Dinamani - பெரம்பலூர் - http://www.dinamani.com/all-editions/edition-trichy/perambalur/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3022185 திருச்சி பெரம்பலூர் குன்னம் அருகே சிறுமிக்கு பாலியல் தொந்தரவு:  ஒருவர் கைது DIN DIN Wednesday, October 17, 2018 09:33 AM +0530 பெரம்பலூர் மாவட்டம், குன்னம் அருகே 9 வயது மாற்றுத்திறனாளி சிறுமிக்கு பாலியல் தொல்லை கொடுத்தவரை குன்னம் போலீஸார் செவ்வாய்க்கிழமை கைது செய்தனர்.
குன்னம் வட்டம், ஒதியம் கிராமத்தை சேர்ந்த 9 வயது மாற்றுத்திறனாளி சிறுமி, அங்குள்ள ஊராட்சி ஒன்றிய தொடக்கப் பள்ளியில் 4 ஆம் வகுப்பு படித்து வருகிறார். இந்நிலையில், அதே கிராமத்தைச் சேர்ந்த நல்லதம்பி மகன் பாலசுப்பிரமணியன் (53), கடந்த 14 ஆம் தேதி, வீட்டில் இருந்த சிறுமியை வயலுக்கு அழைத்துச் சென்று பாலியல் தொந்தரவு கொடுத்தாராம்.  இதனால், அந்த சிறுமியின் உடலில் காயங்கள் இருந்தன. தகவலறிந்த சிறுமியின் பெற்றோர் அளித்த புகாரின்பேரில் குன்னம் போலீஸார் வழக்குப் பதிந்து விசாரணை மேற்கொண்டனர். இதில், சிறுமியிடம் பாலியல் தொந்தரவு கொடுத்தது உண்மையெனத் தெரியவந்தது. பின்னர், பாலசுப்ரமணியனை கைது செய்து விசாரணை செய்கின்றனர்.

]]>
http://www.dinamani.com/all-editions/edition-trichy/perambalur/2018/oct/17/குன்னம்-அருகே-சிறுமிக்கு-பாலியல்-தொந்தரவு--ஒருவர்-கைது-3022185.html
3022183 திருச்சி பெரம்பலூர் பேருந்தில் கூடுதல் கட்டணம்; பயணிகள் சாலை மறியல் DIN DIN Wednesday, October 17, 2018 09:32 AM +0530 பெரம்பலூர் வழித்தடத்தில் கூடுதலாகப் பேருந்து கட்டணம் வசூலித்ததை கண்டித்து, பயணிகள் செவ்வாய்க்கிழமை இரவு சாலை மறியலில் ஈடுபட்டனர்.
கடலூர் மாவட்டம், சங்கராபுரம் அரசு போக்குவரத்து கிளை அலுவலகத்துக்கு சொந்தமான அரசுப் பேருந்து ஒன்று, பெரம்பலூரில் இருந்து கூகையூர் வழியாக சங்கராபுரத்துக்கு இயக்கப்படுகிறது. இந்தப் பேருந்தில், வேப்பந்தட்டை வட்டத்துக்குள்பட்ட பெரும்பாலான கிராம மக்கள் பயணித்து வருகின்றனர். இந்நிலையில், செவ்வாய்க்கிழமை இரவு பெரம்பலூர் புறநகர் பேருந்து நிலையத்தில் இருந்து சென்ற அந்தப் பேருந்தில், ரூ. 30 வசூலிக்கப்பட்டு வந்த நிலையில் ரூ. 38 வசூலித்தனராம். இதுகுறித்து பேருந்து நடத்துநரிடம் விவரம் கேட்டதற்கு, எக்ஸ்பிரஸ் பேருந்தாக தரம் உயர்த்தப்பட்டுள்ளதால், கூடுதல் கட்டணம் வசூலிக்கப்படுவதாக தெரிவித்தாராம்.
இதனால், பணிகளுக்கும், நடத்துநருக்கும் கடும் வாக்குவாதம் ஏற்பட்டது. தொடர்ந்து, பெரம்பலூர்- ஆத்தூர் சாலையில் காவல் நிலையம் அருகே சென்றபோது, பேருந்தில் இருந்து இறங்கிய பயணிகள் கூடுதலாக பேருந்து கட்டணம் வசூலிப்பதற்கு எதிர்ப்பு தெரிவித்து திடீர் சாலை மறியலில் ஈடுபட்டனர். தகவலறிந்து சென்ற போலீஸார், மேற்கொண்ட பேச்சுவார்த்தையை தொடர்ந்து மறியல் கைவிடப்பட்டது. மறியலால் சிறிது நேரம் போக்குவரத்து பாதிக்கப்பட்டது.

]]>
http://www.dinamani.com/all-editions/edition-trichy/perambalur/2018/oct/17/பேருந்தில்-கூடுதல்-கட்டணம்-பயணிகள்-சாலை-மறியல்-3022183.html
3022182 திருச்சி பெரம்பலூர் செயல்படாத குளிர்சாதன பெட்டி; பிணவறையில் துர்நாற்றம் DIN DIN Wednesday, October 17, 2018 09:32 AM +0530 பெரம்பலூர் மாவட்ட அரசு தலைமை மருத்துவமனை பிணவறையில் குளிர்ச்சாதன பெட்டி செயல்படாததால் துர்நாற்றம் வீசுகிறது.
பெரம்பலூர் மாவட்ட அரசு தலைமை மருத்துவமனையில் உள்நோயாளிகளாக 500 -க்கும் மேற்பட்டோர் சிகிச்சை பெறுகின்றனர். நாள்தோறும் புற நோயாளிகள் 1,000- க்கும் மேற்பட்டோர் சிகிச்சை பெற்றுச் செல்கின்றனர். திருச்சி- சென்னை தேசிய நெடுஞ்சாலை உள்பட விபத்தில் சிக்கி காயமடைவோருக்கு அரசு மருத்துவமனையில் சிகிச்சை அளிக்கப்படுகிறது.
பெரம்பலூர் மாவட்டத்தைப் பொறுத்தவரை சாலை விபத்துகளில் உயிரிழப்போரின் எண்ணிக்கை நாளுக்கு நாள் அதிகரித்து வருகிறது. இதில், இரவு நேரங்களில் அடையாளம் தெரியாத நபர்கள் மீது வாகனங்கள் மோதி உயிரிழப்போரின் எண்ணிக்கையும் அதிகரித்து காணப்படுகிறது.  விபத்தில் உயிரிழந்தோர் சடலங்கள் இங்குள்ள பிணவறையில் வைக்கப்படுகின்றன. இங்கு சுமார் 4 சடலங்களை மட்டும் குளிர்சாதன பாதுகாப்பில் வைத்திருக்க முடியும். அடையாளம் தெரியாமல் உயிரிழந்தோர் சடலங்களும் இங்குதான் பாதுகாக்கப்படுகின்றன. பெரும்பாலான உடல்களை அடையாளம் காணுவதில் போலீஸார் திணறி வருகின்றனர். அதுபோன்ற சடலங்களை அடையாளம் காணும் வரை, அவற்றை பிரேத பரிசோதனை செய்ய இயலாத நிலை நீடிக்கிறது. இதனால், பிரேத பரசோதனை செய்வதில் காலதாமதம் ஏற்படுகிறது. 
இந்நிலையில், கடந்த ஒரு வாரத்துக்கும் மேலாக பிணவறையில் உள்ள குளிர்ச் சாதனப் பெட்டி பழுதடைந்துள்ளதால் சரிவர இயங்கவில்லையாம். இதனால், இப்பகுதியில் துர்நாற்றம் வீசுவதால், அருகில் உள்ள முதியோர் பிரிவு, காசநோய் பிரிவுகளில் உள்ள நோயாளிகளும், அவர்களது உறவினர்களும் பெரிதும் பாதிக்கப்பட்டுள்ளனர். மேலும், இப்பிரிவில் பணிபுரியும் ஊழியர்கள் தொற்றுநோய் பரவும் அச்சத்தில் உள்ளனர். 
எனவே, பிணவறையில் உள்ள குளிர்ச்சாதன பெட்டியை சீரமைக்க மருத்துவத் துறை அலுவலர்கள் உடனடி நடவடிக்கை எடுக்க வேண்டும் என பொதுமக்களும், நோயாளிகளும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-trichy/perambalur/2018/oct/17/செயல்படாத-குளிர்சாதன-பெட்டி-பிணவறையில்-துர்நாற்றம்-3022182.html
3022180 திருச்சி பெரம்பலூர் அரசு மருத்துவமனையை இடம் மாற்ற எதிர்ப்பு: சாலை மறியலால் 5 மணி நேரம் போக்குவரத்து பாதிப்பு DIN DIN Wednesday, October 17, 2018 09:32 AM +0530 பெரம்பலூர் மாவட்டம், பாடாலூர் அருகே அரசு மருத்துவமனைக்குத் தேவையான மருத்துவர், சுகாதாரப் பணியாளர்கள் நியமித்து, தொடர்ந்து செயல்படுத்த நடவடிக்கை எடுக்க வேண்டுமென வலியுறுத்தி கிராம பொதுமக்கள் செவ்வாய்க்கிழமை சாலை மறியல் போராட்டத்தில் ஈடுபட்டனர். இதனால், சுமார் 5 மணி நேரம் போக்குவரத்து பாதிக்கப்பட்டது. 
பெரம்பலூர் மாவட்டம், ஆலத்தூர் வட்டம், காரை ஊராட்சியில் 30 படுக்கை வசதிகள் கொண்ட அரசு மருத்துவமனை கடந்த சில ஆண்டுகளாக இயங்கி வருகிறது. இந்த மருத்துவமனைக்கு, போதிய மருத்துவர்கள், ஸ்கேன் பரிசோதகர், செவிலியர்கள் இல்லாததால் காரை உள்ளிட்ட சுற்றுப்புற கிராம மக்கள் மருத்துவ வசதி பெற முடியாத நிலை உள்ளதாகக் கூறப்படுகிறது. மேலும், இந்த மருத்துவமனை பாடாலூருக்கு இடமாற்றம் செய்யப்பட உள்ளதாகவும் கூறப்படுகிறது. இதனால் ஆத்திரமடைந்த பொதுமக்கள் காரை கிகாமத்தில் மறியல் போராட்டத்தில் ஈடுபட்டனர்.  
இதில், காரை மருத்துவமனையை தரம் உயர்த்தி அதே இடத்தில் தொடர்ந்து இயங்க நடவடிக்கை எடுக்க வேண்டும். 24 மணி நேரமும் மருத்துவர்கள் மருத்துவமனையில் இருந்து சிகிச்சை அளிக்க ஏற்பாடு செய்ய வேண்டும். போதிய செவிலியர்கள், ஸ்கேன் பரிசோதகர் ஆகியோர் பணி நியமனம் செய்ய வேண்டும் என்பன உள்ளிட்ட கோரிக்கைகளை வலியுறுத்தி நடைபெற்ற இந்த மறியலில் சுமார் 500-க்கும் மேற்பட்டோர் கலந்துகொண்டனர். 
தகவலறிந்த சுகாதாரத் துறையினரும், காவல் துறையினரும் அங்கு சென்று சமரச பேச்சுவார்த்தையில் ஈடுபட முயன்றனர்.  பொதுமக்கள் அவர்களை முற்றுகையிட்டு, சுமூக உடன்பாடு ஏற்பட்டால் மட்டுமே மறியலைக் கைவிடுவதாக தெரிவித்து மாவட்ட நிர்வாகத்துக்கு எதிராக முழக்கமிட்டனர். பின்னர், 2 வாரங்களில் கோரிக்கையை நிறைவேற்ற நடவடிக்கை எடுப்பதாக உறுதியளித்ததை தொடர்ந்து, மறியலைக் கைவிட்டுச் சென்றனர்.
கொளக்காநத்தம்- அரியலூர் செல்லும் சாலையில் நடைபெற்ற இந்த சுமார் 5 மணி நேரத்துக்கும் மேலாக போக்குவரத்து பாதிக்கப்பட்டது. மாணவ, மாணவிகள், பணிக்கு சென்றோர் பெரிதும் பாதிக்கப்பட்டனர்.

]]>
http://www.dinamani.com/all-editions/edition-trichy/perambalur/2018/oct/17/அரசு-மருத்துவமனையை-இடம்-மாற்ற-எதிர்ப்பு-சாலை-மறியலால்-5-மணி-நேரம்-போக்குவரத்து-பாதிப்பு-3022180.html
3022178 திருச்சி பெரம்பலூர் தொழிலாளர் விரோதப் போக்கை கண்டித்து ஆர்ப்பாட்டம் DIN DIN Wednesday, October 17, 2018 09:32 AM +0530 பெரம்பலூர் புறநகர் பேருந்து நிலைய வளாகத்தில், மத்திய - மாநில அரசுகளின் தொழிலாளர் விரோதப் போக்கைக் கண்டித்து பல்வேறு தொழிற்சங்கங்களின் கூட்டமைப்பு சார்பில் தொழிலாளர்கள் ஆர்ப்பாட்டத்தில் செவ்வாய்க்கிழமை ஈடுபட்டனர். 
ஏஐடியூசி தொழிற்சங்க மாவட்டத் தலைவர் வீ. ஞானசேகரன், சிஐடியூ மாவட்டச் செயலர் ஆர். அழகர்சாமி, தொமுச மாவட்டச் செயலர் ஆர். ரெங்கசாமி, எச்எம்எஸ் மாவட்ட செயலர் ஏ. சின்னசாமி ஆகியோர் தலைமை வகித்தனர். 
ஆர்ப்பாட்டத்தில், வேலைவாய்ப்பில் ஒப்பந்த முறையையும், அவுட்சோர்சிங் முறையையும் கைவிட வேண்டும். அமைப்புசாரா தொழிலாளர் நலவாரியத்தை மாநில அரசு வலுப்படுத்த வேண்டும். 
நெல் உற்பத்திக்கான ஆதரவு விலையை வழங்கிட வேண்டும். கரும்புக்கு கட்டுப்படியாகும் விலையை வழங்க வேண்டும். மோட்டார் வாகன திருத்த சட்டத்தைக் கைவிட வேண்டும். 
பெட்ரோல், டீசல் விலையை ஜி.எஸ்.டி வரி விகிதத்துக்குள் கொண்டு வந்து அரசே விலை நிர்ணயம் செய்ய வேண்டும். 
தொழிற்சாலை ஆய்வுத் துறையை செயல்படுத்த வேண்டும். அமைப்புசாரா தொழஇலாளர் நல வாரியங்களை செயலிழக்கச் செய்யும் நடவடிக்கையைக் கைவிட வேண்டும். மோட்டார் வாகன சட்டத்தை திருத்தி அமைக்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன. 
ஆர்ப்பாட்டத்தில், தொழிற்சங்க நிர்வாகிகள் எஸ். அகஸ்டின், கே.கே. குமார், என். தியாகராஜன் உள்ளிட்ட பலர் கலந்துகொண்டனர். 
அரியலூரில்.. அரியலூர் அண்ணாசிலை அருகே மாவட்ட அனைத்து தொழிற்சங்கங்களின் கூட்டமைப்பினர் ஆர்ப்பாட்டத்தில் ஈடுபட்டனர்.
ஏஐடியுசி மாவட்ட பொதுச் செயலர் டி. தண்டபாணி, ஐஎன்டியுசி மாவட்டத் தலைவர் இரா. தமிழ்மணி, சிஐடியு மாவட்டத் தலைவர் ஆர். சிற்றம்பலம்,தொமுச மாவட்ட கவுன்சில் செயலர் பி.ஆர்.சட்டநாதன், எச்எம்எஸ் சங்க நிர்வாகி எஸ்.ஜெயச்சந்திரன் ஆகியோர் தலைமை வகித்தனர்.
 

]]>
http://www.dinamani.com/all-editions/edition-trichy/perambalur/2018/oct/17/தொழிலாளர்-விரோதப்-போக்கை-கண்டித்து-ஆர்ப்பாட்டம்-3022178.html
3022176 திருச்சி பெரம்பலூர் பெரம்பலூர் போலீஸாரைக் கண்டித்து பெண் தர்னா DIN DIN Wednesday, October 17, 2018 09:31 AM +0530 காதலித்து திருமணம் செய்த காவலர் மீது நடவடிக்கை எடுக்காத பெரம்பலூர் மாவட்ட காவல் துறையினரைக் கண்டித்து இளம்பெண் தர்னா போராட்டத்தில் செவ்வாய்க்கிழமை ஈடுபட்டார்.
பெரம்பலூர் மாவட்டம், அம்மாபாளையம் கிராமத்தைச் சேர்ந்தவர் விஜயசாந்தி (21). அடைக்கம்பட்டி கிராமத்தைச் சேர்ந்தவர் சுப்ரமணி மகன் லோகநாதன் (28). பெரம்பலூரில் காவலராக பணிபுரிந்த லோகநாதனும், விஜயசாந்தியும் கடந்த 2 ஆண்டுகளாக காதலித்து, கடந்த சில மாதங்களுக்கு முன் திருப்பூர் மாவட்டம், அவினாசி பகுதியில் உள்ள விஜயசாந்தியின் தோழி வீட்டில் தங்கி திருமணம் செய்துகொண்டனராம்.
தொடர்ந்து, திருச்சி மாவட்டம், துறையூரில் வாடகை வீட்டில் தங்கியிருந்தனராம். இதனிடையே விஜயசாந்தி 6 மாத கர்ப்பமாக இருந்த நிலையில் லோகநாதன் மற்றும் அவரது பெற்றோர் கருவைக் கலைத்தால் மட்டுமே, குடும்பத்துடன் சேர்த்துக் கொள்வதாக தெரிவித்ததையடுத்து, அப்பகுதி சித்த மருத்துவரிடம் கருவைக் கலைத்ததாகத் தெரிகிறது. இதையடுத்து, வீட்டுக்கு அழைத்துச் செல்ல வற்புறுத்தியதற்கு, லோகநாதன் மற்றும் அவரது குடும்பத்தினர் அவரை ஏற்க மறுத்துவிட்டனராம்.
இதுகுறித்து விஜயசாந்தி துறையூர் காவல் நிலையத்தில் புகார் அளிக்கச் சென்றதற்கு, பெரம்பலூர் எல்லைக்குள்பட்டதால், அங்கு சென்று புகார் அளிக்குமாறு போலீஸார் அறுவுறுத்தினராம். 
பெரம்பலூர் அனைத்து மகளிர் காவல் நிலையத்துக்கு சென்றபோது, முசிறி காவல் நிலையத்துக்கு செல்லுமாறு கூறினராம். இதனால் விரக்தியடைந்த விஜயசாந்தி, கணவரை தன்னுடன் சேர்த்து வைக்க நடவடிக்கை எடுக்கக் கோரியும், அவரது குடும்பத்தினர் மீது நடவடிக்கை எடுக்கக் கோரியும், தனது உறவினர்களுடன் பெரம்பலூர் மாவட்ட ஆட்சியரகத்தில் தர்னா போராட்டத்தில் ஈடுபட்டார்.  பின்னர், பாதுகாப்பு பணியில் இருந்த மகளிர் போலீஸார் நடத்திய பேச்சுவார்த்தையில்  போராட்டம் கைவிடப்பட்டது. தொடர்ந்து, தனது கோரிக்கை மீது நடவடிக்கை எடுக்கக் கோரி மாவட்ட வருவாய் அலுவலர் ஆ. அழகிரிசாமியிடம் மனு அளித்துச் கலைந்து சென்றனர்.

]]>
http://www.dinamani.com/all-editions/edition-trichy/perambalur/2018/oct/17/பெரம்பலூர்-போலீஸாரைக்-கண்டித்து-பெண்-தர்னா-3022176.html
3022175 திருச்சி பெரம்பலூர் கேரம், செஸ் போட்டியில் மெட்ரிக் பள்ளி மாணவர்கள் சிறப்பிடம் DIN DIN Wednesday, October 17, 2018 09:31 AM +0530 மாவட்ட அளவிலான கேரம், சதுரங்கப் போட்டிகளில் மரகதம் மெட்ரிக் மேல்நிலைப்பள்ளி மாணவ, மாணவிகள் சிறப்பிடம் பெற்றனர். 
பெரம்பலூர் மாவட்ட அளவிலான கேரம் போட்டிகள் அண்மையில்  நடைபெற்றது. இதில், இரட்டையர் பிரிவில் மரகதம் மெட்ரிக் பள்ளி மாணவர்கள் கிஷோர், லோகேஷ் ஜோடி முதலிடம் பெற்று மாநில போட்டிக்கு தகுதி பெற்றனர்.
ஜூனியர் பிரிவு மாணவர்களுக்கான மாவட்ட அளவிலான ஒற்றையர் கேரம் விளையாட்டுப் போட்டியில் மாணவி சிவாஞ்சலி 2-வது இடம் பெற்றார். ஜூனியர் பிரிவு கேரம் விளையாட்டுப் போட்டியில் இரட்டையர் பிரிவில் அபிநயா, லாவண்யா, ஜிவனேஸ், குகன் ஜோடி வெற்றி பெற்றனர். சீனியர் பிரிவு கேரம் போட்டியில் மாணவர்கள் சூரியபிரகாஷ், அர்ஜூன் ஜோடி மாவட்ட அளவில் 2-வது இடம் பெற்றனர்.   
இதேபோல, வனவிலங்கு பாதுகாப்பு வார விழாவை முன்னிட்டு வனத்துறை சார்பில் நடைபெற்ற பேச்சுப் போட்டியில் இப்பள்ளி மாணவிகள் வினுஷாஸ்ரீ, ஜீவிதா, ஹரிணி ஆகியோர் முதலிடம் பெற்றனர். மேலும், மண்டல அளவிலான சதுரங்கப் போட்டியில் இப்பள்ளி மாணவர் கிஷோர் 3-வது இடம் பெற்று மாநில அளவிலான சதுரங்க போட்டிக்கு தகுதி பெற்றார். 
மாணவ,  மாணவிகளுக்கு பள்ளித் தாளாளர் நிருபா சரவணன், பள்ளி முதல்வர் கற்பகம் ஆகியோர் செவ்வாய்க்கிழமை வாழ்த்து தெரிவித்தனர். ஓய்வுபெற்ற ஆசிரியை மரகதம், உடற்கல்வி ஆசிரியர் கரிகாலன் ஆகியோர் உடனிருந்தனர்.

]]>
http://www.dinamani.com/all-editions/edition-trichy/perambalur/2018/oct/17/கேரம்-செஸ்-போட்டியில்-மெட்ரிக்-பள்ளி-மாணவர்கள்-சிறப்பிடம்-3022175.html
3022172 திருச்சி பெரம்பலூர் மின் ஊழியர்கள் வாயில் கூட்டம் DIN DIN Wednesday, October 17, 2018 09:31 AM +0530 தமிழ்நாடு மின் ஊழியர் மத்திய அமைப்பு பெரம்பலூர் வட்டக் கிளை சார்பில், பெரம்பலூர் நான்கு சாலை சந்திப்பில் உள்ள மின் பகிர்மான வட்ட மேற்பார்வைப் பொறியாளர் அலுவலகம் எதிரே வாயிற் கூட்டம் செவ்வாய்க்கிழமை நடைபெற்றது. 
சங்கத்தின் வட்டச் செயலர் எஸ். அகஸ்டின் தலைமை வகித்தார். கோட்ட இணைச் செயலர் குமாரசாமி முன்னிலை வகித்தார். கோட்ட செயலர் பன்னீர்செல்வம் தொடக்கவுரையாற்றினார். 
கூட்டத்தில் அண்மையில் கூடிய சங்கத்தின் பொதுக்குழு முடிவுகள் குறித்தும், கோரிக்கைகளை வலியுறுத்தி அக். 25-ல் நடக்கும் ஆர்ப்பாட்டம் மற்றும் மின்வாரிய ஒப்பந்தத் தொழிலாளர்களுக்கு தினக்கூலியாக ரூ. 380 வழங்கக்கோரி நவ.13 -இல் நடைபெறும் மறியலுக்கு ஆதரவு கோரியும் பேசினர். இதில், தமிழ்நாடு மின் ஊழியர் மத்திய அமைப்பின் பெரம்பலூர் வட்டக் கிளை பொறுப்பாளர்கள் கலந்துகொண்டனர்.
 

]]>
http://www.dinamani.com/all-editions/edition-trichy/perambalur/2018/oct/17/மின்-ஊழியர்கள்-வாயில்-கூட்டம்-3022172.html
3021312 திருச்சி பெரம்பலூர் பெரம்பலூர் அரசுப் பள்ளியில் ஐம்பெரும் விழா DIN DIN Tuesday, October 16, 2018 03:24 AM +0530
பெரம்பலூர் மாவட்ட இந்தியன் செஞ்சிலுவை சங்கம் மற்றும் இளையோர் செஞ்சிலுவை அமைப்பு சார்பில், பெரம்பலூர் அரசு மேல்நிலைப் பள்ளியில் ஐம்பெரும் விழா திங்கள்கிழமை நடைபெற்றது.
உலக கை கழுவும் தினம் அனுசரிப்பு, மறைந்த முன்னாள் குடியரசுத் தலைவர் அப்துல் கலாம் பிறந்த நாள் விழா, தேசிய அளவில் சாதனை புரிந்த பெரம்பலூர் அரசுப் பள்ளி மாணவியும், விளையாட்டு வீராங்கனையுமான ராஜமாணிக்கத்துக்கு பாராட்டு விழா, டாக்டர் ராதாகிருஷ்ணன் விருது பெற்ற இந்திய செஞ்சிலுவை சங்க உறுப்பினர்களுக்கு பாராட்டு விழா, ஊராட்சி அமைப்புகளை இந்திய செஞ்சிலுவை சங்க மாவட்டக் கிளையுடன் இணைத்தல் ஆகிய ஐம்பெரும் விழா நடைபெற்றது.
விழாவுக்கு, இந்திய செஞ்சிலுவை சங்க மாவட்ட மேலாண் துணைத் தலைவர் தங்கராஜ் தலைமை வகித்தார். முன்னிலை வகித்த மாவட்டச் செயலர் என். ஜெயராமன், பள்ளித் தலைமை ஆசிரியர் சுந்தரராஜ் ஆகியோர் அப்துல் கலாம் படத்தை திறந்து வைத்து உரையாற்றினர்.
சிறப்பு விருந்தினராகப் பங்கேற்ற இந்திய மருத்துவக் கழக மாநில பொதுக்குழு உறுப்பினர் மருத்துவர் ராஜாமுகமது, சுகாதாரத்தின் முக்கியத்துவம் மற்றும் கை கழுவுவதால் ஏற்படும் நன்மைகள் குறித்து விளக்கினார். மேலும், சுத்தமாக கை கழுவுதல் குறித்து செயல் விளக்கம் மூலம் அளித்தார். விழாவில், தமிழக அரசின் டாக்டர் ராதாகிருஷ்ணன் விருது பெற்ற இந்திய செஞ்சிலுவை சங்க மாவட்டப் பொருளாளர் வி. ராதாகிருஷ்ணன் மற்றும் ராஜேந்திரன் ஆகியோருக்கு பாராட்டு தெரிவிக்கப்பட்டது.
முனைவர் த. மாயக்கிருஷ்ணனுக்கு இந்திய செஞ்சிலுவை சங்க வாழ்நாள் உறுப்பினர் சான்றிதழும், ஆசிரியர்கள் ராஜமாணிக்கம், ஜோதிவேல், மாயக்கிருஷ்ணன் ஆகியோருக்கு தூய்மையே சேவைக்கான சான்றிதழும் வழங்கப்பட்டது.
விழா ஏற்பாடுகளை பள்ளி கவுன்சிலர் தேவேந்திரன், இணை கன்வீனர் ராஜமாணிக்கம் உள்ளிட்ட பலர் செய்திருந்தனர்.
அரியலூர்: அரியலூர் மாவட்டம் தாமரைக்குளம் அரசு உயர் நிலைப் பள்ளியில் உலக கைகழுவும் தினம் திங்கள்கிழமை கடைப்பிடிக்கப்பட்டது.
பள்ளி தலைமை ஆசிரியை மோகனா தலைமை வகித்தார். சுகாதார ஆய்வாளர் செல்வராஜ், மாணவ, மாணவிகளுக்கு கைகழுவும் முறையை செயல் விளக்கத்துடன் செய்து காண்பித்தார். வட்டார சுகாதார மேற்பார்வையாளர் வகீல் சுய சுத்தம் குறித்தும், பன்றிக்காய்ச்சல் குறித்தும் விளக்கிக் கூறினார். நிகழ்ச்சியில், ஆசிரியர்கள், மாணவ, மாணவிகள் கலந்து கொண்டனர்.

 

]]>
http://www.dinamani.com/all-editions/edition-trichy/perambalur/2018/oct/16/பெரம்பலூர்-அரசுப்-பள்ளியில்-ஐம்பெரும்-விழா-3021312.html
3021311 திருச்சி பெரம்பலூர் அக். 26, 27-இல் ஆடுகளுக்கான குடற்புழு நீக்க முகாம் DIN DIN Tuesday, October 16, 2018 03:23 AM +0530
பெரம்பலூர் மாவட்டத்தில் பயனாளிகளுக்கு வழங்கப்பட்ட வெள்ளாடுகள், செம்மறி ஆடுகளுக்கான குடற்புழு நீக்க முகாம் அக். 26, 27 ஆம் தேதிகளில் நடைபெற உள்ளது.
விலையில்லா வெள்ளாடுகள், செம்மறியாடுகள் வழங்கும் திட்டங்கள் மூலம் பயன்பெறும் பயனாளிகள் தங்களது கால்நடைகளை கொள்முதல் செய்த பிறகு நன்கு பராமரிக்க வேண்டும் என அரசால் வலியுறுத்தப்பட்டுள்ளது. விலையில்லா வெள்ளாடுகள், செம்மறியாடுகள் வழங்கும் திட்டங்கள் மூலம் வழங்கப்பட்ட ஆடுகளின் எடையை அதிகரிக்க அக். 26, 27 ஆகிய தேதிகளில் குடற்புழு நீக்க முகாம் நடைபெற உள்ளது. அதன்படி, பெரம்பலூர் மாவட்டத்தில் கடந்த 2 ஆண்டுகளில் விலையில்லா வெள்ளாடுகள், செம்மறியாடுகள் வழங்கப்பட்ட 29 கிராம ஊராட்சிகளில் உள்ள ஊராட்சி அலுவலகங்களில், ஆடுகளுக்கான குடற்புழு நீக்க முகாம் நடைபெற உள்ளது.

 

]]>
http://www.dinamani.com/all-editions/edition-trichy/perambalur/2018/oct/16/அக்-26-27-இல்-ஆடுகளுக்கான-குடற்புழு-நீக்க-முகாம்-3021311.html
3021310 திருச்சி பெரம்பலூர் ஸ்ரீராமகிருஷ்ணா மெட்ரிக். பள்ளியில் சோதனைக் கூடம் திறப்பு DIN DIN Tuesday, October 16, 2018 03:23 AM +0530
பெரம்பலூர் ஸ்ரீ ராமகிருஷ்ணா மெட்ரிக். மேல்நிலைப் பள்ளியில் சோதனைக் கூடம் திறப்பு விழா திங்கள்கிழமை நடைபெற்றது.
பெரம்பலூர் ஸ்ரீ ராமகிருஷ்ணா மெட்ரிக். மேல்நிலைப் பள்ளியில் அமைக்கப்பட்டுள்ள அடல் டிங்கரிங் லேப் திறப்பு விழாவுக்கு, அக் கல்வி நிறுவனங்களின் தாளாளர் எம். சிவசுப்ரமணியம் தலைமை வகித்தார். செயலர் எம்.எஸ். விவேகானந்தன் முன்னிலை வகித்தார்.
சிறப்பு விருந்தினராகப் பங்கேற்று, லேபை திறந்து வைத்து புதுதில்லி இந்திய கவுன்சில் ஆப் சோஷியல் சயின்ஸ் ரிசர்ச் உறுப்பினரும், பாரதியார் பல்கலைக் கழக சிண்டிகேட் உறுப்பினருமான பேராசிரியர் கனகசபாபதி பேசியது:
மாணவர்கள் புத்தகப் படிப்போடு நின்று விடமால், செயல்வழிக் கற்றலை மேம்படுத்தும் வகையில் இந்த சோதனைக் கூடம் அமைந்துள்ளது.
மாணவர்கள் அனைவரும் இச்சோதனை கூடம் வாயிலாக அறிவியல் சார்ந்த படைப்புகளை செய்து, புதிய அறிவியல் படைப்புகளை உருவாக்குபவர்களாக உருவாக வேண்டும் என்றார் அவர். நிகழ்ச்சியில், பள்ளி முதல்வர்கள் கோமதி, பிரமிளா, பாரதிய ஜனதா கட்சி மாவட்டத் தலைவர் இளங்கோவன், சிவராஜ் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-trichy/perambalur/2018/oct/16/ஸ்ரீராமகிருஷ்ணா-மெட்ரிக்-பள்ளியில்-சோதனைக்-கூடம்-திறப்பு-3021310.html
3021309 திருச்சி பெரம்பலூர் மணல் திருட்டில் ஈடுபட்ட 4 பேர் கைது DIN DIN Tuesday, October 16, 2018 03:23 AM +0530
பெரம்பலூர் மாவட்டம், மங்கலமேடு அருகே மணல் திருட்டில் ஈடுபட்ட 4 பேரைப் போலீஸார் திங்கள்கிழமை கைது செய்தனர். இச்சம்பவத்தில் தொடர்புடைய 2 பொக்லைன் இயந்திரங்கள், 2 டிப்பர் லாரிகளும் பறிமுதல் செய்யப்பட்டன.
பெரம்பலூர் மாவட்டத்தில் வெள்ளாறு, கோனேரி ஆறு, மருதையாறு ஆகிய நீர் நிலைகளில் மணல் திருட்டு நடைபெறுவதாகப் புகார் எழுந்துள்ளது. இதையடுத்து, போலீஸார் மற்றும் வருவாய்த் துறையினர் தீவிர ரோந்துப் பணியில் ஈடுபட்டு வருகின்றனர்.
இந்நிலையில், ஞாயிற்றுக்கிழமை இரவு தேவையூர் கிராம நிர்வாக அலுவலர் பெரியசாமி தலைமையிலான குழுவினர் ரோந்துப் பணியில் ஈடுபட்டபோது, கோனேரி ஆற்றில் பிரம்மதேசம், ரஞ்சன்குடி ஆகிய இடங்களில் மணல் திருட்டில் மர்ம நபர்கள் ஈடுபட்டது தெரியவந்தது.
இதையடுத்து, மணல் திருட்டில் ஈடுபட்ட மேலப்புலியூர் கிராமத்தைச் சேர்ந்த பிரதீப் (27), தொண்டப்பாடி கிராமத்தைச் சேர்ந்த நடராஜன் (37), பேரளி கிராமத்தைச் சேர்ந்த மணிகண்டன் (21), பிரம்மதேசத்தைச் சேர்ந்த இளவரசன் (30) ஆகியோரைக் கைது செய்து, மங்கலமேடு போலீஸாரிடம் ஒப்படைத்தனர். மேலும், மணல் திருட்டுக்குப் பயன்படுத்திய 2 பொக்லைன் இயந்திரங்கள், 3 டிப்பர் லாரிகள் பறிமுதல் செய்து போலீஸாரிடம் ஒப்படைத்தனர்.

