Dinamani - காரைக்கால் - http://www.dinamani.com/all-editions/edition-nagapattinam/karaikal/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2826703 நாகப்பட்டினம் காரைக்கால் சனிப்பெயர்ச்சி விழா: நளன் தீர்த்தக் குளம் மாசடையாமல் இருக்க பக்தர்கள் ஒத்துழைப்பு தர வேண்டும்: கோயில் நிர்வாகம் வேண்டுகோள் DIN DIN Friday, December 15, 2017 01:52 AM +0530 திருநள்ளாறு நளன் தீர்த்தக் குளத்தில் சோப்பு, ஷாம்பு போன்றவற்றை பக்தர்கள் பயன்படுத்தாமலும், குளம் மாசடையாமலும் இருக்க ஒத்துழைப்புத் தருமாறு கோயில் நிர்வாகம் வேண்டுகோள் விடுத்துள்ளது.
இதுகுறித்து காரைக்கால் மாவட்ட ஆட்சியரும், திருநள்ளாறு ஸ்ரீ தர்பாரண்யேசுவரர் கோயில் தனி அலுவருமான ஆர். கேசவன் செய்தியாளர்களுக்கு வியாழக்கிழமை அளித்த பேட்டி :
திருநள்ளாறு ஸ்ரீ தர்பாரண்யேசுவரர் கோயிலில் வரும் 19-ஆம் தேதி காலை 10.01 மணிக்கு விருச்சிக ராசியிலிருந்து தனுசு ராசிக்கு சனீஸ்வர பகவான் பிரவேசமாகும் விழா நடைபெறவுள்ளது.
மாவட்ட நிர்வாகம், கோயில் நிர்வாகம் இணைந்து பல்வேறு சிறப்பு ஏற்பாடுகளை செய்துள்ளது. கூட்டத்தை நிர்வகிக்கும் திட்டங்கள் இந்த விழாவில் அமல்படுத்தப்படுகிறது. குறிப்பாக, கட்டுப்பாட்டு அறையை 04368-237600 மற்றும் கோயில் நிர்வாக தொடர்பு எண் 04368-236504 மற்றும் 1070 என்ற எண்ணை பக்தர்கள் தொடர்புகொள்ளலாம்.
கூட்டத்தை உயரமான பகுதிகளில் இருந்து கண்காணிக்க சிறப்பு ஏற்பாடுகள் செய்யப்பட்டுள்ளன. மாற்றுத் திறனாளிகளுக்கு உதவவும், முதியோர், கர்ப்பிணிகளுக்கு உதவவும் தன்னார்வலர்கள் ஈடுபடுத்தப்படுகின்றனர். வரிசையில் செல்வோர் அவசரமாக வெளியேறி திரும்ப வேண்டும், கழிப்பறை செல்ல வேண்டும் என்றிருந்தால், ஒரு டோக்கன் தரப்படும். அதை கொண்டுவந்து காட்டி, நின்ற இடத்திலேயே மீண்டும் இணைந்து கொள்ளலாம்.
பல லட்சம் பக்தர்களையும் முறைப்படுத்தி தரிசனம் செய்துவைக்க பல்வேறு குழுக்கள் அமைக்கப்பட்டுள்ளன.
இலவச வரிசை, ரூ. 200 மற்றும் ரூ. 500 கட்டண வரிசை அமைக்கப்பட்டுள்ளன. டிக்கெட்டுகள் கோயில் நிர்வாகத்தால் அங்கீகரிக்கப்பட்ட கவுன்டர்களில் மட்டுமே கொடுக்கப்படும். இலவச தரிசன பாஸ் கோயில் அலுவலகத்தால் மட்டுமே வழங்கப்படும்.
டிக்கெட்டுகள் மற்றும் பாஸ்களின் உண்மைத் தன்மையை உறுதி செய்ய அனைத்திலும் தேவஸ்தான ஹாலோகிராம் ஒட்டப்பட்டிருக்கும்.
பக்தர்கள் சிரமமின்றி டிக்கெட்டுகள் வாங்க ஏதுவாக தேர்ந்தெடுக்கப்பட்ட 15 இடங்களில் மையங்கள் அமைத்து வழங்கப்படும்.
வரிசைகளில் செல்லும் பக்தர்கள் சற்று ஓய்வெடுக்க ஏதுவாக ஆங்காங்கே உட்கார்ந்து செல்ல இருக்கை வசதிகள் செய்யப்பட்டுள்ளன. வரிசை வளாகத்தில் செல்லும் கட்டணமில்லா தரிசன பக்தர்களுக்கு பல்வேறு வசதிகள் செய்யப்பட்டுள்ளன.
பக்தர்களுக்கு உணவு, ரொட்டி, குடிநீர் ஆகியவை வழங்கப்படும். இவற்றை பயன்படுத்தி எஞ்சியதை தூக்கியெறியாமல் இருக்க, ஆங்காங்கே குப்பை சேகரிக்க பைகள் வைக்கப்படும். துப்புரவுத் தொழிலாளர்களும் வரிசைப் பகுதியில் பணியாற்றுவர். அவர்களிடம் ஒப்படைக்க வேண்டும். நகரப் பகுதியில் 24 மணிநேரமும் குப்பை அகற்றும் பணிகள் நடைபெறும். 4 மருத்துவ முகாம்கள் அமைக்கப்படுகின்றன. அரசு மருத்துவமனை மருத்துவர்கள், விநாயகா மிஷன்ஸ் மருத்துவக் கல்லூரி மருத்துவமனை மருத்துவர்கள் பணியாற்றுவர்.
தாய்மார்களுக்காக ஆங்காங்கே குழந்தைகளுக்கு தாய்ப்பால் புகட்ட அடைப்பு வசதியுடன் மையங்கள் அமைக்கப்பட்டுள்ளன. பல்வேறு மொழிகளில் பக்தர்களுக்கு ஒலிபெருக்கி வாயிலாக தகவல் தெரிவிக்கப்படும் பணி தொடர்ந்து நடைபெறும்.
பக்தர்கள் அனைவரும் ஆகம முறைப்படி மூலவரான ஸ்ரீ தர்பாரண்யேசுவரர், ஸ்ரீ பிரணாம்பிகை, ஸ்ரீ சனீஸ்வர பகவான் போன்ற அனைத்து சன்னிதிகளிலும் தரிசனம் செய்ய முதல் முறையாக வசதிகள் செய்யப்பட்டுள்ளன. இதில் விரும்பும் பக்தர்கள் செல்லலாம், சனீஸ்வர பகவானை மட்டும் தரிசனம் செய்ய முடிவெடுப்போருக்கும் அதற்கான தனி வரிசையில் செல்ல வசதி செய்யப்பட்டுள்ளது.
போக்குவரத்து வசதிகள் : அண்டை மாநிலத்து பக்தர்களின் வருகையை கருத்தில்கொண்டு, அண்டை மாநிலங்களில் இருந்து போக்குவரத்துத் துறையினர் உதவியுடன் போக்குவரத்து வசதிகளாக ஏறக்குறைய 350 பேருந்து வசதிகள் செய்யப்பட்டுள்ளன.
பக்தர்களின் கார், வேன் போன்ற வாகனங்களை நிறுத்த கோயில் சுற்றுவட்டாரத்தில் பல இடங்களில் பார்க்கிங் வசதிகள் செய்யப்பட்டுள்ளன. இதற்கான அறிவிப்புகள் காரைக்கால் மாவட்ட எல்லைகளில் பதாகைகளாக வைக்கப்படும்.
பக்தர்கள் நன்மைக்காக பக்தர்கள் அதிகம் கூடும் இடங்கள் அடையாளம் காணப்பட்டு, தாற்காலிக முறையில் குளிர்சாதன வசதிகள் செய்யப்பட்டுள்ளன.
ரூ. 500 கட்டண வரிசை கோயில் கீழ வீதியிலிருந்து ராஜகோபுரம் வழியாக கோயிலுக்குள் செல்லும். ரூ. 200 மேல வீதியிலிருந்து சரஸ்வதி தீர்த்தம் வழியாக கோயிலுக்குள் செல்லும். சிறப்பு அட்டை வைத்திருப்போரும் இந்த வரிசையின் துணை வரிசை வழியே கோயிலுக்குள் செல்ல வசதி செய்யப்பட்டுள்ளது.
நளன் குளம் சுற்றுவட்டாரத்தில் நிரந்தர கழிப்பறை வசதி உள்ளது. தவிர, பக்தர்கள் அதிகமாக கூடும் இடங்கள் கண்டறியப்பட்டு, இலவச கழிப்பறை (மொபைல்) வசதிகள் செய்யப்பட்டுள்ளன. நளன் குளத்தில் பக்தர்கள் மூழ்கிவிடாதபடி படகு மூலம் கண்காணிப்பும், அங்கேய தீயணைப்பு வாகனம் ஒன்றும், ஆம்புலன்ஸ் வாகனம் ஒன்றும் நிறுத்தப்பட்டிருக்கும்.
நளன் குளம் : நளன் தீர்த்தக் குளத்தில் பக்தர்கள் நீராடும் வகையில் தூர்வாரப்பட்டு புதிதாக தண்ணீர் விடப்பட்டுள்ளது. குளத்தில் நீராடும் பெண்கள் உடைமாற்ற அறைகள் அதிகளவில் அமைக்கப்பட்டுள்ளன. நீராடும்போது சோப்பு, ஷாம்பு போன்றவற்றை பயன்படுத்துவதை தவிர்க்க வேண்டும். நளன் குளத்திற்குள்ள புனிதத்தன்மை கெடாமலும், தண்ணீர் மாசடையாத வகையிலும் பக்தர்கள் ஒத்துழைப்பு தர வேண்டும்.
திருநள்ளாறு வரக்கூடிய அனைத்து பக்தர்களும் குறித்த நேரத்தில் தரிசனம் செய்துத் திரும்பவும், பாதுகாப்பிலும் சிறப்பு கவனம் செலுத்தப்படுகிறது என்றார்.
பேட்டியின்போது சார்பு ஆட்சியரும், கோயில் நிர்வாக அலுவலருமான (பொ) ஏ.விக்ராந்த் ராஜா உடனிருந்தார்.

 

]]>
http://www.dinamani.com/all-editions/edition-nagapattinam/karaikal/2017/dec/15/சனிப்பெயர்ச்சி-விழா-நளன்-தீர்த்தக்-குளம்-மாசடையாமல்-இருக்க-பக்தர்கள்-ஒத்துழைப்பு-தர-வேண்டும்-கோயில-2826703.html
2826702 நாகப்பட்டினம் காரைக்கால் காரைக்கால் வேளாண் அறிவியல் நிலையத்தில் அமைச்சர் ஆய்வு DIN DIN Friday, December 15, 2017 01:51 AM +0530 காரைக்கால் வேளாண் அறிவியல் நிலையத்தில் அமைச்சர் ஆர்.கமலக்கண்ணன் வியாழக்கிழமை ஆய்வு மேற்கொண்டார்.
காரைக்கால் மாவட்டம், திருநள்ளாறு பகுதியில் உள்ள வேளாண் அறிவியல் நிலையத்தில் பணியாளர்கள் உரிய நேரத்தில் பணிக்கு வருவதில்லை, எந்தவித முன்னேற்றமும் நிலையத்தில் இல்லை, விவசாயிகளுக்கு பயனுள்ள வகையில் செயல்பாடுகள் இல்லை என புகார் கூறப்படுகிறது.
இந்த நிலையில், வேளாண் துறை அமைச்சர் ஆர். கமலக்கண்ணன், இந்நிலையத்தில் வியாழக்கிழமை காலை திடீர் ஆய்வு மேற்கொண்டார். அப்போது, ஊழியர்கள் வருகைப் பதிவேட்டைப் பார்வையிட்ட அமைச்சர், 4 பேர் பணிக்கு வராமலிருப்பதை கண்டறிந்த அமைச்சர், நால்வருக்கும் ஒரு நாள் ஆப்சென்ட் பதிவு செய்யுமாறு உத்தரவிட்டார். மேலும், ஊழியர்கள் முதல் பண்ணையில் பணியாற்றும் அனைவரும் வேலைக்கு குறித்த நேரத்திற்குள் வரவேண்டும். இல்லையெனில் விதிகளின்படி நடவடிக்கை எடுக்கப்படும் என எச்சரித்தார்.
பின்னர், நிலையத்தின் வேளாண் பண்ணைப் பகுதிகளைப் பார்வையிட்ட அமைச்சர், அங்கு, பணிகள் முறையாக நடைபெறவில்லை என வேதனை தெரிவித்தார்.
விவசாயிகளுக்கு வேளாண் தொழில்நுட்பத்தை மாதிரியாக செய்துக்காட்டி, உயர் விளைச்சலுக்கு ஆலோசனை தெரிவிக்கவேண்டிய நிலையம், செயலிழந்திருப்பதாக கண்டித்த அமைச்சர், வருமாண்டில் ஒவ்வொரு பயிரும் அதற்குரிய காலத்தில் பயிரிடப்பட்டு, நல்ல விளைச்சலைக் காட்டி, விவசாயிகளுக்கு பயன்படும் வகையில் நிலையம் செயல்படவேண்டும் என
அறிவுறுத்தினார்.

 

]]>
http://www.dinamani.com/all-editions/edition-nagapattinam/karaikal/2017/dec/15/காரைக்கால்-வேளாண்-அறிவியல்-நிலையத்தில்-அமைச்சர்-ஆய்வு-2826702.html
2826701 நாகப்பட்டினம் காரைக்கால் சனிப்பெயர்ச்சி: சிரமமில்லாமல் தரிசனம் செய்ய சிறப்பு ஏற்பாடுகள்: முதல்வர் வி.நாராயணசாமி DIN DIN Friday, December 15, 2017 01:51 AM +0530 திருநள்ளாறு சனிப்பெயர்ச்சி விழாவில் பக்தர்கள் சிரமமில்லாமல் தரிசனம் செய்ய பல்வேறு சிறப்பு ஏற்பாடுகள் செய்யப்பட்டுள்ளதாக முதல்வர் வி.நாராயணசாமி தெரிவித்தார்.
காரைக்காலில் பல்வேறு நிகழ்ச்சிகளில் பங்கேற்கும் வகையில் வியாழக்கிழமை வந்த புதுச்சேரி முதல்வர் வி.நாராயணசாமி, திருநள்ளாறு ஸ்ரீ தர்பாரண்யேசுவரர் கோயிலுக்கு சென்று தரிசனம் செய்தார். மாவட்ட ஆட்சியர் ஆர்.கேசவன், கோயில் நிர்வாக அலுவலர் ஏ.விக்ராந்த் ராஜா உள்ளிட்ட அலுவலர்களுடன் அவர் ஆலோசனை நடத்தினார்.
கூட்டத்துக்குப் பின் செய்தியாளர்களிடம் வி.நாராயணசாமி கூறியது :
வருகிற 19-ஆம் தேதி நடைபெறவுள்ள சனிப்பெயர்ச்சி விழா ஏற்பாடுகள் குறித்து அலுவலர்களுடன் ஆலோசனை நடத்தப்பட்டது.
கட்டண வரிசை, கட்டணமில்லா தரிசன வரிசை என இரு வகைப்படுத்தப்பட்டுள்ளது. மூலவர் தர்பாரண்யேசுவரர் மற்றும் சனீஸ்வரபகவானை தரிசனம் செய்ய என இருவகை வரிசை அமைக்கப்பட்டுள்ளது. பக்தர்களுக்கு குடிநீர் வசதி, உணவு வழங்கல், சுகாதார வசதிகளுக்கான ஏற்பாடுகள் சிறப்பாக செய்யப்பட்டுள்ளன.
கோயில் மற்றும் நளன் குளம், பேருந்து நிறுத்தப்பகுதியில் 200-க்கும் மேற்பட்ட கண்காணிப்பு கேமரா வைக்கப்பட்டு கண்காணிக்கப்படும். புதுச்சேரி மாநிலத்தில் பணியாற்றக்கூடிய காவலர்களில் 1,300 பேர் திருநள்ளாறு சனிப்பெயர்ச்சி விழா பாதுகாப்புப் பணியில் ஈடுபடுத்தப்படுவர். பக்தர்களாக இருந்தாலும், வி.ஐ.பி.யாக இருந்தாலும் வெகுநேரம் காத்திருக்காமல், குறுகிய நேரத்தில் தரிசனம் செய்ய ஏதுவாக வசதிகள் உருவாக்கப்பட்டுள்ளன.
நளன் குளம், கோயில் மற்றும் சுற்றுவட்டாரப் பகுதியில் நெரிசல் இல்லாத வகையில் ஏற்பாடுகளைச் செய்யவேண்டும் என அலுவலர்களுக்கு அறிவுறுத்தப்பட்டுள்ளது.
சனிப்பெயர்ச்சி தொடர்பாக இதுவரை பல ஆலோசனைக் கூட்டங்கள் அமைச்சர் ஆர்.கமலக்கண்ணன் தலைமையில் நடத்தப்பட்டு, அதன்படி பல நடவடிக்கைகள் எடுக்கப்பட்டுள்ளன.
புதுச்சேரி மாநில பேருந்துள், தமிழக அரசுப் பேருந்துகள் விழா சிறப்புப் பேருந்துகளாக இயக்க நடவடிக்கை எடுக்கப்பட்டுள்ளது. காரைக்காலுக்கு கூடுதலாக ரயிலை இயக்க வேண்டும் என ரயில்வே நிர்வாகத்துக்கு கடிதம் எழுதப்பட்டுள்ளது. இதுதொடர்பாக தொடர்ந்து வலியுறுத்தப்படும்.
விழாவையொட்டி 19-ஆம் தேதி மதுக்கடை உள்ளிட்ட அனைத்துக்கும் மாவட்ட அளவில் பொது விடுமுறை அளிக்கப்படும். பள்ளிகளுக்கு மட்டும் 2 நாள்கள் விடுமுறை அளிக்கப்படும் என்றார் முதல்வர்.
பேட்டியின்போது சட்டப்பேரவைத் தலைவர் வி.வைத்திலிங்கம், அமைச்சர்கள் ஆ.நமச்சிவாயம், ஆர்.கமலக்கண்ணன், எம்.கந்தசாமி, எம்.எல்.ஏ.க்கள் லட்சுமிநாராயணன், ஜெயமூர்த்தி உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/15/சனிப்பெயர்ச்சி-சிரமமில்லாமல்-தரிசனம்-செய்ய-சிறப்பு-ஏற்பாடுகள்-முதல்வர்-விநாராயணசாமி-2826701.html
2826700 நாகப்பட்டினம் காரைக்கால் எம்எல்ஏ அலுவலகம் திறப்பு DIN DIN Friday, December 15, 2017 01:51 AM +0530 காரைக்கால் தெற்குத் தொகுதி சட்டப்பேரவை உறுப்பினர் அலுவலகத்தை சட்டப்பேரவைத் தலைவர் வி.வைத்திலிங்கம் வியாழக்கிழமை திறந்துவைத்தார்.
காரைக்கால் தெற்கு சட்டப்பேரவைத் தொகுதியிலிருந்து புதுச்சேரி சட்டப்பேரவைக்குத் தேர்ந்தெடுக்கப்பட்டவர் அதிமுகவை சேர்ந்த கே.ஏ.யு.அசனா. இவருக்கு, மாவட்ட ஆட்சியர் அலுவலம் அருகே நகராட்சிக்குச் சொந்தமான பழைய கட்டடத்தை சீரமைத்து புதுச்சேரி அரசு, பேரவை உறுப்பினர் அலுவலகமாக அளித்தது. இதை முதல்வர் வி.நாராயணசாமி முன்னிலையில் சட்டப்பேரவைத் தலைவர் வி.வைத்திலிங்கம் திறந்துவைத்தார். அலுவலக செயல்பாடுகளைத் தொடங்கும் வகையில் முதல்வர் குத்துவிளக்கேற்றினார். நிகழ்ச்சியில் அமைச்சர்கள் ஆ.நமச்சிவாயம், ஆர்.கமலக்கண்ணன், எம்.கந்தசாமி, சட்டப்பேரவை துணைத் தலைவர் சிவக்கொழுந்து, சட்டப்பேரவை உறுப்பினர் கே.ஏ.யு.அசனா, மாவட்ட ஆட்சியர் ஆர்.கேசவன் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2017/dec/15/எம்எல்ஏ-அலுவலகம்-திறப்பு-2826700.html
2826699 நாகப்பட்டினம் காரைக்கால் மாவட்ட பாஜக அலுவலகம் திறப்பு DIN DIN Friday, December 15, 2017 01:51 AM +0530 காரைக்கால் மாவட்ட பாஜக தாற்காலிக அலுவலகத் திறப்பு விழா வியாழக்கிழமை நடைபெற்றது.
அலுவலகத்தை திறந்துவைத்த புதுச்சேரி மாநில பாஜக தலைவர் ஆர்.வி.சாமிநாதன் செய்தியாளர்களிடம் கூறியது :
காரைக்காலில் மாவட்ட அளவிலான பாஜக நிரந்தர அலுவலகம் விரைவில் அமைக்கப்படும். புதுச்சேரி மாநிலத்தின் 30 தொகுதிகளிலும் தொகுதி அலுவலகம் திறக்கப்பட்டுவருகிறது. இதுவரை 7 அலுவலகம் திறக்கப்பட்டுள்ளது.
புதுச்சேரியில் நியமன பாஜக எம்.எல்.ஏ.க்கள் மூவரும் மக்கள் நலனுக்காகப் பாடுபடுகிறார்கள். புதுச்சேரியில் 50 ஆண்டுகளுக்கும் மேலாக ஆட்சி செய்த காங்கிரஸ் கட்சியால் மாநிலத்தில் வளர்ச்சி இல்லை. குறிப்பாக காரைக்கால் பிராந்தியம் புறக்கணிக்கப்பட்டது. முதல்வர், அமைச்சருக்கிடையே பல்வேறு முரண்பாடுகள் இருக்கிறது. புதுச்சேரிக்குத் தேவையான நிதியை மத்திய அரசு தருகிறது. புதுச்சேரியில் ஊழலால் இதன் பயன் மக்களுக்கு கிடைக்கவில்லை. மாநிலத்தில் கடந்த 50 ஆண்டு காங்கிரஸ் ஆட்சி ஊழல் ஆட்சியாகவே இருந்துள்ளது. இந்த ஆட்சிகளின் ஊழலை மக்களிடையே விளக்கும் வகையில், புதுச்சேரியில் வரும் 23-ஆம் தேதி பாஜகவினர் நடைபயண பிரசாரம் மேற்கொள்ளவுள்ளனர்.
புதுச்சேரி துணை நிலை ஆளுநர் கிரண்பேடியை எதிர்த்து காங்கிரஸார் போராட்டம் நடத்துகின்றனர். அதுபோன்ற போராட்டம் இனிமேல் நடத்தினால், காங்கிரஸாரை எதிர்த்து பாஜகவினரும் போராட்டத்தில் ஈடுபடுவார்கள் என்றார். நிகழ்ச்சியில் நியமன சட்டப்பேரவை உறுப்பினர்கள் எஸ்.செல்வகணபதி, கே.ஜி.சங்கர், மாநில துணைத் தலைவர் வி.செல்வம், மாநில செயலர் எம்.அருள்முருகன், மாநில விவசாய அணி தலைவர் எஸ்.இளங்கோவன், காரைக்கால் மாவட்டத் தலைவர் டி.கே.எஸ்.எம்.மீனாட்சிசுந்தரம் உள்ளிட்ட பொறுப்பாளர்கள் பலர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2017/dec/15/மாவட்ட-பாஜக-அலுவலகம்-திறப்பு-2826699.html
2826698 நாகப்பட்டினம் காரைக்கால் திருநள்ளாறு கோயிலில் நவகிரக சாந்தி ஹோமம் DIN DIN Friday, December 15, 2017 01:50 AM +0530 திருநள்ளாறு சனிப்பெயர்ச்சி விழாவுக்கு வரும் பக்தர்களின் நலனுக்காக கோயிலில் நவகிரக சாந்தி ஹோமம் வியாழக்கிழமை நடைபெற்றது.
காரைக்கால் மாவட்டம், திருநள்ளாறில் பிரசித்திப் பெற்ற பிரணாம்பிகை சமேத ஸ்ரீதர்பாரண்யேசுவரர் சுவாமி கோயில் உள்ளது. இக்கோயிலில் சனீஸ்வர பகவான் தனி சன்னிதி கொண்டு பக்தர்களுக்கு அருள்பாலிக்கிறார். சனிப்பெயர்ச்சி விழா வரும் 19-ஆம் தேதி நடைபெறுகிறது. விழாவில், நாட்டின் பல்வேறு பகுதிகளில் இருந்து லட்சக்கணக்கான பக்தர்கள் தரிசனத்துக்கு வந்து செல்வர். பல்வேறு முன்னேற்பாடுகளை கோயில் நிர்வாகம் செய்து வரும் வேளையில், உலக நன்மைக்காகவும், பக்தர்களுக்கு சனீஸ்வர பகவானின் நன்மை பலன் கிடைக்க வேண்டியும் சிறப்பு நவகிரக சாந்தி ஹோமம் வியாழக்கிழமை சனீஸ்வர பகவான் சன்னிதி அருகே சிறப்பு யாக சாலையில் நடைபெற்றது. இதில், 120 வகையான மூலிகை, பழவகைகள், நவதானியங்கள் கொண்டு மகா ஹோமம் நடத்தப்பட்டது. கோயில் சிவாச்சாரியார்கள் மூலமந்திர ஜெப ஹோமங்கள் செய்தனர். தொடர்ந்து, சனீஸ்வர பகவானுக்கு உகந்த கரு நீலப்பட்டு கொண்டு மகா பூர்ணாஹூதி செய்யப்பட்டு தீபாராதனை நடைபெற்றது.
பிறகு, யாக சாலையில் வைத்து பூஜிக்கப்பட்ட கலச நீரைக் கொண்டு தர்பாரண்யேசுவரர், பிரணாம்பிகை மற்றும் சனீஸ்வர பகவானுக்கு அபிஷேகம் செய்யப்பட்டது. தொடர்ந்து, மகா தீபாராதனை காட்டப்பட்டு பக்தர்களுக்கு பிரசாதம் வழங்கப்பட்டது. ஹோமத்துக்கான ஏற்பாடுகளை கோயில் நிர்வாக அலுவலர் ஏ. விக்ராந்த்ராஜா, தருமபுரஆதீன கட்டளை விசாரணைப் பிரதிநிதி கந்தசாமி தம்பிரான் சுவாமிகள் ஆகியோர் செய்திருந்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/15/திருநள்ளாறு-கோயிலில்-நவகிரக-சாந்தி-ஹோமம்-2826698.html
2826697 நாகப்பட்டினம் காரைக்கால் ஸ்ரீகண்ட சிவாசார்ய வேதசிவாகம வித்யாபீட 21-ஆம் ஆண்டு நிறைவு விழா DIN DIN Friday, December 15, 2017 01:50 AM +0530 காரைக்கால் அருகே சுரக்குடி பகுதியில் ஸ்ரீகண்ட சிவாசார்ய வேதசிவாகம வித்யா பீட 21-ஆம் ஆண்டு நிறைவு விழா, கண்டமங்கலம் சுந்தர குருக்கள் ஜயந்தி விழா, வேத சிவாகம சம்ஸ்கிருத மாநாடு ஆகியவை புதன்கிழமை நடைபெற்றன.
நிகழ்ச்சிக்கு தஞ்சாவூர் அரண்மனை தேவஸ்தான பரம்பரை தர்மகர்தா சத்ரபதி பாபாஜி ராஜா பான்ஸ்லே தலைமை வகித்து, தமிழகம், கர்நாடகம், ஆந்திரம் ஆகிய மாநிலங்களில் இருந்து வந்திருந்த, சிவாகம விற்பன்னர்களுக்கு பதக்கம் வழங்கிப் பேசினார். சிறப்பு அழைப்பாளராக கலந்துகொண்ட புதுச்சேரி வேளாண் துறை அமைச்சர் ஆர்.கமலக்கண்ணன் பேசும்போது, சனாதன தர்மத்தையும், அதன் ஆணிவேராக இருக்கக்கூடிய ஆலயங்களின் அர்ச்சகர்களைப் பேணிக்காக்கவேண்டும். சைவாகம விஷயங்களில் சிறந்தவர்களைக் கௌரவிக்கவேண்டியது அவசியம் எனவும், அதற்கான விழாவாக இந்த நிகழ்ச்சி நடத்தப்படுவது பெருமையாக உள்ளதாக கூறினார். புதுச்சேரி இந்து சமய அறநிலையத்துறை ஆணையர் பி.தில்லைவேல் உள்ளிட்டோர் கலந்துகொண்டனர். நிகழ்ச்சியைத் தொடர்ந்து, சைவ விவேக நூல், வாக்ய பஞ்சாங்கம் வெளியிடப்பட்டது. ஸ்ரீகண்ட சிவாசார்ய வேத சிவாகம வித்யாபீட முதல்வர் பால.சர்வேஸ்வரகுருக்கள் வரவேற்றார். சி.ராமசாமி சிவாச்சாரியார் நன்றி கூறினார்.

]]>
http://www.dinamani.com/all-editions/edition-nagapattinam/karaikal/2017/dec/15/ஸ்ரீகண்ட-சிவாசார்ய-வேதசிவாகம-வித்யாபீட-21-ஆம்-ஆண்டு-நிறைவு-விழா-2826697.html
2825889 நாகப்பட்டினம் காரைக்கால் திருநள்ளாறில் ரூ.12 லட்சத்தில் வாகனங்களை நிறுத்த தளம் அமைக்கும் பணி DIN DIN Thursday, December 14, 2017 01:20 AM +0530 திருநள்ளாறில் கார் உள்ளிட்ட வாகனங்கள் நிறுத்த ரூ.12 லட்சத்தில் தளம் அமைக்கும் பணி 2 நாள்களில் நிறைவடையும் என கோயில் நிர்வாகம் தெரிவித்தது.
திருநள்ளாறு கோயில் நிதி ரூ.12 லட்சத்தில், வடக்குப் புறவட்டச் சாலையின் முகப்பில் உள்ள 4 ஏக்கர் நிலத்தை நிரந்தர நிலையில் தளத்தை மேம்படுத்தும் பணியை கோயில் நிர்வாகம் சனிப்பெயர்ச்சி விழாவை கருத்தில்கொண்டு அண்மையில் தொடங்கியது.
இதுகுறித்து கோயில் நிர்வாகத்தினர் புதன்கிழமை கூறியது: வடக்கு புறவட்டச் சாலை முகப்பில் 4 ஏக்கரில் நிலத்தை மேம்படுத்தும் பணி ஏறக்குறைய நிறைவுபெற்றுள்ளது. இந்தப் பணி அடுத்த 2 நாள்களில் முழுமைபெறும். இந்த மைதானத்தில் மட்டும் சுமார் 750-க்கும் மேற்பட்ட கார், வேன்கள் நிறுத்த முடியும். இதுபோல மேலும் 2 இடங்களில் தாற்காலிக தளம் அமைக்கும் பணி நடந்துவருகிறது. இதுவும் 2 நாளில் தயார் நிலைக்கு வந்துவிடும். மேலும், பக்தர்கள் தங்களது பை உள்ளிட்ட பொருள்களைப் பாதுகாப்பாக வைக்க, கோயில் நிர்வாகம் சார்பில் 6 இடங்களில் பொருள்கள் பாதுகாப்பு மையம் அமைக்கப்பட்டுள்ளது. இங்கு கோயில் ஊழியர்கள் பணியமர்த்தப்படுவர் என்றனர்.

 

]]>
http://www.dinamani.com/all-editions/edition-nagapattinam/karaikal/2017/dec/14/திருநள்ளாறில்-ரூ12-லட்சத்தில்-வாகனங்களை-நிறுத்த-தளம்-அமைக்கும்-பணி-2825889.html
2825888 நாகப்பட்டினம் காரைக்கால் காரைக்கால் மருத்துவமனையில் 16-இல் ஜிப்மர் மருத்துவ முகாம் DIN DIN Thursday, December 14, 2017 01:20 AM +0530 காரைக்கால் அரசு பொது மருத்துவமனையில் டிச.16 -ஆம் தேதி புற்றுநோய் சிகிச்சை மருத்துவ முகாம் நடைபெறவுள்ளதாக மாவட்ட ஆட்சியர் ஆர்.கேசவன் புதன்கிழமை தெரிவித்தார்.
இதுகுறித்து அவர் வெளியிட்ட செய்திக் குறிப்பு : காரைக்கால் அரசு பொது மருத்துவமனை உள் வளாகத்தில், புதுச்சேரி ஜிப்மர் மருத்துவமனையின் புற்றுநோய் அறுவைச் சிகிச்சை (சர்ஜிக்கல் ஆன்காலஜி) யூராலஜி). சிறு புற்றுநோயியல் (மெடிக்கல் ஆன்காலஜி) மருத்துவ நிபுணர்கள் பங்கேற்கும் சிறப்பு முகாம் சனிக்கிழமை காலை 9 மணி முதல் பிற்பகல் 2 மணி வரை நடைபெறுகிறது என்றார்.

]]>
http://www.dinamani.com/all-editions/edition-nagapattinam/karaikal/2017/dec/14/காரைக்கால்-மருத்துவமனையில்-16-இல்-ஜிப்மர்-மருத்துவ-முகாம்-2825888.html
2825886 நாகப்பட்டினம் காரைக்கால் நிலுவை ஊதியத்தை வழங்க வலியுறுத்தி ஆர்ப்பாட்டம் DIN DIN Thursday, December 14, 2017 01:19 AM +0530 நிலுவை மாதங்களின் ஊதியத்தை உடனடியாக வழங்க வலியுறுத்தி பள்ளிகளில் ரொட்டி, பால் வழங்கும் ஊழியர்கள் புதன்கிழமை ஆர்ப்பாட்டம் நடத்தினர்.
ரொட்டி, பால் வழங்கும் ஊழியர்கள் நலச் சங்கம் சார்பில் காரைக்கால் முதன்மைக் கல்வி அலுவலர் அலுவலகம் முன் ஊழியர்கள் கண்டன ஆர்ப்பாட்டம் நடத்தினர். சங்கத் தலைவர் பி.தனவள்ளி தலைமை வகித்தார்.
கடந்த ஆண்டில் பல மாதங்களாக நிலுவையில் உள்ள ஊதியத்தை புதுச்சேரி அரசு உடனடியாக வழங்க வலியுறுத்தி கோஷம் எழுப்பினர்.
போராட்டத்தில் 80-க்கும் மேற்பட்டோர் கலந்துகொண்டனர். போராட்டம் குறித்து ஊழியர்கள் கூறியது :
பள்ளிகளில் காலையில் பால் காய்ச்சும் பணியில் சேர்க்கப்பட்ட நாங்கள், பின்னாளில் கல்வித்துறையின் உத்தரவின்படி கழிப்பறைகளைத் தூய்மை செய்தல், வகுப்பறை மற்றும் பள்ளி வளாகத்தைச் சுத்தம் செய்தல், காய்கறி நறுக்கித் தருதல், சமையலுக்கு உதவி செய்தல், மாணவர்களுக்கு மதிய உணவு வழங்கல், விளையாட்டு மைதானம் தூய்மை செய்தல் போன்ற பல்நோக்குப் பணிகளைச் செய்துவருகிறோம்.
கடந்த மார்ச், ஆகஸ்ட், செப்டம்பர் ஆகிய மூன்று மாத ஊதியம் வழங்கப்படவில்லை. புதுச்சேரியில் உள்ள ஊழியர்கள் ஒருவிதமாகவும், காரைக்கால் ஊழியர்கள் ஒரு விதமாகவும் நடத்தப்படுகிறார்கள். இதுகுறித்து சம்பந்தப்பட்ட அரசுத் துறை அலுவலர்களைச் சந்தித்துப் பேசியும் கோரிக்கை நிறைவேற்றப்படவில்லை.
இந்தப் போக்கை கைவிட்டு, நிலுவை மாத ஊதியத்தை உடனடியாக வழங்கி, மாதம்தோறும் காலத்தோடு ஊதியத்தை வழங்க நடவடிக்கை எடுக்கவேண்டும் என்றனர்.

 

]]>
http://www.dinamani.com/all-editions/edition-nagapattinam/karaikal/2017/dec/14/நிலுவை-ஊதியத்தை-வழங்க-வலியுறுத்தி-ஆர்ப்பாட்டம்-2825886.html
2825885 நாகப்பட்டினம் காரைக்கால் புதுச்சேரி முதல்வர் இன்று காரைக்கால் வருகை DIN DIN Thursday, December 14, 2017 01:19 AM +0530 புதுச்சேரி முதல்வர் வி.நாராயணசாமி பல்வேறு நிகழ்ச்சிகளில் பங்கேற்கும் வகையில் வியாழக்கிழமை காரைக்கால் வருகிறார்.
திருநள்ளாறு ஸ்ரீ தர்பாரண்யேசுவரர் கோயிலில் வருகிற 19-ஆம் தேதி சனிப்பெயர்ச்சி விழா நடைபெறவுள்ளது. மாவட்ட நிர்வாகம், கோயில் நிர்வாகம் சார்பில் பக்தர்களுக்கு பல்வேறு சிறப்பு ஏற்பாடுகளைச் செய்துவருகிறது.
இந்த ஏற்பாடுகளை ஆய்வு செய்யும் வகையில் புதுச்சேரி முதல்வர் வி.நாராயணசாமி வியாழக்கிழமை 10 மணிக்கு காரைக்கால் வரவுள்ளார். தொடர்ந்து காரைக்கால் தெற்குத் தொகுதி சட்டப்பேரவை உறுப்பினர் அலுவலகத்தை திறந்து வைக்கவுள்ளார். திருநள்ளாறு சாலையில் காங்கிரஸ் பிரமுகரின் நட்சத்திர ஹோட்டலை திறந்துவைக்கவுள்ளார்.
இதுகுறித்து காரைக்கால் மாவட்ட காங்கிரஸ் தலைவர் ஏ.பாஸ்கரன் கூறும்போது, திருநள்ளாறு கோயிலில் ஆய்வு, எம்.எல்.ஏ. அலுவலகம், ஹோட்டல் திறப்பில் முதல்வர் பங்கேற்பது உறுதியானது என்றார்.

