Dinamani - திருச்சி - http://www.dinamani.com/all-editions/edition-trichy/trichy/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3007558 திருச்சி திருச்சி திருச்சி அருகே பெரியார் சிலை சேதம் DIN DIN Tuesday, September 25, 2018 09:36 AM +0530 திருச்சி அருகே சோமரசம்பேட்டையில் பெரியார் சிலை சேதப்படுத்தப்பட்டது குறித்து திராவிடர் கழகம் சார்பில் போலீஸில் புகார் அளிக்கப்பட்டுள்ளது.
திருச்சி சோமரசம்பேட்டை பகுதியில் கடந்த 1991ஆம் ஆண்டு பெரியார் சிலை நிறுவப்பட்டது. இந்நிலையில், இந்த சிலையில் இருந்த கைத்தடியை மர்ம நபர்கள் சிலர் திங்கள்கிழமை அதிகாலை உடைத்து சேதப்படுத்தியுள்ளனர்.
இது குறித்து, மணிகண்டம் ஒன்றிய தி.க. தலைவர் சா. செபஸ்தியான் சோமரசம்பேட்டை காவல் நிலையத்தில் புகார் அளித்துள்ளார்.   புகாரின் பேரில் போலீஸார் வழக்குப் பதிவு செய்து விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-trichy/trichy/2018/sep/25/திருச்சி-அருகே-பெரியார்-சிலை-சேதம்-3007558.html
3007526 திருச்சி திருச்சி மாநகராட்சி குறைகள் கூற  "ஸ்மார்ட் திருச்சி' செயலி DIN DIN Tuesday, September 25, 2018 09:27 AM +0530 திருச்சி மாநகராட்சியின் செயல்பாடுகள் குறித்து அறிந்து கொள்ளவும், குறைகளை தெரிவிக்கவும் ஸ்மார்ட் திருச்சி என்னும் செயலி அறிமுகம் செய்யப்பட்டுள்ளது.
இதுதொடர்பாக, திருச்சி மாநகராட்சி ஆணையர் ந. ரவிச்சந்திரன் கூறியது: திருச்சி மாநகராட்சிக்குள்பட்ட 65 வார்டுகளிலும் தூய்மை இந்தியா திட்டத்தின் கீழ், தூய்மைப் பணிகள் மேற்கொள்ளப்படுகின்றன. இதுமட்டுமல்லாது, வீடுகளில் உருவாகும் குப்பைகளைத் தரம் பிரித்து கொள்முதல் செய்ய வீடு தேடி செல்லும் வகையில் 170 வாகனங்கள் இயக்கப்படுகின்றன. மேலும், வீடுகளில் சேகரமாகும் குப்பைகளை அவர்களாகவே உரமாக்கும் திட்டமும் ஊக்குவிக்கப்படுகிறது.
எனவே, மாநகராட்சியின் தூய்மைப் பணிகள் குறித்து தெரிந்து கொள்ளவும், குப்பைகள் பராமரிப்பு மற்றும் இதர மாநகராட்சி சேவைகளில் குறைகள் இருந்தால் புகார் தெரிவிக்கவும் ஸ்மார்ட் திருச்சி எனும் செயலி அறிமுகம் செய்யப்பட்டுள்ளது.இதை பொதுமக்கள் தங்களது செல்லிடப்பேசிகளில் பதிவிறக்க வேண்டும். இதுதொடர்பாக, விழிப்புணர்வு ஏற்படுத்த கல்லூரி மாணவர், மாணவிகள் மூலம் வீடுதோறும் சென்று பிரசாரம் செய்யப்படுகிறது. எனவே, வீடு தேடி வரும் மாணவர்களுக்கு மாநகர மக்கள் முழு ஒத்துழைப்பு அளிக்க வேண்டும் என்றார் ஆணையர்.

]]>
http://www.dinamani.com/all-editions/edition-trichy/trichy/2018/sep/25/மாநகராட்சி-குறைகள்-கூற--ஸ்மார்ட்-திருச்சி-செயலி-3007526.html
3007525 திருச்சி திருச்சி ரயில்வே ஊழியர்களுக்கு 100 நாள் ஊதியம் போனஸாக வழங்கக் கோரிக்கை DIN DIN Tuesday, September 25, 2018 09:27 AM +0530 ரயில்வே ஊழியர்களுக்கு அடிப்படை ஊதியம் ரூ.18,000 என கணக்கிட்டு, 100 நாள் ஊதியத்தை போனஸாக  வழங்க தக்ஷிண ரயில்வே எம்ப்ளாயீஸ் யூனியன் கோரிக்கை விடுத்துள்ளது.
இதுகுறித்து தெற்கு ரயில்வே தக்ஷிண ரயில்வே எம்ப்ளாயிஸ் யூனியன் துணைப் பொதுச் செயலாளர் மனோகரன் வெளியிட்ட அறிக்கை: ரயில்வே துறையில் 1979- 80 நிதியாண்டு முதல் உற்பத்தி திறனுடன் இணைந்த போனஸ் ஊழியர்களுக்கு வழங்கப்பட்டு வருகிறது. வேறுபாடு இன்றி அனைத்து ஊழியர்களுக்கும் மாத ஊதியம் ரூ.7,000 என வரையறுக்கப்பட்டு அதன்
அடிப்படையில் குறிப்பிட்ட நாள்களுக்கு போனஸ் கணக்கிடப்படுகிறது. அந்த வகையில், கடந்தாண்டு 78 நாள்கள் ஊதியம் (ரூ.17,940) போனஸாக  வழங்கப்பட்டது.  
உற்பத்தி திறனுடன் இணைந்த போனஸ் என்பதால் உற்பத்தி அதிகரிக்கும் போது போனஸும் அதிகரிக்க வேண்டும்.  2009-10ஆவது நிதியாண்டில், ரயில்வே 888 மில்லியன் டன் சரக்குகளைக் கையாண்டது. அப்போது மத்திய அரசு 77 நாள்களுக்கான போனஸ் தந்தது. 2011-12 ஆவது நிதியாண்டில், 969.98 மில்லியன் டன் சரக்குகள் கையாண்ட நிலையில் கூடுதலாக ஒரு நாள் சேர்த்து 78 நாள்கள் ஊதியம் வழங்கப்பட்டது. கடந்த 2017-18 நிதியாண்டு ரயில்வே கையாண்ட சரக்கு 1,160 மில்லியன் டன், சரக்கு மற்றும் பயணிகள் போக்குவரத்தால் ரூ.1.80 லட்சம் கோடி வருவாய் ஈட்டியது. 
இதுதவிர கட்டணமில்லா வருவாய் மூலம் ரூ. 8 ஆயிரத்து 600 கோடி கூடுதலாக கிடைத்துள்ளது. எனவே போனஸ் நிர்ணயம் செய்ய குறைந்தபட்ச மாதச் சம்பளம் ரூ.18000 என கணக்கிட வேண்டும். 
மேலும் உற்பத்தித் திறன் அடிப்படையில் ரயில்வே ஊழியர்களுக்கு 100 நாள்கள் போனஸை மத்திய அரசு அறிவிக்க வேண்டும் என அதில் வலியுறுத்தப்பட்டுள்ளது.

]]>
http://www.dinamani.com/all-editions/edition-trichy/trichy/2018/sep/25/ரயில்வே-ஊழியர்களுக்கு-100-நாள்-ஊதியம்-போனஸாக-வழங்கக்-கோரிக்கை-3007525.html
3007524 திருச்சி திருச்சி கல்வி நிறுவனங்கள், மருத்துவமனை அருகே குளிர்சாதன வசதியுடன் நிழற்குடை DIN DIN Tuesday, September 25, 2018 09:27 AM +0530 திருச்சியில் கல்வி நிறுவனங்கள், மருத்துவமனைகளுக்கு அருகே குளிர்சாதன வசதியுடன் கூடிய பயணியர் நிழற்குடை அமைக்க முடிவு செய்யப்பட்டுள்ளது.
இதுதொடர்பான ஆலோசனைக் கூட்டம் திருச்சி மாநகர காவல் ஆணையர் அலுவலகத்தில் சனிக்கிழமை நடைபெற்றது. கூட்டத்திற்கு மாவட்ட ஆட்சியர் கு.ராசாமணி தலைமை வகித்தார். காவல் ஆணையர் அ.அமல்ராஜ் முன்னிலை வகித்தார். மாநகராட்சி, நெடுஞ்சாலை,  மின்வாரியத் துறைகளைச் சேர்ந்த அதிகாரிகள், கல்லூரி முதல்வர்கள், காவேரி மருத்துவமனை மற்றும் குழுமத்தைச் சேர்ந்த அதிகாரிகள் பங்கேற்றனர். 
கல்வி நிறுவனங்கள், மருத்துவமனைகளுக்கு அருகாமையில் குளிர்சாதன வசதியுடன் கூடிய பயணியர் நிழற்கூடங்கள் அமைப்பது, அவற்றை அருகில் உள்ள  கல்லூரிகள் மற்றும் மருத்துவமனை நிர்வாகங்கள் நிர்வகிப்பது என முடிவு செய்யப்பட்டது.

]]>
http://www.dinamani.com/all-editions/edition-trichy/trichy/2018/sep/25/கல்வி-நிறுவனங்கள்-மருத்துவமனை-அருகே-குளிர்சாதன-வசதியுடன்-நிழற்குடை-3007524.html
3007523 திருச்சி திருச்சி மைய நூலகத்தில் இன்று மகளிருக்கான மருத்துவ முகாம் DIN DIN Tuesday, September 25, 2018 09:27 AM +0530 திருச்சி மாவட்ட மைய நூலகத்தில் மகளிருக்கான மருத்துவ முகாம் செவ்வாய்க்கிழமை ( செப்.25) நடைபெறுகிறது.
இதுகுறித்து மாவட்ட நூலக அலுவலர் அ.பொ. சிவகுமார் சனிக்கிழமை வெளியிட்ட செய்திக்குறிப்பு:திருச்சி மாவட்ட மைய நூலகத்தில் மகளிருக்கான வாசகர் வட்ட அமைப்புத் தொடங்கப்பட்டு, மகளிருக்கான சிறப்பு நிகழ்ச்சிகள் நடத்தப்படுகின்றன. இதன் ஒரு பகுதியாக, மகளிர் தினத்தையொட்டி  மாவட்ட மைய நூலகம் மற்றும் மகளிர் வாசகர் வட்டம் சார்பில் மகளிருக்கான மருத்துவ முகாம்  பிற்பகல் 2.30-க்கு  நடைபெறுகிறது.
இந்த முகாமில் ஆரோக்கிய வாழ்க்கை மற்றும் நோய்கள் தடுக்கும் முறைகள் என்ற தலைப்பில் மருத்துவர் ரமணி சென்னியப்பன் சிறப்புரையாற்றுகிறார். தொடர்ந்து மகளிருக்கான ரத்த அழுத்தம், உடல் பருமன், நீரிழிவு நோய் கண்டறிதலுக்கான பரிசோதனை செய்யப்பட்டு, தகுந்த மருத்துவ ஆலோசனைகள் வழங்கப்படும். எனவே இந்த முகாமை பெண்கள் பயன்படுத்திக் கொள்ள வேண்டும்.

]]>
http://www.dinamani.com/all-editions/edition-trichy/trichy/2018/sep/25/மைய-நூலகத்தில்-இன்று-மகளிருக்கான-மருத்துவ-முகாம்-3007523.html
3007521 திருச்சி திருச்சி திருவானைக்கா பகுதியில்  இணைப்புச் சாலைக்காக 12 கடைகள் இடித்து அகற்றம் DIN DIN Tuesday, September 25, 2018 09:26 AM +0530 திருவானைக்கா பகுதியில் இணைப்புச் சாலை அமைப்பதற்கு இடையூறாக இருந்த 12 கடைகள் பொக்லைன் இயந்திரம் மூலம் திங்கள்கிழமை இடித்து அகற்றப்பட்டது.
திருவானைக்கா ரயில்வே மேம்பால கட்டுமானப் பணி முடிவுற்ற நிலையில், இதற்கான இணைப்புச் சாலை (சர்வீஸ் ரோடு) அமைக்கும் பணி மேற்கொள்ளப்பட இருக்கிறது. இதற்கு இடையூறாக டிரங்ரோட்டில் இந்து சமய அறநிலையத்துறைக்குச் சொந்தமான இடத்தில் பல ஆண்டுகளாக வைக்கப்பட்டிருந்த 12 கடைகள் இடித்து அப்புறப்படுத்தப்பட்டன. 
சாலை அமைக்கும் பணிக்கு இடையூறாக இருக்கும் கட்டடங்கள் இடிக்கும் பணி செவ்வாய்க்கிழமையும் தொடரும் என தேசிய நெடுஞ்சாலைத் துறை அதிகாரிகள் தெரிவித்தனர்.

]]>
http://www.dinamani.com/all-editions/edition-trichy/trichy/2018/sep/25/திருவானைக்கா-பகுதியில்--இணைப்புச்-சாலைக்காக-12-கடைகள்-இடித்து-அகற்றம்-3007521.html
3007520 திருச்சி திருச்சி நன்றி பெருவிழா, ரத்ததான முகாம் DIN DIN Tuesday, September 25, 2018 09:26 AM +0530 தென்னிந்திய திருச்சபை தொடங்கி 71 ஆண்டுகள் நிறைவடைந்ததையடுத்து, நன்றிப் பெருவிழா மற்றும் ரத்த தான முகாம் ஞாயிற்றுக்கிழமை நடைபெற்றது.
திருச்சிராப்பள்ளி-தஞ்சாவூர்  என 24 மண்டலங்களை உள்ளடக்கிய தென்னிந்திய திருச்சபை (டிஇஎல்சி) 1947 செப்டம்பர் 27-இல் உருவாக்கப்பட்டது. இதையடுத்து, கண்டோன்மென்ட் கிறிஸ்டோபர் ஆலயத்தில் நடைபெற்ற நன்றிப் பெருவிழா நிகழ்ச்சிக்கு திருச்சிராப்ப்ளி-தஞ்சை திருமண்டல பேராயர் த.சந்திரசேகரன் தலைமை வகித்தார். பிஷப் ஹீபர் கல்லூரி முதல்வர் த.பால் தயாபரன் முன்னிலை வகித்தார். 
தொடர்ந்து, வெஸ்ட்ரி மேல்நிலைப்பள்ளியில்  நடைபெற்ற  ரத்த தான முகாமில் 71 பேர் ரத்த தானம் செய்தனர். மாலையில் நடைபெற்ற பேரணியை பேராயர் சந்திரசேகரன் தொடங்கி வைத்தார். 
தூய கிறிஸ்டோபர் ஆலய வளாகத்திலிருந்து புறப்பட்ட பேரணி வெஸ்ட்ரி மேல்நிலைப் பள்ளியில் முடிவடைந்தது. அதன்பின், பள்ளி வளாகத்தில் மரக்கன்றுகள் நடப்பட்டன. 
திருச்சி மறை மாவட்டத் தலைவர் எம்.ஜெ.ராஜையா, பொறுப்பாளர்கள் ஒய்.டென்னிசன் உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/trichy/2018/sep/25/நன்றி-பெருவிழா-ரத்ததான-முகாம்-3007520.html
3007519 திருச்சி திருச்சி சிறந்த ஆசிரியர்களுக்கு விருது DIN DIN Tuesday, September 25, 2018 09:26 AM +0530 திருச்சி வரகனேரி குழுமிக்கரை ஸ்ரீ மாணிக்கசுவாமிகள் மடாலயத்தில் நடைபெற்ற விழாவில் சிறந்த ஆசிரியர்களுக்கு விருதுகள் வழங்கப்பட்டன. 
ஸ்ரீமாணிக்கசுவாமிகள் மடாலயம் சார்பில் மாவட்டத்துக்குள்பட்ட பள்ளிகளில் சிறப்பாகப் பணியாற்றும் ஆசிரியர்களை கௌரவிக்கும் வகையில் விருது வழங்கப்படுகிறது. நிகழாண்டுக்கான விருது மற்றும் திருவாசகம் முற்றோதுதல் விழா ஞாயிற்றுக்கிழமை நடைபெற்றது. விழாவிற்கு தலைமை வகித்த மடாலயத்தின் அமைப்பாளர் ராஜேந்திரன், அரசங்குடி அரசு மேல்நிலைப்பள்ளி தலைமையாசிரியர் ஏ.முகம்மது பாரூக்,  இ.ஆர். மேல்நிலைப்பள்ளி உதவித் தலைமையாசிரியர் என்.சத்தியமூர்த்தி, ஆர்.சி.மேல்நிலைப்பள்ளி தொழிற்கல்வி ஆசிரியர் டி.ஆச்சர்யம் ஆகியோருக்கு விருது, நினைவுப் பரிசு வழங்கினர். 
திருவாசகச் சபை அங்கத்தினர்கள், மடாலயத்தின் மெய்யன்பர்கள் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/sep/25/சிறந்த-ஆசிரியர்களுக்கு-விருது-3007519.html
3007518 திருச்சி திருச்சி பயனாளிகள் 50 பேருக்கு ரூ.11.8 லட்சம் நலத் திட்ட உதவி DIN DIN Tuesday, September 25, 2018 09:25 AM +0530 திருச்சியில் நடைபெற்ற குறைதீர் கூட்டத்தில் 50 பேருக்கு ரூ.11.8 லட்சம் மதிப்பிலான நலத்திட்ட உதவிகளை ஆட்சியர் கு.ராசாமணி திங்கள்கிழமை வழங்கினார். 
மாவட்ட ஆட்சியர் அலுவலகத்தில் நடைபெற்ற குறைதீர் முகாமில் பல்வேறு கோரிக்ககள் தொடர்பாக பொதுமக்களிடமிருந்து 411 மனுக்கள் பெறப்பட்டன. இந்த மனுக்கள் மீது விசாரணை நடத்தி நடவடிக்கை எடுக்க அதிகாரிகளுக்கு பரிந்துரைக்கப்பட்டது. 
தொடர்ந்து, மாநில ஊரக வாழ்வாதார இயக்கம் சார்பில் 14 ஊராட்சி ஒன்றியங்களில் உள்ள 35 தொகுப்பு களப்பணியாளர்களுக்கு தலா ரூ.24,000 மதிப்புள்ள 35 நாப்கின் வெண்டிங் இயந்திரங்கள் வழங்கப்பட்டது.
சமூகப் பாதுகாப்புத் திட்டத்தின் 21 பயனாளிகளுக்கு முதியோர், மாற்றுத் திறனாளிகள், விதவை உதவித்தொகைக்கான ஆணைகள் வழங்கப்பட்டன.  மேலும், புள்ளம்பாடியைச் சேர்ந்த மரியபுஷ்பத்திற்கு ஒரே  பிரசவத்தில் 3 பெண் குழந்தைகள் பிறந்ததையடுத்து, விலையில்லா கறவை பசு வாங்க கடனுதவி வழங்க நடவடிக்கை எடுப்பதாக ஆட்சியர் உறுதியளித்தார். 
நிகழ்ச்சியில், மாவட்ட வருவாய் அலுவலர் தா.சாந்தி உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/sep/25/பயனாளிகள்-50-பேருக்கு-ரூ118-லட்சம்-நலத்-திட்ட-உதவி-3007518.html
3007517 திருச்சி திருச்சி மணப்பாறை அருகே  மாணவியை பலாத்காரம் செய்த முதியவர் போக்சோ சட்டத்தில் கைது DIN DIN Tuesday, September 25, 2018 09:25 AM +0530 மணப்பாறை அருகே பள்ளி மாணவியை பலாத்காரம் செய்து கர்ப்பமாக்கிய முதியவர்  போக்சோ சட்டத்தில் திங்கள்கிழமை கைது செய்யப்பட்டார். 
திருச்சி மாவட்டம், மருங்காபுரி ஒன்றியத்துக்குள்பட்ட முருக்கப்பட்டியைச் சேர்ந்த கூலித் தொழிலாளியின் 16 வயது மகள் அருகே உள்ள மேல்நிலைப்பள்ளியில் பிளஸ் 1 படித்து வருகிறார். சில தினங்களுக்கு முன் சிறுமி தனக்கு அடிக்கடி வயிற்று வலி ஏற்படுவதாக பெற்றோரிடம் கூறியுள்ளார். மணப்பாறையில் உள்ள தனியார் மருத்துவமனையில் பரிசோதனை செய்யப்பட்டதில், மாணவி 3 மாத கர்ப்பிணியாக இருப்பதாகவும், கரு கலைந்ததால் மயக்கம் ஏற்பட்டதாக மருத்துவர்கள் தெரிவித்தனர். இதுகுறித்து சிறுமியிடம் விசாரித்ததில்,  அதே ஊரை சேர்ந்த பழனியாண்டி மகன் சின்னப்பன்(55), தன்னை கட்டிப் போட்டு பாலியல் பலாத்காரம் செய்ததாகவும், யாரிடமும் சொன்னால் கொலை செய்து விடுவதாக மிரட்டியதாகத் தெரிவித்தார். மேலும் தொடர்ந்து, பலமுறை மாணவியை, சின்னப்பன் பலாத்காரம் செய்துள்ளார்.
இதுகுறித்து மாணவியின் தந்தை மணப்பாறை அனைத்து மகளிர் காவல்நிலையத்தில் அளித்த புகாரின் பேரில், போக்சோ சட்டத்தின் கீழ் சின்னப்பன் கைது செய்யப்பட்டார்.
 

]]>
http://www.dinamani.com/all-editions/edition-trichy/trichy/2018/sep/25/மணப்பாறை-அருகே--மாணவியை-பலாத்காரம்-செய்த-முதியவர்-போக்சோ-சட்டத்தில்-கைது-3007517.html
3007516 திருச்சி திருச்சி திருச்சி அருகே புதிய கல்வெட்டுகள் கண்டுபிடிப்பு DIN DIN Tuesday, September 25, 2018 09:25 AM +0530 திருச்சி மாவட்டம், பனையபுரத்துக்கு அருகிலுள்ள திருப்பாலைத்துறை ஆதிமூலேசுவரர் திருக்கோயிலில் 2 புதிய கல்வெட்டுகள் கண்டுபிடிக்கப்பட்டுள்ளன.
இதுகுறித்து திருச்சி டாக்டர் மா.ராசமாணிக்கனார் வரலாற்றாய்வு மைய இயக்குநர் மருத்துவர் இரா.கலைக்கோவன் வெளியிட்டுள்ள செய்திக்குறிப்பு: திருப்பாலைத்துறை ஆதிமூலேசுவரர் கோயிலில்  சீதாலட்சுமி ராமசுவாமி கல்லூரி  வரலாற்றுத் துறைத் தலைவர் மு. நளினி, முசிறி அறிஞர் அண்ணா அரசுக் கல்லூரி வரலாற்றுத் துறை உதவிப் பேராசிரியர் அர. அகிலா ஆகியோர் அண்மையில் மேற்கொண்ட ஆய்வில் புதிய கல்வெட்டுகளையும், பழங்கல்வெட்டுகள் சிலவற்றின் படியெடுக்கப்படாத பகுதிகளையும் கண்டறிந்தனர்.
இக்கோயிலில் 28 கல்வெட்டுகள் கல்வெட்டுத் துறையினரால் படியெடுக்கப்பட்டிருந்தாலும், அவற்றின் சிலபாடங்களை வெளியாகியிருக்கின்றன. வெளியாகாத கல்வெட்டுப் பாடங்களைப் படித்தறிய மேற்கொண்ட களஆய்வே புதியவற்றை கண்டறிய உதவியுள்ளது.
பாண்டியர் மரபைச் சேர்ந்த வரகுண மகாராஜரின் பொதுக்காலம் 781 ஆம் ஆண்டுக் கல்வெட்டு இக்கோயிலின் முகமண்டப வடசுவரில் கண்டறியப்பட்டது. பாலைத்துறைக் கோயில் இறைவன்முன்  இரவும் பகலும் ஒளிரும் நந்தா விளக்கொன்று ஏற்றுவதற்காக இவ்வரசர், நாற்பது பழங்காசுகளைக் கொடையாக அளித்தார். அதை வைப்புநிதியாகக் கொண்டு அதன்வழிக் கிடக்கும் வட்டியால் நாளும் நாராயநாழியால் அளிக்கப்பட்ட நெய் கொண்டு விளக்கேற்ற கோயிலார் இசைந்தனர்.
இக்கோயிலின் பெருமண்டபத் தூண் ஒன்றின் நாற்புறத்தும் பொறிக்கப்பட்டுள்ள உத்தமசோழரின் நான்காம் ஆட்சியாண்டுக் கல்வெட்டு  உத்தமசீலிச் சதுர்வேதிமங்கலத்து ஆட்சிக்குழுவான பெருங்குறி சபை  பாலைத்துறைக் கோயிலில் திருவிழா நடத்துவதற்காக வாய்ப்பாக நிலத்துண்டொன்றை விற்பனை செய்த தகவலைத் தெரிவிக்கிறது. இக்கல்வெட்டால் அப்பகுதி நிலங்களுக்கப் பாசனமளித்த வாய்க்கால், ஊரின் வடக்குத் திசையிலிருந்த பெருவழிகள் தெரிய வந்துள்ளன.
1907,1908 ஆம் ஆண்டுகளில் படியெடுக்கப்பட்ட 2 கல்வெட்டுகளின் விடுபட்ட பகுதிகளாகக் கிடைத்திருக்கும் பதிவுகள் பல அரியத் தகவல்களைத் தருகின்றன.  உத்தமசோழர் காலக் கல்வெட்டு இப்பகுதிகளில் வயல் வரம்புகள்கூட  பெயரிடப்பட்டிருப்பதாகக் கூறுகிறது.  வரிநீக்கப்பட்ட நிலத்துண்டுகள் இக்கோயிலுக்கு நந்தவனம் அமைக்கவும், பிற பணிகளுக்காக  விற்கப்பட்ட செய்தியும், அந்நிலத்துண்டுகளின் எல்லைகளாக கோதண்டராமணன், ஆதித்தன் முதலிய அரசர், திரிபுவனமாதேவி, சூளாமணி, சோழமாதேவி முதலிய அரசிகள் பெயரில் அமைந்த நீர்வடிகால்களும், வாய்க்கால்களும் இருந்த தகவலும் இப்பதிவால் தெரிய வந்துள்ளன. காவிரியாற்றிலிருந்து பெருவாய்க்கால்களுக்கு நீர்பிரித்த தலைமதகுகள் குணசீலவாய், பாலைவாய் என  அந்தந்த ஊர்களின் பெயர்களைக் கொண்டிருந்தன. தோகமங்கலம், தீயன்குடி, கருவரங்குறை, திருப்புத்தூர், துவேதை, கோமபுறம் முதலிய பல ஊர்களின் பெயர்களும், பல நில உரிமையாளர்களின் பெயர்களும் இப்பதிவில் உள்ளன.
இக்கல்வெட்டுகளின் கண்டுபிடிப்பு பற்றிய தகவல் கல்வெட்டுத்துறைக்குத் தெரிவிக்கப்பட்டுள்ளது. இந்த ஆய்வுக்கு கோயில் சிவாச்சாரியார் பா. ஸ்ரீதர், பணியாளர் பி.நாகரத்தினம், ந.கஜப்பிரியா,  ஸ்ரீரங்கம் ஆய்வாளர் செல்வி அருணாசலம் ஆகியோர் துணையிருந்தனர் என அச்செய்திக்குறிப்பில் அவர் தெரிவித்துள்ளார்.
 

]]>
http://www.dinamani.com/all-editions/edition-trichy/trichy/2018/sep/25/திருச்சி-அருகே-புதிய-கல்வெட்டுகள்-கண்டுபிடிப்பு-3007516.html
3007515 திருச்சி திருச்சி பொன்மலை ரயில்வே மருத்துவமனையில்  கண்காணிப்புக் கேமரா பொருத்தும் பணி தீவிரம் DIN DIN Tuesday, September 25, 2018 09:25 AM +0530 திருச்சி பொன்மலை ரயில்வே மருத்துவமனையில் கண்காணிப்புக் கேமராக்கள் அமைக்கும் பணி 3 மாதங்களில் நிறைவு பெறும் என அதிகாரிகள் தெரிவிக்கின்றனர்.
நாடு முழுவதிலும் 125 ரயில்வே ( பெரிய ) மருத்துவமனைகள் உள்ளன. அவற்றில் நோயாளிகளின் சிகிச்சை விவரங்கள், நோயின் தன்மை, ஊழியர்களின் பணி விவரங்கள் என பல தகவல் ஆன்லைன் மூலம் தெரிவிக்க, காணொலிக் காட்சி (விடியோ கான்பரன்சி) மூலம் மருத்துவ ஆலோசனைகள் பெற, சுகாதாரப் பணிகளை கண்காணிக்க கணினிகள், கண்காணிப்பு கேமராக்கள், வைஃபை வசதிகள் அவசியமாகின்றன. இதனைக் கருத்தில் கொண்டு, ரயில் நிலையங்களைப் போலவே ரயில்வே மருத்துவமனைகளில் வைஃபை வசதி, கண்காணிப்புக் கேமராக்களை அமைக்க ஆக.28ஆம் தேதி  ரயில்வே அமைச்சர் பியூஸ் கோயல், ரயில்வே  வாரியத் தலைலவர் அஸ்வனி லோஹானி இருவரும் இணைந்து முடிவு எடுத்துள்ளனர்.
அதனைத் தொடர்ந்து, ரயில்வே வாரிய நிர்வாக இயக்குனர் உமேஷ் பலோன்டா செப்.14 ஆம் தேதி துறை ரீதியான உத்தரவை  பிறப்பித்து உள்ளார். மொத்தம் 6,124 ரயில் நிலையங்களில் வைஃபை, கண்காணிப்புக் கேமரா அமைக்க ரயில்வே தொலைத்தொடர்பு நிறுவனமான ரயில்டெல், ஒப்பந்த அறிவிப்பை வெளியிட்டுள்ளது. 
தற்போது அதனை  மருத்துவமனைகளுக்கும் விரிவுபடுத்த திட்டமிடப்பட்டுள்ளது. ரயில் நிலையங்கள் தூய்மையாக உள்ளனவா என்பது கண்காணிப்புக் கேமரா மூலம் கண்காணிக்கப்படுகின்றன. மேலும் நிலைய பாதுகாப்பு மற்றும் பராமரிப்பு,  துறை ரீதியாக அதிகாரிகளுக்கு மின் அஞ்சல் அனுப்ப, புறக்காவல் நிலையங்கள் இல்லாத நிலையங்களில் குற்றச்செயல்களில் ஈடுபடுவோரை எளிதில் அடையாளம் காண, நிலைய மேலாளர்களின் வேலைப் பளுவை குறைக்க, நாடு முழுவதிலும் உள்ள ரயில் நிலைய மேலாளர் அலுவலகங்களுக்கு கண்காணிப்புக் கேமரா, வைஃபை இணைப்புடன் கணிணிகள் அவசியம் தேவைப்படுகின்றன.
இதுகுறித்து திருச்சி கோட்ட ரயில்வே அதிகாரிகள் கூறுகையில், மருத்துவமனையில் பல்வேறு பணிகளுக்கு வைஃபை மற்றும் கண்காணிப்புக் கேமராக்கள் அவசியம். அந்த வகையில், ரயில்வே வாரியம் மற்றும் அமைச்சகம் இணைந்து அதற்கான முடிவை அறிவித்து செயல்படுத்தி வருகின்றன. அந்த வகையில் திருச்சி பொன்மலை ரயில்வே மருத்துவமனையில் 28 கேமராக்கள் 3 மாதங்களில் அமைக்க திட்டமிடப்பட்டுள்ளன. மேலும் ரயில் நிலையங்களில் நிலைய மேலாளர் அலுவலகம் உள்ளிட்டவற்றிலும் கணினி பயன்பாடுகள் விரைவில் கொண்டு வரப்பட்டவுள்ளன என்றனர். 
தக்ஷிண ரயில்வே எம்ப்ளாயிஸ் யூனியன் துணைப் பொதுச் செயலாளர் மனோகரன் கூறுகையில்,  பெரிய ரயில்வே சந்திப்புகள் மற்றும் ரயில் நிலையங்களில் டிக்கெட் விநியோகத்திற்கு மட்டுமே  கணினி பயன்பாடு அதிகளவில் உள்ளது. அடுத்தபடியாக,  ஓட்டுனர், கார்டு பணி விவரங்கள் மட்டுமே கணினியில் பதிவு மேற்கொள்ளப்படுகின்றன. ரயில்கள் இயக்குவது தவிர அன்றாடம் நிலைய மேலாளர்கள் சுமார் 150 பதிவேடுகள், பேப்பர், பேனா மூலம் கைகளில் பதிவுசெய்யும் பணிகளை செய்கின்றனர். கணினி பதிவுகள் கிடையாது. எனவே நிலைய மேலாளர்கள் மேற்கொள்ளும் அலுவலகப் பணிகள் விரைவில் கணினி மயமாக்கப்பட வேண்டும் என்றார்.
 

]]>
http://www.dinamani.com/all-editions/edition-trichy/trichy/2018/sep/25/பொன்மலை-ரயில்வே-மருத்துவமனையில்--கண்காணிப்புக்-கேமரா-பொருத்தும்-பணி-தீவிரம்-3007515.html
3007514 திருச்சி திருச்சி ஊதியம் வாங்க வெங்காய மண்டி தொழிலாளர்கள் மறுப்பு: ரூ.28.21 லட்சம் மூட்டையுடன் வந்த உரிமையாளர்கள் DIN DIN Tuesday, September 25, 2018 09:24 AM +0530 திருச்சி அனைத்து அழுகும் பொருள்கள் கமிஷன் மண்டியில் ( வெங்காய மண்டி) கூலிப் பிரச்னையில் ஊதியத்தை தொழிலாளர்கள் வாங்க மறுப்பதால், அந்த பணத்தை தாங்கள் வைத்திருக்க முடியாது எனக் கூறி மண்டி உரிமையாளர்கள் ரூ.28.21 லட்சத்தை மூட்டையாக கட்டி திங்கள்கிழமை தொழிலாளர் நலத்துறை அலுவலகத்துக்கு எடுத்து வந்தனர்.
தமிழ்நாடு வணிகர் சங்கங்களின் பேரமைப்பின் மாநிலப் பொதுச் செயலர் வீ.கோவிந்தராஜூலு, மாவட்டத் தலைவர் வி. ஸ்ரீதர், அனைத்து அழுகும் பொருள்  கமிஷன் மண்டியின் தலைவர் வெள்ளையப்பன், செயலர் தங்கராஜ், பொருளாளர் நல்லுசாமி, இணைச் செயலர் செல்வராஜ் மற்றும் நிர்வாகிகள் திருச்சி மன்னார்புரம் செங்குளம் காலனியிலுள்ள தொழிலாளர் நலத்துறை இணை ஆணையர் அலுவலகத்துக்கு ரூ.28.21 லட்சம் கொண்ட ரூபாய் நோட்டுகளை மூட்டையாக கட்டி கொண்டு வந்தனர்.
அப்போது  அவர்கள் தொழிலாளர் துறை துணை ஆணையர் ( சமரசம்) லிங்கத்திடம் மனு ஒன்றையும் அளித்தனர். அந்த மனுவில் அவர்கள் கூறியிருப்பது:  திருச்சி அனைத்து அழுகும் பொருள் கமிஷன் மண்டியில் கடந்த 2014 ஆம் ஆண்டு முதல் வெங்காய மூட்டைகளின்  இறக்கி, ஏற்றும் பணிகள் நடைபெற்று வந்தன. 2018, ஜூன் மாதம் 3 ஆம் தேதி வெங்காயமண்டி முறையாகத் திறக்கப்பட்டு இங்கு வியாபாரம் நடைபெற்று வருகிறது.
2014 ஆம்ஆண்டு முதல் இங்கு நடைபெற்று வந்த பணிகளில் ஈடுபட்ட வந்த தொழிலாளர்கள் தங்களுக்குத் தொடர்ந்து வேலை வழங்க வேண்டும் என வலியுறுத்தி நீதிமன்றத்தின்உத்தரவைப் பெற்று பணியில் இருந்து வந்த நிலையில், சப் ஜெயில் சாலையில் இயங்கி வந்த வெங்காயமண்டிகளில் பணியாற்றி வந்த தொழிலாளர்களின் ஒருதரப்பினர் இங்கு வேலை கேட்டு போராட்டம் நடத்தினர்.
நீதிமன்ற உத்தரவால் அவர்களுக்கு வேலைவாய்ப்பு வழங்க இயலாத நிலையிலும், மாவட்ட நிர்வாகம், தொழிலாளர்துறை உள்ளிட்ட துறைகளின் கோரிக்கைக்கு ஏற்ப வேலையை இருதரப்பினருக்கும் அளிப்பது, புதிய ஊதியத்தின் அடிப்படையில்  வேலை வழங்க முடிவு செய்து வேலை வழங்கப்பட்டது.
ஆனால், தொழிற்சங்கத் தலைவர் கூலியை அதிகமாக வாங்கித் தருகிறேன். எனவே தற்போது தரும் கூலியை வாங்காமல் செய்ய வேண்டும் எனக் கூறி 75 பேரை வேலைக்கு அழைத்து வந்துள்ளார். விடுமுறை நாள்கள் போக, கடந்த 40 நாள்களாக சுமார் 75 தொழிலாளர்களுக்கு ஊதியமான ரூ.28,21,450 சேர்ந்துள்ளது. இத்தொகையை வெங்காய மண்டி உரிமையாளர்கள்  வைத்துள்ளனர். வேலைக்குச் சேரும் போது வழங்கும் ஊதியத்தை ஏற்றுக் கொள்வதாகக் கூறியவர்கள் தற்போது அதை வாங்க மறுக்கின்றனர்.  ஆனால், வெங்காயமண்டி உரிமையாளர்கள் ஊதியம் வழங்காமல் இருப்பது போன்ற தோற்றம் ஏற்படுத்தப்படுகிறது. எனவே தொழிலாளர்கள் வெங்காயமண்டி உரிமையாளர்களிடம் உள்ள கூலியை வாங்கிக் கொள்ள வேண்டும். இல்லையெனில் அத்தொகையை நீதிமன்றத்திலோ அல்லது கருவூலத்திலோ ஒப்படைப்பு செய்ய இருக்கிறோம் என மனுவில் கூறியிருந்தனர்.
இந்த மனுவை பெற்ற தொழிலாளர் துணை ஆணையர் லிங்கம், தனக்கு பணம் பெற்றுக் கொள்வதற்கான உரிமை இல்லை எனக் கூறி பணத்தை வாங்க மறுத்து திருப்பி அனுப்பிவிட்டார். இதைத் தொடர்ந்து வெங்காய மண்டி உரிமையாளர்கள்,  தொழிலாளர்கள் சங்கத் தரப்பினரிடம் பேச்சுவார்த்தையில் ஈடுபட்டார்.
தொழிலாளர்கள் தங்களுக்குரிய பணத்தை இம்மாதம் 30 ஆம் தேதிக்குள் பெற்றுக் கொள்ள வேண்டும். அவ்வாறு பெறவில்லையெனில் அக்டோபர் 1 ஆம் தேதி முதல் அவர்கள் பணிக்கு வர முடியாது.   அவ்வாறு வேலைக்கு வரவில்லை எனில் ஏற்கெனவே கோட்டாட்சியர் பிறப்பித்த உத்தரவை ரத்து செய்து திருச்சி மாவட்ட சுமைத் தூக்கும் தொழிலாளர்கள் நலச்சங்கத்தினர் வைத்து வியாபாரத்தை மேற்கொள்வோம் என்றார் தமிழ்நாடு வணிகர் சங்கங்களின் பேரமைப்பின் பொதுச் செயலர் வீ.கோவிந்தராஜுலு. 
 

