Dinamani - கன்னியாகுமரி - http://www.dinamani.com/all-editions/edition-thirunelveli/kanyakumari/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2824733 திருநெல்வேலி கன்னியாகுமரி 462 மீனவர்கள் இதுவரை கரை திரும்பவில்லை கன்னியாகுமரி DIN Tuesday, December 12, 2017 08:29 AM +0530 கன்னியாகுமரி மாவட்டத்தில் ஆழ்கடல் மீன்பிடிப்புக்கு சென்று இதுவரை 462  மீனவர்கள் கரைதிரும்பவில்லை என, வேளாண் துறை உற்பத்தி ஆணையரும், வேளாண் துறை அரசு முதன்மைச் செயலருமான ககன்தீப்சிங் பேடி, ஆட்சியர் சஜ்ஜன்சிங் ரா. சவாண் ஆகியோர் தெரிவித்தனர்.

இம்மாவட்டத்தில், தூத்தூர், மேல் மிடாலம், கீழ் மிடாலம் ஆகிய மீனவ கிராமங்களைச் சேர்ந்த, மீன்பிடிக்கச் சென்று புயலில் சிக்கி இதுவரை கரைதிரும்பாத மீனவர்களின் வீடுகளுக்கு,  ககன்தீப்சிங் பேடியும்,  சஜ்ஜன்சிங் ரா. சவாணும் ஆறுதல் கூறினர். 

தூத்தூர் மீனவக் கிராமத்தில், மீனவ மக்களுக்காக நடைபெற்ற மருத்துவ முகாமை பார்வையிட்டு, சிகிச்சை குறித்து மருத்துவர்களிடம் கேட்டறிந்த அவர்கள்,  அங்கு மேற்கொள்ளப்படும் தூய்மைப் பணியையும் பார்வையிட்டனர்.

அப்போது,  கரைதிரும்பாத மீனவர்களைத் தேடும் பணி முழுவீச்சுடன் நடைபெறுவதால், மீனவ மக்கள் நம்பிக்கையோடு இருக்க வேண்டும் என அவர்கள் தெரிவித்தனர்.

பின்னர் அவர்கள் செய்தியாளர்களிடம் கூறியது: தற்போது கிடைக்கப்பெற்ற தகவல்படி 13 வள்ளங்களில் மீன்பிடிக்கச் சென்ற 35 மீனவர்களும், 43 விசைப்படகுகளில் ஆழ்கடலுக்கு மீன்பிடிக்கச்சென்ற 427 மீனவர்களும் இதுவரை கரைதிரும்பவில்லை எனவும்,  அவர்களைத் தேடும் பணி தொடர்ந்து நடைபெறும் என்றும் தெரிவித்தனர். 

பத்மநாதபுரம் சார் ஆட்சியர் ராஜகோபால சங்கரா, அரசு அலுவலர்கள் கலந்துகொண்டனர்.

]]>
http://images.dinamani.com/uploads/user/imagelibrary/2017/8/30/w600X390/fishermen.jpg http://www.dinamani.com/all-editions/edition-thirunelveli/kanyakumari/2017/dec/12/462-மீனவர்கள்-இதுவரை-கரை-திரும்பவில்லை-2824733.html
2824732 திருநெல்வேலி கன்னியாகுமரி குமரி மீனவர் போராட்டத்தை திசைதிருப்ப முயன்றதாக  வெளிமாவட்டத்தைச் சேர்ந்த 7 பேர் கைது DIN DIN Tuesday, December 12, 2017 07:10 AM +0530 ஒக்கி புயலில் சிக்கி கடலில் மாயமான மீனவர்களை மீட்க வலியுறுத்தி,  கன்னியாகுமரி மாவட்ட மீனவர்கள் நடத்திவரும் தொடர் போராட்டங்களைத் திசைதிருப்ப முயன்றதாக சென்னை உள்ளிட்ட வெளி மாவட்டங்களைச் சேர்ந்த 7 இளைஞர்கள் கைது செய்யப்பட்டனர்.
ஒக்கி புயலில் மாயமான மீனவர்களை மீட்க வலியுறுத்தி, தூத்தூர் கடலோர மண்டலத்துக்கு உள்பட்ட மீனவக் கிராமங்களில் தொடர் போராட்டங்களில் மீனவர்கள் ஈடுபட்டுள்ளனர். இதற்கு பல்வேறு கட்சித் தலைவர்கள், அமைப்புகள் ஆதரவு அளித்து வருகின்றன. 
இந்நிலையில், போராட்டங்களில் ஈடுபட்டுள்ள மீனவ மக்களை மத்திய, மாநில அரசுகளுக்கு எதிராக திசைதிருப்பி அரசுக்கு அவப்பெயர், வன்முறை, கலவரங்களை ஏற்படுத்தும் நோக்கில் சில அமைப்பினர் ஈடுபட்டுள்ளதாக போலீஸாருக்கு பல்வேறு தகவல்கள் வந்தனவாம். இதன் அடிப்படையில், போலீஸார் விசாரித்துவந்தனர்.
இந்நிலையில், கொல்லங்கோடு கண்ணநாகம் சந்திப்பில் ஞாயிற்றுக்கிழமை மாலை சந்தேகத்துகிடமாக நின்றிருந்த 7 இளைஞர்களைப் பிடித்து போலீஸார் விசாரித்தனர். இதில்,  அவர்கள்  வெளிமாவட்டங்களைச் சேர்ந்த "மக்கள் அதிகாரம்' என்ற அமைப்பைச் சேர்ந்தோர் என்பதும்,  கொல்லங்கோடு அருகே மேடவிளாகம்,  பனவிளை பகுதியைச் சேர்ந்த ரா. கெஜின்குமார் (43) என்பவரின் வீட்டில் தங்கியிருந்து,  மீனவர்களைத் தூண்டி அரசுக்கு அவப்பெயர் ஏற்படுத்தும் நோக்கில் செயல்பட்டுவந்ததும் தெரியவந்தது.
அவர்கள்,  சென்னை அசோக்நகர் நாராயணன் மகன் மருது (33), தூத்துக்குடி, சங்கரலிங்கநகர் மாடசாமி மகன் கணேசன் (35), மக்கள் அதிகாரம் அமைப்பின் உறுப்பினர் கடையநல்லூர், நடுஅய்யனார் தெரு கலீல் ரகுமான் மகன் முகமது அனஸ் (20),  அதன் திருநெல்வேலி மண்டல ஒருங்கிணைப்பாளர் கோவில்பட்டி மில் தெருவைச் சேர்ந்த முருகன் மகன் ஆதி (37), பாளையங்கோட்டை, ஆரோக்கியநாதபுரம் அமல்ராஜ் மகன் கிங்சன் (23), அமைப்பின் உறுப்பினர்கள் கோவில்பட்டி, கூசாலிபட்டி வடக்குத் தெரு முருகன் மகன் மாரிமுத்து, திருநெல்வேலி கேடிசி நகர் கிருஷ்ணசாமி மகன் அன்பு (32) என்பதும் தெரியவந்தது.
இதையடுத்து மருது உள்பட 7 பேரையும் கொல்லங்கோடு போலீஸார் கைது செய்து, குழித்துறை நீதிமன்றத்தில் ஆஜர்படுத்தி சிறையிலடைத்தனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/12/குமரி-மீனவர்-போராட்டத்தை-திசைதிருப்ப-முயன்றதாக--வெளிமாவட்டத்தைச்-சேர்ந்த-7-பேர்-கைது-2824732.html
2824556 திருநெல்வேலி கன்னியாகுமரி அனைத்து தரப்பினருக்கும்  பாரபட்சமற்ற இழப்பீடு வழங்கக் கோரிக்கை DIN DIN Tuesday, December 12, 2017 01:17 AM +0530 குமரி மாவட்டத்தில் ஒக்கி புயலால் பாதிக்கப்பட்ட அனைத்து தரப்பினருக்கும் பாரபட்சமற்ற இழப்பீடு வழங்கவேண்டும் என்று  கோரிக்கை விடுக்கப்பட்டுள்ளது.
இதுகுறித்து,  கன்னியாகுமரி மாவட்ட வளர்ச்சி இயக்கத்தின் சார்பில் அதன் தலைவர் முருகதாஸ், செயலர் வழக்குரைஞர் ராஜேஷ் ஆகியோர் தலைமையில் திங்கள்கிழமை  ஆட்சியர் அலுவலகத்தில் அளித்துள்ள மனுவில் கூறியிருப்பதாவது:
குமரியை பேரிடர் மாவட்டமாக அறிவித்து மீட்புப் பணிகளை மேற்கொள்ளவேண்டும். ஒக்கி புயலால் பாதிக்கப்பட்ட அனைத்து தரப்பினருக்கும், பாரபட்சமற்ற ஒரே விதமான இழப்பீடு வழங்கவேண்டும். வாழ்வாதாரம் பாதிக்கப்பட்டு தொழில் செய்ய முடியாமல் தவிக்கும் அனைத்து தொழிலாளர்களுக்கும் இழப்பீடு வழங்க வேண்டும். பயிர் இழப்புகளுக்கு அதிகபட்ச நிவாரணம் வழங்கவேண்டும். சாலை கட்டமைப்பு, மின் கட்டமைப்பு உள்ளிட்ட சீரமைப்பு பணிகளை கூடுதல் பணியாளர்களைக் கொண்டு போர்க்கால அடிப்படையில் மேற்கொள்ள வேண்டும் என்று கூறப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/12/அனைத்து-தரப்பினருக்கும்--பாரபட்சமற்ற-இழப்பீடு-வழங்கக்-கோரிக்கை-2824556.html
2824555 திருநெல்வேலி கன்னியாகுமரி புயலால் பாதிக்கப்பட்டோருக்கு  இன்னர்வீல் சங்கத்தினர் உதவி DIN DIN Tuesday, December 12, 2017 01:17 AM +0530 குமரி மாவட்டத்தில் ஒக்கி புயலால் பாதிக்கப்பட்ட மக்களுக்கு நாகர்கோவில் இன்னர்வீல் சங்கத்தின் சார்பில் ரூ. 1 லட்சம் மதிப்பிலான பொருள்கள் வழங்கப்பட்டன.
குமரி மேற்கு மாவட்டத்தில் ஒக்கி புயலால் பாதிக்கப்பட்ட  ஆலம்பாறை, தச்சமலை,  பரவிளை, பேச்சிப்பாறை உள்ளிட்ட பகுதிகளில் முகாம்களில் உள்ள மக்களை இன்னர்வீல் சங்கத் தலைவி மீனாட்சி, செயலர் ராஜலட்சுமி, பொருளாளர் மைதிலி, முன்னாள் தலைவி அருணா, அனிதா, ராஜலட்சுமி உள்ளிட்டோர் நேரில் சென்று சந்தித்து ஆறுதல் கூறி அவர்களுக்கு  ரூ. 1 லட்சம் மதிப்பிலான,  125 தார்பாலின்கள், லுங்கிகள், துண்டு உள்ளிட்ட ஆடை மற்றும் உணவு வகைகளை வழங்கினர்.

]]>
http://www.dinamani.com/all-editions/edition-thirunelveli/kanyakumari/2017/dec/12/புயலால்-பாதிக்கப்பட்டோருக்கு--இன்னர்வீல்-சங்கத்தினர்-உதவி-2824555.html
2824554 திருநெல்வேலி கன்னியாகுமரி மீனவர்களுக்கு நிவாரணம் வழங்கக் கோரி  நாம் தமிழர் கட்சியினர் ஆர்ப்பாட்டம் DIN DIN Tuesday, December 12, 2017 01:17 AM +0530 ஒக்கி புயலால் பாதிக்கப்பட்ட மீனவர்களுக்கு  நிவாரண உதவி வழங்க வலியுறுத்தி நாகர்கோவிலில் நாம் தமிழர் கட்சியினர் திங்கள்கிழமை ஆர்ப்பாட்டத்தில்  ஈடுபட்டனர்.
மாவட்ட  ஆட்சியர் அலுவலகம் முன் நடைபெற்ற இந்த ஆர்ப்பாட்டத்துக்கு மாவட்டத் தலைவர் ஜெயசீலன் தலைமை வகித்தார்.  குமரி மாவட்டத்தில் ஒக்கி புயலால் பாதிக்கப்பட்டவர்களுக்கு நிவாரண உதவிகள் வழங்க வேண்டும், மீனவர்களை விரைந்து மீட்க வேண்டும் என்று ஆர்ப்பாட்டத்தில் வலியுறுத்தப்பட்டது. 
இதில், நாகராஜன், மதிவாணன், ஜோசப், மணிமாறன், உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-thirunelveli/kanyakumari/2017/dec/12/மீனவர்களுக்கு-நிவாரணம்-வழங்கக்-கோரி--நாம்-தமிழர்-கட்சியினர்-ஆர்ப்பாட்டம்-2824554.html
2824553 திருநெல்வேலி கன்னியாகுமரி சிற்றாறு அணையிலிருந்து தொடர்ந்து உபரி நீர் வெளியேற்றம்: பெருஞ்சாணி அணை மறுகால் மூடல் DIN DIN Tuesday, December 12, 2017 01:17 AM +0530 சிற்றாறு அணையிலிருந்து மூன்றாவது நாளாக திங்கள்கிழமை உபரி நீர் வெளியேற்றப்பட்டதையடுத்து திற்பரப்பு அருவியில் வெள்ளப்பெருக்கு ஏற்பட்டுள்ளது. 
 குமரி மாவட்டத்தில் பேச்சிப்பாறை, பெருஞ்சாணி, சிற்றாறு உள்ளிட்ட அனைத்து அணைகளும் உச்சபட்ச வெள்ள அபாய அளவு நீர்மட்டத்துடன் உள்ளன.
 இதில் பெருஞ்சாணி மற்றும் சிற்றாறு அணைகளிலிருந்து உபரி நீர் வெளியேற்றப்பட்டு வருகிறது. சனிக்கிழமை இரண்டாவது முறையாக பெருஞ்சாணி அணையின் உபரிநீர் மறுகால் மதகுகள் திறக்கப்பட்ட நிலையில் மழை சற்று தணிந்ததால் திங்கள்கிழமை மாலையில் மதகுகள் மூடப்பட்டன. 
அதே வேளையில் அணையிலிருந்து அனந்தனாறு கால்வாயில் விநாடிக்கு 150 கன அடி தண்ணீர் பாசனத்திற்கு திறக்கப்பட்டது. அணையின் நீர்மட்டம் 75 அடியாக இருந்தது. 
 சிற்றாறு அணையிலிருந்து மூன்றாவது நாளாக திங்கள்கிழமை உபரி நீர் வெளியேற்றப்பட்டது. இதையடுத்து திற்பரப்பு அருவியில் வெள்ளம் அதிகமாகக் கொட்டுகிறது. திங்கள்கிழமை இந்த அருவியில் சுற்றுலாப்ப யணிகள் குளிப்பதற்கு தடை விதிக்கப்பட்டிருந்தது.  சிற்றாறு 1 அணையின் நீர்மட்டம்  15.94 அடியாகவும், சிற்றாறு 2 அணையின் நீர்மட்டம் 16.05 அடியாகவும் இருந்தது.  பேச்சிப்பாறை அணையின் நீர்மட்டம் 44 அடியாக இருந்தது.

]]>
http://www.dinamani.com/all-editions/edition-thirunelveli/kanyakumari/2017/dec/12/சிற்றாறு-அணையிலிருந்து-தொடர்ந்து-உபரி-நீர்-வெளியேற்றம்-பெருஞ்சாணி-அணை-மறுகால்-மூடல்-2824553.html
2824552 திருநெல்வேலி கன்னியாகுமரி பழங்குடி குடியிருப்புகளில்  புயலால் சாய்ந்த ரப்பர் மரங்கள்: வெட்டி விற்க வனத்துறை அனுமதிக்கக் கோரிக்கை DIN DIN Tuesday, December 12, 2017 01:16 AM +0530 குமரி மாவட்டத்தில் பழங்குடி குடியிருப்புகளில் சாய்ந்த ரப்பர் மரங்களை வெட்டி விற்பனை செய்ய வனத்துறையினர் விரைந்து அனுமதிக்க வேண்டும் என பழங்குடி மக்கள் வலியுறுத்துகின்றனர்.
குமரி மாவட்டத்தில் காடுகளில் வசிக்கும் காணி பழங்குடி மக்கள் தங்களுக்கு வழங்கப்பட்டுள்ள நிலங்களில் ரப்பர், இலவு, முந்திரி உள்ளிட்ட மரங்களை நட்டு வருவாய் ஈட்டி வருகின்றனர். இந்த நிலையில், அண்மையில் வீசிய ஒக்கி புயல் பழங்குடி மக்களின் வீடுகளை மட்டுமல்லாது, அவர்களின் விவசாயத்தையும் அழித்துள்ளது.
குறிப்பாக,  பழங்குடி பகுதிகளில் ஆயிரக்கணக்கான ரப்பர் மரங்கள் வேருடன் சாய்ந்துவிட்டன. இந்த மரங்களை உடனடியாக வெட்டி தீக்குச்சி அல்லது பிளைவுட் ஆலைகளுக்கான வணிகர்களிடம் விற்பனை செய்தால், ஓரளவிற்கு அவர்களுக்கு பணம் கிடைக்க வாய்ப்புள்ளது. அதேவேளையில், இந்த மரங்களை வெட்டி, பிற பகுதிகளுக்கு கொண்டுசெல்ல வனத்துறையின் சட்டங்கள் தடையாக உள்ளன.
இதனால், பழங்குடி மக்கள் எளிதில் மரங்களை வெட்டி விற்கமுடியாத நிலை ஏற்பட்டுள்ளது. மரங்களை உடனடியாக வெட்டி விற்க முடியாத நிலை ஏற்பட்டால், அவை உலர்ந்துவிடும். அதன்பிறகு, மரங்களை விறகுக்காக மட்டுமே விற்கமுடியும் என்ற நிலை உள்ளது.
இதுகுறித்து தமிழ்நாடு மலைவாழ் மக்கள் சங்கச் செயலர் ரெகுகாணி கூறியது:
குமரி மாவட்டத்தில் பழங்குடி காணி மக்கள் தங்களுக்கான நிலங்களில் ரப்பர் மரங்களை அதிக அளவில் நடவு செய்துள்ளனர். இவற்றின் பெரும்பகுதி ஒக்கி புயலில் வேருடன் சாய்ந்துள்ளன. இந்த மரங்களை வெட்டி வெளிப் பகுதிகளில் மரவணிகர்களுக்கு விற்பனை செய்வதற்கு வனத்துறை அனுமதி அளிக்காமல் கெடுபிடி செய்கிறது.
வனத் துறைக்கு சொந்தமான காடுகளில் விழுந்து கிடக்கும் மரங்களை அவர்கள் அகற்றிய பிறகே, பழங்குடி மக்களின் மரங்களை வெட்டி விற்க அனுமதிக்கப்படும் என வனத் துறை  கூறிவருகிறது. இதனால், கால விரயமும், பழங்குடி மக்களுக்கு கூடுதல் இழப்பும் ஏற்படும். எனவே, வனத்துறை விதிகளை தளர்த்தி பழங்குடி மக்கள் தங்களின் நிலங்களில் உள்ள ரப்பர் மரங்களை  வெட்டி எடுத்துக் கொள்வதற்கு உடனுக்குடன் அனுமதி அளிக்க வேண்டும் என்றார்.
இதுகுறித்து வனத்துறையினர் கூறுகையில், பழங்குடி மக்கள் தங்கள் நிலங்களில் சாய்ந்து கிடக்கும் ரப்பர் மரங்களை நகர்ப் பகுதிகளில் உள்ள வணிகர்களுக்கு விற்பனை செய்வர். இதில் ரப்பர் மரங்களுடன் விலை உயர்ந்த காட்டு மரங்களும் செல்வதற்கு வாய்ப்புகள் உள்ளதால், வனத்துறை பல நிபந்தனைகளை நடைமுறைப்படுத்தியுள்ளது. எனினும், இந்த நடைமுறைகளை தற்போது  தளர்த்தி ரப்பர் மரங்களை எடுத்துச் செல்ல பழங்குடி மக்களுக்கு அனுமதி அளிப்பது தொடர்பாக உயர் அதிகாரிகளிடம் கேட்டுள்ளோம். முதலில் பழங்குடி மக்கள் மரங்களை வெட்டி விற்பனை செய்யும் வகையில், வனத்துறையினரிடம்  விண்ணப்பிக்க வேண்டும் என்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/12/பழங்குடி-குடியிருப்புகளில்--புயலால்-சாய்ந்த-ரப்பர்-மரங்கள்-வெட்டி-விற்க-வனத்துறை-அனுமதிக்கக்-கோரிக்-2824552.html
2824550 திருநெல்வேலி கன்னியாகுமரி தோவாளை, அகஸ்தீசுவரம் பகுதியில் புயல் சீரமைப்புப் பணிகள்: ஆட்சியர் ஆய்வு DIN DIN Tuesday, December 12, 2017 01:16 AM +0530 குமரி மாவட்டம், தோவாளை மற்றும் அகஸ்தீசுவரம் பகுதிகளில் நடைபெற்று வரும் ஒக்கி புயல் மறு சீரமைப்புப் பணிகளை மாவட்ட ஆட்சியர் சஜ்ஜன்சிங்  ரா. சவாண் திங்கள்கிழமை நேரில் ஆய்வு செய்தார்.
கீழபுத்தேரியில் தாற்காலிகமாக சீரமைக்கப்பட்ட நெடுங்குளம் கால்வாய் மற்றும் விளாவடி கால்வாய் உடைப்பினை சீரமைக்கும் பணிகள் நடைபெற்று வருவதை பார்வையிட்டார். தோவாளை வட்டம், இறச்சகுளம் கிராமத்தில் பெரியகுளம் கரை சீரமைப்பு பணி, இறச்சகுளம், நாவல்காடு மறுகால்தலை சாலையில் தென்பாறை குளம் கரை சீரமைப்பு பணிகளையும் பார்வையிட்டார். 
தொடர்ந்து, ஈசாந்திமங்கலம் ஊராட்சியில், ஒக்கி புயலால் சேதமடைந்த ஒருங்கிணைந்த சுகாதார வளாகத்தை பார்வையிட்டு,  அதனை விரைந்து சீரமைக்குமாறு, ஊரக வளர்ச்சித்துறை அலுவலர்களுக்கு அறிவுறுத்தினார்.  மேலும், நங்காண்டி பகுதியில் நடைபெற்று வரும் சாலை சீரமைப்பு பணிகளையும், விவசாய நிலங்களில் வடிகால் கரைகள் சீரமைப்பு பணிகள் நடைபெற்று வருவதையும் பார்வையிட்டார்.   தோவாளை ஊராட்சி ஒன்றிய அலுவலக வளாகத்தில் ஒக்கி புயலினால் சேதமுற்ற மரங்கள், கட்டடங்கள் மற்றும் சுற்றுச்சுவர் ஆகியவற்றை பார்வையிட்டதோடு, பொதுமக்களிடம் குறைகளை கேட்டறிந்தார்.  அருமநல்லூர் அரசு மேல்நிலைப்பள்ளி வளாகத்தில் ஒக்கி புயலால் சேதமடைந்த கட்டடங்களை பார்வையிட்டார்.
ஆய்வின்போது, பொதுப்பணித் துறை, ஊரக வளர்ச்சித் துறை மற்றும் பல்வேறு துறைகளின் மூலமாக மேற்கொள்ளப்பட்டு வரும் சீரமைப்பு பணிகளை விரைவாகவும், தரமாகவும் மேற்கொள்ளுமாறு அலுவலர்களுக்கு  ஆட்சியர் அறிவுறுத்தினார்.
அப்போது, பொதுப்பணித்துறை (நீர்வள ஆதார அமைப்பு) செயற்பொறியாளர்  வேத அருள்சேகர், உதவி செயற்பொறியாளர் வசந்தி, உதவி பொறியாளர் வின்சென்ட் லாரன்ஸ், தோவாளை வட்டார வளர்ச்சி அலுவலர்கள் பகவதிபெருமாள், கேத்ரின் மெர்சி உள்ளிட்ட அரசு அலுவலர்கள் உடன் சென்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/12/தோவாளை-அகஸ்தீசுவரம்-பகுதியில்-புயல்-சீரமைப்புப்-பணிகள்-ஆட்சியர்-ஆய்வு-2824550.html
2824548 திருநெல்வேலி கன்னியாகுமரி மலையோரப் பகுதிகளில் 12 ஆவது நாளாக தொடரும் மின் தடை: தொழில், வர்த்தகம் முடங்கியது DIN DIN Tuesday, December 12, 2017 01:16 AM +0530 குமரி மாவட்டத்தின் மலையோரப் பகுதிகளில் 12ஆவது நாளாக மின் தடை நீடிப்பதால் தொழில், வணிகம் அடியோடு முடங்கியுள்ளது.
மாவட்டத்தில் ஒக்கி புயல் கடந்த 30 ஆம் தேதி வீசியதில் மலையோரப் பகுதிகளில் பெரும்பாலான மின் கம்பங்கள் சரிந்தன. இவற்றை சீரமைக்கும் பணியில் மாவட்டத்திலுள்ள மின் ஊழியர்களுடன், வெளி மாவட்ட மின் ஊழியர்களும் ஈடுபடுத்தப்பட்டுள்ளனர். 
எனினும் புயல் வீசி 12 நாள்கள் கடந்த பின்னரும் நகர்ப்பற பகுதிகளில் கூட மின் கம்பங்கள் முழுமையாக சீரமைக்கப்பட்டு மின் விநியோகம் வழங்கப்படாத நிலை உள்ளது. குலசேகரம்,  திருவட்டாறு உள்ளிட்ட பல்வேறு நகர்புற பகுதிகளில் இரவு 10 மணி முதல் காலை 9 மணி வரை மட்டுமே கடந்த சில நாள்களாக மின் விநியோகம் வழங்கப்படுகிறது. அதேவேளையில் இதனைச் சார்ந்த இதர பகுதிகளில் மற்றும் மலையோரக் கிராமங்களில் இதுவரை மின் விநியோகம் செய்யப்படவில்லை.
அரையாண்டு தேர்வு எழுதும் மாணவர்கள் மின் தடை நீடிப்பதால் கடுமையாகப் பாதிக்கப்பட்டுள்ளனர். மின் விநியோகம் இல்லாத நிலையில் மாவட்டத்தில் சிறு தொழில்களான சிறு ரப்பர் தொழிற்சாலைகள்,  தையல் கூடங்கள், வெல்டிங் பட்டறைகள்,  தச்சுச் தொழிற் கூடங்கள், இயந்திர கல் தொழில் கூடங்கள், மர அறுவை மில்கள்,  வீடுகளில் கிரானைட் கற்கள் பதிக்கும் தொழில், இ-சேவை மையங்கள்  உள்பட பல்வேறு தொழில்கள் பாதிக்கப்பட்டுள்ளன. குறிப்பாக கிறிஸ்துமஸ் வியாபாரம் பெருமளவில் பாதிக்கப்பட்டுள்ளது.
இதுகுறித்து குலசேகரத்தில் தையல் தொழிற் கூடம் நடத்தும் ஒருவர் கூறுகையில், கிறிஸ்துமஸ் பண்டிகையை முன்னிட்டு ஆயத்த ஆடைகள் உள்பட  ஆடைகள் தைக்கும் பணிகள் மின்தடையால்  கடுமையாக பாதிக்கப்பட்டுள்ளன என்றார்.

]]>
http://www.dinamani.com/all-editions/edition-thirunelveli/kanyakumari/2017/dec/12/மலையோரப்-பகுதிகளில்-12-ஆவது-நாளாக-தொடரும்-மின்-தடை-தொழில்-வர்த்தகம்-முடங்கியது-2824548.html
2824547 திருநெல்வேலி கன்னியாகுமரி குமரியை பேரிடர் பாதித்த மாவட்டமாக அறிவிக்கக் கோரி தமாகாவினர் மனு DIN DIN Tuesday, December 12, 2017 01:15 AM +0530 கன்னியாகுமரி மாவட்டத்தை பேரிடர் பாதித்த மாவட்டமாக அறிவிக்கக் கோரி தமாகாவினர் மாவட்ட ஆட்சியர் அலுவலகத்தில் திங்கள்கிழமை மனு அளித்தனர்.  
குமரி கிழக்கு மாவட்ட தமாகா தலைவர் செல்வம் தலைமையில் வந்த அக்கட்சியினர் அளித்துள்ள மனுவில் கூறியிருப்பதாவது:  தமாகா தலைவர் ஜி.கே. வாசன் குமரி மாவட்டத்தில் ஒக்கியின் பாதிப்புகளை நேரில் பார்வையிட்டு ஆய்வு செய்து, அரசுக்கு சில அறிவுறுத்தல்களை வழங்கினார். அதன்படி,  குமரியை பேரிடர் மாவட்டமாக மத்திய அரசு அறிவிக்க வேண்டும். பக்கத்து மாநிலங்களில் கரை ஒதுங்கியவர்களை அரசே அழைத்து வர வேண்டும். காணாமல் போன மீனவர்களை தேடும் பணியை துரிதப்படுத்த வேண்டும்.
ஒக்கி புயலினால் கடுமையாக பாதிக்கப்பட்டுள்ள 5 லட்சம் ரப்பர் மரங்களும், 12 ஆயிரம் ஏக்கரில் பயிரிடப்பட்டுள்ள 1.5 லட்சம் வாழைகளும், 3 ஆயிரம் ஏக்கரில் உள்ள தென்னை, மா, பலா ஆகிய மரங்களும் அடியோடு சாய்ந்துள்ளது.  சுமார் 10 ஆயிரம் ஏக்கரில் நெல் பயிர்களும் சேதமடைந்துள்ளன. இவற்றுக்கு உரிய இழப்பீடு வழங்க வேண்டும். 
மிக அதிக அளவில் பாதிக்கப்பட்டுள்ள சுசீந்திரம், நாகர்கோவில், வெள்ளிச்சந்தை, தக்கலை,  கல்படி பகுதியில் சாலைகள் சேதமடைந்துள்ளன. 
இங்கு புதிய சாலைகள் அமைக்க வேண்டும். சாய்ந்து விழுந்த ரப்பர் மரங்களுக்கு ரூ. 15 ஆயிரமும், வாழைக்கு ஒரு ஏக்கருக்கு ரூ. 2 லட்சமும், தென்னை ஒன்றுக்கு ரூ. 10 ஆயிரமும், நெல் ஏக்கருக்கு ரூ. 30 ஆயிரமும் நிவாரணம் வழங்கவேண்டும். கன மழையால் வீடு இழந்தோருக்கு புதிய வீடு கட்டிக் கொடுக்க வேண்டும் என்பன உள்பட பல்வேறு கோரிக்கைகள் அதில் குறிப்பிடப்பட்டு இருந்தன.

]]>
http://www.dinamani.com/all-editions/edition-thirunelveli/kanyakumari/2017/dec/12/குமரியை-பேரிடர்-பாதித்த-மாவட்டமாக-அறிவிக்கக்-கோரி-தமாகாவினர்-மனு-2824547.html
2824546 திருநெல்வேலி கன்னியாகுமரி புயலால் பாதிக்கப்பட்டவர்களுக்கு சேவாபாரதி அமைப்பினர் நிவாரண உதவி  DIN DIN Tuesday, December 12, 2017 01:15 AM +0530 தமிழ்நாடு சேவாபாரதி அமைப்பு சார்பில் ஒக்கி புயலில் பாதிக்கப்பட்ட மக்களுக்கு நலத்திட்ட உதவிகள் வழங்கப்பட்டன.
குமரி மாவட்டத்தில் ஒக்கி புயலால் பாதிக்கப்பட்ட மக்களுக்கு சேவாபாரதி அமைப்பு சார்பில் பல்வேறு நலத்திட்ட உதவிகள் வழங்கப்பட்டு வருகின்றன. மலைவாழ் கிராமங்களில் நிவாரண முகாம்களை நடத்தி வருகின்றனர்.  ஒக்கிபுயலால் பாதிக்கப்பட்ட பறக்கின்கால் பகுதியை சேர்ந்த 220 குழந்தைகளுக்கு ஆடைகள் வழங்கும் நிகழ்ச்சி நடைபெற்றது. பாறைக்கால் மடம் பகுதியில் 50 குடும்பத்தினருக்கும், வடிவீஸ்வரம் பகுதியை சேர்ந்தவர்களுக்கும் சமையல் பாத்திரங்கள் வழங்கப்பட்டன. திருச்செந்தூர் ரோட்டரி கிளப் நலத்திட்ட உதவிகளுக்கு உதவி செய்திருந்தது. 
இந்நிகழ்ச்சியில் ஆர்.எஸ்.எஸ். கன்னியாகுமரி கோட்டத் தலைவர் டாக்டர் ஸ்ரீனிவாச கண்ணன், திருச்செந்தூர் ரோட்டரி கிளப் சார்பில் ரமணி கண்ணன், நவீன் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-thirunelveli/kanyakumari/2017/dec/12/புயலால்-பாதிக்கப்பட்டவர்களுக்கு-சேவாபாரதி-அமைப்பினர்-நிவாரண-உதவி-2824546.html
2824545 திருநெல்வேலி கன்னியாகுமரி மார்த்தாண்டத்தில் இளம்விஞ்ஞானி மாணவர்கள் திறன் மதிப்பீட்டு முகாம் DIN DIN Tuesday, December 12, 2017 01:15 AM +0530 குமரி அறிவியல் பேரவையின் இளம் விஞ்ஞானி மாணவர்களுக்கான திறன் மதிப்பீட்டு முகாம் மார்த்தாண்டத்தில் தனியார் கல்வி நிறுவனத்தில் நடைபெற்றது.
இந்நிகழ்ச்சிக்கு ஓய்வுபெற்ற மாவட்ட வேலைவாய்ப்பு அலுவலர் திருவேங்கடம் தலைமை வகித்தார். குமரி அறிவியல் பேரவை அமைப்பாளர் முள்ளஞ்சேரி மு. வேலையன் நிகழ்ச்சியை நெறிப்படுத்தினார். விஞ்ஞானிகள் பெருமாள், ஜாண்ரபிகுமார், ஆர்.ஆர். ரேகா ஆகியோர் இளம் விஞ்ஞானி மாணவர்களில் உயிரின மீட்பு மற்றும் மண்டல மீட்பு அணிகளின் திறன் குறித்து மதிப்பீடு செய்தனர்.
 தொடர்ந்து, கடலோர சூழியல் ஆய்வுப் பயணம் குறித்து பொதுமக்களுக்கு விழிப்புணர்வு ஏற்படுத்துவதற்கான பிரசுரங்கள் குறித்து கருத்துருவாக்கம் செய்யப்பட்டது. மேலும் டிச. 30, 31 ஆம் தேதிகளில் மேலாண்மை சிந்தனை முகாம் நடத்துவது, ஜனவரி 6,7 ஆம் தேதிகளில் கடலோர சூழியல் ஆய்வுப் பயணம் நடத்துவது எனவும் முடிவு செய்யப்பட்டது.
 