 

]]>
http://www.dinamani.com/all-editions/edition-nagapattinam/karaikal/2017/dec/14/புதுச்சேரி-முதல்வர்-இன்று-காரைக்கால்-வருகை-2825885.html
2825884 நாகப்பட்டினம் காரைக்கால் திருநள்ளாறு கோயில் சுற்றுவட்டாரத்தில் 90 இடங்களில் மொபைல் கழிப்பறை வசதி DIN DIN Thursday, December 14, 2017 01:18 AM +0530 திருநள்ளாறு கோயில் சுற்றுவட்டாரத்தில் பக்தர்கள் வசதிக்காக 90 இடங்களில் மொபைல் கழிப்பறை வசதி செய்யப்படுகிறது.
வருகிற 19-ஆம் தேதி திருநள்ளாறு ஸ்ரீ தர்பாரண்யேசுவரர் கோயிலில் சனிப்பெயர்ச்சி விழா நடைபெறவுள்ளது. தரிசனம் செய்ய வரும் பக்தர்கள் வசதிக்காக கழிப்பறை அமைப்புக்கு கோயில் நிர்வாகம், மாவட்ட நிர்வாகம் சிறப்பு கவனம் செலுத்தி வருகிறது. சாலையோரத்தில் கீற்றுக்கொட்டகை அமைப்புபோல கழிப்பறை அமைப்பதன் மூலம் பெண்கள் உள்ளிட்டோர் சிரமப்படுவதாக புகார் எழுந்தது. பொதுமக்கள் எவ்வித சங்கடமுமின்றி கழிப்பறைக்குச் செல்ல வசதிகளை கோயில் நிர்வாகம் ஏற்பாடு செய்துள்ளது.
இதன்படி, வடக்கு புறவட்டச் சாலை, பேருந்து நிறுத்தம், கார் உள்ளிட்ட வாகன நிறுத்தம், வரிசை வளாகப் பகுதி உள்ளிட்ட பல்வேறு இடங்களில் வைக்க 90 மொபைல் கழிப்பறை, மும்பையைச் சேர்ந்த நிறுவனத்தின் மூலம் புதன்கிழமை திருநள்ளாறு கொண்டுவரப்பட்டுள்ளது. இது அலமாரி போன்ற அமைப்புடன் உள்ளதால் பக்தர்கள் எவ்வித சிரமமுமின்றி பயன்படுத்துவார்கள். அவ்வப்போது கழிப்பறையை கண்காணித்து சுத்தம் செய்தல், தண்ணீர் நிரப்புதல் போன்றவற்றுக்கு தனி குழு நியமிக்கப்பட்டுள்ளதாக கோயில் நிர்வாகத்தினர் தெரிவித்தனர்.
இதுதவிர, நளன் குளம் அருகே நிரந்தர கழிப்பறை வளாகம், வடக்கு புறவட்டச்சாலையில் கடந்த வாரம் பயன்பாட்டுக்கு வந்த புதிய கழிப்பறை வளாகங்கள் மற்றும் கொம்யூன் பஞ்சாயத்து கட்டுப்பாட்டில் இருந்த கழிப்பறைகளை கோயில் நிர்வாகம் தமது கட்டுப்பாட்டுக்குள் கொண்டுவந்தன் மூலம் என, ஏறக்குறைய 250 கழிப்பறை மற்றும் தனியாக சிறுநீர் கழிப்புப் பிரிவுகள் உள்ளதாக கோயில் நிர்வாகத்தினர் தெரிவித்தனர்.
இவ்வாறு கழிப்பறை அமைப்பதன் மூலம் சுற்றுச்சூழல் பாதுகாக்கப்படுவதாக தெரிவித்த அலுவலர்கள், மொபைல் கழிப்பறை ஒரு மாத காலம் வரை திருநள்ளாறில் பக்தர்கள் வசதிக்காக பயன்பாட்டில் இருக்கும் எனவும் தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/14/திருநள்ளாறு-கோயில்-சுற்றுவட்டாரத்தில்-90-இடங்களில்-மொபைல்-கழிப்பறை-வசதி-2825884.html
2825883 நாகப்பட்டினம் காரைக்கால் டிச.17-இல் அனுமன் ஜயந்தி விழா DIN DIN Thursday, December 14, 2017 01:18 AM +0530 காரைக்கால் பெருமாள் கோயில்களில் வரும் 17-ஆம் தேதி அனுமன் ஜயந்தி விழாவை சிறப்பாகக் கொண்டாடும் விதமாக ஏற்பாடுகள் தீவிரமாக நடந்துவருகின்றன.
காரைக்கால் மாவட்டத்தில், காரைக்கால் கோயில்பத்து ஸ்ரீ கோதண்டராமர் கோயில், திருநள்ளாறு ஸ்ரீ நளநாராயண பெருமாள் கோயிலில் ஸ்ரீ பஞ்சமுக ஆஞ்சநேயர் சன்னிதி உள்ளன.
ஒவ்வொரு ஆண்டும் மார்கழி மாதத்தில் பெருமாள் கோயில்களில் விமரிசையாக அனுமன் ஜயந்தி விழா கொண்டாடப்படுகிறது. இதையொட்டி கோயில்பத்து ஸ்ரீ திரிநேத்ர தசபுஜ பஞ்சமுக வீர ஆஞ்சநேயருக்கு வருகிற 17-ஆம் தேதி திருமஞ்சனம், பஞ்சமுக அர்ச்சனை, புஷ்ப அங்கி அலங்கார தீபாராதனை உள்ளிட்டவை நடத்தப்படுகின்றன. இக்கோயிலில் திரளான பக்தர்கள் கலந்துகொள்வர் என்பதால் கோயில் நிர்வாகம் சிறப்பு முன்னேற்பாடுகளைச் செய்துவருகிறது.
இதுபோல திருநள்ளாறு ஸ்ரீ தர்பாரண்யேசுவரர் கோயிலுக்கு சொந்தமான ஸ்ரீ நளநாராயண பெருமாள் கோயிலில் ஸ்ரீ பஞ்சமுக ஆஞ்சநேயருக்கும், காரைக்கால் ஸ்ரீ நித்யகல்யாண பெருமாள் கோயிலில் ஸ்ரீ வீர ஆஞ்சநேயருக்கும் பிற பெருமாள் கோயில்களிலும் இவ்விழா விமரிசையாக நடத்த கோயில் நிர்வாகத்தினர் ஏற்பாடுகளைச் செய்துவருகின்றனர்.
பக்தர்கள் அனுமன் வரைபடத்தில் ஏராளமான எண்ணிக்கையில், ஸ்ரீ ராம ஜெயம் எழுதி அளிக்கும் ஏற்பாட்டை பல்வேறு கோயில்களில் மேற்கொள்ளவும் ஏற்பாடுகள் செய்யப்பட்டுவருகின்றன.

 

 

]]>
http://www.dinamani.com/all-editions/edition-nagapattinam/karaikal/2017/dec/14/டிச17-இல்-அனுமன்-ஜயந்தி-விழா-2825883.html
2825882 நாகப்பட்டினம் காரைக்கால் நகரமைப்புக் குழும காலிப் பணியிடங்களை நிரப்ப அமைச்சரிடம் வலியுறுத்தல் DIN DIN Thursday, December 14, 2017 01:17 AM +0530 காரைக்காலில் நகரமைப்புக் குழும அலுவலகத்தில் நிலவும் காலிப் பணியிடங்களை உடனடியாக நிரப்பவேண்டும் என அமைச்சரிடம் வலியுறுத்தப்பட்டது.
புதுச்சேரி பொதுப்பணித்துறை மற்றும் நகரமைப்புத் துறை அமைச்சர் ஆ.நமச்சிவாயத்தை காரைக்கால் சேம்பர் ஆஃப் காமர்ஸ் முன்னாள் செயலர்கள் எம்.பக்கிரிசாமி, இசட்.எம்.தாஹிர் ஆகியோர் புதுச்சேரியில் செவ்வாய்க்கிழமை சந்தித்து கோரிக்கை மனு அளித்தனர். இதில் கூறியிருப்பது :
காரைக்காலில் 1980-ஆம் ஆண்டு வாக்கில் நகரமைப்புக் குழுமம் உறுப்பினர் செயலர், 2 நகரமைப்பு உதவியாளர்கள், 2 வரைவாளர்களுடன் தொடங்கப்பட்டது. காரைக்கால் மாவட்ட அந்தஸ்தை பெற்ற பின்னரும்கூட இந்த அமைப்பிற்கென தனி அலுவலர், நகரமைப்பு உதவியாளர், வரைவாளர் போன்ற பணியிடங்கள் நிரப்பாமல் இருக்கிறது. காரைக்காலில் கட்டடம் கட்ட வரைப்பட அனுமதி, வீட்டுமனைப் பிரிவு அனுமதியில் மிகவும் காலதாமதம் ஏற்பட்டு, கட்டுமானம், நிலவணிகத் தொழில் கடுமையாக பாதித்துள்ளது. எனவே காரைக்கால் வளர்ச்சியை கருத்தில்கொண்டு, காலிப் பணியிடங்களை விரைவாக நிரப்பித்தரவேண்டும் என வலியுறுத்தப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2017/dec/14/நகரமைப்புக்-குழும-காலிப்-பணியிடங்களை-நிரப்ப-அமைச்சரிடம்-வலியுறுத்தல்-2825882.html
2825881 நாகப்பட்டினம் காரைக்கால் நெடுங்காடு பகுதியில் ரூ.33 லட்சத்தில் சாலைப் பணிகளுக்கு பூமி பூஜை DIN DIN Thursday, December 14, 2017 01:17 AM +0530 நெடுங்காடு பகுதியில் பல்வேறு இடங்களில் சாலை மேம்படுத்தும் திட்டப்பணிகளை சட்டப்பேரவை உறுப்பினர் புதன்கிழமை தொடங்கிவைத்தார்.
நெடுங்காடு சட்டப்பேரவைத் தொகுதிக்குள்பட்ட பல்வேறு இடங்களில் சாலை மேம்படுத்தும் பணிக்கு, சிறப்புக் கூறு நிதியின் மூலம் அரசு நிதி ஒதுக்கியது.
திட்டப்பணிகளுக்கான பூமி பூஜை செய்யும் நிகழ்ச்சி அந்தந்தப் பகுதிகளில் நடைபெற்றது. அம்பேத்கர் நகர் சாலை 11.44 லட்சம், வடபாதி பேட் சாலை 11.07 லட்சம், மணல்மேடு சாலை 10.41 லட்சம் ஆகிய பணிகள் தொடங்கிவைக்கப்பட்டன.
சட்டப்பேரவை உறுப்பினர் சந்திரபிரியங்கா கலந்துகொண்டு பணிகளைத் தொடங்கிவைத்தார். நிகழ்ச்சியில் வடக்கு மண்டல காவல் கண்காணிப்பாளர் மாரிமுத்து, நெடுங்காடு கொம்யூன் பஞ்சாயத்து ஆணையர் காளிதாஸ், உதவிப் பொறியாளர் எஸ்.முத்துசிவம், மற்றும் கிராமத்தினர் கலந்துகொண்டனர்.
இந்த 3 இடங்களில் மேற்கொள்ளப்படும் சாலைப் பணிகள் 6 மாத காலத்திற்குள் செய்து முடிக்கப்படும் என கொம்யூன் பஞ்சாயத்து நிர்வாகத்தினர் தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/14/நெடுங்காடு-பகுதியில்-ரூ33-லட்சத்தில்-சாலைப்-பணிகளுக்கு-பூமி-பூஜை-2825881.html
2825348 நாகப்பட்டினம் காரைக்கால் மார்ச் 23-இல் தில்லியில் விவசாயிகள் மறியல் போராட்டம்: பி. அய்யாக்கண்ணு தகவல் DIN DIN Wednesday, December 13, 2017 02:32 AM +0530 விவசாயிகளின் கோரிக்கையை நிறைவேற்ற வலியுறுத்தி, வரும் மார்ச் 23-இல் புதுதில்லியில் விவசாயிகள் மறியல் போராட்டம் நடத்த முடிவு செய்துள்ளதாக தேசிய தென்னிந்திய நதிகள் இணைப்பு விவசாயிகள் சங்கத் தலைவர் பி. அய்யாக்கண்ணு தெரிவித்தார்.
திருநள்ளாறு ஸ்ரீ தர்பாரண்யேசுவரர் கோயிலில் தரிசனம் செய்யும் வகையில் விவசாயிகள் சிலருடன், தேசிய தென்னிந்திய நதிகள் இணைப்பு விவசாயிகள் சங்கத் தலைவர் பி. அய்யாக்கண்ணு செவ்வாய்க்கிழமை வந்தார். அனைத்து சன்னிதிகளிலும் வழிபாடு நடத்திய அவர், விவசாயிகள் கோரிக்கைகள்அடங்கிய துண்டுப் பிரசுரத்தை கோயில் சிவாச்சாரியார்கள், ஊழியர்கள் மற்றும் பக்தர்களிடம் வழங்கினார்.
இதைத் தொடர்ந்து செய்தியாளர்களிடம் அவர் கூறியது:  விவசாயிகள் விளைவிக்கும் பயிருக்கு நல்ல விலை வேண்டும், வறட்சியால் பாதித்த விவசாயிகளின் வேளாண் கடனை தள்ளுபடி செய்ய வேண்டும், நதிகளை இணைக்க வேண்டும் என்ற கோரிக்கைகளை நிறைவேற்ற வலியுறுத்தி, கடந்த 141 நாள்கள் புதுதில்லியில் பல்வேறு நிலை போராட்டங்களை நடத்தினோம்.
புதுச்சேரி மற்றும் தமிழகம் கடந்த ஆண்டு வறட்சியால் வெகுவாக பாதிக்கப்பட்டன. நதிகள் இணைப்பு செய்யப்பட்டால் பெரும்பான்மையான பிரச்னைகளுக்குத் தீர்வுகாண முடியும் என போராடினோம். ஒவ்வொரு நாளும் நாட்டின் பல்வேறு மாநில முதல்வர்கள், எம்.பி.க்கள், அரசியல் கட்சித் தலைவர்கள் வந்து சந்தித்துப் போராட்டத்தை ஆதரித்துப் பேசினர். பிரதமர் நரேந்திர மோடி மட்டும் விவசாயிகளைச் சந்திக்க இதுவரை விரும்பவில்லை.
பிரதமர் நரேந்திர மோடி விவசாயிகளின் கோரிக்கைகளை செவிமெடுத்து கேட்க வேண்டும், கோரிக்கைகளை நிறைவேற்ற அவர் நடவடிக்கை எடுக்க வேண்டும். இதற்கான சிந்தனை அவருக்கு ஏற்பட வேண்டி, தமிழகத்தில் தினமும் ஒரு கோயிலில், கோரிக்கைகள் அடங்கிய துண்டுப் பிரசுரங்களை வைத்து பிரார்த்தனை செய்து வருகிறோம்.
கோரிக்கைகளை முன்வைத்து 2018-ஆம் ஆண்டு மார்ச் 23-ஆம் தேதி அண்ணாஹசாரே உள்ளிட்டோர் பங்கேற்புடன் விவசாயிகள் ஒருங்கிணைந்து, புதுதில்லியில் மறியல் போராட்டம் நடத்த தீர்மானிக்கப்பட்டுள்ளது என்றார் அய்யாக்கண்ணு.
 

]]>
http://www.dinamani.com/all-editions/edition-nagapattinam/karaikal/2017/dec/13/மார்ச்-23-இல்-தில்லியில்-விவசாயிகள்-மறியல்-போராட்டம்-பி-அய்யாக்கண்ணு-தகவல்-2825348.html
2825347 நாகப்பட்டினம் காரைக்கால் திருநள்ளாறு கோயிலை மையமாக வைத்து ரூ. 6 கோடியில் அமைகிறது ஆன்மிக பூங்கா என்.எஸ். செல்வமுத்துக்குமாரசாமி  DIN Wednesday, December 13, 2017 02:31 AM +0530 திருநள்ளாறு ஸ்ரீ தர்பாரண்யேசுவரர் கோயிலை மையமாக வைத்து பல்வேறு நவகிரக தலங்கள் குறித்த விவரங்கள், தியான கூடம், மூலிகை மற்றும் அழகுக்கான செடிகள் உள்ளிட்ட ஆன்மிகம் சார்ந்த பூங்கா ரூ.6 கோடியில் அமைக்கும் பணி தொடங்கப்பட்டுள்ளது.
புதுச்சேரி யூனியன் பிரதேசத்தில் அதிகமான பக்தர்களை ஈர்க்கும் தலமாக விளங்குவது காரைக்கால் மாவட்டத்தில் உள்ள பிரசித்திப் பெற்ற ஸ்ரீ சனீஸ்வரபகவான் வீற்றிருக்கும் ஸ்ரீ பிரணாம்பிகை சமேத ஸ்ரீ தர்பாரண்யேசுவரர் கோயில்.
இரண்டரை ஆண்டுகளுக்கொரு முறை நடக்கும் சனிப்பெயர்ச்சி விழாவில் லட்சக்கணக்கான பக்தர்கள் திருநள்ளாறு  கோயிலுக்கு வருவர். திருநள்ளாறு கோயிலுக்கு வரும் பக்தர்கள் பலர், தஞ்சை, திருவாரூர், நாகை மாவட்டத்தில் உள்ள பிற நவகிரக தலங்களுக்கும் செல்வதை வழக்கத்தில் கொண்டுள்ளனர். பெயர்ச்சி விழா மட்டுமல்லாது ஒவ்வொரு சனிக்கிழமையிலும் திருநள்ளாறு கோயிலுக்கு வரும் பக்தர்கள் ஆயிரக்கணக்கில் என கூறலாம்.
புதுச்சேரி அரசு சார்பில், திருநள்ளாறு கோயில் நகரமாக அறிவிக்கப்பட்டு, ஹட்கோ திட்ட நிதியில் கோயில் நகரத்துக்கு ஏற்ப பல்வேறு வசதிகள் செய்யும் பணி நடைபெற்று வருகிறது. நளன் தீர்த்தக் குளம் புனரமைப்பு இந்த திட்டத்தில் முடிக்கப்பட்டது. வடக்கு புறவட்டச் சாலை, பக்தர்களுக்கான வரிசை வளாகம் உள்ளிட்டவை பயன்பாட்டுக்கு வந்துள்ளன. பல்நோக்குக் கூடம் கட்டி முடிக்கப்பட்டுள்ளது. சுமார் ரூ.100 கோடி திட்டத்தில் பல்வேறு பணிகள் செய்து முடிக்கப்பட்டுள்ளன. தெற்கு புறவட்டச் சாலை மற்றும் பிற திட்டப்பணிகள் தொடங்கவுள்ளன. இவையாவும் திருநள்ளாறு வரும் பக்தர்கள் சிரமமின்றி ஆன்மிக பயணத்தை நிறைவு செய்துத் திரும்பும் வகையில் செய்யப்படும் திட்டப் பணிகளாகும்.
இந்த திட்டங்களுக்கு மகுடம் சூட்டும் வகையில் காரைக்காலில் இருந்து திருநள்ளாறு நுழையும் பகுதியில் ஆன்மிக பூங்கா ஒன்றை மத்திய அரசு நிதியில் புதுச்சேரி அரசு அமைக்கிறது. காரைக்கால் மாவட்டத்தில், திருநள்ளாறு கோயில், காரைக்கால் அம்மையார் கோயில் பிரசித்திப் பெற்றவை. எனவே, காரைக்கால் ஆன்மிக சுற்றுலா மையம் என்றே அழைக்கப்படுகிறது. இதை கருத்தில்கொண்டு, திருநள்ளாறில் பக்தர்களை ஈர்க்கும் வகையில் திட்டப்பணிகளை மேற்கொள்ள அரசு நிர்வாகம் முனைப்பு காட்டிவருகிறது.
கோயில் நகரத் திட்டத்தில் கட்டப்பட்ட வரிசை வளாகத்தில் சுமார் ஆயிரம் பேர் உட்காரக்கூடிய அரங்கம் உள்ளது. தவிர, கோயிலுக்குள் வடக்கு பெரிய பிராகாரத்தில் சுமார் ஆயிரம் பேர் தியானம் செய்யக்கூடிய வகையில் மண்டபம் உள்ளது.
பக்தர்களுக்கு வெளிப்புறத்தில் தியானம் செய்தல், பல்வேறு நவகிரக தலங்கள் குறித்த விவரங்கள் முழுமையாக அறிதல் மற்றும் பொழுதுபோக்கு அம்சங்கள் நிறைந்ததாக, ஆன்மிக பூங்காவை அமைக்கும் பூர்வாங்கப் பணிகள் தொடங்கப்பட்டுள்ளன.
இதுகுறித்து பொதுப்பணித்துறை தலைமைப் பொறியாளர் வி.சண்முகசுந்தரம் ஞாயிற்றுக்கிழமை கூறியது :  ஆன்மிக பூங்கா அமைக்க தகுதியான இடமாக திருநள்ளாறு தேர்வு செய்யப்பட்டது. திருநள்ளாறு நகர  முகப்பில் வடக்கு புறவட்டச் சாலை அருகே 5 ஏக்கர் நிலத்தில் ஆன்மிக பூங்கா அமைக்க கடந்த சனிக்கிழமை பூமி பூஜை செய்யப்பட்டது. இந்த பகுதி சுற்றுவட்டாரத்தில் இல்லாத வகையில் சிறப்புத் திட்டங்களை உள்ளடக்கி ரூ.6 கோடியில் இந்த திட்டப்பணியை செயல்படுத்த உள்ளோம்.
இந்த நிலப்பரப்பில் ஒரு குளம் உள்ளது. இதற்கு தடுப்பு சுவர், சுற்றியும் நடைபாதை அமைத்து, குளத்தை அழகுபடுத்தப்படவுள்ளது. சுமார் ஆயிரம் பேர் தியானம் செய்யக்கூடிய வகையில் மண்டபம் எழுப்பப்படும். திருநள்ளாறு கோயில் குறித்த முழு விவரமும், பிற நவகிரக தலங்கள் குறித்த முழு விவரம், தரிசன நேரம், இருக்குமிடம், பயண தூரம் போன்ற அனைத்து தகவல்களும் பெறும் வகையில், ஒவ்வொரு கிரகங்களுக்குமென தனித்தனி மண்டபம் அமைக்க திட்டம் வகுக்கப்பட்டுள்ளது.
பொழுதுபோக்குக்கான பூங்கா மற்றும் மூலிகை மற்றும் பல்வேறு அழகு செடி வளர்ப்புப் பகுதி போன்ற பல்வேறு திட்டப்பணிகள் அந்த பூங்காவினுள் அமையும். முற்றிலும் ஆன்மிக சுற்றுலாவினரை மகிழ்விக்கும் வகையிலும், அவர்களுக்கான பல்வேறு தகவல்களை அளிக்கும் விதத்தில் இந்த பூங்கா அமையும். இந்த பணிகள் 12 மாதங்களில் செய்து முடிக்க இலக்கு நிர்ணயிக்கப்பட்டுள்ளது என்றார்.
வேளாண் துறை அமைச்சர் ஆர்.கமலக்கண்ணன் கூறும்போது,  திருநள்ளாறு கோயில் நகரத் திட்டம், கோயில் மற்றும் அரசு நிதியின் மூலம் பல்வேறு வளர்ச்சித் திட்டப்பணிகள் செய்யப்பட்டுவருகின்றன. தற்போது ஆன்மிக பூங்கா திட்டப்பணி பல்வேறு செயல்திட்டங்களுடன் செய்து முடிக்கப்பட்டால், திருநள்ளாறு வரும் பக்தர்களுக்கு நல்ல பயனைத் தரும் என நம்புகிறேன். நாட்டில் எந்தெந்த பகுதியில் இதுபோன்ற ஆன்மிக பூங்கா அமைக்கப்பட்டுள்ளது என்பதை பார்த்து, அதற்கேற்ப திருநள்ளாறு ஆன்மிக பூங்கா அமைக்கவேண்டும் என நிர்வாகத்தினருக்கு அறிவுறுத்தியுள்ளேன் என்றார்.
அனைத்து தரப்பு மக்களையும் ஈர்க்கும் விதமாக உள்ள திருநள்ளாற்றில், பல வகையான திட்டப்பணிகள் செய்யப்பட்டாலும், உணவகங்களும், தங்கும் விடுதிகளும், நிரந்தர கழிப்பறை வளாகங்களின் எண்ணிக்கையும் குறைவாகவே இருக்கின்றன. பெரும்பாலான மக்களை திருப்திப்படுத்தும் வகையில் இந்த வசதிகள் திருநள்ளாற்றில் இல்லை.
கோயிலுக்கு சொந்தமான நிலம் ஏராளம் இருக்கும் நிலையில், கோயில் நகரத் திட்டத்தின் மூலமோ, அரசு நிதியின் மூலமோ பக்தர்கள் தங்குவதற்கான கட்டமைப்புகளை மேம்படுத்தவேண்டும். அரசு நிர்வாகம் சார்பில் காலை முதல் இரவு வரை செயல்படக்கூடிய உணவகம் அமைக்கவேண்டும்.
இவ்விரண்டு வசதிக்காக பக்தர்கள் அங்குமிங்கும் அலையும் நிலை உள்ளது. வருகிற 19-ஆம் தேதி சனிப்பெயர்ச்சி விழாவுக்கு வரும் பக்தர்கள் தேவைக்கேற்ப இந்த வசதிகள் காரைக்கால் மற்றும் திருநள்ளாற்றில் இல்லை. எனவே, இதற்கான திட்டமிடலை கோயில் தனி அலுவலராக உள்ள மாவட்ட ஆட்சியர், கோயில் நிர்வாக அலுவலராக உள்ள சார்பு ஆட்சியர் ஆகிய இரண்டு ஐ.ஏ.எஸ். அலுவலர்களும் செய்து, பக்தர்கள் முழு திருப்தியுடன் திருநள்ளாறு வந்துசெல்ல நடவடிக்கைகளை எடுக்கவேண்டும் என்பது சமூக ஆர்வலர்களின் எதிர்பார்ப்பு.
 

]]>
http://www.dinamani.com/all-editions/edition-nagapattinam/karaikal/2017/dec/13/திருநள்ளாறு-கோயிலை-மையமாக-வைத்து-ரூ-6-கோடியில்-அமைகிறது-ஆன்மிக-பூங்கா-2825347.html
2825314 நாகப்பட்டினம் காரைக்கால் வளர்ச்சித் திட்டப் பணிகளுக்கு பூமி பூஜை DIN DIN Wednesday, December 13, 2017 02:24 AM +0530 விழுதியூர் பகுதியில் சாலை மேம்படுத்துதல் உள்ளிட்ட பல்வேறு திட்டப் பணிகளுக்கான பூமி பூஜை பணியை சட்டப் பேரவை உறுப்பினர் கீதாஆனந்தன் செவ்வாய்க்கிழமை தொடங்கி வைத்தார்.
நிரவி - திருப்பட்டினம் தொகுதிக்குள்பட்ட விழுதியூர் மற்றும் மானாம்பேட்டை பகுதியில், தொகுதி மேம்பாட்டு நிதியில் சாலை அமைத்தல், தடுப்புச் சுவர் கட்டுதல் உள்ளிட்ட பல்வேறு பணிகளுக்கான பூமி பூஜை செய்யும் நிகழ்ச்சி இரு கிராமங்களிலும் நடைபெற்றது. விழுதியூரில் கன்னிக்கோயில் பேட்டின் சுற்றுச்சுவர் கட்டுதல், தகரக் கொட்டகை அமைத்தல், விழுதியூர் தாமரைக்குளம் தெருவை மேம்படுத்துதல், விழுதியூர் தெற்குப்பேட், அருப்புக்குட்டை வாய்க்காலில் தடுப்புச் சுவர் கட்டுதல், விழுதியூர் மானாம்பேட்டை உட்புறச் சாலையை மேம்படுத்துதல், வடிகால் குழாய் அமைத்தலுக்கு ரூ.30 லட்சத்தில் வளர்ச்சித் திட்டப் பணிகள் செய்ய முடிவெடுக்கப்பட்டது. 
அதன்படி, புதிய திட்டப் பணிகளை சட்டப் பேரவை உறுப்பினரும், புதுச்சேரி மின்திறல் குழுமத் தலைவருமான கீதாஆனந்தன் பங்கேற்று பணிகளைத் தொடங்கி வைத்தார். நிகழ்ச்சியில், நிரவி கொம்யூன் பஞ்சாயத்து ஆணையர் என். ரவி, உதவிப் பொறியாளர் ஜி. ரவிச்சந்திரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/karaikal/2017/dec/13/வளர்ச்சித்-திட்டப்-பணிகளுக்கு-பூமி-பூஜை-2825314.html
2825313 நாகப்பட்டினம் காரைக்கால் பி.எஸ்.என்.எல். ஊழியர்கள் ஆர்ப்பாட்டம் DIN DIN Wednesday, December 13, 2017 02:23 AM +0530 செல்லிடப்பேசி கோபுர செயல்பாடுகளை தனியாரிடம் ஒப்படைக்கும் மத்திய அரசின் போக்கைக் கண்டித்து பி.எஸ்.என்.எல். அலுவலர்கள், ஊழியர்கள் 2 நாள் வேலை நிறுத்தத்தைத் தொடங்கி, செவ்வாய்க்கிழமை ஆர்ப்பாட்டம்  நடத்தினர்.
பி.எஸ்.என்.எல். அலுவலர்கள், ஊழியர்கள் கூட்டுக் குழு சார்பில் காரைக்கால் பி.எஸ்.என்.எல்.  அலுவலர்கள், ஊழியர்கள் மத்திய அரசின் முடிவுகளைக் கண்டித்து டிச. 12, 13 ஆகிய தேதிகளில் 2 நாள்கள் வேலை நிறுத்தத்தை தொடங்கினர்.  போக்கைக் கண்டித்து கடற்கரை சாலையில் உள்ள அலுவலக வாயிலில் செவ்வாய்க்கிழமை  ஆர்ப்பாட்டம் நடத்தினர். ஆர்ப்பாட்டத்துக்கு கோட்டப் பொறியாளர் சிவராஜ் தலைமை வகித்தார். என்.எஃப்.டி.இ. அமைப்பின் தலைவர் இருதய சவுரிராஜ் பேசினார்.
நாடு முழுவதும் 70 ஆயிரம் பி.எஸ்.என்.எல். செல்லிடப்பேசி கோபுரங்கள் உள்ளன. இது பி.எஸ்.என்.எல். என்கிற நிறுவனத்தின் சொத்து. இதை தனியாக பிரித்து, துணை நிறுவனம் உருவாக்க மத்திய  அமைச்சரவை பரிந்துரைத்துள்ளது. துணை நிறுவனம் என்கிறபோதே, இதை தனியார் மயப்படுத்துவதாகவே அர்த்தம் கொள்ளலாம். மத்திய அரசின் இந்த முயற்சி கண்டனத்துக்குரியது. ஒட்டுமொத்த பி.எஸ்.என்.எல். பணியாளர்களும், நாட்டு மக்களும்  ஒருங்கிணைந்து இந்த முயற்சியை தடுக்க வேண்டும் என்பற்காகவே இதுபோன்ற போராட்டங்கள் முன்னெடுக்கப்பட்டுள்ளன.
 அதுபோல, கடந்த 10 ஆண்டுகளாக அலுவலர்கள், ஊழியர்களுக்கு ஊதிய மாற்றம் செய்யப்படாமல் வஞ்சித்து வருகிறது. கடந்த 1.1.2017 அன்று அமைக்கப்பட்ட குழு, ஊதிய மாற்றத்தை செய்யாமல் உள்ளது. உடனடியாக பி.எஸ்.என்.எல். நிறுவனப் பணியாளர்களுக்கு ஊதிய மாற்றத்தை உறுதி செய்ய அரசு முன்வர வேண்டும் என்றார். ஆர்ப்பாட்டத்தில் அலுவலர்கள், ஊழியர்கள் பலர் கலந்துகொண்டனர். காரைக்கால் அலுவலகத்தில் 34 நிரந்தர ஊழியர்களும், 54 ஒப்பந்தப் பணியாளர்களும் உள்ளனர்.

]]>
http://www.dinamani.com/all-editions/edition-nagapattinam/karaikal/2017/dec/13/பிஎஸ்என்எல்-ஊழியர்கள்-ஆர்ப்பாட்டம்-2825313.html
2825312 நாகப்பட்டினம் காரைக்கால் டெங்கு காய்ச்சல் சிகிச்சைக்கான வசதிகளை மேம்படுத்த ஆலோசனை DIN DIN Wednesday, December 13, 2017 02:23 AM +0530 டெங்கு காய்ச்சலை கட்டுப்படுத்துவதற்கான வசதிகளை காரைக்கால் மருத்துவமனையில் மேம்படுத்துவது தொடர்பாக, மாவட்ட ஆட்சியர் செவ்வாய்க்கிழமை ஆலோசனை நடத்தினார்.
காரைக்கால் மருத்துவமனையில் டெங்கு காய்ச்சல் சிகிச்சைக்கான வசதிகளை மேம்படுத்துவது தொடர்பாக, மாவட்ட ஆட்சியர் ஆர்.கேசவன் தலைமையில் சட்டப்பேரவை உறுப்பினர் கே.ஏ.யு. அசனா, அரசு பொதுமருத்துவமனை மருத்துவக் கண்காணிப்பாளர் பி. சித்ரா உள்ளிட்ட மருத்துவர்கள் குழுவினர் கலந்துகொண்ட ஆலோசனைக் கூட்டம் செவ்வாய்க்கிழமை நடைபெற்றது.
இந்த கூட்டத்தின் நிறைவில், சட்டப்பேரவை உறுப்பினர் அசனா கூறியது:  ரத்தத்தில் உள்ள செல் எண்ணிக்கையை உயர்த்துவதற்கு  பிளேட்லெட் என்ற கருவி முக்கியம்.  காரைக்கால் அரசு பொதுமருத்துவமனையில் இது இல்லை. இதனால் இங்கு வரக்கூடிய நோயாளிகள், உடனடியாக புதுச்சேரி மருத்துவமனைக்கு பரிந்துரைக்கப்படுகின்றனர். இதனை போக்கும் விதத்தில் பிளேட்லெட் கருவி காரைக்கால் அரசு மருத்துவமனையிலேயே இருந்தால், உடனடியாக டெங்கு உறுதி செய்யப்பட்டு,  சிகிச்சைகள் தொடரமுடியும். இதற்கான செயல்திட்டத்தை விரைவுப்படுத்துமாறு கூட்டத்தில் கேட்டுக்கொண்டேன் என்றார்.
இதுகுறித்து மாவட் ஆட்சியர் ஆர்.கேசவன் கூறியது:
மருத்துவமனையில் பிளேட்லெட் கருவி வைப்பதற்கு உரிமம் பெறவேண்டும். உரிமம் பெறுவதற்கு மருத்துவமனை நிர்வாகம் நடவடிக்கை எடுத்துள்ளது. 
விரைவில் உரிமம் கிடைத்துவிடும். இதன் பிறகு கருவி பொருத்தவேண்டும். இதற்கான ஏற்பாடுகளும் செய்யப்பட்டுவருகிறது.
இதுவரை 1,017 பேருக்கு டெங்கு காய்ச்சலுக்கான அறிகுறி கண்டறியப்பட்டு காரைக்கால் மருத்துவமனையிலேயே சிகிச்சை அளிக்கப்பட்டுள்ளது. இவற்றில் 9 சதவீத்தினர் மட்டுமே புதுச்சேரி மருத்துவமனைக்கு பரிந்துரைக்கப்பட்டனர். அனைவரும் நல்ல நிலையில் வீடு திரும்பினர்.
மருத்துவமனையில் இதற்கான வசதிகளை மேம்படுத்துவதில் சிறப்பு கவனம் செலுத்த மருத்துவமனை நிர்வாகத்துக்கு அறிவுறுத்தப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2017/dec/13/டெங்கு-காய்ச்சல்-சிகிச்சைக்கான-வசதிகளை-மேம்படுத்த-ஆலோசனை-2825312.html
2825311 நாகப்பட்டினம் காரைக்கால் நலிவடைந்த ஆலையில் பணியாளர் நியமன விவகாரம்: பாமக எதிர்ப்பு DIN DIN Wednesday, December 13, 2017 02:23 AM +0530 நலிவடைந்த கூட்டுறவு நூற்பாலைக்கு, கொல்லைப்புறமாக கூடுதலாக பணியாளர் நியமனம் செய்யும் புதுச்சேரி அரசின் முயற்சியை ஆளுநர் தடுத்து நிறுத்த வேண்டும் என பாமக வலியுறுத்தியுள்ளது.
இதுதொடர்பாக, காரைக்கால் மாவட்ட பாமக செயலரும், ஜெயப்பிரகாஷ் நாராயண் கூட்டுறவு நூற்பாலை பாட்டாளி தொழிற்சங்க கௌரவத் தலைவருமான க.தேவமணி செவ்வாய்க்கிழமை வெளியிட்ட அறிக்கை:
காரைக்காலில் புதுச்சேரி அரசின் கூட்டுறவு நிறுவனமான ஜெயப்பிரகாஷ் நாராயண் கூட்டுறவு நூற்பாலை இயங்கிவருகிறது. நல்ல லாபத்தில் இயங்கிக்கொண்டிருந்த ஆலை, அரசின் அலட்சியம் உள்ளிட்ட பல்வேறு காரணிகளால் தற்போது நலிவடைந்துவிட்டது.
இந்த ஆலையில் 345 பேர் பணியாளர்களாக இருந்த நிலையில், 45 பேரை ஆலை நிர்வாகம் தாற்காலிக பணி நீக்கம் செய்துள்ளது. ஏறக்குறைய, 300 பேர் தற்போது பணியாற்றிவருகிறார்கள். இவர்களுக்கு கடந்த ஆட்சியின்போது 6 மாத ஊதியம் தரப்படாமல் நிலுவையில் உள்ளது. மேலும் கடந்த 2 மாதங்களாக ஊதியம் வழங்கப்படவில்லை.
இந்த நிலையில், சுமார் 100 பேர் வரை ஆலையில் சேர்க்கும் வகையில் புதுச்சேரி அரசு முயற்சிகளை மேற்கொண்டுவருகிறது. கூட்டுறவு பால் வழங்கும் சங்கத்தில் பணியாளராக சேர்க்கப்பட்டு, பின்னர் கூட்டுறவு நூற்பாலைக்கு மாற்றும் விதத்தில், கொல்லைப்புற நடவடிக்கையை அரசு மேற்கொண்டுவருகிறது. 
ஆலையில் தேவைக்கு மிகுதியான தொழிலாளர்கள் உள்ளதாக சிட்ரா குழு அரசுக்கு பரிந்துரை செய்துள்ள நிலையில், அதை பொருட்படுத்தாமல், ஒவ்வொரு எம்.எல்.ஏ.க்களையும் திருப்திப்படுத்தும் விதமாக, எம்.எல்.ஏ. பரிந்துரைப்போருக்கு வேலை தரும் வகையில் இந்த நடவடிக்கையை எடுத்துவருவதை வன்மையாக கண்டிக்கிறோம்.
அரசின் இந்த முயற்சியை புதுச்சேரி துணை நிலை ஆளுநர் தடுத்து நிறுத்தவேண்டும். இந்த போக்கில் ஆலை நிர்வாகம் சென்றால், ஒட்டுமொத்த ஊழியர்களுக்கும் மாத ஊதியம் கிடைக்காது. ஆலையில்  வளர்ச்சி இருக்காது. புதுச்சேரி அரசின் இந்த நடவடிக்கையை எதிர்த்து, நீதிமன்றத்தை அணுக பாட்டாளி தொழிற்சங்கம் முடிவு செய்துள்ளது என அதில்
கூறப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2017/dec/13/நலிவடைந்த-ஆலையில்-பணியாளர்-நியமன-விவகாரம்-பாமக-எதிர்ப்பு-2825311.html
2825310 நாகப்பட்டினம் காரைக்கால் காரைக்கால் ரயில் நிலையத்தில் என்.சி.சி. மாணவர்கள் தூய்மைப் பணி DIN DIN Wednesday, December 13, 2017 02:22 AM +0530 மத்திய அரசின் தூய்மை வார நிகழ்ச்சியையொட்டி, காரைக்கால் ரயில் நிலையத்தில் 100-க்கும் மேற்பட்ட என்.சி.சி. மாணவர்கள் செவ்வாய்க்கிழமை தூய்மைப் பணி மேற்கொண்டனர்.
தூய்மை இந்தியா திட்டத்தின் ஒரு பகுதியாக ஸ்வச்தா பக்வாடா என்கிற தூய்மை வாரம் கடைப்பிடிக்க மத்திய அரசு அறிவுறுத்தியது.
காரைக்காலில் தந்தை பெரியார் அரசு மேல்நிலைப்பள்ளி என்.சி.சி. அமைப்பு சார்பில், ரயில் நிலையத்தில் தூய்மைப் பணி மேற்கொள்ளப்பட்டது. பள்ளி என்.சி.சி. அலுவலர் என். காமராஜ் தலைமையில், 100 என்.சி.சி. மாணவர்கள் தூய்மை செய்யும் பணியில் ஈடுபட்டனர்.
தொடக்க நிகழ்ச்சிக்கு, பள்ளி துணை முதல்வர் கே. கோவிந்தராஜன் தலைமை வகித்தார். மாவட்ட ஆட்சியர் ஆர். கேசவன் கலந்துகொண்டு மாணவர்களிடையே பேசினார். தூய்மைக்கு அதிகமான முக்கியத்துவம் கொடுக்கப்பட்டு வருகிறது. மாணவர்கள் இந்த தூய்மை திட்டத்தில் பங்கெடுத்துக்கொள்ள வேண்டும். நாட்டின் ஒருமைப்பாட்டுக்கும், வலிமைக்கும் என்.சி.சி. எவ்வாறு அடித்தளமாக அமைந்திருக்கிறதோ, அதேபோல சுற்றுப்புறத் தூய்மைப் பணியில் என்.சி.சி. மாணவர்களின் பங்கு மிக முக்கியமானது. மாணவர்கள் இதுபோன்ற நற்பணிகளில் முழுமையாக தங்களை ஈடுபடுத்திக்கொள்ள வேண்டும் என்றார்.
என்.சி.சி. கமாண்டிங் அலுவலர் சி.எஸ். சர்மா, நகராட்சி ஆணையர் டி. சுதாகர், காரைக்கால்  ரயில் நிலைய மேலாளர் ஜி. முத்துக்குமார், காரைக்கால் என்.சி.சி. யூனிட் ராணுவ பயிற்றுநர்கள் பாலகிருஷ்ணன், பாலமுருகன் உள்ளிட்டோர் பேசினர்.
ரயில் நிலையத்தின் அனைத்துப் பகுதிகளிலும் மாணவர்கள் தூய்மைப் பணியில் ஈடுபட்டனர். என்.சி.சி. மாணவர் கவின்ராஜ் வரவேற்றார். சத்ரியன் நன்றி கூறினார்.

