Dinamani - திருநெல்வேலி - http://www.dinamani.com/all-editions/edition-thirunelveli/thirunelveli/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3059144 திருநெல்வேலி திருநெல்வேலி இளம் வழக்குரைஞர்கள் நிகழ்கால சட்ட நுணுக்கங்களைக் கற்பது அவசியம்: நீதிபதி ஜி.ஆர்.சுவாமிநாதன் DIN DIN Sunday, December 16, 2018 05:35 AM +0530
இளம் வழக்குரைஞர்கள் நிகழ்கால சட்ட நுணுக்கங்களைக் கற்க வேண்டியது அவசியம் என்றார் சென்னை உயர்நீதிமன்ற மதுரை கிளை நீதிபதி ஜி.ஆர்.சுவாமிநாதன்.
பாளையங்கோட்டையில் சனிக்கிழமை நடைபெற்ற கருத்தரங்கில், முன்னோடி சட்டங்கள் என்ற தலைப்பில் அவர் பேசியது: இங்கு பேசிய நீதிபதிகள், வழக்குரைஞர்களின் கருத்துகளைக் கேட்ட பிறகு வழக்குரைஞர் கருப்பையாவுடன் நெருங்கி பழகிய உணர்வு எனக்கு ஏற்பட்டுள்ளது. பொதுவாக ஒவ்வொரு தீர்ப்புக்கும் முன்னோடி சட்டங்கள் அவசியம் என்றாலும், வழக்குகளுக்கு ஏற்ப அவை மாறுபடவும் செய்கின்றன. முன்னோடி தீர்ப்புகளை அப்படியே பின்பற்ற வேண்டியதில்லை.
இந்தியாவிலும், வெளிநாடுகளிலும் பல்வேறு சட்ட நடைமுறைகள் பின்பற்றப்படுகின்றன. ஒவ்வொரு வழக்கு தீர்ப்புகளிலும் குறிப்பிட்ட அம்சங்களை தெரிந்து கொண்டும் பிரச்னைகளை முழுமையாக அறிந்து கொள்வதும் அவசியம். இளம் வழக்குரைஞர்களும், சட்டக் கல்லூரி மாணவர்களும் நிகழ்கால சட்ட நுணுக்கங்களையும், சட்ட அறிவையும் வளர்த்து கொள்ள வேண்டும் என்றார் அவர்.
கருத்தரங்கில் திருநெல்வேலி மாவட்ட முதன்மை நீதிபதி கே.ராஜசேகர் தலைமை வகித்தார். மூன்றாம் கூடுதல் மாவட்ட அமர்வு நீதிபதி ஜெயராஜ் முன்னிலை வகித்தார்.
திருநெல்வேலி வழக்குரைஞர்கள் சங்கத் தலைவர் சூரிய நாராயணன் வரவேற்றார். வழக்குரைஞர்கள் ஆயிரம் செல்வக்குமார், ராஜேந்திரன் உள்பட பலர்கலந்துகொண்டனர். சங்கச் செயலர் செந்தில்குமார் நன்றி கூறினார்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/இளம்-வழக்குரைஞர்கள்-நிகழ்கால-சட்ட-நுணுக்கங்களைக்-கற்பது-அவசியம்-நீதிபதி-ஜிஆர்சுவாமிநாதன்-3059144.html
3059143 திருநெல்வேலி திருநெல்வேலி கடையில் திருடியதாக மூவர் கைது DIN DIN Sunday, December 16, 2018 05:35 AM +0530
ஆலங்குளம் அருகே ரெட்டியார்பட்டியில் கடையில் ரூ. 8 லட்சம் திருடியதாக இளைஞர்கள் மூவரை போலீஸார் கைது செய்தனர்.
ஆலங்குளம் அருகே ரெட்டியார்பட்டி - ஊத்துமலை சாலையில் உள்ள இந்த தீபாவளி பண்டிகையையொட்டி விற்பனை செய்த பணத்தை கடையில் லாக்கரில் வைத்திருந்தனராம். இந்நிலையில், லாக்கரை உடைத்து அதிலிருந்த பணம் ரூ. 8.10 லட்சம் திருடப்பட்டது குறித்து ஊத்துமலை போலீஸார் வழக்குப்பதிந்து விசாரிந்து வந்தனர். சந்தேகத்தின்பேரில் இதே பகுதியைச் சேர்ந்த காந்தி மகன் லட்சுமணன் என்ற தினேஷ் (22) என்பவரிடம் போலீஸார் விசாரித்தனர்.
இதில், நவம்பர் மாதம் 4 ஆம்தேதி இரவு கடையை பூட்டும் நேரத்தில் பொருள்கள் வாங்குவது போன்று சென்று கடையினுள் ஒளிந்து கொண்டதாகவும், கடையை அடைத்த பின்னர் லாக்கரில் இருந்து பணத்தை திருடியதாகவும், அடுத்த நாள் காலை கடையை திறந்த பின்னர் வாடிக்கையாளர் போன்று வெளியே சென்றதும் தெரியவந்தது.
இந்த திருட்டுக்கு, அதேகடையில் வேலைசெய்து வரும் ரெட்டியார்பட்டி கீழத்தெருவைச் சேர்ந்த மாரிமுத்து மகன் முருகன் (26), காந்திநகரைச் சேர்ந்த துரைராஜ் மகன் உதயகுமார் (25) ஆகியோர் உதவியதும் தெரியவந்தது.
மூவரையும் போலீஸார் கைது செய்து ஆலங்குளம் குற்றவியல் நடுவர் நீதிமன்றத்தில் ஆஜர் செய்தனர். லட்சுமணன் என்ற தினேஷிடம் இருந்து ரூ. 6 லட்சம் மதிப்புள்ள கார், மோட்டார் சைக்கிள், நகைகள் ஆகியவை பறிமுதல் செய்யப்பட்டது.
திருட்டை மறைக்க கடையில் இருந்து எடுத்துச் சென்ற சிசிடிவி பதிவுகள் அடங்கிய கணினி அருகிலுள்ள கிணற்றில் இருந்து மீட்கப்பட்டது.

 

]]>
http://www.dinamani.com/all-editions/edition-thirunelveli/thirunelveli/2018/dec/16/கடையில்-திருடியதாக-மூவர்-கைது-3059143.html
3059142 திருநெல்வேலி திருநெல்வேலி மாவட்ட மைய நூலகத்தில் கவிதை நூல் வெளியீடு DIN DIN Sunday, December 16, 2018 05:34 AM +0530
பாளையங்கோட்டை மாவட்ட மைய நூலகத்தில் முனைவர் ஆ. சந்திர புஷ்பம் பிரபு எழுதிய கோலமிடாப் புள்ளிகள் கவிதை நூல் வெளியீட்டு விழா நடைபெற்றது.
திருநெல்வேலி அகில இந்திய வானொலி நிலைய உதவி இயக்குநர் சுந்தரஆவுடையப்பன் தலைமை வகித்தார். மூத்த பத்திரிகையாளர் ஹஸன் வரவேற்றார். திரைப்படப் பாடலாசிரியர் அருண் பாரதி நூலை வெளியிட்டு வாழ்த்திப் பேசினார். நூலாசிரியர் முனைவர் சந்திர புஷ்பம் பிரபு ஏற்புரையாற்றினார். அறிவிப்பாளர் கரைச்சுற்று புதூர் கவிபாண்டியன் நன்றி கூறினார்.
எழுத்தாளர்கள் நெல்லை கவிநேசன், முத்தாலங்குறிச்சி காமராசு மற்றும் ஓய்வு பெற்ற கூடுதல் காவல் கண்காணிப்பாளர் பழனி, ரோஸ்மேரி கல்லூரி முதல்வர் மாரியம்மாள், ஓய்வுபெற்ற மாவட்ட வேலைவாய்ப்பு துறை துணை இயக்குநர் பிச்சம்மாள் ஆறுமுகம், மாவட்ட மைய நூலகர் முத்துக்கிருஷ்ணன், திருநெல்வேலி அகில இந்திய வானொலி நிலைய இயக்குநர் ஜலாலுதீன் உள்ளிட்டோர் விழாவில் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/மாவட்ட-மைய-நூலகத்தில்-கவிதை-நூல்-வெளியீடு-3059142.html
3059141 திருநெல்வேலி திருநெல்வேலி பெண்ணிடம் சங்கிலி பறித்த இருவரை பிடித்து போலீஸில் ஒப்படைத்த பொதுமக்கள் DIN DIN Sunday, December 16, 2018 05:34 AM +0530
பேட்டையில் பெண்ணிடம் தங்கச்சங்கிலி பறித்த திருடர்களை பொதுமக்கள் பிடித்து போலீஸில் சனிக்கிழமை ஒப்படைத்தனர்.
பேட்டை சுந்தரவிநாயகர் கோயில் தெருவைச் சேர்ந்தவர் ராஜேஸ்வரி (27). இவரது தங்கை ஸ்டெல்லா மேலப்பாளையத்தில் வசித்து வருகிறார். ஒரு மொபெட்டில் இருவரும் பேட்டை செக்கடி அருகே சனிக்கிழமை சென்று கொண்டிருந்தனராம். அப்போது மோட்டார் சைக்கிளில் வந்த மர்ம நபர்கள் ராஜேஸ்வரி கழுத்தில் அணிந்திருந்த 5 பவுன் தங்கச்சங்கிலியைப் பறித்துக் கொண்டு தப்பியோடினர். இதையடுத்து மனிதநேய மக்கள் கட்சியைச் சேர்ந்த இளைஞர்கள் மோட்டார் சைக்கிளில் துரத்திச் சென்று திருடர்களை கருங்காடு-நரசிங்கநல்லூர் சாலையில் மடக்கிப் பிடித்து பேட்டை காவல் நிலையத்தில் ஒப்படைத்தனர்.
போலீஸார் நடத்திய விசாரணையில் பிடிபட்டவர்கள் சுத்தமல்லி வ.உ.சி. நகரைச் சேர்ந்த செந்தில் மகன் கார்த்திக் (23), திருவள்ளுவர் நகரைச் சேர்ந்த மாரியப்பன் மகன் கார்த்திக் (19) என்பது தெரியவந்தது. தொடர்ந்து அவர்களிடம் விசாரணை நடைபெற்று வருகிறது.

 

]]>
http://www.dinamani.com/all-editions/edition-thirunelveli/thirunelveli/2018/dec/16/பெண்ணிடம்-சங்கிலி-பறித்த-இருவரை-பிடித்து-போலீஸில்-ஒப்படைத்த-பொதுமக்கள்-3059141.html
3059140 திருநெல்வேலி திருநெல்வேலி சங்கரன்கோவில் அருகே விபத்தில் தொழிலாளி சாவு DIN DIN Sunday, December 16, 2018 05:34 AM +0530
சங்கரன்கோவில் அருகே மோட்டார் சைக்கிள் மீது வேன் மோதியதில் பலத்த காயமடைந்த தொழிலாளி இறந்தார்.
சங்கரன்கோவில் அருகே மேலநீலிதநல்லூரைச் சேர்ந்தவர் இளங்கோவன் மகன் மணிகண்டன் (26). கூலித்தொழிலாளியான இவர், வெள்ளிக்கிழமை சங்கரன்கோவிலுக்கு மோட்டார் சைக்கிளில் சென்றாராம். அங்கு வேலைகளை முடித்து விட்டு வீட்டுக்கு செல்வதற்காக வந்து கொண்டிருந்தாராம். மேலநீலிதநல்லூர் அருகே திருப்பத்தில் வந்தபோது, எதிர்பாராத விதமாக அவ்வழியாக வந்த வேன் மோட்டார் சைக்கிள் மீது மோதி விபத்துக்குள்ளானது.
இதில், பலத்த காயமடைந்த மணிகண்டன் சிறிது நேரத்தில் உயிரிழந்தார். இதுகுறித்து, பனவடலிசத்திரம் போலீஸார் வழக்குப் பதிந்து விசாரித்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/சங்கரன்கோவில்-அருகே-விபத்தில்-தொழிலாளி-சாவு-3059140.html
3059139 திருநெல்வேலி திருநெல்வேலி கடையத்தில் பூச்சி மருந்து குடித்த முதியவர் சாவு DIN DIN Sunday, December 16, 2018 05:34 AM +0530
கடையத்தில் பூச்சி மருந்து குடித்து மருத்துவமனையில் சிகிச்சை பெற்றுவந்த முதியவர் சனிக்கிழமை உயிரிழந்தார்.
கடையம் யோகீஸ்வரர் தெருவைச் சேர்ந்த பெத்து மகன் சிவசுப்பிரமணியன் (63). இவர் நோயால் அவதிப்பட்டு வந்தாராம். இவரது மனைவியும் மன நலம் பாதிக்கப்பட்ட நிலையில் இருந்தாராம். இதையடுத்து வாழ்க்கையில் விரக்தியடைந்த சிவசுப்பிரமணியன் கடந்த வியாழக்கிழமை பூச்சி மருந்தை குடித்தாராம். உறவினர்கள் மீட்டு திருநெல்வேலி அரசு மருத்துவக் கல்லூரி மருத்துவமனையில் சேர்த்தனர். அங்கு அவர் சனிக்கிழமை உயிரிழந்தார். இதுகுறித்து கடையம் போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/கடையத்தில்-பூச்சி-மருந்து-குடித்த-முதியவர்-சாவு-3059139.html
3059138 திருநெல்வேலி திருநெல்வேலி பொது கணக்குக் குழு வருகை: நெல்லை ஆட்சியரகத்தில் ஆய்வுக் கூட்டம் DIN DIN Sunday, December 16, 2018 05:33 AM +0530
தமிழ்நாடு சட்டப்பேரவை பொது கணக்குக் குழுவினர் திருநெல்வேலிக்கு வருவதையொட்டி, மாவட்ட ஆட்சியர் அலுவலகத்தில் சனிக்கிழமை ஆய்வுக் கூட்டம் நடைபெற்றது.
இதுகுறித்து ஆட்சியர் ஷில்பா பிரபாகர் சதீஷ் வெளியிட்டுள்ள செய்திக் குறிப்பு:
திருநெல்வேலி மாவட்டத்திற்கு தமிழ்நாடு சட்டப்பேரவை பொது கணக்குக் குழு வரும் 19, 20-ம் தேதிகளில் வரவுள்ளது. 19-ஆம் தேதி மாவட்டத்தில் நடைபெற்று வரும் வளர்ச்சிப் பணிகளை இந்தக் குழு ஆய்வுமேற்கொள்ளும். தொடர்ந்து, இந்தக் குழு பங்கேற்கும் அனைத்து துறை அலுவலர்களின் துறை வாரியான ஆய்வுக் கூட்டம் நடைபெறவுள்ளது.
தமிழ்நாடு சட்டப்பேரவை பொது கணக்குக் குழுத் தலைவர் காட்பாடி சட்டப்பேரவை உறுப்பினர் துரைமுருகன் தலைமையில், குழு உறுப்பினர்கள் ஆர்.டி. ராமச்சந்திரன் (குன்னம்), ராஜேந்திரன் (சேலம் வடக்கு), முகம்மது அபுபக்கர் (கடையநல்லூர்), உதயசூரியன் (சங்கராபுரம்), கணேஷ் (உதகமண்டலம்), கீதா (கிருஷ்ணராயபுரம்), சந்திரசேகர் (மணப்பாறை), நடராஜ் (மயிலாப்பூர்), மரு. பரமசிவம் (வேடசந்தூர்), பழனிவேல் தியாகராஜன் (மதுரை மத்திய பகுதி), பாஸ்கர் (நாமக்கல்), பாரதி (சீர்காழி), மருதமுத்து (கெங்கவல்லி), மோகன் (செய்யாறு), ராஜா (மன்னார்குடி) ஆகியோர் திருநெல்வேலி மாவட்டத்தில் நடைபெற்று வரும் வளர்ச்சித் திட்டப் பணிகளை ஆய்வு மேற்கொண்ட பிறகு, அனைத்து துறை அலுவலர்களுடன் ஆய்வு கூட்டம் நடைபெறவுள்ளது.
இக்கூட்டத்தில் அனைத்து துறை அலுவலர்களும் ஒருங்கிணைந்து தங்களுக்கு ஒதுக்கப்பட்ட பணிகளையும், பொறுப்புக்களையும் சிறப்பாக செயல்படுத்த வேண்டும் என தெரிவிக்கப்பட்டது.
கூட்டத்தில், மாவட்ட வருவாய் அலுவலர் பூ. முத்துராமலிங்கம், திருநெல்வேலி சார் ஆட்சியர் மணீஸ் நாரணவரே, மாவட்ட ஊரக வளர்ச்சி முகமை திட்ட இயக்குநர் ஆ. பழனி, மாநகராட்சி ஆணையர் நாராயண நாயர், மாவட்ட ஆட்சியரின் நேர்முக உதவியாளர் (பொது) கணேஷ்குமார் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/பொது-கணக்குக்-குழு-வருகை-நெல்லை-ஆட்சியரகத்தில்-ஆய்வுக்-கூட்டம்-3059138.html
3059137 திருநெல்வேலி திருநெல்வேலி சந்திப்பு பேருந்து நிலையம் மூடல்: போக்குவரத்தை சீரமைக்க எம்எல்ஏ வலியுறுத்தல் DIN DIN Sunday, December 16, 2018 05:33 AM +0530
திருநெல்வேலி சந்திப்பு பேருந்து நிலையம் அவசரகதியில் மூடப்பட்டுள்ள நிலையில் மாநகரப் பகுதியில் போக்குவரத்தை சீரமைக்க ஆட்சியர், காவல் ஆணையர், போக்குவரத்து அதிகாரிகள் கலந்தாலோசித்து துரித நடவடிக்கைகளை எடுக்க வேண்டுமென பாளையங்கோட்டை சட்டப்பேரவைத் தொகுதி உறுப்பினர் டி.பி.எம்.மைதீன்கான் வலியுறுத்தியுள்ளார்.
இதுதொடர்பாக அவர் வெளியிட்ட அறிக்கை:
பொலிவுறு நகரம் திட்டத்தின் கீழ் திருநெல்வேலி சந்திப்பில் உள்ள பேருந்து நிலையத்தில் மேம்பாட்டுப் பணிகள் செய்யப்பட உள்ளதாக கடந்த 2015 ஆம் ஆண்டு முதல் அறிவிப்புகள் வெளியாகின.
மாநகராட்சி முழுவதிலும் சுமார் ரூ.1120 கோடி மதிப்பில் பணிகள் செய்வது வரவேற்கத்தக்கது. ஆனால், சந்திப்பு பேருந்து நிலையத்தை போதிய முன்னறிவிப்பு இன்றி மூடியதால் பயணிகள், பொதுமக்கள் மிகுந்த சிரமத்துக்கு ஆளாகியுள்ளனர். தற்காலிகமாக அமைக்கப்பட்டுள்ள பேருந்து நிலையங்களில் குடிநீர், கழிப்பறை போன்ற அடிப்படை வசதிகள் இல்லை.
கிறிஸ்துமஸ், பொங்கல் பண்டிகை வியாபாரம் செய்ய முடியாமல் 150-க்கும் மேற்பட்ட வியாபாரிகள் துயரத்துக்கு ஆளாகியுள்ளனர். ஏற்கெனவே குடிநீர்க் குழாய் பதிக்கும் பணிகளால் மாநகரப் பகுதிகளில் போக்குவரத்துக்கு உதவாத வகையில் சாலைகள் சேதமடைந்துள்ளன. இந்நிலையில் சந்திப்பு பேருந்து நிலைய பணியால் போக்குவரத்து நெரிசல் மேலும் அதிகரித்துள்ளது.
ஆகவே, போக்குவரத்தை சீரமைக்க ஆட்சியரும், மாநகர காவல் ஆணையரும் தனிக்கவனம் செலுத்தி தேவையான முன்னேற்பாடு பணிகளை மிகவும் துரிதமாக செய்ய வேண்டியது அவசியம் என அறிக்கையில் குறிப்பிடப்பட்டுள்ளது.

 

]]>
http://www.dinamani.com/all-editions/edition-thirunelveli/thirunelveli/2018/dec/16/சந்திப்பு-பேருந்து-நிலையம்-மூடல்-போக்குவரத்தை-சீரமைக்க-எம்எல்ஏ-வலியுறுத்தல்-3059137.html
3059136 திருநெல்வேலி திருநெல்வேலி நெல்லை மத்திய கூட்டுறவு வங்கியில் ஆய்வுக் கூட்டம் DIN DIN Sunday, December 16, 2018 05:33 AM +0530
திருநெல்வேலி மாவட்ட மத்திய கூட்டுறவு வங்கியில் ஆய்வுக் கூட்டம் அண்மையில் நடைபெற்றது.
கூட்டத்தில் மத்திய கூட்டுறவு வங்கியின் மேலாண்மை இயக்குநர் சி.குருமூர்த்தி வரவேற்றார். திருநெல்வேலி மண்டல கூட்டுறவுச் சங்கங்களின் இணைப்பதிவாளர் த.நா.பிரியதர்ஷினி முன்னிலை வகித்தார். கூடுதல் பதிவாளர் அந்தோனிசாமி தலைமை வகித்து பேசினார்.
முன்னதாக தேவர்குளம் தொடக்க வேளாண்மை கூட்டுறவு கடன் சங்கம், வன்னிக்கோனேந்தல் தொடக்க வேளாண்மை கூட்டுறவு கடன் சங்கம் ஆகியவற்றின் பணிகளை ஆய்வு செய்தார். தமிழ்நாடு கூட்டுறவு விற்பனை இணையத்தின் கிடங்குகளையும் ஆய்வு செய்தார்.
துணைப்பதிவாளர் முத்துசாமி, கனகசுந்தரி, ù தாண்டிராஜ், வளர்மதி, பாலகிருஷ்ணன், மத்திய கூட்டுறவு வங்கியின் பொதுமேலாளர் பாஸ்கரன், திருநெல்வேலி மாவட்ட கூட்டுறவு ஒன்றியத்தின் மேலாண்மை இயக்குநர் செல்வகணேஷ், வங்கி உதவி மேலாளர் முத்துசெல்வம், மேலாளர்கள் சங்கரசுப்பிரமணியன், சுந்தர்ராஜன், சந்திரசேகர், செந்தில்வேல் உள்பட பலர் கலந்துகொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/நெல்லை-மத்திய-கூட்டுறவு-வங்கியில்-ஆய்வுக்-கூட்டம்-3059136.html
3059135 திருநெல்வேலி திருநெல்வேலி தனி துறை ஏற்படுத்த தமிழ்நாடு மூத்த குடிமக்கள் நலச் சங்கம் கோரிக்கை DIN DIN Sunday, December 16, 2018 05:33 AM +0530
மூத்த குடிமக்களுக்கு தனி துறை ஏற்படுத்த வேண்டும் என தமிழ்நாடு மூத்த குடிமக்கள் மற்றும் பென்சன்தாரர் நல உரிமைச் சங்கம் மாநில அரசுக்கு கோரிக்கை விடுத்துள்ளது.
இந்த சங்கத்தின் திருநெல்வேலி மாவட்ட செயற்குழு கூட்டம், பெருமாள்புரம் மாநில தலைமை அலுவலகத்தில் நடைபெற்றது. கூட்டத்திற்கு மாநிலத் தலைவர் சிவ. சோமநாதன் தலைமை வகித்தார்.
மாநிலப் பொருளாளர் கே.எஸ். ஆறுமுகம் வரவேற்றார். சங்கத்தின் மூத்த உறுப்பினர் எஸ்.எம். சுப்பிரமணியன் மறைவுக்கு இரங்கல் தெரிவிக்கப்பட்டது. தொடர்ந்து, நாகப்பட்டினம், தஞ்சாவூர், புதுக்கோட்டை மாவட்டங்களில் புயலால் பாதிக்கப்பட்டவர்களுக்கு நிதி உதவி செய்வது, மூத்த குடிமக்களுக்கு தனி துறை ஏற்படுத்த மாநில அரசுக்கு கோரிக்கை விடுப்பது என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் ஆர். இசக்கிமுத்து, ஆர். சிவஞானம் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/தனி-துறை-ஏற்படுத்த-தமிழ்நாடு-மூத்த-குடிமக்கள்-நலச்-சங்கம்-கோரிக்கை-3059135.html
3059134 திருநெல்வேலி திருநெல்வேலி பாரதியார் போட்டி பரிசளிப்பு விழா DIN DIN Sunday, December 16, 2018 05:33 AM +0530
திருநெல்வேலி சந்திப்பில் உள்ள ம.தி.தா. இந்து மேல்நிலைப் பள்ளியில் பாரதியார் போட்டி பரிசளிப்பு விழா நடைபெற்றது.
விழாவுக்கு பாரதியார் உலகப் பொதுச் சேவை மன்றத் தலைவர் அ. மரியசூசை தலைமை வகித்தார். பள்ளித் தலைமை ஆசிரியர் எஸ். வேல்முருகன், பொது நிதியாளர் க. வெங்கடாசலம் ஆகியோர் முன்னிலை வகித்தனர்.
கூடுதல் காவல் கண்காணிப்பாளர் பா. உதயகுமார் சிறப்பு அழைப்பாளராகப் பங்கேற்று போட்டியில் வெற்றிபெற்ற மாணவ-மாணவியருக்கு பரிசு வழங்கி சிறப்புரையாற்றினார்.
பாரதி ஓர் சகாப்தம் என்ற தலைப்பில் கவிஞர் கோ. கணபதி சுப்பிரமணியன், பெண் விடுதலை தலைப்பில் அரசு அருங்காட்சியகக் காப்பாட்சியர் சிவ சத்தியவள்ளி, பாரதியின் மொழி ஆளுமை என்ற தலைப்பில் பேராசிரியை உஷாதேவி, எங்கள் பள்ளியில் பாரதி என்ற தலைப்பில் பள்ளி ஆசிரியர் மு. சொக்கலிங்கம் ஆகியோர் சிறப்புரையாற்றினர்.
கவிஞர்கள் பாப்பாகுடி இரா. செல்வமணி, சக்தி வேலாயுதம் ஆகியோர் கவிதை வாசித்தனர். பாரதியார் உலகப் பொதுமன்றத் துணைச் செயலர் முத்துசாமி நன்றி கூறினார். ஆசிரியர்கள் சோமசுந்தரம், கந்தமுருகன், ராஜ்குமார் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/பாரதியார்-போட்டி-பரிசளிப்பு-விழா-3059134.html
3058857 திருநெல்வேலி திருநெல்வேலி புதிய கட்சி தொடங்கினார் நடிகர் கார்த்திக் DIN DIN Sunday, December 16, 2018 01:36 AM +0530
மனித உரிமை காக்கும் கட்சி என்ற புதிய கட்சியை நடிகர் கார்த்திக் திருநெல்வேலியில் சனிக்கிழமை தொடங்கினார். நாடாளும் மக்கள் கட்சி கலைக்கப்படுவதாகவும் அவர் தெரிவித்தார்.
திருநெல்வேலியில் புதிய கட்சியின் பெயர் மற்றும் கொடியை அறிமுகப்படுத்திய பின்பு செய்தியாளர்களிடம் அவர் கூறியது: தமிழகத்தில் பல ஆண்டுகளுக்கு முன்பு அகில இந்திய நாடாளும் கட்சியைத் தொடங்கினேன். பின்னர், அதை கலைத்துவிட்டு நாடாளும் மக்கள் கட்சியை உருவாக்கினேன். ஆனால், கட்சி நிர்வாகிகள் முறையாக செயல்படாததால் அக்கட்சியையும் கலைத்துவிட்டு, இப்போது மனித உரிமை காக்கும் கட்சி என்ற புதிய கட்சியைத் தொடங்கியுள்ளேன்.
கட்சியின் கொள்கை குறித்து ஒன்றரை மாதத்தில் அம்பாசமுத்திரத்தில் நடைபெற உள்ள மாநாட்டில் அறிவிக்கப்படும். மக்களவைத் தேர்தலில் தேசப்பற்று மிகுந்த இளைஞர்களைப் போட்டியிடச் செய்வோம். நியூட்ரினோ, மீத்தேன் உள்ளிட்டவற்றுக்கு எதிராக தொடர்ந்து போராடுவோம். கஜா புயலால் பாதிக்கப்பட்ட பகுதிகளில் நிவாரணப் பணிகள் போதாது. புயலால் பாதிக்கப்பட்டவர்களுக்கு குடியிருப்புகளை உடனே வழங்க வேண்டும் என்றார் அவர்.
நிர்வாகிகள் நியமனம்: மனித உரிமை காக்கும் கட்சியின் கொடியில் சிவப்பு, மஞ்சள் நிறத்துடன் முத்துராமலிங்க தேவர் படமும் பொறிக்கப்பட்டுள்ளது. கட்சியின் மாநில பொதுச் செயலராக கிருஷ்ணமூர்த்தியும், அமைப்புச் செயலராக குவைத் குமாரும் அறிவிக்கப்பட்டுள்ளனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/16/புதிய-கட்சி-தொடங்கினார்-நடிகர்-கார்த்திக்-3058857.html
3058438 திருநெல்வேலி திருநெல்வேலி நெல்லையப்பர் கோயில் திருவாதிரை திருவிழா கொடியேற்றத்துடன் தொடக்கம் DIN DIN Saturday, December 15, 2018 04:26 AM +0530
அருள்மிகு நெல்லையப்பர்-காந்திமதி அம்பாள் கோயில் திருவாதிரை திருவிழா கொடியேற்றத்துடன் வெள்ளிக்கிழமை தொடங்கியது.
கொடியேற்றத்துக்கு முன்னதாக கொடிமரத்துக்கு அபிஷேக ஆராதனை நடைபெற்றது. கொடியேற்ற விழாவில் திரளான பக்தர்கள் கலந்து கொண்டனர்.
திருவாதிரை திருவிழாவையொட்டி தாமிரசபையில் சுவாமி கோயில் 2-ஆம் பிரகாரத்தில் அமைந்துள்ள ஸ்ரீ பெரிய சபாபதி சன்னதி முன்பு 14ஆம் தேதி முதல் 23ஆம் தேதி வரை அதிகாலை 5.30 மணி முதல் 6 மணி வரை திருவெம்பாவை வழிபாடு நடைபெறுகிறது.
இத்திருவிழாவின் 4-ஆம் திருவிழாவில் இரவு 8 மணிக்கு சுவாமி, அம்பாள் வெள்ளி ரிஷிப வாகனத்தில் பஞ்சமூர்த்தி வீதியுலா நடைபெறுகிறது. 22-ஆம் தேதி சுவாமி கோயில் 2-ஆம் பிரகாரத்தில் அமைந்துள்ள தாமிரசபையில் இரவு நடராஜ பெருமானுக்கு திருநீராட்டு மற்றும் சிறப்பு தீபாராதனை இரவு முழுவதும் நடைபெறுகிறது.
திருவாதிரை திருவிழாவான 23-ஆம் தேதி அதிகாலை 3.30 மணிக்கு பசு தீபாராதனையும், தாமிரசபையில் அதிகாலை 4 மணி முதல் 5 மணிக்குள் நடராஜர் திருநடனக் காட்சி ஆருத்ரா தரிசனமும் நடைபெறுகின்றன.
ஏற்பாடுகளை நெல்லையப்பர் கோயில் செயல் அலுவலர் ரோஷினி, ஆய்வர் முருகன் மற்றும் கோயில் பணியாளர்கள் செய்துள்ளனர்.
அழகியகூத்தர் கோயில்: ராஜவல்லிபுரம் செப்பறை அழகிய கூத்தர் கோயிலில் திருவாதிரை திருவிழா கொடியேற்றத்துடன் தொடங்கியது. தினமும் சுவாமி, அம்பாளுக்கு அபிஷேக ஆராதனை நடைபெறுகிறது.
20-ஆம் தேதி 7-ஆம் நாள் விழாவில் அழகிய கூத்தர் விழா மண்டபத்துக்கு எழுந்தருளல், 21ஆம் தேதி திருவிழாவில் காலை 10 மணிக்கு சுவாமி நடராஜபெருமான் வெள்ளை சாத்தி அலங்காரத்தில் எழுந்தருளல், மாலையில் பச்சை சாத்தியில் எழுந்தருளல் ஆகியவை நடைபெறுகின்றன.
22-ஆம் தேதி சுவாமி அழகிய கூத்தருக்கு காலையில் சிறப்பு அபிஷேகம் மற்றும் அலங்கார தீபாராதனையும், பகல் 11.30 மணிக்கு சுவாமி தேருக்கு எழுந்தருளல் வைபவம், 11.30 மணி முதல் 12 மணி வரை தேரோட்ட வைபவமும் நடைபெறுகின்றன. 23ஆம் தேதி அதிகாலை 2 மணிக்கு சுவாமிக்கு மகா அபிஷேகம், 5.30 மணிக்கு கோ பூஜை, ஆருத்ரா தரிசனம், பிற்பகலில் நடன தீபாரதனை (தாண்டவ தீபாராதனை) ஆகியவை நடைபெறுகின்றன.
14-ஆம் தேதி முதல் 19ஆம் தேதி வரை கோயில் ஓதுவார் மற்றும் ராஜவல்லிபுரம் வழிபாட்டுக் குழுவினர் இணைந்து ஆயிரம் முறை திருவெம்பாவை பாராயணம் செய்தல் நிகழ்ச்சி நடைபெறுகிறது. மேலும் விழா நாள்களில் காலை, மாலை வேளைகளில் சிறப்பு அபிஷேகம், சதுர்வேத பாராயணம், திருவெம்பாவை பாராயணம், நீராஞ்சன தீபாராதனை, நடன தீபாராதனை நடைபெறுகிறது. ஏற்பாடுகளை கோயில் செயல் அலுவலர் அய்யர் சிவமணி, தக்கார் முருகானந்தம் மற்றும் பக்தர்கள், அர்ச்சகர்கள் செய்துள்ளனர்.
குற்றாலநாதசுவாமி கோயிலில்...
தென்காசி, டிச. 14: நடராசர் திருத்தாண்டவம் ஆடிய ஐந்து சபைகளில் ஒன்றான சித்திரசபை அமையப்பெற்றது குற்றாலம் குற்றாலநாதசுவாமி கோயில். இங்கு நடைபெறும் முதன்மையான விழாவான திருவாதிரை திருவிழா வெள்ளிக்கிழமை கொடியேற்றத்துடன் தொடங்கியது.
கொடியேற்றத்தைத் தொடர்ந்து, சுவாமிக்கு அபிஷேகம் மற்றும் தீபாராதனை நடைபெற்றது. இரவில் சுவாமி, அம்பாள் வீதியுலா நடைபெற்றது.
விழா நாள்களில் காலை 9.30 மணிக்கும், இரவு 7 மணிக்கும் நடராசப் பெருமானுக்கு தாண்டவ தீபாராதனை நடைபெறும். விழாவில், வரும் 18-ம் தேதி தேரோட்டமும், 21-ம் தேதி சித்திரசபையில் பச்சைசாத்தி தாண்டவ தீபாராதனையும், 23-ம் தேதி அதிகாலை 4 மணிக்கு சித்திரசபையில் ஆருத்ரா தரிசன தாண்டவ தீபாராதனையும், 5 மணிக்கு திரிகூட மண்டபத்தில் ஆருத்ரா தரிசன தாண்டவ தீபாராதனையும் நடைபெறவுள்ளது. கொடியேற்ற விழாவில் கோயில் செயல் அலுவலர் சு. செல்வகுமாரி, அன்னதான குழுத் தலைவர் அன்னையா பாண்டியன், வீரபாண்டியன் மற்றும் திரளான பக்தர்கள் பங்கேற்றனர்.

