Dinamani - காரைக்கால் - http://www.dinamani.com/all-editions/edition-nagapattinam/karaikal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042648 நாகப்பட்டினம் காரைக்கால் காரைக்கால் புயல் பாதிப்புக்கு ஆதாரம் கோருவதா? துணை நிலை ஆளுநருக்கு காங்கிரஸ் கண்டனம் DIN DIN Wednesday, November 21, 2018 07:12 AM +0530 காரைக்காலில் புயல் பாதித்த பகுதிகளை இதுவரை பார்வையிட வராமல், ராஜ்பவனில் இருந்துகொண்டு புயல் பாதிப்புக்கு ஆதாரம் இருக்கிறதா என கோருவதா என, புதுச்சேரி துணை நிலை ஆளுநருக்கு காங்கிரஸ் கண்டனம் தெரிவித்துள்ளது.
கஜா புயல்  சூறைக்காற்றினால் காரைக்கால் பகுதியில் ஆயிரக்கணக்கான மரங்கள் விழுந்ததோடு, கடலோரத்தில் நிறுத்தியிருந்த படகுகள் பல சேதமடைந்தன. மக்கள் பல்வேறு பாதிப்புகளுக்கு உள்ளான நிலையில், அகில இந்திய காங்கிரஸ் செயலரும், தமிழ்நாடு, புதுச்சேரிக்கான மேலிடப் பொறுப்பாளருமான சஞ்சய்தத் காரைக்காலில் பாதிக்கப்பட்ட பகுதிகளை, மாநில வேளாண் அமைச்சர் ஆர்.கமலக்கண்ணன் மற்றும் காங்கிரஸாருடன் சென்று செவ்வாய்க்கிழமை பார்வையிட்டார்.
பின்னர், செய்தியாளர்களிடம் சஞ்சய்தத் கூறியது: 
காரைக்காலில் திருநள்ளாறு உள்ளிட்ட நகரப் பகுதிகளிலும், கடலோரத்தில் உள்ள கிளிஞ்சல்மேடு, காரைக்கால்மேடு, பட்டினச்சேரி உள்ளிட்ட கிராமங்களுக்கும் சென்று மக்களை சந்தித்துப் பேசினோம். பாதிக்கப்பட்ட படகுகள், வீடுகளைப் பார்வையிட்டோம்.
அகில இந்திய காங்கிரஸ் தலைவர் ராகுல்காந்தி, தமிழ்நாடு, புதுச்சேரி காங்கிரஸார் புயல் பாதித்த மக்களுக்கு உதவுமாறு கேட்டுக்கொண்டுள்ளதன் அடிப்படையில், காங்கிரஸார் தீவிரமான பணிகளில் ஈடுபட்டுள்ளனர். மக்களை இயல்பு நிலைக்கு கொண்டுவரவும், பாதிப்புகளை சீரமைக்கவும், நிவாரணம் தரவும் மாநில அரசு நடவடிக்கைகளை மேற்கொண்டுள்ளது. புதுச்சேரியை பொறுத்தவரை காங்கிரஸ் ஆளும் அரசாக இருப்பதால், கட்சிக்கும், ஆட்சிக்கும் பொறுப்புகள் அதிகம்.
புதுச்சேரி அரசு முன்னெச்சரிக்கை நடவடிக்கைகளை முறையாக எடுத்துள்ளது. எனினும் பேரிடர் என்கிறபோது இது நமது கையில் இல்லை. இதனை எதிர்கொண்டே தீரவேண்டியுள்ளது. காரைக்காலில் மக்களோடு மக்களாக இணைந்து அமைச்சர் கமலக்கண்ணன் பணியாற்றிவருகிறார்.
ஆனால் எதிர்பாராவிதமாக புதுச்சேரியில் துணை நிலை ஆளுநர், புயல் பாதிப்பு நிவாரண நடவடிக்கைகளுக்கு முட்டுக்கட்டை போடும் விதத்தில் செயல்படுகிறார். சமூக வலைதளத்தில் அவர், காரைக்கால் புயலால் பாதித்துள்ளதற்கு என்ன ஆதாரம் இருக்கிறது  என வினவியுள்ளார். காரைக்கால் வந்து மக்களையும், பல்வேறு இடங்களையும் பார்த்தாலே தெரிந்துவிடும். ராஜ்பவனில் பாதுகாப்பாக இருந்துகொண்டு, அவதிப்படும் மக்களை அலட்சியப்படுத்தும் விதமாக பேசுவது கண்டிக்கத்தக்கது. புயல் பாதிப்புகளை இதுவரை அவர் காரைக்கால் வந்து பார்க்கவில்லை.
இதுவரை மத்திய அமைச்சர் புயல் பாதித்த பகுதிகளை பார்வையிடவரவில்லை. மத்திய அரசு சார்பில் நிதியுதவி செய்வதாகவும் கூறவில்லை. மத்திய அரசு எந்தவொரு முயற்சியிலும் இதுவரை ஈடுபடவில்லை. துணை நிலை ஆளுநரும் புதுச்சேரி மக்களுக்கு எதிராக செயல்படுகிறார்.  அரசியலமைப்புக்கு எதிராக துணை நிலை ஆளுநரின் செயல்பாடுகள் உள்ளன.
புதுச்சேரி ராஜ்பவன் என்பது பாஜகவின் தலைமையிடமாக இருக்கிறது. மாநில அரசுக்கும் மக்களுக்கும் பாலமாக இருக்கவேண்டிய ஆளுநர், மத்திய அரசுக்கும் பாஜகவுக்கும் பாலமாக இருக்கிறார்.
மத்தியில் மன்மோகன்சிங் அரசு இருந்தபோது, குஜராத், மத்தியப் பிரதேசம் போன்ற எதிர்க்கட்சி ஆளும் மாநிலங்களில், பேரிடரின்போது தாராளமாக நிதியுதவியை செய்தது. ஆனால், மோடி அரசு அவ்வாறு புதுச்சேரி பக்கம் நிற்கவில்லை. ஆனால், மக்கள் பக்கம் காங்கிரஸ் நிற்கிறது, காங்கிஸை மக்கள் நம்புகின்றனர் என்றார் அவர். பேட்டியின்போது அமைச்சர் ஆர்.கமலக்கண்ணன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/21/காரைக்கால்-புயல்-பாதிப்புக்கு-ஆதாரம்-கோருவதா-துணை-நிலை-ஆளுநருக்கு-காங்கிரஸ்-கண்டனம்-3042648.html
3042630 நாகப்பட்டினம் காரைக்கால் மிலாது நபி: மதுக்கடைகளை மூட உத்தரவு DIN DIN Wednesday, November 21, 2018 07:03 AM +0530 மிலாது நபியையொட்டி, புதன்கிழமை (நவ. 21) காரைக்காலில் மதுக்கடைகளை மூட உத்தரவிடப்பட்டுள்ளது.
இதுகுறித்து காரைக்கால் கலால் துறை துணை ஆணையர் ஏ. விக்ரந்த் ராஜா வெளியிட்ட செய்திக் குறிப்பு: மிலாது நபியையொட்டி, புதன்கிழமை காரைக்கால் மாவட்டத்தில் உள்ள கள், சாராயக்கடை, மதுக்கடைகள் (பார்), ஹோட்டல்களில் உள்ள மது விற்பனையகம் உள்ளிட்டவை மூடப்பட வேண்டும். புதுச்சேரி கலால் துறை சட்டத்தின்படி, இந்த உத்தரவு பிறப்பிக்கப்படுவதாக அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2018/nov/21/மிலாது-நபி-மதுக்கடைகளை-மூட-உத்தரவு-3042630.html
3042629 நாகப்பட்டினம் காரைக்கால் மது வாங்கி வந்தவரை கத்தியால் குத்தி பணம் பறித்த மூவர் கைது DIN DIN Wednesday, November 21, 2018 07:03 AM +0530 மதுக்கடையிலிருந்து மது வாங்கிக்கொண்டு வெளியே வந்தவரை கத்தியால் குத்தி, பணம், செல்லிடப்பேசியை பறித்துச் சென்ற மூவரை போலீஸார் திங்கள்கிழமை கைது செய்தனர்.
காரைக்கால் மாவட்டம், திருப்பட்டினம் பகுதி மேலவாஞ்சூரில் உள்ள ஒரு மதுக்கடையில் ஞாயிற்றுக்கிழமை இரவு நாகூரைச் சேர்ந்த முஜ்புர் ரஹ்மான் என்கிற ஆசைத்தம்பி (31) என்பவர் மது புட்டிகள் வாங்கிக்கொண்டு வெளியே வந்தார். இருள்சூழ்ந்த இடத்தில் நின்ற மூவர், அவரை கத்தியால் குத்தினர். நிலை குலைந்து கீழே விழுந்த அவரிடமிருந்து ரூ.200 ரொக்கம், செல்லிடப்பேசி, மது புட்டிகளை பறித்துக்கொண்டு தப்பிவிட்டனர்.
அந்த பகுதியினர் முஜ்புர் ரஹ்மானை காரைக்கால் அரசு பொதுமருத்துவமனையில் சிகிச்சைக்காக சேர்த்தனர். அவரிடம் போலீஸார் விசாரணை நடத்தினர். பின்னர் திருப்பட்டினம் காவல்நிலையத்தில் வழக்குப் பதிவு செய்து, காவல் ஆய்வாளர் மரி கிறிஸ்டின்பால், உதவி ஆய்வாளர் செ.பெருமாள் ஆகியோர் குற்றச் செயலில் ஈடுபட்ட நாகப்பட்டினம், சுனாமி குடியிருப்பைச் சேர்ந்த கிருஷ்ணாகரன் (18), நாகப்பட்டினம், மஞ்சக்கொல்லையைச் சேர்ந்த சிராஜூதீன் (20), நாகப்பட்டினத்தைச் சேர்ந்த விக்னேஸ்வரன் (15) ஆகியோரை திங்கள்கிழமை கைது செய்தனர்.
இந்த தகவலை  செய்தியாளர் சந்திப்பில் தெரிவித்த மாவட்ட முதுநிலைக் காவல் கண்காணிப்பாளர் ராகுல் அல்வால், குற்றச் செயல் புரிந்தவர்களை, 8 மணி நேரத்தில் கைது செய்த போலீஸாரின் செயலைப் பாராட்டினார். கைது செய்யப்பட்டவர்களை காரைக்கால் நீதிமன்றத்தில் ஆஜர்படுத்தினர். விக்னேஸ்வரனுக்கு 15 வயதாவதால் அவரை புதுச்சேரி சீர்திருத்தப்பள்ளியில் சேர்க்குமாறும், மற்ற இருவரையும் 15 நாள் சிறையிலடைக்க நீதிபதி பிரபு உத்தரவிட்டார்.
 

]]>
http://www.dinamani.com/all-editions/edition-nagapattinam/karaikal/2018/nov/21/மது-வாங்கி-வந்தவரை-கத்தியால்-குத்தி-பணம்-பறித்த-மூவர்-கைது-3042629.html
3042628 நாகப்பட்டினம் காரைக்கால் ஸ்ரீ நித்யகல்யாண பெருமாள் கோயிலில் கைசிக மஹாத்மிய உத்ஸவம் DIN DIN Wednesday, November 21, 2018 07:03 AM +0530 காரைக்கால் ஸ்ரீ நித்யகல்யாண பெருமாள் கோயிலில் கைசிக மஹாத்மிய உத்ஸவம் செவ்வாய்க்கிழமை நடைபெற்றது. இதில், திரளான பக்தர்கள் பங்கேற்று  தரிசனம் செய்தனர்.
திருக்குறுங்குடி என்கிற திவ்யதேசத்தில் அழகிய நம்பிராயர் முன், சிறந்த பக்தரான நம்பாடுவான் கைசிகமாகிய பண் இசைத்து, இசையின் பலனாக சோமசர்மாவின் சாபத்தை போக்கினார். இந்த நிகழ்வு நடந்ததாக வராஹப்பெருமாள் பூமிப் பிராட்டிக்கு உபதேசித்த ஸ்ரீ வராஹப்புராணத்தில் உள்ளதை விளக்கும் வகையில், ஸ்ரீரங்கம், திருக்குறுங்குடி கோயில்களில் ஆண்டுதோறும் கார்த்திகை மாதம் துவாதசி நாளில் கைசிக மஹாத்மிய உத்ஸவம் நடத்தப்படுகிறது.
இதேபோன்ற உத்ஸவம் காரைக்காலில் உள்ள ஸ்ரீ நித்யகல்யாண பெருமாள் கோயிலில் திங்கள்கிழமை தொடங்கியது. இரவு 7 மணியளவில் உத்ஸவர் ஸ்ரீ நித்யகல்யாண பெருமாளுக்கு சிறப்பு திருமஞ்சனம் நடத்தப்பட்டது. இரண்டாம் நாளான செவ்வாய்க்கிழமை காலை உத்ஸவர் ஸ்ரீ நித்யகல்யாண பெருமாளுக்கு புது வஸ்திரம் சாற்றப்பட்டு, பிராகார உலா நடைபெற்றது. தொடர்ந்து பக்தர்களிடையே உத்ஸவத்தின் சிறப்பு குறித்து ஸ்ரீ உ.வே.கு. அரங்கநாதாச்சாரிய சுவாமிகள் பேசி, கைசிக புராணம் படித்தார். புராணத்தின் ஒவ்வொரு அத்தியாயத்தின் நிறைவிலும் சுவாமிக்கு சிறப்பு தீபாராதனை நடைபெற்றது. 
அப்போது சுவாமி முன் பெரிய கண்ணாடி நிறுத்தப்பட்டு, பெருமாள் கண்ணாடி சேவையையும் பக்தர்கள் தரிசித்தனர்.  நிறைவில் மூலவருக்கும், உத்ஸவருக்கும் சோடச உபசாரங்கள் செய்யப்பட்டு, சிறப்பு தீபாராதனை காட்டப்பட்டது.  நிகழ்ச்சியில் ஏராளமான பக்தர்கள் கலந்துகொண்டனர். நிகழ்ச்சி ஏற்பாடுகளை கோயில் அறங்காவல் குழுவினர்,  ஸ்ரீ நித்யகல்யாண பெருமாள் பக்த ஜன சபாவினர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/21/ஸ்ரீ-நித்யகல்யாண-பெருமாள்-கோயிலில்-கைசிக-மஹாத்மிய-உத்ஸவம்-3042628.html
3042627 நாகப்பட்டினம் காரைக்கால் புயல் காற்றில் விழுந்த மரக்கிளைகள் அகற்றம் DIN DIN Wednesday, November 21, 2018 07:03 AM +0530 கஜா புயலின் சீற்றத்தால், காரைக்கால் மாவட்டத்தில் விழுந்த மரங்களின் கிளைகள், தழைகள் இதுவரை 150 லோடு  அகற்றப்பட்டுள்ளதாகவும், மேலும் 200 லோடு அளவில் அகற்றப்பட இருப்பதாகவும் தெரிவிக்கப்பட்டுள்ளது.
கஜா புயலால் காரைக்கால் மாவட்டத்தில் ஏற்பட்ட சேத வரிசையில் முன்னணியில் இருப்பது மரங்கள். ஏறத்தாழ 2,500 சிறிய, பெரிய  மரங்கள் வேரோடு சாய்ந்துவிட்டதாக அரசு நிர்வாகம் தெரிவித்துள்ளது.  பிரதான போக்குவரத்து மிகுந்த சாலையிலும், பிற சாலைகளிலும் விழுந்த மரங்களை தேசிய பேரிடர் மீட்புப் படையினர் உள்ளிட்டோர் அகற்றி, போக்குவரத்தை சீர்செய்தனர்.
அதேவேளையில், மாவட்டம் முழுவதும் மரங்களை அகற்றுவதில், சுணக்கம் ஏற்பட்டுள்ளது. குறிப்பாக, மரக்கிளைகள் சாலையோர சாக்கடை, கழிவுநீர் செல்லும் வாய்க்காலில் விழுந்துள்ளதால், கழிவுநீர் தேங்கி துர்நாற்றம் வீசுவதாக பொதுமக்கள் புகார் தெரிவிக்கின்றனர்.
காரைக்கால் நகர பகுதியில் மட்டும் 18 வார்டுகளில், "ஹேண்ட் இன் ஹேண்ட்' என்ற திடக்கழிவு மேலாண்மைத் திட்டத்தை செயல்படுத்தும் நிறுவனம், வீடு வீடாகச் சென்று குப்பைகளைப் பெறுகிறது. இந்த நிறுவனத்தினர், குப்பைகள் அகற்றம் மட்டுமன்றி, சாலையோரத்தில் கிடக்கும் மரக்கிளைகள், தழைகளை அள்ளும் பணியிலும் ஈடுபட்டுள்ளனர்.
இந்த நிறுவனத்தினர் கூறுகையில், நகர பகுதியில் மட்டும் இதுவரை 150 லோடு (ஒரு லோடு என்பது டிராக்டர் அளவு) அள்ளப்பட்டுள்ளது. மேலும், 200 லோடு வரை அகற்ற வேண்டியுள்ளது. இவை அடுத்த 3 நாள்கள் வரை நீடிக்கும் என்றனர்.
நகர பகுதியில் மட்டுமே இவ்வளவு தழைகள், குப்பைகள் என்றால், திருநள்ளாறு, திருப்பட்டினம், நிரவி, கோட்டுச்சேரி, நெடுங்காடு உள்ளிட்ட பிற பகுதிகள், கடலோரப் பகுதியில் விழுந்த மரங்களை அகற்றும் பணியில், கொம்யூன் பஞ்சாயத்து நிர்வாகத்துக்கு ஆள்பற்றாக்குறை காரணமாக தொய்வு ஏற்பட்டுள்ளது.
தற்போது மழையும் பெய்துவருவதால், சாலையோரத்தை சுத்தம் செய்யும் பணியில் தொய்வு ஏற்பட்டிருக்கிறது. இந்த பணியை துரிதமாக முடிக்கும் வகையில், மாவட்ட நிர்வாகம் சிறப்பு கவனம் செலுத்த வேண்டும். அத்துடன், தனியார் நிறுவனத்தினரும் பங்கெடுக்க நடவடிக்கை எடுக்க வேண்டும் என பொதுமக்கள் வலியுறுத்துகின்றனர்.

]]>
http://www.dinamani.com/all-editions/edition-nagapattinam/karaikal/2018/nov/21/புயல்-காற்றில்-விழுந்த-மரக்கிளைகள்-அகற்றம்-3042627.html
3042626 நாகப்பட்டினம் காரைக்கால் சாலைகளில் தேங்கிய மழை நீரால் வாகன ஓட்டிகள் அவதி DIN DIN Wednesday, November 21, 2018 07:02 AM +0530 வங்கக் கடலில் உருவான காற்றழுத்தத் தாழியின் காரணமாக காரைக்காலில் பரவலாக செவ்வாய்க்கிழமை கன மழை பெய்தது. இதனால் சாலைகளில் தண்ணீர் தேங்கி, போக்குவரத்தில் பாதிப்பு ஏற்பட்டது. 
வங்கக் கடலில் தென்மேற்குப் பகுதியில் நிலைகொண்டிருந்த காற்றழுத்த தாழி, தமிழகம், புதுச்சேரி கடல் பகுதியில் செவ்வாய்க்கிழமை நிலை கொள்ளக்கூடும் என சென்னை வானிலை ஆய்வு மையம் கூறியிருந்தது.
அதன்படி, திங்கள்கிழமை இரவு காரைக்கால் பகுதியில் காற்றுடன் கூடிய மழை பெய்தது.  செவ்வாய்க்கிழமை காலை 8 மணி முதல் கனமழையாக பெய்தது. பல மணி நேரம் நீடித்த இந்த மழையால்,  நகரப் பகுதியில் குறிப்பாக காமராஜர் சாலை, புளியங்கொட்டை சாலை, தியாகராஜர் வீதி, திருநள்ளாறு சாலை, கடற்கரை சாலையில் தண்ணீர் வடியமுடியாமல் தேங்கியது. சில மணி நேரம் கழித்தே வடியத் தொடங்கியது. 
காரைக்காலில் உள்ள அரசு பொது மருத்துவமனையில் கண் சிகிச்சை, இதய நோய் சிகிச்சைப் பிரிவு, மகப்பேறு மருத்துவமனை அருகே சாலையில் கழிவுநீருடன் தண்ணீர் தேங்கியதால், துர்நாற்றம் வீசத் தொடங்கியதாக பொதுமக்கள் வேதனை தெரிவித்தனர். தண்ணீர் வடிந்தவுடன் துர்நாற்றம் நின்றதாகவும் தெரிவித்தனர். இந்த பகுதியில் கழிவுநீர் வடிகால் முறையாக தூர்வாராததும், சாலையோர சாக்கடைகள் அடைப்பும், மரக்கிளைகள் அகற்றப்படாததும் பெரும்பாலான சாலைகளில் தண்ணீர் தேங்கக் காரணமானது.
புயலுக்கு முன்பாக பெய்த மழையில், பிளாட்டுகள் கொண்ட குடியிருப்பு பகுதிகளில் மழை நீர் நாள் கணக்கில் தேங்கியள்ளது. தற்போது பெய்யும் மழையினால் குடியிருப்பு பகுதிகளில் அதிக அளவில் தண்ணீர் தேங்கிவருகிறது. தொடர் மழை நீடித்தால் பெரும் பாதிப்பு ஏற்படும். எனவே, தண்ணீர் வடியச் செய்யும் வகையில் அரசு நிர்வாகம் ஏற்பாடுகளை உடனடியாக செய்யவேண்டும் என பொதுமக்கள் வலியுறுத்துகின்றனர்.
தொடர் மழை பெய்தால் ஆபத்து: காரைக்கால் பகுதி கடலோரத்தில் உள்ளது. தமிழக நிலப்பரப்பில் பெய்த மழை நீர் ஆறுகளில் கடைமடைப் பகுதி நோக்கி பாயும்போது, ஆறு, வாய்க்கால்கள் மற்றும் வடிகால்களில் அடைப்பு  இருந்தால் நகருக்குள் தண்ணீர் புகுந்துவிடும். தற்போது தமிழகப் பகுதியிலிருந்து வெளியேற்றப்படும் மழைநீர் ஆறுகளில் காரைக்கால் வழியாக கடலை நோக்கி செல்கிறது. ஆற்றில் நீர் வரத்து அதிகரித்துக் காணப்படுகிறது.
தண்ணீர் வடியாமல் தேங்குவதற்கான காரணத்தை மாவட்ட ஆட்சியர், பொதுப்பணித்துறை அதிகாரிகள், நகராட்சி, கொம்யூன் பஞ்சாயத்து நிர்வாகத்தினர் நேரடியாக ஆய்வு செய்து, அந்த பகுதியில் சீரமைப்பு நடவடிக்கைகளை உடனடியாக மேற்கொள்ளவேண்டும் என பொதுமக்கள் வலியுறுத்துகின்றனர்.

]]>
http://www.dinamani.com/all-editions/edition-nagapattinam/karaikal/2018/nov/21/சாலைகளில்-தேங்கிய-மழை-நீரால்-வாகன-ஓட்டிகள்-அவதி-3042626.html
3042625 நாகப்பட்டினம் காரைக்கால் காரைக்கால் வானொலியில் பிரதமர் உரை 25-இல் ஒலிபரப்பு DIN DIN Wednesday, November 21, 2018 07:02 AM +0530 பிரதமர் ஆற்றும் உரையை காரைக்கால் வானொலி நிலையம் ஞாயிற்றுக்கிழமை (நவ.25) ஒலிபரப்பு செய்யவுள்ளது.
காரைக்கால் வானொலி நிலைய நிகழ்ச்சிப் பிரிவுத் தலைவர் முனைவர் ஜி.சுவாமிநாதன் செவ்வாய்க்கிழமை வெளியிட்ட செய்திக் குறிப்பு:  பிரதமர் நரேந்திரமோடி அகில இந்திய வானொலி மூலம் நாட்டு மக்களுக்கு மன் கி பாத் என்கிற  உரை நவ. 25-ஆம் தேதி பகல் 11 மணிக்கு ஒலிரப்பாகும். அதனைத் தொடர்ந்து பிரதமர் உரையின் தமிழாக்கம் மனதில் குரல் என்ற தலைப்பில் ஒலிபரப்பாகும். இந்த மனதின் குரல் நிகழ்ச்சி மீண்டும் அன்றிரவு 8 மணிக்கு ஒலிபரப்பாகும் என அதில் கூறப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2018/nov/21/காரைக்கால்-வானொலியில்-பிரதமர்-உரை-25-இல்-ஒலிபரப்பு-3042625.html
3042624 நாகப்பட்டினம் காரைக்கால் மழையால் பாதிக்கப்படும் குடும்பங்களுக்கு 10 கிலோ இலவச அரிசி வழங்க வேண்டும்: திமுக வலியுறுத்தல் DIN DIN Wednesday, November 21, 2018 07:02 AM +0530 மழையால் பாதிக்கப்பட்டுள்ள குடும்பங்களுக்கு தலா 10 கிலோ இலவச அரிசி உடனடியாக வழங்கவேண்டும் என திமுக வலியுறுத்தியுள்ளது.
கஜா புயலால் பாதிக்கப்பட்டுள்ள காரைக்கால் தெற்குத்  தொகுதிக்குள்பட்ட பல்வேறு கிராமங்களுக்கு, முன்னாள் அமைச்சரும், காரைக்கால் திமுக அமைப்பாளருமான ஏ.எம்.எச்.நாஜிம் செவ்வாய்க்கிழமை நேரில் சென்று அப்பகுதி மக்களுக்கு ஆறுதல் கூறினார்.
பின்னர், அவர் கூறியது:
கஜா புயலின் தாக்கம் மற்றும் கனமழை பெய்துவரும் நிலையில், ஏழை மக்களின் நிலை வேதனையை ஏற்படுத்தியுள்ளது. கடந்த ஆகஸ்ட் மாதம் வரை மாதாந்திர  இலவச அரிசி தரப்பட்டது. பின்னர் அரிசிக்கு பதிலாக பணமாக வங்கிக் கணக்கில் சேர்க்கப்பட்டதாக சொல்கிறார்கள். பலருக்கு இந்த தொகை சென்றடையவில்லை எனக் கூறப்படுகிறது. எனவே, தற்போது மழையை கருத்தில்கொண்டு மக்களுக்கு 10 கிலோ இலவச அரிசி உடனடியாக புதுச்சேரி அரசு வழங்கவேண்டும். மேலும், மழையினால் மாவட்டத்தில் பள்ளிகளுக்கு விடுமுறை அறிவிப்பதும் வழக்கமான ஒன்று. செவ்வாய்க்கிழமை கன மழை பெய்யத் தொடங்கிய நிலையில், அதிகாலையிலேயே அண்டை மாவட்டங்களில் பள்ளிகளுக்கு விடுமுறை அறிவிக்கப்பட்டது. காரைக்காலில் மட்டும் விடுமுறையின்றி பள்ளிகள் திறக்கப்பட்டன. பின்னர் கனமழையை பார்த்து பகல் 12 மணியளவில் பள்ளிகளை அரை நாளில் முடித்துக்கொள்ள மாவட்ட நிர்வாகம் உத்தரவு பிறப்பித்தது.
இது தேவையில்லாத ஒன்றாகும். உரிய தருணத்திலேயே விடுமுறை அறிவிப்பை செய்திருக்கவேண்டும் என்றார் நாஜிம்.

]]>
http://www.dinamani.com/all-editions/edition-nagapattinam/karaikal/2018/nov/21/மழையால்-பாதிக்கப்படும்-குடும்பங்களுக்கு-10-கிலோ-இலவச-அரிசி-வழங்க-வேண்டும்-திமுக-வலியுறுத்தல்-3042624.html
3042623 நாகப்பட்டினம் காரைக்கால் கஜா புயலால் பாதிக்கப்பட்ட பகுதிகளில் புதுவை சட்டப் பேரவைத் தலைவர் ஆய்வு DIN DIN Wednesday, November 21, 2018 07:01 AM +0530 கஜா புயலால் பாதிப்படைந்த பகுதிகளை புதுச்சேரி சட்டப்பேரவைத் தலைவர் வி.வைத்திலிங்கம் செவ்வாய்க்கிழமை பார்வையிட்டார்.
கஜா புயலால் காரைக்காலில் கடலோர கிராமங்கள், படகுகள், மரங்கள், மின் கம்பங்கள் மற்றும் தாழ்வானப் பகுதிகளில் வாழும் மக்கள் பாதிக்கப்பட்டுள்ளனர்.
புதுச்சேரி முதல்வர் வி.நாராயணசாமி மற்றும் அமைச்சர்கள் புயல் கரையை கடந்த நாளிலேயே காரைக்கால் வந்து பார்வையிட்டு, சேத மதிப்பீடுகள் தயார் செய்ய மாவட்ட நிர்வாகத்துக்கு அறிவுறுத்திச் சென்றனர்.
இந்த நிலையில், புதுச்சேரி சட்டப்பேரவைத் தலைவர் வி.வைத்திலிங்கம் செவ்வாய்கிழமை காரைக்கால் வந்தார். அவர் காங்கிரஸ் கட்சியினருடன் அரசலாற்றையொட்டிய மதகடி பகுதியில் வாழும் குடியிருப்புகள், மீராப்பள்ளித் தோட்டம், பெருமாள் கோயில் வீதி உள்ளிட்ட குடியிருப்புவாசிகளை சந்தித்துப் பேசினார். புயல் காற்றால் வீடுகள் சேதமடைந்துவிட்டதாகவும், தொடர் மழையால் பல நிலைகளில் பாதிக்கப்பட்டுள்ளதாகவும், வேலையின்றி தவித்துவருவதாகவும் பலர் சட்டப் பேரவைத்  தலைவரிடம் கூறினர். இதைக் கேட்டுக்கொண்ட அவர், அரசு தரப்பில் இதற்கான இழப்பீடுகளை அளிக்க ஏற்பாடுகள் நடந்துவருவதாக தெரிவித்தார். மேலும், பாதிக்கப்பட்ட மக்களுக்கு ஆறுதல் கூறினார்.  தலத்தெருவுக்கு கிழக்கே உள்ள விளைநிலப் பகுதியில் கடல் நீர் புகுந்துவிட்டதாக கிடைத்த தகவலின்பேரில், அந்த பகுதிக்குச் சென்று பேரவைத் தலைவர் பார்வையிட்டார். அப்போது, கடல் நீர் உள்புகுந்ததை வெளியேற்ற  நடவடிக்கை எடுக்க வேண்டும் என விவசாயிகள் வலியுறுத்தினர். இதற்கு, பொதுப்பணித் துறையினரிடம் பேசி நடவடிக்கை எடுப்பதாக அவர் உறுதியளித்தார். மீன்பிடிப் படகுகள் பலவும் சூறைக் காற்றில் சேதமடைந்துவிட்டதாக மீனவர்கள், பேரவைத் தலைவரிடம் தெரிவித்தனர்.
ஆய்வின்போது புதுச்சேரி பிரதேச காங்கிரஸ் முன்னாள் தலைவர் ஏ.வி.சுப்ரமணியன், மாநில பொதுச் செயலர் பஷீர்,  மாவட்டத் தலைவர் அ.பாஸ்கரன், மீனவரணித் தலைவர் ஏ.எம்.கே.அரசன், சிறுபான்மைத் துறைத் தலைவர் எல்.எஸ்.பி.சோழசிங்கராயர், வடக்குத் தொகுதி தலைவர் ஆர்.பி.சந்திரமோகன், மாவட்டச் செயலர் ஆர்.எஸ்.கருணாநிதி உள்ளிட்டோர் சென்றிருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/21/கஜா-புயலால்-பாதிக்கப்பட்ட-பகுதிகளில்-புதுவை-சட்டப்-பேரவைத்-தலைவர்-ஆய்வு-3042623.html
3042622 நாகப்பட்டினம் காரைக்கால் காரைக்கால் ரெப்கோ வங்கி  கிளையில் 50-ஆம் ஆண்டு விழா DIN DIN Wednesday, November 21, 2018 07:01 AM +0530 ரெப்கோ வங்கியின் 50-ஆம் ஆண்டு பொன் விழா கொண்டாட்டம் காரைக்கால் கிளையில் திங்கள்கிழமை நடைபெற்றது.
நிகழ்ச்சியின் தொடக்கமாக வங்கி கிளை மேலாளர் எம்.இளையராஜா மற்றும் வாடிக்கையாளர்கள் குத்துவிளக்கேற்றினர். கொண்டாட்ட நிகழ்வாக வாடிக்கையாளர்கள் இணைந்து கேக் வெட்டினர். நிகழ்ச்சியில் கிளை மேலாளர் எம்.இளையராஜா பேசும்போது,  108 கிளைகளைக் கொண்டு செயல்படும் ரெப்கோ வங்கி, 14,000 கோடி வர்த்தகத்தைக் கொண்டுள்ளது.  இதில் காரைக்கால் கிளை 43 கோடி வர்த்தகத்தைக் கொண்டு செயல்படுகிறது. பங்குதாரர், உறுப்பினர்களுக்கு 20 சதவீதம் ஈவுத் தொகை வழங்கியுள்ளது.  டெபாசிட்டுக்கு அதிகப்பட்சமாக  8.20 சதவீதம் வட்டியும்,  தங்க நகைக் கடன் கிராமக்கு ரூ.2,200 மதிப்பீட்டாளர் கட்டணமின்றி வழங்கப்படுகிறது என்றார் அவர்.
ரெப்கோ வங்கியின் செயல்பாடுகளை வாடிக்கையாளர்கள் பாராட்டிப் பேசினர். நிகழ்ச்சியில் வங்கியின் அனைத்து நிலை ஊழியர்களும் கலந்துகொண்டனர்.
 

]]>
http://www.dinamani.com/all-editions/edition-nagapattinam/karaikal/2018/nov/21/காரைக்கால்-ரெப்கோ-வங்கி--கிளையில்-50-ஆம்-ஆண்டு-விழா-3042622.html
3042088 நாகப்பட்டினம் காரைக்கால் மது வாங்கி வந்தவரை கத்தியால் குத்தி பணம் பறித்த மூவர் கைது DIN DIN Tuesday, November 20, 2018 07:08 AM +0530 மதுக் கடையிலிருந்து மது வாங்கிக் கொண்டு வெளியே வந்தவரை கத்தியால் குத்தி, பணம், செல்லிடப்பேசியை பறித்துச் சென்ற மூவரை போலீஸார் திங்கள்கிழமை கைது செய்தனர்.
காரைக்கால் மாவட்டம், திருப்பட்டினம் பகுதி மேலவாஞ்சூரில் உள்ள ஒரு மதுக்கடையில் ஞாயிற்றுக்கிழமை இரவு நாகூரைச் சேர்ந்த முஜ்புர் ரஹ்மான் என்கிற ஆசைத்தம்பி (31) என்பவர் மதுப் புட்டிகள் வாங்கிக்கொண்டு வெளியே வந்தார். இருள் சூழ்ந்த இடத்தில் நின்ற மூவர், அவரை கத்தியால் குத்தினர். நிலை குலைந்து கீழே விழுந்த அவரிடமிருந்து ரூ.200 ரொக்கம், செல்லிடப்பேசி, மதுப் புட்டிகளை பறித்துக்கொண்டு தப்பிவிட்டனர்.
அந்த பகுதியினர் முஜ்புர் ரஹ்மானை காரைக்கால் அரசு பொதுமருத்துவமனையில் சிகிச்சைக்காக சேர்த்தனர். அவரிடம் போலீஸார் விசாரணை நடத்தினர். பின்னர் திருப்பட்டினம் காவல் நிலையத்தில் வழக்குப் பதிவு செய்து, காவல் ஆய்வாளர் மரி கிறிஸ்டின்பால், உதவி ஆய்வாளர் செ.பெருமாள் ஆகியோர் குற்றச் செயலில் ஈடுபட்ட நாகப்பட்டினம், சுனாமி குடியிருப்பைச் சேர்ந்த கிருஷ்ணாகரன் (18), நாகப்பட்டினம், மஞ்சக்கொல்லையைச் சேர்ந்த சிராஜூதீன் (20), நாகப்பட்டினத்தைச் சேர்ந்த 15 வயது சிறுவன் ஆகியோரை திங்கள்கிழமை கைது செய்தனர். கைது செய்யப்பட்டவர்களை காரைக்கால் நீதிமன்றத்தில் ஆஜர்படுத்தினர். 
15 வயது சிறுவனை புதுச்சேரி சீர்திருத்தப் பள்ளியில் சேர்க்குமாறும், மற்ற இருவரையும் 15 நாள் சிறையிலடைக்க நீதிபதி பிரபு உத்தரவிட்டார்.

]]>
http://www.dinamani.com/all-editions/edition-nagapattinam/karaikal/2018/nov/20/மது-வாங்கி-வந்தவரை-கத்தியால்-குத்தி-பணம்-பறித்த-மூவர்-கைது-3042088.html
3041949 நாகப்பட்டினம் காரைக்கால் நித்யகல்யாண பெருமாள் கோயிலில் பவித்ரோத்ஸவம் நிறைவு DIN DIN Tuesday, November 20, 2018 05:54 AM +0530 காரைக்கால் நித்யகல்யாண பெருமாள் கோயிலில் மூன்று நாள்களாக நடைபெற்று வந்த பவித்ரோத்ஸவ நிகழ்ச்சி ஞாயிற்றுக்கிழமை நிறைவடைந்தது.
இக்கோயிலில் பவித்ரோத்ஸவம் என்கிற நிகழ்ச்சி கடந்த வெள்ளிக்கிழமை வாஸ்து ஹோமத்துடன் தொடங்கியது. முக்கிய நிகழ்ச்சியாக சிறப்பு ஹோமம் சனிக்கிழமை முதல் தொடங்கியது. உத்ஸவரான ஸ்ரீ நித்யகல்யாண பெருமாள் ஸ்ரீதேவி பூதேவியாருடன் ஸ்ரீ ரங்கநாயகி தாயார் சன்னிதிக்கு எழுந்தருளச் செய்யப்பட்டார். கும்ப ஆவாஹனம் செய்யப்பட்டு, தினமும் சிறப்பு ஹோமம்  நடத்தப்பட்டு வந்தது.
நிகழ்ச்சியின் 2 -ஆம் நாளில் காலை, மாலை வேளையில் ஹோமம் மற்றும் பூர்ணாஹூதி தீபாராதனை செய்யப்பட்டது.  நிறைவு ஞாயிற்றுக்கிழமை  காலை ஹோமம், பூர்ணாஹூதி தீபாராதனை செய்யப்பட்டது. மாலை 5 மணிக்கு பவித்ர மாலைகளுடன் ஸ்ரீதேவி பூதேவியாருடன் ஸ்ரீ நித்யகல்யாண பெருமாள் வீதியுலா எழுந்தருளி  6.30 மணியளவில் கோயிலை சென்றடைந்தார்.
இதைத் தொடர்ந்து,  ஹோமம் நடத்தப்பட்டு மகா பூர்ணாஹூதி தீபாராதனை செய்யப்பட்டது. தொடர்ந்து சிறப்பு மேள, நாகசுர வாத்தியங்களுடன் கும்பப் புறப்பாடு செய்யப்பட்டு, கும்பத்தில் உள்ள புனிதநீர் கொண்டு மூலவர் ஸ்ரீ ரங்கநாத பெருமாள் உள்ளிட்ட அனைத்து சுவாமிகளுக்கும் ப்ரோக்க்ஷ்ணம் (தெளித்தல்) செய்யப்பட்டு மகா தீபாராதனை நடைபெற்றது. இதில் ஏராளமான பக்தர்கள் கலந்துகொண்டு வழிபாடு செய்தனர்.
பவித்ரோத்ஸவத்தையொட்டி,  கொடி மரம் முதல் அனைத்து சுவாமிகளுக்கும் பவித்ர மாலைகள் அணிவிக்கப்பட்டிருந்தது. சம்ப்ரோக்ஷ்ணம் என்ற குடமுழுக்குபோல ப்ரோக்க்ஷ்ணம் என்ற பவித்ரோத்ஸவம் நடத்தப்படுவதாகவும், இதன்மூலம் கோயில் புனிதமடைவதாகவும் கோயில் நிர்வாகத்தார் தெரிவித்தனர். நிகழ்ச்சிக்கான ஏற்பாடுகளை ஸ்ரீ கைலாசநாத சுவாமி, ஸ்ரீ நித்யகல்யாண பெருமாள் வகையறா தேவஸ்தான அறங்காவல் குழுவினர் மற்றும் ஸ்ரீ நித்யகல்யாண பெருமாள் பக்தஜன சபாவினர் செய்திருந்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/20/நித்யகல்யாண-பெருமாள்-கோயிலில்-பவித்ரோத்ஸவம்-நிறைவு-3041949.html
3041948 நாகப்பட்டினம் காரைக்கால் காரைக்கால் நித்தீசுவர சுவாமி கோயிலில் 1008 சங்காபிஷேக வழிபாடு DIN DIN Tuesday, November 20, 2018 05:54 AM +0530 காரைக்கால் ஸ்ரீ நித்தீசுவர சுவாமி கோயிலில் திங்கள்கிழமை 1008 சங்காபிஷேக வழிபாடு நடைபெற்றது.
கார்த்திகை மாத சோம வாரத்தை முன்னிட்டு, சிவ தலங்களில் சிவலிங்கத்துக்கு சங்காபிஷேகம் விசேஷமாக செய்யப்படுகிறது. திருநள்ளாறு ஸ்ரீ தர்பாரண்யேசுவரர் கோயில், திருவேட்டைக்குடி ஸ்ரீ திருமேனியழகர் கோயில், கோயில்பத்து ஸ்ரீ நித்தீசுவர சுவாமி  உள்ளிட்ட  சில கோயில்களில் சோமவாரத்தில் 1008 சங்காபிஷேகம் நடத்தப்படும். பிற கோயில்களில் 108 முதல் 1008 வரையிலான சங்காபிஷேகம் ஒவ்வொரு வாரமும் செய்யப்படுகிறது.
கார்த்திகை சோம வாரத்தின் முதல் வாரமான (19.11.2018) திங்கள்கிழமை இரவு காரைக்கால் கோயில்பத்து  ஸ்ரீ நித்யகல்யாணி சமேத ஸ்ரீ நித்தீசுவர சுவாமி கோயிலில் 1008 சங்காபிஷேக வழிபாடு நடைபெற்றது.  மூலஸ்தானத்தின் முன்பாக 1008 சங்குகள் சிவலிங்கத்தைப்போன்று அலங்கரித்துவைத்து அதில் தண்ணீர் நிரப்பப்பட்டது.
இதை புனிதமாக்கும் வகையில் சிறப்பு ஹோமத்தை சிவாச்சாரியர்கள் நடத்தினர். தொடர்ந்து, பூர்ணாஹூதி தீபாராதனை நடத்தப்பட்டு, சங்குகள் மற்றும் கலசம் கோயில் பிராகாரம் கொண்டு செல்லப்பட்டு, சுவாமிகளுக்கு மகா அபிஷேகம் செய்யப்பட்டது. இதில் ஏராளமான பக்தர்கள் கலந்துகொண்டு வழிபாடு நடத்தினர். நிகழ்ச்சிக்கான ஏற்பாடுகளை கோயில் நிர்வாகத்தினர் செய்திருந்தனர்.
கார்த்திகை மாதத்தின் அனைத்து சோமவாரத்திலும் 1008 சங்காபிஷேம் இக்கோயிலில் நடத்தப்படும் என கோயில் நிர்வாகத்தினர் தெரிவித்தனர். பொன்பேத்தி கிராமம், ஸ்ரீ வன்மீகநாதசுவாமி கோயிலில் 108 சங்காபிஷேக வழிபாடு நடைபெற்றது. இதுபோன்று பல்வேறு கோயில்களும் சங்காபிஷேக வழிபாடு நடத்தப்பட்டது. அபிஷேகப் பிரியரான சிவபெருமானுக்கு, 108, 1008 சங்குகளில் நிரப்பிய புனிதநீர் கொண்டு நடப்படும் அபிஷேகத்தை கண்டு தரிசிப்பது பக்தர்களுக்கு பெரும் பயனை அள்ளித்தரும் என்பது பக்தர்களின் நம்பிக்கையாக உள்ளது.

]]>
http://www.dinamani.com/all-editions/edition-nagapattinam/karaikal/2018/nov/20/காரைக்கால்-நித்தீசுவர-சுவாமி-கோயிலில்-1008-சங்காபிஷேக-வழிபாடு-3041948.html
3041947 நாகப்பட்டினம் காரைக்கால் கஜா புயலுக்குப் பின் காரைக்காலில் பரவலாக மழை DIN DIN Tuesday, November 20, 2018 05:53 AM +0530 கஜா புயலுக்குப் பின் காரைக்காலில் பரவலாக திங்கள்கிழமை பிற்பகல் மழை பெய்தது. தண்ணீரை எதிர்நோக்கியிருக்கும் விவசாயிகளுக்கு இது மகிழ்ச்சியை ஏற்படுத்தியது.
நிகழாண்டு பருவமழைக் காலம் தொடங்கியது முதல் எதிர்பார்த்த வகையில் மழை பெய்யவில்லை. வங்கக் கடலில் உருவான புயலால் மழை பெய்யும் என எதிர்பார்க்கப்பட்டதும் பொய்த்துப்போனது. கஜா புயல் காற்று சீற்றம் மட்டுமே இருந்தது. மழை அவ்வளவாக இல்லை. புயல் ஓய்ந்து 4 நாள்களாகியும் மழையின்றி காணப்பட்டது, புயலால் ஏற்பட்ட பாதிப்புகளை மறுசீரமைப்புப் பணியில் ஈடுபடுவோருக்கு சாதகத்தை ஏற்படுத்தியது. மின் இணைப்பு தருதல், விழுந்த மரங்களை அகற்றுதல் உள்ளிட்டவற்றில் ஈடுபடும் அரசுத் துறையினரின் பணியில் தொய்வு ஏற்படாமல் இருந்தது. இந்நிலையில் திங்கள்கிழமை பகல் 1 மணி முதல் பிற்பகல் சில மணி நேரம் காரைக்காலில் பரவலாக மழை பெய்தது. சாலைகளில் தண்ணீர் தேங்கும் வகையில் இது கனமழையாக இருந்தது. சம்பா விவசாயத்தில் ஈடுபடும் விவசாயிகள் தற்போது தண்ணீர் தேவையிருப்பதை அரசு நிர்வாகத்தினரிடம் வலியுறுத்தி வருகின்றனர். சில மணி நேரம் பெய்த மழை, விவசாயிகளுக்கு ஆறுதலை ஏற்படுத்தியது.
 