]]>
http://www.dinamani.com/all-editions/edition-thirunelveli/kanyakumari/2017/dec/12/மார்த்தாண்டத்தில்-இளம்விஞ்ஞானி-மாணவர்கள்-திறன்-மதிப்பீட்டு-முகாம்-2824545.html
2824201 திருநெல்வேலி கன்னியாகுமரி சின்னத்துறையில் மீனவர்கள் 2-ஆவது நாளாக தர்னா DIN DIN Monday, December 11, 2017 07:44 AM +0530 ஒக்கி புயலில் சிக்கி கடலில் மாயமான மீனவர்களை மீட்க வலியுறுத்தி, சின்னத்துறை, தூத்தூர் பகுதிகளில் மீனவர்கள் 2 ஆவது நாளாக ஞாயிற்றுக்கிழமை தர்னா போராட்டத்தில் ஈடுபட்டனர்.
ஒக்கி புயலில் சிக்கி குமரி மாவட்டம், தூத்தூர் கடலோர மண்டலத்தைச் சேர்ந்த ஆயிரத்துக்கும் மேற்பட்ட மீனவர்கள் கடலில் மாயமாகினர். இதில் பலர் மீட்கப்பட்ட நிலையில், 664 மீனவர்கள் குறித்து எந்தத் தகவலும் கிடைக்கவில்லை. இவர்களை மீட்க அரசு துரித நடவடிக்கை எடுக்க வலியுறுத்தி, மீனவர்கள் பலகட்ட போராட்டங்களை நடத்தி வருகின்றனர். அதன் ஒரு பகுதியாக சின்னத்துறை, தூத்தூர் உள்ளிட்ட பகுதிகளைச் சேர்ந்த மீனவர்கள் சனிக்கிழமை முதல் தொடர் தர்னா போராட்டத்தில் ஈடுபட்டுள்ளனர்.
கடலில் மாயமான மீனவர்களை மீட்க அரசு துரித நடவடிக்கை எடுக்க வேண்டும், பாதிக்கப்பட்ட மக்களை தமிழக முதல்வர் நேரில் சந்திக்க வேண்டும், பாதிக்கப்பட்ட மீனவர்களுக்கு கேரள அரசு வழங்குவது போன்று தமிழக அரசும் நிவாரணம் வழங்க வேண்டும் என்பன உள்ளிட்ட கோரிக்கைகளை அவர்கள் வலியுறுத்துகின்றனர்.
இந்த நிலையில் 2 ஆவது நாளான ஞாயிற்றுக்கிழமை சின்னத்துறையில் நடைபெற்ற போராட்டத்தில், அப்பகுதியைச் சேர்ந்த பள்ளி, கல்லூரி மாணவர்கள் 200 -க்கும் மேற்பட்டோர் கலந்து கொண்டனர். கிள்ளியூர் சட்டப் பேரவைத் தொகுதி உறுப்பினர் எஸ். ராஜேஷ்குமார் இப் போராட்டத்தில் கலந்து கொண்டு, மீனவர்களுக்கு ஆதரவு தெரிவித்தார். 
அவர் பேசியது:
குமரி மாவட்டத்தில் கடந்த நவம்பர் 30 ஆம் தேதி ஏற்பட்ட புயல் காரணமாக மிகப்பெரிய சேதம் ஏற்பட்டுள்ளது. இது குறித்து அரசு முன்னெச்சரிக்கை கொடுத்திருந்தால் ஏராளமான உயிரிழப்புகளைத் தவிர்த்திருக்கலாம்.
அண்டை மாநிலமான கேரளத்தில் அனைத்துக் கட்சி கூட்டம் கூட்டி, கடலில் மீன்பிடிக்கச் சென்று இறந்த மீனவர் குடும்பத்துக்கு ரூ. 25 லட்சம் வழங்குவதாக அறிவிக்கப்பட்டுள்ளது. அதேபோன்று தமிழக அரசும் நிவாரணம் வழங்க வேண்டும்.
ஒக்கி புயலால் பாதிக்கப்பட்ட வாழை உள்ளிட்ட பயிர்களுக்கும், ரப்பர் உள்ளிட்ட மரங்களுக்கும் அதிகபட்ச நிவாரணத் தொகை வழங்க பிற எம்.எல்.ஏ.க்களுடன் சேர்ந்து மாவட்ட நிர்வாகத்தை வலியுறுத்தியுள்ளேன். டிசம்பர் 12 ஆம் தேதிக்குள் உரிய நடவடிக்கை எடுக்கவில்லை என்றால் 13 ஆம் தேதி மாவட்ட ஆட்சியர் அலுவலகத்தை முற்றுகையிட்டு போராட்டத்தில் ஈடுபடுவோம் என்றார்.
இதைத் தொடர்ந்து இனயம்புத்தன்துறை மீனவ கிராம பங்குப் பேரவை மக்கள் அங்கு வந்து, போராட்டத்தில் ஈடுபட்ட மீனவர்களுக்கு ஆதரவு தெரிவித்தனர்.
இப் போராட்டத்தில் சர்வதேச மீனவர் வளர்ச்சி அறக்கட்டளைத் தலைவர் பி. ஜஸ்டின் ஆன்றணி, தேசிய மீனவர் சங்க மாநிலத் தலைவர் ஜார்ஜ் ராபின்சன், தெற்காசிய மீனவர் தோழமை அமைப்பின் பொதுச் செயலர் சர்ச்சில் உள்ளிட்ட மீனவப் பிரதிநிதிகளும் கலந்து கொண்டனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/11/சின்னத்துறையில்-மீனவர்கள்-2-ஆவது-நாளாக-தர்னா-2824201.html
2824200 திருநெல்வேலி கன்னியாகுமரி கண்காணிப்பு அதிகாரிகளுடன் பொன்.ராதாகிருஷ்ணன் ஆலோசனை DIN DIN Monday, December 11, 2017 07:43 AM +0530 குமரி மாவட்டத்தில் ஒக்கி புயல் பாதிப்பு மற்றும் மறுசீரமைப்பு நடவடிக்கைகள் குறித்து மத்திய நிதி மற்றும் கப்பல் போக்குவரத்துத் துறை இணை அமைச்சர் பொன்.ராதாகிருஷ்ணன், கண்காணிப்பு அதிகாரிகளுடன்  ஞாயிற்றுக்கிழமை ஆலோசனை நடத்தினார்.
நாகர்கோவில் பயணியர் மாளிகையில் நடைபெற்ற இக்கூட்டத்தில், மாவட்ட கண்காணிப்பு அலுவலரும் தகவல் தொழில்நுட்பத் துறை முதன்மைச் செயலாளருமான டி.கே.ராமச்சந்திரன், கூடுதல் கண்காணிப்பு அலுவலரும் தொழில்துறை முதன்மைச் செயலாளருமான ராஜேந்திரகுமார், வேளாண்மைத் துறை முதன்மைச் செயலாளர் ககன்தீப் சிங் பேடி, வேலைவாய்ப்பு மற்றும் பயிற்சித் துறை இயக்குநர் ஜோதிநிர்மலாசாமி, மீன்வளத் துறை இயக்குநர் தண்டபாணி, மாவட்ட ஆட்சியர் சஜ்ஜன்சிங் ரா.சவாண் ஆகியோர் கலந்து கொண்டனர்.
கன்னியாகுமரி  மாவட்டத்தில் மேற்கொள்ளப்பட்டுள்ள சீரமைப்புப் பணிகள் குறித்து,  மத்திய அமைச்சரிடம் கண்காணிப்பு அலுவலர்கள் தெரிவித்தனர். கூட்டத்தில் பொன்.ராதாகிருஷ்ணன் பேசியது:
ஒக்கி புயலால் பாதிக்கப்பட்ட விவசாயிகள், மீனவர்கள் மற்றும் மலைவாழ் மக்களின் வாழ்வாதாரங்களை மேம்படுத்துதல் தொடர்பான  நடவடிக்கைகளை விரைந்து மேற்கொள்ள வேண்டும். 
வாழ்வாதாரங்களை மேம்படுத்துதல் தொடர்பாக மத்திய அரசின் உள்துறை அமைச்சகம், ரப்பர் கழகம் போன்ற சம்பந்தப்பட்ட துறைகளுடன் தொடர்பு கொண்டு தேவையான உதவிகளும் நடவடிக்கைகளும் தொடர்ந்து மேற்கொள்ளப்படும். 
காணாமல் போன மீனவர்களைத் தேடும் பணியில் கடலோரக் காவல் படையினருடன் சேர்ந்து சின்னத்துறை மீனவ கிராமத்தைச் சேர்ந்த 5 மீனவர்களும், தூத்தூர் கிராமத்தைச் சேர்ந்த 2 மீனவர்களும் தீவுப்பகுதிகளில் பணியில் ஈடுபடுத்தப்பட்டுள்ளனர்.  குமரி மாவட்ட மீனவர்கள் மீன் பிடிக்கும்போது தங்கும் தீவுப் பகுதிகள் குறித்த விவரங்கள் இவர்களுக்குத் தெரியும் என்பதால் இப்பணியில் ஈடுபடுத்தப்பட்டுள்ளனர்  என்றார்.

]]>
http://www.dinamani.com/all-editions/edition-thirunelveli/kanyakumari/2017/dec/11/கண்காணிப்பு-அதிகாரிகளுடன்-பொன்ராதாகிருஷ்ணன்-ஆலோசனை-2824200.html
2824199 திருநெல்வேலி கன்னியாகுமரி "காணாமல் போனவர்களை மீட்கும் பணியில் 27 கப்பல்கள்,  2 ஹெலிகாப்டர்கள்' DIN DIN Monday, December 11, 2017 07:43 AM +0530 ஒக்கி புயலில் சிக்கி காணாமல் போனவர்களை   மீட்கும் பணியில் 27 கப்பல்கள் மற்றும் 2 ஹெலிகாப்டர்கள் ஈடுபடுத்தப்பட்டுள்ளதாக  மத்திய இணை அமைச்சர் பொன்.ராதாகிருஷ்ணன் தெரிவித்தார்.
இதுகுறித்து அவர் நாகர்கோவிலில் ஞாயிற்றுக்கிழமை செய்தியாளர்களுக்கு அளித்த பேட்டி:  ஒக்கி புயலால் கன்னியாகுமரி மாவட்டம்தான் அதிக பாதிப்புக்குள்ளாகி உள்ளது. புயல் மறு சீரமைப்பு நடவடிக்கைகள் குறித்து மாவட்ட ஆட்சியர் மற்றும் கண்காணிப்புக்குழு அதிகாரிகளுடன் ஆலோசனை மேற்கொண்டேன்.  
புயலில்  காணாமல் போன மீனவர்களை மீட்கும் பணியில் தூத்துக்குடியைச் சேர்ந்த வைபவ் என்ற கப்பல் ஈடுபட்டுள்ளது. இதில் குமரி மாவட்டம் தூத்தூரைச் சேர்ந்த 2 மீனவர்கள், சின்னத்துறையைச் சேர்ந்த 5 மீனவர்கள் என 7 பேர் கொண்ட குழுவும் உடன் சென்றுள்ளனர். 
மேலும், கடலோரக் காவல் படையினர் 2 படகுகளில் சென்ற 23 மீனவர்களை மீட்டுள்ளதாகவும்,  லட்சத்தீவு பகுதியில் 20 படகுகளில் மீனவர்கள் கரை சேர்ந்துள்ளதாகவும் தகவல் கிடைத்துள்ளது. அவர்களை மீட்டு வர நடவடிக்கை மேற்கொள்ளப்பட்டுள்ளது.   
கடலில் மீனவர்களின் சடலம் மிதப்பதாக சக மீனவர்கள் கூறுவதை ஏற்க முடியாது. ஏனெனில் உடல்களை பார்த்தவர்கள் படகில் அதைக் கொண்டுவர எந்த சிரமமும் இருந்திருக்காது. 
வருங்காலத்தில் கடலுக்குள் செல்லும் மீனவர்கள் தொடர்பில் இருக்கும் வகையில் அதிநவீன தொடர்பு கருவிகள் வழங்க,  மாநில அரசு  மத்திய அரசுக்கு பரிந்துரை செய்ய வேண்டும். 
மீனவர்களின் பல படகுகள் பதிவு செய்யப்படவில்லை எனத் தெரிகிறது. சட்டங்களை எளிமையாக்கி அனைத்து படகுகளையும் பதிவு செய்ய நடவடிக்கை எடுக்க வேண்டும். 
கோட்டாறு மறை மாவட்ட ஆயர் சில கோரிக்கைகளை கூறியுள்ளார். அவற்றை நிறைவேற்ற முயற்சி எடுக்கப்படும். மீனவர்கள் தங்கள் கிராமத்தை கேரள மாநிலத்தோடு இணைக்க வேண்டும் என கூறுவது ஆதங்கமே. கோபத்தில் கூறுவதை பெரிதாக எடுத்துக்கொள்ளவேண்டியது இல்லை.
குமரி மாவட்டத்தை தேசிய பேரிடர் பாதித்த மாவட்டமாக அறிவிப்பது என்பது துறை சார்ந்த விஷயமல்ல. அதற்கு  உள்துறை அமைச்சர் தலைமையில் தனிக்குழு உள்ளது. இனயத்தில்தான் துறைமுகம் அமைக்க வேண்டும் என்பது கட்டாயமல்ல. குமரி மாவட்டத்தில் துறைமுகம் அமைய வேண்டும் என்பதுதான் எங்கள் நிலைப்பாடு என்றார் அவர்.

]]>
http://www.dinamani.com/all-editions/edition-thirunelveli/kanyakumari/2017/dec/11/காணாமல்-போனவர்களை-மீட்கும்-பணியில்-27-கப்பல்கள்--2-ஹெலிகாப்டர்கள்-2824199.html
2824198 திருநெல்வேலி கன்னியாகுமரி புயலில் சிக்கித் தவித்த தமிழக மீனவர்கள் 264 பேர் கொச்சி திரும்பினர் DIN DIN Monday, December 11, 2017 07:42 AM +0530 ஒக்கி புயலில் சிக்கித் தவித்த 264 பேர் கொச்சி துறைமுகம் வழியாக ஞாயிற்றுக்கிழமை சொந்த ஊருக்கு திரும்பினர்.
ஒக்கி புயலில் சிக்கி, லட்சத்தீவு, மகாராஷ்டிரம்,  குஜராத்,  கர்நாடக மாநிலங்களில் கரைஒதுங்கிய தமிழக மீனவர்கள் இந்திய கடற்படை உதவியுடன் மீட்கப்பட்டு வருகின்றனர். கடல்சார் வாரிய துணைத் தலைவர் ஜான் லூயிஸ் தலைமையிலான அதிகாரிகள் லட்சத்தீவில் தங்கியிருந்து மீட்புப் பணிகளை கவனித்து வருகின்றனர். 
லட்சத்தீவு கடல் பகுதியில் அன்ரோட்,  கில்டான்,  அகட்டி,  பிட்ரா, கடாமெட்,  கவரட்டி,  சிட்லாட் ஆகிய கடலோரப் பகுதிகளில் 20 படகுகளில் கரைஒதுங்கிய 281 மீனவர்கள் மீட்கப்பட்டு 10 படகுகளில் கேரள மாநிலம், கொச்சி துறைமுகத்துக்கு அனுப்பி வைக்கப்பட்டனர். கர்நாடக கடல் பகுதியில் மீட்புப் பணிக்காக கைவினைஞர்கள் மேம்பாட்டு கழகத் தலைவர் சந்தோஷ்பாபு நியமிக்கப்பட்டுள்ளார். 
கர்நாடகம் மால்பே பகுதியில் 327 மீனவர்களும்,  கார்வார் பகுதியில் 126 மீனவர்களும் என மொத்தம் 453 மீனவர்கள் கரைசேர்ந்துள்ளனர். இவர்களும் சொந்த ஊர்களுக்கு அனுப்பி வைக்கப்படுகின்றனர். சனிக்கிழமை கொச்சி வழியாக 87 தமிழக மீனவர்கள் கரைதிரும்பினர். இந்நிலையில், ஞாயிற்றுக்கிழமை 19 படகுகளில் மேலும் 264 தமிழக மீனவர்கள் கொச்சி துறைமுகம் வந்தடைந்தனர். கன்னியாகுமரி, தூத்துக்குடி, ராமநாதபுரம்,  நாகப்பட்டினம் மாவட்டங்களைச்  சேர்ந்த இவர்கள்,  பின்னர் சொந்த ஊர்களுக்கு அனுப்பி வைக்கப்பட்டனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/புயலில்-சிக்கித்-தவித்த-தமிழக-மீனவர்கள்-264-பேர்-கொச்சி-திரும்பினர்-2824198.html
2824197 திருநெல்வேலி கன்னியாகுமரி 5,000 தேனீ கூடுகள் சேதம் DIN DIN Monday, December 11, 2017 07:42 AM +0530 குமரி மாவட்டத்தில் ஒக்கி புயலால் சுமார் 5 ஆயிரம் தேனீ கூடுகள் அழிந்ததால், தேன் உற்பத்தியாளர்கள் பெரும் பாதிப்பை சந்தித்துள்ளனர்.
கன்னியாகுமரி மாவட்டத்தில் தேனீ வளர்ப்பும், தேன் உற்பத்தியும் பிரதான தொழிலாகும். இந்தியாவின் தேன் கிண்ணம் என, குமரி மாவட்டத்தின் மார்த்தாண்டம் வர்ணிக்கப்படுகிறது. மார்த்தாண்டத்தை மையமாகக் கொண்டு ஆயிரக்கணக்கான தேனீ வளர்ப்போர் உள்ளனர். இவர்கள் தொழில் முறையில் ரப்பர் தோட்டங்களில் கூடுகளை வைத்து அவற்றில் தேனீக்களை வளர்த்து தேன் உற்பத்தி செய்கின்றனர். மார்த்தாண்டம், அருமனை, காரோடு, குலசேகரம், களியல், ஆலஞ்சோலை, ஆறுகாணி, பேச்சிப்பாறை, சேக்கல், பிணந்தோடு, திற்பரப்பு, பொன்மனை, சுருளகோடு, தடிக்காரன்கோணம், முட்டைக்காடு, கொற்றியோடு என பல்வேறு இடங்களில் ரப்பர் தோட்டங்களில் தேனீ கூடுகளை வைத்துள்ளனர். கடந்த 30 ஆம் தேதி வீசிய ஒக்கி புயலில் மாவட்டத்தில் லட்சக்கணக்கான ரப்பர் மரங்கள் சாய்ந்தன. இதனால் ரப்பர் தோட்டங்களில் வைக்கப்பட்டிருந்த தேனீ கூடுகளும் உடைந்து சேதமாகியுள்ளன. ஏறக்குறைய 5 ஆயிரம் கூடுகள் வரை சேதமடைந்துள்ளதாக தேனீ வளர்ப்போர் கூறுகின்றனர்.
இது குறித்து பொன்மனை பெரவூர் பகுதியில் ரப்பர் தோட்டம் ஒன்றில் தேனீ கூடுகளை வைத்திருக்கும் குலசேகரம் கொச்சுவீட்டுப்பாறை பகுதியைச் சேர்ந்த தோமஸ் கூறியதாவது: குமரி மாவட்டத்தில் வீசிய ஒக்கி புயல், தேனீ வளர்ப்போரையும் விட்டு வைக்கவில்லை. ரப்பர் தோட்டங்களில் வைக்கப்பட்டிருந்த தேனீ கூடுகள் அனைத்தும் சாய்ந்த மரங்களுக்கு அடியில் சிக்கி சிதைந்துள்ளன. ஒரு தேனீ கூடு ஈக்கள் குடும்பத்துடன் அமைப்பதற்கு  ரூ. 1,000 முதல்  ரூ. 1,500 வரை  வரை செலவாகும். வரும் ஜனவரி மாதம் தேன் உற்பத்தி தொடங்கும் நிலையில், அனைத்தையும் நாசம் செய்துள்ளது புயல் என்றார்.
இது குறித்து முன்னோடி தேன் உற்பத்தியாளரும், தேனீ வளர்ப்பு பயிற்சியாளருமான கொட்டூர் பி. ஹென்றி கூறியதாவது: ஒக்கிப் புயலால் குமரி மாவட்டத்தில் 5 ஆயிரம் தேனீ கூடுகள் சேதமடைந்துள்ளன. இது தேனீ வளர்ப்போருக்கு பெருத்த இழப்பை ஏற்படுத்தியுள்ளது. கடந்த பிப்ரவரி மாதம் தேன் சீசன் முடிவடைந்த நிலையில், ஏறக்குறைய ஓராண்டு காலமாக தேனீ கூடுகளை பராமரித்து வருகிறோம். ஜனவரி மாதம் தேன் உற்பத்தி தொடங்கவுள்ள நிலையில், தேனீ கூடுகளை புயல் அழித்துள்ளது. எனவே பாதிக்கப்பட்ட தேனீ  வளர்ப்போருக்கு அரசு உரிய நிவாரணம் வழங்க வேண்டும் என்றார்.

]]>
http://www.dinamani.com/all-editions/edition-thirunelveli/kanyakumari/2017/dec/11/5000-தேனீ-கூடுகள்-சேதம்-2824197.html
2824196 திருநெல்வேலி கன்னியாகுமரி மின்சாரம் பாய்ந்து மின் ஊழியர் சாவு DIN DIN Monday, December 11, 2017 07:42 AM +0530 தக்கலை அருகே பணியில் ஈடுபட்டிருந்த போது,  மின்சாரம் பாய்ந்ததில் மின் ஊழியர் சனிக்கிழமை  இறந்தார்.
தக்கலை அருகே மூலச்சல் பண்ணிவெட்டான் பாறை பகுதியைச் சேர்ந்த  திருவளம் மகன் ரமேஷ்குமார் (45).  இவர்,  மூலச்சல்  மின்வாரிய  துணை மின் நிலையத்தில்  பராமரிப்புத் துறையில்  பணிபுரிந்து வந்தார்.   சனிக்கிழமை மாலையில்  ரமேஷ்குமார்   மூலச்சல் பகுதியில் மின் சீரமைப்புப் பணியில் ஈடுபட்டிருந்தபோது,  இவர் மீது மின்சாரம் பாய்ந்ததாம். இதில்  தூக்கிவீசப்பட்ட  ரமேஷ்குமார் பலத்த காயமடைந்தார்.  இதையடுத்து மின் ஊழியர்கள் அருகில் உள்ள தனியார் மருத்துவமனைக்கு கொண்டு சென்றனர்.  ரமேஷ்குமாரை பரிசோதித்த மருத்துவர்  அவர் இறந்துவிட்டதாக தெரிவித்தார்.   இதுகுறித்து தக்கலை போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/மின்சாரம்-பாய்ந்து-மின்-ஊழியர்-சாவு-2824196.html
2824063 திருநெல்வேலி கன்னியாகுமரி தக்கலையில் இந்து முன்னணி மறியல்: 5 பெண்கள் உள்பட 54 பேர் கைது DIN DIN Monday, December 11, 2017 06:26 AM +0530 தக்கலை பேருந்து நிலையம் முன் மறியலில் ஈடுபட்ட, இந்து முன்னணியைச் சேர்ந்த 5 பெண்கள் உள்ளிட்ட 54 பேரை போலீஸார் ஞாயிற்றுக்கிழமை கைது செய்தனர்.
களியல் அருகே அனுமதியில்லாமல் கட்டப்பட்டுள்ள தேவாலயத்தில் வழிபாடு நடத்துவதற்கு எதிர்ப்பு தெரிவிக்க சென்ற இந்து முன்னணி மாவட்டச் செயலர் மிசா.சோமனைகைது செய்ததைக் கண்டித்து, இந்து முன்னணியினர் தக்கலை பேருந்து நிலையம் முன் மாவட்ட செயற்குழு உறுப்பினர் செந்தில்குமார் தலைமையில் மறியல் போராட்டத்தில் ஈடுபட்டனர்.
இதில், ஒன்றிய பொதுச் செயலர் சங்கர்,  ஒன்றிய துணைத்  தலைவர் முருகன்,  செயற்குழு உறுப்பினர் விஜயன்ராம்,  பாஜக மாவட்டச் செயலர் உண்ணிகிருஷ்ணன்,  செயற்குழு உறுப்பினர்  டாக்டர் சுகுமாரன்,  நகரத் தலைவர் ஸ்ரீகுமார்,  ஒன்றியத் தலைவர் மனோகரன்,  நகரப் பொதுச் செயலர் பாபு உள்ளிட்டோர் பங்கேற்றனர்.
தகவலறிந்து வந்த போலீஸார் போராட்டத்தில் ஈடுபட்ட 5 பெண்கள் உள்பட 54 பேரை கைது செய்தனர். 
 

]]>
http://www.dinamani.com/all-editions/edition-thirunelveli/kanyakumari/2017/dec/11/தக்கலையில்-இந்து-முன்னணி-மறியல்-5-பெண்கள்-உள்பட-54-பேர்-கைது-2824063.html
2824062 திருநெல்வேலி கன்னியாகுமரி மின்சாரம் பாய்ந்து இறப்பதை பேரிடர் இழப்பாக கருதி அதிக இழப்பீட்டுத் தொகை வழங்க வேண்டும்:  எம்.எல்.ஏ. DIN DIN Monday, December 11, 2017 06:25 AM +0530 மின்சாரம் பாய்ந்து இறப்பதை பேரிடர் விபத்தாக  கருதி அதிகபட்ச இழப்பீட்டை அரசு வழங்க வேண்டும் என்றார் பத்மநாபபுரம் எம்.எல்.ஏ. மனோ தங்கராஜ்.
இதுகுறித்து புலியூர்குறிச்சியில் ஞாயிற்றுக்கிழமை அவர் செய்தியாளர்களுக்கு அளித்த பேட்டி: மின்சாரம் பாய்ந்து இறந்தவர்களுக்கு,  அதை பேரிடர் விபத்தாக கருதி, அதிகபட்ச  இழப்பீட்டை வழங்க வேண்டும். பேரிடர் சீரமைப்பு பணியில் இருக்கும் போது விபத்தில்இறந்த மின்துறை ஊழியர்களின் வாரிசுதாரர்களுக்கு உடனடியாக அரசு வேலை வழங்க வேண்டும். 
வெளிமாவட்டங்களில் இருந்து மின் ஊழியர்களை அழைத்து வந்து உடனடியாக கிராமப் புறங்களில் மின்சாரம் வழங்க நடவடிக்கை எடுக்க வேண்டும். மாவட்டத்திலுள்ள அனைத்து கிராமங்களுக்கும் குடிநீர் கிடைக்க ஏற்பாடு செய்ய வேண்டும்.  மலையோரக் கிராமங்களிலும்,  வீடுகளிலும் விழுந்து கிடக்கும் மரங்களை உடனடியாக அகற்ற வேண்டும். விவசாயிகள் தங்கள் கைவசம்  வைத்து அனுபவித்து வரும் அரசு புறம்போக்கு நிலங்களில் சாய்ந்து கிடக்கும் மரங்களை வெட்டி எடுக்கும் உரிமையை அவர்களுக்கே வழங்க வேண்டும் என்றார் அவர்.

]]>
http://www.dinamani.com/all-editions/edition-thirunelveli/kanyakumari/2017/dec/11/மின்சாரம்-பாய்ந்து-இறப்பதை-பேரிடர்-இழப்பாக-கருதி-அதிக-இழப்பீட்டுத்-தொகை-வழங்க-வேண்டும்--எம்எல்ஏ-2824062.html
2824061 திருநெல்வேலி கன்னியாகுமரி முள்ளங்கனாவிளையில் ஏழைகளுக்கு நலத் திட்ட உதவிகள் DIN DIN Monday, December 11, 2017 06:25 AM +0530 முள்ளங்கனாவிளை ஒய்.எம்.சி.ஏ.வில் கிறிஸ்துமஸ் விழாவையொட்டி ஏழை விதவைகளுக்கு நலத் திட்ட உதவிகள் வழங்கும் விழா சனிக்கிழமை நடைபெற்றது.
தென்மண்டலத் தலைவர் அசோகன் சாலமன் தலைமை வகித்தார். ஜோபிரகாஷ் முன்னிலை வகித்தார். தாழக்கன்விளை பாஸ்டர் சுரேஷ்செல்வகுமார் இறைவேண்டல் செய்தார்.
கோட்டாறு மறைமாவட்ட முன்னாள் ஆயர் பீட்டர் ரெமிஜியூஸ் கிறிஸ்துமஸ் செய்தி வழங்கி,  பின்னர் ஏழை விதவைகள் உள்ளிட்டோருக்கு உதவிகள் வழங்கினார்.
மார்த்தாண்டம் ஒய்.எம்.சி.ஏ. நிர்வாக செயலர் ஏசுதாஸ், நாகர்கோவில் பைரவி பவுண்டேசன் தலைவர் சோபா, துரைராஜ் ஆகியோர் வாழ்த்திப் பேசினர்.
இதில்,  ஜெட்லின்ஜினோபால், சுரேஷ்சிங்,ஜஸ்டஸ், ஜெபசீலன், பழனிச்சாமி, மோகன் உள்பட பலர் பங்கேற்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/முள்ளங்கனாவிளையில்-ஏழைகளுக்கு-நலத்-திட்ட-உதவிகள்-2824061.html
2824060 திருநெல்வேலி கன்னியாகுமரி தோட்டக்கலை பயிர்கள் சேதம் குறித்த கணக்கெடுப்பு 60 சதவீதம் நிறைவு DIN DIN Monday, December 11, 2017 06:25 AM +0530 குமரி மாவட்டத்தில் ஒக்கி புயலால் பாதிக்கப்பட்ட தோட்டக்கலை பயிர்கள் சேதம் குறித்த கணக்கெடுப்பு 60 சதவீதம் நிறைவடைந்துள்ளதாக வேளாண்மை உற்பத்தி ஆணையர் மற்றும் அரசு முதன்மைச் செயலர் ககன்தீப்சிங் பேடி தெரிவித்தார்.  
இதுகுறித்து,  அவர் ஞாயிற்றுக்கிழமை செய்தியாளர்ளுக்கு அளித்த பேட்டி: கன்னியாகுமரி மாவட்டத்தில் புயல் காரணமாக மாவட்டம் முழுவதும் பலத்த சேதங்கள் ஏற்பட்டுள்ளன. இதில், அகஸ்தீசுவரம் வட்டாரம், லீபுரம் கிராமம்,  ராஜாக்கமங்கலம் வட்டாரம்,  வடிவீஸ்வரம் தெற்கு மற்றும் குருந்தன்கோடு வட்டாரம் கல்படி ஏலா பகுதிகளில் ஆய்வு செய்யப்பட்டது.
ஒக்கி புயல் மற்றும் கனமழை காரணமாக வாழை,  மரவள்ளி,  ரப்பர்,  கிராம்பு,  நல்ல மிளகு,  கமுகு போன்ற தோட்டக்கலைப் பயிர்கள் பாதிக்கப்பட்டுள்ளன. பழங்கள்,  காய்கனிகள்,  வாசனை திரவிய பயிர்கள், மற்றும் மலர் பயிர்கள் 41,186 ஹெக்டேர் பரப்பளவில் சாகுபடி செய்யப்பட்டு இருந்ததில்,  முக்கிய பயிர்களான ரப்பர் சுமார் 5.63 லட்சம், வாழை 48.15 லட்சம் பாதிக்கப்பட்டுள்ளது. 
முதல் கட்டமாக தோட்டக்கலைத்துறை மற்றும் வருவாய்த் துறை இணைந்து மேற்கொண்ட மதிப்பீட்டின் அடிப்படையில் 3,623 ஹெக்டேர் பரப்பளவில் தோட்டக்கலைப் பயிர்கள் பாதிக்கப்பட்டுள்ளன என கணக்கிடப்பட்டுள்ளது.
இதுகுறித்து கணக்கெடுக்கும் பணி 60 சதவீதம் நிறைவு பெற்றுள்ளன. தற்போதைய சேத விவரம் தோட்டக்கலை பயிர்கள் 2183 ஹெக்டேர் பரப்பளவில் பாதிக்கப்பட்டுள்ளதாக கணக்கிடப்பட்டுள்ளது. மீதமுள்ள 40 சதவீத கணக்கெடுக்கும் பணிகள் விரைந்து முடித்திட நடவடிக்கை மேற்கொள்ளப்பட்டுள்ளது என்றார் அவர்.

