் மணிகண்டன் (28). ஐ.டி.ஐ. படித்து முடித்த இவர் கோவையில் மெக்கானிக் வேலை பார்த்து வந்தார். உடல் நலக் குறைவு ஏற்பட்டதால் கடந்த 10 நாள்களுக்கு முன்பு ஊருக்கு வந்திருந்த மணிகண்டன், திருச்சியில் சிகிச்சை பெற்று வந்தார். இந்த நிலையில் வியாழக்கிழமை வீட்டில் யாரும் இல்லாத நேரத்தில் தூக்கிட்டுத் தற்கொலை செய்து கொண்டார்.
பாலக்கரை போலீஸார் வழக்குப்பதிந்து விசாரித்து வருகின்றனர்.

 

]]>
http://www.dinamani.com/all-editions/edition-trichy/trichy/2017/dec/16/மெக்கானிக்-தூக்கிட்டுத்-தற்கொலை-2827204.html
2827180 திருச்சி திருச்சி ஸ்ரீரங்கத்தில் வைகை விரைவு ரயில் நிறுத்தம் DIN DIN Saturday, December 16, 2017 01:21 AM +0530 வைகுந்த ஏகாதசி விழாவை முன்னிட்டு பக்தர்களின் வசதிக்காக ஸ்ரீரங்கத்தில் வைகை விரைவு ரயில் டிசம்பர் 28 -ஆம் தேதி முதல் டிசம்பர் 30 -ஆம் தேதி வரை தாற்காலிகமாக ஒரு நிமிடம் நின்று செல்லும் எனத் தெற்கு ரயில்வே அறிவித்துள்ளது.
இதுகுறித்து தெற்கு ரயில்வே வெள்ளிக்கிழமை வெளியிட்ட செய்திக் குறிப்பு:ரயில் எண் 12635: சென்னை எழும்பூர் - மதுரை வைகை விரைவு ரயில் ஸ்ரீரங்கத்தில் மாலை 5.59 மணியில் இருந்து 6 மணி வரை நிறுத்தப்படும்.
ரயில் எண் 12636: மதுரை - சென்னை எழும்பூர் வைகை விரைவு ரயில் ஸ்ரீரங்கத்தில் காலை 9.22 மணியில் இருந்து 9.23 மணி வரை நிறுத்தப்படும்.

 

]]>
http://www.dinamani.com/all-editions/edition-trichy/trichy/2017/dec/16/ஸ்ரீரங்கத்தில்-வைகை-விரைவு-ரயில்-நிறுத்தம்-2827180.html
2826673 திருச்சி திருச்சி ஸ்ரீரங்கத்தில் தொழிலாளி தீக்குளித்து தற்கொலை முயற்சி DIN DIN Friday, December 15, 2017 01:44 AM +0530 ஸ்ரீரங்கம் அரசு மருத்துவமனை அருகே சைக்கிள் ரிக்ஷா ஓட்டும் தொழிலாளி வியாழக்கிழமை தீக்குளித்து தற்கொலை முயற்சியில் ஈடுபட்டார்.
ஸ்ரீரங்கம் அம்மாமண்டபம் புதுத்தெருப் பகுதியைச் சேர்ந்தவர் அமாவாசை (55). இவர் அரசு மருத்துவமனை அருகே சைக்கிள் ரிக்ஷா ஓட்டி வந்தார்.
மனைவி இறந்துவிட்ட நிலையில், மகள் திருமணமாகிச் செல்ல, மகனோடு வசித்து வந்தார். இந்நிலையில் அவரது மகன் திடீரென மகன் திருநங்கையாக மாறி திருநங்கைகளுடன் சென்றுவிட,
தனிமையில் இருந்த அமாவாசை மன உளைச்சலோடு அடிக்கடி மது குடித்து வந்தாராம். இந்நிலையில் வியாழக்கிழமை காலை ஸ்ரீரங்கம் அரசு மருத்துவமனை அருகே சைக்கிள் ரிக்ஷாவை நிறுத்திய அவர் மண்ணெண்ணெய் ஊற்றித் தீ வைத்து கொண்டார். உடலில் தீ வேகமாக பரவ, அலறியபடி சாலையில் படுத்து உருண்டார். உடனே அருகிலிருந்தோர் தீயை அணைத்து ஸ்ரீரங்கம் அரசு மருத்துவமனையில் அவரைச் சேர்த்தனர்.
பின்னர் தீவிர சிகிச்சைக்காக திருச்சி அரசு மருத்துவமனையில் சேர்க்கப்பட்டார். சம்பவம் குறித்து ஸ்ரீரங்கம் போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/trichy/2017/dec/15/ஸ்ரீரங்கத்தில்-தொழிலாளி-தீக்குளித்து-தற்கொலை-முயற்சி-2826673.html
2826644 திருச்சி திருச்சி தமிழ் ஆட்சி மொழி சட்டத்துக்கு முன்னோடி DIN DIN Friday, December 15, 2017 01:24 AM +0530 ஆட்சி மொழி சட்டம் அமல்படுத்துவதற்கு முன்பே 1951இல் திருச்சி நகராட்சியில் சோதனை முறையில் தமிழ் மொழி ஆட்சிமொழியாக அமல்படுத்தப்பட்டிருந்ததாக ஆட்சியர் கு.ராசாமணி பெருமிதம் தெரிவித்தார்.
திருச்சி மாவட்ட ஆட்சியர் அலுவலக கூட்டரங்கில் இரண்டு நாள்களாக நடைபெற்ற ஆட்சி மொழிப் பயிலரங்கின் நிறைவு விழா வியாழக்கிழமை மாலை நடைபெற்றது. விழாவுக்கு தலைமை வகித்து ஆட்சியர் கு.ராசாமணி பேசியது: மனித சமுதாயம் தோன்றிய காலத்தில் இருந்து தமிழ் மொழி சிறந்த மொழியாக விளங்கி வருகிறது. ஒரு மாநிலத்தின் அலுவலக நடைமுறைகளைச் செயல்படுத்த மாநில அரசால் சட்டப்படி அனுமதிக்கப்பட்ட மொழியே ஆட்சி மொழியாகும். தமிழக சட்டப்பேரவையில் தமிழ் ஆட்சிமொழிச் சட்டம் 27.12.1956இல் நிறைவேற்றப்பட்டது. மக்களாட்சித் தத்துவத்தில் இதை மக்களால் மக்களுக்கான, மக்களுடைய அரசு என அழைக்கிறோம். அதனால்தான் மக்கள் பேசும் மொழியிலேயே அரசு அலுவலக நடைமுறைகள் அமைகின்றன.
சென்னை மாகாணத்தில் தமிழ் ஆட்சிமொழிச் சட்டம் கொண்டு வருவதற்கு முன்பே சோதனை முறையில் 1951இல் திருச்சி நகராட்சியில் ஆட்சிமொழியாக தமிழை முதன்முதலில் பயன்படுத்திய பெருமை நமது மாவட்டத்துக்கு உண்டு. திருச்சி மாவட்டத்தில் தமிழ் ஆட்சிமொழித் திட்டத்தை அனைத்து அரசு அலுவலகங்களிலும் சிறப்பாக நடைமுறைப்படுத்தி வருகின்றன.
ஆட்சிமொழியை முழுமையாக நடைமுறைப்படுத்தும் மாவட்ட நிலை அலுவலகத்திற்குக் கேடயமும் பாராட்டுச் சான்றிதழும் தமிழ்வளர்ச்சித் துறை வழங்குகிறது. இதை அனைத்துத்துறை அலுவலகங்களும் பெற வேண்டும். அனைத்துத் துறைகளிலும் முழுமையாகப் பயன்படுத்துகின்றபோதுதான் தமிழ் மொழி வளர்ச்சியடையும் வருவாய்த் துறை உள்ளிட்ட அரசு துறைகளில் அதிக கோப்புகள் ஆங்கில மொழியில் உள்ளன. இவற்றை தமிழாக்கம் செய்ய முயற்சிகள் மேற்கொள்ளப்படும் என்றார் ஆட்சியர்.
விழாவில், தமிழ் வளர்ச்சித்துறை துணை இயக்குநர் துரை.தம்புசாமி, கலைப்பண்பாட்டுத் துறை இணை இயக்குநர் ரா.குணசேகரன், உலகத் தமிழாராய்ச்சி நிறுவன இயக்குநர் (பொறுப்பு) கோ.விசயராகவன், பைந்தமிழ் இயக்கக இயக்குநர் பழ.தமிழாளன், தேசிய கல்லூரி தமிழ்த்துறைப் பேராசிரியர் ந.மாணிக்கம் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-trichy/trichy/2017/dec/15/தமிழ்-ஆட்சி-மொழி-சட்டத்துக்கு-முன்னோடி-2826644.html
2826641 திருச்சி திருச்சி மனைவி கொலை: கணவர் தலைமுறைவு DIN DIN Friday, December 15, 2017 01:23 AM +0530 சோமரசம்பேட்டை அருகிலுள்ள மல்லியம்பத்து கிராமத்தைச் சேர்ந்தவர் கூலித் தொழிலாளி சந்திரசேகர் (37). இவரது மனைவி ஜெயந்தி. இவர்களுக்கு 3 குழந்தைகள் உள்ளனர். கணவன்- மனைவிக்கிடையே அடிக்கடி குடும்பத் தகராறு நடைபெறுவது வழக்கமாம்.
இந்நிலையில், புதன்கிழமை இரவு இருவருக்கும் இடையே மீண்டும் தகராறு ஏற்பட்டதாம். இதில் ஆத்திரமடைந்த சந்திரசேகர் வீட்டிலிருந்த கட்டையால் ஜெயந்தியை தாக்கினார். இதில் தலை மற்றும் உடலின் பல்வேறு பகுதிகளில் பலத்த காயமடைந்த ஜெயந்தியை அவரது உறவினர்கள் திருச்சி மகாத்மாகாந்தி நினைவு அரசு மருத்துவமனைக்கு கொண்டு சென்றனர். ஆனால், ஜெயந்தியை பரிசோதித்த மருத்துவர்கள், அவர் ஏற்கெனவே உயிரிழந்துவிட்டனர். இத்தகவலறிந்த சந்திரசேகர் தலைமறைவாகிவிட்டார். இதுகுறித்து சோமரசம்பேட்டை காவல் ஆய்வாளர் பிரபாகரன் தலைமையிலான போலீஸார் வழக்குப்பதிந்து சந்திரசேகரைத் தேடி வருகின்றனர்.

 

]]>
http://www.dinamani.com/all-editions/edition-trichy/trichy/2017/dec/15/மனைவி-கொலை-கணவர்-தலைமுறைவு-2826641.html
2826640 திருச்சி திருச்சி கார் மோதி முதியவர் சாவு DIN DIN Friday, December 15, 2017 01:22 AM +0530 புதுக்கோட்டை மாவட்டம், விராலிமலையைச் சேர்ந்தவர் பரட்டையன் (70). இவர் புதன்கிழமை இரவு மன்னார்புரம் மின்வாரிய அலுவலகம் அருகே சாலையில் நடந்து சென்று கொண்டிருந்தார். அப்போது அவ்வழியாக வந்த அடையாளம் தெரியாத கார் பரட்டையன் மீது மோதிச் சென்றது.
இதில், பலத்த காயமடைந்த பரட்டையன் சம்பவஇடத்திலேயே உயிரிழந்தார்.
திருச்சி தெற்குப் போக்குவரத்துப் புலனாய்வுப் பிரிவு போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-trichy/trichy/2017/dec/15/கார்-மோதி-முதியவர்-சாவு-2826640.html
2826639 திருச்சி திருச்சி வாகனங்களில் அதிக ஒலி எழுப்பும் கருவிகள் அகற்றம் DIN DIN Friday, December 15, 2017 01:22 AM +0530 திருச்சி மாவட்டம் முசிறி பேரூராட்சி பகுதியில் அதிக சப்தம் எழுப்பி வரும் தனியார் வாகனங்களில் காற்று ஒலிப்பான்கள் அகற்றப்பட்டன.
முசிறி காவல்நிலையம் அருகே வியாழக்கிழமை முசிறி பகுதி வட்டார போக்குவரத்து வாகன ஆய்வாளர் முரளி தலைமையிலான போலீஸார், வாகனச் சோதனையில் ஈடுபட்டிருந்தனர். இதில், தனியார் பேருந்துகள், ஆட்டோக்கள், கார்கள் மற்றும் கனரக வாகனங்கள் என 60-க்கும் மேற்பட்ட வாகனங்களில் அதிகம் சப்தம் எழுப்பக்கூடிய காற்று ஒலிப்பான்களை அகற்றி நடவடிக்கை மேற்கொண்டார். மேலும், அதிக சப்தம் எழுப்பும் (ஒலிக் கருவிகளை) வாகனங்களில் பொருத்தி இயக்கி வரும் ஓட்டுநர்கள், நிர்வாகத்தின் மீது நடவடிக்கை எடுக்கப்படும் என எச்சரிக்கை விடுத்துள்ளார்.

]]>
http://www.dinamani.com/all-editions/edition-trichy/trichy/2017/dec/15/வாகனங்களில்-அதிக-ஒலி-எழுப்பும்-கருவிகள்-அகற்றம்-2826639.html
2826638 திருச்சி திருச்சி இருவேறு சம்பவங்களில் 2 பேர் தற்கொலை DIN DIN Friday, December 15, 2017 01:22 AM +0530 திருச்சி திருவெறும்பூர் மற்றும் உறையூர் பகுதிகளில் நடைபெற்ற வெவ்வேறு சம்பவங்களில் இருவர் தற்கொலை செய்து கொண்டனர்.
திருச்சி மாவட்டம், திருவெறும்பூர் ஜீவா காலனியைச் சேர்ந்த மோகன் மகன் ஜம்பு
(28). லாரி ஓட்டுநரான இவர் கடந்த ஒன்றரை ஆண்டுகளுக்கு முன்பு கனிமொழி (26) என்ற பெண்ணை காலித்து திருமணம் செய்து கொண்டார். குடிப்பழக்கம் உடைய ஜம்பு, புதன்கிழமை மாலை குடிப்பதற்காக தனது மனைவி கனிமொழியிடம் பணம் கேட்ட போது மறுப்பு தெரிவித்தாராம்.
இதனால் இருவருக்கும் இடையே வாக்குவாதம் ஏற்பட்டது.
இதில் மனமுடைந்து காணப்பட்ட ஜம்பு வீட்டில் யாரும் இல்லாத நேரத்தில் தூக்கிட்டுத் தற்கொலை செய்து கொண்டார். திருவெறும்பூர் போலீஸார் வழக்குப்பதிந்து விசாரித்து வருகின்றனர்.
உறையூர் : திருச்சி உறையூர் கல்லறைமேட்டுத் தெருவைச் சேர்ந்த ரங்கன் மகன் கோவிந்தராஜ் (30). மாநகராட்சியில் ஒப்பந்தத் தொழிலாளியாகப் பணியாற்றி வந்தார்.
புதன்கிழமை இரவு வீட்டில் யாரும் இல்லாத நேரத்தில் தூக்கிட்டுத் தற்கொலை செய்து கொண்டார். தற்கொலைக்கான காரணம் தெரியவில்லை.
இதுகுறித்து உறையூர் போலீஸார் வழக்குப்பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/trichy/2017/dec/15/இருவேறு-சம்பவங்களில்-2-பேர்-தற்கொலை-2826638.html
2826637 திருச்சி திருச்சி சாலை விபத்து: தலைமைக் காவலர் மகன்சாவு DIN DIN Friday, December 15, 2017 01:21 AM +0530 திருச்சி துவாக்குடி அருகே சாலை விபத்தில் காயமடைந்து சிகிச்சை பெற்று வந்த தலைமைக் காவலர் மகன் புதன்கிழமை இரவு உயிரிழந்தார்.
திருச்சி சுப்பிரமணியபுரம் ஆயுதப்படைக் காவலர் குடியிருப்பைச் சேர்ந்த தலைமைக் காவலர் அரங்கநாதன். இவரது மகன் சுபாஷ் (18). கல்லூரி மாணவரான இவர் டிசம்பர் 8 ஆம் தேதி தஞ்சாவூர் மாவட்டம், செங்கிப்பட்டி அருகிலுள்ள பொறியியல் கல்லூரியில் நண்பரைப் பார்த்து விட்டு மோட்டார் சைக்கிளில் வீட்டுக்கு வந்து கொண்டிருந்தார்.
துவாக்குடி அசூர் பகுதியில் மோட்டார் சைக்களில் வந்த போது திடீரென சாலையின் குறுக்கே மாடு வந்ததால் அதன் மீது மோதாமல் இருக்க சுபாஷ் திடீரென பிரேக் போட்டாராம். அப்போது நிலைதடுமாறி மோட்டார் சைக்கிள் கீழே விழுந்ததில் பலத்த காயமடைந்த சுபாஷ் திருச்சி மகாத்மா காந்தி நினைவு அரசு மருத்துவமனையில் அனுமதிக்கப்பட்டு சிகிச்சை பெற்று வந்தார்.
இந்நிலையில், சிகிச்சை பலனின்றி புதன்கிழமை இரவு அவர் உயிரிழந்தார். துவாக்குடி போலீஸார் வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-trichy/trichy/2017/dec/15/சாலை-விபத்து-தலைமைக்-காவலர்-மகன்சாவு-2826637.html
2826614 திருச்சி திருச்சி திருச்சி ஆட்சியரகத்தில் மணல் அள்ளும் மாட்டுவண்டி தொழிலாளர்கள் முற்றுகை DIN DIN Friday, December 15, 2017 01:18 AM +0530 காவரி-கொள்ளிடம் ஆற்றில் மணல் எடுத்து வந்த 300-க்கும் மேற்பட்ட மணல் மாட்டுவண்டி தொழிலாளர்கள், மீண்டும் வேலை கோரி திருச்சி மாவட்ட ஆட்சியர் அலுவலகத்தை வியாழக்கிழமை முற்றுகையிட்டு போராட்டத்தில் ஈடுபட்டனர்.
திருச்சி மாவட்ட மணல் மாட்டுவண்டி தொழிலாளர்கள் சங்கத்தின் (சிஐடியு) சார்பில் நடைபெற்ற இந்தப் போராட்டத்துக்கு மாவட்டத் தலைவர் கே.சேகர் தலைமை வகித்தார். சிஐடியு மாநகர் மாவட்டத்தலைவர் எஸ். ரெங்கராஜன், மாவட்டச் செயலர் கே. சம்பத், மாவட்டத் தலைவர் ராமர் ஆகியோர் கண்டன உரையாற்றினர். டோல்கேட், சர்கார்பாளையம், பெட்டவாத்தலை, வாளாடி, கொண்டயம்பேட்டை, உறையூர், கம்பரசம்பேட்டை, மல்லாட்சிபுரம் பகுதிகளில் இருந்து 300-க்கும் மேற்பட்ட தொழிலாளர்கள் கலந்துகொண்டு கோரிக்கைகளை வலியுறுத்தி கோஷங்கள் எழுப்பினர்.
மாவட்ட ஆட்சியரகத்தின் பழைய கட்டட சாலையில் ஆர்ப்பாட்டத்தில் ஈடுபட்ட தொழிலாளர்கள் ஊர்வலமாக ஆட்சியர் அலுவலகத்துக்கு வந்து முற்றுகையில் ஈடுபட்டனர்.
அவர்கள், காவல் உதவி ஆணையர் அருள்அமரன் தலைமையிலான போலீஸார், நுழைவுவாயிலிலேயே தடுத்து நிறுத்தி ஒரு சிலர் மட்டுமே மனு அளிக்க அனுமதிக்கப்படுவர் என தெரிவித்தனர். இதனையேற்க மறுத்து அனைவரும் ஆட்சியர் அலுவலகத்துக்குள் நுழைய முயன்றனர். இதனால், போலீஸாருக்கும், தொழிலாளர்களுக்கும் இடையே தள்ளு-முள்ளு ஏற்பட்டது. பின்னர், இருதரப்புக்கும் இடையே உடன்பாடு ஏற்பட்டதை தொடர்ந்து சங்கப் பிரதிநிதிகள் மட்டும் மனு அளிக்க அனுமதிக்கப்பட்டனர்.
அந்த மனு விவரம்: காவிரி-கொள்ளிடத்தில் திருச்சி மாவட்டத்தில் மட்டும் 34 இடங்களில் மணல் குவாரிகள் இயங்கி வந்தன. இதில், 27 இடங்களில் மாட்டு வண்டிகள் மூலம் மணல் அள்ளப்பட்டது. இதனால், இத் தொழிலில் திருச்சி மாவட்டத்தில் மட்டும் 500-க்கும் மேற்பட்டோர் நேரடியாக ஈடுபட்டனர். மாட்டு வண்டி ஓட்டுபவர், மண் அள்ளுபவர் என ஒரு வண்டிக்கு குறைந்தது 3 தொழிலாளர்கள் பணிபுரிந்தனர். இயந்திரங்கள் மூலம் அதீத மண் அள்ளியதாலும், மணல் கடத்தலாலும் மணல் குவாரிகளை மூட நீதிமன்றம் உத்தரவிட்டது. இதனால், திருச்சி மாவட்டத்தில் மட்டும் 500-க்கும் மேற்பட்ட குடும்பங்கள் வேலையிழந்து வாழ்வாதாரத்துக்கு மிகவும் சிரமப்படுகின்றனர். வண்டியில் பூட்டியுள்ள மாடுகளுக்கு தீவனம் வழங்கக் கூட முடியவில்லை. எனவே, மாட்டு வண்டியில் மணல் எடுப்பதற்கு மாவட்ட நிர்வாகம் சட்ட ரீதியாக அனுமதி பெற வேண்டும் என மனுவில் வலியுறுத்தப்பட்டது.

]]>
http://www.dinamani.com/all-editions/edition-trichy/trichy/2017/dec/15/திருச்சி-ஆட்சியரகத்தில்-மணல்-அள்ளும்-மாட்டுவண்டி-தொழிலாளர்கள்-முற்றுகை-2826614.html
2826611 திருச்சி திருச்சி திருச்சியில் போக்குவரத்து தொழிலாளர்கள் 48 மணிநேரம் காத்திருப்புப் போராட்டம்: பேருந்துகள் இயக்கம் குறைப்பு DIN DIN Friday, December 15, 2017 01:17 AM +0530 திருச்சி மண்டலத்துக்குள்பட்ட கரூர், பெரம்பலூர், அரியலூர், திருச்சி மாவட்டங்களைச் சேர்ந்த அரசுப் போக்குவரத்துக் கழக தொழிலாளர்கள் 48 மணிநேர காத்திருப்புப் போராட்டத்தை தொடங்கினர். இதனால், வழக்கமாக இயக்கப்படும் பேருந்துகளைவிட சற்று குறைவான பேருந்துகளை மட்டுமே இயக்க நேரிட்டது.
அரசுப் போக்குவரத்துக் கழக அனைத்து தொழிற்சங்க கூட்டமைப்பு சார்பில், மாநிலம் தழுவிய அளவில் மண்டல அலுவலகங்களில் வியாழக்கிழமை காத்திருப்புப்போராட்டம் தொடங்கியது. இதன்படி, திருச்சி ஆட்சியர் அலுவலகம் எதிரேயுள்ள திருச்சி மண்டல அரசுப் போக்குவரத்துக்கழகத்திலும் போராட்டம் தொடங்கியுள்ளது.
இதில், அரியலூர், கரூர், பெரம்பலூர், திருச்சி மாவட்டங்களில் பணிபுரியும் அரசுப் பேருந்து ஓட்டுநர்கள், நடத்துநர்கள், தொழிற்சங்க நிர்வாகிகள் 500-க்கும் மேற்பட்டோர் போராட்டத்தை தொடங்கினர்.
தொமுச மண்டல பொதுச் செயலர் பழனிசாமி, மண்டலத் தலைவர் குணசேகரன், சிஐடியு மண்டல பொதுச் செயலர் சிவானந்தம், ஏஐடியுசி சம்மேளன மாநிலத் தலைவர் மணி, மண்டலப் பொதுச்செயலர் சுப்பிரமணியன், தேமுதிக தொழிற்சங்க மண்டலப்பொதுச் செயலர் ரவிச்சந்திரன், மதிமுக தொழிற்சங்க மண்டல பொதுச் செயலர் செல்வராஜ் ஆகியோர் கோரிக்கைகளை விளக்கிப்பேசினர்.
ஓய்வூதிய பலன்களை வழங்க வேண்டும். காலாவதி பேருந்துகள் இயக்குவதை கைவிட வேண்டும். ஊதிய உயர்வு வழங்க வேண்டும் என்பன உள்ளிட்ட கோரிக்கைகளை வலியுறுத்தி போராட்டத்தை தொடங்கியுள்ளதாக தொழிற்சங்கத்தினர் தெரிவித்தனர். இந்தப் போராட்டம், காரணமாக திருச்சி உள்பட 4 மாவட்டங்களில் பணிபுரியும் 500 தொழிலாளர்களை பேருந்துகள் இயக்குவதை கைவிட்டு போராட்டத்தில் பங்கேற்றுள்ளனர்.
புதன்கிழமை இரவும், காலையும் பேருந்துகளில் இருந்து இறங்கிய தொழிலாளர்கள் மட்டுமே போராட்டத்தில் ஈடுபட்டுள்ளனர். இதனால், வியாழக்கிழமை 100 சதவீதம் பேருந்துகளை இயக்க இயலவில்லை. வெள்ளிக்கிழமையும் போராட்டம் தொடர்ந்தால் போக்குவரத்து சேவை பாதிக்கப்படும்.

]]>
http://www.dinamani.com/all-editions/edition-trichy/trichy/2017/dec/15/திருச்சியில்-போக்குவரத்து-தொழிலாளர்கள்-48-மணிநேரம்-காத்திருப்புப்-போராட்டம்-பேருந்துகள்-இயக்கம்-குற-2826611.html
2826609 திருச்சி திருச்சி ரயில்வேயில் பாலியல் புகார் அளித்த 18 பெண் தொழிலாளர்களின் பணிமாறுதல் ரத்து DIN DIN Friday, December 15, 2017 01:17 AM +0530 திருச்சி ரயில்வே கோட்டம் மயிலாடுதுறையில் பாலியல் புகார் அளித்த 18 பேருக்கு வழங்கப்பட்ட பணிமாறுதல் உத்தரவு ரத்து செய்யப்பட்டுள்ளதாகவும், புகார் குறித்து மறு விசாரணை மேற்கொள்ள தெற்கு ரயில்வே பொதுமேலாளர் உத்தரவிட்டுள்ளார்.
திருச்சி ரயில்வே கோட்டம் மயிலாடுதுறை ரயில் நிலையத்தில் கண்காணிப்பு பொறியாளராக இருந்த மணிவண்ணன் மீது பபிதா என்ற கேரள பெண் உள்ளிட்ட 18 பெண்கள் பாலியல் புகார் அளித்தனர். புகார் குறித்து விசாரணை நடத்த விசாரணைக்குழு அமைக்கப்பட்டடது.
இந்த குழுவின் விசாரணை மேற்கொள்ளப்பட்டது. இதனையடுத்து நவம்பர் 18-ஆம் தேதி, புகாருக்கு உள்ளான மணிவண்ணன் பட்டுக்கோட்டை ரயில் நிலையத்துக்கும், புகார் அளித்த 18 பெண்களும் நவ.20-ஆம் தேதி பல்வேறு பகுதிகளுக்கும் பணியிட மாற்றம் செய்து, தொழிலாளர் நலப்பிரிவு உத்தரவிட்டது.
இது குறித்து பாதிப்புக்குள்ளான பெண்கள் 18 பேரும் சென்னையில் உள் தெற்கு ரயில்வே பொது மேலாளர் ஆர்.கே. குல்ஸ்ரெஸ்தாவை சந்தித்து சம்பவம் குறித்து விளக்கினர். மேலும், மணிவண்ணனை பணியிட மாறுதலில் செல்ல விடுவிக்குமாறும், தங்களது, மாறுதல் உத்தரவை ரத்து செய்யுமாறும் கோரிக்கை விடுத்தனர். இதையடுத்து, மணிவண்ணனை உடனடியாக விடுவித்தும், 18 பெண்களுக்கு வழங்கப்பட்டிருந்த மாறுதல் உத்தரவை ரத்து செய்தும் பொதுமேலாளர் உத்தரவிட்டார். மேலும் பாலியல் புகார் குறித்து ஏற்கெனவே நடத்திய விசாரணையை ரத்து செய்து, புதிதாக மீண்டும் விசாரணை நடத்தவும் உத்தரவிட்டார்.
வரவேற்பு : மறு விசாரணைக்கு உத்தரவிட்டிருப்பதை, பாதிக்கப்பட்ட பெண்கள் மற்றும் அவரது குடும்பத்தினர் மற்றும் தொழிற்சங்கம் உள்ளிட்டவைகள் வரவேற்றுள்ளனர்.

 

]]>
http://www.dinamani.com/all-editions/edition-trichy/trichy/2017/dec/15/ரயில்வேயில்-பாலியல்-புகார்-அளித்த-18-பெண்-தொழிலாளர்களின்-பணிமாறுதல்-ரத்து-2826609.html
2826201 திருச்சி திருச்சி திருச்சி ஆட்சியர் அலுவலகத்தில் வியாபாரி தீக்குளிக்க முயற்சி DIN DIN Thursday, December 14, 2017 05:20 AM +0530 திருச்சி மாவட்ட ஆட்சியர் அலுவலக வாயில் முன்பாக துணி வியாபாரி குடும்பத்துடன் புதன்கிழமை திடீரென தீக்குளிக்க முயன்றதால் பரபரப்பு ஏற்பட்டது.
திருச்சி கீழசிந்தாமணியைச் சேர்ந்தவர் முத்துவெங்கட்ராமன் (45). இவர், தெப்பகுளம் பகுதியில் தள்ளுவண்டியில் துணி வியாபாரம் செய்து வருகிறது. இவரது தந்தை 2004இல் காலமானார். இவருக்கு சொந்தமான 15,725 அடி நிலம் கீழசிந்தாமணியில் உள்ளது. இதனை சிலர், போலி ஆவணங்கள் தயாரித்து ஆக்கிரமித்துக் கொண்டனர். தந்தை இறந்த பிறகு 2 ஆண்டுகள் கழித்து விற்பனை செய்ததாக பதிவில் தேதி குறிப்பிடப்பட்டுள்ளது. அனைத்து ஆவணங்களையும் போலியாக தயாரித்து கிடங்கு வைத்து ஆக்கிரமிப்பாளர்கள் அனுபவித்து வருகின்றனர்.
அவர்கள் மீது நடவடிக்கை எடுக்குமாறு ஆட்சியர், காவல்நிலையத்தில் புகார் அளித்தும் நடவடிக்கை எடுக்கவில்லை.
இதனால் விரக்தியடைந்த முத்துவெங்கட்ராமன் குடும்பத்தினருடன் திருச்சி மாவட்ட ஆட்சியர் அலுவலகத்துக்கு புதன்கிழமை வந்திருந்தார். அவர் தற்கொலை செய்யப்போவதாக தகவல் பரவியது. இதையடுத்து முன்னெச்சரிக்கையாக அமர்வுநீதிமன்ற காவல்நிலைய போலீஸார் கண்காணிப்பில் ஈடுபட்டிருந்தனர். முத்துவெங்கட்ராமனை தவிர அவரது சகோதர்கள், மகன்கள், மனைவி, தாய் ஆகியோர் ஆட்சியர் அலுவலகத்துக்கு வந்திருந்தனர். அவர்களிடம் போலீஸார் விசாரணை நடத்திக் கொண்டிருந்தபோதே, திடீரென மண்ணெண்ணெய் கேனுடன் வந்த முத்துவெங்கட்ராமன், உடல் முழுவதும் மண்ணெண்ணெய் ஊற்றிக்கொண்டு தீ வைக்க முயன்றார்.
போலீஸார் விரைந்து வந்து தடுத்து நிறுத்தினர். பின்னர், அவரை காவல்நிலையம் அழைத்துச் சென்று விசாரணை நடத்தினர். இந்த சம்பவத்தால் ஆட்சியர் அலுவலகம் முன் ஒரு மணிநேரத்துக்கு மேலாக பரபரப்பு காணப்பட்டது.