]]>
http://www.dinamani.com/all-editions/edition-trichy/trichy/2018/sep/25/ஊதியம்-வாங்க-வெங்காய-மண்டி-தொழிலாளர்கள்-மறுப்பு-ரூ2821-லட்சம்-மூட்டையுடன்-வந்த-உரிமையாளர்கள்-3007514.html
3007513 திருச்சி திருச்சி வாசவி கிளப் மகளிர்  விளையாட்டுப் போட்டிகள் DIN DIN Tuesday, September 25, 2018 09:24 AM +0530 திருச்சியில் வாசவி இண்டர்நேஷனல் கிளப் மகளிருக்கான விளையாட்டுப்போட்டிகள் திங்கள்கிழமை நடைபெற்றது.
திருச்சி கண்டோன்மென்ட் வாசவி வித்யாலயா பள்ளி வளாகத்தில் நடைபெற்ற இந்நிகழ்ச்சியில், மகளிருக்கான ஓட்டம் உள்ளிட்ட பல்வேறு விளையாட்டுப் போட்டிகள் நடைபெற்றன. நிகழ்ச்சிக்கு வாசவி இண்டர் நேஷனல் கிளப் மாவட்ட  ஆளுநர் சித்ரா வினோத் தலைமை வகித்தார். செயலாளர் லதா வெங்கடேஷ், பொருளாளர் மஞ்சுளா கோகுல் ஆகியோர் வாழ்த்திப் பேசினர். வாசவி வித்யாலயா பள்ளி முதல்வர் பாவை நிகழ்ச்சிக்கான ஏற்பாடுகளை செய்திருந்தார்.  மாலை நடைபெற்ற நிகழ்வில் போட்டியில் வெற்றிபெற்றவர்களுக்கு பரிசுகள் வழங்கப்பட்டது. 
நிகழ்ச்சியில் நிர்வாகிகள் மாதவி விக்ரம், லதா செந்தில், ராஜலட்சுமி குபேரன், சித்ரா ரமேஷ், ப்ரியா மனோஜ் , சைலஜா பாபு உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/sep/25/வாசவி-கிளப்-மகளிர்--விளையாட்டுப்-போட்டிகள்-3007513.html
3007512 திருச்சி திருச்சி அக்.7-இல் மனிதநேய மக்கள் கட்சி மாநாடு DIN DIN Tuesday, September 25, 2018 09:24 AM +0530 திருச்சி விமான நிலையம் அருகே மனிதநேய மக்கள் கட்சி சார்பில் அக்டோபர் 7 ஆம் தேதி அரசியலமைப்பு சட்டப்பாதுகாப்பு மாநாடு நடைபெறுகிறது என்றார் மனிதநேய மக்கள் கட்சித் தலைவர் எம்.எச். ஜவாஹிருல்லாஹ்.
திருச்சி விமான நிலையம் புதுத்தெரு அருகே மாநாட்டு அரங்கில் மேற்கொள்ளப்பட்டு வரும் பணிகளைப் பார்வையிட்டு, மாநாட்டு அலுவலகத்தை திங்கள்கிழமை திறந்து வைத்து அவர் மேலும் பேசியது:
அக்டோபர் 7 ஆம் தேதி  சமூகநீதி மாணவர்கள் இயக்கம் சார்பில் மாணவ சமூகம் எழுகவே என்ற தலைப்பில் கருத்தரங்கமும், பிற்பகல் 3 மணிக்கு இளைஞரணி சார்பில் சமூகநீதி ஓங்கட்டும் என்ற தலைப்பில் கொடி அணிவகுப்பும், மாலை 4.30 மணிக்கு மும்மதத் தலைவர்கள் பங்கேற்று பேசும் நிகழ்வும் நடைபெறுகிறது.
முத்தலாக்குக்கு தடை விதித்திருப்பதும், இதற்காக அவசர சட்டத்தை பிறப்பித்திருப்பதும்  அரசியலமைப்புச் சட்டத்தை மீறியச் செயலாகும் என்றார் ஜவாஹிருல்லாஹ். தொடர்ந்து, மாநிலப் பொருளாளர் சபியுல்லாகான், நிர்வாகக் குழு உறுப்பினர் குனங்குடி ஹனீபா, 
துணைப் பொதுச் செயலர்கள் முகமது கவுஸ், யாகூப் உள்ளிட்ட நிர்வாகிகளுடன் மாநிலத் தலைவர் ஆலோசனை நடத்தினர். பேட்டியின் போது, மாவட்டத் தலைவர் முகமது ரபீக், செயலர் பாபு, ஜாபர் அலி, பொருளாளர்  ராஜா  முகமது, நிர்வாகி பெரோஸ்கான் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-trichy/trichy/2018/sep/25/அக்7-இல்-மனிதநேய-மக்கள்-கட்சி-மாநாடு-3007512.html
3007511 திருச்சி திருச்சி கலைத்திறன் போட்டியில் வென்ற கல்லூரி மாணவர்களுக்கு பரிசளிப்பு DIN DIN Tuesday, September 25, 2018 09:24 AM +0530 திருச்சி தேசியக் கல்லூரியில் மாநில அளவில் கல்லூரிகளுக்கிடையே நேக்காலிட் பியெஸ்ட் 2018 தலைப்பில் அறிவு, கலைத்திறன் போட்டிகள் அண்மையில் நடைபெற்றது. 
ஆங்கிலத்துறை சார்பில் நடைபெற்ற நிகழ்ச்சிக்கு துறைத் தலைவர் ப்ரடெரிக் தலைமை வகித்தார். நாடகம், மைம், ஸ்பெல் பீ, இலக்கிய வினா-விடை, கவிதைகள் ஒப்புவித்தல்,  டம்ப் சார்டேட்ஸ், சாலிலோகி உள்ளிட்ட போட்டிகள் நடைபெற்றன. மாநிலம் முழுவதிலும் இருந்து 12 கல்லூரிகள் பங்கேற்றன. 
தொடர்ந்து நடைபெற்ற நிறைவு விழாவில் சிறப்பு அழைப்பாளராகப் பங்கேற்ற ஜமால் முகமது கல்லூரி ஆங்கிலத்துறைத் தலைவர் ஏ.முகமது இப்ராகிம், போட்டிகளில் வெற்றி பெற்ற மாணவர்களுக்கு பரிசுகள் வழங்கினார்.  
இதில், ஒட்டுமொத்த சாம்பியன்ஷிப் பட்டத்தை திருச்சி பிஷப் ஹீபர் கல்லூரியும், இரண்டாவது பரிசை ஜோசப் கல்லூரி பெற்றன. கல்லூரி முதல்வர் ஆர்.சுந்தரராமன், பேராசிரியர்கள் அகிலாஸ்ரீ, அனுஷியா, மாணவர் செயலாளர் பிரித்விராஜ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/sep/25/கலைத்திறன்-போட்டியில்-வென்ற-கல்லூரி-மாணவர்களுக்கு-பரிசளிப்பு-3007511.html
3007510 திருச்சி திருச்சி கடைமடைப் பகுதிகளுக்கு தண்ணீர் சென்றடைய நடவடிக்கை தேவை DIN DIN Tuesday, September 25, 2018 09:23 AM +0530 தஞ்சாவூர் மாவட்டத்தில் புதிய கட்டளை மேட்டுவாய்க்கால், உய்யக்கொண்டான் வாய்க்காலின் விரிவாக்கப் பகுதிகளின் கடைமடைகளுக்குத் தண்ணீர் சென்றடைய நடவடிக்கை எடுக்க வேண்டும் என்று  விவசாயிகள் கோரிக்கை விடுத்துள்ளனர்.
திருச்சியில் பொதுப்பணித் துறை ஆற்றுப் பாதுகாப்புக் கோட்ட கண்காணிப்புப் பொறியாளர் அலுவலகத்தில் திங்கள்கிழமை,  திருவையாறு சட்டப்பேரவை உறுப்பினர் துரை. சந்திரசேகரன்,  தமிழ் மாநில காங்கிரஸ் கட்சியின் திருச்சி தெற்கு மாவட்டத் தலைவர் டி.  குணா மற்றும் புதிய கட்டளை மேட்டுவாய்க்கால், உய்யக்கொண்டான் விரிவாக்க வாய்க்கால்  பாசனதாரர் சபையினர் திங்கள்கிழமை அளித்த மனுவில் கூறியிருப்பது:
மேட்டூர் அணை நிரம்பியதைத் தொடர்ந்து, மாயனூரிலிருந்து ஆகஸ்ட் 21 ஆம் தேதி   புதிய கட்டளை மேட்டு வாய்க்கால்,  உய்யக்கொண்டான் விரிவாக்க வாய்க்கால்களில் தண்ணீர் திறந்துவிடப்பட்டாலும், இதுவரை கடைமடைப் பகுதியான செங்கிப்பட்டி பகுதிக்கு தண்ணீர் வந்து சேரவில்லை.  தஞ்சாவூர் ஆட்சியர், பொதுப்பணித்துறை அதிகாரிகளைச் சந்தித்து மனு அளிக்கப்பட்டது.
இதைத் தொடர்ந்து பொய்கைக்குடி ஏரியில் தேக்கி வைக்கப்பட்டிருந்த தண்ணீர் புதிய கட்டளை மேட்டு வாய்க்காலிலும்,  வாழவந்தான்கோட்டை ஏரியில் தேக்கி வைக்கப்பட்டிருந்த தண்ணீர் உய்யக்கொண்டான் வாய்க்காலிலும் திறக்க தஞ்சாவூர் ஆட்சியர் நடவடிக்கை மேற்கொண்டார். இதில், சில ஏரிகள் மட்டும் 40 சதவிகிதம் நிரம்பியுள்ளது. 
பொய்கைக்குடி ஏரியிலிருந்து தண்ணீர் திறக்கப்பட்டாலும், சில ஏரிகளில் ஆடு, மாடு குடிப்பதற்குக்கூட தண்ணீர் இல்லை. 
இந்நிலை காரணமாக  பூதலூர், தஞ்சாவூர் வட்டங்களிலுள்ள விவசாயிகள் கடுமையாகப் பாதிக்கப்பட்டுள்ளனர்.  எனவே புதிய கட்டளை மேட்டுவாய்க்கால், உய்யக்கொண்டான் விரிவாக்க வாய்க்கால் பாசனப் பகுதிகளின் கடைமடைப் பகுதி வரை தண்ணீர் 
சென்றடைய நடவடிக்கை எடுக்க வேண்டும் என மனுவில் தெரிவித்திருந்தனர்.

]]>
http://www.dinamani.com/all-editions/edition-trichy/trichy/2018/sep/25/கடைமடைப்-பகுதிகளுக்கு-தண்ணீர்-சென்றடைய-நடவடிக்கை-தேவை-3007510.html
3007509 திருச்சி திருச்சி புறநகர் மாவட்ட அதிமுக நிர்வாகிகள் ஆலோசனைக் கூட்டம் DIN DIN Tuesday, September 25, 2018 09:23 AM +0530 திருச்சி புறநகர் மாவட்ட அதிமுக நிர்வாகிகள் ஆலோசனைக் கூட்டம் சனிக்கிழமை நடைபெற்றது.
கூட்டத்திற்கு புறநகர் மாவட்டச் செயலாளரும், மாநிலங்களவை உறுப்பினருமான டி.ரத்தினவேல் தலைமை வகித்தார். 
சென்னையில் செப்.30ஆம் தேதி நடைபெற உள்ள எம்ஜிஆர் நூற்றாண்டு நிறைவு விழாவில் புறநகர் மாவட்டத்திலிருந்து சுமார் 10,000 பேர் பங்கேற்பது, வாக்காளர் சேர்ப்பு, திருத்தப் பணியில் வாக்குச்சாவடி நிலை முகவர்கள் சிறப்பாக செயல்பட வேண்டும். இளம் வாக்காளர்களைக் கண்டறிந்து அவர்களை வாக்காளர் பட்டியலில் சேர்க்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன.
பெரம்பலூர் மக்களவைத் தொகுதி உறுப்பினர் மருதராஜா, சட்டப்பேரவை உறுப்பினர் செல்வராஜ், பரமேசுவரி, முன்னாள் அமைச்சர் டி.பி.பூனாட்சி, சட்டப்பேரவை முன்னாள் உறுப்பினர்கள் பிரின்ஸ் தங்கவேல், த.இந்திராகாந்தி, க.வெங்கடாசலம், மாவட்ட எம்ஜிஆர் மன்றச் செயலாளர் அறிவழகன் விஜய்,  ஒன்றியச் செயலாளர்கள்  நடேசன், ஜெயக்குமார், வெங்கடாசலம், செல்வம், ராவணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/sep/25/புறநகர்-மாவட்ட-அதிமுக-நிர்வாகிகள்-ஆலோசனைக்-கூட்டம்-3007509.html
3007507 திருச்சி திருச்சி மணல் அள்ள அனுமதிக் கோரி மாட்டுவண்டித் தொழிலாளர்கள் போராட்டம் DIN DIN Tuesday, September 25, 2018 09:23 AM +0530 காவிரி மற்றும் கொள்ளிடம் ஆறுகளில் மாட்டுவண்டிகளில் மணல் அள்ளுவதற்கு அனுமதிக் கோரி  திருச்சி மாவட்ட மாட்டுவண்டித் தொழிலாளர்கள் சங்கத்தினர்  (சிஐடியு) பொதுப்பணித் துறை அலுவலகத்தை திங்கள்கிழமை முற்றுகையிட்டுப் போராட்டம் நடத்தினர்.
மாயனூர் முதல் கல்லணை வரை 3 கி.மீ. தொலைவுக்கு ஒரு இடத்தில் மாட்டுவண்டித் தொழிலாளர்கள் மணல் அள்ளுவதற்கு அனுமதியளிக்கும் வகையில் குவாரி அமைக்க வேண்டும், மிக குறைந்த விலையில் மணல் கிடைக்க நடவடிக்கை எடுக்க வேண்டும்.  வெளிநாடுகள், வெளி மாநிலங்கள் மணல் செல்வதைத் தடுக்க வேண்டும் என்பன  உள்ளிட்ட கோரிக்கைகளை வலியுறுத்தி, இப் போராட்டம் நடைபெற்றது. சங்கத்தின் மாவட்டச் செயலர் கே. சேகர், பொருளாளர் வி. மணிகண்டன் தலைமையில் நடைபெற்ற போராட்டத்தில்,  மார்க்சிஸ்ட் மாவட்டச் செயலர் ஆர்.ராஜா, சிஐடியு  மாவட்டத் தலைவர் எஸ். ரங்கராஜன் உள்ளிட்டோர் பங்கேற்றனர்.
இதைத் தொடர்ந்த பொதுப்பணித்துறை செயற்பொறியாளர் ( கனிமம் மற்றும் கண்காணிப்புக் கோட்டம்) அலுவலகத்தில் காவல் துறையினர், தொழிற்சங்கத்தினர் உள்ளிட்ட பங்கேற்ற சமாதானக் கூட்டம் நடைபெற்றது.
இந்தக் கூட்டத்தில்,  மண்ணச்சநல்லூர் வட்டம், மாதவப்பெருமாள் கோயில்  மணல் குவாரியில் அரசு அனுமதியளித்த பகுதிக்குள் மணல் எடுக்க அனுமதிப்பது,  ஒருவாரத்துக்குள் குவாரி தொடங்குவது,  லால்குடி வட்டம், அரியூர் ஊராட்சியிலும் புதிய குவாரி தொடங்குவது, காவிரியில்  தண்ணீர் பாசனத்துக்குச் செல்வதால், தண்ணீர் நிறுத்தப்பட்டவுடன் தேவையான நடவடிக்கைகள் மேற்கொள்வது என தீர்மானிக்கப்பட்டது.
 

]]>
http://www.dinamani.com/all-editions/edition-trichy/trichy/2018/sep/25/மணல்-அள்ள-அனுமதிக்-கோரி-மாட்டுவண்டித்-தொழிலாளர்கள்-போராட்டம்-3007507.html
3006876 திருச்சி திருச்சி எச்ஏபிபி பணியாளர் குடியிருப்பில் 29 பவுன் நகை, ரொக்கம் திருட்டு DIN DIN Monday, September 24, 2018 09:51 AM +0530 சூரியூரில் மத்திய அரசு நிறுவனமான படைக்கலன் தயாரிப்பு தொழிற்சாலை (எச்ஏபிபி) அருகே பணியாளர் குடியிருப்பு உள்ளது. இந்தத் தொழிற்சாலையில் மருத்துவராக பணியாற்றி வரும் மதுரையைச் சேர்ந்த ராமச்சந்திரன், வீட்டை பூட்டி விட்டு குடும்பத்துடன் மதுரைக்குச் சென்றார். சனிக்கிழமை காலை வீடு திரும்பியபோது, பூட்டுகள் உடைக்கப்பட்டு, வீட்டினுள் இருந்த 4 பவுன் தங்க நகைகள் உள்ளிட்ட பொருள்கள் திருடப்பட்டிருந்தது தெரியவந்தது.
அதேபோல, ராமச்சந்திரன் பக்கத்து வீட்டில் வசித்து வரும் ஆந்திராவைச் சேர்ந்த கிரேன் ஆபரேட்டர் ரமேஷின் வீட்டின் பூட்டு உடைக்கப்பட்டிருந்தது. தகவலின் பேரில் ஊர் திரும்பிய அவர், வீட்டினுள் சென்று பார்த்த போது 25 பவுன் நகைகள், ரூ.40 ஆயிரம் ரொக்கம் உள்ளிட்ட பொருள்கள் திருடப்பட்டிருந்தன. இதுகுறித்த புகாரின் பேரில் நவல்பட்டு போலீஸார் வழக்குப் பதிந்து விசாரணை நடத்தி வருகின்றனர். இதே குடியிருப்புப் பகுதியில் சில நாள்களுக்கு முன் இரு வீடுகளில் 
7 பவுன் நகை திருடு போனது குறிப்பிடத்தக்கது.

]]>
http://www.dinamani.com/all-editions/edition-trichy/trichy/2018/sep/24/எச்ஏபிபி-பணியாளர்-குடியிருப்பில்-29-பவுன்-நகை-ரொக்கம்-திருட்டு-3006876.html
3006875 திருச்சி திருச்சி விழிப்புணர்வு மாரத்தான் போட்டி DIN DIN Monday, September 24, 2018 09:51 AM +0530 திருச்சியில் மனநோய் குறித்து விழிப்புணர்வு ஏற்படுத்தும் வகையில் ஞாயிற்றுக்கிழமை நடைபெற்ற மாரத்தான் ஓட்டத்தில் 6,000த்துக்கும் அதிகமானோர் பங்கேற்றனர்.
திருச்சி ஆத்மா கல்வி, ஆராய்ச்சி அமைப்பு, ஆத்மா மன நல மையம் சார்பில் தென்னூர் உழவர்சந்தை மைதானத்தில் நடைபெற்ற மாரத்தான் ஓட்டத்தை, மாநகரக் காவல் துணை ஆணையர் (சட்டம், ஒழுங்கு) என்.எஸ்.நிஷா தொடக்கி வைத்தார். 41 வயதுக்கு மேற்பட்டோர், 40 வயதுக்குள்பட்டோர், 10 முதல் 16 வயதுக்குள்பட்டோர் என 3 பிரிவுகளில் நடத்தப்பட்ட மாரத்தானில் 6,000த்துக்கும் அதிகமானோர் பங்கேற்றனர். நீதிமன்ற இணைப்புச்சாலை, பாரதிதாசன் சாலை வழியாகச் சென்ற மாரத்தான் ஓட்டம் திருச்சி அண்ணா விளையாட்டரங்கில் நிறைவடைந்தது.  ஒவ்வொரு பிரிவிலும் முதலிடம் பெற்றவர்களுக்கு மாவட்ட ஆட்சியர் கு.ராசாமணி பரிசுகள் வழங்கினார். ஆத்மா கல்வி, ஆராய்ச்சி அமைப்பு மற்றும் மனநல மையத்தின் தலைவர் , நிர்வாக அறங்காவலர் மருத்துவர் கே.ராமகிருஷ்ணன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/sep/24/விழிப்புணர்வு-மாரத்தான்-போட்டி-3006875.html
3006874 திருச்சி திருச்சி மணலோடையில் சட்ட விழிப்புணர்வு முகாம் DIN DIN Monday, September 24, 2018 09:51 AM +0530 துறையூர் அருகே மணலோடை கிராமத்தில் சட்ட விழிப்புணர்வு முகாம் ஞாயிற்றுக்கிழமை நடைபெற்றது.
மாவட்ட சட்டப்பணிகள் ஆணைக்குழு, துறையூர் வட்ட சட்டப்பணிகள் குழு சார்பில் நடைபெற்ற 
முகாமிற்கு மாவட்ட சட்டப்பணிகள் ஆணைக்குழு  தலைவரும், மாவட்ட முதன்மை அமர்வு நீதிபதியுமான எஸ்.குமரகுரு தலைமை வகித்தார். துறையூர் வழக்குரைஞர் சங்கத் தலைவர் டி. ராமசாமி, செயலர் கே.செல்லதுரை ஆகியோர் முன்னிலை வகித்தனர். மாவட்ட முதலாவது கூடுதல்  நீதிபதி பி. கார்த்திகேயன், துறையூர் சார்பு நீதிபதி ஜி.கரண், மாவட்ட உரிமையியல் நீதிபதி எ.மும்மூர்த்தி, குற்றவியல் நீதித்துறை நடுவர் எஸ்.வடிவேல் உள்ளிட்டோர் பங்கேற்றனர். 

]]>
http://www.dinamani.com/all-editions/edition-trichy/trichy/2018/sep/24/மணலோடையில்-சட்ட-விழிப்புணர்வு-முகாம்-3006874.html
3006873 திருச்சி திருச்சி திருச்சி விமான நிலையத்தில் ரூ.950 கோடியில் ஒருங்கிணைந்த புதிய பயணிகள் முனையம்: 2021 செப்டம்பருக்குள் முடிக்கத் திட்டம் DIN DIN Monday, September 24, 2018 09:50 AM +0530 திருச்சி விமான நிலையத்தில் ரூ.950 கோடியில் அதிநவீன வசதிகளுடன் புதிய ஒருங்கிணைந்த பயணிகள் முனையம் அமைய இருப்பதாக இந்திய விமான ஆணையக் குழுமத்தின் பொதுமேலாளர் (கட்டுமானம், சமூகப் பொறுப்புணர்வுத் திட்டம்) சஞ்சீவ் ஜிந்தால் தெரிவித்தார்.
திருச்சி புதிய விமான நிலையத்தின் மாதிரி வரைபடம் மற்றும் கட்டுமான வடிவமைப்பின்  அறிமுக விழா ஞாயிற்றுக்கிழமை நடைபெற்றது. இதில் பங்கேற்ற  அவர் செய்தியாளர்களிடம் கூறியது: திருச்சி விமான நிலையத்தை மேம்படுத்துவதோடு, அடுத்த 10 ஆண்டுகளில்  வந்து செல்லும் பயணிகளின் எண்ணிக்கையை மதிப்பீடு செய்து, எதிர்காலத் தேவையைக் கருத்தில் கொண்டு புதிய முனையம் அமைக்கப்படுகிறது. தற்போது 11,777  சதுர மீட்டர் பரப்பளவில் உள்ள திருச்சி விமான நிலையத்தை, 61,634 சதுர மீட்டர் பரப்பளவில் புதிய முனையம் அமையும்.  பயணிகள் வருகைக்கும், புறப்பாடுக்கும் தனித்தனி கட்டடம் அமைகிறது.
சென்னை சர்வதேச விமான நிலையத்தைப் போன்று திருச்சி விமான நிலையம் உள்நாட்டு, வெளிநாட்டு போக்குவரத்தில் சிறப்பான சேவை அளித்து வருகிறது. அதேபோல, சரக்கு ஏற்றுமதியிலும் திருச்சி விமான நிலையம் குறிப்பிடத்தகுந்த பணியை ஆற்றி வருகிறது.
புதிய  ஒருங்கிணைந்த பயணிகள் விமான முனையத்தின் மேற்கூரை வடிவமைப்பானது, திருச்சியின் பாரம்பரியத் தோற்றத்தை பிரதிபலிக்கும் வகையில் அமைக்கப்பட்டிருக்கிறது. 48 சோதனை மையங்கள், 40 குடியேற்றப் பிரிவு மையங்கள், 3 சுங்கத்துறை சோதனை மையங்கள், 10 பயணிகள் ஏரோ பிரிட்ஜ் போன்றவை இந்த முனையத்தில் அமைகிறது. மேலும், சுற்றுச்சூழலுக்கு மாசு ஏற்படாதவகையில் முனையத்தை அமைக்கத் திட்டமிடப்பட்டுள்ளது. மின்சாரத்தைச் சேமிக்கும் வகையில் அனைத்துப் பகுதிகளிலும் எல்.இ.டி. விளக்குகள் அமைக்கப்படும். சூரிய ஒளியைப் பயன்படுத்தி 300 கி.வோ. முதல் 500 கி.வோ. வரை மின்சாரம் உற்பத்தி செய்து, அதனை பயன்படுத்திக் கொள்வதற்கான நடவடிக்கைகள் மேற்கொள்ளப்படும். 
ரூ.950 கோடியில் பணிகள்: புதிய விமான முனையம் அமைப்பதற்கு ரூ.872 கோடியும், ஏப்ரான் அமைக்க ரூ.63 கோடியும்,  விமான போக்குவரத்துக் கட்டுப்பாட்டு மையம் அமைக்க ரூ.15 கோடி ஒதுக்கீடு செய்யப்பட்டிருக்கிறது. இதற்கான பணிகள் நவம்பர் மாதத்தில் தொடங்கும். விமான முனையப் பணிகள் 2021 செப்டம்பரிலும், எஞ்சியப் பணிகள் 2020 செப்டம்பரில் முடிக்கத் திட்டமிடப்பட்டுள்ளது. விமானப் போக்குவரத்து அதிகம் உள்ள நேரத்தில் சர்வதேச விமானச் சேவை பகுதியில் மணிக்கு 2300 பயணிகளையும், உள்நாட்டு விமான சேவைப் பிரிவில் 600 பயணிகளை கையாளக்கூடிய வகையில் இந்த முனையம் அமையும்.
45 மீட்டர் உயரத்தில் கண்காணிப்புக் கோபுரம்:  திருச்சி விமான நிலையத்தில் தற்போது 20 மீட்டர் உயரத்திலுள்ள கண்காணிப்பு கோபுரம் புதிய முனையத்தில் 45 அடி உயரத்தில் அமைக்கப்படுகிறது.  இதற்காக இந்திய விமான ஆணையக் குழுமத்திடமிருந்து பெற வேண்டிய தடையில்லாச் சான்று பெறப்பட்டிருக்கிறது.
புதிதாகஅமைக்கப்படும் விமானப் போக்குவரத்துக் கட்டுப்பாட்டு மையம், ஏப்ரானும் அனைத்து அதிநவீன வசதிகளையும் கொண்டிருக்கும்.  விமான நிலையத்துக்குச் சொந்தமான இடம் இருப்பதால் அதிகளவில் கையகப்படுத்த வேண்டிய நிலை இல்லை. அதேபோல, தரத்தில் குறைபாடு இல்லாத வகையில் பணிகளை இந்திய விமான ஆணையக் குழுமம் தொடர்ந்து கண்காணிக்கும் .
புதிய முனையம் அமைவதால் வேலைவாய்ப்புகளும் உருவாகும் நிலை ஏற்பட்டுள்ளது. இந்த நிலையில், வேலைவாய்ப்பற்ற இளைஞர்களுக்கு திறன் மேம்பாட்டுப் பயிற்சியை அளிக்கும் வகையில் மையத்தை திருச்சியில் உருவாக்க திட்டமிடப்பட்டுள்ளது என்றார் சஞ்சீவ் ஜிந்தால். நிகழ்ச்சியில், இந்திய விமான ஆணையக் குழுமத்தின் இணைப் பொது மேலாளர்கள் (கட்டடம்) ஈஸ்வரப்பா, (மின் பிரிவு) ஜோசி,  திருச்சி விமான நிலைய இயக்குநர் கே.குணசேகரன்,  புதிய விமான முனையத்தின் ஆலோசனை அமைப்பான இஜிஎஸ் நிறுவனத்தின் தலைமை இயக்க அலுவலர்  விகாஷ்  சோப்ரா உள்ளிட்டோர் உடனிருந்தனர்.

நிலம் கையகப்படுத்தப்பட்டதும் விமான ஓடுதளம் அமைக்கும் பணி
திருச்சி விமான நிலைய விரிவாக்கத்துக்கான நிலம் கையகப்படுத்தும் பணி முடிந்தவுடன் ஓடுதளம் அமைக்கும் பணி தொடங்கும் என்றார் அதன் இயக்குநர் கே.குணசேகரன் .
திருச்சி விமான நிலையத்தில் ஞாயிற்றுக்கிழமை அவர் அளித்தப் பேட்டி: திருச்சி விமான நிலையத்தில் ஒருங்கிணைந்த புதிய பயணிகள் முனையம் அமைக்கும் திட்டம்  வரலாற்றுச் சிறப்புமிகுந்த மைல்கல் திட்டமாகும். புதிய முனையம் அமைவதன் மூலம் பயணிகளுக்கான விமானப் போக்குவரத்தை மேலும் சிறப்பான முறையில் அளிக்க முடியும். தற்போது, திருச்சி விமான நிலைய சரக்கு ஏற்றுமதிப் பிரிவில் தினமும் 700 டன் கையாளப்பட்டு வருகிறது. புதிய முனையம் அமைக்கப்படும் போது இதன் அளவு 1,500 டன்னாக உயரும். விமான நிலைய ஓடுதளத்தை விரிவாக்கம் செய்வதற்காக நிலம் கையகப்படுத்தும் பணிகளை 6 மாதங்களுக்குள் முடித்துத் தருவதாக மாவட்ட நிர்வாகம் தெரிவித்துள்ளதால், அப்பணி முடிந்தவுடன் ஓடுதளம் அமைப்பதற்கான பணிகள் தொடங்கும்.
நிலம் கையகப்படுத்தும் பணி முடிந்ததும் உரியவர்களுக்கு அரசு நிர்ணயிக்கும் இழப்பீட்டுத் தொகை வழங்கப்படும். நிலம் கையகப்படுத்தும் பகுதியில் ராணுவத்துக்குச் சொந்தமான இடம் இருப்பதால், அவர்களுக்கு மாற்று இடம் வழங்குவதில் இடம் அடையாளம் காணப்பட்டிருப்பதால், இரு தரப்பிலும் புரிதல் ஏற்பட்டு, பணிகள் மேற்கொள்ளப்பட்டு வருகின்றன. விமான நிலைய ஆணையக் குழுமத்தின் சமூகப் பொறுப்புணர்வுத் திட்டத்தின் கீழ், ஆண்டுதோறும் ரூ.70 கோடிக்கான பணிகள் மேற்கொள்ளப்பட்டு வருகின்றன. திருச்சி விமான நிலையம் சார்பில் மாத்தூர், இனாம் குளத்தூர், மணப்பாறை, துவரங்குறிச்சி, காட்டூர் ஆகிய இடங்களில் உள்ள அரசு மகளிர் மேல்நிலைப் பள்ளிகளில் ரூ.42 லட்சத்தில் கழிப்பிட வசதிகள் அமைக்கும் பணிகள் நடைபெற்று வருகின்றன.
திருச்சி அரசு மருத்துவமனையில் புற்றுநோய் சிகிச்சைக்குத் தேவையான நவீன சாதனங்கள்,  மருந்துகளைப் பாதுகாக்கும் குளிரூட்டிகள் ரூ.26 கோடி மதிப்பில் வழங்க விடுக்கப்பட்ட கோரிக்கை மீது உரிய நடவடிக்கை எடுக்கப்படும் என்றார் 
கே.குணசேகரன்.


5 அடுக்கு பாதுகாப்பு
புதிய விமான முனையத்துக்கு வரும் பயணிகள் 5 அடுக்கு பாதுகாப்பைக் கடந்து தான் உள்ளே செல்லவோ, வெளியே வர முடியும்.  இந்த முனையம் அதிநவீன தொழில்நுட்ப வசதிகளுடன் அமைக்கப்பட்டிருக்கும். தானியங்கி வசதிகள் கொண்டு அமைக்கப்படுவதால், பயணிகளின் உடைமைகளை சோதனை செய்வது முதல் அனைத்தும் துல்லியமாக மேற்கொள்ளப்படும். 
 