]]>
http://www.dinamani.com/all-editions/edition-thirunelveli/kanyakumari/2017/dec/11/தோட்டக்கலை-பயிர்கள்-சேதம்-குறித்த-கணக்கெடுப்பு-60-சதவீதம்-நிறைவு-2824060.html
2824059 திருநெல்வேலி கன்னியாகுமரி கடையாலுமூடு அருகே இந்து முன்னணி சாலை மறியல் DIN DIN Monday, December 11, 2017 06:24 AM +0530 கடையாலுமூடு அருகே கிறிஸ்தவ ஜெபக்கூட்டம் நடத்த எதிர்ப்புத் தெரிவித்து, இந்து முன்னணியினர் சாலை மறியலில் ஈடுபட்டனர்.
கடையாலுமூடு அருகே ஆலஞ்சோலை பகுதியில் வீடு ஒன்றில் கிறிஸ்தவ ஜெபக்கூட்டம் நடந்துவந்த நிலையில், அதற்கு இந்து முன்னணியினர் எதிர்ப்புத் தெரிவித்து வருகின்றனர். 
இந்நிலையில் கடந்த ஞாயிற்றுக்கிழமை (டிச.3) அங்கு கூட்டம் நடத்தப்பட்டபோது பிரச்னை ஏற்பட்டதால், போலீஸார் இரு தரப்பினரையும் சமாதானம் செய்ததுடன்,  கூட்டம் நடத்தக்கூடாது எனவும் தெரிவித்துள்ளனர்.
இந்நிலையில் ஞாயிற்றுக்கிழமை (டிச.10) காலையில் மீண்டும் அங்கு ஜெபக்கூட்டம் நடைபெற்றது. அப்போது அங்கு வந்த இந்து முன்னணியினர், மாநில நிர்வாகி குழிச்சல் செல்லன் தலைமையில் பிள்ளையார் சிலையுடன் சாலை மறியலில் ஈடுபட்டனர். இதையடுத்து டிஎஸ்பி மகேந்திரன் தலைமையிலான போலீஸார் சாலை மறியலில் ஈடுபட்டவர்களை கைது செய்து, அப்பகுதியில் உள்ள மண்டபத்தில் அடைத்து வைத்தனர். மறு தரப்பினரை கடையாலுமூடு காவல் நிலையத்துக்கு கொண்டு வந்தனர். பின்னர் அவர்களையும் மற்றொரு திருமண மண்டபத்தில் அடைத்து வைத்தனர். 
இந்நிலையில் இந்து முன்னணி நிர்வாகிகள் கைது செய்யப்பட்டதைக் கண்டித்து தக்கலை,  அருமனை, களியல் ஆகிய இடங்களில் இந்து முன்னணியினர்  சாலை மறியலில் ஈடுபட்டனர். 
இதற்கிடையே இரு தரப்பினரையும் போலீஸார் விடுவித்தனர். தொடர்ந்து ஜெபக்கூட்டம் நடத்தப்பட்ட இடத்தில் போலீஸ் பாதுகாப்பு போடப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/11/கடையாலுமூடு-அருகே-இந்து-முன்னணி-சாலை-மறியல்-2824059.html
2824058 திருநெல்வேலி கன்னியாகுமரி தென்தாமரைகுளம் பள்ளியில் நாட்டு நலப்பணித் திட்ட முகாம் DIN DIN Monday, December 11, 2017 06:24 AM +0530 கன்னியாகுமரி ஏ.வி.கே.நகர் அன்னை வேளாங்கண்ணி பொறியியல் கல்லூரி சார்பில் தென்தாமரைகுளம் எல்.எம்.எஸ். அரசு மேல்நிலைப் பள்ளியில் நாட்டு நலப் பணித் திட்ட முகாம் நடைபெற்றது.
இதையொட்டி,  பள்ளி வளாகம் மற்றும் விளையாட்டு மைதானத்தில் துப்புரவுப் பணிகள் மேற்கொள்ளப்பட்டன. சுற்றியுள்ள புதர்கள் அகற்றப்பட்டன. இப்பள்ளியில் பயிலும் 5 ஏழை மாணவர்களுக்கு சீருடைகள் வழங்கப்பட்டன. பேராசிரியர் ராஜீவ்காந்தி தூய்மை இந்தியா திட்டம் குறித்துப் பேசினார்.
ஏற்பாடுகளை கல்லூரி முதல்வர் ப.செந்தில்குமார்,  திட்ட அலுவலர் ஜெனிகர் பிரபு,  வேலைவாய்ப்பு அலுவலர் ந.ராகுல் உள்ளிட்டோர் செய்திருந்தனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/தென்தாமரைகுளம்-பள்ளியில்-நாட்டு-நலப்பணித்-திட்ட-முகாம்-2824058.html
2824057 திருநெல்வேலி கன்னியாகுமரி புயலால் பாதிக்கப்பட்ட  11 ஆயிரம் கி.மீ.சாலைகள் சீரமைப்பு DIN DIN Monday, December 11, 2017 06:24 AM +0530 கன்னியாகுமரி மாவட்டத்தில்  ஒக்கி புயலால் சேதமடைந்த 11 ஆயிரம் கி.மீ. தொலைவுக்கு சாலைகள் சீரமைக்கப்பட்டுள்ளன.
இதுகுறித்து மாவட்ட ஆட்சியர் சஜ்ஜன்சிங் ரா.சவாண் வெளியிட்ட செய்திக்குறிப்பு: கன்னியாகுமரி மாவட்டத்தில் ஒக்கி புயலால் மாநிலச் சாலைகளில் 9.800 கி.மீ. தொலைவும்,  மாவட்ட முக்கியச் சாலைகளில் 11.900 கி.மீ. தொலைவும், மாவட்ட இதர சாலைகளில் 53.346 கி.மீ. தொலைவும் சாலைகள் சேதமடைந்திருந்தன. 
இதில், மாநிலச் சாலைகளிலும், மாவட்ட முக்கியச் சாலைகளிலும் சீரமைப்புப் பணிகள் முழுமையாக முடிவடைந்துள்ளன. மாவட்ட இதர சாலைகளில் 52  கி.மீ. தொலைவுக்கு சீரமைப்பு பணிகள் முடிவடைந்துள்ளன. மீதமுள்ள சாலைகள் சீரமைக்கும் பணிகள் நடைபெற்று வருகின்றன. 
புயலால்,  சாலைகளில் மொத்தம் 175 மரங்கள் சாய்ந்தன. இவை அனைத்தும் முழுமையாக அகற்றப்பட்டு விட்டன என செய்திக்குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/11/புயலால்-பாதிக்கப்பட்ட--11-ஆயிரம்-கிமீசாலைகள்-சீரமைப்பு-2824057.html
2824056 திருநெல்வேலி கன்னியாகுமரி "ஒக்கி புயல் பாதிப்பை தேசிய பேரிடராக அறிவித்து நிவாரணம் வழங்க வேண்டும்' DIN DIN Monday, December 11, 2017 06:23 AM +0530 ஒக்கி புயல் பாதிப்பை தேசிய பேரிடராக அறிவித்து நிவாரணங்கள் வழங்க வேண்டும் என்றார் தமிழ்நாடு விவசாயிகள் சங்க மாநிலத் தலைவர் கே. பாலகிருஷ்ணன்.
குமரி மாவட்டத்தில் புயலால் சேதமடைந்த பகுதிகளை பார்வையிட்ட அவர், குலசேகரத்தில் ஞாயிற்றுக்கிழமை செய்தியாளர்களிடம் கூறியது:
ஒக்கி புயலால் இம்மாவட்டத்தில் 25 லட்சத்துக்கும் அதிகமான வாழைகள் சாய்ந்துள்ளன. இதே போன்று நெற்பயிர்களும்,  ரப்பர் மரங்களும்,  மரவள்ளிகளும் அழிந்துள்ளன. புயல் பாதிப்பால் இம்மாவட்டத்தை புதிதாக கட்டமைக்க வேண்டிய நிலை ஏற்பட்டுள்ளது. புயல் தாக்கிய அன்றே ஹெலிகாப்டர் உதவியுடன் தேடுதல் நடத்தியிருந்தால் பல மீனவர்களை உயிருடன் மீட்டிருக்கலாம். தமிழகத்தில் உயிரிழந்த மீனவர்களுக்கு தலா ரூ. 25 லட்சம் நிவாரணம் வழங்க வேண்டும். விவசாயிகளின் கடன்களை தள்ளுபடி செய்ய வேண்டும். பயிர்ச் சேதத்துக்கு ஏற்ப அதிகபட்ச இழப்பீடு வழங்க வேண்டும். குத்தகை விவசாயிகளுக்கும் இழப்பீடு வழங்க வேண்டும். ஒக்கி புயல் பாதிப்பை தேசிய பேரிடராக  அறிவித்து நிவாரணம் வழங்க வேண்டும் என்றார் அவர்.
பேட்டியின் போது,  சங்க மாவட்டத் தலைவர் ஆர். செல்லசாமி,  மாவட்டச் செயலர் ஆர்.ரவி,  மார்க்சிஸ்ட் கம்யூனிஸ்ட் நிர்வாகிகள் அண்ணாதுரை, ஸ்டாலின்தாஸ்,  விஸ்வம்பரன்,  சதீஸ்,  சுபாஷ் கென்னடி உள்ளிட்டோர் உடனிருந்தனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/ஒக்கி-புயல்-பாதிப்பை-தேசிய-பேரிடராக-அறிவித்து-நிவாரணம்-வழங்க-வேண்டும்-2824056.html
2824055 திருநெல்வேலி கன்னியாகுமரி புயலால் சேதமடைந்த 5,032 வீடுகளுக்கு ரூ. 2.16 கோடி நிவாரணம்: ஆட்சியர் DIN DIN Monday, December 11, 2017 06:23 AM +0530 குமரி மாவட்டத்தில் புயலால் சேதமடைந்த 5,032 வீடுகளுக்கு ரூ. 2.16 கோடி நிவாரணமாக உரிமையாளர்களின் வங்கி கணக்குகளில் செலுத்தப்பட்டுள்ளது.
இதுகுறித்து மாவட்ட ஆட்சியர் சஜ்ஜன்சிங் ரா. சவாண் வெளியிட்ட செய்திக்குறிப்பு: புயலால் சேதமடைந்துள்ள வீடுகள் குறித்த விவரங்கள் சேகரிக்கும் பணிகள் நிறைவடைந்துள்ளன. தற்போதுள்ள கணக்கீடுகளின்படி முற்றிலுமாக சேதமடைந்துள்ளதாக கணக்கிடப்பட்ட 1,096 வீடுகளுக்கு ரூ. 54 லட்சத்து 80 ஆயிரம்,  பகுதியாக சேதமடைந்துள்ளதாக கணக்கிடப்பட்ட  3,396 வீடுகளுக்கு ரூ.1 கோடியே 61 லட்சத்து 37,600 என மொத்தம் இதுவரை சேதமடைந்துள்ளதாக கணக்கிடப்பட்ட 5,032 வீடுகளின் உரிமையாளர்களுக்கு ரூ. 2 கோடியே 16 லட்சத்து   17,600 நிவாரணத்தொகையாக அவர்களின் வங்கி கணக்குகளில் வரவு வைக்கப்பட்டுள்ளது. புயலால் பாதிக்கப்பட்ட வீடுகள் ஏதேனும் விடுபட்டிருந்தால் அருகில் உள்ள கிராம நிர்வாக அலுவலரிடமோ அல்லது சம்பந்தப்பட்ட வருவாய் ஆய்வாளரிடமோ, வட்டாட்சியரிடமோ தெரிவிக்கலாம். மேலும்,  ஒக்கி புயல் காரணமாக உயிரிழந்த 11 பேர்களில், 10 பேர் குடும்பத்துக்கு தலா ரூ. 4 லட்சம் வீதம் மொத்தம் ரூ.40 லட்சம் நிவாரணதொகை வங்கிக் கணக்கில் செலுத்தப்பட்டுள்ளது. 
மாவட்டத்தில் புயலால் பாதிக்கப்பட்டு,  29 நிவாரண முகாம்களில் தங்க வைக்கப்பட்டிருந்த 1,041 குடும்பங்களைச் சேர்ந்த 2,391 பேர் தங்கள் இல்லங்களுக்கு திரும்பிச் சென்றுள்ளனர். மேலும்,  பயிர்ச்சேதம் கணக்கெடுக்கும் பணி மற்றும் பாதிக்கப்பட்டவர்களுக்கு உடனடியாக உதவித்தொகை வழங்கும் நடவடிக்கைகள் போர்க்கால அடிப்படையில், மேற்கொள்ளப்பட்டு வருகிறது என செய்திக்குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/11/புயலால்-சேதமடைந்த-5032-வீடுகளுக்கு-ரூ-216-கோடி-நிவாரணம்-ஆட்சியர்-2824055.html
2824054 திருநெல்வேலி கன்னியாகுமரி குளச்சல் துறைமுக பகுதியில் ஆண் சடலம் மீட்பு DIN DIN Monday, December 11, 2017 06:23 AM +0530 குளச்சல் மீன்பிடி துறைமுகப் பகுதியில் ஆண் சடலம் ஞாயிற்றுக்கிழமை மீட்கப்பட்டது.
குளச்சல் மீன்பிடித் துறைமுக மேற்கு அலைதடுப்பு சுவர் மேல்பகுதியில் சுமார் 60 வயது மதிக்கத்தக்க ஆணின் சடலம் கிடந்தது. தகவலறிந்து வந்த கடலோரக் காவல் படை போலீஸார் சடலத்தை மீட்டு ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனர். இறந்தவர் யார்? என்பது குறித்து போலீஸார் விசாரணை நடத்தி வருகின்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/11/குளச்சல்-துறைமுக-பகுதியில்-ஆண்-சடலம்-மீட்பு-2824054.html
2824053 திருநெல்வேலி கன்னியாகுமரி குழித்துறை தாமிரவருணி ஆற்றில் மூழ்கிய இருவர் மீட்பு DIN DIN Monday, December 11, 2017 06:22 AM +0530 குழித்துறை தாமிரவருணி ஆற்றில் மூழ்கிய இருவரை அப்பகுதியைச் சேர்ந்தோர் மீட்டனர்.
பனச்சமூடு அருகேயுள்ள சாரோடு பகுதியைச் சேர்ந்தவர்கள் ஷாஜி (38), ஸ்டீபன். இருவரும் சனிக்கிழமை குழித்துறை புதிய பாலத்தின் கீழ்பகுதியில் தாமிரவருணி ஆற்றில் தூண்டில் போட்டு மீன்பிடித்துக் கொண்டிருந்தனராம். மாவட்டத்தில் மலையோரம் மற்றும் அணைகளின் நீர்ப்பிடிப்பு பகுதிகளில் கடந்த சில நாள்களாக மழை பெய்து வருவதால் ஆறுகளில் வெள்ளப்பெருக்கு ஏற்பட்டுள்ளது. சனிக்கிழமை மாலையில் குழித்துறை தாமிரவருணி ஆற்றில் திடீரென வெள்ளப்பெருக்கு ஏற்பட்டது. 
இதில்,  மீன்பிடித்துக் கொண்டிருந்த ஷாஜி,  ஸ்டீபன் இருவரும் கரையேற முடியாமல் தத்தளித்தனர். 
இந்நிலையில் அப்பகுதியைச் சேர்ந்த சுபின் (27), மரத்தில் கயிறு கட்டி, வாகன டயர் மூலமாக ஆற்று நீரில் மிதந்து சென்று,  தத்தளித்த இருவரையும் மீட்டு கரைக்கு கொண்டு வந்தார்.  இளைஞரை அப்பகுதியினர் பாராட்டினர்.

]]>
http://www.dinamani.com/all-editions/edition-thirunelveli/kanyakumari/2017/dec/11/குழித்துறை-தாமிரவருணி-ஆற்றில்-மூழ்கிய-இருவர்-மீட்பு-2824053.html
2824052 திருநெல்வேலி கன்னியாகுமரி நாகர்கோவிலில் 4 பேருக்கு வெட்டு DIN DIN Monday, December 11, 2017 06:22 AM +0530 நாகர்கோவிலில் கார் மீது இருசக்கர வாகனம் மோதியதை தட்டிக்கேட்ட முதியவர் உள்பட 4 பேர்  வெட்டப்பட்டனர்.
நாகர்கோவில் அருகேயுள்ள கட்டையன்விளை பகுதியைச் சேர்ந்தவர் ரத்தினம் (72). இவர், தனது மகன் ரெஜூ (32),  மருமகள் அஜிதா (29),  தம்பி சின்னத்துரை,  அவரது மனைவி பத்மாவதி (47),  உறவினர்  ராசையன் (69) ஆகியோருடன் காரில் ஞாயிற்றுக்கிழமை புத்தளம் சென்று விட்டு வீட்டுக்கு திரும்பிக் கொண்டிருந்தார். இவர்கள் கட்டையன்விளை பகுதியில் வந்த போது அதே பகுதியைச் சேர்ந்த துரை,  ஆகாஷ்,  மணி ஆகியோர் வந்த இருசக்கர வாகனம் கார் மீது மோதியது. இதில் கார் சேதமடைந்தது. 
இதுகுறித்து ரத்தினம் தட்டி கேட்டதற்கு, துரை இருசக்கர வாகனத்திலிருந்து வாளை எடுத்து ரத்தினத்தை வெட்டினார். தடுக்க முயன்ற ரெஜூ,  பத்மாவதி, அஜிதா ஆகியோருக்கும் வெட்டு விழுந்தது.  காயமடைந்த 4 பேரும் பார்வதிபுரத்தில் உள்ள தனியார் மருத்துவமனையில் அனுமதிக்கப்பட்டனர். இதுகுறித்து வடசேரி போலீஸார் வழக்குப் பதிந்து துரை, ஆகாஷை கைது செய்தனர். தப்பி ஓடிய மணியை தேடி வருகின்றனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/11/நாகர்கோவிலில்-4-பேருக்கு-வெட்டு-2824052.html
2823681 திருநெல்வேலி கன்னியாகுமரி தேடுதல் பணியில் ஈடுபட்ட மீனவர்களிடம் சிக்கிய 8 செல்லிடப்பேசிகள், 2 அடையாள அட்டைகள்: 10 சடலங்கள் மிதப்பதாகவும் தகவல் DIN DIN Sunday, December 10, 2017 02:43 AM +0530 ஒக்கி புயலில் மாயமான மீனவர்களை ஆழ்கடலில் தேடும்பணியில் ஈடுபட்ட போது 8 செல்லிடப்பேசிகள், 2 அடையாள அட்டைகள் சிக்கின. மேலும், 10 சடலங்கள் கடலில் மிதப்பதாகவும் மீனவர்கள் தெரிவித்தனர்.
கன்னியாகுமரி மாவட்டம், நீரோடி பகுதியில் இருந்து கடந்த மாதம் 20-ஆம் தேதி ஸ்ரீராகினி என்ற விசைப்படகில் 13 மீனவர்கள் ஆழ்கடல் பகுதிக்கு மீன்பிடிக்கச் சென்றனர். கடந்த 28-ஆம் தேதி வரையிலும் உறவினர்களுடன் அவர்கள் தொடர்பில் இருந்துள்ளனர். ஒக்கி புயலுக்குப் பிறகு சம்பந்தப்பட்ட மீனவர்கள் குறித்து எந்த தகவலும் இல்லை. இதைத் தொடர்ந்து, கடந்த 6-ஆம் தேதி தூத்தூரில் இருந்து சுமார் 32 மீனவர்கள் 5 படகுகளில் தேடுதல் பணியில் ஈடுபட்டனர்.
அந்த மீனவர்கள் தேங்காய்ப்பட்டினம் மீன்பிடி துறைமுகத்துக்கு சனிக்கிழமை வருவதாக தகவல் வெளியானது. இதையடுத்து, தேங்காய்ப்பட்டினத்தில் போலீஸார் மற்றும் அப்பகுதி பொதுமக்கள் குவிந்தனர். அரசு முதன்மைச் செயலர் ராமச்சந்திரன், அரசுத் துறைச் செயலர்கள் ககன்தீப் சிங் பேடி, ராஜேந்திரகுமார், ஜோதி நிர்மலா, மாவட்ட ஆட்சியர் சஜ்ஜன் சிங் சவாண் உள்ளிட்ட அதிகாரிகளும் வந்தனர்.
தேடுதல் பணிக்காக சென்ற 5 படகுகளும் தேங்காய்ப்பட்டினம் மீன்பிடி துறைமுகப் பகுதிக்கு பிற்பகலில் வந்துசேர்ந்தன. அவர்களிடம் அதிகாரிகள் விசாரணை நடத்தினர். அப்போது, தேடுதல் பணியில் ஈடுபட்ட மீனவர்கள் கூறியது:
தேங்காய்ப்பட்டினம் கடல் பகுதியில் இருந்து 120 கடல் மைல் தொலைவில் நாங்கள் தேடினோம். அப்போது, கடலில் 10-க்கும் அதிகமான சடலங்கள் மிதப்பதை கண்டு அதிர்ச்சி அடைந்தோம். அந்த சடலங்களை மீட்க முயற்சி செய்தோம். இறந்து சுமார் 10 நாள்கள் இருக்கும் என்பதால் சடலங்களை கையால் தூக்கமுடியவில்லை. இதில், ஒரு சடலத்தின் தோளில் பை ஒன்று இருந்தது. அதை எடுத்து பார்த்தபோது, அதில் 8 செல்லிடப்பேசிகளும், 2 அடையாள அட்டைகளும் இருந்தன.
அடையாள அட்டையில் காணப்பட்டவர்கள் நீரோடியைச் சேர்ந்த மனோஜ், சுனில்குமார் என்பது தெரியவந்துள்ளது. அதிகாரிகள் குறித்த நேரத்தில் தேடுதல் பணியில் ஈடுபட்டிருந்தால் அனைவரையும் காப்பாற்றியிருக்க முடியும் என்றனர்.
இதையடுத்து, கடலில் கிடைத்த செல்லிடப்பேசிகள் மற்றும் அடையாள அட்டைகள் அதிகாரிகளிடம் ஒப்படைக்கப் பட்டன.
தொடர்ந்து அரசு முதன்மைச் செயலர் ராமச்சந்திரன் கூறியது:
இதுதொடர்பாக விசாரித்து உரிய நடவடிக்கை எடுக்கப்படும். உடனடியாக சம்பந்தப்பட்ட குடும்பங்களை கண்டறிந்து நிவாரண உதவிகள் வழங்கப்படும் என்றார்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/தேடுதல்-பணியில்-ஈடுபட்ட-மீனவர்களிடம்-சிக்கிய-8-செல்லிடப்பேசிகள்-2-அடையாள-அட்டைகள்-10-சடலங்கள்-மிதப-2823681.html
2823465 திருநெல்வேலி கன்னியாகுமரி சின்னத்துறை, பூத்துறையில் மீனவர்கள் தர்னா DIN DIN Sunday, December 10, 2017 12:38 AM +0530 ஒக்கி புயலில் சிக்கி கடலில் மாயமான மீனவர்களை மீட்க வலியுறுத்தி சின்னத்துறை, பூத்துறை உள்ளிட்ட பல்வேறு பகுதிகளில் மீனவர்கள் சனிக்கிழமை தொடர் தர்னாவில் ஈடுபட்டனர்.
ஒக்கி புயலில் சிக்கி குமரி மாவட்டம், தூத்தூர் கடலோர மண்டலத்தைச் சேர்ந்த ஆயிரத்துக்கும் மேற்பட்ட மீனவர்கள் கடலில் மாயமாகினர். இவர்களை மீட்க அரசு துரித நடவடிக்கை எடுக்க வலியுறுத்தி மீனவர்கள் குழித்துறையில் ரயில் மறியல் போராட்டம் நடத்தியதுடன், பலகட்ட போராட்டங்களில் ஈடுபட்டு வருகின்றனர். அதன் ஒரு பகுதியாக சின்னத்துறை, தூத்தூர், பூத்துறை, இரவிபுத்தன்துறை, வள்ளவிளை, மார்த்தாண்டன்துறை உள்ளிட்ட பகுதிகளில் அப்பகுதி மீனவர்கள் மற்றும் பங்குத் தந்தையர்கள் இணைந்து தர்னாவில் ஈடுபட்டுள்ளனர்.
இப் போராட்டத்தில் ஈடுபட்டுள்ளவர்கள், கடலில் மாயமான மீனவர்களை மீட்க அரசு துரித நடவடிக்கை எடுக்க வேண்டும், மீனவர்களுக்கு கேரள அரசு வழங்குவது போன்று நிவாரணம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி வருகின்றனர். மத்திய, மாநில அரசுகளை கண்டித்தும் போராட்டத்தில் ஈடுபட்டவர்கள் கோஷம் எழுப்பினர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/சின்னத்துறை-பூத்துறையில்-மீனவர்கள்-தர்னா-2823465.html
2823464 திருநெல்வேலி கன்னியாகுமரி லட்சத்தீவு பகுதியிலிருந்து 20 படகுகளில் 281 மீனவர்கள் கொச்சி துறைமுகம் வருகை' DIN DIN Sunday, December 10, 2017 12:38 AM +0530 லட்சத்தீவுப்பகுதியிலிருந்து 20 படகுகளில் 281 மீனவர்கள்புறப்பட்டு, கேரள மாநிலம் கொச்சி துறைமுகத்துக்கு வர உள்ளனர்.
இது குறித்து குமரி மாவட்ட ஆட்சியர் சஜ்ஜன்சிங் ரா.சவாண் வெளியிட்டுள்ள செய்திக்குறிப்பு: ஒக்கி புயலால் பாதிக்கப்பட்டு, தமிழகத்தின் அருகிலுள்ள கடற்கரைப் பகுதிகளில் கரை சேர்ந்துள்ள தமிழக மீனவர்களை மீட்டு, பாதுகாப்பாக தமிழகத்திற்கு அழைத்து வருவதற்காக, தமிழக முதல்வரின் உத்தரவின்படி, மாற்றுத்திறனாளிகள் நலத்துறை ஆணையர் வி.அருண்ராய் கேரள மாநிலத்திற்கும், தமிழ்நாடு கடல்சார் வாரிய துணைத்தலைவர் மற்றும் முதன்மைச் செயல் அலுவலர் ஏ.ஜான்லூயிஸ், அவர்கள் லட்சத்தீவு பகுதிகளுக்கும் நியமிக்கப்பட்டுள்ளனர்.
இந்நிலையில், லட்சத்தீவு கடலோர பகுதிகளில் 20 படகுகளில் கரைசேர்ந்த 281 மீனவர்கள் 10 படகுகள் மூலம் வெள்ளிக்கிழமை(டிச.8) அனுப்பி வைக்கப்பட்டனர். மேலும், லட்சத்தீவு கடற்கரைப் பகுதியில் இருந்து 10 படகுகளில் 114 மீனவர்கள் சனிக்கிழமை(டிச.9) காலை அனுப்பி வைக்கப்பட்டுள்ளனர். இப்பணி தமிழ்நாடு கடல்சார் வாரிய துணைத்தலைவர், முதன்மைச் செயல் அலுவலர் தலைமையில், மீன்வளத்துறை உதவி இயக்குநர் காத்தவராயன் உதவியுடன் மேற்கொள்ளப்பட்டது. அனுப்பிவைக்கப்பட்டுள்ள மீனவர்கள் அனைவரும் டிச. 10 ஆம் தேதி கொச்சி துறைமுகத்திற்கு வருகிறார்கள்.
தமிழகத்தின் அருகே உள்ள மாநிலங்களின் கடற்கரை பகுதிகளில் கரை சேர்ந்து தமிழம் திரும்பும் மீனவர்களை, அவரவர் சொந்த ஊர்களுக்கு அனுப்பி வைக்கும் பணிகளை மீன்வளத்துறை இயக்குநர் வி.பி.தண்டபாணி மற்றும் மீன்வளத்துறை கூடுதல் இயக்குநர் சமீரன் ஆகியோர் கன்னியாகுமரி மாவட்டத்தில் முகாமிட்டு பணிகளை மேற்கொண்டு வருகின்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/லட்சத்தீவு-பகுதியிலிருந்து-20-படகுகளில்-281-மீனவர்கள்-கொச்சி-துறைமுகம்-வருகை-2823464.html
2823463 திருநெல்வேலி கன்னியாகுமரி இளைஞரை கம்பியால் தாக்கிய ஆட்டோ ஓட்டுநர்கள் கைது DIN DIN Sunday, December 10, 2017 12:38 AM +0530 தூத்துக்குடியில் இளைஞரை இரும்புக் கம்பியால் தாக்கியதாக ஆட்டோ ஓட்டுநர்களை போலீஸார் கைது செய்தனர்.
தூத்துக்குடி அழகேசபுரம் பகுதியைச் சேர்ந்தவர் சூசைராஜா (32). இவர், தூத்துக்குடி சிவன் கோயில் தேரடி பகுதியில், தனது நண்பரான ஆட்டோ ஓட்டுநர் சுந்தரபாண்டியிடம் (45) மது அருந்த பணம் கேட்டு தகராறு செய்தாராம்.
அப்போது, ஏற்பட்ட வாக்குவாதத்தில் சுந்தரபாண்டி தனது நண்பர் அஜித்ராஜாவுடன் சேர்ந்து இரும்புக் கம்பியால் சூசைராஜாவை தாக்கினாராம். காயமடைந்த சூசைராஜாவை போலீஸார் மற்றும் பொதுமக்கள் மீட்டு அரசு மருத்துவமனையில் சேர்த்தனர்.
இச்சம்பவம் குறித்து வழக்குப் பதிந்த மத்திய பாகம் போலீஸார், ஆட்டோ ஓட்டுநர்கள் சுந்தரபாண்டி, அஜித்ராஜா ஆகிய இருவரையும் கைது செய்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/இளைஞரை-கம்பியால்-தாக்கிய-ஆட்டோ-ஓட்டுநர்கள்-கைது-2823463.html
2823461 திருநெல்வேலி கன்னியாகுமரி புயலால் உயிரிழந்தோர் குடும்பத்துக்கு ரூ. 20 லட்சம் வழங்க கோட்டாறு ஆயர் வலியுறுத்தல் DIN DIN Sunday, December 10, 2017 12:37 AM +0530 குமரி மாவட்டத்தில் ஒக்கி புயலால் பாதிக்கப்பட்டு உயிரிழந்தவர்களின் குடும்பத்துக்கு நிவாரணத் தொகையாக ரூ. 20 லட்சம் வழங்க வேண்டும் என்று கோட்டாறு மறை மாவட்ட ஆயர் நசரேன்சூசை வலியுறுத்தியுள்ளார்.
இது குறித்து நாகர்கோவிலில் அவர் சனிக்கிழமை செய்தியாளர்களுக்கு அளித்த பேட்டி: ஒக்கி புயலினை தேசிய பேரிடராக அறிவிக்க மத்திய அரசை தமிழக அரசு விரைந்து வலியுறுத்த வேண்டும். புயலினால் உயிரிழந்தவர்கள் குடும்பத்துக்கு நிவாரணத்தொகையினை ரூ. 10 லட்சத்திலிருந்து ரூ. 20 லட்சமாக உயர்த்தி தொகையை உடனே வழங்க வேண்டும். ஒக்கி புயலால் உயிரிழந்தவர்கள் என நம்பப்படும் நபர்களின் சடலங்கள் கிடைக்காத பட்சத்தில் அவர்களது குடும்பத்துக்கு இழப்பீட்டுத்தொகையினை உடனே வழங்க வேண்டும்.
கடலில் இன்னும் தத்தளித்துக் கொண்டிருக்கும் மீனவர்களை தேடுவதற்கான நடவடிக்கையை துரிதப்படுத்த வேண்டும். பெருங்காற்று, பேரிடர், புயல் குறித்து தெளிவான முன் அறிவிப்பும், முன் எச்சரிக்கை நடவடிக்கைகளையும் மேற்கொள்ள வேண்டும். பேரிடர் காலங்களில் கடலில் தத்தளிக்கும் மீனவர்களை காப்பாற்ற ஹெலிகாப்டர் இறங்குதளம் மற்றும் தேடுதல் வசதியுடன் கூடிய கப்பலை கன்னியாகுமரி அல்லது குளச்சல் பகுதியில் நிரந்தரமாக நிறுத்த வேண்டும்.
குமரி மாவட்ட மீனவர்களுக்கு அதிநவீன வயர்லஸ் கருவிகளை அரசு செலவிலேயே வழங்க வேண்டும். ஒக்கி புயலால் பாதிக்கப்பட்ட வாழை, தென்னை, நெல், ரப்பர் விவசாயிகளுக்கு இழப்பீட்டுத் தொகையை அதிகரித்து பாதிக்கப்பட்ட விவசாயிகளுக்கு உடனே வழங்க வேண்டும் என்றார் அவர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/புயலால்-உயிரிழந்தோர்-குடும்பத்துக்கு-ரூ-20-லட்சம்-வழங்க-கோட்டாறு-ஆயர்-வலியுறுத்தல்-2823461.html
2823459 திருநெல்வேலி கன்னியாகுமரி ஒக்கி புயலால் பாதிக்கப்பட்ட குடும்பங்களுக்கு முதல் கட்ட நிவாரணமாக ரூ. 5 ஆயிரம் வழங்க வலியுறுத்தல் DIN DIN Sunday, December 10, 2017 12:37 AM +0530 குமரி மாவட்டத்தில் ஒக்கி புயலால் பாதிக்கப்பட்ட குடும்பத்தினருக்கு முதல்கட்டமாக ரூ. 5 ஆயிரம் வழங்க வேண்டும் என்று ஜனநாயக மாதர் சங்கம் கோரிக்கை விடுத்துள்ளது.
இது குறித்து, அனைத்திந்திய ஜனநாயக மாதர் சங்க குமரி மாவட்டத் தலைவர் எம்.மேரிஸ்டெல்லாபாய், செயலர் எம்.ரகுபதி ஆகியோர் கூட்டாக வெளியிட்டுள்ளஅறிக்கை: ஒக்கி புயல் கன்னியாகுமரி மாவட்டத்தை சூறையாடியது. வாழை, ரப்பர், மா, பலா, தென்னை, தேக்கு மற்றும் ஆல், அரசு, வேம்புஅனைத்துமரங்களையும், மின் கம்பங்களையும் சூறைக்காற்றும், பெரும் மழையும் சாய்த்துள்ளது. வீடுகள் இடிந்தும், உயிர்பலிவாங்கியும் சூறைக்காற்றுதன் கோரமுகத்தை காட்டியுள்ளது. மின்சாரம் இல்லாத காரணத்தால் குடிதண்ணீரிலிருந்துஅனைத்துவசதிகளும் தடைபட்டுள்ளது.
ரேஷன் கடைகளில் மின் இயந்திரம் செயல்படவில்லை எனக்கூறி அரிசி, சீனி மற்றும் எந்த பொருளும் வழங்கப்படவில்லை. மண்ணெண்ணெய் கிடைக்காததால் சிம்னிவிளக்குக்கும் வழியில்லை. மாவட்டத்தின் கடலோர மக்கள் நிலைகுலைந்துஉள்ளனர். கடலில் சென்றமீனவர்கள் கரைதிரும்பாததால் ஒட்டுமொத்தமக்களும் துயரத்துக்குஆளாக்கப்பட்டுள்ளனர்.
அரசின் செயல்பாடு மந்த கதியில் உள்ளதாக கருதிஅன்றாடம் போரட்டக் களமாக மாறிவருகிறது. உடல் உழைப்பால் வாழ்க்கைநடத்தும் கூலித் தொழிலாளர்களுக்கு ரப்பர் பால் வெட்டும் தொழில்,விவசாயக் கூலித் தொழில், முந்திரி ஆலைத்தொழில் மற்றும் சிறுகடைதொழில் உள்ளிட்டவை நின்றுபோய் உள்ளது. ஏழை மக்களுக்குவேலை இல்லை. வருவாய் இல்லைஎன்பதால் முழு பட்டினியாகமாறிஉள்ளது.
எனவே அரசு உடனடியாக தலையிட்டு ரேஷன் விநியோகத்தை சீரமைக்கவும், வேலையற்ற கூலித் தொழிலாளர்களுக்கு முதல் கட்ட நிவாரணமாக ஒவ்வொரு குடும்பத்துக்கும் ரூ.5 ஆயிரம் நிவாரணம் வழங்கவும், துரித மின்விநியோகத்தை செயல்படுத்தவும், காணாமல் போன மீனவர்களை தொடர்ந்து துரிதகதியில் கண்டுபிடிக்கநடவடிக்கை எடுக்கவும், மத்திய, மாநில அரசுகளை வலியுறுத்திக் கேட்டுக் கொள்கிறோம் தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/kanyakumari/2017/dec/10/ஒக்கி-புயலால்-பாதிக்கப்பட்ட-குடும்பங்களுக்கு-முதல்-கட்ட-நிவாரணமாக-ரூ-5-ஆயிரம்-வழங்க-வலியுறுத்தல்-2823459.html
2823458 திருநெல்வேலி கன்னியாகுமரி சின்னத்துறை மீனவர்களுக்கு ஜவாஹிருல்லா ஆறுதல் DIN DIN Sunday, December 10, 2017 12:37 AM +0530 ஒக்கி புயலால் பாதிக்கப்பட்டு, கடலில் மாயமான மீனவர்களின் குடும்பத்தினரை மனித நேய மக்கள் கட்சித் தலைவர் ஜவாஹிருல்லா நேரில் சந்தித்து ஆறுதல் தெரிவித்தார்.
கன்னியாகுமரி மாவட்டத்தில் ஒக்கி புயலால் கடலில் மாயமான மீனவர்களை மீட்க அரசு துரித நடவடிக்கை எடுக்க வேண்டும். பாதிக்கப்பட்ட மீனவர் குடும்பத்தினருக்கு உரிய நிவாரணம் வழங்க வேண்டும் என வலியுறுத்தி சின்னத்துறையில் மீனவர்கள் தர்னா போராட்டத்தில் ஈடுபட்டனர். அப்பகுதிக்கு ஜவாஹிருல்லா சென்று போராட்டத்துக்கு ஆதரவு தெரிவித்து, பாதிக்கப்பட்ட மீனவர்களின் குடும்பத்தினருக்கு ஆறுதல் தெரிவித்தார்.
தொடர்ந்து அவர் செய்தியாளர்களிடம் கூறியது: ஒக்கி புயலால் பாதிக்கப்பட்ட மீனவர்களுக்கு தமிழக அரசு எந்த நடவடிக்கையும் எடுக்கவில்லை. 1972 ஆம் ஆண்டு இயற்றப்பட்ட சட்டத்தின் படி ஒரு மீனவர் கடலில் காணாமல் போனால் 7 ஆண்டுகளுக்கு பின்னர் தான் அவர் இறந்ததாக அறிவிக்கப்படுகிறது. இந்த சட்டத்தை மீனவர் நலன் கருதி அரசு திருத்தியாக வேண்டும்.
புயலால் பாதிக்கப்பட்ட கேரள மீனவர்களுக்கு அம் மாநில அரசு உச்சபட்ச இழப்பீடு வழங்கி வருகிறது. அதே போன்று தமிழக அரசும் இழப்பீடு வழங்க வேண்டும்.
கடந்த 2014 ஆம் ஆண்டு நரேந்திரமோடி ராமநாதபுரத்துக்கு தேர்தல் பிரசாரம் செய்ய வந்த போது, குஜராத் மாநிலத்திலிருந்து நான் வந்துள்ளேன். மீனவர்களின் துயரத்தை நான் நன்கு அறிவேன், மீனவர்களுக்காக நான் குரல் கொடுப்பேன் எனக் கூறினார். ஆனால் அவர் மீனவர்களுக்காக இதுவரை எந்த நடவடிக்கையும் எடுக்கவில்லை என்றார் அவர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/சின்னத்துறை-மீனவர்களுக்கு-ஜவாஹிருல்லா-ஆறுதல்-2823458.html
2823457 திருநெல்வேலி கன்னியாகுமரி நித்திரவிளை அருகே பைக் திருடிய இளைஞர் கைது DIN DIN Sunday, December 10, 2017 12:36 AM +0530 நித்திரவிளை அருகே மோட்டார் சைக்கிள் திருடிய இளைஞரை போலீஸார் கைது செய்தனர்.
நித்திரவிளை அருகேயுள்ள தூத்தூர் மீனவ கிராமத்தைச் சேர்ந்தவர் டேனியல் (27). இவருக்குச் சொந்தமான மோட்டார் சைக்கிளை தனது வீட்டின் அருகே நிறுத்தி வைத்திருந்தாராம். அப்போது மர்ம நபர் மோட்டார் சைக்கிளை திருடிச் சென்றாராம்.
இது குறித்து டேனியல் நித்திரவிளை காவல் நிலையத்தில் புகார் செய்தார். போலீஸார் வழக்குப் பதிந்து விசாரணை மேற்கொண்டனர். தொடர்ந்து அப்பகுதியில் உள்ள கண்காணிப்பு கேமரா பதிவுகளை போலீஸார் ஆய்வு செய்தபோது, அப்பகுதியைச் சேர்ந்த ஜெர்பின் (24) என்பவர் மோட்டார் சைக்கிளை திருடிச் சென்றது தெரியவந்தது. இதையடுத்து போலீஸார் ஜெர்பினை கைது செய்து, அவரிடமிருந்து மோட்டார் சைக்கிளை மீட்டனர். தொடர்ந்து அவரிடம் விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/நித்திரவிளை-அருகே-பைக்-திருடிய-இளைஞர்-கைது-2823457.html
2823456 திருநெல்வேலி கன்னியாகுமரி அருணாச்சலா பொறியியல் கல்லூரியில் தொழில்நுட்பப் பயிற்சி DIN DIN Sunday, December 10, 2017 12:36 AM +0530 வெள்ளிசந்தை அருகே மணவிளையில் அமைந்துள்ள அருணாச்சலா மகளிர் பொறியியல் கல்லூரியில் அதிக வேலைவாய்ப்புள்ள செலினியம் தொழில் நுட்ப பயிற்சி முகாம் 14 நாள்கள் நடைபெற்றது.
முகாமில் பெங்களுரூ அக்செஜ்சர் நிறுவன இயக்குநர் ரெஜி கிருஷ்ணன் உள்ளிட்டோர் பேசினர். பயிற்சி முகாமை சான்சாய் பன்னாட்டு நிறுவனம் நடத்தியது. இந்நிறுவன இயக்குநர் சுமித்ரா மாணவிகளுக்கு செலினம் தொழில் நுட்பத்தை பற்றி பயிற்சி அளித்தார். பயிற்சியின் முடிவில் மாணவிகள் இந்த தொழில் நுட்பத்தை பயன்படுத்தி பல்வேறு சிறிய மென்பொருள்களை தயாரித்தனர்.
நிகழ்ச்சிக்கு கல்லூரி முதல்வர் ஜோசப் ஜவகர் தலைமை வகித்தார். தாளாளர் கிருஷ்ணசுவாமி பயிற்சி கணினி துறையை சார்ந்த மாணவிகளுக்கு சான்றிதழ்களை வழங்கினார். முகாம் ஏற்பாடுகளை கணினிதுறை தலைவி சித்ரா மற்றும் பேராசிரியைகள் உள்ளிட்ட பலர் செய்திருந்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/அருணாச்சலா-பொறியியல்-கல்லூரியில்-தொழில்நுட்பப்-பயிற்சி-2823456.html
2823455 திருநெல்வேலி கன்னியாகுமரி இளைஞரை கம்பியால் தாக்கிய ஆட்டோ ஓட்டுநர்கள் கைது DIN DIN Sunday, December 10, 2017 12:36 AM +0530 தூத்துக்குடியில் இளைஞரை இரும்புக் கம்பியால் தாக்கியதாக ஆட்டோ ஓட்டுநர்களை போலீஸார் கைது செய்தனர்.
தூத்துக்குடி அழகேசபுரம் பகுதியைச் சேர்ந்தவர் சூசைராஜா (32). இவர், தூத்துக்குடி சிவன் கோயில் தேரடி பகுதியில், தனது நண்பரான ஆட்டோ ஓட்டுநர் சுந்தரபாண்டியிடம் (45) மது அருந்த பணம் கேட்டு தகராறு செய்தாராம்.
அப்போது, ஏற்பட்ட வாக்குவாதத்தில் சுந்தரபாண்டி தனது நண்பர் அஜித்ராஜாவுடன் சேர்ந்து இரும்புக் கம்பியால் சூசைராஜாவை தாக்கினாராம். காயமடைந்த சூசைராஜாவை போலீஸார் மற்றும் பொதுமக்கள் மீட்டு அரசு மருத்துவமனையில் சேர்த்தனர்.
இச்சம்பவம் குறித்து வழக்குப் பதிந்த மத்திய பாகம் போலீஸார், ஆட்டோ ஓட்டுநர்கள் சுந்தரபாண்டி, அஜித்ராஜா ஆகிய இருவரையும் கைது செய்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/இளைஞரை-கம்பியால்-தாக்கிய-ஆட்டோ-ஓட்டுநர்கள்-கைது-2823455.html
2823453 திருநெல்வேலி கன்னியாகுமரி மழை நீடிப்பு: பெருஞ்சாணி அணையின் மறுகால் மதகுகள் மீண்டும் திறப்பு DIN DIN Sunday, December 10, 2017 12:36 AM +0530 குமரி மாவட்டத்தில் மழை நீடித்து வரும் நிலையில் பெருஞ்சாணி மற்றும் சிற்றாறு அணையின் மறுகால் மதகுகள் மீண்டும் திறக்கப்பட்டுள்ளன.
குமரி மாவட்டத்தில் அணைகள் வெள்ள அபாய அளவைக் கடந்திருந்த நிலையில் கடந்த 30 ஆம் தேதி புயலுடன் மழையும் சேர்ந்து கொண்டதால் அணைகளின் நீர்மட்டம் உச்ச அளவை நெருங்கியது. இதையடுத்து கடந்த 2ஆம் தேதி பெருஞ்சாணி அணையின் மறுகால் மதகுகள் திறக்கப்பட்டு உபரி நீர் வெளியேற்றப்பட்டது. பின்னர் மழை தணிந்த நிலையில் அணையின் மறுகால் மதகுகள் மூடப்பட்டன.
இந்நிலையில் மாவட்டத்தில் வெள்ளிக்கிழமை முதல் மீண்டும் மழை பெய்து வருவதால் அணைகளுக்கு உள்வரத்து நீரின் அளவு அதிகரித்தது. இதையடுத்து சனிக்கிழமை காலை 8 மணிக்கு சிற்றாறு அணையிலிருந்து விநாடிக்கு 280 கன அடி உபரி நீர் திறக்கப்பட்டது. தொடர்ந்து பெருஞ்சாணி அணையிலிருந்து விநாடிக்கு 600 கன அடி நீர் உபரியாக திறக்கப்பட்டது. இந்நிலையில் பிற்பகலில் மழை தீவிரமடைந்ததால் இந்த அணையிலிருந்து வெளியேற்றப்படும் நீரின் அளவு 1500 கன அடியாக உயர்த்தப்பட்டது. தற்போது பெருஞ்சாணி அணையின் நீர்மட்டம் 76 அடியைக் கடந்த நிலையில் உள்ளது. மழை நீடிப்பதால் இந்ந நீர்மட்டத்தை 75 அடியாக குறைக்கும் வகையில் கூடுதலாக வரும் உபரி நீரை வெளியேற்ற பொதுப்பணித்துறையினர் முடிவு செய்துள்ளனர்.
பேச்சிப்பாறை:பேச்சிப்பாறை அணையின் நீர்மட்டம் தற்போது வெள்ள அபாய அளவாக 43 அடியைக் கடந்த நிலையில் உள்ளது. சிற்றாறு அணைகளின் நீர்மட்டம் முறையே 16.37 மற்றும் 16.47அடியாக உள்ளது.