 

]]>
http://www.dinamani.com/all-editions/edition-trichy/perambalur/2018/oct/16/மணல்-திருட்டில்-ஈடுபட்ட-4-பேர்-கைது-3021309.html
3020703 திருச்சி பெரம்பலூர் கவிதை நூல்கள் இளைஞர்களின் வாழ்க்கை வழிகாட்டி DIN DIN Monday, October 15, 2018 09:39 AM +0530 கவிதை நூல்கள் இளைஞர்களின் வாழ்க்கை வழிகாட்டி என்றார் பதியம் இலக்கியச் சங்கமத்தின் ஒருங்கிணைப்பாளர் பேராசிரியர் க.தமிழ்மாறன்.
பெரம்பலூரில் பதியம் இலக்கியச் சங்கமத்தின் சார்பில் ஞாயிற்றுக்கிழமை நடைபெற்ற கவிதை நூல் மதிப்பீட்டரங்கத்துக்கு தலைமை வகித்த அவர் மேலும் பேசியது: இளைய தலைமுறையினரின் காதல், ஏக்கங்களின் எதிர்பார்ப்புகளின் வடிகாலாய் கவிதை திகழ்கிறது. கவிதை நூல் இளைஞர்களின் வாழ்க்கை வழிகாட்டி. உலகில் தற்போது கவிதை தான் மேலோங்கிப் பறக்கும் மின்மினிப் பூச்சிகள். கவிதைகளை வாசிப்போம், கவிதையாய் வாழ்வோம் என்றார் க.தமிழ்மாறன்.   
சிறப்பு விருந்தினராக பங்கேற்ற நிர்வாகம், தன்னம்பிக்கை பயிற்சியாளர் கவிஞர் ச. மாரிமுத்து பேசியது: கவிதை மனித வாழ்வில் உன்னத இலக்கியம். மனித வாழ்வைத் தடம் புரளாமல் அழைத்துச் செல்லும் ஆற்றல் படைத்தது. எல்லா மனிதர்களுக்கும் பொருந்துகிற செயல்களைக் கவிதைகள் வெளிப்படுத்துகின்றன. பாரதியார் கவிதைகள், கவிதை இயற்றும் இளையத் தலைமுறைக்கு முன்மாதிரியாக அமைந்துள்ளது. மனதில் பட்டதை எழுதும் ஆற்றலை நாம் வளர்த்துக் கொள்ள வேண்டும் என்றார் அவர். புலவர் இரா.கூத்தரசன் முன்னிலையில், பல்வேறு கவிஞர்கள் எழுதிய நூல்கள் மதிப்பீடு செய்து பலர் பேசினர். இரூர் அரசு மேல்நிலைப்பள்ளி தலைமை ஆசிரியர் மலர்க்கொடி, வேப்பந்தட்டை அரசு கலைக் கல்லூரி ஆங்கிலத்துறைத் தலைவர் க.மூர்த்தி, வரலாற்று ஆய்வாளர் ஜெயபால் ரத்தினம், தமிழாசிரியர் சுனில் சகாயராஜ், கவிஞர்கள் அகவி, சுரேஷ்குமார், செந்தில்குமரன், தேவன்பு, முனைவர் பட்ட ஆய்வாளர் வசந்தி உள்ளிட்டோர் பங்கேற்றனர். முன்னதாக, முதுகலை மாணவி சந்திரலேகா வரவேற்றார். 
ஆய்வியல் நிறைஞர் மாணவி வெண்ணிலா நன்றி கூறினார்.
 

]]>
http://www.dinamani.com/all-editions/edition-trichy/perambalur/2018/oct/15/கவிதை-நூல்கள்-இளைஞர்களின்-வாழ்க்கை-வழிகாட்டி-3020703.html
3020702 திருச்சி பெரம்பலூர் கடன்களை தள்ளுபடி செய்ய விவசாயிகள் சங்கம் கோரிக்கை DIN DIN Monday, October 15, 2018 09:38 AM +0530 வறட்சியால் பாதிக்கப்பட்டுள்ள விவசாயிகளின் கடன்களை தள்ளுபடி செய்ய தமிழ்நாடு விவசாயிகள் சங்க மாவட்ட மாநாட்டில் வலியுறுத்தப்பட்டது.
பெரம்பலூர் பழைய பேருந்து நிலையம் அருகே தமிழ்நாடு விவசாயிகள் சங்கத்தின் பெரம்பலூர் மாவட்ட மாநாடு ஞாயிற்றுக்கிழமை நடைபெற்றது. மாவட்டத் தலைவர் வீ.ஞானசேகரன் தலைமை வகித்தார். 
ஒடுக்கப்பட்டோர் வாழ்வுரிமை இயக்க சட்ட ஆலோசகர் வழக்குரைஞர் ப.காமராசு, இந்திய கம்யூனிஸ்ட் கட்சியின் மாவட்ட துணைச் செயலாளர்கள் அ.ராஜேந்திரன், நா.தியாகராசன் ஆகியோர் முன்னிலை வகித்தனர். மாவட்டச் செயலாளர் வி.ஜெயராமன் அறிக்கை வாசித்தார். தமிழ்நாடு விவசாயிகள் சங்கத்தின் மாநில துணைச் செயலாளர் பி.எஸ்.மாசிலாமணி, விவசாயிகள் தற்போதைய பிரச்னைகள், கோரிக்கைகள் குறித்து விளக்கி பேசினார்.  விவசாய நிலங்கள், பொதுமக்கள் பயன்பெறும் வகையில், காவிரியில் இருந்து முசிறி வழியாக பெரம்பலூர் மாவட்டத்துக்கு தண்ணீர் கொண்டுவர புதிதாக கால்வாய் அமைக்கும் திட்டத்தை செயல்படுத்த வேண்டும். வறட்சியால் பாதிக்கப்பட்ட விவசாயிகளின் அனைத்து விதமான கடன்களை நிபந்தனையின்றி முழுமையாக ரத்துசெய்ய வேண்டும். விவசாய மின் இணைப்புக் கோரி காத்திருக்கும் விவசாயிகளுக்கு உடனடியாக மின் இணைப்புகள் வழங்க வேண்டும். 
பொதுப்பணித் துறையினரின் கட்டுப்பாட்டில் உள்ள ஏரி, மதகுகள், வரத்து வாய்க்கால்களை சீரமைத்து மராமத்துப் பணிகளை முறையாக நிறைவேற்ற வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன. முடிவில், மாவட்டப் பொருளாளர் கே.கோவிந்தன் நன்றி கூறினார்.   
 

]]>
http://www.dinamani.com/all-editions/edition-trichy/perambalur/2018/oct/15/கடன்களை-தள்ளுபடி-செய்ய-விவசாயிகள்-சங்கம்-கோரிக்கை-3020702.html
3020701 திருச்சி பெரம்பலூர் வாக்காளர் பட்டியல் சுருக்க திருத்த சிறப்பு முகாம் DIN DIN Monday, October 15, 2018 09:38 AM +0530 பெரம்பலூர் மாவட்டத்திற்குள்பட்ட வாக்குச்சாவடி மையங்களில் வாக்காளர் பட்டியலில் பெயர் சேர்த்தல், நீக்கம், முகவரி மாற்றம் உள்ளிட்ட பணிகளுக்கான சிறப்பு முகாம் ஞாயிற்றுக்கிழமை நடைபெற்றது. 
18 வயது பூர்த்தியடைந்தவர்களை வாக்காளர் பட்டியலில் சேர்ப்பதற்கும், வரைவு வாக்காளர் பட்டியலில் பெயர் திருத்தம், நீக்கம், முகவரி மாற்றம் உள்ளிட்ட பணிகள் மேற்கொள்ள சம்பந்தப்பட்ட வாக்குச்சாவடி மையங்களில் சிறப்பு முகாம் நடத்தப்படுமென அறிவிக்கப்பட்டது. அதனடிப்படையில், பெரம்பலூர் சட்டப்பேரவை தொகுதியில் 332 வாக்குக் சாவடிகள், குன்னம் தொகுதியில் 320 வாக்குச்சாவடி மையங்களில் சிறப்பு முகாம்கள் நடைபெற்றது. இறுதி வாக்காளர் பட்டியல் 2019 ஜனவரி 4ஆம் தேதி வெளியிடப்பட உள்ளது.
 

]]>
http://www.dinamani.com/all-editions/edition-trichy/perambalur/2018/oct/15/வாக்காளர்-பட்டியல்-சுருக்க-திருத்த-சிறப்பு-முகாம்-3020701.html
3020700 திருச்சி பெரம்பலூர் அரும்பாவூரில் பாரம்பரிய நாட்டுமரக்கன்று நடுதல் நிகழ்ச்சி DIN DIN Monday, October 15, 2018 09:38 AM +0530 அரும்பாவூரில் பசுமை காப்பகம் சுற்றுச்சூழல் அமைப்பு சார்பில் பனைவிதைப்பு மற்றும் பாரம்பரிய நாட்டு மரக்கன்றுகள் ஞாயிற்றுக்கிழமை நடப்பட்டது.
பெரம்பலூர் மாவட்டம், வேப்பந்தட்டை வட்டம், அரும்பாவூரில் பசுமை காப்பகம் சுற்றுச்சூழல் அமைப்பு சார்பில் அப்பகுதி இளைஞர்கள், வணிகர்கள், பொதுமக்கள் ஒன்றிணைந்து சுற்றுச்சூழல் பாதுகாத்தல் மற்றும் மேம்படுத்தும் பல்வேறு நடவடிக்கைகளில் ஈடுபட்டு வருகின்றனர். 
இந்நிலையில், இந்த அமைப்பு சார்பில் அரும்பாவூர் பெரியசாமி கோயில் காட்டுப் பகுதியில் மரக்கன்றுகள் நடும் நிகழ்ச்சி ஞாயிற்றுக்கிழமை நடைபெற்றது. பசுமை காப்பக ஒருங்கிணைப்பாளர் சுப்புராயன் ரமேஷ்  தலைமை வகித்தார். துணைத்தலைவர் உமர் கத்தாப், பொருளாளர் மாது, துணைச் செயலர் ரகுபதி ஆகியோர் முன்னிலை வகித்தனர். 
மரம் வளர்ப்பதன் அவசியம் குறித்தும், குறிப்பாக பாரம்பரிய நாட்டு மரங்கள் வளர்ப்பதன் முக்கியத்துவம் குறித்து அப்பகுதி மக்களிடம் விழிப்புணர்வு பிரசாரம் மேற்கொள்ளப்பட்டது.
தொடர்ந்து, புளி, நாவல், வாகை, இலுப்பை, கொடுக்காபுளி, வில்வம், தேக்கு உள்ளிட்ட பாரம்பரிய மரக்கன்றுகள், பனை விதைகள் நடப்பட்டன. இதில் பங்கேற்றவர்களுக்கு இயற்கை முறையில் தயாரிக்கப்பட்ட சர்கக்ரை பொங்கல், சுண்டல் ஆகிய உணவுப் பொருள்கள் வழங்கப்பட்டன.  செயலர் சதீஸ், பொறுப்பாளர்கள் ரகுபதி, வசந்தன் உள்ளிட்டோர் பங்கேற்றனர்.
அரியலூர்: அரியலூர் மாவட்டம், வெங்கனூர் கிராமத்தில் மறைந்த முன்னாள் குடியரசுத் தலைவர் அப்துல்கலாம் பிறந்த நாளையொட்டி இளைஞர்கள் சார்பில் மரக்கன்றுகள் நடும் விழா சனிக்கிழமை நடைபெற்றது.
வெங்கனூர் அரசு உயர்நிலைப்பள்ளி, ஆரம்ப சுகாதார நிலைய வளாகத்தில் நடைபெற்ற நிகழ்ச்சிக்கு கோட்டாட்சியர் நா.சத்தியநாராயணன் தலைமை வகித்து மரக்கன்றுகளை நட்டார். வட்டாட்சியர் முத்துலட்சுமி முன்னிலை வகித்தார்.
5,000 மரக்கன்றுகள் நட இலக்கு நிர்ணயிக்கப்பட்டது. அறம் செய விரும்பு இளைஞர்கள் குழு ஒருங்கிணைப்பாளர்கள் வெ.பிரபாகர், க.முருகானந்தம், மக்கள் சேவை இயக்கத் தலைவர் தங்க.சண்முகசுந்தரம், தமிழ்நாடு கரும்பு விவசாயிகள் சங்க மாவட்டத் தலைவர் மூ.மணியன், ஆசிரியர் சரவணமுருகன், பள்ளி மாணவர்கள், ஆசிரியர்கள், கிராமமக்கள் பங்கேற்றனர்.

]]>
http://www.dinamani.com/all-editions/edition-trichy/perambalur/2018/oct/15/அரும்பாவூரில்-பாரம்பரிய-நாட்டுமரக்கன்று-நடுதல்-நிகழ்ச்சி-3020700.html
3020699 திருச்சி பெரம்பலூர் முதல்வர் விருதுபெற விளையாட்டு வீரர்களுக்கு அழைப்பு DIN DIN Monday, October 15, 2018 09:37 AM +0530 முதல்வரின் மாநில அளவிலான விளையாட்டு விருது பெற தகுதியானவர்களுக்கு அழைப்பு விடுக்கப்பட்டுள்ளது.  
இதுகுறித்து மாவட்ட இளைஞர் நலன் மற்றும் விளையாட்டு அலுவலரால் ஞாயிற்றுக்கிழமை வெளியிடப்பட்ட செய்திக் குறிப்பு: 
ஆண்டுதோறும் பன்னாட்டு, தேசிய அளவில் பதக்கங்கள் பெற்று சிறந்து விளங்கும் தலா 2 ஆண், பெண் விளையாட்டு வீரர்கள், சிறந்த பயிற்றுநர்கள், 2 சிறந்த உடற்கல்வி இயக்குநர், உடற்கல்வி ஆசிரியர்களுக்கு முதலமைச்சர் விளையாட்டு விருது பரிசாக தலா ரூ.1 லட்சம் வீதம், ரூ.10 லட்சம் மதிப்பிலான தங்கப்பதக்கம், பாராட்டுப் பத்திரம் இளைஞர் நலன் மற்றும் விளையாட்டு மேம்பாட்டுத் துறையால் வழங்கப்பட்டு வருகிறது. இதுதவிர, விளையாட்டுப் போட்டிகளை நடத்தும் தலா ஒரு நடத்துநர், நிர்வாகி, ஆதரவளிக்கும் நிறுவனம், நன்கொடையாளர், ஆட்ட நடுவர், நடுவர், நீதிபதி ஆகியோருக்கு முதலமைச்சர் விளையாட்டு விருது வழங்கப்படுகிறது. மேற்கண்ட விருது ரூ.10 ஆயிரத்துக்கு மிகாமல் தங்கப் பதக்கம், பாராட்டுச் சான்றிதழ் வழங்கப்படுகிறது.  
விருது வழங்குவதற்கு முந்தைய 2 ஆண்டு செயல்பாடுகள் கணக்கில் எடுத்துக் கொள்ளப்படும். பெண்கள், பட்டியல் இனத்தவர்கள், பழங்குடியினர்களுக்கு முன்னுரிமை அளிக்கப்படும்.
இத்திட்டத்தின்படி, தமிழ்நாட்டில் வாழ்ந்து சாதனைகள் படைத்த தலைசிறந்த விளையாட்டு வீரர்கள், பன்னாட்டு அளவில் அங்கீகரிக்கப்பட்ட விளையாட்டுகளில் தனிநபர் போட்டியில் முதல் 3 இடங்களிலும், குழுப் போட்டிகளில் முதல் மற்றும் 2 ஆம் இடம் பெற்றிருக்க வேண்டும். இதற்கான விண்ணப்பம் மற்றும் விரிவான விதிமுறைகளை தமிழ்நாடு விளையாட்டு மேம்பாட்டு ஆணைய இணையதளத்தில் w‌w‌w.‌s‌d​a‌t.‌t‌n.‌g‌o‌v.‌i‌n தெரிந்து கொள்ளலாம்.

]]>
http://www.dinamani.com/all-editions/edition-trichy/perambalur/2018/oct/15/முதல்வர்-விருதுபெற-விளையாட்டு-வீரர்களுக்கு-அழைப்பு-3020699.html
3020102 திருச்சி பெரம்பலூர் ஆங்கில பாடப் புத்தகத்தில் பெரம்பலூர் அரசுப் பள்ளி மாணவி DIN DIN Sunday, October 14, 2018 09:42 AM +0530 தமிழக அரசின் 6 ஆம் வகுப்பு, 2 ஆம் பருவ ஆங்கில பாடப் புத்தக்கத்தில், தேசிய டேக்வாண்டோ போட்டியில் வெற்றிபெற்ற பெரம்பலூர் அரசுப் பள்ளி மாணவியின் சாதனை குறித்த விவரங்கள் படத்துடன் வெளியிடப்பட்டுள்ளது.
மதுரை மாவட்டம், பேரையூர் வட்டம், உசிலம்பட்டி அருகேள்ள மேலதிருமாணிக்கம் கிராமத்தைச் சேர்ந்த சுப்பையா- சந்தனம் தம்பதியின் மகள் ராஜமாணிக்கம் (17).  மிகவும் ஏழ்மையான குடும்பத்தைச் சேர்ந்த இவர், டி.ராமநாதபுரத்தில் உள்ள அரசு உயர்நிலைப் பள்ளியில் பயிலும்போது தடகளம், கால்பந்து மற்றும் டேக்வாண்டோ ஆகிய போட்டிகளில் பங்கேற்றார்.  போதிய பயிற்சி வேண்டி, 10 ஆம் வகுப்பு முடித்த பின்னர், பெரம்பலூரில் உள்ள அரசு மகளிர் விளையாட்டு விடுதியில் தங்கி பெரம்பலூர் அரசு மேல்நிலைப் பள்ளியில் படித்து வருகிறார். நிகழாண்டில் பிளஸ்-2 படித்து வரும் ராஜமாணிக்கம், கடந்த ஜனவரி மாதம் கேரள மாநிலம், கண்ணூரில் நடைபெற்ற பள்ளி மாணவிகளுக்கான 19 வயதுக்குள்பட்ட தேசிய டேக்வாண்டோ போட்டியில், தமிழ்நாடு சார்பில் பங்கேற்று 40 முதல் 42 கிலோ எடை பிரிவில் விளையாடி 3 ஆம் இடம் பெற்று வெண்கலப் பதக்கம் வென்றார். 
தமிழ்நாடு பாடநூல் கழகத்தால் புதிய பாடத்திட்டத்தின் கீழ் வெளியிடப்பட்டுள்ள 6 ஆம் வகுப்பு 2 ஆம் பருவ ஆங்கில பாடப்புத்தகத்தின் 109 ஆவது பக்கத்தில் தேசிய டேக்வாண்டோ போட்டியில் சாதனை படைத்த பெரம்பலூர் அரசு மேல்நிலைப்பள்ளி மாணவி ராஜமாணிக்கம்  இடம்பெற்றுள்ளார். இம்மாணவி வரும் 16 ஆம் தேதி சென்னையில் தமிழக முதல்வரை சந்தித்து பாராட்டு பெற உள்ளதையடுத்து, மாணவியை பெரம்பலூர் தொகுதி எம்எல்ஏ இரா. தமிழ்ச்செல்வன், மாவட்ட விளையாட்டு அலுவலர் ம. ராமசுப்ரமணியராஜா, டேக்குவாண்டோ பயிற்சியாளர் தர்மராஜன் ஆகியோர் பாராட்டினர்.

]]>
http://www.dinamani.com/all-editions/edition-trichy/perambalur/2018/oct/14/ஆங்கில-பாடப்-புத்தகத்தில்-பெரம்பலூர்-அரசுப்-பள்ளி-மாணவி-3020102.html
3019980 திருச்சி பெரம்பலூர் பெரம்பலூரில் மண்டல அளவிலான தடகளப் போட்டிகள் DIN DIN Sunday, October 14, 2018 08:28 AM +0530 பெரம்பலூர் மண்டல அளவிலான 61-ஆவது குடியரசு தின தடகளப் போட்டிகள் வெள்ளிக்கிழமை நடைபெற்றது.  
பெரம்பலூர் மாவட்ட பள்ளிக் கல்வித்துறை மற்றும் உடற்கல்வித்துறை சார்பில், பெரம்பலூர் மண்டல அளவிலான 61-ஆவது குடியரசு தின தடகளப் போட்டிகளை பாரத ரத்னா புரட்சித் தலைவர் டாக்டர் எம்.ஜி.ஆர். விளையாட்டு அரங்கில் வெள்ளிக்கிழமை நடைபெற்றது. 
போட்டிகளை, பெரம்பலூர் தொகுதி சட்டப்பேரேவை உறுப்பினர் இரா. தமிழ்ச்செல்வன், சிதம்பரம் தொகுதி மக்களவை உறுப்பினர் மா.  சந்திரகாசி ஆகியோர் தொடக்கி வைத்தனர்.  இதில், பெரம்பலூர், அரியலூர், கரூர் ஆகிய மாவட்டங்களைச் சேர்ந்த 880 வீரர், வீராங்கனைகள் கலந்து கொண்டனர்.   100 மீ., 200 மீ., 400 மீ., ஓட்டம், 4 100 ரிலே, நீளம் தாண்டுதல், உயரம் தாண்டுதல், குண்டு எறிதல், கோலூன்றி தாண்டுதல் உள்ளிட்ட 10 வகையான போட்டிகள் 14, 17, 14, 19 வயதுக்குள்பட்ட மாணவ, மாணவிகளுக்கு தனித்தனியாக நடத்தப்பட்டது.  தொடர்ந்து, இப்போட்டிகளில் வெற்றி பெற்ற மாணவ, மாணவிகளுக்கு பாராட்டுச் சான்றிதழ் வழங்கப்பட்டது.  
முதல் 2 இடங்களைப் பிடித்தவர்கள் மாநில தடகளப் போட்டிகளில் பங்கேற்கத் தகுதிபெற்றுள்ளனர்.   நிகழ்ச்சியில், முதன்மைக் கல்வி அலுவலர் (பொ) புகழேந்தி, மாவட்டக் கல்வி அலுவலர்கள் அம்பிகாபதி (பெரம்பலூர்), செந்தமிழ்ச்செல்வி (வேப்பூர்), 
உடற்கல்வி ஆய்வாளர்கள் கஜேந்திரன் (அரியலூர்), அமலிடெய்சி (கரூர்), மாவட்ட விளையாட்டு மற்றும் இளைஞர் நலன் அலுவலர் ம. ராமசுப்ரமணியராஜா உள்ளிட்ட பலர் கலந்து கொண்டனர்.


 

]]>
http://www.dinamani.com/all-editions/edition-trichy/perambalur/2018/oct/14/பெரம்பலூரில்-மண்டல-அளவிலான-தடகளப்-போட்டிகள்-3019980.html
3019979 திருச்சி பெரம்பலூர் குறவர் இன மக்களை பழங்குடியினர் பட்டியலில் சேர்க்க வலியுறுத்தல் DIN DIN Sunday, October 14, 2018 08:28 AM +0530 குறவர் இன மக்களை பழங்குடியினர் பட்டியலில் இணைக்க வேண்டும் என தமிழ்நாடு மலைவாழ் மக்கள் சங்கத்தினர் வலியுறுத்தியுள்ளனர். 
பெரம்பலூர் புறநகர்ப் பகுதியான துறைமங்கலத்தில் உள்ள மார்க்சிஸ்ட் கம்யூனிஸ்ட் கட்சி அலுவலகத்தில், தமிழ்நாடு மலைவாழ் மக்கள் சங்கத்தின் பெரம்பலூர் கிளை நிர்வாகிகள் ஆலோசனைக் கூட்டம் சனிக்கிழமை நடைபெற்றது. கூட்டத்துக்கு, சங்க நிர்வாகி இரா. கோகுலகிருஷ்ணன் தலைமை வகித்தார். த. பிரபி முன்னிலை வகித்தார்.
மாநில துணைச் செயலர் ஏ.வி. சண்முகம், தமிழ்நாடு விவசாயிகள் சங்க பெரம்பலூர் மாவட்ட செயலர் என். செல்லதுரை ஆகியோர் கோரிக்கைகளை விளக்கி பேசினர். 
இதில், குறவன் இன மக்களை பழங்குடியின பட்டியலில் (எஸ்.டி) இணைத்திட வேண்டும். குறவன் இன மக்கள் அனைவருக்கும் தொகுப்பு வீடு வழங்க வேண்டும். அனைத்து குறவன் இன இளைஞர்களுக்கும் அரசு வேலை வழங்க நடவடிக்கை எடுக்க வேண்டும். குறவன் இன முதியோர்களுக்கு ஓய்வூதியம் ரூ. 1,000 வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டது.
கூட்டத்தில், சிஐடியூ மாவட்டச் செயலர் ஆர். அழகர்சாமி உள்பட பலர் பங்கேற்றனர்.


 

]]>
http://www.dinamani.com/all-editions/edition-trichy/perambalur/2018/oct/14/குறவர்-இன-மக்களை-பழங்குடியினர்-பட்டியலில்-சேர்க்க-வலியுறுத்தல்-3019979.html
3019978 திருச்சி பெரம்பலூர் டெங்கு முன்னெச்சரிக்கை பணிகள்: ஆட்சியர் ஆய்வு DIN DIN Sunday, October 14, 2018 08:27 AM +0530 டெங்கு கொசு உற்பத்தியாவதை தடுக்கும் வகையில், நகராட்சிக்குள்பட்ட 4 ஆவது வார்டில் உள்ள குடியிருப்பு பகுதிகளில் மேற்கொள்ளப்படும் சுகாதாரப் பணிகள் குறித்து சனிக்கிழமை 
பார்வையிட்டு ஆய்வு மேற்கொண்டார் மாவட்ட ஆட்சியர் வே. சாந்தா. 
ஆய்வில், பெரம்பலூர் நகராட்சிக்குள்பட்ட 4  ஆவது வார்டில் உள்ள வணிக நிறுவனங்கள், குடியிருப்பு பகுதிகள், வாகனங்கள் நிறுத்துமிடம், தண்ணீர் பிடித்து வைக்கும் பாத்திரங்கள் உள்ளிட்டவை முறையாக சுத்தம் செய்யப்படுகிறதா, மழைக்காலங்களில் குடியிருப்பு பகுதிகளைச் சுற்றி மழைநீர் தேங்கியுள்ளதா என்பது குறித்து ஆய்வு மேற்கொண்ட ஆட்சியர், வீடுகளில் தண்ணீர் சேமித்து வைக்கும் பாத்திரங்கள், தொட்டிகளை 3 நாள்களுக்கு ஒருமுறை பிளீச்சிங் பவுடர் கொண்டு கழுவி உலரவைத்து தண்ணீர் பிடிக்க வேண்டும். 
பிளிச்சிங் பவுடர் கொண்டு மேல்நிலை தொட்டிகளை சுத்தம் செய்வதால், தொட்டிகளில் உள்ள பாசிகளில் ஒட்டிக்கொண்டிருக்கும் கொசுவின் முட்டைகள் அழிக்கப்படும். 
பொதுமக்கள் இதைக் கருத்தில் கொண்டு, தங்களது வீடு மற்றும் சுற்றப்புறங்களில் உள்ள பிளாஸ்டிக், உடைந்த மண்பானைகள் மற்றும் பயன்படுத்தாத டயர்கள் உள்ளிட்டவைகளில் மழைநீர் தேங்காமல் அவற்றை அகற்றி, சுற்றுப்புறங்களை சுத்தமாக பராமரிக்க வேண்டும் என்றார் ஆட்சியர் சாந்தா. 
ஆய்வின்போது, வருவாய் கோட்டாட்சியர் விஸ்வநாதன், ஊராட்சிகள் உதவி இயக்குநர் பாரதிதாசன் ஆகியோர் உடனிருந்தனர்.

]]>
http://www.dinamani.com/all-editions/edition-trichy/perambalur/2018/oct/14/டெங்கு-முன்னெச்சரிக்கை-பணிகள்-ஆட்சியர்-ஆய்வு-3019978.html
3019471 திருச்சி பெரம்பலூர் அரசு ஆரம்ப சுகாதார நிலையம் கோரி  28 ஆண்டுகளாகக் காத்திருக்கும் மக்கள் DIN DIN Saturday, October 13, 2018 09:41 AM +0530 பெரம்பலூர் மாவட்டம், வேப்பூர் ஒன்றியம், கீழப்பெரம்பலூர் ஊராட்சியில் அரசு ஆரம்ப சுகாதார நிலையம் அமைக்கக் கோரி 28 ஆண்டுகளாக தொடர் முயற்சிகள் மேற்கொண்டும், எவ்வித நடவடிக்கையும் இல்லாததால் அப்பகுதி பொதுமக்கள் அதிருப்தியில் உள்ளனர்.
10.7.1990-இல் ஒருங்கிணைந்த திருச்சி மாவட்டமாக இருந்தபோதே, கீழப்பெரம்பலூரில் கூடுதல் அரசு ஆரம்ப சுகாதார நிலையம் அமைக்க, அப்போதைய லப்பைக்குடிகாடு ஆரம்ப சுகாதார நிலைய மருத்துவ அலுவலரால், முறையான ஆவணங்கள் அரசுக்கு அனுப்பப்பட்டன. கூடுதல் ஆரம்ப சுகாதார நிலையம் அமைப்பதற்காக 5 ஏக்கர் நிலத்தை ஒதுக்கீடு செய்து, கீழப்பெரம்பலூர் ஊராட்சி நிர்வாகமும் தீர்மானம் நிறைவேற்றியது.  இதற்கான பங்களிப்பாக ரூ. 10 ஆயிரம் நிதி ஒதுக்கீடு செய்து வேப்பூர் ஊராட்சி ஒன்றியம் தீர்மானம் நிறைவேற்றியது. இந்த நிதி பொதுமக்கள் சார்பில் 22.8.1996 -இல் அரசுக்கு செலுத்தப்பட்டது. ஆனால், ஆரம்ப சுகாதார நிலையம் தொடங்காமல் தள்ளிப்போனது. ஆரம்ப சுகாதார நிலையம் அமைக்க மாவட்ட நிர்வாகமும், தமிழக அரசும் எவ்வித நடவடிக்கை எடுக்கவில்லை.
இதுகுறத்து, கீழப்பெரம்பலூரைச் சேர்ந்த இளமுருகன் கூறியது: இங்கிருந்து 13 கி.மீ தொலைவு பயணித்தே லப்பைக்குடிகாடு அரசு ஆரம்ப சுகாதார நிலையம் சென்று வருகிறோம். இந்தத் தொலைவைக் கடக்கும் இடைப்பட்ட நேரத்தில் அவசர சிகிச்சை தேவைப்படும் பலர் உரிய நேரத்தில் சிகிச்சை கிடைக்காமல் உயிரிழந்து வருகின்றனர். எங்கள் பிரச்னையை அரசு அதிகாரிகளும், மக்களவை மற்றும் சட்டப்பேரவை உறுப்பினர்கள் உள்ளிட்ட மக்கள் பிரதிநிதிகளும் புரிந்துகொள்ள மறுக்கிறார்கள். மக்கள்தொகை குறைந்த, குறைவான தொலைவு இடைவெளி உள்ள கிராமங்களில் கூட ஆரம்ப சுகாதார நிலையம் உள்ளது. ஆனால், அரசு நிர்ணயித்துள்ள தகுதிகள் பல இருந்தும் கீழப்பெரம்பலூரில் ஆரம்ப சுகாதார நிலையம் அமைக்கப்படவில்லை. எனவே, எங்கள் பகுதி கிராம மக்களின் நலனை தமிழக அரசு கருத்தில்கொள்ள வேண்டும் என்றார் அவர்.
 

]]>
http://www.dinamani.com/all-editions/edition-trichy/perambalur/2018/oct/13/அரசு-ஆரம்ப-சுகாதார-நிலையம்-கோரி-28-ஆண்டுகளாகக்-காத்திருக்கும்-மக்கள்-3019471.html
3019470 திருச்சி பெரம்பலூர் பெரம்பலூரில் அரசு மகளிர்  உயர்நிலைப் பள்ளி தொடக்கம் DIN DIN Saturday, October 13, 2018 09:41 AM +0530 பெரம்பலூர் அரசு மேல்நிலைப் பள்ளியில் இருந்து  அரசு மகளிர் உயர்நிலைப் பள்ளி என தனியாக தொடங்கப்பட்டுள்ளது என்றார் பெரம்பலூர் தொகுதி சட்டப்பேரவை உறுப்பினர் இரா. தமிழ்ச்செல்வன்.
பெரம்பலூர் அரசு மேல்நிலைப் பள்ளியைப் பிரித்து அரசு மகளிர் உயர்நிலைப் பள்ளி என தனியாக இயங்க தமிழக அரசு உத்தரவு பிறப்பித்தது. அதன்படி, மகளிர் உயர்நிலைப்பள்ளி தொடக்க விழா வெள்ளிக்கிழமை நடைபெற்றது. இவ்விழாவில் பங்கேற்ற அவர் மேலும் பேசியது:   75 ஆண்டுகளுக்கு மேலாக இயங்கி வரும் இப்பள்ளியில், பெண்களுக்கென உயர்நிலைப் பள்ளி அமைக்க உத்தரவிட்ட அரசுக்கு தொகுதி மக்கள் சார்பில் நன்றியைத் தெரிவித்துக் கொள்கிறேன். எனது பங்களிப்பாக ரூ. 50 ஆயிரமும்,  பெற்றோர் ஆசிரியர் கழக உறுப்பினரான குன்னம் சட்டப்பேரவை உறுப்பினர் ஆர்.டி. ராமச்சந்திரன் ரூ. 50 ஆயிரமும் வழங்கி இப்பள்ளி தொடங்கப்பட்டுள்ளது. இதேபோல, விரைவில் பாடாலூரில் மாதிரிப் பள்ளி தொடங்குவதற்கான அறிவிப்பு வெளியாகும். மேலும் இப்பள்ளியின் மேம்பாட்டுக்காக ரூ. 5 லட்சத்தை வழங்க உள்ளேன் என்றார் அவர்.   விழாவில், மாவட்ட ஆட்சியர் வே. சாந்தா, முதன்மைக் கல்வி அலுவலர் முனைவர் அ. புகழேந்தி, மாவட்டக் கல்வி அலுவலர் (பொ) பெ. அம்பிகாபதி, வேப்பூர் மாவட்ட கல்வி அலுவலர் (பொ) ப. செந்தமிழ்ச்செல்வி உள்பட மாணவர்கள் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/oct/13/பெரம்பலூரில்-அரசு-மகளிர்-உயர்நிலைப்-பள்ளி-தொடக்கம்-3019470.html
3019469 திருச்சி பெரம்பலூர் சுமை தூக்கும் தொழிலாளர் பணிக்கு விண்ணப்பிக்கலாம் DIN DIN Saturday, October 13, 2018 09:41 AM +0530 பெரம்பலூர், குன்னம் மற்றும் வேப்பந்தட்டை பொது விநியோகத் திட்ட கிடங்குகளில், தற்காலிக சுமை தூக்கும் பணிக்கு தகுதிவாய்ந்த தொழிலாளர்கள் அல்லது நிறுவனம் விண்ணப்பிக்கலாம்.
பொது விநியோகத் திட்ட தமிழ்நாடு நுகர்பொருள் வாணிபக் கழகம்,  பெரம்பலூர் மண்டல கட்டுப்பாட்டின் கீழ் செயல்படும் பெரம்பலூர், குன்னம் மற்றும் வேப்பந்தட்டை ஆகிய கிடங்குகளில் தற்காலிகமாக சுமை தூக்கும் பணியாளர்கள் நிபந்தனைகளுக்குள்பட்டு தேவைப்படுகிறார்கள்.  
பொது விநியோகத் திட்டத்துக்கான பொருள்களை ஏற்றுவது, இறக்குவதற்கு கழகம் நிர்ணயித்துள்ள கூலி வழங்கப்படும். மேலும், பணியாளர்கள் பணி நிரந்தரம் கோரக்கூடாது. 
தேர்வு செய்யப்படும் தொழிலாளர்கள் தேவைப்படும் நாள்களில் மட்டுமே அனுமதிக்கப்படுவார்கள். மேற்கண்ட நிபந்தனைக்குள்பட்ட நிறுவனமோ அல்லது தொழிலாளர்களோ அக்டோபர் 15 ஆம் தேதி மாலை 6 மணிக்குள் பெரம்பலூர் துணை மண்டல மேலாளரை நேரில் அணுகி மேலும் விவரங்களைத் தெரிந்து கொள்ளலாம்.

]]>
http://www.dinamani.com/all-editions/edition-trichy/perambalur/2018/oct/13/சுமை-தூக்கும்-தொழிலாளர்-பணிக்கு-விண்ணப்பிக்கலாம்-3019469.html
3019468 திருச்சி பெரம்பலூர் சமரச சுத்த சன்மார்க்க சங்க ஆண்டு விழா DIN DIN Saturday, October 13, 2018 09:40 AM +0530 பெரம்பலூர் அருகே சிறுவாச்சூரில் உள்ள சமரச சுத்த சன்மார்க்க சங்கத்தின் 83-ஆவது ஆண்டு விழா,  அருட்பிரகாச வள்ளலார் அவதார தின விழா வள்ளலார் மடத்தில் வெள்ளிக்கிழமை நடைபெற்றது.  
விழாவுக்கு, சன்மார்க்க சங்கத்தின் மாவட்ட கெளரவத் தலைவர் வழக்குரைஞர் பிரசன்னம் தலைமை வகித்தார். 
வள்ளலார் ஜயந்தியை முன்னிட்டு பள்ளி மாணவ, மாணவிகளுக்கு திருவருள்பா மற்றும் சன்மார்க்க கோட்பாடுகள் குறித்து பேச்சுப் போட்டி, திருவருள்பா பாடல்கள் ஒப்பித்தல் ஆகிய போட்டிகள் நடத்தப்பட்டு, வெற்றி பெற்றவர்களுக்கு பரிசுகள் வழங்கப்பட்டன.  தொடர்ந்து, சன்மார்க்க சங்க மாவட்டத் தலைவர் வழக்குரைஞர் சுந்தரராஜன் தலைமையில், சமுதாய சேவை அரங்க நிகழ்ச்சி நடைபெற்றது. இதில், திருச்சி பேராசிரியர் அமுதா ராமானுஜம் உள்பட சங்க நிர்வாகிகள் பலர் கலந்து கொண்டனர். சன்மார்க்க சங்கத் தலைவர் சந்திரசேகர் வரவேற்றார். ஓய்வுபெற்ற ஆசிரியர் நடேச சுப்ரமணியன் நன்றி கூறினார்.