]]>
http://www.dinamani.com/all-editions/edition-trichy/trichy/2018/sep/24/திருச்சி-விமான-நிலையத்தில்-ரூ950-கோடியில்-ஒருங்கிணைந்த-புதிய-பயணிகள்-முனையம்-2021-செப்டம்பருக்குள்-3006873.html
3006872 திருச்சி திருச்சி மீண்டும் பயன்பாட்டுக்கு வந்தது முக்கொம்பு பூங்கா DIN DIN Monday, September 24, 2018 09:50 AM +0530 திருச்சி முக்கொம்பு மேலணையில் கொள்ளிடம் பாலம் மதகுகள் உடைந்ததால், மூடப்பட்டிருந்த முக்கொம்பு பூங்கா ஞாயிற்றுக்கிழமை மீண்டும்  திறக்கப்பட்டு மக்கள் பார்வையிட அனுமதிக்கப்பட்டனர்.
முக்கொம்பு  மேலணை கொள்ளிடம் பாலம், 9 மதகுகள் கடந்த மாதம் 22ஆம் தேதி இரவு இடிந்து விழுந்தது. 
இதையடுத்து அப்பகுதியில் தற்காலிக சீரமைப்புப்ப பணிகள் நடைபெற்று வந்த நிலையில்,  முக்கொம்பு சுற்றுலா மையத்தின் முன்பகுதியிலுள்ள பூங்காவைப் பார்வையிடுவதற்கு பொதுமக்களுக்கு கடந்த மாதம் 23 ஆம் தேதி முதல் தடை விதிக்கப்பட்டிருந்தது. மேலணையில் தற்காலிக சீரமைப்புப் பணிகள் முடிந்துள்ள நிலையில்,  தற்போது பள்ளி மாணவ, மாணவிகளுக்கு காலாண்டுத் தேர்வு விடுமுறை அளிக்கப்பட்டதால், பொதுமக்கள் பயன்பாட்டுக்காக ஞாயிற்றுக்கிழமை காலை பூங்கா மீண்டும் திறக்கப்பட்டு பொதுமக்கள் பார்வையிட அனுமதிக்கப்பட்டனர். பூங்கா திறக்கப்பட்ட தகவலையறிந்த பொதுமக்கள், சுற்றுலாப் பயணிகள் முக்கொம்பில் குவியத் தொடங்கினர். அங்குள்ள ராட்டினங்கள், விளையாட்டுச் சாதனங்களில் குழந்தைகள் விளையாடி மகிழ்ந்தனர்.
கொள்ளிடம் பாலத்துக்குச் செல்ல அனுமதி மறுப்பு: முக்கொம்பு மேலணையில் கொள்ளிடம் பாலத்தில் உடைப்பு ஏற்பட்ட பகுதியைப் பார்வையிடச் சென்று அங்கு செல்பி எடுக்க முயற்சி செய்வார்கள் என்பதால், காவிரிப் பாலத்தை தாண்டி பொதுமக்கள் செல்லாத வகையில் தடுப்பு அமைக்கப்பட்டிருந்தது. மேலும் அப்பகுதியில் காவல்துறையினர் பாதுகாப்புப் பணியில் ஈடுபட்டுள்ளனர்.
 

]]>
http://www.dinamani.com/all-editions/edition-trichy/trichy/2018/sep/24/மீண்டும்-பயன்பாட்டுக்கு-வந்தது-முக்கொம்பு-பூங்கா-3006872.html
3006871 திருச்சி திருச்சி துவரங்குறிச்சி, வையம்பட்டியில் செப்டம்பர் 25 மின்நிறுத்தம் DIN DIN Monday, September 24, 2018 09:50 AM +0530 துவரங்குறிச்சி, புத்தாநத்தம், வையம்பட்டி பகுதிகளில் மாதாந்திர பராமரிப்புப் பணிகள் நடைபெற இருப்பதால் செவ்வாய்க்கிழமை (செப்.25) மின் விநியோகம் இருக்காது.
இதுகுறித்து மணப்பாறை மின்சார வாரிய செயற்பொறியாளர் அன்புச்செல்வன் வெளியிட்ட அறிக்கை: 
துவரங்குறிச்சி துணை மின்நிலையத்தில் இருந்து மின்சாரம் பெறும் துவரங்குறிச்சி, அழகாபுரி, அக்கியம்பட்டி, நாட்டார்பட்டி, ஆலம்பட்டி, இக்கரைகோசிகுறிச்சி, செவந்தாம்பட்டி, தெத்தூர், செவல்பட்டி, வெங்கட்நாயக்கன்பட்டி, அடைக்கம்பட்டி, நல்லூர், பில்லுப்பட்டி, யாகபுரம், கல்லுப்பட்டி, பொருவாய், வேளங்குறிச்சி, கஞ்சநாயக்கன்பட்டி, சிங்கிலிப்பட்டி, பழையபாளையம் மற்றும் புத்தாநத்தம் துணை மின்நிலையத்திலிருந்து மின்சாரம் பெறும் புத்தாநத்தம், இடையபட்டி, காவல்காரன்பட்டி, புங்குருனிபட்டி, கணவாய்பட்டி, கழனிவாசல்பட்டி, பன்னாங்கொம்பு, பண்ணப்பட்டி, அமயபுரம், பெரும்மாபட்டி, தாதமலைப்பட்டி, அரியாகவுண்டன்பட்டி, பிள்ளையார்கோவில்பட்டி, பிச்சம்பட்டி, சுக்காம்பட்டி, முத்தாழ்வார்பட்டி, சீல்நாயக்கன்பட்டி, டி.அழங்கம்பட்டி, கோட்டைபளுவஞ்சி, மெய்யம்பட்டி, கருஞ்சோலைபட்டி, வெள்ளையகவுண்டன்பட்டி, மானாங்குன்றம், அழககவுண்டம்பட்டி, டி.தம்மநாயக்கன்பட்டி, டி.கருப்பூர், கருமலை, மணியங்குறிச்சி, கள்ளக்காம்பட்டி, டி.புதுப்பட்டி, எண்டபுளி, மாங்கனாப்பட்டி பகுதிகள் மற்றும் வையம்பட்டி துணை மின் நிலையத்திலிருந்து மின்சாரம் பெறும் வையம்பட்டி, கருங்குளம், ஆசாத் ரோடு, இளங்காகுறிச்சி, பொத்தப்பட்டி, பொன்னம்பலம்பட்டி, மண்பத்தை, பழையகோட்டை, குரும்பம்பட்டி, சரளப்பட்டி, சேசலூர், பாலப்பட்டி, அம்மாபட்டி, எ.ரெட்டியபட்டி, முள்ளிப்பாடி, ஆர்.எஸ்.வையம்பட்டி, தொப்பாநாயக்கன்பட்டி, எ.இடையபட்டி, இ.கோவில்பட்டி, டி.கோவில்பட்டி, ஊத்துப்பட்டி, வையம்பட்டி (கிடங்குடி), என்.புதூர், தாமஸ்நகர், அஞ்சல்காரன்பட்டி, பண்ணப்பட்டி, நடுப்பட்டி, ராமரெட்டியபட்டி, கடவூர், கண்ணூத்து, எளமணம், புதுவாடி, சீத்தப்பட்டி, துலுக்கம்பட்டி, மேலக்கல்பட்டி, புதுக்கோட்டை, மூக்கரெட்டியபட்டி, கல்கொத்தனூர், அனுக்காநத்தம், புங்கம்பாடி, வையம்பட்டி (வடக்கு பகுதி), இனாம்ரெட்டியபட்டி, ப.குரும்பபட்டி, புறத்தாக்குடி, குமாரவாடி, ஓந்தாம்பட்டி, குளத்தூராம்பட்டி, கவரப்பட்டி, தோப்புப்பட்டி, செக்கணாம், களத்துப்பட்டி, ஜக்கம்பட்டி, மணியாரம்பட்டி, பெரிய அணைக்கரைப்பட்டி, முகவனூர், ஆவாரம்பட்டி, சின்ன அணாய்க்கரப்பட்டி, புது மணியாரம்பட்டி, பாம்பாட்டிபட்டி, எம்.கே.பிள்ளைகுளம், பொன்னணியாறு டேம், வலையபட்டி ஆகிய பகுதிகளில் செவ்வாய்க்கிழமை காலை 9.45 மணி முதல் மாலை 5 மணி வரை மின் விநியோகம் இருக்காது.
 

]]>
http://www.dinamani.com/all-editions/edition-trichy/trichy/2018/sep/24/துவரங்குறிச்சி-வையம்பட்டியில்-செப்டம்பர்-25-மின்நிறுத்தம்-3006871.html
3006870 திருச்சி திருச்சி அரியமங்கலம் குடியிருப்புகளுக்குள் தண்ணீர் புகுந்ததால் மக்கள் அவதி DIN DIN Monday, September 24, 2018 09:49 AM +0530 உய்யக்கொண்டான் வாய்க்காலில் தண்ணீர்வரத்து அதிகளவில் இருப்பதால் ஞாயிற்றுக்கிழமை இரவு குடியிருப்புகளுக்குள் புகுந்து பாதிப்பை ஏற்படுத்தியது. 
பேட்டைவாய்த்தலையில் காவிரியில் இருந்து பிரியும் உய்யக்கொண்டான் வாய்க்கால் திருச்சிக்குள் நுழைந்து திருவெறும்பூர் வழியாக தஞ்சை மாவட்டம் செல்கிறது. பாசனத்துக்காக உய்யக்கொண்டான் வாய்க்காலில் திறக்கப்பட்ட தண்ணீரின் அளவு  ஞாயிற்றுக்கிழமை இரவு அதிகரித்ததால், அரியமங்கலம் லட்சுமிபுரம் பகுதியில் உள்ள குடியிருப்புப் பகுதியில் உள்ள குடியிருப்புகளுக்குள் தண்ணீர் புகுந்ததால், பொதுமக்கள் அவதிக்குள்ளாயினர். பொருள்களை அப்புறப்படுத்திய மக்கள் பாதுகாப்பான பகுதிகளுக்கு இடம் பெயர்ந்தனர்.
முன்னறிவிப்பு இல்லாமல் உய்யக்கொண்டான் வாய்க்காலில் அதிகளவில் தண்ணீர் திறக்கப்பட்டதால் பாதிப்புக்குள்ளான தங்களுக்கு நிவாரணம் வழங்க வேண்டும் என்றும் அப்பகுதி பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-trichy/trichy/2018/sep/24/அரியமங்கலம்-குடியிருப்புகளுக்குள்-தண்ணீர்-புகுந்ததால்-மக்கள்-அவதி-3006870.html
3006869 திருச்சி திருச்சி சாலை விபத்தில் முதியவர் சாவு DIN DIN Monday, September 24, 2018 09:49 AM +0530 துறையூர் அருகே சாலை விபத்தில் முதியவர் ஞாயிற்றுக்கிழமை உயிரிழந்தார். பச்சபெருமாள்பட்டியை சேர்ந்த நல்லதம்பி மகன் பெரியசாமி(75). ஆவண எழுத்தரான இவர் ஞாயிற்றுக்கிழமை இரு சக்கர வாகனத்தில் சென்றார். பின்னால் வந்த அடையாளம் தெரியாத வாகனம் மோதியதால் காயமடைந்த பெரியசாமி நிகழ்விடத்தில் இறந்தார்.
 

]]>
http://www.dinamani.com/all-editions/edition-trichy/trichy/2018/sep/24/சாலை-விபத்தில்-முதியவர்-சாவு-3006869.html
3006868 திருச்சி திருச்சி ஆர்ப்பாட்டத்தில் ஈடுபட்ட இந்து முன்னணியினர் கைது DIN DIN Monday, September 24, 2018 09:48 AM +0530 தொட்டியம் அருகே ஆர்ப்பாட்டத்தில் ஈடுபட்ட இந்து முன்னணியினர் 37 பேர் ஞாயிற்றுக்கிழமை இரவு கைது செய்யப்பட்டனர்.
விநாயகர் சதுர்த்தி விழாவை முன்னிட்டு வழிபாடு செய்யப்பட்ட 8 விநாயகர் சிலைகள் காவிரியில் விசர்ஜனம் செய்யும் நிகழ்ச்சி செப்.19ஆம் தேதி நடைபெற்றது. இதற்காக, இந்து முன்னணி சார்பில் கொளக்குடி பேருந்து நிலையம் அருகே நடைபெற்ற பொதுக்கூட்ட மேடை மற்றும் விநாயகர் சிலைகள் மீது கற்கள் வீசப்பட்டது.
இச்சம்பவத்தில் ஈடுபட்டவர்கள் மீது நடவடிக்கை எடுக்காததைக் கண்டித்து ஆர்ப்பாட்டத்தில் ஈடுபட்ட இந்து முன்னணியினர் 37 பேரை தொட்டியம் போலீஸார் கைது செய்தனர்.

]]>
http://www.dinamani.com/all-editions/edition-trichy/trichy/2018/sep/24/ஆர்ப்பாட்டத்தில்-ஈடுபட்டஇந்து-முன்னணியினர்-கைது-3006868.html
3006867 திருச்சி திருச்சி தூய்மை இந்தியா திட்ட  விழிப்புணர்வுக் கூட்டம் DIN DIN Monday, September 24, 2018 09:48 AM +0530 திருச்சி மாநகராட்சி சார்பில் ஸ்ரீரங்கம் புஷ்பக் நகரில் தூய்மை இந்தியா திட்ட விழிப்புணர்வுக் கூட்டம் ஞாயிற்றுக்கிழமை நடைபெற்றது.
கூட்டத்திற்கு மாநகராட்சி ஆணையர் ந.ரவிச்சந்திரன் தலைமை வகித்தார். 
தொடர்ந்து , வீட்டுக் கழிவுகளை வீட்டிலேயே 30 நாள்களில் குழாய்கள் மூலம் உரமாக மாற்றும் திட்டம் அப்பகுதியிலுள்ள வீடுகளில் நடைமுறைப்படுத்துள்ளதை பார்வையிட்ட ஆணையர், வீடு  வீடாகச் சென்று பொதுமக்களிடம் தூய்மை குறித்தும், மக்கும் குப்பைகளை உரமாக்கும் முறை குறித்து துண்டுப்பிரசுரங்களை வழங்கினார்.

]]>
http://www.dinamani.com/all-editions/edition-trichy/trichy/2018/sep/24/தூய்மை-இந்தியா-திட்ட-விழிப்புணர்வுக்-கூட்டம்-3006867.html
3006866 திருச்சி திருச்சி வாலிபால்: அரையிறுதிக்கு திருச்சி கல்லூரி அணிகள் தகுதி DIN DIN Monday, September 24, 2018 09:48 AM +0530 திருச்சியில் நடைபெற்று வரும் இந்தியன் ஓவர்சீஸ் வங்கி சுழற்கோப்பைக்கான வாலிபால் போட்டியின் அரையிறுதி ஆட்டங்களில் விளையாட திருச்சி கல்லூரி அணிகள் தகுதி பெற்றுள்ளன.
திருச்சி ஜமால் முகமது கல்லூரி வைரவிழா ஆண்டையொட்டி, மாநில அளவில் கல்லூரிகளுக்கு இடையே 9ஆவது வாலிபால் போட்டி கல்லூரி வளாகத்தில் சனிக்கிழமை தொடங்கியது. 8 கல்லூரிகள் பங்கேற்று விளையாடி வருகின்றன.
திண்டுக்கல் காந்தி கிராமிய நிகர்நிலைப் பல்கலைக்கழகத்தை  25-17,25-20 என்ற புள்ளிக்கணக்கில் சென்னை லயோலா கல்லூரியும்,  ஸ்ரீமத் ஆண்டவன் கலை, அறிவியல் கல்லூரியை  25-15, 25-19 புள்ளிக்கணக்கில் ஜமால் முகமது கல்லூரி  ஏ அணியும் வென்றன.
திருச்சி ஜமால் முகமது கல்லூரி பி அணியை 25-19, 25-27, 25-18 புள்ளிக்கணக்கில் சென்னை லயோலா கல்லூரியும்,  திண்டுக்கல் காந்தி கிராமிய நிகர்நிலைப் பல்கலைக்கழகத்தை  25-16, 25-21 புள்ளிக்கணக்கில்  பிஷப் ஹீபர்  கல்லூரியும், ஸ்ரீமத் ஆண்டவன் கலை, அறிவியல் கல்லூரியை 25-14, 25-17 புள்ளிக்கணக்கில்  ஜமால் முகமது கல்லூரியும்,  25-08, 25-11 புள்ளிக்கணக்கில் திருப்பத்தூர் தூய இருதயக் கல்லூரியும் வென்றன.
லீக் போட்டிகளில் பெற்ற வெற்றிகளின் அடிப்படையில் சென்னை லயோலா, திருப்பத்தூர் தூய இருதயக் கல்லூரி, திருச்சி ஜமால் முகமது, பிஷப் ஹீபர் கல்லூரி ஆகிய 4 அணிகள் அரையிறுதியில் விளையாடத் தகுதி பெற்றுள்ளன.  திங்கள்கிழமை காலை அரையிறுதியும், மாலையில் இறுதிப் போட்டி, பரிசளிப்பு நடைபெறுகிறது.
 

]]>
http://www.dinamani.com/all-editions/edition-trichy/trichy/2018/sep/24/வாலிபால்-அரையிறுதிக்கு-திருச்சி-கல்லூரி-அணிகள்-தகுதி-3006866.html
3006074 திருச்சி திருச்சி போட்டி நிறைந்த உலகில் சவால்களை எதிர்கொள்ள திறன் மேம்பாட்டுப் பயிற்சி அவசியம் DIN DIN Sunday, September 23, 2018 03:11 AM +0530
இன்றைய போட்டி நிறைந்த உலகில் மாணவிகள் சவால்களை எதிர்கொள்ள திறன் மேம்பாட்டுப் பயிற்சி அவசியமானது என்றார் திருச்சி பாரதிதாசன் பல்கலைக்கழகப் பதிவாளர் கோபிநாத் கணபதி.
தமிழ்நாடு திறன் மேம்பாட்டுக் கழகம், தமிழ்நாடு ஐ.சி.டி. அகாதெமி மற்றும் ஸ்ரீமதி இந்திராகாந்தி மகளிர் கல்லூரி ஆகியவை இணைந்து சில்லறை வணிகம் மற்றும் மேலாண்மை குறித்த திறன் மேம்பாட்டுப் பயிற்சி மற்றும் புரிந்துணர்வு ஒப்பந்தம் பரிமாறிக் கொள்ளும் நிகழ்வு கல்லூரி வளாகத்தில் சனிக்கிழமை நடைபெற்றது. இந்த நிகழ்வைத் தொடக்கி வைத்து மேலும் அவர் பேசியது:
இன்றைய இளைய சமுதாயத்தினர் மனிதவள புரட்சிக்காலத்தின் மிகச் சிறந்த தலைமுறையினராக உள்ளனர். நாம் நம்முடைய 80% நேரங்களில் நம்முடைய 20 % திறன்களை மட்டுமே பயன்படுத்துகிறோம். இந்த திறனை 100 % ஆக உயர்த்த வேண்டும். அந்த நிலையை அடைவதற்குத் தடையாக உள்ள இடைவெளிகளை நிரப்புவதற்கு இதுபோன்ற பயிற்சிகள் பெரும் உதவியாக இருக்கும்.
கல்லூரிகளில் படிக்கும் பாடமும், இதுபோன்ற முகாம்களில் பயிற்சியும் பெற்றால் போதாது. அவற்றை முழுமையாகச் செயல்படுத்த வேண்டும். அப்போதுதான் அதில் வெற்றிக் கிடைக்கும். தங்களின் இலக்கை அடைய ஒவ்வொரு நாளும் படிப்படியாக இளைய சமுதாயத்தினர் முயற்சிக்க வேண்டும். அப்போதுதான் இலக்கை அடையமுடியும். போட்டி நிறைந்த உலகில் சவால்களை எதிர்கொள்ள திறன் மேம்பாட்டுப் பயிற்சிகள் அவசியமானது என்றார் அவர்.
விழாவுக்குத் தலைமை வகித்து பாரதிதாசன் பல்கலைக்கழக முன்னாள் துணைவேந்தர் கே.மீனா பேசியது:
கலை அறிவியல் கல்லூரிகளில் பயின்ற மாணவிகளுக்கு வேலைவாய்ப்பை ஏற்படுத்தித் தரும் நோக்கில், அவர்களுக்கு தேவையான திறன்மேம்பாட்டுப் பயிற்சிகளைத் தொடர்ந்து 25 நாள்கள் அளிக்கும்வகையில், தமிழ்நாடு திறன் மேம்பாட்டுக் கழகத்தின் ஆதரவுடன் ஐ.சிடி. அகாதெமியுடன்புரிந்துணர்வு ஒப்பந்தத்தை மேற்கொண்டிருக்கிறோம்.
1995 ஆம் ஆண்டில் இண்டர்நெட் கிளப் தொடங்கப்பட்ட போது அதை ஆச்சரியமாகத்தான் பார்த்தார்கள். ஆனால், இன்றைய நிலையில் இணையம் இல்லாத உலகம் இல்லை என்ற அளவிற்கு வளர்ச்சிக் கண்டிருக்கிறோம். மாணவிகள் வகுப்பறைகளில் கற்கும் கல்வியைக் காட்டிலும் வெளியிலும் தங்களது திறன்களை வளர்த்துக் கொள்வது அவசியமானது என்றார் அவர்.
தமிழ்நாடு ஐ.சி.டி. அகாதெமியின் துணைப் பொது மேலாளர் கே.ஏ.விஜயன் பேசியது: 25 நாள்களுக்கு இப்பயிற்சி அளிக்கப்படும். 21ஆவது நாள் முதல் 25 ஆம் நாள் வரை பல்வேறு நிறுவனங்கள் இப்பகுதிக்கு வந்து, தங்கள் நிறுவனத்துக்கு ஏற்ற பணியிடங்களுக்குரிய நபர்களைத் தேர்வு செய்வார்கள்.
இதன் மூலம் இங்குப் பயிற்சி பெறும் 54 மாணவிகளுக்கும் பயிற்சி நிறைவில் வேலைவாய்ப்பு உறுதியாகக் கிடைக்கும் என்றார் விஜயன்.
இந்த நிகழ்வில் பல்கலைக்கழகப் பதிவாளர் முன்னிலையில், புரிந்துணர்வு ஒப்பந்தத்தை இந்திராகாந்தி கல்லூரி முதல்வர் எஸ். வித்யாலட்சுமியும், ஐசிடி அகாதெமி துணைப் பொது மேலாளர் கே.ஏ.விஜயனும் பரிமாறிக் கொண்டனர். நிகழ்வில் பேராசிரியைகள், மாணவிகள் உள்ளிட்டோர் பங்கேற்றனர். கல்லூரியின் எம்.சி.ஏ. துறை இயக்குநரும், கணினி அறிவியல் மற்றும் தகவல்தொழில்நுட்பத் துறைத் தலைவருமான எம். மணிமேகலை நன்றி கூறினார்.

 

]]>
http://www.dinamani.com/all-editions/edition-trichy/trichy/2018/sep/23/போட்டி-நிறைந்த-உலகில்-சவால்களை-எதிர்கொள்ள-திறன்-மேம்பாட்டுப்-பயிற்சி-அவசியம்-3006074.html
3006054 திருச்சி திருச்சி நீதித்துறை உயர் பதவிகளில் பெண்கள் அதிகம் வர வேண்டும்: உச்சநீதிமன்ற நீதிபதி இந்திரா பானர்ஜி DIN DIN Sunday, September 23, 2018 03:06 AM +0530
நீதித்துறை உயர் பதவிகளுக்கு பெண்கள் அதிகளவில் வர வேண்டும் என உச்சநீதிமன்ற நீதிபதி இந்திரா பானர்ஜி வலியுறுத்தினார்.
பாலின சமத்துவத்துக்கான உறுதியான நடவடிக்கை மற்றும் நீடித்த வளர்ச்சிக்கான இலக்கு குறித்த சர்வதேச அளவிலான கருத்தரங்கு திருச்சியில் உள்ள தமிழ்நாடு தேசிய சட்டப் பல்கலைக் கழகத்தில் சனிக்கிழமை தொடங்கியது. பல்கலைக்கழகம், ஆக்ஸ்போர்டு மனித உரிமைகள் அமைப்பு இணைந்து நடத்திய இக்கருத்தரங்கில் உச்சநீதிமன்ற நீதிபதி இந்திரா பானர்ஜி பேசியது: ஐ.நா.சபையின் 2015ஆம் ஆண்டு மாநாட்டில் வறுமை, பசி ஒழிப்பு, அனைவருக்கும் சுகாதாரம், தரமான கல்வி, பாலின சமத்துவம் உள்ளிட்ட 17 முக்கிய தீர்மானங்கள் நிறைவேற்றப்பட்டன. 2030ஆம் ஆண்டுக்குள் அனைத்து நாடுகளிலும் இதனை அமல்படுத்த வேண்டும் என்ற முனைப்புடன் திட்டங்கள் செயல்படுத்தப்படுகின்றன. குறிப்பாக பாலின சமத்துவம், தரமான கல்வி, சுகாதாரம், பொருளாதாரம், பசுமை சுற்றுச்சூழல் ஆகிய 5 முக்கிய அம்சங்களில் கவனம் செலுத்த வேண்டியது அவசியமானது. நாடு முழுவதிலும் இயற்கை சுரண்டல்கள் தவிர்க்க முடியாதவையாக உள்ளன.
குறிப்பாக, தமிழகத்தில் அளவுக்கு அதிகமாக அள்ளப்பட்ட ஆற்று மணல் காரணமாக வெள்ளம், வறட்சி போன்ற இயற்கை சீற்றங்களுக்கு ஆளாக நேரிடுகிறது. இதனால், நீடித்த வளர்ச்சி என்பது கேள்விக்குறியாகிறது. சுற்றுச்சூழல், பசுமைப் பொருளாதாரம் என்ற இலக்கை அடைய பெரிதும் சிரமப்பட வேண்டும். நீடித்த வளர்ச்சிக்கு தடையாக உள்ள இயற்கை சுரண்டல்களைத் தடுப்பதுடன், எந்த நிலையிலும் அதனை அனுமதிக்க கூடாது.
உலக அளவிலும், இந்திய அளவிலும் ஒப்பிடுகையில் தமிழகத்தில் சமத்துவம் என்பது முன்னோடியாக உள்ளது. இந்திய அரசியலமைப்பு சட்டமே பெண்கள் முன்னேற்றத்துக்கான அனைத்து வகை அடிப்படை கூறுகளையும் கொண்டதாக அமைந்துள்ளது. பெண்களுக்கு எதிரான குற்றங்களை தடுப்பதுடன், அவர்களை பாதுகாக்க வழிவகை செய்யும் சட்டங்கள், குற்றங்களுக்கு தண்டனைகள் அரசியலமைப்பு சட்டத்தில் வரையறுக்கப்பட்டுள்ளது. இதுமட்டுமல்லாது, பெண்களை சமுதாயத்தில் முன்னேற்றம் பெறச் செய்வதற்கான அம்சங்களும் இடம்பெற்றுள்ளன.
சமத்துவத்தில் முன்னோடி மாநிலமாக தமிழகம் விளங்கினாலும், பெண்களுக்கு எதிரான பாலியல் குற்றங்கள் குறித்த செய்திகள் வந்து கொண்டிருப்பது வருத்தமளிக்கிறது.
இருப்பினும், சென்னை உயர்நீதிமன்றத்தில் தலைமை நீதிபதியாக பதவி வகித்தபோது 12 பெண் நீதிபதிகள் பதவியில் இருந்தது பெருமைக்குரியது. அதேபோல, உச்சநீதிமன்றத்திலும் ஒரே நேரத்தில் 3 பெண் நீதிபதிகள் பதவியேற்றதும் குறிப்பிடத்தக்கது. சென்னை உயர்நீதிமன்றத்தில் மொத்தமுள்ள 62 நீதிபதிகளில் 12 பேர் பெண்கள் என்பது ஐந்தில் ஒரு பங்குக்கும் குறைவானதே. போட்டித் தேர்வுகள் எழுதி குற்றவியல் நடுவர்களாக, மாவட்ட நீதிபதிகளாக பெண்கள் அதிகம் பேர் வந்துவிடுகின்றனர்.
ஆனால், நீதித்துறையின் உயர் பதவிகளுக்கு வருவதில்லை. எனவே, உயர் பதவிகளுக்கு பெண்கள் அதிகளவில் வர வேண்டும். உச்சநீதிமன்ற நீதிபதி தேர்வானது சில விதிமுறைகளுக்குள்பட்டு முன்னுரிமை அடிப்படையிலும், மண்டல பரிந்துரை அடிப்படையிலும் தேர்வு செய்யப்படுகிறது. இதில், பெண்களுக்கும் உரிய பிரதிநிதித்துவம் கிடைக்க வேண்டும்.
ஆண்களோடு ஒப்பிடுகையில் பெண்களுக்கு திருமணம், மகப்பேறு காலம், குழந்தை வளர்ப்பு என பல்வேறு நிலைகளில் உள்ள சிரமங்களை கருத்தில் கொள்ள வேண்டும். பாரம்பரியமாக நிலவி வரும் பெண்ணடிமைத்தனத்தில் மாற்றம் ஏற்பட வேண்டும். இதற்கு தனிமனிதன் ஒவ்வொருவரிடமும் இருந்து மாற்றம் தொடங்க வேண்டும். அதற்கான விழிப்புணர்வு அவசியமானது. கல்வி, பொருளாதாரத்தில் பெண்கள் முன்னேற்றம் அடைந்தால் மட்டுமே பாலின சமத்துவம் சாத்தியமாகிறது. எனவே, பெண்களை கல்வி, பொருளாதார ரீதியாக முன்னேற்றமடையச் செய்வதற்கான திட்டங்களுக்கு முன்னுரிமை அளிக்க வேண்டும்.
சட்டங்களை இயற்றக்கூடிய சட்டப் பேரவை, நாடாளுமன்றங்களில் பெண்கள் அதிகளவில் உறுப்பினர்களாக இடம்பெற வேண்டும். இந்த நிலை ஏற்பட்டால் மட்டுமே பாலின சமத்துவத்துக்கான நீடித்த வளர்ச்சியும், உறுதியான நடவடிக்கையும் சாத்தியமாகும். பெண்களுக்கெதிரான குற்றங்களும் முற்றிலும் ஒழிக்கப்படும். நீதி, சட்டத்துறை மட்டுமல்லாது அனைத்து துறைகளிலும் பெண்களுக்கு உரிய சுதந்திரம் அளித்து ஆதரவு தெரிவிக்க வேண்டும். இதன் மூலமே சமூக வளர்ச்சி சாத்தியமாகும் என்றார்.
தமிழ்நாடு தேசிய சட்டப் பல்கலைக்கழக துணைவேந்தர் கமலா சங்கரன், ஆக்ஸ்போர்டு மனித உரிமைகள் அமைப்பின் இயக்குநர் சந்திரா பிரட்மேன் ஆகியோர் கருத்தரங்கின் நோக்கம் குறித்து விளக்கிப் பேசினர். சென்னை உயர்நீதிமன்ற நீதிபதிகள் எம்.எம்.சுந்தரேஷ், டி.எஸ்.சிவஞானம், புதுதில்லி உயர்நீதிமன்ற நீதிபதி எஸ்.முரளிதர், மாவட்ட முதன்மை அமர்வு நீதிபதி எஸ்.குமரகுரு உள்ளிட்ட பலர் கலந்து கொண்டனர்.
2 நாள் நடைபெறும் இந்த கருத்தரங்கில் நீதிபதிகள், சட்ட வல்லுநர்கள், சட்ட மாணவர்கள், ஆராய்ச்சியாளர்கள், சமூக ஆர்வலர்கள் பங்கேற்று ஆய்வுக் கட்டுரைகளை சமர்ப்பித்து பேசுகின்றனர்.

 

]]>
http://www.dinamani.com/all-editions/edition-trichy/trichy/2018/sep/23/நீதித்துறை-உயர்-பதவிகளில்-பெண்கள்-அதிகம்-வர-வேண்டும்-உச்சநீதிமன்ற-நீதிபதி-இந்திரா-பானர்ஜி-3006054.html
3006051 திருச்சி திருச்சி புரட்டாசி: ஸ்ரீரங்கத்தில் சிறப்பு வழிபாடு DIN DIN Sunday, September 23, 2018 03:05 AM +0530 ஸ்ரீரங்கம் அருள்மிகு அரங்கநாதர் திருக்கோயிலில் புரட்டாசி மாத முதல் சனிக்கிழமையையொட்டி ஏராளமான பக்தர்கள் நீண்ட வரிசையில் நின்று பெருமாளைத் தரிசித்தனர்.
பெருமாளுக்கு உகந்த மாதமாக கருதப்படும் புரட்டாசி மாதத்தில் பெருமாளை விரதமிருந்து வழிபடுவர்.நிகழாண்டு புரட்டாசி மாத முதல் சனிக்கிழமையன்று ஏராளமான பக்தர்கள் பெருமாளை தரிசித்தனர். வரும் 29-ஆம் தேதி 2 ஆவது சனிக்கிழமையும், அக். 6-ல் 3-ஆவது சனிக்கிழமையும்,13-ல் 4-ஆவது சனிக்கிழமையும் வருகிறது. கோயிலுக்கு வரும் பக்தர்களுக்காக சிறப்பு வசதிகள் செய்யப்பட்டுள்ளன. பாதுகாப்புக்காக போலீஸார் குவிக்கப்பட்டிருந்தனர்.
பெருமாள்மலையில் சிறப்பு வழிபாடு: துறையூர் பெருமாள்மலை கோயிலில் சனிக்கிழமை ஆயிரக்கணக்கான பக்தர்கள் வழிபட்டனர். புரட்டாசி மாதம் முதல் சனிக்கிழமையொட்டி பெருமாள்மலை மீதுள்ள ஸ்ரீதேவி, பூதேவி சமேத ஸ்ரீபிரசன்னவெங்கடாசலபதி கோயிலில் மூலவருக்கும், உற்சவ மூர்த்திகளுக்கு சிறப்பு அபிஷேகமும், கருப்பண்ணர் உள்ளிட்ட பரிவார தேவதைகளுக்கும் சேர்த்து மகாதீபாரதனையும் நடைபெற்றது.
காலை 5 மணி முதல் மாலை 6 மணி வரை துறையூர் பகுதியைச் சேர்ந்த ஏராளமான பக்தர்கள் சனிக்கிழமை விரதமிருந்து படிக்கட்டுகளில் ஏறிச்சென்றும், சுற்றுலா வேன்களிலும் சென்றும் வரிசையில் நின்று சுவாமி வழிபாடு செய்தனர். பக்தர்களுக்கு அன்னதானம் வழங்கப்பட்டது.

 

]]>
http://www.dinamani.com/all-editions/edition-trichy/trichy/2018/sep/23/புரட்டாசி-ஸ்ரீரங்கத்தில்-சிறப்பு-வழிபாடு-3006051.html
3006050 திருச்சி திருச்சி ஸ்ரீரங்கம் கோயிலுக்கு 5 அணையா விளக்குகள்! DIN DIN Sunday, September 23, 2018 03:04 AM +0530
ஸ்ரீரங்கம் அருள்மிகு அரங்கநாதர் திருக்கோயிலுக்கு வெள்ளிக்கிழமை மாலை ஸ்ரீரங்கத்தை சேர்ந்த பக்தர் 5 அணையா விளக்குகளை காணிக்கையாக வழங்கினார்.
தமிழகத்தில் உள்ள அனைத்து திருக்கோயில்களிலும் அகல் விளக்குகளில் தீபமேற்றத் தடை விதிக்கப்பட்டுள்ளதால் பக்தர்கள் கோயில்களில் உள்ள அணையா விளக்கில் நெய், எண்ணெய்யை ஊற்றி வழிபட்டுச் செல்கின்றனர். இந்நிலையில் ஸ்ரீரங்கத்தை சேர்ந்த பக்தர் ஒருவர் சுமார் 2 லட்சத்தில் 5 புதிய அணையா விளக்குகளை ஸ்ரீரங்கம் கோயிலுக்கு காணிக்கையாக வழங்கியுள்ளார். அழகிய வடிவமைப்புடன் உருவாக்கப்பட்டுள்ள இந்த அணையா விளக்கு குறித்து ஸ்தபதி ஆர்.டி .செல்வராஜ் கூறுகையில், 5 புதிய அணையா விளக்குகள் பித்தளையால் செய்யப்பட்டவை. ஒவ்வொரு விளக்கும் நாலரை அடி உயரமும், 2 அடி அகலமும் ,40 கிலோ எடையும் கொண்டது. கீழ்பகுதி சதுர வடிவிலும், விளக்கின் முன்பக்கத்தில் எந்த சன்னதியில் வைக்கப்படுகிறதோ அந்த சுவாமியின் உருவங்களும் பொறிக்கப்பட்டுள்ளன. மற்ற 3 பக்கங்களிலும் சங்கு, சக்கரம், பத்மப்பூ பொறிக்கப்பட்டுள்ளது.
மேலும் விளக்கின் மேல் பகுதியில் தாமரைப்பூ வடிவிலும், அதன் உச்சியில் சங்கு, சங்கரம் இடம் பெற்றுள்ளது. அணையா விளக்குகள் ரெங்கநாதர் சன்னதியின் தங்கக் கொடிமரத்தின் கீழும், தாயார் சன்னதி, கருடாழ்வார் சன்னதி, சக்கரத்தாழ்வார் சன்னதி, ரெங்கவிலாச மண்டபத்தின் கல் கொடி மரத்தின் கீழும் வைக்கப்பட்டுள்ளன என்றார். இந்த புதிய அணையா விளக்குகளில் புராட்டாசி சனிக்கிழமையன்று ஏராளமான பக்தர்கள் எண்ணெய், நெய் ஊற்றி வழிபட்டனர்.