 

]]>
http://www.dinamani.com/all-editions/edition-thirunelveli/kanyakumari/2017/dec/10/மழை-நீடிப்பு-பெருஞ்சாணி-அணையின்-மறுகால்-மதகுகள்-மீண்டும்-திறப்பு-2823453.html
2823452 திருநெல்வேலி கன்னியாகுமரி முகாம்களில் தங்க வைக்கப்பட்டுள்ள பழங்குடியினருக்கு அரசின் நிவாரண உதவிகள் கிடைக்காததால் அதிருப்தி DIN DIN Sunday, December 10, 2017 12:35 AM +0530 குமரி மாவட்டத்தில் ஒக்கி புயலால் பாதிக்கப்பட்டு முகாம்களில் தங்க வைக்கப்பட்டுள்ள மக்களுக்கு இதுவரை அரசு சார்பிலான நிவாரண உதவிகள் வழங்கப்படாதால் அதிருப்தியைடந்துள்ளனர்.
குமரி மாவட்டத்தில் கடந்த 30 ஆம் தேதி வீசிய ஒக்கி புயலால் வீடுகளை இழந்தவர்கள் உள்ளிட்டோர் நிவாரண முகாம்களில் தங்க வைக்கப்பட்டுள்ளனர். இதில் பழங்குடி பகுதிகளில் பொன்மனை பேரூராட்சியில் காயல்கரை, புறா விளை, பேச்சிப்பாறை ஊராட்சியில் வில்லுசாரி மலை, ஆலம்பாறை அரசு பழங்குடியினர் பள்ளி, தச்சமலை அரசு தொடக்கப்பள்ளி, மற்றும் தோட்டமலை உள்ளிட்ட இடங்களில் முகாம்கள் உள்ளன.
இந்த முகாம்களில் தங்க வைக்கப்பட்டுள்ள மக்களுக்கு பல்வேறு பொதுநல அமைப்பினர், தொண்டு நிறுவனத்தினர், தன்னார்வலர்கள், அரசியல் கட்சியினர், தொழிற்சங்க அமைப்பினர் உதவிகள் செய்து வருகின்றனர். அதே வேளையில் அரசு சார்பிலான உதவிகள் அனைத்து முகாம்களுக்கும் முழுவீச்சில் செல்லாத நிலை காணப்படுகிறது.
இது குறித்து பொன்மனை காயல்கரை முகாமில் உள்ளவர்கள் கூறியது: , சேவாபாரதி அமைப்பினர், ராம்கோ சிமென்ட் நிறுவனத்தினர், சென்னை கிருஷ்ணபிரியா அறக்கட்டளையினர் பல்வேறு நிவாரணப் பொருள்களை வழங்கியுள்ளனர். அதே வேளையில் அரசு சார்பில் வருவாய்த் துறையினர் இதுவரை நிவாரணப் பொருள்களை தரவில்லை. மேலும் வீடுகளை சீரமைக்க கூரை தகடுகள் கிடைக்கவில்லை. மழை பெய்வதால் வீடுகளுக்குச் செல்ல முடியவில்லை என்றனர்.
இது குறித்து வருவாய்த்துறை வட்டாரங்களில் விசாரித்த போது, அரசின் சார்பில் வரும் நிவாரணப் பொருள்களை முன்னுரிமை அடிப்படையில் வழங்கி வருகிறோம். பாதிக்கப்பட்ட அனைத்து முகாம்களுக்கும், தனி நபர்களுக்கும் நிச்சயம் நிவாரண உதவிகள் கிடைக்கும் என்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/முகாம்களில்-தங்க-வைக்கப்பட்டுள்ள-பழங்குடியினருக்கு-அரசின்-நிவாரண-உதவிகள்-கிடைக்காததால்-அதிருப்தி-2823452.html
2823450 திருநெல்வேலி கன்னியாகுமரி புறாவிளை காணி பழங்குடியின மக்களுக்கு உதவி DIN DIN Sunday, December 10, 2017 12:35 AM +0530 ஒக்கி புயலால் பாதிக்கப்பட்ட புறாவிளை பழங்குடி குடியிருப்பு மக்களுக்கு ரூரல் அப்லிப்ட் சென்டர் சார்பில் ரூ. 3.25 லட்சம் மதிப்பிலான நிவாரணப் பொருள்கள் வழங்கப்பட்டன.
குமரி மாவட்டத்தில் ஒக்கி புயலால் அதிகம் பாதிக்கப்பட்ட பழங்குடி காணியின குடியிருப்பு பொன்மனை பேரூராட்சிக்கு உள்பட்ட புறாவிளை குடியிருப்பில் நாகர்கோவில் ரூரல் அப்லிப்ட் சென்டர் சார்பில் 109 குடும்பத்தினருக்கு தலா ரூ. 3000 மதிப்பிலான 16 பொருள்கள் அடங்கிய வீட்டு உபயோகப் பொருள்கள் மற்றும் போர்வை வழங்கப்பட்டது. இதனை அமைப்பின் செயலர் ஏ. மரிய ஜேம்ஸ் வழங்கினார்.
நிகழ்ச்சியில் திட்ட ஒருங்கிணைப்பாளர் ஏ. மரிய ஸ்டீபன், உதவித் திட்ட ஒருங்கிணைப்பாளர் லட்சுமி தேவி மற்றும் அலுவலர்கள் முத்துகுமார், கிறிஸ்டோபர், அந்தோணி சேவியர், ஜூலியட் சித்ரா மற்றும் கிராம வனககுழுத் தலைவரும் காணிக்காரர் முன்னேற்றச் சங்க பொதுச் செயலருமான பாலன் காணி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/புறாவிளை-காணி-பழங்குடியின-மக்களுக்கு-உதவி-2823450.html
2823449 திருநெல்வேலி கன்னியாகுமரி ஒக்கி புயல் பாதிப்பு நிவாரணம் கண்காணிப்பு அலுவலர்கள், ஆட்சியர் அளித்த உறுதிமொழியை நிறைவேற்ற வேண்டும்: மனோதங்கராஜ் எம்எல்ஏ DIN DIN Sunday, December 10, 2017 12:35 AM +0530 ஒக்கி புயலால் பாதிக்கப்பட்டவர்களுக்கான நிவாரணம் வழங்குவது குறித்து கண்காணிப்பு அலுவலர்கள் மற்றும் மாவட்டஆட்சியர் அளித்த உறுதிமொழியை விரைந்து நிறைவேற்ற வேண்டும் என்றார் பத்மநாபபுரம் சட்டப்பேரவை உறுப்பினர் மனோதங்கராஜ்.
அவர் நாகர்கோவிலில் சனிக்கிழமை செய்தியாளர்களுக்கு அளித்த பேட்டி: ஒக்கி புயலால் பாதிக்கப்பட்ட மக்களுக்கு நிவாரண உதவிகளையும் மீட்புப் பணிகளையும் விரைந்து செய்ய வேண்டும் என்ற கோரிக்கையை வலியுறுத்தி குமரி மாவட்டத்தைச் சேர்ந்த 5 சட்டப்பேரவை உறுப்பினர்களும் வெள்ளிக்கிழமை மாலை முதல் இரவு 10.30 மணி வரை மாவட்ட ஆட்சியர் அலுவலகத்தில் உள்ளிருப்புப் போராட்டம் நடத்தினோம். அப்போது எங்களிடம் பேச்சுவார்த்தை நடத்திய புயல் நிவாரண பணிகளை கண்காணிக்கும் அரசு செயலர்கள் ககன்தீப்சிங் பேடி, டி.கே. ராமச்சந்திரன், ராஜேந்திரகுமார், ஜோதிநிர்மலாசாமி மற்றும் மாவட்ட ஆட்சியர் சஜ்ஜன்சிங் ரா.சவாண் ஆகியோர் கீழ்க்கண்டஉறுதிமொழிகளை வழங்கியுள்ளனர்.
பயிர்களின் இழப்பீட்டுக்கு தற்போதுள்ள நிலை இல்லாமல் அவற்றின் உற்பத்தி செலவை கணக்கிட்டு, அதன் அடிப்படையில் இழப்பீட்டு தொகையை உயர்த்தி வழங்க மாவட்ட ஒக்கி புயல் மேலாண்மை பணிகள் கண்காணிப்புக் குழுவால் பரிந்துரைக்கப்படும், வீடுகளுக்கு குமரி மாவட்டத்தில் உள்ள சூழ்நிலைக்கேற்ப பாதிக்கப்பட்ட வீட்டின் தன்மையை கணக்கிட்டு அதற்கேற்ப இழப்பீடு வழங்க பரிந்துரைக்கப்படும். மேலும் வீடுகளை இழந்த மக்களுக்கு மாற்று திட்டங்களின் மூலமாக வீடு கட்டித்தர முன்னுரிமை வழங்கப்படும்.
கால்நடைகள் இழப்பை கணக்கிட்டு உரிய இழப்பீடு தாமதமின்றி வழங்கப்படும். வருவாய்த்துறை அரசாணை எண் 380 ன்படி, மாநில பேரிடர் மேலாண்மை நிதியில் இருந்து புயலில் பாதிக்கப்பட்ட விவசாயிகளுக்கு இழப்பீடு வழங்க நடவடிக்கை எடுக்கப்படும். விவசாயிகளின் கைவசம் உள்ள அரசு புறம்போக்கு மற்றும் இதர துறைகளுக்கு சொந்தமான விவசாய நிலத்தில் சேதமடைந்துள்ள மரங்களின் உரிமை குறித்த சட்ட திட்டங்கள் மற்றும் அவற்றில் அடங்கியுள்ள மரங்கள் குறித்து முறையாக விவாதித்து விவசாயிகளுக்கு வேண்டிய உதவி செய்து தரப்படும்.
100 சதவீதம் மின்சார விநியோகம் உறுதி செய்யப்படும் வகையில் வெளிமாவட்ட மின்சார வாரிய ஊழியர்கள் தொடர்ந்து பணிகளை செய்வது உறுதி செய்யப்படும். மேலும் 2 நாள்களில் பெரும்பாலான அனைத்து இடங்களிலும் மின் விநியோகம் உறுதி செய்யப்படும். மீனவர்களுக்கு அளித்துள்ளஅத்தனை வாக்குறுதிகளும் நிறைவேற்றப்படுவதுடன், இறந்தவர்களுக்கு வழங்கப்படும் இழப்பீட்டுத் தொகையை மேலும் உயர்த்த அரசுக்கு பரிந்துரை செய்யப்படும் ஆகிய உறுதிமொழிகள் அளிக்கப்பட்டதால் உள்ளிருப்புப் போராட்டம் விலக்கிக் கொள்ளப்பட்டது. அதிகாரிகளும், மாவட்ட ஆட்சியரும் அளித்த உறுதிமொழியை விரைவில் நிறைவேற்றுவார்கள் என நம்புகிறேன். அவ்வாறு நிறைவேற்றாத பட்சத்தில் பொதுமக்களுடன் சேர்ந்து ஆட்சியர் அலுவலகத்தில் உள்ளிருப்புப் போராட்டத்தில் ஈடுபடுவேன் என்றார் அவர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/ஒக்கி-புயல்-பாதிப்பு-நிவாரணம்-கண்காணிப்பு-அலுவலர்கள்-ஆட்சியர்-அளித்த-உறுதிமொழியை-நிறைவேற்ற-வேண்டும்-2823449.html
2823448 திருநெல்வேலி கன்னியாகுமரி வாய்மொழி குத்தகை விவசாயிகளுக்கும் நிவாரணத்தொகை: ஆட்சியர் DIN DIN Sunday, December 10, 2017 12:35 AM +0530 குமரி மாவட்டத்தில் வாய்மொழி குத்தகை சாகுபடி செய்யும் விவசாயிகளுக்கும் புயல் நிவாரண நிதி வழங்கப்படும்.
இது குறித்து மாவட்ட ஆட்சியர் சஜ்ஜன்சிங் ரா.சவாண் வெளியிட்டுள்ள செய்திக்குறிப்பு:
கன்னியாகுமரி மாவட்டத்தில் ஒக்கி புயல் மற்றும் மழை காரணமாக பாதிக்கப்பட்ட பகுதிகளில் சேத விரம் கணக்கிடு ம் பணிகளை வேளாண்மை உற்பத்தி ஆணையர் மற்றும் அரசு முதன்மைச் செயலருமான ககன்தீப்சிங் பேடி ஆய்வு செய்த போது, பெரும்பாலான விவசாயிகள் வாய்மொழி குத்தகை அடிப்படையில் சாகுபடி செய்து வருவதாக கூறினர்.
இதைத்தொடர்ந்து, வேளாண்மை உற்பத்தி ஆணையர் ஒக்கி புயலினால் பாதிப்படைந்த வாய்மொழி குத்தகை அடிப்படையில் சாகுபடி செய்யும் விவசாயிகளுக்கு கிராம நிர்வாக அலுவலரின் சான்றின் அடிப்படையில் அரசு வழங்கும் நிவாரணத் தொகையினை வழங்கலாம் என்று உத்தரவிட்டுள்ளார் என்று தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/kanyakumari/2017/dec/10/வாய்மொழி-குத்தகை-விவசாயிகளுக்கும்-நிவாரணத்தொகை-ஆட்சியர்-2823448.html
2823447 திருநெல்வேலி கன்னியாகுமரி பெண்கள் பாதுகாப்புக்கான குழுக்கள் அமைக்க ஆட்சியர் அறிவுறுத்தல் DIN DIN Sunday, December 10, 2017 12:34 AM +0530 குமரி மாவட்டத்தில், பணிபுரியும் இடங்களில் பெண்கள் எதிர்கொள்ளும் பாலியல் வன்முறை குறித்த புகார் தெரிவிக்க குழு அமைக்க ஆட்சியர் சஜ்ஜன்சிங் ரா. சவாண் அறிவுறுத்தியுள்ளார்.
இதுதொடர்பாக அவர் விடுத்துள்ள செய்திக்குறிப்பு: கன்னியாகுமரி மாவட்டத்தில் பெண்கள் பணிபுரியும் அனைத்து அரசு மற்றும் தனியார் துறைகள், நிறுவனங்கள், பணிபுரியும் மகளிருக்கான விடுதிகள் ஆகியவற்றில் பாலியல் வன்கொடுமையை தவிர்க்கும் வகையில் தொடர்புடைய நிறுவனங்கள், புகார் குறித்த குழுவினை அமைத்திட வேண்டும். அக்குழுவில் தலைமை அலுவலர், மூத்த நிலையிலான ஒரு பெண் அலுவலர், பணியாளர்களில் 2 பேருக்கு குறையாத உறுப்பினர்கள், அரசு சாரா அமைப்பு அல்லது சங்கங்களிலிருந்து ஒரு உறுப்பினர் இடம் பெறுவர்.
இக்குழு பணிபுரியும் பெண்களுக்கெதிரான பாலியல் வன்முறை குறித்து உரிய விசாரணை மேற்கொண்டு சட்டபூர்வமான நடவடிக்கை எடுக்கும். ஒவ்வொரு துறை நிறுவனமும் குழுவினை உடனடியாக அமைத்து அதன் விவரத்தினையும், உறுப்பினர்கள் விவரம் மற்றும் அவர்களின் தொலைபேசி எண் விவரத்துடன் கன்னியாகுமரி மாவட்ட சமூகநல அலுவலகத்திற்கு அனுப்ப வேண்டும் என தெரிவிக்கப்படுகிறது.
இது தொடர்பான கூடுதல் விவரம் அறிய கன்னியாகுமரி மாவட்ட சமூகநல அலுவலக தொலைபேசி எண்ணில்: 04652-278404 தொடர்பு கொள்ளலாம் என தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/kanyakumari/2017/dec/10/பெண்கள்-பாதுகாப்புக்கான-குழுக்கள்-அமைக்க-ஆட்சியர்-அறிவுறுத்தல்-2823447.html
2823445 திருநெல்வேலி கன்னியாகுமரி புயல் பாதிப்பு பழங்குடியின மக்களுக்கு கூடுதல் மண்ணெண்ணெய் வழங்க வலியுறுத்தல் DIN DIN Sunday, December 10, 2017 12:34 AM +0530 ஒக்கி புயலால் பாதிக்கப்பட்டுள்ள பழங்குடி குடியிருப்புகளுக்கு கூடுதல் மண்ணெண்ணெய் வழங்க வேண்டுமென்று பாதிக்கப்பட்ட மக்கள் வலியுறுத்தியுள்ளனர்.
சீராகாத மின்சாரம் ஒக்கி புயலால் மின்கம்பங்கள் சாய்ந்த நிலையில் குமரி மாவட்டத்தில் பெரும்பாலான நகர்ப்புற பகுதிகள் மற்றும் கிராமங்களில் இது வரை மின்சாரம் சீராகவில்லை. கிராமங்கள் அனைத்தும் மின்சாரமின்றி இருளில் மூழ்கியுள்ளன. இதில் பாதிக்கப்பட்ட மக்கள் வீட்டில் விளக்கேற்றுவற்கு மண்ணெண்ணெய் கூட இல்லாமல் அவதிப்பட்டு வருகின்றனர். தற்போது 2 எரிவாயு உருளை கிடைப்பவர்களுக்கு ரேஷன் மண்ணெண்ணை கிடைப்பதில்லை என்ற நிலையில் மின்சாரம் இல்லாததால் வசதியானவர்கள், ஏழைகள் உள்பட அனைத்து தரப்பு மக்களும் வீட்டில் விளக்கேற்வதற்கு வழியின்றி தவித்து வருகின்றனர்.
இதே போன்று பழங்குடி குடியிருப்புகளில் வசிக்கும் மக்களின் அனைத்து உடைமைகளும் புயல் காற்றினால் சேதடைந்தன. இதனால் அம்மக்களும் இரவு முழுவதும் இருளில் தவிக்க வேண்டிய நிலைக்கு தள்ளப்பட்டுள்ளனர்.
இது குறித்து தமிழ்நாடு மலைவாழ் மக்கள் சங்கச் செயலர் ரெகுகாணி கூறியது:
ஒக்கி புயல் காரணமாக மின்சாரம் சீராக நிலையில் அனைத்து தரப்பு மக்களும் பாதிக்கப்பட்டுள்ளனர். குறிப்பாக மலைகளில் வசிக்கும் பழங்குடி மக்கள் அதிக பாதிப்பிற்குள்ளாகியுள்ளனர. எனவே ரேஷனில் ஒவ்வொரு குடும்பத்தினருக்கும் கூடுதல் மண்ணெண்ணெய் உடனடியாக வழங்க வேண்டும் என்றார் அவர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/புயல்-பாதிப்பு-பழங்குடியின-மக்களுக்கு-கூடுதல்-மண்ணெண்ணெய்-வழங்க-வலியுறுத்தல்-2823445.html
2823444 திருநெல்வேலி கன்னியாகுமரி மின்சாரம் வழங்கக் கோரி ஆற்றூரில் பொதுமக்கள் சாலை மறியல் DIN DIN Sunday, December 10, 2017 12:34 AM +0530 ஒக்கி புயல் வீசி 10 நாள்கள் கடந்த பின்னரும் மின்சாரம் வழங்காததால் ஆற்றூர் தேமானூரில் பொதுமக்கள் சனிக்கிழமை சாலை மறியல் போராட்டத்தில் ஈடுபட்டனர்.
ஆற்றூர்-அருமனை சாலையில் நடைபெற்ற இப்போராட்டத்தில் ஆற்றூர் பேரூராட்சி முன்னாள் தலைவர் பீனா அமிர்தராஜ், திமுக ஆற்றூர் பேரூர் செயலர் பென்னட், வாள் விளையாட்டு வீரர் டேவிட் ராஜ், முன்னாள் கவுன்சிலர் யானோஸ் மற்றும் பொதுமக்கள் பங்கேற்றனர்.
போராட்டத்தின் போது அந்த வழியாக வந்த அரசுப் பேருந்து சிறை பிடிக்கப்பட்டது. தொடர்ந்து திருவட்டாறு போலீஸார் சம்பவ இடத்துக்கு சென்று மின்சார வாரிய அதிகாரிகளுடன் பேச்சு நடத்தி துரிதமாக மின்சாரம் வழங்க நடவடிக்கை எடுக்கப்பட்டதைத் தொடர்ந்து போராட்டம் கைவிடப்பட்டது. இதனால் அப்பகுதியில் சுமார் 1 மணி நேரம் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-thirunelveli/kanyakumari/2017/dec/10/மின்சாரம்-வழங்கக்-கோரி-ஆற்றூரில்-பொதுமக்கள்-சாலை-மறியல்-2823444.html
2823443 திருநெல்வேலி கன்னியாகுமரி அனைத்து மீனவர்களும் மீட்கப்படுவர்: கண்காணிப்பு அலுவலர்கள் உறுதி DIN DIN Sunday, December 10, 2017 12:34 AM +0530 குமரி மாவட்டத்தில் ஒக்கி புயலால் மாயமான அனைத்து மீனவர்களும் மீட்கப்படுவர் மீனவர்கள் அமைதி காக்க வேண்டும் என்றனர் புயல் நிவாரண கண்காணிப்பு அலுவலர்கள்.
ஒக்கி புயலால் பாதிக்கப்பட்ட நீரோடி, மார்த்தாண்டான்துறை, வள்ளவிளை, சின்னதுறை, புத்தன்துறை, தூத்தூர் மற்றும் இரயுமன்துறை ஆகிய மீனவ கிராமங்களுக்கு மாவட்ட கண்காணிப்பு அலுவலரும் தகவல் தொழில் நுட்பத்துறை முதன்மை செயலாளருமான டி. கே.ராமச்சந்திரன், கூடுதல் கண்காணிப்பு அலுவலர் ராஜேந்திரகுமார் ஆகியோர் சனிக்கிழமை சென்று அங்கு நடைபெற்ற சிறப்பு மருத்துவ முகாம், தூய்மைப் பணி ஆகியவற்றை ஆய்வு மேற்கொண்டனர்.
நீரோடி மீனவ கிராமத்தில், நடைபெற்ற மருத்துவ முகாமினை மாவட்ட கண்காணிப்பு அலுவலர் மற்றும் கூடுதல் கண்காணிப்பு அலுவலர் ஆகியோர் பார்வையிட்டு போதிய மருந்து இருப்புகள் குறித்தும், மீனவ மக்களுக்கான மருத்துவ உபகரணங்கள் குறித்தும் சம்பந்தப்பட்ட, மருத்துவர்கள் மற்றும் செவிலியர்களிடம் கேட்டறிந்தனர்.
பின்னர், மீனவ மக்களை சந்தித்து ஆறுதல் கூறினர். இதுவரை கரை திரும்பாத மீனவர்களை தேடும் பணி தீவிரமாக நடைபெற்று வருகிறது. எனவே, மீனவ மக்கள் நம்பிக்கையோடு இருக்க வேண்டும், அமைதி காக்க வேண்டும். கரை திரும்பாத கடைசி மீனவரை மீட்கும் வரை தேடுதல் பணி தொடர்ந்து முழுவீச்சுடன் நடைபெறும் . இங்கு நடைபெற்றுக்கொண்டிருக்கும் இந்த சிறப்பு மருத்துவ முகாம் மீனவர் மக்களின் நலன் கருதி நடைபெற்றுக் கொண்டிருக்கிறது. மீனவ மக்கள் இந்த மருத்துவ முகாமினையும், இங்கு இயக்கப்படும் நடமாடும் மருத்துவ வாகனத்தையும் பயன்படுத்திக்கொள்ளுமாறும் கேட்டுக்கொண்டனர்.
இந்த ஆய்வுகளின் போது வேளாண் உற்பத்தி ஆணையர் மற்றும் வேளாண்மைத்துறை அரசு முதன்மைச்செயலர் ககன்தீப்சிங் பேடி, கூடுதல் கண்காணிப்பு அலுவலர் பா. ஜோதி நிர்மலாசாமி, மாவட்ட ஆட்சியர் சஜ்ஜன்சிங் ரா.சவாண் ஆகியோர் உடனிருந்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/10/அனைத்து-மீனவர்களும்-மீட்கப்படுவர்-கண்காணிப்பு-அலுவலர்கள்-உறுதி-2823443.html
2822876 திருநெல்வேலி கன்னியாகுமரி குழித்துறை, குலசேகரத்தில் மார்க்சிஸ்ட் ஆர்ப்பாட்டம் DIN DIN Saturday, December 9, 2017 02:00 AM +0530 ஒக்கி புயலால் பாதிக்கப்பட்ட பயிர்கள், வீடுகள் மற்றும் உயிரிழப்புகளுக்கு உரிய இழப்பீடு வழங்க வேண்டும் என்பது உள்ளிட்ட கோரிக்கைகளை வலியுறுத்தி மார்க்சிஸ்ட் கம்யூனிஸ்ட் கட்சி சார்பில் குழித்துறை, குலசேகரத்தில் வெள்ளிக்கிழமை ஆர்ப்பாட்டம் நடைபெற்றது.
குழித்துறையில் உள்ள விளவங்கோடு வட்டாட்சியர் அலுவலகம் முன்பு மார்த்தாண்டம் வட்டாரக் குழு சார்பில் நடைபெற்ற இந்த ஆர்ப்பாட்டத்துக்கு வட்டாரக் குழு உறுப்பினர் இ. பத்மநாபபிள்ளை தலைமை வகித்தார். வட்டாரச் செயலர் வீ. அனந்தசேகர் போராட்டத்தை தொடங்கி வைத்துப் பேசினார். குழித்துறை நகர்மன்ற முன்னாள் துணைத் தலைவர் மோசஸ் சுதீர் போராட்டத்தை விளக்கிப் பேசினார். இதில் வட்டாரக் குழு உறுப்பினர் மதன் மோகன்லால், கட்சி நிர்வாகிகள் ரவி, ராதாகிருஷ்ணன் உள்பட பலர் கலந்து கொண்டனர்.
புயல் நிவாரணப் பணியை துரிதப்படுத்த வேண்டும். பயிர்கள், வீடுகள் மற்றும் உயிர் சேதத்துக்கு உரிய இழப்பீடு வழங்க வேண்டும். மற்றும் கன்னியாகுமரியை பேரிடர் மாவட்டமாக அறிவித்திட தமிழக அரசை வலியுறுத்தி இந்த ஆர்ப்பாட்டம் நடத்தப்பட்டது.
குலசேகரம் வருவாய் ஆய்வாளர் அலுவலகம் முன்பு நடைபெற்ற இந்த ஆர்ப்பாட்டத்திற்கு வட்டாரக் குழுத் தலைவர் விஸ்வம்பரன் தலைமை வகித்தார். கட்சி நிர்வாகிகள் ஸ்டாலின்தாஸ்,ஜெயராஜ் , மாதவன் குட்டி, ஜெயசந்திரன், சதீஷ் உள்ளிட்டோர் பங்கேற்றனர். புயலால் சேதமடைந்த ரப்பர் மரம் ஒன்றிற்கு ரூ. 2000, செவ்வாழைக்கு ரூ. 500, நேந்திரன் வாழைக்கு ரூ. 300 நிவாரணம் வழங்க வேண்டுமென்று ஆர்ப்பாட்டத்தில் வலியுறுத்தப்பட்டது.