]]>
http://www.dinamani.com/all-editions/edition-trichy/perambalur/2018/oct/13/சமரச-சுத்த-சன்மார்க்க-சங்க-ஆண்டு-விழா-3019468.html
3019467 திருச்சி பெரம்பலூர் மானியத்தில் வேளாண் இயந்திரங்கள் பெற விண்ணப்பிக்கலாம் DIN DIN Saturday, October 13, 2018 09:40 AM +0530 பெரம்பலூர் மாவட்டத்தைச் சேர்ந்த விவசாயிகள் வேளாண் இயந்திரமயமாக்கும் திட்டத்தின் கீழ், மானிய விலையில் வேளாண் இயந்திரங்கள் பெற ஆர்வமுள்ளோர் விண்ணப்பிக்க அழைப்பு விடுக்கப்பட்டுள்ளது.
வேளாண்மை பொறியியல் துறை மூலம், வேளாண் இயந்திரமயமாக்கும் திட்டத்தின் கீழ் 2018-19 ஆம் நிதியாண்டில் மானிய விலையில் வேளாண் இயந்திரங்கள், கருவிகள் வழங்குதல் மற்றும் வேளாண் இயந்திரங்கள், கருவிகள் வாடகைக்கு வழங்கும் மையம் மானிய விலையில் அமைத்தல் முதலான திட்டங்களை பெரம்பலூர் மாவட்டத்தில் செயல்படுத்த ரூ. 316.36 லட்சம் ஒதுக்கீடு செய்யப்பட்டுள்ளது.  
டிராக்டர்கள், பவர் டில்லர்கள், நெல் நடவு இயந்திரம், வைக்கோல் கட்டும் கருவி, கதிர் அறுக்கும் இயந்திரம், சுழல் கலப்பை, விசைக் களையெடுப்பான், விதைக்கும் கருவி, வரப்பு அமைக்கும் கருவி, நிலம் சமன் செய்யும் கருவி, தட்டை வெட்டும் கருவி, விசைத் தெளிப்பான், டிராக்டரால் இயங்கம் தெளிப்பான், துகளாக்கும் கருவி மற்றும் மனித சக்தியால் இயக்கப்படும் கருவிகள் மானிய உதவியுடன் வாங்கி பயன்பெறலாம்.
வட்டார அளவிலான அதிக விலையுள்ள வேளாண் இயந்திரங்களை விவசாயிகள் குறைந்த வாடகையில் பெற்றிட, வேளாண் இயந்திரங்கள் மற்றும் கருவிகள் வாடகைக்கு வழங்கும் மையங்கள் மானிய உதவியுடன் அமைக்கப்படுகிறது. விவசாயிகள், விவசாயக் குழுக்கள் அல்லது தொழில் முனைவோர் பயனாளிகள் ஆவர். ரூ. 25 லட்சம் மதிப்புடைய வாடகை மையங்கள் அமைக்க 40 சதவீத மானிய அடிப்படையில் அதிக பட்சமாக ரூ. 10 லட்சம் வரை மானியம் வழங்கப்படும்.
மானிய விலையில் கருவிகள் மற்றும் இயந்திரங்கள் பெற விரும்பும் விவசாயிகள் உழவன் செயலியில் பதிவு செய்து பயன்பெறலாம். மேலும் விவரங்களுக்கு வேளாண் உதவி செயற் பொறியாளர் அலுவலகத்தை அணுகலாம் என, வேளாண் துறையினரால் வெளியிடப்பட்ட செய்திக் குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-trichy/perambalur/2018/oct/13/மானியத்தில்-வேளாண்-இயந்திரங்கள்-பெற-விண்ணப்பிக்கலாம்-3019467.html
3019466 திருச்சி பெரம்பலூர் காங்கிரஸ் கட்சி நிர்வாகிகள் கலந்தாய்வுக் கூட்டம் DIN DIN Saturday, October 13, 2018 09:40 AM +0530 பெரம்பலூர் மாவட்ட காங்கிரஸ் கட்சியின் நிர்வாகிகள் கலந்தாய்வுக் கூட்டம், பெரம்பலூரில் வெள்ளிக்கிழமை நடைபெற்றது. 
கூட்டத்துக்கு, மாவட்டத் தலைவர் வழக்குரைஞர் டி. தமிழ்ச்செல்வன் தலைமை வகித்தார். மாவட்ட பொருளாளர் ஆசைத்தம்பி, பொதுக்குழு உறுப்பினர்கள் சிவாஜி மூக்கன், தங்கவேல் ஆகியோர் முன்னிலை வகித்தனர். 
சிறப்பு விருந்தினராக பங்கேற்ற அகில இந்திய காங்கிரஸ் செயலர் ஸ்ரீவெல்லபிரசாத் பேசியது: 
தற்போது நடைபெற்று வரும் பாரதிய ஜனதா கட்சி அரசின் மக்கள் விரோதப் போக்கு மற்றும் மத்திய அரசின் ஊழல்கள் குறித்து வீடுதோறும் காங்கிரஸ் கட்சியினர் திண்ணைப் பிரசாரம் செய்ய வேண்டும். கடந்த காங்கிரஸ் ஆட்சி காலத்தில் நடைபெற்ற மக்கள் நலத்திட்டங்கள், வேலைவாய்ப்புகள், நாட்டின் பொருளாதார நிலைமை உள்ளிட்ட பல்வேறு திட்டங்கள் குறித்து வாக்காளர்களுக்கு எடுத்துரைக்க வேண்டும். இதன்மூலம், காங்கிரஸ் கட்சிக்கு வாக்களிக்கச்செய்ய கட்சியினர் நடவடிக்கை எடுக்க வேண்டும்.  ஜி.எஸ்.டி-யால் பாதிக்கப்பட்ட இந்திய மக்கள், மோடி அரசை அகற்ற தேர்தலை எதிர்நோக்கி காத்திருக்கின்றனர். வரும் மக்களவைத் தேர்தலில் காங்கிரஸ் கட்சி பெரும்பான்மையான இடங்களில் வெற்றி பெற்று ஆட்சி அமைக்கும். ராகுல்காந்தி பிரதமர் ஆவார். இதற்காக, கட்சியின் நிர்வாகிகள் தொண்டர்கள் சிறப்பாக பணியாற்ற வேண்டும் என்றார் அவர். 
தொடர்ந்து, மக்களவை தேர்தலுக்காக பூத் கமிட்டி அமைத்தல், தேர்தலில் பணியாற்றுவது, காங்கிரஸ் கட்சியை வெற்றிபெறச் செய்வது, காங்கிரஸ் கட்சியின் திட்டப் பணிகளை பொதுமக்களிடையே கொண்டுசெல்வது குறித்து ஆலோசனை செய்யப்பட்டது. 
கூட்டத்தில், மகிளா காங்கிரஸ் மாநிலத் தலைவர் ஜான்சிராணி, மாநில பொதுச்செயலர் ராஜேந்திரன், வட்டாரத் தலைவர்கள் சின்னராஜ், கிருஷ்ணமூர்த்தி, ரமேஷ், ரெங்கராஜ் உள்பட பலர் கலந்துகொண்டனர். 
பெரம்பலூர் தொகுதி தலைவர் செந்தில் பிரசாந்த் வரவேற்றார். வழக்குரைஞர் பிரிவு மாவட்டத் தலைவர் ரஞ்சித்குமார் நன்றி கூறினார்.

]]>
http://www.dinamani.com/all-editions/edition-trichy/perambalur/2018/oct/13/காங்கிரஸ்-கட்சி-நிர்வாகிகள்-கலந்தாய்வுக்-கூட்டம்-3019466.html
3018891 திருச்சி பெரம்பலூர் இலவச மருத்துவ முகாம்:  206 மாற்றுத்திறன் குழந்தைகள் பங்கேற்பு DIN DIN Friday, October 12, 2018 09:49 AM +0530 பாடாலூரில் வியாழக்கிழமை நடைபெற்ற இலவச மருத்துவ முகாமில் 206 மாற்றுத்திறன் கொண்ட குழந்தைகள் பங்கேற்றன.
ஆலத்தூர் வட்டார வளமையத்துக்குள்பட்ட கிராமங்களில் உள்ள பிறந்த குழந்தை முதல் 18 வயது வரையுள்ள மாற்றுத்திறன் கொண்ட குழந்தைகளுக்கான இலவச மருத்துவ முகாம், பாடாலூர் அரசு மேல்நிலைப் பள்ளியில் வியாழக்கிழமை நடைபெற்றது.  முகாமை மாவட்டக் கல்வி அலுவலர் பெ. அம்பிகாபதி தொடக்கி வைத்தார்.  மொத்தம் 206 மாற்றுத்திறனுடைய குழந்தைகள் முகாமில் கலந்து கொண்டனர்.  முகாமில் சக்கர நாற்காலி 1, நடைப்பயிற்சி சாதனம் 4, முடநீக்கியல் சாதனம் 11, மனவளர்ச்சி குறையுடையோருக்கான கற்றல் கற்பித்தல் உபகரணங்கள் 10, கண் கண்ணாடி 1, சிறப்பு சக்கர நாற்காலி 9, செவித்துணைக் கருவி 7, மூன்று சக்கர வண்டி 1 என மொத்தம் 44 குழந்தைகள் உதவி உபகரணங்களுக்காகத் தேர்வு செய்யப்பட்டனர். மேலும், 22 பேருக்கு மாற்றுத் திறனுடையோருக்கான தேசிய அடையாள அட்டை வழங்கப்பட்டது.
 

]]>
http://www.dinamani.com/all-editions/edition-trichy/perambalur/2018/oct/12/இலவச-மருத்துவ-முகாம்-206-மாற்றுத்திறன்-குழந்தைகள்-பங்கேற்பு-3018891.html
3018890 திருச்சி பெரம்பலூர் பெரம்பலூரில் தனி மனைகளை வரன்முறைப்படுத்த சிறப்பு முகாம் DIN DIN Friday, October 12, 2018 09:49 AM +0530 பெரம்பலூர் மாவட்டத்தில் கடந்த 2016 ஆம் ஆண்டு வரை பத்திரப்பதிவு செய்து வீட்டுமனை வாங்கியவர்கள் தனிமனைகளாக வரன்முறைப்படுத்திக்கொள்ள நகர ஊரமைப்புத்துறை அழைப்பு விடுத்துள்ளது.
இதுகுறித்து நகர ஊரமைப்பு உதவி இயக்குநர் ஸ்ரீதர் வெளியிட்ட செய்திக் குறிப்பு: 
பெரம்பலூர் மாவட்டத்தில் கடந்த 2016 ஆம் ஆண்டுக்கு முன்பு வரை பத்திர பதிவு செய்து, வீட்டுமனை வாங்கியவர்கள் தங்கள் மனைகளை வரன்முறைப் படுத்திக் கொள்ளலாம்.  இதற்கான முகாம் ஒன்றிய அளவில் நடைபெறுகிறது. அதன்படி, வெள்ளிக்கிழமை (அக். 12) ஆலத்தூர் ஊராட்சி ஒன்றிய அலுவலகம், 17 ஆம் தேதி வேப்பந்தட்டை ஊராட்சி ஒன்றிய அலுவலகம், 26 ஆம் தேதி வேப்பூர் ஊராட்சி ஒன்றிய அலுவலகம், 31 ஆம் தேதி பெரம்பலூர் ஒன்றித்துக்குள்பட்ட எளம்பலூர் ஊராட்சி அலுவலகம் ஆகிய இடங்களில் தனி வரன்முறை படுத்துவதற்கான முகாம் நடைபெறுகிறது. 
மனைகளை வரன்முறைப்படுத்த ஆன்லைனில் பணம் செலுத்தி, அதற்குரிய ஆவணங்களைத் தயார் செய்து ஆன்லைனில் பதிவு செய்து, அதனுடைய நகல்களுடன் வந்து கட்டணமின்றி வீட்டு மனையை வரன்முறைப் படுத்திக்கொள்ளலாம்.

]]>
http://www.dinamani.com/all-editions/edition-trichy/perambalur/2018/oct/12/பெரம்பலூரில்-தனி-மனைகளை-வரன்முறைப்படுத்த-சிறப்பு-முகாம்-3018890.html
3018889 திருச்சி பெரம்பலூர் நாளை ரேஷன் குறைதீர்க் கூட்டம் DIN DIN Friday, October 12, 2018 09:49 AM +0530 பெரம்பலூர் வட்டம், பெரம்பலூர் (வ) கிராமத்தில் சமூக பாதுகாப்புத்திட்ட தனித்துணை ஆட்சியர் ச. மனோகரன் தலைமையிலும், குன்னம் வட்டம், பெரியவெண்மணி (மே) கிராமத்தில் மாவட்ட வழங்கல் மற்றும் நுகர்வோர் பாதுகாப்பு அலுவலர் எம்.எஸ். அல்லிராணி தலைமையிலும், வேப்பந்தட்டை வட்டம், திருவாளந்துறை கிராமத்தில் மாவட்ட ஆதிதிராவிடர் மற்றும் பழங்குடியினர் நல அலுவலர் டி. மஞ்சுளா தலைமையிலும், ஆலத்தூர் வட்டம், அயினாபுரம் கிராமத்தில் பொது விநியோகத்திட்ட துணைப்பதிவாளர் ந. ராமலிங்கம் தலைமையிலும், சனிக்கிழமை காலை 10 மணியளவில் குறைதீர் கூட்டம்  நடைபெற உள்ளது. 
அரியலூர் வட்டத்திற்கு மாவட்ட வழங்கல் மற்றும் நுகர்வோர் பாதுகாப்பு அலுவலரும் (பொ), உடையார்பாளையம் வட்டத்திற்கு தமிழ்நாடு நுகர்பொருள் வாணிப கழக மண்டல மேலாளரும், செந்துறை வட்டத்திற்கு சமூக பாதுகாப்புத் திட்ட தனித்துணை ஆட்சியரும், ஆண்டிமடம் வட்டத்திற்கு பொது விநியோகத்திட்ட துணை பதிவாளரும் மேற்பார்வையாளர்களாக நியமனம் செய்யப்பட்டுள்ளனர்.  எனவே பொதுமக்கள் உணவுப்பொருள் வழங்கல் சம்பந்தமான குறைகளைத் தெரிவித்து பயன்பெறலாம்.
 

]]>
http://www.dinamani.com/all-editions/edition-trichy/perambalur/2018/oct/12/நாளை-ரேஷன்-குறைதீர்க்-கூட்டம்-3018889.html
3018888 திருச்சி பெரம்பலூர் நோய்களைக் கட்டுப்படுத்த  ஒருங்கிணைந்து செயல்படுவது அவசியம்: பெரம்பலூர் ஆட்சியர் DIN DIN Friday, October 12, 2018 09:48 AM +0530 டெங்கு உள்ளிட்ட நோய்களை கட்டுப்படுத்த அனைத்துத்துறை அலுவலர்களும் ஒருங்கிணைந்து செயல்பட வேண்டும் என்றார் மாவட்ட ஆட்சியர் வே. சாந்தா. 
பெரம்பலூர் மாவட்டத்தில் உள்ள கிராம ஊராட்சிகள், பேரூராட்சிகள் மற்றும் நகராட்சியில் டெங்கு தடுப்பு முன்னெச்சரிக்கை நடவடிக்கை மேற்கொள்வது தொடர்பான அனைத்துத் துறை அலுவலர்களுடனான ஆலோசனைக் கூட்டம், மாவட்ட ஆட்சியர் அலுவலகக் கூட்ட அரங்கில் வியாழக்கிழமை நடைபெற்றது. 
கூட்டத்துக்கு தலைமை வகித்து மாவட்ட ஆட்சியர் மேலும் பேசியது:  
கிராமங்களில் டெங்கு நோய் பாதிப்பு கண்டறியப்பட்டால், அந்த கிராமத்தில் கொசுக்களை கட்டுப்படுத்த புகை மருந்து அடிக்கும் பணி,  தேவையான தடுப்பு மருந்துகளுடன் போதிய முன்னேற்பாடுகளை மேற்கொள்ள வேண்டும். கழிவுநீர் சாக்கடைகளில் தண்ணீர் தேங்காமல் இருக்க கழிவுநீர் வாய்க்கால்களை சுத்தம் செய்ய வேண்டும். 
தேங்கியுள்ள பிளாஸ்டிக் குப்பைகளை அகற்ற வேண்டும். மேல்நிலை நீர்த்தேக்கத் தொட்டிகளில் 15 நாள்களுக்கு ஒருமுறை சுத்தம் செய்து உலர வைத்த பிறகு தண்ணீர் ஏற்ற வேண்டும். குடிநீரை காய்ச்சிக் குடிக்க பொதுமக்களுக்கு அறிவுறுத்த வேண்டும். பெரம்பலூர் மாவட்டத்தில் மழைக்காலங்களில் பரவும் டெங்கு உள்ளிட்ட நோய்களை கட்டுப்படுத்த, அனைத்துத் துறை அலுவலர்களும் ஒருங்கிணைந்து பணியாற்ற வேண்டும் என்றார் அவர்.  
      கூட்டத்தில், மாவட்ட ஊரக வளர்ச்சி முகமை திட்ட இயக்குநர் தி. ஸ்ரீதர், சுகாதாரத்துறை துணை இயக்குநர் சம்பத், ஊராட்சிகள் உதவி இயக்குநர் பாரதிதாசன் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/oct/12/நோய்களைக்-கட்டுப்படுத்த-ஒருங்கிணைந்து-செயல்படுவது-அவசியம்-பெரம்பலூர்-ஆட்சியர்-3018888.html
3018887 திருச்சி பெரம்பலூர் தத்தெடுக்கப்பட்ட சிறுமத்தூர் ஊராட்சி DIN DIN Friday, October 12, 2018 09:48 AM +0530 மத்திய அரசால் தத்தெடுக்கப்பட்ட பெரம்பலூர் மாவட்டம், வேப்பூர் ஒன்றியத்துக்குள்பட்ட சிறுமத்தூர் ஊராட்சி அறிமுக நிகழ்ச்சி புதன்கிழமை நடைபெற்றது.
மத்திய அரசின் சான்சத் ஆதர்ஷ் கிராம யோஜனா திட்டத்தின் கீழ், அரசின் அனைத்து திட்டங்களும் கிடைக்கும் வகையில் பெரம்பலூர் மாவட்டம், வேப்பூர் ஒன்றியத்துக்குள்பட்ட சிறுமத்தூர் ஊராட்சி தத்தெடுக்கப்பட்டுள்ளது. 
அதன்படி இந்த கிராமத்துக்குத் தேவையான அனைத்து அடிப்படை வசதிகளையும் ஏற்படுத்தும் வகையில் மேற்கொள்ளப்படவுள்ள திட்டங்கள் குறித்த அறிமுக நிகழ்ச்சி நடைபெற்றது. 
நிகழ்ச்சியில் பங்கேற்ற சிதம்பரம் தொகுதி மக்களவை உறுப்பினர் மா. சந்திரகாசி பேசியது: சான்சத் ஆதர்ஷ் கிராம யோஜனா திட்டத்தின் கீழ், மிகவும் பின்தங்கிய பகுதியான சிறுமத்தூர் ஊராட்சி தத்தெடுக்கப்பட்டுள்ளது என்றார் அவர். 
தொடர்ந்து மாவட்ட ஆட்சியர் வே. சாந்தா பேசியது: இந்த ஊராட்சி அனைத்து துறைகளிலும் தன்னிறைவு பெற்ற ஊராட்சியாக மாறுவதற்கு அனைத்துத் துறை அலுவலர்களும் ஒருங்கிணைந்து பணியாற்ற வேண்டும் என்றார் அவர்.
நிகழ்ச்சியில் தோட்டக்கலைத் துறை சார்பில் 5 பயனாளிகளுக்கு ரூ. 40 ஆயிரம் மதிப்பிலும், வேளாண் துறை சார்பில் 12 பயனாளிகளுக்கு ரூ. 50 ஆயிரம் மதிப்பில் நலத்திட்ட உதவிகளும், 3 பயனாளிகளுக்கு ரூ. 6.30 லட்சம் மதிப்பீட்டில் பசுமை வீடுகள் கட்டுவதற்கான ஆணைகள் உள்ளிட்ட பல்வேறு நலத்திட்ட உதவிகள் வழங்கப்பட்டன.   குன்னம் தொகுதி சட்டப்பேரவை உறுப்பினர் ஆர்.டி. ராமச்சந்திரன், திட்ட இயக்குநர் தி. ஸ்ரீதர், ஊராட்சிகள் உதவி இயக்குநர் பாரதிதாசன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-trichy/perambalur/2018/oct/12/தத்தெடுக்கப்பட்ட-சிறுமத்தூர்-ஊராட்சி-3018887.html
3018886 திருச்சி பெரம்பலூர் மேட்டூர் உபரிநீர் சேமிப்புத் திட்டத்தை உடனே நிறைவேற்ற வலியுறுத்தல் DIN DIN Friday, October 12, 2018 09:48 AM +0530 கடலில் வீணாகக் கலக்கும் காவிரிநீரை சேமிக்கும் வகையில் கிடப்பில் போடப்பட்டுள்ள மேட்டூர் உபரிநீரை பெரம்பலூர் கொண்டுவரும் திட்டத்தை விரைந்து செயல்படுத்த வேண்டும் என விவசாயிகள் கோரிக்கை விடுத்துள்ளனர். 
            வடகிழக்கு பருவ மழையை மட்டுமே நம்பியுள்ள நாமக்கல், பெரம்பலூர்,   அரியலூர், கடலூர் ஆகிய மத்திய மாவட்டங்கள் ஆண்டுதோறும் ஜூன் முதல் செப்டம்பர் மாதம் வரை கடும் வறட்சியில் சிக்கித் தவிக்கும் நிலை தொடர்கிறது. பெரம்பலூர் மாவட்டத்தில் உள்ள விசுவக்குடி நீர்த்தேக்கம் உள்ளிட்ட அனைத்தும் எப்போதும் வறண்டே காணப்படுகிறது. இதே வறட்சி நிலைதான் சுற்றுவட்டார மாவட்டங்களிலும் காணப்படுகிறது. இந்த வறட்சியால், மேற்கண்ட மாவட்டங்களில் குடிநீருக்கே மக்கள் தவித்து வருகின்றனர். இப் பிரச்னைகளுக்கு தீர்வு காணும் வகையில் மேட்டூர் உபரிநீரை பெரம்பலூர் மாவட்டத்துக்கு கொண்டுசெல்ல தமிழக அரசிடம் கோரிக்கை வைக்கப்பட்டது. கடந்த சட்டப்பேரவை தேர்தலின்போது மறைந்த முதல்வர் ஜெயலலிதா தனது தேர்தல் அறிக்கையில் இந்த மேட்டூர் உபரிநீரை பெரம்பலூருக்கு கொண்டுவரும் திட்டத்தை நிறைவேற்றித் தருவதாக உறுதியும் அளித்திருந்தார். தேர்தல் வெற்றிக்கு பின் திட்ட அறிக்கையும் தயார் செய்யப்பட்டது. 
மேட்டூர் உபரிநீரை பெரம்பலூர் கொண்டுவரும் திட்டம்:
கடந்த 1964-இல் காமராஜர் முதல்வராக இருந்தபோது நாமக்கல் மாவட்டம், பள்ளிப்பாளையம் அருகேயுள்ள ஜேடர்பாளையத்தில் இருந்து தாத்தையங்கார் பேட்டை வழியாக திருச்சி மாவட்டம், துறையூர் வரை கால்வாய் அமைத்து அந்த கால்வாயை பெரம்பலூர் மாவட்டத்தில் உள்ள காட்டாறுகளான கல்லாறு மற்றும் சுவேதா நதிகளுடன் இணைக்கும் வகையிலான திட்டம் பல ஆண்டுகளாக கிடப்பில் உள்ளது. கடந்த 2 ஆண்டுகளாக இத்திட்டத்தை நிறைவேற்ற நடவடிக்கை மேற்கொள்ளப்பட்டிருந்தால்,  மேற்குறிப்பிட்ட இந்த 4  மாவட்டங்களிலும் தாழ்வான பகுதிகளில் உள்ள சுமார் 300-க்கும் மேற்பட்ட ஏரிகள் நிரம்பி இருக்கும். 
இதுகுறித்து தமிழக விவசாயிகள் சங்க திருச்சி மாவட்ட துணைத் தலைவர் ஏ. மணிவேல் கூறியது:
மறைந்த தமிழக முதல்வர் ஜெயலலிதா 2013- இல் சட்டப்பேரவையில் இத்திட்டத்தை அறிவித்து ரூ. 50 லட்சம் ஒதுக்கீடு செய்து சேலம் மாவட்ட பொதுப்பணித் துறையினரால் முதற்கட்ட ஆய்வுப் பணிகள் மேற்கொள்ளப்பட்டன. 184 கி. மீ., நீளமுள்ள இத்திட்டத்தை நிறைவேற்றினால் வழித்தடத்தில் உள்ள ஏரிகள் பயன்பெறும். திருச்சி மாவட்டத்தில் மட்டும் 31 ஏரிகள் பயன்பெறும். எனவே, இத்திட்டத்தை நிறைவேற்ற தமிழக அரசு முனைப்புடன் செயல்பட வேண்டும் என்றார் அவர்.

]]>
http://www.dinamani.com/all-editions/edition-trichy/perambalur/2018/oct/12/மேட்டூர்-உபரிநீர்-சேமிப்புத்-திட்டத்தை-உடனே-நிறைவேற்ற-வலியுறுத்தல்-3018886.html
3018756 திருச்சி பெரம்பலூர் ரூ. 600 லஞ்சம்: ஓய்வுபெற்ற விஏஓவுக்கு 2 ஆண்டுகள் சிறை DIN DIN Friday, October 12, 2018 08:41 AM +0530 பெரம்பலூர் அருகே பெயர் மாற்றம் செய்து பட்டா வழங்க ரூ. 600  லஞ்சம் வாங்கிய ஓய்வுபெற்ற கிராம நிர்வாக அலுவலருக்கு 2 ஆண்டுகள் சிறை தண்டணை விதித்து, பெரம்பலூர் தலைமை குற்றவியல் நீதிமன்றம் வியாழக்கிழமை உத்தரவிட்டது. 
பெரம்பலூர் மாவட்டம், பாடாலூர் கிராமத்தைச் சேர்ந்தவர் உசேன் மகன் முகமது சலீம். இவர், தனது தந்தை பெயரில் உள்ள நிலத்தை தனது பெயருக்கு பட்டாவில் பெயர் மாற்றம் செய்து தரக்கோரி கடந்த 2008 ஆம் ஆண்டு பாடாலூர் கிராம நிர்வாக அலுவலராக பணிபுரிந்த மணியை (60) அணுகினார்.   
இதற்காக தனக்கு ரூ. 600 லஞ்சம் தருமாறு முகமது சலீமிடம் கேட்டார். லஞ்சம் தர விரும்பாத அவர், திருச்சி லஞ்ச ஒழிப்பு போலீஸில் புகார் அளித்தார். இந்த புகாரின்பேரில் லஞ்ச ஒழிப்பு போலீஸார் வழக்குப் பதிந்து, 30.4.2008 -இல் வி.ஏ.ஓ மணியிடம், முகமது சலீம் ரூ. 600 லஞ்சமாக கொடுத்தபோது, லஞ்ச ஒழிப்பு போலீஸார் கையும்களவுமாகப் பிடித்து வி.ஏ.ஓ மணியைக் கைது செய்தனர். 
இதைத்தொடர்ந்து, திருச்சி லஞ்ச ஒழிப்பு போலீஸார் வி.ஏ.ஓ மணி மீது பெரம்பலூர் மாவட்ட தலைமை குற்றவியல் நீதிமன்றத்தில் வழக்கு தொடர்ந்தனர். இந்த வழக்கை வியாழக்கிழமை விசாரித்த நீதிபதி முரளிதரன், ஓய்வுபெற்ற கிராம நிர்வாக அலுவலர் மணிக்கு 2 ஆண்டுகள் சிறை தண்டனை விதித்து தீர்ப்பளித்தார்.
 

]]>
http://www.dinamani.com/all-editions/edition-trichy/perambalur/2018/oct/12/ரூ-600-லஞ்சம்-ஓய்வுபெற்ற-விஏஓவுக்கு-2-ஆண்டுகள்-சிறை-3018756.html
3018117 திருச்சி பெரம்பலூர் தனியார்துறை வேலைவாய்ப்பு முகாம் DIN DIN Thursday, October 11, 2018 08:36 AM +0530 பெரம்பலூர் மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வெள்ளிக்கிழமை (அக்.  12) நடைபெற உள்ளது. 
இதுகுறித்து மாவட்ட ஆட்சியர் வே.சாந்தா புதன்கிழமை வெளியிட்ட செய்திக் குறிப்பு: மாவட்டத்தில் படித்த இளைஞர்கள் பயனடையும் வகையில் பல்வேறு தனியார்துறை மூலம் நடத்தப்படும் வேலைவாய்ப்பு முகாமில், பல்வேறு மாவட்டங்களைச் சேர்ந்த விற்பனையாளர், கண்காணிப்பாளர், விற்பனை மேலாளர் ஆகிய பணியிடங்களுக்கு தகுதியானவர்களை தேர்வு செய்ய உள்ளன. 8, 10 மற்றும் பிளஸ் 2, ஐடிஐ, டிப்ளமோ, பட்டப்படிப்பு, பொறியியல் முடித்த ஆண், பெண்கள் பங்கேற்று பயன்பெறலாம். இதர கல்வித் தகுதிகள் உள்ளவர்களும் உரிய பணியிடங்களுக்கு பரிசீலிக்கப்படுவார்கள். முகாமில் பங்கேற்போர் கல்விச் சான்றிதழ்கள், ஆதார் அட்டை, கடவுச்சீட்டு அளவு புகைப்படங்களுடன் வர வேண்டும். 

]]>
http://www.dinamani.com/all-editions/edition-trichy/perambalur/2018/oct/11/தனியார்துறை-வேலைவாய்ப்பு-முகாம்-3018117.html
3018116 திருச்சி பெரம்பலூர் நீதிமன்ற வளாகத்தில் தொடுதிரை கணினி வசதி DIN DIN Thursday, October 11, 2018 08:36 AM +0530 பெரம்பலூர் மாவட்ட ஒருங்கிணைந்த நீதிமன்ற வளாகத்தில் இலவச தொடுதிரை கணினிவசதி புதன்கிழமை தொடக்கி வைக்கப்பட்டது. 
மனுதாரர்கள், வழக்குரைஞர்கள், பொதுமக்கள் வசதிக்காக இலவச தொடுதிரை கணினி வசதி அமைக்கப்பட்டுள்ளது. இதன்மூலம் மனுதாரர்கள், வழக்குரைஞர்கள் உள்ளிட்டோர் தங்களது வழக்குகளின் நிலை, வாய்தா தேதி ஆகியவற்றை உடனுக்குடன் அறிந்து கொள்ளலாம். 
இந்த வசதியை மாவட்ட முதன்மை அமர்வு நீதிபதி எஸ். பாலராஜமாணிக்கம், மக்கள் பயன்பாட்டுக்கு திறந்து வைத்தார். நீதிபதிகள் விஜயகாந்த், முரளிதரன், வினோதா, கருப்பசாமி, அசோக் பிரஷாத், மோகனப்பிரியா, வழக்குரைஞர்கள் சங்கத் தலைவர்கள் இ. வள்ளுவன்நம்பி, முகமது இலியாஸ், நீதிமன்ற மேலாளர் தனலட்சுமி,  மாவட்ட சட்டப்பணிகள் ஆணைக்குழு நிர்வாக அலுவலர் வெள்ளைச்சாமி உள்ளிட்டோர் பங்கேற்றனர்.  
சட்ட உதவி விழிப்புணர்வு முகாம் : 
அதேபோல, உலக மனநல தினத்தை முன்னிட்டு, பெரம்பலூர் தீரன்நகரில் உள்ள வேலா கருணை இல்லத்தில் மனவளர்ச்சி குன்றியவர்கள் மற்றும் பொதுமக்களுக்கான சட்ட உதவி விழிப்புணர்வு முகாம் புதன்கிழமை நடைபெற்றது. 
மாவட்ட சட்டப்பணிகள் ஆணைக்குழு சார்பில் நடைபெற்ற முகாமை மாவட்ட முதன்மை அமர்வு நீதிபதி எஸ். பாலராஜமாணிக்கம் தொடக்கி வைத்தார்.
 

]]>
http://www.dinamani.com/all-editions/edition-trichy/perambalur/2018/oct/11/நீதிமன்ற-வளாகத்தில்-தொடுதிரை-கணினி-வசதி-3018116.html
3018115 திருச்சி பெரம்பலூர் வேகத்தடைகள் மீண்டும் அமைக்க வலியுறுத்தல் DIN DIN Thursday, October 11, 2018 08:36 AM +0530 பெரம்பலூரில் தமிழக ஆளுநரின் வருகைக்காக அகற்றப்பட்ட வேகத்தடைகளை மீண்டும் அமைக்க அனைத்து தரப்பினரும் வலியுறுத்தியுள்ளனர்.
பெரம்பலூரில் சாலை விபத்துகளை கட்டுப்படுத்தும் நடவடிக்கையாக முக்கிய சாலைகளில் வேகத்தடைகள் அமைக்கப்பட்டன. இந்நிலையில், செப்.19ஆம் தேதி பல்வேறு நிகழ்ச்சிகளில் தமிழக ஆளுநர் பங்கேற்றதையொட்டி, மூன்று மற்றும் நான்கு சாலைச் சந்திப்புகள், திருச்சி-சென்னை தேசிய நெடுஞ்சாலையில் அணுகுசாலைகள், புறநகர் பேருந்து நிலையம், பாலக்கரை, ஆட்சியர் அலுவலக நுழைவு வாயில், செங்குணம் பிரிவு சாலை உள்பட 10க்கும் மேற்பட்ட இடங்களில் வேகத்தடைகள் அகற்றப்பட்டன. விழா நிறைவடைந்து 20 நாள்களுக்கு மேலாகியும் அகற்றப்பட்ட பகுதிகளில் வேகத்தடைகள் இதுவரை அமைக்கப்படவில்லை. இதன்காரணமாக, அதிவேகமாக செல்லும் வாகனங்களால் அவ்வப்போது சாலை விபத்துகள், போக்குவரத்து நெரிசல் ஏற்படுகிறது. விலைமதிப்பற்ற மனித உயிர்களைக் கருத்தில் கொண்டு அகற்றப்பட்ட இடங்களில் வேகத்தடை அமைக்க அதிகாரிகள் நடவடிக்கை எடுக்க வேண்டும் என்ற கோரிக்கை வலுக்கத் தொடங்கியிருக்கிறது.
 