 

 

]]>
http://www.dinamani.com/all-editions/edition-thirunelveli/thirunelveli/2018/dec/15/நெல்லையப்பர்-கோயில்-திருவாதிரை-திருவிழா-கொடியேற்றத்துடன்-தொடக்கம்-3058438.html
3058437 திருநெல்வேலி திருநெல்வேலி ராஜபாளையம் - செங்கோட்டை நான்குவழிச் சாலைக்காக விளைநிலங்களை அபகரிப்பதை கைவிட மார்க்சிஸ்ட் வலியுறுத்தல் DIN DIN Saturday, December 15, 2018 04:26 AM +0530
திருமங்கலம் முதல் புளியரை வரை நான்குவழிச் சாலை அமைக்க, விவசாயிகளின் எதிர்ப்பையும் மீறி விளைநிலங்களை அபகரிக்கும் நடவடிக்கையை மாநில அரசு கைவிட வேண்டும் என மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.
இதுகுறித்து அந்த கட்சியின் திருநெல்வேலி மாவட்டச் செயலர் கே.ஜி. பாஸ்கரன் வெளியிட்டுள்ள அறிக்கை:
திருமங்கலம் முதல் புளியரை வரை நான்குவழிச் சாலை அமைக்கும் திட்டத்தை மாநில அரசு அறிவித்துள்ளது. அதன் ஒருபகுதியாக திருநெல்வேலி மாவட்டத்தில், சிவகிரி வட்டம் இனாம் கோவில்பட்டி முதல் புளியரை வரை இடம் அளவிடும் பணியும், அதைத்தொடர்ந்து, விவசாயிகளின் அனுமதியின்றி நிலத்தை கையகப்படுத்தும் பணியும் நடைபெற்று வருகிறது.
இதுகுறித்து கருத்துக்கேட்பு கூட்டம் எதுவும் நடைபெறவில்லை. மத்திய அரசின் நிலம் கையகப்படுத்துதல் சட்டத்தின்படி, 80 சதவீதம் பேர் எதிர்ப்பு தெரிவித்தால், நிலம் எடுக்கும் பணியை கைவிட வேண்டும். ஆனால், சட்டவிரோதமாக இப்பணியை மாநில அரசு செய்து வருகிறது. இதனால், சுமார் 3,000 ஏக்கர் இருபோக நன்செய் நிலங்கள் அழியும் நிலையும், இதை நம்பியுள்ள ஆயிரக்கணக்கான விவசாயிகள் வாழ்வாதாரத்தை இழக்கும் நிலையும் ஏற்படும். அதுமட்டுமின்றி, 6 குளங்கள், பல நூறு கிணறுகள், 65,000 தென்னை மரங்கள், 10,000 தேக்கு மரங்கள், லட்சத்திற்கும் மேற்பட்ட வாழை மரங்கள் அடியோடு அழிந்துபோகும்.
எனவே, விவசாய நிலங்களை அபகரிக்கும் நடவடிக்கைகளை கைவிட வேண்டும் என மார்க்சிஸ்ட் கம்யூனிஸ்ட் கட்சியின் திருநெல்வேலி மாவட்டக் குழு மாநில அரசையும், திருநெல்வேலி மாவட்ட நிர்வாகத்தையும் வற்புறுத்துகிறது.
விவசாயிகளின் ஒப்புதலின்றி கல் ஊன்றுதல் மற்றும் காவல் துறை துணை கொண்டு மிரட்டும் நடவடிக்கைகளை மார்க்சிஸ்ட் கம்யூனிஸ்ட் கட்சி கண்டிக்கிறது. இந்தப் பிரச்னைகள் குறித்து தமிழ்நாடு விவசாயிகள் சங்கம் சார்பில், வரும் 27-ஆம் தேதி திருநெல்வேலி மாவட்ட ஆட்சியரிடம் பெரும்திரள் மனு அளிக்கும் இயக்கத்திற்கு மார்க்சிஸ்ட் கம்யூனிஸ்ட் கட்சி தனது முழு ஆதரவை தெரிவிக்கிறது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/ராஜபாளையம்---செங்கோட்டை-நான்குவழிச்-சாலைக்காக-விளைநிலங்களைஅபகரிப்பதை-கைவிட-மார்க்சிஸ்ட்-வலியுறுத்தல-3058437.html
3058436 திருநெல்வேலி திருநெல்வேலி துணை முதல்வர் மகன் மீது பொய் புகார்: காவல் ஆணையரிடம் அதிமுகவினர் மனு DIN DIN Saturday, December 15, 2018 04:26 AM +0530
தமிழக துணை முதல்வர் ஓ.பன்னீர்செல்வம் மகன் மீது ஆட்சியரிடம் பொய் புகார் அளித்தவர் மீது நடவடிக்கை எடுக்கக் கோரி திருநெல்வேலி மாநகர காவல் ஆணையரிடம் அதிமுக மாநகர் மாவட்டச் செயலர் தச்சை கணேசராஜா மனு அளித்தார்.
இது தொடர்பாக அவர் அளித்த மனுவில் கூறியிருப்பதாவது: கடந்த 10ஆம் தேதி பாலாமடையைச் சேர்ந்த ஒருவர் ஆட்சியரிடம் மனு அளித்துள்ளார். அதில், சீவலப்பேரியில் இருந்து குப்பக்குறிச்சி செல்லும் பிரதான சாலையில் தமிழக துணை முதல்வர் மகன் மற்றும் அதிமுக பிரமுகர்கள் அடியாள்களின் உதவியோடு ஆற்று மணலை திருடி கேரளத்துக்கு விற்பனை செய்து வருவதாக தெரிவித்துள்ளார். மேலும் மணல் கடத்தலை தட்டிக் கேட்பவர்களை ரவுடிகள் மூலம் மிரட்டுவதாகவும் பொய்யான புகாரை அளித்துள்ளார்.
துணை முதல்வரின் மகன் மற்றும் அதிமுக நிர்வாகிகளின் நற்பெயருக்கு களங்கம் ஏற்படுத்தும் வகையில் திட்டமிட்டு புகார் அளிக்கப்பட்டுள்ளது. எனவே ஆதாரமின்றி பொய் புகார் அளித்தவர் மீது சட்டப்படி நடவடிக்கை எடுக்க வேண்டும் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/துணை-முதல்வர்-மகன்-மீது-பொய்-புகார்-காவல்-ஆணையரிடம்-அதிமுகவினர்-மனு-3058436.html
3058435 திருநெல்வேலி திருநெல்வேலி மாவட்ட மைய நூலகத்தில் இன்று நூல் வெளியீட்டு விழா DIN DIN Saturday, December 15, 2018 04:25 AM +0530
பாளையங்கோட்டை வரலாறு குறித்து ப. இசக்கிராஜன் எழுதியுள்ள பாளையங்கோட்டை நினைவலைகள் என்ற நூல் வெளியீட்டு விழா மாவட்ட மைய நூலகத்தில் சனிக்கிழமை (டிச. 15) நடைபெறுகிறது.
பாளையங்கோட்டையில் உள்ள மாவட்ட மைய நூலகத்தில் மாலை 6 மணிக்கு நடைபெறவுள்ள விழாவிற்கு கவிஞர் கிருஷி தலைமை வகிக்கிறார். நூலகர் முத்துகிருஷ்ணன் முன்னிலை வகிக்கிறார். எழுத்தாளர் இரா. நாறும்பூநாதன் வரவேற்றுப் பேசுகிறார்.
எழுத்தாளர்கள் தீன், பாஸ்கரன், கவிஞர் கோ. கணபதி சுப்ரமணியன், கவிஞர் பே. ராஜேந்திரன், சப்ரீன் முனீர், பரிமேலழகர், சோமசுந்தரம் ஆகியோர் கருத்துரை வழங்குகின்றனர். வரலாற்று ஆய்வாளர் செ. திவான் நூலை வெளியிட, வே.ஜெ. சிங் மற்றும் எஸ். வேலாயுதம் ஆகியோர் முதல் பிரதியை பெற்றுக்கொள்கின்றனர்.
ஜீவா பதிப்பகத்தைச் சேர்ந்த கார்த்திக் புகழேந்தி நன்றி கூறுகிறார். சாரல் இலக்கிய அமைப்பு இந்த நூல் வெளியீட்டு விழாவுக்கு ஏற்பாடு செய்துள்ளது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/மாவட்ட-மைய-நூலகத்தில்-இன்று-நூல்-வெளியீட்டு-விழா-3058435.html
3058434 திருநெல்வேலி திருநெல்வேலி கடையம் அருகே பிடிபட்ட மும்பை வழிப்பறி கொள்ளையர்கள் DIN DIN Saturday, December 15, 2018 04:25 AM +0530
திருநெல்வேலி மாவட்டம், கடையம் அருகே பதுங்கியிருந்த மும்பையைச் சேர்ந்த வழிப்பறி கொள்ளையர்கள் 3 பேரை கடையம் போலீஸார் உதவியுடன் மும்பை போலீஸார் கைது செய்தனர்.
மும்பை, கோவான்டி, சிவாஜி நகரைச் சேர்ந்தவர் வீராசாமி மகன் ரமேஷ் (38). இவர் கடையம் அருகே உள்ள பிள்ளையார்குளத்தைச் சேர்ந்த பெண்ணை திருமணம் செய்துள்ளார். இந்நிலையில், ரமேஷ், அவரது கூட்டாளிகள் இருவருடன் சேர்ந்து மும்பை சிவாஜி நகர் காவல் நிலைய எல்லை பகுதியில் நவ. 26 ஆம் தேதி வழிப்பறியில் ஈடுபட்டது தொடர்பாக மும்பை போலீஸார் அவர்களை தேடிவந்தனராம். செல்லிடப்பேசி சிக்னல் மூலம் மூவரும் கடையம் அருகே உள்ள பிள்ளையார்குளத்தில் பதுங்கி இருப்பதை அறிந்த மும்பை போலீஸார் கடையம் போலீஸாருக்கு தகவல் தெரிவித்தனர். மேலும், கடையம் வந்த மும்பை போலீஸார், கடையம் காவல் உதவி ஆய்வாளர் பாரத் லிங்கம் மற்றும் காவலர்கள் இசக்கிமுத்து, முஸ்தபா ஆகியோர் உதவியுடன் பிள்ளையார்குளத்தில், மனைவி வீட்டில் பதுங்கியிருந்த ரமேஷ், அவரது கூட்டாளிகள் மும்பை சிவாஜி நகரைச் சேர்ந்த பன்சிமோரே மகன் ஆகாஷ் (22), சாருதின் மகன் சலீம் (20) ஆகிய மூவரையும் கைது செய்தனர். விசாரணையில், மூவரும் நவ. 26 ஆம் தேதி சிவாஜி நகரில் வழிப்பறியில் ஈடுபட்டுவிட்டு, அங்கிருந்து தப்பிவந்து பிள்ளையார்குளத்தில் பதுங்கியிருந்தது தெரியவந்தது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/கடையம்-அருகே-பிடிபட்ட-மும்பை-வழிப்பறி-கொள்ளையர்கள்-3058434.html
3058433 திருநெல்வேலி திருநெல்வேலி பி.எஸ்.என்.எல். வாடிக்கையாளர்களுக்கு சிறப்பு சலுகைகள் DIN DIN Saturday, December 15, 2018 04:25 AM +0530
பி.எஸ்.என்.எல். நிறுவனம் தனது வாடிக்கையாளர்களுக்கு பல்வேறு சலுகைகளை அறிவித்துள்ளது.
இதுகுறித்து பி.எஸ்.என்.எல். பொது மேலாளர் ப. முருகானந்தம் வெளியிட்டுள்ள செய்திக் குறிப்பு:
பி.எஸ்.என்.எல். 2ஜி மற்றும் 3ஜி செல்லிடப்பேசி வாடிக்கையாளர்களின் வசதிக்காக புது வசந்தம் பிளான் மாற்றி அமைக்கப்பட்டுள்ளது. இதன்படி, ரூ 45- க்கு (எஃப்.ஆர்.சி.) புது வசந்தம் திட்டத்தில் எம்.என்.பி. மற்றும் புதிய சிம் வாங்கும் வாடிக்கையாளருக்கு முதல் 15 நாள்களுக்கு நாடு முழுவதும் உள்ள அனைத்து நெட்வொர்க்குகளுக்கும் அன்லிமிடெட் கால்களுடன் நாடு முழுவதும் தில்லி மற்றும் மும்பை தவிர ரோமிங்கிலும் அன்லிமிடெட் அவுட்கோயிங் கால்களைப் பெறலாம். மேலும், முதல் 15 நாள்களுக்கு 1ஜிபி டேட்டாவும், 1000 எஸ்.எம்.எஸ். நாடு முழுவதும் உள்ள அனைத்து நெட்வொர்க்குகளுக்கும் வழங்கப்படுகிறது. இத்திட்டத்தின் வேலிடிட்டி 2020 பிப்ரவரி வரை இருக்கும்.
பி.எஸ்.என்.எல். 3ஜி சேவை சங்கரன்கோவில் கோட்டத்தில் கடையாலுருட்டி, தென்காசி கோட்டத்தில் கல்லூரணி, ராமச்சந்திரபட்டிணம், திருநெல்வேலி கோட்டத்தில் அழகிய பாண்டியபுரம், உக்கிரன் கோட்டை, நான்குனேரி கோட்டத்தில் பரப்பாடி, மூலைக்கரைப்பட்டி, ராமகிருஷ்ணாபுரம் மற்றும் வள்ளியூர் கோட்டத்தில் மிட்டாதார்குளம் பகுதிகளில் புதிதாக அறிமுகப்படுத்தப்பட்டுள்ளது.
ஆண்டு கட்டணத்திற்கு கேஷ் பேக் ஆஃபர்: புதிய மற்றும் நடப்பு தரைவழி மற்றும், பிராட்பேண்ட் வாடிக்கையாளர்கள் ஆண்டு திட்டத்திற்கு மாறினால், அவர்களுக்கு ஆண்டு கட்டணத்தில் 25 சதவீதம் கேஷ் பேக் ஆஃபர் வரும் 31-ஆம் தேதி வரை வழங்கப்படுகிறது. அரையாண்டு கட்டணம் செலுத்துபவர்களுக்கு 15 சதவீதம் கேஷ் பேக் ஆஃபர் வழங்கப்படுகிறது. இத்தொகையை வாடிக்கையாளர்கள் தங்கள் செல்லிடப்பேசி எண்ணில் வருங்காலத்தில் உள்ள எந்த ஒரு கட்டணத்திற்கும் சரிசெய்துகொள்ளலாம்.
அமைப்புக்கட்டணம் தள்ளுபடி: புதிய தரைவழி மற்றும் பிராட்பேண்ட் இணைப்புகளுக்கு அமைப்புக் கட்டணம் முறையே ரூ. 600 மற்றும் ரூ. 850 முழுவதும் தள்ளுபடி செய்யப்பட்டுள்ளது. இச்சலுகை வரும் 31 வரை மட்டுமே. மறு இணைப்பு பெறும் பொதுமக்களுக்கும் இச்சலுகை உண்டு.
பி.எஸ்.என்.எல். மேளா: பி.எஸ்.என்.எல்.லின் சலுகைகளைப் பெறுவதற்காக பி.எஸ்.என்.எல். வரும் 20-ஆம் தேதி அனைத்து தொலைபேசி நிலையங்களிலும் மெகா மேளாக்களை நடத்துகிறது. மேலும், வரும் 18-ஆம் தேதி பாளையங்கோட்டை, பணகுடி மற்றும் ஏர்வாடி தொலைபேசி நிலையங்களிலும், 19-ஆம் தேதி தேதி செங்கோட்டை, நகரம், பாம்புகோயில் சந்தை மற்றும் கரிவலம்வந்தநல்லூர் தொலைபேசி நிலையங்களிலும், 22-ஆம் தேதி திருநெல்வேலி ஸ்ரீபுரம், சங்கர் நகர் மற்றும் தென்காசி தொலைபேசி நிலையங்களிலும் உள்ளூர் மேளாக்கள் நடைபெறுகின்றன.
பொதுமக்கள் இந்த மேளாக்களில் பங்கேற்று மறு இணைப்புகள், புதிய தரைவழி, பிராட்பேண்ட், எஃப்.டி.டி.எச். இணைப்புகள் மற்றும் 3ஜி செல்போன் இணைப்புகள், எம்.என்.பி. இணைப்புகளை (நம்பரை வேறு நெட்வொர்க்கிலிருந்து பி.எஸ்.என்.எல்.லுக்கு மாற்றிக்கொள்வது) பெறலாம். மேலும், நாள்பட்ட பில்லிங் சம்பந்தப்பட்ட குறைகளை நிவர்த்திசெய்யலாம்.
நகர் மற்றும் தென்காசி தொலைபேசி நிலையங்களிலும் உள்ளூர் மேளாக்கள் நடைபெறுகின்றன. பொதுமக்கள் இந்த மேளாக்களில் பங்கேற்று மறு இணைப்புகள், புதிய தரைவழி, பிராட்பேண்ட், எஃப்.டி.டி.எச். இணைப்புகள் மற்றும் 3ஜி செல்போன் இணைப்புகள், எம்.என்.பி. இணைப்புகளை (நம்பரை வேறு நெட்வொர்க்கிலிருந்து பி.எஸ்.என்.எல்.லுக்கு மாற்றிக்கொள்வது) பெறலாம். மேலும், நாள்பட்ட பில்லிங் சம்பந்தப்பட்ட குறைகளை நிவர்த்திசெய்யலாம்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/பிஎஸ்என்எல்-வாடிக்கையாளர்களுக்கு-சிறப்பு-சலுகைகள்-3058433.html
3058432 திருநெல்வேலி திருநெல்வேலி கங்கைகொண்டானில் எல்பிஜி எரிவாயு நிரப்பும் ஆலை: பொதுமக்களிடம் கருத்துக் கேட்பு DIN DIN Saturday, December 15, 2018 04:25 AM +0530
திருநெல்வேலி மாவட்டம், கங்கைகொண்டான் சிப்காட் வளாகத்தில் இந்தியன் ஆயில் கார்ப்பரேசன் லிமிடெட் (ஐஓசிஎல்) நிறுவனத்தின் எரிவாயு நிரப்பும் ஆலைக்கு சுற்றுச்சூழல் அனுமதி வழங்குவது தொடர்பான தமிழ்நாடு மாசு கட்டுப்பாட்டு வாரியத்தின் மக்கள் கருத்துக் கேட்பு கூட்டம் திருநெல்வேலி ஆட்சியர் அலுவலகத்தில் வெள்ளிக்கிழமை நடைபெற்றது.
இந்தக் கூட்டத்துக்கு ஆட்சியர் ஷில்பா பிரபாகர் சதீஷ் தலைமை வகித்தார். மாவட்ட சுற்றுச்சூழல் பொறியாளர் ரொமால்ட் டெரிக் பின்டோ வரவேற்றார்.
கூட்டத்தில், இந்தியன் ஆயில் நிறுவனத்தின் அதிகாரிகள் பேசியதாவது: இந்தியன் ஆயில் நிறுவனத்தின் இன்டேன் எல்.பி.ஜி. எரிவாயு நிரப்பும் ஆலை தமிழகத்தில் செங்கல்பட்டு, கோயம்புத்தூர், எண்ணூர், ஈரோடு, இளையான்குடி, மதுரை, மன்னார்குடி, மயிலாடுதுறை, சேலம், திருச்சி, புதுச்சேரி ஆகிய 11 இடங்களில் செயல்பட்டு வருகிறது.
தற்போது கன்னியாகுமரி, திருநெல்வேலி, தூத்துக்குடி, விருதுநகர் ஆகிய மாவட்டங்களுக்கு மதுரை மற்றும் இளையான்குடி எரிவாயு நிரப்பும் ஆலைகளிலிருந்து தான் எல்.பி.ஜி. எரிவாயு உருளைகள் விநியோகிக்கப்படுகின்றன.
கங்கைகொண்டான் சிப்காட் வளாகத்தில் அமைக்கப்பட்டு வரும் எரிவாயு உருளை நிரப்பும் ஆலை செயல்படத் தொடங்கினால் மேற்கண்ட நான்கு மாவட்ட மக்களுக்கு முன்பதிவு செய்த ஓரிரு நாள்களில் எரிவாயு உருளைகள் கிடைக்கும் நிலை உருவாகும் என்றனர்.
மாவட்ட ஆட்சியர் ஷில்பா பிரபாகர் சதீஷ் பேசியதாவது: கங்கைகொண்டான் பகுதியில் அமைக்கப்பட்டு வரும் இன்டேன் எல்.பி.ஜி. எரிவாயு நிரப்பும் ஆலைக்கு மத்திய சுற்றுச்சூழல் வனத்துறை மற்றும் பருவநிலை மாற்றம் அமைச்சகத்திடம் சுற்றுச்சூழல் அனுமதி பெறுவது தொடர்பாக பொதுமக்களிடம் கருத்துக் கேட்பு கூட்டம் நடத்தப்படுகிறது. பொதுமக்களின் கருத்துகள் அனைத்தும் பதிவு செய்யப்பட்டுள்ளது. அவை மத்திய அமைச்சகத்துக்கு அனுப்பி வைக்கப்படும் என்றார்.
இந்தக் கூட்டத்தில் அணைத்தலையூரைச் சேர்ந்த நடராஜன் பேசியதாவது: எங்கள் பகுதியின் சுற்று வட்டாரங்களில் 3 ஆயிரம் பேர் வசிக்கின்றனர். 1995-இல் நடைபெற்ற ஜாதி கலவரத்தால் எங்கள் பகுதி பாதிக்கப்பட்டது. வேலைவாய்ப்பு இல்லாமையால் தான் ஜாதி கலவரம் ஏற்பட்டது.
சிப்காட்டில் தற்போதுள்ள தொழிற்சாலைகளால் ஏராளமான இளைஞர்கள் வேலைவாய்ப்பு பெற்றுள்ளனர். அதனால் புதிய வேலைவாய்ப்பளிக்கும் எல்பிஜி தொழிற்சாலையை அமைக்க வேண்டும் என்றார்.
தமிழ் மாநில காங்கிரஸ் நிர்வாகி ஜோதி பேசியதாவது: இந்த திட்டம் தென் மாவட்ட மக்களுக்கு வரப்பிரசாதமாக அமையும். தற்போது எரிவாயு உருளை கேட்டு பதிவு செய்தால் 10 நாள்கள் ஆகின்றன. கங்கைகொண்டான் பகுதியில் அமையும் எல்பிஜி ஆலையால் உடனடியாக மக்களுக்கு எரிவாயு உருளைகள் கிடைக்கும்.
தென் தமிழகத்தின் தொழில் வளர்ச்சியை கருத்தில்கொண்டுதான் எல்பிஜி ஆலை கொண்டு வரப்பட்டுள்ளது என்றார்.
அதேநேரத்தில் சங்கர் நகரைச் சேர்ந்த சுற்றுச்சூழல் ஆர்வலரான முத்துராமன் பேசியதாவது: சுற்றுச்சூழல் அனுமதி பெற்ற பிறகுதான் ஆலைகளை அமைக்க வேண்டும். ஆனால் இந்தியன் ஆயில் நிறுவனம் சுற்றுச்சூழல் அனுமதி பெறாமல் ஆலைக்கு கட்டடம் கட்டியுள்ளது. இது தொடர்பான இந்தியன் ஆயில் நிறுவன அதிகாரிகள் மீது 30.10.2015-இல் வழக்குப் பதிவு செய்ய உத்தரவிடப்பட்டுள்ளது. எனினும் இதுவரை எந்த நடவடிக்கையும் எடுக்கவில்லை என்றார்.
அதற்குப் பதிலளித்த மாவட்ட சுற்றுச்சூழல் பொறியாளர் ரொமால்ட், இது தொடர்பாக விளக்கம் கேட்டு 10.10.2018-இல் நோட்டீஸ் அனுப்பப்பட்டுள்ளது. அரசு வழக்குரைஞர்கள் அனுமதியைப் பெற்று வழக்குப் பதிவு செய்யப்படும் என்றார்.
இக்கூட்டத்தில், மாவட்ட வருவாய் அலுவலர் பூ.முத்துராமலிங்கம், அரசு அலுவலர்கள், பொதுமக்கள், தன்னார்வலர்கள் கலந்துகொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/கங்கைகொண்டானில்-எல்பிஜி-எரிவாயு-நிரப்பும்-ஆலை-பொதுமக்களிடம்-கருத்துக்-கேட்பு-3058432.html
3058431 திருநெல்வேலி திருநெல்வேலி ராமையன்பட்டி ஊராட்சி அலுவலகத்தில் பொதுமக்கள் குடியேறும் போராட்டம் DIN DIN Saturday, December 15, 2018 04:24 AM +0530
ராமையன்பட்டி குளத்தில் பாதாள சாக்கடை கழிவு நீரை சுத்திதகரிக்காமல் கலப்பதாகக் கூறி அப்பகுதி மக்கள் குடும்பத்துடன் ஊராட்சி அலுவலகத்தில் குடியேறும் போராட்டத்தில் வெள்ளிக்கிழமை ஈடுபட்டனர்.
திருநெல்வேலியை அடுத்த ராமையன்பட்டியில் சுமார் 20 ஆயிரத்திற்கும் மேற்பட்ட மக்கள் வசித்து வருகின்றனர். இப்பகுதியில் உள்ள கோடகன் கால்வாயில் பாதாள சாக்கடை கழிவு நீரை சுத்திகரிக்காமல் திறந்து விடுவதால், அது சத்திரம்புதுக்குளத்தில் தேங்குகிறது.
இதனால் ராமையன்பட்டி சுற்றுப்பகுதிகளில் துர்நாற்றம் வீசுவதோடு, தொற்று நோய் பரவும் அபாயம் உள்ளது. இதுகுறித்து அதிகாரிகளின் கவனத்திற்கு கொண்டு சென்றும் நடவடிக்கை எடுக்கவில்லை என கூறப்படுகிறது.
இந்நிலையில் பாதாள சாக்கடை கழிவு நீரை சுத்திகரிக்காமல் கோடகன் கால்வாயில் விடுவதை நிறுத்த வேண்டும். மாநகராட்சியின் 2ஆம் கட்ட பாதாள சாக்கடை திட்டத்தை ராமையன்பட்டி வழியாக செயல்படுத்த தடை விதிக்க வேண்டும் எனக் கூறி அப்பகுதி பெண்கள் உள்பட பலர் குடும்பத்துடன் வெள்ளிக்கிழமை மாலை முதல் நள்ளிரவு வரை ராமையன்பட்டி ஊராட்சி அலுவலகத்தில் குடியேறும் போராட்டத்தில் ஈடுபட்டனர். பொதுமக்கள் இரவில் ஊராட்சி அலுவலகம் முன் உணவு சமைத்து சாப்பிட்டனர்.
இதுகுறித்து தகவல் அறிந்த வட்டாட்சியர் ஆவுடையப்பன் மற்றும் போலீஸார் சம்ப இடத்துக்கு வந்து பொதுமக்களிடம் பேச்சுவார்த்தை நடத்தினர். பேச்சுவார்த்தையில் உடன்பாடு ஏற்படாததால் மக்களின் போராட்டம் நள்ளிரவு வரை நீடித்தது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/ராமையன்பட்டி-ஊராட்சி-அலுவலகத்தில்-பொதுமக்கள்-குடியேறும்-போராட்டம்-3058431.html
3058430 திருநெல்வேலி திருநெல்வேலி கம்பன் இலக்கிய சங்கம் சார்பில் சொற்பொழிவு DIN DIN Saturday, December 15, 2018 04:24 AM +0530
திருநெல்வேலி கம்பன் இலக்கிய சங்கம் சார்பில், 1162-ஆவது தொடர் சொற்பொழிவு பாளையங்கோட்டை மாநிலத் தமிழ்ச் சங்கத்தில் நடைபெற்றது.
கூட்டத்திற்கு சங்கப் பொருளாளர் மு.அ. நசீர் தலைமை வகித்து தெய்வக் கற்பினள் கைகேயி என்ற தலைப்பில் உரையாற்றினார். விவேகானந்தா மன்றச் செயலாளர் பி. சுந்தரம் இறை வாழ்த்துப் பாடினார். தி. ராமன் வரவேற்றார். பா. வளன் அரசு முன்னிலை வகித்து கைகேயி பெற்ற இரண்டு வரங்கள் குறித்து பேசினார்.
மருத்துவர் மகாலிங்கம் அனுமன் குறித்து உரை நிகழ்த்தினார். செயலர் மு. கனகராசு நல்லதோர் வீணை செய்தே என்ற பாரதியின் பாடலுக்கு விளக்கம் அளித்தார். தொழிற்சங்கத் தலைவர் சுப்பிரமணியன் நன்றி கூறினார்.
இதில், நெல்லையப்பன், பொறியாளர் வி. பாப்பையா, ஜெயகோமா, முத்துசாமி, திட்ட அலுவலர் சண்முகையா ராசப்பா, இணைச் செயலர் முருகன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/கம்பன்-இலக்கிய-சங்கம்-சார்பில்-சொற்பொழிவு-3058430.html
3058428 திருநெல்வேலி திருநெல்வேலி நெல்லையில் 5ஆவது நாளாக கிராம நிர்வாக அலுவலர்கள்ஆர்ப்பாட்டம் DIN DIN Saturday, December 15, 2018 04:24 AM +0530
21 அம்சக் கோரிக்கைகளை வலியுறுத்தி திருநெல்வேலி வட்டாட்சியர் அலுவலகம் முன்பு கிராம நிர்வாக அலுவலர்கள் வெள்ளிக்கிழமை ஆர்ப்பாட்டத்தில் ஈடுபட்டனர்.
கிராம நிர்வாக அலுவலர்கள் பதவியை மீண்டும் தொழில்நுட்ப பதவியாக அறிவித்தல், கணினி மற்றும் அடிப்படை இணையதள வசதி செய்து தருதல், தமிழகம் முழுவதும் உள்பிரிவு பட்டா மாறுதல் உள்பட அனைத்து விதமான பட்டா மாறுதல்களிலும் கிராம நிர்வாக அலுவலர் பரிந்துரையை கட்டாயமாக்குதல் உள்ளிட்ட 21 அம்சங்கள் அடங்கிய கோரிக்கைகளை வலியுறுத்தி கிராம நிர்வாக அலுவலர்கள் போராடி வருகின்றனர்.
இந்நிலையில், 5-ஆவது நாளாக திருநெல்வேலி வட்டாட்சியர் அலுவலகம் முன்பு மேற்கண்ட கோரிக்கைகளை வலியுறுத்தி வெள்ளிக்கிழமை ஆர்ப்பாட்டத்தில் ஈடுபட்டனர்.
இந்தப் போராட்டத்துக்கு திருநெல்வேலி வட்டத் தலைவர் மணிகண்டன் தலைமை வகித்தார். பாளையங்கோட்டை வட்டத் தலைவர் ஜெயபாலன் முன்னிலை வகித்தார். மானூர் வட்டத் தலைவர் ஜெயபால் நன்றி கூறினார்.
திருநெல்வேலி வட்டச் செயலர் பொன்னையன், பாளையங்கோட்டை வட்டச் செயலர் நாராயணன், மானூர் வட்டச் செயலர் துரை மற்றும் பலர் ஆர்ப்பாட்டத்தில் கலந்துகொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/நெல்லையில்-5ஆவது-நாளாக-கிராம-நிர்வாக-அலுவலர்கள்ஆர்ப்பாட்டம்-3058428.html
3058427 திருநெல்வேலி திருநெல்வேலி நெற்பயிரில் தண்டு துளைப்பான்- குருத்துப்பூச்சி தாக்குதலைக் கட்டுப்படுத்தும் முறைகள் DIN DIN Saturday, December 15, 2018 04:24 AM +0530
அம்பாசமுத்திரம் வட்டாரத்தில் அய்யனார்குளம் மற்றும் அதன் சுற்று வட்டாரப் பகுதிகளில் நெற்பயிரில் காணப்படும் தண்டுதுளைப்பான்- குருத்துப் பூச்சித் தாக்குதலை, உரிய மருந்துகள் தெளிப்பதன் மூலம் கட்டுப்படுத்தலாம் என வேளாண்மைத் துறை தெரிவித்துள்ளது.
இதுகுறித்து அம்பாசமுத்திரம் வேளாண்மை உதவி இயக்குநர் பழனி வேலாயுதம் வெளியிட்ட செய்திக் குறிப்பு: தற்போது சாகுபடி செய்யப்பட்டுள்ள நெற்பயிரில் தண்டு துளைப்பான்- குருத்துப்பூச்சி தாக்குதல் பரவலாக தென்படுவதோடு வேகமாக பரவி வருகிறது. இதனால் தாக்கப்பட்ட நெற்பயிரின் இலைகளின் நடுக்குருத்து வாடி காய்ந்து பயிரின் வளர்ச்சி குன்றி விடும். தூர்களின் எண்ணிக்கை வெகுவாக குறையும். இப்பூச்சித் தாக்குதலில் பொருளாதார சேதநிலையான இளம் பயிரில் 2 முட்டை குவியல்கள், 10 சதவீத தூர்களில் நடுக்குருத்து வாடியிருத்தல் போன்ற காரணிகள் அதிகமாகும்பட்சத்தில், இதைக் கட்டுப்படுத்த, நடவு செய்த 15, 30, 45 மற்றும் 60ஆம் நாள்களில் முட்டை ஒட்டுண்ணியான டிரைக்கோகிராம்மா ஜப்பானிக்கம் 2சிசி (40000 முட்டை) என்ற அளவில் முட்டை ஒட்டுண்ணியை வயலில் குச்சியில் கட்டி தொங்க விட வேண்டும். அல்லது குளோர் அன்ட்ரானிலிப்புரோல் ஏக்கருக்கு 60 மி.லி. அல்லது டிரைஅசோபாஸ் ஏக்கருக்கு 400மி.லி. அல்லது புரொபெனாபாஸ் ஏக்கருக்கு 400 மி.லி. என்ற அளவில் பயிரின் மீது தெளிப்பான் கொண்டு தெளிக்கலாம்