 

]]>
http://www.dinamani.com/all-editions/edition-thirunelveli/kanyakumari/2017/dec/09/குழித்துறை-குலசேகரத்தில்-மார்க்சிஸ்ட்-ஆர்ப்பாட்டம்-2822876.html
2822875 திருநெல்வேலி கன்னியாகுமரி பாப்பான், சீவலன் கால்வாய்களில் நீர் திறப்பு: ஊருக்குள் வெள்ளம் DIN DIN Saturday, December 9, 2017 01:59 AM +0530 கடையநல்லூர் அருகேயுள்ள கருப்பாநதி அணைப் பகுதியில் வியாழக்கிழமை இரவு பலத்த மழை பெய்ததால் அணைக்கு நீர்வரத்து அதிகரித்தது. இதையடுத்து 1250 கன அடி நீர் வெளியேற்றப்பட்டது.
அதில், 1250 கன அடி நீர் ஆற்றுப்பகுதியிலும், பாப்பான்கால்வாய், சீவலன்கால்வாய், பெருங்கால்வாய்களிலும் திருப்பி விடப்பட்டது.
இதனால், பாப்பான்கால்வாயில் வெள்ளம் பெருக்கெடுத்து ஓடியது. கால்வாயின் ஓரங்களிலிருந்த வீடுகளில் வெள்ள நீர் புகுந்தது. அதே போல் சீவலன்கால்வாயிலும் தண்ணீர் பெருக்கெடுத்து ஓடியதால் கரை உடைந்து மதினா நகருக்குள் வெள்ளம் புகுந்தது. இதனால் இப்பகுதி மக்கள் அவதியடைந்தனர். வெள்ளத்தால் ப பாதிக்கப்பட்ட பகுதிகளை கடையநல்லூர் வட்டாட்சியர் மாரியப்பன் பார்வையிட்டார்.
படையெடுக்கும் பாம்புகள்
பலத்த மழை பெய்து கால்வாய்களில் வெள்ளம் பெருக்கெடுத்து ஓடும் நிலையில் தண்ணீரில் அடித்துவரப்பட்ட ஏராளமான பாம்புகள் கால்வாய்களின் ஓரங்களிலுள்ள வீடுகளின் கழிவுநீர் குழாய்கள் வழியாக வீடுகளில் புகுந்ததால் மக்கள் அச்சமடைந்துள்ளனர். மேலும் பாம்புகளை பிடித்து வனப்பகுதியில் விட்டதாக தேசிய இயற்கை பாதுகாப்பு படையைச் சேர்ந்த சேக் தெரிவித்தார்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/பாப்பான்-சீவலன்-கால்வாய்களில்-நீர்-திறப்பு-ஊருக்குள்-வெள்ளம்-2822875.html
2822874 திருநெல்வேலி கன்னியாகுமரி கடையநல்லூர் வட்டாரத்தில் பலத்த மழை மறுகால் உடைப்பால் சாலையில் வெள்ளம் DIN DIN Saturday, December 9, 2017 01:59 AM +0530 கடையநல்லூர் வட்டாரத்தில் வியாழக்கிழமை இரவு விடிய, விடிய பெய்த பலத்த மழையால் கால்வாய்களில் உடைப்பு ஏற்பட்டது. மேலும் குடியிருப்புப் பகுதிகளிலும் வெள்ளம் புகுந்ததால் மக்கள் அவதியடைந்தனர்.
கடையநல்லூர், சொக்கம்பட்டி, கிருஷ்ணாபுரம், மாவடிக்கால், மேலக்கடையநல்லூர் உள்ளிட்ட பகுதிகளில் வியாழக்கிழமை இரவு முழுவதும் பலத்த மழை பெய்தது. இதையடுத்து, மேலக்கடையநல்லூர் பெரியகுளம் நிரம்பி மறுகால் பாய்ந்தது. ஆனால், மறுகால் கரையில் உடைப்பு ஏற்பட்டதால் வெள்ள நீர் வெளியேறி செங்கோட்டை-கடையநல்லூர் சாலையில் பெருக்கெடுத்து ஓடியது. இதனால் இந்தச் சாலையில் வாகனங்களில் செல்வோர் பெரிதும் பாதிக்கப்பட்டனர்.
மேலும், காசிதர்மம் , இடைகால் குளங்களுக்கு செல்லும் கால்வாய்களின் கரைகளும் பலவீனமாக இருந்ததால் கரை உடைந்து அருகேயுள்ள தோப்புக்குள் பாய்ந்தன. இதனால், விவசாயிகள் வேதனையடைந்தனர். தொடர் மழையின் காரணமாக பெரும்பாலான குளங்கள் நிரம்பி வருகின்றன. இருப்பினும் முறையான பராமரிப்பு இல்லாத காரணத்தால் மறுகால் கால்வாய்களின் கரைகள் உடைந்து தண்ணீர் வெளியேறி வருகிறது. எனவே, உடனடியாக கரைகளை சீரமைக்க வேண்டுமென பொதுமக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/கடையநல்லூர்-வட்டாரத்தில்-பலத்த-மழை-மறுகால்-உடைப்பால்-சாலையில்-வெள்ளம்-2822874.html
2822873 திருநெல்வேலி கன்னியாகுமரி கடையம் அருகே வயலிலில் 13 அடி நீள மலைப் பாம்பு DIN DIN Saturday, December 9, 2017 01:58 AM +0530 ஆழ்வார்குறிச்சி அருகே கடனாநதி அணை அடிவாரத்தில் சிறுகிழங்கு வயலிலில் 13 நீளமுள்ள மலைப் பாம்பு வெள்ளிக்கிழமை பிடிபட்டது.
கடனாநதி அணை அடிவாரத்தில் கோதர் மைதீன் என்பவர் வயலிலில் சிறு கிழங்கு எடுத்துக் கொண்டிருந்தபோது, செடிகளுக்குள் மலைபாம்பு இருப்பதை கண்டார். இதுகுறித்து, கடையம் வனத்துறையினருக்கு அளித்த தகவலின்பேரில், அம்பாசமுத்திரம் முண்டந்துறை புலிகள் காப்பகம் துணை இயக்குநர் பர்கவ் தேஜா உத்தரவுப்படி, வனச்சரகர் வெள்ளைத்துரை (பொறுப்பு) அறிவுறுத்தல் வனவர் மோகன், வழிகாட்டுதலில் வனக்காப்பாளர் சுந்ரேசன், வனக்காவலர்கள் முத்துக்குமார், ரமேஷ் பாபு, வேட்டை தடுப்புக் காவலர்கள் வேல்ராஜ், மணிகண்டன், சக்தி முருகன், மாரியப்பன், செல்வகுமார் ஆகியோர் சம்பவ இடத்திற்குச் சென்று 13 அடி நீளமுள்ள மலைப் பாம்பை பிடித்தனர். பின்னர், அந்தப் பாம்பு சிவசைலம் பீட் வாளையாறு வனப்பகுதிக்குள் கொண்டுசென்று விடப்பட்டது.

 

]]>
http://www.dinamani.com/all-editions/edition-thirunelveli/kanyakumari/2017/dec/09/கடையம்-அருகே-வயலிலில்-13-அடி-நீள-மலைப்-பாம்பு-2822873.html
2822872 திருநெல்வேலி கன்னியாகுமரி சாத்தான்குளம் அருகே இளைஞருக்கு வெட்டு DIN DIN Saturday, December 9, 2017 01:58 AM +0530 சாத்தான்குளம் அருகே சொத்து தகராறில் இளைஞரை மண்வெட்டியால் வெட்டியதாக, அவரது தாய் உள்ளிட்ட இருவரை போலீஸார் தேடி வருகின்றனர்.
மீரான்குளத்தைச் சேர்ந்த செல்வராஜ் மனைவி எமி (60). இவர் சொத்தை மகன்களுக்கு பிரித்து கொடுக்கவில்லையாம். இதுதொடர்பாக இவருக்கும், இவரது மகன் சாமுவேல் ஜெபசுந்தருக்கும் (32) இடையே பிரச்னை உள்ளதாம்.
இந்நிலையில் சாமுவேல் ஜெபசுந்தர் அங்குள்ள நிலத்தில் தனியாக விவசாயம் செய்ய வியாழக்கிழமை உழவுப் பணிகளை மேற்கொண்டாராம். இதையறிந்து அங்கு சென்ற எமி, அவரது மற்றொரு மகன் சில்வான் (26) ஆகியோர் பணியை தடுத்தனர். இதனால் ஏற்பட்ட தகராறில் எமி, சில்வான் இருவரும் சேர்ந்து மண்வெட்டியால் சாமுவேல் ஜெபசுந்தரை வெட்டினராம்.
இதில் காயமடைந்த அவர் திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார். இதுகுறித்த புகாரின் பேரில் சாத்தான்குளம் போலீஸார் வழக்கு பதிந்து எமி, சில்வான் இருவரையும் தேடி வருகின்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/சாத்தான்குளம்-அருகே-இளைஞருக்கு-வெட்டு-2822872.html
2822871 திருநெல்வேலி கன்னியாகுமரி களியக்காவிளையில் இளைஞர் தற்கொலை DIN DIN Saturday, December 9, 2017 01:58 AM +0530 களியக்காவிளையில் இளைஞர் வீட்டில் தூக்கிட்டு தற்கொலை செய்து கொண்டார்.
களியக்காவிளை ஆர்.சி. தெரு காளைச்சந்தை பகுதியைச் சேர்ந்தவர் பீர்முகமது மகன் ஹைதர்அலி (22). பீர்முகமது களியக்காவிளை சந்தை அருகே இறைச்சிக் கோழிக்கடை நடத்தி வருகிறார். அக்கடையில் வியாபாரத்தை ஹைதர் அலி கவனித்து வந்தாராம். இந்த நிலையில் தந்தைக்கும், மகனுக்கும் இடையே வியாழக்கிழமை தகராறு ஏற்பட்டதாம். இதையடுத்து வெள்ளிக்கிழமை காலையில் வீட்டில் யாரும் இல்லாத வேளையில் ஹைதர் அலி தூக்கிட்டு தற்கொலை செய்து கொண்டார்.
இது குறித்து களியக்காவிளை போலீஸார் வழக்குப் பதிந்து, சடலத்தை கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/களியக்காவிளையில்-இளைஞர்-தற்கொலை-2822871.html
2822870 திருநெல்வேலி கன்னியாகுமரி குமரி தூய அலங்கார உபகார மாதா திருத்தல திருவிழா கொடியேற்றம் DIN DIN Saturday, December 9, 2017 01:57 AM +0530 கன்னியாகுமரி தூய அலங்கார உபகார மாதா திருத்தல 10 நாள் திருவிழா வெள்ளிக்கிழமை கொடியேற்றத்துடன் தொடங்கியது.
இத்திருத்தலத்தில் ஆண்டுதோறும் டிசம்பர் மாதத்தில் 10 நாள் திருவிழா கோலகலமாக நடைபெறுவது வழக்கம். நிகழாண்டு இத்திருவிழா வெள்ளிக்கிழமை கொடியேற்றத்துடன் தொடங்கியது. இதையொட்டி, காலை 6 மணிக்கு திருப்பலி, காலை 8 மணிக்கு நேர்ச்சைக் கொடிகள் பவனி வருதல், மாலை 5.30 மணிக்கு திருக்கொடி பவனி தொடர்ந்து செபமாலை நடைபெற்றது.
மாலை 6 மணிக்கு கொடியேற்றம், மாலை 6.30 மணிக்கு திருப்பலி ஆகியன நடைபெற்றது. இந்நிகழ்வுக்கு கோட்டாறு மறைமாவட்ட ஆயர் எஸ்.நசரேன் சூசை தலைமை வகித்து மறையுரையாற்றினார். கொடியேற்ற நிகழ்வில் திரளான பங்குமக்கள் பங்கேற்றனர். இரவு 9 மணிக்கு பல்சுவை நிகழ்ச்சிகள் நடைபெற்றன. விழா நாள்களில் பழைய கோயிலில் திருப்பலி, திருஇருதய ஆண்டவர் பீடத்தில் நற்கருணை ஆராதனை, திருப்பலி, செபமாலை, கலை நிகழ்வுகள் ஆகியன நடைபெறும்.
புனித சூசையப்பர் தங்கத் தேர் பவனி: 9-ஆம் திருநாளான டிச.16-ஆம் úதி காலை 5 மணிக்கு பழைய கோயிலில் திருப்பலி, காலை 8 மணிக்கு நற்கருணை ஆராதனை, காலை 10.30 மணிக்கு நோயாளர்க்கான சிறப்புத் திருப்பலி நடைபெறும். மேலராமன்புதூர் பங்குத்தந்தை ஏ.எஸ்.ஆனந்த் தலைமை வகிக்கிறார். தமிழக விவிலிய பணிக் குழுவைச் சேர்ந்த உபால்டு மறையுரையாற்றுகிறார். இரவு 8 மணிக்கு வாணவேடிக்கை, இரவு 9 மணிக்கு புனித சூசையப்பர் தங்கத் தேர்ப் பவனி நடைபெறும்.
இரு தங்கத்தேர் பவனி: 10-ஆம் நாளான 17-ஆம் தேதி அதிகாலை 4.30 மணிக்கு தங்கத்தேர் திருப்பலி நடைபெறும். கோட்டாறு மறைமாவட்ட முன்னாள் ஆயர் பீட்டர் ரெமிஜியூஸ் தலைமை வகித்து மறையுரையாற்றுகிறார். காலை 6 மணிக்கு நடைபெறும் பெருவிழா நிறைவுத் திருப்பலிக்கு மறைமாவட்ட குருகுல முதல்வர் கிலாரியுஸ் தலைமை வகிக்கிறார். பிஷப் ரெமிஜியூஸ் ஆங்கிலப்பள்ளித் தாளாளர் ஸ்டான்லி மறையுரையாற்றுகிறார்.
காலை 8 மணிக்கு நடைபெறும் ஆங்கிலத் திருப்பலிக்கு கன்னியாகுமரி காசா கிளாரட் சபை ஆரோக்கியசாமி தலைமை வகிக்கிறார். டன்ஸ்டன் மறையுரையாற்றுகிறார். காலை 9 மணிக்கு இரு தங்கத் தேர் பவனி நடைபெறும். காலை 10.30 மணிக்கு நடைபெறும் மலையாளத் திருப்பலிக்கு கன்னியாகுமரி புனித கலாசன்ஸ் பள்ளி முதல்வர் ஸ்டாலின் தலைமை வகிக்கிறார். கலாசன்ஸ் பள்ளி அதிபர் சுனில் மறையுரையாற்றுகிறார். நண்பகல் 12 மணிக்கு தமிழில் திருப்பலி நடைபெறும். மாலை 6.30 மணிக்கு திருக்கொடியிறக்கம், நற்கருணை ஆசிர் நடைபெறும். இரவு 9 மணிக்கு இன்னிசை நிகழ்ச்சியுடன் விழா நிறைவுபெறும்.
ஏற்பாடுகளை பங்குத் தந்தை ஜோசப் ரொமால்டு, பங்கு மக்கள், பங்குப் பேரவை துணைத் தலைவர் லியோன், செயலர் பிரபா பெர்னாண்டோ, பொருளாளர் மரியஜாண், இணைச் செயலர் கஸின்ராய் மற்றும் அருள் சகோதரிகள், பங்கு அருள்பணியாளர்கள் செய்து வருகின்றனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/குமரி-தூய-அலங்கார-உபகார-மாதா-திருத்தல-திருவிழா-கொடியேற்றம்-2822870.html
2822869 திருநெல்வேலி கன்னியாகுமரி குமரி மாவட்டத்தில் மின்கட்டணம் செலுத்த ஜன. 31 வரை அவகாசம் DIN DIN Saturday, December 9, 2017 01:57 AM +0530 கன்னியாகுமரி மாவட்டத்தில், அபராதமின்றி மின் கட்டணம் செலுத்திட 2018 ஜனவரி 31 ஆம் தேதி வரை கால அவகாசம் நீட்டிக்கப்பட்டுள்ளது.
இது குறித்து, தமிழ்நாடு மின் உற்பத்தி மற்றும் பகிர்மானக் கழகம் வெளியிட்டுள்ள செய்திக்குறிப்பு: கன்னியாகுமரி மாவட்டத்தில் ஏற்பட்ட ஒக்கி புயல் மற்றும் கனமழையின் காரணமாக மின் நுகர்வோர்கள் மின் கட்டணம் செலுத்துவதற்கான கால அவகாசம் 2018 ஜனவரி 31 ஆம் தேதி வரை நீட்டிக்கப்பட்டுள்ளது.
வீடுகள் உள்ளிட்ட தாழ்வழுத்த மின் நுகர்வோர்களுக்கு 30.11.2017 முதல் 16.12.2017க்குள் மின் கட்டணம் செலுத்த வேண்டிய நுகர்வோர்களுக்கு, வழங்கப்பட்ட காலக் கெடு டிசம்பர் 18 வரை ஏற்கெனவே நீட்டிக்கப்பட்டது.
பொதுமக்களின் கோரிக்கையை ஏற்று அபராதத் தொகை ஏதுமின்றி மின் கட்டணத்தை செலுத்திட வரும் 2018 ஜனவரி 31 ஆம் தேதி வரை கால அவகாசம் மேலும் நீட்டிக்கப்பட்டுள்ளது என்று தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/09/குமரி-மாவட்டத்தில்-மின்கட்டணம்-செலுத்த-ஜன-31-வரை-அவகாசம்-2822869.html
2822868 திருநெல்வேலி கன்னியாகுமரி ஒக்கி புயல் மறுசீரமைப்புப் பணிகள்: கண்காணிப்பு அலுவலர்கள் ஆய்வு DIN DIN Saturday, December 9, 2017 01:57 AM +0530 குமரி மாவட்டத்தில் நடைபெற்று வரும் ஒக்கி புயல் மறு சீரமைப்புப் பணிகளை கண்காணிப்பு அலுவலர்கள் மற்றும் அரசு முதன்மைச் செயலர்கள் வெள்ளிக்கிழமை பார்வையிட்டு ஆய்வு மேற்கொண்டனர்.
குமரி மாவட்டத்தில் ஒக்கி புயல் பாதிப்பினை விரைந்து சீர் செய்திட தமிழக அரசு கண்காணிப்பு அலுவலர்களை நியமித்துள்ளது. அதன்படி, மாவட்ட கண்காணிப்பு அலுவலரும், தகவல் தொழில்நுட்ப முதன்மைச் செயலருமான டி.கே. ராமச்சந்திரன், மாவட்ட கூடுதல் கண்காணிப்பு அலுவலரும், தொழில்துறை முதன்மைச் செயலருமான ராஜேந்திரகுமார், வேளாண்மைத்துறை முதன்மைச் செயலர் ககன்தீப்சிங் பேடி, வேலைவாய்ப்பு மற்றும் பயிற்சித்துறை இயக்குநர் ஜோதி நிர்மலாசாமி, மாவட்ட ஆட்சியர் சஜ்ஜன்சிங் ரா.சவாண் ஆகியோர் பார்வையிட்டு, அப்பணிகளை விரைந்து முடிக்க அலுவலர்களுக்கு அறிவுறுத்தினர்.
ராஜாக்கமங்கலம் ஊராட்சி ஒன்றியம், தர்மபுரம் ஊராட்சிக்குள்பட்ட திக்கிலான்விளை மற்றும் பொட்டல் பகுதியில் ஒக்கி புயலின் தாக்கத்தினால் மின்கம்பங்கள் மீது விழுந்த மரங்களை வெட்டி எடுக்கும் பணிகளும் சாய்ந்த மின்கம்பங்களை மறு சீரமைக்கும் பணிகளையும், இலந்தையடிதட்டு பகுதியில் உள்ள குடிநீர் தொட்டிகளுக்கு ஜெனரேட்டர் உதவியோடு தண்ணீர் கொண்டு செல்லப்படுவது, பழுதடைந்த மின்கம்பங்களை சரி செய் வது, நாகர்கோவில் நகராட்சிக்குள்பட்ட சரக்கல்விளை பகுதியில் சுமார் 15 ஹெக்டேரில் பயிரிடப்பட்டிருந்த வாழை மரங்கள் முற்றிலும் முறிந்து விழுந்துள்ளது.
இதன் மூலம் விவசாயிகளுக்கு ஏற்பட்டுள்ள சேதம் குறித்த விவரங்களையும் அப்பகுதியில் மேலும் பயிரிடப்பட்டிருந்த தென்னை உள்ளிட்ட பல்வேறு மரங்களின் சேதம் குறித்த விவரங்களையும், வேளாண்துறை சேர்ந்த அலுவலர்களிடம் கேட்டறிந்தனர். மேலும் மறு சீரமைப்புப் பணிகளை விரைந்து முடித்திட சம்பந்தப்பட்ட அலுவலர்களுக்கு அவர்கள் உத்தரவிட்டனர்.
ஆய்வின்போது, வேளாண்மை கூடுதல் இயக்குநர் கனகராஜ், வேளாண்மை இணை இயக்குநர் பாண்டியன், தோட்டக்கலைத்துறை துணை இயக்குநர் அசோக் மேக்ரின், ராஜாக்கமங்கலம் வட்டார வளர்ச்சி அலுவலர் அனிதா, ராஜாக்கமங்கலம் ஊராட்சி ஒன்றிய உதவி பொறியாளர் கவிதா மற்றும் அரசு அலுவலர்கள் ஆகியோர் உடனிருந்தனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/ஒக்கி-புயல்-மறுசீரமைப்புப்-பணிகள்-கண்காணிப்பு-அலுவலர்கள்-ஆய்வு-2822868.html
2822867 திருநெல்வேலி கன்னியாகுமரி பேச்சிப்பாறையில் குடியிருப்பு பகுதியில் அகற்றப்படாத மரங்கள் DIN DIN Saturday, December 9, 2017 01:57 AM +0530 பேச்சிப்பாறை ஊராட்சி காந்தி நகரில் குடியிருப்புப் பகுதிகளில் விழுந்து கிடக்கும் மரங்களை அகற்றாததால் பொதுமக்கள் அதிருப்தியடைந்துள்ளனர்.
ஒக்கி புயலால் பேச்சிப்பாறை ஊராட்சிப் பகுதிகள் அதிக அளவில் பாதிக்கப்பட்டுள்ளன. இந்த ஊராட்சியில் பழங்குடி குடியிருப்புகளில் பெரும் பாதிப்புகள் ஏற்பட்டுள்ளன. இது தவிர இதரப் பகுதிகளில் 138 வீடுகள் முழுமையாகவும் பகுதியாகவும் சேதமடைந்துள்ளன.
இதில் குறிப்பாக கடம்பன் மூடு காந்திநகர் குடியிருப்பில் 6 வீடுகள் மீது விழுந்து கிடக்கும் வருவாய்த் துறையினருக்கு சொந்தமான மரங்கள் இது வரை அகற்றப்படவில்லை. இதனால் இப்பகுதி மக்கள் அதிருப்தியடைந்துள்ளனர். இந்நிலையில் இம்மரங்களை அகற்றக் கோரி மறியல் போராட்டம் நடத்தும் வகையில் சுவரொட்டிகளை பேச்சிப்பாறை ஊராட்சி பகுதிகளில் பொதுமக்கள் ஒட்டியுள்ளனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/பேச்சிப்பாறையில்-குடியிருப்பு-பகுதியில்-அகற்றப்படாத-மரங்கள்-2822867.html
2822866 திருநெல்வேலி கன்னியாகுமரி புயலால் பாதிக்கப்பட்ட காணி பழங்குடியின மக்களுக்கு உதவி DIN DIN Saturday, December 9, 2017 01:56 AM +0530 தமிழ் நாடு மலை வாழ் மக்கள் சங்கத்தின் ஒருங்கிணைப்பில் ஒக்கி புயலால் பாதிக்கப்பட்ட பழங்குடி குடியிருப்புகளில் பல்வேறு அமைப்பினர் உதவிப் பொருள்களை உதவிகளை வழங்கினர்.
ஒக்கி புயலால் கிள்ளிக்கோணம், ஆலம்பாறை, புறாவிளை, வில்லுசாரி மலை, வலியமலை, தோட்டமலை, தச்சலை, களப்பாறை, பின்னைமூட்டுத் தேரி, வளையம்தூக்கி, எட்டாம் குன்று, மோதிரமலை, மூக்கறைக்கல், வெள்ளாம்பி மலை உள்ளிட்ட பல்வேறு மலைக் குடியிருப்புகளில் வசிக்கும் காணி பழங்குடி மக்கள் பாதிக்கப்பட்டுள்ளனர். இவர்களுக்கான நிவாரண உதவிகள் பல்வேறு தன்னார்வ அமைப்புகள் தற்போது செய்யப்பட்டு வருகின்றன.
இதில் தமிழ்நாடு மலை வாழ் சங்கம் சார்பில் அதன் செயலர் ரெகுகாணி, தலைவர் எஸ்.ஆர். சேகர் மற்றும் நிர்வாகிகளின் ஒருங்கிணைப்பில் உதவிகள் செய்யப்படுகின்றன. சிஐடியூ ஆதரவு எல்.ஐ.சி. நிறுவன ஊழியர்கள், போக்குவரத்துக் கழகத் தொழிலாளர்கள், மின்சார வாரியத்தினர், புறா தொண்டு நிறுவனத்தினர், எஸ்.டி.எஸ். தொண்டு நிறுவனத்தினர், மதுரை அமெரிக்கன் கல்லூரியினர், தையல் கலைஞர் சங்கத்தினர் உள்ளிட்டோர் ஒவ்வொரு பழங்குடி குடியிருப்புகளுக்கும் சென்று பல்வேறு வகையான உதவி பொருள்களை வழங்கினர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/புயலால்-பாதிக்கப்பட்ட-காணி-பழங்குடியின-மக்களுக்கு-உதவி-2822866.html
2822865 திருநெல்வேலி கன்னியாகுமரி ஆசாரிப்பள்ளம் மருத்துவமனையில் மீனவர்களுக்கு உதவி DIN DIN Saturday, December 9, 2017 01:56 AM +0530 ஒக்கி புயலால் பாதிக்கப்பட்டு நாகர்கோவில் ஆசாரிப்பள்ளம் அரசு மருத்துவக்கல்லூரி மருத்துவமனையில் சிகிச்சை பெற்று வரும் மீனவர்களுக்கு விஜயகுமார் எம்.பி. நிவாரண உதவிகளை வெள்ளிக்கிழமை வழங்கினார்.
கேரள மாநிலம் கொச்சி அருகே மீன்பிடிப்பில் ஈடுபட்டிருந்த குமரி மாவட்டம், நீரோடியைச் சேர்ந்த மீனவர் சேவியர் , முட்டப்பன், ஈஸ்டர்பால் ஆகியோர் ஒக்கி புயலில் சிக்கி நடுக்கடலில் தத்தளித்தனர். அவர்கள் கடலோரக் காவல் படை மூலம் மீட்கப்பட்டு நாகர்கோவில் ஆசாரிப்பள்ளம் அரசு மருத்துவக்கல்லூரி மருத்துவமனையில் சிகிச்சை பெற்று வருகின்றனர்.
இம்மீனவர்களை விஜயகுமார் எம்.பி. வெள்ளிக்கிழமை சந்தித்து ஆறுதல் கூறினார். தொடர்ந்து அவர்களுக்கு ஆடை, போர்வை உள்ளிட்ட பொருள்களையும் அவர் வழங்கினார். மருத்துவமனை கண்காணிப்பாளர் ராதாகிருஷ்ணனிடம் மீனவர்களுக்கு அளிக்கப்பட்டு வரும் சிகிச்சைகள் குறித்து கேட்டறிந்தார். இதே போல் ஒக்கி புயல் நிவாரண பணியின்போது காயமடைந்த மின் ஊழியர்கள் மாணிக்கம், ராமமூர்த்தி ஆகியோரையும் விஜயகுமார் எம்.பி.சந்தித்து ஆறுதல் கூறினார். மரம் முறிந்து காயமடைந்து சிகிச்சை பெற்று வரும் களியலைச் சேர்ந்த அம்பியை சந்தித்தும் அவர் ஆறுதல் கூறி ஆடை, போர்வை ஆகியவற்றை வழங்கினார்.
அவருடன் மாவட்டத் துணைச் செயலர் ஞானசேகர், மீனவர் கூட்டுறவு இணையத் தலைவர் சகாயம், ஜெயலலிதா பேரவைத் தலைவர் கனகராஜன், அண்ணா தொழிற்சங்கச் செயலர் காரவிளைசெல்வன், நகரச் செயலர் சந்திரன் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/ஆசாரிப்பள்ளம்-மருத்துவமனையில்-மீனவர்களுக்கு-உதவி-2822865.html
2822864 திருநெல்வேலி கன்னியாகுமரி குமரி மாவட்டத்தில் பலத்த மழை DIN DIN Saturday, December 9, 2017 01:56 AM +0530 கன்னியாகுமரி மாவட்டத்தில் வெள்ளிக்கிழமை பிற்பகலில் பலத்த மழை பெய்தது. இதனால் சாலைகளில் மழை நீர் வெள்ளம் போல் பெருக்கெடுத்து ஓடியது.
குமரி மாவட்டத்தில் கடந்த நவ. 29 ஆம் நள்ளிரவு ஒக்கி புயல் தாக்கியது இதனால் நள்ளிரவு தொடங்கிய மழை தொடர்ந்து விடாமல் 3 நாள்கள் பெய்தது. இந்த மழையினால் தாழ்வான பகுதிகளில் தண்ணீர் தேங்கியது.
பழையாற்றில் வெள்ளம் கரைபுரண்டு ஓடியதால் சுசீந்திரம் தாணுமலாயசுவாமி கோயிலுக்குள் தண்ணீர் புகுந்தது. மேலும் திருப்பதிசாரம் உள்ளிட்ட பகுதிகளிலும் குடியிருப்புப் பகுதிகளை வெள்ள நீர் சூழ்ந்தது. பின்னர் டிச. 2 ஆம் தேதி மாலை முதல் மழை படிப்படியாக குறையத் தொடங்கியது.
இந்நிலையில் வெள்ளிக்கிழமை(டிச.8 )பிற்பகல் நாகர்கோவில் நகரம், சுசீந்திரம், கொட்டாரம், கன்னியாகுமரி, தோவாளை, ஆரல்வாய்மொழி, பார்வதிபுரம் உள்ளிட்ட சுற்றுவட்டாரப் பகுதிகளிலும் பலத்த மழை பெய்தது. தொடர்ந்து 2 மணி நேரம் பெய்த இந்த மழையினால் நாகர்கோவில் நகரின் முக்கிய பகுதிகளான மணிமேடை சந்திப்பு, பெண்கள் கிறிஸ்தவக்கல்லூரிசாலை, வடசேரி, மீனாட்சிபுரம், செட்டிக்குளம் சந்திப்பு, கோட்டாறு உள்ளிட்ட பகுதிகளில் மழை நீர் வெள்ளமாக ஓடியது. பள்ளி, கல்லூரி முடியும் நேரத்திலும் மழை தொடர்ந்து பெய்ததால் மாணவர்,ம ôணவிகள் சிரமத்துக்குள்ளாகினர்.

 

]]>
http://www.dinamani.com/all-editions/edition-thirunelveli/kanyakumari/2017/dec/09/குமரி-மாவட்டத்தில்-பலத்த-மழை-2822864.html
2822364 திருநெல்வேலி கன்னியாகுமரி காணாமல்போன 1,969 மீனவர்கள் விவரம் கிடைத்துள்ளது: கூடுதல் தலைமைச் செயலர் தகவல் DIN DIN Friday, December 8, 2017 07:51 AM +0530 ஒக்கி புயலில் காணாமல்போன 1,969  மீனவர்களின் பெயர்ப் பட்டியல் கிடைத்துள்ளது என, தமிழக அரசின் கூடுதல் தலைமைச் செயலர் ராமச்சந்திரன் தெரிவித்தார்.
நாகர்கோவிலில் ஆட்சியர் அலுவலகத்தில் அவர் செய்தியாளர்களிடம் வியாழக்கிழமை கூறியது:
ஒக்கி புயலுக்குப் பிறகு கடலில் மீன்பிடிக்க 282 படகுகளில் சென்ற கன்னியாகுமரி, பிற மாவட்டங்களைச் சேர்ந்த 2, 641 மீனவர்களைக் காணவில்லை.
 இவர்கள் மற்ற மாநிலங்களின் கரைகளில் மீட்கப்பட்டுள்ளனர். இதில் கன்னியாகுமரி மாவட்ட மீனவர்கள் 1,969 பேர், படகுகளின் எண்ணிக்கை 249.
இவர்களில் மகாராஷ்டிரம், லட்சத்தீவு, கர்நாடகம், குஜராத், கேரள மாநிலங்களில் 15 இடங்களில், 2,230  பேர் கரைசேர்ந்துள்ளன். இதில்  மற்ற மாவட்ட மீனவர்களும் உள்ளனர். 
அனைத்து மாநிலங்களிலும் மீட்கப்பட்ட 1,969 மீனவர்களின் பெயர்ப் பட்டியல் கிடைத்துள்ளது. ஆனால், எந்தப் பகுதியைச் சேர்ந்தவர்கள் எனத் தெரியவில்லை. இதுகுறித்து ஆய்வு செய்ய ஒவ்வொரு மாநிலத்துக்கும் தனித்தனியே  ஐ.ஏ.எஸ். அதிகாரிகளை தமிழக அரசு அனுப்பியுள்ளது. 
ஒக்கி புயலால்,  குமரி மாவட்டம்  ராமன்துறையைச் சேர்ந்த ஜெர்மியாஸ் (50), இனயம்புத்தன்துறையைச் சேர்ந்த சூசை (58) ஆகிய 2 மீனவர்கள் இறந்துள்ளனர். ஆனால்,  13 பேர் இறந்ததாக மீனவர்கள்  தரப்பில் கூறப்படுகிறது.
வருவாய், காவல்,  மீன்வளத் துறைகளுடன் இணைந்து குழு அமைத்து கிராமந்தோறும் சென்று பட்டியல் தயாரித்துள்ளோம். ஒருங்கிணைக்கப்பட்ட அப்பட்டியல் அடிப்படையில் நீரோடி, வள்ளவிளை, சின்னத்துறை, பூத்துறை, மார்த்தாண்டன்துறை உள்ளிட்ட 8 கிராமங்களில் 75 விசைப்படகுகளில் மீன்பிடிக்கச் சென்ற 855 பேரைக் காணவில்லை எனத் தெரியவந்தது. அதில் 130 பேரும், 11 படகுகளும் பிற மாநிலங்களில் பத்திரமாக உள்ளனர். காணாமல்போனோரில் 156 பேரின் பெயர் விவரம் தெரியவில்லை. மீட்கப்பட்டோரின் பெயர்களையும், கிராமங்களில் கணக்கெடுக்கப்பட்ட பெயர்களையும் ஒப்பிட்டுப்பார்த்து வருகிறோம். இன்னும் 725 பேரின் விவரம் தெரியவேண்டியுள்ளது.
தமிழக அதிகாரிகள் பிற மாநிலங்களுக்கு 3ஆம் தேதியே சென்றுவிட்டனர். ஒக்கி புயல் குஜராத் மாநிலம் நோக்கி நகர்ந்தாலும் அதன் தாக்கம் டிச. 8வரை இருக்கும் என்பதால் விசைப்படகில் மீனுடன் உள்ள மீனவர்களை அம்மாநில அரசுகள் அனுப்பாமல் பாதுகாப்பாக வைத்துள்ளன. 8  ஆம் தேதிக்கு பிறகு மீனவர்களையும், படகுகளையும் கொண்டுவர நடவடிக்கை எடுக்கப்படும்.
குமரி மாவட்டத்தைச் சேர்ந்த பெருவாரியான படகுகள் கேரளத்தை அடிப்படையாகக் கொண்டு தொழில் செய்து வருவதால் அவற்றைக் கணக்கெடுப்பதில் தாமதம் ஏற்பட்டுள்ளது  என்றார் அவர். 
கூடுதல் கண்காணிப்பு அலுவலர் ராஜேந்திரகுமார், தொழிலாளர் மற்றும் வேலைவாய்ப்புத் துறை இயக்குநர் ஜோதிநிர்மலாசாமி, மீன்வளத் துறை இயக்குநர் தண்டபாணி, கூடுதல் இயக்குநர் சமீரன் ஆகியோர் உடனிருந்தனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/08/காணாமல்போன-1969-மீனவர்கள்-விவரம்-கிடைத்துள்ளது-கூடுதல்-தலைமைச்-செயலர்-தகவல்-2822364.html
2822363 திருநெல்வேலி கன்னியாகுமரி மீனவர்களை மீட்க மத்திய அரசு அனைத்து நடவடிக்கையும் எடுத்துள்ளது DIN DIN Friday, December 8, 2017 07:50 AM +0530 ஒக்கி புயலால் காணாமல்போன தமிழக, கேரள மீனவர்களை மீட்க மத்திய அரசு அனைத்து நடவடிக்கையும் எடுத்துள்ளதாக, மத்திய அமைச்சர் பொன். ராதாகிருஷ்ணன் கூறினார்.
கன்னியாகுமரி அரசு விருந்தினர் மாளிகையில் ஆளுநர் பன்வாரிலால் புரோஹித்தை வியாழக்கிழமை சந்தித்து ஆலோசனை செய்த பின்னர், செய்தியாளர்களிடம் அவர் கூறியது:
தமிழக, கேரள மீனவர்கள் ஏராளமானோர் மகாராஷ்டிரம்,  குஜராத்,  லட்சத்தீவு போன்ற பகுதிகளில் பத்திரமாக கரையேறியுள்ளனர். இது தொடர்பாக அம்மாநில அரசுகளுடன் பேச்சு நடத்தியுள்ளோம். மீனவர்களுக்குத் தேவையான அனைத்து வசதியும் செய்துகொடுக்க ஏற்பாடு செய்யப்பட்டுள்ளது. அவர்கள் கடல் மார்க்கமாக ஊர் திரும்ப எரிபொருள் உள்ளிட்ட அனைத்து உதவியும் செய்யப்பட்டுள்ளது. லட்சத்தீவில் உள்ள மீனவர்களை மீட்கவும் நடவடிக்கை எடுக்கப்பட்டு வருகிறது. 
இம்மாவட்டத்தில் புயல் பாதிப்பு பற்றி மத்திய உள்துறை அமைச்சர், இணை அமைச்சருடன் பேசினேன். இந்நிலையில், ஆளுநரையும் சந்தித்து மீனவர் பிரச்னை குறித்து எடுத்துக் கூறியுள்ளேன். 
நாகர்கோவில் அகஸ்தீஸ்வரம், தோவாளை பகுதிகளில் வெள்ள பாதிப்புகளை ஆய்வு செய்துள்ளேன். மேலும் திருவட்டாறு, குலசேகரம் பகுதிகளை ஆய்வு செய்யவுள்ளேன். பல பகுதிகளில் இன்னும் மரங்கள் அகற்றப்படவில்லை. வீடுகள் மீதும் மரங்கள் விழுந்துகிடக்கின்றன. புயலால் இறந்தோருக்கு கேரள அரசு வழங்கும் உதவித்தொகைபோல தமிழக அரசும் உதவித்தொகை வழங்க வேண்டும். 
குமரி மாவட்டத்தில் 3 லட்சத்துக்கும் மேற்பட்ட விவசாயிகள் உள்ளனர். ஆனால் 500 பேர் மட்டுமே மத்திய அரசின் பயிர்க் காப்பீடுத் திட்டத்தில் சேர்ந்துள்ளனர். இத்திட்டத்தில் விவசாயிகள் இணைந்திருந்தால் மத்திய அரசின் இழப்பீடு கிடைத்திருக்கும். இத்திட்டத்தை மாவட்ட நிர்வாகம் முழுமையாக செயல்படுத்தவில்லை. ஆட்சியர்கள் கூட்டத்தில் இத்திட்டம் குறித்து நான் வலியுறுத்தியும்,  மாவட்ட நிர்வாகம் போதிய நடவடிக்கை எடுக்கவில்லை.  
ஒக்கி புயலால் காணாமல்போன மீனவர்களை கப்பல்கள், ஹெலிகாப்டர்கள், விமானங்கள் மூலம் தேடும் பணி நடைபெற்றுவருகிறது என்றார் அவர்.