]]>
http://www.dinamani.com/all-editions/edition-nagapattinam/karaikal/2018/nov/20/கஜா-புயலுக்குப்-பின்-காரைக்காலில்-பரவலாக-மழை-3041947.html
3041946 நாகப்பட்டினம் காரைக்கால் நித்யகல்யாண பெருமாள் கோயிலில் பவித்ரோத்ஸவம் நிறைவு DIN DIN Tuesday, November 20, 2018 05:53 AM +0530 காரைக்கால் நித்யகல்யாண பெருமாள் கோயிலில் மூன்று நாள்களாக நடைபெற்று வந்த பவித்ரோத்ஸவ நிகழ்ச்சி ஞாயிற்றுக்கிழமை நிறைவடைந்தது.
இக்கோயிலில் பவித்ரோத்ஸவம் என்கிற நிகழ்ச்சி கடந்த வெள்ளிக்கிழமை வாஸ்து ஹோமத்துடன் தொடங்கியது. முக்கிய நிகழ்ச்சியாக சிறப்பு ஹோமம் சனிக்கிழமை முதல் தொடங்கியது. உத்ஸவரான ஸ்ரீ நித்யகல்யாண பெருமாள் ஸ்ரீதேவி பூதேவியாருடன் ஸ்ரீ ரங்கநாயகி தாயார் சன்னிதிக்கு எழுந்தருளச் செய்யப்பட்டார். கும்ப ஆவாஹனம் செய்யப்பட்டு, தினமும் சிறப்பு ஹோமம்  நடத்தப்பட்டு வந்தது.
நிகழ்ச்சியின் 2 -ஆம் நாளில் காலை, மாலை வேளையில் ஹோமம் மற்றும் பூர்ணாஹூதி தீபாராதனை செய்யப்பட்டது.  நிறைவு ஞாயிற்றுக்கிழமை  காலை ஹோமம், பூர்ணாஹூதி தீபாராதனை செய்யப்பட்டது. மாலை 5 மணிக்கு பவித்ர மாலைகளுடன் ஸ்ரீதேவி பூதேவியாருடன் ஸ்ரீ நித்யகல்யாண பெருமாள் வீதியுலா எழுந்தருளி  6.30 மணியளவில் கோயிலை சென்றடைந்தார்.
இதைத் தொடர்ந்து,  ஹோமம் நடத்தப்பட்டு மகா பூர்ணாஹூதி தீபாராதனை செய்யப்பட்டது. தொடர்ந்து சிறப்பு மேள, நாகசுர வாத்தியங்களுடன் கும்பப் புறப்பாடு செய்யப்பட்டு, கும்பத்தில் உள்ள புனிதநீர் கொண்டு மூலவர் ஸ்ரீ ரங்கநாத பெருமாள் உள்ளிட்ட அனைத்து சுவாமிகளுக்கும் ப்ரோக்க்ஷ்ணம் (தெளித்தல்) செய்யப்பட்டு மகா தீபாராதனை நடைபெற்றது. இதில் ஏராளமான பக்தர்கள் கலந்துகொண்டு வழிபாடு செய்தனர்.
பவித்ரோத்ஸவத்தையொட்டி,  கொடி மரம் முதல் அனைத்து சுவாமிகளுக்கும் பவித்ர மாலைகள் அணிவிக்கப்பட்டிருந்தது. சம்ப்ரோக்ஷ்ணம் என்ற குடமுழுக்குபோல ப்ரோக்க்ஷ்ணம் என்ற பவித்ரோத்ஸவம் நடத்தப்படுவதாகவும், இதன்மூலம் கோயில் புனிதமடைவதாகவும் கோயில் நிர்வாகத்தார் தெரிவித்தனர். நிகழ்ச்சிக்கான ஏற்பாடுகளை ஸ்ரீ கைலாசநாத சுவாமி, ஸ்ரீ நித்யகல்யாண பெருமாள் வகையறா தேவஸ்தான அறங்காவல் குழுவினர் மற்றும் ஸ்ரீ நித்யகல்யாண பெருமாள் பக்தஜன சபாவினர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/20/நித்யகல்யாண-பெருமாள்-கோயிலில்-பவித்ரோத்ஸவம்-நிறைவு-3041946.html
3041945 நாகப்பட்டினம் காரைக்கால் நித்யகல்யாண பெருமாள் கோயிலில் பவித்ரோத்ஸவம் நிறைவு DIN DIN Tuesday, November 20, 2018 05:53 AM +0530 காரைக்கால் நித்யகல்யாண பெருமாள் கோயிலில் மூன்று நாள்களாக நடைபெற்று வந்த பவித்ரோத்ஸவ நிகழ்ச்சி ஞாயிற்றுக்கிழமை நிறைவடைந்தது.
இக்கோயிலில் பவித்ரோத்ஸவம் என்கிற நிகழ்ச்சி கடந்த வெள்ளிக்கிழமை வாஸ்து ஹோமத்துடன் தொடங்கியது. முக்கிய நிகழ்ச்சியாக சிறப்பு ஹோமம் சனிக்கிழமை முதல் தொடங்கியது. உத்ஸவரான ஸ்ரீ நித்யகல்யாண பெருமாள் ஸ்ரீதேவி பூதேவியாருடன் ஸ்ரீ ரங்கநாயகி தாயார் சன்னிதிக்கு எழுந்தருளச் செய்யப்பட்டார். கும்ப ஆவாஹனம் செய்யப்பட்டு, தினமும் சிறப்பு ஹோமம்  நடத்தப்பட்டு வந்தது.
நிகழ்ச்சியின் 2 -ஆம் நாளில் காலை, மாலை வேளையில் ஹோமம் மற்றும் பூர்ணாஹூதி தீபாராதனை செய்யப்பட்டது.  நிறைவு ஞாயிற்றுக்கிழமை  காலை ஹோமம், பூர்ணாஹூதி தீபாராதனை செய்யப்பட்டது. மாலை 5 மணிக்கு பவித்ர மாலைகளுடன் ஸ்ரீதேவி பூதேவியாருடன் ஸ்ரீ நித்யகல்யாண பெருமாள் வீதியுலா எழுந்தருளி  6.30 மணியளவில் கோயிலை சென்றடைந்தார்.
இதைத் தொடர்ந்து,  ஹோமம் நடத்தப்பட்டு மகா பூர்ணாஹூதி தீபாராதனை செய்யப்பட்டது. தொடர்ந்து சிறப்பு மேள, நாகசுர வாத்தியங்களுடன் கும்பப் புறப்பாடு செய்யப்பட்டு, கும்பத்தில் உள்ள புனிதநீர் கொண்டு மூலவர் ஸ்ரீ ரங்கநாத பெருமாள் உள்ளிட்ட அனைத்து சுவாமிகளுக்கும் ப்ரோக்க்ஷ்ணம் (தெளித்தல்) செய்யப்பட்டு மகா தீபாராதனை நடைபெற்றது. இதில் ஏராளமான பக்தர்கள் கலந்துகொண்டு வழிபாடு செய்தனர்.
பவித்ரோத்ஸவத்தையொட்டி,  கொடி மரம் முதல் அனைத்து சுவாமிகளுக்கும் பவித்ர மாலைகள் அணிவிக்கப்பட்டிருந்தது. சம்ப்ரோக்ஷ்ணம் என்ற குடமுழுக்குபோல ப்ரோக்க்ஷ்ணம் என்ற பவித்ரோத்ஸவம் நடத்தப்படுவதாகவும், இதன்மூலம் கோயில் புனிதமடைவதாகவும் கோயில் நிர்வாகத்தார் தெரிவித்தனர். நிகழ்ச்சிக்கான ஏற்பாடுகளை ஸ்ரீ கைலாசநாத சுவாமி, ஸ்ரீ நித்யகல்யாண பெருமாள் வகையறா தேவஸ்தான அறங்காவல் குழுவினர் மற்றும் ஸ்ரீ நித்யகல்யாண பெருமாள் பக்தஜன சபாவினர் செய்திருந்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/20/நித்யகல்யாண-பெருமாள்-கோயிலில்-பவித்ரோத்ஸவம்-நிறைவு-3041945.html
3041944 நாகப்பட்டினம் காரைக்கால் காரைக்கால் நித்தீசுவர சுவாமி கோயிலில் 1008 சங்காபிஷேக வழிபாடு DIN DIN Tuesday, November 20, 2018 05:53 AM +0530 காரைக்கால் ஸ்ரீ நித்தீசுவர சுவாமி கோயிலில் திங்கள்கிழமை 1008 சங்காபிஷேக வழிபாடு நடைபெற்றது.
கார்த்திகை மாத சோம வாரத்தை முன்னிட்டு, சிவ தலங்களில் சிவலிங்கத்துக்கு சங்காபிஷேகம் விசேஷமாக செய்யப்படுகிறது. திருநள்ளாறு ஸ்ரீ தர்பாரண்யேசுவரர் கோயில், திருவேட்டைக்குடி ஸ்ரீ திருமேனியழகர் கோயில், கோயில்பத்து ஸ்ரீ நித்தீசுவர சுவாமி  உள்ளிட்ட  சில கோயில்களில் சோமவாரத்தில் 1008 சங்காபிஷேகம் நடத்தப்படும். பிற கோயில்களில் 108 முதல் 1008 வரையிலான சங்காபிஷேகம் ஒவ்வொரு வாரமும் செய்யப்படுகிறது.
கார்த்திகை சோம வாரத்தின் முதல் வாரமான (19.11.2018) திங்கள்கிழமை இரவு காரைக்கால் கோயில்பத்து  ஸ்ரீ நித்யகல்யாணி சமேத ஸ்ரீ நித்தீசுவர சுவாமி கோயிலில் 1008 சங்காபிஷேக வழிபாடு நடைபெற்றது.  மூலஸ்தானத்தின் முன்பாக 1008 சங்குகள் சிவலிங்கத்தைப்போன்று அலங்கரித்துவைத்து அதில் தண்ணீர் நிரப்பப்பட்டது.
இதை புனிதமாக்கும் வகையில் சிறப்பு ஹோமத்தை சிவாச்சாரியர்கள் நடத்தினர். தொடர்ந்து, பூர்ணாஹூதி தீபாராதனை நடத்தப்பட்டு, சங்குகள் மற்றும் கலசம் கோயில் பிராகாரம் கொண்டு செல்லப்பட்டு, சுவாமிகளுக்கு மகா அபிஷேகம் செய்யப்பட்டது. இதில் ஏராளமான பக்தர்கள் கலந்துகொண்டு வழிபாடு நடத்தினர். நிகழ்ச்சிக்கான ஏற்பாடுகளை கோயில் நிர்வாகத்தினர் செய்திருந்தனர்.
கார்த்திகை மாதத்தின் அனைத்து சோமவாரத்திலும் 1008 சங்காபிஷேம் இக்கோயிலில் நடத்தப்படும் என கோயில் நிர்வாகத்தினர் தெரிவித்தனர். பொன்பேத்தி கிராமம், ஸ்ரீ வன்மீகநாதசுவாமி கோயிலில் 108 சங்காபிஷேக வழிபாடு நடைபெற்றது. இதுபோன்று பல்வேறு கோயில்களும் சங்காபிஷேக வழிபாடு நடத்தப்பட்டது. அபிஷேகப் பிரியரான சிவபெருமானுக்கு, 108, 1008 சங்குகளில் நிரப்பிய புனிதநீர் கொண்டு நடப்படும் அபிஷேகத்தை கண்டு தரிசிப்பது பக்தர்களுக்கு பெரும் பயனை அள்ளித்தரும் என்பது பக்தர்களின் நம்பிக்கையாக உள்ளது.

]]>
http://www.dinamani.com/all-editions/edition-nagapattinam/karaikal/2018/nov/20/காரைக்கால்-நித்தீசுவர-சுவாமி-கோயிலில்-1008-சங்காபிஷேக-வழிபாடு-3041944.html
3041943 நாகப்பட்டினம் காரைக்கால் விவசாயத்துக்கான காவிரி நீரை பெற நடவடிக்கை எடுக்க வேண்டும்: குறைதீர் கூட்டத்தில் வலியுறுத்தல் DIN DIN Tuesday, November 20, 2018 05:52 AM +0530 விவசாயத்துக்கான காவிரி நீரைப் பெற நடவடிக்கை எடுக்க வேண்டும் என குறைதீர் கூட்டத்தில் விவசாயிகள் வலியுறுத்தினர்.
காரைக்கால் மாவட்ட ஆட்சியரகத்தில் நடைபெற்ற தேசிய ஒருமைப்பாட்டு நிகழ்ச்சியின் நிறைவில், கஜா புயல் தொடர்பான பாதிப்பு மற்றும் சீரமைப்பு நடவடிக்கைள்  தொடர்பாக மக்கள் கருத்து தெரிவிக்கலாம் என ஆட்சியர் ஆர். கேசவன் கேட்டுக்கொண்டார்.
இந்நிகழ்ச்சியில், வேளாண் அமைச்சர் ஆர். கமலக்கண்ணன் உள்ளிட்ட அதிகாரிகளும் கலந்துகொண்டனர்.
புயல் காற்றினால் காரைக்காலில் ஏராளமான மரங்கள் வேரோடு சாய்ந்துவிட்டன. மரங்கள் சாலையில் போக்குவரத்துக்கு இடையூறின்றி இருக்க வெட்டப்பட்டாலும், இதன் கிளைகள், தழைகள் இன்னும் சாலையிலும், சாலையோரத்திலும் அப்புறப்படுத்தாமல் கிடக்கின்றன.
பல இடங்களில் இதுவரை மின் இணைப்பு தரப்படாமல் இருண்டு காணப்படுகிறது. கொசு தாக்கத்தால் குழந்தைகள், முதியோருக்கு நோய் ஏற்பட்டுவிடும் என்ற அச்சம் நிலவுகிறது. மக்களுக்கு இரவு நேரத்தில் தூக்கம் என்பதே இல்லை. கழிவுநீர் வடிகாலிலும் இது அடைத்திருப்பதால், கழிவுநீர் தேங்கியுள்ளது. கொசு உற்பத்தி பெருகி மக்களுக்கு பாதிப்பு ஏற்படுகிறது. மழையை கருத்திக்கொண்டு கழிவுநீர் வாய்க்கால், வாய்க்காலில் தூர்வாரப்பட்டவையாவும், அதன் ஓரத்தில் கொட்டிவைக்கப்பட்டுள்ளன. இவை இதுவரை அகற்றப்படாததால், மழையில் மீண்டும் கரைந்து வடிகாலிலேயே சென்றுவிட வாய்ப்புள்ளது. இதை விரைவாக அப்புறப்படுத்த வேண்டும்.
எதிர்பார்க்கப்பட்ட மழை, பருவமழைக் காலத்தில் இதுவரை இல்லாததால், விவசாயத்துக்குத் தேவையான தண்ணீர் கிடைக்கவில்லை. வாய்க்கால்கள் வறண்டு காணப்படுகின்றன. எனவே, காவிரி நீரை விரைவாக வரவழைக்க நடவடிக்கை எடுக்க வேண்டும். பல மீனவ கிராமப் பகுதிகளில் கடல் நீர் உள்புகுந்துள்ளது. இதை வடியச் செய்வதற்கான நடவடிக்கையை தீவிரப்படுத்த வேண்டும் உள்ளிட்ட பல்வேறு குறைகளைத் தெரிவித்தனர்.
இதற்குப் பதிலளித்துப் பேசிய மாவட்ட ஆட்சியர், புயல் பாதிப்புக்குப் பின் மின் இணைப்பு சீரமைக்கும் பணி தீவிரமாக நடைபெற்று வருகிறது. அனைத்துப் பகுதியிலும் மின்சாரம் திங்கள்கிழமை இரவுக்குள் கொடுத்துவிடும் வகையில் நடவடிக்கை எடுக்கப்பட்டுள்ளது.  குப்பைகள் மற்றும் மரக்கிளைகளை நகரப் பகுதியை பொருத்தவரை திடக்கழிவு மேலாண்மைத் திட்டத்தைச் செயல்படுத்தும் தனியார் நிறுனத்தினர் மூலம் அகற்றப்பட்டு வருகிறது. இன்னும் 2 நாள்களில் இவை முழுமையாக அகற்றப்பட்டுவிடும். பிற பகுதிகளில் கொம்யூன் பஞ்சாயத்துகள் மூலம் அகற்றப்பட்டு வருகிறது. கழிவுநீர் வடிகால் பகுதியில் தூர்வாரப்பட்ட மணலை அகற்றவும், காவிரி நீரைப் பெறவும் பொதுப் பணித் துறை நிர்வாகம் உரிய நடவடிக்கைகளை எடுத்து வருகிறது என்றார்.

]]>
http://www.dinamani.com/all-editions/edition-nagapattinam/karaikal/2018/nov/20/விவசாயத்துக்கான-காவிரி-நீரை-பெற-நடவடிக்கை-எடுக்க-வேண்டும்-குறைதீர்-கூட்டத்தில்-வலியுறுத்தல்-3041943.html
3041942 நாகப்பட்டினம் காரைக்கால் காரைக்காலில் புயல் பாதித்த பகுதியை ஆய்வு செய்யாமல் தவிர்க்கிறார் புதுச்சேரி ஆளுநர்: தமுமுக குற்றச்சாட்டு DIN DIN Tuesday, November 20, 2018 05:52 AM +0530 புயல் பாதித்த காரைக்கால் பகுதியை ஆய்வு செய்து, நிவாரண நடவடிக்கைகளை மேற்கொள்ளாமல் துணை நிலை ஆளுநர் தவிர்க்கிறார் என்று குற்றம்சாட்டப்பட்டுள்ளது.
தமிழ்நாடு முஸ்லிம் முன்னேற்றக் கழக மாநில செயலர் ஐ. அப்துல் ரஹீம் திங்கள்கிழமை வெளியிட்ட அறிக்கை விவரம் :
கஜா புயலால் காரைக்கால் பகுதியில் பல்வேறு சேதங்கள் ஏற்பட்டுள்ளன. பொதுமக்கள் மின்சார விநியோகம் இன்னும் சீரடையாததால் பாதிக்கப்பட்டுள்ளனர். பல்வேறு நிலையில் மக்கள் பாதிப்பை சந்தித்துள்ளனர்.
புதுச்சேரி மாநிலத்தின் துணை நிலை ஆளுநர்  கிரண்பேடி, புதுச்சேரியில் இருந்துகொண்டு இதுவரை பாதிக்கப்பட்ட காரைக்கால் பகுதியைப் பார்வையிட்டு, நிவாரண நடவடிக்கைகளை எடுக்க முன்வராதது கண்டனத்துக்குரியது.  காரைக்காலில் அரசுத்துறையினர் பற்றாக்குறை நிலவுகிறது. இதுபோன்ற பேரிடரின்போது பிற பிராந்தியங்களில் இருந்து ஊழியர்கள், அதிகாரிகள் வந்து பணி செய்வது இயல்பு. ஆனால், புதுச்சேரி பிராந்தியத்திலிருந்து எந்தவொரு உயரதிகாரியும், ஊழியர்களும் காரைக்கால் வந்து பணி செய்ய முன்வரவில்லை. இது ஆளுநரின் அலட்சியத்தாலேயே நடப்பதாக கருத வேண்டியுள்ளது. மாநிலத்தின் நிர்வாகி என கூறிக்கொண்டிருக்கும் ஆளுநர், மாநிலத்தின் பிராந்தியத்தில் பேரிடர் ஏற்பட்டிருப்பதை அறிந்ததும், அடுத்த சில மணி நேரத்தில் வந்து பார்வையிடுவதே மக்களை அவர் மதிக்கிறார் என கருதமுடியும். ஆனால், அவர் இதுவரை காரைக்கால் குறித்தே சிந்திக்காதது மன வேதனையை காரைக்கால் மக்களுக்கு ஏற்படுத்தியுள்ளது. புதுச்சேரியிலும், காரைக்காலிலும்  தேவையில்லாத விஷங்களில் தலையிட்டுக்கொண்டிருக்கும் அவர், முக்கியமாக மக்கள் அடைந்திருக்கும் பிரச்னையை அறிந்து, ஆறுதல் கூறி, நிவாரண நடவடிக்கை எடுக்காததை தமுமுக வன்மையாகக் கண்டிக்கிறது என அதில் கூறப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2018/nov/20/காரைக்காலில்-புயல்-பாதித்த-பகுதியை-ஆய்வு-செய்யாமல்-தவிர்க்கிறார்-புதுச்சேரி-ஆளுநர்-தமுமுக-குற்றச்சா-3041942.html
3041941 நாகப்பட்டினம் காரைக்கால் நெற்பயிருக்கு உரங்கள் இல்லாமல் விவசாயிகள் அவதி:  அரசு மீது பாஜக விவசாய அணி புகார் DIN DIN Tuesday, November 20, 2018 05:52 AM +0530 காரைக்காலில் சம்பா பயிருக்குத் தேவையான யூரியா உள்ளிட்ட உரங்கள் அரசு நிறுவனம், தனியாரிடம் கிடைக்காமல் விவசாயிகள் அவதிப்படுகிறார்கள். இதன் மீது புதுச்சேரி அரசு கவனம் செலுத்தாமல் இருப்பது கண்டிக்கத்தக்கது என பாஜக கூறியுள்ளது.
இதுகுறித்து புதுச்சேரி மாநில பாஜக விவசாய அணி தலைவர் எஸ். இளங்கோவன் காரைக்காலில் திங்கள்கிழமை கூறியது : 
நிகழாண்டு காவிரி நீர் வரத்து உள்ளிட்ட சாதகமான அம்சங்களால் காரைக்காலில் பரவலாக சம்பா விவசாயம் நடைபெற்று வருகிறது. தற்போது ஏறக்குறைய நடவுப் பணிகள் நிறைவு பெற்றுள்ளன.
இந்த சமயத்தில் மேல் உரம் என்று சொல்லக்கூடிய யூரியா உள்ளிட்டவை தேவைப்படுகிறது. காரைக்காலில் உள்ள அரசு நிறுவனமான பாசிக் உழவரகத்தில் எந்த பொருளும் கிடைப்பதில்லை. அரசு சார்பில் இந்த உரம் கிடைக்கவும் ஏற்பாடுகள் இதுவரை  செய்யப்படவில்லை. தனியார் நிறுவனத்தில்கூட யூரியா கிடைக்கவில்லை.
இதுதொடர்பாக காரைக்கால் பகுதி விவசாயிகள் மிகவும் மன உளைச்சலுக்கு ஆளாகியுள்ளனர். இந்த விவகாரத்தில் புதுச்சேரி அரசு விரைந்து செயல்பட்டு, தேவையான உரம் காரைக்காலில் தாராளமாக கிடைக்க நடவடிக்கை எடுக்க வேண்டும். காரைக்கால் பகுதியைச் சேர்ந்த வேளாண் துறை அமைச்சர், சிறப்பு கவனம் செலுத்த வேண்டும் என பாஜக விவசாய அணி வலியுறுத்துகிறது.
பருவமழை எதிர்பார்த்த அளவுக்கு இதுவரை இல்லை. காவிரி நீர் வரத்தும் நின்றுவிட்டது. விவசாயத்துக்குத் தேவையான காவிரி தண்ணீர் கிடைக்க புதுச்சேரி அரசு விரைந்து நடவடிக்கை எடுக்க வேண்டும். தமிழக அதிகாரிகளிடம் பேச்சுவார்த்தை நடத்தி, காவிரி நீர் காரைக்கால் கடைமடை வரை வந்துசேர நடவடிக்கை எடுக்க வேண்டும்.
விவசாயிகளுக்கான பயிர் காப்பீட்டுக்கு விண்ணப்பம் அளிப்பது நிகழ்மாதம் 30 -ஆம் தேதியுடன் காலம் நிறைவடையவுள்ளது. விவசாயிகள் இதற்கு விண்ணப்பிக்க வருவாய்த்துறையினரை சான்றிதழுக்காக நாட வேண்டியுள்ளது.
தற்போது இத்துறையினர் கஜா புயல் தொடர்பாக கணக்கெடுப்பு, சீரமைப்பு நடவடிக்கைகளில் ஈடுபட்டுள்ளதால், வருவாய்த்துறையால் பயன் கிடைக்கவில்லை. எனவே, விண்ணப்பம் அளிப்புக்கான கால நீட்டிப்பை புதுச்சேரி அரசு செய்ய வேண்டும். குறிப்பாக டிசம்பர் 10 -ஆம் தேதி வரை காலநீட்டிப்பு செய்ய நடவடிக்கை எடுக்க வேண்டும் என்றார் அவர்.
 

]]>
http://www.dinamani.com/all-editions/edition-nagapattinam/karaikal/2018/nov/20/நெற்பயிருக்கு-உரங்கள்-இல்லாமல்-விவசாயிகள்-அவதி--அரசு-மீது-பாஜக-விவசாய-அணி-புகார்-3041941.html
3041940 நாகப்பட்டினம் காரைக்கால் கார்த்திகை வழிபாடு: அச்சு அகல் விளக்குகள் விற்பனை காரைக்காலில் தீவிரம் DIN DIN Tuesday, November 20, 2018 05:51 AM +0530 சொந்தமாக உற்பத்தி செய்யும் அகல் விளக்குகளைக் காட்டிலும், வெளியூரில் அச்சு மூலம் தயாரிக்கப்பட்ட பல்வேறு வடிவத்திலான அகல் விளக்குகள் வியாபாரம் காரைக்காலில் சூடுபிடிக்கத் தொடங்கியுள்ளது. மக்களும் இதையே விரும்பி வாங்குவதாக வியாபாரிகள் தெரிவிக்கின்றனர்.
காரைக்கால் மாவட்டம், கோட்டுச்சேரி பகுதியில் குறிப்பிட்ட சிலரே மண் பாத்திரங்கள் செய்யும் தொழிலில் ஈடுபட்டுள்ளனர். மேலஓடுதுறை கிராமத்தில் சிலர் இப்பணியில் ஈடுபட்டுள்ளனர்.  இவர்கள் அகல் விளக்கு, அடுப்பு, சட்டி, பானை போன்ற பொருள்கள் மூதாதையர்கள் காலம் முதல் தயாரிப்பு செய்து, அதே இடத்தில் வியாபாரம் செய்வது, வெளியூருக்கு அனுப்பிவைப்பது போன்றவற்றை செய்து வருகின்றனர்.
கோட்டுச்சேரி பகுதியில் அதிகமான உற்பத்தியாளர் குடும்பத்தினர் இருந்தாலும், இவர்கள் கடந்த சில ஆண்டுகளாக சொந்த தயாரிப்பில்  தீவிரம் காட்டுவதில்லை. மேலஓடுதுறை பகுதியினர் மட்டுமே சொந்த உற்பத்தியை நிகழாண்டு செய்து, அவர்களிடத்திலேயே வியாபாரம் செய்வதும், வெளியூருக்கு அனுப்பிவைப்பதுமாக உள்ளனர்.
வருகிற 23 -ஆம் தேதி கார்த்திகை வழிபாடு  கொண்டாடப்படவுள்ளது. கார்த்திகை நாளில் ஒவ்வொரு வீடுகளிலும் அகல் விளக்கு ஏற்றி வழிபாடு நடத்துவது வழக்கம்.  மேலஓடுதுறை பகுதி உற்பத்தியாளர்கள் பருவமழை தொடங்குவதற்கு முன்னரே தேவையான உற்பத்தியை செய்து முடித்துவிட்டனர்.
கோட்டுச்சேரி பகுதியினர் விருத்தாசலத்திலிருந்து அச்சு மூலம் பல வடிவங்களில் தயாரிக்கப்பட்டு, வண்ணம் தீட்டப்பட்ட அகல் விளக்குகளை வாங்கி வந்து வியாபாரம் செய்யத் தொடங்கியுள்ளனர். இதுகுறித்து அந்த பகுதி உற்பத்தியாளர்கள் திங்கள்கிழமை கூறும்போது, அகல் விளக்கு தயார் செய்யும் காலமானது பருவமழை பெய்யும் காலமாகும்.  இதனால் இதை உரிய காலத்தில் தயார் செய்து, வெயிலில் காயவைத்து சந்தைப்படுத்துவதில் சிரமம் தொடர்ந்து நிலவுகிறது. பொங்கல் காலத்தில் பானை செய்வதில் சிரமம் ஏற்படுவது கிடையாது.
இதனால் அகல் விளக்குகள் தயாரிப்பதைக் குறைத்துக்கொண்டு, விருத்தாசலம் பகுதியிலிருந்து ஏற்கெனவே தயாரித்து வண்ணம் பூசி தயார் நிலையில் உள்ள பல்வேறு வடிவங்களில் உள்ள விளக்குகளை, வாங்கி வந்து விற்பனை செய்கிறோம். இது சிறிய பெரிய அளவில் ரூ. 1 முதல் ரூ. 5, 8, 10 என்ற விலையில் விற்பனை செய்கிறோம்.
விலை குறைவாகவும், பல வடிவங்களில் அகல் விளக்குகள் இருப்பது மக்களை ஈர்க்கிறது. தற்போது கோயில்களில் ஏகதீப விளக்குகள் நிறுவப்பட்டு, அகல் விளக்குகளுக்கு பயன்பாடு குறைந்து வருகிறது. இதனால் கோயில்களில் அகல் விளக்குகள் வாங்குவதில்லை.
பல்வேறு விடிவங்களில் உள்ள அகல் விளக்குகளை பலதரப்பினரும் ஆர்வத்தில் 10 முதல் 25 எண்ணிக்கையில் வாங்கிச் செல்கின்றனர். பொதுவாகவே இந்த தொழில் செய்யும் பல குடும்பத்தினரின் இளையவர்கள் படித்து நிறுவனங்களுக்கு வேலைக்குச் சென்றுவிட்டதும், வெளிநாட்டுக்கு வேலைக்குச் சென்றுவிட்டதுமாக உள்ளதால், வயது மூத்த தங்களால் தீவிரமாக உற்பத்தியில் ஈடுபட முடியவில்லை. இதனாலேயே தயாரிப்பு செய்த விளக்குகளை வாங்கிவந்து லாபம் வைத்து விற்பனை செய்கிறோம் என்றனர்.

]]>
http://www.dinamani.com/all-editions/edition-nagapattinam/karaikal/2018/nov/20/கார்த்திகை-வழிபாடு-அச்சு-அகல்-விளக்குகள்-விற்பனை-காரைக்காலில்-தீவிரம்-3041940.html
3041939 நாகப்பட்டினம் காரைக்கால் இந்திரா காந்தி பிறந்த நாள்: தேசிய ஒருமைப்பாடு உறுதிமொழி ஏற்பு DIN DIN Tuesday, November 20, 2018 05:51 AM +0530 மறைந்த முன்னாள் பிரதமர் இந்திராகாந்தி பிறந்தநாளையொட்டி, மாவட்ட ஆட்சியரகத்தில் நடைபெற்ற  நிகழ்ச்சியில் தேசிய ஒருமைப்பாடு உறுதிமொழி ஏற்கப்பட்டது.
அங்கு அலங்கரித்து வைக்கப்பட்டிருந்த இந்திராகாந்தி உருவப் படத்துக்கு, வேளாண் துறை அமைச்சர் ஆர். கமலக்கண்ணன்  மலர்தூவி மரியாதை செலுத்தினர். இவரைத் தொடர்ந்து மாவட்ட ஆட்சியர் ஆர். கேசவன், சார்பு ஆட்சியர் ஏ. விக்ரந்த் ராஜா, முதுநிலை காவல் கண்காணிப்பாளர் ராகுல் அல்வால் உள்ளிட்டோர் மரியாதை செலுத்தினர்.
தேசிய ஒருமைப்பாடு வலியுறுத்தும் விதமாக மும்மத பிரார்த்தனையும் நடைபெற்றது. தேசபக்திப் பாடல்கள் பாடப்பட்டன. அமைச்சர் முன்னிலையில், நிகழ்ச்சியில் கலந்துகொண்டவர்கள் தேசிய ஒருமைப்பாடு உறுதிமொழியேற்றுக்கொண்டனர்.
காரைக்கால் முதன்மைக் கல்வி அலுவலர் அ. அல்லி, மண்டல காவல் கண்காணிப்பாளர் வம்சீதரரெட்டி,  அரசுத் துறையினர், சுதந்திரப் போராட்ட தியாகிகள், காங்கிரஸ் கட்சி நிர்வாகிகள், சமாதானக் குழுவினர் இந்திராகாந்தி உருவப் படதுத்துக்கு  மலர்தூவி மரியாதை செலுத்தினர்.

]]>
http://www.dinamani.com/all-editions/edition-nagapattinam/karaikal/2018/nov/20/இந்திரா-காந்தி-பிறந்த-நாள்-தேசிய-ஒருமைப்பாடு-உறுதிமொழி-ஏற்பு-3041939.html
3041937 நாகப்பட்டினம் காரைக்கால் திருநள்ளாறில் கழிவுநீரை அடைத்திருந்த மரங்களைஅகற்றும் பணியில் ஈடுபட்ட புதுச்சேரி அமைச்சர் DIN DIN Tuesday, November 20, 2018 05:51 AM +0530 காரைக்கால் மாவட்டம், திருநள்ளாறில் கழிவுநீர் வடியமுடியாமல் மரங்கள் அடைத்திருப்பதைப் பார்த்த அமைச்சர் ஆர். கமலக்கண்ணன், பஞ்சாயத்து நிர்வாகத்தினர் மற்றும் காங்கிரஸ் கட்சியினருடன் சேர்ந்து அகற்றும் பணியில் திங்கள்கிழமை ஈடுபட்டார்.
கஜா புயலால் காரைக்காலில் ஆயிரக்கணக்கான மரங்கள் விழுந்துவிட்டன. சாலையோர மரங்கள் பலவும், சாலையோர கழிவுநீர் செல்லும் பாதையில் விழுந்து அடைப்பை ஏற்படுத்தியுள்ளன. மாவட்டம் முழுவதும் இவற்றை அகற்றும் பணிகள் நடைபெற்றுவரும் வேளையில், முழுமையாக அகற்றும் பணிகள் மேலும் 2 நாள்களாகும் என மாவட்ட நிர்வாகத்தால் தெரிவிக்கப்படுகிறது.
இந்நிலையில், திங்கள்கிழமை பிற்பகல் காரைக்காலில் பரவலாக கனமழை பெய்தது. சாலையில் தண்ணீர் தேங்கும் அளவுக்கு மழையின் அளவு இருந்தது. கழிவுநீர் செல்லும் பகுதியில் மரங்கள், கிளைகள் விழுந்து அடைப்பு ஏற்பட்டதே இதற்கு காரணமாகும்.
திருநள்ளாறு பகுதியில் காரில் திங்கள்கிழமை பயணித்துக்கொண்டிருந்த புதுச்சேரி வேளாண் துறை அமைச்சர் ஆர். கமலக்கண்ணன், நகர பகுதியில் சாலை அதிகமாக தண்ணீர் தேங்கியிருப்பதைப் பார்த்து, திடீரென காரைவிட்டு இறங்கினார். தம்முடன் வந்த காங்கிரஸ் கட்சியினருடன், கழிவுநீர் செல்லும் பாதையில் கிடந்த மரங்களை அப்புறப்படுத்தும் பணியில் ஈடுபட்டார்.
அந்த பகுதி வழியே சென்ற கோட்டுச்சேரி கொம்யூன் பஞ்சாயத்து ஆணையர் செல்வமும், அமைச்சரின் செயலைப் பார்த்து தாமும் அந்த பணியில் ஈடுபட்டார். தகவலறிந்து திருநள்ளாறு கொம்யூன் பஞ்சாயத்து ஆணையர் ராஜேந்திரன் பஞ்சாயத்து ஊழியர்களுடன் விரைந்து சென்று பணியில் ஈடுபட்டார்.
மழைநீர், கழிவுநீரோடு சேர்ந்து நகர பகுதியில் குறிப்பிட்ட பகுதியில் தேங்கியிருந்தது சிறிது நேரத்தில் வடிந்தது. இந்த பணியில் ஈடுபட்ட அரசுத் துறையினர், பல்வேறு தரப்பினருக்கு நன்றி தெரிவித்ததோடு, கழிவுநீர் அடைப்புகளை விரைவாக சீர்செய்யுமாறு அரசுத் துறையினருக்கு அறிவுறுத்திவிட்டு அமைச்சர் அங்கிருந்து புறப்பட்டுச் சென்றார்.

]]>
http://www.dinamani.com/all-editions/edition-nagapattinam/karaikal/2018/nov/20/திருநள்ளாறில்-கழிவுநீரை-அடைத்திருந்த-மரங்களைஅகற்றும்-பணியில்-ஈடுபட்ட-புதுச்சேரி-அமைச்சர்-3041937.html
3041938 நாகப்பட்டினம் காரைக்கால் திருநள்ளாறில் கழிவுநீரை அடைத்திருந்த மரங்களைஅகற்றும் பணியில் ஈடுபட்ட புதுச்சேரி அமைச்சர் DIN DIN Tuesday, November 20, 2018 05:51 AM +0530 காரைக்கால் மாவட்டம், திருநள்ளாறில் கழிவுநீர் வடியமுடியாமல் மரங்கள் அடைத்திருப்பதைப் பார்த்த அமைச்சர் ஆர். கமலக்கண்ணன், பஞ்சாயத்து நிர்வாகத்தினர் மற்றும் காங்கிரஸ் கட்சியினருடன் சேர்ந்து அகற்றும் பணியில் திங்கள்கிழமை ஈடுபட்டார்.
கஜா புயலால் காரைக்காலில் ஆயிரக்கணக்கான மரங்கள் விழுந்துவிட்டன. சாலையோர மரங்கள் பலவும், சாலையோர கழிவுநீர் செல்லும் பாதையில் விழுந்து அடைப்பை ஏற்படுத்தியுள்ளன. மாவட்டம் முழுவதும் இவற்றை அகற்றும் பணிகள் நடைபெற்றுவரும் வேளையில், முழுமையாக அகற்றும் பணிகள் மேலும் 2 நாள்களாகும் என மாவட்ட நிர்வாகத்தால் தெரிவிக்கப்படுகிறது.
இந்நிலையில், திங்கள்கிழமை பிற்பகல் காரைக்காலில் பரவலாக கனமழை பெய்தது. சாலையில் தண்ணீர் தேங்கும் அளவுக்கு மழையின் அளவு இருந்தது. கழிவுநீர் செல்லும் பகுதியில் மரங்கள், கிளைகள் விழுந்து அடைப்பு ஏற்பட்டதே இதற்கு காரணமாகும்.
திருநள்ளாறு பகுதியில் காரில் திங்கள்கிழமை பயணித்துக்கொண்டிருந்த புதுச்சேரி வேளாண் துறை அமைச்சர் ஆர். கமலக்கண்ணன், நகர பகுதியில் சாலை அதிகமாக தண்ணீர் தேங்கியிருப்பதைப் பார்த்து, திடீரென காரைவிட்டு இறங்கினார். தம்முடன் வந்த காங்கிரஸ் கட்சியினருடன், கழிவுநீர் செல்லும் பாதையில் கிடந்த மரங்களை அப்புறப்படுத்தும் பணியில் ஈடுபட்டார்.
அந்த பகுதி வழியே சென்ற கோட்டுச்சேரி கொம்யூன் பஞ்சாயத்து ஆணையர் செல்வமும், அமைச்சரின் செயலைப் பார்த்து தாமும் அந்த பணியில் ஈடுபட்டார். தகவலறிந்து திருநள்ளாறு கொம்யூன் பஞ்சாயத்து ஆணையர் ராஜேந்திரன் பஞ்சாயத்து ஊழியர்களுடன் விரைந்து சென்று பணியில் ஈடுபட்டார்.
மழைநீர், கழிவுநீரோடு சேர்ந்து நகர பகுதியில் குறிப்பிட்ட பகுதியில் தேங்கியிருந்தது சிறிது நேரத்தில் வடிந்தது. இந்த பணியில் ஈடுபட்ட அரசுத் துறையினர், பல்வேறு தரப்பினருக்கு நன்றி தெரிவித்ததோடு, கழிவுநீர் அடைப்புகளை விரைவாக சீர்செய்யுமாறு அரசுத் துறையினருக்கு அறிவுறுத்திவிட்டு அமைச்சர் அங்கிருந்து புறப்பட்டுச் சென்றார்.

]]>
http://www.dinamani.com/all-editions/edition-nagapattinam/karaikal/2018/nov/20/திருநள்ளாறில்-கழிவுநீரை-அடைத்திருந்த-மரங்களைஅகற்றும்-பணியில்-ஈடுபட்ட-புதுச்சேரி-அமைச்சர்-3041938.html
3041424 நாகப்பட்டினம் காரைக்கால் புயலுக்குப் பின் சீரமைப்புப் பணிகள்: கிராமங்களில் அமைச்சர் ஆய்வு DIN DIN Monday, November 19, 2018 02:03 AM +0530
காரைக்கால் மாவட்டம், திருநள்ளாறு பகுதி மற்றும் பத்தக்குடி உள்ளிட்ட கிராமங்களில் புயலுக்குப் பிந்தைய சீரமைப்புப் பணிகளை அமைச்சர் ஆர். கமலக்கண்ணன் ஞாயிற்றுக்கிழமை நேரில் ஆய்வு செய்தார்.
கஜா புயலுக்குப் பின்னர் காரைக்காலில் சீரமைப்புப் பணிகள் தீவிரமாக நடைபெற்று வருகின்றன. மின்சார இணைப்பு முழுமையாக தருவதில் தாமதம் ஏற்பட்டுள்ளது. காரைக்காலில் வெள்ளிக்கிழமை மாலை முதல் சனிக்கிழமை இரவுக்குள் பெரும்பாலான பகுதிகளில் மின்சாரம் தரப்பட்டாலும், சில பகுதிகளில் தொடரும் பிரச்னையால் மக்கள் ஆங்காங்கே போராட்டத்தில் ஈடுபடத் தொடங்கினர். திருநள்ளாறு மற்றும் பத்தக்குடி உள்ளிட்ட கிராமங்களுக்கு ஞாயிற்றுக்கிழமை சென்ற புதுச்சேரி வேளாண் மற்றும் மின் துறை அமைச்சர் ஆர். கமலக்கண்ணன், சம்பா நடவுப் பணி நிறைவடைந்துள்ள இளம் பயிர்களின் நிலையை நேரில் பார்வையிட்டார்.
புயலால் ஏதும் பயிருக்கு பாதிப்பு ஏற்பட்டிருக்கிறதா என்பதைப் பார்வையிட்டு, விவசாயிகளுக்கு பல்வேறு ஆலோசனைகளை வழங்கினார். முதலில் மின்சாரப் பிரச்னையை தீர்க்குமாறு கிராம மக்கள் அமைச்சரிடம் வலியுறுத்தினர். பெரும்பான்மையான பகுதிகளில் மின்சாரக் கம்பங்கள் சாய்ந்தும், மின்மாற்றிகள் பழுதாகியும், கம்பிகள் அறுந்து விழுந்தும் பாதிப்புகள் ஏற்பட்டுள்ளன. காரைக்கால் மின்துறையினர் தீவிரமான நடவடிக்கையில் தொடர்ந்து ஈடுபட்டுள்ளார்கள். இதன்பேரில், பல பகுதிகளில் மின் இணைப்பு தரப்பட்டுவிட்டது. சில பகுதிகளில் இணைப்பு கிடைப்பதற்கு புதுச்சேரியிலிருந்து கூடுதலான ஊழியர்கள் வரவழைக்கப்பட்டுள்ளனர். அனைவரும் ஒருங்கிணைந்து பணி செய்கின்றனர். ஞாயிற்றுக்கிழமை இரவுக்குள் இந்த பிரச்னை தீர்க்கப்பட்டுவிடும் என அமைச்சர் கிராம மக்களிடம் தெரிவித்தார். கிராம மக்களின் கருத்துகளை ஏற்று, மின்துறையினரைத் தொடர்புகொண்டு பேசிய அமைச்சர், கிராமப் பகுதியில் இணைப்பு விரைவாக கிடைக்க சிறப்பு கவனம் செலுத்துமாறு கேட்டுக்கொண்டார்.