]]>
http://www.dinamani.com/all-editions/edition-nagapattinam/karaikal/2017/dec/13/காரைக்கால்-ரயில்-நிலையத்தில்என்சிசி-மாணவர்கள்-தூய்மைப்-பணி-2825310.html
2825308 நாகப்பட்டினம் காரைக்கால் காரைக்கால் வேளாண் அறிவியல் நிலைய ஊழியர்கள் விவகாரம்: துணைநிலை ஆளுநரிடம் பாஜக புகார் DIN DIN Wednesday, December 13, 2017 02:22 AM +0530 காரைக்கால் வேளாண் அறிவியல் நிலைய ஊழியர்கள் சிலரை மட்டும் பணி நிரந்தரம் செய்ய ஆட்சியாளர்கள் முயற்சிப்பது தொடர்பாக, துணை நிலை ஆளுநரிடம் பாஜக புகார் கூறியுள்ளது.
புதுச்சேரியில் துணைநிலை ஆளுநர் கிரண்பேடியை காரைக்கால் மாவட்ட பாஜக இளைஞரணி தலைவர் ஜி. கணேஷ் தலைமையிலான குழுவினர், திங்கள்கிழமை சந்தித்து புகார் மனு அளித்தனர்.
இதுகுறித்து காரைக்கால் திரும்பிய ஜி. கணேஷ் செவ்வாய்க்கிழமை கூறியது :
காரைக்கால் மாவட்டம், திருநள்ளாறு கொம்யூன் மாதூர் பகுதியில் வேளாண் அறிவியல் நிலையம் இயங்கி வருகிறது. இந்த நிலையத்தில் கடந்த 15 ஆண்டுகளாக பணியாற்றி வரும் 58 தொழிலாளர்களில், கடந்த ஆட்சியில் 30 பேரை மட்டும் பணி நிரந்தரம் செய்து அலுவலக ஆணை பிறப்பிக்கப்பட்டது.
தொழிலாளர்கள் அனைவரும் ஒரே காலகட்டத்தில் பணிக்கு சேர்ந்தோம் எனவும், அனைவருக்கும் ஒரே நேரத்தில் பணி நிரந்தர ஆணை தர வேண்டும் என அப்போது போராட்டத்தில் ஈடுபட்டனர். பின்னர் வந்த காங்கிரஸ் அரசு, கடந்த ஆட்சியில் வெளியிட்ட அரசு ஆணையை ரத்து செய்தது.
ஆனால், பணியாற்றும் தொழிலாளர்களிடையே பிளவை ஏற்படுத்தும் விதமாக, 17 பேரை மட்டும் பணி நிரந்தரம் செய்ய ஆட்சியாளர்கள் முயற்சித்து வருவதாக தகவல்கள் தெரிவிக்கின்றன. 
இது மற்ற தொழிலாளர்களுக்கு இழைக்கப்படும் அநீதியாகும். எனவே, இந்த விவகாரத்தில் துணைநிலை ஆளுநர் தலையிட்டு, உரிய விசாரணை நடத்தி நடவடிக்கை எடுக்க வலியுறுத்தப்பட்டது என்றார்.
பாஜக மையக் குழு உறுப்பினர் துரை. சேனாதிபதி உள்ளிட்ட பலர் ஆளுநரை சந்தித்த குழுவில் இடம்பெற்றிருந்தனர்.
 

]]>
http://www.dinamani.com/all-editions/edition-nagapattinam/karaikal/2017/dec/13/காரைக்கால்-வேளாண்-அறிவியல்-நிலைய-ஊழியர்கள்-விவகாரம்-துணைநிலை-ஆளுநரிடம்-பாஜக-புகார்-2825308.html
2824517 நாகப்பட்டினம் காரைக்கால் ஸ்ரீ நித்தீசுவரசுவாமி கோயிலில் முத்தங்கி அலங்காரத்தில் பைரவர் DIN DIN Tuesday, December 12, 2017 12:50 AM +0530 காரைக்கால் ஸ்ரீ நித்தீசுவரசுவாமி கோயிலில் கார்த்திகை  மாத தேய்பிறை அஷ்டமி சிறப்பு வழிபாடு ஞாயிற்றுக்கிழமை இரவு நடைபெற்றது. முத்தங்கி அலங்காரத்தில் காட்சியளித்த பைரவரை திரளான பக்தர்கள் வழிபட்டனர்.
காரைக்கால் கோயில்பத்து நித்தீஸ்வரம் பகுதியில் ஸ்ரீ நித்தியகல்யாணி சமேத ஸ்ரீ நித்தீசுவரசுவாமி கோயில் உள்ளது. பிரசித்தி பெற்று விளங்கும் இக்கோயிலில், ஸ்ரீ பைரவி உடனுறை  ஸ்ரீ கால பைரவர் சன்னிதி, ஸ்ரீ ஸ்வர்ணாகர்ஷன பைரவர் சன்னிதி உள்ளன.
 தேய்பிறை அஷ்டமி, கால பைரவருக்கு சிறப்புக்குரியதாகும். இதையொட்டி ஞாயிற்றுக்கிழமை இரவு  ஸ்ரீ பைரவி உடனுறை ஸ்ரீ காலபைரவருக்கு சிறப்பு யாகம் நடத்தப்பட்டு, பல்வேறு திரவியங்களால் அபிஷேகம் செய்யப்பட்டது. ஸ்ரீ ஸ்வர்ணாகர்ஷன பைரவருக்கு மஞ்சள், பால், பஞ்சாமிர்தம், சந்தனம் மற்றும் யாகத்தில் பூஜிக்கப்பட்ட புனித நீர்கொண்டு அபிஷேகம் செய்யப்பட்டு, மகா தீபாராதனை நடைபெற்றது.
 ஸ்ரீ ஸ்வர்ணாகர்ஷன பைரவருக்கு முத்தங்கி அலங்காரம் செய்யப்பட்டு மகா தீபாராதனை நடைபெற்றது. தொடர்ந்து ஸ்ரீ பைரவருக்கு சகஸ்ரநாம அர்ச்சனை நடைபெற்றது.  அஷ்டமி பூஜையையொட்டி ஏராளமான பக்தர்கள் கலந்துகொண்டு பைரவரை வழிபாடு செய்தனர்.  
இதுபோன்று அம்பகரத்தூர் ஸ்ரீ பார்வதீசுவரர் கோயில் பைரவருக்கு சிறப்பு அபிஷேக ஆராதனை நடைபெற்றது. ஏராளமான பக்தர்கள் கலந்துகொண்டு வழிபாடு செய்தனர். திருமலைராயன்பட்டினம் ஸ்ரீ அபிராமி அம்மன் சமேத ஸ்ரீ ராஜசோளீசுவரர் கோயிலில் உலக நன்மைக்காக பைரவருக்கு சிறப்பு ஹோமம் நடத்தப்பட்டது. பின்னர் ஸ்ரீ பைரவருக்கு சிறப்பு அபிஷேக ஆராதனை நடைபெற்றது.

]]>
http://www.dinamani.com/all-editions/edition-nagapattinam/karaikal/2017/dec/12/ஸ்ரீ-நித்தீசுவரசுவாமி-கோயிலில்-முத்தங்கி-அலங்காரத்தில்-பைரவர்-2824517.html
2824516 நாகப்பட்டினம் காரைக்கால் நீட் தேர்வை எதிர்த்து தொடர் போராட்டம்: அனைத்துக் கட்சிக் கூட்டத்தில் முடிவு DIN DIN Tuesday, December 12, 2017 12:49 AM +0530 நீட் தேர்வை எதிர்த்து தொடர் போராட்டம், கருத்தரங்கம் மற்றும் மாணவர், பெற்றோர்களிடையே விழிப்புணர்வு ஏற்படுத்த அனைத்துக் கட்சிக் கூட்டத்தில் முடிவு செய்யப்பட்டது.
புதுச்சேரி நீட் எதிர்ப்புக் குழு சார்பில் காரைக்காலில் நீட் தேர்வு தொடர்பாக விவாதிக்கும் வகையில் அனைத்துக் கட்சிப் பிரதிநிதிகள் கலந்துகொண்ட கூட்டம், காரைக்காலில் திங்கள்கிழமை நடைபெற்றது. புதுச்சேரி நீட் எதிர்ப்புக் குழுத் தலைவர் வீரமணி தலைமை வகித்தார்.
மத்திய அரசால் அமல்படுத்தப்பட்ட நீட் தேர்வு மூலம் தமிழக, புதுவை மாநிலங்களில் மாநில கல்வி வாரியத்தில் பயிலும் மாணவர்கள் பாதிக்கப்படுவது குறித்தும், கடந்த ஆண்டு நீட் தேர்வினால் மாணவர்களுக்கு ஏற்பட்ட பாதிப்பு, அதிக மதிப்பெண் பெற்ற அரியலூர் மாணவி உயிரிழப்பு, மத்திய பாஜக அரசு செயல்பாடுகளை விமர்சிக்கும் வகையில் அனைத்துக் கட்சிப் பிரதிநிதிகள் கருத்து கூறினர்.
நிறைவாக, காரைக்காலில் நீட் எதிர்ப்புக் குழு அமைத்து, அதில் பல்வேறு கட்சியினர் ஒருங்கிணைப்பாளராக நியமிக்கப்பட்டனர். நீட் எதிர்ப்பு குறித்து காரைக்காலில் வருகிற 24-ஆம் தேதி கருத்தரங்கம் நடத்துவது.
தொடர்ந்து நீட் எதிர்ப்பு போராட்டம், கருத்தரங்கம் நடத்துவதோடு, மாணவர்கள் மற்றும் பெற்றோர்களிடையே நீட் தேர்வினால் ஏற்படும் பாதிப்புகள் குறித்து விழிப்புணர்வு ஏற்படுத்துவது என கூட்டத்தில் முடிவு செய்யப்பட்டது.
அனைத்துக் கட்சியினரும் மாணவர்கள் நலன் கருதி, மக்களிடையே ஒருமித்த எதிர்ப்பு ஏற்படும் வகையில் பாடுபடவேண்டும் என கேட்டுக்கொள்ளப்பட்டது.
கூட்டத்தில் முன்னாள் அமைச்சர் ஏ.எம்.எச்.நாஜிம் (திமுக), மாவட்ட காங்கிரஸ் தலைவர் அ.பாஸ்கரன், விடுதலைச் சிறுத்தைகள் கட்சி அரசு வணங்காமுடி, மதிமுக மாவட்ட செயலர் சோ.அம்பலவாணன், இந்திய கம்யூனிஸ்ட் பிரதேச செயலர் க.தமிழழகன், தமுமுக மாவட்ட தலைவர் ஐ.அப்துல்ரஹீம், மனிதநேய மக்கள் கட்சி மாவட்ட செயலர் ராஜா முகம்மது, புதுச்சேரி மாணவர் கூட்டமைப்புத் தலைவர் சுவாமிநாதன் உள்ளிட்ட பல்வேறு கட்சியினர், அமைப்புப் பிரதிநிதிகள் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2017/dec/12/நீட்-தேர்வை-எதிர்த்து-தொடர்-போராட்டம்-அனைத்துக்-கட்சிக்-கூட்டத்தில்-முடிவு-2824516.html
2824515 நாகப்பட்டினம் காரைக்கால் ஊதியம் கோரி  ரேஷன் கடை ஊழியர்கள் ஆர்ப்பாட்டம் DIN DIN Tuesday, December 12, 2017 12:49 AM +0530 நிலுவையில் உள்ள ஊதியத்தையும், மாதம்தோறும் ஊதியம் தரக்கோரியும் ரேஷன் கடை ஊழியர்கள் திங்கள்கிழமை ஆர்ப்பாட்டம் நடத்தினர்.
காரைக்கால் மாவட்டத்தில் செயல்படும் ரேஷன் கடை நிரந்தர ஊழியர்கள், தாற்காலிக ஊழியர்களுக்கு பல மாதங்களாக அரசு ஊதியம் தரவில்லை. இதுகுறித்து ஊழியர் சங்கத்தினர் புதுச்சேரி அரசை பல நிலைகளில் வலியுறுத்திவந்தனர்.
இந்நிலையில், காரைக்கால் நியாய விலைக்கடை ஊழியர்கள் கூட்டுறவு சங்கம் சார்பில், பாரதியார் சாலையில் உள்ள தலைமை அலுவலகத்தின் வாயிலில் திங்கள்கிழமை ஒட்டுமொத்த ஊழியர்களும் கலந்துகொண்டு புதுச்சேரி அரசுக்கு எதிராக ஆர்ப்பாட்டம் நடத்தினர்.
ஆர்ப்பாட்டத்திற்கு சங்கத் தலைவர் ரஹ்மத்பாட்ஷா தலைமை வகித்தார். அவர் பேசும்போது, காரைக்கால் மாவட்டத்தில் 70 ரேஷன் கடைகளில் நிரந்தர ஊழியர்கள் மற்றும் உதவியாளர்கள் 125 பேர் பணியாற்றுகின்றனர். கடந்த 12 மாதங்களாக ஊழியர்களுக்கு ஊதியம் கொடுக்கப்படவில்லை. இதுகுறித்து பல கட்டமாக அரசிடம் வலியுறுத்தியும், பணி செய்த காலத்துக்கான ஊதியத்தை தராமல்  உள்ளது. நிலுவை மாதங்களின் ஊதியத்தை உடனடியாகத்  தருவதோடு, ஒவ்வொரு மாதமும் மற்ற அரசுத்துறை ஊழியர்களுக்கு தரும் காலத்திலேயே ஊதியத்தை முறையாக ரேஷன் கடைக்காரர்களுக்கும் அரசு தரவேண்டும்.
இந்தக்  கோரிக்கையை அரசு நிறைவேற்றவில்லையென்றால் ஊழியர்களுடன் கலந்துபேசி, அரசின் கவனத்தை ஈர்க்கும் வகையிலான அடுத்தகட்ட போராட்டத்தில் ஈடுபடுவோம் என்றார்.
ஊழியர்கள் அனைவரும் ஆர்ப்பாட்டத்தில் ஈடுபட்டதால், அனைத்து ரேஷன் கடைகளும் மூடப்பட்டிருந்தன.

]]>
http://www.dinamani.com/all-editions/edition-nagapattinam/karaikal/2017/dec/12/ஊதியம்-கோரி--ரேஷன்-கடை-ஊழியர்கள்-ஆர்ப்பாட்டம்-2824515.html
2824514 நாகப்பட்டினம் காரைக்கால் ராகுல் தலைமையால் நாட்டுக்கு நன்மை கிடைக்கும்: அமைச்சர் ஆர். கமலக்கண்ணன் DIN DIN Tuesday, December 12, 2017 12:47 AM +0530 ராகுல் காந்தி தலைமையால் நாட்டுக்கு நன்மை கிடைக்கும் என புதுச்சேரி வேளாண் துறை அமைச்சர் ஆர். கமலக்கண்ணன் கூறினார்.
அகில இந்திய காங்கிரஸ் துணைத் தலைவர் ராகுல்காந்தி, கட்சியின் அகில இந்திய தலைவராக அதிகாரப்பூர்வமாக திங்கள்கிழமை அறிவிக்கப்பட்டார். இதையொட்டி, காரைக்கால் மாவட்ட காங்கிரஸ் தலைவர் அ. பாஸ்கரன் தலைமையில், கட்சியினர் பல்வேறு இடங்களில் பட்டாசு வெடித்து, பொதுமக்களுக்கு இனிப்பு வழங்கி கொண்டாடினர்.
நிகழ்ச்சியில் கலந்துகொண்ட புதுச்சேரி வேளாண் துறை அமைச்சர் ஆர். கமலக்கண்ணன் செய்தியாளர்களிடம் கூறியது:
நாட்டில் மத ரீதியிலான அமைதியின்மை காணப்படுகிறது. மகாத்மா காந்தி தலைமையிலான காங்கிரஸ் கட்சி, ஜவாஹர்லால் நேரு, இந்திராகாந்தி, ராஜீவ்காந்தி மற்றும் காமராஜர், சோனியாகாந்தி வழியில் நாட்டை சிறந்த முன்னேற்றத்துக்கு கொண்டு சென்றது.
 ஆனால், இப்போது நிகழும் பல்வேறு மாறுபாடான போக்குகளால், நாட்டுக்கு அதீதமான வளர்ச்சி  தேவைப்படுகிறது. மக்களிடையே அமைதி தேவைப்படுகிறது.
காங்கிரஸ் கட்சியில் தொடர்ந்து 19 ஆண்டுகள் சோனியாகாந்தி தலைவராக இருந்து வழிநடத்தியதன் மூலம் பல நன்மைகளை இந்திய மக்கள் அடைந்தனர். 
தற்போதைய சூழலில் ராகுல்காந்தி அகில இந்திய காங்கிரஸ் தலைவராக நியமிக்கப்பட்டிருப்பது, நாட்டின் அனைத்துத் தரப்பினரிடையே உற்சாகத்தை ஏற்படுத்தியுள்ளது. இவரது தலைமை நாட்டுக்கு நல்ல நன்மைகளை தரும் என்பதில் ஐயமில்லை என்றார் அமைச்சர்.

]]>
http://www.dinamani.com/all-editions/edition-nagapattinam/karaikal/2017/dec/12/ராகுல்-தலைமையால்-நாட்டுக்கு-நன்மை-கிடைக்கும்-அமைச்சர்-ஆர்-கமலக்கண்ணன்-2824514.html
2824513 நாகப்பட்டினம் காரைக்கால் பள்ளியில் கணிதக் கண்காட்சி DIN DIN Tuesday, December 12, 2017 12:47 AM +0530 காரைக்கால் எஸ்.ஆர்.வி.எஸ். நேஷனல் மேல்நிலைப் பள்ளியில் கணிதக் கண்காட்சி திங்கள்கிழமை நடைபெற்றது.
தருமபுரம் பகுதியில் இயங்கிவரும் இப்பள்ளியில் கண்காட்சியை பள்ளித் தாளாளர் கே.செல்லையன் தொடங்கிவைத்தார். முக்கோணவியல், கோணங்கள், முப்பரிமாணத் தோற்றங்கள், கணிதப் புதிர்கள், இயற்கணித சூத்திரங்கள் உள்ளிட்டவற்றை உள்ளடக்கி மாணவ, மாணவியர் சுமார் 150-க்கும் மேற்பட்ட படைப்புகளை வைத்திருந்தனர்.
பள்ளி மாணவ, மாணவியர் கண்காட்சியைப் பார்வையிட்டனர். படைப்புகளை வைத்திருந்தோர் மாணவ, மாணவியருக்கு விளக்கம் அளித்தனர்.
பள்ளி முதல்வர் எஸ்.கந்தசாமி, தலைமையாசிரியர் ஜி.ராஜேந்திரன் ஆகியோர் இதுபோன்ற கண்காட்சி நடத்தப்படுவதன் நோக்கம் குறித்து மாணவர்களிடையே பேசினர்.
காரைக்கால் முருகாத்தாளாட்சி அரசு பெண்கள் உயர்நிலைப் பள்ளி பட்டதாரி ஆசிரியை எஸ்.புவனேஸ்வரி தலைமையில் பள்ளி ஆசிரியர்கள் எஸ்.கருணாகரன், ஜி.அருண், டி.சுதா ஆகியோர் படைப்புகளை மதிப்பீடு செய்தனர்.
கண்காட்சிக்கான ஏற்பாடுகளை பள்ளி கணித ஆசிரியர்களின்  வழிகாட்டலில் மாணவ, மாணவியர் செய்திருந்தனர்.

]]>
http://www.dinamani.com/all-editions/edition-nagapattinam/karaikal/2017/dec/12/பள்ளியில்-கணிதக்-கண்காட்சி-2824513.html
2824512 நாகப்பட்டினம் காரைக்கால் கடற்கரையில் கடலோர காவல்படையினர் தூய்மைப் பணி DIN DIN Tuesday, December 12, 2017 12:47 AM +0530 காரைக்கால் கடற்கரையில் கடலோரக் காவல்படையினர் தூய்மை விழிப்புணர்வுப் பணியை  மேற்கொண்டனர்.
இந்திய கடலோரக் காவல்படை காரைக்கால் மையத்தின் சார்பில்  தூய்மை விழிப்புணர்வு திட்டப்பணி, காரைக்கால் மீன்பிடித் துறைமுகம், கடற்கரைப் பகுதியில் ஞாயிற்றுக்கிழமை நடைபெற்றது.
கடலோரக் காவல்படையின் அதிகாரிகள்,  ஊழியர்கள் மற்றும் அவர்களது குடும்பத்தினர் 105 பேர் இந்தப்  பணியில் ஈடுபட்டனர்.
மீன்பிடித் துறைமுகத்திலும், கடற்கரையில் மக்கள் பொழுதுபோக்குக்காக பயன்படுத்தக்கூடிய தளத்திலும் கிடந்த குப்பைகள், பிளாஸ்டிக் பொருள்களை அகற்றினர்.
இதுகுறித்து கடலோரக் காவல்படை மையம் திங்கள்கிழமை வெளியிட்ட செய்திக் குறிப்பில், பிரதமர் தொடங்கிய ஸ்வச்தா பக்வாடா என்ற தொலைநோக்குத் திட்டத்தை செயல்படுத்தும் விதமாக, கடலோரக் காவல்படை அவ்வப்போது மக்கள் நடமாட்டம் மிகுந்த பகுதிகளில் தூய்மை விழிப்புணர்வு செயல்பாடுகளை மேற்கொள்கிறது. காரைக்காலில் நடத்தப்பட்ட விழிப்புணர்வுப் பணியில் கடலோரக் காவல்நிலையத்தினர், மீனவர்களும் பங்கெடுத்தனர். இதுபோன்ற பணிகளைக் கடலோரக் காவல்படையின் சார்பில் தொடர்ந்து மேற்கொள்ளப்பட்டுவருகிறது என தெரிவிக்கப்பட்டுள்ளது.
இரண்டு பகுதிகளிலும் அகற்றப்பட்ட குப்பைகளை மூட்டைக் கட்டி, திடக்கழிவு மேலாண்மைத் திட்டத்தை செயல்படுத்தும் பணியாளர்களிடம் ஒப்படைத்தனர். கடற்கரையில் இருந்த பொதுமக்கள், மீனவர்களிடம் சுற்றுச்சூழல் மாசடையாமல் இருக்க, நமது பயன்பாட்டில் உள்ள பகுதிகளைத் தூய்மையாக வைத்திருக்கவேண்டும் என கடலோரக் காவல்படையினர் அறிவுறுத்தினர்.
 

]]>
http://www.dinamani.com/all-editions/edition-nagapattinam/karaikal/2017/dec/12/கடற்கரையில்-கடலோர-காவல்படையினர்-தூய்மைப்-பணி-2824512.html
2824511 நாகப்பட்டினம் காரைக்கால் ஸ்ரீ தர்பாரண்யேசுவரர் கோயிலில் 1,008 சங்காபிஷேகம் DIN DIN Tuesday, December 12, 2017 12:47 AM +0530 திருநள்ளாறு ஸ்ரீ தர்பாரண்யேசுவரர் கோயிலில் திங்கள்கிழமை கார்த்திகை சோமவார நிறைவையொட்டி 1,008 சங்காபிஷேக வழிபாடு நடைபெற்றது. ஏராளமான பக்தர்கள் கலந்துகொண்டு வழிபாடு செய்தனர்.
ஸ்ரீ சனீஸ்வரபகவான் தனி சன்னிதி கொண்டு அருள்பாலிக்கும் திருநள்ளாறு ஸ்ரீ பிரணாம்பிகை சமேத ஸ்ரீ தர்பாரண்யேசுவரர் கோயிலில் கார்த்திகை சோமவாரத்தை முன்னிட்டு ஒவ்வொரு திங்கள்கிழமையும் ஸ்ரீ தர்பாரண்யேசுவரருக்கு 108 சங்காபிஷேகம் செய்யப்பட்டுவந்தது. 
கார்த்திகை மாத நிறைவு சோமவாரத்தில்  (டிச.11)  ஸ்ரீ தர்பாரண்யேசுவரர், அருள்மிகு தியாகராஜருக்கு அபிஷேகம் செய்வதற்காக 1,008 சங்குகளில் புனித நீர் நிரப்பி சிறப்பு பூஜைகள் நடைபெற்றது.
பிரதான சங்குகள் மற்றும் 1008 சங்குகளை அடுக்கி விக்னேஸ்வர பூஜை நடத்தப்பட்டு, இதைத் தொடர்ந்து புன்னியாகவாஜனம் செய்யப்பட்டது. பிரதான சங்குகளுக்கும், 1008 சங்குகளுக்கும் சிறப்பு பூஜையாக, கும்ப பூஜையும், ஹோம நிறைவாக மகா பூர்ணாஹூதி தீபாராதனையும் காட்டப்பட்டது.
பூஜையில், சதுர்வேத, ஆகம ஆசீர்வாதம், தேவாரம் பாடப்பட்டு மகா தீபாராதனை காட்டப்பட்டது. இதைத் தொடர்ந்து சிவாச்சாரியார்கள் பிரதான சங்குகளை சுமந்து கோயிலின் உள் பிரகாரம் மற்றும் வெளிப் பிரகாரம் வலம் வந்து  ஸ்ரீ தர்பாரண்யேசுவரர், ஸ்ரீ தியாகராஜருக்கு மகா அபிஷேகம் செய்தனர்.
சிவபெருமானுக்கு 1,008 சங்காபிஷேகம் செய்வதை காண்பது பக்தர்களுக்கு மிகுந்த சிறப்பை சேர்க்கும் என்பதால் அபிஷேக நிகழ்ச்சியில் திரளான பக்தர்கள் கலந்துகொண்டு வழிபட்டனர். 
தருமபுர ஆதீன கட்டளை விசாரணை கந்தசாமி தம்பிரான் சுவாமிகள், நிர்வாக அதிகாரி (கோயில்கள்) ஏ.விக்ராந்த் ராஜா உள்ளிட்ட முக்கிய பிரமுகர்கள் பலரும் கலந்துகொண்டனர்.  திருநள்ளாறு கோயிலில் 1008 சங்கு அபிஷேகம் ஆண்டில் ஒரு முறை மட்டுமே நடத்தக்கூடியது என கோயில் நிர்வாகத்தார் தெரிவித்தனர். 

]]>
http://www.dinamani.com/all-editions/edition-nagapattinam/karaikal/2017/dec/12/ஸ்ரீ-தர்பாரண்யேசுவரர்-கோயிலில்-1008-சங்காபிஷேகம்-2824511.html
2824510 நாகப்பட்டினம் காரைக்கால் மீனவர்கள் போராட்டத்தால் வெறிச்சோடியது மீன் சந்தை DIN DIN Tuesday, December 12, 2017 12:46 AM +0530 ஒக்கி புயலில் காணாமல் போனவர்களை மீட்க  வலியுறுத்தி நாகை, காரைக்கால் மாவட்ட மீனவர்கள் நடத்தும் போராட்டத்தால், காரைக்காலில் மீன் சந்தை வெறிச்சோடிக் காணப்பட்டது.
ஒக்கி புயலில் காணாமல் போன கன்னியாகுமரி மாவட்ட மீனவர்களைக் காப்பாற்ற மத்திய, மாநில அரசுகள் நடவடிக்கை எடுக்கக்கோரி, நாகை மற்றும் காரைக்கால் மாவட்டத்தைச்  சேர்ந்த மீனவர்கள் நாகப்பட்டினத்தில் பேரணி நடத்தினர்.
இந்தப் போராட்டத்திற்கு காரைக்கால் மாவட்ட மீனவர்கள் முழு ஆதரவு தெரிவித்திருந்தனர். பெரும்பாலான மீனவர்கள் இந்தப்  போராட்டத்தில் கலந்துகொண்டனர்.
மீனவர்கள் போராட்டத்தால் காரைக்கால் மீன்பிடித் துறைமுகத்திற்கு திங்கள்கிழமை படகுகள் வரவில்லை. வழக்கம்போல பிற்பகல் கடலுக்குப் புறப்பட்டுச் செல்வோரும் முடங்கினர்.
மீனவ கிராமங்களில் இருந்து சிறிய படகுகள் கடலுக்கு கொண்டுசெல்லப்படவில்லை. இதனால் காரைக்கால் பகுதி நேரு மார்க்கெட் மீன் விற்பனைப் பிரிவு மூடப்பட்டது. மீன்பிடித் துறைமுகமும் வெறிச்சோடிக் காணப்பட்டது.
இதுகுறித்து மீனவர்கள் கூறும்போது, கடலில் மீன்பிடிக்கச்  சென்றவர்களுக்கு ஒக்கி புயல் குறித்த தகவல் எதுவும் தெரியவில்லை. இதனால் பாதிக்கப்பட்ட  பலர் குஜராத், மகாராஷ்டிரம், லட்சத்தீவு உள்ளிட்ட பகுதிகளுக்குச்  சென்றுவிட்டனர். இவர்களில்  பலர் மீட்கப்பட்டாலும், ஏராளமானோர் இன்னும் கரை திரும்பவில்லை. இதில் மத்திய, மாநில அரசுகள் அதிக அக்கறை எடுத்துச் செயல்படவேண்டும். 
காணாமல் போனவர்களை மீட்டுக் கொண்டுவரும் பொறுப்பு இரு அரசுகளுக்கும் உண்டு. மத்திய, மாநில  அரசுகளின்  கவனத்தை ஈர்க்கவே இந்தப் போராட்டம் நடத்தப்பட்டது என்றனர்.

]]>
http://www.dinamani.com/all-editions/edition-nagapattinam/karaikal/2017/dec/12/மீனவர்கள்-போராட்டத்தால்-வெறிச்சோடியது-மீன்-சந்தை-2824510.html
2824509 நாகப்பட்டினம் காரைக்கால் காரைக்காலில் குழந்தைக் கவிஞர் அழ.வள்ளியப்பா கலை இலக்கியப் பெருவிழா DIN DIN Tuesday, December 12, 2017 12:46 AM +0530 குழந்தைக் கவிஞர் அழ.வள்ளியப்பா கலை இலக்கியப் பெருவிழாவில் குழந்தைகளிடையே பல்வேறு போட்டிகள் நடத்தப்பட்டு பரிசுகள் வழங்கப்பட்டன.
வள்ளியப்பா இலக்கிய வட்டம், ராயவரம் மு.அ.மு.சுப. பழனியப்ப செட்டியார் இலக்கிய வட்டம், காரைக்கால் தூய மரியன்னை மேல்நிலைப் பள்ளி ஆகியவை இணைந்து தூய மரியன்னை பள்ளி வளாகத்தில் ஞாயிற்றுக்கிழமை கலை இலக்கிய பெருவிழாவை  நடத்தியது.
முன்னதாக குழந்தைகள் புத்தகக் திருவிழாவை சாகித்ய அகாதெமி விருதாளர் பேராசிரியர் ம.இல.தங்கப்பா தொடங்கிவைத்தார். குழந்தைகள் தொடர்பான புத்தகங்கள் வைக்கப்பட்டிருந்தன.  குழந்தைகளிடையே பாடல் போட்டி, நடனப் போட்டி, பேச்சுப் போட்டி, கட்டுரைப் போட்டி, ஓவியப் போட்டி உள்ளிட்டவை நடத்தப்பட்டன. காரைக்கால் பகுதி 18 பள்ளிகளில் இருந்து மாணவ, மாணவியர் கலந்துகொண்டனர்.
நிறைவு நிகழ்ச்சியில், மு.அ.மு.சுப. பழனியப்ப செட்டியார் இலக்கிய வட்ட அமைப்பாளர் பழ.சுப்ரமணியன் புதிய குழந்தை நூல்களை வெளியிட்டுப் பேசினார்.
 பேராசிரியர் மு.சாயபுமரைக்காயர், சா.நசீமாபானு, சேம்பர் ஆஃப் காமர்ஸ் முன்னாள் செயலர் ஏ.எல். மணிவாசகம் ஆகியோர் வாழ்த்துரை வழங்கினர்.
போட்டிகளில் பங்கேற்ற அனைவருக்கும் பரிசுகள் வழங்கப்பட்டன. தூய்மை இந்தியா திட்டத்தை வெற்றிகரமாக செயல்படுத்த பெரிதும் துணை நிற்பது அரசா, குடிமக்களா என்ற தலைப்பில் பேராசிரியர் சொ.சேதுபதி தலைமையில் பட்டிமன்றம் நடைபெற்றது.
முன்னதாக தேவி நாச்சியப்பன் வரவேற்றார்.  விஜயா பதிப்பகத்தை சேர்ந்த மு.வேலாயுதம் நன்றி கூறினார். ஏற்பாடுகளை தூய மரியன்னை மேல்நிலைப் பள்ளி ஆசிரியர் ஆந்திரே,  ஓவியர் பாரதிவாணர் சிவா ஆகியோர் செய்திருந்தனர்.
கடந்த 2017-ஆம் ஆண்டுக்கான வள்ளியப்பா இலக்கிய விருது புதுச்சேரி பேராசிரியர் ம.இல.தங்கப்பாவுக்கும், சிறப்பு விருது அயலக குழந்தை எழுத்தாளர் இலங்கை ஓ.கே.குணநாதனுக்கும், குழந்தைகள் கலை போட்டியில் முதலிடம் பெற்ற எஸ்.ஆர்.வி.எஸ். மேல்நிலைப் பள்ளிக்கு வள்ளியப்பா விருதும் வழங்கி கௌரவிக்கப்பட்டது.

]]>
http://www.dinamani.com/all-editions/edition-nagapattinam/karaikal/2017/dec/12/காரைக்காலில்-குழந்தைக்-கவிஞர்-அழவள்ளியப்பா-கலை-இலக்கியப்-பெருவிழா-2824509.html
2824508 நாகப்பட்டினம் காரைக்கால் காரைக்காலில் பாரதியார் முழு உருவச் சிலை அமைக்க வலியுறுத்தல் DIN DIN Tuesday, December 12, 2017 12:46 AM +0530 காரைக்காலில் மகாகவி பாரதியாருக்கு முழு உருவச் சிலை அமைக்க வேண்டும் என காரைக்கால் அனைத்து சமய நலவாழ்வு சங்கம் வலியுறுத்தியுள்ளது.
மகாகவி பாரதியார் பிறந்த நாள் விழா, காரைக்கால் கோவில்பத்து அரசு உயர்நிலைப்பள்ளியில் அனைத்து சமய நலவாழ்வு சங்கம் சார்பில் திங்கள்கிழமை நடத்தப்பட்டது. சமாதானக் குழுத் தலைவர் கே. தண்டாயுதபாணி பத்தர் தலைமை வகித்தார்.
பாரதியார் உருவப் படம் வைக்கப்பட்டு, சங்கத்தினர் மலர்தூவி மரியாதை செலுத்தினர். சங்கத் தலைவர் என்.ஜி.ஆர்.வேதாசலம், பொதுச் செயலர் வைஜெயந்திராஜன், புலவர் திருமேனி நாகராசன், தலைமையாசிரியர் (ஓய்வு) என். சிவசண்முகவடிவேல், உடற்கல்வி ஆசிரியர் ஜி. பக்கிரிசாமி, கே.ஆர். பக்கிரிசாமி, விரிவுரையாளர் ரங்கநாயகி, வாசுகி ஜெயராமன் ஆகியோர் பாரதியாரை புகழ்ந்துப் பேசினர்.
ஊழல் மலிந்து, சுயநலம் பெருகி, மனிதநேயமற்று சமுதாயம் சீரழிவு பாதையில் பயணிக்கிறது. இதை மாற்ற இளைஞர்களிடையே பாரதியின் சிந்தனை வளர வேண்டும். பாரதி கனவு கண்ட, சாதி, சமய, ஒற்றுமை, பெண்ணுரிமை, தாய்மொழி கல்வி இன்றியமையாமை, நாட்டுப்பற்று, மொழிப்பற்று, தனி மனிதக் கடமை முதலியவற்றை மாணவர்கள் கொள்கையாக கடைப்பிடிக்கவேண்டும் என வலியுறுத்தப்பட்டது.
காரைக்காலில் பாரதியாருக்கு பெருமை சேர்க்கும் விதமாக அவரது முழு உருவச் சிலையை புதுச்சேரி அரசு அமைக்க வேண்டும் என தீர்மானம் நிறைவேற்றப்பட்டது. பள்ளித் தலைமையாசிரியர் சக்திவேல் வரவேற்றார். சங்கத்தின் பொருளாளர் பாரீஸ்ரவி நன்றி கூறினார்.

]]>
http://www.dinamani.com/all-editions/edition-nagapattinam/karaikal/2017/dec/12/காரைக்காலில்-பாரதியார்-முழு-உருவச்-சிலை-அமைக்க-வலியுறுத்தல்-2824508.html
2823906 நாகப்பட்டினம் காரைக்கால் காரைக்கால் அம்மையார் கோயில் கருவறையில் விரிசல்கள்:  தலைமைப் பொறியாளர் ஆய்வு DIN DIN Monday, December 11, 2017 12:44 AM +0530 காரைக்கால் அம்மையார் கோயில் கருவறை, கருங்கல் தூணில் ஏற்பட்டிருக்கும் விரிசல்களைச் சரிசெய்வது குறித்து பொதுப்பணித்துறை தலைமைப் பொறியாளர் ஞாயிற்றுக்கிழமை ஆய்வு செய்தார்.
காரைக்காலுக்கு அரசு நிகழ்ச்சியில் பங்கேற்பதற்காக சனிக்கிழமை  வந்த புதுச்சேரி பொதுப்பணித்துறை தலைமைப் பொறியாளர் வி.சண்முகசுந்தரம், ஸ்ரீ கைலாசநாதர் கோயில் அறங்காவல் குழுவினர் அழைப்பை ஏற்று காரைக்கால் அம்மையார் கோயிலில் ஆய்வு மேற்கொண்டார். கோயிலுக்கு வந்த அவரை அறங்காவல் குழுத் தலைவர் கேசவன், செயலர் எம்.பக்கிரிசாமி ஆகியோர் வரவேற்றனர்.
அம்மையார் கருவறையில் மழையின்போது தண்ணீர் கசிவதாகவும், கோயில் பகுதி கருங்கல் தளத்தில் விரிசல் ஏற்பட்டிருப்பதாக அறங்காவல் குழுவினர் தெரிவித்ததையொட்டி, அந்தப் பகுதிகளைத் தலைமைப் பொறியாளர் பார்வையிட்டார். உடனிருந்த பொதுப்பணித்துறை கண்காணிப்புப் பொறியாளர் (ஓய்வு)  ஜி.இளஞ்செழியன் சீரமைப்பு தொடர்பாக பல்வேறு ஆலோசனைகளைத் தெரிவித்தார்.
இந்த ஆய்வு  குறித்து அறங்காவல் குழு செயலர் எம்.பக்கிரிசாமி கூறியது : 
புதுச்சேரிக்கு அறங்காவல் குழுவினர் சென்றிருந்தபோது தலைமைப் பொறியாளரை சந்தித்து, அம்மையார் கோயிலில் உள்ள பிரச்னைகள் தொடர்பாக தெரிவித்து, ஆய்வு செய்ய வருமாறு கோரியிருந்தோம். அதன்படி வந்த அவர், பாதித்த பகுதிகளைப் பார்வையிட்டார்.
கருங்கல் தளத்தில் ஏற்பட்ட விரிசலால் பெரிய அளவில் பாதிப்பு வந்துவிடாத வகையில் எவ்வாறு சீரமைக்கலாம், கருவறையில் சீரமைப்பு செய்வது குறித்து அவர் ஆலோசனை மேற்கொண்டார். இதுகுறித்து விரைவில் முடிவு எடுக்கப்படும் என அவர் கூறினார்.
காரைக்கால் மாவட்டத்தின் எல்லைப் பகுதிகளில் பிரசித்திப் பெற்ற கோயில்களுக்கு செல்லும் வழியை காட்டும் வழிப்பலகைகள் வைக்கவேண்டும். அம்மையார் கோயில் மற்றும் ஸ்ரீ நித்யகல்யாண பெருமாள் கோயிலில், தமிழகத்தில் புகழ்பெற்ற  கோயில்களில் வைக்கப்பட்டிருப்பதுபோன்று பெரிய அளவிலான பெயர் பலகை வைக்கவேண்டும்.
நித்யகல்யாண பெருமாள் கோயிலுக்கு பின்புறம் பெரிய அளவில் நிலப்பரப்பு உள்ளது. இதில் பெரிய அளவில் திருமண மண்டபம் கட்டவேண்டும். பெருமாள் கோயிலில் கருட சேவை, திருக்கல்யாணம், பிரமோத்ஸவம், திருமஞ்சனம் போன்ற பெரிய விழாக்களில் கோயிலில் இடநெருக்கடி உள்ளதால், இந்த மண்டபத்தில் வைத்து நடத்த முடியும். மத்திய சுற்றுலா நிதி, புதுச்சேரி அரசு நிதியின் மூலம் இந்த திட்டப்பணிகளைச்  செய்துதரவேண்டும் என கோரிக்கை வைத்தோம். இதுகுறித்து புதுச்சேரி முதல்வரிடம் கலந்துபேசி நடவடிக்கை எடுப்பதாக அவர் தெரிவித்தார் என்றார்.
 