 

]]>
http://www.dinamani.com/all-editions/edition-thirunelveli/thirunelveli/2018/dec/15/நெற்பயிரில்-தண்டு-துளைப்பான்--குருத்துப்பூச்சி-தாக்குதலைக்-கட்டுப்படுத்தும்-முறைகள்-3058427.html
3058426 திருநெல்வேலி திருநெல்வேலி புதிய வரிவிதிப்பை கண்டித்து பாளை.யில் ஆர்ப்பாட்டம் DIN DIN Saturday, December 15, 2018 04:24 AM +0530
திருநெல்வேலி மாநகராட்சி நிர்வாகத்தின் புதிய வரி விதிப்பை கண்டித்து பொதுமக்கள் சார்பில் பாளையங்கோட்டையில் வெள்ளிக்கிழமை ஆர்ப்பாட்டம் நடைபெற்றது.
சென்னை மாநகராட்சிக்கு நிகராக, திருநெல்வேலி மாநகராட்சிப் பகுதிகளில் உள்ள வீடுகள், கடைகளுக்கு அதிகமாக வரி விதிப்பதை கண்டித்தும், புதிய வரி விதிப்பை ரத்து செய்யக் கோரியும் மாநகர மக்கள் சார்பில் நடைபெற்ற ஆர்ப்பாட்டத்துக்கு மாநகராட்சி முன்னாள் உறுப்பினர் உமாபதி சிவன் தலைமை வகித்தார். சிறப்பு விருந்தினர்களாக முன்னாள் மத்திய அமைச்சர் தனுஷ்கோடி ஆதித்தன், திமுக நிர்வாகி சுப.சீதாராமன் ஆகியோர் புதிய சொத்து வரி உயர்வை கண்டித்துப் பேசினர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/புதிய-வரிவிதிப்பை-கண்டித்து-பாளையில்-ஆர்ப்பாட்டம்-3058426.html
3058425 திருநெல்வேலி திருநெல்வேலி ராபி பருவ பயிர்களுக்கு காப்பீடு செய்ய வேளாண்துறை வேண்டுகோள் DIN DIN Saturday, December 15, 2018 04:23 AM +0530
திருநெல்வேலி மாவட்டத்தில் ராபி பருவ பயிர்களுக்கு பிரதமரின் பயிர் காப்பீட்டுத் திட்டத்தில் பதிவு செய்யுமாறு விவசாயிகளுக்கு மாவட்ட வேளாண்மை துறை வேண்டுகோள் விடுத்துள்ளது.
இது தொடர்பாக திருநெல்வேலி மாவட்ட வேளாண் இணை இயக்குநர் செந்திவேல்முருகன் வெளியிட்ட செய்திக் குறிப்பு:
திருநெல்வேலி மாவட்டத்தில் நடப்பு ராபி பருவத்தில் சாகுபடி செய்யப்படும் பயிர்களுக்கு பிரதமரின் பயிர் காப்பீட்டுத் திட்டத்தின் கீழ் பயிர் காப்பீடு செய்ய அறிவிப்பு வெளியிடப்பட்டுள்ளது. அதன்படி ராபி பயிர்களான நெல்-3 (கோடை நெல்) பிரீமியத் தொகையாக ஏக்கருக்கு ரூ.388 நிர்ணயிக்கப்பட்டுள்ளது. காப்பீடு செய்ய கடைசி நாள் பிப்ரவரி 15. ராபி பருவ இதர பயிர்களுக்கு ஏக்கருக்கு சோளம் ரூ.146, மக்காசோளம் ரூ.224, கம்பு ரூ.125, உளுந்து ரூ.215, பாசிப்பயறு ரூ.215, துவரை ரூ.215, நிலக்கடலை ரூ.271 நிர்ணயிக்கப்பட்டுள்ளது. காப்பீடு செய்ய கடைசி நாள் ஜனவரி 15.
பருத்தி பயிருக்கு ஏக்கருக்கு ரூ.435 நிர்ணயிக்கப்பட்டுள்ளது. காப்பீடு செய்ய கடைசி நாள் பிப்ரவரி 28. கரும்பு பயிருக்கு ரூ.2025 நிர்ணயிக்கப்பட்டுள்ளது. காப்பீடு செய்ய கடைசி நாள் அக்டோபர் 31. இத்திட்டத்தின் கீழ் கடன் பெறும் விவசாயிகள் வங்கிகளிலோ, தொடக்க வேளாண்மை கூட்டுறவு சங்கங்களிலோ கட்டாயமாக பயிர் காப்பீட்டுத் திட்டத்தில் பதிவு செய்யப்படுவர். கடன்பெறாத விவசாயிகள் திருநெல்வேலி மாவட்டத்தில் பயிர் காப்பீடு திட்டத்தை செயல்படுத்தும் காப்பீட்டு நிறுவனத்தின் அங்கீகரிக்கப்பட்ட முகவர்கள் மூலமாகவோ, வங்கிகள், தொடக்க வேளாண்மை கூட்டுறவு சங்கங்கள், பொது சேவை மையங்கள் மூலமாகவோ தங்களது விருப்பத்தின் பேரில் பயிர் காப்பீடு பதிவு செய்து கொள்ளலாம்.
விவசாயிகள் பயிர் காப்பீட்டு பதிவு செய்வதற்கு முன்பதிவு விண்ணப்பத்துடன், கிராம நிர்வாக அலுவலர் வழங்கும் அடங்கல் சான்று, வங்கிக் கணக்கு புத்தகத்தின் முதல்பக்க நகல், ஆதார் அட்டை நகல், புகைப்படம் ஆகியவற்றை இணைத்து கட்டணத் தொகையை செலுத்திய பின் அதற்கான ரசீதையோ, காப்பீடு செய்ததற்கான பதிவு படிவத்தையோ பெற்றுக்கொள்ளலாம்.
விவசாய பெருமக்கள் இறுதி நேர நெரிசலை தவிர்க்கவும், தங்களின் பதிவு விண்ணப்பங்கள் விடுபடாமல் பதிவேற்றம் செய்யவும் பிரமதரின் பயிர் காப்பீடு திட்டத்தில் முன்கூட்டியே பதிவு செய்து கொள்ள வேண்டும். பயிர் காப்பீடு தொடர்பான மேலும் விவரங்களுக்கு வட்டார வேளாண்மைத்துறை அலுவலர்களை அணுகலாம் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/thirunelveli/2018/dec/15/ராபி-பருவ-பயிர்களுக்கு-காப்பீடு-செய்ய-வேளாண்துறை-வேண்டுகோள்-3058425.html
3058424 திருநெல்வேலி திருநெல்வேலி அரசு அருங்காட்சியகத்தில் தூய்மைப் பணி DIN DIN Saturday, December 15, 2018 04:23 AM +0530
திருநெல்வேலி அரசு அருங்காட்சியகத்தில், திருநெல்வேலி ரோட்டரி சங்கம் மற்றும் என்.சி.சி. மாணவர்கள் இணைந்து வெள்ளிக்கிழமை தூய்மைப் பணியில் ஈடுபட்டனர்.
திருநெல்வேலி அருங்காட்சியக கட்டடத்தின் பின்புறம் உள்ள இடத்தில் செடிகொடிகள் மற்றும் முள் புதர்கள் அடர்ந்து காணப்பட்டது. இதை திருநெல்வேலி ரோட்டரி சங்கம், என்.சி.சி. மாணவ, மாணவிகள் இணைந்து சுத்தம் செய்தனர். கிள்ளிகுளம் வேளாண்மை கல்லூரி, பாளையங்கோட்டை சதக்கதுல்லா அப்பா கல்லூரிகளைச் சேர்ந்த என்.சி. சி. மாணவ, மாணவிகள் இந்த தூய்மைப் பணியை மேற்கொண்டனர்.
இதில், அருங்காட்சியக காப்பாட்சியர் சிவசத்திய வள்ளி, திருநெல்வேலி ரோட்டரி சங்கத் தலைவர் பரமசிவன், செயலாளர் சங்கரநாயகம், இயக்குநர்கள் செந்தில்குமார், அந்தோணி பாபு, கமாக் புகழேந்திரன் மற்றும் என்.சி.சி. அலுவலர் வேணுதேவன், காஜாமுகைதீன், நல்லாசிரியர் செல்லப்பா உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/அரசு-அருங்காட்சியகத்தில்-தூய்மைப்-பணி-3058424.html
3058423 திருநெல்வேலி திருநெல்வேலி திமுகவில் இணைந்த தொழிலதிபர் அதிமுகவைச் சேர்ந்தவர் அல்ல DIN DIN Saturday, December 15, 2018 04:23 AM +0530
திமுகவில் அண்மையில் இணைந்த தொழிலதிபர், அதிமுகவைச் சேர்ந்தவர் அல்ல என்றார் அதிமுக மாநகர் மாவட்டச் செயலர் தச்சை கணேசராஜா.
திருநெல்வேலியில் செய்தியாளர்களை வெள்ளிக்கிழமை சந்தித்த அவர் கூறியதாவது: திருநெல்வேலியைச் சேர்ந்த தொழிலதிபர் ஒருவர், திமுக தலைவர் மு.க.ஸ்டாலின் முன்னிலையில் அக்கட்சியில் அண்மையில் இணைந்துள்ளார். அவர், திருநெல்வேலி மாவட்டத்தில் அதிமுகவின் வெற்றிக்கு பாடுபட்டதாகக் கூறியிருக்கிறார். அது உண்மைக்கு புறம்பானது.
அவர் அதிமுகவைச் சேர்ந்தவரே அல்ல. அவருக்கும் அதிமுகவுக்கும் எந்த சம்பந்தமும் இல்லை. சங்கரன்கோவில், அதிமுகவின் கோட்டையாகவே உள்ளது. அதிமுக ஆட்சி நேர்மையான முறையில் நடைபெற்று வருகிறது என்றார்.
அப்போது, மாவட்ட அவைத் தலைவர் பரணி சங்கரலிங்கம், நிர்வாகிகள் ஜெரால்டு, மகபூப் ஜான் உள்ளிட்ட பலர் உடனிருந்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/15/திமுகவில்-இணைந்த-தொழிலதிபர்-அதிமுகவைச்-சேர்ந்தவர்-அல்ல-3058423.html
3057828 திருநெல்வேலி திருநெல்வேலி நெல்லையில் வங்கி ஊழியர்கள் ஆர்ப்பாட்டம் DIN DIN Friday, December 14, 2018 05:41 AM +0530
வங்கிகள் இணைப்புக்கு எதிர்ப்புத் தெரிவித்து, வங்கி ஊழியர் சங்கத்தினர் திருநெல்வேலி ஸ்ரீபுரத்தில் வியாழக்கிழமை ஆர்ப்பாட்டத்தில் ஈடுபட்டனர்.
தேனா வங்கி, விஜயா வங்கி, பரோடா வங்கி ஆகியவற்றை இணைக்க மத்திய அரசு முடிவு செய்துள்ளது. அதை எதிர்த்து வரும் 26-ஆம் தேதி அகில இந்திய அளவில் வேலை நிறுத்தம் நடைபெறவுள்ளது. அது தொடர்பான விழிப்புணர்வை ஏற்படுத்தும் வகையில் திருநெல்வேலி ஸ்ரீபுரத்தில் உள்ள விஜயா வங்கி முன்பு வங்கித் துறை ஊழியர் சங்கம் உள்பட 9 சங்கங்களின் சார்பில் வியாழக்கிழமை மாலையில் ஆர்ப்பாட்டம் நடைபெற்றது.
இந்த ஆர்ப்பாட்டத்துக்கு சங்க நிர்வாகி கணபதிராமன் தலைமை வகித்தார். விக்டர் துரைராஜ் முன்னிலை வகித்தார். உதயசெல்வன், சண்முகசுந்தரம், சக்திவேலாயும் உள்ளிட்ட பலர் கலந்துகொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/நெல்லையில்-வங்கி-ஊழியர்கள்-ஆர்ப்பாட்டம்-3057828.html
3057827 திருநெல்வேலி திருநெல்வேலி வாழைப்பயிரில் மஞ்சள் இலைப்புள்ளி நோயை கட்டுப்படுத்த யோசனை DIN DIN Friday, December 14, 2018 05:41 AM +0530
களக்காடு வட்டாரத்தில் வாழைப் பயிரைத் தாக்கியுள்ள மஞ்சள் இலைப்புள்ளி நோயைக் கட்டுப்படுத்தும் முறையை கடைப்பிடிக்குமாறு விவசாயிகளுக்கு தோட்டக்கலைத்துறை உதவி இயக்குநர் தெரிவித்துள்ளார்.
இதுகுறித்து, களக்காடு வட்டாரத் தோட்டக்கலைத்துறை உதவிஇயக்குநர் எஸ். என். திலீப் வெளியிட்ட செய்திக்குறிப்பு: வாழைப்பயிரில் மஞ்சள் இலைப்புள்ளி நோய் மைக்கோஸ்போரெல்லா மியூசிகோலா எனப்படும் பூஞ்சாணத்தால் உருவாகும் நோய். காற்று, நீர் ஆகியவற்றின் மூலம் இந்நோய் பரவுகிறது. மழை அதிகமுள்ள, காற்றின் ஈரப்பதம் அதிகமாக இருக்கும் காலங்களில் இந்நோய் அதிகளவில் பரவுகிறது. நெருக்கமான நடவு, மண்ணில் அதிக களைகள், வடிகால் வசதியில்லாத மண் போன்றவை இந்நோய் தாக்குதலை மேலும் தீவிரப்படுத்துகிறது.
அறிகுறி: ஆரம்பத்தில் இலையின் மேற்புறத்தில் சிறு சிறு வெளிர் மஞ்சள் நிறமாகவும் அல்லது பச்சை நிற புள்ளிகளாக தோன்றும். இப்புள்ளிகள் பின்னர் வேகமாக நீள் வடிவத்தில் பழுப்பு நிறப் பெரும் புள்ளிகளாக மாறுகிறது. பின்னர், இலை முழுவதும் காய்ந்து உதிர்ந்துவிடும். இந்த நோயினால் வாழைப் பயிரின் வளர்ச்சி பெரிதும் பாதிக்கப்படுகிறது.
கட்டுப்படுத்துதல்: நோய் தாக்கப்பட்ட இலைகளை அகற்றி அழிப்பதுடன், இடைக்கன்றுகள், களைகளை அவ்வப்போது நீக்கி பராமரித்து வர வேண்டும். ஒரு லிட்டர் தண்ணீரில் கார்பென்டஸிம் 1 கிராம் அல்லது புரப்பிகோனúஸால் 1 கிராம் அல்லது மேன்கோசெப் 2.5 கிராம் அல்லது காலிக்ஸின் 1 கிராம் இவற்றில் ஏதேனும் ஒரு மருந்துடன் ஒட்டு இயந்திரமான டீப்பால் சேர்த்து 10 முதல் 15 நாள்கள் இடைவெளியில்
அறிகுறியின் தொடக்க நிலையிலிருந்து இலையின் அடிப்பகுதியில் கரும்புள்ளிகள் தெரிந்த நாளில் இருந்து 3 முறை தெளித்து கண்காணிக்க வேண்டும். மேலும் 1 லிட்டர் தண்ணீருக்கு 2 கிராம் காப்பர் ஆக்ஸிகுளோரைடு கலந்து தெளித்து 15 நாள்களுக்குப் பின்னர், 1 லிட்டர் தண்ணீருக்கு ஹெக்ஸாகொனசால் 1 மி.லி கலந்து தெளித்து இந்நோயைக் கட்டுப்படுத்தலாம் எனத் தெரிவிக்கப்பட்டுள்ளது.

 

]]>
http://www.dinamani.com/all-editions/edition-thirunelveli/thirunelveli/2018/dec/14/வாழைப்பயிரில்-மஞ்சள்-இலைப்புள்ளி-நோயை-கட்டுப்படுத்த-யோசனை-3057827.html
3057826 திருநெல்வேலி திருநெல்வேலி மக்காச்சோளத்தில் படைப்புழு தாக்குதல்: நெல்லை மாவட்டத்தில் விஞ்ஞானிகள் ஆய்வு DIN DIN Friday, December 14, 2018 05:41 AM +0530
திருநெல்வேலி மாவட்டத்தில் மக்காச்சோளப் பயிரில் படைப்புழு தாக்குதல் குறித்து வேளாண் விஞ்ஞானிகள் ஆய்வு செய்தனர்.
இது தொடர்பாக திருநெல்வேலி மாவட்ட வேளாண் இணை இயக்குநர் செந்திவேல் முருகன் வெளியிட்டுள்ள செய்திக்குறிப்பு:
திருநெல்வேலி மாவட்டத்தில் மக்காச் சோளப்பயிர் நடப்பு ராபி பருத்தில் சுமார் 13,000 ஹெக்டேர் பரப்பில் பயிரிடப்பட்டுள்ளது. மக்காச்சோளப்பயிர் இம்மாவட்டத்தில் பெரும்பாலும் மானாவாரியாக பயிரிடப்படுகிறது. குருவிகுளம் வட்டாரத்தில் 8,500 ஹெக்டேர் பரப்பிலும், சங்கரன்கோவில் வட்டாரத்தில் 3,500 ஹெக்டேர் பரப்பிலும் மானாவாரியாக பயிரிடப்பட்டுள்ளது.
இந்த ஆண்டு தமிழ்நாட்டில் காரீப் பருவத்தில் சாகுபடி செய்யப்பட்ட மக்காச்சோளப் பயிர்களில் படைப்புழு தாக்குதல் காணப்பட்டதால் ராபி பயிரிடப்படும் மக்காச்சோளப்பயிரில் தாக்குதல் வரக்கூடும் என்பதை கருத்தில் கொண்டு மக்காச்சோளம் விதைத்த 20ஆம் நாள் முதல் வேளாண்மை துறை மூலம் விழிப்புணர்வு முகாம்கள் நடத்தப்பட்டு படைப்புழு தாக்குதலை கட்டுப்படுத்தும் முறை பற்றிய துண்டுப் பிரசுரங்கள் விவசாயிகளுக்கு விநியோகம் செய்யப்பட்டது. மக்காச்சோளப் பயிரில் படைப்புழுவின் தாக்குதலை கட்டுக்குள் கொண்டுவர குறிப்பிட்ட மருந்துகள் தெளிக்க பரிந்துரை செய்யப்பட்டது.
குருவிகுளம் வட்டாரத்தில் மலையாங்குளம் கிராமத்தில் படைப்புழு தாக்கப்பட்ட மக்காச்சோளப் பயிரை தமிழ்நாடு வேளாண் பல்கலைக்கழக விஞ்ஞானிகள் பார்வையிட்டனர். வரும் காலங்களில் மக்காச்சோளப்பயிரில் படைப்புழுவின் தாக்குதலை கட்டுக்குள் கொண்டு வர விரிவான ஒருங்கிணைந்த பயிர்பாதுகாப்பு முறைகளை வேளாண்மைத் துறை பரிந்துரை செய்துள்ளது.
படைப்புழுக்களை அழிக்கும் முறை: ஆழமாக கோடை உழவு செய்வதன் மூலம் படைப்புழு கூண்டு புழுக்களை அழிக்கலாம், வேப்பம் புண்ணாக்கு ஒரு ஹெக்டருக்கு 250 கிலோ இடுவதன் மூலம் கூண்டு புழுவிலிருந்து தாய் அந்துப் பூச்சிகள் உருவாவதை தடுக்கலாம். ஒரு கிலோ விதைக்கு இமிடாகுளோர்பிரைடு 70, டபிள்யூஎஸ் 10 கிராம் என்ற அளவில் விதை நேர்த்தி செய்து விதைக்கலாம். பயிர் இடைவெளி 45ல20 செ.மீ. என்ற அளவில் இருக்க வேண்டும். மருந்து தெளிப்பதற்கு வசதியாக ஒவ்வொரு 10 வரிசைக்கும் இரண்டரை அடி இடைவெளி விடவேண்டும்.
விளக்குப்பொறி வைத்து தாய் அந்துப் பூச்சிகளையும், இனக்கவர்ச்சி பொறி வைத்து ஆண்அந்துப் பூச்சிகளையும் கவர்ந்து அழிக்கலாம்.
வரப்பு பயிராக தட்டை பயறு, சூரியகாந்தி, எள், கேந்தி போன்றவற்றை பயிர் செய்வதன் இயற்கை எதிரிகளின் செயல்பாடுகளை அதிகரிக்கலாம். பயிர் சுழற்சி மேற்கொள்வதன் மூலம் படைப்புழுவின் தாக்குதலை குறைக்கலாம்.
இதேபோல் ஸ்பினோசேடு 0.5 மில்லி அல்லது இமாமெக்டின் பென்சோயேட் 0.4 கிராம் அல்லது இன்டாக்சாகார்ப் 1 மில்லியை ஒரு லிட்டர் தண்ணீரில் கலந்து தெளிக்க வேண்டும்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/மக்காச்சோளத்தில்-படைப்புழு-தாக்குதல்-நெல்லை-மாவட்டத்தில்-விஞ்ஞானிகள்-ஆய்வு-3057826.html
3057825 திருநெல்வேலி திருநெல்வேலி பாளை.யில் நாளை மின்தடை DIN DIN Friday, December 14, 2018 05:40 AM +0530
பாளையங்கோட்டை துணை மின் நிலையத்தில் மாதாந்திர பராமரிப்புப் பணிகள் காரணமாக சனிக்கிழமை (டிச. 15) மின்விநியோகம் நிறுத்தப்படும் என அறிவிக்கப்பட்டுள்ளது.
அதன்படி வி.எம்.சத்திரம், கட்டபொம்மன்நகர், ரஹ்மத்நகர், நீதிமன்றப் பகுதி, சாந்திநகர், சமாதானபுரம், அசோக்திரையரங்கு பகுதி, பாளை. காந்தி சந்தை, திருச்செந்தூர் சாலை, பாளை. பேருந்து நிலையம், மகாராஜநகர், தியாகராஜநகர், ராஜகோபாலபுரம், சிவந்திப்பட்டி, அன்புநகர், பெருமாள்புரம், பொதிகைநகர், அரசு ஊழியர் குடியிருப்பு, பொறியியல் கல்லூரி பகுதி, புதிய பேருந்து நிலையம், ரெட்டியார்பட்டி, டக்கரம்மாள்புரம், கொங்கந்தான்பாறை, பொன்னாக்குடி, அடைமிதிப்பான்குளம், செங்குளம், புதுக்குளம், இட்டேரி, தாமரைச்செல்வி, திருவனந்தபுரம்சாலை, முருகன்குறிச்சி, மேலப்பாளையம், கிருஷ்ணாபுரம், அரியகுளம், மேலக்குளம், சென்னல்பட்டி, நடுவக்குறிச்சி, வல்லநாடு, செய்துங்கநல்லூர் ஆகிய பகுதிகளில் காலை 9 முதல் மாலை 5 மணி வரை மின்விநியோகம் இருக்காது என திருநெல்வேலி நகர்ப்புற மின்செயற்பொறியாளர் சு.முத்துக்குட்டி செய்திக்குறிப்பில் தெரிவித்துள்ளார்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/பாளையில்-நாளை-மின்தடை-3057825.html
3057824 திருநெல்வேலி திருநெல்வேலி எஸ்.டி.பி.ஐ. சாலை மறியல் DIN DIN Friday, December 14, 2018 05:40 AM +0530
வட்டாட்சியர் அலுவலகம் உள்ளிட்ட அரசு அலுவலக கட்டடங்களை காட்டுப்பகுதியில் கட்டக்கூடாது என எதிர்ப்புத் தெரிவித்து, எஸ்.டி.பி.ஐ. கட்சியினர் சாலை மறியல் மற்றும் ஆர்ப்பாட்டத்தில் ஈடுபட்டனர்.
ரூ. 13 கோடி மதிப்பிலான அரசு அலுவலக கட்டடங்கள் கட்டுவதற்கான அடிக்கல் நாட்டு விழா வியாழக்கிழமை ஆதிதிராவிட நலத்துறை அமைச்சர் வி.எம். ராஜலட்சுமி முன்னிலையில் நடைபெற்றது. இந்நிலையில், மேற்கூறிய அலுவலகங்கள் காட்டுப்பகுதியில் கட்டப்படுவதாகவும், இதனால் மக்களுக்கு பல்வேறு இடையூறுகள் ஏற்படும் எனவும் எதிர்ப்புத் தெரிவித்து, இந்திய யூனியன் முஸ்லிம் லீக் கட்சியினர் கருப்புப் பட்டை அணிந்து போராட்டத்தில் ஈடுபட்டனர். அதேபோல், தென்காசி- மதுரை சாலையில் எஸ்டிபிஐ கட்சியினர் சுமார் 10 நிமிடங்கள் சாலை மறியல் போராட்டத்தில் ஈடுபட்டதுடன், ஆர்ப்பாட்டமும் நடத்தினர். அவர்களிடம், தென்காசி வருவாய் கோட்டாட்சியர் செளந்தரராஜன், கடையநல்லூர் வட்டாட்சியர் தங்கராஜ் , டிஎஸ்பி ராஜேந்திரன் உள்ளிட்டோர் பேச்சு நடத்தி போராட்டத்தை கைவிடச் செய்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/எஸ்டிபிஐ-சாலை-மறியல்-3057824.html
3057823 திருநெல்வேலி திருநெல்வேலி தேவேந்திரகுல வேளாளர் அரசாணையை வெளியிடாவிட்டால் தொடர் போராட்டம் DIN DIN Friday, December 14, 2018 05:40 AM +0530
தேவேந்திரகுல வேளாளர் அரசாணையை இம் மாதம் 31 ஆம் தேதிக்குள் தமிழக அரசு வெளியிட்டு, மத்திய அரசிடம் இதர பிற்படுத்தப்பட்டோர் பட்டியலில் இணைக்கப் பரிந்துரை செய்யாவிட்டால் தொடர் போராட்டங்களை நடத்துவோம் என்றார் புதிய தமிழகம் கட்சித் தலைவர் டாக்டர் க.கிருஷ்ணசாமி.
திருநெல்வேலியில் செய்தியாளர்களிடம் அவர் வியாழக்கிழமை கூறியது:
தமிழகத்தில் பல்வேறு குழுக்களாகப் பிரிந்து தாழ்த்தப்பட்டோர் என பட்டியல் இனத்தில் இருக்கும் மக்களை இணைத்து தேவேந்திரகுல வேளாளர் என தமிழக அரசு அரசாணை வெளியிடக் கோரி புதிய தமிழகம் கட்சி சார்பில் பலகட்டப் போராட்டங்களை நடத்தியுள்ளோம். ஏற்கெனவே இதுதொடர்பாக பிரதமர், தமிழக முதல்வர் ஆகியோரிடமும் நேரில் முறையிட்டுள்ளோம்.
இது ஒரு கட்சியின் கோரிக்கை என்று சிலர் எண்ணும் சூழல் உருவாகியுள்ளது. ஆகவே, தமிழகத்தின் அனைத்து மாவட்டங்களிலும் வசிக்கும் மக்களிடம் தீர்மானம் நிறைவேற்றக் கோரி, அதனை அந்தந்த ஆட்சியர் அலுவலகங்களில் கொடுத்து வருகிறோம்.
அதன்படி, திருநெல்வேலி மாவட்டத்தில் முதல்கட்டமாக தேவேந்திரகுல வேளாளர் மக்கள் வசிக்கும் 600 கிராமங்களில் மக்களாலேயே தேவேந்திரகுல வேளாளர் அரசாணை வெளியிடக் கோரி தீர்மானம் நிறைவேற்றி ஆட்சியரிடம் கொடுத்துள்ளோம்.
தேவேந்திரகுல வேளாளர் மக்களை தாழ்த்தப்பட்டோர் பட்டியலில் சேர்த்துள்ளதால் இளைஞர்கள் பெரும் இன்னலுக்கு ஆளாகி வருகிறார்கள். வேலைவாய்ப்பு கிடைக்காமலும், சமூகநீதி மறுக்கப்படும் அவலத்திலும் சிக்கியுள்ளனர்.
ஆகவே, இதர பிற்படுத்தப்பட்டோர் பட்டியலில் சேர்க்க மத்திய அரசுக்கு மாநில அரசு பரிந்துரைக்க வேண்டும். இதனை இம் மாதம் 31ஆம் தேதிக்குள் செய்யாவிட்டால் மக்களைத் திரட்டி தொடர் போராட்டங்களில் ஈடுபடுவோம் என்றார் அவர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/தேவேந்திரகுல-வேளாளர்-அரசாணையை-வெளியிடாவிட்டால்-தொடர்-போராட்டம்-3057823.html
3057822 திருநெல்வேலி திருநெல்வேலி தியாகராஜநகரில் மூதாட்டியிடம் நகை பறிப்பு DIN DIN Friday, December 14, 2018 05:40 AM +0530
பாளையங்கோட்டை தியாகராஜநகரில் மூதாட்டியிடம் 4 பவுன் தங்கநகையைப் பறித்துச் சென்ற மர்மநபர்களை போலீஸார் தேடி வருகிறார்கள்.
பாளையங்கோட்டை தியாகராஜநகர் தெற்குத்தெருவைச் சேர்ந்தவர் தைலாபேகம் (69). இவர், தனது வீட்டின் முன்பு புதன்கிழமை நின்று கொண்டிருந்தாராம். அப்போது அங்கு மோட்டார் சைக்கிளில் வந்த மர்மநபர்கள் தைலாபேகம் கழுத்தில் அணிந்திருந்த 5 பவுன் தங்கச் சங்கிலியைப் பறித்தனராம். அப்போது அவர் நகையை விடாமல் பிடித்தபோது 1 பவுன் மட்டுமே தப்பியது. 4 பவுன் தங்கச்சங்கிலியுடன் மர்மநபர்கள் தப்பியோடிவிட்டனராம். இதுகுறித்த புகாரின்பேரில் பெருமாள்புரம் குற்றப்பிரிவு போலீஸார் வழக்குப்பதிந்து விசாரித்து வருகிறார்கள்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/தியாகராஜநகரில்-மூதாட்டியிடம்-நகை-பறிப்பு-3057822.html
3057821 திருநெல்வேலி திருநெல்வேலி ஊத்துமலையில் மூலிகை சிகிச்சை பெற்ற பெண் சாவு DIN DIN Friday, December 14, 2018 05:40 AM +0530
ஊத்துமலையில் மூல நோய்க்கு மூலிகை சிகிச்சை பெற்ற பெண் உயிரிழந்தார்.
ஊத்துமலை மறவர் காலனியை சேர்ந்த தொழிலாளி வேலுமணி மனைவி காளிஸ்வரி(25). பீடி சுற்றும் தொழிலாளி. இவர்களுக்கு 2 குழந்தைகள் உள்ளன. காளீஸ்வரி மூல நோயால் அவதிப்பட்டு வந்தாராம். இந்நிலையில், காளிஸ்வரியை, அவரது தந்தை சண்முகபாண்டியன், மூலிகை வைத்தியரான கீழகலங்கலைச் சேர்ந்த அழகுதுரை(62)என்பவரிடம் சிகிச்சைக்கு அழைத்துச் சென்றாராம். அங்கு, காளீஸ்வரிக்கு, வைத்தியர் அழகுதுரை மூலிகை மருந்து ஊசி போட்டாராம்.
அதில், அவருக்கு மயக்கம் ஏற்பட்டதாம். உடனே, சங்கரன்கோவில் அரசு மருத்துவமனைக்கு அவரை கொண்டுசென்றனர். அங்கு, அவரை பரிசோதித்த மருத்துவர்கள் ஏற்கெனவே காளீஸ்வரி உயிரிழந்து விட்டதாகக் கூறினர். இதுகுறித்து சண்முகபாண்டியன் அளித்த புகாரின்பேரில், ஊத்துமலை போலீஸார் வழக்குப்பதிந்து விசாரிக்கின்றனர். தலைமறைவான அழகுதுரையை போலீஸார் தேடி வருகின்றனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/ஊத்துமலையில்-மூலிகை-சிகிச்சை-பெற்ற-பெண்-சாவு-3057821.html
3057820 திருநெல்வேலி திருநெல்வேலி மானூரில் கூட்டுப் பண்ணைய பயிற்சி DIN DIN Friday, December 14, 2018 05:39 AM +0530
மானூர் வட்டாரத்தில் கூட்டுப் பண்ணைய பயிற்சி முகாம் அண்மையில் நடைபெற்றது.
மானூர் வட்டாரத்தில் வேளாண்மை தொழில்நுட்ப மேலாண்மை முகமையின் கீழ் நடைபெற்ற இப்பயிற்சி முகாமில், வட்டார தொழில்நுட்ப மேலாளர் சதீஷ்குமார் வரவேற்றார். மானூர் வட்டார வேளாண்மை அலுவலர் ராமகிருஷ்ணன் தலைமை வகித்தார். கூட்டுப் பண்ணையம் மற்றும் அதன் நன்மைகள் குறித்து விவசாயிகளுக்கு விளக்கப்பட்டது. வேளாண்மை உதவி அலுவலர் செந்தில், ஹென்றி ராஜேஷ் உள்பட பலர் கலந்துகொண்டனர்.
ஏற்பாடுகளை உதவி தொழில்நுட்ப மேலாளர் சதன்குமார், முருகானந்தம் ஆகியோர் செய்திருந்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/மானூரில்-கூட்டுப்-பண்ணைய-பயிற்சி-3057820.html
3057819 திருநெல்வேலி திருநெல்வேலி மீன்பாசி குத்தகைதாரர் மீது தாக்குதல்: மூவர் கைது DIN DIN Friday, December 14, 2018 05:39 AM +0530
வீரகேரளம்புதூரில் மீன்பாசி குத்தகைதாரரைத் தாக்கியதாக மூவரை போலீஸார் கைது செய்தனர்.
வீரகேரளம்புதூர் கிராமத்தைச் சேர்ந்தவர் லூ.அருளானந்தம் (74). இவரது நண்பர் இசக்கி. இருவரும் சேர்ந்து வீரகேரளம்புதூர் அருந்தவ பிராட்டிகுளத்தில் கடந்த 2017 ஆம் ஆண்டு மீன்பாசி குத்தகை எடுத்து மீன்களை வளர்த்து வந்தனராம். இந்நிலையில், மீன்களை பிடித்து விற்பனை செய்வதற்கு முன்பாகவே மழை பெய்து குளத்திற்கு தண்ணீர் அதிகரித்ததால், குளத்தில் வளர்ந்த மீன்களை முழுவதுமாக பிடிக்க முடியாத நிலை ஏற்பட்டதாக கூறப்படுகிறது.
இதனால், நிகழாண்டும் குளத்தில் குத்தகை இல்லாமல் மீன்பிடிக்க அனுமதிக்க வேண்டும் எனக் கேட்டு உயர்நீதிமன்ற மதுரைக் கிளையில் மனுதாக்கல் செய்தனராம். வழக்கு நடைபெற்றுவரும் நிலையில் குளத்தில் மீன்பாசி குத்தகை வழங்கப்படாமலே அருளானந்தம், அவரது நண்பர் இசக்கி ஆகியோர் மீன்பிடித்து வந்தனராம். இந்நிலையில், வீரகேரளம்புதூரைச் சேர்ந்த வே. பரசுராமன்(59), நண்பர்கள் வெ.கோவிந்தன்(53) மற்றும் பெ.சௌந்தர்(25) ஆகிய மூவரும் நிகழாண்டு மீன்பாசி குத்தகைக்கு விடாததால் குளத்தில் யாரும் மீன்பிடிக்கலாம் என தெரிவித்தனராம்.
அப்போது, ஏற்பட்ட தகராறில் அருளானந்தம் தாக்கப்பட்டார். இதில் காயமடைந்த அவர் தென்காசி அரசு மருத்துவமனையில் சேர்க்கப்பட்டார். புகாரின்பேரில், வீரகேரளம்புதூர் போலீஸார் வழக்குப் பதிந்து அருளானந்தத்தை தாக்கியதாக பரசுராமன், கோவிந்தன், சௌந்தர் ஆகியோரை கைது செய்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/மீன்பாசி-குத்தகைதாரர்-மீது-தாக்குதல்-மூவர்-கைது-3057819.html
3057818 திருநெல்வேலி திருநெல்வேலி மீன்வளத் துறை திட்டங்கள் குறித்து விழிப்புணர்வு ஏற்படுத்த வேண்டும் : மாவட்ட கண்காணிப்பு அலுவலர் DIN DIN Friday, December 14, 2018 05:39 AM +0530
மீன்வளத் துறை திட்டங்கள் குறித்து மீனவர்களிடம் விழிப்புணர்வு ஏற்படுத்த வேண்டும் என மாவட்ட கண்காணிப்பு அலுவலர் ராஜேந்திரகுமார் தெரிவித்தார்.
திருநெல்வேலி மாவட்டத்தில் நடைபெற்று வரும் வளர்ச்சித் திட்டப் பணிகள் குறித்த அனைத்துத் துறை அலுவலர்கள் ஆய்வுக் கூட்டம் மாவட்ட கண்காணிப்பு அலுவலரும், தொழில்துறை ஆணையருமான ராஜேந்திரகுமார் தலைமையில், ஆட்சியர் ஷில்பா பிரபாகர் சதீஷ் முன்னிலையில் ஆட்சியர் அலுவலகத்தில் நடைபெற்றது. அதில் மாவட்ட கண்காணிப்பு அலுவலர் ராஜேந்திரகுமார் பேசியதாவது:
வேளாண்மைத் துறையில் நடைபெற்று வரும் பணிகள் மற்றும் நடைபெறவுள்ள பணிகள் தொடர்பாக ஆய்வு மேற்கொள்ளப்பட்டது. பிசான சாகுபடிக்கு தேவையான உரங்கள் மற்றும் விதைகள் குறித்து ஆய்வு மேற்கொள்ளப்பட்டது. கால்நடை பராமரிப்புத் துறையின் மூலம் கால்நடைகளுக்கு ஏற்படும் நோய்கள் மற்றும் அதை தடுப்பதற்காக எடுக்கப்பட்ட நடவடிக்கைகள் குறித்து ஆய்வு மேற்கொள்ளப்பட்டது. மீன்வளத் துறையின் மூலம் செயல்படுத்தப்படும் திட்டங்கள் குறித்து மீனவர்களிடம் விழிப்புணர்வு ஏற்படுத்திட வேண்டும்.
பொதுமக்களுக்குத் தேவையான அடிப்படை வசதிகளான தெருவிளக்கு, பொது கழிப்பறை போன்றவை பழுதுபட்டால் அதனை உடனடியாக சரிசெய்ய வேண்டும். தங்களது துறையின் மூலம் பொதுமக்களுக்கு அரசு வழங்கும் திட்டங்களை விரைவாக செயல்படுத்திட வேண்டும். வரும் ஜனவரி 1 முதல் பிளாஸ்டிக் இல்லா மாநிலமாக தமிழகத்தை மாற்ற முதல்வர் அறிவித்துள்ளார். அதனை கருத்தில்கொண்டு பிளாஸ்டிக் பொருள்களை பயன்படுத்துவதை தவிர்ப்பது தொடர்பான விழிப்புணர்வை ஏற்படுத்த வேண்டும். நெகிழி இல்லா நெல்லையை உருவாக்க அனைத்து துறை அலுவலர்களும் ஒருங்கிணைந்து செயல்பட வேண்டும் என்றார்.
அதைத் தொடர்ந்து சேரன்மகாதேவி வட்டம், சேரன்கோவில்பத்து கிராம பகுதிகளில் வேளாண்மைத் துறையின் சார்பில் நவீன நெல் இயந்திரம் மூலம் நடவு செய்தல் மற்றும் கோனா வீடர் மூலம் களை எடுத்தல் போன்ற பணிகளை மாவட்ட கண்காணிப்பு அலுவலர் ஆய்வு செய்தார். அப்போது மூன்று விவசாயிகளுக்கு ரூ.9 ஆயிரம் மானியத்தாலான மருந்து தெளிப்பான்களை வழங்கினார். தோட்டக்கலைத் துறையின் சார்பில் சம்மங்கி, சிசுவாழை, சொட்டுநீர் பாசனம் அமைக்கப்பட்டுள்ளதையும், நிழல்வலை குடில் அமைக்கப்பட்டுள்ளதையும் பார்வையிட்டார்.
இக்கூட்டத்தில், மாவட்ட வருவாய் அலுவலர் பூ.முத்துராமலிங்கம், சார் ஆட்சியர்கள் ஆகாஷ் (சேரன்மகாதேவி) , மணீஷ் நாரணவரே (திருநெல்வேலி) மாவட்ட ஊரக வளர்ச்சி முகமை திட்ட இயக்குநர் ஆ.பழனி, வேளாண்மைத் துறை இணை இயக்குநர் செந்திவேல்முருகன், செய்தி, மக்கள் தொடர்பு அலுவலர் அ.செந்தில் உள்பட அனைத்து துறை அலுவலர்கள் கலந்து கொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/மீன்வளத்-துறை-திட்டங்கள்-குறித்து-விழிப்புணர்வு-ஏற்படுத்த-வேண்டும்--மாவட்ட-கண்காணிப்பு-அலுவலர்-3057818.html
3057817 திருநெல்வேலி திருநெல்வேலி நெல்லை சந்திப்பு பேருந்து நிலையத்தில் தற்காலிக வசதி DIN DIN Friday, December 14, 2018 05:38 AM +0530  

