Dinamani - பெரம்பலூர் - http://www.dinamani.com/all-editions/edition-trichy/perambalur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3059104 திருச்சி பெரம்பலூர் பணம் கேட்டு மிரட்டிய ரௌடி கைது DIN DIN Sunday, December 16, 2018 05:05 AM +0530  

பெரம்பலூரில் நகைக் கடை உரிமையாளரிடம் பணம் கேட்டு மிரட்டிய ரௌடி வெள்ளிக்கிழமை கைது செய்யப்பட்டார்.
பெரம்பலூர் அரணாரையைச் சேர்ந்தவர் அல்லாபிச்சை மகன் செல்வராஜ் (எ) அப்துல் ரகுமான் (35). இவர், கடந்த சில ஆண்டுகளுக்கு முன் திரைப்படம் இயக்கி, கதாநாயகனாகவும் நடித்திருந்தார். பின்னர், பெரம்பலூர் நகரில் கொலை, பணம் கேட்டு மிரட்டல் உள்ளிட்ட பல வழக்குகளில் கைதாகி சிறைக்குச் சென்று, அண்மையில் ஜாமினில் வெளியே வந்தார்.
இந்நிலையில், பெரம்பலூர் கடைவீதியில் நகைக்கடை வைத்திருக்கும் நடராஜன் மகன் வரதராஜனிடம் (45) பணம் கேட்டு கொலை மிரட்டல் விடுத்தார். இதுகுறித்த புகாரின்பேரில் போலீஸார் விசாரித்து வந்தனர். பெரம்பலூர் புறநகர் பேருந்து நிலையத்தில் வெள்ளிக்கிழமை இரவு நின்றிருந்த அரும்பாவூர் க. பிரகாஷிடம் (35) பணம் கேட்டு அப்துல் ரகுமான் மிரட்டினாராம். இதுகுறித்து தகவலறிந்த போலீஸார் அங்கு சென்று, அப்துல் ரகுமானை கைது செய்து, பெரம்பலூர் குற்றவியல் நடுவர் மன்றத்தில் ஆஜர்படுத்தி திருச்சி மத்தியச் சிறையில் அடைத்தனர்.

 

]]>
http://www.dinamani.com/all-editions/edition-trichy/perambalur/2018/dec/16/பணம்-கேட்டு-மிரட்டிய-ரௌடி-கைது-3059104.html
3059096 திருச்சி பெரம்பலூர் பெரம்பலூர் மாவட்டத்தில் திருகல் நோயால் சின்ன வெங்காயப் பயிர்கள் பாதிப்பு DIN DIN Sunday, December 16, 2018 05:03 AM +0530
பெரம்பலூர் மாவட்டத்தில் சாகுபடி செய்யப்பட்டுள்ள சின்ன வெங்காயப் பயிர்கள் திருகல் நோயால் பாதிக்கப்பட்டிருப்பதால் விவசாயிகள் வேதனை தெரிவித்துள்ளனர்.
தமிழகத்தில் கடந்த 10 ஆண்டுகளுக்கும் மேலாக சின்ன வெங்காய சாகுபடியில் முதலிடத்தில் இருப்பது பெரம்பலூர் மாவட்டம்தான். மாநிலத்தின் மொத்த வெங்காயத் தேவையில் 23 % இந்த மாவட்டம் நிறைவு செய்து தருகிறது. ஆலத்தூர், பெரம்பலூர் வட்டாரங்களில் 150-க்கும் மேற்பட்ட கிôமங்களில் விவசாயிகளின் பிரதானத் தொழிலாக வெங்காயச் சாகுபடி விளங்குகிறது.
2016-17 ஆம் ஆண்டில் 7,487 ஹெக்டேரும், 2017-18 ஆம் ஆண்டில் 5,993 ஹெக்டேரும், நிகழாண்டு இதுவரை 1.47 லட்சம் ஏக்கர் பரப்பளவிலும் சின்ன வெங்காயம் சாகுபடி செய்யப்பட்டுள்ளது.
வைகாசி மற்றும் புரட்டாசி பட்டங்களில், பெரம்பலூர் மாவட்ட விவசாயிகள் அதிகளவில் சாகுபடி செய்து வருகின்றனர்.
கடந்த 3 ஆண்டுகளாக போதிய மழை இல்லாதது, சாகுபடி பரப்பளவு குறைவு போன்றவற்றின் காரணமாக டிசம்பரில் அறுவடையான வெங்காயத்தின் அளவும் குறைந்தது.
மேலும், வெளிமாநில வரத்தும் குறைந்ததால் கடந்த சில மாதங்களாக சின்ன வெங்காயத்தின் விலை கடுமையாகக் குறைந்துகாணப்பட்டது.
புரட்டாசி பட்டத்தில் சாகுபடி செய்யப்பட்ட சின்ன வெங்காயத்தை அறுவடை செய்வதற்காக விவசாயிகள் காத்திருக்கின்றனர். இந்நிலையில், பயிரிடப்பட்டுள்ள சின்ன வெங்காயப் பயிரில் திருகல் நோய் தாக்கியதால் மகசூல் இழப்பு ஏற்பட்டுள்ளதாக விவசாயிகள் வேதனை தெரிவிக்கின்றனர்.
அதிக மகசூல் இழப்பு : விதை வெங்காயம், பூச்சி மருந்து, அடியுரம், ஆள் கூலி உள்பட ஏக்கருக்கு ரூ. 1 லட்சம் வரை செலவழித்து சாகுபடி செய்துள்ளோம். தற்போது, ஒருசில இடங்களில் அறுவடையும் தொடங்கியுள்ளது.
பெரும்பாலான வயல்களில் திருகல் நோய் ஏற்பட்டு, வயல்களில் பயிர்கள் சேதமடைந்து, தற்போது வயல் முழுவதும் பரவியுள்ளது. வெங்காயப் பயிர்களைப் பிடுங்கி பார்த்தால் காய்கள் அனைத்தும் அழுகி மகசூல் இழப்பு ஏற்பட்டுள்ளது.
ஒருசில விவசாயிகள் அழுகிய வெங்காயத்தை அகற்றாமல், அதில் மாற்றுப்பயிர் சாகுபடி செய்வதற்காக உழவுப் பணிகளை மேற்கொண்டுள்ளனர். எஞ்சிய, முழு வளர்ச்சியடையாத சின்ன வெங்காயத்தை அறுவடை செய்து விற்பனை செய்தாலும், இடைத்தரகர்கள் அதை குறைந்த விலைக்கே வாங்குவார்கள். இதனால், புரட்டாசி பட்டத்தில் சாகுபடி செய்த விவசாயிகளுக்கு இழப்பு ஏற்பட்டுள்ளதால், வாங்கியக் கடனைத் திரும்ப செலுத்த வழியின்றி
உள்ளோம் என்கிறார் பாடாலூரைச் சேர்ந்த சின்ன வெங்காய உற்பத்தியாளர் சா. மணிவாசகம்
கவலையில் விவசாயிகள் : கடந்த ஆண்டு ஒரு கிலோ ரூ. 160-க்கு விற்பனையான சின்ன வெங்காயம், தற்போது விவசாயிகளிடமிருந்து தரமான வெங்காயம் ரூ. 15-க்கு கொள்முதல் செய்யப்பட்டு, சில்லரை விற்பனை கடைகளில் ரூ. 20- 25 வரை விற்பனை செய்யப்படுகிறது. இதேபோல, கொல்லிமலை உள்ளிட்ட பகுதிகளில் இருந்து கொண்டுவரப்படும் வெங்காயம் 5 கிலோ ரூ. 100-க்கு விற்பனை செய்யப்படுகிறது.
வெளி மாநிலங்களிலிருந்து கொண்டு வரப்படும் வெங்காயத்தாலும், உரிய விலையின்றி விவசாயிகள் பாதிக்கப்பட்டுள்ளதாக கூறப்படுகிறது.
புரட்டாசி பட்டத்தில் சாகுபடி செய்யப்பட்ட சின்ன வெங்காயத்தில் நோய் தாக்குதலால் மகசூல் இழப்பு ஏற்பட்டுள்ளதால் சின்ன வெங்காயம் சாகுபடி செய்துள்ள விவசாயிகள் கவலை அடைந்துள்ளனர்.


பெரம்பலூரில் வி.சி.க.வினர் 40 பேர் கைதுபெரம்பலூர், டிச. 15: தங்கள் கட்சித் தலைவர் தொல்.திருமாவளவனை பாரதிய ஜனதா கட்சியின் தேசியச் செயலர் எச்.ராஜா தரக்குறைவாகப் பேசியதாகக் கூறி, பெரம்பலூரில் சனிக்கிழமை மறியிலில் ஈடுபட்ட விடுதலைச் சிறுத்தைகள் கட்சியினர் 40 பேர் கைது செய்யப்பட்டனர்.
பெரம்பலூர் காமராஜர் வளைவு எதிரே நடைபெற்ற ஆர்ப்பாட்டத்துக்கு கட்சியின் மாவட்டச் செயலர் சி.தமிழ்மாணிக்கம் தலைமை வகித்தார்.
எச்.ராஜாவை தேசியப் பாதுகாப்புச் சட்டத்தின் கீழ் கைது செய்ய வேண்டும் என வலியுறுத்தி மறியலில் ஈடுபட்டனர். இதையடுத்து போலீஸார் விடுதலைச் சிறுத்தைகள் கட்சியைச் சேர்ந்த 40 பேர் கைது செய்து மாலையில் விடுவித்தனர்.

 

]]>
http://www.dinamani.com/all-editions/edition-trichy/perambalur/2018/dec/16/பெரம்பலூர்-மாவட்டத்தில்-திருகல்-நோயால்-சின்ன-வெங்காயப்-பயிர்கள்-பாதிப்பு-3059096.html
3059095 திருச்சி பெரம்பலூர் செட்டிக்குளம் ஏகாம்பரேசுவரர் கோயிலில் குபேரபூஜை DIN DIN Sunday, December 16, 2018 05:03 AM +0530
பெரம்பலூர் மாவட்டம், செட்டிக்குளம் அருள்மிகு காமாட்சி அம்மன் உடனுறை ஏகாம்பரேசுவரர் திருக்கோயிலில் சனிக்கிழமை நடைபெற்ற குபேரயாக வேள்வி பூஜையில் ஏராளமான பக்தர்கள் பங்கேற்றனர்.
இக்கோயிலில் பிரசித்திபெற்ற சித்திரலேகா சமேத குபேர பெருமானுக்கு தனி சந்நிதி உள்ளது. மேலும் 12 ராசிகளுக்கு 12 தூண்களில் 12 குபேர பெருமான்கள் இருப்பது தனிச் சிறப்பாகும். இக்கோயிலில் ஒவ்வொரு மாதமும் பூரட்டாதி நட்சத்திரத்தன்று குபேர யாகவேள்வி நடைபெறுவது வழக்கம்.
அதன்படி, கார்த்திகை மாத யாகவேள்வி சனிக்கிழமை நடைபெற்றது.கணபதி ஹோமம், புன்யா வாஹனம், லஷ்மி ஹோமம் ஆகிய பூஜைகள் செய்யப்பட்டு, 96 வகை மூலிகைப் பொருள்கள் யாக வேள்வியில் செலுத்தப்பட்டு மஹா பூர்னா ஹூதி, தீபாரதனை நடைபெற்றது.
தொடர்ந்து, சித்திரலேகா சமேத குபேர பெருமானுக்கு அரிசி மாவு, பால், தயிர், மஞ்சள், சந்தனம், திரவியப் பொடி, சொர்ணாபிஷேகம் நடத்தப்பட்டு, ஊர்வலமாக கொண்டுவரப்பட்ட கலசத் தீர்த்தங்களால் குபேர பெருமானுக்கு அபிஷேகம் செய்யப்பட்டது.
மேலும், பல்வேறு மலர்களால் சிறப்பு அலங்காரம் செய்யப்பட்டு, பூஜைக்கு பிறகு அலங்கார தீபாரதனை நடைபெற்றது. இந்த வேள்வியில் பங்கேற்பதன் மூலம் கடன் பிரச்னை தீரும், செல்வ வளம் பெருகும் என்பதால் திருச்சி, சேலம், அரியலூர், நாமக்கல், பெரம்பலூர் உள்பட சுற்றுப்புற பகுதிகளிலிருந்து திரளான பக்தர்கள் கலந்துகொண்டு குபேர பெருமானைத் தரிசித்தனர். இப் பூஜைக்கான ஏற்பாடுகளை கோயில் நிர்வாகத்தினர் செய்திருந்தனர்.

 

]]>
http://www.dinamani.com/all-editions/edition-trichy/perambalur/2018/dec/16/செட்டிக்குளம்-ஏகாம்பரேசுவரர்-கோயிலில்-குபேரபூஜை-3059095.html
3058858 திருச்சி பெரம்பலூர் 3 மாதக் குழந்தையைக் கிணற்றில் வீசி கொலை செய்த தாய் கைது DIN DIN Sunday, December 16, 2018 01:37 AM +0530  

பெரம்பலூர் மாவட்டம், மங்கலமேடு அருகே 3 மாத பெண் குழந்தையைக் கிணற்றில் வீசி கொலை செய்துவிட்டு, கடத்தல் நாடகமாடிய தாய் சனிக்கிழமை கைது செய்யப்பட்டார்.
வேப்பந்தட்டை வட்டம், மங்கலமேடு அருகிலுள்ள தேவையூர் நடுத்தெருவைச் சேர்ந்தவர் பிச்சைப்பிள்ளை (36). வெளிநாட்டில் வேலை செய்து வருகிறார். இவரது மனைவி கோவிந்தம்மாள் (30). இவர்களுக்கு 6 வயதில் ரஞ்சிதா என்ற பெண் குழந்தை உள்ள நிலையில், கடந்த 3 மாதங்களுக்கு முன்பு மீண்டும் பெண் குழந்தை பிறந்தது.
இந்த நிலையில், பெரம்பலூர் காவல் நிலையத்தில் கோவிந்தம்மாள் வெள்ளிக்கிழமை மாலை ஒரு புகார் அளித்தார். அப்புகாரில், தனது 3 மாதக் குழந்தை பிரினீத்தாவுடன் கொலுசு வாங்க பெரம்பலூருக்கு அரசுப் பேருந்தில் வந்ததாகவும், தனக்கு அருகில் பெண் ஒருவர் பயணித்த நிலையில், பேருந்தில் வந்தபோது தான் நினைவிழந்துவிட்டதாகவும், பெரம்பலூர் பழைய பேருந்து நிலையம் வந்தபோது தனக்கு நினைவுத் திரும்பியதாகவும், அப்போது தனது குழந்தை, ரூ. 5000 ரொக்கம், செல்லிடப்பேசி உள்ளிட்டவற்றை காணவில்லை என மனுவில் கூறியிருந்தார். இப்புகாரில் சந்தேகமடைந்த போலீஸார் கோவிந்தம்மாளிடம் தொடர்ந்து நடத்திய விசாரணையில், குழந்தையைக் கிணற்றில் வீசி கொலை செய்ததை கோவிந்தம்மாள் ஒப்புக்கொண்டார்.
ஏற்கெனவே பெண் குழந்தை உள்ள நிலையில், இரண்டாவதாக பிறந்ததும் பெண் குழந்தை என கணவர் பிச்சைப்பிள்ளைக்கு தெரிந்ததால், கோவிந்தம்மாளுடன் தொலைபேசியில் தொடர்புகொள்வதைத் தவிர்த்ததோடு, மாதம்தோறும் பணம் அனுப்புவதை நிறுத்திவிட்டாராம்.
இதனால், கணவன் - மனைவி இடையே அடிக்கடி தகராறு ஏற்பட்டு வந்ததாகவும், இதைத் தொடர்ந்து, மனம் உடைந்ததால்
திருச்சி - சென்னை தேசிய நெடுஞ்சாலையில் வல்லாபுரம் பிரிவு சாலையில் உள்ள கிணற்றில் குழந்தையைக் கொன்று வீசியதும், போலீஸாருக்கு பயந்து பேருந்தில் குழந்தை கடத்தப்பட்டதாக நாடகமாடியதை விசாரணையில் கோவிந்தமாள் ஒப்புக்கொண்டார்.இதுகுறித்து மங்கலமேடு போலீஸார் வழக்குப் பதிந்து கோவிந்தம்மாளை கைது செய்தனர்.

 

]]>
http://www.dinamani.com/all-editions/edition-trichy/perambalur/2018/dec/16/3-மாதக்-குழந்தையைக்-கிணற்றில்-வீசி-கொலை-செய்த-தாய்-கைது-3058858.html
3058359 திருச்சி பெரம்பலூர் மனநல சிகிச்சை அளிக்கப்பட்ட பெண் ஒப்படைப்பு DIN DIN Saturday, December 15, 2018 03:58 AM +0530  

பெரம்பலூரில் கடந்த ஏப்ரல் மாதம் மீட்கப்பட்ட மனநலன் பாதிக்கப்பட்ட பெண்ணுக்கு சிகிச்சை அளித்து, இயல்பு நிலைக்குத் திரும்பிய பிறகு அவரது பெற்றோரிடம் வெள்ளிக்கிழமை ஒப்படைக்கப்பட்டார்.
பெரம்பலூர் மாவட்டம், கீழப்புலியூர் கிராமம், கிழக்குத் தெருவைச் சேர்ந்தவர் பரமசிவன் (55). இவரது மகள் சரஸ்வதி (25) மனநலன் பாதிக்கப்பட்டு வீட்டைவிட்டு வெளியேறி பல்வேறு இடங்களில் சுற்றித் திரிந்தார்.
பெரம்பலூர் புறநகர் பேருந்து நிலையத்தில் திரிந்த இவரை, கடந்த ஏப். 18 ஆம் தேதி மாவட்ட சட்டப்பணிகள் ஆணைக் குழுவினர் மீட்டு, வேலா கருணை இல்லம் என்னும் தொண்டு நிறுவனத்திடம் ஒப்படைத்தனர். அங்கு சரஸ்வதிக்கு மனநல ஆலோசனை மற்றும் சிகிச்சை அளிக்கப்பட்டது. பின்னர், ஓரளவு இயல்பு நிலைக்குத் திரும்பிய சரஸ்வதியின் பெற்றோரை தேடிப்பிடித்த சட்டப் பணிகள் ஆணைக் குழுவினர், நீதிமன்ற வளாகத்தில் சரஸ்வதியை அவரது தந்தை பரமசிவனிடம் வெள்ளிக்கிழமை ஒப்படைத்தனர்.
நிகழ்ச்சியில், மாவட்ட முதன்மை அமர்வு நீதிபதி எஸ். பாலராஜமாணிக்கம், சட்டப்பணிகள் ஆணைக்குழு செயலர் நீதிபதி எம். வினோதா, சார்பு நீதிபதி ஸ்ரீஜா, சட்டப் பணிகள் ஆணைக்குழு நிர்வாக அலுவலர் டி. வெள்ளைச்சாமி, வழக்ரைஞர் ரத்தினவேலு, வேலா கருணை இல்ல நிர்வாகி அருண்குமார் ஆகியோர் கலந்து கொண்டனர்.

 

 

]]>
http://www.dinamani.com/all-editions/edition-trichy/perambalur/2018/dec/15/மனநல-சிகிச்சை-அளிக்கப்பட்ட-பெண்-ஒப்படைப்பு-3058359.html
3058358 திருச்சி பெரம்பலூர் தவறி விழுந்துகாயமடைந்த பெண் சாவு DIN DIN Saturday, December 15, 2018 03:58 AM +0530
பெரம்பலூர் மாவட்டம், குன்னம் அருகே கட்டடத்தில் இருந்து தவறி விழுந்த பெண் கூலித் தொழிலாளி வெள்ளிக்கிழமை உயிரிழந்தார்.
குன்னம் அருகேயுள்ள வரகுபாடி கிராமத்தைச் சேர்ந்தவர் பெரியசாமி மனைவி லட்சுமி (45), கட்டடத் தொழிலாளி. இவர், கடந்த 8 ஆம் தேதி சாத்தனூர் குடிக்காடு கிராமத்தில் கட்டப்படும் தொடக்க வேளாண் கூட்டுறவுக் வங்கி கட்டடத்தில் வேலை செய்தபோது, மின்சாரம் பாய்ந்து தவறி விழுந்தார். இதில் பலத்த காயமடைந்த அவர் பெரம்பலூர் மாவட்ட அரசு தலைமை மருத்துவ மனையிலும், தீவிர சிகிச்சைக்காக திருச்சி அரசு மருத்துவமனையிலும் அனுமதிக்கப்பட்டிருந்தார். சிகிச்சை பலனின்றி அவர் வெள்ளிக்கிழமை உயிரிழந்தார். இதுகுறித்து அவரது மகன் பாலமுருகன் அளித்த புகாரின் பேரில், மருவத்தூர் போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/perambalur/2018/dec/15/தவறி-விழுந்துகாயமடைந்த-பெண்-சாவு-3058358.html
3058357 திருச்சி பெரம்பலூர் கட்டாய வாகனத் தணிக்கை: அவதிக்குள்ளாகும் பொதுமக்கள் DIN DIN Saturday, December 15, 2018 03:58 AM +0530
பெரம்பலூர் உள்ளிட்ட பகுதிகளில் நடைபெறும் கட்டாய வாகனத் தணிக்கையால் பொதுமக்கள் பெரிதும் அவதிப்படுகின்றனர்.
அன்றாடப் பணிகளான சட்டம், ஒழுங்கு பாதுகாப்பு, சாலை மறியல், பேரணி, பொதுக்கூட்டம் மற்றும் கோயில் திருவிழா பாதுகாப்பு, நீதிமன்றத்துக்கு கைதிகளை அழைத்துச் செல்வது உள்ளிட்ட பணிகளுக்கு காவலர்கள் பற்றாக்குறையால் சிரமம் ஏற்படும்போது, கட்டாய வாகனத் தணிக்கை கூடுதல் பணிச் சுமை ஏற்படுத்தியுள்ளதாக காவலர்கள் தரப்பில் புகார் கூறப்படுகிறது.
வாகனத் தணிக்கையின்போது, ஓட்டுநர் உரிமத்தை ரத்து செய்யும் வகையில் நாள்தோறும் 20 வழக்குகளாவது பதிய வேண்டும் என கட்டாயப்படுத்தப்படுவதாகவும் தெரிகிறது.
பாதிப்புக்குள்ளாகும் பொதுமக்கள்: காவல் துறையினரின் இந்த கட்டாய வாகனத் தணிக்கையால் பொதுமக்களுக்கு பல்வேறு பாதிப்புகள் ஏற்பட்டுள்ளன. குறிப்பாக, காலை, மாலைகளில் பள்ளிகளுக்கு இருசக்கர வாகனங்களில் குழந்தைகளை அழைத்துச் செல்லும் பெற்றோர், மருத்துவமனைக்கு நோயாளிகளை அழைத்துச் செல்வோர் வாகனத் தணிக்கையில் சிக்கி, மீள்வதற்குள் பல்வேறு இன்னல்களைச் சந்திக்கின்றனர்.
மது குடித்துவிட்டு வாகனங்களை ஓட்டுவது, இருசக்கர வாகனத்தில் 3 பேர் பயணிப்பது, வேகமாக வாகனங்களை இயக்குவது உள்ளிட்ட சாலை விதிகளை மீறுவோரைக் கட்டுப்படுத்தவே வாகனத் தணிக்கை எனக் கூறப்பட்டாலும், இதில் பெரும்பாலும் அவதிக்குள்ளாவது அப்பாவி வாகன ஓட்டுநர்களே. இதனால், போலீஸாருக்கும், வாகன ஓட்டுநர்களுக்கும் தொடர்ந்து வாக்குவாதம் ஏற்படுகிறது.
தேசிய நெடுஞ்சாலையில் தொடரும் விபத்து: மாவட்ட எல்லைக்குள்பட்ட தேசிய நெடுஞ்சாலையில் போக்குவரத்து போலீஸாரும், வட்டாரப் போக்குவரத்து அலுவலர்களும் தொடர்ந்து வாகனத் தணிக்கையில் ஈடுபடுகின்றனர். இதனால், அவ்வப்போது சிறு சிறு சாலை விபத்துகள் நிகழ்வது தொடர்கிறது. குறிப்பாக, அதிவேகமாகச் செல்லும் வாகனங்களை வழிமறித்து சோதனையிட முற்படும்போது அடுத்தடுத்து வரும் வாகனங்கள் மோதி விபத்து நிகழ்கிறது. இதனிடையே, கட்டாய வாகனத் தணிக்கை செய்ய போலீஸாருக்கு அறிவுறுத்தப்பட்டிருப்பதால், காவலர்களின் கெடுபிடியால் ஏதேனும் அசம்பாவிதங்கள் நிகழும் என வாகன ஓட்டுநர்கள் கருத்து தெரிவிக்கின்றனர்.
பெரம்பலூர் மாவட்டக் காவல் கண்காணிப்பாளர் அலுவலகத்தின் கீழ், பெரம்பலூர், மங்களமேடு ஆகிய பகுதியில் காவல் துணைக் கண்காணிப்பாளர் அலுவலகம் உள்பட மாவட்டம் முழுவதும் 8 காவல் நிலையங்கள் உள்ளன. இங்கு, ஏற்கெனவே காவலர்கள் பற்றாக்குறை உள்ள நிலையில் வாகனத் தணிக்கைப் பணி கூடுதல் பணிச் சுமையாக உள்ளதாகத் தெரிவிக்கின்றனர். மேலும், மாவட்டம் முழுவதும் அண்மைக்காலமாக தொடரும் திருட்டுச் சம்பவங்களால் பொதுமக்கள் அச்சமடைந்துள்ளனர். குற்றங்களில் ஈடுபடுவோரை கண்டறியவும், தடுக்கவும் தனிப்படை போலீஸார் அமைக்க கோரிக்கை விடுத்து வரும் நிலையில், காவல்துறை எந்த நடவடிக்கையும் எடுக்கவில்லை. ஆனால், தொடர் வாகன சோதனையில் ஈடுபடும் போலீஸாரால் பொதுமக்களும், வாகன ஓட்டுநர்களும் பல பிரச்னைகளை சந்திக்கின்றனர்.
இதுகுறித்து காவலர் ஒருவர் கூறியது: பெரம்பலூர் நகரில் அதிகரித்து வரும் மக்கள்தொகைக்கு ஏற்பவும், பெருகிவரும் வாகனப் போக்குவரத்துக்கு ஏற்பவும் காவலர்கள் பணியிடங்கள் நிரப்பப்படவில்லை. நாள்தோறும் காவல் நிலையங்களில் அன்றாடப் பணிகள் அதிகரித்து வரும் நிலையில் தற்போது கட்டாய வாகனத் தணிக்கை செய்து, தினமும் 50 வழக்குகளாவது பதிவு செய்ய உயரதிகாரிகளால் அறிவுறுத்தப்பட்டுள்ளது. காவல் நிலையங்களில் காலியிடங்களை நிரப்புவதோடு, கூடுதல் பணியிடங்கள் உருவாக்க வேண்டும். மேலும், பெரம்பலூரில் கூடுதலாக காவல் நிலையம் அமைக்க அரசு நடவடிக்கை எடுக்க வேண்டும் என்றார் அவர்.

 

]]>
http://www.dinamani.com/all-editions/edition-trichy/perambalur/2018/dec/15/கட்டாய-வாகனத்-தணிக்கை-அவதிக்குள்ளாகும்-பொதுமக்கள்-3058357.html
3058356 திருச்சி பெரம்பலூர் பேருந்து பயணிபோல நடித்து குழந்தை கடத்தல் DIN DIN Saturday, December 15, 2018 03:58 AM +0530
பெரம்பலூரில், வெள்ளிக்கிழமை அரசுப் பேருந்தில் பயணிபோல நடித்து பெண்ணிடமிருந்து 3 மாதக் குழந்தையை கடத்திச் சென்ற பெண்ணை போலீஸார் தேடுகின்றனர்.
பெரம்பலூர் மாவட்டம், மங்கலமேடு அருகேயுள்ள தேவையூர் கிராமம், நடுத்தெருவைச் சேர்ந்தவர் கோவிந்தம்மாள் (30). இவரது கணவர் பிச்சைப்பிள்ளை வெளிநாட்டில் உள்ளார். வெள்ளிக்கிழமை மதியம் தனது 3 மாத குழந்தை பிரினீத்தாவுடன் கொலுசு வாங்க பெரம்பலூருக்கு அரசுப் பேருந்தில் வந்தாராம். பேருந்தில் இவருக்கு அருகே சுமார் 45 வயதுடைய பெண் ஒருவர் பயணித்தாராம். சற்று நேரத்தில் நினைவிழந்த கோவிந்தம்மாளுக்கு பெரம்பலூர் பழைய பேருந்து நிலையம் வந்தபோது நினைவு திரும்பியது. அப்போது அவரிடமிருந்த 3 மாத குழந்தை, ரூ. 5 ஆயிரம் ரொக்கம், செல்லிடபேசி அடங்கிய மணிபர்ஸ் ஆகியவற்றை காணவில்லையாம். இதனால் அதிர்ச்சியடைந்த கோவிந்தம்மாள், அக்கம்பக்கத்தில் தேடியும் குழந்தை கிடைக்கவில்லை.
இதுகுறித்த புகாரின் பேரில் பெரம்பலூர் போலீஸார் வழக்குப் பதிந்து விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-trichy/perambalur/2018/dec/15/பேருந்து-பயணிபோல-நடித்து-குழந்தை-கடத்தல்-3058356.html
3058355 திருச்சி பெரம்பலூர் விஏஓக்கள் தொடர் வேலைநிறுத்தம்: பொதுமக்கள் அவதி DIN DIN Saturday, December 15, 2018 03:57 AM +0530
கோரிக்கைகளை வலியுறுத்தி, பெரம்பலூர் மாவட்டத்தில் விஏஓக்கள் கடந்த ஒரு வாரமாக தொடர் வேலைநிறுத்தப் போராட்டத்தில் ஈடுபட்டுள்ளதால், வருவாய்த்துறை சார்பில் வழங்கப்படும் பிரதான சேவைகளை பெற இயலாமல் பொதுமக்கள் பெரிதும் அவதியடைந்துள்ளனர்.
இப்போராட்டத்தில், பெரம்பலூர் மாவட்டத்தில் பணிபுரியும் சுமார் 80-க்கும் மேற்பட்ட கிராம நிர்வாக அலுவலர்கள் பங்கேற்றுள்ளதால், ஊராட்சி பகுதிகளில் பல்வேறு சான்றிதழ்கள் வழங்கும் பணி பாதிக்கப்பட்டுள்ளது.
இதேபோல, திருமண உதவித்தொகை உள்ளிட்ட அரசின் நலத்திட்ட உதவிகளை பெற இயலாமலும், போட்டித் தேர்வுகளுக்கு விண்ணபிக்கத் தேவையான சான்றிதழ்கள் பெற முடியாமலும், கல்விக்கடன், வீட்டுக் கடன் பெற இயலாமலும், சிறு, குறு விவசாயி சான்று வழங்குதல் உள்ளிட்ட பல்வேறு பணிகள் முற்றிலும் முடங்கியுள்ளன. நில அளவைப் பணிகளும் பாதிக்கப்பட்டுள்ளதால் பத்திரப்பதிவு பணிகளும் முடங்கியுள்ளன.
இதுகுறித்து போராட்டத்தில் ஈடுபட்டுள்ள கிராம நிர்வாக அலுவலர் ஒருவர் கூறியது:
நியாயமான கோரிக்கைகளை நிறைவேற்ற வலியுறுத்தி இப் போராட்டத்தில் ஈடுபட்டுள்ளோம். இதனால் வருவாய்த்துறை உள்ளிட்ட பல்வேறு துறைகளில் பெரும்பாலான பணிகளில் சுணக்கம் ஏற்பட்டுள்ளது. பெரம்பலூர் மாவட்டத்தில் மட்டும், இதுவரை சுமார் 3,500 விண்ணப்பங்கள் தேங்கியுள்ளன. எங்களது கோரிக்கைகளை தமிழக அரசு நிறைவேற்ற வேண்டும். தவறும் பட்சத்தில் போராட்டம் தொடரும் என்றார் அவர்.
இதுகுறித்து மாவட்ட வருவாய் அலுவலர் ஆ. அழகிரிசாமி கூறியது: இதற்கு மாற்று ஏற்பாடு செய்வதென்றால் அரசுதான் முடிவெடுக்க வேண்டும். அந்தந்த கிராமங்களில் கிராம உதவியாளர்களைக் கொண்டு சில பணிகளை மேற்கொண்டு வருகிறோம். இந்த வேலைநிறுத்தப் போராட்டத்தில் பங்கேற்காமல் சிலர் உள்ளனர். அவர்கள் மூலமாக தேவையான சான்றிதழ்கள் வழங்க நடவடிக்கை எடுத்து வருகிறோம் என்றார் அவர்.

 

]]>
http://www.dinamani.com/all-editions/edition-trichy/perambalur/2018/dec/15/விஏஓக்கள்-தொடர்-வேலைநிறுத்தம்-பொதுமக்கள்-அவதி-3058355.html
3058354 திருச்சி பெரம்பலூர் எஸ்.சி, எஸ்.டி, மாணவிகளுக்கு கல்வி உதவித்தொகை அளிப்பு DIN DIN Saturday, December 15, 2018 03:57 AM +0530
எஸ்.சி, எஸ்.டி மாணவிகளுக்கு ரூ.2 லட்சம் மதிப்பிலான கல்வி உதவித்தொகை வெள்ளிக்கிழமை வழங்கப்பட்டது.
பெரம்பலூர் மாவட்டத்தில், கனரா வங்கி மூலம் சார்பில் செயல்படுத்தப்படும் வித்யா ஜோதி திட்டத்தின் கீழ் அரசுப் பள்ளிகள், அரசு உதவிபெறும் பள்ளிகளில் பயிலும், கல்வியில் சிறந்து விளங்கும் ஆதிதிராவிடர் மற்றும் பழங்குடியின
மாணவிகளுக்கு 2013- 14 ஆண்டு முதல் கல்வி உதவித்தொகை வழங்கப்படுகிறது.
அதன்படி, நிகழாண்டு பெரம்பலூர் மாவட்டத்தில் உள்ள கனரா வங்கியின் 9 கிளைகள் மூலம் கல்வி உதவித்தொகை வழங்கும் நிகழ்ச்சி பெரம்பலூரில் நடைபெற்றது.
விழாவுக்கு தலைமை வகித்த மாவட்ட வருவாய் அலுவலர் ஆ. அழகிரிசாமி, 7 ஆம் வகுப்பு வரை பயிலும் மாணவிகளுக்க தலா ரூ. 2,500, 8 முதல் 10 ஆம் வகுப்பு வரை பயிலும் மாணவிகளுக்கு தலா ரூ. 5,000 வீதம் என மொத்தம் 53 மாணவிகளுக்கு ரூ. 2 லட்சத்து 2500 மதிப்பிலான கல்வி உதவித்தொகை வழங்கினார்.
மேலும், மகளிர் சுய உதவிக் குழுவினருக்கு சுழற்சி நிதியுதவியும் வழங்கப்பட்டது.
கோட்ட மேலாளர் உமா மகேஸ்வரி, உதவி பொது மேலாளர் சுந்தரராஜன், முதன்மை மேலாளர் பிரேம்குமார் உள்பட வங்கி அலுவலர்கள் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/15/எஸ்சி-எஸ்டி-மாணவிகளுக்கு-கல்வி-உதவித்தொகை-அளிப்பு-3058354.html
3057714 திருச்சி பெரம்பலூர் பெரம்பலூரில் திருடிவந்த இளைஞர் கைது DIN DIN Friday, December 14, 2018 03:59 AM +0530
பெரம்பலூர் நகரில் பல்வேறு திருட்டுச் சம்பவங்களில் ஈடுபட்ட, திருவண்ணாமலையைச் சேர்ந்த இளைஞரை பெரம்பலூர் போலீஸார் வியாழக்கிழமை கைது செய்தனர்.
பெரம்பலூர் நகரில் இயங்கி வரும் பிரபல மோட்டார் சைக்கிள் விற்பனை நிலையத்தில், அண்மையில் ரூ. 50 ஆயிரம் மதிப்பிலான செல்லிடபேசி திருடப்பட்டது. இதுகுறித்து, அந்த நிறுவனத்தில் பணிபுரிந்து வரும் பெரம்பலூர் மேட்டுத் தெருவைச் சேர்ந்த சுரேஷ் மகன் செளந்திரராஜன் (25) அளித்த புகாரின்பேரில், பெரம்பலூர் போலீஸார் வழக்குப் பதிந்து விசாரித்தனர்.
இந்நிலையில், பெரம்பலூர் காவல் நிலைய உதவி ஆய்வாளர் பழனிச்சாமி தலைமையிலான போலீஸார், பெரம்பலூர் கடைவீதிப் பகுதியில் வியாழக்கிழமை வாகன தணிக்கையில் ஈடுபட்டிருந்தபோது, அவ்வழியே பைக்கில் வந்தவரை வழிமறித்து மேற்கொண்ட விசாரணையில் அவர் திருவண்ணாமலை மாரியம்மன்கோயில் தெருவைச் சேர்ந்த செல்வராஜ் மகன் பிரபாகரன் (25) என்பதும், பெரம்பலூர் ரோஜா நகரைச் சேர்ந்த வேல்முருகன் மனைவி எழிலரசி (39), மோட்டார் விற்பனையகம், நேரு நகரைச் சேர்ந்த வேல்முருகன் மனைவி வசந்தா (30), மங்கலமேடு உள்ளிட்ட இடங்களில் செல்லிடபேசி, நகை ஆகியவற்றை திருடியதும் தெரியவந்தது. பினனர், அவர் மீது வழக்குப் பதிந்த போலீஸார் அவரிடமிருந்த 15 பவுன் நகை, ரூ. 50 ஆயிரம் மதிப்பிலான செல்லிடபேசி ஆகியவற்றை பறிமுதல் செய்து, பெரம்பலூர் குற்றவியல் நடுவர் மன்றத்தில் ஆஜர்படுத்தி வியாழக்கிழமை இரவு சிறையில் அடைத்தனர்.