 

]]>
http://www.dinamani.com/all-editions/edition-trichy/trichy/2018/sep/23/ஸ்ரீரங்கம்-கோயிலுக்கு-5-அணையா-விளக்குகள்-3006050.html
3006049 திருச்சி திருச்சி தூய்மை விழிப்புணர்வுப் பேரணி DIN DIN Sunday, September 23, 2018 03:04 AM +0530
திருச்சி பெல் நிறுவனம் சார்பில் தூய்மையை வலியுறுத்தி பள்ளிகளில் விழிப்புணர்வு பேரணி சனிக்கிழமை நடத்தப்பட்டது.
திருச்சி காட்டூரிலுள்ள பரமஹம்சா பெல் மழலையர் மற்றும் தொடக்கப் பள்ளியில் சனிக்கிழமை நடைபெற்ற நிகழ்வில், டிஜிட்டல் மாறுதலுக்கான குழுவின் பொது மேலாளர் ஏ. மருதமுத்து தூய்மை உறுதிமொழியை ஏற்புவித்து பேரணியைக் கொடியசைத்து தொடக்கி வைத்தார். தேனேரிப்பட்டி அரசு மேல்நிலைப் பள்ளியில் நடைபெற்ற நிகழ்வில் பெல் பொது மேலாளர் ( மூலோபாயம் மற்றும் செயல்பாடுகள் மேலாண்மைத்துறை) கே. கணேசனும், கோவிலடி அரசு உயர்நிலைப் பள்ளியில் நடைபெற்ற நிகழ்வில் பொது மேலாளர் ( பொறியியல் துறை) பி. பாலசுப்பிரமணியமும் பேரணியைக் கொடியசைத்துத் தொடக்கி வைத்துப் பேசினர். தூய்மை குறித்த விழிப்புணர்வு வாசகங்கள் அடங்கிய அட்டைகளை பேரணியில் ஏந்திச் சென்ற மாணவ, மாணவிகள், விழிப்புணர்வுத் துண்டு பிரசுரங்களையும் பொதுமக்களுக்கு வழங்கினர். பேரணியைத் தொடர்ந்து, ஓவியம்வரைதல், தெரு நாடகம் நடத்துதல் போன்ற பல்வேறு நிகழ்ச்சிகளுக்கும் ஏற்பாடுகள் செய்யப்பட்டுள்ளதாக பெல் நிறுவனம் அறிவித்துள்ளது.

 

]]>
http://www.dinamani.com/all-editions/edition-trichy/trichy/2018/sep/23/தூய்மை-விழிப்புணர்வுப்-பேரணி-3006049.html
3006048 திருச்சி திருச்சி கோயிலுக்குச் சென்ற இரு பெண்களிடம் தங்கச் சங்கிலி பறிப்பு DIN DIN Sunday, September 23, 2018 03:04 AM +0530
துறையூர் சிவன் கோயிலில் நடந்த சனிப்பிரதோச வழிபாட்டில் பங்கேற்ற 2 பெண்களிடமிருந்து 12.5 பவுன் தங்க சங்கலிகளை மர்ம நபர்கள் பறித்துச் சென்றனர்.
துறையூர் ஆத்தூர் சாலையில் உள்ள நந்திகேஸ்வரர் கோயிலில் நடந்த சனிப்பிரதோச விழாவில் பங்கேற்ற துறையூர் அரசு மருத்துவமனை அருகே வசிக்கும் ஓய்வு பெற்ற தமிழாசிரியர் வரதராஜன் மனைவி ராஜலெட்சுமி (60) அணிந்திருந்த 9 பவுன் தாலிக்கொடியையும், திருச்சி சாலையில் உள்ள வீட்டு வசதி வாரிய புதிய குடியிருப்பு பகுதியைச் சேர்ந்த ஓய்வுபெற்ற வேளாண் துறை பதிவு எழுத்தரான பூங்கோதை (63) அணிந்திருந்த மூன்றரை பவுன் தங்கச் சங்கிலியையும் மர்ம நபர்கள் பறித்துச் சென்றனர். இருவரும் கொடுத்த தகவலின்பேரில் போலீஸார் விசாரிக்கின்றனர்.

 

]]>
http://www.dinamani.com/all-editions/edition-trichy/trichy/2018/sep/23/கோயிலுக்குச்-சென்ற-இரு-பெண்களிடம்-தங்கச்-சங்கிலி-பறிப்பு-3006048.html
3006047 திருச்சி திருச்சி இரு பேருந்துகளின் கண்ணாடிகள் உடைப்பு DIN DIN Sunday, September 23, 2018 03:04 AM +0530
திருச்சி மத்திய பேருந்து நிலையத்தில் இருந்து புறப்பட்ட 2 பேருந்துகளின் கண்ணாடி உடைக்கப்பட்டன.
திருச்சியிலிருந்து திருவாரூர், தேவக்கோட்டைக்கு 2 பேருந்துகள் சனிக்கிழமை பிற்பகல் மத்திய பேருந்து நிலையத்தில் இருந்து புறப்பட்டு அரிஸ்டோ ரவுண்டானா வழியாக வந்து கொண்டிருந்தன. அப்போது, அங்கு வந்த ஒருவர் இரு பேருந்துகளின் மீது கற்களை வீசியதில் அவற்றின் முன்புற கண்ணாடி முழுவதும் உடைந்து விழுந்தது.
உடனடியாக பேருந்தை நிறுத்திய ஓட்டுநர், நடத்துநர்கள் விரைந்து வந்து, கற்களை வீசிய நபரை பிடித்து தாக்கினர். தகவலறிந்து போக்குவரத்து போலீஸாரும் சம்பவ இடத்துக்கு வந்து தாக்குதலுக்குள்ளான நபரை மீட்டனர்.
விசாரணையில் அவர் மனநலம் பாதிக்கப்பட்டவர் என்பதும், மது அருந்தியிருப்பதும் தெரியவந்தது. இந்த சம்பவத்தால் அரிஸ்டோ ரவுண்டானா அருகே சிறிது நேரம் பரபரப்பு காணப்பட்டது.

 

]]>
http://www.dinamani.com/all-editions/edition-trichy/trichy/2018/sep/23/இரு-பேருந்துகளின்-கண்ணாடிகள்-உடைப்பு-3006047.html
3006046 திருச்சி திருச்சி 75 ஆண்டுகளுக்குப் பிறகு: மணப்பாறையில் எருதுகள் ஓட்டத் திருவிழா DIN DIN Sunday, September 23, 2018 03:04 AM +0530
திருச்சி மாவட்டம், மணப்பாறை அடுத்த பாலப்பட்டி ஸ்ரீ பெருமாள்சாமி கொழுக்கட்டை ஆலய எருது ஓட்டம் திருவிழா 75 ஆண்டுகளுக்குப் பிறகு சனிக்கிழமை நடைபெற்றது.
இக்கோயிலில் ராஜ கம்பளத்து நாயக்கர் இன மக்கள் தாங்கள் வளர்க்கும் எருதுகள் இறந்த பின் புதைக்கும் எருது குட்டை எனப்படும் பகுதியில் திருவிழா எடுத்து வழிபடுகின்றனர்.
சனிக்கிழமை மாலை விழாவின் முக்கிய நிகழ்வான எருது ஓட்டம் நடைபெற்றது.
நிகழ்ச்சிக்கு காட்டு மற்றும் சீல் நாயக்கர், மந்தைகளைச் சேர்ந்த ராஜகம்பளத்து நாயக்கர் இனமக்கள் சுமார் ஆயிரக்கணக்கானோர் வந்திருந்தனர். நிகழ்வில் அவர்கள் வளர்த்து வரும் எருதுகள் சுமார் 300 மீட்டர் தொலைவிற்கு கொண்டு செல்லப்பட்டு அங்கிருந்து வழிபாட்டு தலத்தை நோக்கி ஒரே நேரத்தில் அவிழ்த்துவிடப்பட்டன. கொத்து கம்பு பூத்தாண்டும் பகுதி என எல்லை வரையறுக்கப்பட்ட பகுதியில் விரிக்கப்பட்டிருக்கும் துண்டை தாண்டிச்சென்ற எருதுமேல் மஞ்சள் பொடி தூவப்பட்டு முதலாவதாக வந்ததாக அடையாளம் காணப்பட்டது.
முதலில் வந்த எருதுக்கு எலுமிச்சை கனியும் மஞ்சளும் கொடுத்து மரியாதை செய்யப்பட்டது. எருதுவிழா நிறைவுற்றதை தொடர்ந்து நாயக்கர் இனமக்களின் தேவராட்டம் நடைபெற்றது.

 

]]>
http://www.dinamani.com/all-editions/edition-trichy/trichy/2018/sep/23/75-ஆண்டுகளுக்குப்-பிறகு-மணப்பாறையில்-எருதுகள்-ஓட்டத்-திருவிழா-3006046.html
3006045 திருச்சி திருச்சி காதர்மொய்தீன் மனைவியிடம் இரா. முத்தரசன் நலம் விசாரிப்பு DIN DIN Sunday, September 23, 2018 03:03 AM +0530
உடல் நலக்குறைவால் சிகிச்சை பெற்றுவரும் இந்திய யூனியன் முஸ்லிம் லீக் கட்சியின் தேசியத் தலைவர் கே.எம். காதர்மொய்தீன் மனைவியிடம், இந்திய கம்யூனிஸ்ட் கட்சியின் மாநில செயலாளர் இரா. முத்தரசன் சனிக்கிழமை நலம் விசாரித்தார்.
திருச்சி காஜா நகரில் உள்ள வீட்டில் இந்திய யூனியன் முஸ்லிம் லீக்கின் தேசிய தலைவர் பேராசிரியர் கே.எம். காதர்மொய்தீன் மனைவி ஹாஜியானி லத்திபா பேகம் உடல் நலக்குறைவால் சிகிச்சை எடுத்து வருகிறார். சில நாள்களுக்கு திமுக. தலைவர் மு.க. ஸ்டாலின், திமுக பொருளாளர் துரைமுருகன், முதன்மை செயலாளர் டி.ஆர். பாலு உள்ளிட்டோர் நலம் விசாரித்தனர்.
பின்னர், காதர்மொய்தீனுடன் இன்றைய அரசியல் நிலவரம் குறித்துப் பேசினர். சந்திப்பின்போது, முஸ்லிம் லீக் கட்சியின் திருச்சி தெற்கு மாவட்டச் செயலாளர் கே.எம்.கே. ஹபீபுர் ரஹ்மான், திருச்சி மண்டல யூத் ஓருங்கிணைப்பாளர் என்.கே. அமீருதின், பைஜீர் ரஹ்மான் ஆகியோர் உடன் இருந்தனர்.

 

]]>
http://www.dinamani.com/all-editions/edition-trichy/trichy/2018/sep/23/காதர்மொய்தீன்-மனைவியிடம்-இரா-முத்தரசன்-நலம்-விசாரிப்பு-3006045.html
3006044 திருச்சி திருச்சி மணப்பாறையில் 6 இடங்களில் தீ வைத்தவர் கைது DIN DIN Sunday, September 23, 2018 03:03 AM +0530
திருச்சி மாவட்டம், மணப்பாறையில் வெள்ளிக்கிழமை நள்ளிரவு வாகனங்கள் உள்ளிட்ட 6 இடங்களில் தீ வைத்த போதை ஆசாமியை போலீஸார் கைது செய்தனர்.
மணப்பாறை அழகர்சாமி தெருவைச் சேர்ந்தவர் தொழிலதிபர் பெ. ஜெயகுமார் (59). இவர் வெள்ளிக்கிழமை நள்ளிரவு தனது வீட்டின் முன் நிறுத்தியிருந்த சொகுசு காருக்கு மர்ம நபர் தீ வைத்துள்ளார். தகவலின்பேரில் வந்த மணப்பாறை தீயணைப்புத் துறையினர் போராடி தீயை அணைத்தனர். இருப்பினும் கார் முற்றிலும் எரிந்து நாசமானது.
மேலும் அருகில் இருந்த 2 குடிசைகள், ஒரு நாடகக் கம்பெனி கூடம், மற்றும் புதுத்தெரு கடைவீதியில் உள்ள லாரி புக்கிங் அலுவலகத்தில் நிறுத்தி வைக்கப்பட்டிருந்த அண்ணாநகரைச் சேர்ந்த பிச்சைபிள்ளை மகன் மணிகண்டனின் இருசக்கர வாகனம், பூங்கா தெருவில் இருந்த ஓந்தாம்பட்டியை சேர்ந்த சலவை தொழிலாளி வை. ராமசாமியின் துணி தேய்ப்பு வண்டி என 6 இடங்களில் அந்த நபர் தீ வைத்துச் சென்றது தெரியவந்தது. அந்த இடங்களில் எல்லாம் உடனடியாக தீ அணைக்கப்பட்டதால் சேதம் ஏதுமில்லை.
நிகழ்விடத்துக்கு வந்த மணப்பாறை ரோந்து போலீஸார் அருகில் வீடுகளில் இருந்த சிசிடிவி பதிவுகளை வைத்து ஆய்வு செய்ததில் இச்சம்பவத்தில் ஈடுபட்ட எம்.ஜி.ஆர். நகரைச் சேர்ந்த பிலிப் மகன் ஜார்ஜ் (48) ஜார்ஜ் என்பவரைக் கைது செய்து விசாரிக்கின்றனர். இந்த தீ வைப்பு சம்பவத்தில் சுமார் ரூ.10 லட்சம் மதிப்பில் சேதம் ஏற்பட்டது.

 

]]>
http://www.dinamani.com/all-editions/edition-trichy/trichy/2018/sep/23/மணப்பாறையில்-6-இடங்களில்-தீ-வைத்தவர்-கைது-3006044.html
3006043 திருச்சி திருச்சி அனுமதியின்றி பதுக்கி வைத்திருந்த ரூ.1 லட்சம் பட்டாசுகள் பறிமுதல் DIN DIN Sunday, September 23, 2018 03:03 AM +0530
அனுமதியின்றி பதுக்கி வைத்திருந்த ரூ.1 லட்சம் மதிப்பிலான பட்டாசுகளை போலீஸார் பறிமுதல் செய்து விசாரணை நடத்தி வருகின்றனர்.
திருச்சி காந்திமார்கெட் பகுதியில் உள்ள வீடு ஒன்றில் உரிய அனுமதியின்றி பண்டல், பண்டலாகப் பட்டாசுகள் பதுக்கி வைத்திருப்பதாகப் போலீஸாருக்கு தகவல் கிடைத்தது. இதன்பேரில், காந்திமார்கெட் காவல்நிலைய ஆய்வாளர் செந்தில்குமார் தலைமையிலான போலீஸார், காந்திமார்கெட் பிள்ளையார் கோயில் தெருவில் உள்ள வீடு ஒன்றில் சோதனை நடத்தினர். அப்போது, வீட்டின் முன்பு நிறுத்தியிருந்த மினி லாரி, வீட்டினுள் பண்டல், பண்டலாகப் பட்டாசுகள் இருந்தது தெரியவந்தது.
இதையடுத்து, போலீஸார் அவற்றைப் பறிமுதல் செய்தனர். போலீஸார் வருவதையறிந்து வீட்டில் இருந்த அனைவரும் தப்பியோடிவிட்டனர். இதுதொடர்பாக, போலீஸார் வழக்கு பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-trichy/trichy/2018/sep/23/அனுமதியின்றி-பதுக்கி-வைத்திருந்த-ரூ1-லட்சம்-பட்டாசுகள்-பறிமுதல்-3006043.html
3006042 திருச்சி திருச்சி தமிழ்நாடு தவ்ஹீத் ஜமாஅத் ஆர்ப்பாட்டம் DIN DIN Sunday, September 23, 2018 03:03 AM +0530
முத்தலாக் அவசரச் சட்டத்துக்கு மத்திய அமைச்சரவை ஒப்புதல் அளித்ததற்கு கண்டனம் தெரிவித்து திருச்சியில் தமிழ்நாடு தவ்ஹீத் ஜமாஅத் சார்பில் சனிக்கிழமை ஆர்ப்பாட்டம் நடைபெற்றது.
மக்களவையில் முத்தலாக் தடை மசோதா நிறைவேற்றப்பட்ட நிலையில், மாநிலங்களவையில் எதிர்க்கட்சிகளின் எதிர்ப்பு காரணமாக இந்த மசோதா நிறைவேற முடியாமல் உள்ள நிலையில், முத்தலாக் நடைமுறைக்கு தடைவிதிக்கும் வகையில் அவசரச் சட்டத்தை மத்திய அரசு கொண்டு வந்தது. இந்த சட்டத்துக்கு மத்திய அமைச்சரவையும் அதைத் தொடர்ந்து குடியரசுத் தலைவரும் ஒப்புதல் அளித்துள்ளனர். மத்திய அரசின் இந்த செயல்பாட்டைக் கண்டித்து திருச்சி ராமகிருஷ்ணா மேம்பாலம் அருகில் சனிக்கிழமை மாலை நடைபெற்ற ஆர்ப்பாட்டத்துக்கு தமிழ்நாடு தவ்ஹீத் ஜமாஅத்தின் மாவட்டத் தலைவர் குலாம் தஸ்தகீர் தலைமை வகித்தார். கோவை ஆர்.ரகமத்துல்லாஹ் கண்டன உரையாற்றினார். இதில், மாவட்ட நிர்வாகிகள் சையது ஜாஹீர், காஜா முகைதீன்,சமயபுரம் உமர், ஷாஹூன், ஜூபேர்உள்ளிட்டோர் பங்கேற்றனர். சையது ஹாஹீர் நன்றி கூறினார்.

]]>
http://www.dinamani.com/all-editions/edition-trichy/trichy/2018/sep/23/தமிழ்நாடு-தவ்ஹீத்-ஜமாஅத்-ஆர்ப்பாட்டம்-3006042.html
3006041 திருச்சி திருச்சி மகிளா காங்கிரஸ் கொடி அறிமுகம் DIN DIN Sunday, September 23, 2018 03:02 AM +0530  

திருச்சி மாவட்ட காங்கிரஸ் கமிட்டி அலுவலகத்தில் மகிளா காங்கிரஸ் கொடி அறிமுக நிகழ்வு நடைபெற்றது.
நிகழ்ச்சிக்கு மாநகர் மாவட்டத் தலைவர் ஜவஹர் தலைமை வகித்தார். வடக்கு மாவட்ட தலைவர் கலை, தெற்கு மாவட்ட தலைவர் கோவிந்தராஜன், மாநகர் மாவட்ட பொருளாளர் ராஜா நசீர் ஆகியோர் முன்னிலை வகித்தனர். இந்த நிகழ்ச்சியில், மகிளா காங்கிரஸ் மாநில பொதுச் செயலர் ஜெகதீஸ்வரி, கொடியை அறிமுகம் செய்து வைத்து பேசினார்.
மாநில இணைச்செயலர் ஜெயப்பிரியா, மாவட்ட மகிளா காங்கிரஸ் தலைவர்கள் கௌரி, சரோஜா தேவி, மோகனாம்பாள், சிறுபான்மை பிரிவு மாவட்டத் தலைவர் குத்தூஸ் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-trichy/trichy/2018/sep/23/மகிளா-காங்கிரஸ்-கொடி-அறிமுகம்-3006041.html
3006040 திருச்சி திருச்சி தொழிற்சங்கத் தேர்தலை புறக்கணித்து ஆர்ப்பாட்டம் DIN DIN Sunday, September 23, 2018 03:02 AM +0530 திருச்சி பெல் அம்பேத்கர் தொழிற்சங்க நிர்வாகக் குழு உறுப்பினர்கள் தேர்தலில் முறைகேடு நிகழ்வதாகக் கூறி ஒரு பிரிவினர் தேர்தலைப் புறக்கணித்து சனிக்கிழமை ஆர்ப்பாட்டத்தில் ஈடுபட்டனர்.
பெல் நிறுவனத்தில் பணிபுரியும் அம்பேத்கர் தொழிற்சங்கத்துக்கு தலைவர் முதல் துணைச் செயலர் வரை 25 பதவிகளுக்குத் தேர்தல் நடத்தும் வகையில், கடந்த 12,13ஆம் தேதிகளில் வேட்பு மனுக்கள் பெறுதலும்,14 ஆம் தேதி பரிசீலனையும் நடைபெற்றது.
அப்போது ஒரு சமூகத்தைச் சேர்ந்த 17 பேரது மனுவில் குறைகள் இருப்பதாகக் கூறி மனுக்கள் தள்ளுபடி செய்யப்பட்டதாம்.
இதனால் பாதிக்கப்பட்டவர்கள் சென்னை உயர் நீதிமன்ற மதுரைக் கிளையில் முறையிட்டு தேர்தலுக்குத் தடை விதிக்கக் கோரிய போது, திருச்சி சிவில் நீதிமன்றத்தில் வழக்குத் தொடருமாறு நீதிமன்றம் கூறியதாம். இதைத் தொடர்ந்து கடந்த வியாழக்கிழமை சிவில் நீதிமன்றத்தில் வழக்குத் தொடரப்பட்ட நிலையில், இருதரப்பு வாதங்களை ஏற்ற நீதிமன்றம்,
விசாரணையை செப்.24 ஆம் தேதிக்கு ஒத்திவைத்தது.
இந்த நிலையில், தொழிற்சங்கத்தேர்தல் சனிக்கிழமை நடைபெற்ற நிலையில், மனுக்கள் தள்ளுபடி செய்யப்பட்டோர், முறைகேடாகத் தேர்தல் நடைபெறுவதாகக் கூறி அப்பகுதியில் முழக்கங்களை எழுப்பியதால் பரபரப்பு ஏற்பட்டது. இதைத் தொடர்ந்து திருவெறும்பூர் டி.எஸ்.பி. சேகர் தலைமையில் அப்பகுதியில் போலீஸார் பாதுகாப்பில் ஈடுபடுத்தப்பட்டனர்.

 

]]>
http://www.dinamani.com/all-editions/edition-trichy/trichy/2018/sep/23/தொழிற்சங்கத்-தேர்தலை-புறக்கணித்து-ஆர்ப்பாட்டம்-3006040.html
3006039 திருச்சி திருச்சி சமுதாயத்துக்கு பெரியாரின் பங்களிப்பு மிக அதிகம் DIN DIN Sunday, September 23, 2018 03:02 AM +0530
சமுதாயத்துக்கு பெரியாரின் பங்களிப்பு மிக அதிகம் என்றார் திராவிடர் கழகத் தலைவர் கி.வீரமணி.
தமிழ்நாடு முற்போக்கு பெண் வழக்குரைஞர்கள் சங்கம் சார்பில் சனிக்கிழமை நடைபெற்ற பெரியாரின் 140 ஆவது பிறந்த நாள் விழாவில் பங்கேற்று மேலும் அவர் பேசியது:
சமுதாயத்துக்குப் பெரியாரின் பங்களிப்பு மிக அதிகம். அவரின் கொள்கைகள் பல நடைமுறைக்கு வந்துள்ளன. அவர் பேதமற்ற சமுதாயத்தை விரும்பினார். அனைத்து சாதியினரும் அர்ச்சகராக வேண்டும் என்பது வேலைக்காக அல்ல. ஒருவருக்கும் கிடைக்கும் உரிமை மற்றவருக்கு மறுக்கப்படக்கூடாது என்பதற்காகத்தான். அந்த உரிமைப் போராட்டத்தை முன்னெடுத்துச் செல்வோம் என்றார்.
இந்திய கம்யூனிஸ்ட் கட்சியின் மாநிலச் செயலர் இரா. முத்தரசன் பேசியது: பெரியாரிசம் என்பது விஞ்ஞானம். அது வளர்ந்து கொண்டே இருக்கும். மனுதர்மத்திற்கு எதிரான யுத்தத்தில் கருப்பு, சிவப்பும் சேர்ந்தே இருக்கும். அது வெற்றி பெறும்என்றார். சென்னை உயர் நீதிமன்றத்தின் ஓய்வு பெற்ற நீதிபதி து. அரிபரந்தாமன் பேசியது: பெரியாரின் முக்கியத் திட்டமே சாதி ஒழிப்புதான்.
அந்த சாதி ஒழிப்புக்காக அவர் யாரிமுடம் கூட்டணிச் சேருவதற்குத் தயாராகவே இருந்திருந்தார். சாதி ஒழிப்பைப் போன்று, பெண்ணுரிமைக்காகவும் அவர் பல்வேறு வழிகளில் போராடியிருக்கிறார் என்றார்.
இந்த அரங்குக்கு தமிழ்நாடு முற்போக்கு பெண் வழக்குரைஞர்கள் சங்கத்தின் துணைத் தலைவர் தமயந்தி தலைமை வகித்தார். தலைவர் த. பானுமதி வரவேற்று பேசினார். திராவிடர் கழகத் மண்டலத் தலைவர் மு. நற்குணம், செயலர் ப.ஆல்பர்ட், மாவட்டத் தலைவர் ஞா. ஆரோக்கியராஜ், இந்திய கம்யூனிஸ்ட் கட்சியின் மாநகர் மாவட்டச் செயலர் ஏ.கே.திராவிடமணி, முன்னாள் மாவட்டச் செயலர்கள் எம். செல்வராஜ், க.சுரேஷ் முன்னிலை வகித்தனர்.
இந்த நிகழ்வில் நிறைவேற்றப்பட்ட தீர்மானங்கள் : பெரியாரின் பிறந்த நாளை அரசு விடுமுறையாக அறிவிக்க வேண்டும். திருச்சி விமான நிலையத்துக்கு பெரியார் பெயரைச் சூட்ட வேண்டும். குடும்ப வன்முறைகளாலும், பல்வேறு வகையான சமூகப் பிரச்னைகளாலும் தனித்து வாழ விரும்பும் பெண்களுக்கு பாதுகாப்பு அளிக்கும் வகையில் அவர்களுக்கான வசிப்பிடங்களை தனித்தனியாக தங்கும் விடுதிகள் போன்று அமைத்துத் தர வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
முன்னதாக தமிழர்கள் நாங்கள்-தந்தை பெரியாரால் தலைநிமிர்ந்தோம் என்ற தலைப்பில் கருத்தரங்கு நடைபெற்றது. இதை வழக்குரைஞர் லஜபதிராய் தொடக்கி வைத்து பேசினார். வழக்குரைஞர்கள் ஜோ. கென்னடி, பெ.கனகவேல், கம்ரூதீன், தமயந்தி, இ. அங்கயற்கண்ணி, த. பானுமதி ஆகியோர் பவ்வேறு தலைப்புகளில் பேசினர்.
இதைத் தொடர்ந்து சிவாஜி கண்ட இந்து ராஜ்யம் என்ற நாடகம் பொம்மலாட்ட வழியில் நடைபெற்றது.
இந்த நாடத்தை தஞ்சாவூர் தமிழ்ப் பல்கலைக்கழக முன்னாள் நாடகத்துறைத் தலைவர் பேராசிரியர் மு.ராமசாமி தொடக்கி வைத்தார். நிறைவில் வழக்குரைஞர் மோ.பிரியா நன்றி கூறினார்.

 

]]>
http://www.dinamani.com/all-editions/edition-trichy/trichy/2018/sep/23/சமுதாயத்துக்கு-பெரியாரின்-பங்களிப்பு-மிக-அதிகம்-3006039.html
3006038 திருச்சி திருச்சி 13 ஆவது மண்டல கிரிக்கெட்: ஜெ.ஜெ. பொறியியல் கல்லூரி முதலிடம் DIN DIN Sunday, September 23, 2018 03:02 AM +0530
அண்ணா பல்கலைக்கழகத்தின் 13 ஆவது மண்டலத்துக்குள்பட்ட பொறியியல் கல்லூரிகளுக்கு இடையிலான கிரிக்கெட் போட்டியில் திருச்சி ஜெ.ஜெ.பொறியியல் மற்றும் தொழில்நுட்பக் கல்லூரி முதலிடத்தைப் பிடித்தது.
திருச்சி இந்திராகணேசன் பொறியியல் கல்லூரி, ஜெ.ஜெ.பொறியியல் மற்றும் தொழில்நுட்பக் கல்லூரி விளையாட்டு மைதானங்களில் கடந்த 16 ஆம் தேதி முதல் கிரிக்கெட் போட்டி நடத்தப்பட்டது.
14 கல்லூரிகள் பங்கேற்று விளையாடிய இப்போட்டியின் இறுதியாட்டம் செப். 19ஆம் தேதி நடைபெற்றது. இதில், ஜெ.ஜெ.பொறியியல் மற்றும் தொழில்நுட்பக் கல்லூரியும், சாரநாதன் பொறியியல் கல்லூரியும் மோதின. முதலில் விளையாடிய ஜெ.ஜெ. கல்லூரி 25 ஓவர்களில் 6 விக்கெட்டுகளை இழந்து 170 ரன்களை எடுத்தது. இதைத் தொடர்ந்து விளையாடிய சாரநாதன் பொறியியல் கல்லூரியால் நிர்ணயிக்கப்பட்ட 25 ஓவர்களில் 8 விக்கெட்டுகள் இழப்புக்கு 121 ரன்களை மட்டும் எடுக்க முடிந்தது. இதனால் 49 ரன்கள் வித்தியாசத்தில் ஜெ.ஜெ.பொறியியல் மற்றும் தொழில்நுட்பக் கல்லூரி வெற்றி பெற்று, மண்டலங்களுக்கு இடையிலான கிரிக்கெட் போட்டியில் விளையாடும் வாய்ப்பையும் பெற்றது.
மூன்றாவது இடத்துக்கு நடைபெற்ற போட்டியில், அண்ணா பல்கலைக்கழகப் பாரதிதாசன் தொழில்நுட்பப் பொறியியல் கல்லூரி 20 ஓவர்களில் 5 விக்கெட்டுகளை இழந்து 155 ரன்களை எடுத்தது.
பின்னர் விளையாடிய எம்.ஏ.ஆர். பொறியியல் கல்லூரி அணி 14.4 ஓவர்களில் அனைத்து விக்கெட்டுகளையும் இழந்து 49 ரன்களை மட்டும் எடுத்து தோல்வியைத் தழுவியது.

 

]]>
http://www.dinamani.com/all-editions/edition-trichy/trichy/2018/sep/23/13-ஆவது-மண்டல-கிரிக்கெட்-ஜெஜெ-பொறியியல்-கல்லூரி-முதலிடம்-3006038.html
3006037 திருச்சி திருச்சி வாலிபால்: திருப்பத்தூர், திருச்சி கல்லூரிகள் வெற்றி DIN DIN Sunday, September 23, 2018 03:02 AM +0530
திருச்சி ஜமால் முகமது கல்லூரி வைரவிழா ஆண்டையொட்டி 9 ஆம் ஆண்டு மாநில அளவிலான கல்லூரிகளுக்கு இடையிலான வாலிபால் போட்டி சனிக்கிழமை தொடங்கியது. லீக் மற்றும் நாக் அவுட் முறையில் நடத்தப்பட்ட இப்போட்டியில் திருச்சி பிஷப் ஹீபர், ஜமால் முகமது கல்லூரி ஏ மற்றும் பி அணிகள், ஸ்ரீமத் ஆண்டவன் கல்லூரி, திருப்பத்தூர் தூய இருதயக் கல்லூரி, சென்னை லயோலா கல்லூரி, ராமநாதபுரம் சையது அம்மாள் கல்லூரி, திண்டுக்கல் காந்திகிராமிய நிகர்நிலைப் பல்கலைக்கழகம் ஆகியவற்றின் அணிகள் பங்கேற்றுள்ளன.
இப்போட்டியை இந்தியன் ஓவர்சீஸ் வங்கியின் ஜமால்முகமது கிளை தலைமை மேலாளர் ஆர். முரளிதரன் தொடக்கி வைத்தார். கல்லூரி துணை முதல்வர் ஏ. முகமது இப்ராஹிம், உடற்கல்வி இயக்குநர் பி.எஸ். ஷாஇன்ஷா முன்னிலை வகித்தனர்.
முதல் போட்டியில், ராமநாதபுரம் சையது அம்மாள் கலை அறிவியல் கல்லூரியை 25-14, 25-16 என்ற புள்ளிக்கணக்கில் திருப்பத்தூர் தூய இருதயக் கல்லூரியும், திருச்சி ஜமால் முகமது கல்லூரி பி அணியை 25-15, 25-20 என்ற புள்ளிக்கணக்கில் பிஷப் ஹீபர் கல்லூரியும் வென்றன.

 

]]>
http://www.dinamani.com/all-editions/edition-trichy/trichy/2018/sep/23/வாலிபால்-திருப்பத்தூர்-திருச்சி-கல்லூரிகள்-வெற்றி-3006037.html
3004960 திருச்சி திருச்சி ஏழை மாணவர்களுக்கு நலத்திட்ட உதவி DIN DIN Friday, September 21, 2018 09:38 AM +0530 அரசு உதவி பெறும் பள்ளியில் பயின்ற முன்னாள் மாணவர்கள் இணைந்து ஏழை, எளிய மாணவர்களுக்கு நலத்திட்ட உதவிகளை வழங்கினர்.
திருச்சி மாவட்டம், துறையூர் வட்டம் புத்தனாம்பட்டி கிராமத்தில் உள்ள நேரு மேல்நிலைப் பள்ளியின் முன்னாள் மாணவர்கள் ஒருங்கினைந்து பள்ளியில் பயிலும் ஏழை எளிய மாணவ, மாணவிகளுக்கு நலத்திட்ட உதவிகள் வழங்கும் விழாவை வியாழக்கிழமை நடத்தினர். விழாவிற்கு பள்ளி தலைமை ஆசிரியர் கதிர் வேல் தலைமை வகித்தார்.
பள்ளியின் முன்னாள் தாளாளர் நடராஜன் முன்னிலை வகித்தார். திருச்சி வானொலி நிலைய நிகழ்ச்சி ஒருங்கினைப்பாளார் தாராதேவி, கல்வியின் அவசியத்தை வலியுறுத்தி பேசினார். முன்னாள் மாணவர்கள் கூட்டமைப்பின் ஒருங்கினைப்பாளர் சத்யநாராயணன் வாழ்த்திப் பேசினார்.
இந்த விழாவில், 60 மாணவ, மாணவிகளுக்கு ரூ.50 ஆயிரம் மதிப்பில் சீருடைகள் வழங்கப்பட்டன. 4 பேருக்கு ரூ.20 ஆயிரம் உயர்கல்வி உதவித் தொகையாக வழங்கப்பட்டது. 4 மாணவர்களுக்கு தலா ரூ.5 ஆயிரம் ஊக்கத் தொகை வழங்கப்பட்டது.
நிகழ்ச்சியில், ஓய்வு பெற்ற பெற்ற கணித ஆசிரியர் கருப்புசாமி, முன்னாள் மாணவர்கள் கூட்டமைப்பின் நிர்வாகிகள் விஸ்வநாதன், சிதம்பரம், கருப்பையா, செந்தில், முருகானந்தம், வீராசாமி, விக்னேஷ், ராம்ராஜ், மீனாட்சி உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-trichy/trichy/2018/sep/21/ஏழை-மாணவர்களுக்கு-நலத்திட்ட-உதவி-3004960.html
3004959 திருச்சி திருச்சி குற்றச்செய்திகள் DIN DIN Friday, September 21, 2018 09:37 AM +0530 இளம்பெண்ணிடம் நகை பறிப்பு 
திருச்சி வயலூர் சாலை உய்யக்கொண்டான் திருமலை அருகேயுள்ள சண்முகாநகர்  முதல் குறுக்குத் தெருவைச் சேர்ந்தவர் கோபாலகிருஷ்ணன் மனைவி விஜயப்ரியா (29). இவர் புதன்கிழமை காலை, சீனிவாச நகர் மற்றும் ராயர்தோப்பு சந்திப்பு சாலை அருகே நடந்து சென்றபோது அவ்வழியே இருசக்கர வாகனத்தில் தலைக்கவசம் அணிந்து சென்ற மர்ம நபர்கள் இருவர், விஜயப்ரியா கழுத்தில் கிடந்த 2 சவரன் நகையை பறித்துச் சென்றனர். புகாரின் பேரில் அரசு மருத்துவமனை போலீஸார் வழக்குப் பதிந்து விசாரிக்கின்றனர்.