திருநெல்வேலி சந்திப்பு பேருந்து நிலையத்தில் பயணிகளின் சிரமத்தைக் கருத்தில்கொண்டு பதாகைகள் உள்ளிட்ட தற்காலிக வசதிகளை மாநகராட்சி நிர்வாகம் வியாழக்கிழமை செய்தது.
திருநெல்வேலி சந்திப்பு பேருந்து நிலையம் ரூ.79 கோடி மதிப்பில் நவீனமயமாக கட்டப்படுகிறது. இதற்காக புதன்கிழமை முதல் பேருந்து நிலையம் மூடப்பட்டு தற்காலிகமாக 5 இடங்களில் பேருந்து நிலையங்கள் செயல்படும் என அறிவிக்கப்பட்டிருந்தது. இதனால் மக்கள் மிகுந்த சிரமத்திற்கு ஆளாகினர். இதையடுத்து, ஏற்கெனவே உள்ளபேருந்து நிலையத்திற்குள்ளே தற்காலிக பேருந்து நிறுத்தங்களை அமைக்க நடவடிக்கை எடுக்கப்பட்டுள்ளது. இதுதவிர, எந்தந்தப் பகுதிகளில் எந்தெந்த ஊர்களுக்கான பேருந்துகள் நிற்கும் என்பதைக் குறிப்பிடும் வகையில் மாநகராட்சி சார்பில் பதாகைகள் வியாழக்கிழமை வைக்கப்பட்டன. இதனால் மக்களின் சிரமம் ஓரளவு சிரமம் இன்றி எளிதாக பேருந்துகளில் ஏறி சென்றனர்.
புதிய பேருந்து நிலையத்தில் இருந்து பழைய பேருந்து நிலையத்திற்கு இயக்கப்படும் பேருந்துகள் அனைத்தும் திருநெல்வேலி சந்திப்பு ரயில் நிலையத்தில் இருந்து இயக்கப்பட்டதால் ரயில் பயணிகளும், வெளியூர் பயணிகளும் சிரமம் இன்றி ஏறி சென்றனர். இதேபோல தற்காலிக பேருந்து நிலையங்கள் அருகே நடமாடும் கழிப்பறை, குடிநீர் வசதிகளையும் ஏற்படுத்த வேண்டுமென பொதுமக்கள் கோரிக்கை விடுத்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/நெல்லை-சந்திப்பு-பேருந்து-நிலையத்தில்-தற்காலிக-வசதி-3057817.html
3057816 திருநெல்வேலி திருநெல்வேலி அருங்காட்சியகத்தில் பரிசளிப்பு விழா DIN DIN Friday, December 14, 2018 05:38 AM +0530
திருநெல்வேலி அரசு அருங்காட்சியகத்தில் பாரதியார் பிறந்த தின போட்டிகளுக்கான பரிசளிப்பு விழா வியாழக்கிழமை நடைபெற்றது.
திருநெல்வேலி அரசு அருங்காட்சியகம் மற்றும் வ. உ.சி. இலக்கிய மாமன்றம் ஆகியவை சார்பில் பாரதியார் பிறந்த நாளையொட்டி பாரதியார் பாடல்கள் ஒப்பித்தல் போட்டி நடைபெற்றது. திருநெல்வேலி மாவட்டத்தின் பல்வேறு பகுதிகளைச் சேர்ந்த 15-க்கும் மேற்பட்ட பள்ளிகளில் இருந்து 60-க்கும் மேற்பட்ட மாணவர்-மாணவிகள் போட்டியில் பங்கேற்றனர். பேராசிரியை உஷா தேவி, கவிஞர் சுப்பையா ஆகியோர் நடுவர்களாகப் பணியாற்றினர்.
பரிசளிப்பு விழாவில் காப்பாட்சியர் சிவ.சத்தியவள்ளி வரவேற்றார். வ.உ.சி. இலக்கிய மாமன்றத் தலைவர் புளியரை ந.ராஜா தலைமை வகித்தார். பொருளாளர் கணபதியப்பன், பேராசிரியை சுவர்ணலதா ஆகியோர் முன்னிலை வகித்தனர். செயலர் கவிஞர் கோ. கணபதி சுப்பிரமணியம் சிறப்புரையாற்றினார். காவல் உதவி ஆணையர் (நுண்ணறிவுப் பிரிவு) நாகசங்கர் பரிசுகளை வழங்கிப் பேசினார். நுண்ணறிவுப் பிரிவு ஆய்வாளர் ரமேஷ் கண்ணன் உள்பட பலர் கலந்துகொண்டனர். பெட்காட் சங்க நிர்வாகி முத்துசாமி நன்றி கூறினார்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/அருங்காட்சியகத்தில்-பரிசளிப்பு-விழா-3057816.html
3057815 திருநெல்வேலி திருநெல்வேலி நெல்லிலையில் ஜனலி. 20இல் ஸ்ரீ சத்லியலிநாலிராலிலியண பூஜை DIN DIN Friday, December 14, 2018 05:38 AM +0530
திருநெல்வேலியில் வரும் ஜனலிவரி 20ஆம் தேதி 5,004 தம்லிபலிதிகள் பங்லிகேற்கும் ஸ்ரீ சத்யநாராலியண பூஜை நடைபெறுகிறது.
தமிழ்லிநாடு விஸ்வ ஹிந்து பரிஷலித் சார்பில் 5,004 தம்லிபலிதிகள் பங்லிகேற்கும் ஸ்ரீ சத்ய நாராலியண பூஜை திருநெல்வேலி சந்திப்பு கைலாலிசபுரம் தைப்லிபூச மண்லிடலிபத்லிதில் வரும் ஜனலிவரி 20ஆம் தேதி மாலை 3 மணிக்கு நடைபெறுகிறது. திருக்லிகுலிறுங்லிகுடி ராமானுஜ ஜீயர் சுவாலிமிகள், ஆழ்லிவார்லி திலிலிருலிநலிகரி எம்லிபெலிருலிமானார் பரலிமலிஹம்ச ஜீயர் சுவாலிமிகள், செங்கோல் ஆதீலினம் சிவப்லிபிலிரலிகாச தேசிக ஞான பரலிமாச்லிசாரிய சுவாலிலிமிகள் கலந்து கொள்லிகின்லிறனர். இதுலிதொலிடர்லிபாலின ஆலோலிசனைக் கூட்டம் திருநெல்வேலியில் வியாழக்கிழமை நடைபெற்றது.
கூட்லிடத்லிதிற்கு மாவட்டப் பொறுப்லிபாளர் சங்கர் தலைமை வகித்தார். கிராமக் கோயில் பூசாலிரிகள் பேரவை மாநில அமைப்லிபாளர் சோமலிசுந்லிதரம் முன்லினிலை வகித்லிதார். பூஜையை சிறப்பாக நடத்துவது தொடர்பான பணிகள், பூஜை குறித்து மக்லிகலிளுக்கு விழிப்லிபுலிணர்வு ஏற்லிபலிடுத்லிதுலிவது, பூஜையில் மக்லிகளை பங்லிகேற்க செய்லிய பகுதி வாரிலியாக நிர்லிவாலிகிலிகளை நியலிமிப்லிபது குறித்து ஆலோலிசிக்கப்பட்டது. பூசாலிரிகள் பேரவை மாவட்ட, ஒன்லிறிலிய பொறுப்லிபாலிலிளர்கள் கலந்து கொண்லிடலினர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/நெல்லிலையில்-ஜனலி-20இல்-ஸ்ரீ-சத்லியலிநாலிராலிலியண-பூஜை-3057815.html
3057814 திருநெல்வேலி திருநெல்வேலி நெல்லை பள்ளியில் பாரதி உலா DIN DIN Friday, December 14, 2018 05:38 AM +0530
பாரதியார் பிறந்த தினத்தையொட்டி திருநெல்வேலி சந்திப்பில் உள்ள மதிதா இந்துக் கல்லூரி மேல்நிலைப் பள்ளியில் பாரதி உலா நிகழ்ச்சி நடைபெற்றது.
இந்த நிகழ்ச்சிக்கு கல்லூரி முதல்வர் சுப்பிரமணியன் தலைமை வகித்தார். நம் உரத்த சிந்தனை ஆசிரியர் உதயம்ராம் முன்னிலை வகித்தார். பொதுச் செயலர் தளவாய் நாதன், பேராசிரியர் சுந்தரம், அமுதா பாலகிருஷ்ணன், சந்தி பாபு, தானப்பன் ஆகியோர் வாழ்த்திப் பேசினர். போட்டிகளில் வெற்றி பெற்ற மாணவர்களுக்கு இயக்குநர் எஸ்.பி.முத்துராமன் பரிசு வழங்கி பாராட்டினார். விழா ஏற்பாடுகளை வாசகர் வட்டத் தலைவர் பொருநை பாலு ஏற்பாடு செய்திருந்தார்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/நெல்லை-பள்ளியில்-பாரதி-உலா-3057814.html
3057813 திருநெல்வேலி திருநெல்வேலி சித்த மருத்துவக் கல்லூரி மாணவர்கள் 2ஆவது நாளாக உள்ளிருப்பு போராட்டம் DIN DIN Friday, December 14, 2018 05:37 AM +0530
பாளையங்கோட்டையில் உள்ள அரசு சித்த மருத்துவக் கல்லூரி மாணவர்கள் இரண்டாவது நாளாக வியாழக்கிழமையும் உள்ளிருப்பு போராட்டத்தில் ஈடுபட்டனர்.
பாளையங்கோட்டையில் உள்ள அரசு சித்த மருத்துவக் கல்லூரி மாணவர்களுக்கான விடுதி வண்ணார்பேட்டை சாலைத் தெருவில் உள்ளது. இந்த விடுதி மிகவும் சிதிலமடைந்ததால் அதனை புதிதாக இடித்துக் கட்ட நிர்வாகம் சார்பில் அனுமதி கோரப்பட்டது. சுமார் ரூ.4 கோடி மதிப்பில் இரண்டு தளங்களுடன் விடுதியைக் கட்டவும், பொதுப்பணித் துறை மூலம் பணிகளை விரைந்து முடிக்கவும் திட்டமிடப்பட்டுள்ளது. இதற்காக அங்கு தங்கியிருந்த மாணவர்களை கல்லூரி நிர்வாகம் வெளியே தங்குமாறு அறிவுறுத்தியதாம். மேலும், விரைவில் மாற்று இடம் அளிக்கப்படும் என உறுதியளிக்கப்பட்டதாம். ஆனால், மூன்று மாதங்களைக் கடந்த பின்பும் மாணவர்களுக்கு மாற்று இடங்கள் அளிக்கப்படவில்லை.
இதற்கு எதிர்ப்பு தெரிவித்து மாணவர்கள் கல்லூரி வளாகத்தில் புதன்கிழமை உள்ளிருப்பு போராட்டத்தைத் தொடங்கினர். அவர்களுக்கு ஆதரவாக மாணவிகளும் திரண்டனர். இரவிலும் மாணவர்கள் தங்களது போராட்டத்தில் ஈடுபட்டனர். இரண்டாவது நாளாக வியாழக்கிழமையும் போராட்டம் தொடர்ந்தது.
இதுகுறித்து மாணவர்கள் கூறுகையில், பள்ளி மற்றும் கல்லூரி மாணவர்கள் தங்கியிருக்கும் விடுதிகளை புதிதாக இடித்து கட்டும்போதோ அல்லது சீரமைப்புப் பணிகள் செய்யும்போதே மாற்று இடத்தை அரசு சார்பில் வழங்குவதே வழக்கம். அதன்படி, சித்த மருத்துவக் கல்லூரி மாணவர் விடுதி கட்டும் பணியைக் காரணம் காட்டி எங்களை வெளியேற்றுவது சரியானதல்ல. எங்களுக்கு ஏதேனும் ஒரு மாற்று இடத்தை வழங்க நடவடிக்கை எடுக்காவிட்டால் போராட்டத்தைத் தொடர்வதைத்தவிர வேறு வழியில்லை என்றனர்.
காலவரையற்ற விடுமுறை
மாணவர்களின் போராட்டம் எதிரொலியாக சித்த மருத்துவக் கல்லூரிக்கு காலவரையற்ற விடுமுறை அறிவிக்கப்பட்டுள்ளது.
இதுதொடர்பாக கல்லூரி முதல்வர் நீலாவதி வெளியிட்டுள்ள அறிவிப்பு: அரசு சித்த மருத்துவக் கல்லூரி பட்டப் படிப்பு மாணவர்கள் கடந்த 12ஆம் தேதி முதல் கல்லூரி வளாகத்தில் உள்ள அலுவலகம் முன்பு எந்தவித முன்னறிவிப்பு செய்யாமலும், உரிய முன்னனுமதி பெறாமலும் போராட்டத்தில் ஈடுபட்டுள்ளனர். இதனால் இந்திய மருத்துவம் மற்றும் ஹோமியோபதி துறை ஆலோசனையின்படியும், கல்லூரி உயர்நிலைக் குழு கூட்ட முடிவின்படியும் 13ஆம் தேதி முதல் மறு உத்தரவு வரும் வரை கல்லூரியை மூடவும், மாணவ, மாணவியர் தங்கியிருக்கும் கல்லூரி விடுதியை உடனடியாக காலி செய்யவும் உத்தரவு பிறப்பிக்கப்படுகிறது என தெரிவித்துள்ளார்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/சித்த-மருத்துவக்-கல்லூரி-மாணவர்கள்-2ஆவது-நாளாக-உள்ளிருப்பு-போராட்டம்-3057813.html
3057812 திருநெல்வேலி திருநெல்வேலி புற்றுநோய் விழிப்புணர்வு கருத்தரங்கு DIN DIN Friday, December 14, 2018 05:37 AM +0530
திருநெல்வேலியில் உள்ள மாவட்ட அறிவியல் மையத்தில் புற்றுநோய் விழிப்புணர்வு கருத்தரங்கு அண்மையில் நடைபெற்றது.
கருத்தரங்கிற்கு மாவட்ட அறிவியல் அலுவலர் எஸ்.எம்.குமார் தலைமை வகித்தார். ஜப்பானில் உல்ள கொயட்டோ பல்கலைக்கழக இணை பேராசிரியர் நமச்சிவாய கணேசபாண்டியன் பேசுகையில், சர்வதேச அளவில் புற்றுநோயால் உயிரிழப்பவர்களின் எண்ணிக்கை ஆண்டுதோறும் அதிகரித்து வருகிறது. தவறான உணவுப் பழக்க வழக்கம் உள்ளிட்ட காரணங்களால் புற்றுநோய் அதிகம் உருவாகிறது. நமது உடலில் உள்ள இம்யூனா தெரபி என்ற நோய் எதிர்ப்பு சக்தியைத் தூண்டிவிட்டு புற்றுநோயைக் குணப்படுத்தலாம் என ஆய்வில் தெரியவந்துள்ளது. ஆரம்பநிலை புற்றுநோயை நுட்பமான அறுவை சிகிச்சை மூலமும் குணப்படுத்த முடியும்.
ஆகவே, புற்றுநோய் வராமல் தடுக்கும் முன்னெச்சரிக்கை நடவடிக்கைகள் குறித்து விழிப்புணர்வை அதிகரிக்க வேண்டும். புற்றுநோய்க்கு உள்ள மிக அதிநவீன சிகிச்சை முறைகளையும் மக்களுக்கு தெரியப்படுத்த அனைத்துத் தரப்பினரும் உதவ வேண்டும் என்றார்.
மாவட்ட அறிவியல் மைய கல்வி உதவியாளர் மாரிலெனின் உள்பட பலர் கலந்துகொண்டனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/புற்றுநோய்-விழிப்புணர்வு-கருத்தரங்கு-3057812.html
3057811 திருநெல்வேலி திருநெல்வேலி திடக்கழிவு மேலாண்மை பயிற்சி முகாம் DIN DIN Friday, December 14, 2018 05:37 AM +0530
திருநெல்வேலியில் திடக்கழிவு மேலாண்மை பயிற்சி முகாம் 2 நாள்கள் நடைபெற்றது.
தமிழ்நாடு நீடித்த நகர்ப்புற வளர்ச்சித் திட்டத்தின் கீழ் துப்புரவுப் பணியாளர்கள் மற்றும் துப்புரவு மேற்பார்வையாளர்களுக்கு திடக்கழிவு மேலாண்மை பயிற்சி முகாம் நடைபெற்று வருகிறது. அதன்படி, திருநெல்வேலி மாநகராட்சியில் உள்ள பணியாளர்களுக்கு மேலப்பாளையத்தில் இரு நாள்கள் பயிற்சி நடைபெற்றது. மாநகர நல அலுவலர் டி.என்.சத்தீஷ்குமார் தொடங்கிவைத்தார். 60 துப்புரவுப் பணியாளர்கள் பயிற்சியில் பங்கேற்றனர். திடக்கழிவுகளின் வகைகள், உருவாகும் இடத்தில் தரம் பிரித்தல், அளவு மதிப்பீடு, திடக்கழிவுகளின் கலவை தொகுப்பு, மக்கும் குப்பை, மக்காத குப்பை மற்றும் அபாயகர குப்பைகளை வகைப்படுத்தும் வழிமுறைகள், மறுசுழற்சிக்குப் பயன்படாத கழிவுகள் குறித்து விளக்கப்பட்டது.
நுண் உரக்குடில் கருத்தாக்கம், செயலாக்கம், பராமரிப்புப் பணிகள், மண்புழு உரக்குடில் ஆகியவை குறித்தும் விளக்கப்பட்டது.
சுகாதார அலுவலர்கள் எம்.சாகுல் ஹமீது, முருகேசன், சுகாதார ஆய்வாளர் பாலசுப்பிரமணியன், மருத்துவச் செவிலியர் என்.உத்தம வர்தினி ஆகியோர் பயிற்சியளித்தனர்.

 

]]>
http://www.dinamani.com/all-editions/edition-thirunelveli/thirunelveli/2018/dec/14/திடக்கழிவு-மேலாண்மை-பயிற்சி-முகாம்-3057811.html
3057152 திருநெல்வேலி திருநெல்வேலி நெல்லை சொக்கநாத சுவாமி கோயிலில் திருவாதிரைத் திருவிழா நாளை தொடக்கம் DIN DIN Thursday, December 13, 2018 08:54 AM +0530 திருநெல்வேலி சந்திப்பில் உள்ள அருள்மிகு சொக்கநாத சுவாமி கோயிலில் திருவாதிரைத் திருவிழா வெள்ளிக்கிழமை (டிச. 14) தொடங்குகிறது. 
இக்கோயிலில் திருவாதிரைத் திருவிழா ஆண்டுதோறும் சிறப்பாக நடைபெற்று வருகிறது. நிகழாண்டுக்கான விழா வெள்ளிக்கிழமை கொடியேற்றத்துடன் தொடங்குகிறது. தொடர்ந்து, நாள்தோறும் சுவாமிக்கு சிறப்பு அபிஷேகம், அலங்காரம், மகாதீபாராதனை ஆகியவை நடைபெறுகின்றன. மாலையில் பக்திச் சொற்பொழிவுகள், இசைநிகழ்ச்சி, பட்டிமன்றம், திருமுறைப் பாராயணம், பரதநாட்டியம் உள்ளிட்டவை நடைபெறுகின்றன.
இம்மாதம் 23ஆம் தேதி அதிகாலை 2 மணிக்கு மஹா அபிஷேகம், 5.30 மணிக்கு கோ பூஜையும், காலை 6 மணிக்கு அலங்கார தீபாராதனை, 7.30 மணிக்கு நடராஜ பெருமாள் திருவீதியுலா, முற்பகல் 10.30 மணிக்கு சேர்க்கை அபிஷேகம் நடைபெறும். ஏற்பாடுகளை கோயில் செயல் அலுவலர், நிர்வாகிகள் செய்துவருகின்றனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/நெல்லை-சொக்கநாத-சுவாமி-கோயிலில்-திருவாதிரைத்-திருவிழா-நாளை-தொடக்கம்-3057152.html
3057151 திருநெல்வேலி திருநெல்வேலி நாளை 14 வட்டங்களில் அம்மா திட்ட முகாம் DIN DIN Thursday, December 13, 2018 08:53 AM +0530 திருநெல்வேலி மாவட்டத்தில் உள்ள 14 வட்டங்களில் வெள்ளிக்கிழமை(டிச.14 )அம்மா திட்ட முகாம் நடைபெறுகிறது. 
இது தொடர்பாக மாவட்ட ஆட்சியர் ஷில்பா பிரபாகர் சதீஷ் வெளியிட்டுள்ள செய்திக்குறிப்பு: திருநெல்வேலி மாவட்டத்தில் உள்ள 14 வட்டங்களில் வெள்ளிக்கிழமை அம்மா திட்ட முகாம் நடைபெறுகிறது. அதன்படி திருநெல்வேலி வட்டம் துலுக்கர்குளம், ராதாபுரம் வட்டம் அடங்கார்குளம்,  அம்பாசமுத்திரம் வட்டம் மேலக்கடையம், நான்குனேரி வட்டம் நான்குனேரி, சேரன்மகாதேவி ஓமநல்லூர், பிராஞ்சேரி, சொக்கலிங்கபுரம், பாளையங்கோட்டை வட்டம் பாறைக்குளம், மானூர் வட்டம் சேதுராயன்புதூர், சங்கரன்கோவில் வட்டம் பொய்கை,  திருவேங்கடம் வட்டம் மருதங்கிணறு, வீரகேரளம்புதூர் வட்டம் ஜமீன்சுரண்டை, ஆலங்குளம் வட்டம் அஞ்சாங்கட்டளை, சிவகிரி வட்டம் அரியூர், கடையநல்லூர் வட்டம் வைரவன்குளம்,  திசையன்விளை வட்டம் ராமகிருஷ்ணாபுரம் ஆகிய இடங்களில் காலை 10 மணி முதல் மாலை 5 மணி வரை அம்மா திட்ட முகாம் நடைபெறுகிறது. 
 இந்த முகாமின்போது இலவச வீட்டுமனைப் பட்டா,  முதியோர் உதவித்தொகை மற்றும் நிறுத்தம் செய்யப்பட்ட முதியோர் உதவித்தொகை மறுபரிசீலனை விண்ணப்பம் உள்பட சமூக பாதுகாப்புத் திட்டங்கள், உழவர் பாதுகாப்பு அட்டை,  நிலத்தாவாக்கள், சாலை வசதிகள், குடிநீர் வசதி போன்றவை தொடர்பாக பொதுமக்கள் மனு அளித்த பயன்பெறலாம் என தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/thirunelveli/2018/dec/13/நாளை-14-வட்டங்களில்-அம்மா-திட்ட-முகாம்-3057151.html
3057150 திருநெல்வேலி திருநெல்வேலி நெல்லை ஐயப்ப தேவா சங்கத்தில்  லட்சார்ச்சனை நாளை தொடக்கம் DIN DIN Thursday, December 13, 2018 08:53 AM +0530 திருநெல்வேலி நகரத்தில் உள்ள ஸ்ரீஐயப்ப தேவா சங்கம் சார்பில் 46ஆவது ஆண்டு லட்சார்ச்சனை விழா வெள்ளிக்கிழமை (டிச.14) தொடங்குகிறது. 
இதையொட்டி நாள்தோறும் காலை 6 முதல் இரவு 8 மணி வரை சிறப்பு வழிபாடுகள் நடைபெறவுள்ளன. 29ஆம் தேதி மாலை 6 மணிக்கு ஊர் அழைப்பு ரத வீதிவலம், இரவு 7 மணிக்கு புஷ்பாஞ்சலி, இரவு 8 மணிக்கு கருணாகரன் குருசாமி தலைமையில் ஐயப்ப பஜனை நடைபெறும். 30ஆம் தேதி காலை 7 மணிக்கு உஞ்சவிருத்தி பஜனை, காலை 10 மணிக்கு பூதநாதர் ஆராதனை, இரவு 7 மணிக்கு 1,008 சுமங்கலி பூஜை, சிறப்பு பஜனை நடைபெறும். 31ஆம் தேதி காலை 9 முதல் பகல் 12 மணி வரை தர்மசாஸ்தா ஆராதனை,  பிற்பகல் 1 மணிக்கு அன்னதானம் நடைபெறுகிறது.
மாலை 6 மணிக்கு சுவாமி சன்னதி சொக்கப்பனை முக்கு முதல் நெல்லையப்பர் சன்னதி வரை 41 தீப ஜோதி அலங்கார காட்சியும்,  பூர ரதத்தில் ஐயப்பன் வீதியுலாவும் நடைபெறவுள்ளது.