 

]]>
http://www.dinamani.com/all-editions/edition-trichy/trichy/2017/dec/14/திருச்சி-ஆட்சியர்-அலுவலகத்தில்-வியாபாரி-தீக்குளிக்க-முயற்சி-2826201.html
2826058 திருச்சி திருச்சி 'பெல்லில் ரூ.1300 கோடி பணி: நியாய விலைப்படி ஏலம் நடத்த வேண்டும்' DIN DIN Thursday, December 14, 2017 02:35 AM +0530 திருச்சி பெல் நிறுவனத்தில் ரூ.1300 கோடி மதிப்பிலான பணிகளை இணையவழியில் ஒப்பந்தம் எடுத்த நாக்பூர் நிறுவனத்தின் மீது பல்வேறு குற்றச்சாட்டுகள் இருப்பதால் அந்த நிறுவனத்துக்கு வழங்கப்பட்ட ஒப்பந்தத்தை ரத்து செய்து, நியாயவிலைப்படி ஏலம் நடத்த வேண்டும் என்று பெல்சியா கோரிக்கை விடுத்துள்ளது.
இதுகுறித்து பெல் குறு,சிறு மற்றும் நடுத்தரத் தொழிற்சாலைகள் சங்கத்தின் (பெல்சியா) தலைவர் அசோக் சுந்தரேசன்திருச்சியில் புதன்கிழமை செய்தியாளர்களிடம் கூறியது:
திருச்சி பெல் நிறுவனத்தின் 2.75 லட்சம் டன்னுக்குரிய பணிகளை மேற்கொள்வதற்காக கடந்த 6 ஆம் தேதி இணையவழியில் ஏலம் நடைபெற்றது. இந்த ஏலத்தில் ரூ.1300 கோடி மதிப்பிலான பணிகளுக்கான குறைந்த விலைப்புள்ளியை நிர்ணயித்த நாக்பூரை சேர்ந்த நிறுவனத்துக்கு மொத்தமுள்ள 38-ல் 24 பணிகளுக்கு அனுமதி கிடைத்திருக்கிறது.
இதனால், திருச்சியில் பெல் நிறுவனத்தைச் சேர்ந்த குறு,சிறு மற்றும் நடுத்தரத் தொழிற்சாலைகள் பாதிப்பைச் சந்திக்கும் அபாயத்தில் உள்ளது. இந்த இணையவழி ஏலத்தில் நடைபெற்ற ஒப்பந்தத்துக்கு தடை விதிக்கக் கோரி சென்னை உயர்
நீதிமன்ற மதுரைக் கிளையில் தொடரப்பட்ட வழக்கில், நீதிமன்றம் இடைக்காலத் தடையை வழங்கியிருக்கிறது.
ரூ.1300 கோடி மதிப்பிலான பணிகளுக்கான ஒப்பந்தம் பெற்ற நாக்பூர் நிறுவனத்தின் விவரங்கள் குறித்து ஆராய்ந்த போது, ஏலத்தில் பங்கேற்பதற்கு முன்பு அளிக்கப்பட்ட நிறுவனம் தொழில்நுட்ப விவரங்கள் எதுவும் இணையத்தில் இல்லை. சிவில் மற்றும் குற்ற வழக்குகள் இருக்கிறதா என்று ஆராய்ந்தால், இந்த நிறுவனத்தின் இயக்குநர்களுக்கு ஒருவருக்குச் சொந்தமான நிறுவனம் கடந்த 2015 ஆம் ஆண்டில் வருமானவரித் துறை சோதனையில் சிக்கியதும் தெரிய வந்தது. இதுபோல, கரும்பு விவசாயிகளின் பெயரைப் பயன்படுத்தி ரூ.328 கோடிக்கு முறைகேடாக கடன் பெற்றிருப்பதும் தெரிய வந்துள்ளது. இந்த விவரங்கள் அனைத்தும் தேசிய பங்குச்சந்தையில் பொதுமக்களிடமிருந்து பங்குகளை பெறுவதற்கு அனுமதி கோரி அளித்த விண்ணப்பத்தில் தெரிவிக்கப்பட்டிருக்கிறது. இவ்வளவு சிக்கல் கொண்ட நிறுவனம் பற்றிய விவரங்களை ஏன் பெல் நிறுவனம் சேகரிக்கவில்லை. ஏன் விலைப்புள்ளிகளை அவர்களுக்கு பெல் நிறுவனம் தந்தது?.
எனவே பல்வேறு சிக்கல்களைக் கொண்ட இந்த நிறுவனத்துக்கு அளிக்கப்பட்ட ஒப்பந்தத்தை ரத்து செய்து, மறு விலைப்புள்ளியை வழங்கி ஒப்பந்தம் விட வேண்டும். நியாயவிலையைக் குறிப்பிட்டு ( 5 சதவிகிதம் குறைவு அல்லது அதிகம் என்ற அடிப்படையில்) ஏலத்தை நடத்த வேண்டும். இதற்குரிய நடவடிக்கையை பெல் நிறுவனம் மேற்கொள்ள வேண்டும் என்றார் சுந்தரேசன். பேட்டியின் போது செயலர் பி. செந்தில்குமார், நிர்வாகக் குழு உறுப்பினர்கள் வி.கண்ணன், புகழேந்தி உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-trichy/trichy/2017/dec/14/பெல்லில்-ரூ1300-கோடி-பணி-நியாய-விலைப்படி-ஏலம்-நடத்த-வேண்டும்-2826058.html
2826037 திருச்சி திருச்சி த. முருங்கப்பட்டி வெடிமருந்து ஆலைக்கு எதிராக 5 கிராமத்தில் கருப்புக்கொடி ஏற்றி போராட்டம் DIN DIN Thursday, December 14, 2017 02:29 AM +0530 திருச்சி மாவட்டம் துறையூர் வட்டம் த. முருங்கப்பட்டி தனியார் வெடிமருந்து ஆலையை மீண்டும் திறப்பதற்கு எதிர்ப்பு தெரிவித்து 5 கிராம மக்கள் புதன்கிழமை கருப்புக் கொடி ஏற்றி போராட்டத்தில் ஈடுபட்டனர்.
துறையூர் வட்டம் தளுகை ஊராட்சியைச் சேர்ந்த த. முருங்கப்பட்டியில் உள்ள தனியார் வெடிமருந்து ஆலையில் கடந்த ஆண்டு ஏற்பட்ட வெடிவிபத்தில் 19க்கும் மேற்பட்டோர் உயிரிழந்தனர். இதனைத் தொடர்ந்து மாவட்ட நிர்வாகம் உத்தரவின்படி ஆலை மூடப்பட்டது. இந்த உத்தரவை எதிர்த்து ஆலை நிர்வாகம் மதுரை உயர்நீதிமன்றத்தில் முறையீடு செய்து விட்டு, நீதிமன்றம் உத்தரவு பிறப்பிக்கும் முன்பு விபத்தில் சேதமான பகுதிகளை ஆலை நிர்வாகம் சீர் செய்வதாக கூறப்படுகிறது. இதனை அக்கிராமத்தினர் எதிர்க்கின்றனர். இந்நிலையில் ஆலை முன்பு போலீஸார் நிறுத்தப்பட்டு மீண்டும் கண்காணிக்க வேண்டும் என்பதை வலியுறுத்தி முருங்கப்பட்டி, பாதர்பேட்டை, மங்கப்பட்டி, புதூர், வெள்ளாலப்பட்டி ஆகிய கிராமங்களில் புதன்கிழமை கடையடைப்பு, வீடுகள், தெருக்களில் பொதுமக்கள் கருப்புக் கொடிஏற்றினர்.

]]>
http://www.dinamani.com/all-editions/edition-trichy/trichy/2017/dec/14/த-முருங்கப்பட்டி-வெடிமருந்து-ஆலைக்கு-எதிராக-5-கிராமத்தில்-கருப்புக்கொடி-ஏற்றி-போராட்டம்-2826037.html
2826036 திருச்சி திருச்சி அரசு வேலை வாங்கித் தருவதாக ரூ. 35 லட்சம் மோசடி: பெரம்பலூர் ஏடிஎஸ்பி உள்ளிட்ட 3 பேர் மீது வழக்கு DIN DIN Thursday, December 14, 2017 02:29 AM +0530 அரசு வேலை வாங்கித் தருவதாக ரூ. 35 லட்சம் மோசடியில் ஈடுபட்டதாக, பெரம்பலுர் கூடுதல் காவல் கண்காணிப்பாளர் உள்ளிட்ட மூவர் மீது திருச்சி குற்றப்பிரிவு போலீஸார் வழக்குப் பதிவு செய்துள்ளனர்.
புதுச்சேரி தேங்காய் திட்டு பகுதியைச் சேர்ந்தவர் பாலமுருகன் ( 37). இவர், திருச்சியைச் சேர்ந்த சிவகாமி–- சேகர் தம்பதியரின் மகளை திருமணம் செய்துள்ளார். தனியார் நிறுவனத்தில் வேலை பார்த்து வந்த பாலமுருகன், அரசு வேலைக்கு முயற்சி செய்துகொண்டிருந்தார். இந்நிலையில் கடந்த, 2014-ஆம் ஆண்டு, சிவகாமி, தன்னுடைய குடும்ப நண்பரான திருச்சி கண்டோன்மெண்ட் குற்றப்பிரிவு காவல் உதவி ஆணையர் ஞானசிவக்குமாரை பாலமுருகனிடம் அறிமுகம் செய்து வைத்துள்ளார்.
பாலமுருகன் வேலை தேடி வருவதை அறிந்த அவர், அரசு வேலை வாங்கித் தருவதாக கூறி, அவரிடம் ரூ. 35 லட்சம் வாங்கியுள்ளார். ஆனால் கூறியபடி வேலை வாங்கித் தரவில்லை. இதற்கிடையே ஞானசிவக்குமார், கூடுதல் காவல் கண்காணிப்பாளராக (ஏ.டி.எஸ்.பி.) பதவி உயர்வு பெற்று, தற்போது பெரம்பலுôர் மாவட்ட தலைமையிடத்தில் பணியில் உள்ளார்.
தன்னிடம் பணம் வாங்கிக் கொண்டு மோசடியில் ஈடுபட்ட ஞானசிவக்குமாரின் செயல்பாடு குறித்து, தனது மாமனார் மற்றும் மாமியாரிடம் பாலமுருகன் கூறியபோதும், அவர்கள் கண்டுகொள்ளவில்லை என்று தெரிகிறது.
இதையடுத்து மூவர் மீதும் அவர், திருச்சி மாநகரக் காவல் ஆணையர் ஏ. அமல்ராஜிடம் புகார் அளித்தார். புகார் குறித்து விசாரணை நடத்த காவல் ஆணையர் உத்தரவிட்டதைத் தொடர்ந்து, செவ்வாய்க்கிழமை(டிசம்பர் 12) இரவு, பெரம்பலுர் ஏ.டி.எஸ்.பி., ஞானசிவக்குமார், பாலமுருகனின் மாமியார் சிவகாமி, மாமனார் சேகர் ஆகிய மூவர் மீதும் குற்றப்பிரிவு போலீஸார், மோசடி வழக்குப் பதிவு செய்தனர். தொடர்ந்து விசாரணை நடைபெற்று வருகிறது. ஓய்வு பெற இன்னும் சில ஆண்டுகளே உள்ள நிலையில், ஏ.டி.எஸ்.பி. மோசடி வழக்கில் சிக்கியிருப்பது குறிப்பிடத்தக்கது.

 

]]>
http://www.dinamani.com/all-editions/edition-trichy/trichy/2017/dec/14/அரசு-வேலை-வாங்கித்-தருவதாக-ரூ-35-லட்சம்-மோசடி-பெரம்பலூர்-ஏடிஎஸ்பி-உள்ளிட்ட-3-பேர்-மீது-வழக்கு-2826036.html
2825478 திருச்சி திருச்சி திருச்சி மருத்துவக் கல்லூரியில் மருத்துவம் சார்ந்த படிப்புகளுக்கு விண்ணப்பங்கள் வரவேற்பு DIN DIN Wednesday, December 13, 2017 07:47 AM +0530 திருச்சி கி.ஆ.பெ. விசுவநாதம் அரசு மருத்துவக் கல்லூரியில் மருத்துவம் சார்ந்த படிப்புகளுக்கு விண்ணப்பங்கள் வரவேற்கப்படுகின்றன.
இதுகுறித்து, கல்லூரி டீன் அனிதா கூறியது: 2017-18ஆம் கல்வியாண்டுக்கு அவசர சிகிச்சை நுட்புநர், சுவாச கோளாறு சிகிச்சை நுட்புநர், சிறுநீரக சுத்திகரிப்புத்துறை நுட்புநர், உணர்வகற்றியல் துறை நுட்புநர், அறுவை அரங்கு நுட்புநர், முடநீக்கியியல் சிகிச்சை பிரிவு நுட்புநர், பல்நோக்கு மருத்துவமனை பணியாளர், மருத்துவ ஆய்வ நுட்புநர் ஆகிய பட்டயப்படிப்புகளுக்கும், நுண்கதிர் மருத்துவ பட்டயப் படிப்புக்கும் விண்ணப்பங்கள் வரவேற்கப்படுகின்றன. விண்ணப்பங்களை தமிழக அரசின் சுகாதாரத்துறை இணையத்தில் w‌w‌w.‌t‌n‌h‌e​a‌l‌t‌h.‌o‌r‌g  பதிவிறக்கம் செய்யலாம். மருத்துவக் கல்லூரியிலும் பெற்றுக் கொள்ளலாம். பூர்த்தி செய்த விண்ணப்பங்களை செயலர், தேர்வுக் குழு, 162. ஈ.வெ.ரா. சாலை, கீழ்பாக்கம், சென்னை-10 என்ற முகவரிக்கு டிசம்பர் 16ஆம் தேதி மாலை 5 மணிக்குள் அனுப்ப வேண்டும்.

]]>
http://www.dinamani.com/all-editions/edition-trichy/trichy/2017/dec/13/திருச்சி-மருத்துவக்-கல்லூரியில்-மருத்துவம்-சார்ந்த-படிப்புகளுக்குவிண்ணப்பங்கள்-வரவேற்பு-2825478.html
2825477 திருச்சி திருச்சி துறையூரில் காவல்துறை விழிப்புணர்வு பிரசாரம் DIN DIN Wednesday, December 13, 2017 07:44 AM +0530 துறையூர் நகர பொதுமக்களிடம் போலீஸார் குற்றங்கள் தொடர்பான விழிப்புணர்வு பிரசாரம் செய்தனர்.
துறையூர் நகரம் மற்றும் சுற்றுப் பகுதியில்  பொதுமக்கள் பாதுகாப்புடனும், 
விழிப்புணர்வோடும் இருக்க வேண்டி காவல் துறை சார்பில் திங்கள் மற்றும் செவ்வாய்க்கிழமைகளில் காவல் ஆய்வாளர்(பொறுப்பு) கோ. லதா, உதவி ஆய்வாளர் எஸ். செல்வராசு  மற்றும் காவலர்கள்   மேட்டுத்தெரு, பெருமாள் கோயில் வீதி, பேருந்து நிலையம் உள்ளிட்ட பகுதியில் பொதுமக்களிடம் விழிப்புணர்வு பிரசாரத்தில் ஈடுபட்டனர். 
அப்போது விழிப்புணர்வு துண்டு பிரசுரங்களை வழங்கினர். 

]]>
http://www.dinamani.com/all-editions/edition-trichy/trichy/2017/dec/13/துறையூரில்-காவல்துறை-விழிப்புணர்வு-பிரசாரம்-2825477.html
2825476 திருச்சி திருச்சி கல்லூரி ஆசிரியர் கூட்டு நடவடிக்கை  குழுவினர் ஆர்ப்பாட்டம் DIN DIN Wednesday, December 13, 2017 07:44 AM +0530 முனைவர் பட்ட ஊக்க  ஊதிய உயர்வு மறுக்கப்பட்டுள்ளதை ரத்து செய்ய வேண்டும் போன்ற 6 அம்சக் கோரிக்கைகளை வலியுறுத்தி திருச்சி பாரதிதாசன் பல்கலைக்கழக நுழைவுவாயில் முன்பு கல்லூரி ஆசிரியர் கூட்டு நடவடிக்கைக் குழுவினர் செவ்வாய்க்கிழமை ஆர்ப்பாட்டம் நடத்தினர்.
புதிய ஊதிய விகிதங்களை அமல்படுத்துவதற்காக மத்திய அரசு மாநிலங்களுக்கு அளிக்கும் மானியத் தொகையை 80%-லிருந்து 50% ஆக குறைத்துள்ளது. மானியத்துக்கான காலமும் குறைக்கப்பட்டுள்ளது. இதை மாற்றி ஏற்கெனவே இருந்த நிலையே தொடர வேண்டும்
முனைவர் பட்ட ஊக்க ஊதிய உயர்வை ஏற்கெனவே இருந்தவாறு வழங்க வேண்டும்,  குறைக்கப்பட்ட உதவிப் பேராசிரியர் தொடக்க  ஊதியத்தை உயர்த்தி வழங்க வேண்டும்,  கிரேடு-2  முதல்வர்களின் ஊதியத்தை உயர்த்தி வழங்க வேண்டும்,  தொகுப்பூதியம், மதிப்பூதியம் மற்றும் சுயநிதிப் பிரிவில் பணியாற்றும்ஆசிரியர்களுக்கான ஊதிய மாற்றம் பற்றிய பரிந்துரை ஊதியக் குழுவில் இல்லை. இக்குறைபாட்டை சரி செய்ய வேண்டும் ஆகிய கோரிக்கைகளை வலியுறுத்தி இந்த ஆர்ப்பாட்டம் நடைபெற்றது.
தமிழ்நாடு அரசுக் கல்லூரி ஆசிரியர் கழகம், பல்கலைக்கழக ஆசிரியர் சங்கம்  ஆகிய இரு கல்லூரி ஆசிரியர் சங்கங்கள் இணைந்த கூட்டு நடவடிக்கைக் குழு சார்பில் பல்கலைக்கழக நுழைவுவாயில் முன்பு ஆர்ப்பாட்டம் நடைபெற்றது. 
அகில இந்திய பல்கலைக்கழகக் கல்லூரி ஆசிரியர் கூட்டமைப்பின் துணைத் தலைவர் தி. அறிவுடைநம்பி தலைமை வகித்தார். 
தமிழ்நாடு அரசுக் கல்லூரி ஆசிரியர் கழகத்தின் திருச்சி மண்டலச் செயலர் முனைவர் பி. டேவிட் லிவிங்ஸ்டன், மண்டலத் தலைவர் சார்லஸ் செல்வராஜ், பொருளாளர் கோபாலகிருஷ்ணன்,  பல்கலைக்கழக ஆசிரியர் சங்கப் பொருளாளர் செந்தில் உள்ளிட்டோர் கோரிக்கைககளை வலியுறுத்தி பேசினர். ஏராளமானோர் ஆர்ப்பாட்டத்தில் பங்கேற்றனர்.
 

]]>
http://www.dinamani.com/all-editions/edition-trichy/trichy/2017/dec/13/கல்லூரி-ஆசிரியர்-கூட்டு-நடவடிக்கை--குழுவினர்-ஆர்ப்பாட்டம்-2825476.html
2825475 திருச்சி திருச்சி சாலை பாதுகாப்பு எச்சரிக்கை பதாகை அமைப்பு DIN DIN Wednesday, December 13, 2017 07:43 AM +0530 திருச்சி மாவட்டம் மணப்பாறையில் விபத்துகள் நடந்த பகுதியில் சாலை பாதுகாப்பு எச்சரிக்கை செய்யும் விதமாக மிளிரும் ஸ்டிக்கர் பதாகையினை அப்பகுதி இளைஞர்கள் அமைத்துள்ளனர். 
மணப்பாறை - புதுக்கோட்டை சாலையில் லெட்சுமிபுரம் பகுதியில் சாலை மிகவும் குறுகிய பகுதியாக உள்ளது. இந்நிலையில் சாலையின் நடுவே தடுப்புச் சுவரை நகராட்சி நிர்வாகம் சில ஆண்டுகளுக்கு முன் அமைத்தது. தொடர்ச்சியாக அப்பகுதியில் விபத்துகள் நடந்து கொண்டே வரும் நிலையில் இதுகுறித்து நகராட்சி நிர்வாகம், நெடுஞ்சாலைத்துறை ஆகியோரிடம் அப்பகுதியினர் பலமுறை முறையிட்டும் பலனில்லையாம். இதனால் அதிருப்தியடைந்த அப்பகுதி இளைஞர்கள் ஓர் இரும்பு உருளையில் எச்சரிக்கை பதாகை அமைத்து, அதில் ஒளி மிளிரும் ஸ்டிக்கர்களை ஒட்டி அந்த பதாகையை தடுப்புச் சுவர் தொடங்கும் முகப்பில் பொருத்தியுள்ளனர்.

]]>
http://www.dinamani.com/all-editions/edition-trichy/trichy/2017/dec/13/சாலை-பாதுகாப்பு-எச்சரிக்கை-பதாகை-அமைப்பு-2825475.html
2825474 திருச்சி திருச்சி பள்ளி மாணவ, மாணவிகளுக்கு தனித்திறன் கலைப் போட்டிகள் DIN DIN Wednesday, December 13, 2017 07:43 AM +0530 திருச்சி மாவட்டம் மணப்பாறையில் பள்ளி மாணவ, மாணவிகளுக்கான ஒன்றிய அளவிலான கலைத் திருவிழா செவ்வாய்க்கிழமை நடைபெற்றது.
மணப்பாறையில் பள்ளி மாணவ, மாணவிகளுக்கு தனித்திறன் கலைப்போட்டிகள் செவ்வாய்க்கிழமை கோவில்பட்டி சாலையில் உள்ள நகராட்சி தொடக்கப் பள்ளியில் நடைபெற்றது. தொடக்கக் கல்வி அலுவலர்கள் ரெஜி பெஞ்சமின் மற்றும் ஜேம்ஸ் ஆகியோரின் தலைமையில் நடைபெற்ற இந்த தனித்திறன் போட்டிகளில் மணப்பாறை ஒன்றியத்தைச் சேர்ந்த 110 தொடக்கப் பள்ளிகளில் இருந்து சுமார் 450 மாணவ, மாணவிகள் கலந்து கொண்டனர். இதில் பாரம்பரிய தமிழர்களின் கலைகளான பரதம், குச்சுபிடி நடனங்களும், மாறுவேடப் போட்டி, மண் உருவங்கள் செய்தல், ஓரங்க நாடகம், பாட்டு போட்டி, பேச்சு போட்டி, கவிதை போட்டி, கட்டுரைப் போட்டி, ஓவியப்போட்டி, திருகுறள் ஒப்பிவித்தல், குழு நடனம் என பல்வேறு தனித்திறன் கலைப்போட்டிகள் நடைபெற்றது. 
நிகழ்ச்சியில் அனைத்து பள்ளி தலைமையாசிரியர்கள், ஆசிரிய ஆசிரியர்கள், பெற்றோர்கள், மாணவ, மாணவிகள் கலந்து கொண்டனர்.
 

]]>
http://www.dinamani.com/all-editions/edition-trichy/trichy/2017/dec/13/பள்ளி-மாணவ-மாணவிகளுக்கு-தனித்திறன்-கலைப்-போட்டிகள்-2825474.html
2825472 திருச்சி திருச்சி ஜாக்ஜியோ அமைப்பினர் உண்ணாவிரதம் DIN DIN Wednesday, December 13, 2017 07:42 AM +0530 பழைய ஓய்வூதியத் திட்டத்தை மீண்டும் செயல்படுத்த வேண்டும் என்பனஉள்ளிட்ட 15 அம்ச கோரிக்கைகளை வலியுறுத்தி திருச்சியில் தமிழ்நாடு அரசுப் பணியாளர் சங்கங்களின் கூட்டமைப்பான ஜாக்ஜியோ சார்பில் செவ்வாய்க்கிழமை உண்ணாவிரதம் நடைபெற்றது.
21 மாத ஓய்வூதிய நிலுவைத் தொகையை வழங்க வேண்டும், ஓய்வூதியம் இல்லாதவர்களுக்கும் ஓய்வூதியம் வழங்க வேண்டும்,  ஊதிய முரண்பாடுகளை  அனைத்து நிலைப் பணியாளர்களுக்கும் களைதல் வேண்டும், மக்கள் தொகை அடிப்படையிலும், வருமானத்தின் அடிப்படையிலும்  ஊராட்சிகளை பேரூராட்சிகளாகத் தரம் உயர்த்த வேண்டும் என்பன உள்ளிட்ட கோரிக்கைகளை வலியுறுத்தி உண்ணாவிரதம் நடைபெற்றது.
திருச்சி சிந்தாமணி அண்ணாசிலை அருகே நடைபெற்ற உண்ணாவிரதப் போராட்டத்துக்கு ஜாக்ஜியோ மாவட்ட அமைப்பாளரும்- தமிழ்நாடு டாஸ்மாக் ஊழியர் சங்க மாநிலச் செயற்குழு உறுப்பினருமான பி. முருகானந்தம் தலைமை வகித்தார். மாநிலத் துணைச் செயலர் எம். உதயகுமார் முன்னிலை வகித்தார்.
ஜாக்ஜியோ மாநில நிதிக் காப்பாளர் எஸ். சாகுல் ஹமீது உண்ணாவிரதத்தைத் தொடக்கி வைத்து பேசினார். உண்ணாவிரதத்தில் தமிழ்நாடு பேரூராட்சிப் பணியாளர் சங்கத்தின் எம்.செல்வராஜ்,  புவியியல் மற்றும் சுரங்கத்துறையைச் சேர்ந்த பி.ஜாசன், தமிழ்மாநில வருவாய்த்துறை அலுவலர் சங்க மாநிலச் செயற்குழு உறுப்பினர் எம்.பாலகோபாலன், தமிழ்நாடு டாஸ்மாக் பணியாளர் சங்கத்தின் மாநிலச் செயற்குழு உறுப்பினர் ஆர். ராஜ்மோகன், மாவட்டச் செயலர் என்.கண்ணன் உள்ளிட்டோர் கோரிக்கைகளை வலியுறுத்தி பேசினர்.
 தமிழ்நாடு அரசுப் பணியாளர் சங்க மாநில அமைப்புச் செயலர் கோ.சீனிவாசன் உண்ணாவிரதத்தை முடித்து வைத்தார்.  ஜாக்ஜியோ மாவட்ட நிதிக் காப்பாளர் பி.கோவிந்தன் நன்றி கூறினார்.

]]>
http://www.dinamani.com/all-editions/edition-trichy/trichy/2017/dec/13/ஜாக்ஜியோ-அமைப்பினர்-உண்ணாவிரதம்-2825472.html
2825471 திருச்சி திருச்சி அனுமதியின்றி மதுபானம் விற்றவர் கைது DIN DIN Wednesday, December 13, 2017 07:42 AM +0530 திருச்சி மாவட்டம் முசிறி பழைய பேருந்து நிலையம் அருகே சட்ட விரோதமாக மதுபானம் விற்றவரை முசிறி போலீஸார் திங்கள்கிழமை கைது செய்தனர்.
முசிறி பழைய பேருந்து நிலையம் பகுதியில் போலீஸார் ரோந்து பணியில் ஈடுபட்டபோது, அரசு மது பானத்தினை சட்ட விரோதமாக விற்பனை செய்து கொண்டிருந்த சொரியம்பட்டியைச் சேர்ந்த சுப்பன் மகன் குட்டிபுலி என்பவரை முசிறி சிறப்பு காவல் உதவி ஆய்வாளர் இளங்கோவன் கைது செய்து அவரிடம் இருந்த மதுபான பாட்டில்களைப் பறிமுதல் செய்தார்.

]]>
http://www.dinamani.com/all-editions/edition-trichy/trichy/2017/dec/13/அனுமதியின்றி-மதுபானம்-விற்றவர்-கைது-2825471.html
2825470 திருச்சி திருச்சி பெண்ணிடம் நகை பறிப்பு DIN DIN Wednesday, December 13, 2017 07:42 AM +0530 ஸ்ரீரங்கத்தில் பெண்ணிடம் மூன்றரை பவுன்செயினை பறித்துச் சென்ற நபரை போலீஸார் தேடி வருகின்றனர்.
மதுரை மாவட்டம் முத்துபட்டியைச் சேர்ந்தவர் சுரேஷ். இவரது மனைவி மீனா (57). இவர் திங்கள்கிழமை ஸ்ரீரங்கம் பகுதியில் உள்ள தனது உறவினர் வீட்டிற்கு வந்துள்ளார்.இதற்காக சத்திரம்பேருந்து நிலையத்திலிருந்து ஸ்ரீரங்கம் செல்லும் பேருந்தில் வந்தபோது காவிரி பாலத்தின் அருகே வந்துபோது,  மர்மநபர் ஒருவர் மீனா கழுத்தில் அணிந்திருந்த மூன்றரை பவுன் தங்க செயினை பறித்து கொண்டு ஓடியுள்ளார்.  இதுகுறித்து அளித்த புகாரின்பேரில் ஸ்ரீரங்கம் குற்றப்பிரிவு காவல் நிலைய போலீஸார் விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-trichy/trichy/2017/dec/13/பெண்ணிடம்-நகை-பறிப்பு-2825470.html
2825469 திருச்சி திருச்சி துறையூர்  சிவன் கோயிலில் லட்சார்ச்சனை விழா DIN DIN Wednesday, December 13, 2017 07:41 AM +0530 துறையூர் சிவன் கோயிலில் ஏக தின லட்சார்ச்சனை விழா செவ்வாய்க்கிழமை நடைபெற்றது.
துறையூர் -ஆத்தூர் சாலையில் உள்ள ஸ்ரீ சம்பத்கௌரி உடனுறை ஸ்ரீ நந்திகேசுவரர் கோயிலில் 30 ஆண்டுகளுக்கு பிறகு உலக நன்மைக்காக லட்சார்ச்சனை நடைபெற்றது. முன்னதாக சுவாமிக்கும், அம்பாளுக்கும் சிறப்பு அபிஷேகம் நடைபெற்றது. பின்னர் மகாதீபாராதனை நடைபெற்றது. நிகழ்ச்சியில் திரளான பக்தர்கள் பங்கேற்றனர்.
 

]]>
http://www.dinamani.com/all-editions/edition-trichy/trichy/2017/dec/13/துறையூர்--சிவன்-கோயிலில்-லட்சார்ச்சனை-விழா-2825469.html
2825468 திருச்சி திருச்சி மண்ணச்சநல்லூர்  பகவதி அம்மன் கோயிலில்  இன்று முகூர்த்தக் கால் DIN DIN Wednesday, December 13, 2017 07:41 AM +0530 மண்ணச்சநல்லூரில் உள்ள பகவதி அம்மன் கோயில் 117ஆம் ஆண்டு திருவிழாவுக்காக முகூர்த்தக்கால் நடும் விழா புதன்கிழமை நடைபெறவுள்ளது.
மண்ணச்சநல்லூரில் உள்ள பகவதி அம்மன் கோயிலில் காலை 9 மணிக்கு மேல் 10.30 மணிக்குள் முகூர்த்தக் கால் நடும் விழா நடைபெறுகிறது.  இதையடுத்து விழா நாள்களில் பகவதி அம்மன் பல்வேறு அலங்காரத்தில் பக்தர்களுக்கு அருள்பாலிப்பார்.  ஏற்பாடுகளை வணியார் வைசிய சங்கத்தினர் செய்துவருகின்றனர்.

]]>
http://www.dinamani.com/all-editions/edition-trichy/trichy/2017/dec/13/மண்ணச்சநல்லூர்--பகவதி-அம்மன்-கோயிலில்--இன்று-முகூர்த்தக்-கால்-2825468.html
2825467 திருச்சி திருச்சி திருவானைக்கா கோயிலில் ரஜினி ரசிகர்கள் வழிபாடு DIN DIN Wednesday, December 13, 2017 07:41 AM +0530 நடிகர் ரஜினிகாந்த் பிறந்தநாள் விழாவையொட்டி திருவானக்கா அருள்மிகு சம்புகேசுவரர் அகிலாண்டேசுவரி கோயிலில் ரஜினி ரசிகர்கள் செவ்வாய்க்கிழமை மாலை வழிபாடு நடத்தி தங்கத் தேர் இழுத்தனர்.
ரஜின தளம் ரசிகர் மன்றத்தைச் சேர்ந்தவர்கள் திங்கள்கிழமை ஸ்ரீராகவேந்திரர் கோயிலில் வெள்ளி ரதம் இழுத்து வழிபட்டனர். இதையடுத்து திருவானைக்கா அருள்மிகு சம்புகேசுவரர் அகிலாண்டேசுவரி திருக்கோயிலில் செவ்வாய்க்கிழமை மாலை தங்கரதம் இழுத்து வழிபட்டனர். இதில் ரஜினி மன்றத்தை சேர்ந்த கணேசன், சபையர் முத்து உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/trichy/2017/dec/13/திருவானைக்கா-கோயிலில்-ரஜினி-ரசிகர்கள்-வழிபாடு-2825467.html
2825463 திருச்சி திருச்சி மாநகரில் 137 இடங்களில் திறந்தவெளி கழிப்பறை: தூய்மை நகரங்கள் பட்டிய−ல் திருச்சி இடம்பெறுவதில் சிக்கல்? DIN DIN Wednesday, December 13, 2017 07:40 AM +0530 திருச்சி மாநகரில் 137 இடங்களில் திறந்தவெளி கழிப்பிடங்கள் இருப்பதாக ஆய்வறிக்கை வெளியாகியுள்ளதால் தூய்மை நகரங்களில் பட்டியலில் இடம்பெறுவதில் சிக்கல் ஏற்பட்டுள்ளது.
திருச்சி மாநகராட்சியின் சார்பில் தூய்மை இந்தியா திட்டத்துக்கு சுகாதார தூதுவராக நியமிக்கப்பட்ட கே. சந்திரசேகர் ஒருங்கிணைப்பாளராக செயல்படும் தூய்மை அமைப்பின் சார்பில், மாநகராட்சி கழிப்பறைகளின் நிலை குறித்து கடந்த 2 மாதங்களாக ஆய்வு நடத்தப்பட்டது.  
இந்த ஆய்வறிக்கை வெளியிடும் நிகழ்வு திருச்சியில் செவ்வாய்க்கிழமை நடைபெற்றது. அறிக்கையை மக்கள் கண்காணிப்பக இயக்குநர் ஹென்றி திபேன் வெளியிட்டார். தமிழ்நாடு சாலையோர வியாபாரத் தொழிலாளர் கூட்டமைப்பு பொதுச் செயலர் வி. மகேஸ்வரன், மூத்த வழக்குரைஞர் எஸ். மார்ட்டின், பேராசிரியர் ஏ.ஸ்டீபன் ஆகியோர் பெற்றுக்கொண்டனர்.
பின்னர், செய்தியாளர்களிடம் கே. சந்திரசேகரன் கூறியது: திருச்சி மாநகராட்சியில் 11 லட்சம் மக்கள் தொகை உள்ளது. ஆனால்,  2 ஆயிரத்துக்கும் குறைவான சுகாதாரப் பணியாளர்களே உள்ளனர். 4 கோட்டங்கள், 65 வார்டுகள் உள்ளன.இவற்றில் சுகாதாரப் பணிகளை மேற்கொள்வதில் பெரிதும் சிரமம் உள்ளது.
65 வார்டுகளிலும் மக்கள் பயன்பாட்டுக்காக 292 பொதுக்கழிவறைகள், 19 கட்டணக்கழிவறைகள், 78 ஒருங்கிணைந்த சுகாதார வளாகங்கள், 185 பொதுக்கழிவறைகள், அரசு சாரா தொண்டு நிறுவனங்களிடம் 107 பொதுக்கழிவறைகள், மாநகாரட்சி கட்டுப்பாட்டில் 44 ஒருங்கிணைந்த சுகாதார வளாகம், மகளிர் குழு வசம் 34 சுகாதார வளாகங்கள் உள்ளன.
சுமார் 3 ஆயிரம் பேருக்கு ஒரு கழிவறை என்ற நிலைதான் உள்ளது. இந்த கழிப்பறைகளும் முறையாக பராமரிக்கப்படுவதில்லை. பெரும்பாலானவை பூட்டியை கிடக்கின்றன. திறந்திருக்கும் கழிப்பறைகள் பயன்படுத்த முடியாத நிலையில் உள்ளன. பேருந்துநிலையம், அரசு அலுவலகங்கள், நீதிமன்றம் என அனைத்து இடங்களிலும் கழிப்பறைகள் சுகாதாரக் கேடாகவே காட்சியளிக்கின்றன. கட்டடங்கள் நன்றாக இருந்தும் 38 பொதுக்கழிவறைகள் கைவிடப்பட்டுள்ளன. மாநகரப் பகுதியில் மட்டும் 137 இடங்களில் திறந்தவெளி கழிப்பிடங்கள் உள்ளன. ரயில்வே இடம், ராணுவ இடம், ஆற்றுபுறம்போக்கு, சாலையோரம் உள்ள குடிசைகள் ஆகிய பகுதிகளில் பெரும்பாலான திறந்தவெளி கழிப்பிடங்கள் உள்ளன என்றார்.
அமைப்பாளர் ஏ. ஜான்பீட்டர் கூறியது: கழிப்பறைகளுக்கு தண்ணீர், மின்கட்டணம், பாரமரிப்புக்கு பணியாளர் ஆகியவை இல்லாததால் அவைகள் பயன்படுத்த முடியாத நிலையில் உள்ளன. எனவே, பிரதான தேவையே நிதியாதாரமாக உள்ளது. உள்ளாட்சி நிர்வாகமோ கழிப்பறை கட்டுவதை மட்டுமே தனது பணியாக கொள்கிறது. பணியாளர்கள், வாகனங்கள், உபகரணங்கள், பணியாளர்களுக்கு ஊதியம், மின் கட்டணம் செலுத்துதல், தண்ணீர் விநியோகம், கண்காணிப்பு ஆகியவற்றையும் உள்ளாட்சி நிர்வாகமே வழங்க வேண்டும். இல்லையெனில் கழிப்பறை என்பது காட்சிப் பொருளாகவே இருக்கும். பயன்படுத்த முடியாது. மக்களின் சுகாதாரம் கேள்விக்குறியாகும் என்றார்.
இந்த ஆய்வறிக்கை வெளியிடும் நிகழ்வில், பாதிக்கப்பட்ட மாநகரப் பகுதி மக்கள், திறந்தவெளி கழிப்பிடம் பயன்படுத்துவோர் பலர் கலந்து கொண்டனர்.

