Dinamani - புதுக்கோட்டை - http://www.dinamani.com/all-editions/edition-trichy/pudukottai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3038423 திருச்சி புதுக்கோட்டை சிறந்த ஆய்வுக்கட்டுரை சமர்ப்பித்து விருது பெற்றவர்களுக்கு பாராட்டு DIN DIN Wednesday, November 14, 2018 09:35 AM +0530 தேசிய குழந்தைகள் அறிவியல் மாநாட்டில் சிறந்த ஆய்வுக்கட்டுரை சமர்ப்பித்து விருதுபெற்ற ஆசிரியை, மாணவிகள் பாராட்டி கெளரவிக்கப்பட்டனர்.
தமிழ்நாடு அறிவியல் இயக்கம், மத்திய அரசின் அறிவியல் தொழில்நுட்பத் துறை இணைந்து 26ஆவது தேசிய குழந்தைகள் அறிவியல் மாநாடு கோவையில் நடைபெற்றது. இதில், புதுக்கோட்டை மாவட்டம் சார்பில் 9 ஆய்வுக் கட்டுரைகள் சமர்ப்பிக்கப்பட்டது. இதில் கறம்பக்குடி ஒன்றியம் மீனம்பட்டி ஊராட்சி ஒன்றிய நடுநிலைப்பள்ளி தலைமையாசிரியை க.ஜெயலெட்சுமி, ஆசிரியை ஷோபா, ஆய்வுக்குழு மாணவியர் ரா.சினேகா, ர.ரவித்ரா ஆகியோர் பசுமையான, ஆரோக்கியமான தேசத்திற்கு அறிவியல் தொழில்நுட்பம் மற்றும் புதிய கண்டுபிடிப்புகள் என்னும் கருப்பொருளின் கீழ் மூலிகை நாப்கின் தயாரித்தல் தலைப்பில் ஆய்வுக்கட்டுரை சமர்ப்பித்தனர்.
இந்த மூலிகை நாப்கினாது தற்போதைய சூழ்நிலையில் பெருகி வரும் கர்ப்பப்பை பிரச்னைகளை தீர்ப்பதற்கும், வேதிப்பொருள்கள் நிறைந்த நாப்கினால் ஏற்படும் சுகாதார கேடுகளை நீக்கிடவும் நாப்கின்களில் பயன்படுத்தப்படும் டயாக்ஸின் எனும் வேதிப்பொருள் உதவுவதாக கூறி செயல்முறை விளக்கம் அளித்தனர். இந்த ஆய்வுக் கட்டுரை மாநில அளவில் தேர்வு செய்யப்பட்டு விருது பெற்றது. தொடர்ந்து, இக்குழுவினர் டிச.25 முதல் ஒடிஸா மாநிலம் புவனேஸ்வரில் நடைபெறவுள்ள அகில இந்திய தேசிய குழந்தைகள் அறிவியல் மாநாட்டில் பங்கேற்க இருக்கின்றனர். 
சிறந்த ஆய்வுக்கட்டுரை சமர்ப்பித்த ஆசிரியை மற்றும் மாணவிகளை மாவட்ட ஆட்சியர் சு.கணேஷ், முதன்மைக் கல்வி அலுவலர் இரா.வனஜா, கறம்பக்குடி வட்டாரக் கல்வி அலுவலர்கள் ராஜாசந்திரன், அன்பழகன் உள்ளிட்டோர் பாராட்டினர்.


 

]]>
http://www.dinamani.com/all-editions/edition-trichy/pudukottai/2018/nov/14/சிறந்த-ஆய்வுக்கட்டுரை-சமர்ப்பித்து-விருது-பெற்றவர்களுக்கு-பாராட்டு-3038423.html
3038422 திருச்சி புதுக்கோட்டை டெங்கு கொசு உற்பத்தியாக காரணமாக இருந்த தனியார் விடுதி உரிமையாளருக்கு ரூ.10 ஆயிரம் அபராதம் DIN DIN Wednesday, November 14, 2018 09:35 AM +0530 புதுக்கோட்டை நகராட்சிப் பகுதியில் டெங்கு கொசுக்கள் உற்பத்தியாக காரணமாக இருந்த தனியார் விடுதி உரிமையாளருக்கு ரூ.10 ஆயிரம்  அபராதம் விதிக்கப்பட்டது. 
புதுக்கோட்டை நகராட்சிப் பகுதியில் மேற்கொள்ளப்பட்டு வரும் டெங்கு தடுப்பு நடவடிக்கைகளை திங்கள்கிழமை நேரில் பார்வையிட்டு ஆய்வு செய்த மாவட்ட ஆட்சியர் சு.கணேஷ் கூறியது: தமிழகத்தில் டெங்கு, பன்றிக்காய்ச்சல் உள்ளிட்ட பல்வேறு நோய்களல் பொதுமக்களுக்கு பாதிப்பு ஏற்படாமல் இருக்கும் வகையில் பல்வேறு நடவடிக்கைகள் மேற்கொள்ளப்பட்டு வருகிறது. மாவட்டம் முழுவதிலும்  டெங்கு தடுப்பு நடவடிக்கைகள் போர்க்கால அடிப்படையில் மேற்கொள்ளப்பட்டு வருகிறது. 
தெற்கு ராஜவீதியில் உள்ள தனியார் குடியிருப்பில் டெங்கு கொசு உருவாகுவதற்கான காரணிகள் கண்டறியப்பட்டதைத் தொடர்ந்து சம்பந்தப்பட்ட தனியார் விடுதி உரிமையாளருக்கு ரூ.10 ஆயிரம் அபராதம் விதிக்கப்பட்டது.
புதுக்கோட்டை நகராட்சிக்குள்பட்ட 42 வார்டுகளில் 1.70 லட்சத்துக்கும் அதிகமான மக்கள் வசிக்கின்றனர். இம்மக்களை நோய் தொற்றுகளிடமிருந்து பாதுகாக்கும் வகையில் கொசு மருந்து அடித்தல், அபேட் மருந்து தெளித்தல், வீடுகள் தோறும் லார்வா புழுக்கள் கண்டறியும் பணிகள், நிலவேம்பு குடிநீர் வழங்குதல் உள்ளிட்ட பணிகள் மேற்கொள்ளப்பட்டு வருகிறது.
நகராட்சிப் பணியாளர்கள் வீடுகள்தோறும் சுவரொட்டிகள் ஒட்டி லார்வா புழுக்கள் கண்டறிப்பட்ட விவரத்தை சுவரொட்டியில் பதிவு செய்வதுடன், தூய்மையாக உள்ள வீடுகள் குறித்தும் சுவரொட்டியில் பதிவு செய்து வருகின்றனர். பொதுமக்கள் சுற்றுப்புறங்களை தூய்மையாகவைத்து ஒத்துழைப்பு நல்க வேண்டும் என்றார்.
ஆய்வின் போது, மாநில தொற்று நோய் தடுப்பு அலுவலர் மற்றும் மாவட்ட ஒருங்கிணைப்பாளர் ஜி.இந்துமதி, நகராட்சி ஆணையர் ஜீவா சுப்பிரமணியன், வருவாய் கோட்டாட்சியர் டெய்சிகுமார், மருத்துவப் பணிகள் துணை இயக்குனர் பரணிதரன் உள்ளிட்டோர் உடனிருந்தனர்.


 

]]>
http://www.dinamani.com/all-editions/edition-trichy/pudukottai/2018/nov/14/டெங்கு-கொசு-உற்பத்தியாக-காரணமாக-இருந்த-தனியார்-விடுதி-உரிமையாளருக்கு-ரூ10-ஆயிரம்-அபராதம்-3038422.html
3038421 திருச்சி புதுக்கோட்டை அரோகரா கோஷத்துடன் முருகன் கோயில்களில் சூரசம்ஹாரம்: திரளான பக்தர்கள் பங்கேற்பு DIN DIN Wednesday, November 14, 2018 09:35 AM +0530 புதுக்கோட்டை மாவட்டம் முழுவதிலும் உள்ள முருகர் கோயில்களில் செவ்வாய்க்கிழமை நடைபெற்ற சூரசம்ஹார நிகழ்ச்சியில் திரளான பக்தர்கள் பங்கேற்று வழிபட்டனர். 
மாவட்டத்தில் பிரசித்தி பெற்ற விராலிமலை சுப்பிரமணியர் திருக்கோயிலில் கந்தசஷ்டி விழாவை முன்னிட்டு தினந்தோறும் அதிகாலை 4 மணிக்கு கோயில் நடை திறக்கப்பட்டு விஸ்வரூப தரிசனம், உதயமார்த்தாண்ட அபிஷேகம், யாகசாலை பூஜை, மூலவருக்கு உச்சிகால பூஜை, தீபாராதனை, சப்பரத்தில் சுப்பிரமணியர் யாகசாலையில் இருந்து எழுந்தருளல், பல்வேறு வாகனங்களில் சுவாமி வீதியுலா நடைபெற்றது. 
முக்கிய நிகழ்ச்சியான சூரசம்ஹாரம் 6ஆம் நாளான செவ்வாய்க்கிழமை நடைபெற்றது. அதிகாலை 4 மணிக்கு கோயில் நடை திறக்கப்பட்டு, விஸ்வரூப தீபாராதனை, உதயமார்த்தாண்ட அபிஷேகம் மற்றும் இதர கால வேளை பூஜைகள் நடைபெற்றது. தொடர்ந்து காலை 9 மணிக்கு மூலவருக்கு உச்சிகால பூஜையும், யாகசாலையில் தீபாராதனை நடைபெற்றது.
இதன்பின், மாலை 5.20 மணிக்கு ஆபரண மண்டபத்திலிருந்து சுப்பிரமணியர் சுவாமி வாத்தியங்கள் முழங்க சஷ்டி மண்டபத்திற்கு வந்து சேர்ந்தார். அங்கு சிறப்பு தீபாராதனை நடைபெற்றது.
இதையடுத்து, சூரபத்மனை வதம் செய்வதற்காக போர்க்கோலம் பூண்டு சஷ்டி மண்டபத்தில் இருந்து புறப்பட்டு மலையை சுற்றி வந்து கோயில் அடிவாரத்தில் சூரசம்ஹாரம் தொடங்கியது. முதலில், கஜ முகத்துடன் வந்து சுவாமியை மூன்று முறை வலம் வந்து போரிட்ட சூரபத்மனை, சுப்பிரமணியர் வதம் செய்தார்.
இரண்டாவதாக இலை புற்கள் கலந்த முகத்துடன் வந்த சூரனையும், அதன்பின், மாமரமாக மாறிய சூரனை சேவலாகவும், மயிலாகவும் மாற்றி தன்னுள் ஆட்கொண்டார் சுப்பிரமணியர். 
அப்போது, பக்தர்கள் முருகனுக்கு அரோகரா கோஷம் எழுப்பினர். 
புதுக்கோட்டை மட்டுமல்லாது அருகாமையில் உள்ள பகுதிகளில் இருந்து திரளான பக்தர்கள் பங்கேற்று சுவாமி தரிசனம் செய்தனர். சூரசம்ஹாரம் முடிந்ததும் பக்தர்கள் புனித நீராடி விரதத்தை நிறைவு செய்தனர்.
தொடர்ந்து வள்ளி, தெய்வானையுடன் சுப்பிரமணியர் சுவாமி எழுந்தருளினார். அங்கு சுவாமிக்கும், அம்பாளுக்கும் அலங்கார தீபாராதனை நடைபெற்றது. 
ஏற்பாடுகளை கோவில் செயல் அலுவலர் கண்ணன், ரெ. மாரிமுத்து மற்றும் திருக்கோயில் பணியாளர்கள் செய்திருந்தனர். 
புதுக்கோட்டை: புதுக்கோட்டை அருகே உள்ள குமரமலை பாலதண்டாயுதபாணி சுவாமி கோயிலில் கந்த சஷ்டி விழாவின் முக்கிய நிகழ்வான சூரசம்ஹாரம் செவ்வாய்க்கிழமை நடைபெற்றது.
இக்கோயிலில் கந்த சஷ்டி விழாவை முன்னிட்டு தினந்தோறும் தண்டாயுதபாணி சுவாமிக்கு சிறப்பு அபிஷேக, ஆராதனைகள் நடைபெற்றது. செவ்வாய்க்கிழமை காலை பல்வேறு அபிஷேகங்கள் நடைபெற்று திருநீறு அலங்காரம் செய்யப்பட்டு தீபாராதனை நடைபெற்றது. பிற்பகலில் சந்தனக்காப்பு வெள்ளி அலங்காரத்தில் பக்தர்களுக்கு அருள்பாலித்தார். இதையடுத்து, முருகப்பெருமான் சூரனை வதம் செய்யும் சூரசம்ஹாரம் நடைபெற்றது. சுற்றுவட்டார கிராமங்களில் இருந்து திரளான பக்தர்கள் பங்கேற்று வழிபட்டனர். அதேபோல, புதுக்கோட்டை நகர் பகுதியில் உள்ள முருகன் கோயில்களில் கந்த சஷ்டி விழாவையொட்டி சிறப்பு வழிபாடு நடைபெற்றது. 
அறந்தாங்கி: அறந்தாங்கி அருள்மிகு பாலசுப்பிரமணியர் கோயிலில் நடைபெற்ற சூரசம்ஹார விழாவில் திரளான மக்கள் பங்கேற்று வழிபட்டனர். 
அறந்தாங்கி கட்டுமாவடி சாலையில் உள்ள பாலசுப்பிரமணியர் கோயிலில் கந்த சஷ்டி விழா கடந்த வியாழக்கிழமை (நவ.8) யாகசாலை பூஜையுடன்  துவங்கியது. தினந்தோறும் முருகப்பெருமானுக்கு பல்வேறு அலங்காரம், அபிஷேகம் நடைபெற்றது. 
முக்கிய நிகழ்வான,  சூரசம்ஹாரம் ரயில்வேகேட்  முனீஸ்வரர் கோயில் அருகே நடைபெற்றது.  சூரபத்மனை முருகப்பெருமான் வதம் செய்யும் நிகழ்ச்சி நடைபெற்றது. திரளான பொதுமக்கள் பங்கேற்று வழிபட்டனர். புதன்கிழமை (நவ.14) மாலை பாலசுப்பிரமணியர் திருக்கல்யாண வைபவம் நடைபெறுகிறது. 
அதேபோல, அறந்தாங்கி கோட்டை ராஜேந்திர சோழீஸ்வரர் கோயிலில் நடைபெற்ற சூரசம்ஹார விழாவில் திரளானோர் பங்கேற்றனர்.
பொன்னமராவதி: பொன்னமராவதி வலையபட்டி மலையாண்டி கோயிலில் சூரசம்ஹாரம் செவ்வாய்க்கிழமை நடைபெற்றது.
இக்கோயிலில் நவ.8ஆம் தேதி தொடங்கிய கந்தசஷ்டி விழாவை முன்னிட்டு தினமும் சுவாமிக்கு சிறப்பு அபிஷேக, ஆராதனைகள், வீதியுலா நடைபெற்றது. முக்கிய நிகழ்வான சூரசம்ஹாரம் தொடக்கமாக கோயிலை வலம் வந்த மலையாண்டி சுவாமி சூரனை வதம் செய்தார். 
சுற்றுவட்டார கிராமங்களில் இருந்து திரளான பக்தர்கள் பங்கேற்று வழிபட்டனர். திருக்கல்யாண வைபவம் புதன்கிழமை நடைபெற உள்ளது.

]]>
http://www.dinamani.com/all-editions/edition-trichy/pudukottai/2018/nov/14/அரோகரா-கோஷத்துடன்-முருகன்-கோயில்களில்-சூரசம்ஹாரம்-திரளான-பக்தர்கள்-பங்கேற்பு-3038421.html
3038420 திருச்சி புதுக்கோட்டை ரணகாளிமுத்தம்மன் கோயில் சுவாமி ஊர்வலம் DIN DIN Wednesday, November 14, 2018 09:34 AM +0530 பொன்னமராவதி அருகே கேசராபட்டி காசிலிங்கபாளையம் ரணகாளிமுத்தம்மன் உடனாகிய சுயம்பு ஆதிசிவன் கோயிலில் சுவாமி ஊர்வலம் செவ்வாய்க்கிழமை நடைபெற்றது.
இக்கோயில் குடமுழுக்கு விழா நவ.19ஆம் தேதி நடைபெற உள்ளது. இதனையொட்டி, மேளதாளத்துடன் ரணகாளிமுத்தம்மன் சுவாமி கோயிலில் தொடங்கிய ஊர்வலம் கேசராபட்டி, உலகம்பட்டி, கண்டியாநத்தம், புதுப்பட்டி, பொன்னமராவதி உள்ளிட்ட கிராமங்கள் வழியாகச் சென்றது. வழிநெடுகிலும் திரளான பக்தர்கள் சுவாமி தரிசனம் செய்தனர்.  ஏற்பாடுகளை கணக்கன்பட்டி சற்குரு பழனிச்சாமி சித்தர் பீட அன்பர்கள், கேசராபட்டி காசிலிங்கபாளையம் பொதுமக்கள் செய்திருந்தனர்.
 

]]>
http://www.dinamani.com/all-editions/edition-trichy/pudukottai/2018/nov/14/ரணகாளிமுத்தம்மன்-கோயில்-சுவாமி-ஊர்வலம்-3038420.html
3038419 திருச்சி புதுக்கோட்டை கறம்பக்குடியில் அரசுப்பள்ளி மாணவர்கள் தர்னா DIN DIN Wednesday, November 14, 2018 09:34 AM +0530 கறம்பக்குடியில் கோரிக்கைகளை வலியுறுத்தி அரசுப் பள்ளி மாணவர்கள் வகுப்பு புறக்கணித்து செவ்வாய்க்கிழமை தர்னாவில் ஈடுபட்டனர்.
அரசின் இலவச சைக்கிள், மடிக்கணினி வழங்க வேண்டும். புதிய வகுப்பறைக் கட்டடத்தை திறக்க வேண்டும். இலவச பேருந்து பயண அட்டை வழங்க வண்டும்.
ஆசிரியர் காலிப்பணியிடங்களை உடனடியாக நிரப்ப வேண்டும். விளையாட்டு உபகரணங்கள் வழங்க வேண்டும் என்பது உள்ளிட்ட பல்வேறு கோரிக்கைகளை நிறைவேற்ற வலியுறுத்தி கறம்பக்குடி அரசு மேல்நிலைப்பள்ளி மாணவர்கள் வகுப்புகளை புறக்கணித்து பள்ளி வாயிலில் அமர்ந்து தர்னாவில் ஈடுபட்டனர். 
போராட்டத்துக்கு இந்திய மாணவர் சங்கத்தின் மாவட்டச் செயலாளர் எஸ்.விக்கி தலைமை வகித்தார். 
கோரிக்கைகளை நிறைவேற்ற வலியுறுத்தி மாணவர்கள் முழக்கங்கள் எழுப்பினர். தொடர்ந்து, பள்ளி நிர்வாகத்தினர், கறம்பக்குடி போலீஸார், போராட்டத்தில் ஈடுபட்ட மாணவர்களிடம் பேச்சுவார்த்தை நடத்தி கலையச் செய்தனர். 
 

]]>
http://www.dinamani.com/all-editions/edition-trichy/pudukottai/2018/nov/14/கறம்பக்குடியில்-அரசுப்பள்ளி-மாணவர்கள்-தர்னா-3038419.html
3038418 திருச்சி புதுக்கோட்டை பள்ளியில்  கொசு ஒழிப்பு  உறுதிமொழி ஏற்பு DIN DIN Wednesday, November 14, 2018 09:34 AM +0530 கந்தர்வகோட்டை அரசு ஆண்கள் மேல்நிலைப்பள்ளி மாணவர்கள் பங்கேற்ற சுற்றுப்புற தூய்மை மற்றும் கொசு ஒழிப்பு உறுதிமொழி ஏற்பு நிகழ்ச்சி செவ்வாய்க்கிழமை நடைபெற்றது.
பள்ளி வளாகத்தில் நடைபெற்ற நிகழ்ச்சிக்கு தலைமையாசிரியர் ராமச்சந்திரன் தலைமை வகித்தார். சுற்றுப்புற தூய்மை, கொசு ஒழிப்பு குறித்து மாணவர்கள் உறுதிமொழி எடுத்துக் கொண்டனர்.


 

]]>
http://www.dinamani.com/all-editions/edition-trichy/pudukottai/2018/nov/14/பள்ளியில்--கொசு-ஒழிப்பு--உறுதிமொழி-ஏற்பு-3038418.html
3038417 திருச்சி புதுக்கோட்டை அனைத்துத் துறை ஓய்வூதியர் சங்கத்தினர் கோரிக்கை விளக்க ஆர்ப்பாட்டம் DIN DIN Wednesday, November 14, 2018 09:34 AM +0530 கந்தர்வகோட்டையில் அனைத்துத்துறை ஓய்வூதியர்கள் சங்கம் சார்பில் கோரிக்கை விளக்க ஆர்ப்பாட்டம் செவ்வாய்க்கிழமை நடைபெற்றது.
கந்தர்வகோட்டை ஊராட்சி ஒன்றிய அலுவலகம் முன்பு நடைபெற்ற கோரிக்கை விளக்க ஆர்ப்பாட்டத்திற்கு வட்டாரத் தலைவர் ஜி.சிங்காரம் தலைமை வகித்தார். துணைத் தலைவர் எ.பழனியாண்டி, துணைச் செயலாளர் ஆர்.கோவிந்தராஜ் ஆகியோர் முன்னிலை வகித்தனர். தமிழ்நாடு சத்துணவு ஊழியர் சங்க மாவட்டத் தலைவர் எஸ்.காமராஜ் ஆர்ப்பாட்டத்தை துவக்கி வைத்து கோரிக்கைகள் குறித்து விளக்கிப் பேசினார்.
பழைய ஓய்வூதியத் திட்டத்தை நடைமுறைப்படுத்துவது, மருத்துவக் காப்பீடு திட்டத்தை அரசே ஏற்று நடத்த வேண்டும். மருத்துவ பரிசோதனைக் கட்டணம், சிகிச்சை செலவுகளை வழங்க வேண்டும். அனைவருக்கும் குறைந்தபட்ச ஓய்வூதியம் ரூ.9 ஆயிரம் வழங்கிட வேண்டும் உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது.  சங்கத்தின் மாவட்டப் பொருளாளர் என்.ராமச்சந்திரன்  சிறப்புரையாற்றினார். முடிவில், வட்டாரப் பொருளாளர் ஆர்.ராஜப்பா நன்றி கூறினார்.
விராலிமலை: இலுப்பூர் வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு வட்டத் தலைவர் துரைச்சாமி தலைமை வகித்தார். துணைத் தலைவர் வெள்ளைச்சாமி முன்னிலை வகித்தார்.
முன்னதாக, வட்டச் செயலாளர் ஜோஷி வரவேற்றார். பொருளாளர் பழனிவேலு நன்றி கூறினார்.
அறந்தாங்கி: அறந்தாங்கி வட்டாட்சியர் அலுவலகம் முன்பு நடைபெற்ற அனைத்துத் துறை  ஓய்வூதியர் சங்கத்தின் சார்பில் நடைபெற்ற ஆர்ப்பாட்டத்துக்கு வட்ட கிளைத் தலைவர் எஸ்.அப்பாத்துரை  தலைமை வகித்தார். மாவட்ட துணைத் தலைவர்  ஆர்.சுப்பிரமணியன், இணைச்செயலாளர் வெள்ளச்சாமி, அரசு ஊழியர் சங்க வட்டத் தலைவர் கே.காமராஜ், வருவாய்த்துறை  வட்டத் தலைவர் செந்தில்குமார் உள்ளிட்டோர் கோரிக்கைகளை விளக்கிப் பேசினர்.
பழைய ஓய்வூதியத் திட்டத்தை  அமல்படுத்த வேண்டும். மருத்துவப்படி ரூ.1,000 வழங்க வேண்டும். குடும்ப பாதுகாப்பு நிதி ரூ.1லட்சத்து 50 ஆயிரம் வழங்க வேண்டும்  உள்ளிட்ட 10 அம்ச கோரிக்கைகள் ஆர்ப்பாட்டத்தில் வலியுறுத்தப்பட்டது. வட்ட கிளைச் செயலாளர்  நம்பிராஜன் நன்றி கூறினார்.
 

]]>
http://www.dinamani.com/all-editions/edition-trichy/pudukottai/2018/nov/14/அனைத்துத்-துறை-ஓய்வூதியர்-சங்கத்தினர்-கோரிக்கை-விளக்க-ஆர்ப்பாட்டம்-3038417.html
3038416 திருச்சி புதுக்கோட்டை அரசுப் பள்ளியில் குழந்தைகள் தினவிழா DIN DIN Wednesday, November 14, 2018 09:34 AM +0530 உருவம்பட்டி அரசுப் பள்ளியில் குழந்தைகள் தினவிழா செவ்வாய்க்கிழமை கொண்டாடப்பட்டது. 
விழாவிற்கு பள்ளித் தலைமையாசிரியை சாந்தி தலைமை வகித்தார். பெற்றோர் ஆசிரியர் கழகத் தலைவர் கருப்பையா முன்னிலை வகித்தார்.
சிறப்பு விருந்தினராகப் பங்கேற்ற பரம்பூர் ஆரம்ப சுகாதார நிலைய சித்த மருத்துவர் சுயமரியாதை மாணவர்களுக்கு பரிசுகள் வழங்கினார். முன்னதாக, ஜவாஹர்லால் நேரு புகைப்படத்திற்கு மாணவர்கள் மலர்தூவி மரியாதை செலுத்தினர். 
பள்ளி வளாகத்தில் மரக்கன்றுகள் நடப்பட்டன. தொடர்ந்து மாணவர்களின் கலைநிகழ்ச்சி நடைபெற்றது.வட்டார வளமைய பயிற்றுநர் த.கண்ணன் உள்ளிட்டோர் பங்கேற்றனர். ஏற்பாடுகளை இடைநிலை ஆசிரியர் கு.முனியசாமி செய்திருந்தார். பெற்றோர் ஆசிரியர் கழக நியமன ஆசிரியர் நந்தினி நன்றி கூறினார்.
 

]]>
http://www.dinamani.com/all-editions/edition-trichy/pudukottai/2018/nov/14/அரசுப்-பள்ளியில்-குழந்தைகள்-தினவிழா-3038416.html
3038415 திருச்சி புதுக்கோட்டை பெண்ணிடம்  நூதன முறையில் ரூ.40 ஆயிரம் திருட்டு DIN DIN Wednesday, November 14, 2018 09:33 AM +0530 பொன்னமராவதியில் வங்கியில் இருந்து பணம் எடுத்து வந்த பெண்ணிடம் நூதன முறையில் ரூ.40 ஆயிரம் ரொக்கம் திருடப்பட்டது.
பொன்னமராவதி அருகே ஆலவயலைச் சேர்ந்த மரவியாபாரி மாணிக்கம். இவரது மனைவி செல்வி புதுப்பட்டி இந்தியன் ஓவர்சீஸ் வங்கியில் இருந்து செவ்வாய்க்கிழமை ரூ.40 ஆயிரம் பணத்தை எடுத்து மஞ்சள் பையில் வைத்து பையை கூடையில் வைத்து எடுத்துச் சென்றார். சிறிது தொலைவில் உள்ள கடையில் தேநீர் அருந்தினார். அவரை பின்தொடர்ந்து வந்த நபர், சேலையின் பின்புறம் ஏதோ ஒட்டியிருப்பதாக கூறியதையடுத்து, கையில் இருந்த கூடையை கீழே வைத்துவிட்டு கடையில் தண்ணீர்வாங்கி கழுவி விட்டு திரும்பினார். அப்போது, கூடையில் வைத்திருந்த பையை காணவில்லை.
இதுகுறித்து பொன்னமராவதி காவல்நிலையத்தில் அளிக்கப்பட்ட புகாரின் பேரில், போலீஸார் வங்கி சிசிடிவி கேமரா பதிவுகளை ஆய்வு செய்து பணத்தை திருடிச் சென்றவரை தேடி வருகின்றனர்.