]]>
http://www.dinamani.com/all-editions/edition-thirunelveli/kanyakumari/2017/dec/08/மீனவர்களை-மீட்க-மத்திய-அரசு-அனைத்து-நடவடிக்கையும்-எடுத்துள்ளது-2822363.html
2822362 திருநெல்வேலி கன்னியாகுமரி புயல் பாதிப்பு: நிவாரணப் பணிகளை மேற்கொள்ள 56 பொக்லைன் இயந்திரங்கள்: கண்காணிப்பு அலுவலர்கள் தகவல் DIN DIN Friday, December 8, 2017 07:50 AM +0530 குமரி மாவட்டத்தில் ஒக்கி புயலால் ஏற்பட்ட கடும் பாதிப்பையடுத்து,  நிவாரணப் பணிகளை துரிதப்படுத்துவதற்காக 56 பொக்லைன் இயந்திரங்கள்,  58 கிரேன்,  65 மரம் வெட்டும் இயந்திரங்கள் வழங்கப்பட்டுள்ளதாக கண்காணிப்பு அலுவலர்கள் தெரிவித்தனர்.
ஒக்கி புயலால் பாதிக்கப்பட்ட கன்னியாகுமரி மாவட்டத்தில் மேற்கொள்ளப்படும் நிவாரணப் பணிகள் குறித்து, கண்காணிப்பு அலுவலரும், தகவல் தொழில்நுட்பத் துறை முதன்மைச் செயலருமான டி. கே. ராமச்சந்திரன்,  கூடுதல் கண்காணிப்பு அலுவலர் ராஜேந்திரகுமார் ஆகியோர் தலைமையில் ஆலோசனைக் கூட்டம் நாகர்கோவிலில் வியாழக்கிழமை  நடைபெற்றது.
வேளாண்மைத் துறை அரசு முதன்மைச் செயலர் ககன்தீப்சிங் பேடி, வருவாய்த் துறை செயலர் டாக்டர் பி.சந்திரமோகன்,  மாவட்ட கூடுதல் கண்காணிப்பு அலுவலர் ஜோதிநிர்மலாசாமி,  நகராட்சி நிர்வாக ஆணையர் பிரகாஷ்,  ஊரக வளர்ச்சி மற்றும் உள்ளாட்சித் துறை இயக்குநர் கா.பாஸ்கரன்,  மீன்வளத் துறை உதவி இயக்குநர் சமீரான் ஆகியோர்  முன்னிலை வகித்தனர். 
கூட்டத்தில் கண்காணிப்பு அலுவலர்கள் தெரிவித்தது: ஒக்கி புயலால் பாதிக்கப்பட்ட பகுதிகளில் மின்கம்பங்கள்,  புதிய மின்மாற்றிகள் அமைக்கும் பணியில் பல்வேறு மாவட்டங்களைச் சேர்ந்த மின் பணியாளர்கள் ஈடுபடுத்தப்பட்டு பணிகள் துரிதமாக நடைபெற்று வருகின்றன. 
வியாழக்கிழமையிலிருந்து அகஸ்தீசுவரம்,  தோவாளை பகுதிகளுக்கும்,  வெள்ளிக்கிழமையிலிருந்து விளவங்கோடு பகுதிக்கும்,  சனிக்கிழமையிலிருந்து கல்குளம் பகுதிக்கும் மின்விநியோகம் நடைபெறும்.
மின்விநியோகம் இல்லாத பகுதிகளில் ஜெனரேட்டரை பயன்படுத்தி குடிநீர் விநியோகம் நடைபெறுகிறது. மின் விநியோகப் பணிகள் மற்றும் நிவாரணப் பணிகளை துரிதப்படுத்துவதற்காக 56 பொக்லைன் இயந்திரங்கள்,  58 கிரேன்,  65 மரம் வெட்டும் இயந்திரங்கள் வழங்கப்பட்டு பணிகள் முழுவீச்சில் நடைபெற்று வருகின்றன. குடிநீர் சீரான முறையில் வழங்குவதற்கும் அலுவலர்களுக்கு அறிவுறுத்தப்பட்டுள்ளது என அவர்கள் தெரிவித்தனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/08/புயல்-பாதிப்பு-நிவாரணப்-பணிகளை-மேற்கொள்ள-56-பொக்லைன்-இயந்திரங்கள்-கண்காணிப்பு-அலுவலர்கள்-தகவல்-2822362.html
2822361 திருநெல்வேலி கன்னியாகுமரி நாகர்கோவிலில் "பார்த்தாஸ் டெக்ஸ்டைல்ஸ்' திறப்பு DIN DIN Friday, December 8, 2017 07:50 AM +0530 நாகர்கோவிலில் பி.டபிள்யூ.டி. சாலையில் கணேசபுரம் சந்திப்பில் புதிதாக கட்டப்பட்டுள்ள "பார்த்தாஸ் டெக்ஸ்டைல்ஸ்' ஜவுளி நிறுவனத் திறப்பு விழா வியாழக்கிழமை நடைபெற்றது. 
விழாவுக்கு, மத்திய இணை அமைச்சர் பொன். ராதாகிருஷ்ணன் தலைமை வகித்தார். முன்னாள் எம்.பி. எம்.சி. பாலன் நிறுவனத்தைத் திறந்துவைத்தார். வசந்தா பாலன்,  டாக்டர் ரேணுகா பிரசாத்,  அழகம்மாள் சுப்பையா,  ஷியாமளா மோகன்ராஜ்,  கரூர் வைஸ்யா வங்கியின் மதுரை மண்டல துணை மேலாளர் ரவி ஆகியோர் குத்துவிளக்கேற்றினர். 
பட்டுப் பிரிவை டாக்டர் பிரசாத் ஜெயசேகரன்,  குழந்தைகளுக்கான ஆடைகள் பிரிவை டாக்டர் ஷாபு ஜெயசேகரன்,  பெண்களுக்கான ஆடைகள் பிரிவை சுஜாதா ரஞ்சித்,  காட்டன் சேலை பிரிவை ரெங்கபாய் சதாசிவம் ஆகியோர் திறந்துவைத்தனர். முதல் விற்பனையை டாக்டர் சுமித்ரா ரகுவரன் தொடக்கிவைத்தார்.
இந்நிறுவனம் 4 மாடிகளுடன், குளிரூட்டப்பட்ட அமைப்பு, விசாலமான கார் பார்க்கிங் வசதியுடன் நகரின் முக்கிய பகுதியில் அமைந்துள்ளது. 
ஜவுளி நிறுவனப் பங்குதாரர்கள் நாகராஜுலு,  அர்ஜுனன்,  ராஜகிருஷ்ணன்,  விஸ்வநாதன்,  சுஜாதா விஸ்வநாதன்,  ஸ்ரீநாத்,  மீனாட்சி ஸ்ரீநாத், அதிக்ஸ்,  அர்ஹா,  ஸ்ரீநாத், பணியாளர்கள் வரவேற்றனர்.
ஜவுளிக்கடை அதிபர்கள்,  வர்த்தக பிரமுகர்கள்,  ரோட்டரி, லயன்ஸ் சங்க உறுப்பினர்கள்  பங்கேற்றனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/08/நாகர்கோவிலில்-பார்த்தாஸ்-டெக்ஸ்டைல்ஸ்-திறப்பு-2822361.html
2822360 திருநெல்வேலி கன்னியாகுமரி பள்ளிக் கட்டடங்களில் சாய்ந்து கிடக்கும் மரங்களை விரைந்து அகற்ற வலியுறுத்தல் DIN DIN Friday, December 8, 2017 07:49 AM +0530 ஓக்கி புயலால் பள்ளிக் கட்டடங்கள் மற்றும் பள்ளி வளாகங்களில் சாய்ந்து கிடக்கும் மரங்களை உடனடியாக அகற்ற வேண்டுமென மாணவர்களின் பெற்றோர் கோரிக்கை விடுத்துள்ளனர்.
புயலால்,  இம்மாவட்டத்தில் பெரும்பாலான பள்ளிக் கட்டடங்கள் மற்றும் பள்ளி வளாகங்களில் மரங்கள் சாய்ந்து கிடக்கின்றன. ஏராளமான வகுப்பறை கட்டடங்கள் சேதமடைந்துள்ளன. பள்ளிகளின் சுற்றுச் சுவர்களும் சேதமடைந்துள்ளன. புயலின் பாதிப்பு ஏற்பட்டு 8 நாள்களை கடந்த பின்பும் சாய்ந்து கிடக்கும் மரங்கள் வெட்டி அகற்றப்படவில்லை. 
இதற்கிடையே வியாழக்கிழமை பள்ளிகள் திறக்கப்பட்டுள்ளன. பிளஸ்- 1 வகுப்புகளுக்கு அரையாண்டு தேர்வுகளும் தொடங்கியுள்ளன. மரங்கள் முழுமையாக அகற்றப்படாத நிலையில் பள்ளிக்கு மாணவர்கள் வரத் தொடங்கியுள்ளதால் அவர்களுக்கு பல்வேறு சிரமங்கள் ஏற்பட்டுள்ளன. 
ஏற்கெனவே, பேச்சிப்பாறை அரசு பழங்குடியினர் மேல்நிலைப் பள்ளி வளாகத்தில் உலர்ந்து நின்ற மரங்களை வெட்டி அகற்றும் வகையில் உலர்ந்த மரங்கள் மற்றும் கட்டடங்களில் அருகே ஆபத்தான நிலையில் நின்ற மரங்கள் ஏலம் விடப்பட்டன.
இருப்பினும் அந்த மரங்கள் வெட்டி அகற்றப்படாலே இருந்தது. இந்நிலையில் ஏலம் விடப்பட்ட 2 மரங்கள் உள்பட சில மரங்கள் பள்ளி வளாகத்திலும் கட்டடங்களின் மீதும் விழுந்துள்ளன. 
இந்நிலையில் விழுந்து கிடக்கும் மரங்களை வெட்டி அகற்றாததால் மாணவர்களும், பெற்றோரும் அதிருப்தியடைந்துள்ளனர். இந்த மரங்களை உடனே வெட்டி அகற்ற அதிகாரிகள் நடவடிக்கை எடுக்க வேண்டுமென அவர்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-thirunelveli/kanyakumari/2017/dec/08/பள்ளிக்-கட்டடங்களில்-சாய்ந்து-கிடக்கும்-மரங்களை-விரைந்து-அகற்ற-வலியுறுத்தல்-2822360.html
2822359 திருநெல்வேலி கன்னியாகுமரி மிடாலத்தில் இலவச மருத்துவ முகாம் DIN DIN Friday, December 8, 2017 07:49 AM +0530 கருங்கல் அருகேயுள்ள மிடாலம் மீனவக் கிராமத்தில் இலவச மருத்துவ முகாம் நடைபெற்றது.
பெரியார் மருத்துவக் குழுமம் சார்பில் நடைபெற்ற இம்முகாமுக்கு,  மருத்துவர் கௌதமன் தலைமை வகித்தார். திராவிடர் கழக மாவட்டச் செயலர் வெற்றிவேந்தன் முன்னிலை வகித்தார். முகாமில்,  மருத்துவர்கள் பிறைநுதல் செல்வி,  புஷ்பா,  ஆர்த்தி,  சிவகுமார் உள்ளிட்ட  மருத்துவக் குழுவினர் சிகிச்சை அளித்தனர். 
இதில், முனைவர் சக்திவேல்,  ஒருங்கிணைப்பாளர் கிருஷ்ணேஸ்வரி,  மண்டலச் செயலர் தயாளன்,  பொதுக்குழு உறுப்பினர் கோபால்,  தனிஸ்லாஸ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/08/மிடாலத்தில்-இலவச-மருத்துவ-முகாம்-2822359.html
2822358 திருநெல்வேலி கன்னியாகுமரி "பேரிடர் காலங்களில் அரசியல் கட்சிகள் மக்களுக்கு உதவி செய்ய முன்வர வேண்டும்' DIN DIN Friday, December 8, 2017 07:49 AM +0530 பேரிடர் காலங்களில் அரசியல் கட்சிகள் தங்கள் தொண்டர்கள் மூலமாக மக்களுக்கு உதவி செய்ய முன்வர வேண்டும் என முன்னாள் எம்.எல்.ஏ. வேலாயுதன் தெரிவித்துள்ளார்.
இதுகுறித்து, அவர் வெளியிட்ட அறிக்கை: ஒக்கிபுயலின்போது ஆர்.எஸ்.எஸ்., பா.ஜ.க. மற்றும் சேவாபாரதி அமைப்புகள் பாதிக்கப்பட்ட மக்களை அழைத்து வந்து முகாம்கள் அமைத்து தங்க வைத்தனர். இந்த அமைப்புகள் மூலமாக மலை கிராமத்தில் வீடு சேதம் அடைந்த 200 பேருக்கு சிமென்ட் ஷீட்டுகள் உள்ளிட்டவை வழங்கப்பட்டுள்ளன. 
புயலால் பாதிக்கப்பட்ட காணி மக்களில் வீடுகளை சீரமைக்கும் பணியில் ஆர்.எஸ்.எஸ். மற்றும் சேவாபாரதி அமைப்பினர் தொடர்ந்து ஈடுபட்டு வருகின்றனர். 
அரசியல் கட்சிகள் பேரிடர் காலங்களில் அரசை குறை கூறுவதை விட்டுவிட்டு,  அரசை எதிர்பார்க்காமல்,   தங்கள் தொண்டர்கள் மூலமாக மக்களுக்கு உதவி செய்ய முன்வரவேண்டும் என அறிக்கையில் தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/08/பேரிடர்-காலங்களில்-அரசியல்-கட்சிகள்-மக்களுக்கு-உதவி-செய்ய-முன்வர-வேண்டும்-2822358.html
2822357 திருநெல்வேலி கன்னியாகுமரி வெளிநாடு வாழ் தமிழக ஆசிரியர்கள்  சந்திப்பு DIN DIN Friday, December 8, 2017 07:48 AM +0530 வெளிநாடு வாழ் தமிழக ஆசிரியர் சங்கம் சார்பில் ஆண்டிறுதி சந்திப்பு நிகழ்ச்சி நாகர்கோவிலில் நடைபெற்றது. 
சங்கத் தலைவர் கலைவாணன் தலைமை வகித்தார். சங்கச் செயலர் ஜோசப்,  பொருளாளர் ஷாஜகான் ஆகியோர் முன்னிலை வகித்தனர். 
குமரி மாவட்ட மெட்ரிக் பள்ளி ஆய்வாளர் நடராஜன் கலந்துகொண்டு பேசியது: ஆசிரியர்கள் வாழும் உதாரணங்களாக மாறாவிட்டால் மாணவர்களை மாற்ற முடியாது.  மாணவர்களுக்கு அறிவையும் நம்பிக்கையையும் ஊட்டும் திறனை வைத்துதான் ஆசிரியரின் மதிப்பை அளவிடலாம். தாயின் கருவறையை காட்டிலும் ஆசிரியரின் வகுப்பறை பாதுகாப்பானது என ஒரு பெண்குழந்தை சொல்லுமானால் அதுதான் ஆசிரியர்களின் வெற்றி. பிறரை தோற்கடிப்பது அல்ல வெற்றி; நம் குறைகளை கண்டறிந்து களைவதுதான் வெற்றி என்றார் அவர்.
இதில்,  மாலத்தீவில் ஆசிரியர் பணியாற்றும் தமிழகத்தைச் சேர்ந்தவர்கள் கலந்துகொண்டனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/08/வெளிநாடு-வாழ்-தமிழக-ஆசிரியர்கள்--சந்திப்பு-2822357.html
2822356 திருநெல்வேலி கன்னியாகுமரி கல்குளம் கூட்டுறவு கடன் சங்க பேரவைக் கூட்டம் DIN DIN Friday, December 8, 2017 07:48 AM +0530 தக்கலையில் அமைந்துள்ள கல்குளம் கூட்டுறவு கடன் சங்க பேரவைக் கூட்டம் சங்க அலுவலகத்தில் வியாழக்கிழமை நடைபெற்றது.
சங்கத் தலைவர் பி.டி.எஸ். மணி தலைமை வகித்தார். துணைத் தலைவர் பிரதாபகுமார் முன்னிலை வகித்தார். முன்னாள் செயலர் பரமேஸ்வரன்பிள்ளை,  உறுப்பினர்கள் துரைராஜ்,  நோபிள்ராஜ், வழக்குரைஞர் செல்வராஜன்,  டாக்டர் சுந்தர்,  காசாளர் சதீஸ்,  முன்னாள் காசாளர் விஜயன் உள்ளிட்டோர் பங்கேற்றனர். 
கூட்டத்தில் 2017-2018ஆம் ஆண்டுக்கான உத்தேச வரவு செலவு திட்டம் அங்கீகரிக்கப்பட்டது. 2014-2015,  2015-2016 ஆம் நிதியாண்டுகளில் கிடைத்த லாபத்தில், உறுப்பினர்களுக்கு ஈவுத் தொகை வழங்க தீர்மானிக்கப்பட்டது.  முன்னதாக  சங்க முன்னாள் இயக்குநர் எம்.பயஸ்,  சங்க இயக்குநர் கங்காவின் கணவர் சேகர் ஆகியோரது மரணத்துக்கு இரங்கல் தெரிவிக்கப்பட்டது.

]]>
http://www.dinamani.com/all-editions/edition-thirunelveli/kanyakumari/2017/dec/08/கல்குளம்-கூட்டுறவு-கடன்-சங்க-பேரவைக்-கூட்டம்-2822356.html
2821676 திருநெல்வேலி கன்னியாகுமரி முப்பந்தல் அருகே வாகனம் மோதி மிளா சாவு DIN DIN Thursday, December 7, 2017 07:45 AM +0530 கன்னியாகுமரி மாவட்டம், ஆரல்வாய்மொழி முப்பந்தல் அருகே அடையாளம் தெரியாத வாகனம் மோதி மிளா இறந்தது.
ஆரல்வாய்மொழியில் உள்ள வடக்கு மலையில் மிளா, சிறுத்தை, புலி, காட்டுப்பன்றி, கரடி, குரங்கு போன்ற வன விலங்குகள் உள்ளன. இவை,  நாகர்கோவில் -  காவல் கிணறு தேசிய நெடுஞ்சாலையில் முப்பந்தல் அருகே அடிக்கடி சாலையைக் கடக்கின்றன. இதனால், வாகன ஓட்டிகள் அவதிக்கும், அச்சத்துக்கும் உள்ளாகியுள்ளனர். சில நேரங்களில் வாகனங்கள் மோதி வன விலங்குகள் இறப்பதும் நிகழ்கிறது. இந்நிலையில், முப்பந்தல் அருகே செவ்வாய்க்கிழமை இரவு மிளா அடிபட்டு கிடப்பதாக வனதுறைக்கு தகவல் கிடைத்தது. பூதப்பாண்டி வனச் சரகர் வெங்கடாசலபூபதி உத்தரவின்பேரில் ஆரல்வாய்மொழி வனவர் பிரவீன் தலைமையில், வனக் காப்பாளர்கள் சண்முகம், அய்யப்பன், அசோக் ஆகியோர் சென்று பார்த்தனர். அப்போது அடையாளம் தெரியாத வாகனம் மோதி மிளா இறந்துகிடந்தது தெரியவந்தது. இதையடுத்து, கால்நடை மருத்துவர் மூலம் மிளா பிரேத பரிசோதனை செய்யப்பட்டு,  ஆரல்வாய்மொழி வன அலுவலக வளாகத்தில் புதைக்கப்பட்டது.
 

]]>
http://www.dinamani.com/all-editions/edition-thirunelveli/kanyakumari/2017/dec/07/முப்பந்தல்-அருகே-வாகனம்-மோதி-மிளா-சாவு-2821676.html
2821646 திருநெல்வேலி கன்னியாகுமரி இடையன்கோட்டையில் மின் கம்ப சீரமைப்பு பணி DIN DIN Thursday, December 7, 2017 07:33 AM +0530 கருங்கல் அருகேயுள்ள இடையன்கோட்டை கிராமத்தில் மின் ஊழியர்களுடன் இணைந்து மின் கம்பங்களைச் சீரமைக்கும் பணியில் அப்பகுதி இளைஞர்கள் ஈடுபட்டனர்.
ஒக்கி புயலால் கருங்கல் சுற்றுவட்டார பகுதிகளில் மரங்கள்சாய்ந்ததில் மின்கம்பங்கள் பல சேதமடைந்தன. இதனால் கடந்த 7 நாள்களாக பல கிராமங்கள் இருளில் மூழ்கின.
குறிப்பாக கருங்கல் அருகேயுள்ள இடையன்கோட்டை குக்கிராமத்தில் தொடந்து 7 நாள்களாக மின் விநியோகம் இல்லை.இதையடுத்து செயற்பொறியாளர்அனுமதியுடன்,  அப்பகுதியில் உள்ள 50 க்கும் மேற்பட்ட இளைஞர்கள் திரண்டு சேதமடைந்த கம்பங்களை அகற்றி  புதிய கம்பங்கள் நடுவதற்து குழிகள் தோண்டினர். பின்பு பள்ளியாடி,வாகவிளை பகுதிகளில் இறக்கிவைக்கப்பட்டிருந்த மின்கம்பங்களை டெம்போ மூலம்  இளைஞர்கள் தூக்கி கொண்டுவந்து மின் ஊழியர்கள் உதவியுடன் மின்கம்பங்களை நட்டனர்.
இப்பணி செவ்வாய்க்கிழமை காலை தொடங்கி  2ஆவது நாளன புன்கிழமை நிறைவடைந்தது.இதையடுத்து இடையன்கோட்டை கிராமத்தில் மின்விநியோகம் சீரானது.தொடர்ந்து இரண்டு நாள்கள் மின் ஊழியர்களுடன் இனணந்து பணியாற்றி இருளைஅகற்றி வெளிச்சத்தை கொண்டுவந்த இளைஞர்களை,  அப்பகுதி  மக்கள் பாராட்டினர்.

]]>
http://www.dinamani.com/all-editions/edition-thirunelveli/kanyakumari/2017/dec/07/இடையன்கோட்டையில்-மின்-கம்ப-சீரமைப்பு-பணி-2821646.html
2821645 திருநெல்வேலி கன்னியாகுமரி மின் கட்டணம் செலுத்த அவகாசம் DIN DIN Thursday, December 7, 2017 07:33 AM +0530 ஒக்கி புயல் பாதிப்பு காரணமாக குமரி மாவட்டத்தில் மின்சார கட்டணம் செலுத்தும் தேதி நீட்டிக்கப்பட்டுள்ளது.
இது குறித்து, தமிழ்நாடு மின் உற்பத்தி மற்றும் பகிர்மானக் கழகத்தின் கன்னியாகுமரி மேற்பார்வை பொறியாளர் எ.டேவிட்ஜெபசிங் வெளியிட்டுள்ள செய்திக்குறிப்பு:
ஒக்கி புயலின் சீற்றத்தால்  குமரி மாவட்டத்திலுள்ள பெரும்பாலான மின் உபகரணங்கள்,  தளவாடங்கள் மற்றும் மின்பாதையில் ஏற்பட்டுள்ள கடுமையான சேதத்தை வெளிமாவட்ட  மின் பொறியாளர்கள் மற்றும் பணியாளர்கள் சீரமைத்து வருகின்றனர்.
இதன்காரணமாக மின் பயனீட்டாளர்களின் நலன் கருதி மின் கட்டணம் செலுத்தும் காலக்கெடு 30.11.2017   முதல் 16.12.2017   வரை முடிவுறும் அனைத்து தாழ்வழுத்த மின் பயனீட்டாளர்களும் எந்த அபராதமும் இன்றி 18.12.2017   வரை மின் கட்டணம் செலுத்த கால நீட்டிப்பு மின் வாரியத்தால் அனுமதிக்கப்பட்டுள்ளது.
மேலும் புனரமைப்புப் பணிகள் நடைபெறும் பகுதிகளில் பகல் நேரங்களில் பொதுமக்கள்  மற்றும் பணியாளர்கள் பாதுகாப்பு கருதி மின் தடங்கல், மின் துண்டிப்பு ஏற்பட  வாய்ப்புள்ளது. எனவே புனரமைப்புப் பணிகள் நிறைவடையும் வரை பொதுமக்கள் மின்வாரியத்துடன் ஒத்துழைக்குமாறு கேட்டுக் கொள்ளப்படுகிறார்கள் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/07/மின்-கட்டணம்-செலுத்த-அவகாசம்-2821645.html
2821644 திருநெல்வேலி கன்னியாகுமரி குமரி மாவட்டத்தில் முழு வீச்சில்  மின் விநியோகப் பணிகள் DIN DIN Thursday, December 7, 2017 07:32 AM +0530 குமரி மாவட்டத்தில்  ஒக்கி புயலால் பாதிக்கப்பட்ட பகுதிகளில் மின் விநியோகப் பணிகள் முழுவீச்சில் நடைபெற்று வருகின்றன.
கன்னியாகுமரி, சுசீந்திரம், வாரியூர், ராஜாவூர், வழுக்கம்பாறை, கீழமடை, ஆரல்வாய்மொழி, பூதப்பாண்டி, குலசேகரம், பேச்சிப்பாறை, கோதையாறு போன்ற பகுதிகளில் நடைபெற்று வரும் சீரமைப்புப் பணிகளை தமிழ்நாடு மின் உற்பத்தி மற்றும் பகிர்மானக் கழக தலைவர் எம். சாய்குமார்  புதன்கிழமை நேரில் ஆய்வு செய்தார்.  பின்னர் அவர் கூறியது:
குமரி மாவட்டத்தில் ஒக்கி புயலால் பாதிக்கப்பட்ட பகுதிகளில் விரைந்து சரிசெய்து மின்விநியோகம் வழங்க , மின் வாரியம் பல்வேறு நடவடிக்கைகளை  எடுத்து வருகிறது. தொடர்ந்து, பல்வேறு மாவட்டங்களிலிருந்து மின் வாரியப் பணியாளர்கள் வரவழைக்கப்பட்டு, மலை கிராமங்கள் மற்றும் ஊராட்சிகளில் விரைவில் மின் விநியோகம் வழங்குவதற்கான  நடவடிக்கைகள்  எடுக்கப்பட்டு வருகின்றன.
மரங்கள் விழுந்ததால் மின் விநியோகம்  பாதிக்கப்பட்டுள்ள பகுதிகளில் மரம் வெட்டும் தொழிலாளர்களைக் கொண்டு உடனடியாக மரங்கள் அகற்றப்பட்டு, மின் விநியோக பணிகள் முழுவீச்சில் நடைபெற்று வருகிறது.  இப்பணிகள் அனைத்தையும் இன்னும் 2 நாள்களில் முடிக்க திட்டமிட்டு நடவடிக்கை எடுக்கப்பட்டு வருகிறது. மேலும், மின் விநியோகத்திற்குத் தேவையான மின் கம்பங்கள், உபகரணங்கள் உடனடியாக வரவழைக்கப்பட்டு, போர்க்கால அடைப்படையில்  பணிகள் நடைபெற்று வருகின்றன என்றார் அவர்.

]]>
http://www.dinamani.com/all-editions/edition-thirunelveli/kanyakumari/2017/dec/07/குமரி-மாவட்டத்தில்-முழு-வீச்சில்--மின்-விநியோகப்-பணிகள்-2821644.html
2821643 திருநெல்வேலி கன்னியாகுமரி கன்னியாகுமரியில் தமிழக ஆளுநர் DIN DIN Thursday, December 7, 2017 07:32 AM +0530 தமிழக ஆளுநர் பன்வாரிலால் புரோஹித்,  புதன்கிழமை இரவு கன்னியாகுமரிக்கு வந்தார்).
திருநெல்வேலி மனோன்மணீயம் சுந்தரனார் பல்கலைக்கழகத்தில் புதன்கிழமை நடைபெற்ற பட்டமளிப்பு விழாவில் பங்கேற்ற அவர்,  பின்னர் அம்மாவட்டத்தில் பல்வேறு ஆய்வுப் பணியில் ஈடுபட்டார். இதையடுத்து, அவர் இரவு 7.45 மணிக்கு திருநெல்வேலியிலிருந்து காரில் புறப்பட்டு, இரவு 9.05 மணிக்கு கன்னியாகுமரி அரசு மாளிகைக்கு வந்தார்.
இங்கு அவரை ஆட்சியர் சஜ்ஜன்சிங் ரா. சவாண், தென் மண்டல ஐ.ஜி. சைலேஷ்குமார் யாதவ், திருநெல்வேலி சரக டிஐஜி கபில்குமார் சராட்கர்,  மாவட்ட எஸ்.பி. துரை, நாகர்கோவில் கோட்டாட்சியர் ஜானகி, அகஸ்தீஸ்வரம் வட்டாட்சியர் சஜித், கன்னியாகுமரி வருவாய் ஆய்வாளர் திவான், குமரி பேரூராட்சி செயல் அலுவலர் மு. வெங்கடேஸ்வரன் உள்ளிட்டோர் வரவேற்றனர். 
தொடர்ந்து, அவர் வியாழக்கிழமை (டிச. 7) கன்னியாகுமரியில் பல்வேறு ஆய்வுப் பணிள மேற்கொள்ளவுள்ளார்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/கன்னியாகுமரியில்-தமிழக-ஆளுநர்-2821643.html
2821642 திருநெல்வேலி கன்னியாகுமரி பத்மநாபபுரத்தில் நடமாடும் மருத்துவ முகாம் DIN DIN Thursday, December 7, 2017 07:32 AM +0530 பத்மநாபபுரம் நகராட்சியில் ஒக்கி புயல் நிவாரண நடமாடும் மருத்துவ முகாம் செவ்வாய் மற்றும் புதன்கிழமைகளில் நடைபெற்றது.
பொது சுகாதாரப் பிரிவு  நகராட்சி இயக்குநரின் உத்தரவின்பேரில்,  மாவட்ட ஆட்சியரின் அறிவுரைப்படி, பத்மநாபபுரம் நகராட்க்குள்பட்ட சுண்டவிளை, இலுப்பகோணம், ஆர்.சி.தெரு,  வாழவிளை உள்ளிட்ட பல்வேறு இடங்களில்  ஒக்கிபுயல் நடமாடும்  மருத்துவ முகாம்  நடைபெற்றது. முகாமில் நிலவேம்புக் குடிநீரும்  வழங்கப்பட்டது.    
இம்முகாமுக்கு, நகராட்சி ஆணையர் கிருஷ்ணமூர்த்தி தலைமை வகித்தார். மருத்துவ அலுவலர் லாரன்ஸ் விக்டர்ஜோ மற்றும்  கார்த்திக்,  சுகாதார  ஆய்வாளர் முத்துராமலிங்கம், துப்புரவு மேற்பார்வையாளர்  மோகன் மற்றும்  நகராட்சிப் பணியாளர்கள் பங்கேற்றனர். 