நீதிமன்றத்தில் வழக்கு தொடர முடிவு
மக்கள் கண்காணிப்பாக இயக்குநர் ஹென்றி திபேன் கூறியது: ஐ.நா. சபையால் நியமிக்கப்பட்டு ஆய்வுக்குழு இந்தியா முழுவதும் நீர் மற்றும் சுகாதாரம் குறித்து ஆய்வறிக்கை வெளியிட்டது. இதில் குறிப்பிடப்பட்டுள்ளதைப் போன்றே திருச்சி மாநகர மக்கள் சார்பில் வெளியான ஆய்வறிக்கையிலும் புகார்கள் உள்ளன. கழிப்பறைகள் இல்லாமலும், அவற்றை பயன்படுத்த முடியாமலும் மாற்றுத்திறனாளிகள், பெண்கள், குழந்தைகள் உள்ளனர் என்பதே மனித உரிமை மீறலாகவும், அவர்கள் மீதான வன்முறையாகவும் பார்க்க வேண்டும். விமானநிலையங்களில் கட்டணமின்றி நவீன கழிப்பறைகள் உள்ளபோது, ஏழை, எளிய பொதுமக்கள் பயன்படுத்தும் பொதுக்கழிப்பறைகள் மட்டுமே பயன்படுத்த முடியாமல் உள்ளன. நீதிமன்ற வளாகத்திலும் இந்தநிலையே உள்ளது. மாவட்ட ஆட்சியர், மாநகராட்சி ஆணையர், மாவட்ட நீதிபதி ஆகியோர் இதற்கு பதில் அளிக்க வேண்டிய கடமையில் உள்ளனர். இதுதொடர்பாக, திருச்சி மாவட்ட நீதிமன்றத்தில் சிவில் அமைப்புகள் இணைந்து இந்திய அரசியல் சாசன சட்டப்பிரிவு 133இன் கீழ் வழக்குப்பதிவு செய்ய வேண்டும் என்றார். இதன்படி, வழக்குப்பதிவு செய்யவுள்ளதாக மூத்த வழக்குரைஞர் மார்ட்டின் உறுதியளித்தார்.

]]>
http://www.dinamani.com/all-editions/edition-trichy/trichy/2017/dec/13/மாநகரில்-137-இடங்களில்-திறந்தவெளி-கழிப்பறை-தூய்மை-நகரங்கள்-பட்டியminusல்-திருச்சி-இடம்பெறுவதில்-சி-2825463.html
2825466 திருச்சி திருச்சி "வெற்றிக்கு ஒழுக்கம் அவசியம்' DIN DIN Wednesday, December 13, 2017 07:39 AM +0530 மாணவர்கள் வெற்றி பெற அவர்களுக்கு ஒழுக்கம் அவசியம் என்றார்  திரைப்பட இயக்குநர் எஸ்.பி. முத்துராமன்.
திருச்சி இ.ஆர். மேல்நிலைப்பள்ளியில் உரத்த சிந்தனை சங்கம் சார்பில் செவ்வாய்க்கிழமை நடைபெற்ற பாரதி உலா  நிகழ்ச்சியில், 3 நூல்களை வெளிட்டு, போட்டிகளில்  வெற்றி பெற்ற மாணவ, மாணவிகளுக்கு பரிசுகளை வழங்கி அவர் மேலும் பேசியது : பாரதி, கம்பன், வள்ளுவர் தொடர்புடைய நிகழ்ச்சிகளில்  மாணவ, மாணவியர் பங்கேற்பது குறைந்து வருகிறது. எனவேதான், பாரதி உலா என்ற நிகழ்ச்சி மூலம் நாம் சென்று பள்ளிகள், கல்லூரிகளில் நிகழ்ச்சிகளை நடத்தி மாணவ, மாணவியரை சந்தித்து வருகிறோம்.  எந்தத் துறையில் நீங்கள் வெற்றி பெறவேண்டும் என நினைக்கிறீர்களோ, அதற்கான வழியை கண்டு, அதற்கான தகுதியை வளர்த்துக் கொள்ள வேண்டும். 
உழைக்காமல் எவரும் வெற்றி பெற முடியாது. வெற்றி பெற உழைப்புடன் ஒழுக்கம் மிக மிக முக்கியம். ஒழுக்கம் இல்லாவிட்டால் உயரே செல்ல முடியாது. தோல்வியைக் கண்டு பயம் கொள்ளக்கூடாது, அதற்கான காரணத்தை அறிந்து வெற்றி பெற வேண்டும் என்றார் அவர். 
முன்னதாக, நிகழ்ச்சிக்கு இ.ஆர். மேல்நிலைப்பள்ளி செயலாளர் ஆர். சுசீலா ரங்கராஜன் தலைமை வகித்தார்.  எழுத்தாளர்கள் சரஸ்வதி பஞ்சு எழுதிய-சரஸ்வதி பஞ்சு சிறுகதைகள் என்ற நூல் ,  பா. சேதுமாதவன் எழுதிய - சொல்வலை வேட்டுவன்,  கி. நடராஜன் எழுதிய பாரதி திரும்பிப்பார் என்ற கவிதை நூல்களை திரைப்பட இயக்குநர் எஸ்.பி. முத்துராமன் வெளியிட,  அவற்றை முறையே,  சாகித்ய அகாதெமி விருதுபெற்ற எழுத்தாளர் மா.  கமலவேலன், தலைமை ஆசிரியர்கள்  சி. வேலுசாமி,  சி.ஆர் மனோகரன் ஆகியோர் பெற்றுக்கொண்டனர்.  உரத்த சிந்தனை சங்க நிர்வாகிகள் ராஜாராம்,  உதயம் ராஜ், ஆர். அப்துல்சலாம், பாரதி மேல்நிலைப்பள்ளி முதல்வர் கா. பாலகிருஷ்ணன் உள்ளிட்ட பலர் நிகழ்ச்சியில் பங்கேற்றனர்.

]]>
http://www.dinamani.com/all-editions/edition-trichy/trichy/2017/dec/13/வெற்றிக்கு-ஒழுக்கம்-அவசியம்-2825466.html
2825465 திருச்சி திருச்சி தொடரும் பழைய கட்டடம்,  ஆக்கிரமிப்புகள் அகற்றும் பணி DIN DIN Wednesday, December 13, 2017 07:39 AM +0530 திருச்சி மாநகரில் பழைய கட்டடங்கள், ஆக்கிரமிப்புகள் அகற்றும் பணியில் மாநகராட்சி, மாநகரக் காவல்துறை, நெடுஞ்சாலைத் துறையினர் தொடர்ந்து ஈடுபட்டு வருகின்றனர்.
திருச்சி மாநகராட்சிக்குள்பட்ட பகுதிகளில்  இடிந்து விழும் நிலையில் உள்ள கட்டடங்களை அகற்றும் பணி  நடைபெற்று வருகிறது.   ஜான்பஜாரில் திங்கள்கிழமை ஒரு கட்டடம் இடித்து அகற்றப்பட்டது. இதன்தொடர்ச்சியாக உறையூர் சாலையில் சாலைத்தெருவில் 100 ஆண்டுகளுக்கு மேல் பழைமையான வணிகவளாகத்தை இடிக்கும் பணி செவ்வாய்க்கிழமை நடைபெற்றது.  இந்த கட்டடத்தை உரிமையாளரே இடிக்க முயன்றார். தகவலறிந்து வந்த மாநகராட்சி அலுவலர்கள், பொதுமக்களின் பாதுகாப்பு, அருகாமையில் உள்ள கட்டடங்களின் பாதுகாப்பை உறுதி செய்து பின்னர் கட்டடத்தை இடிக்க அனுமதியளித்தனர். இதுதொடர்பாக, மாநகராட்சி திட்ட செயலர் பி. சிவபாதம்கூறியது: 4 கோட்டங்களிலும் 398 கட்டடங்களுக்கு இடிக்க உத்தரவிட்டு நோட்டீஸ் அனுப்பப்பட்டுள்ளது. மக்களின் பாதுகாப்பு கருதி அவர்களே வெளியேறி கட்டடங்களை முறையாக இடித்து அகற்ற வேண்டும் என்றார்.
ஆக்கிரமிப்புகள் அகற்றம்: இதேபோல, நெடுஞ்சாலைத்துறை சார்பில் மாநகரில் போக்குவரத்து நெரிசலை தவிர்க்கும் வகையில் போக்குவரத்துக்கு இடையூறாக உள்ள ஆக்கிரமிப்புகள் அகற்றும் பணி  நடைபெறுகிறது. செவ்வாய்க்கிழமை பாலக்கரை சாலை, காந்திமார்கெட், தஞ்சாவூர் சாலை, பால்பண்ணை வரையில் சாலையின் இருபுறமும் கடைகளில் முன்பிருந்க ஆக்கிரமிப்புகள், மேற்கூரைகள், மழைநீர் வடிகாலை ஆக்கிரமித்து அமைக்கப்பட்ட சிறிய கடைகள் அப்புறப்படுத்தப்பட்டன.
 

]]>
http://www.dinamani.com/all-editions/edition-trichy/trichy/2017/dec/13/தொடரும்-பழைய-கட்டடம்--ஆக்கிரமிப்புகள்-அகற்றும்-பணி-2825465.html
2825464 திருச்சி திருச்சி நகைபறிப்பு வழக்கில் இருவர் கைது DIN DIN Wednesday, December 13, 2017 07:39 AM +0530 திருச்சி மாநகரத்தில் நகைபறிப்பு வழக்குகளில் தொடர்புடைய இருவர்  கைது செய்யப்பட்டனர். 
திருச்சி பொன்மலை காவல்  நிலைய எல்லைக்குள்பட்ட சாய்பாபா கோயில் அருகே டிசம்பர் 9 ஆம் தேதி போலீஸார் வாகனத் தணிக்கையில் ஈடுபட்டனர். அப்போது, அவ்வழியே மோட்டார் சைக்கிளில்  வந்த இருவரைப் பிடித்து விசாரித்த போது அவர்கள் இருவரும் நகைபறிப்பு சம்பவங்களில் ஈடுபடுவது தெரிய வந்தது.
மேலும் விசாரணையில், திருச்சி பாலக்கரை மா. பிரின்ஸ் (27), கடலூர் மாவட்டம், புவனகிரி கோ.  ராஜதுரை (55) என்பதும்,  இதில் பிரின்ஸ் மீது பல்வேறு காவல்நிலையங்களில் கொலை, நகைபறிப்பு வழக்கு நிலுவையில் உள்ளது தெரியவந்தது.
இருவரிடம் தனிப்படை போலீஸார் நடத்திய விசாரணையில், டிசம்பர் 4 ஆம்தேதி  செந்தண்ணீர்புரம் பாலம்,  அண்ணாவிளையாட்டு அரங்கம் அருகிலும், 2 ஆம் தேதி விமான நிலையப்  பகுதியிலும், குளாப்பட்டி சாலையிலும் தனித்தனியே சென்ற பெண்களிடம் நகைகளைப் பறித்து சென்றது தெரியவந்தது.
இதன் அடிப்படையில் அவர்களிடமிருந்து நகைகளும், மோட்டார் சைக்கிளும் பறிமுதல் செய்யப்பட்டன.  பிறகு இருவரையும் கைது செய்து சிறையில் அடைக்கப்பட்டனர்.

]]>
http://www.dinamani.com/all-editions/edition-trichy/trichy/2017/dec/13/நகைபறிப்பு-வழக்கில்-இருவர்-கைது-2825464.html
2825462 திருச்சி திருச்சி பாரதிதாசன் பல்கலைக்கழகத்துக்கு  புதிய பதிவாளர் தேர்வு DIN DIN Wednesday, December 13, 2017 07:38 AM +0530 திருச்சி பாரதிதாசன் பல்கலைக்கழகத்துக்கான பதிவாளர், தேர்வுக் கட்டுப்பாட்டாளர் மற்றும் தொலைநிலைக் கல்வி மையத்துக்கான இயக்குநர் செவ்வாய்க்கிழமை தேர்வு செய்யப்பட்டனர்.  இவர்களின் தேர்வுக்கு பல்கலைக்கழக ஆட்சிமன்றக் குழு ஒப்புதல் அளித்தது.
பாரதிதாசன் பல்கலைக்கழக துணைவேந்தராக பணியாற்றிய வெ.மா.முத்துக்குமார்  ஓய்வு பெற்றதைத் தொடர்ந்து, உயர்கல்வித் துறை முதன்மைச்  செயலர் சுநீல் பாலிவால் தலைமையிலான கன்வீனர்  குழு தலைமையில் பல்கலைக்கழக நிர்வாகம் நடைபெற்று வருகிறது.
பல்கலைக்கழகப் பதிவாளராக இருந்த திருச்செல்வம்  பதவிலிருந்து விலகிக் கொண்டதைத் தொடர்ந்து அப்பொறுப்புக்கு பாபு.ராசேந்திரன் நியமிக்கப்பட்டிருந்தார். இதுபோல, பல்கலைக்கழகத் தேர்வுக் கட்டுப்பாட்டாளராக திருமுருகனும் பணியாற்றி வந்தார்.  தொலைநிலைக் கல்வி மைய இயக்குநர் பதவியும்  பொறுப்பு பதவியாக இருந்தது.
இந்த நிலையில் இப்பணியிடங்களுக்கு விண்ணப்பிக்க பல்கலைக்கழகம் அழைப்பு விடுத்திருந்த நிலையில், பதிவாளர் பதவிக்கு 12 பேரும், கட்டுப்பாட்டாளர் பதவிக்கு 6 பேரும், தொலைநிலைக் கல்வி மைய இயக்குநர் பதவிக்கு ஒருவரும் விண்ணப்பித்திருந்தனர்.
இப்பதவிகளுக்கு விண்ணப்பித்தோருக்கான நேர்காணல் பல்கலைக்கழக வளாகத்தில் செவ்வாய்க்கிழமை நடைபெற்றது.  
உயர்கல்வித் துறை முதன்மைச் செயலர் சுநீல் பாலிவால்,   கல்லூரிக் கல்வித் துறை இயக்குநர் ஜெ. மஞ்சுளா ஆகியோரைக் கொண்ட குழு நேர்காணலை நடத்தியது.
இதில், பல்கலைக்கழகப் பதிவாளர் பதவிக்கு தற்போது பல்கலைக்கழகத்தின் கணினி அறிவியல், பொறியியல் மற்றும் பயன்பாட்டுத் துறையின் தலைவராகப் பதவி வகித்து வரும் முனைவர் கோபிநாத் கணபதியும்,  தேர்வுக் கட்டுப்பாட்டாளர் பதவிக்கு கும்பகோணம் அரசு கலைக் கல்லூரியின்  தமிழ்த்துறைத் தலைவராக  உள்ள கே.துரையரசனும், தொலைநிலைக் கல்வி மையத்தின் இயக்குநராக  பாரதிதாசன் பல்கலைக்கழகத்தின் இயற்பியல் துறைத் தலைவர் எஸ். ஆறுமுகமும் தேர்வு செய்யப்பட்டனர்.
செவ்வாய்க்கிழமை பிற்பகல் நடைபெற்ற பல்கலைக்கழக ஆட்சிமன்றக் குழுக் கூட்டத்தில் இதற்கான ஒப்புதல் வழங்கப்பட்டது.

]]>
http://www.dinamani.com/all-editions/edition-trichy/trichy/2017/dec/13/பாரதிதாசன்-பல்கலைக்கழகத்துக்கு--புதிய-பதிவாளர்-தேர்வு-2825462.html
2825461 திருச்சி திருச்சி திருச்சி அருகே கல்லூரி மாணவர்கள் திடீர் போராட்டம் DIN DIN Wednesday, December 13, 2017 07:38 AM +0530 திருச்சி அருகே திருவெறும்பூரை அடுத்த காட்டூரில் கல்லூரி மாணவர்கள் செவ்வாய்க்கிழமை திடீர் போராட்டத்தில் ஈடுபட்டனர்.
காட்டூரில் உள்ள உருமு தனலட்சுமி கல்லூரி நுழைவு வாயில் முன் செவ்வாய்க்கிழமை காலை திரண்ட மாணவர்கள் தரையில் அமர்ந்து தர்னா போராட்டத்தில் ஈடுபட்டனர்.
இந்திய மாணவர்கள் சங்கம் சார்பில் நடைபெற்ற  போராட்டத்தில்,  வேதியியல் துறையில் நடத்தாத பாடத்தை நடத்தியதாக 36 மாணவர்களிடம் வெற்றுத் தாளில் கையொப்பம் பெற்றதற்கு விளக்கம் அளிக்க வேண்டும்.
மாணவர்களிடம் ஆங்கில சிறப்பு வகுப்பு எனக் கூறி கூடுதல் கட்டணம் வசூலிப்பதையும், அரசு உதவி பெறும் பாடப் பிரிவில் கூடுதல் கட்டணம் வசூலிப்பதையும் கைவிட வேண்டும் என வலியுறுத்தப்பட்டது.
தகவலறிந்து வந்த கல்லூரி முதல்வர் சக்திவேல் தலைமையில் பேராசிரியர்கள், காவல் ஆய்வாளர் சதீஷ்குமார் மற்றும் போலீஸார் பேச்சுவார்த்தையில் ஈடுபட்டனர். இதில், உடன்பாடு ஏற்பட்டதைத் தொடர்ந்து போராட்டம் விலக்கிக் கொள்ளப்பட்டது.

]]>
http://www.dinamani.com/all-editions/edition-trichy/trichy/2017/dec/13/திருச்சி-அருகே-கல்லூரி-மாணவர்கள்-திடீர்-போராட்டம்-2825461.html
2825460 திருச்சி திருச்சி வழக்குரைஞர்கள்  ஆர்ப்பாட்டம் DIN DIN Wednesday, December 13, 2017 07:38 AM +0530 வழக்குரைஞர்கள் மீதான தாக்குதல் சம்பவத்தை கண்டித்தும், பொய் வழக்குகளை திரும்பப் பெற வலியுறுத்தியும் திருச்சி வழக்குரைஞர்கள் செவ்வாய்க்கிழமை ஆர்ப்பாட்டத்தில் ஈடுபட்டனர்.
திருச்சி நீதிமன்ற நுழைவுவாயில் முன் நடைபெற்ற ஆர்ப்பாட்டத்துக்கு வழக்குரைஞர்கள் சங்கத் தலைவர் பன்னீர்செல்வம் தலைமை வகித்தார்.
மாவோயிஸ்டுகளுக்கு ஆதரவாக வழக்காடி வந்த மதுரை வழக்குரைஞர் முருகன் மீது பதிவு செய்யப்பட்ட பொய் வழக்கை திரும்பப் பெற்று விடுதலை செய்ய வேண்டும். மேலும், வழக்குரைஞர் தொழிலுக்கும், அரசியல் சட்டத்துக்கும் விடப்படும் சவாலாக உள்ளது. 
எனவே, வழக்குப்பதிவு செய்த கரூர் மாவட்ட கியூ பிரிவு போலீஸார் மீது நடவடிக்கை எடுக்க வேண்டும். வள்ளியூர் வழக்குரைஞர் செம்மணி மீது காட்டுமிராண்டித்தனமாக தாக்குதல் நடத்திய போலீஸார் மீது நடவடிக்கை எடுக்க வேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது. இதில், 50-க்கும் மேற்பட்ட வழக்குரைஞர்கள் கலந்து கொண்டனர். நீதிமன்றப் பணி புறக்கணிப்பிலும் ஈடுபட்டனர்.

]]>
http://www.dinamani.com/all-editions/edition-trichy/trichy/2017/dec/13/வழக்குரைஞர்கள்--ஆர்ப்பாட்டம்-2825460.html
2825459 திருச்சி திருச்சி தோல் பதனிடும் தொழிற்சாலை ஊழியர்கள் ஆர்ப்பாட்டம் DIN DIN Wednesday, December 13, 2017 07:38 AM +0530 திருச்சி செம்பட்டு பகுதியில் மூடி சீல் வைக்கப்பட்ட தோல் பதனிடும் தொழிற்சாலைகளை மீண்டும் திறக்க வலியுறுத்தி, ஊழியர்கள் செவ்வாய்க்கிழமை ஆர்ப்பாட்டம் நடத்தினர்.
செம்பட்டு, குண்டூர்  பகுதிகளில்  சுமார்  20க்கும் மேற்பட்ட தோல் பதனிடும் தொழிற்சாலைகள் இயங்கி வருகின்றன. 
இந்த தொழிற்சாலைகளில்  கழிவு நீர் சுத்திகரிக்கப்படாதது உள்ளிட்ட பல்வேறு விதிமுறைகள் மீறப்பட்டு இருப்பது அதிகாரிகள் ஆய்வில் கண்டறியப்பட்டது.  இதைதொடர்ந்து தொழிற்சாலைகளுக்கு சீல் வைக்கப்பட்டது
இதனால் பாதிக்கப்பட்ட ஊழியர்கள் தொழிற்சாலைகளை மீண்டும் திறக்க வேண்டும் என்பன உள்ளிட்ட  கோரிக்கைகளை வலியுறுத்தி திருச்சி மாவட்ட தோல்பதனிடும் தொழிலாளர் சங்கம்(சிஐடியு) சார்பில், செம்பட்டில் உள்ள தோல் பதனிடும் தொழிற்சாலை முன் செவ்வாய்க்கிழமை  ஆர்ப்பாட்டத்தில் ஈடுபட்டனர்.ஆர்ப்பாட்டத்துக்கு திருச்சி மாவட்ட தோல் பதனிடும் தொழிலாளர் சங்க செயலாளர் ராஜா தலைமை வகித்தார்.  
சிஐடியு மாவட்டசெயலாளர் சம்பத், மாவட்ட தலைவர் ரெங்கராஜன், துப்புரவு தொழிலாளர் சங்க மாவட்ட செயலாளர் மணிமாறன் உள்ளிட்டோர் கோரிக்கைகள் குறித்து  விளக்கி பேசினர்.

]]>
http://www.dinamani.com/all-editions/edition-trichy/trichy/2017/dec/13/தோல்-பதனிடும்-தொழிற்சாலை-ஊழியர்கள்-ஆர்ப்பாட்டம்-2825459.html
2825458 திருச்சி திருச்சி ரேஷன் கடைகளில் விற்பனை இயந்திரம்: 9 மாவட்ட அலுவலர்களுக்கு ஆலோசனை DIN DIN Wednesday, December 13, 2017 07:37 AM +0530 நியாய விலைக்கடைகளில் விற்பனை முனை இயந்திரம் பயன்படுத்துவது தொடர்பாக 9 மாவட்டங்களைச் சேர்ந்த அலுவலர்களுடனான ஆலோசனைக்கூட்டம் திருச்சியில் செவ்வாய்க்கிழமை நடைபெற்றது.
தமிழகம் முழுவதும் உள்ள நியாய விலைக்கடைகளை நவீனமயமாக்கும் வகையில், விற்பனை விவரங்கள், பட்டியல் ஆகியவை கணினிமயமாக்கப்பட்டுள்ளது. இதற்காக ஒவ்வொரு கடைக்கும் விற்பனை முனை இயந்திரம் வழங்கப்பட்டு அதன் மூலமே குடும்ப அட்டைகளுக்கான பொருள்கள் பதிவு செய்து வழங்கப்படுகிறது.
மேலும், மின்னணு குடும்ப அட்டைகளும் வழங்கப்பட்டுள்ளன. இந்த அட்டையை விற்பனை முனை இயந்திரத்தில் ஸ்கேன் செய்தால் அனைத்து விவரங்களும் பதிவாகிவிடும். ஜனவரி முதல் மின்னணு குடும்ப அட்டைகளின் மூலமாகவே பொருள்கள் வழங்கப்படவுள்ளன. எனவே, விற்பனை முனை இயந்திரத்தை சிறப்பாக செயல்படுத்துவதன் மூலம் ரேஷன் விநியோகத்தை சிறப்பாக நடைமுறைப்படுத்த முடியும்.
இதற்காக அனைத்து மாவட்டங்களிலும் உணவுபொருள் வழங்கல் துறையினர், நுகர்பொருள் வாணிபக் கழகம் மற்றும் கூட்டுறவு அலுவலர்களுக்கு ஆலோசனைகள் வழங்கப்படுகின்றன. 
திருச்சி, தஞ்சாவூர், நாகப்பட்டினம், புதுக்கோட்டை, திருவாரூர், சிவகங்கை, கரூர், அரியலூர், பெரம்பலூர் ஆகிய 9 மாவட்டங்களைச் சேர்ந்த அலுவலர்களுக்கான ஆலோசனைக் கூட்டம் திருச்சி மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது. 9 மாவட்டங்களைச் சேர்ந்த உணவுப் பொருள் வழங்கல் அலுவலர்கள், நுகர்வோர் பாதுகாப்பு அலுவலர்கள், நுகர்பொருள் வாணிபக் கழக மண்டல, மாவட்ட மேலாளர்கள், வட்ட வழங்கல் அலுவலர்கள், கூட்டுறவு சார்-பதிவாளர்கள், மாவட்ட கணினி மேலாளர்கள், வட்ட கணினி ஒருங்கிணைப்பாளர்கள் கலந்து கொண்டனர்.
இதில், உணவுப் பொருள் வழங்கல் துறை இணை ஆணையர் சௌரிராஜன், உதவி ஆணையர் விஜயகுமார், ஒயாசிஸ் நிறுவன மாநில திட்ட மேலாளர் சண்முகபாண்டியன் ஆகியோர் கலந்து கொண்டு ஆலோசனைகளை வழங்கினர். 
ஒவ்வொரு வட்டத்திலும் நுகர்வோர் கண்காணிப்பு குழு அமைக்கவும், புதிய மின்னணு குடும்ப அட்டை பெற புகைப்படம் இல்லாதவர்களிடம் புகைப்படங்களை பெற்று அட்டைகளை விரைந்து வழங்க வேண்டும் என அறிவுறுத்தப்பட்டது.

]]>
http://www.dinamani.com/all-editions/edition-trichy/trichy/2017/dec/13/ரேஷன்-கடைகளில்-விற்பனை-இயந்திரம்-9-மாவட்ட-அலுவலர்களுக்கு-ஆலோசனை-2825458.html
2825457 திருச்சி திருச்சி ஓய்வுபெற்ற ஆசிரியர்கள்  ஆர்ப்பாட்டம் DIN DIN Wednesday, December 13, 2017 07:37 AM +0530 இருபது ஆண்டுகள் பணியாற்றியவர்களுக்கு முழு  ஓய்வூதியம் வழங்கவேண்டும் என்பன உள்ளிட்ட கோரிக்கைகளை வலியுறுத்தி,  தமிழ்நாடு  ஓய்வுபெற்ற அனைத்து ஆசிரியர்கள் சங்கத்தினர் மாவட்ட ஆட்சியரகம் முன்  செவ்வாய்க்கிழமை, ஆர்ப்பாட்டம் நடத்தினர்.
தமிழ்நாடு  ஓய்வுபெற்ற அனைத்து ஆசிரியர்கள் சங்க மாவட்ட தலைவர் ஷீலா ஞான சிரோன்மணி தலைமை வகித்தார். 
மாநில செயலாளர் ஆதிகுருசாமி, மாநில செயற்குழுஉறுப்பினர் ராகவன், மாநில பொதுக்குழு உறுப்பினர் ராமசாமி, துறையூர் வட்டச் செயலாளர் பெரியசாமி,  ஓய்வூதியர்  சங்க கூட்டமைப்பின்  மாவட்டத்  தலைவர் சிராஜூதீன்,  தமிழ்நாடு அனைத்து ஓய்வவூதியர் சங்க மாவட்ட தலைவர்  புருஷோத்தமன், அரசுப் போக்குவரத்து கழக மாவட்ட தலைவர் சின்னசாமி ஆகியோர் கோரிக்கைகளை விளக்கிப் பேசினர்.  மாவட்ட செயலாளர் ஆறுமுகம், மாவட்ட பொருளாளர் அமலோற்பவம் உள்ளிட்ட பலரும் பங்கேற்றனர்.

]]>
http://www.dinamani.com/all-editions/edition-trichy/trichy/2017/dec/13/ஓய்வுபெற்ற-ஆசிரியர்கள்--ஆர்ப்பாட்டம்-2825457.html
2825455 திருச்சி திருச்சி பைக் திருடிய  இளைஞர் கைது DIN DIN Wednesday, December 13, 2017 07:36 AM +0530 திருச்சி மாவட்டம் முசிறி பகுதியில் இருசக்கர வாகனம் திருடிய இளைஞரை முசிறி போலீஸார் திங்கள்கிழமை இரவு கைது செய்தனர்.
புகாரின் பேரில் முசிறி காவல் துணை கண்காணிப்பாளர் உத்தரவின் பேரில் தனிப்படை போலீஸார், முசிறி பகுதியில் இருசக்கர வாகன திருட்டில் ஈடுபட்டுவரும் நபர்களைத் தேடி வந்தனர். 
இந்நிலையில்,  டிசம்பர் 11 ஆம் தேதி இரவு, பழைய பேருந்து நிலையம் பகுதியில் சந்தேகத்துக்கு இடமளிக்கும் வகையில், நின்று கொண்டிருந்த இளைஞரைப் போலீஸார் பிடித்து விசாரித்தனர். இதில், முசிறி அருகேயுள்ள காட்டுமாரிகோயில் பகுதி சேர்ந்த சிலம்பரசன் (30), இரு சக்கர வாகனத் திருட்டில் ஈடுபட்டு வந்தவர் என்பதும் தெரியவந்தது. இதையடுத்து, சிலம்பரசனைக் கைது செய்த போலீஸார் அவரிடம் இருந்த இருசக்கர வாகனத்தைப் பறிமுதல் செய்தனர்.