]]>
http://www.dinamani.com/all-editions/edition-trichy/pudukottai/2018/nov/14/பெண்ணிடம்--நூதன-முறையில்-ரூ40-ஆயிரம்-திருட்டு-3038415.html
3038414 திருச்சி புதுக்கோட்டை பொன்னமராவதியில் நவம்பர் 15 மின்தடை DIN DIN Wednesday, November 14, 2018 09:33 AM +0530 பொன்னமராவதியில் மாதாந்திர பராமரிப்புப் பணிகள் நடைபெற இருப்பதால் வியாழக்கிழமை (நவ.15) மின் விநியோகம் இருக்காது.
இதுகுறித்து பொன்னமராவதி மின்சார வாரிய உதவி செயற்பொறியாளர் ஜெயபாலன் வெளியிட்ட அறிக்கை: கொன்னையூர் துணை மின் நிலையத்தில் இருந்து மின்சாரம் பெறும் செவலூர், கோவனூர், செம்பூதி, கொப்பனாபட்டி, ஆலவயல், அம்மன்குறிச்சி, தூத்தூர், தொட்டியம்பட்டி, வேந்தன்பட்டி, பொன்னமராவதி நகரம் மற்றும் சுற்றியுள்ள பகுதிகளில் வியாழக்கிழமை காலை 9 மணி முதல் மாலை 5 மணிவரை மின்விநியோகம் இருக்காது.
 

]]>
http://www.dinamani.com/all-editions/edition-trichy/pudukottai/2018/nov/14/பொன்னமராவதியில்-நவம்பர்-15-மின்தடை-3038414.html
3037751 திருச்சி புதுக்கோட்டை பெண்கள் முன்னேற்றத்துக்கு பல்வேறு திட்டங்களை அதிமுக அரசு செயல்படுத்தியுள்ளது DIN DIN Tuesday, November 13, 2018 03:17 AM +0530  

பெண்களின் முன்னேற்றத்துக்காக பல்வேறு நலத்திட்டங்களை அதிமுக அரசு செயல்படுத்தியுள்ளதாக மாநில மக்கள் நல்வாழ்வுத்துறை அமைச்சர் சி.விஜயபாஸ்கர் தெரிவித்தார்.
பொன்னமராவதியில் அதிமுக அரசின் 47வது ஆண்டு தொடக்கவிழா பொதுக்கூட்டம் மற்றும் நலத்திட்ட உதவிகள் வழங்கும் விழா ஞாயிற்றுக்கிழமை நடைபெற்றது.
விழாவிற்கு ஒன்றியச் செயலாளர் ராம.பழனியாண்டி தலைமை வகித்தார். நகரச் செயலாளர் அ.தங்கப்பன், மாவட்ட எம்ஜிஆர் மன்ற இணைச் செயலாளர் கணேசன், ஒன்றிய அவைத்தலைவர் வை.பழனிச்சாமி, முன்னாள் ஒன்றியக்குழு தலைவர் சி.அழகு சுப்பையா ஆகியோர் முன்னிலை வகித்தனர். மாவட்டச் செயலாளர் பி.கே.வைரமுத்து, சிவகங்கை நாடாளுமன்ற உறுப்பினர் செந்தில்நாதன், கந்தர்வகோட்டை சட்டப்பேரவை உறுப்பினர் ஆறுமுகம், தலைமைக் கழக பேச்சாளர் நெத்தியடி நாகேந்திரன் ஆகியோர் சிறப்புரையாற்றினர்.
நலிந்தோருக்கு வேஷ்டி, சேலைகளை வழங்கி மக்கள் நல்வாழ்வுத்துறை அமைச்சர் சி.விஜயபாஸ்கர் பேசியது: ஒரு பெரிய கட்சியின் தலைவர் மறைந்தால் கட்சியில் சில அதிர்வு இருக்கும். ஆனால் அதிமுகவைப் பொறுத்தவரையில் அதிமுகவை சார்ந்த ஒன்றரை கோடி தொண்டர்கள் பிற கட்சியை ஏறிட்டும் பார்ப்பதில்லை. மறைந்த முன்னாள் முதல்வர் ஜெயலலிதா மேலும் சில நாள்கள் நம்முடன் இருந்தால் இன்னும் பல நலத்திட்டங்களை செயல்படுத்தி இருப்பார். பெண்கள் முன்னேற்றத்திற்காக திருமண உதவித்தொகை உள்ளிட்ட பல்வேறு நலத்திட்டங்களை வழங்கியவர் ஜெயலலிதா.
அதிமுகவில் அமைச்சராக பதவி வகித்து திமுகவிற்கு சென்ற ரகுபதிக்கு அதிமுகவினரைப் பற்றி பேச அருகதை இல்லை.
தமிழக முதல்வர், துணை முதல்வர் தலைமையில் பணியாற்றுவோம் என்றார் அவர்.
ஒன்றிய இணைச் செயலாளர் மோகனா சேகர், முன்னாள் நகரச் செயலாளர் பிஎல்.ராஜேந்திரன், முன்னாள் ஒன்றியக்குழு உறுப்பினர்கள் நெடுஞ்செழியன்,பி.கமர்தீன், எம்ஜிஆர் மன்ற இணைச்செயலாளர் பி.மாரிமுத்து, வேகுப்பட்டி முன்னாள் துணைத்தலைவர் பெரி.முத்து, மீனவரணி ஒன்றியச் செயலாளர் காசி கண்ணப்பன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/pudukottai/2018/nov/13/பெண்கள்-முன்னேற்றத்துக்கு-பல்வேறு-திட்டங்களை-அதிமுக-அரசு-செயல்படுத்தியுள்ளது-3037751.html
3037750 திருச்சி புதுக்கோட்டை விராலிமலையில் இன்று மின் நிறுத்தம் DIN DIN Tuesday, November 13, 2018 03:16 AM +0530
விராலிமலையில் மாதாந்திர பராமரிப்புப் பணிகள் நடைபெற இருப்பதால் செவ்வாய்க்கிழமை (நவ.13) மின் விநியோகம் இருக்காது.
இதுகுறித்து விராலிமலை மின்சார வாரிய உதவி செயற்பொறியாளர் எம்.சுப்பிரமணியன் வெளியிட்ட அறிக்கை:
விராலிமலை துணை மின்நிலையத்தில் இருந்து மின்சாரம் பெறும் விராலிமலை, கோமங்களம், கல்குடி, பொருவாய், அத்திபள்ளம், ராஜளிபட்டி, நம்பம்பட்டி, வானதிராயன்பட்டி, விராலூர், ராமகவுண்டம்பட்டி, பொய்யாமணி, சீத்தப்பட்டி, மாதுராப்பட்டி, ராஜகிரி, மலைக்குடிபட்டி, கோத்திராப்பட்டி, கட்டகுடி, பாப்பாவயல், அகரபட்டி, கொடும்பாளூர், வடுகப்பட்டி துணை மின்நிலையத்தில் இருந்து மின்சாரம் பெறும் வடுகப்பட்டி, வேலூர், கத்தலூர், குளவாய்பட்டி, முல்லையூர், புதுப்பட்டி, அக்கல்நாயக்கன்பட்டி, சூரியூர், மதயானைப்பட்டி, திருநல்லூர், சாத்திவயல், பேராம்பூர், கல்லுப்பட்டி, மலம்பட்டி, ஆலங்குடி, சீத்தப்பட்டி, வளதாடிப்பட்டி,சித்தாம்பூர் மற்றும் சுற்றியுள்ள பகுதிகளில் செவ்வாய்க்கிழமை காலை 9.30 மணி முதல் மாலை 5 மணி வரை மின்விநியோகம் இருக்காது.

 

]]>
http://www.dinamani.com/all-editions/edition-trichy/pudukottai/2018/nov/13/விராலிமலையில்-இன்று-மின்-நிறுத்தம்-3037750.html
3037180 திருச்சி புதுக்கோட்டை காரையூர், இலுப்பூரில் நவம்பர் 13 மின்தடை DIN DIN Monday, November 12, 2018 08:44 AM +0530 பொன்னமராவதி அருகே உள்ள காரையூரில் பராமரிப்புப் பணிகள் நடைபெற இருப்பதால் செவ்வாய்க்கிழமை (நவ.13) மின்விநியோகம் இருக்காது.
இதுகுறித்து மின்வாரிய உதவி செயற்பொறியாளர் ஜெயபாலன் வெளியிட்ட அறிக்கை: மேலத்தானியம் துணை மின்நிலையத்தில் மாதாந்திர பராமரிப்புப் பணிகள் நடைபெற உள்ளதால் இங்கிருந்து மின்விநியோகம் பெறும் காரையூர், எம்.உசிலம்பட்டி, மேலத்தானியம், கீழத்தானியம், சடையம்பட்டி, ஆலம்பட்டி, கொன்னையம்பட்டி, முள்ளிப்பட்டி மற்றும் சுற்றுப்புறப் பகுதிகளில் செவ்வாய்க்கிழமை காலை 9 மணி முதல் மாலை 5 மணிவரை மின்விநியோகம் இருக்காது.
விராலிமலை: அண்ணா பண்ணை  துணைமின் நிலையத்தில் இருந்து மின்சாரம் பெறும் வயலோகம், மாங்குடி, மண்வேளாம்பட்டி,  அண்ணா பண்ணை, குடுன்மியான்மலை, பரம்பூர், அன்னவாசல், முக்கண்ணாமலைப்பட்டி, காலாடிப்பட்டி, கீழக்குறிச்சி, தச்சம்பட்டி, இலுப்பூர் துணை மின் நிலையத்தில் இருந்து மின்சாரம் பெறும் இலுப்பூர், ஆலத்தூர், பேயால், கிளிக்குடி, எண்ணை, தளுஞ்சி, வீரப்பட்டி, வெட்டுக்காடு, மலைக்குடிப்பட்டி, கொடும்பாலூர், பாக்குடி துணை மின் நிலையத்தில் இருந்து மின்சாரம் பெறும் இருந்திரப்பட்டி, பாக்குடி, விளாப்பட்டி, புங்கினிபட்டி, பையூர், மாங்குடி, மருதம்பட்டி, ராப்பூசல், லெக்கனாப்பட்டி ஆகிய பகுதிகளில் செவ்வாய்க்கிழமை (நவ.13) காலை 9 மணி முதல் மாலை 5.30 மணி வரை மின் விநியோகம் இருக்காது.

]]>
http://www.dinamani.com/all-editions/edition-trichy/pudukottai/2018/nov/12/காரையூர்-இலுப்பூரில்-நவம்பர்-13-மின்தடை-3037180.html
3037178 திருச்சி புதுக்கோட்டை டிஎன்பிஎஸ்சி குரூப்-2 தேர்வு: 7,804 பேர் பங்கேற்பு DIN DIN Monday, November 12, 2018 08:43 AM +0530 புதுக்கோட்டை மாவட்டத்தில் டிஎன்பிஎஸ்சி தொகுதி 2க்கான எழுத்துத் தேர்வை 7,804 பேர் எழுதினர்.
தமிழ்நாடு அரசுப் பணியாளர் தேர்வாணைய தொகுதி 2 பதவிக்கான எழுத்துத் தேர்வு மாநிலம் முழுவதிலும் ஞாயிற்றுக்கிழமை நடைபெற்றது. இத்தேர்வில் பங்கேற்பதற்காக புதுக்கோட்டை மாவட்டத்தில் இருந்து 10,365 பேர் விண்ணப்பித்திருந்தனர். தேர்வை 7,804 பேர் எழுதினர். 2,565 பேர் தேர்வெழுத வரவில்லை. புதுக்கோட்டை, அறந்தாங்கி, இலுப்பூர், திருமயம் உள்ளிட்ட பகுதிகளில் உள்ள 23 இடங்களில் அமைக்கப்பட்டிருந்த  41 தேர்வு மையங்களில் தேர்வு நடைபெற்றது. பெருமாநாடு சுதர்சன் கலை, அறிவியல் கல்லூரியில் அமைக்கப்பட்டிருந்த மையத்தில் நடைபெற்ற தேர்வை மாவட்ட ஆட்சியர் சு.கணேஷ் நேரில் பார்வையிட்டார். மாவட்ட நிர்வாகத்தால் அமைக்கப்பட்டிருந்த கண்காணிப்புக் குழுவினர் தேர்வை கண்காணித்தனர். தேர்வெழுதியவர்கள் மையங்களுக்கு வந்து செல்ல ஏதுவாக சிறப்புப் பேருந்துகள் இயக்கப்பட்டன.

]]>
http://www.dinamani.com/all-editions/edition-trichy/pudukottai/2018/nov/12/டிஎன்பிஎஸ்சி-குரூப்-2-தேர்வு-7804-பேர்-பங்கேற்பு-3037178.html
3037177 திருச்சி புதுக்கோட்டை வேகக் கட்டுப்பாடு கருவிகளைப் பொருத்தி  லாரிகளை இயக்க வேண்டும் DIN DIN Monday, November 12, 2018 08:43 AM +0530 புதுக்கோட்டை அருகே வாகவாசல் அரசு உயர்நிலைப்பள்ளி சாரணர் இயக்க மாணவ, மாணவியர் சனிக்கிழமை டெங்கு விழிப்புணர்வு பிரசாரத்தில் ஈடுபட்டனர்.
பள்ளிக்கல்வி இயக்குநரகம் அறிவுறுத்தலின் பேரில்  நடைபெற்ற விழிப்புணர்வு பிரசார நிகழ்ச்சியில் பள்ளியின் 64 சாரணர் இயக்க மாணவ, மாணவியர் வாகவாசல் மற்றும் சுற்றுவட்டாரக் கிராமங்களில் டெங்கு விழிப்புணர்வு பிரசாரத்தில் ஈடுபட்டனர். வீடு வீடாகச் சென்று வீட்டின் சுற்றுப்புறங்கள், மாட்டுத் தொழுவங்கள், கழிவுநீர் செல்லும் பாதைகள் ஆகியவற்றை தூய்மையாக பராமரிக்க வலியுறுத்தி விழிப்புணர்வு துண்டுப் பிரசுரங்களை விநியோகித்தனர். மேலும்  குப்பைகளை அகற்றியும், கழிவுநீர் குட்டைகளில் பிளீச்சிங் பவுடர் தெளித்தனர்.
தொடர்ந்து, நடைபெற்ற டெங்கு விழிப்புணர்வு கூட்டத்திற்கு பள்ளித் தலைமையாசிரியர் மலர்விழி தலைமை வகித்தார். சாரண ஆசிரியர் சந்திரசேகரன் டெங்கு தடுப்பு விழிப்புணர்வு குறித்து எடுத்துரைத்தார். 
முடிவில் ஆசிரியர் குமரன் நன்றி கூறினார்.
கந்தர்வகோட்டை: கந்தர்வகோட்டையில் டெங்கு நோய் தடுப்பு மருந்துகள் அடிக்கும் பணி சனிக்கிழமை நடைபெற்றது. 
புதுநகர் ஆரம்ப சுகாதார நிலையம் சார்பில் கந்தர்வகோட்டை அரசுப் பேருந்து பணிமனையில் நிறுத்தப்பட்டுள்ள அரசுப் பேருந்துகளில் உள்புறம், வெளிப்புறங்கள்  மற்றும் பேருந்து நிலையம் வந்து சென்ற அனைத்து பேருந்துக்களுக்கும் டெங்கு, பன்றிக் காய்ச்சல் தடுப்பு நடவடிக்கையாக கை தெளிப்பான் மூலம் லைசால் மருந்து அடிக்கப்பட்டது. பணிகளை வட்டார சுகாதார ஆய்வாளர் பூமிநாதன் ஆய்வு செய்தார். சுகாதார ஆய்வாளர் முத்துக்குமார் மருந்தடிக்கும் பணிகளை கண்காணித்து ஆலோசனை வழங்கினார்.

]]>
http://www.dinamani.com/all-editions/edition-trichy/pudukottai/2018/nov/12/வேகக்-கட்டுப்பாடு-கருவிகளைப்-பொருத்தி--லாரிகளை-இயக்க-வேண்டும்-3037177.html
3037176 திருச்சி புதுக்கோட்டை தீவிபத்து: வீட்டின் மேற்கூரை எரிந்து சேதம் DIN DIN Monday, November 12, 2018 08:43 AM +0530 பொன்னமராவதியில் பட்டாசு தீப்பொறி விழுந்ததில் வீட்டின் மேற்கூரை எரிந்து சேதமடைந்தது.
பொன்னமராவதி பொன்.புதுப்பட்டி பாரதிநகரைச் சேர்ந்தவர் சிவராஜ குருக்கள். இவரது வீட்டின் அருகே சிறுவர்கள் ஞாயிற்றுக்கிழமை பட்டாசு வெடித்தபோது  அதன் தீப்பொறி சிவராஜகுருக்கள் வீட்டின் மாடியில் உள்ள கூரையில் பட்டு தீப்பற்றியது. 
தகவலின் பேரில் அங்கு சென்ற பொன்னமராவதி தீயணைப்பு நிலைய அலுவலர் பாண்டியராஜன் தலைமையிலான வீரர்கள் தீயை அணைத்தனர். எனினும் வீட்டின் மேற்கூரை மற்றும் தளவாடச் சாமான்கள் எரிந்து சேதமடைந்தது.

]]>
http://www.dinamani.com/all-editions/edition-trichy/pudukottai/2018/nov/12/தீவிபத்து-வீட்டின்-மேற்கூரை-எரிந்து-சேதம்-3037176.html
3037175 திருச்சி புதுக்கோட்டை சைக்கிள் மீது கார் மோதி முதியவர் சாவு DIN DIN Monday, November 12, 2018 08:42 AM +0530 விராலிமலை அருகே சாலையை கடக்க முயன்ற சைக்கிள் மீது கார் மோதியதில் முதியவர் உயிரிழந்தார்.
விராலிமலை அருகே தேத்தாம்பட்டியைச் சேர்ந்த திருப்பாலி மகன் கருப்பையா(67). விவாயியான இவர் ஞாயிற்றுக்கிழமை அதிகாலை திருச்சி-மதுரை தேசிய நெடுஞ்சாலையில் கொண்டமநாயக்கன் பட்டி பிரிவு அருகே சைக்கிளில் சாலையை கடக்க முயன்றார். அப்போது திருச்சியிலிருந்து மதுரை நோக்கிச் சென்ற கார் சைக்கிள் மீது மோதியதில் பலத்த காயமடைந்த கருப்பையா நிகழ்விடத்தில் உயிரிழந்தார்.தகவலறிந்து சம்பவ இடத்துக்குச் சென்ற விராலிமலை போலீஸார், சடலத்தை கைப்பற்றி பிரேத பரிசோதனைக்கு மணப்பாறை அரசு மருத்துவமனைக்கு அனுப்பி வைத்தார். இதுதொடர்பாக வழக்குப் பதிவு செய்த போலீஸார், மதுரையைச் சேர்ந்த கார் ஓட்டுநரான மோகன் மகன் ராஜ்பிரபுவைக்(24) கைது செய்தனர்.

]]>
http://www.dinamani.com/all-editions/edition-trichy/pudukottai/2018/nov/12/சைக்கிள்-மீது-கார்-மோதி-முதியவர்-சாவு-3037175.html
3037174 திருச்சி புதுக்கோட்டை பள்ளி நிர்வாக மேலாண்மை பயிற்சி முகாம் DIN DIN Monday, November 12, 2018 08:42 AM +0530 அறந்தாங்கி வட்டார வளமையத்தில்  தனியார் பள்ளிகளுக்கான பள்ளி நிர்வாக  மேலாண்மை பயிற்சி முகாம்  ஞாயிற்றுக்கிழமை நடைபெற்றது.
முகாமை  வட்டார வளமைய ஒருங்கிணைப்பாளர் பியூலா சாந்தி துவக்கி வைத்தார். ஆசிரிய பயிற்றுநர் சரவணன்  கணினி மற்றும் தொடுதிரை வசதியுடன்  பயிற்சி அளித்தார்.  பள்ளி வாளாகம், மாணவர்களின் அடைவுத் திறன், முன்னேற்றம், ஆசிரியர்களின் கற்றல், கற்பித்தல் மேம்பாடு, மாணவர்களின்  தனித்தன்மை, மாற்றுத்திறன் குழந்தைகளின் விபரம் மற்றும் பாதுகாப்பு, சமுதாய பங்கேற்பு ஆகியவை குறித்து பயிற்சி அளிக்கப்பட்டது. 40 தனியார் பள்ளிகளின் தாளாளர்கள், தலைமை ஆசிரியர்கள் கலந்து கொண்டனர். 

]]>
http://www.dinamani.com/all-editions/edition-trichy/pudukottai/2018/nov/12/பள்ளி-நிர்வாக-மேலாண்மை-பயிற்சி-முகாம்-3037174.html
3037173 திருச்சி புதுக்கோட்டை இலுப்பூரில் 2 பேருக்கு கத்திக்குத்து: இளைஞருக்கு வலைவீச்சு  DIN DIN Monday, November 12, 2018 08:42 AM +0530 இலுப்பூரில் இளைஞர்கள் இருவரை கத்தியால் குத்தி விட்டு தலைமறைவான மற்றொரு இளைஞர் தேடப்பட்டு வருகிறார்.
இலுப்பூர் அந்தோணியார்கோவில் தெருவைச் சேர்ந்த எடிசன் மகன் அருண்குமார்(29). இவரது நண்பர் மரியதாஸ் மகன் எப்ரேம்ராஜ்(30). இவர்களுக்கும், அதேபகுதியைச் சேர்ந்த ஜோஸப் மகன் பிரித்திவிராஜூக்கிடையே(21) முன்விரோதம் இருந்து வந்ததாகக் கூறப்படுகிறது. இந்நிலையில் ஞாயிற்றுக்கிழமை மாலை அருண்குமார் அவரது வீடு அருகே எப்ரேம்ராஜூவுடன் பேசிக் கொண்டிருந்தார். அவ்வழியாகச் சென்ற பிரித்திவிராஜ் மறைத்து வைத்திருந்த கத்தியால் இருவரையும் குத்தி விட்டு ஓடினார். படுகாயமடைந்த இருவரும் இலுப்பூர் அரசு மருத்துவமனையில் முதலுதவி சிகிச்சைக்குப் பிறகு மேல்சிகிச்சைக்கு புதுக்கோட்டை அரசு மருத்துக்கல்லூரி மருத்துவமனைக்கு அனுப்பி வைக்கப்பட்டனர்.
இதுகுறித்த புகாரின்பேரில் இலுப்பூர் போலீஸார் வழக்குப்பதிவு செய்து தப்பியோடிய பிரித்திவிராஜை தேடி வருகின்றனர்.

]]>
http://www.dinamani.com/all-editions/edition-trichy/pudukottai/2018/nov/12/இலுப்பூரில்-2-பேருக்கு-கத்திக்குத்து-இளைஞருக்கு-வலைவீச்சு-3037173.html
3036633 திருச்சி புதுக்கோட்டை மாத்தூரில் தனியார் உணவகத்தில் மதுபானம் விற்ற 2 பேர் கைது DIN DIN Sunday, November 11, 2018 08:33 AM +0530 மாத்தூரில் தனியார் உணவு விடுதியில் அனுமதியின்றி அரசு மதுபாட்டில்களை விற்பனை செய்த 2 பேர் சனிக்கிழமை கைது செய்யப்பட்டனர்.
குளத்தூர் வட்டம் மாத்தூர் தேசிய நெடுஞ்சாலையில் அரசுப் பள்ளிக்கு அருகே திருட்டுத்தனமாக மதுபானம் விற்பனை செய்யப்படுவதாக மாவட்ட கலால் துறையினருக்கு கிடைத்த தகவலையடுத்து உதவி ஆணையர் (கலால்) ஆர்.கார்த்திகேயன் தலைமையில் கோட்ட கலால் அலுவலர் எஸ். பி.மனோகரன் உள்ளிட்டோர் ஆய்வு நடத்தினர்.
அப்போது, அரசுப் பள்ளி எதிரே தனியார் உணவகத்தில் மதுபாட்டில்களை பதுக்கி கூடுதல் விலைக்கு விற்பனை செய்தது கண்டுபிடிக்கப்பட்டது. இதுதொடர்பாக முருகானந்தம்(52), சதீஸ்குமார்(37) ஆகியோரை பிடித்து மாத்தூர் காவல் நிலையத்தில் ஒப்படைக்கப்பட்டனர்.
 

]]>
http://www.dinamani.com/all-editions/edition-trichy/pudukottai/2018/nov/11/மாத்தூரில்-தனியார்-உணவகத்தில்-மதுபானம்-விற்ற-2-பேர்-கைது-3036633.html
3036632 திருச்சி புதுக்கோட்டை கந்தர்வகோட்டையில் டெங்கு, பன்றிக்காய்ச்சல் விழிப்புணர்வுக் கூட்டம் DIN DIN Sunday, November 11, 2018 08:32 AM +0530 கந்தர்வகோட்டையில் டெங்கு, பன்றிக்காய்ச்சல் விழிப்புணர்வுக் கூட்டம் சனிக்கிழமை நடைபெற்றது . புதுநகர் வட்டார ஆரம்ப சுகாதார நிலையம் சார்பில் கந்தர்வகோட்டை ஊராட்சி ஒன்றிய அலுவலகத்தில் நடைபெற்ற விழிப்புணர்வுக் கூட்டத்திற்கு வட்டார வளர்ச்சி அலுவலர் என்.வெங்கடேசபிரபு தலைமை வகித்தார். சுகாதார ஆய்வாளர் முத்துக்குமார் முன்னிலை வகித்தார். 
டெங்கு தடுப்பு முறைகள், பன்றிக்காய்ச்சல் விழிப்புணர்வு செயல்பாடுகள் குறித்து விளக்கம் அளிக்கப்பட்டது. மேலும் காய்ச்சல் தடுப்பு முன்னெச்சரிக்கை நடவடிக்கையாக கைகழுவும் முறையின் அவசியம் குறித்து தெளிவுபடுத்தப்பட்டது. மருத்துவ அலுவலர்கள் காய்ச்சல் தடுப்பு முறைகள் குறித்து விளக்கினர். 
கந்தர்வகோட்டையில் உள்ள மருந்து வணிகர்கள், திருமண மண்டப நிர்வாகிகள், தனியார் மருத்துவமனை பணியாளர்கள் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/11/கந்தர்வகோட்டையில்-டெங்கு-பன்றிக்காய்ச்சல்-விழிப்புணர்வுக்-கூட்டம்-3036632.html
3036631 திருச்சி புதுக்கோட்டை மாணவர்களுக்கு பேரிடர் மேலாண்மை பயிற்சி DIN DIN Sunday, November 11, 2018 08:32 AM +0530 பொன்னமராவதி அருகே உள்ள வார்ப்பட்டு அரசு உயர்நிலைப்பள்ளியில் பேரிடர் மேலாண்மை பயிற்சி சனிக்கிழமை நடைபெற்றது.
அரசுப் பள்ளிகளில் பயிலும் மாணவ, மாணவியர் பல்வேறு திறன் சார்ந்த செயல்பாடுகளில் தங்களை ஈடுபடுத்திக் கொள்ளும் நோக்கில் நடைபெற்ற பயிற்சிக்கு பள்ளித் தலைமையாசிரியர் தங்கையா தலைமை வகித்தார். 
ஆசிரியர்கள் முகமது ஆசிம், சரவணன் ஆகியோர் பேரிடர் காலங்களில் தங்களை பாதுகாப்பது, பேரிடரில் சிக்கியவர்களை மீட்பது, தீயணைப்பான் பயன்படுத்தும் முறைகள் குறித்து செயல் விளக்கம் செய்து காண்பித்தனர்.