 

]]>
http://www.dinamani.com/all-editions/edition-trichy/perambalur/2018/dec/14/பெரம்பலூரில்-திருடிவந்த-இளைஞர்-கைது-3057714.html
3057241 திருச்சி பெரம்பலூர் பெரம்பலூரில் நாளை தனியார் வேலைவாய்ப்பு முகாம் DIN DIN Thursday, December 13, 2018 09:46 AM +0530 பெரம்பலூர் மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வெள்ளிக்கிழமை (டிச. 14) நடைபெற உள்ளது.  
இதுகுறித்து மாவட்ட வேலைவாய்ப்பு அலுவலகம் வெளியிட்ட செய்திக் குறிப்பு: 
பெரம்பலூர் மாவட்டத்தில் படித்த வேலைவாய்ப்பற்ற இளைஞர்கள் பயனடையும் வகையில், பல்வேறு தனியார் துறையினர் மற்றும் மாவட்ட வேலைவாய்ப்பு அலுவலகத்தின் மூலம் வேலைவாய்ப்பு முகாம் நடத்தப்பட்டு வருகிறது.  அதன்படி, வெள்ளிக்கிழமை நடைபெறும் முகாமில்  பெரம்பலூர் உள்பட பல்வேறு மாவட்டங்களைச் சேர்ந்த தனியார் நிறுவனங்கள் பங்கேற்று, காலியாக உள்ள பணியிடங்களுக்கு தகுதியான நபர்களை தேர்வு செய்ய உள்ளன.
 இதில் எஸ்எஸ்எல்சி, பிளஸ் 2,, ஐ.டி.ஐ, டிப்ளமோ, பட்டப்படிப்பு முடித்த ஆண், பெண்கள் பங்கேற்று பயன்பெறலாம்.  
முகாமில் பங்கேற்பவர்கள் தங்களது கல்விச் சான்றிதழ்கள், ஆதார் அட்டை, கடவுச்சீட்டு அளவுப் புகைப்படங்களுடன் முகாமுக்கு வரவேண்டும். 

]]>
http://www.dinamani.com/all-editions/edition-trichy/perambalur/2018/dec/13/பெரம்பலூரில்-நாளை-தனியார்-வேலைவாய்ப்பு-முகாம்-3057241.html
3057240 திருச்சி பெரம்பலூர் மனுநீதி நிறைவு நாள் முகாமில் ரூ.1.74 கோடியில் நலத்திட்ட உதவிகள் DIN DIN Thursday, December 13, 2018 09:45 AM +0530 ஆலத்தூர் வட்டம், அல்லிநகரம் கிராமத்தில் புதன்கிழமை நடைபெற்ற மனுநீதி நிறைவு நாள் முகாமில் 286 பயனாளிகளுக்கு ரூ. 1.74 கோடி மதிப்பிலான நலத்திட்ட உதவிகள் வழங்கப்பட்டன.  
பெரம்பலூர் மாவட்டம், ஆலத்தூர் வட்டத்துக்குள்பட்ட அல்லிநகரம் கிராமத்தில் மாவட்ட ஆட்சியர் வே. சாந்தா தலைமையில், மனுநீதி நிறைவு நாள் முகாம் புதன்கிழமை நடைபெற்றது. இதில், வருவாய்த் துறை, முதல்வரின் உழவர் பாதுகாப்புத் திட்டம், ஊரக வளர்ச்சித் துறை, சுகாதாரத் துறை,  கூட்டுறவு, வேளாண், தோட்டக்கலை, மாற்றுத் திறனாளிகள் நலத்துறை, கால்நடைப் பராமரிப்பு, தொழில் வணிகம் உள்ளிட்ட பல்வேறு துறைகள் சார்பில் 286 பயனாளிகளுக்கு ரூ. 1.74 கோடி மதிப்பிலான நலத்திட்டஉதவிகள் வழங்கப்பட்டன. மாவட்ட வருவாய் அலுவலர் ஆ. அழகிரிசாமி, வருவாய்க் கோட்டாட்சியர் விசுவநாதன், கூட்டுறவு சங்கங்களின் இணைப்பதிவாளர் பெரியசாமி உள்பட பல்துறை அலுவலர்கள் முகாமில் பங்கேற்றனர்.  
 

]]>
http://www.dinamani.com/all-editions/edition-trichy/perambalur/2018/dec/13/மனுநீதி-நிறைவு-நாள்-முகாமில்-ரூ174-கோடியில்-நலத்திட்ட-உதவிகள்-3057240.html
3057239 திருச்சி பெரம்பலூர் நமையூர் மதுரகாளியம்மன் கோயில் குடமுழுக்கு DIN DIN Thursday, December 13, 2018 09:45 AM +0530 பெரம்பலூர் மாவட்டம், குன்னம் வட்டம், நமையூரிலுள்ள ஸ்ரீ மதுரகாளியம்மன் கோயில்  குடமுழுக்கு விழா புதன்கிழமை நடைபெற்றது.
குடமுழுக்கையொட்டி  திங்கள்கிழமை காலை மகாகணபதி ஹோமம், நவக்கிரக ஹோமம் நடைபெற்றது. தொடர்ந்து மாலையில்  முதல் கால யாகசாலை பூஜை, பூர்ணாஹுதி, தீபாராதனை, பிரசாதம் வழங்குதல் நடைபெற்றது.
செவ்வாய்க்கிழமை இரண்டாம் கால யாகசாலை பூஜைகள், எந்திரஸ்தாபனம்,  அஷ்டபந்தனம் சாற்றுதல்போன்ற பூஜைகள் நடைபெற்றன.  
புதன்கிழமை காலை விநாயகர் கோயில், மூலவர், வழிவிடு விநாயகர் சன்னதி, ஸ்ரீ மதுரகாளியம்மன் மற்றும் பரிவார மூர்த்திகளுக்கு குடமுழுக்கு நடைபெற்றது. பின்னர், விநாயகர் மற்றும் ஸ்ரீ மதுரகாளியம்மனுக்கு மகா அபிஷேகம் நடைபெற்றது.

]]>
http://www.dinamani.com/all-editions/edition-trichy/perambalur/2018/dec/13/நமையூர்-மதுரகாளியம்மன்-கோயில்-குடமுழுக்கு-3057239.html
3057238 திருச்சி பெரம்பலூர் அடிப்படை சட்டங்களை தெரிந்து கொள்வது அவசியமானது DIN DIN Thursday, December 13, 2018 09:45 AM +0530 ஒவ்வொரு இந்திய குடிமகனும் அடிப்படை சட்ட உரிமைகளைத் தெரிந்து கொள்வது அவசியமானது என்றார் சார்பு நீதிபதியும், மாவட்டச் சட்டப்பணிகள் ஆணைக்குழுவின் செயலருமான எம். வினோதா.
பெரம்பலூர் மாவட்டச் சட்டப்பணிகள் ஆணைக்குழு சார்பில், மனித உரிமைகள் தினத்தையொட்டி கணவாய் அரசு தொழில்நுட்பக் கல்லூரியில் செவ்வாய்க்கிழமை நடைபெற்ற சட்ட விழிப்புணர்வு முகாமுக்குத் தலைமை வகித்து மேலும் அவர் பேசியது: அடிமைத்தனத்திலிருந்து தங்களை காத்துக்கொள்ளும் உரிமை மற்றும் துன்புறுத்தலின்றி வாழும் உரிமை நமது அரசியலமைப்பு சட்டத்தில் கூறப்பட்டுள்ளது. 
அவற்றை ஒவ்வொரு மனிதனும் பின்பற்றினால் சமத்துவ, சகோதரத்துவத்துடன் ஒற்றுமையாக வாழலாம். கணிணி குற்றத்திலிருந்து மாணவ, மாணவிகள் தங்களை காத்துக்கொள்ள செல்லிடப்பேசியை முக்கிய பயன்பாட்டுக்கு மட்டுமே பயன்படுத்திக்கொள்ள வேண்டும். தங்களது அந்தரங்க விஷயங்களையும், புகைப்படங்களையும் சமூக வலைத்தளங்களில் பகிர்ந்துகொள்ளக் கூடாது. 
திராவக வீச்சால் பாதிக்கப்படும் நபர்களுக்கும், பாலியல் வன்கொடுமை, இயற்கை பேரிடர் ஆகியவற்றால் பாதிக்கப்படும் நபர்களுக்கும் உரிய இழப்பீடு பெற்றுத்தரப்படும்.  
வழக்கு நடத்த முடியாத, வறுமை கோட்டுக்கு கீழ் உள்ள குறிப்பாக ஆண்டு வருமானம் ரூ. 1 லட்சத்துக்கு கீழ் உள்ளவர்கள் வழக்கு நடத்த மாவட்ட சட்டப் பணிகள் ஆணைக்குழு மூலமாக இலவசமாக வழக்குரைஞர் நியமனம் செய்யப்படுவர் என்றார்  நீதிபதி வினோதா. 
முகாமில், தொழில்நுட்ப கல்லூரி முதல்வர் முகேஷ்குமார், மாவட்ட சட்டப் பணிகள் குழு நிர்வாக அலுவலர் டி. வெள்ளைச்சாமி மற்றும் கல்லூரிப் பேராசிரியர்கள், மாணவ, மாணவிகள் பங்கேற்றனர். 
 

]]>
http://www.dinamani.com/all-editions/edition-trichy/perambalur/2018/dec/13/அடிப்படை-சட்டங்களை-தெரிந்து-கொள்வது-அவசியமானது-3057238.html
3057237 திருச்சி பெரம்பலூர் தனித்திறன்களை வெளிப்படுத்த மாணவர்கள் முன்வர வேண்டும் DIN DIN Thursday, December 13, 2018 09:44 AM +0530 மாணவர்கள் தங்களிடம் ஒளிந்திருக்கும் தனித்திறன்களை வெளிப்படுத்த முன்வர வேண்டும் என்றார் பெரம்பலூர் மாவட்ட முதன்மைக் கல்வி அலுவலர் அருளரங்கன்.
பெரம்பலூர் கோல்டன் கேட்ஸ் மெட்ரிக்குலேசன் பள்ளியில்  புதன்கிழமை நடைபெற்ற மத்திய அரசின் அடல் டிங்கரிங் ஆய்வகத்தை புதன்கிழமை திறந்து வைத்து, மேலும் அவர் பேசியது:
மாணவர்கள் திறன்மிக்கவர்கள். ஒவ்வொருவரிடம் ஒவ்வொரு திறன்கள் இருக்கும். அந்த திறன்களைக் கண்டறிந்து, அவற்றை சரியான நேரத்தில் வெளிப்படுத்திட வேண்டும்.  தங்களிடம் ஒளிந்திருக்கும் தனித்திறன்களை மாணவர்கள் வெளிக்கொணருவது அவசியமானது. இந்த ஆய்வகத்தின் பயன்பாடு குறித்து அறிந்துகொண்டு, அறிவியல் துறையில் மிகப்பெரிய சாதனையாளராக வரவேண்டும் என்றார் அவர்.   
தொடர்ந்து, பள்ளி ஆசிரியர்கள், மாணவ,மாணவிகள் ஆய்வகத்தில் இடம்பெற்றிருந்த படைப்புகளை பார்வையிட்டு அதன் பயன்பாடுகள் குறித்து கேட்டறிந்தனர். இந்த விழாவுக்கு, பள்ளித் தாளாளர் ஆர். ரவிச்சந்திரன் தலைமை வகித்தார். முதன்மை முதல்வர் ஆர். அங்கயர்கண்ணி முன்னிலை வகித்தார்.   பள்ளி முதல்வர் ரங்கராஜ், ஒருங்கிணைப்பாளர் கோமதி மற்றும் ஆசிரியர்கள் உள்ளிட்டோர் நிகழ்வில் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/dec/13/தனித்திறன்களை-வெளிப்படுத்த-மாணவர்கள்-முன்வர-வேண்டும்-3057237.html
3057236 திருச்சி பெரம்பலூர் பெரம்பலூரில் பல்நோக்கு உள் விளையாட்டரங்கம் திறப்பு DIN DIN Thursday, December 13, 2018 09:44 AM +0530 பெரம்பலூர் மாவட்ட  விளையாட்டு வளாகத்தில் ரூ. 3 கோடியில் கட்டப்பட்ட பல் நோக்கு உள் விளையாட்டரங்கை  காணொலிக் காட்சி வாயிலாக தமிழக முதல்வர் எடப்பாடி கே.பழனிசாமி புதன்கிழமை திறந்து வைத்தார்.
இதைத் தொடர்ந்து உள்விளையாட்டரங்கில் நடைபெற்ற நிகழ்வில், மாவட்ட ஆட்சியர் வே.சாந்தா, காவல் கண்காணிப்பாளர் திஷா மித்தல், சட்டப்பேரவை உறுப்பினர் இரா.தமிழ்ச்செல்வன் குத்துவிளக்கேற்றி,  விடுதி மாணவிகள், பொதுமக்களுக்கு இனிப்புகளை வழங்கினர்.
இந்த அரங்கில்  கைப்பந்து, கூடைப்பந்து, கையுந்துபந்து உள்ளிட்ட விளையாட்டுகளுக்கு பயிற்சி பெறலாம். மேலும், டேக்வாண்டோ, டேபிள் டென்னிஸ், கேரம், செஸ் ஆகிய விளையாட்டுகளுக்கு பயிற்சி பெற பயிற்சிக் கூடங்களும் அமைக்கப்பட்டுள்ளன.  
அதேபோல, தடகள பயிற்சி பெறுவதற்கு ஏதுவாக சிந்தெடிக் ஓடுதளப் பாதையும் அமைக்கப்பட்டுள்ளது. வருவாய்க் கோட்டாட்சியர் விசுவநாதன், மாவட்ட விளையாட்டு மற்றும் இளைஞர் நலன் அலுவலர் ம. ராமசுப்பிரமணியராஜா,  பயிற்றுநர்கள் க.கோகிலா,  ஆர்.வாசுதேவன், ந.தர்மராஜன் உள்ளிட்டோர் நிகழ்வில் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/13/பெரம்பலூரில்-பல்நோக்கு-உள்-விளையாட்டரங்கம்-திறப்பு-3057236.html
3057235 திருச்சி பெரம்பலூர் நிலுவைத் தொகை வழங்கக்கோரி கரும்பு விவசாயிகள் நூதனப் போராட்டம் DIN DIN Thursday, December 13, 2018 09:44 AM +0530 கரும்புக்கான நிலுவைத் தொகையை வழங்கக் கோரி  எறையூர்  கூட்டுறவு சர்க்கரை ஆலையின் 41-வது பங்குதாரர்களின் பேரவைக் கூட்டத்திலிருந்து  விவசாயிகள் வெளிநடப்பு செய்து புதன்கிழமை நூதன போராட்டத்தில் ஈடுபட்டனர். 
பெரம்பலூரில் எறையூர் சர்க்கரை ஆலையின் 41-வது பங்குதாரர்களின் பேரவைக் கூட்டம், சர்க்கரை துறைத் தலைவர் மற்றும் மேலாண் இயக்குனருமான ரீட்டா ஹரீஸ் தாக்கூர் தலைமையில் புதன்கிழமை நடைபெற்றது. 
கூட்டம் தொடங்கிய சற்று நேரத்தில், எறையூர் சர்க்கரை ஆலைக்கு அனுப்பிய கரும்புக்கான நிலுவைத் தொகை ரூ. 32 கோடி வழங்காததை கண்டித்தும், கடந்த 3 ஆண்டுகளாக கரும்புக்கான விலை அறிவிக்காத மத்திய, மாநில அரசுகளை கண்டித்தும், பேரவைக் கூட்டத்தை புறக்கணித்து விவசாயிகள் வெளிநடப்பு செய்தனர். கூட்டத்தைவிட்டு வெளியே வந்த விசாயிகள் தங்களது தலையில் முக்காடிட்டு,  கருப்பு பேட்ஜ் அணிந்து  போராட்டத்தில் ஈடுபட்டனர். வருவாய் பங்கீட்டு முறை சட்டத்தை ரத்துசெய்து, உற்பத்தி செலவைக் கணக்கிட்டு பழைய முறை அடிப்படையில் ஒரு டன் கரும்புக்கு ரூ. 4 ஆயிரம் அறிவிக்க வேண்டும். 
2019 ஜனவரி மாதம் முதல் இணை மின் திட்டத்தையும், ஆலை நவீனப்படுத்தும் திட்டத்தையும் தாமதப்படுத்தாமல் செயல்படுத்த வேண்டும். விவசாயிகளுக்கு வழங்கப்பட்டு வரும் மானிய விலை சர்க்கரையை அரை கிலோவில் இருந்து ஒரு கிலோவாக உயர்த்தி தரவேண்டும் எனக் கோரி  போராட்டத்தில் ஈடுபட்டனர். அப்போது, தலையில் முக்காடு போட்டு கருப்பு பேட்ஜ் அணிந்த விவசாயிகள் பிரதமர் நரேந்திர மோடி, முதல்வர் எடப்பாடி கே. பழனிசாமி ஆகியோரது வேடமிட்டு முழக்கமிட்டனர்.
 விவசாய சங்க நிர்வாகிகள் ஆர். ராஜாசிதம்பரம், என். செல்லதுரை, அ. வேணுகோபால், சக்திவேல், சின்னசாமி, ஞானமூர்த்தி உள்ளிட்டோர் போராட்டத்தில் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/dec/13/நிலுவைத்-தொகை-வழங்கக்கோரி-கரும்பு-விவசாயிகள்-நூதனப்-போராட்டம்-3057235.html
3057074 திருச்சி பெரம்பலூர் காவல் நிலையத்தில் கைதி தற்கொலை முயற்சி DIN DIN Thursday, December 13, 2018 08:34 AM +0530 திருட்டு வழக்கில் கைது செய்யப்பட்டு விசாரணைக்காக பெரம்பலூர் காவல் நிலையத்தில் அடைத்து வைக்கப்பட்டகைதி புதன்கிழமை தற்கொலை முயற்சியில் ஈடுபட்டார்.
மதுரை ஜெய்ஹிந்த்புரத்தைச் சேர்ந்தவர் கண்ணன் என்கிற பிரவீன்(27). இவர் மீது பல்வேறு காவல் நிலையங்களில் இருசக்கர வாகனத் திருட்டு, நகை பறிப்பு வழக்குகள் உள்ளன.
 இந்நிலையில்  பெரம்பலூர் மாவட்டம், பேரளி பேருந்து நிலையத்தில்   நின்றுகொண்டிருந்த படைக்காசு என்பவரை  பிரவீன் செவ்வாய்க்கிழமை மிரட்டி பணத்தை பறித்துச் சென்றாராம். 
படைக்காசு அளித்த புகாரின் பேரில், மருவத்தூர் போலீஸார் பிரவீனை கைது செய்தனர். 
 தொடர்ந்து நீதிமன்றத்தில் ஆஜர்படுத்துவதற்காக பெரம்பலூர் காவல் நிலையத்தில் அடைத்து வைக்கப்பட்டிருந்த பிரவீன்,  அங்கு கழிவறையில் வைக்கப்பட்டிருந்த பினாயிலை குடித்து புதன்கிழமை தற்கொலை முயற்சியில் ஈடுபட்டார். இதையறிந்த பெரம்பலூர் போலீஸார் பிரவீனை மீட்டு அரசு மருத்துவமனையில் சிகிச்சைக்காக அனுமதித்துள்ளனர். தொடர்ந்து அவரிடம் விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-trichy/perambalur/2018/dec/13/காவல்-நிலையத்தில்-கைதி-தற்கொலை-முயற்சி-3057074.html
3056483 திருச்சி பெரம்பலூர் கார் கவிழ்ந்து  தோட்டக்கலை கல்லூரிப் பேராசிரியர் சாவு DIN DIN Wednesday, December 12, 2018 08:56 AM +0530 பெரம்பலூர்  அருகே  செவ்வாய்க்கிழமை மாலை நிகழ்ந்த சாலை விபத்தில் தோட்டக்கலைக் கல்லூரிப் பேராசிரியர் உயிரிழந்தார்.
தஞ்சாவூர் மாவட்டம், நாஞ்சிக்கோட்டை சுந்தரபுரம் ஆரோக்கிய நகரைச் சேர்ந்தவர் குமாரசாமி மகன் சாமி அய்யப்பன் (58).  இவர் திருச்சி நவலூர் குட்டப்பட்டு தோட்டக்கலைக் கல்லூரியில் பேராசிரியராகப் பணியாற்றி வந்தார். இதே கல்லூரியில் பேராசிரியராக கருணாநிதி (54), உதவிப் பேராசிரியையாக ம. வித்யா (38) ஆகியோர் பணியாற்றி வந்தனர்.
இவர்கள் மூவரும்  பெரம்பலூர் மாவட்டம், எசனை, அம்மாபாளையம் கிராமங்களில்  நோய் பாதிப்புக்குள்ளான சின்ன வெங்காயப் பயிர்களை செவ்வாய்க்கிழமை  பார்வையிட்ட பின்னர், ஆலத்தூர் பகுதி நோக்கி காரில் சென்று கொண்டிருந்தனர்.
திருச்சி- சென்னைதேசிய நெடுஞ்சாலையில் கார் சென்ற போது, திடீரென கட்டுப்பாட்டை இழந்து சாலையின் மையத்தடுப்பில் மோதி விபத்துக்குள்ளானது.  இதில் சாமி அய்யப்பன் நிகழ்விடத்திலேயே உயிரிழந்தார். பலத்த காயமடைந்த கருணாநிதி, வித்யா, கார் ஓட்டுநரான துறைமங்கலத்தைச் சேர்ந்த மணிகண்டன் ஆகியோர் பெரம்பலூர் அரசு மருத்துவமனையில் அனுமதிக்கப்பட்டுள்ளனர்.  பாடாலூர் போலீஸார் வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-trichy/perambalur/2018/dec/12/கார்-கவிழ்ந்து--தோட்டக்கலை-கல்லூரிப்-பேராசிரியர்-சாவு-3056483.html
3056482 திருச்சி பெரம்பலூர் நல்லறிக்கை பள்ளியில் பாரதியார் பிறந்த நாள் DIN DIN Wednesday, December 12, 2018 08:56 AM +0530 பெரம்பலூர் மாவட்டம், குன்னம் வட்டம், நல்லறிக்கை நடுநிலைப் பள்ளியில் பாரதியாரின் 137 ஆவது பிறந்த நாள் விழா செவ்வாய்க்கிழமை நடைபெற்றது.
இந்த விழாவுக்கு பள்ளித் தலைமையாசிரியை த. கலைச்செல்வி தலைமை வகித்தார். கடல்தாய் அறக்கட்டளை நிறுவனர் ராஜீவ்காந்தி முன்னிலை வகித்தார்.கரம் கொடு மனிதா அறக்கட்டளை நிறுவனர் பிரபாத் கலாம் நிகழ்வில் பங்கேற்று பாரதியாரின் படத்துக்கு மாலை அணிவித்து மரியாதை செய்தார். 
தொடர்ந்து, பாரதியாரின் வாழ்க்கை வரலாறு குறித்த குறும்படம் ஒளிபரப்பப்பட்டது. மேலும், பள்ளி மாணவர்களுக்கு மாற்றுடைப் போட்டிகள் நடத்தப்பட்டு, அதில் வெற்றி பெற்றோருக்கு பரிசுகள் வழங்கப்பட்டன.  இதில், சமூக ஆர்வலர் வெண்மணி வரதராஜன் உள்ளிட்ட பலர் பங்கேற்றனர். கரம் கொடு மனிதா அறக்கட்டளை மற்றும் கடல் தாய் அறக்கட்டளை பொறுப்பாளர்கள் விழா ஏற்பாடுகளைச் செய்திருந்தனர். அறக்கட்டளை நிர்வாகி ஜெயசீலன் நன்றி கூறினார்.

]]>
http://www.dinamani.com/all-editions/edition-trichy/perambalur/2018/dec/12/நல்லறிக்கை-பள்ளியில்-பாரதியார்-பிறந்த-நாள்-3056482.html
3056481 திருச்சி பெரம்பலூர் பெரம்பலூர், அரியலூரில் காங்கிரஸார் கொண்டாட்டம் DIN DIN Wednesday, December 12, 2018 08:55 AM +0530 மத்தியப்பிரதேசம், ராஜஸ்தான், சத்தீஸ்கர் மாநிலத் தேர்தலில் காங்கிரஸ் கட்சி வெற்றி பெற்றதைத் தொடர்ந்து, பெரம்பலூர், அரியலூர் மாவட்டங்களில் காங்கிரஸ் கட்சியினர் பட்டாசு வெடித்து, பொதுமக்களுக்குஇனிப்புகளை வழங்கினர்.
மத்தியப்பிரதேசம் உள்ளிட்ட 5 மாநிலங்களுக்கு நடைபெற்ற பேரவைத் தேர்தலில் பதிவான வாக்குகள் செவ்வாய்க்கிழமை எண்ணப்பட்டன. இதில், ராஜஸ்தான், சத்தீஸ்கர், மத்தியப்பிரதேச மாநிலங்களில் பா.ஜ.க.விடமிருந்து ஆட்சியை காங்கிரஸ் கட்சி கைப்பற்றியது.
தேர்தல் வெற்றியைத் தொடர்ந்து, பெரம்பலூர் புறநகர்ப் பேருந்து நிலையப் பகுதியில் கட்சியின் மாவட்டத் தலைவர் டி. தமிழ்ச்செல்வன் தலைமையில் காங்கிரஸ் கட்சியினர் பட்டாசு வெடித்து, பொதுமக்களுக்கு இனிப்புகளை வழங்கினர்.
 மாவட்டப் பொதுச் செயலர் துரை. ராமச்சந்திரன், மாவட்டப் பொருளாளர் ஆசைத்தம்பி, மாநில பொதுக்குழு உறுப்பினர்கள் தங்கவேல், சிவாஜிமூக்கன், வட்டாரத் தலைவர்கள் கிருஷ்ணமூர்த்தி, காமராஜ், மாவட்ட ஓ.பி.சி பிரிவுத் தலைவர் சாமிதுரை உள்ளிட்டோர் நிகழ்வில் பங்கேற்றனர்.
அரியலூரில் :   அரியலூர் மாவட்டம், செந்துறையில்,  ஒன்றிய காங்கிரஸ் தலைவர்  செந்தில்குமார் தலைமையில் உடையார்பாளையம் பிரிவுச் சாலையில் கட்சி நிர்வாகிகள் பட்டாசு வெடித்தும்,பொதுமக்களுக்கு இனிப்புகளை  வழங்கினர்.
 அரியலூர்,ஜயங்கொண்டம்,திருமானூர்,ஆண்டிமடம்,மீன்சுருட்டி,பொன்பரப்பி, தா.பழூர்,திருமழபாடி, கீழப்பழுவூர்,உடையார்பாளையம் உள்ளிட்ட பகுதிகளில் காங்கிரஸ் கட்சியினர் பொதுமக்களுக்கு இனிப்புகளை வழங்கிக் கொண்டாடினர்.

]]>
http://www.dinamani.com/all-editions/edition-trichy/perambalur/2018/dec/12/பெரம்பலூர்-அரியலூரில்-காங்கிரஸார்-கொண்டாட்டம்-3056481.html
3056480 திருச்சி பெரம்பலூர் துரித உணவு தயாரிப்புப் பயிற்சி பெற விண்ணப்பிக்கலாம்  DIN DIN Wednesday, December 12, 2018 08:55 AM +0530 துரித உணவு தயாரிப்பது குறித்த இலவசப் பயிற்சி  பெற ஆர்வமுள்ளவர்கள்  விண்ணப்பிக்கலாம்.
இதுகுறித்து பெரம்பலூர் இந்தியன் ஓவர்சீஸ் வங்கியின் கிராமிய சுயவேலைவாய்ப்புப் பயிற்சி மைய இயக்குநர் ஜே. அகல்யா செவ்வாய்க்கிழமை வெளியிட்ட செய்திக்குறிப்பு:
டிச.18 ஆம் தேதி முதல் துரித உணவு தயாரிப்புப் பயிற்சி  இலவசமாக பயிற்சி மையத்தில் அளிக்கப்பட உள்ளது. 18 வயதை கடந்த எழுத, படிக்கத் தெரிந்தவர்கள் இப்பயிற்சியில்  பங்கேற்கலாம். 10நாள்கள் நடைபெறும் பயிற்சிக்குப் பின்னர் சான்றிதழ் வழங்கப்படும்.விருப்பம் உள்ளவர்கள் பெரம்பலூர் மதனகோபாலபுரத்தில் உள்ள கிராமிய சுயவேலை வாய்ப்பு பயிற்சி மையத்தின் இயக்குநரிடம் தங்களது பெயர், வயது, விலாசம், கல்வித் தகுதி ஆகியவற்றை குறிப்பிட்டு விண்ணப்பிக்க வேண்டும்.டிச.14 ஆம் தேதி நடைபெறும் நேர்முகத் தேர்வு மற்றும் நுழைவுத்தேர்வில் தேர்ச்சி பெறுபவர்களுக்கு அனுமதி வழங்கப்படும். மேலும் விவரங்களுக்கு  04328- 277896  என்ற எண்ணில் தொடர்பு கொள்ளலாம்.     

]]>
http://www.dinamani.com/all-editions/edition-trichy/perambalur/2018/dec/12/துரித-உணவு-தயாரிப்புப்-பயிற்சி-பெற-விண்ணப்பிக்கலாம்-3056480.html
3056479 திருச்சி பெரம்பலூர் வட்டார வளர்ச்சி அலுவலர்களுக்கு  ஊதிய நிர்ணயம் செய்ய வலியுறுத்தல் DIN DIN Wednesday, December 12, 2018 08:55 AM +0530 வட்டார வளர்ச்சி அலுவலர்களுக்கு ஊதிய நிர்ணயம் செய்ய வேண்டும் என்று  ஊரக வளர்ச்சித்துறை ஓய்வூதியர்கள் சங்கம் வலியுறுத்தியுள்ளது.
பெரம்பலூரில் அண்மையில் நடைபெற்ற சங்கத்தின் மாநிலச் செயற்குழு, மாவட்டப் பொதுக்குழுக் கூட்டத்தில் இதற்கான தீர்மானம் நிறைவேற்றப்பட்டது. இந்தக் கூட்டத்தில் நிறைவேற்றப்பட்ட தீர்மானங்கள்: புதிய ஓய்வூதியத் திட்டத்தை ரத்து செய்து, பழைய ஓய்வூதிய திட்டத்தை நடைமுறைப்படுத்த வேண்டும். வட்டார வளர்ச்சி அலுவலர்களுக்கு ஊதிய நிர்ணயம் செய்திட வேண்டும். ஓய்வூதியர்களுக்கு அடையாள அட்டைகள் வழங்குவதில் வரையறை செய்திட வேண்டும்.  மத்திய அரசு ஊழியர்களுக்கு நிகரான ஊதியம் வழங்க வேண்டும் என்பன உள்ளிட்ட பல்வேறு தீர்மானங்கள் நிறவேற்றப்பட்டன. 
கூட்டத்துக்கு மாவட்டத் தலைவர் சு. தங்கவேலு தலைமை வகித்தார். பொருளாளர் அ. தங்கவேல் அறிக்கை வாசித்தார். ஊரக வளர்ச்சித்துறை உதவி இயக்குநர்கள் சிவக்குமார் (தணிக்கை), பழனிசாமி, பாரதிதாசன்  சிறப்புரையாற்றினர்.  
சங்கத்தின்  மாநிலத்தலைவர் மணிவண்ணன், மண்டல துணைச்செயலர் கிருஷ்ணமூர்த்தி, மாநில துணைத்தலைவர் செந்தில்வேல் உள்ளிட்டோர் கூட்டத்தில் பங்கேற்றனர்.            

]]>
http://www.dinamani.com/all-editions/edition-trichy/perambalur/2018/dec/12/வட்டார-வளர்ச்சி-அலுவலர்களுக்கு-ஊதிய-நிர்ணயம்-செய்ய-வலியுறுத்தல்-3056479.html
3056478 திருச்சி பெரம்பலூர் தொடர் வேலை நிறுத்தப் போராட்டத்தில் கிராம நிர்வாக அலுவலர்கள் DIN DIN Wednesday, December 12, 2018 08:53 AM +0530 தங்களின் 21 அம்சக் கோரிக்கைகளை நிறைவேற்ற வலியுறுத்தி, அரியலூர் மாவட்டத்தில் கிராம நிர்வாக அலுவலர்கள் தொடர் வேலை நிறுத்தப் போராட்டத்தில் ஈடுபட்டு வருகின்றனர்.
காலியாக உள்ள கிராம நிர்வாக அலுவலர்கள் பணியிடங்களை உடனடியாக நிரப்ப வேண்டும். கிராம நிர்வாக அலுவலர்கள் அனைவருக்கும் ஒரே அரசாணை மூலம் மாவட்ட மாறுதலை ஆன்லைன் மூலம் நடத்த வேண்டும். பணியிடங்களை மறு சீரமைப்பு செய்ய வேண்டும். 
கணினி வழிச் சான்றிதழ்கள், இணையதள பணிகளுக்கான செலவினத் தொகை மற்றும் வசதிகள் செய்து தரவேண்டும் என்பன உள்ளிட்ட 21 அம்ச கோரிக்கைகளை வலியுறுத்தி தமிழ்நாடு கிராம நிர்வாக அலுவலர்கள் சங்கத்தினர் கடந்த மாதம் 28  ஆம் தேதி முதல் ஆன்லைனில் சான்றிதழ் பதிவு செய்யும் பணியினை புறக்கணித்து போராட்டத்தில் ஈடுபட்டனர். 
டிசம்பர் 5  மற்றும் 6 ஆம் தேதிகளில் அந்தந்த வட்டாட்சியர் அலுவலகங்களில் காத்திருப்புப் போராட்டம் மேற்கொண்ட அச்சங்கத்தினர், திங்கள்கிழமை முதல் பணிகளை புறக்கணித்து தொடர்ப் போராட்டத்தை தொடங்கினர்.
 2- ஆவது நாளாக செவ்வாய்க்கிழமையும் அவர்கள் போராட்டதில் ஈடுபட்டு,போராட்டம் குறித்த துண்டு  பிரசுரங்களை பொதுமக்களிடம் வழங்கினர். 
திருமானூர்,அரியலூர் உள்ளிட்ட பகுதிகளில் கிராம நிர்வாக அலுவலர்கள் சங்கத்தினர் பொதுமக்களிடம் துண்டு பிரசுரங்களை வழங்கினர்.
 இவர்களின்  போராட்டத்தினால் பல்வேறு சான்றிதழ் பெறுவதற்குரிய கையெழுத்தை பெற முடியாமல் பொதுமக்கள் அவதிக்குள்ளாகினர்.
பெரம்பலூரில் :    கிராம நிர்வாக அலுவலர்களுக்குத் தேவையான அடிப்படை வசதிகள், அரசு மேற்கொள்ள வேண்டிய நடவடிக்கைகள் குறித்த துண்டுப் பிரசுரங்களை பொதுமக்கள், வியாபாரிகள் உள்ளிட்ட அனைத்து தரப்பு மக்களையும் சந்தித்து நேரில் மாவட்ட பொருளாளர் பெ. கார்த்திகேயன் தலைமையில் விநியோகம் செய்தனர்.   