மோசடி நபர் கைது
திருச்சி உறையூர் சிஎஸ்ஐ மருத்துவமனை பகுதியைச் சேர்ந்தவர்கள் ரிச்சர்டு மற்றும் ஜார்ஜ். இருவரும் முதியோர் உதவித்தொகைக்கு விண்ணப்பித்து காத்திருந்தனர். 
கடந்த சில நாள்களுக்கு முன் இருவரும் சிஎஸ்ஐ மருத்துவமனை அருகே நின்று பேசிக் கொண்டிருந்தபோது, அங்கு வந்த நபர், தான் மின்னப்பன் தெருவைச் சேர்ந்த ராஜபாண்டியன் (43)  எனவும், அரசியல் கட்சி பிரமுகர் எனவும் தன்னை அறிமுகம் செய்துகொண்டார். பின்னர் முதியோர் உதவித்தொகையை பெற்றுத் தருவதாகவும் அதற்கு இருவரிடமும் ரூ. 11, 000 தருமாறும் கூறியுள்ளார்.
அதை நம்பி இருவரும் பணம் கொடுத்துள்ளனர். அதன்பிறகு அவர் பணம் பெற்றுத் தரவில்லை. 
பணத்தை கேட்ட இருவரையும் மிரட்டியுள்ளார். இதனையடுத்து உறையூர் போலீஸில் அளித்த புகாரின்பேரில் போலீஸார் வழக்குப் பதிவு செய்து ராஜபாண்டியனை புதன்கிழமை இரவு கைது செய்தனர். 

வழிப்பறி, திருட்டு: 3 பேர் கைது
திருச்சி கே.கே. நகர் அருகேயுள்ள ஐயப்பநகர் குமுதம் தெருவைச் சேர்ந்தவர் பழனிசாமி (56). இவர் புதன்கிழமை பேருந்துக்காக, காஜாமலை காலனி பேருந்து நிறுத்தத்தில் காத்திருந்தபோது அவரது கைப்பையை திருட முயன்றதாக மதுரை மாவட்டம், அலங்கா நல்லூர் பகுதியைச் சேர்ந்த சுமிதா மற்றும் ஜீவா ஆகி இரு பெண்களையும் அக்கம் பக்கத்தினர் பிடித்து போலீஸாரிடம் ஒப்படைத்தனர். இருவரையும் போலீஸார் கைது செய்தனர்.
தென்னூர்  சத்யா நகரைச் சேர்ந்தவர் அரிசி வியாபாரி கார்த்திக். இவர் புதன்கிழமை தென்னூர் பகுதியில் சென்றபோது, அவரை மிரட்டி குப்பாங்குளத்தைச் சேர்ந்த தினேஷ் என்பவர் ரொக்கத்தை பறித்துச் சென்றார். புகாரின் பேரில் தில்லை நகர் போலீஸார் வழக்குப் பதிந்து தினேஷை கைது செய்தனர்.

தொழிலாளி சாவு
திருச்சி கோட்டை சிந்தாமணி அந்தோனியார் கோயில் தெருவைச் சேர்ந்தவர் பா. சுகுமார் (39). தொழிலாளியான இவருக்கு திருமணமாகி 2 குழந்தைகள் உள்ளனர். இந்நிலையில் அவர் கடந்த 6 மாதங்களாக சரியாக வேலைக்கு செல்லாமல் மது குடித்து வந்துள்ளார். கடந்த 13-ஆம் தேதி வீட்டில் மயங்கிய நிலையில் விழுந்து கிடந்தவரை திருச்சி அரசு மருத்துவமனையில் சேர்த்தனர். அவர் மதுவுடன் விஷம் கலந்து குடித்திருக்கலாம் என  கூறப்படுகிறது. தொடர்ந்து சிகிச்சை பெற்று வந்த நிலையில்  சிகிச்சை பலனின்றி புதன்கிழமை இறந்தார். இதுகுறித்து கோட்டை போலீஸார் விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-trichy/trichy/2018/sep/21/குற்றச்செய்திகள்-3004959.html
3004958 திருச்சி திருச்சி 4 கோட்டங்களில் நாளை இலவச மருத்துவ முகாம் DIN DIN Friday, September 21, 2018 09:37 AM +0530 திருச்சி மாநகராட்சி சார்பில் ஸ்ரீரங்கம், அரியமங்கலம், பொன்மலை, கோ-அபிஷேகபுரம் ஆகிய 4 கோட்டங்களிலும் சனிக்கிழமை (செப்.22) இலவசப் பொது மருத்துவ முகாம் நடைபெறுகிறது.
திருவரங்கம் கோட்டத்துக்குள்பட்ட 6ஆவது வார்டு பகுதி மக்களுக்காக மேலகொண்டையம்பேட்டை நேரு பள்ளியிலும், கோ.அபிஷேகம் கோட்ட 54ஆவது வார்டு மக்களுக்காக புத்தூர் முத்துராஜா தெருவில் உள்ள சத்துணவு மையத்திலும், அரியமங்கலம்கோட்டம் 27ஆவது வார்டுக்கு சங்கிலியாண்டபுரம் மேல்நிலை நீர்த்தேக்க தொட்டி அருகிலும், பொன்மலை கோட்டம் 37ஆவது வார்டுக்கு செம்பட்டி குடித்தெரு சத்துணவு மையத்திலும் பொதுமருத்துவ முகாம் நடைபெறும். 
காலை 9 மணிக்கு தொடங்கி பிற்பகல் 1 மணி வரை முகாம் நடைபெறும் என அறிவிக்கப்பட்டுள்ளது.
 

]]>
http://www.dinamani.com/all-editions/edition-trichy/trichy/2018/sep/21/4-கோட்டங்களில்-நாளைஇலவச-மருத்துவ-முகாம்-3004958.html
3004957 திருச்சி திருச்சி பொன்னம்பட்டி பேரூராட்சியில் வரி சீராய்வு அளவீடு பணிகள் DIN DIN Friday, September 21, 2018 09:36 AM +0530 திருச்சி மாவட்டம், மருங்காபுரி வட்டம் பொன்னம்பட்டி பேரூராட்சி பகுதிகளில் நடைபெறும் வரி சீராய்வுப்  பணிகளுக்கு பொதுமக்கள் ஒத்துழைக்கக் கேட்டுக் கொள்ளப்பட்டுள்ளது.
இதுகுறித்து செயல் அலுவலர் ச. சாகுல்அமீது  வெளியிட்ட அறிக்கை: பொன்னம்பட்டி பேரூராட்சி பகுதி குடியிருப்பு கட்டடங்களுக்கு 50 சதவீதம் மற்றும் குடியிருப்பு அல்லாத கட்டடங்களுக்கு 100 சதவீதம் என உயர்வு செய்து அரசாணை வெளியிடப்பட்டுள்ளது.
அதனடிப்படையில் பேரூராட்சி பகுதிகளை (அ,ஆ,இ) என மூன்று மண்டலங்களாகப் பிரித்து  வரி உயர்வு செய்யப்படுகிறது. மண்டல விவரங்கள் தகவல் பலகையில் ஒட்டப்பட்டுள்ளது.
எனவே, அளவீடு செய்ய வரும் பணியாளர்களுக்கு பேரூராட்சி பகுதி பொதுமக்கள் முழு ஒத்துழைப்பு வழங்குவதோடு, கட்டட உரிமையாளர்கள் சுய மதிப்பீட்டுப் படிவங்களை பெற்று விடுதலின்றி பூர்த்தி செய்து 30.09.2018 -க்குள் வழங்க வேண்டும், வழங்காத பட்சத்தில் பேரூராட்சி பணியாளர்கள் மூலம் அளவை செய்து அதனடிப்படையில் முடிவு செய்யப்படும்.

]]>
http://www.dinamani.com/all-editions/edition-trichy/trichy/2018/sep/21/பொன்னம்பட்டி-பேரூராட்சியில்-வரி-சீராய்வு-அளவீடு-பணிகள்-3004957.html
3004956 திருச்சி திருச்சி திருச்சி அரசு மருத்துவமனையில் தீ விபத்து தடுப்பு ஒத்திகை DIN DIN Friday, September 21, 2018 09:36 AM +0530 திருச்சி அரசு மருத்துவமனையில் வியாழக்கிழமை தீ விபத்து தடுப்பு ஒத்திகை நடைபெற்றது.
திருச்சி மகாத்மா காந்தி நினைவு அரசு மருத்துவமனையின் புதிய கட்டடத்தின் பின்பகுதியில் வியாழக்கிழமை தீயணைப்புத்துறை சார்பில் நடைபெற்ற  நிகழ்ச்சிக்கு 3 தீயணைப்பு வாகனங்கள் வந்தன. மேலும், ஸ்கை லிப்ட் வாகனமும் வந்தது. இதையடுத்து தீயணைப்பு வீரர்கள் வேகமாக தீ விபத்து தடுப்பு பணிகளில் ஈடுபட்டனர். 
மருத்துவமனையின் 6 ஆவது மாடியில் தீ விபத்தில் சிக்கியுள்ளவர்களை மீட்கும் வகையில் ஸ்கை லிப்ட் கருவி மூலம் சென்று அங்கு தண்ணீரை அடித்து, தீ விபத்தில் சிக்கியவர்களை மீட்டு கீழே வந்து உடனடியாக மருத்துவமனையில் சேர்க்கும் வகையில் ஒத்திகையில் ஈடுபட்டனர். இதைப் பார்த்த பார்வையாளர்கள் தீ விபத்து நடந்துவிட்டதோ என அச்சப்பட்டனர். அருகில் வந்து பார்த்த பிறகே ஒத்தகை நிகழ்வு நடைபெறுகிறது என்பதை அறிந்து நிம்மதியடைந்தனர்.
திருச்சி மாவட்ட தீயணைப்பு அலுவலர் ராமமூர்த்தி தலைமையில், உதவி அலுவலர் கருணாகரன், நிலைய அலுவலர் தனபால் உள்ளிட்ட 50 பேர் அடங்கிய தீயணைப்பு மற்றும் மீட்புக் குழுவினர் இந்த ஒத்திகை நிகழ்வில் ஈடுபட்டனர். 
இதுதொடர்பாக, நிலைய அலுவலர் தனபால் கூறியது: 6 மாதங்களுக்கு ஒருமுறை அரசு அலுவலகங்கள், அரசு கட்டடங்கள், மருத்துவமனை, பள்ளி, கல்லூரிகளில் தீ விபத்து தடுப்பு தொடர்பான ஒத்திகை நடத்தப்படுவது வழக்கம்.
மேலும், கோவை, மதுரை, சென்னை ஆகிய பெருநகரங்களில் பயன்படுத்தி வந்த ஸ்கை லிப்ட் வாகனம் திருச்சிக்கு வந்துள்ளதைத் தொடர்ந்து அடுக்கு மாடி கட்டடங்களில் இத்தகைய ஒத்திகையை நிகழ்த்தப்பட்டு வருகிறது. இதன்படி, திருச்சி அரசு மருத்துவமனையின் புதிய கட்டடமான அடுக்குமாடி கட்டடத்தில் 6 ஆவது மாடியில் விபத்து நடந்தால் மீட்பது எப்படி என்பது குறித்து ஒத்திகை நிகழ்த்தப்பட்டது என்றார்.

]]>
http://www.dinamani.com/all-editions/edition-trichy/trichy/2018/sep/21/திருச்சி-அரசு-மருத்துவமனையில்-தீ-விபத்து-தடுப்பு-ஒத்திகை-3004956.html
3004955 திருச்சி திருச்சி சுமை தூக்கும் தொழிலாளர்களுக்கு ஊதிய உயர்வு வழங்காவிடில் போராட்டம்: தொ.மு.ச. பேரவை அறிவிப்பு DIN DIN Friday, September 21, 2018 09:35 AM +0530 தொழிற்சங்க ஒப்பந்தப்படி சுமை தூக்கும் தொழிலாளர்களுக்கு ஊதிய உயர்வு வழங்காவிட்டால் போராட்டம் நடத்தப்படும் என தொ.மு.ச. பேரவை  அறிவித்துள்ளது.  
இது குறித்து தொ.மு.ச. பேரவை பொதுச்செயலாளர் சண்முகம் வெளியிட்டுள்ள அறிக்கை : திருச்சி காந்தி சந்தை, சப்-ஜெயில் சாலையில் உள்ள வெங்காய மண்டியில் சுமார் 300 தொழிலாளர்கள் பணியாற்றி வருகின்றனர். இவர்கள் திருச்சி வெங்காயமண்டி சுமை சுமக்கும் தொழிலாளர் முன்னேற்றச் சங்கம் என்னும் சங்கத்தை பல ஆண்டுகளாக நடத்தி வருகிறார்கள்.இந்த சங்கத்தில் ஆண்டுதோறும் தொழிலாளர்களுக்கான ஊதிய உயர்வை பேசுவதும், ஓப்பந்தங்கள் செய்து கொள்வதுமான சுமூக நடவடிக்கைகள் இருந்து வந்தன.
கடந்த 2015ஆம் ஆண்டில் முதலாளிகள் கூட்டமைப்பின் நிர்வாகிகள் ஊதிய உயர்வு கொடுக்காததால்  பிரச்னைகள் ஏற்பட்டன. தொழிலாளர்கள் போராட்டத்தில் ஈடுபட்டனர்.  இதையடுத்து 25.8.16 அன்று தொழிலாளர் உதவி ஆணையர் முன்னிலையில் முத்தரப்பு ஒப்பந்தம் செய்யப்பட்டது. ஒப்பந்தப்படி ஊதியம் கொடுப்பதில் பிரச்னைகள் இருந்தாலும், தொடர்ந்து வேலை பார்த்து வந்தனர்.
இந்நிலையில்,  முதலாளிகள் கூட்டமைப்பினர் பழைய பால்பண்ணை அருகில் சொந்தமாக இடம் வாங்கி திருச்சி அனைத்து அழுகும் பொருள் கமிஷன் மண்டி என்ற பெயரில் புதிய வணிக வளாகத்தை தொடங்கினர்.ஆனாலும் இன்னும் சில கடைகள் பழைய இடத்தில் இயங்கி வருகின்றன. 
இடமாற்றம் செய்தவுடன் எங்கள் சங்கத் தொழிலாளர்கள் வேலை செய்ய தடை செய்தனர். காவல்துறை மற்றும் வருவாய்த்துறை அதிகாரிகள், தொழிலாளர் துறை அதிகாரிகள் பேச்சு நடத்தியும் தீர்வு கிடைக்கவில்லை. நீதிமன்ற உத்தரவு ஒன்றின்படி செயல்படுவதாக அறிவிக்கப்பட்டதையடுத்து சென்னை உயர்நீதிமன்ற மதுரை கிளையில் வழக்கு தொடர்ந்து, கடந்த 28.8.2018 அன்றைய பழைய  நீதிமன்ற உத்தரவுக்கு தடைஆணை பெற்றுள்ளோம். எனவே, சுமை சுமக்கும் தொழிலாளர்களை சட்ட விரோதமாக பழிவாங்குவதை தவிர்த்து, முதலாளிகள் இனியாவது தொழிற்சங்கத்துடன்  பேச்சு நடத்தி, ஒப்பந்தப்படி ஊதிய உயர்வு வழங்க வேண்டும். இல்லையெனில் திருச்சி மாவட்டத்திலுள்ள அனைத்து தொ.மு.ச உறுப்பினர்களையும் இணைத்து வலிமையான போராட்டம் நடத்துவோம் என தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/trichy/2018/sep/21/சுமை-தூக்கும்-தொழிலாளர்களுக்கு-ஊதிய-உயர்வு-வழங்காவிடில்-போராட்டம்-தொமுச-பேரவை-அறிவிப்பு-3004955.html
3004922 திருச்சி திருச்சி உழவர் பாதுகாப்பு திட்டத்தில் உறுப்பினராக பதிவு செய்ய அழைப்பு DIN DIN Friday, September 21, 2018 09:19 AM +0530 திருச்சி மாவட்டத்தைச் சேர்ந்த தகுதியானோர் உழவர் பாதுகாப்புத் திட்டத்தில் பதிவுசெய்து பயன்பெறலாம் என ஆட்சியர் கு.ராசாமணி தெரிவித்துள்ளார்.
இதுதொடர்பாக, அவர் வெளியிட்ட செய்திக்குறிப்பு: விவசாயிகள், விவசாயத் தொழிலாளர்கள், குடும்பத்தினர் பயனடையும் வகையில் முதல்வரின் உழவர் பாதுகாப்பு திட்டம் செயல்படுத்தப்படுகிறது. இத் திட்டத்தின் கீழ், 2.5 ஏக்கருக்கு மேற்படாத நன்செய் நிலமோ, 5 ஏக்கருக்கு மேற்படாத புன்செய் நிலமோ சொந்தமாக வைத்திருந்து நேரடி விவசாயம் செய்யும் விவசாயிகள் பயன்பெறலாம். விவசாயம் சார்ந்த தொழிலில் ஊதியம் அல்லது குத்தகை அடிப்படையில் வேலை செய்வோரும் பயன்பெறலாம்.
இத் திட்டத்தில் பதிவுசெய்ய 18 வயது முதல் 65 வயதுவரை நிர்ணயிக்கப்பட்டுள்ளது. தகுதியானோர் அந்தந்த கிராம நிர்வாக அலுவலரிடம் குடும்ப உறுப்பினர்கள், வயது, தொழில், நில அளவு, குடும்ப அட்டை எண் ஆகிய விவரங்களை அளித்து மூல உறுப்பினராகப் பதிவுசெய்ய வேண்டும். பதிவுசெய்யும் அனைவருக்கும் திட்டத்தில் வழங்கப்படும் அனைத்து உதவித்தொகைகளும் கிடைக்கும்.
பதிவுபெற்ற உறுப்பினரின் குழந்தைகளுக்கு கல்வி பயிலும் தன்மைக்கேற்ப உதவித்தொகை வழங்கப்படும். திருமண உதவித்தொகை, விபத்தில் இறந்தால் உதவித் தொகை, இயற்கை மரண உதவித் தொகை, விபத்து காயங்களுக்கு நிவாரணத் தொகை, ஈமச் சடங்கு உதவித் தொகை என பல்வேறு நிலைகளில் உதவித் தொகைகள் வழங்கப்படுகின்றன. உடல் திறனற்ற நிலையில் உள்ளோருக்கு மாதம் ரூ. ஆயிரம் உதவித் தொகையாக வழங்கப்படுகிறது.
திருச்சி மாவட்டத்தில், உழவர் பாதுகாப்பு திட்டத்தில் 9 லட்சத்து 78 ஆயிரத்து 36 பேர் உள்ளனர். 2017-18ஆம் நிதியாண்டுக்கு 17,430 பேருக்கு ரூ.9.16 கோடி உதவித் தொகை வழங்கப்பட்டுள்ளது. 2018-19ஆம் நிதியாண்டுக்கு இதுவரை 3,509 க்கு ரூ.3.42 கோடி உதவித் தொகை வழங்கப்பட்டுள்ளது. எனவே, திருச்சி மாவட்டத்தைச் சேர்ந்த சிறு, குறு விவசாயிகள், விவசாய கூலித் தொழிலாளர்கள் தங்களது விண்ணப்பங்களை திருச்சி மாவட்ட சமூகப் பாதுகாப்புத் திட்ட தனித்துணை வட்டாட்சியரிடம் சமர்ப்பித்து பயன்பெறலாம் என்றார் அவர்.
 

]]>
http://www.dinamani.com/all-editions/edition-trichy/trichy/2018/sep/21/உழவர்-பாதுகாப்பு-திட்டத்தில்உறுப்பினராக-பதிவு-செய்ய-அழைப்பு-3004922.html
3004921 திருச்சி திருச்சி மதுபோதைக்கு எதிரான விழிப்புணர்வு பிரசாரம் DIN DIN Friday, September 21, 2018 09:19 AM +0530 பிஷப் ஹீபர் கல்லூரியின் சமூகப் பணித்துறை சார்பில் மதுபோதைக்கு எதிரான விழிப்புணர்வு பிரசாரம் வியாழக்கிழமை நடைபெற்றது.
கல்லூரியின் சமூகப் பணித்துறை, இளையோர் ஜேசிஸ் சங்கம் ஆகியவை இணைந்து கல்லூரி வளாகத்தில் வியாழக்கிழமை இந்த நிகழ்வை நடத்தின. இன்றைய இளைஞர்களுக்கு மதுவின் தீமைகள் குறித்து விளக்கிக் கூறவும், மதுபோதைக்கு அடிமையானவர்களை எளிதல் மீட்கும் வழிமுறைகள் குறித்து விளக்கிடும் வகையில் இந்த நிகழ்வு நடைபெற்றது. பங்குத் தந்தை அன்பின் அமலன் நிகழ்ச்சியை தொடக்கி வைத்தார். உதவிப் பேராசிரியர் ஆர். பிரசாத் பேசியது:
மது பழக்கத்துக்கு ஆளானவர்களுக்கு தகுந்த மருத்துவரின் ஆலோசனைகள் மூலம் 25 நாட்களில் மது தொடர்பான பிரச்சனைகளுக்கு எளிதல் தீர்வு பெறலாம். சிறிய அளவிலான சிகிச்சை முறைகளை கையாண்டு மதுநோயிலிருந்து விடுபடலாம். மதுவின் தீமைகளை இன்றைய இளைஞர்களிடம் அதிகளவில் கொண்டு சேர்க்க வேண்டும் என்றார்.
இதில், கல்லூரி மாணவர், மாணவிகள், இளைஞர்கள் என பலர் கலந்து கொண்டனர். இதற்கான ஏற்பாடுகளை பிஷப் ஹீபர் கல்லூரியின் முதுகலை மற்றும் இளங்கலை சமூகப் பணித்துறை மாணவர்கள் செய்திருந்தனர்.

]]>
http://www.dinamani.com/all-editions/edition-trichy/trichy/2018/sep/21/மதுபோதைக்கு-எதிரான-விழிப்புணர்வு-பிரசாரம்-3004921.html
3004920 திருச்சி திருச்சி திருச்சி பெல் நிறுவனத்தில் சிஐடியூ ஆர்ப்பாட்டம் DIN DIN Friday, September 21, 2018 09:19 AM +0530 திருச்சி பெல் நிறுவனத்தில் கோரிக்கைகளை வலியுறித்தி சிஐடியூ தொழிற் சங்கத்தினர்ஆர்ப்பாட்டம் நடத்தினர்.
பெல் நிறுவனத்தின் பிரதான வாயில் அருகே வியாழக்கிழமை காலை நடைபெற்ற  ஆர்ப்பாட்டத்துக்கு  சி.ஐ.டி.யூ. சங்கச் செயலாளர் பரமசிவம் தலைமை வகித்தார்.
ஊதிய மாற்று காலம் 10 ஆண்டு என்பதை 5 ஆண்டுகளாக மாற்றி அமைக்கவேண்டும். தொழிலாளர்களுக்கு ஊதிய மாற்றம் பேசி முடித்தப் பின்னரே, கண்காணிப்பாளர் ( சூப்பர்வைசர்களுக்கு ) உள்ளிட்ட அதிகாரிகளுக்கு ஊதிய மாற்றத்தை அமல்படுத்த வேண்டும்.
ஏற்கெனவே அமல்படுத்தியுள்ள அதிகாரிகள் மற்றும் கண்காணிப்பாளர்களுக்கான ஊதிய மாற்றத்தை ரத்து செய்யவேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது. 
சி.ஐ.டி.யூ. புறநகர் மாவட்டப் பொருளாளர் சம்பத்,  துணைத் தலைவர்கள் அருணன், அருள்மொழி, முருகேசன், குமரவேல்,துணைச் செயலாளர்கள், சங்கர், குமரவேல், பொருளாளர் பரமசிவம் அமைப்பு செயலாளர் ராஜேஷ்கண்ணா உள்ளிட்டோர் பேசினர்.
கண்காணிப்பாளர்கள் சங்கம் பேரணி: அதேபோல் பெல் நிறுவன கண்காணிப்பாளர்கள் (சூப்பர்வைசர்) சங்கத்தினர் கோரிக்கைகளை வலியுறுத்தி கருப்புக் கொடியேந்தி பேரணி நடத்தினர்.  பேரணிக்கு சங்கத்தின் பொதுச்செயலாளர் முகமது சலீம்  தலைமை வகித்தார். பெல் வளாகம் 79ஆவது கட்டடம் அருகே தொடங்கிய பேரணி பிரதான வாயில் வரையில் நடைபெற்றது. தொடர்ந்து கோரிக்கைகள் அடங்கிய மனுவை, மனித வளத்துறை உதவி பொது மேலாளர்  சமது விடம் அளித்தனர்.   போராட்டம் குறித்து சங்கத்தினர் கூறுகையில், கண்காணிப்பாளர்களுக்கு தொழிலாளர்களை விட குறைவான ஊதியம் வழங்கப்படுகிறது. கடந்த 1992-க்குப் பின்னர் படிப்புக்கேற்ற ஊதியம் தடைசெய்யப்பட்டுள்ளது. மேலும் காலிப்பணியிடங்களும் அதிகமாக உள்ளது. 2,500 பேர் பணியாற்ற வேண்டிய நிலையில் 1,100 பேர் மட்டுமே கூடுதல் பணிச்சுமையுடன் பணியாற்றி வருகிறோம். கோரிக்கைகள் நிறைவேறாவிட்டால், செப்டம்பர் 29ஆம் தேதி வேலை நிறுத்தப் போராட்டம் நடத்தப்படும் என்றனர்.

]]>
http://www.dinamani.com/all-editions/edition-trichy/trichy/2018/sep/21/திருச்சி-பெல்-நிறுவனத்தில்-சிஐடியூ-ஆர்ப்பாட்டம்-3004920.html
3004919 திருச்சி திருச்சி லால்குடி அருகே லாரி மோதி 18 ஆடுகள் சாவு DIN DIN Friday, September 21, 2018 09:19 AM +0530 திருச்சி மாவட்டம், லால்குடி அருகே புதன்கிழமை இரவு லாரி மோதி 18 ஆடுகள் உயிரிழந்தன, 25 ஆடுகள் படுகாயமடைந்தன.
ராமநாதபுரம் மாவட்டத்தைச் சேர்ந்தவர் மருதுபாண்டி. இவர் தனக்குச் சொந்தமான 200 செம்மறியாடுகளை ஊர் ஊராகக் கொண்டு சென்று கிடை போட்டு வளர்த்து வந்தார். 
அண்மைக்காலமாக இவர் சிறுகனூர் பகுதியில் கிடை போட்டிருந்த நிலையில் புதன்கிழமை ஆடுகளை ஓட்டிக் கொண்டு சிறுகளப்பூர் - நம்புக்குறிச்சி சாலையில் பெருவளப்பூருக்கு சென்று கொண்டிருந்தார். 
அப்போது அந்த வழியாக வந்த லாரி திடீரென ஆடுகள் கூட்டத்தில் புகுந்ததில் 18 ஆடுகள் உடல் நசுங்கி இறந்தன. 25 ஆடுகள் படுகாயமடைந்தன.  இதுகுறித்து மருதுபாண்டி சிறுகனூர் காவல் நிலையத்தில் கொடுத்த புகாரின்பேரில் போலீஸார் வழக்குப்பதிந்து விசாரிக்கின்றனர்.
 

]]>
http://www.dinamani.com/all-editions/edition-trichy/trichy/2018/sep/21/லால்குடி-அருகே-லாரி-மோதி-18-ஆடுகள்-சாவு-3004919.html
3004918 திருச்சி திருச்சி இந்திய ராணுவத்துக்கு  வீரர்கள் அனுப்பிவைப்பு DIN DIN Friday, September 21, 2018 09:18 AM +0530 இந்திய ராணுவத்துக்கான வீரர்கள் அனுப்பும் நிகழ்வு திருச்சியில் உள்ள ராணுவத்துக்கான ஆள்கள் தேர்வு மையத்தில் வியாழக்கிழமை நடைபெற்றது.
இந்திய ராணுவத்தின் திருச்சி ஆள்கள் தேர்வு மையத்தின் சார்பில் கடந்த ஏப்ரல் மாதம் பெரம்பலூர் மாவட்டத்தில் ஆள்கள் தேர்வு முகாம் நடைபெற்றது. இதில், திருச்சி, கரூர், பெரம்பலூர், அரியலூர், தஞ்சாவூர், புதுக்கோட்டை, திருவாரூர், நாகப்பட்டினம், சிவகங்கை, ராமநாதபுரம், விருதுநகர், திருநெல்வேலி, தூத்துக்குடி, கன்னியாகுமரி, புதுச்சேரி பகுதிகளைச் சேர்ந்த 18 ஆயிரம் இளைஞர்கள் கலந்து கொண்டனர். இவர்களில், 370 பேர் தேர்வு செய்யப்பட்டனர். இவர்களுக்கு மருத்துவத் தேர்வு, உடற்திறன் தேர்வு, எழுத்துத் தேர்வு ஆகியவற்றை முடித்து ராணுவத்துக்கு அனுப்பும் பணி நடைபெற்று வருகிறது. இதன்படி, கடந்த 11ஆம் தேதி முதல்கட்டமாக 120 வீரர்கள் ராணுவத்துக்கு அனுப்பி வைக்கப்பட்டனர். இதன் தொடர்ச்சியாக, இரண்டாம் கட்டமாக செப்.14ஆம் தேதி 98 பேர், செப்.18ஆம் தேதி 91 பேர் அனுப்பப்பட்டனர். நான்காம் கட்டமாக வீரர்கள் அனுப்பும் நிகழ்வு வியாழக்கிழமை நடைபெற்றது.
திருச்சியில் உள்ள ராணுவத்துக்கான ஆள்கள் தேர்வு மையத்தின் இயக்குநர் கர்னல் ரஜினிஷ் லால், தலைமையில் 117 ஆவது பிரதேசப் படை அதிகாரிகள் 61 ராணுவ வீரர்களின் சான்றுகள் மற்றும் அடையாளங்களை உறுதி செய்து ராணுவத்துக்கு அனுப்பி வைத்தனர். கடந்த 2017ஆம் ஆண்டு 30 ஆயிரம் இளைஞர்களில் இருந்து திருச்சி மையத்தின் சார்பில் 500 பேர் தேர்வு செய்யப்பட்டு ராணுவத்துக்கு அனுப்பி வைக்கப்பட்டனர். இதன் தொடர்ச்சியாக இப்போது, 370 பேர் அனுப்பி வைக்கப்பட்டுள்ளனர். இவர்கள் நாடு முழுவதும் உள்ள இந்திய ராணுவத்தின் பல்வேறு பயிற்சி மையங்களுக்கு சென்று பயிற்சி பெற்று அவரவருக்கு ஒதுக்கப்படும் பணிகளில் சேரவுள்ளனர்.

]]>
http://www.dinamani.com/all-editions/edition-trichy/trichy/2018/sep/21/இந்திய-ராணுவத்துக்கு-வீரர்கள்-அனுப்பிவைப்பு-3004918.html
3004917 திருச்சி திருச்சி பெண்ணிடம் 5 பவுன் பறிப்பு DIN DIN Friday, September 21, 2018 09:18 AM +0530 திருச்சி மாவட்டம், மண்ணச்சநல்லூர் அருகே கோயிலுக்குச் சென்ற பெண்ணிடம் 5 பவுன் தாலிச் செயினை பறித்துச் சென்றனர்.
மண்ணச்சநல்லூர் அருகேயுள்ள  குணசீலம் வடக்கு வீதியைச் சேர்ந்தவர்  மாரியப்பன் மனைவி உமாமகேஸ்வரி.  இவர் புதன்கிழமை பெருமாள் கோயிலில் நடந்த திருக்கல்யாணத்து வந்தபோது இவர் கழுத்தில் இருந்த 5 பவுன் தாலிச்செயினை மர்ம நபர்கள் பறித்து கொண்டு தப்பினர்.  வாத்தலை காவல் நிலையத்தில் அளித்த புகாரின் பேரில் விசாரணை நடைபெறுகிறது.
 

]]>
http://www.dinamani.com/all-editions/edition-trichy/trichy/2018/sep/21/பெண்ணிடம்-5-பவுன்-பறிப்பு-3004917.html
3004916 திருச்சி திருச்சி ரியல் எஸ்டேட் அதிபர் கடத்தலா? போலீஸார் தீவிர விசாரணை DIN DIN Friday, September 21, 2018 09:18 AM +0530 திருச்சியில் கடந்த இரு தினங்களுக்கு முன் மாயமான ரியல் எஸ்டேட்  அதிபர்,  கடத்தப்பட்டிருக்கலாம் என்ற கோணத்தில் போலீஸார் தீவிரமாக விசாரிக்கின்றனர்.
திருச்சி, காஜாமலைக்காலனி  அருகேயுள்ள இந்தியன் வங்கிக் காலனி, 5 ஆவது தெருவைச் சேர்ந்தவர் ம. தனபால் (58). ரியல் எஸ்டேட் தொழிலுடன் வாடகைக்கு வீடு பார்த்து கொடுக்கும் தொழிலும் செய்து வந்தார். 
கடந்த செப். 18 இரவு சுமார் 8.30 மணியளவில், தனது நண்பர் வடிவேலுவை விட்டு வருவதாகக் கூறி இருசக்கர வாகனத்தில் சென்றவர் அதன் பின்னர் வீடு திரும்பவில்லை. அவரது செல்லிடபேசி அணைக்கப்பட்டிருந்தது. புகாரின்பேரில் கே.கே. நகர் போலீஸார் வழக்குப் பதிந்து தனபாலை தேடி வருகின்றனர். தொழில் விரோதம் காரணமாக அவரை யாரேனும் கடத்திச் சென்றிருக்கலாம் என்ற கோணத்தில் போலீஸார் விசாரணையை தொடங்கியுள்ளனர். 
முதல் கட்ட விசாரணையில்,  அவர் மாயமான பின்னர், அவரது வங்கிக் கணக்கிலிருந்து ஏடிஎம் மூலம் ரூ.35,000 ரொக்கம் எடுக்கப்பட்டுள்ளது தெரியவந்துள்ளது. மேலும் அவரசு செல்லிடபேசியில் பேசிய நபர்கள் குறித்த பட்டியல் எடுத்து விசாரணை நடைபெறுகிறது. இதுதொடர்பாக 3 பேரை பிடித்து போலீஸார் விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2018/sep/21/ரியல்-எஸ்டேட்-அதிபர்-கடத்தலாபோலீஸார்-தீவிர-விசாரணை-3004916.html
3004915 திருச்சி திருச்சி இளங்காகுறிச்சி விவகாரம்: 26 பேர் மீது வழக்குப் பதிவு DIN DIN Friday, September 21, 2018 09:18 AM +0530 திருச்சி மாவட்டம் மணப்பாறை அடுத்த வையம்பட்டி ஒன்றியம் இளங்காகுறிச்சி புதுமாரியம்மன் கோயில் பகுதியில் கடந்த செப். 15-ல் விநாயகர் சதுர்த்தி விசர்ஜன ஊர்வலம் நடைபெற்றது.
அந்த விழாவில் விஷ்வ இந்து பரிஷத் மாநில பொருளாளர் என்.ஆர்.என். பாண்டியன் பங்கேற்க எதிர்ப்புத் தெரிவித்து அவரது காரையும்,  போலீஸாரின்  வாகனத்தையும் மறித்து போராட்டத்தில் ஈடுபட்டதாக  ஜமாத் தலைவர் முகமது பர்னூல், திமுக ஒன்றியச் செயலர் சபியுல்லா உள்பட 11 பேர் மீது வையம்பட்டி காவல் நிலையத்தில் வழக்குப் பதியப்பட்டுள்ளது.
அதேபோல், அதேநாளில் ஊர்வலத்தில் என்.ஆர்.என். பாண்டியனை அனுமதிக்க கோரி புத்தாநத்தம் கடைவீதியில் மறியல் செய்து  இடையூறு செய்ததாக மத நல்லிணக்கப் பேரவை துரைராஜ் உள்பட 15 பேர் மீது புத்தாநத்தம் காவல் நிலையத்தில் வழக்கு பதியப்பட்டுள்ளது.