]]>
http://www.dinamani.com/all-editions/edition-nagapattinam/karaikal/2017/dec/11/காரைக்கால்-அம்மையார்-கோயில்-கருவறையில்-விரிசல்கள்--தலைமைப்-பொறியாளர்-ஆய்வு-2823906.html
2823888 நாகப்பட்டினம் காரைக்கால் திருநள்ளாறு கோயில் சார்பில் ரூ.2.50 லட்சத்தில் இரும்புத் தடுப்புகள் அளிப்பு DIN DIN Monday, December 11, 2017 12:40 AM +0530 திருநள்ளாறில் காவல்துறையினருக்காக கோயில் நிர்வாகம் சார்பில் ரூ.2.50 லட்சம் செலவில் இரும்புத் தடுப்புகள்  அளிக்கப்பட்டன.
திருநள்ளாறு ஸ்ரீ தர்பாரண்யேசுவரர் கோயிலில் வருகிற 19-ஆம் தேதி சனிப்பெயர்ச்சி விழா நடைபெறவுள்ளது. கோயில் சுற்றுவட்டாரம், நளன் குளம் மற்றும் வாகனங்கள் நிறுத்தப்படும் இடங்களில் பக்தர்கள் நெரிசல் அதிகமாக இருக்கும்.
நெரிசலை கட்டுப்படுத்தவும், போக்குவரத்து தடையை தெரிவிக்கும் வகையிலும் பல்வேறு பாதுகாப்புகளுக்காக காவல்துறையினருக்கு இரும்புத் தடுப்புகள் தேவையிருந்தது. இதுகுறித்து காவல்துறை தலைமை கோயில் நிர்வாகத்தை கேட்டுக்கொண்டதன்பேரில், ரூ.2.50 லட்சம் செலவில் 50 இரும்புத் தடுப்புகளைக் கோயில் நிர்வாகம் செய்து திருநள்ளாறு காவல்நிலையத்தினரிடம் ஞாயிற்றுக்கிழமை ஒப்படைத்தது.

]]>
http://www.dinamani.com/all-editions/edition-nagapattinam/karaikal/2017/dec/11/திருநள்ளாறு-கோயில்-சார்பில்-ரூ250-லட்சத்தில்-இரும்புத்-தடுப்புகள்-அளிப்பு-2823888.html
2823887 நாகப்பட்டினம் காரைக்கால் ஸ்ரீ ஐயப்ப சுவாமி வீதியுலா DIN DIN Monday, December 11, 2017 12:39 AM +0530 காரைக்காலில் ஸ்ரீ ஐயப்ப சுவாமி ஆராதனை விழாவையொட்டி ஞாயிற்றுக்கிழமை ஸ்ரீ விநாயகருடன் ஸ்ரீ ஐயப்ப சுவாமி வீதியுலா நடைபெற்றது.
காரைக்கால் மாரியம்மன் கோயில் வீதி, ஸ்ரீ ராமலிங்க சுவாமிகள் மடாலயத்தில், ஆயிரவைசியர் மஞ்சப்புத்தூர் சங்கம், ஐயப்ப பக்தர்கள் இணைந்து  44-ஆம் ஆண்டாக ஸ்ரீ ஐயப்ப சுவாமிகள் ஆராதனை விழாவை   நடத்தினர்.
முதல் நாளான சனிக்கிழமை ஸ்ரீ ஐயப்ப சுவாமிக்கு ஏகதின லட்சார்ச்சனை நடைபெற்றது. 2-ஆம் நாளான ஞாயிற்றுக்கிழமை,  மடாலயத்தில் இருந்த ஐயப்ப சுவாமிக்கு சிறப்பு அபிஷேக ஆராதனை நடத்தப்பட்டது. சபரிமலைக்கு 48 நாள்கள் விரதமிருந்து இருமுடி கட்டிச் செல்லும் ஐயப்ப பக்தர்கள் பஜனை நடத்தினர். தொடர்ந்து ஸ்ரீ விநாயகர், ஸ்ரீ ஐயப்பன் உத்ஸவர்கள் சிறப்பு அலங்காரம் செய்யப்பட்டு, யானை வாகனத்தில் வீதியுலா நடைபெற்றது.
மடாலயம் சென்றடைந்த சுவாமிகளுக்கு சிறப்பு ஆராதனை நடத்தப்பட்டு அன்னதானம் வழங்கப்பட்டது.
 

]]>
http://www.dinamani.com/all-editions/edition-nagapattinam/karaikal/2017/dec/11/ஸ்ரீ-ஐயப்ப-சுவாமி-வீதியுலா-2823887.html
2823886 நாகப்பட்டினம் காரைக்கால் காரைக்கால் அரசு மருத்துவமனைக்கு நாற்காலிகள் DIN DIN Monday, December 11, 2017 12:39 AM +0530 அரசு பொது மருத்துவமனையில் நோயாளிகள் வசதிக்காக நாற்காலிகளை மதுபானக் கடை உரிமையாளர்கள் ஞாயிற்றுக்கிழமை வழங்கினர்.
சட்டப்பேரவை உறுப்பினர் கீதாஆனந்தன் பரிந்துரையின்பேரில், காரைக்கால் மாவட்ட மதுபானக் கடை உரிமையாளர்கள் சங்கம் சார்பில், அரசு பொது மருத்துவமனைக்கு ரூ.55 ஆயிரம் செலவில் இரும்பு கூட்டு நாற்காலிகள் நோயாளிகளின்  வசதிக்காக ஞாயிற்றுக்கிழமை வழங்கப்பட்டது.
மருத்துவமனை வளாகத்தில் சட்டப்பேரவை உறுப்பினர் கீதாஆனந்தன் முன்னிலையில், மதுபானக் கடை உரிமையாளர் சங்க நிர்வாகிகள் கலந்துகொண்டு, மருத்துவமனை மருத்துவக் கண்காணிப்பாளர் பி.சித்ராவிடம் நாற்காலிகளை ஒப்படைத்தனர்.
இவற்றை பெற்றுக்கொண்ட மருத்துவக் கண்காணிப்பாளர் பேரவை உறுப்பினர், மற்றும் சங்கத் தலைவர் டி.செல்வம் உள்ளிட்ட  நிர்வாகிகளுக்கு சால்வை அணிவித்து நன்றி தெரிவித்தார். நிகழ்ச்சியில் மருத்துவர் மதன்பாபு உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-nagapattinam/karaikal/2017/dec/11/காரைக்கால்-அரசுமருத்துவமனைக்கு-நாற்காலிகள்-2823886.html
2823885 நாகப்பட்டினம் காரைக்கால் "மக்கள் தேவைகளை ஆட்சியாளர்கள் பூர்த்தி செய்ய வேண்டும்' DIN DIN Monday, December 11, 2017 12:39 AM +0530 தம்மை பற்றி தொடர்ந்து ஆட்சியாளர்கள் விமர்சனம் செய்தவதைத் தவிர்த்து, மக்களுக்குத் தேவையான அடிப்படை வசதிகளை செய்வதற்கு முன்னுரிமை அளிக்கவேண்டும் என நெடுங்காடு தொகுதி சட்டப்பேரவை உறுப்பினர் சந்திரபிரியங்கா கூறினார்.
இதுகுறித்து, காரைக்காலில் அவர் செய்தியாளர்களிடம் ஞாயிற்றுக்கிழமை  கூறியது:
அண்மையில் காரைக்கால் வந்த புதுச்சேரி முதல்வர், என் மீது பல விமர்சனங்களை கூறிச் சென்றார். கோட்டுச்சேரியில் குடிநீர் சுத்திகரிப்பு மையத்தை திறந்துவைக்க வந்த வேளாண் துறை அமைச்சரும், இந்த தொகுதி எம்.எல்.ஏ. தங்களை சந்திப்பதில்லை, நிகழ்ச்சிக்கு வருவதில்லை என்றெல்லாம் கூறியதாக தெரிவிக்கப்படுகிறது.
குடிநீர் சுத்திகரிப்பு மையம் அமைக்கும் திட்டம் கடந்த ஆட்சியில் கொண்டுவரப்பட்டது. கோட்டுச்சேரி மையத்தை பார்வையிட்டு, இந்த பகுதி மக்களிடம் பேசிவிட்டுச் சென்றுவிட்டேன். மக்கள் சந்திக்கும் எந்தவொரு அடிப்படி பிரச்னைகளையும்  ஆட்சியாளர்கள் தீர்க்க முன்வராதபோது, அவர்களுடன் சேர்ந்து விழாக்களில் பங்கேற்பதால் எந்த பயனும் இல்லை என கருதுகிறேன்.
காரைக்காலில் மீனவ கிராமங்களில் ரூ.21 கோடியில் பணிமனை கட்டுமானத்தை முதல்வர் அண்மையில் தொடங்கிவைத்தார். நெடுங்காடு தொகுதியிலேயே 3 மீனவ கிராமங்கள் உள்ளன. இந்த பணிமனையால் எங்களுக்கு எந்த பயனும் இல்லை. இதற்கு செலவிட்டத் தொகையை மீனவ கிராமங்களின் பல்வேறு மேம்பாட்டுக்கு தந்திருக்கலாம் என மீனவ கிராமத்தினரே கூறுகின்றனர். இதுபோன்ற திட்டம் வகுக்கும்போது, சம்பந்தப்பட்ட தொகுதி எம்.எல்.ஏ.க்களிடம் கருத்து கேட்கவும் ஆட்சியாளர்கள் முன்வருவதில்லை.
ரூ.21 கோடி என்பது புதுச்சேரி அரசுக்கு தற்போது பெரும் தொகை. இதனை மீனவர்கள் உள்ளிட்ட அனைத்துத் தரப்பினரும் பயன்படும்படி செலவிட்டால் அதனை வரவேற்கலாம். குறிப்பாக மீனவ கிராமங்களில் ஆரம்ப சுகாதார நிலையம், சாலை போன்ற வசதிகள் ஏற்படுத்தலாம். அதை செய்ய அரசு முன்வரவில்லை.
மக்களுக்குத் தேவையானது என்ன என்பதை அரசு அறிந்து செயல்படுவதில்லை. மக்கள் எதனை தற்போது தேவையில்லை என கருதுகிறார்களோ அதற்கு பல கோடி ரூபாயை அரசு செலவிடுகிறது.
எனவே ஆட்சியாளர்கள் என் மீது விமர்சனம் செய்வதை தவிர்த்துவிட்டு, அடித்தட்டு மக்களின் வாழ்க்கைத்தரம் உயரவும்,  நடைமுறையில் உள்ள நலத்திட்டங்களை தங்குதடையின்றி செயல்படுத்துவது,  ஆக்கப்பூர்வ செயல்திட்டங்களை சம்பந்தப்பட்ட தொகுதி மக்கள் பிரதிநிதிகளுடன் கலந்துபேசி செயல்படுத்த முன்வரவேண்டும் என்றார் அவர்.

]]>
http://www.dinamani.com/all-editions/edition-nagapattinam/karaikal/2017/dec/11/மக்கள்-தேவைகளை-ஆட்சியாளர்கள்-பூர்த்தி-செய்ய-வேண்டும்-2823885.html
2823884 நாகப்பட்டினம் காரைக்கால் ஒக்கி புயலில் சிக்கிய மீனவர் மருத்துவமனையில் அனுமதி DIN DIN Monday, December 11, 2017 12:38 AM +0530 ஓக்கி புயலில் சிக்கி லட்சத்தீவுக்கு சென்றடைந்த காரைக்கால் மீனவர் ஞாயிற்றுக்கிழமை ஊர் திரும்பினார். மருத்துவமனையில் சிகிச்சை பெறும் அவரை அமைச்சர் ஆர்.கமலக்கண்ணன் சந்தித்து ஆறுதல் கூறினார்.
காரைக்கால் மாவட்டம், காரைக்கால்மேடு கிராமத்தைச் சேர்ந்த செல்வராஜ் மகன் பாலமுருகன் (28). இவர் கன்னியாகுமரியில் தங்கி மீன்பிடித்துவந்தார். ஒக்கி  புயலுக்கு முன்பாக கடந்த நவ.28-ஆம் தேதி அந்தப் பகுதி மீனவர்களுடன் சேர்ந்து கடலில் மீன்பிடிக்கச் சென்றார்.
ஒக்கி புயலால் கன்னியாகுமரிக்கு திரும்ப முடியாத நிலையில், நடுக்கடலில் இவரது படகு 30-ஆம் தேதி பழுதாகியதில் கடல் அலையினால் லட்சத்தீவு நோக்கி இழுத்துச் செல்லப்பட்டனர்.  மத்திய, மாநில அரசுகளின் நடவடிக்கையின் மூலம் லட்சத்தீவில் இருந்த மீனவர்கள் கொச்சிக்கு அழைத்துவரப்பட்டனர்.
இந்தக்  குழுவில் இடம்பெற்றிருந்த காரைக்கால்மேடு கிராமத்தைச்  சேர்ந்த மீனவர் பாலமுருகன் ஞாயிற்றுக்கிழமை சொந்த ஊருக்கு வந்துசேர்ந்தார். படகு சேதம், சூறைக்காற்றினால் உடலில் பல இடங்களில் காயமடைந்திருந்த நிலையில்,  உறவினர்கள், கிராமப் பஞ்சாயத்தார்கள் ஆகியோர் அவரை காரைக்கால் அரசு பொதுமருத்துவமனையில் சிகிச்சைக்காக சேர்த்தனர்.
மருத்துவமனைக்கு சென்ற புதுச்சேரி வேளாண் துறை அமைச்சர் ஆர்.கமலக்கண்ணன், பாலமுருகனை சந்தித்து விவரங்களைக் கேட்டறிந்து, ஆறுதல் கூறினார். தகுந்த சிகிச்சை அளிக்குமாறு  மருத்துவர்களை அமைச்சர் கேட்டுக்கொண்டார். புதுச்சேரி முதல்வரிடம் இதுகுறித்து தெரிவிப்பதாகவும் பாலமுருகன் குடும்பத்தினரிடம் அமைச்சர் கூறினார்.
இந்தச்  சந்திப்பின்போது மாவட்ட காங்கிரஸ் தலைவர் அ.பாஸ்கரன், மாவட்ட மீனவரணித் தலைவர் ஏ.எம்.கே.அரசன், நாகரத்தினம், தங்கவடிவேல் உள்ளிட்ட காங்கிரஸ் கட்சி நிர்வாகிகள் பலர் உடனிருந்தனர்.

]]>
http://www.dinamani.com/all-editions/edition-nagapattinam/karaikal/2017/dec/11/ஒக்கி-புயலில்-சிக்கிய-மீனவர்-மருத்துவமனையில்-அனுமதி-2823884.html
2823881 நாகப்பட்டினம் காரைக்கால் கிறிஸ்துமஸ்: அலங்காரப் பொருள்கள் விற்பனை தீவிரம் DIN DIN Monday, December 11, 2017 12:31 AM +0530 காரைக்கால் கடைகளில் கிறிஸ்துமஸ் கொண்டாட்டத்திற்கான பல்வேறு அலங்காரப் பொருள்களின்  விற்பனை சூடுபிடிக்கத் தொடங்கியுள்ளது.  
புதுச்சேரி மாநிலத்தில் உள்ள பிராந்தியங்களில் காரைக்காலில் பரவலாக  அதிகமான கிறிஸ்தவ மக்கள் வாழ்கின்றனர்.
வரக்கூடிய கிறிஸ்துமஸ் கொண்டாட்டத்திற்கான ஏற்பாடுகளை இவர்கள் முன்கூட்டியே தொடங்கியுள்ளனர். பல்வேறு வீடுகளில் கிறிஸ்துமஸ் குடில் அமைப்பது, வாயிலில் தோரணம் கட்டுவது, விளக்குகளுடன் கூடிய நட்சத்திரம் கட்டுவது போன்றவற்றில் ஈடுபடத் தொடங்கியுள்ளனர். பொதுவாகவே கிறிஸ்துமஸுக்கு 15 நாள்களுக்கு முன்பாகவே இதற்கான நடவடிக்கையில் ஈடுபடுவர்.
காரைக்கால் மாவட்டத்தில் உள்ள பல்வேறு கிறிஸ்தவ ஆலயங்களிலும் இதுபோன்று கிறிஸ்து பிறப்பை கொண்டாடும் வகையில் குடில்கள் அமைக்கும் ஏற்பாடுகள் தொடங்கப்பட்டுள்ளன.
இதற்காக காரைக்காலில் உள்ள கடைகளில் கிறிஸ்துமஸ் அலங்காரப் பொருள்களான நட்சத்திரம், தோரணம், குடில் அமைப்பதற்கான பொருள்கள், கிறிஸ்துமஸ் தாத்தா பொம்மைகள் விற்பனைக்கு வைக்கப்பட்டுள்ளன.  
இதுதவிர, காரைக்காலில் பல்வேறு கிறிஸ்தவ கல்வி நிறுவனங்களிலும் கிறிஸ்துமஸ் கொண்டாட்டம் மற்றும் பேருந்து போன்ற வாகனங்களில் கிறிஸ்துமஸ் தாத்தா வேஷத்துடன் வாழ்த்துகள் தெரிவிக்கும் குதூகல நிகழ்ச்சிகளுக்கும் ஏற்பாடுகள் செய்யப்பட்டு வருகின்றன.
 

]]>
http://www.dinamani.com/all-editions/edition-nagapattinam/karaikal/2017/dec/11/கிறிஸ்துமஸ்-அலங்காரப்-பொருள்கள்-விற்பனை-தீவிரம்-2823881.html
2823409 நாகப்பட்டினம் காரைக்கால் திருநள்ளாறு கோயிலில் கர்நாடக ஸ்ரீ வித்யா பிரசன்ன தீர்த்த சுவாமிகள் தரிசனம் DIN DIN Sunday, December 10, 2017 12:27 AM +0530 திருநள்ளாறு கோயில் மற்றும் காரைக்கால் பெருமாள் கோயிலில் கர்நாடக ஸ்ரீ சுப்ரமணிய மடாதிபதி, ஸ்ரீ வித்யா பிரசன்ன தீர்த்த சுவாமிகள் வெள்ளிக்கிழமை தரிசனம் செய்தார். ஸ்ரீ நித்யகல்யாண பெருமாள் கோயிலுக்கு சென்ற அவரை கோயில் அறங்காவல் குழுவினர் வரவேற்றனர்.
திரளான பக்தர்களிடையே அருளாசி வழங்கி அவர் பேசியது: கர்நாடகத்தில் குக்கே சுப்ரமண்யாவில், ஜகத்குரு ஸ்ரீ மத்வாசாரிய மகா சமஸ்தானம் பிரசித்திப் பெற்றது. இங்கு சுப்ரமணியர், நரசிம்மர், நாகர் ஆகியோர் அருள்பாலிக்கின்றனர். அதுபோல காரைக்கால் பெருமாள் கோயிலிலும் மூலவர் ரங்கநாதர் நாகத்தின் மீது சயனம் கொண்டுள்ளதோடு, நரசிம்மர் சன்னிதி கொண்டு காட்சியளிப்பது சிறப்புக்குரியது. திருநள்ளாறு மிக பிரசித்திப் பெற்ற தலமாகும். இங்கு தரிசிக்க வந்ததை பெருமையாக கருதுகிறேன் என்றார்.
நிகழ்ச்சியின்போது பக்தர்களுக்கு மஞ்சள் கலந்த அரிசி, கற்கண்டு ஆகியவற்றை பிரசாதமாக அவர் வழங்கினார். மாவட்ட முதுநிலைக் காவல் கண்காணிப்பாளர் வி.ஜே.சந்திரன் உள்ளிட்ட முக்கிய பிரமுகர்கள் அவரிடம் ஆசி பெற்றனர்.
ஆடிட்டர் பி.கணபதிசுப்ரமணியன் மடாதிபதியின் சம்ஸ்கிருதம், ஹிந்தி மொழி உரையை பக்தர்களுக்கு மொழி பெயர்த்துக் கூறினார். முன்னதாக மடாதிபதியை ஸ்ரீ நித்யகல்யாண பெருமாள் கோயில் முதல் தீர்த்தக்காரர் உ.வே.கு.அரங்கநாதாச்சாரியார் சுவாமிகள் வரவேற்றுப் பேசினார்.

 

]]>
http://www.dinamani.com/all-editions/edition-nagapattinam/karaikal/2017/dec/10/திருநள்ளாறு-கோயிலில்-கர்நாடக-ஸ்ரீ-வித்யா-பிரசன்ன-தீர்த்த-சுவாமிகள்-தரிசனம்-2823409.html
2823408 நாகப்பட்டினம் காரைக்கால் ரூ.26 கோடியில் திட்டப் பணிக்கு பூமி பூஜை: அமைச்சர் பங்கேற்பு DIN DIN Sunday, December 10, 2017 12:26 AM +0530 காரைக்கால் மாவட்டத்தில் ரூ.26 கோடியில் நடைபெற உள்ள பல்வேறு திட்டப்பணிகளை அமைச்சர் ஆர்.கமலக்கண்ணன் சனிக்கிழமை தொடங்கிவைத்தார்.
காரைக்கால் மாவட்டம், திருநள்ளாறு முதல் அம்பகரத்தூர் வரையிலான சுமார் 6 கி.மீ. சாலையை அகலப்படுத்தி மேம்படுத்த நபார்டு வங்கி மூலம் நிதியுதவியை புதுச்சேரி அரசு பெற்றது. 11.82 கோடியிலான இந்தப் பணி தொடங்கிவைக்கும் நிகழ்ச்சி சனிக்கிழமை திருநள்ளாற்றில் நடைபெற்றது. வேளாண் துறை அமைச்சர் ஆர்.கமலக்கண்ணன் பூமி பூஜையில் பங்கேற்று திட்டப்பணியை தொடங்கிவைத்தார். இதைத் தொடர்ந்து, ரூ.5.90 கோடியில் திருநள்ளாற்றில் ஆன்மிகப் பூங்கா, பிரம்ம தீர்த்தக் குளம், ஸ்ரீ சீதளாதேவி மாரியம்மன் கோயில் திருக்குளம் ரூ.2.20 கோடியில் மேம்படுத்தும் பணியையும் அவர் தொடங்கிவைத்தார்.
அம்பகரத்தூர் ஸ்ரீ பத்ரகாளியம்மன் கோயில் வளாகத்தில் பல்நோக்குக் கூடம், வரிசை வளாகம், இணைப்புக் கூடங்கள், கழிப்பறை வசதி, பூங்கா அமைத்தல், மத்திய அரசின் சுவதேஸ் தர்சன் திட்டத்தின்கீழ், புதுச்சேரி மாநிலத்தில் ஆன்மிக கட்டமைப்புகளை மேம்படுத்தும் வகையில், திருப்பட்டினத்தில் உள்ள பிரசித்திப் பெற்ற ஸ்ரீ மையாடுங்கண்ணி சமேத ஸ்ரீ ஜடாயுபுரீசுவரர் கோயில் திருக்குளத்தை மேம்படுத்துதல், பல்நோக்கு கூடம் அமைத்தல், பிரகார நடைபாதை அமைத்தல், கழிப்பறை, மின்சார வசதிக்கான ரூ.2.65 கோடி திட்டப்பணியையும் அமைச்சர் தொடங்கிவைத்தார். மேலும் ஹட்கோ நிதியுதவியாக கோட்டுச்சேரி தென்கரை வீதி, அம்பகரத்தூரில் ரூ.7-க்கு 20 லிட்டர் சுத்திகரிக்கப்பட்ட குடிநீர் வழங்கும் தலா ரூ.10 லட்சத்தில் அமைக்கப்பட்ட மையத்தையும் அமைச்சர் திறந்துவைத்தார்.
நிகழ்ச்சியில் சட்டப்பேரவை உறுப்பினர் கீதாஆனந்தன், தருமபுர ஆதீன கட்டளை விசாரணைப் பிரதிநிதி கந்தசாமி தம்பிரான் சுவாமிகள், பொதுப்பணித்துறை தலைமைப் பொறியாளர் வி.சண்முகசுந்தரம், கண்காணிப்புப் பொறியாளர் எஸ்.சேகர், சுற்றுலாத்துறை இயக்குநர் முனுசாமி, திருநள்ளாறு கோயில் நகர திட்ட செயற்பொறியாளர் மதிவாணன், ஹட்கோ நிதி நிறுவன திட்ட அலுவலர் தினா உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2017/dec/10/ரூ26-கோடியில்-திட்டப்-பணிக்கு-பூமி-பூஜை-அமைச்சர்-பங்கேற்பு-2823408.html
2823407 நாகப்பட்டினம் காரைக்கால் அரசு உதவி பெறும் பள்ளி மாணவர்களுக்கும் வழிகாட்டல் புத்தகம் வழங்க வலியுறுத்தல் DIN DIN Sunday, December 10, 2017 12:26 AM +0530 அரசு உதவி பெறும் பள்ளி மாணவர்களுக்கும் "சிகரத்தை நோக்கி வழிகாட்டல்' புத்தகம் வழங்க வேண்டும் என வலியுறுத்தப்பட்டுள்ளது.
காரைக்கால் மாவட்ட அரசு உதவி பெறும் பள்ளி பெற்றோர் சங்கத் தலைவர் அ. வின்சென்ட், செயலர் கி. மணவாளன் ஆகியோர் புதுச்சேரி பள்ளிக் கல்வித் துறை இயக்குநருக்கு வெள்ளிக்கிழமை அனுப்பிய கோரிக்கை மனு:
அரசு உதவி பெறும் பள்ளி ஆசிரியர்களின் நீண்ட கால கோரிக்கைகளை அரசு நிறைவேற்றாததன் விளைவாக, ஆசிரியர்கள் பல்வேறு நெருக்கடிகளை சந்தித்துவருகின்றனர். எனவே, ஆசிரியர்களுக்கான அடிப்படை வாழ்வாதார உரிமைகளை புதுச்சேரி அரசு வழங்கவேண்டும்.
அரசுப் பள்ளிகளில் வழங்கப்படும் சலுகைகள் அனைத்தும், அரசு உதவி பெறும் பள்ளி மாணவர்களுக்கும் வழங்க வேண்டும். குறிப்பாக, அரசுப் பள்ளி மாணவர்களுக்கு வழங்கப்படும் வழிகாட்டல் புத்தகமான "சிகரத்தை நோக்கி' எனும் புத்தகத்தை அரசு உதவி பெறும் பள்ளி மாணவர்களுக்கும் வழங்க வேண்டும். பெற்றோர்கள் எதிர்பார்ப்பை கல்வித் துறை நிறைவேற்ற முன்வரவேண்டும் என அதில் வலியுறுத்தப்பட்டுள்ளது.

 

]]>
http://www.dinamani.com/all-editions/edition-nagapattinam/karaikal/2017/dec/10/அரசு-உதவி-பெறும்-பள்ளி-மாணவர்களுக்கும்-வழிகாட்டல்-புத்தகம்-வழங்க-வலியுறுத்தல்-2823407.html
2823405 நாகப்பட்டினம் காரைக்கால் கோட்டுச்சேரியில் என்.சி.சி. மாணவர்கள் தூய்மை விழிப்புணர்வு பேரணி DIN DIN Sunday, December 10, 2017 12:26 AM +0530 கோட்டுச்சேரி வ.உ.சி. அரசு மேல்நிலைப் பள்ளி என்சி.சி. அமைப்பு சார்பில் தூய்மை இந்தியா விழிப்புணர்வு பேரணி வெள்ளிக்கிழமை நடத்தப்பட்டது. பள்ளியின் நாட்டு நலப்பணித் திட்ட அலுவலர் வீராசாமி என்.சி.சி. மாணவர்களின் பேரணியை கொடியசைத்துத் தொடங்கிவைத்தார்.
சுற்றுப்புறத் தூய்மை, வீடுகளைத் தூய்மையாகப் பராமரிக்கவேண்டியது, குப்பைகளைக் கையாளும் முறை குறித்து பொதுமக்களிடையே விழிப்புணர்வு ஏற்படுத்தும் வகையில், வாசகங்கள் கொண்ட பதாகையை ஏந்தி மாணவர்கள் முக்கிய வீதிககள் வழியாகச் சென்றனர். என்.சி.சி. மாணவர்கள் சிலர், குடியிருப்புவாசிகளுக்கு விழிப்புணர்வு துண்டுப் பிரசுரங்களை வழங்கினர். இந்த நிகழ்ச்சியில் பள்ளி என்.சி.சி. அலுவலர் முத்துசாமி, ராணுவ பயிற்றுநர் ராவ் மற்றும் ஆசிரியர்கள் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2017/dec/10/கோட்டுச்சேரியில்-என்சிசி-மாணவர்கள்-தூய்மை-விழிப்புணர்வு-பேரணி-2823405.html
2823404 நாகப்பட்டினம் காரைக்கால் சோனியா காந்தி பிறந்தநாள் : 2,500 பேருக்கு இலவச அரிசி DIN DIN Sunday, December 10, 2017 12:26 AM +0530 சோனியா காந்தி பிறந்தநாளையொட்டி காரைக்காலில் காங்கிரஸ் கட்சி சார்பில் 2,500 பேருக்கு இலவச அரிசி வழங்கப்பட்டது.
அகில இந்திய காங்கிரஸ் தலைவர் சோனியாகாந்தி பிறந்தநாள் விழா காரைக்கால் மாவட்ட காங்கிரஸ் கமிட்டி மற்றும் சட்டப் பேரவைத் தொகுதி காங்கிரஸ் கமிட்டி சார்பில் சனிக்கிழமை கொண்டாடப்பட்டது. மாவட்ட காங்கிரஸ் கமிட்டி அலுவலகத்தில் தெற்குத் தொகுதி தலைவர் சின்னத்தம்பி என்கிற அப்துல்காதர் ஏற்பாட்டில் சுமார் 100 பேருக்கு 5 கிலோ வீதம் இலவச அரிசியை வேளாண் துறை அமைச்சர் ஆர்.கமலக்கண்ணன் வழங்கினார். நிகழ்ச்சியில் மாவட்டத் தலைவர் ஏ.பாஸ்கரன், மாநில கட்சி நிர்வாகி எம்.ஓ.எச்.யு.பஷீர் உள்ளிட்ட பொறுப்பாளர்கள் கலந்துகொண்டனர். முன்னதாக சோனியாகாந்தி பிறந்தநாள் கொண்டாட்டமாக கேக் வெட்டப்பட்டது.
திருநள்ளாறு தொகுதி வட்டார காங்கிரஸ் கமிட்டி சார்பில் தலைவர் அசோகானந்தன் தலைமையில் நடந்த நிகழ்ச்சியில், 2,000 பேருக்கு தலா 4 கிலோ வீதம் இலவச அரிசியை அமைச்சர் வழங்கினார்.
இதேபோல், காரைக்கால் வடக்கு வட்டார காங்கிரஸ் கமிட்டி தலைவர் ஆர்.பி.சந்திரமோகன் தலைமையில் நடந்த நிகழ்சியில் சுமார் 100 பேருக்கு 5 கிலோ வீதம் இலவச அரிசியை அமைச்சர் வழங்கினார்.
நிரவி திருப்பட்டினம், நெடுங்காடு ஆகிய தொகுதி வட்டார காங்கிரஸ் கமிட்டி சார்பிலும் மக்களுக்கு அரிசி வழங்கப்பட்டது.
நிகழ்ச்சியில் கலந்துகொண்ட மக்களுக்கு இனிப்பு வழங்கப்பட்டது. பல்வேறு இடங்களில் காங்கிரஸ் கொடியை அமைச்சர் ஏற்றிவைத்தார். காங்கிரஸ் நிர்வாகிகள் பலரும் மாவட்டத்தில் உள்ள பல்வேறு கோயில்களில் சோனியாகாந்தி நலனுக்காக பிரார்த்தினை நடத்தினர்.

 

]]>
http://www.dinamani.com/all-editions/edition-nagapattinam/karaikal/2017/dec/10/சோனியா-காந்தி-பிறந்தநாள்--2500-பேருக்கு-இலவச-அரிசி-2823404.html
2823402 நாகப்பட்டினம் காரைக்கால் அரசுப் பள்ளியில் குழந்தைகள் தின விழா DIN DIN Sunday, December 10, 2017 12:25 AM +0530 காரைக்கால் மாவட்டம், கல்வித்துறை வட்டம் - 2 சார்பில் நிரவி பாரதிதாசன் அரசு நடுநிலைப் பள்ளியில் குழந்தைகள் தின விழா வெள்ளிக்கிழமை நடைபெற்றது.
நிரவி - திருப்பட்டினம் தொகுதி சட்டப்பேரவை உறுப்பினர் கீதாஆனந்தன் சிறப்பு அழைப்பாளராக கலந்துகொண்டு பேசியது: அரசுப் பள்ளியில் பயிலும் மாணவர்களுக்கு கல்வித்துறை சார்பில் பல்வேறு வசதிகள் அளிக்கப்படுகின்றன. இவற்றைப் பயன்படுத்தி, மாணவர்கள் சிறந்த முறையில் கல்வி கற்கவேண்டும். இந்தப் பள்ளியை உயர்நிலைப் பள்ளியாக தரம் உயர்த்த தேவையான முயற்சிகளை மேற்கொள்வேன் என்றார் அவர். நிகழ்ச்சியையொட்டி பல்வேறு போட்டிகள் மாணவ, மாணவியரிடையே நடத்தப்பட்டது. இதில் வெற்றிபெற்றவர்களுக்கு பரிசுகளை பேரவை உறுப்பினர் வழங்கினார்.
கல்வித்துறை துணை இயக்குநர் ஜி.சுப்ரமணியன், முதன்மைக் கல்வி அலுவலர் ஏ.அல்லி, வட்ட துணை ஆய்வாளர்கள் கார்த்திகேசன், பொன்.சௌந்தரராசு உள்ளிட்டோர் பேசினர்.

 

]]>
http://www.dinamani.com/all-editions/edition-nagapattinam/karaikal/2017/dec/10/அரசுப்-பள்ளியில்-குழந்தைகள்-தின-விழா-2823402.html
2823401 நாகப்பட்டினம் காரைக்கால் கன்னியாகுமரி மீனவர்களை பாதுகாக்கக் கோரி நாகையில் டிச. 11-இல் பேரணி2 மாவட்ட மீனவர்கள் ஆலோசனைக் கூட்டத்தில் தீர்மானம் DIN DIN Sunday, December 10, 2017 12:25 AM +0530 ஒக்கி புயல் சீற்றத்தால் பாதிக்கப்பட்ட மீனவர்களை பாதுகாக்க அரசு நடவடிக்கை எடுக்க வலியுறுத்தி நாகையில் திங்கள்கிழமை (டிச. 11) பேரணி நடத்துவது என நாகை, காரைக்கால் மாவட்ட மீனவர்கள் ஆலோசனைக் கூட்டத்தில் தீர்மானம் நிறைவேற்றப்பட்டுள்ளது.
நாகை, காரைக்கால் மாவட்ட மீனவப் பஞ்சாயத்தார் ஆலோசனைக் கூட்டம், நாகையில் சனிக்கிழமை நடைபெற்றது. இந்தக் கூட்டத்தில் நிறைவேற்றப்பட்ட தீர்மானங்கள் :
ஒக்கி புயல் சீற்றத்தில் சிக்கிய கன்னியாகுமரி மாவட்ட மீனவர்களை மீட்கவும், பாதிக்கப்பட்டவர்களுக்கு உரிய நிவாரணம் வழங்கவும் விரைவான நடவடிக்கைகளை மேற்கொள்ளாத மத்திய, மாநில அரசுகளுக்கு கண்டனம் தெரிவிப்பது.
ஆழ்கடல் மீன்பிடிப்பில் ஈடுபடும் மீனவர்கள் அசம்பாவித சம்பங்களுக்கு உள்படும் காலத்தில் உடனடி நடவடிக்கை மேற்கொள்ளும் வகையில், நாகையில் ஹெலிகாப்டர் இறங்குதளத்துடன் கூடிய கடற்படை தளம் அமைக்கக் கேட்டுக் கொள்வது.
புயலில் சிக்கிய மீனவர்களை மீட்கவும், பாதிக்கப்பட்டவர்களுக்கு உரிய இழப்பீடு வழங்கவும் வலியுறுத்தி நாகை, காரைக்கால் மாவட்ட மீனவர்கள், வரும் திங்கள்கிழமை (டிச. 11) நாகையில் பேரணி நடத்தி, மாவட்ட ஆட்சியரிடம் கோரிக்கை மனு அளிப்பது உள்ளிட்ட தீர்மானங்கள் நிறைவேற்றப்பட்டன.

 

]]>
http://www.dinamani.com/all-editions/edition-nagapattinam/karaikal/2017/dec/10/கன்னியாகுமரி-மீனவர்களை-பாதுகாக்கக்-கோரி-நாகையில்-டிச-11-இல்-பேரணி2-மாவட்ட-மீனவர்கள்-ஆலோசனைக்-கூட்டத-2823401.html
2823397 நாகப்பட்டினம் காரைக்கால் சோனியா காந்தி பிறந்தநாள் : 2,500 பேருக்கு இலவச அரிசி DIN DIN Sunday, December 10, 2017 12:23 AM +0530 சோனியா காந்தி பிறந்தநாளையொட்டி காரைக்காலில் காங்கிரஸ் கட்சி சார்பில் 2,500 பேருக்கு இலவச அரிசி வழங்கப்பட்டது.
அகில இந்திய காங்கிரஸ் தலைவர் சோனியாகாந்தி பிறந்தநாள் விழா காரைக்கால் மாவட்ட காங்கிரஸ் கமிட்டி மற்றும் சட்டப் பேரவைத் தொகுதி காங்கிரஸ் கமிட்டி சார்பில் சனிக்கிழமை கொண்டாடப்பட்டது. மாவட்ட காங்கிரஸ் கமிட்டி அலுவலகத்தில் தெற்குத் தொகுதி தலைவர் சின்னத்தம்பி என்கிற அப்துல்காதர் ஏற்பாட்டில் சுமார் 100 பேருக்கு 5 கிலோ வீதம் இலவச அரிசியை வேளாண் துறை அமைச்சர் ஆர்.கமலக்கண்ணன் வழங்கினார். நிகழ்ச்சியில் மாவட்டத் தலைவர் ஏ.பாஸ்கரன், மாநில கட்சி நிர்வாகி எம்.ஓ.எச்.யு.பஷீர் உள்ளிட்ட பொறுப்பாளர்கள் கலந்துகொண்டனர். முன்னதாக சோனியாகாந்தி பிறந்தநாள் கொண்டாட்டமாக கேக் வெட்டப்பட்டது.
திருநள்ளாறு தொகுதி வட்டார காங்கிரஸ் கமிட்டி சார்பில் தலைவர் அசோகானந்தன் தலைமையில் நடந்த நிகழ்ச்சியில், 2,000 பேருக்கு தலா 4 கிலோ வீதம் இலவச அரிசியை அமைச்சர் வழங்கினார்.
இதேபோல், காரைக்கால் வடக்கு வட்டார காங்கிரஸ் கமிட்டி தலைவர் ஆர்.பி.சந்திரமோகன் தலைமையில் நடந்த நிகழ்சியில் சுமார் 100 பேருக்கு 5 கிலோ வீதம் இலவச அரிசியை அமைச்சர் வழங்கினார்.
நிரவி திருப்பட்டினம், நெடுங்காடு ஆகிய தொகுதி வட்டார காங்கிரஸ் கமிட்டி சார்பிலும் மக்களுக்கு அரிசி வழங்கப்பட்டது.
நிகழ்ச்சியில் கலந்துகொண்ட மக்களுக்கு இனிப்பு வழங்கப்பட்டது. பல்வேறு இடங்களில் காங்கிரஸ் கொடியை அமைச்சர் ஏற்றிவைத்தார். காங்கிரஸ் நிர்வாகிகள் பலரும் மாவட்டத்தில் உள்ள பல்வேறு கோயில்களில் சோனியாகாந்தி நலனுக்காக பிரார்த்தினை நடத்தினர்.