 

]]>
http://www.dinamani.com/all-editions/edition-nagapattinam/karaikal/2018/nov/19/புயலுக்குப்-பின்-சீரமைப்புப்-பணிகள்-கிராமங்களில்-அமைச்சர்-ஆய்வு-3041424.html
3041423 நாகப்பட்டினம் காரைக்கால் மத்திய அரசு தந்த பேரிடர் நிவாரண நிதி குறித்து வெள்ளை அறிக்கை: புதுச்சேரி அரசுக்கு பாஜக வலியுறுத்தல் DIN DIN Monday, November 19, 2018 02:02 AM +0530
மத்திய அரசு பேரிடர் நிவாரண நிதியாக அளித்தது, எவ்வாறு செலவு செய்யப்பட்டுள்ளது என்பது குறித்து புதுச்சேரி அரசு வெள்ளை அறிக்கை வெளியிடவேண்டும் என பாஜக வலியுறுத்தியுள்ளது.
கஜா புயலால் பாதிக்கப்பட்ட காரைக்கால் பகுதியை பார்வையிட புதுச்சேரி மாநில பாஜக தலைவர் வி. சாமிநாதன் தலைமையில், பாஜக நிர்வாகிகள் குழுவினர் ஞாயிற்றுக்கிழமை காரைக்கால் வந்தனர். பட்டினச்சேரி, காரைக்கால்மேடு, கிளிஞ்சல்மேடு உள்ளிட்ட பல்வேறு மீனவ கிராமங்களில் பார்வையிட்ட பின், செய்தியாளர்களிடம் வி.சாமிநாதன் கூறியது :
புயலால் காரைக்கால் பகுதியில் கடலோரப் பகுதி மக்கள் மற்றும் நகர, கிராம மக்கள் என பல தரப்பினரும் பாதிக்கப்பட்டுள்ளனர். முதல்வர் நாராயணசாமி அண்மையில் வந்து பார்வையிட்டுச் சென்றார். இதுவரை எந்தவொரு நிவாரணமும் அவர் அறிவிக்கவில்லை. அவரது ஆய்வு ஒரு கண்துடைப்பு என்றே கூறவேண்டும்.
காரைக்காலில் பெரும்பாலான மீனவர்களின் சிறிய படகுகள் புயலால் பாதிக்கப்பட்டுள்ளன. இவர்களால் கடலுக்குச் செல்ல முடியாத நிலை ஏற்பட்டுள்ளது. எனவே, மீனவர்களுக்கு இடைக்கால நிவாரணத்தை அரசு வழங்கவேண்டும்.
மத்திய உள்துறைக்கு காரைக்கால் குறித்தே தெரியாது என முதல்வர் நாராயணசாமி கூறியுள்ளார். மத்திய உள்துறை அமைச்சர் காரைக்கால் வந்து பிரசாரம் செய்து சென்றுள்ளார். காரைக்காலில் முகாமிட்டிருந்த முதல்வரை ராஜ்நாத்சிங் தொலைபேசியில் தொடர்புகொண்டு பேசியுள்ளார். இதனை நாராயணசாமியே கூறியிருக்கிறார். எனவே, வழக்கமாக பொய் பேசுவதையே தொடர்ந்துகொண்டிருக்கும் முதல்வர், உள்துறைக்கு காரைக்கால் தெரியாது என மேலும் ஒரு பொய்யை கூறியுள்ளார். இது கண்டனத்துக்குரியது.
தானே புயலுக்குப் பிறகு மத்திய அரசு புதுச்சேரிக்கு பேரிடர் மேலாண்மை நிதியாக ரூ.25 கோடி அளித்தது. அதில் ரூ.10 கோடிக்கு மிகுதியாக இருப்பு இருக்க வாய்ப்புண்டு. அதனை எடுத்து செலவு செய்ய முதல்வர் முன்வரவில்லை. மத்திய அரசு அளித்த தொகையை எந்தெந்த வகையில் செலவு செய்யப்பட்டுள்ளது என்பது குறித்து அரசு வெள்ளை அறிக்கை வெளியிடவேண்டும்.
காரைக்காலில் கடலோர கிராமங்களில் முறையாக தடுப்பு சுவர் எழுப்பாததால் பெரிய பாதிப்பு ஏற்பட்டுள்ள்ளது. புதுச்சேரியில் நீர்நிலைகள் தூர்வாரப்படுகிறது. காரைக்காலை அரசு புறக்கணிக்கிறது. நிவாரணம் கிடைக்காமல் மீனவர்களால் தொழிலுக்கு செல்ல முடியாத நிலை ஏற்பட்டுள்ளது. அரசு குறைந்தபட்ச நிவாரணத்தைத் தர முன்வரவேண்டும். கடந்த 6 மாதங்களாகவே இலவச அரிசி தரப்படவில்லை. எனவே, உடனடியாக புயலால் பாதித்த காரைக்கால் மக்களுக்கு குடும்ப அட்டைக்கு 50 கிலோ இலவச அரிசி, மளிகைப் பொருள்கள் வழங்கவேண்டும்.
காரைக்காலில் மின்துறையின் மெத்தனத்தாலேயே இவ்வளவு பாதிப்பு ஏற்பட்டுள்ளது. கம்பங்கள் யாவும் பழைமையானவை, பராமரிப்பு என்பதே இல்லை. புதுச்சேரியிலிருந்து வந்த மின்துறை ஊழியர்கள், காரைக்காலில் உரிய உபகரணங்கள் இல்லாததால் பணி செய்ய முடியவில்லை என திரும்பிவிட்டனர்.
பாஜக நடத்திய ஆய்வு குறித்து மத்திய அரசுக்கு திங்கள்கிழமை அறிக்கை சமர்ப்பிப்போம் என்றார் சாமிநாதன்.
ஆய்வின்போது மாநில பொதுச்செயலர் தங்கவிக்ரமன், ரவிச்சந்திரன், துணைத் தலைவர்கள் செல்வம், துரைசேகரன், காரைக்கால் மாவட்டத் தலைவர் டி.கே.எஸ்.எம். மீனாட்சிசுந்தரம், மாநில செயலர் எம். அருள்முருகன், மாநில விவசாய அணி தலைவர் எஸ். இளங்கோவன், ஓ.பி.சி. அணி தலைவர் துரைசேனாதிபதி உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2018/nov/19/மத்திய-அரசு-தந்த-பேரிடர்-நிவாரண-நிதி-குறித்து-வெள்ளை-அறிக்கை-புதுச்சேரி-அரசுக்கு-பாஜக-வலியுறுத்தல்-3041423.html
3041422 நாகப்பட்டினம் காரைக்கால் காரைக்காலில் ஜிப்மர் மருத்துவமனையின் சேவை அடுத்த 5 ஆண்டுகளுக்குள் கிடைக்கும்: அமைச்சர் ஆர். கமலக்கண்ணன் DIN DIN Monday, November 19, 2018 02:02 AM +0530
காரைக்காலில் அடுத்த 4, 5 ஆண்டுகளுக்குள் ரூ. 800 கோடி திட்டத்தில் அமைக்கப்படும் ஜிப்மர் மருத்துவக் கல்லூரி, மருத்துவமனையின் சேவை உள்ளூர் மற்றும் தமிழகப் பகுதி மக்களுக்கு கிடைக்கவுள்ளதாக புதுச்சேரி வேளாண் துறை அமைச்சர் ஆர். கமலக்கண்ணன் தெரிவித்தார்.
அகில இந்திய மருத்துக் கவுன்சிலின் காரைக்கால் கிளை தொடக்க நிகழ்ச்சி ஞாயிற்றுக்கிழமை நடைபெற்றது. இந்த நிகழ்ச்சியில் பங்கேற்ற அமைச்சர் ஆர். கமலக்கண்ணன், குத்துவிளக்கேற்றிவைத்து மருத்துவர்களிடையே பேசியது :
காரைக்காலில் அகில இந்திய மருத்துவக் கவுன்சில் கிளை அமைவது வரலாற்றின் முக்கிய நிகழ்வு. இதன்மூலம் மருத்துவர்களிடையே பரஸ்பர ஒற்றுமை, மருத்துவத்தில் புதிய கண்டுபிடிப்புகளை பகிர்ந்துகொள்ளுதல் உள்ளிட்டவை செய்து கொள்ள முடியும். இது மனித சமுதாயத்துக்கு நல்ல பயனைத் தரும்.
மாறிவரும் நவீன உலகில் மருத்துவம் சார்ந்த புரிதல், மருத்துவர்களுக்கு தியாக மனப்பான்மை, மருத்துவத்தில் புதுமைகளை அறிந்துகொண்டு செயல்படுதல் மிகவும் முக்கியமாகும். இதற்கு இந்த அமைப்பு பெரும் பயனைத் தரும் என்பதில் மாற்றுக் கருத்தில்லை.
காரைக்கால் போன்ற வளர்ச்சியடைந்து வரும் நகரத்தில் இதுபோன்ற அமைப்புகள் உருவாக வேண்டியது மிகவும் அவசியம். உலக அளவில் இந்திய மருத்துவத்துக்கு மிகுந்து முக்கியத்துவம் உள்ளதை பல தருணங்களில் நிரூபிக்கப்பட்டுள்ளது. ஆசிய கண்டத்தைச் சேர்ந்தோர் சென்னையை நோக்கி மருத்துவத்துக்கு படையெடுக்கிறார்கள் என்பது நமக்கெல்லாம் பெருமை.
உலகளவில் மருத்துவக் கவுன்சில் அமைந்து, அதில் இந்திய கவுன்சில் அங்கத்தினராக இருப்பது மகிழ்ச்சிக்குரிய செய்தி.
காரைக்காலை பொருத்தவரை தனியார் மருத்துவக் கல்லூரி மற்றும் ஜிப்மர் மருத்துவக் கல்லூரி கிளையும் அமைந்துள்ளன. காரைக்காலில் ஜிப்மர் மருத்துவக் கல்லூரி கிளை இயங்கி வருகிறது. ரூ. 800 கோடி திட்டத்தில் மருத்துவக் கல்லூரி நிரந்தர கட்டமைப்பு, மருத்துவமனை அடுத்த 4, 5 ஆண்டுகளில் அமையவுள்ளதாக ஜிப்மர் நிர்வாகத் தலைமையிடமிருந்து தகவல்கள் வருகின்றன. இது அமையும்போது காரைக்கால் மட்டுமல்லாது, தமிழகப் பகுதி மக்களுக்கும் நல்ல பயன் கிடைக்கும்.
மருத்துவர்கள், கடவுளுக்கு அடுத்த நிலையில் உள்ளவர்கள். எனவே, மருத்துவர்களின் செயல்கள் புனிதச் செயல்களாகும். மக்களுக்கான சேவைகளை மேலும் விரிவுபடுத்திக்கொள்ள வேண்டும். மருத்துவர்களின் நலன், பாதுகாப்பு, நல்ல பணிகளுக்கான சூழலை அரசும், மனித சமுதாயமும் ஏற்படுத்தித் தர வேண்டும் என்றார் அமைச்சர்.
நிகழ்ச்சியில், காரைக்கால் அரசு பொது மருத்துவமனை மருத்துவக் கண்காணிப்பாளர் பி. சித்ரா, நலவழித்துறை துணை இயக்குநர் (பொ) கே. மோகன்ராஜ், பி. நாராயணசாமி (துணை இயக்குநர் ஓய்வு), புதுச்சேரி கவுன்சில் தலைவர் ஜி. சீனிவாசன், செயலர் ஏ. மணிகண்ட ஜோதி உள்ளிட்டோர் பேசினர்.
நிகழ்ச்சியில், காரைக்கால் பகுதி மருத்துவர்கள் பலர் கலந்துகொண்டனர். ஏற்பாடுகளை மருத்துவர்கள் ஜெய்பிரபு, விக்னேஷ்வரன், சரவணன், கணேஷ்பாபு உள்ளிட்டோர் செய்திருந்தனர்.
இந்த அமைப்பில் காரைக்கால் கிளைத் தலைவராக மருத்துவர் எஸ். ஈஸ்வரராஜ், துணைத் தலைவராக வி. சக்திவேல், செயலராக கே. சரவணன், இணைச் செயலராக ஜே. ஜெய்பிரபு, பொருளாளராக எஸ். மதன்பாபு உள்ளிட்ட நிர்வாகிகள், செயற்குழு உறுப்பினர்கள் தேர்வு செய்யப்பட்டனர்.

 

]]>
http://www.dinamani.com/all-editions/edition-nagapattinam/karaikal/2018/nov/19/காரைக்காலில்-ஜிப்மர்-மருத்துவமனையின்-சேவை-அடுத்த-5-ஆண்டுகளுக்குள்-கிடைக்கும்-அமைச்சர்-ஆர்-கமலக்கண்-3041422.html
3041420 நாகப்பட்டினம் காரைக்கால் புயலால் சேதமடைந்த படகுகளை சீரமைக்க அரசு மானிய உதவி தர வேண்டும்: மார்க்சிஸ்ட் கம்யூனிஸ்ட் வலியுறுத்தல் DIN DIN Monday, November 19, 2018 02:02 AM +0530
கஜா புயலால் சேதமடைந்த படகுகளை சீரமைக்க புதுச்சேரி அரசு மானிய உதவி அளிக்க வேண்டும் என மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.
இதுகுறித்து கட்சியின் வட்டச் செயலர் எஸ்.எம். தமீம் வெளியிட்ட அறிக்கை : காரைக்கால் மாவட்டத்தில் கஜா புயலால் மீனவர்களின் விசைப் படகுகளை விட சிறிய வகைப் படகுகளே அதிகம் பாதிக்கப்பட்டுள்ளன. மாவட்டத்தில் உள்ள சுமார் 700 ஃபைபர் படகுகளில் 30 சதவீத படகுகள் முழுமையாக பயன்படுத்த முடியாத நிலையிலும், 30 சதவீத படகுகள் பெரிய அளவில் சேதத்தோடு, அதிகளவு செலவு செய்து சீரமைக்க வேண்டிய நிலையிலும் உள்ளன. மீன்பிடி துறைமுகத்தில் நிறுத்தி வைக்கப்பட்டிருந்த படகுகளும் ஒன்றோடு ஒன்று மோதி சேதமடைந்துள்ளன.
படகுகள் முழுமையான அளவில் பாதிக்கப்பட்ட மீனவர்கள் புதிய படகுகள் வாங்குவதற்கான மானிய உதவி, குறைந்த வட்டிக்கு கடனுதவி வழங்க புதுச்சேரி அரசு நவடிக்கை எடுக்க வேண்டும். படகுகளைப் பழுது பார்க்க நிவாரண உதவிகளை வழங்க வேண்டும். படகு சேதம், வலைகள் காணாமல்போனது, என்ஜின் பழுது என பல நிலைகளில் சேதம் ஏற்பட்டுள்ளது. அதனடிப்படையில், ஒவ்வொன்றுக்கும் நிவாரண உதவி வழங்க வேண்டும். அரசு உரிய கணக்கெடுப்புப் பணியை செய்து முடிக்க வேண்டும். மானிய விலையில் புதிய என்ஜின் வழங்கி வந்தது கடந்த பல ஆண்டுகளாக நிறுத்தப்பட்டுவிட்டது. இதை மீண்டும் தொடர வேண்டும். புயல் பாதிப்பால் மீனவர்கள் தொழிலுக்கு செல்ல முடியாத நிலையில் வேலையில்லாத காலத்துக்கு நிவாரணம், உணவுப் பொருள்கள் வழங்க அரசு நடவடிக்கை எடுக்க வேண்டும் என வலியுறுத்தப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2018/nov/19/புயலால்-சேதமடைந்த-படகுகளை-சீரமைக்க-அரசு-மானிய-உதவி-தர-வேண்டும்-மார்க்சிஸ்ட்-கம்யூனிஸ்ட்-வலியுறுத்தல-3041420.html
3041418 நாகப்பட்டினம் காரைக்கால் பள்ளிகளில் சாய்ந்து கிடக்கும் மரங்களை அப்புறப்படுத்துவதில் பேரிடர் மீட்புப் படையினர் தீவிரம் DIN DIN Monday, November 19, 2018 02:01 AM +0530
கஜா புயலையொட்டி சாய்ந்த மரங்களை அப்புறப்படுத்தும் பணியில் தேசிய பேரிடர் மீட்புப் படையினர் ஈடுபட்டுள்ளனர். இந்த பணிகளில் ஈடுபட கூடுதலாக ஒரு குழுவினர் ஞாயிற்றுக்கிழமை காரைக்கால் வந்தனர்.
கஜா புயலையொட்டி, காரைக்கால் பகுதியில் மீட்புப் பணியில் ஈடுபட அரக்கோணத்திலிருந்து தேசிய பேரிடர் மீட்புப் படையினர் புயலுக்கு முன்பாக 25 பேர் வந்து சேர்ந்தனர். இவர்கள் புயலுக்குப் பின் பிரதான போக்குவரத்து சாலைகளின் குறுக்கே விழுந்து கிடந்த மரங்களை அப்புறப்படுத்தி போக்குவரத்தை உடனடியாக சீர்செய்யும் பணியில் தீவிரமாக ஈடுபட்டனர். மறுபுறம் அந்தந்த பகுதியைச் சேர்ந்த இளைஞர்கள், பொதுப் பணித் துறை, நகராட்சி, கொம்யூன் பஞ்சாயத்து நிர்வாகத்தினரும் இந்த பணியில் தீவிரம் காட்டினர். இதனால், போக்குவரத்துக்கு தடையேதும் இல்லாத நிலை உருவானது.
காரைக்கால் மாவட்டத்தில் 25 -க்கும் மேற்பட்ட பள்ளிகளின் வளாகத்தில் மரங்கள் சாய்ந்துள்ளன. பள்ளிகள் புயலால் விடுமுறை அறிவிக்கப்பட்டிருந்தது. திங்கள்கிழமை திறக்க வேண்டியிருப்பதால், பள்ளிகளில் விழுந்து கிடக்கும் மரங்களை அப்புறப்படுத்த கூடுதலாக தேசிய பேரிடர் மீட்புப் படையினர், புதுச்சேரியில் முகாமிட்டிருந்த 27 பேர் கொண்ட குழு ஞாயிற்றுக்கிழமை காரைக்கால் வந்துசேர்ந்தது.
மரங்களை அறுக்கும் சாதனங்கள், கயிறு மற்றும் பல்வேறு மீட்பு சாதனங்களுடன் இவர்கள் பள்ளிகளுக்குச் சென்றனர். சாய்ந்து கிடந்த மரங்களை அறுத்து, வாகனங்களில் ஏற்றி அனுப்பினர். தேசிய பேரிடர் மீட்புப் படையினருக்கு திங்கள்கிழமை வரை காரைக்காலில் பணிகள் இருக்கும் என அதிகாரிகள் வட்டாரத்தில் கூறப்படுகிறது. சாலையோரத்தில் முறிந்து விழுந்த மரங்கள், கிளைகள் அப்புறப்படுத்தும் பணி இன்னும் நிறைவுபெறவில்லை. தூய்மைப்படுத்தும் பணியையும் மாவட்ட நிர்வாகம் விரைவாக செய்து முடிக்க வேண்டும் என பொதுமக்கள் தரப்பில் வலியுறுத்தப்படுகிறது. போக்குவரத்துக்கு தடையாக இருக்கும் வகையில் இவை ஆங்காங்கே காணப்படுவதாக பொதுமக்கள் தெரிவிக்கின்றனர்.

 

]]>
http://www.dinamani.com/all-editions/edition-nagapattinam/karaikal/2018/nov/19/பள்ளிகளில்-சாய்ந்து-கிடக்கும்-மரங்களை-அப்புறப்படுத்துவதில்-பேரிடர்-மீட்புப்-படையினர்-தீவிரம்-3041418.html
3041417 நாகப்பட்டினம் காரைக்கால் காரைக்காலை புயல் பாதித்த மாவட்டமாக அறிவிக்க வேண்டும்: ஏ.அன்பழகன் DIN DIN Monday, November 19, 2018 02:01 AM +0530
புதுச்சேரி அரசு காரைக்காலை புயல் பாதித்த மாவட்டமாக அறிவித்து, மத்திய அரசிடமிருந்து நிதியுதவி பெறவேண்டும் என அதிமுக வலியுறுத்தியுள்ளது.
கஜா புயலால் பாதிக்கப்பட்ட காரைக்கால் பகுதியைப் பார்வையிட புதுச்சேரி சட்டப் பேரவை அதிமுக குழுத் தலைவர் ஏ.அன்பழகன் ஞாயிற்றுக்கிழமை காரைக்கால் வந்தார்.
கடலோர மீனவ கிராமங்கள் மற்றும் பிற பகுதிகளில் புயலால் ஏற்பட்ட பாதிப்புகளை கட்சியின் காரைக்கால் மாவட்டச் செயலர் எம்.வி.ஓமலிங்கம், காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு.அசனாவுடன் பார்வையிட்ட அவர், செய்தியாளர்களிடம் கூறியது:
நாகை அருகே புயல் கரையைக் கடந்தாலும் அண்டை மாவட்டமான காரைக்காலிலும் பல்வேறு சேதங்கள் ஏற்பட்டுள்ளன. புயலுக்குப் பின் சம்பிரதாயத்துக்கு புதுச்சேரி முதல்வர், சில அமைச்சர்கள் வந்து பார்த்துச் சென்றனர். தற்போது அவர்கள் புதுச்சேரியில் கூட இல்லை. கட்சிப் பணிக்காக வெளி மாநிலத்துக்கு சென்றுவிட்டனர்.
துணை நிலை ஆளுநர் குப்பை, கழிவுநீர் வாய்க்கால், ஏரி என சுற்றிவருகிறார். புயலால் பாதித்த காரைக்கால் மக்களை நேரடியாக வந்து பார்த்து, ஆறுதல் கூறி நிவாரண நடவடிக்கைகளை எடுக்க அவர் தவறிவிட்டார்.
அமைச்சரவையில் இரு பிரிவு, அதிகாரிகளுக்குள் இரு பிரிவு என இருப்பதால், புயல் பாதித்த பகுதிகளில் நிவாரண நடவடிக்கை எடுப்பதில் அதிகாரிகள் தயக்கம் காட்டுகின்றனர். காரைக்காலில் பாதிக்கப்பட்டுள்ள மின் வழித்தடங்களை புதுச்சேரியிலிருந்து கூடுதலான மின் ஊழியர்களை வரவழைத்து சீரமைக்க அரசு தவறிவிட்டது.
இதுவரை காரைக்கால் மக்களுக்கு சிறு உதவி கூட அரசு செய்யவில்லை. தமிழகத்தில் புயல் பாதித்த பகுதிகளில் சீரமைப்பு, நிவாரணப் பணிகள் முடுக்கிவிடப்பட்டுள்ளன. எனவே, காரைக்காலை புயல் பாதித்த பகுதியாக அறிவித்து, மத்திய அரசிடம் நிதியுதவி பெற புதுச்சேரி அரசு நடவடிக்கை எடுக்கவேண்டும்.
மேலும், புயலால் பாதிக்கப்பட்ட மக்களை கணக்கெடுப்பு செய்து அதற்கேற்றார்போல் நிவாரணம் தரவேண்டும். படகுகள் சேதத்தை கணக்கெடுத்து மீனவர்களுக்கு விரைவாக நிவாரணம் வழங்க வேண்டும்.
புதுச்சேரி துணை நிலை ஆளுநர் தனித்தோ அல்லது ஆட்சியாளர்களுடன் இணைந்தோ தில்லி சென்று, காரைக்காலுக்கான நிவாரண நிதியை பெற்று வரவேண்டும்.
நிவாரண நடவடிக்கையை தீவிரப்படுத்தவில்லையெனில் அதிமுக தலைமையின் அனுமதி பெற்று புதுச்சேரி அரசைக் கண்டித்து போராட்டம் நடத்தப்படும் என்றார் ஏ.அன்பழகன்.

 

]]>
http://www.dinamani.com/all-editions/edition-nagapattinam/karaikal/2018/nov/19/காரைக்காலை-புயல்-பாதித்த-மாவட்டமாக-அறிவிக்க-வேண்டும்-ஏஅன்பழகன்-3041417.html
3041416 நாகப்பட்டினம் காரைக்கால் புதுச்சேரி துணை நிலை ஆளுநர் காரைக்கால் பிராந்தியத்தை புறக்கணிக்கிறார்: யூனியன் பிரதேச போராட்டக்குழு குற்றச்சாட்டு DIN DIN Monday, November 19, 2018 02:01 AM +0530
புதுச்சேரி துணை நிலை ஆளுநர் காரைக்கால் பிராந்தியத்தை புறக்கணிப்பதாக குற்றம் சாட்டப்பட்டுள்ளது.
இதுகுறித்து காரைக்கால் யூனியன் பிரதேச போராட்டக்குழு பொதுச்செயலாளர் ஏ.எஸ்.டி. அன்சாரிபாபு ஞாயிற்றுக்கிழமை கூறியது :
கஜா புயல் வீசியதில் காரைக்கால் பிராந்தியம் பல்வேறு நிலைகளில் வெகுவாக பாதிக்கப்பட்டுள்ளது. பாதிக்கப்பட்ட காரைக்கால் பிராந்தியத்தை புதுச்சேரி முதல்வர், அமைச்சர்கள், எதிர்க்கட்சித் தலைவர் உள்ளிட்டோர் உடனடியாக வந்து பார்வையிட்டு மக்களின் நிலை, நிவாரணப் பணிகள், கோரிக்கைகள் உள்ளிட்டவற்றை ஆய்வு செய்து சென்றுள்ளனர். புதுச்சேரி மாநில பாஜக தலைவர் உள்ளிட்ட அக்கட்சியினரும் வந்து பார்வையிட்டு சென்றுள்ளனர். ஆனால், காரைக்காலை உள்ளடக்கிய புதுச்சேரி யூனியன் பிரதேசத்தின் ஆளுமை பொருந்திய தலைமை நிர்வாகியாக உள்ள துணை நிலை ஆளுநர் இதுவரை காரைக்காலுக்கு வரவில்லை. எந்த கருத்தையும் தெரிவிக்கவில்லை.
வடகிழக்குப் பருவமழை தீவிரம் அடைந்துள்ளதால், சொந்த ஊருக்கு செல்லாமல் தீபாவளி விடுமுறையை ரத்து செய்து விட்டு புதுச்சேரியில் கால்வாய்களில் திடீர் ஆய்வு செய்ய முடிவு செய்துள்ளதாகவும், பொதுப்பணித் துறை ஊழியர்கள் தங்களுக்கு ஒதுக்கப்பட்ட இடத்தில் எந்த நேரமும் பணியில் இருக்க வேண்டும் எனவும் புதுச்சேரி பிராந்தியத்தின் மீது மட்டும் அக்கறை காட்டி துணை நிலை ஆளுநர் உத்தரவிட்டிருந்தார்.
ஆனால், காரைக்காலை கஜா புயல் தாக்கும் என்ற எச்சரிக்கை விடுக்கப்பட்ட சமயத்தில் அவரது சுட்டுரை பக்கத்தில் கூட புயல் குறித்து தமது அக்கறை, எச்சரிக்கை, உத்தரவு எதுவும் பிறப்பித்ததாக தெரியவில்லை. இது அவரது பிராந்திய பாகுபாட்டையே காட்டுகிறது. காரைக்கால் பிராந்தியத்தின் மீது துணை நிலை ஆளுநர் அக்கறை காட்டத் தவறியது ஏன் ?
தூய்மைப் பணி, ஆய்வு என அடிக்கடி முன்பு காரைக்கால் வந்த ஆளுநர், தற்போது மக்கள் உண்மையாக பெருமளவில் புயலால் பாதிக்கப்பட்டுள்ள நிலையில் உடனடியாக காரைக்காலுக்கு வந்து நிவாரணப் பணிகளை முடுக்கிவிட்டிருக்க வேண்டும். மக்களை சந்தித்து கோரிக்கைகள், தேவைகள், குறைகள் குறித்து கேட்டறிந்து, மத்திய அரசிடம் நிதியைப் பெற அவர் முயற்சித்திருக்க வேண்டும். புதுச்சேரியில் மட்டும் இவற்றை செய்யும் ஆளுநர் காரைக்காலில் இதனை செய்யத் தவறி விட்டார்.
புதுச்சேரி யூனியன் பிரதேசத்தின் ஒரு பகுதிதான் காரைக்கால் என்பதை மறந்து விட்டாரா ? காரைக்காலை மாற்றாந்தாய் மன்பான்மையுடன் அணுகி புறக்கணித்து வரும் துணை நிலை ஆளுநரின் நடவடிக்கை கண்டிக்கத்தக்கது என்றார் அவர்.

 

]]>
http://www.dinamani.com/all-editions/edition-nagapattinam/karaikal/2018/nov/19/புதுச்சேரி-துணை-நிலை-ஆளுநர்-காரைக்கால்-பிராந்தியத்தை-புறக்கணிக்கிறார்-யூனியன்-பிரதேச-போராட்டக்குழு-3041416.html
3041415 நாகப்பட்டினம் காரைக்கால் படகுக்கான நிவாரணம் கோரி மீனவ கிராம மக்கள் சாலை மறியல் DIN DIN Monday, November 19, 2018 02:01 AM +0530
காரைக்கால் மாவட்டம், பட்டினச்சேரி மீனவ கிராம மக்கள் 100 -க்கும் மேற்பட்டோர், திருப்பட்டினம் பகுதி திருமலைராஜனாற்றுப் பாலத்தில் (தேசிய நெடுஞ்சாலை) ஞாயிற்றுக்கிழமை மறியல் போராட்டத்தில் ஈடுபட்டனர்.
குடிநீர், மின்சார விநியோகம் சீராகவில்லை, பட்டினச்சேரியில் கஜா புயலால் வீசியெறியப்பட்ட படகுகளை முறைப்படுத்தித் தரவில்லை, படகுகள் சீர்குலைந்தது குறித்து அரசுக்குத் தெரிவித்தும் இதுவரை நிவாரணம் தரவில்லை எனக் கூறி இந்த போராட்டத்தில் ஈடுபட்டனர்.
இவர்களது போராட்டம் பிற்பகல் 1 மணியளவில் நடைபெற்றது. போராட்டத்தில் ஈடுபட்டோரிடம் போலீஸார் பேச்சுவார்த்தை நடத்தியும் தீர்வு ஏற்படவில்லை. இதனால் நாகப்பட்டினம் - காரைக்கால் மார்க்கத்தில் போக்குவரத்து சுமார் ஒரு மணி நேரம் பாதிக்கப்பட்டது.
பட்டினச்சேரியில் பாதிப்புகளைக் கணக்கெடுக்கும் வகையில் புதுச்சேரி மாநில பேரிடர் மேலாண்மைத் துறை இயக்குநர் பங்கஜ்குமார் ஜான் மற்றும் காரைக்கால் மாவட்ட சார்பு ஆட்சியர் ஏ. விக்ரந்த் ராஜா உள்ளிட்ட அதிகாரிகள் குழு அந்த பகுதியை நோக்கிச் சென்றபோது, போராட்டத்தில் ஈடுபட்ட மக்களைப் பார்த்து, அவர்களுடன் பேச்சுவார்த்தை நடத்தினர்.
கஜா புயல் கரையை கடப்பதற்கு முன்பிருந்தே பட்டினச்சேரியில் மின்சாரம் துண்டிக்கப்பட்டுவிட்டது. குடிநீர் விநியோகம் இல்லை. படகுகள் அதிகமானவை சேதமடைந்துவிட்டன. படகு சேதத்துக்கு மாநில அரசு இதுவரை நிவாரணம் தரவில்லை என அதிகாரிகளிடம் அவர்கள் விளக்கிக் கூறினர்.
பட்டினச்சேரியில் மின்சாரமும், குடிநீரும் குறிப்பிட்ட பகுதி வரை தரப்பட்டுவிட்டது. பணிகள் முழுவீச்சில் நடைபெற்று வருகின்றன. ஞாயிற்றுக்கிழமை இரவுக்குள் முழுமையாகத் தீர்வு காணப்பட்டுவிடும். பாதிப்புகள் குறித்து கணக்கெடுப்பு செய்யவே நாங்கள் வந்துள்ளோம். எங்களது அறிக்கைக்குப் பின் அரசு நிவாரணத்தை அறிவிக்கும் எனக் கூறி போராட்டத்தில் ஈடுபட்டோரை அமைதிப்படுத்தினர். இதன் பிறகு போராட்டத்தை அவர்கள் கைவிட்டு, அதிகாரிகளுடன் பட்டினச்சேரிக்கு கணக்கெடுப்புப் பணிக்கு ஒத்துழைக்கப் புறப்பட்டனர்.
இதுகுறித்து சார்பு ஆட்சியர் ஏ.விக்ரந்த் ராஜா கூறும்போது, பட்டினச்சேரி பகுதியில் சுனாமி குடியிருப்பு வரை மின்சாரம் தரப்பட்டுவிட்டது. சில பகுதிகளில் மின் இணைப்பு தரும்போது திடீர் துண்டிப்பு ஏற்பட்டுவிடுவாதல், மின்துறையினர் அதை சீரமைத்து மின்சாரம் வழங்க நடவடிக்கை எடுத்துள்ளது. குடிநீர், மின் விநியோகப் பிரச்னை அடுத்த சில மணி நேரத்தில் சரியாகிவிடும். காரைக்காலில் மின்கம்பங்கள் பல சாய்ந்துவிட்ட நிலையில், 150 கம்பங்கள் புதுச்சேரியிலிருந்து வரவழைக்கப்பட்டு நிறுவப்பட்டு வருகின்றன.
மேலும், 50 கம்பங்கள் ஞாயிற்றுக்கிழமை வரவழைக்கப்பட்டுள்ளன. காரைக்காலில் உள்ள ஓ.என்.ஜி.சி. மற்றும் தனியார் நிறுவனங்களிடமிருந்து கிரேன் உள்ளிட்ட சாதனங்கள் வரவழைத்து, சீரமைப்புப் பணிகள் போர்க்கால அடிப்படையில் நடைபெற்று வருகின்றன என்றார்.

 

]]>
http://www.dinamani.com/all-editions/edition-nagapattinam/karaikal/2018/nov/19/படகுக்கான-நிவாரணம்-கோரி-மீனவ-கிராம-மக்கள்-சாலை-மறியல்-3041415.html
3040924 நாகப்பட்டினம் காரைக்கால் நித்யகல்யாண பெருமாள் கோயிலில் பவித்ரோத்ஸவ சிறப்பு ஹோமம் DIN DIN Sunday, November 18, 2018 07:52 AM +0530 காரைக்கால் ஸ்ரீ நித்யகல்யாண பெருமாள் கோயிலில் பவித்ரோத்ஸவ நிகழ்ச்சி சிறப்பு ஹோமத்துடன் வெள்ளிக்கிழமை தொடங்கியது. முக்கிய, நிகழ்வாக சுவாமிகளுக்கு பவித்ரம்  சனிக்கிழமை அணிவிக்கப்பட்டது.
காரைக்கால் ஸ்ரீ நித்யகல்யாண பெருமாள் கோயிலில் திருப்பவித்ரோத்ஸவ நிகழ்ச்சியின் தொடக்கமாக வெள்ளிக்கிழமை இரவு புண்யாஹவாசனம், வாஸ்து ஹோமம் நடைபெற்றன. 2-ஆம் நாளான சனிக்கிழமை முக்கிய நிகழ்ச்சிகள் தொடங்கின.  உத்ஸவரான ஸ்ரீ நித்யகல்யாண பெருமாள் உபய நாச்சியார்களுடன் ஸ்ரீ ரங்கநாயகி தாயார் சன்னிதிக்கு எழுந்தருளச் செய்யப்பட்டார். பட்டாச்சாரியார்கள் சிறப்பு ஹோமம் நடத்தினர்.  மூலவர் ஸ்ரீ ரங்கநாதர், ஸ்ரீ ரங்கநாயகி தாயார், ஸ்ரீ சக்கரத்தாழ்வார், ஸ்ரீ வீர ஆஞ்சநேயர் உள்ளிட்ட சன்னிதிகளின் விக்ரஹங்களுக்கு  பட்டுநூல் மாலை (பவித்ரம்) அணிவிக்கப்பட்டு, சிறப்பு பூஜை செய்யப்பட்டது. இந்நிகழ்ச்சி ஞாயிற்றுக்கிழமை (நவ. 18) வரை தினமும் காலை, மாலை வேளையில் யாகசாலை பூஜையுடன் நடைபெறுகிறது. இரவு மகா பூர்ணாஹூதி தீபாராதனை நடத்தப்பட்டு, உத்ஸவ பெருமாள் வீதியுலா நடைபெறுகிறது.
இதுகுறித்து கோயில் நிர்வாகம் தரப்பில் கூறப்படுவது :  திருப்பவித்ரோத்ஸவம் என்பது ஆண்டில் ஒரு முறை நடத்தப்படும் நிகழ்ச்சியாகும். இதுவொரு குடமுழுக்கு விழாவுக்கு நிகரானது. 3 நாள்களும் புனிதநீர் யாகசாலையில் வைத்து, நிறைவு நாளான ஞாயிற்றுக்கிழமை மகா பூர்ணாஹூதி நடத்தப்பட்டு, கடம் புறப்பட்டு சுவாமிகளுக்கு திருமஞ்சனம் செய்யப்படுகிறது. இந்த நாளில் பெருமாளை தரிசிப்பது பக்தர்களுக்கு கூடுதல் பயனைத் தரும் என்றனர். பவித்ரோத்ஸவத்துக்கான ஏற்பாடுகளை ஸ்ரீ கைலாசநாதர், ஸ்ரீ நித்யகல்யாண பெருமாள் கோயில் அறங்காவல் குழுவினர், ஸ்ரீ நித்யகல்யாண பெருமாள் பக்த ஜன சபாவினர் செய்துள்ளனர்.
 

]]>
http://www.dinamani.com/all-editions/edition-nagapattinam/karaikal/2018/nov/18/நித்யகல்யாண-பெருமாள்-கோயிலில்-பவித்ரோத்ஸவ-சிறப்பு-ஹோமம்-3040924.html
3040923 நாகப்பட்டினம் காரைக்கால் ராஜசோளீசுவரர் கோயிலில் திருக்கல்யாணம் DIN DIN Sunday, November 18, 2018 07:52 AM +0530 கந்த சஷ்டி விழா நிறைவைத் தொடர்ந்து, திருமலைராயன்பட்டினம் ஸ்ரீ ராஜசோளீசுவரர் கோயிலில் வெள்ளிக்கிழமை இரவு திருக்கல்யாண நிகழ்ச்சி நடைபெற்றது.
திருமலைராயன்பட்டினம் ஸ்ரீ அபிராமி அம்மன் சமேத ஸ்ரீ ராஜசோளீசுவரர் கோயிலில் கடந்த 8 -ஆம் தேதி கந்த சஷ்டி விழா தொடங்கியது. தினமும் சுவாமி வீதியுலா நடைபெற்றது. கடந்த 13 -ஆம் தேதி  செவ்வாய்க்கிழமை ஆட்டுக் கிடா வாகனத்தில் ஸ்ரீ முருகப் பெருமான் எழுந்தருளி சூரனை சம்ஹாரம் செய்யும் நிகழ்ச்சி நடைபெற்றது. இக்கோயிலில் ஸ்ரீ வள்ளி தெய்வானை சமேத முருகப் பெருமான்  திருக்கல்யாணத்துக்காக வியாழக்கிழமை இரவு பரிச வழிபாடும்,  சனிக்கிழமை இரவு கோயிலில் திருக்கல்யாண நிகழ்ச்சியும் நடைபெற்றன. திருக்கல்யாணத்தையொட்டி, ஸ்ரீ பார்வதி ஸ்ரீ பரமேஸ்வரன் ஆசியுடன் ஸ்ரீ வள்ளி தெய்வானை முருகப் பெருமான் திருக்கல்யாணம் நடைபெற்றது. சிறப்பு ஹோமம் நடத்தப்பட்டு, சிவாச்சாரியார் வள்ளி மற்றும் தெய்வானைக்கு திருமாங்கல்யதாரணம் செய்தார். தொடர்ந்து, மகா தீபாராதனை நடைபெற்றதது. இதில் ஏராளமான பக்தர்கள் கலந்துகொண்டு வழிபாடு செய்தனர். நிகழ்ச்சிக்கான ஏற்பாடுகளை கோயில் அறங்காவல் குழுவினர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/18/ராஜசோளீசுவரர்-கோயிலில்-திருக்கல்யாணம்-3040923.html
3040922 நாகப்பட்டினம் காரைக்கால் காரைக்காலில் மின்சாரம்,  மரங்கள்  சீரமைப்புப் பணிகள் தீவிரம் DIN DIN Sunday, November 18, 2018 07:52 AM +0530 கஜா புயல் சீற்றத்தால், காரைக்காலில் மின் விநியோகம் துண்டிக்கப்பட்ட நிலையில் நடவடிக்கை தீவிரத்தால் சனிக்கிழமை மின் விநியோகம் பரவலாக சீரானது. சாலையில் முறிந்து விழுந்த மரக் கிளைகள் மற்றும் வேரோடு சாய்ந்த மரங்களை அப்புறப்படுத்தும் பணியும் தீவிரமாக நடைபெற்று வருகின்றன.
கஜா புயல் தாக்கத்தால் காரைக்கால் மாவட்டத்தில் சுமார் 2 ஆயிரம் மரங்கள், 150-க்கும் மேற்பட்ட மின் கம்பங்கள் சாய்ந்து விழுந்தன. மரங்களும், கிளைகளும் மின்கம்பியின் மீது விழுந்ததால், பல இடங்களில் கம்பிகள் அறுந்து விழுந்தன. இதனால் மாவட்டம் முழுவதும் வியாழக்கிழமை இரவு முதல் மின்சாரம் துண்டிக்கப்பட்டது.
காரைக்காலுக்கு திருவாரூரிலிருந்து மின்சாரமும், காரைக்காலில் உள்ள பி.பி.சி.எல். மின் உற்பத்தி நிலையத்திலிருந்து மின்சாரமும் விநியோகிக்கப்படுகிறது.  இந்நிலையில், காரைக்கால் மாவட்டத்தில் உள்ள 250 -க்கும் மேற்பட்ட மின்துறை ஊழியர்கள் தீவிரமான களப் பணியை வெள்ளிக்கிழமை காலை முதல் மேற்கொள்ளத் தொடங்கினர். 
புதுச்சேரியிலிருந்து 100-க்கும் மேற்பட்ட மின் கம்பங்கள் மற்றும் 4 லாரிகளில் மின் சாதனங்கள் வரவழைக்கப்பட்டுள்ளதாகவும், சனிக்கிழமைக்குள் பெரும்பான்மையான இடங்களில் சீரமைப்புப் பணிகள் நிறைவடைந்து மின் விநியோகம் தரப்பட்டு விடும். பணிகள் விரைவு கதியில் மின்துறையினர் ஈடுபட்டுள்ளனர் என வேளாண் மற்றும் மின்துறை அமைச்சர் ஆர். கமலக்கண்ணன் வெள்ளிக்கிழமை கூறியிருந்தார். இதற்கிடையே வெள்ளிக்கிழமை மாலை திருநள்ளாறிலும், காரைக்கால் நகரில் குறிப்பிட்ட பகுதியிலும் மின்சாரம் தரப்பட்டது. திருமலைராயன்பட்டினம், நிரவி பகுதியில் இரவு 9 மணியளவில் மின்சாரம்  தரப்பட்டது. மற்ற பகுதிகள் இரவு முழுவதும் இருண்டே காணப்பட்டது. சனிக்கிழமை காலை முதல் மின்துறையினர் புதிதாக கம்பங்கள் நடுதல், கம்பிகளை இணைத்தல் உள்ளிட்ட பணிகளில் தீவிரம் காட்டினர்.  பழுதான மின் மாற்றிகளை மாற்றும் பணியிலும் ஈடுபட்டனர். இதனால் படிப்படியாக மின் விநியோகம் மாவட்டத்தில் சனிக்கிழமை தரப்பட்டது.
இதுகுறித்து மின்துறை செயற்பொறியாளர் ராஜேஷ்சன்யால் சனிக்கிழமை கூறும்போது, மின்கம்பங்கள், மின் மாற்றிகள், கம்பிகள்  சீரமைப்புப் பணி தீவிரமாக நடைபெற்று வருகிறது. 75 சதவீதப் பகுதிகள் நிறைவு பெற்றுள்ளன. சனிக்கிழமை இரவுக்குள் பெரும்பாலான பகுதிகளுக்கு மின்சாரம் தரப்பட்டுவிடும். ஒருசில பகுதிகளில் ஞாயிற்றுக்கிழமை முற்பகலில் தரப்படும் என்றார். பொதுப் பணித் துறையினர், நகராட்சி மற்றும் கொம்யூன் பஞ்சாயத்து நிர்வாகத்தினர், ஜேசிபி இயந்திரம் மூலம் சாலையில் கிடந்த மரங்கள், கிளைகளை அப்புறப்படுத்தும்  பணியில் வெள்ளிக்கிழமை முதல் ஈடுபட்டனர். சனிக்கிழமை மட்டும் 100-க்கும் மேற்பட்ட டிராக்டர்களில் சாலையில் கிடந்த  மரக்கிளைகள், இலைகள் கொண்டு செல்லப்பட்டன.
வணிக நிறுவனங்களின் டிஜிட்டல் விளம்பரப் பலகைகள் புயல் சீற்றத்தால் விழுந்து சேதமடைந்தன. இவற்றை அவரவர்கள் அப்புறப்படுத்தும் பணியில் ஈடுபட்டனர். ஞாயிற்றுக்கிழமை மின்சாரம் முழுமையாக விநியோகம் செய்யும் நிலையும், மரங்கள் அப்புறப்படுத்தும் பணியும் நிறைவுபெறும் என அரசுத்துறை வட்டாரத்தில் தெரிவிக்கப்படுகிறது.

]]>
http://www.dinamani.com/all-editions/edition-nagapattinam/karaikal/2018/nov/18/காரைக்காலில்-மின்சாரம்--மரங்கள்--சீரமைப்புப்-பணிகள்-தீவிரம்-3040922.html
3040921 நாகப்பட்டினம் காரைக்கால் மத்திய நிதி மூலம் சாலைகள், மின்சார கட்டமைப்பை மேம்படுத்த வலியுறுத்தல் DIN DIN Sunday, November 18, 2018 07:51 AM +0530 மத்திய நிதியின் மூலம், காரைக்காலில் மின்சாரம், சாலைகள் கட்டமைப்பை மேம்படுத்த வேண்டும் என காரைக்கால் போராட்டக் குழு  வலியுறுத்தியுள்ளது.
இதுகுறித்து காரைக்கால் போராட்டக் குழு அமைப்பாளர் வழக்குரைஞர் எஸ்.பி. செல்வசண்முகம் சனிக்கிழமை கூறியது :
1952 -ஆம் ஆண்டு தாக்கிய புயலுக்குப் பின் காரைக்காலில் கஜா புயலின் தாக்கம் மிகுதியாக இருந்து விட்டது. புயல் பாதித்த பகுதிகளைப் பார்வையிட வந்த புதுச்சேரி முதல்வர் வி. நாராயணசாமி, காரைக்காலில் ஒருசில பகுதிகளை மட்டும் பார்த்துவிட்டுச் சென்றுவிட்டார். 
புதுச்சேரியிலிருந்து எந்தவொரு உயரதிகாரிகளும் வரவில்லை. காரைக்காலில் முதல்வர் 2 நாள்கள் முகாமிட்டு புயலால் சேதமடைந்த கடலோர கிராமங்கள், விவசாயம், சாலைகள், மின்சாரம்  தொடர்பான பலவற்றைப் பார்வையிட்டுச் சென்றிருக்க வேண்டும். ஆனால், முதல்வரின் செயல் அவ்வாறு அமையாதது காரைக்காலை புறக்கணிப்பதாகவே கொள்ள முடியும்.
ஆயிரக்கணக்கான மரங்கள் சாய்ந்துவிட்டன. மின்சாரம் முழுமையாக துண்டிக்கப்பட்டுவிட்டது. சாலைகள் சேதமடைந்துள்ளன. ஏற்கெனவே நகரில் குடிநீர் குழாய் பதிப்புக்காக தோண்டப்பட்ட  சாலைகளோடு இந்த பாதிப்பும் சேர்ந்து மக்களை கடும் அவதிக்குள்ளாக்கியிருக்கிறது. காரைக்காலில் மின்துறையின் மின் விநியோக கட்டமைப்புகள் 60 ஆண்டுகள் கடந்துவிட்டதாகும். எனவே, இதுபோன்ற புயலால் அந்த துறைக்கு பெரும் பாதிப்பு வரத்தான் செய்யும். புதுச்சேரி முதல்வர், மத்திய அரசை அணுகி காரைக்காலுக்குத் தேவையான நிவாரணத் தொகையைப் பெற நடவடிக்கை எடுக்க வேண்டும்.  உடனடி நிவாரணமாக குடும்ப அட்டை ஒன்றுக்கு ரூ. 5 ஆயிரம் வீதமும், 20 கிலோ இலவச அரிசியும் வழங்க வேண்டும். மத்திய அரசிடமிருந்து பெறும் நிவாரணத் தொகை முழுவதையும் காரைக்காலுக்கே செலவிட வேண்டும். குறிப்பாக, சாலைகள், மின்சாரத்தின் கட்டமைப்பை நிரந்தர நிலையில் மேம்படுத்த வேண்டும்.
புயல் காற்றினால் விவசாயத்தில் இளம் பயிர்களும் சேதமடைய வாய்ப்புண்டு. பயிர் சிவப்பு நிறத்தில் மாறிவிடும். பூச்சித் தாக்குதல் ஏற்படும். எனவே, இதுகுறித்த கணக்கெடுப்பை செய்து விவசாயிகளுக்கும் நிவாரணம் தர வேண்டும் என்றார்.
 

