Dinamani - காரைக்கால் - http://www.dinamani.com/all-editions/edition-nagapattinam/karaikal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2945933 நாகப்பட்டினம் காரைக்கால் புதுச்சேரி அரசின் செயல்பாடுகளைக் கண்டித்து போராட்டம் நடத்த அதிமுக எம்எல்ஏ முடிவு DIN DIN Sunday, June 24, 2018 12:53 AM +0530 மக்கள் நலனுக்கு எதிராக புதுச்சேரி அரசின் செயல்பாடுகள் அமைந்திருப்பதால், தொடர் அறப்போராட்டங்கள் நடத்த முடிவு செய்திருப்பதாக எம்எல்ஏ கே.ஏ.யு. அசனா தெரிவித்தார்.
இதுகுறித்து காரைக்கால் தெற்குத் தொகுதி சட்டப் பேரவை உறுப்பினர் (அதிமுக) கே.ஏ.யு. அசனா வெளியிட்ட அறிக்கை :
புதுச்சேரி மாநில அரசு மக்களை வஞ்சிக்கும் வகையில் தொடர்ந்து பல்வேறு விதமான செயல்பாடுகளை செய்து வருகிறது. மாநிலத்தில் எந்தவொரு நலத்திட்டங்களும் மக்களுக்கு கிடைப்பதில்லை. அரசு சார்ந்த நிறுவன ஊழியர்களுக்கு பல மாதங்களாக ஊதிய நிலுவை இருக்கிறது.
இதுபோன்ற சூழலில் மக்கள் தினமும் பயன்படுத்தும் பி.ஆர்.டி.சி. பேருந்து கட்டணத்தையும் உயர்த்தியிருப்பது மிகுந்த வேதனையை ஏற்படுத்தியிருக்கிறது.
ஆளும் அரசு பொறுப்பேற்று 2 ஆண்டுகளாகியும் இதுவரை இலவச அரிசி முறையாக தரப்படவில்லை. முதியோர், விதவைகளுக்கு வழங்கும் மாதாந்திர உதவித் தொகையும் முறையாக தரப்படவில்லை. 2 ஆண்டுகளில் ஆளும் அரசு மக்களுக்கு பல்வேறு நிலையில் வரி உயர்வை செய்து மக்களை வேதனையடையச் செய்துவிட்டது. குறிப்பாக குடிநீர், மின்சாரம், சொத்து வரி உயர்வு என்ற வரிசையில் பேருந்து கட்டணத்தையும் சேர்த்துவிட்டது.
இதுபோன்ற முடிவுகள் எடுக்கும் முன்பாக மக்கள் பிரதிநிதிகளை ஆட்சியாளர்கள் கலந்தாலோசிப்பதில்லை. மக்கள் பிரதிநிதிகளுக்கு மட்டுமே அடித்தட்டு மக்கள் முதல் பல நிலையிலான மக்களின் வாழ்வாதாரம், வாழ்க்கைத் தரம் எவ்வாறு உள்ளது என்பது தெரியவரும். ஆனால் அரசு இவ்வாறான செயலை செய்வதில்லை.
எனவே தொடர்ந்து மக்களைப்பற்றி கவலைப்படாமல் நடந்துகொள்ளும் ஆட்சியாளர்களின் போக்கைக் கண்டிக்கும் வகையில், காரைக்கால் மாவட்ட அதிமுக சார்பிலும், சட்டப் பேரவை உறுப்பினர் என்ற முறையிலும் மக்களைத் திரட்டி தொடர் அறப்போராட்டத்தை நடத்த முடிவு செய்யப்பட்டுள்ளது என அதில் தெரிவித்துள்ளார்.

 

]]>
http://www.dinamani.com/all-editions/edition-nagapattinam/karaikal/2018/jun/24/புதுச்சேரி-அரசின்-செயல்பாடுகளைக்-கண்டித்து-போராட்டம்-நடத்த-அதிமுக-எம்எல்ஏ-முடிவு-2945933.html
2945932 நாகப்பட்டினம் காரைக்கால் உயர்த்தப்பட்ட பேருந்துக் கட்டணத்தை திரும்பப் பெற தமுமுக வலியுறுத்தல் DIN DIN Sunday, June 24, 2018 12:52 AM +0530 புதுச்சேரி மாநிலத்தில் உயர்த்தப்பட்ட பி.ஆர்.டி.சி. பேருந்துக் கட்டண உயர்வை அரசு உடனடியாக திரும்பப்பெறவேண்டும் என தமுமுக வலியுறுத்தியுள்ளது.
தமுமுக மாநில செயலாளர் ஐ.அப்துல் ரஹீம் இதுகுறித்து சனிக்கிழமை கூறியது :
புதுச்சேரி மாநில நிர்வாகத்தின் கீழ் புதுச்சேரி சாலைப் போக்குவரத்துக் கழகம் (பி.ஆர்.டி.சி) உள்ளது. கடந்த பல ஆண்டுகளாக பேருந்து, சிற்றுந்துகள் எண்ணிக்கை தேவைக்கேற்ப உயர்த்தப்படவில்லை. பேருந்துகளும் முறையாகப் பராமரிக்கப்படவில்லை. பேருந்து பணிமனைக்குரிய சாதனங்கள் வைத்திருப்பதில்லை. காரைக்காலிலேயே பி.ஆர்.டி.சி. பேருந்துகளும், சிற்றுந்துகள் பலவும், பல மாதங்களாக பணிமனையில் பழுது நீக்க நிறுத்திவைக்கப்பட்டுள்ளன.
பி.ஆர்.டி.சி. நிர்வாகத்தின் ஊழியர்களுக்கும் முறையாக ஊதியம் தரப்படவில்லை. இவ்வாறு எந்தவொரு வளர்ச்சியும் மாநில அரசின் கட்டுப்பாட்டில் உள்ள போக்குவரத்துக்கழகத்தில் இல்லை. போக்குவரத்துத்துறை பொறுப்பு வகிக்கும் அமைச்சரும் பி.ஆர்.டி.சி. மேம்பாட்டுக்கு சிறிதும் கவனம் செலுத்துவதில்லை.
இந்நிலையில் கூடுதல் சுமையாக, பி.ஆர்.டி.சி. பேருந்துகளின் கட்டணத்தை புதுச்சேரி அரசு 22-ஆம் தேதி முதல் உயர்த்தியுள்ளது. ரூ.5-க்கான பயணம் ரூ.7 என்றும் ரூ.10-க்கான பயணம் ரூ.14 என்றும் பல நிலைகளில் உயர்த்தப்பட்டுள்ளது. இந்த செயல் வன்மையாக கண்டிக்கத்தக்கது. எனவே, உயர்த்தப்பட்ட பேருந்து கட்டண உயர்வை உடனடியாக திரும்பப்பெறுவதே ஆட்சியாளர்களின் சிறந்த செயலாக இருக்கும் என்றார் அவர்.

]]>
http://www.dinamani.com/all-editions/edition-nagapattinam/karaikal/2018/jun/24/உயர்த்தப்பட்ட-பேருந்துக்-கட்டணத்தை-திரும்பப்-பெற-தமுமுக-வலியுறுத்தல்-2945932.html
2945931 நாகப்பட்டினம் காரைக்கால் நுகர்வோர் சங்க ஆலோசனைக் கூட்டம் DIN DIN Sunday, June 24, 2018 12:52 AM +0530 காரைக்கால் மாவட்டம், திருமலைராயன்பட்டினத்தில் நுகர்வோர் சங்க ஆலோசனைக் கூட்டம் கௌரவத் தலைவர் எம்.ராஜதுரை தலைமையில் வெள்ளிக்கிழமை நடைபெற்றது.
திருமலைராயன்பட்டினத்தில் உள்ள குளங்களைத் தூர்வார கோரிக்கை விடுத்ததன் விளைவாக கடைக்குளம் தூர்வாரப்பட்டுள்ளது. சட்டப்பேரவை உறுப்பினர், ஆட்சியருக்கு சங்கம் நன்றி தெரிவிக்கிறது.
தூர்வாரப்பட்ட கழிவுகள் குளக்கரையில் வைக்கப்பட்டுள்ளதால் போக்குவரத்துக்கு இடையூறாக உள்ளது. சுகாதாரக்கேடு ஏற்பட வாய்ப்புள்ளது. எனவே குளக்கரையை சுத்தம் செய்யவேண்டும். காரைக்கால் பகுதியில் பெரும்பாலான பேருந்துகள் ஏர் ஹாரன் பயன்படுத்துவதால் அதிக சப்தம் எழுகிறது. மக்கள் நலனைக் கருத்தில்கொண்டு மாவட்ட நிர்வாகம், போக்குவரத்துத் துறையினர் நடவடிக்கை எடுக்கவேண்டும்.
நுகர்வோர் பாதுகாப்பு மற்றும் விழிப்புணர்வுக்காக அரசால் நடத்தப்படும் பல விழாக்களுக்குரிய நிதியை காலத்தோடு அளித்து, உரிய காலத்தில் நிகழ்ச்சிகளை நடத்த ஏற்பாடு செய்யவேண்டும் என தீர்மானம் நிறைவேற்றப்பட்டது.
கூட்டத்தில் தலைவர் எஸ்.ரவிச்சந்திரன், துணைத் தலைவர் ஏ.எஸ்.ரமேஷ், பொருளர் என்.ரவி, இணைச் செயலர்கள் எஸ்.வீரமணி, பி.வரதராஜன், உறுப்பினர் வி.சிவராஜன் உள்ளிட்டோர் கலந்துகொண்டனர். செயலர் ஆர்.குணசேகரன் நன்றி கூறினார்.

 

]]>
http://www.dinamani.com/all-editions/edition-nagapattinam/karaikal/2018/jun/24/நுகர்வோர்-சங்க-ஆலோசனைக்-கூட்டம்-2945931.html
2945930 நாகப்பட்டினம் காரைக்கால் போலி ஆவணங்களைக்கொண்டு பட்டா வழங்கிய சார் பதிவாளர் கைது DIN DIN Sunday, June 24, 2018 12:52 AM +0530 காரைக்கால் அருகே 5 ஏக்கர் விவசாய நிலத்தை போலி ஆவணங்களை வைத்து வேறுநபருக்கு பட்டா வழங்கிய சார் பதிவாளரை போலீஸார் சனிக்கிழமை கைது செய்தனர்.
நாகை மாவட்டம், சங்கரன்பந்தல் அருகே ஆயப்பாடி பகுதியைச் சேர்ந்தவர் பழனிசாமி. இவரது மனைவி ஜெயம். இவர்களுக்கு சொந்தமாக காரைக்கால் மாவட்டம், கோட்டுச்சேரி அருகே கொன்னக்காவலி கிராமத்தில் 5 ஏக்கர் விவசாயம் நிலம் உள்ளது. இந்த நிலத்தை பழனிசாமி மகன் ராஜ்குமார் இவரது மனைவி கலையரசி ஆகியோர் சாகுபடி செய்து வந்தனர். பின்னர், கோட்டுச்சேரி மாருதிநகர் பகுதியைச் சேர்ந்த ராஜமாணிக்கம் என்பவரிடம் குத்தகை சாகுபடிக்கு கொடுத்துள்ளனர்.
கடந்த 2015-ஆம் ஆண்டு சிராஜூநிஷா என்பவர் அந்த நிலத்தில் வேலி அமைத்துள்ளார். இதுகுறித்து தகவலறிந்த கலையரசி விவரம் கேட்டுள்ளார். அதற்கு இந்த இடத்தை நாங்கள் வாங்கி விட்டோம் என்று தெரிவித்து ஆவணங்களை காட்டியுள்ளார். இதில், அதிர்ச்சியடைந்த கலையரசி, ராஜ்குமார் ஆகியோர் அப்போதைய காரைக்கால் மாவட்ட ஆட்சியர் இ. வல்லவன், துணை ஆட்சியர் (வருவாய்) மாணிக்கத்தீபன் ஆகியோரிடம் புகார் கொடுத்தனர். இதையடுத்து, துணை ஆட்சியர் உத்தரவின்பேரில், கோட்டுச்சேரி காவல் நிலைய போலீஸார் விசாரணை
மேற்கொண்டனர்.
கோட்டுச்சேரி அருகே கொன்னக்காவலியில் உள்ள விவசாய நிலத்தை கீழகாசாக்குடி மாருதிநகர் பகுதியைச் சேர்ந்த குமார் என்பவர், கடந்த 2011-ஆம் ஆண்டு பட்டா நகல் மூலம் குமார் என்ற பெயரில் வரி செலுத்தி, பின்னர் கிராம நிர்வாக அலுவலரிடம் 15 ஆண்டுகளாக நிலம் தன்னிடம் உள்ளதாக சான்றிதழ் பெற்றுள்ளார். இரண்டையும் வைத்து இந்த நிலம் எனது பெயரில் உள்ளது என்றும், நான் விவசாயம் செய்து வருகிறேன் எனக்கோரியும், இதுகுறித்து யாரும் உரிமைக் கோரக்கூடாது என்று நீதிமன்றத்தில் வழக்கு தொடர்ந்தார்.
பின்னர் சில ஆண்டுகள் கழித்து கமலாநகர் சார்லஸ் என்பவரிடம் விற்றதுபோல் ஆவணங்களை தயார் செய்ததோடு, தொடர்ந்து 3 பேருக்கு விற்பனை செய்துவிட்டதுபோல் போலி ஆவணங்களை தயாரித்துள்ளார். பின்னர் அவரே அந்த இடத்தை வாங்குவதுபோல் ஆவணம் தயாரித்து, அந்த ஆவணங்களை வைத்து பட்டாவும் மாற்றியது விசாரணையில் தெரியவந்தது.
இதுகுறித்து கலையரசி அளித்த புகாரின்பேரில் கோட்டுச்சேரி போலீசார் வழக்குப் பதிந்து கடந்த 2015-ஆம் ஆண்டு குமார், சார்லஸ் ஆகியோரை கைது செய்தனர். மேலும், பட்டா மாற்றுவதற்கு உடந்தையாக இருந்த துணை வட்டாட்சியர் செந்தில்நாதன், காரைக்கால் சார் பதிவாளர் விமலன், அப்போதைய கிராம நிர்வாக அலுவலரும் தற்போதைய வருவாய் ஆய்வாளருமான கிருஷ்ணமூர்த்தி ஆகிய 3 பேரையும் தேடி வந்தனர்.
இந்நிலையில், கோட்டுச்சேரி காவல் ஆய்வாளர் ராஜசேகரன் மற்றும் போலீஸார் புதுச்சேரியில் இருந்த அப்போதைய துணை வட்டாட்சியரும், இப்போதைய சார் பதிவாளருமான செந்தில்நாதனை சனிக்கிழமை கைது செய்து காரைக்கால் நீதிமன்றத்தில் முன்னிலைப்படுத்தினர். வழக்கை விசாரித்த நீதிபதி பிரபு, செந்தில்நாதனை 15 நாள் காவலில் வைக்க உத்தரவிட்டார். மேலும், இவ்வழக்கில் சார் பதிவாளர் விமலன், வருவாய் ஆய்வாளர் கிருஷ்ணமூர்த்தி ஆகிய 2 பேரையும் தேடி வருகின்றனர்.

 

]]>
http://www.dinamani.com/all-editions/edition-nagapattinam/karaikal/2018/jun/24/போலி-ஆவணங்களைக்கொண்டு-பட்டா-வழங்கிய-சார்-பதிவாளர்-கைது-2945930.html
2945928 நாகப்பட்டினம் காரைக்கால் திருநள்ளாறு கோயில் நிர்வாக சீர்கேடுகளை களைய ஆளுநர் நடவடிக்கை எடுக்க வலியுறுத்தல் DIN DIN Sunday, June 24, 2018 12:52 AM +0530 திருநள்ளாறு கோயில் நிர்வாகத்தில் தலையிட்டு பல்வேறு சீர்கேடுகளைக் களைய புதுச்சேரி துணை நிலை ஆளுநர் கிரண் பேடி நடவடிக்கை எடுக்க வேண்டும் என வலியுறுத்தப்பட்டுள்ளது.
இதுகுறித்து காரைக்கால் போராட்டக் குழு அமைப்பாளரும், திருநள்ளாறு ஸ்ரீ தர்பாரண்யேசுவரர் கோயில் பரம்பரை ஸ்தானிகருமான வழக்குரைஞர் எஸ்.பி. செல்வசண்முகம், புதுச்சேரி துணை நிலை ஆளுநர் கிரண்பேடிக்கு சனிக்கிழமை அனுப்பியுள்ள கடிதத்தில் கூறியிருப்பது :
திருநள்ளாறு ஸ்ரீ தர்பாரண்யேசுவரர் கோயில், சுற்றுக் கோயில்களுக்கு குடமுழுக்கு செய்ய கோயில் நிர்வாகம் நடவடிக்கை மேற்கொண்டுள்ளது. இதுசம்பந்தமாக சுற்றுக் கோயில்களுக்கு பாலஸ்தாபனம் செய்யும் நிகழ்ச்சி கடந்த 21, 22 -ஆம் தேதி நடைபெற்றது. 21-ஆம் தேதி நடந்த பூஜைகள் முறையாக நடைபெறவில்லை. பல்வேறு குழப்பங்கள் நிலவியதை நேரில் பார்த்தேன். இதுகுறித்து கோயில் கட்டளை விசாரணைப் பிரதிநிதியான தம்பிரான் சுவாமிகள், கோயில் பேஷ்காரிடம் தெரிவித்து, சரிசெய்யுமாறு கோரிக்கை விடுத்தேன்.
இந்த கோயில்களுக்கு 12 ஆண்டுகளுக்கு முன்பு அதாவது 2006-ஆம் ஆண்டு நடைபெற்ற குடமுழுக்கு விழாவிலும் பல்வேறு குழப்பங்கள் ஏற்பட்டன, போராட்டங்கள் நடத்தப்பட்டன. எனவே, இக்கோயிலின் நிர்வாக அலுவலர் பொறுப்பை மாவட்ட சார்பு ஆட்சியர் கூடுதலாக கவனித்து வருகிறார். இவர் நடந்து முடிந்த சனிப்பெயர்ச்சி விழாவை திறம்பட செய்தவர். எனவே அவரை நிரந்தரமாக கோயில் நிர்வாக அலுவலராக நியமிக்க வேண்டும். இதன்மூலம் பல குழப்பங்களைக் கட்டுப்படுத்த முடியும்.
கோயிலுக்கு தங்க ரதம் தேவையற்ற ஒன்றாகும். இதில் எளிதாக ஊழல் செய்ய முடியும். இதை கண்டறிவது மிக கடினம். கடந்த 5 ஆண்டுகளுக்கு முன்பு இருந்த நிர்வாக அலுவலர் ரதம் செய்ய முயற்சி செய்தார். கோயில் நிர்வாகம், அரசு நிர்வாகத்துக்கு வழக்குரைஞர் நோட்டீஸ் அனுப்பப்பட்டு நிறுத்தப்பட்டது. அது மீண்டும் தற்போது தொடங்கியிருக்கிறது.
முந்தைய காலங்களில் கோயிலில் சட்டத்துக்குப் புறம்பாக, சாஸ்திரங்களை மீறி கோயிலுக்குள் கட்டுமானம் செய்யப்பட்டுள்ளது. கோயிலில் காற்றோட்டத்துக்கு வாய்ப்பில்லை. ஆயிரக்கணக்கான பக்தர்கள் கோயிலுக்குள் இருந்தால் திணறவேண்டியுள்ளது. இவற்றைக்கொண்டு பல கோடி ரூபாய் முறைகேடுகள் நடந்திருப்பதாக தொடர்ந்து குற்றச்சாட்டுகள் கூறப்படுகின்றன.
திருநள்ளாறில் எமன் தீர்த்தக் குளம், அகத்தீஸ்வரர் தீர்த்தக் குளம் அமைக்க வேண்டும். எமன் தீர்த்தக் குளக்கரையில் எமன் சன்னிதி அமைக்க வேண்டும் என 20 ஆண்டுகளாக கோரிக்கை வைக்கப்படுகிறது. இது ஆன்மிக உணர்வோடு செய்யாமல், நீச்சல் குளம்போல அமைக்கப்பட்டுள்ளது. அகத்தீஸ்வரர் தீர்த்தக் குளப் பணி முடங்கியுள்ளது. இவற்றின் மீது நடைபெற்ற ஊழல் குறித்து விசாரணை செய்ய சி.பி.ஐ. முன்வர வேண்டும். அதற்கான நடவடிக்கையை துணை நிலை ஆளுநர் எடுக்க வேண்டும்.
கடந்த 8 ஆண்டுகளாக கோயில் கணக்குகள் தணிக்கை செய்யப்படவில்லை. கோயிலில் சிவாச்சாரியார்கள் பூஜைகளை முறையாக செய்வதில்லை. தங்களை முன்னிருத்தி ஊடகங்களில் சுய விளம்பரம் தேடிக்கொள்கின்றனர். தகவல்கள், படங்களை கோயில் நிர்வாகம் வெளியிட ஏற்பாடு செய்ய வேண்டும். கோயில் நிர்வாகம் தவிர, பத்திரிகைகளுக்கு புகைப்படம், தகவல் தர யாருக்கும் அதிகாரம் தரக் கூடாது. இதன் மீது கடுமையான நடவடிக்கை எடுக்க வேண்டும்.
கோயிலில் தேவைக்கு மிகுதியாக ஊழியர்கள் நியமனம் செய்யப்பட்டிருக்கிறார்கள். இதனால் ஊதியம் தர முடியாத நிலை ஏற்படுகிறது. பல்வேறு சீர்திருத்த நடவடிக்கைகள் இக்கோயிலைப் பொருத்தவரை அவசரமாக எடுக்க வேண்டியுள்ளது. இந்த விவகாரத்தில் துணை நிலை ஆளுநர் போர்க்கால அடிப்படையில் தலையிடவேண்டும் என அதில் வலியுறுத்தியுள்ளார்.

 

]]>
http://www.dinamani.com/all-editions/edition-nagapattinam/karaikal/2018/jun/24/திருநள்ளாறு-கோயில்-நிர்வாக-சீர்கேடுகளை-களைய-ஆளுநர்-நடவடிக்கை-எடுக்க-வலியுறுத்தல்-2945928.html
2945927 நாகப்பட்டினம் காரைக்கால் மாங்கனித் திருவிழா : மாப்பிள்ளை அழைப்புடன் நாளை தொடங்குகிறது DIN DIN Sunday, June 24, 2018 12:51 AM +0530 காரைக்கால் மாங்கனித் திருவிழா மாப்பிள்ளை அழைப்புடன் திங்கள்கிழமை (ஜூன் 25) தொடங்குகிறது.
காரைக்கால் ஸ்ரீ கைலாசநாதர் கோயில் சார்பில், அறுபத்து மூன்று நாயன்மார்களில் ஒருவரான புனிதவதியார் என்னும் காரைக்கால் அம்மையாரை மையப்படுத்தி நடத்தப்படும் மாங்கனித் திருவிழா விமரிசையாக செய்ய மாவட்ட நிர்வாகம், கோயில் நிர்வாகம் ஏற்பாடுகளை செய்து வருகிறது.
ஆதியும் அந்தமும் இல்லா பரம்பொருளான சிவபெருமான், அம்மையாரை அம்மையே என்ற அழைத்து பெருமைப்படுத்தினார். அம்மையாரின் இளமைக் காலம் முதல் பரமதத்தருடன் நடைபெறும் திருமணம், சிவபக்தரான அம்மையாரை சோதிக்க சிவபெருமான் நடத்திய திருவிளையாடலில் சிவனடியாரான பிச்சாண்டவருக்கு அமுது படைத்தல், இறைவனுக்கு ஒப்பானவர் தமது மனைவி என எண்ணிய பரமதத்தர் பாண்டிய நாடு புறப்பட்டுச் செல்லுதல். பாண்டிய நாடு என்று குறிப்பிடும் ஸ்ரீ சித்தி விநாயகர் கோயிலில் பரமதத்தருக்கு 2-ஆவது திருமணம் நடத்தல், 2-ஆவது மனைவி, குழந்தையுடன் அம்மையாரின் காலில் பரமதத்தர் வீழ்ந்து வணங்குதல், கணவரின் கருத்தறிந்த அம்மையார், தமது அழகு மேனியை அழித்து, பேய் உருவம் வேண்டிப் பெற்று கைலாயத்தை அடையும் நிகழ்ச்சி வரை மாங்கனித் திருவிழாவாக நடத்தப்படுகிறது.
முதல் நிகழ்ச்சியாக திங்கள்கிழமை மாலை அனுக்ஞை, விக்னேஸ்வர பூஜை நடைபெறுகிறது. தொடர்ந்து திருக்கல்யாண வைபவத்துக்காக பரமதத்தர், ஆற்றங்கரை ஸ்ரீ சித்தி விநாயகர் கோயிலில் இருந்து ஊர்வலமாக அம்மையார் கோயிலுக்குச் செல்லும் நிகழ்ச்சி நடைபெறுகிறது. செவ்வாய்க்கிழமை காலை ஸ்ரீ புனிதவதியார் தீர்த்தக் கரைக்கு எழுந்தருளும் நிகழ்ச்சியும், 10 மணியளவில் புனிதவதியார் - பரமதத்தர் திருக்கல்யாண நிகழ்ச்சியும் அம்மையார் மணி மண்டபத்தில் நடைபெறுகின்றன.
அதே நாளில், மாலை ஸ்ரீ பிச்சாண்டவர் வெள்ளைசாற்று புறப்பாடு ஸ்ரீ கைலாசநாதர் கோயிலில் நடைபெறுகிறது. இரவு ஸ்ரீ புனிதவதியாரும், பரமதத்தரும் முத்து சிவிகையில் வீதியுலா நடைபெறுகிறது.
முக்கிய நிகழ்ச்சியாக திங்கள்கிழமை (ஜூன் 25) மாலை 6 மணிக்கு அனுக்ஞை, விக்னேஸ்வர பூஜை, ஸ்ரீ சித்தி விநாயகர் கோயிலில் இருந்து பரமதத்தர் (மாப்பிள்ளை) அம்மையார் கோயிலுக்கு குதிரை வாகனம் பூட்டிய ரதத்தில் அழைத்துச் செல்லுதல் நடைபெறுகிறது. செவ்வாய்க்கிழமை பகல் 11 மணிக்கு அம்மையார் கோயிலில் திருக்கல்யாணம் நடைபெறுகிறது.
மாலை 6 மணிக்கு கைலாசநாதர் கோயிலில் ஸ்ரீ பிச்சாண்டவர் வெள்ளைச்சாற்றில் புறப்பாடு செய்யப்படுகிறது. 27 -ஆம் தேதி புதன்கிழமை அதிகாலை ஸ்ரீ பிச்சாண்டவர் மற்றும் பஞ்சமூர்த்திகளுக்கு மகா அபிஷேகம் நடத்தப்பட்டு, பவழக்கால் சப்பரத்தில் ஸ்ரீ பிச்சாண்டவர் அம்மையார் கோயிலுக்கு அமுது உண்பதற்காக எழுந்தருளும் வகையில் வீதியுலா நடைபெறுகிறது. அப்போது மாங்கனி இறைக்கும் நிகழ்ச்சி வீதிகளில் நடைபெறுகிறது. இரவு அம்மையார் கோயிலில் அமுது படையல் நிகழ்ச்சி நடைபெறுகிறது. வியாழக்கிழமை (ஜூன் 28) சிவதரிசனப் பயனைத் தந்தருளும் வகையில் பஞ்சமூர்த்திகளும், கைலாச வாகனத்தில் எழுந்தருளி, அம்மையாருக்கு காட்சி கொடுக்கும் நிகழ்ச்சி ஸ்ரீ நித்யகல்யாணப் பெருமாள் கோயில் அருகே நடத்தப்பட்டு, தொடர்ந்து பஞ்சமூர்த்திகள் வீதியுலா நடைபெறுகிறது.
இந்த நிகழ்ச்சிகளோடு முக்கியமான நிகழ்வுகள் நிறைவுபெறுகின்றன. ஜூலை மாதம் 27-ஆம் தேதி விடையாற்றி நிகழ்ச்சி நடைபெறுகிறது. மாப்பிள்ளை அழைப்பு முதல் திருக்கல்யாணம், அமுது படையல், வெள்ளைச்சாற்று, பவழக்கால் சப்பரம் வீதியுலா உள்ளிட்ட நிகழ்ச்சியில் ஆயிரக்கணக்கான மக்கள் கலந்துகொள்வர்.
திருவிழாவையொட்டி, பாரதியார் சாலையில் அம்மையார் கோயில் அருகே திருவிழா பந்தல் அமைக்கப்பட்டு, இருபுறமும் திருவிழாக் கடைகள் அமைக்கப்பட்டு வருகின்றன. அம்மையார் மணி மண்டபத்தில் ஜூலை 27-ஆம் தேதி வரை தினமும் நடைபெறும் வகையில் கலை நிகழ்ச்சிகளுக்கு ஏற்பாடு செய்யப்பட்டுள்ளன.
கோயில் மற்றும் பிற பகுதிகளில் பக்தர்களை கண்காணிக்கும் வகையில் 40 கண்காணிப்புக் கேமராக்கள் பொருத்தப்பட்டுள்ளன. சப்பரம் வீதியுலா நடைபெறும் பகுதிகளில் 5 இடங்களில் கண்காணிப்புக் கோபுரம் அமைக்கப்பட்டுள்ளன. உள்ளூர், வெளியூரிலிருந்து வரும் பக்தர்களுக்கு தேவையான வகையில் அன்னதானம், குடிநீர், நீர்மோர் வழங்கவும் பல்வேறு தன்னார்வ அமைப்புகள், ஆன்மிக அமைப்புகள் ஏற்பாடுகள் செய்துள்ளன.
பல்வேறு ஊர்களில் இருந்து சிவதொண்டர்கள் திரளாக பங்கேற்பார்கள் என்பதால், அவர்களுக்கு மரியாதை செய்யும் வகையில் சிறப்பு ஏற்பாடுகள் செய்யப்பட்டுள்ளன.
காரைக்கால் மாவட்ட காவல்துறையினர், பக்தர்களின் பாதுகாப்பு கருதியும், உடைமைகள் பாதுகாப்புக் கருதியும், போக்குவரத்து நெரிசலைக் கட்டுப்படுத்தும் வகையிலும் சீருடைக் காவலர்கள், சீருடையில்லா காவலர்கள் என பல நிலைகளில் கண்காணிப்பு செய்ய ஏற்பாடுகள் செய்துள்ளனர்.
பாரதியார் சாலையில் பந்தல் அமைக்கப்பட்டு, திருவிழா கடைகள் அமைந்துள்ளதால் மாலை நேரத்தில் போக்குவரத்து மாற்றுப் பாதையில் திருப்பிவிடப்படும். இதற்கேற்ற வகையில் பிற சாலைகளின் அமைப்பு இல்லாததால், போக்குவரத்து ஸ்தம்பிக்க வாய்ப்புள்ளது. இது ஒரு மாத காலம் நீடிக்கும் என்பதால் போக்குவரத்தை சீர்செய்ய மாவட்ட நிர்வாகம், காவல்துறை நிர்வாகம் சிறப்பு கவனம் செலுத்த வேண்டும் என உள்ளூர் மக்கள் சார்பில் வலியுறுத்தப்படுகிறது.

 

]]>
http://www.dinamani.com/all-editions/edition-nagapattinam/karaikal/2018/jun/24/மாங்கனித்-திருவிழா--மாப்பிள்ளை-அழைப்புடன்-நாளை-தொடங்குகிறது-2945927.html
2945925 நாகப்பட்டினம் காரைக்கால் காரைக்காலில் நாளை முதல் அரசுப் பள்ளியில் பிளஸ் 1 வகுப்பு தொடக்கம் DIN DIN Sunday, June 24, 2018 12:51 AM +0530 காரைக்கால் அரசுப் பள்ளியில் பிளஸ் 1 வகுப்பு திங்கள்கிழமை தொடங்கும் என தெரிவிக்கப்பட்டது.
காரைக்கால் கல்வித்துறை துணை இயக்குநர் கோ.சுப்ரமணியன் வெள்ளிக்கிழமை வெளியிட்ட செய்திக் குறிப்பு :
புதுச்சேரி அரசு கல்வித்துறையின் ஆணையின்படி, 2018-19-ஆம் கல்வியாண்டுக்கான பிளஸ் 1 வகுப்புகள் அரசுப் பள்ளிகளில் ஜூன் 25-ஆம் தேதி திங்கள்கிழமை முதல் தொடங்கும். மேலும் விவரங்களுக்கு மாணவர்கள் அந்தந்தப் பள்ளியை அணுகி தெரிந்துகொள்ளலாம் என அதில் கூறப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2018/jun/24/காரைக்காலில்-நாளை-முதல்-அரசுப்-பள்ளியில்-பிளஸ்-1-வகுப்பு-தொடக்கம்-2945925.html
2945923 நாகப்பட்டினம் காரைக்கால் கிராமப்புற சிமென்ட் சாலை அமைக்கும் பணி தொடங்கிவைப்பு DIN DIN Sunday, June 24, 2018 12:51 AM +0530 தேசிய ஊரக வேலைத் திட்டத்தின் மூலம் ரூ.15.75 லட்சத்தில் கிராமப்புற சிமென்ட் சாலை அமைப்புப் பணி சனிக்கிழமை தொடங்கப்பட்டது.
மகாத்மா காந்தி தேசிய ஊரக வேலைவாய்ப்புத் திட்டத்தின்கீழ், நீர்நிலைகள் தூர்வாருதல் உள்ளிட்ட பல்வேறு திட்டப்பணிகள் அடங்கியுள்ளன. காரைக்காலில் வாய்க்கால் தூர்வாரும் பணிகள் மட்டுமே பரவலாக நடைபெறுகின்றன. பிற பணிகளில் தொழிலாளர்கள் ஈடுபடுத்தப்படுவதில்லை. இந்நிலையில் இந்த திட்ட நிதி ரூ.15.75 லட்சத்தில், காரைக்கால் மாவட்டம், நிரவி பகுதி நாகத்தோப்பு சாலையை சிமென்ட் சாலையாக மாற்ற பேரவை உறுப்பினர் வட்டார வளர்ச்சித்துறைக்கு வலியுறுத்தியிருந்தார்.
துறையின் ஒப்புதல் கிடைத்த நிலையில், நாகத்தோப்புத் தெருவில் திட்டப்பணி தொடங்கிவைக்கும் நிகழ்ச்சி சனிக்கிழமை நடைபெற்றது. பூமி பூஜையில் சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன் பணிகளைத் தொடங்கிவைத்தார்.
நிகழ்ச்சியில் வட்டார வளர்ச்சி அலுவலர் எஸ்.பிரேமா, நிரவி கொம்யூன் பஞ்சாயத்து ஆணையர் ரவி உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2018/jun/24/கிராமப்புற-சிமென்ட்-சாலை-அமைக்கும்-பணி-தொடங்கிவைப்பு-2945923.html
2945921 நாகப்பட்டினம் காரைக்கால் காரைக்காலில் 60% வணிகம் பாதிப்பு: புதுச்சேரி அரசு கவனம் செலுத்த வலியுறுத்தல் DIN DIN Sunday, June 24, 2018 12:50 AM +0530 ஜி.எஸ்.டி. மற்றும் நிலவணிக பாதிப்பு உள்ளிட்டவற்றால் காரைக்காலில் 60 சதவீத வர்த்தகம் பாதித்துவிட்டதாகவும், வணிகர்கள் நலன் காக்க புதுச்சேரி அரசு சிறப்பு நடவடிக்கை எடுக்க வேண்டும் என வலியுறுத்தப்படுகிறது.
இதுகுறித்து காரைக்கால் சேம்பர் ஆஃப் காமர்ஸ் முன்னாள் தலைவர் அமுதா ஆர். ஆறுமுகம் சனிக்கிழமை கூறியது :
பிற மாநிலங்களை ஒப்பிடும்போது புதுச்சேரி யூனியன் பிரதேசத்தில் பொருள்கள் வாங்குவதற்கு அண்டை மாநிலத்தவர் வரத்து அதிகமாக இருந்தது. இதனால் வியாபாரத்தில் ஆரோக்கியமான போட்டியும், மக்களுக்கு சலுகையும் கிடைத்தன.
இருதரப்பாரும் நல்ல பயனை பெற்று வந்தனர். சமச்சீர் வரி விதிப்பு முறை வந்த பின்னர், அண்டை மாநிலத்தவர் வருகை காரைக்கால் பகுதிக்கு குறைந்தது. உள்ளூர் மக்களை மட்டுமே நம்பி தொழில் செய்ய நேரிட்டது.
புதுச்சேரியில் அப்போதைய ரங்கசாமி அரசு, வர்த்தகர்களுக்கு மாற்று வழியில் வாய்ப்புகளை உருவாக்கித் தரும் வகையில் ஆண்டின் இறுதியில் நவம்பர், டிசம்பர் மற்றும் ஜனவரி மாத வாக்கில் வணிகத் திருவிழா நடத்தியது. மக்கள் இதில் பெரும்பான்மையாக பங்கேற்றனர். வியாபாரமும் சிறப்பாக இருந்தது.
பின்னர், ஜி.எஸ்.டி. அமலாக்கத்தால் வணிகம் பெருமளவு சரிந்துவிட்டது. உள்ளூர் மக்களை மட்டுமே நம்பி தொழில் செய்யும் நிலை உள்ளது. உள்ளூர் மக்களிடையேயும் பணப்புழக்கம் வெகுவாக இல்லை. மாநிலத்தில் பணப்புழக்கத்தை ஏற்படுத்தும் காரணியாகக் திகழும் நில வணிகம் முற்றிலும் இல்லை. எந்தவொரு பதிவும் நடைபெறவில்லை. மணல் வரத்து இல்லை. இவற்றால் கட்டுமானம் வெகுவாக பாதித்துவிட்டது. விவசாயமும் பொய்த்துவிட்டது. நடுத்தர மக்கள், ஏழைகளிடையே பணப்புழக்கம் அறவே இல்லாமல் போய்விட்டது.
அரசு சார்பு நிறுவன ஊழியர்களுக்கு பல மாதங்கள் ஊதிய நிலுவை உள்ளதால், அவர்களிடையேயும் பணப்புழக்கம் இல்லை. இவ்வாறான சூழலை களைந்து, வியாபாரிகள், பொதுமக்கள் நலன் பெறுவதற்கேற்ப சிறப்புத் திட்டங்கள் அரசால் வகுக்கப்பட்டு, செயல்படுத்தப்படவில்லை.
ஜி.எஸ்.டி. அமலாக்கத்தின் மூலம் 40 சதவீதம் வணிகம் பாதித்தது. நிலவணிகம் முடங்கியது, ஊதிய நிலுவை, கட்டுமானம் பாதிப்பு, விவசாய பாதிப்பால் உள்ளூர் மக்களாலும் மேலும் 20 சதவீதம் வணிகம் பாதித்துவிட்டது. ஒட்டுமொத்தத்தில் 60 சதவீதம் வணிக இழப்பு ஏற்பட்டு 40 சதவீதம் மட்டுமே வணிக ஆதரவு இருக்கிறது.
காரைக்காலில் உள்ள 2 ஆயிரம் வணிகளும் ஒரே மாதிரியான பாதிப்பை சந்தித்து வருகிறார்கள்.
புதுச்சேரி அரசு உடனடியாக மக்களிடையே பணப்புழக்கத்தை ஏற்படுத்தத் தேவையான நடவடிக்கைகளை எடுக்க வேண்டும். வணிகம் பெருகுவதற்கு சிறப்பு திட்டங்கள் வகுத்து அமல்படுத்தினால் ஓரளவு வணிகர்கள் தலை நிமிர்வார்கள். வணிகர்கள் பாதிக்கப்பட்டால் அரசுக்கு அவப்பெயர் பெருமளவு ஏற்பட்டுவிடும் என்பதை ஆட்சியாளர்கள் உணர வேண்டும் என்றார் அவர்.

 

]]>
http://www.dinamani.com/all-editions/edition-nagapattinam/karaikal/2018/jun/24/காரைக்காலில்-60-வணிகம்-பாதிப்பு-புதுச்சேரி-அரசு-கவனம்-செலுத்த-வலியுறுத்தல்-2945921.html
2945194 நாகப்பட்டினம் காரைக்கால் "அரசு உதவி பெறும் பள்ளிகளையும் ஆய்வு செய்யவேண்டும்' DIN DIN Saturday, June 23, 2018 01:16 AM +0530 அரசு உதவி பெறும் பள்ளிகளையும் கல்வி அமைச்சர் ஆய்வு செய்யவேண்டும் என பெற்றோர் சங்கம் வலியுறுத்தியுள்ளது. 
இதுகுறித்து காரைக்கால் அரசு உதவிபெறும் பள்ளிகளின் பெற்றோர் ஆசிரியர் சங்கத் தலைவர் அ.வின்சென்ட் வெள்ளிக்கிழமை வெளியிட்ட அறிக்கை : அரசுப் பள்ளியில் நிலவும் ஆசிரியர் காலிப் பணியிடங்களை ஒப்பந்த அடிப்படையில் நிரப்புவதற்குப்  பதிலாக, வேலைவாய்ப்பு அலுவலகத்தில் பதிவு செய்திருப்போர் முதிர்ச்சி  அடிப்படையில் தேர்வு செய்யவேண்டும். அரசுப் பள்ளிகளில் மாணவர் எண்ணிக்கை குறைவாக இருக்கும் பள்ளிகளை, பிற பள்ளிகளுடன் இணைக்கும் முயற்சியை அரசு கைவிடவேண்டும்.  அரசுப் பள்ளிகளை மாநில  கல்வித்துறை அமைச்சர் ஆய்வு செய்கிறார். அதுபோல அரசு உதவி பெறும் பள்ளிகளில் நிலவும் குறைபாடுகளை அறிந்து, களைய ஏதுவாக அமைச்சர் ஆய்வு செய்யமுன்வரவேண்டும்.
அரசு மற்றும் அரசு உதவி பெறும் பள்ளிகளில் பெற்றோர் ஆசிரியர் சங்கம் கண்டிப்பாக அமைக்கவேண்டும். இதன் மூலமே பள்ளிகளில் நிலவும் குறைபாடுகளைக் களையமுடியும். அரசு உதவி பெறும் பள்ளிகளிலும், தனியார் பள்ளிகளிலும் கல்வி உரிமைச் சட்டம் முறையாக அமல்படுத்தப்படவில்லை. இதை கண்காணிக்கவேண்டிய கல்வித்துறை அலட்சியமாக இருப்பதாகவே பெற்றோர் சங்கம் கருதுகிறது. எனவே இதுகுறித்து மாநில கல்வித்துறை அமைச்சர் உரிய நடவடிக்கை எடுக்கவேண்டும் என அதில் வலியுறுத்தப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/jun/23/அரசு-உதவி-பெறும்-பள்ளிகளையும்-ஆய்வு-செய்யவேண்டும்-2945194.html
2945193 நாகப்பட்டினம் காரைக்கால் பராமரிப்பின்றி காணப்படும் அக்கரைவட்டம் சமுதாயக் கூட கட்டடம் DIN DIN Saturday, June 23, 2018 01:16 AM +0530 காரைக்கால் நகருக்கு அருகே உள்ள அக்கரைவட்டம் கிராமத்தில், சுனாமிக்குப்பின் பல்வேறு மாநிலங்களைச் சேர்ந்த நாடாளுமன்ற, மாநிலங்களவை உறுப்பினர்களின் நிதியுதவியில் கட்டப்பட்ட சமுதாயக் கூடம், பராமரிப்பில்லாமல் காணப்படுகிறது.
காரைக்கால் மாவட்டம், நிரவி-திருப்பட்டினம் தொகுதிக்குள்பட்டது அக்கரைவட்டம் கிராமம். காரைக்கால் நகரப் பகுதியிலிருந்து அம்மாள் சத்திரம், நேதாஜி நகர் வழியாக இக்கிராமத்துக்குச் செல்லும் வகையில் நேரடி சாலை வசதி உள்ளது. காரைக்கால் நகராட்சி வார்டு பகுதியாக அக்கரைவட்டம் விளங்குகிறது. இக்கிராமத்தில் பிரதான சாலை முதல் கிராமப்புற உள்சாலைகள் வரை அனைத்தும் சிதிலமடைந்துக் காணப்படுகின்றன.
இக்கிராமத்தில் உள்ள உப்பளம்பேட் பகுதியில் 200-க்கும் மேற்பட்ட குடும்பங்கள் உள்ளன. பெரும்பாலும் கூலித் தொழிலாளர்களே இங்கு வசிக்கின்றனர். இந்த பகுதி கடந்த 2004-ஆம் ஆண்டு டிசம்பர் மாதம் ஏற்பட்ட சுனாமியால் கடுமையான பாதிப்புக்குள்ளானது. இப்பகுதி மக்களின் நலனுக்காக தொண்டு நிறுவனங்கள் சார்பில் வீடுகளும், மிசோரம், ராஜஸ்தான், அஸாம், மகாராஷ்டிரம் ஆகிய மாநிலங்களைச் சேர்ந்த நாடாளுமன்ற, மாநிலங்களவை உறுப்பினர்கள் 5 பேர் அளித்த தொகுதி மேம்பாட்டு நிதி ரூ.45 லட்சத்தில் சமுதாயக் கூடமும் கட்டப்பட்டது. 2006-ஆம் ஆண்டுவாக்கில் இவை பொதுமக்களின் பயன்பாட்டுக்குக் கொண்டு வரப்பட்டன.
கிராமப்புறச் சாலைகள் ஒருபுறம் மிக மோசமாக இருந்தாலும், சுனாமிக்குப் பின் கட்டப்பட்ட வீடுகள், சமுதாயக் கூடம் ஆகியவை பல்வேறு நிலையில் சீர்குலைந்து காணப்படுவதாக அந்த பகுதியினர் வேதனை தெரிவிக்கின்றனர்.
குறிப்பாக, சமுதாயக்கூடம் கிராம மக்களின் சிறிய விசேஷங்களுக்கும், பேரிடர் காலத்தில் கிராமத்தினர் பாதுகாப்பாக தங்குவதற்கும் ஏற்ப கட்டப்பட்டது. இந்தக் கட்டடத்தின் உள்ளேயும், வெளியேயும்  கட்டப்பட்ட காலத்திலிருந்து எந்தவொரு பராமரிப்புப் பணியும் மேற்கொள்ளப்படவில்லை. குடிநீர் வசதியும் இல்லை. எனவே, நிகழ்ச்சி நடத்துவோர் வெளியிலிருந்து விலை கொடுத்து குடிநீர் கொண்டுவர நேரிடுகிறது. ஆகையால், குடிநீர், விளக்கு வசதி, வண்ணம் பூசுதல், சமுதாயக் கூடத்தைச் சுற்றி தளம் அமைத்தல், கழிவுநீர் வடிகால் வசதி உள்ளிட்ட அடிப்படை வசதிகளைச் செய்துத் தர வேண்டும் என்றும், காரைக்கால் மாவட்ட ஆட்சியர், இந்த பகுதியை நேரில் ஆய்வு செய்து, சமுதாயக் கூடம், சாலை ஆகியவற்றை சீர்செய்ய நடவடிக்கை எடுக்க வேண்டும் என்றும் கிராம மக்கள் வலியுறுத்தியுள்ளனர்.

]]>
http://www.dinamani.com/all-editions/edition-nagapattinam/karaikal/2018/jun/23/பராமரிப்பின்றி-காணப்படும்-அக்கரைவட்டம்-சமுதாயக்-கூட-கட்டடம்-2945193.html
2945192 நாகப்பட்டினம் காரைக்கால் அரசு மேல்நிலைப்பள்ளிகளில் 11-ஆம் வகுப்பு சேர்க்கை கலந்தாய்வு தொடக்கம் DIN DIN Saturday, June 23, 2018 01:16 AM +0530 காரைக்கால் மாவட்டத்தில், அரசு மேல்நிலைப் பள்ளிகளில் 11-ஆம் வகுப்பு சேர்க்கைக்கான கலந்தாய்வு வெள்ளிக்கிழமை தொடங்கியது.
காரைக்கால் மாவட்டத்தில் அரசு மேல்நிலைப் பள்ளிகளில் பிளஸ் 1 மாணவர் சேர்க்கையில் புதிய நடைமுறையை மாநில பள்ளிக் கல்வித்துறை நிகழாண்டு எடுத்தது. இதற்கான வழிகாட்டுதலை கடந்த 14-ஆம் தேதியிட்டு கல்வித்துறை வெளியிட்டது. இதன் பின்னரே மாவட்ட நிர்வாகம் சார்பில் மாணவர்களுக்கு தகவல் தெரிவிக்கப்பட்டது. 
 அரசுப் பள்ளிகளில் 10-ஆம் வகுப்பு மாணவர்களுக்கு முன்னுரிமை உண்டு. பள்ளியில் இருக்கும் இடங்களைப் பொருத்து தகுதி, இடஒதுக்கீடு முறையில் மாணவர் தேர்வு செய்யப்படுவார். தகுதியுள்ள எந்தவொரு அரசுப் பள்ளி மாணவருக்கும் சேர்க்கை முடியும் வரை அரசுப் பள்ளிகளில் இடமில்லை என நிராகரிக்கப்பட மாட்டாது.
தகுதியுள்ள அரசுப் பள்ளி மாணவர்கள் சேர்க்கப்பட்ட பின்னர், மீதமுள்ள இடங்களில் அரசு உதவிபெறும் பள்ளிகளில் 10-ஆம் வகுப்பு தேர்ச்சி பெற்ற மாணவர்கள் தகுதி, இடஒதுக்கீடு அடிப்படையில் 11-ஆம் வகுப்பு சேர்க்கப்படுவார்கள்.
தகுதியுள்ள அரசு மற்றும் அரசு உதவிபெறும் பள்ளி மாணவர்கள் சேர்க்கை முடிந்த பிறகு மீதமுள்ள இடங்களில் தனியார் பள்ளிகளில் 10-ஆம் வகுப்பு தேர்ச்சி பெற்ற மாணவர்களுக்குத் தகுதி, இடஒதுக்கீடு முறையில் சேர்க்கை வழங்கப்படும்.
அதன்பிறகு 10-ஆம் வகுப்பு துணைத் தேர்வில் தேர்ச்சி பெற்ற மாணவர்களுக்கு அரசு மேல்நிலைப் பள்ளிகளில் தகுதி, இடஒதுக்கீடு முறையில் சேர்க்கை வழங்கப்படும். இறுதியாக, புதுவை குடியுரிமை இல்லாத மாணவர்களுக்கு அரசு மேல்நிலைப் பள்ளிகளில் தகுதி, இடஒதுக்கீடு முறையில் சேர்க்கை வழங்கப்படும் என புதிய விதியில் கூறப்பட்டுள்ளது.
இதன்படி,  11-ஆம் வகுப்பில் சேர விரும்பும் மாணவ, மாணவியர், எந்தெந்த பள்ளியில் சேர விரும்புகிறார்களோ, அந்தப் பள்ளியில் தனித்தனியே விண்ணப்பம் அளித்தனர். முதலாவதாக அரசுப் பள்ளிகளில் பயின்ற மாணவர்களுக்கான கலந்தாய்வு அந்தந்த அரசு மேல்நிலைப் பள்ளில் வெள்ளிக்கிழமை தொடங்கியது. கல்வித்துறையின் விதிகளின்படி கலந்தாய்வு நடத்தப்படுவதாக பள்ளி நிர்வாகத்தினர் தெரிவித்தனர்.
தனியார் பள்ளிகள், அரசு உதவிபெறும் பள்ளிகளில் மாணவர் சேர்க்கை நிறைவுபெற்று வகுப்புகள் தொடங்கிவிட்ட நிலையில், அரசுப் பள்ளி மாணவர் சேர்க்கை காலதாமதமானதால், மாணவர்களின் வருகை வெகுவாக குறைந்துள்ளது.