]]>
http://www.dinamani.com/all-editions/edition-thirunelveli/thirunelveli/2018/dec/13/நெல்லை-ஐயப்ப-தேவா-சங்கத்தில்--லட்சார்ச்சனை-நாளை-தொடக்கம்-3057150.html
3057149 திருநெல்வேலி திருநெல்வேலி மாற்றுத்திறனாளி மாணவிகளுக்கு ஆட்சியர் பாராட்டு DIN DIN Thursday, December 13, 2018 08:53 AM +0530 விளையாட்டுப் போட்டிகளில் சிறப்பிடம் பெற்ற திருநெல்வேலி மாவட்ட மாற்றுத் திறனாளி மாணவர்-மாணவிகளை ஆட்சியர் ஷில்பா பிரபாகர் சதீஷ் பாராட்டினார்.
பாளையங்கோட்டை புனித அன்னாள் மனவளர்ச்சி குன்றியோர் சிறப்புப் பள்ளியைச் சேர்ந்த   3 மாணவர்களும்,  4 மாணவிகளும் சிறப்பு ஒலிம்பிக் பிரிவில் மாநில அளவில் மதுரையில் நடைபெற்ற போட்டிகளில் வென்று, தேசிய அளவிலான போட்டியில் 3ஆம் இடம் பிடித்தனர். அவர்களையும், ஆசிரியர்களையும் ஆட்சியர் பாராட்டினார். அதேபோல, மாற்றுத் திறனாளிகளுக்கு சேவை புரிந்தமைக்காக பாளையங்கோட்டை பார்வையற்றோர் மேல்நிலைப் பள்ளி சிறந்த நிறுவனமாகத் தேர்வு செய்யப்பட்டு 10 கிராம் எடையுள்ள 22 கேரட் தங்கப் பதக்கம், பாராட்டுச் சான்றிதழ்களை தமிழக முதல்வரிடம் பள்ளி சார்பில் பெற்றதையடுத்து, அப்பள்ளி நிர்வாகிகள் ஆட்சியரைச் சந்தித்து வாழ்த்து பெற்றனர்.
மாவட்ட மாற்றுத் திறனாளிகள் நல அலுவலர் சாந்திகுளோரி எமரால்ட், பார்வையற்றோர் பள்ளி முதல்வர் கிங்ஸ்டன், மாற்றுத் திறனாளிகள் முடநீக்கு வல்லுநர் தகே. பிரபாகரன், பேச்சுப் பயிற்சியாளர் அனிதா உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/மாற்றுத்திறனாளி-மாணவிகளுக்கு-ஆட்சியர்-பாராட்டு-3057149.html
3057148 திருநெல்வேலி திருநெல்வேலி நெல்லையப்பர் கோயில் யானை காந்திமதி புத்துணர்வு முகாமுக்கு புறப்பட்டது DIN DIN Thursday, December 13, 2018 08:52 AM +0530 நெல்லையப்பர் கோயில் யானை காந்திமதி உள்பட 8 யானைகள் புத்துணர்வு முகாமிற்கு புறப்பட்டுச் சென்றன. 
  தமிழக அறநிலையத்துறை சார்பில் கோயில்கள் மற்றும் மடங்களில் உள்ள யானைகளுக்கான புத்துணர்வு முகாம் டிச. 14-ஆம் தேதி முதல் ஜனவரி 30-ஆம் தேதி வரை 48 நாள்கள் கோவை தேக்கம்பட்டி வன பத்திரகாளி அம்மன் கோயில் வனப் பகுதியில் நடைபெறவுள்ளது. இந்த முகாமில் யானைகளுக்கு மருத்துவ பரிசோதனை, மூலிகை உணவு வழங்குதல், எடை பராமரிப்பு உள்ளிட்ட பல்வேறு பணிகள் நடைபெறவுள்ளன.
 இதில் திருநெல்வேலி மாவட்ட கோயில்களைச் சேர்ந்த நெல்லையப்பர் கோயில் யானை காந்திமதி, சங்கரன்கோவில் யானை கோமதி, இலஞ்சி யானை வள்ளி, திருக்குறுங்குடி ஜீயர் மட யானை சுந்தரவள்ளி ஆகியவையும், தூத்துக்குடி மாவட்டம் ஆழ்வார்திருநகரி கோயில் யானை ஆதிநாயகி, இரட்டை திருப்பதி கோயில் யானைகள் லட்சுமி, குமுதவல்லி, திருச்செந்தூர் கோயில் யானை தெய்வானை என மொத்தம் 8 யானைகள் புத்துணர்வு முகாமில் பங்கேற்கின்றன. 
நெல்லையப்பர் கோயில் யானை காந்திமதிக்கு புதன்கிழமை பிற்பகல் 2.30 மணிக்கு சிறப்பு பூஜைகள் செய்யப்பட்டன. அதைத்தொடர்ந்து திருநெல்வேலி சந்திப்பில் உள்ள மதிதா இந்துக் கல்லூரி மேல்நிலைப் பள்ளிக்கு கால்நடையாக யானை காந்திமதி அழைத்து வரப்பட்டது. அங்கு அமைக்கப்பட்டிருந்த மேடை வழியாக 4.55 மணிக்கு காந்திமதி லாரியில் ஏற்றப்பட்டது. யானையை கோயில் செயல் அலுவலர் ரோஷினி, ஆய்வாளர் முருகன், கண்காணிப்பாளர் ரவீந்திரன் மற்றும் கோயில் அர்ச்சகர்கள், ஊழியர்கள், பக்தர்கள் வழியனுப்பி வைத்தனர். யானை காந்திமதியுடன் பாகன்கள் ராம்தாஸ், விஜயகுமார், கால்நடை மருத்துவக் குழுவினர், கோயில் ஊழியர்கள் சென்றனர்.
வள்ளிக்கு உடல் நலக்குறைவு: திருக்குறுங்குடி யானை வள்ளிக்கு உடல் நலக்குறைவு ஏற்பட்டதால், இந்த முறை முகாமுக்கு அனுப்பப்படவில்லை.

]]>
http://www.dinamani.com/all-editions/edition-thirunelveli/thirunelveli/2018/dec/13/நெல்லையப்பர்-கோயில்-யானை-காந்திமதி-புத்துணர்வு-முகாமுக்கு-புறப்பட்டது-3057148.html
3057147 திருநெல்வேலி திருநெல்வேலி ஒளவையார் விருதுக்கு விண்ணப்பிக்கலாம் DIN DIN Thursday, December 13, 2018 08:52 AM +0530 திருநெல்வேலி மாவட்டத்தில் பெண்களின் முன்னேற்றத்திற்காக சிறந்த சேவை புரிந்த பெண்மணிக்கு 2018-2019ஆம் ஆண்டிற்கான ஒளவையார் விருது வழங்க விண்ணப்பங்கள் வரவேற்கப்படுகின்றன. 
  இது தொடர்பாக மாவட்ட ஆட்சியர் ஷில்பா பிரபாகர் சதீஷ் கூறியது: திருநெல்வேலி மாவட்டத்தில் பெண்களின் முன்னேற்றத்திற்காக சிறந்த சேவை புரிந்த பெண்மணிக்கு 2018-2019ஆம் ஆண்டிற்கான ஒளவையார் விருது வழங்க விண்ணப்பங்கள் வரவேற்கப்படுகின்றன. 
 இந்த விருது உலக மகளிர் தினத்தன்று நடைபெறும் விழாவின்போது முதல்வரால் வழங்கப்படும். இவ்விருதுடன் ரொக்கப் பரிசு, தங்கப்பதக்கம், தகுதியுரை மற்றும் சால்வை வழங்கப்படும்.  2018 -2019 ஆம் ஆண்டிற்கான விருது பெற தகுதியானவர்களைத் தேர்வு செய்வதற்கான விண்ணப்பங்கள் உரிய ஆவணங்களுடன் வரவேற்கப்படுகின்றன. விருது பெற விண்ணப்பிப்பவர்கள் அதற்கான படிவத்தை திருநெல்வேலி மாவட்ட சமூக நல அலுவலகத்தில் பெற்றுக்கொள்ளலாம்.  பூர்த்தி செய்த விண்ணப்பங்களை வரும் 31-ஆம் தேதிக்குள் சமர்ப்பிக்க வேண்டும். 
விருதுக்கான தகுதிகள்: விருதுக்கு விண்ணப்பிப்பவர்கள் தமிழ்நாட்டை பிறப்பிடமாக கொண்டவராகவும், 18 வயது பூர்த்தியடைந்தவராகவும் இருக்க வேண்டும்.  சமூகநலன் சார்ந்த நடவடிக்கைகளில் பெண்குலத்திற்கு பெருமை சேர்க்கும் வகையிலான மொழி,  இனம்,  பண்பாடு, கலை, அறிவியல்,  நிர்வாகம் போன்ற துறைகளில் மேன்மையாக பணிபுரிந்து மக்களுக்கு தொடர்ந்து பணியாற்றுபவராக இருக்க வேண்டும்.  
விண்ணப்பதாரர் பெண்களின் முன்னேற்றத்திற்காக சிறப்பாக சேவை புரிந்த விவரம் ஒரு பக்க  அளவில்  இருத்தல் வேண்டும். இது தொடர்பான மேலும் விவரங்களுக்கு மாவட்ட சமூக நல அலுவலர்,  மாவட்ட சமூக நல அலுவலகம், பி4/107 சுப்பிரமணியபுரம் தெரு, வ.உ.சி. மைதானம் எதிரில்,  திருவனந்தபுரம் சாலை, பாளையங்கோட்டை, திருநெல்வேலி 627 002 என்ற முகவரிக்கு தொடர்புகொள்ளலாம் என்று தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/thirunelveli/2018/dec/13/ஒளவையார்-விருதுக்கு-விண்ணப்பிக்கலாம்-3057147.html
3057146 திருநெல்வேலி திருநெல்வேலி நெல்லை சந்திப்பு பேருந்து நிலையம் மூடல்: போக்குவரத்து நெரிசலால் மக்கள் திணறல் DIN DIN Thursday, December 13, 2018 08:52 AM +0530 திருநெல்வேலி சந்திப்பு பேருந்து நிலையம் விரிவாக்கப் பணிகளுக்காக புதன்கிழமை திடீரென மூடப்பட்டதால், திருநெல்வேலி நகரின் பல்வேறு பகுதிகளிலும் போக்குவரத்து நெரிசல் ஏற்பட்டது.
பொலிவுறு நகரங்கள் திட்டத்தின் கீழ் தேர்வு செய்யப்பட்டுள்ள திருநெல்வேலி மாநகராட்சியில் பல்வேறு கட்டமைப்புகளை உருவாக்க திட்டமிடப்பட்டுள்ளது. அதன்படி, 60 ஆண்டுகள் பழமையான திருநெல்வேலி சந்திப்பு பேருந்து நிலையத்தை முழுவதும் இடித்துவிட்டு நவீன பேருந்து நிலையத்தை உருவாக்க முடிவு செய்யப்பட்டது. 
4.25 ஏக்கர் நிலப்பரப்பில் ரூ. 79 கோடியில் 3 தளங்களைக் கொண்ட அதிநவீன பேருந்து நிலையத்தை 18 மாதங்களில் கட்டி முடிக்க உத்தரவிடப்பட்டுள்ளது. இதையடுத்து, 5 இடங்களில் தற்காலிக பேருந்து நிறுத்தங்கள் உருவாக்கப்படும் என மாநகராட்சியால் அறிவிக்கப்பட்டிருந்த நிலையில், திருநெல்வேலி சந்திப்பு பேருந்து நிலையம் செவ்வாய்க்கிழமை இரவோடு மூடப்பட்டது. புதன்கிழமை காலை முதல் சந்திப்பு பேருந்து நிலையத்திற்குள் பேருந்துகள், நான்குசக்கர வாகனங்கள் அனுமதிக்கப்படவில்லை.
ஏற்கெனவே அறிவிக்கப்பட்டபடி தற்காலிக பேருந்து நிறுத்தங்களை மக்கள் பயன்படுத்த வேண்டுமென போக்குவரத்து போலீஸாரால் அறிவிக்கப்பட்டது.
தற்காலிக பேருந்து நிலையங்கள்: டவுன் மேற்கு ரத வீதியில் உள்ள சந்தி பிள்ளையார் கோவில் நிலையத்திலிருந்து மானூர், பாளையங்கோட்டை பேருந்துகளும், டவுன் நயினார்குளம் பேருந்து நிலையத்தில் இருந்து பேட்டை, சேரன்மகாதேவி, பழையபேட்டை, ஆலங்குளம் செல்லும் பேருந்துகளும்,  டவுன் அருணகிரி திரையரங்கு அருகேயுள்ள பேருந்து நிலையத்தில் இருந்து சங்கர்நகர், தென்கலம், கங்கைகொண்டான், வடக்குச்செழியநல்லூர் செல்லும் பேருந்துகளும், பாளையங்கோட்டை சித்த மருத்துவக் கல்லூரி எதிரே உள்ள நேருஜி அரங்கில் இருந்து கே.டி.சி.நகர், சீவலப்பேரி, சமாதானபுரம், சாந்திநகர், பாளையங்கோட்டை மேட்டுத்திடல் செல்லும் பேருந்துகளும் இயக்கப்படும் என தெரிவிக்கப்பட்டுள்ளது. ஆனால், அறிவித்தபடி பேருந்து நிலையங்கள் செயல்பட அனுமதிக்காமல் அதிகாரிகள் புதிதாக மாற்றியதால் பயணிகள் மிகுந்த சிரமம் அடைந்தனர்.
போக்குவரத்து நெரிசல்: சந்திப்பு பேருந்து நிலையம் மூடப்பட்ட நிலையில், தென்காசி உள்ளிட்ட பகுதிகளுக்குச் செல்லும் பேருந்துகள் த.மு. சாலை சந்திப்பு வழியாக வழக்கம்போல சந்திப்பு பேருந்து நிலைய வெளிச்சுற்று சாலையில் சென்றன. ஆனால், போக்குவரத்து அதிகரித்ததால் சுவாமி நெல்லையப்பர் நெடுஞ்சாலை, திருவனந்தபுரம் சாலை, ஸ்ரீபுரம், கொக்கிரகுளம், வண்ணார்பேட்டை, உடையார்பட்டி,  தச்சநல்லூர், சந்திப்பு-மதுரை சாலை உள்ளிட்ட பகுதிகளில் கடும் போக்குவரத்து நெரிசல் ஏற்பட்டது.
திருநெல்வேலி சந்திப்பில் உள்ள ஈரடுக்கு மேம்பாலத்தில் வாகனங்கள் வரிசையாக அணிவகுத்து நின்றன. காலை 8 முதல் 10 மணி வரையும், மாலை 3.30 மணி முதல் 7 மணி வரையும் போக்குவரத்து நெரிசலால் மக்கள் மிகுந்த சிரமத்திற்கு ஆளாகினர். சந்திப்புப் பேருந்து நிலையத்திற்கு பதிலாக தற்காலிக ஒருங்கிணைந்த பேருந்து நிலையம் அமைக்க வேண்டுமென பொதுமக்கள் வலியுறுத்தியுள்ளனர்.
வியாபாரிகள் கோரிக்கை: இதுகுறித்து வியாபாரிகள் கூறியது: கிறிஸ்துமஸ், பொங்கல் ஆகிய பண்டிகைகளுக்காக திருநெல்வேலி மாநகர பகுதிக்கு மாவட்டத்தின் பிற பகுதிகளில் இருந்து தினமும் ஆயிரக்கணக்கான மக்கள் வந்து செல்கிறார்கள். 
ரயில்களில் வருபவர்கள் திருநெல்வேலி சந்திப்பில் இருந்து நகரம், வண்ணார்பேட்டை பகுதிகளுக்குச் செல்கிறார்கள். ஆகவே, இந்த பண்டிகைகள் முடிந்ததும் ஜனவரி 20 ஆம் தேதிக்கு மேல் பேருந்து நிலைய விரிவாக்கப் பணிகளைத் தொடங்க ஏற்கெனவே அதிகாரிகளிடம் வலியுறுத்தினோம். ஆனால், புதன்கிழமை மாலை 4 மணிக்குள் பொருள்களை அப்புறப்படுத்த கூறியதால், பெரும் நஷ்டத்திற்கு ஆளாகியுள்ளோம். 
இதுதவிர பேருந்து நிலையம் மாற்றம் தொடர்பாக பதாகைகளோ, கூடுதலாக போலீஸாரோ நியமிக்கப்படாததால் வெளியூர் பயணிகளும், சாமானிய மக்களும் மிகுந்த சிரமத்திற்கு ஆளாகினர். இதுபோன்ற நடைமுறைச் சிக்கல்களை ஆராய்ந்து அதிகாரிகள் துரித நடவடிக்கை எடுக்க வேண்டியது அவசியம் என்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/13/நெல்லை-சந்திப்பு-பேருந்து-நிலையம்-மூடல்-போக்குவரத்து-நெரிசலால்-மக்கள்-திணறல்-3057146.html
3057145 திருநெல்வேலி திருநெல்வேலி நெல்லையில் நல உதவி அளிப்பு DIN DIN Thursday, December 13, 2018 08:51 AM +0530 திருநெல்வேலி ஆட்சியர் அலுவலகத்தில் நடைபெற்ற நிகழ்ச்சியில் நலத்திட்ட உதவிகளை ஆட்சியர் வழங்கினார்.
திருநெல்வேலியில் நடைபெற்ற மக்கள் குறைதீர்க்கும் நாள் கூட்டத்தில் முதல்வர் பொது நிவாரணத் திட்டத்தின் கீழ் செங்கோட்டை வட்டத்தைச் சேர்ந்த ஒருவரின் குடும்பத்துக்கு இறப்பு நிவாரணத் தொகையாக ரூ.3 லட்சத்துக்கான காசோலை, அம்பாசமுத்திரம் வட்டத்தைச் சேர்ந்த ஒருவரின் குடும்பத்துக்கு ரூ.50 ஆயிரத்துக்கான காசோலை,  பாளையங்கோட்டை வட்டத்தைச் சேர்ந்த 25 பேருக்கு இலவச வீட்டுமனைப் பட்டா, வேளாண் துறை மூலம் மானியத்துடன் ஒரு விவசாயிக்கு சுழற்கலப்பை, 3 விவசாயிகளுக்கு தலா ஒரு விசை உழவு இயந்திரங்களை ஆட்சியர் ஷில்பா பிரபாகர் சதீஷ் வழங்கினார். 
திருநெல்வேலி கோட்டாட்சியர் மணீஷ் நாரணவரே, உதவி ஆணையர் (கலால்) பழனிக்குமார், வேளாண் துறை இணை இயக்குநர் செந்திவேல்முருகன், சமூக பாதுகாப்புத் திட்ட தனித்துணை ஆட்சியர் மாறன் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/நெல்லையில்-நல-உதவி-அளிப்பு-3057145.html
3057144 திருநெல்வேலி திருநெல்வேலி சேவாலயாவின் 8ஆவது மையம் ரவணசமுத்திரத்தில் தொடக்கம் DIN DIN Thursday, December 13, 2018 08:51 AM +0530 சேவாலயாவின் 8ஆவது மையம் கடையம் அருகேயுள்ள ரவணசமுத்திரத்தில் தொடங்கப்பட்டது. 
விழாவில், பி.என்.பி. அசோசியேட் விநியோகப் பிரிவுத் தலைவர் பிரசன்ன விஸ்வநாதன் சிறப்புரையாற்றினார். இந்த சேவாலயா மையம் கிராமப்புற இளைஞர்கள், பள்ளியில் இடைநீக்கம் செய்யப்பட்டோருக்கு இலவச 6 மாத கணினிப் பயிற்சி வழங்கும்; பயிற்சி முடிவில் அவர்களுக்கு வேலைவாய்ப்புக்கான முயற்சி மேற்கொள்ளும். நிகழ்ச்சியில், இசையமைப்பாளர் பரத்வாஜ், ஓய்வுபெற்ற ஆசிரியர்ஆர். நீலகண்டன், சேவாலயாவின் மூத்த அதிகாரிகள், பணியாளர்கள் பங்கேற்றனர். 
பாரதியின் வாழ்வில் சென்னை- எட்டயபுரம்-புதுச்சேரியைப்போல கடையமும் முக்கியத்துவம் பெற்ற பகுதி. எனவே, அங்கு செல்லம்மாள் பாரதியின் நினைவைப்போற்றும் வகையில் நினைவு இல்லம் அமைக்கவேண்டும். சிறப்பு நினைவகம் கட்ட சேவாலயா சார்பில் தமிழக அரசிடம் வலியுறுத்த, நிகழ்ச்சியில் முடிவெடுக்கப்பட்டது. சேவாலய நிறுவனர் மற்றும் நிர்வாக அறங்காவலர் வி. முரளிதரன் வரவேற்றார். ஆலோசகர் முத்துராமகிருஷ்ணன் நன்றி கூறினார்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/சேவாலயாவின்-8ஆவது-மையம்-ரவணசமுத்திரத்தில்-தொடக்கம்-3057144.html
3057143 திருநெல்வேலி திருநெல்வேலி வீரவநல்லூர் அருகே விஷம் குடித்த விவசாயி சாவு: கந்து வட்டிக் கொடுமையா என விசாரணை DIN DIN Thursday, December 13, 2018 08:50 AM +0530 வீரவநல்லூர் அருகே விஷம் குடித்த விவசாயி புதன்கிழமை உயிரிழந்தார். கந்து வட்டிக் கொடுமையால் அவர் தற்கொலை செய்து கொண்டதாக புகார் கூறப்படுகிறது.
வீரவநல்லூர் அருகே உள்ள உப்பூரைச் சேர்ந்தவர் பொன்னாண்டி மகன் மாரிமுத்துப்பாண்டி (40). விவசாயியான இவர், சனிக்கிழமை விஷம் குடித்துத் தற்கொலைக்கு முயன்றாராம். உடனடியாக அவரை சிகிச்சைக்காக திருநெல்வேலி அரசு மருத்துவக் கல்லூரி மருத்துவமனையில் சேர்த்தனர். அங்கு புதன்கிழமை காலை மாரிமுத்துப்பாண்டி உயிரிழந்தார்.
அதே பகுதியைச் சேர்ந்த ஒருவரிடம் மாரிமுத்துப்பாண்டி ரூ.1.5 லட்சம் கடன் வாங்கியிருந்ததாகவும், அதற்கு இது வரை ரூ.4 லட்சம் திருப்பிச் செலுத்தியுள்ளதாகவும், ஆனால் மேலும் பணம் கேட்டு வற்புறுத்தியதால் மனமுடைந்து விஷமருந்தி தற்கொலை செய்து கொண்டதாகவும் அவரது உறவினர்கள் கூறியதோடு, கடன் கொடுத்தவர் மீது நடவடிக்கை எடுக்கும் வரை மாரிமுத்துப்பாண்டி உடலை வாங்க மாட்டோம் என்று கூறினர். இதையடுத்து கடன் கொடுத்தவர் மீது உரிய நடவடிக்கை எடுக்கப்படும் என்று போலீஸார் உறுதியளித்ததால் அனைவரும் கலைந்து சென்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/13/வீரவநல்லூர்-அருகே-விஷம்-குடித்த-விவசாயி-சாவு-கந்து-வட்டிக்-கொடுமையா-என-விசாரணை-3057143.html
3057142 திருநெல்வேலி திருநெல்வேலி கிறிஸ்துமஸ் பாடல் போட்டி: கிங்ஸ் பள்ளி வெற்றி DIN DIN Thursday, December 13, 2018 08:50 AM +0530 வள்ளியூரில் வட்டார கிறிஸ்தவ அமைப்புகள் சார்பில் நடைபெற்ற கிறிஸ்துமஸ் பாட்டுப் போட்டியில் குமரி மாவட்ட பாடல் குழுவினர் பங்கேற்று திறமையை வெளிப்படுத்தினர்.
இப்போட்டியில், தூத்துக்குடி, திருநெல்வேலி, கன்னியாகுமரி ஆகிய மூன்று மாவட்டங்களைச் சேர்ந்த கிறிஸ்தவ பாடல் குழுவினர் பங்கேற்று கிறிஸ்துமஸ் பாடல்களை பாடினர். 
இதில், வள்ளியூர் அருகேயுள்ள புதூர் கிங்ஸ் மெட்ரிக் மேல்நிலைப் பள்ளி முதலிடத்தைப் பெற்றது. இந்த குழுவினருக்கு முதல் பரிசாக ரூ.25ஆயிரம் ரொக்கப் பரிசும்,  கேடயமும் வழங்கப்பட்டது. 2ஆம் இடத்தைப் பெற்ற கிழவனேரி புனித அன்னாள் ஆலய பாடல் குழுவினர், வள்ளியூர் பாத்திமா தேவாலய பாடல் குழுவினர் என இரு குழுவினருக்கும் தலா ரூ.10 ஆயிரமும், கேடயமும் பரிசு வழங்கப்பட்டது. 3ஆவது இடத்தை தெற்குகள்ளிகுளம் அதிசய பனிமாதா பேராலய பாடகற்குழுவினரும் அன்னை மெட்ரிக் மேல்நிலைப் பள்ளி மாணவர்களும் பெற்றனர். இவ்விரு குழுவினருக்கும் தலா ரூ.7500 ரொக்க பரிசும் கேடயமும் வழங்கப்பட்டது. மேலும், போட்டியில் பங்கேற்ற அனைத்து குழுவினருக்கும் ஆறுதல் பரிசு வழங்கப்பட்டது. 
இந்நிகழ்ச்சியில் அருள்பணியாளர் ஜெபநாதன், மாதா தொலைக்காட்சி இயக்குநர் ஜெரால்டுரவி, தெற்குகள்ளிகுளம் பங்குத் தந்தை ஜாண்சன் ராஜ், உதவிப் பங்குத்தந்தை கலைச்செல்வன், வள்ளியூர் சி.எஸ்.ஐ. சேகர குரு ஜாண்சாமுவேல், திருநெல்வேலி திருமண்டல லே செயலர் வேதநாயகம், கிங்ஸ் மெட்ரிக் மேல்நிலைப் பள்ளி தலைவர் காலின்வேக்ஸ்டாப், தாளாளர் நவமணி, முதல்வர் பிரடெரிக் சாம், கிங்ஸ் சி.பி.எஸ்.இ. பள்ளி முதல்வர் பனிமலர் அனு உள்ளிட்டோர் கலந்துகொண்டனர். 
ஏற்பாடுகளை தெற்குகள்ளிகுளம் அதிசய பனிமாதா பேராலய தர்மகர்த்தாவும், மேரி பாய்ஸ் சைல்டு கேரல் அமைப்பு நிர்வாகியுமான மருத்துவர் ஜெபஸ்டின் ஆனந்த், வள்ளியூர் செல்டன் சர்ட் நிறுவன இயக்குநர் ஜெய்சன் ஆகியோர் செய்திருந்தனர்.

]]>
http://www.dinamani.com/all-editions/edition-thirunelveli/thirunelveli/2018/dec/13/கிறிஸ்துமஸ்-பாடல்-போட்டி-கிங்ஸ்-பள்ளி-வெற்றி-3057142.html
3057141 திருநெல்வேலி திருநெல்வேலி தேமுதிக பொறுப்பாளர்கள் நியமனம் DIN DIN Thursday, December 13, 2018 08:50 AM +0530 தேமுதிக சார்பில் திருநெல்வேலி மாவட்டத்தில் உள்ள பேரவைத் தொகுதிகளுக்கான பொறுப்பாளர்கள் நியமிக்கப்பட்டுள்ளனர்.
இதுதொடர்பாக தேமுதிக திருநெல்வேலி மாநகர் மாவட்டச் செயலர் ஏ. முகமதுஅலி வெளியிட்ட அறிக்கை: திருநெல்வேலி பேரவைத் தொகுதிக்கு கட்சியின் மாவட்ட துணைச் செயலர் கே.ஏ. பரமசிவனும், பாளையங்கோட்டை தொகுதிக்கு தலைமை செயற்குழு உறுப்பினர் பி. ஆனந்தமணியும் நியமிக்கப்பட்டுள்ளனர். ஒன்றியம், நகரம், பேரூராட்சி, ஊராட்சிகளில் சார்பு அணி நிர்வாகிகளைத் தேர்வு செய்யவும், பூத் கமிட்டி அமைக்கவும் புதிய நிர்வாகிகள் நடவடிக்கை எடுக்கவுள்ளனர் என்றார் அவர்.

]]>
http://www.dinamani.com/all-editions/edition-thirunelveli/thirunelveli/2018/dec/13/தேமுதிக-பொறுப்பாளர்கள்-நியமனம்-3057141.html
3057140 திருநெல்வேலி திருநெல்வேலி தலைமைக் காவலர் வீட்டில் திருட்டு: 2 பேர் கைது DIN DIN Thursday, December 13, 2018 08:49 AM +0530 சங்கரன்கோவில் அருகே தலைமைக் காவலர் வீட்டில் திருடியதாக 2 பேரை போலீஸார் கைதுசெய்தனர்.
சங்கரன்கோவில் அருகேயுள்ள பனவடலிச்சத்திரம் காவல் நிலையத்தில் தலைமைக் காவலராகப் பணிபுரிந்து வருபவர் பொன்னுச்சாமி மகன் அமர்நாத்ஜோதி. இவர்,  சில மாதங்களுக்கு முன்பு பணிக்குச் சென்றுவிட்டு வீடு திரும்பியபோது, பீரோ உடைக்கப்பட்டு, அதிலிருந்த 25 கிராம் மதிப்பிலான தங்க நகைகளை மர்ம நபர்கள் திருடிச்சென்றது தெரியவந்ததாம்.  அவர் அளித்த புகாரின் பேரில் பனவடலிச்சத்திரம் போலீஸார் வழக்குப் பதிந்தனர். 
விசாரணையில், அதே ஊரைச் சேர்ந்த பழனிச்சாமி மகன் கார்த்திக் (23), தெற்குப் பனவடலிச்சத்திரத்தைச் சேர்ந்த மாரிமுத்து மகன் தவசு (28), ஜெயராஜ் மகன் கமலேஷ் ஆகியோர் இத்திருட்டில் ஈடுபட்டது தெரியவந்தது. இதையடுத்து, கார்த்திக், தவசு ஆகியோரை போலீஸார் செவ்வாய்க்கிழமை கைது செய்து, ரூ. 58 ஆயிரம் மதிப்பிலான நகைகளை மீட்டனர். கமலேஷை தேடிவருகின்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/13/தலைமைக்-காவலர்-வீட்டில்-திருட்டு-2-பேர்-கைது-3057140.html
3057139 திருநெல்வேலி திருநெல்வேலி ஆலங்குளத்தில் கடத்தப்பட்ட கல்லூரிப் பேருந்து மீட்பு: 5 பேர் கைது DIN DIN Thursday, December 13, 2018 08:49 AM +0530 ஆலங்குளத்தில் கடத்தப்பட்ட தனியார் கல்லூரிப் பேருந்தை போலீஸார் மீட்டனர். கடத்தலில் ஈடுபட்டதாக 5 பேர் கைது செய்யப்பட்டனர்.
தென்காசி அருகே கொடிக்குறிச்சி கிராமத்தில் இயங்கி வரும் தனியார் கல்லூரிக்குச் சொந்தமான பேருந்து டிச. 8 ஆம் தேதி இரவு ஆலங்குளம், ஊராட்சி ஒன்றிய அலுவலகம் அருகே நிறுத்தி வைக்கப்பட்டிருந்தது. இது திங்கள்கிழமை காலை காணாமல் போயிருந்தது. இது குறித்து பேருந்து ஓட்டுநர் காமராஜ், ஆலங்குளம் காவல் நிலையத்தில் புகார் அளித்தார்.
இது தொடர்பாக விசாரணையில் ஈடுபட்ட போலீஸார், கன்னியாகுமரி மாவட்டம் செங்கம்புதூர் பகுதியில் பேருந்து இருப்பதை அதில் பொருத்தப்பட்டிருந்த ஜிபிஎஸ் கருவி மூலம் கண்டறிந்து மீட்டனர். பேருந்தை கடத்தியதாக களக்காடு அருகே உள்ள கருத்தப்பிள்ளையூர் அந்தோணியார் கோவில் வடக்கு தெருவைச் சேர்ந்த சொம்பை அந்தோணி மகன் பிரான்சிஸ் மிக்கேல்(52), அதே பகுதியைச் சேர்ந்த இருதயராஜ் மகன் ஜெயக்குமார், ஞானமுத்து மகன் ஜான் வின்சென்ட்(35), புலவன்குடியிருப்பைச் சேர்ந்த கனகராஜ் மகன் செந்தில்குமார்(35), களக்காடு சுப்பிரமணியபுரம் நடராஜன் மகன் மகாராஜன்(34) ஆகியோரை கைது செய்தனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/ஆலங்குளத்தில்-கடத்தப்பட்ட-கல்லூரிப்-பேருந்து-மீட்பு-5-பேர்-கைது-3057139.html
3057138 திருநெல்வேலி திருநெல்வேலி முகநூலில் அவதூறு பதிவு: கூட்டுறவு சங்க செயலர் கைது DIN DIN Thursday, December 13, 2018 08:49 AM +0530 தமிழக முதல்வர் மற்றும் முன்னாள் முதல்வர் குறித்து முகநூலில் அவதூறாக பதிவு செய்த காடன்குளம் கூட்டுறவு சங்கச் செயலரை விஜயநாராயணம் போலீஸார் புதன்கிழமை கைது செய்தனர்.
 நான்குனேரி அருகே உள்ள காடன்குளத்தைச் சேர்ந்தவர் மைக்கேல் கார்னேசன். இவர் காடன்குளம் தொடக்க  வேளாண்மை கூட்டுறவு சங்கத்தில் செயலராக இருந்து வருகிறார். இந்நிலையில் இவர் தமிழக முதல்வர் மற்றும் அமைச்சர்கள்,  முன்னாள் முதல்வர் ஜெயலலிதா ஆகியோரைப் பற்றி தரக்குறைவாக முகநூல் பக்கத்தில் பதிவு செய்திருந்தாராம். 
இது தொடர்பாக நான்குனேரி ஒன்றிய அ.தி.மு.க. துணைச் செயலரும் நான்குனேரி தொடக்க வேளாண்மை கூட்டுறவு சங்கத் தலைவருமான எஸ்.பரமசிவன் விஜயநாராயணம் காவல்நிலையத்தில் புகார் செய்தார். இது குறித்து போலீஸார் வழக்குப் பதிந்து,  மைக்கேல் கார்னேசனை கைது செய்தனர்.