]]>
http://www.dinamani.com/all-editions/edition-trichy/perambalur/2018/dec/12/தொடர்-வேலை-நிறுத்தப்-போராட்டத்தில்-கிராம-நிர்வாக-அலுவலர்கள்-3056478.html
3056477 திருச்சி பெரம்பலூர் 10 மாதங்களாக கிடப்பில் சாலை அமைக்கும் பணி : பேருந்து வசதியின்றி அவதியுறும் பொதுமக்கள் DIN DIN Wednesday, December 12, 2018 08:53 AM +0530 பெரம்பலூர்  அருகே 10 மாதங்களுக்கு முன்பு தொடங்கப்பட்ட சாலை அமைக்கும் பணி கிடப்பில் உள்ளதால்,  பேருந்து வசதியில்லாமல் பொதுமக்களும், மாணவ, மாணவிகளும் அவதிக்குள்ளாகியுள்ளனர்.
பெரம்பலூர் மாவட்டம், சிறுவாச்சூரிலுள்ள மதுரகாளியம்மன் கோயிலுக்குச் செல்ல  விளாமுத்தூர் சாலையைப் பொதுமக்கள், பக்தர்கள் பயன்படுத்தி வந்தனர். அதே போல  சிறுவாச்சூர், கல்பாடி, காரை, மலையப்ப நகர் உள்பட சுமார் 10-க்கும் மேற்பட்ட கிராம மக்களும் பெரம்பலூருக்கு வருவதற்காக இந்த வழித்தடத்தை பயன்படுத்தி வந்தனர்.  விளாமுத்தூர், நொச்சியம் உள்ளிட்ட பல கிராமங்களைச் சேர்ந்த 100-க்கும் மேற்பட்ட மாணவ, மாணவிகள் சிறுவாச்சூர் அரசு மேல்நிலைப் பள்ளிக்கு செல்வதற்காகப் பயன்படும் சாலையும் இதுதான்.
குண்டும் குழியுமாக காணப்பட்ட இந்த சாலையை மேம்படுத்த  பிரதம மந்திரி கிராமச் சாலைகள் திட்டத்தின் கீழ்,  ரூ.71.82 லட்சம் நிதியும்,   5 ஆண்டுகளுக்குப் பராமரிப்புப் பணிகளுக்கான நிதியும் ஒதுக்கீடு செய்யப்பட்டது. இதைத் தொடர்ந்து, பிப்ரவரி 15 ஆம் தேதி பெரம்பலூர் சட்டப்பேரவை உறுப்பினர் இளம்பை இரா.தமிழ்ச்செல்வன் இதற்கான பணியைத் தொடக்கி வைத்தார்.
இப்பணிக்காக ஜல்லிக்கற்கள் கொட்டப்பட்ட நிலையில் பணியில் சுணக்கம் ஏற்பட்டது. நவம்பர் 14 ஆம் தேதி முடித்து பயன்பாட்டுக்கு கொண்டு வரப்பட வேண்டிய இந்த சாலைப் பணிகள் இதுவரை முடிக்கப்படவில்லை.
இதனால், இந்த வழித்தடத்தில் இயக்கப்பட்ட மினி பேருந்துகளும், ஷேர் ஆட்டோக்களும் மாற்றுப்பாதையில் செல்வதால் பள்ளிக்குச் செல்லும் மாணவர்கள் உரிய நேரத்தில் செல்லமுடியாத நிலை உருவாகியுள்ளது. சிறுவாச்சூர் கோயிலுக்குச் செல்லும் பக்தர்களும், அங்குள்ள பள்ளிக்குச் செல்லும் மாணவ, மாணவிகளும் தேசிய நெடுஞ்சாலை வழியாக சுமார் 7 கிலோ மீட்டர் தொலைவுக்கு  கடந்து செல்கின்றனர். 
மாலை நேரங்களில் இந்த வழியாக நடந்து வரும்போது சமூக விரோதிகளால் மாணவிகளுக்கும், பெண்களுக்கும் இடையூறு ஏற்பட்டு வருகிறது.  பணியை விரைவுப்படுத்தக் கோரி  4 மாதங்களுக்கு முன் மாவட்ட ஆட்சியரை நேரில் சந்தித்து மனு அளித்தோம். ஆனால், இதுவரை எந்தவித நடவடிக்கையும் எடுக்கவில்லை. விளாமுத்தூரில் இருந்து தேசிய நெடுஞ்சாலை செல்லும் சாலையும் குண்டும், குழியுமாக காணப்படுகிறது.  எனவே சாலை அமைக்கும் பணியை விரைந்து முடிக்க வேண்டும் என்றார் விளாமுத்தூரைச் சேர்ந்த வாசுகி.

]]>
http://www.dinamani.com/all-editions/edition-trichy/perambalur/2018/dec/12/10-மாதங்களாக-கிடப்பில்-சாலை-அமைக்கும்-பணி--பேருந்து-வசதியின்றி-அவதியுறும்-பொதுமக்கள்-3056477.html
3056476 திருச்சி பெரம்பலூர் ஆன்லைனில் விண்ணப்பித்தல்: பெரம்பலூரில் ஆய்வுக்கூட்டம் DIN DIN Wednesday, December 12, 2018 08:53 AM +0530 பெரம்பலூர் மாவட்டத்தில் உணவு பொருள்கள் விற்பனை செய்யும் வியாபாரிகளுக்கு, தமிழ்நாடு உணவுப் பாதுகாப்புத்துறையின் மூலம் ஆன் லைன் மூலம் பதிவு மற்றும் உரிமம் விண்ணப்பித்தல் குறித்த ஆய்வுக்கூட்டம் 
ஆட்சியரகத்தில் திங்கள்கிழமை நடைபெற்றது.  மாவட்ட ஆட்சியர் வே. சாந்தா தலைமையில் நடைபெற்ற இக்கூட்டத்தில், ஆன் லைனில் பதிவு மற்றும் உரிமங்களை விண்ணப்பிப்பது, தடை செய்யப்பட்ட குட்கா, நிக்கோடின் பாக்கெட்டுகளுடன் கூடிய பான்மசாலா, புகையிலை விற்கப்பட்டால் மேற்கொள்ளப்படும் நடவடிக்கைகள், தடைசெய்யப்பட்ட பிளாஸ்டிக் உணவு வணிக நிறுவனங்களில் பயன்படுத்தப்படுவது, உணவுப் பொருள்களில் கலப்படம் தொடர்பாக புகார் அளிப்பது குறித்து விளக்கம் அளிக்கப்பட்டது. இதில், மாவட்ட வருவாய் அலுவலர் ஆ. அழகிரிசாமி, உணவு பாதுகாப்பு நியமன அலுவலர் செளமியா சுந்தரி உள்ளிட்ட பல்துறை அலுவலர்கள் பங்கேற்றனர்.       
 

]]>
http://www.dinamani.com/all-editions/edition-trichy/perambalur/2018/dec/12/ஆன்லைனில்-விண்ணப்பித்தல்பெரம்பலூரில்-ஆய்வுக்கூட்டம்-3056476.html
3056475 திருச்சி பெரம்பலூர் பிரம்மபுரீசுவரர் கோயிலில் சங்காபிஷேகம் DIN DIN Wednesday, December 12, 2018 08:52 AM +0530 பெரம்பலூர் அருள்மிகு  அகிலாண்டேசுவரி உடனுறை பிரம்மபுரீசுவரர் திருக்கோயிலில்  திங்கள்கிழமை நடைபெற்ற சங்காபிஷேகம் மற்றும் சிறப்பு ஹோம வழிபாட்டில் ஏராளமானோர் பங்கேற்றனர்.
கார்த்திகை கடைசி சோமவார விழாவையொட்டி கோயிலின் தட்சிணாமூர்த்தி சன்னதி அருகே கலச ஸ்தாபனத்துடன்  யாகசாலை அமைக்கப்பட்டு நவக்கிரக ஹோமம், மிருத்யுஞ்செய் ஹோமம் நடைபெற்றது. இதைத் தொடர்ந்து
 மூலவருக்கு 108 வலம்புரி சங்காபிசேகமும், அம்மனுக்கு அனைத்து வகை வாசனை திரவியங்களைக் கொண்டு சோடஷ அபிஷேகங்களும், மகாதீபாராதனையும் நடைபெற்றது.  
பூஜைகளை திருச்செங்கோடு சுவாமிநாத சிவாச்சாரியார் நடத்தினார். பெரம்பலூர் நகரைச் சேர்ந்த  ஏராளமான பக்தர்கள் சங்காபிஷேக வழிபாட்டில் பங்கேற்றனர். 

]]>
http://www.dinamani.com/all-editions/edition-trichy/perambalur/2018/dec/12/பிரம்மபுரீசுவரர்-கோயிலில்-சங்காபிஷேகம்-3056475.html
3056474 திருச்சி பெரம்பலூர் பிரதானக் குழாய்கள் சேதம்: வீணாகும் கொள்ளிடம் கூட்டுக் குடிநீர்த் திட்ட தண்ணீர் DIN DIN Wednesday, December 12, 2018 08:52 AM +0530 குடிநீர்ப் பற்றாக்குறையால் பொதுமக்கள் அவதிப்பட்டு வரும் நிலையில், பெரம்பலூர் மாவட்டம், வேப்பந்தட்டை அருகே கொள்ளிடம் கூட்டுக் குடிநீர்த் திட்ட குழாயில் இருந்து தண்ணீர் வீணாகுவதைத் தடுக்க அதிகாரிகள் நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர். 
 2003- 2004- ஆம் ஆண்டில் பெரம்பலூர் மாவட்டத்தில் செயல்படுத்தப்பட்ட கொள்ளிடம் கூட்டுக் குடிநீர்த் திட்டத்தின் மூலம், பெரம்பலூர் நகராட்சி, குரும்பலூர் பேரூராட்சி மற்றும்  116 கிராமங்கள் பயன் பெற்று வருகின்றன.
 2-ஆம் கட்டமாக 2007-இல் செயல்படுத்தப்பட்ட கூட்டுக் குடிநீர்த் திட்டத்தின் மூலம் 306 கிராமங்களைச் சேர்ந்த பொதுமக்கள் பயன்பெறுவார்கள் என மாவட்ட நிர்வாகம் அறிவித்தது.
இத்திட்டம் கொண்டுவரப்பட்டபோது 2 நாளுக்கு ஒருமுறை குடிநீர் விநியோகம் செய்யப்பட்டு வந்த நிலையில், தற்போது 15- 20 தினங்களுக்கு ஒருமுறை மட்டுமே குடிநீர் விநியோகிக்கப்படுகிறது. நாள் ஒன்றுக்கு 32 லட்சம் லிட்டர் தண்ணீர் பெறப்பட்ட நிலையில், தற்போது 15 லட்சம் லிட்டர் தண்ணீருக்கும் குறைவாகவே பெறப்படுகிறது.  
இதனால், நகராட்சி உள்பட பல்வேறு கிராமங்களில் போதிய தண்ணீரின்றி மக்கள் அவதிக்குள்ளாகி வருகின்றனர்.
மேல்நிலை நீர்தேக்கத் தொட்டிகளுக்குச் செல்லும் பிரதான குழாய்களும், குடியிருப்பு பகுதிகளுக்கு செல்லும் குழாய்களும் ஆங்காங்கே சேதமடைந்துள்ளதால், அதிலிருந்து வெளியேறும் தண்ணீர் வீணாகி சாலைகளிலும், கழிவுநீர் கால்வாய்களிலும் கலக்கிறது.
பல்வேறு இடங்களில் சேதமடைந்துள்ள குழாய்களை சீரமைக்க தமிழ்நாடு குடிநீர் வடிகால் வாரியம் எவ்வித நடவடிக்கையும் எடுப்பதில்லை எனக் கூறப்படுகிறது. குறிப்பாக, விளாமுத்தூர் சாலை, செஞ்சேரி பிரிவுசாலை, செட்டிக்குளம், எசனை, சிறுவாச்சூர் உள்ளிட்ட பல்வேறு பகுதிகளில் அமைக்கப்பட்டுள்ள பிரதான குழாய்களில் இருந்து கொள்ளிடம் கூட்டுக் குடிநீர்த் திட்ட தண்ணீர் தொடர்ந்து வெளியேறுகிறது.   வேப்பந்தட்டை அருகிலுள்ள அனுக்கூர் ஊராட்சி ஒன்றியத் தொடக்கப்பள்ளி அருகே அண்மையில் உடைந்த கொள்ளிடம் கூட்டு குடிநீர் திட்ட குழாயிலிருந்து  வெளியேறிய தண்ணீர்  பள்ளிக்கு அருகில் தேங்கியதால், கொசுக்கள் உற்பத்தியாகும் சூழல் ஏற்பட்டுள்ளது.
குடிநீர் பற்றாக்குறையால் மக்கள் அவதிப்பட்டு வரும் நிலையில், கொள்ளிடம் கூட்டுக் குடிநீர்த் திட்ட தண்ணீர் வீணாவதைத் தடுக்க சம்பந்தப்பட்ட துறையினர் உடனடி நடவடிக்கை எடுக்க வேண்டும் என்பதே பொதுமக்களின் கோரிக்கையாக உள்ளது. 

]]>
http://www.dinamani.com/all-editions/edition-trichy/perambalur/2018/dec/12/பிரதானக்-குழாய்கள்-சேதம்-வீணாகும்-கொள்ளிடம்-கூட்டுக்-குடிநீர்த்-திட்ட-தண்ணீர்-3056474.html
3055836 திருச்சி பெரம்பலூர் பெரம்பலூரில் இந்தியத் தொழிலாளர் மக்கள் முன்னேற்றக் கழகத்தினர் ஆர்ப்பாட்டம் DIN DIN Tuesday, December 11, 2018 08:46 AM +0530 அடிப்படை வசதிகளை செய்து தரக் கோரி பெரம்பலூரில் இந்தியத் தொழிலாளர் மக்கள் முன்னேற்றக் கழகத்தினர் திங்கள்கிழமை ஆர்ப்பாட்டம் நடத்தினர்.
 கீழப்புலியூர், சிறுகுடல் சிலோன் காலனி பகுதிகளில் வசிக்கும் தாழ்த்தப்பட்ட மக்களுக்கு வழங்கப்பட்ட வீட்டுமனைப் பட்டாக்களை உள்பிரிவு செய்துத் தர வேண்டும். கீழப்புலியூர் அரசு மேல்நிலைப்பள்ளி மாணவர்கள் பயன்பெறும் வகையில், பேருந்து நேரத்தை மாற்றியமைக்க வேண்டும்.
கீழப்புலியூரில் இயங்கி வரும் மதுபானக்கடையை மாற்ற வேண்டும். தனி நூலகம், விளையாட்டுத் திடல், உதவிசாதனங்கள் போன்றவற்றை வழங்க வேண்டும் என்பனஉள்ளிட்ட  பல்வேறு கோரிக்கைகளை வலியுறுத்தி இந்த ஆர்ப்பாட்டம் நடத்தப்பட்டது.
பெரம்பலூர் புறநகர் பேருந்து நிலைய வளாகத்தில் நடைபெற்ற கண்டன ஆர்ப்பாட்டத்துக்கு, இந்தியத் தொழிலாளர் மக்கள் முன்னேற்ற கழக தலைவர் பி.ஆர். ஈஸ்வரன் தலைமை வகித்தார். மாவட்ட தலைவர் கோவிந்தராஜ், மாவட்டச் செயலாளர் கே.ஆர். சாமி ஆகியோர் முன்னிலை வகித்தனர்.  விடுதலைச்சிறுத்தைகள் கட்சி நிர்வாகிகள் வீர. செங்கோலன், இரா. ஸ்டாலின் உள்ளிட்டோர் ஆர்ப்பாட்டத்தில் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/dec/11/பெரம்பலூரில்-இந்தியத்-தொழிலாளர்-மக்கள்-முன்னேற்றக்-கழகத்தினர்-ஆர்ப்பாட்டம்-3055836.html
3055835 திருச்சி பெரம்பலூர் கண் சிகிச்சை உதவியாளர் பணியிடங்கள்: பதிவு மூப்பு பட்டியலை சரிபார்க்க அழைப்பு DIN DIN Tuesday, December 11, 2018 08:45 AM +0530 கண் சிகிச்சை உதவியாளர் பணியிடங்களுக்கு பரிந்துரைக்கப்பட்டுள்ள உத்தேச பதிவு மூப்பு பட்டியலை சரிபார்த்துக் கொள்ள பெரம்பலூர் மாவட்டத்தைச் சேர்ந்த பதிவுதாரர்களுக்கு  அழைப்பு விடுக்கப்பட்டுள்ளது.
இதுகுறித்து பெரம்பலூர் மாவட்ட வேலைவாய்ப்பு அலுவலகம் சார்பில் திங்கள்கிழமை வெளியிடப்பட்டுள்ள செய்திக்குறிப்பு:மருத்துவப் பணியாளர் தேர்வுவாரியத் தலைவரால் அறிவிக்கப்பட்ட 43 கண் சிகிச்சை உதவியாளர் காலிப் பணியிடங்களுக்கு உத்தேச பதிவு மூப்புப் பட்டியல் தயாரிக்கப்பட்டுள்ளது. பிளஸ் 2 தேர்ச்சியுடன் கண் சிகிச்சை உதவியாளர்பயிற்சி முடித்த சான்றிதழும் வைத்திருக்க வேண்டும்.
வயது வரம்பு :  2018, ஜூலை 1 ஆம் தேதியின்படி  ஆதிதிராவிடர், அருந்ததியினர், பழங்குடியினர், மிகவும் பிற்படுத்தப்பட்ட வகுப்பினர், பிற்படுத்தப்பட்டோர், பிற்படுத்தப்பட்டோர் (முஸ்லிம்) ஆகியோருக்கு 18 முதல் 57 வயதுக்குள்ளும், பொதுப் பிரிவினருக்கு 18 முதல் 30 வயதுக்குள்ளும், பொதுப்பிரிவில் முன்னுரிமையற்றவர்கள் 2013, பிப்ரவரி 28 ஆம் தேதி வரை பதிவு செய்தவர்களும்,  முன்னுரிமை உடையவர்கள் 2018, நவம்பர் 12 ஆம் தேதி வரை பதிவு செய்தவர்களும் பரிந்துரைக்கப்பட உள்ளனர்.
இப்பணிக்கு தகுதியுள்ளவர்கள் தங்களது வேலைவாய்ப்பு அடையாள அட்டை, சாதிச்சான்று, குடும்ப அடையாள அட்டை மற்றும் அனைத்து கல்விச் சான்றுகளுடன் மாவட்ட வேலைவாய்ப்பு அலுவலகத்துக்கு செவ்வாய்க்கிழமை நேரில் சென்று சரிபார்த்துக் கொள்ளலாம்.

]]>
http://www.dinamani.com/all-editions/edition-trichy/perambalur/2018/dec/11/கண்-சிகிச்சை-உதவியாளர்-பணியிடங்கள்-பதிவு-மூப்பு-பட்டியலை-சரிபார்க்க-அழைப்பு-3055835.html
3055834 திருச்சி பெரம்பலூர் கிராம நிர்வாக அலுவலர்கள் தொடர் வேலை நிறுத்தப் போராட்டம் DIN DIN Tuesday, December 11, 2018 08:45 AM +0530 பெரம்பலூர் மாவட்டத்தில் பல்வேறு கோரிக்கைகளை நிறைவேற்ற வலியுறுத்தி திங்கள்கிழமை முதல் கிராம நிர்வாக அலுவலர்கள் தொடர் வேலை நிறுத்தப் போராட்டத்தில் ஈடுபட்டுள்ளனர்.
கிராம நிர்வாக அலுவலர்கள் அனைவருக்கும், ஒரே அரசாணை மூலம் மாவட்ட மாறுதலை ஆன்லைன் மூலம் நடத்த வேண்டும். பணியிடங்களை மறுசீரமைப்பு செய்ய வேண்டும். அலுவலகங்களில் அடிப்படை வசதி ஏற்படுத்தி தர வேண்டும். கணினி வழிச் சான்றிதழ்கள், இணையதள பணிகளுக்கான செலவினத் தொகை மற்றும் வசதிகள் செய்து தர வேண்டும்
 என்பன உள்ளிட்ட 21 கோரிக்கைகளை வலியுறுத்தி, தமிழ்நாடு கிராம நிர்வாக அலுவலர்கள் சங்கத்தினர் நவ.28 ஆம் தேதி முதல் ஆன்லைனில் சான்றிதழ் பதிவு செய்யும் பணியைப் புறக்கணித்து போராட்டத்தில் ஈடுபட்டனர்.
இதைத் தொடர்ந்து, டிசம்பர் 5,6 தேதிகளில் அந்தந்த வட்டாட்சியர் அலுவலகங்களில் காத்திருப்புப் போராட்டம் மேற்கொண்ட கிராம நிர்வாக அலுவலர்கள் சங்கத்தினர், திங்கள்கிழமை முதல் பணிகளைப் புறக்கணித்து தொடர் வேலை நிறுத்தப் போராட்டத்தில் ஈடுபட்டுள்ளனர். 
பெரம்பலூர் வட்டாட்சியர் அலுவலக வளாகத்தில் சங்கத்தின் மாவட்ட பொருளாளர் பெ. கார்த்திகேயன், ஆலத்தூரில்
 மாவட்டத் தலைவர் ரா.ராஜா, வேப்பந்தட்டையில் மாவட்டச் செயலர் மா. ரெங்கராஜ், குன்னத்தில் மாவட்ட ஒருங்கிணைப்பாளர் ந. அகிலன் ஆகியோர் தலைமையில் போராட்டம் நடைபெற்றது.  இப்போராட்டத்தில், பெரம்பலூர் மாவட்டத்தில் பணிபுரியும் 90 கிராம நிர்வாக அலுவலர்கள் பங்கேற்றனர். இதனால் கிராம நிர்வாக அலுவலர்களின் பரிந்துரையின் பேரில் வருவாய்த்துறை சார்பில் பல்வேறு சான்றிதழ்கள் வழங்கும் பணி உள்ளிட்ட அன்றாட பணிகள் பெரிதும் பாதிக்கப்பட்டன.      

]]>
http://www.dinamani.com/all-editions/edition-trichy/perambalur/2018/dec/11/கிராம-நிர்வாக-அலுவலர்கள்-தொடர்-வேலை-நிறுத்தப்-போராட்டம்-3055834.html
3055833 திருச்சி பெரம்பலூர் இடைத்தேர்தலை நடத்த அவசரம் காட்டத் தேவையில்லை DIN DIN Tuesday, December 11, 2018 08:45 AM +0530 கஜா புயால் டெல்டா மாவட்ட மக்கள் பாதிக்கப்பட்டிருக்கும் நிலையில், இடைத்தேர்தலை நடத்த அவசரம் காட்டத் தேவையில்லை என்றார் புதிய தமிழகம் கட்சியின் தலைவர் டாக்டர் க. கிருஷ்ணசாமி.
தேவேந்திரகுல வேளாளர் இனத்தினரை தாழ்த்தப்பட்டோர் பட்டியலிலிருந்து விலக்கி, பிற்படுத்தப்பட்டோர் பட்டியலில் சேர்க்க வலியுறுத்தி,  பெரம்பலூர் மாவட்ட ஆட்சியர் வே.சாந்தாவை கிராம மக்களுடன் திங்கள்கிழமை சந்தித்து மனு அளித்த பின்னர், அவர் அளித்த பேட்டி:
தமிழகத்திலும்,இந்தியாவின் பல்வேறு பகுதிகளிலும் வசிக்கும் தேவேந்திர குல வேளாளர் இன மக்களை எஸ்.சி.பிரிவிலிருந்து விலக்கி பிற்படுத்தப்பட்டோர் பட்டியலில் சேர்க்க வேண்டும். இவ்வாறு செய்வதால்  சில சலுகைகள் கிடைக்காமல் போகலாம். 
தாழ்த்தப்பட்டோர் பட்டியலில்  இடம்பெற்றிருப்பதால்  சாதிய பாகுபாடு பார்க்கும் அவலம் எனும் கரையிலிருந்து விடுபட வேண்டியது முக்கியம். அதனால், இந்தக் கோரிக்கையை முன்வைக்கிறோம்.
தமிழகத்திலும், மத்தியிலும் எங்களுக்கு எந்தக் கட்சியுடனும் இணைக்கமும் இல்லை, பிணக்கும் இல்லை.  தேர்தல் தேதி அறிவிக்கப்பட்டபின்னர் கூட்டணி குறித்து முடிவு செய்வோம்.
20 பேரவைத் தொகுதிகளுக்கான இடைத்தேர்தலை மக்களவைத் தேர்தலுடன் இணைந்து நடத்த வேண்டும்.  இவ்விருத் தேர்தலுக்கும் நாங்கள் தயாராகி வருகிறோம்.  மத்தியில் பாஜக அரசும், மாநிலத்தில் அதிமுக அரசும் சிறப்பாக செயல்படுகின்றன என்றார் அவர்.         

]]>
http://www.dinamani.com/all-editions/edition-trichy/perambalur/2018/dec/11/இடைத்தேர்தலை-நடத்த-அவசரம்-காட்டத்-தேவையில்லை-3055833.html
3055832 திருச்சி பெரம்பலூர் கஜா புயலுக்கு ரூ.3090 நிவாரணம் வழங்கிய  5 வயது சிறுமி DIN DIN Tuesday, December 11, 2018 08:44 AM +0530 பெரம்பலூர் மாவட்ட ஆட்சியரகத்தில் திங்கள்கிழமை கஜா புயலுக்கு நிவாரண உதவித்தொகையை பல்வேறு அமைப்பினர் வழங்கினர்.
பெரம்பலூர் மாவட்டம்,  பரவாய் கிராமத்தைச் சேர்ந்த சதீஷ்குமார் மகள் காருண்யா (5), சைக்கிள் வாங்குவதற்காக சேமித்து வைத்திருந்த ரூ.3,090 , பெரம்பலூர் நான்குச்சாலை சந்திப்பைச் சேர்ந்த செல்வகுமார் மகள்கள் சிற்பகலா (5), அன்பகலா (10) ஆகிய இருவரும் பொதுமக்களிடம் வசூலித்த ரூ.2,101 ஆகிய தொகையை மாவட்ட ஆட்சியர் வே.சாந்தாவிடம் திங்கள்கிழமை வழங்கினர்.
 தமிழக முதல்வரின் பொது நிவாரண நிதிக்கு தமிழ்நாடு ஓய்வு பெற்ற அலுவலர்கள் சார்பில் ரூ. 1 லட்சத்துக்கான காசோலையை மாவட்ட வருவாய் அலுவலர் ஆ. அழகிரிசாமியிடம்  வழங்கப்பட்டது.                                                   

]]>
http://www.dinamani.com/all-editions/edition-trichy/perambalur/2018/dec/11/கஜா-புயலுக்கு-ரூ3090-நிவாரணம்-வழங்கிய-5-வயது-சிறுமி-3055832.html
3055831 திருச்சி பெரம்பலூர் மக்காச்சோளப் பயிர்களுக்கு நிவாரணம் கோரி ஆட்சியரகம் முற்றுகை DIN DIN Tuesday, December 11, 2018 08:44 AM +0530 படைப்புழுக்களால் மகசூல் பாதிக்கப்பட்ட மக்காச்சோளப் பயிர்களுக்கு நிவாரணம் வழங்கக் கோரி, பெரம்பலூர் மாவட்ட ஆட்சியரகத்தை பல்வேறு கிராமங்களைச் சேர்ந்த விவசாயிகள் திங்கள்கிழமை முற்றுகையிட்டனர்.
பெரம்பலூர் மாவட்டத்திலுள்ள  சில்லக்குடி, பில்லாங்குளம், நெற்குணம், வெங்கலம், கீழப்புலியூர், எறையூர், புதுக்குறிச்சி உள்ளிட்ட பல்வேறு கிராமங்களைச் சேர்ந்த நூற்றுக்கணக்கான விவசாயிகள்  பாதிக்கப்பட்ட மக்காச்சோளப் பயிர்களுடன் திங்கள்கிழமை  நடைபெற்ற மக்கள் குறைகேட்பு நாள் கூட்டத்தில் பங்கேற்க வந்து, ஆட்சியரகம் வந்து முற்றுகைப்போராட்டம் நடத்தினர்.
தொடர்ந்து ஆட்சியரிடம் அளித்த மனுவில் அவர்கள் கூறியிருப்பது: தரமற்ற விதைகளை விற்பனை செய்து படைப்புழுகஈ தாக்குதலால் மக்காச்சோள பயிர்கள் மகசூல் பாதிக்க காரணமான விதை உற்பத்தி மற்றும் விற்பனை நிறுவனங்கள் மீது நடவடிக்கை எடுக்க வேண்டும்.
 மக்காச்சோளம் சாகுபடி செய்யப்பட்டு பாதிக்கப்பட்ட இடங்களை வேளாண்துறையினர் முறையாக ஆய்வு மேற்கொண்டு கணக்கெடுப்புப் பணிகளில் ஈடுபட வேண்டும்.  ஏக்கருக்கு ரூ. 30 ஆயிரம் இழப்பீடு வழங்க நடவடிக்கை எடுக்க வேண்டும். என தெரிவித்திருந்தனர். 
மாட்டு வண்டியில் மணல் அள்ள அனுமதி: பெரம்பலூர் மாவட்டம், குன்னம் வட்டத்துக்குள்பட்ட சுமார் 50-க்கும் மேற்பட்ட விவசாயிகள் அளித்த மனுவில், அகரம் சீகூரில் ஓடும் பெரியாற்றில் மணல் அள்ளுவதற்கு அனுமதி மறுக்கப்பட்டுள்ளதால், எங்களது வாழ்வாதாரம் பாதிக்கப்பட்டுள்ளது. 
எனவே, மாட்டு வண்டிகளில் மணல் அள்ளுவதற்கு அனுமதி வழங்க நடவடிக்கை எடுக்க வேண்டுமென தெரிவித்துள்ளனர். 

]]>
http://www.dinamani.com/all-editions/edition-trichy/perambalur/2018/dec/11/மக்காச்சோளப்-பயிர்களுக்கு-நிவாரணம்-கோரி-ஆட்சியரகம்-முற்றுகை-3055831.html
3055285 திருச்சி பெரம்பலூர் காவலர்களுக்கான பயிற்சி முகாம் நிறைவு DIN DIN Monday, December 10, 2018 09:58 AM +0530 பெரம்பலூர் மாவட்ட காவல்துறை சார்பில், வெள்ளிக்கிழமை தொடங்கிய காவலர்களுக்கான நிறைவாழ்வு பயிற்சி முகாம் ஞாயிற்றுக்கிழமை நிறைவடைந்தது.  
இதில், பெங்களூருவில் பயிற்சிபெற்ற ஆய்வாளர் சுப்புலட்சுமி, உதவி ஆய்வாளர் சத்யா, மனநலன் மருத்துவர் புவனேஸ்வரி ஆகியோர் பெரம்பலூர் மாவட்டத்தில் பயிற்சியில் உள்ள காவர்கள் மற்றும் அவர்களது குடும்பத்தினருக்கு மன அழுத்தம் போக்கும் வழிமுறைகள் குறித்து பயிற்சி அளித்தனர். 
ஞாயிற்றுக்கிழமை நடைபெற்ற நிறைவு விழாவில் பங்கேற்ற திருச்சி மத்திய மண்டல காவல்துறைத் தலைவர் வி. வரதராஜூ, மன அழுத்தத்தை குறைப்பதற்கான ஆலோசனைகள் வழங்கினார்.  
பெரம்பலூர் மாவட்டக் காவல் கண்காணிப்பாளர் திஷா மித்தல், துணை கண்காணிப்பாளர் ரவீந்தரன் உள்ளிட்டோர்  பங்கேற்றனர்.  
 

]]>
http://www.dinamani.com/all-editions/edition-trichy/perambalur/2018/dec/10/காவலர்களுக்கான-பயிற்சி-முகாம்-நிறைவு-3055285.html
3055284 திருச்சி பெரம்பலூர் பள்ளி மாணவர்களுக்கு விழிப்புணர்வு நிகழ்ச்சி DIN DIN Monday, December 10, 2018 09:58 AM +0530 பெரம்பலூர் ஸ்ரீராமகிருஷ்ணா மெட்ரிக் மேல்நிலைப் பள்ளியில் பயிலும் 10, 11, 12 ஆம் வகுப்பு பயிலும் மாணவர்களுக்கு அரசு பொதுத்தேர்வு எழுதும் அச்சத்தைப் போக்க தேர்வைக் கொண்டாடுவோம் என்னும் தலைமைப்பில் கல்வி விழிப்புணர்வு நிகழ்ச்சி, ஸ்ரீ ராமகிருஷ்ணா பொறியியல் கல்லூரி கூட்டரங்கில் ஞாயிற்றுக்கிழமை நடைபெற்றது.  
தலைமை வகித்த, அக் கல்வி நிறுவனங்களின் தலைவர் ம. சிவசுப்ரமணியம் பேசினார்.     தொடர்ந்து, பேச்சாளரும், திரைப்பட நடிகருமான தமிழகத்தின் முதன்மை மாணவர் பயிற்சியாளர் தாமு பயிற்சி அளித்தார். மாவட்ட வருவாய் அலுவலர் ஆ. அழகிரிசாமி, கல்வி நிறுவனங்களின் செயலர் எம்.எஸ். விவேகானந்தன், பள்ளி முதல்வர் கலைச்செல்வி, ஆகியோர் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/dec/10/பள்ளி-மாணவர்களுக்கு-விழிப்புணர்வு-நிகழ்ச்சி-3055284.html
3055283 திருச்சி பெரம்பலூர் "சக மனிதனை நேசிப்பது மேலோங்க வேண்டும்' DIN DIN Monday, December 10, 2018 09:58 AM +0530 சக மனிதனை நேசிக்கும் பண்பு மேலோங்க வேண்டும் என்றார் அரியலூர் அரசு கலைக் கல்லூரி தமிழ்த் துறைப் பேராசிரியர் முனைவர் க. தமிழ்மாறன்.
பெரம்பலூரில், பதியம் இலக்கியச் சங்கமத்தின் சார்பில் ஞாயிற்றுக்கிழமை நடைபெற்ற பேச்சரங்கத்துக்கு தலைமை வகித்து மேலும் அவர் பேசியது:  உதயமாகும் புத்தாண்டில் இன்றைய நம் சமூகத்துக்கு உடனடித் தேவை மனமாற்றமே. சக மனிதனை நேசிக்கும் பண்பு மேலோங்க வேண்டும். பேரழிவுகள் நிகழும் காலங்களில் செய்யும் செயல்களை, சாதாரண காலங்களிலும் செய்ய வேண்டும். இளைய மனங்களில் மனிதன் எவ்வளவு உயர்வானவன் என்பது விதைக்கப்பட வேண்டும் என்றார் அவர்.  
தொடர்ந்து, திருச்சி அழ. கவுண்டன்பட்டி அரசு மேநிலைப்பள்ளி தலைமை ஆசிரியர் மா. சரவணவேல், இன்றைய சமூக மாற்றங்கள் குறித்து விளக்கினார். இரூர் அரசு மேநிலைப்பள்ளி தலைமை ஆசிரியர் ந. மலர்க்கொடி முன்னிலையில், இன்றைய உடனடித் தேவை மனித உரிமை என்னும் தலைப்பில், கவிஞர் பிரபாத் கலாம், இளைஞர் எழுச்சி என்னும் தலைப்பில் வெண்மணி வரதராஜன், மாணவர்களுக்கான நல்ல ஆசிரியர் என்னும் தலைப்பில் முனைவர் பட்ட ஆய்வாளர் மதன்ராஜ், நட்பு என்னும் தலைப்பில் கவிஞர் செந்தில்குமரன், அன்பு என்னும் தலைப்பில் புவனேஸ்வரி, இயற்கை வேளாண்மை எனும் தலைப்பில் கதிர்மதி, தாய்மொழி எனும் தலைப்பில் ஹரிஹரன், கல்வி என்னும் தலைப்பில் பேராசிரியர் குமரவேல், இயற்கை மருத்துவம் எனும் தலைப்பில் திருநாவுக்கரசு ஆகியோர் பேசினர். 
நிகழ்ச்சியில் கவிஞர்கள் செல்வம், செ. ராஜா, க. செந்தில்குமார் உள்ளிட்ட பலர் பங்கேற்றனர். மாணவர் பிரசாந்த் வரவேற்றார். முனைவர் பட்ட ஆய்வாளர் ராஜ்குமார் நன்றி கூறினார்.

