Dinamani - நாகப்பட்டினம் - http://www.dinamani.com/all-editions/edition-nagapattinam/nagapattinam/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2946230 நாகப்பட்டினம் நாகப்பட்டினம் ஸ்டாலின் கைதை கண்டித்து நாகை, திருக்குவளையில் திமுகவினர் சாலை மறியல்: 75 பேர் கைது DIN DIN Sunday, June 24, 2018 03:46 AM +0530 திமுக செயல் தலைவர் மு.க. ஸ்டாலின் கைது செய்யப்பட்டதைக் கண்டித்து, நாகை மற்றும் திருக்குவளையில் சாலை மறியலில் ஈடுபட்ட திமுகவினர் 75 பேர் சனிக்கிழமை கைது செய்யப்பட்டனர்.
சென்னையில் ஆளுநர் மாளிகையை முற்றுகையிடும் போராட்டத்தில் பங்கேற்ற திமுக செயல் தலைவர் மு.க. ஸ்டாலின் உள்ளிட்ட திமுகவினர் சனிக்கிழமை கைது செய்யப்பட்டனர். ஸ்டாலின் கைது செய்யப்பட்டதைக் கண்டித்து, நாகை மாவட்டம், திருக்குவளை மற்றும் நாகையில் திமுகவினர் சாலை மறியலில் ஈடுபட்டனர்.
திருக்குவளையில்...
திருக்குவளை கடைவீதியில் நடைபெற்ற சாலை மறியலுக்கு திமுக மாவட்டப் பொறுப்பாளர் என். கெளதமன் தலைமை வகித்தார். திமுக இளைஞரணி மாநில துணைச் செயலாளர் சுபா. சந்திரசேகரன், ஒன்றியச் செயலாளர்கள் கோவிந்தராசன், க. ராஜேந்திரன், பழனியப்பன், குமார், தாமஸ் ஆல்வா எடிசன் மற்றும் நிர்வாகிகள் உறுப்பினர்கள் உள்பட மறியலில் பங்கேற்ற 60 பேரை திருக்குவளை போலீஸார் கைது செய்தனர்.
நாகையில்...
நாகை புதிய பேருந்து நிலையம் அருகே நடைபெற்ற சாலை மறியலில் பங்கேற்ற திமுக நகரச் செயலாளர் அ. பன்னீர், நிர்வாகி லோகநாதன் உள்பட 15 பேரை வெளிப்பாளையம் போலீஸார் கைது செய்தனர்.
மயிலாடுதுறையில்...
மயிலாடுதுறை கச்சேரி சாலையில் உள்ள கட்சியின் அலுவலகம் முன்பு சனிக்கிழமை ஒன்றிணைந்த நகர, ஒன்றிய திமுகவினர் பேரணியாகச் சென்று, காமராஜர் பேருந்து நிலையம் அருகில் மு.க. ஸ்டாலின் கைது செய்யப்பட்டதைக் கண்டித்து சாலை மறியலில் ஈடுபட்டனர். மறியலுக்கு, மயிலாடுதுறை நகர திமுக செயலர் குண்டாமணி (எ) செல்வராஜ் தலைமை வகித்தார். அப்போது அங்கு பாதுகாப்புப் பணியிலிருந்த போலீஸார், மறியலில் ஈடுபட்ட 39 பேரை கைது செய்தனர்.
பொறையாறில்...
செம்பனார்கோவில் அருகே பரசலூரில் திமுக வடக்கு ஒன்றிய பொறுப்பாளர் அன்பழகன் மற்றும் மாவட்ட துணைச் செயலர் ஞானவேலன் தலைமையில் நடைபெற்ற சாலை மறியிலில் ஈடுபட்ட 40 பேரை போலீஸார் கைது செய்து பின்னர் விடுவித்தனர்.
இதேபோல், தரங்கம்பாடி அருகே ராஜுவ்புரம் தேசிய நெடுஞ்சாலையில் தெற்கு ஒன்றியச் செயலர் அப்துல் மாலிக் தலைமையில் நடைபெற்ற சாலை மறியலில் ஈடுபட்ட, மாவட்ட விவசாய அணி இணைச் செயலர் அருள்செல்வன், பேரூராட்சி நகரச் செயலர் வெற்றிவேல், சட்டப் பேரவை முன்னாள் உறுப்பினர் சித்திக் உள்ளிட்ட 46 பேரை பொறையார் போலீஸார் கைது செய்து பின்னர் விடுவித்தனர்.
சீர்காழியில்...
சீர்காழி புதிய பேருந்து நிலையம் அருகே நாகை வடக்கு மாவட்ட திமுக பொறுப்பாளர் நிவேதா எம். முருகன் தலைமையில், திமுகவினர் சாலை மறியலில் சனிக்கிழமை ஈடுபட்டனர். இதுதொடர்பாக, திமுகவினர் 50 பேரை போலீஸார் கைதுசெய்தனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/ஸ்டாலின்-கைதை-கண்டித்து-நாகை-திருக்குவளையில்-திமுகவினர்-சாலை-மறியல்-75-பேர்-கைது-2946230.html
2946229 நாகப்பட்டினம் நாகப்பட்டினம் நுகர்வோர் அமைப்பு ஆண்டு விழா DIN DIN Sunday, June 24, 2018 03:46 AM +0530 வேதாரண்யம் வட்ட நுகர்வோர் பாதுகாப்புக் குழுவின் 26-ஆம் ஆண்டு விழா சனிக்கிழமை நடைபெற்றது.
நுகர்வோர் அமைப்பு தலைவர் வி. வீரசுரந்தரம் தலைமையில் நடைபெற்ற விழாவில், சங்க நிர்வாகி என்.எஸ். கோவிந்தராசு, துணைத் தலைவர் என். கந்தசாமி, நல்லாசிரியர் வி. வைரக்கண்ணு ஆகியோர் முன்னிலை வகித்தனர். இதில், செம்போடை நேதாஜி மருத்துவமனை இயக்குநர் மருத்துவர் வி. சுப்பிரமணியனின் சேவையை பாராட்டி கௌரவிக்கப்பட்டார். இதே போல் அமெரிக்கன் தமிழ்ப் பல்கலைக்கழகத்தின் மதிப்புறு முனைவர் பட்டம் பெற்ற அரிமா சங்க நிர்வாகிகள் கண்ணுசாமி, எல்விஸ் லாய்மச்சோடா, மகாதேவன் ஆகியோர் பாராட்டப்பட்டனர். விழாவில், சங்கச் செயலர் எஸ். செல்வராசு, துணைத் தலைவர் ஆர்.வி. சுவாமிநாதன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/நுகர்வோர்-அமைப்பு-ஆண்டு-விழா-2946229.html
2946228 நாகப்பட்டினம் நாகப்பட்டினம் அனுமதியின்றி ஆர்ப்பாட்டத்தில் ஈடுபட்ட 135 பேர் கைது DIN DIN Sunday, June 24, 2018 03:45 AM +0530 காவல் துறை அனுமதியின்றி மயிலாடுதுறையில் ஆர்ப்பாட்டத்தில் ஈடுபட்ட தலித் மற்றும் சிறுபான்மையினர் பாதுகாப்பு கூட்டமைப்பைச் சேர்ந்த 15 பெண்கள் உள்ளிட்ட 135 பேரை போலீஸார் சனிக்கிழமை கைது செய்தனர்.
சிவகங்கை மாவட்டம், கச்சநத்தத்தில் தலித் சமூகத்தைச் சேர்ந்தவர்கள் படுகொலை செய்யப்பட்ட சம்பவத்தைக் கண்டித்து நாகை மாவட்டம், மயிலாடுதுறையில், தலித் மற்றும் சிறுபான்மையினர் பாதுகாப்பு கூட்டமைப்பினர் ஆர்ப்பாட்டத்தில் ஈடுபடபோவதாக அறிவித்திருந்தனர்.இந்த ஆர்ப்பாட்டத்துக்கு நாகை மாவட்டக் காவல் துறை அனுமதியளிக்கவில்லை.
இந்நிலையில், சனிக்கிழமை மயிலாடுதுறை கிட்டப்பா அங்காடி முன்பு கூட்டமைப்பின் ஒருங்கிணைப்பாளர் ராம. இளங்கோவன், விடுதலைச் சிறுத்தைகள் கட்சியின் நாகை மாவட்ட முன்னாள் அமைப்பாளர் மா. ஈழவளவன் ஆகியோர் தலைமையில் ஒன்றிணைந்த கூட்டமைப்பைச் சேர்ந்தவர்கள், கச்சநத்தத்தில் தலித் மக்களை படுகொலை செய்தவர்களை குண்டர் சட்டத்தின்கீழ் கைது செய்யவேண்டும், தாழ்த்தப்பட்ட மற்றும் பழங்குடியினருக்கான வன்கொடுமைத் தடுப்புச் சட்டத்தை முறையாக நடைமுறைப்படுத்தவேண்டும், கச்சநத்தத்தில் படுகொலை செய்யப்பட்டவர்களின் குடும்பத்தினருக்கு தலா ரூ.1 கோடியும், அரசு வேலை வாய்ப்பும், படுகாயமடைந்தவர்களுக்கு தலா ரூ. 50 லட்சம் வழங்கவேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டத்தில் ஈடுபட்டு, சம்பவத்தைக் கண்டித்து கண்டன முழக்கங்களை எழுப்பினர்.
இதையடுத்து, அங்கு பாதுகாப்புப் பணியிலிருந்த மயிலாடுதுறை டிஎஸ்பி. ஜி. வெங்கடேசன் தலைமையிலான போலீஸார் அனுமதியின்றி ஆர்ப்பாட்டத்தில் ஈடுபட்ட 15 பெண்கள் உள்ளிட்ட 135 பேரை கைது செய்து, பின்னர் விடுவித்தனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/அனுமதியின்றி-ஆர்ப்பாட்டத்தில்-ஈடுபட்ட-135-பேர்-கைது-2946228.html
2946227 நாகப்பட்டினம் நாகப்பட்டினம் மலேரியா நோய் எதிர்ப்பு விழிப்புணர்வு நிகழ்ச்சி: எம்எல்ஏ பங்கேற்பு DIN DIN Sunday, June 24, 2018 03:45 AM +0530 சீர்காழி வட்டார சுகாதாரத்துறை சார்பில், திருவெண்காட்டில் மலேரியா நோய் எதிர்ப்பு மாதத்தை முன்னிட்டு விழிப்புணர்வு நிகழ்ச்சி வெள்ளிக்கிழமை நடைபெற்றது.
நிகழ்ச்சிக்கு, வட்டார மருத்துவ அலுவலர் டாக்டர் கனிமொழி தலைமை வகித்தார். கூட்டுறவு வங்கித் தû லவர்கள் ராஜமாணிக்கம், போகர் ரவி ஆகியோர் முன்னிலை வகித்தனர்.
நிகழ்ச்சியில், எம்எல்ஏ பாரதி, சென்னை முதன்மை பூச்சியியல் அலுவலர் டாக்டர் குமார் ஆகியோர் கலந்துகொண்டு, மலேரியா விழப்புணர்வு பேச்சுப் போட்டியில் வெற்றி பெற்ற மாணவர்களுக்குப் பரிசுகளை வழங்கினர்.
இதில் மண்டல பூச்சியியல் அலுவலர் ஆசிப்ஜா, மாவட்ட அலுவலர் சுப்பிரமணியன், தலைமையாசிரியர் உமாமகேஸ்வரி, சீர்காழி அதிமுக நகரச் செயலர் பக்கிரிசாமி, இளைஞரணி செயலர் திருமாறன், ஊராட்சி செயலர் அகோரம் உள்ளிட்ட பலர் கலந்துகொண்டனர். மருத்துவ அலுவலர் பிரபாகரன் வரவேற்றார். வட்டார சுகாதார மேற்பார்வையாளர் ராம்மோகன் நன்றி கூறினார்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/மலேரியா-நோய்-எதிர்ப்பு-விழிப்புணர்வு-நிகழ்ச்சி-எம்எல்ஏ-பங்கேற்பு-2946227.html
2946226 நாகப்பட்டினம் நாகப்பட்டினம் எரிவாயு குழாய் பதிப்புக்கு எதிராக போராட்டத்தில் ஈடுபடுபவர்களை கைது செய்வது கண்டிக்கத்தக்கது' DIN DIN Sunday, June 24, 2018 03:45 AM +0530 எண்ணெய் எரிவாயு குழாய் பதிப்புகளுக்கு எதிராக போராட்டத்தில் ஈடுபடுபவர்களை கைது செய்வது கண்டிக்கத்தக்கது என மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் பேராசிரியர் த. ஜெயராமன் தெரிவித்துள்ளார்.
இதுகுறித்து அவர் வெளியிட்ட அறிக்கை :
மயிலாடுதுறை வட்டம், பாண்டூர் கிராமத்தில் ஓ.என்.ஜி.சி. நிறுவனத்தின் எண்ணெய் எரிவாயு குழாயில் உடைப்பு ஏற்பட்டு, கச்சா எண்ணெய் வெளியேறியதால் விவசாய நிலம் பாதிக்கப்பட்டுள்ளது. கடந்த 2 மாதங்களில் கதிராமங்கலம், குத்தாலம், திருமருகல், எருக்காட்டூர் ஆகிய ஊர்களில் எண்ணெய் எரிவாயு குழாய்களில் உடைப்பு ஏற்பட்டு விளைநிலங்கள் பாதிப்புக்கு உள்ளாகியுள்ளன. இதற்கு எதிராக மீத்தேன் திட்ட எதிர்ப்புக் கூட்டமைப்பினர் தொடர்ந்து போராடி வருகிறோம். குழாய் பதிப்புகளால் அப்பகுதி வாழ் மக்கள் வெகுவாக பாதிப்புக்குள்ளாகி வருகின்றனர்.
திருவாரூர் மாவட்டம், அடியக்கமங்கலத்தை அடுத்த காணூரில் 200-க்கும் மேற்பட்ட போலீஸார் களமிறப்பட்டு, எண்ணெய், எரிவாயு குழாய் பதிப்புகளுக்கு எதிராக ஜூன் 22 -ஆம் தேதி போராட்டத்தில் ஈடுபட்ட மீத்தேன் திட்ட எதிர்ப்புக் கூட்டமைப்பைச் சேர்ந்த ராஜபாண்டியன், நவாஸ் உள்ளிட்ட 3 பேர் கைது செய்யப்பட்டுள்ளனர்.
இந்த கைது நடவடிக்கையை மேற்கொண்ட காவல்துறை மற்றும் மாவட்ட நிர்வாகத்தின் சர்வாதிகாரப் போக்கை மீத்தேன் திட்ட எதிர்ப்புக் கூட்டமைப்பு வன்மையாகக் கண்டிக்கிறது என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-nagapattinam/nagapattinam/2018/jun/24/எரிவாயு-குழாய்-பதிப்புக்கு-எதிராக-போராட்டத்தில்ஈடுபடுபவர்களை-கைது-செய்வது-கண்டிக்கத்தக்கது-2946226.html
2946225 நாகப்பட்டினம் நாகப்பட்டினம் முத்துமாரியம்மன் கோயிலில் சண்டியாகம் DIN DIN Sunday, June 24, 2018 03:45 AM +0530 சீர்காழி அருகேயுள்ள மாதானம் முத்துமாரியம்மன் கோயிலில் சித்திரை நட்சத்திரத்தையொட்டி, சிறப்பு மகா சண்டியாகம் நடைபெற்றது
எட்டு வகையான செல்வங்கள பெறவும், தொழில் அபிவிருத்தியடையவும், விவசாயம் செழிக்கவும், சந்தானபாக்யம், தீர்க்க ஆயுள் உள்ளிட்டவைகள் பெறவேண்டி மகாசண்டியாகம் நடைபெற்றது. யாகத்தில் 13 வகையான பெண் தெய்வங்களுக்கு உரித்தான 13 நிறங்களில் பட்டுப் புடவைகளும், 13 வகையான பழவகைகளும், 13 வகையான மலர்கள் மற்றும் அனைத்து வகையான மருந்துப் பொருள்களும் அர்ப்பணிக்கப்பட்டன. விழாவையொட்டி கோ பூஜை, அஸ்வமேய பூஜை, பிரம்மச்சாரி பூஜை உள்ளிட்ட பூஜைகள் நடைபெற்றது.தொடந்து, பூஜையில் வைக்கப்பட்ட புனித நீரைக்கொண்டு அம்மனுக்கு அபிஷேகம் மற்றும் தீபாராதனை நடைபெற்றது.