]]>
http://www.dinamani.com/all-editions/edition-nagapattinam/karaikal/2017/dec/10/சோனியா-காந்தி-பிறந்தநாள்--2500-பேருக்கு-இலவச-அரிசி-2823397.html
2823086 நாகப்பட்டினம் காரைக்கால் திருநள்ளாறு கோயிலில் மூலவரை தரிசிக்கச் செல்லும் பக்தர்களுக்கு கூடுதல் வசதிகள் DIN DIN Saturday, December 9, 2017 05:49 AM +0530 திருநள்ளாறு கோயிலில் மூலவரை தரிசிக்கச் செல்லும் பக்தர்களின் வசதிக்காக சாய்வு தளம், குளிர்சாதன வசதி உள்ளிட்டவற்றை  கோயில் நிர்வாகம் செய்துள்ளது.
திருநள்ளாறு ஸ்ரீ தர்பாரண்யேசுவரர் கோயிலில் சனிப்பெயர்ச்சி விழாவின்போது, ஸ்ரீ சனீஸ்வரபகவானை மட்டும் தரிசித்துத் திரும்பும் வகையிலேயே வரிசை அமைப்புகள் ஏற்படுத்தப்பட்டுவந்தது. பக்தர்கள் மூலவர் ஸ்ரீ தர்பாரண்யேசுவரர், ஸ்ரீ பிரணாம்பிகை அம்பாள் ஆகிய சன்னிதிகளில் செல்ல வாய்ப்பிருக்காது. பிற நாள்களில் மட்டுமே இந்த சன்னிதிகளில் தரிசனத்திற்கு செல்லும் அமைப்பு இருக்கும்.
வருகிற 19-ஆம் தேதி சனிப்பெயர்ச்சி விழா நடைபெறவுள்ள நிலையில், மூலவர், அம்பாள் ஆகிய சன்னிதிகளுக்கும் பக்தர்கள் சென்று தரிசனம் செய்துத்திரும்ப ஏற்பாடுகளை கோயில் நிர்வாகம் செய்துள்ளது. இதற்கேற்ப வரிசை அமைப்புகள் மேற்கண்ட சன்னிதிகளில் அமைக்கப்பட்டு, கடந்த 2 சனிக்கிழமைகளாக சோதனை மேற்கொள்ளப்பட்டது.
மாவட்ட ஆட்சியர் ஆர்.கேசவன் மற்றும் போலீஸார் ஆய்வு செய்ததோடு, பக்தர்களிடம் இதில் ஏற்படும் இடர்பாடுகளைக் கேட்டறிந்தனர். அதற்கேற்ப சன்னிதிகளில் பக்தர்கள் தரிசனத்துக்காக பல்வேறு வசதிகளை செய்துவருகின்றனர்.
மூலவர் சன்னிதிக்கு செல்லும் பகுதியில் படிகளில் வண்ண நடை போர்வை அமைக்கப்படுவதோடு, மாற்றுத் திறனாளிகள் செல்லும் வகையில் சாய்வு தளம் அமைக்கப்பட்டுள்ளது.
திரளான பக்தர்கள் சன்னிதிக்குள் செல்லும்போது காற்றோட்டத்திற்காக கூடுதலான மின் விசிறிகள், குளிர் சாதனங்கள் ஆகியவை வைக்கப்பட்டுள்ளன.
சன்னிதியில் பல்வேறு இடங்களில் கண்காணிப்புக் கேமராக்களையும் கோயில் நிர்வாகம் வைத்திருக்கிறது. பக்தர்கள் அவசர நிலையில் வரிசையிலிருந்து வெளியேறும் வகையில் தடுப்புகள் அமைக்கப்பட்டுள்ளன.
இதுகுறித்து கோயில் நிர்வாகத்தினர் வெள்ளிக்கிழமை கூறும்போது, நிகழ்வாரம் சனிக்கிழமை வரும் பக்தர்களுக்கு இந்த வசதிகள் திருப்தியை தரும் என எதிர்பார்க்கிறோம். மேலும் சில கருத்துகள் பக்தர்கள் தரப்பில் தெரிவிக்கப்பட்டாலும், அவை பரிசீலிக்கப்படும் என தெரிவித்தனர்.
 

]]>
http://www.dinamani.com/all-editions/edition-nagapattinam/karaikal/2017/dec/09/திருநள்ளாறு-கோயிலில்-மூலவரை-தரிசிக்கச்-செல்லும்-பக்தர்களுக்கு-கூடுதல்-வசதிகள்-2823086.html
2823085 நாகப்பட்டினம் காரைக்கால் சனிப்பெயர்ச்சி: தயார் நிலையில் நளன் தீர்த்தக் குளம் DIN DIN Saturday, December 9, 2017 05:49 AM +0530 திருநள்ளாற்றில் நடைபெறவுள்ள சனிப்பெயர்ச்சி விழாவையொட்டி பக்தர்கள் நீராட வசதியாக நளன் தீர்த்தக்  குளம் தூர்வாரி, புதிதாக தண்ணீர் நிரப்பும் பணி நிறைவுபெற்றது.
திருநள்ளாறு ஸ்ரீ தர்பாரண்யேசுவரர் கோயிலில் சனிப்பெயர்ச்சி விழா வருகிற  19-ஆம் தேதி நடைபெறவுள்ளது. சனிப்பெயர்ச்சி விழாவிற்கு வரும் லட்சக்கணக்கானோரில் பெரும்பான்மையானவர்கள் நளன் தீர்த்தக் குளத்தில் புனித நீராடுவர். 
இவ்விழாவிற்கான பல்வேறு முன்னேற்பாடுகளை கோயில் நிர்வாகம் செய்துவருகிறது. முக்கியப் பணியாக பக்தர்கள் நீராடும் நளன் தீர்த்தம் எடுத்துக்கொள்ளப்பட்டது.   நளன் குளம்  தூர்வாரும் பணி கடந்த மாத மத்தியில் தொடங்கப்பட்டது.
 குளத்திலிருந்து தண்ணீர் பம்ப் செய்து அகற்றப்பட்டு, பக்தர்கள் நீராடக்கூடிய பகுதியில் புதிதாக ஆற்று மணல் கொட்டப்பட்டு, ஆழ்குழாய் மூலம் புதிதாக தண்ணீர் நிரப்பப்பட்டுள்ளது.
குளத்திலிருந்து முற்றிலும் தண்ணீர் அகற்றப்படாமல், ஒவ்வொரு பகுதியாக தண்ணீர் அகற்றி தூர்வாரப்பட்டது. இதனால் பக்தர்கள் நீராடுவதில் எந்த பாதிப்பும் இல்லை.
இதுகுறித்து கோயில் நிர்வாக அலுவலர் ஏ.விக்ராந்த் ராஜா வெள்ளிக்கிழமை கூறும்போது, நளன் தீர்த்தக் குளம் முழுமையாக தூர்வாரி, மணல் கொட்டப்பட்டு புதிதாக தண்ணீர் நிரப்பப்பட்டுள்ளது. சனிப்பெயர்ச்சிக்கான வகையில் குளம் தயார் நிலைப்படுத்தப்பட்டுவிட்டது என்றார்.
கோயில் நிர்வாகத்தினர் கூறும்போது, பக்தர்கள் நீராடிவிட்டு விட்டுச் செல்லும் உடைகளை படிகளில் வைக்கவேண்டும். குளத்தில் விட்டுச் செல்லக்கூடாது.  
 அனைவரும்  ஒத்துழைப்புத் தரவேண்டும் என குளத்தில் ஆங்காங்கே விழிப்புணர்வு பலகை வைக்கப்பட்டுள்ளதாகவும், இதனை பக்தர்கள்  கடைப்பிடிக்கவேண்டும் என கூறினர்.  கோயில் அருகே உள்ள பிரம்ம தீர்த்தம், சரஸ்வதி தீர்த்தம் ஆகியவை சில மாதங்களுக்கு முன்பு தூர்வாரப்பட்டு புதிதாக தண்ணீர் விடப்பட்டதால், அதுவும் முழுமையாக நீர் நிறைந்து காட்சியளிக்கிறது.

]]>
http://www.dinamani.com/all-editions/edition-nagapattinam/karaikal/2017/dec/09/சனிப்பெயர்ச்சி-தயார்-நிலையில்-நளன்-தீர்த்தக்-குளம்-2823085.html
2823084 நாகப்பட்டினம் காரைக்கால் மழைக்குப் பிந்தைய நெற்பயிரில் பூச்சித் தாக்குதல்:  விவசாயிகளுக்கு வேளாண் துறையினர் பரிந்துரை DIN DIN Saturday, December 9, 2017 05:48 AM +0530 மழைக்குப் பிந்தைய நெற்பயிரில் பூச்சித் தாக்குதலை கட்டுப்படுத்த விவசாயிகளுக்கு வேளாண் துறையினர் பல்வேறு ஆலோசனைகளைப் பரிந்துரைத்துள்ளனர்.
காரைக்கால் மாவட்டத்தில் தற்போது 7,350 ஏக்கர் பரப்பளவில் சம்பா மற்றும் 1,575 ஏக்கரில் தாளடி நெல்  சாகுபடி செய்யப்பட்டு, பயிர்கள் தூர்கட்டும் நிலையில் உள்ளதாக வேளாண்  துறை ஏற்கெனவே தெரிவித்தது.
அண்மையில் பெய்த மழை, தற்போதைய குறைந்த வெப்ப நிலையால் பயிர் பூச்சித் தாக்குதல், நோய் பரவல் ஏற்படுவதாக அறிந்த வேளாண் துறையினர், கூடுதல் வேளாண் இயக்குநர் கா.மதியழகன், வேளாண் கல்லூரி முதல்வர் வீ.கந்தசாமி ஆகியோர் பரிந்துரையில் அண்மையில் திருநள்ளாறு கொம்யூன் பகுதியில் வயல் ஆய்வுப் பணியை ஆத்மா திட்டத்தினர் மேற்கொண்டனர்.
இதில் வேளாண் கல்லூரி பூச்சியியல் மற்றும் நோயியல் வல்லுநர்கள் மற்றும் வேளாண் துறையினர், ஆத்மா திட்ட அலுவலர்கள் கலந்துகொண்டனர்.
இதுகுறித்து வேளாண் தொழில்நுட்ப மேம்பாட்டு முகமை (ஆத்மா) அலுவலகம் வெள்ளிக்கிழமை வெளியிட்ட செய்திக் குறிப்பு :
பசுமையாக உள்ள பயிர்களுக்கு தழைச்சத்து உரமிடுவதை விவசாயிகள் தவிர்க்கவேண்டும். ஏக்கருக்கு 17 கிலோ பொட்டாஷ்  உரமிடவேண்டும். விளக்குப்பொறி வைத்து தாய் அந்து பூச்சிகளை, ஈக்கள், தத்துப் பூச்சிகளை கவர்ந்து அழிக்கவேண்டும்.
இலைசுருட்டுப் புழு :  10 சதவீத இலைகள் பாதிக்கப்பட்டிருந்தால் ஒரு ஏக்கருக்கு வேம்பு சார்ந்த பூச்சிக் கொல்லியான அசாடிராக்டின் 300 மிலி, அல்லது உயிரியல் பூச்சிக் கொல்லியான பேசில்லஸ் 5 சத தூள் 600 கிராம் அல்லது ரசாயன பூச்சிக் கொல்லியான அசிபேட் 75 எஸ்பி 300 கிராம், கார்ட்டாப் ஹைட்ரோ குளோரைடு 50 எஸ்பி 400 கிராம், ஃபுளூபென்டயமைடு 20 சத குருணை 50 கிராம், தையாமீத்தாக்சாம் 25 சத குருணை 40 கிராம் இவற்றில் ஏதேனும் ஒன்றை 200 லிட்டர் நீரில் கரைத்து இலை முழுவதும் நனையுமாறு கைத்தெளிப்பான் மூலம் தெளிக்கவேண்டும்.
ஆணைக்கொம்பன் ஈ : தாக்கிய பயிரில் பாதிக்கப்பட்ட இலைகள் வெங்காய இலைபோல காணப்படும். இதை கட்டுப்படுத்த குளோர்பைரிபாஸ் 20 சதம் ஈசி 500 மிலி அல்லது ஃபிப்ரோநில் 5 சதம் எஸ்சி 400 கிராம் அல்லது தயாமித்தாக்சம் 25 சதம் டபிள்யூஜி 40 கிராம் என்ற அளவில் 200 லிட்டர் தண்ணீரில் கரைத்து கைத்தெளிப்பான் மூலம் தெளிக்கவேண்டும்
இதுகுறித்து விவசாயிகள் அந்தந்தப் பகுதி உழவர் உதவியகங்கள் அல்லது வேளாண் கல்லூரியை அணுகி விவரம் தெரிந்துகொள்ளலாம்.

]]>
http://www.dinamani.com/all-editions/edition-nagapattinam/karaikal/2017/dec/09/மழைக்குப்-பிந்தைய-நெற்பயிரில்-பூச்சித்-தாக்குதல்--விவசாயிகளுக்கு-வேளாண்-துறையினர்-பரிந்துரை-2823084.html
2823083 நாகப்பட்டினம் காரைக்கால் நிரவி பகுதியில் ரூ.33 லட்சத்தில் திட்டப் பணிகளுக்கு  பூமி பூஜை DIN DIN Saturday, December 9, 2017 05:48 AM +0530 நிரவி பகுதியில் பல்வேறு தெருக்களில் சாலை அமைத்தல், சாக்கடை கட்டுதல் பணி ரூ.33 லட்சத்தில் வெள்ளிக்கிழமை தொடங்கப்பட்டது.
நிரவி - திருப்பட்டினம் சட்டப்பேரவைத் தொகுதி மேம்பாட்டு நிதியின் மூலம் நிரவி பகுதியில் ஊழியபத்து பேட்டில் கழிவுநீர் வடிகால் ரூ.13.77 லட்சத்தில் கட்டவும், நிரவி வாழைக்கொல்லைத் தெருவில் தார் சாலை ரூ.10.23 லட்சத்தில் மேற்கொள்ளவும்,  நிரவி கள்ளர் தெருவில் தார் சாலை 9.60 லட்சத்தில் மேற்கொள்ளவும், சட்டப்பேரவை உறுப்பினர் கீதாஆனந்தன் நிதி ஒதுக்கீடு செய்தார்.
நிரவி கொம்யூன் பஞ்சாயத்து நிர்வாகம் இந்த திட்டப்பணிகளை மேற்கொள்ளும் வகையில் வெள்ளிக்கிழமை அந்தந்தப் பகுதியில்  பூமி பூஜை நடத்தியது. நிகழ்ச்சியில் சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன் கலந்துகொண்டு பணிகளைத் தொடங்கிவைத்தார்.
நிகழ்ச்சியில் நிரவி கொம்யூன் பஞ்சாயத்து ஆணையர் என்.ரவி உள்ளிட்ட பொறியாளர்கள், ஒப்பந்ததாரர்கள், கிராமப் பஞ்சாயத்தார்கள் பலர் கலந்துகொண்டனர்.
இந்த மூன்று திட்டப்பணிகளும் 6 மாத காலத்திற்குள் செய்து முடிக்க கால இலக்கு தரப்பட்டுள்ளதாக ஆணையர் தெரிவித்தார்.

]]>
http://www.dinamani.com/all-editions/edition-nagapattinam/karaikal/2017/dec/09/நிரவி-பகுதியில்-ரூ33-லட்சத்தில்-திட்டப்-பணிகளுக்கு--பூமி-பூஜை-2823083.html
2823082 நாகப்பட்டினம் காரைக்கால் காரைக்கால் பிரதான சாலையில்  பள்ளங்கள் தாற்காலிக சீரமைப்பு DIN DIN Saturday, December 9, 2017 05:47 AM +0530 காரைக்காலில்  பள்ளங்கள் உருவான தேசிய நெடுஞ்சாலையில் தாற்காலிக சீரமைப்புப் பணியை பொதுப்பணித்துறையினர் மேற்கொண்டுவருகின்றனர்.
காரைக்கால் அம்மாள் சத்திரம் முதல் திருமலைராஜனாறு பாலம் வரையிலான தேசிய நெடுஞ்சாலை வெகுமோசமான பள்ளங்கள், ஆங்காங்கே சிதிலங்களுடன் காட்சியளிக்கிறது. திருமலைராஜனாறு முதலான கிழக்குப் புறவழிச்சாலையிலும் ஏராளமான சரிவுகள், பள்ளங்கள் ஏற்பட்டுள்ளன.
தேசிய நெடுஞ்சாலையை அகலப்படுத்தி புதுப்பிக்க ரூ.10 கோடியில் தொடங்கப்பட்ட திட்டப்பணி மழையினால் முடங்கியது.
திருநள்ளாறு கோயிலில் வருகிற 19-ஆம் தேதி சனிப்பெயர்ச்சி விழா நடைபெறவுள்ளது. பல்வேறு பகுதிகளில் இருந்து பக்தர்கள் வருகை தருவர். இதற்குள் சாலையை தாற்காலிக நிலையிலாவது சீரமைக்கவேண்டும் என பல்வேறு தரப்பினர் மாவட்ட நிர்வாகம், பொதுப்பணித்துறையினரை வலியுறுத்தினர்.
இந்த நிலையில் கடந்த சில நாள்களுக்கு முன்பு திருமலைராயன்பட்டின்ம கிழக்குப் புறவழிச்சாலையில் பள்ளங்களை தார் ஜல்லிகள் கொட்டி சீரமைக்கும் பணி மேற்கொள்ளப்பட்டது.
அம்மாள் சத்திரம் முதல் திருமலைராஜனாறு வரையிலான சாலையில் பெரும் பள்ளங்களை தாற்காலிகமாக, தார் கலந்த ஜல்லிகள் கொட்டி, ரோலர் மூலம் சமன் செய்யும் பணி வெள்ளிக்கிழமை தொடங்கப்பட்டது.
முக்கியமான சாலையில் தாற்காலிக சீரமைப்புப் பணிகள் தற்போது மேற்கொள்ளப்பட்டுவருவதாகவும், இந்தப் பணிகள் அடுத்த சில நாள்களில் முடிந்துவிடும் என பொதுப்பணித்துறை வட்டாரத்தில் தெரிவிக்கப்பட்டது.

]]>
http://www.dinamani.com/all-editions/edition-nagapattinam/karaikal/2017/dec/09/காரைக்கால்-பிரதான-சாலையில்--பள்ளங்கள்-தாற்காலிக-சீரமைப்பு-2823082.html
2823081 நாகப்பட்டினம் காரைக்கால் திருமலைராயன்பட்டினத்தில்  ஸ்ரீ ஐயப்ப சுவாமி வீதியுலா DIN DIN Saturday, December 9, 2017 05:47 AM +0530 திருமலைராயன்பட்டினத்தில் ஸ்ரீ ஐயப்ப சுவாமி வீதியுலா வியாழக்கிழமை இரவு நடைபெற்றது.
காரைக்கால் பகுதி திருமலைராயன்பட்டினம் ஸ்ரீ மகா மண்டலீசுவர விநாயகர் கோயிலில் 6-ஆம்  ஆண்டாக அன்னதான பிரபு பாட்டு பஜனையுடன், ஸ்ரீ ஐயப்பன் சிறப்பு வழிபாட்டை   பக்தர்கள் ஒருங்கிணைந்து நடத்தினர்.  ஐயப்ப குருசாமிகள் சபாபதி, கணேஷ்பாண்டியன், ராஜேந்திரன் ஆகியோர் முன்னிலையில் சபரிமலைக்கு செல்லக்கூடிய ஏராளமான  பக்தர்கள் கலந்துகொண்டு பஜனை பாடினர். இதைத்தொடர்ந்து அலங்கரித்துவைக்கப்பட்டிருந்த ஸ்ரீ ஐயப்பனுக்கு சிறப்பு ஆராதனை நடைபெற்றது.  தொடர்ந்து சிறப்பு பஜனைக் குழுவினருடன் ஸ்ரீ ஐயப்பன்  வீதியுலா நடைபெற்றது. மலையான்தெரு, மகத்தோப்புத் தெரு, கருடப்பாளையத்தெரு ஆகிய வீதிகள் வழியாக மீண்டும் விநாயகர் கோயிலை சென்றடைந்தது.

]]>
http://www.dinamani.com/all-editions/edition-nagapattinam/karaikal/2017/dec/09/திருமலைராயன்பட்டினத்தில்--ஸ்ரீ-ஐயப்ப-சுவாமி-வீதியுலா-2823081.html
2823080 நாகப்பட்டினம் காரைக்கால் காரைக்காலில் ஐயப்ப பக்தர்களுக்கு வழியனுப்பு நிகழ்ச்சி DIN DIN Saturday, December 9, 2017 05:46 AM +0530 காரைக்காலில் இருந்து சபரிமலைக்கு செல்லும் ஐயப்ப பக்தர்களுக்கு சமாதானக் குழு சார்பில் வழியனுப்பு நிகழ்ச்சி நடத்தப்பட்டது.
மாவட்ட ஆட்சியர் தலைமையில் உள்ள சமாதானக் குழு சார்பில் ஒவ்வொரு ஆண்டும்  மும்மதத்தை சேர்ந்தோரும் அவரவர் புனித தலத்துக்கு யாத்திரை செல்லும்போது,  வழியனுப்பு நிகழ்ச்சி நடத்தப்பட்டுவருகிறது. சபரிமலைக்கு விரதமிருந்து செல்லக்கூடிய ஐயப்ப பக்தர்களுக்கு வழியனுப்பு நிகழ்ச்சி 32-ஆம் ஆண்டாக நகராட்சி கூட்ட அரங்கில் வியாழக்கிழமை நடைபெற்றது. மாவட்ட சார்பு ஆட்சியர் ஏ.விக்ராந்த் ராஜா கலந்துகொண்டார். 
காரைக்கால் மாவட்டத்தில் சமாதானக் குழு சார்பில் மும்மதத்தை சேர்ந்தோரும் புனித யாத்திரை செல்லும்போது, அவர்களை வாழ்த்தி வழியனுப்பும்  நிகழ்ச்சி நடத்தப்படுவது பாராட்டுக்குரியது என்றார் சார்பு ஆட்சியர். நிகழ்ச்சியில் பங்கேற்ற ஐயப்ப பக்தர்கள் 40-க்கும் மேற்பட்டோருக்கு சால்வை அணிவித்து வாழ்த்து தெரிவிக்கப்பட்டது. நிகழ்ச்சியில் மண்டல காவல் கண்காணிப்பாளர் வம்சீதரரெட்டி, நகராட்சி ஆணையர் டி.சுதாகர் உள்ளிட்டோர் கலந்துகொண்டனர். முன்னதாக சமாதானக் குழு உறுப்பினர் கே.தண்டாயுதபாணிபத்தர் வரவேற்றார்.  உறுப்பினர் ஜார்ஜ் நன்றி கூறினார்.


 

]]>
http://www.dinamani.com/all-editions/edition-nagapattinam/karaikal/2017/dec/09/காரைக்காலில்-ஐயப்ப-பக்தர்களுக்கு-வழியனுப்பு-நிகழ்ச்சி-2823080.html
2823079 நாகப்பட்டினம் காரைக்கால் வேளாண் இளங்கலை மாணவர்கள்  பங்கேற்ற கிராம முகாம் நிறைவு DIN DIN Saturday, December 9, 2017 05:46 AM +0530 காரைக்கால் வேளாண் கல்லூரி இளங்கலை மாணவர்களின் கிராம முகாம் வியாழக்கிழமையுடன் நிறைவடைந்தது.
காரைக்கால் பண்டித ஜவாஹர்லால் நேரு வேளாண் கல்லூரி மற்றும் ஆராய்ச்சி நிலைய இளங்கலை மாணவர்கள் குழு, கிராம முன்னேற்ற ஊக்கம் குறித்து விழுதியூர் அருகே உள்ள மானாம்பேட்டை கிராமத்தை தேர்ந்தெடுத்து, கடந்த ஒரு மாதத்திற்கும் மேலாக அந்தப் பகுதியில் பல்வேறு விழிப்புணர்வுப் பணியில் ஈடுபட்டனர்.
நிறைவு நாளான வியாழக்கிழமை கிராமத்தில் மதுப் பழக்கத்தை  கைவிடவும், புற்றுநோய் குறித்த விழிப்புணர்வு ஏற்படுத்தும் பேரணி நடத்தினர். இதில் மானாம்பேட்டை அரசு தொடக்கப்பள்ளி மாணவ, மாணவியர் கலந்துகொண்டனர். 
மது அருந்தக்கூடாது, புகைப்பழக்கத்தை கைவிடவேண்டும் என்ற வாசகங்கள் அடங்கிய பதாகைகள் ஏந்தி மாணவர்கள் முக்கிய வீதிகளுக்குச் சென்று பள்ளிக்குத் திரும்பினர். கிராமத்தினரிடையே புற்றுநோய் வருவதற்கான காரணங்கள், சிகிச்சை முறைகள் குறித்தும் வேளாண் கல்லூரி மாணவர்கள் விளக்கினர்.
முகாம் நிறைவு தொடர்பாக வேளாண் கல்லூரி மாணவர்கள் கூறும்போது, மானாம்பேட்டை கிராமத்தை தத்தெடுக்கும் வகையில் கடந்த ஒரு மாதத்திற்கும் மேலாக பல்வேறு பணிகள் மேற்கொள்ளப்பட்டன. அரசுப்பள்ளியை சுற்றுச்சூழல் பாதுகாப்பு மிக்கதாக மாற்றியமைக்கப்பட்டது. குறிப்பாக பள்ளி வளாகத்தில் பல்வேறு செடிகள் நடப்பட்டன.
கிராமத்தினருக்கு வேளாண்மையில் நவீனத்துவம் குறித்தும், இயற்கை வேளாண்மையில் ஈடுபாடு காட்டவேண்டியதன் அவசியம் குறித்தும் விளக்கப்பட்டது. கிராம வேளாண்மை குறித்து விவசாயிகள் தெரிவித்த கருத்துகளை அறிந்துகொண்டோம்.  இந்த முகாமில் மாணவர்கள் பா.அரவிந்த், ஆர்.அருள்பிரசாத், எல்.கோபிஆனந்த், பி.அப்துல், பி.தருண்ரெட்டி, எல்.டி.திருமருதன், கே.அதியமான் ஆகியோர் பங்கேற்றதாக தெரிவித்தனர்.

]]>
http://www.dinamani.com/all-editions/edition-nagapattinam/karaikal/2017/dec/09/வேளாண்-இளங்கலை-மாணவர்கள்--பங்கேற்ற-கிராம-முகாம்-நிறைவு-2823079.html
2822284 நாகப்பட்டினம் காரைக்கால் அரசு மருத்துவமனையில் நாளை சிறுநீரக மருத்துவ முகாம் DIN DIN Friday, December 8, 2017 06:59 AM +0530 காரைக்கால் அரசு பொது மருத்துவமனையில் டிச. 9 -ஆம் தேதி சிறுநீரக மருத்துவ முகாம் நடைபெறவுள்ளது என மாவட்ட ஆட்சியர் ஆர். கேசவன் வியாழக்கிழமை தெரிவித்தார். இதுகுறித்து அவர் வெளியிட்ட செய்திக் குறிப்பு: காரைக்கால் அரசு பொது மருத்துவமனையில் சனிக்கிழமை ( டிச. 9) சிறுநீரக மருத்துவ முகாம் நடைபெறுகிறது. இதில் புதுச்சேரி ஜிப்மர் மருத்துவமனை சிறுநீரக மருத்துவம் மற்றும் சிறுநீரகவியல் மருத்துவ  நிபுணர்கள் பங்கேற்று சிகிச்சை அளிக்கின்றனர். காலை 9 முதல் மதியம் 2 மணி வரை நடைபெறும் இம்முகாமில் சிறுநீரக நோயாளிகள் கலந்துகொண்டு பயன்பெற கேட்டுக்கொள்ளப்படுகிறது.

]]>
http://www.dinamani.com/all-editions/edition-nagapattinam/karaikal/2017/dec/08/அரசு-மருத்துவமனையில்-நாளை-சிறுநீரக-மருத்துவ-முகாம்-2822284.html
2822283 நாகப்பட்டினம் காரைக்கால் பிரச்னைகளை சுயமாக தீர்த்துக்கொள்ள மகளிர் பழகிக்கொள்ள வேண்டும்: எம்.எல்.ஏ. சந்திரபிரியங்கா DIN DIN Friday, December 8, 2017 06:59 AM +0530  பிரச்னைகளை சுயமாக தீர்த்துக்கொள்ள மகளிர் பழகிக்கொள்ள வேண்டும் என சட்டப் பேரவை உறுப்பினர் சந்திரபிரியங்கா பேசினார். 
காரைக்கால் மகளிர் தொழில்நுட்பக் கல்லூரியில், நாட்டு நலப்பணித் திட்ட ஒரு வார சிறப்பு முகாம் நடைபெற்று வியாழக்கிழமை நிறைவடைந்தது. முகாமின்போது, மாணவியர் மீனவக் கிராம மக்களிடையே தூய்மை, ஆரோக்கியம், சுற்றுப்புறச்சூழல் உள்ளிட்ட பல்வேறு விழிப்புணர்வுப் பணிகளை மேற்கொண்டதுடன், குடும்ப உறுப்பினர்களுக்கு உள்ள நோய் குறித்து கேட்டறிந்தனர். மீனவர்களுக்கு சிறப்பு மருத்துவ முகாம் நடத்தப்பட்டு மருத்துவ ஆலோசனையும் வழங்கப்பட்டது.
கல்லூரியில் வியாழக்கிழமை நடைபெற்ற முகாம் நிறைவு விழாவில், நெடுங்காடு தொகுதி சட்டப் பேரவை உறுப்பினர் சந்திரபிரியங்கா சிறப்பு விருந்தினராக பங்கேற்று பேசியது: நாட்டு நலப்பணித் திட்டம் மூலம் மாணவ, மாணவியருக்கு பல்வேறு சேவை செய்யும் வாய்ப்பு கிடைக்கிறது. இது தமக்கான ஆற்றலை மேம்படுத்திக்கொள்ளவே என எண்ண வேண்டும். குறிப்பாக திட்டத்தின் மூலம் மக்களுக்கு பல்வேறு விழிப்புணர்வு செயல்பாடுகளை செய்ய முடிகிறது. இதன்மூலம் நமக்கு ஒரு வகை திருப்தியும், அனுபவங்களும் கிடைக்கின்றன. 
அரசு நிகழ்ச்சிகளில் நாட்டு நலப்பணித் திட்டத்தினரின் பங்கு முக்கியமாக உள்ளது. பள்ளி, கல்லூரி மாணவர்களின் பங்களிப்பு பாராட்டுக்குரியது. மாணவர்கள் தூய்மை இந்தியா விழிப்புணர்வுப் பணியில் தீவிரம் காட்ட வேண்டும். இதில் மகளிர் பங்கு முக்கியமானது. மகளிராகிய நமது தூய்மை குறித்த பங்கு வீட்டிலும் இருக்க வேண்டும். மகளிர் சந்திக்கும் பிரச்னைகளை  சுயமாக தீர்த்துக் கொள்ள பழகிக் கொள்ள வேண்டும். அனைத்துத் துறைகளிலும் பெண்கள் பாராட்டும் வகையில் வாழ்க்கையின் செயல்பாடுகளை அமைத்துக் கொள்ள வேண்டும் என்றார் சந்திரபிரியங்கா.
விழாவில், நாட்டு நலப்பணித் திட்ட மாவட்ட ஒருங்கிணைப்பாளர் லட்சுமணபதி, கல்லூரி நாட்டு நலப்பணித் திட்ட அலுவலர் எஸ்.எல். டெல்காஸ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/karaikal/2017/dec/08/பிரச்னைகளை-சுயமாக-தீர்த்துக்கொள்ள-மகளிர்-பழகிக்கொள்ள-வேண்டும்-எம்எல்ஏ-சந்திரபிரியங்கா-2822283.html
2822282 நாகப்பட்டினம் காரைக்கால் வறட்சி நிவாரணத்தை உடனடியாக வழங்கக் கோரிக்கை DIN DIN Friday, December 8, 2017 06:58 AM +0530 கடந்த ஆண்டுக்கான வறட்சி நிவாரணத்தை உடனடியாக வழங்க வேண்டும் என புதுச்சேரி முதல்வருக்கு காரைக்கால் விவசாயிகள் சங்கத்தினர் கோரிக்கை மனு அனுப்பியுள்ளனர்.
இதுகுறித்து காரைக்கால் பிரதேச விவசாயிகள் நலச் சங்கத் தலைவர் பி. ராஜேந்திரன், புதுச்சேரி முதல்வருக்கு புதன்கிழமை அனுப்பிய கோரிக்கை மனு விவரம் : கடந்த ஆண்டு வடகிழக்குப் பருவமழை பொய்த்துப்போனதால், காரைக்கால் பகுதியை வறட்சி மாவட்டமாக புதுச்சேரி அரசு அறிவித்து, ஹெக்டேருக்கு ரூ. 20 ஆயிரம் அளிப்பதாக கூறியது. தமிழகத்தில் இதுபோன்ற வறட்சி நிவாரணம்  தரப்பட்டுவிட்டது. ஆனால், புதுச்சேரி மாநிலத்தில் இதுவரை வழங்கப்படவில்லை.
தற்போது சம்பா பயிர்கள் மழையினால் பாதித்துள்ளன. பெரும்பாலான இடங்களில் 2-ஆவது முறையாக நடவு செய்யப்பட்டுள்ளது. நேரடி நெல் விதைப்பு செய்தவர்களுக்கும் பாதிப்பு ஏற்பட்டுவிட்டது. கடந்த ஆண்டுக்கான நிவாரணம் தற்போது கிடைத்தால், விவசாயிகளுக்கு ஓரளவு இழப்பை ஈடுகட்ட முடியும். அரசு பொறுப்பேற்ற பின்னர், கூட்டுறவு கடனை ரத்து செய்வதாக சட்டப்பேரவையில் அறிவிப்பு செய்யப்பட்டது. துணைநிலை ஆளுநர் இதில் முட்டுக்கட்டை போட்டதால், மத்திய அரசை அணுகி, கடன் ரத்துக்கு மாநில அரசுக்கு முழு அதிகாரம் உள்ளது என்ற ஆணையை பெற்றுள்ளீர்கள். எனவே, கடந்த ஆண்டுக்கான கூட்டுறவு கடனை கூட்டுறவு சங்கங்களில் செலுத்துவதன் மூலம் புதிய கடன் விவசாயிகளால் வாங்க முடியும். இதற்கான நடவடிக்கையை புதுச்சேரி அரசு விரைவுபடுத்த வேண்டும்.
கடந்த ஆண்டு பயிர்க் காப்பீடுக்கான பிரிமியத் தொகையை அரசே செலுத்தும் என சட்டப்பேரவையில் அறிவிப்பு செய்யப்பட்டது. இதன்படி, அரசே காப்புத் தொகையை செலுத்தியது. அதுபோல, நிகழாண்டுக்கும் அரசே செலுத்த நடவடிக்கை எடுக்க வேண்டும். கடந்த ஆண்டுக்கான பயிர்க் காப்பீடுத் தொகை காலம் கடந்து விவசாயிகள் கணக்கில் வரவு செய்யப்பட்டாலும், இதற்கு முயற்சி எடுத்த வேளாண் துறை அமைச்சருக்கு காரைக்கால் விவசாயிகள் சங்கம் நன்றி தெரிவித்துக்கொள்கிறது. மேலும், சில விவசாயிகளுக்கு காப்பீடுத் தொகை முழுமையாகவும், பலருக்கு குறைந்த அளவும் வரவு வைக்கப்பட்டுள்ளது. இழப்பு யார் யாருக்கு எவ்வளவு, எந்த பகுதிக்கு குறைவு, எந்த பகுதிக்கு முழுமையாகத் தரப்பட்டுள்ளது போன்றவற்றை வேளாண் துறையானது விவசாயிகளுக்கு விளக்க நடவடிக்கை எடுக்க வேண்டும் என அதில் வலியுறுத்தப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2017/dec/08/வறட்சி-நிவாரணத்தை-உடனடியாக-வழங்கக்-கோரிக்கை-2822282.html
2822281 நாகப்பட்டினம் காரைக்கால் டெங்கு காய்ச்சலுக்கு சிகிச்சை அளிக்கும் வசதிகள் அரசு மருத்துவமனையில் இல்லை: எம்.எல்.ஏ. குற்றச்சாட்டு DIN DIN Friday, December 8, 2017 06:58 AM +0530 டெங்கு காய்ச்சலுக்கு சிகிச்சை தரும் வகையில் காரைக்கால் அரசு பொது மருத்துவமனை நிலை இல்லை எனவும், இந்த விவகாரத்தில் அரசு சீரிய கவனம் செலுத்த வேண்டும் எனவும் சட்டப்பேரவை உறுப்பினர் கே.ஏ.யு. அசனா குற்றம்சாட்டினார்.
காரைக்கால் தெற்குத் தொகுதி சட்டப்பேரவை உறுப்பினர் கே.ஏ.யு. அசனா, மாவட்ட ஆட்சியர் பொறுப்பு வகிக்கும் சார்பு ஆட்சியர் ஏ. விக்ராந்த் ராஜாவை ஆட்சியரகத்தில்  வியாழக்கிழமை சந்தித்துப் பேசினார்.
இந்த சந்திப்பு குறித்து பேரவை உறுப்பினர் செய்தியாளர்களிடம் கூறியது :
பருவமழைக்கு முன்பு காரைக்காலில் டெங்கு காய்ச்சல் பாதிப்பு இருந்தது. மழையினால் இது கட்டுக்குள் இருந்தது. தற்போது ஆங்காங்கே தண்ணீர் தேங்கியுள்ள நிலையில், மீண்டும் டெங்கு காய்ச்சல் ஏற்பட்டு வருகிறது.
கடந்த சில நாள்களில் 10 பேர் வரை டெங்கு காய்ச்சலால் பாதிக்கப்பட்டு  மருத்துவமனைக்குச் சென்றனர். இவர்களுக்கு உரிய மருத்துவ சிகிச்சை கிடைக்கவில்லை.
இந்த நோயாளிகளை தனியாக வைத்து சிகிச்சை தரும் வசதியும் இல்லை. மருத்துவர்கள், செவிலியர்கள், தூய்மைப் பணியில் ஈடுபடும் பணியாளர் வரை போதுமான அளவில் அரசு பொது மருத்துவமனையில் இல்லை. ரத்தத்தில் உள்ள செல் எண்ணிக்கையை உயர்த்துவதற்கு ரத்தத்தில் பிளேட்லெட்ஸ் பிரிக்கும் கருவிகளும் அரசு பொது மருத்துவமனையில் இல்லை. இதனால் இங்கு வரக்கூடிய நோயாளிகள், உடனடியாக புதுச்சேரி மருத்துவமனைக்கு பரிந்துரைக்கப்படுகின்றனர்.
இந்த பிரச்னையை உடனடியாக சீர்செய்ய புதுச்சேரி அரசு நடவடிக்கை எடுக்க வேண்டும். வசதி படைத்தோர் வெளியூரில் தனியார் மருத்துவமனையில் சிகிச்சை பெறுகின்றனர். ஏழை, நடுத்தர மக்கள் காரைக்கால் மருத்துவமனையை நம்பியிருக்கும்போது, இதன் தகுதி குறைபாட்டால் அவர்களது நிலை கேள்விக்குறியாகியுள்ளது.
டெங்கு காய்ச்சல் பிரச்னைக்கு காரைக்கால் விநாயகா மிஷன்ஸ் மருத்துவமனையுடன் அரசு பொது மருத்துவமனை ஓர் ஒப்பந்தம் செய்துகொண்டு சிகிச்சை அளிக்கலாம். ஜிப்மர் மருத்துவக் கல்லூரி கிளை காரைக்காலில் செயல்படும்போது, இங்கு டெங்கு காய்ச்சலுக்கு சிகிச்சை தரக்கூடிய வசதிகளை ஜிப்மர் மூலம் ஏற்படுத்தலாம். இதுகுறித்து புதுச்சேரி முதல்வரும், நலவழித்துறை அமைச்சரும் கவனம் செலுத்த வேண்டும்.
இந்த பிரச்னை குறித்து ஆட்சியரிடம் தெரிவிக்கப்பட்டுள்ளது. ஆட்சியர், சார்பு ஆட்சியர், மருத்துவமனை நிர்வாகத்தினர் அடங்கிய கூட்டத்துக்கு ஏற்பாடு செய்யுமாறு கேட்டுக்கொண்டுள்ளேன் என்றார் அசனா.