]]>
http://www.dinamani.com/all-editions/edition-trichy/perambalur/2018/oct/11/வேகத்தடைகள்-மீண்டும்-அமைக்க-வலியுறுத்தல்-3018115.html
3018114 திருச்சி பெரம்பலூர் 10 ஆண்டுகளாக காத்திருப்போருக்கு  மின் இணைப்பு வழங்க வலியுறுத்தல் DIN DIN Thursday, October 11, 2018 08:36 AM +0530 கடந்த 10 ஆண்டுகளுக்கும் மேலாக முன்னுரிமைப் பதிவேட்டில் பதிவு செய்து காத்திருப்பவர்களுக்கு உடனடியாக மின் இணைப்பு வழங்க வேண்டுமென தமிழக விவசாயிகள் சங்கம் வலியுறுத்தியுள்ளது.
பெரம்பலூர் மின்வாரிய செயற்பொறியாளர் அலுவலகத்தில், மின் நுகர்வோர் குறைதீர் கூட்டம் செவ்வாய்க்கிழமை நடைபெற்றது. கூட்டத்துக்கு, மின்வாரிய மேற்பார்வை பொறியாளர் கருப்பையா தலைமை வகித்தார். 
கூட்டத்தில், தமிழக விவசாயிகள் சங்க மாநிலச் செயலர் ஆர். ராஜாசிதம்பரம் தலைமையிலான விவசாயிகள் அளித்த மனுவில் தெரிவித்துள்ளதாவது:  
பெரம்பலூர் மாவட்டத்தில் பெரும்பாலான இடங்களில் மின் கம்பிகள் தாழ்வாக செல்வதால், பலத்த காற்று வீசும்போது விபத்துகள் ஏற்பட்டு வருகின்றன. முள்புதர்கள், மரக்கிளைகள் மீது மின் கம்பிகள் உரசுவதாலும் தீ விபத்துகள் நிகழ்ந்து வருகின்றன. போதிய பணியாளர்கள் இல்லாததால், இதுபோன்ற சம்பவங்கள் நடைபெறுகிறது. எனவே, காலிப்பணியிடங்களை நிரப்பிட வேண்டும்.
விவசாய மின் இணைப்பு, சாதாரண மின் இணைப்பு, சுயநிதித் திட்டம், சிறப்பு முன்னுரிமை திட்டத்தின் மூலம் பதிவு செய்து, தமிழகம் முழுவதும் ஆண்டுக்கு 40 ஆயிரம் மின் இணைப்புகள் மட்டுமே வழங்கப்படுகிறது. எனவே, ஒரு லட்சம் மின் இணைப்புகள் வழங்க நடவடிக்கை எடுக்க வேண்டும்.  
10 ஆண்டுகளுக்கும் மேலாக மின் இணைப்பு கோரி பதிவு செய்து காத்திருக்கும் 1,350 பேருக்கு விவசாய மின் இணைப்பு வழங்கிட தேவையான கம்பம், கம்பி உள்ளிட்ட தளவாட பொருள்களை ஒதுக்கீடு செய்ய வேண்டும்.

]]>
http://www.dinamani.com/all-editions/edition-trichy/perambalur/2018/oct/11/10-ஆண்டுகளாக-காத்திருப்போருக்கு--மின்-இணைப்பு-வழங்க-வலியுறுத்தல்-3018114.html
3018113 திருச்சி பெரம்பலூர் நாளை மண்புழு உரம் தயாரித்தல் தொழில்நுட்பப் பயிற்சி DIN DIN Thursday, October 11, 2018 08:35 AM +0530 பெரம்பலூர் வேளாண் அறிவியல் மையத்தில் மண்புழு உரம் தயாரித்தல் தொழில்நுட்பப் பயிற்சி வெள்ளிக்கிழமை (அக். 12) நடைபெற உள்ளது. 
 இதுகுறித்து அந்த மையத்தின் தலைவர் வே.எ.நேதாஜி மாரியப்பன் புதன்கிழமை வெளியிட்ட செய்திக் குறிப்பு:
வாலிகண்டபுரத்தில் உள்ள வேளாண் அறிவியல் மையம் சார்பில் மண்புழு உரம் தயாரிக்கும் தொழில்நுட்பங்கள் குறித்த பயிற்சி முகாம் நடைபெற உள்ளது. மண்புழு உரத்தின் முக்கியத்துவம், மண்புழு உரம் தயாரிக்கும் போது கவனிக்க வேண்டிய விதிமுறைகள், உரம் தயாரிக்க ஏற்ற பொருள்கள், குழிமுறை மற்றும் வர்த்தக ரீதியாக குவியல் முறையில் மண்புழு உர உற்பத்தி, உரத்தின் பயன்கள், உர சிபாரிசுகள் ஆகியவை குறித்து காணொலிக் காட்சி மற்றும் செயல்ளக்கங்கள் மூலம் விவசாயிகளுக்கு விளக்கம் அளிக்கப்பட உள்ளது. இதில் பங்கேற்க விரும்புவோர் நேரில் அல்லது 89390-03569 என்ற செல்பேசி எண்ணில் தொடர்பு கொண்டு பெயரை முன்பதிவு செய்து கொள்ளலாம். குறிப்பிட்ட எண்ணிக்கையிலான விவசாயிகளே பயிற்சியில் பங்கேற்க அனுமதிக்கப்படுவர்.

]]>
http://www.dinamani.com/all-editions/edition-trichy/perambalur/2018/oct/11/நாளை-மண்புழு-உரம்-தயாரித்தல்-தொழில்நுட்பப்-பயிற்சி-3018113.html
3018112 திருச்சி பெரம்பலூர் 9 அம்ச கோரிக்கைகளை வலியுறுத்தி ஓய்வூதியர்கள் தர்னா DIN DIN Thursday, October 11, 2018 08:35 AM +0530 தமிழ்நாடு அனைத்துத்துறை ஓய்வூதியர் சங்கங்களின் கூட்டமைப்பு சார்பில் பெரம்பலூரில் 9 அம்ச கோரிக்கைகளை வலியுறுத்தி தர்னா போராட்டம் புதன்கிழமை நடைபெற்றது.
பெரம்பலூர் புறநகர் பேருந்து நிலையத்தில் நடைபெற்ற போராட்டத்துக்கு கூட்டமைப்பின் மாவட்டத் தலைவர் கணேசன் தலைமை வகித்தார். தமிழ்நாடு மின் ஊழியர் மத்திய அமைப்பின் வட்டச் செயலர் எஸ்.அகஸ்டின் போராட்டத்தை தொடக்கி வைத்தார். மாவட்டச் செயலர் ஆர்.முருகேசன் கோரிக்கைகளை விளக்கிப் பேசினார். 
உச்ச நீதிமன்ற தீர்ப்புக்கேற்ப ஓய்வூதியத்தை வருமான வரிச் சட்டத்தின் கீழ் இணைக்கக் கூடாது. நிறுத்தி வைக்கப்பட்டுள்ள 21 மாத நிலுவைத் தொகையை உடனே வழங்க வேண்டும். புதிய ஓய்வூதியத் திட்டத்தை ரத்து செய்ய வேண்டும். புதிய ஓய்வூதிய திட்டத்தின் கீழ் ஓய்வு பெற்றவர்களுக்கு நிபந்தனையின்றி சேமிப்பு நிதியை வழங்க வேண்டும். ஓய்வுபெற்ற அனைவருக்கும் மருத்துவக் காப்பீட்டுத் திட்டத்தில் சேர்க்க நடவடிக்கை எடுக்க வேண்டும். 2007 நவம்பருக்கு பின் ஓய்வுபெற்ற அரசு போக்குவரத்து ஓய்வூதியர்களுக்கு ஓய்வூதியம் உள்ளிட்ட பலன்கள் வழங்க வேண்டும். மின்வாரியத்தில் ஓய்வு பெற்றவர்களுக்கு வைர விழா சலுகைகள் வழங்க வேண்டும் என்பது உள்ளிட்ட பலவேறு கோரிக்கைகள் வலியுறுத்தப்பட்டது. 
நிர்வாகிகள் கிருஷ்ணசாமி, தங்கராஜ், பத்மநாபன், தமிழ்ச்செல்வன், நீலமேகம், ராமர் உள்ளிட்டோர் பங்கேற்றனர். முடிவில், கூட்டமைப்பின் மாவட்டப் பொருளாளர் வேணுகோபால் நன்றி கூறினார்.  

]]>
http://www.dinamani.com/all-editions/edition-trichy/perambalur/2018/oct/11/9-அம்ச-கோரிக்கைகளை-வலியுறுத்தி-ஓய்வூதியர்கள்-தர்னா-3018112.html
3018111 திருச்சி பெரம்பலூர் வேலைவாய்ப்பற்றோர் உதவித்தொகை பெற மாற்றுத்திறனாளிகள் விண்ணப்பிக்கலாம் DIN DIN Thursday, October 11, 2018 08:35 AM +0530 பெரம்பலூர் மாவட்டத்தைச் சேர்ந்த அனைத்துவகை மாற்றுத்திறனாளிகளும் வேலைவாய்ப்பற்றோர் உதவித்தொகை திட்டத்தின் கீழ் பயன்பெற விண்ணப்பிக்கலாம்.
  அனைத்துவகை மாற்றுத் திறனாளிகளுக்கும் தமிழக அரசின் சிறப்புத் திட்டத்தின் மூலம், வேலைவாய்ப்பற்றோர் உதவித்தொகை பெரம்பலூர் மாவட்ட வேலைவாய்ப்பு அலுவலகம் மூலம் வழங்கப்படுகிறது. எழுத, படிக்க தெரிந்தவர்கள் முதல் பட்டதாரிகள் வரை இத்திட்டத்தில் பயன்பெறலாம். 
வேலைவாய்ப்பு அலுவலகத்தில் பதிவு செய்து ஓராண்டு முடிவடைந்தவராக, அதாவது 30.9.2017 அதற்கு முன்னதாக பதிவு செய்தவராக இருக்க வேண்டும். 30.09.2018 -இல் தாழ்த்தப்பட்ட, பழங்குடியினத்தவர்கள் 45 வயதைக் கடந்தவராகவும், இதர வகுப்பினர்கள் 40 வயதைக் கடந்தவராகவும் இருக்கக்கூடாது. அரசால் வழங்கப்படும் பிற உதவித்திட்டங்கள்  பெறுபவராக இருக்கக் கூடாது. 
மனுதாரர் எந்த ஒரு கல்வி நிறுவனத்திலும் சேர்ந்து கல்வி பயிலும் மாணவ, மாணவியராக இருக்கக் கூடாது. ஆனால், தொலைதூரக் கல்வி பயிலுபவராக இருக்கலாம். 
இத் ததகுதியுடையோர் மாவட்ட வேலைவாய்ப்பு அலுவலகத்தில் விண்ணப்பம் பெற்று பூர்த்தி செய்த விண்ணப்பத்தை, 30.11.2018-க்குள் வேலைவாய்ப்பு அலுவலகத்தில் சமர்ப்பித்து உதவித்தொகை பெறலாம். ஏற்கெனவே பயனடைந்தவர்கள் விண்ணப்பிக்கத் தேவையில்லை. 
அரியலூரில்...:அரியலூர் மாவட்டத்தைச் சேர்ந்த படித்த, வேலைவாய்ப்பற்ற இளைஞர்கள், மாற்றுத் திறனாளிகள் உதவித்தொகை கோரி விண்ணப்பிக்கலாம். 
வேலைவாய்ப்பற்றோர் தொடர்ந்து ஐந்து ஆண்டுகள் தங்களது கல்வித்தகுதியை புதுப்பித்து வந்திருக்க வேண்டும். 
மாற்றுத்திறனாளிகள் எனில் ஓராண்டு புதுப்பித்திருத்தல் வேண்டும். மேலும் விவரங்களுக்கு  அரியலூர் மாவட்ட வேலைவாய்ப்பு அலுவலகத்தை அலுவலக வேலைநேரங்களில் தொடர்பு கொள்ளுமாறும் அரியலூர் மாவட்ட ஆட்சியர் வெளியிட்ட செய்திக்குறிப்பில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/perambalur/2018/oct/11/வேலைவாய்ப்பற்றோர்-உதவித்தொகை-பெற-மாற்றுத்திறனாளிகள்-விண்ணப்பிக்கலாம்-3018111.html
3018110 திருச்சி பெரம்பலூர் மக்கள் தொடர்பு முகாம்களில் ரூ.1.80 கோடி மதிப்பில் நலத்திட்ட உதவி DIN DIN Thursday, October 11, 2018 08:34 AM +0530 பெரம்பலூர், அரியலூர் மாவட்டங்களில் நடைபெற்ற மக்கள் தொடர்பு முகாமில் 295 பயனாளிகளுக்கு ரூ.1.80 கோடி மதிப்பிலான நலத்திட்ட உதவிகள் புதன்கிழமை வழங்கப்பட்டன. 
பெரம்பலூர் மாவட்டம், குன்னம் வட்டத்துக்குள்பட்ட சித்தளி கிராமத்தில் மனுநீதி நாள் நிறைவு முகாமிற்கு தலைமை வகித்த ஆட்சியர் வே.சாந்தா, பல்வேறு துறைகள் சார்பில் 202 பயனாளிகளுக்கு ரூ.1,60,55,451 மதிப்பிலான நலத்திட்ட உதவிகளை வழங்கினார்.
சிதம்பரம் தொகுதி மக்களவை உறுப்பினர் மா.சந்திரகாசி, குன்னம் தொகுதி சட்டப்பேரவை உறுப்பினர் ஆர்.டி.ராமச்சந்திரன் ஆகியோர் முன்னிலை வகித்தனர். மாவட்ட வருவாய் அலுவலர் ஆ.அழகிரிசாமி, ஊரக வளர்ச்சி முகமை திட்ட இயக்குநர் தி.ஸ்ரீதர், வருவாய் கோட்டாட்சியர் விஸ்வநாதன் உள்ளிட்டோர் பங்கேற்றனர்.
அரியலூர்: அரியலூர் மாவட்டம் தூத்தூர் கிராமத்தில் நடைபெற்ற மக்கள் தொடர்பு முகாமிற்கு தலைமை வகித்த ஆட்சியர் மு.விஜயலட்சுமி, பயனாளிகள் 5 பேருக்கு ரூ.1 லட்சத்து 80 ஆயிரம் மதிப்பில் இலவச வீட்டுமனைப் பட்டா, 38 பயனாளிகளுக்கு பட்டா மாற்றம், 2 பேருக்கு முதியோர் ஓய்வூதியத் தொகை, முதல்வரின் உழவர் பாதுகாப்புத் திட்டத்தின் கீழ் 13 பயனாளிகளுக்கு ரூ.1 லட்சத்து 41 ஆயிரம் மதிப்பிலான காசோலைகள், பிற்படுத்தப்பட்டோர் மற்றும் சிறுபான்மையினர் நலத்துறை சார்பில் 3 பேருக்கு ரூ.15,750 மதிப்பில் இலவச தையல் இயந்திரங்கள், கூட்டுறவுத்துறை சார்பில் 20 பயனாளிகளுக்கு ரூ.12 லட்சத்து 69 ஆயிரத்து 279 மதிப்பில் பயிர்கடனுக்கான காசோலைகள், வேளாண்துறை சார்பில் பயனாளிகள் 5 பேருக்கு ரூ.9,433 மதிப்பில் விவசாய இடு பொருட்கள் உள்பட  93 பயனாளிகளுக்கு ரூ.20 லட்சத்து 26 ஆயிரத்து 406 மதிப்பிலான நலத்திட்ட உதவிகளை வழங்கினார். 
சமூக பாதுகாப்புத் திட்ட துணை ஆட்சியர் அ.பூங்கோதை, சுகாதாரப் பணிகள் துணை இயக்குநர் வீ.சி.ஹேமசந்த் காந்தி, பொது விநியோகத் திட்ட துணைப்பதிவாளர் கே.கே.செல்வராஜ், மகளிர் திட்ட இயக்குநர் லலிதா, ஊராட்சிகள் உதவி இயக்குநர் க.பழனிசாமி உள்ளிட்டோர் பங்கேற்றனர். முன்னதாக, அரியலூர் கோட்டாட்சியர் நா.சத்தியநாராயணன் வரவேற்றர். முடிவில், வட்டாட்சியர் சு.முத்துலட்சுமி நன்றி கூறினார்.
 

]]>
http://www.dinamani.com/all-editions/edition-trichy/perambalur/2018/oct/11/மக்கள்-தொடர்பு-முகாம்களில்-ரூ180-கோடி-மதிப்பில்-நலத்திட்ட-உதவி-3018110.html
3018108 திருச்சி பெரம்பலூர் பிரதம மந்திரி பயிர் காப்பீட்டு திட்டத்தில் பயன்பெற அழைப்பு DIN DIN Thursday, October 11, 2018 08:34 AM +0530 பிரதம மந்திரியின் பயிர் காப்பீட்டுத் திட்டத்தின் கீழ் பயன்பெற விவசாயிகளுக்கு அழைப்பு விடுத்துள்ளார் வேளாண்மை இணை இயக்குநர் (பொ) செ. கலைவாணி. 
இதுகுறித்து அவர் செவ்வாய்க்கிழமை வெளியிட்ட செய்திக்குறிப்பு: 
பெரம்பலூர் மாவட்டத்தில் 2018 - 19 ராபி பருவத்தில் நெல் - 2 சம்பா பயிர் சாகுபடி செய்யவுள்ள அனைத்து விவசாயிகளும், பிரதம மந்திரி பயிர் காப்பீட்டுத் திட்டத்தில் சேர்ந்து பயனடையலாம். இத்திட்டத்தின் கீழ் பயன்பெற குடும்ப அட்டை நகல், ஆதார் அட்டை நகல், கணினி சிட்டா, அடங்கல்,வங்கிக் கணக்கு புத்தகத்தின் முதல் பக்க நகலுடன், கைபேசி எண் உள்ளிட்ட அனைத்து விவரங்களுடன், வணிக வங்கிகள், தொடக்க வேளாண்மை கூட்டுறவு கடன் சங்கங்கள் மற்றும் பொது சேவை மையங்களில் பதிவுசெய்ய வேண்டும். 
கடன்பெறும் விவசாயிகள், வணிக வங்கிகள் மற்றும் தொடக்க வேளாண்மை கூட்டுறவு கடன் சங்கங்கள் மூலமும், கடன் பெறாத விவசாயிகள் தொடக்க வேளாண்மை கூட்டுறவு கடன் சங்கங்களின் சேவை மையம் மற்றும் பொது சேவை மைய முகவர்களை அணுகி பதிவுசெய்து கொள்ளலாம். நெல்- 2 சம்பா பயிருக்கு ஏக்கர் ஒன்றுக்கு ரூ. 443.25 பிரிமியத்தை நவம்பர் 30 ஆம் தேதிக்குள் செலுத்த வேண்டும்.  
நிகழாண்டு சாகுபடி செய்ய உள்ள நெல்- 2 சம்பா பயிருக்கு, பெரம்பலூர் மாவட்டத்தில் 129 வருவாய் கிராமங்களுக்கு அறிக்கை பெறப்பட்டுள்ளது. இந்த கிராமங்களின் விவரம் மற்றும் இதர தகவல்களுக்கு சம்மந்தப்பட்ட வட்டார வேளாண்மை உதவி இயக்குநர்கள், வேளாண்மை அலுவலர்கள், துணை வேளாண்மை அலுவலர்கள், உதவி வேளாண்மை அலுவலர்கள், வட்டார தொழில்நுட்ப மேலாளர்கள், உதவி தொழில்நுட்ப மேலாளர்களை அணுகி பயன்பெறலாம்.
அரியலூர்...: தா.பழூர் பகுதி விவசாயிகள் பயிர்க்காப்பீடு குறித்த விபரங்களை தா.பழூர் வட்டார வேளாண் உதவி அலுவலர்களான சிவக்குமார் 97876 61263, அசோக் குமார்  94864 94571, கண்ணன்  73392 80839, குமாரபாண்டியன் 97885 21651 ஆகியோரை  அணுகி பயன் பெறலாம்.
 

]]>
http://www.dinamani.com/all-editions/edition-trichy/perambalur/2018/oct/11/பிரதம-மந்திரி-பயிர்-காப்பீட்டு-திட்டத்தில்-பயன்பெற-அழைப்பு-3018108.html
3018107 திருச்சி பெரம்பலூர் மாற்றுத்திறனாளி குழந்தைகளுக்கான மருத்துவ முகாமில் 207 பேர் பங்கேற்பு DIN DIN Thursday, October 11, 2018 08:34 AM +0530 வேப்பந்தட்டை ஒன்றியத்துக்குள்பட்ட வெங்கலம் அரசு மேல்நிலைப் பள்ளியில் நடைபெற்ற மாற்றுத் திறனாளிகளுக்கான மருத்துவ முகாமில் 207 பேர் பங்கேற்றனர். 
வேப்பந்தட்டை ஒன்றியத்துக்குள்பட்ட பகுதிகளில் பிறந்த குழந்தை முதல் 18 வயது வரையுள்ள மாற்றுத்திறன் கொண்ட குழந்தைகளுக்கு வெங்கலம் அரசு மேல்நிலைப் பள்ளியில் இலவச மருத்துவ முகாம் செவ்வாய்க்கிழமை நடைபெற்றது.  இதில், மனவளர்ச்சி குன்றிய 71 குழந்தைகளும், கை, கால் பாதிக்கப்பட்ட 39 குழந்தைகளும், செவித்திறன் பாதிப்படைந்த 22 குழந்தைகளும், கண் பார்வை குறையுடைய 25 குழந்தைகளும், பல்வகை குறைபாடுடையோர் 45 குழந்தைகளும், மூளை முடக்குவாதத்தால் பாதிக்கப்பட்ட 5 குழந்தைகளும் என 207 மாற்றுத்திறனுடைய குழந்தைகள் பங்கேற்றனர். 
மனநலன் மருத்துவர் மின்னத்துல் முபிதா, எலும்பு முறிவு சிகிச்சை மருத்துவர் செந்தில்குமார், காது, மூக்கு தொண்டை மருத்துவர் ராஜசேகரன், கண் பரிசோதகர் செல்லப்பன், செவி பரிசோதகர் செந்தில்முருகன், முடநீக்கியல் வல்லுநர் ஜெயராமன் ஆகியோர் மாற்றுத்திறனுடைய குழந்தைகளை பரிசோதித்து, உதவி உபகரணங்கள், தேசிய அடையாள அட்டைக்கு பரிந்துரை செய்தனர். 
இதில் 59 குழந்தைகள் உதவி உபகரணங்களுக்காக தேர்வு செய்யப்பட்டனர். 16 நபர்களுக்கு தேசிய அடையாள அட்டை வழங்கப்பட்டது. 

]]>
http://www.dinamani.com/all-editions/edition-trichy/perambalur/2018/oct/11/மாற்றுத்திறனாளி-குழந்தைகளுக்கான-மருத்துவ-முகாமில்-207-பேர்-பங்கேற்பு-3018107.html
3018106 திருச்சி பெரம்பலூர் விவசாயிகளுக்கு வயல்வெளி பயிற்சி DIN DIN Thursday, October 11, 2018 08:33 AM +0530 பெரம்பலூர் தனலட்சுமி சீனிவாசன் வேளாண் கல்லூரியில், சிறுதானிய பயிர் உற்பத்தியாளர்கள் குழு சார்பில், சிறுதானிய பயிர்களில் அதிக மகசூல் பெறுவதற்கான தொழில்நுட்பங்கள் குறித்து விவசாயிகளுக்கு வயல்வெளி பயிற்சி திங்கள்கிழமை அளிக்கப்பட்டது. 
பெரம்பலூர் தனலட்சுமி சீனிவாசன் கல்வி நிறுவனங்களின் அ. சீனிவாசன், பயிற்சியை தொடக்கி வைத்தார். கல்லூரி முதல்வர் சே. கீதா, சிறுதானிய பயிர்களில் சொட்டுநீர் பயன்படுத்துவதற்கான சாத்தியக் கூறுகளையும், அதிக மகசூல் தரக்கூடிய தமிழ்நாடு வேளாண் பல்கலை கழகத்தின் பயிர் ரகங்கள் குறித்தும் விளக்கினார்.  
உதவிப் பேராசிரியர் ராமகிருஷ்ணன், விவசாயிகளுக்கு வயல் வெளி விளக்கங்கள் அளித்தார். இதில், பேரளி கிராமத்தைச் சேர்ந்த சிறுதானிய பயிர் உற்பத்தியாளர்கள் குழு விவசாயிகள் கலந்து கொண்டனர். ஏற்பாடுகளை நபார்டு வங்கி மேலாளர் நவீன் செய்திருந்தார்.
 

]]>
http://www.dinamani.com/all-editions/edition-trichy/perambalur/2018/oct/11/விவசாயிகளுக்கு-வயல்வெளி-பயிற்சி-3018106.html
3017402 திருச்சி பெரம்பலூர் தாமிரவருணி மஹாபுஷ்கர விழிப்புணர்வு ரத யாத்திரைக்கு வரவேற்பு DIN DIN Wednesday, October 10, 2018 08:38 AM +0530 பெரம்பலூருக்கு செவ்வாய்க்கிழமை மாலை வந்தடைந்த தாமிரவருணி மஹாபுஷ்கர விழிப்புணர்வு ரத யாத்திரைக்கு விஷ்வ இந்து பரிஷத் சார்பில் வரவேற்பு அளிக்கப்பட்டது.
144 ஆண்டுக்கு ஒருமுறை நடைபெறும் தாமிரவருணி மஹாபுஷ்கரம் விழாவையொட்டி, நர்மதை புனித நீர் தாங்கிய ரிஷப ராசி ரதமானது பாண்டிச்சேரியிலிருந்து புறப்பட்டு செவ்வாய்க்கிழமை மாலை பெரம்பலூர் வந்தடைந்தது. 
பெரம்பலூர் நான்குசாலை பகுதியில் விஸ்வ இந்து பரிஷத் மாவட்டச் செயலர் திருநாவுக்கரசு தலைமையில் வரவேற்பு அளிக்கப்பட்டது. அங்கு நடத்தப்பட்ட சிறப்பு பூஜையில் திரளான பக்தர்கள் கலந்து கொண்டு சுவாமி தரிசனம் செய்தனர். 
தொடர்நது, ஸ்ரீ பிரம்மபுரீஸ்வரர் கோயில், ஸ்ரீ செல்வ விநாயகர் கோயலில் சிறப்பு பூஜைகள் நடத்தப்பட்டது. 
நிகழ்ச்சியில், சத்சங் அமைப்பு மாநில தலைவரும், ரதயாத்திரை ஒருங்கிணைப்பாளருமான கார்த்திகேயன், மூத்த வழக்குரைஞர் பிரச்சன்னம், விஸ்வ இந்து பரிஷத் மாவட்ட துணைத் தலைவர் ராஜசேகரன், நகரச் செயலர் ஹரிஹரன், மாவட்ட இணை செயலர் ரகுராம், நகர இணைச் செயலர் கண்ணுசாமி, இந்து முன்னணி பொறுப்பாளர் கண்ணன், பா.ஜ.க பொறுப்பாளர் முத்தமிழ்செல்வன் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-trichy/perambalur/2018/oct/10/தாமிரவருணி-மஹாபுஷ்கர-விழிப்புணர்வு-ரத-யாத்திரைக்கு-வரவேற்பு-3017402.html
3017401 திருச்சி பெரம்பலூர் 10 ஆண்டுகளாக காத்திருப்போருக்கு  மின் இணைப்பு வழங்க வலியுறுத்தல் DIN DIN Wednesday, October 10, 2018 08:37 AM +0530 கடந்த 10 ஆண்டுகளுக்கும் மேலாக முன்னுரிமைப் பதிவேட்டில் பதிவு செய்து காத்திருப்பவர்களுக்கு உடனடியாக மின் இணைப்பு வழங்க வேண்டுமென தமிழக விவசாயிகள் சங்கம் வலியுறுத்தியுள்ளது.
பெரம்பலூர் மின்வாரிய செயற்பொறியாளர் அலுவலகத்தில், மின் நுகர்வோர் குறைதீர் கூட்டம் செவ்வாய்க்கிழமை நடைபெற்றது. கூட்டத்துக்கு, மின்வாரிய மேற்பார்வை பொறியாளர் கருப்பையா தலைமை வகித்தார். 
கூட்டத்தில், தமிழக விவசாயிகள் சங்க மாநிலச் செயலர் ஆர். ராஜாசிதம்பரம் தலைமையிலான விவசாயிகள் அளித்த மனுவில் தெரிவித்துள்ளதாவது:  
பெரம்பலூர் மாவட்டத்தில் பெரும்பாலான இடங்களில் மின் கம்பிகள் தாழ்வாக செல்வதால், பலத்த காற்று வீசும்போது விபத்துகள் ஏற்பட்டு வருகின்றன. முள்புதர்கள், மரக்கிளைகள் மீது மின் கம்பிகள் உரசுவதாலும் தீ விபத்துகள் நிகழ்ந்து வருகின்றன. போதிய பணியாளர்கள் இல்லாததால், இதுபோன்ற சம்பவங்கள் நடைபெறுகிறது. எனவே, காலிப்பணியிடங்களை நிரப்பிட வேண்டும்.
விவசாய மின் இணைப்பு, சாதாரண மின் இணைப்பு, சுயநிதித் திட்டம், சிறப்பு முன்னுரிமை திட்டத்தின் மூலம் பதிவு செய்து, தமிழகம் முழுவதும் ஆண்டுக்கு 40 ஆயிரம் மின் இணைப்புகள் மட்டுமே வழங்கப்படுகிறது. எனவே, ஒரு லட்சம் மின் இணைப்புகள் வழங்க நடவடிக்கை எடுக்க வேண்டும்.  10 ஆண்டுகளுக்கும் மேலாக மின் இணைப்பு கோரி பதிவு செய்து காத்திருக்கும் 1,350 பேருக்கு விவசாய மின் இணைப்பு வழங்கிட தேவையான கம்பம், கம்பி உள்ளிட்ட தளவாட பொருள்களை ஒதுக்கீடு செய்ய வேண்டும்.
 

]]>
http://www.dinamani.com/all-editions/edition-trichy/perambalur/2018/oct/10/10-ஆண்டுகளாக-காத்திருப்போருக்கு--மின்-இணைப்பு-வழங்க-வலியுறுத்தல்-3017401.html
3017399 திருச்சி பெரம்பலூர் பெரம்பலூரில் இன்று சட்ட உதவி விழிப்புணர்வு முகாம் DIN DIN Wednesday, October 10, 2018 08:35 AM +0530 உலக மனநல தினத்தை முன்னிட்டு, பெரம்பலூர் மாவட்ட சட்டப் பணிகள் ஆணை குழு சார்பில் பெரம்பலூர் தீரன் நகரில் உள்ள வேலா கருணை இல்லத்தில் மனவளர்ச்சி குன்றியவர்கள் மற்றும் பொதுமக்களுக்கான சட்ட உதவி விழிப்புணர்வு முகாம் புதன்கிழமை (அக். 10) நடைபெறுகிறது.
 முகாமை, மாவட்ட முதன்மை அமர்வு நீதிபதியும், மாவட்ட சட்டப்பணிகள் ஆணை குழு தலைவருமான எஸ். பாலராஜமாணிக்கம் தொடங்கி வைக்கிறார். நீதிபதிகள் விஜயகாந்த், முரளிதரன், வினோதா, மோகனப்பிரியா, அசோக்பிரசாத், கருப்பசாமி ஆகியோர் முன்னிலையில் நடைபெறும் இம்முகாமில் பொதுமக்கள் கலந்து கொண்டு பயன்பெறலாம். ஏற்பாடுகளை மாவட்ட சட்டப்பணிகள் ஆணைக்குழு நிர்வாக அலுவலர் வெள்ளைச்சாமி செய்துள்ளார்.       
 

]]>
http://www.dinamani.com/all-editions/edition-trichy/perambalur/2018/oct/10/பெரம்பலூரில்-இன்று-சட்ட-உதவி-விழிப்புணர்வு-முகாம்-3017399.html
3017398 திருச்சி பெரம்பலூர் பிரதம மந்திரி பயிர் காப்பீட்டு திட்டத்தில் பயன்பெற அழைப்பு DIN DIN Wednesday, October 10, 2018 08:35 AM +0530 பிரதம மந்திரியின் பயிர் காப்பீட்டுத் திட்டத்தின் கீழ் பயன்பெற விவசாயிகளுக்கு அழைப்பு விடுத்துள்ளார் வேளாண்மை இணை இயக்குநர் (பொ) செ. கலைவாணி. 
இதுகுறித்து அவர் செவ்வாய்க்கிழமை வெளியிட்ட செய்திக்குறிப்பு: 
பெரம்பலூர் மாவட்டத்தில் 2018 - 19 ராபி பருவத்தில் நெல் - 2 சம்பா பயிர் சாகுபடி செய்யவுள்ள அனைத்து விவசாயிகளும், பிரதம மந்திரி பயிர் காப்பீட்டுத் திட்டத்தில் சேர்ந்து பயனடையலாம். இத்திட்டத்தின் கீழ் பயன்பெற குடும்ப அட்டை நகல், ஆதார் அட்டை நகல், கணினி சிட்டா, அடங்கல்,வங்கிக் கணக்கு புத்தகத்தின் முதல் பக்க நகலுடன், கைபேசி எண் உள்ளிட்ட அனைத்து விவரங்களுடன், வணிக வங்கிகள், தொடக்க வேளாண்மை கூட்டுறவு கடன் சங்கங்கள் மற்றும் பொது சேவை மையங்களில் பதிவுசெய்ய வேண்டும். 
கடன்பெறும் விவசாயிகள், வணிக வங்கிகள் மற்றும் தொடக்க வேளாண்மை கூட்டுறவு கடன் சங்கங்கள் மூலமும், கடன் பெறாத விவசாயிகள் தொடக்க வேளாண்மை கூட்டுறவு கடன் சங்கங்களின் சேவை மையம் மற்றும் பொது சேவை மைய முகவர்களை அணுகி பதிவுசெய்து கொள்ளலாம். நெல்- 2 சம்பா பயிருக்கு ஏக்கர் ஒன்றுக்கு ரூ. 443.25 பிரிமியத்தை நவம்பர் 30 ஆம் தேதிக்குள் செலுத்த வேண்டும்.  
நிகழாண்டு சாகுபடி செய்ய உள்ள நெல்- 2 சம்பா பயிருக்கு, பெரம்பலூர் மாவட்டத்தில் 129 வருவாய் கிராமங்களுக்கு அறிக்கை பெறப்பட்டுள்ளது. இந்த கிராமங்களின் விவரம் மற்றும் இதர தகவல்களுக்கு சம்மந்தப்பட்ட வட்டார வேளாண்மை உதவி இயக்குநர்கள், வேளாண்மை அலுவலர்கள், துணை வேளாண்மை அலுவலர்கள், உதவி வேளாண்மை அலுவலர்கள், வட்டார தொழில்நுட்ப மேலாளர்கள், உதவி தொழில்நுட்ப மேலாளர்களை அணுகி பயன்பெறலாம்.
அரியலூர்...: அரியலூர் மாவட்டம்  தா.பழூர் பகுதி விவசாயிகள் பயிர்க்காப்பீடு குறித்த விபரங்களை தா.பழூர் வட்டார வேளாண் உதவி அலுவலர்களான சிவக்குமார் 97876 61263, அசோக் குமார்  94864 94571, கண்ணன்  73392 80839, குமாரபாண்டியன் 97885 21651 ஆகியோரை அணுகி பயன் பெறலாம் என வட்டார வேளாண் உதவி இயக்குநர்(பொ) செல்வகுமார் தெரிவித்துள்ளார்.
 