]]>
http://www.dinamani.com/all-editions/edition-thirunelveli/thirunelveli/2018/dec/13/முகநூலில்-அவதூறு-பதிவு-கூட்டுறவு-சங்க-செயலர்-கைது-3057138.html
3057137 திருநெல்வேலி திருநெல்வேலி அரசு சித்த மருத்துவக் கல்லூரி மாணவர்கள் உள்ளிருப்பு போராட்டம் DIN DIN Thursday, December 13, 2018 08:48 AM +0530 திருநெல்வேலி அரசு சித்த மருத்துவக்கல்லூரி மாணவர்கள் விடுதி வசதி கோரி புதன்கிழமை உள்ளிருப்பு போராட்டத்தில் ஈடுபட்டனர்.
பாளையங்கோட்டையில் அரசு சித்த மருத்துவக்கல்லூரி இயங்கி வருகிறது. இந்த கல்லூரி வளாகத்தில் மாணவிகளுக்கும், வண்ணார்பேட்டையில் மாணவர்களுக்கும் விடுதி வசதிகள் செய்து கொடுக்கப்பட்டுள்ளன.
இந்நிலையில் மாணவர்களுக்காக செயல்பட்டு வந்த விடுதி கட்டடம் மிகவும் பழுதடைந்து காணப்பட்டதால் அதை புதுப்பிக்க வேண்டி மாணவர்களை வெளியேற்றியுள்ளனர். 
இதனால் மாணவர்கள் தனியார் விடுதிகளில் தங்கி படிக்க வேண்டிய சூழல் உள்ளது. இதையடுத்து மாற்று ஏற்பாடு செய்துதர கோரியும், புதிதாக கட்டப்படவுள்ள விடுதியில் உணவக வசதி செய்து தரவேண்டியும் மாணவர்கள் உள்ளிருப்பு போராட்டத்தில்  ஈடுபட்டனர். இந்த போராட்டம் இரவும் தொடர்ந்தது.
 

]]>
http://www.dinamani.com/all-editions/edition-thirunelveli/thirunelveli/2018/dec/13/அரசு-சித்த-மருத்துவக்-கல்லூரி-மாணவர்கள்-உள்ளிருப்பு-போராட்டம்-3057137.html
3057136 திருநெல்வேலி திருநெல்வேலி என்ஜின் பழுதால் பயணிகள் ரயில் தாமதம் DIN DIN Thursday, December 13, 2018 08:48 AM +0530 செங்கோட்டை - திருநெல்வேலி பயணிகள் ரயில் புதன்கிழமை என்ஜின் பழுதானதால் கீழாம்பூர் ரயில் நிலையத்தில் நிறுத்தப்பட்டது.
செங்கோட்டையில் இருந்து திருநெல்வேலிக்கு தினமும் காலை செல்லும் பயணிகள் ரயிலில் செங்கோட்டை, தென்காசி, கடையம், அம்பாசமுத்திரம், சேரன்மகாதேவி உள்ளிட்ட இடங்களிலிருந்து மாணவர்கள் உள்பட ஆயிரத்திற்கும் மேற்பட்டவர்கள் பயணம் செய்கின்றனர். 
இந்நிலையில்  புதன்கிழமை காலை செங்கோட்டையிலிருந்து 6.30 மணிக்கு  திருநெல்வேலி கிளம்பிய பயணிகள் ரயில், கீழாம்பூர் ரயில் நிலையம் வந்தபோது திடீரென என்ஜின் பழுதாகி நின்றதாம். இதையடுத்து ரயிவே ஊழியர்கள் பழுதை நீக்கிய பின் சுமார் 25 நிமிடங்கள் தாமதமாக ரயில் கிளம்பியது.

]]>
http://www.dinamani.com/all-editions/edition-thirunelveli/thirunelveli/2018/dec/13/என்ஜின்-பழுதால்-பயணிகள்-ரயில்-தாமதம்-3057136.html
3056809 திருநெல்வேலி திருநெல்வேலி தெற்குவிஜயநாராயணம் கல்லூரியில் அறிவியல் கண்காட்சி DIN DIN Thursday, December 13, 2018 01:49 AM +0530 தெற்குவிஜயநாராயணம் ரெக்ட் பாலிடெக்னிக் கல்லூரியில் "ரெக்ட் கார்னிவெல் 2018' என்ற பெயரில் அறிவியல் கண்காட்சி நடைபெற்றது.
இக் கண்காட்சியை அண்ணா பல்கலைக்கழக டீன் (பொ) ஜி.சக்திநாதன் தொடங்கிவைத்து, அறிவியல் பயன்பாடுகள் குறித்து பேசினார்.  தொடக்க நிகழ்ச்சியில் கல்லூரித் தாளாளர் முத்தையாபிள்ளை,  முதல்வர் ஜி.சுரேஸ் தங்கராஜ் தாம்சன் உள்ளிட்டோர் பேசினர். 
 இதில்,  பல்வேறு மெட்ரிக்  பள்ளி, மேல்நிலைப் பள்ளிகளைச் சேர்ந்த 150 மாணவர்கள் தங்களது அறிவியல் படைப்புகளை காட்சிப்படுத்தியிருந்தனர். குறிப்பாக சுற்றுப்புற சுகாதாரம், மின் சேமிப்பு, விபத்தில்லா சாலை போக்குவரத்து உள்ளிட்ட படைப்புகள் இடம்பெற்றிருந்தன. தொடர்ந்து களிமண் உருவம் செய்தல், பாட்டு,  ஓவியம்,  அபிநயக்கூத்து உள்ளிட்ட போட்டிகள் நடைபெற்றன. மெட்ரிக் பள்ளிகளுக்கான போட்டியில் திசையன்விளை ஜெயராஜேஷ் பள்ளி முதலிடத்தைப் பெற்றது. 2-ஆம் இடத்தை வள்ளியூர் கிங்ஸ் சி.பி.எஸ்.இ பள்ளியும், 3-ஆம் இடத்தை சங்கர் நகர் ஜெயேந்திரா மெட்ரிக் பள்ளியும் பெற்றது.  
  அரசு மேல்நிலைப் பள்ளிகளுக்கான போட்டியில் விஜய அச்சம்பாடு செந்திலாண்டவர் அருள்நெறி உயர்நிலைப் பள்ளி முதலிடத்தையும் 2-ஆம் இடத்தை மூலைக்கரைப் பட்டி அரசு மேல்நிலைப் பள்ளியும், 3-ஆம் இடத்தை பாளையங்கோட்டை தூயசவேரியார் மேல்நிலைப் பள்ளியும் பெற்றன. இந்த பள்ளிகளுக்கு ரோட்டரி கிளப் துணைத் தலைவர் ஜிம்பி கார்டன், மகேந்திரன் ஆகியோர் பரிசளித்தனர். முதல்வர் ஜி.சுரேஸ் தங்கராஜ் தாம்சன் வரவேற்றார். துணை முதல்வர் விமலா நன்றி கூறினார்.
 

]]>
http://www.dinamani.com/all-editions/edition-thirunelveli/thirunelveli/2018/dec/13/தெற்குவிஜயநாராயணம்-கல்லூரியில்-அறிவியல்-கண்காட்சி-3056809.html
3056808 திருநெல்வேலி திருநெல்வேலி என்ஜின் பழுதால் பயணிகள் ரயில் தாமதம் DIN DIN Thursday, December 13, 2018 01:49 AM +0530 செங்கோட்டை - திருநெல்வேலி பயணிகள் ரயில் புதன்கிழமை என்ஜின் பழுதானதால் கீழாம்பூர் ரயில் நிலையத்தில் நிறுத்தப்பட்டது.
செங்கோட்டையில் இருந்து திருநெல்வேலிக்கு தினமும் காலை செல்லும் பயணிகள் ரயிலில் செங்கோட்டை, தென்காசி, கடையம், அம்பாசமுத்திரம், சேரன்மகாதேவி உள்ளிட்ட இடங்களிலிருந்து மாணவர்கள் உள்பட ஆயிரத்திற்கும் மேற்பட்டவர்கள் பயணம் செய்கின்றனர். இந்நிலையில்  புதன்கிழமை காலை செங்கோட்டையிலிருந்து 6.30 மணிக்கு  திருநெல்வேலி கிளம்பிய பயணிகள் ரயில், கீழாம்பூர் ரயில் நிலையம் வந்தபோது திடீரென என்ஜின் பழுதாகி நின்றதாம். இதையடுத்து ரயிவே ஊழியர்கள் பழுதை நீக்கிய பின் சுமார் 25 நிமிடங்கள் தாமதமாக ரயில் கிளம்பியது.

]]>
http://www.dinamani.com/all-editions/edition-thirunelveli/thirunelveli/2018/dec/13/என்ஜின்-பழுதால்-பயணிகள்-ரயில்-தாமதம்-3056808.html
3056329 திருநெல்வேலி திருநெல்வேலி பிசான சாகுபடிக்கு மணிமுத்தாறு அணையிலிருந்து தண்ணீர் திறப்பு: 12 ஆயிரம் ஏக்கர் விவசாய நிலம் பாசன வசதி பெறும் DIN DIN Wednesday, December 12, 2018 07:44 AM +0530 திருநெல்வேலி மாவட்டம்,  மணிமுத்தாறு அணையிலிருந்து பிசான சாகுபடிக்கு செவ்வாய்க்கிழமை தண்ணீர் திறக்கப்பட்டது. இதன் மூலம், திருநெல்வேலி, தூத்துக்குடி மாவட்டங்களில் 12 ஆயிரம் ஏக்கர் விவசாய நிலங்கள் பாசன வசதி பெறும்.
திருநெல்வேலி மாவட்டம் நான்குனேரி, திசையன்விளை, தூத்துக்குடி மாவட்டம் ஸ்ரீவைகுண்டம், திருச்செந்தூர், ஏரல், சாத்தான்குளம் வட்டார விவசாய நிலங்களுக்கு பிசான சாகுபடிக்காக மணிமுத்தாறு அணையிலிருந்து தண்ணீர் திறக்க விவசாயிகள் கோரிக்கை விடுத்திருந்தனர்.
அதையேற்று, மணிமுத்தாறு அணையிலிருந்து டிச. 11முதல் தண்ணீர் திறக்க தமிழக முதல்வர் எடப்பாடி கே. பழனிசாமி உத்தரவிட்டார். அதன்படி செவ்வாய்க்கிழமை,  மணிமுத்தாறு அணையிலிருந்து சேரன்மகாதேவி சார்ஆட்சியர் ஆகாஷ் தண்ணீரைத் திறந்துவிட்டார். பின்னர் அவர் கூறியது:  செவ்வாய்க்கிழமை முதல் (டிச. 11) 2019, மார்ச் 31 வரை 440 கனஅடி தண்ணீர் திறக்கப்படுகிறது. இதன் மூலம் மணிமுத்தாறு அணையின் 3, 4ஆவது பிரிவுகளின் கீழ் உள்ள 12,018 ஏக்கர் விவசாய நிலங்கள் பாசன வசதி பெறும். விவசாயிகள் தண்ணீரைச் சிக்கனமாகப் பயன்படுத்தி நல்ல மகசூல் பெறவேண்டும் என்றார் அவர்.
நிகழ்ச்சியில், தாமிரவருணி வடிநீர் கோட்ட செயற்பொறியாளர் சொர்ணகுமார், உதவி செயற்பொறியாளர்கள் சிவக்குமார், பழனிவேல், உதவிப் பொறியாளர்கள் கார்த்திகேயன், மாரியப்பன், ரமேஷ், அணைக் கண்காணிப்பாளர் காளிகுமார், அம்பாசமுத்திரம் வட்டாட்சியர் ராஜேஸ்வரி, வேளாண்மை உதவி இயக்குநர் பழனிவேலாயுதம், தொழில்நுட்ப மேலாளர் சுஜித், அணை லஸ்கர் கண்ணன் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/12/பிசான-சாகுபடிக்கு-மணிமுத்தாறு-அணையிலிருந்து-தண்ணீர்-திறப்பு-12-ஆயிரம்-ஏக்கர்-விவசாய-நிலம்-பாசன-வசதி-3056329.html
3056328 திருநெல்வேலி திருநெல்வேலி சந்திப்பு பேருந்து நிலைய கட்டுமானப் பணி: 3 மாதம் அவகாசம் வழங்க கோரிக்கை DIN DIN Wednesday, December 12, 2018 07:44 AM +0530 திருநெல்வேலி சந்திப்பு பேருந்து நிலையம் நவீன பேருந்து நிலையமாக மாற்றும் பணிகள் நடைபெற உள்ள நிலையில், அங்குள்ள கடைகளை காலி செய்ய 3 மாதகாலம் அவகாசம் வழங்க வேண்டும் என வர்த்தக சங்கத்தினர் கோரிக்கை விடுத்துள்ளனர்.
இது தொடர்பாக எஸ்.டி.பி. ஐ. கட்சியின் வர்த்தகர் அணி மாவட்டத் தலைவர் கே.எஸ்.சாகுல் ஹமீது உஸ்மானி மற்றும் நெல்லை சந்திப்பு பேருந்து நிலைய தென்பகுதி வியாபாரிகள் சங்கப் பொருளாளர் சேட் ஆகியோர் தலைமையில், மாவட்ட ஆட்சியர் ஷில்பா பிரபாகர் சதீஷிடம் அளித்த மனு: திருநெல்வேலி சந்திப்பு பேருந்து நிலையத்தில் சுமார் ரூ. 78 கோடி செலவில் நவீன பேருந்து நிலையம் அமைப்பதற்கான பணிகள் நடைபெற உள்ளன. இதற்கிடையே கிறிஸ்துமஸ், புத்தாண்டு, பொங்கல் ஆகிய பண்டிகை தினங்கள் வருவதால், வியாபாரிகளின் சூழலை கருத்தில் கொண்டு, கடைகளை காலி செய்ய வரும் மார்ச் மாதம் இறுதிவரை கால அவகாசம் வழங்க வேண்டும். 
12ஆம் தேதி மாலை 4 மணிக்குள் காலி செய்யாவிட்டால் மின் இணைப்பு துண்டிக்க நேரிடும் என்றும், பொக்லைன் இயந்திரம் மூலம் கடைகள் அகற்றப்படும் என்றும் வாய் மொழியாக அதிகாரிகள் உத்தரவு பிறப்பித்துள்ளனர். எனவே முறையாக அறிவிப்பு செய்து, போதிய கால அவகாசம் தரவேண்டும் என மனுவில் தெரிவிக்கப்பட்டுள்ளது. 
நிகழ்வில் போது எஸ்.டி.பி.ஐ. கட்சியின் வர்த்தகர் அணி மாவட்டச் செயலர் மோத்தி, மாவட்ட செய்தித் தொடர்பாளர் பர்கிட் அலாவுதீன், மாவட்டச் செயற்குழு உறுப்பினர் முஸ்தபா, எஸ்.டி.பி.ஐ. மாவட்டச் செயலர் கே. ஹயாத் முகம்மது, வியாபார சங்கப் பிரதிநிதிகள் அபுல் ஹுதா,  சுப்ரமணியன், ராஜ்குமார், செந்தூர் பாண்டியன், முஹம்மது யூசுப், ராஜ் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/சந்திப்பு-பேருந்து-நிலைய-கட்டுமானப்-பணி-3-மாதம்-அவகாசம்-வழங்க-கோரிக்கை-3056328.html
3056327 திருநெல்வேலி திருநெல்வேலி பாளையங்கோட்டையில் மாற்றுத் திறனாளிகள் தின விழா DIN DIN Wednesday, December 12, 2018 07:44 AM +0530 பாளையங்கோட்டை பிளாரன்ஸ் சுவைன்சன் காதுகேளாதோர் மேல்நிலைப் பள்ளியில் மாற்றுத் திறனாளிகள் தின விழா நடைபெற்றது.
திருநெல்வேலி மாவட்ட மாற்றுத் திறனாளிகள் நலத் துறை சார்பில் நடைபெற்ற இவ்விழாவில், அண்மையில் சென்னையில் நடைபெற்ற மாநில அளவிலான தடகளப் போட்டிகளில் கலந்துகொண்டு வெற்றி பெற்ற இப்பள்ளி மாணவர், மாணவிகள் செல்வ அஜய், அனிஷ், விக்னேஸ்வரன், சசிகுமார், சிவசுந்தரி, பார்வதி, ஸ்வீட்டி, குருஜோதி ஆகியோருக்கு, அமைச்சர் பி.எம்.ராஜலட்சுமி, மாவட்ட ஆட்சியர் ஷில்பா பிரபாகர் சதீஷ் ஆகியோர் பரிசு வழங்கினர்.
மேலும், பரிசு பெற்ற மாணவர், மாணவிகளை பள்ளித் தாளாளர், முதல்வர், ஆசிரியர்கள் உள்ளிட்டோர் பாராட்டினர்.

]]>
http://www.dinamani.com/all-editions/edition-thirunelveli/thirunelveli/2018/dec/12/பாளையங்கோட்டையில்-மாற்றுத்-திறனாளிகள்-தின-விழா-3056327.html
3056326 திருநெல்வேலி திருநெல்வேலி பாரதியார் பிறந்த தினம்: சிலைக்கு மாலை அணிவிப்பு DIN DIN Wednesday, December 12, 2018 07:43 AM +0530 மகாகவி பாரதியாரின் 137ஆவது பிறந்த நாள் விழா திருநெல்வேலியில் பல்வேறு இடங்களில் கொண்டாடப்பட்டது. திருநெல்வேலி சந்திப்பில் உள்ள அவரது சிலைக்கு அரசியல் கட்சியினரும், பொதுஅமைப்பினரும் மாலை அணிவித்து மரியாதை செலுத்தினர்.
திருநெல்வேலி சந்திப்பில் உள்ள ம.தி.தா. இந்துக் கல்லூரி மேல்நிலைப் பள்ளியில் பாரதியார் பயின்ற வகுப்பறை நாற்றங்கால் என்ற பெயரில் பராமரிக்கப்பட்டு வருகிறது. அங்கு பாரதியாரின் நினைவுகளை எடுத்துச் சொல்லும் ஓவியங்கள் இடம்பெற்றுள்ளன. 
இந்த வகுப்பறையில் நடைபெற்ற விழாவில், பாரதியாரின் உருவப் படத்துக்கு மாணவர்-மாணவிகள் மாலை அணிவித்து, ஒருமைப்பாட்டு உறுமொழி ஏற்றனர். எழுத்தாளர் நாறும்பூநாதன் உள்பட பலர் கலந்துகொண்டனர்.
காங்கிரஸ் கட்சி சார்பில், திருநெல்வேலி சந்திப்பில் உள்ள பாரதியார் சிலைக்கு, மாநகர் மாவட்ட காங்கிரஸ் தலைவர் கே.சங்கரபாண்டியன் தலைமையில் மாலை அணிவித்து மரியாதை செலுத்தப்பட்டது. கிழக்கு மாவட்ட காங்கிரஸ் தலைவர் எஸ்கேஎம்.சிவக்குமார் உள்பட பலர் கலந்துகொண்டனர்.
பாஜக சார்பில் கிழக்கு மாவட்டத் தலைவர் அ.தயாசங்கர் தலைமையிலும்,  தமிழ் மாநில காங்கிரஸ் கட்சி சார்பில் மாநகர் மாவட்டத் தலைவர் சுத்தமல்லி முருகேசன் தலைமையிலும், ராகுல்காந்தி பேரவை சார்பில்,  காங்கிரஸ் துணைத் தலைவர் எஸ்.வேணுகோபால் தலைமையிலும் பாரதியார் சிலைக்கு மாலை அணிவிக்கப்பட்டது.
தமிழக மக்கள் முன்னேற்றக் கழகம் சார்பில் மாநில பொதுச் செயலர் பிரிசில்லா பாண்டியன் தலைமையில் மாலை அணிவித்து மரியாதை செலுத்தப்பட்டது. மாநகர் மாவட்டத் தலைவர் கண்மணி மாவீரன் உள்பட பலர் கலந்துகொண்டனர். 
உலகப் பொதுச் சேவை நிதியம் சார்பில் இயக்கத் தலைவர் அ.மரியசூசை தலைமையில் மாலை அணிவித்து மரியாதை செலுத்தப்பட்டது.  பொதுச்செயலர் கவிஞர் கோ.கணபதிசுப்பிரமணியன், அரசு அருங்காட்சியக காப்பாட்சியர் சிவ.சத்தியவள்ளி, கவிஞர் ஜெயபாலன், நூலகர் முத்துக்கிருஷ்ணன் உள்பட பலர் கலந்துகொண்டனர்.
தமிழ்நாடு பிராமணர் சங்கம் சார்பில் மாவட்டத் தலைவர் ஏ.சிவகுமார் தலைமையில் பாரதி சிலைக்கு மாலை அணிவித்து மரியாதை செலுத்தப்பட்டது. 
மாவட்டச் செயலர் சுப்பிரமணி, பொருளாளர் என்.ஐயப்பன், அமைப்புச்செயலர் கே.சீனிவாசன் உள்பட பலர் கலந்துகொண்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/பாரதியார்-பிறந்த-தினம்-சிலைக்கு-மாலை-அணிவிப்பு-3056326.html
3056311 திருநெல்வேலி திருநெல்வேலி தமிழர் விடுதலை களத்தினர் ஆர்ப்பாட்டம் DIN DIN Wednesday, December 12, 2018 07:38 AM +0530 பட்டியல் இனத்தில் உள்ள 7 உள்பிரிவுகளை இணைக்கக் கோரி, திருநெல்வேலி சந்திப்பில் தமிழர் விடுதலை களத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
குடும்பம், வாதிரியார், கடையர், தேவேந்திரகுலத்தான், பண்ணாடி, காலாடி, பள்ளர் ஆகிய 7 உள் பிரிவுகளை இணைத்து, தேவேந்திர குல வேளாளர் என அரசாணை வெளியிடக் கோரி மத்திய, மாநில அரசுகளை வலியுறுத்தி இந்த ஆர்ப்பாட்டம் நடைபெற்றது.
மாவட்டச் செயலர் முத்துகுமார் தலைமை வகித்தார். மாநகரத் தலைவர் சுபாஷ்பாண்டியன் முன்னிலை வகித்தார். நிறுவனர்-தலைவர் ராஜ்குமார் சிறப்பு அழைப்பாளராக கலந்துகொண்டு பேசினார்.  நிர்வாகிகள் வேங்கை ராஜா, சேகர், கட்டபொம்மன், சுரேஷ்பாண்டியன், வழக்குரைஞர் மாரியப்பன், ஜெயராஜ் பாண்டியன்,  மணி பாண்டியன், லெனின் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/தமிழர்-விடுதலை-களத்தினர்-ஆர்ப்பாட்டம்-3056311.html
3056310 திருநெல்வேலி திருநெல்வேலி யாதவர் பண்பாட்டுக் கழக செயற்குழுக் கூட்டம் DIN DIN Wednesday, December 12, 2018 07:38 AM +0530 யாதவர் பண்பாட்டுக் கழக செயற்குழுக் கூட்டம் பாளையங்கோட்டை சாரதி மழலையர் பள்ளியில் நடைபெற்றது.
கூட்டத்துக்கு ஓய்வுபெற்ற காவல் உதவி ஆய்வாளர் சண்முகசுந்தரம் தலைமை வகித்தார். செயலர் ராமசாமி வரவேற்றார். வானமாமலை முன்னிலை வகித்தார். பொருளாளர் பாவநாசம் வரவு-செலவு கணக்கு தாக்கல் செய்தார்.
மாணவர்களுக்கு கல்வி உதவித்தொகை வழங்கப்பட்டது. 
செயலர் குத்தாலிங்கம் நன்றி கூறினார். 
இதில், டாக்டர் கோபால், குத்தாலிங்கம், காளியப்பன் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/யாதவர்-பண்பாட்டுக்-கழக-செயற்குழுக்-கூட்டம்-3056310.html
3056309 திருநெல்வேலி திருநெல்வேலி தேயிலை தோட்டத் தொழிலாளர் ஒருங்கிணைப்புக் கூட்டம் DIN DIN Wednesday, December 12, 2018 07:37 AM +0530 தமிழ்நாடு தேயிலைத் தோட்டத் தொழிலாளர் ஒருங்கிணைப்புக் குழுவின் மாநிலக் குழுக் கூட்டம் திருநெல்வேலியில் நடைபெற்றது.
கூட்டத்துக்கு வல்சகுமார் தலைமை வகித்தார். ஒருங்கிணைப்பாளர் கோபக்குமார், சி.ஐ.டி.யூ. மாநிலச் செயலர் ஆர்.மோகன், மின் ஊழியர் மத்தியமைப்பு திட்டச் செயலர் எஸ்.வண்ணமுத்து, துணைத் தலைவர் கந்தசாமி ஆகியோர் பேசினர்.
தமிழ்நாடு தோட்டத் தொழிலாளர் ஒருங்கிணைப்புக் குழு நிர்வாகிகள் கன்னியாகுமரி நடராஜன், திண்டுக்கல் அழகர் ராஜா, தேனி சுந்தரலிங்கம் உள்ளிட்டோர் கலந்துகொண்டனர்.
தோட்டத் தொழிலாளர்களுக்கு குறைந்தபட்ச மாத ஊதியம் ரூ.18 ஆயிரம் வழங்க வேண்டும். மூடிய தோட்டங்களை அரசே ஏற்று நடத்த வேண்டும். குத்தகை ஒப்பந்தம் முடிந்த தோட்டங்களை அரசு உடனடியாக கையகப்படுத்த வேண்டும். ரப்பர் இறக்குமதியைக் கட்டுப்படுத்தி உள்ளூர் ரப்பர் தொழிலை பாதுகாக்க வேண்டும்.
அரசுக்கு சொந்தமான டேன்டீ தொழிற்சாலையை புனரமைக்க உரிய நிதியை வழங்க வேண்டும்.தோட்டத் தொழிலாளர் சட்டத்தை அமல்படுத்தாத நிறுவனங்கள் மீது கடுமையான நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தியும், மத்திய அரசைக் கண்டித்தும் ஜனவரி 8 மற்றும் 9ஆம் தேதிகளில் நடைபெறும் பொது வேலைநிறுத்தத்தில் தொழிலாளர்கள் பங்கேற்பது உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-thirunelveli/thirunelveli/2018/dec/12/தேயிலை-தோட்டத்-தொழிலாளர்-ஒருங்கிணைப்புக்-கூட்டம்-3056309.html
3056308 திருநெல்வேலி திருநெல்வேலி ஷில்பா பிரபாகர் சதீஷ் தலைமை வகித்தார். ராதாபுரம் எம்.எல்.ஏ. ஐ.எஸ்.இன்பதுரை முன்னிலை வகித்தார்.  DIN DIN Wednesday, December 12, 2018 07:37 AM +0530 திருநெல்வேலி மாவட்ட மீனவர்கள் குறைதீர் நாள் கூட்டம் ராதாபுரம் வட்டார வளர்ச்சி அலுவலர் கூட்டரங்கில் செவ்வாய்க்கிழமை நடைபெற்றது.
மாவட்ட ஆட்சியர் ஷில்பா பிரபாகர் சதீஷ் தலைமை வகித்தார். ராதாபுரம் எம்.எல்.ஏ. ஐ.எஸ்.இன்பதுரை முன்னிலை வகித்தார். 
கூட்டத்தில் மீனவர்கள் சார்பில் பல்வேறு கோரிக்கைகள் விடுக்கப்பட்டன. 
தொடர்ந்து ஆட்சியர் பேசியது: மீனவர்களின் பாதுகாப்பு விசயத்தில் அரசு அதிக கவனம் செலுத்தி வருகிறது. கடல் ஆமைகள் இனவிருத்திக்காக கடலில் இருந்து நிலத்தைநோக்கி ஜனவரி முதல் ஏப்ரல் மாதம் வரையில் வரக்கூடிய காலம். இந்த காலத்தில் நிலத்தைநோக்கி வருகின்ற கடல் ஆமைகளை மீனவர்கள் பிடிக்காமல் அதை கடலிலேயே விட்டுவிடவேண்டும். கடல் ஆமைகளை பிடிப்பது தண்டனைக்குறிய குற்றமாகும். மேலும், மீனவர்கள் சுருக்குமடி வலையை பயன்படுத்தி மீன்பிடிக்கக்கூடாது என்றார் அவர்.
கூட்டத்தில், சேரன்மகாதேவி சார்-ஆட்சியர் ஆகாஷ், மாவட்ட ஊரக வளர்ச்சி முகமை திட்ட இயக்குநர் ஆ.பழனி, மீன்வளத்துறை இணை இயக்குநர் ஆதிரா, செய்தி மக்கள் தொடர்பு அலுவலர் செந்தில், அதிமுக ராதாபுரம் ஒன்றியச் செயலர் அந்தோணி அமலராஜா, நான்குனேரி, ராதாபுரம் வேளாண் உற்பத்தி கூட்டுறவு சங்கத் தலைவர் முருகேசன், ராதாபுரம் ஊராட்சி முன்னாள் தலைவர் மதன், பணகுடி பேரூராட்சி முன்னாள் தலைவர் லாரன்ஸ், வள்ளியூர் சண்முகபாண்டி, கல்யாணசுந்தரம், மீனவர்கள் பிரதிநிதி உவரி ரைமண்ட், அந்தோணி, பவர்சிங் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/ஷில்பா-பிரபாகர்-சதீஷ்-தலைமை-வகித்தார்-ராதாபுரம்-எம்எல்ஏ-ஐஎஸ்இன்பதுரை-முன்னிலை-வகித்தார்-3056308.html
3056307 திருநெல்வேலி திருநெல்வேலி விமானப்படைக்கு இன்று ஆள்கள் தேர்வு: குளிரில் காத்திருந்த இளைஞர்கள் DIN DIN Wednesday, December 12, 2018 07:37 AM +0530 இந்திய விமானப்படைக்கான ஆள்கள் தேர்வு முகாம் பாளையங்கோட்டையில் புதன்கிழமை (டிச. 12) நடைபெற உள்ள நிலையில், செவ்வாய்க்கிழமை இரவிலேயே குளிரையும் பொருள்படுத்தாமல் ஆயிரக்கணக்கான இளைஞர்கள் மைதானத்தின் அருகே காத்திருந்தனர்.
இந்திய விமானப்படைக்கு ஏர்மேன் குரூப் "ஒய்' பிரிவில் தொழில்நுட்பம் அல்லாத பணியிடங்களுக்கு (பாதுகாப்புப் பணி) ஆள்கள் தேர்வு முகாம் பாளையங்கோட்டை வ.உ.சி. மைதானத்தில் கடந்த 9ஆம் தேதி தொடங்கியது. முதல் நாளில் பங்கேற்றவர்களுக்கு உடல்திறன், எழுத்துத் தேர்வுகள் முடிந்தன. இந்நிலையில், 2ஆம் கட்டமாக புதன்கிழமை (டிச. 12) ஆள்கள் தேர்வு நடைபெற உள்ளது. 
திருநெல்வேலி, கன்னியாகுமரி உள்ளிட்ட மாவட்டங்களைச் சேர்ந்தவர்கள் பங்கேற்க உள்ளனர். அதன்படி ஆள்கள் தேர்வு முகாமில் பங்கேற்க செவ்வாய்க்கிழமை இரவிலேயே இளைஞர்கள் பலர் குவிந்தனர். மைதானத்தின் அருகே குளிரையும் பொருள்படுத்தாமல் காத்திருந்தனர். நள்ளிரவு நேரத்தில் தங்குவதற்கும், கழிப்பறை வசதியும் இன்றி இளைஞர்கள் மிகுந்த சிரமத்துக்கு ஆளாகினர்.

]]>
http://www.dinamani.com/all-editions/edition-thirunelveli/thirunelveli/2018/dec/12/விமானப்படைக்கு-இன்று-ஆள்கள்-தேர்வு-குளிரில்-காத்திருந்த-இளைஞர்கள்-3056307.html
3056306 திருநெல்வேலி திருநெல்வேலி பாளையங்கால்வாய் பாலம் கட்டும் பணியை விரைவில் தொடங்க கோரிக்கை DIN DIN Wednesday, December 12, 2018 07:36 AM +0530 பாளையங்கால்வாய் பாலம் கட்டும் பணியை விரைந்து தொடங்க வேண்டும் என, பாளையங்கோட்டை எம்.எல்.ஏ. டி.பி.எம்.மைதீன்கான் கோரிக்கை விடுத்துள்ளார்.
இது தொடர்பாக அவர் வெளியிட்ட அறிக்கையில் கூறியிருப்பதாவது: மேலப்பாளையம் - நத்தம் இடையே உள்ள பாளையங்கால்வாய் பாலம் சீரமைக்கும் பணிக்காக இடிக்கப்பட்டது. ஆனால், ஓராண்டாகியும் இன்னும் கட்டுமானப் பணி தொடங்கப்படாமல் உள்ளது. இதற்காக அமைத்த மாற்றுப்பாதையும் தண்ணீரால் அடித்துச்செல்லப்பட்டது. இதனால் மேலப்பாளையத்தில் இருந்து டவுண் செல்லும் பாதை துண்டிக்கப்பட்டுள்ளது. இதனால் பள்ளி, கல்லூரி மாணவர்களும், பொதுமக்களும் மிகுந்த சிரமத்துக்கு ஆளாகி வருகின்றனர். 
இந்நிலையில், பொதுமக்கள் சாலை மறியல் போராட்டத்தில் ஈடுபட்டதையடுத்து, பாளையங்கோட்டை வட்டாட்சியர் தலைமையில்  நடைபெற்ற சமாதானக் கூட்டத்தில் இடைக்கால நிரந்தர இரும்பு பாலம் அமைக்க வேண்டும் என முடிவு செய்யப்பட்டது. அதன்படி பாளையங்கோட்டை தொகுதி நிதியிலிருந்து ரூ. 9 லட்சம் ஒதுக்கீடு செய்யப்பட்டது. ஆனாலும் இன்னும் பணிகள் தொடங்கப்படாமல் உள்ளன. 
மாவட்ட நிர்வாகம் ஒருவார காலத்துக்குள் இதற்கு தீர்வு காணாவிட்டால், மக்கள் மன்றத்தையும், நீதிமன்றத்தையும் நாடுவேன் என்றார் அவர்.