]]>
http://www.dinamani.com/all-editions/edition-nagapattinam/karaikal/2018/jun/23/அரசு-மேல்நிலைப்பள்ளிகளில்-11-ஆம்-வகுப்பு-சேர்க்கை-கலந்தாய்வு-தொடக்கம்-2945192.html
2945190 நாகப்பட்டினம் காரைக்கால் மாங்கனித் திருவிழா: காவல்துறையினர் ஆலோசனை DIN DIN Saturday, June 23, 2018 01:15 AM +0530 மாங்கனித் திருவிழாவில் பங்கேற்கும் பக்தர்களுக்கு பாதுகாப்பு வசதிகள் செய்வது குறித்து கோயில் நிர்வாகத்தினர், காவல்துறையினர் வெள்ளிக்கிழமை ஆலோசனை நடத்தினர்.
காரைக்காலில் மாங்கனித் திருவிழா வரும் 25-ஆம் தேதி மாப்பிள்ளை (பரமதத்தர்) அழைப்புடன் தொடங்குகிறது. திருக்கல்யாணம், பிச்சாண்டவர் புறப்பாடும், அமுதுபடையல் போன்ற நிகழ்ச்சிகளில் ஆயிரக்கணக்கான பக்தர்கள் கலந்துகொள்வர். திருக்கல்யாண வைபவம் அம்மையார் கோயில் வளாகத்தில் நடைபெறும். அதுபோல அமுதுபடையலும் அதே பகுதியில் நடைபெறும். 27-ஆம் தேதி ஸ்ரீ பிச்சாண்டவர் ஸ்ரீ கைலாசநாதர் கோயிலில் இருந்து புறப்பாடாக, பவழக்கால் சப்பரத்தில் வீதியுலா செல்லும்போது, வீதிகளில் பக்தர்கள் மீது மாங்கனிகள் வீசுவர். இந்த நிகழ்ச்சியில் ஆயிரக்கணக்கான பக்தர்கள் கலந்துகொண்டு பிச்சாண்டவரை தரிசிப்பர்.
இந்த நிகழ்ச்சிக்கு  வரும் பக்தர்களுக்கு பாதுகாப்பு ஏற்பாடுகள் செய்வது தொடர்பாக காவல் ஆய்வாளர்கள் மரியகிறிஸ்டின் பால், ஏழுமலை, உதவி ஆய்வாளர் மோகன் உள்ளிட்டோர் கைலாசநாதர் கோயில் மற்றும் அம்மையார் கோயில் பகுதிகளை வெள்ளிக்கிழமை பார்வையிட்டனர்.
கோயில் அறங்காவல் குழுவினருடன் ஏற்பாடுகள் குறித்து கேட்டறிந்தனர். காவல்துறையினர் ஆலோசனை குறித்து கோயில் அறங்காவல் குழு செயலர் எம்.பக்கிரிசாமி கூறும்போது,  திருக்கல்யாணம் நடைபெறுமிடம், அமுதுபடையல் பகுதி, பக்தர்கள் தரிசனம் செய்யும் பகுதிகளை காவல்துறை அலுவலர்கள் கேட்டறிந்தனர். எந்தப் பகுதியில் வைத்து தாம்பூலப் பை வழங்குவது, பக்தர்கள் வெளியேறும் பகுதிகளைப் பார்வையிட்டனர். கடந்த ஆண்டுகளில் ஏற்பட்ட சில குறைபாடுகளை நிகழாண்டு களைந்து, பக்தர்களுக்கு வசதி செய்துதருவது குறித்து முடிவு செய்தனர்.
வீதிகளில் பக்தர்கள் நெரிசலின்றி பிச்சாண்டவரை தரிசிக்கவும், அர்ச்சனை செய்வதிலும் சில சிறப்பு ஏற்பாடுகள் செய்வது குறித்து காவல்துறையினரிடம் தெரிவிக்கப்பட்டுள்ளது. மேலும் கைலாசநாதர் கோயில், அம்மையார் கோயில் பகுதிகளில் 40 கண்காணிப்புக் கேமராக்கள் வைக்கப்படும். வீதிகளில் 5 இடங்களில் கண்காணிப்புக் கோபுரம் நிறுவப்படுகிறது. திருக்கல்யாணத்தை பக்தர்கள் வெளியிலிருந்துகொண்டு பெரிய திரையில் காணும் வகையில் சிறப்பு ஏற்பாடுகள் செய்யப்படும். இந்த விவரங்கள் காவல்துறையினரிடம் தெரிவிக்கப்பட்டது.
கோயில் மற்றும் சுவாமி வீதியுலா வரும் பகுதிகளில் பக்தர்களுக்கு தகுந்த பாதுகாப்பு ஏற்பாடுகள், வசதிகளை செய்ய போலீஸார் ஏற்பாடு செய்துவருவதாக தெரிவித்தனர் என்றார்.
 

]]>
http://www.dinamani.com/all-editions/edition-nagapattinam/karaikal/2018/jun/23/மாங்கனித்-திருவிழா-காவல்துறையினர்-ஆலோசனை-2945190.html
2945189 நாகப்பட்டினம் காரைக்கால் ஆண் சடலம் மீட்பு DIN DIN Saturday, June 23, 2018 01:15 AM +0530 காரைக்கால் பகுதியில் அடையாளம் தெரியாத ஆண்  சடலத்தை போலீஸார் வியாழக்கிழமை மீட்டனர்.
காரைக்கால் பகுதி காரைக்கால்மேடு சமுதாயக் கூடம் அருகில் வியாழக்கிழமை சுமார் 55 முதல் 60 வயது மதிக்கத்தக்க ஆண்  இறந்துகிடப்பதாக காரைக்கால் நகர காவல்நிலையத்திற்கு தகவல் கிடைத்தது.
போலீஸார் அந்தப் பகுதிக்குச் சென்று சடலத்தை மீட்டு அரசு மருத்துவமனை சவக்கிடங்குக்கு அனுப்பிவைத்தனர்.
உயிரிழந்தவர் 155 செ.மீ., உயரம், கட்டம் போட்ட நீல நிறத்தில் கைலி, வலது பக்க மார்பின் கீழும், மார்பின் மையப் பகுதியிலும் மச்சம் உள்ளது. 
இவர் குறித்து விவரம் தெரிந்தோர் காரைக்கால் நகர காவல்நிலையத்திற்கு  04368-222402 என்ற எண்ணில் தகவல் தெரிவிக்கவேண்டும் என காவல்நிலையத்தினர் வெள்ளிக்கிழமை வெளியிட்ட செய்திக் குறிப்பில் கேட்டுக்கொண்டுள்ளனர்.
 

]]>
http://www.dinamani.com/all-editions/edition-nagapattinam/karaikal/2018/jun/23/ஆண்-சடலம்-மீட்பு-2945189.html
2945188 நாகப்பட்டினம் காரைக்கால் திருப்பட்டினத்தில் ரூ.23 லட்சத்தில் வணிக வளாகம் கட்டுமான பூமி பூஜை DIN DIN Saturday, June 23, 2018 01:14 AM +0530 திருப்பட்டினத்தில் நாடாளுமன்ற மக்களவைத் தொகுதி மேம்பாட்டு நிதியில், வணிக வளாகம் கட்டுவதற்கான பணி வெள்ளிக்கிழமை தொடங்கிவைக்கப்பட்டது.
காரைக்கால் மாவட்டம், திருப்பட்டினம் கொம்யூன் பஞ்சாயத்து கட்டுப்பாட்டில் காந்தி மார்க்கெட் வளாகம் உள்ளது. இங்கு முதல்கட்டமாக கடைகள் கட்டப்பட்டு வியாபாரிகள் பயன்பாட்டில் உள்ளன. மேலும் வணிக வளாகம் அமைப்பதற்கு, நிரவி-திருப்பட்டினம் தொகுதி சட்டப்பேரவை உறுப்பினர் வேண்டுகோளின்படி, நாடாளுமன்ற மக்களவைத் தொகுதி மேம்பாட்டு நிதியிலிருந்து மக்களவை உறுப்பினர் ஆர்.ராதாகிருஷ்ணன் ரூ.22.71 லட்சம் ஒதுக்கித்தந்தார்.
கொம்யூன் பஞ்சாயத்து நிர்வாகம் திட்டப்பணிக்கான ஒப்பந்தப்புள்ளி கோரப்பட்டு, பணிகள் வெள்ளிக்கிழமை தொடங்குவதற்கான பூமி பூஜை மார்க்கெட் வளாகத்தில் நடைபெற்றது. சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன், மாவட்ட ஆட்சியர் ஆர்.கேவசன் ஆகியோர் கலந்துகொண்டு பணிகளைத் தொடங்கிவைத்தனர். இந்த தொகுப்புக் கட்டடம் கட்டப்படுவதன் மூலம் காய்கனி சிறு வியாபாரிகளுக்கு பயனுள்ளதாக அமையும். 
 இதன் மூலம் வியாபாரிகளுக்கு மட்டுமல்லாது மார்க்கெட்டுக்கு வரும் மக்களுக்கும் வசதியாக இருக்கும்.  
ஓராண்டிற்குள் கட்டுமானம் முடிக்கப்பட்டு  பயன்பாட்டுக்கு கொண்டுவரப்படும் என பஞ்சாயத்து நிர்வாகத்தினர் தெரிவித்தனர்.
நிகழ்ச்சியில் உள்ளாட்சித் துறை துணை இயக்குநர் எஸ்.பிரேமா, கொம்யூன் பஞ்சாயத்து ஆணையர் ஜான் அரேலியஸ், உதவிப் பொறியாளர் லோகநாதன், அலுவலக மேலாளர் உமாமகேஸ்வரி, இளநிலைப் பொறியாளர் மெய்யழகன், ஒப்பந்ததாரர் பி.வெங்கடேசன் மற்றும் வணிகர் நல சங்கத்தினர், பொதுமக்கள் கலந்துகொண்டனர்.
 

]]>
http://www.dinamani.com/all-editions/edition-nagapattinam/karaikal/2018/jun/23/திருப்பட்டினத்தில்-ரூ23-லட்சத்தில்-வணிக-வளாகம்-கட்டுமான-பூமி-பூஜை-2945188.html
2945187 நாகப்பட்டினம் காரைக்கால் திருநள்ளாறு தர்பாரண்யேசுவரர் கோயிலை சேர்ந்த சுற்றுக்கோயில்களுக்கு பாலஸ்தாபன பூஜை DIN DIN Saturday, June 23, 2018 01:14 AM +0530 திருநள்ளாறு ஸ்ரீ தர்பாரண்யேசுவரர் கோயிலை சேர்ந்த கிராம தேவதைகள் மற்றும் பரிவார ஆலயங்களுக்கான குடமுழுக்கையொட்டி, பாலஸ்தாபன பூஜை வெள்ளிக்கிழமை நடைபெற்றது.
காரைக்கால் மாவட்டம், திருநள்ளாறில்  பிரசித்திப்பெற்ற ஸ்ரீ பிரணாம்பிகை அம்பாள் சமேத ஸ்ரீ தர்பாரண்யேஸ்வரர் சுவாமி கோயில் உள்ளது. இக்கோயிலில் ஸ்ரீ சனீஸ்வர பகவான் தனி சன்னிதி கொண்டு அருள்பாலிக்கிறார். இக்கோயில் குடமுழுக்கு செய்யப்பட்டு 12 ஆண்டுகள் நிறைவையொட்டி,  குடமுழுக்கு செய்ய கோயில் நிர்வாகம் முடிவு செய்தது.
கோயிலைச் சுற்றி  பரிவார ஆலயங்களும், கிராம தேவதைகளும் உள்ளன. இந்த தலங்களுக்கான திருப்பணிகள் தொடங்குவதற்காக பாலஸ்தாபன நிகழ்ச்சி வெள்ளிக்கிழமை நடைபெற்றது. முன்னதாக தர்பாரண்யேசுவரர் கோயிலில் வியாழக்கிழமை மாலை பாலஸ்தான நிகழ்ச்சி தொடங்கியது.  தர்பாரண்யேசுவரர் கோயிலுக்கு எதிரே இருக்கும் ஸ்ரீ ஆனந்தவிநாயகர் மற்றும் 4 வீதிகளிலும் அமைந்துள்ள விநாயகர்கள்,  நளன் குளம் அருகே உள்ள ஸ்ரீ நளன் கலித்தீர்த்த விநாயகர், சுரக்குடி ஐயனார் கோயில், ரயில்வே பகுதியில் ஸ்ரீ பிடாரியம்மன், மாரியம்மன் ஆகிய கோயில்களுடைய விமானத்தின் பாலஸ்தாபனம் கலாகற்சனம் செய்யப்பட்டு, சிவாச்சாரியார்கள் கலசங்களை மங்கள வாத்தியங்கள் முழங்க  வீதியுலாவாக யாக சாலைக்கு கொண்டுவந்தனர்.
 பின்னர் முதல் கால யாகசாலை பூஜை நடைபெற்று பூர்ணாஹூதி தீபாராதனை நடைபெற்றது. வெள்ளிக்கிழமை காலை  2-ஆவது கால யாகசாலை பூஜை நடைபெற்று, சதுர்வேத ஆகம ஆசிர்வாதங்கள் செய்யப்பட்டன. தொடர்ந்து மகா பூர்ணாஹூதி செய்து யாகசாலையில் அமைக்கப்பட்டுள்ள கலசங்களை விமான பிரதிபிம்பங்களுக்கு அபிஷேகம் செய்து மகா தீபாராதனை காட்டப்பட்டு பக்தர்களுக்கு பிரசாதம் வழங்கப்பட்டது.
நிகழ்ச்சியில் கோயில் நிர்வாக அதிகாரி விக்ரந்த்ராஜா,  தருமபுர ஆதீன கட்டளை விசாரணை கந்தசாமி தம்பிரான் சுவாமிகள் உள்ளிட்ட பக்தர்கள் கலந்துகொண்டனர்.  திருநள்ளாறு ஸ்ரீ தர்பாரண்யேசுவரர் கோயில் திருப்பணித் தொடங்குவதற்கான பாலஸ்தாபனம் வரும் ஜூலை 4-ஆம் தேதி நடைபெறும் என கோயில் நிர்வாகத்தினர் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/jun/23/திருநள்ளாறு-தர்பாரண்யேசுவரர்-கோயிலை-சேர்ந்த-சுற்றுக்கோயில்களுக்கு-பாலஸ்தாபன-பூஜை-2945187.html
2945185 நாகப்பட்டினம் காரைக்கால் மாங்கனித் திருவிழாவில் பரமதத்தர் செல்லும் கப்பல் வாகனம் வெள்ளோட்டம் DIN DIN Saturday, June 23, 2018 01:14 AM +0530 காரைக்கால் அம்மையார் கோயில் திருவிழாவில் பரமதத்தர் பாண்டிய நாட்டுக்கு கப்பலில் செல்லும் காட்சியை விளக்கும் வகையிலான கப்பல் வாகனம் சீரமைப்பு நிறைவடைந்ததையொட்டி, வெள்ளிக்கிழமை வெள்ளோட்டம் நடைபெற்றது.
காரைக்கால் அம்மையார் மாங்கனித் திருவிழா ஜூன் 25-ஆம் தேதி தொடங்கவுள்ளது. புனிதவதியார் என்னும் காரைக்கால் அம்மையார் வாழ்க்கை வரலாற்றை விளக்கும் வகையில் அம்மையார் திருக்கல்யாணம், சிவபெருமான் பிச்சாண்டவர் கோலத்தில் அம்மையார் இல்லத்துக்கு அமுது படையலுக்கு செல்வது, அம்மையாரின் கணவர் பரமதத்தர் 2-ஆவது திருமணம் செய்து கொள்ளும் வகையில் பாண்டிய நாட்டுக்கு செல்லும் நிகழ்ச்சி, முதல் மனைவியை கண்டதும் 2-ஆவது மனைவி, குழந்தையுடன் மனைவியின் காலில் விழுந்து வணங்குவது, பேய் உருவம் பூண்டு அம்மையார் கைலாயம் செல்வது உள்ளிட்டவைகளை காட்சிப்படுத்தி விமரிசையாக நடத்தப்படுவதே மாங்கனித் திருவிழாவாகும்.
தமது மனைவி புனிதவதியார் இறைவனுக்கு ஒப்பானவர் என்பதை கருதிய கணவர் பரமதத்தர், அவரைவிட்டுப் பிரிந்து பாண்டியநாடு சென்று, 2-ஆவது திருமணம் செய்துகொள்கிறார். இந்த நிகழ்வை விளக்கும் வகையில் ஜூன் 27-ஆம் தேதி அமுது படையல் வழிபாடு முடிந்தவுடன், இரவு கப்பலில் ஏறி பரமத்தர், பாண்டியநாடு என்கிற பகுதியை குறிக்கும் ஸ்ரீ சித்திவிநாயகர் கோயிலுக்கு செல்கிறார். இதற்கான பயன்பாட்டில் உள்ள கப்பல் வாகனம் சிதிலமடைந்துப்போனது. ஜூன் 27-ஆம் தேதி நடைபெறவுள்ள நிகழ்ச்சியில் இது பயன்படுத்த முடியாத நிலையில் இருந்தது.
புதிதாக கப்பல் வாகனம் செய்யும் வரை, அடுத்த 5 ஆண்டுகள் வரை பயன்படுத்தும் வகையில், இருக்கக்கூடிய கப்பல் வாகனத்தை சீர்செய்ய சார்பு ஆட்சியரும், கோயில் நிர்வாக அலுவலருமான ஏ. விக்ரந்த்ராஜா அனுமதி அளித்தார். கோயில் நிதி ரூ. 2.50 லட்சத்தில் கடந்த ஒரு மாதமாக கப்பல் உள்புறமும், வெளிப்புறமும் சீரமைப்புப் பணி நடைபெற்று, புதிதாக வண்ணம் பூசப்பட்டது.
இப்பணி நிறைவடைந்த நிலையில் வெள்ளோட்ட நிகழ்ச்சி வெள்ளிக்கிழமை நடைபெற்றது. இதற்காக ஸ்ரீ கைலாசநாதர் கோயிலில் சிறப்பு பூஜைகள் நடைபெற்றன. கப்பல் வாகனத்தில் மாலை அணிவிக்கப்பட்டு சிறப்பு ஆராதனைக்குப் பின் வெள்ளோட்டம் நடைபெற்றது. இதில், கப்பல் வாகனத்தை காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு. அசனா, சார்பு ஆட்சியர் ஏ.விக்ரந்த்ராஜா, அறங்காவல் குழுத் தலைவர் ஆர்.ஏ.ஆர். கேசவன், செயலர் எம்.பக்கிரிசாமி, துணைத் தலைவர் பி.ஏ. டி. ஆறுமுகம், பொருளர் டி.ரஞ்சன், உறுப்பினர் கே. பிரகாஷ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-nagapattinam/karaikal/2018/jun/23/மாங்கனித்-திருவிழாவில்-பரமதத்தர்-செல்லும்-கப்பல்-வாகனம்-வெள்ளோட்டம்-2945185.html
2944655 நாகப்பட்டினம் காரைக்கால் பேருந்து மோதி பைக்கில் சென்ற பெண் சாவு  DIN DIN Friday, June 22, 2018 07:10 AM +0530 காரைக்கால் அருகே பேருந்து மோதிய விபத்தில் பைக்கில் பின்னால் அமர்ந்து சென்ற பெண் உயிரிழந்தார்.
காரைக்கால் பகுதி நிரவியை சேர்ந்தவர் முத்து. இவரது மனைவி அபூர்வம் (65). காரைக்கால் நகரப் பகுதிக்கு செல்வதற்கு மனைவியை மோட்டார் சைக்கிளில் முத்து வியாழக்கிழமை மாலை அழைத்துச்சென்றார். நிரவியிலிருந்து அம்மாள்சத்திரம் பகுதியருகே சென்றபோது,  தனியார் பேருந்து  மோட்டார் சைக்கிள் மீது மோதியது.
இந்த விபத்தில் நிகழ்விடத்திலேயே அபூர்வம் உயிரிழந்தார். காயமடைந்த முத்து மருத்துவமனையில்  சேர்க்கப்பட்டார். திருப்பட்டினம் போக்குவரத்துக் காவல்நிலைய போலீஸார் தனியார் பேருந்து ஓட்டுநரிடம் விசாரணை மேற்கொண்டுள்ளனர்.
காரைக்கால் அரசலாறு பாலம் முதல் நிரவி ஓ.என்.ஜி.சி. சாலை வரை தேசிய நெடுஞ்சாலை விரிவாக்கப்பணி கிடப்பில் போடப்பட்டுவிட்டதாகவும், சாலை ஆங்காங்கே அதிகமாக  சேதமடைந்திருப்பதாலும், இருசக்கர  வாகனங்கள் அடிக்கடி விபத்துக்குள்ளாகிறது. இந்த விபத்தும் சாலை சீர்கேட்டால் நிகழ்ந்தது என விபத்து நடந்த இடத்தில் திரண்ட மக்கள் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/jun/22/பேருந்து-மோதி-பைக்கில்-சென்ற-பெண்-சாவு-2944655.html
2944640 நாகப்பட்டினம் காரைக்கால் ஆனித் திருமஞ்சனம்: பார்வதீசுவரர் கோயிலில் ஸ்ரீ நடராஜருக்கு சிறப்பு அபிஷேகம் DIN DIN Friday, June 22, 2018 07:05 AM +0530 காரைக்கால் கோயில்பத்து ஸ்ரீ சுயம்வரதபஸ்வினி அம்பாள் சமேத ஸ்ரீ பார்வதீசுவரர் கோயிலில் ஆனித் திருமஞ்சன வழிபாடு புதன்கிழமை இரவு நடைபெற்றது.
பால், தயிர், சந்தனம், இளநீர், தேன், பஞ்சாமிர்தம் உள்ளிட்ட பல்வேறு திரவியங்கள் மூலம் ஸ்ரீ நடராஜருக்கு அபிஷேகம் நடைபெற்றது.  திருமஞ்சனம் நிறைவடைந்ததும் ஸ்ரீ நடராஜருக்கு பல்வேறு மலர்களால் சிறப்பு அலங்காரம் செய்யப்பட்டு, சிறப்பு ஆராதனை நடைபெற்றது. நிகழ்ச்சியில் ஏராளமான பக்தர்கள் கலந்துகொண்டனர். வழிபாட்டில் பங்கேற்றோருக்கு திருமஞ்சனப் பிரசாதம் வழங்கப்பட்டது. நிகழ்ச்சி ஏற்பாடுகளை கோயில் அறங்காவல் குழுவினர்  செய்திருந்தனர்.
ஆண்டில் சில மாதங்களில் மட்டுமே நடராஜருக்கு விசேஷமான அபிஷேகம் நடத்தப்படுவது உண்டு. இதில் ஆனி மாத திருமஞ்சனம் மிகுந்த சிறப்புக்குரியதாக பக்தர்களிடையே நம்பிக்கை உள்ளது.
 

]]>
http://www.dinamani.com/all-editions/edition-nagapattinam/karaikal/2018/jun/22/ஆனித்-திருமஞ்சனம்-பார்வதீசுவரர்-கோயிலில்-ஸ்ரீ-நடராஜருக்கு-சிறப்பு-அபிஷேகம்-2944640.html
2944639 நாகப்பட்டினம் காரைக்கால் அன்னதானம் செய்ய விரும்புவோர் கவனத்துக்கு... DIN DIN Friday, June 22, 2018 07:05 AM +0530 மாங்கனித் திருவிழாவையொட்டி, அன்னதானம் செய்ய விரும்புவோர் உணவுப் பாதுகாப்புத் துறையிடம் கட்டாயம் சான்றிதழ் பெற வேண்டும் என தெரிவித்துள்ளார் ஆட்சியர் ஆர். கேசவன். 
இதுகுறித்து அவர் வெளியிட்டுள்ள செய்திக் குறிப்பு: ஜூன் 27-ஆம் தேதி நடைபெறவுள்ள காரைக்கால் மாங்கனித் திருவிழாவையொட்டி, அன்னதானம் செய்ய விரும்புவோர் காரைக்கால் அம்பேத்கர் வீதியில் உள்ள உணவு மற்றும் நிர்வாகப் பிரிவில், உணவுப் பாதுகாப்புத் துறை பதிவுச் சான்றிதழ் பெறுவது கட்டாயமாகும். எனவே, பூர்த்தி செய்த விண்ணப்பங்களை  ஜூன் 25-ஆம் தேதி மாலை 5 மணிக்குள் சமர்ப்பிக்க வேண்டும்.
 

]]>
http://www.dinamani.com/all-editions/edition-nagapattinam/karaikal/2018/jun/22/அன்னதானம்-செய்ய-விரும்புவோர்-கவனத்துக்கு-2944639.html
2944638 நாகப்பட்டினம் காரைக்கால் காரைக்கால் மருத்துவமனையில்  நாளை ஜிப்மர் மருத்துவ முகாம் DIN DIN Friday, June 22, 2018 07:05 AM +0530 காரைக்கால் அரசு பொதுமருத்துவமனையில் சனிக்கிழமை (ஜூன் 23)  இருதயவியல், நரம்பியல்  மருத்துவ நிபுணர்கள் பங்கேற்கும் முகாம் நடைபெறவுள்ளது.
இதுகுறித்து காரைக்கால் மாவட்ட ஆட்சியர் ஆர்.கேசவன் வியாழக்கிழமை வெளியிட்ட செய்திக் குறிப்பு :
 காரைக்கால் அரசு பொது மருத்துவமனை உள் வளாகத்தில், புதுச்சேரி ஜிப்மர் மருத்துவமனை சார்பில் மாதமிரு முறை நடைபெறும் முகாமாக,  வரும்  சனிக்கிழமை இருதயவியல் மற்றும்  நரம்பியல் மருத்துவ நிபுணர்கள் பங்கேற்று மருத்துவப் பரிசோதனை மற்றும் ஆலோசனை வழங்கவுள்ளனர். காலை 9 மணி முதல் பிற்பகல் 2 மணி வரை நடைபெறும் முகாமை  பொதுமக்கள் பயன்படுத்திக்கொள்ளலாம் என்றார்.

]]>
http://www.dinamani.com/all-editions/edition-nagapattinam/karaikal/2018/jun/22/காரைக்கால்-மருத்துவமனையில்--நாளை-ஜிப்மர்-மருத்துவ-முகாம்-2944638.html
2944637 நாகப்பட்டினம் காரைக்கால் யோகா போட்டியில்  வென்றவர்களுக்கு பரிசளிப்பு DIN DIN Friday, June 22, 2018 07:05 AM +0530 காரைக்கால் என்.ஐ.டி.யில் நடைபெற்ற யோகா போட்டியில் வெற்றிபெற்ற மாணவ, மாணவியருக்கு  வியாழக்கிழமை பரிசுகள் வழங்கப்பட்டன.
காரைக்கால் மாவட்டம், திருவேட்டக்குடியில் இயங்கிவரும் தேசிய தொழில்நுட்ப நிறுவனத்தில் (என்.ஐ.டி), உலக யோகா தினத்தையொட்டி காரைக்கால் பகுதியில் உள்ள பல்வேறு பள்ளி மாணவர்களை வரவழைத்து புதன்கிழமை போட்டி நடத்தப்பட்டது. இதில் 21 பள்ளிகளில் இருந்து 230 மாணவ, மாணவியர் கலந்துகொண்டனர். பல்வேறு வயது பிரிவு  போட்டியில் மாணவ, மாணவியர் கலந்துகொண்டனர். இப்போட்டிகளுக்கு யோகா ஆசிரியர்கள்  சுவாமிநாதன், ரமேஷ்,  சுதன் ஆகியோர் நடுவர்களாக இருந்து  
போட்டிகளை நடத்தினர் .
இரண்டாம் நாளான வியாழக்கிழமை காலை போட்டியில் பங்கேற்ற அனைவரும் உலக யோகா தினத்தில் பல்வேறு யோகாசனங்களை செய்தனர். பரிசளிப்பு நிகழ்ச்சியில் என்.ஐ.டி. இயக்குநர் கே. சங்கரநாராயணசாமி கலந்துகொண்டு போட்டியில் வெற்றிபெற்ற மாணவ, மாணவியருக்கு கேடயம், பரிசுப் பொருள்கள், சான்றிதழை வழங்கிப் பாராட்டினார். இயக்குநர்,  பேராசிரியர், உதவி பேராசிரியர் , ஊழியர்கள் மற்றும் மாணவர்களுக்கு யோகாவின் முக்கியத்துவம் குறித்து முனைவர் ந . பாபு, யோகா ஆசிரியர்களும் விளக்கினர். நிகழ்ச்சி ஒருங்கிணைப்பாளர்களாக மாணவர் செயல்பாடு மற்றும் விளையாட்டு அலுவலர்  ந . பாபு,   நரேந்திரன் ராஜகோபாலன் ஆகியோர் செயல்பட்டனர். 

]]>
http://www.dinamani.com/all-editions/edition-nagapattinam/karaikal/2018/jun/22/யோகா-போட்டியில்--வென்றவர்களுக்கு-பரிசளிப்பு-2944637.html
2944636 நாகப்பட்டினம் காரைக்கால் தனியார் பள்ளிகளுக்கு ஆட்சியர் எச்சரிக்கை DIN DIN Friday, June 22, 2018 07:04 AM +0530 நன்கொடை வசூல் தொடர்பாக காரைக்கால் தனியார் பள்ளி நிர்வாகத்தினருக்கு மாவட்ட நிர்வாகம் எச்சரிக்கை விடுத்துள்ளது.
இதுகுறித்து காரைக்கால் மாவட்ட ஆட்சியர் ஆர். கேசவன் வெளியிட்ட செய்திக் குறிப்பு: காரைக்கால் மாவட்டத்தில் இயங்கும் சில தனியார் பள்ளிகளில் மாணவர்களை தங்கள் பள்ளியில் சேர்ப்பதற்கும், பள்ளியிலிருந்து வெளியே செல்ல மாற்றுச் சான்றிதழ் கொடுப்பதற்கும் மாணவர்களின் பெற்றோரிடம் ட்டாய நன்கொடை கேட்பதாக புகார்கள் வருகின்றன.
மாற்றுச் சான்றிதழ் கேட்கும் பெற்றோர்களுக்கு உடனடியாக மாற்றுச் சான்றிதழ் அளிக்குமாறு அறிவுறுத்தப்படுகிறது. தங்கள் பள்ளியில் மாணவர்கள் சேர்க்கையை வெளிப்படையான முறையில் புகார்களுக்கு இடமளிக்காமல் நடத்த வேண்டும். விதிகளை மீறும் பள்ளி நிர்வாகத்தின் மீது புதுச்சேரி பள்ளிக்கல்வி சட்டம் 1987 மற்றும் பிற விதிகளின் கீழ் கடும் நடவடிக்கை எடுக்கப்படும் என எச்சரிக்கப்படுகிறது.
 

]]>
http://www.dinamani.com/all-editions/edition-nagapattinam/karaikal/2018/jun/22/தனியார்-பள்ளிகளுக்கு-ஆட்சியர்-எச்சரிக்கை-2944636.html
2944635 நாகப்பட்டினம் காரைக்கால் மாஹே, ஏனாமிலிருந்து மதுக்கடைகள் காரைக்காலுக்கு மாற்றம்: பாஜக எதிர்ப்பு DIN DIN Friday, June 22, 2018 07:04 AM +0530 மாஹே, ஏனாம் பிராந்தியங்களில் இருந்து காரைக்காலுக்கு மதுக்கடைகள் மாற்றப்படுவதற்கு பாஜக எதிர்ப்பு தெரிவித்துள்ளது.
புதுவை மாநில பாஜக ஓபிசி அணி தலைவர் ஜெ. துரைசேனாதிபதி, புதுச்சேரி துணை நிலை ஆளுநருக்கு வியாழக்கிழமை அனுப்பியுள்ள புகார் மனுவில் கூறியிருப்பது :
புதுச்சேரி மாநில காங்கிரஸ் கூட்டணி அரசு, மாஹே, ஏனாம் பிராந்தியத்தில் செயல்பட்டு வரும் 10 மதுக்கடைகளை, காரைக்கால் பிராந்தியத்தில் மாற்றுவதற்கு அனுமதிக்க முயற்சித்து வருகிறது. காரைக்காலில் இக்கடைகள் அமையக்கூடிய பகுதிகள் யாவும்,  விவசாயக் கூலித் தொழிலாளர்களைக் கொண்ட கிராமப்புறங்களாகும். ஏற்கெனவே பல மதுக்கடைகள் குடியிருப்புப் பகுதியில், கிராமப்புறங்களையொட்டி இருப்பதால், பொதுமக்கள் வெகுவாக பாதிக்கப்படுகிறார்கள்.
கூடுதலாக 10 கடைகளும் அமைக்கப்பட்டால், ஏழை மக்கள் மேலும் பாதிப்புக்குள்ளாவார்கள். சொகுசு விடுதிகளில் அனுமதியின்றி விதிகளை மீறி மது வியாபாரம் செய்யப்படுகிறது. மது விற்பனையை அதிகரிக்க புதுச்சேரி அரசு எடுக்கும் நடவடிக்கைகள் மக்கள் நலனுக்கு உகந்ததாக இல்லை. எனவே, இந்த விவகாரத்தில் துணை நிலை ஆளுநர் தலையிட வேண்டும். கூடுதலாக காரைக்காலுக்கு மதுக்கடைகள் கொண்டு வரப்படுவதற்கு தடை விதிக்க வேண்டும் என அதில் வலியுறுத்தியுள்ளார்.

]]>
http://www.dinamani.com/all-editions/edition-nagapattinam/karaikal/2018/jun/22/மாஹே-ஏனாமிலிருந்து-மதுக்கடைகள்-காரைக்காலுக்கு-மாற்றம்-பாஜக-எதிர்ப்பு-2944635.html
2944634 நாகப்பட்டினம் காரைக்கால் திடக்கழிவு மேலாண்மைத் திட்டம்: மாணவியர்களுடன் கலந்துரையாடல் DIN DIN Friday, June 22, 2018 07:04 AM +0530 தூய்மை இந்தியா விழிப்புணர்வு நிகழ்ச்சியாக வேளாண் கல்லூரி மாணவியர், நகராட்சி நிர்வாகத்தினருடன் திடக்கழிவு மேலாண்மைத் திட்டப்பணி குறித்து கலந்துரையாடினர்.
 காரைக்கால்  பண்டித ஜவாஹர்லால் நேரு வேளாண் கல்லூரி மற்றும் ஆராய்ச்சி நிலைய மாணவியர் 10 பேர் தன்னார்வலர்களாக 50 நாளில், 100 மணி நேரம் தூய்மை இந்தியா திட்டம் குறித்து மக்களிடையே விழிப்புணர்வு ஏற்படுத்த, கல்லூரி கோடைகாலத்தை பயன்படுத்திக்கொண்டுள்ளனர். கடந்த ஜூன் 1 முதல் தொடங்கப்பட்ட விழிப்புணர்வு மற்றும் மாணவர்களுக்கு திறன் மேம்பாடு உள்ளிட்ட பயிற்சி ஜூலை 20-ஆம் தேதி வரை நடைபெறவுள்ளது. 
 இந்த நிகழ்ச்சியின் ஓர் அங்கமாக,  திடக்கழிவு மேலாண்மை குறித்து நகராட்சி அலுவலர்களுடன் பறவைப்பேட் பகுதியில் உள்ள குப்பைக் கிடங்கில் நடைபெறும் திடக்கழிவு மேலாண்மைத் திட்டம் குறித்து புதன்கிழமை கலந்துரையாடினர்.
 நகராட்சி ஆணையர் சுபாஷ், வருவாய் அலுவலர் பாலன், ஹேண்ட் இன் ஹேண்ட் நிறுவன அலுவலர் ரமேஷ் ஆகியோருடன் கல்லூரி மாணவியர் திட்டம் குறித்து கேட்டறிந்தனர். குப்பைகளை மக்கும் குப்பை, மக்காத குப்பைகளாக தரம் பிரித்தல், மக்கும் குப்பையைக்கொண்டு உரம் தயாரிப்பு செய்தல் போன்றவை குறித்து மாணவியருக்கு விளக்கினர். திட்ட மையத்தில் பணியாற்றும் பசுமை நண்பர்கள், குப்பைகள் தரம் பிரித்தல் குறித்தும், பொதுமக்கள் எவ்வாறு ஒத்துழைக்கவேண்டும் என்பது குறித்தும் கருத்துகளை மாணவியரிடம் தெரிவித்தனர்.
தாங்கள் தத்தெடுத்து செயல்படும் திருநள்ளாறு பகுதி சுரக்குடி கிராம மக்களிடத்தில் இந்த தகவல்களைக் கொண்டுசெல்வதாக மாணவியர் தெரிவித்தனர்.  வேளாண் கல்லூரி மற்றும் ஆராய்ச்சி நிலைய மாணவர்கள் பொறுப்பு அலுவலர்  ஜெயாசிவராஜன் வழி காட்டுதலில் மற்றும் தலைவர் வைஷ்ணவி தலைமையில் மாணவியர் இவ்வாறான விழிப்புணர்வு செயல்பாட்டில் பங்கேற்றுள்ளனர்.
 

]]>
http://www.dinamani.com/all-editions/edition-nagapattinam/karaikal/2018/jun/22/திடக்கழிவு-மேலாண்மைத்-திட்டம்-மாணவியர்களுடன்-கலந்துரையாடல்-2944634.html
2944633 நாகப்பட்டினம் காரைக்கால் காரைக்கால் கடற்கரையில் நடைபெற்ற யோகா நிகழ்ச்சி DIN DIN Friday, June 22, 2018 07:03 AM +0530 சர்வ தேச யோகா தினத்தையொட்டி காரைக்கால் கடற்கரையில் ஆயிரத்துக்கும் மேற்பட்ட  மாணவர்கள் பங்கேற்ற யோகா நிகழ்ச்சி வியாழக்கிழமை நடைபெற்றது.
காரைக்கால் மாவட்ட நிர்வாகம், சுற்றுலாத்துறை, நலவழித்துறை, கடலோரக் காவல்படை மற்றும் ஆயுஷ் ஆகியவை இணைந்து யோகா நிகழ்ச்சியை காரைக்கால் கடற்கரையில் காலை 6 முதல் 8 மணி வரை நடத்தியது.
 மாவட்ட ஆட்சியர்   ஆர்.கேசவன்,  சார்பு ஆட்சியர் ஏ.விக்ரந்த் ராஜா,  தெற்கு மண்டல காவல் கண்காணிப்பாளர் வம்சீதரரெட்டி, மாரிமுத்து  உள்ளிட்ட உயரதிகாரிகள் உள்ளிட்ட ஆயிரத்துக்கும் மேற்பட்ட மாணவ, மாணவியர் கலந்துகொண்டனர். சட்டப்பேரவை உறுப்பினர் கீதாஆனந்தன் சிறப்பு அழைப்பாளராக கலந்துகொண்டார். யோகா பயிற்சியாளர்கள் லெனின் ஜீவா, மாரியப்பன்  ஆகியோர் யோகா  பயிற்சியாளராக செயல்பட்டனர். 
யோகா நிகழ்ச்சிக்குப் பின் செய்தியாளர்களிடம்  மாவட்ட ஆட்சியர் கூறியது:  இந்திய கலாசாரமாகத் திகழும் யோகா, உலகத்துக்கு நாம் அளித்த கொடையாகும். 
 அமைதி, உடல் ஆரோக்கியம், பதற்றமற்ற வாழ்க்கைக்கு யோகா துணை புரிகிறது. பொதுமக்கள் யோகாவுக்கென குறித்த நேரத்தை ஒதுக்கி சிறப்படையவேண்டும் என்றார். பல்வேறு பகுதிகளில் இருந்து வந்த மாணவ, மாணவியருக்கு இலவச பேருந்து வசதி செய்து தரப்பட்டிருந்தது.
அண்ணா அரசுக் கல்லூரி: காரைக்கால் அண்ணா அரசு கலைக் கல்லூரி மைதானத்தில் காரைக்கால் மாவட்டத்திலிருந்து சுமார் 750 என்.சி.சி. மாணவர்கள் பங்கேற்ற சிறப்பு பயிற்சி முகாமில் யோகா நடைபெற்றது. கமாண்டன்ட் கர்னல் சி.எஸ்.சர்மா முன்னிலையில் என்.சி.சி. அலுவலர்கள், ராணுவப் பயிற்றுநர்களும் கலந்துகொண்டனர்.
கேந்திரிய வித்யாலயா : நிரவி பகுதியில் செயல்பட்டுவரும் மத்திய அரசு கல்வி நிறுவனமான கேந்திரிய வித்யாலயத்தில் பள்ளி முதல்வர் வாசகன் முன்னிலையில், மாணவர்கள், ஆசிரியர்கள், ஊழியர்கள் பங்கேற்ற 
யோகா நிகழ்ச்சி நடைபெற்றது. யோகாவின் முக்கியத்துவம் குறித்து பள்ளி முதல்வர் விளக்கிப் பேசினார்.
 

]]>
http://www.dinamani.com/all-editions/edition-nagapattinam/karaikal/2018/jun/22/காரைக்கால்-கடற்கரையில்-நடைபெற்ற-யோகா-நிகழ்ச்சி-2944633.html
2944632 நாகப்பட்டினம் காரைக்கால் பள்ளி நிர்வாகத்தினருக்கு பேரிடர் மேலாண்மை பயிற்சி தொடக்கம் DIN DIN Friday, June 22, 2018 07:03 AM +0530 காரைக்கால் மாவட்டத்தைச் சேர்ந்த பள்ளிகளின் நிர்வாகத்தினருக்கு  2 நாள் நடைபெறும் பேரிடர் மேலாண்மைப் பயிற்சி வியாழக்கிழமை தொடங்கியது.
தேசிய பேரிடர் மேலாண்மை ஆணையத்தின் அறிவுறுத்தலின்பேரில், ஒவ்வொரு பள்ளியிலும்  பேரிடர் மேலாண்மை மையம் அமைக்க முடிவு செய்யப்பட்டுள்ளது. இதற்காக காரைக்கால் மாவட்டத்தில் உள்ள அரசு மற்றும் தனியார் பள்ளி தலைமையாசிரியர்களுக்கு, பேரிடர் மேலாண்மை மையத்தின் செயல்பாடுகள் குறித்து 2 நாள் பயிற்சி விளக்கம் பெருந்தலைவர் காமராஜர் நிர்வாக வளாகத்தில் வியாழக்கிழமை தொடங்கியது.
மாவட்ட ஆட்சியர் ஆர். கேசவன் பயிற்சி முகாமைத் தொடங்கிவைத்துப் பேசும்போது, 1995-ஆம் ஆண்டில் ஒடிஸாவில் ஏற்பட்ட வெள்ளத்தால் பல உயிர்கள் பலியாயின. இதன் விளைவாகவே மத்திய அரசால் பேரிடர்  மேலாண்மை அமைப்பு உருவாக்கப்பட்டது. ஒவ்வொரு ஆண்டும் பருவமழை காலத்தில் பேரிடர் மீட்புப் படையினர் பாதிப்புக்குள்ளாகும் பகுதிகளுக்குச் செல்வதும், மற்ற காலங்களில் மக்களுக்கும், மாணவர்களுக்கும் செயல்முறைப் பயிற்சி அளிப்பதையும் தொடர்ந்து செய்துவருகின்றனர்.
மத்திய அரசின் உத்தரவு, பேரிடர் மேலாண்மை ஆணையத்தின் அறிவுறுத்தலின்பேரில் பள்ளிகளில் பேரிடர்களை தவிர்ப்பதற்காக பல்வேறு நடவடிக்கைகள் எடுக்கப்படுகின்றன. குறிப்பாக பள்ளிகளில் கூரைகளைத் தவிர்க்க நடவடிக்கை எடுக்கப்பட்டு வருகிறது. மாணவர்கள் பயிலவும், அவசர காலத்தில் அங்கிருந்து வெளியேறவும் தேவையான இடவசதி அமைத்துத் தர வேண்டியதும் அவசியம்.
ஒவ்வொரு பள்ளியிலும் பேரிடர் மேலாண்மை மையத்தை அமைத்து, அதற்கென ஒரு ஆசிரியரை நியமித்து, மாணவர்களுக்கு பேரிடர் காலத்தில் தமது  செயல்பாடுகள் எப்படி இருக்கவேண்டும் என்பது குறித்து பயிற்சி அளிக்க வேண்டும். அதற்கான கருத்துகளை விளக்கும் வகையிலேயே தலைமையாசிரியர்களுக்கு இந்த பயிற்சி அளிக்கப்படுகிறது என்றார் ஆட்சியர்.
இந்த பயிற்சியில் 101 அரசுப் பள்ளி, 60 தனியார் பள்ளிகள், 6 அரசு உதவிபெறும் பள்ளிகள் என 167 பள்ளிகளில் இருந்து நிர்வாகத்தினர் பங்கேற்றுள்ளனர். பேரிடர் மேலாண்மைத் துறை துணை வட்டாட்சியர் மணிகண்டன் நம்பூதிரி பயிற்சி அளிக்கிறார். நிகழ்ச்சியில் கல்வித்துறை துணை இயக்குநர் சுப்பிரமணியன், முதன்மைக் கல்வி அலுவலர் அ. அல்லி உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/jun/22/பள்ளி-நிர்வாகத்தினருக்கு-பேரிடர்-மேலாண்மை-பயிற்சி-தொடக்கம்-2944632.html
2944631 நாகப்பட்டினம் காரைக்கால் கலப்பட டீ தூள், போலி கேசரி தூள் பறிமுதல்: கடைக்காரர்கள் மீது சட்ட நடவடிக்கை எடுக்கப்படும் என அலுவலர் தகவல் DIN DIN Friday, June 22, 2018 07:03 AM +0530 காரைக்காலில் கலப்பட டீ தூள், போலி கேசரி தூள் ஆகிவற்றை உணவுப் பாதுகாப்புத்துறையினர் வியாழக்கிழமை பறிமுதல் செய்தனர். கடைக்காரர்கள் மீது சட்டப்படியான நடவடிக்கை எடுக்கப்படவுள்ளதாக தெரிவித்தனர்.
மக்களுக்கு  பாதுகாப்பான உணவுப் பொருள்கள் கிடைப்பதை உறுதி செய்யும் வகையில், உணவுப் பாதுகாப்புத்துறை செயல்படுகிறது. காரைக்காலில் இந்த அமைப்புக்கு அலுவலர்கள் இல்லாததால், புதுச்சேரியிலிருந்தே எப்போதாவது வந்து ஆய்வு செய்யும் பணி நடைபெறுகிறது.
காரைக்காலில் நிரந்தரமாக இந்த துறைக்கென அலுவலர்கள் இருக்க வேண்டும், தீவிரமான கண்காணிப்புகள் மேற்கொண்டால் மட்டுமே மக்களுக்கு ஓரளவு பாதுகாப்பான உணவு கிடைக்கும் என பொதுமக்கள் வலியுறுத்துகின்றனர். மாங்கனித் திருவிழா அடுத்த வாரம் நடைபெறவுள்ளதையொட்டி, மாங்கனி விற்பனை காரைக்காலில் அதிகமாக இருக்கும். இதனால் பல்வேறு ஊர்களில் இருந்து செயற்கை முறையில் பழுக்கவைக்கப்பட்ட மாங்கனிகள் கொண்டுவரப்பட்டு விற்பனை செய்யப்படுகிறது. இதன் காரணமாக சிறுவர்கள், முதியோர்களுக்கு உடல் உபாதைகள் ஏற்படுவதாக புகார் கூறப்படுகிறது.
மாங்கனித் திருவிழாவை கருத்தில்கொண்டு, புதுச்சேரி உணவுப் பாதுகாப்பு அலுவலர் ரவிச்சந்திரன், காரைக்காலில் ஆய்வு செய்யும் நோக்கில் புதன்கிழமை வந்தார். முதல் நாளில் மாங்கனி விற்பனையகங்களில் சோதனை மேற்கொண்டார். 2-ஆம் நாளான வியாழக்கிழமை  பல்வேறு டீ கடைகள், மளிகை கடைகளில் சோதனை நடத்தினார். இந்த சோதனையில் 7 கிலோ எடையில் கலப்பட டீ தூள் பறிமுதல் செய்யப்பட்டது. மளிகைக் கடையில் 25 கிராம் பாக்கெட்டுகள் கொண்ட 2 கிலோ போலியான கேசரித்தூள் பறிமுதல் செய்யப்பட்டது.
டீ கடையில் பறிமுதல் செய்த டீ தூளை தண்ணீரில் கொட்டி சோதித்தபோது, அது போலியானது என தெரியவந்தது. டீ கடையில் பயன்படுத்தப்பட்ட டீ தூள்களை வாங்கிக்சென்று, வெயிலில் உலரவைத்து, வண்ணத்தூள் கலந்து மீண்டும் பாக்கெட்டுகளில் அடைத்து கிலோ ரூ.240-க்கு விற்பனை செய்யப்படுகிறதாம். இவற்றை தொடர்ந்து மக்கள் பயன்படுத்தும்போது புற்றுநோய் மற்றும் குடலில் பாதிப்பு போன்றவை ஏற்படும் என மருத்துவர்கள் தெரிவிக்கின்றனர்.
எனவே, இதை புதுச்சேரியில் உள்ள ஆய்வகத்துக்கு அனுப்பி வைத்து, ஆய்வு அறிக்கையில் இதன் கலப்படத் தன்மை உறுதியாக தெரியவந்ததும், சம்பந்தப்பட்ட கடைக்காரர்கள் மீது சட்ட ரீதியில் நடவடிக்கை எடுக்கப்படும் என உணவுப் பாதுகாப்பு அலுவலர் தரப்பில் தெரிவிக்கப்பட்டது.
 