 

]]>
http://www.dinamani.com/all-editions/edition-nagapattinam/nagapattinam/2018/jun/24/முத்துமாரியம்மன்-கோயிலில்-சண்டியாகம்-2946225.html
2946224 நாகப்பட்டினம் நாகப்பட்டினம் நிலுவைத் தொகை கோரி ஓய்வு பெற்ற போக்குவரத்துத் தொழிலாளர்கள் ஆர்ப்பாட்டம் DIN DIN Sunday, June 24, 2018 03:44 AM +0530 ஓய்வு பெற்ற போக்குவரத்துத் தொழிலாளர்கள் தங்களுக்கான நிலுவைத் தொகையை வழங்கக் கோரி வேதாரண்யத்தில் சனிக்கிழமை ஆர்ப்பாட்டத்தில் ஈடுபட்டனர்.
வேதாரண்யம் தபால் நிலையம் அருகில், தமிழ்நாடு போக்குவரத்துக்கழக ஓய்வு பெற்றோர் நலச் சங்கம் சார்பில் நடைபெற்ற ஆர்ப்பாட்டத்தில், டீசல் விலை உயர்வுக்கு காரணமான மத்திய அரசை கண்டித்தும், உரிய மானியத்தில் வழங்கக் கோரியும், 2010, 2013, 2016-ஆம் ஆண்டு ஒப்பந்தப்படி ஓய்வு பெற்றவர்களுக்கான நிலுவைத் தொகையை வழங்கவும், இதர பணப்பலன் நிலுவைத் தொகையை வழங்கவும் வலியுறுத்தப்பட்டது.
மேலும், டீசல் விலை உயர்வால் அரசுப் போக்குவரத்துக் கழக வேதாரண்யம் கிளையில் 50 பேருந்துகள் இயக்கத்தின்போது ஒரு நாளைக்கு ரூ .97,500 இழப்பு ஏற்படுவதையும், தமிழகத்தில் 22,500 பேருந்துகளை இயக்கும்போது ஆண்டுக்கு ரூ.1,600 கோடி இழப்பு ஏற்படுவதாகவும் ஆர்ப்பாட்டத்தில் பேசியவர்கள் விளக்கினர். இதை தவிர்க்க டீசல் விலையை குறைக்கவும் இழப்பை குறைக்க மான்யம் வழங்கவும் ஆர்ப்பாட்டத்தில் வலியுறுத்தப்பட்டது.
சங்கத்தின் வேதாரண்யம் கிளைத் தலைவர் கே.ஆர். ஞானசேகரன் தலைமையில் நடைபெற்ற ஆர்ப்பாட்டத்தில், சங்க கௌரவத் தலைவர் த. குழந்தைவேலு, செயலர் ஆர். முத்துக்கண்ணு, ஏ. வேதரெத்தினம் ஆகியோர் உள்ளிட்ட ஏராளமானவர்கள் பங்கேற்றனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/நிலுவைத்-தொகை-கோரி-ஓய்வு-பெற்ற-போக்குவரத்துத்-தொழிலாளர்கள்-ஆர்ப்பாட்டம்-2946224.html
2946223 நாகப்பட்டினம் நாகப்பட்டினம் கோயில் உண்டியலை உடைத்து திருட்டு: இளைஞர் கைது DIN DIN Sunday, June 24, 2018 03:44 AM +0530 நாகை மாவட்டம், மயிலாடுதுறையில் கோயில் உண்டியலை உடைத்து பணத்தைத் திருடிய இளைஞரை போலீஸார் சனிக்கிழமை கைது செய்தனர்.
மயிலாடுதுறை நகரம், 2-ஆம் எண் புதுத்தெருவில் உள்ள மகா காளியம்மன் கோயிலில், சனிக்கிழமை காலை பூஜை செய்வதற்காக பூசாரி ராஜ்குமார் வந்தார். அப்போது, கோயிலின் முகப்பில் வைக்கப்பட்டுள்ள உண்டியல் உடைக்கப்பட்டிருந்ததும், அதிலிருந்த ரூ.2,000 திருடப்பட்டிருந்ததும் தெரியவந்தது. இதுகுறித்து போலீஸார் வழக்குப் பதிந்து, செட்டிக்குளம் தெருவைச் சேர்ந்த பெத்தபெருமாள் மகன் சண்முகவேல் (19) என்பவரை கைது செய்து சிறையிலடைத்தனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/கோயில்-உண்டியலை-உடைத்து-திருட்டு-இளைஞர்-கைது-2946223.html
2946222 நாகப்பட்டினம் நாகப்பட்டினம் நாகநாதசுவாமி கோயில் திருக்கல்யாணம் DIN DIN Sunday, June 24, 2018 03:44 AM +0530 நாகையை அடுத்த நாகூரில் உள்ள அருள்மிகு நாகவல்லி அம்பாள் சமேத அருள்மிகு நாகநாத சுவாமி திருக்கோயில் பிரமோத்ஸவ பெருவிழா திருக்கல்யாண உத்ஸவம் சனிக்கிழமை நடைபெற்றது.
நாகூரில் உள்ள அருள்மிகு நாகவல்லி அம்பாள் சமேத அருள்மிகு நாகநாதசுவாமி திருக்கோயில், தேவர்களும், முனிவர்களும் வழிபட்டத் தலமாகவும், மகா சிவராத்திரி நாளில் நாகராஜன் இத்தலத்தில் வழிபாடு மேற்கொண்டு சாப விமோசனம் பெற்றத் தலமாகவும் குறிப்பிடப்படுகிறது. இங்கு ஆண்டுதோறும் சிறப்பாகக் கொண்டாடப்படும் பிரமோத்ஸவ பெருவிழா ஜூன் 18-ஆம் தேதி திருக்கொடியேற்றத்துடன் தொடங்கி நடைபெறுகிறது. விழா நிகழ்ச்சியாக தினமும் வெவ்வேறு வாகனங்களில் சுவாமி, அம்பாள் வீதியுலா நடைபெற்று வருகிறது. விழாவின் முக்கிய நிகழ்ச்சிகளில் ஒன்றான திருக்கல்யாண உத்ஸவம் சனிக்கிழமை இரவு நடைபெற்றது. சுவாமி, அம்பாளுக்கு சிறப்பு வழிபாடுகள் நடைபெற்ற பின்னர், இன்னிசை வாத்யங்களுடன், வேத மந்திரங்கள் முழங்க, சுவாமி - அம்பாள் திருக்கல்யாணம் நடைபெற்றது. இதில், திரளான பக்தர்கள் பங்கேற்று வழிபாடு மேற்கொண்டனர். திருக்கல்யாண நிகழ்ச்சியில் பங்கேற்ற பெண்களுக்கு மங்களப் பொருள்கள் வழங்கப்பட்டன.

 

]]>
http://www.dinamani.com/all-editions/edition-nagapattinam/nagapattinam/2018/jun/24/நாகநாதசுவாமி-கோயில்-திருக்கல்யாணம்-2946222.html
2946221 நாகப்பட்டினம் நாகப்பட்டினம் பெருமாள் கோயிலில் சுவாதி நட்சத்திர சிறப்பு வழிபாடு DIN DIN Sunday, June 24, 2018 03:44 AM +0530 சீர்காழி அருகேயுள்ள திருநாங்கூர் செம்பொன்னரங்கர் கோயிலில் சுவாதி நட்சத்திர சிறப்பு வழிபாடு சனிக்கிழமை நடைபெற்றது.
திருநாங்கூரில் 108 திவ்யதேசங்களில் ஒன்றான அல்லிமாமலராள் உடனாகிய செம்பொன்னரங்கர் கோயில் உள்ளது. ராமபிரான் தனக்கு ஏற்பட்ட தோஷம் நீங்க பொன்னாளான பெருமாளை பிரதிஷ்டை செய்து, வழிபட்டதால் இக்கோயில் பெருமாள் செம்பொன்னரங்கர் என்றழைக்கப்படுகிறார். இக்கோயிலில் சுவாதி நட்சத்திரச்தையொட்டி, பெருமாளுக்கு சிறப்பு வழிபாடு நடைபெற்றது. முன்னதாக செம்பொன்னரங்கருக்கு சிறப்பு திருமஞ்சனம், சாற்றுமுறை, தீபாராதனை நடைபெற்றது.
இதேபோல், சீர்காழி அருகே அமைந்துள்ள பஞ்சநரசிம்மர் தலங்களான திருவாலியில் லெட்சுமிநரசிம்மர், திருக்குரவலூரில் உக்கிரநரசிம்மர், மங்கைமடத்தில் வீரநரசிம்மர், திருநகரியில் யோகநரசிம்மர் மற்றும் ஹிரண்யநரசிம்மர் ஆகிய திருக்கோயில்களில் நரசிம்மரின் அவதார நட்சத்திரமான சுவாதி நட்சத்திரத்தையொட்டி, சிறப்பு வழிபாடுகள் நடைபெற்றன. இதையொட்டி, மேற்கண்ட அனைத்து திருக்கோயில்களிலும் நரசிம்ம பெருமாளுக்கு சிறப்பு திருமஞ்சனம், அலங்காரம், தீபாராதனை நடைபெற்றது.