]]>
http://www.dinamani.com/all-editions/edition-trichy/trichy/2017/dec/13/பைக்-திருடிய--இளைஞர்-கைது-2825455.html
2825454 திருச்சி திருச்சி அறிவியல் தொழில்நுட்ப வளர்ச்சியால் உணவு உற்பத்தியில் தன்னிறைவு DIN DIN Wednesday, December 13, 2017 07:36 AM +0530 அறிவியல் தொழில்நுட்ப வளர்ச்சியால் உணவு உற்பத்தியில் இந்தியா தன்னிறைவு பெற்றிருக்கிறது என்றார் தமிழ்நாடு வேளாண் பல்கலைக்கழகத் தோட்டக்கலைப் பேராசிரியர் முனைவர்   ஆர். அருள்மொழியான்.
திருச்சி காட்டூர் உருமு தனலட்சுமி கல்லூரி வேதியியல் துறை சார்பில் தமிழ்நாடு அறிவியல் தொழில்நுட்ப மாநில மன்றத்தின் நிதி நல்கையுடன் திங்கள்கிழமை நடைபெற்ற அறிவியல் விழிப்புணர்வு உருவாக்கக் கருத்தரங்குக்கு கல்லூரி நிர்வாகக் குழுத் தலைவர் பத்மா ராமகிருஷ்ணன் தலைமை வகித்தார்.  இதில்,  அருள்மொழியான் மேலும் பேசியது: காய்கறிகளின் அளவு ஒரு நபருக்கு 300 கிராம் தேவைப்படுகிறது. ஆனால், இன்றைய நிலையில் குடும்பமே 250  கிராம் மட்டுமே  காய்கறிகளை எடுத்துக் கொள்கிறது.  சுதந்திரத்தின் போது உணவு உற்பத்தியில் தன்னிறைவு இல்லாமல் இருந்தோம்.  அறிவியல் தொழில்நுட்ப வளர்ச்சியின் காரணமாக உணவு உற்பத்தியில் தன்னிறவை அடைந்துள்ளோம் என்றார் அவர்.
பிற்பகல் அமர்வில் சித்த மருத்துவர் எஸ். காமராஜ் பேசும் பேசியது: டெங்கு காய்ச்சல் அனைவருக்கும் வருவதில்லை.  
நோய் எதிர்ப்பு சக்தி குறைந்தோரை மட்டும் தாக்கும். நோயைக் கட்டுப்படுத்த நிலவேம்புக் குடிநீரும், ரத்த தட்டணுக்கள் எண்ணிக்கையை அதிகரிக்க பப்பாளி இலைச்சாறும் பருகினால் டெங்கு காய்ச்சலிலிருந்து எளிதில் பாதுகாத்துக் கொள்ளலாம் என்றார். கருத்தரங்கில் வேதியியல் துறைத் தலைவர்  எஸ். ஆனந்தலட்சுமி, உதவிப் பேராசிரியை எஸ். அருணாதேவி மற்றும் துறைப் பேராசிரியர்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2017/dec/13/அறிவியல்-தொழில்நுட்ப-வளர்ச்சியால்-உணவு-உற்பத்தியில்-தன்னிறைவு-2825454.html
2825453 திருச்சி திருச்சி பிஎஸ்என்எல் ஊழியர்கள் வேலைநிறுத்தம்; பணிகள் பாதிப்பு DIN DIN Wednesday, December 13, 2017 07:36 AM +0530 ஊதிய உயர்வு, செல்லிடப்பேசி கோபுரங்களைப் பிரித்து துணை நிறுவனமாக்கும் முடிவைக் கைவிட வேண்டும் போன்ற கோரிக்கைகளை வலியுறுத்தி அனைத்து பிஎஸ்என்எல் ஊழியர்கள் மற்றும் அதிகாரிகள் சங்கம் மேற்கொள்ளும் வேலைநிறுத்தப் போராட்டம் செவ்வாய்க்கிழமை தொடங்கியது. 
திருச்சி தொலைத்தொடர்பு வட்டத்தில் 80 % பேர் வேலைநிறுத்தப் போராட்டத்தில் பங்கேற்றதால் பணிகள் வெகுவாகப் பாதிக்கப்பட்டன.   தொலைபேசி மற்றும் செல்லிடப்பேசி தொகையைச் செலுத்த முடியாத நிலையும் ஏற்பட்டது. 
லாபம் ஈட்டும் பொதுத் துறை நிறுவனங்களுக்குத் தான் ஊதிய உயர்வு வழங்கப்படும் என்ற அறிவிப்பை கைவிட்டு, பிஎஸ்என்எல் நிறுவன ஊழியர்கள், அதிகாரிகளுக்கு 15 சதவிகித ஊதிய உயர்வை வழங்க வேண்டும். பிஎஸ்என்எல் நிறுவனத்துக்குச் சொந்தமான செல்லிடப்பேசி கோபுரங்களைப் பிரித்து, துணை நிறுவனம் உருவாக்கும் முடிவைக் கைவிட வேண்டும் போன்ற பல்வேறு கோரிக்கைகளை வலியுறுத்தி நாடு தழுவிய அளவில் வேலைநிறுத்தப் போராட்டத்துக்கு அனைத்து பிஎஸ்என்எல் ஊழியர் மற்றும் அதிகாரிகள் சங்கம் அழைப்பு விடுத்திருந்தது.
அதன்படி, திருச்சி தொலைத்தொடர்பு வட்டத்திலுள்ள திருச்சி, கரூர்,பெரம்பலூர், அரியலூர், புதுக்கோட்டை ஆகிய மாவட்டங்களில் பணியாற்றும் அதிகாரிகள் மற்றும் ஊழியர்களில் 80 சதவிகிதம் பேர் பணிக்கு வரவில்லை. இதனால் பெரும்பாலான பணிகள் முடங்கின. குறிப்பாக செல்லிடப்பேசி, தொலைபேசி பில் தொகை செலுத்துதல் போன்றவற்றை செலுத்த முடியாமல் பொதுமக்கள் பாதிக்கப்பட்டனர்.
இக்கோரிக்கைகளை நிறைவேற்ற வலியுறுத்தி திருச்சியில் முதன்மைப் பொது மேலாளர் அலுவலகம் முன் தர்னா நடைபெற்றது. என்.எப்.டி.இ. சங்கத்தின் மாவட்டச் செயலர் பழனியப்பன் தலைமை வகித்தார். அகில இந்திய பிஎஸ்என்எல் அதிகாரிகள் சங்கத்தின் மாநிலத் துணைச் செயலர்  எஸ்.காமராஜ்,  பிஎஸ்என்எல் ஊழியர் சங்க மாவட்டச் செயலர் அஸ்லம் பாட்ஷா, தொமுச சங்கத்தின் மாவட்டச் செயலர் மு.ரவீந்திரன்,  எஸ்.சி. எஸ்.டி. ஊழியர் சங்கத்தின் தாமரைக்கண்ணன் உள்ளிட்டோர் தர்னாவில் பங்கேற்றனர். புதன்கிழமையும் வேலைநிறுத்தப் போராட்டம் நடைபெறுகிறது.
 

]]>
http://www.dinamani.com/all-editions/edition-trichy/trichy/2017/dec/13/பிஎஸ்என்எல்-ஊழியர்கள்-வேலைநிறுத்தம்-பணிகள்-பாதிப்பு-2825453.html
2824874 திருச்சி திருச்சி திருவரங்கத்தில் டிசம்பர் 13 மின்தடை DIN DIN Tuesday, December 12, 2017 08:37 AM +0530 திருவரங்கம் பகுதியில் புதன்கிழமை (டிச.13) காலை 9 மணி முதல் மாலை 5 மணி வரை மின்விநியோகம் நிறுத்தப்படும்  என மின்வாரிய செயற்பொறியாளர் ச. பிரகாசம் தெரிவித்துள்ளார்.
இதுகுறித்து அவர் விடுத்துள்ள செய்திக் குறிப்பு: திருவரங்கம் துணை மின்நிலையத்தில் மாதாந்திர பராமரிப்புப் பணிகள் நடைபெறவுள்ளதால் திருவரங்கம் முழுவதும், மூலத்தோப்பு, மேலூர், வசந்தநகர், ரயில்வே ஸ்டேஷன் சாலை, கிழக்கு உத்திர வீதி, மேற்கு உத்திரவீதி, வடக்கு உத்திர வீதி, தெற்கு உத்திர வீதி, வடக்கு சித்திரை வீதி, கிழக்கு சித்திரை வீதி, தெற்கு சித்திரை வீதி, மேற்கு சித்திரை வீதி, அடையவளஞான் தெருக்கள், பெரியார்நகர், அம்மா மண்டபம் சாலை மற்றும் வீரேஸ்வரம் பகுதிகளில் மின்விநியோகம் இருக்காது என தெரிவித்துள்ளார்.

]]>
http://www.dinamani.com/all-editions/edition-trichy/trichy/2017/dec/12/திருவரங்கத்தில்-டிசம்பர்-13-மின்தடை-2824874.html
2824873 திருச்சி திருச்சி மாவட்ட  மைய நூலகத்தில்  டிச.17-இல் சதுரங்கப் போட்டி DIN DIN Tuesday, December 12, 2017 08:37 AM +0530 திருச்சி மாவட்ட மைய நூலகத்தில் டிசம்பர் 17 ஆம் தேதி மாவட்ட அளவிலான சதுரங்கப் போட்டி நடைபெற உள்ளது.
இதுகுறித்து மாவட்ட நூலக அலுவலர் அ.பொ.சிவகுமார் திங்கள்கிழமை வெளியிட்டுள்ள செய்திக்குறிப்பு: திருச்சி மாவட்ட மைய நூலக வாசகர் வட்டம், ராக்போர்ட் செஸ் அகாதெமி  ஆகியவை இணைந்து நடத்தும் மாவட்ட அளவிலான சதுரங்கப் போட்டி டிசம்பர் 17 ஆம் தேதி  காலை 9.30 மணி முதல் பிற்பகல் 2.30 மணி வரை மாவட்ட மைய நூலகத்தில் நடைபெறஉள்ளது.
மாநகராட்சிக்குள்பட்ட பள்ளி மாணவ, மாணவிகள் இப்போட்டியில் பங்கேற்கலாம். 7 முதல் 9 ஆம் வகுப்பு வரை ஒரு பிரிவாகவும்,  எஸ்எஸ்எல்சி முதல் பிளஸ் 2 வரை மற்றொரு பிரிவாகவும் பிரிக்கப்பட்டு போட்டிகள் நடத்தப்படும். 
இப்போட்டியில் பங்கேற்க விருப்பம் உள்ளவர்கள் திருச்சி மேலரண் சாலையிலுள்ள மாவட்ட மைய நூலகத்தில் நேரிலோ அல்லது 0431-2702242 என்ற தொலைபேசி எண்ணிலோ டிசம்பர் 15 ஆம் தேதிக்குள் தொடர்பு கொண்டு தங்கள் பெயரைப் பதிவு செய்து கொள்ளலாம்.
ஒவ்வொரு பிரிவிலும் முதலில் பதிவு செய்யும் 30 நபர்கள் மட்டுமே போட்டியில் பங்கேற்க அனுமதிக்கப்படுவர்.  போட்டியில் பங்கேற்க வரும்பொழுது சதுரங்கப் பலகை, பள்ளி அடையாள அட்டை, மதிய உணவை  எடுத்து வர வேண்டும்.

]]>
http://www.dinamani.com/all-editions/edition-trichy/trichy/2017/dec/12/மாவட்ட--மைய-நூலகத்தில்-டிச17-இல்-சதுரங்கப்-போட்டி-2824873.html
2824872 திருச்சி திருச்சி இடிந்து விழும் நிலையிலான பழைய கட்டடம் அகற்றம் DIN DIN Tuesday, December 12, 2017 08:36 AM +0530 திருச்சியில் இடிந்து விழும் நிலையில் இருந்த இருதளங்களுடன் கூடிய பழைய கட்டடத்தை மாநகராட்சி அதிகாரிகள் திங்கள்கிழமை இடித்து அகற்றினர்.
திருச்சி மாநகராட்சிக்குள்பட்ட வடக்கு ஆண்டார் வீதியில் இருந்த 100 ஆண்டுகள் பழமையான கட்டடம் கடந்த செப்டம்பர் 3ஆம் தேதி இடிந்து விழுந்ததில் 4 பேர் உயிரிழந்தனர். இந்த சம்பவத்தை தொடர்ந்து, மாநகராட்சிக்குள்பட்ட  ஸ்ரீரங்கம், அரியமங்கலம், கோ.அபிஷேகபுரம், பொன்மலை ஆகிய 4 கோட்டங்களுக்குள்பட்ட கட்டடங்கள், வீடுகள், வணிக வளாகங்களில் பழைய கட்டடங்கள் இருந்தால் அவற்றை கண்டறியவும், இடிந்து விழும் நிலையில் உள்ள கட்டடங்களை உரிமையாளர்களே அகற்றவும் மாவட்ட ஆட்சியர் கு.ராசாமணி உத்தரவிட்டார்.
இதன்படி, மாநகராட்சி ஆணையர் ந.ரவிச்சந்திரன் தலைமையில், 4 கோட்டங்களிலும் உதவி செயற்பொறியாளர்கள் தலைமையில் கட்டடங்கள் கணக்கெடுக்கப்பட்டு நோட்டீஸ் அளிக்கும் பணி நடைபெற்றது.
இதன்படி, ஸ்ரீரங்கம் கோட்டத்துக்குள்பட்ட மேலரண்சாலையில் உள்ள ஜான்பஜார் பகுதியில் 70 ஆண்டுகளுக்கு மேலான பழமையான கட்டடத்துக்கு நோட்டீஸ் அளிக்கப்பட்டிருந்தது. தரைதளம், முதல்தளம் என இரு தளங்களுடன் 15-க்கு 35 அடி பரப்பில் அமைந்துள்ள இக்கட்டடத்தில் 4 கடைகள் இயங்கி வந்தன. இந்த கடைகளை அகற்றவும், அருகில் உள்ள வீடுகளில் வசிப்போரை வெளியேற்றவும் அறிவுறுத்தப்பட்டது.
கட்டடத்தில் விரிசல் ஏற்பட்டிருந்த நிலையில் திங்கள்கிழமை இந்த கட்டடத்ததை இடித்து அகற்றும் பணி நடைபெற்றது. மாநகராட்சி அதிகாரிகள், தீயணைப்புத்துறையினர், மாநகரக் காவல்துறையினர் இணைந்து திங்கள்கிழமை மாலை கட்டடத்தை இடிக்கும் பணியை தொடங்கினர். கட்டடத்தில் இருந்த அனைவரும் வெளியேற்றப்பட்டு ஜேசிபி இயந்திரம் மூலம் கட்டடம் இடித்து அகற்றப்பட்டது. 

]]>
http://www.dinamani.com/all-editions/edition-trichy/trichy/2017/dec/12/இடிந்து-விழும்-நிலையிலான-பழைய-கட்டடம்-அகற்றம்-2824872.html
2824871 திருச்சி திருச்சி கள்ளநோட்டு புழக்கம்: சிபிசிஐடிக்கு மாறும் வழக்கு DIN DIN Tuesday, December 12, 2017 08:36 AM +0530 திருச்சியில் கள்ளநோட்டை புழக்கத்தில் விட்ட வழக்கில் பெண் உள்பட இருவரிடம் போலீஸார் விசாரணை நடத்தி வரும் நிலையில், வழக்கின் விசாரணையை சிபிசிஐடி கள்ளநோட்டு தடுப்புப் பிரிவுக்கு மாற்றப்பட உள்ளது.
திருச்சி  எடமலைப்பட்டிபுதூர் வாரச்சந்தையில் சிவகுமாரின் என்பவரின் கடையில் ரூ.2000 கள்ள நோட்டை கொடுத்து காய்கறியை வாங்கிய போது , நெ.1 டோல்கேட் பகுதியைச் சேர்ந்த கிருத்திகா என்பவர்  பிடிபட்டார். தொடர்ந்து அவரிடம் நடத்திய விசாரணையில், மத்திய பேருந்து நிலையப் பகுதியில் விடுதியில் தங்கியிருந்த  சென்னையைச் சேர்ந்த காதர் பாட்ஷா மூலம்தான் கள்ளநோட்டை புழக்கத்தில் விட்டதும் தெரியவந்தது. இதைத் தொடர்ந்து இருவரிடம் தனிப்படை போலீஸார் தீவிரமாக விசாரணை மேற்கொண்டனர். விசாரணையில், பணம் கொடுக்கல் வாங்கல் தொடர்பாக விராலிமலையைச் சேர்ந்த  முத்துக்கருப்பனுடன் கிருத்திகாவுக்கு பழக்கம்   ஏற்பட்டது.   
முத்துக்கருப்பனும், திருச்சியைச் சேர்ந்த  சார்லஸும் சேர்ந்து  ஏற்கெனவே தங்களுக்கு பழக்கமான காதர் பாட்ஷாவிடமிருந்து கள்ள நோட்டுகளை வாங்கி புழக்கத்தில் விட்டதும் தெரிய வந்தது. இதைத் தொடர்ந்து தற்போது கிருத்திகாவையும் கள்ள நோட்டு புழக்கத்தில் விடும் நடவடிக்கையில் இவர்கள் இருவரும் ஈடுபடுத்தி வந்ததும் விசாரணையில் தெரிய வந்தது.  கள்ள நோட்டு அச்சடித்து திருச்சி விடுதியில் தங்கும் காதர் பாட்ஷாவிடமிருந்து கடந்த சில நாள்களுக்கு முன்பு ரூ.6 லட்சத்துக்கு அச்சடிக்கப்பட்ட ரூ.2,000  கள்ள நோட்டுகளை தலா ஒரு கட்டு வீதம் வாங்கி, மூவரும் புழக்கத்தில் விட்ட போது  கிருத்திகா சிக்கினார்.
கடந்த 2 ஆண்டுகளுக்கு முன்பு தஞ்சாவூரில் கள்ள நோட்டு கும்பல் சிக்கிய நிலையில், இந்த வழக்கில் முத்துக் கருப்பனுக்கு தொடர்பு இருப்பதை கண்டறிந்த போலீஸார், அவரை தேடி வந்தனர். இந்நிலையில் தற்போது காதர் பாட்ஷாவுக்கும் வழக்கில் தொடர்பு இருப்பதை கண்டறிந்த தனிப்படை போலீஸார், சென்னைக்குச் சென்று அவரது வீட்டிலிருந்த ஸ்கேனர், பிரிண்டர், கணினி  உள்ளிட்டவற்றை பறிமுதல் செய்தனர். கள்ள நோட்டு அடிக்க உதவியவர்கள் யார் என்பது குறித்தும் போலீஸார் விசாரித்து வருகின்றனர்.   இந்த விசாரணை முடிந்த பின்னர் வழக்கு குறித்த விவரங்கள் சிபிசிஐடி கள்ள நோட்டுத் தடுப்புப் பிரிவுக்கு மாற்றம் செய்யப்பட உள்ளதாக போலீஸார் தெரிவித்தனர்.

]]>
http://www.dinamani.com/all-editions/edition-trichy/trichy/2017/dec/12/கள்ளநோட்டு-புழக்கம்-சிபிசிஐடிக்கு-மாறும்-வழக்கு-2824871.html
2824870 திருச்சி திருச்சி திருச்சி விமான நிலையத்தில் ரூ.7.18 லட்சம் கடத்தல் தங்கம் பறிமுதல் DIN DIN Tuesday, December 12, 2017 08:36 AM +0530 திருச்சி விமான நிலையத்தில்  ரூ.7.18 லட்சம் மதிப்புள்ள 250 கிராம் கடத்தல் தங்கம் ஞாயிற்றுக்கிழமை நள்ளிரவு பறிமுதல் செய்யப்பட்டது.
மலேசிய தலைநகர் கோலாலம்பூரிலிருந்து  ஞாயிற்றுக்கிழமை நள்ளிரவு திருச்சி வந்த தனியார் விமானத்தில் வந்த  பயணிகளின் உடைமைகளை சுங்கத்துறை அதிகாரிகள் சோதனை செய்தனர். அப்போது சென்னையைச் சேர்ந்த சையது ரகுமான் (38) என்பவரின் பையில் இருந்த மடிக்கணினி மற்றும் செல்லிடப்பேசியை சோதனை செய்தனர்.
அப்போது,  மடிக்கணினியில் உள்ளே செல்லும் ஒரு கம்பியிலும், செல்லிடப்பேசியின் சார்ஜர் பகுதியில் 7 கம்பிகளிலும் தங்கத்தை உருக்கி கம்பியாகக் கொண்டு வந்திருப்பது தெரிய வந்தது. 
இதையடுத்து ரூ.7.18 லட்சம் மதிப்புள்ள கடத்தல் தங்கத்தை பறிமுதல் செய்த  சுங்கத்துறை அதிகாரிகள் சையது ரகுமானிடம் தொடர்ந்து விசாரணை நடத்தி வருகின்றனர்.

]]>
http://www.dinamani.com/all-editions/edition-trichy/trichy/2017/dec/12/திருச்சி-விமான-நிலையத்தில்-ரூ718-லட்சம்-கடத்தல்தங்கம்-பறிமுதல்-2824870.html
2824869 திருச்சி திருச்சி ஆட்சியரகத்துக்கு கத்தியுடன் வந்த பெண் DIN DIN Tuesday, December 12, 2017 08:35 AM +0530 திருச்சி மாவட்ட ஆட்சியர் அலுவலகத்துக்கு சிறிய கத்தியுடன் வந்த பெண்ணால் பரபரப்பு ஏற்பட்டது.
திருச்சி மாவட்ட ஆட்சியர் அலுவலகத்தில் வாரந்தோறும் திங்கள்கிழமைகளில் மக்கள் குறைதீர்க்கும் நாள் கூட்டம் நடைபெறுவது வழக்கம். கூட்டத்துக்கு வரும் பலர் தீக்குளிப்பு சம்பவங்களில் ஈடுபடுவதால், ஆட்சியர் அலுவலக பிரதான வாயிலை தவிர்த்து இதர வாயில்கள் மூடப்பட்டன. குறைதீர் கூட்டம் நடைபெறும் நாளில் ஆட்சியர் அலுவலகத்துக்கு வரும் அனைவரும் தீவிர சோதனைக்கு பிறகே அனுமதிக்கப்படுகின்றனர்.
இந்நிலையில், திங்கள்கிழமை (டிச.11) நடைபெற்ற கூட்டத்துக்கு வந்த பெண் ஒருவரது கைப்பையை போலீஸார் சோதனையிட்டனர். 
அதில், அரை அடி நீளமுள்ள மடக்கு கத்தி இருந்தது தெரியவந்தது. 
போலீஸார் விசாரணையில், அந்த பெண் திருவெறும்பூரை அடுத்த காட்டூரைச் சேர்ந்த மேரி (68) என்பது தெரியவந்தது. அரசு மருத்துவமனையில் செவியிலராக பணிபுரிந்து ஓய்வு பெற்றவர். திருமணமாகாத இவரது சொத்துக்களை சிலர் அபகரிக்க முயற்சித்து வருவதால் போலீஸில் புகார் அளித்தார். தனது பாதுகாப்புக்காக எப்போதும் கத்தியுடன் உள்ளார். 
அவரை எச்சரித்த போலீஸார், ஆட்சியரை சந்தித்து மனு அளிக்கச் செய்தனர். இந்த சம்பவத்தால் சிறிதுநேரம் பரபரப்பு காணப்பட்டது.
 

]]>
http://www.dinamani.com/all-editions/edition-trichy/trichy/2017/dec/12/ஆட்சியரகத்துக்கு-கத்தியுடன்-வந்த-பெண்-2824869.html
2824868 திருச்சி திருச்சி "பச்சைமலையில் ரூ.2 கோடியில் மேம்பாட்டு பணி' DIN DIN Tuesday, December 12, 2017 08:35 AM +0530 பச்சைமலையில் ரூ.2 கோடியில் மேம்பாட்டு பணிகள் மேற்கொள்ளப்பட்டிருப்பதாக ஆட்சியர் கு.ராசாமணிதெரிவித்தார்.
உலக மலைகள் தினத்தை முன்னிட்டு, திருச்சி மாவட்ட ஆட்சியர் அலுவலக கூட்டரங்கில் வனத்துறை சார்பில், பச்சமலை சுற்றுலாத்தலம் குறித்த சிறுகையேடு வெளியிடப்பட்டது. நிகழ்ச்சியில், கையேட்டை ஆட்சியர் கு.ராசாமணி வெளியிட, மாவட்ட வன அலுவலர் நாக சத்தீஷ் கிடிஜாலா பெற்றுக் கொண்டார். பின்னர், செய்தியாளர்களிடம் ஆட்சியர் கூறியது:
ஆண்டுதோறும் டிச.11ஆம் தேதி உலக மலைகள் தினமாக கொண்டாடப்படுகிறது. திருச்சி மாவட்டத்தில் உள்ள பச்சைமலைப் பகுதி மூன்று கிராம ஊராட்சிகளை உள்ளடக்கியது. இங்கு தமிழக அரசின் சார்பிலும், வனத்துறை மற்றும் சுற்றுலாத்துறை மூலமாக சுற்றுலா மேம்பாட்டுக்காக ரூ. 2 கோடி செலவில் பணிகள் நடைபெற்று முடிந்துள்ளன. இந்த மலைப்பகுதியில் மற்ற பகுதிகளை விட பசுமை தாவரங்களை அதிகமாக கொண்டுள்ளதால் பச்சைமலை என அழைக்கப்படுகிறது. இயற்கை எழில் சூழ்ந்த இப்பகுதியில் பசுமைமாறா மற்றும் இலையுதிர் காடுகள் மற்றும் சோலை வனக்காடுகள் நிறைந்து காணப்படுகின்றன.
திருச்சி மாவட்ட வனத்துறை சார்பில் சுற்றுலாத் தலத்தை மேம்படுத்தும் வகையில், இயற்கை வழித்தடங்களை அடையாளம் கண்டு ஒவ்வொரு வார இறுதி நாள்களான சனி மற்றும் ஞாயிற்றுக்கிழமைகளில் மலையேற்ற வகுப்புகள் நடைபெறுகின்றன. இயற்கை வளங்களை காக்கவும், உலக வெப்பமயமாதலை குறைக்கவும், பட்டினி மற்றும் உணவு தட்டுப்பாட்டை குறைக்கவும், மலைவாழ் மக்களின் பொருளாதாரத்தை மேம்படுத்தும் வகையில் விழிப்புணர்வு ஏற்படுத்தவும், இயற்கை ஆர்வலர்களின் விருப்பத்தை நிறைவேற்றவும், மலை ஏறும் நிகழ்ச்சி வனத்துறை மூலம் ஏற்பாடு செய்யப்பட்டுள்ளது. இதில், பங்கேற்க விரும்பும் நபர்கள் நபர் ஒன்றுக்கு ரூ. ஆயிரம் கட்டணம் செலுத்தி ‌d‌f‌o‌t‌r‌y@‌g‌m​a‌i‌l.​c‌o‌m  என்ற இணையதள முகவரியில் முன்பதிவு செய்து கொள்ளலாம். மேலும், விவரங்களுக்கு 0431-2414265, 04327-222706 என்ற தொலைபேசி எண்களிலும் தொடர்பு கொள்ளலாம் என்றார் ஆட்சியர். இந் நிகழ்ச்சியில், மாவட்ட வருவாய் அலுவலர் அ.பஷீர், சமூக பாதுகாப்புத் திட்ட தனித்துணை ஆட்சியர் பாலாஜி மற்றும் வனச்சரகர்கள், வனத்துறையினர் பலர் கலந்து கொண்டனர்.

]]>
http://www.dinamani.com/all-editions/edition-trichy/trichy/2017/dec/12/பச்சைமலையில்-ரூ2-கோடியில்-மேம்பாட்டு-பணி-2824868.html
2824867 திருச்சி திருச்சி ஊரக வேலை உறுதித் திட்டம் 2 மாதங்களாக நிறுத்தம்: விவசாய தொழிலாளர்கள் புகார் DIN DIN Tuesday, December 12, 2017 08:35 AM +0530 திருச்சி மாவட்டத்தில் கடந்த 2 மாதங்களாக மகாத்மா காந்தி ஊரக வேலை உறுதித்திட்டப் பணிகள் நிறுத்தப்பட்டிருப்பதாக விவசாய தொழிலாளர்கள் புகார் மனு அளித்துள்ளனர்.
திருச்சி மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர்க்கும் நாள் கூட்டத்தில், அகில இந்திய விவசாய தொழிலாளர் சங்க மாவட்டச் செயலர் ஏ. பழனிசாமி தலைமையில், விவசாய தொழிலாளர்கள் அளித்த புகார் மனு:
நடப்பு நிதியாண்டில் செயல்பட்டு வந்த மகாத்மாகாந்தி தேசிய ஊரக வேலை உறுதித்திட்டம் அக்டோபர் மாதம் முதல் நிறுத்தப்பட்டுள்ளது. இதனால், கிராமப்புற விவசாயிகள், விவசாயத்தொழிலாளர்கள் வேலையின்றி வருவாய் இழந்துள்ளனர்.  மாவட்டம் முழுவதும் நிகழாண்டு சராசரியாக 50 நாள்களுக்கு மட்டுமே வேலை வழங்கப்பட்டுள்ளது. மீதமுள்ள 100 நாள்களுக்கு வேலை வழங்காமல் உள்ளனர். மாவட்டத்தின் 14 ஒன்றியங்களிலும் இதேநிலைதான். மாவட்ட ஊரக வளர்ச்சி முகமை நிர்வாகத்திடம் முறையிட்டால் திட்டத்துக்கான நிதி ஒதுக்கீடு பெறப்பட்டால் மட்டுமே வேலை வழங்க முடியும் என்கின்றனர். எனவே, இப்போது வேலை வழங்குவதற்கான முகாந்திரம் ஏதுமில்லை என்கின்றனர்.
உப்பிலியபுரம் ஊராட்சி ஒன்றிய அலுவலகத்தில் 5 ஆயிரத்துக்கும் மேற்பட்ட தொழிலாளர்கள் நடத்திய போராட்டத்தால் அரசு அலுவலர்கள் பேச்சுவார்த்தை நடத்தி 15 நாள்களில் வேலை வழங்குவதாக உறுதியளித்தனர். ஆனால், இதுவரை வேலை வழங்கவில்லை. இதேநிலைதான் அனைத்து ஒன்றியங்களிலும் நீடிக்கிறது. எனவே, மாவட்டம் முழுவதும் முடங்கியுள்ள ஊரக வேலை உறுதித்திட்டத்தை முழுவீச்சில் செயல்படுத்த மத்திய, மாநில அரசுகள் நடவடிக்கை எடுக்க வேண்டும் என அந்த மனுவில் வலியுறுத்தப்பட்டுள்ளது.
எம்ஜிஆர் அளித்த இடம் பறிபோகும் அபாயம்: திருச்சியில் பெருவெள்ளம் ஏற்பட்டபோது பாதிக்கப்ட்ட குடிசைவாசிகளுக்காக  ஸ்ரீரங்கம் புது அண்ணா நகர் பகுதியில் இடம் ஒதுக்கித்தரப்பட்டது. இதில், 25-க்கும் மேற்பட்ட குடும்பங்கள் கடந்த 20 ஆண்டுகளாக வசித்து வருகின்றனர். ஆனால், அடிப்படை வசதிகள் எதுவும் செய்துதரப்படவில்லை.   இப்போது, இந்த இடத்தையும் அகற்ற மாநகராட்சி நிர்வாகம் முயற்சித்து வருகிறது. மாற்று இடம் வழங்கிய பிறகே அப்புறப்படுத்த வேண்டும். இல்லையெனில், இதே இடத்தில் அனைத்து வசதிகளையும் செய்து நிரந்தரக் குடியிருப்பாக மாற்ற வேண்டும் என பாதிக்கப்பட்ட மக்களின் சார்பில், பகுஜன் சமாஜ் கட்சியின் மாவட்ட துணைத் தலைவர் ஏ.கணேசன், ஆட்சியரிடம் மனு அளித்தார்.
காவிரி-கொள்ளிடத்தில் அணைகள்: மழை, வெள்ள காலங்களில் வீணாக கடலில் கலக்கும் உபரிநீரை தேக்கவும், கூட்டுக்குடிநீர் திட்டங்களுக்கு தடையின்றி தண்ணீர் கிடைக்கவும் லாலாபேட்டை, மணத்தட்டை, அய்யம்பாளையம், குணசீலம், உத்தமர்சீலி, நொச்சியம், கிளிக்கூடு ஆகிய இடங்களில் கதவணைகள் அல்லது தடுப்பணைகள் அமைக்க வேண்டும் என  தமிழ்நாடு விவசாயிகள் சங்க மாவட்டச் செயலர் அயிலை சிவ.சூரியன் மனு அளித்துள்ளார். 
கடனுக்கு மாடு ஜப்தி:  துறையூர் வட்டம், த.முருங்கப்பட்டி கிராமத்தைச் சேர்ந்த சம்பூர்ணம். இவரது மகன் பெற்ற கறவை கடனுக்கான நிலுவைத் தொகையை செலுத்தாதால் கடந்த 7ஆம் தேதி வங்கி நிர்வாகத்தினர் 4பேருடன் வந்து மாட்டை அடித்து இழத்துச் சென்றனர். கடும் வறட்சியால் கடந்தாண்டு விவசாயம் பாதிக்கப்பட்டது. தீவனம் கிடைக்காமல் 2 மாடுகளும் இறந்துவிட்டன. இதுதொடர்பாக, வங்கி நிர்வாகத்திடம் முறையிட்டும், ஜப்தி நடவடிக்கை எடுத்துள்ளனர். எனவே, மாவட்ட நிர்வாகம் உரிய விசாரணை நடத்தி நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.