]]>
http://www.dinamani.com/all-editions/edition-nagapattinam/karaikal/2018/jun/22/கலப்பட-டீ-தூள்-போலி-கேசரி-தூள்-பறிமுதல்-கடைக்காரர்கள்-மீது-சட்ட-நடவடிக்கை-எடுக்கப்படும்-என-அலுவலர்-2944631.html
2944630 நாகப்பட்டினம் காரைக்கால் கிராமப்புற சாலை, கழிவுநீர் வடிகால் அமைப்புப் பணி: சட்டப் பேரவை உறுப்பினர் கீதாஆனந்தன் ஆய்வு DIN DIN Friday, June 22, 2018 07:02 AM +0530 திருப்பட்டினம் பகுதியில் நடைபெறும் கிராமப்புற தார்ச்சாலைப் பணி, கழிவுநீர் வடிகால் அமைப்புப் பணியை சட்டப் பேரவை உறுப்பினர் கீதாஆனந்தன் வியாழக்கிழமை ஆய்வு செய்தார்.
காரைக்கால் மாவட்டம், திருப்பட்டினம் தொகுதிக்குள்பட்ட படுதார்கொல்லை கிராமத்தில் முத்தாம்பாளையபேட் பகுதியில் 100-க்கும் மேற்பட்ட குடியிருப்புகள் உள்ளன. படுதார்கொல்லை கிராமத்திலிருந்து இந்த பகுதிக்குச் செல்ல பிரதான சாலையை  தார்ச்சாலையாக அமைத்துத் தரவேண்டும் என கிராம மக்கள் கோரிக்கை விடுத்தனர். உள்ளாட்சித்துறை நிதி ரூ.8.4 லட்சத்தில், 600 மீட்டர் தூரத்தில் கொம்யூன் பஞ்சாயத்து நிர்வாகம் மூலம், தார்ச்சாலை அமைக்க சட்டப் பேரவை உறுப்பினர் கீதாஆனந்தன் ஏற்பாடு செய்தார்.
அதன்படி, இந்த பணி தற்போது நடைபெற்று வருகிறது. சட்டப் பேரவை உறுப்பினரும், புதுச்சேரி மின்திறல் குழுமத் தலைவருமான கீதாஆனந்தன் வியாழக்கிழமை படுதார்கொல்லை கிராமத்துக்குச் சென்று, சாலைப் பணிகளை ஆய்வு செய்தார். 
கொம்யூன் பஞ்சாயத்து ஆணையர் ஜான் அரேலியஸ் மற்றும் பொறியாளர் குழுவினர், ஒப்பந்ததாரர் ஆகியோர் சாலைப் பணியின் தற்போதைய நிலை குறித்தும், தார்ச்சாலை அமைப்புப் பணியின் காலம் குறித்தும் பேரவை உறுப்பினருக்கு விளக்கினர். இதைத் தொடர்ந்து திருப்பட்டினம் வெங்கடேச பெருமாள் கோயில் தெருவில் கழிவுநீர் வடிவதற்கான சிறிய பாலம் அமைக்கும் பணியையும் பேரவை உறுப்பினர் கீதாஆனந்தன் ஆய்வுசெய்தார்.
இதுகுறித்து கொம்யூன் பஞ்சாயத்து ஆணையர் ஜான் அரேலியஸ் கூறும்போது, படுதார்கொல்லை பகுதி பிரதான சாலைப் பணி முடிந்தவுடன், உள்புறச்  சாலைப் பணியை ஆதிதிராவிடர் மேம்பாட்டுக் கழக நிதியில் அந்த கழகத்தினர் மேற்கொள்வர். மேலும், திருப்பட்டினம் பகுதியில் ரூ.1 கோடி மதிப்பீட்டில், பல்வேறு தெருக்களில் சாலை அமைக்க ஒப்பந்தப்புள்ளிகள் கோரப்பட்டுள்ளன. இந்த திட்டப் பணிகளும் விரைவில் தொடங்கப்படும் என்றார்.
 

]]>
http://www.dinamani.com/all-editions/edition-nagapattinam/karaikal/2018/jun/22/கிராமப்புற-சாலை-கழிவுநீர்-வடிகால்-அமைப்புப்-பணி-சட்டப்-பேரவை-உறுப்பினர்-கீதாஆனந்தன்-ஆய்வு-2944630.html
2944629 நாகப்பட்டினம் காரைக்கால் உள்ளாட்சி ஊழியர்கள் வேலை நிறுத்தப் போராட்டம் DIN DIN Friday, June 22, 2018 07:02 AM +0530 ஏழாவது ஊதியக் குழு பரிந்துரை நிறைவேற்றம் தொடர்பாக அமைச்சர் அளித்த வாக்குறுதி நிறைவேற்றப்படாததைக் கண்டித்து  உள்ளாட்சி ஊழியர்கள் வியாழக்கிழமை வேலை நிறுத்தப் போராட்டம் நடத்தினர்.
காரைக்கால் நகராட்சி மற்றும் கொம்யூன் பஞ்சாயத்து ஊழியர் சங்கம் சார்பில், பேருந்து நிலையம் அருகே பழைய ரயிலடி பகுதியில் வியாழக்கிழமை, புதுச்சேரி உள்ளாட்சி அமைச்சகத்தைக் கண்டித்து ஒரு நாள் அடையாள வேலை நிறுத்தம் செய்து, ஆர்ப்பாட்டம் நடத்தினர். காரை பிரதேச நகராட்சி மற்றும் கொம்யூன் பஞ்சாயத்து ஊழியர் சம்மேளன தலைவர் ஐயப்பன் தலைமை வகித்தார். 
புதுச்சேரி மாநில நகராட்சி மற்றும் கொம்யூன் பஞ்சாயத்து ஊழியர்களுக்கும் 7ஆவது ஊதியக்குழு பரிந்துரைகளை அமல்படுத்தக் கோரி தொடர் போராட்டத்தில் ஈடுபட்டுவந்த உள்ளாட்சி ஊழியர் சம்மேளன நிர்வாகிகளிடம், புதுச்சேரி உள்ளாட்சித்துறை அமைச்சர் ஏ.நமச்சிவாயம்,  ஜனவரி 2018 மாத இறுதிக்குள் உள்ளாட்சி ஊழியர்களுக்கு 7ஆவது ஊதியக்குழு பரிந்துரைகளை அமல்படுத்துவதற்கான அரசாணையை வெளியிட்டு விடுகிறோம் என எழுத்துப்பூர்வமாக அளித்த வாக்குறுதியை நிறைவேற்ற வேண்டும்.   உள்ளாட்சி ஊழியர்களுக்கு 7ஆவது ஊதியக்குழுவை அமல்படுத்தாமல் வஞ்சிக்கப்பட்டு வரும்  நிலையில், 6ஆவது ஊதியக்குழு பரிந்துரைப்படி கடந்த 1.7.2016 முதல் 4 தவணைகளில் வழங்க வேண்டிய பஞ்சப்படிகளை ஒரே தவணையாக வழங்க வேண்டும்.
 கடந்த மூன்று ஆண்டுகளுக்கு மேலாக  உள்ளாட்சிகளில் வசூல் செய்யப்படும் வீட்டு வரிக்கு ஈடான மானியத்தொகை மற்றும் ஆக்ட்ராய் தொகைகளை காலந்தாழ்த்தாமல் உள்ளாட்சி அமைப்புகளுக்கு புதுச்சேரி அரசு வழங்க வேண்டும். காரைக்கால் பகுதி நகராட்சி  மற்றும்  கொம்யூன் பஞ்சாயத்துகளில் பணிபுரியும் அனைத்துப் பிரிவு ஊழியர்களையும் பொதுவான பணிநிலைக்கு கொண்டுவந்து, தனியாக பணிமூப்பு பட்டியலும் வெளியிட்டு, காலியான பதவிகளைக் கணக்கெடுத்து அரசுத் துறைகளில் உள்ளதுபோல் உள்ளாட்சித்துறை மூலமாகவே மொத்தமாக ஊழியர்களுக்கு பதவி உயர்வு அளிக்க வேண்டும். கடந்த 6 ஆண்டுகளுக்கும் மேலாக கிராம பஞ்சாயத்துகளில் பணிபுரியும் தினக்கூலி பணியாளர்களைப் பணி நிரந்தரம் செய்ய வேண்டும் உள்பட 28 அம்ச கோரிக்கைகளை வலியுறுத்திப் பேசினர். 
ஆர்ப்பாட்டத்தில் காரை பிரதேச அரசு ஊழியர் சம்மேளன கெளரவத் தலைவர்கள்  ஜார்ஜ், ஜெய்சிங், தலைவர்  சுப்ரமணியன், பொதுச் செயலாளர்  ஷேக் அலாவுதீன் ஆகியோர்  கண்டன உரையாற்றினர். ஆர்ப்பாட்டத்தில்  பல்வேறு அரசுத்துறை ஊழியர் சங்க நிர்வாகத்தினர்  பேசினர்.
ஊழியர்களின்  வேலை நிறுத்தத்தால் காரைக்கால் மாவட்டத்தில், காரைக்கால் நகராட்சி மற்றும் திருநள்ளாறு, நெடுங்காடு, கோட்டுச்சேரி, நிரவி, திருப்பட்டினம் ஆகிய கொம்யூன் பஞ்சாயத்துகளில் பணிகள் முடங்கின.
 

]]>
http://www.dinamani.com/all-editions/edition-nagapattinam/karaikal/2018/jun/22/உள்ளாட்சி-ஊழியர்கள்-வேலை-நிறுத்தப்-போராட்டம்-2944629.html
2944628 நாகப்பட்டினம் காரைக்கால் காரைக்கால் வானொலியில் பிரதமர் உரை ஒலிபரப்பு DIN DIN Friday, June 22, 2018 07:02 AM +0530 பிரதமர் ஆற்றும் உரையை காரைக்கால் வானொலி நிலையம் வரும் ஞாயிற்றுக்கிழமை ஒலிபரப்பு செய்கிறது.
இதுகுறித்து காரைக்கால் வானொலி நிலைய நிகழ்ச்சி பிரிவுத் தலைவர் ஜி.சுவாமிநாதன் வியாழக்கிழமை வெளியிட்ட செய்திக் குறிப்பு : 
பிரதமர் நரேந்திரமோடி அகில இந்திய வானொலி மூலம் நாட்டு மக்களுக்கு மன் கி பாத் என்கிற  உரை  ஞாயிற்றுக்கிழமை (ஜூன்24) பகல் 11 மணிக்கு ஒலிபரப்பாகும். அதனைத் தொடர்ந்து பிரதமர் உரையின் தமிழாக்கம் மனதின் குரல் என்ற தலைப்பில் ஒலிபரப்பாகும்.
இந்த மனதின் குரல் நிகழ்ச்சி மீண்டும் அன்றிரவு 8 மணிக்கு ஒலிபரப்பாகும் என்றார்.
 

]]>
http://www.dinamani.com/all-editions/edition-nagapattinam/karaikal/2018/jun/22/காரைக்கால்-வானொலியில்-பிரதமர்-உரை-ஒலிபரப்பு-2944628.html
2944243 நாகப்பட்டினம் காரைக்கால் சிலிண்டருக்கு மலர் வளையம் வைத்து இந்திய கம்யூனிஸ்ட் கட்சியினர் ஆர்ப்பாட்டம் DIN DIN Thursday, June 21, 2018 10:06 AM +0530 பெட்ரோல், டீசல், காஸ் சிலிண்டர் விலை உயர்வைக் கண்டித்து இந்திய கம்யூனிஸ்ட் கட்சி சார்பில் காரைக்கால் பழைய ரயிலடி அருகே ஆர்ப்பாட்டம் புதன்கிழமை நடைபெற்றது.
பெட்ரோல், டீசல், காஸ் சிலிண்டர் விலை உயர்வைக் கண்டித்தும், இந்த விலை உயர்வுகளை மத்திய அரசு உடனடியாகத் திரும்பப் பெறக் கோரியும் இந்த ஆர்ப்பாட்டம் நடைபெற்றது. 
கட்சியின் மாவட்ட செயலாளர் ப. மதியழகன் தலைமை வகித்தார். நிர்வாகிகள் என். பிச்சையன், ஜி. கலியமூர்த்தி ஆகியோர் முன்னிலை வகித்தனர். மாநிலக் குழு நிர்வாகி இரா. அந்தோணி கோரிக்கைகளை விளக்கிப் பேசினார். கட்சி நிர்வாகிகள் வி.ஜி.பாலசுப்ரமணியன், ஏ.எஸ்.குமார், கே.பக்கிரிசாமி,
டி.ஸ்டாலின் உள்ளிட்ட பலர் பங்கேற்று, எரிபொருள்கள் விலை உயர்வைக் கண்டித்து முழக்கங்களை எழுப்பினர்.
சிலிண்டருக்கு மலர் வளையம் : இந்தப் போராட்டத்தில், ஏழை எளிய மக்களால் காஸ் சிலிண்டரை பயன்படுத்த முடியாத சூழல் உருவாகி வருவதை வெளிப்படுத்தும் வகையில், காஸ் சிலிண்டருக்கு மலர் வளையம் வைக்கப்பட்டிருந்தது. 
 

]]>
http://www.dinamani.com/all-editions/edition-nagapattinam/karaikal/2018/jun/21/சிலிண்டருக்கு-மலர்-வளையம்-வைத்து-இந்திய-கம்யூனிஸ்ட்-கட்சியினர்-ஆர்ப்பாட்டம்-2944243.html
2944242 நாகப்பட்டினம் காரைக்கால் உணவுப் பாதுகாப்பு அலுவலர்கள் ஆய்வு: புகையிலைப் பொருள்கள் பறிமுதல் DIN DIN Thursday, June 21, 2018 10:06 AM +0530 காரைக்கால் மாங்கனித் திருவிழாவையொட்டி, உணவுப் பாதுகாப்புத் துறை மற்றும் குடிமைப் பொருள் வழங்கல் துறை அலுவலர்கள் காரைக்கால் பகுதியில் உள்ள கடைகளில் புதன்கிழமை திடீர் ஆய்வு மேற்கொண்டனர். 
காரைக்காலில் விரைவில் நடைபெறவுள்ள மாங்கனித் திருவிழாவில் பல்லாயிரக்கணக்கான பக்தர்கள் பங்கேற்பர் என்பதையொட்டியும், பக்தர்களுக்கு பாதுகாக்கப்பட்ட உணவுப் பொருள்கள் கிடைப்பதை உறுதி செய்யும் நோக்கிலும் உணவுப் பாதுகாப்புத் துறை மற்றும் குடிமைப் பொருள் வழங்கல் துறை இணைந்து மாவட்ட நிர்வாகம் சார்பில் காரைக்காலின் முக்கிய இடங்களில் உள்ள கடைகளில் ஆய்வு மேற்கொள்ளப்பட்டது. உணவுப் பாதுகாப்பு அலுவலர் ரவிச்சந்திரன், குடிமைப் பொருள் வழங்கல் துறை துணை இயக்குநர் ரேவதி உள்ளிட்டோர் இந்த ஆய்வை மேற்கொண்டனர். தயாரிப்பு தேதி குறிப்பிடப்படாத, காலாவதியான உணவுப் பொருள்களை விற்பனை செய்யக் கூடாது என அலுவலர்கள் அறிவுறுத்தினர். 
ஆய்வின்போது, தடை செய்யப்பட்ட புகையிலைப் பொருள்கள், ரசாயன கல் வைத்து பழுக்கச் செய்யப்பட்ட பழங்கள் கண்டறியப்பட்டு பறிமுதல் செய்யப்பட்டன. விதிமீறலில் ஈடுபட்டவர்கள் மீது நடவடிக்கை மேற்கொள்ளப்படும் என அலுவலர்கள் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/jun/21/உணவுப்-பாதுகாப்பு-அலுவலர்கள்-ஆய்வு-புகையிலைப்-பொருள்கள்-பறிமுதல்-2944242.html
2944241 நாகப்பட்டினம் காரைக்கால் காரைக்காலில் நாளை காணொலி மூலம் குறை கேட்கிறார் ஆளுநர் DIN DIN Thursday, June 21, 2018 10:05 AM +0530 புதுச்சேரி மாநில துணை நிலை ஆளுநர் கிரண்பேடி, காணொலிக் காட்சி மூலம் காரைக்கால் மாவட்ட மக்களிடையே ஜூன் 22-ஆம் தேதி குறை கேட்டறிகிறார். 
இதுகுறித்து காரைக்கால் மாவட்ட ஆட்சியர் ஆர். கேசவன் வெளியிட்ட செய்திக் குறிப்பு : புதுச்சேரி மாநில துணை நிலை ஆளுநர், தனது புதுச்சேரி அலுவலகத்தில் பொதுமக்களைச் சந்தித்து குறைகளை கேட்டறிவதுபோல, காரைக்கால் மாவட்ட மக்களை வெள்ளிக்கிழமை (ஜூன் 22) காணொலி மூலம் சந்தித்து குறைகளைக் கேட்டறியவுள்ளார். இந்நிகழ்வு, காரைக்கால் மாவட்ட ஆட்சியரகத்தில் வெள்ளிக்கிழமை மாலை 5 முதல் 6 மணி வரை நடைபெறவுள்ளது. இதில் பங்கேற்க விரும்புவோர் வெள்ளிக்கிழமை காலை 10 முதல் மாலை 3 மணிக்குள் மாவட்ட ஆட்சியர் அலுவலகத்தில் முன்பதிவு செய்து கொள்ள வேண்டும். பொதுமக்கள் தங்கள் குறைகளை எழுத்து வடிவில் தெரிவிக்க வேண்டும் என ஆட்சியர் தனது செய்திக் குறிப்பில் கேட்டுக் கொண்டுள்ளார்.

]]>
http://www.dinamani.com/all-editions/edition-nagapattinam/karaikal/2018/jun/21/காரைக்காலில்-நாளை-காணொலி-மூலம்-குறை-கேட்கிறார்-ஆளுநர்-2944241.html
2944159 நாகப்பட்டினம் காரைக்கால் நியாய விலைக் கடை ஊழியர்கள் வேலைநிறுத்தம் தொடக்கம்   DIN DIN Thursday, June 21, 2018 09:41 AM +0530 பல்வேறு கோரிக்கைகளை வலியுறுத்தி, நியாய விலைக் கடை ஊழியர்கள் தொடர் வேலை நிறுத்தப் போராட்டத்தை புதன்கிழமை தொடங்கினர்.
நியாய விலைக் கடை ஊழியர்களுக்கு  ஊதியம் வழங்கப்படாததைக் கண்டித்தும்,  மாதம்தோறும் முறையாக ஊதியம் வழங்க வேண்டும், கடைகளை குடிமைப் பொருள் வழங்கல் துறையுடன் இணைக்க வேண்டும் என்பன உள்ளிட்ட கோரிக்கைகளை வலியுறுத்தியும் தொடர் வேலைநிறுத்தப் போராட்டத்தை தொடங்கியுள்ளனர்.
இதையொட்டி, காரைக்கால் கூட்டுறவு சங்க அலுவலகம் முன் நியாய விலைக் கடை ஊழியர்கள் தர்னாவில் ஈடுபட்டனர். போராட்டத்துக்கு சங்க நிர்வாகி ஜி. ரஹ்மத் பாஷா தலைமை வகித்தார். 
கடந்த மே மாதம் 26 -ஆம் தேதி முதல் நியாய விலைக் கடை ஊழியர்கள் தொடர் வேலை நிறுத்தப் போராட்டத்தில் ஈடுபட்ட போது,  ஜூன் 15-ஆம் தேதிக்குள் ஊதியம் வழங்கப்படும் என அரசு உத்தரவாதம் அளித்தது.  அதனடிப்படையில், ஊழியர்கள் வேலை நிறுத்தத்தைக் கைவிட்டு, கடந்த 5-ஆம் தேதி பணிக்குத் திரும்பினர்.  
ஜூன் 15-ஆம் தேதிக்குள் ஊதியம் வழங்கப்படும் என அரசு அறிவித்திருந்த நிலையில், ஜூன் 20-ஆம் தேதி வரை ஊதியம் வழங்கப்படாததால், நியாய விலைக் கடை ஊழியர்கள் மீண்டும் தொடர் வேலை நிறுத்தப் போராட்டத்தைத் தொடங்கியுள்ளனர்.

]]>
http://www.dinamani.com/all-editions/edition-nagapattinam/karaikal/2018/jun/21/நியாய-விலைக்-கடை-ஊழியர்கள்-வேலைநிறுத்தம்-தொடக்கம்-2944159.html
2943302 நாகப்பட்டினம் காரைக்கால் முத்ரா திட்டத்தை கிராமத்தினர் பயன்படுத்திக்கொள்ள வேண்டும்: அமைச்சர் ஆர். கமலக்கண்ணன் DIN DIN Wednesday, June 20, 2018 08:10 AM +0530 முத்ரா வங்கிக் கடனுதவித் திட்டத்தை கிராமத்தினர் பயன்படுத்திக்கொண்டு, சுய வருவாயை பெருக்கிக்கொள்ள முயற்சிக்க வேண்டும் என அமைச்சர் ஆர். கமலக்கண்ணன்  கேட்டுக்கொண்டார்.
திருநள்ளாறு பகுதியில் வட்டார வளர்ச்சி அலுவலகத்தில் பதிவு செய்துள்ள மகளிர் சுய உதவிக் குழுவினருடன் கலந்தாலோசனைக் கூட்டம் திங்கள்கிழமை நடைபெற்றது. மகளிர் குழுவினர் பணிகள் குறித்தும், அரசின் திட்டங்களை எவ்வாறு பயன்படுத்திக்கொள்வது என்பது குறித்தும் வட்டார வளர்ச்சி அலுவலர் எஸ். பிரேமா விளக்கினார். வேளாண் துறை அமைச்சர் ஆர். கமலக்கண்ணன் சிறப்பு அழைப்பாளராகக் கலந்துகொண்டு, மகளிர் சுய உதவிக்குழு உறுப்பினர்களிடையே பேசியது :
மத்திய அரசின் முத்ரா கடன் திட்டம் வங்கிகள் மூலம் செயல்படுத்தப்படுகிறது. சிறு தொழில் முதல் நடுத்தர தொழில் வரை நகரத்தினரும், கிராமத்தினரும் இந்த திட்டத்தின் உதவியைப் பெற்று செய்ய முடியும். கடனைப் பெறுவதற்கு இந்த திட்டத்தின் எளிய வழிமுறைகள் உள்ளதை கிராமத்தினர் பயன்படுத்திக்கொள்ளவேண்டும். தேசிய ஊரக  வேலைத் திட்டத்தாலும், வேளாண் காலத்தாலும் சீசன் காலத்தில் மட்டும் வருவாயை ஈட்ட முடியும். ஆனால், இந்த திட்டத்தில் கடன் பெற்று உரிய தொழில் செய்வதன் மூலம் தொடர்ந்து நல்ல வருவாயை ஈட்ட முடியும். குடும்பத்தின் சுமை வெகுவாக குறையும். இதில் பெண்கள் அதிக கவனம் செலுத்த வேண்டும்.
அம்பகரத்தூர், நல்லம்பல், சேத்தூர் பகுதியில் வீடு, நிறுவனங்களில் நேரடியாக குப்பைகள் சேகரிப்பு செய்யப்பட்டு, பின்னர் நிறுத்திவைக்கப்பட்டுள்ளது. பொதுமக்கள் நிதி பங்களிப்புடன், மகளிர் குழுவினர் ஊதியம் பெறும் வகையில் இந்த திட்டத்தை மீண்டும் செம்மையாக கொண்டு வர ஏற்பாடு செய்யப்படுகிறது. இதில் மகளிர் குழுவினர் தீவிரமாக பங்கெடுக்க வேண்டும்.
மது குடிக்கும் பழக்கத்தால் பெரும்பான்மையான குடும்பங்கள் பாதிக்கின்றன. குடும்பத்தில் நிம்மதி குலைகிறது. பலர் குடி பழக்கத்தை நிறுத்த வேண்டும் என நினைத்தாலும், அவரால் முடியவில்லை. இதனால் குடும்பத் தலைவிக்கே பெரும் சுமை ஏற்படுகிறது. இது பரவலாக ஏற்படுகிறது. இது மிகவும் கவலையளிக்கும் நிலையாகும். மருத்துவமனைக்கு வரும் உள்நோயாளிகள், புறநோயாளிகளில் 40 சதவீதத்தினர் மது பழக்கத்தால் ஏற்பட்ட பாதிப்புகளால் வந்திருப்பது மருத்துவர்களால் உறுதிப்படுத்தப்படுகிறது.
நலிந்த பிரிவினர் வாழ்க்கைத் தரம் உயர அரசு திட்டங்கள் வகுத்து செயல்படுத்துவது ஒருபுறம், இலவச பொருள்கள் தருவது ஒருபுறம், மாணவர்கள் கல்விக்கு செய்யும் திட்ட உதவிகள் ஒருபுறம் என பல நிலையில் குடும்பங்களுக்கு அரசு உதவியாக இருந்தாலும், மது பழக்கத்தால் ஒட்டுமொத்த குடும்பமே சீரழிந்துவிடுகிறது. இதனால் அரசின் நோக்கம் சிதைகிறது. எனவே ஆண்கள் மது பழக்கத்தைக் கைவிடுவதற்காக, சிறந்த நிபுணர்களைக்கொண்டு கவுன்சலிங் நடத்த ஏற்பாடு செய்யப்பட்டுள்ளது. அடுத்த 10 நாள்களில் இதற்கான கவுன்சலிங் நடத்தப்படும். மது  பழக்கம் கொண்டவர்கள் தம்பதியராக இதில் கலந்துகொள்ளவேண்டும் என்றார் அமைச்சர்.
திருநள்ளாறு கொம்யூன் பஞ்சாயத்து ஆணையர் ராஜேந்திரன் உள்ளிட்டோர் நிகழ்ச்சியில் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/jun/20/முத்ரா-திட்டத்தை-கிராமத்தினர்-பயன்படுத்திக்கொள்ள-வேண்டும்-அமைச்சர்-ஆர்-கமலக்கண்ணன்-2943302.html
2943301 நாகப்பட்டினம் காரைக்கால் அடையாளம் தெரியாத முதியவர் சடலம் மீட்பு   DIN DIN Wednesday, June 20, 2018 08:10 AM +0530 திருநள்ளாறு பகுதியில் அடையாளம் தெரியாத முதியவரின் சடலத்தை போலீஸார் திங்கள்கிழமை மீட்டு, அவர் குறித்து விசாரணை செய்து வருகின்றனர்.
திருநள்ளாறு நளன் குளம் சாலை, புதிய கழிப்பறை வளாகம் அருகே சுமார் 70 வயது மதிக்கத்தக்க ஆண் நபர் இறந்த நிலையில் கிடப்பதாக திருநள்ளாறு காவல்நிலையத்துக்கு திங்கள்கிழமை தகவல் தெரிவிக்கப்பட்டது. போலீஸார் அங்கு சென்று சடலத்தை மீட்டு அரசு மருத்துவமனை சவக்கிடங்குக்கு அனுப்பிவைத்தனர்.
உயிரிழந்தவர் 150 செ.மீ. உயரம், மெலிந்த உடலமைப்பு, மஞ்சள் நிற வேட்டி அணிந்திருந்தார். இவர் குறித்து விவரம் தெரிந்தோர் திருநள்ளாறு காவல்நிலையத்துக்கு 04368-236465 என்ற எண்ணில் தகவல் தெரிவிக்க வேண்டும் என காவல்நிலையத்தினர் வெளியிட்ட செய்திக் குறிப்பில் கேட்டுக்கொண்டுள்ளனர்.


 

]]>
http://www.dinamani.com/all-editions/edition-nagapattinam/karaikal/2018/jun/20/அடையாளம்-தெரியாத-முதியவர்-சடலம்-மீட்பு-2943301.html
2943300 நாகப்பட்டினம் காரைக்கால் என்.சி.சி. சிறப்பு முகாமில் சிறப்பிடம் பெற்ற மாணவர்களுக்குப் பாராட்டு DIN DIN Wednesday, June 20, 2018 08:10 AM +0530 என்.சி.சி. சிறப்பு முகாமில் பல்வேறு நிலையில் சிறப்பிடம் பெற்ற பள்ளி மாணவர்களுக்கு பள்ளி நிர்வாகம் சார்பில் செவ்வாய்க்கிழமை பாராட்டு தெரிவிக்கப்பட்டது.
காரைக்காலில் மாஹே, காரைக்கால் பிராந்தியங்களைச் சேர்ந்த என்.சி.சி. 10 நாள் சிறப்பு முகாம் அண்ணா  அரசு கலைக் கல்லூரி வளாகத்தில் நடைபெற்றது. இதில் சுமார் 500 மாணவ, மாணவியர் கலந்துகொண்டனர். சிறந்த என்.சி.சி. அணி, துப்பாக்கிச் சுடும் வீரர் உள்ளிட்ட சிறப்பிடம் பெற்றவர்கள் தேர்வு செய்யப்பட்டனர். காரைக்கால் தந்தை பெரியார் அரசு மேல்நிலைப் பள்ளி என்.சி.சி. சிறந்த அணியாக தேர்வு செய்யப்பட்டது. ஜூனியர் பிரிவில் சிறந்த மாணவராக சார்ஜன்ட் கே.விபீஷ்ணன் தேர்வு செய்யப்பட்டார். சிறந்த துப்பாக்கிச் சுடும் வீரராக சுந்தரவேல், அலுவலர் அளவில் சிறந்த துப்பாக்கிச் சுடும் வீரராக பள்ளியின் என்.சி.சி. அலுவலர் வி. காமராஜ் ஆகியோர் தேர்வு  செய்யப்பட்டனர். முகாமில், பதக்கம் மற்றும் சான்றிதழ் பெற்றுத் திரும்பிய என்.சி.சி. அலுவலர் மற்றும் மாணவர்களை தந்தை  பெரியார் அரசு மேல்நிலைப் பள்ளி நிர்வாகத்தினர் செவ்வாய்க்கிழமை பாராட்டினர். பள்ளி வளாகத்தில் நடைபெற்ற நிகழ்ச்சியில், பள்ளி துணை முதல்வர் கே. கோவிந்தராஜன் கலந்துகொண்டு, மாணவர்களுக்குப் பரிசு வழங்கினார்.
 

]]>
http://www.dinamani.com/all-editions/edition-nagapattinam/karaikal/2018/jun/20/என்சிசி-சிறப்பு-முகாமில்-சிறப்பிடம்-பெற்ற-மாணவர்களுக்குப்-பாராட்டு-2943300.html
2943299 நாகப்பட்டினம் காரைக்கால் தீவிபத்தில் பாதிக்கப்பட்ட குடும்பத்தினருக்கு நிவாரண உதவி DIN DIN Wednesday, June 20, 2018 08:09 AM +0530 திருநள்ளாறு அருகே தீ விபத்தால் பாதிக்கப்பட்ட குடும்பத்தினரை அமைச்சர் ஆர். கமலக்கண்ணன் சந்தித்து ஆறுதல் கூறி  நிவாரண உதவி வழங்கினார்.
திருநள்ளாறு தொகுதிக்குள்பட்ட கோட்டப்பாடி கிராமத்தில் ராஜேந்திரன், நடனமணி ஆகியோர் வீடுகளில் சனிக்கிழமை மாலை தீ விபத்து ஏற்பட்டு, இரண்டு வீடுகளும் முற்றிலும் எரிந்து நாசமாகின. சுரக்குடியிலிருந்து தீயணைப்பு வாகனத்துடன் விரைந்து வந்த தீயணைப்பு வீரர்கள் தீ மேலும் பரவாமல் தடுத்து அணைத்தனர். தீ விபத்துக்கான காரணம் குறித்து விசாரணை நடைபெற்றுவருகிறது. இதற்கிடையில், தீ விபத்து நடந்த இடத்துக்கு சனிக்கிழமை இரவு சென்ற வேளாண் துறை அமைச்சர் ஆர். கமலக்கண்ணன்,  பாதிக்கப்பட்ட குடும்பத்தினரை சந்தித்து ஆறுதல் கூறினார். அப்போது, திருநள்ளாறு வருவாய்த் துறையின் மூலம் அவர்களுக்கு முதல்கட்டமாக தலா ரூ.7,500 வழங்க அவர் ஏற்பாடு செய்தார்.
மேலும், தமது சொந்த செலவில் இரு குடும்பத்தினருக்கும் பாய், போர்வை மற்றும் வீட்டு உபயோகப் பொருள்களை வழங்கினார். இந்த விபத்து குறித்து முதல்வரின் கவனத்துக்கு கொண்டுசென்று, முதலமைச்சர் நிவாரண நிதியிலிருந்து உதவிகள் கிடைக்க ஏற்பாடு செய்வதாகவும் அமைச்சர் கூறினார்.
 

]]>
http://www.dinamani.com/all-editions/edition-nagapattinam/karaikal/2018/jun/20/தீவிபத்தில்-பாதிக்கப்பட்ட-குடும்பத்தினருக்கு-நிவாரண-உதவி-2943299.html
2943298 நாகப்பட்டினம் காரைக்கால் தர்பாரண்யேசுவரர் கோயிலை சேர்ந்த சுற்றுக் கோயில்களுக்கு பாலாலயம் DIN DIN Wednesday, June 20, 2018 08:09 AM +0530 திருநள்ளாறு ஸ்ரீதர்பாரண்யேசுவரர் கோயிலை சேர்ந்த சுற்றுக் கோயில்கள் குடமுழுக்குக்காக ஜூன் 22-ஆம் தேதி பாலாலயம் நடைபெறவுள்ளது.
திருநள்ளாறு ஸ்ரீபிரணாம்பிகை சமேத ஸ்ரீதர்பாரண்யேசுவரர் கோயிலுக்கு குடமுழுக்கு செய்யப்பட்டு 12 ஆண்டுகள் கடந்து விட்டதால், இக்கோயிலுக்கும், சுற்றுக் கோயில்களுக்கும் குடமுழுக்கு விழா நடத்த கோயில் நிர்வாகம் முடிவெடுத்துள்ளது. 
தர்பாரண்யேசுவரர் கோயில் மற்றும் சுற்றுக் கோயில்களுக்கு குடமுழுக்காக திருப்பணிகள் தொடங்க வேண்டிய நிலையில், பாலாலயம் செய்ய வேண்டியுள்ளது. சுற்றுக் கோயில்களான நான்கு வீதியிலும் உள்ள விநாயகர் கோயில், ஐயனார் கோயில், பிடாரி அம்மன், மாரியம்மன், நளன்குளம் அருகில் உள்ள ஸ்ரீநளன் கலி தீர்த்த விநாயகர் கோயில் உள்ளிட்ட 10 கோயில்களுக்கு பாலாலயம் ஜூன் 22-ஆம் தேதி சிறப்பு ஹோமத்துடன் நடைபெறவுள்ளது. ஸ்ரீதர்பாரண்யேசுவரர் கோயிலுக்கு ஜூலை 4-ஆம் தேதி பாலாலயம் செய்யப்படவுள்ளதாக கோயில் நிர்வாகத்தினர் செவ்வாய்க்கிழமை தெரிவித்தனர். 
கடந்த ஆண்டு டிசம்பர் மாதம் சனிப் பெயர்ச்சி விழா நடைபெற்றது. இனி அடுத்த இரண்டரை ஆண்டுகளுக்குப் பின்னரே இவ்விழா இக்கோயிலில் நடைபெறும். ஆண்டு பிரமோத்ஸவம் அண்மையில் நடத்தி முடிக்கப்பட்டுள்ளது. எனவே, முக்கிய நிகழ்ச்சியாக பிரமோத்ஸம் அடுத்த ஆண்டு நடைபெற வேண்டும். இதற்கிடைப்பட்ட காலத்தில் கோயில்களில் திருப்பணிகள் செய்து முடித்து குடமுழுக்கு செய்ய கோயில் நிர்வாகத்தில் விரிவான திட்டத்துடன் பணிகள் தொடங்கவுள்ளதாக தெரிவிக்கப்படுகிறது. கோயில்களில் திருப்பணிகள் தொடங்கும் வகையில் பாலாலயம் முடிந்தவுடன் பூர்வாங்கப் பணிகள் உடனடியாக தொடங்கப்படும் என கோயில் நிர்வாகத்தினர் தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/jun/20/தர்பாரண்யேசுவரர்-கோயிலை-சேர்ந்த-சுற்றுக்-கோயில்களுக்கு-பாலாலயம்-2943298.html
2943297 நாகப்பட்டினம் காரைக்கால் சீதளாதேவி மாரியம்மன் கோயில் தீமிதி உத்ஸவம் DIN DIN Wednesday, June 20, 2018 08:09 AM +0530 காரைக்கால் அருகே ஸ்ரீ சீதளாதேவி அம்மன் கோயில் தீமிதி நிகழ்ச்சியில் ஏராளமான பக்தர்கள் பங்கேற்றனர்.
கீழகாசாக்குடியில் உள்ள ஸ்ரீ சீதளாதேவி மாரியம்மன் கோயில் வருடாந்திர தீமிதி உத்ஸவம் கடந்த 7 -ஆம் தேதி அம்மனுக்கு அபிஷேக ஆராதனை, கரகம் எடுத்துவரும் நிகழ்ச்சியுடன் தொடங்கியது. தினமும் பகல் நேரத்தில் அம்மனுக்கு சிறப்பு அபிஷேக ஆராதனையும், இரவு அம்மன் வீதியுலாவும் நடைபெற்று வந்தது. கோயிலில் திருவிளக்கு வழிபாடும்,  கஞ்சி வார்த்தலும் முக்கிய நிகழ்ச்சிகளாக நடத்தப்பட்டன. தீமிதி நிகழ்ச்சி திங்கள்கிழமை நடைபெற்றது.
முன்னதாக, அம்மனுக்கு சிறப்பு அபிஷேக ஆராதனை செய்யப்பட்டது. பகல் 1 மணியளவில் தீமிதிக்கும் பக்தர்களுக்கு கங்கணம் கட்டப்பட்டது. மாலை 5 மணியளவில் அம்மன் அன்ன வாகனத்தில் வீதியுலா எழுந்தருளச் செய்யப்பட்டது.  கரகம் மற்றும் தீமிதிக்க கங்கணம் கட்டிக்கொண்ட பக்தர்கள் ஊர்வலத்தில் சென்றனர். ஊர்வல நிறைவில் அம்மன் தீக்குழி அருகே எழுந்தருளச் செய்யப்பட்டார். அம்மனுக்கு நடைபெற்ற தீபாராதனையைத் தொடர்ந்து ஆண்கள், பெண்கள்,  குழந்தைகளை சுமந்துகொண்டும் பக்தர்கள் தீமிதித்து தங்கள் நேர்த்திக் கடனை செலுத்தினர்.
நிகழ்ச்சியில், சட்டப் பேரவை உறுப்பினர் பி.ஆர்.என். திருமுருகன் உள்ளிட்ட முக்கிய பிரமுகர்கள்  மற்றும் திரளான பக்தர்கள் கலந்துகொண்டு வழிபாடு செய்தனர்.  செவ்வாய்க்கிழமை காலை மஞ்சள் நீர் விளையாட்டு விழா நடைபெற்றது.
வேர்க்கொல்லை மாரியம்மன் கோயில் உத்ஸவம் : திருமலைராயன்பட்டினம் பகுதி போலகத்தில் உள்ள ஸ்ரீ வேர்க்கொல்லை மாரியம்மன் தீமிதி நிகழ்ச்சி திங்கள்கிழமை நடைபெற்றது. இதிலும் திரளான பக்தர்கள் கலந்துகொண்டு தீமிதித்து வழிபாடு செய்தனர்.
உத்ஸவ அம்மன் வீதியுலா நடைபெற்றது.
 

]]>
http://www.dinamani.com/all-editions/edition-nagapattinam/karaikal/2018/jun/20/சீதளாதேவி-மாரியம்மன்-கோயில்-தீமிதி-உத்ஸவம்-2943297.html
2943296 நாகப்பட்டினம் காரைக்கால் ராகுல் காந்தி பிறந்த நாள்: செல்லூர் கிராம மக்களுக்கு சர்க்கரை, பால் வழங்கி காங்கிரஸார் கொண்டாட்டம் DIN DIN Wednesday, June 20, 2018 08:08 AM +0530 ராகுல் காந்தி பிறந்தநாளையொட்டி, செல்லூர் கிராம மக்களுக்கு சர்க்கரை, பால் மற்றும் மாணவர்களுக்கு நோட்டுகள் வழங்கி காங்கிரஸார் செவ்வாய்க்கிழமை  கொண்டாட்டத்தில் ஈடுபட்டனர்.
அகில இந்திய காங்கிரஸ் தலைவர் ராகுல்காந்தி பிறந்தநாள் காரைக்கால் மாவட்டத்தில் 5 தொகுதிகளிலும் பல்வேறு  நிலையில் கொண்டாடப்பட்டது. திருநள்ளாறு வட்டார காங்கிரஸ் மற்றும் செல்லூர் கிராம காங்கிரஸ் இணைந்து, செல்லூர் கிராமத்தில் உள்ள 550 குடும்பத்தினருக்கு ஒரு கிலோ சர்க்கரை, அரை லிட்டர் பால் மற்றும் பள்ளி மாணவர்களுக்கு நோட்டுகள் வழங்க ஏற்பாடு செய்யப்பட்டது.
புதுச்சேரி வேளாண் துறை அமைச்சர் ஆர். கமலக்கண்ணன் நிகழ்ச்சியில் கலந்துகொண்டு, குடும்பத்தினருக்கு இலவசப் பொருள்களை வழங்கினார். நிகழ்ச்சியியின்போது செய்தியாளர்களிடம் அமைச்சர் கூறும்போது,  138 ஆண்டுகளைக்கொண்ட காங்கிரஸ் கட்சியின் தலைவராக ராகுல்காந்தி உள்ளார். மதச்சார்பின்மையும், அனைத்து மக்களையும் ஒருங்கிணைத்தும், வலுவான தியாக வரலாறு கொண்டதாக விளங்கும் கட்சியாக காங்கிரஸ் விளங்குகிறது. நாட்டு மக்கள் தற்போது சந்தித்து வரும் பிரச்னைகளுக்கு காங்கிரஸ் கட்சியால் மாற்றத்தைக் கொண்டுவர முடியும் என மக்கள் நம்புகின்றனர். நாட்டில் அமைதியை ஏற்படுத்த வேண்டியது காங்கிரஸ் கட்சியின் பொறுப்பாக உள்ளது. 
அவற்றை நிறைவேற்றும் வகையில், அகில இந்திய தலைவரின் பிறந்தநாளில் இதனை  உறுதியாகக்கொண்டு காங்கிரஸார் செயல்பட வேண்டும் என்றார் அமைச்சர்.
நிகழ்ச்சியில், மாவட்டத் தலைவர் அ. பாஸ்கரன், அகில இந்திய காங்கிரஸ் கமிட்டி உறுப்பினர் சிங்காரவேலு, மாநில துணைத் தலைவர் மோகனவேல், திருநள்ளாறு வட்டார காங்கிரஸ் தலைவர் அசோகானந்தன், இளைஞர் காங்கிரஸ் தலைவர் சரவணன் உள்ளிட்டோர் கலந்துகொண்டனர்.
காரைக்கால் மாவட்ட காங்கிரஸ் கட்சி சார்பில் மாவட்டத் தலைவர் பாஸ்கரன் தலைமையில் பொய்யாத மூர்த்தி விநாயகர் கோயிலில் சிறப்பு வழிபாடும், மக்களுக்கு இனிப்பும் வழங்கி, பட்டாசு வெடித்துக் கொண்டாடப்பட்டது. 
இதேபோல், பிற தொகுதிகளிலும் தொகுதி காங்கிரஸ் கட்சியினர் மக்களுக்கு இனிப்பு வழங்கி, கோயில்களில் பிரார்த்தனை செய்து பிறந்தநாளைக் கொண்டாடினர்.

]]>
http://www.dinamani.com/all-editions/edition-nagapattinam/karaikal/2018/jun/20/ராகுல்-காந்தி-பிறந்த-நாள்-செல்லூர்-கிராம-மக்களுக்கு-சர்க்கரைபால்-வழங்கி-காங்கிரஸார்-கொண்டாட்டம்-2943296.html
2943295 நாகப்பட்டினம் காரைக்கால் தூய்மை இந்தியா விழிப்புணர்வுப் பேரணி DIN DIN Wednesday, June 20, 2018 08:08 AM +0530 தூய்மை இந்தியா விழிப்புணர்வு நிகழ்ச்சியாக வேளாண் கல்லூரி மாணவியரால் பள்ளி மாணவர்கள் பங்கேற்புடன் விழிப்புணர்வுப் பேரணி நடைபெற்றது.
காரைக்கால் பண்டித ஜவாஹர்லால் நேரு வேளாண் கல்லூரி மற்றும் ஆராய்ச்சி நிலைய மாணவியர் 10 பேர் தன்னார்வலர்களாக 50 நாளில் 100 மணி நேரம் தூய்மை இந்தியா திட்டம் குறித்து மக்களிடையே விழிப்புணர்வு ஏற்படுத்த கல்லூரி கோடைக் காலத்தை பயன்படுத்திக்கொண்டுள்ளனர். கடந்த ஜூன் 1-ஆம் தேதி முதல் தொடங்கப்பட்ட விழிப்புணர்வு மற்றும் மாணவர்களுக்கு திறன்மேம்பாடு உள்ளிட்ட பயிற்சி ஜூலை 20-ஆம் தேதி வரை நடைபெறவுள்ளது. 
இந்நிகழ்ச்சியின் ஓர் அங்கமாக, திடக்கழிவு மேலாண்மை குறித்த விழிப்புணர்வை ஏற்படுத்தும் வகையில், திருநள்ளாறு பகுதி சுரக்குடி அரசு நடுநிலைப்பள்ளி மாணவ, மாணவியர் பங்கேற்புடன் விழிப்புணர்வுப் பேரணி திங்கள்கிழமை நடைபெற்றது. பேரணியை வேளாண் கல்லூரி பேராசிரியர் உமர் ஹத்தாப் கொடியசைத்துத் தொடங்கி வைத்தார். பேரணியில் மாணவர்கள் மக்கும் குப்பை, மக்கா குப்பை கழிவுகளை எவ்வாறு கையாளுவது என்பது குறித்தும், குப்பைகளை வீட்டிலும், வீட்டுக்கு வெளியேயும் எவ்வாறு பராமரிப்பது என்பது குறித்தும் மக்களிடையே விழிப்புணர்வு ஏற்படுத்தும் கோஷங்களை எழுப்பியபடி சென்றனர். பள்ளியில் தொடங்கிய பேரணி சுரக்குடி கிராமத்தின் முக்கிய பகுதிகளுக்குச் சென்றுவிட்டு மீண்டும் பள்ளியில் நிறைவடைந்தது.