]]>
http://www.dinamani.com/all-editions/edition-trichy/pudukottai/2018/nov/11/மாணவர்களுக்கு-பேரிடர்-மேலாண்மை-பயிற்சி-3036631.html
3036630 திருச்சி புதுக்கோட்டை புத்தகத் திருவிழாவையொட்டி பள்ளி மாணவர்களுக்கு கலை இலக்கியப் போட்டிகள் DIN DIN Sunday, November 11, 2018 08:32 AM +0530 புதுக்கோட்டையில் புத்தகக் திருவிழாவையொட்டி பள்ளி மாணவர்களுக்கு கலை இலக்கியப் போட்டிகள் சனிக்கிழமை நடைபெற்றது.
புதுக்கோட்டை நகர்மன்ற வளாகத்தில் தமிழ்நாடு அறிவியல் இயக்கத்தின் சார்பில் புத்தகத் திருவிழா நவ.24 முதல் டிச.3ஆம் தேதி வரை நடைபெற உள்ளது. 
இதுகுறித்த விழிப்புணர்வை ஏற்படுத்தும் வகையில் பள்ளி மாணவர்களுக்கான கலை இலக்கியப் போட்டிகள் திருக்கோகர்ணம் வெங்கடேஸ்வரா மெட்ரிக் பள்ளியில் நடைபெற்றது.
மேல்நிலை வகுப்புகளுக்கான நூலறிவுப் போட்டியில் முதல் மூன்று இடங்களை சந்தைப்பேட்டை மகளிர் மேல்நிலைப்பள்ளி மாணவி ஷாலினி, ஆலங்குடி அரசு மேல்நிலைப்பள்ளி மாணவி அபிநயா, காவேரிநகர் அரசு மேல்நிலைப்பள்ளி மாணவர் மணிகண்டன் ஆகியோரும், பேச்சுப் போட்டியில் புதுகை ராணியார் மேல்நிலைப்பள்ளி மாணவி புவனேஸ்வரி,  வெண்ணாவல்குடி அரசு மேல்நிலைப்பள்ளி மாணவர் நந்தகுமாரன், புதுக்கோட்டை மௌண்ட் சீயோன் பள்ளி மாணவர் 
பாரி கிருஷ்ணன் ஆகியோர் பெற்றனர்.
அதேபோல, கவிதைப் போட்டியில் பொன்னமராவதி அமல அன்னை மெட்ரிக் மேல்நிலைப்பள்ளி மாணவி வீ.கிருத்திகா, ராணியார் மேல்நிலைப்பள்ளி மாணவி சுதாபிரியா, புதுக்கோட்டை இருதய பெண்கள் மேல்நிலைப்பள்ளி மாணவி காயத்ரி ஆகியோர் பெற்றுள்ளனர்.
கட்டுரைப் போட்டியில் மௌண்ட் சீயோன் பள்ளி மாணவி லலிதா கமலம், பொன்னமராவதி அமல அன்னை மெட்ரிக் பள்ளி மாணவி புவனேஸ்வரி, வெங்கடேஸ்வரா மெட்ரிக் பள்ளி மாணவர் விக்னேஸ்வரன் ஆகியோர் பெற்றனர்.  இதுதவிர, பாட்டு, ஓவியம் உள்ளிட்ட பல்வேறு போட்டிகள் நடத்தப்பட்டு வெற்றி பெற்றவர்களுக்கு புத்தகத் திருவிழாவில் பரிசு, சான்றிதழ் வழங்கப்பட உள்ளது. 
போட்டிகளை தமிழாசிரியர்கள் கும.திருப்பதி, மகாசுந்தர் ஆகியோர் ஒருங்கிணைத்தனர். வரவேற்புக் குழு தலைவர் தங்கம் மூர்த்தி, செயலர் அ.மணவாளன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/11/புத்தகத்-திருவிழாவையொட்டி-பள்ளி-மாணவர்களுக்கு-கலை-இலக்கியப்-போட்டிகள்-3036630.html
3036629 திருச்சி புதுக்கோட்டை அறந்தாங்கியில்  தவ்ஹீத் ஜமாஅத் சார்பில் விழிப்புணர்வுப் பேரணி DIN DIN Sunday, November 11, 2018 08:32 AM +0530 அறந்தாங்கியில் தமிழ்நாடு தவ்ஹீத் ஜமாஅத் சார்பில் கந்துவட்டிக்கு எதிரான விழிப்புணர்வுப் பேரணி சனிக்கிழமை மாலை நடைபெற்றது.
தவ்ஹீத் ஜமாஅத்தின் வெட்டிவயல் மற்றும் ரெத்தினக்கோட்டை கிளைகள் சார்பில் நடைபெற்ற பேரணிக்கு மாவட்டப் பொருளாளர் ஹாலீத் தலைமை வகித்தார். இயக்க நிர்வாகிகள் தாரிக், மீரான், ரிஸ்வான் ஆகியோர் முன்னிலை வகித்தனர்.
சிறப்பு பேச்சாளர் அபுபக்கர் சித்திக் பேசுகையில், விழுப்புரத்தில் அடுத்தாண்டு (2019) ஜனவரி மாதம் திருக்குர்ஆன் மாநில மாநாடு நடைபெறவுள்ளது.  
அதனை மையமாக வைத்து  மாநிலம் முழுவதிலும் திருக்குர்ஆன் நற்சிந்தனைகளை  மக்களிடம் கொண்டு சேர்க்கும் நிகழ்ச்சியில் ஈடுபட்டுள்ளோம்.
கந்துவட்டி குறித்து திருக்குர்ஆனில் கூறும் விளக்கங்களை மக்களிடம் விழிப்புணர்வு ஏற்படுத்தும் வகையில் இந்தப் பேரணி நடைபெறுகிறது என்றார். அரசு மகளிர் மேல்நிலைப்பள்ளியில் தொடங்கிய பேரணியானது பெரியகடை வீதி, எம்ஜிஆர் சிலை, கட்டுமாவடி முக்கம்  வழியாக தலைமை தபால் நிலையத்தில் நிறைவடைந்தது. இதில் திரளாக பங்கேற்ற மகளிர், குழந்தைகள் கந்துவட்டிக்கு எதிரான வாசகங்கள் அடங்கிய பதாகைகளை கைகளில் ஏந்திச் சென்றனர். முடிவில், கிளைத்  தலைவர் தாரிக்  நன்றி கூறினார்.

]]>
http://www.dinamani.com/all-editions/edition-trichy/pudukottai/2018/nov/11/அறந்தாங்கியில்--தவ்ஹீத்-ஜமாஅத்-சார்பில்-விழிப்புணர்வுப்-பேரணி-3036629.html
3036628 திருச்சி புதுக்கோட்டை திமுக பூத் கமிட்டி நிர்வாகிகளுடன் ஆலோசனை DIN DIN Sunday, November 11, 2018 08:31 AM +0530 பொன்னமராவதியில் திமுக பூத் கமிட்டி நிர்வாகிகளுடன் தலைமைக்கழக நிர்வாகிகள் சனிக்கிழமை ஆலோசனை நடத்தினர்.
பொன்னமராவதி பேரூர் பகுதியில்  உள்ள 5 பூத் கமிட்டி நிர்வாகிகள், தொட்டியம்பட்டி, வேந்தன்பட்டி, மேலைச்சிவபுரி, ஆலவயல், ஏனாதி, செவலூர் உள்ளிட்ட 26 பூத் கமிட்டி நிர்வாகிகளுடன், தலைமைக் கழக பொறுப்பாளர்களான சட்டப்பேரவை உறுப்பினர்கள் இன்பசேகரன், ஈஸ்வரப்பா ஆகியோர் தலைமையிலான பொறுப்பாளர்கள் ஆலோசனை நடத்தினர். 
திருமயம் சட்டப்பேரவை உறுப்பினர் எஸ்.ரகுபதி, ஒன்றியச் செயலாளர் அ.அடைக்கலமணி, நகரச் செயலாளர் அ.அழகப்பன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/11/திமுக-பூத்-கமிட்டி-நிர்வாகிகளுடன்-ஆலோசனை-3036628.html
3036627 திருச்சி புதுக்கோட்டை இலுப்பூர் பேரூராட்சியில் டெங்கு தடுப்புப் பணி: அமைச்சர் நேரில் ஆய்வு DIN DIN Sunday, November 11, 2018 08:29 AM +0530 இலுப்பூர் பேரூராட்சிக்குள்பட்ட பகுதிகளில் மேற்கொள்ளப்பட்டு வரும் டெங்கு தடுப்பு முன்னெச்சரிக்கை பணிகளை மாநில மக்கள் நல்வாழ்வுத்துறை அமைச்சர் சி.விஜயபாஸ்கர் சனிக்கிழமை நேரில் ஆய்வு செய்தார். 
இலுப்பூர் பேரூராட்சியில் மேற்கொள்ளப்பட்டு வரும் டெங்கு தடுப்பு முன்னெச்சரிக்கை நடவடிக்கைகளை பார்வையிட்ட அமைச்சர் சி.விஜயபாஸ்கர் கூறியது:     
தமிழகத்தில் டெங்கு காய்ச்சல் போன்ற நோய்கள் ஏற்படாமல் தடுக்கும் வகையில் மக்கள் நல்வாழ்வுத்துறையானது ஊரக வளர்ச்சி, வருவாய்த்துறை உள்ளிட்ட பல்வேறு துறைகளுடன் இணைந்து தேவையான நடவடிக்கைகளை மேற்கொண்டு வருகிறது. அதனடிப்படையில், இலுப்பூர் பேரூராட்சிக்குள்பட்ட 15 வார்டுகளில் பேரூராட்சி பணியாளர்கள் மூலம் மேற்கொள்ளப்பட்டு வரும் தூய்மைப் பணிகள்ஆய்வு செய்யப்பட்டது. 
மேலும் ரூ.2 கோடி மதிப்பில் இலுப்பூர் பேரூராட்சியில் மேற்கொள்ளப்பட்டு வரும் சாலை அமைத்தல், பாலம் கட்டுதல் உள்ளிட்ட பல்வேறு பணிகளின் முன்னேற்றம் குறித்தும் ஆய்வு செய்யப்பட்டது.
பேரூராட்சிகளில் தினந்தோறும் தூய்மைப் பணிகளை மேற்கொள்வதோடு, அனைத்துப் பகுதிகளிலும் கொசு மருந்து அடித்தல், பொதுமக்களுக்கு டெங்கு தடுப்பு விழிப்புணர்வு துண்டு பிரசுரங்களை வழங்குவது, வளர்ச்சிப் பணிகளை விரைந்து முடித்து பொதுமக்கள் பயன்பாட்டுக்கு கொண்டு வர அலுவலர்களுக்கு உத்தரவிடப்பட்டுள்ளது என்றார் அமைச்சர்.
ஆய்வின் போது, இலுப்பூர் பேரூராட்சி செயல் அலுவலர் ஆஷாராணி உள்ளிட்டோர் உடனிருந்தனர். 
 

]]>
http://www.dinamani.com/all-editions/edition-trichy/pudukottai/2018/nov/11/இலுப்பூர்-பேரூராட்சியில்-டெங்கு-தடுப்புப்-பணி-அமைச்சர்-நேரில்-ஆய்வு-3036627.html
3036626 திருச்சி புதுக்கோட்டை குழந்தைகளுக்கான இருதய நோய் பரிசோதனை முகாம் DIN DIN Sunday, November 11, 2018 08:28 AM +0530 புதுக்கோட்டையில் குழந்தைகளுக்கான இருதய நோய் பரிசோதனை முகாம் சனிக்கிழமை நடைபெற்றது.
பொது சுகாதாரம், நோய் தடுப்பு மருந்துத் துறை சார்பில் நடைபெற்ற முகாமிற்கு மாவட்ட ஆட்சியர் சு.கணேஷ் தலைமை வகித்தார். முகாமை தொடங்கி வைத்து அமைச்சர் சி.விஜயபாஸ்கர் பேசியது: 
இந்தியாவிலேயே பள்ளி சிறார்களுக்கான முதலமைச்சரின் மருத்துவக் காப்பீட்டுத் திட்டம் தமிழகத்தில் தான் சிறப்பாக செயல்படுத்தப்பட்டு வருகிறது. தமிழகத்தில் இதுவரை 25 ஆயிரத்து 899 குழந்தைகளுக்கு முதலமைச்சரின் மருத்துவக் காப்பீட்டுத் திட்டத்தின் கீழ் ரூ.200 கோடி மதிப்பில் எந்தவித கட்டணம் இல்லாமல் இருதய அடைப்பு, இருதய ஓட்டை போன்ற இருதயம் சம்பந்தமான சிகிச்சைகள் மேற்கொள்ளப்பட்டுள்ளது. மருத்துவப் பணியாளர் தேர்வாணையம் முலம் வருகிற டிச.9ஆம் தேதி மருத்துவர்களுக்கான தேர்வு நடைபெற உள்ளது. இத்தேர்வானது காலையில் நடத்தப்பட்டு மாலையில் முடிவுகள் அறிவிக்கப்பட உள்ளது. இதன்மூலம் 1,884 மருத்துவர்கள் பணியில் நியமிக்கப்பட உள்ளனர். செவிலியர்கள், மருந்தாளுநர்கள் காலிப்பணியிடம் நிரப்பபட்டு வருகிறது. 
தமிழகத்தில் டெங்கு காய்ச்சலை கட்டுப்படுத்தும் வகையில் ஆரம்ப சுகாதார நிலையங்களுக்கு போதுமான நிதியளித்து டிப்ளமோ முடித்த செவிலியர்களை தேவைக்கேற்ப தற்காலிகமாக நியமித்து கொள்ள அறிவுறுத்தப்பட்டுள்ளது. டெங்கு தடுப்பு பணிகள் 24 மணிநேரம் தடையின்றி நடைபெற்று வருகிறது என்றார்.
மாவட்ட வருவாய் அலுவலர் அ.ராமசாமி, சுகாதாரப் பணிகள் துணை இயக்குநர்கள் பரணிதரன், கலைவாணி, நகராட்சி ஆணையர் ஜீவா சுப்பிரமணியன், வருவாய் கோட்டாட்சியர் டெய்சிகுமார் ஆகியோர் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/11/குழந்தைகளுக்கான-இருதய-நோய்-பரிசோதனை-முகாம்-3036626.html
3036625 திருச்சி புதுக்கோட்டை கூடுதல் கிராமக் கணக்குகள் வட்டாட்சியரிடம் ஒப்படைப்பு DIN DIN Sunday, November 11, 2018 08:28 AM +0530 கந்தர்வகோட்டை வட்டத்திற்குள்பட்ட கிராமக் கணக்குகள் வட்டாட்சியரிடம் வெள்ளிக்கிழமை ஒப்படைக்கப்பட்டன. 
கந்தர்வகோட்டை வட்டத்தில் பணிபுரியும் கிராம நிர்வாக அலுவலர்கள் சங்கத்தின் மாநில மைய தீர்மானத்தின்படி கூடுதல் பொறுப்பு வகிக்கும் கிராமங்களின் கணக்குகளை வட்டாட்சியரிடம் நேரில் ஒப்படைக்க முடிவு செய்யப்பட்டது.  அதன்படி, கோவிலூர், நெப்புகை, காட்டுநாவல், பழைய கந்தர்வகோட்டை, பிசானத்தூர், வடுகப்பட்டி ஆகிய கிராம கணக்குகளை கூடுதல் பொறுப்புகளாக கவனித்து வந்த கிராம நிர்வாக அலுவலர்கள் சங்கத்தின் வட்டச் செயலாளர் த.கருப்பையா தலைமையில் வட்டாட்சியர் இ.ஆரமுததேவசேனாவிடம் ஒப்படைத்து கோரிக்கை மனுக்களை அளித்தனர்.  
அந்த மனுவில், கூடுதல் பொறுப்பு வகிக்கும் கிராமங்களுக்கு கூடுதலான நிவாரண தொகை வழங்க வலியுறுத்தப்பட்டது.
 

]]>
http://www.dinamani.com/all-editions/edition-trichy/pudukottai/2018/nov/11/கூடுதல்-கிராமக்-கணக்குகள்-வட்டாட்சியரிடம்-ஒப்படைப்பு-3036625.html
3036624 திருச்சி புதுக்கோட்டை குதிரை, மாட்டு வண்டி போட்டியில் வென்றவர்களுக்கு பரிசு DIN DIN Sunday, November 11, 2018 08:26 AM +0530 புதுக்கோட்டையில் தீபாவளி பண்டிகையையொட்டி குதிரை, மாட்டுவண்டி மற்றும் சைக்கிள் போட்டி சனிக்கிழமை நடைபெற்றது.
புதுக்கோட்டை மச்சுவாடியில் நடைபெற்ற பந்தயத்தை மாநில மக்கள் நல்வாழ்வுத்துறை அமைச்சர் சி.விஜயபாஸ்கர் தொடங்கி வைத்தார். 
புதுக்கோட்டை-தஞ்சாவூர் சாலையில் சுமார் 10 கி.மீட்டர் தொலைவுக்கு நடைபெற்ற போட்டியில் கரிச்சான் மாட்டு வண்டி, புது குதிரை, சிறிய குதிரை, நடு குதிரை வண்டி என பல்வேறு பிரிவுகளில் போட்டி நடைபெற்றது. 
கரிச்சான் மாட்டு வண்டி பிரிவில் திருவப்பூர் சனா பிரதர்ஸ் மாட்டு வண்டி முதலிடத்தையும், பூவாண்டிபட்டி நாச்சியார் மாட்டு வண்டி இரண்டாமிடத்தையும், அரிமளம் சின்னராசு மாட்டு வண்டி மூன்றாம் இடத்தை பெற்றன. 
புது குதிரை வண்டி பிரிவில் ஸ்ரீரங்கம் சேது குதிரை வண்டி முதலிடத்தையும், பழனிராஜா குதிரை வண்டி இரண்டாமிடத்தையும், திருச்சி துர்க்கை அம்மன் வேலுகுண்டு குதிரை வண்டி மூன்றாம் இடத்தை பெற்றது.  
சிறிய குதிரை வண்டி பிரிவுக்கு நடத்தப்பட்ட போட்டியில் திருச்சி உறையூர் விஜயா குதிரை வண்டி முதலிடத்தையும், வயலூர் சக்திவேல் குதிரைவண்டி இரண்டாம் இடத்தையும், புதுக்கோட்டை  செந்தில்பாலா வேலன் சன்ஸ் குதிரை வண்டி மூன்றாம் இடத்தை பிடித்தது. நடு குதிரை வண்டி பிரிவில் திருச்சி திருவானைக்கா சங்கரன் குதிரை வண்டி முதலிடமும், புதுக்கோட்டை செந்தில்பாலா குதிரை வண்டி இரண்டாமிடம், செருவாவிடுதி அப்துல்லா குதிரை வண்டி மூன்றாமிடம் பெற்றது. 
சைக்கிள் போட்டியில் ஜீவானந்தம் முதலிடத்தையும்,  மகேஸ்வரன் இரண்டாமிடம், குணசேகரன் மூன்றாம் இடத்தை பெற்றனர். 
போட்டிகளில் வெற்றி பெற்றவர்களுக்கு ரொக்கப் பரிசு வழங்கப்பட்டது.

]]>
http://www.dinamani.com/all-editions/edition-trichy/pudukottai/2018/nov/11/குதிரை-மாட்டு-வண்டி-போட்டியில்-வென்றவர்களுக்கு-பரிசு-3036624.html
3036623 திருச்சி புதுக்கோட்டை பொன்னமராவதியில் டெங்கு விழிப்புணர்வுப் பேரணி DIN DIN Sunday, November 11, 2018 08:26 AM +0530 பொன்னமராவதியில் டெங்கு விழிப்புணர்வுப் பேரணி சனிக்கிழமை நடைபெற்றது.
மகளிர் திட்டம் சார்பில் நடைபெற்ற விழிப்புணர்வுப் பேரணியை ஒன்றிய ஆணையர் து.குமரன் தொடங்கி வைத்தார். ஊராட்சி ஒன்றிய அலுவலகத்தில் தொடங்கிய பேரணி முக்கிய வீதிகள் வழியாகச் சென்று அலுவலகத்தில் நிறைவுற்றது. பொது சுகாதாரம், பிளாஸ்டிக் பொருள்கள் பயன்பாட்டை தவிர்த்தல், டெங்கு காய்ச்சல் விழிப்புணர்வு முழக்கங்களை எழுப்பியபடி சென்றனர்.
துணை வட்டார வளர்ச்சி அலுவலர்கள் பஞ்சநாதன், வெங்கடேசன், சேகர், வள்ளியம்மை, மகளிர் குழுவினர், தூய்மைக் காவலர்கள் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/11/பொன்னமராவதியில்-டெங்கு-விழிப்புணர்வுப்-பேரணி-3036623.html
3036622 திருச்சி புதுக்கோட்டை அறந்தாங்கி நகராட்சி பகுதியில் லார்வா கொசு ஆய்வுப்பணி DIN DIN Sunday, November 11, 2018 08:26 AM +0530 அறந்தாங்கி நகராட்சி எல்கைக்குள்பட்ட  பகுதிகளில் டெங்கு காய்ச்சலுக்கு காரணமாக லார்வா கொசு மற்றும் மருந்து அடிக்கும் பணி சனிக்கிழமை நடைபெற்றது.
பொதுமக்கள் அதிகளவில் கூடுமிடங்களான திருமண மண்டபங்கள், ஷாப்பிங் மால், அரசு போக்குவரத்து கழகங்கள் உள்ளிட்ட பகுதிகளில் டெங்கு நோய் பரப்பும்  லார்வா கொசு குறித்து கொள்ளை நோய் தடுப்பு அலுவலர் ஜெயப்பிரகாஷ்,  நகராட்சி சுகாதார அலுவலர் த.முத்துகணேஷ், சுகாதார ஆய்வாளர்  சி.சேகர்  உள்ளிட்டோர் ஆய்வு மேற்கொண்டனர். தொடர்ந்து, டெங்கு காய்ச்சல் மற்றும் நோய் தடுப்பு நடவடிக்கையாக கொசு மருந்து  அடிக்கப்பட்டது.

]]>
http://www.dinamani.com/all-editions/edition-trichy/pudukottai/2018/nov/11/அறந்தாங்கி-நகராட்சி-பகுதியில்-லார்வா-கொசு-ஆய்வுப்பணி-3036622.html
3036621 திருச்சி புதுக்கோட்டை கொப்பனாபட்டியில் சட்டப்பணிகள் தின விழா DIN DIN Sunday, November 11, 2018 08:25 AM +0530 புதுக்கோட்டை மாவட்டம் கொப்பனாபட்டியில் சட்டப்பணிகள் தின விழா சனிக்கிழமை நடைபெற்றது.
முகாமில் வழக்குரைஞர்கள் ஜி.ரெங்கராஜ், சுபாஷினி ஆகியோர்  சிறப்புரையாற்றினர். நிர்வாக உதவியாளர் டி.தங்கராஜ், மாரியப்பன், தன்னார்வ சட்ட பணியாளர்கள்,பொதுமக்கள் பங்கேற்றனர். ஏற்பாடுகளை மாவட்ட சட்டப்பணிகள் ஆணைக்குழு நிர்வாக உதவியாளர் ராஜசேகர் செய்திருந்தார்.
 

]]>
http://www.dinamani.com/all-editions/edition-trichy/pudukottai/2018/nov/11/கொப்பனாபட்டியில்-சட்டப்பணிகள்-தின-விழா-3036621.html
3036033 திருச்சி புதுக்கோட்டை நவ.14-இல் மாணவர்களுக்கான ஓவியப் போட்டி DIN DIN Saturday, November 10, 2018 08:50 AM +0530 புதுக்கோட்டையில் குழந்தைகள் தின விழாவையொட்டி ஜவகர் சிறுவர் மன்றத்தில் ஓவியப் போட்டி நவ.14ஆம் தேதி நடைபெற உள்ளது.
இதுகுறித்து கலைபண்பாட்டுத் துறை திட்ட அலுவலர் சாந்தி வெள்ளிக்கிழமை வெளியிட்ட அறிக்கை:  காலை 10 முதல் 12 மணி வரை நடைபெறும் இப்போட்டியில் கலந்து கொள்ள விரும்பும் மாணவ, மாணவியர் தேவையான கலர்களை தாங்களே கொண்டுவர வேண்டும். 
போட்டி முடிவு அன்றைய தினமே அறிவிக்கப்படும். தொடர்ந்து ஜவகர் சிறுவர் மன்றத்தில் நடனப்பயிற்சி பெறும் மாணவிகளுக்கு சலங்கை பூஜை திருக்கோகர்ணம் பிரகதாம்பாள் கோயிலில் மாலை 3 மணியளவில் நடைபெற உள்ளது. ஓவியப் போட்டியில் வெற்றி பெறும் மாணவர்களுக்கு கோயிலில் வைத்து பரிசுகள் வழங்கப்படும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/pudukottai/2018/nov/10/நவ14-இல்-மாணவர்களுக்கான-ஓவியப்-போட்டி-3036033.html
3036031 திருச்சி புதுக்கோட்டை விராலிமலையில் மதுபானம்  விற்றவர் கைது DIN DIN Saturday, November 10, 2018 08:50 AM +0530 விராலிமலை அருகே அனுமதியின்றி மதுபாட்டில்கள் விற்பனை செய்தவர் வெள்ளிக்கிழமை கைது செய்யப்பட்டார்.
விராலிமலை அருகேயுள்ள புதுப்பட்டி கிராமத்தில் உள்ள பெட்டிக் கடையில் மதுபாட்டில்களை பதுக்கி கூடுதல் விலைக்கு விற்பனை செய்யப்படுவதாக போலீஸாருக்கு தகவல் கிடைத்தது. இதையடுத்து, அங்கு சென்ற போலீஸார் மதுபானம் விற்பனையில் ஈடுபட்ட பொன்னன் மகன் ராமசாமியைக்(58) கைது செய்து, மதுபாட்டில்களைப் பறிமுதல் செய்தனர்.