 

]]>
http://www.dinamani.com/all-editions/edition-trichy/trichy/2018/sep/21/இளங்காகுறிச்சி-விவகாரம்26-பேர்-மீது-வழக்குப்-பதிவு-3004915.html
3004914 திருச்சி திருச்சி மகளிர் இட ஒதுக்கீடு  மசோதாவை நிறைவேற்ற கோரிக்கை DIN DIN Friday, September 21, 2018 09:18 AM +0530 நிலுவையில் உள்ள மகளிர் இட ஒதுக்கீடு மசோதாவை மத்திய அரசு விரைவில் நிறைவேற்ற வேண்டும் என திருச்சியில் வியாழக்கிழமை நடைபெற்ற தேசிய உழவர் உழைப்பாளர்  கழக மாநில மகளிர் மாநாட்டில் தீர்மானம் நிறைவேற்றப்பட்டது. 
மாநாட்டுக்கு கழக பொருளாளர் ஜெ. வேணி தலைமை வகித்தார். நிறுவனத் தலைவர் ஜெ. ஜோதிக்குமார் நலத்திட்ட உதவிகளை வழங்கி வைத்துப் பேசினார். தேசிய அளவில் நதிகள் அனைத்தையும் இணைக்க வேண்டும். நிலுவையில் உள்ள மகளிர் இட ஒதுக்கீட்டு மசோதாவை மத்திய அரசு விரைவில் நிறைவேற்ற வேண்டும்.  மகளிருக்கு 50சதவிகித இட ஒதுக்கீட்டை வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. 
 

]]>
http://www.dinamani.com/all-editions/edition-trichy/trichy/2018/sep/21/மகளிர்-இட-ஒதுக்கீடு--மசோதாவை-நிறைவேற்ற-கோரிக்கை-3004914.html
3004903 திருச்சி திருச்சி செப்.23-இல் வாக்காளர் பட்டியல் திருத்த சிறப்பு முகாம் DIN DIN Friday, September 21, 2018 08:57 AM +0530 திருச்சி மாவட்டத்துக்குள்பட்ட 9 சட்டப் பேரவை தொகுதிகளிலும் வாக்காளர் பட்டியல் சிறப்பு சுருக்கமுறை திருத்த முகாம் செப்டம்பர் 23ஆம் தேதி நடைபெறுகிறது.
இதுதொடர்பாக, திருச்சி மாவட்ட ஆட்சியர் கு.ராசாமணி வெளியிட்ட செய்திக்குறிப்பு:
திருச்சி மாவட்டத்தின் 9 சட்டப்பேரவை தொகுதிகளின் வரைவு வாக்காளர் பட்டியல் ஒவ்வொரு பகுதிக்கும் நியமனம் செய்துள்ள வாக்குச்சாவடி நிலை அலுவலர்களிடமும் உள்ளன. இந்த வரைவு வாக்காளர் பட்டியலை பொதுமக்கள் பார்வையிட்டு பெயர் சேர்த்தல், நீக்கல், திருத்தம், இடமாற்றம் போன்றவற்றை செய்து கொள்ளலாம். இதேபோல, பள்ளிகளில் உள்ள வாக்குச் சாவடிகளில் செப்டம்பர் 23 ஆம் தேதி காலை 10 மணி முதல் மாலை 5 மணி வரையிலும் சிறப்பு முகாம் நடைபெறவுள்ளது. மேலும்,  அக்டோபர் 7, 14 ஆகிய தேதிகளில் சிறப்பு முகாம் நடைபெறும். இதுதவிர வேலை நாள்களில் அந்தந்த வாக்குப்பதிவு அலுவலரின்  அலுவலகத்துக்கு நேரில் வந்து படிவங்களைப் பெற்று, பூர்த்தி செய்து பிறந்ததேதி மற்றும் முழு முகவரி ஆவணங்களின் நகல்களை அளித்து தேவையைப் பூர்த்தி செய்து கொள்ளலாம்.
2016, 2017ஆம் ஆண்டுகளில் வாக்காளர் பட்டியலில் பெயர் சேர்க்க விண்ணப்பித்து இதுவரை அடையாள அட்டை பெறாதவர்கள் சிறப்பு முகாம் நடைபெறும் நாள்களில் வாக்குச்சாவடிகளுக்கு சென்று பெற்றுக் கொள்ளலாம் என்றார் ஆட்சியர்.

]]>
http://www.dinamani.com/all-editions/edition-trichy/trichy/2018/sep/21/செப்23-இல்-வாக்காளர்-பட்டியல்-திருத்த-சிறப்பு-முகாம்-3004903.html
3004901 திருச்சி திருச்சி சத்குரு சம்ஹார மூர்த்தி கோயில் கும்பாபிஷேகம் DIN DIN Friday, September 21, 2018 08:57 AM +0530 திருச்சியில் சத்குரு சம்ஹார மூர்த்தி சுவாமி திருக்கோயில் கும்பாபிஷேகம் வியாழக்கிழமை நடைபெற்றது.
திருச்சி நீதிமன்றம் மற்றும் தீயணைப்பு நிலைய வளாகத்தில் அமைந்துள்ளது சத்குரு சம்ஹாரமூர்த்தி சுவாமி கோயிலில் கும்பாபிஷேக திருப்பணிகள் நடைபெற்று வந்தன. 
பணிகள் முடிந்த நிலையில் வியாழக்கிழமை அதிகாலை 5.30 மணியளவில் யாகசாலை பூஜைகளுடன் கும்பாபிஷேக நிகழ்ச்சிகள் தொடங்கின. காலை 9 மணிக்கு விமானங்களுக்கு கும்பாபிஷேகமும் அதனைத் தொடர்ந்து 9.15-க்கு  மூலஸ்தான சுவாமி சன்னதிகளுக்கு கும்பாபிஷேகமும் நடைபெற்றன. 
பின்னர் 9.30க்கு மகா அபிஷேகம் மற்றும் தீபாராதனையும், பகலில் மகா அன்னதானமும் நடைபெற்றது. 
நிகழ்ச்சிக்கான ஏற்பாடுகளை கோயில் நிர்வாகத்தினர் செய்திருந்தனர்.

]]>
http://www.dinamani.com/all-editions/edition-trichy/trichy/2018/sep/21/சத்குரு-சம்ஹார-மூர்த்தி-கோயில்-கும்பாபிஷேகம்-3004901.html
3004899 திருச்சி திருச்சி "அனைத்துக் கிராமங்களையும் காவிரி நீர் சென்றடையும்' DIN DIN Friday, September 21, 2018 08:57 AM +0530 அனைத்துக் கிராமப் பகுதிகளுக்கும் காவிரிக் குடிநீர் சென்றடையும் என்றார் மக்களவைத் துணைத் தலைவர் மு. தம்பிதுரை.
மணப்பாறை ஒன்றியப் பகுதிகளை சேர்ந்த சுமார் 60-க்கும் மேற்பட்ட கிராம பொதுமக்களை மக்களவைத் துணைத் தலைவர் மு. தம்பிதுரை பொதுமக்களை நேரில் சந்தித்து, வியாழக்கிழமை  சந்தித்து கோரிக்கை மனுக்களை பெற்று அதே இடத்தில் மாவட்ட ஆட்சியர், வட்டார வளர்ச்சி அலுவலர், பொறியாளர்களைக் கொண்டு மக்களுக்கு தேவையான, அவர்களது கோரிக்கைகள், அடிப்படை தேவைகள் ஆகியவை குறித்து தீர்வு காண அதிகாரிகளுக்கு அறிவுறுத்தினார்.
காவிரி குடிநீர் கிடைப்பதில்லை என பொதுமக்கள் கூறிய குற்றச்சாட்டை கேட்ட தம்பிதுரை, வடிகால் வாரிய பொறியாளர்களை அழைத்து அனைத்து பகுதிகளுக்கு குடிநீர் சீராக சென்றடைய உரிய நடவடிக்கை எடுக்க அறிவுறுத்தினார். மாநிலங்கவை உறுப்பினரும், அதிமுக புறநகர் மாவட்டச் செயலருமான டி. ரத்தினவேல், மாவட்ட ஆட்சியர் கு. ராசாமணி, திட்ட அலுவலர் மலர்விழி, உதவி இயக்குநர் (ஊராட்சிகள்) செல்வகணபதி, உதவித்திட்ட அலுவலர் ரகு, வருவாய் வட்டாட்சியர் தனலெட்சுமி, வட்டார வளர்ச்சி அலுவலர் மருதைதுரை ஆகியோர் உடனிருந்தனர்.
அதிமுக பிரமுகர்களான முன்னாள் எம்எல்ஏ சி. சின்னசாமி, ஒன்றிய செயலர்கள் எம்.பி. வெங்கடாசலம், என். சேது, மாவட்ட துணைச் செயலர் எம்.ஆர். ராஜ்மோகன், பொருளாளர் என். செல்வராஜ் ஆகியோர் உடன் சென்றனர்.

]]>
http://www.dinamani.com/all-editions/edition-trichy/trichy/2018/sep/21/அனைத்துக்-கிராமங்களையும்-காவிரி-நீர்-சென்றடையும்-3004899.html
3004898 திருச்சி திருச்சி "உயர்கல்வியின் தரம் உயர்த்தப்பட  வேண்டியது அவசியம்' DIN DIN Friday, September 21, 2018 08:57 AM +0530 இன்றைய சூழலில் கல்வியின் தரம் உயர்த்தப்பட வேண்டியது அவசியமானது என பெரியார் பல்கலைக் கழக துணைவேந்தர் பி. குழந்தைவேல் தெரிவித்தார்.
திருச்சி மண்டல அண்ணா பல்கலைக் கழக அலுவலகத்தின் கீழ் இயங்கும், திருச்சி, அரியலூர், திருக்குவளை, பட்டுக்கோட்டை ஆகிய இடங்களில் உள்ள அண்ணா பல்கலை. உறுப்புக் கல்லூரிகளின் பட்டமளிப்பு விழா திருச்சியில் வியாழக்கிழமை நடைபெற்றது. விழாவுக்கு, அண்ணா பல்கலைக் கழக துணைவேந்தர் எம்.கே. சூரப்பா தலைமை வகித்தார்.
பெரியார் பல்கலைக் கழக துணைவேந்தர் பி. குழந்தைவேல் பேசியது: கல்வி என்பது மாணவர்களுக்கு பட்டம் வழங்குவதுடன் நின்றுவிடக் கூடியதல்ல. கல்வியானது வெறும் பட்டங்களை வழங்கும் பணியாக இல்லாமல், மாணவர்களின் சிந்தனையை தூண்டும் வகையில் அமைய வேண்டும். புதிய கண்டுபிடிப்புகளை உருவாக்கும் வகையில் அமைய வேண்டும். அதற்கு உயர்கல்வியின் தரம் உயர்த்தப்பட வேண்டியது அவசியம். தனித்திறன் மேம்பாடுகளை வளர்த்துக் கொள்ளும் வகையிலும் கல்வியின் பயன்பாடு இருத்தல் வேண்டும். புதிய, புதிய ஆராய்ச்சிகளும், கண்டுபிடிப்புகளும் இன்றைய சமூகத்துக்கு பயன்தர வல்லதாக அமைய வேண்டும். அதற்கு இளம் மாணவர்கள் தங்களை ஆர்வமுடன் தயார்படுத்திக் கொள்ள வேண்டும் என்றார்.
விழாவில், அண்ணா பல்கலைக் கழக திருச்சி வளாகத்தின் 1,224 மாணவர், மாணவிகள், அரியலூர் வளாகத்தை சேர்ந்த 221 மாணவர்கள், திருக்குவளை வளாகத்தைச் சேர்ந்த 232 மாணவர்கள், பட்டுக்கோட்டை வளாகத்தை சேர்ந்த 228 மாணவர்கள் என மொத்தம் 1,905 பேர் இளங்கலை, முதுகலை பட்டங்களை பெற்றனர். இவர்களுக்கு அண்ணா பல்கலக் கழக துணைவேந்தர் எம்.கே. சூரப்பா பட்டங்களை வழங்கினார்.
திருச்சி மண்டல அண்ணா பல்கலைக் கழக புல முதல்வர் த. செந்தில்குமார், பல்கலை. மண்டல மாணவர்களின் ஆராய்ச்சி, விளையாட்டு, கல்வி சாதனைகளை அறிக்கையாக சமர்ப்பித்து பேசினார். 
இதுமட்டுமல்லாது, துறை ரீதியாக முதலிடம் பெற்ற 32 பேருக்கு தங்கப் பதக்ககங்கள், மாநில அளவில் முதலிடம் பெற்ற 2 பேருக்கு நினைவுப் பரிசு, பல்கலைக் கழக அளவில் சிறப்பிடம் பிடித்த 13 மாணவர்களுக்கு சான்றிதழ்களும் வழங்கப்பட்டன.
விழாவில், அண்ணா பல்கலைக் கழக பதிவாளர் ஜே. குமார், தேர்வு நெறியாளர் எம். வெங்கடேசன், திருச்சி, அரியலூர், திருக்குவளை, பட்டுக்கோட்டை உறுப்புக் கல்லூரிகளின் முதல்வர்கள், பேராசிரியர்கள், மாணவர், மாணவிகள், பெற்றோர் என பலர் கலந்து கொண்டனர்.
கலையரங்கத்தில் விழா: திருச்சி கலையரங்கத்தில் இந்த பட்டமளிப்பு விழா நடைபெற்றது. அரங்கினுள் இடமில்லாத பெற்றோர்களுக்கு அரங்கிற்கு வெளியே இருக்கைகள் அமைக்கப்பட்டிருந்தன. இவர்களுக்கு பட்டம் வழங்கும் நிகழ்வானது டிஜிட்டல் திரை மூலம் நேரடியாக ஒளிபரப்பு செய்யப்பட்டது.
 

]]>
http://www.dinamani.com/all-editions/edition-trichy/trichy/2018/sep/21/உயர்கல்வியின்-தரம்-உயர்த்தப்பட-வேண்டியது-அவசியம்-3004898.html
3004896 திருச்சி திருச்சி திருச்சி மத்திய சிறையில் போலீஸார் திடீர் ஆய்வு DIN DIN Friday, September 21, 2018 08:56 AM +0530 திருச்சி மத்திய சிறையில் கைதிகளிடம் செல்லிடப்பேசி உள்ளிட்ட பொருள்கள் உள்ளனவா? என போலீஸார் வியாழக்கிழமை திடீர் ஆய்வு மேற்கொண்டனர். 
திருச்சி மத்திய சிறையில், காவல் உதவி ஆணையர் ஜான்சிராணி தலைமையில், சுமார் 30 போலீஸார் கொண்ட குழுவினர் இந்த ஆய்வை மேற்கொண்டனர். இதில், சிறையின் அனைத்து அறைகளும் சோதனைக்கு உட்படுத்தப்பட்டன. அதேபோல் காந்திச்சந்தை பகுதியில் உள்ள மகளிர் சிறையிலும் 15 பேர் கொண்ட குழுவினர்  சோதனை நடத்தினர். 
இந்த சோதனைகளில் குறிப்பிடும்படியான எந்தப் பொருள்களும் சிக்கவில்லை. சோதனை குறித்து திருச்சி (மத்திய சிறை)  டி. ஐ. ஜி . சண்முகசுந்தரம் கூறுகையில், இந்த ஆய்வு மாதந்தோறும் மேற்கொள்ளப்படும் வழக்கமான சோதனைதான் என்றார்.

]]>
http://www.dinamani.com/all-editions/edition-trichy/trichy/2018/sep/21/திருச்சி-மத்திய-சிறையில்போலீஸார்-திடீர்-ஆய்வு-3004896.html
3004182 திருச்சி திருச்சி தற்காலிக பட்டாசு கடைகள் நடத்த விண்ணப்பிக்கலாம் DIN DIN Thursday, September 20, 2018 09:30 AM +0530 திருச்சி மாநகரில் தீபாவளி பண்டிகையை முன்னிட்டு தற்காலிக பட்டாசுக் கடைகள் நடத்த இம்மாதம் 30 ஆம் தேதிக்குள் விண்ணப்பிக்க வேண்டும்.
திருச்சி மாநகர எல்லைக்குள்பட்ட பகுதிகளில் நடப்பாண்டில் தீபாவளி பண்டிகையை முன்னிட்டு பட்டாசுக்கடை நடத்த விரும்புபவர்கள், 2018 ஆம் ஆண்டுக்கான தற்காலிக பட்டாசுக் கடை உரிமம் பெற  உரிய விண்ணப்பங்களை இம்மாதம் 30 ஆம் தேதிக்குள் மாநகரக் காவல் ஆணையர் அலுவலகத்தில் சமர்ப்பிக்க வேண்டும். அதற்குப் பின்னர் சமர்ப்பிக்கப்படும் விண்ணப்பங்கள் நிராகரிக்கப்படும் என  மாநகரக் காவல்துறை தெரிவித்துள்ளது.
 

]]>
http://www.dinamani.com/all-editions/edition-trichy/trichy/2018/sep/20/தற்காலிக-பட்டாசு-கடைகள்-நடத்த-விண்ணப்பிக்கலாம்-3004182.html
3004181 திருச்சி திருச்சி வாக்குப்பதிவு இயந்திரங்களின் பாதுகாப்பு குறித்து ஆய்வு DIN DIN Thursday, September 20, 2018 09:30 AM +0530 திருச்சி, ஸ்ரீரங்கம் கோட்டாட்சியர் மற்றும் வட்டாட்சியரகங்களில் முதல் கட்டப் பரிசோதனை செய்யப்பட்டு வைக்கப்பட்டுள்ள மின்னணு வாக்குப்பதிவு இயந்திரங்களின் பாதுகாப்பு குறித்து மாவட்ட ஆட்சியர் கு. ராசாமணி புதன்கிழமை ஆய்வு செய்தார். இதைத் தொடர்ந்து அவர் கூறியது:
இந்தியத் தேர்தல் ஆணையத்தால் புதிய மின்னணு வாக்குப்பதிவு இயந்திரங்கள் பெங்களூருவிலுள்ள பாரத் எலெக்ட்ரானிக் நிறுவனத்திடமிருந்து ஒவ்வொரு மாவட்டத்துக்கும் அனுப்பி வைக்கப்பட்டுள்ளன. அதன்படி, திருச்சி மாவட்டத்துக்கு 2 மாதங்களுக்கு முன்  புதிய  மின்னணு வாக்குப்பதிவு இயந்திரக் கருவிகள் 6339-மும், கட்டுப்பாட்டுக் கருவிகள் 3,440-மும், வாக்காளர் சரிபார்ப்புக் கருவியும் வரப்பெற்று  ஸ்ரீரங்கம், திருவெறும்பூர் வட்டாட்சியர் அலுவலகங்களிலும், ஸ்ரீரங்கம், திருச்சி கோட்டாட்சியர் அலுவலகங்களிலும் பாதுகாப்பான அறையில் வைக்கப்பட்டுள்ளன.
குறைபாடுள்ள இயந்திரங்கள் மீண்டும் அனுப்பி வைக்கப்பட்டுள்ளன.  வாக்கு இயந்திரங்கள் பாதுகாப்பான முறையில் உள்ளதா என்பது குறித்து ஆய்வு செய்யப்பட்டது. தொடர்ந்து ஆய்வு மேற்கொள்ளப்படும் என்றார் ஆட்சியர்.
திருச்சி மாவட்டம், மணிகண்டம் ஒன்றியத்தில் கே.கள்ளிக்குடி, அளுந்தூர், சேதுராப்பட்டி, பாகனூர், நவலூர் குட்டப்பட்டு, நாச்சிக்குறிச்சி ஊராட்சிகளில்  வேலை உறுதித் திட்டத்தின் கீழ் குளம் அமைத்தல், மரக்கன்று வளர்க்கும் பணி, புதிய அங்கன்வாடி கட்டடம் கட்டுதல், புதிய தார்ச்சாலை அமைத்தல் உள்ளிட்ட ரூ.1.03 கோடியில் நடைபெறும் பணிகளை மாவட்ட ஆட்சியர் கு. ராசாமணி பார்வையிட்டு ஆய்வு செய்து, பணிகளை விரைந்து முடிக்க அறிவுறுத்தினார்.
மாவட்ட ஊரக வளர்ச்சி முகமைத் திட்ட இயக்குநர் ஆர். மலர்விழி, ஊராட்சிகள் உதவி இயக்குநர் செல்வகணபதி, வட்டார வளர்ச்சி அலுவலர்கள் பி. லதா, மங்கலேசுவரி, ஸ்ரீரங்கம் வட்டாட்சியர் கனகமாணிக்கம், தேர்தல் துணை வட்டாட்சியர் தங்கராஜ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-trichy/trichy/2018/sep/20/வாக்குப்பதிவு-இயந்திரங்களின்-பாதுகாப்பு-குறித்து-ஆய்வு-3004181.html
3004179 திருச்சி திருச்சி கோ-ஆப்டெக்ஸில் தீபாவளி சிறப்பு விற்பனை தொடக்கம் DIN DIN Thursday, September 20, 2018 09:30 AM +0530 திருச்சி-கோ  ஆப்டெக்ஸில் தீபாவளி சிறப்பு விற்பனை புதன்கிழமை தொடங்கியது. நிகழாண்டின் விற்பனை இலக்காக ரூ.3.68 கோடி நிர்ணயிக்கப்பட்டுள்ளது.
திருச்சி மத்தியப் பேருந்து நிலையம் அருகிலுள்ள கோ- ஆப்டெக்ஸில் புதன்கிழமை நடைபெற்ற நிகழ்வில் விற்பனையைத் தொடங்கிவைத்து மாவட்ட ஆட்சியர் கு. ராசாமணி கூறியது:
கோ- ஆப்டெக்ஸில் புதிய ரக ஆடைகள் ரூ.3000 முதல் ரூ.55,000 வரையிலான விலைகளில் விற்கப்படுகின்றன. விதவிதமான வடிவமைப்பு புடவைகள் உள்ளன. மத்தியப் பேருந்து நிலையம் மட்டுமல்லாது, மெயின்கார்டுகேட் மற்றும் பாரதமிகுமின் நிலையப் பகுதிகளிலும் விற்பனை நிலையங்கள் உள்ளன. மேலும், பொதுமக்கள் கூடுமிடங்களிலும் விற்பனையை அதிகரிக்க நடவடிக்கை எடுக்கப்பட்டுள்ளது.
அரசு நிறுவனமாக கோ- ஆப்டெக்ஸ் இருந்தாலும் நெசவாளர்களின் வாழ்க்கைத் தரம் மேம்பட உறுதுணையாக இருக்கிறது. புதிய வடிவமைப்புடன் கூடிய மென்பட்டுப் புடவைகள், கோவை  கோரா காட்டன் சேலைகள், கூறைநாடு புடவைகள், திருபுவனம் பட்டுச் சேலைகள் விற்பனைக்காக குவிக்கப்பட்டிருக்கின்றன. இதுபோல பருத்திச் சேலைகள்,  போர்வைகள், படுக்கை விரிப்புகள்,  தலையணை உறைகள்,  வேட்டி, லுங்கி, துண்டு ரகங்களும் விற்பனைக்கு உள்ளன. 30 சதவிகிதம் வரை தள்ளுபடி வழங்கப்படுகிறது.
கடந்தாண்டில் பொதிகை விற்பனை நிலையத்தில் தீபாவளி விற்பனையாக  ரூ.2.87 கோடி விற்பனை இலக்கு நிர்ணயிக்கப்பட்ட நிலையில், நிகழாண்டில் ரூ.3.68 கோடி விற்பனை இலக்கு நிர்ணயிக்கப்பட்டுள்ளது. இதைத் தவிர கோ-ஆப்டெக்ஸ் நிறுவனம், கனவு- நனவுத் திட்டத்தின் கீழ் 11 மாதச் சந்தாத் தொகையை வாடிக்கையாளர்களிடமிருந்து பெற்று, 12 ஆவது மாதத் தொகையை   நிறுவனமே செலுத்தி, மொத்த முதிர்வுத் தொகைக்குத் தேவைப்படும் துணிகளை 30 சதவிகிதத் தள்ளுபடியுடன் வழங்கி வருகிறது என்றார் ஆட்சியர் ராசாமணி.
நிகழ்வில்,  கோ ஆப்டெக்ஸ் மேலாளர் ( வடிவமைப்பு மற்றும் உற்பத்தி) இரா. சீனிவாசன்,  துணை மண்ட மேலாளர் மு. அன்பழகன், பொதிகை விற்பனை நிலைய மேலாளர் ஆனந்தமுருகன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/trichy/2018/sep/20/கோ-ஆப்டெக்ஸில்-தீபாவளி-சிறப்பு-விற்பனை-தொடக்கம்-3004179.html
3004178 திருச்சி திருச்சி பொன்மலையில் எஸ்.ஆர்.எம்.யூ. ஆர்ப்பாட்டம் DIN DIN Thursday, September 20, 2018 09:30 AM +0530 குறைந்த பட்ச ஊதியத்தை மாற்றி அமைப்பது உள்ளிட்ட கோரிக்கைகளை வலியுறுத்தி திருச்சி பொன்மலை பணிமனை அருகே எஸ்.ஆர்.எம்.யூ. தொழிற்சங்கத்தினர் ஆர்ப்பாட்டம் மேற்கொண்டனர்.
பொன்மலை ஆர்மரி கேட் பகுதியில் புதன்கிழமை நடைபெற்ற ஆர்ப்பாட்டத்துக்கு, எஸ்.ஆர்.எம்.யூ. தொழிற்சங்க திருச்சி கோட்ட செயலாளர் எஸ். வீரசேகரன் தலைமை வகித்தார்.  ஏழாவது ஊதியக்குழு பரிந்துரையின்படி அமைக்கப்பட்டுள்ள குறைந்த பட்ச ஊதிய விகிதத்தையும்  தனியார் மயமாக்கும் நடவடிக்கைகளையும் கைவிட வேண்டும். புதிய ஓய்வூதிய திட்டத்தை உறுதி செய்யப்பட்ட ஓய்வூதியமாக மாற்றி வழங்க நடவடிக்கை எடுக்க வேண்டும்.  ரத்து செய்யப்பட்ட 52 வகையான பணப் பயன்களை மீண்டும் வழங்க வேண்டும். 20 ஆண்டு சேவைக்குப் பின்னரும் ஊதிய உயர்வு வழங்க நிபந்தனை விதிக்கக் கூடாது என்பன உள்ளிட்ட கோரிக்கைகளை வலியுறுத்தி  ஆர்ப்பாட்டம் நடைபெற்றது. 
உணவு இடைவேளையின் போது ஆயிரக்கணக்கானோர் இந்த ஆர்ப்பாட்டத்தில் பங்கேற்று பின்னர் பணிக்குத் திரும்பினர். 
 நாடு தழுவிய வகையில் இந்த ஆர்ப்பாட்டம் அனைத்துப் பகுதிகளிலும் நடைபெற்றது என்பது குறிப்பிடத்தக்கது.
 

]]>
http://www.dinamani.com/all-editions/edition-trichy/trichy/2018/sep/20/பொன்மலையில்-எஸ்ஆர்எம்யூ-ஆர்ப்பாட்டம்-3004178.html
3004176 திருச்சி திருச்சி பாரதிதாசன் பல்கலை.யில் வளாகத் தூய்மைப்பணி DIN DIN Thursday, September 20, 2018 09:29 AM +0530 திருச்சி பாரதிதாசன் பல்கலைக்கழகத்தில் வளாகத் தூய்மைப்பணி செவ்வாய்க்கிழமை நடைபெற்றது.
பல்கலைக்கழகத் தேசிய மாணவர் படையின் மாணவிகள் பிரிவு சார்பில் நடத்தப்பட்ட  நிகழ்ச்சிக்கு  இணை லெப்டினன்ட் என்.டி. ஸ்ரீநிதிவிஹாசினி தலைமை வகித்தார். துறைக் கட்டடங்களைச் சுற்றி கிடந்த பாலித்தீன் கவர்கள், பிளாஸ்டிக் பாட்டில்கள்,  காய்ந்த இலை-தழைகள், குப்பைகளை தேசிய மாணவர் படையைச் சேர்ந்த மாணவிகள் அகற்றினர். மேலும், வளாகத்தில் உள்ள மரங்களைச் சுற்றி தண்ணீர் ஊற்றுவதற்காக தோண்டப்பட்ட இடங்களை ஆழப்படுத்தினர்.  வாரத்தின் இறுதிநாள்கள் அல்லது காலைகளில் இப்பணிகள் மேற்கொள்ளப்படும் என்றும், இதன் மூலம் மாணவிகளின் சமூகப் பொறுப்புணர்வு மேம்படும் என்று ஸ்ரீநிதி விஹாசினி தெரிவித்தார். மேலும், சுற்றுச்சூழல் மேலாண்மைத் துறையில் அமைக்கப்பட்டுள்ள மண்புழு உரம் தயாரிக்கும் இடத்துக்குச் சென்ற மாணவிகளுக்குப் பயிற்சியும் அளிக்கப்பட்டது.

]]>
http://www.dinamani.com/all-editions/edition-trichy/trichy/2018/sep/20/பாரதிதாசன்-பல்கலையில்-வளாகத்-தூய்மைப்பணி-3004176.html
3004174 திருச்சி திருச்சி மக்கள் பயன்பாட்டுக்கு  குடிநீர்க் குழாய்கள் திறப்பு DIN DIN Thursday, September 20, 2018 09:29 AM +0530 திருவெறும்பூர் தொகுதிக்குள்பட்ட 2 இடங்களில் அமைக்கப்பட்ட குடிநீர்க் குழாய்களை மக்கள் பயன்பாட்டுக்காக சட்டப்பேரவை உறுப்பினர் அன்பில் மகேஷ் பொய்யாமொழி திறந்து வைத்தார்.
திருவெறும்பூர் தொகுதியிலுள்ள கிருஷ்ணசமுத்திரம் ஊராட்சியைச் சேர்ந்தது செம்மங்குளம். இங்குள்ள தொண்டைமான்பட்டி மற்றும் அந்தோனியார்கோயில் தெருவில்  உள்ள பொதுமக்கள் தங்கள் பகுதியில் நிலவும் குடிநீர்ப் பற்றாக்குறையைப் போக்க நடவடிக்கை எடுக்குமாறு சட்டப்பேரவை உறுப்பினரிடம் வலியுறுத்தியிருந்தனர்.
இதனைத் தொடர்ந்து,  தனது சட்டப்பேரவை உறுப்பினர் தொகுதி மேம்பாட்டு நிதியிலிருந்து தொண்டைமான்பட்டி, அந்தோனியார்கோயில் தெருவில் ரூ.1.35 லட்சத்தில் அமைக்கப்பட்ட புதிய குடிநீர்க் குழாய்களை செவ்வாய்க்கிழமை  மக்கள் பயன்பாட்டுக்காக திறந்து வைத்தார். இந்த நிகழ்வில், ஒன்றியச் செயலர் கே.எஸ்.எம். கருணாநிதி, நிர்வாகிகள் செல்வராஜ், மாரிமுத்து, சித்ரவேல்,  ராஜேந்திரன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/sep/20/மக்கள்-பயன்பாட்டுக்கு--குடிநீர்க்-குழாய்கள்-திறப்பு-3004174.html
3004172 திருச்சி திருச்சி அரசுப் பணியாளர் குறைகேட்பு கூட்டத்தில் 108 மனுக்கள் DIN DIN Thursday, September 20, 2018 09:29 AM +0530 திருச்சி மாவட்டத்தில் அனைத்துத் துறை அரசுப் பணியாளர்களுக்கான பணியமைப்புத் தொடர்பான குறைகேட்பு நாள் கூட்டத்தில் 108 மனுக்கள் பெறப்பட்டன.
மாவட்ட ஆட்சியரகத்தில் புதன்கிழமை நடைபெற்ற கூட்டத்துக்கு ஆட்சியர் கு.ராசாமணி தலைமை வகித்து மனுக்களைப் பெற்றுக் கொண்டார். பணிமாறுதல் தொடர்பாக 38 மனுக்கள், பதவி உயர்வுக் கோரி 11 மனுக்கள் குற்றச்சாட்டு நீக்கக் கோரி 19 மனுக்கள் என மொத்தம் 108 மனுக்களைப் பெற்ற ஆட்சியர், இந்த மனுக்கள் மீது உரிய விசாரணை நடத்தி நடவடிக்கை எடுக்கப்படும் எனத் தெரிவித்தார்.
ஊரக வளர்ச்சித்துறை சார்பில் 65 சதவிகிதமும், வருவாய், பேரூராட்சித் துறைகள் சார்பில் தலா 15 சதவிகிதமும், இதரத் துறைகளிலிருந்து 5 சதவிகிதமும் மனுக்கள் வந்துள்ளன. 15 நாள்களுக்கு ஒருமுறை இந்த கூட்டம் நடத்தப்படும்.  அரசின் கவனத்துக்கு கோரிக்கை கொண்டு செல்லப்பட்டு தீர்வு காணப்படும். அனைத்துத் துறை அலுவலர்களும்  தங்களுடைய கோரிக்கைகளை மனுக்களாக அளிக்கலாம் என்று ஆட்சியர் கு.ராசாமணி தெரிவித்தார். இக்கூட்டத்தில் 2 பேருக்கு கருணை அடிப்படையில் கிராம நிர்வாக அலுவலர் பணியிடத்துக்கான ஆணை வழங்கப்பட்டது. மாவட்ட ஆட்சியரின் நேர்முக உதவியாளர்கள்  பழனிதேவி  (பொது),  லதா ( வளர்ச்சி),  அலுவலக மேலாளர் சத்தியமூர்த்தி உள்ளிட்டோர் கூட்டத்தில் பங்கேற்றனர்.
 

]]>
http://www.dinamani.com/all-editions/edition-trichy/trichy/2018/sep/20/அரசுப்-பணியாளர்-குறைகேட்பு-கூட்டத்தில்-108-மனுக்கள்-3004172.html
3004170 திருச்சி திருச்சி கேரளத்துக்கு ஓய்வுபெற்ற அரசு ஊழியர் சங்கம் ரூ. 1. லட்சம் நிவாரணம் DIN DIN Thursday, September 20, 2018 09:29 AM +0530 கேரள மாநிலத்தில் ஏற்பட்ட பெருவெள்ளத்தால் பாதிக்கப்பட்ட மக்களுக்கு உதவிடும் வகையில்,  தமிழ்நாடு  ஓய்வுபெற்ற அரசு ஊழியர் சங்கத்தின் திருச்சி மாவட்டக் கிளை சார்பில் ரூ.1 லட்சம் நிவாரணத் தொகை வழங்கப்பட்டுள்ளது.
சங்க உறுப்பினர்களிடமிருந்து  நன்கொடையாக பெறப்பட்ட இத்தொகை  கேரள மாநில அரசின் பாரத ஸ்டேட் வங்கிக் கணக்கில் செலுத்தப்பட்டுள்ளதாக, தமிழ்நாடு ஓய்வு பெற்ற அரசு ஊழியர் சங்கத்தின் திருச்சி மாவட்டத் தலைவர் ப. அருள்ஜோஸ், செயலர் மு.நடராஜன்ஆகியோர் புதன்கிழமை வெளியிட்டுள்ள செய்திக்குறிப்பில் தெரிவித்துள்ளனர்.
 

]]>
http://www.dinamani.com/all-editions/edition-trichy/trichy/2018/sep/20/கேரளத்துக்கு-ஓய்வுபெற்ற-அரசு-ஊழியர்-சங்கம்ரூ-1-லட்சம்-நிவாரணம்-3004170.html
3004168 திருச்சி திருச்சி பேருந்து பயணியிடம்  ரூ. 1.20 லட்சம் பறிப்பு DIN DIN Thursday, September 20, 2018 09:28 AM +0530 திருச்சி வரகனேரி ஆனந்தபுரம் புதுத்தெரு பகுதியைச் சேர்ந்தவர் எம். வடிவேல் (55). இவர் செவ்வாய்க்கிழமை காலை,  மத்திய பேருந்து நிலைய பகுதியிலிருந்த வங்கியிலிருந்து ரூ. 1.20 லட்சத்தை எடுத்துக்கொண்டு, சத்திரம் பேருந்து நிலையம் செல்லும் தனியார் நகரப் பேருந்தில் பயணித்தார். அவர் ரொக்கம் வைத்திருப்பதை நோட்டமிட்ட,  அதே பேருந்தில் பயணித்த  மர்ம நபர் ஒருவர்,  பாலக்கரை பிரபாத் பேருந்து நிறுத்தத்தில் பேருந்து நின்றதும், பணப் பையை பறித்துக்கொண்டு கீழே இறங்கி தப்பியோடினார்.  இது குறித்த புகாரின்பேரில் காந்திச்சந்தை போலீஸார் வழக்குப் பதிவு செய்து, விசாரணை மேற்கொண்டதில்,  பாலக்கரை, கீழப்புதூர் குருவிக்காரத் தெருவைச் சேர்ந்த குமார் மகன் மணிகண்டன் (20) என்பவர் ரொக்கத்தை பறித்துச் சென்றது தெரியவந்தது. இதனையடுத்து அவரை போலீஸார் கைது செய்தனர்.