]]>
http://www.dinamani.com/all-editions/edition-nagapattinam/karaikal/2018/jun/20/தூய்மை-இந்தியா-விழிப்புணர்வுப்-பேரணி-2943295.html
2943294 நாகப்பட்டினம் காரைக்கால் திருநள்ளாறில் நிறைவு நிலையில் எமன் தீர்த்தக் குளம்: குளத்தைச் சுற்றி உடற் பயிற்சி செய்ய ஏற்பாடு  DIN DIN Wednesday, June 20, 2018 08:08 AM +0530 திருநள்ளாறு கோயில் அருகே அமைக்கப்படும் எமன் தீர்த்தக் குளம் ஏறக்குறைய பணிகள் நிறைவு நிலையை எட்டியுள்ளது. குளத்தை சுற்றி மக்களுக்கு உடற் பயிற்சிக்கான வசதிகள் செய்யப்பட்டுள்ளன.
திருநள்ளாறு ஸ்ரீதர்பாரண்யேசுவரர் கோயிலில் சுற்றுவட்டாரத்தில் 11 தீர்த்தங்கள் பயன்பாட்டில் இருந்ததாகவும், அவற்றில் பல ஆக்கிரமிப்புகளால் அழிந்துவிட்டதாகவும், சில தீர்த்தங்கள் எங்கு இருக்கிறது என்றே தெரியாத அளவில் மறைந்துவிட்டதாகவும் கூறப்படுகிறது. தற்போது,  நளன் தீர்த்தக் குளம், சரஸ்வதி தீர்த்தம், பிரம்ம தீர்த்தம் ஆகியவை மட்டுமே பயன்பாட்டில் இருக்கிறது.  கோயில் தென்புறத்தில் பிரசித்திப் பெற்ற எமன் தீர்த்தக் குளம், கோயிலின் வடக்கு வீதி அருகே உள்ள அகத்தீசுவரர் தீர்த்தக் குளத்தை மேம்படுத்த கோயில் நிர்வாகம் முடிவு செய்து, பணிகளை கடந்த ஓராண்டுக்கு முன்பு தொடங்கியது. கோயில் நிர்வாக நிதியின்கீழ் எமன் தீர்த்தக் குளத்தை நடைமேடை அமைப்புடன் உருவாக்கும் பணி ரூ. 60 லட்சத்தில் தொடங்கப்பட்டது. 
இதேபோல, கோயிலின் வடக்குப்புறத்தில் அகத்தீசுவரர் தீர்த்தக் குளத்தை தூர்வாரி, தடுப்புச் சுவர் அமைக்கும் பணிகளும் ரூ.1 கோடி திட்டத்தில் கோயில் நகர மேம்பாட்டுத் திட்டத்தில் தொடங்கப்பட்டது. திருநள்ளாறில் பக்தர்கள் பயன்பாட்டில் உள்ள 3 தீர்த்தங்களைத் தவிர, கூடுதலாக 2 தீர்த்தங்களை மேம்படுத்த மேற்கொண்ட திட்டப்பணிகள் 2017-டிசம்பர் மாதத்துக்குள் முடித்து பயன்பாட்டுக்கு வரும் என அப்போது  தெரிவிக்கப்பட்டது. ஆனால், பல்வேறு காரணங்களால் இரு தீர்த்தக் குளங்கள் மேம்படுத்தும் பணி முடங்கியது. அகத்தீசுவரர் தீர்த்தக் குளம் முழுமையாக முடங்கியிருக்கும் நிலையில், எமன் தீர்த்தக் குளம் மட்டும் மேம்படுத்தும் பணி வேகமாக செய்யப்பட்டு ஏறக்குறைய நிறைவடையும் தருவாயில் உள்ளது.
குளத்துக்கு செல்லும் வழியில் ஃபேவர் பிளாக் வண்ண கல் பதிக்கும் பணி நிறைவு பெற்றுள்ளது. குளத்தைச் சுற்றி தடுப்புச் சுவர் எழுப்பப்பட்டு, மக்கள் நடைப் பயிற்சியில் ஈடுபடும் வகையில் நடைமேடை அமைப்பு உருவாக்கப்பட்டுள்ளது. நடைமேடை பகுதியில் சிமென்ட் பெஞ்சுகள் அமைக்கப்பட்டுள்ளன. குளத்தின் கீழ் பகுதியில் கூழாங்கற்கல் போடப்பட்டு தண்ணீர் நிரப்பவுள்ளதாக கோயில் நிர்வாகத்தினர் தெரிவிக்கின்றனர். நடைமேடைப் பகுதி தடுப்புச் சுவற்றில் எமன் தீர்த்தத்தின் புனிதம் குறித்த தகவல்கள் எழுதப்படவுள்ளன. குளத்தின் கரைப் பகுதியில் 8 வடிவத்தில் கல் பதிக்கப்பட்டுள்ளது. உடற்பயிற்சியில் ஈடுபடுவோர் பெரும்பாலும் 8 வடிவத்தில் தமது நடையை அமைத்துக்கொள்வதாகவும், இது உடல் நிலையில் பல்வேறு உபாதைகளை கட்டுப்படுத்துவதாக மருத்துவ வட்டாரத்தில் கூறப்படுவதற்கேற்ப, இந்த அமைப்பு உருவாக்கப்பட்டுள்ளதாக கூறப்படுகிறது. 
இதுகுறித்து கோயில் நிர்வாக அலுவலர் ஏ.விக்ரந்த்ராஜா கூறியது: எமன் தீர்த்தக் குளம் மேம்படுத்தும் பணி ஏறக்குறைய நிறைவடைந்துவிட்டது. வண்ணம் பூசுதல் உள்ளிட்ட சில பணிகள் மட்டுமே உள்ளன. அடுத்த 10 நாள்களுக்குள் அனைத்தையும் முடித்து பயன்பாட்டுக்கு கொண்டுவர நடவடிக்கை மேற்கொள்ளப்பட்டுள்ளன என்றார் அவர். 
எமன் தீர்த்தக் குளம் மிகவும் பிரசித்திப் பெற்றது. பக்தர்கள் நளன் தீர்த்தக் குளத்தைப்போல பயன்படுத்தக் கூடியது. மிகுந்த விசேஷம் கொண்டதாக விளங்கக் கூடியது. குளம் பயன்பாட்டுக்கு கொண்டுவரும் முன்பாக, சிறப்பு ஹோமம் நடத்தப்பட்டு, புண்ணிய தீர்த்தமாக உருவெடுக்க சிறப்பு பூஜைகள் செய்யப்படும் என சிவாச்சாரியார்கள் தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/jun/20/திருநள்ளாறில்-நிறைவு-நிலையில்-எமன்-தீர்த்தக்-குளம்-குளத்தைச்-சுற்றி-உடற்-பயிற்சி-செய்ய-ஏற்பாடு-2943294.html
2943293 நாகப்பட்டினம் காரைக்கால் நாளை யோகா தினம் : பொதுமக்கள், மாணவர்கள் பங்கேற்க அழைப்பு DIN DIN Wednesday, June 20, 2018 08:08 AM +0530 சர்வதேச யோகா தினத்தையொட்டி, வியாழக்கிழமை (ஜூன் 21) நடைபெறும் யோகா தின நிகழ்ச்சியில் பொதுமக்கள், மாணவர்கள் திரளாக பங்கேற்க அழைப்பு விடுக்கப்பட்டுள்ளது.
இதுகுறித்து காரைக்கால் மாவட்ட ஆட்சியர் அலுவலகம் சார்பில் வெளியிடப்பட்ட செய்திக் குறிப்பு : காரைக்கால் மாவட்ட நிர்வாகம் சார்பில், சர்வதேச யோகா தின விழா வியாழக்கிழமை (ஜூன் 21) நடைபெறவுள்ளது. காரைக்கால் கடற்கரையில் அன்று காலை 6 முதல்  7 மணி வரை நடைபெறும் நிகழ்ச்சியில், பொதுமக்கள், பள்ளி மற்றும் கல்லூரி மாணவ, மாணவியர் திரளாக கலந்துகொள்ளுமாறு அதில் அழைப்பு விடுக்கப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/jun/20/நாளை-யோகா-தினம்--பொதுமக்கள்-மாணவர்கள்-பங்கேற்க-அழைப்பு-2943293.html
2942209 நாகப்பட்டினம் காரைக்கால் மாணவர் நிலையை மேம்படுத்தும் பணியில் ஆசிரியர்கள் சிறப்பு கவனம் செலுத்த வேண்டும்: அமைச்சர் ஆர். கமலக்கண்ணன் DIN DIN Tuesday, June 19, 2018 12:39 AM +0530 கல்வித்துறையால் அறிவுறுத்தப்பட்டிருக்கும் 20 மாணவர்களுக்கு ஓர் ஆசிரியர் வீதம் என்ற திட்டத்தில், அவர்களது நிலையை உயர்த்தும் பணியில் ஆசிரியர்கள் சிறப்பு கவனம்  செலுத்த வேண்டும் என அமைச்சர் ஆர். கமலக்கண்ணண் கூறினார்.
காரைக்கால் மாவட்டம், திருநள்ளாறு பகுதி சேத்தூர் அரசு உயர்நிலைப் பள்ளிக்கு புதுச்சேரி வேளாண் மற்றும் கல்வித்துறை அமைச்சர் ஆர். கமலக்கண்ணன் திங்கள்கிழமை திடீர் ஆய்வு செய்தார்.
மாணவர்கள் வகுப்பறைக்குச் சென்று பார்வையிட்ட அவர், ஆசிரியர்களை வரவழைத்து அவர்களிடையே பல்வேறு ஆலோசனைகளை வழங்கினார். மாணவர்களுக்கு தயார்படுத்தப்பட்ட மதிய உணவுகளை அமைச்சர் சாப்பிட்டு, சுவை குறித்து பல்வேறு ஆலோசனைகளை வழங்கினார்.
ஆய்வு குறித்து அமைச்சர் கூறியது : சேத்தூர் அரசுப் பள்ளி கடந்த ஆண்டு பத்தாம் வகுப்புத் தேர்வில் 84 சதவீதம் தேர்ச்சி பெற்றது. பள்ளியில் மாணவர்கள் கல்வித்திறன் மேம்படவும், வருமாண்டு அரசுப் பள்ளியில் மாணவர்கள் சேர்க்கையை அதிகரிக்கச் செய்யவும் ஆசிரியர்கள் பங்களிப்பு எவ்வாறு இருக்க வேண்டும் என்பது குறித்து  ஆலோசனை வழங்கப்பட்டுள்ளது. பிரீ பிரைமரி என்கிற பால்வாடி வகுப்புகளுக்கு ஆசிரியர் இல்லை, உதவியாளர் இல்லை என பள்ளி நிர்வாகத்தினர் தெரிவித்தனர். அங்கிருந்த ஊர் முக்கிய பிரமுகர்கள், பெற்றோர் ஆசிரியர் சங்கத்தினரிடம், அரசு பணி நியமனம் செய்யப்படும் வரை தற்காலிக முறையில் இவர்களை நியமித்து ஊதியம் வழங்குமாறு கேட்டுக்கொண்டேன். இவர்களும் அதை ஏற்றுக்கொண்டுள்ளனர். பள்ளியில் சுற்றுச்சுவர் வேண்டும் என கோரினர். அரசு இதற்கான நிதி ஒதுக்கி விரைவில் கட்டுமானம் செய்யும். 
சேத்தூர் பள்ளியில் மதிய உணவை பரிசோதித்தபோது சுவையாக இருப்பது குறித்து பாராட்டு தெரிவித்தேன். பள்ளிக்கு வந்த மளிகைப் பொருள்களை ஆய்வு செய்தபோது, மிளகாய் சுவை மாறியிருப்பதை உணர்ந்தேன். இதுகுறித்து சம்பந்தப்பட்ட விநியோகஸ்தரை அழைத்துப் பேச
திட்டமிட்டுள்ளேன்.
ஒரு  ஆசிரியருக்கு 20 மாணவர்கள் வீதம் என்ற திட்டத்தை கல்வித்துறை அனைத்துப் பள்ளிகளுக்கும் சுற்றறிக்கையாக அனுப்பியுள்ளது. அந்த ஆசிரியர், தமது கட்டுப்பாட்டில் உள்ள 20 மாணவர்களின் கல்வி நிலை, குடும்பச் சூழல்,  உடல் ஆரோக்கியம் உள்ளிட்டவை குறித்து சிறப்பு கவனம் செலுத்த வேண்டும். இந்த கவனத்தின் மூலம் மாணவர்களது கல்வித்தரம் மேம்படும் என அரசு நினைக்கிறது. இதை அனைத்துப் பள்ளி ஆசிரியர்களும் பங்கெடுத்துக்கொண்டு செயல்பட வேண்டும்.
மாணவர்கள் மீது ஆசிரியர்களுக்கு உள்ள அக்கறையில் குறைவு சொல்ல முடியாது. மேலும், இதை சிறக்கச் செய்ய வேண்டும் என்பதே அரசின் விருப்பம்.
ஒவ்வொரு பள்ளியிலும் பெற்றோரை அழைத்து அடிக்கடி கூட்டம் நடத்த வேண்டும். முக்கியமான கூட்டங்களுக்கு துறை அமைச்சர் என்ற முறையில் எனக்கும், கல்வித்துறை அலுவலர்களுக்கும் தெரிவித்தால் நாங்களும் பங்கேற்போம் என பள்ளி நிர்வாகங்களுக்கு அறிவுறுத்தி வருகிறேன்.
நாட்டில் 7 மாநிலங்களில் பெங்களூருவை சேர்ந்த அட்சியபாத்திரா என்கிற தன்னார்வ நிறுவனம், பள்ளியில் மதிய உணவில் சில மாற்றங்களை ஏற்படுத்தி வழங்கி வருகிறது. இந்த நிறுவனத்துடன் புதுச்சேரி அரசு ஒப்பந்தம் செய்துள்ளது. புதுச்சேரியில் அடுத்த  சில மாதங்களில் மதிய உணவில் சில மாற்றம் செய்யப்பட்டு மாணவர்களுக்கு வழங்கப்படவுள்ளது. இதற்கு நவீன சமையலறை தேவை என்பாதல் அதற்கான அமைப்பு புதுச்சேரியில் உருவாக்கப்படுகிறது. அடுத்த ஆண்டு காரைக்காலில் இது நடைமுறைப்படுத்தப்படும் என்றார் அமைச்சர்.
ஆய்வின்போது, முதன்மைக் கல்வி அலுவலர் அ. அல்லி, வட்ட துணை ஆய்வாளர் கார்த்திகேசன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-nagapattinam/karaikal/2018/jun/19/மாணவர்-நிலையை-மேம்படுத்தும்-பணியில்-ஆசிரியர்கள்-சிறப்பு-கவனம்-செலுத்த-வேண்டும்-அமைச்சர்-ஆர்-கமலக்க-2942209.html
2942208 நாகப்பட்டினம் காரைக்கால் மாங்கனித் திருவிழா ஏற்பாடுகள்: எம்.எல்.ஏ. ஆய்வு DIN DIN Tuesday, June 19, 2018 12:38 AM +0530 காரைக்கால் மாங்கனித் திருவிழா ஏற்பாடுகள் குறித்து சட்டப் பேரவை உறுப்பினர் கே.ஏ.யு.  அசனா திங்கள்கிழமை ஆய்வு செய்தார்.
காரைக்காலில் மாங்கனித் திருவிழா வரும் 25 -ஆம் தேதி மாப்பிள்ளை அழைப்புடன் தொடங்குகிறது. முக்கிய நிகழ்ச்சிகள் 28 -ஆம் தேதி வரை நடைபெறுகின்றன. ஜூலை மாத இறுதியில் விடையாற்றி நடைபெறுகிறது.  அதுவரை மணிமண்டபத்தில் கலைநிகழ்ச்சிகள், திருவிழா கடைகள் இருக்கும். தினமும் ஆயிரக்கணக்கான மக்கள் இந்த பகுதிக்கு வந்து செல்வர்.
திருவிழாவுக்கான ஏற்பாடுகளை கோயில் நிர்வாகத்தினர் தீவிரமாக செய்து வருகின்றனர். காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு. அசனா, திருவிழாவுக்கான ஏற்பாடுகளை அறியும் வகையில் கோயிலுக்கு திங்கள்கிழமை சென்றார். 
தலைவர் கேசவன், செயலர் பக்கிரிசாமி, துணைத் தலைவர் ஆறுமுகம், பொருளாளர் ரஞ்சன், உறுப்பினர் பிரகாஷ் ஆகியோர் திருவிழாவுக்கான ஏற்பாடுகள் குறித்து பேரவை உறுப்பினருக்கு விளக்கினர்.
பரமதத்தர் பாண்டிய நாடு செல்லும் வகையில் கப்பல் வாகனம் பயன்படுத்தப்படுகிறது.  இது  சிதிலமடைந்த நிலையில், ரூ. 2.5 லட்சம் செலவில் சீரமைப்புப் பணி நடைபெறுகிறது. இந்த பணி நிறைவடையும் நிலையில் உள்ளதை பேரவை உறுப்பினர் பார்வையிட்டார். திருவிழா பந்தல் அமைக்கும் பணி, கோயில் கருங்கல் தளத்தில் ஏற்பட்டிருந்த விரிசலையொட்டி வலுவூட்டும் பணியையும் அவர் பார்வையிட்டார்.
அம்மையார் குளத்தில் பழுதடைந்த மின் விளக்குகளை சீர்செய்தல், குடிநீர் குழாய் பதிப்புக்காக சாலையோரத்தில் தோண்டப்பட்ட பள்ளங்களை சீரமைத்தல், தற்காலிக கழிப்பறை வசதி செய்து தருதல், குடிநீர் வசதி செய்து தருதல் போன்றவை குறித்து அறங்காவல் குழுவினர் பேரவை உறுப்பினரின் ஆதரவை கோரினர்.
இதுகுறித்து மாவட்ட நிர்வாகம், சம்பந்தப்பட்ட துறையினரிடம் பேசி போர்க்கால அடிப்படையில் பணிகளை செய்ய ஏற்பாடு செய்வதாக பேரவை உறுப்பினர் கூறினார். திருக்கல்யாணம், பிச்சாண்டவர் புறப்பாட்டின்போது பக்தர்கள் திரளாக கலந்துகொள்வர் என்பதால், பக்தர்கள் அனைவரும் சுவாமியை தரிசனம் செய்யும் வகையில் கோயில் நிர்வாகத்தினர் செய்து வரும் ஏற்பாடுகள் குறித்து பேரவை உறுப்பினர்களிடம் அறங்காவல் வாரியத்தினர் விளக்கினர்.
 

]]>
http://www.dinamani.com/all-editions/edition-nagapattinam/karaikal/2018/jun/19/மாங்கனித்-திருவிழா-ஏற்பாடுகள்-எம்எல்ஏ-ஆய்வு-2942208.html
2942207 நாகப்பட்டினம் காரைக்கால் ஜூன் 21-இல் பள்ளி திறப்பு: கேந்திரிய வித்யாலயத்தில் ஆய்வக கட்டமைப்புப் பணி தீவிரம் DIN DIN Tuesday, June 19, 2018 12:38 AM +0530 கேந்திரிய வித்யாலயத்தில் ஆய்வுக்கூட கட்டமைப்புப் பணி தீவிரமாக நடைபெற்று வருகிறது. 21 -ஆம் தேதி கோடை விடுமுறைக்குப் பிறகு பள்ளி திறக்கப்படுகிறது என பள்ளி முதல்வர் தெரிவித்தார்.
காரைக்கால் மாவட்டம், நிரவியில் தற்காலிக இடத்தில் மத்திய மனிதவள மேம்பாட்டுத்துறையின் கேந்திரிய வித்யாலயா பள்ளி இயங்கி வருகிறது. 1 முதல் பிளஸ் 2 வரை மாணவர்கள் பயின்று வருகின்றனர்.
இந்த பள்ளியில் 10 -ஆம் வகுப்பு மாணவர்கள் முதல் ஆய்வுக்கூடத்தை பயன்படுத்தியாக வேண்டும். ஆனால், பள்ளியில் ஆய்வுக்கூடம், கூடுதல் வகுப்பறை இல்லாத நிலையில், பிளஸ் 1 சேர்க்கைக்கு கேந்திரிய வித்யாலயா தலைமையகம் அனுமதி தராமல் இருந்தது. மாவட்ட நிர்வாகம் சொந்த ஏற்பாட்டில் ஆய்வுக்கூடம், வகுப்பறைக்கூடம் அமைத்துத் தருவதாக உறுதியளித்ததன் பேரில் கடந்த 2017 -ஆம் கல்வியாண்டில் பிளஸ் 1 சேர்க்கைக்கு அனுமதி தந்தது. ரூ. 30 லட்சம் செலவில்  3 பாடங்களுக்கான ஆய்வுக்கூடம், வகுப்பறைக்கூடத்தை மாவட்ட நிர்வாகம், பொதுப்பணித்துறை மூலம் அமைக்கத் தொடங்கியது.
ஆனால், ஆய்வுக்கூடம் தயாராகாத நிலையில் 10 -ஆம் வகுப்பு, பிளஸ் 1 மாணவர்கள் தவிப்புடன் அடுத்த வகுப்புக்குச் சென்றனர். இதுகுறித்து பெற்றோர்கள், மாணவர்கள் தரப்பில் புகார் எழுந்த நிலையில், மாவட்ட ஆட்சியர் ஆர். கேசவன், இக்கட்டுமானங்களை குறிப்பிட்ட காலத்தில் முடித்துத் தரும்படி பொதுப் பணித் துறைக்கு உத்தரவிட்டார்.
இந்த நிலையில், ஆய்வுக்கூடத்தில் உள்கட்டமைப்புப் பணிகள் கடந்த 15 நாள்களாக வேகமாக நடைபெற்று வருகிறது. இதுகுறித்து பள்ளி முதல்வர் வாசகன் திங்கள்கிழமை கூறும்போது, கோடை விடுமுறைக்காலம் நிறைவடைந்து, ஜூன்  21 -ஆம் தேதி பள்ளி திறக்கப்படுகிறது. பிளஸ் 1 சேர்க்கைக்கான பட்டியல் வெளியிடப்பட்டுவிட்டது. ஆய்வுக்கூடம் அமைக்கும் பணி தினமும் வேகமாக நடைபெற்று வருகிறது. இந்த பணிகள் அடுத்த 10 நாள்களில் முடித்து ஒப்படைக்கப்படும் என எதிர்பார்க்கிறோம். ஆய்வகத்தில் பொருத்த வேண்டிய பள்ளி  சாதனங்கள் பெரும்பாலானவை தயார் நிலையில் உள்ளன. மேலும், சில பொருள்கள் வரவழைக்க ஏற்பாடுகள் செய்துள்ளோம் என்றார்.
ஆய்வுக்கூடத்தில் மேடை அமைத்தல், மேடையில் கிரானைட் கல் பதிப்பு, கேஸ் குழாய் பதிப்பு, மின் வசதிகள், தரைத்தளம் புதுப்பித்தல் போன்ற பணிகள் செய்து முடிக்கப்பட்டுள்ளன.
மாணவர்கள் கை கழுவதற்கான சிங்க் பொருத்த வேண்டியுள்ளது. மேலும், வண்ணம் பூசும் பணி செய்ய வேண்டியுள்ளதாக தெரிவிக்கப்படுகிறது. பள்ளியில் பிளஸ் 1 சேர்க்கை அனுமதி கிடைத்த மாணவர்கள், 10-ஆம் வகுப்பு, பிளஸ் 2 சென்ற மாணவர்கள், பள்ளிக்குச் சென்று ஆய்வுக்கூடப் பணியை பார்வையிட்டுத் திரும்புகின்றனர். ஆய்வுக்கூட மேம்பாட்டுப் பணி மாணவர்களிடையே மகிழ்ச்சியை ஏற்படுத்தியுள்ளதாக கூறப்படுகிறது.
 

]]>
http://www.dinamani.com/all-editions/edition-nagapattinam/karaikal/2018/jun/19/ஜூன்-21-இல்-பள்ளி-திறப்பு-கேந்திரிய-வித்யாலயத்தில்-ஆய்வக-கட்டமைப்புப்-பணி-தீவிரம்-2942207.html
2942206 நாகப்பட்டினம் காரைக்கால் பள்ளி, கல்லூரி வாகனங்கள் சோதனை DIN DIN Tuesday, June 19, 2018 12:38 AM +0530 காரைக்காலில் பள்ளி, கல்லூரி வாகனங்களை போக்குவரத்துத் துறை அலுவலர்கள் திங்கள்கிழமை சோதனை செய்யும் பணியை தொடங்கினர்.
காரைக்காலில் விடுமுறை முடிந்து கடந்த 4 -ஆம் தேதி பள்ளிகள் திறக்கப்பட்டன. வழக்கமாக பள்ளி, கல்லூரிகள் விடுமுறை காலத்தில் இருக்கும்போதே, போக்குவரத்துத் துறையினரால் மாணவர்கள் செல்லும் வாகனங்கள் சோதனைக்குள்ளாக்கப்படுவது வழக்கம்.
நிகழாண்டு பள்ளிகள் திறக்கும் தருணம் வரை செய்யப்படவில்லை. மாணவர்கள் நலன் கருதி போக்குவரத்துத் துறையினர் சோதனைப் பணியைச் செய்ய வேண்டும் என பல்வேறு தரப்பினர் வலியுறுத்தினர். 
இந்நிலையில், காரைக்கால் போக்குவரத்துத் துறையினர் திங்கள்கிழமை சோதனைப் பணியைத் தொடங்கினர். 3 நாள்கள் சோதனைத் திட்டத்தில் குறிப்பிட்ட பள்ளி வாகனங்கள் முதல்நாளில் வரவழைக்கப்பட்டன. போக்குவரத்து துணை ஆய்வாளர் கல்விமாறன், குமரேசன் ஆகியோர் இந்த பணியில் ஈடுபட்டனர். இதில் புதுச்சேரி அரசு சார்பில், சலுகை கட்டணத்தில் இயக்கப்பட்டு வரும்  மாணவர் சிறப்புப் பேருந்துகள் உள்பட அரசு உதவி பெறும் பள்ளி, தனியார் பள்ளிகளைச் சேர்ந்த மொத்தம் 180 வாகனங்கள் சோனைக்கு உள்ளாக்கப்படுகின்றன. முதல்நாளில்  68 வாகனங்கள் சோதனைக்குள்ளாக்கப்பட்டன. வாகனங்களில் மாணவர்களுக்கு செய்யப்பட்டிருக்கும் இருக்கை வசதிகள், அவசர கால திறப்பு கதவுகள், முதலுதவிப் பெட்டிகள், வேகக் கட்டுப்பாட்டுக் கருவி, விழிப்புணர்வு ஸ்டிக்கர்கள் உள்ளிட்டவை சரியாக இருக்கிறதா என்பதை குழுவினர் ஆய்வு செய்தனர். 
அரசின் விதிமுறைகளுக்கு உள்பட்டு வாகனங்கள் இருக்க வேண்டுமென்று, கல்வி நிறுவனங்களுக்கும், வாகனங்களை இயக்குவோருக்கும் அறிவுறுத்தப்பட்டது. செல்லிடப்பேசியில் பேசிக்கொண்டும், மது அருந்திவிட்டும் வாகனம் ஓட்டக்கூடாது, சீட் பெல்ட் அணிந்து செல்ல வேண்டும், வாகனத்துக்குரிய ஆவணங்கள் வைத்திருக்க வேண்டும் உள்ளிட்ட ஆலோசனைகள் ஓட்டுநர்களுக்கு தெரிவிக்கப்பட்டன.
முதல்நாளில் 20 வாகனங்கள் ஆய்வில் திருப்தியில்லாதால் அவற்றை சரிசெய்து வரும்படி அனுப்பப்பட்டன. 
 

]]>
http://www.dinamani.com/all-editions/edition-nagapattinam/karaikal/2018/jun/19/பள்ளி-கல்லூரி-வாகனங்கள்-சோதனை-2942206.html
2942205 நாகப்பட்டினம் காரைக்கால் பொன் விழா ஆண்டில் திருமலைராயன்பட்டினம் ஐ.டி.ஐ. நவீன வசதிகளுடன்  மேம்படுத்துமா புதுச்சேரி அரசு ? என்.எஸ்.செல்வமுத்துக்குமாரசாமி DIN Tuesday, June 19, 2018 12:37 AM +0530 காரைக்கால் பகுதி  திருமலைராயன்பட்டினத்தில் 1968-இல் தொடங்கப்பட்ட அரசு தொழிற் பயிற்சி நிலையம், பொன் விழா ஆண்டில் தற்போது நிற்கிறது. மாணவர்களை ஈர்க்கும் வகையிலும், ஆசிரியர் பங்களிப்பு நிலைத்தன்மையுடன் இருக்கும் வகையிலும், நிலையத்தின் உள்கட்டமைப்பு வசதிகளை மேம்படுத்தும் நிலையிலும், நவீன வசதிகளை உள்ளடக்கும் விதத்தில் புதுச்சேரி அரசு நடவடிக்கை எடுக்கவேண்டும் என பல்வேறு தரப்பினர்  வலியுறுத்துகின்றனர்.
புதுச்சேரி அரசின், தொழிலாளர் துறையின்கீழ் காரைக்கால் மாவட்டம், திருமலைராயன்பட்டினத்தில் ஆண், பெண் இருபாலருக்கென தனித்தனி தொழிற் பயிற்சி நிலையம் உள்ளது.
ஆண்கள் தொழிற் பயிற்சி நிலையம் 1968-ஆம் ஆண்டு தொடங்கப்பட்டது.  ஃபிட்டர், டர்னர், மெஷினிஸ்ட், வெல்டர், இன்ஸ்ட்ரூமென்ட் மெக்கானிக், ஒயர்மேன், மேஸன், தகவல் தொழில்நுட்பம், எலக்ட்ரீஷியன்,  ஃபிரிட்ஜ்- ஏசி மெக்கானிக் உள்ளிட்ட 15 வகையான பிரிவுகள் உள்ளன. ஒவ்வொரு  பிரிவும் ஓர் ஆண்டு, இரண்டு ஆண்டு கல்விக் காலத்தில் உள்ளது. மாணவர்கள் 8-ஆம் வகுப்புத் தேர்ச்சி, 10-ஆம் வகுப்பு தேர்ச்சி பெற்றவர்கள் சேர்த்துக்கொள்ளப்படுகிறார்கள்.
தொடக்கக் காலத்தில் மாணவர்கள் சுமார் 750 பேர் பயின்றனர். நிலைய முதல்வர் முதல் பயிற்றுநர், மாணவர்கள் என அனைவரும் தொழில் நேர்த்தி, கல்வி பயில்வதில் நேர்த்தியுடன் இருந்த காரணங்களாலும், இந்திய அளவிலும், உலகின் பல நாடுகளில் வேலைவாய்ப்புகள் இருக்கும் சூழலைப் பயன்படுத்தி, ஐ.டி.ஐ. மாணவர்கள் அந்த வேலைகளில் சேர்ந்தனர். இந்த பெருமை புதுச்சேரி மாநிலத்தில் திருமலைராயன்பட்டினம் ஐ.டி.ஐ.க்கு மட்டுமே ஏற்பட்டதை காரைக்கால் மக்கள் உறுதியாக தெரிவிக்கின்றனர்.
இந்த ஐ.டி.ஐ.யில் படித்து பல்வேறு நாடுகள், உள்நாட்டில்  பல நிறுவனங்களில் பணிக்கு சேர்ந்தோர் நிலையைப் பார்த்து, இந்த ஐ.டி.ஐ.யில் சேர்ந்து பயிலவேண்டும் என்ற மனோபாவம் காரைக்கால் மாணவர்கள் பலருக்கு ஏற்பட்டதை மறுக்க முடியாது. தேசிய அளவிலான போட்டியில் இந்த ஐ.டி.ஐ. மாணவர்கள் சிறந்த பரிசுகளை பெற்று பெருமை சேர்த்துள்ளனர்.
இந்த ஐ.டி.ஐ. 1968-ஆம் ஆண்டு கட்டப்பட்ட கட்டடங்களோடு இன்னும் இயங்கிவருகிறது. மத்திய அரசின் நிதியுதவியில் ஒரு கட்டடம் மட்டுமே இங்கு கூடுதலாக கட்டப்பட்டுள்ளது. வேறு எந்த மேம்பாடும் தொடர் ஆண்டுகளில் புதுச்சேரி அரசால் செய்யப்படவில்லை.
இவ்வகையில் புகழுடன் வளர்ந்துவந்த இந்த ஐ.டி.ஐ. தற்போது பொன் விழா ஆண்டில் பார்க்கும்போது, மிகவும் நலிந்த நிலையில் இருப்பது  சமூக ஆர்வலர்கள், முன்னாள் ஐ.டி.ஐ. மாணவர்கள் உள்ளிட்டோரிடையே கவலையை ஏற்படுத்தியுள்ளது.
தற்போது,  இந்த ஐ.டி.ஐ.யில் 550 மாணவர்கள் தொழிற் பயிற்சி பெறுகின்றனர். ஷிப்டு முறையில் ஒவ்வொரு பிரிவிலும் 16 மாணவர்கள், 21 மாணவர்கள் என பயிற்சி பெறுகின்றனர். இவர்கள் பயிற்சி பெறுவதற்கான இயந்திரங்கள் பழைமையானவை.  பயிற்சிக் கூடம் யாவும் இயந்திரங்கள் செயல்படும் நிலையில், போதுமான காற்றோட்ட வசதிகள் இல்லாத அமைப்பே உள்ளது. மின் விசிறிகள் பல பழுதாகியிருக்கின்றன. தொழிற்சாலைகளுக்கான விதிகளை மீறி பல இடங்கள் அடைக்கப்பட்டு நெருக்கடி காணப்படுகிறது. இதனால் மாணவர்கள் பயிற்சிக்கு சேர்ந்தும், தொடர்ந்து நிலையத்திற்கு செல்லாமல் இடை நிற்றல் ஏற்பட்டுவிடுவதாக கூறப்படுகிறது. மாணவர்கள் இடை நிற்றலுக்கு உள்கட்டமைப்பு, சுகாதாரமற்ற சூழலே காரணம் என மாணவர்கள் தரப்பில் தெரிவிக்கப்படுகிறது.
கடந்த 5 ஆண்டுகளுக்கு முன்பு மெஷினிஸ்ட் பிரிவுக்கு மத்திய  அரசு நிதி ரூ.90 லட்சத்தில் இயந்திரம் மாணவர்கள் பயிற்சிக்காக வாங்கி வைக்கப்பட்டுள்ளது. இதுவரை அந்த இயந்திரத்தை மாணவர்கள் பயிற்சிக்காக பயன்படுத்தியது இல்லை என கூறப்படுகிறது. இந்த பிரிவு, ஊழியர்கள் இருசக்கர வாகனங்கள் பாதுகாப்புமிடமாக மாறியிருக்கிறது. 
எல்லாவற்றுக்கும் மேலாக, நிலையத்தில் டர்னர், மெஷினிஸ்ட் ஆகிய பிரிவுகளில் நிகழாண்டு மாணவர் சேர்க்கை இல்லை என தெரிவிக்கப்பட்டுவிட்டது. இதனை புதுச்சேரிக்கு மாற்றிவிடும் நோக்கில் சிலர் திட்டமிட்டு செயல்பட்டுவிட்டதாக புகார் கூறப்படுகிறது. காலப்போக்கில் ஒவ்வொரு பிரிவும் மறைமுகமாக அகற்றப்பட்டுவிட்டால், நிலையம் நிரந்தரமாக அடுத்த சில ஆண்டுகளில் மூடிவிடும் நிலைக்கு வந்துவிடும் என கூறுகின்றனர்.
நிலையத்தில் ஆசிரியர்கள் 30 பேர்  பணியாற்றினாலும் முதல்வர் மற்றும் 10 ஆசிரியர் வரை புதுச்சேரி பிராந்தியத்தை சேர்ந்தவர்களாக இருக்கிறார்கள். புதுச்சேரியிலிருந்து வருவோர், பணி நாள்களில் குறித்த நேரத்தில் பணிக்கு வருவதில்லை. சில நாள்கள் மட்டும் பணியாற்றுவதாக மாணவர்கள் தரப்பில் புகார் கூறப்படுகிறது. ஆசிரியர்கள் வருகை குறித்தோ, இயந்திரங்களைப் பயன்படுத்தி பயிற்சி தராமலிருப்பது குறித்தோ கேள்வி எழுப்ப முடியவில்லை. வருகைப் பதிவேட்டில் மாணவர் வரவில்லையென பதிவு செய்ய வாய்ப்புண்டு என மாணவர்கள் தரப்பில் அச்சம் தெரிவிக்கப்படுகிறது.
இவையெல்லாம் நிர்வாகம் தரப்பிலான குறைகளாக கூறப்பட்டாலும், மாணவர்களில் பலரும் நிலையத்திற்கு நேரத்திற்கு வருவதில்லை. நிலையத்தின் பயிற்சியை நேர்த்தியாக பெறுவதில்லை உள்ளிட்ட குறைபாடுகளும் கூறப்படுகின்றன.
ஏறக்குறைய ரூ.5 முதல் ரூ.8 கோடி மதிப்பிலான இயந்திரங்கள் இந்த நிலையத்தில் உள்ளன. இவைகளைக்கொண்டு மாணவர்களுக்கு பயிற்சி அளிக்கவேண்டும். மாணவர்கள் தேவையை கருத்தில்கொண்டோ, மாணவர்கள் எதிர்காலத்தைக் கருத்தில்கொண்டோ நிலைய மேம்பாட்டு  செயல்பாடுகளில் யாரும் கவனம் செலுத்தவில்லை என்றும் புகார் கூறப்படுகிறது.
மத்திய அரசின் நிதியுதவியில், நிலைய வளாகத்தில் புதிதாக ஒரு கட்டடம் கட்டப்பட்டு, அதில் மெஷினிஸ்ட் பயிற்சி அளிக்க ஏற்பாடு செய்யப்பட்டதாம். இந்த பயிற்சி நோக்கிற்காகவே இந்த கட்டடம் கட்டப்பட்டுள்ளது. ஆனால்,  அவ்வாறு செய்யாமல், நிலையத்தின் பொருள் காப்பகமாக மாற்றப்பட்டுள்ளதாக வேதனை தெரிவிக்கப்படுகிறது.
ஆசிரியர்களில் பெரும்பான்மையினர், மாணவர்களில் பெரும்பான்மையினரிடையே ஈடுபாட்டுடன் கூடிய செயல்பாடுகள் இந்த நிலையத்தில் இல்லாததால், பொன் விழா ஆண்டில் மிளிரும் வகையில் இருக்கவேண்டிய ஐ.டி.ஐ., நலிவடைந்திருக்கும் காட்சியைக் காணமுடிகிறது.
நிலையத்தில் கட்டுப்பாடுகள், விதிகளின்படி செயல்படுதல் போன்றவை மறைந்துவிட்டன. தொழிலாளர் துறைக்கும் காரைக்காலில் வலுவான அலுவலர் இல்லை.  
மாவட்டத்தில் பணியாற்றும் எந்தவொரு ஆட்சியரும் இந்த நிலையம் பக்கமே செல்வதில்லை. நிலையம் புதுச்சேரி தலைமையகத்தின் பார்வையில் இருப்பதால், இதன் செயல்பாடுகள் குறித்து அறிய யாருக்கும் வாய்ப்பில்லை. கேட்பாரற்ற போக்கிலேயே இந்த நிலையம்  சென்றுகொண்டிருக்கிறது. இவையெல்லாம் இந்த நிலையத்தை நம்பி சேர்ந்த மாணவர்களின் எதிர்காலத்தை பாதிக்கச் செய்வதோடு மட்டுமல்லாது, வரும் காலத்தில் பள்ளிக் கல்வியை முடித்து நிலையத்தில் கட்டணமின்றி தொழிற் பயிற்சி எடுக்க நினைக்கும் மாணவர்களுக்கும் ஏமாற்றத்தை ஏற்படுத்தக்கூடியதாக அமைந்திருக்கிறது.
நிலைய அலுவலர்கள் தரப்பில் இதுகுறித்து கூறும்போது, வருகைப் பதிவுக்கு பயோ மெட்ரிக் முறை இங்கு உள்ளது. இயந்திரங்கள் பயிற்றுநர்கள் பார்வையில் கவனமாக இயக்கப்படுகிறது. சில பிரிவுகளைப் படிப்போருக்கு உள்ளூரில் வேலை வாய்ப்பு கிடைக்காததால், மாணவர்கள் சில பிரிவுகளுக்கு சேர வருவதில்லை. ஆசிரியர்கள் செய்யவேண்டிய கடமையை, அவரவர் நேரத்தில் சரியாக செய்துவிடுகின்றனர் என்றனர்.
நிலைய முதல்வர் பி.முருகையன் கூறும்போது, நிலையத்தில் பயன்பாட்டில் இருந்த டர்னர், மெஷினிஸ்ட் பிரிவுகள் நிகழாண்டு சேர்க்கை குறிப்பேட்டில் இடம்பெறவில்லை. இவற்றில் மாணவர் சேர்க்கை கடந்த ஆண்டுகளில் மிக குறைவாக இருந்தது. இதற்காக தனி குழு நேரில் வந்து ஆய்வு செய்து, இதனை நிகழாண்டு நிறுத்திவைக்க முடிவு செய்தனர். ஆனால்,  இந்த பிரிவுகள் வேண்டும் என பலரும் கோரிக்கை வைக்கும் நிலையில், மாணவர் சேர்க்கையை நிகழாண்டு  இப்பிரிவுகளுக்கு செய்ய அனுமதி கிடைத்துள்ளது. இதுகுறித்த விவரம் தகவல் பலகையில் தெரிவிக்கப்படும். நிலையத்தில் இதுதொடர்பான பிரச்னைக்கு முற்றுப்புள்ளி வைக்கப்பட்டுவிட்டது.  புதுதாக கேட்டரிங் போன்ற பிரிவுகள் தொடங்கும் நடவடிக்கைகளும் எடுக்கப்படுகின்றன. பிரிவுகளுக்கான மாணவர் சேர்க்கை நடந்துகொண்டிருக்கிறது என்றார்.
பாலிடெக்னிக் கல்லூரி என்பது உயர்கல்வித்துறையின் கட்டுப்பாட்டில் உள்ளது. கடந்த சில ஆண்டுகளாகவே பாலிடெக்னிக் கல்லூரியில் மாணவர் சேர்க்கை குறைந்துவருகிறது. மாணவர் சேர்க்கை அதிகரிக்கவேண்டும், பாலிடெக்னிக் கல்வித்தரம் மேம்படவேண்டும், வேலைவாய்ப்புகளை கல்லூரி நிர்வாகம் உருவாக்கவேண்டும் என பொதுவாக வலியுறுத்தல் இருந்துவருகிறது.
இதோடு, ஐ.டி.ஐ.யின் நிலையும் சேர்ந்திருப்பது சமூக ஆர்வலர்களை வேதனைக்குள்ளாக்கியுள்ளது. திருமலைராயன்பட்டினம் நிலையம் ஏறக்குறைய 75 ஏக்கர் பரப்பில் அமைந்திருக்கிறது. மாநிலத்தின் சிறந்த ஐ.டி.ஐ. என பெயர் பெற்ற இது மிகவும் நலிந்த நிலையில் காணப்படுவதை களைய அரசு நடவடிக்கை எடுக்கவேண்டும். அரசு பாராமுகமாக இருக்கும்பட்சத்தில், அடுத்த சில ஆண்டுகளில் இந்த ஐ.டி.ஐ. மூடும் நிலைக்கு தள்ளப்பட்டுவிடும்.
புதுச்சேரி துணை நிலை ஆளுநர் கிரண்பேடி, காரைக்கால் மாவட்டத்தில் உள்ள இந்த ஐ.டி.ஐ.யை மேம்படுத்தும் வகையில் சிறப்பு கவனம் செலுத்தவேண்டும். அவர் நேரில் வந்து  இதனை ஆய்வு செய்யவேண்டும். முதல்வரும், நலத்துறை அமைச்சரும் தனியாக இங்கு ஆய்வு செய்யவேண்டும். தகுதியான, அர்ப்பணிப்பு உணர்வுடன் பணியாற்றக்கூடிய ஆசிரியர்களை இங்கு நியமிக்கவேண்டும். சில சீர்திருத்த நடவடிக்கைகள் எடுத்தால் மட்டுமே நிலையத்தைக் காப்பாற்ற முடியும் என்ற நிலை ஏற்பட்டுள்ளது. பள்ளிக் கல்வி முடித்த மாணவர்களுக்கு நேரடியாக தொழிற் பயிற்சி தரும் அற்புத நிலையமாக உள்ள இதனை, இந்த பொன் விழா ஆண்டில் மேம்படுத்தவேண்டும் என்பதே காரைக்காலில் உள்ள பெரும்பான்மையினர் விருப்பமாக உள்ளது.
 

]]>
http://www.dinamani.com/all-editions/edition-nagapattinam/karaikal/2018/jun/19/பொன்-விழா-ஆண்டில்-திருமலைராயன்பட்டினம்-ஐடிஐ-நவீன-வசதிகளுடன்-மேம்படுத்துமா-புதுச்சேரி-அரசு--2942205.html
2942204 நாகப்பட்டினம் காரைக்கால் பொதுப்பணித்துறை அலுவலகத்தை முற்றுகையிட்டு பல்நோக்குப் பணியாளர்கள் போராட்டம் DIN DIN Tuesday, June 19, 2018 12:36 AM +0530 பதவி உயர்வு வழங்க வலியுறுத்தி, பொதுப்பணித்துறை அலுவலகத்தை முற்றுகையிட்டு பல்நோக்குப் பணியாளர்கள் போராட்டம் நடத்தினர்.
காரைக்கால் பொதுப் பணித்துறை பல்நோக்குப் பணியாளர்கள் (எம்.டி.எஸ்.) சங்கத்தினர், தங்களுக்கு பதவி உயர்வு வழங்க வலியுறுத்தி, பலகட்டப் போராட்டங்களில் ஈடுபட்டு வருகின்றனர்.
புதுச்சேரி மாநில சங்கத் தலைமையின் அறிவுறுத்தலின்படி, காரைக்கால் பொதுப் பணித்துறை கண்காணிப்புப் பொறியாளர் அலுவலகத்தை திங்கள்கிழமை பணியாளர்கள் முற்றுகையிட்டனர். போராட்டத்தில் ஈடுபட்ட சங்கத் தலைவர் நாகராஜன் கூறியது : பொதுப் பணித் துறையில் என்.எம்.ஆர்., சி.எல்.ஆர். என்ற நிலையில் கடந்த 20 ஆண்டுகளாக பணியாற்றி வருகிறோம். தற்போது பல்நோக்குப் பணியாளர்  நிலையில் பணியாற்றி வருகிறோம். காரைக்காலில் 150 பேர் இந்த நிலையில் பணியில் உள்ளோம்.
ஓட்டுநர், எல்.டி.சி., பணி, மெக்கானிக் உள்ளிட்ட பல்வேறு பணிகளை செய்கிறோம். அலுவலகத்தின் முக்கியமான பணிகளைக்கூட எங்கள் ஊழியர்கள் செய்கின்றனர். நியாயமாக வழங்க வேண்டிய பதவி உயர்வை புதுச்சேரி அரசு இதுவரை வழங்கவில்லை. இதே நிலையில் பணி ஓய்வு பெறும் நிலையை நோக்கி ஊழியர்கள் பலர் உள்ளனர். எங்களது கோரிக்கையை புதுச்சேரி அரசு உடனடியாக நிறைவேற்ற வேண்டும். இதில் அலட்சியம் காட்டப்பட்டால், ஊழியர்கள் ஒருங்கிணைந்து அரசுக்கு எதிராக பலகட்டப் போராட்டங்களை தொடர்ந்து மேற்கொள்வோம் என்றார். இந்த போராட்டத்தில் 30 -க்கும் மேற்பட்டோர் கலந்துகொண்டனர். பொதுப் பணித்துறை தலைமை அலுவலர்கள் பேச்சுவார்த்தை நடத்தியதன்பேரில், போராட்டத்தைக் கைவிட்டனர்.