]]>
http://www.dinamani.com/all-editions/edition-nagapattinam/karaikal/2018/nov/18/மத்திய-நிதி-மூலம்-சாலைகள்-மின்சார-கட்டமைப்பை-மேம்படுத்த-வலியுறுத்தல்-3040921.html
3040920 நாகப்பட்டினம் காரைக்கால் கடற்கரையோர மக்களின் கவனத்துக்கு... DIN DIN Sunday, November 18, 2018 07:50 AM +0530 காரைக்கால் கடற்கரையோர மக்கள், கடற்கரைக்குச் செல்வோருக்கு தொற்றுநோய் வராமல் தவிர்க்கும் வகையில் ஆலோசனைகள் தரப்பட்டுள்ளன.
இதுகுறித்து காரைக்கால் மாவட்ட ஆட்சியர் ஆர். கேசவன் வெளியிட்ட செய்திக் குறிப்பு : கஜா புயல் காரணமாக இறந்த மான்கள் உள்ளிட்ட விலங்கினங்கள் காரைக்கால் கடற்கரையோரத்தில் ஒதுங்குகின்றன. இவற்றை அரசுத் துறையினர் அப்புறப்படுத்தும் பணிகளை செய்து வருகின்றனர். இதன்மூலம் தொற்று நோய் வராமல் இருக்க கால்நடைத் துறையினர் தீவிரமான நடவடிக்கைகளை எடுத்து வருகின்றனர்.
கடற்கரையோரம் வசிப்போர் மற்றும் கடற்கரைக்குச் சென்று வருவோர் குடிநீரை காய்ச்சி ஆறவைத்து குடிக்க வேண்டும். உணவுப் பொருள்களை ஈ மொய்க்காதவாறு மூடி வைத்திருக்க வேண்டும். ஈ மொத்த உணவுப் பண்டங்களை சாப்பிடுவதைத் தவிர்க்க வேண்டும். உணவு உண்ணும் முன்பாகவும், கழிப்பறைக்குச் சென்று வந்த பின்னரும் கைகளை சோப்பு மூலம் நன்கு கழுவ வேண்டும் என அதில் கேட்டுக்கொள்ளப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/18/கடற்கரையோர-மக்களின்-கவனத்துக்கு-3040920.html
3040919 நாகப்பட்டினம் காரைக்கால் புதுச்சேரி அரசு இயந்திரம் சரியாக செயல்படவில்லை: என். ரங்கசாமி குற்றச்சாட்டு DIN DIN Sunday, November 18, 2018 07:50 AM +0530 கஜா  புயல் மீட்பு நடவடிக்கைகள், நிவாரண நடவடிக்கைகளில் புதுச்சேரி அரசு இயந்திரம்  முறையாக  செயல்படவில்லை என புதுச்சேரி சட்டப் பேரவை எதிர்க்கட்சி தலைவரும், என்.ஆர். காங்கிரஸ் தலைவருமான என். ரங்கசாமி குற்றம்சாட்டினார்.
 காரைக்கால் மாவட்டத்தில் கஜா புயலால் ஏற்பட்ட பாதிப்புகளை பார்வையிடுவதற்காக என்.ஆர். காங்கிரஸ் தலைவர் என். ரங்கசாமி சனிக்கிழமை காரைக்கால் வந்தார். கடலோர மீனவ கிராமங்களான காளிக்குப்பம், அக்கம்பேட்டை, கோட்டுச்சேரி மேடு, கீழக்காசாக்குடி மேடு, காரைக்கால் மேடு உள்ளிட்ட  கிராமங்களுக்குச் சென்று புயலால் ஏற்பட்டுள்ள பாதிப்புகளைப் பார்வையிட்டு மக்களிடம் குறைகளையும், அவர்களது கோரிக்கைகளையும் கேட்டறிந்தார்.
 பின்னர், செய்தியாளர்களிடம் என். ரங்கசாமி கூறியது : காரைக்கால் மாவட்டம் கஜா புயலால் கடுமையாகப் பாதிக்கப்பட்டுள்ளது. புதுச்சேரி அரசு நிவாரண நடவடிக்கைகளை முறையாக மேற்கொள்ளவில்லை. நெடுஞ்சாலையில் கிடந்த மரங்களை மட்டும் வெட்டி அகற்றியுள்ளார்களே தவிர வேறு எதுவும் செய்யவில்லை. வெட்டப்பட்ட மரங்கள் கூட இன்னும் அகற்றப்படவில்லை.
குடிநீர், மின்சாரம் உள்ளிட்டவை கிடைக்கவில்லை என மக்கள் புகார் கூறுகின்றனர். அரசு இயந்திரம் சரியாக செயல்படவில்லை.  மீனவ கிராமங்களில் கடல் அலையால் அடித்துச்  செல்லப்பட்டு ஆங்காங்கே கிடக்கும்  படகுகளைக் கூட அகற்றவில்லை.  புயல் எச்சரிக்கை காரணமாக புயலுக்கு முன்னர் சில நாள்களும், புயல் பாதிப்பால் புயலுக்குப் பின்னர் இதுவரையிலும் மீனவர்கள் தொழிலுக்கு செல்லவில்லை.
  இயற்கை சீற்றத்தால் பாதிக்கப்பட்ட மக்களுக்கு நிவாரணம் என்பது உடனடியாக கிடைக்க வேண்டும். புதுச்சேரி அரசு உடனடியாக முழுமையான நிவாரணத்தைத் தரவேண்டும்.  இதற்கு இந்த அரசு வேறு யாரையும் குறை சொல்லிக் கொண்டிருந்தால் அர்த்தமில்லை. அரசு இயந்திரம் துரிதமாக செயல்பட வேண்டும். பாதிக்கப்பட்ட மக்கள் அனைவருக்கும் முழுமையான நிவாரணம் கிடைக்க வேண்டும் என்பதே என்.ஆர். காங்கிரஸின் நிலைப்பாடு.  மத்திய அரசு உரிய நிவாரண உதவியை புதுச்சேரி மாநிலத்துக்கு வழங்க வேண்டும் என நாங்கள் வலியுறுத்துவோம் என்றார்.
   கட்சியின் மாநில பொதுச் செயலாளர் வி. பாலன் உள்ளிட்ட நிர்வாகிகள் பலர் அவருடன் காரைக்கால் வந்திருந்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/18/புதுச்சேரி-அரசு-இயந்திரம்-சரியாக-செயல்படவில்லை-என்-ரங்கசாமி-குற்றச்சாட்டு-3040919.html
3040918 நாகப்பட்டினம் காரைக்கால் படகுகள் சேத கணக்கெடுப்புப் பணி தொடக்கம் DIN DIN Sunday, November 18, 2018 07:50 AM +0530 கஜா புயலால் படகுகள் சேதமடைந்திருப்பதாக தெரிவித்த தகவலின்பேரில், காரைக்காலில் மீன்வளத்துறையினர் கணக்கெடுப்புப் பணியை சனிக்கிழமை தொடங்கினர்.
காரைக்கால் மாவட்டத்தில் 11 மீனவ கிராமங்களில், சிறிய வகை ஃபைபர் படகுகள் தினமும் காலை நேரத்தில் கடலுக்கு மீன்பிடிக்க கொண்டு செல்லப்பட்டு, காலை 8 மணிக்குள் கரையோரத்துக்கு கொண்டுவரப்படுகின்றன. இந்த வகை படகுகள் கடலோரத்திலேயே நிறுத்தப்படுவது வழக்கம். கஜா புயல் சீற்றத்தால், காரைக்கால் கடலோரத்தில் நிறுத்தியிருந்த படகுகள் பல, சவுக்கு மரத் தோப்புக்கு அடித்துச் செல்லப்பட்டும், ஒன்றோடு ஒன்று மோதியும் சேதமடைந்துவிட்டதாக மீனவர்கள் வேதனை தெரிவித்தனர். காரைக்காலுக்கு புயல் பாதித்த பகுதிகளைப் பார்வையிட வெள்ளிக்கிழமை வந்த புதுச்சேரி முதல்வர் வி. நாராயணசாமியிடமும் இதை தெரிவித்தனர். முதல்வரும் பல மீனவ கிராமங்களில் படகுகள் சேதத்தை நேரில் பார்வையிட்டார்.
புயல் சேதங்களை கணக்கெடுப்பு செய்ய மாவட்ட நிர்வாகத்தினருக்கு முதல்வர் உத்தரவிட்டார். இதனடிப்படையில், காரைக்கால் மாவட்ட மீன்வளத்துறை துணை இயக்குநர் கவியரசன் தலைமையிலான குழுவினர், பட்டனச்சேரி பகுதியில் உள்ள படகுகள், பதிவு செய்யப்பட்ட படகுகள், இவற்றில் சேதம் அடைந்தவை, சேதத்தின் தன்மை குறித்து மீனவர்களை சந்தித்து விவரம் கேட்டறிந்தனர். படகுகள் சேதத்தையும் நேரில் பார்வையிட்டு குறிப்பெடுத்துக்கொண்டனர். 
மாவட்டத்தின் அனைத்து மீனவ கிராமங்களில் உள்ள படகுகள், துறைமுகத்தில் நிறுத்தப்பட்டிருக்கும் விசைப்படகுகள் என அனைத்தும் அடுத்த ஓரிரு நாள்களில் சேத மதிப்பீடு செய்து, மாவட்ட ஆட்சியருக்கு அறிக்கை சமர்ப்பிக்கப்படும் என மீன்வளத்துறையினர் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/nov/18/படகுகள்-சேத-கணக்கெடுப்புப்-பணி-தொடக்கம்-3040918.html
3040917 நாகப்பட்டினம் காரைக்கால் மின் இணைப்பை சீரமைக்காததை கண்டித்து சாலை மறியல் DIN DIN Sunday, November 18, 2018 07:50 AM +0530 மின் இணைப்பை சீரமைக்காததைக் கண்டித்து, காரைக்கால் நகர மக்கள் சனிக்கிழமை சாலை மறியல் போராட்டத்தில் ஈடுபட்டனர்.
கஜா புயலால் துண்டிக்கப்பட்ட மின்சாரம், காரைக்கால் நகரப் பகுதியில் படிப்படியாக சீரமைக்கப்பட்டு வருகிறது. எனினும், பல பகுதிகளில் சனிக்கிழமை இரவு வரை மின்சார பிரச்னை முழுமையாக தீர்வுக்கு வரவில்லை.
காரைக்கால் வடக்குத் தொகுதிக்குள்பட்ட சின்னக்கண்ணு செட்டித் தெரு மற்றும் அதன் சுற்றுவட்டார பகுதி மக்கள், கடந்த வியாழக்கிழமை இரவு முதல் இதுவரை மின்சாரம் துண்டிக்கப்பட்ட நிலையில் தாங்கள் இருப்பதாகவும், இதுகுறித்து மாவட்ட நிர்வாகம் உரிய கவனம் செலுத்தி சீரமைப்புப் பணியை செய்ய முன்வரவில்லை என கண்டித்து, பாரதியார் சாலையில் பழைய ரயிலடி அருகே சனிக்கிழமை இரவு மறியல் போராட்டத்தில் ஈடுபட்டனர். சாலையில் சூறைக் காற்றில் விழுந்த மரக் கிளைகளை போட்டு, பெண்கள் உள்ளிட்டோர் போராட்டத்தில் ஈடுபட்டனர். இதனால் அதிகமான போக்குவரத்துள்ள இச்சாலையில் முடக்கம் ஏற்பட்டது. இருபுறமும் ஏராளமான வாகனங்கள் வரிசையாக நின்றன.
காரைக்கால் நகர காவல்நிலைய போலீஸார் விரைந்து சென்று போராட்டத்தில் ஈடுபட்டோரிடம் பேச்சுவார்த்தை நடத்தினர். இந்த பகுதியில் உள்ள குறைபாட்டைக் களைந்து விரைவாக மின்சாரம் கிடைக்கச் செய்ய, மின்துறையினரிடம் பேசுவதாகவும் போலீஸார் தெரிவித்தனர். இதை ஏற்று அனைவரும் போராட்டத்தைக் கைவிட்டு, கலைந்து சென்றனர்.
இந்த போராட்டம் 30 நிமிடத்துக்கும் மேலாக நடைபெற்றதால், போக்குவரத்து வெகுவாக பாதிக்கப்பட்டது.
 

]]>
http://www.dinamani.com/all-editions/edition-nagapattinam/karaikal/2018/nov/18/மின்-இணைப்பை-சீரமைக்காததை-கண்டித்து-சாலை-மறியல்-3040917.html
3040916 நாகப்பட்டினம் காரைக்கால் புதுச்சேரி அரசு இயந்திரம் சரியாக செயல்படவில்லை: என். ரங்கசாமி குற்றச்சாட்டு DIN DIN Sunday, November 18, 2018 07:49 AM +0530 கஜா  புயல் மீட்பு நடவடிக்கைகள், நிவாரண நடவடிக்கைகளில் புதுச்சேரி அரசு இயந்திரம்  முறையாக  செயல்படவில்லை என புதுச்சேரி சட்டப் பேரவை எதிர்க்கட்சி தலைவரும், என்.ஆர். காங்கிரஸ் தலைவருமான என். ரங்கசாமி குற்றம்சாட்டினார்.
 காரைக்கால் மாவட்டத்தில் கஜா புயலால் ஏற்பட்ட பாதிப்புகளை பார்வையிடுவதற்காக என்.ஆர். காங்கிரஸ் தலைவர் என். ரங்கசாமி சனிக்கிழமை காரைக்கால் வந்தார். கடலோர மீனவ கிராமங்களான காளிக்குப்பம், அக்கம்பேட்டை, கோட்டுச்சேரி மேடு, கீழக்காசாக்குடி மேடு, காரைக்கால் மேடு உள்ளிட்ட  கிராமங்களுக்குச் சென்று புயலால் ஏற்பட்டுள்ள பாதிப்புகளைப் பார்வையிட்டு மக்களிடம் குறைகளையும், அவர்களது கோரிக்கைகளையும் கேட்டறிந்தார்.
பின்னர், செய்தியாளர்களிடம் என். ரங்கசாமி கூறியது : காரைக்கால் மாவட்டம் கஜா புயலால் கடுமையாகப் பாதிக்கப்பட்டுள்ளது. புதுச்சேரி அரசு நிவாரண நடவடிக்கைகளை முறையாக மேற்கொள்ளவில்லை. நெடுஞ்சாலையில் கிடந்த மரங்களை மட்டும் வெட்டி அகற்றியுள்ளார்களே தவிர வேறு எதுவும் செய்யவில்லை. வெட்டப்பட்ட மரங்கள் கூட இன்னும் அகற்றப்படவில்லை.
குடிநீர், மின்சாரம் உள்ளிட்டவை கிடைக்கவில்லை என மக்கள் புகார் கூறுகின்றனர். அரசு இயந்திரம் சரியாக செயல்படவில்லை.  மீனவ கிராமங்களில் கடல் அலையால் அடித்துச்  செல்லப்பட்டு ஆங்காங்கே கிடக்கும்  படகுகளைக் கூட அகற்றவில்லை.  புயல் எச்சரிக்கை காரணமாக புயலுக்கு முன்னர் சில நாள்களும், புயல் பாதிப்பால் புயலுக்குப் பின்னர் இதுவரையிலும் மீனவர்கள் தொழிலுக்கு செல்லவில்லை.
இயற்கை சீற்றத்தால் பாதிக்கப்பட்ட மக்களுக்கு நிவாரணம் என்பது உடனடியாக கிடைக்க வேண்டும். புதுச்சேரி அரசு உடனடியாக முழுமையான நிவாரணத்தைத் தரவேண்டும்.  இதற்கு இந்த அரசு வேறு யாரையும் குறை சொல்லிக் கொண்டிருந்தால் அர்த்தமில்லை. அரசு இயந்திரம் துரிதமாக செயல்பட வேண்டும். பாதிக்கப்பட்ட மக்கள் அனைவருக்கும் முழுமையான நிவாரணம் கிடைக்க வேண்டும் என்பதே என்.ஆர். காங்கிரஸின் நிலைப்பாடு.  மத்திய அரசு உரிய நிவாரண உதவியை புதுச்சேரி மாநிலத்துக்கு வழங்க வேண்டும் என நாங்கள் வலியுறுத்துவோம் என்றார்.
கட்சியின் மாநில பொதுச் செயலாளர் வி. பாலன் உள்ளிட்ட நிர்வாகிகள் பலர் அவருடன் காரைக்கால் வந்திருந்தனர்.


 

]]>
http://www.dinamani.com/all-editions/edition-nagapattinam/karaikal/2018/nov/18/புதுச்சேரி-அரசு-இயந்திரம்-சரியாக-செயல்படவில்லை-என்-ரங்கசாமி-குற்றச்சாட்டு-3040916.html
3040324 நாகப்பட்டினம் காரைக்கால் புயல் பாதித்த பகுதிகள், பாதுகாப்பு முகாம்களில் அமைச்சர் ஆய்வு DIN DIN Saturday, November 17, 2018 07:52 AM +0530 திருநள்ளாறு பகுதியில் புயலால் பாதிக்கப்பட்ட கிராமங்கள், பாதுகாப்பு முகாம்களுக்கு நேரில் சென்று, அமைச்சர் ஆய்வு நடத்தினார்.
கஜா புயலையொட்டி, காரைக்கால் மாவட்டத்தில் தாழ்வானப் பகுதிகளில் வசிக்கும் மக்களை பாதுகாப்பு முகாமில்  தங்கவைக்க மாவட்ட நிர்வாகம் ஏற்பாடு செய்தது. இவற்றில் பெரும்பாலான முகாம்கள் திருநள்ளாறு பகுதியில் அமைந்திருந்தது. புயல் வெள்ளிக்கிழமை அதிகாலை ஓய்ந்த பிறகு புதுச்சேரி வேளாண் துறை அமைச்சர் ஆர்.கமலக்கண்ணன், திருநள்ளாறு பகுதியில் பல்வேறு கிராமங்களுக்கு இருசக்கர வாகனத்தில் சென்று, பாதிப்பு விவரங்களை கேட்டறிந்தார். கண்ணாப்பூர்  கிராமத்தில் சகாய மாதா ஆதரவற்றோர் இல்லத்தில் தங்கியுள்ளோரை சந்தித்த அமைச்சர், புயல் பாதிப்பு  ஏற்பட்டுள்ளதா, உணவு மற்றும் இதர பொருள்கள் கையிருப்பில் உள்ளதா என இல்லத்தின் காப்பாளரிடம்  கேட்டறிந்தார். தேனூர் அரசுப் பள்ளி மற்றும் பல்வேறு மையங்களில் தங்கியுள்ள மக்களை சந்தித்த அமைச்சர், உணவு  நேரத்தோடு தரப்படுகிறதா போன்ற விவரங்களை கேட்டறிந்தார்.
பல்வேறு கிராமங்களுக்கு மோட்டார் சைக்கிளில் பயணித்த அமைச்சர், குடிசைகள் சேதமடைந்திருக்கிறதா போன்ற தகவல்களை கேட்டறிந்து, கிராமத்தினருக்கு ஆறுதல் கூறினார்.

]]>
http://www.dinamani.com/all-editions/edition-nagapattinam/karaikal/2018/nov/17/புயல்-பாதித்த-பகுதிகள்-பாதுகாப்பு-முகாம்களில்-அமைச்சர்-ஆய்வு-3040324.html
3040323 நாகப்பட்டினம் காரைக்கால் கஜா புயல்: காரைக்காலில் துரிதகதியில் மீட்புப் பணிகள்: புதுச்சேரி முதல்வர் வி. நாராயணசாமி DIN DIN Saturday, November 17, 2018 07:50 AM +0530 காரைக்கால் மாவட்டத்தில் கஜா புயல் மீட்புப் பணிகள் மிக துரிதமாக மேற்கொள்ளப்பட்டுள்ளதாக புதுச்சேரி முதல்வர் வி. நாராயணசாமி தெரிவித்துள்ளார்.
காரைக்கால் மாவட்டத்தில் கஜா புயல் பாதிப்புகளைப் பார்வையிடுவதற்காக புதுச்சேரி முதல்வர் வி. நாராயணசாமி வெள்ளிக்கிழமை காரைக்கால் வந்தார். காரைக்கால்மேடு, கிளிஞ்சல்மேடு, மண்டபத்தூர், வடக்கு வாஞ்சூர் உள்ளிட்ட மீனவக் கிராமப் பகுதிகளில் புயல் பாதிப்புகள் குறித்து பார்வையிட்டார். தொடர்ந்து மீனவர்களிடமும், பொதுமக்களிடமும் பாதிப்புகள் குறித்துகேட்டறிந்தார்.
ஆய்வுக்குப் பின் செய்தியாளர்களிடம் முதல்வர் கூறியது :
காரைக்கால் பகுதியில் மரங்கள் சாய்ந்து பெரும் சேதம் ஏற்பட்டுள்ளது. கடலோரப் பகுதியில் புயல் காரணமாக அலைகள் உயரமாக எழுந்ததால் கடலோரத்திலிருந்து படகுகள் சுமார் ஒரு கி.மீ. துரம் வரை தள்ளப்பட்டு தெருக்களில் சிதறிக் கிடக்கின்றன. சில படகுகள், வலைகள் சேதமடைந்துள்ளன. இதுகுறித்து மீன் வளத்துறை அமைச்சர், தொடர்புடைய அதிகாரிகளைஅனுப்பி கணக்கெடுப்பு செய்து, அதன் பின்னர் அரசு உரிய நடவடிக்கை எடுக்கும். சில குடிசைவீடுகளுக்கு சேதம் ஏற்பட்டுள்ளது. மக்கள் பாதுகாப்பாக தங்கவைக்கப்பட்டு அனுப்பப்பட்டுள்ளனர். மீட்பு நடவடிக்கைகளை மாவட்ட நிர்வாகம் மிக துரிதமாக மேற்கொண்டுள்ளது. மின்விநியோகத்தை உடனடியாக கொடுப்பதற்கான நடவடிக்கைகள் எடுக்கப்பட்டுள்ளன. சேத மதிப்பு குறித்து அதிகாரிகளுடன்ஆலோசித்து உரிய முடிவுஎடுக்கப்படும். கஜா புயலை மாவட்ட நிர்வாகம் சிறப்பாக எதிர்கொண்டதற்கு பாராட்டுகளைத் தெரிவித்துக் கொள்கிறேன் என்றார் முதல்வர் நாராயணசாமி.
அப்போது, புதுச்சேரி அமைச்சர்கள் மல்லாடி கிருஷ்ணராவ், ஷாஜகான், கந்தசாமி, எம்.எல்.ஏ. கீதா ஆனந்தன், காரைக்கால் மாவட்ட ஆட்சியர் ஆர். கேசவன், சார்பு ஆட்சியர் ஏ. விக்ரந்த் ராஜா உள்ளிட்டோர் உடனிருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/17/கஜா-புயல்-காரைக்காலில்-துரிதகதியில்-மீட்புப்-பணிகள்-புதுச்சேரி-முதல்வர்-வி-நாராயணசாமி-3040323.html
3040322 நாகப்பட்டினம் காரைக்கால் காரைக்காலில் 2 ஆயிரம் மரங்கள் சாய்ந்து நாசம் DIN DIN Saturday, November 17, 2018 07:50 AM +0530 கஜா புயலுக்கு காரைக்காலில் சுமார் 2 ஆயிரம் மரங்கள் வேரோடு சாய்ந்தன. கடலோரத்தில் நிறுத்தப்பட்டிந்த 100-க்கும் மேற்பட்ட சிறிய மோட்டார் படகுகளும் சேதடைந்தன.
கடந்த 11 -ஆம் தேதி வங்கக் கடலில் புயலாக உருவெடுத்தது கஜா. நாகை அருகே இப்புயல் வியாழக்கிழமை நள்ளிரவு கரையை கடந்தது. இதனால், காரைக்கால் பகுதியில் அன்றிரவு 11.30 மணியளவில் தொடங்கிய சூறைக்காற்று வெள்ளிக்கிழமை காலை 5.30 மணி வரை நீடித்தது. இடைவிடாது வீசிய கடும் காற்றில், காரைக்கால் பகுதியில் மரங்கள், மின் கம்பங்கள், வணிக நிறுவன விளம்பரப் பலகைகள், கடலோரத்தில் நிறுத்தப்பட்டிருந்த படகுகள் என பெரும்பான்மையானவை பாதிக்கப்பட்டன.
மின்சாரம் மாவட்டத்தின் முழுமைக்கும் துண்டிக்கப்பட்டது. காரைக்காலுக்கு வந்த தேசிய பேரிடர் மீட்புப் படையினர், பொதுப் பணித் துறையினர் மீட்புப் பணிக்கென நியமிக்கப்பட்டவர்ககள், சாய்ந்த மரங்களை போக்குவரத்துக்கு இடையூறின்றி அப்புறப்படுத்தினர். மின்துறையினர் தீவிரமாக சாய்ந்த கம்பங்களை சீரமைக்கும் பணியில் ஈடுபட்டனர். நிறுத்தப்பட்டிருந்த போக்குவரத்துகள் வெள்ளிக்கிழமை இயங்கியதால் மக்களுக்கு அவதி குறைந்தது. ஆனால், மின்சாரமின்மை மக்களின் இயல்பு வாழ்க்கைக்கு பாதிப்பை ஏற்படுத்தியது. காரைக்கால் மாவட்ட ஆட்சியர் ஆர். கேசவன் அதிகாரிகளுடன் பல்வேறு இடங்களுக்குச் சென்று சீரமைப்புப் பணிகளைப் பார்வையிட்டார். சுமார் 2 ஆயிரம் மரங்கள், 200 -க்கும் மேற்பட்ட மின்கம்பங்கள் சாய்ந்து விழுந்தன. தாழ்வானப் பகுதிகளில் இருந்து மக்கள் சுமார் 4,500 பேர் 40-க்கும் மேற்பட்ட மையங்களில் தங்கவைத்து இரவு மற்றும் வெள்ளிக்கிழமை காலை உணவு வழங்கப்பட்டது. கல்வித்துறை சார்பில் நடத்தப்படும் மைய சமையலகத்திலிருந்து உணவு தயாரிக்கப்பட்டு விநியோகிக்கப்பட்டன.

]]>
http://www.dinamani.com/all-editions/edition-nagapattinam/karaikal/2018/nov/17/காரைக்காலில்-2-ஆயிரம்-மரங்கள்-சாய்ந்து-நாசம்-3040322.html
3040321 நாகப்பட்டினம் காரைக்கால் காரைக்காலில் 120 ஃபைபர் படகுகள் சேதம் DIN DIN Saturday, November 17, 2018 07:50 AM +0530 புயல் காற்றில் காரைக்கால் கடலோரத்தில் நிறுத்தியிருந்த ஃபைபர் படகுகள் வியாழக்கிழமை இரவு  ஒன்றுடன் ஒன்று மோதி சுமார் 120 படகுகள் சேதமடைந்து விட்டதாக மீனவர்கள் தெரிவித்தனர்.
காரைக்கால் மாவட்டத்தில் பட்டினச்சேரி, வடக்கு வாஞ்சூர், காரைக்கால் மேடு முதல் காளிக்குப்பம் வரையிலான 11 மீனவ கிராமத்தினர், தினமும்  அதிகாலை நேரத்தில் மோட்டார் ஃபைபர் படகில் மீன்பிடிக்கச் செல்வர். இவர்கள் கரையோரத்தில் பாதுகாப்பாக படகுகளை நிறுத்துவது வழக்கம். காரைக்கால் மாவட்டத்தில் 600 -க்கும் மேற்பட்ட சிறிய படகுகள் உள்ளன.
புயல் வருவதைக் கருத்தில் கொண்டு கரையில் கூடுதல் பாதுகாப்பு முறையில் படகுகளை நிறுத்தியிருந்தனர். புயல் காற்று வியாழக்கிழமை நள்ளிரவு முதல் வெள்ளிக்கிழமை அதிகாலை வரை சுமார் 5 மணி நேரத்துக்கு மேலாக வீசியதும், கடல் நீர் ஆர்ப்பரித்து கரையை நோக்கிச் சென்றதால், படகுகள் பல வெகுதூரத்துக்கு அடித்துச் செல்லப்பட்டன. ஒன்றுடன் ஒன்று மோதியும், கடலோர சவுக்குத் தோப்பிலும் படகுகள் சிதறிக் கிடந்தன. இவை 120 அளவில் சேதமடைந்திருப்பதாகவும், இதை இனிமேல் இயக்க முடியாது எனவும்,  புதுவை அரசு நிவாரணம் தர வேண்டும் என மீனவர்கள் தரப்பில் வலியுறுத்தப்பட்டது.

]]>
http://www.dinamani.com/all-editions/edition-nagapattinam/karaikal/2018/nov/17/காரைக்காலில்-120-ஃபைபர்-படகுகள்-சேதம்-3040321.html
3040320 நாகப்பட்டினம் காரைக்கால் ஆக்ரோஷ "கஜா' தரை தட்டியது மணல் தூர்வாரும் கப்பல் DIN DIN Saturday, November 17, 2018 07:49 AM +0530 கஜா புயல் காரணமாக, காரைக்கால் துறைமுகத்தில் நிறுத்தப்பட்டிருந்த மணல் தூர்வாரும் கப்பல் (டிரெட்ஜர்) புயலால் சுமார் 500 மீட்டர் தள்ளப்பட்டு கரையில் தரைத்தட்டி நின்றது.
காரைக்கால் துறைமுகத்தினுள் கடலில் இருந்து நுழையும் கப்பலுக்கு ஏதுவாக, மணல் தூர்வாரும் பணியில் டிரெட்ஜர் என்கிற தூர்வாரும் கப்பல் பயன்படுத்தப்படுகிறது. இது துறைமுகத்தின் ஒரு பெர்த்தில் நிறுத்தி பயன்படுத்தப்படுகிறது. 
இந்த கப்பலில் 25 பேர் பணியிலிருந்த நிலையில், வியாழக்கிழமை இரவு வீசிய கடும் சூறைக்காற்றில், இந்த கப்பல் சுமார் 500 மீட்டர் தென்புறமாக தள்ளிக்கொண்டு சென்று, கெம்பிளாஸ்ட் சன்மார் நிறுவன ஜெட்டி அருகே தரைத்தட்டி நின்றது.
கப்பல் தரைத்தட்டி நிற்பது குறித்து துறைமுகத்துக்கு கப்பல் ஊழியர்கள் தகவல் தெரிவித்தனர். பின்னர், துறைமுகத்திலிருந்து அதிகாரிகள் வெள்ளிக்கிழமை அந்த பகுதிக்குச் சென்றனர். கப்பலில் இருந்த ஊழியர்கள் பத்திரமாக வெள்ளிக்கிழமை துறைமுகம் திரும்பினர். இந்த கப்பலை, துறைமுகத்திலிருந்து இழுவைக் கப்பல் கொண்டு இழுத்துச் செல்லப்படும் என துறைமுக அதிகாரிகள் தெரிவித்தனர். கப்பல் தரைத்தட்டியதால் கப்பலுக்கு எந்த பாதிப்பும் இருக்காது எனவும் அவர்கள் தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/17/ஆக்ரோஷ-கஜா-தரை-தட்டியது-மணல்-தூர்வாரும்-கப்பல்-3040320.html
3039588 நாகப்பட்டினம் காரைக்கால் காரைக்கால் மருத்துவக் கல்லூரியில் 1,500 மரக்கன்றுகள் நடும் பணி தொடக்கம் DIN DIN Friday, November 16, 2018 07:44 AM +0530 காரைக்கால் மருத்துவக் கல்லூரியில், 1,500 மரக்கன்றுகள் நடும் விழா புதன்கிழமை நடைபெற்றது.
நிகழ்ச்சிக்கு ரோட்டரி சங்கத் தலைவர் பி. ராஜேந்திரன் தலைமை வகித்து, மரக்கன்றுகளைக் கல்லூரி நிர்வாகத்தினரிடம் ஒப்படைத்தார். இதைத்தொடர்ந்து, கல்லூரி வளாகத்தில் இருதரப்பினரும் இணைந்து மரக்கன்றுகளை நட்டனர்.
நிகழ்ச்சியில், கல்லூரி முதல்வர் அம்புஜம் மற்றும் காரைக்கால் கூடுதல் வேளாண் இயக்குநர் க. மதியழகன்,  ரோட்டரி சங்க உதவி ஆளுநர் ராமகிருஷ்ணன் மற்றும் ரோட்டரி சங்கப் பிரதிநிதிகள், மருத்துவக் கல்லூரி பேராசிரியர்கள் கலந்துகொண்டனர்.துணை ஆளுநர் ராமகிருஷ்ணன் பேசும்போது, மரங்கள் மிகவும் இன்றியமையாதவை. மெட்ரோ நகரங்களில் காற்று மாசு ஏற்பட்டுள்ளது. இதைக் களைவதற்கு மரங்கள் தேவைப்படுகின்றன. மரங்கள் கரியமில வாயுவை தன்னகத்தே ஈர்த்துக்கொண்டு ஆக்ஸிஜனை தருகின்றன. எனவே மாணவர்கள், கல்லூரி நிர்வாகத்தினர் என அனைத்து தரப்பினரும் மரக்கன்றுகளை நட்டு, பராமரிக்க முயற்சிக்க வேண்டும் என்றார் அவர்.
 

]]>
http://www.dinamani.com/all-editions/edition-nagapattinam/karaikal/2018/nov/16/காரைக்கால்-மருத்துவக்-கல்லூரியில்-1500-மரக்கன்றுகள்-நடும்-பணி-தொடக்கம்-3039588.html
3039587 நாகப்பட்டினம் காரைக்கால் "புயல் பாதிப்பு: ஒரே நேரத்தில் 15 ஆயிரம் பேருக்கு உணவு தயாரித்தளிக்கும் வசதி' DIN DIN Friday, November 16, 2018 07:43 AM +0530 காரைக்காலில், கஜா புயல் மற்றும் மழையால் பாதிக்கப்பட்டோருக்கு ஒரே நேரத்தில் 15 ஆயிரம் பேருக்கு உணவு தயாரித்தளிக்கும் வசதி செய்துள்ளதாக கல்வித்துறை தெரிவித்துள்ளது.
காரைக்கால் மாவட்ட ஆட்சியர் ஆர். கேசவன் தலைமையில் சார்பு ஆட்சியர் ஏ. விக்ரந்த் ராஜா மற்றும் பல்வேறு அரசுத்துறை அதிகாரிகள் பங்கேற்ற, கஜா புயல் தொடர்பாக முன்னும் பின்னரும் மேற்கொள்ள வேண்டிய நடவடிக்கைகளை தொடர்பான ஆலோசனைக் கூட்டம் வியாழக்கிழமை நடைபெற்றது.
கஜா புயல் மற்றும் மழையினால் தாழ்வானப் பகுதிகளில் வசிப்போர், கடலோரப் பகுதிகளில் வசிப்போரை கண்டறிந்து அருகில் உள்ள பள்ளிக் கட்டடத்தில் தங்கவைக்க கிராம நிர்வாக அலுவலருக்கு ஆட்சியர் உத்தரவிட்டார். குடிநீர், உணவு மற்றும் ஆண், பெண் இருபாலருக்கும் தனித்தனி கழிப்பறை வசதிகளை செய்துத்தர அதிகாரிகளுக்கு ஆட்சியர் அறிவுறுத்தினார்.
காரைக்காலில் ஒரே நேரத்தில் 15 ஆயிரம் பேருக்கு உணவு தயாரிக்கும் வசதி கல்வித்துறையில் உள்ளதாக தெரிவிக்கப்பட்டது. மேலும், 16 டன் அரிசி, போதுமான காய்கறிகள், 4 டன் மளிகைப் பொருள்கள் தயார் நிலையில் இருப்பதாக தெரிவிக்கப்பட்டது. இந்த பகுதிகளில் இருந்து தங்கும் கூடத்தில் உள்ளோருக்கு உணவு கொண்டு செல்லவும் ஊழியர்கள் திறம்பட பணியாற்ற வேண்டும்.
மின்துறையினர் செயல்பாடுகள் மிகவும் முக்கியமானது என தெரிவித்த ஆட்சியர், சீரமைப்புப் பணிகளை உயரதிகாரிகள் கண்காணிப்பில் விரைவாக மேற்கொள்ள நடவடிக்கை எடுக்க வேண்டும்.
பேரிடர் மீட்புக் குழுவில் இடம்பெற்றிக்கும் அரசுத் துறையினர் ஒவ்வொருவரும் தீவிரமான பணிகளில் ஈடுபட வேண்டும் என ஆட்சியர் கேட்டுக்கொண்டார்.
புயல் கரையை கடந்துவிட்ட பிறகும் அரசுத் துறைகளின் அதிகாரிகள்  சேவையில் குறைபாடு இருக்கக் கூடாது. பொதுமக்கள் கட்டுப்பாட்டு அறைக்கு தெரிவிக்கும் தகவலின் அடிப்படையில், சம்பந்தப்பட்ட  அதிகாரிகளுக்கும் விவரம் தெரிவிக்கப்படும். இதை ஏற்று உடனடி நடவடிக்கை எடுக்க வேண்டும் என ஆட்சியர் கேட்டுக்கொண்டார்.

]]>
http://www.dinamani.com/all-editions/edition-nagapattinam/karaikal/2018/nov/16/புயல்-பாதிப்பு-ஒரே-நேரத்தில்-15-ஆயிரம்-பேருக்கு-உணவு-தயாரித்தளிக்கும்-வசதி-3039587.html
3039586 நாகப்பட்டினம் காரைக்கால் பொதுமக்களுக்கு மின்துறையினர்  வேண்டுகோள்... DIN DIN Friday, November 16, 2018 07:43 AM +0530 புயல், மழை காரணமாக பொதுமக்கள் எவ்வாறு நடந்துகொள்ள வேண்டும் என மின்துறை நிர்வாகம் அறிவுறுத்தல்களை செய்துள்ளது.
இதுகுறித்து காரைக்கால் மின்துறை செயற்பொறியாளர் அலுவலகம் வெளியிட்ட செய்திக் குறிப்பு : புயல் மற்றும் மழை காரணமாக பொதுமக்கள் மின்மாற்றி, மின்கம்பம் மற்றும் மின் பாதை இடங்களில் நிற்க வேண்டாம்.
தாங்கள் இருக்கும் இடங்கள் அருகே மின் கம்பங்கள் சாயும் தருவாயிலும், மின் வயர்கள் அறுந்து கிடந்தாலும் அதை தொடாமல், அருகில் உள்ள மின்துறை நிர்வாகத்துக்கு தகவல் தெரிவிக்க வேண்டும். மின் விநியோக பெட்டிகளை தொடக் கூடாது. காற்று பலமாக வீசும்போது மின் சாதனப் பொருள்களையும், செல்லிடப்பேசி பயன்பாட்டையும் தவிர்க்குமாறும், பெற்றோர்கள் தங்கள் குழந்தைகளை மின் கம்பம், மின் மாற்றி மற்றும் மின் பாதை செல்லுமிடங்கள் அருகே அனுப்ப வேண்டாம் என கேட்டுக்கொள்கிறோம். மின்துறையின் கட்டுப்பாட்டு அறை தொடர்பு எண் - 04368-222694, பிள்ளைத்தெருவாசல் நிலையம் -04368-220711, சுரக்குடி நிலையம் - 04368 - 261246. பொதுமக்கள் இந்த எண்களை தொடர்பு கொண்டு மின்சாரம் தொடர்பான எந்தவொரு தகவலையும் தெரிவிக்கலாம் என அதில் கூறப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/16/பொதுமக்களுக்கு-மின்துறையினர்--வேண்டுகோள்-3039586.html
3039585 நாகப்பட்டினம் காரைக்கால் பள்ளிகளில் குழந்தைகள் தின கொண்டாட்டம் DIN DIN Friday, November 16, 2018 07:43 AM +0530 காரைக்கால் மாவட்டத்தில் அரசு மற்றும் தனியார் பள்ளிகளில் குழந்தைகள்  தின விழா புதன்கிழமை கொண்டாடப்பட்டது.
காரைக்கால் தருமபுரத்தில் செயல்படும் எஸ்.ஆர்.வி.எஸ். நேஷனல் மேல்நிலைப் பள்ளியில் நடைபெற்ற நிகழ்ச்சிக்கு, பள்ளி முதல்வர் கந்தசாமி தலைமை வகித்தார். பள்ளி துணை முதல்வர் தே. சுமதி, தலைமையாசிரியர் ராஜேந்திரன் ஆகியோர் குழந்தைகள் தினத்தின் நோக்கம் குறித்து மாணவர்களிடையே பேசினர்.
மாணவர்கள் பலர் நேரு, காந்தி, பாரதி போன்ற தலைவர்களைப் போல் வேஷமிட்டு வந்து பேசினர். மேலும், மாணவர்களுக்கு தனித்திறன் போட்டி, நாடகம், பட்டிமன்றம் உள்ளிட்டவை நடத்தப்பட்டு, பரிசுகள் வழங்கப்பட்டன.
கோவிந்தசாமிப் பிள்ளை அரசு உயர்நிலைப் பள்ளியில் நடைபெற்ற நிகழ்ச்சிக்கு, தலைமையாசிரியர் ஏ. பாலசுப்ரமணியன் தலைமை வகித்தார். அக்கரைவட்டம் அரசு உயர்நிலைப் பள்ளி தலைமையாசிரியர் எஸ். சுரேஷ் சிறப்பு அழைப்பாளராகக் கலந்துகொண்டார். ஆசிரியர் ஏ. இம்மானுவேல் வரவேற்றார். ஆசிரியர் டி. அகிலாண்டேஸ்வரி நன்றி கூறினார். போட்டிகளில் வெற்றிபெற்ற மாணவர்களுக்குப் பரிசுகள் வழங்கப்பட்டன. நெடுங்காடு ஜவாஹர்லால் நேரு அரசு மேல்நிலைப் பள்ளியில் நடைபெற்ற நிகழ்ச்சிக்கு, பள்ளித் துணை முதல்வர் கனகராஜ் தலைமை வகித்தார். சட்டப் பேரவை உறுப்பினர் சந்திர பிரியங்கா சிறப்பு அழைப்பாளராகக் கலந்துகொண்டு, போட்டிகளில் வெற்றி பெற்றவர்களுக்குப் பரிசுகள் வழங்கினார். நிகழ்ச்சிக்கான ஏற்பாடுகளை நாட்டு நலப்பணித் திட்ட அலுவலர் வடிவாம்பாள், சமுதாய நலப்பணித் திட்ட அலுவலர் மகேஸ்வரி மற்றும் ஆசிரியர்கள் செய்திருந்தனர்.
காரைக்கால் மாவட்ட நேரு யுவகேந்திரா மற்றும் கோட்டுச்சேரி கலைவாணி கலைக்குழு இணைந்து, நேரு யுவகேந்திரா உதய தினம் மற்றும் குழந்தைகள் தினம் புளியங்கொட்டை சாலையில் உள்ள அரசு தொடக்கப்பள்ளியில் கொண்டாடின. கலைக்குழுச் செயலர் மாலதி தலைமை வகித்தார். தலைமையாசிரியர் புனிதா, நேரு யுவகேந்திரா மாவட்ட ஒருங்கிணைப்பாளர் பாரத், மாவட்ட நுகர்வோர் மற்றும் பெண்கள் பாதுகாப்பு சங்கத் தலைவர் பாரீஸ்ரவி உள்ளிட்டோர் வாழ்த்திப் பேசினர். போட்டிகளில் வெற்றிபெற்றவர்களுக்குப் பரிசுகள் வழங்கப்பட்டன.
திருவேட்டக்குடி அரசு உயர்நிலைப் பள்ளியில் நடைபெற்ற நிகழ்ச்சிக்கு பள்ளியின் பொறுப்பாசிரியர் எஸ்.திருஞானசம்பந்தம் தலைமை வகித்தார். பெற்றோர்- ஆசிரியர் கழகத் தலைவர் ஆர். விஜயன் உள்ளிட்டோர் ஆசிரியர், குழந்தைகள் தினத்தின் பெருமைகள் குறித்துப் பேசினர். நிகழ்ச்சியின் நிறைவில், மாணவர்களின் நாடகம், நடனம், வில்லுப்பாட்டு உள்ளிட்டவை நடைபெற்றன. ஆசிரியர் ஆர். ரவிக்குமார் வரவேற்றார். ஆசிரியை விஜயா நன்றி கூறினார்.
 

]]>
http://www.dinamani.com/all-editions/edition-nagapattinam/karaikal/2018/nov/16/பள்ளிகளில்-குழந்தைகள்-தின-கொண்டாட்டம்-3039585.html
3039584 நாகப்பட்டினம் காரைக்கால் பி.எஸ்.என்.எல். அதிகாரிகள், ஊழியர்கள் ஆர்ப்பாட்டம் DIN DIN Friday, November 16, 2018 07:42 AM +0530 ஊதிய உயர்வு, 4ஜி அலைவரிசை ஒதுக்கீடு செய்தல் உள்ளிட்ட  கோரிக்கைளை வலியுறுத்தி, பி.எஸ்.என்.எல். அலுவலக வாயிலில் ஆர்ப்பாட்டம் புதன்கிழமை நடைபெற்றது.
பி.எஸ்.என்.எல். அதிகாரிகள், ஊழியர் சங்கங்கள் இணைந்து மேற்கொண்ட இந்த போராட்டத்துக்கு, சங்க நிர்வாகிகள் சீனிவாசன், இருதயசவுரிராஜ், மதியழகன் ஆகியோர் முன்னிலை வகித்தனர். கோட்டப் பொறியாளர் சிவராஜ் பேசுகையில், பி.எஸ்.என்.எல். 4 ஜி சேவை வழங்குவதில் காலதாமதத்தைத் தவிர்க்க வேண்டுமென்றும், அதிகாரிகள், ஊழியர்களின் நியாயமான கோரிக்கைகளை நிறைவேற்ற வேண்டுமென்றும் வலியுறுத்தினார்.
தொடர்ந்து, ஊதிய உயர்வு, ஓய்வூதியர்களுக்கு ஓய்வூதிய உயர்வு உள்ளிட்ட கோரிக்கைகளை வலியுறுத்தி, முழக்கம் எழுப்பினர். மேலும், பி.எஸ்.என்.எல். நிறுவனத்தை தனியாருக்கு தாரைவார்க்கும் போக்கில், மத்திய அரசு செயல்படுவதாகக் கண்டனம் தெரிவிக்கப்பட்டது. அத்துடன், கோரிக்கைகளை நிறைவேற்ற வலியுறுத்தி, வேலைநிறுத்தம் செய்வது தொடர்பான தேதி வரும் 30-ஆம் தேதி அறிவிக்கப்படும் என சங்கத்தினர் தெரிவித்தனர்.

]]>
http://www.dinamani.com/all-editions/edition-nagapattinam/karaikal/2018/nov/16/பிஎஸ்என்எல்-அதிகாரிகள்-ஊழியர்கள்-ஆர்ப்பாட்டம்-3039584.html
3039583 நாகப்பட்டினம் காரைக்கால் பெருமாள் கோயிலில் இன்று பவித்ரோத்ஸவம் தொடக்கம் DIN DIN Friday, November 16, 2018 07:42 AM +0530 காரைக்கால் பெருமாள் கோயிலில் பவித்ரோத்ஸவ நிகழ்ச்சி வெள்ளிக்கிழமை (நவ.16) தொடங்குகிறது.  
காரைக்கால்  நித்யகல்யாண பெருமாள் கோயிலில், 8-ஆம் ஆண்டாக பவித்ரோத்ஸவம் நிகழ்ச்சி வெள்ளிக்கிழமை இரவு வாஸ்து ஹோமத்துடன் தொடங்குகிறது. இதையடுத்து, 17 மற்றும் 18-ஆம் தேதிகளில் காலை, மாலை என இருவேளையிலும் யாகசாலை பூஜை நடைபெறுகிறது. ஞாயிற்றுக்கிழமை இரவு மகா பூர்ணாஹுதி தீபாராதனை, கடம் புறப்பாடு, பிரம்ம கோஷம் ஆகியன நடைபெறுகின்றன. மூலவர், உத்ஸவர் உள்ளிட்டோருக்கு பட்டு நூல் கொண்ட மாலை சாற்றப்படுகிறது.
இதுகுறித்து கோயில் நிர்வாகத்தினர் கூறும்போது, பவித்ரோத்ஸவம் என்பது ஆண்டில் ஒரு முறை நடத்தப்படும் நிகழ்ச்சியாகும். இது குடமுழுக்கு விழாவுக்கு நிகரானது. 3 நாள்களும் புனிதநீர் யாகசாலையில் வைத்து, பூஜை செய்து சுவாமிகளுக்கு திருமஞ்சனம் செய்யப்படுகிறது.
கோயிலில் ஏதேனும் குறைபாடுகள் ஏற்பட்டிருக்குமாயின், அதைப் போக்கி, கோயிலைப் புனிதப்படுத்தும் நிகழ்ச்சியாக பவித்ரோத்ஸவம் வைணவ தலங்களில் நடத்தப்படுகிறது. இந்த மூன்று நாளில் மூலவர், உத்ஸவரை வழிபடும்போது, பக்தர்களும் புனிதமடைகிறார்கள் என்பது ஐதீகம். கோயிலில் ஆண்டு முழுவதும் வந்து தரிசித்த பலனை, இந்த மூன்று நாளில் தரிசிப்பதன் மூலம் பெறலாம் என்றனர்.விழாவுக்கான ஏற்பாடுகளை கைலாசநாதர், நித்யகல்யாண பெருமாள் கோயில் அறங்காவல் குழுவினர் மற்றும் நித்யகல்யாண பெருமாள் பக்த ஜன சபாவினர் மேற்கொண்டுள்ளனர்.