]]>
http://www.dinamani.com/all-editions/edition-trichy/pudukottai/2018/nov/10/விராலிமலையில்-மதுபானம்--விற்றவர்-கைது-3036031.html
3036029 திருச்சி புதுக்கோட்டை ஆலங்குடி அருகே இளம்பெண் கொலை வழக்கை சிபிசிஐடிக்கு  மாற்றக்கோரி மாதர் சங்கத்தினர் ஆர்ப்பாட்டம் DIN DIN Saturday, November 10, 2018 08:50 AM +0530 பாலியல் பலாத்காரம் செய்து கொலை செய்யப்பட்ட இளம்பெண் வழக்கை சிபிசிஐடிக்கு மாற்றக்கோரி ஆலங்குடியில் ஜனநாயக மாதர் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.
ஆலங்குடி அருகே குளமங்களத்தைச் சேர்ந்த சித்திரைவேலு மகள் கஸ்தூரி(19), கடந்த அக்.28ஆம் தேதி கடத்தப்பட்டு பாலியல் பலாத்காரம் செய்து கொலை செய்யப்பட்டார். இதுதொடர்பாக அதிரான்விடுதியைச் சேர்ந்த நாகராஜை(27) போலீஸார் கைது செய்தனர். மேலும், சடலத்தை மறைக்க உதவியதாக அவரது உறவினர் போதுமணி(47) கைது செய்யப்பட்டார்.
இந்தக் கொலை வழக்கில் தலைமறைவாக உள்ள மற்ற குற்றவாளிகளை கைது செய்வதுடன், வழக்கை சிபிசிஐடிக்கு மாற்ற வலியுறுத்தி ஆலங்குடி வட்டங்கச்சேரி திடலில் அனைத்திந்திய ஜனநாயக மாதர் சங்கத்தின் ஒன்றியத் தலைவர் ஸ்டெல்லா தலைமையில் அச்சங்கத்தினர் ஆர்ப்பாட்டத்தில் ஈடுபட்டனர். இதில், குற்றவாளிகளை உடனே கைது செய்ய வேண்டும். வழக்கு விசாரணையை சிபிசிஐடிக்கு மாற்ற வலியுறுத்தி ஆர்ப்பாட்டத்தில் பங்கேற்றவர்கள் முழக்கங்கள் எழுப்பினர். சங்கத்தின் மாநிலச் செயலர் தமிழ்செல்வி, மாவட்டத் தலைவர் டி.சலோமி உள்பட திரளான பெண்கள் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/10/ஆலங்குடி-அருகே-இளம்பெண்-கொலை-வழக்கை-சிபிசிஐடிக்கு-மாற்றக்கோரி-மாதர்-சங்கத்தினர்-ஆர்ப்பாட்டம்-3036029.html
3036027 திருச்சி புதுக்கோட்டை அரசின் திட்டங்களால் உயர்கல்வி பயில்வோர் எண்ணிக்கை 48.6 சதவீதமாக அதிகரிப்பு DIN DIN Saturday, November 10, 2018 08:49 AM +0530 தமிழக அரசால் மாணவ, மாணவியருக்கு செயல்படுத்தப்படும் பல்வேறு திட்டங்களால் உயர்கல்வி பயில்வோர் எண்ணிக்கை 48.6 சதவீதமாக அதிகரித்துள்ளது என்றார் மாநில மக்கள் நல்வாழ்வுத்துறை அமைச்சர் சி.விஜயபாஸ்கர்.
புதுக்கோட்டை இராணியார்  மகளிர் மேல்நிலைப்பள்ளியில் மாணவிகளுக்கு விலையில்லா மிதிவண்டிகளை வழங்கி அவர் மேலும் பேசியது: 
பெண் குழந்தைகளின் கல்வி முன்னேற்றத்தை கருத்தில் கொண்டு முன்னாள் முதல்வர் ஜெயலலிதா பிளஸ் 2 வகுப்பு மற்றும் பட்டம் பயின்ற மகளிருக்கு திருமண உதவித்தொகையுடன் தாலிக்குத் தங்கம் வழங்கும் திட்டத்தை அறிவித்து செயல்படுத்தினார்.  மேலும் மாணவ, மாணவிகளுக்கு வழங்கப்பட்டு வரும் மடிக்கணினி திட்டம் இந்தியாவிலேயே மற்ற மாநிலங்களுக்கு முன்னோடித் திட்டமாக திகழ்கிறது. கல்வித்ததுறையில் இதுபோன்ற திட்டங்களை செயல்படுத்தியதன் விளைவாக கடந்த 2011-இல் உயர்கல்வியில் 21 சதவீதமாக இருந்த மாணவர் சேர்க்கை தற்போது 48.6 சதவீதமாக உயர்ந்திருக்கிறது. தமிழக அரசு அதிக அளவிலான நிதியை கல்வித்துறையின் மேம்பாட்டுக்காக ஒதுக்கியுள்ளது. 
மேலும் கல்வி பயிலும் மாணவ, மாணவியர் குறித்த நேரத்தில் பள்ளிக்கு சென்றுவர ஏதுவாக விலையில்லா மிதிவண்டிகள் வழங்கப்பட்டு வருகிறது. புதுக்கோட்டை மாவட்டத்தில் 2017-18ஆம் ஆண்டில் மாணவர்களுக்கு 7,248 மிதிவண்டிகளும், மாணவியருக்கு 9,381 மிதிவண்டிகள் வழங்கப்பட இருக்கிறது. புதுக்கோட்டை, இலுப்பூர், அறந்தாங்கி கல்வி மாவட்டங்களுக்கு 2017 முதல் 2019ஆம் ஆண்டுகளுக்கு 32,471 மிதிவண்டிகள் வழங்கப்பட உள்ளது. அரசின் திட்டங்களை பயன்படுத்தி மாணவ, மாணவியர் கல்வியில் சிறந்துவிளங்க வேண்டும். மாணவர்களின் கல்வி முன்னேற்றத்திற்கு அரசு உறுதுணையாக இருக்கும் என்றார் அமைச்சர் சி.விஜயபாஸ்கர்.விழாவிற்கு, மாவட்ட வருவாய் அலுவலர் அ.ராமசாமி தலைமை வகித்தார். மாவட்ட முதன்மைக் கல்வி அலுவலர் இரா.வனஜா, நகராட்சி ஆணையர் ஜீவா சுப்பிரமணியன், வருவாய் கோட்டாட்சியர் டெய்சிகுமார் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/10/அரசின்-திட்டங்களால்-உயர்கல்வி-பயில்வோர்-எண்ணிக்கை-486-சதவீதமாக-அதிகரிப்பு-3036027.html
3036024 திருச்சி புதுக்கோட்டை வெட்டுக்காட்டில் அம்மா திட்ட முகாம் DIN DIN Saturday, November 10, 2018 08:48 AM +0530 இலுப்பூர் அருகே வெட்டுக்காட்டில் அம்மா திட்ட முகாம் வெள்ளிக்கிழமை நடைபெற்றது.
இலுப்பூர் வருவாய்த் துறை சார்பில் வெட்டுக்காடு கிராமத்துக்குள்பட்ட போலம்பட்டியில் நடைபெற்ற முகாமிற்கு வட்டாட்சியர் சோனை கருப்பையா தலைமை வகித்தார். முதியோர் உதவித் தொகை உள்பட அரசு பயன் சார்ந்த பல்வேறு மனுக்கள் பொதுமக்களிடமிருந்து பெறப்பட்டு பரிந்துரைக்கு அனுப்பி வைக்கப்பட்டது. தொடர்ந்து, பொது மருத்துவம், கண் சிகிச்சை தொடர்பாக நடத்தப்பட்ட முகாமில்,  அரசு மருத்துவர்கள் பங்கேற்று ஆலோசனை, சிகிச்சை அளித்தனர். 100க்கும் மேற்பட்ட பொதுமக்கள் பங்கேற்றனர்.
முகாமில் பள்ளி மாணவிகளுக்கு இலவச கண் கண்ணாடி வழங்கப்பட்டது. முகாமில் பங்கேற்ற அனைவருக்கும் நிலவேம்பு குடிநீர் வழங்கப்பட்டது. கண் மருத்துவர் பரணி, வருவாய் ஆய்வாளர் அன்பரசு உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/10/வெட்டுக்காட்டில்-அம்மா-திட்ட-முகாம்-3036024.html
3036023 திருச்சி புதுக்கோட்டை தண்டாயுதபாணி சுவாமி கோயிலில் கந்த சஷ்டி விழா DIN DIN Saturday, November 10, 2018 08:48 AM +0530 புதுக்கோட்டையில் உள்ள தண்டாயுதபாணி கோயிலில் கந்த சஷ்டி  விழாவை முன்னிட்டு சிறப்பு அபிஷேக, ஆராதனைகள் நடைபெற்றது .
புதுக்கோட்டை மேலராஜவீதி தெற்கு 4ஆம் வீதியில் உள்ள தண்டாயுதபாணி கோயிலில் இரண்டாம் நாளான வெள்ளிக்கிழமை சிறப்பு அபிஷேகம், சந்தனக் காப்பு அலங்காரம், தீபாராதனை நடைபெற்றது. திரளான பக்தர்கள் பங்கேற்று வழிபட்டனர். குமரமலை முருகன், தேனிமலை சுப்பிரமணியர்,  வலையபட்டி மலையாண்டி, பொன்னமராவதி பாலமுருகன் உள்ளிட்ட முருகன் கோயில்களில் கந்த சஷ்டி விழாவை முன்னிட்டு சிறப்பு வழிபாடு நடைபெற்றது.
கந்தர்வகோட்டை: கந்தர்வகோட்டை ஆபத்சகாயேஸ்வரர் கோயிலில் உள்ள சுப்பிரமணியர் சுவாமி கோயிலில் கந்தசஷ்டி திருவிழா கொடியேற்றத்துடன் வியாழக்கிழமை தொடங்கியது. 
ஸ்ரீ சுப்பிரமணியர் சுவாமி கோயிலில் கந்தசஷ்டி விழாவை முன்னிட்டு காலையில் சிறப்பு யாகபூஜைகள் நடத்தப்பட்டு, சுவாமிக்கு சிறப்பு அபிஷேகங்கள், தீபாராதனை நடைபெற்றது.  தொடர்ந்து நவ.14ஆம் தேதி வரை தினந்தோறும் சுவாமிக்கு சிறப்புப் பூஜைகள் நடைபெற்று வருகிறது. கந்தர்வகோட்டை மற்றும் சுற்றுவட்டார கிராமங்களில் இருந்து திரளான பக்தர்கள் பங்கேற்று சுவாமி தரிசனம் செய்து வருகின்றனர். ஏற்பாடுகளை விழாக் குழுவினர், ஊர்மக்கள் செய்துள்ளனர்.
 

]]>
http://www.dinamani.com/all-editions/edition-trichy/pudukottai/2018/nov/10/தண்டாயுதபாணி-சுவாமி-கோயிலில்-கந்த-சஷ்டி-விழா-3036023.html
3036020 திருச்சி புதுக்கோட்டை அறந்தாங்கியில்  டெங்கு காய்ச்சல் தடுப்பு விழிப்புணர்வுக் கருத்தரங்கம் DIN DIN Saturday, November 10, 2018 08:48 AM +0530 அறந்தாங்கியில் டெங்கு காய்ச்சல்  தடுப்பு விழிப்புணர்வுக் கருத்தரங்கம்  வெள்ளிக்கிழமை நடைபெற்றது.
கூட்டத்திற்கு நகராட்சி ஆணையர் நா.மீராஅலி தலைமை வகித்தார். அறந்தாங்கி வட்டாட்சியர் க.கருப்பையா, நாகுடி வட்டார மருத்துவ அலுவலர் முகமது இத்ரியாஸ் ஆகியோர் முன்னிலை வகித்தனர்.
சிறப்பு விருந்தினராகப் பங்கேற்ற வருவாய் கோட்டாட்சியர் க.பஞ்சவர்ணம் பேசியது: அறந்தாங்கியில் 27 வார்டுகளில் உள்ள 12,246 வீடுகளில் டெங்கு, பன்றிக் காய்ச்சல் தடுப்பு குறித்த விழிப்புணர்வை கொண்டு சேர்க்கும் வகையில் ஒலிபெருக்கி மூலமும், துண்டுபிரசுரங்கள் விநியோகிக்க வேண்டும். பொதுமக்கள் முழு ஈடுபாடு காட்டி  டெங்கு, பன்றிக் காய்ச்சல் வராமல் தடுக்க உறுதுணையாக இருக்க வேண்டும் என்றார். 
பள்ளித் தாளாளர்கள், தலைமை ஆசிரியர்கள், வர்த்தக சங்கம், ரோட்டரி, தொண்டு நிறுவன, மகளிர்  சுயஉதவிக் குழுவினர் தங்களது கருத்துகளை தெரிவித்தனர்.
நிகழ்ச்சியில், நகராட்சி துப்புரவு அலுவலர் த.முத்துகணேஷ், சுகாதார ஆய்வாளர் சி.சேகர், மருத்துவ அலுவலர் ஜெயப்பிரகாஷ், வட்டார சுகாதார மேற்பார்வையாளர்கள், நகராட்சி அலுலர்கள் உள்ளிட்டோர் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/10/அறந்தாங்கியில்--டெங்கு-காய்ச்சல்-தடுப்பு-விழிப்புணர்வுக்-கருத்தரங்கம்-3036020.html
3036019 திருச்சி புதுக்கோட்டை புதுக்கோட்டையில் கொசுமருந்து அடிக்கும் பணி தீவிரம் DIN DIN Saturday, November 10, 2018 08:47 AM +0530 புதுக்கோட்டையில் நகராட்சி சார்பில் வெள்ளிக்கிழமை கொசு மருந்து அடிக்கும் பணி நடைபெற்றது. 
டெங்கு உள்ளிட்ட காய்ச்சல் முன் தடுப்பு நடவடிக்கையாக புதுக்கோட்டை ராணி மருத்துவமனை வீதி உள்ளிட்ட முக்கிய வீதிகளில் நகராட்சி பணியாளர்கள் கொசு மருந்து அடிக்கும் பணியில் ஈடுபட்டனர். 
தொடர்ந்து, நகரின் அனைத்து வீதிகள், குளக்கரைகள், குப்பைகள் அதிகம் காணப்படும் பகுதிகள், குடியிருப்புப் பகுதிகளில் குப்பைகள், கழிவுநீர் அகற்றி கொசு மருந்து அடிக்கும் பணியை செய்ய வேண்டும் என பொதுமக்கள் எதிர்பார்க்கின்றனர்.
 

]]>
http://www.dinamani.com/all-editions/edition-trichy/pudukottai/2018/nov/10/புதுக்கோட்டையில்-கொசுமருந்து-அடிக்கும்-பணி-தீவிரம்-3036019.html
3036017 திருச்சி புதுக்கோட்டை இன்று பொதுவிநியோகத் திட்ட குறைதீர் கூட்டம் DIN DIN Saturday, November 10, 2018 08:47 AM +0530 புதுக்கோட்டை மாவட்டத்தில் பொதுவிநியோகத் திட்ட குறை தீர்க்கும் நாள் கூட்டம் சனிக்கிழமை (நவ.10) நடைபெற உள்ளது.
இதுகுறித்து மாவட்ட ஆட்சியர் சு.கணேஷ் வெளியிட்ட அறிக்கை: பொதுவிநியோகத் திட்டத்தில் உள்ள குறைபாடுகளை களைவதற்கு மாவட்டத்தில் ஒவ்வொரு வட்டத்திலும் ஒரு கிராமத்தில் மாதம்தோறும் 2ஆம் வாரத்தில் சனிக்கிழமை காலை 10 மணி முதல் மதியம் 1 மணி வரை கிராமத்தில் உள்ள குடும்ப அட்டைகள், நியாய விலைக்கடைகள் தொடர்பான குறைகளை தீர்க்கும் வகையில் இக்கூட்டம் நடத்தப்பட்டு வருகிறது. கூட்டுறவு சங்க அதிகாரிகள் பங்கேற்கும் இக்கூட்டத்திற்கு ஆட்சியரால் நியமிக்கப்படும் துணை ஆட்சியர் நிலையிலுள்ள அலுவலர் பார்வையாளராக இருப்பார்.
புதுக்கோட்டை வட்டத்துக்குள்பட்ட திருமலைராய சமுத்திரம், ஆலங்குடியில் செரியலூர், திருமயத்தில் கே.ராயபுரம், குளத்தூர் வட்டத்தில் முத்துக்காடு, இலுப்பூரில் கட்டக்குடி, கந்தர்வகோட்டையில் கோவிலூர், அறந்தாங்கி வட்டத்தில் ஆளப்பிறந்தான், ஆவுடையார்கோவிலில் கண்ணமங்கலம், மணமேல்குடி வட்டத்தில் செய்யானம், பொன்னமராவதியில் ஏனாதி, கறம்பக்குடியில் பல்லவராயன்பத்தை, விராலிமலை வட்டத்திற்குள்பட்ட கொடும்பாளூர் ஆகிய ஊர்களில் பொதுவிநியோகத் திட்ட குறை தீர்க்கும் கூட்டம் நடைபெற உள்ளது. இதில் பொதுமக்கள் பங்கேற்று தங்களது குறைகளை தெரிவித்து பயனடைய வேண்டும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/pudukottai/2018/nov/10/இன்று-பொதுவிநியோகத்-திட்ட-குறைதீர்-கூட்டம்-3036017.html
3036016 திருச்சி புதுக்கோட்டை கோழியை விழுங்கிய 12 அடி நீள மலைப்பாம்பு வனப்பகுதியில் விடுவிப்பு DIN DIN Saturday, November 10, 2018 08:47 AM +0530 பொன்னமராவதி அருகே ஆலவயல் கிராமத்தில் கோழியை விழுங்கிய நிலையில் வெள்ளிக்கிழமை கிடந்த 12 அடி நீளம் கொண்ட மலைப்பாம்பை பொதுமக்கள் பிடித்து வனப்பகுதியில் விடுவித்தனர்.
ஆலவயல் தெற்கிக்காடு வயல்வெளியில் சுமார் 12 அடி நீளமுள்ள மலைப்பாம்பு கோழியை விழுங்கிய நிலையில் கிடந்ததை அப்பகுதி மக்கள் பார்த்தனர். 
இதுகுறித்து வனத்துறைக்கு தகவல் தெரிவித்து நீண்டநேரமாகியும் வராததையடுத்து, இளைஞர்கள் மற்றும் பொதுமக்கள் மலைப்பாம்பை பிடித்து வனப்பகுதிக்கு கொண்டு சென்று விடுவித்தனர்.

]]>
http://www.dinamani.com/all-editions/edition-trichy/pudukottai/2018/nov/10/கோழியை-விழுங்கிய-12-அடி-நீள-மலைப்பாம்பு-வனப்பகுதியில்-விடுவிப்பு-3036016.html
3036015 திருச்சி புதுக்கோட்டை பணமதிப்பிழப்பு நடவடிக்கையை கண்டித்து காங்கிரஸார் ஆர்ப்பாட்டம் DIN DIN Saturday, November 10, 2018 08:46 AM +0530 மத்திய அரசின் பணமதிப்பிழப்பு நடவடிக்கையைக் கண்டித்து அறந்தாங்கியில் காங்கிரஸ் கட்சியினர் வெள்ளிக்கிழமை ஆர்ப்பாட்டம் நடத்தினர்.
தெற்கு மாவட்ட காங்கிரஸ் கட்சி சார்பில் அறந்தாங்கி தபால் நிலையம் எதிரே நடைபெற்ற ஆர்ப்பாட்டத்துக்கு தெற்கு மாவட்டத் தலைவர் தர்ம.தங்கவேல் தலைமை வகித்தார். முன்னாள் சட்டப்பேரவை உறுப்பினர்கள் த.புஷ்பராஜ், இராம.சுப்புராம், மாநில பொதுக்குழு உறுப்பினர்கள் மகாதேவன், தேவதாஸ் காந்தி, ஜூவானந்தம், இப்ராஹிம் உள்ளிட்டோர் கண்டன உரையாற்றினர். வட்டாரத் தலைவர்கள் கூடலூர் முத்து, செல்வராஜ், மன்னார் முகமது, குமார், நகரத் தலைவர்கள் நா.வீராச்சாமி, பழனியப்பன், மாவட்ட எஸ்.சி. எஸ்.டி பிரிவுத் தலைவர் கண்ணன், மாவட்ட மகளிர் காங்கிரஸ் தலைவி சரோஜா உள்ளிட்டோர் பங்கேற்றனர். 
பிரதமர் நரேந்திர மோடி தலைமையிலான மத்திய அரசு கடந்த 2016ஆம் ஆண்டு அதிக மதிப்பு கொண்ட ரூபாய் நோட்டுகள் செல்லாது என அறிவிக்கப்பட்ட தினத்தை கருப்புத் தினமாக அறிவித்து நடைபெற்ற ஆர்ப்பாட்டத்தில் பங்கேற்ற கட்சியினர் மத்திய அரசுக்கு எதிராக முழுக்கங்களை எழுப்பினர். 

]]>
http://www.dinamani.com/all-editions/edition-trichy/pudukottai/2018/nov/10/பணமதிப்பிழப்பு-நடவடிக்கையை-கண்டித்து-காங்கிரஸார்-ஆர்ப்பாட்டம்-3036015.html
3035461 திருச்சி புதுக்கோட்டை பொன்னமராவதி அருகே கபடி போட்டி DIN DIN Friday, November 9, 2018 09:40 AM +0530 பொன்னமராவதி அருகே உள்ள ஆலவயல் நரியங்காட்டில் வியாழக்கிழமை நடைபெற்ற கபடி போட்டியில் ஏனாதி அணியினர் முதலிடம் பெற்றனர்.
சீறும்புயல் கபாடிக்குழு சார்பில் 17ம் ஆண்டாக கபடிப் போட்டிக்கு முன்னாள் ஒன்றியக்குழு உறுப்பினர் பெரி.அழகப்பன் தலைமை வகித்தார். முன்னாள் ஊராட்சித் தலைவர்கள் ப. முருகேசன், ராமு, அம்பாள் கபடிக் குழு தலைவர் மலைக்காளை ஆகியோர் முன்னிலை வகித்தனர்.  போட்டியில் மதுரை, திருச்சி, புதுக்கோட்டை உள்ளிட்ட பல்வேறு மாவட்டங்களைச்  சார்ந்த 21 அணியினர் பங்கேற்று விளையாடினர்.   போட்டியில் முதல் பரிசினை ஏனாதி நைட்சன் அணியினரும், இரண்டாம் பரிசை கொன்னைப்பட்டி அணியினரும், அஞ்சுபுளிப்பட்டி அணியினர் மூன்றாம் பரிசையும், கண்டியாநத்தம் 7 ஸ்டார் அணியினர் 4 ஆம் பரிசையும் பெற்றனர். வெற்றி பெற்ற அணியினருக்கு பரிசுகள் மற்றும் கோப்பைகள் வழங்கப்பட்டன. 

]]>
http://www.dinamani.com/all-editions/edition-trichy/pudukottai/2018/nov/09/பொன்னமராவதி-அருகே-கபடி-போட்டி-3035461.html
3035460 திருச்சி புதுக்கோட்டை அறந்தாங்கியில் நவ. 15 இல் இந்திய கம்யூ. கட்சியினர் ஆர்ப்பாட்டம் DIN DIN Friday, November 9, 2018 09:39 AM +0530 அறந்தாங்கி அரசு மருத்துவமனையை தலைமை மருத்துவமனையாக  அறிவிக்க கோரி வரும் நவ. 15 அன்று அரசு மருத்துவமனை முன்பு கண்டன ஆர்ப்பாட்டம் நடைபெறும் என இந்திய கம்யூனிஸ்ட்கட்சியின்  நகர நிர்வாகக் குழுவில் தீர்மானம் நிறைவேற்றப்பட்டது.
     அறந்தாங்கியில் இந்திய கம்யூனிஸ்ட் கட்சியின் நகர நிர்வாகக் குழு கூட்டம்  முன்னாள் நகரச் செயலாளர் ஏ.எஸ். நாடிமுத்து தலைமையில் வியாழக்கிழமை நடைபெற்றது. மாவட்ட துணைச் செயலாளர்  ஆ. ராஜேந்திரன்,  நகரச் செயலாளர் அ. பெரியசாமி,  அனைத்திந்திய  இளைஞர் பெருமன்ற புதுக்கோட்டை  மாவட்டச் செயலாளர் கே. ராஜேந்திரன், நிர்வாகக் குழு உறுப்பினர்கள்  மோகன், கணேசன், ராஜமாணிக்கம், கோமதி மற்றும் பலர் கலந்து கொண்டனர். கூட்டத்தில், புதுகை மருத்துவக் கல்லூரி மருத்துவமனை இயங்கிவரும் வேளையில்,  அனைத்து வசதிகளும் கொண்ட அறந்தாங்கி அரசு மருத்துவமனையை தலைமை மருத்துவமனையாக அறிவிக்காமல் காலம் தாழ்த்துவதைக் கண்டித்து அனைத்து தரப்பினரையும் திரட்டி மருத்துவமனை முன்பு கண்டன ஆர்ப்பாட்டம் நடத்துவது, கேபிள் டிவி  உரிமையாளர்கள் செட்டாப் பாக்ஸ் ஒன்றுக்கு ரூ. 500 முதல் ஆயிரம் வரை  கட்டணம் வசூல் செய்வதை அரசு தடுத்து நிறுத்த வேண்டும். அறந்தாங்கி நகரில் போக்குவரத்துக்கு இடையூறாக செயல்படாத போக்குவரத்து சிக்னல்களை  மீண்டும் செயல்படுத்தக் கோரியும் , அறந்தாங்கி நகரில் அனுமதியின்றி போக்குவரத்திற்கு இடையூறாக வைக்கப்ப்டடுள்ள டிஜிட்டல் பேனர்களை நகராட்சி நிர்வாகம் அகற்ற வேண்டும் என்பன உள்ளிட்ட  தீர்மானங்கள் நிறைவேற்றப்பட்டன. 
கூட்டத்தில், நிர்வாகிகள் திரளாகக் கலந்து கொண்டனர்.


 

]]>
http://www.dinamani.com/all-editions/edition-trichy/pudukottai/2018/nov/09/அறந்தாங்கியில்-நவ-15-இல்-இந்திய-கம்யூ-கட்சியினர்-ஆர்ப்பாட்டம்-3035460.html
3035459 திருச்சி புதுக்கோட்டை விராலிமலை முருகன் கோயிலில் கந்தசஷ்டி விழா தொடக்கம் DIN DIN Friday, November 9, 2018 09:39 AM +0530 புதுக்கோட்டை மாவட்டம் விராலிமலை சுப்பிரமணியர் சுவாமி கோயிலில் கந்தசஷ்டி விழா கொடியேற்றத்துடன் வியாழக்கிழமை தொடங்கியது. 
    விராலிமலை மலைமேல் அமைந்துள்ள அருள்மிகு சுப்பிரமணியர் சுவாமி கோயிலில் ஆண்டுதோறும் கந்தசஷ்டி விழா கொண்டாடப்படுவது வழக்கம். அதன்படி நிகழாண்டுக்கான விழாவின் தொடக்க நிகழ்வான கொடியேற்றம் வியாழக்கிழமை காலை 10.45 மணிக்கு தொடங்கி 11.15 மணிவரையில் நடைபெற்றது. இதில் வள்ளி, தெய்வானை சமேதராக வீற்றிருக்கும் சுப்பிரமணியருக்கு சிறப்பு அபிஷேக ஆராதனைகளுடன், காப்பு கட்டப்பட்டு சன்னதி மண்டபத்தில் உள்ள கொடிக்கம்பத்தில் கொடியேற்றப்பட்டு கந்தசஷ்டி விழா தொடங்கியது. 
இதனைத் தொடர்ந்து தினமும் சுப்பிரமணியர் சுவாமி சிங்கம், மயில் உள்ளிட்ட பல்வேறு வாகனங்களில் வீதிவுலா வந்து பக்தர்களுக்கு காட்சியளிக்கிறார். 
விழா நாட்களில் தினசரி மாலை நேரங்களில் கோயிலின் அடிவாரத்தில் உள்ள கந்தசஷ்டி விழா அரங்கில் ஆன்மிக சொற்பொழிவு, பரதம் உள்ளிட்ட கலை நிகழ்ச்சிகள் நடைபெறும். விழாவின் முக்கிய நிகழ்வான சூரசம்ஹாரம் நிகழ்ச்சி வரும் நவ. 13 ஆம் தேதி மாலை கோயில் அடிவாரத்தில் நடைபெறுகிறது.       ஏற்பாடுகளை இந்து சமய அறநிலையத் துறை இணை ஆணையர் சி. கல்யாணி, உதவி ஆணையர் ம. ரமேஷ், செயல் அலுவலர் சா. ராமராஜா, மேற்பார்வையாளர் ரெ. மாரிமுத்து, சிவ மகாதேவ குருக்கள், டி. கந்தசாமி ஆகியோர் செய்து வருகின்றனர்.
 

]]>
http://www.dinamani.com/all-editions/edition-trichy/pudukottai/2018/nov/09/விராலிமலை-முருகன்-கோயிலில்-கந்தசஷ்டி-விழா-தொடக்கம்-3035459.html
3035458 திருச்சி புதுக்கோட்டை அன்னவாசல் பகுதிகளில் பிடிபட்ட  மலைப்பாம்புகள் வனப்பகுதிகளில் விடுவிப்பு DIN DIN Friday, November 9, 2018 09:39 AM +0530 அன்னவாசல் அரசு மருத்துவமனை வளாகத்திற்குள் உள்ள செவிலியர்கள் தங்கும் அறைக்குள் வியாழக்கிழமை பாம்பு புகுந்தது. தகவலறிந்த, இலுப்பூர் தீயணைப்பு நிலைய அலுவலர் கருணாநிதி தலைமையிலான தீயணைப்பு வீரர்கள் மருத்துவமனைக்குச் சென்று சுமார் 5 அடி நீளமுள்ள சாரைப் பாம்பைப் பிடித்தனர். பின்னர் பாம்பை வனப்பகுதியில் விடுவித்தனர். இதனால் சிறிதுநேரம் பரபரப்பு ஏற்பட்டது. 
இதேபோல், அன்னவாசல் அருகே உள்ள கண்ணியாப்பட்டியைச் சேர்ந்த அடைக்கன் வீட்டின் பின்பகுதியில் கோழி அலறும் சப்தம் கேட்டுள்ளது. அங்கு சென்று பார்த்தபோது மலைப்பாம்பு கோழியை விழுங்கி கொண்டிருந்துள்ளது. இதுகுறித்து அடைக்கன் இலுப்பூர் தீயணைப்பு நிலையத்திற்கு தகவல் கொடுத்துள்ளார். தகவலின்பேரில் அங்கு சென்ற தீயணைப்பு நிலைய அலுவலர் கருணாநிதி தலைமையிலான வீரர்கள்  மலைப்பாம்பை பிடித்து நார்த்தாமலை வனசரகர் செல்வத்திடம் ஒப்படைத்தனர். 
பின்னர் நார்த்தாமலை வனப்பகுதிக்குள் பாம்பை விட்டனர். பிடிபட்ட மலைப்பாம்பு சுமார் 12 அடி  நீளம் இருந்ததாக வனத்துறையினர் தெரிவித்தனர்.