]]>
http://www.dinamani.com/all-editions/edition-nagapattinam/karaikal/2018/jun/19/பொதுப்பணித்துறை-அலுவலகத்தை-முற்றுகையிட்டு-பல்நோக்குப்-பணியாளர்கள்-போராட்டம்-2942204.html
2942203 நாகப்பட்டினம் காரைக்கால் ஊதியப் பிரச்னை : ரேஷன் கடை ஊழியர்கள் இன்று முதல் மீண்டும் வேலை நிறுத்தம் DIN DIN Tuesday, June 19, 2018 12:35 AM +0530 வாக்குறுதி அளித்தவாறு ஊதியம் தராததைக் கண்டித்து செவ்வாய்க்கிழமை (ஜூன் 19) முதல் மீண்டும் வேலை நிறுத்தம் செய்ய ரேஷன் கடை ஊழியர்கள் முடிவு செய்துள்ளனர்.
காரைக்கால் கூட்டுறவு நியாய விலைக்கடை ஊழியர் சங்கத்தினர் திங்கள்கிழமை கூறியது: கடந்த  மே 25 முதல் ஜூன் 5-ஆம் தேதி வரை ரேஷன் கடை ஊழியர்களுக்கு நிலுவையில் உள்ள ஊதியத்தை தரக் கோரி கடைகளை அடைத்துப் போராட்டத்தில் ஈடுபட்டோம். ஜூன் 4-ஆம் தேதி சட்டப் பேரவையில் பேசிய கூட்டுறவுத் துறை அமைச்சர், 10 நாள்களில் 5 மாத ஊதியம் தரப்படும் என்றும் ஆகஸ்ட் மாதத்திற்குள் நிலுவை ஊதியத்தை வழங்க ஏற்பாடு செய்யப்படும் என்றும் கூறினார். ஆனால், ஜூன் 18- ஆம் தேதி வரை வாக்குறுதி அளித்தவாறு ஊதியம் தரப்படவில்லை. எனவே, செவ்வாய்க்கிழமை முதல் மீண்டும் வேலை நிறுத்தப் போராட்டத்தில் ஈடுபட முடிவு செய்துள்ளோம் என தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/jun/19/ஊதியப்-பிரச்னை--ரேஷன்-கடை-ஊழியர்கள்-இன்று-முதல்-மீண்டும்-வேலை-நிறுத்தம்-2942203.html
2942202 நாகப்பட்டினம் காரைக்கால் என்.சி.சி.  சிறப்பு பயிற்சி முகாம் நிறைவு DIN DIN Tuesday, June 19, 2018 12:35 AM +0530 காரைக்காலில் கடந்த 10 நாள்களாக நடைபெற்ற என்.சி.சி. சிறப்பு பயிற்சி முகாம் ஞாயிற்றுக்கிழமை நிறைவடைந்தது. போட்டிகளில் வெற்றி பெற்றவர்களுக்குப் பரிசு, சான்றிதழ்கள் வழங்கப்பட்டன.
காரைக்கால் அண்ணா அரசு கலைக் கல்லூரியில், காரைக்கால், மாஹே பிராந்தியங்களைச் சேர்ந்த 450 என்.சி.சி. மாணவ, மாணவியர் பங்கேற்ற வருடாந்திர சிறப்பு பயிற்சி முகாம் நடைபெற்றது. இதில் மாணவ, மாணவியருக்கு ராணுவ பயிற்றுநர்கள், என்.சி.சி. அலுவலர்கள் ராணுவ வீரருக்கான தகுதியை வளர்த்துக்கொள்ளும் விதமான பல்வேறு பயிற்சிகளை அளித்தனர். குறிப்பாக,  அனைத்து மாணவ, மாணவியருக்கும் துப்பாக்கிச் சுடும் பயிற்சி அளிக்கப்பட்டது. 3,500 குண்டுகள் இதில் பயன்படுத்தப்பட்டன. மரக்கன்று நடுதல், ரத்த தானம், தூய்மை இந்தியா குறித்த விழிப்புணர்வு செயல்பாடுகளில் மாணவ, மாணவியர் ஈடுபட்டனர். தலைமைத்துவப் பண்பை வளர்த்துக்கொள்ளுதல், தேசப்பற்று வளரும் விதம், திறன் மேம்பாடு என பல்வேறு தலைப்புகளில், கருத்தாளர்களைக்கொண்டு மாணவர்களிடையே உரை நிகழ்த்தப்பட்டது. முகாம் நிறைவாக மாணவ, மாணவியரிடையே பல்வேறு விளையாட்டுப் போட்டிகள் நடத்தப்பட்டன. பரிசு மற்றும் சான்றிதழ்கள் வழங்கும் நிகழ்ச்சி ஞாயிற்றுக்கிழமை நடைபெற்றது.
முகாம் தலைமை அலுவலர் கர்னல் சி.எஸ். சர்மா தலைமை வகித்தார். சிறப்பு அழைப்பாளராக திருச்சி ராணுவ மையத்தின் அலுவலர் கர்னல் வீரசங்கிலி கலந்துகொண்டு மாணவியரிடையே பேசினர். அவர் பேசும்போது, என்.சி.சி. மாணவராக இருந்து தாம் செயல்பட்டதாகவும், பின்னர் ராணுவத் துறையில் சேர்ந்து இந்த நிலைக்கு வந்திருப்பதை குறிப்பிட்ட அவர், மாணவர்கள் அனைவரும் தேசப்பற்று மிக்கவராக விளங்க வேண்டும். நாட்டின் ஒற்றுமைக்கும், பாதுகாப்புக்கும் மாணவர்கள் அளவற்ற செயலாற்ற வேண்டும். ராணுவத்தில் பல்வேறு பிரிவில் வேலைவாய்ப்புகள் உள்ளதைக் கருத்தில்கொண்டு அதற்கேற்ப தகுதியை வளர்த்துக்கொள்ள வேண்டும். உள்ளூரில் காவல்துறையில் உள்ள பல்வேறு பணிகளில் சேரும் வகையில் மாணவர்கள் தகுதியை மேம்படுத்திக்கொள்ள வேண்டும். அதற்கான அடித்தளமாக என்.சி.சி. செயல்படுகிறது என அவர் கூறினார்.
அண்ணா கல்லூரி முதல்வர் குணசேகரன் வாழ்த்திப் பேசினார். முகாம் அறிக்கையை முதன்மை அலுவலர் என். முத்துசாமி வாசித்தார். சிறந்த துப்பாக்கிச் சுடும் வீரர்களுக்கும், விளையாட்டுப் போட்டிகள், கலைநிகழ்ச்சிகளில் பங்கேற்றோருக்கும் சான்றிதழ், பரிசுகள் வழங்கிப் பாராட்டு தெரிவிக்கப்பட்டது. துப்பாக்கிச் சுடும் பயிற்சியில் சிறந்தவர்களாக தேர்வு செய்யப்பட்ட என்.சி.சி. அலுவலர்கள் புதுச்சேரியில் நடைபெறும் தேர்வுக்கு பரிந்துரைக்கப்பட்டனர்.
நிகழ்ச்சியில், சுபேதார்கள் எம்.எம். நாயுடு, எஸ்.எஸ். முருகன் உள்ளிட்டோர் கலந்துகொண்டனர். முகாமிலிருந்த மாஹே பிராந்திய மாணவர்கள் திங்கள்கிழமை அவர்களது சொந்த ஊர் புறப்பட்டனர்.

]]>
http://www.dinamani.com/all-editions/edition-nagapattinam/karaikal/2018/jun/19/என்சிசி--சிறப்பு-பயிற்சி-முகாம்-நிறைவு-2942202.html
2942201 நாகப்பட்டினம் காரைக்கால் அரசுப் பள்ளியில் சுகாதார விழிப்புணர்வு நிகழ்ச்சி DIN DIN Tuesday, June 19, 2018 12:35 AM +0530 அரசுப் பள்ளி மாணவ, மாணவியருக்கு தனிப்பட்ட சுகாதார விழிப்புணர்வு நிகழ்ச்சி வேளாண் கல்லூரி மாணவர்களால் நடத்தப்பட்டது.
பண்டித ஜவாஹர்லால் நேரு வேளாண் கல்லூரி மற்றும் ஆராய்ச்சி  நிலையம் சார்பில் காரைக்கால் மாணவர்களுக்கான தனிப்பட்ட சுகாதார விழிப்புணர்வு நிகழ்ச்சி பல்வேறு பள்ளிகளில் நடத்தப்பட்டு வருகின்றன.
தூய்மை இந்தியா திட்டத்தின் கோடைகால பயிற்சியின் அங்கமாக,  வேளாண் கல்லூரி மற்றும் ஆராய்ச்சி நிலைய மாணவர்கள் பொறுப்பு அலுவலர் முனைவர் ஜெயாசிவராஜன் வழி காட்டுதலில்படி, தலைவர் வைஷ்ணவி தலைமையில் தனிப்பட்ட சுகாதார விழிப்புணர்வு நிகழ்ச்சி அண்மையில் நடைபெற்றது.
திருநள்ளாறு கொம்யூன், சுரக்குடி கிராமத்தில் உள்ள அரசு நடுநிலைப் பள்ளியில் நடைபெற்ற நிகழ்ச்சியில்,  கல்லூரி மாணவ, மாணவியர், மாணவர்கள் எவ்வாறு தினமும் தூய்மையாக இருக்க வேண்டும் என்பது குறித்து பல்வேறு கருத்துகளைக் கூறினர்.
மேலும், சுகாதாரத்துக்கான எட்டு கருத்துகளை விளக்கிக் கூறினர். தமது கைகளை எவ்வாறு சுத்தமாக கழுவ வேண்டும் என்பது குறித்து செயல்விளக்கம் அளித்தனர். சுத்தமாக கழுவாத கைகளால் ஏற்படும் உடல் உபாதைகள் குறித்தும் மாணவர்களுக்கு விளக்கிக் கூறினர்.
பின்னர், மாணவர்களுக்கு சுகாதாரத்தின் முக்கியத்துவத்தை மாணவர்களிடையே கலந்துரையாடினர். 
நிறைவாக, அங்குள்ள மாணவர்களில் தூய்மையான மற்றும் சுகாதாரமான மாணவராக தேர்வு செய்யப்பட்டவர்களுக்கு  மிஸ்டர் கிளீன், மிஸ் கிளீன் என்ற பட்டத்தை வழங்கினர். மாணவர்கள் அனைவரும் தூய்மையின் முக்கியத்துவத்தை உணர வேண்டும் என்றும், தினமும் நல்ல பழக்கங்களை பின்பற்ற வேண்டும் என்றும் உறுதிமொழி எடுத்துக்கொண்டனர்.

]]>
http://www.dinamani.com/all-editions/edition-nagapattinam/karaikal/2018/jun/19/அரசுப்-பள்ளியில்-சுகாதார-விழிப்புணர்வு-நிகழ்ச்சி-2942201.html
2941839 நாகப்பட்டினம் காரைக்கால் கீழகாசாக்குடி சீதளாதேவி மாரியம்மன் கோயிலில் இன்று தீமிதி உத்ஸவம் DIN DIN Monday, June 18, 2018 07:45 AM +0530 காரைக்கால் அருகேயுள்ள கீழகாசாக்குடி ஸ்ரீ சீதளாதேவி அம்மன் கோயில் தீமிதி நிகழ்ச்சி திங்கள்கிழமை (ஜூன் 18) நடைபெறவுள்ளது.
இக்கோயிலில் வருடாந்திர தீமிதி உத்ஸவம் 10 நாள் நிகழ்ச்சியாக தொடங்கப்பட்டு நடைபெற்று வருகிறது. திருவிழாவின் தொடக்கமாக அம்மனுக்கு அபிஷேக ஆராதனை, கரகம் எடுத்து வரும் நிகழ்ச்சி நடைபெற்றது.
தினமும் பகல் நேரத்தில் அம்மனுக்கு சிறப்பு அபிஷேக ஆராதனையும், இரவு அம்மன் பல்வேறு வாகனங்களில் வீதியுலாவும் நடைபெற்று வந்தது. திருவிளக்கு வழிபாடு, கஞ்சி வார்த்தலும் நடைபெற்றது.
உத்ஸவத்தின் முக்கிய நிகழ்ச்சியாக தீமிதி வழிபாடு திங்கள்கிழமை (ஜூன் 18) நடைபெறுகிறது. முன்னதாக அம்மனுக்கு சிறப்பு அபிஷேக ஆராதனை செய்யப்பட்டு,  பகல் 1 மணியளவில் தீமிதிக்கும் பக்தர்களுக்கு கங்கணம் கட்டப்படுகிறது. மாலை 5 மணியளவில் அம்மன் அன்ன வாகனத்தில் வீதியுலாவுக்கு எழுந்தருளுச் செய்து, தீமிதி நிகழ்ச்சி நடைபெறுகிறது.
தீமிதியில் 100 -க்கும் மேற்பட்ட பக்தர்கள் பிரார்த்தனை நிறைவேற்றமாக தீமித்து வழிபாடு செய்வர். ஏராளமான பக்தர்கள் நிகழ்ச்சியில் கலந்துகொள்வர். விழாவுக்கான ஏற்பாடுகளை கோயில் நிர்வாகத்தினரும், பாதுகாப்புக்கான  ஏற்பாடுகளை காவல்துறையினரும் மேற்கொண்டுள்ளனர்.

]]>
http://www.dinamani.com/all-editions/edition-nagapattinam/karaikal/2018/jun/18/கீழகாசாக்குடி-சீதளாதேவி-மாரியம்மன்-கோயிலில்-இன்று-தீமிதி-உத்ஸவம்-2941839.html
2941838 நாகப்பட்டினம் காரைக்கால் காரைக்கால் துறைமுகத்தில் 130 கிலோ எடையுள்ள சுறா மீன் DIN DIN Monday, June 18, 2018 07:45 AM +0530 காரைக்காலைச் சேர்ந்த மீனவர் ஒருவரின் விசைப் படகிலிருந்து 130  கிலோ எடையுள்ள சுறா மீன் ஒன்று துறைமுக ஏலக்கூடத்துக்கு ஞாயிற்றுக்கிழமை கொண்டுவரப்பட்டது.
காரைக்கால் மாவட்டத்தின் பல கிராமங்களைச் சேர்ந்த மீனவர்கள், ஆழ்கடலுக்கு விசைப்படகில் சென்று மீன்பிடித்துத் திரும்புகின்றனர். மீன்பிடித் தடைக்காலம் முடிந்து கடந்த 14 -ஆம் தேதி மாலை புறப்பட்ட மீனவர்களில் பலர், ஞாயிற்றுக்கிழமை துறைமுகம் திரும்பினர். ஒரு விசைப் படகிலிருந்து பெரிய அளவிலான சுறா மீன் ஒன்று துறைமுகத்தில் இறக்கிவைக்கப்பட்டது.
இதுகுறித்து படகில் வந்த மீனவர்கள் கூறும்போது, சனிக்கிழமை காலை போடப்பட்ட தூண்டில் வலையில் அதிக எடைகொண்ட சுறா மீன் சிக்கியது. இதை படகிலிருந்த 6 பேர் சேர்ந்து தூக்கி, படகினுள் போட்டு கரைக்கு கொண்டு வந்தோம்.
இது 6 அடி நீளத்தில், ஒன்றரை அடி அகலம் கொண்டதாக உள்ளது. 130  கிலோ எடைகொண்டதாக இருக்கிறது. சுறா மீனின் இறக்கை மருத்துவ குணம் கொண்டதால்,  இறக்கை பகுதியை வெட்டி முகவரிடம் விற்றுவிடுவோம். இது பதப்படுத்தப்பட்டு வெளிநாடுகளுக்கு மருந்துகள் தயாரிப்புக்கு ஏற்றுமதி செய்கிறார்கள். இறக்கை மட்டும் பல ஆயிரம் ரூபாய்க்கு விற்கமுடியும்.  பால் சுறா உள்ளிட்ட பல்வேறு வகை சுறா உள்ளன. இது  உணவுக்கான வகையைச் சேர்ந்தது.
சிறிய அளவிலான சுறா மீன்களை மட்டுமே மக்கள் உணவுக்காக வாங்கிச் செல்கின்றனர். இது கிலோ ரூ. 300 -க்கு மிகுதியாக விற்பனையாகக் கூடியது என்றனர்.

]]>
http://www.dinamani.com/all-editions/edition-nagapattinam/karaikal/2018/jun/18/காரைக்கால்-துறைமுகத்தில்-130-கிலோ-எடையுள்ள-சுறா-மீன்-2941838.html
2941837 நாகப்பட்டினம் காரைக்கால் மாங்கனித் திருவிழா பந்தல் அமைக்கும் பணி தீவிரம் DIN DIN Monday, June 18, 2018 07:45 AM +0530 காரைக்கால் மாங்கனித் திருவிழா வருகிற 25 -ஆம் தேதி தொடங்கவுள்ள நிலையில், பிரதான பந்தல் அமைப்பு மற்றும் திருக்கல்யாணம், பிச்சாண்டவர் புறப்பாடு உள்ளிட்ட பல்வேறு  பணிகளுக்கான முன்னேற்பாடுகள் தீவிரமாக நடைபெற்று வருகின்றன.
அறுபத்து மூன்று நாயன்மார்களில் ஒருவரான புனிதவதியார் என்னும் காரைக்கால் அம்மையார் வாழ்க்கை வரலாற்றை விளக்கி, ஆண்டுதோறும் ஸ்ரீ கைலாசநாதர் கோயில் சார்பில் மாங்கனித் திருவிழா என்ற பெயரில் நிகழ்ச்சிகள் நடத்தப்படுகின்றன.
முக்கிய நிகழ்ச்சிகள் 4 நாள்கள் நடைபெற்றாலும், ஒரு மாத காலத்துக்கு கலைநிகழ்ச்சிகள், திருவிழா கடைகள் தொடர்ந்து செயல்பட்டு வருவது, உள்ளூர் மட்டுமல்லாது வெளியூர் மக்களையும் வெகுவாக ஈர்க்கும் திருவிழாவாக இது அமைந்துள்ளது.
வருகிற 25 -ஆம் தேதி திங்கள்கிழமை காலை விக்னேஸ்வர பூஜை செய்யப்பட்டு மாலை பரமதத்தர் (மாப்பிள்ளை) ஸ்ரீ சித்தி விநாயகர் கோயிலில் இருந்து அம்மையார் கோயிலுக்கு ஊர்வலமாகச் செல்லும் நிகழ்ச்சி நிகழ்ச்சி நடைபெறுகிறது.
26 -ஆம் தேதி அம்மையார் - பரமதத்தர் திருக்கல்யாண உத்ஸவம் அம்மையார் கோயில் வளாகத்தில் நடைபெறுகிறது. மாலை ஸ்ரீ பிச்சாண்டவர் வெள்ளை சாற்றிப் புறப்பாடு, இரவு அம்மையார் - பரமதத்தர் முத்து சிவிகையில் வீதியுலா நிகழ்ச்சி நடைபெறுகிறது.
முக்கிய நிகழ்ச்சியாக 27 -ஆம் தேதி அதிகாலை பிச்சாண்டவர் உள்ளிட்ட பஞ்சமூர்த்திகளுக்கு சிறப்பு அபிஷேகம், பவழக்கால் சப்பரத்தில் வீதியுலா (மாங்கனி இறைத்தல்) நிகழ்ச்சி நடைபெறுகிறது. மாலை அம்மையார் கோயிலில் அமுதுபடையல் நடைபெறுகிறது. 28-ஆம் தேதி அம்மையாருக்கு இறைவன் காட்சிக்கொடுத்தல் நிகழ்ச்சியுடன் முக்கிய நிகழ்ச்சிகள் நிறைவடைகின்றன.
ஜூலை மாதம் 27-ஆம் தேதி விடையாற்றி உத்ஸவம் நடைபெறுகிறது. முக்கிய நிகழ்ச்சிகள் நிறைவுபெற்றாலும் விடையாற்றி வரை அம்மையார் கலையரங்கில் கலைநிகழ்ச்சிகள் நடத்தப்படுவதும், திருவிழாக் கடைகள் தொடர்வதும் திரளான மக்களை மகிழ்விக்கக்கூடியதாக அமைக்கப்படுகிறது. இதற்காக பாரதியார் சாலையில் நீளமான பிரதான பந்தல் அமைக்கும் பணி தற்போது நடைபெற்று வருகிறது.
இதுகுறித்து கைலாசநாதர் கோயில் அறங்காவல் நிர்வாகத்தினர் ஞாயிற்றுக்கிழமை கூறும்போது, மாங்கனித் திருவிழா கடைகள் அமைக்க பொது ஏலம் விடப்பட்டதன் மூலம் கோயிலுக்கு ரூ. 22.5 லட்சம் வருவாய் கிடைத்துள்ளது. மாவட்ட ஆட்சியர் தலைமையில் பல்வேறு அரசுத்துறை அதிகாரிகள் கூட்டம் அண்மையில் நடத்தப்பட்டு, திருவிழா தொடர்பாக அரசு நிர்வாகத்தினர் மேற்கொள்ளவேண்டிய முன்னேற்பாடுகள் குறித்து ஆட்சியர் அறிவுறுத்தியுள்ளார்.
கோயில் நிர்வாகமானது, திருக்கல்யாணம், பிச்சாண்டவர் வீதியுலா, அமுது படையல் உள்ளிட்ட முக்கிய நிகழ்வின்போது பக்தர்களுக்கு தரிசனம் எளிய முறையில் கிடைக்கத் தேவையான நடவடிக்கைகள் எடுக்கப்பட்டு வருகின்றன.
கலைநிகழ்ச்சியில் ஆன்மிகம் சார்ந்தவைக்கு முக்கியத்துவம் தரப்பட்டுள்ளது என்றனர்.

]]>
http://www.dinamani.com/all-editions/edition-nagapattinam/karaikal/2018/jun/18/மாங்கனித்-திருவிழா-பந்தல்-அமைக்கும்-பணி-தீவிரம்-2941837.html
2941836 நாகப்பட்டினம் காரைக்கால் மாணவர்கள் விளையாட்டு, யோகாவில் ஆர்வம் கொள்ள வேண்டும்: அமைச்சர் ஆர். கமலக்கண்ணன் DIN DIN Monday, June 18, 2018 07:44 AM +0530 நேர்மறையான சிந்தனை வளர்வதற்கு மாணவர்கள் விளையாட்டு, யோகாவில் கவனம் செலுத்த வேண்டும் என புதுச்சேரி அமைச்சர் ஆர். கமலக்கண்ணன் கூறினார்.
திருநள்ளாறு விளையாட்டு மற்றும் கலாசார குழுமம் என்ற அமைப்பு சார்பில் 2 -ஆம் ஆண்டாக திருநள்ளாறு பகுதியைச் சேர்ந்த மாணவர்கள் பங்கேற்புடன், கோடைகால விளையாட்டுப் போட்டி நடத்தப்படுகிறது. கோடைகாலத்தில் மாணவர்கள் விளையாட்டுப் பயிற்சியை பெறவும், விளையாட்டின் மீது ஆர்வத்தை மேம்படுத்தும் வகையிலும், மாணவர்கள் விடுமுறை காலத்தில் திசை மாறிவிடாமல் நெறிப்படுத்தும் நோக்கில் இந்த போட்டி நடத்தப்படுகிறது.
திருநள்ளாறு பகுதியை திருநள்ளாறு நகரம், சுரக்குடி, சேத்தூர், அம்பகரத்தூர் என நான்கு மண்டலங்களாக பிரித்து, அந்தந்தப் பகுதியில் 11 முதல் 19 வயதுக்குள்பட்ட மாணவ, மாணவியருக்கு விளையாட்டுப் போட்டிகள் நடத்தப்படுகின்றன. கடந்த 2 -ஆம் தேதி தொடங்கிய இந்த போட்டி ஜூன் மாத இறுதி வரை நடைபெறுகிறது.
அம்பகரத்தூர் மண்டலத்தில் சனிக்கிழமை தொடங்கிய போட்டியை புதுச்சேரி வேளாண்துறை அமைச்சர் ஆர். கமலக்கண்ணன், மாவட்ட முதுநிலைக் காவல் கண்காணிப்பாளர் ராகுல் அல்வால் ஆகியோர் சிறப்பு அழைப்பாளராக கலந்துகொண்டு தொடங்கிவைத்தனர்.
நிகழ்ச்சியில் அமைச்சர் பேசியது : மாணவர்களிடையே விளையாட்டு ஆர்வம் வளரவும், நமது பாரம்பரிய, கலாசாரங்களின் நினைவாக இந்த குழுமம் உருவாக்கப்பட்டு 2 ஆண்டுகளாக விளையாட்டுப் போட்டிகள் நடத்தப்படுகின்றன. கடந்த ஆண்டு முதல்வர் வி. நாராயணசாமி கலந்துகொண்டு பரிசுகள் வழங்கினார். ஏறக்குறைய 600 பேர் இதில் பங்கேற்றிருந்தனர். நிகழாண்டு ஏறக்குறைய ஆயிரம் மாணவர்கள் பங்கேற்கும் வகையில் போட்டிக் குழுவினர் ஏற்பாடுகளை செய்திருக்கிறார்கள், இது பாராட்டுக்குரியது. காரைக்கால் எஸ்.எஸ்.பி., ஓய்வு நேரங்களில் காரைக்கால் கல்லூரி, பள்ளிகளுக்குச் சென்று மாணவர்களை பல நிலைகளில் ஊக்கப்படுத்தும் நிகழ்ச்சிகளை நடத்த வேண்டும் எனக் கேட்டுக்கொள்கிறேன்.
உடல்  மற்றும் மனம் ஆரோக்கியத்துக்கு விளையாட்டு மிக முக்கியமாகிறது. விளையாட்டுகள் மூலம் நண்பர்களிடையே நல்ல பழக்க முறை, விதிகளை மதித்து நடத்தல், அன்பு செலுத்துதல் போன்றவை ஏற்படுவதாக எஸ்.எஸ்.பி. குறிப்பிட்டது முற்றிலும் உண்மையானது. அவர் கூறியதுபோல, விளையாட்டில் வெற்றி பெறுவது ஒருபுறமிருந்தாலும், விளையாட்டில் பங்குபெறுவதே ஒரு வகை வெற்றிதான் என்பது ஏற்புடையதாகும். எனவே, ஏறக்குறைய ரூ. 7 லட்சம் செலவில் திருநள்ளாறு பகுதியில் மட்டும் இதுபோன்ற போட்டிகள் நடத்தப்படுவதை இந்த பகுதி மாணவர்கள் பயன்படுத்திக் கொள்ள வேண்டும். போட்டி காலம் முடிந்தாலும், தொடர்ந்து பயிற்சிகளில் ஈடுபட வேண்டும். கடந்த 5 ஆண்டுகளுக்கு முன்பு மாநிலத்தில் காவலர்கள் தேர்வு செய்யப்பட்டபோது, காரைக்கால் பிராந்தியத்தைச் சேர்ந்தோர் மட்டுமே குறைவாக தேர்ந்தெடுக்கப்பட்டனர். இதற்கு சரியான உடல் தகுதி இல்லாததும் ஒரு காரணம். எனவே, உடல் வலிமை பெறவும், மாணவர்கள், இளைஞர்களுக்கு நேர்மறையான சிந்தனை வளரவும் யோகாவும், விளையாட்டும் மிக அவசியம். தினமும் ஒரு மணி நேரமாவது குழந்தைகள் விரும்பும் விளையாட்டை விளையாட பெற்றோர்கள் அனுமதிக்க வேண்டும். இது மன அழுத்தம் போக்கவும், நல்ல சிந்தனை வளரவும், கல்வியில் ஊக்கம் ஏற்படவும் உதவுகிறது என்பதை பெற்றோர்களும் புரிந்துகொள்ள வேண்டும் என்றார் அமைச்சர்.
நிகழ்ச்சியில், திருநள்ளாறு கொம்யூன் பஞ்சாயத்து முன்னாள் தலைவர் சிங்காரவேலு, சமூக ஆர்வலர் ராதாகிருஷ்ணன் மற்றும் விளையாட்டுக் குழுமத் தலைவர் ஜெயசிவராஜன்,  செயலர் ஏனாதிராஜன், அம்பகரத்தூரைச் சேர்ந்த சதீஷ்  உள்ளிட்ட நிர்வாகிகள் கலந்துகொண்டனர்.  கைப்பந்து, கோ-கோ, தடகளம், கபடி உள்ளிட்ட பல்வேறு போட்டிகள் நடத்தப்படுவதாகவும், நிகழ்மாத இறுதியில் போட்டிகள் நிறைவுபெறும் என விளையாட்டுக் குழுமத்தினர் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/jun/18/மாணவர்கள்-விளையாட்டு-யோகாவில்-ஆர்வம்-கொள்ள-வேண்டும்-அமைச்சர்-ஆர்-கமலக்கண்ணன்-2941836.html
2941835 நாகப்பட்டினம் காரைக்கால் தடைக்காலத்துக்குப் பிறகு காரைக்கால் மீன்பிடித் துறைமுகத்துக்கு மீன்வரத்து தொடக்கம்: மீனவர்கள் மகிழ்ச்சி DIN DIN Monday, June 18, 2018 07:44 AM +0530 மீன்பிடித் தடைக்காலம் முடிந்து துறைமுகம் வந்துசேரும் படகுகளில், பல்வேறு வகை மீன் வரத்து ஏற்பட்டுள்ளதால் மீனவர்களிடையே மகிழ்ச்சி ஏற்பட்டுள்ளது.
மீன் வளத்துக்காக ஆழ்கடல் மீன்பிடிப்புக்கு ஏப். 15 முதல் ஜூன் 14 வரை மத்திய அரசு தடை விதித்திருந்தது. இக்காலம் முடிந்து ஜூன் 14 -ஆம் தேதி மாலை காரைக்கால் மாவட்டத்தைச் சேர்ந்த மீனவர்கள் தங்களது விசைப்படகுகளை இயக்கிக்கொண்டு கடலுக்குச் சென்றனர். கடலுக்குச் சென்ற காரைக்காலைச் சேர்ந்த சுமார் 300 விசைப்படகுகளில், பெரும்பாலான மீனவர்கள், சுமார் 5 நாள்கள் மீன்பிடிக்கும் திட்டத்தில் சென்றனர். சிலர் 2, 3 நாள்களில் கரை திரும்பினர். இந்த வகையில் 100 -க்கும் மேற்பட்ட  விசைப்படகுகள் ஞாயிற்றுக்கிழமை காரைக்கால் மீன்பிடித் துறைமுகம் வந்து சேர்ந்தன. இதில் உள்ளூர் சந்தைக்கு அனுப்பும் வகையிலும், ஏற்றுமதி தரத்திலான மீன்களும் கணிசமாக இருந்தன. பாரை, கரு வவ்வால், வஞ்ஜிரம், கொடுவா, சங்கரா, கனவா, இறால், நண்டு, திருக்கை என பல்வேறு வகையான மீன்கள் கொண்டுவரப்பட்டன.
இதுகுறித்து மீனவர்கள் கூறியது: தற்போது சிறிய வகை மீன்களே அதிகளவில் வருகின்றன. ஓரளவே ஏற்றுமதி தரம் வாய்ந்த பெரிய மீன்கள் வந்துள்ளன. ஏற்றுமதி தரம் வாய்ந்த பெரிய மீன்கள் ஆழ்கடலுக்குச் சென்று திரும்பக்கூடிய படகுகளில் வரும்.
மீன்கள் தடைக்காலத்துக்குப் பிறகு தற்போது அதிகமாக கிடைக்கத் தொடங்கியிருப்பது மகிழ்ச்சியளிக்கிறது. விசைப்படகு எரிபொருள் செலவு, மீன்பிடித் தொழிலாளர்கள் ஊதியம் உள்ளிட்டவைகளை அளித்து லாபம் கிடைக்க, ஏற்றுமதி தரம் வாய்ந்த பெரிய மீன்கள் வர வேண்டும் என்றனர்.
காரைக்கால் மாவட்டத்தில் உள்ள மீன் சந்தைக்கு சிறு வியாபாரிகள் துறைமுகத்திலிருந்து மீன்களை வாங்கிச் சென்றனர். இதனால் ஞாயிற்றுக்கிழமை காலை 6 மணி முதல் ஏராளமான வியாபாரிகள் துறைமுகத்தில் குவிந்தனர்.
இந்நிலையில், மீன் மார்க்கெட்டுக்கு அதிகமாக மீன்கள் விற்பனைக்கு வந்ததால், விலை சற்று குறைந்திருந்ததாக அங்கு சென்று திரும்பியோர் தெரிவித்தனர்.
மீன்பிடித் தடைக்காலம் முடிவுக்கு வந்து துறைமுகம் செயல்படத் தொடங்கிய நிலையில், துறைமுகத்தை நம்பி  உணவகங்கள், சிற்றூர்திகள், சுமை ஏற்றும் வாகனங்கள் உள்ளிட்ட பல்வேறு தொழில்களும் செயல்பாட்டுக்கு வந்துள்ளது அவர்களிடையே மகிழ்ச்சியை ஏற்படுத்தியுள்ளது.
 