]]>
http://www.dinamani.com/all-editions/edition-trichy/perambalur/2018/oct/10/பிரதம-மந்திரி-பயிர்-காப்பீட்டு-திட்டத்தில்-பயன்பெற-அழைப்பு-3017398.html
3017397 திருச்சி பெரம்பலூர் பைக்கில் சென்ற முதியவர் பள்ளத்தில் விழுந்து சாவு DIN DIN Wednesday, October 10, 2018 08:34 AM +0530 பெரம்பலூர் அருகே திங்கள்கிழமை இரவு நிகழ்ந்த சாலை விபத்தில் முதியவர் ஒருவர் உயிரிழந்தார். 
பெரம்பலூர் மாவட்டம், நக்கசேலம் கிராமத்தைச் சேர்ந்தவர் ரா. ரெங்கராஜ் (65). இவர், திங்கள்கிழமை இரவு லாடபுரம் கிராமத்திலிருந்து மேலப்புலியூருக்கு மோட்டார் சைக்கிளில் சென்றார். இரவு நீண்ட நேரமாகியும் அவர் வீட்டுக்கு திரும்பி வரவில்லை. இதையடுத்து, அவரது உறவினர்கள் பல்வேறு இடங்களில் தேடியும் கிடைக்கவில்லை. 
இந்நிலையில், ரெட்டமலைசந்து அருகே சாலையோரத்தில் இருந்த பள்ளத்தில் மோட்டார் சைக்கிளுடன் தவறி விழுந்து இறந்து கிடந்தது செவ்வாய்க்கிழமை தெரியவந்தது. தகவலறிந்த பெரம்பலூர் போலீஸார் சம்பவ இடத்துக்கு சென்று, அவரது உடலை மீட்டு பெரம்பலூர் மாவட்ட அரசு தலைமை மருத்துவமனைக்கு அனுப்பி வைத்தனர். இதுகுறித்து, அவரது மகன் ராமராஜ் அளித்த புகாரின்பேரில் பெரம்பலூர் போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-trichy/perambalur/2018/oct/10/பைக்கில்-சென்ற-முதியவர்-பள்ளத்தில்-விழுந்து-சாவு-3017397.html
3017396 திருச்சி பெரம்பலூர் வேலைவாய்ப்பற்றோர் உதவித்தொகை பெற மாற்றுத்திறனாளிகள் விண்ணப்பிக்கலாம் DIN DIN Wednesday, October 10, 2018 08:34 AM +0530 பெரம்பலூர் மாவட்டத்தைச் சேர்ந்த அனைத்துவகை மாற்றுத்திறனாளிகளும் வேலைவாய்ப்பற்றோர் உதவித்தொகை திட்டத்தின் கீழ் பயன்பெற விண்ணப்பிக்கலாம்.
இதுகுறித்து, பெரம்பலூர் மாவட்ட வேலைவாய்ப்பு அலுவலகம் வெளியிட்ட செய்திக் குறிப்பு:  
அனைத்துவகை மாற்றுத் திறனாளிகளுக்கும் தமிழக அரசின் சிறப்புத் திட்டத்தின் மூலம், வேலைவாய்ப்பற்றோர் உதவித்தொகை பெரம்பலூர் மாவட்ட வேலைவாய்ப்பு அலுவலகம் மூலம் வழங்கப்படுகிறது. எழுத, படிக்க தெரிந்தவர்கள் முதல் பட்டதாரிகள் வரை இத்திட்டத்தில் பயன்பெறலாம். 
வேலைவாய்ப்பு அலுவலகத்தில் பதிவு செய்து ஓராண்டு முடிவடைந்தவராக, அதாவது 30.9.2017 அதற்கு முன்னதாக பதிவு செய்தவராக இருக்க வேண்டும். 30.09.2018 -இல் தாழ்த்தப்பட்ட, பழங்குடியினத்தவர்கள் 45 வயதைக் கடந்தவராகவும், இதர வகுப்பினர்கள் 40 வயதைக் கடந்தவராகவும் இருக்கக்கூடாது. அரசால் வழங்கப்படும் பிற உதவித்திட்டங்கள்  பெறுபவராக இருக்கக் கூடாது. 
மனுதாரர் எந்த ஒரு கல்வி நிறுவனத்திலும் சேர்ந்து கல்வி பயிலும் மாணவ, மாணவியராக இருக்கக் கூடாது. ஆனால், தொலைதூரக் கல்வி பயிலுபவராக இருக்கலாம். 
இத் ததகுதியுடையோர் மாவட்ட வேலைவாய்ப்பு அலுவலகத்தில் விண்ணப்பம் பெற்று பூர்த்தி செய்த விண்ணப்பத்தை, 30.11.2018-க்குள் வேலைவாய்ப்பு அலுவலகத்தில் சமர்ப்பித்து உதவித்தொகை பெறலாம். ஏற்கெனவே பயனடைந்தவர்கள் விண்ணப்பிக்கத் தேவையில்லை எனத் தெரிவிக்கப்பட்டுள்ளது. 
அரியலூரில்...:அரியலூர் மாவட்டத்தைச் சேர்ந்த படித்த, வேலைவாய்ப்பற்ற இளைஞர்கள், மாற்றுத் திறனாளிகள் உதவித்தொகை கோரி விண்ணப்பிக்கலாம். 
வேலைவாய்ப்பற்றோர் தொடர்ந்து ஐந்து ஆண்டுகள் தங்களது கல்வித்தகுதியை புதுப்பித்து வந்திருக்க வேண்டும். 
மாற்றுத்திறனாளிகள் எனில் ஓராண்டு புதுப்பித்திருத்தல் வேண்டும். மேலும் விவரங்களுக்கு  அரியலூர் மாவட்ட வேலைவாய்ப்பு அலுவலகத்தை அலுவலக வேலைநேரங்களில் தொடர்பு கொள்ளுமாறும் அரியலூர் மாவட்ட ஆட்சியர் வெளியிட்ட செய்திக்குறிப்பில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-trichy/perambalur/2018/oct/10/வேலைவாய்ப்பற்றோர்-உதவித்தொகை-பெற-மாற்றுத்திறனாளிகள்-விண்ணப்பிக்கலாம்-3017396.html
3017395 திருச்சி பெரம்பலூர் மாற்றுத்திறனாளி குழந்தைகளுக்கான மருத்துவ முகாமில் 207 பேர் பங்கேற்பு DIN DIN Wednesday, October 10, 2018 08:34 AM +0530 பெரம்பலூர் மாவட்டம், வேப்பந்தட்டை ஒன்றியத்துக்குள்பட்ட வெங்கலம் அரசு மேல்நிலைப் பள்ளியில் நடைபெற்ற மாற்றுத் திறனாளிகளுக்கான மருத்துவ முகாமில் 207 பேர் பங்கேற்றனர். 
ஒருங்கிணைந்த பள்ளிக் கல்வி  மாற்றுத்திறனுடைய குழந்தைகளுக்கான உள்ளடக்கிய கல்வி திட்டத்தின் மூலம் வேப்பந்தட்டை ஒன்றியத்துக்குள்பட்ட பகுதிகளில் பிறந்த குழந்தை முதல் 18 வயது வரையுள்ள மாற்றுத்திறன் கொண்ட குழந்தைகளுக்கு வெங்கலம் அரசு மேல்நிலைப் பள்ளியில் இலவச மருத்துவ முகாம் செவ்வாய்க்கிழமை நடைபெற்றது.  இதில், மனவளர்ச்சி குன்றிய 71 குழந்தைகளும், கை, கால் பாதிக்கப்பட்ட 39 குழந்தைகளும், செவித்திறன் பாதிப்படைந்த 22 குழந்தைகளும், கண் பார்வை குறையுடைய 25 குழந்தைகளும், பல்வகை குறைபாடுடையோர் 45 குழந்தைகளும், மூளை முடக்குவாதத்தால் பாதிக்கப்பட்ட 5 குழந்தைகளும் என 207 மாற்றுத்திறனுடைய குழந்தைகள் பங்கேற்றனர். 
மனநலன் மருத்துவர் மின்னத்துல் முபிதா, எலும்பு முறிவு சிகிச்சை மருத்துவர் செந்தில்குமார், காது, மூக்கு தொண்டை மருத்துவர் ராஜசேகரன், கண் பரிசோதகர் செல்லப்பன், செவி பரிசோதகர் செந்தில்முருகன், முடநீக்கியல் வல்லுநர் ஜெயராமன் ஆகியோர் மாற்றுத்திறனுடைய குழந்தைகளை பரிசோதித்து, உதவி உபகரணங்கள், தேசிய அடையாள அட்டைக்கு பரிந்துரை செய்தனர். 
இதில் 59 குழந்தைகள் உதவி உபகரணங்களுக்காக தேர்வு செய்யப்பட்டனர். 16 நபர்களுக்கு தேசிய அடையாள அட்டை வழங்கப்பட்டது.  இதில், மாவட்ட மாற்றுத்திறனாளிகள் நல அலுவலர் காமாட்சி உள்பட பலர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/oct/10/மாற்றுத்திறனாளி-குழந்தைகளுக்கான-மருத்துவ-முகாமில்-207-பேர்-பங்கேற்பு-3017395.html
3017394 திருச்சி பெரம்பலூர் விவசாயிகளுக்கு வயல்வெளி பயிற்சி DIN DIN Wednesday, October 10, 2018 08:33 AM +0530 பெரம்பலூர் தனலட்சுமி சீனிவாசன் வேளாண் கல்லூரியில், சிறுதானிய பயிர் உற்பத்தியாளர்கள் குழு சார்பில், சிறுதானிய பயிர்களில் அதிக மகசூல் பெறுவதற்கான தொழில்நுட்பங்கள் குறித்து விவசாயிகளுக்கு வயல்வெளி பயிற்சி திங்கள்கிழமை அளிக்கப்பட்டது. 
பெரம்பலூர் தனலட்சுமி சீனிவாசன் கல்வி நிறுவனங்களின் அ. சீனிவாசன், பயிற்சியை தொடக்கி வைத்தார். கல்லூரி முதல்வர் சே. கீதா, சிறுதானிய பயிர்களில் சொட்டுநீர் பயன்படுத்துவதற்கான சாத்தியக் கூறுகளையும், அதிக மகசூல் தரக்கூடிய தமிழ்நாடு வேளாண் பல்கலை கழகத்தின் பயிர் ரகங்கள் குறித்தும் விளக்கினார்.  
உதவிப் பேராசிரியர் ராமகிருஷ்ணன், விவசாயிகளுக்கு வயல் வெளி விளக்கங்கள் அளித்தார். இதில், பேரளி கிராமத்தைச் சேர்ந்த சிறுதானிய பயிர் உற்பத்தியாளர்கள் குழு விவசாயிகள் கலந்து கொண்டனர். ஏற்பாடுகளை நபார்டு வங்கி மேலாளர் நவீன் செய்திருந்தார்.

]]>
http://www.dinamani.com/all-editions/edition-trichy/perambalur/2018/oct/10/விவசாயிகளுக்கு-வயல்வெளி-பயிற்சி-3017394.html
3016832 திருச்சி பெரம்பலூர் சாலை விபத்தில் தொழிலாளி சாவு DIN DIN Tuesday, October 9, 2018 08:48 AM +0530 பெரம்பலூர் மாவட்டம், பாடாலூர் அருகே திங்கள்கிழமை அதிகாலை நிகழ்ந்ச சாலை விபத்தில் தொழிலாளி ஒருவர் உயிரிழந்தார்.
கடலூர் மாவட்டம், வேப்பூர் வட்டம், நல்லூர் கிராமத்தைச் சேர்ந்தவர் இளங்கோவன் மகன் மதிவாணன் (27). இவர், மதுரையில் உள்ள உணவகத்தில் தொழிலாளியாக பணிபுரிந்து வந்தார். இந்நிலையில், ஞாயிற்றுக்கிழமை இரவு மதுரையிலிருந்து தனது கிராமத்துக்கு மோட்டார் சைக்கிளில் சென்றுகொண்டிருந்தார். 
திருச்சி- சென்னை தேசிய நெடுஞ்சாலையில், பெரம்பலூர் மாவட்டம், விஜயகோபாலபுரம் அருகே திங்கள்கிழமை அதிகாலை வந்தபோது, வேகக்கட்டுப்பாட்டை இழந்து விபத்துக்குள்ளானது. இதில் பலத்த காயமடைந்த மதிவாணன் சம்பவ இடத்திலேயே உயிரிழந்தார். 
தகவலறிந்த பாடாலூர் போலீஸார் சம்பவ இடத்துக்குச் சென்று, மதிவாணனிண் உடலை கைப்பற்றி பெரம்பலூர் மாவட்ட அரசு தலைமை மருத்துவமனைக்கு அனுப்பிவைத்தனர். 

]]>
http://www.dinamani.com/all-editions/edition-trichy/perambalur/2018/oct/09/சாலை-விபத்தில்-தொழிலாளி-சாவு-3016832.html
3016831 திருச்சி பெரம்பலூர் மாற்றுத்திறனாளி குழந்தைகளுக்கான மருத்துவ முகாம் DIN DIN Tuesday, October 9, 2018 08:48 AM +0530 மாற்றுத்திறனாளி குழந்தைகளுக்கான இலவச மருத்துவ முகாமில் 248 பேர் பங்கேற்றனர்.
பெரம்பலூர் அரசு மேல்நிலைப் பள்ளியில், ஒருங்கிணைந்த பள்ளிக் கல்வி மாற்றுத்திறனுடைய குழந்தைகளுக்கான உள்ளடக்கிய கல்வித் திட்டத்தில், மாற்றுத்திறன் கொண்ட குழந்தைகளுக்கான இலவச மருத்துவ முகாம் திங்கள்கிழமை நடைபெற்றது.  
முகாமுக்கு, மாவட்ட மாற்றுத்திறனாளிகள் நல அலுவலர் காமாட்சி தலைமை வகித்தார். ஒருங்கிணைந்த பள்ளிக் கல்வி மாவட்ட உதவித் திட்ட ஒருங்கிணைப்பாளர்கள் ராஜா, நல்லுசாமி ஆகியோர் முன்னிலை வகித்தனர். முகாமை மாவட்ட முதன்மைக் கல்வி அலுவலர் புகழேந்தி தொடக்கி வைத்தார். 
மருத்துவர்கள் குழுவினர் மாற்றுத்திறனுடைய குழந்தைகளை பரிசோதித்து உதவி உபகரணங்கள், தேசிய அடையாள அட்டை மற்றும் அறுவை சிகிச்சைக்காக பரிந்துரை செய்தனர்.  
மேலும், 16 நபர்களுக்கு மாற்றுத் திறனுடையோருக்கான தேசிய அடையாள அட்டை வழங்கப்பட்டது. முகாமில் 248 மாற்றுத்திறனுடைய குழந்தைகள் கலந்துகொண்டனர். 
மாவட்ட ஒருங்கிணைப்பாளர் பாரதிதாசன், வட்டார வளமைய மேற்பார்வையாளர் (பொ) தேவகி, தலைமை ஆசிரியர் சுந்தரராஜன், வட்டாரக் கல்வி அலுவலர்கள் ராமதாஸ், செந்தாமரைச்செல்வி, வட்டார ஒருங்கிணைப்பாளர் பாலசுப்ரமணி, இந்திய செஞ்சிலுவை சங்க கெளரவத் தலைவர் என். ஜெயராமன் உள்ட பலர் கலந்து கொண்டனர்.

]]>
http://www.dinamani.com/all-editions/edition-trichy/perambalur/2018/oct/09/மாற்றுத்திறனாளி-குழந்தைகளுக்கான-மருத்துவ-முகாம்-3016831.html
3016830 திருச்சி பெரம்பலூர் செட்டிக்குளத்தில் ஓசோன் விழிப்புணர்வுப் பேரணி DIN DIN Tuesday, October 9, 2018 08:48 AM +0530 பெரம்பலூர் மாவட்டம், ஆலத்தூர் வட்டம், செட்டிக்குளம் அரசு மேல்நிலைப் பள்ளியில், தேசிய பசுமைப்படை மாணவர்கள் சார்பில் உலக ஓசோன் தினத்தை முன்னிட்டு விழிப்புணர்வுப் பேரணி திங்கள்கிழமை நடைபெற்றது. 
பேரணியை, தலைமை ஆசிரியர் பெ. நாகமணி கொடியசைத்து தொடக்கிவைத்தார். பள்ளி வளாகத்தில் தொடங்கிய பேரணி பிரதான சாலைகள் வழியாகச் சென்று, மீண்டும் பள்ளி வளாகத்தில் நிறைவடைந்தது.
பேரணியில் பங்கேற்ற 450-க்கும் மேற்பட்ட மாணவ, மாணவிகள் விழிப்புணர்வு பதாகைகளை கையில் ஏந்தி, ஓசோன் விழிப்புணர்வு வாசகங்கள் அடங்கிய துண்டுப்பிரசுரங்களை பொதுமக்களிடம் வழங்கினர். மேலும், ஓசோன் படலம் பாதிக்கப்பட்டால் ஏற்படும் விளைவுகள் குறித்து முழக்கமிட்டுச் சென்றனர்.
தொடர்ந்து, பள்ளி வளாகத்தில் ஓசோன் குறித்த பேச்சுப் போட்டி மற்றும் வினாடி- வினா போட்டிகள் நடத்தப்பட்டு, வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.
பின்னர், பள்ளியின் தேசிய பசுமைப்படை ஒருங்கிணைப்பாளர் தே. பாஸ்கர், ஓசோன் படலம் குறித்தும், ஓசோன் சிதைவதால் ஏற்படும் விளைவுகள் குறித்தும் விளக்கி பேசினார். 
இதில், பள்ளி உதவி தலைமை ஆசிரியர்கள் செ. மணி, ஆ. தெய்வானை, ந. லதா, இளையோர் செஞ்சிலுவை சங்க மாவட்ட கன்வீனர் வெ. ராதாகிருஷ்ணன், பேரிடர் மேலாண்மை பயிற்றுநர் வீ. விஐயபிரசாத் உள்ளிட்ட பலர் பங்கேற்றனர். பள்ளி சாரண ஆசிரியர் த. தனபால் நன்றி கூறினார்.
 

]]>
http://www.dinamani.com/all-editions/edition-trichy/perambalur/2018/oct/09/செட்டிக்குளத்தில்-ஓசோன்-விழிப்புணர்வுப்-பேரணி-3016830.html
3016828 திருச்சி பெரம்பலூர் குடிநீர் இணைப்பு வழங்காமல் கட்டணம் கோரிய நகராட்சி DIN DIN Tuesday, October 9, 2018 08:47 AM +0530 குடிநீர் இணைப்பு வழங்காத நிலையில் கட்டணம் கோரிய நகராட்சி அலுவலர்கள் மீது நடவடிக்கை எடுக்கக்கோரி பொதுமக்கள் பெரம்பலூர் ஆட்சியரிடம் திங்கள்கிழமை மனு அளித்தனர்.  
பொதுமக்கள் குறைதீர்க் கூட்டத்தில் நகராட்சிக்குள்பட்ட 9 ஆவது வார்டு செல்வா நகரில் வசிக்கும் 20 குடியிருப்புகளைச் சேர்ந்த பொதுமக்கள் அளித்த மனு:
கடந்த 10.4.2016 ஆம் தேதி பெரம்பலூர் நகராட்சியில் குடிநீர் இணைப்பு கேட்டு வைப்புத்தொகை ரூ. 5,206 செலுத்தினோம். ஆனால் இதுவரையில்,  எங்களுக்கு குடிநீர் இணைப்பு வழங்கப்படவில்லை. இந்நிலையில், கடந்த சில தினங்களுக்கு முன் நகராட்சி சார்பில், 20 குடியிருப்புகளுக்கும் குடிநீர் கட்டணமாக தலா ரூ. 2,300 செலுத்தக்கோரி நோட்டீஸ் அனுப்பப்பட்டுள்ளது. எனவே, டெபாஸிட் கட்டணம் செலுத்தி இரண்டரை ஆண்டுகளாகியும் குடிநீர் இணைப்பு வழங்காத நகராட்சி அதிகாரிகள் மீது நடவடிக்கை எடுக்க வேண்டும். மேலும், உடனே குடிநீர் இணைப்பு வழங்க உத்தரவிட வேண்டும் எனத் தெரிவித்துள்ளனர்.

]]>
http://www.dinamani.com/all-editions/edition-trichy/perambalur/2018/oct/09/குடிநீர்-இணைப்பு-வழங்காமல்-கட்டணம்-கோரிய-நகராட்சி-3016828.html
3016827 திருச்சி பெரம்பலூர் மேல்நிலைப் பள்ளிகளில் தொழிற்கல்வி  பாடப்பிரிவு தொடங்க வலியுறுத்தல் DIN DIN Tuesday, October 9, 2018 08:47 AM +0530 தமிழகத்தில் உள்ள அனைத்து மேல்நிலைப் பள்ளிகளிலும் தொழிற்கல்வி பாடப்பிரிவு தொடங்க வேண்டுமென, மேல்நிலைப்பள்ளி தொழிற்கல்வி ஆசிரியர் சங்கம் வலியுறுத்தியுள்ளது. 
தமிழ்நாடு மேல்நிலைப்பள்ளி தொழிற்கல்வி ஆசிரியர் சங்கத்தின் மாவட்ட பொதுக்குழு கூட்டம், பெரம்பலூர் அரசு மேல்நிலைப் பள்ளியில் ஞாயிற்றுக்கிழமை நடைபெற்றது. கூட்டத்துக்கு, மாவட்டத் தலைவர் ரோச் தனசாமி தலைமை வகித்தார். 
முன்னாள் மாநிலத் தலைவர்கள் அரியநாயகம், முருகேசன் ஆகியோர் முன்னிலை வகித்தனர். மாநிலத் தலைவர் வரதன், மாநில பொதுச் செயலர் நேரு, முன்னாள் மாநில பொருளாளர் செங்கோட்டுவேல் ஆகியோர் கோரிக்கைகளை விளக்கி பேசினர். 
நிறுவனத் தலைவர் நல்லப்பன், நல்லாசிரியர் விருது பெற்ற ஆசிரியர் வீ. ராதாகிருஷ்ணனுக்கு நினைவு பரிசுகள் வழங்கி பாராட்டினார்.  கூட்டத்தில், பல்வேறு தீர்மானங்கள் நிறைவேற்றப்பட்டன. 
இதில், பெரம்பலூர், அரியலூர் மாவட்ட நிர்வாகிகள், ஆசிரியர்கள் ஆகியோர் கலந்து கொண்டனர். மாவட்ட செயலர் ராஜேந்திரன் வரவேற்றார். மாவட்ட பொருளாளர் மருதராஜ் நன்றி கூறினார்.

]]>
http://www.dinamani.com/all-editions/edition-trichy/perambalur/2018/oct/09/மேல்நிலைப்-பள்ளிகளில்-தொழிற்கல்வி--பாடப்பிரிவு-தொடங்க-வலியுறுத்தல்-3016827.html
3016826 திருச்சி பெரம்பலூர் வீட்டு உபயோக மின் பொருள்கள் பழுதுநீக்க இலவசப் பயிற்சி DIN DIN Tuesday, October 9, 2018 08:47 AM +0530 பெரம்பலூரில் உள்ள இந்தியன் ஓவர்சீஸ் வங்கியின் கிராமிய சுய வேலைவாய்ப்பு பயிற்சி மையத்தில் அக். 29 ஆம் தேதி முதல் வீட்டு உபயோக மின் பொருள்கள் பழுது நீக்குவது தொடர்பான பயிற்சி இலவசமாக அளிக்கப்படுகிறது. 
தொடர்ந்து 30 நாள்கள் நடைபெறும் இப் பயிற்சியானது, காலை 10 முதல் மாலை 5 மணி வரை நடைபெறும். பயிற்சிக் காலத்தில் மதிய உணவு இலவசமாக வழங்கப்படும். பயிற்சி பெற விருப்பம் உள்ள பெரம்பலூர் மாவட்டத்தைச் சேர்ந்தவர்கள்,  பெரம்பலூர் மதனகோபாலபுரத்தில் உள்ள ஐ.ஓ.பி வங்கியின் மாடியில் உள்ள கிராமிய சுய வேலைவாய்ப்பு பயிற்சி மையத்துக்கு நேரில் சென்று விண்ணப்பத்தை பூர்த்தி செய்து அளிக்க வேண்டும். மேலும், அக். 25 ஆம் தேதி நேர்முகத்தேர்வு மற்றும் நுழைவுத் தேர்வில் தேர்ச்சி பெறுபவர்கள் பயிற்சிக்கு தேர்வு செய்யப்படுவர். மேலும் விவரங்களுக்கு, 04328 277896 என்ற எண்ணில் தொடர்பு கொள்ளலாம் என ஐஓபி வங்கியின் கிராமிய சுயவேலைவாய்ப்பு பயிற்சி மையத்தின் இயக்குநர் ஜே. அகல்யா தெரிவித்துள்ளார்.

]]>
http://www.dinamani.com/all-editions/edition-trichy/perambalur/2018/oct/09/வீட்டு-உபயோக-மின்-பொருள்கள்-பழுதுநீக்க-இலவசப்-பயிற்சி-3016826.html
3016125 திருச்சி பெரம்பலூர் வாக்காளர் பட்டியல் சிறப்பு முகாமில் 11,505 மனுக்கள் DIN DIN Monday, October 8, 2018 08:45 AM +0530 வாக்காளர் பட்டியல் பெயர் சேர்த்தல், நீக்கம், முகவரி திருத்தம் உள்ளிட்ட பணிகளுக்கான ஞாயிற்றுக்கிழமை நடந்த சிறப்பு முகாமில் 11,505 மனுக்கள் பெறப்பட்டுள்ளன என்றார் மாவட்ட ஆட்சியர் வே. சாந்தா.  
இந்திய தேர்தல் ஆணையம் 1.1.2019 ஆம் தேதியை தகுதி நாளாகக்கொண்டு 18 வயது பூர்த்தியடைந்த நபர்களை வாக்காளர் பட்டியலில் சேர்ப்பதற்கும், வரைவு வாக்காளர் பட்டியலில் பெயர் திருத்தம், நீக்கம், முகவரி திருத்தம் உள்ளிட்ட பணிகள் மேற்கொள்ளவும் 1.9.2018 முதல் 31.10.2018 வரை விண்ணப்பங்கள் பெற ஆணையிட்டுள்ளது.
அதன்படி, பெரம்பலூர் மாவட்டம், குன்னம் வட்டம், பேரளி ஊராட்சி ஒன்றிய அரசு தொடக்கப்பள்ளி, சித்தளி அரசு நடுநிலைப்பள்ளி ஆகிய வாக்குச்சாவடி மையங்களில் ஞாயிற்றுக்கிழமை நடைபெற்ற சிறப்பு முகாமை பார்வையிட்டு ஆய்வு மேற்கொண்ட மாவட்ட ஆட்சியர் வே. சாந்தா கூறியது: 
பெரம்பலூர் சட்டப்பேரவைத் தொகுதியில் உள்ள 332 வாக்குச் சாவடிகளிலும், குன்னம் சட்டப்பேரவை தொகுதியில் உள்ள 320 வாக்குச்சாவடிகளிலும் சிறப்பு முகாம்கள் நடைபெறுகிறது.  முகாம்களில் பெயர் சேர்த்தலுக்கு படிவம் 6, பெயர் நீக்கலுக்கு படிவம் 7, திருத்தம் மேற்கொள்வதற்கு படிவம் 8, முகவரி மாற்றம் (ஒரே சட்டப்பேரவை தொகுதிக்குள்) படிவம் 8- ஏ ஆகிய விண்ணப்பங்கள் உரிய ஆவணங்களுடன் அளிக்கப்படுகிறது. 
அதன்படி, கடந்த செப். 1 முதல் அக். 4 ஆம் தேதி வரை நடைபெற்ற சிறப்பு முகாமில் 2 சட்டப்பேரவை தொகுதிகளுக்கும் உள்பட்ட வாக்குச்சாவடி மையங்களில் பெயர் சேர்க்க 7,668 நபர்களும், நீக்க 111 நபர்களும், திருத்தம் மேற்கொள்ள 3,196 நபர்களும், முகவரி மாற்றம் (ஒரே சட்டப்பேரவை தொகுதிக்குள்) செய்ய 528 நபர்களும் என, மொத்தம் 11,505 மனுக்கள் பெறப்பட்டுள்ளன என்றார் ஆட்சியர்.
ஆய்வின்போது, வருவாய்க் கோட்டாட்சியர் விஸ்வநாதன், குன்னம் வட்டாட்சியர் சிவா ஆகியோர் உடனிருந்தனர்.
அரியலூர்: அரியலூர் மாவட்ட அனைத்து வாக்குச் சாவடி மையங்களிலும் வாக்காளர் பட்டியல் சிறப்பு சுருக்க,திருத்த முகாம் ஞாயிற்றுக்கிழமை நடைபெற்றது.
வாலாஜாநகரம் ஊராட்சி ஒன்றிய நடுநிலைப்பள்ளி மற்றும் பெரியநாகலூர் ஊராட்சி ஒன்றியத் தொடக்கப்பள்ளி  வாக்குச்சாவடி மையங்களில் நடைபெற்ற பணிகளை ஆட்சியர் மு. விஜயலட்சுமி பார்வையிட்டு ஆய்வு செய்தார்.
அப்போது அவர் தெரிவித்தது: 
மாவட்டத்தில் வாக்காளர் பட்டியல் சிறப்பு சுருக்க திருத்தம் செய்யும் பணிகள் வரும் 31ஆம் தேதி வரை நடைபெறுகிறது. அதுசமயம் வரும் ஜனவரி 1, 2019 அன்று வரை தகுதி நாள்களாக கொண்டு 18 வயது நிரம்பிய அனைவரும் விண்ணப்பங்கள் கொடுத்து தங்களது பெயரை பதியலாம். மேலும், பெயர் திருத்தம், நீக்கம், முகவரி மாற்றம் உள்ளிட்டவற்றுக்கும் விண்ணப்பிக்கலாம் என்றார் அவர்.
கோட்டாட்சியர் சத்தியநாராயணன், வட்டாட்சியர் முத்துலட்சுமி மற்றும் அங்கீகரிக்கப்பட்ட அரசியல் கட்சிப் பிரதிநிதிகள் மற்றும் வருவாய்த் துறை அலுவலர்கள் உடனிருந்தனர்.

]]>
http://www.dinamani.com/all-editions/edition-trichy/perambalur/2018/oct/08/வாக்காளர்-பட்டியல்-சிறப்பு-முகாமில்-11505-மனுக்கள்-3016125.html
3016124 திருச்சி பெரம்பலூர் தீக்குளிக்க முயன்ற இலங்கை அகதிக்கு சிறை DIN DIN Monday, October 8, 2018 08:44 AM +0530 பெரம்பலூரில் தீக்குளிக்க முயன்ற இளைஞரை போலீஸார் ஞாயிற்றுக்கிழமை கைது செய்தனர்.  
பெரம்பலூர் போக்குவரத்து பிரிவு காவல் ஆய்வாளர் நாவுக்கரசன் தலைமையிலான போலீஸார், பெரம்பலூர் புறநகர் பேருந்து நிலையம் எதிரே வாகனத் தணிக்கையில் சனிக்கிழமை ஈடுபட்டிருந்தபோது, தலைக்கவசம் அணியாமல் பைக் ஓட்டி வந்த, இலங்கை அகதிகள் முகாமைச் சேர்ந்த சிவலிங்கம் மகன் சூர்யகுமாருக்கு (33) ரூ. 100 அபராதம் விதிக்கப்பட்டது. இதைக் கண்டித்து, சூர்யகுமார் மண்ணெண்ணைய் ஊற்றி தற்கொலைக்கு முயன்றார். போலீஸார் அவரை மீட்டு பெரம்பலூர் மாவட்ட அரசு தலைமை மருத்துவமனைக்கு அனுப்பினர்.  
இந்நிலையில், தகாத வார்த்தையால் திட்டி கொலை மிரட்டல் விடுத்து, அரசுப்பணி செய்யவிடாமல் தடுத்ததாக, சூரியகுமார் மீது ஆய்வாளர் நாவுக்கரசன், பெரம்பலூர் காவல் நிலையத்தில் புகார் அளித்தார். வழக்குப் பதிந்த ஆய்வாளர் சுப்ரமணியன், சூர்யகுமாரை  கைதுசெய்து பெரம்பலூர் குற்றவியல் நீதிமன்றத்தில் நீதிபதி முரளிதரன் முன்னிலையில் ஆஜர்படுத்தி, சென்னை புழல் சிறையில் ஞாயிற்றுக்கிழமை அடைத்தார்.

]]>
http://www.dinamani.com/all-editions/edition-trichy/perambalur/2018/oct/08/தீக்குளிக்க-முயன்ற-இலங்கை-அகதிக்கு-சிறை-3016124.html
3016123 திருச்சி பெரம்பலூர் மதிப்புக் கூட்டு இயந்திர மையங்கள் அமைக்க விவசாயிகளுக்கு அழைப்பு DIN DIN Monday, October 8, 2018 08:44 AM +0530 நீடித்த மானாவாரி இயக்கத்தின் கீழ், வேளாண் விளைபொருள்கள் மதிப்புக் கூட்டும் இயந்திர மையங்கள் அமைப்பதற்கு தகுதியான உழவர் உற்பத்தியாளர் அமைப்பு, உற்பத்தியாளர் குழுவினர் விண்ணப்பிக்க அழைப்பு விடுக்கப்பட்டுள்ளது.
இதுகுறித்து, பெரம்பலூர் மாவட்ட வேளாண் துறை சார்பில் வெளியிட்ட செய்திக் குறிப்பு: 
இத்திட்டத்தின் கீழ் பெரம்பலூர் மாவட்டத்தில் கல்பாடி, பேரளி ஆகிய இடங்களில் மதிப்புக்கூட்டு இயந்திர மையம் அமைக்கப்பட்டு வருகிறது. பொதுமக்கள் தங்களது தேவைக்கு இந்த மையங்களை அணுகி மதிப்புக் கூட்டப்பட்ட விளைபொருள்களை பெற்றுக் கொள்ளலாம். இதேபோல, நடப்பு நிதியாண்டிலும் 2 ஆம் கட்டமாக, பெரம்பலூர் மாவட்டத்தில் 4 மதிப்புக்கூட்டு இயந்திர மையங்கள் அமைக்க அரசு நிதி ஒதுக்கியுள்ளது.  
ஆர்வமுள்ள தகுதிவாய்ந்த உழவர் உற்பத்தியாளர் அமைப்பு, உழவர் உற்பத்தியாளர் குழுவினர் விண்ணப்பிக்கலாம். மதிப்புக் கூட்டும் இயந்திர மையம் அமைக்க ஆர்வமுள்ளவர்கள் உரிய ஆவணங்களுடன், சம்பந்தப்பட்ட மானாவாரி தொகுப்பு மேம்பாட்டு குழுவிடம் விண்ணப்பிக்க வேண்டும். தொகுப்பு மேம்பாட்டுக் குழு, வேளாண் பொறியியல் துறை உதவி செயற்பொறியாளருக்கு விண்ணப்பத்தை பரிந்துரை செய்யும். 
பின்னர், தேர்வு செய்யப்பட்ட விண்ணப்பத்துக்கு ஆட்சியர் தலைமையிலான மாவட்ட அளவிலான குழு ஒப்புதல் பெறப்பட்டு, அங்கீகாரம் வழங்கப்பட்ட நிறுவனங்களுக்கு உதவி செயற்பொறியாளரால் மதிப்புக் கூட்டும் இயந்திரங்கள் வழங்கிட பணியாணை வழங்கப்படும். இயந்திரங்கள் வழங்கப்பட்டு, மதிப்புக் கூட்டும் இயந்திர மையம் நிறுவப்பட்ட பின் ஆய்வு செய்யப்பட்டு இயந்திரங்கள் திருப்திகரமாக செயல்படுகிறது என்ற அறிக்கை பெற்ற பிறகே, சம்பந்தப்பட்ட நிறுவனங்களுக்கு தொகுப்பு மேம்பாட்டக் குழு மூலம் மானியத்தொகை விடுவிக்கப்படும்.
எனவே, இத்திட்டத்தின் கீழ் பயன்பெற ஆர்வமுள்ள உழவர் உற்பத்தியாளர் அமைப்பு மற்றும் உழவர் உற்பத்தியாளர் குழு தங்களது விண்ணப்பத்தை சம்மந்தப்பட்ட தொகுப்பு மேம்பாட்டுக் குழுவுக்கு அளிக்கலாம். மேலும் விவரங்களுக்கு, பெரம்பலூர் வேளாண் பொறியியல் துறை செயற்பொறியாளர், ஆலத்தூர், பெரம்பலூர், வேப்பந்தட்டை, வேப்பூர் வட்டார வேளாண்மை உதவி இயக்குநர்களை அணுகலாம்.