]]>
http://www.dinamani.com/all-editions/edition-trichy/pudukottai/2018/nov/09/அன்னவாசல்-பகுதிகளில்-பிடிபட்ட--மலைப்பாம்புகள்-வனப்பகுதிகளில்-விடுவிப்பு-3035458.html
3035457 திருச்சி புதுக்கோட்டை பெண்கள் பள்ளியில் சுகாதார வளாகம் திறப்பு DIN DIN Friday, November 9, 2018 09:39 AM +0530 பொன்னமராவதி அருகே உள்ள கொப்பனாபட்டி கலைமகள் கல்லூரி பெண்கள் உயர்நிலைப் பள்ளியில் மாணவிகளுக்கான சுகாதார வளாகம் திறப்பு விழா வியாழக்கிழமை நடைபெற்றது.
கொப்பனாபட்டி கலைமகள் கல்லூரி பெண்கள் உயர்நிலைப்பள்ளியில் மாணவிகள் பயன்பாட்டிற்காக கொப்பனாபட்டி ஷைன் அரிமா சங்கம் சார்பில் ரூ. 2 லட்சம் மதிப்பில் சுகாதார வளாகம் கட்டப்பட்டது. அதற்கான திறப்பு விழா பள்ளி வளாகத்தில் நடைபெற்றது. 
விழாவிற்கு ஷைன் அரிமா சங்கத் தலைவர் பெ.மாரிமுத்து தலைமை வகித்தார்.  பொருளாளர் கிரிதரன், நிர்வாகி சிங்காரம் ஆகியோர் முன்னிலை வகித்தனர்.  செயலர் ஆர். பிரின்ஸ் வரவேற்றார். அரிமா சங்க மாவட்ட ஆளுநர் ஹெச்.சேக் தாவூத்  பங்கேற்று மாணவிகளுக்கான சுகாதார வளாகத்தை திறந்துவைத்து சிறப்புரையாற்றினார். மண்டலத்தலைவர் ஆர்.பிரபுக்குமார், காவல் ஆய்வாளர் சு.கருணாகரன், பொன்னமராவதி அமல அன்னை மெட்ரிக். பள்ளியின் முதல்வர் ச.ம.மரியபுஷ்பம், முன்னாள் ஊராட்சிமன்ற தலைவர் நாகராஜன், மண்டல ஒருங்கிணைப்பாளர் எஸ்எம்எஸ்.தங்கராஜ் ஆகியோர் வாழ்த்திப்பேசினர். பள்ளியின் தலைமை ஆசிரியர் மா.முல்லை ஏற்புரையாற்றினார்.  அரிமா சங்கத் தலைவர்கள் ராமசாமி, செல்வம், பழனியப்பன், பிரவீன்குமார், நிர்வாகிகள் டி.பாலசுப்பிரமணியன், இள.பாபு, பிஎல்.மாணிக்கவேல், சிங்காரம், மணிகண்டன், அபுதாஹிர், வெள்ளைச்சாமி, முகமது ஹனிபா உள்ளிட்டோர் பங்கேற்றனர். பள்ளியின் பெற்றோர் ஆசிரியர் கழகத் தலைவர் ஆர்.கே.செல்வம் நன்றி கூறினார்.


 

]]>
http://www.dinamani.com/all-editions/edition-trichy/pudukottai/2018/nov/09/பெண்கள்-பள்ளியில்-சுகாதார-வளாகம்-திறப்பு-3035457.html
3035456 திருச்சி புதுக்கோட்டை பொன்னமராவதி ஒன்றியத்தில் வளர்ச்சிப் பணிகள் ஆய்வு DIN DIN Friday, November 9, 2018 09:38 AM +0530 பொன்னமராவதி ஊராட்சி ஒன்றியத்தில்  ஊரக வளர்ச்சி மற்றும் ஊராட்சித்துறையின் சார்பில் ரூ 1.33 கோடி மதிப்பில் மேற்கொள்ளப்பட்டு வரும் வளர்ச்சிப் பணிகளை ஆட்சியர் சு.கணேஷ் வியாழக்கிழமை நேரில் பார்வையிட்டு ஆய்வு செய்தார்.
   பொன்னமராவதி ஒன்றியம் மேலமேலநிலை ஊராட்சியில் பிரதம மந்திரி வீடு கட்டும் திட்டத்தின் கீழ் ரூ. 1.70 லட்சம் மதிப்பீட்டில் கட்டப்பட்டு வரும் வீட்டின் கட்டுமானப் பணியினையும், மேலமேலநிலை ஊராட்சி ஒன்றிய தொடக்கப்பள்ளியில் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ. 4.55 லட்சம் மதிப்பில் கட்டப்பட்டு வரும் சுற்றுச்சுவர் கட்டுமானப் பணியினையும் பார்வையிட்டார்.
செம்பூதி ஊராட்சியில் கிராமப்புற சாலை மேம்பாட்டு திட்டத்தின் கீழ் ரூ. 29.43 லட்சம் மதிப்பீட்டில் அமைக்கப்பட்டு வரும் சாலைப் பணியினையும் , கொன்னைப்பட்டி ஊராட்சியில் பிரதம மந்திரி வீடு கட்டும் திட்டத்தின் கீழ் ரூ. 1.70 லட்சம் மதிப்பீட்டில் கட்டப்பட்டு வரும் வீட்டின் கட்டுமானப்பணியினையும், ரூ. 8.70 லட்சம் மதிப்பீட்டில் கட்டப்பட்டு வரும் அங்கன்வாடி மைய கட்டுமானப் பணியினையும் பார்வையிட்டார்.
அம்மன்குறிச்சி ஊராட்சியில் ரூ. 42.90 லட்சம் மதிப்பீட்டில் அமைக்கப்பட்டு வரும் சாலைப்பணியினையும், பசுமை வீடுகள் திட்டத்தின் கீழ் ரூ. 2.10 லட்சம் மதிப்பில் கட்டப்பட்டு வரும் வீட்டின் கட்டுமானப் பணியினையும், ரூ. 20 ஆயிரம் மதிப்பில் அமைக்கப்பட்டுள்ள கால்நடை தொட்டி அமைக்கும் பணி, ரூ. 1.17 லட்சம் மதிப்பில் அமைக்கப்பட்டு வரும் காஞ்சிரான் கண்மாய் தடுப்பனை பணியினை, ரூ 5.50 மதிப்பில் மேற்கொள்ளப்பட்டுவரும் மேல்நிலை நீர்த்தேக்கத் தொட்டி கட்டுமானப் பணி என மொத்தம் ரூ. 1.33 கோடி மதிப்பீட்டில் மேற்கொள்ளப்பட்டு வரும் வளர்ச்சிப்பணிகளையும் ஆய்வு செய்தார். ஆய்வின்போது, வட்டாட்சியர் ஆர்.பாலகிருஷ்ணன், வட்டார வளர்ச்சி அலுவலர்கள் து.குமரன், எம்.மதியழகன் உள்ளிட்டோர் உடனிருந்தனர்.


 

]]>
http://www.dinamani.com/all-editions/edition-trichy/pudukottai/2018/nov/09/பொன்னமராவதி-ஒன்றியத்தில்-வளர்ச்சிப்-பணிகள்-ஆய்வு-3035456.html
3035455 திருச்சி புதுக்கோட்டை சிறைவாசிகளுக்கு காசநோய், ஹெச்ஐவி கண்டறியும் முகாம் DIN DIN Friday, November 9, 2018 09:38 AM +0530 புதுக்கோட்டை மாவட்டத்தில் சிறைவாசிகளுக்கு காசநோய் மற்றும் ஹெச்ஐவி கண்டறியும் முகாம் வியாழக்கிழமை நடைபெற்றது.
முகாமிற்கு, மாவட்ட காசநோய் துணை இயக்குநர் பெரியசாமி தலைமை வகித்தார். மாவட்ட மருத்துவம் மற்றும் ஊரக நலப்பணி இயக்குநர் மருத்துவர் எம்.சந்திரசேகரன் காசநோய் கண்டறியும் ஊர்தியினை கொடியசைத்து தொடங்கி வைத்தார். இந்த வாகனமானது சிபிஎன்எஎடி என்ற காசநோய் கண்டறியும் அதிநவீன கருவியுடன் செய்யப்பட்டுள்ளது. இதன்மூலம் 2 மணிநேரத்தில் 4 பேருக்கு நோய் பாதிப்பை துல்லியமாகக் கண்டறியலாம். எக்ஸ் ரே-யில் கண்டறிய முடியாத குழந்தைகளுக்கும் எளிய முறையில் கண்டறியலாம். முகாமில், துணை இயக்குநர் பெரியசாமி பேசியது: 
காசநோய் முற்றிலும் குணமாக்கக் கூடியதாகும். இந்தியாவில் இதனால் 2.79 மில்லியன் மக்கள் பாதிக்கப்பட்டுள்ளனர். உலக அளவில் 9.9 மில்லியன் மக்கள் பாதிக்கப்பட்டுள்ளனர். இதனால் இந்தியாவில் ஒவ்வொரு ஆண்டும் 2,20,000 பேர் காசநோயால் இறக்க நேரிடுகிறது. தொடர்ந்த காய்ச்சல், எடை குறைவு, 2 மாதங்களுக்கும் அதிகமான இருமல் இதன் அறிகுறிகள் ஆகும். இவை ஹெச்ஐவி, சர்க்கரை நோயுள்ளவர்களை அதிகம் பாதிக்கிறது. காசநோய் பாதிக்கப்பட்டவர்களுக்கு அரசால் மாதம் ரூ. 500 உதவி வழங்கப்படுகிறது என்றார். 
முகாமில், 56 பேருக்கு ஹெச்ஐவி பரிசோதனையும், 16 காசநோய் பரிசோதனையும் செய்யப்பட்டது.

]]>
http://www.dinamani.com/all-editions/edition-trichy/pudukottai/2018/nov/09/சிறைவாசிகளுக்கு-காசநோய்-ஹெச்ஐவி-கண்டறியும்-முகாம்-3035455.html
3035454 திருச்சி புதுக்கோட்டை ஊழல் ஒழிப்பு விழிப்புணர்வுப் பேரணி DIN DIN Friday, November 9, 2018 09:38 AM +0530 கந்தர்வகோட்டையில் பள்ளி மாணவர்கள் கலந்து கொண்ட ஊழல் ஒழிப்பு விழிப்புணர்வுப் பேரணி புதன்கிழமை நடைபெற்றது.  கந்தர்வகோட்டை அருகே உள்ள தச்சன்குறிச்சியில் இயங்கிவரும் தேசியமயமாக்கப்பட்ட வங்கி கிளை சார்பில்  பொதுமக்களிடையே ஊழல் குறித்த  ஒழிப்பு விழிப்புணர்வு பிரசாரங்கள் நடைபெற்று வருகின்றது. இதனை முன்னிட்டு கந்தர்வகோட்டை அரசு ஆண்கள் மேல்நிலைப் பள்ளி மாணவர்கள் 100-க்கும் மேற்பட்டோர் கலந்து கொண்ட ஊழல் ஒழிப்பு விழிப்புணர்வுப் பேரணி பள்ளி வளாகம் முன்பு புறப்பட்டு செட்டியார் தெரு, பெரிய கடைவீதி, மெயின் ரோடு வழியாக பேருந்து நிலையத்தை சென்றடைந்தது. பேரணியை வங்கியின் மேலாளர் ஜிரேந்திரகுமார், விஜயசுந்தர் ஆகியோர் தொடங்கி வைத்தனர். 
பேரணியில்,  பள்ளி உதவி தலைமை ஆசிரியர் சோமசுந்தரம், ஓவிய ஆசிரியர் மனோகரன் மற்றும் பள்ளி மாணவர்கள் திரளாகக் கலந்து கொண்டனர்.
 

]]>
http://www.dinamani.com/all-editions/edition-trichy/pudukottai/2018/nov/09/ஊழல்-ஒழிப்பு-விழிப்புணர்வுப்-பேரணி-3035454.html
3035453 திருச்சி புதுக்கோட்டை பேருந்து மோதி இளைஞர் சாவு DIN DIN Friday, November 9, 2018 09:37 AM +0530 கந்தர்வகோட்டை அருகே பேருந்து மோதியதில், வெல்டிங் பட்டறை உரிமையாளர் வியாழக்கிழமை உயிரிழந்தார். 
ஆதனக்கோட்டையை அடுத்த பெருங்களுரைச் சேர்ந்தவர் சிவக்குமார் (40). இவர் வெல்டிங் லேத் பட்டறை நடத்தி வந்தார். இவரது நண்பர் தேவேந்திரன் (36). இவர்கள் இருவரும் செவ்வாய்க்கிழமை அப்பகுதியில் நின்று பேசிக்கொண்டிருந்தனர். அப்போது வந்த தனியார் பேருந்து மோதியதில் இருவரும் பலத்த காயமடைந்தனர்.  
இதில், சிவக்குமார், புதுக்கோட்டை மருத்துவக் கல்லூரி மருத்துவமனையில் சேர்க்கப்பட்டு சிகிச்சை பலனின்றி வியாழக்கிழமை உயிரிழந்தார். தேவேந்திரன் தஞ்சை தனியார் மருத்துவமனையில் சிகிச்சை பெற்று வருகிறார். விபத்து குறித்து ஆதனக்கோட்டை போலீஸார் வழக்கு பதிந்து தஞ்சை மாவட்டம் கோட்டூரைச் சேர்ந்த ஜான் பீட்டர் (36) என்பவரைக் கைது செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-trichy/pudukottai/2018/nov/09/பேருந்து-மோதி-இளைஞர்-சாவு-3035453.html
3035452 திருச்சி புதுக்கோட்டை புதுகை திரையரங்குகளில் கூடுதல் கட்டணம் வசூல் புகார்: ஆர்டிஓ ஆய்வு DIN DIN Friday, November 9, 2018 09:37 AM +0530 புதுக்கோட்டையில் சர்கார் திரைப்படம் திரையிட்டுள்ள திரையரங்குகளில் கூடுதல் கட்டணம் வசூலிப்பதாக வந்த புகாரைத் தொடர்ந்து, அந்த திரையரங்குகளில் வருவாய் கோட்டாட்சியர் தலைமையில் அதிகாரிகள் வியாழக்கிழமை ஆய்வு மேற்கொண்டனர். 
தீபாவளியன்று நடிகர் விஜய் நடிப்பில் சர்கார் திரைப்படம் வெளியாகி தமிழகம் முழுவதும் திரையரங்குகளில் ஓடிக்கொண்டிருக்கிறது. புதுகையில் 3 திரையரங்குகளில் இப்படம் திரையிடப்பட்டுள்ளது. இந்த தியேட்டர்களில் கூடுதல் கட்டணம் வசூல் செய்யப்படுவதாக மாவட்ட ஆட்சியர் சு.கணேஷூக்கு தகவல் கிடைத்துள்ளது. 
தகவலைத் தொடர்ந்து திரையரங்குகளில் வருவாய் கோட்டாட்சியர் டெய்சிகுமார் தலைமையில் வருவாய்த் துறை மற்றும் வணிகவரித் துறை அதிகாரிகள் வியாழக்கிழமை ஆய்வு மேற்கொண்டனர். படம் ஓடிக்கொண்டிருக்கும்போதே அதிகாரிகள் உள்ளே சென்று ரசிகர்களிடம் டிக்கெட் விலை குறித்து விசாரித்தனர். ஆய்வின்போது, 6 ஆம் தேதியிலிருந்து டிக்கெட்  விற்பனை குறித்து ஆய்வு மேற்கொள்ளப்பட்டது. 
ஆய்வுக்குப் பின்னர்   வருவாய் கோட்டாட்சியர் செய்தியாளர்களிடம் கூறியது, கூடுதல் கட்டணம் வசூலிக்கப்படுவதாக எழுந்த புகாரின்பேரில் ஆய்வு மேற்கொள்ளப்பட்டது. ஆய்வின்போது டிக்கெட் கவுண்டரில் கூடுதல் கட்டணம் வசூலிக்கப்படுவது கண்டுபிடிக்கப்படவில்லை. 
ஆனால் ஆன்லைனில் கூடுதல் கட்டணம் வசூலிக்கப்படுகிறது. எனினும் ஆன்லைன் டிக்கெட் விற்பனை தடை செய்வது குறித்து மாவட்ட ஆட்சியரிடம் கலந்தாலோசித்து நடவடிக்கை எடுக்கப்படும் என்றார்.

]]>
http://www.dinamani.com/all-editions/edition-trichy/pudukottai/2018/nov/09/புதுகை-திரையரங்குகளில்-கூடுதல்-கட்டணம்-வசூல்-புகார்-ஆர்டிஓ-ஆய்வு-3035452.html
3034665 திருச்சி புதுக்கோட்டை விடுமுறை கொண்டாட்டம்சித்தன்னவாசல் சுற்றுலாத் தலத்தில் குவிந்த பயணிகள் DIN DIN Thursday, November 8, 2018 03:25 AM +0530
தீபாவளி பண்டிகையையொட்டி சிறப்பு பெற்ற சித்தன்னவாசலில் புதன்கிழமை குவிந்த சுற்றுலாப் பயணிகள் குடும்பத்தினருடன் படகு சவாரி செய்து மகிழ்ந்தனர்.
தீபாவளியையொட்டி தொடர் விடுமுறை காரணமாக அன்னவாசல் அருகேயுள்ள சித்தன்னவாசல் சுற்றுலாத் தளத்தில் குடும்பத்தினர், நண்பர்கள், பள்ளி, கல்லூரி மாணவ, மாணவியர் அதிகளவில் வந்திருந்தனர். உணவுடன் வந்த சுற்றுலாப் பயணிகள் மாலை வரை பொழுதை கழித்தனர். வெளியூர்களில் இருந்து கார், வேன், பேருந்துகளிலும் அதிகளவில் சுற்றுலாப் பயணிகள் வந்திருந்தனர்.
சித்தன்னவாசல் சுற்றுலா தளத்தை கண்டுகளிக்க வந்த சுற்றுலா பயணிகள் அங்குள்ள குகை ஓவியம், மலை மீது அமர்ந்த சமணர் படுக்கையான ஏழடி பட்டம் போன்றவற்றை கண்டு கழித்தனர். மேலும் சிறுவர் பூங்காவில் உள்ள விளையாட்டு உபகரணங்களில் விளையாடியும், செல்லிடப்பேசி, கேமராக்களில் புகைப்படங்கள் எடுத்து மகிழ்ந்தனர்.
சுற்றுலாப் பயணிகள் சித்தன்னவாசல் மலையின் அழகை ரசிக்கும் வகையில் படகு குழாமில் சவாரி செய்து மகிழ்ந்தனர்.
மேலும் இங்குள்ள இரண்டு மலைகளுக்கும் இடையே உள்ள மலையில் சுனையானது சுமார் 10 அடி ஆழம் கொண்டது.
இதன் அடியில் ஒரு பக்கத்தில் குடவறையில் சிவலிங்கம் உள்ளது இதை காண மலைமீது சுற்றுலா பயணிகள் குவிந்தனர். இதுமட்டுமின்றி அதிக அளவு சுற்றுலா பயணிகள் வருகை தந்ததால் புதுக்கோட்டை, விராலிமலை, மணப்பாறை, திருச்சியிலிருந்து அதிகளவில் பேருந்துகள் இயக்கப்பட்டதோடு, அதிகமானோர் அதில் வந்து சென்றனர். அன்னவாசல் காவல் ஆய்வாளர் சுமதி தலைமையிலான போலீஸார் பாதுகாப்புப் பணியில் ஈடுபட்டனர்.

 

]]>
http://www.dinamani.com/all-editions/edition-trichy/pudukottai/2018/nov/08/விடுமுறை-கொண்டாட்டம்சித்தன்னவாசல்-சுற்றுலாத்-தலத்தில்-குவிந்த-பயணிகள்-3034665.html
3034664 திருச்சி புதுக்கோட்டை தீபாவளி பண்டிகையையொட்டி பொன்னமராவதியில் விளையாட்டுப் போட்டிகள் DIN DIN Thursday, November 8, 2018 03:25 AM +0530  

பொன்னமராவதி வட்டாரத்தில் தீபாவளி பண்டிகையையொட்டி பல்வேறு இடங்களில் விளையாட்டுப் போட்டிகள் செவ்வாய்க்கிழமை நடைபெற்றது.
வலையபட்டி யூனியன் கிளப் சார்பில் அடைக்கன் ஊரணிக் கரையில் மாணவ, மாணவியருக்கு பல்வேறு விளையாட்டுப் போட்டிகள் நடத்தப்பட்டது. மேலும் யோகா, ஸ்கேட்டிங்கில் கின்னஸ் சாதனை படைத்த மாணவி இனியா, மாணவர் இளங்கதிர் ஆகியோர் பாராட்டப்பட்டனர்.
போட்டிகளில் வெற்றி பெற்ற மாணவ, மாணவியருக்கு வட்டாரக்கல்வி அலுவலர் சே.ராமதிலகம், கனரா வங்கி மேலாளர் யுவராஜ் ஆகியோர் பரிசுகளை வழங்கினர்.
இதில், சங்கத் தலைவர் நாராயணன், செயலர் லெட்சுமணன், முன்னாள் பேரூராட்சி உறுப்பினர் ராமன் உள்ளிட்டோர் பங்கேற்றனர். கேசராபட்டியில் இளைஞர்கள் சார்பில் சாக்கு ஓட்டம், ஓட்டப் பந்தயம், பானை உடைத்தல் உள்ளிட்ட பல்வேறு போட்டிகள் நடத்தப்பட்டு பரிசு வழங்கப்பட்டது. கண்டியாநத்தம் கிராமத்தில் செவன்ஸ்டார் இளைஞர் நற்பணி மன்றம் சார்பில் பல்வேறு விளையாட்டுப் போட்டிகள் நடத்தப்பட்டு பரிசுகள் வழங்கப்பட்டது.

 

]]>
http://www.dinamani.com/all-editions/edition-trichy/pudukottai/2018/nov/08/தீபாவளி-பண்டிகையையொட்டி-பொன்னமராவதியில்-விளையாட்டுப்-போட்டிகள்-3034664.html
3034663 திருச்சி புதுக்கோட்டை பாஜக நகர கட்சி அலுவலகம் திறப்பு விழா DIN DIN Thursday, November 8, 2018 03:24 AM +0530  


புதுக்கோட்டையில் பாஜக நகர கட்சி அலுவலகம் திறப்பு விழா புதன்கிழமை நடைபெற்றது.
புதுக்கோட்டை நெய் கொட்டான் மரம் வடக்கு 2ஆம் வீதியில் நடைபெற்ற திறப்பு விழாவிற்கு மாவட்டத் தலைவர் ராம.சேதுபதி தலைமை வகித்தார். நிர்வாகி எம்.சுப்பிரமணியன் வரவேற்றார். சிறப்பு அழைப்பாளராகப் பங்கேற்ற மத்திய அரசின் தேசிய குழந்தைகள் உரிமைகள் பாதுகாப்பு ஆணைய உறுப்
பினர் ஆர்.ஜி.ஆனந்த் அலுவலகத்தை குத்துவிளக்கேற்றி திறந்து வைத்தார். தொடர்ந்து, 150 பேருக்கு வேஷ்டி,சேலைகள் வழங்கப்பட்டது.
மாவட்ட பொதுச்செயலாளர்கள் ஆர்.ரெங்கசாமி, ஆர்.தியாகராஜன், நகரச் செயலாளர் பத்மலட்சுமி, பொதுச்செயலாளர் எம்.லெட்சுமணன், பொருளாளர் மணி சுந்தரேசன், மாவட்டச் செயலர் தமிழரசன், துணைத்தலைவர் ஜெகதீசன், சிறுபான்மை பிரிவு மாவட்டத் தலைவர் தேவசகாயம் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/pudukottai/2018/nov/08/பாஜக-நகர-கட்சி-அலுவலகம்-திறப்பு-விழா-3034663.html
3034662 திருச்சி புதுக்கோட்டை விராச்சிலையில் மஞ்சுவிரட்டு DIN DIN Thursday, November 8, 2018 03:24 AM +0530
புதுக்கோட்டை அருகே விராச்சிலையில் புதன்கிழமை நடைபெற்ற மஞ்சுவிரட்டில் திரளானோர் பங்கேற்று காளைகளை அடக்கினர்.
விராச்சிலையில் தீபாவளி பண்டிகையையொட்டி மஞ்சுவிரட்டு போட்டி நடத்தப்பட்டு வருகிறது. நிகழாண்டு நடைபெற்ற மஞ்சுவிரட்டில் மதுரை, திருச்சி, புதுக்கோட்டை, தஞ்சாவூர் உள்ளிட்ட பல்வேறு மாவட்டங்களில் இருந்து திரளான காளைகள் பங்கேற்றன. அதேபோல, பல்வேறு மாவட்டங்களில் இருந்து வந்திருந்த மாடுபிடி வீரர்கள், இளைஞர்கள் சீறிவந்த காளைகளை அடக்கினர். மாடுபிடி வீரர்களிடம் பிடிபடாமல் சென்ற காளைகளின் உரிமையாளர்கள், காளைகளை அடக்கிய வீரர்களுக்கு பல்வேறு பரிசுப் பொருள்கள் வழங்கப்பட்டது.
சுற்றுவட்டார கிராமங்களில் இருந்து திரளான மக்கள் மஞ்சுவிரட்டுவை கண்டு களித்தனர்.

 

]]>
http://www.dinamani.com/all-editions/edition-trichy/pudukottai/2018/nov/08/விராச்சிலையில்-மஞ்சுவிரட்டு-3034662.html
3034660 திருச்சி புதுக்கோட்டை பொற்பனை முனீஸ்வரர் கோயிலில் சிறப்பு வழிபாடு DIN DIN Thursday, November 8, 2018 03:24 AM +0530  

புதுக்கோ ட்டை அருகே உள்ள பொற்பனை முனீஸ்வரர் கோயிலில் ஐப்பசி மாத அமாவாசையையொட்டி சிறப்பு அபிஷேக, ஆராதனைகள் புதன்கிழமை நடைபெற்றது.
முனீஸ்வரருக்கு பால், தயிர், பன்னீர், தேன், இளநீர், சந்தனம் உள்ளிட்ட பல்வேறு வகையான பொருள்களால் அபிஷேகம், அலங்காரம் செய்யப்பட்டு வடை மாலை சாத்தப்பட்டு சிறப்பு தீபாராதனை நடைபெற்றது. சுவாமி தரிசனம் செய்த பக்தர்களுக்கு பிரசாதம் வழங்கப்பட்டது.

 

]]>
http://www.dinamani.com/all-editions/edition-trichy/pudukottai/2018/nov/08/பொற்பனை-முனீஸ்வரர்-கோயிலில்-சிறப்பு-வழிபாடு-3034660.html
3034659 திருச்சி புதுக்கோட்டை பட்டாசு வெடித்ததாக 16 பேர் மீது வழக்குப் பதிவு DIN DIN Thursday, November 8, 2018 03:23 AM +0530
புதுக்கோ ட்டை மாவட்டத்தில் தீபாவளி பண்டிகை தினமான செவ்வாய்க்கிழமை விதிகளை மீறி பட்டாசுகள் வெடித்ததாக 16 பேர் மீது வழக்குப் பதியப்பட்டது.
சுற்றுச்சூழல் மாசுபடுவதைத் தவிர்ப்பதற்காக தீபாவளி பண்டிகை தினத்தன்று காலை 6 முதல் 7 மணி வரையும், இரவு 7 முதல் 8 மணி வரை மட்டுமே பட்டாசு வெடிக்க வேண்டும் என உச்ச நீதிமன்றம் உத்தரவிட்டது. மற்ற நேரங்களில் வெடிப்பவர்கள் மீது வழக்குப் பதிவு செய்யவும் அந்த உத்தரவில் தெரிவிக்கப்பட்டிருந்தது.
விதிகளை மீறி பட்டாசு வெடிப்பவர்களை மாவட்டத்தில் அந்தந்த காவல் நிலையப் போலீஸார் ரோந்துப் பணியில் ஈடுபட்டு கண்காணித்தனர். அந்த வகையில், மாவட்டம் முழுவதிலும் விதிகளை மீறி பட்டாசு வெடித்ததாக 16 பேர் மீது வழக்குப் பதியப்பட்டது.