]]>
http://www.dinamani.com/all-editions/edition-nagapattinam/karaikal/2018/nov/16/பெருமாள்-கோயிலில்-இன்று-பவித்ரோத்ஸவம்-தொடக்கம்-3039583.html
3039582 நாகப்பட்டினம் காரைக்கால் காரைக்கால் கடலோர கிராம மக்களுடன் அமைச்சர் சந்திப்பு DIN DIN Friday, November 16, 2018 07:42 AM +0530 கஜா புயலையொட்டி, காரைக்கால் மாவட்ட கடலோர கிராமங்களுக்குச் சென்று, மக்களைச் சந்தித்து, பாதுகாப்பு நடவடிக்கைகள் குறித்து அமைச்சர் ஆர். கமலக்கண்ணன் விளக்கம் அளித்தார்.
புதுச்சேரி வேளாண் துறை அமைச்சர் ஆர். கமலக்கண்ணன், காரைக்கால் மாவட்டத்தில் காரைக்கால் மேடு, கிளிஞ்சல்மேடு, காசாக்குடிமேடி, கோட்டுச்சேரிமேடு உள்ளிட்ட கடலோர கிராமங்களுக்கு, பல்வேறு அரசுத்துறை அதிகாரிகள் மற்றும் காங்கிரஸாருடன் வியாழக்கிழமை சென்றார். கொட்டும் மழையிலும் கிராமத்தில் உள்ள பஞ்சாயத்து நிர்வாகிகள், மக்களை அவர் சந்தித்துப் பேசினார்.
கஜா புயலால் ஏற்படும் பாதிப்பைத் தவிர்க்க பொதுமக்கள் உரிய பாதுகாப்பு முறைகளைக் கையாள வேண்டும். மாவட்ட நிர்வாகம் பல்வேறு இடங்களில் தங்குவதற்கு முகாம் அமைத்துள்ளதை பயன்படுத்திக்கொள்ள வேண்டும்.
புயல் கரையைக் கடக்கும் நேரத்தில் வீட்டிலிருந்து யாரும் வெளியே வரக்கூடாது. புயலுக்குப் பின் வரக்கூடிய மழையிலும் இதுபோன்ற பாதுகாப்பு முறைகளைக் கையாள வேண்டும். கடலையொட்டி, வாழும் மக்கள் மிகுந்த பாதுகாப்புடன் இருக்க வேண்டும் என்பதை வலியுறுத்தவே நேரில் தாம் வந்ததாக மீனவர்களிடம் அமைச்சர் தெரிவித்தார். அத்துடன், மீனவ கிராமப் பஞ்சாயத்தார்கள், மாவட்ட நிர்வாகத்துடன் தொடர்பில் இருக்குமாறு அமைச்சர்  கேட்டுக்கொண்டார்.

]]>
http://www.dinamani.com/all-editions/edition-nagapattinam/karaikal/2018/nov/16/காரைக்கால்-கடலோர-கிராம-மக்களுடன்-அமைச்சர்-சந்திப்பு-3039582.html
3039581 நாகப்பட்டினம் காரைக்கால் முன்னெச்சரிக்கை நடவடிக்கையில் காரைக்கால் மாவட்ட நிர்வாகம் தீவிரம் DIN DIN Friday, November 16, 2018 07:41 AM +0530 கஜா புயலையொட்டி, காரைக்கால் மாவட்ட நிர்வாகம் முன்னெச்சரிக்கை நடவடிக்கையாக மரக்கிளைகளை அகற்றுதல், கழிவுநீர் வாய்க்கால் தூர்வாருதல், மின் கம்பிகள் சீரமைப்பு உள்ளிட்ட பணிகளில் தீவிரமாக ஈடுபட்டு வருகிறது.
இந்நிலையில், கஜா புயல் தாக்கம் ஏற்பட்டால், காரைக்காலில் எந்த மாதிரியான பாதிப்பை எதிர்கொள்ளும், எவ்வாறு உடனடி சீரமைப்பு நடவடிக்கைகளை மேற்கொள்வது என்பது குறித்து காரைக்கால் மாவட்ட ஆட்சியர் ஆர். கேசவன், பல்வேறு கட்டங்களாக அரசுத் துறையினருடன் ஆலோசனை மேற்கொண்டு, பல்வேறு அறிவுறுத்தல்களை செய்தார். குறிப்பாக, மரக்கிளைகள், மரங்கள் சாய்ந்து மின்கம்பிகள் அறுந்து விழுந்துவிடாதபடி, இவற்றை முன்னதாகவே சீரமைக்க வேண்டும். சாலையோர கழிவுநீர் வடிகால், கழிவுநீர் வாய்க்கால்கள் அடைப்பட்டிருந்தால், குடியிருப்புகளைச் சுற்றி தண்ணீர் தேங்கும். எனவே, இவற்றை சீரமைக்க வேண்டும்.
கடலோரத்திலும், நீர்நிலையோரத்தில் தாழ்வானப் பகுதியிலும் வசிப்போரை பாதுகாப்பான இடங்களுக்கு மாற்ற வேண்டும். மேல்நிலை குடிநீர் தேக்கத் தொட்டிகளில் முழு கொள்ளளவில் தண்ணீரைத் தேக்கி வைத்திருக்க வேண்டும்.
மின்சாரம் தடைபட்டால்கூட ஜெனரேட்டர் மூலம் தண்ணீர் விநியோகம் நடக்க வேண்டும் என்பன அரசுத் துறையினருக்கு வழங்கிய அறிவுறுத்தல்களில் முக்கியமானவையாகும்.
இதன்படி, காரைக்கால் மாவட்டத்தில் கடந்த சில நாள்களாகவே, மின்கம்பிகளுக்கு பாதிப்பு ஏற்படும் விதத்தில் இருந்த மரக்கிளைகளை அகற்றும் பணியில் மின்துறையினர், பொதுப் பணித்துறையினர் தீவிரமாக ஈடுபட்டனர். நகர்ப்புற கழிவுநீர் வடிகால்களையும் ஜேசிபி இயந்திரம் மூலம் தூர்வாரி சுத்தம் செய்தனர். நகர்ப்புற சாலையோரத்தில் வைக்கப்பட்ட டிஜிட்டல் பதாகைகள் முழுமையாக அகற்றப்பட்டன.
இந்த பணிகளில் சம்பந்தப்பட்ட அரசுத்துறையினர் இடைவிடாது செயலாற்றியது, மக்களுக்கு புயல் பாதிப்பு அச்சம் ஓரளவு தணியத் தொடங்கியதாகக் கூறப்படுகிறது.
காரைக்கால் மாவட்டத்தில் உள்ள அந்தந்த தொகுதி சட்டப் பேரவை உறுப்பினர்களும், தாழ்வானப் பகுதிகளில் வசிக்கும் பொதுமக்களைச் சந்தித்து, பாதுகாப்பான இடங்களுக்குச் செல்லுமாறு அறிவுறுத்தினர்.
புயலுக்கு முன்பாக, இதற்கென அமைக்கப்பட்ட 16 வகை குழுக்களும் தீவிரமான செயல்பாடுகளில் ஈடுபட்டது காரைக்கால் மக்களிடையே வரவேற்பை பெற்றுள்ளது.
 

]]>
http://www.dinamani.com/all-editions/edition-nagapattinam/karaikal/2018/nov/16/முன்னெச்சரிக்கை-நடவடிக்கையில்-காரைக்கால்-மாவட்ட-நிர்வாகம்-தீவிரம்-3039581.html
3039580 நாகப்பட்டினம் காரைக்கால் கஜா புயல் வெறிச்சோடிய காரைக்கால் கடற்கரை: மக்கள் தடுத்து நிறுத்தம் DIN DIN Friday, November 16, 2018 07:41 AM +0530 புயல் கரையை கடக்கும் முன்பாக காரைக்கால் கடற்கரைக்குச் செல்லும் அனைத்து சாலைகளையும் போலீஸார் மூடிவிட்டனர். கடற்கரை இதனால் வெறிச்சோடிக் காணப்பட்டது. கடலின் நிலையை பார்க்கச் சென்றவர்களை போலீஸார் தடுத்து நிறுத்தினர்.
கஜா புயல் காரணமாக, காரைக்கால் பகுதி நேரு வீதியிலிருந்து  அரசலாற்றையொட்டி கடற்கரைக்குச் செல்லும் பிரதான சாலை மற்றும் தோமாஸ் அருள் வீதியிலிருந்து கடற்கரைக்குச் செல்லும் சாலை ஆகியவற்றில், வியாழக்கிழமை காலை முதல் போலீஸார் தடுப்புகளை அமைத்து, யாரையும் அனுமதிக்காத வகையில் தடுத்தனர்.
புயல் கரையைக் கடக்கும் நேரம் நெருங்கி வரும் நேரத்தில் இளைஞர்கள் உள்ளிட்டோர் கடற்கரை நோக்கி ஆர்வமாக வாகனங்களில் பயணித்தனர். இவர்களை கடற்கரைச் சாலையின் எல்லையிலேயே போலீஸார் தடுத்து, திருப்பி அனுப்பினர். இதனால் தினமும் காலை முதல் இரவு வரை மக்கள் நடமாட்டம் மிகுதியாக காணப்படக்கூடிய காரைக்கால் கடற்கரை ஒருவர்கூட இல்லாத வகையில் வெறிச்சோடிக் காணப்பட்டது.
நண்பகல் 12 மணிக்கு முன்பாக இயல்பு நிலையில் காணப்பட்ட கடல், அதன் பின்னர் அலைகளின் வேகம் அதிகரிக்கத் தொடங்கியது. புயல் கரையை கடப்பதற்கான அறிகுறியாக அலைகள் ஆர்ப்பரிக்கத் தொடங்கின. காற்றும் இயல்புக்கு மாறாக வேகமாக வீசத் தொடங்கியது. அரசலாற்றில் நிறுத்தப்பட்டிருந்த விசைப்படகுகள், ஃபைபர் படகுகள் காற்றில் இழுத்துச் சென்றுவிடாமல் தடுக்கும் பொருட்டு, மீனவர்கள் இரும்பு சங்கிலிகளால் படகை கட்டி, கரையின் தடுப்புச் சுவர் மற்றும் மரங்களில் கட்டும் பணியில் தீவிரமாக ஈடுபட்டனர்.

]]>
http://www.dinamani.com/all-editions/edition-nagapattinam/karaikal/2018/nov/16/கஜா-புயல்-வெறிச்சோடிய-காரைக்கால்-கடற்கரை-மக்கள்-தடுத்து-நிறுத்தம்-3039580.html
3038825 நாகப்பட்டினம் காரைக்கால் ஒருங்கிணைந்த பண்ணையம் அமைக்க விவசாயிகளுக்கு மானியம் அளிப்பு DIN DIN Thursday, November 15, 2018 04:33 AM +0530 ஒருங்கிணைந்த பண்ணையம் அமைக்க காரைக்கால் பகுதி விவசாயிகளுக்கு 50 சதவீத மானியம் புதன்கிழமை வழங்கப்பட்டது.
மத்திய அரசின் தேசிய வேளாண் அபிவிருத்தித் திட்டம் (ஆர்.கே.வி.ஓய்) மூலம் காரைக்கால் விவசாயிகளுக்கு வேளாண் உள்கட்டமைப்பு மேம்பாடு, விவசாய இடுபொருள் மானியம், குழுக்களுக்கு இயந்திரங்கள் மற்றும் பண்ணை கருவிகள் வாங்க மானியம், ஒருங்கிணைந்த பண்ணையம் அமைக்க மானியம் வழங்குகிறது. காரைக்காலில் கடந்த ஆண்டு வரை ஒருங்கிணைந்த பண்ணையம் அமைக்கும் திட்டத்தில் 50 சதவீத மானியமாக, ஒரு விவசாயிக்கு அதிகப்பட்சமாக ரூ. 5 லட்சம் வரை வழங்கப்பட்டன. அதன்படி, கடந்த ஆண்டு வரை 9 விவசாயிகள் ஒருங்கிணைந்த பண்ணையம் அமைக்க ரூ.38.7 லட்சம் மானியம் வழங்கப்பட்டுள்ளன.
நிகழாண்டு வளத்தாமங்களத்தை சேர்ந்த விவசாயி ராஜ்குமார், நேருநகரை சேர்ந்த பன்னீர்செல்வம் ஆகிய இருவருக்கு தலா ரூ.5 லட்சம் மானியம் ஒருங்கிணைந்த பண்ணையம் அமைக்க புதன்கிழமை வழங்கப்பட்டது. திருநள்ளாறில் பல்வேறு நிகழ்ச்சிகளில் புதுச்சேரி முதல்வர் வி. நாராயணசாமி பங்கேற்றபோது, விவசாயிகளுக்கு மானியத்தை வழங்கினார். இந்நிகழ்ச்சியில் வேளாண் துறை அமைச்சர் ஆர். கமலக்கண்ணன், சட்டப் பேரவை உறுப்பினர் கீதாஆனந்தன், மாவட்ட ஆட்சியர் ஆர். கேசவன், சார்பு ஆட்சியர் ஏ. விக்ரந்த் ராஜா, கூடுதல் வேளாண் இயக்குநர் க. மதியழகன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-nagapattinam/karaikal/2018/nov/15/ஒருங்கிணைந்த-பண்ணையம்-அமைக்க-விவசாயிகளுக்கு-மானியம்-அளிப்பு-3038825.html
3038824 நாகப்பட்டினம் காரைக்கால் புயலுக்குப் பின் சீரமைப்பு பணிகளை செய்ய  அரசு அலுவலர்கள் தயாராக இருக்க வேண்டும்: முதல்வர் வி. நாராயணசாமி  அறிவுறுத்தல் DIN DIN Thursday, November 15, 2018 04:33 AM +0530 புயல், கடும் மழைக்குப்பின் சீரமைப்பு பணிகளை விரைந்து மேற்கொள்ள அரசின் அனைத்துத் துறை அலுவலர்களும் தயாராக இருக்க வேண்டும் என்றார் புதுச்சேரி முதல்வர் வி. நாராயணசாமி.
திருநள்ளாறில் புதன்கிழமை கஜா புயல் குறித்த முன்னெச்சரிக்கை நடவடிக்கைகள் மற்றும் புயலுக்குப் பின் எடுக்கவேண்டிய நடவடிக்கைகள் குறித்து நடைபெற்ற பல்வேறு அரசுத் துறை அலுவலர்களுடனான ஆலோசனைக் கூட்டத்தில் மேலும் அவர் பேசியது:  அதிக மழை பெய்யும்பட்சத்தில் தமிழகத்திலிருந்து காரைக்கால் பகுதி ஆறுகளில் தண்ணீர் அதிகமாக வரும். அப்போது, தண்ணீரை கடலுக்கு வெளியேற்ற தீவிர கண்காணிப்புடன் இருக்கவேண்டும். கரைகள் பலமாக இருக்கிறதா என்பதையும் கண்காணிக்க வேண்டும். கரை உடைப்பு ஏற்படும்பட்சத்தில் தயார் நிலையில் வைக்கப்பட்டுள்ள மணல் மூட்டைகள் கொண்டு சீரமைக்க வேண்டும்.
மணல் மூட்டைகள் கூடுதலாக கையிருப்பில் வைத்துக்கொள்ள வேண்டும். மின்தடை ஏற்படும்பட்சத்தில், அனைத்து மேல்நிலை குடிநீர் தேக்கத் தொட்டிகளிலும் ஜெனரேட்டர் இயக்க ஏற்பாடு செய்ய வேண்டும். அதற்கான டீசல், ஊழியர்கள் தயார்நிலையில் இருக்கவேண்டும். குடிநீர் விநியோகம் தடைபட கூடாது. மின்துறையினர், மின்கம்பங்கள் சேதமடைந்தால் உடனடியாக அவற்றை சீரமைக்க நடவடிக்கை மேற்கொள்ள வேண்டும் என்றார் முதல்வர். 
கூட்டத்தில், தற்போது 150 மின்கம்பங்கள் கையிருப்பில் உள்ளதாகவும், தேவைப்பட்டால் புதுச்சேரியிலிருந்து வரவழைத்துக்கொள்வோம் என மின்துறைனர் கூறியபோது, அதற்கான பணிகளை இப்போதே செய்யவேண்டும் என முதல்வர் கூறினார். 
அனைத்து விசைப்படகுகளும் காரைக்காலுக்கு கரை திரும்பிவிட்டன. ஒரு படகில் 7 பேர் மட்டும் வந்துகொண்டிருக்கிறார்கள். இவர்கள் புதன்கிழமை மாலை கரை திரும்புவார்கள் என மீன்வளத்துறையினர் தெரிவித்தனர். இவர்களை விரைவாக கரை திரும்ப உரிய நடவடிக்கைகளை எடுக்குமாறு முதல்வர் அறிவுறுத்தினார்.
மரங்கள் சாலையில் விழுந்தால், அதை வெட்டி சீர்படுத்த தீயணைப்பு மற்றும் பொதுப்பணித்துறையினர் தீவிரமாக ஈடுபட வேண்டும், மருத்துவமனை, ஆரம்ப சுகாதார நிலையங்களில் தேவையான அளவு மருந்துகள் கையிருப்பில் வைத்துக்கொள்ள நலவழித்துறையினர் ஏற்பாடு செய்யவேண்டும். அதிக மழையால் வேளாண் பயிர்கள் பாதிப்பு ஏற்பட்டுவிடாமல், தண்ணீரை உடனடியாக வெளியேற்ற அனைத்துத் துறையினரும் ஒருங்கிணைந்து செயல்படவேண்டும். புயலுக்குப் பிந்தைய பாதிப்பைகளை துரிதமாக சீரமைக்க அரசுத்துறையினர் ஒருங்கிணைந்து செயல்படவேண்டும். மழைக் காலத்தில் அலுவலர்கள் விடுமுறை எடுக்காமல் பணியாற்ற வேண்டும். அதிகமான மழை காரைக்காலில் பெய்யும்பட்சத்தில் அனைவருடன் நானும் இருப்பேன் என்றார் முதல்வர்.
கஜாவை எதிர்கொள்ள அனைத்து நடவடிக்கைகளும் தயார்: கஜா கூட்ட முடிவில் செய்தியாளர்களுக்கு முதல்வர் அளித்த பேட்டி: கஜா புயலை எதிர்கொள்ள புதுச்சேரி, காரைக்காலில் அனைத்து அரசுத் துறைகளும் தயார் நிலையில் இருக்க அறிவுறுத்தப்பட்டுள்ளது. இதுதொடர்பாக, புதுச்சேரியிலும், காரைக்காலில் விரிவான ஆலோசனை நடத்தப்பட்டு அறிவுறுத்தல்கள் வழங்கப்பட்டுள்ளன. குறிப்பாக, தாழ்வானப் பகுதிகளில் இருந்து தண்ணீர் வடியச் செய்தல், பயிர்களை காப்பாற்றுதல், மின்தடையை சீரமைத்தல், புயலால் பாதிக்கப்படுவோர் பாதுகாப்பான இடங்களில் தங்கவைத்தல் போன்ற பணிகளை செய்ய அரசுத்துறையினர் தீவிரமாக செயலாற்றவேண்டும் என கூறப்பட்டுள்ளது.
கடலோரத்தில் வசிப்பவர்கள் பாதுகாப்பான இடங்களுக்கு செல்லவும் நடவடிக்கை எடுக்க அறிவுறுத்தப்பட்டுள்ளது. கடற்கரைப் பகுதியில் நடைப் பயிற்சிக்கு செல்வோர் உரிய கவனத்துடன் இருக்கவேண்டும். புதுச்சேரி மாநில அரசு கஜா புயலை எதிர்கொள்ளத் தேவையான முன்னெச்சரிக்கை நடவடிக்கைகளை எடுத்துள்ளது. புயல் சேதத்தை குறைக்க அரசு நிர்வாகம் முறையாக செயல்பட முடுக்கிவிட்டுள்ளோம். காரைக்காலில் வேளாண் அமைச்சர் கமலக்கண்ணன், ஆட்சியர் உள்ளிட்டோர் தீவிரமான கண்காணிப்பில் இருப்பார்கள் என்றார் முதல்வர்.
முன்னதாக நடைபெற்ற கூட்டத்தில், வேளாண் துறை அமைச்சர் ஆர். கமலக்கண்ணன், ஆட்சியர் ஆர்.கேசவன், சார்பு ஆட்சியர் ஏ. விக்ரந்த் ராஜா, முதுநிலைக் காவல் கண்காணிப்பாளர் ராகுல் அல்வால் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-nagapattinam/karaikal/2018/nov/15/புயலுக்குப்-பின்-சீரமைப்பு-பணிகளை-செய்ய--அரசு-அலுவலர்கள்-தயாராக-இருக்க-வேண்டும்-முதல்வர்-வி-நாராயண-3038824.html
3038823 நாகப்பட்டினம் காரைக்கால் காரைக்கால் - பேரளம் அகல ரயில்பாதைகாரைக்கால் - பேரளம் அகல ரயில்பாதை திட்டம் நிறைவேற மத்திய அரசுக்கு தமிழகம் மற்றும் புதுச்சேரி அரசுகள் அழுத்தம் கொடுக்க வேண்டுமென வலியுறுத்தப்படுகிறது.  பிரெஞ்சு நிர்வாகத்தின்போது காரைக்காலில் இருந்து தமிழகப் பகுதியான பேரளத்துக்கு 25 கிலோ மீட்டர் தூரம் மீட்டர் கேஜ் ரயில் போக்குவரத்து தொடங்கப்பட்டது. காரைக்கால் பிரெஞ்சு நிர்வாகத்தின்போது துறைமுக நகரமாக விளங்கியதால், சென்னை, புதுச்சேரி போன்ற நகரங்களில் இருந்து சரக்கு ஏற்றுமதி, இறக்குமதி பயன்பாடு மட்டுமன DIN DIN Thursday, November 15, 2018 04:33 AM +0530 காரைக்கால் - பேரளம் அகல ரயில்பாதை திட்டம் நிறைவேற மத்திய அரசுக்கு தமிழகம் மற்றும் புதுச்சேரி அரசுகள் அழுத்தம் கொடுக்க வேண்டுமென வலியுறுத்தப்படுகிறது. 
பிரெஞ்சு நிர்வாகத்தின்போது காரைக்காலில் இருந்து தமிழகப் பகுதியான பேரளத்துக்கு 25 கிலோ மீட்டர் தூரம் மீட்டர் கேஜ் ரயில் போக்குவரத்து தொடங்கப்பட்டது. காரைக்கால் பிரெஞ்சு நிர்வாகத்தின்போது துறைமுக நகரமாக விளங்கியதால், சென்னை, புதுச்சேரி போன்ற நகரங்களில் இருந்து சரக்கு ஏற்றுமதி, இறக்குமதி பயன்பாடு மட்டுமன்றி, பயணிகளும் பயன்பெற்று வந்தனர். புதுச்சேரி சுதந்திரத்துக்குப் பின்னரும் ரயில் போக்குவரத்து இந்த மார்க்கத்தில் இருந்து வந்தது. 1985-ஆம் ஆண்டு வாக்கில் காரைக்கால் - பேரளம் ரயில் போக்குவரத்து நிறுத்தப்பட்டது. பின்னர், இப்பாதையில் தண்டவாளங்கள் அனைத்தும் அடுத்த சில ஆண்டுகளில் அகற்றப்பட்டது. இருப்பினும், இப்பாதைக்கான நிலம் மட்டும் தற்போது வரை ரயில்வே நிர்வாகத்திடம் இருந்து வருகிறது. 
அண்டை மாநிலமான தமிழகத்தில் நாகூர் வரையிலும், திருவாரூர், பேரளம், மயிலாடுதுறையில் ரயில் போக்குவரத்து இருந்து காரைக்காலில் மட்டும் ரயில் போக்குவரத்து இல்லாத தீவு போன்ற நிலைக்குத் தள்ளப்பட்டது. காரைக்காலில் தனியார் துறைமுகம் செயல்பாட்டுக்கு வந்தவுடன், சரக்குகளை ஏற்ற வசதியாக முதல் கட்டமாக நாகூரிலிருந்து 1.5 கிலோ மீட்டர் காரைக்காலின் எல்லையில் உள்ள துறைமுகம் வரை அகல ரயில்பாதை அமைக்கப்பட்டது. பின்னர், துறைமுகத்திலிருந்து காரைக்கால் நகரம் வரை 10.5 கிலோமீட்டர் தூரம் அகல ரயில்பாதை அமைத்து கடந்த 2011-ஆம் ஆண்டு முதல் சேவை தொடங்கப்பட்டது. 
ரயில் போக்குவரத்தே இல்லாதிருந்த நிலை மாறி தற்போது மும்பை, பெங்களூரு, எர்ணாகுளம், சென்னை, திருச்சி, போன்ற பகுதிகளுக்கு காரைக்காலில் இருந்து ரயில் போக்குவரத்து நடைபெற்று வருகிறது. காரைக்காலில் இருந்து சென்னை செல்ல வேண்டுமெனில், காரைக்கால், பேரளம், மயிலாடுதுறை வழியாக செல்வதே குறுகிய பயண தூரமாகும். ஆனால் தற்போது, காரைக்கால், நாகப்பட்டினம், திருவாரூர், பேரளம், மயிலாடுதுறை என சுமார் ஒன்றரை மணி நேரத்துக்கும் அதிகமாக பயண தூரம் அதிகரிக்கும் வகையில் போக்குவரத்து நடந்து வருகிறது. காரைக்கால் - பேரளம் நேரடி ரயில் பாதை இல்லாததே நேர மிகுதிக்கு முக்கிய காரணம்.
காரைக்காலில் தனியார் துறைமுகம், திருநள்ளாறு ஸ்ரீதர்பாரண்யேசுவரர் கோயில் (சனீஸ்வர பகவான் தலம்), உயர்கல்வி நிறுவனங்களான என்.ஐ.டி., ஜிப்மர் மருத்துவக் கல்லூரி மற்றும் ஓ.என்.ஜி.சி. நிர்வாக அலுவலகம் உள்ளிட்ட வெளி மாநிலத்தவர்கள் அதிகமாக வந்து செல்லக்கூடிய பகுதியாக காரைக்கால் உருவெடுத்துள்ளதால், நிறுத்தப்பட்ட காரைக்கால் - பேரளம் அகல ரயில் பாதை சேவையை மீண்டும் தொடங்க ரயில்வே நிர்வாகத்துக்கு கோரிக்கை வைக்கப்பட்டது.
இதன்படி  கடந்த 2013-14-ஆம் ஆண்டு சுமார் ரூ.150 கோடி திட்ட மதிப்பீடு செய்யப்பட்டு, ரயில்வே பட்ஜெட்டில் அறிவிப்பு செய்து, அகல ரயில்பாதை அமைப்புக்காக முதல் கட்ட நிதி ஒதுக்கீடு செய்யப்பட்டது. ஆனால், பலகட்ட ஆய்வுக்குப் பின்னரும், பாதை அமைப்புக்கான நிலம் தயாராக இருந்தும், திட்டப்பணி தொடங்காமல் கிடப்பில் போடப்பட்டுள்ளது. நிகழாண்டு, காரைக்கால் - பேரளம் அகல ரயில்பாதைத் திட்டத்துக்கு மத்திய அரசு ரூ.10 கோடி ஒதுக்கீடு செய்தது. இருப்பினும், பணிகள் இதுவரை தொடங்கவில்லை.
இத்திட்டத்துக்கான நிதி அதிகமாக இருப்பதால், ரயில்வே நிர்வாகம் இதற்கு முனைப்பு காட்டாமல் உள்ளது. மாநில அரசுகள் ரயில்வே திட்டத்துக்கு 50 சதவீதம் பங்களிப்பு செய்தால், திட்டம் விரைவாக நிறைவேறும் என மத்திய அரசு ஏற்கெனவே கூறியது. ஆந்திரம், தெலங்கானா போன்ற மாநிலங்கள் இதை ஏற்றாலும், தமிழக அரசு இதை கொள்கை அளவில் ஏற்கவில்லை.
புதுச்சேரி மாநிலம் சிறிய மாநிலமாக இருப்பதால், திட்டம் நிறைவேறினால் காரைக்கால் மக்களுக்கு பயனுள்ளதாக இருக்கும் என கருதி, காரைக்கால் மாவட்ட எல்லைக்குள்பட்ட காரைக்கால் முதல் அம்பகரத்தூர் வரை 14 கி.மீ. தூரத்துக்கான திட்டத்தில் குறிப்பிட்ட சதவீதம் தரமுடியும். தமிழகத்துக்கான நிலப்பரப்பு திட்ட நிதியை அம்மாநில அரசு தான் தரவேண்டும் என புதுச்சேரி முதல்வர் வி. நாராயணசாமி கூறிவருகிறார். எனவே, புதுச்சேரி மாநில அரசால் முழுமையாக நிதி தர முடியாத நிலை, தமிழக அரசு மௌனம் காப்பது, அறிவிப்பு செய்து, சொற்ப நிதி ஒதுக்கிய மத்திய  அரசு கண்டுகொள்ளாமல் இருப்பதால் திட்ட நிறைவேற்றம் சாத்தியப்படாமல் இருந்து வருகிறது. 
இதற்கிடையில், முதல்கட்டமாக காரைக்கால் நகரம் முதல் பேரளம் மார்க்கத்தில் திருநள்ளாறு வரையிலான 5 கிலோ மீட்டர் தூரத்தில் அகல ரயில்பாதை அமைத்து போக்குவரத்தை தொடங்கவேண்டும் என ஒருதரப்பினர் கோரிக்கை விடுத்து வருகின்றனர். காரைக்கால் துறைமுகம் தற்போது நிலக்கரி ஏற்றுமதியை ரயில் மூலம் செய்து வருகிறது. திருச்சி கோட்ட ரயில்வேயின் வருவாயில், பெரும்பங்கு காரைக்கால் துறைமுகத்தின் ஏற்றுமதியால் கிடைத்துவருகிறது. எனவே காரைக்கால் - பேரளம் அகல ரயில்பாதையை அமைத்து போக்குவரத்து தொடங்கினால், இந்த மார்க்கத்தில் கூடுதலான  சரக்கு ரயில்கள் இயக்க முடியும். பயணிகளுக்கும் நல்ல வசதிகள் கிடைக்கும். ரயில்வே நிர்வாகத்துக்கான வருவாய் இரட்டிப்பாகும் என்பதில் சந்தேகம் இல்லை. 
கல்விக் கேந்திரமாக காரைக்கால் உருவெடுத்துள்ளதால் வெளிமாநில மாணவர்கள், பேராசிரியர்களின் வருகை அதிகமாகிவருகிறது. வழிபாட்டுத் தலமாக திருநள்ளாறு விளங்குவதால் நாட்டின் பல பகுதிகளில் இருந்தும் திருநள்ளாறுக்கு நேரடியாக வந்து சேரும் வாய்ப்பு கிடைக்கும். ஏறக்குறைய 35 ஆண்டுகளுக்குப் பின் இந்த மார்க்கத்தில் ரயில் போக்குவரத்துக்கு மத்திய அரசு அறிவிப்பு செய்தது, மக்களிடையே அளவில்லா மகிழ்ச்சியை  ஏற்படுத்தியது என்றாலும், திட்டம் கிடப்பில் போடப்பட்டிருப்பது கவலையை ஏற்படுத்தியுள்ளது. 
மத்திய அரசு நிகழாண்டு ஒதுக்கியுள்ள நிதியை பயன்படுத்தி திட்டப் பணியை உடனடியாக தொடங்கவேண்டும். வரும் நிதியாண்டு பட்ஜெட்டில் இத்திட்டத்துக்கு போதிய நிதி ஒதுக்கி திட்டப் பணியை நிறைவு செய்ய வேண்டும். காரைக்கால் ரயில் நிலையம் தற்போது 3 தண்டவாள அமைப்புடன் உள்ளது. கூடுதலாக ஒரு தண்டவாளம் அமைக்க ஏற்பாடுகள் நடப்பதாக கூறப்படுகிறது. காரைக்கால் - பேரளம் திட்டம் வந்தால், திருநள்ளாறு ரயில் நிலையத்தில் 5 ரயில்கள் நிற்கும் வகையில் தண்டவாளம் விரிவாக்கம் செய்யப்படும். நாட்டின் பல்வேறு பெருநகரங்களில் இருந்து திருநள்ளாறுக்கு நேரடி ரயில் போக்குவரத்து ஏற்படும். இதில் பக்தர்களுக்கு பெரும் வசதியை ஏற்படுத்தும். புதுச்சேரி மாநிலத்தின் நாடாளுமன்ற மக்களவை, மாநிலங்களவையை சேர்ந்த இரு உறுப்பினர்களும், புதுச்சேரி அரசும், தமிழக அரசும் இத்திட்டத்துக்கு 2019-20-ஆம் ஆண்டில் கூடுதல் நிதி ஒதுக்கி திட்டப் பணியை தொடங்க மத்திய அரசுக்கு அழுத்தம் கொடுக்க வேண்டும். முந்தைய ஐக்கிய முற்போக்குக் கூட்டணி அரசு அறிவித்த இத்திட்டத்தை தற்போதைய மத்திய அரசு நிறைவேற்ற சிறப்பு கவனம் செலுத்தவேண்டும். இத்திட்டம் இரு மாநிலங்களின் தொடர்புடையதால், மத்திய அரசுக்கு உரிய முறையில் வலியுறுத்துவது புதுச்சேரி, தமிழக அரசின் பொறுப்பாகும். 

]]>
http://www.dinamani.com/all-editions/edition-nagapattinam/karaikal/2018/nov/15/காரைக்கால்---பேரளம்-அகல-ரயில்பாதைகாரைக்கால்---பேரளம்-அகல-ரயில்பாதை-திட்டம்-நிறைவேற-மத்திய-அரசுக்கு-த-3038823.html
3038822 நாகப்பட்டினம் காரைக்கால் இலைகளால் நேரு உருவம் அமைத்து அரசுப் பள்ளியில் குழந்தைகள் தின கொண்டாட்டம் DIN DIN Thursday, November 15, 2018 04:32 AM +0530 குழந்தைகள் தினத்தையொட்டி, காரைக்கால் அரசு தொடக்கப் பள்ளியில் இலைகளால் நேரு உருவம் அமைத்து மாணவர்கள், ஆசிரியர்கள் கொண்டாடினர்.
குழந்தைகள் தின விழா நவ. 14 -ஆம் தேதி கொண்டாடப்படுகிறது. இதையொட்டி, காரைக்கால் மாவட்டம், திருநள்ளாறு கொம்யூன், பண்டாரவாடை கிராமத்தில் உள்ள அரசு தொடக்கப் பள்ளியில் குழந்தைகள் தின விழா புதன்கிழமை கொண்டாடப்பட்டது.
மாணவர்களிடையே குழந்தைகள் மீது ஜவாஹர்லால் நேரு பாசம் கொண்டிருந்ததை விளக்கும் வகையில் ஆசிரியர்கள், மாணவர்கள் பங்களிப்புடன், பள்ளி மைதானத்தில் 20 அடி நீளம், 14 அடி அகலத்தில் ஜவாஹர்லால் நேரு உருவம் இலைகளால் அமைக்கப்பட்டது.
இதுகுறித்து பள்ளி பொறுப்பாசிரியர் எம். செல்வராஜ் கூறும்போது, நேரு பிறந்த நாளை குழந்தைகள் தினமாக கொண்டாடுகிறோம். அரசு தொடக்கப் பள்ளியில் பயிலும் அனைத்து சிறார்களுக்கும் நேரு குறித்த விவரங்கள் தெரியும் விதத்தில், வித்தியாசமான நடவடிக்கையாக இதை செய்தோம்.
உருவத்தின் முகப் பகுதியில் மென்மையான செம்மண் பயன்படுத்தப்பட்டு, பிற பகுதிகளில் பள்ளி வளாகத்தில் உள்ள பல்வேறு மரங்களின் இலைகளால் உருவமைப்பு செய்யப்பட்டது. இந்த பணியில் 2 மணி நேரத்துக்கும் மேலாக ஆசிரியர்கள், மாணவர்கள் ஈடுபட்டனர்.
மாணவர்கள் அனைவரும் நேருவின் உருவத்தை சுற்றிப் பார்த்து மகிழ்ந்தனர். நேருவின் வாழ்க்கை வரலாறு, அவரது சுதந்திரப் போராட்ட செயல்பாடுகள், குழந்தைகள் மீது அவர் கொண்டிருந்த பாசம் குறித்து மாணவர்களுக்கு ஆசிரியர்களால் உரையாக தெரிவிக்கப்பட்டது. மாணவர்களுக்கு இனிப்பு வழங்கப்பட்டது என்றார்.
பள்ளியில் அமைத்த நேரு உருவத்தை மாணவர்களின் பெற்றோர், கிராமத்தினர் நேரில் சென்று பார்வையிட்டு ஆசிரியர்கள், மாணவர்களைப் பாராட்டினர்.

]]>
http://www.dinamani.com/all-editions/edition-nagapattinam/karaikal/2018/nov/15/இலைகளால்-நேரு-உருவம்-அமைத்து-அரசுப்-பள்ளியில்-குழந்தைகள்-தின-கொண்டாட்டம்-3038822.html
3038821 நாகப்பட்டினம் காரைக்கால் கஜா புயல்: முன்னெச்சரிக்கையாக டிஜிட்டல் பதாகைகள் அகற்றம் DIN DIN Thursday, November 15, 2018 04:32 AM +0530 கஜா புயல் பாதிப்பை குறைக்கும் வகையில் காரைக்காலில் வைக்கப்பட்டிருக்கும் டிஜிட்டல் பதாகைகள் முன்னெச்சரிக்கை நடவடிக்கையாக புதன்கிழமை அகற்றப்பட்டன. 
கஜா புயல் வியாழக்கிழமை பிற்பகல் கரையைக் கடக்கும் என தெரிவிக்கப்பட்டதையடுத்து, போதிய முன்னெச்சரிக்கை நடவடிக்கைகளை மாவட்ட நிர்வாகம் மேற்கொண்டு வருகிறது. இதன், ஒரு பகுதியாக, காற்றில் சாய்ந்து பாதிப்பை ஏற்படுத்தி விடுவதை தவிர்க்கும் வகையில், காரைக்கால் நகரப் பகுதியிலும் பிற பகுதியிலும் வைக்கப்பட்டிருக்கும் டிஜிட்டல் பதாகைகளை அகற்ற மாவட்ட நிர்வாகம் நகராட்சி, கொம்யூன் பஞ்சாயத்து நிர்வாகங்களுக்கு அறிவுறுத்தியது. காரைக்கால் நகராட்சி ஆணையர் எஸ். சுபாஷ் தலைமையில் அதிகாரிகள், ஊழியர்கள் அனுமதி பெற்றும், அனுமதியை மீறியும் வைக்கப்பட்ட டிஜிட்டல் பதாகைகளை செவ்வாய்க்கிழமை முதல் அகற்றும் பணியில் நகராட்சி நிர்வாகத்தினர் ஈடுபட்டனர். 
இதுகுறித்து ஆணையர் கூறியது: அனுமதி பெற்று வைக்கப்பட்டிருப்பவரிடம் கஜா புயல் நிலையை விளக்கிக் கூறி அகற்றக் கோரியுள்ளோம். 
பல இடங்களில் அனுமதியின்றி வைக்கப்பட்ட பதாகைகளை நகராட்சி நிர்வாகத்தினரே அப்புறப்படுத்தியுள்ளனர். காரைக்காலில் இந்த நடவடிக்கை முழுமையாக எடுக்கப்பட்டுள்ளது. புயல் காற்றினால் பெரும் பாதிப்பு டிஜிட்டல் பதாகைகள் சாய்ந்து விழுந்து ஏற்பட்டுவிடக்கூடாது என்ற நோக்கில், இந்த நடவடிக்கை எடுக்கப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2018/nov/15/கஜா-புயல்-முன்னெச்சரிக்கையாக-டிஜிட்டல்-பதாகைகள்-அகற்றம்-3038821.html
3038820 நாகப்பட்டினம் காரைக்கால் கஜா புயல்: கடலோர கிராமப் பஞ்சாயத்தார்களுடன் சார்பு ஆட்சியர் சந்திப்பு DIN DIN Thursday, November 15, 2018 04:32 AM +0530 கஜா புயலையொட்டி, காரைக்கால் கடலோர கிராமப் பஞ்சாயத்தினரை சந்தித்து, பாதுகாப்பு நடவடிக்கைகள் தொடர்பாக செவ்வாய்க்கிழமை இரவு ஆலோசனை வழங்கப்பட்டது.
கஜா புயல் வியாழக்கிழமை மாலை கரையை கடக்கும் என எதிர்பார்க்கப்படுவதால், காரைக்கால் மாவட்டத்தில் உள்ள கடலோர கிராம மக்களுக்கு பாதுகாப்பு நடவடிக்கைகள் தொடர்பாக மாவட்ட நிர்வாகம் பல்வேறு ஏற்பாடுகளை செய்துள்ளது.
மாவட்ட சார்பு ஆட்சியர் ஏ. விக்ரந்த் ராஜா, பட்டினச்சேரி, வடக்கு வாஞ்சூர் உள்ளிட்ட கிராமப் பஞ்சாயத்தார்களை செவ்வாய்க்கிழமை இரவு சந்தித்துப் பேசினார்.
இந்த சந்திப்பு குறித்து அவர் கூறியது :  புயல் கரையை கடக்கும்போது கடல் அலைகள் வேகம் அதிகரிக்கும், கடல் நீர் உள்புகுந்துவிடவும் வாய்ப்புள்ளது. கடலோரத்தில் வாழும் மக்கள் பாதுகாப்பான இடங்களுக்கு இடம்பெயருமாறு கேட்டுக்கொள்ளப்பட்டுள்ளது. எங்கெங்கு பாதுகாப்பு மையங்கள் அமைக்கப்பட்டுள்ளதோ, அந்த பகுதிக்கு மிகவும் தாழ்வானப் பகுதியில் வாழ்வோர் செல்ல அறிவுறுத்தப்பட்டுள்ளது.
கிராமப் பஞ்சாயத்தார்கள் இந்த விவகாரத்தில் சிறப்பு கவனம் செலுத்துமாறு கேட்டுக்கொண்டுள்ளோம். மேலும், கடலோர கிராமம் ஒவ்வொன்றிலும் எத்தனை குடிசை வீடுகள் உள்ளன என்பதை துல்லியமாக பஞ்சாயத்தார்கள் தற்போதே கணக்கெடுப்பு செய்ய வேண்டும். புயல் ஓய்ந்த பிறகு இதில் எத்தனை வீடுகள் பாதிக்கப்பட்டுள்ளன என்பதை கணக்கெடுத்து மாவட்ட நிர்வாகத்துக்கு தெரிவிக்க வேண்டும். சமுதாய பேரிடர் மேலாண்மை என்ற இந்த அமைப்பு புயலையொட்டி மிகவும் கவனமாக செயல்பட வேண்டியுள்ளது. இதுகுறித்து பல்வேறு விவரங்களை கிராமப் பஞ்சாயத்தார்களை சந்தித்து தெரிவிக்கப்பட்டுள்ளது. குறிப்பாக, கடலோர கிராம மக்கள்தான் மிகுந்த பாதுகாப்புடன் இருக்க வேண்டியுள்ளது என்பதை அவர்களிடம் தெளிவுபடுத்தியுள்ளோம் என்றார் அவர்.