 

]]>
http://www.dinamani.com/all-editions/edition-nagapattinam/nagapattinam/2018/jun/24/பெருமாள்-கோயிலில்-சுவாதி-நட்சத்திர-சிறப்பு-வழிபாடு-2946221.html
2946220 நாகப்பட்டினம் நாகப்பட்டினம் செளந்தரராஜப் பெருமாள் கோயிலில் திருக்கல்யாண உத்ஸவம்: திரளானோர் பங்கேற்பு DIN DIN Sunday, June 24, 2018 03:43 AM +0530 நாகை அருள்மிகு செளந்தரராஜப் பெருமாள் கோயிலில், ஸ்ரீ செளந்தரவல்லித் தாயார் ஆனி உத்திரப் பெருவிழா நிகழ்ச்சியாக திருக்கல்யாண உத்ஸவம் சனிக்கிழமை நடைபெற்றது.
ஆழ்வார்களால் மங்களாசாசனம் செய்விக்கப்பட்ட 108 வைணவத் தலங்களுள் 19-வது தலமாக விளங்குகிறது நாகை அருள்மிகு செளந்தரராஜப் பெருமாள் கோயில். ஆதிசேஷன், துருவன், சாலிசுக மன்னன் உள்ளிட்டோர் வழிபட்ட தலமாகவும், திருமங்கை ஆழ்வார், முத்துசாமி தீட்சிதர் ஆகியோரால் பாடல் பெற்ற தலமாகவும் இத்தலம் குறிப்பிடப்படுகிறது.
இக்கோயிலில் ஆண்டு தோறும், ஸ்ரீ செளந்தரவல்லித் தாயாருக்கு ஆனி உத்திரப் பெருவிழா சிறப்பாகக் கொண்டாடப்படுவது வழக்கம். அதன்படி நிகழாண்டுக்கான ஆனி உத்திரப் பெருவிழா ஜூன் 13-ஆம் தேதி திருக்கொடியேற்றத்துடன் தொடங்கி நடைபெறுகிறது. விழா நிகழ்ச்சியாக தினமும் மாலை நேரங்களில் வெவ்வேறு வாகனங்களில் தாயார் பிராகாரப் புறப்பாடு நடைபெற்று வருகிறது.
ஆனி உத்திரப் பெருவிழாவின் முக்கிய நிகழ்ச்சிகளில் ஒன்றான பெருமாள் - தாயார் திருக்கல்யாண உத்ஸவம் சனிக்கிழமை நடைபெற்றது. முன்னதாக, பெருமாள் மற்றும் தாயாருக்கு சிறப்பு வழிபாடுகள் நடைபெற்றன. பின்னர், காலை சுமார் 10.45 மணிக்கு வேத மந்திரங்கள் முழங்க, பெருமாள் - தாயார் திருக்கல்யாணம் நடைபெற்றது.
இதில், திரளான பக்தர்கள் பங்கேற்று வழிபட்டனர். திருக்கல்யாண உத்ஸவத்தில் பங்கேற்ற பெண்களுக்கு மங்களப் பொருள்கள் பிரசாதமாக வழங்கப்பட்டன.

 

]]>
http://www.dinamani.com/all-editions/edition-nagapattinam/nagapattinam/2018/jun/24/செளந்தரராஜப்-பெருமாள்-கோயிலில்-திருக்கல்யாண-உத்ஸவம்-திரளானோர்-பங்கேற்பு-2946220.html
2946219 நாகப்பட்டினம் நாகப்பட்டினம் 450 மீனவர்களுக்கு வீட்டுமனைப் பட்டா: அமைச்சர் ஓ.எஸ். மணியன் வழங்கினார் DIN DIN Sunday, June 24, 2018 03:43 AM +0530 நாகை மாவட்டம், பூம்புகாரில் சனிக்கிழமை நடைபெற்ற நிகழ்ச்சியில் தமிழக கைத்தறி மற்றும் துணிநூல் துறை அமைச்சர் ஓ.எஸ். மணியன் பங்கேற்று, 450 மீனவர்களுக்கு வீட்டுமனைப் பட்டாக்களை வழங்கினார்.
பூம்புகார், வானகிரி மீனவர் கிராமங்கள் மற்றும் மந்தகரை பகுதியில் வசிக்கும் பொதுமக்கள் மனைப் பட்டா இல்லாமல் மிகவும் சிரமப்பட்டு வந்தனர். இதுகுறித்து தொகுதி எம்எல்ஏ கவனத்துக்கு கொண்டு சென்று மனைப் பட்டா வழங்க நடவடிக்கை எடுக்க வேண்டுமென கேட்டுக்கொண்டனர்.
இதைத் தொடர்ந்து, 450 மீனவர்களுக்கு மனைப் பட்டாக்கள் ஒதுக்கீடு செய்யப்பட்டன. பயனாளிகளுக்கு மனைப் பட்டா வழங்கும் நிகழ்ச்சி பூம்புகாரில் சனிக்கிழமை நடைபெற்றது.
நிகழ்ச்சிக்கு, மாவட்ட வருவாய் அலுவலர் முருகேசன் தலைமை வகித்தார். எம்.எல்.ஏ.க்கள் பவுன்ராஜ், பாரதி, எம்பி பாரதிமோகன், கூட்டுறவு சங்கத் தலைவர்கள் ராஜமாணிக்கம், பாலு ஆகியோர் முன்னிலை வகித்தனர்.
சீர்காழி வட்டாட்சியர் பாலமுருகன் வரவேற்றார். நிகழ்ச்சியில் அமைச்சர் ஓ.எஸ். மணியன் பங்கேற்று, பயனாளிகள் 450 பேருக்கு வீட்டுமனைப் பட்டாக்களை வழங்கிப் பேசினார்.
இதில் மயிலாடுதுறை கோட்டாட்சியர் தேன்மொழி, வைத்தீஸ்வரன்கோயில் பேரூர் கழகச் செயலர் போகர் ரவி, ஒன்றிய இளைஞரணி செயலர் திருமாறன், கூட்டுறவு சங்கத் தலைவர்கள் பாலா, ராஜ்மோகன், காளை செந்தில், ஊராட்சி ஒன்றிய முன்னாள் உறுப்பினர் செல்லத்துரை மற்றும் வானகிரி, பூம்புகார் மீனவ கிராமப் பஞ்சாயத்தார்கள் கலந்துகொண்டனர். சம்பந்தம் நாட்டார் நன்றி கூறினார்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/450-மீனவர்களுக்கு-வீட்டுமனைப்-பட்டா-அமைச்சர்-ஓஎஸ்-மணியன்-வழங்கினார்-2946219.html
2946218 நாகப்பட்டினம் நாகப்பட்டினம் கஞ்சா கடத்தல் வழக்கில் மேலும் ஒருவர் கைது DIN DIN Sunday, June 24, 2018 03:43 AM +0530 வேதாரண்யத்தில் இலங்கைக்கு கடத்த இருந்த கஞ்சா போதைபொருளை பறிமுதல் செய்த வழக்கில் மேலும் ஒருவரை போலீஸார் சனிக்கிழமை கைது செய்தனர்.
ஆறுகாட்டுத்துறை கடற்கரையில் வேதாரண்யம் கடலோரக் காவல் நிலைய போலீஸார் வெள்ளிக்கிழமை கண்காணிப்பில் ஈடுபட்டிருந்தபோது, சந்தேகப்படும் வகையில் கடற்கரையில் தயார் நிலையில் வைத்திருந்த 7 பாக்கெட்டுகளை கைப்பற்றினர். இதையடுத்து, அப்பாக்கெட்டுகளை சோதனையிட்டபோது அதில், தலா 2 கிலோ எடையுள்ள கஞ்சா இருந்ததும், இவை இலங்கைக்கு கடத்திச் செல்ல தயாராக வைத்திருந்ததும் தெரியவந்தது. இதுகுறித்து வேதாரண்யம் போலீஸார் வழக்குப் பதிந்து ஆறுகாட்டுத்துறையைச் சேர்ந்த வெற்றிவேல் (40), ராஜேந்திரன் (39) ஆகிய இருவரை கைது செய்தனர். இவ்வழக்கில் தொடர்புடைய மேலும் ஒருவரான ஆறுகாட்டுத்துறையைச் சேர்ந்த ராமையாவை (70) சனிக்கிழமை கைது செய்து விசாரணை மேற்கொண்டுள்ளனர். இதையடுத்து, மேலும் 6.5 கிலோ கஞ்சா பறிமுதல் செய்யப்பட்டது.

 