]]>
http://www.dinamani.com/all-editions/edition-trichy/perambalur/2018/dec/10/சக-மனிதனை-நேசிப்பது-மேலோங்க-வேண்டும்-3055283.html
3055282 திருச்சி பெரம்பலூர் சின்னமுட்லு நீர்த்தேக்கத் திட்டம்: தடையாக உள்ள அதிகாரி மீது நடவடிக்கை தேவை DIN DIN Monday, December 10, 2018 09:57 AM +0530 பெரம்பலூர் மாவட்டம், வேப்பந்தட்டை அருகே கட்டப்பட உள்ள சின்னமுட்லு நீர்த்தேக்கத் திட்டத்துக்கு தடையாக இருக்கும் அரசு உயரதிகாரி மீது தமிழக அரசு நடவடிக்கை எடுக்க வேண்டும் என்றார் தமிழ்நாடு விவசாயிகள் சங்க மாநில பொதுச் செயலர் பி. சண்முகம்.
பெரம்பலூருக்கு ஞாயிற்றுக்கிழமை வந்த அவர், சின்னமுட்லு நீர்த்தேக்கத் திட்டம் அமையவுள்ள பகுதியை பார்வையிட்டு மேலும் கூறியது:
பெரம்பலூர் மாவட்டம், வேப்பந்தட்டை வட்டாரத்துக்குள்பட்ட பச்சைமலை அடிவாரத்தில் மலையாளப்பட்டி கிராமம், சின்னமுட்லு அருகே நீர்த்தேக்கம் அமைக்க தமிழக முடிவு செய்து, அதற்கான ஆய்வுப் பணிகளை மேற்கொண்டு வருகிறது. இத் திட்டம், இந்த மாவட்ட மக்களுக்கு மிகவும் பயனுள்ளதாக இருக்கும். இதன்மூலம் சுமார் 10 ஆயிரத்துக்கும் மேற்பட்ட விளைநிலங்கள் பாசன வசதியும், 100-க்கும் மேற்பட்ட கிராமங்களுக்கு குடிநீர் வசதியும் கிடைக்கும். மேலும், இப்பகுதியில் நிலத்தடி நீர்மட்டம் பெருமளவு உயரும். இத்திட்டம் நிறைவேற்றப்பட்டால் மானாவாரி நிலங்கள் பாசன வசதி பெற்று, டெல்டா மாவட்டங்களைப் போல பசுமையாகக் காட்சியளிக்கும். இத்திட்டத்தால் நிலம் இழக்கக்கூடிய விவசாயிகளுக்கு அதிக தொகை நஷ்ட ஈடாகவும், இந்த நிலம் தவிர வேறு நிலம் இல்லாதவர்களுக்கு மாற்று நிலமும் வழங்கவும் வேண்டும். விவசாயிகளுக்கும், பொதுமக்களுக்கும் பயனுள்ள இத்திட்டம் நிறைவேற அனைத்து தரப்பு மக்களும் ஒத்துழைக்க வேண்டும். 
பல்வேறு நன்மை தரக்கூடிய இத்திட்டத்தை தமிழக அரசின் உயர் பதவியில் உள்ள ஒருவர் நிறைவேற்றவிடாமல் இடையூறு செய்கிறார். அப்பகுதியில், அந்த உயரதிகாரி குடும்பத்தினருக்குச் சொந்தமான நிலம் இருப்பதால், இத்திட்டத்தை நிறைவேற்ற அவரது குடும்பத்தினரின் நிலம் கையகப்படுத்தப்படக்கூடும் என்பதால் அவர் இடையூறு செய்கிறார். 
இதில், தமிழக அரசு தலையிட்டு இத்திட்டத்தை நிறைவேற்ற உரிய நடவடிக்கை எடுக்க வேண்டும் என்றார் அவர்.
மாநிலச் செயலர் சாமி. நடராஜன், மாவட்டச் செயலர் என். செல்லதுரை, தமிழ்நாடு கரும்பு விவசாயிகள் சங்க மாநில துணைத் தலைவர் ஏ.கே. ராஜேந்திரன் உள்ளிட்ட பலர் உடனிருந்தனர்.

]]>
http://www.dinamani.com/all-editions/edition-trichy/perambalur/2018/dec/10/சின்னமுட்லு-நீர்த்தேக்கத்-திட்டம்-தடையாக-உள்ள-அதிகாரி-மீது-நடவடிக்கை-தேவை-3055282.html
3055281 திருச்சி பெரம்பலூர் நாளை மின் நுகர்வோர்  குறைதீர் கூட்டம் DIN DIN Monday, December 10, 2018 09:57 AM +0530 பெரம்பலூர் கோட்டத்துக்குள்பட்ட மின் நுகர்வோருக்கான குறைதீர் கூட்டம் செவ்வாய்க்கிழமை (டிச. 11) நடைபெற உள்ளது எனத் தெரிவித்துள்ளார் மின்வாரிய செயற்பொறியாளர் மேகலா.
இதுகுறித்து அவர் வெளியிட்ட செய்திக் குறிப்பு: பெரம்பலூர் கோட்டத்துக்குள்பட்ட மின் நுகர்வோர் குறைதீர்க்கும் நாள் கூட்டம், மேற்பார்வைப் பொறியாளர் தலைமையில்,  இயக்குதலும், பராமரித்தலும் செயற்பொறியாளர்கள் முன்னிலையில், பெரம்பலூர் தமிழ்நாடு மின் உற்பத்தி மற்றும் பகிர்மான கழக (தமிழ்நாடு மின்சார வாரியம்) அலுவலகத்தில் செவ்வாய்க்கிழமை காலை 11 மணி முதல் மதியம் 1 மணி வரை நடைபெறுகிறது. கூட்டத்தில், பெரம்பலூர் கோட்டத்துக்குள்பட்ட மின் நுகர்வோர் பங்கேற்று தங்களுடைய குறைகளை நேரில் தெரிவித்து பயன்பெறலாம்.
 

]]>
http://www.dinamani.com/all-editions/edition-trichy/perambalur/2018/dec/10/நாளை-மின்-நுகர்வோர்-குறைதீர்-கூட்டம்-3055281.html
3055280 திருச்சி பெரம்பலூர் முற்போக்கு வாசகர் வட்ட கலந்துரையாடல் கூட்டம் DIN DIN Monday, December 10, 2018 09:57 AM +0530 பெரம்பலூர் லட்சுமி மருத்துவமனையில் முற்போக்கு வாசகர் வட்ட கலந்துரையாடல் கூட்டம்  சனிக்கிழமை நடைபெற்றது. 
மக்களுக்கான மருத்துவர் கழக மாநில செயலர் சி. கருணாகரன் தலைமை வகித்தார். கவிஞர் இரா. எட்வின் சிறப்புரையாற்றினார். இட ஒதுக்கீடும்- சமகால அரசியலும் என்னும் தலைப்பில் பேராசிரியர் குமாரவேல், பேசப்படாத அரசியல் ஆளுமை குறித்து பேராசிரியர் ராஜேந்திரபிரசாத், பெளத்த மதம் எனும் தலைப்பில் மருத்துவர் அறிவழகன், நித்யா ஆகியோர் பேசினர்.
கூட்டத்தில், மார்க்சிஸ்ட் கம்யூனிஸ்ட் மாவட்ட செயற்குழு உறுப்பினர் என். செல்லதுரை, பகுஜன் சமாஜ் கட்சி மாநில் செயலர் வழக்குரைஞர் ப. காமராசு, மருத்துவர் ஜெயலட்சுமி, மாதர் சங்க மாவட்டச் செயலர் கலையரசி, விடுதலை சிறுத்தைகள் கட்சி செய்தி தொடர்பாளர் இரா.ஸ்டாலின் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/10/முற்போக்கு-வாசகர்-வட்டகலந்துரையாடல்-கூட்டம்-3055280.html
3054668 திருச்சி பெரம்பலூர் கட்டி முடித்து 3 ஆண்டுகளாகியும்திறக்கப்படாத உலோகத் திருமேனிகள் பாதுகாப்பு மையம்கே. தர்மராஜ் DIN DIN Sunday, December 9, 2018 03:59 AM +0530
பெரம்பலூரில் கட்டி முடிக்கப்பட்டு 3 ஆண்டுகளாகியும், திறக்கப்படாமல் உள்ள உலோகத் திருமேனிகள் பாதுகாப்பு மையத்தை திறந்து, கோயில் சிலைகளைப் பாதுகாக்க உரிய நடவடிக்கை எடுக்க வேண்டும் என்ற கோரிக்கை எழுந்துள்ளது.
இந்து சமய அறநிலையத் துறையின் கட்டுப்பாட்டின் கீழ் பெரம்பலூர் மாவட்டத்தில் உள்ள மதனகோபாலசுவாமி கோயில், பிரம்மபுரீசுவர், சிறுவாச்சூர் மதுரகாளியம்மன், குரும்பலூர் பஞ்சநதீசுவரர், வாலிகண்டபுரம் வாலீசுவரர், செட்டிக்குளம் பாலதண்டாயுதபாணி, ஏகாம்பரேசுவரர், எஸ். ஆடுதுறை குற்றம் பொறுத்தீசுவரர், வெங்கனூர் விருத்தாச்சலேசுவரர் உள்ளிட்ட பல்வேறு கோயில்கள் உள்ளன.
இக்கோயில்களில் விலைமதிப்பற்ற ஐம்பொன், தங்கத்தால் செய்யப்பட்டவை என 5 முதல் 15 வரையிலான எண்ணிக்கையில் சிலைகள் உள்ளன. போதிய பாதுகாப்பு வசதி இல்லாததால் கோயில் சிலைகள் திருட்டு போகும் சம்பவங்களும் அடிக்கடி நிகழ்ந்தன.
கோயில் சிலைகள் திருட்டுப் போகாமல் தடுக்கவும், சிலைகளை அடையாளம் காணும் வகையிலும்அவற்றின் உயரம், அகலம், எடை குறித்து அனைத்து விவரங்களையும் உள்ளடக்கிய ஆவணங்களைப் பதிவு செய்யவும், திருமேனிகள் பாதுகாப்பு மையத்தை அமைக்கவும் அரசு உத்தரவிட்டது.
ரூ.25 லட்சத்தில் உலோகத் திருமேனிகள் மையம்: பெரம்பலூர் மாவட்டத்துக்கான உலோகத் திருமேனி பாதுகாப்பு மையம், பெரம்பலூர்- வடக்குமாதவி சாலையில் உள்ள பெரம்பலூர் ஸ்ரீ மதனகோபாலசுவாமி கோயிலுக்குச் சொந்தமான இடத்தில், மரகதவல்லி தாயார் திருமண மண்டம் அருகே அமைக்க ரூ. 25 லட்சம் ஒதுக்கீடு செய்யப்பட்டது.
தரமான கட்டுமானத்துடன், வங்கிகளில் இருப்பதுபோல உள்புறம் மேலும் ஒரு கான்கிரீட் சுவர், இரும்புச் சுவர் என பல அடுக்கு கட்டுமானத்துடன், அலாரம், கண்காணிப்பு கேமரா, கைரேகைப் பதிவு வசதிகளுடன் அமைக்கும் பணி 2013-ஆம் ஆண்டு தொடங்கப்பட்டது.
3 ஆண்டுகளாகியும் திறப்பில்லை: உலோகத் திருமேனிகள் பாதுகாப்பு மையத்தின் கட்டுமானப் பணிகள் 3 மாதங்களில் முடிக்கத் திட்டமிட்டது. ஆனால்,2 ஆண்டுகளில்தான் பணிகள் முடிக்கப்பட்டன. கட்டி முடித்து மூன்றாண்டுகளாகியும் இந்த மையம் இதுவரை திறக்கப்படவில்லை. மாவட்டத்தில் உள்ள சிலைகள், பாதுகாப்பான பெரிய கோயில்களில் வைக்கப்பட்டுள்ளன. விழாக் காலங்களில் அவற்றை எடுத்து வந்து, பின்னர் மீண்டும் ஒப்படைப்பதில் பாதுகாப்பின்மை, கூடுதல் செலவு உள்ளிட்ட பிரச்னைகள் நிலவி வருகின்றன.
சமூக விரோத செயல்கள்
கட்டுமானப் பணிகள் நிறைவடைந்து திறக்கப்படாததால், அப்பகுதிக்கு இரவு நேரங்களில் வரும் இளைஞர்கள் மது அருந்தும் கூடாரமாக இந்த மையமாகிவிட்டது.முறையாகப் பராமரிப்பு இல்லாததால், முள்செடிகள் வளர்ந்து புதர்போன்று காட்சியளிக்கின்றன.
எனவே பல்வேறு கோயில்களில் வைக்கப்பட்டுள்ள திருமேனி சிலைகளைப் பாதுகாக்கும் வகையில், இந்த மையத்தை விரைவில் திறக்க அறநிலையத் துறை அதிகாரிகள் நடவடிக்கை எடுக்க வேண்டும் என்பதே அனைத்துத் தரப்பு மக்களின் எதிர்பார்ப்பாக உள்ளது.

 

]]>
http://www.dinamani.com/all-editions/edition-trichy/perambalur/2018/dec/09/கட்டி-முடித்து-3-ஆண்டுகளாகியும்திறக்கப்படாத-உலோகத்-திருமேனிகள்-பாதுகாப்பு-மையம்கே-தர்மராஜ்-3054668.html
3054667 திருச்சி பெரம்பலூர் தேசிய மக்கள் நீதிமன்றத்தில் 1,892 வழக்குகளுக்குத் தீர்வு DIN DIN Sunday, December 9, 2018 03:59 AM +0530
பெரம்பலூர் மாவட்ட சட்டப்பணிகள் ஆணைக்குழு சார்பில் சனிக்கிழமை நடைபெற்ற தேசிய மக்கள் நீதிமன்றத்தில், 1892 வழக்குகளுக்குத் தீர்வு காணப்பட்டது.
நீதிமன்றங்களில் நிலுவையிலுள்ள வழக்குகளுக்குத் தீர்வு காணும் வகையில், ஒருங்கிணைந்த நீதிமன்ற வளாகத்தில் நடத்தப்பட்ட இந்த முகாமை முதன்மை மாவட்ட நீதிபதி எஸ். பாலராஜமாணிக்கம் தொடக்கிவைத்தார்.
சட்டப்பணிகள் ஆணைக்குழுச் செயலரும், சார்பு நீதிபதியுமான எம். வினோதா, மகளிர் நீதிமன்ற நீதித்துறை நடுவர் என். விஜயகாந்த் மற்றும் ஓய்வுபெற்ற நீதிபதிகள் கண்ணையன், ராஜகோபால், ராமசாமி ஆகியோரைக் கொண்ட அமர்வு வழக்குகளுக்கு சமரசம் செய்து தீர்வு கண்டது. இதில், நீண்டகாலமாக நிலுவையில் உள்ள 1,420 குற்ற வழக்குகள், 2 காசோலை வழக்குகள், 58 விபத்து வழக்குகள், ஒரு நில ஆர்ஜித வழக்கு மற்றும் நிலுவையில் உள்ள இதர வழக்குகள் உள்பட மொத்தம் 1, 892 வழக்குகளுக்கு ரூ. 2,75 கோடி மதிப்பில் தீர்வு காணப்பட்டது. இதற்கான ஏற்பாடுகளை மாவட்ட சட்டப்பணிகள் ஆணைக்குழு அலுவலர் து. வெள்ளைச்சாமி செய்திருந்தார்.

 

]]>
http://www.dinamani.com/all-editions/edition-trichy/perambalur/2018/dec/09/தேசிய-மக்கள்-நீதிமன்றத்தில்-1892-வழக்குகளுக்குத்-தீர்வு-3054667.html
3054666 திருச்சி பெரம்பலூர் கரும்பு விவசாயிகளுக்குநிலுவைத் தொகை வழங்காவிடில் நூதனப் போராட்டம் DIN DIN Sunday, December 9, 2018 03:58 AM +0530
பெரம்பலூர் மாவட்டம், எறையூர் சர்க்கரை ஆலைக்கு கரும்பு அனுப்பிய விவசாயிகளுக்கு நிலுவைத் தொகை வழங்கவில்லை எனில் விரைவில் நூதனப் போராட்டம் நடத்தப்படும் என்று விவசாயச் சங்கங்கள் அறிவித்துள்ளன.
வேப்பந்தட்டை சின்னாறுப் பகுதியில் சனிக்கிழமை நடைபெற்ற சர்க்கரை ஆலை கரும்பு விவசாய சங்கங்களின் பிரதிநிதிகள் மற்றும் பங்குதாரர்கள் சங்க ஆலோசனைக் கூட்டத்துக்கு தமிழக விவசாயிகள் சங்க மாநிலச் செயலர் ஆர். ராஜா சிதம்பரம் தலைமை வகித்தார்.
இந்தக் கூட்டத்தில் நிறைவேற்றப்பட்ட தீர்மானங்கள் :கூட்டத்தில், 2015- 2016, 2016- 2017 ஆம் ஆண்டுகளில் எறையூர் சர்க்கரை ஆலைக்கு கரும்பு வெட்டி அனுப்பிய விவசாயிகளுக்கு வழங்க வேண்டிய நிலுவைத்தொகை ரூ. 31.53 கோடியை, நிகழாண்டுக்கான அரவை தொடங்கும்முன் வழங்க வேண்டும். கரும்பு விலையை நிர்ணயம் செய்யும் வகையில் உடனடியாக முத்தரப்புக் கூட்டத்தை கூட்ட வேண்டும். 2017-18, 2018-19 ஆம் ஆண்டுக்கான மாநில அரசின் பரிந்துரை விலையை அறிவிக்க வேண்டும்.
எறையூர் சர்க்கரை ஆலையை நவீனப்படுத்தும் திட்டம் மற்றும் இணை மின் திட்டம் 2010, ஜூன் 5 ஆம் தேதி அறிவிக்கப்பட்டு, இதுவரை செயல்படுத்தப்படாத நிலையில், ஆலைக்கு ஏற்பட்டுள்ள இழப்பை அரசு ஏற்று தள்ளுபடி செய்ய வேண்டும். இக்கோரிக்கைகளை நிறைவேற்றாதபட்சத்தில் பெரம்பலூரில் நூதனப் போராட்டம் நடத்துவது என்பனஉள்ளிட்ட தீர்மானங்கள் நிறைவேற்றப்பட்டன.
இக்கூட்டத்தில், செந்துறை திமுக ஒன்றியச் செயலர் மு. ஞானமூர்த்தி, தமிழக கரும்பு உற்பத்தியாளர்கள் சங்க கூட்டமைப்புத் தலைவர் ந.ப. அன்பழகன், பாட்டாளி கரும்பு விவசாயிகள் சங்கத் தலைவர் சீனிவாசன், இந்திய கம்யூனிஸ்ட் கட்சியின் முன்னாள் மாவட்டச் செயலர் அ. வேணுகோபால், ராஜீவ் கரும்பு உற்பத்தியாளர் சங்கத் தலைவர் வரதராஜன், டிராக்டர் உரிமையாளர்கள் சங்கத் தலைவர் தேவேந்திரன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/09/கரும்பு-விவசாயிகளுக்குநிலுவைத்-தொகை-வழங்காவிடில்-நூதனப்-போராட்டம்-3054666.html
3054665 திருச்சி பெரம்பலூர் இளையோர் செஞ்சிலுவை சங்க மாணவர்கள் கல்விச்சுற்றுலா DIN DIN Sunday, December 9, 2018 03:58 AM +0530
பெரம்பலூர் மாவட்ட அளவில், இளையோர் செஞ்சிலுவை சங்க மாணவர்கள் ஒருநாள் கல்விச் சுற்றுலா சென்றனர்.
மாவட்டத்தில் உள்ள 39 உயர், மேல்நிலைப் பள்ளிகளில் இளையோர் செஞ்சிலுவைச் சங்கங்களில் உள்ள 780 மாணவர்கள், 60 உறுப்பினர்கள் வெள்ளிக்கிழமை கல்விச் சுற்றுலாவுக்குச் சென்றனர்.
கல்விச் சுற்றுலா சென்ற வாகனங்களை மாவட்டக் கல்வி அலுவலர் பெ.அம்பிகாபதி தொடக்கி வைத்தார். இந்திய செஞ்சிலுவை சங்கத்தின் பெரம்பலூர் மாவட்ட கிளை கெளரவச் செயலர் நா. ஜெயராமன், மாவட்ட கன்வீனர் வெ. ராதாகிருஷ்ணன் தலைமையில், இணை கன்வீனர்கள் த. மாயகிருஷ்ணன், ஜோதிவேல், துரை உள்ளிட்டோர் பங்கேற்று, நிகழ்வை ஒருங்கிணைத்தனர். கோவை மாவட்டத்தில் மருதமலை கோயில், ஈஷா யோகா மையம் வெள்ளியங்கிரி, கோவை குற்றாலம், தாவரவியல் பூங்கா ஆகிய இடங்களைப் பார்வையிட்டு, அதன் சிறப்புகளை மாணவர்கள் அறிந்து கொண்டனர்.

 

]]>
http://www.dinamani.com/all-editions/edition-trichy/perambalur/2018/dec/09/இளையோர்-செஞ்சிலுவை-சங்க-மாணவர்கள்-கல்விச்சுற்றுலா-3054665.html
3054664 திருச்சி பெரம்பலூர் பெரம்பலூர்நிகழாண்டில் ரூ.11.59 லட்சம் கொடிநாள் வசூல் இலக்கு DIN DIN Sunday, December 9, 2018 03:58 AM +0530
பெரம்பலூர் மாவட்டத்தில் நிகழாண்டில் ரூ.11.59 லட்சம் கொடிநாள் தொகையாக வசூலிக்க இலக்கு நிர்ணயிக்கப்பட்டுள்ளது என்றார் மாவட்ட ஆட்சியர் வே.சாந்தா.
பெரம்பலூர் மாவட்ட ஆட்சியரகத்தில் வெள்ளிக்கிழமை நடைபெற்ற நிகழ்வில், கொடிநாள் வசூலைத் தொடக்கி வைத்து அவர் மேலும் பேசியது:
2017 ஆம் ஆண்டில் பெரம்பலூர் மாவட்டத்தில் கடந்தாண்டில் கொடிநாள் தொகை ரூ.10.53 லட்சம் வசூல் செய்ய இலக்கு நிர்ணயிக்கப்பட்டு, அனைத்துத் துறை அலுவலர்களின் ஒத்துழைப்புடன் ரூ.14 லட்சமாக வசூலிக்கப்பட்டது. நிகழாண்டில் ரூ.11.59 லட்சம் தொகையை வசூல் செய்ய இலக்கு நிர்ணயித்துள்ளோம்.
முப்படை வீரர்களின் குடும்ப நல்வாழ்வுக்கும், படைவீரர்களின் மேம்பாட்டுக்காகவும் கொடிநாள் தொகை வசூலிக்கப்படுவதால் பொதுமக்களும், அரசு அலுவலர்களும், தன்னார்வலர்களும் அதிகளவில் நிதி வழங்க வேண்டும் என்றார்.
தொடர்ந்து, ஆட்சியரகத்தில் நடைபெற்ற தேநீர் விருந்தில், முன்னாள் படைவீரர்கள் மற்றும் அவர்களது குடும்ப உறுப்பினர்களுக்கு 2017- 18 ஆம் கல்வியாண்டில், மேல்நிலைத் தேர்வில் மாவட்ட
அளவில் சிறப்பிடம் பெற்ற முன்னாள் படை வீரர்களின் வாரிசுகளுக்கு ரூ. 8 ஆயிரம் மதிப்பில் ரொக்கமும், கருணை அடிப்படையில் விதவைப் பெண் லதாவுக்கு வேலைவாய்ப்பும் வழங்கப்பட்டது.
இந்நிகழ்ச்சிகளில், மாவட்ட வருவாய் அலுவலர் ஆ. அழகிரிசாமி, மாவட்ட ஊரக வளர்ச்சி முகமை திட்ட இயக்குநர் தி. ஸ்ரீதர், மாவட்ட ஆட்சியரின் நேர்முக உதவியாளர் (பொது) ராஜராஜன், வருவாய் கோட்டாட்சியர் விசுவநாதன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/09/பெரம்பலூர்நிகழாண்டில்-ரூ1159-லட்சம்-கொடிநாள்-வசூல்-இலக்கு-3054664.html
3054663 திருச்சி பெரம்பலூர் பேருந்து மோதி சிகிச்சை பெற்று வந்த மூதாட்டி சாவு DIN DIN Sunday, December 9, 2018 03:57 AM +0530
பெரம்பலூர் மாவட்டம், சிறுவாச்சூரில் கடந்த 2 ஆம் தேதி பேருந்து மோதி சிகிச்சை பெற்று வந்த மூதாட்டி சனிக்கிழமை உயிரிழந்தார்.
திருச்சி- சென்னை தேசிய நெடுஞ்சாலையில், பெரம்பலூர் அருகிலுள்ள சிறுவாச்சூரில் கடந்த 2 ஆம் தேதி இரவு வேன், சுமை ஆட்டோ, அரசு விரைவுப் பேருந்து ஆகியவை அடுத்தடுத்து மோதி விபத்துக்குள்ளாகின.
இதில், கடலூர் மாவட்டம், சிதம்பரத்தைச் சேர்நதவர்கள் மற்றும் சிறுவாச்சூர் பேருந்து நிறுத்தத்தில் நின்றிருந்தவர்கள் உள்பட 12 பேர் காயமடைந்து, பெரம்பலூர் மற்றும் திருச்சி அரசு மருத்துவமனைகளில் சிகிச்சை பெற்று வந்தனர். இதில், திருச்சி மகாத்மாகாந்தி நினைவு அரசு மருத்துவமனையில் சிகிச்சை பெற்று வந்த நாரணமங்கலம் ஜோதி (60) சனிக்கிழமை உயிரிழந்தார். இதுகுறித்து பெரம்பலூர் போலீஸார் வழக்குப் பதிந்து விசாரிக்கின்றனர்.

 

]]>
http://www.dinamani.com/all-editions/edition-trichy/perambalur/2018/dec/09/பேருந்து-மோதி-சிகிச்சை-பெற்று-வந்த-மூதாட்டி-சாவு-3054663.html
3054662 திருச்சி பெரம்பலூர் தென்னை விவசாயிகளுக்கான பயிற்சி முகாம் நிறைவு DIN DIN Sunday, December 9, 2018 03:57 AM +0530
பெரம்பலூர் மாவட்டம், வாலிகண்டபுரத்தில் தென்னை விவசாயிகளுக்கு நடைபெற்று வந்த பயிற்சி முகாம் சனிக்கிழமை நிறைவு பெற்றது.
தென்னை வளர்ச்சி வாரியத்தின் நிதியுதவியுடன் வாலிகண்டபுரம் வேளாண் அறிவியல் மையத்தில் கடந்த 3 ஆம் தேதி பயிற்சி தொடங்கியது.
தென்னைமரத்தின் சாகுபடிநுட்பங்கள், இயந்திரம் கொண்டு தென்னைமரம் ஏறுவதற்கு குறித்த பயிற்சியளிக்கப்பட்டது. மாவட்டத்தின் பல்வேறு கிராமங்களைச் சேர்ந்த 20 விவசாயிகள் முகாமில் பங்கேற்றனர்.சனிக்கிழமை நடைபெற்ற நிறைவு விழாவில், இயந்திரம் கொண்டு தென்னைமரம் ஏறும் போட்டி நடத்தப்பட்டது. இதில் விரைவாக மரம் ஏறிய 3 பேருக்கு அகரம்சீகூர் பாண்டியன் கிராம வங்கி மேலாளர் மணிகண்டன் பரிசுகளை வழங்கினார்.
பயிற்சியில் பங்கேற்றவர்களுக்கு வேளாண் அறிவியல் மைய விஞ்ஞானியும், தலைவருமான நேதாஜி மாரியப்பன் தென்னைமரத்தில் ஏறும் கருவியை வழங்கினார். வேளாண் அறிவியல் மையத்தின் தொழில்நுட்ப வல்லுநர்கள் உள்ளிட்ட பலர் நிறைவு விழாவில் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/09/தென்னை-விவசாயிகளுக்கான-பயிற்சி-முகாம்-நிறைவு-3054662.html
3053985 திருச்சி பெரம்பலூர் கல்வி, வேளாண்மையில் சிறந்து விளங்குகிறது பெரம்பலூர் DIN DIN Saturday, December 8, 2018 09:21 AM +0530 கல்வி, வேளாண்மையில் பெரம்பலூர் சிறந்து விளங்குகிறது என்றார் தனலட்சுமி சீனிவாசன் கல்வி நிறுவனங்களின் தாளாளர் அ.சீனிவாசன்.
பெரம்பலூரில் பத்திரிக்கை தகவல் அலுவலகம் சார்பில்  பெரம்பலூர், அரியலூர் மாவட்ட  ஊடகவியலாளர்களுக்கான பயிலரங்கம் வெள்ளிக்கிழமை நடைபெற்றது.இப்பயிலரங்கை மாவட்ட ஆட்சியர் வே.சாந்தா தொடக்கி வைத்தார்.
பெரம்பலூர் தனலட்சுமி சீனிவாசன் கல்வி நிறுவனங்களின் தாளாளர் அ.சீனிவாசன் பயிலரங்கில் சிறப்பு விருந்தினராகப் பங்கேற்றுபேசியது:
பெரம்பலூர் மாவட்டம் தற்போது பல துறைகளில் முன்னேறிய மாவட்டமாக உயர்ந்துள்ளது. கல்வி, வேளாண்மையில்  மிகச்சிறந்து விளங்குகிறது. ஆக்கப்பூர்வமான செய்திகளை வெளியிடுவதில் செய்தியாளர்கள் அதிக கவனம் செலுத்த வேண்டும் என்றார். மத்திய அரசு செயல்படுத்தி வரும் பல்வேறு நலத்திட்டங்கள் குறித்து மத்திய பத்திரிக்கை தகவல் அலுவலக கூடுதல் தலைமை இயக்குநர்  இ. மாரியப்பனும்,வேளாண் பொருள்களை மதிப்புப் கூட்டி விற்பனை செய்வது தொடர்பான தொழில்நுட்ப விளக்கம் குறித்து  தஞ்சாவூர் உணவுப் பதப்படுத்தும் தொழில்நுட்பக் கழகத்தின் உதவிப் பேராசிரியர் டிட்டோ ஆனந்தும்,மத்திய, மாநில அரசால் செயல்படுத்தப்படும் திட்டங்கள் 
குறித்தும்  மாவட்ட ஆதிதிராவிடர் மற்றும் பழங்குடியினர் நல அலுவலர் மஞ்சுளாவும் பேசினர்.
நிறைவில், சென்னை மத்திய பத்திரிக்கை தகவல் அலுவலக இணை இயக்குநர் குருபாபு பலராமன் நன்றி கூறினார். 

]]>
http://www.dinamani.com/all-editions/edition-trichy/perambalur/2018/dec/08/கல்வி-வேளாண்மையில்-சிறந்து-விளங்குகிறது-பெரம்பலூர்-3053985.html
3053984 திருச்சி பெரம்பலூர் குப்பைக் கிடங்கு அமைக்க எதிர்ப்பு: மக்கள் சாலை மறியல் DIN DIN Saturday, December 8, 2018 09:21 AM +0530 பெரம்பலூரில் குப்பைக் கிடங்கு அமைக்க எதிர்ப்பு தெரிவித்து, பொதுமக்கள் வெள்ளிக்கிழமை சாலை மறியல் போராட்டத்தில் ஈடுபட்டனர். 
பெரம்பலூர்- ஆலம்பாடி சாலையில் உள்ள சமத்துவபுரத்தில் நூற்றுக்கும் மேற்பட்ட குடும்பங்கள் வசித்து வருகின்றன.   இதற்கு அருகில் உள்ள அரசுக்குச் சொந்தமான புறம்போக்கு நிலத்தில் விளையாட்டுத் திடலை அமைக்க மாவட்ட நிர்வாகம் அனுமதி வழங்கியதாகக் கூறப்படுகிறது.
இந்த நிலையில், அக்டோபர் 14 ஆம் தேதி இந்த பகுதியில் குப்பைக் கிடங்கு அமைப்பதற்காக நகராட்சி சார்பில் பூமி பூஜை போடப்பட்டிருந்த நிலையில், சமத்துவபுரம்  மற்றும் சுற்றுப்புறப் பகுதி மக்கள் சுற்றுச்சூழல், சுகாதாரக் கேடு ஏற்படும் எனக் கூறி எதிர்ப்பு தெரிவித்தனர். உயர் அதிகாரிகளிடம் மனு அளித்திருந்த நிலையில், நகராட்சி நிர்வாகம் சார்பில் குப்பைக்கிடங்கு அமைப்பதற்கான பணி தொடங்கப்பட்டது. 
இதனால்ஆத்திரமடைந்த சமத்துவபுரம் பகுதி மக்கள்  பெரம்பலூர்- துறையூர் சாலையில் பெரம்பலூர் அரசு மேல்நிலைப்பள்ளி எதிரே சாலை மறியலில் ஈடுபட்டனர்.மறியல் குறித்து தகவலறிந்து அங்கு சென்ற நகராட்சி ஆணையர் வினோத், காவல் துணைக் கண்காணிப்பாளர் ரவீந்திரன்  மறியலில் ஈடுபட்ட மக்களுடன் பேச்சுவார்த்தையில் ஈடுபட்டனர்.
 ஆனால், பேச்சுவார்த்தைக்கு உடன்படாத பொதுமக்கள் நகராட்சி ஆணையரை முற்றுகையிட்டு வாக்கு வாதத்தில் ஈடுபட்டனர். பின்னர் நடத்தப்பட்ட பேச்சுவார்த்தையில் உடன்பாடு ஏற்பட்டதையடுத்து மறியலைக் கைவிட்டு பொதுமக்கள் கலைந்து சென்றனர்.

]]>
http://www.dinamani.com/all-editions/edition-trichy/perambalur/2018/dec/08/குப்பைக்-கிடங்கு-அமைக்க-எதிர்ப்பு-மக்கள்-சாலை-மறியல்-3053984.html
3053983 திருச்சி பெரம்பலூர் பெரம்பலூரில் எய்ட்ஸ் விழிப்புணர்வுப் பேரணி DIN DIN Saturday, December 8, 2018 08:58 AM +0530 பெரம்பலூரில்  உலக எய்ட்ஸ் தின விழிப்புணர்வுப் பேரணி வெள்ளிக்கிழமை நடைபெற்றது.
மாவட்ட எய்ட்ஸ் தடுப்பு மற்றும் கட்டுப்பாட்டுத் திட்டம் சார்பில் பாலக்கரை பகுதியில் நடைபெற்ற நிகழ்வில் பேரணியை மாவட்ட ஆட்சியர் வே.சாந்தா தொடக்கி வைத்தார்.
சங்குப்பேட்டை, காமராஜர் வளைவு,  பழைய பேருந்து நிலையம் வழியாக சென்ற பேரணி பெரம்பலூர் வட்டாட்சியர் அவலகத்தில் நிறைவடைந்தது. பேரணியில் பங்கற்ற மாணவிகள் விழிப்புணர்வு வாசகங்களை முழக்கமிட்டு, துண்டுப் பிரசுரங்களை பொதுமக்கள் வழங்கிச் சென்றனர். 
முன்னதாக, அரசு அலுவலர்கள், கல்லூரி மாணவ, மாணவிகள், நம்பிக்கை மைய ஆலோசகர்கள் ஆகியோர் உலக எய்ட்ஸ் தின உறுதிமொழி ஏற்றனர். மாவட்ட எய்ட்ஸ் தடுப்பு மற்றும் கட்டுப்பாடு திட்டம் சார்பில் அமைப்பட்டிருந்த தன்னிலை அறிதல் தொடர்பான பரிசோதனை மையத்தை திறந்து வைத்து, எச்.ஐ.வி பரிசோதனை மேற்கொள்வதை பார்வையிட்டார் ஆட்சியர் சாந்தா. 
நிகழ்வுகளில், மாவட்ட வருவாய் அலுவலர் ஆ. அழகிரிசாமி, கோட்டாட்சியர் விசுவநாதன், இணை இயக்குநர் திருமால் மற்றும் தனலட்சுமி சீனிவாசன், ரோவர், கிறிஸ்டியன் செவிலியர் பயிற்சிப் பள்ளிகளின் மாணவ, மாணவிகள் பேரணியில் பங்கேற்றனர்.