 

]]>
http://www.dinamani.com/all-editions/edition-trichy/pudukottai/2018/nov/08/பட்டாசு-வெடித்ததாக-16-பேர்-மீது-வழக்குப்-பதிவு-3034659.html
3034658 திருச்சி புதுக்கோட்டை கபடிப் போட்டி: வெற்றி பெற்ற அணிகளுக்கு பரிசு DIN DIN Thursday, November 8, 2018 03:23 AM +0530
பொன்னமராவதி அருகே ஆலவயலில் தீபாவளி பண்டிகையையொட்டி 28ஆம் ஆண்டு கபடிப் போட்டி செவ்வாய்க்கிழமை நடைபெற்றது.
அம்பாள் கபடிக் குழு சார்பில் நடைபெற்ற போட்டிக்கு ஊர் முக்கியஸ்தர் பெரி.அழகப்பன் தலைமை வகித்தார். அமெச்சூர் கபடி கழக மாவட்ட செயலர் ஆனந்தன் முன்னிலை வகித்தார். மதுரை, திருச்சி, புதுக்கோட்டை, திண்டுக்கல், தஞ்சாவூர் உள்பட பல்வேறு மாவட்டங்களில் இருந்து 51 அணிகள் பங்கேற்றன.
முதலிடத்தை தொட்டியம்பட்டி அணியும், 2ஆம் இடத்தை கந்தர்வகோட்டை மெய்யகுடிப்பட்டி அணியினரும், 3ஆவது இடத்தை குன்றக்குடி அணி பெற்றது.
வெற்றி பெற்றவர்களுக்கு முன்னாள் ஒன்றியக்குழு தலைவர் சி.அழகுசுப்பையா, முன்னாள் ஒன்றியக்குழு உறுப்பினர் அழகப்பன், அம்பாள் கபடிக்குழு தலைவர் மலைக்காளை, துணைத்தலைவர் ராமு, அதிமுக ஊராட்சி செயலாளர் சரவணன் ஆகியோர் பரிசு மற்றும் கோப்பைகளை வழங்கினர்.
அதிமுக ஒன்றியச் செயலாளர் ராம.பழனியாண்டி, முன்னாள் ஊராட்சித் தலைவர் ப.முருகேசன், துணைத்தலைவர் என்.சேகர் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/pudukottai/2018/nov/08/கபடிப்-போட்டி-வெற்றி-பெற்ற-அணிகளுக்கு-பரிசு-3034658.html
3034145 திருச்சி புதுக்கோட்டை புதுக்கோட்டை மாவட்டத்தில் சிவன் கோயில்களில் பிரதோஷ சிறப்பு வழிபாடு DIN DIN Tuesday, November 6, 2018 08:42 AM +0530 புதுக்கோட்டை மாவட்டத்தில் உள்ள சிவன் கோயில்களில் பிரதோஷ சிறப்பு வழிபாடு திங்கள்கிழமை நடைபெற்றது.
புதுக்கோட்டை சாந்தநாத சுவாமி கோயிலில் நந்திக்கு சிறப்பு அபிஷேகம், ஆராதனைகள் நடத்தப்பட்டு, வெள்ளி அங்கி சாத்தப்பட்டு சிறப்பு வழிபாடு நடைபெற்றது. 
திரளான பக்தர்கள் பங்கேற்று வழிபட்டனர். பொன்னமராவதி ஆவுடையநாயகி  சமேத சோழீஸ்வரர் கோயிலில் நந்திக்கு பால், மஞ்சள், இளநீர் உள்ளிட்ட 16 வகையான அபிஷேகங்கள் செய்யப்பட்டு சிறப்பு வழிபாடு நடைபெற்றது. 
அதேபோல, வேந்தன்பட்டி நெய் நந்தீஸ்வரர், புதுப்பட்டி சிவன் கோயில், மேலைச்சிவபுரி மீனாட்சி சொக்கநாதர், புதுக்கோட்டை பிரகதாம்பாள் உள்ளிட்ட சிவன் கோயில்களில் நடைபெற்ற பிரதோஷ வழிபாட்டில் திரளான பக்தர்கள் பங்கேற்று வழிபட்டனர்.
 

]]>
http://www.dinamani.com/all-editions/edition-trichy/pudukottai/2018/nov/06/புதுக்கோட்டை-மாவட்டத்தில்-சிவன்-கோயில்களில்-பிரதோஷ-சிறப்பு-வழிபாடு-3034145.html
3034144 திருச்சி புதுக்கோட்டை 25 லட்சம் பனைவிதைகள் நடும் பணி தீவிரம் DIN DIN Tuesday, November 6, 2018 08:42 AM +0530 புதுக்கோட்டை மாவட்டத்தில் 25 லட்சம் பனைவிதைகள் நடும்பணி நடைபெற்று வருகிறது. 
இதுகுறித்து மாவட்ட ஆட்சியர் சு.கணேஷ் திங்கள்கிழமை வெளியிட்ட செய்திக் குறிப்பு: வடகிழக்கு பருவமழை தொடங்கியுள்ள நிலையில் மரச்செடிகளை நட்டு வளர்ப்பதற்கு தகுந்த சூழ்நிலை தற்போது ஏற்பட்டிருக்கிறது. மாவட்டம் முழுவதிலும் 13 ஊராட்சிகளில் மகாத்மா காந்தி தேசிய ஊரக வேலை உறுதித் திட்ட பணியாளர்கள் மூலம் கடந்த 4 ஆண்டுகளில் மட்டும் வேம்பு, புங்கன், புளியன், பூவரசு, ஆலமரச் செடிகள் உள்ளிட்ட பல்வேறு மரக்கன்றுகள் ஏரி, கண்மாய், குளங்களின் கரைகளில் பெருமளவு மரம் வளர்ப்பு திட்டத்தின் கீழ் 4.02 லட்சமும், சாலையோர மரம் வளர்ப்புத் திட்டத்தின் கீழ் 1.67 லட்சம் மரக்கன்றுகள் நடப்பட்டு பராமரிக்கப்படுகிறது.
2017-18ஆம் ஆண்டில் தமிழகத்திலேயே முதல் முறையாக மாவட்ட நிர்வாகத்தால் பனை விதைகள் நடும் பணி புதுக்கோட்டை மாவட்டத்தில் சிறப்பாக செயல்படுத்தப்பட்டது. அந்த வகையில் தற்போது வடகிழக்கு பருவமழையை பயன்படுத்தி மாவட்டத்தில் 25 லட்சம் பனைவிதைகள் நடும் பணி நடைபெற்று வருகிறது. மனிதனுக்கு இயற்கை அளித்த அற்புதவரம் பனைமரம். இவற்றிலிருந்து நுங்கு, கருப்பட்டி, பதநீர், பனை ஓலைகள் மூலம் பனை விசிறிகள், அழகுசாதனப் பொருள்கள் உள்ளிட்டவை தயாரிக்கப்படுகிறது. 
வறட்சியை தாங்கி வளரக்கூடிய பனைமரங்கள் விதைக்கப்பட்ட 5 முதல் 6 மாதங்களில் வளர்ச்சியடைய ஆரம்பிக்கிறது. இம்மரங்கள் கரிசல், களிமண் மற்றும் மணல் சார்ந்த பகுதிகளில் சிறப்பாக வளரக்கூடியது. 10 அடி இடைவெளியில் நடப்படும் பனை மரக்கொட்டைகள் 40 முதல் 45 சதவீத முளைப்புத்திறன் கொண்டதாக இருக்கிறது. பனைமரத்தின் சல்லிவேர்கள் பரந்து, விரிந்து அடர்த்தியாக வளர்வதால் மண் அரிப்பை அதிக அளவில் தடுக்கிறது. இதன் நடுவேர் 8 முதல் 10 மீட்டர் ஆழம் வரை செல்வதால் மேல்பரப்பில் உள்ள மழைநீரை நிலத்தடிக்கு செலுத்துவதில் குறிப்பிடத்தக்க பங்கு வகிக்கிறது.
மாவட்டத்தில் உள்ள குளங்கள், குட்டைகள், கண்மாய்கள், ஏரிகளின் கரைகளில் பனைவிதைகளை 13 ஊராட்சி ஒன்றியங்களில் ஊரக வேலை உறுதித்திட்ட பணியாளர்கள் மூலம் இதுவரை 10 லட்சம் பனைவிதைகள் நடப்பட்டுள்ளன.
 

]]>
http://www.dinamani.com/all-editions/edition-trichy/pudukottai/2018/nov/06/25-லட்சம்-பனைவிதைகள்-நடும்-பணி-தீவிரம்-3034144.html
3034143 திருச்சி புதுக்கோட்டை பதுக்கி வைக்கப்பட்ட 2,160 மதுபாட்டில்கள் பறிமுதல்: 2 பேர் கைது DIN DIN Tuesday, November 6, 2018 08:41 AM +0530 பொன்னமராவதியில் விற்பனைக்காக வீட்டினுள் பதுக்கி வைக்கப்பட்டிருந்த 2,160 வெளிமாநில மதுபாட்டில்களை மதுவிலக்கு அமல்பிரிவு போலீஸார் பறிமுதல் செய்தனர். இதுதொடர்பாக பார் உரிமையாளர் உள்ளிட்ட இருவர் கைது செய்யப்பட்டனர்.
பொன்னமராவதியில் வெளிமாநில மதுபாட்டில்கள் பதுக்கி வைக்கப்பட்டிருப்பதாக மாவட்ட மதுவிலக்கு அமல்பிரிவு போலீஸாருக்கு தகவல் வந்தது. இதையடுத்து பொன்னமராவதி புதுப்பட்டியில் உள்ள செந்தில்குமார் என்பவரது வீட்டில் ஞாயிற்றுக்கிழமை இரவு சோதனையிடப்பட்டது. அதில் வீட்டினுள் பதுக்கி வைக்கப்பட்டிருந்த 2,160 வெளிமாநில மதுபாட்டில்களை போலீஸார் பறிமுதல் செய்தனர். இதுதொடர்பாக நடத்தப்பட்ட விசாரணையில்,  பொன்னமராவதி-கொப்பனாபட்டி சாலையில் மதுபான பார் வைத்திருக்கும் ப.சுரேஷ்குமார்(42) விற்பனைக்காக மதுபாட்டில்களை பதுக்கிவைத்திருந்தது தெரியவந்தது.  இதையடுத்து, பார் உரிமையாளர் ப.சுரேஷ்குமார், ஊழியர் எஸ்.செந்தில்குமார் (55) ஆகியோர் கைது செய்யப்பட்டனர்.

]]>
http://www.dinamani.com/all-editions/edition-trichy/pudukottai/2018/nov/06/பதுக்கி-வைக்கப்பட்ட-2160-மதுபாட்டில்கள்-பறிமுதல்-2-பேர்-கைது-3034143.html
3034142 திருச்சி புதுக்கோட்டை இந்திய ஜனநாயக வாலிபர் சங்க கிளை துவக்க விழா DIN DIN Tuesday, November 6, 2018 08:41 AM +0530 கந்தர்வகோட்டை ஒன்றியத்துக்குள்பட்ட குரும்பூண்டி கிராமத்தில் இந்திய ஜனநாயக வாலிபர் சங்கத்தின் புதிய கிளை துவக்கவிழா ஞாயிற்றுக்கிழமை நடைபெற்றது.
அங்குள்ள அரசுப் பள்ளி திடலில் நடைபெற்ற துவக்க விழாவிற்கு கிளைத் தலைவர் டி.எம்.தாஸ் தலைமை வகித்தார். செயலாளர் நா.குமரேசன் முன்னிலை வகித்தார். ஒன்றியத் தலைவர் வெ.இளையராஜா சங்க கொடியை ஏற்றி வைத்தார். சங்க தகவல் பலகையினை ஒன்றியச் செயலாளர் மா.லோகேஷ் திறந்து வைத்தார்.  மாநிலக் குழு உறுப்பினர் கோ.பன்னீர்செல்வம், முன்னாள் மாவட்டச் செயலாளர் ஏ.ஸ்ரீதர் உள்ளிட்டோர் பங்கேற்றனர். முடிவில், பொருளாளர் எம்.கனிஸ்கர் நன்றி கூறினார்.

]]>
http://www.dinamani.com/all-editions/edition-trichy/pudukottai/2018/nov/06/இந்திய-ஜனநாயக-வாலிபர்-சங்க-கிளை-துவக்க-விழா-3034142.html
3034141 திருச்சி புதுக்கோட்டை தீபாவளி: கடைவீதிகளில் களைகட்டிய கூட்டம் DIN DIN Tuesday, November 6, 2018 08:41 AM +0530 புதுக்கோட்டை மாவட்டம் முழுவதிலும் கடைவீதிகளில் தீபாவளிப் பண்டிக்கைக்கு தேவையான துணிமணிகள், பட்டாசு உள்ளிட்ட பொருள்களை வாங்கிச் செல்வதற்காக  திங்கள்கிழமை மக்கள் கூட்டம் அதிகளவில் காணப்பட்டது.
பொன்னமராவதி மற்றும் சுற்றுவட்டார கிராமங்களில் இருந்து  திரளான பொதுமக்கள் தீபாவளி பண்டிகையையொட்டி வீட்டிற்குத் தேவையான துணிமணிகள், பட்டாசு, இனிப்பு, பலசரக்கு சாமான்கள் மற்றும் வீட்டு உபயோகப் பொருள்கள் வாங்குவதற்கு அங்குள்ள கடைவீதிகளில் குவிந்தனர். மேலும் திங்கள்கிழமை சிறப்பு சந்தை கூடியதால் காய்கறிகள் வாங்க சந்தைவீதியில் பொதுமக்கள் கூட்டம் அதிகளவில் காணப்பட்டது. போக்குவரத்து நெரிசல் காரணமாக அண்ணாசாலை ஒரு வழிப்பாதையாக அறிவிக்கப்பட்டு பேருந்துகள் வலையபட்டி வழியாக செல்ல அறிவுறுத்தப்பட்டது.  அதேபோல, புதுக்கோட்டை, கந்தர்வகோட்டை, ஆலங்குடி, அறந்தாங்கி உள்ளிட்ட மாவட்டம் முழுவதிலும் கடைவீதிகளில் மக்கள் கூட்டம் அதிகளவில் காணப்பட்டது.
 

]]>
http://www.dinamani.com/all-editions/edition-trichy/pudukottai/2018/nov/06/தீபாவளி-கடைவீதிகளில்-களைகட்டிய-கூட்டம்-3034141.html
3033644 திருச்சி புதுக்கோட்டை ஊக்கத்தொகை பெற தேசிய திறனாய்வுத் தேர்வு DIN DIN Monday, November 5, 2018 08:52 AM +0530 புதுக்கோட்டை மாவட்டத்தில் பத்தாம் வகுப்பு படிக்கும்  மாணவர்களுக்கு உயர்கல்வி ஊக்கத்தொகை பெறுவதற்கான நடைபெற்ற தேசிய திறனாய்வு தேர்வினை 2339 மாணவர்கள் எழுதினர். 
தமிழகம் முழுவதும்  பள்ளிகளில் பத்தாம் வகுப்பு படிக்கும் மாணவர்கள் உயர்கல்வி வரை மத்திய அரசின் உதவித்தொகை பெறுவதற்காக  ஆண்டுதோறும் நவம்பரில் தேசிய திறனாய்வு தேர்வு நடத்தப்படுகிறது. 
அதன்படி புதுக்கோட்டை பிரகதாம்பாள்  அரசு மேல்நிலைப்பள்ளி,  ராணியார் அரசு மகளிர் மேல்நிலைப்பள்ளி, விராலிமலை அரசு ஆண்கள் மேல்நிலைப்பள்ளி, கீரனூர் அரசு ஆண்கள் மேல்நிலைப்பள்ளி, கந்தர்வகோட்டை அரசு ஆண்கள் மேல்நிலைப்பள்ளி, திருமயம் அரசு ஆண்கள் மேல்நிலைப்பள்ளி, அறந்தாங்கி அரசு ஆண்கள் மற்றும் பெண்கள் மேல்நிலைப்பள்ளி,  ஆலங்குடி அரசு ஆண்கள் மற்றும் பெண்கள் மேல்நிலைப்பள்ளி,மணமேல்குடி அரசு  ஆண்கள் மேல்நிலைப்பள்ளி,  ஆவுடையார் கோயில் அரசு மேல்நிலைப்பள்ளி  என 12 தேர்வு மையங்களில் இத் தேர்வு நடைபெற்றது.  2339 மாணவர்கள் தேர்வு எழுதினர், 274  மாணவர்கள் வரவில்லை. 
ஆலங்குடி அரசு ஆண்கள் மற்றும் அரசு பெண்கள் மேல்நிலைப்பள்ளிகளில் நடைபெற்ற தேர்வை மாவட்ட முதன்மைக்கல்வி அலுவலர் இரா. வனஜா பார்வையிட்டு ஆய்வு செய்தார்.

]]>
http://www.dinamani.com/all-editions/edition-trichy/pudukottai/2018/nov/05/ஊக்கத்தொகை-பெற-தேசிய-திறனாய்வுத்-தேர்வு-3033644.html
3033181 திருச்சி புதுக்கோட்டை கடைகளில் கண்காணிப்பு கேமரா அவசியம் DIN DIN Sunday, November 4, 2018 05:08 AM +0530
கடைகளில் கண்காணிப்பு கேமராக்களை அவசியம் வைக்க வேண்டும் என கந்தர்வகோட்டையில் காவல்துறை சார்பில் அறிவுறுத்தப்பட்டுள்ளது.
தீபாவளியையொட்டி கந்தர்வகோட்டை காவல் நிலையத்தில் வர்த்தக சங்கம், காவல்துறை ஆலோசனைக் கூட்டம் சனிக்கிழமை நடைபெற்றது. அப்போது தீபாவளியை முன்னிட்டு, அதிகளவில் பொதுமக்கள் கடைவீதிகளுக்கு வருவர். இவர்களுடன் திருடர்களும் கலந்து பொருள்களைத் திருடக் கூடும். எனவே வர்த்தக நிறுவனங்களில் கண்காணிப்பு கேமராக்கள் அவசியம் வைக்க வேண்டும். மேலும் சந்தேக நபர்கள் குறித்து காவல் துறைக்கு தகவல் தர வேண்டும். மேலும் போக்குவரத்தைப் பாதிக்கும் வகையில் கடைகள் முன் வாகனங்களை நிறுத்த அனுமதிக்கக் கூடாது என வணிகர்களுக்கு அறிவுறுத்தப்பட்டது. ஆலோசனைக் கூட்டத்தில் காவல் ஆய்வாளர் மன்னர்மன்னன், உதவி ஆய்வாளர்கள் பிரபு, பாஸ்கர், கந்தர்வகோட்டை வர்த்தக சங்க நிர்வாகிகள், வர்த்தகர்கள் பங்கேற்றனர்.

 

]]>
http://www.dinamani.com/all-editions/edition-trichy/pudukottai/2018/nov/04/கடைகளில்-கண்காணிப்பு-கேமரா-அவசியம்-3033181.html
3033180 திருச்சி புதுக்கோட்டை அனுமதியின்றி பார் நடத்திய இருவர் கைது DIN DIN Sunday, November 4, 2018 05:08 AM +0530
அன்னவாசல் அருகேயுள்ள கருப்பர்மலை டாஸ்மாக் கடையில் பார் நடத்துவதற்கான உரிமம் கடந்த 3 மாதங்களுக்கு முன் காலாவதியாகியும்,உரிமத்தைப் புதுப்பிக்காமல் தொடர்ந்து பார் இயங்கி வருவதாக அன்னவாசல் போலீஸாருக்கு தகவல் வந்தது.
இதையடுத்து காவல் ஆய்வாளர் சுமதி தலைமையிலான போலீஸார் நடத்திய சோதனையில் அத்தகவல் உறுதியானது. பாரில் இருந்த 6 மது பாட்டில்களை பறிமுதல் செய்த போலீஸார் பார் நடத்திய மோகன் (35) மீது வழக்குப்பதிந்து அவரைக் கைது செய்தனர். இதேபோல அப்பகுதியில் அனுமதியின்றி மது அருந்தும் கூடம் நடத்திய அன்பு (38) என்பவரையும் கைது செய்து விசாரிக்கின்றனர்.

 

]]>
http://www.dinamani.com/all-editions/edition-trichy/pudukottai/2018/nov/04/அனுமதியின்றி-பார்-நடத்திய-இருவர்-கைது-3033180.html
3033179 திருச்சி புதுக்கோட்டை பொன்னமராவதியில் நிலவேம்பு கசாயம் வழங்கும் முகாம் DIN DIN Sunday, November 4, 2018 05:08 AM +0530
பொன்னமராவதியில் பன்றிக் காய்ச்சல், டெங்கு காய்ச்சல் முன் தடுப்பு நடவடிக்கையாக நிலவேம்பு கசாயம் வழங்கும் முகாம் சனிக்கிழமை நடைபெற்றது.
பொன்னமராவதி அரிமா சங்கம்,வலையபட்டி பாப்பாயி அரசு மருத்துவமனை சித்தப்பிரிவு, பொன்னமராவதி கட்டுமானப் பொறியாளர்கள் சங்கம் ஆகியன இணைந்து பேருந்து நிலையம் முன் நடத்திய முகாமுக்கு அரிமா சங்கத் தலைவர் அ. ராமசாமி செல்வம் தலைமை வகித்தார். மருத்துவர் ச. செந்தமிழ்ச்செல்வி முகாமைத் தொடங்கிவைத்தார். சித்த மருத்துவர் டி. தாமரைச்செல்வன் டெங்கு முன் தடுப்பு நடவடிக்கைகளை விளக்கி நிலவேம்பு கசாயம் தயாரித்து வழங்கினார். முகாமில் ஆயிரக்கணக்கான பொதுமக்களுக்கு நிலவேம்பு கசாயம் வழங்கப்பட்டது. கட்டுமான பொறியாளர் சங்கத் தலைவர் சிவ அன்பு இளங்கோ, செயலர் அ. அப்துல் ரஜாக், மண்டலத் தலைவர் எம். ராமநாதன், அரிமா சங்கச் செயலர் ஜோசப் ரவிக்குமார், முன்னாள் தலைவர் அ. தங்கப்பன், வெள்ளைச்சாமி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/pudukottai/2018/nov/04/பொன்னமராவதியில்-நிலவேம்பு-கசாயம்-வழங்கும்-முகாம்-3033179.html
3033178 திருச்சி புதுக்கோட்டை புதுகையில் ஆசிரியர்களுக்கான பயிற்சி நிறைவு DIN DIN Sunday, November 4, 2018 05:08 AM +0530  

புதுதில்லி மத்திய பண்பாடு ஆராய்ச்சி மையம் சார்பில் புதுக்கோட்டை வட்டார வள மையத்தில் நடைபெற்ற ஆசிரியர்களுக்கான 3 நாள் பயிற்சி நிறைவு விழா வெள்ளிக்கிழமை நடைபெற்றது.
விழாவில் மாவட்ட முதன்மைக் கல்வி அலுவலர் இரா. வனஜா பேசுகையில், ஆசிரியர்கள் இதுபோன்ற பயிற்சிகளில் பெற்ற அனுபவத்தை, இந்திய கலாசாரத்தின் பன்முகத் தன்மையை மாணவர்களிடம் கொண்டு செல்ல வேண்டும்.
ஆசிரியர்களும் தங்களை மேம்படுத்திக் கொள்ளவேண்டும் என்றார். பயிற்சியை மாவட்ட கருத்தாளர் இரா. சந்திரசேகரன் ஒருங்கிணைத்தார்.
வட்டார வளமைய மேற்பார்வையாளர் தேவி வரவேற்றார். ஆசிரியை முத்துலெட்சுமி நன்றி கூறினார்.

 

]]>
http://www.dinamani.com/all-editions/edition-trichy/pudukottai/2018/nov/04/புதுகையில்-ஆசிரியர்களுக்கான-பயிற்சி-நிறைவு-3033178.html
3033177 திருச்சி புதுக்கோட்டை அரசுப் பள்ளியில் இலவச கராத்தே பயிற்சி DIN DIN Sunday, November 4, 2018 05:07 AM +0530
அறந்தாங்கி ஒன்றியத்தில் உள்ள ஆவணத்தான்கோட்டை மேற்கு ஊராட்சி ஒன்றிய நடுநிலைப் பள்ளியில் இலவச கராத்தே பயிற்சி வகுப்பு தொடக்க விழா சனிக்கிழமை நடைபெற்றது.
பள்ளி தலைமை ஆசிரியர் கலைச்செல்வி தலைமை வகித்தார். அறந்தாங்கி கராத்தே மாஸ்டர் கார்த்திகேயன் மாணவர்களுக்கு இலவச கராத்தே பயிற்சி வழங்கினார்.திரைப்பட உதவி சண்டை பயிற்சியாளர் ராஜ்கமல் சிறப்பு விருந்தினராக கலந்து கொண்டு மாணவர்களுக்கு கராத்தே நுணுக்கங்களை விளக்கினார். மாணவ, மாணவிகளின் கராத்தே செயல் விளக்கம் நடைபெற்றது. இடைநிலை ஆசிரியர் சுமதி நன்றி கூறினார்.

 

]]>
http://www.dinamani.com/all-editions/edition-trichy/pudukottai/2018/nov/04/அரசுப்-பள்ளியில்-இலவச-கராத்தே-பயிற்சி-3033177.html
3033176 திருச்சி புதுக்கோட்டை சிங்கப்பூர் சில்க் மாலில் குவியும் வாடிக்கையாளர்கள் DIN DIN Sunday, November 4, 2018 05:07 AM +0530
தீபாவளியையொட்டி புதுக்கோட்டை கீழ ராஜவீதியில் உள்ள சிங்கப்பூர் சில்க் மாலில் வாடிக்கையாளர்கள் குவிந்து வருகின்றனர்.
இங்கு ரூ. 2,500-க்கு மேல் ஜவுளிகள் வாங்கும் வாடிக்கையாளர்களுக்கு ரூ. 3 ஆயிரம் முதல் ரூ. 10 ஆயிரம் வரையிலான நிச்சய ஜவுளிகள் அன்பளிப்பாக வழங்கப்படுகிறது. மேலும் சேலை ரகங்கள் ரூ. 175 முதலும், சுடிதார் ரகங்கள் ரூ. 299 முதலும், குழந்தைகள் ஆடைகள் ரூ. 299 முதலும், ஆண்களுக்கான ஆடைகள் ரூ. 399 முதலும் விற்கப்படுகிறது. திருப்புவனம், திகோ சில்க்ஸ் பட்டுப் புடவைகள் 10 சதவீதம் முதல் 50 சதவீதம் வரை தள்ளுபடிவிலையில் விற்கப்படுகின்றன எனக் கூறிய நிறுவனத்தின் நிர்வாக இயக்குநர்கள் முகமது ஜவாஹிர், அன்வர்ராஜா, அஷ்ரப்அலி ஆகியோர் வாடிக்கையாளர்களுக்கு தீபாவளி வாழ்த்துகளையும் தெரிவித்துள்ளனர்.