]]>
http://www.dinamani.com/all-editions/edition-nagapattinam/karaikal/2017/dec/08/டெங்கு-காய்ச்சலுக்கு-சிகிச்சை-அளிக்கும்-வசதிகள்-அரசு-மருத்துவமனையில்-இல்லை-எம்எல்ஏ-குற்றச்சாட்டு-2822281.html
2822280 நாகப்பட்டினம் காரைக்கால் சனிக்கிழமையில் பள்ளிகளுக்கு விடுமுறை அறிவிக்க வலியுறுத்தல் DIN DIN Friday, December 8, 2017 06:58 AM +0530 சனிப்பெயர்ச்சி விழாவையொட்டி 2018 ஜனவரி மாதம் வரை சனிக்கிழமைகளில் பள்ளிகளுக்கு விடுமுறை அறிவிக்க வேண்டும் என வலியுறுத்தப்பட்டுள்ளது.
காரைக்கால் மாவட்ட அனைத்து தனியார் மற்றும் பள்ளி வாகன ஓட்டுநர்கள் சங்கத் தலைவர் எம்.எஸ். ஜெயபாலன் மற்றும் நிர்வாகிகள், மாவட்ட ஆட்சியர் அலுவலகத்தில் வியாழக்கிழமை அளித்த கோரிக்கை மனு விவரம்: காரைக்கால் பகுதியில் உள்ள அனைத்து பள்ளிகளுக்கும் மாணவ, மாணவியரை வேன்களில் அழைத்துச் செல்லப்படுகிறது. டிச.19-ஆம் தேதி திருநள்ளாறு கோயிலில் சனிப்பெயர்ச்சி விழா நடைபெறுகிறது. இதன் காரணமாக, தொடர்ந்து ஜனவரி மாதம் வரையிலான ஒவ்வொரு சனிக்கிழமையில் பல்வேறு பகுதிகளிலிருந்து லட்சக்கணக்கானோர் திருநள்ளாறு, காரைக்கால் பகுதிக்கு வந்து செல்வார்கள். 
இதனால் பள்ளி மாணவர்களை குறித்த நேரத்தில் பள்ளிகளுக்கு கொண்டுசென்று விட முடியாத சூழலில் போக்குவரத்து நெரிசல் ஏற்படும். எனவே, மாணவர்களின் பாதுகாப்பு நலன் கருதி, டிசம்பர் மற்றும் 2018 ஜனவரி மாதத்தில் வரக்கூடிய சனிக்கிழமைகளில் மாவட்டத்தில் உள்ள அனைத்து பள்ளிகளுக்கும் விடுமுறை அறிவிக்க நடவடிக்கை மேற்கொள்ள வேண்டும் என அதில் வலியுறுத்தப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2017/dec/08/சனிக்கிழமையில்-பள்ளிகளுக்கு-விடுமுறை-அறிவிக்க-வலியுறுத்தல்-2822280.html
2822279 நாகப்பட்டினம் காரைக்கால் அரசுப் பள்ளியில் கணித நாடகப் போட்டி DIN DIN Friday, December 8, 2017 06:58 AM +0530 கோட்டுச்சேரி அரசு மேல்நிலைப்பள்ளியில் கணித நாடகப் போட்டி புதன்கிழமை நடைபெற்றது. 
காரைக்கால் அருகேயுள்ள கோட்டுச்சேரி வ.உ.சிதம்பரனார் அரசு மேல்நிலைப்பள்ளியில் கணிதப் பாடத்தின் கருத்துகளான பரப்பளவு, நிறுத்தல் அளவைகள்,  நேர்மாறல்,  எதிர்மாறல், முக்கோணவியல், நேரஅளவுகள் போன்ற திறனை வளர்க்கும் வகையில் நடுநிலை மற்றும் உயர்நிலை மாணவர்களுக்கிடையே கணித நாடகப் போட்டி நடைபெற்றது. பள்ளி துணை முதல்வர்  மு. ஜெயா போட்டியைத் தொடங்கி வைத்தார். 
சிறப்பு அழைப்பாளராக கோட்டுச்சேரி அன்னை அபிராமி பள்ளித் தாளாளர் யு. மாரியப்பன் பங்கேற்று பேசினார்.  பள்ளித் தலைமையாசிரியர் (பொ) மதிவாணன்,  பள்ளி கணிதப் பட்டதாரி ஆசிரியர்கள் எஸ். சுரேஷ், மு. வசந்தி, பு.சிவசுந்தரி உள்ளிட்டோர் பங்கேற்றனர். 
கணித கருத்துகள்: போட்டியில் நாடகங்களின் கணிதக் கருத்துகள் நிறைந்த காட்சிகளாக அமைக்கப்பட்டு, இக்கணிதம் நம் வாழ்க்கையில் எவ்வாறு இன்றியமையாதது என்பதை விளக்கும் வகையில் நடத்தப்பட்டது. மாணவர்கள் நடிப்புத் திறனுடன் கணிதம் குறித்த கருத்துகளை விளக்கினர். மாணவர்கள் 5 குழுக்களாக போட்டியில் பங்கேற்று தங்களது திறனை வெளிப்படுத்தினர்.
 

]]>
http://www.dinamani.com/all-editions/edition-nagapattinam/karaikal/2017/dec/08/அரசுப்-பள்ளியில்-கணித-நாடகப்-போட்டி-2822279.html
2822278 நாகப்பட்டினம் காரைக்கால் கோயில் குளங்களை புனரமைக்க சிறப்பு கவனம் செலுத்த வலியுறுத்தல் DIN DIN Friday, December 8, 2017 06:57 AM +0530 காரைக்கால் பகுதியில் கோயிலுக்குச் சொந்தமான குளங்களைப் புனரமைக்க சிறப்பு கவனம் செலுத்த வேண்டும் என புதுச்சேரி பொதுப்பணித்துறை தலைமைப் பொறியாளரிடம் வலியுறுத்தப்பட்டது.  
காரைக்கால் ஸ்ரீகைலாசநாதர் கோயில் அறங்காவலர் குழுத் தலைவர் ஆர்.ஏ.ஆர். கேசவன், செயலர் மு. பக்கிரிசாமி, பொருளாளர் து. ரஞ்சன், உறுப்பினர் கே. பிரகாஷ் ஆகியோர் புதுச்சேரி மாநில பொதுப்பணித்துறை தலைமைப் பொறியாளர் வி. சண்முகசுந்தரத்தை வியாழக்கிழமை சந்தித்து, கோயில் குளங்களைப் புனரமைக்க சிறப்பு கவனம் செலுத்த வலியுறுத்தினர். 
இதுகுறித்து அறங்காவலர் குழு பொருளாளர் து. ரஞ்சன் கூறியது: காரைக்கால் ஸ்ரீகைலாசநாதர் கோயில் வகையறாவைச் சேர்ந்த 10 கோயில்களுக்குச் சொந்தமான குளங்கள் பல இடங்களில் உள்ளன. இவை ஆக்கிரமிப்புகளால் சுருங்கியும், படிகளின்றியும், பராமரிப்பில்லாத நிலையில் இருக்கின்றன. குளங்களினால் நிலத்தடி நீராதாரம் வலிமையடையும் என்பதோடு, முறையான நிலையில் குளங்கள் இருந்தால் பக்தர்கள், பொதுமக்கள் பயன்படுத்த முடியும்.
இதற்குரிய நிதி ஒதுக்கீடு செய்து புனரமைக்க உதவ வேண்டும் என தலைமைப் பொறியாளரிடம் வலியுறுத்தப்பட்டது. மத்திய சுற்றுலா நிதியில் காரைக்கால் பகுதி திருமலைராயன்பட்டினம் ஸ்ரீஜடாயுபுரீசுவரர் கோயில் குளம் உள்ளிட்டவை புனரமைப்பு செய்யப்படவுள்ளதாகவும், 2018-ஆம் ஆண்டில் முக்கிய குளங்களைச் சீரமைக்கத் தேவையான நிதி ஒதுக்க ஏற்பாடு செய்வதாகவும் பொதுப்பணித்துறை தலைமைப் பொறியாளர் சண்முகசுந்தரம் தெரிவித்தார் என்றார்.

]]>
http://www.dinamani.com/all-editions/edition-nagapattinam/karaikal/2017/dec/08/கோயில்-குளங்களை-புனரமைக்க-சிறப்பு-கவனம்-செலுத்த-வலியுறுத்தல்-2822278.html
2822277 நாகப்பட்டினம் காரைக்கால் சனிப்பெயர்ச்சியின்போது சன்னிதியில் நெருக்கடியைத் தவிர்க்க நடவடிக்கை: எம்.எல்.ஏ. வலியுறுத்தல்  DIN DIN Friday, December 8, 2017 06:57 AM +0530 திருநள்ளாறு சனிப்பெயர்ச்சியின்போது, சன்னிதியில் சிவாச்சாரியார்கள், பக்தர்கள் உள்ளிட்டோரின்  நெருக்கடியை அகற்ற நடவடிக்கை மேற்கொள்ள வேண்டும் என சட்டப் பேரவை உறுப்பினர் பி.ஆர்.என். திருமுருகன் வலியுறுத்தியுள்ளார். 
காரைக்கால் வடக்குத் தொகுதி சட்டப் பேரவை உறுப்பினர் பி.ஆர்.என். திருமுருகன், மாவட்ட ஆட்சியரும், திருநள்ளாறு ஸ்ரீ தர்பாரண்யேசுவரர் கோயில் தனி அலுவலருமான ஆர். கேசவனை புதன்கிழமை சந்தித்தார். அப்போது, திருநள்ளாறில் டிச. 19-ஆம் தேதி சனிப்பெயர்ச்சி விழா நடைபெறவுள்ளது. சரியாக காலை 10.1 மணிக்கு மகா தீபாராதனை நடைபெறும். இக் கோயில் சன்னிதி சிறிய அளவில் உள்ளதால் சுமார் 100 முதல் 200 பேர் வரை மட்டுமே தரிசனம் செய்ய முடியும். ஆராதனை நேரடி ஒலிபரப்பு செய்யப்படுவதால், பல்வேறு இடங்களில் உள்ள பக்தர்கள் வீட்டில் இருந்தபடியே தொலைக்காட்சியில் காண்பர்.
ஆனால், சன்னிதியில் ஆராதனை நேரத்தில் சிவாச்சாரியார்கள் அதிகமானோர் சூழ்ந்துவிடும்போது, நேரடி ஒலிபரப்பினால் பக்தர்கள் திருப்தியாக ஆராதனையைக் காணமுடியாத நிலை ஏற்படுகிறது. இதேபோல், சன்னிதி பகுதியில் நிற்கும் பக்தர்களாலும் பாதிப்பு ஏற்படுகிறது.  முந்தைய சனிப்பெயர்ச்சி விழாக்களில் கிடைத்த அனுபவங்களாகும். சிவாச்சாரியார்களை அழைத்து கோயில் நிர்வாகம் பேசி இதற்கு தீர்வு காண வேண்டும். இந்த நிலை வரும் 19-ஆம் தேதியும் ஏற்படாத வகையில், கோயில் நிர்வாகம் உரிய ஏற்பாடுகளை செய்ய வேண்டும் என பேரவை உறுப்பினர் பி.ஆர்.என். திருமுருகன் வலியுறுத்தினார்.

]]>
http://www.dinamani.com/all-editions/edition-nagapattinam/karaikal/2017/dec/08/சனிப்பெயர்ச்சியின்போது-சன்னிதியில்-நெருக்கடியைத்-தவிர்க்க-நடவடிக்கை-எம்எல்ஏ-வலியுறுத்தல்-2822277.html
2822276 நாகப்பட்டினம் காரைக்கால் பொறுப்பேற்பு DIN DIN Friday, December 8, 2017 06:57 AM +0530 காரைக்கால் கண்காணிப்புப் பொறியாளராக எஸ்.சேகர் வியாழக்கிழமை பொறுப்பேற்றுக்கொண்டார்.
காரைக்கால் பொதுப்பணித்துறை கண்காணிப்புப் பொறியாளராகப் பணியாற்றிய வி. சண்முகசுந்தரம், பதவி உயர்வு பெற்று புதுச்சேரி பொதுப்பணித்துறை தலைமைப் பொறியாளராகப் பொறுப்பேற்றார். இந்த இடம் காலியாக இருந்த நிலையில், கடந்த நவ.16-ஆம் தேதி செயற்பொறியாளராக (நீர்ப்பாசனம்) பணியாற்றி வந்த ஜி. இளஞ்செழியன் பதவி உயர்வுபெற்று கண்காணிப்புப் பொறியாளராக காரைக்காலில் பொறுப்பேற்றார். இவர் கடந்த நவ.30-ஆம் தேதியுடன் பணி ஓய்வு பெற்றார்.
இந்நிலையில், புதுச்சேரியில் செயற்பொறியாளராகப் பணியாற்றி வந்த எஸ். சேகர் காரைக்கால் பொதுப்பணித்துறை கண்காணிப்புப் பொறியாளராகப் பதவி உயர்வு பெற்று வியாழக்கிழமை பொறுப்பேற்று, செய்தியாளர்களிடம் அவர் கூறியது: மத்திய அரசின் திட்டங்கள் மூலம் நிதி பெறப்பட்டு பொதுப்பணித்துறையில் பல்வேறு பணிகள் செய்ய விரைவான நடவடிக்கை மேற்கொள்ளப்படும், காரைக்காலில் சாலைகள் புதுப்பிக்கும் பணிக்கு முக்கியத்துவம் அளிக்கப்படும் என்றார்.
 

]]>
http://www.dinamani.com/all-editions/edition-nagapattinam/karaikal/2017/dec/08/பொறுப்பேற்பு-2822276.html
2822275 நாகப்பட்டினம் காரைக்கால் நகரமைப்புக் குழும அலுவலரை பணியிட மாற்றம் செய்ய வலியுறுத்தல் DIN DIN Friday, December 8, 2017 06:57 AM +0530 காரைக்காலில் செயலற்ற நகரமைப்புக் குழும அலுவலரை புதுச்சேரி அரசு உடனடியாக பணியிடமாற்றம் செய்ய வேண்டும் என வலியுறுத்தப்பட்டுள்ளது.
காரைக்கால் என்ஜினியர்ஸ் அண்டு பில்டர்ஸ் அசோசியேஷன் (கேபா) தலைவர் ராமகிருஷ்ணன் தலைமையிலான நிர்வாகிகள் மாவட்ட ஆட்சியரை சந்திக்க வியாழக்கிழமை ஆட்சியர் அலுவலகம் வந்தனர். அப்போது ராமகிருஷ்ணன் கூறியது:
காரைக்காலில் செயல்பாடு இல்லாத துறையாக நகரமைப்புக் குழும நிர்வாகம் உள்ளது. புதுச்சேரியை சேர்ந்தவர் காரைக்கால் நகரமைப்புக் குழும அலுவலராக பணியில் உள்ளார். நகரமைப்புக் குழுமத்திடம் வரைபட அனுமதிக்காக கடந்த 6 மாதங்களாக அளித்த சுமார் 1,000 கோப்புகளுக்கு அனுமதி தராமல் முடக்கி வைத்துள்ளார்.
இதுகுறித்து அவரிடம் கேட்டால், தம்மை புதுச்சேரிக்கு மாற்றம் செய்துவிடுங்கள் என்கிறார். இவரது செயலற்றப் போக்கால் காரைக்காலில் கட்டுமானப் பணிகள் முடங்கி, கட்டுமானத் தொழிலாளர்கள் வேலைவாய்ப்பின்றி பாதித்து வருகின்றனர். 
புதுச்சேரி அரசு உடனடியாக காரைக்கால் நகரமைப்புக் குழும அலுவலரை பணியிடமாற்றம் செய்து, தகுதியானவரை நியமிக்க வேண்டும்.  இதேபோல், இந்த நிர்வாகத்தில் பணியாற்றுவதற்கு காரைக்கால் பிராந்தியத்தைச் சேர்ந்த இளநிலைப் பொறியாளர்களை நியமிக்க வேண்டும்.
காரைக்காலில் பல்வேறு நிலையில் வளர்ச்சியடைவதற்கு நகரமைப்புக் குழுமத்தின் பணி மிகவும் முக்கியம். ஆனால், ஏற்றுக் கொண்ட பணியை செம்மையாகச் செயல்படாமல், தம்மை அவர் விரும்பும் பிராந்தியத்துக்கு அரசு மாற்ற வேண்டும் என்ற நோக்கில், மக்களை அவதிக்குள்ளாக்குவது வேதனையளிக்கிறது. இதுகுறித்து புதுச்சேரி முதல்வர் உடனடியாக கவனம் செலுத்த வேண்டும். இப்பிரச்னையில் அரசு அலட்சியம் காட்டினால், பொதுமக்கள், கட்டுமானத் தொழிலாளர்கள், பொறியாளர்கள் உள்ளிட்டோரை ஒருங்கிணைத்து போராட்டம் நடத்த முடிவெடுத்துள்ளோம் என்றார்.
 

]]>
http://www.dinamani.com/all-editions/edition-nagapattinam/karaikal/2017/dec/08/நகரமைப்புக்-குழும-அலுவலரை-பணியிட-மாற்றம்-செய்ய-வலியுறுத்தல்-2822275.html
2821527 நாகப்பட்டினம் காரைக்கால் காரைக்கால் பிரதான சாலைகளில் மரணப் பள்ளங்கள்! என்.எஸ். செல்வமுத்துக்குமாரசாமி DIN Thursday, December 7, 2017 01:31 AM +0530 காரைக்கால் தேசிய நெடுஞ்சாலை, திருமலைராயன்பட்டினம் கிழக்குப் புறவழிச்சாலை, திருநள்ளாறு முதல் அம்பகரத்தூர் வரையிலான சாலை, காரைக்கால் - நெடுங்காடு சாலை என அனைத்தும்  மரணப் பள்ளங்களைக்கொண்டு காட்சியளிக்கின்றன.
இந்த சாலைகளை போர்க்கால அடிப்படையில் சீரமைக்க  புதுச்சேரி அரசு நடவடிக்கை எடுக்கவேண்டும் என பொதுமக்கள் வலியுறுத்திவருகின்றனர்.
காரைக்கால் மாவட்டத்தில், பிரதான சாலைகளான காரைக்கால் பகுதி பூவம் முதல் வாஞ்சூர் வரையிலான தேசிய நெடுஞ்சாலை, திருநள்ளாற்றை உள்ளடக்கிய அம்பகரத்தூர் வரையிலான சாலை, நெடுங்காடு சாலை, மண்டபத்தூர் வரையிலான கடலோர சாலை ஆகியவை முறையாகப் பராமரிக்கப்படாததால் ஆங்காங்கே சேதமடைந்துள்ளன.
குறிப்பாக காரைக்கால் நகரில் அம்மாள் சத்திரம் முதல் திருமலைராஜனாறு பாலம் வரையிலான 5 கி.மீட்டர் நீளத்துக்கு தேசிய நெடுஞ்சாலை போக்குவரத்துக்கு லாயக்கற்றதாகிவிட்டது.  கடந்த 6 மாதங்களுக்கு முன்பு ரூ.10 கோடியில் பூவம் முதல் திருமலைராஜனாறு பாலம் வரை (காரைக்கால் நகரப் பகுதியை தவிர்த்து) 7 மீட்டர் சாலையை இருபுறமும் தலா 1.5 மீட்டர் வீதம் அகலப்படுத்த தொடங்கிய பணி கிடப்பில் போடப்பட்டுவிட்டது. 
சாலையை அகலப்படுத்த சாலையோரத்தில் உள்ள மின்கம்பத்தை மின்துறை நிர்வாகம் சற்றுத் தள்ளி நிறுவவேண்டும். இத்துறையின் அலட்சியத்தால் பொதுப்பணித்துறையால் சாலையை அகலப்படுத்த நடவடிக்கை எடுக்கமுடியவில்லை. 
திருமலைராயன்பட்டினம் பகுதி திருமலைராஜனாறு பாலம் முதல் போலகம் வரையிலான 3 கி.மீ. கிழக்குப் புறவழிச்சாலையின் பல இடங்களில் ஏராளமான சரிவுகள், பள்ளங்கள் ஏற்பட்டுள்ளன. சாலையில் மின் வசதி இல்லை. இரவு நேரத்தில் இந்த புறவழிச்சாலையை பயன்படுத்த முடியாத நிலை உள்ளது.
திருநள்ளாறு முதல் அம்பகரத்தூர் வரையிலான 6 கி.மீ. சாலை என்பது மிக முக்கியமானதாகும். இந்த சாலை பிரசித்திபெற்ற திருநள்ளாறு ஸ்ரீ தர்பாரண்யேசுவரர் கோயில், அம்பகரத்தூர் ஸ்ரீ பத்ரகாளியம்மன் கோயிலுக்கு செல்லும் சாலையாகும்.
இந்த சாலையை புதுப்பிக்க கடந்த 20 ஆண்டுகளாக எவ்வித நடவடிக்கையும் எடுக்கவில்லை. தற்போதைய வடகிழக்குப் பருவமழையால், இந்த சாலைகள் மோசமாக பாதிக்கப்பட்டு, போக்குவரத்துக்கு அபாயகரமான சாலைகளாக காட்சியளிப்பது காரைக்கால் மக்களிடையே கவலையை ஏற்படுத்தியுள்ளது. இருசக்கர வாகனத்தில் செல்வோர் அடிக்கடி விபத்தில் சிக்கும் நிலை ஏற்படுகிறது. இந்நிலையில், இன்னும்  2 வாரத்தில் திருநள்ளாறு கோயிலில் சனிப்பெயர்ச்சி விழா நடைபெறவுள்ளது. இந்த விழாவிலும், அடுத்தடுத்த சனிக்கிழமையிலும் லட்சக்கணக்கான பக்தர்கள் வருகை தருவர். இவர்களும் கடுமையான பாதிப்பை சந்திக்க நேரிடும் நிலையே உள்ளது.
இதுகுறித்து புதுச்சேரி பொதுப்பணித் துறை தலைமைப் பொறியாளர் வி.சண்முகசுந்தரம் கூறியது:
 திருநள்ளாறு  - அம்பகரத்தூர் சாலையை அகலப்படுத்தி மேம்படுத்தும் பணிக்கான பூமி பூஜை அடுத்த சில நாள்களில் நடைபெறவுள்ளது. இதற்கிடையே இந்த சாலையில் சனிப்பெயர்ச்சியை கருத்தில்கொண்டு தாற்காலிக சீரமைப்புப் பணி  மேற்கொள்ளப்படும். அம்மாள் சத்திரம் - திருமலைராஜனாறு பாலம் வரையிலான தேசிய நெடுஞ்சாலையை மேம்படுத்தும் பணி மழை ஓய்ந்தவுடன் ஜனவரி மாதம் முதல் போர்க்கால அடிப்படையில் செய்து முடிக்க நடவடிக்கை எடுக்கப்படும்.
திருமலைராயன்பட்டினம் கிழக்குப் புறவழிச்சாலையில் ஏற்பட்ட பாதிப்புகளை உடனடியாக சீரமைக்க ஏற்பாடு செய்யப்படும்.
 இந்த சாலையை மேலும் அகலப்படுத்தி, விளக்குகள் அமைக்க பொதுப்பணித்துறை நடவடிக்கை எடுக்கவுள்ளது. அடுத்த வாரம் காரைக்காலுக்கு நேரில் வந்து இவற்றை ஆய்வு செய்யவுள்ளதாக அவர் தெரிவித்தார்.
புதுச்சேரியில் ஆட்சியாளருக்கும், துணை நிலை ஆளுநருக்கும் முன்னெப்போதும் இல்லாத வகையில் மோதல் இருப்பதாலேயே இதுபோன்ற பிரச்னைகளுக்கு தீர்வு குறித்த காலத்தில் கிடைக்கவில்லை. யூனியன் பிரதேசத்தில் அதிகாரம் தமக்கே இருப்பதாகக் கூறும் துணை நிலை ஆளுநரோ, இதுபோன்ற பிரதான பிரச்னையில் கவனம் செலுத்தாமல், சிறிய யூனியன் பிரதேசத்தில் போட்டி அரசு நடத்துவதாலேயே பல்வேறு பிரச்னைகள் தீர்வின்றி கிடப்பில் உள்ளதாக சமூக ஆர்வலர்கள் வேதனை தெரிவிக்கின்றனர். வருகிற புத்தாண்டின் தொடக்கத்திலாவது சாலைகளுக்கு விமோசனம் கிடைக்காதா என்ற எதிர்பார்ப்பும் ஏக்கமும் பலருக்கும் உள்ளது.

]]>
http://www.dinamani.com/all-editions/edition-nagapattinam/karaikal/2017/dec/07/காரைக்கால்-பிரதான-சாலைகளில்-மரணப்-பள்ளங்கள்-2821527.html
2821520 நாகப்பட்டினம் காரைக்கால் ஆசிரியர்கள் உழைப்பை மாணவர்கள் பயன்படுத்திக்கொள்ள வேண்டும்: எம்.எல்.ஏ. DIN DIN Thursday, December 7, 2017 01:28 AM +0530 ஆசிரியர்களின் அயராத உழைப்பை மாணவர்கள் தமது முன்னேற்றத்துக்கு பயன்படுத்திக்கொள்ள வேண்டும் என எம்.எல்.ஏ. சந்திரபிரியங்கா கூறினார்.
காரைக்கால் மாவட்டம், கல்வித்துறை வட்டம் - 1 சார்பில் கோட்டுச்சேரி அரசு பெண்கள் உயர்நிலைப் பள்ளியில் குழந்தைகள் தின விழா செவ்வாய்க்கிழமை நடைபெற்றது. நெடுங்காடு தொகுதி சட்டப்பேரவை உறுப்பினர் சந்திரபிரியங்கா சிறப்பு அழைப்பாளராக கலந்துகொண்டு பேசியது :
ஆசிரியர்கள் மாணவர்களின் முன்னேற்றம் ஒன்றை மட்டுமே கருத்தில்கொண்டு அயராது பாடுபடுகிறார்கள். உயரிய சிந்தனையுடன் செயல்படும் ஆசிரியர்களின் உழைப்பை மாணவ, மாணவியர் நமது முன்னேற்துக்கானது என கருதி பயன்படுத்திக்கொள்ளவேண்டும்.
ஆசிரியர்களது செயல்பாடுகளால் மாணவர்கள் கல்வி ஞானம் பெறுகிறார்கள். இதைக்கொண்டு உயரிய இலக்கு வைத்து அயராத உழைப்பை மாணவர்கள் செலுத்தி, இலக்கை அடைய வேண்டும். மாணவர்களின் இந்த பருவம் மகிழ்ச்சியானது. படிப்பு, விளையாட்டு என்கிற வகையில் கவனம் செலுத்தும்போது  கவலைகள் ஏற்படப்போவதில்லை. அரசுப் பள்ளியில்தானே படிக்கிறோம் என்ற தாழ்வு மனப்பான்மை கொள்ளாமல்,  கல்வி மட்டுமே குறிகோளாகக் கொண்ட கற்கும்போது பள்ளிக்கும், பெற்றோருக்கும் பெருமை சேரும். நமது வாழ்வும் பிரகாசிக்கும் என்றார் அவர்.
நிகழ்ச்சியையொட்டி, பல்வேறு போட்டிகள் நடத்தப்பட்டன. இதில் வெற்றிபெற்றவர்களுக்கு பரிசுகளை பேரவை உறுப்பினர் வழங்கிப் பாராட்டினார்.
கல்வித்துறை துணை இயக்குநர் ஜி. சுப்ரமணியன், முதன்மைக் கல்வி அலுவலர் ஏ.அல்லி, வட்ட துணை ஆய்வாளர்கள் கார்த்திகேசன், பொன். சௌந்தரராசு உள்ளிட்டோர் பேசினர்.

]]>
http://www.dinamani.com/all-editions/edition-nagapattinam/karaikal/2017/dec/07/ஆசிரியர்கள்-உழைப்பை-மாணவர்கள்-பயன்படுத்திக்கொள்ள-வேண்டும்-எம்எல்ஏ-2821520.html
2821519 நாகப்பட்டினம் காரைக்கால் பாபர் மசூதி இடிப்பு நாள்: எஸ்டிபிஐ கட்சியினர் ஆர்ப்பாட்டம் DIN DIN Thursday, December 7, 2017 01:28 AM +0530 பாபர் மசூதி இடிப்பு தினத்தையொட்டி, காரைக்காலில் எஸ்டிபிஐ கட்சியினர் புதன்கிழமை கண்டன ஆர்ப்பாட்டத்தில் ஈடுபட்டனர்.  
சோஷியல் டெமாக்ரடிக் பார்ட்டி ஆஃப் இந்தியா (எஸ்.டி.பி.ஐ) காரைக்கால் மாவட்ட அமைப்பு  சார்பில் மாவட்ட ஆட்சியர் அலுவலகம் அருகே  ஆர்ப்பாட்டம் நடைபெற்றது. ஆர்ப்பாட்டத்தில், பாபர் மசூதி இடிப்பு சம்பவத்தைக் கண்டித்து, இடிக்கப்பட்ட அதே இடத்தில் மசூதி கட்ட அனுமதி வழங்க வேண்டும், மசூதி இடிப்பில் தொடர்புடையோர் மீது நடவடிக்கை மேற்கொள்ள வேண்டும், இப்பிரச்னையில் மத்திய அரசு உரிய நீதி வழங்க வேண்டும் என கோஷங்கள் எழுப்பப்பட்டன. 
மாவட்டத் தலைவர் எச். முகம்மது பிலால் தலைமையில் நடைபெற்ற ஆர்ப்பாட்டத்தில், பாப்புலர் பிரண்ட் ஆஃப் இந்தியா தமிழ் மாநில பொருளாளர் என்.எம். ஷாஜகான் கண்டன உரையாற்றினார். முன்னாள் அமைச்சர் ஏ.எம்.எச். நாஜிம், புதுச்சேரி மாநில திராவிடக் கழகத் தலைவர் சி.மு.சிவ. வீரமணி, சமூக ஆர்வலர் ஏ.எம். இஸ்மாயில் ஆகியோர்  சிறப்பு அழைப்பாளர்களாக பங்கேற்றனர். 
எஸ்டிபிஐ. மாவட்ட துணைத் தலைவர் ஏ. அப்துல் சலாம், மாவட்ட செயலர் சுல்தான் கௌஸ்,  மாவட்ட பொதுச் செயலர் எம். முகம்மது தமீம் கனி, பொதுக் குழு உறுப்பினர் ஏ. சாஹே அலி உள்ளிட்டோர் பஙகேற்றனர்.

]]>
http://www.dinamani.com/all-editions/edition-nagapattinam/karaikal/2017/dec/07/பாபர்-மசூதி-இடிப்பு-நாள்-எஸ்டிபிஐ-கட்சியினர்-ஆர்ப்பாட்டம்-2821519.html
2821517 நாகப்பட்டினம் காரைக்கால் ஆசிரியர் பயிற்சி நிறுவன மாணவியருக்குப் பாராட்டு DIN DIN Thursday, December 7, 2017 01:28 AM +0530 செயின்ட் மேரீஸ் ஆசிரியர் பயிற்சி நிலைய மாணவிகள் அதிக மதிப்பெண் பெற்று சாதனைப் படைத்ததால் பாராட்டு தெரிவிக்கப்பட்டது.  
காரைக்கால் மாவட்டம், அம்பகரத்தூர் பகுதி தாமனாங்குடியில் இயங்கி வரும் ஆசிரியர் பயிற்சி நிறுவன மாணவர்கள், தமிழக அரசு தேர்வுத் துறை ஜூன் மாதம் நடத்திய தேர்வில் பங்கேற்றனர். அண்மையில் வெளியான தேர்வு முடிவில் செயின்ட் நிறுவன மாணவியர் அதிக சதவீதத்தில் தேர்வாகியுள்ளனர். முதலாம் ஆண்டில் மாணவி ஆர். மீனாட்சி 80 சதவீதம், எஸ். கிலமன்டின் 74 சதவீதம், எஸ். சுபஸ்ரீ 73 சதவீதம் பெற்று முதல் மூன்று இடங்களை நிறுவன அளவில் பெற்றுள்ளனர். 2-ஆம் ஆண்டில் ஆர். வின்சியா 86 சதவீதம், எம். ஆஃப்ரீனா யாஸ்மின் 74 சதவீதம், ஆர். அபிநயா 72 சதவீதம் பெற்று முதல் மூன்று இடங்களைப் பெற்றுள்ளனர். சிறந்த மதிப்பெண் பெற்று தேர்வான மாணவியரை நிறுவனத் தாளாளர் ஆர். முத்துக்குமரன், முதல்வர் எம். செந்தில்வேல், விரிவுரையாளர் கே. ரத்தினசெல்வம் உள்ளிட்டோர் பாராட்டினர்.
 

]]>
http://www.dinamani.com/all-editions/edition-nagapattinam/karaikal/2017/dec/07/ஆசிரியர்-பயிற்சி-நிறுவன-மாணவியருக்குப்-பாராட்டு-2821517.html
2821516 நாகப்பட்டினம் காரைக்கால் பெண்ணை ஏமாற்றி கர்ப்பிணியாக்கிய பொதுப்பணித்துறை ஊழியர் மீது வழக்கு DIN DIN Thursday, December 7, 2017 01:27 AM +0530 பெண்ணை ஏமாற்றி கர்ப்பிணியாக்கிய பொதுப்பணித்துறை ஊழியர் மீது காவல் துறையினர் வழக்குப் பதிவு செய்து விசாரணை மேற்கொண்டுள்ளனர். 
காரைக்கால் மதகடி பகுதியைச் சேர்ந்தவர் கிருஷ்ணன் (30). இவர் காரைக்கால் பொதுப்பணித்துறை அலுவலகத்தில் இளநிலை எழுத்தராக பணியாற்றி வருகிறார். இதே அலுவலகத்தில் தாற்காலிக ஊழியராக 28 வயது பெண் ஒருவர் பணியாற்றி வருகிறார். இருவரும் காதலித்து வந்ததாகவும், திருமணம் செய்துகொள்வதாகக் கூறி அப்பெண்ணை கிருஷ்ணன் அடிக்கடி வெளியூருக்கு அழைத்துச் சென்று வந்ததாகக் கூறப்படுகிறது. இதில், அப்பெண் கர்ப்பமடைந்துள்ளாராம். இந்நிலையில், கிருஷ்ணனிடம் தன்னை திருமணம் செய்து கொள்ள அப்பெண் கூறியபோது அதற்கு மறுத்துவிட்டாராம். 
இதனால் அப்பெண் காரைக்கால் மகளிர் காவல் நிலையத்தில் செவ்வாய்க்கிழமை அளித்த புகாரில் தம்மை ஆசை வார்த்தைக்கூறி கிருஷ்ணன் பாலியல் உறவு கொண்டு ஏமாற்றிவிட்டதாக கூறியுள்ளார். புகாரின் பேரில், போலீஸார் வழக்குப் பதிந்து தலைமறைவாக உள்ள கிருஷ்ணனை தேடி வருகின்றனர்.

]]>
http://www.dinamani.com/all-editions/edition-nagapattinam/karaikal/2017/dec/07/பெண்ணை-ஏமாற்றி-கர்ப்பிணியாக்கிய-பொதுப்பணித்துறை-ஊழியர்-மீது-வழக்கு-2821516.html
2821515 நாகப்பட்டினம் காரைக்கால் நகரமைப்புக் குழுமம் அமைக்க வலியுறுத்தல் DIN DIN Thursday, December 7, 2017 01:27 AM +0530 காரைக்காலில் நகரமைப்புக் குழுமம் அமைக்க வேண்டும் என, காரைக்கால் சேம்பர் ஆஃப் காமர்ஸ்  அமைப்பினர் கோரிக்கை விடுத்துள்ளனர்.
புதுச்சேரி நகரமைப்புத் துறை தலைமை அலுவலர் மகாலிங்கம், காரைக்காலுக்கு புதன்கிழமை வந்தார். அவரை காரைக்கால் சேம்பர் ஆஃப் காமர்ஸ் முன்னாள் செயலர்கள் எம்.பக்கிரிசாமி, இசட்.எம். தாஹிர் ஆகியோர் சந்தித்து கோரிக்கை மனு அளித்தனர். அதில் கூறியிருப்பது:
காரைக்காலில் உள்ள நகரமைப்பு அலுவலகத்தில் நகர மற்றும் கிராம அமைப்புத் துறை மட்டுமே செயல்படுகிறது. நகரமைப்புக் குழுமம் என்ற அமைப்பு இதுவரை ஏற்படுத்தப்படவில்லை. இவ்விரு அமைப்புகள் முறையாக செயல்படும்பட்சத்தில், உறுப்பினர் செயலர் தலைமையில் இளநிலை பொறியாளர்கள், வரைவாளர்கள் உள்ளிட்டோர் பணியமர்த்தப்படுவர்.
நகரமைப்புக் குழும அமைப்பு இல்லாததால் நகர மற்றும் கிராம அமைப்புத்துறையினரால் அனைத்துப் பணிகளையும் செய்யமுடியவில்லை. இதனால் சுமார் 400-க்கும் மேற்பட்ட கோப்புகள் முடங்கியுள்ளன.
பல ஆண்டுகளாக இந்த துறையின் மந்தமான செயல்பாட்டால் கட்டுமானம், நில வணிகம் தொடர்பான பல  பணிகள் பாதிக்கப்பட்டுள்ளன. நகரமைப்புக் குழும அமைப்பை ஏற்படுத்தி, காரைக்கால் வளர்ச்சிக்கு உதவுமாறு அதில் கேட்டுக்கொள்ளப்பட்டுள்ளது.
 

]]>
http://www.dinamani.com/all-editions/edition-nagapattinam/karaikal/2017/dec/07/நகரமைப்புக்-குழுமம்-அமைக்க-வலியுறுத்தல்-2821515.html
2821514 நாகப்பட்டினம் காரைக்கால் தபால் நிலைய சாலையை சீரமைக்க திமுக வலியுறுத்தல் DIN DIN Thursday, December 7, 2017 01:27 AM +0530 திருநள்ளாறு சனிப்பெயர்ச்சி விழாவுக்குள் காரைக்கால் தலைமை தபால் நிலையப் பகுதி சாலையை சீரமைக்க வேண்டும் என திமுக வலியுறுத்தியுள்ளது.
காரைக்கால் நகராட்சி ஆணையர் டி. சுதாகரை திமுக அமைப்பாளரும், முன்னாள் அமைச்சருமான ஏ.எம்.எச். நாஜிம் புதன்கிழமை சந்தித்துப் பேசினார். 
இதுகுறித்து நாஜிம் கூறியது: காரைக்கால் தலைமை தபால் நிலையம் உள்ள சாலை மழையில் மிகவும் மோசமடைந்துள்ளது. இச்சாலை வழியே திருநள்ளாறு, கும்பகோணம், திருச்சி, மயிலாடுதுறைக்கு பேருந்து இயக்கப்படுகிறது. 
நகரின் மையப் பகுதியில் இச்சாலை உள்ளதால் இருசக்கர, கார் உள்ளிட்ட வாகன போக்குவரத்தும் அதிகமாக உள்ளது. 
சாலை மிகவும் மோசமாக இருப்பதால் பொதுமக்கள், வாகன ஓட்டிகளுக்கு கடும் சிரமத்தை ஏற்படுத்துகிறது. மேலும், டிச.19-ஆம் தேதி திருநள்ளாற்றில் சனிப்பெயர்ச்சி விழா நடைபெறும்போது, போக்குவரத்து அதிகமாகும். எனவே, தபால் நிலைய சாலையை உடனடியாக தாற்காலிக சீரமைப்பு செய்ய வேண்டும் என தெரிவிக்கப்பட்டது. 
கோரிக்கையை நிறைவேற்றவும், நிரந்தரமாக வேறு திட்ட நிதியில் சாலையைப் புதுப்பிக்கவும் நடவடிக்கை மேற்கொள்ளப்பட்டுள்ளதாக ஆணையர் தெரிவித்தார் என்றார் நாஜிம்.

]]>
http://www.dinamani.com/all-editions/edition-nagapattinam/karaikal/2017/dec/07/தபால்-நிலைய-சாலையை-சீரமைக்க-திமுக-வலியுறுத்தல்-2821514.html
2821513 நாகப்பட்டினம் காரைக்கால் காரைக்கால் மீனவர்கள் கவனத்துக்கு... DIN DIN Thursday, December 7, 2017 01:27 AM +0530 வானிலை ஆய்வு மைய மறு உத்தரவு வரும் வரை மீனவர்கள் கடலுக்கு மீன்பிடிக்கச் செல்ல வேண்டாம் என அறிவுறுத்தப்பட்டுள்ளது.
இதுகுறித்து காரைக்கால் மீன்வளத்துறை துணை இயக்குநர் நடேசப்பிள்ளை வெளியிட்ட செய்திக் குறிப்பு : வங்கக் கடலில் ஏற்பட்டுள்ள குறைந்த காற்றழுத்தத் தாழ்வு நிலையால், மீனவர்கள் கடந்த நவ. 29 முதல் கடலுக்கு மீன்பிடிக்கச் செல்ல வேண்டாம் என அறிவுறுத்தப்பட்டது. ஆனால், கடந்த இரு நாள்களாக காரைக்கால் மாவட்ட விசைப் படகுகள் தமிழக கடற் பகுதியிகளில் குறிப்பாக கரையையொட்டி மீன்பிடித்து வருவதாக, தமிழக மீன்வளத்துறையிடமிருந்து தொடர்ச்சியாக புகார்கள் வருகின்றன.
 எனவே, மீனவர்கள் இதுபோன்ற வானிலை எச்சரிக்கை விடுக்கப்படும்போது கடலுக்கு மீன்பிடிக்கச் செல்ல வேண்டாம். குறிப்பாக,  வானிலை மைய மறு உத்தரவு வரும் வரை கடலுக்கு மீன்பிடிக்க செல்ல வேண்டாம் என அறிவுறுத்தப்படுகிறது.