]]>
http://www.dinamani.com/all-editions/edition-nagapattinam/karaikal/2018/nov/15/கஜா-புயல்-கடலோர-கிராமப்-பஞ்சாயத்தார்களுடன்-சார்பு-ஆட்சியர்-சந்திப்பு-3038820.html
3038819 நாகப்பட்டினம் காரைக்கால் திருமலைராயன்பட்டினத்தில் சூரசம்ஹார விழா: திரளானோர் பங்கேற்பு DIN DIN Thursday, November 15, 2018 04:31 AM +0530 திருமலைராயன்பட்டினம் ஸ்ரீ ராஜசோளீசுவரர் கோயிலில் கந்த சஷ்டி விழாவையொட்டி,  சூரசம்ஹார விழா செவ்வாய்க்கிழமை இரவு  நடைபெற்றது.
காரைக்கால் மாவட்டம், திருமலைராயன்பட்டினத்தில் உள்ள ஸ்ரீ அபிராமி அம்மன் சமேத ஸ்ரீ ராஜசோளீசுவரர் கோயிலில் ஆண்டுதோறும் நடைபெறும் கந்த சஷ்டி விழாவையொட்டி,  6 நாள் நிகழ்ச்சியாக கடந்த  8 -ஆம் தேதி  நவவீரர்களுக்கு காப்புக் கட்டும் நிகழ்ச்சியுடன் தொடங்கி தினமும் சுவாமி பகல், இரவு வேளையில் வீதியுலா நடைபெற்றது.  முக்கிய நிகழ்ச்சிகளில் ஒன்றாக  திங்கள்கிழமை இரவு ரிஷப வாகனத்தில் ஸ்ரீ முருகப் பெருமான் மின்சார சப்பரப் படலில் வீதியுலா நடைபெற்றது. செவ்வாய்க்கிழமை காலை ஸ்ரீ அபிராமி அம்மனிடம் வேல் வாங்கும் கோலத்தில்  ஸ்ரீ முருகப் பெருமான் திருத்தேரில் வீதியுலா நடைபெற்று வேல் வாங்கும் நிகழ்ச்சி நடைபெற்றது. இரவு 10 மணியளவில் அபிராமி கீழ வீதியில் சூரசம்ஹார நிகழ்ச்சி நடைபெற்றது. யானை முகம், சிங்க முகம் பின்னர் சூரனின் இயல்பான உருவத்தில் வந்த சூரபத்மனை ஆட்டுக்கிடா வாகனத்தில் எழுந்தருளிய ஸ்ரீ முருகப்பெருமான் வீழ்த்தும் வகையில் சம்ஹார நிகழ்ச்சி நடைபெற்றது. இதைத் தொடர்ந்து, கிடா வாகனத்தில் இருந்த முருகப்பெருமான் ஸ்ரீ ஆயிரங்காளியம்மன் கோயில் வாயில் பகுதிக்குச் சென்றடைந்தார். பக்தர்கள் முருகனுக்கு பட்டு வஸ்திரம் சாற்றியும், பல்வேறு பழங்கள் வைத்தும் அர்ச்சனை செய்தனர்.
பின்னர், இரவு 12 மணியளவில் வீதியுலா நடைபெற்று ஸ்ரீ ராஜசோளீசுவரர் கோயிலை சுவாமிகள் சென்றடைந்தது.  சூரசம்ஹார நிகழ்ச்சியில் திளான பக்தர்கள் கலந்துகொண்டனர்.  நிகழ்ச்சிக்கான ஏற்பாடுகளை கோயில் அறங்காவல் நிர்வாகத்தினர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/15/திருமலைராயன்பட்டினத்தில்-சூரசம்ஹார-விழா-திரளானோர்-பங்கேற்பு-3038819.html
3038159 நாகப்பட்டினம் காரைக்கால் "கஜா புயல் முன்னெச்சரிக்கை: களப்பணியில் 16 குழுக்கள்' DIN DIN Wednesday, November 14, 2018 05:30 AM +0530 கஜா புயல் முன்னெச்சரிக்கை நடவடிக்கைகளில் காரைக்காலில் 16 குழுக்கள் களப்பணியில் இருப்பதாக மாவட்ட ஆட்சியர் ஆர். கேசவன் தெரிவித்தார்.
காரைக்கால் மாவட்ட ஆட்சியர் ஆர். கேசவன் செய்தியாளர்களிடம் செவ்வாய்க்கிழமை கூறியது :
கஜா புயல் தொடர்பாக காரைக்கால் மாவட்டத்தில் பல்வேறு அரசுத் துறையினரை அழைத்து திங்கள்கிழமை ஆலோசனை நடத்தி, பல்வேறு அறிவுறுத்தல்கள் செய்யப்பட்டுள்ளன. குறிப்பாக, காரைக்காலில் புயல் மற்றும் கனமழையை எதிர்கொள்ளும் விதமாக 16 குழுக்கள் ஏற்படுத்தப்பட்டுள்ளன.
ஒவ்வொரு குழுவினரும் குறிப்பிட்ட பணிகளை கஜா புயலை கருத்தில்கொண்டு, முன்னெச்சரிக்கை நடவடிக்கைகளை எடுக்க அறிவுறுத்தப்பட்டது. இவர்கள் தற்போது களப்பணியில் இருக்கின்றனர்.
 குறிப்பாக மின் கம்பங்கள், கம்பிகளால் எந்தவொரு பகுதியிலாவது பாதிப்பு ஏற்பட்டிருந்தால் அதை  சீரமைப்பது, குடிநீர் தேக்கத் தொட்டியில் தண்ணீரை சேமித்து வைப்பது, மின்சாரம் பாதித்தால் ஜெனரேட்டர் இயங்கும் வகையில் தயார்படுத்துவது மற்றும் நீர்நிலைகளை பொதுப் பணித் துறையினர் ஆய்வு செய்து, ஆற்றின் கரைகளை அறிந்து அதை சீர்படுத்துவது போன்ற நடவடிக்கைகளை எடுத்து வருகின்றனர்.
கழிவுநீர் தேக்கம் போன்றவற்றால் தொற்று நோய்கள் ஏற்படாத வகையில் முன்னெச்சரிக்கை நடவடிக்கைகளும் எடுக்கப்படுகின்றன. தாழ்வான பகுதிகளை கண்டறிந்து, அந்த பகுதியினரை பாதுகாப்பாக மாற்றுவதற்குத் தகுதியான இடங்கள் தேர்வு செய்யப்பட்டுள்ளன. அந்த பகுதி மக்களுக்கும் எந்த நேரத்திலும் அறிவிப்பும் வரும், அறிவிப்பை ஏற்று ஒத்துழைப்புத் தருமாறு கோரிக்கை விடுக்கப்பட்டு வருகிறது.
மரங்கள், மரக்கிளைகள் போன்றவை கடும் காற்றில் பாதிக்கப்படும் என தெரியவந்தால், அதை சீர்படுத்தும் நடவடிக்கையும் எடுக்கப்பட்டு வருகிறது.
பாதுகாப்பான இடங்களில் தங்க வைக்கப்படுவோருக்கு உணவு, குடிநீர் வழங்க அரசுத்துறை தயாராக இருக்கத் தேவையான நடவடிக்கை எடுக்கப்பட்டுள்ளது.
பொதுமக்கள் மிகுந்த பாதுகாப்புடன் இருக்க வேண்டும். மாவட்ட நிர்வாகம் எல்லா வகையான பாதுகாப்பு ஏற்பாடுகளையும் செய்துள்ளது.
பேரிடர் மேலாண்மைத் துறை கட்டுப்பாட்டு அறை 24 மணி நேரமும் செயல்பாட்டில் இருக்கும். இலவச தொலைபேசி அழைப்பு எண் 1070 மற்றும் 1077. கட்டுப்பாட்டு  அறை எண் 04368-228801, 227704. கட்செவி (வாட்ஸ்அப்) எண் - 9488770024. இவற்றில் தற்போதே பொதுமக்கள் ஏதேனும் பாதிப்புகள் நேரும் என தெரியவந்தால் தகவல் தரலாம்.
நவ. 14 -ஆம் தேதி இரவு முதல் 15 -ஆம் தேதி காற்று, மழை இருக்குமென கருதப்படுவதால் பொதுமக்கள் உரிய பாதுகாப்புடன் இருக்க கேட்டுக்கொள்ளப்படுகிறார்கள் என்றார் ஆட்சியர்.

]]>
http://www.dinamani.com/all-editions/edition-nagapattinam/karaikal/2018/nov/14/கஜா-புயல்-முன்னெச்சரிக்கை-களப்பணியில்-16-குழுக்கள்-3038159.html
3038158 நாகப்பட்டினம் காரைக்கால் போராட்டத்தில் ஈடுபட்டுள்ள ரேஷன் கடை ஊழியர்களுடன் எம்.எல்.ஏ. சந்திப்பு DIN DIN Wednesday, November 14, 2018 05:30 AM +0530 ஊதிய நிலுவைக் கோரி வேலை நிறுத்தப் போராட்டத்தில் ஈடுபட்டுள்ள ரேஷன் கடை ஊழியர்களை, சட்டப்பேரவை உறுப்பினர் கீதாஆனந்தன் சந்தித்துப் பேசினார்.
காரைக்கால் மாவட்டத்தில் உள்ள ரேஷன் கடை ஊழியர்கள், தங்களுக்கான 16 மாத ஊதிய நிலுவையை உடனடியாக வழங்க வலியுறுத்தி கடந்த ஒரு மாத காலமாக வேலை நிறுத்தப் போராட்டத்தில் ஈடுபட்டுள்ளனர்.
போராட்டத்தில் ஈடுபட்டுள்ளோரை பல்வேறு அரசியல் கட்சியினர், எம்.எல்.ஏ.க்கள் சந்தித்துப் பேசிவருகின்றனர்.
இந்நிலையில், ஊழியர் ஒருவர் ஞாயிற்றுக்கிழமை இரவு தற்கொலை செய்துகொள்ள முயன்று மருத்துவமனையில் சிகிச்சை பெறுகிறார். இந்த சம்பவம் ஆட்சியாளர்கள், அரசியல் கட்சியினரிடையே கவன ஈர்ப்பை பெற்றது. நலத்துறை அமைச்சர் கந்தசாமியை தொடர்புகொண்டு பேசிய வேளாண் துறை அமைச்சர் ஆர்.கமலக்கண்ணன், 5 மாத ஊதியத்தை வழங்க அரசு நடவடிக்கை எடுத்து வருவதாக திங்கள்கிழமை தெரிவித்தார். எனினும், ஊழியர்கள் போராட்டத்தை தொடர்ந்து நடத்தி வருகின்றனர்.
நிரவி - திருப்பட்டினம் தொகுதி சட்டப் பேரவை உறுப்பினர் கீதாஆனந்தன், போராட்டத்தில் ஈடுபட்டுள்ள ஊழியர்களை செவ்வாய்க்கிழமை சந்தித்துப் பேசினார். முதல்கட்டமாக 5 மாத ஊதியத்தை வழங்க அரசு நடவடிக்கை எடுத்துள்ளதை தெரிவித்த பேரவை உறுப்பினர், அடுத்த 2 நாள்களில் அவரவர் வங்கிக் கணக்கில் இந்த தொகை கிடைப்பதற்கு உரிய ஏற்பாட்டினை முதல்வர், அமைச்சரை சந்தித்து நடவடிக்கை எடுப்பேன் என வாக்குறுதியளித்தார்.
முதல்கட்டமாக ஊதிய நிலுவை அளித்தாலும், எஞ்சிய மாதத் தொகையை அரசு விரைவாக தர வேண்டும். கடன் வாங்கி குடும்பம் நடத்தும் நிலையில் இருந்து வருகிறோம். கடனை திருப்பிச் செலுத்த வேண்டிய நிலை ஊழியர்களுக்கு உள்ளதால், ஊதியம் மிக முக்கியம் என அவரிம் ஊழியர்கள் வலியுறுத்தினர்.


 

]]>
http://www.dinamani.com/all-editions/edition-nagapattinam/karaikal/2018/nov/14/போராட்டத்தில்-ஈடுபட்டுள்ள-ரேஷன்-கடை-ஊழியர்களுடன்-எம்எல்ஏ-சந்திப்பு-3038158.html
3038157 நாகப்பட்டினம் காரைக்கால் எல்.ஐ.சி. முகவர்கள் ஆர்ப்பாட்டம் DIN DIN Wednesday, November 14, 2018 05:30 AM +0530 குறைந்தபட்ச மாத ஊதியம் நிர்ணயம் செய்வது உள்ளிட்ட கோரிக்கைகளை வலியுறுத்தி, எல்.ஐ.சி. முகவர்கள் செவ்வாய்க்கிழமை ஆர்ப்பாட்டம் நடத்தினர்.
அகில இந்திய எல்.ஐ.சி. முகவர்கள் லிகாய் சங்கம் சார்பில் காரைக்கால் எல்.ஐ.சி. கிளை அலுவலகம் முன்பாக ஆர்ப்பாட்டம் செவ்வாய்க்கிழமை நடத்தப்பட்டது. சங்கத் தலைவர் வி. முனிசாமி தலைமை வகித்தார்.
ஐ.ஆர்.டி.ஏ. அறிவித்துள்ள கமிஷன் உயர்வை உடனே அமல்படுத்த வேண்டும். முகவர்களுக்கு குறைந்தபட்ச மாத ஊதியம் ரூ. 18 ஆயிரம் நிர்ணயம் செய்து வழங்க வேண்டும். அனைத்து முகவர்களுக்கும் மெடிகிளைம் திட்டத்தை விரிவுபடுத்த வேண்டும். பெண் முகவர்களுக்கு பேறுகால உதவித் தொகை வழங்க வேண்டும் உள்ளிட்ட கோரிக்கைகள் ஆர்ப்பாட்டத்தில் வலியுறுத்தப்பட்டன.
காப்பீட்டுக் கழக ஊழியர் சங்கத் தலைவர் கபிலன், செயலர் ராஜேஷ், லிகாய் சங்க மத்தியக் குழு உறுப்பினர் ஏ.எஸ். ரமேஷ், பா. சரவணன்,  லிகாய் மகளிர் அணி அமைப்பாளர் சகுந்தலா உள்ளிட்ட பலர் கோரிக்கைகளை வலியுறுத்திப் பேசினர். லிகாய் சங்க செயலர் கலியபெருமாள் நன்றி கூறினார்.

]]>
http://www.dinamani.com/all-editions/edition-nagapattinam/karaikal/2018/nov/14/எல்ஐசி-முகவர்கள்-ஆர்ப்பாட்டம்-3038157.html
3038156 நாகப்பட்டினம் காரைக்கால் துணை நிலை ஆளுநர் காணொலி மூலம் நாளை குறைகேட்பு DIN DIN Wednesday, November 14, 2018 05:29 AM +0530 புதுச்சேரி துணை நிலை ஆளுநர் காணொலி மூலம் காரைக்கால் மக்களிடம் வெள்ளிக்கிழமை குறைகளைக் கேட்கவுள்ளதாக தெரிவிக்கப்பட்டுள்ளது.
இதுதொடர்பாக மாவட்ட ஆட்சியர் ஆர். கேசவன் வெளியிட்ட செய்திக் குறிப்பு:
புதுச்சேரி துணை நிலை ஆளுநர், காரைக்கால் மாவட்ட மக்களிடம் காணொலி மூலம் குறைகள் கேட்டறியும் நிகழ்வு வெள்ளிக்கிழமை (நவ. 16) மாலை 5 முதல் 6 மணி வரை மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது.
இந்த கூட்டத்தில், பொதுமக்கள் தங்கள் குறைகளைத் தெரிவித்து, அதற்குத் தீர்வு காண இந்த வாய்ப்பை பயன்படுத்திக்கொள்ளலாம். குறைகள் தெரிவிக்க விரும்புவோர், வெள்ளிக்கிழமை காலை 10 முதல் மாலை 3 மணி வரை ஆட்சியர் அலுவலகத்தில் முன்பதிவு செய்துகொள்ள வேண்டும். புகார்களை எழுத்து வடிவில் தர வேண்டும் என்று அதில் கூறப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/14/துணை-நிலை-ஆளுநர்-காணொலி-மூலம்-நாளை-குறைகேட்பு-3038156.html
3038155 நாகப்பட்டினம் காரைக்கால் கஜா புயல் : தேசிய பேரிடர் மீட்பு படையினர் காரைக்கால் வருகை DIN DIN Wednesday, November 14, 2018 05:29 AM +0530 கஜா புயலையொட்டி,  மீட்புப் பணிகளில் ஈடுபடுவதற்காக தேசிய பேரிடர் மீட்புப் படையினர் செவ்வாய்க்கிழமை காரைக்கால் வந்து சேர்ந்தனர்.
வங்கக் கடலில் உருவாகியிருக்கும் கஜா புயல் வியாழக்கிழமை (நவ. 15) பகலில் கரையை கடக்கும் என வானிலை ஆய்வு மையம் கூறியிருக்கிறது. கடலூருக்கும், பாம்பனுக்கும் இடையே  புயல் கரையை கடக்கும்போது குறிப்பிட்ட பகுதிகளில் 100 கி.மீ. வேகத்தில் காற்று வீசக்கூடும் எனவும் கூறியுள்ளது. இதனால் புதுச்சேரி, கடலூர், காரைக்கால், நாகப்பட்டினம் உள்ளிட்ட கடலோரப் பகுதிகளில் முன்னெச்சரிக்கை நடவடிக்கைகள் எடுக்கப்பட்டுள்ளன.
புயலால் வெகுவாக பாதிப்பு உருவாகும் என கூறப்பட்டுள்ள பகுதிகளுக்கு தேசிய பேரிடர் மீட்புப் படையினர் தனித்தனி குழுவாகச் சென்றுள்ளனர். காரைக்காலுக்கும் இவர்கள் வருகை தருவார்கள் என மாவட்ட ஆட்சியர் ஆர். கேசவன் தெரிவித்திருந்தார். இதன்படி, அரக்கோணத்தில் முகாமிட்டிருக்கும் படையினர் 25 பேர், ஆய்வாளர் பி.எம். மீனா தலைமையில் செவ்வாய்க்கிழமை காரைக்கால் வந்தனர்.
புயலால் ஏற்படும் சேதத்தை சமாளிக்கவும், தண்ணீரில் தத்தளிப்போரை மீட்பது உள்ளிட்ட பல்வேறு உதவிக்கான சாதனங்களுடன் இவர்கள் வந்துள்ளனர். காரைக்கால் முல்லையாறு பாலம் அருகே உள்ள காவல்துறை வளாகத்தில் தங்கியுள்ள இவர்கள், புதன்கிழமை காலை முதல் அவர்களது பணியை மேற்கொள்வதற்குரிய தயார் நிலைக்கு வருவர் என தெரிவிக்கப்படுகிறது.

]]>
http://www.dinamani.com/all-editions/edition-nagapattinam/karaikal/2018/nov/14/கஜா-புயல்--தேசிய-பேரிடர்-மீட்பு-படையினர்-காரைக்கால்-வருகை-3038155.html
3038154 நாகப்பட்டினம் காரைக்கால் கந்த சஷ்டி விழா: திருமலைராயன்பட்டினத்தில் ஸ்ரீ முருகப் பெருமான் தேரில் வீதியுலா DIN DIN Wednesday, November 14, 2018 05:29 AM +0530 காரைக்கால் மாவட்டம், திருமலைராயன்பட்டினம் ஸ்ரீ ராஜசோளீசுவரர் கோயிலில் கந்த சஷ்டி விழாவையொட்டி செவ்வாய்க்கிழமை காலை தேர் வீதி வலமும், பகல் 11.30 மணியளவில் ஸ்ரீ அபிராமி அம்மனிடம் வேல் வாங்கும் நிகழ்ச்சியும் நடைபெற்றன.
திருமலைராயன்பட்டினத்தில் உள்ள ஸ்ரீ அபிராமி அம்மன் சமேத ஸ்ரீ ராஜசோளீசுவரர் கோயிலில் ஆண்டுதோறும் நடைபெறக்கூடிய  6 நாள் சஷ்டி விழாவையொட்டி,  கடந்த 8 -ஆம் தேதி  நவவீரர்களுக்கு காப்புக் கட்டும் நிகழ்ச்சியுடன் தொடங்கி தினமும் சுவாமி பகல், இரவு வேளையில் வீதியுலா நடைபெற்றது.
முக்கிய நிகழ்ச்சிகளில் ஒன்றாக திங்கள்கிழமை இரவு ரிஷப வாகனத்தில் ஸ்ரீ முருகப் பெருமான் மின்சார  சப்பரப் படலில் வீதியுலா நடைபெற்றது. செவ்வாய்க்கிழமை ஸ்ரீ அபிராமி அம்மனிடம் வேல் வாங்கும் கோலத்தில்  ஸ்ரீ முருகப் பெருமான் திருத்தேரில் வீதியுலா புறப்பாடு நடைபெற்றது. காலை 8.30 மணிக்கு தேர் வடம் பிடித்து இழுத்துச் செல்லப்பட்டது.  முக்கிய சந்திப்புகளில் தேர் நிறுத்தப்பட்டபோது, பக்தர்கள் அர்ச்சனை செய்து வழிபாடு செய்தனர். பகல் 11 மணிக்கு தேர் நிலையை சென்றடைந்தது. தேரிலிருந்து இறக்கப்பட்ட சுவாமி, சிறப்பு மேள நாகசுர வாத்தியங்களுடன் கோயிலுக்கு கொண்டு செல்லப்பட்டார். பகல் 11.30 மணியளவில் ஸ்ரீ அபிராமி அம்மனிடம் வேல் வாங்கும் நிகழ்ச்சி நடைபெற்றது.
 அபிராமி அம்மனுக்கு சிறப்பு ஆராதனைகள் நடத்தப்பட்டு, அவரிடமிருந்து சிவாச்சாரியார் வேல் எடுத்துக்கொண்டு சென்று முருகப் பெருமான் வசம் வைத்து சிறப்பு தீபாராதனை நடத்தப்பட்டது. இதைத் தொடர்ந்து, சூரசம்ஹாரத்துக்கான ஆட்டுக் கிடா வாகனத்தை நவவீரர்கள் உள்ளிட்ட பக்தர்கள் கோயில் சன்னிதிக்கொண்டு தூக்கிச் சென்று வைத்தனர். பிற்பகல் 2 மணியளவில் ஸ்ரீ முருகப் பெருமானுக்கு மகா அபிஷேகம் செய்யப்பட்டது. பக்தர்கள் பழக்காவடி, அலகு காவடிகள் எடுத்துச் சென்றனர். 
ஏராளமான பக்தர்கள் கோயிலில் மாவிளக்கிட்டு வழிபட்டனர். 
நிகழ்ச்சிக்கான ஏற்பாடுகளை கோயில் அறங்காவல் நிர்வாகத்தினர் செய்திருந்தனர். தேர் வடம் பிடிப்பு நிகழ்ச்சியில் நிரவி - திருப்பட்டினம் தொகுதி சட்டப் பேரவை உறுப்பினர் கீதாஆனந்தன் கலந்துகொண்டார். 
அவருக்கு கோயில் நிர்வாகத்தினர் சால்வை அணிவித்து, பிரசாதம் வழங்கி மரியாதை செய்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/14/கந்த-சஷ்டி-விழா-திருமலைராயன்பட்டினத்தில்-ஸ்ரீ-முருகப்-பெருமான்-தேரில்-வீதியுலா-3038154.html
3038153 நாகப்பட்டினம் காரைக்கால் சித்தி விநாயகர் கோயிலில் சூரசம்ஹாரம் DIN DIN Wednesday, November 14, 2018 05:28 AM +0530 காரைக்கால் ஸ்ரீ சித்தி விநாயகர் கோயிலில் ஸ்ரீ வள்ளி தேவசேனா சமேத ஸ்ரீ செந்தில்குமார சுவாமி கந்த சஷ்டி விழாவையொட்டி, சூரசம்ஹார நிகழ்ச்சி செவ்வாய்க்கிழமை நடைபெற்றது.
காரைக்கால் ஸ்ரீ கைலாசநாதர் கோயில் ஸ்ரீ நித்யகல்யாணப் பெருமாள் வகையறா தேவஸ்தானத்தைச் சேர்ந்த ஆற்றங்கரை ஸ்ரீ சித்தி விநாயகர் கோயிலில், ஸ்ரீ வள்ளி தேவசேனா சமேத ஸ்ரீ செந்தில்குமார சுவாமி கந்த சஷ்டி விழா கடந்த 8 -ஆம் தேதி அபிஷேக ஆராதனையுடன் தொடங்கியது.
இதைத் தொடர்ந்து, தினமும் ஸ்ரீ செந்தில்குமார சுவாமிக்கு சிறப்பு அபிஷேக, ஆராதனைகள் நடைபெற்று வந்தன. 6 -ஆம் நாளான செவ்வாய்க்கிழமை காலை ஸ்ரீ சித்தி விநாயகர் மற்றும்  ஸ்ரீ செந்தில்குமார சுவாமிக்கு சிறப்பு அபிஷேக, ஆராதனை நடத்தப்பட்டு, சூரசம்ஹார நிகழ்ச்சி மாலையில் நடைபெற்றது.
ஆட்டுக் கிடா வாகனத்தில் ஸ்ரீ செந்தில்குமாரர் சம்ஹாரத்துக்கு புறப்பாடு செய்யப்பட்டார். கோயில் வாயிலில் சூரனை சம்ஹாரம் செய்யும் நிகழ்வாக,  நவவீரர்கள் வேல் ஏந்தி இந்த நிகழ்ச்சியை நடத்தினர். சூரனின் தலை சம்ஹாரத்தில் அகற்றப்பட்ட பின்னர் ஸ்ரீ செந்தில்குமாரருக்கு சிறப்பு தீபாராதனை காட்டப்பட்டது. சம்ஹார நிறைவில் மயில் வாகனத்தில் ஸ்ரீ செந்தில்குமாரர் வீதியுலா நடைபெற்றது. இதில் திரளான மக்கள் கலந்துகொண்டனர். நிகழ்ச்சிக்கான ஏற்பாடுகளை கைலாசநாதர் கோயில் அறங்காவல் நிர்வாகத்தினர் செய்திருந்தனர்.
இதேபோன்று, காரைக்கால் ஸ்ரீ கைலாசநாதர், ஸ்ரீ சோமநாதர், ஸ்ரீ பார்வதீசுவரர் கோயிலும் சூரசம்ஹார நிகழ்ச்சி நடத்தப்பட்டு, சுவாமி 
வீதியுலா புறப்பாடு நடைபெற்றது.
 

]]>
http://www.dinamani.com/all-editions/edition-nagapattinam/karaikal/2018/nov/14/சித்தி-விநாயகர்-கோயிலில்-சூரசம்ஹாரம்-3038153.html
3038152 நாகப்பட்டினம் காரைக்கால் அக்கரைவட்டம் சோமநாதசுவாமி கோயிலுக்கு அறங்காவல் நிர்வாகத்தினர் நியமனம் DIN DIN Wednesday, November 14, 2018 05:28 AM +0530 அக்கரைவட்டம் பகுதியில் உள்ள சோமநாதசுவாமி கோயிலுக்கு புதிய அறங்காவல் நிர்வாகத்தினர் நியமிக்கப்பட்டனர்.
காரைக்கால் மாவட்டம், நிரவி - திருப்பட்டினம் தொகுதிக்குள்பட்ட அக்கரைவட்டம் ஸ்ரீ சோமநாதசுவாமி கோயில் தனி அதிகாரியாக  த. பால்ராஜ் செயல்பட்டு வந்தார். இவருக்கு பதிலாக, கோயில் நிர்வாகத்தைக் கவனிக்க அறங்காவல்  குழுவினரை நியமிக்க புதுச்சேரி அரசு முடிவு செய்தது.
தலைவராக கே. கோவிந்தசாமி, துணைத் தலைவராக கே.விஜயகுமார், செயலாளராக டி. முருகையன்,  பொருளாளராக கே.ஆர். ஆறுமுகம், உறுப்பினராக கே. ரமேஷ்குமார் ஆகியோரை புதுச்சேரி இந்து சமய அறநிலையத்துறை நியமித்தது.
இந்த ஆணையை நிரவி- திருப்பட்டினம் தொகுதி சட்டப் பேரவை உறுப்பினர் கீதாஆனந்தன், புதிய நிர்வாகத்தினரிடம் திங்கள்கிழமை வழங்கினார். அவருக்கு புதிய நிர்வாகத்தினர் சால்வை அணிவித்து நன்றி தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2018/nov/14/அக்கரைவட்டம்-சோமநாதசுவாமி-கோயிலுக்கு-அறங்காவல்-நிர்வாகத்தினர்-நியமனம்-3038152.html
3038151 நாகப்பட்டினம் காரைக்கால் காரைக்காலில் ஒரு வார காலம்: குழந்தைகள் பாதுகாப்பு விழிப்புணர்வு நிகழ்ச்சி: ஆட்சியர் தகவல் DIN DIN Wednesday, November 14, 2018 05:28 AM +0530 காரைக்காலில் நவ. 19 -ஆம் தேதி வரை குழந்தைகள் பாதுகாப்பு தொடர்பான விழிப்புணர்வு நிகழ்ச்சி நடைபெறவுள்ளதாக தெரிவிக்கப்பட்டுள்ளது.
மாவட்ட ஆட்சியர் ஆர். கேசவன் தலைமையில் சைல்டு லைன் நிர்வாகத்தினர், உறுப்பினர்கள் ஆலோசனைக் கூட்டம் செவ்வாய்க்கிழமை நடைபெற்றது.
கூட்டத்தின் நிறைவில் செய்தியாளர்களிடம் ஆட்சியர் கூறியது : 
குழந்தைகள் பாதுகாப்பு தொடர்பாக 1098 என்ற தொலைபேசி எண் பயன்பாட்டில் உள்ளது. கடந்த 2012 -ஆம் ஆண்டு முதல் குழந்தைகள் பாதுகாப்பு தொடர்பான அமைப்பு செயல்பட்டு வருகிறது. காரைக்காலில் சைல்டு லைன் அமைப்பு சார்பில், 13 -ஆம் தேதி குழந்தைகளின் நண்பன் என்ற நிகழ்ச்சியுடன் நாடு முழுவதும் தொடங்குகிறது. 14 -ஆம் தேதி முதல் 19 -ஆம் தேதி வரை விழிப்புணர்வு நிகழ்ச்சிகள் நடைபெறவுள்ளன. புதன்கிழமை (நவ. 14) குழந்தைத் திருமணத்துக்கு காரணம் பெற்றோர்களா, சமூகமா என்ற தலைப்பில் பட்டிமன்றம் நடைபெறுகிறது. திருநள்ளாறு பெருமாள் கோயில் மகாலில் ஆசிரியர்கள், மாணவர்கள் பங்குபெறும் வகையில் நடைபெறுகிறது. 15 -ஆம் தேதி புயல் கரையை கடக்கும் சூழலால் நிகழ்ச்சிகள் இல்லை. தொடர் நிகழ்ச்சியாக 16 -ஆம் தேதி சேத்தூர் அரசுப் பள்ளியில் குழந்தைகளுக்கான விளையாட்டுப் போட்டி நடத்தப்படுகிறது.
 17-ஆம் தேதி பாலியல் வன்கொடுமை தடுப்பு குறித்து விழிப்புணர்வு நிகழ்ச்சி பேருந்து நிலையம், ரயில் நிலையம் போன்ற இடங்களில் நடைபெறுகிறது. 18 -ஆம் தேதி புத்தக்குடி கிராமத்தில் திறந்தவெளி விழிப்புணர்வு நிகழ்ச்சியும், 19 -ஆம் தேதி காரைக்கால் நகரப் பகுதியில் குழந்தைத் திருமணம் தடுப்பு தொடர்பான விழிப்புணர்வுப் பேரணியும் நடைபெறவுள்ளது. ஒரு வார காலம் நடைபெறும் பல்வேறு விழிப்புணர்வு நிகழ்ச்சிகள் முற்றிலும் குழந்தைகள் பாதுகாப்புக்காக நடத்தப்படுவதால், பொதுமக்கள் கலந்துகொள்ள அழைக்கப்படுகிறார்கள் என்றார் ஆட்சியர்.
கூட்டத்தில் பங்கேற்ற சைல்டு லைன் நிர்வாகிகள் கூறும்போது, கடந்த ஓராண்டில் காரைக்காலில் குழந்தைகள் பாதுகாப்பு தொடர்பான 496 புகார்கள் வந்தன. இவற்றில் பெரும்பாலானவை உரிய முறையில் தீர்வு காணப்பட்டது எனக் கூறினர்.
ஆலோசனைக் கூட்டத்தில் மருத்துவமனை மருத்துவக் கண்காணிப்பாளர் பி. சித்ரா, முதன்மைக் கல்வி அலுவலர் அ. அல்லி, கல்வித்துறை துணை இயக்குநர் (பொ) கேசவ், வட்டார வளர்ச்சி அதிகாரி பிரேமா, மண்டல காவல் கண்காணிப்பாளர் மாரிமுத்து, வம்சீதர ரெட்டி உள்ளிட்ட பல்வேறு அரசுத் துறையினர் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/nov/14/காரைக்காலில்-ஒரு-வார-காலம்-குழந்தைகள்-பாதுகாப்பு-விழிப்புணர்வு-நிகழ்ச்சி-ஆட்சியர்-தகவல்-3038151.html
3037462 நாகப்பட்டினம் காரைக்கால் கஜா புயலை எதிர்கொள்ள காரைக்கால் மாவட்ட நிர்வாகம் தயார்: அமைச்சர் ஆர்.கமலக்கண்ணன் DIN DIN Tuesday, November 13, 2018 01:02 AM +0530
கஜா புயலை எதிர்கொள்ளும் வகையில் காரைக்கால் மாவட்டம் தயார் நிலையில் இருப்பதாக அமைச்சர் தெரிவித்தார்.
வங்கக் கடலில் உருவாகியுள்ள கஜா புயல் வரும் 15-ஆம் தேதி கரையை கடக்கும் எனக் கூறப்படுகிறது. இதுதொடர்பாக அரசுத்துறைகளைத் தயார்படுத்தும் வகையிலான ஆலோசனைக் கூட்டம் மாவட்ட ஆட்சியரகத்தில் திங்கள்கிழமை நடைபெற்றது. வேளாண் துறை அமைச்சர் ஆர்.கமலக்கண்ணன் தலைமை வகித்தார். மாவட்ட ஆட்சியர் ஆர்.கேசவன், சார்பு ஆட்சியர் ஏ.விக்ரந்த் ராஜா, கடலோரக் காவல்படை கமாண்டன்ட் நாகேந்திரன் உள்ளிட்டோர் கலந்துகொண்டனர்.
கூட்டத்தின் நிறைவில் ஆட்சியர் ஆர்.கேசவன் கூறியது : மின்துறை ஊழியர்கள் விடுப்பு எடுக்காமல் பணியாற்றவேண்டும் என அறிவுறுத்தப்பட்டுள்ளது.
மின்சாரம் தடைப்பட்டால் அனைத்து குடிநீர் தொட்டியிலிருந்தும் ஜெனரேட்டர் மூலம் குடிநீர் விநியோகிக்க அறிவுறுத்தப்பட்டுள்ளது. ஜெனரேட்டர்கள் பழுதாகியிருந்தால் ஓரிரு நாளில் சீரமைக்கவேண்டும்.
கடலுக்கு சென்றவர்கள் உடனடியாக திரும்ப ஏற்பாடு செய்யப்பட்டுள்ளது. திரும்பாதவர்கள் குறித்து கணக்கெடுப்பு நடத்தவும் மீன்வளத்துறைக்கு கூறப்பட்டுள்ளது. கடற்கரையருகே பாதுகாப்பற்ற முறையில் குடியிருப்போரை பாதுகாப்பான இடத்துக்கு தற்காலிகமாக மாற்றவும், அவர்களுக்கு உணவு, குடிநீர் உள்ளிட்டவை வழங்கவும் வருவாய்த்துறைக்கு அறிவுறுத்தப்பட்டுள்ளது.
பொதுமக்களுக்குத் தேவையான பால், குடிநீர் தடையின்றி கிடைப்பதற்கு சம்பந்தப்பட்ட துறையினர் நடவடிக்கை எடுக்கவும் கேட்டுக்கொள்ளப்பட்டுள்ளது என்றார்.
அமைச்சர் ஆர்.கமலக்கண்ணன் கூறும்போது, மழையின்போது பொதுமக்களிடமிருந்து புகார்கள் வந்தால் அதன் மீது விரைவான நடவடிக்கையை அதிகாரிகள் எடுக்கவேண்டும். ரேஷன் கடைகளில் கையிருப்பில் உள்ள அரிசியை தேவையான தருணத்தில் விநியோகிக்க தயார் நிலையில் இருக்கவும் அதிகாரிகளுக்கு அறிவுறுத்தப்பட்டுள்ளது. அரசு பொதுமருத்துவமனையில் அவசர சிகிச்சைப் பிரிவில் கூடுதல் மருத்துவர்களுடன் செயல்படவேண்டும். ஆம்புலன்ஸ் வாகனங்கள் அனைத்தும் பழுதின்றி, எந்த நேரத்திலும் இயக்கப்படும் வகையில் தயார்படுத்தியிருக்கவேண்டும் என நலவழித்துறையினருக்கு கூறப்பட்டுள்ளது.
பொதுப்பணித்துறை சார்பில் மணல் மூட்டைகள் தயார் நிலையில் வைத்திருக்கவேண்டும். நீர்நிலைகளைத் தீவிரமாக கண்காணித்துவரவேண்டும். ஒவ்வொரு கொம்யூனிலும் பொதுப்பணித்துறை, மின்துறை, சுகாதாரத்துறை, வருவாய்த்துறையினர் குழுவாக செயல்படவேண்டும். அனைத்து பள்ளி, கல்லூரிகளின் பேருந்துகள், வாகனங்களை மாவட்ட நிர்வாகம் எந்த தருணத்திலும் பயன்படுத்திக்கொள்ளும் வகையில் ஏற்பாடு செய்துகொள்ளவேண்டும்.
பெட்ரோல் பங்க்குகளில் போதுமான அளவு பெட்ரோல், டீசல் கையிருப்பில் வைக்கவும் நடவடிக்கை எடுக்கப்பட்டுள்ளது. காரைக்கால் மருத்துவமனையில் தேவையான மருந்துகள் போதிய அளவில் கையிருப்பில் உள்ளது.
கால்நடைத்துறையினரும் உரிய மருந்துகளைத் தயார் நிலையில் வைத்திருக்கவும், மருத்துவர்கள் விடுப்பின்றி பணியாற்றச் செய்யவும் உயரதிகாரிகளுக்கு அறிவுறுத்தப்பட்டுள்ளது.
காரைக்கால் மாவட்ட நிர்வாகம், கஜா புயலை எந்த நிலையிலும் எதிர்கொள்ளும் வகையில் தயார் நிலையில் இருக்கிறது. ஒவ்வொரு நிலையிலும் அதிகாரிகளும் தங்களது பணிகள் எவ்வாறு அமையவேண்டும் என்பதை ஊகித்து, தங்களைத் தயார்படுத்திக்கொள்ளவேண்டும் என கேட்டுக்கொள்ளப்பட்டுள்ளது என்றார் அமைச்சர்.
ரோந்துக் கப்பல்கள் திரும்ப அறிவுறுத்தல்: வங்கக் கடல் பகுதியில் ரோந்துப் பணியில் ஈடுபட்டிருக்கும் ரோந்துக் கப்பல்கள், படகுகள் ஆகியவை சென்னைக்கு உடனடியாகத் திரும்ப கடலோரக் காவல்படை தலைமை அறிவுறுத்தியுள்ளதாக அந்த வட்டாரத்தில் தெரிவிக்கப்பட்டது.

 

]]>
http://www.dinamani.com/all-editions/edition-nagapattinam/karaikal/2018/nov/13/கஜா-புயலை-எதிர்கொள்ள-காரைக்கால்-மாவட்ட-நிர்வாகம்-தயார்-அமைச்சர்-ஆர்கமலக்கண்ணன்-3037462.html
3037461 நாகப்பட்டினம் காரைக்கால் என்.ஐ.டி.க்கு ரோட்டரி சங்கம் 1,500 மரக்கன்றுகள் வழங்கல் DIN DIN Tuesday, November 13, 2018 01:02 AM +0530
காரைக்கால் ரோட்டரி சங்கம் சார்பில் என்.ஐ.டி. நிறுவனத்துக்கு 1,500 மரக்கன்றுகள் திங்கள்கிழமை வழங்கப்பட்டு, வளாகத்தில் கன்று நடும் பணி தொடங்கப்பட்டது.
காரைக்கால் ரோட்டரி சங்கத்தின் பல்வேறு சேவைத் திட்டத்தில் ஒன்றாக, காரைக்கால் தேசிய தொழில்நுட்ப நிறுவனமான என்.ஐ.டி.க்கு 1,500 பல்வேறு வகை மரக்கன்றுகள் வழங்க முடிவு செய்யப்பட்டது. இதன்படி நிறுவனத்தினரிடம் கன்றுகள் ஒப்படைக்கும் நிகழ்ச்சி திங்கள்கிழமை நடைபெற்றது.
என்.ஐ.டி. இயக்குநர் கே.சங்கரநாராயணசாமியிடம் ரோட்டரி சங்கத் தலைவர் பி.ராஜேந்திரன் மரக்கன்றுகளை ஒப்படைத்தார். இதைத் தொடர்ந்து வளாகத்தில் இருதரப்பினரும் இணைந்து மரக்கன்றுகளை நட்டனர்.
நிகழ்ச்சியில் என்.ஐ.டி. இயக்குநர் கே. சங்கரநாராயணசாமி, காரைக்கால் கூடுதல் வேளாண் இயக்குநர் க.மதியழகன், ரோட்டரி சங்க செயலர் பி.சுப்பிரமணியன், உதவி ஆளுநர் ராமகிருஷ்ணன் மற்றும் ரோட்டரி சங்கப் பிரதிநிதிகள், என்.ஐ.டி. பேராசிரியர்கள், உதவிப் பேராசிரியர்கள் உள்ளிட்டோர் கலந்துகொண்டனர்.
நிகழ்ச்சியில் பேசிய என்.ஐ.டி. இயக்குநர், என்.ஐ.டி. வளாகத்தை பசுமையான பகுதியாக உருவெடுக்க நிர்வாகம் நடவடிக்கை எடுத்துவருகிறது. அதற்கு ரோட்டரி சங்கத்தின் பங்களிப்பு பாராட்டுக்குரியது. அடுத்த ஓரிரு ஆண்டுகளில் என்.ஐ.டி. வளாகம் முழுமைக்கும் பசுமையாக காட்சிதரும் வகையில் ஏற்பாடுகள் செய்யப்பட்டுள்ளது.
மரம் வளர்ப்பு தற்காலத்தில் மிகவும் இன்றியமையாததாகியுள்ளது.
மாணவர்களிடையேயும், பொதுமக்களிடையேயும் இதுகுறித்த விழிப்புணர்வை அனைவரும் ஏற்படுத்தவேண்டியது அவசியம் என்றார் அவர். நிகழ்ச்சி ஏற்பாடுகளை ஒருங்கிணைப்பாளர்கள் எஸ். பாபு, அமிர்த பீடே ஆகியோர் செய்திருந்தனர்.

 

]]>
http://www.dinamani.com/all-editions/edition-nagapattinam/karaikal/2018/nov/13/என்ஐடிக்கு-ரோட்டரி-சங்கம்-1500-மரக்கன்றுகள்-வழங்கல்-3037461.html
3037460 நாகப்பட்டினம் காரைக்கால் திருமலைராயன்பட்டினத்தில் இன்று சூரசம்ஹாரம்: வெண்ணெய்த்தாழி சேவையில் ஸ்ரீ முருகப்பெருமான் DIN DIN Tuesday, November 13, 2018 01:02 AM +0530
திருமலைராயன்பட்டினம் ஸ்ரீ ராஜசோளீசுவரர் கோயிலில் கந்த சஷ்டி விழாவையொட்டி, செவ்வாய்க்கிழமை (நவ. 13) வேல் வாங்குதல் மற்றும் சூரசம்ஹாரம் நடைபெறுகிறது. விழாவின் 5 -ஆம் நாளான திங்கள்கிழமை ஸ்ரீ முருகப்பெருமான் வெண்ணெய்த்தாழி சேவையில் காட்சியளித்தார்.
காரைக்கால் மாவட்டம், திருமலைராயன்பட்டினத்தில் உள்ள ஸ்ரீ அபிராமி அம்மன் சமேத ஸ்ரீ ராஜசோளீசுவரர் கோயிலில் கந்த சஷ்டி விழா ஆண்டுதோறும் கொண்டாடப்படுகிறது. 6 நாள் நிகழ்ச்சியாக கடந்த 8 -ஆம் தேதி நவவீரர்களுக்கு காப்புக் கட்டும் நிகழ்ச்சி நடத்தப்பட்டு, ஸ்ரீ முருகப்பெருமான் தினமும் காலை, மாலை வேளைகளில் வீதியுலா செல்லும் நிகழ்ச்சி நடைபெற்று வருகிறது.
இரண்டாம் நாள் நிகழ்ச்சியாக 9 -ஆம் தேதி காலை படிச்சட்டத்திலும், இரவு யானை வாகனத்திலும், 10 -ஆம் தேதி காலை படிச்சட்டத்திலும், இரவு சிம்ம வாகனத்திலும், 11 -ஆம் தேதி காலை படிச்சட்டத்திலும், இரவு இடும்ப வாகனத்திலும் சுவாமி வீதியுலா புறப்பாடு நடைபெற்றது. நிகழ்ச்சியின் 5 -ஆம் நாளான திங்கள்கிழமை காலை வெண்ணெய்த்தாழி சேவையாக (முன் அலங்காரம்), ஜடை நாகத்தில் (பின் அலங்காரம்) செய்யப்பட்டு, பல்லக்கில் வீதியுலா நடைபெற்றது. இரவு நிகழ்ச்சியாக ரிஷப வாகனத்தில் மின்சார சப்பரப் படலில் சுவாமி வீதியுலா நடைபெற்றது. முக்கிய நிகழ்ச்சியாக 6 -ஆம் நாளான செவ்வாய்க்கிழமை (நவ. 13) காவடிகள் வீதிவலம் செல்ல, தேரில் ஸ்ரீ முருகப்பெருமான் வீதிவலம் நடைபெற்று, பகல் 11.30 மணியளவில் ஸ்ரீ அபிராமி அம்மனிடம் வேல் வாங்கும் நிகழ்ச்சி நடைபெறுகிறது. தொடர்ந்து பிற்பகல் 2 மணியளவில் ஸ்ரீ முருகப் பெருமானுக்கு சிறப்பு அபிஷேகம் நடைபெறவுள்ளது.
மாலை நிகழ்வாக நவவீரர்கள் வீதிவலம் சென்றுவிட்டு, ஸ்ரீ செங்குந்த விநாயகர் கோயிலை இரவு சென்றடைவர். ராஜசோளீசுவரர் கோயிலில் ஆட்டுக்கிடா வாகனத்தில் ஸ்ரீ முருகப் பெருமானை எழுந்தருளச் செய்து அலங்காரம் செய்யப்பட்டு, சூரசம்ஹாரத்துக்கான புறப்பாடு நடைபெறும். அபிராமி கீழ வீதியில் சூரனை வதம் செய்யும் சம்ஹார நிகழ்வு நடைபெறும். இதில் திரளான மக்கள் கலந்துகொள்வர். தொடர்ந்து, ஆட்டுக் கிடா வாகனத்தில் உள்ள முருகப் பெருமான் வீதியுலா நடைபெறுகிறது.