]]>
http://www.dinamani.com/all-editions/edition-trichy/perambalur/2018/oct/08/மதிப்புக்-கூட்டு-இயந்திர-மையங்கள்-அமைக்க-விவசாயிகளுக்கு-அழைப்பு-3016123.html
3016122 திருச்சி பெரம்பலூர் காவல்துறை சார்பில் வினாடி- வினா போட்டி DIN DIN Monday, October 8, 2018 08:44 AM +0530 பெரம்பலூர் மாவட்ட காவல்துறை சார்பில், பெரம்பலூர் மற்றும் மங்கலமேடு பகுதிகளில் ஞாயிற்றுக்கிழமை நடைபெற்ற வினாடி- வினா போட்டிகளில் திரளான மாணவ, மாணவிகள் பங்கேற்றனர். 
இந்திய காவல் துறையில் வீர- தீர செயல்கள் புரிந்து உயிர்நீத்த காவல்துறையினரைக் கெளரவிக்கும் வகையில், அவர்களது நினைவாக இந்தப் போட்டி நடத்தப்பட்டது. 
பெரம்பலூர் கோட்டம் சார்பில், பெரம்பலூர் ஸ்ரீ ராமகிருஷ்ணா மெட்ரிக் பள்ளியில் நடைபெற்ற போட்டியில் 100-க்கும் மேற்பட்ட பள்ளி, கல்லூரி மாணவ, மாணவிகள் கலந்து கொண்டனர். 
வென்றோருக்கு பரிசு வழங்கினார் பெரம்பலூர் காவல் நிலைய ஆய்வாளர் சுப்ரமணியன். ஏற்பாடுகளை உதவி ஆய்வாலர் அசோக்குமார் உள்ளிட்டோர் செய்தனர். 
இதேபோல, மங்களமேடு கோட்டம் சார்பில் மங்களமேடு மதுரா மஹாலில் நடைபெற்ற வினாடி- வினா போட்டியில் 100-க்கும் மேற்பட்ட பள்ளி, கல்லூரி மாணவ, மாணவிகள் கலந்து கொண்டனர்.  மங்களமேடு கோட்ட துணை கண்காணிப்பாளர் (பொ) ஆறுமுகம் பரிசு வழங்கினார். 
 நிகழ்ச்சியில், ஆய்வாளர் மகாலட்சுமி, உதவி ஆய்வாளர்கள் மணிகண்டன், சுரேஷ், சிவக்குமார் மற்றும் போலீஸார் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/oct/08/காவல்துறை-சார்பில்-வினாடி--வினா-போட்டி-3016122.html
3016121 திருச்சி பெரம்பலூர் பெருமாள் கோயில்களில் சுவாமி வீதி உலா நிகழ்ச்சி DIN DIN Monday, October 8, 2018 08:44 AM +0530 புரட்டாசி மாதம் 3 ஆம் சனிக்கிழமையை முன்னிட்டு, பெரம்பலூர் மாவட்டத்தில் உள்ள பல்வேறு பெருமாள் கோயில்களில் சனிக்கிழமை இரவு சுவாமி வீதி உலா நடைபெற்றது.
பெரம்பலூர் மாவட்டம், வேப்பந்தட்டை வட்டம், வாலிகண்டபுரம் பிரசன்ன வெங்கடாஜலபதி கோயிலில் பெருமாளுக்கு சிறப்பு அபிஷேகம், தீபாராதனை நடைபெற்றது. இரவு சிறப்பு அலங்காரத்தில் சுவாமி வீதி உலா நடைபெற்றது. வீடுகளின் முன்பு பக்தர்கள் காத்திருந்து சுவாமியை வழிபட்டனர்.
ஆலத்தூர் வட்டம், நாட்டார்மங்கலம் கிராமத்தில் உள்ள ஸ்ரீ வரதராஜ் கம்பப்பெருமாள் சுவாமிக்கு சிறப்பு அபிஷேக, ஆராதனை நடத்தப்பட்டது. இரவு வாணவேடிக்கை மற்றும் தப்பாட்டம் உள்ளிட்ட கிராமிய கலை நிகழ்ச்சிகளுடன் அலங்கரிக்கப்பட்ட வாகனத்தில் சுவாமி திருவீதி உலா நடைபெற்றது. பக்தர்களுக்கு பிரசாதம் வழங்கப்பட்டது. விழாவில் நாட்டார்மங்கலம், கூத்தனூர், செட்டிகுளம், இரூர் உள்ளிட்ட கிராமங்களிலிருந்து பக்தர்கள் கலந்து கொண்டனர். 
இதேபோல, காருகுடி கிராமத்தில் உள்ள பிரசன்ன வெங்கடாஜலபதி சுவாமி கோயிலிலும், வெங்கனூர் விருத்தாசலேஸ்வரர் கோயிலிலும் சுவாமி வீதி உலா நடைபெற்றது. இதேபோல, பெரம்பலூர் மாவட்டத்தில் உள்ள பிரசித்தி பெற்ற பெருமாள் கோயில்களில் விடிய, விடிய நடைபெற்ற சுவாமி வீதி உலா நிகழ்ச்சிகளில் திரளான பக்தர்கள் கலந்துகொண்டு சுவாமி தரிசனம் செய்தனர்.
 

]]>
http://www.dinamani.com/all-editions/edition-trichy/perambalur/2018/oct/08/பெருமாள்-கோயில்களில்சுவாமி-வீதி-உலா-நிகழ்ச்சி-3016121.html
3016120 திருச்சி பெரம்பலூர் முன்னாள் படைவீரர் வாரிசுகள் பரிசுக்கு விண்ணப்பிக்கலாம் DIN DIN Monday, October 8, 2018 08:43 AM +0530 பெரம்பலூர் மாவட்டத்தில் 2017- 2018 ஆம் கல்வியாண்டில் பிளஸ் 2 அரசுப் பொது தேர்வில் மாவட்ட அளவில் முதல் மற்றும் இரண்டாம் மதிப்பெண் பெற்ற முன்னாள் படைவீரர்களின் வாரிசுகள் பரிசு பெற அழைப்பு விடுத்துள்ளார் மாவட்ட ஆட்சியர் வே. சாந்தா. 
இதுகுறித்து அவர் வெளியிட்ட செய்திக் குறிப்பு: 
முதல் மற்றும் 2-ஆம் இடம்  பெறுபவர்களுக்கு முறையே ரூ. 5 ஆயிரமும், ரூ. 3 ஆயிரமும் வழங்கப்படுகிறது. அதன்படி, முன்னாள் படைவீரர் நல அலுவலகத்தின் மூலம் ஏற்கெனவே பெறப்பட்ட ஆவணங்களின் படி, பெரம்பலூர் மாவட்டத்தில் முதல் மதிப்பெண் 1,200-க்கு 1,034 மதிப்பெண்களும், இரண்டாம் மதிப்பெண் 1,200-க்கு 1,028 மதிப்பெண்களும் பெற்றுள்ளனர்.   எனவே, பிளஸ் 2 தேர்ச்சியுற்ற முன்னாள் படைவீரர்களின் வாரிசுகள் மேற்கண்ட மதிப்பெண்கள் பெற்றிருந்தால், அக். 15-க்குள் அரியலூரில் உள்ள முன்னாள் படைவீரர் நல உதவி இயக்குநர் அலுவலகத்துக்கு மதிப்பெண் சான்று, பள்ளி மாற்றுச்சான்று, அசல் படைவிலகல் சான்று மற்றும் அடையாள அட்டை ஆகிய ஆவணங்களுடன் விண்ணப்பித்து பயன் பெறலாம்.

]]>
http://www.dinamani.com/all-editions/edition-trichy/perambalur/2018/oct/08/முன்னாள்-படைவீரர்-வாரிசுகள்-பரிசுக்கு-விண்ணப்பிக்கலாம்-3016120.html
3016118 திருச்சி பெரம்பலூர் வேலைவாய்ப்பற்றோருக்கு உதவித்தொகை DIN DIN Monday, October 8, 2018 08:43 AM +0530 பெரம்பலூர் மாவட்டத்தைச் சேர்ந்த பட்டதாரி இளைஞர்கள் வேலைவாய்ப்பற்றோர் திட்டத்தின் கீழ் உதவித்தொகை பெற நவ. 30 வரை விண்ணப்பிக்கலாம்.
இதுகுறித்து மாவட்ட வேலைவாய்ப்பகம் வெளியிட்ட செய்திக் குறிப்பு:   பள்ளியில் எஸ்.எஸ்.எல்.சி. பயின்று தேர்ச்சியடையாதவர்கள் முதல் பட்டதாரிகள் வரை வேலைவாய்ப்பகத்தில் பதிந்து, தொடர்ந்து புதுப்பித்து 5 ஆண்டுக்கும் மேலாக வேலைவாய்ப்பின்றிக் காத்திருப்போருக்கு உதவித்தொகை வழங்கும் திட்டத்தின் கீழ் வேலைவாய்ப்பகம் மூலம் விண்ணப்பம் வழங்கப்படுகிறது.
இத்திட்டத்தின் கீழ் பயன்பெற, கல்வித் தகுதியை பதிந்து 5 ஆண்டு முடிந்தவராக, அதாவது 30.9.2013-க்கு முன் பதிந்தவராக இருக்க வேண்டும். தவறாமல்  புதுப்பித்திருக்க வேண்டும். 30.09.2013-இல் தாழ்த்தப்பட்ட, பழங்குடியினத்தவர்கள் 45 வயதைக் கடந்தவராகவும், இதர வகுப்பினர்கள் 40 வயதைக் கடந்தவராகவும் இருக்கக் கூடாது. குடும்ப வருமானம் ஆண்டுக்கு ரு. 50 ஆயிரத்துக்கு மிகாமல் இருக்க வேண்டும். கல்வி நிறுவனத்தில் பயிலும் மாணவ, மாணவியாக இருக்க கூடாது. தொலைதூரக் கல்வி பயிலுபவராக இருக்கலாம். சுயத்தொழில் செய்பவராகவோ, சுய சம்பாத்தியம் செய்பவராகவோ இருக்கக் கூடாது. 
மேற்கண்ட தகுதியுடையோரிடமிருந்து, பூர்த்தி செய்யப்பட்ட விண்ணப்பத்தை நவ. 30 வரை  பெறப்படும். விண்ணப்பம் பெற அனைத்துக் கல்வி சான்றிதழ்கள், மாற்றுச் சான்றிதழ், புதுப்பிக்கப்பட்டுள்ள வேலைவாய்ப்பு அலுவலக அடையாள அட்டை, குடும்ப அடையாள அட்டை மற்றும் ஆதார் அட்டை உள்ளிட்ட அசல் ஆவணங்களுடன் வர வேண்டும். ஏற்கெனவே பயனடைந்தவர்கள் விண்ணப்பிக்கத் தேவையில்லை.
 

]]>
http://www.dinamani.com/all-editions/edition-trichy/perambalur/2018/oct/08/வேலைவாய்ப்பற்றோருக்கு-உதவித்தொகை-3016118.html
3016117 திருச்சி பெரம்பலூர் ஐயப்ப சேவா சங்கக் கூட்டம் DIN DIN Monday, October 8, 2018 08:43 AM +0530 திருச்சி அகில பாரத ஐயப்ப சேவா சங்கம் சார்பில், சபரி மலையின் பாரம்பரியத்தை காக்கவும், அனைத்து வயது பெண்களும் கோயிலுக்குச் செல்ல அனுமதி என்ற நிலை மாறவேண்டும் என்பன உள்ளிட்ட கோரிக்கையை வலியுறுத்தி, விளக்கக் கூட்டம் ஞாயிற்றுக்கிழமை நடைபெற்றது.
பெரம்பலூர் புறநகர் பேருந்து நிலைய வளாகம் அருகே நடைபெற்ற கூட்டு பிரார்த்தனை மற்றும் விளக்கக் கூட்டத்துக்கு, திருச்சி அகில பாரத ஐயப்ப சேவா சங்க மாவட்ட துணைத் தலைவர் கண்ணன் தலைமை வகித்தார். மாவட்ட இணைச் செயலர் தியாகராஜன் முன்னிலை வகித்தார்.   பொறுப்பாளர் செந்தில்குமார், வட்ட ஆய்வாளர்கள் கோவிந்தராஜ், பாலகிருஷ்ணன் உள்பட 100-க்கும் மேற்பட்டோர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/oct/08/ஐயப்ப-சேவா-சங்கக்-கூட்டம்-3016117.html
3015547 திருச்சி பெரம்பலூர் போக்குவரத்து ஆய்வாளரை கண்டித்து இலங்கை அகதி தீக்குளிக்க முயற்சி DIN DIN Sunday, October 7, 2018 03:31 AM +0530
பெரம்பலூரில் போக்குவரத்து ஆய்வாளரைக் கண்டித்து, இலங்கை அகதி முகாமைச் சேர்ந்த தள்ளுவண்டிக்கடை வியாபாரி ஒருவர் மண்ணெண்ணெய் ஊற்றி தற்கொலை முயற்சியில் சனிக்கிழமை ஈடுபட்டார்.
பெரம்பலூர் புறநகர் பேருந்து நிலையம் அருகேயுள்ள இலங்கை அகதிகள் முகாமைச் சேர்ந்தவர் சதீஷ் (32). இவர், பேருந்து நிலைய வளாகத்தில் தள்ளுவண்டி மூலம் கடலை வியாபாரம் செய்கிறார். இந்நிலையில், சதீஷ் வெளியூர் செல்வதற்காக தனது மோட்டார் சைக்கிளில் புறநகர் பேருந்து நிலையத்துக்கு சனிக்கிழமை வந்தார்.
அப்போது, அங்கு வாகனத் தணிக்கையில் ஈடுபட்டிருந்த போக்குவரத்து ஆய்வாளர் நாவுக்கரசன், சதீஷை வழிமறித்து வாகனத்துக்கான ஆவணங்களை கேட்டதற்கு, தன்னிடம் இருந்த ஆவணங்களின் நகல்களை காட்டினாராம். இதைத் தொடர்ந்து, தலைக்கவசம் அணியாமல் வாகனத்தை ஓட்டி வந்ததாக வழக்குப் பதிவதாக ஆய்வாளர் தெரிவித்தாராம். இதனால் இருவருக்கும் வாக்குவாதம் ஏற்பட்டதாம். இதையடுத்து, தன்மீது வழக்குப் பதிந்தால் தற்கொலை செய்வேன் எனக் கூறிய சதீஷ், அருகில் இருந்த வீட்டுக்குச் சென்று மண்ணெண்ணெய் கேனை எடுத்து வந்து ஊற்றிக் கொண்டு தற்கொலைக்கு முயன்றார். சதீஷை மீட்ட போலீஸார், அவரை பெரம்பலூர் மாவட்ட அரசு தலைமை மருத்துவமனைக்கு அனுப்பினர். இச்சம்பவத்தால் சிறிது நேரம் பரபரப்பு ஏற்பட்டது.

 

]]>
http://www.dinamani.com/all-editions/edition-trichy/perambalur/2018/oct/07/போக்குவரத்து-ஆய்வாளரை-கண்டித்து-இலங்கை-அகதி-தீக்குளிக்க-முயற்சி-3015547.html
3015546 திருச்சி பெரம்பலூர் பதிவு செய்யாத குழந்தைகள் இல்லங்கள், விடுதிகள் மீது சட்டப்படி நடவடிக்கை DIN DIN Sunday, October 7, 2018 03:31 AM +0530
பெரம்பலூர் மாவட்டத்தில் பதிவு செய்யப்படாத குழந்தைகள் இல்லங்கள் மற்றும் உரிமம் பெறாத விடுதிகள் மீது நடவடிக்கை எடுக்கப்படும் என எச்சரிக்கை விடுத்துள்ளார் மாவட்ட ஆட்சியர் வே. சாந்தா.
இதுகுறித்து அவர் வெளியிட்ட செய்திக் குறிப்பு:
இளைஞர் நீதி (குழந்தைகள் பராமரிப்பு மற்றும் பாதுகாப்பு) சட்டத்தின்படி பராமரிப்பும், பாதுகாப்பும் தேவைப்படும் குழந்தைகளைத் தங்க வைத்திருக்கும் நிறுவனங்கள் மட்டுமே குழந்தைகள் இல்லங்களாகக் கருதப்படும். இந்நிறுவனங்கள் இளைஞர் நீதி சட்டத்தின் கீழ் பதிவு செய்ய வேண்டும்.
வீட்டைவிட்டு வெளியே தங்கும் பெண் குழந்தைகள், வளரிளம் பெண்கள் மற்றும் பெண்கள், சிறார் இல்லங்கள், மாணவ, மாணவிகள் விடுதிகள், பணிபுரியும் பெண்கள் விடுதிகள் ஆகிய தனியார் நிறுவனங்கள், தமிழ்நாடு பெண்கள் மற்றும் குழந்தைகள் தங்கும் விடுதிகள், இல்லங்கள் சட்டத்தின் கீழ் உரிமம் பெற வேண்டும்.
குழந்தைகள் இல்லங்கள் மற்றும் விடுதிகள் செயல்படுவது தொடர்பாக நடைமுறையில் உள்ள சட்டங்கள், அரசாணைகள் மற்றும் வழிகாட்டு நெறிமுறைகளில் குறிப்பிட்டுள்ளவாறு, குறைந்தபட்ச அடிப்படை உள்கட்டமைப்பு வசதிகள், இதர வசதிகள் இருப்பதை அனைத்து நிறுவனங்களாலும் உறுதி செய்யப்பட வேண்டும்.
உரிய சட்டத்தின் கீழ் பதிவு செய்யப்படாத தனியார் குழந்தைகள் இல்லங்கள் மற்றும் உரிமம் பெறாத தனியார் விடுதிகளை நடத்தும் நிர்வாகிகளுக்கு, உரிய சட்டத்தின்படி சிறை தண்டனை மற்றும் அபராதம் விதிக்கப்பட சட்டத்தில் வழி செய்யப்பட்டுள்ளது. குழந்தைகளை தங்க வைத்திருக்கும் இல்லங்கள் இளைஞர் நீதிச் சட்டத்தின் கீழ் பதிவு செய்ய மாவட்ட குழந்தை பாதுகாப்பு திட்டத்தை அணுகலாம். விடுதிகள் தமிழ்நாடு பெண்கள் மற்றும் குழந்தைகள் தங்கும் விடுதிகள், இல்லங்கள் சட்டத்தின் கீழ் உரிமம் பெறுவதற்கு மாவட்ட சமூக நல அலுவலகம் அல்லது மாவட்ட குழந்தை பாதுகாப்பு திட்டத்தை அணுகி, அக். 25 க்குள் விண்ணப்பிக்கலாம்.

 

]]>
http://www.dinamani.com/all-editions/edition-trichy/perambalur/2018/oct/07/பதிவு-செய்யாத-குழந்தைகள்-இல்லங்கள்-விடுதிகள்-மீது-சட்டப்படி-நடவடிக்கை-3015546.html
3015545 திருச்சி பெரம்பலூர் அக்.21-ல் கோரிக்கை முழக்கப் பேரணி: ஆசிரியர்கள் முடிவு DIN DIN Sunday, October 7, 2018 03:30 AM +0530
கோரிக்கைகளை நிறைவேற்றக் கோரி திருச்சியில் 21 ஆம் தேதி கோரிக்கை முழக்கப் பேரணி நடத்த தமிழ்நாடு நெட், செட், பி.எச்.டி ஆசிரியர்கள் சங்க பொதுக்குழுக் கூட்டத்தில் முடிவெடுக்கப்பட்டது.
தமிழ்நாடு நெட், செட், பி.எச்.டி ஆசிரியர்கள் சங்க மாவட்ட பொதுக் குழுக் கூட்டம் பெரம்பலூரில் சனிக்கிழமை நடைபெற்றது. சங்கத்தின் மாநிலத் தலைவர் முனைவர் ஜவகர் தலைமை வகித்தார். மாநில பொதுச் செயலர் முனைவர் ரமேஷ் முன்னிலை வகித்தார். தமிழ்நாடு பட்டதாரி ஆசிரியர் கழகத் தலைவர் கி. மகேந்திரன் சிறப்புரையாற்றினார்.
கூட்டத்தில், அரசு கலை மற்றும் அறிவியல் கல்லூரிகளில் காலியாக உள்ள உதவிப் பேராசிரியர்கள் பணியிடங்களை பள்ளி கல்விக்துறையின் கீழ் பணிபுரியும் நெட், செட், பி.எச்.டி முடித்து தகுதிபெற்ற ஆசிரியர்களை கொண்டு நிரப்ப வேண்டும். அரசு கலைக் கல்லூரியில் உள்ள உதவிப் பேராசிரியர் காலியிடங்களை நிரப்பும்போது பள்ளிக் கல்வித்துறையின் கீழ் பணிபுரியும் தகுதிபெற்ற நெட், செட், பி.எச்.டி முடித்த ஆசிரியர்களுக்கு 50 சதவீதம் உள் ஒதுக்கீடு அளிக்க வேண்டும்.
அரசுப் பள்ளி கல்வித்துறையின் கீழ் பணியுரியும் ஆசிரியர்களின் பணிக்காலத்தை, முறையான பணிக்காலமாக கணக்கில்கொண்டு உதவிப் பேராசிரியர் பணியிடங்களை நிரப்பும்போது, அதற்கான மதிப்பெண் வழங்க வேண்டும். அனைவருக்கும் சம வாய்ப்பு அளிக்கும் வகையில் அரசு கலை, அறிவியல் கல்லூரி உதவிப் பேராசிரியர்களை போட்டித் தேர்வு மூலம் தேர்ந்தெடுக்க வேண்டும். திருச்சியில் அக். 21 ஆம் தேதி நடைபெறும் கோரிக்கை முழுக்க பேரணி நடத்துவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன. ஆசிரியர்கள் செல்வராஜ், த. மாயகிருஷ்ணன் உள்பட பலர் கலந்துகொண்டனர். பெரம்பலூர் மாவட்டத் தலைவர் முரளி வரவேற்றார். அரியலூர் மாவட்டத் தலைவர் அன்புமணி நன்றி கூறினார்.

 

]]>
http://www.dinamani.com/all-editions/edition-trichy/perambalur/2018/oct/07/அக்21-ல்-கோரிக்கை-முழக்கப்-பேரணி-ஆசிரியர்கள்-முடிவு-3015545.html
3015544 திருச்சி பெரம்பலூர் வருமான வரியிலிருந்து விலக்கு; ஓய்வூதியர்கள் வலியுறுத்தல் DIN DIN Sunday, October 7, 2018 03:30 AM +0530
வருமான வரி செலுத்துவதிலிருந்து விலக்கு அளிக்க வேண்டுமென ஓய்வு பெற்ற அலுவலர்கள் வலியுறுத்தியுள்ளது.
பெரம்பலூரில் ஓய்வுபெற்ற அலுவலர்கள் சங்க ஆலோசனைக் கூட்டம், அதன் மாவட்டத் தலைவர் அங்கமுத்து தலைமையில் வெள்ளிக்கிழமை நடைபெற்றது.
மாவட்டச் செயலர் மருதமுத்து, மாவட்ட பொருளாளர் ஆதிசிவம் ஆகியோர் வரவு- செலவு அறிக்கை வாசித்தனர். வேப்பூர் வட்டாரத் தலைவர் செங்கான், பொறுப்பாளர் சையத் பாஷாஜான், வட்டாரப் பொருளாளர் செங்கமலை, முன்னாள் மாவட்டச் செயலர் கந்தசாமி, ஓய்வுபெற்ற கல்வித் துறை இணை இயக்குநர் மதி ஆகியோர் கோரிக்கைகளை விளக்கினர்.
கூட்டத்தில், 7-வது ஊதியக் குழு பரிந்துரைப்படி 21 மாத நிலுவைத் தொகை வழங்க வேண்டும். ஓய்வூதியருக்கு மருத்துவப்படி ரூ. 1,000 வழங்க வேண்டும். ஓய்வூதியர்களுக்கு வழங்கும் குடும்ப நல நிதியை ரூ. 50 ஆயிரத்திலிருந்து, ரூ. 2 லட்சமாக உயர்த்த வேண்டும். மேற்குவங்க அரசை பின்பற்றி, தமிழக அரசும் ஓய்வூதியர்களுக்கு வருமான வரி செலுத்துவதிலிருந்து விலக்கு அளிக்க வேண்டும். புதிய மருத்துவக் காப்பீட்டு சந்தாவை குறைத்திட வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. சங்க நிர்வாகிகள் சிவலிங்கம், கிருஷ்ணமூர்த்தி, இருதயசாமி, அழகிரிசாமி, அய்யாக்கண்ணு, நாராயணசாமி, சின்னம்மாள் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-trichy/perambalur/2018/oct/07/வருமான-வரியிலிருந்து-விலக்கு-ஓய்வூதியர்கள்-வலியுறுத்தல்-3015544.html
3015543 திருச்சி பெரம்பலூர் அக். 9-இல் மின் நுகர்வோர் குறைதீர் கூட்டம் DIN DIN Sunday, October 7, 2018 03:30 AM +0530  

பெரம்பலூர் கோட்டத்துக்குள்பட்ட மின் நுகர்வோருக்கான குறைதீர் கூட்டம் அக். 9 ஆம் தேதி நடைபெற உள்ளது.
இதுகுறித்து மின்வாரிய செயற்பொறியாளர் எஸ். பிரகாசம் வெளியிட்ட செய்திக் குறிப்பு: மேற்பார்வை பொறியாளர் தலைமையில், இயக்குதலும், பராமரித்தலும் செயற்பொறியாளர்கள் முன்னிலையில், பெரம்பலூர் தமிழ்நாடு மின் உற்பத்தி மற்றும் பகிர்மான கழக (தமிழ்நாடு மின்சார வாரியம்) அலுவலகத்தில் அக். 9 காலை 11 மணி முதல் மதியம் 1 மணி வரை நடைபெறும் கூட்டத்தில், பெரம்பலூர் கோட்டத்துக்குள்பட்ட மின் நுகர்வோர் பங்கேற்று தங்களுடைய குறைகளை நேரில் தெரிவித்து பயன்பெறலாம்,

 

]]>
http://www.dinamani.com/all-editions/edition-trichy/perambalur/2018/oct/07/அக்-9-இல்-மின்-நுகர்வோர்-குறைதீர்-கூட்டம்-3015543.html
3015542 திருச்சி பெரம்பலூர் தகவலறியும் உரிமைச் சட்ட விழிப்புணர்வு கலை நிகழ்ச்சி DIN DIN Sunday, October 7, 2018 03:30 AM +0530
பெரம்பலூர் புறநகர் பேருந்து நிலைய வளாகத்தில் தகவல் அறியும் உரிமைச் சட்டம் குறித்த விழிப்புணர்வு நிகழ்ச்சி சனிக்கிழமை நடைபெற்றது.
மாநில தகவல் ஆணைய உத்தரவின்கீழ், ஆண்டுதோறும் தகவலறியும் உரிமைச் சட்டம் குறித்த விழிப்புணர்வு நிகழ்ச்சி நடைபெறுகிறது. இத்திட்டம் குறித்து, பெரம்பலூர் மாவட்டத்தில் பொதுமக்களிடையே விழிப்புணர்வு ஏற்படுத்த சிறுவாச்சூர், செட்டிக்குளம், பெரம்பலூர் நகராட்சிக்குள்பட்ட பழைய, புகர் பேருந்து நிலையங்களில் ஓசை கலைக்குழு மூலம் விழிப்புணர்வு நிகழ்ச்சிகள் நடைபெற்றன.
பெரம்பலூர் புறநகர் பேருந்து நிலையத்தில் நடைபெற்ற கலை நிகழ்ச்சியில் தப்பாட்டம், கரகாட்டம் உள்ளிட்ட பல்வேறு நிகழ்ச்சிகள் நடைபெற்றன.
இந்நிகழ்ச்சிகளை பார்வையிட்டு மாவட்ட வருவாய் ஆ. அழகிரிசாமி பேசியது:தகவலறியும் உரிமை சட்டம் -2005 -இன் மூலம் அரசு நிர்வாகம் வெளிப்படை தன்மையுடம், பொறுப்புடன் இயங்கிட வழி செய்கிறது. இச்சட்டத்தின் மூலம், தங்களுக்குத் தேவையான தகவல்களை அறிந்துகொள்ள முடியும். எந்த துறையின் தகவல் வேண்டுமோ, அந்தத் துறையின் பொது தகவல் அலுவலருக்கு நேரில், அஞ்சல் மூலமாக விண்ணப்பித்து தங்களுக்குத் தேவையான தகவல்களை 30 நாள்களுக்குள் பெற்றுக் கொள்ளலாம்.
நியாயமான, காரணமின்றி தகவல் மறுக்கப்பட்டால் கால தாமதத்துக்கு ஒரு நாளுக்கு ரூ. 250 வீதம் அபதாரம் விதிக்கவும் வழிவகை உள்ளது.
இச்சட்டத்தின் கீழ் அளிக்கப்படும் தகவல்கள் குறித்து மேல்முறையீடு செய்ய முடியும். எனவே பொதுமக்கள் அனைவரும் தகவல் அறியும் உரிமைச் சட்டத்தை முழுமையாக அறிந்துகொண்டு, தங்களுக்கு தேவையான தகவல்களை பெற்றுப் பயனடையலாம் என்றார் அவர்.நிகழ்ச்சியில், வருவாய்க் கோட்டாட்சியர் விஸ்வநாதன், வட்டாட்சியர் பாரதிவளவன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/oct/07/தகவலறியும்-உரிமைச்-சட்ட-விழிப்புணர்வு-கலை-நிகழ்ச்சி-3015542.html
3014948 திருச்சி பெரம்பலூர் பெட்ரோல் விலை உயர்வைக் கண்டித்து பாமக ஆர்ப்பாட்டம் DIN DIN Saturday, October 6, 2018 05:29 AM +0530
பெரம்பலூர், அரியலூரில் பெட்ரோல், டீசல் விலை உயர்வைக் கண்டித்து பாட்டாளி மக்கள் கட்சி சார்பில் வெள்ளிக்கிழமை ஆர்ப்பாட்டம் நடைபெற்றது.
பெரம்பலூர் பழைய பேருந்து நிலைய வளாகத்தில் உள்ள காந்திசிலை எதிரே நடந்த ஆர்ப்பாட்டத்துக்கு தலைமை வகித்து அக்கட்சியின் மாவட்டச் செயலர் க. செந்தில்குமார் பேசியது:
நாள்தோறும் அதிகரித்து வரும் பெட்ரோல், டீசல் விலை உயர்வால் அத்தியாவசியப் பொருள்களின் விலையும் அதிகரித்து வருகிறது.
இதனால், ஏழை, எளிய பொதுமக்கள் பாதிப்புக்குள்ளாகி உள்ளனர். கார், வேன் உள்ளிட்ட சொகுசு வாகனங்களின் வாடகையும் உயர்த்தப்படுகிறது. பெட்ரோல், டீசல் எரிபொருள் விலை உயர்வைக் கட்டுப்படுத்த வேண்டும். மத்திய, மாநில அரசுகள் எரிபொருள்களுக்கு விதிக்கும் அதிக வரியைக் குறைத்து, விலை குறைக்க வேண்டும் என்றார் அவர்.
தொடர்ந்து, பெட்ரோல், டீசல் விலை உயர்வைக் கட்டுப்படுத்தக் கோரியும், மத்திய, மாநில அரசுகளை கண்டித்தும் முழக்கமிடப்பட்டது. மாநில துணைத் தலைவர்கள் ராஜேந்திரன், கண்ணபிரான், மதுரா செல்வராஜ் ஆகியோர் முன்னிலையில் நடைபெற்ற ஆர்ப்பாட்டத்தில், நகரச் செயலர் வெங்கடேஷ், வன்னியர் சங்க மாநில துணைத் தலைவர் தங்கதுரை, மாவட்ட துணைச் செயலர்கள் தேவேந்திரன், சுப்பிரமணியன், சின்னதுரை, பாலு, ரெங்கராஜ் உள்ளிட்ட பலர் கலந்து கொண்டனர்.
அரியலூரில்... அரியலூர் அண்ணாசிலை அருகே நடந்த ஆர்ப்பாட்டத்துக்கு கட்சியின் மாநில துணை பொதுச் செயலர் வைத்திலிங்கம் தலைமை வகித்தார்.
பாமக மாநில துணைத் தலைவர் சின்னதுரை , வன்னியர் சங்க மாநில துணைத் தலைவர் கோகுல், மாவட்ட செயலர்கள் கண்ணன் மற்றும் செந்தில்குமார், துணைச் செயலர் சேட்டு, பொதுச் செயலர் பிரகாஷ் உள்ளிட்டோர் கலந்து கொண்டு முழக்கமிட்டனர்.

 

]]>
http://www.dinamani.com/all-editions/edition-trichy/perambalur/2018/oct/06/பெட்ரோல்-விலை-உயர்வைக்-கண்டித்து-பாமக-ஆர்ப்பாட்டம்-3014948.html
3014947 திருச்சி பெரம்பலூர் தார்ச்சாலைக்கு நிதி ஒதுக்கீடு; எம்எல்ஏவுக்கு நன்றி DIN DIN Saturday, October 6, 2018 05:29 AM +0530
பெரம்பலூர் ஒன்றியம், அம்மாபாளையம் ஊராட்சிக்குள்பட்ட பகுதியில் ரூ. 1.26 கோடியில் தார்ச்சாலை அமைக்க நிதி ஒதுக்கீடு பெற்றுத்தந்த, பெரம்பலூர் தொகுதி சட்டப்பேரவை உறுப்பினர் இரா. தமிழ்ச்செல்வனுக்கு விவசாயிகள் வெள்ளிக்கிழமை நன்றி தெரிவித்தனர்.
அம்மாபாளையம் ஊராட்சிக்குள்பட்ட மூலக்காடு- அந்தாளியப்பன் நகர் வரையிலான சாலை குண்டும், குழியுமாக இருந்தது. இதனால், அந்தப் பகுதியை சேர்ந்த விவசாயிகளும், பொதுமக்களும் அந்தச் சாலையை பயன்படுத்தமுடியாமல் மிகவும் சிரமத்துக்குள்ளாகினர். இந்த மண் சாலையை தார்ச்சாலையாக அமைக்க வேண்டும் என அப்பகுதி விவசாயிகள் பெரம்பலூர் தொகுதி சட்டப்பேரவை உறுப்பினரிடம் கோரிக்கை விடுத்தனர்.
இக்கோரிக்கையை நிறைவேற்ற வேண்டுமென நெஞ்சாலைத்துறை அமைச்சர், செயலர், கோட்டப்பொறியாளர் ஆகியோரை சந்தித்த பெரம்பலூர் தொகுதி சட்டப்பேரவை உறுப்பினர் இரா. தமிழ்ச்செல்வன், சாலை அமைத்துத் தர வேண்டுமென அண்மையில் கோரிக்கை விடுத்தார்.
இக்கோரிக்கையை ஏற்றுக்கொண்ட தமிழக அரசு, நபார்டு திட்டத்தின் கீழ், 5.02 கிலோ மீட்டர் தூரமுள்ள சாலையை தார்ச்சாலையாக அமைக்க உத்தரவிட்டு, ரூ. 5.26 கோடி நிதி ஒதுக்கியது. இதையறிந்த 100-க்கும் மேற்பட்ட விவசாயிகள் பெரம்பலூர் தொகுதி சட்டப்பேரவை உறுப்பினர் இரா. தமிழ்ச்செல்வனை, வெள்ளிக்கிழமை சந்தித்து பொன்னாடை அணிவித்து நன்றி தெரிவித்தனர்.

 

]]>
http://www.dinamani.com/all-editions/edition-trichy/perambalur/2018/oct/06/தார்ச்சாலைக்கு-நிதி-ஒதுக்கீடு-எம்எல்ஏவுக்கு-நன்றி-3014947.html
3014946 திருச்சி பெரம்பலூர் கல்வி உதவித் தொகை: முன்னாள் படைவீரர் சிறார்களுக்கு அழைப்பு DIN DIN Saturday, October 6, 2018 05:29 AM +0530
முன்னாள் படைவீரர்களின் சிறார்கள் கல்வி உதவித்தொகை பெற விண்ணப்பிக்கலாம்.
இதுகுறித்து மாவட்ட ஆட்சியர் வே. சாந்தா வெள்ளிக்கிழமை வெளியிட்ட செய்திக் குறிப்பு:
முன்னாள் படைவீரர்களின் சிறார்கள் மற்றும் பாரத பிரதம மந்திரியின் கல்வி உதவி தொகைக்கு முதலாமாண்டு விண்ணப்பித்து தேர்வு செய்யப்படாதவர்கள், தொகுப்பு நிதியிலிருந்து 2018-19-ம் ஆண்டுக்கான கல்வி உதவித்தொகை பெற விண்ணப்பிக்கலாம். ஆ.உ., ஆ.பங்ஸ்ரீட், ஆ.ஈள்., ங.ஆ.ஆ.ந.,ஆ.உக்., ஆ.டட்ஹழ்ம் அழ்ற்ள் & நஸ்ரீண்ங்ய்ஸ்ரீங் கல்வி உள்ளிட்ட தொழில்கல்வி முதலாமாண்டு பயில்வோரும், பட்டயத் தொழிற்கல்வி முடித்து பொறியியல் 2 ஆம் ஆண்டில் நேரடியாக சேர்ந்தவர்களும் இத் திட்டத்தின் கீழ் கல்வி உதவித்தொகை பெறலாம்.தகுதியுடையோர், அரியலூர் மாவட்ட முன்னாள் படைவீரர் நல உதவி இயக்குநர் அலுவலகத்தில் அக். 15-க்குள் விண்ணப்பம் பெற்று, பூர்த்தி செய்து நவ. 15-க்குள் அனுப்ப வேண்டும். மேலும் விவரங்களுக்கு 04329-221011.