]]>
http://www.dinamani.com/all-editions/edition-nagapattinam/nagapattinam/2018/jun/24/கஞ்சா-கடத்தல்-வழக்கில்-மேலும்-ஒருவர்-கைது-2946218.html
2946217 நாகப்பட்டினம் நாகப்பட்டினம் ஜூலை 2-இல் வரதராஜப் பெருமாள் கோயில் கும்பாபிஷேகம் DIN DIN Sunday, June 24, 2018 03:43 AM +0530 வலங்கைமான் வட்டம், கொட்டையூர் கிராமத்தில் எழுந்தருளியுள்ள ஸ்ரீதேவி, பூதேவி சமேத அபீஷ்ட வரதராஜப் பெருமாள் கோயில் மகா கும்பாபிஷேகம் ஜூலை 2-ஆம் தேதி நடைபெறவுள்ளது.
விழாவையொட்டி, ஜூலை 30-ஆம் தேதி மாலை 5.30 மணிக்கு யாகசாலை பூஜைகள் தொடங்கி, ஜூலை 1-ஆம் தேதி முதல் மற்றும் 2-ஆம் கால யாகசாலை பூஜை நடைபெறும். அதைத் தொடர்ந்து, ஜூலை 2-ஆம் தேதி காலை 6 மணிக்கு கோ பூஜை, சுப்ரபாதம், நித்யபூஜை, த்வாரபூஜை, காலை 7 மணிக்கு கும்ப மண்டல, பிம்ப, அக்னிசதுஸ்தான யாகசாலை 3-ஆம் கால பூஜைகள், ஹோமங்கள், மகாபூர்ணாஹீதீ, க்ருஹப்ரீதி, தசதானங்கள், காலை 9.5 மணிக்கு கடம் புறப்பாடு, காலை 9.45 மணிக்கு மேல் 10.15 மணிக்குள் விமானம் கோபுரங்களுக்கு புனித நீர் ஊற்றுதல், மாலை 5 மணிக்கு திருக்கல்யாண மஹோற்சவம், மாலை 7 மணிக்கு ஸ்ரீதேவி, பூதேவி சமேத அபீஷ்ட வரதராஜ பெருமாள் திருவீதி புறப்பாடு நடைபெறுகிறது.
விழாவுக்கான ஏற்பாடுகளை கொட்டையூர் கிராமமக்கள், நீடாமங்கலம் ஸ்ரீசந்தான ராமகைங்கர்ய சபாவினர் செய்து வருகின்றனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/ஜூலை-2-இல்-வரதராஜப்-பெருமாள்-கோயில்-கும்பாபிஷேகம்-2946217.html
2946057 நாகப்பட்டினம் நாகப்பட்டினம் தமிழர்களின் வரலாற்றுத் தடயங்களை உலகறிய செய்ய தமிழ்ப் பல்கலைக்கழகம் முன் வரவேண்டும்: பழ. நெடுமாறன் DIN DIN Sunday, June 24, 2018 02:07 AM +0530 தமிழர்களின் தொன்மை, இலக்கியம், வரலாறு ஆகியவற்றை உலகறியச் செய்யும் பணியை தஞ்சை தமிழ்ப் பல்கலைக்கழகம் முன்னெடுத்துச் செல்ல முன்வரவேண்டும் என்றார் உலகத் தமிழர் பேரமைப்பின் தலைவர் பழ. நெடுமாறன்.
திருவாரூர் மாவட்டம், மன்னார்குடியில் உலகத் தமிழர் பேரமைப்பின் சார்பில் சனிக்கிழமை நடைபெற்ற தமிழர் வரலாற்றுத் தொன்மை கருத்தரங்க நிறைவு விழாவில் அவர் மேலும் பேசியது: நமது நாடு மிகவும் தொன்மையானது. முதல் மூத்த மொழி தமிழ் என தமிழ் அறிஞர்கள் பல ஆண்டுக்கு முன் கூறியதை மெய்ப்பிக்கும் வகையில் இன்று பல்வேறு ஆதாரங்களைக் கண்டறிந்து சமர்ப்பித்து வரலாற்று ஆய்வு அறிஞர்கள் மெய்ப்பித்துள்ளனர். இதனை மாணவர்கள் மற்றும் இளைஞர்களுக்கு கொண்டு செல்ல வேண்டும்.
சம்ஸ்கிருத இலக்கியத்தில் கற்பனை வளம் மிகுதி. தமிழ் இலக்கியத்தில் இயற்கை தன்மை அதிகம். வடமொழி இலக்கியம் எதுவாக இருந்தாலும் கற்பனை கலந்து மெய் போன்று சொல்லப்பட்டிருக்கும். ஆனால், தமிழ் இலக்கியத்தில் குறிப்பாக சங்க இலக்கியத்தில் வரலாற்றுத் தடயங்கள் சான்றாக அமைந்துள்ளது. சேக்கிழாரின் பெரிய புராணத்தில் கற்பனையுடன் இணைந்து வரலாற்று உண்மையும் உள்ளது. அதற்கான கல்வெட்டுச் சான்றுகளும் உள்ளன.
வரலாற்று உண்மை புராணங்களில் மட்டும் அல்ல இலக்கியத்திலும் உள்ளது. பாண்டிய அரசின் தலைமையிடமான மதுரையை பற்றி இலக்கியங்களில் காணப்படும் மதுரை எங்கே, சங்க கால மதுரை எங்கே. இன்று இருப்பது நாயக்கர் கால மதுரை. நகர்ப்புற நாகரிகம் இருந்ததற்கான அனைத்து தடயங்களையும் கீழடியில் அகழாய்வு செய்த ஆராய்ச்சியாளர் அமர்நாத் ராமகிருஷ்ணன் வெளிக்கொண்டு வந்துள்ளார். இதனால், பெருமிதத்துடன் தமிழன் நிமிர்ந்து நிற்பது மட்டுமல்ல, உலகமே வியந்து நிற்கிறது. சங்க இலக்கியங்கள் மதுரையை பற்றி பாடியது உண்மைதான் என்று கீழடி அகழாய்வு நிலைநாட்டியுள்ளது.
புதுதில்லியில் பெரும் தமிழறிஞர்கள் கூடி நிறைவேற்றிய தீர்மானத்தின்படிதான், தமிழுக்கு என ஒரு பல்கலைக்கழகம் தஞ்சையில் தொடங்கப்பட்டது. அப்பல்கலைக்கழகம் இனி தமிழர்களின் வரலாற்றுத் தடயங்களைப் பாதுகாத்து உலகம் அறியச் செய்யும் வகையில் வரலாற்றுப்படுத்தும் திட்டத்தை தொடர வேண்டும். இதற்கு, பல்கலைக்கழக தமிழ்ப் பேராசிரியர்கள், தொல்லியல் ஆய்வாளர்கள் முன் வரவேண்டும். இப்பணிக்கு அனைத்து உதவிகளையும் மத்திய, மாநில அரசுகள் மட்டும் அல்லது ஐ.நா. சபை, யுனெஸ்கோ அமைப்பு ஆகியவையும் செய்ய வேண்டும் என்றார் பழ. நெடுமாறன்.
அமைப்பின் செயலர் ந.மு. தமிழ்மணி தலைமையில் நடைபெற்ற கருத்தரங்கில், கீழடி அகழாய்வு - வைகைக் கரை நாகரிகம் என்ற தலைபில் இந்தியத் தொல்லியல்துறை (அசாம்) கண்காணிப்பாளர் கி. அமர்நாத் ராமகிருஷ்ணன், அரிக்கமேடும்- தமிழக அயலகத் தொடர்புகளும் என்ற தலைப்பில் தஞ்சை தமிழ்ப் பல்கலைக்கழக பேராசிரியர் வீ. செல்வக்குமார், அகழாய்வுகளின் அடிப்படையில் தமிழர் நாகரிகத்தின் தோற்றமும் - வளர்ச்சியும் என்ற தலைப்பில் தொல்லியல்துறை முன்னாள் உதவி இயக்குநர் தி. சுப்பிரமணியன் ஆகியோர் பேசினர்.
கருத்தரங்கில், தஞ்சையில் உள்ள முள்ளிவாய்க்கால் நினைவு முற்றத்திற்கு, அமைப்பின் திருவாரூர் மாவட்டம் சார்பில், நிலைவைப்பு நிதியாக ரூ. 1.65 லட்சத்தை வரவேற்புக் குழுத் தலைவர் மருத்துவர் இலரா. பாரதிச்செல்வன் உலகத் தமிழர் பேரமைப்பின் தலைவர் பழ. நெடுமாறனிடம் வழங்கினார். அமைப்பு நிர்வாகிகள் ஜோ. ஜான்கென்னடி, துரை. குபேந்திரன், ரா. ராசசேகரன், ரா. பாரதிதாசன், வரவேற்புக் குழுச் செயலர் ச. கலைச்செல்வம் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/24/தமிழர்களின்-வரலாற்றுத்-தடயங்களை-உலகறிய-செய்ய-தமிழ்ப்-பல்கலைக்கழகம்-முன்-வரவேண்டும்-பழ-நெடுமாறன்-2946057.html
2945915 நாகப்பட்டினம் நாகப்பட்டினம் குடிநீர் வழங்கக் கோரி காலிக் குடங்களுடன் பெண்கள் சாலை மறியல் DIN DIN Sunday, June 24, 2018 12:49 AM +0530 நாகை மாவட்டம்,வேதாரண்யம் அருகேயுள்ள கோடியக்கரையில் குடிநீர் கோரி அப்பகுதி பெண்கள் காலிக் குடங்களுடன் சனிக்கிழமை சாலை மறியலில் ஈடுபட்டனர்.
கோடியக்கரை ஊராட்சி, சத்தியாநகர், அண்ணா காலனி ஆகிய பகுதிகளில் அண்மைக் காலமாக கொள்ளிடம் கூட்டுக் குடிநீர்த் திட்டத்தில் குடிநீர் விநியோகம் சீராக இல்லை. இதனால், அப்பகுதி மக்கள் குடிநீருக்கு அவதிப்பட்டு வருகின்றனர்.
இந்நிலையில், அப்பகுதி பெண்கள் காலிக் குடங்களுடன் கோடியக்கரையில் சாலை மறியலில் ஈடுபட்டு, மேடான பகுதியில் உள்ள குடிநீர் குழாய் வழித்தடங்களை சமமாக சீரமைத்து குடிநீர் வழங்க நடவடிக்கை மேற்கொள்ள வலியுறுத்தினர்.
இதையடுத்து, கோடியக்கரை ஊராட்சிச் செயலர் சுபா மறியலில் ஈடுபட்டவர்களிடம் பேச்சு வார்த்தை நடத்தி ஒரு வார காலத்துக்குள் தடையில்லாமல் குடிநீர் வழங்க நடவடிக்கை மேற்கொள்வதாக அளித்த உறுதியையடுத்து, மறியல் விலக்கிக்கொள்ளப்பட்டது.

 

]]>
http://www.dinamani.com/all-editions/edition-nagapattinam/nagapattinam/2018/jun/24/குடிநீர்-வழங்கக்-கோரி-காலிக்-குடங்களுடன்-பெண்கள்-சாலை-மறியல்-2945915.html
2945367 நாகப்பட்டினம் நாகப்பட்டினம் விஜய் ரசிகர்கள் ரத்த தானம் DIN DIN Saturday, June 23, 2018 01:14 PM +0530 நடிகர் விஜய் பிறந்தநாளையொட்டி, சீர்காழியில் அவரது ரசிகர்கள் ரத்த தானம் மற்றும் பள்ளி மாணவர்களுக்கு கல்வி உபகரணங்களை வழங்கினர். 
நாகை மாவட்ட விஜய் ரசிகர் மன்ற இளைஞரணி சார்பில், அதன் தலைவர் எம். பத்ரிநாதன் தலைமையில் சீர்காழி அரசு மருத்துவமனையில், ரத்த தானம் வழங்கும் நிகழ்ச்சி நடைபெற்றது. இதில், மாவட்டப் பிரதிநிதி எம். பிரதீபன், தொகுதி பொறுப்பாளர் தீபன் மற்றும் நிர்வாகிகள் கலந்துகொண்டு ரத்த தானம் செய்தனர். பின்னர், ஜூன் 22-ஆம் தேதி பிறந்த குழந்தைகளுக்கு புத்தாடைகளும், பழங்களும் வழங்கினர். தென்பாதியில் உள்ள அன்பாலயத்தில் மாற்றுதிறனாளி மாணவர்களுக்கு அறுசுவை உணவு வழங்கப்பட்டது. 
இதேபோல், சீர்காழி பிடாரி கீழவீதியில் உள்ள அம்பிகா விலாஸ் தொடக்கப்பள்ளியில் பயிலும் 85 மாணவ, மாணவியருக்கு விஜய் ரசிகர் மன்ற ஒன்றியத் தலைவர் ஆர். ரமணிச்சந்திரன், நகரத் தலைவர் குமார் ஆகியோர் தலைமையில் நோட்டு, பேனா, பென்சில் ஆகியவற்றை நகர இளைஞரணி தலைவர் வெற்றிச்செல்வன், தொண்டரணி செயலாளர் பீட்டர், நகர இணைச் செயலாளர் ஹரிகணேஷ் ஆகியோர் வழங்கினர். இதில் தலைமை ஆசிரியர் எஸ். கலைவாணி உள்ளிட்டோர் பங்கேற்றனர்.

நடிகர் விஜய் பிறந்தநாளையொட்டி, சீர்காழியில் அவரது ரசிகர்கள் ரத்த தானம் மற்றும் பள்ளி மாணவர்களுக்கு கல்வி உபகரணங்களை வழங்கினர். 
நாகை மாவட்ட விஜய் ரசிகர் மன்ற இளைஞரணி சார்பில், அதன் தலைவர் எம். பத்ரிநாதன் தலைமையில் சீர்காழி அரசு மருத்துவமனையில், ரத்த தானம் வழங்கும் நிகழ்ச்சி நடைபெற்றது. இதில், மாவட்டப் பிரதிநிதி எம். பிரதீபன், தொகுதி பொறுப்பாளர் தீபன் மற்றும் நிர்வாகிகள் கலந்துகொண்டு ரத்த தானம் செய்தனர். பின்னர், ஜூன் 22-ஆம் தேதி பிறந்த குழந்தைகளுக்கு புத்தாடைகளும், பழங்களும் வழங்கினர். தென்பாதியில் உள்ள அன்பாலயத்தில் மாற்றுதிறனாளி மாணவர்களுக்கு அறுசுவை உணவு வழங்கப்பட்டது. 
இதேபோல், சீர்காழி பிடாரி கீழவீதியில் உள்ள அம்பிகா விலாஸ் தொடக்கப்பள்ளியில் பயிலும் 85 மாணவ, மாணவியருக்கு விஜய் ரசிகர் மன்ற ஒன்றியத் தலைவர் ஆர். ரமணிச்சந்திரன், நகரத் தலைவர் குமார் ஆகியோர் தலைமையில் நோட்டு, பேனா, பென்சில் ஆகியவற்றை நகர இளைஞரணி தலைவர் வெற்றிச்செல்வன், தொண்டரணி செயலாளர் பீட்டர், நகர இணைச் செயலாளர் ஹரிகணேஷ் ஆகியோர் வழங்கினர். இதில் தலைமை ஆசிரியர் எஸ். கலைவாணி உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/23/விஜய்-ரசிகர்கள்-ரத்த-தானம்-2945367.html
2945378 நாகப்பட்டினம் நாகப்பட்டினம் நாகூர் நாகநாதசுவாமி கோயிலில் இன்று திருக்கல்யாணம் DIN DIN Saturday, June 23, 2018 07:21 AM +0530 நாகையை அடுத்த நாகூரில் உள்ள அருள்மிகு நாகவல்லி அம்பாள் சமேத நாகநாதசுவாமி கோயில் பிரமோத்ஸவ பெருவிழா திருக்கல்யாண உத்ஸவம் சனிக்கிழமை (ஜூன் 23) நடைபெறுகிறது.
நாகூரில் உள்ள அருள்மிகு நாகவல்லி அம்பாள் சமேத நாகநாதசுவாமி கோயில், பிரமன், இந்திரன், சந்திரன், துருவாச முனிவர், சப்த ரிஷிகள், சமுத்திரராஜன் உள்ளிட்டோர் வழிபட்டத் தலமாகவும்,  நாகராஜன் வழிபட்டு சாப விமோசனம் பெற்றத் தலமாகவும் குறிப்பிடப்படுகிறது.
இத்தலத்தில் ஆண்டுதோறும் சிறப்பாகக் கொண்டாடப்படும் பிரமோத்ஸவ பெருவிழா ஜூன் 18 -ஆம் தேதி திருக்கொடியேற்றத்துடன் தொடங்கி நடைபெறுகிறது. விழா நிகழ்ச்சியாக தினமும் வெவ்வேறு வாகனங்களில் சுவாமி, அம்பாள் வீதியுலா நடைபெற்று வருகிறது.
வெள்ளிக்கிழமை காலை ஸ்ரீ தியாகேசப் பெருமானுக்கு ருத்ராபிஷேகமும், இரவு 8 மணிக்கு ஸ்ரீ தியாகேசப் பெருமான் வசந்த மண்டபம் எழுந்தருளும் நிகழ்ச்சிகளும் நடைபெற்றன. இதைத் தொடர்ந்து, இரவு 10 மணிக்கு குதிரை வாகனத்தில் சுவாமி, அம்பாள் வீதியுலா நடைபெற்றது.
பிரமோத்ஸ விழாவின் முக்கிய நிகழ்ச்சிகளில் ஒன்றான திருக்கல்யாண உத்ஸவம் சனிக்கிழமை மாலை 6.30 மணியிலிருந்து 7.30 மணிக்குள் நடைபெறுகிறது. இதைத் தொடர்ந்து, பஞ்சமூர்த்திகள் வீதியுலா நடைபெறுகிறது.
ஜூன் 26-இல் தேரோட்டம்: ஞாயிற்றுக்கிழமை ஓலை சப்பர வீதியுலாவும், திங்கள்கிழமை இரவு ஸ்ரீ தியாகேசப் பெருமான் திருத்தேருக்கு எழுந்தருளும் நிகழ்ச்சியும் நடைபெறுகின்றன. முக்கிய நிகழ்ச்சிகளில் ஒன்றான திருத்தேரோட்டம் செவ்வாய்க்கிழமை காலை 7 மணிக்குத் தொடங்கி நடைபெறுகிறது.