 

]]>
http://www.dinamani.com/all-editions/edition-trichy/perambalur/2018/dec/08/பெரம்பலூரில்-எய்ட்ஸ்-விழிப்புணர்வுப்-பேரணி-3053983.html
3053982 திருச்சி பெரம்பலூர் வியாபாரி கார் கண்ணாடியை உடைத்து ரூ.2.20 லட்சம் ரொக்கம் திருட்டு DIN DIN Saturday, December 8, 2018 08:58 AM +0530 பெரம்பலூர் அருகே வியாழக்கிழமை இரவு  பூச்சிமருந்து வியாபாரியின்  கார் கண்ணாடியை உடைத்து,  ரூ. 2.20 லட்சம் ரொக்கம் மற்றும் மடிக்கணினி ஆகியவற்றைத் திருடிச் சென்ற அடையாளம் தெரியாத மர்ம நபர்களை போலீஸார் தேடி வருகின்றனர்.
பெரம்பலூர் எம்.எம். நகரைச் சேர்ந்தவர் வெங்கடாஜலம் மகன் கிருஷ்ணாசாமி (44). இவர், பெரம்பலூரில் பூச்சி மருந்து வியாபாரம் செய்து வருகிறார்.இந்நிலையில், வியாழக்கிழமை இரவு திருச்சி- சென்னை நெடுஞ்சாலையில், பெரம்பலூர் தீரன்நகர் அருகேயுள்ள சாய்பாபா கோயிலில் சாமி கும்பிடுவதற்காகச் சென்றார்.
அப்போது, அவரது காரை கோயில் அருகே நிறுத்திவிட்டுச் சென்றார்.  தரிசனம் செய்துவிட்டு மீண்டும் காருக்கு வந்த போது, கண்ணாடி உடைக்கப்பட்டிருப்பதை கண்டு அதிர்ச்சி அடைந்தார்.
இதைத் தொடர்ந்து காருக்குள் பார்த்த போது அங்கு வைக்கப்பட்டிருந்த ரூ.2.20 லட்சம் ரொக்கம், மடிக்கணினி ஆகியவை திருட்டு போயிருப்பது தெரிய வந்தது. இதுகுறித்து பெரம்பலூர் காவல் நிலையத்தில் கிருஷ்ணசாமி புகார் செய்தார். இப்புகாரின் பேரில் போலீஸார் வழக்குப்பதிந்து கார் கண்ணாடியை உடைத்து, திருட்டில் ஈடுபட்ட மர்ம நபர்களைத் தேடி வருகின்றனர்.
 

]]>
http://www.dinamani.com/all-editions/edition-trichy/perambalur/2018/dec/08/வியாபாரி-கார்-கண்ணாடியை-உடைத்து-ரூ220-லட்சம்-ரொக்கம்-திருட்டு-3053982.html
3053981 திருச்சி பெரம்பலூர் பெரம்பலூரில் மின் ஊழியர்கள் ஆர்ப்பாட்டம் DIN DIN Saturday, December 8, 2018 08:57 AM +0530 மின் விநியோகச் சட்டத் திருத்தம் (2018)  கைவிடக் கோரி பெரம்பலூரில் தேசிய மின்சார பொறியாளர் மற்றும் தொழிலாளர் கூட்டமைப்பு சார்பில் ஆர்ப்பாட்டம் வெள்ளிக்கிழமை நடைபெற்றது.
பெரம்பலூர் நான்குச்சாலை சந்திப்பில் உள்ள மின்வாரிய மேற்பார்வைப் பொறியாளர் அலுவலகம் அருகே நடைபெற்ற ஆர்ப்பாட்டத்துக்கு தமிழ்நாடு மின் கழகத் தொழிலாளர் சங்க வட்டச் செயலர் ஆர். மாரிமுத்து, சிஐடியூ மத்திய அமைப்பு நிர்வாகி கே. கண்ணன், பொறியாளர் தொழிலாளர் ஐக்கிய சங்க நிர்வாகி சி. கண்ணன், மின் வாரிய பொறியாளர் சங்க வட்ட துணைத்தலைவர் மாணிக்கம் ஆகியோர் தலைமை வகித்தனர்.
நிர்வாகிகள் எஸ். காசிநாதன், ஆர். ராஜகுமாரன், சி. ராஜகுமாரி, சுகுமார், ராஜேந்திரன் ஆகியோர் முன்னிலை வகித்தனர்.  தமிழ்நாடு மின் தொழிலாளர் மத்திய அமைப்பு மாநிலத் துணைத் தலைவர் எஸ். அகஸ்டின், கோரிக்கைகளை விளக்கிப் பேசினார். 
ஆர்ப்பாட்டத்தில் பல்வேறு சங்க நிர்வாகிகள் மற்றும் மின்வாரிய ஊழியர்கள் பங்கேற்றனர்.  சங்க பொறுப்பாளர் நீலமேகன் நன்றி கூறினார் .
 

]]>
http://www.dinamani.com/all-editions/edition-trichy/perambalur/2018/dec/08/பெரம்பலூரில்-மின்-ஊழியர்கள்-ஆர்ப்பாட்டம்-3053981.html
3053980 திருச்சி பெரம்பலூர் மக்காச்சோளப்பயிர்களுக்கு  நிவாரணம் கோரி மனு அளிக்கும் போராட்டம் DIN DIN Saturday, December 8, 2018 08:57 AM +0530 பெரம்பலூர் மாவட்டத்தில் படைப்புழு தாக்குதலால் பாதிக்கப்பட்ட மக்காச்சோளப் பயிர்களுக்கு ஏக்கருக்கு ரூ. 25 ஆயிரம் நிவாரணம் வழங்கக்கோரி,  மாவட்ட ஆட்சியரகத்தை வெள்ளிக்கிழமை விவசாயிகள் முற்றுகையிட்டு, மனு அளிக்கும்போராட்டத்தை நடத்தினர்.
பெரம்பலூர் மாவட்டத்தில் சாகுபடி செய்யப்பட்டுள்ள மக்காச்சோளப் பயிர்கள் அனைத்தும் படைப்புழு தாக்கி பாதிக்கப்பட்டிருப்பதால் விவசாயிகள் பெரும் இழப்பைச் சந்தித்துள்ளனர். இதற்கு இழப்பீடு வழங்கக் கோரிபோராட்டங்களை நடத்தியும் எவ்வித நடவடிக்கையும் இதுவரை எடுக்கப்படவில்லை எனக் கூறப்படுகிறது. இதனால் அதிருப்தியடைந்த விவசாயிகள் ஆட்சியரகத்தை முற்றுகையிடும் போராட்டத்தை வெள்ளிக்கிழமை நடத்தினர்.  போராட்டத்துக்கு தமிழ்நாடு விவசாயிகள் சங்கத்தின் மாவட்டச் செயலர் என். செல்லதுரை தலைமை வகித்தார். தமிழ்நாடு கரும்பு விவசாயிகள் சங்க மாநிலத் துணைத்தலைவர் ஏ.கே. ராஜேந்திரன் முன்னிலை வகித்தார். 
போராட்டத்தைத் தொடக்கி வைத்து தமிழ்நாடு விவசாயிகள் சங்க மாநில பொதுச் செயலர் பி. சண்முகம் பேசியது: 
படைப்புழுத் தாக்கியதால் மகசூல் பாதிக்கப்பட்டுள்ள நிலையில், வங்கிகளில் வாங்கியக் கடனைக் கட்ட முடியாமல்  விவசாயிகள் பாதிக்கப்பட்டிருக்கின்றனர்.  எனவே, பாதிப்புக்குள்ளான மக்காச்சோளப் பயிர்களுக்கு ஏக்கருக்கு ரூ. 25 ஆயிரம் நஷ்டஈடு வழங்க வேண்டும். இல்லையெனில் தமிழ்நாடு விவசாயிகள் சங்கம், அனைத்து விவசாயிகளையும் ஒன்றிணைத்து காத்திருப்புப் போராட்டம் நடத்தும் என்றார் அவர்.
தொடர்ந்து, மாநிலப் பொதுச் செயலர் சண்முகம், மாநில துணைத்தலைவர் சாமிநாதன் மற்றும் மாவட்ட நிர்வாகிகள் தலைமையில், ஏராளமான விவசாயிகளுடன்  ஆட்சியரைச் சந்தித்து, நிவாரணம் வழங்க நடவடிக்கை எடுக்க வேண்டுமென வலியுறுத்தி மனு அளித்தனர்.

]]>
http://www.dinamani.com/all-editions/edition-trichy/perambalur/2018/dec/08/மக்காச்சோளப்பயிர்களுக்கு--நிவாரணம்-கோரி-மனு-அளிக்கும்-போராட்டம்-3053980.html
3053979 திருச்சி பெரம்பலூர் வேலைவாய்ப்பு உருவாக்கும் திட்ட விழிப்புணர்வு முகாம் DIN DIN Saturday, December 8, 2018 08:57 AM +0530 பெரம்பலூரில் பாரதப் பிரதமரின் வேலைவாய்ப்பு உருவாக்கும் திட்டம் குறித்த விழிப்புணர்வு முகாம் வெள்ளிக்கிழமை நடைபெற்றது.
கதர் கிராமத் தொழில்கள் ஆணையம்,  கதர் கிராமத் தொழில்கள் வாரியம், மாவட்டத் தொழில் மையம் சார்பில் ஆட்சியரகத்தில் நடைபெற்ற இந்த முகாமை மாவட்ட ஆட்சியர் வே.சாந்தா தொடக்கி வைத்து பேசியது:
கிராமப்புறங்களில் வாழும் இளைஞர்களின் பொருளாதார மேம்பாட்டில் அக்கறைகொண்டு, புதிய வேலைவாய்ப்புகளை உருவாக்கும் வகையில் மத்திய, மாநில அரசுகள் பல்வேறு திட்டங்களை செயல்படுத்தி வருகின்றன.
அதன்படி, மத்திய அரசு பாரதப் பிரதமரின் வேலைவாய்ப்பு உருவாக்கும் திட்டத்தை செயல்படுத்தி வருகிறது. இளைஞர்கள், தொழில்முனைவோர் அனைவரும், இத்திட்டம் குறித்து முழுமையாக அறிந்துகொண்டு பயன்பெற வேண்டும். கிராமப்புறங்களில் வாழும் இளைஞர்கள், தங்களது பகுதியில் கிடைக்கும் மூலப்பொருள்களைக் கொண்டு தயாரிக்கப்படும் மற்றும் மதிப்புக்கூட்டுப் பொருள் உருவாக்கும் தொழிற்கூடங்களை அமைக்க முன்வரவேண்டும் என்றார் அவர். 
 மாவட்ட தொழில்மையப் பொது மேலாளர் (பொ) ரமேஷ், மாவட்ட முன்னோடி வங்கி மேலாளர் அருள், கதர் கிராம தொழில் ஆணையத்தின் உதவி இயக்குநர் வாசிராஜன், தமிழ்நாடு கதர்கிராம தொழில்கள் வாரியத்தின் உதவி இயக்குநர் பாலகுமாரன் உள்ளிட்டோர்  முகாமில் பங்கேற்றனர்.


 

]]>
http://www.dinamani.com/all-editions/edition-trichy/perambalur/2018/dec/08/வேலைவாய்ப்பு-உருவாக்கும்-திட்ட-விழிப்புணர்வு-முகாம்-3053979.html
3053457 திருச்சி பெரம்பலூர் ஜயங்கொண்டத்தில் இந்து முன்னணி ஆர்ப்பாட்டம் DIN DIN Friday, December 7, 2018 09:40 AM +0530 பெரம்பலூர் பழைய பேருந்து நிலைய வளாகத்தில் உள்ள காந்தி சிலை எதிரே, இந்து முன்னணி அமைப்பினர் வியாழக்கிழமை ஆர்ப்பாட்டத்தில் ஈடுபட்டனர்.
அயோத்தியில் ராமருக்கு ஆலயம் அமைக்க, மக்களவையில் சட்டம் இயற்றக்கோரி நடைபெற்ற ஆர்ப்பாட்டத்துக்கு, பெரம்பலூர் மாவட்டச் செயலர் நடராஜன் தலைமை வகித்தார். 
ஒன்றியச் செயலர்கள் செந்தில், செல்வக்குமார், துரைக்கண்ணு, துணைத் தலைவர் மணி, நகரச் செயலர் சபரீசன் ஆகியோர் முன்னிலை வகித்தனர். 
திருச்சி கோட்டச் செயலர் குணா சிறப்புரையாற்றினார். ஆர்ப்பாட்டத்தில் ராமர் கோயில் அமைக்க வலியுறுத்தி முழக்கமிட்டனர். இதில், இந்து முன்னணி அமைப்பைச் சேர்ந்த பலர் பங்கேற்றனர்.
பெரம்பலூர் நகரச்செயலர் கஜேந்திரன் வரவேற்றார். வேப்பந்தட்டை ஒன்றியத் தலைவர் கருப்பையா நன்றி கூறினார்.
அரியலூர்: அயோத்தியில் ராமர் கோயில் கட்ட வலியுறுத்தி அரியலூர் மாவட்டம் ஜயங்கொண்டத்தில் இந்து முன்னணியினர் வியாழக்கிழமை ஆர்ப்பாட்டத்தில் ஈடுபட்டனர். அமைப்பின் அரியலூர் கோட்டச் செயலர் ராஜசேகர் தலைமை வகித்தார். திருச்சி கோட்ட தலைவர் கனகராஜ் பேசினார். மாவட்டச் செயலர் ராஜா, மாநில செயற்குழு உறுப்பினர் பாலமுருகன், மாவட்ட துணைத் தலைவர்கள் பழனிசாமி, ரமேஷ் உட்பட பலரும் கலந்து கொண்டனர்.
 

]]>
http://www.dinamani.com/all-editions/edition-trichy/perambalur/2018/dec/07/ஜயங்கொண்டத்தில்-இந்து-முன்னணி-ஆர்ப்பாட்டம்-3053457.html
3053456 திருச்சி பெரம்பலூர் முதுகலை ஆசிரியர்களுக்கு பயிற்சி DIN DIN Friday, December 7, 2018 09:38 AM +0530 பெரம்பலூர் அரசு மேல்நிலைப் பள்ளியில் முதுகலை தாவரவியல் ஆசிரியர்களுக்கு மாவட்ட அளவிலான பயிற்சி முகாம் வியாழக்கிழமை நடைபெற்றது.  
2018- 19 ஆம் கல்வியாண்டில், 11 ஆம் வகுப்புகளுக்கு புதிய பாடநூல் உருவாக்கப்பட்டுள்ளன. இதனால், அரசு மற்றும் அரசு உதவிபெறும் ஆசிரியர்கள், கற்றல் கற்பித்தல் பணிகளை சிறந்த முறையில் வகுப்பறைகளில் மேற்கொள்ளும் வகையில், புதிய பாடாநூல் குறித்து முதுகலை தாவரவியல் ஆசிரியர்களுக்கு மாவட்ட அளவிலான பயிற்சி முகாம் 2 நாள்கள் நடத்தப்படுகிறது. 
இப் பயிற்சி முகாமை மாவட்ட முதன்மைக் கல்வி அலுவலர் அருளரகங்கன் தொடக்கி வைத்தார். மாவட்டக் கல்வி அலுவலர் அம்பிகாபதி, மாவட்ட திட்ட ஒருங்கிணைப்பாளர் நல்லுசாமி, ஆசிரியர் பயிற்சி நிறுவன முதல்வர் வரதராஜன் ஆகியோர் புதிய பாடத்திட்டம் குறித்தும், மாணவர்களுக்கும் கற்பிக்கும் முறை குறித்தும் விளக்க உரையாற்றினர்.  
தொடர்ந்து, கருத்தாளர்கள் சுரேஷ், அர்ச்சுணன், பத்மசுலோசனா, ஆசிரியர்கள் அறிவேந்தன், காமராஜ், கலியமூர்த்தி ஆகியோர் பயிற்சி அளித்தனர்.  முதன்மைக் கல்வி அலுவலரின் நேர்முக உதவியாளர் சிதம்பரம், பள்ளி உதவி தலைமை ஆசிரியர் வெங்கடேசன் உள்பட 50 முதுகலை தாவரவியல் ஆசிரியர்கள் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/07/முதுகலை-ஆசிரியர்களுக்கு-பயிற்சி-3053456.html
3053455 திருச்சி பெரம்பலூர் வெவ்வேறு சம்பவங்களில் 2 பேர் சாவு DIN DIN Friday, December 7, 2018 09:38 AM +0530 பெரம்பலூர் அருகே வெவ்வேறு சம்பவங்களில் 2 பேர் வியாழக்கிழமை உயிரிழந்தனர். 
பெரம்பலூர் மாவட்டம், குன்னம் அருகேயுள்ள வேள்விமங்கலம் கிராமத்தைச் சேர்ந்தவர் சாமிதுரை (60), விவசாயி. இவர் வியாழக்கிழமை காலை கீழப்பெரம்பலூரிலிருந்து வயலூர் கிராமத்துக்கு தனது பைக்கில் சென்றபோது, அவ்வழியே வந்த மினி பேருந்து மோதி  உயிரிழந்தார். தகவலறிந்த குன்னம் போலீஸார் சம்பவ இடத்துக்குச் சென்று அவரது உடலை மீட்டு பெரம்பலூர் மாவட்ட அரசு தலைமை மருத்துவமனைக்கு அனுப்பினர். இதுதொடர்பாக வழக்குப் பதிந்த போலீஸார், மினி பேருந்து ஓட்டுநர் கீழப்பெரம்பலூர் கிராமத்தைச் சேர்ந்த சதீஷை (24) கைது செய்து விசாரிக்கின்றனர். 
சிகிச்சை பெற்றவர் சாவு: பெரம்பலூர் அருகேயுள்ள மேலப்பூலியூர் கிராமத்தைச் சேர்ந்தவர் லோகலிங்கம் மகன் கனகவேல் (50). கூலித் தொழிலாளியான இவர், கடந்த சில நாள்களாக நோயால் அவதியுற்று வந்தாராம். இந்நிலையில், கடந்த 27 ஆம் தேதி அவரது வீட்டில் மண்ணெண்ணெய் ஊற்றி தீக்குளித்து தற்கொலை செய்ய முயன்றார். இதையடுத்து பெரம்பலூர் மாவட்ட அரசு தலைமை மருத்துவமனையில் சேர்க்கப்பட்டு சிகிச்சை பெற்று வந்த அவர் வியாழக்கிழமை உயிரிழந்தார். பெரம்பலூர் போலீஸார் வழக்குப் பதிந்து விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-trichy/perambalur/2018/dec/07/வெவ்வேறு-சம்பவங்களில்-2-பேர்-சாவு-3053455.html
3053454 திருச்சி பெரம்பலூர் வீட்டின் பூட்டை உடைத்து பொருள்கள் திருட்டு DIN DIN Friday, December 7, 2018 09:37 AM +0530 பெரம்பலூர் - வடக்கு மாதவி சாலையில் உள்ள கணபதி நகரில் வசிப்பவர் கந்தராஜன் (63). இவரது மனைவி மணிமேகலை. இவர் திருச்சி பாய்லர் ஆலை ஊழியர். இந்நிலையில், சென்னையில் வசித்து வரும் தங்களது மகன் வீட்டுக்கு கடந்த டிச. 2 -ல் தம்பதி இருவரும் சென்றனர். இந்நிலையில், அவர்களது வீட்டின் வெளிப்புற கதவு பூட்டு உடைக்கப்பட்டு, வீட்டின் உள்ளே பொருள்கள் சிதறிக் கிடந்தது வியாழக்கிழமை காலை தெரியவந்தது. 
இதையறிந்த அக்கம்பக்கத்தினர் அளித்த தகவலின்பேரில் சம்பவ இடத்தில் போலீஸார் சென்று பார்வையிட்டனர். 
வீட்டின் உரிமையாளரை தொடர்பு கொள்ள இயலவில்லை. அவர் வந்தால்தான் திருடப்பட்ட பொருள்கள் குறித்த விவரமும், அதன் மதிப்பும் தெரியவரும் என போலீஸார் தெரிவித்தனர்.

]]>
http://www.dinamani.com/all-editions/edition-trichy/perambalur/2018/dec/07/வீட்டின்-பூட்டை-உடைத்து-பொருள்கள்-திருட்டு-3053454.html
3053453 திருச்சி பெரம்பலூர் அம்பேத்கர் சிலைக்கு அரசியல் கட்சியினர் மாலை DIN DIN Friday, December 7, 2018 09:36 AM +0530 அம்பேத்கரின் 62 -வது நினைவு நாளை முன்னிட்டு, பெரம்பலூரில் வியாழக்கிழமை பல்வேறு அரசியல் கட்சியினர் அவரது சிலைக்கு மாலை அணிவித்து மரியாதை செலுத்தினர்.
பெரம்பலூர் பழைய பேருந்து நிலைய வளாகத்தில் உள்ள அம்பேத்கர் சிலைக்கு பகுஜன் சமாஜ் கட்சி சார்பில், அக் கட்சியின் மாநிலச் செயலர் வழக்குரைஞர் பி. காமராஜ் தலைமையில், மாவட்ட பொதுச்செயலர் வைரச்செல்வன், மாவட்ட பொருளாளர் பிரபாகரன், மாணவரணி பொறுப்பாளர்கள் கார்த்திக், பிரவீன் ஆகியோர் மாலை அணிவித்தனர். 
பாட்டாளி மக்கள் கட்சி சார்பில், மாவட்டச் செயலர் க. செந்தில்குமார் தலைமையிலும், விடுதலைச் சிறுத்தைகள் கட்சி மாவட்டச் செயலர் சி. தமிழ்மாணிக்கம் தலைமையிலும், மார்க்சிஸ்ட் கம்யூனிஸ்ட் கட்சி சார்பில் மாவட்டக்குழு உறுப்பினர் என். செல்லதுரை தலைமையிலும், இந்திய கம்யூனிஸ்ட் கட்சி சார்பில் மாவட்டச் செயலர் வீ. ஞானசேகரன் தலைமையிலும் மாலை அணிவித்து மரியாதை செலுத்தப்பட்டது.  
தி.மு.க சார்பில் மாவட்டச் செயலர் சி. ராஜேந்திரன் தலைமையில், நகரச் செயலர் எம். பிரபாகரன், வழக்குரைஞரணி மாவட்டச் செயலர் செந்தில்நாதன், பொதுக்குழு உறுப்பினர் கி. முகுந்தன், காங்கிரஸ் கட்சி சார்பில் மாவட்டத் தலைவர் வழக்குரைஞர் டி. தமிழ்ச்செல்வன் தலைமையில் மாலை அணிவித்தனர்.   இதேபோல, லோக் ஜனசக்தி உள்ளிட்ட பல்வேறு கட்சியினர் அம்பேத்கர் சிலைக்கு மாலை அணிவித்து மரியாதை செலுத்தினர்.
அரியலூர்,: டாக்டர் அம்பேத்கரின் 62 வது நினைவு தினத்தை முன்னிட்டு அரியலூர் மாவட்டத்திலுள்ள அவரது உருவச் சிலைக்கு அரசியல் கட்சியினர் மற்றும் பல்வேறு அமைப்பினர் வியாழக்கிழமை  மாலை அணிவித்து மரியாதை செலுத்தினர்.
அரியலூர் பேருந்து நிலையம் அருகேயுள்ள அம்பேத்கர் சிலைக்கு, விடுதலை சிறுத்தைகள் கட்சி சார்பில் மாவட்டச் செயலர் மு. செல்வநம்பி தலைமையில் அக்கட்சியினர் மாலை அணிவித்து மரியாதை செலுத்தினர். ஏஐடியுசி சார்பில் மாவட்டச் செயலர் தண்டபாணி தலைமையில் மாலை அணிவிக்கப்பட்டது. பாட்டாளி மக்கள் கட்சி சார்பில் மாநில துணைத் தலைவர் சின்னதுரை தலைமையில் அக்கட்சியினர் மாலை அணிவித்து மரியாதை செலுத்தினர். அனைத்து ஆசிரியர் கூட்டமைப்பு மற்றும் அரசு ஊழியர் ஐக்கிய பேரவை சார்பில் மாவட்டத் தலைவர் அய்யாசாமி தலைமையில் மாலை அணிவிக்கப்பட்டது.
அதேபோல், ஜயங்கொண்டம், திருமானூர், செந்துறை உள்ளிட்ட பகுதிகளில் உள்ள அம்பேத்கர் சிலைக்கு அரசியல் கட்சியினரும், பல்வேறு அமைப்பினரும் மாலை அணிவித்தனர்.
 

]]>
http://www.dinamani.com/all-editions/edition-trichy/perambalur/2018/dec/07/அம்பேத்கர்-சிலைக்கு-அரசியல்-கட்சியினர்-மாலை-3053453.html
3053452 திருச்சி பெரம்பலூர் குடியிருப்பு பகுதிக்கு  வந்த புள்ளிமான் மீட்பு DIN DIN Friday, December 7, 2018 09:36 AM +0530 பெரம்பலூர் மாவட்டம், குன்னம் அருகே வழிதவறி குடியிருப்பு பகுதிக்குள் வந்த புள்ளிமான் உயிருடன் வியாழக்கிழமை மீட்கப்பட்டது. 
பெரம்பலூர் மாவட்டம், குன்னம் வட்டத்தில் சித்தளி, எழுமுர், நமையூர் ஆகிய கிராமங்களில் அரசுக்கு சொந்தமான வனப்பகுதி உள்ளன. இந்த வனக்காப்பு காட்டில் மான்கள், மயில்கள் அதிகளவில் உள்ளன. வனப்பகுதி அருகேயுள்ள வயல்களில்  சாகுபடி செய்யப்பட்டுள்ள பயிர்களை உண்பதற்காக வனப்பகுதிகளுக்கு வனவிலங்குகள் வந்துசெல்வது வழக்கம். இந்நிலையில், வனப்பகுதியில் இருந்து வெளியேறி மான் ஒன்று நன்னை- லப்பைகுடிக்காடு சாலையில் சென்றதாக கூறப்படுகிறது. 
இதையடுத்து, அப்பகுதியில் சுற்றித்திரிந்த நாய்கள், அந்த மானை துரத்திக் கடித்தன. இதையறிந்த அப்பகுதி மக்கள் நாய்களிடம் சிக்கிய புள்ளிமானை மீட்டு அளித்த தகவலின்பேரில் வந்த வேப்பூர் தீயணைப்பு நிலைய அலுவலர் பால்துரை தலைமையிலான வீரர்கள் மானை மீட்டு, பெரம்பலூர் கால்நடை மருத்துவமனையில் முதலுதவி சிகிச்சை அளித்து சித்தளி வனக் காப்பு காட்டில் விட்டனர்.
 

]]>
http://www.dinamani.com/all-editions/edition-trichy/perambalur/2018/dec/07/குடியிருப்பு-பகுதிக்கு--வந்த-புள்ளிமான்-மீட்பு-3053452.html
3053451 திருச்சி பெரம்பலூர் பெரம்பலூரில் முஸ்லிம் அமைப்பினர் ஆர்ப்பாட்டம் DIN DIN Friday, December 7, 2018 09:36 AM +0530 பெரம்பலூர் புறநகர் பேருந்து நிலையம் அருகே, எஸ்.டி.பி.ஐ. கட்சியினர் கண்டன ஆர்ப்பாட்டத்தில் வியாழக்கிழமை ஈடுபட்டனர்.
மாவட்டத் தலைவர் ஏ. முஹம்மது ரபீக் தலைமை வகித்தார்.
பாப்புலர் பிரண்ட் ஆப் இந்தியா அமைப்பின் மாவட்டத் தலைவர் எம். அபுபக்கர் சித்திக், மக்கள் உரிமை பொதுமேடை ஒருங்கிணைப்பாளர் எஸ். அசன் முஹம்மது ஆகியோர் முன்னிலை வகித்தனர். 
கட்சியின் மாநில பேச்சாளர் கே.எஸ். சாகுல் ஹமீது, மார்க்சிஸ்ட் கம்யூனிஸ்ட் கட்சி மாவட்ட செயற்குழு உறுப்பினர் என். செல்லதுரை, விடுதலைச் சிறுத்தைகள் கட்சி வழக்குரைஞரணி மாநில இணைச் செயலர் பேரா. முருகையன், நாம் தமிழர் கட்சி மாவட்டச் செயலர் பா. அருள், பகுஜன் சமாஜ் கட்சி மாநில செயலர் ப. காமராசு, விடுதலைச் சிறுத்தைகள் கட்சியின் மாவட்டச் செயலர் சி. தமிழ்மாணிக்கம் ஆகியோர் கண்டன உரையாற்றினர்.  
ஆர்ப்பாட்டத்தில், பாபர் மசூதியை மீண்டும் அதே இடத்தில் கட்ட வேண்டும். குற்றவாளிகள் அனைவருக்கும் தண்டனை வழங்க வேண்டும். உச்சநீதிமன்ற சட்ட ஆதாரங்களின் அடிப்படையில் நியாயமான தீர்ப்பு வழங்க வேண்டும். நீதிக்காக தேசத்தின் அபிமானிகள் அனைவரும் ஒன்றிணைந்து போராட வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், பாப்புலர் பிரண்ட்ஸ் ஆப் இந்தியா ஒருங்கிணைப்பாளர் அபுபக்கர் சித்திக், செய்தி தொடர்பாளர் எம். அகமது இக்பால் உள்ளிட்ட பலர் பங்கேற்றனர். 
மாவட்ட துணைத் தலைவர் எம். முஹம்மது பாருக் வரவேற்றார். மாவட்ட பொதுச் செயலர் ஏ. அப்துல் கனி நன்றி கூறினார். 
இதேபோல, பெரம்பலூர் பழைய பேருந்து நிலையம் காந்தி சிலை எதிரே, தமிழ்நாடு முஸ்லிம் முன்னேற்றக் கழகம் சார்பில் நடைபெற்ற  ஆர்ப்பாட்டத்துக்கு, மாவட்டத் தலைவர் எம். சுல்தான் மொய்தீன் தலைமை வகித்தார். மனிதநேய மக்கள் மாவட்டச் செயலர் கே.ஏ. மீரான் மொய்தீன், தமுமுக மாவட்டச் செயலர் ஏ. குதரத்துல்லா, மாவட்ட பொருளாளர் முஹமது இலியாஸ் ஆகியோர் முன்னிலை வகித்தனர். 
இதில், திமுக மாவட்டச் செயலர் சி. ராஜேந்திரன் உள்ளிட்ட பலர் பங்கேற்றனர்.
அரியலூர்: பாபர் மசூதி இடிப்பு தினத்தையொட்டி அரியலூர் மாவட்டம் ஜயங்கொண்டம் காந்தி பூங்கா அருகே தமுமுகவினர் வியாழக்கிழமை ஆர்ப்பாட்டத்தில் ஈடுபட்டனர்.
அமைப்பின் மாவட்டத் தலைவர் கமாலுதீன் தலைமை வகித்தார். மாவட்ட தொண்டரணி செயலர் அப்துல் ராஷித், மாவட்டச் செயலர் ஷேக் இப்ராஹிம், மாவட்ட செயலர்கள் மனிதநேய மக்கள் கட்சி ஷாகுல் ஹமீது, இந்திய கம்யூனிஸ்ட் மாவட்டச் செயலர் ரா. உலகநாதன், மார்க்சிஸ்ட் கம்யூனிஸ்ட் ரா. மணிவேல், திராவிடர் கழக மண்டலத் தலைவர் சி. காமராஜ், விடுதலைச் சிறுத்தைகள்  மாவட்ட துணை செயலர்  ரா.கதிர்வளவன் உட்பட பலரும் கலந்து கொண்டனர்.
 

]]>
http://www.dinamani.com/all-editions/edition-trichy/perambalur/2018/dec/07/பெரம்பலூரில்-முஸ்லிம்-அமைப்பினர்-ஆர்ப்பாட்டம்-3053451.html
3052634 திருச்சி பெரம்பலூர் விஏஓக்கள் உள்ளிருப்புப் போராட்டம் DIN DIN Thursday, December 6, 2018 08:29 AM +0530 கோரிக்கைகளை வலியுறுத்தி, இரண்டாம் கட்டமாக வட்டாட்சியரகங்களில் கிராம நிர்வாக அலுவலர்கள் புதன்கிழமை இரவு உள்ளிருப்புப் போராட்டத்தில் ஈடுபட்டனர். 
கிராம நிர்வாக அலுவலர்கள் அனைவருக்கும், ஒரே அரசாணை மூலம் மாவட்ட மாறுதலை ஆன்லைன் மூலம் நடத்த வேண்டும். பணியிடங்களை மறு சீரமைப்பு செய்ய வேண்டும். அலுவலகங்களில் அடிப்படை வசதி ஏற்படுத்தித் தர வேண்டும். கணினி வழிச் சான்றிதழ்கள், இணையதள பணிகளுக்கான செலவினத் தொகை மற்றும் வசதிகள் செய்து தர வேண்டும். அடங்கல் சான்றிதழை விஏஓ டிஜிட்டல் கையொப்பமிட்டு வழங்க அனுமதிக்க வேண்டும் என்பன உள்ளிட்ட 21 கோரிக்கைகளை வலியுறுத்தி, தமிழ்நாடு கிராம நிர்வாக அலுவலர்கள் சங்கம் சார்பில் நவ. 28 முதல் ஆன்லைன் சான்றிதழ் பதியும் பணியைப் புறக்கணித்து போராட்டத்தில் ஈடுபட்டுள்ளனர்.
இதனால், விஏஓக்கள் மூலம் வழங்கப்படும் சாதி, வருவாய், இருப்பிடச் சான்றிதழ்கள் உள்ளிட்ட 14 வித சான்றிதழ்கள் வழங்கும் பணியில் சுணக்கம் ஏற்பட்டதால் பொதுமக்கள் பெரிதும் அவதியடைந்தனர்.
இந்நிலையில், மேற்கண்ட கோரிக்கைகளை வலியுறுத்தி 2 ஆம் கட்டமாக அந்தந்த வட்டாட்சியரகங்களில் புதன்கிழமை மாலை 6 மணி முதல் வியாழக்கிழமை காலை 6 மணி வரை உள்ளிருப்புப் போராட்டத்தில் ஈடுபட்டனர்.   
பெரம்பலூர் வட்டாட்சியரகத்தில் மாவட்ட பொருளாளர் பெ. கார்த்திகேயன், ஆலத்தூர் வட்டாட்சியரகத்தில் மாவட்டத் தலைவர் ரா. ராஜா, வேப்பந்தட்டை வட்டாட்சியரகத்தில் மாவட்டச் செயலர் மா. ரெங்கராஜ், குன்னம் வட்டாட்சியரகத்தில் மாவட்ட ஒருங்கிணைப்பாளர் ந. அன்பரசு ஆகியோர் தலைமையில் நடைபெற்ற போராட்டத்தில், பெரம்பலூர் மாவட்டத்தில் பணிபுரியும் 94 கிராம நிர்வாக அலுவலர்கள் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/06/விஏஓக்கள்-உள்ளிருப்புப்-போராட்டம்-3052634.html
3052633 திருச்சி பெரம்பலூர் ஜெயலலிதா நினைவு நாள் அமைதி ஊர்வலம் DIN DIN Thursday, December 6, 2018 08:28 AM +0530 தமிழக முன்னாள் முதல்வர் ஜெயலலிதாவின் 2 ஆம் ஆண்டு நினைவு நாளையொட்டி, பெரம்பலூர் மாவட்ட அதிமுக சார்பில் அமைதி ஊர்வலம் புதன்கிழமை நடைபெற்றது.  
பெரம்பலூர் மாவட்ட அதிமுக சார்பில், மேற்கு வானொலி திடலில் தொடங்கிய அமைதி ஊர்வலம் பழைய பேருந்து நிலையம், காமராஜர் வளைவு, சங்குப்பேட்டை, பாலக்கரை வழியாக சென்று புறநகர் பேருந்து நிலைய வளாகத்தில் நிறைவடைந்தது. தொடர்ந்து, அங்கு மலர்களால் அலங்கரிக்கப்பட்டிருந்த முன்னாள் முதல்வர் ஜெயலலிதாவின் சிலை மற்றும் உருவப் படத்துக்கு மக்களவை உறுப்பினர்கள் ஆர்.பி. மருதராஜா (பெரம்பலூர்), மா. சந்திரகாசி (சிதம்பரம்), பெரம்பலூர் தொகுதி எம்எல்ஏ  இரா. தமிழ்ச்செல்வன் ஆகியோர் முன்னிலையில், மாவட்டச் செயலரும், குன்னம் தொகுதி சட்டப்பேரவை உறுப்பினருமான ஆர்.டி. ராமச்சந்திரன் மலர் தூவி மரியாதை செலுத்தினார். 
முன்னதாக, அதிமுக அலுவலகம், பழைய பேருந்து நிலையம், சங்குப்பேட்டை, ரோவர் வளைவு ஆகிய இடங்களில் அலங்கரிக்கப்பட்டிருந்த ஜெயலலிதா உருவ படத்துக்கு மலர் தூவி அஞ்சலி செலுத்தப்பட்டது. 
நிகழ்ச்சியில், ஒன்றியச் செயலர்கள் என்.கே. கர்ணன், பி. கிருஷ்ணசாமி, மாவட்ட நிர்வாகிகள் பூவை த. செழியன், ராணி, மாவட்ட அணிச் செயலர்கள் எம்.என். ராஜாராம், மா. வீரபாண்டியன், குரும்பலூர் பேரூர் செயலர் வி. செல்வராஜ் உள்பட சுமார் 3 ஆயிரத்துக்கும் மேற்பட்டோர் பங்கேற்றனர்.
அரியலூரில்.. அதிமுக மாவட்டச் செயலரும், அரசு தலைமைக் கொறடாவுமான தாமரை எஸ். ராஜேந்திரன் தலைமையில் அரியலூர் ஒற்றுமைத் திடலில் திரண்ட அக்கட்சி நிர்வாகிகள், அங்கிருந்து அரியலூர் பேருந்து நிலையம் வரை அமைதி ஊர்வலம் சென்றனர்.
பின்னர் பேருந்து நிலையம் முன் வைக்கப்பட்டிருந்த ஜெயலலிதா திருவுருவப் படத்துக்கு மலர் தூவி அஞ்சலி செலுத்தினர். இதைத் தொடர்ந்து மாவட்ட அதிமுக சார்பில் லிங்கத்தடி மேடு வள்ளலார் ஆதரவற்றோர் பள்ளி மாணவ,மாணவிகளுக்கு அன்னதானம் வழங்கப்பட்டது. 
நிகழ்ச்சியில் ஜயங்கொண்டம் எம்.எல்.ஏ. ராமஜெயலிங்கம், அரசு சிறப்பு வழக்குரைஞர் சாந்தி, அதிமுக நிர்வாகிகள் ஓ.பி. சங்கர், கல்லங்குறிச்சி பாஸ்கர் உள்பட பலர் கலந்து கொண்டனர்.