 

]]>
http://www.dinamani.com/all-editions/edition-nagapattinam/karaikal/2018/nov/13/திருமலைராயன்பட்டினத்தில்-இன்று-சூரசம்ஹாரம்-வெண்ணெய்த்தாழி-சேவையில்-ஸ்ரீ-முருகப்பெருமான்-3037460.html
3037459 நாகப்பட்டினம் காரைக்கால் கஜா புயல் : காரைக்காலில் மீன்பிடித் தொழில் பாதிப்பு DIN DIN Tuesday, November 13, 2018 01:02 AM +0530
கஜா புயல் காரணமாக காரைக்கால் மீனவர்கள் திங்கள்கிழமை கடலுக்குச் செல்லவில்லை. கடலில் மீன்பிடித்துக் கொண்டிருந்த படகுகள் அவசரமாக கரை திரும்பின.
தென்கிழக்கு வங்கக் கடல் மற்றும் அதையொட்டிய மத்திய வங்கக் கடலில் உருவான தீவிர காற்றழுத்தத் தாழ்வு மண்டலம் வலுவடைந்து ஞாயிற்றுக்கிழமை புயலாக மாறியது. இதற்கு கஜா என பெயர் சூட்டப்பட்டுள்ளது. நாகப்பட்டினத்துக்கு 840 கிலோ மீட்டர் தூரத்தில் நிலைகொண்டுள்ளதாக சென்னை வானிலை ஆய்வு மையம் திங்கள்கிழமை தெரிவித்தது.
இப்புயல் நவ.15-ஆம் தேதி முற்பகல் சென்னைக்கும் நாகப்பட்டினத்துக்கும் இடையே கரையை கடக்கும் என வானிலை ஆய்வு மையம் கூறியிருக்கிறது. புயல் காரணமாக மீனவர்கள் கடலுக்கு செல்லவேண்டாம் என்றும், ஆழ்கடலுக்கு சென்ற மீனவர்கள் கரை திரும்புமாறு அறிவுறுத்தப்பட்டுள்ளது.
காரைக்கால் மீன்பிடித் துறைமுகத்திலிருந்து நாள்தோறும் சுமார் 250 விசைப் படகுகள் கடலுக்கு மீன்பிடிக்கச் செல்வது வழக்கம். வானிலை ஆய்வு மையம், மீன்வளத் துறையின் அறிவுறுத்தலை ஏற்று ஞாயிற்றுக்கிழமை மாலை முதல் திங்கள்கிழமை கடலுக்கு செல்லக் கூடியவர்கள், மீன்பிடிப்பை தவிர்த்தனர். இதேபோல், கடலோர கிராமங்களில் இருந்து சுமார் 600 ஃபைபர் மோட்டார் படகுகள் கடலுக்குச் செல்லவில்லை.
துறைமுகத்தில் விசைப் படகுகளையும், தொலைதூரத்துக்குச் செல்லக் கூடிய மோட்டார் ஃபைபர் படகுகளை அரசலாற்றங்கரையிலும் பாதுகாப்பாக நிறுத்தி வைக்கப்பட்டுள்ளன. கடந்த 2 நாள்களுக்கு முன்பு கடலுக்கு மீன்பிடிக்கச் சென்ற மீனவர்களுக்கு புயல் குறித்து தகவல் தெரிவிக்கப்பட்டு, அவர்களை கரை திரும்புமாறு உறவினர்கள் தகவல் தெரிவித்துள்ளனர்.
அதன்படி திங்கள்கிழமை பெரும்பாலான படகுகள் காரைக்கால் துறைமுகத்துக்குத் திரும்பின. கரைக்கு வந்த படகிலிருந்து மீன்கள் இறக்கப்பட்டு சந்தைக்கு அனுப்பிவைக்கப்பட்டன. அடுத்தக் கட்டமாக வானிலை ஆய்வு மையம் தரும் தகவலின் அடிப்படையிலேயே கடலுக்கு செல்வது குறித்து முடிவெடுக்கப்படும் என விசைப்படகு மீனவர்கள் தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2018/nov/13/கஜா-புயல்--காரைக்காலில்-மீன்பிடித்-தொழில்-பாதிப்பு-3037459.html
3037458 நாகப்பட்டினம் காரைக்கால் ரேஷன் கடை பணியாளர்கள் சாலை மறியல் போராட்டம்: 50 பேர் கைது DIN DIN Tuesday, November 13, 2018 12:49 AM +0530
ஊதிய நிலுவையை தரக்கோரி தொடர் போராட்டத்தில் ஈடுபட்டுவரும் ரேஷன் கடை பணியாளர்கள், திங்கள்கிழமை சாலை மறியல் போராட்டத்தில் ஈடுபட்டனர். இதுதொடர்பாக 50 பேர் கைது செய்யப்பட்டனர்.
காரைக்கால் மாவட்டத்தில் உள்ள ரேஷன் கடையில் பணியாற்றும் ஊழியர்கள், தங்களுக்குத் தரவேண்டிய கடந்த 16 மாத ஊதியத்தை புதுச்சேரி அரசு தரக்கோரி கடந்த அக்டோபர் மாதம் 16-ஆம் தேதி முதல் வேலை நிறுத்தப் போராட்டத்தில் ஈடுபட்டுள்ளனர். காரைக்கால் கூட்டுறவு அமைப்பின் கீழ் உள்ள 70 நியாய விலைக் கடைகளின் நிரந்தர, தினக்கூலி ஊழியர்கள் 121 பேரும் இந்தப் போராட்டத்தில் ஈடுபட்டுள்ளனர்.
இந்நிலையில், ரேஷன் கடை பணியாளர் திருநள்ளாறை சேர்ந்த கே.சுரேஷ் என்பவர் மன உளைச்சலில் இருந்துவந்துள்ளார். அவர் ஞாயிற்றுக்கிழமை இரவு தற்கொலை முயற்சியில் ஈடுபட்டு மருத்துவமனையில் சிகிச்சை பெற்றுவருகிறார்.
இதுபோன்ற சூழலுக்கு புதுச்சேரி அரசே காரணம் எனக் கூறியும், ஊதியத்தை உடனடியாக வழங்கவேண்டும் என வலியுறுத்தியும் ரேஷன் கடை பணியாளர்கள் காரைக்கால் காமராஜர் சாலையில் திடீர் சாலை மறியல் போராட்டத்தில் திங்கள்கிழமை ஈடுபட்டனர். போராட்டக் குழு செயலர் மனோகரன் தலைமை வகித்தார். புதுச்சேரி அரசைக் கண்டித்து போராட்டத்தில் ஈடுபட்டோர் கோஷம் எழுப்பினர்.
காரைக்கால் நகர காவல்நிலைய போலீஸார் அவர்களிடம் பேச்சுவார்த்தை நடத்தினர். போராட்டத்தை கைவிடும்படி கேட்டுக்கொண்டனர். ஆனால், போராட்டம் நீடித்த நிலையில், போராட்டத்தில் பங்கேற்ற 50 பேரை கைது செய்தனர். கைது செய்யப்பட்டவர்களை புதுச்சேரி வேளாண் துறை அமைச்சர் ஆர்.கமலக்கண்ணன், சட்டப்பேரவை உறுப்பினர்கள் கே.ஏ.யு.அசனா, சந்திர பிரியங்கா ஆகியோர் சந்தித்துப் பேசினர்.
உடனடியாக ஊதிய நிலுவையை வழங்கவேண்டும், தங்களுக்கு பணி பாதுகாப்பு தரவேண்டும் என்ற கோரிக்கையை அமைச்சரிடம் பணியாளர்கள் வலியுறுத்தினர். புதுச்சேரியிலிருந்த நலத்துறை அமைச்சர் எம்.கந்தசாமியை தொடர்புகொண்டு பேசிய பின்னர் அமைச்சர் ஆர்.கமலக்கண்ணன் பணியாளர்களிடையே பேசியது :
ரேஷன் கடை ஊழியர்களுக்கு நிலுவையில் உள்ள ஊதியத்தில் 5 மாதங்களுக்குரியதை உடனடியாக வழங்க ஏற்பாடுகள் செய்யப்பட்டுவருவதாக நலத்துறை அமைச்சர் தெரிவித்துள்ளார். படிப்படியாக நிலுவை ஊதியத்தை அரசு வழங்கிவிடும். ரேஷன் கடை பணியாளர்களுக்கு பணிப் பாதுகாப்பை அரசு வழங்கும். ஊழியர்களுக்கு உள்ள மன உளைச்சல் போன்றே எங்களுக்கும் உள்ளதை அனைவரும் புரிந்துகொள்ளவேண்டும். போராட்டம் நடத்துவதற்கு உரிமை உண்டு. ஆனால் உயிரை மாய்த்துக்கொள்ளும் அளவுக்கு எந்தவொரு நபரும் சென்றுவிடக்கூடாது. இதுபோன்ற தவறான முடிவெடுக்கும் சூழலை யாரும் அமைத்துக்கொள்ளக்கூடாது என்பது எனது பணிவான வேண்டுகோள் என்றார் அமைச்சர். அமைச்சரின்
கருத்தை பணியாளர்கள் ஏற்றுக்கொண்டனர்.

 

]]>
http://www.dinamani.com/all-editions/edition-nagapattinam/karaikal/2018/nov/13/ரேஷன்-கடை-பணியாளர்கள்-சாலை-மறியல்-போராட்டம்-50-பேர்-கைது-3037458.html
3037457 நாகப்பட்டினம் காரைக்கால் தேசிய பேரிடர் மீட்புப் படையினர் இன்று காரைக்கால் வருகை: ஆட்சியர் தகவல் DIN DIN Tuesday, November 13, 2018 12:49 AM +0530
காரைக்கால் பகுதியில் புயல் பாதிப்புகளை எதிர்கொள்ள தேசிய பேரிடர் மீட்புப் படையினர் 120 பேர் (ஒரு கம்பெனி) செவ்வாய்க்கிழமை வருகின்றனர் என்றார் ஆட்சியர் ஆர். கேசவன்.
வங்கக் கடலில் உருவாகியுள்ள கஜா புயல் குறித்து முன்னெச்சரிக்கை நடவடிக்கைகளை காரைக்கால் மாவட்ட நிர்வாகம் மேற்கொண்டுள்ளது. மக்கள் செய்யவேண்டியவை, செய்யக்கூடாதவை என சில தகவல்களை மாவட்ட ஆட்சியர் ஆர். கேசவன் திங்கள்கிழமை தெரிவித்துள்ளார். அதன் விவரம்: தொடர்ந்து வானொலி, தொலைக்காட்சியை கண்காணிக்க வேண்டும், வதந்திகளை நம்பக் கூடாது, பதற்றமின்றி முன்னெச்சரிக்கையுடன் இருந்தால் பெரும் பேரிடரையும் சமாளிக்க முடியும், மாவட்ட நிர்வாகத்தால் கடற்கரையோரப் பகுதி மக்கள் பாதுகாப்பான இடங்களுக்குச் செல்ல அறிவுறுத்தும் போதிய ஒத்துழைப்பு தரவேண்டும்.
கடலுக்குச் சென்ற மீனவர்கள் கரைக்குத் திரும்பவில்லையெனில் கட்டுப்பாட்டு அறைக்கு தகவல் தெரிவிக்கவேண்டும், புயல்காற்று வீசும்போதும், கடும் மழையின்போதும் வீட்டுக்குள் இருக்கவேண்டும், சிறார்களை வெளியில் விடக்கூடாது. கடற்கரை, தேங்கிய தண்ணீரில் விளையாட அனுமதிக்கக் கூடாது, ஜன்னல் கதவுகளை காற்றின் திசைகளுக்கேற்ப பாதுகாப்பாக வைத்திருக்க வேண்டும், அவரச (எமர்ஜென்சி) விளக்கு, மெழுகுவர்த்தி ஆகியவை தயார் நிலையில் வைத்துக் கொள்ள வேண்டும், செல்லிடப்பேசிகளுக்கு சார்ஜ் செய்துகொள்ளலாம், புயல் நேரத்தில் செல்லிடப்பேசியை அத்தியாவசியத் தேவைக்கு மட்டும் பயன்படுத்தவும். போதுமான அளவுக்கு உணவும், முதியோர்கள், குழந்தைகளுக்கான மருந்துகள் இருப்பு வைத்துக்கொள்ளவும், முக்கிய ஆவணங்கள், சான்றிதழ், சொத்துப் பத்திரங்கள், அடையாள அட்டைகளை பாதுகாப்பாக வைத்திருக்கவேண்டும், குடிநீரை போதிய அளவு சேமித்து வைத்திருக்கவேண்டும், வெளியே செல்லும்போது காலணி அணிந்து செல்லவேண்டும், வதந்திகளை பரப்ப கூடாது, அறுந்து தொங்கக்கூடிய மின் கம்பிகளை யாரும் தொடக்கூடாது, அவ்வாறு இருப்பது தமக்கு தெரியவந்தால் மின்துறையின் கட்டுப்பாட்டு அறைக்கு 04368-222694 எண்ணில் தகவல் தெரிவிக்கவேண்டும், பேரிடர் மேலாண்மைத் துறை கட்டுப்பாட்டு அறை 24 மணி நேரமும் செயல்பாட்டில் இருக்க வேண்டும், இலவச தொலைபேசி அழைப்பு எண் 1070 மற்றும் 1077. கட்டுப்பாட்டு அறை எண் 04368-228801, 227704. கட்செவி (வாட்ஸ்அப்) எண் - 9488770024.
புயலையொட்டி காரைக்கால் மக்களுக்கு பாதுகாப்பு அளிக்கும் வகையிலும், பேரிடரால் ஏற்படும் பாதிப்புகளை சீர்செய்ய தேசிய பேரிடர் மீட்புப் படையினர் ஒரு கம்பெனி (120 பேர்) காரைக்காலுக்கு செவ்வாய்க்கிழமை வரவழைக்கப்படுகின்றனர் என்றார் ஆட்சியர்.

 

]]>
http://www.dinamani.com/all-editions/edition-nagapattinam/karaikal/2018/nov/13/தேசிய-பேரிடர்-மீட்புப்-படையினர்-இன்று-காரைக்கால்-வருகை-ஆட்சியர்-தகவல்-3037457.html
3037433 நாகப்பட்டினம் காரைக்கால் ரேஷன் கடை ஊழியர் தற்கொலை முயற்சி DIN DIN Tuesday, November 13, 2018 12:43 AM +0530
காரைக்கால் மாவட்டம், திருநள்ளாறு பகுதியைச் சேர்ந்த ரேஷன் கடை ஊழியர் தூக்கிட்டுத் தற்கொலைக்கு முன்றதையடுத்து, அவர் ஆபத்தான நிலையில் மருத்துவமனையில் அனுமதிக்கப்பட்டார்.
திருநள்ளாறு பிடாரி கோயில் தெருவைச் சேர்ந்தவர் கே. சுரேஷ் (41). இவர் ரேஷன் கடை ஊழியராக பணியாற்றுகிறார். இவருக்கு மனைவி, ஒரு குழந்தை உள்ளனர்.
ரேஷன் கடை ஊழியர்களுக்கு புதுச்சேரி அரசு கடந்த 16 மாதங்களாக ஊதியம் வழங்கவில்லை என ஊழியர்கள் போராட்டம் நடத்தி வருகின்றனர். ஊதியமின்மையால் குடும்பம் நடத்த முடியாமல் அவர் தவித்து வந்ததாக கூறப்படுகிறது.
கடந்த சில நாள்களாக மிகுந்த மன உளைச்சலில் இருந்து வந்த அவர், ஞாயிற்றுக்கிழமை இரவு தற்கொலை செய்துகொள்ளும் நோக்கில் தலைமுடிக்கு பயன்படுத்தப்படும் சாயக் கலவை மற்றும் தூக்க மாத்திரைகளை உட்கொண்டு படுத்துவிட்டாராம்.
பின்னர், வீட்டில் அனைவரும் தூங்கிவிட்ட நிலையில், ஊஞ்சலுக்குப் பயன்படுத்தும் சங்கிலியால் தூக்கிட்டுக்கொண்டார்.
வீட்டிலிருந்தோர் அதைப் பார்த்து, அவரை மீட்டு காரைக்கால் அரசு பொது மருத்துவமனையில் சேர்த்தனர். தீவிர சிகிச்சைப் பிரிவில் சேர்க்கப்பட்ட அவருக்கு, மருத்துவக் குழுவினர் சிகிச்சை மேற்கொண்டுள்ளனர். அவர் அபாயக் கட்டத்தில் இருப்பதாக மருத்துவத் தரப்பில் தெரிவிக்கப்பட்டது.
இதையறிந்த ரேஷன் கடை ஊழியர்கள் மருத்துவமனையில் திரண்டனர். இதனால் அப்பகுதியில் பரபரப்பு ஏற்பட்டது.
இந்நிலையில், வேளாண் அமைச்சர் ஆர். கமலக்கண்ணன் மருத்துவமனைக்குச் சென்று மருத்துவர்களிடம் அவரது உடல்நிலை குறித்து கேட்டறிந்தார். மேலும், சுரேஷின் குடும்பத்தினரை சந்தித்துப் பேசினார். இதுகுறித்து திருநள்ளாறு காவல்நிலைய போலீஸார் வழக்குப் பதிந்து விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-nagapattinam/karaikal/2018/nov/13/ரேஷன்-கடை-ஊழியர்-தற்கொலை-முயற்சி-3037433.html
3037142 நாகப்பட்டினம் காரைக்கால் விவசாய கூலித் தொழிலாளர்களுக்கு நலவாரியம் அமைக்க வலியுறுத்தல் DIN DIN Monday, November 12, 2018 08:15 AM +0530 புதுவையில் விவசாய கூலித் தொழிலாளர்களுக்கு தனி நலவாரியம் அமைக்கவேண்டும் என வலியுறுத்தப்பட்டுள்ளது.
காரைக்காலில் சனிக்கிழமை நடைபெற்ற ஆதிதிராவிடர் மற்றும் பழங்குடியின மக்கள் கூட்டமைப்பின் பொதுக்குழு கூட்டத்தில் இதற்கான தீர்மானம் நிறைவேற்றப்பட்டது. புதுச்சேரியில் விவசாயக் கூலித் தொழிலாளர்களின் நலனை பாதுகாக்கும் வகையில் தனி நலவாரியம் அமைக்க வேண்டும், ஏற்கெனவே, ஆதிதிராவிடர் நலனுக்காக அரசிடம் வலியுறுத்தப்பட்டுள்ள 15 அம்ச கோரிக்கைகளை மீண்டும் வலியுறுத்துவது, பல்வேறு கோரிக்கைகளை வலியுறுத்தி டிச. 6-ஆம் தேதிக்குப் பிறகு ஆதிராவிடர் நலத்துறை அலுவலகத்தை முற்றுகையிட்டு கண்டனப் போராட்டம் நடத்துவது, அம்பேத்கர் நினைவு நாளன்று அனைத்து கொம்யூன் பஞ்சாயத்துகளிலும் அம்பேத்கர் செயல்பாடுகள் குறித்த விழிப்புணர்வுக் கூட்டங்களை நடத்துவது, ஆதிதிராவிட மக்கள் நலன் சார்ந்த பல்வேறு பிரச்னைகள் குறித்து உயர்மட்டக் குழுவில் விவாதித்து அரசின் கவனத்துக்கு கொண்டு செல்வது உள்ளிட்ட பல்வேறு தீர்மானங்கள் நிறைவேற்றப்பட்டன.
கூட்டமைப்பின் கௌரவத் தலைவர்  கே.ஆர். பக்கிரிசாமி தலைமையில் நடைபெற்ற கூட்டத்தில், தலைவர் ஏ. நாகூரான், பொதுச் செயலர் என். காமராஜ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/karaikal/2018/nov/12/விவசாய-கூலித்-தொழிலாளர்களுக்குநலவாரியம்-அமைக்க-வலியுறுத்தல்-3037142.html
3037141 நாகப்பட்டினம் காரைக்கால் மணவாள மாமுனிகளுக்கு சிறப்புத் திருமஞ்சன ஆராதனை DIN DIN Monday, November 12, 2018 08:15 AM +0530 பெருமாள் கோயிலில் மணவாள மாமுனிகளுக்கு ஞாயிற்றுக்கிழமை சிறப்புத் திருமஞ்சனம் மற்றும் ஆராதனை நடைபெற்றது. 
மணவாள மாமுனிகள் வைணவப் பெரியார்களில் ஒருவரானவர். இவரது அவதார நட்சத்திரம் ஐப்பசி மாத மூலம் என்பதால் ஞாயிற்றுக்கிழமை சிறப்புத் திருமஞ்சனம், ஆராதனைகளுக்கு ஏற்பாடுகள் செய்யப்பட்டிருந்தன. காரைக்கால் ஸ்ரீ நித்ய கல்யாணப் பெருமாள் கோயிலில் தனி சன்னிதிகொண்டுள்ள மணவாள மாமுனிகளுக்கு சிறப்புத் திருமஞ்சனம், அலங்காரம், ஆராதனைகள் நடைபெற்றன. 
இதேபோல், உத்ஸவர் ஸ்ரீநித்யகல்யாணப் பெருமாளுக்கும் திருமஞ்சனம், ஆராதனைகள் நடைபெற்றது. சாற்றுமுறை, பாசுரங்களை நித்யகல்யாணப் பெருமாள் கோயில் முதல் தீர்த்தக்காரர் உ.வே.கு. அரங்கநாதாச்சாரியார் சுவாமிகள் படித்தார். 
சிறப்பு வழிபாட்டில் ஏராளமான பக்தர்கள் கலந்துகொண்டனர். இதற்கான ஏற்பாடுகளை கோயில் அறங்காவல் நிர்வாகத்தினர், நித்யகல்யாணப் பெருமாள் பக்தஜன சபாவினர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2018/nov/12/மணவாள-மாமுனிகளுக்குசிறப்புத்-திருமஞ்சன-ஆராதனை-3037141.html
3037140 நாகப்பட்டினம் காரைக்கால் பாஜக அரசின் தவறுகளை மக்களிடம் கொண்டு செல்ல வேண்டும்: அமைச்சர் ஆர். கமலக்கண்ணன்  DIN DIN Monday, November 12, 2018 08:15 AM +0530 மத்திய பாஜக அரசின் தவறுகளை மக்கள் மத்தியில் கொண்டு செல்லும் செயலில் மாணவர் காங்கிரஸ் அமைப்பினர் ஈடுபடவேண்டும் என்றார் வேளாண் துறை அமைச்சர் ஆர். கமலக்கண்ணன். 
காரைக்காலில் சனிக்கிழமை நடைபெற்ற மாவட்ட மாணவர் காங்கிரஸ் அமைப்பின் ஆலோசனைக் கூட்டத்தில் மேலும் அவர் பேசியது: காங்கிரஸ் கட்சியின் துணை அமைப்புகளில் ஒன்றான மாணவர் அமைப்பு, காங்கிரஸ் தலைவர் ராகுல்காந்தியின் வழிகாட்டுதலில் செயல்பட்டு வருகிறது. மாணவர் அமைப்பில் உள்ளவர்கள் கடினமாக உழைத்தால் நாட்டில் பல்வேறு பதவிகளுக்கு வரமுடியும். ஆனால், பதவியை எதிர்பார்த்து மட்டும் அமைப்பினர் செயல்படக் கூடாது.  மாணவர் அமைப்பினர் பங்கெடுக்காத ஒன்றே இல்லை என கூறும் அளவில் பங்களிப்பு இருக்கவேண்டும்.
ஜாதி, மதம் பார்க்காமல் செயல்படும் கட்சி காங்கிரஸ். தேச நலனுக்கு காங்கிரஸின் பங்களிப்பு எப்படி இருந்துள்ளது, இருந்து வருகிறது என்பதை அனைவரும் தெரிந்து கொள்ள வேண்டும். 18 வயதில் வாக்குரிமை என்பதை ராஜிவ்காந்தி தான் அமல்படுத்தினார். 50, 60 வயதில் தெரிந்துகொள்ள வேண்டிய விஷயங்களையெல்லாம் தற்போது மாணவர்கள் தெரிந்துகொள்ளும் அளவுக்கு உலகம் மாறியிருக்கிறது. எனவே, மாணவர்கள் கல்வியிலும், பிற செயல்களிலும் அறிவாற்றலை விரிவுப்படுத்திக்கொண்டே வரவேண்டும்.
இந்திராகாந்தி 12 வயதில் இளைஞர்களை ஒருங்கிணைக்கும் அமைப்பை ஏற்படுத்தினார். அஸாம் மாநிலத்தில் மாணவர் இயக்கம் தோற்றுவிக்கப்பட்டு, பல்வேறு போராட்டத்துக்குப் பின்னர், மாணவர் அமைப்பினரே முதல்வராக பதவி வகிக்கும் நிலை உருவானது. எனவே, மாணவர்கள் தலைமைப் பண்பை வளர்த்துக்கொள்வதோடு, கிராமத்தில், சுற்று வட்டாரத்தில் உதவும் செயலில் ஈடுபடவேண்டும். இளைஞர்களிடையே உதவும் மனப்பான்மை, விட்டுக்கொடுத்தல், தேசத்தின் மீதான பற்று போன்றவை ஏற்படவேண்டும்.
மாணவர்களுக்காக தொடக்கக் கல்வி முதல் உயர்கல்வி வரை ஏராளமான வசதிகளை புதுச்சேரி அரசு செய்துத்தருகிறது. இது, காங்கிரஸால் கொண்டுவரப்பட்ட திட்டம். மத்தியில் பாஜக அரசின் தவறான செயல்பாடுகளால் ஒட்டுமொத்த நாட்டு மக்களும் பாதித்துள்ளனர். பணமதிப்பிழப்பு நடவடிக்கையால் மீளமுடியாதோர் அதிக சதவீதத்தினர் உள்ளனர். நாட்டின் பொருளாதாரம் நரேந்திரமோடியின் தவறான செயல்பாடுகளால் பாதித்துவிட்டது. வேலைவாய்ப்பின்மை பெருகிவிட்டது.
எனவே, அரசியல் கட்சியாக செயல்படாமல், மாணவர் அமைப்பாக கல்விக்கான உதவி, கட்டுமானங்கள், பேருந்து வசதி, கிராம முன்னேற்றம் போன்றவற்றை அரசிடமிருந்து பெற்று மக்களுக்குத் தரும் வகையில் தமது பணிகளை அமைத்துக் கொள்ள வேண்டும். பாஜக அரசின் தவறுகளை மக்களிடத்தில் தகுந்த முறையில் மாணவர் அமைப்பினர் கொண்டு செல்ல வேண்டும். எந்த  சூழலிலும் தியாகம் செய்ய தயாராக இருக்கவேண்டும். தியாகத்தால் உருவான தேசத்தில், தியாகத்தின் மீதான ஆர்வம் மாணவர்களிடையே ஏற்படவேண்டும் என்றார்.
மாவட்டத் தலைவர் ஜெம்சன் தலைமையில் நடைபெற்ற கூட்டத்தில், மாணவர் காங்கிரஸ் மாநிலத் தலைவர் கல்யாணசுந்தரம், துணைத் தலைவர்கள் விக்ரம், ரவீந்திரன், இந்திரஜித், தமிழழகன், பொதுச்செயர்கள் சரவணக்குமார், ஹரிஷ், மாவட்ட செயலர் யோகேஷ் மற்றும் காங்கிரஸ் கட்சி மாவட்டத் தலைவர் அ.பாஸ்கரன், மாநில துணைத் தலைவர் மோகனவேல், வடக்குத் தொகுதி தலைவர் ஆர்.பி.சந்திரமோகன், திருப்பட்டினம் தலைவர் செல்வமணி, கோட்டுச்சேரி பகுதி சேதுராமன், சிறுபான்மைத் துறை மாவட்டத் தலைவர் எல்.எஸ்.பி. சோழசிங்கராயர் உள்ளிட்டோர் பேசினர்.
ஏற்பாடுகளை  கிளிண்டன் சோழசிங்கராயர், சிவபாலன், திருநள்ளாறு இளைஞர் காங்கிரஸ் தலைவர் சதீஷ் ஆகியோர் செய்திருந்தனர். பணமதிப்பிழப்பு நடவடிக்கை எடுத்து 2 ஆண்டு நிறைவையொட்டி கருப்பு தினமாகக் கருதி, கட்சியினர் மெழுகுவத்தி ஏந்தி மத்திய அரசுக்கு எதிராக கோஷம் எழுப்பினர்.

]]>
http://www.dinamani.com/all-editions/edition-nagapattinam/karaikal/2018/nov/12/பாஜக-அரசின்-தவறுகளை-மக்களிடம்-கொண்டு-செல்ல-வேண்டும்-அமைச்சர்-ஆர்-கமலக்கண்ணன்-3037140.html
3037139 நாகப்பட்டினம் காரைக்கால் தண்ணீரின் தரம் குறித்து மாணவர்கள் ஆய்வு DIN DIN Monday, November 12, 2018 08:15 AM +0530 தேசிய கண்டுபிடிப்பு வாரத்தையொட்டி காரைக்கால் மேல்நிலைப் பள்ளியில் தண்ணீரின் தரமறிதல் குறித்த ஆய்வில் மாணவர்கள் பங்கேற்றனர்.
மத்திய மனிதவள மேம்பாட்டு அமைச்சகத்தின் அறிவியல் மற்றும் கணிதம் சார்ந்த கல்வித்துறை, தேசிய கல்வி ஆராய்ச்சி மற்றும் பயிற்சி நிறுவனம் இணைந்து மறைந்த முன்னாள் குடியரசுத் தலைவர் ஏ.பி.ஜெ.அப்துல் கலாம் பிறந்தநாளையொட்டி தேசிய  கண்டுபிடிப்பு வாரம்  என அறிவிப்பு செய்தது.  அக்.29 முதல் நவ.2 வரையிலான நிகழ்ச்சியில், புதுச்சேரி மாநிலத்தில் காரைக்கால், மாஹே, யேனாம் பிராந்தியங்களில் தலா ஒரு பள்ளியும், புதுச்சேரியில் மூன்று பள்ளிகளும் தேர்வு செய்யப்பட்டு, ஆய்வுத் தலைப்பான தண்ணீரின் தரமறிதல் குறித்து ஆய்வுப் பணியில் மாணவர்களை ஈடுபடச் செய்தது.
காரைக்காலில்  தந்தை பெரியார் அரசு மேல்நிலைப் பள்ளி தேர்வு செய்யப்பட்டது. பள்ளியின் வேதியியல் ஆய்வகத்தில் உயர்நிலை, மேல்நிலை மாணவர்களிடையே புதிய கண்டுபிடிப்புகளை ஊக்குவிக்கும் வகையில் ஆய்வுப் பணிகள், பல்வேறு நாள்களில் நடத்தப்பட்டு வெள்ளிக்கிழமை ஆய்வுப் பணி நிறைவடைந்தது.
முன்னதாக இந்த ஆய்வுப் பணியை பள்ளி துணை முதல்வர் கே.கோவிந்தராஜன் தொடங்கிவைத்தார். பள்ளி வேதியியல் விரிவுரையாளர் எஸ்.சித்ரா மற்றும் எஸ்.சாமுண்டீஸ்வரி வழிகாட்டலில், 9, 10, 11 மற்றும் 12 -ஆம் வகுப்பு மாணவர்கள் 6 குழுக்களாகப் பிரிக்கப்பட்டு, 6 பகுதிகளில் இருந்து தண்ணீர் சேகரிக்கப்பட்டு ஆய்வுக்குள்படுத்தப்பட்டன.
குளிக்கும் சோப்புடன் நீரின் நுரைக்கும் தன்மை, ஹைட்ரஜன் அயனிச்செறிவு (பிஎச்) மற்றும் நீரின் மொத்த உப்புத் தன்மை என்ற மூன்று பிரிவுகளில் மாணவர்கள் ஆய்வில் ஈடுபட்டனர். குளிக்கும் சோப்புடன் நுரைக்கும் தன்மையை அளவிடுவதன் மூலம் அதிக நுரை தந்தால் மென்னீர் எனவும், குறைவான நுரை தந்தால் கடின நீர் எனவும் வகைப்படுத்தப்பட்டன. பிஎச் கண்டுபிடித்தலின் மூலம் தண்ணீரின் அமிலத்தன்மை, நடுநிலைத்தன்மை, காரத்தன்மை அறியப்பட்டன.
மொத்த உப்புத் தன்மை சோதனை மூலம் ஹைட்ரோ குளோரிக் அமிலத்துக்கு எதிராக தண்ணீர் மாதிரியை மெத்தில் ஆரஞ்சு நிறங்காட்டி உதவியுடன் தரம் பார்த்தல் நிகழ்த்தப்பட்டது. இதன் மூலம் நீரில் உள்ள கால்சியம் கார்பனேட் அளவு கண்டறியப்பட்டது. 
இந்த ஆய்வுப் பணிகள் வெள்ளிக்கிழமையுடன் நிறைவடைந்தது. ஆய்வு குறித்து விரிவுரையாளர் எஸ்.சித்ரா கூறும்போது, இந்த ஆய்வின் முடிவுகள் கூகுள் படிவத்தில் ஆன்லைனில் என்சிஇஆர்டிக்கு அனுப்பப்படுகின்றன. தங்கள் பகுதி நீரின் தரத்தை மாணவர்களே ஆய்வு செய்து அறிவதன் மூலம் சமூகத்துக்கு விழிப்புணர்வு ஏற்பட வாய்ப்பு உண்டாகிறது என்றார். 
பள்ளி துணை முதல்வர், வேதியியல் விரிவுரையாளர்கள் மற்றும் அறிவியல் ஆசிரியர் எஸ்.மகாதேவன், நூலகர் வைத்தியநாதன், உடற்கல்வி ஆசிரியர் சந்திரமோகன் உள்ளிட்டோர் ஆய்வுக் குழுவினருக்குப் பாராட்டுத் தெரிவித்தனர். ஆய்வு குறித்து மாணவர்கள் தங்களது அனுபவங்களை பிற வகுப்பு மாணவர்களுடன் கருத்துகளைப் பகிர்ந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/nov/12/தண்ணீரின்-தரம்-குறித்து-மாணவர்கள்-ஆய்வு-3037139.html
3037138 நாகப்பட்டினம் காரைக்கால் பிராந்திய அடிப்படையிலேயே ஆசிரியர் காலி பணியிடங்களை நிரப்பவேண்டும்: ஆசிரியர் சங்கம் வலியுறுத்தல் DIN DIN Monday, November 12, 2018 08:14 AM +0530 பிராந்திய அடிப்படையிலேயே ஆசிரியர் காலி பணியிடங்களை நிரப்பவேண்டும் என புதுச்சேரி துணை நிலை ஆளுநருக்கு ஆசிரியர் சங்கம் வலியுறுத்தியுள்ளது.
காரைக்கால் ஒருங்கிணைந்த ஆசிரியர்கள் நலச் சங்கத் தலைவர் ஏ.ஜான்பிரிட்டோ, பொதுச்செயலர் எஸ்.மிஷேல் ஆகியோர் கூட்டாக புதுச்சேரி துணை நிலை ஆளுநருக்கு சனிக்கிழமை அனுப்பிய கடித விவரம் :
புதுச்சேரி கல்வித்துறை காரைக்காலில் காலியாகவுள்ள 145 ஆசிரியர் பணியிடங்களை ஒப்பந்த அடிப்படையில் நிரப்ப முடிவு செய்துள்ளது. விரிவுரையாளர்களுக்கு ரூ.25 ஆயிரம், பட்டதாரி ஆசிரியர்களுக்கு ரூ.22 ஆயிரம், தொடக்கப்பள்ளி ஆசிரியர்களுக்கு ரூ.18 ஆயிரம் என மாத ஊதியம் நிர்ணயம் செய்யப்பட்டுள்ளது.
இவ்வாறு ஒப்பந்த அடிப்படையில் நியமனம் செய்யும் ஆசிரியர்களை காரைக்கால், புதுச்சேரியில் அந்தந்த பிராந்தியங்களில் தகுதி வாய்ந்தவர்களைக்கொண்டு நிரப்பவேண்டும்.
அவ்வாறு நிரப்பும்போது காரைக்காலில் நீண்ட காலமாக வேலைவாய்ப்பின்றி இருக்கும் 145 இளைஞர்களுக்கு வேலை வாய்ப்பு கிடைப்பதோடு, அவர்களது பிராந்தியத்திலேயே வேலை செய்யும் வாய்ப்பும் கிடைக்கிறது.
கடந்த காலங்களில் செய்யப்பட்ட நியமனத்தில் மேற்குறிப்பிட்ட பிராந்திய ஒதுக்கீடு பின்பற்றப்படாததால், காரைக்காலில் பணியமர்த்தப்பட்டோர் அதற்குரிய ஊதியத்தை காரைக்காலில் பெற்றுக்கொண்டு, அந்தப் பணியை அவர்களது சொந்த பிராந்தியங்களான புதுச்சேரி, மாஹே, யேனாம் ஆகியவற்றில் செய்கிறார்கள். கடந்த 2004-ஆம் ஆண்டு ஒப்பந்த அடிப்படையில் எல்கேஜி, யுகேஜி ஆசிரியைகளாக பணியாற்றிய 21 பேர், 2007-இல் புதுச்சேரிக்கு பணியிடமாற்றம் பெற்றுச் சென்றனர். இதுவரை அந்தப் பணியிடங்கள் காரைக்காலில் காலியாகவே இருக்கின்றன.
இவ்வாறான அவலங்கள் காரைக்கால் பகுதியில் மீண்டும் ஏற்படாமல் இருக்க, புதிய வேலைவாய்ப்பை பிராந்திய அடிப்படையிலேயே செய்யவேண்டும். இந்த விவகாரத்தில் புதுச்சேரி அரசு சரியான முடிவுடன் செயல்படவேண்டும் என அதில் வலியுறுத்தப்பட்டுள்ளது.


 

]]>
http://www.dinamani.com/all-editions/edition-nagapattinam/karaikal/2018/nov/12/பிராந்திய-அடிப்படையிலேயே-ஆசிரியர்-காலி-பணியிடங்களை-நிரப்பவேண்டும்-ஆசிரியர்-சங்கம்-வலியுறுத்தல்-3037138.html
3037137 நாகப்பட்டினம் காரைக்கால் சிறப்பு துப்புரவு முகாம்: திருப்பட்டினத்தில் 33 டன் குப்பைகள் அகற்றம் DIN DIN Monday, November 12, 2018 08:13 AM +0530 குப்பைகள் அதிகம் சேரக்கூடிய பகுதியாக விளங்கும் திருப்பட்டினத்தில், தீபாவளிக்குப் பின் 2 நாள் தீவிர துப்புரவு நடவடிக்கையால் 33 டன் குப்பைகள் அகற்றப்பட்டதாக பஞ்சாயத்து நிர்வாகம் தெரிவித்தது.
இதுகுறித்து திருப்பட்டினம் கொம்யூன் பஞ்சாயத்து ஆணையர் ஜான் அரேலியஸ் ஞாயிற்றுக்கிழமை கூறியது : திருப்பட்டினம் கொம்யூனில் 5,100 வீடுகள் உள்ளன. தினமும் குப்பைகள் அகற்றும்  பணியில்  9 தொழிலாளர்கள் ஈடுபட்டாலும், அதிகபட்சமாக 2 டன் குப்பை அகற்றப்படுகிறது. குப்பைகள் தேக்கம் ஒருபுறம் இருந்துகொண்டே இருக்கிறது. தீபாவளிக்குப் பின் குப்பைகள் அதிகமாக சேர்ந்துவிட்டது. மழை பெய்ததால்  பாதிப்பை ஏற்படுத்தும் சூழல் உருவானது. மேலும் அடுத்த சில நாள்களில் பருவமழை தீவிரமடைவதற்குள் குப்பைகளை முழுமையாக அகற்ற முடிவு செய்யப்பட்டது.
இதற்காக 2 நாள் தீவிர முகாம் நடத்தி, ஜேசிபி இயந்திரம் மூலம் முக்கியமான 21 குப்பை மையங்களிலிருந்து 33 டன் குப்பை அகற்றப்பட்டுள்ளது. 
தற்போது மேலையூர் பகுதியில் குப்பைகளைக் கொட்டிவந்தாலும், படுதார்கொல்லை பகுதியில் ஓரிடம் தேர்வு செய்யப்பட்டு,  அதில் குப்பைகள் கொட்டி, மறு  சுழற்சி செய்வதற்கான பணிகளைச் செய்யவுள்ளோம். இதற்கான பணிகளைப் பஞ்சாயத்து நிர்வாகம் தொடங்கிவிட்டது. மார்ச் மாதத்தில் இந்தப்  பணி அமலுக்கு வரும். 
இதுதவிர, காரைக்கால் நகராட்சியைப் போல வீடு வீடாகக்  குப்பைகளைச்  சேகரிக்க ஏற்பாடு செய்துவருகிறது. இதற்காக  மாதம் ரூ.3 லட்சம் வரை செலவாகும். இதற்கான ஒப்புதலுக்கு ஆட்சியருக்கு கோப்பு அனுப்பப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2018/nov/12/சிறப்பு-துப்புரவு-முகாம்-திருப்பட்டினத்தில்-33-டன்-குப்பைகள்-அகற்றம்-3037137.html
3036327 நாகப்பட்டினம் காரைக்கால் நகர்ப்புற சாலை மேம்பாட்டுப் பணிகளை விரைந்து முடிக்க வலியுறுத்தல் DIN DIN Sunday, November 11, 2018 05:04 AM +0530 பருவமழை தீவிரமாகும் முன்பாக நகர்ப்புற சாலை மேம்பாட்டுப் பணியை விரைந்து முடிக்க நகராட்சி நிர்வாகத்துக்கு வலியுறுத்தப்பட்டுள்ளது.
காரைக்கால் நகரிலும், பிற பகுதிகளிலும் நகராட்சி மற்றும் கொம்யூன் பஞ்சாயத்து மூலமாக சாலைகளை மேம்படுத்தும் பணி நடந்துவருகிறது. ஒவ்வொரு சாலை திட்டப்பணிக்கும் 3 முதல் 6 மாதங்கள் வரை காலக்கெடு நிர்ணயித்துப் பணிகள் தொடங்கப்பட்டிருக்கின்றன.
பல பகுதிகளில் 50 சதவீதம் நிறைவும், பல பகுதிகளில் தொடக்க நிலையிலும் உள்ளன. பல இடங்களில் சாலையில் கருங்கல் ஜல்லிகள் கொட்டப்பட்டதோடு உள்ளது. தொடர்ந்து பணிகளைச் செய்யாமல் ஒப்பந்ததாரர்  இருப்பதாகக் கூறப்படுகிறது. இதனால் குடியிருப்புவாசிகள் நடந்து செல்லவோ, வாகனத்தில் செல்லவோ முடியாமல் தவிப்பதாக புகார் கூறப்படுகிறது. இதுகுறித்து சமூக ஆர்வலர் ஏ.எம்.இஸ்மாயில் சனிக்கிழமை கூறியது :  காரைக்கால் நகர்ப்புறத்தில் சாலைகள் மேம்பாடு செய்யும் பணிகள் வரவேற்புக்குரியன. பருவமழை தொடங்குவதற்குள் கால நிர்ணயம் செய்து பணிகளைத் தொடங்கியிருக்கவேண்டும். தாமதமாக தொடங்கியுள்ள போதிலும், பல இடங்களில் சாலைகளில் கருங்கல் ஜல்லி கொட்டிவிட்டு சென்றுவிட்டனர். தொடர் பணிகள் இருக்கவில்லை. குறிப்பாக, காரைக்கால் காமராஜர் சாலை அருகே உள்ள அருள் நகரில் கடந்த ஒரு வாரத்துக்கும்  மேலாக கருங்கல் கொட்டப்பட்டதோடு பணிகள் நின்றுவிட்டன.
இதனால் மக்கள் கடும் துன்பத்துக்குள்ளாகியுள்ளனர். இதுபோன்ற பகுதிகளில் சாலையை சமநிலைக்கு கொண்டுவரவும், பருவமழை தீவிரமடைவதற்குள் ஓரளவு பணிகளை மக்கள் பாதிக்காத வகையில் நிறைவு செய்ய நகராட்சி நிர்வாகம் சிறப்பு கவனம் செலுத்தவேண்டும் என்றார்.

]]>
http://www.dinamani.com/all-editions/edition-nagapattinam/karaikal/2018/nov/11/நகர்ப்புற-சாலை-மேம்பாட்டுப்-பணிகளை-விரைந்து-முடிக்க-வலியுறுத்தல்-3036327.html
3036326 நாகப்பட்டினம் காரைக்கால் இருண்டு கிடக்கும் கடற்கரை சாலை: பொதுமக்கள் புகார் DIN DIN Sunday, November 11, 2018 05:04 AM +0530 காரைக்கால் கடற்கரையின் பிரதான சாலை  உள்ளிட்ட  குறுக்கு சாலைகள் இருண்டு காணப்படுவதாக பொதுமக்கள் புகார் தெரிவிக்கின்றனர்.
காரைக்கால் மக்களுக்கு பொழுதுபோக்குக்குரிய ஒரே இடமாகத்  திகழ்வது கடற்கரை மட்டுமே.  மத்திய சுற்றுலாத் துறை நிதியுதவியுடன் பிரதான கடற்கரை சாலை மற்றும் குறுக்கு சாலையோரத்தில் நடைமேடைகள் அமைக்கப்பட்டன.
இந்த நடைமேடையில் இளைஞர்கள், பெண்கள், முதியோர் என பலதரப்பினரும்  நடைப் பயிற்சியில் ஈடுபட்டுவருகின்றனர். நடைமேடை உரிய முறையில் பராமரிக்கப்படாததால், புல், முள் செடிகள் மண்டி நடக்கத் தகுதியற்றதாக காணப்படுகிறது. 
கடற்கரைப் பகுதியில் அரசு சார்பிலும், தனியார்  சார்பிலும் மதுக்கடைகள் அமைந்துள்ளன. பகலிலும், இரவிலும் , நடைமேடையில் குழுவாக உட்கார்ந்து மது அருந்தும் செயலும் நாளுக்கு நாள் அதிகரிக்கிறது. நடைமேடையில் மதுபுட்டிகளை வீசியெறிந்துவிட்டு சிலர் சென்றுவிடுகின்றனர்.  சிறுவர்கள், பெண்கள் நடைமேடையை பயன்படுத்த முடியாத நிலை தற்போது ஏற்பட்டுள்ளது. 
இவற்றுக்கெல்லாம் மேலாக,  கடற்கரை பிரதான சாலை (அரசலாற்றையொட்டிய சாலை), விக்ரம் சாராபாய் சாலை உள்ளிட்ட குறுக்குச் சாலைகளில் ஏராளமான மின் விளக்குகள் பொருத்தப்பட்டுள்ளன. எனினும் இவற்றில் ஒருசில விளக்குகளே எரிகின்றன.   இதனால் சாலைகள் இருண்டுள்ளன. கார் உள்ளிட்ட வாகனங்களின் வெளிச்சமே சாலையில் காணப்படுகிறது.  இதனால் நடந்து செல்வோர், இருசக்கர வாகனத்தில் செல்வோர், பெண்கள் என பலரும் பாதிக்கப்படுகின்றனர். இதுகுறித்து காரைக்கால் சேம்பர் ஆஃப் காமர்ஸ் செயலரும், காரைக்கால் கடற்கரை சாலை மீட்புக் குழு துணைத் தலைவருமான ஜெ.சிவகணேஷ் சனிக்கிழமை கூறியது :  
 காரைக்கால் மக்களுக்கு கடற்கரை மட்டுமே   பொழுதுபோக்கு இடமாகத்  திகழ்கிறது.  கடற்கரையில் மத்திய அரசு நிறுவனத்தின் கட்டுப்பாட்டில் தங்கும் விடுதி, அரசு நிறுவன உணவகம், மது விற்பனையகம் உள்ளிட்டவை இருக்கின்றன. இவற்றுக்கு வருவோரின் எண்ணிக்கை அதிகம்.  கடற்கரைக்கு செல்வோரின் எண்ணிக்கை மிக அதிகமாகிவருகிறது. ஒட்டுமொத்த கடற்கரைப் பகுதியும் இருண்டு காணப்படுவது பல சிரமங்களை மக்களுக்கு ஏற்படுத்த காரணமாக இருக்கிறது.  கடற்கரை சாலையை மீனவர்கள், தங்களது சாதனங்களை வைத்துக்கொள்ளுதல், வலை பின்னுதல் போன்ற பணிகளுக்கு பயன்படுத்துகின்றனர். இது பெரும்பான்மையினருக்கு பாதிப்பை ஏற்படுத்துகிறது.   இந்தப் பகுதிக்கு மாவட்ட ஆட்சியர், பொதுப்பணித்துறை, மின் துறை, நகராட்சி நிர்வாகத்தினர், காவல்துறையினர் ஒருங்கிணைந்து கடற்கரைப் பகுதியை ஆய்வு செய்து, போர்க்கால அடிப்படையில், பல்வேறு சீரமைப்புப் பணியை மேற்கொள்ளவேண்டும் என்றார் அவர்.