]]>
http://www.dinamani.com/all-editions/edition-nagapattinam/nagapattinam/2018/jun/23/நாகூர்-நாகநாதசுவாமி-கோயிலில்-இன்று-திருக்கல்யாணம்-2945378.html
2945377 நாகப்பட்டினம் நாகப்பட்டினம் மீன்வளக் கல்லூரிகளில் யோகா தினம் DIN DIN Saturday, June 23, 2018 07:20 AM +0530 தமிழ்நாடு மீன்வளப் பல்கலைக்கழகத்தின் அங்கமான  நாகை மீன்வளப் பொறியியல் கல்லூரி மற்றும் தலைஞாயிறு டாக்டர் எம்.ஜி.ஆர். மீன்வளக் கல்லூரியில் சர்வதேச யோகா தினத்தையொட்டி, யோகாசன பயிற்சிகள் வியாழக்கிழமை நடைபெற்றன.
நாகப்பட்டினம், மீன்வளப் பொறியியல் கல்லூரியில் நடைபெற்ற சர்வதேச யோகா தின விழாவுக்குக் கல்லூரி முதல்வர் சி. பாலசுப்பிரமணியன் தலைமை வகித்தார். யோகா பயிற்றுநர் கே. சக்திவேல், யோகசானப் பயிற்சிகளால் ஏற்படும் நன்மைகளை விளக்கி, மாணவ, மாணவியருக்கு யோகாசனப் பயிற்சிகளைப் பயிற்றுவித்தார்.  உதவி பேராசிரியர் மே. கமலக்கண்ணன் நிகழ்ச்சிகளை ஒருங்கிணைத்தார். 
மீன்வளக் கல்லூரியில்...
தலைஞாயிறு, டாக்டர் எம்.ஜி.ஆர். மீன்வளக் கல்லூரி மற்றும் ஆராய்ச்சி நிலையத்தில் நடைபெற்ற யோகா தின விழாவுக்குக் கல்லூரி முதல்வர் (பொறுப்பு) பா. சுந்தரமூர்த்தி தலைமை வகித்தார். 
யோகா பயிற்றுநர் கே. சக்திவேல், மாணவ, மாணவியருக்கு அடிப்படை யோகாசன பயிற்சிகளை பயிற்றுவித்தார். மாணவர் ஒருங்கிணைப்பாளர் முனைவர் இரா. சாந்தகுமார், உதவி பேராசிரியர் மற்றும் விளையாட்டு அலுவலர் மு. முருகானந்தம் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/23/மீன்வளக்-கல்லூரிகளில்-யோகா-தினம்-2945377.html
2945376 நாகப்பட்டினம் நாகப்பட்டினம் டாஸ்மாக் கடை திறக்க பாஜக எதிர்ப்பு DIN DIN Saturday, June 23, 2018 07:20 AM +0530 மயிலாடுதுறையில் டாஸ்மாக் கடை திறக்க அனுமதியளிக்கக் கூடாது என எதிர்ப்புத் தெரிவித்து பாஜகவினர் கோட்டாட்சியர் தேன்மொழியிடம் வெள்ளிக்கிழமை புகார் மனு அளித்தனர். 
மயிலாடுதுறை புதிய பேருந்து நிலையம் அருகில் டாஸ்மாக் கடை திறக்க முயற்சி மேற்கொள்ளப்பட்டு வருகிறது. 
இதற்கு எதிர்ப்புத் தெரிவித்து, பாஜக மாநிலச் செயற்குழு உறுப்பினர் கோவி. சேதுராமன், நகரத் தலைவர் மோடி. கண்ணன் உள்ளிட்ட கட்சியினர் கோட்டாட்சியர் தேன்மொழியிடம் அளித்த புகார் மனு விவரம்: 
மயிலாடுதுறை புதிய பேருந்து நிலையம் பகுதி பொதுமக்கள் அதிகம் கூடும் இடம் மட்டுமின்றி வழிபாட்டுத் தலங்கள் மற்றும் பள்ளிகள் உள்ளதால் பொதுமக்கள், பேருந்துப் பயணிகள் மாணவ, மாணவியர்களின் பாதுகாப்பு மற்றும் நலன் கருதி இங்கு டாஸ்மாக் கடை  திறக்க அனுமதியளிக்கக் கூடாது என அதில் குறிப்பிடப்பட்டுள்ளது. 

]]>
http://www.dinamani.com/all-editions/edition-nagapattinam/nagapattinam/2018/jun/23/டாஸ்மாக்-கடை-திறக்க-பாஜக-எதிர்ப்பு-2945376.html
2945375 நாகப்பட்டினம் நாகப்பட்டினம் பூம்புகார் வேதபுரீசுவரர் கோயில் கும்பாபிஷேகம் DIN DIN Saturday, June 23, 2018 07:20 AM +0530 நாகை மாவட்டம், பூம்புகார் அருகே பழைய அக்ரஹாரம் பகுதியில் உள்ள வேதாந்தநாயகி சமேத வேதபுரீசுவரர் கோயில் கும்பாபிஷேகம் வெள்ளிக்கிழமை நடைபெற்றது.
இக்கோயிலில் கும்பாபிஷேகம் நடைபெற்று 12 ஆண்டுகள் நிறைவடைந்த நிலையில், ஆகமவிதிப்படி 12 ஆண்டுகளுக்கு ஒருமுறை கும்பாபிஷேகம் நடத்த பிராமணர் சங்கம் மற்றும் கிராமவாசிகள் சார்பில் திருப்பணிகள் செய்யப்பட்டன.
இதைத்தொடர்ந்து, கடந்த 20-ஆம் தேதி விநாயகர் பூஜை, அங்குரார்ப்பணம், கலச பூஜை, நவகிரக சாந்தி உள்ளிட்ட பல்வேறு பூஜைகளுடன் முதல்கால யாகசாலை பூஜை தொடங்கியது.
இந்நிலையில், வெள்ளிக்கிழமை காலை வாஸ்து பூஜை, கோமாதா வழிபாடு உள்ளிட்டவைகளுடன் நான்காம் கால யாக பூஜை தொடங்கியது. பின்னர், மகாபூர்ணாஹுதியும், தீபாராதனையும் நடைபெற்றன.
பின்னர், மேள தாளங்கள் முழங்க ரஜினிகாந்த் குருக்கள் தலைமையில் யாக சாலையில் பூஜிக்கபட்ட புனித நீர் அடங்கிய குடங்கள் அனைத்து சன்னிதிகளுக்கும் கொண்டு செல்லப்பட்டன.
இதையடுத்து, விநாயகர், சுப்ரமணியர்,  வேதபுரீசுவரர், வேதாந்தநாயகி சுவாமிகளின் கோபுரங்களுக்கு சிறப்பு பூஜைகள் செய்யப்பட்டன. ஒரே நேரத்தில் அனைத்து கோபுர விமானங்களுக்கும் கும்பாபிஷேகம் நடைபெற்றன.
இதில் திருப்பணிக் குழுத் தலைவர் சந்திரசேகரன், கல்யாணராம அய்யர், அகோரம், கிராம முக்கியஸ்தர்கள் உள்ளிட்ட ஏராளமான பக்தர்கள் கலந்து கொண்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/23/பூம்புகார்-வேதபுரீசுவரர்-கோயில்-கும்பாபிஷேகம்-2945375.html
2945374 நாகப்பட்டினம் நாகப்பட்டினம் குத்தாலத்தில் நலவாரிய உறுப்பினர் சேர்க்கை முகாம்: ஜூன் 26-இல்  நடைபெறுகிறது DIN DIN Saturday, June 23, 2018 07:20 AM +0530 தமிழ்நாடு கட்டுமானம் மற்றும் அமைப்புசாரா தொழிலாளர்கள் நலவாரியங்களின் உறுப்பினர் சேர்க்கைக்கான சிறப்பு முகாம் நாகை மாவட்டம், குத்தாலத்தில் ஜூன் 26-ஆம் தேதி நடைபெறுகிறது.
இதுகுறித்து நாகை சமூகப் பாதுகாப்புத் திட்ட தொழிலாளர் அலுவலர் ம. ஸ்ரீதர் வெளியிட்ட செய்திக் குறிப்பு : 
கட்டுமானம் மற்றும் அமைப்புசாரா தொழிலாளர்கள் அதிகம் வசிக்கும் பகுதிகளில், தொழிலாளர் துறை மூலம் நலவாரிய உறுப்பினர் சேர்க்கையை அதிகரிக்கும் வகையில், குத்தாலம் வட்டார வளர்ச்சி அலுவலர் அலுவலகத்தில் ஜூன் 26 -ஆம் தேதி நலவாரிய உறுப்பினர் சேர்க்கை முகாம் நடைபெறுகிறது.
காலை 10 மணிக்கு தொடங்கி பிற்பகல் 4 மணி வரை நடைபெறும் இந்த முகாமில், தகுதியான தொழிலாளர்கள் பங்கேற்று,  நலவாரிய உறுப்பினர்களாகப் பதிவு பெற முனைப்புக் காட்டுமாறு அவர் தனது செய்திக் குறிப்பில் கேட்டுக்கொண்டுள்ளார்.
 

]]>
http://www.dinamani.com/all-editions/edition-nagapattinam/nagapattinam/2018/jun/23/குத்தாலத்தில்-நலவாரிய-உறுப்பினர்-சேர்க்கை-முகாம்-ஜூன்-26-இல்--நடைபெறுகிறது-2945374.html
2945373 நாகப்பட்டினம் நாகப்பட்டினம் பொறையாறு பகுதி பள்ளிகளில் யோகா பயிற்சி DIN DIN Saturday, June 23, 2018 07:19 AM +0530 பொறையாறு பகுதி பள்ளிகளில் வியாழக்கிழமை உலக யோகா தினத்தையொட்டி சிறப்பு யோகாசன பயிற்சிகள் நடைபெற்றது. 
செம்பனார்கோவில் நபாக் மெட்ரிக் மேல்நிலைப்பள்ளியில், பள்ளி இயக்குநர் பிரபாகரன் தலைமையில் நடைபெற்ற யோகா தின நிகழ்ச்சியில், 500-க்கும் மேற்பட்ட மாணவர்கள் பல்வேறு யோகாசனங்களை செய்து காண்பித்தனர். இதேபோல், பொறையாறு சர்மிளா கார்டஸ் மெட்ரிக் மேல்நிலைப்பள்ளியில் பள்ளி நிர்வாகி பாண்டியராஜன் தலைமையில் நடைபெற்ற யோகா பயிற்சியில் ஏராளமான மாணவர்கள் யோகா பயிற்சி செய்தனர். அடுத்து, தரங்கம்பாடி பிஷப் ஜான்சன் நினைவு மேல்நிலைப்பள்ளியில் யோகா தினத்தையொட்டி பள்ளித் தலைமையாசிரியர் ஜான்சைமன் தலைமையில் 400-க்கும் மேற்பட்ட மாணவர்கள் யோகா பயிற்சியில் ஈடுபட்டனர்.  இதில் உடற்கல்வி ஆசிரியர் வினோத் பெர்னாண்டன்ஸ் மற்றும் பள்ளி ஆசிரியர்கள், மாணவர்கள் பங்கேற்றனர். 