]]>
http://www.dinamani.com/all-editions/edition-trichy/trichy/2017/dec/12/ஊரக-வேலை-உறுதித்-திட்டம்-2-மாதங்களாக-நிறுத்தம்-விவசாய-தொழிலாளர்கள்-புகார்-2824867.html
2824866 திருச்சி திருச்சி அனுமதியின்றி  மது விற்றவர் கைது DIN DIN Tuesday, December 12, 2017 08:35 AM +0530 ஸ்ரீரங்கம் அருகே மதுபானம் பதுக்கி விற்றவரை போலீஸார் கைது செய்தனர்.
 திருவானைக்கா கொள்ளிடம் வடகரையில் அனுமதியின்றி மது விற்பனை நடைபெறுவதாக திங்கள்கிழமை அதிகாலை ஸ்ரீரங்கம் காவல் நிலையத்துக்கு தகவல் வந்தது. இதையடுத்து உதவி ஆய்வாளர் அழகர், போலீஸார் சம்பவ இடத்துக்குச் சென்று, மதுபாட்டில்களை பதுக்கி வைத்து விற்பனை செய்து கொண்டிருந்த ஸ்ரீரங்கம் அம்பேத்கர் நகர் பகுதியைச் சேர்ந்த கருணாநிதியை (45) கைது செய்தனர். மேலும்,  அவரிடமிருந்து 9 மது பாட்டில்களும், ரூ.200 ரொக்கத்தையும் போலீஸார் பறிமுதல் செய்தனர்.
 

]]>
http://www.dinamani.com/all-editions/edition-trichy/trichy/2017/dec/12/அனுமதியின்றி-மது-விற்றவர்-கைது-2824866.html
2824865 திருச்சி திருச்சி காவிரியில் குதித்த ரௌடிக்கு கால்முறிவு DIN DIN Tuesday, December 12, 2017 08:34 AM +0530 திருச்சி பழைய காவிரி ஆற்றுப்பாலத்திலிருந்து கீழே குதித்த ரௌடிக்கு கால் முறிந்தது. போலீஸாரிடமிருந்து தப்பி ஓடிய போது, இந்த சம்பவம் நேர்ந்தது.
திருச்சி கோட்டை கல்லூரி சாலை பகுதியைச் சேர்ந்த பால்ராஜ் மகன் கௌதமன் (24). ரௌடியான இவர் மீது 2 கொலை வழக்குகளும், வழிப்பறி வழக்குகளும் நிலுவையில் உள்ளன. 
இந்நிலையில்,  அம்மாமண்டபம் பகுதியில் நின்றிருந்த  கீதாபுரம் பகுதியைச் சேர்ந்த சுந்தரமணியிடம் ஞாயிற்றுக்கிழமை இரவு கௌதமன் கத்தியை காட்டி மிரட்டி, பணம் பறித்துள்ளார்.இது குறித்து ஸ்ரீரங்கம் காவல் நிலையத்தில் சுந்தரமணி புகார் அளித்தார். 
அதன்பேரில், போலீஸார் வழக்குப்பதிந்து, பழைய காவிரி பாலத்தில் பதுங்கியிருந்த கௌதமனை பிடிப்பதற்காகச் சென்றனர்.
போலீஸாரை கண்டதும் அவர் தப்பி ஓடினார். அவரை விரட்டி போலீஸாரும் பின்தொடர்ந்து சென்றனர். அப்போது, பாலத்திலிருந்து கௌதமன் கீழே குதித்தார். 
இதில் அவருக்கு கால் முறிவு ஏற்பட்டது. இதையடுத்து போலீஸார் கௌதமனைப் பிடித்து ஸ்ரீரங்கம் அரசு மருத்துவமனையில் சேர்த்தனர். பின்னர், கைது செய்து அழைத்துச் சென்றனர்.

]]>
http://www.dinamani.com/all-editions/edition-trichy/trichy/2017/dec/12/காவிரியில்-குதித்தரௌடிக்கு-கால்முறிவு-2824865.html
2824864 திருச்சி திருச்சி பாரதியார் பிறந்த நாள் கொண்டாட்டம் DIN DIN Tuesday, December 12, 2017 08:34 AM +0530 திருச்சியில் மகாகவி பாரதியாரின் 135-ஆவது பிறந்த நாள் விழா திங்கள்கிழமை கொண்டாடப்பட்டது.
திருச்சி ஜெகன்மாதா மெட்ரிகுலேசன்  மேல்நிலைப் பள்ளி மாணவ, மாணவிகள் 150 பேர் பாரதி போல உடையணிந்து, பள்ளியைச் சுற்றி பேரணியாக வந்து மக்களிடையே விழிப்புணர்வை ஏற்படுத்தினர்.
இதைத் தொடர்ந்து பள்ளி வளாகத்தில் நடைபெற்ற விழாவில், 25 மாணவ, மாணவிகள் சுதந்திர வேட்கையுடனும், தேசிய உணர்வுடனும் பாரதி பாடல்களைப் பாடினர். 
விழாவுக்குத் தலைமை வகித்த ஓய்வு பெற்ற தமிழாசிரியை து. ரீட்டா சகாயமேரி  பாரதியின் பெருமைகளை எடுத்துரைத்தார்.  ஓய்வு பெற்ற தலைமையாசிரியர் புலவர் மு. குமாரசாமி விழாவில் பங்கேற்று பேசும் போது, பாரதியின் லட்சியக் கனவுகளை  வாழ்வின் விழுமியங்களாகக் கொண்டு மாணவர்கள் வாழ உறுதி எடுக்க வேண்டும் என்றார்.
ஏற்பாடுகளை பள்ளித் தமிழாசிரியைகள் டெய்சி ராணி,  ஜெசிந்தா ரோஸ்,  ஆரோக்கிய ஜான்சி, ஜெனிட்டா ஆகியோர் செய்திருந்தனர்.
புத்தகக் கண்காட்சி :  மகாகவி பாரதியாரின் பிறந்த நாளையொட்டி திருச்சி மாவட்ட  மைய நூலகத்தில் பாரதியாரின் நூல்கள் குறித்த கண்காட்சி திங்கள்கிழமை நடைபெற்றது. மாவட்ட நூலக அலுவலர் அ.பொ.சிவகுமார் கண்காட்சியைத் தொடக்கி வைத்து பார்வையிட்டார்.
இந்த கண்காட்சியில் பாரதியாரின் கவிதைகள், பாரதியின் படைப்புகள், பாஞ்சாலி சபதம், காலவரிசையில் பாரதியார் பாடல்கள், சுதந்திர சுடர் பாரதி, என் தந்தை பாரதி, கண்ணன் பாட்டு என்று பாரதியார் குறித்த நூல்கள், பாரதியார் எழுதிய பல்வேறு நூல்கள் கண்காட்சிக்கு வைக்கப்பட்டிருந்தன. இதனை ஏராளமானோர் பார்வையிட்டுச் சென்றனர்.

]]>
http://www.dinamani.com/all-editions/edition-trichy/trichy/2017/dec/12/பாரதியார்-பிறந்த-நாள்-கொண்டாட்டம்-2824864.html
2824863 திருச்சி திருச்சி மணப்பாறையிலிருந்து சென்னைக்கு  திருக்குறள் பரப்புரை ஊர்தி பயணம் DIN DIN Tuesday, December 12, 2017 08:34 AM +0530 திருச்சி மாவட்டம் மணப்பாறையில் மருங்காபுரி தமிழ் இலக்கிய சங்கத்தின் சார்பில் திருக்குறள் மற்றும் திருக்குறள் தீபஅலங்கார உரைநூல் பரப்புரை ஊர்தி பயணம் திங்கள்கிழமை புறப்பட்டது.
மருங்காபுரி தமிழ் சங்கம் சார்பில் திருக்குறளையும்,  மருங்காபுரி ஜமீந்தாராணி லட்சுமி அம்மாள் திவ்ய பிரபஞ்சம், சித்தர் பாடல்கள், திருமூலம், தொல்காப்பியம், பழமொழிகள் ஆகியவற்றுடன் திருக்குறளை ஒப்பிட்டு எழுதிய திருக்குறள் தீபலங்கார உரை நூலின் பெருமையை  பரப்புரை செய்யும் வகையில்  ஊர்தி பயணம் சங்கத்தின் தலைவர் முருகன் தலைமையில் காமராஜர் சிலையிலிருந்து திங்கள்கிழமை புறப்பட்டது.  மணப்பாறை காவல் துணை கண்காணிப்பாளர் ஆசைத்தம்பி கொடியசைத்து துவக்கி வைத்தார். 
இந்திய கம்யூனிஸ்ட் கட்சியின் மாநில நிர்வாகக்குழு உறுப்பினரும், பேரவையின் தலைவருமான த.இந்திரஜித், மருங்காபுரி ஜமீன்ந்தார் சிவசண்முக பூச்சைய நாயக்கர் ஆகியோர் முன்னிலை வகித்தனர்.  இந்த பரப்புரை ஊர்தி  சென்னை வள்ளுவர்கோட்டத்தை வெள்ளிக்கிழமை சென்றடைகிறது.

]]>
http://www.dinamani.com/all-editions/edition-trichy/trichy/2017/dec/12/மணப்பாறையிலிருந்து-சென்னைக்கு--திருக்குறள்-பரப்புரை-ஊர்தி-பயணம்-2824863.html
2824522 திருச்சி திருச்சி ஒக்கி புயல்: மத்திய அரசின் உதவிகளை மாநில அரசு பயன்படுத்திக் கொள்ள வேண்டும் திருச்சி DIN Tuesday, December 12, 2017 08:34 AM +0530 ஒக்கி புயலால் பாதிக்கப்பட்ட கன்னியாகுமரி மாவட்டத்தில் மத்திய அரசின் உதவிகளை மாநில அரசு முழுமையாகப் பயன்படுத்திக் கொள்ள வேண்டும் என்றார் பாரதிய ஜனதா கட்சியின் மாநிலப் பொதுச் செயலர் வானதி சீனிவாசன்.

திருச்சி சிந்தாமணி பகுதியிலுள்ள கட்சி அலுவலகத்தில் திங்கள்கிழமை நடைபெற்ற மகாகவி பாரதியாரின் 135- ஆவது  பிறந்த நாள் விழாவில் பங்கேற்ற அவர் செய்தியாளர்களிடம் கூறியது: சகோதரி நிவேதிதையின் 150-ஆவது பிறந்த நாள் கொண்டாட்டத்தையொட்டி  ராமகிருஷ்ண மடம், உளுந்தூர்பேட்டை சாரதா பீடம் ஒருங்கிணைப்பில் 2 லட்சம்  கல்லூரி மாணவிகளைச் சென்றடையும் வகையில் 2018, ஜனவரி 22 முதல் பிப்ரவரி 22 -ஆம் தேதி வரை  ரதயாத்திரை இயக்கம் மாநிலம் முழுவதும் நடைபெறஉள்ளது.
புயலால் பாதிக்கப்பட்ட கன்னியாகுமரி மாவட்டத்துக்கு தேவையான உதவிகளை மத்திய அரசு செய்து வருகிறது. பாரதிய ஜனதா கட்சியினரும் மக்களுக்குத் தேவையான உதவிகளைச் செய்து வருகின்றனர். பாதிக்கப்பட்ட பகுதிகளை மத்திய அமைச்சர் நிர்மலா சீதாராமன்  பார்வையிட்டு, பாதிக்கப்பட்ட மக்களைச் சந்தித்து மீட்புப் பணிகளைத் துரிதப்படுத்தினார்.

அதைத் தொடர்ந்து மத்திய அமைச்சர் பொன்.ராதாகிருஷ்ணன் மேற்பார்வையில் தற்போது மீட்புப் பணிகள் நடைபெற்று வருகின்றன.

மீனவர்கள் கரை ஒதுங்கியிருக்க வாய்ப்புள்ளதாகக் கருதப்படும் பகுதிகளில் மீனவர்களையும் உடன் அழைத்துச் சென்று தேடும் பணியில்  பாதுகாப்புப் படையினர் ஈடுபட்டு வருகின்றனர். 

மீனவர்களைக் காப்பாற்ற அனைத்து வழிகளிலும் மத்திய அரசு நடவடிக்கை எடுத்து வருகிறது. மீன் பிடிக்கச் சென்று காணாமல் போன மீனவர்கள் குறித்த முகவரியுடன் கூடிய முழு விவரத்தை அளிக்குமாறு மாநில அரசிடம் மத்திய அரசு கோரியுள்ளது. மீனவர்களைப் பாதுகாப்பாக மீட்பதற்கு கடுமையாக உழைத்து வருகிறோம்.   இதை மத அரசியலாக காட்ட  பயன்படுத்த வேண்டாம்.
மீனவர்களை மீட்கவும், கன்னியாகுமரி மாவட்டத்தில் நிவாரணப் பணிகளைத் துரிதப்படுத்தவும் மத்திய அரசு அனைத்து விதத்திலும் உதவியாக உள்ளது.

மாநில அரசு இதனைப் பயன்படுத்திக் கொள்ள வேண்டும்.  தமிழக துணை முதல்வர் ஓ.பன்னீர்செல்வம்  அங்கு சென்று வந்த பிறகும் மக்களிடம் நம்பிக்கை ஏற்படவில்லை. எனவே மாநில அரசின் கவனம்   உடனடியாக கன்னியாகுமரி பக்கம் திரும்ப வேண்டும். மூத்த அமைச்சரை அங்கு அனுப்பி நிவாரணப் பணிகள் முடியும் வரை  அங்கிருந்து பணிகளைத் துரிதப்படுத்த வேண்டும் என்றார் வானதி சீனிவாசன்.

விழாவில்,  மாநிலப் பொதுச் செயலர் எம்.  முருகானந்தம், கோட்டப் பொறுப்பாளர் எம்.சிவசுப்பிரமணியன், மாவட்டத் தலைவர் தங்க. ராஜய்யன், இளைஞரணித் தலைவர் கௌதம் நாகராஜன் உள்ளிட்டோர் பங்கேற்றனர்.

]]>
http://images.dinamani.com/uploads/user/imagelibrary/2016/5/11/11/w600X390/vanathi-sirnivasan.jpg http://www.dinamani.com/all-editions/edition-trichy/trichy/2017/dec/12/ஒக்கி-புயல்-மத்திய-அரசின்-உதவிகளை-மாநில-அரசு-பயன்படுத்திக்-கொள்ள-வேண்டும்-2824522.html
2824862 திருச்சி திருச்சி பாஜகவினர் ஆர்ப்பாட்டம் DIN DIN Tuesday, December 12, 2017 08:34 AM +0530 விடுதலைச் சிறுத்தைகள் கட்சித் தலைவர் தொல்.திருமாவளவனைக் கண்டித்து திருச்சியில் பாரதிய ஜனதா கட்சியின் சார்பில் திங்கள்கிழமை ஆர்ப்பாட்டம் நடைபெற்றது.
இந்து கோயில்களை இடித்து தரைமட்டமாக்க வேண்டும் என்று விடுதலைச் சிறுத்தைகள் கட்சித் தலைவர் தொல். திருமாவளவன் பேசியதாகக் கூறி அவரைக் கண்டித்து இந்து இயக்கங்கள் சார்பில் மாநிலம் முழுவதும் போராட்டங்கள் நடைபெற்று வருகின்றன.
அதன் ஒரு பகுதியாக, பாரதிய ஜனதா கட்சியின் எஸ்.சி. அணி சார்பில் திங்கள்கிழமை ஆர்ப்பாட்டம் நடைபெற்றது. திருச்சி சிந்தாமணி அண்ணாசிலை அருகே நடைபெற்ற ஆர்ப்பாட்டத்துக்கு  இந்த அணியின் மாவட்டத் தலைவர் அ.ப. பாஸ்கர் தலைமை வகித்தார். எஸ்.சி. அணி மாவட்டச் செயலர் சி. இந்திரன் முன்னிலை வகித்தார்.
பாரதிய ஜனதா கட்சியின் எஸ்.சி. அணி மாநிலத் தலைவர் எம். வெங்கடேசன் கண்டன உரையாற்றினார். கட்சியின் மாநிலத் துணைத் தலைவர் எம்.சுப்ரமணியம், கோட்டப் பொறுப்பாளர் சிவசுப்பிரமணியன், மாவட்டத் தலைவர் தங்க. ராஜய்யன் ஆகியோரும் ஆர்ப்பாட்டத்தில் பங்கேற்று பேசினர்.
முன்னதாக, பாரதிய ஜனதா கட்சியின் எஸ்.சி. அணி பொதுச் செயலர் எம்.பி. பழனிச்சாமி வரவேற்றார். மாவட்டப் பொதுச் செயலர் கே. சாக்ரடீஸ் நன்றி கூறினார்.
கொள்ளிடம் டோல்கேட்டில்...:  கொள்ளிடம் டோல்கேட்டில் நடைபெற்ற ஆர்ப்பாட்டத்துக்கு பாஜக எஸ்.சி., எஸ்.டி. பிரிவு திருச்சி புறநகர் மாவட்ட தலைவர் லோகநாதன் தலைமை வகித்தார்.  
மாநில செயலாளர் புரட்சிகவிதாசன் சிறப்புரையாற்றினார். மாவட்ட பொது செயலாளர் அஞ்சாநெஞ்சன், மாநில செயற்குழு உறுப்பினர் எஸ்.பி. ராஜன், மகளிர் அணி பொறுப்பாளர்கள் ராஜேஸ்வரி, லலிதா, ஒன்றிய தலைவர் ரவிச்சந்திரன், பேரூராட்சி பொறுப்பாளர் ராஜா உள்ளிட்ட பலர் பங்கேற்றனர்.  பின்னர் மறியலில் ஈடுபட்ட 60 பேரை போலீஸார் கைது செய்தனர். 

]]>
http://www.dinamani.com/all-editions/edition-trichy/trichy/2017/dec/12/பாஜகவினர்-ஆர்ப்பாட்டம்-2824862.html
2824861 திருச்சி திருச்சி ஊரக வேலை உறுதித் திட்டப்பணிகள் நிறுத்தம்: விவசாய தொழிலாளர்கள் புகார் DIN DIN Tuesday, December 12, 2017 08:33 AM +0530 திருச்சி மாவட்டத்தில் கடந்த 2 மாதங்களாக மகாத்மா காந்தி ஊரக வேலை உறுதித்திட்டப் பணிகள் நிறுத்தப்பட்டிருப்பதாக விவசாய தொழிலாளர்கள் புகார் மனு அளித்துள்ளனர்.
திருச்சி மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர்க்கும் நாள் கூட்டத்தில், அகில இந்திய விவசாய தொழிலாளர் சங்க மாவட்டச் செயலர் ஏ. பழனிசாமி தலைமையில், விவசாய தொழிலாளர்கள் அளித்த புகார் மனு:
நடப்பு நிதியாண்டில் செயல்பட்டு வந்த மகாத்மாகாந்தி தேசிய ஊரக வேலை உறுதித்திட்டம் அக்டோபர் மாதம் முதல் நிறுத்தப்பட்டுள்ளது. இதனால், கிராமப்புற விவசாயிகள், விவசாயத்தொழிலாளர்கள் வேலையின்றி வருவாய் இழந்துள்ளனர்.  மாவட்டம் முழுவதும் நிகழாண்டு சராசரியாக 50 நாள்களுக்கு மட்டுமே வேலை வழங்கப்பட்டுள்ளது. மீதமுள்ள 100 நாள்களுக்கு வேலை வழங்காமல் உள்ளனர். மாவட்டத்தின் 14 ஒன்றியங்களிலும் இதேநிலைதான். மாவட்ட ஊரக வளர்ச்சி முகமை நிர்வாகத்திடம் முறையிட்டால் திட்டத்துக்கான நிதி ஒதுக்கீடு பெறப்பட்டால் மட்டுமே வேலை வழங்க முடியும் என்கின்றனர். எனவே, இப்போது வேலை வழங்குவதற்கான முகாந்திரம் ஏதுமில்லை என்கின்றனர். உப்பிலியபுரம் ஊராட்சி ஒன்றிய அலுவலகத்தில் 5 ஆயிரத்துக்கும் மேற்பட்ட தொழிலாளர்கள் நடத்திய போராட்டத்தால் அரசு அலுவலர்கள் பேச்சுவார்த்தை நடத்தி 15 நாள்களில் வேலை வழங்குவதாக உறுதியளித்தனர். ஆனால், இதுவரை வேலை வழங்கவில்லை. இதேநிலைதான் அனைத்து ஒன்றியங்களிலும் நீடிக்கிறது. எனவே, மாவட்டம் முழுவதும் முடங்கியுள்ள ஊரக வேலை உறுதித்திட்டத்தை முழுவீச்சில் செயல்படுத்த மத்திய, மாநில அரசுகள் நடவடிக்கை எடுக்க வேண்டும் என அந்த மனுவில் வலியுறுத்தப்பட்டுள்ளது.
எம்ஜிஆர் அளித்த இடம் பறிபோகும் அபாயம்: திருச்சியில் பெருவெள்ளம் ஏற்பட்டபோது பாதிக்கப்ட்ட குடிசைவாசிகளுக்காக  ஸ்ரீரங்கம் புது அண்ணா நகர் பகுதியில் இடம் ஒதுக்கித்தரப்பட்டது. இதில், 25-க்கும் மேற்பட்ட குடும்பங்கள் கடந்த 20 ஆண்டுகளாக வசித்து வருகின்றனர். ஆனால், அடிப்படை வசதிகள் எதுவும் செய்துதரப்படவில்லை.   இப்போது, இந்த இடத்தையும் அகற்ற மாநகராட்சி நிர்வாகம் முயற்சித்து வருகிறது. மாற்று இடம் வழங்கிய பிறகே அப்புறப்படுத்த வேண்டும். இல்லையெனில், இதே இடத்தில் அனைத்து வசதிகளையும் செய்து நிரந்தரக் குடியிருப்பாக மாற்ற வேண்டும் என பாதிக்கப்பட்ட மக்களின் சார்பில், பகுஜன் சமாஜ் கட்சியின் மாவட்ட துணைத் தலைவர் ஏ.கணேசன், ஆட்சியரிடம் மனு அளித்தார்.

காவிரி-கொள்ளிடத்தில் அணைகள் 
மழை, வெள்ள காலங்களில் வீணாக கடலில் கலக்கும் உபரிநீரை தேக்கவும், கூட்டுக்குடிநீர் திட்டங்களுக்கு தடையின்றி தண்ணீர் கிடைக்கவும் லாலாபேட்டை, மணத்தட்டை, அய்யம்பாளையம், குணசீலம், உத்தமர்சீலி, நொச்சியம், கிளிக்கூடு ஆகிய இடங்களில் கதவணைகள் அல்லது தடுப்பணைகள் அமைக்க வேண்டும் என  தமிழ்நாடு விவசாயிகள் சங்க மாவட்டச் செயலர் அயிலை சிவ.சூரியன் மனு அளித்துள்ளார்.

கடனுக்கு மாடு ஜப்தி  
துறையூர் வட்டம், த.முருங்கப்பட்டி கிராமத்தைச் சேர்ந்த சம்பூர்ணம். இவரது மகன் பெற்ற கறவை கடனுக்கான நிலுவைத் தொகையை செலுத்தாதால் கடந்த 7ஆம் தேதி வங்கி நிர்வாகத்தினர் 4பேருடன் வந்து மாட்டை அடித்து இழத்துச் சென்றனர். கடும் வறட்சியால் கடந்தாண்டு விவசாயம் பாதிக்கப்பட்டது. தீவனம் கிடைக்காமல் 2 மாடுகளும் இறந்துவிட்டன. இதுதொடர்பாக, வங்கி நிர்வாகத்திடம் முறையிட்டும், ஜப்தி நடவடிக்கை எடுத்துள்ளனர். எனவே, மாவட்ட நிர்வாகம் உரிய விசாரணை நடத்தி நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.
 

]]>
http://www.dinamani.com/all-editions/edition-trichy/trichy/2017/dec/12/ஊரக-வேலை-உறுதித்-திட்டப்பணிகள்-நிறுத்தம்-விவசாய-தொழிலாளர்கள்-புகார்-2824861.html
2824860 திருச்சி திருச்சி ஆட்சியரகத்துக்கு கத்தியுடன் வந்த பெண் DIN DIN Tuesday, December 12, 2017 08:33 AM +0530 திருச்சி மாவட்ட ஆட்சியர் அலுவலகத்துக்கு சிறிய கத்தியுடன் வந்த பெண்ணால் பரபரப்பு ஏற்பட்டது.
திருச்சி மாவட்ட ஆட்சியர் அலுவலகத்தில் வாரந்தோறும் திங்கள்கிழமைகளில் மக்கள் குறைதீர்க்கும் நாள் கூட்டம் நடைபெறுவது வழக்கம். கூட்டத்துக்கு வரும் பலர் தீக்குளிப்பு சம்பவங்களில் ஈடுபடுவதால், ஆட்சியர் அலுவலக பிரதான வாயிலை தவிர்த்து இதர வாயில்கள் மூடப்பட்டன. குறைதீர் கூட்டம் நடைபெறும் நாளில் ஆட்சியர் அலுவலகத்துக்கு வரும் அனைவரும் தீவிர சோதனைக்கு பிறகே அனுமதிக்கப்படுகின்றனர்.
இந்நிலையில், திங்கள்கிழமை (டிச.11) நடைபெற்ற கூட்டத்துக்கு வந்த பெண் ஒருவரது கைப்பையை போலீஸார் சோதனையிட்டனர். அதில், அரை அடி நீளமுள்ள மடக்கு கத்தி இருந்தது தெரியவந்தது. போலீஸார் விசாரணையில், அந்த பெண் திருவெறும்பூரை அடுத்த காட்டூரைச் சேர்ந்த மேரி (68) என்பது தெரியவந்தது. அரசு மருத்துவமனையில் செவியிலராக பணிபுரிந்து ஓய்வு பெற்றவர். திருமணமாகாத இவரது சொத்துக்களை சிலர் அபகரிக்க முயற்சித்து வருவதால் போலீஸில் புகார் அளித்தார். தனது பாதுகாப்புக்காக எப்போதும் கத்தியுடன் உள்ளார். அவரை எச்சரித்த போலீஸார், ஆட்சியரை சந்தித்து மனு அளிக்கச் செய்தனர். இந்த சம்பவத்தால் சிறிதுநேரம் பரபரப்பு காணப்பட்டது.

]]>
http://www.dinamani.com/all-editions/edition-trichy/trichy/2017/dec/12/ஆட்சியரகத்துக்குகத்தியுடன்-வந்த-பெண்-2824860.html
2824859 திருச்சி திருச்சி குறைதீர் கூட்டத்தில் ரூ.6.05 லட்சம் உதவி DIN DIN Tuesday, December 12, 2017 08:33 AM +0530 திருச்சி மாவட்ட ஆட்சியர் அலுவலகத்தில் திங்கள்கிழமை நடைபெற்ற குறைதீர் கூட்டத்தில் ரூ.6.05 லட்சம் மதிப்பிலான நலத்திட்ட உதவிகள் வழங்கப்பட்டன.
துறையூர் வட்டம், பெருமாள்பாளையம், குருப்பார்தெருவை சோந்த நாகராஜன் மகன் ரவி, ஓமன் நாட்டில் பணிபுரிந்து இறந்தார். இவரின் குடும்பத்துக்கு கடல் கடந்து வாழ் இந்தியருக்கான இழப்பீட்டுத் தொகையாக ரூ. 3 லட்சத்து 48 ஆயிரத்து 772 வழங்கப்பட்டது.
சமயபுரம்புதூர் லட்சுமி மான்ய துவக்கப்பள்ளியில் சத்துணவு அமைப்பாளராக பணிபுரிந்து பணியிடைக்காலமான லெட்சுமி என்பவரது மகள் வினோதாவுக்கு கருணை அடிப்படையில் சத்துணவு அமைப்பாளராக பணிநியமன ஆணை வழங்கப்பட்டது.
இதேபோல, 12 நபர்களுக்கு ஆதரவற்ற விதவைச்சான்று, பிற்படுத்தப்பட்டோர் நலத்துறை மூலம் 40 பேருக்கு விலையில்லா வீட்டுமனைப்பட்டா, சமூக பாதுகாப்புத் திட்டத்தின் கீழ் திருமண உதவித்தொகையாக 2 பேருக்கு தலா ரூபாய் 10 ஆயிரமும், ஒரு நபருக்கு 8 ஆயிரமும் வழங்கப்பட்டது. பல்வேறு திட்டங்களில் மொத்தம் 101 பயனாளிகளுக்கு ரூ.6.05 லட்சம் நலத்திட்ட உதவிகள் வழங்கப்பட்டன. இக் கூட்டத்தில், இலவச வீட்டுமனைப்பட்டா, குடும்ப அட்டை, அடிப்படை வசதிகள் உள்ளிட்ட கோரிக்கைகள் தொடர்பாக 507 மனுக்கள் பெறப்பட்டன. இவை, அந்தந்த அலுவலர்களிடம் ஒப்படைக்கப்பட்டன. இக்கூட்டத்தில், மாவட்ட வருவாய் அலுவலர் பஷீர் மற்றும் பல்வேறுதுறை மாவட்ட அலுவலர்கள் கலந்து கொண்டனர்.

]]>
http://www.dinamani.com/all-editions/edition-trichy/trichy/2017/dec/12/குறைதீர்-கூட்டத்தில்-ரூ605-லட்சம்-உதவி-2824859.html
2824858 திருச்சி திருச்சி மதுக்கடை அமைக்க பொதுமக்கள் எதிர்ப்பு DIN DIN Tuesday, December 12, 2017 08:32 AM +0530 திருச்சி-திண்டுக்கல் தேசிய நெடுஞ்சாலையில் தீரன் நகரில் டாஸ்மாக் கடை அமைக்கக்கூடாது என அப் பகுதி மக்கள் கடும் எதிர்ப்பு தெரிவித்துள்ளனர்.
தீரன்நகர் பேருந்து நிறுத்தம் எதிரே தேசிய நெடுஞ்சாலையை ஆக்கிரமித்து, உயரழுத்த மின்கம்பிகள் செல்லும் பகுதியின் கீழ் மதுக்கடை அமைக்க கட்டுமானப் பணிகள் நடைபெற்றுள்ளன. இந்தப்பகுதியில் அரசுப் போக்குவரத்துக் கழக பணிமனை, குடியிருப்புகள், வணிக வளாகங்கள், கடைகள் உள்ளன. இப்பகுதிக்கு தினமும் 5 ஆயிரத்துக்கும் மேற்பட்டோர் வந்து செல்கின்றனர்.  இங்கு மதுக் கடை திறக்கப்பட்டால் பெண்கள், பள்ளிக் குழந்தைகளின் பாதுகாப்பும் கேள்விக்குறியாகும். ஆகவே, தேசிய நெடுஞ்சாலையில் மதுக்கடையை திறக்கக் கூடாது  தீரன் நகர் தன்னார்வ சமூக நலச் சங்கத் தலைவர் திருப்பதி, மாவட்ட ஆட்சியரிடம் மனு அளித்துள்ளார்.
 

]]>
http://www.dinamani.com/all-editions/edition-trichy/trichy/2017/dec/12/மதுக்கடை-அமைக்க-பொதுமக்கள்-எதிர்ப்பு-2824858.html
2824857 திருச்சி திருச்சி கட்டுமான தொழிலாளர் நல வாரியத்தில்  செயல்பாடு : ஏஐடியூசி சங்கம் குற்றச்சாட்டு DIN DIN Tuesday, December 12, 2017 08:32 AM +0530 திருச்சி மாவட்ட கட்டுமான அமைப்புசாரா நல வாரியம் மந்தகதியில் இயங்கி வருவதாக தமிழ்நாடு ஏஐடியூசி கட்டடத் தொழிலாளர்கள் சங்கம் புகார் கூறியுள்ளது.
இதுகுறித்து, சங்க மாவட்ட தலைவர் கே.சுரேஷ், செயலர் சி. சண்முகம் ஆகியோர் திருச்சி மாவட்ட ஆட்சியரிடம் அளித்துள்ள மனு: திருச்சி கே.கே. நகரில் வாடகை கட்டடத்தில் இயங்கி வந்த கட்டுமான தொழிலாளர் நலவாரியத்துக்கு மன்னார்புரத்தில் புதிய கட்டடம் கட்டித்தரப்பட்டது. தமிழக முதல்வரால் இந்த கட்டடம் திறக்கப்பட்டு பல மாதங்களாகியும் சொந்த கட்டடத்துக்கு வராமல் வாடகை கட்டடத்தில் இயங்கி வருகிறது. மேலும், திருச்சி மாவட்ட கட்டுமான அமைப்புசாரா நலவாரியத்துக்கு நிரந்தர அலுவலர் நியமிக்கப்படவில்லை.
நலவாரியத்தில் செயல்படுத்தப்படும் நலத்திட்டங்கள், அபிவிருத்தி பணிகள் குறித்த விவாதிக்கவும், நிலுவையில் உள்ள தொகைகளை விடுவிக்கவும் கண்காணிப்பு குழு கூட்டம் நடத்தப்பட வேண்டும். ஆனால், பல மாதங்களாக இந்தக் கூட்டம் நடத்தப்படாததால் பயன்களை பெற முடியவில்லை. திங்கள் முதல் வெள்ளக்கிழமை வரை அலுவலக வேலைநேரங்களில் நலவாரியத்தில் அனைத்து பதிவுகளையும் மேற்கொள்ள வேண்டும். நிரந்தர அலுவலர் நியமிக்க வேண்டும். கண்காணிப்புக்குழு கூட்டத்தை விரைந்து நடத்தவேண்டும். புதிய கட்டடத்துக்கு அலுவலகத்தை மாற்ற வேண்டும். இக்கோரிக்கைகள் தொடர்பாக மாவட்ட நிர்வாகம் உரிய நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.