 

]]>
http://www.dinamani.com/all-editions/edition-trichy/perambalur/2018/oct/06/கல்வி-உதவித்-தொகை-முன்னாள்-படைவீரர்-சிறார்களுக்கு-அழைப்பு-3014946.html
3014945 திருச்சி பெரம்பலூர் மாநில செஸ் போட்டிக்கு 24 பேர் தேர்வு DIN DIN Saturday, October 6, 2018 05:29 AM +0530
பெரம்பலூர் மாவட்டம், பாடாலூரில் வெள்ளிக்கிழமை நடைபெற்ற மண்டல அளவிலான சதுரங்கப் போட்டியில் 24 வீரர்கள் மாநில அளவிலான போட்டிக்கு தேர்ந்தெடுக்கப்பட்டனர்.
பள்ளிக் கல்வித் துறை மூலம், மண்டல அளவிலான சதுரங்க விளையாட்டுப் போட்டி பெரம்பலூர் மாவட்டம், பாடாலூரில் வெள்ளிக்கிழமை நடைபெற்றது. இப்போட்டியை, மாவட்ட கல்வி அலுவலர் அம்பிகாபதி தொடக்கி வைத்தார்.
இதில், பெரம்பலூர், அரியலூர், உடையார்பாளையம், கரூர் ஆகிய 4 கல்வி மாவட்டங்களைச் சேர்ந்த 96-க்கும் மேற்பட்ட மாணவ, மாணவிகள் பங்கேற்றனர். 11 வயது முதல் 19 வயதுக்குள்பட்ட ஆண், பெண் வீரர்கள் கலந்து கொண்டனர். நான்கு சுற்றுகளாக நடைபெற்ற இப்போட்டியில், பெரம்பலூர், அரியலூர், கரூர் மாவட்டங்களைச் சேர்ந்த 24 பேர் வெற்றி பெற்றனர். போட்டிகளில் வெற்றி பெற்ற வீரர், வீராங்கனைக்கு சான்றிதழ்கள் வழங்கினார் மாவட்ட உடற்கல்வி ஆய்வாளர் விஜயன். இப்போட்டியில் சிறப்பிடம் பெற்ற 24 வீரர்கள் சென்னையில் அக். 11 ஆம் தேதி நடைபெறும் மாநில போட்டிக்கு தகுதி பெற்றுள்ளனர்.

 

]]>
http://www.dinamani.com/all-editions/edition-trichy/perambalur/2018/oct/06/மாநில-செஸ்-போட்டிக்கு-24-பேர்-தேர்வு-3014945.html
3014944 திருச்சி பெரம்பலூர் அஞ்சலக கணக்கு தொடங்கிய மாணவர்களுக்குப் பரிசளிப்பு DIN DIN Saturday, October 6, 2018 05:28 AM +0530
பெரம்பலூர் மாவட்டம், களரம்பட்டி அரசு ஆதிதிராவிடர் நல மேல்நிலைப் பள்ளியில் அஞ்சலகச் சேமிப்புத் திட்டத்தில் கணக்குத் தொடங்கிய மாணவ, மாணவிகளுக்கு அஞ்சல்துறை சார்பில் உண்டியல், பேனா, பென்சில் உள்ளிட்ட எழுதுபொருள்கள் அன்பளிப்பாக வெள்ளிக்கிழமை அளிக்கப்பட்டன.
ஸ்ரீரங்கம் அஞ்சல் கோட்ட முதுநிலை கண்காணிப்பாளர் உத்தரவின் பேரில், களரம்பட்டி அஞ்சலக அலுவலர் உலகநாதன், அஞ்சலர் சத்தியமூர்த்தி ஆகியோர், களரம்பட்டி அரசு ஆதிதிராவிடர் நல மேல்நிலைப் பள்ளியில் பயிலும் மாணவ, மாணவிகளிடம் அஞ்சலக சேமிப்புத் திட்டத்தில் இணைவதன் அவசியம் குறித்தும், அதனால் கிடைக்கும் பலன் குறித்தும் விளக்கினர்.
இதையடுத்து முதல்கட்டமாக ரூ. 100 செலுத்தி அப்பள்ளி மாணவர்கள் 21 பேர் அஞ்சலக சேமிப்புத் திட்டத்தில் கணக்குத் தொடங்கினர்.
தொடர்ந்து, அஞ்சலக கணக்கு தொடங்கிய மாணவ, மாணவிகளுக்கு அழகிய வீடு போன்ற தோற்றம் கொண்ட உண்டியல், பேனா, பென்சில் உள்ளிட்ட எழுது பொருள்கள் பரிசளிக்கப்பட்டன.
இந்நிகழ்ச்சிக்கான ஏற்பாடுகளை பள்ளி தலைமை ஆசிரியர் சுப்பிரமணியன், ஆசிரியர்கள் த. மாயகிருஷ்ணன், ராஜேந்திரன், பார்த்திபன், பாஸ்கர், கவிதா ஆகியோர் செய்திருந்தனர்.

 

]]>
http://www.dinamani.com/all-editions/edition-trichy/perambalur/2018/oct/06/அஞ்சலக-கணக்கு-தொடங்கிய-மாணவர்களுக்குப்-பரிசளிப்பு-3014944.html
3014943 திருச்சி பெரம்பலூர் கேரம் போட்டியில் தனலட்சுமி சீனிவாசன் மெட்ரிக் பள்ளி சிறப்பிடம் DIN DIN Saturday, October 6, 2018 05:28 AM +0530
பெரம்பலூர் மாவட்ட அளவிலான கேரம் போட்டியில் தனலட்சுமி சீனிவாசன் மெட்ரிக் மேல்நிலைப்பள்ளி மாணவர்கள் முதலிடம் பெற்றனர்.
தமிழ்நாடு விளையாட்டு மேம்பாட்டு ஆணையம் சார்பில், பெரம்பலூர் மாவட்ட எம்.ஜி.ஆர் உள் விளையாட்டு அரங்கில், பள்ளி மாணவ, மாணவிக்கிடையே மாவட்ட அளவிலான கேரம் போட்டிகள் வியாழக்கிழமை நடைபெற்றன.
இதில், பெரம்பலூர் மாவட்டத்தில் உள்ள அரசு மற்றும் தனியார் பள்ளிகளில் 5 ஆம் வகுப்பு வரை பயிலும் இளநிலை பிரிவு, 6 முதல் 12 ஆம் வகுப்பு வரை பயிலும் முதுநிலை பிரிவு என இருபிரிவாக ஒற்றையர் மற்றும் இரட்டையர் போட்டிகள் ஆண், பெண் இருபாலருக்கும் தனித்தனியாக நடைபெற்றது. இப்போட்டியில் பங்கேற்ற தனலட்சுமி சீனிவாசன் மெட்ரிக் மேல்நிலைப்பள்ளி மாணவர்கள், ஆண்கள் பிரிவில் 17 வயதுக்குள்பட்ட ஒற்றையர் பிரிவில் மா. விஸ்வா, பெண்களுக்கான இரட்டையர் பிரிவில் வி.க. ரேஷ்மா, எஸ். தன்ஷிகா ஆகியோர் முதலிடம் பெற்றனர்.
11 வயதுக்குள்பட்ட பெண்கள் இரட்டையர் பிரிவில் ஆர்.பி. ஹரிணி, எஸ். வர்னிகா, ஆண்களுக்கான ஒற்றையர் பிரிவில் கே.டி. சைலேஷ் ஆகியோர் முதலிடமும், பெண்களுக்கான ஒற்றையர் பிரிவில் ஆர் பூமிகா 3 ஆம் இடமும் பெற்றனர்.
இந்த மாணவர்கள் அனைவரும், மாவட்ட அளவிலான போட்டிகளில் முதலிடம் பெற்றதோடு, மாநில அளவிலான போட்டியில் பங்கேற்ற தகுதி பெற்றுள்ளனர். இப் போட்டியில் சிறப்பிடம் பெற்ற மாணவ, மாணவிகள் வெள்ளிக்கிழமை பாராட்டி பரிசு வழங்கினார் கல்வி நிறுவனங்களின் தாளாளர் அ. சீனிவாசன். பள்ளி முதல்வர் பிரேமலதா உள்பட ஆசிரியர்கள் உடனிருந்தனர்.

 

]]>
http://www.dinamani.com/all-editions/edition-trichy/perambalur/2018/oct/06/கேரம்-போட்டியில்-தனலட்சுமி-சீனிவாசன்-மெட்ரிக்-பள்ளி-சிறப்பிடம்-3014943.html
3014223 திருச்சி பெரம்பலூர் பெரம்பலூரில் இன்று தனியார் துறைவேலைவாய்ப்பு முகாம் DIN DIN Friday, October 5, 2018 02:58 AM +0530  

பெரம்பலூர் மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வெள்ளிக்கிழமை (அக். 5) நடைபெற உள்ளது.
இதுகுறித்து மாவட்ட ஆட்சியர் வே. சாந்தா வியாழக்கிழமை வெளியிட்ட செய்திக் குறிப்பு:
பெரம்பலூர் மாவட்டத்தில் உள்ள படித்த இளைஞர்கள் பயனடையும் வகையில், பல்வேறு தனியார் துறைகளால் மாவட்ட வேலைவாய்ப்பகத்தின் மூலம் வேலைவாய்ப்பு முகாம் நடத்தப்படுகிறது. அதன்படி, வெள்ளிக்கிழமை முகாம் நடைபெற உள்ளது.
இதில் பல்வேறு தனியார் நிறுவனங்கள் பங்கேற்று, கண்காணிப்பாளர், மேலாளர் உள்ளிட்ட காலியாக உள்ள பணியிடங்களுக்கு தகுதியான நபர்களை தேர்வு செய்ய உள்ளன. இதில், 8, 10 மற்றும் 12 ஆம் வகுப்பு, ஐ.டி.ஐ, டிப்ளமோ, பட்டப்படிப்பு முடித்த ஆண், பெண்கள் பங்கேற்று பயன் பெறலாம். இதுதவிர, இதர கல்வித் தகுதிகள் உள்ளவர்களும் உரிய பணியிடங்களுக்கு பரிசீலிக்கப்படுவர். முகாமில் பங்கேற்பவர்கள் தங்களது கல்விச் சான்றிதழ்கள், ஆதார் அட்டை, கடவுச்சீட்டு அளவு புகைப்படங்களுடன் வரவேண்டும்.

 

]]>
http://www.dinamani.com/all-editions/edition-trichy/perambalur/2018/oct/05/பெரம்பலூரில்-இன்று-தனியார்-துறைவேலைவாய்ப்பு-முகாம்-3014223.html
3014222 திருச்சி பெரம்பலூர் கூட்டுறவுக் கடன் சங்கங்களில் பழைய விலைக்கு உர விற்பனை DIN DIN Friday, October 5, 2018 02:58 AM +0530
பெரம்பலூர் மாவட்டத்தில் உள்ள தொடக்க வேளாண் கூட்டுறவுக் கடன் சங்கங்களில், பழைய விலையிலேயே உரங்கள் விற்பனை செய்யப்படும்.
இதுகுறித்து கூட்டுறவு சங்கங்களின் இணைப் பதிவாளர் பெரியசாமி வியாழக்கிழமை வெளியிட்ட செய்திக் குறிப்பு: அண்மைக்காலமாக உரம் உற்பத்திக்குத் தேவையான மூலப்பொருள்களின் விலை உயர்வு மற்றும் தட்டுப்பாடு காரணமாக, உரங்களின் விலையை கடந்த மாதம் 1 ஆம் தேதி முதல் அனைத்து உர நிறுவனங்களும் உயர்த்தியுள்ளன. இந்நிலையில், விவசாயிகளின் நலனைக் கருத்தில் கொண்டு பெரம்பலூர் மாவட்டத்தில் செயல்படும் தொடக்க வேளாண் கூட்டுறவுக் கடன் சங்கங்களில், தமிழ்நாடு கூட்டுறவு விற்பனை இணையம் டான்பெட் மூலமாக வழங்கப்பட்டு, தற்போது இருப்பில் உள்ள யூரியா, டி.ஏ.பி மற்றும் காம்ப்ளக்ஸ் உரங்கள் பழைய விலையிலேயே விற்கப்படுகின்றன.
அதன்படி, டி.ஏ.பி 50 கிலோ அளவுகொண்ட ஒரு மூட்டையின் புதிய விற்பனை விலையான ரூ. 1,340-க்கு பதில், பழைய விலையான ரூ. 1,290-க்கும், யூரியா 45 கிலோ அளவுகொண்ட ஒரு மூட்டையின் பழைய விலையான ரூ. 266.50-க்கும் விற்பனை செய்யப்படும். 10:26:26 50 கிலோ அளவுகொண்ட ஒரு மூட்டையின் புதிய விற்பனை விலை ரூ. 1,280- க்கு பதில் பழைய விலையான ரூ. 1,160-க்கும், 20:20:0:13 50 கிலோ அளவுகொண்ட ஒரு மூட்டையின் புதிய விற்பனை விலை ரூ. 1,015- க்கு பதில், பழைய விலையான ரூ. 950-க்கும் விற்கப்படுகிறது.
எனவே, தொடக்க வேளாண்மை கூட்டுறவுக் கடன் சங்கங்களில் விவசாயிகள் தங்களுக்குத் தேவையான உரங்களை பழைய விலையில் வாங்கிப் பயனடையலாம்.

 

]]>
http://www.dinamani.com/all-editions/edition-trichy/perambalur/2018/oct/05/கூட்டுறவுக்-கடன்-சங்கங்களில்-பழைய-விலைக்கு-உர-விற்பனை-3014222.html
3014221 திருச்சி பெரம்பலூர் மாவட்ட அளவிலான கேரம் போட்டி DIN DIN Friday, October 5, 2018 02:58 AM +0530
பெரம்பலூரில் வியாழக்கிழமை நடைபெற்ற மாவட்ட அளவிலான கேரம் போட்டியில், மாநில போட்டிக்கு 12 வீரர்கள் தேர்ந்தெடுக்கப்பட்டனர்.
தமிழ்நாடு விளையாட்டு மேம்பாட்டு ஆணையம் சார்பில் பெரம்பலூர் மாவட்ட எம்.ஜி.ஆர் உள் விளையாட்டரங்கில் நடைபெற்ற போட்டிகளில் பெரம்பலூர் மாவட்டத்தில் உள்ள அரசு மற்றும் தனியார் பள்ளிகளில் 5 ஆம் வகுப்பு வரை பயிலும் இளநிலை பிரிவு, 6 முதல் 12 ஆம் வகுப்பு வரை பயிலும் முதுநிலை பிரிவு என இரு பிரிவாக ஒற்றையர் மற்றும் இரட்டையர் போட்டிகள் ஆண், பெண் இருபாலருக்கும் தனித்தனியாக நடைபெற்றது.
இப்போட்டிகளில் பெரம்பலூர் மாவட்டத்தைச் பல்வேறு பள்ளிகளில் பயிலும் சுமார் 200-க்கும் மேற்பட்டோர் பங்கேற்றனர். இதில், முதல் 3 இடங்களை பிடித்த 36 பேருக்கு பரிசு, சான்றிதழ் வழங்கிப் பாராட்டினார் பெரம்பலூர் மாவட்ட இளைஞர் நலன் மற்றும் மாவட்ட விளையாட்டு அலுவலர் ம. ராமசுப்பிரமணியராஜா.
மாவட்ட அளவிலான போட்டிகளில் பல்வேறு பிரிவுகளில் முதலிடம் பெற்ற 12 பேர், மாநில போட்டிகளில் பங்கேற்கத் தேர்வு செய்யப்பட்டனர்.
அரியலூர்: அரியலூர் மாவட்ட விளையாட்டு அரங்கில் மாவட்ட அளவிலான கேரம் விளையாட்டுப் போட்டி வியாழக்கிழமை நடந்தது.
போட்டியை மாவட்ட உடற்கல்வி ஆய்வாளர் ராஜேந்திரன் தொடக்கி வைத்தார். இப்போட்டி 5 ஆம் வகுப்பு வரை பயிலும், இளநிலை பிரிவுக்கு தனியாகவும், 6 முதல் 12 ஆம் வகுப்பு வரை பயிலும் முதுநிலைப்பிரிவுக்குத் தனியாகவும் நடத்தப்பட்டது. போட்டிகளில் 156 மாணவர்களும், 80 மாணவிகளும் என மொத்தம் 236 பேர் கலந்து கொண்டனர்.
இதில், பெண்கள் பிரிவில் இளநிலை ஒற்றையர் ஆட்டத்தில் அரசு நகர் மெட்ரிக் மேல்நிலைப் பள்ளி மாணவி ஹரிணி, இரட்டையர் பிரிவில் மான்போர்ட் மெட்ரிக் பள்ளி மாணவிகள் மகதி, தன்யஸ்ரீ, முதுநிலை பெண்கள் பிரிவில் அரசு நகர் மெட்ரிக் மேல்நிலைப் பள்ளி மாணவி பார்கவி, இரட்டையர் பிரிவில் அசுவதி,திவ்யா ஆகியோர் முதலிடம் பெற்றனர்.ஆண்கள் பிரிவில், முதுநிலை ஒற்றையர் ஆட்டத்தில் அரசு மாதிரிப் பள்ளி மாணவர் சஞ்சய், இரட்டையர் பிரிவில் மருதூர் அரசு மேல்நிலைப் பள்ளி மாணவர்கள் ஜி. குகன்,தினேஷ்குமார்,இளநிலை பிரிவில் அரசு நகர் மெட்ரிக் மேல்நிலைப் பள்ளி மாணவர் பி. நிதின்பாரி, இரட்டையர் ஆட்டத்தில் அரசு நகர் மெட்ரிக் மேல்நிலைப் பள்ளி மாணவர்கள் ஆகாஷ்,அவினாஷ் ஆகியோர் முதலிடம் பெற்றனர்.
மாலையில் நடந்த விழாவில் மாவட்ட கல்வி அலுவலர் செ. செல்வம் பங்கேற்று வென்றோருக்கு காசோலை, சான்றிதழ் வழங்கினார்.
மாவட்ட முதன்மைக் கல்வி அலுவலரின் நேர்முக உதவியாளர் பொய்யாமொழி, பள்ளி துணை ஆய்வாளர் பழனிசாமி ஆகியோர் கலந்து கொண்டனர். போட்டிகளை உடற்கல்வி ஆசிரியர்கள் அறிவழகன்,வில்லாளன், மரியபிரிஜித், நிர்மலா, வீரபாண்டியன், இளங்கோவன், சேகர்,டெய்சிஹேமா மற்றும் பயிற்றுநர்கள் லெனின்,சதீஷ்,ஹரிகரன் ஆகியோர் நடத்தினர்.

 

]]>
http://www.dinamani.com/all-editions/edition-trichy/perambalur/2018/oct/05/மாவட்ட-அளவிலான-கேரம்-போட்டி-3014221.html
3014219 திருச்சி பெரம்பலூர் முதல்வர் உள்ளிட்டோருக்கு ஊரக வளர்ச்சித் துறையினர் மனு DIN DIN Friday, October 5, 2018 02:57 AM +0530
பல்வேறு கோரிக்கைகளை வலியுறுத்தி, தமிழ்நாடு ஊரக வளர்ச்சித் துறை அலுவலர்கள் ரத்தக் கையெழுத்திட்ட கோரிக்கை மனுக்களை தமிழக முதல்வர் மற்றும் அரசு உயரதிகாரிகளுக்கு அஞ்சல் மூலம் வியாழக்கிழமை அனுப்பி வைத்தனர்.
ஊராட்சி செயலர்களுக்கு அரசு ஏற்றுக்கொண்ட பதிவுறு எழுத்தர்களுக்கு இணையான ஊதியம் வழங்க வேண்டும். இதற்கான அரசாணையை, காலம் தாழ்த்தாமல் உடனடியாகப் பிறப்பிக்க வேண்டும். தற்காலிகப் பணி நீக்கம் செய்யப்பட்ட ஊராட்சி செயலர்களுக்கு மீண்டும் பணி வழங்க வேண்டும். ஊராட்சி செயலர்களின் பணி மாறுதல் உத்தரவை ரத்து செய்ய வேண்டும் என்பன உள்ளிட்ட கோரிக்கைகளை வலியுறுத்தி, ஊரக வளர்ச்சித் துறை அனைத்து சங்கங்களின் கூட்டமைப்பு சார்பில் பல்வேறு கட்டப் போராட்டங்கள் நடைபெற்று வருகின்றன.
அதன் ஒரு பகுதியாக, மாநிலம் முழுவதிலும் இருந்து ரத்தத்தால் கையெழுத்திட்ட ஒரு லட்சம் கோரிக்கை மனுக்களை அனுப்ப முடிவு செய்யப்பட்டது.இதையொட்டி, பெரம்பலூர் மாவட்ட ஆட்சியரக வளாகத்தில், தமிழ்நாடு ஊரக வளர்ச்சித் துறை அலுவலர்கள் சங்க மாவட்டச் செயலர் சா. இளங்கோவன் தலைமையில், அத்துறையைச் சேர்ந்த அலுவலர்களிடம் இருந்து ரத்தக் கையெழுத்திடப்பட்ட 180 மனுக்கள், ஆட்சியர் அலுவலக வளாகத்தில் உள்ள அஞ்சல் அலுவலகம் மூலம், தமிழக முதல்வர், துணை முதல்வர் மற்றும் அரசு உயரதிகாரிகளுக்கு அனுப்பி வைக்கப்பட்டது.

 

]]>
http://www.dinamani.com/all-editions/edition-trichy/perambalur/2018/oct/05/முதல்வர்-உள்ளிட்டோருக்கு-ஊரக-வளர்ச்சித்-துறையினர்-மனு-3014219.html
3013641 திருச்சி பெரம்பலூர் இலவச பேருந்து பயண அட்டை கோரி மாணவர்கள் மறியல் DIN DIN Thursday, October 4, 2018 04:36 AM +0530
இலவச பேருந்து பயண அட்டை வழங்கக் கோரி பாரதிதாசன் பல்கலைக்கழக உறுப்புக் கல்லூரி மாணவ, மாணவியர் புதன்கிழமை சாலைமறியலில் ஈடுபட்டனர்.
பெரம்பலூர் மாவட்டம், குரும்பலூரில் பாரதிதாசன் பல்கலைக்கழக உறுப்புக் கல்லூரி உள்ளது. இக்கல்லூரியில் 2 ஆயிரத்துக்கும் மேற்பட்ட மாணவ, மாணவியர் கல்வி பயின்று வருகின்றனர். கல்லூரி திறந்து 4 மாதங்களாகியும் மாணவ, மாணவிகளுக்கு தமிழக அரசு போக்குவரத்துக் கழகம் சார்பில் இலவச பேருந்து பயண அட்டை இதுவரை வழங்கப்படவில்லை எனக் கூறப்படுகிறது.
இதனால், கல்லூரிக்கு பேருந்துகளில் பயணிக்கும் கிராமப்புற மாணவ, மாணவிகளுக்கு கூடுதல் செலவு ஏற்படுவதால் உடனடியாக வழங்க நடவடிக்கை எடுக்குமாறு மாவட்ட ஆட்சியர் மற்றும் சம்பந்தப்பட்ட அதிகாரிகளிடம் பலமுறை புகார் தெரிவித்தும் நடவடிக்கை எடுக்கப்படவில்லையாம். இதனால் ஆத்திரமடைந்த மாணவ, மாணவியர் போக்குவரத்துக் கழகத்தைக் கண்டித்தும், உடனடியாக பேருந்து பயண அட்டை வழங்க நடவடிக்கை எடுக்க வலியுறுத்தி கல்லூரி எதிரே மறியலில் ஈடுபட்டனர்.
தகவலறிந்து அங்கு சென்ற போலீஸார் மற்றும் போக்குவரத்துதுறை அலுவலர்கள், மாணவர்களுடன் சமரச பேச்சுவார்த்தையில் ஈடுபட்டனர். கல்லூரி நிர்வாகம் வழங்கும் அடையாள அட்டையைக் காண்பித்து அரசுப் பேருந்துகளில் மாணவ, மாணவிகள் இலவசமாக பயணம் செய்யலாம். அடையாள அட்டையை காண்பித்தும் இலவச பயணத்துக்கு அனுமதிக்காத நடத்துநர் குறித்து புகார் தெரிவித்தால் உடனடியாக நடவடிக்கை எடுக்கப்படும் என அதிகாரிகள் உறுதியளித்தனர். இதையடுத்து மறியலைக் கைவிட்டு மாணவர்கள் கலைந்து சென்றனர். இதன்காரணமாக, பெரம்பலூர்-துறையூர் சாலையில் சுமார் 2 மணி நேரம் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-trichy/perambalur/2018/oct/04/இலவச-பேருந்து-பயண-அட்டை-கோரி-மாணவர்கள்-மறியல்-3013641.html
3013640 திருச்சி பெரம்பலூர் விவசாயிகளுக்கு வயல்வெளி விளக்கப் பயிற்சி DIN DIN Thursday, October 4, 2018 04:36 AM +0530
பெரம்பலூர் தனலட்சுமி சீனிவாசன் வேளாண் கல்லூரியில் விவசாயிகளுக்கு வயல்வெளி விளக்கப் பயிற்சி புதன்கிழமை அளிக்கப்பட்டது.
வேளாண்மைத் துறை சார்பில் ஆத்மா திட்டத்தின் கீழ் பெரம்பலூர் வட்டார விவசாயிகளுக்கு அளிக்கப்பட்ட விளக்கப் பயிற்சிக்கு தனலட்சுமி சீனிவாசன் கல்வி நிறுவனங்களின் தாளாளர் அ. சீனிவாசன் தலைமை வகித்தார்.
வேளாண்மைக் கல்லூரி முதல்வர் பேராசிரியர் சே.கீதா, சொட்டுநீர் பாசனமுறை, சிறுதானியங்கள் சாகுபடி, வேளாண் பல்கலைக்கழகத்தின் மேம்படுத்தப்பட்ட சிறுதானிய பயிர் ரகங்களின் முக்கியத்துவம் குறித்தும், சிறுதானியங்களை சந்தைப்படுத்துதல் குறித்து வேளாண் துணை இயக்குநர் சந்தானகிருஷ்ணன் ஆகியோர் விளக்கம் அளித்தனர்.
தொடர்ந்து, தமிழ்நாடு வேளாண் பல்கலைக் கழகத்திலிருந்து வெளியிடப்பட்ட சிறுதானிய பயிர் ரகங்களின் குணாதிசயங்கள், மக்காச்சோளத்தில் படைப்புழு தாக்குதல் முறைகள், பசுமைக்குடிலில் பீட்ரூட் சாகுபடி முறைகள் குறித்து வயல்வெளி விளக்கம் அளிக்கப்பட்டது.
கல்லூரி உதவிப் பேராசிரியர்கள் சுதா, ராமகிருஷ்ணன், வெற்றிவேல், வினித்ரா, கார்த்திகேயன், 50க்கும் அதிகமான விவசாயிகள் பங்கேற்றனர்.
கோரிக்கைகளை வலியுறுத்திகூட்டுறவுத்துறை ஊழியர்கள் ஆர்ப்பாட்டம்பெரம்பலூர், அக். 3: பெரம்பலூர் மாவட்ட ஆட்சியர் அலுவலகம் எதிரே 5 அம்ச கோரிக்கைகளை வலியுறுத்தி தமிழ்நாடு அரசு கூட்டுறவுத்துறை ஊழியர் சங்கத்தினர் புதன்கிழமை கவன ஈர்ப்பு ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு அச்சங்கத்தின் மாவட்டச் செயலர் அரப்பளி தலைமை வகித்தார். பொறுப்பாளர்கள் மணிமேகலை, விசுவநாதன், ராஜேஸ்வரன் ஆகியோர் முன்னிலை வகித்தனர்.
மாநில துணைத்தலைவர் பா.சிவகுமார், தமிழ்நாடு அரசு ஊழியர் சங்க மாவட்டச் செயலர் குமரிஆனந்தன், முன்னாள் மாவட்டத் தலைவர் கி.ஆளவந்தார், அனைத்து மருந்தாளுநர் சங்க மாவட்டத் தலைவர் ராஜராஜன் ஆகியோர் கோரிக்கைகளை விளக்கிப் பேசினர்.
பால் கூட்டுறவு தணிக்கைத் துறையில் 290 பணியிடங்கள், பொது விநியோகத்திட்டத்தில் 500க்கும் மேற்பட்ட பணியிடங்களை பறிப்பதற்கான முயற்சிகள் நடைபெறுவதை கைவிட வேண்டும். பசுமை, பண்ணைத் திட்டம், அம்மா மருந்தகம், இ-சேவை மையத் திட்டங்களுக்கு புதிதாக பணியிடம் உருவாக்க வேண்டும். மாவட்டங்களில் தேர்தல் பணிகளுக்காக நிரந்தரப் பணியிடம் உருவாக்க வேண்டும். தட்டச்சர் நிலை பணியிடங்களில் பணிபுரிவோருக்கு அரசு நிபந்தனையை தவிர்த்து பதவி உயர்வு வழங்க வேண்டும். ரூ.15 கோடிக்கும் மேற்பட்ட நிதி ஆதாரங்கள் உள்ள கூட்டுறவு நிறுவனங்களுக்கு அட்டவணைப் படுத்தப்பட்ட சங்கங்களைப்போல சட்டப்படியான மேலாண்மை இயக்குநர் பணியிடங்கள் அங்கீகரிக்க வேண்டும் என்பது உள்ளிட்ட கோரிக்கைகளை வலியுறுத்தி ஆர்ப்பாட்டத்தில் பங்கேற்றவர்கள் முழக்கங்கள் எழுப்பினர். முடிவில், துணை சார் பதிவாளர் மருதமுத்து நன்றி கூறினார்.

 

]]>
http://www.dinamani.com/all-editions/edition-trichy/perambalur/2018/oct/04/விவசாயிகளுக்கு-வயல்வெளி-விளக்கப்-பயிற்சி-3013640.html
3013639 திருச்சி பெரம்பலூர் ஊரக வளர்ச்சித்துறை அலுவலர்கள் ரத்தக் கையெழுத்து இயக்கம் DIN DIN Thursday, October 4, 2018 04:36 AM +0530
கோரிக்கைகளை வலியுறுத்தி தமிழ்நாடு ஊரக வளர்ச்சித் துறை அலுவலர்கள் புதன்கிழமை ரத்தக் கையெழுத்து இயக்கம் நடத்தினர்.
ஊராட்சி செயலர்களுக்கு அரசு ஏற்றுக்கொண்ட பதிவுறு எழுத்தர்களுக்கு இணையான ஊதியம் வழங்க காலம் தாழ்த்தாமல் அரசாணையை உடனடியாகப் பிறப்பிக்க வேண்டும். தற்காலிகப் பணிநீக்கம் செய்யப்பட்ட ஊராட்சி செயலர்களுக்கு மீண்டும் பணி வழங்கவேண்டும்.
ஊராட்சி செயலர்களின் பணி மாறுதல் உத்தரவை ரத்து செய்ய வேண்டும் என்பது உள்ளிட்ட கோரிக்கைகளை வலியுறுத்தி ஊரக வளர்ச்சித் துறை அனைத்து சங்கங்களின் கூட்டமைப்பு சார்பில் பல்வேறு கட்டப் போராட்டங்கள் நடைபெற்று வருகிறது.அதன் ஒரு பகுதியாக, மாநிலம் முழுவதிலும் இருந்து ரத்தத்தால் கையெழுத்திட்ட ஒரு லட்சம் மனுக்களை முதல்வர், துணை முதல்வர், நிதித் துறைச் செயலர், ஊரக வளர்ச்சித் துறை செயலர் மற்றும் இயக்குநருக்கு அனுப்ப முடிவு செய்யப்பட்டது.
இதையொட்டி, பெரம்பலூர் மாவட்ட ஆட்சியர் அலுவலக வளாகத்தில், தமிழ்நாடு ஊரக வளர்ச்சித் துறை அலுவலர்கள் சங்க மாவட்டச் செயலாளர் சா.இளங்கோவன் தலைமையில் அலுவலர்களிடம் ரத்தக் கையெழுத்து பெறப்பட்டது.
தமிழாநாடு அரசு ஊழியர் சங்கத்தின் மாவட்டச் செயலர் ப.குமரிஆனந்தன் உள்ளிட்டோர் உடனிருந்தனர்.
அலுவலர்களிடம் பெறப்பட்ட மனுக்கள் வியாழக்கிழமை (அக். 4) அனுப்பி வைக்கப்படுகிறது.

 

]]>
http://www.dinamani.com/all-editions/edition-trichy/perambalur/2018/oct/04/ஊரக-வளர்ச்சித்துறை-அலுவலர்கள்-ரத்தக்-கையெழுத்து-இயக்கம்-3013639.html
3013638 திருச்சி பெரம்பலூர் கொத்தடிமைகளாக மீட்கப்பட்ட 5 பேருக்கு விடுவிப்பு சான்றிதழ்கள் DIN DIN Thursday, October 4, 2018 04:35 AM +0530
பெரம்பலூர் அருகே கொத்தடிமைகளாக இருந்து மீட்கப்பட்ட 5 பேருக்கு விடுவிப்பு சான்றிதழ் வழங்கப்பட்டது.
விழுப்புரம் மாவட்டம், செஞ்சியை சேர்ந்த இருவர், திருவண்ணாமலை மாவட்டம், வந்தவாசியைச் சேர்ந்த 3 பேர், பெரம்பலூர் அருகே விளாமுத்தூர் கிராமத்தில் பால் கறவை பணிகளில் கொத்தடிமைகளாக ஈடுபட்டு வந்தனர். மாவட்ட ஆட்சியர் வே.சாந்தா உத்தரவின் பேரில், கிராம நிர்வாக அலுவலர் மற்றும் தொழிலாளர் நல வாரியத்தின் மூலம் மேற்கண்ட நபர்கள் மீட்கப்பட்டனர்.
மீட்கப்பட்டவர்களின் மறுவாழ்வுக்காக தொழிலாளர் நலத்துறை மூலம் ரூ.20 ஆயிரம் வழங்கப்படுகிறது.
மேற்கண்டவர்கள் இத்திட்டத்தில் பயன்பெறும் வகையில், கோட்டாட்சியர் அலுவலகத்தில் கொத்தடிமை விடுவிப்பு சான்றிதழ்களை வருவாய் கோட்டாட்சியர் விஸ்வநாதன் புதன்கிழமை வழங்கினார். வட்டாட்சியர் பாரதிவளவன் உடனிருந்தார்.