 

]]>
http://www.dinamani.com/all-editions/edition-nagapattinam/nagapattinam/2018/jun/23/பொறையாறு-பகுதி-பள்ளிகளில்-யோகா-பயிற்சி-2945373.html
2945372 நாகப்பட்டினம் நாகப்பட்டினம் கிராம சபைக் கூட்டம் DIN DIN Saturday, June 23, 2018 07:19 AM +0530 குத்தாலம் ஒன்றியம் மேலையூர் ஊராட்சியில் மகாத்மா காந்தி தேசிய ஊரக வேலை உறுதித் திட்டத்தில் 2017-2018-ஆம் ஆண்டுக்கான சமூக தணிக்கை கடந்த ஒரு வாரமாக  நடைபெற்று சிறப்பு கிராம சபைக் கூட்டம் வெள்ளிக்கிழமை நடைபெற்றது.
கூட்டத்துக்கு கிராம பிரமுகர் ஆமருவி தலைமை வகித்தார். மாவட்ட வள அலுவலர் அழகுமுருகன், வட்டார வள அலுவலர் ஆரோக்கியராஜ் ஆகியோர் பங்கேற்று 2017-2018-ஆம் ஆண்டில் 14 லட்சம் செலவில் செய்யப்பட்ட 5 பணிகளின் தணிக்கை செய்யப்பட்ட பணிப் பதிவேடுகள், அளவீடு புத்தகங்கள், பணிகளின் விவரங்கள் வாசித்து பொதுமக்களின் பார்வைக்கு வைத்தனர். பணிமேற்பார்வையாளர் குமரன், ஊராட்சிச் செயலர் விஜயராகவன் உள்ளிட்டோர் பங்கேற்றனர். 
இதேபோல் ஆலங்குடி ஊராட்சியில் நடைபெற்ற கூட்டத்துக்கு கிராம பிரமுகர் மதியழகன் தலைமை வகித்தார். வட்டார வள அலுவலர் வெங்கட்ராஜீலு பங்கேற்று 2017-2018ம் ஆண்டில் 20 லட்சம் செலவில் செய்யப்பட்ட 4 பணிகளின் தணிக்கை செய்யப்பட்ட பணிப் பதிவேடுகள், அளவீடு புத்தகங்கள், பணிகளின் விவரங்கள் வாசித்து பொதுமக்களின் பார்வைக்கு வைத்தார்.

]]>
http://www.dinamani.com/all-editions/edition-nagapattinam/nagapattinam/2018/jun/23/கிராம-சபைக்-கூட்டம்-2945372.html
2945371 நாகப்பட்டினம் நாகப்பட்டினம் வேதாரண்யத்தில் இருந்து இலங்கைக்கு கடத்தவிருந்த 14 கிலோ கஞ்சா பறிமுதல்: இருவர் கைது DIN DIN Saturday, June 23, 2018 07:19 AM +0530 நாகை மாவட்டம், வேதாரண்யத்தில் இருந்து இலங்கைக்கு கடத்தவிருந்த 14 கிலோ கஞ்சா போதைப்பொருளை வெள்ளிக்கிழமை இரவு பறிமுதல் செய்த போலீஸார், இருவரை கைது செய்தனர்.
ஆறுகாட்டுத்துறை கடற்கரையில் வேதாரண்யம் கடலோரக் காவல் படை போலீஸார் கண்காணிப்புப் பணியில் ஈடுபட்டிருந்தனர். அப்போது, சந்தேகத்துக்கு இடமளிக்கும் வகையில், கடற்கரையில் வைக்கப்பட்டிருந்த 7 பாக்கெட்டுகளை போலீஸார் கைப்பறினர். சோதனையில், அதில் தலா 2 கிலோ எடையுள்ள கஞ்சா இருந்ததும், இலங்கைக்கு கடத்திச் செல்ல ஆயத்தமாக வைத்திருந்ததும் தெரிய வந்தது.
இதுதொடர்பாக ஆறுகாட்டுத்துறையைச் சேர்ந்த வெற்றிவேல் (45), ராஜேந்திரன் (40) ஆகிய இருவரை போலீஸார் கைது செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/jun/23/வேதாரண்யத்தில்-இருந்து-இலங்கைக்கு-கடத்தவிருந்த-14-கிலோ-கஞ்சா-பறிமுதல்-இருவர்-கைது-2945371.html
2945370 நாகப்பட்டினம் நாகப்பட்டினம் ஏவிசி கல்லூரியில் யோகா பயிற்சி DIN DIN Saturday, June 23, 2018 07:18 AM +0530 மயிலாடுதுறை அருகேயுள்ள ஏவிசி கலைக் கல்லூரி மற்றும் பாலிடெக்னிக் கல்லூரியில் சர்வதேச யோகா தினத்தையொட்டி, வியாழக்கிழமை யோகா பயிற்சியளிக்கப்பட்டது. 
ஏவிசி கலைக் கல்லூரியில், அக்கல்லூரி முதல்வர் ஆர். நாகராஜன் தலைமையில் நடைபெற்ற யோகா தின நிகழ்ச்சியில், யோகா பயிற்சியாளர் கணேசன் பங்கேற்று கல்லூரி தேசிய மாணவர் படை மற்றும் யோகா பட்டயப் பயிற்சி மாணவர்களுக்கு பயிற்சியளித்தார். 
நிகழ்ச்சிக்கான, ஏற்பாடுகளை தேசிய மாணவர் படை அலுவலர் சி. பாலாஜி, பட்டயப் பயிற்சி ஒருங்கிணைப்பாளர் கே. கற்பகவல்லி, தருமபுரம் ஆதீனம் கலைக் கல்லூரி தேசிய மாமவர் படை அலுவலர் துரை. கார்த்திகேயன் ஆகியோர் செய்திருந்தனர். இதேபோல், ஏவிசி பாலிடெக்னிக் கல்லூரியில் நடைபெற்ற யோகா தின நிகழ்ச்சிக்கு, ஏவிசி கல்வி நிறுவனச் செயலர் கே. கார்த்திகேயன் தலைமை வகித்தார். இதில் கல்லூரி முதல்வர் கண்ணன் உள்ளிட்டோர் பங்கேற்றனர். 
 

]]>
http://www.dinamani.com/all-editions/edition-nagapattinam/nagapattinam/2018/jun/23/ஏவிசி-கல்லூரியில்-யோகா-பயிற்சி-2945370.html
2945369 நாகப்பட்டினம் நாகப்பட்டினம் சாப்ட்வேர் சேவை பாதிப்பு: கருப்பு பேட்ஜ் அணிந்து பணியாற்றிய அஞ்சலக ஊழியர்கள் DIN DIN Saturday, June 23, 2018 07:18 AM +0530 சீர்காழியில் தலைமை அஞ்சலகத்தில் புதிதாக அறிமுகப்படுத்தப்பட்ட சாப்ட்வேர் சேவை பாதிக்கப்பட்டதால், ஊழியர்கள் கருப்பு பேட்ஜ் அணிந்து வெள்ளிக்கிழமை பணியாற்றினர்.
அஞ்சலக சேவையில் மணியார்டர், பதிவு தபால், விரைவு தபால் ஆகியவற்றை வாடிக்கையாளர்களிடமிருந்து பெற்று பதிவு செய்ய சி.எப்.ஐ. என்ற புதிய  சாப்ட்வேர் சேவை அறிமுகம் செய்து கடந்த மார்ச் மாதம் முதல் நடைமுறைப்படுத்தப்பட்டுள்ளது. இந்த சாப்ட்வேர் சேவை மயிலாடுதுறை, சீர்காழி பகுதி தலைமை அஞ்சலகங்களில் கடந்த மாதத்திலிருந்து கட்டாயமாக நடைமுறைப்படுத்தப்பட்டுள்ளது. 
இந்த சாப்ட்வேர் சேவை தொடங்கிய நாள் முதல் தொழில்நுட்பக் கோளாறு காரணமாக மணியார்டர், பதிவு தபால் பணிகளை உடனுக்குடன் செய்ய முடியாமல் நெட் சேவை அடிக்கடி தடை ஏற்பட்டு வருகிறது. இதனால் அஞ்சலக அலுவலக ஊழியர்களுக்கும், வாடிக்கையாளர்களுக்கும் தினசரி வாக்குவாதம் ஏற்படுகிறது.
இதுகுறித்து அஞ்சலக ஊழியர்கள், உயர் அதிகாரிகளிடம் வலியுறுத்தியும் நடவடிக்கை எடுக்கப்படவில்லை எனக் கூறப்படுகிறது. 
இதனிடையே  பணியின்போது சாப்ட்வேர் பிரச்னை ஏற்படுவதால் தொடர் சேவை செய்ய முடியாமல் அதிருப்தியடைந்த அஞ்சலக என்.எப்.பி.இ. யூனியன் ஊழியர்கள், சி.எப்.ஐ. சாப்ட்வேர் சேவையை எளிய முறையில் விரைவாக பயன்படுத்தும் வகையில் மாற்றிஅமைக்க வேண்டும் என வலியுறுத்தி  கருப்பு பேட்ஜ் அணிந்து வெள்ளிக்கிழமை பணிபுரிந்தனர்.


 

]]>
http://www.dinamani.com/all-editions/edition-nagapattinam/nagapattinam/2018/jun/23/சாப்ட்வேர்-சேவை-பாதிப்பு-கருப்பு-பேட்ஜ்-அணிந்து-பணியாற்றிய-அஞ்சலக-ஊழியர்கள்-2945369.html
2945368 நாகப்பட்டினம் நாகப்பட்டினம் நாகையில் ரத்த தான  விழிப்புணர்வு பேரணி DIN DIN Saturday, June 23, 2018 07:18 AM +0530 உலக குருதிக் கொடையாளர் தினத்தையொட்டி, நாகையில் ரத்த தான விழிப்புணர்வுப் பேரணி வெள்ளிக்கிழமை நடைபெற்றது.
நாகை மாவட்ட ஆட்சியர் சீ. சுரேஷ்குமார் தலைமை வகித்து, பேரணியைக் கொடி அசைத்துத் தொடங்கி வைத்தார். முன்னதாக, உயிர் காக்கும் குருதிக் கொடையின் அவசியங்கள் மற்றும் நன்மைகளை அவர் விளக்கிப் பேசினார்.
குடும்ப நலத் துறை இணை இயக்குநர் மகேந்திரன் மற்றும் மாவட்ட அரசுத் தலைமை மருத்துவமனை மருத்துவ அலுவலர்கள், மருத்துவர்கள் கலந்துகொண்டனர். அரசு செலிவியர் பயிற்சி பள்ளி மாணவியர் மற்றும் பல்வேறு தனியார் கல்லூரி  மாணவியர் இந்தப் பேரணியில், ரத்த தான விழிப்புணர்வு வாசகங்கள் பொறிக்கப்பட்ட பதாகைகளுடன் பங்கேற்றனர்.
நாகை அரசு மருத்துவமனை வளாகத்திலிருந்து தொடங்கிய இந்தப் பேரணி, நகரின் முக்கிய வீதிகள் வழியே சென்று மீண்டும் அரசு மருத்துவமனை வளாகத்தை அடைந்தது.
 

]]>
http://www.dinamani.com/all-editions/edition-nagapattinam/nagapattinam/2018/jun/23/நாகையில்-ரத்த-தான--விழிப்புணர்வு-பேரணி-2945368.html
2945366 நாகப்பட்டினம் நாகப்பட்டினம் திடக்கழிவு மேலாண்மைப் பயிற்சி முகாம் DIN DIN Saturday, June 23, 2018 07:17 AM +0530 நாகை மாவட்டம், குத்தாலம் வட்டம், திருவாலங்காடு கிராமத்தில் ஸ்பீடு பவுண்டேஷன் தொண்டு நிறுவனத்தின் சார்பில், வளர் இளம் பெண்களுக்கு திடக்கழிவு மேலாண்மை, நீர் மேலாண்மை, பொது சுகாதாரம் ஆகியவை குறித்த பயிற்சி முகாம் வெள்ளிக்கிழமை நடைபெற்றது.
இயற்கை வளங்கள் பாதுகாப்பு மற்றும் வெகுஜன மக்களுக்கான அரசியல் விழிப்புணர்வு கூட்டமைப்பு, பாலபாரதி சமுதாயக் கல்லூரி ஆகியவை சார்பில் நடைபெற்ற இந்நிகழ்ச்சிக்கு முதன்மை செயல் அலுவலர் ராஜகீர்த்தி தலைமை வகித்தார். களப்பணியாளர்கள் சுகுணா, மேகலா, பிரபாவதி ஆகியோர் முன்னிலை வகித்தனர். 
இதில், ஸ்பீடு பவுண்டேஷன் திட்ட இயக்குநர் தன. புவனேஸ்வரன் சிறப்பு அழைப்பாளராகக் கலந்துகொண்டு பயிற்சி அளித்தார். வட்டார ஒருங்கிணைப்பாளர் சாந்தினிதேவி வரவேற்றார். திட்ட ஒருங்கிணைப்பாளர் பி. மாலா நன்றி கூறினார்.
 