]]>
http://www.dinamani.com/all-editions/edition-trichy/trichy/2017/dec/12/கட்டுமான-தொழிலாளர்-நல-வாரியத்தில்-செயல்பாடு--ஏஐடியூசி-சங்கம்-குற்றச்சாட்டு-2824857.html
2824856 திருச்சி திருச்சி வெடிமருந்து ஆலைக்கு வேலைக்கு சென்ற பெண்கள் தடுத்து நிறுத்தம் DIN DIN Tuesday, December 12, 2017 08:32 AM +0530 துறையூர் அருகே த. முருங்கப்பட்டி வெடிமருந்து ஆலைக்கு வேலைக்கு சென்ற பெண்களை கிராமமக்கள் திங்கள்கிழமை தடுத்து நிறுத்தினர்.
த. முருங்கப்பட்டி வெடிமருந்து ஆலையை புனரமைக்கும் பணிக்காக உப்பிலியபுரத்திலிருந்து ஆள்களை அழைத்துச் செல்வதை தடுப்பது என கிராமமக்கள் ஞாயிற்றுக்கிழமை நடைபெற்ற கூட்டத்தில் முடிவு செய்யப்பட்டது. இதையடுத்து துறையூர் காவல்நிலைய (பொறுப்பு) ஆய்வாளர் கோ.லதா, முசிறி ஆய்வாளர் ஜெயசித்ரா தலைமையில் போலீஸார் திங்கள்கிழமை காலை முதல் ஆலையில் பாதுகாப்பு பணியில் ஈடுபட்டனர்.
திங்கள்கிழமை காலை  ஆலைக்கு வேலைக்காக சென்ற 8 பெண்களை கிராம மக்கள் தடுத்து நிறுத்தி தங்களது போராட்டத்துக்கு ஆதரவு தெரிவித்து திரும்பிச் செல்லும்படி கோரினர். இதனால் அங்கு பரபரப்பு ஏற்பட்டது. 
தகவலறிந்து வந்த துறையூர் வட்டாட்சியர் எஸ்.சந்திரகுமார், உப்பிலியபுரம் மண்டல துணை வட்டாட்சியர் ஆறுமுகம் உள்ளிட்டோர் வேலைக்கு சென்ற பெண்களிடம் உயர்நீதிமன்றக்கிளையில் வழக்கும், மாவட்ட வருவாய் அலுவலரின் விசாரணையும் நடைபெறுவதால் திரும்பிச் செல்லுமாறு கூறியதைத் தொடர்ந்து அவர்கள் திரும்பி சென்றனர்.

]]>
http://www.dinamani.com/all-editions/edition-trichy/trichy/2017/dec/12/வெடிமருந்து-ஆலைக்கு-வேலைக்கு-சென்ற-பெண்கள்-தடுத்து-நிறுத்தம்-2824856.html
2824855 திருச்சி திருச்சி மணப்பாறை அருகே பிடிபட்ட  15 அடி நீள மலைப்பாம்பு DIN DIN Tuesday, December 12, 2017 08:32 AM +0530 திருச்சி மாவட்டம் மணப்பாறை அடுத்த மருங்காபுரி ஒன்றியம் தெற்கு தெத்தூர் பகுதியில் மதுரை - திருச்சி நெடுஞ்சாலை ஓரத்தில் திங்கள்கிழமை இரவு மலைப் பாம்பு இருந்துள்ளது. இதைகண்ட அப்பகுதி மக்கள் வன, தீயணைப்புத் துறையினருக்கும் தகவல் அளித்துள்ளனர். இதனையடுத்து நிகழ்விடத்துக்கு வந்த தீயணைப்புத் துறையினர் 15 அடி நீளம் கொண்ட மலைப்பாம்பை உயிருடன் மீட்டு வனத்துறையினரிடம் ஒப்படைத்தனர்.

]]>
http://www.dinamani.com/all-editions/edition-trichy/trichy/2017/dec/12/மணப்பாறை-அருகே-பிடிபட்ட--15-அடி-நீள-மலைப்பாம்பு-2824855.html
2824854 திருச்சி திருச்சி நாளை ஓய்வூதியர் குறைதீர் கூட்டம் DIN DIN Tuesday, December 12, 2017 08:31 AM +0530 திருச்சி மாவட்ட ஓய்வூதியர்கள் குறைதீர்க்கும் நாள் கூட்டம் புதன்கிழமை (டிச.13) நடைபெறுகிறது.
திருச்சி மாவட்ட ஆட்சியர் அலுவலக கூட்ட அரங்கில் ஆட்சியர், ஓய்வூதிய இயக்குநர் ஆகியோரது தலைமையில் நடைபெறும் இக்கூட்டத்தில், அரசு துறைகளில் பணிபுரிந்து ஓய்வு பெற்ற திருச்சி மாவட்டத்தைச் சேர்ந்த அனைவரும் பங்கேற்கலாம். ஓய்வூதிய பலன்கள் கிடைக்கப்பெறாதவர்கள், ஓய்வூதியம் தொடர்பான குறைகள் குறித்து மனுக்கள் அளிக்கலாம். நேரில் குறைகளை தெரிவித்தும் தீர்வு காணலாம்.
 

]]>
http://www.dinamani.com/all-editions/edition-trichy/trichy/2017/dec/12/நாளை-ஓய்வூதியர்-குறைதீர்-கூட்டம்-2824854.html
2824853 திருச்சி திருச்சி தொடக்க வேளாண்மை கூட்டுறவு சங்கத்தை முற்றுகையிட்ட மக்கள் DIN DIN Tuesday, December 12, 2017 08:31 AM +0530 துறையூர் அருகே கோட்டப்பாளையம் தொடக்க வேளாண்மை கூட்டுறவு கடன் சங்கத்தை  கிராமமக்கள் திங்கள்கிழமை முற்றுகையிட்டனர்.    
பயிர்காப்பீட்டுத் தொகை, பயிர்க் கடன் வழங்க வேண்டும், அடகு வைத்த நகைகள் வங்கியில் இருப்பதை உறுதி செய்ய வேண்டும். முறைகேட்டில் ஈடுபட்ட சங்கத் தலைவர் மீது நடவடிக்கை எடுக்க வேண்டும் என்பது உள்ளிட்ட கோரிக்கைகளை வலியுறுத்தி நகை அடகு மற்றும் பணம் செலுத்தியதற்கான ரசீதுடன் கோட்டப்பாளையம் தொடக்க வேளாண்மை கூட்டுறவு கடன் சங்கத்துக்கு சென்று முற்றுகையிட்டனர்.  தகவலறிந்து வந்த  உப்பிலியபுரம் மண்டல கூட்டுறவுத் துறை கள அலுவலர் ரவிக்குமாரிடம் கோரிக்கை விடுத்தனர். அதற்கு,  உயரதிகாரிகளிடம் தெரிவித்து  நடவடிக்கை எடுப்பதாக தெரிவித்தார்.

]]>
http://www.dinamani.com/all-editions/edition-trichy/trichy/2017/dec/12/தொடக்க-வேளாண்மை-கூட்டுறவு-சங்கத்தை-முற்றுகையிட்ட-மக்கள்-2824853.html
2824852 திருச்சி திருச்சி தீ விபத்தில் காயமடைந்த ஓட்டுநர் சாவு DIN DIN Tuesday, December 12, 2017 08:31 AM +0530 துறையூர் அருகே தீவிபத்தில் காயமடைந்த அரசுப் பேருந்து ஓட்டுநர் உயிரிழந்தார்.
துறையூர் வட்டம் து. ரெங்கநாதபுரத்தைச் சேர்ந்தவர் சந்திரசேகரன் மகன் நடராஜ்(46). இவர் அரசுப் போக்குவரத்துக் கழகத்தில்  ஓட்டுநராக பணியாற்றி வந்தார். இவர், கடந்த  டிசம்பர் 3ஆம் தேதி பணி முடிந்து  நள்ளிரவில் வீட்டுக்கு வந்து சமையலறைக்குச் சென்றார். அங்கு  எரிவாயு கசிந்து  துர்நாற்றம் வீசியதால் பதற்றத்தில் மின்விசையை இயக்கிய போது ஏற்பட்ட தீ நடராஜின் உடல் பரவியது. 
இவரது அலறல் சப்தம் கேட்டு வந்த குடும்பத்தினர் அவரை காப்பாற்றி திருச்சி அரசு மருத்துவமனையில் அனுமதித்தனர். அங்கு சிகிச்சை  பலனின்றி ஞாயிற்றுக்கிழமை நள்ளிரவு உயிரிழந்தார்.  துறையூர் போலீஸார் வழக்குப் பதிவு செய்து விசாரிக்கின்றனர்.
 

]]>
http://www.dinamani.com/all-editions/edition-trichy/trichy/2017/dec/12/தீ-விபத்தில்-காயமடைந்த-ஓட்டுநர்-சாவு-2824852.html
2824851 திருச்சி திருச்சி காவிரியாற்றில் மீனவர் கொன்று புதைப்பு DIN DIN Tuesday, December 12, 2017 08:30 AM +0530 திருச்சி மாவட்டம்,  திருவெறும்பூர் அருகே வேங்கூர் பகுதியில் காவிரியாற்றில் கொன்று புதைக்கப்பட்ட மீனவரின் சடலத்தை போலீஸார் திங்கள்கிழமை கைப்பற்றி விசாரணை நடத்தி வருகின்றனர்.
வேங்கூர் பகுதியில் காவிரியாற்றில் சுமார் 45 வயது மதிக்கத்தக்க ஆண் சடலம் புதைக்கப்பட்ட நிலையில் இருப்பதாக திருவெறும்பூர் போலீஸாருக்குத் தகவல் கிடைத்தது.  
காவிரியாற்றின் நீரேற்றும் நிலையம் அருகே இருந்த சடலத்தை வருவாய்த் துறை அதிகாரிகள் முன்னிலையில் போலீஸார் தோண்டியெடுத்தனர். சடலத்துக்கு அருகே பணம், மீன் வலை, மதுபாட்டில்,  டீ பாக்கெட் போன்றவையும் கிடந்ததால்,  மீனவராக இருக்கலாம் எனக் கருதிய போலீஸார்,  அப்பகுதியில் மீன் பிடிப்பவர்களிடம் விசாரணை நடத்தியதில் இறந்தவர் தஞ்சாவூர் மாவட்டம்,  தோகூர் மாந்தோப்பு தெருவைச் சேர்ந்த இடும்பன் (எ) தர்மராஜ் (45) என தெரிய வந்தது. 
திருவெறும்பூர் போலீஸார் அளித்த தகவலின்படி, தோகூர் போலீஸார் இடும்பன் வீட்டுக்கு சென்று விசாரித்தனர். இதில்,  ஞாயிற்றுக்கிழமை மதியம் வீட்டை விட்டுச் சென்றவர் மீண்டும் வீடு திரும்பவில்லை என குடும்பத்தினர் கூறினர். மேலும், இறந்தவர் இடும்பன்தான் என்பதும் உறுதி செய்யப்பட்டது. 
இதைத் தொடர்ந்து திருவெறும்பூர் போலீஸார்,  சடலத்தை திருச்சி அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
 

]]>
http://www.dinamani.com/all-editions/edition-trichy/trichy/2017/dec/12/காவிரியாற்றில்-மீனவர்-கொன்று-புதைப்பு-2824851.html
2824521 திருச்சி திருச்சி திருச்சி அருகே காவிரியாற்றில்  மீனவர் கொன்று புதைப்பு DIN DIN Tuesday, December 12, 2017 12:52 AM +0530 திருச்சி மாவட்டம்,  திருவெறும்பூர் அருகே வேங்கூர் பகுதியில் காவிரியாற்றில் கொன்று புதைக்கப்பட்ட மீனவரின் சடலத்தை போலீஸார் திங்கள்கிழமை கைப்பற்றி விசாரணை நடத்தி வருகின்றனர்.
வேங்கூர் பகுதியில் காவிரியாற்றில் சுமார் 45 வயது மதிக்கத்தக்க ஆண் சடலம் புதைக்கப்பட்ட நிலையில் இருப்பதாக திருவெறும்பூர் போலீஸாருக்குத் தகவல் கிடைத்தது.   காவிரியாற்றின் நீரேற்றும் நிலையம் அருகே இருந்த சடலத்தை வருவாய்த் துறை அதிகாரிகள் முன்னிலையில் போலீஸார் தோண்டியெடுத்தனர். சடலத்துக்கு அருகே  பணம், மீன் விலை, மதுபாட்டில்,  டீ பாக்கெட் போன்றவையும் கிடந்ததால்,  மீனவராக இருக்கலாம் எனக் கருதிய போலீஸார்,  அப்பகுதியில் மீன் பிடிப்பவர்களிடம் விசாரணை நடத்தியதில் இறந்தவர் தஞ்சாவூர் மாவட்டம்,  தோகூர் மாந்தோப்பு தெருவைச் சேர்ந்த இடும்பன் (எ) தர்மராஜ் (45) என தெரிய வந்தது. 
திருவெறும்பூர் போலீஸார் அளித்த தகவலின்படி, தோகூர் போலீஸார் இடும்பன் வீட்டுக்கு சென்று விசாரித்தனர். இதில்,  ஞாயிற்றுக்கிழமை மதியம் வீட்டை விட்டுச் சென்றவர் மீண்டும் வீடு திரும்பவில்லை என குடும்பத்தினர் கூறினர். மேலும், இறந்தவர் இடும்பன்தான் என்பதும் உறுதி செய்யப்பட்டது.  இதைத் தொடர்ந்து திருவெறும்பூர் போலீஸார்,  சடலத்தை திருச்சி அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
மணல் கொள்ளையர்களால் கொலை? :  கொலை செய்யப்பட்ட இடும்பன், காவல்துறையினருக்கு தகவல் அளிப்பவராக இருந்தார் என்றும்,  அவர் அளித்த தகவலின் அடிப்படையில் கடந்த சில நாள்களுக்கு முன்பு காவிரியாற்றுப் பகுதியில் போலீஸார் பெரிய அளவில் சோதனை நடத்தி, பலரிடமிருந்து மணலை பறிமுதல் செய்தனர் என்றும்,  அதனால் பாதிக்கப்பட்ட சிலர் ஞாயிற்றுக்கிழமை இரவு இடும்பனை மது அருந்த செய்து கொலை செய்திருக்கலாம் என்ற கோணத்தில் திருவெறும்பூர் போலீஸார் வழக்குப்பதிந்து விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2017/dec/12/திருச்சி-அருகே-காவிரியாற்றில்--மீனவர்-கொன்று-புதைப்பு-2824521.html
2824520 திருச்சி திருச்சி திருச்சி விமான நிலையத்தில் ரூ.7.18 லட்சம் கடத்தல் தங்கம் பறிமுதல் DIN DIN Tuesday, December 12, 2017 12:51 AM +0530 திருச்சி விமான நிலையத்தில்  ரூ.7.18 லட்சம் மதிப்புள்ள 250 கிராம் கடத்தல் தங்கம் ஞாயிற்றுக்கிழமை நள்ளிரவு பறிமுதல் செய்யப்பட்டது.
மலேசிய தலைநகர் கோலாலம்பூரிலிருந்து  ஞாயிற்றுக்கிழமை நள்ளிரவு திருச்சி வந்த தனியார் விமானத்தில் வந்த  பயணிகளின் உடைமைகளை சுங்கத்துறை அதிகாரிகள் சோதனை செய்தனர். அப்போது சென்னையைச் சேர்ந்த சையது ரகுமான் (38) என்பவரின் பையில் இருந்த மடிக்கணினி மற்றும் செல்லிடப்பேசியை சோதனை நடத்தினர்.
அப்போது,  மடிக்கணினியில் உள்ளே செல்லும் ஒரு கம்பியிலும், செல்லிடப்பேசியிலிருந்து சார்ஜர் பகுதியில் 7 கம்பிகளிலும் தங்கத்தை உருக்கி கம்பியாகக் கொண்டு வந்திருப்பது தெரிய வந்தது. இதையடுத்து ரூ.7.18 லட்சம் மதிப்புள்ள கடத்தல் தங்கத்தை பறிமுதல் செய்த  சுங்கத்துறை அதிகாரிகள் சையது ரகுமானிடம் தொடர்ந்து விசாரணை நடத்தி வருகின்றனர்.

]]>
http://www.dinamani.com/all-editions/edition-trichy/trichy/2017/dec/12/திருச்சி-விமான-நிலையத்தில்-ரூ718-லட்சம்-கடத்தல்-தங்கம்-பறிமுதல்-2824520.html
2824519 திருச்சி திருச்சி சித்த மருத்துவர் நடத்திய ஸ்கேன் மையத்துக்கு "சீல்' DIN DIN Tuesday, December 12, 2017 12:50 AM +0530 திருச்சியில் சித்த மருத்துவரால் நடத்தப்பட்ட தனியார் ஸ்கேன் மையத்துக்கு சீல் வைத்து  மாவட்ட மருத்துவம் மற்றும் ஊரக நலப்பணிகள் துறை நடவடிக்கை எடுத்துள்ளது.
திருச்சி மாவட்ட மருத்துவம் மற்றும் ஊரக நலப்பணிகள் இணை இயக்குநர் எஸ். சம்சாத் பேகம் தலைமையிலான, சிறப்புக் குழுவினர் திங்கள்கிழமை தில்லைநகர் பகுதியில் உள்ள மருத்துவமனைகள் மற்றும் பரிசோதனை கூடங்களில் சோதனையிட்டனர்.
அப்போது, தில்லைநகர் 10-ஆவது தெருவில் உள்ள தனியார் ஸ்கேன் மையத்தில் சோதனை நடத்தியபோது, அங்கு சித்த மருத்துவம் படித்த நபர் மூலம், கர்ப்பிணிகளுக்கான ஸ்கேன் பரிசோதனை செய்வது தெரியவந்தது. இதையடுத்து, ஸ்கேன் கருவி இருந்த அறையை மூடி சீல் வைக்க உத்தரவிடப்பட்டது. மேலும், மையத்துக்கான உரிமம் உடனடியாக ரத்து செய்யப்பட்டது. இதுதொடர்பாக, இணை இயக்குநர் எஸ். சம்சாத் பேகம் கூறியது: கர்ப்பணிகளுக்கான ஸ்கேன் பரிசோதனை செய்யும் மையங்களில் எம்பிபிஎஸ் மருத்துவம் படித்து,  6 மாதம் ஸ்கேன் கருவி இயக்குதல் தொடர்பான பயிற்சி முடித்த மருத்துவரைக் கொண்டு மட்டுமே ஸ்கேன் மையம் இயங்க வேண்டும். 
இல்லையெனில், ரேடியாலாஜிஸ்ட் பயின்ற நபர்கள் மூலமே இயக்க வேண்டும். ஆனால், இந்த மையத்தில் சித்த மருத்துவரைக் கொண்டு செயல்பட்டுள்ளனர். எனவே, இந்த மையத்துக்கு உடனடியாக சீல் வைக்கப்பட்டு, அதன் உரிமமும் தாற்காலிகமாக ரத்து செய்யப்பட்டுள்ளது என்றார் அவர்.

]]>
http://www.dinamani.com/all-editions/edition-trichy/trichy/2017/dec/12/சித்த-மருத்துவர்-நடத்திய-ஸ்கேன்-மையத்துக்கு-சீல்-2824519.html
2824346 திருச்சி திருச்சி கார் மோதி முதியவர் சாவு DIN DIN Monday, December 11, 2017 08:58 AM +0530 திருவெறும்பூர் பர்மா காலனி திடீர் நகரைச் சேர்ந்தவர் கோவில்பிச்சை (61). ஞாயிற்றுக்கிழமை காலை திருச்சி- தஞ்சாவூர் தேசிய நெடுஞ்சாலையைக் கடக்க முயன்ற இவர் தஞ்சாவூரிலிருந்து  உத்தமப்பாளையம் நோக்கிச் சென்ற கார் மோதி உயிரிழந்தார். 
இதுகுறித்து திருவெறும்பூர் போலீஸார் தேனி மாவட்டம், உத்தமப்பாளையைத்தைச் சேர்ந்த அப்துல்லாகான் (44) மீது வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-trichy/trichy/2017/dec/11/கார்-மோதி-முதியவர்-சாவு-2824346.html
2824345 திருச்சி திருச்சி நவல்பட்டு ரியல் எஸ்டேட் அதிபர் ஈரோட்டில் மீட்பு DIN DIN Monday, December 11, 2017 08:58 AM +0530 திருச்சி நவல்பட்டு பகுதியில் கடத்தப்பட்டதாகக் கூறப்பட்ட ரியல் எஸ்டேட் அதிபர் ஈரோட்டில் மீட்கப்பட்டார்.
திருச்சி நவல்பட்டு பர்மா காலனியைச் சேர்ந்தவர் ஏசுராஜா (41).  ரியல் எஸ்டேட் அதிபர்.  கடந்த 7 ஆம் தேதி  இவரது வீட்டுக்கு வந்த இருவர் ஏசுராஜாவிடம் பேச வேண்டும் எனக் கூறி அவரை காரில் அழைத்துச் சென்றனர்.  
ஆனால், 8 ஆம் தேதி வரை அவர் வீடு திரும்பாததால்  ஏசுராஜாவின் மனைவி பிரியா நவல்பட்டு காவல் நிலையத்தில் அளித்த புகாரில் காரில் வந்த இருவர் தனது கணவரை கடத்திச் சென்றுவிட்டதாகக் கூறியிருந்தார்.  இதையடுத்து மாவட்டக் காவல் கண்காணிப்பாளர் பி.எஸ்.சி. கல்யாண் உத்தரவின்பேரில் அமைக்கப்பட்ட தனிப்படையினர்,  ஏசுராஜாவைத் தேடி வந்தனர்.
இந்நிலையில்  ஏசுராஜா ஈரோடு மாவட்டம், பெருந்துறை பகுதியில் இருப்பதாகக் கிடைத்த தகவலின் பேரில் தனிப்படை போலீஸார் அங்கு சென்று அவரை மீட்டு திருச்சிக்கு அழைத்து வந்தனர்.   இதுதொடர்பாக,  ஈரோடு மாவட்டம், பெருந்துறை வட்டத்திலுள்ள நசியனூர் மாதேசுவரன்,  உலவனூர் சுந்தர்ராஜ் ஆகிய இருவரிடம் விசாரணை நடத்தினர்.
அப்போது அரசு வேலை வாங்கித் தருவதாகக் கூறி ஏசுராஜ் தங்களிடம் தலா ரூ. 15 லட்சம் ரூ. 9.50 லட்சம்  என மொத்தம் 24.5 லட்சம்  வாங்கிக் கொண்டு ஏமாற்றியதாகவும்,  பணத்தையும்  தர மறுத்ததால் பேச்சுவார்த்தைக்கு அவரை அழைத்துச் சென்றதாகவும் மாதேசுவரனும்,  சுந்தர்ராஜும் கூறினர். எனினும் மூவரிடம் விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/trichy/2017/dec/11/நவல்பட்டு-ரியல்-எஸ்டேட்-அதிபர்-ஈரோட்டில்-மீட்பு-2824345.html
2824344 திருச்சி திருச்சி வெளிமாநில திருட்டுகளில் தொடர்புடையவர் கைது DIN DIN Monday, December 11, 2017 08:57 AM +0530 வெளி மாநிலங்கள், வெளி மாவட்டங்களில் நடைபெற்ற திருட்டு வழக்குகளில் தொடர்புடைய திருச்சி ராம்ஜிநகரைச் சேர்ந்தவர்  சனிக்கிழமை கைது செய்யப்பட்டார்.
திருச்சி மாநகரப் பகுதி திருட்டுச் சம்பவங்களில் தொடர்புடையவர்களைப் பிடிக்க மாநகரக் காவல் ஆணையர்  அ. அமல்ராஜ் உத்தரவிட்டதன்பேரில் அமைக்கப்பட்ட தனிப்படை தீவிரமாக  விசாரித்து வந்தது.
திருச்சி- திண்டுக்கல் சாலை கருமண்டபம் சோதனைச் சாவடியில்  சனிக்கிழமை 
இரவு அவர்கள் நடத்திய வாகனத்  தணிக்கையின்போது, அப்போது அவ்வழியாக மோட்டார் சைக்கிளில் வந்தவரைப் பிடித்தனர். விசாரணையில் அவர்  திருச்சி மாவட்டம், ராம்ஜிநகர் ஹரிபாஸ்கர் 
காலனியைச் சேர்ந்த  சுப்பிரமணியன் மகன் அப்பு என்கிற புருஷோத்தமன் (39) என்பதும், அவருக்கு வெளி மாநில, வெளி மாவட்டங்களில் நடைபெற்ற பல்வேறு திருட்டு, வழிப்பறி, கொள்ளைகளில் தொடர்பிருப்பதும் தெரிய வந்தது. மேலும் திருச்சி கண்டோன்மென்ட் குற்றப்பிரிவு காவல் நிலையத்துக்குள்பட்ட பகுதிகளில் நடைபெற்ற 11 திருட்டு, 3 இரு சக்கர வாகன திருட்டு, ஒரு வழிப்பறி ஆகியவற்றிலும்  இவருக்குத் தொடர்பு இருப்பதை கண்டுபிடித்தனர். மேலும், மத்திய பேருந்து நிலையப் பகுதியில் சனிக்கிழமை பழ வியாபாரியிடம் கத்தியைக் காட்டி மிரட்டி ரூ. 5000 பறித்ததையும் ஒப்புக் கொண்டார்.
இதையடுத்து அப்புவை கைது செய்த போலீஸார்,   அவரிடமிருந்து ரூ. 5.60 லட்சம் மதிப்புள்ள 28 சவரன் தங்க நகை, ரூ. 20,500 ரொக்கம், ரூ.1.80 லட்சம் மதிப்புள்ள மூன்று 2 சக்கர வாகனங்கள் ஆகியவற்றை கைப்பற்றி, அவரை சிறையில் அடைத்தனர்.

]]>
http://www.dinamani.com/all-editions/edition-trichy/trichy/2017/dec/11/வெளிமாநில-திருட்டுகளில்-தொடர்புடையவர்-கைது-2824344.html
2824343 திருச்சி திருச்சி நவல்பட்டு ரியல் எஸ்டேட் அதிபர் ஈரோட்டில் மீட்பு DIN DIN Monday, December 11, 2017 08:57 AM +0530 திருச்சி நவல்பட்டு பகுதியில் கடத்தப்பட்டதாகக் கூறப்பட்ட ரியல் எஸ்டேட் அதிபர் ஈரோட்டில் மீட்கப்பட்டார்.
திருச்சி நவல்பட்டு பர்மா காலனியைச் சேர்ந்தவர் ஏசுராஜா (41).  ரியல் எஸ்டேட் அதிபர்.  கடந்த 7 ஆம் தேதி  இவரது வீட்டுக்கு வந்த இருவர் ஏசுராஜாவிடம் பேச வேண்டும் எனக் கூறி அவரை காரில் அழைத்துச் சென்றனர்.  
ஆனால், 8 ஆம் தேதி வரை அவர் வீடு திரும்பாததால்  ஏசுராஜாவின் மனைவி பிரியா நவல்பட்டு காவல் நிலையத்தில் அளித்த புகாரில் காரில் வந்த இருவர் தனது கணவரை கடத்திச் சென்றுவிட்டதாகக் கூறியிருந்தார்.  இதையடுத்து மாவட்டக் காவல் கண்காணிப்பாளர் பி.எஸ்.சி. கல்யாண் உத்தரவின்பேரில் அமைக்கப்பட்ட தனிப்படையினர்,  ஏசுராஜாவைத் தேடி வந்தனர்.
இந்நிலையில்  ஏசுராஜா ஈரோடு மாவட்டம், பெருந்துறை பகுதியில் இருப்பதாகக் கிடைத்த தகவலின் பேரில் தனிப்படை போலீஸார் அங்கு சென்று அவரை மீட்டு திருச்சிக்கு அழைத்து வந்தனர்.   இதுதொடர்பாக,  ஈரோடு மாவட்டம், பெருந்துறை வட்டத்திலுள்ள நசியனூர் மாதேசுவரன்,  உலவனூர் சுந்தர்ராஜ் ஆகிய இருவரிடம் விசாரணை நடத்தினர். அப்போது அரசு வேலை வாங்கித் தருவதாகக் கூறி ஏசுராஜ் தங்களிடம் தலா ரூ. 15 லட்சம் ரூ. 9.50 லட்சம்  என மொத்தம் 24.5 லட்சம்  வாங்கிக் கொண்டு ஏமாற்றியதாகவும்,  பணத்தையும்  தர மறுத்ததால் பேச்சுவார்த்தைக்கு அவரை அழைத்துச் சென்றதாகவும் மாதேசுவரனும்,  சுந்தர்ராஜும் கூறினர். எனினும் மூவரிடம் விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/trichy/2017/dec/11/நவல்பட்டு-ரியல்-எஸ்டேட்-அதிபர்-ஈரோட்டில்-மீட்பு-2824343.html
2824342 திருச்சி திருச்சி வெடிமருந்து ஆலைக்கு எதிராக கலந்தாலோசனை DIN DIN Monday, December 11, 2017 08:57 AM +0530 துறையூர் வட்டம் த. முருங்கப்பட்டி வெடிமருந்தாலை நிர்வாகத்துக்கு எதிரான பிரச்னையில் கிராம மக்கள் கலந்தாலோசனைக் கூட்டம் நடத்தினர்.
த. முருங்கப்பட்டி வெடிமருந்தாலையில் கடந்தாண்டு  நிகழ்ந்த விபத்தில் 19 பேர் உயிரிழந்ததைத்  தொடர்ந்து அந்த ஆலை மூடப்பட்டது. இந்நிலையில் ஞாயிற்றுக்கிழமை தளுகை ஊராட்சி முன்னாள் தலைவர் பெரியசாமி உள்ளிட்டோர் தலைமையில் முருங்கப்பட்டி கிராம மக்கள் கூடினர். வெடிமருந்தாலை நிர்வாகம் இரவு நேரங்களில் புனரமைக்கும் பணி மேற்கொள்கிறது.  இதற்கு வேறு கிராமத் பணியாளர்கள் ஈடுபடுத்தப்படுகின்றனர். இதை எவ்வாறு கட்டுப்படுத்துவது என முடிவு செய்யவும், அரசின் கவனத்தை ஈர்த்திடவும் கடையடைப்பு, தளுகை ஊராட்சியில் உள்ள மற்ற கிராமங்களான மங்கப்பட்டி, பாதர்பேட்டை, புதூர், வெள்ளாளப்பட்டி ஆகிய கிராம மக்களின் ஆதரவுடன் வீடுகளில் கருப்புக் கொடியேற்றி போராட்டத்தில் ஈடுபடுவது என்றும் முடிவெடுக்கப்பட்டது.

]]>
http://www.dinamani.com/all-editions/edition-trichy/trichy/2017/dec/11/வெடிமருந்து-ஆலைக்கு-எதிராக-கலந்தாலோசனை-2824342.html
2824341 திருச்சி திருச்சி அரிசி திருட்டு: பெண்கள் கல்லூரி விடுதி  ஊழியர்கள் இருவர் கைது DIN DIN Monday, December 11, 2017 08:56 AM +0530 திருச்சி மாவட்டம், முசிறி அரசு மாணவிகள் விடுதியில் அரிசி திருடிய இரு பெண் ஊழியர்களை முசிறி போலீஸார் சனிக்கிழமை இரவு கைது செய்தனர்.
முசிறி - புலிவலம் சாலை அரசு கலைக் கல்லூரி அருகே உள்ள மாணவிக்கான விடுதியில்  அரிசி திருடு போவதாக கிடைத்த தகவலின்பேரில் எம். புதுப்பட்டி கிழக்கு விஏஓ கிருஷ்ணவேணி(35) அந்த விடுதியில் டிச. 9-ல் திடீர் ஆய்வு செய்தார். அப்போது  50 கிலோ அரிசி மூட்டையை திருடி கடத்த முயன்ற விடுதி ஊழியர்களான சீவம்பட்டி சேர்ந்த முத்தையன் மனைவி மல்லிகா (47) துறையூர் கலப்பு காலனி பகுதி பெரியசாமி மனைவி ஜெயலட்சுமி (55) ஆகிய இருவரையும் பிடித்து முசிறி காவல் நிலையத்தில் ஒப்படைத்து புகார் அளித்தார். இதையடுத்து போலீஸார் வழக்குப் பதிந்து இருவரையும் கைது செய்தனர்.

]]>
http://www.dinamani.com/all-editions/edition-trichy/trichy/2017/dec/11/அரிசி-திருட்டு-பெண்கள்-கல்லூரி-விடுதி--ஊழியர்கள்-இருவர்-கைது-2824341.html
2824340 திருச்சி திருச்சி கீழப்பெருங்காளூரில் அடிப்படை வசதி தேவை DIN DIN Monday, December 11, 2017 08:56 AM +0530 திருச்சி மாவட்டம், லால்குடி அருகேயுள்ள கீழப்பெருங்காளுர் ஊராட்சியில் அடிப்படை வசதிகளை ஏற்படுத்த  வலியுறுத்துகின்றனர் அப் பகுதி மக்கள்.
லால்குடி அருகேயுள்ள இந்த ஊராட்சியில் அனைத்து சமூகத்தினரும் உள்ளனர். இதில் 3-வது வார்டான மல்லிகை நகரில் 30 குடும்பங்களைச் சேர்ந்த 150-க்கும் மேற்பட்ட தலித் குடும்பங்கள் உள்ளன. இவர்களுக்கு தமிழக அரசின் மூலம் கடந்த 1990-ல் கட்டிக் கொடுக்கப்பட்ட 20 காலனி வீடுகள்( ஓட்டு வீடுகள்) தற்போது சேதமடைந்து,  எப்போது  இடிந்து விடுமோ என்ற  நிலையில் உள்ளன. இதனால் இந்த வீடுகளில் வசிப்போர் அச்சத்தில் வசித்து வருகின்றனர். வீடுகளின்  மேல் கூரை சிமென்ட் பெயர்ந்து விழுந்து, கம்பிகள் முற்றிலும் துருப்பிடித்துள்ளன.  இந்தப் பகுதி மின்விளக்குகள் எரிந்து  6 மாதமாகிறது, குடிநீர் வருவதில்லை, பொது கழிப்பறை வசதி இல்லை.
இதுகுறித்து ஊராட்சி முன்னாள் உறுப்பினர் காந்திமதி உள்ளிட்டோர் மாவட்ட ஆட்சியர் உள்ளிட்டோரிடம் பல முறை புகார் கொடுத்தும் நடவடிக்கை இல்லை என்கின்றனர் இப்பகுதியினர்.
இதுகுறித்து லால்குடி வட்டார வளர்ச்சி அலுவலரிடம் கேட்டபோது, தற்போதுதான் இந்த பிரச்னை எனக்குத் தெரியவந்துள்ளது. அடிப்படை வசதிகள் உடனடியாகச் செய்து கொடுக்கப்படும்.  பழுதடைந்த வீடுகளுக்குப் பதிலாக புதிய வீடுகள் கட்டிக் கொடுக்கப்படும் என்றார் அவர்.     