]]>
http://www.dinamani.com/all-editions/edition-trichy/perambalur/2018/dec/06/ஜெயலலிதா-நினைவு-நாள்-அமைதி-ஊர்வலம்-3052633.html
3052632 திருச்சி பெரம்பலூர் அரசு இசைப்பள்ளிக்கு சொந்தக் கட்டடம் கட்டப்படுமா? DIN DIN Thursday, December 6, 2018 08:28 AM +0530 கடந்த 20 ஆண்டுகளாக அடிப்படை வசதிகளின்றி, வாடகைக் கட்டடத்தில் இயங்கும் மாவட்ட அரசு இசைப் பள்ளிக்கு சொந்தக் கட்டடம் கட்ட வேண்டுமென இசை ஆர்வலர்கள் கோரிக்கை விடுத்துள்ளனர்.
பெரம்பலூர்- விளாமுத்தூர் சாலையில், தமிழக அரசின் கலை பண்பாட்டுத் துறையின் கீழ்  மாவட்ட அரசு இசைப்பள்ளி செயல்படுகிறது. கடந்த 1998-ல் தொடங்கப்பட்ட இப்பள்ளியில் மாணவ, மாணவிகளுக்கு குரலிசை, தேவாரம், பரதம், மிருதங்கம், வயலின், நாகசுரம், தவில் முதலிய கலைத் துறைகளில் மிகச் சிறப்பாக 3 ஆண்டு பயிற்சி அளிக்கப்பட்டு அரசின் சான்றிதழ் வழங்கப்படுகிறது. சனி, ஞாயிற்றுக்கிழமைகளில் ஜவகர் சிறுவர் மன்றம் சார்பிலும் பாட்டு, பரதம், யோகா பயிற்சிகளும் கற்றுத் தரப்படுகின்றன. இந்தப் பள்ளியில் பயின்ற பல மாணவ, மாணவிகள் தற்போது பல இசைக் கல்லூரிகளில் பேராசிரியர்களாக உள்ளனர். 
எளம்பலூர் சாலை மற்றும் வெங்கடேசபுரத்தில் உள்ள வாடகை கட்டடங்களில், கடந்த 18 ஆண்டுகளாக இயங்கிய வந்த இப்பள்ளி கடந்த 2 ஆண்டுகளாக பெரம்பலூர்- விளாமுத்தூர் சாலையில் ராதாகிருஷ்ணன் நகரில் உள்ள வாடகைக் கட்டடத்தில்தான் தற்போதும் இயங்கி வருகிறது. இப்பள்ளியில் நுண் கலைகள் பயிலும் சுமார் 40 மாணவ, மாணவிகளுக்கு போதிய அடிப்படை வசதி, இடவசதி இல்லாததால் பெரிதும் பாதிப்படைந்துள்ளனர்.  இங்கு கோடை விடுமுறை நாள்களில் சிறப்பு பயிற்சி முகாமும், ஆண்டுதோறும் நடைபெறும் பெரம்பலூர் மாவட்ட அளவிலான கலைப் போட்டிகளும் நடத்தப்படுகின்றன. 
இங்கு பயிலும் மாணவ, மாணவிகளுக்கு தனித்தனியே அரசு விடுதி வசதி, மாணவர்களுக்கு மாதம்தோறும் ஊக்கத்தொகை, 
ஆதிதிராவிடர் மாணவர்களுக்கு கல்வி உதவித்தொகையும் அளிக்கப்படுகிறது.  
அதோடு அரசுப் பேருந்துகளில் இலவச பயணச் சலுகையும் உண்டு என்பதால் இசை மீது ஆர்வமுள்ள பெற்றோர் தங்களது குழந்தைகளை  இந்தப் பள்ளியில் சேர்க்க ஆர்வம் காட்டி வருகின்றனர். 

அடிப்படை வசதிகளின்றி..
இங்கு பயிலும் மாணவர்களுக்குத் தேவையான குடிநீர், கழிப்பறை வசதிகள் போதுமானதாக இல்லை. இதனால், இங்கு வரும் பெண் குழந்தைகள் அவதிக்குள்ளாகின்றனர். அதேபோல, ஏற்கெனவே செயல்பட்டு வந்த இடங்களில் பாதுகாப்பும், போக்குவரத்து வசதியும் இருந்தன. ஆனால், தற்போதைய இடத்தில் போதிய பாதுகாப்பு வசதிகள் இல்லாததால், பெண் குழந்தைகளின் பெற்றோர் அச்சமடைந்துள்ளனர். அதேபோல, இசைப்பள்ளி செயல்படுவதற்கான அறிவிப்பு பதாகைகளே தென்படவில்லை. குடியிருப்புகள் பகுதியில் செயல்படுவதால், இசைப் பள்ளியில் மாணவ, மாணவிகள் நாகசுரம், தவில், மிருதங்கம், வயலின் உள்ளிட்ட இசைப் பயிற்சிகளைப் பெறும்போது அதிக சப்தம் ஏற்படுகிறது. இது, அருகில் வசிப்போருக்கு இடையூறாக உள்ளதாகவும், மதிய நேரத்தில் வயதானோர், நோயாளிகள் ஓய்வெடுக்க முடியவில்லை என குடியிருப்புவாசிகள் இசைப்பள்ளி முதல்வரிடம் புகார் தெரிவித்து வருகின்றனர். மாவட்டத்தின் பல்வேறு பகுதிகளிலிருந்து இங்கு வந்து பயிலும் மாணவ, மாணவிகளுக்கு இட வசதியில்லாததால் ஆண்டுதோறும் மாணவர் சேர்க்கையும் குறைந்து வருகிறது. இந்நிலையில் இந்த இசைப்பள்ளிக்கு சொந்தக் கட்டடம் கட்டித்தரக் கோரி, மாவட்ட நிர்வாகத்திடம் சமூக ஆர்வலர்களும், இசைப்பள்ளி மாணவர்களும் கோரிக்கை விடுத்து வந்தனர்.

இடம் ஒதுக்கியும் தாமதம்
கடந்த 2010- இல் மாவட்ட ஆட்சியராக இருந்த எம். விஜயகுமார், வெங்கடேசபுரத்தில் உள்ள அரசுக்கு சொந்தமான 55 சென்ட் நிலத்தை இதற்காக ஒதுக்கீடு செய்தார்.  ஆனால், 8 ஆண்டு கடந்தும் அந்த இடத்தில் பணிகள் தொடங்காதது இசை ஆர்வலர்களிடையே ஏமாற்றைத்தை ஏற்படுத்தியுள்ளது.  அந்த இடத்தில் மேடை, நவீன அரங்கத்துடன் இசைப்பள்ளிக்கான கட்டடம் கட்ட மாவட்ட நிர்வாகம் உரிய நடவடிக்கை எடுக்க வேண்டும் என்பதே இசைப்பள்ளி மாணவர்கள், இசை ஆர்வலர்களின் எதிர்பார்ப்பாகும்.

]]>
http://www.dinamani.com/all-editions/edition-trichy/perambalur/2018/dec/06/அரசு-இசைப்பள்ளிக்கு-சொந்தக்-கட்டடம்-கட்டப்படுமா-3052632.html
3052631 திருச்சி பெரம்பலூர் பெரம்பலூர் மாவட்டத்தில் நலவாரிய கலைஞர்களுக்கு இலவச இசைக்கருவிகள்  DIN DIN Thursday, December 6, 2018 08:27 AM +0530 பெரம்பலூர் மாவட்டத்தைச் சேர்ந்த நாட்டுப்புற நல வாரியக் கலைஞர்கள் இலவச இசைக்கருவிகள் மற்றும் ஆடை, ஆபரணங்கள் பெற டிச. 30 க்குள் விண்ணப்பிக்கலாம்.
பெரம்பலூர் மாவட்டத்தில் 226 நாட்டுப்புறக் கலைஞர்கள் நல வாரியத்தில் உறுப்பினர்களாக பதிந்துள்ளனர். 
இக்கலைஞர்களுக்கு சுற்றுலா பண்பாடு மற்றும் அறநிலையங்கள் துறையின் கீழ், ஒரு மாவட்டத்துக்கு 10 கலைஞர்களைத் தேர்வுசெய்து, அவர்களுக்கு இலவசமாக இசைக்கருவிகள் மற்றும் ஆடை, ஆபரணங்கள் வழங்கிட உத்தரவிட்டுள்ளது. 
அவற்றைப் பெறுவதற்கு நலவாரியத்தில் உறுப்பினராக பதிவு பெற்றிருக்க வேண்டும். தொடர்ந்து 2 ஆண்டுகளுக்கு ஒருமுறை ரூ. 10 கட்டணம் செலுத்தி புதுப்பித்திருக்க வேண்டும். ஏற்கெனவே இத்துறையின் மூலம் இலவச இசைக்கருவிகள் பெற்றிருக்க கூடாது.  
பெரம்பலூர் மாவட்டத்தைச் சேர்ந்த மேற்கண்ட தகுதியுடைய கலைஞர்கள், தங்களுக்குத் தேவையான இசைக்கருவிகள் ஆடை, ஆபரணங்கள் குறித்து நலவாரியப் புத்தக நகலுடன் தலைமை ஆசிரியர், மாவட்ட அரசு இசைப்பள்ளி, 12- வது வார்டு, கதவு எண் 5, ராதாகிருஷ்ணன் தெரு, கே.சி.காம்ப்ளக்ஸ், விளாமுத்தூர் சாலை பெரம்பலூர் எனும் முகவரியில், டிச. 30-க்குள் நேரடியாக அல்லது அஞ்சல் மூலமாக விண்ணப்பிக்கலாம் என மாவட்ட அரசு இசைப்பள்ளி அலுவலகம் தெரிவித்துள்ளது.

]]>
http://www.dinamani.com/all-editions/edition-trichy/perambalur/2018/dec/06/பெரம்பலூர்-மாவட்டத்தில்-நலவாரிய-கலைஞர்களுக்கு-இலவச-இசைக்கருவிகள்-3052631.html
3052630 திருச்சி பெரம்பலூர் நாளை தனியார் வேலைவாய்ப்பு முகாம் DIN DIN Thursday, December 6, 2018 08:27 AM +0530 பெரம்பலூர் மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வெள்ளிக்கிழமை (டிச. 7) நடைபெற உள்ளது.  
இதுகுறித்து மாவட்ட வேலைவாய்ப்பகம் வெளியிட்ட செய்திக் குறிப்பு: பெரம்பலூர் மாவட்டத்தில் உள்ள படித்த வேலைவாய்ப்பற்ற இளைஞர்கள் பயனடையும் வகையில் பல்வேறு தனியார் துறையினரால், மாவட்ட வேலைவாய்ப்பகத்தின் மூலம் முகாம் நடத்தப்படுகிறது. அதன்படி, வெள்ளிக்கிழமை நடைபெற உள்ள முகாமில், பெரம்பலூர் உள்பட பல்வேறு மாவட்டங்களைச் சேர்ந்த தனியார் நிறுவனங்கள் பங்கேற்று, காலியாக உள்ள பணியிடங்களுக்கு தகுதியான நபர்களை தேர்வு செய்ய உள்ளன. இதில், 10 மற்றும் 12 ஆம் வகுப்பு, ஐ.டி.ஐ, டிப்ளமோ, பட்டப்படிப்பு முடித்த ஆண், பெண்கள் பங்கேற்று பயன்பெறலாம். 
இதுதவிர, இதர கல்வித் தகுதிகள் உள்ளவர்களும் உரிய பணியிடங்களுக்கு பரிசீலிக்கப்படுவர். முகாமில் பங்கேற்போர் தங்களது கல்விச் சான்றிதழ்கள், ஆதார் அட்டை, கடவுச்சீட்டு அளவு புகைப்படங்களுடன் வரவேண்டும். 

]]>
http://www.dinamani.com/all-editions/edition-trichy/perambalur/2018/dec/06/நாளை-தனியார்-வேலைவாய்ப்பு-முகாம்-3052630.html
3052629 திருச்சி பெரம்பலூர் பெரம்பலூர் நகரில் டிசம்பர் 7 மின் தடை DIN DIN Thursday, December 6, 2018 08:26 AM +0530 பெரம்பலூர் துணை மின் நிலையத்துக்குள்பட்ட நகர் மற்றும் கிராமப் பகுதிகளில் வெள்ளிக்கிழமை (டிச. 7) மின்சாரம் இருக்காது.
பெரம்பலூர் தானியங்கி துணை மின் நிலையத்தில் மாதாந்திர பராமரிப்புப் பணிகள் நடைபெற உள்ளதால், அங்கிருந்து மின்சாரம் பெறும் பெரம்பலூர் நகர்ப் பகுதிகளான பழைய, புறநகர் பேருந்து நிலையங்கள், சங்குப்பேட்டை, மதனகோபாலபுரம், துறைமங்கலம், மின்நகர், நான்கு சாலை சந்திப்பு, பாலக்கரை, எளம்பலூர் சாலை, ஆத்தூர் சாலை, வடக்குமாதவி சாலை, துறையூர் சாலை, அரணாரை, ஆலம்பாடி சாலை, அண்ணா நகர், கே.கே. நகர், அபிராமபுரம், வெங்கடேசபுரம், பாலம்பாடி மற்றும் கிராமியப் பகுதிகளான பீல்வாடி, அசூர், சிறுகுடல், சித்தளி, அருமடல், செங்குணம், கீழப்புலியூர், கே.புதூர், எஸ். குடிகாடு, இந்திரா நகர், காவலர் குடியிருப்பு, எளம்பலூர் மற்றும் சமத்துவபுரம் உள்ளிட்ட பகுதிகளில் வெள்ளிக்கிழமை காலை 9.45 மணி முதல் பராமரிப்பு பணி முடியும் வரை மின்சாரம் இருக்காது எனத் தெரிவித்துள்ளார் மின்வாரிய உதவி செயற்பொறியாளர் கி. மாணிக்கம்.  
 

]]>
http://www.dinamani.com/all-editions/edition-trichy/perambalur/2018/dec/06/பெரம்பலூர்-நகரில்-டிசம்பர்-7-மின்-தடை-3052629.html
3052628 திருச்சி பெரம்பலூர் பெரம்பலூர் ஐயப்பன் கோயிலில் மண்டல பூஜைகள் தொடக்கம் DIN DIN Thursday, December 6, 2018 08:26 AM +0530 பெரம்பலூர் மேற்கு வானொலி திடலில் உள்ள ஐயப்பன் கோயிலில் மண்டல பூஜைகள் புதன்கிழமை தொடங்கின.
பெரம்பலூர் ஸ்ரீ ஐயப்ப சேவா சங்கம் தொடங்கிய பூஜையை முன்னிட்டு, புதன்கிழமை அதிகாலை தீபமேற்றுதல், புனித தீர்த்தம் எடுத்து வருதல், கோ பூஜை, மகா கணபதி ஹோமம், தீபாராதனை, ஐயப்ப சுவாமிக்கு 108 கலச அபிஷேகம் ஆகிய நிகழ்ச்சிகள் நடைபெற்றன.
பின்னர், அனைத்து மும்மூர்த்திகளுக்கும் புஷ்ப அலங்காரம், திருவிளக்கு வழிபாடு, மேள வாத்தியம், வெடி வழிபாடு ஆகியவை மாலையில் நடைபெற்றன. இரவு மின் அலங்கார புலி வாகனத்தில் ஐயப்ப சுவாமி பஜனையுடன் திருவீதி உலாவும், மகா தீபாராதனையும் நடைபெற்றது. முடிவில் பக்தர்களுக்கு பிரசாதம், அன்னதானம் வழங்கப்பட்டது. ஏற்பாடுகளை ஸ்ரீ ஐயப்ப சேவா சங்கத் தலைவர் ஆனந்தன் குருசாமி, செயலர் பொன். முத்தையா குருசாமி, துணைத் தலைவர் கோவிந்தராஜ் உள்ளிட்ட பக்தர்கள் செய்தனர்.

]]>
http://www.dinamani.com/all-editions/edition-trichy/perambalur/2018/dec/06/பெரம்பலூர்-ஐயப்பன்-கோயிலில்-மண்டல-பூஜைகள்-தொடக்கம்-3052628.html
3052627 திருச்சி பெரம்பலூர் மின்னல் பாய்ந்து பெண் சாவு DIN DIN Thursday, December 6, 2018 08:26 AM +0530 பெரம்பலூர் மாவட்டம், ஆலத்தூர் வட்டத்துக்குள்பட்ட கொளத்தூர் கிராமம், காலனித் தெருவைச் சேர்ந்தவர் ஆசைத்தம்பி மனைவி தங்கமணி (48). இவர், புதன்கிழமை மாலை தனது வயலுக்குச் சென்று ஆடுகளுக்கு செடி, கொடிகள் வெட்டிக் கொண்டிருந்தார். அப்போது, அப்பகுதியில் மழை வந்ததால் அங்குள்ள மரத்தடியில் ஒதுங்கி நின்ற அவர் மின்னல் பாய்ந்து உயிரிழந்தார். 
தகவலறிந்த மருவத்தூர் போலீஸார் அவரது உடலை மீட்டு பெரம்பலூர் மாவட்ட அரசு தலைமை மருத்துவமனைக்கு அனுப்பிவைத்து விசாரிக்கின்றனர்.
 

]]>
http://www.dinamani.com/all-editions/edition-trichy/perambalur/2018/dec/06/மின்னல்-பாய்ந்து-பெண்-சாவு-3052627.html
3052032 திருச்சி பெரம்பலூர் குற்ற வழக்கில் பறிமுதல் செய்த வாகனங்கள் டிச. 11-இல் ஏலம் DIN DIN Wednesday, December 5, 2018 08:17 AM +0530 பெரம்பலூர் மாவட்டத்தில் மதுவிலக்கு குற்ற வழக்குகளில் கைப்பற்றப்பட்டு பறிமுதல் செய்யப்பட்ட வாகனங்கள் டிச. 11 ஆம் தேதி ஏலம் விடப்படுகிறது.
இதுகுறித்து மதுவிலக்கு பிரிவு கூடுதல் கண்காணிப்பாளர் ஆ. தங்கவேலு செவ்வாய்க்கிழமை வெளியிட்ட செய்திக் குறிப்பு:
பெரம்பலூர் மாவட்டக் காவல் கண்காணிப்பாளர் மற்றும் மதுவிலக்கு பிரிவு கூடுதல் காவல் கண்காணிப்பாளர் ஆகியோர் முன்னிலையில், 7 இரண்டு சக்கர வாகனங்கள் டிச. 11 காலை 11 மணிக்கு பொது ஏலம் விடப்படும். பெரம்பலூர், அரியலூர், திருச்சி மற்றும் தஞ்சாவூர் ஆகிய மாவட்டங்களைச் சேர்ந்தவர்கள் பங்கேற்கலாம்.  
ரூ. 1,000 காப்பீட்டுத் தொகை செலுத்தி தங்களது பெயர், முகவரியை பதிவு செய்துகொண்டவுடன், அடையாள எண் கொண்ட வில்லை வழங்கப்படும். 
வாகனத்தை அதிகபட்ச விலைக்கு ஏலத்தில் எடுத்தவர் ஏலத்தொகையுடன் 18 சதவீதம் ஜிஎஸ்.டி சேர்த்து பிற்பகல் 3 மணிக்குள் உரிய அலுவலரிடம் செலுத்தி வாகனத்தை பெற்றுக் கொள்ள வேண்டும். காப்பீட்டு தொகை கழித்துக்கொள்ளப்படும்.
வாகனத்தை ஏலம் எடுத்தவர் உரிய தொகை செலுத்தத் தவறினால், காப்பீட்டுத் தொகை திரும்ப தரப்பட மாட்டாது. வாகனத்துடன் ஏலத்தில் எடுத்ததற்கான சான்று மட்டுமே வழங்கப்படும். 
ஏல நடவடிக்கைகள் அனைத்தும் ஏலக்குழு அலுவலர்களால் முடிவு செய்யப்படும். பொது ஏலத்தில் காவல்துறை சார்ந்தவர்கள் பங்கேற்க அனுமதியில்லை. ஏலம் நடைபெறும் டிச. 11 காலை 8 மணி முதல் வாகனங்களை பார்வையிடலாம். இதில் பங்கேற்க விரும்புவோர் தங்களது ஆதார் அடையாள அட்டையுடன் வர வேண்டும். மேலும் விவரங்களுக்கு, 04328- 225023, 94436-29319.

]]>
http://www.dinamani.com/all-editions/edition-trichy/perambalur/2018/dec/05/குற்ற-வழக்கில்-பறிமுதல்-செய்தவாகனங்கள்-டிச-11-இல்-ஏலம்-3052032.html
3052031 திருச்சி பெரம்பலூர் பெரம்பலூரில் அரசு மருத்துவர்கள் போராட்டம் DIN DIN Wednesday, December 5, 2018 08:17 AM +0530 மத்திய அரசு மருத்துவர்களுக்கு நிகரான ஊதியம் வழங்கக் கோரி, புற நோயாளிகளுக்கு அளிக்கும் சிகிச்சைகளைப் புறக்கணித்து பெரம்பலூர் மாவட்ட அரசு மருத்துவர்கள் செவ்வாய்க்கிழமை போராட்டத்தில் ஈடுபட்டனர்.
தமிழ்நாடு அரசு அனைத்து மருத்துவச் சங்கங்களின் கூட்டமைப்பு சார்பில்  நடைபெற்ற புறக்கணிப்பு போராட்டத்துக்கு, அக்கூட்டமைப்பின் மாவட்டத் தலைவர் அர்ச்சுனன் தலைமை வகித்தார். போராட்டத்தில், பெரம்பலூர் மாவட்ட அரசு தலைமை மருத்துவமனையில் பணிபுரியும் 60 மருத்துவர்கள் உட்பட மாவட்டம் முழுவதும் உள்ள வட்டார மருத்துவமனைகள், அரசு ஆரம்ப சுகாதார நிலையங்கள் ஆகியவற்றில் பணிபுரியும் 80 மருத்துவர்கள் என மொத்தம் 140 மருத்துவர்கள் பங்கேற்றனர். 
இதனால் கடந்த சில நாள்களாக பரவி வரும் வைரஸ் காய்ச்சல் உள்ளிட்ட நோய்களுக்கு பாதிப்புக்குள்ளானோர் அரசு மருத்துவமனைகளில் சிகிச்சை பெற முடியாமல் பெரிதும் அவதிப்பட்டனர்.
பெரம்பலூர் மாவட்ட அரசு தலைமை மருத்துவமனை புறநோயாளிகள் பிரிவு மருத்துவர்கள் போராட்டத்தில் ஈடுபட்டதால், பயிற்சி மருத்துவர்களைக் கொண்டு சிகிச்சை அளிக்க சுகாதாரத் துறையினர் ஏற்பாடு செய்திருந்தனர். இருப்பினும், சிகிச்சைக்கு வரும் நோயாளிகள் பயிற்சி மருத்துவர்களிடம் சிகிச்சை பெறத் தயங்கினர். 
கிராமப்புறங்களில் இருந்து வந்த நோயாளிகள் நீண்ட நேரம் மருத்துவமனை வளாகத்திலேயே காத்திருந்து திரும்பிச் சென்றனர். இதனால், பெரும்பாலான தனியார் மருத்துவமனைகளில் புற நோயாளிகளின் எண்ணிக்கை வழக்கத்தைவிட அதிகளவில் காணப்பட்டது.
அரியலூரில்..  அரியலூர் அரசு தலைமை மருத்துவமனையில் பணிபுரியும் 36 மருத்துவர்களில் 34 பேர் செவ்வாய்க்கிழமை காலை முதல் புறநோயாளிகள் சிகிச்சையைப் புறக்கணித்து போராட்டத்தில் ஈடுபட்டனர். இதனால் சிகிச்சைக்கு வந்த நோயாளிகள் குறிப்பாக முதியவர்கள் பெரும் சிரமத்திற்கு உள்ளாகினர்.
 

]]>
http://www.dinamani.com/all-editions/edition-trichy/perambalur/2018/dec/05/பெரம்பலூரில்-அரசு-மருத்துவர்கள்-போராட்டம்-3052031.html
3052030 திருச்சி பெரம்பலூர் பிளாஸ்டிக் பயன்பாடு குறைக்க விழிப்புணர்வுப் பேரணி DIN DIN Wednesday, December 5, 2018 08:16 AM +0530 பெரம்பலூரில், தமிழ்நாடு மாசுக் கட்டுப்பாடு வாரியம் சார்பில் பிளாஸ்டிக் பொருள்களின் பயன்பாட்டைத் தவிர்ப்பது குறித்து பொதுமக்களிடம் விழிப்புணர்வு ஏற்படுத்தும் பேரணி செவ்வாய்க்கிழமை நடைபெற்றது. 
பெரம்பலூர் ஆட்சியரக நுழைவு வாயிலில் தொடங்கிய பேரணியை, மாவட்ட ஆட்சியர் வே. சாந்தா தொடக்கி வைத்தார். பாலக்கரை, வெங்கடேசபுரம், மதனகோபாலபுரம், ரோவர் வளைவு வழியாக சென்ற பேரணி சங்குப்பேட்டையில் நிறைவடைந்தது. பேரணியில் பங்கேற்ற மாணவ, மாணவிகள் பிளாஸ்டிக் பயன்படுத்துவதால் சுற்றுச்சூழலுக்கு ஏற்படும் தீமைகள் குறித்த விழிப்புணர்வு வாசகங்கள் அடங்கிய பதாகைகளை ஏந்தி, முழக்கமிட்டவாறு சென்றனர்.
 தொடர்ந்து, பேரணியில் பங்கேற்ற மாணவ, மாணவிகளுக்கு தமிழ்நாடு மாசுக்காட்டுப்பாட்டு வாரியம் சார்பில் துணிப்பைகள் வழங்கப்பட்டன. நிகழ்ச்சியில், வருவாய் கோட்டாட்சியர் விஸ்வநாதன், மாவட்ட சுற்றுச்சூழல் பொறியாளர் (பொ) ஆர். சேரலாதன், தமிழ்நாடு மாசுக்கட்டுப்பாட்டு வாரிய உதவிப் பொறியாளர்கள் பிரபாகரன், ராஜு உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/dec/05/பிளாஸ்டிக்-பயன்பாடு-குறைக்கவிழிப்புணர்வுப்-பேரணி-3052030.html
3052029 திருச்சி பெரம்பலூர் உரம், பூச்சி மருந்து விற்பனை நிலையங்களில் ஆய்வு DIN DIN Wednesday, December 5, 2018 08:16 AM +0530 ஆலத்தூர் வட்டாரத்தில் உள்ள உரம், பூச்சி மருந்து விற்பனை நிலையங்களில் வேளாண் துறை அலுவலர்கள் நேரில் பார்வையிட்டு செவ்வாய்க்கிழமை ஆய்வு மேற்கொண்டனர். 
பெரம்பலூர் மாவட்டத்தில் இயங்கி வரும் தனியார் உர விற்பனை நிலையங்கள், தொடக்க வேளாண் கூட்டுறவுச் சங்கங்களில் உரங்களின் விற்பனை, தனியார் பூச்சி மருந்து விற்பனை நிலையங்களில் பூச்சி மருந்து விற்பனை குறித்து, இதர வட்டார வேளாண்மை அலுவர்களால் ஆய்வு மேற்கொள்ளப்படுகிறது. 
அதன்படி, ஆலத்தூர் வட்டாரத்தில் செட்டிக்குளம், பாடாலூர், இரூர் ஆகிய கிராமங்களில் உள்ள தனியார் உரம், பூச்சி மருந்து விற்பனை நிலையங்கள் மற்றும் தொடக்க வேளாண் கூட்டுறவுச் சங்கங்களில் பெரம்பலூர் வேளாண் அலுவலர் பிரேமாவதி, நடமாடும் மண் பரிசோதனை நிலைய வேளாண் அலுவலர் ஸ்ரீபிரியா ஆகியோர் நேரில் பார்வையிட்டு ஆய்வு மேற்கொண்டனர். 
ஆய்வில், ஆலத்தூர் வட்டார விவசாயிகளுக்கு உரங்கள், பூச்சி மருந்துகள் உரிய விலைக்கு, சரியான எடைக்கு விற்கப்படுகிறதா என்பது குறித்தும், தனியார் உரம், பூச்சி மருந்து விற்பனை நிலையங்கள் மற்றும் தொடக்க வேளாண்மை கூட்டுறவு சங்கங்களிலும் ஆய்வு மேற்கொள்ளப்பட்டது. 
மேலும், விற்பனை நிலையங்களின் உரிமம், உரம், பூச்சி மருந்துகளின் இருப்பு, எடை தராசுகள், உரக்கிடங்குகள் மற்றும் உர விற்பனை ரசீதுகள் ஆகியவற்றை பார்வையிட்டனர். 
மேலும், உரம், பூச்சி மருந்து உரிமங்களை பார்வையில் படும்படி வைக்கவும், இருப்பு மற்றும் விற்பனை விலை குறித்த தகவல் பதாகையை நாள்தோறும் புதுப்பித்து எழுதிடவும், அனைத்து விவசாயிகளுக்கும் ரசீது வழங்க வேண்டும். தராசுகளை உரிய நேரத்தில் முத்திரையிட்டு பராமரிக்க வேண்டும் என விற்பனையாளர்களுக்கு அறிவுறுத்தப்பட்டது.
 

]]>
http://www.dinamani.com/all-editions/edition-trichy/perambalur/2018/dec/05/உரம்-பூச்சி-மருந்து-விற்பனை-நிலையங்களில்-ஆய்வு-3052029.html
3052028 திருச்சி பெரம்பலூர் 98 மாற்றுத் திறனாளிகளுக்கு ரூ. 14 லட்சத்தில் உதவிகள் DIN DIN Wednesday, December 5, 2018 08:16 AM +0530 பெரம்பலூரில் மாற்றுத்திறனாளிகள் நலத் துறை சார்பில், அனைத்து நாடுகள் மாற்றுத்திறனாளிகள் தின விழா செவ்வாய்க்கிழமை கொண்டாடப்பட்டது.
விழாவுக்கு முன்னிலை வகித்த குன்னம் தொகுதி எம்எல்ஏ ஆர்.டி. ராமச்சந்திரன் பேசியது: 
மாற்றுத் திறனாளிகளின் வாழ்க்கையில் ஒளியேற்றும் விதத்தில், முன்னாள் முதல்வர் ஜெயலலிதா பல்வேறு திட்டங்களைச் செயல்படுத்தியுள்ளார். உடலளவில் ஊனம் என்பது ஊனமாகாது. மனதளவில் ஊனமாக இருப்பவரே ஊனமுற்றோர். எனவே, மாற்றுத்திறனாளிகள் அனைவரும் தங்களது மனதை இளமையுடனும், உற்சாகத்துடனும் வைத்திருக்கும்போது சாதிக்க பிறந்தவர்கள் என்ற எண்ணம் பிறக்கும் என்றார் அவர். 
பெரம்பலூர் தொகுதி மக்களவை உறுப்பினர் ஆர்.பி. மருதராஜா பேசியது:  மாற்றுத் திறனாளிகளுக்காகச் செயல்படுத்தப்படும் செயல்திட்டங்கள், அவர்களுக்கு உரிய நேரத்தில் சென்றடையும் வகையில் நடவடிக்கை மேற்கொள்ளப்பட்டுள்ளது. தமிழக அரசு, மாற்றுத் திறனாளிகளின் நல்வாழ்வுக்காக வேலைவாய்ப்பில் 3 சதவீதத்திலிருந்து 4 சதவீதமாக இட ஒதுக்கீடு அளித்துள்ளது. மாற்றுத் திறனாளிகள் அனைவரும் தமிழக அரசால் செயல்படுத்தப்படும் நலத்திட்டங்களை பயன்படுத்தி வாழ்வாதாரத்தை மேம்படுத்திக் கொள்ள வேண்டும் என்றார் அவர்.
தொடர்ந்து, இணைப்பு சக்கரங்கள் பொருத்தப்பட்ட பெட்ரோல் ஸ்கூட்டர்கள், திருமண நிதி உதவிகள், மோட்டார் பொருத்தப்பட்ட தையல் இயந்திரங்கள், காதொலிக் கருவிகள், சிறப்பு மடக்கு சக்கர நாற்காலிகள், பார்வையற்றோருக்கான கைக்கடிகாரங்கள், உருப்பெருக்கிகள், நவீன மடக்கு ஊன்றுகோல்கள் என, 98 பயனாளிகளுக்கு ரூ. 14,81,545 மதிப்பிலான நலத்திட்ட உதவிகள் வழங்கினார் மாவட்ட ஆட்சியர். நிகழ்ச்சியில், மாவட்ட வருவாய் அலுவலர் ஆ. அழகிரிசாமி, மாவட்ட மாற்றுத்திறனாளி நல அலுவலர் காமாட்சி உள்பட பலர் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/05/98-மாற்றுத்-திறனாளிகளுக்கு-ரூ-14-லட்சத்தில்-உதவிகள்-3052028.html
3052027 திருச்சி பெரம்பலூர் தென்னை விவசாயிகளுக்கு திறன் வளர்த்தல் பயிற்சி DIN DIN Wednesday, December 5, 2018 08:15 AM +0530 பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மையத்தில், தென்னை வளர்ச்சி வாரியம் சார்பில் திறன் வளர்த்தல், மரம் ஏறும் பயிற்சி முகாம் திங்கள்கிழமை தொடங்கியது.
டிச. 8 வரை நடைபெறும் பயிற்சி முகாமை தொடக்கி வைத்த, தென்னை வளர்ச்சி மைய சென்னை மண்டல தொழில்நுட்ப அலுவலர் சசிகுமார் பேசியது: தென்னை மரச் சாகுபடியாளர்களுக்கு அறுவடை செய்வதற்கான ஆள் கிடைப்பதில்லை. இப்பிரச்னையைத் தீர்க்கவும், இளைஞர்களுக்கு சுய வேலைவாய்ப்பு ஏற்படுத்திக் கொடுக்கும் வகையிலும் தென்னை வளர்ச்சி வாரியம் சார்பில் திறன் வளர்த்தல் பயிற்சி அளிக்கப்படுகிறது. 18 முதல் 40 வயதுடைய ஆண், பெண் இருபாலரும் பயிற்சியில் பங்கேற்கலாம். ஒரு குழுவுக்கு 20 பேர் என்ற அடிப்படையில் 6 நாள் பயிற்சி வழங்கப்படும்.  
இதில், தென்னையில் நாற்று உற்பத்தி, சாகுபடி முறைகள், பூச்சி நோய் மேலாண்மை, இயந்திரம் கொண்டு தென்னை மரம் ஏறுவதற்கு பயிற்சி அளிக்கப்படும். முறையாக பயிற்சி பெற்றவர்களுக்கு இறுதிநாளில் ரூ. 4,500 மதிப்புள்ள தென்னை மரம் ஏறும் இயந்திரம் இலவசமாக வழங்கப்படும்.  
இப்பயிற்சியில் பங்கேற்போருக்கு விபத்துக் காப்பீடும் அளிக்கப்படும். இதில், பணம் செலுத்தியுள்ளவர்கள் தென்னை மரம் ஏறும்போது ஏதேனும் விபத்துக்குள்ளானாலோ அல்லது வாகன விபத்து ஏற்பட்டாலோ ரூ. 2 லட்சம் வரை இழப்பீடு பெறலாம். இதற்கான பிரீமியத் தொகை ரூ. 92-இல், தென்னை வளர்ச்சி வாரியம் ரூ. 69 மானியமாக அளிக்கும். மீதமுள்ள ரூ. 23-ஐ பயிற்சியாளர் செலுத்த வேண்டும்.  
மேலும், தென்னை மரங்களைக் காப்பீடு செய்யும் திட்டமும் இவ்வாரியத்தின் மூலம் செயல்படுத்தப்படுகிறது. இயற்கைப் பேரிடர் மற்றும் பூச்சி நோய் பாதிப்புகள் காரணமாக தென்னை மரம் அழிவைச் சந்திக்கும்போது, விவசாயிகளுக்கு ஏற்படும் இழப்பை சரிசெய்யும் வகையில் இத்திட்டம் செயல்படுத்தப்படுகிறது. காப்பீடு செய்வதற்கு காய்ப்புத் திறன்கொண்ட குறைந்தபட்சம் 5 மரங்கள் இருக்க வேண்டும் என்றார் அவர். 
பின்னர், 20 விவசாயிகளுக்கு இயந்திரம் மூலம் தென்னை மரம் ஏறும் பயிற்சி அளிக்கப்பட்டது.  முகாமில், பெரம்பலூர் மாவட்டத்தைச் சேர்ந்த தென்னை விவசாயிகள் பலர் பங்கேற்றனர். வேளாண் அறிவியல் மைய முதுநிலை விஞ்ஞானியும், தலைவருமான முனைவர் வே.எ. நேதாஜி மாரியப்பன் வரவேற்றார். தொழில்நுட்ப வல்லுநர் ஜெ. கதிரவன் நன்றி கூறினார்.