]]>
http://www.dinamani.com/all-editions/edition-trichy/trichy/2018/sep/20/பேருந்து-பயணியிடம்--ரூ-120-லட்சம்-பறிப்பு-3004168.html
3004166 திருச்சி திருச்சி தூய்மைப்பணியில் மாணவர்கள் DIN DIN Thursday, September 20, 2018 09:28 AM +0530 திருச்சி காட்டூர் பாப்பாக்குறிச்சி பகுதியில் உருமு தனலட்சுமி கல்லூரி தேசிய மாணவர் படை சார்பில் புதன்கிழமை தூய்மைப்பணி மேற்கொள்ளப்பட்டது.
இக்கல்லூரியின் தேசிய மாணவர் படை மற்றும் 2(த.நா.) பட்டாலியன்  என்.சி.சி. சார்பில் காட்டூர் பாப்பாக்குறிச்சி கிராமத்தின் பல்வேறு பகுதிகளில்  தூய்மையே சேவை திட்டத்தின் கீழ் மேற்கொள்ளப்பட்ட தூய்மைப் பணிக்கான நிகழ்வை கல்லூரி வளாகத்தில் முதல்வர் டி.கிறிஸ்டி செல்வராணி தொடக்கி வைத்தார்.
இதைத் தொடர்ந்து தேசிய மாணவர் படையைச் சேர்ந்த மாணவ, மாணவிகள் காட்டூர் பாப்பாக்குறிச்சி கிராமத்தின் பல்வேறு பகுதிகளுக்குச் சென்று, தெருக்களில் தேங்கிக் கிடந்த குப்பைகள், முள்புதர்களை அகற்றி தூய்மைப் பணியில் ஈடுபட்டனர். ஏற்பாடுகளை கல்லூரி என்.சி.சி. அலுவலர் மேஜர் என்.எஸ்.சிவகுமார் செய்திருந்தார்.
மணப்பாறையில்:  திருச்சி மாவட்டம் மணப்பாறை அடுத்த கீழப்பொய்கைப்பட்டியில் தியாகேசர் ஆலை மேல்நிலைப்பள்ளியின் இரும்பு கவசப்படை தேசிய மாணவர் படையினர் சார்பில் புதன்கிழமை தூய்மைப் பணி நடந்தது.
இக்கிராமத்தை தூய்மை இந்தியா திட்டத்தில் பள்ளியின் இரும்பு கவசப்படை தேசிய மாணவர் படையினர் தத்தெடுத்துள்ளதால் இங்கு அவ்வப்போது அடிப்படை வசதி செய்யத் திட்டமிட்டுள்ளனர். முதற்கட்டமாக கிராம நடுநிலைப்பள்ளி வளாகம், காளியம்மன், பிடாரியம்மன் ஆலய வளாகத்தில் தூய்மை பணியை பள்ளியின் தேசிய மாணவர் படை அதிகாரி கேப்டன் முத்துகுமார் தலைமையில் புதன்கிழமை மேற்கொண்டனர். ராணுவ அதிகாரி கர்னல் ஆர்.பி. சபு உத்தரவின் பேரில் சுபேதார் லோகநாதன், கம்பெனி ஹவில்தார், மேஜர் மூர்த்தி ஆகியோர் முன்னிலை வகித்தனர். முகாமில்  100 மாணவர்கள் பணி மேற்கொண்டனர்.
 

]]>
http://www.dinamani.com/all-editions/edition-trichy/trichy/2018/sep/20/தூய்மைப்பணியில்-மாணவர்கள்-3004166.html
3004164 திருச்சி திருச்சி எடமலைப்பட்டிபுதூரில் பொதுக்கழிப்பிடத்தை பயன்பாட்டுக்கு  கொண்டுவர கோரிக்கை DIN DIN Thursday, September 20, 2018 09:28 AM +0530 திருச்சி எடமலைப்பட்டிபுதூர் 40 ஆவது வார்டில் எம்.ஜி.ஆர். நகரில் உள்ள நவீன பொதுக்கழிப்பிடத்தை பொதுமக்கள் பயன்பாட்டுக்கு கொண்டுவர கோரிக்கை விடுக்கப்பட்டுள்ளது.
எம்.ஜி.ஆர். நகர்ப் பகுதியில் ஏராளமான குடும்பங்கள் வசித்து வருகின்றன. இப்பகுதி மக்கள் பயன்பாட்டுக்காக அமைக்கப்பட்ட நவீனப் பொதுக் கழிப்பிடம் கடந்த 3 மாதங்களாக பூட்டிக் கிடக்கின்றன. இதனால் பொதுமக்கள் திறந்தவெளியை கழிப்பிடமாகப் பயன்படுத்தி வருகின்றனர்.
மாநகரில் சுகாதாரத் திட்டப்பணிகளுக்கு முக்கியத்துவம் கொடுத்தும், நவீனபொதுக் கழிப்பிடங்களை மகளிர் சுய உதவிக்குழுக்கள் மூலம் நடத்துவதற்கு மாநகராட்சி நிர்வாகம் மேற்கொண்டிருக்கும் நிலையில், 3 மாதங்களாக  பூட்டிக் கிடக்கும் சுகாதார வளாகத்தை திறக்க நடவடிக்கை எடுக்கப்படவில்லை.
தூய்மை இந்தியா திட்டத்தின் கீழ் மாநகராட்சியை முதலிடம் பெற பல நடவடிக்கைகளை மாநகராட்சி மேற்கொண்டாலும், திறந்தவெளிப் பகுதியில்தான் பொதுமக்கள் தங்கள் இயற்கை உபாதைக்காக செல்ல வேண்டிய நிலை உள்ளது. 
ஆகவே, இந்த பொது கழிப்பிடத்தை சீரமைத்து மக்கள் பயன்பாட்டுக்கு கொண்டு வர வேண்டும் என பொதுமக்களும் மற்றும் தொழிலாளர் கல்வி மற்றும் மேம்பாட்டு நிறுவனத்தின் செயலரும், தூய்மை இயக்கத்தின் ஒருங்கிணைப்பாளருமான கே.சந்திரசேகரும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-trichy/trichy/2018/sep/20/எடமலைப்பட்டிபுதூரில்-பொதுக்கழிப்பிடத்தை-பயன்பாட்டுக்கு--கொண்டுவர-கோரிக்கை-3004164.html
3004102 திருச்சி திருச்சி உற்பத்தி அதிகரிப்பால் வெங்காயம் விலை வீழ்ச்சி DIN DIN Thursday, September 20, 2018 08:57 AM +0530 உற்பத்தி, வரத்து அதிகரிப்பால்  சிறிய மற்றும் பெரிய வெங்காயத்தின் விலை கடுமையான வீழ்ச்சியைக் கண்டிருக்கிறது. இதே நிலை மேலும் ஒரு மாதத்துக்கும் நீடிக்கும் என்றும் கூறப்படுகிறது.
திருச்சி- சென்னை தேசிய நெடுஞ்சாலையில் பழையப் பால்பண்ணை அருகில் அனைத்து அழுகும் பொருள்களின் கமிஷன் மண்டி என்ற பெயரில் வெங்காய மண்டி செயல்பட்டு வருகிறது.
இங்கு,  திருநெல்வேலி, பெரம்பலூர், ஈரோடு, திருப்பூர் போன்ற மாவட்டங்களிலிருந்து 9 மாதங்களுக்கும், கர்நாடகத்திலிருந்து 3 மாதங்களுக்கும் சிறியவெங்காயம் வரத்து இருக்கும். தினமும் 200 டன் முதல் 400 டன் வரை வரத்து இருக்கும். இதுபோல, கர்நாடக மாநிலம், பெல்லாரி, ஹூப்ளி, தாவணகெரே பகுதிகளிலிருந்து பெல்லாரி எனப்படும் பெரிய வெங்காயம் 3 மாதங்களுக்கும், மகாராஷ்டிர மாநிலம், நாசிக் உள்ளிட்ட பகுதிகளிலிருந்து தொடர்ந்து 9 மாதங்களுக்கும் வெங்காய வரத்து இருக்கும்.
அதிக விளைச்சலும், வரத்தும் :  தமிழகத்திலும், வெளி மாநிலங்களிலும் பெரிய வெங்காயத்தின் விளைச்சல்  அதிகரித்து காணப்படுகிறது.  திருநெல்வேலி மாவட்டம், தென்காசி அருகிலுள்ள பாவூர்சத்திரம் மற்றும் அதனைச் சுற்றியுள்ள பகுதிகளில் முழுமையான அளவில் விளைச்சல் இருந்ததால், அங்கு விளைந்த வெங்காயம்  மதுரை, திண்டுக்கல், தூத்துக்குடி, திருநெல்வேலி மாவட்டங்களின் தேவையைப் பூர்த்தி செய்யப்பட்டு, அதன்பிறகு திருச்சி,  சேலம், நாமக்கல் போன்ற மாவட்டங்களுக்கு அனுப்பப்படுகிறது. மேலும், கர்நாடக மாநிலத்தின் தும்கூர், ஹசன் போன்ற மாவட்டங்களிலிருந்தும் தினமும் 100 முதல் 200 டன் வரை பெரிய வெங்காயம்  திருச்சிக்கு வருகிறது. 
இமட்டுமல்லாது, மகாராஷ்டிரம் மாநிலம், நாசிக் போன்ற பகுதிகளிலிருந்து தினமும் 200 டன் பெரிய வெங்காயம் வரத்து இருக்கிறது. இதனால் வெங்காயத்தின் விலை குறைந்தே காணப்படுகிறது.   விவசாயிகளிடமிருந்து கிலோ ரூ.5 முதல் ரூ.8 வரை கொள்முதல் செய்யப்படுகின்றன. 
கடந்தாண்டைக் காட்டிலும் கர்நாடகம் மற்றும் மகாராஷ்டிர மாநிலங்கள், தமிழகத்திலும் பெரிய வெங்காயத்தின் வரத்து சீராக இருப்பதால் கிலோ  ரூ.8 முதல் ரூ.15 வரை மொத்த விற்பனை செய்யப்படுகிறது.
சிறிய வெங்காயம்:  சாம்பார் வெங்காயம் எனப்படும் சிறிய வெங்காயம் தமிழகத்தில் பெரம்பலூர் மாவட்டத்தின் பல்வேறு பகுதிகள், திருப்பூர் மாவட்டத்தின் தாராபுரம் உள்ளிட்ட பகுதிகளிலிருந்து தினமும் சுமார் 200 முதல் 220 டன் வரை வரத்து இருக்கிறது. இதனால் இந்த வெங்காயத்தின் விலையும் கிலோ ரூ.12 முதல் ரூ.23 வரை மொத்த விற்பனை செய்யப்படு வருகிறது.
இதிலிருந்து சில்லறை விற்பனை விலை கிலோவுக்கு ரூ.2 முதல் 5 வரை உயர்த்தி விற்பனையாகலாம்.


விலை சரிவுக்கு காரணம் என்ன ? 
பொதுவாக கர்நாடகம் மற்றும் மகாராஷ்டிர மாநிலங்கள்தான் நம் மாநிலத்தின் வெங்காயத் தேவையைப் பெருமளவில் பூர்த்தி செய்கின்றன. சிறிய வெங்காயம் தமிழகத்தின் பயிரிடப்பட்டிருந்தாலும், பெரிய வெங்காயம்  வெளி மாநிலங்களிலிருந்து அதிகளவில் விற்பனைக்கு கொண்டு வரப்படுகின்றன.
ஒவ்வொரு ஆண்டிலும் ஏதாவது ஒருவகையில் வெங்காயம் விளைச்சலில் பாதிப்பு நிகழ்ந்து வந்தன. ஆனால் நிகழாண்டில் பெரிய வெங்காயத்தின் விளைச்சலில் விவசாயிகளுக்குப் பாதிப்பு ஏதும் இல்லாத வகையில் சீரான வகையில் உற்பத்தி இருந்ததால், எதிர்பார்த்ததைக் காட்டிலும் விளைச்சலும், வரத்து அதிகரித்து காணப்படுகிறது. வெங்காயத்தின் இந்த விலை சரிவு இன்னும் ஒரு மாதக் காலத்துக்கு நீடிக்கும் என எதிர்பார்க்கிறோம். தீபாவளி பண்டிகைக்கு முன்னர் விலையில் சற்று உயர்வு ஏற்படும். ஆனாலும் அதுபெரிய அளவில் இருக்கிறது. டிசம்பர் மாதத்துக்குப் பிறகுதான் வெங்காயத்தின் விலையில் பெரிய அளவில் உயர்வு காணப்படும் என்கிறார்  திருச்சி அனைத்து அழுகும் பொருள்களின் கமிஷன் மண்டி வியாபாரிகள் நலச்சங்கத்தின் செயலர் ஏ. தங்கராஜ்.

]]>
http://www.dinamani.com/all-editions/edition-trichy/trichy/2018/sep/20/உற்பத்தி-அதிகரிப்பால்-வெங்காயம்-விலை-வீழ்ச்சி-3004102.html
3004100 திருச்சி திருச்சி குற்றச் செய்திகள் DIN DIN Thursday, September 20, 2018 08:56 AM +0530 அண்ணி குத்திக் கொலை:  இளைஞர் தலைமறைவு
திருச்சி அருகே கடன் வாங்கியதைக் கண்டித்த அண்ணியைக் குத்திக் கொன்றவரை போலீஸார் தேடுகின்றனர்.
திருச்சி கொள்ளிடம் டோல்கேட் அருகே உள்ள தாளக்குடி வாழக்கட்டை பகுதியைச் சேர்ந்த ஒண்டிமுத்து மகன் சந்துரு என்கிற ராஜ் (32) அதே பகுதியைச் சேர்ந்த மலர்மன்னனிடம் கடன் வாங்கியிருந்தாராம்.
புதன்கிழமை இரவு ராஜூவின் வீட்டுக்கு வந்த மலர்மன்னன் அவரிடம் பணத்தை திருப்பிக்  கேட்டுள்ளார்.  அப்போது இருவருக்கும்  தகராறு ஏற்பட்டது. அப்போது ராஜூவின் அண்ணன் அன்புவின் மனைவி லெட்சுமி(30) மலர்மன்னனை சமாதானப்படுத்தி அனுப்பிவிட்டு தனது கொளுந்தன் ராஜூவை கண்டித்துள்ளார்.  இதனால் ஆத்திரமடைந்த ராஜூ  கத்தியால்  குத்தியதில் படுகாயமடைந்த லட்சுமி அரசு மருத்துவமனைக்கு கொண்டு செல்லும் வழியில் இறந்தார்.  இதுகுறித்து கொள்ளிடம் போலீஸார் வழக்குப் பதிந்து ராஜை தேடுகின்றறனர்.   இறந்த லட்சுமி அங்கன்வாடி சமையலர் ஆவார்.

குண்டர் சட்டத்தில் ஒருவர் கைது  
திருச்சி உறையூர், சாலை ரோடு பகுதியில்  தள்ளுவண்டியில் டிபன் கடை நடத்தி வரும் சி. மணவாளன் என்பவரிடம் அக்டோபர் 28-ஆம் தேதி,  உய்யக் கொண்டான் திருமலை, கொடாப்பு,  சுப்புராஜ் நகர் பகுதியைச் சேர்ந்த மா. மகாராஜா என்பவர்  ரூ. 3,000த்தையும் பறித்துக் கொண்டு, டிபன் கடையிலுள்ள பொருள்களை அடித்து உடைத்து விட்டார். 
புகாரின் பேரில் மகாராஜாவை போலீஸார் கைது செய்து சிறையில் அடைத்தனர். மேலும் விசாரணையில் மேற்கொண்டதில் அவர் மீது உறையூர் மட்டுமின்றி பல்வேறு காவல் நிலையங்களிலும்  வழக்குகள் பதிவாகியிருந்தன. இதனையடுத்து அவரை குண்டர் சட்டத்தில் கைது செய்ய பரிந்துரைக்கப்பட்டது. 
அதன்பேரில் குண்டர் சட்டத்தில் சிறையில் அடைக்க மாநகர காவல் ஆணையர் அ. அமல்ராஜ் உத்தரவிட்டார். அதனைத் தொடர்ந்து புதன்கிழமை, மகாராஜாவை தண்டனைக் கைதிகள் பிரிவில் சிறையில் அடைக்கப்பட்டார்.

பாம்பு கடித்து விவசாயி சாவு
திருச்சி மாவட்டம், மணப்பாறை அருகே பாம்பு கடித்து விவசாயி இறந்தார்.
மணப்பாறையை அடுத்த வளநாடு அருகேயுள்ள சொக்கம்பட்டியைச் சேர்ந்தவர் வெள்ளைச்சாமி (74), விவசாயி.  செவ்வாய்க்கிழமை இரவு இவர் தனது தோட்டத்திற்கு சென்றபோது  இருட்டில்  கிடந்த நல்ல பாம்பை  மிதிக்க,  அப்பாம்பு வெள்ளைச்சாமியை கடித்தது.
வெள்ளைச்சாமியின் அலறல் கேட்டு வந்த உறவினர்கள் அவரை அருகிலுள்ள கிராம வைத்தியரிடம் அழைத்துச் சென்றனர். அங்கிருந்து மருத்துவமனை வெகு தொலைவு என்பதால் உடனடியாக அவரை  மருத்துவமனைக்கு கொண்டு செல்ல முடியவில்லை. இதற்குள் வெள்ளைச்சாமி உயிரிழந்தார். சம்பவம் குறித்து வருவாய்த் துறையினர் விசாரிக்கின்றனர்.

ஏ.டி.எம். இயந்திரத்தை உடைத்து திருட முயற்சி: ஒருவர் கைது
திருச்சி புத்தூர் நால்ரோட்டில் உள்ள கனரா வங்கியில் மேலாளராக பணிபுரிபவர் பாலாஜி (30). இவர் 17-ஆம் தேதி  மாலை பணம் நிரப்ப சென்ற போது, ஏ.டி.எம். இயந்திரத்தை கூர்மையான ஆயுதத்தால் உடைத்து திருட 
முயற்சி நடைபெற்றதற்கான ஆதாரங்கள் இருந்தது தெரியவந்தது.
இதனையடுத்து கண்காணிப்பு கேமராவில் பதிவுகளை பார்த்தபோது, மர்ம நபர் ஒருவர் ஆயுதத்தால் இயந்திரத்தை உடைக்க முயன்றது தெரியவந்தது. 
இது குறித்து உறையூர் குற்றப்பிரிவு போலீஸில் செவ்வாய்க்கிழமை புகார் அளித்தார். 
அதன் பேரில் போலீஸார் தென்னூர் வெள்ளாளத் தெருவைச் சேர்ந்த க. ரூபேஷ் என்பவரை கைது செய்து விசாரித்து வருகின்றனர்.
 

]]>
http://www.dinamani.com/all-editions/edition-trichy/trichy/2018/sep/20/குற்றச்-செய்திகள்-3004100.html
3004099 திருச்சி திருச்சி மணப்பாறை நகராட்சி ஆதார் மையம் மூடல் DIN DIN Thursday, September 20, 2018 08:55 AM +0530 திருச்சி மாவட்டம், மணப்பாறையில் ஆதார் கார்டுக்காக புதிய பதிவுகள் செய்யவும், பழைய கார்டுகளில் திருத்தவும் வட்டாட்சியரகம் மற்றும் நகராட்சி அலுவலகம் என 2 மையங்கள் மட்டுமே செயல்பட்டு வந்தன.
இந்நிலையில் திங்கட்கிழமை நகராட்சி அலுவலகத்தில் செயல்பட்ட ஆதார் பதிவு மையத்தில் பணியில் இருந்த ஒப்பந்த ஊழியர் கூடுதலாக பொதுமக்களிடம் பணம் வசூலித்ததாக பணிநீக்கப்பட்டதாகக் கூறி தனியார் ஒப்பந்த நிறுவனம் செவ்வாய் மற்றும் புதன்கிழமை நகராட்சி அலுவலகத்தில் செயல்பட்டு வந்த ஆதார் பதிவு மையத்தை திறக்கவில்லை. இதனால் மணப்பாறை பகுதி மக்கள் ஆதார் பதிவு செய்யமுடியாமல் தவிக்கின்றனர்.

]]>
http://www.dinamani.com/all-editions/edition-trichy/trichy/2018/sep/20/மணப்பாறை-நகராட்சிஆதார்-மையம்-மூடல்-3004099.html
3004098 திருச்சி திருச்சி மார்க்சிஸ்ட் தெருமுனை பிரசார கூட்டம் DIN DIN Thursday, September 20, 2018 08:55 AM +0530  திருச்சி மாவட்டம், மணப்பாறையில் மார்க்சிஸ்ட் கம்யூனிஸ்ட் கட்சியின் சார்பில் பொருளாதார சரிவு, வேலையில்லா திண்டாட்டம், பெட்ரோல் - டீசல் விலை உயர்வு ஆகியவை குறித்து பொதுமக்களிடையே விழிப்புணர்வு தெருமுனை பிரசாரக் கூட்டம் பெரியார் சிலை திடலில் நடைபெற்றது.
வட்டக்குழு உறுப்பினர் பி. பாலு தலைமையில் நடைபெற்ற கூட்டத்தில் கட்சியின் புறநகர் மாவட்ட செயற்குழு உறுப்பினர் கே.வி.எஸ். இந்துராஜ், வட்டச் செயலர் என். ராஜகோபால் ஆகியோர் சிறப்புரையாற்றினர். வட்டக்குழு உறுப்பினர்கள் சீனிவாசன், கண்ணன், சரவணன், கோபாலகிருஷ்ணன், கருப்பையா, இளமாறன் உள்ளிட்டோர் பங்கேற்றனர். எஸ்.எம். ஷாஜஹான் நன்றி கூறினார்.

]]>
http://www.dinamani.com/all-editions/edition-trichy/trichy/2018/sep/20/மார்க்சிஸ்ட்-தெருமுனை-பிரசார-கூட்டம்-3004098.html
3004097 திருச்சி திருச்சி குடிநீர் கோரி மணப்பாறை நகராட்சி அலுவலகம் முற்றுகை DIN DIN Thursday, September 20, 2018 08:54 AM +0530 திருச்சி மாவட்டம், மணப்பாறையில் முறையாகக் காவிரிக் குடிநீர் விநியோகம் செய்யக் கோரி நகராட்சி அலுவலகத்தை பெண்கள் புதன்கிழமை முற்றுகையிட்டனர். 
மணப்பாறை நகராட்சிக்குட்பட்ட 22-வது வார்டு பூமாலைப்பட்டி பகுதிக்கு  கடந்த சில மாதங்களாக முறையான காவிரி குடிநீர் விநியோகம்  இல்லையாம்.  வாரத்திற்கு 2 முறை மட்டுமே வரும் குடிநீரையும் சிலர் மின்மோட்டாரால் உறிஞ்சுவதால் கடைசி பகுதியில் உள்ளோருக்கு குடிநீர் கிடைப்பதில் சிரமம் ஏற்படுவதாகக் கூறி கடந்த  மாதம்  போராட்டம் நடத்தியும்  இதுவரை நடவடிக்கை இல்லையாம். இதனால் ஆத்திரமடைந்த அப்பகுதி பெண்கள் சுமார் 50-க்கும் மேற்பட்டோர் காலிக் குடங்களுடன் புதன்கிழமை காலை மீண்டும் மணப்பாறை நகராட்சி அலுவலகத்தை முற்றுகையிட்டு வாக்குவாதத்தில் ஈடுபட்டனர்.
தகவலறிந்து வந்த நகராட்சி பொறியாளர் மனோகரன் 15 நாட்களில் குடிநீர் விநியோகம் சீரமைக்கப்படும்,  மின் மோட்டார்கள் மூலம் குடிநீர் உறிஞ்சுவோர் மீது நடவடிக்கை எடுக்கப்படும் என்றும் உறுதியளித்ததையடுத்து பெண்கள் கலைந்து சென்றனர். கோரிக்கை நிறைவேறாவிட்டால் சாலை மறியல் செய்யப்போவதாக  பெண்கள் தெரிவித்தனர்.

]]>
http://www.dinamani.com/all-editions/edition-trichy/trichy/2018/sep/20/குடிநீர்-கோரி-மணப்பாறை-நகராட்சி-அலுவலகம்-முற்றுகை-3004097.html
3004096 திருச்சி திருச்சி மாற்று இடத்தில் குப்பை சேமிப்புக் கிடங்கு: அமமுக வலியுறுத்தல் DIN DIN Thursday, September 20, 2018 08:54 AM +0530 திருச்சி மாவட்டம், மணப்பாறை அண்ணா நகரில்  பூங்காவிற்கு ஒதுக்கப்பட்டுள்ள இடத்தில் நகராட்சி நிர்வாகம் குப்பை சேமிப்பு அமைக்கக் கூடாது எனக் கோரி  அமமுக கட்சியினர் புதன்கிழமை ஆணையர் சுதாவிடம் மனு அளித்தனர்.
கட்சியின் நகரச் செயலர் வழக்குரைஞர் சி. மதிவாணன் உள்ளிட்டோர் அளித்த மனு: மணப்பாறை நகராட்சியின் 11 மற்றும் 12-வது வார்டுக்குட்பட்ட குடியிருப்பு பகுதிகள் அண்ணா நகர் மற்றும் எடத்தெருவில் சுமார் 500-க்கும் மேற்பட்ட குடும்பங்கள் வசித்து வரும்  நிலையில் இங்கு நகராட்சியால் பூங்கா அமைக்க இடம் ஒதுக்கப்பட்டுள்ளது. தற்போது இதே இடத்தில் நகராட்சி தரப்பில் மக்கும் - மக்கா குப்பைகளை பிரிந்தெடுக்கும்  சேமிப்பு கிடங்கு அமைக்க ஏற்பாடுகள் நடைபெறுவதாக தெரிகிறது.  எனவே, குப்பை பிரித்தெடுக்கும் மையத்தை பொதுமக்களுக்கு இடையூறுல்லாத வேறிடத்தில்  அமைக்க வேண்டும்.
அமமுக சிறுபான்மை நலப் பிரிவு செயலர் இப்ராஹிம், பாலாஜி, முனியப்பன் அண்ணாமதி உள்ளிட்ட நிர்வாகிகள் உடனிருந்தனர்.
 

]]>
http://www.dinamani.com/all-editions/edition-trichy/trichy/2018/sep/20/மாற்று-இடத்தில்-குப்பை-சேமிப்புக்-கிடங்கு-அமமுக-வலியுறுத்தல்-3004096.html
3004095 திருச்சி திருச்சி பல்கலைக்கழகப் பூப்பந்து: தூய வளனார் கல்லூரி சாம்பியன் DIN DIN Thursday, September 20, 2018 08:54 AM +0530 திருச்சி பாரதிதாசன் பல்கலைக்கழக இணைவுப் பெற்ற கல்லூரிகளுக்கிடையிலான பூப்பந்துபோட்டியில் தூய வளனார் கல்லூரி சாம்பியன் பட்டத்தைக் கைப்பற்றியது.
பல்கலைக்கழகத்தின் இணைவு பெற்ற 8 மாவட்டங்களிலுள்ள கல்லூரி மாணவர்கள் பங்கேற்ற பூப்பந்து போட்டி திருச்சி  தூய வளனார் கல்லூரியில் அண்மையில் நடைபெற்றது. 10 கல்லூரிகள் பங்கேற்ற இப்போட்டி நாக்அவுட் மற்றும் லீக் முறையில் நடத்தப்பட்டன. காலிறுதியில் வென்ற  பெரியார் ஈ.வெ.ரா. கல்லூரி, தூய வளனார் கல்லூரி, ஜமால் முகமது மற்றும் மயிலாடுதுறை ஏ.வி.சி. கல்லூரி ஆகிய 4 அணிகள் அரையிறுதி லீக் ஆட்டத்தில் விளையாடத் தகுதி பெற்றன. அரையிறுதி லீக் போட்டிகளில், ஜமால் முகமது கல்லூரியை  35-33, 29-35, 37-35 என்ற புள்ளிக்கணக்கிலும், ஏவிசி கல்லூரியை  35-22, 35-23 என்ற புள்ளிக்கணக்கிலும், பெரியார் ஈ.வெ.ரா.கல்லூரியை  35-16,35-12 என்ற புள்ளிக்கணக்கிலும் தூய வளனார் கல்லூரி வென்று சாம்பியன் பட்டத்தைக் கைப்பற்றியது.
திருச்சி பெரியார் ஈ.வெ.ரா. கல்லூரியை 35-21, 35-18 என்ற புள்ளிக்கணக்கிலும், ஏவிசி கல்லூரியை 35-24,33-35, 35-27 என்ற புள்ளிக்கணக்கிலும் வென்று ஜமால் முகமது கல்லூரி இரண்டாவது இடத்தையும்,  ஈ.வெ.ரா.கல்லூரியை  35-20, 35-21 என்ற புள்ளிக்கணக்கில் வென்று மயிலாடுதுறை ஏவிசி கல்லூரி மூன்றாவது இடத்தையும் பிடித்தது.
 

]]>
http://www.dinamani.com/all-editions/edition-trichy/trichy/2018/sep/20/பல்கலைக்கழகப்-பூப்பந்து-தூய-வளனார்-கல்லூரி-சாம்பியன்-3004095.html
3004094 திருச்சி திருச்சி சிறுகாம்பூர், திருப்பைஞ்ஞீலி பகுதிகளில் செப்டம்பர் 20 மின்தடை DIN DIN Thursday, September 20, 2018 08:54 AM +0530 திருச்சி மாவட்டம், வேங்கைமண்டலம் துணை மின் நிலையத்தில் மாதாந்திர மின் பராமரிப்புப் பணிகள் மேற்கொள்ளப்படுவதால் சிறுகாம்பூர், திருப்பைஞ்ஞீலி உள்ளிட்ட பகுதிகளில் வியாழக்கிழமை ( செப்.20) மின்தடை செய்யப்படுகிறது.
இதுகுறித்து தமிழ்நாடு மின் உற்பத்தி  மற்றும் பகிர்மானக் கழகத்தின் ஸ்ரீரங்கம் செயற்பொறியாளர் ஜி.சேகர் வெளியிட்டுள்ள செய்திக்குறிப்பு: வேங்கைமண்டலம் துணை மின் நிலையத்தில் மாதாந்திர மின் பராமரிப்புப் பணிகள் ( செப்.20) மேற்கொள்ளப்பட உள்ளன. இதனால் இங்கிருந்து மின் விநியோகம் பெறும்  மூவானூர், வேங்கைமண்டலம், தண்ணீர்பந்தல், மேல, கீழக்கண்ணுக்குளம், செந்தாமரைக்கண்,  சிறுகாம்பூர், நெ.2 கரியமாணிக்கம், சென்னக்கரை,நாமகிரிப்பட்டி, செங்குடி,  வாழ்மால்பாளையம், செட்டிமங்கலம்,  நெய்வேலி,  கிளியநல்லூர், வாய்த்தலை, வி. மணியம்பட்டி, சிலையாத்தி, துடையூர், பாண்டியபுரம், சுனைப்புகநல்லூர், ஈச்சம்பட்டி,  மூவராயன்பாளையம், கவுண்டம்பட்டி, குருவிக்காரன்குளம், காட்டுக்குளம், தீராம்பாளையம், தில்லாம்பட்டி, பழையூர், செங்குளிப்பட்டி, உடையாம்பட்டி,  திருப்பைஞ்ஞீலி, திருவரங்கப்பட்டி, பெரமங்கலம் ஆகிய பகுதிகளில் காலை 9.45 மணி முதல் மாலை 5 மணி வரை மின் விநியோகம் இருக்காது.
 

]]>
http://www.dinamani.com/all-editions/edition-trichy/trichy/2018/sep/20/சிறுகாம்பூர்-திருப்பைஞ்ஞீலி-பகுதிகளில்-செப்டம்பர்-20-மின்தடை-3004094.html
3004092 திருச்சி திருச்சி "சுரண்டலுக்கான வடிவங்கள் உருவாகிக் கொண்டிருக்கின்றன' DIN DIN Thursday, September 20, 2018 08:53 AM +0530 சுரண்டலுக்கான வடிவங்கள் உருவாகிக் கொண்டிருக்கின்றன என்றார்  மாநிலங்களவை உறுப்பினர் டி.கே.ரங்கராஜன்.
திருச்சியில் புதன்கிழமை நடைபெற்ற தமிழ்நாடு மின்வாரிய ஓய்வுபெற்றோர் நலஅமைப்பின்  ஏழாவது மாநில மாநாட்டைத் தொடக்கி வைத்து, மேலும் அவர் பேசியது:  தற்போதைய நிலையில் இடதுசாரிகள் இயக்கம்  சற்று சரிந்திருக்கிறது. 
இதைக் கூறுவதற்கு கவலைப்படத் தேவையில்லை. அமெரிக்காவின் டிரம்ப் அரசு முதல் இந்தியாவின் மோடி அரசு வரை வலதுசாரி அரசாகத்தான் இருக்கிறது.  பழைமைவாதிகளைப் போற்றக்கூடிய அரசாகத்தான் இந்த அரசுகள் உள்ளன.
நவீன தாராளமயமாக்கல் கொள்கை காரணமாக உழைக்கும் மக்களின் கல்வி, அடிப்படை உரிமைகள்  பறிக்கப்படுகின்றன. சுரண்டலுக்கான வடிவங்கள் உருவாகிக் கொண்டிருக்கின்றன.  முன்புபோல தற்போது தொழிலாளர் நலச்சட்டங்களும் இல்லை.
தற்போது புதிதுபுதிதாக அரசியல் கட்சிகள் உருவாகின்றன. ரஜினிகாந்த், கமல்ஹாசன் கட்சித் தொடங்குவதாக அறிவித்திருக்கின்றனர்.  ரஜினிகாந்துக்கு என்ன சமூகப் பார்வை இருக்கிறது.  அவர் பா.ஜ.க.வின் ஆதரவாளர்.  தமிழால்தான் தாங்கள் வளர்ந்தோம் எனக் கூறும் திமுக, அதிமுக கூட தற்போது மாறிவிட்டன.  நீட் நுழைவுத்தேர்வால் தற்கொலை செய்து கொண்ட 2 மாணவிகளின் குடும்பங்களுக்கு நிதி வழங்கியதோடு அவர்களின் வேலை முடிந்துவிட்டது. 
அப்பிரச்னையில் நாம்தானே தலையிட்டோம். அவர்கள் யாரும்  தலையிடவும் இல்லை. பேசவும் இல்லை.  சமுதாயத்தில் மாற்றத்தை ஏற்படுத்திட நமக்கு வாய்ப்பு கிடைத்திருக்கிறது. இதை நாம் பயன்படுத்திக் கொள்ள வேண்டும் என்றார் ரங்கராஜன். மாநாட்டுத் தலைமையுரையை அமைப்பின் மாநிலத் தலைவர் என்.சின்னசாமி வழங்கினார். மாநாட்டுக் கொடியை மாநிலச் செயலர் பி.குமாரசாமி  ஏற்றி வைத்தார். தமிழ்நாடு அரசு அனைத்துத்துறை ஓய்வூதியர் சங்கத்தின் மாநிலத் தலைவர் என்.எஸ். ஸ்ரீதரன், அரசுப் போக்குவரத்து ஓய்வுபெற்றோர் அமைப்பின் தலைவர் எஸ். கிருஷ்ணன், ஓய்வுபெற்ற பள்ளி, கல்லூரி ஆசிரியர் சங்கத்தின் செயலர் கோ. ஆதிகுருசாமி ஆகியோர் வாழ்த்திப் பேசினர்.
அமைப்பின் மாநிலப் பொதுச் செயலர் எஸ். ஜெகதீசன் தீர்மானங்கள் குறித்தும், பொருளாளர் ஆர்.ராமநாதன் வரவு- செலவு கணக்கையும்,  ஒளிக்கதிர்ப் பொறுப்பாளர் எஸ். கணேசன் ஒளிக்கதிர் கணக்கு அறிக்கையையும்,  அஞ்சலி தீர்மானத்தை செயலர் வி.பிச்சைராஜனும் வழங்கினர். 
முன்னதாக  தமிழ்நாடு மின் ஊழியர் மத்திய அமைப்பின் தலைவர் எஸ்.எஸ். சுப்பிரமணியன் மாநாட்டு மலரை வெளியிட  அமைப்பின் செயலர் ஆர். கல்யாணசுந்தரம் பெற்றுக் கொண்டார்.  மாநாட்டில், மார்க்சிஸ்ட் கம்யூனிஸ்ட் கட்சியின் 
நிர்வாகி ஸ்ரீதர், மாவட்டச் செயலர் ராஜா, மின் ஊழியர் சங்கத்தின் நிர்வாகி பன்னீர்செல்வம் உள்ளிட்டோர் பங்கேற்றனர்.
தொடர்ந்து குழு விவாதம் நடைபெற்றது. வியாழக்கிழமையும் மாநாடு நடைபெறுகிறது.  மாலையில் புதிய நிர்வாகிகள் தேர்வு செய்யப்படுகின்றனர்.