 

]]>
http://www.dinamani.com/all-editions/edition-trichy/pudukottai/2018/nov/04/சிங்கப்பூர்-சில்க்-மாலில்-குவியும்-வாடிக்கையாளர்கள்-3033176.html
3033154 திருச்சி புதுக்கோட்டை திருமணத்துக்கு வலியுறுத்தியதால் காதலியைக் கொன்றேன் DIN DIN Sunday, November 4, 2018 05:00 AM +0530
புதுக்கோட்டை மாவட்டம் ஆலங்குடி அருகே பெண்ணைக் கொன்றதாக தொடரப்பட்ட வழக்கில் கைது செய்யப்பட்ட இளைஞர் அளித்த வாக்குமூலத்தில் திருமணத்துக்கு வலியுறுத்தியால் ஏற்பட்ட தகராறில் காதலியை அடித்துக் கொன்றதாக தெரிவித்துள்ளார்.
புதுக்கோட்டை மாவட்டம், மழையூர் அருகேயுள்ள அதிரான்விடுதியைச் சேர்ந்தவர் கருப்பையா மகன் நாகராஜ் (27). ஆலங்குடியில் உள்ள உறவினர் வீட்டில் தங்கி சுமை ஆட்டோ  ஓட்டி வந்த இவரும், ஆலங்குடி மருந்தகத்தில் வேலை செய்து வந்த குளமங்கலம் வடக்கு கிராமம் சித்திரைவேலு மகள் கஸ்தூரியும் (19) காதலித்து வந்தனர்.
இந்நிலையில் அக்.28-ல் வேலைக்குச் சென்ற கஸ்தூரி வீடு திரும்பவில்லை. இது குறித்து விசாரித்து வந்த ஆலங்குடி போலீஸார் சந்தேகத்தின்பேரில் நாகராஜை பிடித்து விசாரித்தனர்.
அப்போது, ஆலங்குடி அருகே ஆண்டிகுளத்தில் உள்ள தனது உறவினர் வீட்டுக்கு கஸ்தூரியை அழைத்துச் சென்ற நாகராஜ், அங்கு அவரை பலாத்காரம் செய்துள்ளார். பின்னர், தன்னைத் திருமணம் செய்துகொள்ளுமாறு கஸ்தூரி கேட்டதற்கு, நாம் வெவ்வேறு சமூகத்தைச் சேர்ந்தவர்கள் எனக் கூறி நாகராஜ் மறுப்பு தெரிவித்தாராம்.
பின்னர் இதனால் ஏற்பட்ட வாக்குவாதத்தில் நாகராஜ், கஸ்தூரியை அடித்துக் கொன்று, சடலத்தைக் கட்டி வாகனத்தில் ஏற்றி தஞ்சாவூர் மாவட்டம், மல்லிப்பட்டினம் ஆற்றில் வீசியது தெரியவந்தது.
 இச் சம்பவத்தில் நாகராஜூடன் வேறு சிலரும் ஈடுபட்டிருக்கலாம், அது தொடர்பாக விசாரித்து, சம்பந்தப்பட்டோரை கைது செய்ய வலியுறுத்தி அக்.31-ம் தேதி பனங்குளம் உள்ளிட்ட 6 இடங்களில் சாலை மறியல் போராட்டம் நடைபெற்றது.
இந்த வழக்கில் நாகராஜை கைது செய்த ஆலங்குடி போலீஸார், ஆலங்குடி குற்றவியல் நீதிமன்றத்தில் சனிக்கிழமை அவரை ஆஜர்படுத்தினர். மேலும், கஸ்தூரியின் சடலத்தை மறைக்க உதவியதாக நாகராஜின் உறவினர்களான ஒரு பெண் உட்பட 4 பேர் மீது வழக்குப் பதிந்து தேடுகின்றனர்.

 

]]>
http://www.dinamani.com/all-editions/edition-trichy/pudukottai/2018/nov/04/திருமணத்துக்கு-வலியுறுத்தியதால்-காதலியைக்-கொன்றேன்-3033154.html
3032562 திருச்சி புதுக்கோட்டை வீடு புகுந்து  20 பவுன் நகை, பணம் திருட்டு DIN DIN Saturday, November 3, 2018 08:56 AM +0530 புதுக்கோட்டையில் பூட்டிய வீட்டில் 20 பவுன் நகை, ரூ 1 லட்சத்தைச் திருடிச் சென்ற மர்ம நபர்களை போலீஸார் தேடுகின்றனர்.
புதுக்கோட்டை திருக்கோகர்ணம் வைரம் நகரைச் சேர்ந்தவர் சதாசிவம். ஓய்வு பெற்ற ஆசிரியரான இவர் வெள்ளிக்கிழமை வீட்டைப் பூட்டி சாவியை 
அங்கேயே வைத்துவிட்டு குடும்பத்தினருடன் தீபாவளிக்கு புத்தாடை வாங்க அப்பகுதியில் உள்ள ஜவுளிக்கடைக்குச் சென்றுள்ளார்.
பின்னர் வீடுதிரும்பிய அவர் வீட்டின் கதவு திறந்திருப்பதைக் கண்டு உள்ளே சென்று பார்த்தபோது வீட்டில் இருந்த 20 பவுன் தங்க நகை, ரூ. 1 லட்சம் மாயமானது தெரியவந்தது.  சம்பவம் குறித்து திருக்கோகர்ணம் போலீஸார் விசாரித்து வருகின்றனர்.


 

]]>
http://www.dinamani.com/all-editions/edition-trichy/pudukottai/2018/nov/03/வீடு-புகுந்து--20-பவுன்-நகை-பணம்-திருட்டு-3032562.html
3032559 திருச்சி புதுக்கோட்டை மகாபெரியவர் உத்ஸவர் ரத  ஊர்வலத்துக்கு வரவேற்பு DIN DIN Saturday, November 3, 2018 08:55 AM +0530 கந்தர்வகோட்டைக்கு வந்த மகா பெரியவர் சந்திரசேகரர் சுவாமிகளின் உத்ஸவர் ரத ஊர்வலத்துக்கு பொதுமக்கள், பக்தர்கள் வியாழக்கிழமை இரவு வரவேற்பு அளித்தனர்.
நாகை மாவட்டம், மயிலாடுதுறை அருகிலுள்ள கதிராமங்கலம் கிராமத்தில்  முக்தியடைந்த காஞ்சி மகா பெரியவர் சந்திரசேகர சுவாமிகளுக்கு அமைக்கப்படும் ஆலயத்தில் வைக்க மரத்தாலான மகாபெரியவர் திருமேனியுடன் உள்ள உத்ஸவர் ரதம் புதிதாக மகா பெரியவர் பக்த அமைப்பினரால் உருவாக்கப்பட்டு, அதன்  ஊர்வலம் தனுஷ்கோடியிலிருந்து தொடங்கி , புதுக்கோட்டை வழியாக வியாழக்கிழமை இரவு கந்தர்வகோட்டை கோதண்டராமர் கோயிலை அடைந்தது. அங்கு ரதத்துக்கு மலர் தூவி வரவேற்று சிறப்பு பூஜை செய்து பக்தர்கள், பொதுமக்கள் வழிபட்டனர்.

]]>
http://www.dinamani.com/all-editions/edition-trichy/pudukottai/2018/nov/03/மகாபெரியவர்-உத்ஸவர்-ரத--ஊர்வலத்துக்கு-வரவேற்பு-3032559.html
3032557 திருச்சி புதுக்கோட்டை சுவாமிமலையில் நவ. 13-இல் சூரசம்ஹாரம் DIN DIN Saturday, November 3, 2018 08:55 AM +0530 கும்பகோணம் அருகேயுள்ள சுவாமிமலை முருகன் கோயிலில் கந்தசஷ்டி விழாவையொட்டி சூரசம்ஹாரம் நவ. 13-ம் தேதி நடைபெறவுள்ளது.
பல்வேறு சிறப்புடைய இக்கோயிலில் கந்தசஷ்டி விழா நவ. 7- ம் தேதி இரவு 8 மணிக்கு விக்னேஸ்வர பூஜையுடன் தொடங்குகிறது. தொடர்ந்து 8-ம் தேதி காலை சண்முகசுவாமி நவ வீரர்கள், பரிவாரங்களுடன் உற்சவ மண்டபத்தில் எழுந்தருளுகிறார். தொடர்ந்து 17-ம் தேதி வரை காலை,  மாலை இருவேளையும் சுவாமி வீதியுலா நடைபெறவுள்ளது.விழாவின் முக்கிய நிகழ்வாக நவ. 13-ம் தேதி பகல் 11 மணிக்கு 108 சங்காபிஷேகமும், மாலை 5.30 மணிக்கு சிறப்பு தீபாராதனையும்,  6 மணிக்கு தங்கமயில் வாகனத்தில் சுவாமி புறப்பட்டு அம்பாளிடத்தில் சக்திவேல் வாங்கி சூரசம்ஹாரத்துக்கு புறப்படும் நிகழ்ச்சியும்,  இரவு 8 மணிக்கு சன்னதி தெரு மற்றும் தெற்கு வீதியில் சூரசம்ஹாரம் நிகழ்ச்சியும் நடைபெறவுள்ளது.

]]>
http://www.dinamani.com/all-editions/edition-trichy/pudukottai/2018/nov/03/சுவாமிமலையில்-நவ-13-இல்-சூரசம்ஹாரம்-3032557.html
3032555 திருச்சி புதுக்கோட்டை சாலைச் சீரமைப்பு கோரி மார்க்சிஸ்ட் ஆர்ப்பாட்டம் DIN DIN Saturday, November 3, 2018 08:55 AM +0530 அறந்தாங்கி அருகே கொடிவயல் கிராமத்தில் சாலைச் சீரமைப்பு கோரி மார்க்சிஸ்ட் கம்யூனிஸ்ட் கட்சி சார்பில்  வெள்ளிக்கிழமை ஆர்ப்பாட்டம் நடைபெற்றது.
கொடிவயல்  மேற்கில் துவங்கி காலகம்  இணைப்பு சாலை வரை  உள்ள குண்டும்  குழியுமாக உள்ள தார்ச்சாலையை உடனே செப்பனிட வேண்டும், கொடிவயல் கிழக்கு பகுதியில் இடிந்த நீர் தேக்க தொட்டியை அதே இடத்திலேயே அமைத்து குடிநீர் பிரச்னையை தீர்க்க வேண்டும்,  ரெட்டவயல் முதல் திருச்சி வரை இயங்கி வந்த அரசுப் பேருந்தை மீண்டும் இயக்க வேண்டும். கொடிவயல் கிழக்கு பகுதியில்  நிழல் குடை அமைக்க வேண்டும், சுப்பிரமணியபுரம் அரசு மருத்துவமனையை தாலுகா மருத்துவமனையாக தரம் உயர்த்த வேண்டும் உள்ளிட்ட கோரிக்கைகளை வலியுறுத்தி இந்த  ஆர்ப்பாட்டம் நடந்தது. கிளைச் செயலர் எம். தர்மராஜ் தலைமை வகித்தார். விவசாயிகள் சங்க நிர்வாகிகள்  செல்லமுத்து, மணிகண்டன், முருகன், குணசேகரன் உள்ளிட்டோர் முன்னிலை வகித்தனர்.
கட்சியின் மாநிலக் குழு  உறுப்பினர் எம். சின்னதுரை, மாவட்டசெயலர் எஸ். கவிவர்மன், விவசாயத் தொழிலாளர்கள் சங்க மாவட்டத் தலைவர் ஆ. பாலசுப்பிரமணியன், தாலுகா செயலர் தென்றல் கருப்பையா, அறந்தாங்கி நகர செயலர் க. தங்கராஜ்  உள்ளிட்டோர் பேசினர்.
 

]]>
http://www.dinamani.com/all-editions/edition-trichy/pudukottai/2018/nov/03/சாலைச்-சீரமைப்பு-கோரி-மார்க்சிஸ்ட்-ஆர்ப்பாட்டம்-3032555.html
3032553 திருச்சி புதுக்கோட்டை சத்துணவு ஊழியர்களுக்கு ஆதரவாக அரசு ஊழியர் சங்கத்தினர் ஆர்ப்பாட்டம் DIN DIN Saturday, November 3, 2018 08:54 AM +0530 புதுக்கோட்டை மாவட்ட ஆட்சியர் அலுவலக வளாகத்தில் தொடர் போராட்டம் நடத்திவரும் சத்துணவு ஊழியர்களுக்கு ஆதரவாக தமிழ்நாடு அரசு ஊழியர் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.
காலமுறை ஊதியம், குடும்ப பாதுகாப்புடன் ஒய்வூதியம் உள்ளிட்ட பல்வேறு கோரிக்கைகளை வலியுறுத்தி தொடர் போராட்டம் நடத்திவரும் தமிழ்நாடு சத்துணவு ஊழியர்களை ஆதரித்து தமிழ்நாடு அரசு ஊழியர் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.  வட்டத் தலைவர் மதன்குமார் தலைமை வகித்தார். மாவட்ட துணைத் தலைவர் ரமா. ராமநாதன், நிர்வாகிகள் 
செல்வமீனாள், சீனிவாசன் உள்ளிட்டோர் கோரிக்கைகளை விளக்கினர்.
பொன்னமராவதியில்... பொன்னமராவதி ஊராட்சி ஒன்றிய அலுவலகம் முன் வெள்ளிக்கிழமை பல்வேறு கோரிக்கைகளை வலியுறுத்தி தமிழ்நாடு சத்துணவு ஊழியர் சங்கத்தினர் ஆர்ப்பாட்டத்தில் ஈடுபட்டனர். சத்துணவு ஊழியர்களை முழுநேர ஊழியர்களாக அறிவித்து வரையறுக்கப்பட்ட காலமுறை ஊதியம் வழங்க வேண்டும். குடும்பப் பாதுகாப்புடன் கூடிய ஓய்வூதியம் வழங்க வேண்டும் என்பன உள்ளிட்ட  கோரிக்கைகளை வலியுறுத்தி சத்துணவு ஊழியர்கள் கடந்த 26-ம் தேதி முதல் போராட்டத்தில் ஈடுபட்டு வருகின்றனர். அதன்படி பொன்னமராதியில் ஊராட்சி ஒன்றிய அலுவலகம் முன் சங்கத் தலைவர் மகாராஜன் தலைமையில் ஆர்ப்பாட்டத்தில் ஈடுபட்டனர்.

]]>
http://www.dinamani.com/all-editions/edition-trichy/pudukottai/2018/nov/03/சத்துணவு-ஊழியர்களுக்கு-ஆதரவாக-அரசு-ஊழியர்-சங்கத்தினர்-ஆர்ப்பாட்டம்-3032553.html
3032551 திருச்சி புதுக்கோட்டை கல்லறைக்கு செல்ல அனுமதி மறுப்பு: மூதாதையர்களுக்கு சாலையிலேயே அஞ்சலி DIN DIN Saturday, November 3, 2018 08:54 AM +0530 புதுக்கோட்டை அருகேயுள்ள பாலாண்டாம்பட்டியில் நடைபெற்ற கல்லறை திருவிழாவில் மூதாதையர்களுக்கு அஞ்சலி செலுத்த சென்ற தலித் கிறிஸ்தவர்கள் தடுத்து நிறுத்தப்பட்டதால் சாலையிலேயே அவர்கள் அஞ்சலி செலுத்தினர்.
புதுக்கோட்டை மாவட்டம், கீரனூர் அருகேயுள்ளது பாலாண்டாம்பட்டி. இங்குள்ள தலித் கிறிஸ்தவர்களின் கல்லறைக்கு செல்லும் பாதை தனியாருக்குச் சொந்தமானதால் கடந்த 2 ஆண்டுகளுக்கு  முன் பட்டாதாரர்களால் அடைக்கப்பட்டது. கல்லறைக்கு பொதுப்பாதை இருந்தும் அனுமதிக்கவில்லை. எனவே பொதுப்பாதையில் கல்லறைக்கு செல்ல அனுமதிக்க மாவட்ட ஆட்சியர் உள்ளிட்ட அதிகாரிகளிடம் பலமுறை மனு கொடுத்தும் நடவடிக்கை இல்லையாம். 
இந்நிலையில் கல்லறை திருநாளான வெள்ளிக்கிழமை தலித் கிறிஸ்தவர்கள் தங்கள் மூதாதையர்கள் நினைவிடத்தில் அஞ்சலி செலுத்த வந்தபோது வழியிலேயே போலீஸார் அவர்களைத் தடுத்து நிறுத்தினராம். 
இதனால் சாலையிலேயே மண்மேடுகளை உருவாக்கி சிலுவைகளை வைத்து வழிபட்டு மூதாதையர்களுக்கு அஞ்சலி செலுத்தினர்.

]]>
http://www.dinamani.com/all-editions/edition-trichy/pudukottai/2018/nov/03/கல்லறைக்கு-செல்ல-அனுமதி-மறுப்பு-மூதாதையர்களுக்கு-சாலையிலேயே-அஞ்சலி-3032551.html
3032549 திருச்சி புதுக்கோட்டை ஐயப்ப சுவாமிக்கு சிறப்பு அபிஷேகம் DIN DIN Saturday, November 3, 2018 08:54 AM +0530 புதுக்கோட்டை கீழ 3-ஆம் வீதியுள்ள பாகவதர் நாம சர்வ கீர்த்தன மண்டபத்தில் உள்ள ஐயப்ப சுவாமிக்கு சிறப்பு அபிஷேக, ஆராதனை வெள்ளிக்கிழமை நடைபெற்றது.
தர்மசாஸ்த சேவாசமாஜம் சார்பில் உலக நன்மைக்காக பால், பன்னீர், இளநீர் உள்ளிட்ட சிறப்பு அபிஷேகம், தீபஆராதனை நடைபெற்றது.  நிர்வாகிகள் ரமணன், கண்ணன்,சுந்தர்ராஜன் மற்றும் பக்தர்கள் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/03/ஐயப்ப-சுவாமிக்கு-சிறப்பு-அபிஷேகம்-3032549.html
3032547 திருச்சி புதுக்கோட்டை முத்தமிழ்ப் பாசறை செயற்குழு கூட்டம் DIN DIN Saturday, November 3, 2018 08:53 AM +0530 பொன்னமராவதி முத்தமிழ்ப்பாசறை செயற்குழு மற்றும் அறங்காவலர் குழு கூட்டம் வியாழக்கிழமை நடைபெற்றது.
பாசறை தலைவர் அரு.வே. மாணிக்கவேலு தலைமைவகித்தார். அறங்காவலர் குழுத் தலைவர் மருத்துவர் மு. சின்னப்பா, முன்னாள் தலைவர்கள் மூ.சு. நடராஜன், மருத்துவர் எஸ். மதியழகன் ஆகியோர் முன்னிலை வகித்தனர். 
செயலர் அ. தட்சிணாமூர்த்தி வரவேற்றார். கூட்டத்தில் வரும் 2019-21ஆம் ஆண்டுக்கான புதிய நிர்வாகிகளில் தலைவராக நெ.ரா. சந்திரன், செயலராக பெ. சதாசிவம், பொருளராக சி.சு. முருகேசன் ஆகியோர் தேர்வு செய்யப்பட்டனர். கூட்டத்தில் தமிழர் திருநாள், பொதுக்குழு நடத்துவது குறித்து ஆலோசிக்கப்பட்டது. மேலும் மொழிவழி மாநிலமாக தமிழகம் உருவான நாளையொட்டி இனிப்பு வழங்கப்பட்டது.

 
 

]]>
http://www.dinamani.com/all-editions/edition-trichy/pudukottai/2018/nov/03/முத்தமிழ்ப்-பாசறை-செயற்குழு-கூட்டம்-3032547.html
3031955 திருச்சி புதுக்கோட்டை கிராமங்களைத் தத்தெடுக்க கூடுதல் நிதி ஒதுக்க வேண்டும் DIN DIN Friday, November 2, 2018 09:27 AM +0530 கிராமங்களைத் தத்தெடுக்க மத்திய அரசு கூடுதல் நிதி ஒதுக்க வேண்டும் என்றார் மக்களவைத் துணைத் தலைவர் மு. தம்பிதுரை.
புதுக்கோட்டை மாவட்டம், விராலிமலை சட்டப்பேரவைத் தொகுதிக்குட்பட்ட பல்வேறு பகுதிகளில் வியாழக்கிழமை பொதுமக்களிடமிருந்து மனுக்களைப் பெற்றுக்கொண்ட அவர் மேலும் பேசியது:
இரும்பு மனிதர் சர்தார் வல்லபபாய் படேலுக்கு மத்திய அரசு சிலை திறந்திருப்பது வரவேற்கத்தக்கது. மத்திய அரசுத் திட்டங்களாக இருந்தாலும் அவற்றை மாநில அரசுதான் செயல்படுத்த வேண்டும். எல்லாத் திட்டங்களும் மத்திய அரசு திட்டங்கள் என்ற தோற்றத்தை ஏற்படுத்தி வருகின்றனர். மக்களின் வரிப் பணத்தில் தான் திட்டங்களைச் செய்து வருகிறோம்.  
தேர்தலுக்கான தொகுதி பொறுப்பாளர்களை நியமித்து தேர்தல் பணிகளைத் தொடங்கி விட்டோம். 20 தொகுதிகளிலும் அதிமுகவே வெற்றி பெறும். தமிழக அரசு சிறப்பாகச் செயல்படுகிறது.  தமிழகத்துக்கு வர வேண்டிய ரூ. 18 ஆயிரம் கோடியை மத்திய அரசு உடனடியாக வழங்க வேண்டும்.
மத்திய அரசின் திட்டமான கிராமங்களைத் தத்தெடுக்கும் திட்டத்துக்கு போதிய நிதியை மத்திய அரசு வழங்கவில்லை.  எம்பி தொகுதி நிதி ரூ. 5 கோடியில் இருந்துதான் நான் கிராமங்களைத் தத்தெடுக்க நிதி ஒதுக்கி வருகிறேன். இத்திட்டத்துக்கு உடனடியாக மத்திய அரசு கூடுதல் நிதி ஒதுக்க வேண்டும் என்றார் அவர்.  தமிழக சுகாதாரத் துறை அமைச்சர் சி. விஜயபாஸ்கர் உடனிருந்தார்.

]]>
http://www.dinamani.com/all-editions/edition-trichy/pudukottai/2018/nov/02/கிராமங்களைத்-தத்தெடுக்க-கூடுதல்-நிதி-ஒதுக்க-வேண்டும்-3031955.html
3031903 திருச்சி புதுக்கோட்டை கொடும்பாளூரில் அரிய கல்வெட்டுகள் கண்டுபிடிப்பு DIN DIN Friday, November 2, 2018 08:57 AM +0530 இந்திய அரசின் கலை மற்றும் பண்பாட்டு அமைச்சகத்தின் சார்பில் புதுக்கோட்டை ஆசிரியர்களுக்கு கொடும்பாளூர் முதுகுன்றமுடையார் கோயிலில் நடைபெற்ற பயிற்சியில் 2 துண்டு கல்வெட்டுக்கள் கண்டுபிடிக்கப்பட்டன.
இந்திய அரசின் கலை மற்றும் பண்பாட்டு அமைச்சகத்தின் சார்பில் புதுக்கோட்டை மாவட்ட ஆசிரியர்களுக்கு 3 நாள் கலை, பண்பாட்டு பயிற்சி புதுக்கோட்டை வட்டார வள மையத்தில் மாவட்டக் கருத்தாளர் சந்திரசேகரன் ஒருங்கிணைப்பில் நடைபெறுகிறது.
2-ஆம் நாள் பயிற்சியில் கருத்தாளர்களாக புதுகை தொல்லியல் ஆய்வுக் கழக நிர்வாகிகள் கரு. ராஜேந்திரன், மணிகண்டன் ஆகியோர் பங்கேற்று கொடும்பாளூர் மூவர் கோயில், ஐவர் கோயில், முதுகுன்றமுடையார்  கோயில்களின் வரலாற்றுப் பின்னணிகளை பகிர்ந்து கொண்டனர்.
முதுகுன்றமுடையார் கோயிலில் நடந்த பயிற்சியின்போது எதிர்பாராதவிதமாக மறைந்து கிடந்த 2 துண்டுக் கல்வெட்டுகள் கண்டுபிடிக்கப்பட்டன.
இதுகுறித்து தொல்லியல் ஆய்வுக்கழக நிர்வாகிகள் கரு. ராஜேந்திரன், மணிகண்டன் ஆகியோர் கூறியது:புதுக்கோட்டை மாவட்டத்தில் வரலாற்றுச் சிறப்புமிக்க மூவர்கோயில் பூதி விக்கிரம கேசரியாலும், முதுகுன்றமுடையார் கோயில் என கல்வெட்டுகளில் காணப்படும் முசுகுந்தேஸ்வரர் கோயில் மகிமாலய இருக்குவேள் என்பவரால் முதலாம் பராந்தகன் காலத்திலும் கட்டப்பட்டது. மணிக்கிராமம் என்னும் வணிகக் குழுவின் தலைநகராக விளங்கிய கொடும்பாளுர் வரலாற்றுச் சிறப்பு மிக்க ஊராகும். இவ்வூரில் பல நூற்றுக்கணக்கான வரலாற்றுச் சான்றுகள் அறியப்படாமலேயே உள்ளன. 
அதில் ஒரு பகுதியாக இந்த துண்டுக் கல்வெட்டுகள் கிடைத்துள்ளன.
அவை குலோத்துங்கச் சோழரின் 17-ஆவது ஆட்சியாண்டில் பொறிக்கப்பட்ட முற்றுபெறாத துண்டுக் கல்வெட்டு, வணிகக்குழுவின் கல்வெட்டு எனத் தெரியவந்தது என்றனர்.  ஆசிரியர்கள் பயிற்சியில் அரிய கல்வெட்டுக்கள் கிடைத்தது ஆசிரியர்களை மகிழ்ச்சியடைய செய்துள்ளது.
 

]]>
http://www.dinamani.com/all-editions/edition-trichy/pudukottai/2018/nov/02/கொடும்பாளூரில்-அரிய-கல்வெட்டுகள்-கண்டுபிடிப்பு-3031903.html
3031900 திருச்சி புதுக்கோட்டை ஒப்பந்த துப்புரவு தொழிலாளர்கள் ஆர்ப்பாட்டம் DIN DIN Friday, November 2, 2018 08:56 AM +0530 அறந்தாங்கி நகராட்சி அலுவலகம் முன் நகராட்சி துப்புரவு ஒப்பந்தத் தொழிலாளர்கள் வியாழக்கிழமை ஆர்ப்பாட்டம் நடத்தினர்.
அறந்தாங்கி நகராட்சியில் வேலை பார்க்கும் துப்புரவு ஒப்பந்த தொழிலாளர்களுக்கு மாவட்ட நிர்வாகம்  அறிவுறுத்தியபடி  ஊதியம் மற்றும் நிலுவைத் தொகையை  உடனே வழங்க வேண்டும்.
பண மோசடி செய்த  நகராட்சி துப்புரவுப் பணி ஒப்பந்தாரர் இளையராஜாவை கைது செய்து மோசடிபணத்தை பறிமுதல் செய்ய வேண்டும்  என்பன உள்ளிட்ட கோரிக்கைகளை வலியுறுத்தி நடைபெற்ற ஆர்ப்பாட்டத்துக்கு துப்பரவு ஒப்பந்த தொழிலாளர்கள் கிளைச் செயலர்  அ. கணேசன் தலைமை வகித்தார். மாவட்ட செயலர் பா. சண்முகம்,  மார்க்சிஸ்ட் கம்யூ. மாவட்ட குழு உறுப்பினர் ஆ. பாலசுப்பிரமணியன், நகர செயலர் க. தங்கராசு, இந்திய ஜனநாயக வாலிபர் சங்க மாவட்டத் தலைவர் ஆர். கர்ணா உள்ளிட்டோர் உரையாற்றினர்.

]]>
http://www.dinamani.com/all-editions/edition-trichy/pudukottai/2018/nov/02/ஒப்பந்த-துப்புரவு-தொழிலாளர்கள்-ஆர்ப்பாட்டம்-3031900.html
3031898 திருச்சி புதுக்கோட்டை மணல் குவாரிக்கு நூதன முறையில் எதிர்ப்பு DIN DIN Friday, November 2, 2018 08:56 AM +0530 அறந்தாங்கி அருகே  அழியாநிலையில் மணல் குவாரி அமைப்பதைக் கண்டித்து 6-வது நாளாக வியாழக்கிழமை நடந்த காத்திருப்பு போராட்டத்தில் மாட்டிடம் மனு அளித்து நூதன முறையில் எதிர்ப்பு தெரிவித்தனர்.
அழியாநிலை கிராம  வெள்ளாற்றில் அரசு சார்பில் மணல் குவாரி அமைக்க  பொதுப் பணித்துறையினர்  ஆரம்பக் கட்ட பணிகளில் ஈடுபட்டனர்.  இதைக் கண்டித்து ஆலங்குடி எம்எல்ஏ  சிவ.வீ. மெய்யநாதன் தலைமையில்  பொதுமக்கள் காத்திருப்பு போராட்டத்தில் ஈடுபட்டுள்ளனர்.  வியாழக்கிழமை மாட்டிடம் மனு அளித்து நூதனப் போராட்டத்தில் ஈடுபட்டனர். இதுகுறித்து  எம்.எல்.ஏ.மெய்யநாதன் கூறுகையில்  மக்களின் எதிர்ப்பை தொடர்ந்து சில மாதங்களுக்கு முன் மணல்குவாரி அமைக்கவில்லை என மாவட்ட நிர்வாகம்  உறுதியளித்தது.  ஆனால் மீண்டும் அளவிடும் பணி நடைபெற்றுள்ளது. கடந்த 6 நாட்களாக  போராட்டம் நடத்தியும் அதிகாரிகள்  இதுவரை வரவில்லை.  இதை கண்டித்து  மாட்டிடம் கிராம மக்கள் மனு கொடுத்து தங்கள் எதிர்ப்பைத் தெரிவித்தனர் என்றார்.
 