]]>
http://www.dinamani.com/all-editions/edition-trichy/perambalur/2018/dec/05/தென்னை-விவசாயிகளுக்கு-திறன்-வளர்த்தல்-பயிற்சி-3052027.html
3051503 திருச்சி பெரம்பலூர் ராபி பயிர் காப்பீடுத் திட்டத்தில் பதிவுசெய்ய விவசாயிகளுக்கு அழைப்பு DIN DIN Tuesday, December 4, 2018 09:50 AM +0530 பெரம்பலூர் மாவட்டத்தில் 2018- 19 ஆம் ஆண்டுக்கான ராபி  பயிர்களுக்கு பயிர் காப்பீட்டுத் திட்டத்தில் விவசாயிகள் பதிவு செய்ய அழைப்பு விடுக்கப்பட்டுள்ளது. 
இதுகுறித்து, பெரம்பலூர் மாவட்ட வேளாண்துறை சார்பில் திங்கள்கிழமை வெளியிடப்பட்டுள்ள செய்திக்குறிப்பில் தெரிவித்திருப்பது:பெரம்பலூர் மாவட்டத்தில் பிரதமரின் பயிர் காப்பீட்டுத் திட்டத்தின் கீழ், 2018- 19 ஆம் ஆண்டுக்கு ராபி பயிர்களான நெல் 3 நவரை, மக்காச்சோளம், 
உளுந்து, நிலக்கடலை, கரும்பு பயிர்களுக்கும், தோட்டக்கலை பயிர்களான மிளகாய், மரவள்ளி மற்றும் வெங்காயம் ஆகிய பயிர்களுக்கும் அறிவிக்கை வெளியிடப்பட்டுள்ளது. 
பயிர் காப்பீட்டு பிரிமியத் தொகையை வங்கி அல்லது தொடக்க வேளாண்கூட்டுறவு கடன் சங்கங்கள் மூலமாகவும் செலுத்தலாம். பயிர்க்கடன், விவசாய நகைக்கடன் பெறும் விவசாயிகளிடமிருந்து பிரிமியம் தொகை கட்டாயமாகவும், கடன் பெறாத விவசாயிகளிடமிருந்து விருப்பத்தின் பேரிலும்  செலுத்தலாம். 
இத்திட்டத்தின் கீழ் சேர குடும்ப அட்டை , ஆதார் அட்டை ஜெராக்ஸ், கணினி சிட்டா,  அடங்கல், கணக்கு வைத்துள்ள வங்கி புத்தக முதல் பக்க ஜெராக்ஸ் ஆகியவற்றுடன் செல்லிடப்பேசி எண்ணையும் பதிவு செய்ய வேண்டும்.
கடன் பெறும் விவசாயிகள் அந்தந்த வணிக வங்கிகளிலும், தொடக்க வேளாண்மை கூட்டுறவு கடன் சங்கங்களிலும் கடன்பெறாத விவசாயிகள் வணிக வங்கிகள், தொடக்க வேளாண்மை கூட்டுறவு கடன் சங்கங்கள் மற்றும் பொது சேவை மையங்கள் மூலம் பதிவுசெய்யலாம்.
விவசாயிகள் பிரிமியம் தொகையாக ஏக்கருக்கு நெல் 3 நவரை பயிருக்கு ரூ. 443, மக்காச்சோளம் ரூ. 304, உளுந்து ரூ. 215, நிலக்கடலை ரூ. 374 மற்றும் கரும்பு பயிருக்கு ரூ. 2,279, தோட்டக்கலை பயிர்களான மிளகாய் ரூ. 925, மரவள்ளி ரூ. 1,265, வெங்காயம் ரூ. 1,568 தொகை செலுத்தி பயன் பெறலாம். பிரிமியம் செலுத்துவதற்கு நெல் 3 நவரை பயிருக்கு பிப். 15, மக்காச்சோளம், உளுந்து, நிலக்கடலை பயிர்களுக்கு ஜன. 15, கரும்பு பயிர்க்கு  அக்.31,
தோட்டக்கலைப் பயிர்களுக்கு பிப். 28 ஆம் தேதி கடைசி நாளாகும்.நிகழாண்டு ராபி பருவத்தில் சாகுபடி செய்யப்பட்டுள்ள நெல் 3 நவரைப்பயிருக்கு  45 வருவாய் கிராமங்கள், மக்காச்சோளத்துக்கு  61 வருவாய் கிராமங்கள், உளுந்துக்கு 10  வருவாய் கிராமங்கள், நிலக்கடலைக்கு  28 வருவாய் கிராமங்கள், கரும்புக்கு  90 வருவாய் கிராமங்களும் என அறிவிக்கை  செய்யப்பட்டுள்ளது. 
மேற்கண்ட பயிர்களுக்கான அறிவிப்பு செய்யப்பட்ட வருவாய் கிராமங்களின் விவரம் வட்டார வேளாண்மை உதவி இயக்குநர் அலுவலகம் மற்றும் தோட்டக்கலை உதவி இயக்குநர்கள் அலுவலகத்தில் தொடர்பு கொண்டு பயன்பெறலாம்.
 

]]>
http://www.dinamani.com/all-editions/edition-trichy/perambalur/2018/dec/04/ராபி-பயிர்-காப்பீடுத்-திட்டத்தில்-பதிவுசெய்ய-விவசாயிகளுக்கு-அழைப்பு-3051503.html
3051502 திருச்சி பெரம்பலூர் கல்பாடியில் மதிப்புக் கூட்டு இயந்திர மையம் திறப்பு DIN DIN Tuesday, December 4, 2018 09:50 AM +0530 பெரம்பலூர் மாவட்டம், கல்பாடியில்  வேளாண் இயந்திரமயமாக்கல் திட்டத்தின் கீழ் ரூ. 10 லட்சத்தில் அமைக்கப்பட்ட மதிப்புக் கூட்டு இயந்திர மையம் அண்மையில் திறக்கப்பட்டது.
 வேளாண் இயந்திரமயமாக்கல் திட்டத்தின் கீழ் உழவர் ஆர்வலர் குழுக்கள் ஒன்றிணைந்து உழவர் உற்பத்தியாளர் குழு வேளாண் துறையால்  உருவாக்கப்பட்டு வருகிறது. விவசாயிகள் சாகுபடி செய்த விளைபொருள்களை மதிப்புக் கூட்டி, விற்பனை செய்யும் மதிப்புக் கூட்டு இயந்திர மையம் அமைப்பதற்காக ரூ. 10 லட்சம் மானியமாக வழங்கப்படுகிறது. தன்படி,  கல்பாடியில்  உழவர் உற்பத்தியாளர்கள் குழுவால் அமைக்கப்பட்ட மையத்தை வேளாண் இணை இயக்குநர் (பொறுப்பு) கலைவாணி திறந்து வைத்தார். வேளாண் அலுவலர்கள், விவசாயிகள் உள்ளிட்டோர் நிகழ்வில் பங்கேற்றனர்.

]]>
http://www.dinamani.com/all-editions/edition-trichy/perambalur/2018/dec/04/கல்பாடியில்-மதிப்புக்-கூட்டு-இயந்திர-மையம்-திறப்பு-3051502.html
3051501 திருச்சி பெரம்பலூர் எரிபொருள் சிக்கனத்தை வலியுறுத்தி  சைக்கிளில் விழிப்புணர்வு பிரசாரம் DIN DIN Tuesday, December 4, 2018 09:50 AM +0530 எரிபொருள் சிக்கனத்தை வலியுறுத்தி நாடு முழுவதும் சைக்கிளில் விழிப்புணர்வு பிரசாரம் செய்து வரும் சேலத்தைச் சேர்ந்த பட்டயப் பொறியாளர்  திங்கள்கிழமை பெரம்பலூர் வந்தடைந்தார்.
சைக்கிளை அன்றாடப் பயணத்துக்குப் பயன்படுத்தினால் உடல் ஆரோக்கியத்துக்கும் நல்லது, எரிபொருள் செலவை சேமிக்க முடியும் என்பதை வலியுறுத்தி, 2017,  பிப்ரவரி 2 ஆம் தேதி  சேலத்தைச் சேர்ந்த ராசராசன் (48)  விழிப்புணர்வு பிரசாரத்தைத் தொடங்கினார்.
தமிழகத்தின் பல்வேறு பகுதிகளில் பிரசாரம் செய்த இவர், திங்கள்கிழமை பெரம்பலூர் வந்தடைந்தார். பெரம்பலூர் கடை வீதி, பழைய பேருந்து நிலையம்,  புதிய  பேருந்து நிலையம், பாலக்கரை, நான்கு சாலைச் சந்திப்பு உள்ளிட்ட பகுதிகளில் மக்களிடம் பிரசாரம் மேற்கொண்ட  ராசராசன் கடலூருக்குப் புறப்பட்டுச் சென்றார். இதுகுறித்து அவர் கூறும் போது,  ஆந்திரம், ஒடிசா, பிகார், மேற்கு வங்கம், சத்தீஸ்கர், மத்தியப்பிரதேசம் உள்ளிட்ட பல்வேறு மாநிலங்களில் 20 ஆயிரம்  கி.மீ. தொலைவுக்குச் சென்று விழிப்புணர்வு செய்துள்ளேன்.  மேலும், பல்வேறு மாநிலங்களில் 10 ஆயிரம் கி.மீ. தொலைவுக்குச் சென்று பிரசாரம் செய்யத் திட்டமிட்டுள்ளேன் என்றார்.

]]>
http://www.dinamani.com/all-editions/edition-trichy/perambalur/2018/dec/04/எரிபொருள்-சிக்கனத்தை-வலியுறுத்தி--சைக்கிளில்-விழிப்புணர்வு-பிரசாரம்-3051501.html
3051500 திருச்சி பெரம்பலூர் பெரம்பலூர் அருகே பெண்ணிடம் நகைபறிப்பு DIN DIN Tuesday, December 4, 2018 09:49 AM +0530 பெரம்பலூர் அருகே மோட்டார் சைக்கிளில் சென்ற இளம்பெண்ணிடம் 6 பவுன் நகையைப் பறித்துச் சென்ற அடையாளம் தெரியாத நபர்களை போலீஸார் தேடி வருகின்றனர்.
பெரம்பலூர் அருகிலுள்ள நாவலூர் நடுத்தெருவைச் சேர்ந்த முத்து மனைவி நீலாவதி (33). இவர், தனது சகோதரர் வேலு மகன் ராஜாவுடன் (38), திங்கள்கிழமை மோட்டார் சைக்கிளில் சென்றார். 
சிறுவாச்சூர்- வேலூர் சாலையில் ரெங்கநாதபுரம் பகுதியில் சென்ற போது, அவ்வழியே மோட்டார் சைக்கிளில் வந்த அடையாளம் தெரியாத இருவர், ராஜாவை வழிமறித்தனர்.
தொடர்ந்து,நீலாவதி அணிந்திருந்த 6 பவுன் சங்கிலியைப் பறித்துச் சென்றனர்.  
இதுகுறித்து பெரம்பலூர் போலீஸார் வழக்குப்பதிந்து, நகையைப் பறித்துச் சென்ற அடையாளம் தெரியாத நபர்களைத் தேடி வருகின்றனர்.

]]>
http://www.dinamani.com/all-editions/edition-trichy/perambalur/2018/dec/04/பெரம்பலூர்-அருகே-பெண்ணிடம்-நகைபறிப்பு-3051500.html
3051499 திருச்சி பெரம்பலூர் பெரம்பலூர் அருகே  அடுத்தடுத்து 3 வாகனங்கள் மோதல் : 12 பேர் காயம் DIN DIN Tuesday, December 4, 2018 09:49 AM +0530 பெரம்பலூர் அருகே ஞாயிற்றுக்கிழமை இரவு அரசு விரைவு பேருந்து, வேன், சுமை ஆட்டோ ஆகியவை அடுத்தடுத்து மோதிக்கொண்டதில் 6 பெண்கள் உள்பட 12 பேர் பலத்த காயமடைந்தனர்.
 சிறுவாச்சூர் மதுரகாளியம்மன் கோயிலில் தங்கி வழிபாடு செய்வதற்காக கடலூர் மாவட்டம், சிதம்பரத்திலிருந்து  இரு குடும்பத்தைச் சேர்ந்த 6 சிறுமிகள் உள்பட 20 பேர் வேனில்  ஞாயிற்றுக்கிழமை இரவு வந்து கொண்டிருந்தனர்.
இவர்கள் வந்த வேன்,  திருச்சி- சென்னை தேசிய நெடுஞ்சாலையில் சிறுவாச்சூர் மதுரகாளியம்மன் கோயில் நுழைவு வாயில் எதிரே சென்றபோது, கள்ளக்குறிச்சியிலிருந்து கருணைக் கிழங்குகள் ஏற்றிக்கொண்டு திருச்சி மார்க்கெட்டுக்கு சென்ற சுமை ஆட்டோ மீதும்,  சென்னையிலிருந்து கன்னியாகுமரிக்கு சென்றுகொண்டிருந்த அரசு விரைவுப் பேருந்து மீதும் மோதி விபத்துக்குள்ளானது. 
இதில் வேனும், சுமை ஆட்டோவும் சாலையில் கவிழ்ந்தது. இந்த விபத்தில் வேனில் பயணம் செய்த சிதம்பரம் சாமிநாதன் மகன் மாரியப்பன் (40), இவரது மனைவி செல்வி (28), ஆறுமுகம் (38). 
இவரது மனைவி எழிலரசி (32), மகள்கள் அபிநயா (15), அர்ச்சனா (19), கூடுவழிச்சாவடி கிராமம் ராமர் மனைவி கவிதா (30), மகன் அரவிந்தன் ((9), செல்வம் மனைவி அம்சவள்ளி (30), கந்தன்குடி கணேசன் மகன் ரமேஷ் (18), சின்னசாமி மகன் சக்தி (29), சுமை ஆட்டோ ஓட்டுநர் விழுப்புரம் மாவட்டம், சின்னசேலம் வட்டம், தகரை கிராமம் மாணிக்கம் மகன் சீனிவாசன் (33) ஆகிய 12 பேரும் பலத்த காயமடைந்தார். காயமடைந்த நபர்கள் பெரம்பலூர் மாவட்ட அரசு தலைமை மருத்துவமனையில் அனுமதிக்கப்பட்டு சிகிச்சை பெற்று வருகின்றனர். 
இந்தவிபத்தால், திருச்சி- சென்னை தேசிய நெடுஞ்சாலையில்  போக்குவரத்து பாதிக்கப்பட்டது.  பெரம்பலூர் போலீஸார் வழக்குப் பதிந்து விசாரித்து வருகின்றனர்.                                                 
 

]]>
http://www.dinamani.com/all-editions/edition-trichy/perambalur/2018/dec/04/பெரம்பலூர்-அருகே--அடுத்தடுத்து-3-வாகனங்கள்-மோதல்--12-பேர்-காயம்-3051499.html
3051498 திருச்சி பெரம்பலூர் விபத்தில் காயமடைந்தவருக்கு முதல்வர் நிவாரண நிதி DIN DIN Tuesday, December 4, 2018 09:49 AM +0530 சென்னை பரங்கிமலை ரயில் நிலைய பக்கவாட்டுச் சுவரில் மோதி காயமடைந்த பெரம்பலூர் மாவட்ட இளைஞருக்கு முதல்வர் நிவாரண நிதியிலிருந்து ரூ.50,000 வழங்கப்பட்டது.
பெரம்பலூர் ஆட்சியரகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்துக்கு  ஆட்சியர் (பொறுப்பு) ஆ. அழகிரிசாமி தலைமை வகித்து, பல்வேறு கோரிக்கைகள் தொடர்பாக பொதுமக்கள் அளித்த 367 மனுக்களைப் பெற்றுக் கொண்டார். இந்த மனுக்களை சம்பந்தப்பட்ட துறை அலுவலர்களிடம் வழங்கி விரைவாகநடவடிக்கை எடுக்கவும் அவர் உத்தரவிட்டார்.
சென்னை பரங்கிமலை ரயில் நிலைய பக்கவாட்டு சுவரில் கடந்த மாதம் 24 ஆம் தேதி மோதி காயமடைந்த பெரம்பலூர் மாவட்டம், லப்பைக்குடிகாட்டைச் சேர்ந்த மஹசர் அலி மகன் முகமது யாசருக்கு ரூ.50,000-த்துக்கான காசோலையை ஆட்சியர் (பொறுப்பு) வழங்கினார். சமூக பாதுகாப்புத்திட்ட தனித்துணை ஆட்சியர் மனோகரன், ஊராட்சிகள் உதவி இயக்குநர் பாரதிதாசன்  உள்ளிட்ட பல்துறை அலுவலர்கள்கூட்டத்தில் பங்கேற்றனர்.   
 

]]>
http://www.dinamani.com/all-editions/edition-trichy/perambalur/2018/dec/04/விபத்தில்-காயமடைந்தவருக்கு-முதல்வர்-நிவாரண-நிதி-3051498.html
3051497 திருச்சி பெரம்பலூர் அடிப்படை வசதி செய்துத்தரக்கோரி ஆட்சியரகத்தை முற்றுகையிட்ட மக்கள் DIN DIN Tuesday, December 4, 2018 09:48 AM +0530 அடிப்படை வசதிகள் செய்துத் தரக் கோரி பெரம்பலூர் மாவட்டம், அயன்பேரையூர் கிராம மக்கள் மாவட்ட ஆட்சியரகத்தை திங்கள்கிழமை முற்றுகையிட்டனர்.
பெரம்பலூர் மாவட்ட ஆட்சியரகத்தில் மக்கள் குறைகேட்பு நாள் கூட்டம் திங்கள்கிழமை நடைபெற்ற போது,
அயன் பேரையூரைச் சேர்ந்த நூற்றுக்கும் மேற்பட்ட பொதுமக்கள் அங்கு வந்தனர்.அவர்களை ஆட்சியரகத்தை முற்றுகையிட்டு போராட்டம் நடத்திய நிலையில்,  உள்ளே செல்ல முயன்ற போது நுழைவுவாயிலில் போலீஸார் தடுத்து நிறுத்தினர். இதனால் இருதரப்புக்கும் இடையே தள்ளுமுள்ளும், வாக்குவாதமும் ஏற்பட்டது.   இதைத் தொடர்ந்து பொதுமக்கள்சார்பில் மனு அளிக்க சிலர் அனுமதிக்கப்பட்டனர்.
இதன் பின்னர் ஆட்சியரகத்தில் அளித்த மனுவில் அவர்கள் கூறியிருப்பது: அயன்பேரையூர் கிராமத்தில் ஆதிதிராவிடர் தெருவில் 500-க்கும் மேற்பட்ட குடும்பங்கள் வசித்து வரும் நிலையில், குடிநீர், மின்விளக்கு, சாலை, சுகாதாரம் என எந்தவித அடிப்படை வசதிகளும் செய்து தரப்படவில்லை. இதுகுறித்து மாவட்ட ஆட்சியர் முதல் ஊராட்சி அலுவலகம் வரை புகார் தெரிவித்தும் எவ்வித நடவடிக்கை எடுக்கப்படவில்லை என மனுவில் கூறியுள்ளனர்.
பால் உற்பத்தியாளர்கள் மனு:   இலுப்பைக்குடி கிராம பால் உற்பத்தியாளர்கள் அளித்த மனு:
 இலுப்பைக்குடி கிராமத்தைச் சேர்ந்த 20 பேருக்கு கடந்த 2017 ஏப்ரல் மாதம், கூத்தூர் தொடக்க வேளாண்மை கூட்டுறவு கடன் சங்கம் மூலம் நபர் ஒருவருக்கு தலா ரூ. 90 ஆயிரம் வீதம் கறவை மாடு வாங்குவதற்கான கடன் வழங்க அரசு அனுமதி வழங்கியது.
 இதில், முதல் தவணையாக நபர் ஒருவருக்கு தலா ரூ. 45 ஆயிரம் வழங்கப்பட்டது. கறவை மாடு ஒன்றுக்கு தலா ரூ. 1,200 கடன் தவணை பிடித்தம் செய்வதற்கு பதிலாக, இரண்டு கறவை மாடு கடன் வழங்கியதாகக் கூறி மாதம்தோறும் ரூ. 3 ஆயிரம் பிடித்தம் செய்கின்றனர்.  இதுகுறித்து கூட்டுறவு வங்கி மேற்பார்வையாளரிடம் புகார் அளித்தும் நடவடிக்கை எடுக்கவில்லை.
 கூடுதல் தொகை பிடித்தம் செய்வதால் ஏற்பட்ட இழப்பை சரி செய்ய வேண்டும். கூடுதலாகப்  பணம் பிடித்தம் செய்தவர்கள் மீது நடவடிக்கை எடுக்க வேண்டும். கறவை மாடு வாங்குவதற்கு 2-ஆவது  தவணை கடன் வழங்க நடவடிக்கை எடுக்க வேண்டும்.

]]>
http://www.dinamani.com/all-editions/edition-trichy/perambalur/2018/dec/04/அடிப்படை-வசதி-செய்துத்தரக்கோரி-ஆட்சியரகத்தை-முற்றுகையிட்ட-மக்கள்-3051497.html
3050806 திருச்சி பெரம்பலூர் விடுதிகளில்  காலிப்பணியிடங்களை நிரப்பிட வலியுறுத்தல் DIN DIN Monday, December 3, 2018 09:48 AM +0530 ஆதிதிராவிடர் மற்றும் பழங்குடியினர் நலத் துறை விடுதிகளில் காலியாக உள்ள பணியிடங்களை உடனடியாக நிரப்பிட வேண்டுமென, மாநில செயற்குழு கூட்டத்தில் வலியுறுத்தப்பட்டுள்ளது.
பெரம்பலூரில், தமிழ்நாடு ஆதிதிராவிடர் மற்றும் பழங்குடியினர் நலத்துறை பள்ளி விடுதி பணியாளர் சங்க மாநில செயற்குழு கூட்டம் ஞாயிற்றுக்கிழமை நடைபெற்றது. 
மாநிலத் தலைவர் த. காமராஜ் தலைமையில் நடைபெற்ற கூட்டத்துக்கு, மாநில பொதுச்செயலர் த. ராஜாங்கம், மாநில பொருளாளர் சி. தங்கமணி ஆகியோர் முன்னிலை வகித்தனர்.சங்கத்தின் செயல்பாடுகள் மற்றும் கோரிக்கைகளை விளக்கிப் பேசினார் சங்கத்தின் நிறுவனர் ஆ. தங்கவேல்.
கூட்டத்தில், மாநிலம் முழுவதும் தொகுப்பூதிய பணியாளர்களுக்கு மாதம் ரூ. 5,200 வழங்கப்பட்டதை, நிதிப் பற்றாக்குறை எனக்கூறி தற்போது ரூ. 3,000 வழங்கப்படுவதால் துப்புரவுப் பணியாளர்கள் பாதிக்கப்பட்டுள்ளனர். போதிய நிதி ஒதுக்கி புதிய ஊதியம் வழங்க வேண்டும். கடந்த 7 ஆண்டுகளாக குறைந்த ஊதியம் பெறும் தொகுப்பூதிய துப்புரவுப் பணியாளர்களுக்கு காலமுறை ஊதியம் வழங்க வேண்டும். தமிழகம் முழுவதும் மாவட்ட நலத்துறை அலுவலர்கள் விடுதிகளில் பணியாற்றும் சமையலர் மற்றும் காவலர்களுக்கு பணிமூப்பு பட்டியல் வெளியிட்டு, தகுதிகேற்ப பதவி உயர்வு வழங்க வேண்டும். 
தமிழகம் முழுவதும் காலியாக உள்ள துப்புரவுப் பணியிடங்களை நிரப்ப வேண்டும். விடுதிக்கு குறைந்தபட்சம் 2 சமையலர் நியமிக்க வேண்டும். விடுதிகளுக்கு இரவுக் காவலர் நியமிக்க வேண்டும். பணியின்போது உயிரிழந்த பணியாளர்களின் வாரிசுகளுக்கு கல்வித் தகுதிகேற்ப பணி வழங்க வேண்டும். விடுதிக் காவலர்களுக்கு ஆண்டுக்கு ஈட்டிய விடுப்பு 30 நாள்கள் அளிக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. 
சங்க ஆலோசகர் மு. ஆண்டியப்பன், மாநில துணைத் தலைவர்கள் பி. மாதேஷ், க. பெரியசாமி, மு. மலையரசன், ப. சுப்ரமணியன், இரா. நடராஜன் உள்பட தமிழகத்தின் பல்வேறு மாவட்டங்களைச் சேர்ந்த நிர்வாகிகள் பங்கேற்றனர். 
பொறுப்பாளர் ஜெ. மணிமாறன் வரவேற்றார். தூத்துக்குடி மாவட்டத் தலைவர் அ. பொன்னழகன் நன்றி கூறினார்.
 

]]>
http://www.dinamani.com/all-editions/edition-trichy/perambalur/2018/dec/03/விடுதிகளில்--காலிப்பணியிடங்களை-நிரப்பிட-வலியுறுத்தல்-3050806.html
3050804 திருச்சி பெரம்பலூர் திருச்சி ஆர்ப்பாட்டத்தில் திரளாகப் பங்கேற்க முடிவு DIN DIN Monday, December 3, 2018 09:47 AM +0530 மேகதாதுவில் புதிய அணை கட்டுவதற்கு அனுமதி வழங்கிய மத்திய அரசைக் கண்டித்து, திருச்சியில் செவ்வாய்க்கிழமை (டிச. 4) நடைபெறும் கண்டன ஆர்ப்பாட்டத்தில் பெருந்திரளாகப் பங்கேற்பது என பெரம்பலூரில் ஞாயிற்றுக்கிழமை நடைபெற்ற திமுக செயற்குழுக் கூட்டத்தில் முடிவு செய்யப்பட்டது.
பெரம்பலூர் பாலக்கரை பகுதியில் திமுக அலுவலகத்தில் நடைபெற்ற திமுக மாவட்ட செயற்குழு கூட்டத்துக்கு, அக் கட்சியின் மாவட்ட அவைத்தலைவர் அ. நடராஜன் தலைமை வகித்தார். 
ஒன்றியச் செயலர்கள் அண்ணாதுரை, நல்லதம்பி, மதியழகன், நகரச் செயலர் எம். பிரபாகரன் ஆகியோர் முன்னிலை வகித்தனர். மாவட்டச் செயலர் சி. ராஜேந்திரன் சிறப்புரையாற்றினார். 
கூட்டத்தில், மேகதாதுவில் அணை கட்ட அனுமதி வழங்கிய மத்திய அரசைக் கண்டித்து, செவ்வாய்க்கிழமை திருச்சியில் திமுக தலைவர் மு.க. ஸ்டாலின் தலைமையில் நடைபெறும்  ஆர்ப்பாட்டத்தில் பெரம்பலூர் மாவட்டத்திலிருந்து திரளாகப் பங்கேற்பது என்பன உள்ளிட்ட பல்வேறு தீர்மானங்கள் நிறைவேற்றப்பட்டது.முன்னாள் எம்எல்ஏக்கள் எம். ராஜ்குமார், பா. துரைசாமி, மாவட்ட துணைச் செயலர் பாஸ்கர், மாவட்ட பொருளாளர் ரவிச்சந்திரன், மாவட்ட இளைஞரணி அமைப்பாளர் ஹரிபாஸ்கர் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/dec/03/திருச்சி-ஆர்ப்பாட்டத்தில்-திரளாகப்-பங்கேற்க-முடிவு-3050804.html
3050802 திருச்சி பெரம்பலூர் அரசு அலுவலர் ஒன்றிய நிர்வாகிகள் பதவியேற்பு DIN DIN Monday, December 3, 2018 09:47 AM +0530 தமிழ்நாடு அரசு அலுவலர் ஒன்றிய பெரம்பலூர் மாவட்ட புதிதாக தேர்ந்தெடுக்கப்பட்ட நிர்வாகிகள் பதவியேற்கும் நிகழ்ச்சி சனிக்கிழமை நடைபெற்றது. 
தமிழ்நாடு அரசு அலுவலர் ஒன்றிய நிர்வாகிகள் தேர்வு அண்மையில் நடைபெற்றது. இதில், மாவட்டத் தலைவராக சதாசிவம், துணைத் தலைவர்களாக பாபு, ராஜ்குமார், வெற்றிவேல், சோபானா, மாவட்டச் செயலராக சீவகன், பொருளாளராக இளங்கோவன், அமைப்புச் செயலராக கணேசன், பிரசார செயலராக பழனிமுத்து, இணைச் செயலர்களாக ராஜா, விஜயகுமார், ராஜேஷ்குமார், இளையராஜா, லட்சுமி மற்றும் இதர பொறுப்பாளர்கள் தேர்ந்தெடுக்கப்பட்டனர்.  
இதையடுத்து, சனிக்கிழமை நடைபெற்ற நிகழ்ச்சிக்கு, முன்னாள் மாவட்ட தலைவர் கி. முகுந்தன் தலைமை வகித்தார். முன்னாள் மாவட்டத் தலைவர்கள் சக்கரபாணி, சிங்கபெருமாள் ஆகியோர் முன்னிலை வகித்தனர்.  
பொது நூலகத் துறை அலுவலர் ஒன்றிய மாநிலத் தலைவர் செல்வராஜ், புதிய நிர்வாகிகளுக்கு பதவி பிரமாணம் செய்துவைத்தார். 

]]>
http://www.dinamani.com/all-editions/edition-trichy/perambalur/2018/dec/03/அரசு-அலுவலர்-ஒன்றிய-நிர்வாகிகள்-பதவியேற்பு-3050802.html
3050801 திருச்சி பெரம்பலூர் பேருந்து நிலைய மதுக்கடைகளை அகற்ற வலியுறுத்தல் DIN DIN Monday, December 3, 2018 09:47 AM +0530 பெரம்பலூர் புறநகர், பழைய பேருந்து நிலையங்களில் மீண்டும் செயல்பட்டு வரும் அரசு மதுக் கடைகளை அகற்ற மாவட்ட நிர்வாகம் நடவடிக்கை எடுக்க வேண்டும்  என இந்திய ஜனநாயக வாலிபர் சங்க 9-வது மாவட்ட மாநாட்டில் வலியுறுத்தப்பட்டது.
பெரம்பலூர் புகர் பகுதியான துறைமங்கலத்தில் உள்ள மார்க்சிஸ்ட் கம்யூனிஸ்ட் கட்சி அலுவலகத்தில், இந்திய ஜனநாயக வாலிபர் சங்கத்தின் பெரம்பலூர் மாவட்ட 9-வது மாநாடு சனிக்கிழமை நடைபெற்றது. 
மாவட்டத் தலைவர் எஸ்.கே. சரவணன் தலைமை வகித்தார். நிர்வாகிகள் கார்த்திக், அன்பு, விமல், மணிகண்டன், கே. காசிராஜன் ஆகியோர் முன்னிலை வகித்தனர். சிறப்பு விருந்தினராக வாலிபர் சங்க மாநில துணைச் செயலர் எ. ரவிச்சந்திரன் சிறப்புரையாற்றினார். 
மாநாட்டில், அனைத்து மாணவர்களுக்கும் பாகுபாடற்ற கல்வி, வேலையில்லா பட்டதாரிகளுக்கு பாதுகாப்பான வேலையை உறுதிப்படுத்த வேண்டும். தமிழகத்தில் தொடர்ந்து நிகழும் பெண்கள், குழந்தைகள் மீதான பாலியல் வன்முறையில் ஈடுபடுவோர் மீது கடும் நடவடிக்கை எடுக்க வேண்டும். மழைக்காலங்களில் தொற்றுநோய் பரவுவதை தடுக்க மருத்துவத் துறையை சீரமைக்க வேண்டும். பெரம்பலூர் மாவட்டத்தில் இயங்கி வரும் எம்.ஆர்.எப். டயர் தொழிற்சாலையில் பெரம்பலூர் மாவட்டத்தைச் சேர்ந்த இளைஞர்களுக்கு நிரந்தர வேலை அளிக்க வேண்டும்  என்பன உள்ளிட்ட பல்வேறு தீர்மானங்கள் நிறைவேற்றப்பட்டன. 
மின் ஊழியர் மத்திய அமைப்பு மாநில துணைச் செயலர் எஸ். அகஸ்டின், தமிழ்நாடு விவசாயிகள் சங்க மாவட்டச் செயலர் என். செல்லதுரை, வாலிபர் சங்க முன்னாள் மாவட்ட செயலர் பி. ரமேஷ், மாதர் சங்க மாவட்டச் செயலர் ஏ. கலையரசி, மாநிலக்குழு உறுப்பினர் எஸ்.பி.டி. ராஜாங்கம் உள்பட பலர் பங்கேற்றனர்.  
ஆலத்தூர் ஒன்றியச் செயலர் கு. வினோத் வரவேற்றார். மாவட்ட துணைச் செயலர் எம்.எஸ். விஜயகுமார் நன்றி கூறினார்.

]]>
http://www.dinamani.com/all-editions/edition-trichy/perambalur/2018/dec/03/பேருந்து-நிலைய-மதுக்கடைகளை-அகற்ற-வலியுறுத்தல்-3050801.html
3050799 திருச்சி பெரம்பலூர் ராஜஸ்தானுக்கு கொதிகலன் ஏற்றிச் சென்ற 154 சக்கரங்கள் கொண்ட நவீன ட்ரக்! DIN DIN Monday, December 3, 2018 09:46 AM +0530 திருச்சி திருவெறும்பூரில் உள்ள பாய்லர் தொழில்சாலையிலிருந்து ராஜஸ்தான் அனல் மின் நிலையத்துக்கு கொதிகலன் ஏற்றிச் சென்ற  154 டயர் கொண்ட அதிநவீன ட்ரக் வாகனத்தை பொதுமக்கள் ஆச்சரியத்துடன் பார்த்தனர்.
திருச்சியிலிருந்து சுமார் 2,100 கி.மீ. தொலைவில் உள்ள ராஜஸ்தான் மாநிலம் கோட்டா மாவட்டத்தில் உள்ள அனல் மின் நிலையத்துக்குத் தேவையான பாய்லர் உள்ளிட்ட உபகரணங்களை திருச்சி பாய்லர் ஆலை தயாரித்து வழங்கி வருகிறது. இந்நிலையில், கோட்டா அனல் மின் நிலையத்துக்குத் தேவையான கொதிகலன் இங்கிருந்து அதி நவீன ட்ரக் மூலம் கொண்டு செல்லப்பட்டது. 
இந்த ட்ரக்கின் சரக்கு சுமக்கும் பகுதி 18 அச்சுகள் கொண்டது. ஒரு அச்சுக்கு தலா 8 சக்கரங்கள் வீதம், 144 சக்கரங்களைக் கொண்டது. என்ஜின் மற்றும் வாகன ஓட்டுநர் கேபின் அடங்கிய பகுதி 10 சக்கரங்களைக் கொண்டது. இந்த வாகனம் மொத்தம் 154 சக்கரங்களைக் கொண்டது. மணிக்கு சுமார் 20 கி.மீ வேகத்தில் செல்லும் இந்த ட்ரக்குடன் 10-க்கும் மேற்பட்ட தொழிலாளர்கள் கைகளில் சிகப்பு கொடி மற்றும் மூங்கில் கம்புகளை ஏந்திவாறு ட்ரக்கின் முன், பின் மற்றும் பக்கவாட்டில் போக்குவரத்தை சரி செய்தபடி நடந்து சென்றனர். போக்குவரத்து நெரிசல் இல்லாத நெடுஞ்சாலைகளில், அதிகப் போக்குவரத்து இல்லாத நேரங்களில் வாகனத்தை ஓட்டிச் சென்று கோட்டா மின் நிலையத்தை அடைய சுமார் 45 முதல் 50 நாள்கள் ஆகுமென அதன் ஓட்டுநர்கள் தெரிவித்தனர். 
திருச்சி- சென்னை தேசிய நெடுஞ்சாலையில், பெரம்பலூர் நகரை ஞாயிற்றுக்கிழமை கடந்து சென்ற இந்த வாகனத்தை பொதுமக்களும், இதர வாகன ஓட்டுநர்களும் ஆச்சரியத்துடன் பார்த்துச் சென்றனர். 