]]>
http://www.dinamani.com/all-editions/edition-nagapattinam/karaikal/2018/jun/18/தடைக்காலத்துக்குப்-பிறகு-காரைக்கால்-மீன்பிடித்-துறைமுகத்துக்கு-மீன்வரத்து-தொடக்கம்-மீனவர்கள்-மகிழ்ச-2941835.html
2941497 நாகப்பட்டினம் காரைக்கால் மாற்றுத் திறனாளிகளுக்கான குறைதீர் முகாம் ஜூன் 21-க்கு மாற்றம் DIN DIN Sunday, June 17, 2018 05:16 AM +0530 மாவட்ட ஆட்சியர் அலுவலகத்தில் ஜூன் 20-ஆம் தேதி நடைபெற இருந்த மாற்றுத் திறனாளிகளுக்கான குறை தீர் முகாம் 21 -ஆம் தேதிக்கு மாற்றப்பட்டுள்ளது.
திருவள்ளூர் மாவட்ட ஆட்சியர் அலுவலகத்தில் வரும் 20-ஆம் தேதி காலை 10 மணியளவில் மாற்றுத் திறனாளிகளுக்கான சிறப்பு குறை தீர்க்கும் முகாம் மற்றும் பதிவு பெற்ற மாற்றுத் திறனாளிகள் நலச் சங்கங்களின் கூட்டமைப்புகளுடன் ஆலோசனைக் கூட்டம் ஆகியவற்றை நடத்துவதற்குத் திட்டமிடப்பட்டிருந்தது.
இந்நிலையில், நிர்வாக காரணங்களுக்காக ஜூன் 20-ஆம் தேதி நடைபெற இருந்த முகாம் மற்றும் கூட்டம் 21-ஆம் தேதி காலை 11 மணியளவில் மாவட்ட ஆட்சியர் எ.சுந்தரவல்லி தலைமையில் நடைபெறும் என அறிவிக்கப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2018/jun/17/மாற்றுத்-திறனாளிகளுக்கான-குறைதீர்-முகாம்-ஜூன்-21-க்கு-மாற்றம்-2941497.html
2941496 நாகப்பட்டினம் காரைக்கால் காரைக்கால் துறைமுகத்தில் ரூ. 600 கோடியில் இயந்திரமயமாக்கும் பணி ஆகஸ்டில் நிறைவடையும்: துறைமுக இயக்குநர் ஜி.ஆர்.கே.ரெட்டி தகவல் DIN DIN Sunday, June 17, 2018 05:15 AM +0530 சுற்றுச்சூழல் பாதுகாப்பு, துறைமுக மேம்பாடு நோக்கமாக ரூ. 600 கோடி முதலீட்டில் அமைக்கப்படும் துறைமுக இயந்திரமயமாக்கும் பணி ஆகஸ்ட் மாதம் நிறைவடையும் எனவும், இயந்திரமயமாக்கலால் யாருக்கும் வேலையிழப்பு ஏற்படாது என துறைமுக இயக்குநர் ஜி.ஆர்.கே. ரெட்டி கூறினார்.
காரைக்கால் மாவட்டம், வாஞ்சூர் பகுதியில் கடந்த 2009 -ஆம் ஆண்டு காரைக்கால் துறைமுகம் தொடங்கப்பட்டது. துறைமுகத்தில் கோதுமை, சர்க்கரை, சிமென்ட், உரம், நிலக்கரி, எண்ணெய், கன்டெய்னர் போன்றவற்றின் ஏற்றுமதி, இறக்குமதி நடைபெறுகின்றன.
பெரும்பான்மையாக துறைமுகம் தொடங்கியது முதல் இந்தோனேஷியா உள்ளிட்ட பல்வேறு நாடுகளில் இருந்து நிலக்கரி இறக்குமதி செய்யப்படுகிறது. இவை கப்பலில் கொண்டுவரப்பட்டு, துறைமுகத்தின் இரண்டு ராட்சத கிரேன்கள் மூலம் லாரிகளில் ஏற்றப்பட்டு, மலைபோல குவிக்கப்படுகிறது. அங்கிருந்து லாரிகள், ரயில் மூலம் பல்வேறு பகுதிகளுக்கு ஏற்றுமதி செய்யப்படுகிறது. துறைமுக உள் பகுதியிலும், நிலக்கரி கொண்டு செல்லும் பகுதிகளிலும் சுற்றுச்சூழல் வெகுவாக மாசுபடுவதாக புகார் கூறப்படுகிறது.
நிலக்கரி இறக்குமதியில் இயந்திரமயமாக்கல் வேண்டும் அல்லது நிலக்கரி இறக்குமதியை கைவிட வேண்டும் என பல்வேறு தரப்பினர் போராட்டங்களில் ஈடுபட்டு வருகின்றனர்.
இந்நிலையில், காரைக்கால் துறைமுகத்தை இயந்திரமயமாக்கும் பணிகளில் துறைமுக நிர்வாகம் தீவிரமாக ஈடுபட்டுள்ளது. இதுகுறித்து விளக்கும் வகையில் துறைமுக வளாகத்தில் செய்தியாளர் சந்திப்பு சனிக்கிழமை நடைபெற்றது. அப்போது, காரைக்கால் துறைமுக இயக்குநர் ஜி.ஆர்.கே. ரெட்டி கூறியது :
துறைமுகத்தில் நிலக்கரி, உரம், சர்க்கரை உள்ளிட்ட பல பொருள்களின் இறக்குமதி, ஏற்றுமதி நடைபெற்று வருகிறது. பல்வேறு முன்னணி நிறுவனங்கள் காரைக்கால் துறைமுகத்தை பயன்படுத்தி வணிகத்தில் ஈடுபட்டுள்ளனர்.
காரைக்கால் துறைமுகத்திலிருந்து சி.பி.சி.எல். நிறுவனத்துக்கு கச்சா எண்ணெய் இறக்கி அனுப்பப்படுகிறது. துறைமுகம் தொடக்க நிலையில் சிறிய வகை கப்பல் மட்டுமே வந்து செல்லும் வகையில் இருந்தது. தற்போது 80 ஆயிரம் டன் அளவிலான கப்பல் வந்து செல்லும் வகையில் அமைப்பு மேம்படுத்தப்பட்டுள்ளது.
தூத்துக்குடி துறைமுகத்தை ஒப்பிடும்போது, காரைக்கால் துறைமுகம் பெரிய அளவில் மேம்படுத்தப்பட்டுள்ளது.
இந்த துறைமுகத்தில் நேரடியாக 700 பேர் பணியாற்றுகின்றனர். துறைமுக மொத்த பொருள்களையும் கையாளும் வகையில் ரூ. 600 கோடி முதலீடு செய்து முற்றிலும் இயந்திரமயப்படுத்தும் பணிகள் தீவிரமாக நடைபெற்று வருகின்றன. இதன்மூலம் கப்பலில் இருந்து நிலக்கரியை முழுமையாக மூடிய நிலையிலான கன்வேயர் மூலம் இறக்கப்படும். நிலக்கரி இறக்கிவைக்கும் பகுதியில், அது பறக்காத வகையில் நவீன தொழில்நுட்பத்தில் நீர் பீய்ச்சியடிக்கும் செயல்கள் செய்யப்படும்.
பின்னர், அங்கிருந்து மூடிய கன்வேயர் மூலம் லாரி, ரயில்களில் ஏற்றப்படும். இதன் மூலம் சிறிதுகூட சுற்றுச்சூழல் மாசடைய வாய்ப்பிருக்காது. இதற்கான பணிகள் 70 சதவீதம் நிறைவடைந்துள்ளன. எஞ்சிய பணிகள் ஆகஸ்ட் மாதத்துக்குள் முடிக்கப்பட்டு பயன்பாட்டுக்கு கொண்டுவரப்படும். இந்த அமைப்புப் பணியில் மட்டும் 300 பேர் பணியாற்றுகின்றனர்.
ஒரு மாதத்துக்கு 4 லட்சம் டன் அளவில் நிலக்கரி இறக்குமதி செய்யப்படுகிறது. முற்றிலும் இது மின்சார உற்பத்திக்காகவே அனுப்பிவைக்கப்படுகிறது. துறைமுகம் தொடங்கிய காலத்திலிருந்து ஒப்பிடும்போது, தற்போது நிலக்கரி கையாளுதல் காரைக்கால் துறைமுகத்தில் குறைந்துவிட்டது என்றே கூறலாம்.
தற்போது தானியங்கி முறையில் பொருள்களை கையாளும் பணி மேற்கொள்வதில், உலகத் தரம் வாய்ந்த நிறுவனங்களாகிய எஃப்.எல். ஸ்மித், ரைஸ் லேக் வேயிங் இந்தியா, சென்னை ராதா என்ஜினியரிங் ஆகியவை தங்களை ஈடுபடுத்திக்கொண்டுள்ளன.
துறைமுகம் இயந்திரமயமாவதால், துறைமுகத்தை நம்பி வேலையில் சேர்ந்தோருக்கு எந்த பாதிப்பும் ஏற்படாது. ஆள் குறைப்பு நடவடிக்கை எடுக்கப்படாது. இந்த பணிகளை செய்யவும் ஆள்கள் தேவைப்படுகிறார்கள்.
காரைக்கால் துறைமுகத்தில் திரவமாக்கப்பட்ட இயற்கை எரிவாயு (எல்என்ஜி) இறக்குமதி செய்யும் திட்டமும் உள்ளது.
துறைமுகம் மற்றும் துறைமுகத்தைச் சுற்றி 1.50 லட்சம் மரக்கன்றுகள் நடப்பட்டு வளர்க்கப்படுகிறது. துறைமுகத்தில் பொருள்கள் கையாளுதலில் யாருக்காவது சந்தேகம் இருந்தால், அவர்களது சந்தேகங்களைப் போக்கத் தயாராக உள்ளேன். துறைமுகம் இயந்திரமயமாதல் பணி நிறைவுபெற்று பயன்பாட்டுக்கு வந்துவிட்டால், காரைக்கால் துறைமுகத்தைப் பயன்படுத்தும் நிறுவனங்களின் எண்ணிக்கை அதிகரிக்கும். இதன்மூலம் காரைக்கால் மாவட்டம் பல்வேறு நிலையில் வளர்ச்சிப் பெறும் என்றார் ஜி.ஆர்.கே. ரெட்டி.
பேட்டியின்போது, துறைமுக அலுவலர்கள் சேகர், தியாகராஜன், முரளி, ராஜேஷ்வர் ரெட்டி ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/காரைக்கால்-துறைமுகத்தில்-ரூ-600-கோடியில்-இயந்திரமயமாக்கும்-பணி-ஆகஸ்டில்-நிறைவடையும்-துறைமுக-இயக்கு-2941496.html
2941495 நாகப்பட்டினம் காரைக்கால் காரைக்கால் பள்ளிவாசல்களில் சிறப்புத் தொழுகை DIN DIN Sunday, June 17, 2018 05:15 AM +0530 ரமலான் பண்டிகையையொட்டி, காரைக்கால் பள்ளிவாசல்களில் சனிக்கிழமை சிறப்புத் தொழுகையில் ஆண், பெண், சிறுவர்கள் என ஆயிரக்கணக்கானோர் ஈடுபட்டனர்.
இஸ்லாமியர்களின் முக்கிய பண்டிகையான நோன்பு காலம் முடிந்து சனிக்கிழமை ரமலான் கொண்டாடப்பட்டது. காரைக்கால் மாவட்டத்தில் குறிப்பாக காரைக்கால் மஸ்தான் பள்ளிவாசல், மெய்தீன் பள்ளிவாசல், கிதர் பள்ளிவாசல், மீராப்பள்ளி, தெருப்பள்ளி, கப்படாப்பள்ளி, தக்குவாப்பள்ளி, ஹூசைனியாப்பள்ளி, ஹிலாஹிதே மஸ்ஜித் உள்ளிட்ட நகரப் பகுதி பள்ளிவாசல்களிலும், அம்பகரத்தூர், நல்லம்பல், நிரவி, திருமலைராயன்பட்டினம் ஆகிய பகுதிகளில் உள்ள பள்ளிவாசல்களிலும் ரமலான் சிறப்புத் தொழுகை
நடைபெற்றது.
காரைக்கால் மஸ்தான் பள்ளி தொழுகைக் கூடத்தில் நடந்த சிறப்புத் தொழுகையில் சுமார் 2 ஆயிரத்துக்கு மேற்பட்டோர் கலந்துகொண்டனர். இதில் ஆண்கள், பெண்கள், சிறுவர்கள் கலந்துகொண்டு தொழுகை முடிந்து ஒருவருக்கொருவர் வாழ்த்துகளைப் பரிமாறிக்கொண்டனர். இதில் சட்டப் பேரவை உறுப்பினர் கே.ஏ.யு. அசனா, முன்னாள் அமைச்சர் ஏ.எம்.எச். நாஜிம் உள்ளிட்ட பல முக்கிய அரசியல் கட்சிப் பிரமுகர்கள் கலந்துகொண்டனர்.
பள்ளிவாசல்களில் ரமலான் குறித்து இமாம்கள் சிறப்புரையாற்றினர். பள்ளிவாசல்களில் திரளானோர் கலந்துகொண்டதையொட்டி, அந்தந்த பகுதி காவல்நிலைய போலீஸார் வாயில் பகுதியில் பாதுகாப்புப் பணியில் ஈடுபட்டிருந்தனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/காரைக்கால்-பள்ளிவாசல்களில்-சிறப்புத்-தொழுகை-2941495.html
2941494 நாகப்பட்டினம் காரைக்கால் மர்ம நபர்கள் அட்டூழியம்: கடற்கரை நடைமேடை இரும்புத் தடுப்புகள் உடைப்பு: ரோந்துப் பணியை தீவிரப்படுத்த வலியுறுத்தல் DIN DIN Sunday, June 17, 2018 05:14 AM +0530 காரைக்கால் கடற்கரை நடைமேடை இரும்புத் தடுப்புகள் மர்ம நபர்களால் அண்மையில் சேதப்படுத்தப்பட்டுள்ளன. இனி இவ்வாறு நடைபெறாமலிருக்க போலீஸார் இரவு நேர ரோந்துப் பணியை தீவிரப்படுத்த வேண்டும் என சமூக ஆர்வலர்கள் வலியுறுத்தியுள்ளனர்.
காரைக்கால் கடற்கரையில் மத்திய அரசின் நிதியுதவியில் முதல்கட்ட மேம்பாட்டுப் பணியாக சாலைகள், சாலையோர நடைமேடை உள்ளிட்ட பணிகள் மேற்கொள்ளப்பட்டன. மேலும், நடைமேடையோரத்தில் கான்கிரீட் பெஞ்சுகள் அமைக்கப்பட்டுள்ளன. இதில் உள்ள இரும்புகளை திருடும் நோக்கில், சமூக விரோதிகளால் பெஞ்சுகள் உடைக்கப்பட்டு உருகுலைந்து காணப்படுகின்றன.
இந்நிலையில், தோமாஸ் அருள் வீதியிலிருந்து ராஜிவ்காந்தி நகர் வழியாக கடற்கரைக்குச் செல்லும் சாலையோரத்தில் உள்ள நடைமேடையில் இரும்புத் தடுப்புகளை மர்ம நபர்கள் உடைத்து, நீர்நிலைப் பகுதியில் வீசியெறிந்துள்ளனர்.
கடற்கரையோரத்தில் உள்ள மதுக்கடைகளில் மது புட்டிகள் வாங்கும் சிலர், நடைமேடையிலேயே உட்கார்ந்து மது அருந்துகின்றனர். பின்னர், போதையில் பொது சொத்துகளை சேதப்படுத்துகின்றனர். இதனால், நாளுக்கு நாள் கடற்கரையின் அழகு சீர்குலைந்துவருகிறது. இரவு 7 மணிக்குப் பிறகு மனைவி, குழந்தைகளுடன் கடற்கரைக்கு நிம்மதியுடன் சென்று திரும்பமுடியவில்லை. மது அருந்திவிட்டு கிண்டல், கேலி செய்யும் இளைஞர் கும்பல் அதிகரித்துவிட்டது.
சமூக ஆர்வலர்கள் வலியுறுத்தல்: இத்தகைய அத்துமீறலைக் கட்டுப்படுத்த கடற்கரைப் பகுதியில் ரோந்துப் பணியை போலீஸார் தீவிரப்படுத்த வேண்டும். சீருடையில்லா காவலர்களும் கண்காணிப்பில் ஈடுபடவேண்டும். நடைமேடையில் மது அருந்துவதை தடுக்கவேண்டும். இரவு வெகு நேரம் கடற்கரையில் கூடியிருப்பதை தடுக்கவேண்டும். வேகமாக இருசக்கர வாகனம் ஓட்டி வருபவர்கள் மீது நடவடிகை எடுக்கவேண்டும். குற்றச் செயலில் ஈடுபடுவோர் மீது கடுமையான நடவடிக்கை எடுக்க வேண்டும் என சமூக ஆர்வலர்கள் வலியுறுத்துகின்றனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/மர்ம-நபர்கள்-அட்டூழியம்-கடற்கரை-நடைமேடை-இரும்புத்-தடுப்புகள்-உடைப்பு-ரோந்துப்-பணியை-தீவிரப்படுத்த-2941494.html
2941493 நாகப்பட்டினம் காரைக்கால் தமுமுக, தவ்ஹீத் ஜமாஅத் சார்பில் ரமலான் தொழுகை DIN DIN Sunday, June 17, 2018 05:14 AM +0530 காரைக்காலில் தமுமுக, தவ்ஹீத் ஜமாஅத் சார்பில் நகரம் மற்றும் பிற பகுதிகளில் சிறப்புத் தொழுகையும், உரை நிகழ்ச்சியும் நடத்தப்பட்டன.
தமிழ்நாடு தவ்ஹீத் ஜமாஅத் சார்பில் காரைக்கால் காயிதே மில்லத் வீதியில் உள்ள ரைஸ் மில் திடலில் நபி வழி நோன்பு பெருநாள் தொழுகை நடைபெற்றது. தவ்ஹீத் ஜமா அத் பேச்சாளர் அர்சத் அலி ஈகைப் பெருமாள் குறித்து உரையாற்றினார்.
இதுபோன்று காரைக்கால் கிழக்கு கிளை, நிரவி, திருப்பட்டினம், நல்லம்பல், அம்பகரத்தூர்உள்ளிட்ட பகுதிகளிலும் நடத்தப்பட்டன. இதில் திரளானோர் கலந்துகொண்டனர்.
முன்னதாக வெள்ளிக்கிழமை ரமலானையொட்டி, காரைக்கால் மாவட்டத்தில் சுமார் 2 ஆயிரம் ஏழைகளுக்கு அரிசி, பருப்பு உள்ளிட்ட மளிகைப் பொருள்களை ஜமாஅத் அமைப்பினர் வழங்கினர்.
இஸ்லாமிய பிரசார பேரவை (ஐபிபி) மற்றும் ஏகத்துவ பிரசார மையம் இணைந்து நடத்திய நோன்பு பெருநாள் தொழுகை காரைக்கால் தனியார் பள்ளி வளாகத் திடலில் நடைபெற்றது. குத்பா உரையை ஏகத்துவ பிரசார மைய மாநில தலைவர் முஹம்மது சலீம் நிகழ்த்தினார்.
பெருநாள் தொழுகையில் தமுமுக முன்னாள் மாநில செயலர் ஷேக் அலாவுதீன், இஸ்லாமிய பிரசார பேரவை நிர்வாகிகள் செய்யது புஹாரி, அஷ்ரப் அலி, முத்து, எஸ்.டி.பி.ஐ. மாவட்ட பொது செயலர் தமீம் கனி, ஆயிஷா மர்கஸ் நிர்வாகிகள் அக்பர் அலி, கபீர் மற்றும் நூற்றுக்கணக்கான பெண்கள் உட்பட ஏராளமானோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/தமுமுக-தவ்ஹீத்-ஜமாஅத்-சார்பில்-ரமலான்-தொழுகை-2941493.html
2941492 நாகப்பட்டினம் காரைக்கால் கடலுக்குச் சென்ற மீனவர்கள் இன்று திரும்ப வாய்ப்பு DIN DIN Sunday, June 17, 2018 05:14 AM +0530 தடைக்காலம் நிறைவுபெற்று, விசைப்படகுகளில் கடலுக்கு மீன்பிடிக்கச் சென்ற மீனவர்கள் ஞாயிற்றுக்கிழமை (ஜூன் 17) கரைக்குத் திரும்புவர் என தெரிவிக்கப்படுகிறது.
மீன்பிடித் தடைக்காலம் 61 நாள்கள் நிறைவுபெற்று, காரைக்கால் மாவட்ட மீனவர்கள் தங்களது விசைப்படகுகளை இயக்கிக்கொண்டு வியாழக்கிழமை மாலை கடலுக்குச் சென்றனர்.
விசைப்படகில் சென்றவர்கள் 3 முதல் 5 நாள்கள் வரை கடலில் தங்கி மீன்பிடித்துத் திரும்பும் திட்டத்தில் சென்றதாக தெரிவிக்கப்பட்டது. மீன்பிடித் துறைமுகத்திலிருந்து சுமார் 300 விசைப்படகுகள் கடலுக்குச் சென்றிருக்கும் நிலையில் சுமார் 100 படகுகள் ஞாயிற்றுக்கிழமை அதிகாலையே கரைக்குத் திரும்ப வாய்ப்புண்டு என மீனவர்கள் தெரிவிக்கின்றனர்.
மாவட்டத்தின் 10 மீனவ கிராமங்களில் உள்ள சிறு மீன் வியாபாரிகள், ஞாயிற்றுக்கிழமை அதிகாலையே மீன்பிடித் துறைமுகத்துக்குச் செல்லும் வகையில் தங்களை தயார்படுத்திக் கொண்டுள்ளதாக மீனவர்கள் சனிக்கிழமை தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/கடலுக்குச்-சென்ற-மீனவர்கள்-இன்று-திரும்ப-வாய்ப்பு-2941492.html
2941491 நாகப்பட்டினம் காரைக்கால் பள்ளியில் தந்தையர் தினக் கொண்டாட்டம் DIN DIN Sunday, June 17, 2018 05:14 AM +0530 காரைக்கால் குட்ஷெப்பெர்டு ஆங்கிலப் பள்ளியில் தந்தையர் தினம் பல்வேறு நிகழ்ச்சிகளுடன் வெள்ளிக்கிழமை கொண்டாடப்பட்டது.
காரைக்கால் மேலகாசாக்குடி பகுதியில் செயல்பட்டு வரும் இப்பள்ளியில் தந்தையர் தின நிகழ்ச்சிக்கு ஏற்பாடு செய்யப்பட்டிருந்தது. பள்ளியில் பயிலும் மாணவ, மாணவியரின் பெற்றோர் பலர் கலந்துகொண்டனர். அன்பு, பாசம், கண்டிப்பு, கருணை, வீரம், விவேகம் என பல சொற்களுக்குரியவர் தந்தை என வாழ்த்து அட்டைகளை மாணவ, மாணவியர் தயார் செய்து, பெற்றோரிடம் அளித்தனர்.
பெற்றோர்களிடையே யோகா உள்ளிட்ட பல்வேறு விளையாட்டுப் போட்டிகள் நடத்தப்பட்டன. தம்பதியர் தமது குழந்தைகளுடன் விளையாட்டில் ஈடுபட்டனர். இயற்கையைப் போற்ற வேண்டும், சுற்றுச்சூழல் மாசில்லாத நிலைக்கு மரக்கன்றுகள் நட்டு பராமரிக்க வேண்டும் என்பதை வலியுறுத்தும் வகையில், மணலில் விதை பந்துகளை தயார் செய்து சாலையோரங்களில் புதைத்தனர். குழந்தைகள் கல்வி உள்ளிட்ட பிற நலனில் பெற்றோர்கள் எவ்வாறு அக்கறை செலுத்த வேண்டும், பெற்றோர்களை குழந்தைகள் எவ்வாறு பேணி காக்க வேண்டும் என்பது குறித்து பள்ளி ஆசிரியர்கள் விளக்கிப் பேசினர். போட்டிகளில் வெற்றி பெற்ற பெற்றோருக்கு பரிசுகள் வழங்கப்பட்டன.
நிகழ்ச்சியில், பள்ளித் தாளாளர் ரான்சன் தாமஸ், முதல்வர் ஜாய் தாமஸ் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/பள்ளியில்-தந்தையர்-தினக்-கொண்டாட்டம்-2941491.html
2941490 நாகப்பட்டினம் காரைக்கால் கடற்கரை சிறு வியாபாரிகளை பாதுகாக்க ஆட்சியரிடம் வலியுறுத்தல் DIN DIN Sunday, June 17, 2018 05:14 AM +0530 காரைக்கால் கடற்கரை சிறு வியாபாரிகளை பாதுகாக்க நடவடிக்கை எடுக்குமாறு மாவட்ட ஆட்சியரிடம் அண்மையில்
வலியுறுத்தப்பட்டது.
மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் அ. வின்சென்ட், காரைக்கால் வட்டச் செயலர் எஸ்.எம். தமீம், சாலையோர சிறு வியாபாரிகள் சங்க கௌரவத் தலைவர் யூசுப், செயலர் நடராஜன் உள்ளிட்டோர் மாவட்ட ஆட்சியர் ஆர். கேசவனை சந்தித்து கோரிக்கை மனு அளித்தனர். அதன் விவரம் : காரைக்கால் கடற்கரையில் பல ஆண்டுகளாக 50-க்கும் மேற்பட்ட சிறு வியாபாரிகள் சாலையோரத்தில் பாணி பூரி, வடை, ஐஸ் கிரீம் உள்ளிட்ட வியாபாரம் செய்கின்றனர். இவர்களுக்கு நகராட்சி நிர்வாகம் கடைகள் நடத்த உரிமமும், வியாபாரிகளுக்கு அடையாள அட்டையும் தந்துள்ளது. ஆனால் தற்போது நகராட்சி ஆணையர், கடற்கரை வியாபாரிகளின் சாதனங்களைப் பறிமுதல் செய்து, அவர்களை அப்புறப்படுத்தும் நடவடிக்கையில் ஈடுபட்டுள்ளார்.
இவரது நடவடிக்கை கண்மூடித்தனமாக உள்ளது. நகராட்சி நிர்வாகத்தின் நடவடிக்கையால் சிறு வியாபாரிகளின் வாழ்வாதாரம் பாதித்துள்ளது. கடந்த 2014-இல் மத்திய சட்ட அமைச்சகம் சாலையோர, நடைபாதை வியாபாரிகளைப் பாதுகாக்க தனிச் சட்டம் நிறைவேற்றியது. இதையெல்லாம் பொருட்படுத்தாமல், நகராட்சி நிர்வாகம் செய்யும் நடவடிக்கை சிறு வியாபாரிகளை மன உளைச்சலுக்குள்ளாக்கியுள்ளது. எனவே, சிறு வியாபாரிகள் அந்த பகுதியில் வியாபாரத்தை சுதந்திரமாக செய்யத் தேவையான நடவடிக்கைகளை எடுக்கவேண்டும் என அதில் வலியுறுத்தப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2018/jun/17/கடற்கரை-சிறு-வியாபாரிகளை-பாதுகாக்க-ஆட்சியரிடம்-வலியுறுத்தல்-2941490.html
2941489 நாகப்பட்டினம் காரைக்கால் காரைக்கால் கடற்கரையில் பிரச்னை: மூவர் மீது வழக்கு DIN DIN Sunday, June 17, 2018 05:13 AM +0530 கடற்கரையில் சாதனங்களை நகராட்சி நிர்வாகத்தினர் பறிமுதல் செய்ய முயன்றபோது ஏற்பட்ட பிரச்னை தொடர்பாக, மூவர் மீது போலீஸார் வழக்குப் பதிவு செய்துள்ளனர்.
காரைக்கால் கடற்கரையில் ஐஸ் கிரீம், சுண்டல் விற்பனை உள்ளிட்ட பல்வேறு பொருள் விற்பனை மையங்கள் உள்ளன. இவை தினமும் கடற்கரைக்கு தள்ளுவண்டியில் கொண்டுவந்துவிட்டு, திருப்பி கொண்டு சென்றுவிட வேண்டும் என்பது விதி. ஆனால், பலர் கடற்கரையிலியே நிரந்தரமாக வணிகம் செய்யும் வகையில் மையத்தை அமைத்துள்ளனர்.
இதுகுறித்து பல்வேறு தரப்பினர் அளித்த புகாரின்பேரில், நகராட்சி ஆணையர் சுபாஷ் தலைமையில் காவல்துறையினருடன் நகராட்சி நிர்வாகத்தினர் வியாழக்கிழமை கடற்கரைக்குச் சென்றனர்.
நிரந்தரமாக சாதனங்களை நிறுவிய பலவற்றை நகராட்சி நிர்வாகத்தினர் அப்புறப்படுத்தினர். ஒரு கடையை அப்புறப்படுத்த முயன்றபோது, கடையில் இருந்த காரைக்கால் தீன்ஸ் பார்க் பகுதியைச் சேர்ந்த நாச்சியாள் (48) என்பவர் எதிர்ப்பு தெரிவித்ததாக கூறப்படுகிறது. அப்போது அங்கு வந்த அவரது மகன் முகம்மது அபாஸ் (24), கடையை அப்புறப்படுத்திக்கொண்டிருந்தாராம். அந்த பகுதிக்கு வந்த மேட்டுத்தெருவைச் சேர்ந்த நடராஜன் என்பவர், நகராட்சி நிர்வாகத்தினருக்கு எதிராகவும், முகம்மது அபாஸþக்கு ஆதரவாகவும் பேசியதோடு, முகம்மது அபாஸ் பொருள்களை எடுத்ததை தடுத்தாராம்.
இவ்விருவரிடையே வாக்குவாதம் ஏற்பட்டதாக கூறப்படுகிறது. அப்போது முகம்மது பயாஸ், கண்ணாடி புட்டியை எடுத்து தரையில் உடைத்ததாகவும், இதில் அவருக்கு காயமேற்பட்டதாகவும் கூறப்படுகிறது. இவர் அரசு பொது மருத்துவமனையில் அனுமதிக்கப்பட்டு, மேல் சிகிச்சைக்காக சென்னைக்கு அழைத்துச் செல்லப்பட்டுள்ளார்.
நகராட்சி நிர்வாகத்தினர் தங்களை தாக்கிவிட்டதாக கடைக்காரர் தரப்பு தெரிவிக்கும் வேளையில், நகராட்சி ஆணையர் சுபாஷ் காரைக்கால் நகர காவல் நிலையத்தில் புகார் அளித்தார். தங்களை பணி செய்யவிடாமல் தடுத்ததாகவும், அவதூறாக பேசியதாகவும் அளித்த புகாரின்பேரில், முகம்மது பயாஸ், நடராஜன், நாச்சியாள் ஆகியோர் மீது போலீஸார் வழக்குப் பதிவு செய்து விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-nagapattinam/karaikal/2018/jun/17/காரைக்கால்-கடற்கரையில்-பிரச்னை-மூவர்-மீது-வழக்கு-2941489.html
2940425 நாகப்பட்டினம் காரைக்கால் அரசு மேல்நிலைப்பள்ளியில் 11-ஆம் வகுப்பு சேரும் மாணவர்கள் கவனத்துக்கு... DIN DIN Saturday, June 16, 2018 12:59 AM +0530 அரசு மேல்நிலைப்பள்ளியில் 11-ஆம் வகுப்பு சேர்க்கைக்கான நடைமுறையைக் கல்வித்துறை மாற்றி அமைத்துள்ளது.
இதுகுறித்து காரைக்கால் கல்வித்துறை அலுவலகம் வெள்ளிக்கிழமை வெளியிட்ட செய்திக் குறிப்பு :  அரசுப் பள்ளிகளில் 10-ஆம் வகுப்பு மாணவர்களுக்கு முன்னுரிமை அளிக்கப்படுகிறது. பள்ளியில் இருக்கும் இடங்களைப் பொருத்து தகுதி, இடஒதுக்கீடு முறையில் மாணவர் தேர்வு செய்யப்படுவார். தகுதியுள்ள எந்தவொரு மாணவருக்கும் சேர்க்கை முடியும் வரை அரசுப் பள்ளிகளில் இடமில்லை என நிராகரிக்கப்பட மாட்டாது.
தகுதியுள்ள அரசுப் பள்ளி மாணவர்கள் சேர்க்கப்பட்ட பின்னர், மீதமுள்ள இடங்களை அரசு உதவிபெறும் பள்ளிகளில் 10-ஆம் வகுப்பு தேர்ச்சி பெற்ற மாணவர்களுக்கு தகுதி, இடஒதுக்கீடு முறையில் 11-ஆம் வகுப்பில் சேர்க்கப்படுவார்கள்.
தகுதியுள்ள அரசு மற்றும் அரசு உதவிபெறும் பள்ளி மாணவர்கள் சேர்க்கை முடிந்த பிறகு மீதமுள்ள இடங்களில் தனியார் பள்ளிகளில் 10-ஆம் வகுப்பு தேர்ச்சி பெற்ற மாணவர்களுக்கு தகுதி, இடஒதுக்கீடு முறையில் சேர்க்கை வழங்கப்படும்.
அதன் பிறகு 10-ஆம் வகுப்பு துணைத் தேர்வில் தேர்ச்சி பெற்ற மாணவர்களை அரசு மேல்நிலைப்பள்ளிகளில் தகுதி, இடஒதுக்கீடு முறையில் 11-ஆம் வகுப்பில் சேர்க்கை வழங்கப்படும். இறுதியாக புதுவை குடியுரிமை இல்லாத மாணவர்களுக்கு அரசு மேல்நிலைப்பள்ளிகளில் தகுதி, இடஒதுக்கீடு முறையில் சேர்க்கை வழங்கப்படும். 11-ஆம் வகுப்பில் சேர விரும்பும் மாணவ மாணவியர், எந்தெந்த பள்ளியில் சேர விரும்புகிறார்களோ, அந்தப் பள்ளியில் தனித்தனியே விண்ணப்பம் பெற்று பூர்த்தி செய்த விண்ணங்களை, ஜூன் 20-ஆம் தேதி மாலை 4 மணிக்குள் இணையதள மதிப்பெண் சான்று நகல், நிரந்தர ஒருங்கிணைந்த சான்றிதழ், மாற்றுச் சான்றிதழ் நகல் ஆகியவற்றை இணைத்து அந்தந்த பள்ளியிலேயே சமர்ப்பிக்க வேண்டும். ஒரு மாணவர் எத்தனை பள்ளிகளில் வேண்டுமானாலும் விண்ணப்பிக்கலாம். விண்ணப்பங்கள் பரிசீலனை செய்யப்பட்டு 21-ஆம் தேதி முதல் 11-ஆம் வகுப்பு சேர்க்கைக்கு தேர்வு செய்யப்பட்ட மாணவர்களின் பட்டியல் மேற்கூறிய அரசு ஆணை மற்றும் வழிகாட்டுதலின்படி அந்தந்த பள்ளி தகவல் பலகையில் ஒட்டப்படும் என அதில் கூறப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2018/jun/16/அரசு-மேல்நிலைப்பள்ளியில்-11-ஆம்-வகுப்பு-சேரும்-மாணவர்கள்-கவனத்துக்கு-2940425.html
2940423 நாகப்பட்டினம் காரைக்கால் தாமதமாக வந்த விடுமுறை ரத்து அறிவிப்பு : மாணவர்கள் வருகை வெகுவாகக் குறைந்தது DIN DIN Saturday, June 16, 2018 12:59 AM +0530 விடுமுறை   உத்தரவு ரத்து  செய்யப்பட்ட நிலையில்,  வெள்ளிக்கிழமை பள்ளிகளுக்கு வந்த மாணவர்களின்  எண்ணிக்கை வெகுவாகக் குறைந்து காணப்பட்டது.
ரமலானையொட்டி வியாழக்கிழமை பிற்பகல் புதுச்சேரி அரசின் கல்வித்துறை, வெள்ளிக்கிழமை விடுமுறை என்ற அறிவிப்பை செய்தது. இந்த அறிவிப்பு பள்ளி நிர்வாகங்களுக்கு இணையதள முகவரியில் அனுப்பிவைக்கப்பட்டது. இந்த தகவலையொட்டி அந்தந்தப் பள்ளி நிர்வாகத்தினர் மாணவர்களுக்கு விடுமுறை தகவலை தெரிவித்தனர். தலைமை ஹாஜி சனிக்கிழமை ரமலான் கொண்டாட்டம் என வியாழக்கிழமை இரவு அறிவித்த நிலையில், புதுச்சேரியில் பள்ளிகளுக்கு விடுமுறை அறிவிப்பு ரத்து செய்யப்பட்டது. இதன் மூலம் வெள்ளிக்கிழமை வழக்கம்போல பள்ளிகள் இயங்கும் என்பது  உறுதியானது. 
ஆனால் வெள்ளிக்கிழமை காரைக்கால் மாவட்டத்தில் பெரும்பாலான அரசுப் பள்ளிகளில் 25 சதவீத அளவிலேயே மாணவர்கள் வருகை இருந்தது.
புதுச்சேரியிலிருந்து வந்து காரைக்காலில் தங்கி பணி செய்யும் பெரும்பாலான ஆசிரியர்கள், விடுமுறை அறிவிப்பு வந்தவுடன் புதுச்சேரிக்குப் புறப்பட்டுச் சென்றனர். இதனால் புதுச்சேரி ஆசிரியர்கள் முழுமையாக இல்லாமல், உள்ளூர் ஆசிரியர்கள் மட்டுமே பள்ளிகளில் பணியாற்றினர்.
இதுகுறித்து ஆசிரியர் வட்டாரத்தில் கூறியது :  பொதுவாக காரைக்காலில் அரசுப்பள்ளிகளில் மாணவர்கள் வருகை வெள்ளிக்கிழமை வெகுவாகக் குறைந்துபோனது. பல வகுப்பறைகளில் மாணவர்களே இல்லை என்றுகூட கூறலாம். புதுச்சேரி பிராந்தியத்தைச் சேர்ந்த ஆசிரியர்கள் அவர்கள் பகுதிக்கு வியாழக்கிழமை மாலையே புறப்பட்டுச் சென்றுவிட்டனர். விடுமுறை அறிவிப்பை பள்ளி நிர்வாகம் மாணவர்களுக்கு தெரிவித்தது. விடுமுறை ரத்து தகவலை நாங்கள் தெரிவிக்க வாய்ப்பில்லை. மாணவர்களாக ஊடகங்களின் வாயிலாக அறிந்து பள்ளிக்கு வரவேண்டும். இந்தக் குழப்பத்திற்கு வேலையில்லாமல் புதுச்சேரி கல்வித்துறை அலுவலர்கள் நடவடிக்கை எடுத்திருக்கலாம். தலைமை ஹாஜியின் தகவலைக்கேட்டு இறுதியாக அறிவிப்பு செய்திருக்கலாம். அல்லது விடுமுறை அறிவிப்போடு நிறுத்தியிருந்தால்கூட,  வேறொரு  நாளில் பணி நாளாக அமைத்திருக்கலாம். இப்போது பள்ளி இயங்கியதா, இயங்கவில்லையா  என எதையும் கணக்கில் கொள்ளமுடியாது. 
பள்ளி மாணவர்களுக்கு மதிய உணவு மத்திய சமையலகத்திலிருந்து வழங்கவேண்டியுள்ளது. உணவு அனுப்பிவைப்பதிலும் ஒருவிதமான குழப்பம் ஏற்பட்டுவிட்டது. இதுபோன்ற குழப்பமான சூழல் வரும்போது, கல்வித்துறையின் அலுவலர்கள் திறமையை வெளிப்படுத்தும் விதமாக செயல்பாடுகளை அமைத்துக்கொள்ளவேண்டும். 
இதுபோன்ற குழப்பம் ஆயிரக்கணக்கான மாணவர்களைப் பாதிக்கக்கூடியது. இதுபோல எதிர்காலத்தில் நடைபெறாத வகையில் கல்வித்துறையினர் பார்த்துக்கொள்ளவேண்டும் என்றனர்.

]]>
http://www.dinamani.com/all-editions/edition-nagapattinam/karaikal/2018/jun/16/தாமதமாக-வந்த-விடுமுறை-ரத்து-அறிவிப்பு--மாணவர்கள்-வருகை-வெகுவாகக்-குறைந்தது-2940423.html
2940421 நாகப்பட்டினம் காரைக்கால் இளம் சாதனையாளர் விருது பெற்ற இரட்டையர்களுக்கு ஆளுநர் பாராட்டு DIN DIN Saturday, June 16, 2018 12:58 AM +0530 கராத்தேயில் இளம் சாதனையாளர் சிகரம் என்ற விருது  பெற்ற காரைக்காலை சேர்ந்த இரட்டையர்களை புதுச்சேரி துணை நிலை ஆளுநர் பாராட்டினார்.
காரைக்கால் வி.ஆர்.எஸ். மார்ஷியல் ஆர்ட்ஸ் அகாதெமி சார்பில் கராத்தே பயிற்சி அளிக்கப்படுகிறது. இந்த அமைப்பில் காரைக்கால் பகுதியை சேர்ந்த ஸ்டூடண்ட்ஸ் பிளாக் பெல்ட் கே.ஸ்ரீவிசாகன், கே.ஸ்ரீஹரினி ஆகிய 8 வயது இரட்டையர்கள், திருச்சியில் அண்மையில் நடைபெற்ற கராத்தே போட்டியில் பங்கேற்று இளம் சாதனையாளர் சிகரம் என்ற விருதைப் பெற்றனர்.
சிறார்கள் இருவரும் கராத்தே தலைமைப் பயிற்சியாளர் வி.ஆர்.எஸ்.குமார் தலைமையில் புதுச்சேரி ஆளுநர் மாளிகைக்கு வியாழக்கிழமை சென்றனர். துணை நிலை ஆளுநர் கிரண்பேடியை சந்தித்தனர்.  அவர் முன்பாக  தமது கராத்தே திறமைகளை வெளிப்படுத்தினர். இதுவரை மாவட்ட, மாநில, தேசிய மற்றும் உலகளவில் நடைபெற்ற போட்டிகளில் பதக்கம், சான்றிதழை துணை நிலை ஆளுநரிடம் காட்டினர். சிறார்களை துணை நிலை ஆளுநர் பாராட்டி வாழ்த்துத் தெரிவித்தார்.
இதுகுறித்து கராத்தே பயிற்சியாளர் குமார் வெள்ளிக்கிழமை கூறும்போது, கடந்த 5 ஆண்டுகளாக தமது அகாதெமியில் சிலம்பம், கராத்தே, கிக் பாக்ஸிங், நஞ்சாக், ஜூடோ, டேக்வாண்டோ ஆகிய தற்காப்புக் கலைகளை இவர்கள் கற்றுவருகின்றனர். அண்மையில் புதுச்சேரி முதல்வர் வி.நாராயணசாமி இவர்ளை அழைத்துப் பாராட்டினார். தற்போது துணை நிலை ஆளுநரை சந்தித்தோம். இருவரது கராத்தே செயல்பாடுகளை ஆளுநர் வியந்து பாராட்டினார். இருவரது எதிர்கால கனவு குறித்து கேட்டறிந்து, அதற்கேற்ப கல்வியிலும் ஊக்கமாக இருக்கவேண்டியது குறித்தும் அறிவுறுத்தினார் என்றார்.

]]>
http://www.dinamani.com/all-editions/edition-nagapattinam/karaikal/2018/jun/16/இளம்-சாதனையாளர்-விருது-பெற்ற-இரட்டையர்களுக்கு-ஆளுநர்-பாராட்டு-2940421.html
2940419 நாகப்பட்டினம் காரைக்கால் பள்ளி மாணவர்கள் உறுதிமொழி ஏற்பு DIN DIN Saturday, June 16, 2018 12:58 AM +0530 காரைக்கால் கோவிந்தசாமி  பிள்ளை அரசு உயர்நிலைப் பள்ளி மாணவர்கள், பிளாஸ்டிக்  இல்லா பள்ளி என்கிற உறுதிமொழியை  வெள்ளிக்கிழமை ஏற்றுக்கொண்டனர்.
மத்திய சுற்றுச்சூழல், காடுகள் மற்றும் பருவநிலை மாறுபாடுகளுக்கான அமைச்சகத்தின் அறிவுறுத்தலின்படியும்,  புதுச்சேரி அரசின் அறிவியல் தொழில்நுட்பம் மற்றும் சுற்றுச்சூழல் வழிகாட்டுதலின்படியும் பள்ளி வளாகத்தில் உறுதிமொழி ஏற்பு நிகழ்ச்சி வெள்ளிக்கிழமை நடைபெற்றது.
மாணவர்கள், ஆசிரியர்கள், ஊழியர்கள் இதில் பங்கேற்றனர். பள்ளிச் சூழலில் பாலித்தீன் மற்றும் பிளாஸ்டிக் பொருள்களைத் தவிர்க்கும் வகையிலான வாசகங்களை உறுதிமொழியாக ஏற்றுக்கொண்டனர். பல்வேறு சுற்றுச்சூழல் தொடர்பான நிகழ்ச்சிகள் நடத்தி, பசுமைப் பள்ளி என பெயர் பெறும் வகையிலும் உறுதிமொழி எடுத்துக்கொண்டனர். உறுதிமொழியின்படி மாணவர்கள் பள்ளியில் நடந்துகொள்ளவேண்டும் என மாணவர்களுக்கு ஆசிரியர்கள் அறிவுறுத்தினர். நிகழ்ச்சிக்கு பள்ளித் தலைமையாசிரியர் ஏ.பாலசுப்ரமணியன் தலைமை வகித்தார். சமுதாய 
நலப்பணித் திட்ட அலுவலர் வி.கார்த்தி ஏற்பாடுகளை செய்திருந்தார்.
 

]]>
http://www.dinamani.com/all-editions/edition-nagapattinam/karaikal/2018/jun/16/பள்ளி-மாணவர்கள்-உறுதிமொழி-ஏற்பு-2940419.html
2940418 நாகப்பட்டினம் காரைக்கால் துப்பாக்கிச் சுடும் பயிற்சி: என்.சி.சி. மாணவர்கள் உற்சாகம் DIN DIN Saturday, June 16, 2018 12:58 AM +0530 காரைக்காலில் துப்பாக்கிச் சுடும் பயிற்சியில் என்.சி.சி. மாணவர்கள் ஆர்வத்துடன் பங்கேற்று வருகின்றனர். 
தேசிய மாணவர் படை (என்.சி.சி) சார்பில் ஆண்டுதோறும் என்.சி.சி. மாணவர்களுக்கான 10 நாள் சிறப்பு பயிற்சி முகாம் நடத்தப்படுகிறது. நிகழாண்டு காரைக்கால் மற்றும் மாஹே பிராந்தியத்தைச் சேர்ந்த என்.சி.சி. மாணவர்களுக்கான சிறப்பு முகாம் காரைக்கால் அண்ணா அரசு கலைக் கல்லூரி வளாகத்தில் ஞாயிற்றுக்கிழமை தொடங்கியது. மாணவ, மாணவியர் என 500 பேர் இந்த முகாமில் பங்கேற்றுள்ளனர்.
மாணவர்களுக்கு துப்பாக்கிச் சுடுதல் உள்ளிட்ட பல்வேறு பயிற்சிகள் அளிக்கப்படுகின்றன. முகாம் தலைமை அலுவலர் கர்னல் சி.எஸ். சர்மா முன்னிலையில், ராணுவப் பயிற்றுநர்கள், என்.சி.சி அலுவலர்கள் பயிற்சி அளிக்கின்றனர்.
துப்பாக்கிச் சுடுதல் பயிற்சிக்காக மைதானத்தில் சுவர் ஒன்று எழுப்பப்பட்டுள்ளது. அதை இலக்காக வைத்து பயிற்சி அளிக்கப்படுகிறது. இதில், மாணவ, மாணவியர் ஆர்வத்துடன் பங்கேற்று வருகின்றனர். திங்கள்கிழமை முதல் பயிற்சி தரப்படுகிறது. 
இந்த பயிற்சி குறித்து என்.சி.சி. அலுவலர்கள் கூறியது : என்.சி.சி. மாணவர்கள் அனைவரும் துப்பாக்கிச் சுடும்  பயிற்சி பெற்றிருப்பது அவசியம். துப்பாக்கியைக் கையாளுதல், குண்டுகளைப் பொருத்துதல், இலக்கை நோக்கிச் சுடுதல் போன்றவற்றுக்கு எவ்வாறு நமது உடலமைப்புகளை வைத்துக் கொள்ள வேண்டும் என்பது குறித்து பயிற்சி அளிக்கப்படுகிறது.
கடந்த 1998-ஆம் ஆண்டு வரை காரைக்காலில் மாணவர்களுக்கு துப்பாக்கிச் சுடும் பயிற்சி தரப்பட்டது. பின்னர் அதற்கான சூழல் இல்லை. இதைத்தொட்ர்ந்து, 2017-ஆம் ஆண்டு முதல் துப்பாக்கிச் சுடும் பயிற்சி மீண்டும் அளிக்கப்படுகிறது. ஒவ்வொரு முகாமிலும் 500 மாணவ, மாணவியர் பங்கேற்கின்றனர்.
ஒவ்வொரு மாணவருக்கும் 5 ரவுண்டு சுடுவதற்கான வாய்ப்பு தரப்படுகிறது. பயிற்சிக்காக உள்ள குண்டுகள் இதற்கு பயன்படுத்தப்படுகிறது. 2,200 குண்டுகள் இந்த முகாமில் பயன்படுத்தப்படுகின்றன. 8 துப்பாக்கிகள் பயிற்சியில் பயன்படுத்தப்படுகின்றன.
மாணவர்களுக்கு ராணுவத்தில் சேர வேண்டும் என்ற ஆர்வத்தை எந்த வகையில் தந்தாலும், துப்பாக்கிச் சுடும் பயிற்சியை அவர்கள் ஓரளவு கற்றிருப்பது அவசியம். கடந்த ஆண்டு சுமார் 500 மாணவ, மாணவியர் இந்த பயிற்சியைப் பெற்றனர். நிகழாண்டும் அதே எண்ணிக்கையில் மாணவர்கள் பயிற்சி பெறுகின்றனர். முகாம் தொடங்கியது முதல் வெள்ளிக்கிழமை வரை 400 மாணவ மாணவியர் பயிற்சிப் பெற்றுள்ளனர். எஞ்சியவர்களுக்கு சனிக்கிழமை காலை பயிற்சி தரப்பட்டு, மாலை தேர்வு நடத்தப்படுகிறது. இதில் தேர்வாகும் மாணவர்கள் மாநில அளவிலான தேர்வுக்கு அனுப்பி வைக்கப்படுவர். அங்கு தேர்வானால் தேசிய அளவில் நடக்கும் தேர்வுக்கு அனுப்பி வைக்கப்படுவர்.
தற்போது இந்த பயிற்சியில் ஈடுபட்டிருக்கும் மாணவர்களிடையே, தாம் காவல்துறையிலோ அல்லது ராணுவத்திலோ சேரவேண்டும் என்கிற ஊக்கம் ஏற்பட்டிருப்பதை அறியமுடிகிறது. இந்த முகாம் அவர்கள் எண்ணத்துக்கு தூண்டுகோலாக அமைந்திருக்கிறது என்றனர்.
 

]]>
http://www.dinamani.com/all-editions/edition-nagapattinam/karaikal/2018/jun/16/துப்பாக்கிச்-சுடும்-பயிற்சி-என்சிசி-மாணவர்கள்-உற்சாகம்-2940418.html
2940416 நாகப்பட்டினம் காரைக்கால் முதல் தவணை பெற்றும் கழிவறை கட்டாத பயனாளிகள்: ஜூன் மாதத்துக்குள் முடிக்க ஆட்சியர் அறிவுறுத்தல் DIN DIN Saturday, June 16, 2018 12:57 AM +0530 தூய்மை இந்தியா திட்டத்தின்கீழ், முதல் தவணை பெற்றும் கழிவறை கட்டாத இடங்களை ஆய்வுசெய்த ஆட்சியர் ஆர். கேசவன், ஜூன் மாதத்துக்குள் முதல் தவணைக்குரிய அளவில் கட்டுமான பணிகளை முடிக்க வேண்டும் என பயனாளிகளுக்கு அறிவுறுத்தினார்.
தூய்மை இந்தியா திட்டத்தின்கீழ், கழிவறை இல்லாத வீடுகளில் கழிவறை கட்ட ரூ.20 ஆயிரம் நிதியுதவி தரப்படுகிறது. மத்திய அரசும், புதுச்சேரி அரசும் இந்த நிதியை இணைந்து அளிக்கின்றன. வட்டார வளர்ச்சி அலுவலகம், நகராட்சி நிர்வாகம் ஆகியவை இந்த திட்டத்தை நிறைவேற்றுகின்றன.
வட்டார வளர்ச்சி நிர்வாகம் சார்பில் கடந்த 2016-ஆம் ஆண்டு இறுதியில் சுமார் 7 ஆயிரம் பயனாளிகளுக்கு முதல் தவணையாக ரூ.7 ஆயிரம் தரப்பட்டது. இந்தத் தொகையில் குறிப்பிட்ட அளவில் கட்டுமான பணிகளை முடித்துவிட்டு, 2-ஆம் கட்ட நிதி ரூ.5 ஆயிரம், 3-ஆம் கட்ட நிதி ரூ.8 ஆயிரம் பெற்றுக்கொள்ள வேண்டும். ஒவ்வொரு தவணைக்குரிய பணிகளை முடிக்க கால அவகாசம் உண்டு.
ஆயினும், முதல் தவணைத் தொகை பெற்ற பயனாளிகளில் பெரும்பாலானோர் கழிவறை கட்டாமல் உள்ளதாக புகார் எழுந்தது. இதுபற்றி வட்டார வளர்ச்சித் துறையினர் ஆய்வுசெய்தபோது, இது உறுதியானது.
இதைத்தொடர்ந்து, நெடுங்காடு தொகுதிக்குள்பட்ட  பகுதியில் முதல் தவணைத் தொகை பெற்றுள்ள பயனாளிகள் மேற்கொண்ட கழிவறை கட்டுமான பணிகளை மாவட்ட ஆட்சியர் ஆர். கேசவன் வெள்ளிக்கிழமை ஆய்வு செய்தார். 
அப்போது, வட்டார வளர்ச்சி அலுவலர் எஸ். பிரேமா, திட்டம் குறித்தும் பயனாளிகள் நிலை குறித்தும் ஆட்சியரிடம் விளக்கினார்.
முதல் தவணைத் தொகை பெற்ற பயனாளிகளில் பலர் கட்டுமான பணியை செய்யவில்லை. இதனால் கிராமப் பஞ்சாயத்து மகளிர் கூட்டமைப்பினர் ஒத்துழைப்புடன் கட்டுமானத்தை செய்வதற்கு  ஏற்பாடு செய்யப்பட்டுள்ளது. இதில் பல இடங்களில் தற்போது கட்டுமானம் நடைபெற்று வருவதாக வட்டார வளர்ச்சி அலுவலர் விளக்கினார். நெடுங்காடு பகுதியில் பண்டாரவாடை, அந்தோணியார் கோயில் தெரு, ராஜீவ்காந்தி நகர், முருகன் கோயில் தெரு  உள்ளிட்ட இடங்களில் கழிவறை கட்டுமானம் தொடங்கியவற்றைப் பார்வையிட்டதோடு, முதல் தவணை தொகை பெற்றும் கட்டுமானம் செய்யாமல் உள்ள பயனாளிகளை ஆட்சியர் சந்தித்தார். மேலும், கட்டுமானப் பணியைத் தொடங்காததற்கான காரணங்களைக் கேட்டறிந்த அவர், வரும் ஜூன் மாத இறுதிக்குள் முதல் தவணை தொகைக்குரிய கட்டுமானத்தை முடிக்க வேண்டும் என பயனாளிகளுக்கு அறிவுறுத்தினார்.
இந்த ஆய்வு குறித்து மாவட்ட ஆட்சியரிடம் கேட்டபோது, முதல் தவணை தொகை பெற்ற பெரும்பாலானோர் கட்டுமானத்தைத் தொடராமல் உள்ளனர். கிராம பெண்கள் கூட்டமைப்பின் ஆதரவில் கட்டுமானத்தை முடிக்க ஏற்பாடுகள் செய்யப்பட்டுள்ளன. ஜூன் மாத இறுதிக்குள் முதல் தவணை பெற்ற அனைவரும் கட்டுமானத்தை குறித்த அளவு முடிக்க வேண்டும். அவற்றை ஆய்வு செய்த பின்னரே அடுத்த தவணை தொகை அனுமதிக்கப்படும் என அறிவுறுத்தப்பட்டுள்ளது. 
விரைவில் காரைக்கால் மாவட்டத்தில் இந்த திட்டத்தின் மூலம்  பயனாளிகள் அனைவரும் கழிவறை கட்டி முடிப்பார்கள் என்ற நம்பிக்கை உள்ளது. சம்பந்தப்பட்ட அரசுத் துறையினர் இவற்றின் மீது சிறப்பு கவனம் செலுத்த அறிவுறுத்தப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2018/jun/16/முதல்-தவணை-பெற்றும்-கழிவறை-கட்டாத-பயனாளிகள்-ஜூன்-மாதத்துக்குள்-முடிக்க-ஆட்சியர்-அறிவுறுத்தல்-2940416.html
2940415 நாகப்பட்டினம் காரைக்கால் காரைக்கால் அம்மையார் கோயில் கருங்கல் தள விரிசலை சீரமைக்கும் பணி தீவிரம் DIN DIN Saturday, June 16, 2018 12:57 AM +0530 காரைக்கால் அம்மையார் கோயில் கருவறை, கருங்கல் தளத்தில் ஏற்பட்டிருக்கும்  விரிசல்களை சீரமைக்கும் பணிகள் தீவிரமாக நடைபெற்று வருகின்றன.
காரைக்கால் அம்மையார் கோயில் கருவறையில் மழையின்போது தண்ணீர் கசிவதையும், கோயில் பகுதி கருங்கல் தளத்தில் விரிசல் ஏற்பட்டிருப்பதையும் அறங்காவல் குழுவினர் கண்டறிந்து, புதுச்சேரி பொதுப்பணித்துறை தலைமைப் பொறியாளர் வி. சண்முகசுந்தரத்திடம் தெரிவித்தனர். அவர் நேரில் கடந்த ஆண்டு இறுதியில் பார்வையிட்டதோடு, அவரது ஏற்பாட்டின்பேரில், புதுச்சேரி பொறியியல் கல்லூரி கட்டடத் துறைப் பேராசிரியர் கோதண்டராமன் தலைமையில், பொதுப்பணித்துறை உதவிப் பொறியாளர் பி. சுப்புராயலு உள்ளிட்டோர் கடந்த ஜனவரி மாதம் ஆய்வுசெய்தனர்.
தளத்துக்கு எந்தவொரு சேதமுமின்றி, நவீன தொழில்நுட்பத்தைப் பயன்படுத்தி விரிசலை அடைக்க ஏற்பாடு செய்யப்பட்டது. எனினும், அதற்கான பணிகள் மூழுவீச்சில் தொடங்கப்படவில்லை.
இந்நிலையில், மாங்கனித் திருவிழா வரும் 25-ஆம் தேதி தொடங்கவுள்ளது. இந்த பகுதியில் திருக்கல்யாணம் நடைபெறவுள்ளது. எனவே விரிசலால் எந்தவித பாதிப்பும் ஏற்படாதபடி, அதை சரிசெய்ய கோயில் நிர்வாகம் முடிவு செய்தது. இதற்கான பணிகள் தற்போது தீவிரமாக நடைபெற்று வருன்றன. இதுகுறித்து கைலாசநாதர் கோயில் அறங்காவல் குழு செயலர் எம். பக்கிரிசாமி வெள்ளிக்கிழமை கூறும்போது, கருங்கல்லில் ஏற்பட்ட விரிசலை சரிசெய்யும் வகையிலான அனுபவமிக்கவர்கள் கிடைப்பது அரிதாக இருக்கிறது. எனவே இதற்கான நிரந்தர சீரமைப்புப் பணிகள் செய்யும் வரை காத்திருக்காமல், விரிசலால் எந்தவித பாதிப்பும் ஏற்படாத வகையில் தற்காலிக சீரமைப்பு செய்ய கோயில் நிர்வாகம் முடிவு செய்தது. இதன் அடிப்படையில் 2 இரும்புத் தூண்களை விரிசல் ஏற்பட்ட கருங்கல் தளத்துக்குக் கீழ் பொருத்தி, தளத்துக்கு வலுசேர்க்கும் நடவடிக்கை மேற்கொள்ளப்படுகிறது. இது நல்ல பாதுகாப்புமிக்கது. இந்த பணிகள் அடுத்த ஒரு வாரத்தில் நிறைவுபெற்றுவிடும். அடுத்தகட்டமாக நிரந்தர சீரமைப்புக்கான நடவடிக்கை மேற்கொள்ளப்படும் என்றார் அவர்.

]]>
http://www.dinamani.com/all-editions/edition-nagapattinam/karaikal/2018/jun/16/காரைக்கால்-அம்மையார்-கோயில்-கருங்கல்-தள-விரிசலை-சீரமைக்கும்-பணி-தீவிரம்-2940415.html
2939959 நாகப்பட்டினம் காரைக்கால் ஆட்சியரகத்தை முற்றுகையிட முயன்ற வேளாண் கல்லூரி ஊழியர்கள் கைது DIN DIN Friday, June 15, 2018 08:25 AM +0530 பணி நிரந்தரம் செய்வது உள்ளிட்ட  பல்வேறு கோரிக்கைகளை வலியுறுத்தும் விதமாக, காரைக்கால் மாவட்ட ஆட்சியரகத்தை முற்றுகையிட பேரணியாகச் சென்ற வேளாண் கல்லூரி ஊழியர்களை போலீஸார் வியாழக்கிழமை கைது செய்தனர்.
காரைக்கால் பகுதி நெடுங்காடு, செருமாவிளங்கையில் இயங்கிவரும் பண்டித ஜவாஹர்லால் நேரு வேளாண் கல்லூரி மற்றும் ஆராய்ச்சி நிலைய ஊழியர்கள், கடந்த ஒரு மாதத்துக்கும் மேலாக பலகட்ட போராட்டங்களை நடத்தி வருகின்றனர். 
 கல்லூரியில் 24 ஆண்டுகளுக்கு மேலாக தினக்கூலி ஊழியர்களாக பணியாற்றும் அனைத்து பணியாளர்களையும் காலம்தாழ்த்தாமல் பணி நிரந்தரம் செய்ய வேண்டும்.  7-ஆவது ஊதியக்குழு பரிந்துரைகளை அமல்படுத்த வேண்டும்.  கல்லூரியில் பயிலும் இளநிலை மற்றும் முதுநிலை மாணவர்களின் எதிர்கால நலன் மற்றும் வேலைவாய்ப்பைக் கருத்தில் கொண்டு தற்போது இணைக்கப்பட்டுள்ள புதுச்சேரி பல்கலைக்கழகத்திலிருந்து விடுவித்து, முன்பிருந்ததுபோல்  வேளாண் கல்விக்கென்று உள்ள தமிழ்நாடு வேளாண் கழகத்துடன் கல்லூரியை இணைக்க வேண்டும்.
 கல்லூரியில் ஆசிரியர் அல்லாத ஊழியர்கள் மிகவும் பாரபட்சத்தோடு நடத்தப்படுவதைத் தடுத்து நிறுத்த வேண்டும். நிர்வாகச் செயல்பாடுகளை கவனிக்க புதுச்சேரி சிவில் சர்வீசஸ் அலுவலரை நியமனம் செய்ய வேண்டும் உள்ளிட்ட 22 -க்கும் மேற்பட்ட கோரிக்கைகளை வலியுறுத்தி, காரைக்கால் மாவட்ட ஆட்சியரகத்தை வியாழக்கிழமை முற்றுகையிட்டுப் போராட்டம் நடத்தப் போவதாக அறிவித்திருந்தனர்.
இதன்படி ஊழியர் சங்கத் தலைவர் செல்லப்பாண்டியன் தலைமையில், காரைக்கால் கோயில்பத்து பகுதியிலிருந்து ஆட்சியரகம் நோக்கி பேரணியாகச் சென்றனர்.  
ஆட்சியரகத்தைச் சுற்றி குறிப்பிட்ட பகுதி வரை 144 தடை உத்தரவு அமலில் உள்ள நிலையில், பேரணியாகப் புறப்பட்ட நிலையில் அவர்களை போலீஸார் தடுத்து நிறுத்தி கைது செய்தனர். இதில், பெண்கள் உள்ளிட்ட 156 பேர் கைதாகி, பின்னர் விடுவிக்கப்பட்டனர்.
போராட்டத்தில், சங்க ஆலோசகர் சிவகுமார், பொதுச் செயலாளர் ஜீவானந்தம், செயலாளர் மருதமுத்து,  உள்ளிட்டோர் கலந்துகொண்டனர். அரசு ஊழியர் சம்மேளன கெளரவத் தலைவர்கள்  ஜார்ஜ், ஜெய்சிங், தலைவர் சுப்ரமணியன், பொதுச் செயலாளர்  ஷேக் அலாவுதீன் ஆகியோர் கண்டன உரையாற்றினர். 
சம்மேளன பொருளாளர் மயில்வாகனன், அலுவலகச் செயலாளர் புகழேந்தி, பி.ஆர்.டி.சி. ஊழியர் சங்கப் பொறுப்பாளர் சுப்புராஜ், வேளாண்துறை ஊழியர் சங்கத்தைச் சேர்ந்த  தமிழ்வாணன், பி.பி.சி.எல். ஊழியர் சங்கத்தைச் சேர்ந்த கலைச்செல்வம், தீயணைப்புத்துறை ஊழியர் சங்கத்தைச் சேர்ந்த செல்வராஜ், கந்த பழனிவேல் ஆகியோர் பங்கேற்று ஆதரவு தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/jun/15/ஆட்சியரகத்தை-முற்றுகையிட-முயன்ற-வேளாண்-கல்லூரி-ஊழியர்கள்-கைது-2939959.html
2939958 நாகப்பட்டினம் காரைக்கால் மீனவர்களுக்கு சதுரக்கண்ணி வலை பயன்பாடு குறித்து விழிப்புணர்வு DIN DIN Friday, June 15, 2018 08:25 AM +0530 சிறிய வகை மீன்கள் வலையிலிருந்து வெளியேறும் விதத்தினாலான சதுரக்கண்ணி வலை பயன்பாடு குறித்து காரைக்கால் மீனவர்களுக்கு விழிப்புணர்வு நிகழ்ச்சி நடைபெற்றது.
கடலுக்கு மீன்பிடிக்கச் செல்லும் மீனவர்கள் பல்வேறு விதமான வலைகளைப் பயன்படுத்துகின்றனர். மிகவும் சிறிய துளை கொண்ட இழுவை வலைகள் பயன்படுத்துவதால், மீன் குஞ்சுகள்கூட சிக்கிவிடுகிறது. இதனால் கடலில் மீன்வளம்  குறைந்துவருவதாக கூறப்படுகிறது. இதுபோன்ற வலைகளைப் பயன்படுத்தக்கூடாது என்ற தடை உத்தரவு அமலில் இருந்தாலும், மீனவர்கள் பலர் இதன் பயன்பாட்டினை நிறுத்தவில்லை.
இந்த நிலையில், கடல் பொருள் ஏற்றுமதி அபிவிருத்தி ஆணையம், நெட்பிஷ் என்கிற திட்டத்தின்கீழ் கொச்சி பகுதியில் சோதனை முறையில் இழுவலையில் சதுரக்கண்ணிகளைக்கொண்ட வலையை  பயன்படுத்தியுள்ளனர். இந்த பயன்பாட்டினால் மிகச்சிறிய மீன்கள் வலையிலிருந்து தப்பித்து, வலையில்  பெரிய மீன்கள் மட்டுமே இருந்தது உறுதிப்படுத்தப்பட்டது. இந்த வலையை காரைக்கால் மீனவர்கள் பயன்படுத்த வலியுறுத்தும் விதமான விழிப்புணர்வு நிகழ்ச்சி, காரைக்கால் மீன்பிடித் துறைமுகத்தில் வியாழக்கிழமை நடத்தப்பட்டது. மீன்வளத்துறை துணை இயக்குநர் ரா.கவியரசன், நெட்பிஷ் மாநில ஒருங்கிணைப்பாளர் ரா.பாலசுப்ரமணியன் மற்றும் சௌந்தரராஜன் உள்ளிட்டோர் மீனவர்களுக்கு இந்த வலையின் பயன்பாடு குறித்து விளக்கம் அளித்தனர். கொச்சியில் சோதனை முறையில் பயன்படுத்தப்பட்டபோது நல்ல பயன் கிடைத்தது. காரைக்கால் மீனவர்களும் இதுபோன்ற வலையை பயன்படுத்த முன்வரவேண்டும். கடலில் மீன்வளம் தற்போது குறைந்துவருவதற்கு, மீன் குஞ்சுகளைக்கூட நாம் பிடித்துவருவதே காரணமாக உள்ளது. இந்த நிலை நீடித்தால், அடுத்த 3 ஆண்டுகளுக்குள் கடலில் மீன்வளம் வெகுவாக குறைந்து, மீனவர்கள் மாற்றுத் தொழிலை தேர்வு செய்யும் நிலை வந்துவிடும். மீனவர்களின் வாழ்வாதாரமாக கடலும், கடல் வாழ் உயிரினமும் இருப்பதால், அதன் வளர்ச்சிக்கு அனைவரும் ஒருங்கிணைந்து ஒத்துழைப்புத்தரவேண்டும் என வலியுறுத்தினர்.
மாவட்ட ஆட்சியர் ஆர்.கேசவன் சிறப்பு அழைப்பாளராக கலந்துகொண்டு இந்த வலையை பார்வையிட்டார். இந்த சதுரக்கண்ணி வலையின் பயன்பாடு குறித்து அவருக்கு துறையினர் விளக்கம் அளித்தனர். ரூ.14,500 மதிப்புள்ள 10 மீட்டர் நீளமுள்ள சதுரக்கண்ணி வலையை இலவசமாக கோட்டுச்சேரிமேட்டை  சேர்ந்த வ.பழனியாண்டிக்கு ஆட்சியர் வழங்கினார். மீன்பிடித் தடைக்காலம் 60 நாள்கள் என்கிறபோது விசைப்படகு மீனவர்கள் தொழிலுக்குச் செல்வதில்லை. ஆனால் மோட்டார் பொருத்தப்பட்ட பிற சிறிய படகுகளை தொலைதூரத்துக்குச் சென்று பெரிய வகை மீன்களைப் பிடித்துவருகின்றனர். தடைக் காலம் முடிந்து விசைப்படகுகள் சென்றால், அவர்களுக்கு தரமான மீன்கள் கிடைப்பதில்லை. எனவே தடைக் காலத்தில் மிகக் குறுகிய தூரத்தில் செல்லக்கூடிய சிறிய படகுகளுக்கு மட்டுமே அனுமதிக்கவேண்டும். மோட்டார் பொருத்தப்பட்ட எந்தவொரு படகையும் தடைக் காலத்தில் மீன்பிடிக்க அனுமதிக்கக்கூடாது. வரும் ஆண்டு முதல் இதற்கான நடவடிக்கை எடுக்கவேண்டும் என ஆட்சியரிடம் விசைப்படகு மீனவர்கள் வலியுறுத்தினர்.