"பெட்ரோல், டீசல் விலை உயர்வுக்கு காரணம் உலகமயமாக்கல் கொள்கை'
உலகமயமாக்கல் கொள்கையே பெட்ரோல், டீசல் விலை உயர்வுக்கு காரணம் என்றார் மாநிலங்களவை உறுப்பினரும், மார்க்சிஸ்ட் கம்யூனிஸ்ட் கட்சியின் மத்தியக் குழு உறுப்பினருமான டி.கே. ரங்கராஜன்.
தமிழ்நாடு மின்வாரிய ஓய்வுபெற்றோர் நல அமைப்பின் 7 ஆவது மாநில மாநாட்டில் பங்கேற்க வந்த அவர் அளித்த பேட்டி:
தமிழகத்தில் பாஜக பெரிய கட்சியில்லை. ஆனால், அதிமுக மற்றும் காவல் துறையின் உதவியுடன் பெரியார் சிலையை அவமதித்து வருவது கண்டிக்கத்தக்கது. எட்டு வழிச்சாலைக்கு  எதிராகப் போராடியவர்கள், போராட்டங்களில் ஈடுபடுவோரைக் கைது செய்யும் இந்த அரசு, நீதிமன்றங்களையும், அரசு இயந்திரங்களையும் குறைகூறுவோரைக் கைது செய்யாமல் பாதுகாப்பு கொடுக்கிறது.  இதை ஜனநாயக அமைப்புகள் ஒன்று சேர்ந்து எதிர்க்க வேண்டும். உலகமயமாக்கல் கொள்கையே பெட்ரோல், டீசல் விலை உயர்வுக்குக் காரணம். வேலைவாய்ப்பின்மை  மக்களின் வாங்கும் சக்தியைக் குறைத்துள்ளது.  இதனால் போராட்டங்கள் ஏற்படுவதைத் தவிர்க்க முடியாது. 
அதை எதிர்க்கும் ஜனநாயக இயக்கங்களை நசுக்கும் வகையில் மாநில அரசு கைது நடவடிக்கையை  ஒரு பக்கம் மேற்கொண்டிருக்கிறது. அதுபோல, அரசியலில் சமூக விரோதிகளையும் வளர்த்துக் கொண்டிருக்கிறது.
மக்கள் விரோத, வேலைவாய்ப்பை உருவாக்காத, விவசாயிகளின் நலன்களைப் புறக்கணிக்கக்கூடிய, தமிழ்வழி மாணவர்களுக்கு விரோதமான நீட் தேர்வை ஆதரிக்கும் அரசாக தமிழக அரசு உள்ளது.முதியோரைப் பாதுகாக்க முறையாக உதவித்தொகை வழங்க வேண்டும். சுகாதாரப் பாதுகாப்பு வழங்க வேண்டும்.  முதியோர் காப்பகங்கள் முறையாகப் பராமரிக்கப்பட வேண்டும்.  புதிய இல்லங்கள் அமைக்கப்பட வேண்டும் என்றார் ரங்கராஜன்.
 

]]>
http://www.dinamani.com/all-editions/edition-trichy/trichy/2018/sep/20/சுரண்டலுக்கான-வடிவங்கள்-உருவாகிக்-கொண்டிருக்கின்றன-3004092.html
3003503 திருச்சி திருச்சி கொள்ளிடத்தில் மணல் அள்ளுவதற்கு விவசாயிகள் எதிர்ப்பு DIN DIN Wednesday, September 19, 2018 09:44 AM +0530 முக்கொம்பு கொள்ளிடம் மேலணை பகுதியில் மணல் அள்ளுவதற்கு விவசாயிகள் கடும் எதிர்ப்பு தெரிவித்துள்ளர். இந்தநிலை தொடர்ந்தால் மேலணையின் மீதமுள்ள மதகுகளுக்கும் ஆபத்து ஏற்படும் எனவும் எச்சரித்துள்ளனர்.
திருச்சி முக்கொம்பு மேலணையில் மதகுகள் உடைந்த பகுதியில் தற்காலிக பணிகள் நடைபெற்று வருகின்றன. இப் பணிகளுக்காக மதகுகள் உடைந்த பகுதிக்கு அருகில் இருந்தே மணல் அள்ளப்படுகிறது. இதனால் மற்ற மதகுகள் உடையும் அபாயம் இருப்பதாக  விவசாயிகளும், அரசியல் கட்சியினரும் கடும் எதிர்ப்பு தெரிவிக்கின்றனர்.
இதுதொடர்பாக, தமிழ்நாடு விவசாயிகள் சங்க மாவட்டச் செயலர் அயிலை சிவசூரியன் கூறியது: தற்காலிப் பணிக்காக புதிதகாக அணை கட்டுவற்காக தேர்வு செய்யப்பட்டுள்ள இடத்தில் மணல் அள்ளுவதால் புதிய கதவணை அமைக்கும் பகுதியில் ஸ்திரத்தன்மை கேள்விக்குள்ளாகும். மேலும், ஏற்கெனவே உடைந்த மதகுகளில் எஞ்சியுள்ள மதகுகளும் மீண்டும் வெள்ளத்தில் சேதமாகும் அபாயம் உள்ளது. எனவே, மேலணையில் மணல் அள்ளுவதை கைவிட வேண்டும். இதற்கு மாற்றாக அய்யன், பெருவளை, புள்ளம்பாடி பாசனக் கால்வாய்களின் தலைப்பு பகுதிகளில் உள்ள மணல் திட்டுகளில் மணல் எடுக்கலாம் என்றார் அவர்.
 

]]>
http://www.dinamani.com/all-editions/edition-trichy/trichy/2018/sep/19/கொள்ளிடத்தில்-மணல்-அள்ளுவதற்கு-விவசாயிகள்-எதிர்ப்பு-3003503.html
3003502 திருச்சி திருச்சி லாரி ஓட்டுநரிடம் லஞ்சம் :  உதவி ஆய்வாளர் சஸ்பெண்ட் DIN DIN Wednesday, September 19, 2018 09:39 AM +0530 லாரி ஓட்டுநரிடம் லஞ்சம் பெற்றது தொடர்பாக போக்குவரத்து காவல் உதவி ஆய்வாளர் ஒருவர் திங்கள்கிழமை இரவு  பணியிடை நீக்கம் செய்யப்பட்டார். 
திருச்சி துவாக்குடி பகுதியில் வாகனத் தணிக்கை செய்யும் போக்குவரத்து காவல் உதவி ஆய்வாளர் ஒருவர், லாரி ஒட்டுநர்களிடம் லஞ்சம் பெறுவதாக புகார்கள் வந்தன.
இந்நிலையில்  ஓட்டுநர் ஒருவரின்  உரிமத்தை காவலர் ஒருவர் வாங்கி வைத்துக் கொண்டு, ரூ.1000 லஞ்சம் தந்தால் மட்டுமே உரிமம் திருப்பித் தரப்படும்  என மிரட்டல் விடுப்பதும், பின்னர் ஓட்டுநர் பணம் கொடுத்துவிட்டு உரிமத்தை பெற்றுச் செல்வதுமான விடியோ காட்சி திங்கள்கிழமை வெளியானது. இதையடுத்து மாவட்டக் காவல்துறை மேற்கொண்ட விசாரணையில் மிரட்டல் விடுத்தவர் போக்குவரத்து உதவி ஆய்வாளர்  சீராளன் என்பது தெரியவந்தது. இதையடுத்து திங்கள்கிழமை இரவு மாவட்ட காவல் கண்காணிப்பாளர் ஜியாவுல்ஹக்  உத்தரவின்பேரில் மாவட்ட ஆயுதப்படைக்கு பணியிட மாற்றப்பட்ட சீராளன்,  பின்னர் பணியிடை நீக்கம் செய்யப்பட்டார்.

]]>
http://www.dinamani.com/all-editions/edition-trichy/trichy/2018/sep/19/லாரி-ஓட்டுநரிடம்-லஞ்சம்---உதவி-ஆய்வாளர்-சஸ்பெண்ட்-3003502.html
3003501 திருச்சி திருச்சி வங்கி ஊழியர் கூட்டமைப்பினர் ஆர்ப்பாட்டம் DIN DIN Wednesday, September 19, 2018 09:39 AM +0530 மூன்று பொதுத்துறை வங்கிகளைஇணைக்கும் மத்திய அரசின் முடிவுக்கு எதிர்ப்பு தெரிவித்து திருச்சியில் வங்கி ஊழியர் கூட்டமைப்பினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
திருச்சி சாலை ரோட்டிலுள்ள விஜயா வங்கி அலுவலகம் முன்பு செவ்வாய்க்கிழமை மாலை நடைபெற்ற ஆர்ப்பாட்டத்துக்கு திருச்சி மாவட்ட வங்கி ஊழியர் சங்கத்தின் பொதுச் செயலர் ஜி. ராமராஜூ தலைமை வகித்து பேசினார்.
ஆர்ப்பாட்டத்தில்  மாவட்ட வங்கி ஊழியர் சங்கத்தின் தலைவர் ஆர்.டி. ராமமூர்த்தி,   இணைச் செயலர் அனந்த பத்மநாபன்,  பாரத ஸ்டேட் வங்கி ஊழியர் சங்கத்தின்  துணைப் பொதுச் செயலர் ஜெகநாதன்,  இந்திய வங்கி ஊழியர் சம்மேளனத்தின் மாவட்டத் தலைவர் குருமூர்த்தி,  திருச்சி மாவட்ட வங்கி அதிகாரிகள் சங்கத்தின் பொதுச் செயலர் என். கோபாலகிருஷ்ணன் உள்ளிட்டோர் கோரிக்கைகளை வலியுறுத்தி பேசினர்.  முடிவில், வங்கிகளை இணைக்கும் முடிவைக் கைவிடக் கோரி முழக்கங்கள் எழுப்பப்பட்டன.

]]>
http://www.dinamani.com/all-editions/edition-trichy/trichy/2018/sep/19/வங்கி-ஊழியர்-கூட்டமைப்பினர்-ஆர்ப்பாட்டம்-3003501.html
3003500 திருச்சி திருச்சி எச்.ஐ.வி.  குழந்தைகளுடன் கலந்துரையாடல் DIN DIN Wednesday, September 19, 2018 09:38 AM +0530 திருச்சி இறகுகள் அமைப்பின் சார்பில் எச்.ஐ.வி. தொற்றுடன் வாழும் குழந்தைகளுக்கான விளையாட்டு, கலந்துரையாடல் நிகழ்ச்சி அண்மையில் நடத்தப்பட்டது.
எச்ஐவி தொற்றுடன் வாழும் குழந்தைகளை மகிழ்விக்கும் வண்ணம், அவர்களை ஸ்ரீரங்கம் மேலூர் பகுதியிலுள்ள வண்ணத்துப்பூச்சி பூங்காவுக்கு இறகுகள் அமைப்பினர் அழைத்துச் சென்று, அவர்களுக்கான விளையாட்டை நடத்தினர். தொடர்ந்து அவர்களுடன் கலந்துரையாடலும் நடத்தப்பட்டது.
தொடர்ந்து குழந்தைகளுக்கு மதிய விருந்து அளிக்கப்பட்டதுடன், ஒரு மாதத்துக்குத் தேவையான ஊட்டச்சத்துப் பொருள்கள், சத்துமாவு, கொண்டைக்கடலை, அரிசி, பேரிச்சம்பழம் போன்ற பொருள்கள் வழங்கப்பட்டன.  இதனை இறகுகள்  அமைப்பின் நிறுவனர் ஜே. ராபின், ஒருங்கிணைப்பாளர் பார்கவி உள்ளிட்டோர் வழங்கினர். திட்ட ஒருங்கிணைப்பாளர் விவேகானந்தன், மரியமெர்சி ஆகியோர் விழா ஏற்பாடுகளைச் செய்திருந்தனர்.

]]>
http://www.dinamani.com/all-editions/edition-trichy/trichy/2018/sep/19/எச்ஐவி--குழந்தைகளுடன்-கலந்துரையாடல்-3003500.html
3003499 திருச்சி திருச்சி மணவை தமிழ்மன்ற இலக்கியச் சந்திப்பு DIN DIN Wednesday, September 19, 2018 09:38 AM +0530 திருச்சி மாவட்டம், மணப்பாறையில் மணவைத் தமிழ்மன்ற இலக்கியச் சந்திப்பு நிகழ்ச்சி ஞாயிற்றுக்கிழமை இரவு சௌமா பப்ளிக் ஸ்கூலில் நடைபெற்றது. 
சங்கத்தின் நிறுவனர் தலைவர்களில் ஒருவரான இரும்பொறை ச. பிச்சை தலைமையில் நடைபெற்ற விழாவில் பொன்னுச்சாமி, தாழை.நா. இளவழகன்,  வரதராஜன் ஆகியோர் முன்னிலை வகித்தனர். கவிஞர் த. இந்திரஜித், எழுத்தாளர் ஜவகர்ஆறுமுகம், ஏகம்மை ஆகியோர் வாழ்த்தினர். நிகழ்ச்சியில் போட்டிகளில் வென்ற பள்ளி, கல்லூரி மாணவர்களுக்கு மன்ற புரவலர் சௌமா. ராஜரத்தினம் பரிசளித்தார். பேராசிரியர் முனைவர் சோ. சத்தியசீலன் சிறப்புரையாற்றினார். ஏற்பாடுகளை மன்றத் தலைவர் கரு. ராஜகோபாலன், செயலர் நவமணி சுந்தரராஜ் ஆகியோர் செய்தனர்.

]]>
http://www.dinamani.com/all-editions/edition-trichy/trichy/2018/sep/19/மணவை-தமிழ்மன்ற-இலக்கியச்-சந்திப்பு-3003499.html
3003498 திருச்சி திருச்சி துவரங்குறிச்சி அருகே விபத்து: பெண் சாவு; இருவர் படுகாயம் DIN DIN Wednesday, September 19, 2018 09:38 AM +0530 மணப்பாறை அருகே செவ்வாய்க்கிழமை மாலை அரசுப் பேருந்து மோதி காரில் சென்ற பெண் உயிரிழந்தார், இருவர் படுகாயமடைந்தனர்.
மணப்பாறையை அடுத்த துவரங்குறிச்சியிலிருந்து பொன்னமராவதிக்கு அரசுப் பேருந்து செவ்வாய்க்கிழமை மாலை புறப்பட்டது. பேருந்தை சிவகங்கை மாவட்டம் கே. பள்ளப்பட்டியைச் சேர்ந்த சி. தமிழ்ச்செல்வம்(57) ஓட்டி வந்தார். திருச்சி - மதுரை தேசிய நெடுஞ்சாலையில் முக்கன்பாலம் பிரிவு பகுதிக்கு பேருந்து திரும்பியபோது, சென்னையிலிருந்து மதுரை நோக்கிச் சென்றுகொண்டிருந்த கார்மீது எதிர்பாராத வகையில் மோதியது.  இதில் கார் 10 அடி பள்ளத்தில் கவிழ்ந்தது. காரில் இருந்த  மதுரை வடக்குவெளி வீதியைச் சேர்ந்த மருத்துவர் அ. அமீர்ஜகான் (70), கார் ஓட்டுநர் கோ. சுரேஷ்பாபு (33),   மருத்துவரின் ஊழியர் ராதாகிருஷ்ணன் மனைவி சாந்தி (55) ஆகியோர் பலத்த காயமடைந்தனர்.
தகவலறிந்து வந்த போலீஸார் அவர்களை மீட்டு ஆம்புலன்ஸ் மூலம் மதுரை தனியார் மருத்துவமனைக்கு அனுப்பினர். ஆனால், வழியிலேயே சாந்தி உயிரிழந்தார்.  இதையடுத்து அவரது சடலம்  மதுரை அரசு மருத்துவமனையில்  வைக்கப்பட்டுள்ளது. அமீர்ஜகான், சுரேஷ்பாபு ஆகியோர் சிகிச்சை பெறுகின்றனர். துவரங்குறிச்சி போலீஸார் வழக்குப் பதிந்து பேருந்து ஓட்டுநர் தமிழ்ச்செல்வத்தை கைது செய்து விசாரிக்கின்றனர்.

]]>
http://www.dinamani.com/all-editions/edition-trichy/trichy/2018/sep/19/துவரங்குறிச்சி-அருகே-விபத்து-பெண்-சாவு-இருவர்-படுகாயம்-3003498.html
3003497 திருச்சி திருச்சி கூட்டுறவுத் தணிக்கையாளர்களுக்கு கணினிப் பயிற்சி DIN DIN Wednesday, September 19, 2018 09:37 AM +0530 திருச்சி மண்டலத்திலுள்ள கூட்டுறவுத் தணிக்கையாளர்களுக்கு இருநாள் கணினிப் பயிற்சி நடத்தப்பட்டது.
திருச்சி தில்லைநகர் மக்கள் மன்றத்தில் திங்கள்கிழமை தொடங்கிய இப் பயிற்சியை  மண்டலக் கூட்டுறவுத் தணிக்கை இணை இயக்குநர் ஆர். நீலவண்ணன்  தொடக்கி வைத்தார். 
திருச்சி சரகக் கூட்டுறவுத் தணிக்கை உதவி இயக்குநர் மு.மதியழகன், தணிக்கை அலுவலர் மணிவண்ணன் ஆகியோர் சிறப்புரையாற்றினர்.  
ஆன்வார்டு நிறுவனத்தின் பயிற்சியாளர் பிரமோத் பயிற்சியை வழங்கினார். திருச்சி, தஞ்சாவூர்,புதுக்கோட்டை,நாகப்பட்டினம், திருவாரூர் மாவட்டங்களைச் சேர்ந்த 30 கூட்டுறவுத் தணிக்கை அலுவலர்கள் பயிற்சியில் பங்கேற்றனர். ஏற்பாடுகளை த. பொன்னிவளவன் மற்றும் மு.சந்திரசேகரன் ஆகியோர் செய்திருந்தனர்.

]]>
http://www.dinamani.com/all-editions/edition-trichy/trichy/2018/sep/19/கூட்டுறவுத்-தணிக்கையாளர்களுக்கு-கணினிப்-பயிற்சி-3003497.html
3003496 திருச்சி திருச்சி கஞ்சா வைத்திருந்தவர் கைது DIN DIN Wednesday, September 19, 2018 09:37 AM +0530 திருச்சியில் கஞ்சா வைத்திருந்தவரை போலீஸார் கைது செய்து, அவரிடமிருந்து ஒன்றரை கிலோ கஞ்சாவை பறிமுதல் செய்தனர்.
திருச்சி கோட்டை பகுதியில் ஆய்வாளர் கே.கே. செந்தில்குமார் தலைமையில் போலீஸார் திங்கள்கிழமை, வாகன தணிக்கையில் ஈடுபட்டிருந்தனர்.  அப்போது மொபெட் ஒன்றில் சந்தேகத்துக்கிடமான வகையில் வந்த நபரை பிடித்து விசாரணை மேற்கொண்டனர். விசாரணையில், அவர்  ஜீவாநகர், எல்லை மாரியம்மன் கோயில் தெருவைச் சேர்ந்த மு. சந்திரசேகர் (45) என்பதும், அவர், தனது மொபெட்டில் சுமார் ஒன்றரை கிலோ கஞ்சாவை மறைத்து வைத்திருந்தது தெரியவந்தது. இதனையடுத்து அவரை கைது செய்து, கஞ்சா மற்றும் மொபெட்டை போலீஸார் பறிமுதல் செய்தனர்.

]]>
http://www.dinamani.com/all-editions/edition-trichy/trichy/2018/sep/19/கஞ்சா-வைத்திருந்தவர்-கைது-3003496.html
3003495 திருச்சி திருச்சி திரையரங்கில் இளைஞர் சடலம் DIN DIN Wednesday, September 19, 2018 09:37 AM +0530 திருச்சியில் உள்ள திரையரங்க கழிவறையில்,இளைஞர் சடலம் திங்கள்கிழமை கிடந்தது.
திருச்சி மாவட்டம் சோமரசம்பேட்டையை மாரியம்மன் கோயில் தெருவைச் சேர்ந்தவர் அம்மாசி மகன் கீர்த்திவாசன் (25). தொழிலாளியான இவர் மதுப்பழக்கம் உள்ளவர். இந்நிலையில், இவர் ஞாயிற்றுக்கிழமை இரவு அளவுக்கு அதிகமாக குடித்துவிட்டு புத்தூர் பகுதியில் உள்ள ஒரு திரையரங்கில் படம் பார்க்கச் சென்றார்.  படம் முடிந்து அனைவரும் சென்றபிறகு திங்கள்கிழமை காலை கழிவறையை சுத்தப்படுத்த துப்புரவுத்தொழிலாளிகள் வந்தனர். அப்போது கழிவறையில் கீர்த்திவாசன் இறந்து கிடந்தது தெரியவந்தது. 
தகவலின் பேரில் உறையூர் போலீஸார் வழக்குப் பதிந்து விசாரணை மேற்கொண்டுள்ளனர். அளவுக்கு அதிகமான மதுவினால் அவர் இறந்திருக்கலாம் என கருதப்படுகிறது.
 

]]>
http://www.dinamani.com/all-editions/edition-trichy/trichy/2018/sep/19/திரையரங்கில்-இளைஞர்-சடலம்-3003495.html
3003494 திருச்சி திருச்சி மணப்பாறை மருந்தக கூரையை பிரித்து ரூ. 3.5 லட்சம் திருட்டு DIN DIN Wednesday, September 19, 2018 09:37 AM +0530 திருச்சி மாவட்டம், மணப்பாறை மருந்தக மேற்கூரையைப் பிரித்து  ரூ. 3.5 லட்சத்தைத் திருடிச் சென்றனர்.
மணப்பாறை மதுரை சாலையில் வசிப்பவர் சேட்டு மகன் சாதிக். இவர் அதே பகுதியில் நகராட்சி அலுவலகத்துக்கு முன்புள்ள தனியார் மருத்துவமனையில் மருந்தகம் வைத்துள்ளார். செவ்வாய்க்கிழமை காலை இவர் கடையைத் திறக்க வந்தார். அப்போது கடையின் மேற்கூரையைப் பிரித்து இறங்கிய மர்ம நபர்கள் கடையில் இருந்த சிசிடிவி கேமராவை திருப்பிவைத்துவிட்டு கல்லாவில் இருந்த ரூ. 3.50 லட்சத்தை திருடிச் சென்றது தெரியவந்தது.
புகாரின்பேரில் மணப்பாறை போலீஸார் சம்பவ இடத்தில் ஆய்வு செய்து விசாரித்து வருகின்றனர்.

]]>
http://www.dinamani.com/all-editions/edition-trichy/trichy/2018/sep/19/மணப்பாறை-மருந்தக-கூரையை-பிரித்து-ரூ-35-லட்சம்-திருட்டு-3003494.html
3003493 திருச்சி திருச்சி பட்டுக்கோட்டை- காரைக்குடி இடையே மீண்டும் ரயில் சேவை: 10 நாள்கள் மட்டுமே இயக்க முடிவு DIN DIN Wednesday, September 19, 2018 09:36 AM +0530 பட்டுக்கோட்டை- காரைக்குடி இடையே மீண்டும் 10 நாள்களுக்கு மட்டுமே ரயில் போக்குவரத்து இயக்கப்படவுள்ளது.
சிவகங்கை மாவட்டம் காரைக்குடியிலிருந்து, தஞ்சை மாவட்டம்  பட்டுக்கோட்டை வழியாக திருவாரூர் மாவட்டம்  வரையில் 150 கி. மீ. தொலைவு மற்றும்  திருத்துறைப்பூண்டி-அகஸ்தியம் பள்ளி வரையிலான 37 கி.மீ.  ஆக மொத்தம் 187 கி.மீ.  தொலைவுக்கு மீட்டர் கேஜ் ரயில் பாதைகள் அகலப் பாதையாக மாற்றும் பணிகள் 3 கட்டமாக நடைபெற்று வருகின்றன. முதல் கட்டமாக காரைக்குடி - பட்டுக்கோட்டை இடையிலான 74 கி.மீ. தொலைவுக்கான பணிகள் முடிக்கப்பட்டு, இரண்டாவதாக பட்டுக்கோட்டை - திருவாரூர் இடையிலான 76 கி.மீ. பாதையும்,  3-ஆம் கட்டமாக திருத்துறைப்பூண்டி-அகஸ்தியம்பள்ளி இடையிலான 37 கி.மீ. பாதை பணிகளும் முடிக்க திட்டமிடப்பட்டுள்ளது.
இதில், காரைக்குடி- பட்டுக்கோட்டை இடையிலான  முதல் கட்டப்பணிகள் முடிந்து கடந்த ஜூலை 2 -ஆம் தேதி முதல் பயணிகள் ரயில் போக்குவரத்து தொடங்கியது.  சுமார் 6 ஆண்டுக்கு பின்னர்  தொடங்கப்பட்ட இந்த மார்க்கத்திலான ரயில் போக்குவரத்து, தொடங்கிய ஒரு மாதத்திலேயே, ஆகஸ்ட் 16 முதல்  நிறுத்தப்பட்டது. 
அதற்கு ரயில்வே நிர்வாகத் தரப்பில் அளிக்கப்பட்ட விளக்கத்தில் ரயில் பெட்டிகள் பற்றாக்குறையுள்ளதால், வேளாங்கண்ணி பேராலய விழாவுக்கு சிறப்பு ரயில்கள் இயக்குவதற்காக இந்த மாற்று ஏற்பாடு என தெரிவிக்கப்பட்டது
தற்போது,  இரண்டாவது கட்ட நடைமுறையாக செப்டம்பர்20ஆம் தேதி முதல் அதே மார்க்கத்தில் மீண்டும் ரயில்கள் இயக்கப்படும் என அறிவிக்கப்பட்டுள்ளது. ஆனால், கடந்த முறை ஒருமாதம் இயக்கப்பட்ட ரயில், இம்முறை வெறும் 10 நாள்கள் மட்டுமே அதாவது அக்டோபர் 1-ஆம் தேதி வரைதான் இயக்கப்படும் என அறிவிக்கப்பட்டுள்ளது.  ரயில் புறப்படும், சென்றடையும் நேரங்களில் மாற்றமில்லை. காலை 10 மணிக்கு காரைக்குடியிலிருந்து புறப்படும் ரயில் பகல் 1 மணிக்கு பட்டுக்கோட்டையை அடைந்து, மீண்டும் அங்கிருந்து பகல் 1.30-க்கு புறப்பட்டு மாலை 4.50-க்கு காரைக்குடியை அடைகிறது.
ரயிலை நிறுத்தவே திட்டம்?  இந்த மார்க்கத்தில் ரயில்போக்குவரத்து தொடங்கும் முன் தினசரி போக்குவரத்து என்ற அறிவிக்கப்பட்டிருந்தது. மறுநாளே, தினசரி போக்குவரத்துக்கு வாய்ப்பில்லை, எனவே வாரத்தில் திங்கள் மற்றும் வியாழக்கிழமைகளில் மட்டும் இயக்கப்படும் என அறிவிக்கப்பட்டது.
அடுத்ததாக, பட்டுக்கோட்டை-காரைக்குடி இடையிலான 74 கி.மீ. பயணத்துக்கு  ஆறரை மணி நேரமாக இருந்தது.  ஆங்காங்கே ரயில்கள் நீண்ட நேரம் காத்திருந்து சென்றதால் பேருந்துகளில் 2.30 மணி நேரம் கடக்க வேண்டிய தொலைவை 6.30 மணி நேரம் பயணிக்க வேண்டியிருந்தது. அதைசுட்டிக்காட்டி நாளிதழ்களில் செய்திகள் பிரசுரமான நிலையில், பின்னர் பயண நேரம் 3.30 மணி நேரமாக குறைக்கப்பட்டது. 
இத்தடத்தில் மொத்தம் 36 ரயில்வே கேட்டுகள் உள்ளன. அவற்றில் 5 தவிர மீதி 31 கேட்டுகளுக்கு தொழிலாளர்கள் நியமிக்கப்படவில்லை. இதனால் ஒவ்வொரு கேட்டிற்கு முன்பும், கடந்தும் ரயில் நிறுத்தப்பட்டு ரயிலிலேயே கேட் கீப்பர்கள் பயணித்து அவற்றை மூடி திறப்பதால் பயண நேரம் 3.40  மணியாக உள்ளது. 
இதனால் பயணிகளின் வருகையும் குறையத் தொடங்கியது. இதனைக் காரணம் காட்டி ரயில் போக்குவரத்தை அடுத்த ஓராண்டுக்கு மூட ரயில்வே நிர்வாகம் திட்டமிட்டுள்ளதாக உறுதியான தகவல்கள் தெரிவிக்கின்றன.

]]>
http://www.dinamani.com/all-editions/edition-trichy/trichy/2018/sep/19/பட்டுக்கோட்டை--காரைக்குடி-இடையே-மீண்டும்-ரயில்-சேவை-10-நாள்கள்-மட்டுமே-இயக்க-முடிவு-3003493.html
3003492 திருச்சி திருச்சி திமுக-பாஜக இடையே எந்தவித ரகசிய கூட்டணியும் கிடையாது DIN DIN Wednesday, September 19, 2018 09:36 AM +0530 திமுக, பாஜக-வுக்கு இடையே எந்தவித ரகசிய கூட்டணியும் கிடையாது என முன்னாள் அமைச்சரும், திமுக மாவட்டச் செயலருமான கே.என். நேரு தெரிவித்தார்.
ஊழல் புகார்களுக்கு பொறுப்பேற்று அதிமுக அரசு பதவி விலக வலியுறுத்தி திமுக சார்பில் தமிழகம் முழுவதும் செவ்வாய்க்கிழமை கண்டன ஆர்ப்பாட்டம் நடைபெற்றது. திருச்சி மாவட்ட திமுக சார்பில் சிந்தாமணி அண்ணாசிலை அருகே நடைபெற்ற இந்த ஆர்ப்பாட்டத்துக்கு தலைமை வகித்து கே.என். நேரு பேசியது: தமிழகத்தில் நடைபெற்று வரும் அதிமுக ஆட்சியில் அனைத்து துறைகளிலும் ஊழல் மலிந்துவிட்டது. குட்கா ஊழல் தொடர்பாக அமைச்சர், டிஜிபி வீடுகளில் சோதனை நடந்தும் இருவரையும் பதவி நீக்கம் செய்யவில்லை.
அடுக்கடுக்கான ஊழல்களால் மக்களை சந்திக்க முடியாத நிலையில், சிறுபான்மையின வாக்குகளை கவர வேண்டும் என்பதற்காக திமுக-பாஜக இடையே ரகசிய கூட்டணி இருப்பதாக மக்களவை துணைத் தலைவர் தம்பிதுரை கூறியுள்ளார். விமானநிலையத்தில் ஸ்டாலினுடன், தம்பிதுரை சந்தித்து பேசுகிறார் என்பதற்காக அதிமுக-வுடன் கூட்டணி எனக் கூற முடியுமா?.
சிறுபான்மையின மக்களின் மிகப்பெரும் காவலனாக இருப்பது திமுக மட்டுமே. பாஜக-வுடன் எந்தவித ரகசிய கூட்டணியும் இல்லை. திமுக தலைவராக ஸ்டாலின் பொறுப்பேற்று பேசிய முதல் மேடையிலேயே மத்தியில் மோடி தலைமையிலான பாஜக ஆட்சியையும், தமிழகத்தில் எடப்பாடி தலைமையிலான அரசையும் வீட்டுக்கு அனுப்பும் வரை ஓயமாட்டோம் என சூளுரைத்துள்ளார். தேர்தல் வந்தால் அதிமுக ஒரு அடி ஏறினால், டிடிவி தினகரன் 2 அடிக்கு கீழே இறக்கிவிடுவார்.எனவே, தேர்தலில் திமுகவே வெற்றி பெறும். தமிழகத்தில் மீண்டும் திமுக ஆட்சி அமைப்பது உறுதி என்றார். ஆர்ப்பாட்டத்தில், வடக்கு மாவட்டச் செயலர் ந. தியாகராஜன், எம்எல்ஏ-க்கள் அன்பில். மகேஷ் பொய்யாமொழி, அ. சௌந்தரபாண்டியன், செ. ஸ்டாலின்குமார், மாநகரச் செயலர் மு. அன்பழகன், முன்னாள் எம்எல்ஏ-க்கள், அன்பில் பெரியசாமி, சேகரன், பரணிகுமார் உள்ளிட்ட நிர்வாகிகள் மற்றும் ஆயிரக்கணக்கான தொண்டர்கள் கலந்து கொண்டனர்.

]]>
http://www.dinamani.com/all-editions/edition-trichy/trichy/2018/sep/19/திமுக-பாஜக-இடையே-எந்தவித-ரகசிய-கூட்டணியும்-கிடையாது-3003492.html
3003491 திருச்சி திருச்சி மணல் திருட்டில் ஈடுபட்டால் கடும் நடவடிக்கை DIN DIN Wednesday, September 19, 2018 09:36 AM +0530 திருச்சி மாவட்டத்தில் வாய்க்கால்கள், ஆறுகளில் மணல் திருட்டில் ஈடுபடுவோர் மீது கடும் நடவடிக்கை எடுக்கப்படும் என்றார் மாவட்ட ஆட்சியர் கு.ராசாமணி.
திருச்சி மாவட்டத்தில் வருவாய்த் துறை சார்பில் செயல்படுத்தப்படும் திட்டங்கள் குறித்து அத்துறை அலுவலர்களுடன் செவ்வாய்க்கிழமை நடத்திய ஆய்வுக் கூட்டத்தில் அவர் மேலும் பேசியது:
கருணை அடிப்படையில் பணி நியமனம் செய்யப்படும் வகையில், காலியாகஉள்ள இடங்களுக்கு விண்ணப்பங்களைப் பெற்று அக்டோபர் 15 ஆம் தேதிக்குள்  பூர்த்தி செய்ய வேண்டும். வருவாய்த் துறை சார்பில் வழங்கப்படும் சான்றிதழ்களை 15 நாள்களுக்குள் வழங்க வேண்டும்.  பட்டா வழங்கக் கோரி ஆன்லைன் முலம் பெறப்பட்ட மனுக்கள் மீதும் 15 நாள்களுக்குள் உரிய நடவடிக்கை எடுக்க வேண்டும்.  வாரிசு சான்றிதழ் வழங்குவதற்கு ஒரு மாத காலத்துக்குள் மனுக்கள் மீது தீர்வு காண வேண்டும்.
மாவட்டத்தில் மண்ணச்சநல்லூர், நொச்சியம், ஸ்ரீரங்கம், கோரையாறு, உத்தமர்சீலி, மருங்காபுரி, வளநாடுகைகாட்டி, திருவெறும்பூர் போன்ற பகுதிகளில் கள்ளத்தனமாக வாய்க்கால்கள், ஆறுகளில் மணல் அள்ளப்படுவதாக புகார்கள் வருகின்றன. இதன் மீது சம்பந்தப்பட்ட வட்டாட்சியர்கள் கூடுதல் கவனம் செலுத்தி தீவிர நடவடிக்கை எடுக்க வேண்டும். மேலும், மணல் அள்ளவதற்குப் பயன்படுத்தப்படும் வாகனங்களைப் பறிமுதல் செய்து, அதுகுறித்த விவரங்களை மாவட்ட நிர்வாகத்துக்கும் தெரிவிக்க வேண்டும்.  ஏரி, குளங்களில் 24 மணி நேரமும் மண் எடுக்க அனுமதிக்கக்கூடாது என்றார் ஆட்சியர்.
கூட்டத்தில், மின்னாளுமைத் திட்டம், சமூகப் பாதுகாப்புத் திட்டம், முதல்வரின் உழவர் பாதுகாப்புத் திட்டம்,  வட்ட அளவிலான நில அளவைப் பணிகள் முன்னேற்றம், கொடிநாள் வசூல் முன்னேற்றம் குறித்து ஆட்சியர்  ஆய்வு செய்தார். மாவட்ட வருவாய் அலுவலர் தா.சாந்தி,  கோட்டாட்சியர்கள் இரா.பாலாஜி, பொன்.ராமர், அன்பழகன், ரவிச்சந்திரன் மற்றும் வட்டாட்சியர்கள், நில அளவைத்துறை அலுவலர்கள் பங்கேற்றனர்.

]]>
http://www.dinamani.com/all-editions/edition-trichy/trichy/2018/sep/19/மணல்-திருட்டில்-ஈடுபட்டால்-கடும்-நடவடிக்கை-3003491.html