]]>
http://www.dinamani.com/all-editions/edition-thirunelveli/thirunelveli/2018/dec/12/பாளையங்கால்வாய்-பாலம்-கட்டும்-பணியை-விரைவில்-தொடங்க-கோரிக்கை-3056306.html
3056305 திருநெல்வேலி திருநெல்வேலி வள்ளியூரில் கிறிஸ்துமஸ் பாட்டுப் போட்டி: குமரி பாடல் குழுவினர் பங்கேற்பு DIN DIN Wednesday, December 12, 2018 07:36 AM +0530 வள்ளியூரில் வட்டார கிறிஸ்தவ அமைப்புகள் சார்பில் நடைபெற்ற கிறிஸ்துமஸ் பாட்டுப் போட்டியில் குமரி மாவட்ட பாடல் குழுவினர் பங்கேற்று திறமையை வெளிப்படுத்தினர்.
இப்போட்டியில், தூத்துக்குடி, திருநெல்வேலி, கன்னியாகுமரி ஆகிய மூன்று மாவட்டங்களைச் சேர்ந்த கிறிஸ்தவ பாடல் குழுவினர் பங்கேற்று கிறிஸ்துமஸ் பாடல்களை பாடினர். 
இதில், வள்ளியூர் அருகேயுள்ள புதூர் கிங்ஸ் மெட்ரிக் மேல்நிலைப் பள்ளி முதலிடத்தைப் பெற்றது. இந்த குழுவினருக்கு முதல் பரிசாக ரூ.25ஆயிரம் ரொக்கப் பரிசும்,  கேடயமும் வழங்கப்பட்டது. 
2ஆம் இடத்தைப் பெற்ற கிழவனேரி புனித அன்னாள் ஆலய பாடல் குழுவினர், வள்ளியூர் பாத்திமா தேவாலய பாடல் குழுவினர் என இரு குழுவினருக்கும் தலா ரூ.10 ஆயிரமும், கேடயமும் பரிசு வழங்கப்பட்டது. 3ஆவது இடத்தை தெற்குகள்ளிகுளம் அதிசய பனிமாதா பேராலய பாடகற்குழுவினரும் அன்னை மெட்ரிக் மேல்நிலைப் பள்ளி மாணவர்களும் பெற்றனர். இவ்விரு குழுவினருக்கும் தலா ரூ.7500 ரொக்க பரிசும் கேடயமும் வழங்கப்பட்டது. மேலும், போட்டியில் பங்கேற்ற அனைத்து குழுவினருக்கும் ஆறுதல் பரிசு வழங்கப்பட்டது. 
இந்நிகழ்ச்சியில் அருள்பணியாளர் ஜெபநாதன், மாதா தொலைக்காட்சி இயக்குநர் ஜெரால்டுரவி, தெற்குகள்ளிகுளம் பங்குத் தந்தை ஜாண்சன் ராஜ், உதவிப் பங்குத்தந்தை கலைச்செல்வன், வள்ளியூர் சி.எஸ்.ஐ. சேகர குரு ஜாண்சாமுவேல், திருநெல்வேலி திருமண்டல லே செயலர் வேதநாயகம், கிங்ஸ் மெட்ரிக் மேல்நிலைப் பள்ளி தலைவர் காலின்வேக்ஸ்டாப், தாளாளர் நவமணி, முதல்வர் பிரடெரிக் சாம், கிங்ஸ் சி.பி.எஸ்.இ. பள்ளி முதல்வர் பனிமலர் அனு உள்ளிட்டோர் கலந்துகொண்டனர். 
ஏற்பாடுகளை தெற்குகள்ளிகுளம் அதிசய பனிமாதா பேராலய தர்மகர்த்தாவும், மேரி பாய்ஸ் சைல்டு கேரல் அமைப்பு நிர்வாகியுமான மருத்துவர் ஜெபஸ்டின் ஆனந்த், வள்ளியூர் செல்டன் சர்ட் நிறுவன இயக்குநர் ஜெய்சன் ஆகியோர் செய்திருந்தனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/வள்ளியூரில்-கிறிஸ்துமஸ்-பாட்டுப்-போட்டி-குமரி-பாடல்-குழுவினர்-பங்கேற்பு-3056305.html
3056304 திருநெல்வேலி திருநெல்வேலி முதியவர் மர்மச் சாவு DIN DIN Wednesday, December 12, 2018 07:36 AM +0530 ஆழ்வார்குறிச்சி அருகேயுள்ள சம்பன்குளத்தில் பூட்டிய வீட்டுக்குள் முதியவர் மர்மமான முறையில் இறந்து கிடந்தது குறித்து போலீஸார் விசாரித்து வருகின்றனர். 
சம்பன்குளம் ஆர்கேஎம் தெருவைச் சேர்ந்தவர் சுல்தான் (65). இவரது மனைவி மற்றும் மகன் ஆந்திரத்தில் வசித்து வருகின்றனர். இவர் பொட்டல்புதூரில் உள்ள மருமகள் ரஹ்மத் பெனசீர் வீட்டிலும், சம்பன்குளத்திலும் மாறி மாறி வசித்து வந்துள்ளார்.
இதற்கிடையே வெள்ளிக்கிழமை சம்பன்குளத்தில் உள்ள வீட்டில் தங்கியிருந்தாராம். இந்நிலையில் அவரது வீட்டிலிருந்து திங்கள்கிழமை இரவு துர்நாற்றம் வீசியதாம்.
தகவலறிந்து வந்த ஆழ்வார்குறிச்சி போலீஸார், உள்ளே சென்று பார்த்தபோது, சுல்தான் இறந்த நிலையில் கிடந்தாராம். இதையடுத்து போலீஸார் சடலத்தை கைப்பற்றி பிரேத பரிசோதனைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும், இதுகுறித்து வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/12/முதியவர்-மர்மச்-சாவு-3056304.html
3055744 திருநெல்வேலி திருநெல்வேலி மனித உரிமையை பாதுகாக்கக் கோரி ஆர்ப்பாட்டம் DIN DIN Tuesday, December 11, 2018 08:09 AM +0530 மனித உரிமைகளைப் பாதுகாக்கக் கோரி, இனப்படுகொலைக்கு எதிரான தமிழர் கூட்டமைப்பு சார்பில் திருநெல்வேலி சந்திப்பில் திங்கள்கிழமை ஆர்ப்பாட்டம் நடைபெற்றது.
 ஆர்ப்பாட்டத்தில், " 27 ஆண்டுகளாக சிறையில் வாடும் பேரறிவாளன் உள்ளிட்ட 7 பேரை விடுதலை செய்ய  ஆளுநர் விரைந்து முடிவு எடுக்க வேண்டும். மனித உரிமையைப் பாதுகாக்க அரசுகள் நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன. ஆர்ப்பாட்டத்திற்கு ஒருங்கிணைப்பாளர் அ.பீட்டர் தலைமை வகித்தார். தமிழக மக்கள் ஜனநாயக கட்சி நிர்வாகி அப்துல்ஜப்பார், தாமிரவருணி பாதுகாப்பு இயக்க நிர்வாகி சம்பத் உள்ளிட்டோர் முன்னிலை வகித்தனர். 
மதிமுக புறநகர் மாவட்டச் செயலர் தி.மு.ராஜேந்திரன், ஜனநாயக திமுக நிர்வாகி கே.பி.சரவணன் உள்ளிட்டோர் கோரிக்கைகளை விளக்கிப் பேசினர். உலகத் தமிழ்க் கழக நிர்வாகி த.முத்துக்குமார் நன்றி கூறினார்.

]]>
http://www.dinamani.com/all-editions/edition-thirunelveli/thirunelveli/2018/dec/11/மனித-உரிமையை-பாதுகாக்கக்-கோரி-ஆர்ப்பாட்டம்-3055744.html
3055743 திருநெல்வேலி திருநெல்வேலி நீரின்றி கருகும் நெல் பயிர்கள்: பச்சையாறு அணையில் தண்ணீர் திறக்கக் கோரி விவசாயிகள் மனு DIN DIN Tuesday, December 11, 2018 08:08 AM +0530 நான்குனேரி வட்டத்தில் நீரின்றி கருகும் நெல் பயிர்களைக் காப்பாற்ற பச்சையாறு அணையில் இருந்து தண்ணீர் திறக்க நடவடிக்கை எடுக்க வேண்டும் என ஆட்சியருக்கு விவசாயிகள் கோரிக்கை விடுத்துள்ளனர்.
திருநெல்வேலி மாவட்ட மக்கள் குறைதீர்க்கும் நாள் கூட்டம் ஆட்சியர் ஷில்பா பிரபாகர் சதீஷ் தலைமையில் திங்கள்கிழமை நடைபெற்றது.
இக் கூட்டத்தில், நான்குனேரி வட்ட விவசாயிகள் நீரின்றி கருகும் அபாயத்தில் உள்ள பயிர்களுடன் வந்து அளித்த மனு: நான்குனேரி அருகேயுள்ள இலங்குளம், நெடுங்குளம், சடையனேரி, சவளைக்காரன்குளம் ஆகிய கிராமங்களில் உள்ள குளங்கள் பச்சையாறு அணையை நம்பியுள்ளன. 
வடகிழக்குப்பருமழை கைகொடுக்கும் என்று நம்பி கிணற்று பாசன பகுதிகளில் நாற்றங்கால் அமைத்ததோடு, குளங்களில் இருந்த தண்ணீரைக் கொண்டு பல ஏக்கர் நிலப்பரப்பில் நெல்பயிர் நட்டுள்ளோம். ஆனால், தற்போது நீரின்றி பயிர்கள் கருகும் அபாயம் உள்ளது. இதில், சுமார் 23 கிராம விவசாயிகள் பாதிக்கப்பட்டுள்ளோம். ஆகவே, பச்சையாறு அணையிலிருந்து நீரை திறக்க ஆட்சியர் துரித நடவடிக்கை எடுக்க வேண்டும்.
எம்.எல்.ஏ. வலியுறுத்தல்: 
திருநெல்வேலி ஆட்சியர் அலுவலகத்திற்கு வந்த ராதாபுரம் சட்டப்பேரவைத் தொகுதி உறுப்பினர் ஐ.எஸ்.இன்பதுரை செய்தியாளர்களிடம் கூறியது: ராதாபுரம் சட்டப்பேரவைத் தொகுதியில் உள்ள பல பகுதிகள் மணிமுத்தாறு கால்வாயின் 4 ஆவது ரீச்சில் உள்ளன. மணிமுத்தாறு அணையின் நீர் கடைசி குளமாக இடையான்குடிகுளத்தை அடையும். போதிய மழையின்மையால் ராதாபுரம் வட்டத்தில் நிலத்தடி நீர்மட்டம உவர்ப்பு தன்மை மிகுந்ததாக மாறி வரும் சூழலில், நிகழாண்டில் மணிமுத்தாறு 4 ஆவது ரீச் குளங்களுக்கு தண்ணீர் திறந்து விட நடவடிக்கை எடுக்குமாறு மாவட்ட ஆட்சியரிடம் வலியுறுத்தியுள்ளோம். அவரும், அதிகாரிகளுடன் ஆலோசித்து நடவடிக்கை எடுப்பதாக உறுதியளித்துள்ளார் என்றார் அவர்.
 

]]>
http://www.dinamani.com/all-editions/edition-thirunelveli/thirunelveli/2018/dec/11/நீரின்றி-கருகும்-நெல்-பயிர்கள்-பச்சையாறு-அணையில்-தண்ணீர்-திறக்கக்-கோரி-விவசாயிகள்-மனு-3055743.html
3055742 திருநெல்வேலி திருநெல்வேலி நெல்லையில் "அனுமன் பாரதம்' நூல் வெளியீடு DIN DIN Tuesday, December 11, 2018 08:08 AM +0530 நூறு பூக்கள் அமைப்பின் சார்பில், "அனுமன் பாரதம்' நூல் வெளியீடு மற்றும் சங்கரநாராயணன் நினைவேந்தல் நிகழ்ச்சி திருநெல்வேலி சிந்துபூந்துறையில் அண்மையில் நடைபெற்றது.
இந்நிகழ்ச்சிக்கு, வழக்குரைஞர் ஜி.ரமேஷ் தலைமை வகித்தார். அனுமன் பாரதம்' நூலை எழுத்தாளர் பாமரன் வெளியிட,  வழக்குரைஞர் ப.செந்தில்குமார், ச.தீபன் ஆகியோர் பெற்றுக்கொண்டனர். 
எழுத்தாளர் இரா.நாறும்பூநாதன், காஞ்சனை மணி, ச.சிந்துநிலா, பேராசிரியர் வ.பொன்னுராஜ் ஆகியோர் வாழ்த்திப் பேசினர். நூலாசிரியர் சோம.அழகு ஏற்புரையாற்றினார். வழக்குரைஞர்கள், ஆசிரியர்கள், பெண்கள் உள்பட 50-க்கும் மேற்பட்டோர் கலந்துகொண்டனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/11/நெல்லையில்-அனுமன்-பாரதம்-நூல்-வெளியீடு-3055742.html
3055741 திருநெல்வேலி திருநெல்வேலி சைவத் திருமுறை நேர்முகப் பயிற்சி DIN DIN Tuesday, December 11, 2018 08:07 AM +0530 திருவாவடுதுறை ஆதீனத்தின் சைவத் திருமுறை நேர்முகப் பயிற்சி மையத்தின் சார்பில் பாளையங்கோட்டை சைவ சபையில் நேர்முகப் பயிற்சி வகுப்பு அண்மையில் நடைபெற்றது.
நிகழ்ச்சியில் பேராசிரியை உ.விஜயலட்சுமி திருமுறைப் பதிகங்களுக்கு விளக்கம் அளித்து தலத்தின் சிறப்புகளை விளக்கினார். தேவார இன்னிசை ஆசிரியர் சோ.சொக்கலிங்கம் பண்ணோடு பதிகம்  பாடம் குறித்து பயிற்சி அளித்தார். 
மாணவர்களுக்கு தேர்வுகள் நடத்தப்பட்டன. இவ்வகுப்பில் 60 பேர் பங்கேற்றனர். ஏற்பாடுகளை அமைப்பாளர் கு.முத்துசுவாமி தலைமையில் துணை அமைப்பாளர் ச.அ.கண்ணன் மற்றும் மாணவர்கள் செய்திருந்தனர். அடுத்தப் பயிற்சி வகுப்பு ஜனவரி 6 ஆம் தேதி நடைபெறும் எனத் தெரிவிக்கப்பட்டுள்ளது.


 

]]>
http://www.dinamani.com/all-editions/edition-thirunelveli/thirunelveli/2018/dec/11/சைவத்-திருமுறை-நேர்முகப்-பயிற்சி-3055741.html
3055740 திருநெல்வேலி திருநெல்வேலி "குடிநீர்க் குழாயை சேதப்படுத்தும் மர்மநபர்கள் மீது நடவடிக்கை தேவை' DIN DIN Tuesday, December 11, 2018 08:07 AM +0530 குடிநீர்க் குழாயைச் சேதப்படுத்தும் மர்மநபர்கள் மீது நடவடிக்கை எடுக்கக்கோரி திருநெல்வேலி ஆட்சியர் அலுவலகத்தில் நெல்லையப்பபுரம் பகுதி மக்கள் மனு அளித்தனர்.
திருநெல்வேலி மாவட்ட மக்கள் குறைதீர்க்கும் நாள் கூட்டம் ஆட்சியர் ஷில்பா பிரபாகர் சதீஷ் தலைமையில் திங்கள்கிழமை நடைபெற்றது. இக்கூட்டத்தில் பருத்திப்பாடு அருகேயுள்ள நெல்லையப்பபுரம் கிராமத்தைச் சேர்ந்த மக்கள் அளித்த மனு: எங்கள் ஊரில் 60 குடும்பத்தினர் வசித்து வருகிறோம். எங்கள் ஊரின் வடபகுதியில் இருந்துதான் குடிநீர்க்குழாய் பதிக்கப்பட்டுள்ளது. அவ்வழியாக வரும் குடிநீரை குழாயைச் சேதப்படுத்தி சில மர்மநபர்கள் தடுத்து வருகிறார்கள். இதனால் நீண்ட தொலைவு சென்று நிலத்தடி நீரை எடுத்துவந்து பருகும் நிலை உள்ளது. இதுகுறித்து விசாரித்து நடவடிக்கை எடுக்க வேண்டும்.


 

]]>
http://www.dinamani.com/all-editions/edition-thirunelveli/thirunelveli/2018/dec/11/குடிநீர்க்-குழாயை-சேதப்படுத்தும்-மர்மநபர்கள்-மீது-நடவடிக்கை-தேவை-3055740.html
3055739 திருநெல்வேலி திருநெல்வேலி கிராம நிர்வாக அலுவலர்கள்  காலவரையற்ற வேலைநிறுத்தம் DIN DIN Tuesday, December 11, 2018 08:06 AM +0530 திருநெல்வேலி மாவட்டத்தில் கிராம நிர்வாக அலுவலர்கள் காலவரம்பற்ற வேலைநிறுத்தத்தை திங்கள்கிழமை தொடங்கினர். 
பழைய ஓய்வூதிய திட்டத்தை அமல்படுத்த வேண்டும். மடிக்கணினிகளுக்கு இணையதளசேவைக்கான கட்டணத்தை முறையாக வழங்க வேண்டும். புதிய கிராம நிர்வாக துறை ஏற்படுத்த வேண்டும். அடங்கலை கிராம நிர்வாக அலுவலர் இ-கையெழுத்திட்டு வழங்க வேண்டும் என்பன உள்ளிட்ட 21 அம்ச கோரிக்கைகளை வலியுறுத்தி கிராம நிர்வாக அலுவலர்கள் கடந்த சில வாரங்களாக தொடர் போராட்டத்தில் ஈடுபட்டு வருகின்றனர். இந்நிலையில் காலவரம்பற்ற வேலைநிறுத்ததை திங்கள்கிழமை தொடங்கினர்.
இதுகுறித்து அச்சங்க நிர்வாகிகள் கூறுகையில், இம் மாவட்டத்தில் 350-க்கும் மேற்பட்ட கிராம நிர்வாக அலுவலர்கள் வேலைநிறுத்தத்தில் பங்கேற்றுள்ளனர். இதனால் பொதுமக்களுக்கு பல்வேறு சான்றுகள் வழங்கும் பணி பாதிக்கப்பட்டுள்ளது. எங்களது கோரிக்கைகளை ஏற்று அரசு பேச்சுவார்த்தை நடத்தி உரிய முடிவுகளை எடுக்காவிட்டால் போராட்டம் தொடரும் என்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/11/கிராம-நிர்வாக-அலுவலர்கள்--காலவரையற்ற-வேலைநிறுத்தம்-3055739.html
3055738 திருநெல்வேலி திருநெல்வேலி கார்த்திகை மாதக் கடைசி திங்கள்கிழமை: குற்றாலம் கோயில்களில் பெண்கள் வழிபாடு DIN DIN Tuesday, December 11, 2018 08:06 AM +0530 கார்த்திகை மாதத்தின் கடைசித் திங்கள்கிழமையையொட்டி (சோமவாரம்), குற்றாலம் பேரருவியில் திரளான பெண்கள் நீராடி, கோயில்களில் சுமங்கலி பூஜை நடத்தினர்.
கணவருக்கு நீண்ட  ஆயுள் வேண்டி சோமவாரத்தில் பெண்கள் இறைவழிபாடு நடத்துவது வழக்கம். நிகழாண்டு, கார்த்திகை மாதக் கடைசி திங்கள்கிழமை குற்றாலம் பேரருவியில் அதிகாலை முதல் பெண்களின் வருகை அதிகளவில் இருந்தது.
இதையடுத்து, ஆண்கள் குளிக்கத் தடைவிதிக்கப்பட்டு,  பேரருவியில் பெண்கள் மட்டுமே அனுமதிக்கப்பட்டனர். அங்கு  அவர்கள் நீராடிவிட்டு,  அருகேயுள்ள கன்னிவிநாயகர் கோயில்,  செண்பக விநாயகர் கோயில்களில் மாங்கல்ய பூஜை நடத்தினர். செண்பகவிநாயகர் கோயில் பிரகாரத்தில் அமைந்துள்ள நாகர் சிலைகளுக்கு பழம், மஞ்சள் வைத்து வழிபட்டனர்.

]]>
http://www.dinamani.com/all-editions/edition-thirunelveli/thirunelveli/2018/dec/11/கார்த்திகை-மாதக்-கடைசி-திங்கள்கிழமை-குற்றாலம்-கோயில்களில்-பெண்கள்-வழிபாடு-3055738.html
3055737 திருநெல்வேலி திருநெல்வேலி நெல்லை அருகே ஆற்றில் மூழ்கிய வியாபாரி  சடலமாக மீட்பு DIN DIN Tuesday, December 11, 2018 08:05 AM +0530 திருநெல்வேலி அருகே தாமிரவருணி ஆற்றில் மூழ்கிய வியாபாரி, சடலமாக திங்கள்கிழமை மீட்கப்பட்டார்.
சென்னை கிண்டி அருகேயுள்ள ஆலந்தூர் பகுதியைச் சேர்ந்தவர் சம்சுதீன் (45). இரும்பு வியாபாரம் செய்து வந்தார். இவரது பூர்வீக வீடு தூத்துக்குடி மாவட்டம் கலியாவூரில் உள்ளது. இந்நிலையில் தனது நண்பர்களுடன் குற்றாலத்திற்கு வந்த சம்சுதீன் மீண்டும் திருநெல்வேலி வழியாக சென்னைக்கு ஞாயிற்றுக்கிழமை திரும்பிக் கொண்டிருந்தார். அப்போது, நாரணம்மாள்புரம் அருகேயுள்ள தாமிரவருணி ஆற்றில் அனைவரும் குளித்துள்ளனர். இதில்,  ஆழமான  பகுதிக்குச் சென்ற சம்சுதீன் தண்ணீரில் மூழ்கினார்.
இதையடுத்து,  பாளையங்கோட்டை தீயணைப்பு நிலைய வீரர்கள் 2ஆம் நாளாக திங்கள்கிழமை அவரை தேடியபோது, சுமார் 1 கி.மீ. தொலைவில் சடலமாக மீட்கப்பட்டார். இதுகுறித்து தாழையூத்து போலீஸார் வழக்குப்பதிந்து விசாரித்து வருகிறார்கள்.


 

]]>
http://www.dinamani.com/all-editions/edition-thirunelveli/thirunelveli/2018/dec/11/நெல்லை-அருகே-ஆற்றில்-மூழ்கிய-வியாபாரி--சடலமாக-மீட்பு-3055737.html
3055736 திருநெல்வேலி திருநெல்வேலி பாபநாசத்தில் தோட்டத்தில் புகுந்து தென்னை மரங்களை சாய்த்த யானைகள் DIN DIN Tuesday, December 11, 2018 08:05 AM +0530 மேற்குத் தொடர்ச்சி மலையடிவாரப் பகுதியான பாபநாசத்தில் தோட்டத்தில் காட்டு யானைகள் புகுந்து தென்னை மரங்களை சாய்த்தன.
பாபநாசம் பொதிகையடியை சேர்ந்தவர் சுப்பிரமணியன். இவரது தோட்டத்தில் காட்டு யானைகள் கூட்டமாகப் புகுந்து தென்னை மரங்களை அடியோடு சாய்த்தன. இதையடுத்து, வனத் துறையினர் வெடி வெடித்து யானைகளை வனப்பகுதியில் விரட்டும் பணியில் ஈடுபட்டுள்ளனர். 
இதுகுறித்து சுப்பிரமணியன் கூறுகையில், மலையடிவாரப் பகுதியாக இருப்பதால் யானை, காட்டுப் பன்றி, மிளா உள்ளிட்டவை தோட்டத்தில் புகுந்து இழப்பை ஏற்படுத்தி வருகின்றன. தற்போது யானைகளால் சாய்க்கப்பட்ட மரங்கள் நன்கு காய்த்துப் பலன் தரும் நிலையில் உள்ளவை. இதற்கு உரிய நிவாரணம் வழங்க வேண்டும். வனவிலங்குகள் தோட்டத்திற்குள் நுழையாமல் தடுக்க வனத் துறையினர் நிரந்தர நடவடிக்கை எடுக்க வேண்டும் என்றார்.
 

]]>
http://www.dinamani.com/all-editions/edition-thirunelveli/thirunelveli/2018/dec/11/பாபநாசத்தில்-தோட்டத்தில்-புகுந்து-தென்னை-மரங்களை-சாய்த்த-யானைகள்-3055736.html
3055735 திருநெல்வேலி திருநெல்வேலி ஆலங்குளத்தில்  கல்லூரி பேருந்து திருட்டு DIN DIN Tuesday, December 11, 2018 08:05 AM +0530 ஆலங்குளத்தில் நிறுத்தி வைக்கப்பட்டிருந்த கல்லூரி பேருந்தை மர்ம நபர்கள் திருடிச் சென்று விட்டனர். மாயமான பேருந்தை தேடி ஆலங்குளம் போலீஸார் கன்னியாகுமரி மாவட்டம் விரைந்துள்ளனர்.
தென்காசி கொடிக்குறிச்சியில் தனியார் கல்லூரி உள்ளது. அங்கு பயிலும் ஆலங்குளம் பகுதி மாணவர்களை கல்லூரிக்குச் சொந்தமான பேருந்தில் அழைத்துச் செல்வர். இந்தப் பேருந்து ஆலங்குளம் ஊராட்சி ஒன்றிய அலுவலகத்துக்கு எதிரேயுள்ள தனியார் மருத்துவமனை அருகே நிறுத்தி வைக்கப்பட்டிருக்கும்.
அந்தப் பேருந்தை அதன் ஓட்டுநரான காமராஜ் (31), கடந்த சனிக்கிழமை பிற்பகலில் ஆலங்குளத்தில் நிறுத்திவிட்டு சென்றுவிட்டாராம். ஞாயிற்றுக்கிழமை விடுமுறை தினம் என்பதால் பேருந்தை இயக்க வரவில்லை. திங்கள்கிழமை காலையில் சென்றபோது, பேருந்தை காணவில்லையாம். இதுகுறித்து காமராஜ் ஆலங்குளம் போலீஸில் அளித்த புகாரின் பேரில் போலீஸார் வழக்குப் பதிவு செய்தனர். பேருந்தில் ஜிபிஎஸ் கருவி பொருத்தப் பட்டிருந்ததால் அதை வைத்து தேடியபோது, பேருந்து கன்னியாகுமரி மாவட்டம் செங்கம்புதூரில் உள்ள தனியாருக்குச் சொந்தமான தோப்பில் இருப்பதாக தெரியவந்துள்ளது. இதனையடுத்து, ஆய்வாளர் அய்யப்பன் தலைமையிலான போலீஸார் அங்கு விரைந்துள்ளனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/11/ஆலங்குளத்தில்--கல்லூரி-பேருந்து-திருட்டு-3055735.html
3055734 திருநெல்வேலி திருநெல்வேலி ஆட்சியர் அலுவலகத்தில் திருநங்கைகள் தர்னா DIN DIN Tuesday, December 11, 2018 08:05 AM +0530 திருநெல்வேலி ஆட்சியர் அலுவலக வளாகத்தில் திருநங்கைகள் திங்கள்கிழமை திடீர் போராட்டத்தில் ஈடுபட்டனர். 
திருநெல்வேலி மாவட்ட மக்கள் குறைதீர்க்கும் நாள் கூட்டம் ஆட்சியர் அலுவலகத்தில் திங்கள்கிழமை நடைபெற்றது. ஆட்சியர் ஷில்பா பிரபாரகர் சதீஷ் தலைமை வகித்து பொதுமக்களிடம் மனுக்களைப் பெற்றார். இக் கூட்டத்திற்கு வந்த 100-க்கும் மேற்பட்ட திருநங்கைகள் தரையில் அமர்ந்து தர்னாவில் ஈடுபட்டனர். இதுகுறித்து செய்தியாளர்களிடம் அவர்கள் கூறியது: திருநெல்வேலி மாவட்டத்தில் 600-க்கும் மேற்பட்ட திருநங்கைகள் வசித்து வருகிறோம். பாவூர்சத்திரம் பகுதியைச் சேர்ந்த திருநங்கை ஒருவர் சமூகவலைத்தளங்களில் திருநங்கைகள் குறித்து தவறான பதிவை ஒளிபரப்பு செய்துள்ளார். வேலைவாய்ப்புகள் இருந்தும் பிச்சையெடுப்பதிலும், பாலியல் தொழில்களிலும் திருநங்கைகள் ஈடுபடுவதாக குற்றஞ்சாட்டியுள்ளார். உண்மைக்குப் புறம்பான தகவல்களை கூறியுள்ள திருநங்கை மீது கடும்நடவடிக்கை எடுக்க வேண்டும், இம் மாவட்டத்தில் திருநங்கைகளுக்கு புதிதாக வேலைவாய்ப்புகளை உருவாக்கிக் கொடுக்க மாவட்ட ஆட்சியர் நடவடிக்கை எடுக்க வேண்டும். அதனை வலியுறுத்தி மனுவும் அளித்துள்ளோம் என்றனர்.
  தமிழ்நாடு காட்டுநாயக்கன் சமூக சீர்திருத்த சங்கம் சார்பில் அளிக்கப்பட்ட மனு: சங்கரன்கோவில், பாளையங்கோட்டை பகுதிகளில் காட்டுநாயக்கன் சமுதாயத்தைச் சேர்ந்த 200-க்கும் மேற்பட்ட குடும்பத்தினர் வசித்து வருகிறோம். 
பழங்குடியினத்தவர்களான எங்களுக்கு  குடியிருக்க வீடுகள் கூட இல்லாமல் தவித்து வரும் நிலையில் இலவச வீட்டுமனைப் பட்டா வழங்க வேண்டும். அதேபோல எங்கள் பகுதிகளில் நடைபெறும் சுபநிகழ்ச்சிகளுக்கு போதிய இடமில்லாமல் தவிக்கிறோம். ஆகவே, எங்களுக்கு உதவும் வகையில் சமுதாய நலக்கூடம் கட்டிக்கொடுக்க நடவடிக்கை எடுக்க வேண்டுமென மனுவில் குறிப்பிடப்பட்டிருந்தது.

]]>
http://www.dinamani.com/all-editions/edition-thirunelveli/thirunelveli/2018/dec/11/ஆட்சியர்-அலுவலகத்தில்-திருநங்கைகள்-தர்னா-3055734.html
3055733 திருநெல்வேலி திருநெல்வேலி எரிபொருள் சிக்கனத்தை வலியுறுத்தி 40 ஆயிரம் கி.மீ. சைக்கிள் பயணம் DIN DIN Tuesday, December 11, 2018 08:04 AM +0530 எரிபொருள் சிக்கனத்தை வலியுறுத்தி, இந்தியா முழுவதும் 40 ஆயிரம் கி.மீ. தொலைவுக்கு விழிப்புணர்வு சைக்கிள் பயணம் மேற்கொண்டுள்ளவருக்கு திருநெல்வேலியில் வரவேற்பு அளிக்கப்பட்டது.
சேலத்தைச் சேர்ந்தவர் ராசேராஜன் (42). எரிபொருள் சிக்கனத்தை வலியுறுத்தி இந்தியா முழுவதும் விழிப்புணர்வு சைக்கிள் பயணம் மேற்கொள்ள முடிவு செய்தார். அதன்படி திருநெல்வேலிக்கு வந்தஅவருக்கு வரவேற்பு அளிக்கப்பட்டது. இதுகுறித்து அவர் கூறியது: 2.10.2017இல் எனது பயணத்தைத் தொடங்கினேன். 40 ஆயிரம் கி.மீ. தொலைவு பயணிக்க திட்டமிட்டுள்ள நிலையில் கேரளம், ஆந்திரம், கர்நாடகம், மேற்குவங்கம், ஒடிசா உள்ளிட்ட மாநிலங்களுக்குச் சென்றுவிட்டு மீண்டும் தமிழகத்திற்கு வந்துள்ளேன். இதுவரை 20 ஆயிரம் கி.மீ. தொலைவு பயணித்துள்ளேன். செல்லும் இடங்களில் விழிப்புணர்வுத் துண்டுப்பிரசுரங்களை விநியோகித்து வருகிறேன். கடைகளுக்குச் செல்லுதல் உள்ளிட்ட சிறுசிறு பணிகளுக்கு மோட்டார் சைக்கிளைப் பயன்படுத்தக் கூடாது. எரிபொருள் சிக்கனம், ஆரோக்கிய வாழ்வு ஆகியவற்றுக்கு சைக்கிள் பயணமே பேருதவி செய்யும் என்பதை மக்களிடம் எடுத்துக்கூறி வருகிறேன் என்றார் அவர்.