]]>
http://www.dinamani.com/all-editions/edition-nagapattinam/karaikal/2018/jun/15/மீனவர்களுக்கு-சதுரக்கண்ணி-வலை-பயன்பாடு-குறித்து-விழிப்புணர்வு-2939958.html
2939957 நாகப்பட்டினம் காரைக்கால் காரைக்கால் மகளிர் பாலிடெக்னிக் கல்லூரியில் விண்ணப்பம் பதிவேற்றம் செய்ய உதவி மையம் திறப்பு DIN DIN Friday, June 15, 2018 08:25 AM +0530 காரைக்கால் மகளிர் பாலிடெக்னிக் கல்லூரியில், விண்ணப்பம் பதிவேற்றம் செய்ய உதவி மையம் திறக்கப்பட்டுள்ளதாகவும், மாணவர்கள் கல்லூரிக்கே நேரடியாக வந்து பயன்பெறலாம் என கல்லூரி நிர்வாகம் தெரிவித்துள்ளது.
புதுச்சேரி அரசு உயர்கல்வி நிறுவனமாக, காரைக்கால் மாவட்டத்தில் காரைக்கால்மேடு பகுதியில் மகளிர் பாலிடெக்னிக் கல்லூரி இயங்கிவருகிறது. இக்கல்லூரியில் இ.சி.இ., சி.எஸ்இ, இன்ஸ்ட்ருமென்டேஷன் ஆகிய பிரிவுகள் உள்ளன. புதுச்சேரி அரசு உயர்கல்வித்துறை,  மருத்துவம், பொறியியல், கலை மற்றும் அறிவியல் உள்ளிட்ட படிப்புகளுக்கு ஒரே குடையின் கீழ் விண்ணப்பிக்கும் முறையை நிகழாண்டு அமல்படுத்தியுள்ளது. இதற்காக மாணவர்கள் கணினி மூலம் விண்ணப்பத்தை பதிவேற்றம் செய்யலாம். கல்லூரிகளிலும் உதவி மையம் தொடங்கவேண்டும் என உயர்கல்வித்துறை அறிவுறுத்தியுள்ளது.
காரைக்கால் மகளிர் பாலிடெக்னிக் கல்லூரிக்கு விண்ணப்பிக்கவேண்டுமென்றாலும் சென்டாக் புதுச்சேரி என்கிற இணையதளத்தில் உள்ள விண்ணப்பம் மூலமே விண்ணப்பிக்கவேண்டும். மாணவியர் வசதிக்காக கல்லூரி நிர்வாகம் உதவி மையத்தை அமைத்து, கல்லூரி பேராசிரியர்கள் உதவியோடு விண்ணப்பம் பதிவேற்றம் செய்யும் பணி மேற்கொள்ளப்படுகிறது.
இதுகுறித்து கல்லூரி நிர்வாகத்தினர் வியாழக்கிழமை கூறும்போது, இக்கல்லூரியில் சேர்வதற்கான விண்ணப்பம் ஆன்லைன் மூலம் கிடைக்கிறது. கல்லூரி உதவி மையத்திற்கு மாணவியர் நேரில் வந்து விண்ணப்பத்தை அனுப்பலாம். மாணவியர் உரிய சான்றிதழுடன் நேரில் வரவேண்டும். இதற்கு உதவி செய்ய கல்லூரி நிர்வாகம் தயாராக இருக்கிறது. பாலிடெக்னிக் கல்லூரியில் 2-ஆம் ஆண்டு நேரடி சேர்க்கைக்கு விண்ணப்பிக்க ஜூன் 22 வரை கால நீட்டிப்பு செய்யப்பட்டுள்ளது. இக்கல்லூரியில் புதுச்சேரி மாநிலத்தை சேர்ந்தோர் மட்டும் என்ற நிலை இல்லாமல், தமிழகத்தை சேர்ந்த மாணவியரும் சேர்ந்து பயன்பெறலாம் என அரசு கூறியுள்ளது. எனவே தமிழக மாணவியரும் விண்ணப்பம் அளிக்கலாம் என்றனர்.


 

]]>
http://www.dinamani.com/all-editions/edition-nagapattinam/karaikal/2018/jun/15/காரைக்கால்-மகளிர்-பாலிடெக்னிக்-கல்லூரியில்-விண்ணப்பம்-பதிவேற்றம்-செய்ய-உதவி-மையம்-திறப்பு-2939957.html
2939956 நாகப்பட்டினம் காரைக்கால் காரைக்கால் அம்மையார் கோயில் வாயிலில் உள்ள கடை, சங்கத்துக்கு சீல் வைப்பு: நகராட்சி நடவடிக்கை DIN DIN Friday, June 15, 2018 08:24 AM +0530 காரைக்கால் அம்மையார் கோயில் வாயிலில் உள்ள கடை, சங்க கட்டடத்துக்கு நகராட்சி நிர்வாகம் சீல் வைத்துள்ளது.
காரைக்கால் கைலாசநாதர் கோயிலுக்குச் சொந்தமான இடங்களில் பல வணிக நிறுவனங்கள் இயங்கி வருகின்றன.  இந்த வணிக நிறுவனங்கள் இயங்கும் இடங்கள் சந்தை மதிப்பில் கோடிக்கணக்கான ரூபாய் ஆகும். ஆனால், மிக சொற்ப தொகையையே கோயிலுக்கு  வாடகையாக செலுத்துகின்றனர். இதிலும், பல கடையினர் வாடகைப் பாக்கி வைத்திருக்கின்றனர். பல கடைகள் நகராட்சி வணிக உரிமம் பெறவில்லை. சிலர் கோயிலின் நேரடி அனுமதியின்றி இடங்களையும், கடைகளையும் உள் வாடகைக்கு விட்டுள்ளனர்.
காரைக்கால் அம்மையார் கோயில் உள்ள பாரதியார் வீதியில், கோயில் வாயிலில் கடைகள் உள்ளன.  வளையல் கடை,  விவேகானந்தர் வாலிபர் சங்கம் உள்ளிட்டவை உள்ளன. இந்த வாலிபர் சங்கம்  சுமார் 20 ஆண்டுகளுக்கு முன்பிருந்து இயங்கிவருகிறது. இந்த சங்கத்துக்கான நிர்வாகிகள் தற்போது இல்லை. இதனால், வாடகை வசூலிப்பில் முட்டுக்கட்டை ஏற்பட்டுள்ளது. இந்த நிலையில் இந்த கட்டடத்தை தனியார் நிறுவனத்துக்கு வாடகைக்கு விட்டுள்ளனர். இதற்கெல்லாம் கோயில் நிர்வாகத்தின் அனுமதியை பெறவில்லை எனக் கூறப்படுகிறது. நகராட்சி உரிமமும் இல்லை.
இதுகுறித்து சமூக ஆர்வலர் சந்திரமௌலி என்பவர் புதுச்சேரி துணை நிலை ஆளுநருக்குப் புகார் அளித்திருந்தார். இதுசம்பந்தமாக விசாரணை நடத்த  ஆட்சியருக்கு ஆளுநர் அறிவுறுத்தியிருந்தார்.
இதையடுத்து, ஸ்ரீ கைலாசநாதர் கோயில் நிர்வாகத்திடம் இதுகுறித்து ஆட்சியர் விளக்கம் கோரியிருந்தார். ஆனால், கோயில் நிர்வாகம் தங்களிடம் எந்தவொரு ஆவணமும் இல்லை என தெரிவித்ததாகக் கூறப்படுகிறது.
இதைத்தொடர்ந்து, ஆட்சியரின் உத்தரவின்பேரில், காரைக்கால் நகராட்சி ஆணையர் சுபாஷ் தலைமையில் நகராட்சி அலுவலர்கள் புதன்கிழமை இரவு இந்த பகுதிக்குச் சென்றனர். எந்தவொரு ஆவணம் மற்றும் நகராட்சியிடம் உரிமம் பெறாமல் கோயில் இடத்தில் கடை நடத்திவருவதாகக் கூறி, கடைக்கும், சங்கக் கட்டடத்துக்கும் சீல் வைத்தனர்.
இதுகுறித்து நகராட்சி ஆணையர் வியாழக்கிழமை கூறியது: கோயில் வாயிலில் உள்ள கடைக்காரர்களும், சங்கக் கட்டட நிர்வாகமும் இதுவரை நகராட்சி வணிக உரிமம் பெறவில்லை. இதுசம்பந்தமாக பல ஆண்டுகளாக இவர்களுக்கு நோட்டீஸ் தரப்பட்டது. எதற்கும் பதில் தருவதில்லை. கோயில் நிர்வாகத்தினரிடம் இதுகுறித்து விளக்கம் கோரப்பட்டது. நிர்வாக அலுவலர் (கோயில்கள்) ஏ. விக்ரந்த் ராஜா, இதுசம்பந்தமான எந்தவொரு ஆவணமும் கோயில் நிர்வாகத்திடம் இல்லை எனவும், நகராட்சி நிர்வாகம் சட்ட விதிகளின்படி நடவடிக்கை எடுத்துக்கொள்ளலாம் எனவும் தெரிவித்தார். அதன்படி, கோயில் வாயிலில் உள்ள கடைக்கும், சங்கக் கட்டடத்துக்கும் சீல் வைக்கப்பட்டுள்ளது.
கடை நடத்துவதற்கு கோயில் நிர்வாகம் யாருக்கு அனுமதி கொடுத்திருக்கிறது என்ற அடிப்படை ஆதாரத்துடன் நகராட்சி அலுவலகத்துக்கு நேரில் வரவேண்டும். குறிப்பிடும் நபர் நகராட்சிக்கான கட்டணம், அபராதம் போன்றவற்றை செலுத்தினால், சீல் அகற்றம் செய்யப்படும் என்றார்.
 

]]>
http://www.dinamani.com/all-editions/edition-nagapattinam/karaikal/2018/jun/15/காரைக்கால்-அம்மையார்-கோயில்-வாயிலில்-உள்ள-கடை-சங்கத்துக்கு-சீல்-வைப்பு-நகராட்சி-நடவடிக்கை-2939956.html
2939955 நாகப்பட்டினம் காரைக்கால் பெங்களூருவுக்கு நிறுவனப் பயிற்சிக்கு சென்ற என்.ஐ.டி. மாணவர்களுக்கு ஊதியத்துடன் பயிற்சி DIN DIN Friday, June 15, 2018 08:24 AM +0530 பெங்களூருவுக்கு நிறுவனப் பயிற்சிக்கு சென்ற என்.ஐ.டி. முதுநிலை மாணவர்களுக்கு ஊதியத்துடன் கூடிய பயிற்சி வாய்ப்பு கிடைத்துள்ளது.
காரைக்காலில் இயங்கிவரும் தேசிய தொழில்நுட்ப நிறுவனமான என்.ஐ.டி.யில் இளநிலை பொறியியல் மாணவர்களின் இறுதியாண்டின்போது வளாக நேர்காணல் மூலம் வேலைவாய்ப்புக்கான சூழல் ஏற்படுத்தித் தரப்படுகிறது. முதுநிலை மாணவர்கள் 2-ஆம் ஆண்டு நிறுவனப் பயிற்சிக்கு சென்று சான்றிதழ் பெற வேண்டும். இதன் பிறகு வளாக நேர்காணல் மூலம் வேலைவாய்ப்புக்கு செல்லும் வாய்ப்பு கிடைக்கும்.
நிகழாண்டு காரைக்கால் என்.ஐ.டி. எம்.டெக்., முதுநிலை மாணவர்கள் 9 பேர் பெங்களூருவில் உள்ள ஏ.எல்.இ. இந்தியா பிரைவேட் லிமிடெட் என்கிற கணினி நிறுவனத்துக்கு 10 மாத பயிற்சிக்காக அனுப்பப்பட்டனர். இந்த நிறுவனம் 9 பேருக்கும், தமது நிறுவனத்தில் பயிற்சிக்கு தேர்வு செய்வதற்கான தேர்வு நடத்தியது. இதில் 4 பேர் தேர்வானார்கள்.
இவர்கள் நால்வருக்கும் ஊதியத்துடன் கூடிய பயிற்சி தரும் முடிவை நிறுவனம் அளித்துள்ளது. இது காரைக்கால் என்.ஐ.டி. மாணவர்களுக்கு கிடைத்த பெருமையாக கருதப்படுகிறது.
இதுகுறித்து என்.ஐ.டி. நிர்வாகம் தரப்பில் வியாழக்கிழமை கூறியது : பொதுவாக பயிற்சிக்காக ஒரு நிறுவனத்துக்கு சென்றால், பயிற்சி முடிந்து சான்றிதழ் பெற்றுத் திரும்புவர். ஆனால் என்.ஐ.டி. மாணவர்கள் 4 பேருக்கும் நிறுவனம் மாதம் ரூ.20 ஆயிரம் ஊதியத்துடன் பயிற்சி அளிக்க முன்வந்துள்ளது. இவர்களில் கஞ்சன்சுக்லா என்ற மாணவருக்கு ஆண்டுக்கு ரூ.6.5 லட்சம் ஊதியத்தில், பயிற்சி முடிந்தவுடன் அதே நிறுவனத்தில் பணியாற்றக்கூடிய பணியாணையும் தந்துள்ளது. மற்ற மூவரும் பயிற்சிக் காலம் முடிந்து அதே நிறுவனத்தில் பணிக்குச் செல்ல வாய்ப்பிருக்கிறது.
என்.ஐ.டி. இயக்குநராக கே. சங்கரநாராயணசாமி பொறுப்பேற்ற பின்னர் உதவிப் பேராசிரியர்கள் உள்ளிட்ட பல்வேறு காலிப்  பணியிடங்களை நிரப்புவதற்கான நடவடிக்கையைத் தீவிரப்படுத்தினார். இதன்படி என்.ஐ.டி. விதியின்படி  உதவிப் பேராசிரியர், அசோசியேட் பிரிவினர் என 16 பேர் புதிதாக தேர்ந்தெடுக்கப்பட்டுள்ளனர். இந்த நடவடிக்கைகள் யாவும் மாணவர்களின் கல்வித்திறன் மேம்படுவதற்கான வாய்ப்பை உருவாக்கித் தருகிறது என்றனர்.
 

]]>
http://www.dinamani.com/all-editions/edition-nagapattinam/karaikal/2018/jun/15/பெங்களூருவுக்கு-நிறுவனப்-பயிற்சிக்கு-சென்ற-என்ஐடி-மாணவர்களுக்கு-ஊதியத்துடன்-பயிற்சி-2939955.html
2939954 நாகப்பட்டினம் காரைக்கால் முடிவுக்கு வந்தது தடைக் காலம்: கடலுக்குப் புறப்பட்டனர் காரைக்கால் விசைப் படகு மீனவர்கள் DIN DIN Friday, June 15, 2018 08:24 AM +0530 மீன்பிடித் தடைக் காலமான 61 நாள்கள் நிறைவடைந்ததையொட்டி, காரைக்கால் மாவட்டத்தைச் சேர்ந்த விசைப்படகு மீனவர்கள் வியாழக்கிழமை கடலுக்கு மீன்பிடிக்கச் சென்றனர்.
மீன்களின் இனப்பெருக்க காலமாக ஏப்.15 முதல் மே 29 வரையிலான 45 நாள்கள் என்பது  மாற்றப்பட்டு 2017-ஆம் ஆண்டு முதல் ஜூன் 14-ஆம் தேதி வரை 61 நாள்களாக நீட்டிக்கப்பட்டது.  ஒவ்வொரு ஆண்டும் இந்த தடைக் காலத்தில் மீனவர்கள் விசைப்படகுகளை துறைமுகப் பகுதியில் நிறுத்தி,  படகுகளுக்கு வர்ணம் பூசுவது, படகுகளின் இயந்திரங்களை சீரமைப்பது, பழுதுகளை சீரமைப்பது, வலை பின்னுவது உள்ளிட்ட பல்வேறு பராமரிப்புப் பணிகளை மேற்கொள்வர்.
நிகழாண்டு தடைக் காலத்தில் இப்பணிகளை கடந்த 50 நாள்களுக்கும் மேலாக மேற்கொண்டு, மீன்பிடிக்க ஏதுவாக கடந்த சில நாள்களுக்கு முன்பு அனைத்துப் படகுகளையும் தயார்படுத்தினர். கடந்த 3 நாள்களாக  படகுகளில் ஐஸ் ஏற்றுதல், என்ஜினுக்குத் தேவையான டீசல் நிரப்புதல், இழுவை வலையை ஏற்றுதல் போன்ற பணிகளில் தீவிரமாக ஈடுபட்டனர். அனைத்துப் படகுகளின் உச்சியிலும் புதிதாக தேசியக் கொடிகள் பறக்கவிடப்பட்டன.  படகுகள் வியாழக்கிழமை புறப்படுவதற்கேற்ப புதன்கிழமை அமாவாசை தினத்தையொட்டி படகுகளுக்கு சிறப்பு பூஜைகள் செய்தனர்.  
காரைக்கால் மாவட்டத்தில் உள்ள சுமார் 300 விசைப்படகுகள் வியாழக்கிழமை பிற்பகல் அரசலாறு முகத்துவாரம் வழியே கடலுக்குள் சென்றன. இதில் சென்ற மீனவர்கள் 3 முதல் 5 நாள்கள் வரை கடலில் மீன்பிடிப்பில் ஈடுபடுவார்கள் என அவர்களது குடும்பத்தினர் தெரிவித்தனர்.
மீன்பிடித்துவிட்டு அடுத்த 3 நாள்களில் சில படகுகள் துறைமுகம் திரும்பும்போது, மீன்வரத்து அடுத்தடுத்த நாள்களில் எவ்வாறு இருக்கும் என்பது தெரியவரும். கடந்த 60 நாள்களாக ஆழ்கடலுக்கு மீனவர்கள் செல்லாததால் மீன்கள் அதிகமாக கிடைக்க வாய்ப்புண்டு. எனினும், சிறிய படகுகள் வழக்கம்போல் தடைக் காலத்தில் மீன்பிடிப்பில் இருந்ததால், எதிர்பார்த்த அளவில் மீன்கள் கிடைக்குமா என்பது சந்தேகமாக உள்ளதாக மீனவர்கள் தெரிவித்தனர்.
கடந்த 2 மாதங்களாக முடங்கியிருந்த பெரிய படகுகள் மீன்பிடிக்க சென்றுள்ளதையொட்டி அடுத்த சில நாள்களில் மீன்வரத்து அதிகரிக்கும். பல்வேறு வகை மீன்கள், அதிக அளவில் வரும்போது, சந்தையில் மீன்களின் விலை சற்று குறைய வாய்ப்புள்ளது என எதிர்பார்க்கப்படுகிறது.
 

]]>
http://www.dinamani.com/all-editions/edition-nagapattinam/karaikal/2018/jun/15/முடிவுக்கு-வந்தது-தடைக்-காலம்-கடலுக்குப்-புறப்பட்டனர்-காரைக்கால்-விசைப்-படகு-மீனவர்கள்-2939954.html
2939953 நாகப்பட்டினம் காரைக்கால் என்.சி.சி. மாணவர்கள் ரத்த தானம் DIN DIN Friday, June 15, 2018 08:24 AM +0530 காரைக்காலில் நடைபெற்று வரும் என்.சி.சி. சிறப்பு முகாமில் பங்கேற்றுள்ள காரைக்கால், மாஹே பிராந்திய மாணவர்கள், வியாழக்கிழமை ரத்த தானம் செய்தனர்.
தேசிய மாணவர் படை (என்.சி.சி) சார்பில் ஆண்டுதோறும் என்.சி.சி. மாணவர்களுக்கான 10 நாள் சிறப்பு பயிற்சி முகாம் நடத்தப்படுகிறது. நிகழாண்டு காரைக்கால் மற்றும் மாஹே பிராந்தியத்தைச் சேர்ந்த என்.சி.சி. மாணவர்களுக்கான சிறப்பு முகாம் காரைக்கால் அண்ணா அரசு கலைக்கல்லூரி வளாகத்தில் கடந்த ஞாயிற்றுக்கிழமை தொடங்கியது.  இந்த முகாமில் பங்கேற்ற மாணவர்களுக்கு பல்வேறு பயிற்சிகள் அளிப்பதோடு, விழிப்புணர்வு நிகழ்ச்சிகளும் நடத்தப்படுகின்றன. ரத்த தான விழிப்புணர்வு நடவடிக்கையாக காரைக்கால் மற்றும் மாஹே பிராந்திய மாணவர்கள் 25 பேர் காரைக்கால் அரசு பொது மருத்துவமனையில் ரத்த தானம் செய்தனர்.
முன்னதாக முகாம் தலைமை அலுவலர் கர்னல் சி.எஸ். சர்மா ரத்த தானம் செய்தார். அவரைத் தொடர்ந்து மாணவர்கள் ரத்த தானம் செய்தனர்.  நிகழ்ச்சியில் மருத்துவமனை உள்ளிருப்பு மருத்துவ அலுவலர் பி. உதயகுமார், ரத்த வங்கி அலுவலர் மதன்பாபு உள்ளிட்டோர் கலந்துகொண்டனர்.
ரத்ததானம் செய்ய வந்த மாணவர்களிடையே ரத்த தானம் செய்வதால் ஏற்படும் உடல் திறன் மேம்பாடு குறித்தும், ரத்த தானத்தில் பல உயிர்களை நம்மால் காப்பாற்ற முடிகிறது எனவும், பொதுமக்கள் பலரும் ரத்த தானம் செய்ய வேண்டும் என்ற எண்ணத்தை மாணவர்கள் விழிப்புணர்வு நடவடிக்கையால் உருவாக்க வேண்டும் என வலியுறுத்தினர். நிகழ்ச்சியில், என்.சி.சி. அலுவலர்கள், ராணுவப் பயிற்றுநர்கள் பலரும் கலந்துகொண்டனர்.
ரத்த தானம் செய்த மாணவர்களுக்கு ரத்த வங்கி நிர்வாகத்தினர் பாராட்டு தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/jun/15/என்சிசி-மாணவர்கள்-ரத்த-தானம்-2939953.html
2939952 நாகப்பட்டினம் காரைக்கால் திருப்பட்டினம்: தேசிய ஊரக வேலை உறுதித் திட்டப் பணிகள் தொடக்கம் DIN DIN Friday, June 15, 2018 08:23 AM +0530 காரைக்கால் மாவட்டம், திருப்பட்டினம்  தொகுதியில் தேசிய ஊரக வேலை உறுதியளிப்புத் திட்டப் பணிகள் வியாழக்கிழமை தொடங்கப்பட்டு, தொழிலாளர்களுக்கு புதிய அடையாள அட்டைகள்  வழங்கப்பட்டன.
காரைக்கால் மாவட்டத்தில் தேசிய ஊரக வேலை உறுதியளிப்புத் திட்டத்தில் பணிகள் கடந்த திங்கள்கிழமை தொடங்கப்பட்ட நிலையில், திருப்பட்டினம் தொகுதியில் வியாழக்கிழமை தொடங்கியது. சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன் வயலில் நடந்த பூஜையில் பங்கேற்று, பணிகளை தொடங்கிவைத்தார். மேலும், தொழிலாளர்ளுக்கு உறுப்பினர் அட்டையாள அட்டைகளை வழங்கினார்.
இந்நிகழ்ச்சியில் வட்டார வளர்ச்சி அலுவலர் எஸ். பிரேமா, இளநிலை பொறியாளர் கலைமணி உள்ளிட்டோர் கலந்துகொண்டனர். 
  இதுகுறித்து வட்டார வளர்ச்சி அலுவலர் எஸ்.பிரேமா கூறியது:
தேசிய ஊரக வேலை உறுதியளிப்புத் திட்டத்தில் காரைக்கால் மாவட்டத்தில் 2018- 19 ஆம் ஆண்டிற்கான பணிகள் தொடங்கப்பட்டுள்ளன. திருநள்ளாறில் தொடங்கப்பட்ட பணி நெடுங்காடு, கோட்டுச்சேரி, திருப்பட்டினத்தில் பரவலாக மேற்கொள்ளப்படுகிறது. திருப்பட்டினம் பகுதியில் பெரியவாய்க்கால், கீழையூர் தேரடி கட்டளை வாய்க்கால், அய்யனார் கோயில்கன்னி வாய்க்கால் மற்றும் நிரவி பகுதியில் கீழமனை வாய்க்கால், அக்கரைவட்டத்தில் காலடி வாய்க்காலில் பணிகள் மேற்கொள்ளப்படுகின்றன.
இதுவரை, காரைக்கால் மாவட்டத்தி 5,656 மனித வேலை நாள்கள் பணிகள் மேற்கொள்ளப்பட்டுள்ளன. நெடுங்காடு பகுதியிலும் நாட்டாறு பகுதியிலும் பணிகள் நடக்கின்றன. வாய்க்கால் மட்டுமல்லாது ஆற்றிலும் பணி மேற்கொள்ளப்படுகிறது. அடுத்த 3 நாள்களுக்கு பணிகள் இருக்காது. தொழிலாளர்களுக்கு 3 நாள்களுக்கொரு முறை ஊதியம் அவரவர் வங்கிக் கணக்கில் சேர்க்கப்படுகிறது.
தொழிலாளர் வருகையைப் பதிவு செய்ய பயோமெட்ரிக் முறை பயன்படுத்தப்படுகிறது. சில இடங்களில் இதற்கான சிக்னல் கிடைக்காத நிலை ஏற்படுகிறது. அப்போது, வட்டார வளர்ச்சி ஊழியர்கள் மூலம் வருகைப் பதிவு செய்யப்படுகிறது. வட்டார வளர்ச்சி அலுவலகத்தில் 4 உதவிப் பொறியாளர்களும் களப்பணியில் உள்ளனர். நானும்,  உதவிப் பொறியாளரும் அந்தந்தப் பகுதிகளில் தொடர்ந்து ஆய்வு செய்துவருகிறோம் என்றார்.
 

]]>
http://www.dinamani.com/all-editions/edition-nagapattinam/karaikal/2018/jun/15/திருப்பட்டினம்-தேசிய-ஊரக-வேலை-உறுதித்-திட்டப்-பணிகள்-தொடக்கம்-2939952.html
2939238 நாகப்பட்டினம் காரைக்கால் அரசின் உரிமையை ஆளுநரிடம் முதல்வர் பறிகொடுத்துவிட்டார்: முன்னாள் எம்.எல்.ஏ.  வி.கே.கணபதி DIN DIN Thursday, June 14, 2018 08:02 AM +0530 நியமன எம்.எல்.ஏ. தொடர்பாக அரசின் உரிமையை ஆளுநரிடம் முதல்வர் பறிகொடுத்துவிட்டார் என அதிமுக பிரமுகரும், சட்டப்பேரவை முன்னாள் உறுப்பினருமான வி.கே.கணபதி கூறினார்.
காரைக்கால் தெற்குத் தொகுதி சட்டப்பேரவை உறுப்பினராக 2006 முதல் 2011 வரை  இருந்தவர் வி.கே.கணபதி. 
இவர் காரைக்காலில் செய்தியாளர்களிடம் புதன்கிழமை கூறியது :  புதுச்சேரி நாராயணசாமி தலைமையிலான அரசின் பல்வேறு குளறுபடியான நடவடிக்கைகளால் காரைக்காலில் நிர்வாகம் ஸ்தம்பித்துள்ளது. இந்நிலையில் கடந்த 2-ஆம் தேதி காரைக்கால் வந்த முதல்வர், காரைக்காலில் மக்கள் தொகை அடிப்படையில் நிதி ஒதுக்க ஆவன செய்யப்படும் என கூறியுள்ளார். வேலைவாய்ப்பு, நலத்திட்டம், வளர்ச்சிப் பணிகள் என பிரிவுவாரியாக மக்கள் தொகை அடிப்படையில் நிதி ஒதுக்க நாங்கள் பேரவை உறுப்பினராக இருந்தபோது கோரினோம்.  ஆனால் காரைக்காலில் உள்ள 18 சதம் மக்கள் தொகை அடிப்படையில் ஒட்டுமொத்த அளவில் நிதி ஒதுக்கப்படும் என கூறுவதால் எந்த முன்னேற்றமும் ஏற்படப்போவதில்லை. 4 சதம் மக்கள் தொகை கொண்ட ஏனாம் பிராந்தியத்திற்கு இந்த நடைமுறையை முதல்வர் அமல்படுத்துவாரா ?. எனவே முதல்வர் கூறுவது ஏற்புடையது அல்ல. இதற்கான தெளிவான விளக்கத்தை முதல்வர் மக்களுக்கு அளிக்கவேண்டும்.
 காரைக்காலில் முன்னெப்போதும் இல்லாத வகையில் 60 நாட்கள் அளவில் 144 தடை உத்தரவு அமலில் உள்ளது. இதுகுறித்து முதல்வருக்கு தெரியுமா, மக்களுக்கு எவ்வளவு அவதி ஏற்படுகிறது என்பதை புரிந்துகொண்டு உத்தரவை மறுபரிசீலனை செய்யவேண்டும்.  ஒட்டுமொத்தமாக நாராயணசாமி அரசு மீது  கொண்டிருந்த நம்பிக்கையை மக்கள் இழந்துவிட்டனர்.
 புதுச்சேரியில் ஆட்சி அமைத்ததும் நியமன எம்.எல்.ஏ.க்களை முதல்வர் நியமிக்க நடவடிக்கை எடுத்திருந்தால், ஆளுநருக்கு வேலை இருந்திருக்காது. அதை முதல்வர் செய்யாததால், ஆளுநர் நியமித்துவிட்டார். மாநில  அரசின் உரிமையை முதல்வர் பறிகொடுத்துவிட்டார். காரைக்காலில் அதிமுகவை மேலும் வலிமைப்படுத்தும் வகையில் தமது பணிகள் இனி இருக்கும் என்றார் அவர்.

]]>
http://www.dinamani.com/all-editions/edition-nagapattinam/karaikal/2018/jun/14/அரசின்-உரிமையை-ஆளுநரிடம்-முதல்வர்-பறிகொடுத்துவிட்டார்-முன்னாள்-எம்எல்ஏ--விகேகணபதி-2939238.html
2939237 நாகப்பட்டினம் காரைக்கால் கள், சாராயக் கடைகள் இணைவழி ஏலம் குறித்து குத்தகைதாரர்களுக்குப் பயிற்சி DIN DIN Thursday, June 14, 2018 08:02 AM +0530 கள், சாராயக் கடைகள் இணைய வழியில் ஏலம் எடுக்கும் முறை குறித்து குத்தகைதாரர்களுக்குப் புதன்கிழமை பயிற்சி அளிக்கப்பட்டது.
புதுச்சேரி மற்றும் காரைக்கால் பகுதிகளில் உள்ள கள் மற்றும் சாராயக் கடைகள் ஆண்டுதோறும் பொது ஏலம் மூலம்  குத்தகைக்கு விடப்படுகிறது. சுமார் 20 ஆண்டுகளாக ஆக்ஷ்ன் இந்தியா என்கிற தனியார் இணை தளத்தின் மூலமே ஏலம் நடைபெற்று வந்தது. நடப்பு 2018-19-ஆவது குத்தகை ஆண்டுக்கான ஏலம், அரசு அமைப்பான தேசிய தகவலியல் (என்ஐசி) உருவாக்கியுள்ள வலைதள மூலம் நடைபெறவுள்ளது. 
இந்த முகவரியில் ஏலம் கேட்கும் முறை குறித்து குத்தகைதாரர்களுக்கு விளக்கும் கூட்டம் பெருந்தலைவர் காமராஜர் நிர்வாக வளாக கூட்டரங்கில் புதன்கிழமை நடைபெற்றது. மாவட்ட சார்பு ஆட்சியர் ஏ. விக்ராந்த்ராஜா கூட்டத்தைத் தொடங்கிவைத்தார். தேசிய தகவலியல் அலுவலர் சுந்தரமூர்த்தி, புதுச்சேரி கலால் வட்டாட்சியர் அருண்அய்யாவு உள்ளிட்டோர் பங்கேற்று, எவ்வாறு இந்த புதிய நடைமுறை மூலம் ஏலத்தில் பங்கேற்பது என்பது குறித்து குத்தகை தாரர்களுக்கு விளக்கினர். கூட்டத்தில், பங்கேற்றவர்களின் சந்தேகங்களுக்கு விளக்கம் அளிக்கப்பட்டன.

]]>
http://www.dinamani.com/all-editions/edition-nagapattinam/karaikal/2018/jun/14/கள்-சாராயக்-கடைகள்-இணைவழி-ஏலம்-குறித்து-குத்தகைதாரர்களுக்குப்-பயிற்சி-2939237.html
2939236 நாகப்பட்டினம் காரைக்கால் அரசு அலுவலர்கள், ஊழியர்கள் குறித்த நேரத்தில் பணிக்கு வராவிட்டால் பணியிடை நீக்கம்: அமைச்சர் எம். கந்தசாமி DIN DIN Thursday, June 14, 2018 08:02 AM +0530 அரசு அலுவலர்கள், ஊழியர்கள் குறித்த நேரத்தில் பணிக்கு வரவில்லையெனில் பணியிடை நீக்கம் செய்யப்படுவார்கள் என அமைச்சர் எம்.கந்தசாமி தெரிவித்தார்.
புதுச்சேரி நலத்துறை அமைச்சர் எம். கந்தசாமி காரைக்காலுக்கு புதன்கிழமை வந்தார். காலை 9.05 மணிக்கு காமராஜர் வளாகத்தில்  உள்ள அரசுத்துறை அலுவலகங்களுக்குச் சென்றார். அவருடன் சட்டப் பேரவை உறுப்பினர் கீதாஆனந்தன், மாவட்ட ஆட்சியர் ஆர். கேசவன், சார்பு ஆட்சியர் ஏ. விக்ரந்த் ராஜா ஆகியோரும் சென்றனர். பல அலுவலகங்களில் துறையின் தலைமை அலுவலர்கள், ஊழியர்கள் அமைச்சர் சென்ற நேரத்தில் பணியில் இல்லாததைப் பார்த்து கோபமடைந்தார். பணியிலிருந்த பிற ஊழியர்களிடம், அவர்கள் எப்போதும் இப்படித்தான் வருவார்களா? எனக் கேட்டறிந்தார். வருகைப் பதிவேட்டை தினமும் ஆய்வு செய்யவேண்டும். பணிக்கு வராதவர்கள் மீது கடும் நடவடிக்கை எடுக்கவேண்டும் என ஆட்சியருக்கு அறிவுறுத்தினார்.
இதைத்தொடர்ந்து திருப்பட்டினத்தில் உள்ள ஆதிதிராவிடர் மாணவர் தங்கும் விடுதி, காரைக்கால் முல்லை நகரில் உள்ள மாணவியர் விடுதிக்கு அமைச்சர் சென்றார். மாணவர்கள் பயன்படுத்தும் படுகைகள், அறை, உணவுக்கூடம், கழிவறைகளை அவர் பார்வையிட்டார். அவை சுகாதாரமற்று இருந்ததைப் பார்த்த அமைச்சர், பராமரிப்பு செய்யப்படாதது ஏன் என விடுதி நிர்வாகத்தினரிடம் கேட்டறிந்தார். 
மேலும், மாணவர்களையே இவற்றை  சுத்தமாக பராமரிக்க அறிவுறுத்த வேண்டும். விடுதியைக் காப்பாளர் திறம்பட கண்காணித்து பராமரிக்க வேண்டும் என அறிவுறுத்தினார்.
இதையடுத்து, நலத்துறை வசம் உள்ள துறை அலுவலர்களுடன் ஆலோசனைக் கூட்டத்தை அமைச்சர் எம். கந்தசாமி மேற்கொண்டார். ஒவ்வொரு துறைக்கும் அரசு  ஒதுக்கீடு செய்யும் நலத்திட்டத்துக்கான நிதியை முறையாக செலவிட வேண்டும். நிதியைப் பயன்படுத்தாமல் போனால், உரிய காலத்தில் அது திரும்பிவிடும். அதற்கு அலுவலர்கள் காரணமாக இருந்துவிடக் கூடாது. புதுச்சேரியில் இளைஞர்களுக்கு வேலைவாய்ப்பு ஏற்படுத்தித் தரும் வகையில் முகாம்கள் நடத்தப்படுகின்றன. அதுபோன்ற முகாம்கள் காரைக்காலிலும் நடத்தப்பட வேண்டும். வேலை வாய்ப்புக்கான பயிற்சியைச் சம்பந்தப்பட்ட துறை அளிக்க வேண்டும் என அறிவுறுத்தினார்.
அதன்பின்னர், செய்தியாளர்களிடம் அமைச்சர் எம். கந்தசாமி  கூறியது :  காரைக்காலில் அரசு  அலுவலகங்களில் ஆய்வு செய்தபோது பெரும்பாலான தலைமை அலுவலர்கள், ஊழியர்கள் பணிக்கு வரவில்லை. இதுபோன்ற நிலை தொடர்ந்தால் பணியிடை நீக்கம் செய்ய முடிவு செய்யப்பட்டுள்ளது. இதுகுறித்து தலைமைச் செயலர், துறை செயலர்களை அழைத்துப் பேசி, கடுமையான நடவடிக்கைகள் எடுக்குமாறு அறிவுறுத்தப்படும்.
காரைக்காலுக்கு காவிரி நீர் வருவதில்லை. இதனால், விவசாயம் பாதித்துள்ளது. எனவே அரசு நலத்திட்ட உதவிகள் சரியாக கிடைத்தாக வேண்டும். அதற்கு அலுவலர்கள், ஊழியர்கள் முறையாக செயல்பட வேண்டும். மாவட்ட ஆட்சியருக்கு ரூ.1 கோடி நிதி வரை அனுமதிக்கும் அதிகாரம் உள்ளது. மாவட்ட அரசுத்துறையினர் ஆட்சியரின் அதிகாரத்துக்குள்பட்ட நிதியைப் பயன்படுத்திக் கொண்டு திட்டங்களை நிறைவேற்ற வேண்டும். இயக்குநர் வரை கோப்பு சென்றுவர வேண்டும் நிலையில் ஏற்படும் தாமதத்தை ஆட்சியர் தலையிட்டு சரிசெய்வார்.
அரசுத்துறைகளில் காலிப் பணியிடங்களை நிரப்புதல், தனியார் துறைகளில் வேலைவாய்ப்பை அதிகமாக ஏற்படுத்துதல், ஊழியர்களுக்கு ஊதியம் முறையாக அளித்தல் குறித்தும், கடந்த 2 ஆண்டுகளாக நிலுவையில் உள்ள திட்டங்களை நிறைவேற்றுவது குறித்தும் 5 மணி நேரம் செவ்வாய்க்கிழமை நடைபெற்ற அமைச்சரவைக் கூட்டத்தில் பல முடிவுகள் எடுக்கப்பட்டுள்ளன. இனி மாதந்தோறும் தடையின்றி இலவச அரிசி தரப்படும். ரேஷன் கடை ஊழியர்களுக்கான ஊதியமும் தாமதமின்றி தருவதற்கு நடவடிக்கை எடுக்கப்பட்டுள்ளது என்றார் அமைச்சர்.

]]>
http://www.dinamani.com/all-editions/edition-nagapattinam/karaikal/2018/jun/14/அரசு-அலுவலர்கள்-ஊழியர்கள்-குறித்த-நேரத்தில்-பணிக்கு-வராவிட்டால்-பணியிடை-நீக்கம்-அமைச்சர்-எம்-கந்த-2939236.html
2939235 நாகப்பட்டினம் காரைக்கால் மாங்கனித் திருவிழா : பக்தர்களுக்குத் தேவையான வசதிகள் அனைத்தும் செய்துத் தரப்படும்: ஆட்சியர் DIN DIN Thursday, June 14, 2018 08:02 AM +0530 காரைக்கால் மாங்கனித் திருவிழாவுக்கு அனைத்து முன்னேற்பாடுகளையும் விரைவில் தொடங்குமாறு அலுவலர்களுக்கு அறிவுறுத்திய ஆட்சியர், பக்தர்களுக்குத் தேவையான வசதிகள் அனைத்தும் செய்துத் தரப்படும் என தெரிவித்தார்.
காரைக்கால்  ஸ்ரீ சுந்தராம்பாள் சமேத கைலாசநாதர் கோயிலில், அறுபத்து மூன்று நாயன்மார்களில் ஒருவரான புனிதவதியார் என்னும் காரைக்கால் அம்மையார் வாழ்க்கை வரலாற்றை விளக்கி, ஆண்டுதோறும் மாங்கனித் திருவிழா என்ற பெயரில் நிகழ்ச்சி நடத்தப்படுகிறது.
நிகழாண்டு இந்த மாங்கனித் திருவிழா ஜூன் 25 -ஆம் தேதி மாப்பிள்ளை அழைப்புடன் தொடங்குகிறது. 26 -ஆம் தேதி  அம்மையார் - பரமதத்தர் திருக்கல்யாணம், மாலை பிச்சாண்டவர் வெள்ளைச்சாற்று ஆராதனை,  27 -ஆம் தேதி பிச்சாண்டவர் வீதியுலா, அமுது படையல், 28 -ஆம் தேதி இறைவன் அம்மையாருக்கு காட்சியளித்தலுடன் முக்கிய நிகழ்ச்சிகள் நிறைவடைகின்றன.
திருக்கல்யாணம், பிச்சாண்டவர் வீதியுலாவின்போது ஆயிரக்கணக்கான  பக்தர்கள் கலந்துகொள்வர். இந்த திருவிழாவுக்கு பல்வேறு பகுதிகளில் இருந்தும் ஆயிரக்கணக்கான பக்தர்கள் வருகை தருவர்.
விழா முன்னேற்பாடுகள் செய்வது குறித்து மாவட்ட ஆட்சியர் ஆர். கேசவன் தலைமையில் அரசுத்துறை அலுவலர்கள், சமாதானக் குழுவினர், கோயில் அறங்காவல் நிர்வாகத்தினர் கலந்துகொண்ட ஆலோசனைக் கூட்டம் புதன்கிழமை நடைபெற்றது.
விழா தொடர்பாக மேற்கொள்ள வேண்டியவை குறித்து அறங்காவல் குழுவினர் விளக்கிப் பேசினர். சுவாமி வீதியுலா செல்லும் சாலைகள் குண்டும் குழியுமாக உள்ளதை உடனடியாக சீர்செய்ய வேண்டும். 25 முதல் 28 -ஆம் தேதி வரை இரவு நேரங்களில் தண்ணீர் தட்டுப்பாடின்றி கிடைக்க வேண்டும். நகராட்சி மூலம் வீதிகளை தூய்மைப்படுத்த வேண்டும். கழிவுநீர் எங்கும் தேங்கியிருக்காத வகையில் நடவடிக்கை எடுக்க வேண்டும். தீயணைப்பு வாகனம் கோயில் அருகில் முக்கிய நாள்களில் தயார் நிலையில் நிறுத்திவைத்திருக்க வேண்டும். மருத்துவமனை சார்பில் சிறப்பு முகாம் அமைக்க வேண்டும். தடையில்லா மின்சாரம் தர வேண்டும். 27 -ஆம் தேதி மாவட்டத்தில் உள்ளூர் விடுமுறை அறிவிக்க வேண்டும் உள்ளிட்ட பல்வேறு கோரிக்கைகளை முன்வைத்தனர்.
 ஆட்சியர் ஆர். கேசவன் பேசும்போது, திருக்கல்யாணம், சுவாமி வீதியுலாவின்போது பக்தர்கள் அதிகமாக வர வாய்ப்பிருப்பதால் பாதுகாப்பு ஏற்பாடுகளுக்கு காவல்துறை முன்னுரிமை தர வேண்டும். வீதிகள் சுகாதாரமாக இருக்கவும், தண்ணீர், மின்சாரம் தட்டுப்பாடின்றி கிடைக்கவும் தேவையான நடவடிக்கை எடுக்க வேண்டும். சாலைகளில் கட்டுமானப் பொருள்கள் இருக்காமல் நகராட்சி நிர்வாகம் நடவடிக்கை எடுக்க வேண்டும் என அரசுத்துறை அலுவலர்களுக்கு அறிவுறுத்தினார்.
திருவிழாவுக்குத் தேவையான அனைத்து ஏற்பாடுகளையும் உடனடியாக அரசுத்துறைகள் தொடங்க வேண்டும். பக்தர்களுக்குத் தேவையான அனைத்து வசதிகளும் மாவட்ட நிர்வாகம் செய்துத் தரும் என்றார் ஆட்சியர்.
சார்பு ஆட்சியர்  ஏ. விக்ரந்த் ராஜா, முதுநிலை காவல் கண்காணிப்பாளர் ராகுல் அல்வால், மண்டல காவல் கண்காணிப்பாளர்கள் வம்சீதரரெட்டி, மாரிமுத்து மற்றும் பல்வேறு துறை அலுவலர்கள் கலந்துகொண்டனர்.
 