]]>
http://www.dinamani.com/all-editions/edition-nagapattinam/nagapattinam/2018/jun/23/திடக்கழிவு-மேலாண்மைப்-பயிற்சி-முகாம்-2945366.html
2945365 நாகப்பட்டினம் நாகப்பட்டினம் தகட்டூர் சூரியன்காடு பகுதியில் பாலம் அமைத்துத்தரக் கோரிக்கை DIN DIN Saturday, June 23, 2018 07:17 AM +0530 வேதாரண்யம் அருகே முள்ளியாற்றின் குறுக்கே கான்கிரீட் பாலம் அமைத்துத்தர வேண்டுமென தகட்டூர், சூரியன்காடு பகுதி மக்கள் ஆட்சியரிடம் கோரிக்கை மனு அளித்துள்ளனர்.
தகட்டூர் ஊராட்சி, சூரியன்காடு, நடுக்காடு ஆதிதிராவிடர் குடியிருப்பு மக்கள் ஆட்சியர் சீ. சுரேஷ்குமாரிடம் அளித்த கோரிக்கை மனுவிவரம்: ஆதிதிராவிடர் வகுப்பைச் சேர்ந்த எங்களுக்கு மயானம், குடிநீர் போன்ற வசதிகள் போதிய அளவில் இல்லை. இதுகுறித்து உரிய நடவடிக்கை மேற்கொள்ள கேட்டுக்கொள்ளப்படுகிறது. இதேபோல், பழுதடைந்துள்ள தொகுப்பு வீடுகளை சீரமைத்துக் கொடுக்க வேண்டும். பருவ மழை காலங்களில் புலம் பெயரும் நிலையில் வாழ்ந்து வரும் எங்களுக்கு வேதாரண்யம் - திருத்துறைப்பூண்டி பிரதான சாலையை சென்றடைய முள்ளியாற்றின் குறுக்கே மரப்பாலம் உள்ளது. இந்த பாலமும் அவ்வப்போது பழுதாகி வருகிறது. இதனால் ,பள்ளி மாணவர்கள் உள்ளிட்ட பலரும் பாதிக்கப்படுகின்றனர். எனவே, சூரியன்காடு, நடுக்காடு பகுதி மக்களின் பயன்பாட்டுக்காக முள்ளியாற்றின் குறுக்கே பாதுகாப்பான கான்கிரீட் பாலம் அமைத்துக் கொடுக்க வேண்டும் என கேட்டுக்கொள்ளப்படுகிறது என மனுவில் குறிப்பிடப்பட்டுள்ளது.

]]>
http://www.dinamani.com/all-editions/edition-nagapattinam/nagapattinam/2018/jun/23/தகட்டூர்-சூரியன்காடு-பகுதியில்-பாலம்-அமைத்துத்தரக்-கோரிக்கை-2945365.html
2945364 நாகப்பட்டினம் நாகப்பட்டினம் பழச்செடிகளை விவசாயிகள் மானிய விலையில் பெறலாம் DIN DIN Saturday, June 23, 2018 07:16 AM +0530 மானாவாரி பகுதி மேம்பாட்டுத் திட்டத்தின் கீழ் பழ வகை செடிகளை விவசாயிகள் மானிய விலையில் பெறலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : நீடித்த நிலையான வேளாண்மைக்கான தேசிய இயக்கத்தின்கீழ், மானாவாரி பகுதிகள் மேம்பாட்டுத் திட்டத்தின் மூலம், மானாவாரி பகுதிகளின் சாகுபடி பரப்பை அதிகரிக்கும் வகையில், ஒருங்கிணைந்த பண்ணைய முறைகள் மானிய விலையில் பழ வகை செடிகள் வழங்கும் திட்டம் செயல்படுத்தப்படுகிறது. 
இத்திட்டம், 2018-19-ஆம் ஆண்டில் தமிழகத்தில் ரூ. 21.24 கோடி மதிப்பில் செயல்படுத்தப்படவுள்ளது. இதில், நாகை மாவட்டத்துக்கு ரூ. 97.20 லட்சம் ஒதுக்கீடு செய்யப்பட்டுள்ளது. இத்திட்டத்தின்கீழ், நிலத்துக்கேற்றார் போல குழுக்கள் அமைத்து, ஒருங்கிணைந்த பண்ணைய முறைகளைக் கடைபிடித்து, இரட்டிப்பு லாபம் பெற வழி வகை செய்யப்படும்.
நிகழாண்டில், தோட்டக்கலை சார்ந்த பண்ணையத்தின்கீழ் விவசாயிகள் பழ பயிர்களுடன் ஊடுபயிர், கலப்புப் பயிர், பல அடுக்குப் பயிர் சாகுபடி செய்ய ஹெக்டேருக்கு ரூ. 25 ஆயிரம் வரை மானியம் வழங்கப்படுகிறது. 
மேலும், விவசாய உற்பத்தித் திறனை உயர்த்த நவீன தொழில்நுட்பங்களின் பலன்கள் மற்றும் செயல்பாடுகள் குறித்து பயிற்சிகளும் அளிக்கப்படுகிறது. இதுகுறித்த மேலும் தகவல்களுக்கு நாகை மாவட்டத் தோட்டக்கலை துணை இயக்குநர் அலுவலகத்தை 04365-248881 என்ற தொலைபேசி எண்ணில் தொடர்பு கொள்ளலாம் அல்லது தோட்டக்கலை உதவி இயக்குநர் அல்லது உதவி தோட்டக்கலை அலுவலர்களை விவசாயிகள் தொடர்பு கொள்ளலாம் என ஆட்சியர் தனது செய்திக் குறிப்பில் தெரிவித்துள்ளார்.

]]>
http://www.dinamani.com/all-editions/edition-nagapattinam/nagapattinam/2018/jun/23/பழச்செடிகளை-விவசாயிகள்-மானிய-விலையில்-பெறலாம்-2945364.html
2945363 நாகப்பட்டினம் நாகப்பட்டினம் சமூக தணிக்கை கிராம சபைக் கூட்டம் DIN DIN Saturday, June 23, 2018 07:16 AM +0530 நாகை மாவட்டம், சீர்காழியை அடுத்த வேட்டங்குடி கிராமத்தில் மகாத்மா காந்தி தேசிய ஊரக வேலை உறுதித் திட்டத்தின்கீழ், கடந்த 2016-17-ஆம் ஆண்டில் நடைபெற்ற பணிகள் குறித்த சமூக தணிக்கை சிறப்பு கிராம சபைக் கூட்டம் வெள்ளிக்கிழமை  நடைபெற்றது.
கூட்டத்துக்கு தற்காலிகத் தலைவர் வில்வநாதன் தலைமை வகித்தார். மண்டல துணை வட்டார வளர்ச்சி அலுவலர் சம்பந்தம் முன்னிலை வகித்தார். ஒன்றிய பணி மேற்பார்வையாளர் திருச்செல்வம், சமூகத் தணிக்கையாளர் பாலமுருகன் மற்றும் திட்டப் பணியாளர்கள், ஊழியர்கள் கலந்துகொண்டனர்.
கடந்த 2016-17-ஆம் ஆண்டில், நூறு நாள் வேலைத் திட்டத்தின்கீழ் நடைபெற்ற பணிகள் மற்றும் ஒதுக்கீடு செய்யப்பட்ட தொகை குறித்த விவரங்கள் பொதுமக்களின் பார்வைக்கு தணிக்கைக்காக வைக்கப்பட்டன. ஊராட்சிச் செயலாளர் வெற்றிவேந்தன் வரவேற்றார். பணித்தளப் பொறுப்பாளர் சரவணன் நன்றி கூறினார்.

]]>
http://www.dinamani.com/all-editions/edition-nagapattinam/nagapattinam/2018/jun/23/சமூக-தணிக்கை-கிராம-சபைக்-கூட்டம்-2945363.html
2945362 நாகப்பட்டினம் நாகப்பட்டினம் வழிபாட்டுத் தலம் அருகே மதுபானக் கடை திறக்க பாஜக எதிர்ப்பு DIN DIN Saturday, June 23, 2018 07:16 AM +0530 சீர்காழியில் ஆன்மிக வழிபாட்டுத் தலம் அருகே அரசு மதுபானக் கடை திறக்கக் கூடாது என பாஜக சார்பில்,  மதுபானக் கழக மண்டல மேலாளருக்கு கோரிக்கை மனு வெள்ளிக்கிழமை அனுப்பப் பட்டுள்ளது.
இதுகுறித்து பாஜக அமைப்பு சாரா தொழிலாளர் பிரிவு மாவட்டத் தலைவர் குருமூர்த்தி, திருவிடைமருதூரில் உள்ள தமிழ்நாடு அரசு மதுபானக் கழக மண்டல மேலாளருக்கு அனுப்பிய கோரிக்கை மனுவில் கூறியிருப்பதாவது: சீர்காழியில் பிரசித்திப் பெற்ற தாடாளன் கோயில் அருகில் மதுபானக் கடை திறப்பதாக அறிகிறோம். 
இவ்விடத்தின் அருகில் 108 திவ்ய தேசங்களின் முக்கியமான 27 -ஆவது திவ்ய தேசமான உலகளந்த பெருமாள் கோயில் உள்ளது. இக்கோயிலில் தினந்தோறும் சிறப்பு வழிபாடுகள் நடைபெறும். இங்கு நாள்தோறும் ஆயிரக்கணக்கான உள்ளூர், வெளியூர் பக்தர்கள் வருகை தந்து தரிசனம் செய்வது வழக்கம்.
உத்ஸவ காலங்களில் நான்கு வீதிகளும் பெருமாள் புறப்பாடும், வீதியுலாவும் நடைபெறும் இடத்தில் மதுபானக் கடை திறப்பதை தடை செய்ய வேண்டும். மேலும், இவ்விடத்தின் அருகில் நான்கு திருமணக் கூடங்கள் உள்ளன. அருகில் மதுபானக் கடை திறப்பதால் சட்ட ம் - ஒழுங்கு பிரச்னை நடைபெற அதிகமான வாய்ப்பு உள்ளது.
எனவே, கோயிலுக்கு அருகே  மதுபானக் கடையை திறக்கக் கூடாது என பாஜக சார்பில் கேட்டுக்கொள்கிறோம் என அதில் கூறப்பட்டுள்ளது.

]]>
http://www.dinamani.com/all-editions/edition-nagapattinam/nagapattinam/2018/jun/23/வழிபாட்டுத்-தலம்-அருகே-மதுபானக்-கடை-திறக்க-பாஜக-எதிர்ப்பு-2945362.html
2945361 நாகப்பட்டினம் நாகப்பட்டினம் அம்மா திட்ட சிறப்பு முகாம் DIN DIN Saturday, June 23, 2018 07:16 AM +0530 பொறையாறு பகுதிகளில் வெள்ளிக்கிழமை அம்மா திட்ட சிறப்பு முகாம் நடைபெற்றது. 
அன்னவாசல் ஊராட்சியில் நடைபெற்ற முகாமுக்கு, தரங்கம்பாடி தேர்தல் துணை வட்டாட்சியர் மு. விஜயராணி தலைமை வகித்தார். இதில், குடும்ப அட்டையில் பெயர் சேர்த்தல், நீக்குதல், முதியோர்களுக்கான ஓய்வூதியம், பட்டா மாறுதல் உள்ளிட்ட மனுக்கள் பெறப்பட்டன.  அன்னவாசல் ஊராட்சிக்குட்பட்ட கழனிவாசல், அகர அன்னவாசல், மாங்குடி, மாந்தை ஆகிய பகுதிகளைச் சேர்ந்தவர்கள் முகாமில் மனுக்கள் அளித்தனர். 
இதேபோல் கொத்தங்குடி ஊராட்சியில், மண்டல துணை வட்டாட்சியர் மகேந்திரன் தலைமையில் நடைபெற்ற அம்மா திட்ட சிறப்பு முகாமில், நீலவேலி, வேலம்புதுக்குடி, ஐவேலி ஆகிய பகுதிகளைச் சேர்ந்த மக்கள் கோரிக்கையை வலியுறுத்தி மனு அளித்தனர். அடுத்து, தில்லையாடி ஊராட்சியில் நடைபெற்ற அம்மா திட்ட சிறப்பு முகாமில் சமூக பாதுகாப்பு திட்ட தனி வட்டாட்சியர் நாகலெட்சுமி தலைமை வகித்தார்.  இதில், தில்லையாடி ஊராட்சிக்குள்பட்ட நாகப்பன் நகர், முதலியார் தெரு, சின்னமேட்டு பாளையம் ஆகிய பகுதி மக்கள் கோரிக்கைகளை வலியுறுத்தி மனு அளித்தனர். 
 