]]>
http://www.dinamani.com/all-editions/edition-thirunelveli/thirunelveli/2018/dec/11/எரிபொருள்-சிக்கனத்தை-வலியுறுத்தி-40-ஆயிரம்-கிமீ-சைக்கிள்-பயணம்-3055733.html
3055732 திருநெல்வேலி திருநெல்வேலி உலக மனித உரிமைகள் தினம் DIN DIN Tuesday, December 11, 2018 08:04 AM +0530 திருநெல்வேலி மாவட்ட சட்டப் பணிகள் ஆணைக் குழு சார்பில், உலக மனித உரிமைகள் தினம் பாளையங்கோட்டை தூய சவேரியார் கல்லூரியில் திங்கள்கிழமை நடைபெற்றது.
இந்நிகழ்ச்சிக்கு கல்லூரி முதல்வர் பிரிட்டோ தலைமை வகித்தார். முதன்மை மாவட்ட நீதிபதி கே.ராஜசேகர் தலைமை வகித்து பேசுகையில், இந்திய குடிமக்கள் அனைவருக்கும் இந்திய அரசியலமைப்புச் சட்டத்தில் அடிப்படை உரிமைகள் உண்டு; மனித உரிமை மீறல்கள்குறித்த புகார்களை தெரிவிக்க பல்வேறு வசதிகள் உள்ளன என்றார்.  மாவட்ட சட்டப் பணிகள் ஆணைக்குழுவின் செயலர் டி.வி.ஹேமானந்தகுமார் கருத்து ரையாற்றினார். 350-க்கும் மேற்பட்ட மாணவர்கள் பங்கேற்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/11/உலக-மனித-உரிமைகள்-தினம்-3055732.html
3055116 திருநெல்வேலி திருநெல்வேலி களக்காட்டில் சாலைகளை சீரமைக்கக் கோரி டிச. 15 இல் போராட்டம் நடத்த முடிவு DIN DIN Monday, December 10, 2018 08:30 AM +0530 களக்காட்டில் போக்குவரத்துக்கு பயனற்று காணப்படும் சாலைகளை சீரமைக்க வலியுறுத்தி டிச. 15 இல் உண்ணாவிரதப் போராட்டம் நடத்தப்படும் என மக்கள் போராட்டக் குழு அறிவித்துள்ளது. 
களக்காடு பேரூராட்சியில் 35 ஆயிரத்திற்கும் மேற்பட்டோர் வசிக்கின்றனர்.  களக்காட்டை சுற்றியுள்ள கிராம மக்கள் தங்களது  அத்தியாவசியத் தேவைகளுக்கு களக்காட்டிற்கு வந்து செல்ல வேண்டும். நகரின் மையப் பகுதியில் அமைந்திருக்கும் புதிய பேருந்து நிலையத்திலிருந்து மணிக்கூண்டு வரை செல்லும் குடிதாங்கி குளக்கரைச் சாலை குண்டும் குழியுமாக காட்சியளிக்கிறது.
பழுதடைந்து 4 ஆண்டுகளாகியும் சீரமைக்கப்படாததால் போக்குவரத்துக்கு பயனற்றுக் காணப்படும் இச்சாலையை சீரமைக்க வலியுறுத்தி பல்வேறு அமைப்பினர் போராட்டம் நடத்தியும் பலன் இல்லை. இதேபோல், சுபத்ரா பூங்காவில் இருந்து மூங்கிலடி வரையுள்ள தார்ச்சாலை சேதமடைந்ததால், அங்குள்ள அரசு மேல்நிலைப்பள்ளிக்கு இயக்கப்பட்ட அரசுப் பேருந்துகள் நிறுத்தப்பட்டன.  ஓராண்டுக்கு மேலாக பேருந்து வசதியின்றி இப்பள்ளி மாணவர்கள் அவதிப்பட்டு வருகின்றனர்.
பேரூராட்சிப் பகுதியில் புதிய குடிநீர் இணைப்புகள் வழங்குவதற்காக தோண்டப்பட்ட சாலைகளும் சீரமைக்கப்படவில்லை.இதனால், தெருக்களில் இரு சக்கர வாகனங்களில் பயணிக்க முடியாத நிலை உள்ளது. களக்காடு பகுதியில் சேதமடைந்த சாலைகளை சீரமைக்க வலியுறுத்தி குறை தீர்க்கும் கூட்டத்தில் ஆட்சியரியிடம் மனு அளித்தும் நடவடிக்கை எடுக்கவில்லை. ஆகவே, சாலைகளை சீரமைக்க வலியுறுத்தி டிச. 15 ஆம் தேதி மக்கள் போராட்டக் குழு சார்பில் உண்ணாவிரதப் போராட்டம் நடத்தப்படும் என அமைப்பின் முதன்மை ஒருங்கிணைப்பாளர் ஏ.கே. நெல்சன் ஞாயிற்றுக்கிழமை செய்தியாளர்களிடம் தெரிவித்தார்.

]]>
http://www.dinamani.com/all-editions/edition-thirunelveli/thirunelveli/2018/dec/10/களக்காட்டில்-சாலைகளை-சீரமைக்கக்-கோரி-டிச-15-இல்-போராட்டம்-நடத்த-முடிவு-3055116.html
3055115 திருநெல்வேலி திருநெல்வேலி பொட்டல்புதூர் முகைதீன் ஆண்டவர் பள்ளிவாசல் கந்தூரி விழா தொடக்கம்: 18 இல் சந்தனக்கூடு ஊர்வலம் DIN DIN Monday, December 10, 2018 08:30 AM +0530 பொட்டல்புதூர் முகைதீன் ஆண்டவர் பள்ளிவாசல் கந்தூரி விழா சனிக்கிழமை கொடியேற்றத்துடன் தொடங்கியது. 18 ஆம் தேதி சந்தனக்கூடு ஊர்வலம் நடைபெறுகிறது.
பொட்டல்புதூர் முகைதீன் ஆண்டவர் பள்ளிவாசல் கந்தூரிவிழா ஆண்டுதோறும் விமர்சையாக நடைபெற்று வருகிறது. இக்கந்தூரி விழா சனிக்கிழமை நிறைபிறைக் கொடியேற்றத்துடன் தொடங்கியது. கீழூர் ஜமாஅத் சார்பில் நிறைபிறைக்
கொடி ஊர்வலம் நடைபெற்றது.
அலங்கரிக்கப்பட்ட யானையில் கொடி ஊர்வலம் முக்கிய வீதிகள் வழியாக பள்ளிவாசலை வந்தடைந்ததும் அங்கு மரத்தில் கொடி ஏற்றும் நிகழ்ச்சி நடைபெற்றது. இதில், பொட்டல்புதூர், ரவணசமுத்திரம், தென்காசி, பேட்டை உள்பட பல்வேறு ஊர்களிலிருந்து ஏராளமானோர் கலந்து கொண்டனர்.
இதையொட்டி, பள்ளிவாசலில் தினமும் இரவில் மௌலூது ஓதப்படுகிறது. வரும் 17 ஆம் தேதி இரவு 8 மணிக்கு பச்சைக்களை ஊர்வலம் நடைபெறும். 18 ஆம் தேதி காலை 10 மணிக்கு இனாம்தார் எஸ்.பி. ஷா இல்லத்தில் ராத்திபு ஓதுதல், பகல் 12 மணிக்கு அரண்மனைக் கொடியேற்றம் ஆகியன நடைபெறுகிறது.
பிற்பகல் 2 மணிக்கு மேலூர் ஜமாஅத்திலிருந்து 10ஆம் நாள் இரவு பிறைக்கொடி ஊர்வலம் புறப்பட்டு பிரதானச் சாலை, முக்கிய தெருக்கள் வழியாக பள்ளிவாசலை வந்தடைகிறது. அங்கு, கொடியேற்றும் நிகழ்ச்சி நடைபெறுகிறது. 
இரவு 10 மணிக்கு ரவணசமுத்திரத்திலிருந்து சந்தனக்கூடு ஊர்வலம் புறப்பட்டு முக்கிய வீதிகள் வழியாக புதன்கிழமை அதிகாலை 5 மணிக்கு பள்ளிவாசலை வந்தடைகிறது. அங்கு, மூலஸ்தானத்தில் சந்தனம் பூசுதல் நிகழ்ச்சி நடைபெறும். அன்றைய தினம் முன்னிரவில் அலங்காரத்திடலில் தீப அலங்காரம் நடைபெறும். தொடர்ந்து 21ஆம் தேதி மாலை 14ஆம் நாள் இரவு ராத்திபு ஓதுதல், நேர்ச்சை வழங்குதல் ஆகியன நடைபெறுகிறது.   கந்தூரி விழாவை முன்னிட்டு அரசுப் போக்குவரத்துக் கழகம் சார்பில் திருநெல்வேலி, தென்காசி, சேரன்மகாதேவி உள்ளிட்ட ஊர்களிலிருந்து சிறப்புப் பேருந்துகள் இயக்கப்படுகின்றன. மேலும், பக்தர்கள் வசதிக்காக திருநெல்வேலி-செங்கோட்டை பயணிகள் ரயில் கூடுதல் பெட்டிகளுடன் இயக்கப்படுகிறது.

]]>
http://www.dinamani.com/all-editions/edition-thirunelveli/thirunelveli/2018/dec/10/பொட்டல்புதூர்-முகைதீன்-ஆண்டவர்-பள்ளிவாசல்-கந்தூரி-விழா-தொடக்கம்-18-இல்-சந்தனக்கூடு-ஊர்வலம்-3055115.html
3055114 திருநெல்வேலி திருநெல்வேலி கஜா புயல் நிவாரண நிதியை மத்திய அரசு முழுமையாக வழங்க வேண்டும் DIN DIN Monday, December 10, 2018 08:29 AM +0530 தமிழகத்தில் கஜா புயலால் பாதிக்கப்பட்டு பொதுமக்கள் சிரமம் அடைந்து வரும் நிலையில், நிவாரண நிதியை மத்திய அரசு முழுமையாக வழங்க வேண்டும் என, அம்மா மக்கள் முன்னேற்றக் கழகத்தின் கொள்கைப் பரப்புச் செயலர் தங்கத்தமிழ்செல்வன் வலியுறுத்தினார்.
திருநெல்வேலியில் செய்தியாளர்களிடம் அவர் ஞாயிற்றுக்கிழமை கூறியது: அதிமுக-அமமுக கட்சிகள் விரைவில் இணையும் என தகவல்கள் பரப்பப்படுகின்றன. அமமுகவின் அபரிமிதமான வளர்ச்சியே அதற்கு காரணம். எம்.ஜி.ஆர்., ஜெயலலிதாவால் வளர்த்தெடுக்கப்பட்ட அதிமுகவையும், இரட்டை இலை சின்னத்தையும் வீழ்த்த வேண்டும் என்பது அமமுகவின் நோக்கமல்ல. தமிழகத்தில் புதிய முதல்வர், நிர்வாகம் உருவாக வேண்டும் என்பதே கோரிக்கை. அதனை ஏற்காமல் கட்சிக்குப் பங்கம் உருவாக்கியவர்களுக்கு பொறுப்புகளை அளித்தது ஏற்கத்தக்கதல்ல. அமமுகவுக்கு திமுக மட்டுமே எதிர்க்கட்சி. அதிமுக எதிர்க்கட்சியல்ல. ஏனென்றால் அதிமுகவின் தொண்டர்கள் பலரும் எங்களுக்கு ஆதரவு நிலையிலேயே உள்ளனர்.
ஜெயலலிதா மறைவுக்கு பின்பு தமிழகத்தில் வெற்றிடம் உள்ளது. அந்த இடத்தை அமமுக துணைப் பொதுச்செயலர் டிடிவி தினகரன் நிரப்புவார் என்ற எண்ணம் தமிழக மக்களிடம் ஏற்பட்டுள்ளது. பாஜக-அமமுக கூட்டணி ஏற்படுமா என்று பலரும் கேட்கிறார்கள். எங்கள் கட்சி மதச்சார்பற்ற அணியின் பக்கமே நிற்கும் என்று ஏற்கெனவே கூறியுள்ளோம்.
தமிழகத்தில் உள்ளாட்சித் தேர்தல், கூட்டுறவு சங்கத் தேர்தல்ஆகியவை முறையாக நடத்தப்படாத நிலையில் 20 சட்டப்பேரவைத் தொகுதிகளுக்கான இடைத்தேர்தலும் நடத்தப்படாமல் உள்ளது. தேர்தல்களை நடத்தினால் 100 சதவீத வெற்றியை அமமுக பெறும்.
கஜா புயலால் தமிழகத்தின் நான்கு மாவட்டங்கள் பெரும் பாதிப்பைச் சந்தித்துள்ளன. பாதிக்கப்பட்ட மக்களுக்கு நிவாரணம் அளிக்கவும், புதிய திட்டங்களை உருவாக்கி பொருளாதாரத்தை மேம்படுத்தவும் ரூ.40 ஆயிரம் கோடிக்கு மேல் தேவைப்படும் நிலையில் ரூ.15 ஆயிரம் கோடியை மட்டும் நிவாரண நிதிக்காக தமிழக அரசு கோரியுள்ளது தவறானது. அதிலும் ரூ.350 கோடியை மட்டும் மத்திய அரசு வழங்கிவிட்டு பாராமுகத்துடன் இருப்பது வேதனையளிக்கிறது. எனவே, புயல் நிவாரண நிதியை மத்திய அரசு முழுமையாக வழங்க வேண்டும் என்றார் அவர்.
பேட்டியின்போது தென்மண்டல அமைப்புச் செயலர் மாணிக்கராஜா, மாநகர் மாவட்டச் செயலர் கல்லூர் இ.வேலாயுதம், புறநகர் மாவட்டச் செயலர் பாப்புலர் முத்தையா, நிர்வாகிகள் ஆர்.பி.ஆதித்தன், பூ.ஜெகநாதன் என்ற கணேசன், வி.கே.பி.சங்கர், பரமசிவஐயப்பன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/10/கஜா-புயல்-நிவாரண-நிதியை-மத்திய-அரசு-முழுமையாக-வழங்க-வேண்டும்-3055114.html
3055113 திருநெல்வேலி திருநெல்வேலி காங்கிரஸ் சார்பில் 100 பேருக்கு நல உதவிகள் DIN DIN Monday, December 10, 2018 08:29 AM +0530 காங்கிரஸ் கட்சியின் மூத்த தலைவர் சோனியா காந்தியின் 72ஆவது பிறந்த நாள் விழாவையொட்டி, திருநெல்வேலியில் 100 பேருக்கு நல உதவிகள் வழங்கப்பட்டன.
திருநெல்வேலி மாநகர் மாவட்ட காங்கிரஸ் கட்சி சார்பில் கொக்கிரகுளத்தில் நடைபெற்ற நிகழ்ச்சிக்கு, மாநகர் மாவட்டத் தலைவர் கே.சங்கரபாண்டியன் தலைமை வகித்தார். முன்னாள் மத்திய இணையமைச்சர் ஆர்.தனுஷ்கோடி ஆதித்தன் கேக் வெட்டினார். ஏழைப் பெண்களுக்கு தையல் இயந்திரங்கள், சேலைகள், வேட்டிகள் உள்பட சுமார் ரூ.1 லட்சம் மதிப்பிலான நலத்திட்ட உதவிகள் 100 பேருக்கு வழங்கப்பட்டன.
மேற்கு மாவட்டப் பொருளாளர் எஸ்.பி.முரளிராஜா, வழக்குரைஞர் கமலநாதன், மாநகர் மாவட்டப் பொருளாளர் எஸ்.ராஜேஷ்முருகன் ஆகியோர் முன்னிலை வகித்தனர். மாவட்டப் பொதுச்செயலர்கள் ஏ.சொக்கலிங்ககுமார், எம்.சபீக் ஆகியோர் வரவேற்றனர். 
மாவட்ட துணைத் தலைவர் உதயகுமார், முகமது அனஸ்ராஜா, மண்டலத் தலைவர்கள் எஸ்.எஸ்.மாரியப்பன், வி.ஐயப்பன், ஏ.தனசிங்பாண்டியன் உள்பட பலர் கலந்துகொண்டனர்.
 

]]>
http://www.dinamani.com/all-editions/edition-thirunelveli/thirunelveli/2018/dec/10/காங்கிரஸ்-சார்பில்-100-பேருக்கு-நல-உதவிகள்-3055113.html
3055112 திருநெல்வேலி திருநெல்வேலி சிந்துபூந்துறையில் ஆர்ப்பாட்டம் DIN DIN Monday, December 10, 2018 08:28 AM +0530 அகில பாரதிய வித்யார்த்தி பரிஷத் அமைப்பு சார்பில் திருநெல்வேலி சிந்துபூந்துறையில் ஆர்ப்பாட்டம் ஞாயிற்றுக்கிழமை நடைபெற்றது.
ஆர்ப்பாட்டத்தில், "தமிழகத்தில் மாணவர்-மாணவிகளுக்கு இலவச பேருந்துப் பயண அட்டையை உடனே வழங்க வேண்டும்; 10ஆண்டுகளுக்கு மேலாக உயர்த்தப்படாமல் உள்ள கல்வி உதவித்தொகையை உயர்த்த வேண்டும்;  மாநிலம் முழுவதும் ஒரே மாதிரியான பருவ மற்றும் தேர்வுக் கட்டணங்களை அமல்படுத்த வேண்டும்' என்பன உள்ளிட்ட கோரிக்கைகள் வலியுறுத்தப்பட்டன. இந்த ஆர்ப்பாட்டத்துக்கு அமைப்பின் மாநகரச் செயலர் விஷ்ணு தலைமை வகித்தார். விக்னேஷ், சிவா, வெங்கடேஷ் ஆகியோர் முன்னிலை வகித்தனர். கோரிக்கைகளை வலியுறுத்தி அமைப்பின் மாநில இணைச் செயலர் பிரிதிவிராஜன் பேசினார்.
 

]]>
http://www.dinamani.com/all-editions/edition-thirunelveli/thirunelveli/2018/dec/10/சிந்துபூந்துறையில்-ஆர்ப்பாட்டம்-3055112.html
3055111 திருநெல்வேலி திருநெல்வேலி நெல்லை காப்பகத்தில் இருந்து 7 சிறுவர்கள் தப்பியோட்டம் DIN DIN Monday, December 10, 2018 08:27 AM +0530 திருநெல்வேலி சந்திப்பில் உள்ள சரணாலயம் காப்பகத்தில் இருந்து 7 சிறுவர்கள் தப்பியோடினர். அவர்களை போலீஸார் தேடி வருகிறார்கள்.
திருநெல்வேலி சந்திப்பில் பாலபாக்யாநகர் பகுதியில் சரணாலயம் காப்பகம் செயல்பட்டு வருகிறது. சைல்டு லைன் திட்டத்தின் கீழ் குழந்தைத் தொழிலாளர்களாக இருந்து மீட்கப்பட்ட சிறுவர்கள், ஆதரவற்ற சிறுவர்கள் இங்கு தங்கவைக்கப்பட்டு பராமரிக்கப்படுகின்றனர். திருநெல்வேலி மாவட்ட குழந்தைகள் நலக் குழு மூலம் இவர்கள் கண்காணிக்கப்படுகின்றனர்.
இந்நிலையில், ஞாயிற்றுக்கிழமை காலையில் காப்பக நிர்வாகிகள் மாணவர்கள் அறைக்குச் சென்று பார்த்தபோது, ஜன்னல் கம்பியை உடைத்து அங்கு தங்கியிருந்த 7 பேர் தப்பியோடியது தெரியவந்ததாம். தப்பிச் சென்றவர்கள் திருநெல்வேலி, பேட்டை, சுத்தமல்லி, சென்னை ஆகிய பகுதிகளைச் சேர்ந்தவர்கள். தகவலறிந்ததும் திருநெல்வேலி சந்திப்பு போலீஸார் சென்று விசாரணை நடத்தினர். காப்பகத்தில் இருந்து தப்பியோடிய சிறுவர்களை தேடி வருகிறார்கள்.
 

]]>
http://www.dinamani.com/all-editions/edition-thirunelveli/thirunelveli/2018/dec/10/நெல்லை-காப்பகத்தில்-இருந்து-7-சிறுவர்கள்-தப்பியோட்டம்-3055111.html
3055110 திருநெல்வேலி திருநெல்வேலி நாரணம்மாள்புரம் தாமிரவருணி ஆற்றில் குளித்தவர் மாயம் DIN DIN Monday, December 10, 2018 08:27 AM +0530 திருநெல்வேலி அருகேயுள்ள நாரணம்மாள்புரம் தாமிரவருணி ஆற்றில் ஞாயிற்றுக்கிழமை குளித்தவர் தண்ணீரில் மூழ்கினார். அவரை தீயணைப்பு வீரர்கள் தேடி வருகின்றனர். 
சென்னை கிண்டியைச் சேர்ந்தவர் சம்சுதீன் (43). இவர், தனது நண்பர்கள் மற்றும் உறவினர்களுடன் குற்றாலம் சென்றுவிட்டு திருநெல்வேலிக்கு வந்துள்ளார். பின்னர், சென்னைக்கு புறப்பட்டுச்  செல்லும் வழியில் நாரணம்மாள்புரம் அருகே வாகனத்தை நிறுத்திவிட்டு, தாமிரவருணி ஆற்றில் அனைவரும் குளித்தனர். அப்போது, ஆழமான பகுதிக்குச் சென்ற சம்சுதீன் எதிர்பாராமல் நீரில் மூழ்கினாராம். 
இத்தகவலறிந்த பாளையங்கோட்டை தீயணைப்பு நிலைய வீரர்கள், ஆற்றுக்கு வந்து அவரை தேடும் பணியில் ஈடுபட்டனர். இரவு நேரம் ஆகியும் அவரை கண்டுபிடிக்க முடியவில்லை. இதையடுத்து, திங்கள்கிழமை (டிச. 10) காலை மீண்டும் தேடும் பணியில் ஈடுபடவுள்ளனர். இதுகுறித்து தாழையூத்து போலீஸார் விசாரித்து வருகிறார்கள்.
 

]]>
http://www.dinamani.com/all-editions/edition-thirunelveli/thirunelveli/2018/dec/10/நாரணம்மாள்புரம்-தாமிரவருணி-ஆற்றில்-குளித்தவர்-மாயம்-3055110.html
3055109 திருநெல்வேலி திருநெல்வேலி விசுவ ஹிந்து பரிஷத் ஆலோசனைக் கூட்டம் DIN DIN Monday, December 10, 2018 08:26 AM +0530 விசுவ ஹிந்து பரிஷத் மற்றும் பஜ்ரங்தள் சார்பில் ஆலோசனைக் கூட்டம் பாளையங்கோட்டையில் ஞாயிற்றுக்கிழமை நடைபெற்றது.
இக்கூட்டத்துக்கு, காளியப்பன் தலைமை வகித்தார். அமைப்பின் மாநிலச் செயலர் செல்லப்பாண்டியன் முன்னிலை வகித்தார். ரமண பாரதி சிறப்புரையாற்றினார். விசுவ ஹிந்து பரிஷத் வள்ளியூர் மாவட்டத் தலைவர் சுப்பையா, செயலர் கண்ணன், ராமச்சந்திரன், வெள்ளைப்பாண்டி, மாவட்ட அமைப்பாளர் முத்துக்குமார் உள்பட பலர் கலந்துகொண்டனர்.  கூட்டத்தில், "அயோத்தி சம்பவம் தொடர்பான வழக்கில் உச்சநீதிமன்றம் உடனடியாக தீர்ப்பு வழங்காவிடில், மக்களவையைக் கூட்டி சிறப்புச் சட்டம் இயற்ற வேண்டும்; அயோத்தியில் ராமர் கோயில் கட்ட உத்தரவிட வேண்டும்' என்பன உள்ளிட்ட தீர்மானங்கள்  நிறைவேற்றப்பட்டன.


 

]]>
http://www.dinamani.com/all-editions/edition-thirunelveli/thirunelveli/2018/dec/10/விசுவ-ஹிந்து-பரிஷத்-ஆலோசனைக்-கூட்டம்-3055109.html
3055108 திருநெல்வேலி திருநெல்வேலி திசையன்விளை அருகே விபத்தில் இளைஞர் சாவு DIN DIN Monday, December 10, 2018 08:26 AM +0530 திசையன்விளை அருகே மோட்டார் சைக்கிளும், காரும் ஞாயிற்றுக்கிழமை இரவு மோதிக்கொண்டதில் இளைஞர் இறந்தார். இன்னொருவர் பலத்த காயம் அடைந்தார். 
விஜயநாராயணத்தைச் சேர்ந்த பூவையா மகன் மாணிக்கராஜா (21). அதே ஊரைச் சேர்ந்த குமாரசாமி மகன் சுகன் (20). இருவரும் ஒரே மோட்டார் சைக்கிளில் ஞாயிற்றுக்கிழமை இரவு திசையன்விளையிலிருந்து விஜயநாராயணத்துக்குச் சென்றுகொண்டிருந்தனர். பட்டரைக்கட்டி விளை அருகே சென்றபோது, இவர்களுக்குப் பின்னால் வந்துகொண்டிருந்த கார் எதிர்பாராமல் இவர்களது வாகனத்தின் மீது  மோதியதாம். இதில், மோட்டார் சைக்கிளில் சென்ற  இருவரும் பலத்த காயம் அடைந்தனர். அவர்களை, அங்கிருந்தவர்கள்  மீட்டு திருநெல்வேலி அரசு மருத்துவமனைக்கு கொண்டு செல்லும் வழியில் மாணிக்கராஜா இறந்தார். சுகனுக்கு சிகிச்சை அளிக்கப்படுகிறது.  இது குறித்து திசையன்விளை போலீஸார் வழக்குப்பதிந்து கங்கனாங்குளத்தைச் சேர்ந்த கார்  ஓட்டுநர் சுப்பையா என்பவரை தேடி வருகின்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/10/திசையன்விளை-அருகே-விபத்தில்-இளைஞர்-சாவு-3055108.html
3055107 திருநெல்வேலி திருநெல்வேலி சைவத் திருமுறை நேர்முகப் பயிற்சி DIN DIN Monday, December 10, 2018 08:26 AM +0530 சைவத் திருமுறை நேர்முகப் பயிற்சி வகுப்பு திருநெல்வேலியில் அண்மையில் நடைபெற்றது.
திருவாவடுதுறை ஆதீனத்தின் சைவத் திருமுறை நேர்முகப் பயிற்சி மையத்தின் சார்பில் திருநெல்வேலி நகரம் ஈசான மடத்தில் நடைபெற்ற இவ்வகுப்பில், முனைவர் உ.விஜயலட்சுமி திருமுறைப் பதிகங்களுக்கு விளக்கம் அளித்து தலத்தின் சிறப்புகளைக் கூறினார். தேவார ஆசிரியர் சோ.சொக்கலிங்கம் பண்ணோடு பதிகம் பாட பயிற்சி அளித்தார். பயிற்சி வகுப்பில் 60 மாணவர்கள் கலந்துகொண்டனர்.
ஏற்பாடுகளை அமைப்பாளர் கு.முத்துசுவாமி தலைமையில் துணை அமைப்பாளர் ச.முருகேசன், மாணவர்கள் முத்துக்குமாரசாமி, கணேசன் ஆகியோர் செய்திருந்தனர். அடுத்த பயிற்சி வகுப்பு ஜனவரி 6 ஆம் தேதி நடைபெறும் என தெரிவிக்கப்பட்டுள்ளது.

]]>
http://www.dinamani.com/all-editions/edition-thirunelveli/thirunelveli/2018/dec/10/சைவத்-திருமுறை-நேர்முகப்-பயிற்சி-3055107.html
3055106 திருநெல்வேலி திருநெல்வேலி குழாய் உடைப்புகளால் பல லட்சம் லிட்டர் குடிநீர் வீண்! DIN DIN Monday, December 10, 2018 08:25 AM +0530 திருநெல்வேலி மாநகரப் பகுதிகளில் சேதமடையும் குடிநீர்க் குழாய்களை விரைவாக சீரமைக்காததால் தினமும் பல லட்சம் லிட்டர் குடிநீர் வீணாகி வருகிறது. இந்த நிலையை மாற்ற துரித நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.
திருநெல்வேலி மாநகராட்சிப் பகுதியில் 5 லட்சத்திற்கும் மேற்பட்ட மக்கள் வசித்து வருகிறார்கள். தாமிரவருணி நதியில் இருந்து சுத்திகரிக்கப்பட்ட குடிநீர் மாநகர பகுதிகளுக்கு விநியோகிக்கப்பட்டு வருகிறது. இதற்காக கொண்டாநகரம், சுத்தமல்லி, குறுக்குத்துறை, மணப்படைவீடு, திருமலைக்கொழுந்துபுரம், கருப்பந்துறை உள்ளிட்ட பகுதிகளில் மொத்தம் 12 தலைமை நீரேற்று நிலையங்கள் உள்ளன. 
இவற்றின் அருகேயுள்ள 46 உறைகிணறுகளில் இருந்து தண்ணீர் எடுக்கப்பட்டு சுத்திகரிக்கப்பட்டு மேல்நிலை நீர்த்தேக்கத் தொட்டிகளுக்கு கொண்டு செல்லப்படுகிறது. மொத்தம் 69 மேல்நிலை நீர்த்தேக்கத் தொட்டிகளில் 47.50 மில்லியன் லிட்டர் தண்ணீர் சேமிக்கப்பட்டு வீடுகளுக்கு விநியோகிக்கப்பட்டு வருகிறது.
தொலைத்தொடர்பு நிறுவனங்களின் வயர்கள் பதிக்கும் பணி, கனரக வாகனங்கள் செல்லுதல் உள்ளிட்ட பல்வேறு காரணங்களால் தினமும் 10-க்கும் மேற்பட்ட பகுதிகளில் குடிநீர்க் குழாய்கள் சேதமடைகின்றன. 
இவற்றை சீரமைப்பதில் மாநகராட்சிப் பணியாளர்கள் மிகவும் அலட்சியம் காட்டுவதாக பொதுமக்கள் குற்றஞ்சாட்டுகிறார்கள். கருப்பந்துறையில் கடந்த சில மாதங்களுக்கு முன்பு ஏற்பட்ட குழாய் உடைப்பு நீண்ட நாள்களுக்கு பின்பே சரிசெய்யப்பட்டது. அதேபோல சீவலப்பேரி சாலை அருகே பாளையங்கால்வாய் குறுக்கே அமைக்கப்பட்டுள்ள குடிநீர்க் குழாயில் ஏற்பட்ட உடைப்பு கடந்த மூன்று மாதங்களுக்கும் மேலாக சீரமைக்கப்படாமல் உள்ளது. இதனால் நாளொன்றுக்கு குறைந்தபட்சம் 25 ஆயிரம் லிட்டர் குடிநீர் வீணாகி வருகிறது. மாநகராட்சி அதிகாரிகளுக்கு இதுகுறித்து புகார் தெரிவித்தும் நடவடிக்கை எடுக்கப்படவில்லையென பொதுமக்கள் குற்றஞ்சாட்டுகிறார்கள்.
ஜெனரேட்டர் வசதி தேவை: இதுகுறித்து மேலப்பாளையத்தைச் சேர்ந்த வியாபாரி ரசூல்பீவி கூறியது: திருநெல்வேலி மாநகராட்சியில் குடிநீர் விநியோகத்திற்கு கூடுதல் முக்கியத்துவம் அளிக்க வேண்டியது அவசியம். 
மேலப்பாளையம் மண்டலத்திற்கான குடிநீரேற்றும் மையம் கொண்டாநகரத்தில் உள்ளது. இங்கு ஆற்றின் ஒரு பகுதியில் உறைகிணறும், மற்றொரு கரையில் நீரேற்றும் மோட்டார் அறையும் உள்ளது. இதனால் ஆற்றின் குறுக்கே அமைக்கப்பட்டுள்ள பெரிய குழாய் வெள்ள காலங்களில் அடிக்கடி சேதமடைந்து வருகிறது. 
இம்மண்டலத்தில் சுமார் 1.20 லட்சம் பேர் வசித்து வருகிறார்கள். இவர்களுக்கு ஒரு வாரம் வரை குடிநீர் விநியோகிக்காமல் தவிக்கவிடுவதால் சிரமத்திற்கு ஆளாகிறார்கள். ஆகவே, அந்த நீரேற்று நிலையத்தில் தேவையான மாற்றங்களை செய்யவும், மின்தடை நேரங்களில் தடையின்றி குடிநீரை சேகரிக்க ஜெனரேட்டர் வசதியை மாநகராட்சி நிர்வாகம் ஏற்படுத்தவும் நடவடிக்கை எடுக்க வேண்டும் என்றார்.
விரைவாக நடவடிக்கை: இதுகுறித்து மாநகராட்சி அதிகாரிகள் கூறியது: மாநகரப் பகுதியில் குடிநீர் விநியோகத்திற்கு தனிக்கவனம் செலுத்தப்படுகிறது. தனிநபர் ஒருவருக்கு நாள்ஒன்றுக்கு தலா 100 லிட்டர் குடிநீர் வழங்க முயற்சிக்கப்படுகிறது. 
குழாய் உடைப்புகள் பெரும்பாலும் உடனுக்குடன் சீரமைக்கப்படும். பாலங்கள், வாகனங்கள் அதிகம் செல்லும் பகுதிகளில் குழாய் சீரமைப்பில் பெரும் சவால்கள் உள்ளன. அதனால் சில காலதாமதம் ஏற்படுகிறது. அதனையும் விரைவாக முடிக்க நடவடிக்கை எடுக்கப்படும்.
இம் மாநகராட்சியில் அரியநாயகிபுரம் கூட்டுக் குடிநீர்த் திட்டத்தைச் செயல்படுத்துவதற்கான பணிகள் துரிதமாக நடைபெற்று வருகின்றன. 
முக்கூடல் அருகேயுள்ள அரியநாயகிபுரத்தில் இருந்து நீரைக் கொண்டுவந்து, பேட்டையில் சேமித்து அங்கிருந்து தச்சநல்லூர், பாளையங்கோட்டை, திருநெல்வேலி மண்டல பகுதிகளில் விநியோகிக்க முதல்கட்டமாக குழாய்கள் பதிக்கப்பட்டு வருகின்றன. அந்தப் பணிகள் நிறைவடைந்தால் அனைத்துப் பகுதிகளிலும் 24 மணி நேரமும் குடிநீர் பெறும் வாய்ப்பு உருவாகும் என்றனர்.

]]>
http://www.dinamani.com/all-editions/edition-thirunelveli/thirunelveli/2018/dec/10/குழாய்-உடைப்புகளால்-பல-லட்சம்-லிட்டர்-குடிநீர்-வீண்-3055106.html