]]>
http://www.dinamani.com/all-editions/edition-nagapattinam/karaikal/2018/jun/14/மாங்கனித்-திருவிழா--பக்தர்களுக்குத்-தேவையான-வசதிகள்-அனைத்தும்-செய்துத்-தரப்படும்-ஆட்சியர்-2939235.html
2939234 நாகப்பட்டினம் காரைக்கால் கள், சாராயக் கடைகள் இணைவழி ஏலம் குறித்து குத்தகைதாரர்களுக்குப் பயிற்சி DIN DIN Thursday, June 14, 2018 08:01 AM +0530 காரைக்கால் அம்மையார் கோயில் மாங்கனித் திருவிழா  பந்தல் அமைப்புப்பணி தொடங்கியுள்ளதையொட்டி, ஆட்சியர், காவல்துறையினர் புதன்கிழமை நேரில் ஆய்வு செய்தனர்.
காரைக்கால் அம்மையார் மாங்கனித் திருவிழா ஜூன் 25 முதல் 28-ஆம் தேதி வரை முக்கிய நிகழ்ச்சிகள் நடைபெற்றாலும், ஜூலை 27-ஆம் தேதிதான் விடையாற்றி நிகழ்ச்சி நடைபெறுகிறது. இந்த காலகட்டத்தில் அம்மையார் மணிமண்டபத்தில் கலை நிகழ்ச்சிகள், கோயில் அருகே பாரதியார் சாலையோரத்தில்  இருபுறமும் திருவிழாக் கடைகளும் நீடித்திருக்கும்.
போக்குவரத்து மிகுந்த இந்த சாலை, கடைகள் அமைப்பால் ஒரு மாத காலம் மாற்றுப் பாதையில் திருப்பிவிடப்படும். கடைகள் அமைப்பை சாலையோரத்தில் வைக்காமல், வேறு பகுதியில் வைக்கலாமா என்பது குறித்து கோயில் நிர்வாக அலுவலர், காவல்துறையினர் உள்ளிட்டோர் பல்வேறு தரப்பினரிடம் ஆலோசனை நடத்தினர். இதற்கு எதிர்ப்பு கிளம்பியதையொட்டி, பாரதியார் சாலையிலேயே வைக்க அனுமதித்தனர்.
தற்போது அம்மையார் கோயில் வாயிலில் பாரதியார் சாலையில் பந்தல் அமைப்புப் பணி தொடங்கப்பட்டுள்ளது. பந்தலின் இருபுறத்திலும் கடைகள் அமைக்கப்படும். இதற்கான ஒதுக்கீடு செய்த இடத்தின் அளவு, போக்குவரத்துக்கு இடையூறு ஏற்பட வாய்ப்புண்டா என்பது குறித்து அலுவலர்கள் ஆய்வு செய்ய முடிவு செய்தனர்.
மாவட்ட ஆட்சியர் ஆர்.கேசவன், சார்பு ஆட்சியரும், நிர்வாக அலுவலர் (கோயில்கள்) ஏ.விக்ரந்த் ராஜா, முதுநிலைக் காவல் கண்காணிப்பாளர் ராகுல் அல்வால் மற்றும் அறங்காவல் குழுவினர் பந்தல் அமைப்பை புதன்கிழமை நேரில் பார்வையிட்டனர். போக்குவரத்து இடையூறு ஏற்பட்டு, விபத்துகள் ஏற்படாத வகையில் பந்தல் அமைப்புப் பணி இருக்கவேண்டும் என காவல்துறையினர் தரப்பின் கருத்தாக இருந்தது. இதுகுறித்து காவல்துறையினருக்கு  எழுந்த சந்தேகங்களுக்கு கோயில் நிர்வாகத்தினர் விளக்கம் அளித்தனர்.

]]>
http://www.dinamani.com/all-editions/edition-nagapattinam/karaikal/2018/jun/14/கள்-சாராயக்-கடைகள்-இணைவழி-ஏலம்-குறித்து-குத்தகைதாரர்களுக்குப்-பயிற்சி-2939234.html
2939233 நாகப்பட்டினம் காரைக்கால் உள்ளாட்சி ஊழியர்கள் கோரிக்கையை வலியுறுத்தி வேலை நிறுத்தம் செய்ய முடிவு DIN DIN Thursday, June 14, 2018 08:01 AM +0530 உள்ளாட்சி ஊழியர்கள் பல்வேறு கோரிக்கைகளை வலியுறுத்தி ஜூன் 21-ஆம் தேதி வேலை நிறுத்தம் செய்து, கண்டன ஆர்ப்பாட்டம் நடத்த முடிவு செய்துள்ளனர்.
காரைக்காலில் செவ்வாய்க்கிழமை, காரை பிரதேச நகராட்சி மற்றும் கொம்யூன் பஞ்சாயத்து ஊழியர் சம்மேளன செயற்குழு கூட்டம் தலைவர் ஐயப்பன் தலைமையில் நடைபெற்ற கூட்டத்தில் நிறைவேற்றப்பட்ட தீர்மானங்கள்: 7-ஆவது ஊதியக் குழுவை அமல்படுத்தாமல் வஞ்சிக்கப்பட்டு வரும் உள்ளாட்சி ஊழியர்களுக்கு உயர்ந்து வரும் விலைவாசிக்கேற்ப ஆண்டுக்கு  2 முறை வழங்கப்பட்டு வரும் அகவிலைப்படியை கூட கடந்த 2 ஆண்டுகளுக்கு மேலாக வழங்காமல் உள்ளதை கண்டிக்கிறோம். எனவே,  6 -ஆவது ஊதியக்குழு பரிந்துரைப்படி கடந்த 1.7.2016 முதல் வழங்க வேண்டியதை ஒரே தவணையாக வழங்கவேண்டும். 
புதுச்சேரி அரசின் மூலம் உள்ளாட்சிக்கு வழங்க வேண்டிய நிதியை வழங்க வேண்டும் உள்ளிட்ட 27 அம்ச கோரிக்கைகளை வலியுறுத்தி, ஜூன் 21-ஆம் தேதி காரைக்கால் நகராட்சி, திருநள்ளாறு, நெடுங்காடு, கோட்டுச்சேரி, திருப்பட்டினம் மற்றும் நிரவி கொம்யூன் பஞ்சாயத்து ஊழியர்கள் அனைவரும் ஒரு நாள் அடையாள வேலை நிறுத்தம் செய்து, காரைக்கால் புதிய பேருந்து நிலையம் அருகில் கண்டன ஆர்ப்பாட்டத்தில் ஈடுபடுவது உள்ளிட்ட தீர்மானம் நிறைவேற்றப்பட்டன.  கூட்டத்தில், சங்க துணைத் தலைவர் உலகநாதன், துணைச் செயலர் திவ்யநாதன்,  நகராட்சி மற்றும் கொம்யூன் பஞ்சாயத்து ஓய்வூதியதாதாரர்கள் சங்கத் தலைவர் வெங்கடாசலம்,  சிறப்பு அழைப்பாளர்களாக அரசு ஊழியர் சம்மேளன கௌரவ தலைவர்கள் ஜார்ஜ், ஜெய்சிங், பொதுச் செயலாளர் ஷேக் அலாவுதீன் உள்ளிட்டோர் பங்கேற்றனர்.


 

]]>
http://www.dinamani.com/all-editions/edition-nagapattinam/karaikal/2018/jun/14/உள்ளாட்சி-ஊழியர்கள்-கோரிக்கையை-வலியுறுத்தி-வேலை-நிறுத்தம்-செய்ய-முடிவு-2939233.html
2939232 நாகப்பட்டினம் காரைக்கால் தமிழக பதிவு எண் கொண்ட 8 டேங்கர் லாரிகள் பறிமுதல் DIN DIN Thursday, June 14, 2018 08:01 AM +0530 நிலத்தடி நீர் எடுப்பதை முறைப்படுத்தும் விதமான நடவடிக்கையாக, புகாரின்பேரில் தமிழக பதிவு எண் கொண்ட 8 டேங்கர் லாரிகளை போக்குவரத்து அலுவலர்கள் புதன்கிழமை பறிமுதல் செய்தனர்.
காரைக்காலுக்கு காவிரி நீர் வரத்தின்மையால் நிலத்தடி நீர்மட்டும் வெகுவாக பாதித்துவிட்டதாக கூறப்படுகிறது. நிலத்தடி நீரை விவசாயம், குடிநீருக்கு எடுக்க வேண்டுமென்றாலும், அவசர காலத்துக்கு மட்டுமே பயன்படுத்த வேண்டும். பிற காலங்களில் சொட்டு நீர்ப் பாசனம் போன்ற குறைந்த அளவு தண்ணீரை பயன்படுத்தும் வகையிலான நடவடிக்கைகளை எடுத்துக்கொள்ளவேண்டும் என வேளாண் அமைச்சர் ஆர். கமலக்கண்ணன் கூறிவருகிறார்.
அண்மையில் விவசாயிகள் கூட்டத்தில் பங்கேற்ற துணை நிலை ஆளுநர் கிரண்பேடி, நிலத்தடி நீரை எடுப்பதை முறைப்படுத்த வேண்டும். தேவையின்றி நிலத்தடி நீரை எடுக்கக் கூடாது. தேவைப்படுவோர் சொந்த முறையில் எடுத்துக்கொள்ளவேண்டும் போன்ற கருத்துகளை கூறியிருந்தார்.
காரைக்காலில் ஆழ்குழாய் மூலம் தனியார் பலர், தொழிற்சாலைகளுக்கு தண்ணீரை விற்று லாபமீட்டுகின்றனர். இதுகுறித்த புகார் காரைக்காலில் வலுத்துள்ளன. இந்நிலையில், காரைக்கால் மாவட்டம், திருப்பட்டினம் பகுதி போலகம் அருகே வேளாண் துறையின் அங்கமான பாசிக் நிறுவனத்தில் ஆழ்குழாய் கிணறு மூலம் தண்ணீர் எடுக்கப்பட்டு, தொழிற்சாலைகள் பயன்பாட்டுக்கு கொண்டு செல்லப்படுகிறது. தினமும் இவை ஏராளமான டேங்கர் லாரிகள் மூலம் கொண்டு செல்லப்படுகிறது. இது முறையின்றி நடைபெறுவதாகவும், தமிழக அரசு பதிவு எண் கொண்ட டேங்கர் லாரிகள் காரைக்காலில் இவ்வாறான செயலில் ஈடுபடுவதாகவும் புகார் கூறப்பட்டது. மாவட்ட ஆட்சியர் ஆர். கேசவன் உத்தரவின்பேரில், காரைக்கால் போக்குவரத்துத்துறை துணை ஆய்வாளர்கள் குமரேசன், கவ்விமாறன் ஆகியோர் போலகம் பகுதியில் புதன்கிழமை சோதனை நடத்தினர்.
பாசிக் ஆழ்குழாய் பகுதியில் தமிழக அரசு பதிவு பெற்ற லாரிகள் நிறுத்தப்பட்டு, தண்ணீர் ஏற்றப்பட்டது தெரியவந்தது. இந்த 8 லாரிகளை பறிமுதல் செய்து போக்குவரத்து அலுவலகத்துக்கு கொண்டு சென்றனர்.
இதுகுறித்து ஆய்வாளர்கள் தரப்பில் கூறியது :  தமிழக பதிவு எண் கொண்ட வாகனமாக இருந்தால், காரைக்காலுக்கு பொருளை கொண்டுவந்து கொடுத்துவிட்டு சென்றுவிட வேண்டும் அல்லது இங்கிருந்து எடுத்துக்கொண்டு தமிழகத்துக்கு செல்ல வேண்டும். ஆனால், தமிழகப் பதிவு எண் கொண்ட வாகனங்கள் காரைக்காலில் தண்ணீர் எடுத்து, காரைக்கால் பகுதியில் விநியோகம் செய்கிறது. இவை அனுமதி பெற்று நடைபெற்றாலும், உள்ளூரில் பதிவு செய்த வாகனதாரர்கள் மற்றும் பல்வேறு தரப்பிலிருந்து பலவிதமான புகார்கள் வருகின்றன. எனவே, பறிமுதல் செய்து வாகனங்களை கொண்டுவந்துள்ளோம். காரைக்கால் பகுதியில் வாகன விதிமுறைகள் குறித்து தெரிவிப்பதோடு, எச்சரிக்கை  தெரிவித்து அனுப்பிவிடுவோம். மீண்டும் இம்மாதிரி செயல்பாட்டில் ஈடுபட்டால் புதுச்சேரி மாநில போக்குவரத்து விதிகளின்படி நடவடிக்கை எடுக்கப்படும் என்றனர்.


 

]]>
http://www.dinamani.com/all-editions/edition-nagapattinam/karaikal/2018/jun/14/தமிழக-பதிவு-எண்-கொண்ட-8-டேங்கர்-லாரிகள்-பறிமுதல்-2939232.html
2939231 நாகப்பட்டினம் காரைக்கால் பத்ரகாளியம்மன் மகிஷ சம்ஹார நினைவுப் பெருவிழா DIN DIN Thursday, June 14, 2018 08:01 AM +0530 பூவம் ஸ்ரீபத்ரகாளியம்மன் கோயில் மகிஷ சம்ஹார நினைவுப் பெருவிழாவையொட்டி சுவாமி வீதியுலா செவ்வாய்க்கிழமை நடைபெற்றது.
காரைக்கால் பகுதி பூவம், ஸ்ரீசித்திநாத சுவாமி தேவஸ்தானத்துக்குள்பட்ட ஸ்ரீபத்ரகாளியம்மன் கோயிலில் மகிஷ சம்ஹார நினைவுப் பெருவிழா 9  நாள்கள் நிகழ்ச்சியாக ஆண்டுதோறும் வைகாசி மாதத்தில் நடைபெற்று வருகிறது. நிகழாண்டுக்கான விழா, ஜூன் 5-ஆம் தேதி அம்பாள் வீதியுலாவுடன் தொடங்கியது. தினமும் இரவு வேளையில் அம்பாள் வீதியுலாவும், ஜூன் 8-ஆம் தேதி சக்தி கரகம் புறப்பாடும், ஜூன் 10-ஆம் தேதி அக்னி கப்பரை வீதியுலாவும் நடைபெற்றது. செவ்வாய்க்கிழமை காலை 11 மணிக்கு அம்மனுக்கு சிறப்பு அபிஷேக ஆராதனையுடன் நிகழ்ச்சி தொடங்கியது. பிற்பகல் சிம்ம வாகனத்தில் அம்மன் வீதியுலா நடைபெற்றது. தொடர்ந்து ஸ்ரீமுத்துமாரியம்மன் கோயிலில் உத்தரவு வாங்கும் நிகழ்ச்சி நடத்தப்பட்டு இரவு மகிஷ சம்ஹார நினைவுப் வைபவம் நடைபெற்றது. சம்ஹாரத்தை நினைவுப்படுத்தும் வகையில் அம்மனுக்கு சிறப்பு ஆராதனைகள் நடத்தப்பட்டன. நள்ளிரவு 12 மணியளவில் எல்லை ஓடும் நிகழ்ச்சி நடத்தப்பட்டது. நினைவு வைபவ ஆராதனையில் நெடுங்காடு தொகுதி சட்டப் பேரவை உறுப்பினர் சந்திரபிரியங்கா உள்ளிட்ட ஏராளமான பக்தர்கள் கலந்துகொண்டனர். புதன்கிழமை அம்மனுக்கு மஞ்சள் நீர் விளையாட்டு ஆராதனை நடத்தப்பட்டு பெருவிழா நிறைவடைந்தது.
 

]]>
http://www.dinamani.com/all-editions/edition-nagapattinam/karaikal/2018/jun/14/பத்ரகாளியம்மன்-மகிஷ-சம்ஹார-நினைவுப்-பெருவிழா-2939231.html
2939230 நாகப்பட்டினம் காரைக்கால் மாணவர்களுக்கு திறன் மேம்பாட்டுப் பயிற்சி DIN DIN Thursday, June 14, 2018 08:00 AM +0530 காரைக்கால், மாஹே பிராந்திய மாணவர்கள் பங்கேற்ற என்.சி.சி. சிறப்பு முகாமில் மாணவர்களிடையே திறன் மேம்பாட்டுக்கான கருத்துப் பரிமாற்ற நிகழ்ச்சி செவ்வாய்க்கிழமை நடைபெற்றது.  
தேசிய மாணவர் படை அமைப்பு (என்.சி.சி) சார்பில் ஆண்டுதோறும் என்.சி.சி. மாணவர்களுக்கான 10 நாள் சிறப்பு பயிற்சி முகாம் நடத்தப்படுகிறது. நிகழாண்டு காரைக்கால் மற்றும் மாஹே பிராந்தியத்தை சேர்ந்த என்.சி.சி.மாணவர்கள் பங்கேற்ற சிறப்பு முகாம் காரைக்கால் அண்ணா அரசு கலைக் கல்லூரி வளாகத்தில் கடந்த ஞாயிற்றுக்கிழமை தொடங்கி நடைபெற்றுவருகிறது.
இந்த முகாமில் பங்கேற்ற மாணவர்களுக்கு அளிக்கப்படும் பல்வேறு பயிற்சிகளில் ஒன்றாக, திறன் மேம்பாட்டுக்கான கருத்துகள் பரிமாற்ற நிகழ்ச்சி செவ்வாய்க்கிழமை நடைபெற்றது.   முகாம் தலைமை அலுவலர் கர்னல் சி.எஸ்.சர்மா தலைமையில் நடைபெற்ற பயிற்சியில் ராணுவ  பயிற்றுநர்கள், என்.சி.சி. அலுவலர்கள், மாணவர்கள் கலந்துகொண்டனர். 
திறன் வளர்த்துக்கொள்ளுதல் குறித்து காரைக்கால் மாவட்டம், வாஞ்சூர் பகுதியில் செயல்படும் மகாலட்சுமி பள்ளி முதல்வர் ஆர்.சுருளிநாதன் சிறப்பு அழைப்பாளராக கலந்துகொண்டு பேசினார்.
மாணவர்கள் பள்ளிக் கல்வியோடு பிற திறன்களை வளர்த்துக்கொள்ள எடுத்துக்கொள்ளவேண்டிய ஆர்வம் குறித்தும், மாணவர்கள் எதிர்கொள்ளக்கூடிய திறன் அறியும் சவால்கள் குறித்தும், எந்தவொரு துறையிலும் மாணவர்கள் மிளிரக்கூடிய வகையில் அறிவை வளர்த்துக்கொள்ள எவ்வாறு தம்மை தயார்படுத்திக்கொள்ளவேண்டும் என்பன உள்ளிட்ட பல்வேறு விளக்கங்களை அவர் மாணவர்களிடையே விளக்கிப் பேசினார்.
மாணவர்களின் எதிர்கால திட்டங்கள் குறித்தும் அவர் கேட்டறிந்து,  அதற்கேற்ப அவர்கள் எவ்வாறு தயாராகவேண்டும் என்பது குறித்தும் பேசினார்.

]]>
http://www.dinamani.com/all-editions/edition-nagapattinam/karaikal/2018/jun/14/மாணவர்களுக்கு-திறன்-மேம்பாட்டுப்-பயிற்சி-2939230.html
2938770 நாகப்பட்டினம் காரைக்கால் துணை நிலை ஆளுநர் குறித்த முதல்வரின் கருத்துக்கு சட்டப் பேரவையில் பதில்: முன்னாள் முதல்வர் என். ரங்கசாமி DIN DIN Wednesday, June 13, 2018 08:48 AM +0530 புதுச்சேரி துணை நிலை ஆளுநர் குறித்து முதல்வர் நாராயணசாமி தெரிவித்த கருத்துகளுக்கு, சட்டப் பேரவைக் கூட்டத்தில் என்.ஆர். காங்கிரஸ் தமது கருத்தை தெரிவிக்கும் என்றார் முன்னாள் முதல்வர் என்.ரங்கசாமி.
காரைக்கால் மாவட்ட அகில இந்திய என்.ஆர். காங்கிரஸ் கட்சி சார்பில், செவ்வாய்க்கிழமை நடைபெற்ற இஃப்தார் நோன்பு திறப்பு நிகழ்ச்சியில் பங்கேற்ற பிறகு செய்தியாளர்களிடம் அவர் மேலும் கூறியது:  ரமலான் நோன்பு திறப்பு நிகழ்ச்சியை என்.ஆர்.காங்கிரஸ் கட்சியின் காரைக்கால் மாவட்ட அமைப்பு செய்துள்ளது சிறப்புக்குரியது. நோன்பை இறைவனுக்கு காணிக்கையாக செலுத்தியுள்ளோம். காரைக்கால் மாவட்ட மக்களுக்கு ரமலான் வாழ்த்துகள். புதுச்சேரி துணை நிலை ஆளுநர் சமூக வலைதளங்களில் அலுவலர்களுக்கு உத்தரவு போட முடியாது என முதல்வர் வி. நாராயணசாமி கூறியுள்ளது குறித்து கேட்கிறீர்கள். இதுகுறித்து சட்டப் பேரவை கூட்டத்தில் என்.ஆர். காங்கிரஸ் கட்சியின் கருத்து தெரிவிக்கப்படும் என்றார் என். ரங்கசாமி. 
முன்னதாக நடைபெற்ற இஃப்தார் நோன்பு திறப்பு நிகழ்ச்சியில், காரைக்கால் பகுதி சட்டப் பேரவை உறுப்பினர்கள் பி.ஆர்.என். திருமுருகன், சந்திரபிரியங்கா, புதுச்சேரி பகுதி பேரவை உறுப்பினர்கள் டி.பி.ஆர். செல்வம், என்.எஸ். ஜெயபால், கட்சியின் பொதுச் செயலர் வி. பாலன், முன்னாள் அமைச்சர்கள் தேனீ சி. ஜெயக்குமார், என்.ஜி. பன்னீர்செல்வம், பி. ராஜவேலு உள்ளிட்டோர் கலந்துகொண்டனர். காரைக்கால் பெரியப் பள்ளி இமாம் பி.ஏ. ஹாஜா முயீனுத்தீன் ஜலாலி சிறப்பு சொற்பொழிவாற்றினார்.
 

]]>
http://www.dinamani.com/all-editions/edition-nagapattinam/karaikal/2018/jun/13/துணை-நிலை-ஆளுநர்-குறித்த-முதல்வரின்-கருத்துக்கு-சட்டப்-பேரவையில்-பதில்-முன்னாள்-முதல்வர்-என்-ரங்கச-2938770.html
2938769 நாகப்பட்டினம் காரைக்கால் திருநள்ளாறில் கோடைகால விளையாட்டுப் போட்டி DIN DIN Wednesday, June 13, 2018 08:47 AM +0530 திருநள்ளாறில் 2 -ஆம் ஆண்டாக சுமார் ஆயிரம் மாணவர்கள் பங்கேற்கும் கோடைகால விளையாட்டுப் போட்டி நடைபெற்று வருகிறது.
திருநள்ளாறு விளையாட்டு மற்றும் கலாசார குழுமம் என்ற அமைப்பு சார்பில் 2 -ஆம் ஆண்டாக திருநள்ளாறு பகுதியை சேர்ந்த மாணவர்கள் பங்கேற்புடன், கோடைகால விளையாட்டுப் போட்டி நடத்தப்படுகிறது. கோடைகாலத்தில் மாணவர்கள் விளையாட்டுப் பயிற்சியை பெறவும், விளையாட்டின் மீது ஆர்வத்தை மேம்படுத்தும் வகையிலும், மாணவர்கள் விடுமுறைக் காலத்தில் திசை மாறிவிடாமல் நெறிப்படுத்தும் நோக்கில் இந்த போட்டி நடத்தப்படுகிறது.
திருநள்ளாறு பகுதியை  திருநள்ளாறு நகரம், சுரக்குடி, சேத்தூர், அம்பகரத்தூர் என நான்கு மண்டலமாக பிரித்து, அந்தந்த பகுதியில் 19 வயதுக்குள்பட்ட மாணவ, மாணவியருக்கு விளையாட்டுப் போட்டி நடத்தப்படுகிறது. கடந்த 2 -ஆம் தேதி தொடங்கிய இந்த போட்டி ஜூன் மாத இறுதி வரை நடைபெறுகிறது.
இந்த போட்டியில் கடந்த ஞாயிற்றுக்கிழமை கைப்பந்துப் போட்டி நடைபெற்றது. வேளாண் துறை அமைச்சர் ஆர். கமலக்கண்ணன் போட்டி நடக்கும் மைதானத்துக்குச் சென்று மாணவ, மாணவியருக்கு சீருடையை வழங்கினார்.
மாணவ, மாணவியரிடையே அவர் பேசும்போது, கோடைகாலத்தை மாணவர்கள் பயனுள்ளதாக்கிக் கொள்ளும் வகையிலேயே இவ்வாறான போட்டி குழுமம் சார்பில் நடத்தப்படுகிறது. மாணவர்கள் விடுமுறைக் காலத்தில் பல தவறான பழக்கங்களை தெரிந்துகொண்டு, வாழ்க்கையை சீரழித்துக்கொள்ளக்கூடாது. தரமான விளையாட்டுகளைத் தேர்வு செய்து, அதற்கான பயிற்சி, போட்டிகளில் பங்கேற்று பயன்பெற வேண்டும். விளையாட்டு என்பது உடல் திறனை வளர்ப்பதோடு, மனதுக்கு உத்வேகத்தையும், தெளிவையும் ஏற்படுத்துவதாலேயே இந்த போட்டிக்கு ஊக்கம் தரப்படுகிறது என்றார்.
நிகழ்ச்சியில் விளையாட்டுக் குழுமத் தலைவர் ஜெயசிவராஜன், செயலர் ஏனாதிராஜன் உள்ளிட்ட நிர்வாகிகள் கலந்துகொண்டனர்.
செயலர் ஏனாதிராஜன் செவ்வாய்க்கிழமை கூறும்போது, கடந்த ஆண்டு தொடங்கப்பட்ட இந்த போட்டியில் 750 மாணவ, மாணவியர் கலந்துகொண்டனர். நிகழாண்டு சுமார் ஆயிரம் பேர் பங்கேற்கும் வகையில் பதிவு செய்துள்ளனர். பள்ளி விடுமுறைக் காலத்தில் தொடங்கப்பட்டது. தற்போது பள்ளிகள் திறக்கப்பட்ட நிலையில், வாரத்தில் சனி, ஞாயிற்றுக்கிழமை போட்டி நடத்தப்படுகிறது. கைப்பந்து, கோ - கோ, தடகளம், கபடி உள்ளிட்டவை நடத்தப்படுகிறது. நிகழ்மாதம் போட்டிகள் நிறைவுபெறுகின்றன. முதல்வர் அல்லது துணை நிலை ஆளுநரை அழைத்து பரிசளிப்பு விழா நடத்த தீர்மானிக்கப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2018/jun/13/திருநள்ளாறில்-கோடைகால-விளையாட்டுப்-போட்டி-2938769.html
2938767 நாகப்பட்டினம் காரைக்கால் கோட்டுச்சேரியில் இலவச யோகா பயிற்சி DIN DIN Wednesday, June 13, 2018 08:47 AM +0530 உலக யோகா தினத்தையொட்டி, இலவச யோகா பயிற்சி கோட்டுச்சேரி பகுதியில் நடைபெற்றது.
மத்திய ஆயுஷ் அமைச்சகத்தின் யோகா மற்றும் ஆராய்ச்சி மைய ஆதரவுடன் காரைக்கால் கவெக்சோ சேவை அமைப்பு உலக யோகா தினத்தையொட்டி, கோட்டுச்சேரியில் உள்ள சுவாமி விவேகானந்தா யோகா பூங்காவில், இலவச யோகா பயிற்சி கடந்த ஒரு வாரம் நடைபெற்று ஞாயிற்றுக்கிழமை நிறைவுபெற்றது. நிகழ்ச்சிக்கு, விரிவுரையாளர் ரங்கநாதன் தலைமை வகித்து, இன்றைய சூழலில் யோகாவின் முக்கியத்துவம் குறித்து மாணவர்களிடையே பேசினார். விரிவுரையாளர் வீராசாமி, கல்வி மற்றும் உடல் நலத்துக்கு யோகாவின் முக்கியத்துவம் குறித்துப் பேசினார். மனித எண்ணங்கள், செயல்களை ஒருங்கிணைத்து சீரான நிலையில் செயல்பாடுகளை கொண்டு செல்ல யோகா பயன்படுவதாக யோகா பேராசிரியர் ஆனந்த் பேசினார்.
இந்த பயிற்யின்போது கடந்த ஒரு வாரமாக நடத்தப்பட்ட யோகா பயிற்சிகளை ஒருங்கிணைத்து மாணவர்கள் செய்துக்காட்டினர். பயிற்சியில் மாணவர்கள், முதியோர், சிறுவர்கள், பெண்கள் உள்ளிட்ட 60 பேர் ஈடுபட்டனர்.

]]>
http://www.dinamani.com/all-editions/edition-nagapattinam/karaikal/2018/jun/13/கோட்டுச்சேரியில்-இலவச-யோகா-பயிற்சி-2938767.html
2938765 நாகப்பட்டினம் காரைக்கால் பணி நிரந்தரம் செய்ய முதல்வரிடம் கிராமப் பஞ்சாயத்து ஊழியர்கள் வலியுறுத்தல் DIN DIN Wednesday, June 13, 2018 08:47 AM +0530 பணி நிரந்தரம் செய்ய வேண்டும் என புதுச்சேரி முதல்வரிடம் கிராமப் பஞ்சாயத்து ஊழியர்கள் வலியுறுத்தினர்.
காரைக்காலுக்கு திங்கள்கிழமை பல்வேறு நிகழ்ச்சிகளில் பங்கேற்கும் வகையில் வந்த புதுச்சேரி முதல்வர்  வி. நாராயணசாமியை கிராம பஞ்சாயத்து ஊழியர் சங்க பொறுப்பாளர்கள் நாகராஜன் தலைமையில் முருகபூபதி, பிரபு, கோவிந்தராஜன், சகாயராஜ் உள்ளிட்ட நிர்வாகிகள் நேரில் சந்தித்து மனு அளித்தனர். அந்த மனுவில் கூறியிருப்பது :
கடந்த 2011 -ஆம் ஆண்டு உள்ளாட்சி நிர்வாகம் நடைபெற்றபோது புதுச்சேரி மாநிலத்தில் உள்ள 98 கிராம பஞ்சாயத்துகளுக்கு 196 தினக்கூலி ஊழியர்கள் பணியமர்த்தப்பட்டோம். கடந்த 7 ஆண்டுகளுக்கு மேலாக தினக்கூலி ஊழியர்களாக கொம்யூன் பஞ்சாயத்துகளில் வரி வசூல் செய்தல், நீர்த்தேக்கத் தொட்டி இயக்குதல், வாகனம் ஓட்டுதல், குடிநீர் குழாய் பழுது நீக்குதல், இரவு காவலர், திருமண மண்டப காப்பாளர், மின் சம்பந்தமான பணிகள் மற்றும் அலுவலகப் பணிகளை செய்து வருகிறோம்.
கடந்த 7 ஆண்டுகளாக தினக்கூலி ஊழியர்களாக பணியாற்றி வரும் கிராம பஞ்சாயத்து ஊழியர்களை பணி நிரந்தரம் செய்ய வேண்டுமென தொடர்ச்சியாக கோரிக்கை வைத்து வருகிறோம்.
எனவே, எங்களது வயது முதிர்வையும், குடும்ப சூழ்நிலையையும் கருத்தில்கொண்டு தினக்கூலி கிராம பஞ்சாயத்து ஊழியர்களை பணி நிரந்தரம் செய்ய வேண்டும்.
 மேலும், கொம்யூன் பஞ்சாயத்துகளில் காலியாக உள்ள நிரந்தர பதவிகளில் கிராம பஞ்சாயத்து ஊழியர்களை கொண்டு பணி நிரந்தரம் செய்ய  வேண்டும் என கூறப்பட்டிருந்தது.
சந்திப்பு குறித்து சங்கத்தினர் கூறும்போது,  கோரிக்கைகளை கேட்டறிந்த  முதல்வர்,  இது சம்பந்தமாக உள்ளாட்சித்துறை  அமைச்சரிடம் பேசி பணி நிரந்தரம் செய்யவது குறித்து நடவடிக்கை எடுக்கப்படும் என கூறியதாக தெரிவித்தனர்.
இந்த சந்திப்பின்போது சட்டப் பேரவை உறுப்பினர்கள் கீதா ஆனந்தன், அசனா, அரசு ஊழியர் சம்மேளன பொதுச் செயலர் ஷேக் அலாவுதீன், நகராட்சி மற்றும் கொம்யூன் பஞ்சாயத்து ஊழியர் சம்மேளன தலைவர் ஐயப்பன், துணைத் தலைவர் ஜோதிபாசு, துணைச் செயலர் திவ்யநாதன் ஆகியோர் உடனிருந்தனர்.

]]>
http://www.dinamani.com/all-editions/edition-nagapattinam/karaikal/2018/jun/13/பணி-நிரந்தரம்-செய்ய-முதல்வரிடம்-கிராமப்-பஞ்சாயத்து-ஊழியர்கள்-வலியுறுத்தல்-2938765.html
2938764 நாகப்பட்டினம் காரைக்கால் சாலையோரக் கடையில் காபி குடித்து, காய்கறி விலைகளைக் கேட்டறிந்த புதுச்சேரி முதல்வர் DIN DIN Wednesday, June 13, 2018 08:47 AM +0530 காரைக்கால் வந்த புதுச்சேரி முதல்வர் வி. நாராயணசாமி, சாலையோரக் கடையில் காபி குடித்துவிட்டு, காய்கறி கடையில் விலை விவரங்களைக் கேட்டறிந்தார்.
புதுச்சேரி முதல்வர் வி. நாராயணசாமி, காரைக்காலுக்கு திங்கள்கிழமை வந்தார். முன்னதாக நாகூரில் ஒரு புதுமனை புகுவிழாவுக்கு சென்றுவிட்டு காரைக்கால் வந்தார். காங்கிரஸை சேர்ந்த ஒருவர் நடத்திய இஃப்தார் விருந்து, வழக்குரைஞர் அலுவலகம் திறப்பு ஆகிய நிகழ்ச்சிகளில் பங்கேற்றார். மேலும், அரசு பொது மருத்துவமனையில் ரத்த சுத்திகரிப்பு கருவியை இயக்கி வைக்கும் நிகழ்ச்சியிலும் அவர் பங்கேற்றார்.
முதல்வர் நாகூர் சென்றுவிட்டு காரைக்கால் வந்தது முதல் காங்கிரஸ் கட்சியின் பல்வேறு நிலை நிர்வாகிகள் அவருடன் இருந்தனர். பாரதியார் சாலையில் புதிய பேருந்து நிலையம் அருகே முதல்வர் கார் சென்றபோது, திடீரென காபி குடிப்பதற்காக காரை நிறுத்தினார். கடை வாயிலில் கட்சியினருடன் சேர்ந்து காபி சாப்பிட்ட முதல்வர், அனைவருக்குமான தொகையை கடை உரிமையாளரிடம் வழங்கினார்.
அத்துடன் அருகில் இருந்த காய்கறி, பழக்கடைக்குச் சென்ற முதல்வர், தேங்காய் விலை விவரத்தை கேட்டறிந்தார். அப்போது, ரூ.25 என்றும், ரூ.22-க்கு வாங்கி ரூ.3 லாபத்தில் விற்பதாக வியாபாரி கூறினார். புதுச்சேரியில் தேங்காய் விலை குறைவாக இருக்கும்போது, இங்கு மட்டும் ஏன் அதிகமாக விற்கப்படுகிறது என முதல்வர் கேட்டார். 
மேலும் பழங்கள் விலை விவரங்களையும் கேட்டறிந்தார். பிற இடங்களில் பொருள்கள் மலிவாக கிடைப்பதுபோல், விலை குறைத்து விற்பனை செய்யும் வகையில் தமது வியாபாரத்தை அமைத்துக் கொள்ள வேண்டும் என கடைக்காரரிடம் கூறினார்.
முதல்வர் இவ்வாறு சாலையோரக் கடையில் காபி சாப்பிட்டதும், காய்கறி வியாபாரியிடம் விலை கேட்டறிந்ததும் கட்சியினரிடையே உற்சாகத்தை ஏற்படுத்தியது.

]]>
http://www.dinamani.com/all-editions/edition-nagapattinam/karaikal/2018/jun/13/சாலையோரக்-கடையில்-காபி-குடித்து-காய்கறி-விலைகளைக்-கேட்டறிந்த-புதுச்சேரி-முதல்வர்-2938764.html
2938762 நாகப்பட்டினம் காரைக்கால் மீன்பிடித் தடைக்காலம் முடிவுக்கு வருகிறது: கடலுக்கு செல்லத் தயாராகும் விசைப்படகு மீனவர்கள் DIN DIN Wednesday, June 13, 2018 08:46 AM +0530 மீன்பிடித் தடைக்காலம் வரும் 14 -ஆம் தேதியுடன் நிறைவடையவுள்ள நிலையில், கடலுக்குச்  செல்ல காரைக்கால் விசைப்படகு மீனவர்கள் தயாராகி வருகின்றனர்.
ஆழ்கடல் மீன்பிடிப்பு செய்ய ஏப். 15 முதல் மே 31 -ஆம் தேதி வரை தடைக்காலமாக இருந்துவந்தது, தற்போது ஜூன் 14 -ஆம் தேதி வரை என கால நீட்டிப்பு நடைமுறையில் உள்ளது.  இதன்மூலம் 61 நாள்கள் மீனவர்கள் ஆழ்கடல் மீன்பிடிக்க முடியாத நிலையில் இருப்பர்.
ஏப்ரல், மே, ஜூன் மாத வாக்கில் மீன்களின் இனப்பெருக்க காலமாக உறுதி செய்யப்பட்டு, இவ்வாறான தடைக்காலத்தை மத்திய அரசு அறிவித்தது. இதை மீனவர்கள் ஏற்று படகுகளை முடக்கிவிடுகின்றனர். காரைக்காலில் உள்ள மீன்பிடித் துறைமுகத்தில் தங்களது படகுகளை நிறுத்தி,  இந்த காலகட்டத்தில் தங்களது படகுகளை சரிசெய்யும் தீவிர நடவடிக்கையில் ஈடுபட்டனர்.
பருவமழையின்போது, புயல் போன்ற காலங்களில் மட்டும் விசைப்படகுகள் துறைமுகத்தில் நிறுத்தப்படும். மற்ற நாள்களில் படகுகள் கடலில் ஓய்வின்றி இயக்கப்பட்டு வரும். தற்போதைய தடைக்கால நாள்கள், மீனவர்களுக்கு தங்களது படகுகளை என்ஜின் உள்ளிட்டவைகளை சர்வீஸ் செய்யவும், படகுகளுக்கு வர்ணம் பூசுதல், வலைகள் பின்னுதல் போன்ற பணிகளை மேற்கொள்ளவும் சாதகமாக இருக்கிறது.
கடந்த ஏப்ரல் 15 -ஆம் தேதி முதல் விசைப்படகுகள் துறைமுகத்தில் நிறுத்தப்பட்ட நிலையில்,  காரைக்காலை சேர்ந்த சுமார் 300 படகுகளுக்கும் பராமரிப்புப் பணிகள் மேற்கொள்ளப்பட்டன. மீனவர்கள் தடைக்காலம் தொடங்கியவுடன் முதல்கட்டமாக வலைகள் சீரமைப்புப் பணியை தொடங்கினர்.
அடுத்த பணியாக படகின் என்ஜின் உள்ளிட்ட இயந்திரங்களை சீரமைப்பு செய்யும் பணியில் உரிய வல்லுநர்களைக்கொண்டு செயல்படத் தொடங்கினர். தடைக்காலம் நிறைவடையவுள்ள நிலையில், துறைமுகத்தில் நிறுத்தப்பட்டிருக்கும் பெரும்பாலான படகுகளுக்கு வர்ணம் பூசுதல் பணிகளை மேற்கொண்டனர். என்ஜின் சீரமைத்தல், படகுகளில் ஏற்பட்டிருக்கும் பிற பழுதுகளை சீரமைத்தல் பணிகளை ஏறக்குறைய முடித்துள்ளதாக மீனவர்கள் செவ்வாய்க்கிழமை தெரிவித்தனர்.
வரும் 14 -ஆம் தேதி பிற்பகல் கடலுக்குப் புறப்படவேண்டிய நிலையில், படகுகளுக்கு சில மீனவர்கள் பூஜை செய்தனர். படகுகளில் டீசல் நிரப்பும் பணிகளையும், ஐஸ் பார் ஏற்றும்  பணிகளையும் செவ்வாய்க்கிழமை தீவிரமாக மேற்கொண்டனர். அனைத்து படகுகளுக்கும் டீசல், ஐஸ் பார் ஏற்றவேண்டியுள்ளதால், இவை கிடைப்பதில் சிக்கல் ஏற்பட்டுவிடும். இதனால் முன்கூட்டியே இந்த பணிகளை மேற்கொள்வதாக சில மீனவர்கள் கூறினர்.
நிவாரணம் கோரும் மீனவர்கள் :  இதுகுறித்து மீனவர்கள் கூறும்போது,  குடும்பத்துக்கு தடைக்கால நிவாரணம் ரூ. 4 ஆயிரம் மற்றும் படகுக்கான சீரமைப்பு நிவாரணம் ரூ. 20 ஆயிரம் என கடந்த ஆண்டுகளில் தரப்பட்டது.
இந்த நிலையில், மீன்பிடித் தடைக்கால நிவாரணத்தை அரசு இதுவரை அளிக்கவில்லை. எங்களது சொந்த நிதியில் சீரமைப்புப் பணியை முடித்துள்ளோம். நிவாரணத் தொகைக்கான விண்ணப்பங்களை மீனவளத்துறை தற்போதுதான் மீனவர்களிடமிருந்து பெற்று வருகிறது. பரிசீலனை விரைவாக முடித்து நிவாரணம் வழங்க வேண்டும் என்றனர்.
சிறிய படகுகள் மூலம் மீன் வரத்து : ஃபைபர் படகு என்று சொல்லப்படும் மோட்டார் படகில் குறுகிய தூரம் சென்று திரும்பக்கூடிய மீனவர்கள், தினமும் காலையில் மீன்பிடித்து வருகின்றனர். இதனால் சந்தையில் பெரிய வகையைச் சேர்ந்த மீன்கள் அல்லாதவை விற்பனைக்கு வந்தாலும், மக்கள் அனைவரையும் இதனால் திருப்திப்படுத்த முடியாத நிலை இருந்து வருகிறது. வரும் 14 -ஆம் தேதி ஆழ்கடலுக்கு புறப்படும் மீனவர்கள், 17, 18 -ஆம் தேதி வாக்கில் படகுகள் மீன்பிடித்துத் திரும்பும். அதன் பின்னர், பெரிய வகை மீன்கள் சந்தைக்குச் செல்லும். மீன்கள் விலை குறைய வாய்ப்புண்டு என மீனவர்கள் கூறினர்.

]]>
http://www.dinamani.com/all-editions/edition-nagapattinam/karaikal/2018/jun/13/மீன்பிடித்-தடைக்காலம்-முடிவுக்கு-வருகிறது-கடலுக்கு-செல்லத்-தயாராகும்-விசைப்படகு-மீனவர்கள்-2938762.html
2938761 நாகப்பட்டினம் காரைக்கால் சிறப்பு முகாம் : காரைக்கால், மாஹே பிராந்திய என்.சி.சி. மாணவர்களுக்கு துப்பாக்கிச் சுடும் பயிற்சி DIN DIN Wednesday, June 13, 2018 08:46 AM +0530 காரைக்கால், மாஹே பிராந்திய மாணவர்களுக்கு 2 நாள்கள் துப்பாக்கிச் சுடும் பயிற்சி அளிக்கப்பட்டது.
தேசிய மாணவர் படை அமைப்பு (என்.சி.சி) சார்பில் ஆண்டுதோறும் என்.சி.சி. மாணவர்களுக்கான 10 நாள் சிறப்பு பயிற்சி முகாம் நடத்தப்படுகிறது. நிகழாண்டு காரைக்கால் மற்றும் மாஹே பிராந்தியத்தைச் சேர்ந்த என்.சி.சி. மாணவர்கள் பங்கேற்ற சிறப்பு முகாம் காரைக்கால் அண்ணா அரசு கலைக் கல்லூரி வளாகத்தில் ஞாயிற்றுக்கிழமை தொடங்கியது.
மாணவ, மாணவியர் என 500 பேர் இந்த முகாமில் பங்கேற்றுள்ளனர்.
இம்முகாமில் மாணவர்களுக்கு துப்பாக்கிச் சுடும் பயிற்சி உள்ளிட்ட ராணுவத்தினர் மேற்கொள்ளும் பயிற்சிகளில் பலவும்  அளிக்கப்படுகிறது. பல்வேறு துறை வல்லுநர்களை வரவழைத்து மாணவர்களிடையே உரை நிகழ்த்தப்படுகிறது. பல்வேறு வகையான விழிப்புணர்வு நிகழ்ச்சிகளும் மக்களிடையே மாணவர்களைக்கொண்டு நடத்தப்படுகிறது. என்.சி.சி. மாணவர்களுக்கு அணிவகுப்பு உள்ளிட்ட பயிற்சிகளும் அளிக்கப்படுகின்றன.
முகாமின் முக்கிய பயிற்சியாக துப்பாக்கிச் சுடும் பயிற்சி இருக்கிறது. கடந்த பல ஆண்டுகளாக இது நடைமுறையில் இல்லாதிருந்த நிலையில், கடந்த 2017 -ஆம் ஆண்டு முதல் காரைக்காலில் இந்த பயிற்சிக்கு அனுமதி பெறப்பட்டு முகாம் காலத்தில் நடத்தப்படுகிறது.
முகாமில் பங்கேற்ற என்.சி.சி. மாணவ, மாணவியர்கள் 500 பேருக்கும் 2 நாள்களாக துப்பாக்கிச் சுடும் பயிற்சி தரப்பட்டது.
முகாம் தலைமை அதிகாரி கர்னல் சி.எஸ். சர்மா முன்னிலையில் ராணுவ பயிற்றுநர்கள், என்.சி.சி. அலுவலர்கள் இதை அளித்தனர்.
என்.சி.சி.க்கென உள்ள மைதானத்தில் துப்பாக்கிப் பயிற்சிக்கு இலக்காக ஒரு சுவர் எழுப்பப்பட்டுள்ளது. இதன் இலக்கை நோக்கி துப்பாக்கியால் சுடும்  பயிற்சி தரப்பட்டது. இதில் மாணவ, மாணவியர் ஆர்வத்துடன் பங்கெடுத்தனர். திங்கள்கிழமை முதல் நடைபெற்ற இந்த பயிற்சி செவ்வாய்க்கிழமை நிறைவுபெற்றது. இந்த பயிற்சிக்காக தளத்தைச் சுற்றியுள்ள மக்களின் பாதுகாப்புக்காக முன்கூட்டியே என்.சி.சி. நிர்வாகத்தினர் அறிவிப்புகளை செய்தனர்.
இந்த பயிற்சி குறித்து என்.சி.சி. முகாம் வட்டாரத்தினர் கூறும்போது, என்.சி.சி. மாணவர்கள் அனைவரும் துப்பாக்கிச் சுடும்  பயிற்சி பெற்றிருப்பது அவசியம். துப்பாக்கியை கையாளுதல், குண்டுகளை பொருத்துதல், இலக்கை நோக்கி சுடுதல் போன்றவற்றுக்கு எவ்வாறு நமது உடலமைப்புகளை வைத்துக்கொள்ளவேண்டும் என்பது குறித்து தெரிவிக்கப்பட்டது. அனைத்து மாணவர்களும் வெகு சிறப்பாக பயிற்சியை பெற்றுள்ளனர். மாணவியர் தயக்கமின்றி மிகுந்த உத்வேகத்துடன் இந்த பயிற்சியில் ஈடுபட்டனர். ராணுவத்தில் பணியாற்றக்கூடிய ஆர்வம் என்.சி.சி. மாணவர்களுக்கு ஏற்படும் நோக்கிலேயே இவ்வாறான பயிற்சிகள் தரப்படுகின்றன  என்றனர்.
 

]]>
http://www.dinamani.com/all-editions/edition-nagapattinam/karaikal/2018/jun/13/சிறப்பு-முகாம்--காரைக்கால்-மாஹே-பிராந்திய-என்சிசி-மாணவர்களுக்கு-துப்பாக்கிச்-சுடும்-பயிற்சி-2938761.html
2938759 நாகப்பட்டினம் காரைக்கால் மாங்கனித் திருவிழா கடைகள் ரூ. 27 லட்சத்துக்கு ஏலம் DIN DIN Wednesday, June 13, 2018 08:46 AM +0530 காரைக்கால் மாங்கனித் திருவிழா கடைகள் நிகழாண்டு ரூ. 27 லட்சத்துக்கு ஏலம் எடுக்கப்பட்டது.
காரைக்கால் அம்மையார் வாழ்க்கை வரலாற்றை விளக்கி ஸ்ரீ கைலாசநாதர் கோயில் சார்பில் ஆண்டுதோறும் மாங்கனித் திருவிழா நடத்தப்படுகிறது. இந்த நிகழ்ச்சி வரும் 25 -ஆம் தேதி தொடங்குகிறது. முக்கிய நிகழ்ச்சிகள் 3 நாள்களில் நிறைவுபெற்றாலும், விடையாற்றி நிகழ்ச்சி ஜூலை 25 -ஆம் தேதி வரை தினமும் கலை நிகழ்ச்சிகளும், அம்மையார் கோயில் இருக்கக்கூடிய பாரதியார் சாலையோரத்தில் இருபுறமும் திருவிழா கடைகளும் நீடித்திருக்கும்.
இந்த கடைகள் தினசரி வாடகையில் விடும் வகையில் பொது ஏலம் கோயில் நிர்வாகம் விடுகிறது. அம்மையார் மணிமண்டபத்தில் சார்பு ஆட்சியரும், நிர்வாக அதிகாரியுமான  (கோயில்கள்) ஏ. விக்ரந்த் ராஜா மற்றும் அறங்காவல் குழுவினர் முன்னிலையில் திங்கள்கிழமை நடைபெற்றது.
பொது ஏலத்தில் பலர் பங்கேற்கும் வகையில் கோயில் நிர்வாகம் ஏற்கெனவே பொது அறிவிப்பு நாளிதழ்களில் வெளியிட்டிருந்தது. ஆனால், வெகு குறைவான நபர்களே ஏலத்தில் பங்கேற்றனர்.
ஏலத்தின் நிறைவில் அறங்காவல் குழு பொருளாளர் டி. ரஞ்சன் கூறும்போது,  நிகழாண்டு கடைகள் ஏலம் ரூ. 22.59 லட்சத்துக்கு விடப்பட்டன. ஜி.எஸ்.டி. சேர்த்து ரூ. 27 லட்சம் செலுத்த வேண்டும். கடந்த ஆண்டு ரூ. 22.55 லட்சத்துக்கு ஏலம் விடப்பட்டது. கடைகள் வசூல் மற்றும் வசதிகள்  உள்ளிட்ட விதிமுறைகள் ஏலம் எடுத்தவருக்கு தெரிவிக்கப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2018/jun/13/மாங்கனித்-திருவிழா-கடைகள்-ரூ-27-லட்சத்துக்கு-ஏலம்-2938759.html