]]>
http://www.dinamani.com/all-editions/edition-thirunelveli/kanyakumari/2017/dec/07/பத்மநாபபுரத்தில்-நடமாடும்-மருத்துவ-முகாம்-2821642.html
2821641 திருநெல்வேலி கன்னியாகுமரி நாகர்கோவிலில் இன்று புதிய ஜவுளிக்கடை திறப்பு விழா DIN DIN Thursday, December 7, 2017 07:31 AM +0530 நாகர்கோவிலில் பார்த்தாஸ் டெக்ஸ்டைல்ஸ் ஜவுளிக்கடை திறப்பு விழா வியாழக்கிழமை (டிச.7)   காலை 10  மணிக்கு நடைபெறுகிறது.
நாகர்கோவில் பி.டபிள்யூ.டி. சாலையில் கணேசபுரம் சந்திப்பில் அமைக்கப்பட்டுள்ள இந்நிறுவனத்தின்  திறப்பு விழாவில், மத்திய இணை அமைச்சர் பொன்.ராதாகிருஷ்ணன் சிறப்பு விருந்தினராக கலந்துகொள்கிறார். புதிய ஜவுளி நிறுவனத்தை முன்னாள் எம்.பி. எம்.சி.பாலன் திறந்து வைக்கிறார். முதல் விற்பனையை டாக்டர் சுமித்ரா ரகுவரன் தொடங்கிவைக்கிறார். திறப்பு விழா ஏற்பாடுகளை, நாகராஜூலு, அர்ஜூனன், ராஜகிருஷ்ணன், விஸ்வநாதன், சுஜாதா விஸ்வநாதன்,  ஸ்ரீநாத், மீனாட்சி ஸ்ரீநாத்,  அதிக்ஸ், அர்ஹா ஸ்ரீநாத் மற்றும் பணியாளர்கள் செய்துவருகின்றனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/நாகர்கோவிலில்-இன்று-புதிய-ஜவுளிக்கடை-திறப்பு-விழா-2821641.html
2821640 திருநெல்வேலி கன்னியாகுமரி மின்சாரம், குடிநீர் கோரி பறக்கையில் மக்கள் மறியல் DIN DIN Thursday, December 7, 2017 07:31 AM +0530 நாகர்கோவில் அருகே பறக்கையில் மின்சாரம், குடிநீர் வழங்க வலியுறுத்தி,  அப்பகுதி மக்கள் புதன்கிழமை சாலை மறியலில் ஈடுபட்டனர். 
குமரி மாவட்டத்தில், கடந்த நவ. 29 ஆம் தேதி நள்ளிரவு தாக்கிய ஒக்கி புயலால் 10  ஆயிரத்துக்கும் அதிகமான மின் கம்பங்கள் சாய்ந்து விழுந்தன. இதனால் மாவட்டமே இருளில் மூழ்கியது. இதைத்தொடர்ந்து மின்சார சீரமைப்புப் பணிகளில் ஈடுபடுவதற்காக வெளி மாவட்டங்களிலிருந்து மின்வாரிய பணியாளர்கள் மற்றும் புதிய மின்கம்பங்கள் வரவழைக்கப்பட்டு பணிகள் நடைபெற்று வருகின்றன. 
இந்நிலையில்,  புயல் ஏற்பட்டு ஒரு வாரம் கடந்த நிலையிலும் மின்சார விநியோகம் வழங்கப்படவில்லை என்பதால்  நாகர்கோவில் நகராட்சி 20 ஆவது வார்டுக்குள்பட்ட பறக்கை காந்திபுரம், கவலைமகள் தெருவைச் சேர்ந்த பொதுமக்கள்  பறக்கை -  மணக்குடி  பிரதான சாலையில் அமர்ந்து புதன்கிழமை மறியலில் ஈடுபட்டனர்.அவர்கள்
தங்கள் பகுதிக்கு உடனடியாக   குடிநீர், மின்சார வசதி வழங்க வேண்டும் என்று வலியுறுத்தினர். இதனால் அந்த வழியாக எந்த வாகனங்களும் செல்லமுடியவில்லை. 
சுசீந்திரம் காவல் நிலைய ஆய்வாளர் செல்வம் தலைமையிலான போலீஸார் சென்று மறியலில் ஈடுபட்டவர்களுடன் பேச்சுவார்த்தை நடத்தினர். 
மேலும் ஒவ்வொரு பகுதியாக குடிநீர் மற்றும் மின்விநியோகம் சீரமைப்புப் பணி நடைபெற்று வருவதாக அதிகாரிகள் தெரிவித்தனர். இதைத்தொடர்ந்து மறியல் கைவிடப்பட்டது. மறியலால்  அப்பகுதியில் ஒரு மணி நேரம் போக்குவரத்து பாதிக்கப்பட்டது.

]]>
http://www.dinamani.com/all-editions/edition-thirunelveli/kanyakumari/2017/dec/07/மின்சாரம்-குடிநீர்-கோரி-பறக்கையில்-மக்கள்-மறியல்-2821640.html
2821639 திருநெல்வேலி கன்னியாகுமரி பெருஞ்சாணி அணையின் மறுகால் மதகுகள் மூடல் DIN DIN Thursday, December 7, 2017 07:30 AM +0530 குமரி மாவட்டத்தில் கடந்த நான்கு நாள்களாக மழை ஓய்ந்துள்ள நிலையில் பெருஞ்சாணி அணையின் மறுகால் மதகுகள் மூடப்பட்டுள்ளன.
குமரி மாவட்டத்தில் கடந்த மாதம் 30 ஆம் தேதி ஒக்கி புயலுடன் மழையும் தீவிரமாகப் பெய்ததால் அணைகளின் வெள்ளத்தின் வரத்து அதிகமாக இருந்தது. இந்நிலையில் பெருஞ்சாணி அணையின் நீர்மட்டம் வெள்ள அபாய அளவைக் கடந்து 75 அடியைத் தொட்டது. இதையடுத்து அணையின் மறுகால் மதகுகள் திறக்கப்பட்டன. இந்நிலையில் கடந்த 4 நாள்களாக மாவட்டத்தில் மழை ஓய்ந்து, பெருஞ்சாணி அணைக்கு நீர்வரத்து குறைந்துள்ளது. இதனால் அணையிலிருந்து வெளியேற்றப்பட்டு வந்த உபரி நீர் நிறுத்தப்பட்டு மறுகால் மதகுகள் மூடப்பட்டுள்ளன. பேச்சிப்பாறை, பெருஞ்சாணி மற்றும் சிற்றாறு அணைகளின் நீர்மட்டங்கள் தற்போது வெள்ள அபாய அளவுகளிலேயே உள்ளன. பேச்சிப்பாறைஅணையின் நீர்மட்டம் 42.50 அடியாகவும், பெருஞ்சாணி அணையின் நீர்மட்டம் 74.90 அடியாகவும் இருந்தது.

]]>
http://www.dinamani.com/all-editions/edition-thirunelveli/kanyakumari/2017/dec/07/பெருஞ்சாணி-அணையின்-மறுகால்-மதகுகள்-மூடல்-2821639.html
2821638 திருநெல்வேலி கன்னியாகுமரி அகஸ்தீசுவரம் ஒன்றியத்தில் சீரமைப்புப் பணிகள் தீவிரம் DIN DIN Thursday, December 7, 2017 07:30 AM +0530 கன்னியாகுமரி மாவட்டம்,   அகஸ்தீசுவரம் ஊராட்சி ஒன்றியத்தில் ஒக்கி புயலால் பாதிக்கப்பட்ட பகுதிகளில் மேற்கொள்ளப்பட்டு வரும் சீரமைப்புப் பணிகளை வேலைவாய்ப்பு மற்றும் பயிற்சித்துறை இயக்குநர் பி.ஜோதிநிர்மலாசாமி புதன்கிழமை நேரில் ஆய்வு செய்தார்.
 திருப்பதிசாரம், புதுக்கிராமம், சங்கரன்புதூர், அழகனாபுரம், இரவிபுதூர், கோவளம், சுவாமிதோப்பு, ஆசிரமம் ஆகிய பகுதிகளில் மேற்கொள்ளப்பட்டுவரும் குடிநீர்க் குழாய் சரிசெய்யும் பணி, பெருமழையால் உடைப்பு ஏற்பட்ட  ஊருணி கரைகளை மணல் மூட்டைகள் மூலம் பலப்படுத்தும் பணி, உடைந்த மின் கம்பங்கள், மின்மாற்றிகள் அமைக்கும் பணி, மரம் உடைந்து விழுந்ததால் சேதமடைந்த பள்ளி கட்டடம் சீரமைக்கும் பணி, வெள்ளம் பாதிக்கப்பட்ட பகுதிகளில் நடைபெற்று வரும் துப்புரவுப் பணிகள், வெள்ளநீர் தேங்கியுள்ள பகுதிகள் ஆகியவற்றை அவர் பார்வையிட்டு ஆய்வு செய்தார்.
 பின்னர், செய்தியாளர்களிடம் அவர் கூறியது: ஒக்கி புயலால் ஏற்பட்ட பலத்த மழை மற்றும் சூறைக்காற்றால் ஏற்பட்ட பாதிப்புகளை சரிசெய்யும் பணி முழுவீச்சில் நடைபெற்று வருகிறது. அகஸ்தீசுவரம் ஒன்றியத்தில் உடைந்த மின்கம்பங்களை சரிசெய்யவும், வெள்ள அரிப்பினால் சேதமடைந்த குடிநீர்க் குழாய்களை சீரமைக்கவும் ஆயிரத்துக்கும் மேற்பட்ட பணியாளர்கள் பணிபுரிந்து வருகின்றனர். மாணிக்கம் புத்தேரி ஊருணியில் மழையின் காரணமாக ஏற்பட்ட உடைப்பு, மணல் மூட்டைகள் மூலம் சரிசெய்யப்பட்டு வருகிறது. 
மேலும், இரவு புதூர் அரசு தொடக்கப்பள்ளியில் மரம் விழுந்ததால் உடைந்த பள்ளி கட்டடம் சரிசெய்யும் பணியும் மேற்கொள்ளப்பட்டுள்ளது.
கால்வாய்கரை உடைப்புகள் மீண்டும் ஏற்படாத வண்ணம் பணிகள் மேற்கொள்ளப்பட்டுள்ளன. வெள்ளம் பாதித்த பகுதிகளில் வெள்ள நீர் வடிந்த பின்னர் துப்புரவுப் பணியாளர்கள் மூலம் உடனடியாக துப்புரவுப் பணிகள் மேற்கொள்ளப்பட்டு வருகிறது. வெள்ள நீர் வடியாத பகுதிகளில் ஜெனரேட்டர்கள் மூலம் மின் மோட்டார்கள் இயக்கப்பட்டு வெள்ள நீர் வெளியேற்றப்பட்டு வருகிறது. ஓரிரு நாள்களில் அகஸ்தீசுவரம் ஊராட்சி ஒன்றியத்தில் மின் இணைப்பு மற்றும் குடிநீர் விநியோகம் அனைத்து பகுதிகளுக்கும் 100 சதவீதம் வழங்கப்படும்  என்றார் அவர்.
    இந்த ஆய்வின் போது, வட்டார வளர்ச்சி அலுவலர் முத்துக்குமார்,   தமிழ்நாடு குடிநீர் வடிகால்  வாரிய உதவி பொறியாளர் ரமேஷ், துணை வட்டார வளர்ச்சி அலுவலர் பிச்சையம்மாள், பொறியாளர்கள் சண்முகநாதன், கவிதா ஆகியோர் உடனிருந்தனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/அகஸ்தீசுவரம்-ஒன்றியத்தில்-சீரமைப்புப்-பணிகள்-தீவிரம்-2821638.html
2821637 திருநெல்வேலி கன்னியாகுமரி குமரி மாவட்டத்தில் இன்று முதல் பள்ளிகள் திறப்பு DIN DIN Thursday, December 7, 2017 07:29 AM +0530 குமரி மாவட்டத்திலுள்ள அனைத்து பள்ளிகளும்   வியாழக்கிழமை முதல் வழக்கம் போல் இயங்கும்.  
ஒக்கி புயலால் சேதமடைந்த பள்ளி மாணவர்களின் புத்தகங்கள், சீருடை, நோட்டுபுத்தகங்கள் அனைத்தும் அந்தந்த தலைமை ஆசிரியர்  வழியாக மாவட்டக் கல்வி அலுவலகத்தில் தகவல் தெரிவிக்கப்பட்டவுடன் அவை புதிதாக மாணவர்களுக்கு வழங்கப்படும்.  பிளஸ் 1, பிளஸ் 2  தேர்வுகள் திட்டமிட்டபடி நடைபெறும். மேலும் அனைத்துப் பள்ளிகளும் டிச. 7  ஆம் தேதி முதல் வழக்கம் போல் நடைபெறும். இடைநிலை மற்றும் மேல்நிலைக் கல்வி சான்றிதழ்கள் சேதம் அடைந்திருப்பின், அது குறித்த விவரங்களை உரிய அலுவலரிடம் சான்று பெற்று முதன்மைக் கல்வி அலுவலகத்தில் தெரிவித்தால் இரண்டாம்படி நகல் பெற நடவடிக்கை எடுக்கப்படும்  என   ஆட்சியர் சஜ்ஜன்சிங் ரா.சவாண் தெரிவித்துள்ளார்.

]]>
http://www.dinamani.com/all-editions/edition-thirunelveli/kanyakumari/2017/dec/07/குமரி-மாவட்டத்தில்-இன்று-முதல்-பள்ளிகள்-திறப்பு-2821637.html
2821636 திருநெல்வேலி கன்னியாகுமரி மீனவ கிராமங்களில் வேளாண் துறை முதன்மைச் செயலர் ஆய்வு DIN DIN Thursday, December 7, 2017 07:29 AM +0530 கடலில் மீன்பிடிக்கச் சென்று மாயமான குமரி மாவட்ட மீனவர்களின் கிராமங்களில் வேளாண் துறை முதன்மைச் செயலர் ககன்தீப்சிங் பேடி,  ஆட்சியர் சஜ்ஜன்சிங் ரா. சவாண் உள்ளிட்ட அதிகாரிகள் புதன்கிழமை ஆய்வு மேற்கொண்டனர்.
குமரி மாவட்டம், தூத்தூர் மண்டலத்திலிருந்து மீன்பிடிக்க கடலுக்குச் சென்ற நீரோடி முதல் இரயுமன்துறை வரையிலான 8 மீனவ கிராமங்களைச் சேர்ந்த  நூற்றுக்கணக்கான மீனவர்கள் ஒக்கி புயலில் சிக்கி மாயமாகினர்.  அவர்களில் பலர் இறந்திருக்கலாம் எனக் கருதப்படுகிறது.  இதையடுத்து நீரோடி, சின்னத்துறை உள்ளிட்ட மீனவ கிராம பகுதிகளில் பந்தல் அமைத்து கருப்புக் கொடி கட்டி வைத்துள்ளனர்.
இந்த நிலையில், மாவட்ட ஆட்சியர் சஜ்ஜன்சிங் ரா.சவாண், வேளாண்மைத்துறை முதன்மைச் செயலர் ககன்தீப்சிங் பேடி ஆகியோர் கொல்லங்கோடு அருகேயுள்ள நீரோடி மீனவ கிராமங்களுக்குச் சென்று, இப் பகுதிகளில் அதிகாரிகள் மேற்கொண்டுள்ள மீட்பு நடவடிக்கைகள் குறித்து கேட்டறிந்தனர்.
தொடர்ந்து, ஆட்சியர் உள்ளிட்ட அதிகாரிகள் சின்னத்துறை பகுதிக்கு மீனவர்களிடம் குறைகளை கேட்க வந்த போது, அங்கு குழுமியிருந்த மீனவர்கள் புயல் பாதித்து 6 நாள்கள் கடந்த பின்னர் ஆய்வுக்கு வருவதா எனக் கூறி அதிகாரிகளை முற்றுகையிட்டனர்.
மேலும், "மீனவர்களை மீட்க உரிய நடவடிக்கை எடுப்பதாக கூறி அதிகாரிகள் ஏமாற்றி வருகின்றனர்; இதுவரை கரை திரும்பிய மீனவர்கள் யாரும் கடற்படையால் மீட்கப்படவில்லை; மாய மான மீனவர்களை தேடும் பணியை  மீனவர்களின் உதவியுடன் மேற்கொள்ளலாம் என கேட்டுக்கொண்ட பிறகும், அதிகாரிகள் தன்னிச்சையாக செயல்பட்டு வருகின்றனர்' என மீனவர்கள் குற்றம்சாட்டினர்.
இதைத் தொடர்ந்து மாவட்ட ஆட்சியர் மற்றும் அதிகாரிகள் தூத்தூர் மண்டலத்துக்கு உள்பட்ட 8 மீனவ கிராமங்களுக்கும் சென்று பாதிக்கப்பட்ட மீனவர்களின் குடும்பத்தினரை சந்தித்து ஆறுதல் தெரிவித்ததுடன், மீனவர்களிடம் குறைகளையும் கேட்டுச் சென்றனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/மீனவ-கிராமங்களில்-வேளாண்-துறை-முதன்மைச்-செயலர்-ஆய்வு-2821636.html
2821635 திருநெல்வேலி கன்னியாகுமரி "புயல் நிவாரணப் பணிகளை துரிதப்படுத்தாவிட்டால் போராட்டம்' DIN DIN Thursday, December 7, 2017 07:28 AM +0530 குமரி மாவட்டத்தில்  ஒக்கி புயல் நிவாரணப் பணியை துரிதப்படுத்தாவிட்டால் மாவட்டமே ஸ்தம்பிக்கும் அளவுக்கு போராட்டம் நடத்துவோம் என குமரி மாவட்ட 5 எம்.எல்.ஏ.க்கள் தெரிவித்துள்ளனர்.
குமரி மாவட்டத்தின் எம்.எல்.ஏ.க்கள் சுரேஷ்ராஜன், மனோதங்கராஜ், ஆஸ்டின், ராஜேஷ்குமார், பிரின்ஸ் ஆகியோர்   புதன்கிழமை இரவு  கூட்டாக  செய்தியாளர்களுக்கு  அளித்த பேட்டி:
குமரி மாவட்டத்தில் ஏற்பட்ட புயலால் அனைத்து மக்களும் பாதிக்கும் அளவுக்கு, வாழ்வாதாரங்களை இழக்கும் நிலை ஏற்பட்டுள்ளது. அரசும், மாவட்ட நிர்வாகமும் எந்த கணக்கும் எடுக்கவில்லை. காணாமல்போன, உயிரிழந்த மீனவர்கள் விபரமோ, பாதிக்கப்பட்ட விவசாயிகள் மற்றும் நிலங்கள் பற்றி எந்த கணக்கும் எடுக்கவில்லை.
 கேரளத்தில் மீனவர்களைகண்டுபிடிக்க  ஹெலிகாப்டர் வசதியும்,  ரூ. 15 லட்சமும் இழப்பீடும் அளித்துள்ளனர். அதுபோல குமரியில் உயிர் இழந்தவர்களின் குடும்பத்தினருக்கு 15 லட்சம் ரூபாய் நிதி வழங்க வேண்டும். மத்திய அமைச்சர் பொன். ராதாகிருஷ்ணன் குமரி மாவட்டத்தை பேரிடர் மாவட்டமாக அறிவித்து அதிக நிதியை பெற்றுதந்திருக்க வேண்டும். ஆனால் அவர் சரியாக செயல்படவில்லை.  இந்த நிலை நீடித்தால் மாவட்டமே ஸ்தம்பிக்கும் அளவுக்கு போராட்டம் நடத்தப்படும். 
குமரி மாவட்ட மக்களிடம் மனு வாங்க ஆளுநர் வருகிறாராம். மனு வாங்குவது முதல்வரின் வேலை. ஆனால் தமிழர்களின் உணர்வை தமிழக அரசு கொச்சைப்படுத்துகிறது என்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/07/புயல்-நிவாரணப்-பணிகளை-துரிதப்படுத்தாவிட்டால்-போராட்டம்-2821635.html
2821634 திருநெல்வேலி கன்னியாகுமரி கிராத்தூரில் மீனவப் பிரதிநிதிகளிடம் குறைகளை கேட்டறிந்த நீதிபதிகள் DIN DIN Thursday, December 7, 2017 07:28 AM +0530 நித்திரவிளை அருகேயுள்ள கிராத்தூரில் அமைந்துள்ள மீன்வளத்துறை கட்டுப்பாட்டு அறைக்கு மாவட்ட மகிளா நீதிமன்ற நீதிபதி தலைமையில் வந்த நீதிபதிகள் குழுவினர் மீனவப் பிரதிநிதிகளை சந்தித்து குறைகளை கேட்டறிந்தனர்.
ஒக்கி புயலால், கடலில் மீன்பிடிக்கச் சென்ற தூத்தூர் வட்டார பகுதியைச் சேர்ந்த நூற்றுக்கணக்கான மீனவர்கள் மாயமாகினர். இதையடுத்து மீனவர்களை மீட்கும் நடவடிக்கைக்காக கிராத்தூர் பகுதியில் உள்ள தூத்தூர் மறைவட்ட அலுவலக வளாகத்தில் மீன்வளத்துறை சார்பில் கட்டுப்பாட்டு அறை திறக்கப்பட்டு, செயல்பட்டு வருகிறது.  இந்த அலுவலகத்துக்கு புதன்கிழமை மாலையில் மாவட்ட மகிளா நீதிமன்ற நீதிபதி ஜாண் ஆர்.டி. சந்தோஷம் தலைமையில் குழித்துறை சார்பு நீதிபதி எஸ். பத்மா, குழித்துறை முனிசிபல் நீதிபதிகள் ரேணுகாதேவி, ரத்தினவேல் பாண்டியன், குழித்துறை 2 ஆவது நீதித்துறை நடுவர் மன்ற நடுவர் அப்துல் சலாம் ஆகியோர் வந்தனர். அவர்கள் அங்கிருந்த மீனவ பிரதிநிதிகளிடம் குறைகளை கேட்டறிந்தனர்.
அப்போது, நீதிபதிகளுடன் குழித்துறை வழக்குரைஞர்கள் சங்கத் தலைவர் டி. சுரேஷ், செயலர் ரமேஷ் ஆகியோர் உடனிருந்தனர்.

]]>
http://www.dinamani.com/all-editions/edition-thirunelveli/kanyakumari/2017/dec/07/கிராத்தூரில்-மீனவப்-பிரதிநிதிகளிடம்-குறைகளை-கேட்டறிந்த-நீதிபதிகள்-2821634.html
2821633 திருநெல்வேலி கன்னியாகுமரி பிற மாநிலங்களில் கரைசேர்ந்த மீனவர்கள் சொந்த ஊர் திரும்ப நடவடிக்கை DIN DIN Thursday, December 7, 2017 07:27 AM +0530 குஜராத், கேரளம் உள்ளிட்ட மாநிலங்களில் கரைசேர்ந்த குமரி மாவட்ட மீனவர்கள் சொந்த ஊருக்கு திரும்பிவர நடவடிக்கை எடுக்கப்படும் என வேளாண்மை உற்பத்தி ஆணையர் மற்றும் வேளாண்மைத்துறை அரசு முதன்மைச் செயலர் ககன்தீப்சிங் பேடி தெரிவித்தார்.
   ஒக்கி புயலால் பாதிக்கப்பட்ட குமரி மாவட்ட மீனவ கிராமங்களில் அவரும்,  மாவட்ட ஆட்சியர் சஜ்ஜன்சிங் ரா.சவாண் உள்ளிட்டோரும் புதன்கிழமை நேரில் ஆய்வு மேற்கொண்டனர். 
நீரோடி, மார்த்தாண்டம்துறை, வள்ளவிளை, இரவிபுத்தன்துறை, சின்னதுறை, தூத்தூர், பூத்துறை மற்றும் இரயுமன்புத்தன்துறை ஆகிய மீனவ கிராமங்களுக்கு நேரில் சென்றனர்.  அங்கு  மீனவ மக்களிடம் காணாமல் போன மீனவர்களின் விவரங்கள் குறித்தும், ஒக்கி புயலால் சேதமடைந்த வள்ளம், படகுகள், இதர சேதங்கள் மற்றும் மீனவ மக்களின் குறைகளைக் கேட்டறிந்தனர். மேலும்,  புயலால் உயிரிழந்த மீனவர்களின் குடும்பத்தினரை சந்தித்து ஆறுதல் கூறினர். காணாமல் போன மீனவர்களின் விவரங்கள், சேதங்களின் விவரங்கள் அரசுக்கு அனுப்பி வைக்கப்பட்டு, உடனடியாக நடவடிக்கை மேற்கொள்ளப்படும் என மீனவ மக்களிடம் தெரிவித்தனர். 
பின்னர்  அவர்கள் கூறும்போது, ஒக்கி புயலால் பாதிக்கப்பட்ட 7 கிராமங்களில் காணாமல் போன மீனவர்களின் விவரம், சேதமடைந்த வள்ளம், படகுகள் மற்றும் பாதிக்கப்பட்டுள்ள பகுதிகளின் விவரங்கள் சேகரிக்கப்பட்டுள்ளன. அரசுக்கு அனுப்பி வைக்கப்பட்டு, உடனடியாக நடவடிக்கை மேற்கொள்ளப்படும்.  காணாமல் போன மீனவர்களை கண்டுபிடிப்பதற்காக மராட்டியம், குஜராத், லட்சதீவுகள், உள்ளிட்ட கடலோர காவல்படையினருக்கு தகவல் தெரிவிக்கப்பட்டுள்ளது. அவர்கள் காணாமல் போன மீனவர்களை தேடும் பணியினை செய்து வருகின்றனர். அதேபோல் சில மீனவர்கள் பாதுகாப்பாக கேரளம், குஜராத்,  லட்சதீவுகள் ஆகிய பகுதிகளில் கரை சேர்ந்துள்ளதாக மீனவர்கள் தகவல் தொல்வித்துள்ளனர். அவர்களை பாதுகாப்பாக சொந்த ஊருக்கு திருப்பி அனுப்பி வைக்க நடவடிக்கை மேற்கொள்ளப்படும். மேலும், சேதமடைந்த வள்ளம், படகுகள் ஆகியவைகளுக்கு உரிய நிவாரணத்தொகை வழங்க அரசுக்கு பரிந்துரை செய்யப்படும் என்றனர். இந்த ஆய்வின்போது உதவி  காவல் கண்காணிப்பாளர் சாய்சரன் தேஜஸ்வி, , கூடுதல் ஆட்சியர் (பத்மநாபபுரம்)  ராஜகோபால் சுங்ரா, துணை இயக்குநர் (மீன்வளத்துறை) ஜெயக்குமார் ஆகியோர் உடனிருந்தனர்.

]]>
http://www.dinamani.com/all-editions/edition-thirunelveli/kanyakumari/2017/dec/07/பிற-மாநிலங்களில்-கரைசேர்ந்த-மீனவர்கள்-சொந்த-ஊர்-திரும்ப-நடவடிக்கை-2821633.html
2821632 திருநெல்வேலி கன்னியாகுமரி மரக்கிளையை  வெட்ட முயன்றவர்  மின்சாரம் பாய்ந்து சாவு DIN DIN Thursday, December 7, 2017 07:27 AM +0530 குலசேகரம் அருகே மின்சாரம் பாய்ந்ததில், விவசாயி உயிரிழந்தார்.
திருநந்திக்கரை வள்ளம்குழி பகுதியைச் சேர்ந்தவர் நெல்லியப்பன்( 68). இவரது வீட்டின் அருகில் உயர் மின் அழுத்தக் கம்பங்கள் உள்ளன. புதன்கிழமை பிற்பகலில் நெல்லியப்பன் உயர் மின் அழுத்தக் கம்பிகளின் அருகில் நின்று கொண்டிருந்த மரக்கிளைகளை வெட்ட முயன்றாராம். அப்போது அதில் ஒரு கிளை மின் கம்பிகளில் உரசியுள்ளது. இதில் மின்சாரம் பாய்ந்து நெல்லியப்பன் தூக்கி வீசப்பட்டார். இதையடுத்து உடனடியாக அவர் குலசேகரத்திலுள்ள தனியார் மருத்துவமனைக்கு கொண்டு செல்லப்பட்டார். அவரை பரிசோதனை செய்த மருத்துவர்கள், நெல்லியப்பன் ஏற்கெனவே இறந்து விட்டதாக தெரிவித்தனர். இது குறித்து குலசேகரம் போலீஸார் வழக்குப் பதிந்து விசாரணை நடத்தி வருகின்றனர். நெல்லியப்பனுக்கு மனைவி பூமதி மற்றும் 3 மகன்கள், ஒரு மகள் உள்ளனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/மரக்கிளையை--வெட்ட-முயன்றவர்--மின்சாரம்-பாய்ந்து-சாவு-2821632.html
2821631 திருநெல்வேலி கன்னியாகுமரி மார்த்தாண்டன்துறையில் மீனவர்களை மீட்க கோரி பெண்கள் தர்னா DIN DIN Thursday, December 7, 2017 07:26 AM +0530 கன்னியாகுமரி மாவட்டத்தில் இருந்து கடலில் மீன்பிடிக்கச் சென்று, காணாமல் போன மீனவர்களை மீட்க கோரி கொல்லங்கோடு அருகே பெண்கள் புதன்கிழமை தர்னாவில் ஈடுபட்டனர்.
ஒக்கி புயலில் குமரி மாவட்டம் பெரிதும் பாதிக்கப்பட்ட நிலையில், 7 விசைப் படகுகளில் கடலில் மீன்பிடிக்கச் சென்ற இப் பகுதியைச் சேர்ந்த 91 மீனவர்கள் இதுவரை கரை திரும்பவில்லை. அவர்கள் என்ன ஆனார்கள் என தெரியவில்லை. இதே போன்று நீரோடி பகுதியைச் சேர்ந்த 28 மீனவர்கள், வள்ளவிளை பகுதியைச் சேர்ந்த 32 விசைப் படகுகளில் சென்ற 378 பேர், இரவிபுத்தன்துறையிலிருந்து 19 விசைப் படகுகள்,  2 நாட்டுப் படகுகளில் சென்ற 205 பேர், சின்னத்துறை, தூத்தூர் பகுதிகளைச் சேர்ந்த தலா 10 விசைப் படகுகளில் சென்ற தலா 130 மீனவர்கள், பூத்துறையைச் சேர்ந்த 3 படகுகளில் சென்ற 39 மீனவர்கள், இரயுமன்துறையிலிருந்து ஒரு விசைப் படகில் சென்ற 12 மீனவர்கள் என மொத்தம் 1,013 மீனவர்கள் மாயமாகியுள்ளனர். இது குறித்து ஒவ்வொரு மீனவ கிராம பகுதியிலும் மாயமான மீனவர்கள் குறித்த பதாகைகள் வைக்கப்பட்டுள்ளன.
இந்த நிலையில், மாயமான மீனவர்களை மீட்கக் கோரி,  மார்த்தாண்டன்துறை வியாகுல மாதா தேவாலயம் முன் அமைக்கப்பட்ட பந்தலில் அமர்ந்து அப்பகுதி மீனவ பெண்கள் அழுகையும், ஒப்பாரியுமாக போராட்டத்தில் ஈடுபட்டனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/07/மார்த்தாண்டன்துறையில்-மீனவர்களை-மீட்க-கோரி-பெண்கள்-தர்னா-2821631.html
2821630 திருநெல்வேலி கன்னியாகுமரி மாயமான மீனவர்களின் மீட்புப் பணிக்காக ஆட்சியர் அலுவலகத்தில் கட்டுப்பாட்டு அறை DIN DIN Thursday, December 7, 2017 07:26 AM +0530 குமரி மாவட்டத்தில் ஒக்கி புயல் பாதிப்பினால்   காணாமல் போன மீனவர்கள் குறித்த தகவல் பரிமாற்றத்திற்கு மாவட்ட ஆட்சியர் அலுவலகத்தில் கட்டுப்பாட்டு அறை தொடங்கப்பட்டுள்ளது.
ஒக்கி புயலால் மாயமான மீனவர்களை மீட்பது குறித்த ஆலோசனைக் கூட்டம் மாவட்ட ஆட்சியர் அலுவலக கூட்ட அரங்கில் புதன்கிழமை நடைபெற்றது.
இக்கூட்டத்தில் அதிகாரிகள் தெரிவித்ததாவது: கடலோர காவல்படை  கடந்த நவ. 30  ஆம் தேதி கடலோர காவல்படை மூலம் 10 பைபர் படகுகளில் மீன் பிடிக்கச் சென்ற 71 மீனவர்கள் மீட்புக்குழுக்கள் மூலம் மீட்கப்பட்டுள்ளனர்.  இதுவரை கடலோர காவல் படையினர், தமிழ்நாட்டில் 233 மீனவர்களையும், கேரளத்தி 161 மீனவர்களையும், லட்சத்தீவு பகுதிகளில் 23 மீனவர்களையும் என மொத்தம் 417 மீனவர்களை மீட்டுள்ளனர்.  
டிச. 6   ஆம் தேதி ஒரு  விசைப் படகில் 110 கடல்மைலுக்கு அப்பால் இருந்து 8 தூத்துக்குடி மீனவர்கள் மீட்கப்பட்டுள்ளனர். மேலும், இந்திய கடற்படையினர் மூலமாக 158 மீனவர்களும், இந்திய விமானப்படையினர் மூலம் 25 மீனவர்களும் மீட்கப்பட்டுள்ளனர். இதுவரை மொத்தம் 19 படகுகள், 229 மீனவர்கள் மீட்கப்பட்டு கரை பகுதிக்கு பாதுகாப்பாக கொண்டு வரப்பட்டுள்ளனர்.  ஆழ்கடல் மீன்பிடிப்பிற்காக நவ.29 ஆம் தேதிக்கு முன்பு கடலுக்கு மீன்பிடிப்பதற்காக 284 படகுகளில் சென்ற 2,420 மீனவர்கள் தமிழகத்தின் அருகிலுள்ள கடலோர பகுதிகளான கர்நாடகம், மகாராஷ்டிரம், குஜராத், லட்சதீவு ஆகியவற்றில் பாதுகாப்பாக இருப்பது உறுதி செய்யப்பட்டுள்ளது.
இறுதிநிலவரப்படி 75 படகுகள் மற்றும் 945 மீனவர்கள் விவரங்கள் மட்டும் கிடைக்கப் பெறவில்லை என மீனவ பிரதிநிதிகள் டிச.5  ஆம் தேதி  பட்டியல் அளித்துள்ளனர். இதில் 669 மீனவர்களுடைய பெயர் பட்டியலை மாவட்ட நிர்வாகத்திற்கு வழங்கி உள்ளனர்.
இப்பட்டியலில் உள்ள ஒவ்வொரு மீனவர்கள் குறித்த தகவல்களின் மீது மேல் நடவடிக்கை எடுக்க அதிகாரிகள் களஆய்வு மேற்கொண்டு வருகின்றனர்.
இந்நிலையில்,  காணாமல் போன மீனவர்கள், படகுகள் குறித்த தகவல் பரிமாற்றத்திற்காக மாவட்ட ஆட்சியர் அலுவலகத்தில் 24 மணி நேரமும் இயங்கும் கட்டுப்பாட்டு அறை டிச.6  ஆம் தேதி முதல் தொடங்கப்பட்டுள்ளது என்றனர். 
இக்கூட்டத்தில் கண்காணிப்பு அலுவலர் டி.கே.ராமச்சந்திரன், கூடுதல் கண்காணிப்பு அலுவலர் டாக்டர்.ராஜேந்திரகுமார், வேளாண்மைத்துறை அரசு செயலர் ககன்தீப்சிங் பேடி,  கால்நடை பராமரிப்பு மற்றும் மீன்வளத்துறை அரசு செயலர் டாக்டர் கே.கோபால், வருவாய்த்துறை அரசு செயலர்  பி.சந்திரமோகன், வேலைவாய்ப்பு பயிற்சித்துறை இயக்குநர் பா.ஜோதி நிர்மலாசாமி,  ஊரக வளர்ச்சி முகமை இயக்குநர் பாஸ்கரன், மீன்வளத்துறை இயக்குநர் வி.பி.தண்டபாணி,  மாவட்ட ஆட்சியர் சஜ்ஜன்சிங் ரா.சவாண்,  தென் மண்டல காவல் துறை தலைவர் சைலேஷ் குமார் யாதவ், மாவட்ட காவல் கண்காணிப்பாளர்துரை, இந்திய கடலோர காவல்படை அலுவலர்பாபு  வெங்கடேஷ், உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-thirunelveli/kanyakumari/2017/dec/07/மாயமான-மீனவர்களின்-மீட்புப்-பணிக்காக-ஆட்சியர்-அலுவலகத்தில்-கட்டுப்பாட்டு-அறை-2821630.html
2821629 திருநெல்வேலி கன்னியாகுமரி திருப்பதிசாரத்தில் வேளாண் அதிகாரிகளை முற்றுகையிட்ட விவசாயிகள் DIN DIN Thursday, December 7, 2017 07:25 AM +0530 திருப்பதிச்சாரத்தில் வேளாண்மை அதிகாரிகளை விவசாயிகள் புதன்கிழமை முற்றுகையிட்டதால் பரபரப்பு ஏற்பட்டது.
ஒக்கி புயலின் தாக்கம், குமரி மாவட்டம் முழுவதும் பெரும் பாதிப்பை ஏற்படுத்தியது. குறிப்பாக விவசாயிகளுக்கு பெரும் துயரத்தை ஏற்படுத்தியுள்ளது.
திருப்பதிசாரத்தில், கண்ட மேட்டுகாலணி, திருப்பதிசாரம் மேலூர், போன்ற இடங்களில் சுமார் 500க்கும் மேற்பட்ட விவசாயிகள் சுமார் 300 ஏக்கர் பரப்பளவில் விவசாயம் செய்து வருகின்றனர். மேலும், ஏழ்மை காரணமாக வாய்மொழி உத்தரவின் பேரின் பாட்டம் வாங்கிய இடத்தில் காலம் காலமாக  பயிரிட்டு வருகின்றனர்.
இந்நிலையில் வேளாண்மை துறையின் மூலம் விவசாயத்திற்கு அறிவிக்கப்படுகின்ற மானியங்களும் , காப்பீட்டு திட்டமும் பாட்டம் வாங்கிய இடத்தில் பயிரிட விவசாயிகள் அந்த இடத்தின் கரம் தீர்வை ரசீதினை மட்டும் காண்பித்து பயன் பெற்று வந்தனர்.
இதனிடையே,  ஒக்கி புயலின் மூலம் இப்பகுதி ஏழை விவசாயிகள்  அதிகமாக பாதிப்புக்குள்ளாகினர்.  அந்த விவசாயிகளுக்கும் நிவாரணம் வழங்கப்படும் என அரசின் மூலம் தெரிவித்த நிலையில், திருப்பதிசாரம் பகுதியில் விவசாயம் செய்து அதிக அளவில் நஷ்டம் அடைந்த விவசாயிகள் சுமார் 250க்கும் மேற்பட்டவர்கள் வேளாண்மை துறையிடம் விண்ணப்பம் கொடுத்தனர்.
இந்நிலையில் புதன்கிழமை காலை திருப்பதிசாரம் கிராம நிர்வாக அலுவலகத்திற்கு துணை வேளாண்மை அலுவலர் நாகராஜன் மற்றும் உதவி வேளாண்மை அலுவலர் ரமேஷ் ஆகியோர் வந்தனர். அப்போது விவசாயிகளும் அங்கு வந்தனர். 
அதைத் தொடர்ந்து, வேளாண்மை அதிகாரிகள், விவசாயம் பாதிக்கப்பட்ட இடத்தின் உரிமையாளர் தான் நிவாரணத்தொகைக்கு விண்ணப்பிக்க வேண்டும்; பாட்டம் பயிரிடுகின்ற விவசாயிகளுக்கு நிவாரணம் வழங்க முடியாது; பயிர் செய்வதற்கான முறையான ஆவணம் அவசியம் தேவை' என  தெரிவித்தனர்.
அதை ஏற்க மறுத்க விவசாயிகள், ஆண்டாண்டு காலமாக பாட்டத்துக்கு எடுத்து விவசாயம் செய்யும் நாங்கள் காப்பீட்டுத்தொகை செலுத்தும்போது இதுபோன்ற கட்டுப்பாட்டை விதிக்காமல், நிவாரணம் வழங்கப்படுகின்றபோது, நில உரிமையாளருக்கு தான் நிவாரணம் கொடுப்போம் என்பது நியாயமில்லை. எங்களுக்கு உரிய நிவாரணம் வழங்க வேண்டும் எனக் கூறி வேளாண்மை அலுவலர்களை  முற்றுகையிட்டனர்.
தகவலறிந்து அங்கு வந்த வேளாண் உதவி இயக்குநர் சுஜாதா, விவசாயிகளிடம் பேச்சுவார்த்தை நடத்தினார்.
அதில், கிராம நிர்வாக அதிகாரி விவசாயிகள் பயிரிடுகின்ற இடத்திற்கு நேரடியாக வந்து சான்று கொடுப்பதன் அடிப்படையில் நிவாரணம் வழங்கப்படும் என தெரிவித்ததன் அடிப்படையில்  முற்றுகை போராட்டம் கைவிடப்பட்டது .