 

]]>
http://www.dinamani.com/all-editions/edition-trichy/perambalur/2018/oct/04/கொத்தடிமைகளாக-மீட்கப்பட்ட-5-பேருக்கு-விடுவிப்பு-சான்றிதழ்கள்-3013638.html
3013637 திருச்சி பெரம்பலூர் அதிமுக நிர்வாகிகள் ஆலோசனைக் கூட்டம் DIN DIN Thursday, October 4, 2018 04:35 AM +0530  

பெரம்பலூர் மாவட்டத்தில் பூத் கமிட்டி அமைப்பது தொடர்பாக அதிமுக நிர்வாகிகள் ஆலோசனைக் கூட்டம் புதன்கிழமை நடைபெற்றது.
கூட்டத்துக்கு அதிமுக மாவட்டச் செயலாளரும், குன்னம் சட்டப்பேரவை உறுப்பினருமான ஆர்.டி.ராமச்சந்திரன் தலைமை வகித்தார். பெரம்பலூர் தொகுதி மக்களவை உறுப்பினர் ஆர்.பி.மருதராஜா, சட்டப்பேரவை உறுப்பினர் இரா.தமிழ்ச்செல்வன் ஆகியோர் முன்னிலை வகித்தனர்.
மாவட்ட அவைத்தலைவர் துரை, அண்ணா தொழிற்சங்க மாவட்டச் செயலர் எம்.வீரபாண்டியன், நகரச் செயலர் ஆர்.ராஜபூபதி, ஒன்றியச் செயலர்கள் என்.கே.கர்ணன், சிவப்பிரகாசம், பி.கிருஷ்ணசாமி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-trichy/perambalur/2018/oct/04/அதிமுக-நிர்வாகிகள்-ஆலோசனைக்-கூட்டம்-3013637.html
3013605 திருச்சி பெரம்பலூர் பெரம்பலூர் அருகே வெவ்வேறு பகுதிகளில் மின்னல் தாக்கி பெண் உள்பட 2 பேர் சாவு DIN DIN Thursday, October 4, 2018 04:25 AM +0530
பெரம்பலூர் அருகே வெவ்வேறு பகுதிகளில் மின்னல் தாக்கியதில் பெண் உள்பட இருவர் உயிரிழந்தனர். மேலும், 12 ஆடுகளும் இறந்தன.
பெரம்பலூர் மாவட்டம், ஆலத்தூர் வட்டம், கூடலூர் பிள்ளையார் கோவில் தெருவைச் சேர்ந்த ரத்தினம் மகன் அறிவு என்கிற அறிவழகன்(38). இவர் தனது மனைவி கலையரசியுடன்(30) அவர்களுக்குச் சொந்தமான நிலத்தில் புதன்கிழமை பிற்பகலில் விவசாயப் பணியில் ஈடுபட்டிருந்தார்.
அப்போது இடி, மின்னலுடன் பலத்த மழை பெய்தது. இருவரும் அங்குள்ள மரத்தின் கீழ் ஒதுங்கி நின்றனர். அப்போது, மின்னல் தாக்கியதில் சம்பவ இடத்திலேயே அறிவழகன் உயிரிழந்தார். கலையரசி லேசான காயமடைந்தார். தகவலறிந்து சம்பவ இடத்துக்குச் சென்ற மருவத்தூர் போலீஸார், அறிவழகன் உடலை மீட்டு பெரம்பலூர் மாவட்ட அரசு தலைமை மருத்துவமனைக்கு அனுப்பி வைத்தனர். கலையரசி சிகிச்சைக்காக மருத்துவமனையில் அனுமதிக்கப்பட்டார்.
12 ஆடுகள் சாவு :
அணைப்பாடி கிராமத்தைச் சேர்ந்த கிருஷ்ணசாமி மகன் தர்மராஜ்(50), 50க்கும் அதிகமான வெள்ளாடுகளை வளர்த்து வருகிறார்.
புதன்கிழமை பிற்பகல் அணைப்பாடி கிராமத்தில் உள்ள குளத்தின் கரையோரம் ஆடுகளை மேய்த்துக் கொண்டிருந்தார். அப்போது, இடி, மின்னலுடன் பலத்த மழை பெய்தது. இதையடுத்து, ஆடுகளை அங்கிருந்து வீட்டுக்கு ஓட்டிச்செல்ல முற்பட்டபோது மின்னல் தாக்கியதில் 12 ஆடுகள் உயிரிழந்தன. இதுகுறித்து மருவத்தூர் போலீஸார் வழக்குப் பதிந்து விசாரித்து வருகின்றனர்.
மற்றொரு பெண் சாவு :
அதேபோல, குன்னம் வட்டம், கோவில்பாளையம் கிராமம், அண்ணாநகரைச் சேர்ந்த பெருமாள் மனைவி நல்லம்மாள்(47). இவர் தனது வயலில் பயிரிட்டிருந்த பருத்தியில் களை எடுக்கும் பணியில் செவ்வாய்க்கிழமை மாலை ஈடுபட்டிருந்தார்.
அப்போது பெய்த மழையின் இடையே மின்னல் தாக்கியதில் நல்லம்மாள் நிகழ்விடத்தில் உயிரிழந்தார்.
இதுகுறித்து குன்னம் போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-trichy/perambalur/2018/oct/04/பெரம்பலூர்-அருகே-வெவ்வேறு-பகுதிகளில்-மின்னல்-தாக்கி-பெண்-உள்பட-2-பேர்-சாவு-3013605.html
3013029 திருச்சி பெரம்பலூர் காதிகிராப்ட் அங்காடியில் தீபாவளி சிறப்பு விற்பனை தொடக்கம் DIN DIN Wednesday, October 3, 2018 08:36 AM +0530 அண்ணல் காந்தியடிகளின் 150 ஆவது பிறந்த நாளை முன்னிட்டு பெரம்பலூர் காதிகிராப்ட் அங்காடியில் தீபாவளி சிறப்பு விற்பனை தொடக்க விழா செவ்வாய்க்கிழமை நடைபெற்றது.
விழாவில், பெரம்பலூர் மாவட்டத்தைச் சேர்ந்த சுதந்திரப் போராட்ட தியாகிகளுக்கு கதர் ஆடைகள் மற்றும் நினைவுப் பரிசுகள் வழங்கிய ஆட்சியர் வே. சாந்தா பேசியது: 
        கதர் சிறப்பு விற்பனையில் கடந்த ஆண்டு பெரம்பலூர் மாவட்டத்தில் ரூ. 7.50 லட்சம் மதிப்பிலான கதர் ஆடைகள் விற்பனை செய்யப்பட்டது. நிகழாண்டு தீபாவளியை முன்னிட்டு ரூ. 20 லட்சம் மதிப்பிலான கதர் ஆடைகள் விற்பனை செய்ய இலக்கு நிர்ணயிக்கப்பட்டுள்ளது. சிறப்பு விற்பனைக்காக கதர், பாலியஸ்டர், பட்டு ரகங்களுக்கு 30 சதவீதமும், உல்லன் ரகங்களுக்கு 20 சதவீதமும் தள்ளுபடி அளிக்கப்படுகிறது. 
அரசு ஊழியர்களுக்கு 10 மாத சுலப தவணைகளில் திருப்பி செலுத்தும் வகையில் கடன் முறையில விற்பனை செய்யப்படுகிறது. எனவே, இந்தச் சிறப்புத் தள்ளுபடி விற்பனையை பொதுமக்களும், அரசு அலுவலர்களும் பயன்படுத்திக் கொள்ள வேண்டும் என்றார் அவர். 
முன்னதாக, பேருந்து நிலைய வளாகத்தில் அமைந்துள்ள காந்தியடிகளின் சிலைக்கு மாலை அணிவித்து மரியாதை செலுத்தினார் மாவட்ட ஆட்சியர் வே. சாந்தா. நிகழ்ச்சிகளில், மாவட்ட வருவாய் அலுவலர் ஆ. அழகிரிசாமி, மாவட்ட ஊரக வளர்ச்சி முகமை திட்ட இயக்குநர் தி. ஸ்ரீதர், வருவாய் கோட்டாட்சியர் விஸ்வநாதன் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-trichy/perambalur/2018/oct/03/காதிகிராப்ட்-அங்காடியில்-தீபாவளி-சிறப்பு-விற்பனை-தொடக்கம்-3013029.html
3013028 திருச்சி பெரம்பலூர் நீர் நிலைகளைப் பாதுகாக்க மக்கள் முன்வர வேண்டும் DIN DIN Wednesday, October 3, 2018 08:36 AM +0530 நீர் நிலைகளைப் பாதுகாக்க பொதுமக்கள் முன்வர வேண்டும் என வலியுறுத்தியுள்ளார் மாவட்ட ஆட்சியர் வே. சாந்தா. 
அண்ணல் காந்தியடிகள் பிறந்த நாளையொட்டி, பெரம்பலூர் மாவட்டத்தில் உள்ள 121 ஊராட்சிகளிலும் கிராம சபைக் கூட்டம் செவ்வாய்க்கிழமை நடைபெற்றது. இதில், பெரம்பலூர் ஒன்றியத்துக்குள்பட செங்குணம் ஊராட்சியில் நடைபெற்ற கிராம சபைக்கூட்டத்தில் பங்கேற்ற மாவட்ட ஆட்சியர் மேலும் பேசியது: 
திறந்த வெளியில் மலம் கழிக்கும் பழக்கத்தை முற்றிலுமாகக் கைவிட வேண்டும். கிராமப்புறங்களில் நீர் ஆதாரமாக விளங்கும் நீர் நிலைகளை பாதுகாக்க பொதுமக்கள் முன்வர வேண்டும் என்றார் ஆட்சியர் சாந்தா. 
நிகழ்ச்சியில், மாவட்ட ஊரக வளர்ச்சி முகமை திட்ட இயக்குநர் தி. ஸ்ரீதர், வருவாய் கோட்டாட்சியர் விஸ்வநாதன், ஒருங்கிணைந்த குழந்தைகள் வளர்ச்சித் திட்ட அலுவலர் பூங்கொடி, ஊராட்சிகள் உதவி இயக்குநர்  பாரதிதாசன் உள்ளிட்ட பலர் கலந்து கொண்டனர்.
121 ஊராட்சிகளில் நடைபெற்ற கிராம சபைக் கூட்டங்களில் குடிநீரை சிக்கனமாக பயன்படுத்துதல் ஆகியவை விவாதிக்கப்பட்டது.
அரியலூர்: காந்தி ஜயந்தியை முன்னிட்டு அரியலூர் மாவட்டத்திலுள்ள 201 ஊராட்சிகளில் சிறப்பு கிராம சபை கூட்டம் செவ்வாய்க்கிழமை நடைபெற்றது.
வாரணவாசி கிராமத்தில் நடைபெற்ற கிராம சபை கூட்டத்துக்கு ஆட்சியர் மு.விஜயலட்சுமி தலைமை வகித்தார். கூட்டத்தில், பல்வேறு தீர்மானங்கள் நிறைவேற்றப்பட்டன.
 கூட்டத்தில் ஊரக வளர்ச்சி முகமை திட்ட இயக்குநர் ஜி.கே.லோகேஸ்வரி,  மகளிர் திட்ட இயக்குநர் லலிதா, சுகாதாரப் பணிகள் இணை இயக்குநர் ஹேமந்த்சந்த் காந்தி ஆகியோர் கலந்துகொண்டனர்.

]]>
http://www.dinamani.com/all-editions/edition-trichy/perambalur/2018/oct/03/நீர்-நிலைகளைப்-பாதுகாக்க-மக்கள்-முன்வர-வேண்டும்-3013028.html
3013027 திருச்சி பெரம்பலூர் வேப்பூர் மருத்துவமனையில் மருத்துவர்கள் இன்றி மக்கள் அவதி DIN DIN Wednesday, October 3, 2018 08:36 AM +0530 பெரம்பலூர் மாவட்டம், வேப்பூர் அரசு மருத்துவ மனையில் போதிய மருத்துவர்கள் இல்லாததால், நோயாளிகள் பெரும் அவதிக்குள்ளாகி வருகின்றனர். ரூ. 2.18 கோடி மதிப்பில் கட்டப்பட்ட கூடுதல் கட்டடம் பயனற்றுக் கிடக்கிறது. 
தமிழகத்தின் மிகவும் பின் தங்கிய பகுதியாக அறிவிக்கப்பட்டுள்ள வேப்பூரில் செயல்பட்டு வந்த வட்டார மருத்துவ மனையில் போதிய மருத்துவர்கள் இல்லாதது, இட வசதியின்மை உள்ளிட்ட காரணங்களால் கர்ப்பிணிகள், இதர நோயாளிகளும் பெரும் அவதிக்குள்ளாகி வந்தனர். 
இதையடுத்து, ரூ. 2.18 கோடி மதிப்பீட்டில் 30 படுக்கை வசதிகள் கொண்ட கூடுதல் கட்டடத்தை கடந்த 4.2.2010-இல் அப்போதைய  துணை முதல்வர் மு.க. ஸ்டாலின் திறந்து வைத்தார். தற்போது, மருத்துவமனையில் போதிய மருத்துவர்கள் நியமனம் செய்யப்படாததால், இம் மருத்துவமனைக்கு வரும் நோயாளிகள் ஏமாற்றத்துடன் திரும்பிச் செல்லும் நிலையே நீடிக்கிறது. 
இந்த மருத்துவமனைக்கு 3 மருத்துவர்கள் நியமிக்கப்பட்டுள்ள நிலையில், இரண்டு மருத்துவர்கள் பணிக்கு வராததால் ஒருவர் மட்டுமே பணியில் ஈடுபட்டுள்ளார். இவரும், காலை 9 மணி முதல் மதியம் ஒரு மணி வரை மட்டுமே நோயாளிகளுக்கு சிகிச்சை அளிப்பார். 
அதன்பிறகு, செவிலியர்களே பணியில் உள்ளனர். இதனால் அங்கு வரும் அவசர சிகிச்சைக்கு வரும் நோயாளிகளுக்கு அவர்களே முதலுதவி சிகிச்சை அளித்து பெரம்பலூர் மாவட்ட அரசு தலைமை மருத்துவமனைக்கு அனுப்பி வைக்கின்றனர்.  இதனால் மருத்துவமனை பகுதியில் உள்ள பெரும்பாலான கால்நடைகள், தெருநாய்களும் மருத்துவமனையில் சுற்றித்திரிகின்றன. இதுகுறித்து, அப்பகுதியைச் சேர்ந்த ஆர். சுப்ரமணி மேலும் கூறியது:அதிக மக்கள் தொகை கொண்ட வேப்பூர் வட்டாரத்தில் விபத்து, காய்ச்சல், நாய்க்கடி, விஷப் பூச்சிகளால் பாதிக்கப்பட்டு தினசரி இந்த மருத்துவமனைக்கு ஏராளமான நோயாளிகள் முறையான சிகிச்சை கிடைக்காமல் அருகேயுள்ள திட்டக்குடி அல்லது அரியலூர் தனியார் மருத்துவமனைகளுக்கு சென்று சிகிச்சை பெறும் அவலநிலை உள்ளது. மேலும் இதுகுறித்து பல முறை கோரிக்கை விடுத்தும் மாவட்ட நிர்வாகம் எந்தவித நடவடிக்கையும் எடுக்கவில்லை என்றார் அவர்.

]]>
http://www.dinamani.com/all-editions/edition-trichy/perambalur/2018/oct/03/வேப்பூர்-மருத்துவமனையில்-மருத்துவர்கள்-இன்றி-மக்கள்-அவதி-3013027.html
3013026 திருச்சி பெரம்பலூர் பெரம்பலூர் மாவட்டத்தில் பரவலாக மழை: சாகுபடி பணிகளில் விவசாயிகள் மும்முரம் DIN DIN Wednesday, October 3, 2018 08:35 AM +0530 பெரம்பலூர் மாவட்டத்தில் தொடர்ந்து பரவலாக பெய்து வரும் மழையால் விவசாயிகள் சாகுபடி பணியில் மும்முரமாக ஈடுபட்டு வருகின்றனர்.
பெரம்பலூர் மாவட்டம் வானம் பார்த்த பூமி என்பதால், இங்குள்ள பெரும்பாலான விவசாயிகள் மானாவாரி சாகுபடியான மக்காச்சோளம், பருத்தி ஆகிய பயிர்களை சாகுபடி செய்து வருகின்றனர். ஆலத்தூர், வேப்பந்தட்டை வட்டங்களைச் சேர்ந்த விவசாயிகள் கிணற்றுப் பாசனம் மூலம் கரும்பு, நெல், மஞ்சள், மரவள்ளிக்கிழங்கு உள்ளிட்ட பல்வேறு பயிர்களை சாகுபடி செய்து வருகின்றனர். கடந்த 2 ஆண்டுகளாக போதிய மழையின்றி சாகுபடி செய்யப்பட்டிருந்த அனைத்து பயிர்களும் தண்ணீரின்றி கருகியதால் வங்கியில் பெற்ற கடனைக்கூட செலுத்த முடியாமல் பாதிக்கப்பட்டு, தங்களது வாழ்வாதாரத்தை இழந்துள்ளனர். 
இந்நிலையில், நிகழாண்டு ஆடிப்பட்டத்தில் சாகுபடி செய்வதற்கு தேவையான மழை பொழியாததால், உழவுப் பணிகளை மேற்கொண்டு சாகுபடி பணிக்காக தயார் நிலையில் இருந்த விவசாயிகள் கவலை அடைந்தனர். இந்த நிலையில், மாவட்டத்தின் பல இடங்களில் கடந்த ஒரு வாரமாக அவ்வப்போது மழை பொழிந்து வருவதால் விவசாயிகள் மகிழ்ச்சியடைந்துள்ளனர்.  
உழவுப் பணிகள் மும்முரம்: தொடர்ந்து பெய்து வரும் மழையால் விவசாயிகள் பெரம்பலூர், ஆலத்தூர் வட்டாரங்களில் சின்ன வெங்காயத்துக்கு தேவையான உழவுப் பணிகளையும், விதைப்பு பணிகளை மேற்கொண்டு வருகின்றனர். அதோடு, மானாவாரி பயிர்களான மக்காச்சோளம், பருத்தி, நிலக்கடலை உள்ளிட்டப் பயிர்கள் சாகுபடிகளிலும் ஈடுபட்டுள்ளனர். ஒருசில இடங்களில் தண்ணீர் தாராளமாக கிடைப்பதால் நன்செய் வயல்களில் நிலக்கடலை, பயிறு வகைகள் மற்றும் காய்கறி விதைகளை விதைக்கும் பணிகளும் தீவிரமாக நடைபெறுகிறது.
 

]]>
http://www.dinamani.com/all-editions/edition-trichy/perambalur/2018/oct/03/பெரம்பலூர்-மாவட்டத்தில்-பரவலாக-மழை-சாகுபடி-பணிகளில்-விவசாயிகள்-மும்முரம்-3013026.html
3013025 திருச்சி பெரம்பலூர் பேரளி பகுதியில் அக்டோபர் 4 மின் தடை DIN DIN Wednesday, October 3, 2018 08:35 AM +0530 பெரம்பலூர் அருகேயுள்ள பேரளி துணை மின் நிலையத்துக்குள்பட்ட பகுதிகளில் வியாழக்கிழமை (அக். 4) மின்சாரம் இருக்காது. 
பெரம்பலூர் கோட்டத்துக்குள்பட்ட பேரளி துணை மின் நிலையத்தில் மாதாந்திரப் பராமரிப்பு பணி நடைபெற உள்ளதால், இங்கிருந்து மின்சாரம் பெறும் பேரளி, மருவத்தூர், ஒதியம், பனங்கூர், கல்பாடி, அசூர், சித்தளி, பீல்வாடி, குரும்பாபாளையம் ஆகிய பகுதிகளில் வியாழக்கிழமை காலை 9.45 மணி முதல் பராமரிப்பு பணி முடியும் வரை மின்சாரம் இருக்காது எனத் தெரிவித்துள்ளார் பெரம்பலூர் உதவி செயற்பொறியாளர் கி. மாணிக்கம்.


 

]]>
http://www.dinamani.com/all-editions/edition-trichy/perambalur/2018/oct/03/பேரளி-பகுதியில்-அக்டோபர்-4-மின்-தடை-3013025.html
3013024 திருச்சி பெரம்பலூர் நியாயவிலைக் கடைகளில் சிறுதானியங்கள் விநியோகிக்க தீர்மானம் DIN DIN Wednesday, October 3, 2018 08:35 AM +0530 பெரம்பலூர் மாவட்டம், ஆலத்தூர் வட்டம், கொளக்காநத்தம் ஊராட்சியில் செவ்வாய்க்கிழமை நடைபெற்ற கிராம சபைக்கூட்டத்தில், நியாய விலைக் கடைகளில் சிறுதானியங்கள் விநியோகம் செய்ய வேண்டுமென தீர்மானம் நிறைவேற்றப்பட்டது. 
காந்தி ஜயந்தியை முன்னிட்டு, கொளக்காநத்தம் ஊராட்சியில் கிராம சபைக் கூட்டம் செவ்வாய்க்கிழமை நடைபெற்றது.   வட்டார வளர்ச்சி துணை அலுவலர் (தணிக்கை) து. ராஜேந்திரன் தலைமையில் நடைபெற்ற இக்கூட்டத்துக்கு, முன்னாள் ஊராட்சி துணைத் தலைவர் ந. ராகவன், முன்னாள் வார்டு உறுப்பினர் க. கதிர்வேல் ஆகியோர் முன்னிலை வகித்தனர்.
கூட்டத்தில், சிறு தானியங்களை அரசு கொள்முதல்செய்து பொது விநியோக திட்டத்தின் கீழ், நியாயவிலை அங்காடிகளில் பொதுமக்களுக்கு விநியோகம் செய்ய வேண்டும். நியாய விலை அங்காடியில் விநியோகிக்கும் பாமாயிலுக்கு பதிலாக, கடலெண்ணைய், நல்லெண்ணெய், தேங்காய் எண்ணெய், விளக்கயெண்ணெய் வழங்க வேண்டும். பள்ளிகளில் வளர் இளம் பெண்களுக்கு வழங்கப்பட்டு வந்த கடலை உருண்டை, எள் உருண்டை, அவித்த பச்சை பயிர், தட்டைப் பயிர், கொண்டை கடலை, நெல்லிக்காய் நிறுத்தப்பட்டுள்ளது, அவற்றை மீண்டும் வழங்க நடவடிக்கை எடுக்க வேண்டும். மகாத்மா காந்தி தேசிய ஊரக வேலை உறுதித்திட்டத்தில் உடனடியாக வேலை வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
கூட்டத்தில், ஊராட்சி செயலர் சீ. ராம்குமார், நூலகர் ரெ. ராஜா மற்றும் அங்கன்வாடி பணியாளர்கள், கிராம இளைஞர்கள், பொதுமக்கள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-trichy/perambalur/2018/oct/03/நியாயவிலைக்-கடைகளில்-சிறுதானியங்கள்-விநியோகிக்க-தீர்மானம்-3013024.html
3012179 திருச்சி பெரம்பலூர் அரசு வேலை வாங்கித் தருவதாக ரூ.1 கோடி மோசடி செய்த நீதிமன்ற ஊழியர் கைது DIN DIN Tuesday, October 2, 2018 07:22 AM +0530 அரசு வேலை வாங்கித் தருவதாக ரூ.1 கோடி வரை வசூலித்து மோசடி செய்த நீதிமன்ற அலுவலக உதவியாளர் திங்கள்கிழமை கைது செய்யப்பட்டார்.
பெரம்பலூர் மாவட்டம், வேப்பந்தட்டை வட்டம், மலையாளப்பட்டி கிராமத்தைச் சேர்ந்த வீரமுத்து மகன் முருகேசன்(30). பெரம்பலூர் நீதிமன்றத்தில் 2013ஆம் ஆண்டு அலுவலக உதவியாளராகப் பணியில் சேர்ந்த முருகேசன், அரசு வேலை வாங்கித் தருவதாகக் கூறி பலரிடம் ரூ.1 கோடி வரை வசூலித்துள்ளார். ஆனால் எவருக்கும் வேலை வாங்கித் தரவில்லையாம். 
பணம் கொடுத்தவர்கள் நெருக்கடி கொடுத்ததால், முருகேசன் நீதிமன்ற பணிக்கு வராமல் தலைமறைவானார். இதையடுத்து பணம் கொடுத்து ஏமாந்தவர்கள் மாவட்ட குற்றப்பிரிவு போலீஸாரில் புகார் அளித்ததையடுத்து, போலீஸார் வழக்குப் பதிந்து முருகேசனை தேடி வந்தனர். 
இந்நிலையில் திருப்பூர் நீதிமன்றத்தில் செப்.26ஆம் தேதி முருகேசன் சரணடைந்ததையடுத்து, கோவை மத்திய சிறையில் அடைக்கப்பட்டார்.  இதையறிந்த, பெரம்பலூர் மாவட்ட குற்றப்பிரிவு போலீஸார், சிறையில் இருந்த முருகேசனைக் கைது செய்து மாவட்ட கூடுதல் மகிளா நீதிமன்ற நீதிபதி கே.மோகனப்பிரியா முன்பு திங்கள்கிழமை ஆஜர்படுத்தினர். அக்.15 ஆம் தேதி வரை நீதிமன்றக் காவலில் வைக்க உத்தரவிடப்பட்டதையடுத்து, திருச்சி மத்திய சிறையில் முருகேசன் அடைக்கப்பட்டார். 

]]>
http://www.dinamani.com/all-editions/edition-trichy/perambalur/2018/oct/02/அரசு-வேலை-வாங்கித்-தருவதாக-ரூ1-கோடி-மோசடி-செய்த-நீதிமன்ற-ஊழியர்-கைது-3012179.html
3012122 திருச்சி பெரம்பலூர் கோரிக்கைகளை வலியுறுத்தி ஆர்ப்பாட்டம் DIN DIN Tuesday, October 2, 2018 07:04 AM +0530 தனியார் நிறுவனங்களில் தொழிலாளர் விரோத போக்கைக் கண்டித்து இந்திய தொழிற்சங்கம் (சிஐடியு) சார்பில் கண்டன ஆர்ப்பாட்டம் திங்கள்கிழமை நடைபெற்றது. 
பெரம்பலூர் புறநகர் பேருந்து நிலையத்தில் நடைபெற்ற ஆர்ப்பாட்டத்துக்கு சிஐடியு மாவட்டச் செயலாளர் ஆர்.அழகர்சாமி தலைமை வகித்தார். வட்டச் செயலாளர் எஸ்.பி.டி.ராஜாங்கம் முன்னிலை வகித்தார். 
மின் ஊழியர் மத்திய அமைப்பு பெரம்பலூர் வட்டக் கிளை செயலாளர் எஸ்.அகஸ்டின், தமிழ்நாடு விவசாயிகள் சங்க மாவட்டச் செயலாளர் என்.செல்லதுரை, மாதர் சங்க மாவட்ட துணைச் செயலாளர் கலையரசி, இந்திய மாணவர் சங்க நிர்வாகி துரை.அருணன் ஆகியோர் கோரிக்கைகளை வலியுறுத்திப் பேசினர்.

]]>
http://www.dinamani.com/all-editions/edition-trichy/perambalur/2018/oct/02/கோரிக்கைகளை-வலியுறுத்தி-ஆர்ப்பாட்டம்-3012122.html
3012121 திருச்சி பெரம்பலூர் குடிநீர் கோரி ஆட்சியர் அலுவலகத்தை முற்றுகையிட்ட கிராம மக்கள் DIN DIN Tuesday, October 2, 2018 07:04 AM +0530 பெரம்பலூர் அருகே குடிநீர் பற்றாக்குறையை நிவர்த்தி செய்ய வலியுறுத்தி கிராம மக்கள் ஆட்சியர் அலுவலகத்தை திங்கள்கிழமை முற்றுகையிட்டு மனு அளித்தனர். 
பெரம்பலூர் மாவட்டம், வேப்பந்தட்டை வட்டத்துக்குள்பட்ட திடீர்குப்பம், விஜயபுரம் கிராமத்தைச் சேர்ந்த சுமார் 150க்கும் அதிகமானோர் ஆட்சியர் வே.சாந்தாவிடம் அளித்த மனு: 
விஜயபுரம் கிராமத்தில் சுமார் 2 ஆண்டுகளாக தண்ணீர் தட்டுப்பாடு உள்ளது. இதுதொடர்பாக மாவட்ட நிர்வாகத்திடம் பலமுறை புகார் மனு அளித்தும் நடவடிக்கை எடுக்கவில்லை. இதனால் வயல்களுக்கு பாய்ச்சும் தண்ணீரை குடிநீராக பயன்படுத்தி வருகிறோம். 
குடிநீர் தட்டுப்பாட்டை களைய பழுதடைந்துள்ள 3 ஆழ்துளை கிணறுகளை சீரமைக்க வேண்டும். தொண்டமாந்துறை கிராமத்துக்கு வரும் கொள்ளிடம் தண்ணீரை விஜயபுரம் கிராமப் பகுதிகளுக்கும் விநியோகம் செய்ய நடவடிக்கை மேற்கொண்டால் குடிநீர் பற்றாக்குறையை நிவர்த்தி செய்யலாம் என அதில் தெரிவித்துள்ளனர்.  
பெரம்பலூர் அருகே வடக்குமாதவி ஏரிக்கரை பகுதியைச் சேர்ந்த மக்கள் அளித்த மனு:
வடக்குமாதவி ஏரிக்கரை பகுதியில் 200க்கும் மேற்பட்ட குடும்பத்தினர் வசித்து வருகிறோம். இப்பகுதியில் வசிக்கும் பொதுமக்களுக்கு 20 நாள்களுக்கு ஒருமுறை மட்டுமே குடிநீர் விநியோகம் செய்யப்படுகிறது. தண்ணீர் தட்டுப்பாடு நிலவுவதால் பள்ளி செல்லும் மாணவ, மாணவிகள் குறித்த நேரத்துக்கு செல்ல முடியாத நிலை ஏற்பட்டுள்ளது. 
அதேபோல, சாலை, மின் வசதி உள்ளிட்ட எவ்வித அடிப்படை வசதிகளும் செய்து தரவில்லை. இதனால், இப்பகுதியில் வசிக்கும் மக்கள் பல்வேறு இன்னல்களுக்கு ஆளாகி உள்ளனர். இதுகுறித்து, ஊராட்சி நிர்வாகம், வட்டார வளர்ச்சி அலுவலர்கள், மாவட்ட ஆட்சியர் உள்ளிட்ட அனைத்துத்துறை அலுவலர்களிடம் பலமுறை புகார் மனு அளித்தும் நடவடிக்கை எடுக்கப்படவில்லை. எனவே, குடிநீர் தட்டுப்பாட்டை நிவர்த்தி செய்வதோடு, அடிப்படை வசதிகளை நிறைவேற்ற மாவட்ட நிர்வாகம் உடனடியாக நடவடிக்கை எடுக்க வேண்டும். 
குடிநீர் கோரி கிராம மக்கள் அடுத்தடுத்து ஆட்சியர் அலுவலகத்தை முற்றுகையிட்டதால் பரபரப்பு நிலவியது.
தொடர்ந்து, நடைபெற்ற முகாமிற்கு தலைமை வகித்த ஆட்சியர் வே.சாந்தா, பொதுமக்களிடமிருந்து பல்வேறு கோரிக்கை தொடர்பான மனுக்களை பெற்றுக் கொண்டார். இதையடுத்து, பயனாளிகள் 17 பேருக்கு ரூ.2.40 லட்சம் மதிப்பிலான நலத்திட்ட உதவிகள் வழங்கப்பட்டது. 
கூட்டத்தில், மாவட்ட வருவாய் அலுவலர் ஆ.அழகிரிசாமி, ஊரக வளர்ச்சி முகமை திட்ட இயக்குநர் தி.ஸ்ரீதர், மகளிர் திட்ட இயக்குநர் சு.தேவநாதன், ஊராட்சிகள் உதவி இயக்குநர் பாரதிதாசன் உள்ளிட்டோர் பங்கேற்றனர்.
அரியலூர் :
இலவச வீட்டுமனைப் பட்டா கோரி... இலவச வீட்டு மனைப் பட்டா வழங்க நடவடிக்கை எடுக்க வலியுறுத்தி கிராம மக்கள் கோரிக்கை மனு அளித்தனர்.
அரியலூர் மாவட்ட ஆட்சியர் அலுவலகத்தில் பொதுமக்கள் குறை கேட்புக் கூட்டம் திங்கள்கிழமை நடைபெற்றது. கூட்டத்துக்கு ஆட்சியர் மு.விஜயலட்சுமி தலைமை வகித்து, பல்வேறு கோரிக்கைகள் தொடர்பாக பொதுமக்களிடமிருந்து 366 மனுக்களை பெற்றார். இந்த மனுக்கள் மீது உடனடி நடவடிக்கை எடுக்க சம்பந்தப்பட்ட அதிகாரிகளுக்கு உத்தரவிட்டார்.நல்லாம்பாளையம் காலனித் தெரு மக்கள் அளித்த கோரிக்கை மனு: நல்லாம்பாளையம் கிராமத்தில் 100க்கும் மேற்பட்ட குடும்பங்கள் வசித்து வருகின்றன. 35 ஆண்டுகளுக்கு முன்பு கூட்டு குடும்பமாக இருந்த எங்களுக்கு இலவச வீட்டுமனை பட்டாக்கள் வழங்கப்பட்டது. தற்போது அந்த மனையில் மூன்று கூட்டு குடும்பங்களாக வசித்து வருவதால் உட்காருவதற்கு கூட இடம் போதவில்லை. எனவே இலவச வீட்டு மனைப்பட்டா வழங்க மாவட்ட நிர்வாகம் நடவடிக்கை எடுக்க வேண்டும் என அதில் வலியுறுத்தப்பட்டுள்ளது.
வழக்குரைஞரும், சமூக ஆர்வலருமான செ.சுகுமார் அளித்த மனு: அரியலூர் மாவட்டத்திற்கு ஆளுநர் வந்து சென்றதை முன்னிட்டு நகரில் உள்ள சாலைகளில் அகற்றப்பட்ட வேகத்தடைகள் மீண்டும் போடப்பட்டது. ஆனால், புறவழிச்சாலையில் அகற்றப்பட்ட இடங்களில் வேகத்தடை மீண்டும் அமைக்கப்படவில்லை. இந்தச் சாலையில் வாகனங்கள் வேகமாகச் செல்வதால் விபத்து ஏற்பட வாய்ப்பு இருப்பதால் காலம் தாழ்த்தாமல் விரைந்து வேகத்தடை அமைக்க வேண்டும் என அதில் கேட்டுக் கொண்டுள்ளார். 
மாவட்ட வருவாய் அலுவலர் சே.தனசேகரன், சமூக பாதுகாப்பு திட்ட துணை வட்டாட்சியர் பூங்கோதை உள்ளிட்டோர் பங்கேற்றனர்.                                                    
 

]]>
http://www.dinamani.com/all-editions/edition-trichy/perambalur/2018/oct/02/குடிநீர்-கோரி-ஆட்சியர்-அலுவலகத்தை-முற்றுகையிட்ட-கிராம-மக்கள்-3012121.html
3012120 திருச்சி பெரம்பலூர் அக்.5க்குள் இந்திய குடிமைப்பணி பயிற்சித் தேர்வுக்கு விண்ணப்பிக்கலாம் DIN DIN Tuesday, October 2, 2018 07:03 AM +0530 மீனவ சமுதாயத்தைச் சேர்ந்த பட்டதாரி இளைஞர்கள் போட்டித் தேர்வில் பங்கேற்க அக்.5ஆம் தேதிக்குள் சமர்ப்பிக்கலாம்.  இதுகுறித்து மாவட்ட ஆட்சியர் வே.சாந்தா திங்கள்கிழமை வெளியிட்ட செய்திக் குறிப்பு: 20 பட்டதாரி இளைஞர்களை தேர்ந்தெடுத்து, இந்திய குடிமைப் பணிக்கான போட்டித் தேர்வில் கலந்து கொள்ள ஏதுவாக பிரத்யேக பயிற்சி அளித்திடும் திட்டத்தை செயல்படுத்த தமிழ்நாடு அரசு ஆணை வழங்கியுள்ளது. 
   கடல் மற்றும் உள்நாட்டு மீனவ கூட்டுறவு சங்க உறுப்பினர்கள் மற்றும் மீனவர் நலவாரிய உறுப்பினர்களின் வாரிசுகளான பட்டதாரி இளைஞர்கள் இப்பயிற்சியில் சேரலாம். பயிற்சி பெற விரும்புவோர் விண்ணப்பப்படிவத்தை w‌w‌w.‌f‌i‌s‌h‌e‌r‌i‌e‌s.‌t‌n.‌g‌o‌v.‌i‌n   என்ற இணையதளத்தில் கட்டணமின்றி பதிவிறக்கம் செய்தோ அல்லது அலுவலகங்களில் அலுவலக வேலை நாள்களில் நேரில் இலவசமாக பெற்றுக் கொள்ளலாம். உரிய ஆவணங்களுடன் மீன்வள உதவி இயக்குநர் அலுவலகம், அறை எண் 234, 2ஆவது மேல்தளம், ஆட்சியர் அலுவலக வளாகம், அரியலூர்- 621704 என்ற முகவரிக்கு பதிவு அஞ்சல் அல்லது நேரடியாக அக்.5ஆம் தேதி மாலை 5 மணிக்குள் சமர்ப்பிக்க வேண்டும்.

]]>
http://www.dinamani.com/all-editions/edition-trichy/perambalur/2018/oct/02/அக்5க்குள்-இந்திய-குடிமைப்பணி-பயிற்சித்-தேர்வுக்கு-விண்ணப்பிக்கலாம்-3012120.html
3012119 திருச்சி பெரம்பலூர் பேருந்தில் இருந்து தவறி விழுந்த மூதாட்டி சாவு DIN DIN Tuesday, October 2, 2018 07:03 AM +0530 பெரம்பலூர் அருகே அரசுப் பேருந்தில் இருந்து தவறி விழுந்த மூதாட்டி திங்கள்கிழமை அதிகாலை உயிரிழந்தார். 
பெரம்பலூர் அருகே எசனை கிராமத்தைச் சேர்ந்தவர் பெ.சுந்தராம்பாள்(80). செப்.25ஆம் தேதி அரசுப் பேருந்தில் இருந்து இறங்கிய போது தவறி விழுந்ததில் காயமடைந்தார். மாவட்ட அரசு தலைமை மருத்துவமனையில் அனுமதிக்கப்பட்டு, மேல்சிகிச்சைக்கு திருச்சி அரசு மருத்துவமனையில் அனுமதிக்கப்பட்ட சுந்தராம்பாள் உயிரிழந்தார். இதுகுறித்து பெரம்பலூர் போலீஸார் வழக்குப் பதிந்து விசாரிக்கின்றனர்.  
 

]]>
http://www.dinamani.com/all-editions/edition-trichy/perambalur/2018/oct/02/பேருந்தில்-இருந்து-தவறி-விழுந்த-மூதாட்டி-சாவு-3012119.html