]]>
http://www.dinamani.com/all-editions/edition-trichy/pudukottai/2018/nov/02/மணல்-குவாரிக்கு-நூதன-முறையில்-எதிர்ப்பு-3031898.html
3031897 திருச்சி புதுக்கோட்டை பள்ளியில் பாரம்பரிய உணவுத் திருவிழா DIN DIN Friday, November 2, 2018 08:55 AM +0530 பொன்னமராவதி அருகேயுள்ள பிடாரம்பட்டி ஊராட்சி ஒன்றியத் தொடக்கப்பள்ளியில் இயற்கை மற்றும் பாரம்பரிய உணவு வகைகளை கொண்ட உணவுத் திருவிழா வியாழக்கிழமை நடைபெற்றது.
வட்டாரக் கல்வி அலுவலர்கள் சே. ராமதிலகம், பால் டேவிட் ரொசாரியோ, வட்டார வள மைய மேற்பார்வையாளர் ஆர். செல்வக்குமார் ஆகியோர் முன்னிலை வகித்தனர். 
பள்ளி தலைமையாசிரியர் ஜி. பார்த்தசாரதி வரவேற்றார். 
விழாவில் மாணவர்கள் 52 வகையான பாரம்பரிய உணவுகளை தயாரித்து காட்சிப்படுத்தியிருந்தனர். முருங்கை தேநீர், கம்பு புட்டு, வரகுசாதம் போன்ற தயாரிப்புகள் வரவேற்பை பெற்றன. ஆசிரியர் சக்திவேல்முருகன் நன்றிகூறினார்.

]]>
http://www.dinamani.com/all-editions/edition-trichy/pudukottai/2018/nov/02/பள்ளியில்-பாரம்பரிய-உணவுத்-திருவிழா-3031897.html
3031895 திருச்சி புதுக்கோட்டை சுற்றுச்சூழல் விழிப்புணர்வுப் பேரணி DIN DIN Friday, November 2, 2018 08:55 AM +0530 தீபாவளியையொட்டி பட்டாசு வெடிப்பதால் ஏற்படும் மாசு மற்றும் சுற்றுச்சூழல் குறித்த விழிப்புணர்வுப் பேரணி செயல் விளக்க முகாம் அன்னவாசல் அருகேயுள்ள கீழக்குறிச்சி அரசு மேல்நிலைப்பள்ளி வளாகத்தில் வியாழக்கிழமை நடைபெற்றது.
இலுப்பூர் மாவட்டக் கல்வி அலுவலர் குணசேகரன் தலைமை வகித்தார். உதவித் தலைமை ஆசிரியர் சந்திரபோஸ் முன்னிலை வகித்தார். பேரணியைத் தொடக்கிவைத்து மாவட்டச் சுற்றுச்சூழல் மற்றும் மாசுக் கட்டுப்பாட்டு வாரிய பொறியாளர் காமராசு, பாரதிதாசன் பல்கலை. பேராசிரியர் குபேந்திரன், அறக்கட்டளை இயக்குநர் சுப்பிரமணியன் ஆகியோர் சிறப்புரை ஆற்றினர்.  இலுப்பூர் தீயணைப்பு நிலைய அலுவலர் கருணாநிதி பள்ளி மாணவ, மாணவியர் மத்தியில், தீ தடுப்பு செயல்விளக்கம் அளித்தார். மாணவர்கள் பட்டாசுகளைக் கையாளும் விதம் குறித்து  விழிப்புணர்வு ஒத்திகை நடந்தது. தீபாவளியின்போது தீ விபத்து ஏற்பட்டால் காத்துக் கொள்ள வேண்டிய முன்னெச்சரிக்கை குறித்து, செயல்விளக்கம் செய்யப்பட்டது.
 மாணவர்கள் பட்டாசுகளை கவனமாக கையாள வேண்டும். பருத்தி ஆடைகளையே அணிய வேண்டும். பெரியோர் மேற்பார்வையில்தான் பட்டாசு வெடிக்க  வலியுறுத்தப்பட்டது. தொடர்ந்து விழிப்புணர்வு துண்டுப் பிரசுரங்கள் விநியோகிக்கப்பட்டன.

]]>
http://www.dinamani.com/all-editions/edition-trichy/pudukottai/2018/nov/02/சுற்றுச்சூழல்-விழிப்புணர்வுப்-பேரணி-3031895.html
3031893 திருச்சி புதுக்கோட்டை சத்துணவு ஊழியர்கள் ஆர்ப்பாட்டம் DIN DIN Friday, November 2, 2018 08:55 AM +0530 புதுக்கோட்டை மாவட்டத்தில் பல்வேறு கோரிக்கைகளை வலியுறுத்தி ஊராட்சி ஒன்றிய அலுவலகங்கள் முன்  சத்துணவு ஊழியர்கள் ஆர்ப்பாட்டத்தில் ஈடுபட்டனர்.
முழுநேர  ஊழியர்களாக அறிவித்து வரையறுக்கப்பட்ட காலமுறை ஊதியம் வழங்க வேண்டும். குடும்பப் பாதுகாப்புடன் கூடிய ஒய்வூதியம் வழங்க வேண்டும் என்பன உள்ளிட்ட  கோரிக்கைகளை வலியுறுத்தி தமிழ்நாடு சத்துணவு ஊழியர்கள் சங்கத்தினர் தமிழகம் முழுவதும் 26-ஆம் தேதி தொடங்கி பல்வேறு போராட்டங்களில் ஈடுபட்டு வருகின்றனர். போராட்டத்தின் தொடர்ச்சியாக ஊராட்சி ஒன்றிய அலுவலகங்கள் முன் வியாழக்கிழமை ஆர்ப்பாட்டத்தில் ஈடுபட்டனர்.  புதுக்கோட்டையில் சுப.சக்திவேல் தலைமையில்  நடந்த ஆர்ப்பாட்டத்தில் மாவட்ட துணைத் தலைவர் கு. ராஜமாணிக்கம் கோரிக்கை விளக்க உரையாற்றினார். அதுபோல பொன்னமராவதியில் சங்கத் தலைவர் மகாராஜன் தலைமையில் ஆர்ப்பாட்டத்தில் ஈடுபட்டனர்.
கந்தர்வகோட்டையில்.. கந்தர்வகோட்டையில் சத்துணவு பணியாளர்கள் தொடர் போராட்டமாக கருப்புச் சட்டை அணிந்து ஒன்றிய அலுவலகத்தை முற்றுகையிட்டு ஆர்ப்பாட்டம் செய்தனர்.  
சத்துணவு ஊழியர் சங்க ஒன்றியத் தலைவர் யு . உலகநாதன் தலைமை வகித்தார்.  ஒன்றியச் செயலர் மரியசெல்வம் , சீதாலெட்சுமி, கன்னிகா ஆகியோர் முன்னிலை வகித்தனர். கோரிகை விளக்கவுரையை எம் . செல்வக்குமார் வாசித்தார் .  ஆர்ப்பாட்டத்தில் சத்துணவு ஊழியர் சங்க மாவட்டத் தலைவர் காமராஜ் பேசினார்.  மாவட்ட துணைத் தலைவர் செல்லதுரை, பாஸ்கர்  உள்ளிட்ட 100-க்கும் மேற்பட்டோர்  கலந்துகொண்டனர்.
 

]]>
http://www.dinamani.com/all-editions/edition-trichy/pudukottai/2018/nov/02/சத்துணவு-ஊழியர்கள்-ஆர்ப்பாட்டம்-3031893.html
3031210 திருச்சி புதுக்கோட்டை அரசுப் பள்ளியில் விபத்தில்லா தீபாவளி செயல்விளக்கம் DIN DIN Thursday, November 1, 2018 08:44 AM +0530 அறந்தாங்கி அருகே பூவைமாநகர் அரசு மேல்நிலைப் பள்ளியில்  தீயணைப்பு, மீட்பு பணித் துறை சார்பில்  விபத்தில்லா தீபாவளியை கொண்டாடுவது குறித்து செயல்விளக்கம் புதன்கிழமை நடைபெற்றது.
பள்ளித் தலைமை ஆசிரியர் வே. அய்யாக்கண்ணு தலைமை வகித்தார்.  உதவித் தலைமை ஆசிரியர் வெள்ளைச்சாமி முன்னிலை வகித்தார்.
நிகழ்ச்சியில்  பாதுகாப்பாக விபத்தில்லா தீபாவளியை கொண்டாடுவது குறித்தும்  பட்டாசுகளை எவ்வாறு வெடிப்பது என்பது குறித்தும் அறந்தாங்கி தீயணைப்பு நிலைய அலுவலர்  மோகன்  செயல்விளக்கத்துடன் விளக்கினார். மேலும்  எளிதில் தீப்பற்றக் கூடிய பொருள்கள் இருக்கும் இடங்களில் பட்டாசு வெடிக்கக் கூடாது என்றும் கூறினார்.
நிகழ்ச்சியில்  ஆசிரியர்கள் தெய்வேந்திரன், மான்விழி, மல்லிகா,  மணி, சசிக்குமார், பழனியப்பன் மற்றும்  மாணவர்கள் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/01/அரசுப்-பள்ளியில்-விபத்தில்லா-தீபாவளி-செயல்விளக்கம்-3031210.html
3031209 திருச்சி புதுக்கோட்டை அன்னவாசல் அருகே பிடிபட்ட மலைப்பாம்பு  DIN DIN Thursday, November 1, 2018 08:44 AM +0530 அன்னவாசல் அருகே புதன்கிழமை காலை வீட்டுத்தோட்டத்துக்கு வந்த மலைப்பாம்பை பிடித்து வனப்பகுதியில் விட்டனர். 
அன்னவாசல் அருகே உள்ள குளவாய்ப்பட்டியைச் சேர்ந்த செல்வராஜ் வீட்டிற்கு பின்புறம் உள்ள தோட்டத்தில் கோழி கத்தும் சத்தம் கேட்டது. அப்போது அங்கு சென்று பார்த்தபோது சுமார் 10 அடி நீளமுள்ள மலைப்பாம்பு கோழியை விழுங்கி கொண்டிருந்தது தெரியவந்தது.  
இதையடுத்து அக்கம்பக்கத்தினர் உதவியுடன் மலைப்பாம்பை பிடித்து வனப்பகுதியில் விட்டனர்.

]]>
http://www.dinamani.com/all-editions/edition-trichy/pudukottai/2018/nov/01/அன்னவாசல்-அருகே-பிடிபட்ட-மலைப்பாம்பு-3031209.html
3031208 திருச்சி புதுக்கோட்டை சிலட்டூரில் மக்கள் தொடர்பு முகாம் DIN DIN Thursday, November 1, 2018 08:43 AM +0530 அறந்தாங்கி  தாலுகா சிலட்டூர்  கிராமத்தில்  மக்கள் தொடர்பு முகாம் புதன்கிழமை நடைபெற்றது.
மாவட்ட ஆட்சியரின் கூடுதல் நேர்முக உதவியாளர் (நிலங்கள்) கு. ராஜன் தலைமையில் நடைபெற்ற முகாமில்  83 பயனாளிகளுக்கு நலத்திட்ட உதவிகள் வழங்கப்பட்டன. 
முகாமில்  அறந்தாங்கி வட்டாட்சியர் க. கருப்பையா, தனி வட்டாட்சியர் (ஆதிதிராவிடர் நலத் துறை) சி. பவானி, தனி வட்டாட்சியர் (கூடுதல் பாதுகாப்பு திட்டம்)  செல்வவிநாயகம், சிலட்டூர் வருவாய்  ஆய்வாளர் பாலமுருகன்,  விஏஓக்கள், உதவியாளர்கள் மற்றும் அனைத்து துறை  அலுவலர்கள் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/01/சிலட்டூரில்-மக்கள்-தொடர்பு-முகாம்-3031208.html
3031207 திருச்சி புதுக்கோட்டை தச்சம்பட்டி கோயிலில் மண்டலபூஜை DIN DIN Thursday, November 1, 2018 08:43 AM +0530 பொன்னமராவதி அருகேயுள்ள திருக்களம்பூர் ஊராட்சி தச்சம்பட்டி சுப்பிரமணியர் கோயில், ஞானபண்டிதர் முருகப்பா ஜீவசமாதி மண்டல பூஜை விழா புதன்கிழமை நடைபெற்றது.
இக்கோயில் குடமுழுக்கு விழா செப்.14-ல் நடந்ததைத் தொடர்ந்து தினமும் மண்டகப்படிதாரர்கள் சார்பில் சிறப்பு வழிபாடு நடைபெற்றது. 
48வது நாளாக புதன்கிழமை நடந்த மண்டல பூஜையை சரவண குருக்கள் தலைமையிலான சிவாச்சாரியார்கள் நடத்தினர். சுற்றுப்பகுதி பொதுமக்கள் பங்கேற்றனர்.

]]>
http://www.dinamani.com/all-editions/edition-trichy/pudukottai/2018/nov/01/தச்சம்பட்டி-கோயிலில்-மண்டலபூஜை-3031207.html
3031206 திருச்சி புதுக்கோட்டை நிலுவை சம்பளம் கோரி கோயில் ஊழியர்கள் உள்ளிருப்பு போராட்டம் DIN DIN Thursday, November 1, 2018 08:43 AM +0530 நிலுவையில் உள்ள 5 மாத சம்பளத்தை உடனே வழங்க வலியுறுத்தி புதுக்கோட்டை பிரகதாம்பாள் கோயில் பணியாளர்கள் புதன்கிழமை உள்ளிருப்புப் போராட்டத்தில் ஈடுபட்டனர்.
இந்தக் கோயிலில் காவல், துப்புரவு உள்ளிட்ட பல்வேறு நிலைகளில் பணியாளர்கள் 32 பேர் பணிபுரிகின்றனர். இவர்களுக்கு மாதம் ரூ. 600 முதல் ரூ. 2000 வரை சம்பளம் வழங்கப்படுகிறது.
இந்நிலையில் இவர்களுக்கு கடந்த 5 மாதங்களாக சம்பளம் வழங்கப்படவில்லையாம். இது தொடர்பாக  இந்து சமய அறநிலையத்துறை அலுவலர்களிடம் பலமுறை தெரிவித்தும் பலனில்லை. 
இதைக் கண்டித்து கோயிலில் பணியாளர்கள் உள்ளிருப்புப் போராட்டத்தில் ஈடுபட்டனர். உடனடி நடவடிக்கை எடுப்பதாக இந்து சமய அறநிலையத் துறை ஆணையர் ரமேஷ் உறுதியளித்ததை தொடர்ந்து போராட்டம் கைவிடப்பட்டது.
 

]]>
http://www.dinamani.com/all-editions/edition-trichy/pudukottai/2018/nov/01/நிலுவை-சம்பளம்-கோரி-கோயில்-ஊழியர்கள்-உள்ளிருப்பு-போராட்டம்-3031206.html
3031205 திருச்சி புதுக்கோட்டை ஆசிரியர்களுக்கான பயிற்சி தொடக்கம் DIN DIN Thursday, November 1, 2018 08:43 AM +0530 புதுதில்லி மத்திய கலாசார பண்பாட்டு ஆராய்ச்சி மற்றும் பயிற்சி மையம் சார்பில் ஆசிரியர்களுக்கான 3 நாள் பயிற்சி புதுக்கோட்டை வட்டார வள மையத்தில் புதன்கிழமை தொடங்கியது.
வாகவாசல் பள்ளித் தலைமையாசிரியர் மலர்விழி தலைமை வகித்தார். மாவட்ட முதன்மைக்கல்வி அலுவலர் இரா. வனஜா பயிற்சியைத் தொடங்கிவைத்து சிறப்புரையாற்றினார். ஒருங்கிணைந்த பள்ளிக் கல்வித் திட்ட ஒருங்கிணைப்பாளர் பழனிவேலு  வாழ்த்தினார். ராணியார் அரசு மேல்நிலைப்பள்ளி தமிழாசிரியர் இரா. முத்துக்கருப்பன் தமிழர் வாழ்வில் அகமும் புறமும் என்னும் தலைப்பில் இந்தியக் கலாசாரத்திற்கு தமிழர்கள் அளித்த பண்பாட்டுக்கூறுகளை விளக்கினார். பயிற்சியை மாவட்ட கருத்தாளர் இரா. சந்திசேகரன் ஒருங்கிணைத்தார். வட்டார வள மைய மேற்பர்வையாளர் தேவி வரவேற்றார். ஆசிரியர் சுரேஷ் நன்றி கூறினார்.

]]>
http://www.dinamani.com/all-editions/edition-trichy/pudukottai/2018/nov/01/ஆசிரியர்களுக்கான-பயிற்சி-தொடக்கம்-3031205.html
3031204 திருச்சி புதுக்கோட்டை கோயில்களில் தேய்பிறை அஷ்டமி சிறப்பு வழிபாடு DIN DIN Thursday, November 1, 2018 08:42 AM +0530 பொன்னமராவதி ஆவுடையநாயகி சமேத சோழீஸ்வரர் கோயில், அழகிய நாச்சியம்மன் கோயில் உள்ளிட்ட கோயில்களில் தேய்பிறை அஷ்டமியையொட்டி காலபைரவருக்கு சிறப்பு வழிபாடு புதன்கிழமை நடைபெற்றது.
சோழீஸ்வரர் கோயிலில் யாகபூஜைகள், சிறப்பு அபிஷேக, ஆராதனை செய்யப்பட்டு சிறப்பு வழிபாடு நடைபெற்றது. பாஜக மாவட்டச் செயலர் ராம. சேதுபதி, மாநில செயற்குழு உறுப்பினர் பி. பாஸ்கர் உள்ளிட்டோர் பங்கேற்றனர். பக்தர்களுக்கு அன்னதானம் வழங்கப்பட்டது. அதேபோல அழகியநாச்சியம்மன் கோயிலில் சிறப்பு யாகபூஜை, காலபைரவருக்கு அபிஷேக, ஆராதனை நடைபெற்றது. சுற்றுவட்டார பகுதி பக்தர்கள் பங்கேற்றனர். தமிழாசிரியர் சிஎஸ். முருகேசன் ஆன்மிக சொற்பொழிவாற்றினார்.  ஏற்பாடுகளை தேய்பிறை அஷ்டமி வழிபாட்டுக் குழுவினர் செய்தனர்.

]]>
http://www.dinamani.com/all-editions/edition-trichy/pudukottai/2018/nov/01/கோயில்களில்-தேய்பிறை-அஷ்டமி-சிறப்பு-வழிபாடு-3031204.html
3031203 திருச்சி புதுக்கோட்டை அறந்தாங்கியில்  ஒருமைப்பாடு உறுதியேற்பு DIN DIN Thursday, November 1, 2018 08:42 AM +0530 இந்திய சுதந்திரப் போராட்ட வீரர் சர்தார் வல்லபாய் பட்டேல்  பிறந்த தினத்தை முன்னிட்டும்  முன்னாள் பிரதமர் இந்திரா காந்தி நினைவு நினைவு தினத்தை முன்னிட்டும்  புதன்கிழமை  நாட்டின்  ஒருமைப்பாடு உறுதிமொழியை  அறந்தாங்கி நகராட்சி மேலாளர் ரெ. முத்துக்குமார்  தலைமையில்  நகராட்சி அலுவலர்கள், பணியாளர்கள்  எடுத்துக் கொண்டனர்.
 

]]>
http://www.dinamani.com/all-editions/edition-trichy/pudukottai/2018/nov/01/அறந்தாங்கியில்--ஒருமைப்பாடு-உறுதியேற்பு-3031203.html
3031202 திருச்சி புதுக்கோட்டை மாற்றுத்திறன் குழந்தைகளின் பெற்றோர்களுக்குப் பயிற்சி DIN DIN Thursday, November 1, 2018 08:42 AM +0530 பொன்னமராவதி வட்டார வள மையத்தில் மாற்றுத்திறன் கொண்ட குழந்தைகளின் தினவாழ்வுத் திறன் குறித்த பெற்றோர்களுக்கான  பயிற்சி செவ்வாய், புதன்கிழமைகளில் நடைபெற்றது.
வட்டாரக் கல்வி அலுவலர்கள் சே. ராமதிலகம், பால் டேவிட் ரொசாரியோ ஆகியோர் தலைமை வகித்தனர். வட்டார வள மேற்பார்வையாளர் ஆர். செல்வக்குமார் முன்னிலை வகித்தார். பயிற்சியில் கொசுக்கடியால் ஏற்படும் பாதிப்பு, மூளைக்காய்ச்சல் தவிர்ப்பு வழிமுறைகள், மாற்றுத்திறன் குழந்தைகளின் தன் சுத்தம், சுகாதாரம் ஆகியவை குறித்து சுகாதார ஆய்வாளர் தியாகராஜன் பயிற்சி அளித்தார். மாற்றுத்திறன் மாணவர்களுக்கான சட்டங்கள், அரசின் திட்டங்கள், மாற்றுத்திறன் குழந்தைகளுக்கான தொழிற்கல்வி என்ற தலைப்புகளில் பயிற்சி நடைபெற்றது.
உடலியக்க நிபுணர் தங்கவேலு, சிறப்பாசிரியர்கள் தனலெட்சுமி,ரபேல்நான்சி பிரியா ஆகியோர் கருத்தாளர்களாச் செயல்பட்டனர்.  

]]>
http://www.dinamani.com/all-editions/edition-trichy/pudukottai/2018/nov/01/மாற்றுத்திறன்-குழந்தைகளின்-பெற்றோர்களுக்குப்-பயிற்சி-3031202.html
3031201 திருச்சி புதுக்கோட்டை கந்தர்வகோட்டைக்கு கூடுதல் காவலர்களை நியமிக்க வலியுறுத்தல் DIN DIN Thursday, November 1, 2018 08:42 AM +0530 கந்தர்வகோட்டைக்கு கூடுதல் காவலர்களை நியமிக்க வேண்டுமென வலியுறுத்தப்பட்டுள்ளது.
கந்தர்வகோட்டை வர்த்தக சங்க ஆலோசனைக் கூட்டம் தலைவர்  பழ. ஆர் .  மாரிமுத்து தலைமையில் புதன்கிழமை நடைபெற்றது. கூட்டத்தில் தீபாவளியை முன்னிட்டு கடைவீதியில் ஒலிபெருக்கிகள் மூலம் விளம்பரம் செய்ய காவல் துறை தடைவிதிக்க வேண்டும், போக்குவரத்து காவலர்களை நிரந்தரமாக நியமிக்க வேண்டும். கந்தர்வகோட்டை ஊராட்சி மக்கள்தொகைக்கு ஏற்ப கூடுதல் காவலர்களை நியமிக்க மாவட்ட காவல்துறை அதிகாரியை கேட்டுக்கொள்வது, சங்க கட்டடம் கட்ட நிதி திரட்டுவது என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில் கெளரவத் தலைவர்  கிருஷ்ணசாமி, செயலர்  தெட்சிணாமூர்த்தி, செயற்குழு உறுப்பினர்கள் உள்ளிட்டோர்  கலந்து கொண்டனர்.
 

]]>
http://www.dinamani.com/all-editions/edition-trichy/pudukottai/2018/nov/01/கந்தர்வகோட்டைக்கு-கூடுதல்-காவலர்களை-நியமிக்க-வலியுறுத்தல்-3031201.html
3031200 திருச்சி புதுக்கோட்டை வெங்கடேஸ்வரா பள்ளியில் உணவுத் திருவிழா DIN DIN Thursday, November 1, 2018 08:41 AM +0530 புதுக்கோட்டை வெங்கடேஸ்வரா மெட்ரிக் மேல்நிலைப்பள்ளியில் உடல் நலம் காக்கும் உணவுத் திருவிழா மற்றும் பாரம்பரிய உணவுப்பொருள் கண்காட்சி புதன்கிழமை நடைபெற்றது.
உணவு பாதுகாப்பு மற்றும் மருந்து நிர்வாகத் துறை, ஆத்மயோகா மாணவர் மன்றம் இணைந்து நடத்திய விழாவுக்கு பள்ளி முதல்வர் தங்கம்மூர்த்தி தலைமை வகித்தார். பள்ளியின் ஆலோசகர் அஞ்சலிதேவி, மகாராணி ரோட்டரி தலைவர் கவிதா ராஜசேகரன் ஆகியோர் விழாவைத் தொடங்கி வைத்தனர். உணவுப் பாதுகாப்பு மற்றும் மருந்து நிர்வாகத் துறை மாவட்ட நியமன அலுவலர் ஆர். ரமேஷ்பாபு  கண்காட்சியை தொடங்கிவைத்தார். திருவரங்குளம் உணவுப் பாதுகாப்பு அலுவலர் ரமா. ராமநாதன் மற்றும் உணவுப் பாதுகாப்பு அலுவலர்கள் பங்கேற்று பொதுமக்கள் பயன்படுத்த வேண்டிய உணவு,தவிர்க்க வேண்டிய உணவு, கலப்பட பொருள்களை அடையாளம் காணும் வழிமுறைகள் குறித்து விளக்கினர். மருத்துவர்கள் ராமதாஸ், கேஎம். சலீம், ஆகியோர் வாழ்த்தினர். 
உணவுத் திருவிழாவில் திராட்சைக்கொடி நுழைவுவாயில், காய்கறிப் பிள்ளையார் பார்வையாளர்களை கவரும் வண்ணம் இருந்தது. நன்னாரி,வெட்டிவேர்,சீரகம் உள்ளிட்ட மூலிகை குடிநீர்,சிறுதானிய பலகார வகைகள்,கூழ் வகைகள்,கீரை சூப்புகள் என பல்வேறு பாரம்பரிய உணவுப் பொருள்களை மாணவர்கள் காட்சிப்படுத்திருந்தனர். துணை முதல்வர் குமாரவேல் மற்றும் ஆசிரியர்கள் பங்கேற்றனர்.
 

]]>
http://www.dinamani.com/all-editions/edition-trichy/pudukottai/2018/nov/01/வெங்கடேஸ்வரா-பள்ளியில்-உணவுத்-திருவிழா-3031200.html
3031199 திருச்சி புதுக்கோட்டை தைலமரங்களை அகற்ற கையெழுத்து இயக்கம் DIN DIN Thursday, November 1, 2018 08:41 AM +0530 மாவட்டம் முழுவதும் நீர் ஆதாரங்களை பாதிக்கும் தைல மரங்களை அகற்றிடக் கோரி பொதுமக்கள், விவசாயிகளிடம் கையெழுத்து பெறும்  இயக்கத்தை இந்திய ஜனநாயக வாலிபர் சங்கம் செவ்வாய்கிழமை நடத்தியது. 
கந்தர்வகோட்டையில் நடந்த நிகழ்ச்சிக்கு ஒன்றியத் தலைவர் வி . இளையராஜா தலைமை வகித்தார். ஒன்றியச் செயலர் எம். லோகேஸ் முன்னிலை வகித்தார். கையெழுத்து இயக்கத்தை மாநிலக் குழு உறுப்பினர் ஜி . பன்னீர்செல்வம் தொடக்கிவைத்துப் பேசினார். 
கூட்டத்தில் புதுக்கோட்டை மாவட்டம் முழுவதும் நீராதாரங்களை மோசமாகப் பாதிக்கும் தைல மரக்காடுகளை முற்றிலும் அகற்றிட வேண்டும். கந்தர்வகோட்டையை பேரூராட்சியாக தரம் உயர்த்திட வேண்டும். இங்கு கலைக் கல்லூரி உருவாக்கிட வேண்டும், கந்தர்வகோட்டை ஒன்றியம் முழுவதும் பழுதான அரசுப்பள்ளி கட்டடங்களைச் சீரமைத்து கழிப்பிட வசதி செய்து தர வேண்டும் உள்ளிட்ட கோரிக்கைகள் வலியுறுத்தப்பட்டன. ஒன்றிய பொருளாளர் எஸ். விக்னேஷ் நன்றி கூறினார்.
 

]]>
http://www.dinamani.com/all-editions/edition-trichy/pudukottai/2018/nov/01/தைலமரங்களை-அகற்ற-கையெழுத்து-இயக்கம்-3031199.html