]]>
http://www.dinamani.com/all-editions/edition-trichy/trichy/2017/dec/11/கீழப்பெருங்காளூரில்-அடிப்படை-வசதி-தேவை-2824340.html
2824339 திருச்சி திருச்சி "பேன்சி' பணத்தாள் கண்காட்சி DIN DIN Monday, December 11, 2017 08:56 AM +0530 திருச்சி கோட்டை அருங்காட்சியகத்தில் "பேன்சி'  இந்திய பணத்தாள்கள் கண்காட்சி ஞாயிற்றுக்கிழமை நடைபெற்றது.
திருச்சி பணத்தாள்கள் சேகரிப்போர் சங்கத்தின் சார்பில் நடத்தப்பட்ட இக் கண்காட்சியில் பேன்சி எண்களைக் கொண்ட இந்திய பணத்தாள்கள் ரூ.1,2,5,10,20,100 மதிப்பில் வைக்கப்பட்டிருந்தன.  1,2,3 என்றவாறும்,  இந்திய நாட்டின் விடுதலை தினத் தேதியை குறிப்பிட்டும்,  ரிசர்வ் வங்கியின் பல்வேறு ஆளுநர்கள் கையெழுத்திட்டதும், ,786786 என்றவாறு உள்ளதும், ,   முதல் 5 இலக்கங்கள் பூஜ்ஜியமாகவும்,கடைசி எண் 1,2,3,4,5 என்றவாறு தொடங்குவதும்,   111111, 222222 என்றவாறும் உள்ளதுமான பணத்தாள்கள்  வைக்கப்பட்டிருந்தன.
பணத்தாள்களை சேகரிப்போர் இதுபோன்ற  பேன்சி எண் நோட்டுகளை சேகரிப்பது கடினமான விஷயம்.  அவ்வாறு பணத்தாள்களை சேகரித்து வைத்திருப்போருக்கு மகிழ்ச்சியையும், மனநிறைவையும் ஏற்படுத்தும் வகையில் இதுபோன்ற கண்காட்சி நடத்தப்படுகிறது என்றார் திருச்சி பணத்தாள்கள் சேகரிப்போர் சங்கத் தலைவர் எஸ். விஜயகுமார்.  நிகழ்வில் செயலர்  குணசேகரன், பொருளாளர் அப்துல் அஜீஸ், நிர்வாகிகள் பாண்டி, முகமது சுபேர், ரமேஷ் உள்ளிட்டோரும் தங்களது சேகரிப்பை காட்சிப்படுத்தியிருந்தனர்.

]]>
http://www.dinamani.com/all-editions/edition-trichy/trichy/2017/dec/11/பேன்சி-பணத்தாள்-கண்காட்சி-2824339.html
2824338 திருச்சி திருச்சி திருச்சியில் கள்ள நோட்டு புழக்கம்: பெண் உள்பட இருவரிடம் விசாரணை DIN DIN Monday, December 11, 2017 08:55 AM +0530 திருச்சியில் கள்ள நோட்டுகளை புழக்கத்தில் விட்டது தொடர்பாக பெண் உள்பட இருவரிடம் போலீஸார் விசாரித்து வருகிறார்கள்.
திருச்சி எடமலைப்பட்டிபுதூரில் சனிக்கிழமை தோறும் நடைபெறும் சந்தையில் கடந்த சில வாரங்களாக பெண் ஒருவர் ரூ. 2000 நோட்டு கொடுத்து காய்கறி வாங்கினாராம்.  அது கள்ள நோட்டாக 
இருக்கலாம் என வியாபாரிகளுக்கு சந்தேகம் ஏற்பட்டது.  
இந்நிலையில் சனிக்கிழமை இரவு அதே பெண் சந்தைக்கு வந்து ரூ. 2000 நோட்டு கொடுத்து காய்கறி வாங்க முயன்றபோது அவரை வியாபாரிகள் பிடித்து எடமலைப்பட்டி போலீஸாருக்குத் தகவல் தெரிவித்தனர்.  
இதையடுத்து அங்கு சென்ற போலீஸார் அந்த நோட்டை வாங்கிப் பார்த்தபோது  அது கள்ள நோட்டு எனத் தெரியவந்தது.
விசாரணையில் அந்தப் பெண் திருச்சி கொள்ளிடம் டோல்கேட் பகுதியைச் சேர்ந்த  கிருத்திகா (38) என்பதும் அவரிடம் மற்றொரு ரூ. 2000 கள்ள நோட்டு இருந்ததும் தெரியவந்தது.   அந்த நோட்டுகளை மணிகண்டத்தைச் சேர்ந்த  ஒருவரிடம் கடனாக வாங்கிய பணம் என அப்பெண் தெரிவித்தாலும்,  போலீஸார் அதை நம்பவில்லை.
கிருத்திகா அளித்த தகவலின் பேரில், திருச்சி மத்திய பேருந்து நிலையப் பகுதி விடுதியில் தங்கியிருந்த சென்னை  சூளக்கரையைச் சேர்ந்த காதர்பாட்சாவை (40) பிடித்து விசாரித்தனர். அப்போது அவர் கோவையில் ரூ. 2 லட்சத்துக்கு கள்ள நோட்டு தயாரித்து புழக்கத்தில் விட்டதும் தெரியவந்தது.
 

]]>
http://www.dinamani.com/all-editions/edition-trichy/trichy/2017/dec/11/திருச்சியில்-கள்ள-நோட்டு-புழக்கம்-பெண்-உள்பட-இருவரிடம்-விசாரணை-2824338.html
2824337 திருச்சி திருச்சி விழிப்புணர்வுக்காக 120 பேருக்கு குப்பைக் கூடைகள் DIN DIN Monday, December 11, 2017 08:55 AM +0530 தூய்மை இந்தியா திட்டத்தின் கீழ்  உலர் கழிவு மேலாண்மைத் திட்டம் தொடர்பாக பொதுமக்களுக்கு விழிப்புணர்வை ஏற்படுத்தும் வகையில்   திருச்சி சேதுராமன் பிள்ளை காலனியைச் சேர்ந்த 120 பேருக்கு குப்பைகளைத் தரம் பிரித்து வழங்கும் வகையில் இரு வண்ண குப்பைக் கூடைகள் ஞாயிற்றுக்கிழமை வழங்கப்பட்டன.
திருச்சி மாநகராட்சி ஆணையர் ந. ரவிச்சந்திரன் தலைமை வகித்தார்.  தூய்மை இந்தியா இயக்கத் தூதுவரும், திரைப்பட இசையமைப்பாளருமான ஜேம்ஸ் வசந்தன் பங்கேற்று,  குப்பைக் கூடைகளை வழங்கினார்.
அவர் பேசும் போது, தூய்மை இந்தியா குறித்து இளைஞர்களை ஒருங்கிணைத்து ஊக்கமளிக்க வேண்டும். பெற்றோர் தங்கள் குழந்தைகளுக்கு பிளாஸ்டிக் பயன்பாட்டால் ஏற்படும் அபாயம் குறித்து எடுத்துரைக்க வேண்டும். என் வீடு என் சுற்றுப்புறம் எனத் தூய்மையாக வைத்துக் கொண்டால் திருச்சி மாநகரம் தூய்மைப் பட்டியலில் முதலிடம் பிடிக்கும் என்றார்.
மாநகராட்சி ஆணையர் ந. ரவிச்சந்திரன் பேசுகையில்,   திருச்சியில்தான் 140 சிறிய வாகனங்கள் மூலம் குப்பைகள் பொதுமக்களிடமிருந்து வாங்கப்படுகின்றன.  450 பொது கழிப்பிடங்கள் கட்டப்பட்டு மகளிர் சுய உதவிக்குழுக்கள் மற்றும் மாநகராட்சியால் பராமரிக்கப்படுகின்றன. பொருளாதாரத்தில் பின்தங்கிய மக்களுக்கு தனி நபர் கழிப்பிட திட்டத்தில் 2100 கழிப்பிடங்கள் கட்டப்படும் என்றார் அவர்.
நகரப் பொறியாளர் அமுதவள்ளி,   குப்பைக்கூடைகளை  நன்கொடையாக வழங்கிய பி.ஜி. நாயுடு நிறுவன உரிமையாளர் ந. பாலாஜி, உதவி ஆணையர்  எம். தயாநிதி,  நகர்நல அலுவலர் ஆர். சித்ரா உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2017/dec/11/விழிப்புணர்வுக்காக-120-பேருக்கு-குப்பைக்-கூடைகள்-2824337.html
2824336 திருச்சி திருச்சி தூய்மை நகரக் கணக்கெடுப்பு விழிப்புணர்வு மாரத்தான்: 1000-க்கும் மேற்பட்டோர் பங்கேற்பு DIN DIN Monday, December 11, 2017 08:55 AM +0530 திருச்சி மாநகராட்சியில் தூய்மை நகரக் கணக்கெடுப்பு குறித்த விழிப்புணர்வை ஏற்படுத்தும் விதமாக ஞாயிற்றுக்கிழமை நடத்தப்பட்ட  மாரத்தானில் ஆயிரத்துக்கும் மேற்பட்டோர் பங்கேற்றனர்.
திருச்சி மாநகராட்சியில் ஸ்வச் சர்வேக்சன்-2018  என்னும் தூய்மை நகரக் கணக்கெடுப்பு  ஜன. 4-ல் தொடங்குகிறது.  இக் கணக்கெடுப்பு மக்கள் இயக்கமாக மாற விழிப்புணர்வு ஏற்படுத்தும் வகையில் இந்த மாரத்தான் நடத்தப்பட்டது.
தென்னூர் அண்ணாநகர் உழவர் சந்தை மைதானத்தில் ஞாயிற்றுக்கிழமை நடைபெற்ற நிகழ்வை, மாவட்ட ஆட்சியர் கு. ராசாமணி,  மாநகராட்சி ஆணையர் ந. ரவிச்சந்திரன், மாநகரக் காவல் துணை ஆணையர் ( குற்றம் மற்றும் போக்குவரத்து)  ஆ. மயில்வாகனன்,  தூய்மை இந்தியா இயக்கத் தூதுவரும்,  திரைப்பட இசையமைப்பாளருமான ஜேம்ஸ் வசந்தன் ஆகியோர் கொடியசைத்து தொடக்கி வைத்தனர்.
இந்த ஓட்டம் எம்.ஜி.ஆர். சிலை,  பாரதிதாசன் சாலை, கண்டோன்மெண்ட் முத்தரையர் சிலை, தலைமை அஞ்சல் நிலையம்,  குட்ஷெட் மேம்பாலம், சேதுராமன்பிள்ளை காலனி,  டிவிஎஸ் டோல்கேட், ஜமால் முகமது கல்லூரி, ரேஸ்கோர்ஸ் சாலை வழியாக அண்ணா விளையாட்டரங்கத்தில் நிறைவடைந்தது.
இதில் திருச்சி மாநகரின் பல்வேறு பகுதி கல்லூரிகளைச் சேர்ந்த 1000-க்கும் மேற்பட்ட மாணவ, மாணவிகள் பங்கேற்றனர்.
ரொக்கப் பரிசு:  மாணவ, மாணவிகளுக்குத் தனித்தனியே நடத்தப்பட்ட மாரத்தானில் முதல் பரிசாக ரூ. 20,000,  2-ம் பரிசாக  ரூ.15,000, 3-ம் பரிசாக  ரூ.10,000,  7 மாணவ, மாணவிகளுக்கு ஆறுதல் பரிசு  டிச. 13-ல் மாநகராட்சி மைய அலுவலகத்தில் வழங்கப்படும்.
மாநகர மக்கள் தங்கள் செல்லிடப்பேசியில் ஸ்வச்சதா செயலியை புதிதாக பதிவிறக்கியவுடன் அல்லது செயலியை செயல்படுத்திய உடன், ஸ்வச் சர்வேக்சன் 2018- க்கான குடிமக்கள்  கருத்துக் கேட்பு செல்லிடப்பேசி திரையில் தோன்றும்.
அதைத் தேர்வு செய்து கருத்துக் கணிப்பு  கேள்விகளுக்கான பதிலை பதிவு செய்து, கடந்த 2 ஆண்டுகளைவிடதிருச்சி மாநகரம் முன்னிலை பெற தேசியளவிலான தரவரிசையில் முன்னிலைப்படுத்த கருத்தைப் பதிவு செய்ய வேண்டும் என்றார் மாநகராட்சி ஆணையர் ந. ரவிச்சந்திரன்.
நகரப் பொறியாளர் எஸ். அமுதவள்ளி,   உதவி ஆணையர் எம். தயாநிதி, செயற்பொறியாளர்கள்  எஸ். கண்ணன், செல்வம்,  மாவட்ட விளையாட்டு அலுவலர் சி. புண்ணியமூர்த்தி உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2017/dec/11/தூய்மை-நகரக்-கணக்கெடுப்பு-விழிப்புணர்வு-மாரத்தான்-1000-க்கும்-மேற்பட்டோர்-பங்கேற்பு-2824336.html
2824335 திருச்சி திருச்சி வெளிமாநில திருட்டுகளில் தொடர்புடையவர் கைது DIN DIN Monday, December 11, 2017 08:54 AM +0530 வெளி மாநிலங்கள், வெளி மாவட்டங்களில் நடைபெற்ற திருட்டு வழக்குகளில் தொடர்புடைய திருச்சி ராம்ஜிநகரைச் சேர்ந்தவர்  சனிக்கிழமை கைது செய்யப்பட்டார்.
திருச்சி மாநகரப் பகுதி திருட்டுச் சம்பவங்களில் தொடர்புடையவர்களைப் பிடிக்க மாநகரக் காவல் ஆணையர்  அ. அமல்ராஜ் உத்தரவிட்டதன்பேரில் அமைக்கப்பட்ட தனிப்படை தீவிரமாக  விசாரித்து வந்தது. திருச்சி- திண்டுக்கல் சாலை கருமண்டபம் சோதனைச் சாவடியில்  சனிக்கிழமை இரவு அவர்கள் நடத்திய வாகனத்  தணிக்கையின்போது, அப்போது அவ்வழியாக மோட்டார் சைக்கிளில் வந்தவரைப் பிடித்தனர்.
விசாரணையில் அவர்  திருச்சி மாவட்டம், ராம்ஜிநகர் ஹரிபாஸ்கர் காலனியைச் சேர்ந்த  சுப்பிரமணியன் மகன் அப்பு என்கிற புருஷோத்தமன் (39) என்பதும், அவருக்கு வெளி மாநில, வெளி மாவட்டங்களில் நடைபெற்ற பல்வேறு திருட்டு, வழிப்பறி, கொள்ளைகளில் தொடர்பிருப்பதும் தெரிய வந்தது.
மேலும் திருச்சி கண்டோன்மென்ட் குற்றப்பிரிவு காவல் நிலையத்துக்குள்பட்ட பகுதிகளில் நடைபெற்ற 11 திருட்டு, 3 இரு சக்கர வாகன திருட்டு, ஒரு வழிப்பறி ஆகியவற்றிலும்  இவருக்குத் தொடர்பு இருப்பதை கண்டுபிடித்தனர். மேலும், மத்திய பேருந்து நிலையப் பகுதியில் சனிக்கிழமை பழ வியாபாரியிடம் கத்தியைக் காட்டி மிரட்டி ரூ. 5000 பறித்ததையும் ஒப்புக் கொண்டார்.
இதையடுத்து அப்புவை கைது செய்த போலீஸார்,   அவரிடமிருந்து ரூ. 5.60 லட்சம் மதிப்புள்ள 28 சவரன் தங்க நகை, ரூ. 20,500 ரொக்கம், ரூ.1.80 லட்சம் மதிப்புள்ள மூன்று 2 சக்கர வாகனங்கள் ஆகியவற்றை கைப்பற்றி, அவரை சிறையில் அடைத்தனர்.
 

]]>
http://www.dinamani.com/all-editions/edition-trichy/trichy/2017/dec/11/வெளிமாநில-திருட்டுகளில்-தொடர்புடையவர்-கைது-2824335.html
2824334 திருச்சி திருச்சி மணல் குவாரிகள் மூடுவதை எதிர்த்து மேல்முறையீடு கண்டிக்கத்தக்கது DIN DIN Monday, December 11, 2017 08:54 AM +0530 மணல் குவாரிகள் மூடுவது தொடர்பான தனி நீதிபதியின் உத்தரவை எதிர்த்து அரசு மேல்முறையீடு செய்தது கண்டிக்கத்தக்கது, அந்த  மனுவை திரும்பப் பெற வேண்டும் என்று தமிழ் தேசியக் கட்சி வலியுறுத்தியுள்ளது.
தமிழக வாழ்வுரிமைக் கட்சியிலிருந்து விலகியவர்களால் தொடங்கப்பட்ட இந்த கட்சியின்  செயல்திட்டக் குழுக் கூட்டம் திருச்சியில் ஞாயிற்றுக்கிழமை நடைபெற்றது.
கூட்டத்தில் தமிழகத்தில் இயங்கி வரும் அனைத்து மணல் குவாரிகளையும் 6 மாதத்துக்குள் மூட வேண்டும் என்ற சென்னை உயர் நீதிமன்ற மதுரை கிளையின் தனி நீதிபதி உத்தரவை வரவேற்கிறோம். அதே நேரத்தில் கன்னியாகுமரி, திருநெல்வேலி, தூத்துக்குடி மாவட்ட ஆட்சியர்கள் இந்த உத்தரவை எதிர்த்து மேல்முறையீடு செய்திருப்பது கண்டிக்கத்தக்கது. 
வருங்காலச் சந்ததிகளின் வாழ்வாதாரம் பாதிக்காமல் இருக்க ஆட்சியர்கள் இந்த மனுவை திரும்பப் பெற வேண்டும்.
நிஸான், ரெனால்ட் நிறுவனங்கள் தமிழகத்தில் தொழிற்சாலைகள் நடத்த 21  ஆண்டு ஒப்பந்தம் போடப்பட்டநிலையில், ஒப்பந்தம் முடிவதற்குள் வரிச்சலுகை கோரி சர்வேதச நீதிமன்றத்தை நாடியிருப்பது சட்ட விரோதமானது. வழக்கு முடியும் நிஸான், ரெனால்ட் நிறுவனங்களை மூடக்கோரி 2018, ஜனவரி 6 ஆம்தேதி முற்றுகைப் போராட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.
கட்சியின் தலைமை ஒருங்கிணைப்பாளர் ஆர்.பி. தமிழ்நேசன் தலைமை வகித்தார். தலைவர் த.நா. சத்தியமூர்த்தி,  பொதுச் செயலர்கள் க. கலைச்செல்வன், அ. ஆதவன், ப.ஸ்ரீஆனந்த் கூட்டத்தில் பேசினர். கட்சிப்  பொருளாளர் சை. முகமது கனி, அமைப்புச் செயலர்கள் இரா. அய்யாக்கண்ணு, அருள்தாஸ் உள்ளிட்டோர் பங்கேற்றனர்.
முன்னதாக, திருச்சி பிரஸ் கிளப்பில் நிர்வாகிகளை அறிமுகப்படுத்தி, செயல்திட்டக் கூட்டத்தில் நிறைவேற்றப்பட்ட தீர்மானங்களை ஒருங்கிணைப்பாளர் தமிழ்நேசனும், தலைவர் த.நா.சத்தியமூர்த்தியும் எடுத்துக் கூறினர்.
 

]]>
http://www.dinamani.com/all-editions/edition-trichy/trichy/2017/dec/11/மணல்-குவாரிகள்-மூடுவதை-எதிர்த்து-மேல்முறையீடு-கண்டிக்கத்தக்கது-2824334.html
2824333 திருச்சி திருச்சி துறையூர் அருகே வீடு புகுந்து நகை திருடிய  இருவர் கைது DIN DIN Monday, December 11, 2017 08:54 AM +0530 துறையூர் அருகே செங்காட்டுப்பட்டியில் வீடு புகுந்து நகை திருடிய இருவரை போலீஸார் ஞாயிற்றுக்கிழமை கைது செய்தனர்.
செங்காட்டுப்பட்டியைச் சேர்ந்த அன்பரசு  வீட்டின் பூட்டை டிச. 5-ல் உடைத்து 2 பவுன் மோதிரம், காதணிகளை மர்ம நபர்கள் திருடிச் சென்றனர். 
இந்நிலையில் சந்தேகத்துக்கிடமாக அந்த ஊரில் சுற்றிய கோவிந்தபுரத்தைச் சேர்ந்த முருகேசன் மகன் நிதிஷ்குமார் (18), துறையூர் விநாயகர் தெருவைச் சேர்ந்த கதிரேசன் மகன் பாரத் (18) ஆகிய இருவரையும் பொதுமக்கள் பிடித்து விசாரித்தனர். அப்போது அவர்கள் அன்பரசு வீட்டில் திருடியவர்கள் எனத் தெரியவந்து, துறையூர் போலீஸில் ஒப்படைக்கப்பட்டனர். இதுகுறித்து வழக்குப் பதிந்த போலீஸார் அவர்களிடமிருந்த 2 பவுன் தங்க நகையை மீட்டு இருவரையும் கைது செய்தனர்.

]]>
http://www.dinamani.com/all-editions/edition-trichy/trichy/2017/dec/11/துறையூர்-அருகே-வீடு-புகுந்து-நகை-திருடிய--இருவர்-கைது-2824333.html
2824332 திருச்சி திருச்சி புத்தக வாசிப்பின் மூலம் சமூகத்தையும் படிக்கலாம் DIN DIN Monday, December 11, 2017 08:53 AM +0530 புத்தக வாசிப்பு என்பது தன்னையும், தான் சார்ந்த சமூகத்தையும் கூர்ந்து படிக்க உதவிடும் என்றார் கவிஞர் நந்தலாலா.
திருச்சி மாவட்டம், சமயபுரம் எஸ்.ஆர்.வி. மெட்ரிகுலேசன் மேல்நிலைப் பள்ளி சார்பில் தென்னூர் உழவர் சந்தை பகுதியில் திருச்சியே வாசி என்ற வாசிப்பு இயக்கத்தை ஞாயிற்றுக்கிழமை தொடக்கி வைத்து, அவர் மேலும் பேசியது:
பொதுவாக இன்றைய சூழல் இளைய தலைமுறையினரை நவீன தொழில்நுட்ப சாதனங்களில் சிறைப்படுத்தி வைத்து, புத்தக வாசிப்பின் அருமை உணராது செய்துவிடுகிறது.  
நாளேடு எடுத்து படிக்கவும்கூட அதிக ஆர்வமற்றுப்போன,  ஆன்ட்ராய்டு உலகத்தில் பல்வேறு தகவல்களை இணையத்தில் மட்டும் படிக்கும் முதல் தலைமுறை உருவாகிவிட்டது.  குடும்பங்களில், பொது வெளியில் உரையாடல் அற்றுபோய்க் கொண்டிருக்கிறது.
ஆனால், பிடித்தமான புத்தகத்தைத் தொட்டு எடுத்து வாசிக்கும் பழக்கம் இளம் வயதில் வாய்க்கப் பெறுவது நமது சொந்தச் செயல்பாடுகளின் தொடக்கப் படியாக மாறும், சுயமதிப்பைக் கூட்டும் சிந்தனைத் திறன், படைப்பாற்றல், கூரிய நோக்கு, தெளிவான பார்வை, பொறுமையோடு  அணுகும் தன்மை, என எத்தனையோ நலன்கள் புத்தக வாசிப்பின் வாயிலாக கிடைக்கும். தன்னையும், தான் சார்ந்த சமூகத்தையும் வாசிப்போடு கூர்ந்து படிக்க உதவிடும்.
வாசிப்புப் பயணம் எங்கெங்கும் பரவட்டும். தமிழும், அறிவு வளமும் பெருகட்டும்.  நம்பிக்கை அருவியை ஓயாது அடையாளப்படுத்தி உள்ளத்தைக் குளிரவைக்கும் செய்திகளை இந்த வாசிப்பு இயக்கங்கள் சமூகத்துக்கு வழங்கும் வண்ணம் செயல்பட வேண்டும் என்றார் நந்தலாலா.
பள்ளி இணைச் செயலர் பி. சத்யமூர்த்தி கூறியது:
பள்ளி வளாகத்தை கடந்து, பொதுவாழ்வில் செயல்பட வேண்டிய அவசியம்  இருப்பதை உணர்ந்தே திருச்சியே வாசி என்னும் வாசிப்பு இயக்கத்தை  பள்ளி மாணவர்களுடன்  இணைந்து முன்னெடுக்கிறோம். புத்தக வாசிப்பு நம்மை மேம்படுத்தி, நம்மை சார்ந்தவர்களையும் மேம்படுத்தும்.
வாசிப்பு என்பது நல்ல பழக்கம் என்பது மட்டுமல்ல, மன நலத்தையும் வழங்க வல்லது.   தனிநபர்களின் மனநலனே இந்த சமூக நலன் என்ற அடிப்படையில் பொதுமக்கள் கூடுமிடங்களில் வாசிப்பு இயக்க விழிப்புணர்வு  வாசகங்கள் அடங்கிய பதாகைகளை ஏந்தி சென்று, கலை நிகழ்ச்சிகளை நடத்தி, வாசிப்புப் பழக்கத்தைத் தூண்டும் துண்டறிக்கைகள், புகழ்பெற்ற பத்து எழுத்தாளர்கள் எழுதிய கட்டுரைகள் அடங்கிய திருச்சியே வாசி என்னும் சிறு கையேட்டை பொதுமக்களிடம் வழங்கி வருகிறோம்.
பொதுமக்களிடையே வாசிப்பு பண்பாட்டை உருவாக்கிடும் சமூகப் பணியை, பங்களிப்பை மாணவர்கள் வாயிலாகத் தொடர்ந்து உருவாக்கிடுவோம் என்றார் சத்யமூர்த்தி.
தொடர்ந்து வாசிப்பு இயக்க விழிப்புணர்வு வாசகங்கள் அடங்கிய பதாகைகளை மாணவ, மாணவிகள் ஏந்திச் சென்றனர். தொடர்ந்து, சிறு கையேடுகளை பொதுமக்களிடம் வழங்கினர்.  ஏற்பாடுகளை பள்ளித் தலைவர்  ஏ. ராமசாமி, துணைத் தலைவர் எம். குமரவேல், செயலர் பி. சுவாமிநாதன், பொருளாளர் எஸ். செல்வராஜன், இணைச் செயலர் பி. சத்யமூர்த்தி, முதல்வர் க. துளசிதாசன் ஆகியோர் செய்தனர்.

]]>
http://www.dinamani.com/all-editions/edition-trichy/trichy/2017/dec/11/புத்தக-வாசிப்பின்-மூலம்-சமூகத்தையும்-படிக்கலாம்-2824332.html
2824330 திருச்சி திருச்சி திருவளர்ச்சிப்பட்டியில்  ஜல்லிக்கட்டு என வதந்தி DIN DIN Monday, December 11, 2017 08:53 AM +0530 திருச்சி மாவட்டம்,  திருவளர்ச்சிப்பட்டியில் ஜல்லிக்கட்டு காளைகளுக்குப் பயிற்சியளிக்கப்பட்ட நிலையில்,  ஜல்லிக்கட்டு நடைபெறுவதாக கிளம்பிய வதந்தியால் அப்பகுதியில் பரபரப்பு ஏற்பட்டது.
திருவெறும்பூர் வட்டத்தில் நவல்பட்டு, சூரியூர் உள்ளிட்ட பகுதிகளில் பொங்கல் பண்டிகை நேரத்தில் ஜல்லிக்கட்டு நடைபெறும்.  நீதிமன்றத் தடையால்  மாநிலம் முழுவதும் நடைபெறாமல் இருந்த ஜல்லிக்கட்டு இந்தாண்டு இளைஞர்களின் எழுச்சிப் போராட்டம் காரணமாக பல பகுதிகளிலும் பல்வேறு நாள்களில் நடத்தப்பட்டது. வரும் ஆண்டில் ஜல்லிக்கட்டு நடத்தப்படவுள்ள நிலையில், திருவெறும்பூர் வட்டம், குண்டூர் அருகிலுள்ள திருவளர்ச்சிப்பட்டியில் சுற்றுப்புறப் பகுதிகளைச் சேர்ந்த காளைகளுக்கும், பிற மாவட்டங்களிலிருந்து வந்த காளைகளுக்கும் ஜல்லிக்கட்டு பயிற்சியளிக்கப்பட்டது.
இந்நிலையில் யாரோ சிலர் இங்கு ஜல்லிக்கட்டு நடைபெறுவதாக அளித்த தகவலின்பேரில்  நவல்பட்டு காவல் நிலைய  ஆய்வாளர் தலைமையில் போலீஸார் அங்கு சென்ற போது, பயிற்சியளித்தவர்கள் அங்கு இல்லை.  இதுகுறித்து அடையாளம் தெரியாத 15 பேர் எனக் குறிப்பிட்டு போலீஸார் வழக்குப்பதிந்து விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2017/dec/11/திருவளர்ச்சிப்பட்டியில்--ஜல்லிக்கட்டு-என-வதந்தி-2824330.html
2824329 திருச்சி திருச்சி முசிறி அருகே  மணல் கடத்திய இளைஞர் கைது DIN DIN Monday, December 11, 2017 08:53 AM +0530 திருச்சி மாவட்டம், முசிறி அருகே மணல் கடத்திச் சென்ற இளைஞரை போலீஸார் ஞாயிற்றுக்கிழமை கைது செய்தனர்.
அய்யம்பாளையம் பகுதியில் வருவாய்த் துறையினர் ரோந்தில் ஈடுபட்டபோது  அய்யம்பாளையம் பெட்ரோல் பங்க் அருகில் இருசக்கர வாகனத்தில் மணல் மூட்டைகளை ஏற்றி வந்த  ஆசாரிப்பாளையம் பகுதியைச் சேர்ந்த விஜயன் மகன் ராஜ்குமாரை  (28) பிடித்து முசிறி போலீஸில் ஒப்படைத்து அளித்த புகாரின்பேரில்  ராஜ்குமாரை கைது செய்தனர். இதேபோல முசிறி கோட்டாட்சியர் ராஜ்குமார் ஏவூர் பகுதியில் ரோந்தில் ஈடுபட்டபோது ஏவூர் தண்ணீர் பந்தல் அருகே இருசக்கர வாகனத்தில் மணல் மூட்டை கொண்டு சென்றவரை பிடிக்க முயன்றபோது அவர் வாகனத்தை விட்டுத் தப்பிச் சென்றார். 
ஆமூர் விஏஓ ராஜேஷ்வரி அளித்த புகாரின் பேரில் முசிறி போலீசார் வழக்கு பதிந்து விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2017/dec/11/முசிறி-அருகே--மணல்-கடத்திய-இளைஞர்-கைது-2824329.html
2823908 திருச்சி திருச்சி தூய்மை நகரக் கணக்கெடுப்பு விழிப்புணர்வு மாரத்தான்: 1000-க்கும் மேற்பட்டோர் பங்கேற்பு DIN DIN Monday, December 11, 2017 12:45 AM +0530 திருச்சி மாநகராட்சியில் தூய்மை நகரக் கணக்கெடுப்பு குறித்த விழிப்புணர்வை ஏற்படுத்தும் விதமாக ஞாயிற்றுக்கிழமை நடத்தப்பட்ட  மாரத்தானில் ஆயிரத்துக்கும் மேற்பட்டோர் பங்கேற்றனர்.
திருச்சி மாநகராட்சியில் ஸ்வச் சர்வேக்சன்-2018  என்னும் தூய்மை நகரக் கணக்கெடுப்பு  ஜன. 4-ல் தொடங்குகிறது.  இக் கணக்கெடுப்பு மக்கள் இயக்கமாக மாற விழிப்புணர்வு ஏற்படுத்தும் வகையில் இந்த மாரத்தான் நடத்தப்பட்டது.
தென்னூர் அண்ணாநகர் உழவர் சந்தை மைதானத்தில் ஞாயிற்றுக்கிழமை நடைபெற்ற நிகழ்வை, மாவட்ட ஆட்சியர் கு. ராசாமணி,  மாநகராட்சி ஆணையர் ந. ரவிச்சந்திரன், மாநகரக் காவல் துணை ஆணையர் ( குற்றம் மற்றும் போக்குவரத்து)  ஆ. மயில்வாகனன்,  தூய்மை இந்தியா இயக்கத் தூதுவரும்,  திரைப்பட இசையமைப்பாளருமான ஜேம்ஸ் வசந்தன் ஆகியோர் கொடியசைத்து தொடக்கி வைத்தனர்.
இந்த ஓட்டம் எம்.ஜி.ஆர். சிலை,  பாரதிதாசன் சாலை, கண்டோன்மெண்ட் முத்தரையர் சிலை, தலைமை அஞ்சல் நிலையம்,  குட்ஷெட் மேம்பாலம், சேதுராமன்பிள்ளை காலனி,  டிவிஎஸ் டோல்கேட், ஜமால் முகமது கல்லூரி, ரேஸ்கோர்ஸ் சாலை வழியாக அண்ணா விளையாட்டரங்கத்தில் நிறைவடைந்தது.
இதில் திருச்சி மாநகரின் பல்வேறு பகுதி கல்லூரிகளைச் சேர்ந்த 1000-க்கும் மேற்பட்ட மாணவ, மாணவிகள் பங்கேற்றனர் .
ரொக்கப் பரிசு:  மாணவ, மாணவிகளுக்குத் தனித்தனியே நடத்தப்பட்ட மாரத்தானில் முதல் பரிசாக ரூ. 20,000,  2-ம் பரிசாக  ரூ.15,000, 3-ம் பரிசாக  ரூ.10,000,  7 மாணவ, மாணவிகளுக்கு ஆறுதல் பரிசு  டிச. 13-ல் மாநகராட்சி மைய அலுவலகத்தில் வழங்கப்படும்.
மாநகர மக்கள் தங்கள் செல்லிடப்பேசியில் ஸ்வச்சதா செயலியை புதிதாக பதிவிறக்கியவுடன் அல்லது செயலியை செயல்படுத்திய உடன், ஸ்வச் சர்வேக்சன் 2018- க்கான குடிமக்கள்  கருத்துக் கேட்பு செல்லிடப்பேசி திரையில் தோன்றும்.
அதைத் தேர்வு செய்து கருத்துக் கணிப்பு  கேள்விகளுக்கான பதிலை பதிவு செய்து, கடந்த 2 ஆண்டுகளைவிட  திருச்சி மாநகரம் முன்னிலை பெற தேசியளவிலான தரவரிசையில் முன்னிலைப்படுத்த கருத்தைப் பதிவு செய்ய வேண்டும் என்றார் மாநகராட்சி ஆணையர் ந. ரவிச்சந்திரன்.
நகரப் பொறியாளர் எஸ். அமுதவள்ளி,   உதவி ஆணையர் எம். தயாநிதி, செயற்பொறியாளர்கள்  எஸ். கண்ணன், செல்வம்,  மாவட்ட விளையாட்டு அலுவலர் சி. புண்ணியமூர்த்தி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/trichy/2017/dec/11/தூய்மை-நகரக்-கணக்கெடுப்பு-விழிப்புணர்வு-மாரத்தான்-1000-க்கும்-மேற்பட்டோர்-பங்கேற்பு-2823908.html
2823907 திருச்சி திருச்சி திருச்சியில் கள்ள நோட்டு புழக்கம்: பெண் உள்பட இருவரிடம் விசாரணை DIN DIN Monday, December 11, 2017 12:45 AM +0530 திருச்சியில் கள்ள நோட்டுகளை புழக்கத்தில் விட்டது தொடர்பாக பெண் உள்பட இருவரிடம் போலீஸார் விசாரித்து வருகிறார்கள்.
திருச்சி எடமலைப்பட்டிபுதூரில் சனிக்கிழமை தோறும் நடைபெறும் சந்தையில் கடந்த சில வாரங்களாக பெண் ஒருவர் ரூ. 2000 நோட்டு கொடுத்து காய்கறி வாங்கினாராம்.  அது கள்ள நோட்டு என்ற சந்தேகம் வியாபாரிகளுக்கு ஏற்பட்டது.  
இந்நிலையில் சனிக்கிழமை இரவு அதே பெண் சந்தைக்கு வந்து ரூ. 2000 நோட்டு கொடுத்து காய்கறி வாங்க முயன்றபோது அவரை வியாபாரிகள் பிடித்து எடமலைப்பட்டி போலீஸாருக்குத் தகவல் தெரிவித்தனர்.  இதையடுத்து அங்கு சென்ற போலீஸார் அந்த நோட்டை வாங்கிப் பார்த்தபோது  அது கள்ள நோட்டு எனத் தெரியவந்தது.
விசாரணையில் அந்தப் பெண் திருச்சி கொள்ளிடம் டோல்கேட் பகுதியைச் சேர்ந்த  கிருத்திகா (38) என்பதும் அவரிடம் மற்றொரு ரூ. 2000 கள்ள நோட்டு இருந்ததும் தெரியவந்தது.   அந்த நோட்டுகளை மணிகண்டத்தைச் சேர்ந்த  ஒருவரிடம் கடனாக வாங்கிய பணம் என அப்பெண் தெரிவித்தாலும்,  போலீஸார் அதை நம்பவில்லை.
கிருத்திகா அளித்த தகவலின் பேரில், திருச்சி மத்திய பேருந்து நிலையப் பகுதி விடுதியில் தங்கியிருந்த சென்னை  சூளக்கரையைச் சேர்ந்த காதர்பாட்சாவை (40) பிடித்து விசாரித்தனர். அப்போது அவர் கோவையில் ரூ. 2 லட்சத்துக்கு கள்ள நோட்டு தயாரித்து புழக்கத்தில் விட்டது தெரியவந்தது. இருவரிடமும் தொடர் விசாரணை நடைபெறுகிறது.
 