]]>
http://www.dinamani.com/all-editions/edition-nagapattinam/karaikal/2018/nov/11/இருண்டு-கிடக்கும்-கடற்கரை-சாலை-பொதுமக்கள்-புகார்-3036326.html
3036325 நாகப்பட்டினம் காரைக்கால் பெண் தூக்கிட்டுத் தற்கொலை: துணை வட்டாட்சியர் விசாரணை DIN DIN Sunday, November 11, 2018 05:03 AM +0530 காரைக்கால் அருகே பெண் தூக்கிட்டுத் தற்கொலை செய்துகொண்டது தொடர்பாக துணை வட்டாட்சியர் விசாரணை மேற்கொண்டுள்ளார்.
காரைக்கால் மாவட்டம், கோட்டுச்சேரி பகுதியைச் சேர்ந்த ஆனந்தராஜ் மனைவி ஜான்சிமேரி (23). இவர்களுக்கு கடந்த 4 ஆண்டுகளுக்கு முன்பு திருமணம் நடைபெற்றது. ஜான்சிமேரிக்கு அடிக்கடி வயிற்றுவலி இருந்து வந்ததாம். 2-ஆவது குழந்தை பிரசவத்துக்காக வெளிநாட்டில் இருந்த கணவர் அண்மையில் ஊருக்கு வந்துள்ளார். இந்நிலையில், ஜான்சிமேரி வெள்ளிக்கிழமை இரவு வீட்டில் தூக்கிட்டுத் தற்கொலை செய்துகொண்டார். தகவலறிந்து கோட்டுச்சேரி காவல்நிலைய போலீஸார் நிகழ்விடத்துக்குச் சென்று சடலத்தை மீட்டு மருத்துவமனைக்கு அனுப்பிவைத்தனர். இதுகுறித்து போலீஸார் வழக்குப் பதிந்துள்ளனர். மேலும், திருமணமாகி 5 ஆண்டுகளே ஆவதால், துணை வட்டாட்சியர் மணிகண்டன் நம்பூதிரி தலைமையிலான குழுவினர் விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/karaikal/2018/nov/11/பெண்-தூக்கிட்டுத்-தற்கொலை-துணை-வட்டாட்சியர்-விசாரணை-3036325.html
3036324 நாகப்பட்டினம் காரைக்கால் குடிநீர் குழாயிலிருந்து மோட்டார் மூலம் தண்ணீர் எடுப்பு: நடவடிக்கை எடுக்க ஆட்சியர் உத்தரவு DIN DIN Sunday, November 11, 2018 05:03 AM +0530 சாலையோர பிரதான குடிநீர் குழாயிலிருந்து வீடுகள், அடுக்குமாடி கட்டடங்களுக்கு தண்ணீரை மோட்டார் மூலம் எடுப்போர் மீது நடவடிக்கை எடுக்க காரைக்கால் மாவட்ட ஆட்சியர் ஆர். கேசவன் உத்தரவிட்டார்.
காரைக்காலில் ஒவ்வொரு சனிக்கிழமையும்  மாவட்ட ஆட்சியர் ஆர். கேசவன் தலைமையில் காவல்துறையினர், நகராட்சி, மின்துறை, பொதுப்பணித் துறை என பல்வேறு அரசுத்துறையினர் சைக்கிளில் சென்று ஆய்வு செய்து, சீர்கேடுகளை கண்டறிந்து அவற்றை களைய நடவடிக்கை எடுத்து வருகின்றனர்.
நிகழ்வாரம் சனிக்கிழமை ஆட்சியர் தலைமையில் அதிகாரிகள் குழு காரைக்காலில் காமராஜர் சாலை, ஐஸ்வர்யா கார்டன், பசும்பொன் நகர், டி.கே. நகரில் ஆய்வுப் பணிகளை மேற்கொண்டனர். டி.கே. நகரின் பிரதான சாலையில் மின் கம்பத்தில் மாடுகளை கட்டிவைத்திருந்ததைப் பார்த்த ஆட்சியர், மாடு வளர்ப்போரிடம் விசாரணை நடத்தினார். மாடு கட்டுவதற்கு கொட்டகை இல்லை எனக் கூறியபோது, சுயமாக மாடுகளை கட்டிவைக்க கொட்டகை அமைத்துக்கொள்ள வேண்டும். அது இல்லாமல் சாலையோரத்தில் கட்டுவதும், சாலையில் திரியவிடும் செயல் கூடாது. கால்நடைகளால் ஏற்படும் பாதிப்புகளை புரிந்துகொண்டு, கால்நடை வளர்ப்போர் உரிய விதிகளின்படி செயல்பட வேண்டும் என அறிவுறுத்தினார். மேலும், நகராட்சி ஆணையர் இந்த விவகாரத்தில் கவனம் செலுத்துமாறு ஆட்சியர் தெரிவித்தார். பெசன்ட் நகரில் காலியாக உள்ள மனைகளில் மழைநீர் தேங்கியிருப்பதோடு, அதில் குப்பைகள் கொட்டியிருப்பதை ஆட்சியர் பார்த்தார். குப்பைகளை உடனடியாக அப்புறப்படுத்துவதோடு, இவ்வாறான செயலில் ஈடுபடுவோருக்கு அபராதம் விதிக்குமாறு நகராட்சி ஆணையருக்கு உத்தரவிட்டார்.
ஐஸ்வர்யா கார்டன் எதிரே உள்ள காலி மனையில் குழந்தைகள் விளையாடுவதற்காக வேலி அமைக்கப்பட்டுள்ளது. அந்த பகுதியில் உள்ள வாய்க்காலும் அடைக்கப்பட்டுவிட்டது. தண்ணீரை வடியமுடியாமல் துர்நாற்றத்தால் அவதிப்படுவதாக அந்த பகுதியினர் புகார் கூறினர். இதை உரிய முறையில் ஆய்வு செய்து ஆக்கிரமிப்புகளை அகற்றுவதோடு, உரியவர்கள் மீது அபராதம் விதித்தல் உள்ளிட்ட நடவடிக்கை எடுக்குமாறு நகராட்சி ஆணையருக்கு உத்தரவிட்டார்.
பசும்பொன் நகரில் உள்ள அடுக்குமாடிக் கட்டடத்தின் கழிவுநீர் தொட்டியை சாலையோரத்தில் அமைத்துள்ளதாகவும், கழிவுநீர் சாலையில் வடிந்து பாதிக்கப்படுவதாக மக்கள் புகார் கூறினர். மேலும், பிரதான குடிநீர் குழாயிலிருந்து அடுக்குமாடிக் கட்டடம், வீடுகளில் உள்ள கீழ்நிலை நீர்தேக்கத் தொட்டிக்கு, அதிவேக மோட்டார் மூலம் குடிநீர் உறிஞ்சப்படுகிறது. இதனால் அடுத்தடுத்த வீடுகளுக்கு தண்ணீர் விநியோகம் குறைகிறது என புகார் கூறினர். கழிவுநீர் தொட்டியை வேறு இடத்தில் அமைக்க உரிவயர்கள் கவனம் செலுத்த வேண்டும். இதன் மீது நகராட்சி நிர்வாகம் கவனம் செலுத்த வேண்டும். காரைக்காலில் குடிநீரை சிறப்பு மோட்டார் வைத்து உறிஞ்சினால், மோட்டாரை பறிமுதல் செய்யும் நடவடிக்கையை தீவிரப்படுத்துமாறு பொதுப் பணித் துறையினருக்கு ஆட்சியர் உத்தரவிட்டார்.
மண்டல காவல் கண்காணிப்பாளர் வம்சீதரரெட்டி, மின்துறை செயற்பொறியாளர் ராஜேஷ் சன்யால், நகராட்சி ஆணையர் எஸ். சுபாஷ் உள்ளிட்டோர் ஆய்வில் பங்கேற்றனர்.
 

]]>
http://www.dinamani.com/all-editions/edition-nagapattinam/karaikal/2018/nov/11/குடிநீர்-குழாயிலிருந்து-மோட்டார்-மூலம்-தண்ணீர்-எடுப்பு-நடவடிக்கை-எடுக்க-ஆட்சியர்-உத்தரவு-3036324.html
3036323 நாகப்பட்டினம் காரைக்கால் நாடகப் போட்டியில் சிறப்பிடம் பெற்ற பள்ளி நிர்வாகத்தினருக்குப் பாராட்டு DIN DIN Sunday, November 11, 2018 05:03 AM +0530 நாடகப் போட்டியில் மாவட்ட அளவில் முதலிடம் பெற்ற  பள்ளிக்கு வெள்ளிக்கிழமை பாராட்டு தெரிவிக்கப்பட்டது.
கல்வித்துறை சார்பில் பள்ளிகளின் மாணவர்கள் பங்குபெறும் நாடகப் போட்டி அண்மையில் காரைக்காலில் மாவட்ட அளவில் நடத்தப்பட்டது. சமூக நலன் சார்ந்த பல்வேறு தலைப்புகளில் பல்வேறு பள்ளிகளில் இருந்து மாணவ, மாணவியர் போட்டியில் பங்கேற்றனர்.
காரைக்கால் வித்யோதயா உயர்நிலைப் பள்ளி மாணவர்கள், தூய்மை இந்தியா திட்டத்தை முன்னிறுத்தி நாடகம் நடத்தினர். இதற்கு மாவட்ட அளவில் முதல் பரிசு கிடைத்தது. பரிசு பெற்ற நாடகக் குழுவினர் புதுச்சேரி மாநில அளவிலான போட்டிக்கு அனுப்பிவைக்கப்பட்டனர். மாநில அளவில் நடந்த போட்டியில் இப்பள்ளி மாணவர்கள் பங்கேற்றுத் திரும்பினர். 
மாணவர்கள் மற்றும் பள்ளி நிர்வாகத்தைப் பாராட்டும் வகையில், காரை கலைக்காவலர் கலைக்குழுத் தலைவர் ஏ.சூசைராஜ் தலைமையிலான குழுவினர் பள்ளிக்கு வெள்ளிக்கிழமை சென்றனர். சிறப்பு அழைப்பாளராக காரைக்கால் மாவட்ட பெற்றோர் சங்கத் தலைவர் எல்.எஸ்.பி.சோழசிங்கராயர் கலந்துகொண்டார்.
பள்ளி நிர்வாகத்தினர் மற்றும் நாடகத்தில் பங்கேற்ற மாணவர்களை கலைக்குழுவினர் பாராட்டியதோடு, கலைக்கழு சார்பில் பள்ளி நிர்வாகத்துக்கு பாராட்டுச் சான்றிதழையும் வழங்கினர். நிகழ்ச்சியில் கலைக்கழு பொருளாளர் எஸ்.ஜான்கென்னடி உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/nov/11/நாடகப்-போட்டியில்-சிறப்பிடம்-பெற்ற-பள்ளி-நிர்வாகத்தினருக்குப்-பாராட்டு-3036323.html
3035806 நாகப்பட்டினம் காரைக்கால் நவோதயா வித்யாலயாவில் விண்ணப்பிக்க அழைப்பு DIN DIN Saturday, November 10, 2018 06:03 AM +0530 காரைக்கால் நவோதயா வித்யாலயாவில் 6 மற்றும் 9 -ஆம் வகுப்பில் சேர விண்ணப்பங்கள் அளிக்க கேட்டுக்கொள்ளப்பட்டுள்ளது.
இதுகுறித்து மாவட்ட ஆட்சியர் ஆர். கேசவன் வெளியிட்ட செய்திக் குறிப்பு :
காரைக்கால் ராயன்பாளையத்தில் உள்ள நவோதயா வித்யாலயாவில் (இருபாலர் பயிலும் உறைவிடப் பள்ளி)  2019-20 -ஆம் கல்வியாண்டில், 6 மற்றும் 9 -ஆம் வகுப்பில் சேர்வதற்கு விண்ணப்பங்கள் வரவேற்கப்படுகின்றன.
இணையதளம் வழியாக விண்ணப்பங்கள் சமர்ப்பிக்க வேண்டிய கடைசி தேதி 30.11.2018. மேலும் விவரங்களை w‌w‌w.‌n​a‌v‌o‌d​a‌y​a.‌g‌o‌v.‌i‌n  என்ற இணையதளத்தில் பார்த்து பயனடையுமாறு அதில் கேட்டுக்கொள்ளப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/10/நவோதயா-வித்யாலயாவில்-விண்ணப்பிக்க-அழைப்பு-3035806.html
3035805 நாகப்பட்டினம் காரைக்கால் ஆசிரியர் பணியிடம் நிரப்பும் விவகாரம்:  ஆளுநருக்கு பாஜக வலியுறுத்தல் DIN DIN Saturday, November 10, 2018 06:03 AM +0530 காரைக்காலில் ஆசிரியர் காலி பணியிடங்கள் நிரப்பும் விவகாரத்தில் துணைநிலை ஆளுநர் எடுத்த முடிவில் பின்வாங்கக் கூடாது என காரைக்கால் பாஜக வலியுறுத்தியுள்ளது.
காரைக்கால் மாவட்ட பாஜக தலைவர் டி.கே.எஸ்.எம்.மீனாட்சிசுந்தரம், புதுச்சேரி துணை நிலை ஆளுநர் கிரண் பேடிக்கு வெள்ளிக்கிழமை அனுப்பிய கடிதம் குறித்து அவர் கூறியது : காரைக்காலில் நீண்ட காலமாக பள்ளிகளில் ஆசிரியர் பணியிடங்கள் பல காலியாக இருக்கின்றன. இதனை நிரப்புவதற்கு புதுச்சேரி கல்வித்துறை நடவடிக்கை எடுத்து அறிவிப்பாணை வெளியிட்டுள்ளது. இந்தக் காலியிடங்களை பிராந்திய அடிப்படையிலேயே நிரப்புவதற்கு துணை நிலை ஆளுநர் அரசுக்கு அனுமதி அளித்துள்ளார். இது வரவேற்புக்குரியதாகும்.
இதனை புதுச்சேரியில் உள்ள சிலர் எதிர்த்துவருகிறார்கள். புதுச்சேரியிலிருந்து காரைக்காலுக்கு ஆசிரியர் பணிக்கு வந்தவர்கள் அனைவரும், மீண்டும் புதுச்சேரிக்கு பணியிடமாற்றம் கோரி தற்போது  காத்திருக்கின்றனர்.
இந்நிலையில், தற்போது ஒப்பந்த அடிப்படையில் நியமிக்கும் ஆசிரியர்களை பிற பிராந்தியங்களைச் சேர்ந்தோரை சேர்த்தால், தொகுப்பூதியம் தொலைதூரத்தில் பணியாற்ற போதுமானதாக இல்லை, தங்களை மீண்டும் சொந்த  பிராந்தியத்துக்கே மாற்றம் செய்ய அரசை வலியுறுத்துவர்.  அரசும் அதனை செய்துவிட்டால், காரைக்காலில் மீண்டும் காலிப்பணியிடம் வந்துவிடும்.
எனவே, அரசு எடுத்திருக்கும் முடிவை தொடர்ந்து நிறைவேற்றவேண்டும். எந்த நிர்பந்தத்துக்கும்  அடிபணியக்கூடாது. துணை நிலை ஆளுநர் இந்த விவகாரத்தில் எடுத்த முடிவில் தெளிவாக இருக்கவேண்டும். கொடுத்த அனுமதியை நிறைவேற்றுவதற்கு அரசை அவர் வற்புறுத்தவேண்டும் என வலியுறுத்தி துணை நிலை ஆளுநருக்கு காரைக்கால் பாஜக சார்பில் கடிதம் அனுப்பப்பட்டுள்ளது என்றார்.
 

]]>
http://www.dinamani.com/all-editions/edition-nagapattinam/karaikal/2018/nov/10/ஆசிரியர்-பணியிடம்-நிரப்பும்-விவகாரம்--ஆளுநருக்கு-பாஜக-வலியுறுத்தல்-3035805.html
3035804 நாகப்பட்டினம் காரைக்கால் குழந்தைகள் பாதுகாப்புக்கு சைல்டு லைன் சேவை DIN DIN Saturday, November 10, 2018 06:02 AM +0530 குழந்தைகள் பாதுகாப்புக்கு சைல்டு லைன் சேவையை பயன்படுத்திக்கொள்ளுமாறு கேட்டுக்கொள்ளப்பட்டுள்ளது.
இதுகுறித்து காரைக்கால் மாவட்ட ஆட்சியர் ஆர். கேசவன் வெளியிட்ட செய்திக் குறிப்பு : 
சைல்டு லைன் 1098 என்பது 24 மணிநேரமும் செயல்படும் சேவை மையமாகும்.
உறைவிடம் அளித்தல், பாதுகாப்பு அளித்தல், காணாமல்போன குழந்தைகளுக்கு உதவுதல், குழந்தைகளை பெற்றோரிடம் சேர்த்தல், உணர்ச்சிமய ஆதரவு போன்ற சூழல்களில் குழந்தைகள் காணப்பட்டால், 1098 என்ற கட்டணமில்லா தொலைபேசி எண்ணை தொடர்பு கொண்டு பயனடையுமாறு அதில் கேட்டுக்கொள்ளப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/10/குழந்தைகள்-பாதுகாப்புக்கு-சைல்டு-லைன்-சேவை-3035804.html
3035803 நாகப்பட்டினம் காரைக்கால் மின்நுகர்வோர் கவனத்துக்கு... DIN DIN Saturday, November 10, 2018 06:02 AM +0530 மின்கட்டணத்தை உடனடியாக செலுத்துமாறு மின்நுகர்வோரை மின்துறை நிர்வாகம் கேட்டுக்கொண்டுள்ளது.
இதுகுறித்து காரைக்கால் மின்துறை செயற்பொறியாளர் அலுவலகம் வெள்ளிக்கிழமை வெளியிட்ட செய்திக் குறிப்பு : காரைக்கால் மாவட்டத்தில் மின்துறையின் மூலம் மின் துண்டிப்புப் பணி நடைபெறுவதால், மின் கட்டண பாக்கி வைத்துள்ள மின் நுகர்வோர்கள், மின் கட்டணத்தை நவ.12-ஆம் தேதிக்குள் செலுத்தவேண்டும். கட்டணம் செலுத்தாதோர் மின் இணைப்பு 13-ஆம் தேதி முதல் துண்டிக்கப்படும் என அதில் கூறப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2018/nov/10/மின்நுகர்வோர்-கவனத்துக்கு-3035803.html
3035802 நாகப்பட்டினம் காரைக்கால் நவ.19 முதல் தேசிய ஒருமைப்பாட்டு வார விழா நடத்த முடிவு DIN DIN Saturday, November 10, 2018 06:01 AM +0530 தேசிய ஒருமைப்பாட்டு வார விழாவை, காரைக்காலில் வரும் 19 -ஆம் தேதி முதல் நடத்த மாவட்ட நிர்வாகம் முடிவு செய்துள்ளது.
காரைக்காலில் ஆண்டுதோறும் அக். 2 -ஆம் தேதி முதல் மகாத்மா காந்தி பிறந்தநாளையொட்டி, தேசிய ஒருமைப்பாட்டு வார விழா, பல்வேறு பகுதிகளில், பல்வேறு நிகழ்ச்சிகளாக நடத்தப்படுவது வழக்கம்.
நிகழ்ச்சிகளின் நிறைவில் பெண்கள், சிறுவர்கள் உள்ளிட்டோருக்கு பரிசுகள் வழங்கப்படும். நிகழாண்டு இந்த நிகழ்ச்சி குறித்த காலத்தில் நடத்தப்பட முடியாமல் போனது.
இந்த விழாவை நிகழ்மாதம் நடத்துவது தொடர்பான ஆலோனைக் கூட்டம், மாவட்ட ஆட்சியர் ஆர். கேசவன் தலைமையில் வியாழக்கிழமை நடைபெற்றது. சார்பு ஆட்சியர் ஏ. விக்ரந்த் ராஜா மற்றும் பல்வேறு அரசுத்துறை அதிகாரிகள் கலந்துகொண்டனர்.
ஒரு வார காலம் நடத்தும் விழாவை எந்தெந்த பகுதிகளில், எவ்வாறு நடத்துவது. அரசுத் துறைகளின் பங்களிப்பு குறித்து ஆலோசிக்கப்பட்டது.
கூட்டத்தில், வரும் 19 -ஆம் தேதி ஒருமைப்பாட்டு உறுதிமொழி ஏற்றல் மற்றும் சிறுபான்மையோர் நாள், பன்மொழி இணக்க நாள், நலிவடைந்தோர் நாள், மகளிர் நாள் உள்ளிட்டவை நடத்த முடிவு செய்யப்பட்டது.
இந்த நிகழ்ச்சியை வட்டார வளர்ச்சி அலுவலகம், ஆதிதிராவிடர் நலத்துறை, சமூக நலத்துறை, குழந்தைகள் மற்றும் மகளிர் மேம்பாட்டுத் துறை போன்ற அரசுத்துறைகள் முன்னின்று நடத்துமாறு ஆட்சியர் ஆலோசனை வழங்கினார்.
நவ. 19 முதல் 25 -ஆம் தேதி வரை நடைபெறக்கூடிய நிகழ்ச்சியில், திரளான மக்கள் கலந்துகொள்ள ஏற்பாடு செய்யுமாறு அதிகாரிகளுக்கு ஆட்சியர் அறிவுறுத்தினார்.
 

]]>
http://www.dinamani.com/all-editions/edition-nagapattinam/karaikal/2018/nov/10/நவ19-முதல்-தேசிய-ஒருமைப்பாட்டு-வார-விழா-நடத்த-முடிவு-3035802.html
3035801 நாகப்பட்டினம் காரைக்கால் பண மதிப்பிழப்பு: இளைஞர் காங்கிரஸார் ஆர்ப்பாட்டம் DIN DIN Saturday, November 10, 2018 06:01 AM +0530 பண மதிப்பிழப்பு நடவடிக்கையை மத்திய அரசு எடுத்து 2 ஆண்டுகள் நிறைவையொட்டி, புதுச்சேரி மாநில இளைஞர் காங்கிரஸ் பொதுச் செயலர் சமீர் தலைமையில், காரைக்கால் பேருந்து நிலையம் அருகே மக்களுக்கு அல்வா கொடுத்து போராட்டத்தில் வியாழக்கிழமை ஈடுபட்டனர்.
பண மதிப்பிழப்பு நடவடிக்கையை நரேந்திர மோடி அரசு எடுத்ததால், கடந்த 2 ஆண்டுகளாக நாட்டின் அனைத்து நிலையிலான மக்களும் மீள முடியாத நிலைக்குத் தள்ளப்பட்டுள்ளனர். பண மதிப்பிழப்பால் கருப்புப் பணம் ஒழியும் என்ற தகவலும் பொய்த்துவிட்டது. நாட்டின் பொருளாதாரம் உயரும் என்பதும் பொய்த்துவிட்டது.
அகில இந்திய காங்கிரஸ் தலைவர் ராகுல்காந்தி கூறுவதுபோல, மத்திய அரசு எடுத்த இந்த நடவடிக்கையானது, பிரதமர் நரேந்திர மோடியின் நண்பர்கள் சிலரது ஆதாயத்துக்காகவும், பெரும் கார்ப்பரேட் நிறுவன முதலாளிகள் நலனுக்காகவும்தான் என்பதை நாட்டு மக்கள் உணர்ந்துவிட்டனர்.
நரேந்திர மோடியின் ஆட்சி தொடர்வது நாட்டுக்கு பெரும் ஆபத்து எனவும், இதற்கான தண்டனையை நாட்டு மக்கள் வரும் மக்களவைத் தேர்தலில் பாஜகவுக்கு தர வேண்டும் என போராட்டத்தில் ஈடுபட்டோர் பேசினர். கட்சியினர் 10 கிலோ அல்வாவை பொதுமக்களுக்கு பகிர்ந்து அளித்தனர். நாட்டு மக்களை நரேந்திர மோடி ஏமாற்றிவிட்டதை உணர்த்தும் வகையில், இதை செய்ததாக போராட்டத்தில் ஈடுபட்டோர் தெரிவித்தனர்.
காங்கிரஸ் கட்சியின் மாநில பொதுச் செயலர் எம்.ஓ.எச்.யு. பஷீர், காரைக்கால் வடக்குத் தொகுதி தலைவர் ஆர்.பி. சந்திரமோகன், மாவட்ட துணைத் தலைவர் நாகரத்தினம், மாவட்ட மீனவரணி தலைவர் ஏ.எம்.கே. அரசன் மற்றும் காரைக்கால் தொகுதிகளின் இளைஞர் காங்கிரஸ் பொறுப்பாளர்கள் பலர் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2018/nov/10/பண-மதிப்பிழப்பு-இளைஞர்-காங்கிரஸார்-ஆர்ப்பாட்டம்-3035801.html
3035800 நாகப்பட்டினம் காரைக்கால் ஆசிரியர் காலிப் பணியிடங்களை பிராந்திய அடிப்படையிலேயே நிரப்ப வேண்டும்: முதல்வரிடம் எம்.எல்.ஏ.க்கள் வலியுறுத்தல் DIN DIN Saturday, November 10, 2018 06:01 AM +0530 காரைக்காலில் காலியாகவுள்ள ஆசிரியர் பணியிடங்களை பிராந்திய அடிப்படையிலேயே நிரப்புவதற்கு உறுதியான நடவடிக்கை எடுக்க வேண்டும் என காரைக்கால் பகுதி திமுக, அதிமுக எம்.எல்.ஏ.க்கள் கூட்டாக புதுச்சேரி முதல்வரை வெள்ளிக்கிழமை சந்தித்து வலியுறுத்தினர்.
புதுச்சேரி, காரைக்காலில் அரசுப் பள்ளிகளில் நிலவும் ஆசிரியர் காலிப் பணியிடங்களை நிரப்புவதற்கு நடவடிக்கை எடுக்குமாறு பல்வேறு தரப்பினர் அரசுக்கு அழுத்தம் கொடுத்து வருகின்றனர். இந்த பணியிடங்களை ஒப்பந்த அடிப்படையில் நிரப்புவதற்கு புதுச்சேரி அரசு முடிவெடுத்து, துணை நிலை ஆளுநர் கிரண் பேடி  ஒப்புதலுக்கு அனுப்பியது. பிராந்திய அடிப்படையில் நிரப்புவதற்கு துணை நிலை ஆளுநர் ஒப்புதல் அளித்துள்ளார். இது புதுச்சேரியில் உள்ள கட்சியினரிடையே அதிருப்தியை ஏற்படுத்தியது. பிராந்திய அடிப்படையில் பணி நியமனம் கூடாது என குரல் எழுப்பி வருகின்றனர்.
நிரந்தரமான பணி அல்ல என்றும், இது ஒப்பந்த அடிப்படையிலானது. மருத்துவத்துறை உள்ளிட்ட பல துறைகளில் ஒப்பந்த அடிப்படையில் சேர்க்கப்பட்டோர், பிராந்திய அடிப்படையிலேயே நியமிக்கப்பட்டுள்ளனர். இதை  தொடர்ந்து கடைப்பிடிக்கப்படும் நடைமுறை என்றும், ஆசிரியர் காலிப் பணியிடங்களை நிரப்ப பிராந்திய அடிப்படையிலான முடிவு எடுப்பது தவறு அல்ல என பல்வேறு கட்சியினர் காரைக்காலில் கருத்து தெரிவித்து வருகின்றனர்.
இந்நிலையில், காரைக்கால் மாவட்டத்தைச் சேர்ந்த நிரவி - திருப்பட்டினம் தொகுதி சட்டப் பேரவை உறுப்பினர் கீதாஆனந்தன் (திமுக), காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு. அசனா ஆகியோர் கூட்டாக புதுச்சேரி முதல்வர் வி. நாராயணசாமியை வெள்ளிக்கிழமை சந்தித்தனர்.
சட்டப் பேரவைத் தலைவர் வி. வைத்திலிங்கம், துணைத் தலைவர் சிவக்கொழுந்து, நலத்துறை அமைச்சர் எம். கந்தசாமி ஆகியோரை பேரவை  உறுப்பினர் கீதா ஆனந்தன் தனியாக சந்தித்துப் பேசினார்.
இந்த சந்திப்பிக்குப் பின்னர், காரைக்கால் வந்த கே.ஏ.யு. அசனா கூறியது :
காரைக்காலில் நீண்ட காலமாக பள்ளிகளில் ஆசிரியர் பணியிடங்கள் காலியாக இருக்கின்றன. புதுச்சேரியிலிருந்து ஆசிரியர்களை காரைக்காலுக்கு நியமிக்கும்போது, சில மாதங்களிலேயே அவர்கள் மீண்டும் புதுச்சேரிக்கு மாற்றலாகிச் சென்றுவிடுகின்றனர். இதனால் காலிப் பணியிடத்தை நிரப்ப முடியாமல் உள்ளது. தற்போது ஒப்பந்த அடிப்படையில் ஆசிரியர் பணியிடத்தை நிரப்ப அரசு நடவடிக்கை எடுத்துள்ளது. இதை காரைக்கால் பிராந்தியத்தில் தகுதிவாய்ந்த பட்டதாரிகளைக் கொண்டே நிரப்ப வேண்டும். அப்போதுதான் காலிப் பணியிடம் என்பது வராமல் இருக்கும். காரைக்கால் பகுதியினருக்கு வேலைவாய்ப்பை ஏற்படுத்தித் தந்த வாய்ப்பும் கிடைக்கும் என முதல்வரிடம் நானும், எம்.எல்.ஏ.  கீதாஆனந்தனும் வலியுறுத்தினோம். இதுகுறித்து ஆலோசனை நடத்தி நடவடிக்கை எடுப்பதாக முதல்வர் கூறினார் என்றார்.
எம்.எல்.ஏ. கீதாஆனந்தன் கூறும்போது,  ஒப்பந்த அடிப்படையில் நியமிக்கும் பணியை பிராந்திய அடிப்படையில் செய்வது தவறில்லை. மருத்துவமனையில் மருத்துவர்கூட இந்த அடிப்படையிலேயே செய்யப்பட்டுள்ளது. பிராந்திய அடிப்படையிலான நியமனத்தை எதிர்ப்பது தவறு என்பதை முதல்வரிடம் சுட்டிக்காட்டப்பட்டது. 
காரைக்கால் பள்ளிகளில் உள்ள காலிப் பணியிடங்களை முழுமையாக அரசு அறிந்துகொண்டு, அந்த இடங்களை காரைக்காலில் உள்ள பட்டதாரிகளைக் கொண்டு நிரப்பவும் வலியுறுத்தப்பட்டது. குறிப்பாக, பயிற்சிப் பெற்ற பட்டதாரி ஆசிரியர்கள் காலியிடம் என்பது காரைக்காலில் அதிகமாக இருக்கிறது. புதுச்சேரியைச் சேர்ந்தோர் பணி செய்து வருகின்றனர். இவர்கள் பணி மாறுதல் பெற்றுச் சென்றாலும், சில ஆசிரியருக்கு தலைமையாசிரியர் நிலையில் பதவி உயர்வு தந்தாலும், பயிற்சி பெற்ற பட்டாதாரி ஆசிரியர்கள் (டிஜிடி) பணியிடம் அதிகமாக காலியாகும்.
எனவே, இதை உணர்ந்து, புதுச்சேரி அரசு முழுமையாக உள்ளூர் கல்வியாளர்களைக் கொண்டு காலிப் பணியிடங்களை நிரப்ப வேண்டும் என முதல்வரிடம் வலியுறுத்தப்பட்டது.
இதுசம்பந்தமாக சட்டப் பேரவைத் தலைவர், துணைத் தலைவர், நலத்துறை அமைச்சரிடம் தனியாக சந்தித்து வலியுறுத்தியுள்ளேன் என்றார்.
காரைக்காலில் பொது பிரச்னை தொடர்பாக முன்னெப்போதும்  இல்லாத வகையில் திமுக, அதிமுக சட்டப் பேரவை உறுப்பினர்கள் ஒருங்கிணைந்து முதல்வரை சந்தித்தது, பொதுமக்கள் கவனத்தை ஈர்த்துள்ளது.

]]>
http://www.dinamani.com/all-editions/edition-nagapattinam/karaikal/2018/nov/10/ஆசிரியர்-காலிப்-பணியிடங்களை-பிராந்திய-அடிப்படையிலேயே-நிரப்ப-வேண்டும்-முதல்வரிடம்-எம்எல்ஏக்கள்-வல-3035800.html
3035403 நாகப்பட்டினம் காரைக்கால் ஆசிரியர் பணியிடங்களை முழுமையாக நிரப்ப வேண்டும்: ஏ.எம்.எச். நாஜிம் வலியுறுத்தல் DIN DIN Friday, November 9, 2018 08:06 AM +0530 காரைக்காலுக்குத் தேவையான ஆசிரியர் பணியிடங்களை முழுமையாக நிரப்ப அரசு முயற்சி செய்ய வேண்டும் என திமுக காரைக்கால் திமுக அமைப்பாளரும், முன்னாள் அமைச்சருமான ஏ.எம்.எச். நாஜிம் கூறினார்.
இதுகுறித்து திருப்பட்டினம் திமுக அலுவலகத்தில் செய்தியாளர்களிடம் வியாழக்கிழமை அவர் கூறியது :
காரைக்கால் பள்ளிகளில் நீண்ட காலமாக ஆசிரியர் பணியிடங்கள் காலியாக உள்ளன. இதை நிரப்ப வேண்டும் என திமுக பல நிலைகளில் அரசிடம் வலியுறுத்தி வருகிறது.
ஆசிரியர்களை ஒப்பந்த அடிப்படையில் நிரப்ப அரசு முடிவெடுத்தபோது, காரைக்கால் பகுதியின் காலிப் பணியிடங்களை, இந்த பகுதியினரைக் கொண்டே நிரப்ப வேண்டும் என  எங்களது கோரிக்கையை ஏற்றுக்கொண்டு அரசு உத்தரவு பிறப்பித்ததற்கு நன்றி தெரிவித்துக்கொள்கிறேன்.
இந்த நியமனம் என்பது நிரந்தர பணியை போன்றது அல்ல. ஒவ்வொரு துறையிலும் ஒப்பந்த அடிப்படையில் நியமிக்கும்போது, அதே பிராந்தியத்தைச் சேர்ந்தோரை நியமித்து வருவது தொடர்ந்து கடைப்பிடிக்கப்படும்  நடைமுறை. இது பிராந்திய இடஒதுக்கீடாக கருதக்கூடாது. பிராந்திய ஒதுக்கீடு செய்யப்படுவதுபோன்று பொய் பிரசாரத்தை புதுச்சேரியில் சிலர் செய்து வருகின்றனர்.  திமுகவின் கோரிக்கை அரசால் ஏற்கப்பட்டாலும், அரசின் அறிவிப்பில் திருப்தியடைய முடியவில்லை. காரைக்காலுக்குத் தேவையான அளவைவிட மிகவும் குறைவான அளவிலேயே அறிவிப்பு செய்யப்பட்டுள்ளது. இப்போது காரைக்காலில் 60 பயிற்சி பெற்ற பட்டதாரி ஆசிரியர்கள் (டிஜிடி) ஆசிரியர்கள் பணியிடம் காலியாக உள்ளன.  புதுச்சேரி பிராந்தியத்தை சேர்ந்தோர் 40 பேர் பணியாற்றுகின்றனர். இவர்கள் புதுச்சேரி பிராந்தியத்துக்கு பணியிட மாற்றம் கோரி வருகின்றனர். இவர்களை மாற்றுவதற்கு இயக்குநர் உறுதியளித்துள்ளார். பணியிடமாற்றம் நடந்தால் மேலும் 40 இடங்கள் காலியாகிவிடும்.
தலைமையாசிரியர் நிலையில் பதவி உயர்வுகள் தரப்பட்டால் கூடுதலாக இடங்கள் காலியாகும். இந்த நிலையிலான ஆசிரியர்கள் மட்டும் 150 பேர் நிரப்பியாக வேண்டிய கட்டாயம் ஏற்படுகிறது. ஆனால், அரசு அறிவிப்பில், ஆங்கில மொழி ஆசிரியர் 15 பேர் மட்டும் நியமிக்கப்படுகிறார். காரைக்காலுக்குத் தேவையான இடத்தை முழுமையாக நிரப்ப அரசு முயற்சி செய்ய வேண்டும்.
அரசு தரப்பில் 145 இடம் காலி என கூறுப்படுவதில், 93 பாலசேவிகா உள்ளது. பாலசேவிகாவுக்காக அரசாணை பெறுவதற்கு 5 ஆண்டுகள் போராடியுள்ளோம். அரசாணை வெளியாகி 2 ஆண்டுகள் கடந்தும்விட்டது. காரைக்காலில் காலியாகும் இடத்தை முழுமையாக நிரப்பும் வகையில் அரசு சிந்தித்து நடவடிக்கை எடுக்க வேண்டும். இதில் பிராந்திய கோஷத்தை எழுப்புவோர் கருத்துகளை அரசு ஏற்கக்கூடாது என்றார் நாஜிம்.
பேட்டியின்போது, திமுக தலைமை செயற்குழு உறுப்பினரும், சட்டப் பேரவை உறுப்பினருமான கீதாஆனந்தன் உடன் இருந்தார்.

]]>
http://www.dinamani.com/all-editions/edition-nagapattinam/karaikal/2018/nov/09/ஆசிரியர்-பணியிடங்களை-முழுமையாக-நிரப்ப-வேண்டும்-ஏஎம்எச்-நாஜிம்-வலியுறுத்தல்-3035403.html
3035402 நாகப்பட்டினம் காரைக்கால் எம்எல்ஏ அன்பழகன் மீது ஆளுநர் நடவடிக்கை எடுக்க வலியுறுத்தல் DIN DIN Friday, November 9, 2018 08:05 AM +0530 பிரெஞ்சிந்திய உடன்பாட்டுக்கு எதிராகப் பேசும் எம்.எல்.ஏ. அன்பழகன் மீது புதுச்சேரி துணை நிலை ஆளுநர் கிரண் பேடி நடவடிக்கை எடுக்க வேண்டும் என வலியுறுத்தப்பட்டுள்ளது.
இதுகுறித்து காரைக்கால் போராட்டக் குழு அமைப்பாளர் வழக்குரைஞர் எஸ்.பி. செல்வசண்முகம் வியாழக்கிழமை கூறியது :
பிரெஞ்சிந்திய உடன்பாடுகளின் அடிப்படையிலேயே புதுச்சேரியில் அமைச்சரவை, தனி நிர்வாக அமைப்பு, சட்டப் பேரவை ஆகியவை அமைந்துள்ளன. புதுச்சேரி யூனியன் பிரதேசமாகவும் தொடர்கிறது. இல்லாவிட்டால் எப்போதோ புதுச்சேரி பிராந்தியங்கள் தமிழகத்தோடு இணைக்கப்பட்டிருக்கும்.
இந்த உடன்படிக்கையின் சரத்துகளின் அடிப்படையில் பிரெஞ்சிந்திய பூர்வக்குடி மக்கள் உரிய பாதுகாப்பு, சலுகைகள் பெறும் வகையில் இன்றுவரை மத்திய அரசு நிதி வழங்கி வருகிறது. கடந்த 2006 -ஆம் ஆண்டு காரைக்கால் போராட்டக் குழு நடத்திய போராட்டத்தின் அடிப்படையில், உயர்கல்வியில் பிராந்திய அளவில் இடஒதுக்கீடு கிடைத்தது.
இதை எதிர்த்து உயர்நீதிமன்றத்தில் தொடரப்பட்ட வழக்குகள் தள்ளுபடி செய்யப்பட்டன. பிராந்திய இடஒதுக்கீடு செல்லும் என நீதிமன்றம் கூறியது.
இதைத் தொடர்ந்து, காரைக்கால் பிராந்தியத்தைச் சேர்ந்தோருக்கு வேலைவாய்ப்பு, காரைக்காலுக்கென தனி பட்ஜெட் என்ற கோரிக்கையை போராட்டக் குழு முன்வைத்து போராடி வருகிறது.
தற்போது புதுச்சேரி கல்வித்துறையில் உள்ள ஆசிரியர் உள்ளிட்டோரின் காலிப் பணியிடங்களை நிரப்ப அரசு நடவடிக்கை எடுத்தது. பிராந்திய அளவில் பணி நியமன ஒதுக்கீட்டுக்கு துணை நிலை ஆளுநர் ஒப்புதல் தந்துள்ளார். இது வரவேற்புக்குரியது.  ஆனால், புதுச்சேரியைச் சேர்ந்த எம்.எல்.ஏ. அன்பழகன், இந்த அனுமதிக்கு எதிர்ப்பு தெரிவித்துள்ளார். மேலும், உயர்கல்வியில் காரைக்காலுக்கு பிராந்திய ஒதுக்கீடு தருவதையும் அவர் கண்டித்துள்ளார்.
அவர் எம்.எல்.ஏ.வாக இன்று இருப்பதற்கு பிரெஞ்சிந்திய உடன்படிக்கைதான் காரணம். பிரெஞ்சிந்திய உடன்படிக்கை இந்திய அரசியலமைப்பு சார்ந்ததாகும். காரைக்கால் நலனுக்கு எதிராக குரல் கொடுப்பது, எதிராக செயல்படுவது என்பது இந்திய அரசியலமைப்புக்கு எதிராக செயல்படுவதாக அர்த்தம் கொள்ள முடியும். எனவே, இவரது போக்குகள் நீடிக்க வாய்ப்பளிக்காமல், அவரது பதவியை பறிக்க துணை நிலை ஆளுநர் கிரண் பேடி நடவடிக்கை எடுக்க வேண்டும்.
பிராந்திய மக்களிடையே மன வேறுபாடு ஏற்படுத்தும் வகையில் அவர் தகவல் வெளியிட்டது, புதுச்சேரி, காரைக்கால் ஆகிய பிராந்திய மக்களின் நலனுக்கு உகந்தது அல்ல.
இப்போதும் காரைக்காலில் 50 சதவீத அரசுத்துறையினர் புதுச்சேரி பிராந்தியத்தைச் சேர்ந்தோராகவே இருக்கின்றனர். காரைக்கால் மக்கள் இதுகுறித்து கேள்வி எழுப்பவில்லை. இவரது போக்குகள், பிராந்தியங்களிடையே விரோதத்தை ஏற்படுத்தும். நீதிமன்றம் பிராந்திய ஒதுக்கீட்டை அனுமதித்துவிட்ட பிறகும் தொடர்ந்து இதன் மீது விமர்சனம் செய்து வருவதையும், இந்திய அரசியலமைப்புக்கு எதிராகப் பேசுவதையும் எம்எல்ஏ  அன்பழகன் நிறுத்திக்கொள்ளவேண்டும் என்றார் செல்வசண்முகம்.

]]>
http://www.dinamani.com/all-editions/edition-nagapattinam/karaikal/2018/nov/09/எம்எல்ஏ-அன்பழகன்-மீது-ஆளுநர்-நடவடிக்கை-எடுக்க-வலியுறுத்தல்-3035402.html
3035401 நாகப்பட்டினம் காரைக்கால் மேலவாஞ்சூர் சாலைகளில் கழிவுநீர் தேக்கம்: மார்க்சிஸ்ட் கம்யூனிஸ்ட் புகார் DIN DIN Friday, November 9, 2018 08:04 AM +0530 மேலவாஞ்சூர் பகுதியில் சாலைகள் சீர்கேடும், சாலைகளில் கழிவுநீர் தேக்கமும் மக்களை வெகுவாக பாதிப்பதாக மார்க்சிஸ்ட் கம்யூனிஸ்ட் கட்சி கூறியுள்ளது.
காரைக்கால் மாவட்டம், திருமலைராயன்பட்டினம் கொம்யூன்,  மேலவாஞ்சூரில் மார்க்சிஸ்ட் கம்யூனிஸ்ட் கட்சியின் கிளை கூட்டம் வியாழக்கிழமை  கிளை செயலர் கே. ஸ்ரீதர் தலைமையில் நடைபெற்றது.
மூத்த உறுப்பினர்கள் தமிழ்மணி, அப்துல்லா, பிரதேச செயற்குழு உறுப்பினர் வே.கு. நிலவழகன், காரைக்கால் வட்டச் செயலர் எஸ்.எம். தமீம், மாவட்டக் குழு உறுப்பினர் என்.எம். கலியபெருமாள் உள்ளிட்டோர், மக்கள் சந்திக்கும் பல்வேறு பிரச்னைகள் குறித்தும், கட்சியின் செயல்பாடுகள் குறித்தும் பேசினர்.
கூட்டத்தில் நிறைவேற்றப்பட்ட தீர்மானங்கள் :
மேலவாஞ்சூர் காமக்கோடி நகரில் சுமார் 30 ஆண்டுகளுக்கு முன்னர் போடப்பட்ட சாலைகள் மிகவும் சிதிலமடைந்து சேறும், சகதியுமாக காணப்படுகின்றன. இந்த சாலையிலேயே கழிவுநீரும் தேங்கி நிற்கிறது. மக்களை பல நிலைகளில் பாதிக்கும் இந்த பகுதியை சீரமைக்க வேண்டும். ஆசாரியார் தெருவில் கழிவுநீர் வடிகால் இல்லாத காரணத்தால் மக்களுக்கு பல்வேறு சிரமங்கள் ஏற்படுகின்றன. அதனால் அங்கு கழிவுநீர் வடிகால் வசதி ஏற்படுத்தப்பட வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன. தீர்மானங்கள் அடங்கிய மனுவை கட்சியினர் திருமலைராயன்பட்டினம் கொம்யூன் பஞ்சாயத்து ஆணையர் ஜான் அரேலியஸை சந்தித்து அளித்தனர்.

]]>
http://www.dinamani.com/all-editions/edition-nagapattinam/karaikal/2018/nov/09/மேலவாஞ்சூர்-சாலைகளில்-கழிவுநீர்-தேக்கம்-மார்க்சிஸ்ட்-கம்யூனிஸ்ட்-புகார்-3035401.html
3035400 நாகப்பட்டினம் காரைக்கால் பட்டாசுக் குப்பைகள் 2 டன் அகற்றம் DIN DIN Friday, November 9, 2018 08:04 AM +0530 காரைக்காலில் தீபாவளி பண்டிகையொட்டி, பட்டாசுக் குப்பைகள் வழக்கத்தைவிட கூடுதலாக 2 டன் அகற்றப்பட்டதாக நகராட்சி நிர்வாகம் தெரிவித்தது.
காரைக்கால் நகராட்சிக்குள்பட்ட 18 வார்டுகளில் வீடு வீடாகவும், வணிக நிறுவனங்களிடமிருந்தும் மக்கும் குப்பை, மக்காத குப்பை சேகரிக்கும் பணியை தனியார் நிறுவனத்திடம் நகராட்சி நிர்வாகம்  ஒப்படைத்துள்ளது. ஹேண்ட் இன் ஹேண்ட் என்கிற நிறுவனம் திடக்கழிவு மேலாண்மை என்கிற திட்டத்தை, காரைக்கால் பகுதி பறவைப்பேட் என்கிற இடத்தில் செயல்படுத்தி வருகிறது.
இந்த பகுதியிலிருந்து தினமும் 40 டன் குப்பையை நிறுவனத்தின் பசுமை நண்பர்கள் என்றழைக்கப்படும் தொழிலாளர்கள் அகற்றிவருகின்றனர். தீபாவளி தினத்தன்று பட்டாசுக் குப்பைகள் அதிகமாக சேரும் என்பதால், இந்த பணியில் தொழிலாளர்கள் தீவிரமாக பங்கெடுக்க வேண்டும். காரைக்கால் நகரின் தூய்மையில் சிறப்பு கவனம் செலுத்த வேண்டும் என நகராட்சி நிர்வாகம் கேட்டுக்கொண்டது.
இதுகுறித்து நகராட்சி ஆணையர் எஸ். சுபாஷ் வியாழக்கிழமை கூறும்போது, வழக்கமாக தினமும் 40 டன் குப்பைகள் சேகரிக்கப்படுகிறது. 
தீபாவளி நாளில் குப்பைகள் அதிகமாக சேரும் என்பதால், தூய்மைப் பணியில் ஈடுபடுவோர் அதிக சிரத்தையுடன் செயல்படுமாறு கேட்டுக்கொண்டோம். இதன்படி, ஏறக்குறைய 2 டன் குப்பை கூடுதலாக அகற்றப்பட்டுள்ளது. பருவமழைக் காலமாக இருப்பதால், பொதுமக்கள் குப்பைகளை சாலையோரத்தில் வீசியெறிவதைத் தவிர்த்து, வீடுகளுக்கு வரும் தொழிலாளர்ள் வசம் மக்கும் குப்பை, மக்காத குப்பையாக தரம் பிரித்து ஒப்படைக்க வேண்டும். காரைக்கால் நகரின் சுகாதாரத்துக்கு மக்களின் ஒத்துழைப்பு மிகவும் அவசியம் என்றார் அவர்.
 

]]>
http://www.dinamani.com/all-editions/edition-nagapattinam/karaikal/2018/nov/09/பட்டாசுக்-குப்பைகள்-2-டன்-அகற்றம்-3035400.html