]]>
http://www.dinamani.com/all-editions/edition-nagapattinam/karaikal/2017/dec/07/காரைக்கால்-மீனவர்கள்-கவனத்துக்கு-2821513.html
2821512 நாகப்பட்டினம் காரைக்கால் துணைநிலை ஆளுநர் காணொலி மூலம் நாளை குறைகேட்பு DIN DIN Thursday, December 7, 2017 01:26 AM +0530 புதுச்சேரி துணை நிலை ஆளுநர் காணொலி மூலம் காரைக்கால் மக்களிடம் வெள்ளிக்கிழமை (டிச. 8) குறைகள்  கேட்கவுள்ளதாக  தெரிவிக்கப்பட்டுள்ளது.
இதுகுறித்து மாவட்ட ஆட்சியர் ஆர். கேசவன் வெளியிட்ட செய்திக் குறிப்பு :
புதுச்சேரி துணைநிலை ஆளுநர், காரைக்கால் மாவட்ட மக்களிடம் காணொலி மூலம் குறைகள் கேட்டறியும் நிகழ்வு வெள்ளிக்கிழமை (டிச. 8) மாலை 5  முதல் 6 மணி வரை காரைக்கால் மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது.
இந்தக் கூட்டத்தில், பொதுமக்கள் தங்கள் குறைகளைத் தெரிவித்து, அதற்குத் தீர்வு காண இந்த வாய்ப்பை பயன்படுத்திக்கொள்ளலாம். குறைகள் தெரிவிக்க விரும்புவோர், டிச. 8-ஆம் தேதி காலை 10 முதல் மாலை 3 மணி வரை ஆட்சியர் அலுவலகத்தில் முன்பதிவு செய்துகொள்ளவேண்டும். புகார்களை எழுத்துவடிவில் அளிக்கவேண்டும்.

]]>
http://www.dinamani.com/all-editions/edition-nagapattinam/karaikal/2017/dec/07/துணைநிலை-ஆளுநர்-காணொலி-மூலம்-நாளை-குறைகேட்பு-2821512.html
2821511 நாகப்பட்டினம் காரைக்கால் பாபர் மசூதி நிலத்தை இஸ்ஸாமியர்களிடம் ஒப்படைக்கக் கோரி ஆர்ப்பாட்டம் DIN DIN Thursday, December 7, 2017 01:26 AM +0530 பாபர் மசூதி நிலத்தை இஸ்ஸாமியர்களிடம் ஒப்படைக்க வேண்டும் என வலியுறுத்தி, காரைக்காலில் தமுமுக சார்பில் புதன்கிழமை ஆர்ப்பாட்டம் நடைபெற்றது. 
பாபர் மசூதி  இடிப்பு தினத்தையொட்டி காரைக்கால் மாவட்ட தமிழ்நாடு முஸ்லிம் முன்னேற்றக்கழகம் பயங்கரவாத எதிர்ப்பு நாளாக அறிவித்து, காரைக்கால் புதிய பேருந்து நிலையம் அருகே பழைய ரயிலடியில் கருப்பு சட்டை அணிந்து கண்டன ஆர்ப்பாட்டத்தில் ஈடுபட்டனர். ஆர்ப்பாட்டத்தில், பாபர் மசூதி இடத்தை இஸ்லாமியர்களிடம் ஒப்படைக்க வேண்டும்,  இவ்வழக்கில் தொடர்புடையவர்கள் மீது நடவடிக்கை மேற்கொள்ள வேண்டும் உள்ளிட்ட கோரிக்கைகள் வலியுறுத்தப்பட்டன.  
தமுமுக காரைக்கால் மாவட்டத் தலைவர் ஐ. அப்துல்ரஹிம்  தலைமையில் நடைபெற்ற ஆர்ப்பாட்டத்தில், மாவட்டச் செயலர் கமால் ஹுஸேன், தலைமை செயற்குழு உறுப்பினர் அனல் அக்பர், மனிதநேய மக்கள் கட்சி மாவட்டச் செயலர் ராஜா முஹம்மது, முன்னாள் அமைச்சர் ஏ.எம்.எச். நாஜிம்,  சட்டப் பேரவை உறுப்பினர்  கீதாஆனந்தன், காங்கிரஸ் மாவட்டத் தலைவர் அ. பாஸ்கரன், மதிமுக மாவட்ட ச் செயலர் சோ. அம்பலவாணன், விடுதலைச் சிறுத்தைகள் கட்சி அரசியல் குழு மாநிலச் செயலர் அரசு. வணங்காமுடி, முஸ்லிம் ஜமாத் தலைவர் யாசின், இந்திய கம்யூனிஸ்ட் பிரதேச செயலர் க. தமிழழகன் உள்ளிட்டோர் பாபர் மசூதி இடிப்பை கண்டித்து பேசினர்.
 

]]>
http://www.dinamani.com/all-editions/edition-nagapattinam/karaikal/2017/dec/07/பாபர்-மசூதி-நிலத்தை-இஸ்ஸாமியர்களிடம்-ஒப்படைக்கக்-கோரி-ஆர்ப்பாட்டம்-2821511.html
2821510 நாகப்பட்டினம் காரைக்கால் அம்பேத்கர் நினைவு நாள் : சிலைக்கு பல்வேறு அமைப்பினர் மரியாதை DIN DIN Thursday, December 7, 2017 01:26 AM +0530 அம்பேத்கரின் நினைவு நாளையொட்டி, காரைக்காலில் உள்ள அவரது சிலைக்கு புதன்கிழமை பல்வேறு கட்சியினர், தலித் அமைப்பினர் மாலை அணிவித்து மரியாதை செலுத்தினர்.
காரைக்கால் மாவட்ட ஆட்சியரகம் அருகில் உள்ள டாக்டர் அம்பேத்கர் சிலைக்கு மாலை அணிவிக்கும் நிகழ்ச்சி புதன்கிழமை நடைபெற்றது.  புதுச்சேரி அரசு சார்பில்  சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன், மாவட்ட ஆட்சியர் ஆர். கேசவன், சார்பு ஆட்சியர் ஏ. விக்ராந்த் ராஜா, நகராட்சி ஆணையர் டி. சுதாகர் ஆகியோர் மாலை அணிவித்து மரியாதை செலுத்தினர்.
காரைக்கால் வடக்குத் தொகுதி சட்டப்பேரவை உறுப்பினர் பி.ஆர்.என்.திருமுருகன் மற்றும் திமுக சார்பில் முன்னாள் அமைச்சர் ஏ.எம்.எச். நாஜிம், பாஜக, காங்கிரஸ்,  விடுதலைச் சிறுத்தைகள், 
மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி,  திராவிடர் கழகம் உள்ளிட்ட கட்சிகளின் நிர்வாகிகள் சிலைக்கு மாலை அணிவித்தனர்.
மாவட்ட அம்பேத்கர் சமூக நலச் சங்கத் தலைவர் கே.ஆர். பக்கிரிசாமி, அம்பேத்கர் கல்வி மற்றும் சமுதாய மேம்பாட்டு மையத் தலைவர் என். தணிகாசலம் உள்ளிட்ட பல்வேறு தலித் அமைப்புகளைச் சேர்ந்த பிரதிநிதிகள் உள்ளிட்டோர் சிலைக்கு மாலை அணிவித்து மரியாதை செலுத்தினர். அம்பேத்கர் புகழ் குறித்து பல்வேறு அமைப்பினர் பேசினர். பல அமைப்பினர் சிலை முன்பாக கூட்டம் நடத்தி அரசு நிறைவேற்ற வலியுறுத்தி பல்வேறு தீர்மானங்களை நிறைவேற்றினர்.
திருப்பட்டினம் வணிக வளாகம் அருகே என்றும் அம்பேத்கர் வழி இயக்கம், புதுச்சேரி மாணவர் கூட்டமைப்பினர் சார்பில் அம்பேத்கர் உருவப்படம் வைத்து மரியாதை செலுத்தப்பட்டது. இதேபோல், மாவட்டத்தின் பல இடங்களில் பல்வேறு அமைப்பினர் மரியாதை செலுத்தினர்.

]]>
http://www.dinamani.com/all-editions/edition-nagapattinam/karaikal/2017/dec/07/அம்பேத்கர்-நினைவு-நாள்--சிலைக்கு-பல்வேறு-அமைப்பினர்-மரியாதை-2821510.html
2821508 நாகப்பட்டினம் காரைக்கால் ஒக்கி புயலில் சிக்கிய காரைக்கால் மீனவர்கள் 19 பேர் கரை திரும்பினர்: மீனவ பஞ்சாயத்தார் தகவல் DIN DIN Thursday, December 7, 2017 01:25 AM +0530 கேரளம், கன்னியாகுமரியில்  தங்கி மீன்பிடித்தபோது, ஒக்கி புயலில் சிக்கிய காரைக்கால் மீனவர்கள் 19 பேரில் 2 பேர் மங்களூரில் பத்திரமாக கரை திரும்பியதாகவும், 17 பேர் குஜராத், கோவா பகுதியில் பத்திரமாக கரையேறிவிட்டதாகவும் மீனவ பஞ்சாயத்தார்கள் புதன்கிழமை தெரிவித்தனர். 
காரைக்கால்மேடு, கிளிஞ்சல்மேடு, காசாக்குடிமேடு ஆகிய கிராமங்களைச் சேர்ந்த 19 பேர் கன்னியாகுமரி, கேரளத்தில் தங்கி மீன்பிடித்து வந்தனர்.
அண்மையில் வீசிய ஒக்கி புயலுக்கு முன்பு கடலுக்குச் சென்ற இவர்கள் இதுவரை கரை திரும்பவில்லை. இவர்களை மீட்க நடவடிக்கை எடுக்கவேண்டும் என அமைச்சர் மற்றும் மாவட்ட ஆட்சியரை கிராம பஞ்சாயத்தார்கள் வலியுறுத்தினர்.
இந்நிலையில், காரைக்கால் மாவட்டம், கிளிஞ்சல்மேடு கிராமத்தைச் சேர்ந்த சந்திரன் மற்றும், காசாக்குடிமேடு கிராமத்தை சேர்ந்த முருகன் ஆகிய இருவர், மங்களூர் பகுதியில் படகுடன் பத்திரமாக செவ்வாய்க்கிழமை கரை திரும்பியதாக அவர்களது குடும்பத்தினருக்கு தகவல் கிடைத்தது.  கரை திரும்பியவர்களுடன் தொலைபேசியில் தொடர்புகொண்டு இத்தகவலை உறுதி செய்துகொண்டனர். இதையடுத்து, இருவரது குடும்பத்தினரும், கிராமப் பஞ்சாயத்தார்களுடன் மாவட்ட ஆட்சியர் ஆர்.கேசவனை புதன்கிழமை சந்தித்து, நன்றி தெரிவித்தனர். 
அப்போது, காரைக்கால்மேடு பஞ்சாயத்தார்கள் கூறும்போது, கன்னியாகுமரி, கேரளத்தில் தங்கி மீன்பிடிக்கச் சென்ற காரைக்கால்மேடு பகுதியைச் சேர்ந்த 17 பேர், குஜராத், கோவா ஆகிய மாநில துறைமுகத்தில் பத்திரமாக கரை ஏறிவிட்டதாக உறுதியான தகவல் வந்துள்ளது என்றனர்.
ஆட்சியருடனான  சந்திப்பின்போது மாவட்ட காங்கிரஸ் தலைவர் அ.பாஸ்கரன், காங்கிரஸ் நிர்வாகி நாகரத்தினம் ஆகியோர் உடனிருந்தார்.

]]>
http://www.dinamani.com/all-editions/edition-nagapattinam/karaikal/2017/dec/07/ஒக்கி-புயலில்-சிக்கிய-காரைக்கால்-மீனவர்கள்-19-பேர்-கரை-திரும்பினர்-மீனவ-பஞ்சாயத்தார்-தகவல்-2821508.html
2821506 நாகப்பட்டினம் காரைக்கால் லைன்மேனை தாக்கியவரை கைது செய்யக் கோரி ஆர்ப்பாட்டம் DIN DIN Thursday, December 7, 2017 01:25 AM +0530 புதுச்சேரியில் லைன்மேனை தாக்கியவரை கைது செய்யக் கோரி நடத்தப்படும் போராட்டத்துக்கு ஆதரவாக, காரைக்கால் மின்துறையினர் புதன்கிழமை ஆர்ப்பாட்டம் நடத்தினர்.
புதுச்சேரி பகுதியைச் சேர்ந்த சிவகுமார், மின்துறையில் லைன்மேனாக வேலை செய்து வருகிறார். கடந்த 3-ஆம் தேதி தொண்டமாநத்தம் பகுதியில் சிலர் மின்சாரத்தை கொக்கி போட்டு திருடுவதைப் பார்த்த சிவகுமார், கொக்கியை அகற்றும் பணியில் ஈடுபட்டுள்ளார்.
அந்த பகுதி பெட்டிக்கடைக்காரர் முருகன் என்பவர் இவரை தடுத்ததோடு, இருவருக்கும் வாய்த்தகராறு ஏற்பட்டுள்ளது. பின்னர், கட்டையால் சிவகுமாரை முருகன் தாக்கியுள்ளார். இதில் காயமடைந்த ஊழியர் மருத்துவமனையில் சிகிச்சை பெற்றதோடு, வில்லியனூர் காவல்நிலையத்தில் புகார் அளித்தார்.
இந்த செயலைக் கண்டித்தும், ஊழியரை தாக்கிய நபரை கைது செய்ய வலியுறுத்தியும் புதுச்சேரியில் மின்துறையினர் போராட்டத்தில் ஈடுபட்டுள்ளனர். இவர்களது போராட்டத்துக்கு ஆதரவு தெரிவிக்கும் வகையில், காரைக்கால் மின்துறை அலுவலர்கள், ஊழியர்கள் சார்பில் கண்காணிப்புப் பொறியாளர் அலுவலகம் முன்பாக புதன்கிழமை ஆர்ப்பாட்டம் நடத்தினர். ஊழியர் சங்கத் தலைவர் பழனிவேல் 
தலைமை வகித்தார்.
போராட்டத்தின்போது பழனிவேல் கூறும்போது, லைன்மேன் சிவகுமாரை தாக்கிய முருகன் என்பவர் எம்.எல்.ஏ. ஒருவருக்கு ஆதரவானவர் என்பதால் காவல்துறையினர் நடவடிக்கை எடுக்காமல் இருப்பதாகத் தெரிகிறது. உடனடியாக அந்த நபரை கைது செய்ய வேண்டும். மின்துறையினருக்கு பணி பாதுகாப்பு கிடைக்க அரசு நடவடிக்கை எடுக்க வேண்டும். காவல்துறையினர் நடவடிக்கை எடுக்காவிட்டால் ஒட்டுமொத்த மின்துறையினரும் வேலை நிறுத்தத்தில் ஈடுபடுவோம் என்றார்.
காரைக்கால் மாவட்டத்தின் அனைத்து மின்துறை அலுவலக அலுவலர்கள், ஊழியர்கள் இந்த ஆர்ப்பாட்டத்தில் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2017/dec/07/லைன்மேனை-தாக்கியவரை-கைது-செய்யக்-கோரி-ஆர்ப்பாட்டம்-2821506.html
2820989 நாகப்பட்டினம் காரைக்கால் ரயில் நிலையம், தங்கும்  விடுதிகளில் சோதனை DIN DIN Wednesday, December 6, 2017 01:27 AM +0530 பாபர் மசூதி இடிப்பு நாளையொட்டி, காரைக்கால் ரயில் நிலையம், பேருந்து நிலையம் மற்றும் தங்கும் விடுதிகளில் போலீஸார் செவ்வாய்க்கிழமை சோதனை செய்தனர்.
டிசம்பர். 6-ஆம் தேதி பாபர் மசூதி இடிப்பு நாளாகும். இந்நாளில் அசம்பாவித நிகழ்வுகள் எதுவும் நடைபெறாத வகையில் முன்னெச்சரிக்கை பாதுகாப்பு நடவடிக்கைகளில் காரைக்கால் மாவட்ட காவல்துறையினர் செவ்வாய்க்கிழமை ஈடுபட்டனர். நகரக் காவல் நிலைய  போலீஸார், சிறப்புப் பிரிவு போலீஸார், காரைக்கால் ரயில் நிலையத்துக்கு வெளியூர்களிலிருந்து வந்த ரயில் பயணிகளின் பை மற்றும் பெட்டிகளை சோதனை செய்தனர். பயணிகளின் சொந்த ஊர், பயணத்தின் நோக்கம் குறித்த விவரங்களைக் கேட்டறிந்தனர். இதேபோல், பேருந்து நிலையத்திலும் சோதனையில் போலீஸார் ஈடுபட்டனர். இரவு நேரத்தில் வாஞ்சூர், பூவம் உள்ளிட்ட எல்லைப் பகுதி மற்றும் நகரின் முக்கிய இடங்களில் அந்தந்த காவல் நிலைய போலீஸார் தீவிர வாகனச் சோதனையில் ஈடுபட்டனர். காவல்துறையின் சிறப்புப் பிரிவு போலீஸார், காரைக்கால் மற்றும் திருநள்ளாறில் உள்ள தங்கும் விடுதிகளில் தங்கியிருப்பவர்களின் விவரம் சேகரிக்கப்பட்டு சோதனையில் ஈடுபட்டனர். முக்கிய கோயில்கள், ரயில்வே பாலங்கள் மற்றும் பொதுமக்கள் அதிகம் கூடும் இடங்களில் துப்பாக்கி ஏந்தி போலீஸார் பாதுகாப்புப் பணியில் ஈடுபட்டுள்ளனர்.

]]>
http://www.dinamani.com/all-editions/edition-nagapattinam/karaikal/2017/dec/06/ரயில்-நிலையம்-தங்கும்--விடுதிகளில்-சோதனை-2820989.html
2820988 நாகப்பட்டினம் காரைக்கால் சீதளாதேவி அம்மன் கோயிலில் கருங்கல் தளம் அமைக்க வலியுறுத்தல் DIN DIN Wednesday, December 6, 2017 01:27 AM +0530 திருநள்ளாறு ஸ்ரீசீதளாதேவி அம்மன் கோயில் பிராகாரத்தில் கருங்கல் தரைத்தளம் அமைக்க வேண்டும் என பாஜக சார்பில் வலியுறுத்தப்பட்டுள்ளது.
இதுகுறித்து திருநள்ளாறு தொகுதி பாஜக தலைவர் வே. ராமதாஸ்,  தர்பாரண்யேசுவரர் கோயில் நிர்வாக அலுவலருக்கு செவ்வாய்க்கிழமை அனுப்பிய கோரிக்கை மனு விவரம்: திருநள்ளாறு ஸ்ரீதர்பாரண்யேசுவரர் கோயிலுக்குச் சொந்தமான ஸ்ரீசீதளாதேவி அம்மன் கோயிலில் புதிதாக மண்டபம், சுற்றுச்சுவர் அமைக்கும் பணிகள் நடைபெற்று வருவது வரவேற்கத்தக்கது. கோயிலின் பிராகாரமான தரைத்தளம் சிமென்ட் தளமாக அமைக்க கோயில் நிர்வாகம் முடிவு செய்திருப்பதாகத் தெரிகிறது. தர்பாரண்யேசுவரர் கோயில் ராஜகோபுரம் முதல் உள்மண்டபம் வரை போடப்பட்டுள்ள கருங்கல் தளம்போல, சீதளாதேவி அம்மன் கோயில் பிராகாரத்திலும் கருங்கல் தளம் அமைக்க கோயில் நிர்வாகம் நடவடிக்கை மேற்கொள்ள வேண்டும். இதன்மூலம் கோயில் பிராகாரம் நீண்ட காலம் பாதுகாப்பாக இருக்க வழிவகுக்கும் என்பதால், இதுகுறித்து கோயில் நிர்வாகம் கவனத்தில் கொள்ள வேண்டும் என அதில் வலியுறுத்தப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2017/dec/06/சீதளாதேவி-அம்மன்-கோயிலில்-கருங்கல்-தளம்-அமைக்க-வலியுறுத்தல்-2820988.html
2820986 நாகப்பட்டினம் காரைக்கால் ஜெயலலிதா முதலாமாண்டு நினைவு நாள்: காரைக்காலில் அதிமுகவினர் அஞ்சலி DIN DIN Wednesday, December 6, 2017 01:27 AM +0530 காரைக்காலில் பல்வேறு இடங்களில் ஜெயலலிதா உருவப் படங்களை வைத்து அஞ்சலி செலுத்தும் நிகழ்ச்சி, மௌன ஊர்வலம் ஆகியவை செவ்வாய்க்கிழமை நடைபெற்றன.
மறைந்த முன்னாள் முதல்வர் ஜெயலலிதா முதலாமாண்டு நினைவு நாளையொட்டி, காரைக்கால் மாவட்ட அதிமுக சார்பில் பேருந்து நிலையம் மற்றும் பல்வேறு இடங்களில் ஜெயலலிதா உருவப் படங்கள் வைக்கப்பட்டு மலரஞ்சலி செலுத்தப்பட்டன. மாவட்டச் செயலர் எம்.வி. ஓமலிங்கம் தலைமையில் நடைபெற்ற இந்நிகழ்ச்சியில் சட்டப்பேரவை உறுப்பினர் கே.ஏ.யு. அசனா, அவைத் தலைவர் எஸ்.பி. கருப்பையா, மாவட்டப் பொருளாளர் எச்.எம்.ஏ. காதர் உள்ளிட்ட நிர்வாகிகள் பலர் கலந்துகொண்டனர்.
பேருந்து நிலையம் முதல் அரசலாறு பாலம் வரை அதிமுகவினர் மௌன ஊர்வலம் நடத்தினர். இதில் ஏராளமானோர்  கலந்துகொண்டனர். இதுதவிர, மாவட்டத்தின் பல இடங்களில் அதிமுக தொண்டர்கள் அவரவர் பகுதியில் ஜெயலலிதாவின் உருவப்படங்கள் வைத்து, மாலை அணிவித்து அஞ்சலி செலுத்தினர்.

]]>
http://www.dinamani.com/all-editions/edition-nagapattinam/karaikal/2017/dec/06/ஜெயலலிதா-முதலாமாண்டு-நினைவு-நாள்-காரைக்காலில்-அதிமுகவினர்-அஞ்சலி-2820986.html
2820985 நாகப்பட்டினம் காரைக்கால் 60 லட்சத்தில் வாரச்சந்தை மேம்படுத்த நடவடிக்கை: எம்.எல்.ஏ. தகவல்  DIN DIN Wednesday, December 6, 2017 01:26 AM +0530 காரைக்கால் வாரச்சந்தைத்திடலை ரூ. 60 லட்சத்தில் மேம்படுத்த நடவடிக்கை மேற்கொள்ளப்பட்டுள்ளது என சட்டப் பேரவை உறுப்பினர் கே.ஏ.யு. அசனா செவ்வாய்க்கிழமை தெரிவித்தார்.
காரைக்கால் முருகராம் நகர் அருகே நகராட்சிக்குச் சொந்தமான திடலில் ஞாயிறுதோறும் வாரச் சந்தை நடைபெற்று வருகிறது. பிரதான சாலைக்கு தாழ்வாக இத்திடல் உள்ளதால், மழைநீர் தேங்கி பொதுமக்களுக்கும், வியாபாரிகளுக்கும் பாதிப்பை ஏற்படுத்துகிறது. சந்தைக்கு ஆயிரக்கணக்கானோர் வந்து செல்லும் நிலையில், ஆண்டுதோறும் பருவ மழைக் காலத்தில் இப்பாதிப்பு ஏற்படுவதால், திடலில் கூடுதலாக தகடுகளால்  கூரை, சாலை, குடிநீர், கழிப்பறை உள்ளிட்ட அடிப்படை வசதிகள் செய்துதரக்கோரி பலரால் வலியுறுத்தப்பட்டு வருகிறது.
கடந்த 2 வாரங்களாக சந்தைத் திடலுக்குள் நடந்து செல்லத் தகுதியற்றதாக மாறியதால் பொதுமக்கள் கடும் அவதிக்குள்ளாகினர். வியாபாரிகளும் பிரதான சாலையோரத்தில் பொருள்களை வைத்து வியாபாரம் செய்கின்றனர். இந்நிலையில், காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு. அசனா, மாவட்ட சார்பு ஆட்சியர் ஏ. விக்ராந்த் ராஜா, நகராட்சி ஆணையர் டி. சுதாகர் உள்ளிட்ட அலுவலர் குழுவினர் திங்கள்கிழமை சந்தைத் திடலைப் பார்வையிட்டு சீரமைப்பு குறித்து ஆலோசனை செய்தனர். 
இதுகுறித்து சட்டப் பேரவை உறுப்பினர் கே.ஏ.யு. அசனா செவ்வாய்க்கிழமை கூறியது: சந்தைத்திடலில் தற்போதுள்ள 3 ஷெட்களுடன் மேலும் 3 ஷெட் அமைக்கவும், சாலை வசதி அமைக்க முடிவு செய்யப்பட்டுள்ளன. ஏற்கெனவே இதுகுறித்து ஆலோசித்த வகையில் ரூ. 60 லட்சம் மதிப்பீடு தயாரிக்கப்பட்டது. இப்பணிகள் புதுச்சேரி மக்களவைத் தொகுதி மேம்பாட்டு நிதியில் மேற்கொள்ள மக்களவை உறுப்பினர் அனுமதி அளித்துள்ளார். மழை ஓய்ந்த பிறகு பணிகளை நகராட்சி நிர்வாகம் தொடங்கும். தற்போது மிகவும் தாழ்வானப் பகுதியில் மணல் கொட்டி நிரப்புதல் உள்ளிட்ட சீரமைப்புப் பணிகள் செய்ய நடவடிக்கை மேற்கொள்ளப்பட்டுள்ளன என்றார்.

]]>
http://www.dinamani.com/all-editions/edition-nagapattinam/karaikal/2017/dec/06/60-லட்சத்தில்-வாரச்சந்தை-மேம்படுத்த-நடவடிக்கை-எம்எல்ஏ-தகவல்-2820985.html
2820984 நாகப்பட்டினம் காரைக்கால் மகளிர் தொழில்நுட்பக் கல்லூரியில் கலந்தாய்வு DIN DIN Wednesday, December 6, 2017 01:26 AM +0530 காரைக்கால் மகளிர் தொழில்நுட்பக் கல்லூரியில் பெண்கள் உரிமை, அதிகாரம் தொடர்பான கலந்தாய்வு திங்கள்கிழமை நடைபெற்றது.
காரைக்கால்மேடு பகுதியில் இயங்கிவரும் அரசு கல்வி நிறுவனமான காரைக்கால் மகளிர் தொழில்நுட்பக் கல்லூரியில் நாட்டு நலப்பணித் திட்டம் சார்பில் ஒரு வார கால சிறப்பு முகாம் நடைபெற்று வருகிறது. பல்வேறு விழிப்புணர்வு செயல்பாடுகள், கிராமத்தினருக்கு மருத்துவ பரிசோதனை முகாம்கள் உள்ளிட்டவை இந்த சிறப்பு முகாமில் நடத்தப்படுகின்றன.
நிகழ்ச்சியில் ஒன்றாக கல்லூரி வளாகத்தில் மாணவியருக்கு, மகளிருக்கான அதிகாரம், உரிமை தொடர்பாக கலந்தாய்வு திங்கள்கிழமை நடத்தப்பட்டது. நாகப்பட்டினத்தைச் சேர்ந்த  பயிற்சியாளர் முனைவர் விநோதினி கலந்துகொண்டு, மாணவியரிடையே பேசினார்.
பெண்களுக்கான உரிமைகள், அதிகாரம் குறித்து மாணவியர் எழுப்பிய பல்வேறு சந்தேகங்களுக்கு அவர் விளக்கமளித்தார்.
முன்னதாக நிகழ்ச்சியை கல்லூரி முதல்வர் ஆர். பாபு அசோக் தொடங்கிவைத்தார். கல்லூரி நாட்டு நலப்பணித் திட்ட அலுவலர் ஆர். சகாய லூர்து டெல்காஸ் ஏற்பாடுகளை செய்திருந்தார். கல்லூரி விரிவுரையாளர்கள், அலுவலர்களும் கலந்தாய்வில் கலந்துகொண்டனர்.

]]>
http://www.dinamani.com/all-editions/edition-nagapattinam/karaikal/2017/dec/06/மகளிர்-தொழில்நுட்பக்-கல்லூரியில்-கலந்தாய்வு-2820984.html
2820982 நாகப்பட்டினம் காரைக்கால் சேதமடைந்த சாலைகளை ஒரு வாரத்தில் சீரமைக்க ஆட்சியர் உத்தரவு DIN DIN Wednesday, December 6, 2017 01:26 AM +0530 காரைக்கால் பகுதியில் சேதமடைந்த சாலைகளை ஒரு வாரத்தில் சீரமைக்க வேண்டும் என மாவட்ட ஆட்சியர் ஆர். கேசவன் செவ்வாய்க்கிழமை உத்தரவிட்டார். 
காரைக்கால் பகுதியில் வடகிழக்குப் பருவமழை தொடங்குவதற்கு முன்பு முக்கிய சாலைகள் சேதமடைந்திருந்த நிலையில், தொடர் மழையில் மேலும் சேதமடைந்தது. திருநள்ளாற்றில் சனிப்பெயர்ச்சி விழாவையொட்டி சேதமடைந்த சாலைகள் தாற்காலிக செப்பனிடும் பணியை பொதுப்பணித்துறை மேற்கொண்டுள்ளது. 
திருமலைராயன்பட்டினம் கிழக்குப்புறவழிச் சாலையில் சேதமடைந்த சாலைகளை சீரமைக்கும் பணிகள் நடைபெற்று வருவதை மாவட்ட ஆட்சியர் ஆர். கேசவன் செவ்வாய்க்கிழமை ஆய்வு செய்தார். 
அப்போது, பொதுப்பணித்துறை செயற்பொறியாளர் ஏ. ராஜசேகரன் ஆட்சியரிடம், காரைக்கால் திருப்பட்டினம் பகுதி தேசிய நெடுஞ்சாலை புதுப்பிக்கும் பணிக்கு மின் கம்பங்கள் இடமாற்றம் செய்ய வேண்டும். இப்பணி டிச.9-ஆம் தேதி முதல்  நடைபெறும். இப்பணி முடிந்தவுடன் சாலை புதுப்பிக்கும் பணி தொடங்கும். இதேபோல், திருநள்ளாறு முதல் அம்பகரத்தூர் வரை சாலை அகலப்படுத்தி புதுப்பிக்கும் பணிக்கும் நிதி ஒதுக்கீடு பெறப்பட்டுள்ளதால் பணிகள் விரைந்து தொடங்கப்படும். 
இதற்கிடையே மிகவும் மோசமான இடங்களை  தாற்காலிகமாக சீரமைக்க நடவடிக்கை மேற்கொள்ளப்பட்டுள்ளன. கிழக்குப் புறவழிச்சாலை, சுரக்குடி முதல் தென்னங்குடி வரையிலான சாலை, காரைக்கால் முதல் நெடுங்காடு சாலை உள்ளிட்ட இடங்களில் பணிகள் நடைபெற்று வருகிறது என்று விளக்கம் அளித்தார். 
இதற்கிடையில், ஆட்சியர் ஆர். கேசவன் காரைக்கால் பகுதியில் மழையில் சேதமடைந்த சாலைகளை ஒரு வாரத்துக்குள் சீரமைக்க வேண்டும் என உத்தரவிட்டார். 

]]>
http://www.dinamani.com/all-editions/edition-nagapattinam/karaikal/2017/dec/06/சேதமடைந்த-சாலைகளை-ஒரு-வாரத்தில்-சீரமைக்க-ஆட்சியர்-உத்தரவு-2820982.html
2820981 நாகப்பட்டினம் காரைக்கால் ஒரு லட்சம் பிரசாதப் பை தயாரிக்க பணி ஆணை: அமைச்சர் வழங்கினார்  DIN DIN Wednesday, December 6, 2017 01:25 AM +0530 திருநள்ளாறு சனிப்பெயர்ச்சி விழாவையொட்டி ஒரு லட்சம் பிரசாதப் பை தயாரிக்க பணி ஆணையை அமைச்சர் செவ்வாய்க்கிழமை வழங்கினார்.
திருநள்ளாறு ஸ்ரீதர்பாரண்யேசுவரர் கோயிலில் டிச.19 -ஆம் தேதி நடைபெறவுள்ள சனிப்பெயர்ச்சி விழாவில் லட்சக்கணக்கான பக்தர்கள் பங்கேற்று சுவாமி தரிசனம் செய்வார்கள். பக்தர்களுக்கு பிரசாதப் பை வழங்குவதற்காக ஒரு லட்சம் பை தயாரிக்க கோயில் நிர்வாகம் முடிவு செய்துள்ளது. பைகளை மகளிர் சுய உதவிக் குழுவினர் தயாரித்து அளிக்க ஒப்பந்தம் செய்து கொண்டதன் மூலம், மகளிர் குழுவினருக்கு பணி ஆணையை வேளாண்துறை அமைச்சர் ஆர். கமலக்கண்ணன் செவ்வாய்க்கிழமை வழங்கினார்.
அப்போது அமைச்சர்  கூறியது: பெண்களின் வாழ்வாதாரத்தை பெருக்கும் நோக்கத்தில் இதுபோன்ற பணிகள் மகளிர் குழுவினருக்கு வழங்கப்படுகின்றன. இதேபோல், பல்வேறு திட்டப் பணிகளை மகளிர் குழுவினர் செய்ய முன்வரும் போது சிறந்த வருவாயை ஈட்ட முடியும் என்றார். நிகழ்ச்சியில், மாவட்ட ஆட்சியர் ஆர். கேசவன்,  கூடுதல் ஆட்சியர் எம். தினேஷ் ஆகியோர் பங்கேற்றனர். 
இதுகுறித்து சார்பு ஆட்சியரும், கோயில் நிர்வாக அலுவலருமான ஏ. விக்ராந்த் ராஜா கூறியது: சனிப்பெயர்ச்சி விழாவில் பக்தர்களுக்கு பிரசாதப் பை வழங்க ஒரு லட்சம் பைகளை டிச.15-ஆம் தேதிக்குள் தயாரித்து வழங்க அம்பகரத்தூர், திருப்பட்டினம், கோட்டுச்சேரி பகுதியைச் சேர்ந்த 3 சுய உதவிக் குழுவினருக்கு பணி ஆணை வழங்கப்பட்டுள்ளது என்றார்.

]]>
http://www.dinamani.com/all-editions/edition-nagapattinam/karaikal/2017/dec/06/ஒரு-லட்சம்-பிரசாதப்-பை-தயாரிக்க-பணி-ஆணை-அமைச்சர்-வழங்கினார்-2820981.html
2820979 நாகப்பட்டினம் காரைக்கால் நவோதய வித்யாலயாவின் முன்னாள் மாணவர்கள் சந்திப்பு DIN DIN Wednesday, December 6, 2017 01:25 AM +0530 காரைக்கால் நவோதய வித்யாலயாவில் முன்னாள் மாணவர்கள் சந்திப்பு நிகழ்ச்சி திங்கள்கிழமை நடைபெற்றது.
காரைக்கால் மாவட்டம், ராயன்பாளையத்தில் இயங்கிவரும் உறைவிடப் பள்ளியான நவோதய வித்யாலயாவில் முன்னாள் மாணவர்கள் சந்திப்பு சிறப்பு நிகழ்ச்சி நடைபெற்றது. பள்ளி முதல்வர்  பி.ஹெலன் மேரி தலைமை வகித்தார். சட்டப்பேரவை உறுப்பினர் சந்திரபிரியங்கா குத்துவிளக்கேற்றி நிகழ்ச்சியைத் தொடங்கிவைத்தார்.
நிகழ்ச்சியில் 21 ஆண்டுகளுக்குள்பட்ட முன்னாள் மாணவர்கள் சுமார் 250 பேர் கலந்துகொண்டனர். பள்ளி மாணவர்களும் நிகழ்ச்சியில் கலந்துகொண்டனர். இவர்களிடையே பேரவை உறுப்பினர் பேசும்போது,  ஒவ்வொரு மாணவருக்கும் ஒரு இலக்கு  இருக்க வேண்டும். மாணவர்கள் தலைமைத்துவப் பண்பை வளர்த்துக்கொள்ள வேண்டும். நமது எதிர்காலத்தை சிறப்பாக முயற்சிக்கும் அதே தருணத்தில், நாட்டின் பன்முக வளர்ச்சிக்கும் நமது பங்கு இருக்கும் வகையில் செயல்பாடுகளை அமைத்துக்கொள்ள வேண்டும் என்றார்.
முன்னாள் மாணவர்கள் பலரும் இந்தியாவில் பல நிலைகளில் பணியாற்றுகின்றனர். மேலும், கனடா உள்ளிட்ட வெளிநாடுகளில் பணியாற்றிவரும் முன்னாள் மாணவர்களும் கலந்துகொண்டனர். இவர்கள் அனைவரும் நவோதய வித்யாலயாவில் தங்களது கல்விக்காலத்தின் அனுபவம் மற்றும் ஆசிரியர்களின் ஊக்தத்தால் வளர்ந்திருக்கும் பெருமைகளை விளக்கிப் பேசினர்.
பள்ளியின் முன்னாள் மாணவரான பிரகாஷ் உத்திராபதி தற்போது கனடா நாட்டில் பணியாற்றி வருகிறார். இவர் பேசும்போது, மாணவர்கள் அனைவரும் கல்வியில் சிறந்த ஆற்றலை வளர்த்துக்கொள்ள வேண்டும். படிப்பில் அயராத உழைப்பு இருக்க வேண்டும். பல்வேறு மொழி ஆளுமைகள் மாணவர்களுக்கு அவசியம். நவீன வளர்ச்சிகளை உடனுக்குடன் தெரிந்துகொள்ளும் ஆர்வத்தை வளர்த்துக்கொள்ள வேண்டும் என்றார். இந்த நிகழ்ச்சியை பள்ளியின் 15-ஆவது  பிரிவு மாணவர்கள் பொறுப்பேற்று நடத்தினர்.  முன்னாள் மாணவர்கள் உள்ளிட்டோருக்கு நினைவுப் பரிசுகள் வழங்கப்பட்டன. பள்ளி துணை முதல்வர் ஆர். கமலம் வரவேற்றார். முன்னாள் மாணவி காயத்திரி நன்றி கூறினார். 15-ஆவது பிரிவு மாணவர்களான பாலசுப்ரமணியன் தலைமையில், அல்பாசித், சரவணன், லட்சுமி, இன்பராஜ் உள்ளிட்டோர் ஏற்பாடுகளை செய்திருந்தனர்.
நிகழ்ச்சியின்போது, பள்ளி அளவில் கல்வியில் முதன்மையான மாணவர்கள், வகுப்பு வாரியாக முதன்மையான மாணவர்களுக்கு பரிசுகள் வழங்கப்பட்டன. மாணவர்களிடையே கலந்துரையாடலும் நடைபெற்றது.