]]>
http://www.dinamani.com/all-editions/edition-trichy/trichy/2017/dec/11/திருச்சியில்-கள்ள-நோட்டு-புழக்கம்பெண்-உள்பட-இருவரிடம்-விசாரணை-2823907.html
2823625 திருச்சி திருச்சி சித்த மருத்துவமனைக்கு "சீல்':போலி மருத்துவர் தப்பிஓட்டம் DIN DIN Sunday, December 10, 2017 02:28 AM +0530 திருச்சியில் இயங்கி வந்த போலி சித்த மருத்துவமனை க்கு அதிகாரிகள் சீல் வைத்தனர்.
இது குறித்து மாவட்ட ஆட்சியரகம் வெளியிட்டுள்ள செய்திக்குறிப்பு : திருச்சி வரகனேரி பகுதியில், இயங்கி வந்த ஜெயா சித்த மற்றும் மூலிகை மருத்துவமனையில் மருத்துவம் படிக்காத நபர் பொதுமக்களுக்கு சிகிச்சை அளிப்பதாக சுகாதாரத்துறை அதிகாரிகளுக்கு தகவல் கிடைத்தது. அதன்பேரில், மாவட்ட மருத்துவம் மற்றும் ஊரக நலப்பணிகள் இணை இயக்குநர் சம்சாத்பேகம், மாவட்ட சித்த மருத்துவ அலுவலர் எஸ். காமராஜ், நகர்புற அரசு ஆரம்ப சுகாதார நிலைய மருத்துவ அலுவலர் செல்வகுமார், வட்ட வருவாய் ஆய்வாளர் எஸ். கோமதி ஆகியோர் அந்த மருத்துவமனையில் வெள்ளிக்கிழமை ஆய்வு மேற்கொண்டனர்.
அப்போது அங்கிருந்த அதிசயராஜன் என்பவர் நோயாளிகளுக்கு சிகிச்சை அளித்துக் கொண்டிந்தார். அவரிடம் அதிகாரிகள் விசாரித்தபோது, அவர் மருத்துவம் படிக்கவில்லை எனவும், அவரது தந்தை துரைராஜ் (இறந்துவிட்டார்) பெயரில் உள்ள (ஆர்.ஐ.எம்.பி. ) மருத்துவச்சான்றை வைத்து சிகிச்சை அளிப்பதும் தெரியவந்தது. மேலும் அவர் ஏற்கெனவே ஆங்கில மருத்துவம் செய்த வகையில் போலி மருத்துவர் என கைதாகி, அது குறித்து வழக்கு நடந்து வரும் நிலையில், தற்போது சித்த மருத்துவ சிகிச்சை அளித்து வருவதும் தெரியவந்தது. அவரிடம் சான்றுகளை கேட்டபோது, எடுத்து வருவதாக கூறிவிட்டு பின் வாசல் வழியாக அதிசயராஜன் தப்பியோடிவிட்டார். இதனையடுத்து மருத்துவமனையை அதிகாரிகள் பூட்டி சீல் வைத்தனர்.
மேலும், அங்கு பணியாற்றிய பணியாளர் கொடுத்த தகவலின் பேரில் அங்கிருந்த மருந்துகள் பறிமுதல் செய்யப்பட்டு, அதன் அடிப்படையில் வழக்குப் பதிவு தப்பியோடிய அதிசயராஜனை போலீஸார் தேடி வருகின்றனர்.
இதுபோன்ற புகார்களுக்கு 98434 82209 என்ற எண்ணில் தகவல் தெரிவிக்கலாம் என தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/trichy/2017/dec/10/சித்த-மருத்துவமனைக்கு-சீல்போலி-மருத்துவர்-தப்பிஓட்டம்-2823625.html
2823624 திருச்சி திருச்சி திருச்சியில் 8 தோல் தொழிற்சாலைகளின் மின்இணைப்பு துண்டிப்பு DIN DIN Sunday, December 10, 2017 02:28 AM +0530 திருச்சி செம்பட்டு பகுதியில் முதன்மைக் கழிவுநீர் சுத்திகரிப்பு நிலையங்களில் முறையான பராமரிப்பு மேற்கொள்ளாத மற்றும் பூஜ்ஜிய கழிவுநீர் சுத்திகரிப்பு நிலையம் அமைக்காத 8 தொழிற்சாலைகளின் மின் இணைப்பு துண்டிக்கப்பட்டது.
செம்பட்டு, குண்டூர் பகுதிகளில் 11 தோல் தொழிற்சாலைகள் இயங்கி வருகின்றன. அவற்றில் 8 தோல் தொழிற்சாலைகளுக்குள் நிறுவப்பட்ட முதன்மை கழிவு நீர் சுத்திகரிப்பு நிலையங்களில் பராமரிப்பு மேற்கொள்ளாமலும், அவற்றை சரிவர இயக்காத காரணத்தாலும் ஆய்வுகள் மேற்கொள்ளப்பட்டு, கடந்தாண்டு நவம்பரில் விளக்கம் கோரி கடிதம் அனுப்பப்பட்டது.
இத்தொழிற்சாலைகளுக்கென திருவளர்ச்சிப்பட்டி கிராமத்தில் நிறுவப்பட்டுள்ள பொது கழிவுநீர் சுத்திகரிப்பு நிலையத்தில் பூஜ்ஜிய கழிவுநீர் சுத்திகரிப்பு நிலையம் அமைக்க அறிவுறுத்தப்பட்டது. இதைத் தொடர்ந்து தொழிற்சாலைகளின் உரிமையாளர்களுடனும் பொதுக்கழிவு நீர் சுத்திகரிப்பு நிலைய நிர்வாக இயக்குநருடனும் கலந்தாய்வு மேற்கொள்ளப்பட்டு 3 மாதக் காலத்துக்குள் பணிகளை முடிக்க மாசுக் கட்டுப்பாட்டு வாரியம் அறிவுறுத்தியிருந்தது.
அவ்வாறு நிறுவப்படாத காரணத்தால் ஒரு மாதக் காலத்துக்குள் பணிகளை முடிக்க மாசுத் தடுப்பு மற்றும் கட்டுப்பாட்டு சட்டம் 1974-இன் படி, கடந்த மே மாதம் அறிவுறுத்தப்பட்டது. அதன் பின்னரும் உரிய நடவடிக்கைகளை மேற்கொள்ளாத காரணத்தால், 8 தோல் தொழிற்சாலைகளை மூடவும், மின் இணைப்பை துண்டிக்கவும் தமிழ்நாடு மாசுக் கட்டுப்பாட்டு வாரியத் தலைவர் உத்தரவிட்டார். இதன்படி, 8 தோல் தொழிற்சாலைகளின் மின் இணைப்பு வெள்ளிக்கிழமை துண்டிக்கப்பட்டது. மீதமுள்ள 3 தொழிற்சாலைகள் தனித்தனியே சுத்திகரிப்பு நிலையங்களை அமைத்துள்ளன. அந்த தொழிற்சாலைகளில் அமைக்கப்பட்டுள்ள சுத்திகரிப்புப நிலையங்கள் ஆய்வு செய்து, கண்காணிக்கப்பட்டு நடவடிக்கை எடுக்கப்பட்டு வருவதாக மாவட்ட சுற்றுச்சூழல் பொறியாளர் அ.ரங்கசாமி தெரிவித்துள்ளார்.

 

]]>
http://www.dinamani.com/all-editions/edition-trichy/trichy/2017/dec/10/திருச்சியில்-8-தோல்-தொழிற்சாலைகளின்-மின்இணைப்பு-துண்டிப்பு-2823624.html
2823575 திருச்சி திருச்சி உடற்கல்வி ஆசிரியர்களுக்கான முகாம்உடற்கல்வி ஆசிரியர்களுக்கான முகாம் DIN DIN Sunday, December 10, 2017 02:15 AM +0530 திருச்சி தேசியக் கல்லூரியில் உடற்கல்வி ஆசிரியர்கள், உடற்கல்வி இயக்குநர்களுக்கான பயிற்சி முகாம் வெள்ளிக்கிழமை நடைபெற்றது.
பள்ளிக் கல்வித் துறை சார்பில் நடத்தப்பட்ட இந்த முகாமில், மாநகரக் காவல் துணை ஆணையர் ( குற்றம் மற்றும் போக்குவரத்து) ஆ. மயில்வாகனன், வாசன் எஸ்டேட்ஸ் உரிமையாளர் ரவி முருகையா, தேசியக் கல்லூரிச் செயலர் க. ரகுநாதன், முதல்வர் சுந்தரராமன் ஆகியோர் சிறப்புரையாற்றினர்.
விளையாட்டுப் போட்டிகளின் போது ஏற்படும் விபத்து, அந்த விபத்துகளால் ஏற்படும் காயங்களுக்கு செய்ய வேண்டிய தீர்வுகள் குறித்து மருத்துவர் தர்மேஷ் செயல்விளக்கம் அளித்தார்.
தொடர்ந்து உடற்கல்வி ஆசிரியர்கள், பகுதி நேர உடற்கல்வி ஆசிரியர்கள், இயக்குநர்களுக்கான யோகாசனப் பயிற்சியை பயிற்சியாளர் சந்திரசேகர் அளித்தார். இதில் 550 பேர் பங்கேற்றனர்.
பள்ளிக் கல்வித் துறை துணை இயக்குநர் செல்வகுமார் முகாமைப் பார்வையிட்டு ஆய்வு செய்தார். மாவட்ட முதன்மைக் கல்வி அலுவலர் மா.ராமகிருட்டிணன் உள்ளிட்டோர் உடனிருந்தனர். முன்னதாக தேசியக் கல்லூரி உடற்கல்வித் துறை இயக்குநர் பிரசன்ன பாலாஜி வரவேற்றார். மாவட்ட உடற்கல்வி ஆய்வாளர் விமலா நன்றி கூறினார்.

 

]]>
http://www.dinamani.com/all-editions/edition-trichy/trichy/2017/dec/10/உடற்கல்வி-ஆசிரியர்களுக்கான-முகாம்உடற்கல்வி-ஆசிரியர்களுக்கான-முகாம்-2823575.html
2823574 திருச்சி திருச்சி ரயிலிலிருந்து தவறி விழுந்தவர் சிகிச்சை பலனின்றி சாவு DIN DIN Sunday, December 10, 2017 02:14 AM +0530 ரயிலிலிருந்த தவறி விழுந்து பலத்த காயமடைந்து சிகிச்சை பெற்று வந்த முதியவர் சிகிச்சை பலனின்றி சனிக்கிழமை உயிரிழந்தார்.
அரியலூர் மாவட்டம், புதுப்பாளையம் பகுதியைச் சேர்ந்தவர் சின்னையன் (67). இவர் வெள்ளிக்கிழமை இரவு திருச்சியிலிருந்து எர்ணாக்குளம் செல்லும் விரைவு ரயிலில் ஏறினார். அப்போது அவர் நிலைதடுமாறி கீழே விழுந்தார். இதில் பலத்த காயமடைந்த அவரை திருச்சி அரசு மருத்துவமனையில் சேர்த்தனர். அங்கு சிகிச்சை பெற்று வந்த அவர் சனிக்கிழமை உயிரிழந்தார். இது குறித்து ரயில்வே போலீஸார் வழக்குப் பதிந்து விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-trichy/trichy/2017/dec/10/ரயிலிலிருந்து-தவறி-விழுந்தவர்-சிகிச்சை-பலனின்றி-சாவு-2823574.html
2823573 திருச்சி திருச்சி புத்தனாம்பட்டியில் கண் சிகிச்சை முகாம் DIN DIN Sunday, December 10, 2017 02:14 AM +0530 புத்தனாம்பட்டி நேரு நினைவுக் கல்லூரி, பெருமாள்மலை ரோட்டரி சங்கம், கோவை சங்கரா கண் மருத்துவமனை, திருச்சி மாவட்ட பார்வையிழப்புத் தடுப்பு சங்கம் ஆகியன இணைந்து கல்லூரி வளாகத்தில் இலவச கண்சிகிச்சை முகாமை சனிக்கிழமை நடத்தின.
கல்லூரி ஆட்சிக் குழுத் தலைவர் மூ. பொன்னம்பலம் தொடக்கி வைத்தார். பெருமாள்மலை ரோட்டரி சங்க நிர்வாகிகள் சதீஷ்குமார், கார்த்திகேயன், கல்லூரி முதல்வர் பொன். பெரியசாமி உள்ளிட்டோர் முன்னிலை வகித்தனர்.
கோவை சங்கரா கண் மருத்துவமனை மருத்துவர் டெரின்புத்தூர் தலைமையில் முகாமில் பங்கேற்ற 250 பேருக்கு கண் பரிசோதனை செய்து ஆலோசனை வழங்கினர்.

 

]]>
http://www.dinamani.com/all-editions/edition-trichy/trichy/2017/dec/10/புத்தனாம்பட்டியில்-கண்-சிகிச்சை-முகாம்-2823573.html
2823572 திருச்சி திருச்சி எச்ஐவி தொற்றாளர்கள் 8,121 பேருக்கு கூட்டு கிசிச்சை மருந்து DIN DIN Sunday, December 10, 2017 02:14 AM +0530 திருச்சி மகாத்மாகாந்தி நினைவு அரசு மருத்துவமனையில் ஏ.ஆர்.டி. கூட்டு சிகிச்சை மையம் மூலமாக எச்ஐவி தொற்று இருப்பதாகக் கண்டறியப்பட்ட 11,914 பேரில் 8,121 பேருக்கு கூட்டுச் சிகிச்சை மருந்து அளிக்கப்பட்டு வருகிறது என்றார் மாவட்ட ஆட்சியர் கு. ராசாமணி.
திருச்சி மகாத்மாகாந்தி நினைவு அரசு மருத்துவமனையில் நடைபெற்ற உலக எய்ட்ஸ் தின உறுதிமொழியேற்பு நிகழ்ச்சிக்குத் தலைமை வகித்து, அவர் பேசியது: 2005 டிசம்பரிலிருந்து ஏஆர்டி கூட்டு சிகிச்சை மையம் செயல்பட்டு வருகிறது. இந்த மையத்தின் மூலம் 11,914 பேருக்கு எச்ஐவி தொற்று இருப்பதாகக் கண்டறியப்பட்டு, அவர்களில் 8,121 பேருக்கு கூட்டு மருந்து சிகிச்சை, உளவியல் மற்றும் சமூக சார்ந்த பாதுகாப்பு அளிக்கப்பட்டு வருகிறது. எச்ஐவி தொற்று இருப்பதாகக் கண்டறியப்பட்டவர்களில் 3,901 பேருக்கு இலவசப் பேருந்து பயண சலுகையும், முதல்வரின் உழவர் பாதுகாப்புத் திட்டத்தின் கீழ் 764 பேருக்கு மாதாந்திர உதவித் தொகையும் வழங்கப்பட்டு வருகிறது.
எச்ஐவி தொற்று இருப்பதாகக் கண்டறியப்பட்ட 335 ஆதரவற்ற குழந்தைகளுக்கு உதவித் தொகையும் வழங்கப்படுகிறது. மேலும் அரசின் நலத்திட்டங்களிலும் முன்னுரிமை அளிக்கப்படுகிறது.
மகாத்மாகாந்தி நினைவு அரசு மருத்துவமனையில் ஒருங்கிணைந்த ஆற்றுப்படுத்துதல் மற்றும் பரிசோதனை மையத்தில் ஒவ்வொரு மாதமும் 1,200 பொது வாடிக்கையாளர்களுக்கும், 300 கர்ப்பிணிகளுக்கும் எச்ஐவி பரிசோதனை மேற்கொள்ளப்படுகிறது.
இவர்களில் எச்ஐவி தொற்று இருப்பதாகக் கண்டறியப்படுவர்களை ஏ.ஆர்.டி. மையத்தில் பதிவு செய்து அவர்களுக்கு சிகிச்சையளிக்கவும், தாயிடமிருந்து குழந்தைக்கு புதிய தொற்று பரவாமல் தடுக்கும் பணிகளும் மேற்கொள்ளப்படுகிறது என்றார் ஆட்சியர்.
முன்னதாக, ஆட்சியர் தலைமையில், கி.ஆ.பெ.வி.மருத்துவக் கல்லூரி முதல்வர் ஜி. அனிதா, துணை முதல்வர் ஹர்சியாபேகம், ஏ.ஆர்.டி. மருத்துவ அலுவலர் ராணி உள்ளிட்டோர் உலக எய்ட்ஸ் தின உறுதிமொழியேற்றுக் கொண்டனர்.

 

]]>
http://www.dinamani.com/all-editions/edition-trichy/trichy/2017/dec/10/எச்ஐவி-தொற்றாளர்கள்-8121-பேருக்கு-கூட்டு-கிசிச்சை-மருந்து-2823572.html
2823571 திருச்சி திருச்சி பாரதியின் கனவுகளை நனவாக்க ஒன்றிணைவது அவசியம் DIN DIN Sunday, December 10, 2017 02:14 AM +0530 மகாகவி பாரதியின் கனவுகளை நனவாக்க முற்போக்குவாதிகளும், இடதுசாரிகளும் ஒன்றிணைய வேண்டும் என்றார் சமூக அறிவியல் மையத்தின் பதிப்பாளர் வ. மோகனகிருஷ்ணன்.
சமூகச்சிந்தனை உயிர்ப்பியக்கம் சார்பில் திருச்சியில் சனிக்கிழமை நடைபெற்ற யுகப் புரட்சி நூற்றாண்டு மற்றும் பாரதி விழாவில் பங்கேற்று, இன்றைய நிலையில் பாரதி என்ற தலைப்பில் மேலும் அவர் பேசியது:
பாரதி கண்ட கனவுகள் நனவாகவில்லை. சுதந்திரம் கிடைத்தப் பிறகு நிலையில் மாற்றம் வரும் என பாரதி எதிர்பார்த்தார். தனி ஒருவனுக்கு உணவு இல்லையெனில் ஜெகத்தினை அழித்திடுவோம் என்றான் பாரதி. ஆனால் இன்றைய நிலையில் சாலையில் படுத்துறங்கும் 90 சதவிகித மக்கள் உணவு இல்லாமல்தான் உறங்கும் நிலை உள்ளது.
தேச ஒற்றுமை குறித்து பேசுபவர்கள், தமிழன் என்றால் ஏளனமாகப் பார்க்கின்றனர். முல்லைப் பெரியாறு பிரச்னையில் தமிழக உரிமைகளை கேரளம் தர மறுக்கிறது.
தமிழ் ஆட்சிமொழியாக இல்லை. நீதிமன்ற ஆட்சிமொழியாக இல்லை. பயிற்சி மொழியாகக்கூட இல்லை.மொழி குறித்து பாரதி கண்ட கனவு எதுவும் நிறைவேறவில்லை. சாதி, மொழி, இனம் பார்க்காது பாரதியார் கொண்டிருந்த கொள்கைகளுக்கு எதிராக, அவர் கண்ட கனவுகளுக்காக எதிராகத்தான் நாட்டில் செயல்கள் நடைபெறுகின்றன. பாரதியார் கண்ட கனவுகள்எதுவும் நிறைவேறவில்லை. எல்லாம் கனவாகவே உள்ளன.முற்போக்கு சிந்தனை கொண்டவர்களும், இடதுசாரிகளும் கருத்து வேறுபாடுகளை விட்டுவிட்டு ஒண்றிணைந்தால்தான் பாரதியின் கனவை நிறைவேற்ற முடியும் என்றார் மோகனகிருஷ்ணன்.
இந்த அமர்வுக்கு மூத்த பத்திரிகையாளர் எஸ்.துரைராஜ் தலைமை வகித்தார். கிருதயுதம் எழுத மாதோ என்ற தலைப்பில் பாரதிதாசன் பல்கலைக்கழகத் தமிழ்த்துறைத் தலைவர் உ. அலிபாவா சிறப்புரையாற்றினார். கருத்தரங்கை சமூகச் சிந்தனை உயிர்ப்பியக்கத்தின் அமைப்பாளர் எம்.செல்வராஜ் ஒருங்கிணைத்தார்.
முன்னதாக நடைபெற்ற கவியரங்குக்கு கவிஞர் பரிணாமன் தலைமை வகித்தார். கவிஞர்கள் சதீஷ்குமரன், தனலட்சுமி பாஸ்கரன், இளங்குமரன், பேராசிரியர் செம்பை முருகானந்தம் ஆகியோர் கவிதைப் பாடினர். விழாவில் இலக்கிய விமர்சகர் வீ.ந.சோமசுந்தரம், தண்ணீர் அமைப்பின் கே.சி. நீலமேகம், கவிஞர் ஆங்கரை பைரவி, பாலகுரு உள்ளிட்டோர் பங்கேற்றனர்.
முன்னதாக ஆ.ரா. வெங்கடேசன் வரவேற்றார். மு.கவியரசன் நன்றி கூறினார்.

 

]]>
http://www.dinamani.com/all-editions/edition-trichy/trichy/2017/dec/10/பாரதியின்-கனவுகளை-நனவாக்க-ஒன்றிணைவது-அவசியம்-2823571.html
2823570 திருச்சி திருச்சி வாக்காளர் பட்டியலில் பெயர் சேர்த்தல், திருத்தம் செய்ய காலக்கெடு நீட்டிப்பு DIN DIN Sunday, December 10, 2017 02:13 AM +0530 திருச்சி மாவட்டத்திலுள்ள 9 தொகுதிகளிலும் வாக்காளர் பட்டியலில் திருத்தம் செய்ய காலக்கெடு டிசம்பர் 15 ஆம்தேதி வரை நீட்டிக்கப்பட்டுள்ளது.
இதுகுறித்து மாவட்ட ஆட்சியர் கு.ராசாமணி சனிக்கிழமை வெளியிட்டுள்ள செய்திக்குறிப்பு: மாவட்டத்தில் 9 தொகுதிகளிலும் வாக்காளர் பட்டியல் தொடர்பான சிறப்பு சுருக்கமுறைத் திருத்தப் பணிகள் அக்டோபர் 3 ஆம் தேதி முதல் நடைபெற்று வருகிறது. இதற்கு நவம்பர் 30 ஆம் தேதி கடைசி நாளாக அறிவிக்கப்பட்டிருந்த நிலையில், தேர்தல் ஆணையம் விண்ணப்பங்களைபெற டிசம்பர் 15 ஆம் தேதி வரை கால அவகாசம் வழங்கியுள்ளது.
வாக்காளர் பட்டியல் தொடர்பான சிறப்பு இயக்கமும் நடைபெறும். இந்த பணியின் அனைத்து வாக்குச்சாவடி நிலை அலுவலர்களும் வீடு வீடாகச் சென்று வாக்காளர் பட்டியல் தொடர்பான விவரங்களைப் பதிவு செய்யும் பதிவு செயலி அல்லது படிவங்கள் வாயிலாகப் பதிவு செய்ய வேண்டும் என தேர்தல் ஆணையம் அறிவுறுத்தியுள்ளது.
எனவே, பொதுமக்கள் உரிய படிவங்களைப் பெற்று விண்ணப்பங்களை அளிக்கலாம். விண்ணப்பங்களை பெறுவதற்கான காலக்கெடு நீட்டிக்கப்பட்டிருப்பதால் ஜனவரி 5 ஆம் தேதி வெளியிடப்பட வேண்டிய வாக்காளர் பட்டியல் ஜனவரி 10 ஆம் தேதி வெளியிடப்படும் என தெரிவித்துள்ளார்.

 

]]>
http://www.dinamani.com/all-editions/edition-trichy/trichy/2017/dec/10/வாக்காளர்-பட்டியலில்-பெயர்-சேர்த்தல்-திருத்தம்-செய்ய-காலக்கெடு-நீட்டிப்பு-2823570.html
2823569 திருச்சி திருச்சி மகள் மாயம்: தந்தை போலீஸில் புகார் DIN DIN Sunday, December 10, 2017 02:13 AM +0530 துறையூர் அருகே வீட்டில் தூங்கிக் கொண்டிருந்த மகளை காணவில்லை என அவருடைய தந்தை போலீஸில் புகார் அளித்தார்.
துறையூர் அருகே உள்ள கோவிந்தபுரத்தைச் சேர்ந்தவர் பன்னீர்செல்வம் (47). இவருடைய 17 வயது மகள் துறையூரில் உள்ள அரசு மகளிர் மேல்நிலைப் பள்ளியில் 11-ஆம் வகுப்பு படிக்கிறார். இந்நிலையில், கடந்த 7-ஆம் தேதி இரவு பன்னீர்செலம்வம், குடும்பத்தினருடன் வீட்டில் தூங்கிக் கொண்டிருந்ததார்.
நள்ளிரவில் எழுந்துபார்த்தபோது, மகளைக் காணவில்லையாம். இதையடுத்து, உறவினர்கள், தோழிகள் வீடுகளில் விசாரித்தும் எவ்வித தகவலும் கிடைக்கவில்லை.
இதையடுத்து, மாயமான தனது மகளை கண்டுபிடித்து தருமாறு பன்னீர்செல்வும் துறையூர் போலீஸில் புகார் அளித்தார். அதன்பேரில் போலீஸார் வழக்குப்பதிந்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-trichy/trichy/2017/dec/10/மகள்-மாயம்-தந்தை-போலீஸில்-புகார்-2823569.html
2823568 திருச்சி திருச்சி தேசிய மக்கள் நீதிமன்றத்தில்4,453 வழக்குகளுக்கு சமரச தீர்வு DIN DIN Sunday, December 10, 2017 02:13 AM +0530 திருச்சி மாவட்டத்தில் சனிக்கிழமை நடைபெற்ற மக்கள் நீதிமன்றத்தில் மொத்தம் 4,453 வழக்குகளில் சமரசத் தீர்வு காணப்பட்டுள்ளது.
திருச்சி மாவட்டத்தில், திருச்சி, மணப்பாறை, முசிறி, லால்குடி, துறையூர் ஆகிய நீதிமன்றங்களில் சனிக்கிழமை நடைபெற்ற தேசிய மக்கள் நீதிமன்றத்தை திருச்சி முதன்மை மாவட்ட நீதிபதியும் மாவட்ட சட்டப்பணிகள் ஆணைக்குழுத் தலைவருமான எஸ். குமரகுரு தொடங்கி வைத்தார். 23 அமர்வுகளில் 4, 453 வழக்குகள் சமரச முறையில் தீர்வு காணப்பட்டது.
விசாரணைக்கு வந்த 13, 793 வழக்குகளில், குற்றவியல் வழக்குகள் 3,371, காசோலை மோசடி வழக்குகள் 122, உரிமையியல் (சிவில்) வழக்குகள் 380, தொழிலாளர் இழப்பீட்டு சட்ட வழக்குகள் 2, தொழிலாளர் வழக்குகள் 2, மோட்டார் வாகன விபத்து இழப்பீட்டு வழக்குகள் 294, நில ஆர்ஜித வழக்கு 1, ஜீவனாம்சம் மற்றும் மணவாழ்க்கை தொடர்புடை வழக்குகள் 40, வங்கிகளின் வாராக்கடன் வழக்குகள் 231, தொலைபேசிக் கட்டண வழக்குகள் 10 என மொத்தம் 4,453 வழக்குகளில், ரூ. 14, 89, 67, 407-க்கு தீர்வு காணப்பட்டது.
இதில் கடந்த 1951-ஆவது ஆண்டு முதல் நடந்து வந்த பாகப்பிரிவினை வழக்கு ஒன்றில், மாவட்ட நீதிமன்றம், உயர் நீதிமன்றம், உச்ச நீதிமன்றம் ஆகியவற்றில் மூன்று முறையீடுகள் காணப்பட்டு, 3 தலைமுறையினர் சந்தித்து வரும் வழக்கு ஒன்று இரு தரப்பினரும் சமரசத்துக்கு முன் வந்ததையடுத்து தீர்வு காணப்பட்டது குறிப்பிடத்தக்கது. ஏற்பாடுகளை சார்பு நீதிபதியும் மாவட்ட சட்டப்பணிகள் ஆணைக்குழு செயலருமான ஏ. கீதா செய்தார். வழக்குரைஞர்கள் சங்க நிர்வாகிகளும் பங்கேற்றனர்.

 

]]>
http://www.dinamani.com/all-editions/edition-trichy/trichy/2017/dec/10/தேசிய-மக்கள்-நீதிமன்றத்தில்4453-வழக்குகளுக்கு-சமரச-தீர்வு-2823568.html