]]>
http://www.dinamani.com/all-editions/edition-trichy/perambalur/2018/dec/03/ராஜஸ்தானுக்கு-கொதிகலன்-ஏற்றிச்-சென்ற-154-சக்கரங்கள்-கொண்ட-நவீன-ட்ரக்-3050799.html
3050194 திருச்சி பெரம்பலூர் திருச்சி ஆர்ப்பாட்டத்தில் அதிகளவில் பங்கேற்க வேண்டும் DIN DIN Sunday, December 2, 2018 03:35 AM +0530
மேக்கேதாட்டுவில் அணைக் கட்டுவதற்கு கர்நாடக அரசுக்கு மத்திய அரசு அனுமதி வழங்கியதைக் கண்டித்து, திருச்சியில் டிசம்பர் 4 ஆம் தேதி நடைபெறும் ஆர்ப்பாட்டத்தில் பெரம்பலூர் மாவட்டத்திலிருந்து திமுக மற்றும் அதன் தோழமைக் கட்சியினரும், பொதுமக்களும் பங்கேற்க நடவடிக்கை எடுக்க வேண்டும் என முடிவெடுக்கப்பட்டது.
திருச்சி ஆர்ப்பாட்டம் குறித்து மேற்கொள்ள வேண்டிய நடவடிக்கைகள் பற்றி ஆலோசிப்பதற்கான கூட்டம் பெரம்பலூர் பாலக்கரை பகுதியிலுள்ள திமுக மாவட்ட அலுவலகத்தில் சனிக்கிழணை நடைபெற்றது.
மாவட்ட திமுக செயலர் சி. ராஜேந்திரன் கூட்டத்துக்குத் தலைமை வகித்தார். ம.தி.மு.க அரசியல் ஆலோசனைக் குழு உறுப்பினர் கே. வரதராஜன், காங்கிரஸ் கட்சி மாவட்டத் தலைவர் டி. தமிழ்செல்வன், திராவிடர் கழக மாவட்டத் தலைவர் சி. தங்கராசு, இந்திய கம்யூனிஸ்ட் கட்சி
மாவட்ட ச்செயலர் வீ. ஞானசேகரன், மார்க்சிஸ்ட் கம்யூனிஸ்ட் கட்சி மாவட்டச் செயற்குழு உறுப்பினர் என். செல்லதுரை, இந்திய யூனியன் முஸ்லிம் லீக் கட்சி மாவட்டத் தலைவர் சிராஜீதீன், விடுதலை சிறுத்தைகள் கட்சி மாவட்ட செயலர் சி. தமிழ்மாணிக்கம் உள்ளிட்டோர் பங்கேற்று பேசினர்.
திருச்சி ஆர்ப்பாட்டத்தில்பெரம்பலூர் மாவட்டத்தின் அனைத்துப் பகுதிகளிலிருந்து கட்சியினரையும், பொதுமக்களையும் பங்கேற்க அழைத்துச் செல்ல வேண்டும். இதுகுறித்த கருத்தை மக்களிடம் கொண்டு செல்ல வேண்டும் என்றும் கூட்டத்தில் முடிவு செய்யப்பட்டது.

 

]]>
http://www.dinamani.com/all-editions/edition-trichy/perambalur/2018/dec/02/திருச்சி-ஆர்ப்பாட்டத்தில்-அதிகளவில்-பங்கேற்க-வேண்டும்-3050194.html
3050193 திருச்சி பெரம்பலூர் பெரம்பலூரில் மக்கள் நலப் போராட்டக் குழுவினர் தர்னா DIN DIN Sunday, December 2, 2018 03:34 AM +0530
வி.களத்தூரில் சமூக நல்லிணக்கம் உருவாக்கிட வலியுறுத்தி, பெரம்பலூர் புதிய பேருந்து நிலைய வளாகத்தில் மக்கள் நலப் போராட்டக் குழுவினர் சனிக்கிழமை தர்னாவில் ஈடுபட்டனர்.
வி.களத்தூரில் மாணவர்கள் உள்ளிட்டோர் மீது பதியப்பட்டுள்ள வழக்குகளைத் திரும்பப் பெற வேண்டும். உயர் நீதிமன்ற வழிகாட்டுதலின் அடிப்படையில், இருசமூக மக்களையும் அழைத்துப் பேசி பிரச்னைகளுக்குத் தீர்வுகாண வேண்டும் போன்ற கோரிக்கைகளை வலியுறுத்தி தர்னா நடைபெற்றது.
மார்க். கம்யூ. கட்சியின் மாவட்டச் செயற்குழு உறுப்பினர் என். செல்லதுரை தலைமை வகித்தார். இந்திய கம்யூனிஸ்ட் கட்சி மாவட்டச் செயலர் வீ. ஞானசேகரன், பாப்புலர் பிரண்ட் ஆப் இந்தியா மாவட்டத் தலைவர் எம். அபுபக்கர், விடுதலைச் சிறுத்தைகள் கட்சி மாநில விவசாய அணிச் செயலர் வீர. செங்கோலன், பகுஜன் சமாஜ் மாநிலச் செயலர் வழக்குரைஞர் ப. காமராசு முன்னிலை வகித்தனர்.
நாம் தமிழர் கட்சி மாவட்டத் தலைவர் ப. அருள், மனிதநேய மக்கள் கட்சி இலக்கிய அணி தலைவர் தாகீர் பாட்ஷா, தொழிலாளர் கட்சி மாநிலத் தலைவர் பி.ஆர் ஈஸ்வரன், தமிழ்நாடு முற்போக்கு எழுத்தாளர்கள் மற்றும் கலைஞர்கள் சங்க மாவட்டச் செயலர் செல்வக்குமார் ஆகியோர் கோரிக்கைகளை விளக்கி பேசினர்.
பல்வேறு அமைப்புகளைச் சேர்ந்த இரா. ஸ்டாலின், குதரத்துல்லா, முகமது ரபீக், பி. ரமேஷ், மாதர் சங்க மாவட்டப் பொறுப்பாளர் ஏ. கலையரசி உள்ளிட்டோர் தர்னாவில் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/02/பெரம்பலூரில்-மக்கள்-நலப்-போராட்டக்-குழுவினர்-தர்னா-3050193.html
3050192 திருச்சி பெரம்பலூர் உள்ளாட்சித் தேர்தலை விரைந்து நடத்த வலியுறுத்தல் DIN DIN Sunday, December 2, 2018 03:34 AM +0530
தமிழகத்தில் உள்ளாட்சித் தேர்தலை விரைவில் நடத்த வேண்டுமென ஊரக வளர்ச்சித்துறை அனைத்து ஓய்வூதியர்கள் சங்கம் அரசை வலியுறுத்தியுள்ளது.
பெரம்பலூரில் சனிக்கிழமை நடைபெற்ற சங்கத்தின் மாநிலச் செயற்குழுக் கூட்டத்துக்கு மாநில ஒருங்கிணைப்பாளர் நா. முனியாண்டிசாமி தலைமை வகித்தார். மாநில ஒருங்கிணைப்பாளர் வி. மூர்த்தி முன்னிலை வகித்தார்.
இந்தக் கூட்டத்தில் நிறைவேற்றப்பட்ட தீர்மானங்கள் :
தமிழக நதிகளில் சாத்தியமான இடங்களில் தடுப்பணைகள் அமைத்து நீர் ஆதாரத்தை பாதுகாக்க வேண்டும். மூத்த குடிமக்கள் அனைவருக்கும் இலவச பேருந்து பயண அட்டை வழங்கிட வேண்டும். ஓய்வூதியதாரர்களுக்கு மாதம்தோறும் மருத்துவப் படியாக ரூ. 1,000 வழங்க வேண்டும். புதிய ஊதியக்குழு பரிந்துரைப்படி 21 மாத நிலுவைத் தொகையை உடனடியாக வழங்கவேண்டும். ஏ, பி பிரிவு உள்ளிட்ட அனைத்து ஓய்வுபெற்ற அலுவலர்களுக்கும் மறுக்கப்பட்ட பொங்கல் பரிசுத்தொகை வழங்க வேண்டும்.
ஆட்சியர் தலைமையில் மாதம்தோறும் ஓய்வூதியர் நலக்கூட்டம் நடத்த வேண்டும். காலாண்டுக்கு ஒருமுறை ஊரக வளர்ச்சித் துறை இயக்குநர் தலைமையில் கூட்டம் நடத்த வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
கூட்டத்தில், பெரம்பலூர் மாவட்ட ஊரக வளர்ச்சி முகமைத் திட்ட இயக்குநர் தி. ஸ்ரீதர், அனைத்துத் துறை ஓய்வூதியர்கள் சங்கத்தின் மாநிலப் பொதுச்செயலர் கிருஷ்ணமூர்த்தி சிறப்புரையாற்றினர். கூட்டத்தில், மண்டல இணை ஒருங்கிணைப்பாளர்கள் ரவி, சுந்தரமூர்த்தி நயினார், திரவியம், மோகன், நடராஜன், கோமதி நாயகம், வட்டார வளர்ச்சி அலுவலர் பி. தயாளன் உள்பட பலர் கலந்துகொண்டனர். முன்னதாக, மாவட்டப் பொறுப்பாளர் ராஜ்மோகன் வரவேற்றார்.
நிறைவில் ஜான் செல்வராஜ் நன்றி கூறினார்.

 

]]>
http://www.dinamani.com/all-editions/edition-trichy/perambalur/2018/dec/02/உள்ளாட்சித்-தேர்தலை-விரைந்து-நடத்த-வலியுறுத்தல்-3050192.html
3050191 திருச்சி பெரம்பலூர் சுகாதார ஆய்வாளரை தாக்கியவர் கைது DIN DIN Sunday, December 2, 2018 03:34 AM +0530
பெரம்பலூர் மாவட்டம், குன்னம் அருகே சுகாதார ஆய்வாளரைத் தாக்கியவர் சனிக்கிழமை கைது செய்யப்பட்டார்.
குன்னம் வட்டம், துங்கபுரம் கிராமத்தில் சுகாதாரத்துறை சார்பில் கொசு ஒழிப்புப்பணிகள் தொடர்ந்து நடைபெற்று வருகின்றன. துங்கபுரம் ஆரம்ப சுகாதார நிலைய ஆய்வாளர் முருகேசன் தலைமையிலான பணியாளர்கள் கொசு மருந்து அடிக்கும் பணியில் ஈடுபட்டிருந்தனர்.
பெருமாள் கோயில் தெருவில் உள்ள சம்பத் (45) வீட்டில் மருந்து தெளிக்க முயன்றபோது, மருந்து தெளிப்பதற்கு அவர் மறுப்பு தெரிவித்ததாக கூறப்படுகிறது.
இதனால் ஏற்பட்ட வாக்குவாதத்தில் ஆத்திரமடைந்த சம்பத், சுகாதார ஆய்வாளர் முருகேசனை தகாத வார்த்தைகளால் திட்டி,தாக்கியதாக கூறப்படுகிறது. இதுகுறித்து குன்னம் காவல் நிலையத்தில் சுகாதார ஆய்வாளர் முருகேசன் அளித்த புகாரின் பேரில் வழக்குப்பதிந்து, அரசுப்பணி செய்யவிடாமல் தடுத்த சம்பத்தை கைது செய்து சிறையில் அடைத்தனர்.

 

 

]]>
http://www.dinamani.com/all-editions/edition-trichy/perambalur/2018/dec/02/சுகாதார-ஆய்வாளரை-தாக்கியவர்-கைது-3050191.html
3050190 திருச்சி பெரம்பலூர் பாடாலூரில் வரும் கல்வியாண்டில் செயல்படத் தொடங்கும் அரசு மாதிரிப் பள்ளி DIN DIN Sunday, December 2, 2018 03:34 AM +0530
பெரம்பலூர் மாவட்டம், பாடாலூரில் அரசு மாதிரிப் பள்ளி (ஆங்கில வழிக் கல்வி) வரும் கல்வியாண்டில் தொடங்கப்பட உள்ளது.
தமிழகத்தில், கல்வி கற்கும் தரத்தை மேம்படுத்தும் வகையிலும், வளர்ந்து வரும் அறிவியல் மற்றும் தொழில்நுட்ப வளர்ச்சிக்கேற்ப மாவட்டத்துக்கு ஒரு அரசு மாதிரி மேல்நிலைப்பள்ளிகள் உருவாக்கப்படும் என முதல்வர் எடப்பாடி கே.பழனிசாமி ஜூன் 1 ஆம் தேதி சட்டப்பேரவையில் அறிவித்தார்.
மாணவர்கள் கல்வியில் மட்டுமின்றி கலை மற்றும் விளையாட்டுகளிலும் சிறந்த விளங்கும் வகையில் தேர்ந்தெடுக்கப்பட்டுள்ள பள்ளிகளை, அனைத்து வசதிகளுடன் கூடிய மாதிரிப் பள்ளிகளாக மாற்றியமைக்க முடிவு செய்யப்பட்டுள்ளது.
அதனடிப்படையில், பெரம்பலூர் மாவட்டம், பாடாலூரில் அரசு மேல்நிலைப்பள்ளி வளாகத்தில் அரசு மாதிரிப் பள்ளி அமைக்க தேர்வு செய்யப்பட்டுள்ளது. இந்தப் பள்ளியில் தமிழ்வழிக் கல்வி அல்லாமல் ஆங்கில வழிக்கல்வியில் கல்வி பயிற்றுவிக்கப்படும். ரூ.50 லட்சம் நிதி ஒதுக்கீடு: மாதிரிப் பள்ளி அமைப்பதற்கு ரூ. 50 லட்சம் நிதி ஒதுக்கீடு செய்யப்பட்டுள்ளது. இப்பள்ளியில் உயர்த் தொழில்நுட்பக் கணினி ஆய்வகம், ஸ்மார்ட் வகுப்பறை, முழுமையான உதவி சாதனங்களுடன் கூடிய ஆய்வகம், சோலார் விளக்குகள், கண்காணிப்பு கேமராக்கள், வகுப்பறைகளில் கண்ணாடி இழையிலான கரும்பலகைகள், நவீன வசதிகளுடன் கூடிய விளையாட்டு திடல், நுண்கலை திறனை வளர்ப்பதற்கான வசதிகள் மற்றும் பள்ளிக்கட்டடங்கள் ஆகிய உள்கட்டமைப்பு வசதிகள் ஏற்படுத்தி முன்மாதிரி பள்ளிகளாக உருவாக்கப்படுகிறது.
வரும் கல்வியாண்டில் தொடங்கும் : எல்.கே.ஜி முதல் பிளஸ் 2 வரையிலான வகுப்புகளைக் கொண்டு தொடங்கும் இப்பள்ளிக்கு, மாவட்டத்தில் உள்ள சிறந்த ஆசிரியர்களை தேர்வு செய்து மாறுதல்களில் ஆசிரியர்கள் பணி நியமனம் செய்யப்பட உள்ளனர்.
வரும் கல்வியாண்டில் மாணவர்கள் சேர்க்கை நடத்தப்பட்டு பள்ளி செயல்பட உள்ளது.
கிராமப்புற மாணவ, மாணவிகள் ஆங்கில வழிக்கல்வி பெறுவதற்காக நகர்ப்புறங்களை தேடிச்சென்று கல்வி பயின்று வருவதால், பெற்றோர்களுக்கு கூடுதல் செலவினமாகிறது. தற்போது, கிராமங்களை நோக்கி அரசு மூலம் ஆங்கில வழிக் கல்வி தேடி செல்கிறது. இதனால், ஆலத்தூர் வட்டாரத்துக்குள்பட்ட கிராமப்புற மாணவ, மாணவிகள், பொதுமக்கள் மகிழ்ச்சி அடைந்துள்ளனர்.

 

]]>
http://www.dinamani.com/all-editions/edition-trichy/perambalur/2018/dec/02/பாடாலூரில்-வரும்-கல்வியாண்டில்-செயல்படத்-தொடங்கும்-அரசு-மாதிரிப்-பள்ளி-3050190.html
3049473 திருச்சி பெரம்பலூர் பெரம்பலூர், அரியலூரில் ஜாக்டோ--ஜியோ கூட்டமைப்பினர் ஆர்ப்பாட்டம் DIN DIN Saturday, December 1, 2018 03:32 AM +0530
புதிய ஓய்வூதியத் திட்டத்தை கைவிட்டு பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி பெரம்பலூர், அரியலூரில் ஜாக்டோ-ஜியோ கூட்டமைப்பினர் வெள்ளிக்கிழமை ஆர்ப்பாட்டத்தில் ஈடுபட்டனர்.
இடைநிலை ஆசிரியர்களுக்கு மத்திய அரசு ஊழியர்களுக்கு இணையான ஊதியம் வழங்க வேண்டும், முதுநிலை ஆசிரியர்கள், அமைச்சுப் பணியாளர்கள், கண்காணிப்பாளர்கள் உள்ளிட்ட பல்துறைகளில் ஊழியர்களுக்கு காணப்படும் ஊதிய முரண்பாடுகளைக் களைய வேண்டும்.
சிறப்பு காலமுறை ஊதியம் பெறும் சத்துணவு, அங்கன்வாடி, வருவாய் கிராம உதவியாளர்கள், ஊராட்சிச் செயலர்கள், ஊர்ப்புற நூலகர்கள், கல்வித்துறையில் பணியாற்றும் துப்புரவுப் பணியாளர்கள், தொகுப்பூதியத்தில் பணியாற்றும் சிறப்பு ஆசிரியர்கள், செவிலியர்கள், பல்நோக்கு மருத்துவமனை பணியாளரகளுக்கு வரையறுக்கப்பட்ட ஊதியம் வழங்கிட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த ஆர்ப்பாட்டம் நடத்தப்பட்டது.
பெரம்பலூரில் : மாவட்ட ஆட்சியரகம் எதிரே நடைபெற்ற ஆர்ப்பாட்டத்துக்கு ஜாக்டோ- ஜியோ கூட்டமைப்பின் நிர்வாகிகள் ஈ. ராஜேந்திரன், பி. தயாளன், பெ. ராஜ்குமார், ச. அருள்ஜோதி, மு. கவியசரன், ஆ. ராமர் ர் தலைமை வகித்தனர். ஜாக்டோ- ஜியோ கூட்டமைப்பு நிர்வாகிகள் ஒய்.ஆர். செல்வராஜ், மு. பாரதிவளவன், பொ. வெங்கடேசன், ராமராஜ் உள்ளிட்டோர் பங்கேற்று பேசினர். முன்னதாக, தமிழ்நாடு ஊரக வளர்ச்சித்துறை சங்க மாவட்டச் செயலர் எஸ். இளங்கோவன் வரவேற்றார். நிறைவில் தமிழ்நாடு அரசு ஊழியர் சங்க மாவட்டச் செயலர் ப. குமரி அனந்தன் நன்றி கூறினார்.
அரியலூரில் : அரியலூர் அண்ணாசிலை அருகே நடைபெற்ற ஆர்ப்பாட்டத்துக்கு, தமிழக அரசு ஊழியர் சங்கத்தின் மாவட்ட ஒருங்கிணைப்பாளர் பாலசுப்பிரமணியன் தலைமை வகித்தார். அரசு ஊழியர் சங்கத்தின் மாவட்டத் தலைவர் பஞ்சாபிகேசன், அரசு பணியாளர் சங்கத்தின் கண்ணதாசன் முன்னிலை வகித்தனர். தமிழக ஆசிரியர் கூட்டணி மாநிலத் தலைவர் நம்பிராஜன் ஆர்ப்பாட்டத்தை தொடக்கி வைத்து பேசினார். ஜாக்டோ-ஜியோ கூட்டமைப்பின் நிர்வாகிகள் ஆர்ப்பாட்டத்தில் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/01/பெரம்பலூர்-அரியலூரில்-ஜாக்டோ--ஜியோ-கூட்டமைப்பினர்-ஆர்ப்பாட்டம்-3049473.html
3049472 திருச்சி பெரம்பலூர் டிச.7- இல் நாட்டுக்கோழி வளர்ப்புப் பயிற்சி DIN DIN Saturday, December 1, 2018 03:32 AM +0530
பெரம்பலூரிலுள்ள கால்நடை மருத்துவப் பல்கலைக்கழக ஆராய்ச்சி மையத்தில், விஞ்ஞான முறையில் நாட்டுக்கோழி வளர்ப்பது குறித்த பயிற்சி டிசம்பர் 7 ஆம் தேதி நடைபெறஉள்ளது.
இதுகுறித்து இந்த மையத்தின் சார்பில் வெளியிடப்பட்டுள்ள செய்திக்குறிப்பு:
பெரம்பலூர்- செங்குணம் பிரிவுச் சாலை எதிரிலுள்ள கால்நடை மருத்துவப் பல்கலைக்கழக பயிற்சி மற்றும் ஆராய்ச்சி மையத்தின் சார்பில், விஞ்ஞான முறையில் நாட்டுக்கோழி வளர்ப்பு குறித்த இலவச பயிற்சி முகாம் டிச. 7 ஆம் தேதி நடைபெற உள்ளது.
இதில், விஞ்ஞான முறையில் நாட்டுக்கோழி வளர்ப்பு இனங்கள், இனப்பெருக்க மேலாண்மை, தீவன மேலாண்மை, கொட்டகை அமைக்கும் முறை, பராமரிக்கும் முறை மற்றும் நோய்த் தடுப்பு முறைகள் குறித்து பயிற்சி அளிக்கப்படும். பயிற்சியில் பங்கேற்க விரும்புவோர் மையத்துக்கு நேரில் வந்தோ அல்லது 9385307022 என்ற எண்ணைத் தொடர்பு கொண்டு, பெயரைப் பதிவு செய்து கொள்ளலாம்.

 

]]>
http://www.dinamani.com/all-editions/edition-trichy/perambalur/2018/dec/01/டிச7--இல்-நாட்டுக்கோழி-வளர்ப்புப்-பயிற்சி-3049472.html
3049471 திருச்சி பெரம்பலூர் தீக்காயமடைந்த பெண் சாவு DIN DIN Saturday, December 1, 2018 03:31 AM +0530
பெரம்பலூர் சத்திரமனை அண்ணாநகரைச் சேர்ந்தவர் செல்லமுத்து மனைவி பூவிழி (20). இவர்களுக்கு திருமணமாகி 2 ஆண்டுகள் ஆகின்றன.
கடந்த 26ஆம் தேதி வீட்டில் மண்ணெண்ணெய் அடுப்பில் பூவிழி சமையல் செய்து கொண்டிருந்த போது எதிர்பாராதவிதமாக உடலில் தீப்பற்றியது. பலத்த காயங்களுடன் பெரம்பலூர் அரசு மருத்துவமனையிலும், அதைத் தொடர்ந்து திருச்சி மகாத்மாகாந்தி நினைவு அரசு மருத்துவமனையிலும் அனுமதிக்கப்பட்டு சிகிச்சை பெற்று வந்த பூவிழி வெள்ளிக்கிழமை உயிரிழந்தார். இதுகுறித்து பெரம்பலூர் காவல் நிலையத்தில் பூவிழியின் தந்தை முத்தரசன் அளித்த புகாரின் பேரில் போலீஸார் விசாரித்து வருகின்றனர். மேலும், கோட்டாட்சியர் விசாரணைக்கும் உத்தரவிடப்பட்டுள்ளது.

 

]]>
http://www.dinamani.com/all-editions/edition-trichy/perambalur/2018/dec/01/தீக்காயமடைந்த-பெண்-சாவு-3049471.html
3049461 திருச்சி பெரம்பலூர் பெரம்பலூர், அரியலூரிலிருந்து நிவாரணப் பொருள்கள் அனுப்பி வைப்பு DIN DIN Saturday, December 1, 2018 03:28 AM +0530
கஜா புயலால் பாதிக்கப்பட்ட மக்களுக்கு பெரம்பலூர் மாவட்ட சட்டப்பணிகள் ஆணைக்குழு சார்பில் வெள்ளிக்கிழமை நிவாரணப் பொருள்கள் அனுப்பி வைக்கப்பட்டன.
கஜா புயலால் பாதிக்கப்பட்ட திருவாரூர் மாவட்ட மக்களுக்கு பெரம்பலூர் மாவட்ட சட்டப்பணிகள் ஆணைக்குழு, வழக்குரைஞர்கள் சங்கம், அட்வகேட்ஸ் அசோசியேசன் மற்றும் அரசு வழக்குரைஞர்கள் சார்பில் நிவாரணப் பொருள்கள் அனுப்பும் நிகழ்வு மாவட்டஒருங்கிணைந்த நீதிமன்ற வளாகத்தில் வெள்ளிக்கிழமை நடைபெற்றது.
அரிசி, பிஸ்கட், தண்ணீர்பாட்டில்கள், போர்வைகள், ரொட்டிகள், துணிகள் உள்ளிட்ட ரூ.71,000 மதிப்புள்ள நிவாரணப் பொருள்களை பெரம்பலூர் முதன்மை மாவட்ட நீதிபதியும், சட்டப்பணிகள் ஆணைக்குழு தலைவருமான எஸ். பாலராஜமாணிக்கம் கொடியசைத்து அனுப்பி வைத்தார்.
மகிளிர் நீதிமன்ற அமர்வு நீதிபதி என். விஜயகாந்த், தலைமை குற்றவியல் நீதித்துறை நடுவர் ஏ. முரளிதரன், மாவட்ட சட்டப்பணிகள் ஆணைக்குழு செயலரும், சார்பு நீதிபதியுமான எம்.வினோதா, வழக்குரைஞர் சங்கத் தலைவர் இ. வள்ளுவன்நம்பி, அட்வகேட்ஸ் அசோசியேசன் சங்கத் தலைவர் முகமது இலியாஸ், வழக்குரைஞர்கள் ராதாகிருஷ்ணமூர்த்தி, பி. கருணாநிதி, என். தமிழ்செல்வன், ஆர்.மணிவண்ணன், ஆர். சந்தானலெட்சுமி, சித்ரா உள்ளிட்டோர் பங்கேற்றனர். நிகழ்ச்சிக்கான ஏற்பாடுகளை மாவட்ட சட்டப் பணிகள் ஆணைக்குழு நிர்வாக அலுவலர் டி. வெள்ளைச்சாமி செய்திருந்தார்.
அரியலூர்: கஜா புயலால் பாதிக்கப்பட்ட மக்களுக்கு அரியலூர் மாவட்ட இந்திய செஞ்சிலுவை சங்கம் ( ரெட்கிராஸ்) ரூ.2 லட்சம் மதிப்பிலான நிவாரணப் பொருள்கள் வெள்ளிக்கிழமை அனுப்பி வைக்கப்பட்டன. கஜா புயலால் பாதிப்படைந்த தஞ்சாவூர், திருவாரூர், நாகப்பட்டினம்,புதுக்கோட்டை மாவட்டங்களைச் சேர்ந்த மக்களுக்குஉதவிடும் வகையில், அரியலூர் மாவட்ட இந்திய செஞ்சிலுவைச் சங்கம் (ரெட்கிராஸ்) சார்பில் ரூ. 2 லட்சம் மதிப்பிலான பொருள்கள் அனுப்பும் விழா வெள்ளிக்கிழமை நடைபெற்றது. சங்க நிர்வாகிகள் கலையரசன், நல்லப்பன் உள்ளிட்டோர் விழாவில் பங்கேற்று, அரிசி, சேலை, வேட்டி, துண்டு, கைலி, போர்வை, துரித உணவுப் பொருள்கள்,பக்கெட், மெழுகுவர்த்தி, கொசுவர்த்தி, ரஸ்க், பிஸ்கட், ராந்தல் விளக்கு, தார்ப்பாய், தலையணை உள்ளிட்ட நிவாரணப் பொருள்களை அனுப்பி வைத்தனர்.

]]>
http://www.dinamani.com/all-editions/edition-trichy/perambalur/2018/dec/01/பெரம்பலூர்-அரியலூரிலிருந்து-நிவாரணப்-பொருள்கள்-அனுப்பி-வைப்பு-3049461.html
3049460 திருச்சி பெரம்பலூர் அரசு ஊழியர்களுக்கான விளையாட்டுப் போட்டிகள் DIN DIN Saturday, December 1, 2018 03:28 AM +0530
பெர ம்பலூரில் அரசு ஊழியர்களுக்கு நடத்தப்பட்ட மாவட்ட அளவிலான விளையாட்டுப் போட்டியில் 420 பேர் பங்கேற்றனர்.
பெரம்பலூர் மாவட்ட விளையாட்டரங்கில் குழு மற்றும் தடகளப் போட்டிகள் நடைபெற்றன. அரசு ஊழியர்கள், ஆசிரியர்கள் என ஆண்கள் பிரிவில் 270 பேரும், பெண்கள் பிரிவில் 150 பேரும் பங்கேற்றனர்.
தடகளம் நீளம், உயரம் தாண்டுதல், குண்டு எறிதல் போன்ற தனிநபர் பிரிவு போட்டிகளும், இறகுபந்து, கூடைப்பந்து, கால்பந்து, டென்னிஸ், டேபிள் டென்னிஸ், கையுந்துப்பந்து போன்ற குழு போட்டிகள் ஆண்கள் மற்றும் பெண்கள் பிரிவில் நடைபெற்றன.
குழுப் போட்டிகளில் ஆண்கள் மற்றும் பெண்கள் பிரிவு முதலிடம்: இறகுபந்து- வருவாய்த்துறை கல்வித்துறை , கூடைப்பந்து- கல்வித்துறை, டென்னிஸ்- கல்வித்துறை, கபடி- மின்சாரத்துறை, கல்வித்துறை, டேபிள் டென்னிஸ்- சுகாதாரத் துறை, கல்வித்துறை, கையுந்துப்பந்து- கல்வித்துறை. தொடர்ந்து நடைபெற்ற பரிசளிப்பு விழாவில், வெற்றி பெற்ற அரசு ஊழியர்களுக்கு பதக்கங்கள், சான்றிதழ்களை மாவட்ட விளையாட்டு மற்றும் இளைஞர் நலன் அலுவலர் ம. ராமசுப்பிரமணியராஜா வழங்கினார். முன்னதாக, தடகளப் பயிற்றுநர் க.கோகிலா வரவேற்றார். நிறைவில் கைப்பந்து பயிற்றுநர் வாசுதேவன் நன்றி கூறினார்.
அரியலூர்: அரியலூர் மாவட்டத்தில் பணிபுரியும் அரசு ஊழியர்களுக்கான விளையாட்டுப் போட்டிகள் வெள்ளிக்கிழமை நடைபெற்றன. தடகளம், வாலிபால், பேட்மிண்டன், கபடி, இறகுபந்து, கூடைப்பந்து உள்ளிட்ட போட்டிகள் நடத்தப்பட்டன. அரியலூர், ஜயங்கொண்டம்,செந்துறை உள்ளிட்ட பகுதிகளைச் சேர்ந்த அரசு ஊழியர்கள், ஆசிரியர்கள் என 300-க்கும் மேற்பட்டோர் போட்டிகளில் பங்கேற்றனர்.
ஒவ்வொரு போட்டியிலும் முதல் மூன்று இடங்களைப் பிடித்தவர்களுக்குப் பரிசு மற்றும் சான்றிதழ்கள் வழங்கப்பட்டன. மேலும் இவர்கள் மாநில அளவில் அரசு ஊழியர்களுக்கு இடையே நடைபெறும் போட்டியில் அரியலூர் மாவட்டத்தின் சார்பில் பங்கேற்பர்.
மாவட்ட விளையாட்டு மற்றும் இளைஞர் நல அலுவலர்(பொ) ம.ராமசுப்பிரமணியராஜா மற்றும் விளையாட்டு உடற்கல்வி ஆய்வாளர் உள்ளிட்டோர் மேற்பார்வையில் போட்டிகள் நடத்தப்பட்டன.

 

]]>
http://www.dinamani.com/all-editions/edition-trichy/perambalur/2018/dec/01/அரசு-ஊழியர்களுக்கான-விளையாட்டுப்-போட்டிகள்-3049460.html
3049459 திருச்சி பெரம்பலூர் வாக்காளர் பட்டியல் சிறப்பு சுருக்கத் திருத்தப் பணிகள் ஆய்வு DIN DIN Saturday, December 1, 2018 03:27 AM +0530
பெரம்பலூர், அரியலூர் மாவட்டங்களின் வாக்காளர் பட்டியல் சிறப்பு சுருக்கத் திருத்தப் பணிகள் குறித்த ஆய்வுக்கூட்டம்,
பெரம்பலூரில் வெள்ளிக்கிழமை நடைபெற்றது.
வாக்காளர் பட்டியல் மேற்பார்வையாளர் டாக்டர் சந்தோஷ்பாபு தலைமையில் நடைபெற்ற கூட்டத்தில், ஆட்சியர்கள் பெரம்பலூர் வே.சாந்தா, அரியலூர் மு. விஜயலட்சுமி பங்கேற்றனர்.
2019, ஜனவரி1 ஆம் தேதியன்று 18 வயது பூர்த்தியடையும் வாக்காளர்களைப் பட்டியலில் சேர்த்தல், வரைவு வாக்காளர் பட்டியலில் பெயர் திருத்தம், முகவரி திருத்தம் மற்றும் பெயர் நீக்கம் உள்ளிட்ட பணிகளுக்காக
அளிக்கப்பட்ட மனுக்கள் மீது விசாரணை செய்து விரைவில் ஒப்புதல் வழங்குதல், இறந்தவர்கள் பெயரைப் பட்டியலிலிருந்து நீக்குதல் போன்றவை குறித்து மேற்கொள்ள வேண்டிய நடவடிக்கைகள் குறித்து தேர்தல் நடத்தும்அதிகாரிகளுக்கு ஆலோசனைகளை வழங்கினார் பார்வையாளர் சந்தோஷ்பாபு.
கூட்டத்தில், மாவட்ட வருவாய் அலுவலர் ஆ. அழகிரிசாமி, வருவாய் கோட்டாட்சியர்கள் பெரம்பலூர் விசுவநாதன், அரியலூர் சத்தியநாராயணன், உடையார்பாளையம் ஜோதி, நகராட்சி ஆணையர் வினோத், தனி வட்டாட்சியர் பாலு உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/dec/01/வாக்காளர்-பட்டியல்-சிறப்பு-சுருக்கத்-திருத்தப்-பணிகள்-ஆய்வு-3049459.html
3049458 திருச்சி பெரம்பலூர் தீக்காயமடைந்த பெண் சாவு DIN DIN Saturday, December 1, 2018 03:27 AM +0530
பெரம்பலூர் அருகே சமைக்கும்போது தீக்காயமடைந்து மருத்துவமனையில் சிகிச்சை பெற்று வந்த பெண் வெள்ளிக்கிழமை உயிரிழந்தார்.
பெரம்பலூர் சத்திரமனை அண்ணாநகரைச் சேர்ந்தவர் செல்லமுத்து மனைவி பூவிழி (20). இவர்களுக்கு திருமணமாகி 2 ஆண்டுகள் ஆகின்றன. கடந்த 26ஆம் தேதி வீட்டில் மண்ணெண்ணெய் அடுப்பில் பூவிழி சமையல் செய்து கொண்டிருந்த போது எதிர்பாராதவிதமாக உடலில் தீப்பற்றியது.
பலத்த காயங்களுடன் பெரம்பலூர் அரசு மருத்துவமனையிலும், அதைத் தொடர்ந்து திருச்சி மகாத்மாகாந்தி நினைவு அரசு மருத்துவமனையிலும் அனுமதிக்கப்பட்டு சிகிச்சை பெற்று வந்த பூவிழி வெள்ளிக்கிழமை உயிரிழந்தார். இதுகுறித்து பெரம்பலூர் காவல் நிலையத்தில் பூவிழியின் தந்தை முத்தரசன் அளித்த புகாரின் பேரில் போலீஸார் விசாரித்து வருகின்றனர். மேலும், கோட்டாட்சியர் விசாரணைக்கும் உத்தரவிடப்பட்டுள்ளது.

 

]]>
http://www.dinamani.com/all-editions/edition-trichy/perambalur/2018/dec/01/தீக்காயமடைந்த-பெண்-சாவு-3049458.html