]]>
http://www.dinamani.com/all-editions/edition-thirunelveli/kanyakumari/2017/dec/07/திருப்பதிசாரத்தில்-வேளாண்-அதிகாரிகளை-முற்றுகையிட்ட-விவசாயிகள்-2821629.html
2821304 திருநெல்வேலி கன்னியாகுமரி விசைத்தறித் தொழிலாளி கொலை: தந்தை, மகன் கைது DIN DIN Wednesday, December 6, 2017 08:57 AM +0530 குமாரபாளையம் அருகே விசைத்தறித் தொழிலாளியின் கழுத்தை அறுத்துக் கொலை செய்தது தொடர்பாக தந்தை,  மகனை போலீஸார் செவ்வாய்க்கிழமை கைது செய்தனர்.
குமாரபாளையத்தை அடுத்த கோட்டைமேடு, தவடப்பாடி பள்ளர் தெருவைச் சேர்ந்தவர் ஆறுமுகம் (43).  விசைத்தறி கூலித் தொழிலாளி. இவருக்குத் திருமணமாகி மனைவி,  இரு மகள்கள் உள்ளனர்.  இந்த நிலையில், ஆறுமுகம் அதே பகுதியில் உள்ள கழிப்பறைக்கு வெளியே கழுத்து அறுக்கப்பட்ட நிலையில்,  செவ்வாய்க்கிழமை அதிகாலை இறந்து கிடந்தார்.  இதைக் கண்டு அதிர்ச்சியடைந்த பொதுமக்கள் குமாரபாளையம் காவல் நிலையத்துக்குத் தகவல் தெரிவித்தனர். 
நிகழ்விடத்துக்கு காவல் ஆய்வாளர் சி.வேலுத்தேவன் தலைமையில் விரைந்த போலீஸார், சடலத்தைக் கைப்பற்றி பிரேதப் பரிசோதனைக்கு அனுப்பி வைத்ததோடு,  தீவிர விசாரணை மேற்கொண்டனர். விசாரணையில், அதே பகுதியைச் சேர்ந்த வீரன் மகன் கன்னியப்பன் (45) என்பவரின் மனைவி மரகதத்துக்கும் (37),  கொலையான ஆறுமுகத்துக்கும் கடந்த 3 ஆண்டுகளாக முறையற்ற பழக்கம் இருந்தது தெரியவந்தது. 
இதனைப் பலமுறை கைவிடுமாறு கன்னியப்பன் இருவரிடமும் கூறியுள்ளார்.  ஆயினும்,  இவர்களின் பழக்கம் தொடர்ந்ததால் ஆவேசமடைந்த கன்னியப்பன்,  தனது மகன் கெளரிசங்கருடன் (22) சேர்ந்து, ஒதுக்குப்புறமான பகுதிக்கு வந்த ஆறுமுகத்தைத் தாக்கியதோடு,  கழுத்தை அறுத்துக் கொலை செய்துவிட்டு தப்பிச் சென்றனர். 
இதுகுறித்து வழக்குப் பதிவு செய்த குமாரபாளையம் போலீஸார்,  இக் கொலையில் தொடர்புடைய கன்னியப்பன்,  அவரது மகன் கெளரிசங்கர் ஆகியோரை கைது செய்தனர். கொலைக்குப் பயன்படுத்தப்பட்ட ஆயுதங்களைப் பறிமுதல் செய்த போலீஸார்,  இருவரையும் நீதிமன்றக் காவலுக்கு அனுப்பி வைத்தனர்.
 

]]>
http://www.dinamani.com/all-editions/edition-thirunelveli/kanyakumari/2017/dec/06/விசைத்தறித்-தொழிலாளி-கொலை-தந்தை-மகன்-கைது-2821304.html
2821303 திருநெல்வேலி கன்னியாகுமரி நாகர்கோவிலில் மின்சாரம் பாய்ந்து மின்வாரிய ஊழியர், தொழிலாளி சாவு DIN DIN Wednesday, December 6, 2017 08:57 AM +0530 நாகர்கோவிலில் மின்சாரம் பாய்ந்து மின்வாரிய  ஊழியர் உள்ளிட்ட இருவர் திங்கள்கிழமை உயிரிழந்தனர்.
ஒக்கி புயலால் குமரி மாவட்டத்தில் 6 ஆயிரத்துக்கும் மேற்பட்ட மின் கம்பங்கள் சேதமடைந்தன. இதனால் மாவட்டம் முழுவதும் மின்சாரம் இல்லாமல் இருளில் முழ்கியது. இதையடுத்து, மதுரை, திருநெல்வேலி, தூத்துக்குடி  உள்ளிட்ட மாவட்டங்களில் இருந்து மின்வாரிய ஊழியர்கள் மின் கம்பங்களை சீரமைக்கும் பணிக்கு வரவழைக்கப்பட்டு, பழுதை சரிசெய்யும் பணிகளில் ஈடுபட்டு வருகின்றனர்.
இதுவரை நாகர்கோவிலில் 70 சதவீத பகுதிகளுக்கு மின்சாரம் வழங்கப்பட்டுள்ளது. கிராமப்புறங்களில் 20 சதவீதம் மட்டுமே மின்சாரம் வழங்கப்பட்டுள்ளது. மீதமுள்ள பகுதிகளுக்கு மின்சாரம் வழங்கும் பணிகளில் இரவு, பகலாக மின்வாரிய ஊழியர்கள் ஈடுபட்டு வருகின்றனர்.
மின் ஊழியர் சாவு:  இந்நிலையில்,  ஈத்தாமொழி அருகே உள்ள புத்தன்துறை கேசவன்புதூரைச் சேர்ந்த மின்வாரிய ஊழியர் செல்வராமன் (45) திங்கள்கிழமை  இரவு நாகர்கோவில் வள்ளலார் தெருவில் மின்சார இணைப்பை சீர்செய்யும் பணியில் ஈடுபட்டிருந்தார். அப்போது அந்தப் பகுதியில் உள்ள மின்மாற்றியில் மின்சாரத்தை துண்டித்துவிட்டு, மேலே ஏறி பழுதை சரிசெய்தபோது, செல்வராமன் மீது மின்சாரம் பாய்ந்தது.
இதில் தூக்கிவீசப்பட்டு பலத்த காயம் அடைந்த அவரை, சிகிச்சைக்காக தனியார் மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் ஏற்கெனவே  அவர் இறந்துவிட்டதாகக் கூறினர். இதையடுத்து, அவரது உடல் பிரேத பரிசோதனைக்காக ஆசாரிப்பள்ளம் அரசு மருத்துவக் கல்லூரி மருத்துவமனைக்கு கொண்டு செல்லப்பட்டது.
மற்றொருவர் சாவு: வடசேரி வெள்ளாளர் தெருவைச் சேர்ந்தவர் பெயிண்டர் கிருஷ்ணன் (41). வடசேரி காந்தி பூங்கா அருகே ஒரு வீட்டில் பெயிண்ட் அடிக்கும் பணியில் திங்கள்கிழமை ஈடுபட்டிருந்தார். அப்போது எதிர்பாராதவிதமாக அந்தப் பகுதியில் சென்ற மின்வயரில் கிருஷ்ணன் கை உரசியது. இதில் மின்சாரம் பாய்ந்து தூக்கிவீசப்பட்டு அவர் பலத்த காயமடைந்தார். அவரை அருகே இருந்த மருத்துவமனைக்கு சிகிச்சைக்காக கொண்டு சென்றனர். அவருக்கு தீவிர சிகிச்சை அளிக்கப்பட்டது. எனினும் சிகிச்சை பலனின்றி அவர் உயிரிழந்தார். இதுகுறித்து நேசமணிநகர் மற்றும் வடசேரி போலீஸார் வழக்குப் பதிந்துள்ளனர்.

]]>
http://www.dinamani.com/all-editions/edition-thirunelveli/kanyakumari/2017/dec/06/நாகர்கோவிலில்-மின்சாரம்-பாய்ந்து-மின்வாரிய-ஊழியர்-தொழிலாளி-சாவு-2821303.html
2820954 திருநெல்வேலி கன்னியாகுமரி ஆற்றூர்-வெட்டிக்குழி சாலைப் பணி நிறுத்தம் DIN DIN Wednesday, December 6, 2017 01:13 AM +0530 ஆற்றூர்-வெட்டிக்குழி சாலை உரிய அகலத்தில் சீரமைக்கப்படாததால், இப்பணிகளை இளைஞர்கள் செவ்வாய்க்கிழமை தடுத்துநிறுத்தினர்.
ஆற்றூர்-அழகியமண்டம் சாலையில் ஆற்றூர் முதல் வெட்டுக்குழி வரையிலான 4 கி.மீ. தொலைவு சாலையில் விரிவாக்கம் செய்யப்பட்ட பகுதிகளில் தார் போடும் பணிகள் மீண்டும் தொடங்கப்பட்டுள்ளன. இதில், சாலையில் 7 மீட்டர் அகலத்திற்கு தார்போட வேண்டும். ஆனால், இதில் ஐந்தரை மீட்டர் அகலத்திற்கு மட்டுமே தார் போடப்படுகிறதாம். இதனால், அப்பகுதி இளைஞர்கள் சாலை சீரமைக்கும் பணியை தடுத்துநிறுத்தினர். இதையடுத்து, திருவட்டாறு போலீஸார் அங்கு சென்று இருதரப்பினரிடமும் பேச்சு நடத்தினர். இதில் பணிகள் தாற்காலிகமாக நிறுத்திவைக்கப்பட்டன.

]]>
http://www.dinamani.com/all-editions/edition-thirunelveli/kanyakumari/2017/dec/06/ஆற்றூர்-வெட்டிக்குழி-சாலைப்-பணி-நிறுத்தம்-2820954.html
2820952 திருநெல்வேலி கன்னியாகுமரி புதுக்கடைஅருகே மின் விநியோகம் கோரி மறியல் DIN DIN Wednesday, December 6, 2017 01:13 AM +0530 மின் விநியோகம் செய்ய வலியுறுத்தி,  புதுக்கடை அருகே மக்கள் செவ்வாய்க்கிழமை திடீர் சாலை மறியலில் ஈடுபட்டனர்.
ஒக்கி புயலால் புதுக்கடை சுற்றுவட்டார பகுதிகளில் மரங்கள் சாய்ந்ததில் மின்கம்பங்கள் சேதமடைந்தன. இதனால் கடந்த 6 நாள்களாக பல கிராமங்கள் இருளில் மூழ்கின.
குறிப்பாக புதுக்கடை அருகேயுள்ள கைசூண்டி சந்திப்பில் நின்ற மரம் சாய்ந்து விழுந்ததில் மின்கம்பங்கள் பல சேதமடைந்தன.
இதையடுத்து,  அப்பகுதி மக்களே அந்த மரத்தை வெட்டி அப்புறப்படுத்தி விட்டு, மின் விநியோகத்துக்கான நடவடிக்கை எடுக்குமாறு மின் வாரிய அலுவலர்களிடம் கோரிக்கை விடுத்தனர். எனினும், இதுவரை மின் விநியோகம் செய்வதற்கான நடவடிக்கை எடுக்கப்படவில்லையாம். இதனால், அப்பகுதி மக்கள் செவ்வாய்க்கிழமை மாலையில்  கைசூண்டி சந்திப்பில் திரண்டு சாலை மறியலில் ஈடுபட்டனர்.
தகவலறிந்த புதுக்கடை போலீஸார்  வந்த்து அவர்களிடம் பேச்சு நடத்தினர்.  ஆனால்,   மின்வாரிய அலுவலர்கள் வந்து சீரமைப்புப் பணியை தொடங்கிய பிறகே போராட்டத்தை மக்கள் கைவிட்டனர். மறியலால் தேங்காய்ப்பட்டினம் -புதுக்கடை சாலையில்  2 மணி நேரம் போக்குவரத்து பாதிக்கப்பட்டது.

]]>
http://www.dinamani.com/all-editions/edition-thirunelveli/kanyakumari/2017/dec/06/புதுக்கடைஅருகே-மின்-விநியோகம்-கோரி-மறியல்-2820952.html
2820950 திருநெல்வேலி கன்னியாகுமரி குமரியில் ஜெயலலிதா நினைவு தினம் அனுஷ்டிப்பு DIN DIN Wednesday, December 6, 2017 01:12 AM +0530 அதிமுக சார்பில், தமிழக முன்னாள் முதல்வர் ஜெயலலிதாவின் முதலாமாண்டு நினைவு தினம் கொட்டாரத்தில் செவ்வாய்க்கிழமை அனுஷ்டிக்கப்பட்டது.
இந்நிகழ்ச்சியில், ஜெயலலிதா உருவப் படத்துக்கு அக்கட்சியினர் மாலை அணிவித்து அஞ்சலி செலுத்தினர். இதில், ஒன்றிய அதிமுக செயலர் சந்தையடி எஸ்.பாலகிருஷ்ணன், நிர்வாகிகள் இ.முத்துசாமி, டி.தங்கநாடார், வி.ஸ்டீபன், ஆ.கண்ணன், சிவபாலன், ஏ.கண்ணன், ஆர்.எஸ்.மாசானமுத்து, சுடலையாண்டி, மணிகண்டன், ரவி உள்ளிட்டோர் பங்கேற்றனர்.
கன்னியாகுமரி காந்தி மண்டபம் அருகே நடைபெற்ற நிகழ்ச்சியில்,  ஜெயலலிதாவின் உருவப்படத்துக்கு ஒன்றிய அதிமுக அவைத் தலைவர் பா.தம்பித்தங்கம் தலைமையில் நிர்வாகிகள் சதாசிவம், பகவதியப்பன், மணி, பாலு, ராமச்சந்திரன், ஜலால் உள்ளிட்டோர்  மாலை அணிவித்து அஞ்சலி செலுத்தினர்.
 தென்தாமரைகுளம் பேரூராட்சி  புவியூர், முகிலன் குடியிருப்பு, விஜயநகரி, வெள்ளையந்தோப்பு, இலந்தையடிவிளை உள்ளிட்ட பகுதிகளில் பேரூர் செயலர் ஆர்.எஸ்.மாசானமுத்து தலைமையில் நிர்வாகிகள் சுந்தர்சிங், டென்னிஸ், தங்கராஜா, சந்திரசேகர பாண்டியன், தர்மலிங்கம், சிவராஜன் உள்ளிட்டோர் ஜெயலலிதா உருவப் படத்துக்கு மாலை அணிவித்து அஞ்சலி செலுத்தினர்.

]]>
http://www.dinamani.com/all-editions/edition-thirunelveli/kanyakumari/2017/dec/06/குமரியில்-ஜெயலலிதா-நினைவு-தினம்-அனுஷ்டிப்பு-2820950.html
2820949 திருநெல்வேலி கன்னியாகுமரி "ரப்பர் மரங்களுக்கு இழப்பீடு கோரி விண்ணப்பிக்கலாம்' DIN DIN Wednesday, December 6, 2017 01:12 AM +0530 குமரி மாவட்டத்தில் ஒக்கி புயலால் பாதிப்புக்குள்ளான ரப்பர் மரங்களுக்கு இழப்பீடு கோரி, மார்த்தாண்டம் ரப்பர் வாரிய அலுவலகத்தில் விவசாயிகள் விண்ணப்பிக்கலாம் எனத் தெரிவிக்கப்பட்டுள்ளது. 
இதுதொடர்பாக ரப்பர் வாரிய மார்த்தாண்டம்  மண்டல அலுவலகச் செய்திக்குறிப்பில் கூறியிருப்பதாவது: 
குமரி மாவட்டத்தில் ஒக்கி புயலால் ரப்பர் மரங்களை இழந்த விவசாயிகள், இழப்பீடு பெறும் வகையில் மார்த்தாண்டம் பி.பி.கே. கட்டடத்தில் அமைந்துள்ள ரப்பர் வாரிய மண்டல அலுவலகத்திலும், கிராம நிர்வாக அலுவலகத்திலும் விண்ணப்பிக்க வேண்டும். விண்ணப்பதாரரின் பெயர், முகவரி, சர்வே எண், மொத்தம் ரப்பர் நடவு செய்த பரப்பு, பாதிக்கப்பட்ட பரப்பு,  ஆதார் எண், நில வரி செலுத்திய ரசீது, வங்கி கணக்கு அட்டையின் முதல் பக்க நகல்  உள்ளிட்ட விவரங்களுடன் விண்ணப்பிக்க வேண்டும் எனத் தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/kanyakumari/2017/dec/06/ரப்பர்-மரங்களுக்கு-இழப்பீடு-கோரி-விண்ணப்பிக்கலாம்-2820949.html
2820948 திருநெல்வேலி கன்னியாகுமரி கடலில் மாயமான மீனவர்களை கண்டுபிடிக்க கோரிக்கை DIN DIN Wednesday, December 6, 2017 01:11 AM +0530 கன்னியாகுமரி மாவட்டத்திலிருந்து கடலில் மீன்பிடிக்கச் சென்று மாயமான மீனவர்களை கண்டுபிடிக்கவும், இறந்த மீனவர் குடும்பத்துக்கு உரிய நிவாரணம் வழங்கவும் அரசு நடவடிக்கை எடுக்க வேண்டும் என கரை திரும்பிய மீனவர்கள் தெரிவித்தனர்.
இதுகுறித்து நித்திரவிளை அருகே கிராத்தூர் பகுதியில் உள்ள தூத்தூர் மறைவட்ட மண்டல அலுவலகத்தில், கடலில் மீன்பிடிக்கச் சென்று கரைக்கு தப்பி வந்த மீனவர்கள் மற்றும் வட்டார குருகுல முதல்வர் அருள்தந்தை ஆன்றோ ஆகியோர் திங்கள்கிழமை செய்தியாளர்கள் மத்தியில் பேசியதாவது:
தூத்தூர் பகுதியில் மீனவளத்துறை சார்பில் 24 மணி நேரமும் இயங்கும் வகையில் கட்டுப்பாட்டு அறை திறக்கப்பட்டு செயல்பட்டு வருகிறது.  
ஒக்கி புயல் காரணமாக கடலில் மாயமான மீனவர்களை மீட்கும் நடவடிக்கைக்கு இப்பகுதி மீனவர்கள், கட்டுப்பாட்டு அறைக்கு தரும் தகவலை வைத்து மீட்புப் பணிகள் தீவிரப்படுத்தப்பட்டுள்ளன. நீரோடி முதல் இரயுமன்துறை வரையிலான 8 மீனவ கிராமங்களைச் சேர்ந்த மீனவர்கள் 254 விசைப் படகுகளில் ஆழ்கடலில் மீன்பிடிக்கச் சென்றனர். இதில் 123 விசைப்படகில் சென்ற மீனவர்கள் பத்திரமாக கரை திரும்பினர்.  பல மீனவர்கள் பல்வேறு மாநிலப் பகுதிகளில் கரை சேர்ந்ததாக தகவல்கள் வந்து கொண்டிருக்கின்றன. 
 மத்திய பாதுகாப்புத் துறை அமைச்சர் நிர்மலா சீதாராமன் இப்பகுதிக்கு ஞாயிற்றுக்கிழமை இரவு வந்து மீனவர்களிடம் குறைகளை கேட்டறிந்தார். அதனடிப்படையில் ஆழ்கடலில் சிக்கிய இப்பகுதி மீனவர்களை தேடும் பணிக்கு தூத்துக்குடி துறைமுகத்திலிருந்து செல்லும் கப்பலில் இப்பகுதியைச் சேர்ந்த 8 மீனவர்கள் உடன் செல்ல உள்ளோம் என தெரிவித்தனர். அப்போது சர்வதேச மீனவர் வளர்ச்சி அறக்கட்டளை தலைவர் பி. ஜஸ்டின் ஆன்றணி உள்ளிட்டோர் உடனிருந்தனர்.

]]>
http://www.dinamani.com/all-editions/edition-thirunelveli/kanyakumari/2017/dec/06/கடலில்-மாயமான-மீனவர்களை-கண்டுபிடிக்க-கோரிக்கை-2820948.html
2820946 திருநெல்வேலி கன்னியாகுமரி ஒக்கி புயலால் வீடுகளை இழந்து தவிக்கும் பழங்குடி இன மக்கள் ஜே.லாசர் DIN Wednesday, December 6, 2017 01:11 AM +0530 ஒக்கி புயலால் ஏற்பட்ட பாதிப்புகள், குமரி மாவட்ட மலைக் காடுகளில் வசிக்கும் காணி பழங்குடி இன மக்களின் வாழ்வை நிலை குலையச் செய்துள்ளது. 
48  காணி குடியிருப்புகள்: கன்னியாகுமரி மாவட்டத்தில் கீரிப்பாறை வெள்ளாம்பி மலை முதல் ஆறுகாணி வரை 48  காணி செட்டில் மென்டுகள் எனப்படும் காணிக்குடியிருப்புகள் உள்ளன. இவற்றில் ஏறக்குறைய 5 ஆயிரத்திற்கும்  அதிமான காணி பழங்குடி மக்கள் வசித்து வருகின்றனர்.
காட்டை அழித்த ஒக்கி புயல்: குமரியை கடந்த 30 ஆம் தேதி தாக்கிய ஒக்கி புயல், கடற்கரை, நிலப்பரப்புகள் மட்டுமன்றி மலைத்தொடரில் உள்ள வனப்பகுதிகளையும் விட்டு வைக்கவில்லை. ஏராளமான மரங்களை வேரோடு சாய்த்ததுடன்,  காணி பழங்குடிகளின் வாழ்வையும் துவம்சம் செய்துள்ளது.
 அடர்காடுகளில் வன விலங்குகளுக்கு மத்தியில் வாழும் காணி இன மக்கள், காற்றுக்கும், மழைக்கும் எளிதில் அஞ்சுவதில்லை.  மாதக் கணக்கில் மழை பெய்தாலும், அதை சமாளித்து வாழும் இயல்புடையவர்கள். இத்தகைய மக்களின் வாழ்வை ஒக்கி புயல் அசைத்துப் பார்த்திருக்கிறது.   
வீடுகள் சேதம்: காற்றினால் பெரிய மரங்கள் மூங்கில் கூரை மற்றும்  ஆஸ்பெஸ்டாஸ் கூரை வீடுகளின் மீது சாய்ந்து  வீடுகளை அப்பளம் போல் நொறுக்கியுள்ளது. பல வீடுகளின்  கூரைகள் காற்றில் பறந்துவிட்டன. மலைப் பயிர்களான மிளகும், ரப்பரும், முந்திரியும், இலவமும் முற்றிலும்  அழிந்து போயின.
 குழந்தைகளுடன் தப்பிய மக்கள்:   பொன்மனை பேரூராட்சிக்குட்பட்ட புறாவிளை  குடியிருப்பில் உள்ள வீடுகள் அனைத்தும்  கடுமையாகப் பாதிப்படைந்துள்ளன. அவற்றில் வசித்த மக்கள் அனைவரும் அங்குள்ள முகாமில் தங்க வைக்கப்பட்டுள்ளனர். 
புயிலின்போது வீட்டிலிருந்து தனது குழந்தைகளை தூக்கிக்கொண்டு ஓடியதில்  காயமடைந்த ஸ்ரீலேகா காணி கூறுகையில்,  எனது வாழ்நாளில் இது போன்ற காற்றைப் பார்த்ததில்லை; உயிர் பிழைத்தால் போதுமென குழந்தைகளை மட்டும் தூக்கிக்கொண்டு நானும், எனது கணவரும்  ஓடினோம் என்றார்.
யசோதா காணி கூறுகையில், எங்கள் வீடுகளையும், பயிர்களையும் இழந்து விட்டோம்; தற்போது மாற்று உடை  கூட இல்லாத நிலை ஏற்பட்டுள்ளது என்றார்.
இதேபோல், புறாவிளை அங்கன்வாடி முகாமில் தங்கவைக்கப்பட்டுள்ள பழங்குடி மக்களின் நிலைமையும் மிகவும் பரிதாபமாகவே உள்ளது. இங்குள்ள ரமேஷ்காணி-அனி தம்பதியினரின் வீடு சுவடு தெரியாமல் அழிந்துள்ளது.  மேலும்,   கிள்ளிக்கோணம்,  ஆலம்பாறை, படுமாறை, வலியமலை, வில்லுசாரி மலை, மோதிரமலை, மூக்கரைக்கல், வெள்ளாந்திமலை, கூவைக்காரன்,   தச்சமலை, தோட்டமலை, நடனம் பொற்றை உள்ளிட்ட குடியிருப்புப் பகுதி மக்களும் வீடுகளை இழந்து முகாம்களில் தங்கியுள்ளனர்.
உதவிக்கரங்களை எதிர்நோக்கி... புயலின் கோரத்தாண்டவத்துக்கு இலக்கான இம்மக்கள், தங்களுக்கு அரசு உடனடியாக உதவி செய்ய வேண்டும் என எதிர்பார்க்கின்றனர். குறிப்பாக  வீடுகளின் மீது விழுந்து கிடக்கும் மரங்களை அப்புறப்படுத்தி பாதுகாப்பான வீடுகள் கட்டித் தரவேண்டும்.  தேவையான மருத்துவ உதவிகள் வழங்க வேண்டும். பாதிக்கப்பட்ட பயிர்களுக்கு நிவாரணம் வழங்க வேண்டும் என வலியுறுத்துகின்றனர்.  முகாமில் தங்கியுள்ள மக்களை அரசுத் துறை அதிகாரிகளும், அரசியல் கட்சியினரும் பார்வையிட்டு வருகின்றனர்.  சமூக நல அமைப்புகள் பொருள் உதவிகளைச் செய்துவருகின்றனர்.
உடனடி நிவாரணம் தேவை: இது குறித்து காணிக்காரர் முன்னேற்றச் சங்க பொதுச் செயலர்  பாலன்காணி கூறியதாவது:  ஒக்கி புயலால் புறாவிளை, ஆலம்பாறை, வில்லுசாரி மலை, படுபாறை, வலியமலை, கிள்ளிக்கோணம், தோட்டமலை, தச்சமலை, மோதிரமலை, மூலக்கரைக்கல் ஆகிய காணிக்குடியிருப்புகளைச் சேர்ந்த மக்கள்  வீடுகளை இழந்துள்ளனர். அவர்கள் பயிரிட்டிருந்த மிளகு, ரப்பர், முந்திரி, வாழை உள்ளிட்ட அனைத்து வகை விவசாயமும் அழிந்து போயின.  
எனவே, அவர்களுக்கு  உடனடியாக மாற்று வீடுகள் கட்டித் தருவதுடன், பயிர்ச் சேதங்களுக்கு உரிய இழப்பீடு வழங்க வேண்டும். வீடுகளின் அருகில் ஆபத்தாக நிற்கும் மரங்களை அப்புறப்படுத்த வேண்டும். சேதமான சாலைகளைச் சீரமைக்க வேண்டும். 
சேதமடைந்து கிடக்கும் மின் கம்பங்களை சீரமைத்து மின் விநியோகம் செய்ய வேண்டும். மேலும் உடனடியாக அரசின் நடமாடும் மருத்துவக் குழுவினரை அனுப்ப வேண்டும் என்றார்.
 

]]>
http://www.dinamani.com/all-editions/edition-thirunelveli/kanyakumari/2017/dec/06/ஒக்கி-புயலால்-வீடுகளை-இழந்து-தவிக்கும்-பழங்குடி-இன-மக்கள்-2820946.html
2820944 திருநெல்வேலி கன்னியாகுமரி நாகர்கோவில் அருகே பைக் கவிழ்ந்து கல்லூரி மாணவர் சாவு DIN DIN Wednesday, December 6, 2017 01:10 AM +0530 நாகர்கோவில் அருகே மோட்டார் சைக்கிள் கவிழ்ந்து பொறியியல் கல்லூரி மாணவர் திங்கள்கிழமை இரவு உயிரிழந்தார்.
நாகர்கோவில் கிருஷ்ணன்கோயில் வணிகர் தெருவைச் சேர்ந்த அப்துல்அஜீஸ் மகன் முகமதுபயாஸ்(20).  திருவனந்தபுரம் பொறியியல் கல்லூரியில் முதலாம் ஆண்டு படித்து வந்தார். 
தற்போது, விடுமுறையில் ஊருக்கு வந்திருந்த அவர்,  திங்கள்கிழமை இரவு நண்பரை  பார்ப்பதற்காக மோட்டார் சைக்கிளில் புத்தேரிக்கு சென்றுகொண்டிருந்தார். அப்போது திடீரென மோட்டார் சைக்கிள் கட்டுப்பாட்டை இழந்து கவிழ்ந்ததில் அவர் பலத்த காயமடைந்தார். இதையடுத்து, மருத்துவமனைக்கு கொண்டு செல்லப்பட்ட அவரை பரிசோதித்த மருத்துவர்கள், பயாஸ் ஏற்கெனவே உயிரிழந்து விட்டதாக தெரிவித்தனர். இதுகுறித்து போலீஸார் விசாரிக்கின்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/06/நாகர்கோவில்-அருகே-பைக்-கவிழ்ந்து-கல்லூரி-மாணவர்-சாவு-2820944.html
2820942 திருநெல்வேலி கன்னியாகுமரி புயல் பாதிப்பு: ஒய்எம்சிஏ  உதவி DIN DIN Wednesday, December 6, 2017 01:10 AM +0530 கீரிப்பாறையில் புயலால் பாதிக்கப்பட்ட 156 குடும்களைச் சேர்ந்தவர்களுக்கு ஒய்எம்சிஏ அமைப்பு சார்பில் உதவிகள் வழங்கப்பட்டன.
இந்நிகழ்ச்சியில் ஒய்எம்சிஏ அமைப்பின் தென் மண்டலத் தலைவரும், காங்கிரஸ் முன்னாள் மாவட்டத் தலைவருமான அசோகன் சாலமன் மக்களுக்கு அத்தியாவசியப் பொருள்களான அரிசி, பாய், பால் உள்ளிட்டவற்றை வழங்கினார். 
இதில், மாவட்ட காங்கிரஸ் தொழிற்சங்கத் தலைவர் குமரன், நிர்வாகிகள் ரீகன், அந்தோணிமுத்து, ஒய்எம்சிஏ நிர்வாகிகள் டட்லிபென், ஜோஸ், ஏசுதாஸ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-thirunelveli/kanyakumari/2017/dec/06/புயல்-பாதிப்பு-ஒய்எம்சிஏ--உதவி-2820942.html