]]>
http://www.dinamani.com/all-editions/edition-nagapattinam/karaikal/2017/dec/06/நவோதய-வித்யாலயாவின்-முன்னாள்-மாணவர்கள்-சந்திப்பு-2820979.html
2820484 நாகப்பட்டினம் காரைக்கால் கரை திரும்பாத காரைக்கால் மீனவர்களை மீட்கக் கோரி அமைச்சரிடம் முறையீடு DIN DIN Tuesday, December 5, 2017 03:43 AM +0530 கன்னியாகுமரி, கேரளத்தில் தங்கி மீன்பிடித்த காரைக்கால் மீனவர்கள் 18 பேர், ஒக்கி புயலுக்குப் பிறகு கரை திரும்பாததால் அவர்களை மீட்க நடவடிக்கை மேற்கொள்ள வேண்டும் என புதுச்சேரி வேளாண்துறை அமைச்சர் ஆர். கமலக்கண்ணனை மீனவக் கிராமப் பஞ்சாயத்தார்கள் வலியுறுத்தினர்.
காரைக்கால் மாவட்ட ஆட்சியர் அலுவலகத்தில் வேளாண்துறை அமைச்சர் ஆர். கமலக்கண்ணனை, மாவட்ட காங்கிரஸ் தலைவர் ஏ. பாஸ்கரன் தலைமையில் காரைக்கால்மேடு மீனவக் கிராமப் பஞ்சாயத்தார்கள் திங்கள்கிழமை சந்தித்துப் பேசி கோரிக்கை மனு அளித்தனர். அதன் விவரம்:
காரைக்கால்மேடு கிராமத்தைச் சேர்ந்த கிருஷ்ணன், சங்கர், மருதுபாண்டி, பரத், சுகன், ராஜேந்திரன், பாலமுருகன், ராஜரத்தினம், சுகுந்தன், ஆர். ஆனந்தவேல், அஜித், வடிவேல், திருமுருகன், குப்புசாமி, முத்துவேல், பாலமுருகன், ஏ. ஆனந்தவேல் ஆகிய 17 பேர் கன்னியாகுமரி மற்றும் கேரளத்தில் பருவமழைக் காலத்தில் மீன்பிடிக்கச் சென்றனர்.
அண்மையில் வீசிய ஒக்கி புயலுக்கு முன்பு கடலுக்குச் சென்ற இவர்கள் இதுவரை கரை திரும்பவில்லை. இவர்கள் திசை மாறி சென்றிருக்க வாய்ப்பிருக்கிறது. கடலுக்குச் சென்ற மீனவர்களின் உறவினர்கள் மிகுந்த கவலையில் உள்ளனர். கடலில் திசை மாறிச் சென்ற மீனவர்களை மீட்க புதுச்சேரி அரசு உரிய நடவடிக்கை மேற்கொள்ளவேண்டும் என மனுவில் கூறப்பட்டுள்ளது.
மனுவைப் பெற்றுக்கொண்ட அமைச்சர் ஆர். கமலக்கண்ணன், இதுகுறித்து சம்பந்தப்பட்ட மாவட்ட ஆட்சியர்களுக்கு தெரிவிக்குமாறும், தொடர்ந்து இவர்களது நிலையை அறிய கவனம் செலுத்துமாறும் மாவட்ட ஆட்சியர் ஆர். கேசவனை கேட்டுக்கொண்டு, புதுச்சேரி முதல்வரிடமும் விளக்கிக் கூறுவதாக மீனவர்களிடம் அமைச்சர் கூறினார்.
அமைச்சருடனான சந்திப்பு குறித்து மீனவர்கள் கூறியது: வடகிழக்குப் பருவமழையின்போது கடல் சீற்றமாக இருக்கும். இதனால் இப்பகுதியில் மீன்பிடித் தொழில் பாதிக்கும்.
எனவே, இதுபோன்ற காலங்களில் கேரளம், கன்னியாகுமரி ஆகிய பகுதிகளுக்குச் சென்று தங்கி மீன்பிடிப்பது வழக்கம். அதன்படியே காரைக்கால் மீனவர்கள் சென்றனர். இவர்கள் புயலினால் திசை மாறி சென்றிருக்கலாம். கரை திரும்பாத மீனவர்களை மீட்கத் தேவையான நடவடிக்கை மேற்கொள்ள வலியுறுத்தியுள்ளோம் என்றனர்.
காரைக்கால் மாவட்டம், கிளிஞ்சல்மேடு கிராமத்தைச் சேர்ந்த சந்திரன் என்பவர் கேரள மாநிலம், கொல்லம் பகுதிக்குச் சென்று மீன்பிடித்ததாகவும், இவரது நிலையும் தெரியவில்லை என அவரது மனைவி ரங்கம்மாள் ஆட்சியரிடம் தெரிவித்தார்.

]]>
http://www.dinamani.com/all-editions/edition-nagapattinam/karaikal/2017/dec/05/கரை-திரும்பாத-காரைக்கால்-மீனவர்களை-மீட்கக்-கோரி-அமைச்சரிடம்-முறையீடு-2820484.html
2820282 நாகப்பட்டினம் காரைக்கால் கரை திரும்பாத காரைக்கால் மீனவர்களை மீட்கக் கோரி அமைச்சரிடம் முறையீடு DIN DIN Tuesday, December 5, 2017 12:37 AM +0530 கன்னியாகுமரி, கேரளத்தில் தங்கி மீன்பிடித்த காரைக்கால் மீனவர்கள் 18 பேர், ஒக்கி புயலுக்குப் பிறகு கரை திரும்பாததால் அவர்களை மீட்க நடவடிக்கை மேற்கொள்ள வேண்டும் என புதுச்சேரி வேளாண்துறை அமைச்சர் ஆர். கமலக்கண்ணனை மீனவக் கிராமப் பஞ்சாயத்தார்கள் வலியுறுத்தினர்.
காரைக்கால் மாவட்ட ஆட்சியர் அலுவலகத்தில் வேளாண்துறை அமைச்சர் ஆர். கமலக்கண்ணனை, மாவட்ட காங்கிரஸ் தலைவர் ஏ. பாஸ்கரன் தலைமையில் காரைக்கால்மேடு மீனவக் கிராமப் பஞ்சாயத்தார்கள் திங்கள்கிழமை சந்தித்துப் பேசி கோரிக்கை மனு அளித்தனர். அதன் விவரம்:
காரைக்கால்மேடு கிராமத்தைச் சேர்ந்த கிருஷ்ணன், சங்கர், மருதுபாண்டி, பரத், சுகன், ராஜேந்திரன், பாலமுருகன், ராஜரத்தினம், சுகுந்தன், ஆர். ஆனந்தவேல், அஜித், வடிவேல், திருமுருகன், குப்புசாமி, முத்துவேல், பாலமுருகன், ஏ. ஆனந்தவேல் ஆகிய 17 பேர் கன்னியாகுமரி மற்றும் கேரளத்தில் பருவமழைக் காலத்தில் மீன்பிடிக்கச் சென்றனர்.
அண்மையில் வீசிய ஒக்கி புயலுக்கு முன்பு கடலுக்குச் சென்ற இவர்கள் இதுவரை கரை திரும்பவில்லை. இவர்கள் திசை மாறி சென்றிருக்க வாய்ப்பிருக்கிறது. கடலுக்குச் சென்ற மீனவர்களின் உறவினர்கள் மிகுந்த கவலையில் உள்ளனர். கடலில் திசை மாறிச் சென்ற மீனவர்களை மீட்க புதுச்சேரி அரசு உரிய நடவடிக்கை மேற்கொள்ளவேண்டும் என மனுவில் கூறப்பட்டுள்ளது.
மனுவைப் பெற்றுக்கொண்ட அமைச்சர் ஆர். கமலக்கண்ணன், இதுகுறித்து சம்பந்தப்பட்ட மாவட்ட ஆட்சியர்களுக்கு தெரிவிக்குமாறும், தொடர்ந்து இவர்களது நிலையை அறிய கவனம் செலுத்துமாறும் மாவட்ட ஆட்சியர் ஆர். கேசவனை கேட்டுக்கொண்டு, புதுச்சேரி முதல்வரிடமும் விளக்கிக் கூறுவதாக மீனவர்களிடம் அமைச்சர் கூறினார்.
அமைச்சருடனான சந்திப்பு குறித்து மீனவர்கள் கூறியது: வடகிழக்குப் பருவமழையின்போது கடல் சீற்றமாக இருக்கும். இதனால் இப்பகுதியில் மீன்பிடித் தொழில் பாதிக்கும். எனவே, இதுபோன்ற காலங்களில் கேரளம், கன்னியாகுமரி ஆகிய பகுதிகளுக்குச் சென்று தங்கி மீன்பிடிப்பது வழக்கம். அதன்படியே காரைக்கால் மீனவர்கள் சென்றனர். இவர்கள் புயலினால் திசை மாறி சென்றிருக்கலாம். கரை திரும்பாத மீனவர்களை மீட்கத் தேவையான நடவடிக்கை மேற்கொள்ள வலியுறுத்தியுள்ளோம் என்றனர்.
காரைக்கால் மாவட்டம், கிளிஞ்சல்மேடு கிராமத்தைச் சேர்ந்த சந்திரன் என்பவர் கேரள மாநிலம், கொல்லம் பகுதிக்குச் சென்று மீன்பிடித்ததாகவும், இவரது நிலையும் தெரியவில்லை என அவரது மனைவி ரங்கம்மாள் ஆட்சியரிடம் தெரிவித்தார்.

]]>
http://www.dinamani.com/all-editions/edition-nagapattinam/karaikal/2017/dec/05/கரை-திரும்பாத-காரைக்கால்-மீனவர்களை-மீட்கக்-கோரி-அமைச்சரிடம்-முறையீடு-2820282.html
2820281 நாகப்பட்டினம் காரைக்கால் முதியோர் உதவித்தொகை கிடைப்பதில்லை: குறைதீர் கூட்டத்தில் புகார் DIN DIN Tuesday, December 5, 2017 12:37 AM +0530 காரைக்கால் பகுதியில் முதியோர் உதவித்தொகை வழங்கப்படுதில்லை என மக்கள் குறைதீர் கூட்டத்தில் ஆட்சியரிம் புகார் மனு அளிக்கப்பட்டது.
காரைக்கால் ஆட்சியர் அலுவலகத்தில், ஆட்சியர் ஆர். கேசவன் தலைமையில் நடைபெற்ற மக்கள் குறைதீர் கூட்டத்தில்,
காரைக்கால் கடற்கரைக்கு பொதுமக்கள் மற்றும் சுற்றுலா பயணிகள் அதிகம் வருவதால் பாதுகாப்பு நலன் கருதி கூடுதல் காவலர்களை பணியமர்த்த வேண்டும், திருமலைராயன்பட்டினம் ஆண்கள் தொழிற்பயிற்சி நிலைய வளாகத்தில் உள்ள பழைமையான மேல்நிலை குடிநீர்த் தேக்கத் தொட்டியை பாதுகாப்பு கருதி இடிக்க நடவடிக்கை எடுக்க வேண்டும்,
நிரவி பகுதியிலுள்ள தகன மையம் பள்ளமாக உள்ளதால் மழைக் காலத்தில் தண்ணீர் தேங்குகிறது. மேலும் கேட் வசதியும் இல்லை. இவற்றை மாவட்ட நிர்வாகம் சீர்செய்ய வேண்டும் என புகார் தெரிவித்தனர். மேலும் பலர் முதியோர் உதவித்தொகை தங்களுக்கு கிடைக்கவில்லை, கடந்த 2 ஆண்டுகளுக்கு முந்தைய ஆட்சியில் அறிவிக்கப்பட்ட மழை நிவாரணம் ரூ. 4,000 இதுவரை கிடைக்கவில்லை, வரிச்சிக்குடி பெரியநாயகி அம்பாள் தெருவில் மழைநீர் தேங்கியிருப்பதை வடியச் செய்ய நடவடிக்கை எடுக்க வேண்டும் என புகார் தெரிவிக்கப்பட்டது. காரைக்கால் மாவட்ட திருநங்கைகள் கூட்டமைப்பினர் தங்களுக்கு இலவச மனைப்பட்டா வழங்க வேண்டும், வேலைவாய்ப்புக்கான பயிற்சி மற்றும் தொழில் தொடங்க நிதியுதவி வழங்க வேண்டும், வீடு வாடகைக்கு மக்கள் தர மறுப்பதால், குடிசை மாற்று வாரியத்தில் வீடுகள் ஒதுக்கித் தரவேண்டும் என வலியுறுத்தினர். மக்களிடம் குறைகளைக் கேட்டறிந்த ஆட்சியர், கோரிக்கை மற்றும் புகார் மனு மீது சம்பந்தப்பட்ட துறை அலுவலர்கள் ஒரு மாதத்துக்குள் நடவடிக்கை மேற்கொள்ள அறிவுறுத்தினார்.
கூட்டத்தில், கூடுதல் ஆட்சியர் எம். தினேஷ், சார்பு ஆட்சியர் ஏ. விக்ராந்த் ராஜா, நகராட்சி ஆணையர் டி. சுதாகர், உள்ளாட்சித் துறை துணை இயக்குநர் மகாலிங்கம், மண்டல காவல் கண்காணிப்பாளர் மாரிமுத்து, கூடுதல் வேளாண் இயக்குநர் மதியழகன், வட்டாட்சியர் பொய்யாதமூர்த்தி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-nagapattinam/karaikal/2017/dec/05/முதியோர்-உதவித்தொகை-கிடைப்பதில்லை-குறைதீர்-கூட்டத்தில்-புகார்-2820281.html
2820280 நாகப்பட்டினம் காரைக்கால் வடிகால்கள் தூர்வாரும் பணி: எம்.எல்.ஏ. ஆய்வு DIN DIN Tuesday, December 5, 2017 12:37 AM +0530 கடந்த 2 வாரங்களாக பஞ்சாயத்து ஊழியர்களின் போராட்டத்தால் முடங்கிக்கிடந்த குப்பை அகற்றம், வடிகால்கள் அடைப்பு சீரமைப்புப் பணிகள் திங்கள்கிழமை மேற்கொள்ளப்பட்டன. பணிகளை சட்டப்பேரவை உறுப்பினர் கீதாஆனந்தன் ஆய்வு செய்தார்.
உள்ளாட்சி ஊழியர்கள் கடந்த நவ.22 முதல் வேலை நிறுத்தப் போராட்டத்தில் ஈடுபட்டதால், காரைக்கால் நகராட்சி தவிர பிற கொம்யூன் பஞ்சாயத்துகளில் குப்பைகள் அகற்றப் பணி முடங்கியது. பருவமழையினால் வடிகால்கள் அனைத்திலும் பிளாஸ்டிக் உள்ளிட்ட குப்பைகள் சேர்ந்து அடைபட்டதால், ஆங்காங்கே தண்ணீர் தேங்கத் தொடங்கியது.
சட்டப்பேரவை உறுப்பினர் சொந்த ஏற்பாட்டில் சில இடங்களில் சீரமைப்புப் பணிகளை மேற்கொண்டார். இந்த நிலையில் ஊழியர்கள் போராட்டத்தை தள்ளிவைத்து திங்கள்கிழமை பணிக்குத் திரும்பியதால், திருமலைராயன்பட்டினத்தில் போர்க்கால அடிப்படையில் கொம்யூன் பஞ்சாயத்து நிர்வாகம் வடிகால்கள் அடைப்பை சீர்செய்யவும், குப்பைகளை அகற்றவும் அலுவலர்களுக்கு அறிவுறுத்தினார்.
திருமலைராயன்பட்டினம் மற்றும் நிரவி கொம்யூன் பஞ்சாயத்துக்குள்பட்ட பகுதியில் ஜேசிபி இயந்திரம் மூலம் வடிகால்கள் தூர்வாரும் பணி மேற்கொள்ளப்படுகிறது.
இந்தப் பணிகளை சட்டப்பேரவை உறுப்பினர் கீதாஆனந்தன் நேரில் ஆய்வு செய்தார். பொதுமக்கள் பலர் அவரை சந்தித்து பிரச்னைகளை விளக்கிக் கூறினர். பணிகளில் தொய்வின்றி அனைத்துப் பகுதியிலும் பஞ்சாயத்து நிர்வாகத்தினர் பணி மேற்கொள்ளவேண்டும் என அலுவலர்களை பேரவை உறுப்பினர் கேட்டுக்கொண்டார்.

 

]]>
http://www.dinamani.com/all-editions/edition-nagapattinam/karaikal/2017/dec/05/வடிகால்கள்-தூர்வாரும்-பணி-எம்எல்ஏ-ஆய்வு-2820280.html
2820279 நாகப்பட்டினம் காரைக்கால் காரைக்காலில் நகராட்சி, பஞ்சாயத்து ஊழியர்கள் பணிக்குத் திரும்பினர் DIN DIN Tuesday, December 5, 2017 12:36 AM +0530 காரைக்கால் நகராட்சி, கொம்யூன் பஞ்சாயத்து ஊழியர்கள் வேலை நிறுத்தத்தை தாற்காலிகமாக தள்ளிவைத்து திங்கள்கிழமை முதல் பணிக்குத் திரும்பினர்.
புதுச்சேரி மாநிலத்தில் நகராட்சி மற்றும் கொம்யூன் பஞ்சாயத்து ஊழியர்கள், தங்களுக்கு 7-ஆவது ஊதியக் குழு பரிந்துரைகளை நிறைவேற்ற வலியுறுத்தி கடந்த மாதம் 22-ஆம் தேதி முதல் உள்ளிருப்பு வேலை நிறுத்தம், விடுப்பு எடுத்து போராட்டம் உள்ளிட்டவைகளில் ஈடுபட்டுவந்தனர். கடந்த சனிக்கிழமை புதுச்சேரி முதல்வர் வி.நாராயணசாமி முன்னிலையில் தொழிற்சங்கப் பிரதிநிதிகள் பேச்சு நடத்திய வகையில், டிச.17 -ஆம் தேதிக்குள் இதுகுறித்து அரசாணை வெளியிடுவதாக முதல்வர் தெரிவித்ததையொட்டி போராட்டத்தை தாற்காலிகமாக தள்ளிவைத்து டிச.4 முதல் பணிக்குத் திரும்புவதாக ஊழியர் சங்கத்தினர் அறிவித்தனர். இதைத் தொடர்ந்து காரைக்கால் மாவட்டத்தில் ஒரு நகராட்சி, 5 கொம்யூன் பஞ்சாயத்துகளில் ஊழியர்கள் சுமார் 350 பேர் திங்கள்கிழமை பணிக்குச் சென்றனர்.

 

]]>
http://www.dinamani.com/all-editions/edition-nagapattinam/karaikal/2017/dec/05/காரைக்காலில்-நகராட்சி-பஞ்சாயத்து-ஊழியர்கள்-பணிக்குத்-திரும்பினர்-2820279.html
2820278 நாகப்பட்டினம் காரைக்கால் கிராமத்தில் மத வழிபாட்டுத் தலம் அமைப்பதை தடுத்து நிறுத்த வலியுறுத்தல் DIN DIN Tuesday, December 5, 2017 12:36 AM +0530 காரைக்கால் பகுதி தலத்தெரு பேட் கிராமம் அருகே கிறிஸ்தவ மத வழிபாட்டுத் தலம் அமைப்பதை தடுத்து நிறுத்தவேண்டும் என வலியுறுத்தப்பட்டுள்ளது.
காரைக்கால் மாவட்ட இந்து முன்னணி தலைவர் கே.எஸ்.விஜயன் தலைமையிலான குழுவினர், மாவட்ட ஆட்சியர் ஆர்.கேசவனை திங்கள்கிழமை சந்தித்து அளித்த புகார் மனு விவரம் :
காரைக்கால் தலத்தெரு பேட் அருகே வீட்டு வசதி வாரியக் குடியிருப்பு மற்றும் வர்சிஹா நகருக்கு அருகே கிறிஸ்தவ வழிபாட்டுத் தலம் அமைக்க ஏற்பாடுகள் நடந்தன. மாவட்ட நிர்வாகம், நகரமைப்புக் குழுமம் ஆகியவற்றுக்கு அளித்த புகாரின்பேரில், கடந்த 2016-இல் கட்டுமானப் பணியை நிறுத்த நகரமைப்புக் குழுமம் உத்தரவிட்டது. ஆனால் மீண்டும் கட்டுமானப் பணியை மேற்கொள்ள அனுமதி வழங்க மாவட்ட நிர்வாகம் முடிவு செய்திருப்பதாக தகவல்கள் தெரிவிக்கின்றன. ஒரு சமுதாயத்தினர் மட்டுமே வாழக்கூடிய இடத்தில் மாற்று மத வழிபாட்டுத் தலம் வேண்டுமென்றே அமைப்பதற்கு உள்நோக்கம் பல இருக்க வாய்ப்புகள் உள்ளன. வழிபாட்டுத் தலம் அமைக்கப்பட்டால், எதிர்காலத்தில் அங்கு வசிக்கும் இந்து மக்களுக்கு பல்வேறு பிரச்னைகளை அது உருவாக்கும். இது சம்பந்தமாக அமைக்கப்பட்ட விசாரணை ஆணையங்களின் அறிக்கையும் இதையே வலியுறுத்துகின்றன. எனவே இந்து மக்கள் மட்டுமே வசிக்கக்கூடிய பகுதியில் வேறு மத வழிபாட்டுத் தலம் அமைக்க அனுமதிக்கக்கூடாது என அதில் வலியுறுத்தப்பட்டுள்ளது.

]]>
http://www.dinamani.com/all-editions/edition-nagapattinam/karaikal/2017/dec/05/கிராமத்தில்-மத-வழிபாட்டுத்-தலம்-அமைப்பதை-தடுத்து-நிறுத்த-வலியுறுத்தல்-2820278.html
2820277 நாகப்பட்டினம் காரைக்கால் மீன்பிடிக்க கடலுக்கு புறப்பட்ட மீனவர்கள் DIN DIN Tuesday, December 5, 2017 12:36 AM +0530 கடல் சீற்றம், புயல் போன்ற வானிலை ஆய்வு மைய எச்சரிக்கையால் மீன்பிடிக்கச் செல்லாமல் இருந்த மீனவர்கள் கடலுக்கு திங்கள்கிழமை முதல் செல்லத் தொடங்கினர்.
ஒக்கி புயல் காரணமாக கடந்த சில நாள்களாக காரைக்கால் மாவட்ட மீனவர்கள் வானிலை ஆய்வு மையத்தின் எச்சரிக்கையையொட்டி கடலுக்கு மீன்பிடிக்கச் செல்லாமல் இருந்தனர். மீன்பிடித் துறைமுகத்தில் விசைப்படகுகள் நிறுத்தப்பட்டிருந்தன.
மீன்வளத் துறை சார்பில் மீனவர்களுக்கு டோக்கன் வழங்கல் நிறுத்திவைக்கப்பட்டது. எனினும் கடல் சீற்றம் தணிந்த நிலையில் கடந்த 2 நாள்களாக ஒருசில படகுகள் கடலுக்கு மீன்பிடிக்கச் சென்றன.
பெரும்பாலான படகுகள் திங்கள்கிழமை கடலுக்கு புறப்பட்டுச் சென்றன. இதுகுறித்து மீன்வளத்துறையினர் கூறும்போது, மீனவர்கள் கடலுக்கு செல்லலாம் என இதுவரை எங்களுக்கு எந்த அறிவுறுத்தலும் வரவில்லை. அதனால் டோக்கன் தரவும் இல்லை என்றனர்.
மீனவர்கள் இதுகுறித்து கூறும்போது, ஏற்கெனவே கடலுக்கு செல்லும் வகையில் படகில் டீசல் நிரப்பி தயார் நிலையில் இருந்தபோதுதான், புயல் காரணமாக கடலுக்கு செல்லவேண்டாம் என அறிவுறுத்தல் செய்யப்பட்டது. அப்போது படகுகளை இயக்காமல் நிறுத்தினோம். தற்போது கையிருப்பில் உள்ள எரிபொருளைக் கொண்டு மீன்
பிடிக்கச்செல்கிறோம். கடல் இயல்பு நிலைக்குத் திரும்பிவிட்டதால் தொடர்ந்து முடங்கியிருக்க முடியாது என தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/05/மீன்பிடிக்க-கடலுக்கு-புறப்பட்ட-மீனவர்கள்-2820277.html
2820276 நாகப்பட்டினம் காரைக்கால் சாலைகளைப் புதுப்பிக்க பாஜக வலியுறுத்தல் DIN DIN Tuesday, December 5, 2017 12:35 AM +0530 காரைக்காலில் சாலைகளைப் புதுப்பிக்க அரசு நிர்வாகம் விரைவாக நடவடிக்கை எடுக்கவேண்டும் என பாஜக வலியுறுத்தியுள்ளது.
காரைக்கால் மாவட்ட பாஜக செயற்குழு கூட்டம் மாவட்டத் தலைவர் எம்.மீனாட்சி சுந்தரம் தலைமையில் ஞாயிற்றுக்கிழமை நடைபெற்றது. மாநில துணைத் தலைவரும், காரைக்கால் மாவட்ட பொறுப்பாளருமான வி.செல்வம் கூட்டத்தில் கலந்துகொண்டார்.
கூட்டத்தில் நிறைவேற்றப்பட்ட தீர்மானங்கள் : காரைக்காலில் பாதிக்கப்பட்ட அனைத்து சாலைகளையும் அரசு நிர்வாகம் உடனடியாக சீர்செய்யவேண்டும். திருமலைராயன்பட்டினம் அரசு ஆண்கள் தொழிற்பயிற்சி நிலையத்தில் உபகரணங்கள், சீருடை உள்ளிட்ட மாணவர்களுக்கான அடிப்படை வசதிகளை விரைவாக செய்துதரவேண்டும். காரைக்கால் ஜிப்மர் மருத்துவக் கல்லூரி கிளைக்கு ஒப்பந்த முறையில் பணியாளர் தேர்வு செய்யாமல், நிரந்தர முறையில் பணியாளர் தேர்வு செய்ய ஜிப்மர் நிர்வாகம் நடவடிக்கை எடுக்கவேண்டும். மேலும் வரும் கல்வியாண்டு முதல் மருத்துவ மாணவர் எண்ணிக்கை 100-ஆக உயர்த்தவேண்டும்.
கிராமத்தினர் நலனைக் கருத்தில்கொண்டு பி.ஆர்.டி.சி. பேருந்துகளைக் கூடுதலாக இயக்க ஏற்பாடு செய்யவேண்டும். விவசாயிகளுக்கு கடந்த ஆண்டுக்கான டிராக்டர், கைவண்டி மற்றும் வேளாண் கருவிகள் வாங்க மானியம் தரப்படாத நிலையில், நிகழாண்டு மேற்கண்ட பொருள்களுக்கு மானியம் பெறுவதற்கு விண்ணப்பம் வழங்குவதை செயற்குழு கண்டிப்பதாக அதில் கூறப்பட்டுள்ளது.
கூட்டத்தில் பாஜக மாவட்ட செயற்குழு உறுப்பினர்கள், பல்வேறு அணி பொறுப்பாளர்கள் பலர் கலந்துகொண்டனர்.

 

]]>
http://www.dinamani.com/all-editions/edition-nagapattinam/karaikal/2017/dec/05/சாலைகளைப்-புதுப்பிக்க-பாஜக-வலியுறுத்தல்-2820276.html
2820275 நாகப்பட்டினம் காரைக்கால் பி.எஸ்.என்.எல். ஊழியர்கள் ஆர்ப்பாட்டம் DIN DIN Tuesday, December 5, 2017 12:35 AM +0530 செல்போன் கோபுர செயல்பாடுகளை தனியாரிடம் ஒப்படைக்கும் மத்திய அரசின் போக்கைக் கண்டித்து பி.எஸ்.என்.எல். அலுவலர்கள், ஊழியர்கள் திங்கள்கிழமை ஆர்ப்பாட்டம் நடத்தினர்.
பி.எஸ்.என்.எல். அலுவலர்கள், ஊழியர்கள் கூட்டுக் குழு சார்பில் காரைக்கால் கடற்கரை சாலையில் உள்ள பி.எஸ்.என்.எல். தலைமை அலுவலக வாயிலில், அலுவலர்கள், ஊழியர்கள் மத்திய அரசின் போக்கைக் கண்டித்து ஆர்ப்பாட்டம் நடத்தினர்.
ஆர்ப்பாட்டத்திற்கு கோட்டப் பொறியாளர் சிவராஜ் தலைமை வகித்தார். என்.எஃப்.டி.இ. அமைப்பின் தலைவர் இருதய சவுரிராஜ் ஆர்ப்பாட்டத்தில் பேசியது: நாடு முழுவதும் 70 ஆயிரம் பி.எஸ்.என்.எல். செல்போன் கோபுரங்கள் உள்ளன. இதனை மத்திய அரசு, தனியாரிடம் ஒப்படைக்க முயற்சி செய்துவருவது கண்டனத்துக்குரியது. பல்வேறு பேரிடர் காலங்களில் பி.எஸ்.என்.எல். செல்போன் சேவை மட்டும் பாதிக்காமல் மக்களுக்கு சேவை செய்துகொண்டிக்கிறது. இதை தடுக்கவேண்டிய பொறுப்பு அனைவருக்கும் உண்டு.
கடந்த 10 ஆண்டுகளாக அலுவலர்கள், ஊழியர்களுக்கு ஊதிய மாற்றம் செய்யப்படாமல் வஞ்சித்துவருகிறது. கடந்த 1.1.2017 அன்று அமைக்கப்பட்ட குழு ஊதிய மாற்றத்தை செய்யாமல் உள்ளது. உடனடியாக பி.எஸ்.என்.எல். நிறுவனப் பணியாளர்களுக்கு ஊதிய மாற்றத்தை உறுதி செய்ய அரசு முன்வரவேண்டும். இதை வலியுறுத்தி டிச.12, 13 -இல் வேலை நிறுத்தம் செய்யப்படவுள்ளதாக கூறினார்.
என்.எஃப்.டி.டி. மாவட்ட செயலர் எம்.விஜய் ஆரோக்கியராஜ், பி.எஸ்.என்.எல்.இ.யு. மாவட்ட செயலர் எம்.குருசாமி, அருட்பெருஞ்ஜோதி, சேவியர், ராமலிங்கம், சேகர் உள்ளிட்டோர் கோரிக்கையை வலியுறுத்திப் பேசினர். பன்னீர்செல்வம் நன்றி கூறினார்.

]]>
http://www.dinamani.com/all-editions/edition-nagapattinam/karaikal/2017/dec/05/பிஎஸ்என்எல்-ஊழியர்கள்-ஆர்ப்பாட்டம்-2820275.html
2820274 நாகப்பட்டினம் காரைக்கால் அரசலாறு முகத்துவாரத்தில் கோபுர மின்விளக்கு அமைக்கும் பணி DIN DIN Tuesday, December 5, 2017 12:35 AM +0530 அரசலாறு முகத்துவாரம் அருகே படகு ஓட்டுநர்களின் வசதிக்காக உயர் கோபுர மின்விளக்கு ரூ. 15 லட்சம் செலவில் அமைக்கும் பணி தொடங்கியுள்ளது.
காரைக்கால் அரசலாறு முகத்துவாரத்தின் இருபுறங்களிலும், படகுகள் மீன்பிடித்துறைமுகத்துக்குச் சென்றுவர வசதியாக பொதுப்பணித்துறையால் கடல் பகுதியில் கருங்கல் கொட்டப்பட்டுள்ளது. கடல் சீற்றம் மற்றும் சூறைக்காற்று உள்ளிட்ட காரணங்களால் கடலுக்குச் செல்லும் படகு மற்றும் துறைமுகத்துக்குத் திரும்பும் விசைப்படகுகள் கருகங்கல் மீது மோதி சேதமடைகின்றன. இருள் சூழ்ந்திருப்பதால் இந்த நிலை ஏற்படுகிறது என மீனவர்கள் ஆட்சியர் ஆர். கேசவனிடம் கோரிக்கை விடுத்து, இப்பகுதியில் மின் வெளிச்சத்துக்கு ஏற்பாடு செய்ய வேண்டும் எனவும் கோரியிருந்தனர். ஆட்சியரின் உத்தரவின்பேரில், மீன்வளத்துறை நிர்வாகம், ரூ.15 லட்சம் செலவில் முகத்துவாரத்தின் ஒரு புறத்தின் கருங்கல் மீது சிறிய அளவிலான கோபுர மின்விளக்கு அமைக்க நடவடிக்கை மேற்கொண்டு பணிகள் தொடங்கியுள்ளது.
இதுகுறித்து மீன்வளத்துறை துணை இயக்குநர் நடேசப்பிள்ளை கூறியது: ஆட்சியரின் உத்தரவின்பேரில் மீனவர்கள் வசதிக்காக மின்வசதி ஏற்படுத்த உயர்கோபுர மின்விளக்கு அமைக்கும் திட்டம் மேற்கொள்ளப்படுகிறது. இப்பணி ஒரு மாதத்தில் முடிந்து பயன்பாட்டுக்கு கொண்டு வரப்படும் என்றார்.
மீனவர்கள் வரவேற்பு: காரைக்கால் மீன்பிடித் துறைமுகத்தில் சுமார் 250 விசைப் படகுகள் நிறுத்தப்படுகிறது. தவிர, அரசலாற்றின் கரையில் தமிழகத்தைச் சேர்ந்த விசைப் படகுகளும் நிறுத்தப்படுகின்றன.
துறைமுகத்தில் போதிய வெளிச்சம் இல்லாததால், கருங்கல் மீது படகு மோதி சேதமடைகின்றன.
சேதமடைந்த படகுகளை மீட்க அதிக செலவாகிறது. எனவே, மீனவர்களின் நலனைக் கருத்தில் கொண்டு அரசலாறு முகத்துவாரத்தில் உயர் கோபுர மின் விளக்கு அமைப்பது மகிழ்ச்சி என்றனர்.

 

]]>
http://www.dinamani.com/all-editions/edition-nagapattinam/karaikal/2017/dec/05/அரசலாறு-முகத்துவாரத்தில்-கோபுர-மின்விளக்கு-அமைக்கும்-பணி-2820274.html
2820273 நாகப்பட்டினம் காரைக்கால் இறுதி வாக்காளர் பட்டியல் ஜன.10-இல் வெளியீடு DIN DIN Tuesday, December 5, 2017 12:35 AM +0530 இறுதி வாக்காளர் பட்டியல் ஜன.10-ஆம் தேதி வெளியிடப்படும் என காரைக்கால் மாவட்ட ஆட்சியரும், மாவட்டத் தேர்தல் அலுவலருமான ஆர். கேசவன் கூறினார்.
இதுகுறித்து அவர் வெளியிட்ட செய்திக் குறிப்பு: இந்திய தேர்தல் ஆணையம் 1.1.2018 -ஆம் தேதியை தகுதி நாளாகக் கொண்டு 2018-ஆம் ஆண்டுக்கான புகைப்பட வாக்காளர் பட்டியலில் பெயர் சேர்த்தல், நீக்குதல், திருத்தம் செய்ய 15.9.2017 முதல் 14.10.2017 வரை அறிவித்திருந்தது. தற்போது வாக்காளர் பட்டியலை செம்மைப்படுத்தவும், கூடுதல் வாக்காளர்களைச் சேர்க்கவும் டிச.15-ஆம் தேதி வரை கால நீட்டிப்பு செய்யப்பட்டுள்ளது. அதனடிப்படையில் 5.1.2018 அன்று வெளியிடயிருந்த இறுதி வாக்காளர் பட்டியல் 2018 ஜன.10-ஆம் தேதி வெளியிடப்படும் என தெரிவிக்கப்படுகிறது.
எனவே, பொதுமக்கள் இவ்வாய்ப்பை பயன்படுத்தி டிச.15-ஆம் தேதிக்குள் இதுவரை வாக்காளர் பட்டியலில் பெயர் சேர்க்காதவர்கள், திருத்தம் செய்ய விரும்புவோர் உரிய படிவத்தில் விண்ணப்பித்து பயன்பெறலாம். மேலும், தேர்தல் துறைக்குத் தேவையான தகவல்களை அளித்து பிழையில்லா வாக்காளர் பட்டியல் தயாரிக்க ஒத்துழைக்குமாறு கேட்டுக்கொள்ளப்படுகிறது.

 

]]>
http://www.dinamani.com/all-editions/edition-nagapattinam/karaikal/2017/dec/05/இறுதி-வாக்காளர்-பட்டியல்-ஜன10-இல்-வெளியீடு-2820273.html
2819811 நாகப்பட்டினம் காரைக்கால் காரைக்கால் மீனவர்களை விடுவிக்க நடவடிக்கை: புதுச்சேரி முதல்வரிடம் வலியுறுத்தல் DIN DIN Monday, December 4, 2017 01:02 AM +0530 இலங்கை கடற்படையினர் சிறைபிடித்த காரைக்கால் பகுதி மீனவர்கள் 10 பேரை விடுவிக்க நடவடிக்கை எடுக்குமாறு முதல்வரை சந்தித்து மீனவப் பஞ்சாயத்தார்கள் வலியுறுத்தினர்.
காரைக்கால் மாவட்டம், காரைக்கால் மேடு பகுதியை சேர்ந்த எஸ்.ராஜ்குமார், டி.தங்கவேல், எம்.தமிழ்ச்செல்வன், ஜி.விஷ்ணுசுந்தரம், எஸ்.ராமச்சந்திரன், எஸ்.விஜயகுமார், எஸ்.தங்கமணி, எஸ்.மதன், பி.ஆறுமுகம், ஏ.விமல்ராஜ் ஆகிய 10 பேர் கடந்த நவ.29-ஆம் தேதி காரைக்கால் மீன்பிடித் துறைமுகத்திலிருந்து கடலுக்கு சென்றனர்.
இவர்களை இலங்கை கடற்படையினர் எல்லை தாண்டியதாகக் கூறி சனிக்கிழமை அதிகாலை கைது செய்து காங்கேசன் துறைமுக கடற்படை முகாமுக்கு கொண்டு சென்றனர்.
இந்த நிலையில், காரைக்கால் மாவட்ட காங்கிரஸ் கட்சித் தலைவர் ஏ.பாஸ்கரன் தலைமையில் கட்சி நிர்வாகி நாகரத்தினம் மற்றும் காரைக்கால் மேடு கிராமப் பஞ்சாயத்தார்கள், புதுச்சேரி முதல்வர் வி.நாராயணசாமியை புதுச்சேரியில் ஞாயிற்றுக்கிழமை சந்தித்து மீனவர்களை விடுவிக்க நடவடிக்கை எடுக்க
வலியுறுத்தினர்.
இதுகுறித்து காரைக்கால் திரும்பிய பாஸ்கரன் கூறியது : காரைக்கால்மேடு மீனவர்களை இலங்கை கடற்படையினர் சிறைபிடித்தது தொடர்பாக முதல்வரிடம் காங்கிரஸ் கட்சியினரும், மீனவ கிராமப் பஞ்சாயத்தார்களும் எடுத்துரைத்து, அவர்களையும், அவர்களது படகையும் விடுவிக்க அரசு சார்பில் தீவிர முயற்சி மேற்கொள்ள வலியுறுத்தினோம். ஒக்கி புயல் காரணமாக மீனவர்கள் இவ்வாறு சிக்கிக்கொண்டதை முதல்வரிடம் பஞ்சாயத்தார்கள் தெரிவித்தனர்.
புதுதில்லிக்கு திங்கள்கிழமை செல்லவுள்ளதாகவும், வெளியுறவுத் துறை அமைச்சரை சந்தித்து இவர்களை விடுவிக்க வலியுறுத்துவேன் என முதல்வர் உறுதியளித்ததாக அவர் கூறினார்.
சிறைபிடிக்கப்பட்ட மீனவர்களின் புகைப்படம், அவர்களது விவரங்கள் அடங்கிய கோப்பை முதல்வரிடம் அளித்துள்ளோம். புதுச்சேரி முதல்வர் நிச்சயம் உரிய நடவடிக்கை எடுப்பார் என நம்புவதாக மீனவர்கள் தெரிவித்தனர்.

 

]]>
http://www.dinamani.com/all-editions/edition-nagapattinam/karaikal/2017/dec/04/காரைக்கால்-மீனவர்களை-விடுவிக்க-நடவடிக்கை-புதுச்சேரி-முதல்வரிடம்-வலியுறுத்தல்-2819811.html
2819810 நாகப்பட்டினம் காரைக்கால் மாணவர்களுக்கு கல்வி உபகரணங்கள் DIN DIN Monday, December 4, 2017 01:02 AM +0530 காஞ்சி கோயில்பத்து பள்ளி மாணவ, மாணவியருக்கு பை உள்ளிட்ட எழுது பொருள்கள் ரோட்டரி சங்கம் சார்பில் ஞாயிற்றுக்கிழமை
வழங்கப்பட்டன.
பள்ளி மாணவிகளால் புதிதாக தொடங்கப்பட்டுள்ள இளம் இந்திய இதயங்கள் இயக்கம், ரோட்டரி கிளப் ஆஃப் காரைக்கால் சென்டேனியல் சங்கம் சார்பில், காரைக்கால் காஞ்சி கோவில்பத்து கிராமத்தில் கிறிஸ்துமஸ் கொண்டாட்டம் நடைபெற்றது. நிகழ்ச்சியில், காஞ்சி கோவில்பத்து கிராமத்தைச் சேர்ந்த பள்ளி மாணவ, மாணவியர்களுக்கு ரூ.12,000 செலவில் புத்தகப் பைகள் மற்றும் எழுது பொருள்கள் வழங்கப்பட்டன. ரோட்டரி சென்டேனியல் சங்கத் தலைவர் செந்தில்வேல் தலைமையில் நடைபெற்ற நிகழ்ச்சியில், ரொட்டேரியன் அனந்து ஜான், ரோட்டரி சங்க நிர்வாகி நாடிமுத்து மற்றும் பிரதீப்சிúஸ, லூர்துராஜ் உள்ளிட்டோர் பங்கேற்றனர். நிகழ்ச்சியில் மாணவர்களுக்கு இனிப்புகள் வழங்கப்பட்டன.

]]>
http://www.dinamani.com/all-editions/edition-nagapattinam/karaikal/2017/dec/04/மாணவர்களுக்கு-கல்வி-உபகரணங்கள்-2819810.html