]]>
http://www.dinamani.com/all-editions/edition-nagapattinam/nagapattinam/2018/jun/23/அம்மா-திட்ட-சிறப்பு-முகாம்-2945361.html
2945360 நாகப்பட்டினம் நாகப்பட்டினம் மனநலம் பாதிக்கப்பட்டு சாலையில் சுற்றி  திரிந்தவர்கள் மீட்பு DIN DIN Saturday, June 23, 2018 07:15 AM +0530 மனநலம் பாதிக்கப்பட்டு சாலையில் சுற்றித் திரிந்தவர்களை கார்டன் மனநல மறுவாழ்வு மையத்தினர் மீட்டு மையத்தில் வியாழக்கிழமை சேர்த்தனர்.
சீர்காழி திட்டையில் செயல்பட்டு வரும் கார்டன் மனநல மறுவாழ்வு மையத்தினர் நாகை மாவட்ட பகுதியில்  மனநலம் பாதிக்கப்பட்டு சாலைகளில் சுற்றித் திரிபவர்களை மீட்டு மனநல சிகிச்சை அளித்து  மீண்டும் குடும்பத்துடன் சேர்த்து வைத்து வருகின்றனர்.
இதேபோல், சீர்காழி மற்றும் நாகை, வேளாங்கண்ணி, வேதாரண்யம் ஆகிய ஊர்களில் மனநலம் பாதிக்கப்பட்டு சுற்றித் திரிந்த 3 ஆண்கள், 8 பெண்களை கார்டன் மனநல மறுவாழ்வு மையத்தினர், மாவட்ட மாற்றுத்தினாளிகள் நல அலுவலர், காவல்துறையினரின் உதவியுடன் மீட்டு சீர்காழி திட்டையில்  உள்ள மறுவாழ்வு மையத்துக்கு கொண்டு வந்து சேர்த்தனர்.
மனநலம் பாதிக்கப்பட்டவர்கள் மனநல சிகிச்சை மற்றும் மனநல மறுவாழ்வு செயல்பாட்டுக்குப் பிறகு, அவர்களது குடும்பத்தினரைப்  பற்றியும், இருப்பிடத்தைப் பற்றியும் கூறும்பட்சத்தில் மாநில குற்றவியல் ஆவணக் காப்பக உதவியுடன் அவர்களுடைய  குடும்பத்தோடு சேர்த்துவைக்கப்படுவர் என கார்டன் மனநல மறுவாழ்வு மைய இயக்குநர் ஜெயந்தி உதயக்குமார் தெரிவித்தார்.

]]>
http://www.dinamani.com/all-editions/edition-nagapattinam/nagapattinam/2018/jun/23/மனநலம்-பாதிக்கப்பட்டு-சாலையில்-சுற்றி--திரிந்தவர்கள்-மீட்பு-2945360.html
2945359 நாகப்பட்டினம் நாகப்பட்டினம் சேதமடைந்துள்ள காமராஜர் சிலை சீரமைக்கப்படுமா ? DIN DIN Saturday, June 23, 2018 07:15 AM +0530 சீர்காழியில் சேதமடைந்த நிலையில் உள்ள கர்மவீரர் காமராஜரின் திருவுருவச் சிலை சீரமைக்கப்படுமா என சமூக ஆர்வலர்கள் மற்றும் கல்வியாளர்கள் எதிர்பார்க்கின்றனர். 
சீர்காழி ஈசானியத்தெருவில் சட்டநாதர்குளம் அருகே காங்கிரஸ் கட்சி சார்பில் கடந்த 2000-ஆம் ஆண்டில் மண்டபத்துடன் கூடிய நின்ற நிலையில் பெருந்தலைவர் காமராஜர் சிலை அமைக்கப்பட்டது. அப்போது முன்னாள் மத்திய அமைச்சர் மணிசங்கர்அய்யர் முன்னிலையில், அப்போதய சீர்காழி நகர காங்கிரஸ் தலைவர் குமார் மற்றும் காங்கிரஸ் கட்சியினர் ஏற்பாட்டில் மத்தியப் பிரதேச அப்போதய முதல்வர் திக்விஜய்சிங், புதுச்சேரி முதல்வராக இருந்த சண்முகம் ஆகியோர் காமராஜர் சிலையை திறந்துவைத்தனர். 
அதன்பின்னர், ஆண்டுதோறும் ஜூலை 15-ஆம் தேதி காமராஜர் பிறந்தநாள் தினத்தில் காங்கிரஸ் கட்சியினர் காமராஜர் சிலைக்கு மாலை அணிவித்து மரியாதை செலுத்தி வருகின்றனர். அன்றைய தினத்தோடு சிலை பராமரிப்பை முடித்துக் கொள்கின்றனர். தொடர்ந்து, ஏனைய நாள்களில் காமராஜர் சிலை பராமரிப்பு குறித்து யாரும் கண்டுகொள்வதில்லை. இதனால் போதிய பராமரிப்பின்றி காமராஜர் சிலை சில ஆண்டுகளுக்கு முன்பு கைப் பகுதி லேசாக உடைந்து சரிசெய்யப்பட்டது. இதையடுத்து, சிலை மீது காகம் உள்ளிட்ட பறவைகள் எச்சம் விட்டுள்ளதை சுத்தம் செய்வது கூட கிடையாது. 
தற்போது காமராஜர் சிலையின் இடது கை முட்டி பகுதி மீண்டும் உடைந்து சேதமடைந்துள்ளது. இதை இதுவரை யாரும் கண்டுக்கொள்ளவில்லை. 
இதையறிந்த அப்பகுதி சமூக ஆர்வலர்கள் கல்வியாளர்களை வேதனையடைய செய்துள்ளது. எனவே, இதுகுறித்து உரிய நடவடிக்கை மேற்கொள்ள வேண்டும் என்பது அனைவரின் எதிர்பார்ப்பு. 

]]>
http://www.dinamani.com/all-editions/edition-nagapattinam/nagapattinam/2018/jun/23/சேதமடைந்துள்ள-காமராஜர்-சிலை-சீரமைக்கப்படுமா--2945359.html
2945358 நாகப்பட்டினம் நாகப்பட்டினம் ஒருங்கிணைந்த நிதி மற்றும் மனிதவள மேலாண்மைத் திட்டம் மூலம் அரசுப் பணியாளர்களின் பணிப் பதிவுகள் கணினி மயமாகும்: கருவூல கணக்குத் துறை முதன்மைச் செயலாளர்  DIN DIN Saturday, June 23, 2018 07:15 AM +0530 ஒருங்கிணைந்த நிதி மற்றும் மேலாண்மைத் திட்டம் மூலம் தமிழக அரசுப் பணியாளர்களின் பணிப் பதிவுகள் முழுமையும் கணினி மயமாகும் என கருவூல கணக்குத் துறை முதன்மைச் செயலாளர் மற்றும் ஆணையர் தென்காசி சு. ஜவஹர் கூறினார்.
நாகையில் வெள்ளிக்கிழமை நடைபெற்ற ஒருங்கிணைந்த நிதி மற்றும் மனித வேளாண்மைத் திட்ட திறனூட்டல் பயிற்சிக் கூட்டத்தில் மேலும் அவர் பேசியது : 
இந்தியாவிலேயே முதல் மாநிலமாக, தமிழகத்தில் அரசுப் பணியாளர்களின் சம்பளப் பட்டியலை வலைதளம் மூலம் ஏற்பளிக்கும் ஒருங்கிணைந்த நிதி மற்றும் மனிதவள மேம்பாட்டுத் திட்டம் செயல்படுத்தப்படவுள்ளது. தற்போது நடைமுறையில் உள்ள தன்னியக்க கருவூலப் பட்டியல் ஏற்பளிக்கும் முறை, வலைதள சம்பளப் பட்டியல் மற்றும் மின்னணு வழி ஓய்வூதியம் ஆகியன இத்திட்டத்தில் சேர்க்கப்படும். இத்திட்ட செயலாக்கத்துக்காக அரசு ரூ. 288.91 கோடி ஒப்பளிப்பு செய்துள்ளது.
அரசின் வருவாயை இணையவழி மூலம் பெற இத்திட்டத்தில் வழிவகை செய்யப்பட்டுள்ளதால், அரசின் நிகழ் நேர வரவை உடனுக்குடன் அறிய முடியும். தேவையற்ற காலதாமதங்களும், முறைகேடுகளும் தவிர்க்கப்படும். 
சுமார் 9 லட்சத்துக்கும் அதிகமான அரசுப் பணியாளர்களின் பணிப் பதிவேடுகள்  கணினி மயமாக்கப்பட்டு, ஊதியம், பதவி உயர்வு, மாறுதல்கள், விடுப்பு உள்ளிட்ட இதர விவரங்கள் அவ்வப்போது உடனுக்குடன் பதியப்படும். ஒருவர் அரசுப் பணியில் சேர்ந்தது முதல் ஓய்வு பெறும் காலம் வரையிலான அனைத்துப் பணிப் பதிவுகளும்  இத்திட்டம் மூலம் முழுமையாக கணினி மயமாகும்.
இதன்மூலம், பணிப் பதிவேடுகள் பராமரிப்புப் பணியிலிருந்து அலுவலர்கள் விடுபட்டு துறை சார்ந்த ஆக்கப்பூர்வ பணிகளில் ஈடுபட முடியும். மேலும், கால விரயம் குறைவதுடன், பணிப் பதிவேடு காணாமல் போகக் கூடிய சூழ்நிலைகள் முழுமையாக தவிர்க்கப்படும். 
பணிப் பதிவேடுகள் அவ்வப்போது கணினி மூலம் ஆய்வு செய்யப்படுவதால், ஓய்வூதியம் தாமதமின்றி கிடைக்கும். இத்திட்டத்தின் மூலம், நாகை மாவட்டத்தில் 21,089 அரசு ஊழியர்களின் பணிப் பதிவேடுகள் கணினி மயமாக்கப்பட்டுள்ளன என்றார் தென்காசி சு. ஜவஹர்.
நாகை மாவட்ட ஆட்சியர் சீ. சுரேஷ்குமார் தலைமை வகித்தார். மாவட்டக் காவல் கண்காணிப்பாளர் தேஷ்முக் ஷேகர் சஞ்சய், மாவட்ட வருவாய் அலுவலர் வ. முருகேசன், கருவூலம் மற்றும் கணக்குத் துறை கூடுதல் இயக்குநர் ஏ.பி. மகாபாரதி, மண்டல இணை இயக்குநர் தே. செல்வசேகர், நாகை மாவட்ட கருவூல அலுவலர் அ.கோ. முரளி, பயிற்சி ஆட்சியர் மன்சூர் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/nagapattinam/2018/jun/23/ஒருங்கிணைந்த-நிதி-மற்றும்-மனிதவள-மேலாண்மைத்-திட்டம்-மூலம்-அரசுப்-பணியாளர்களின்-பணிப்-பதிவுகள்-கணினி-2945358.html
2945209 நாகப்பட்டினம் நாகப்பட்டினம் மயிலாடுதுறையில் நாளை இலவச மருத்துவ முகாம் DIN DIN Saturday, June 23, 2018 01:20 AM +0530 மயிலாடுதுறையில் ஜூன் 24-ஆம் தேதி பெண்களுக்கான இலவச மருத்துவ முகாம் நடைபெறவுள்ளது. 
இதுகுறித்து மயிலாடுதுறையைச் சேர்ந்த மகப்பேறு மருத்துவர் சாந்தி வெங்கடகிருஷ்ணன் கூறியது: சென்னை இண்டிகோ மருத்துவமனை மற்றும் மயிலாடுதுறை குகன் மருத்துவமனை சார்பில், பெண்களுக்கான இலவச சிறப்பு மருத்துவ முகாம் (கருத்தரிப்புக்கான மருத்துவ ஆலோசனை முகாம்)  மயிலாடுதுறையில் மகாதான தெருவில் இயங்கி வரும் குகன் மருத்துவமனையில் ஜூன் 24-ஆம் தேதி காலை 9 முதல் மாலை 3 மணி வரை நடைபெறவுள்ளது.
முகாமில் நாகை, திருவாரூர், தஞ்சை மற்றும் பிறப்  பகுதிகளைச் சேர்ந்த பெண்கள் பங்கேற்று, கருத்தரிப்புக்கான மருத்துவ ஆலோசனைகளை இலவசமாக பெறலாம். சென்னை இண்டிகோ பெண்கள் மருத்துவமனையின் மகப்பேறு மருத்துவ நிபுணர்கள் சரட் பாட்டினா, சுரக்ஷித் பாட்டினா, சாந்தி ஆகியோர் பங்கேற்று நீண்ட நாள்களாக குழந்தையில்லாத பெண்களுக்கு, கருத்தரிப்புக்கான மருத்துவ ஆலோசனைகளை வழங்கவுள்ளனர். முன்பதிவு செய்தவர்கள் மற்றும் செய்யாதவர்கள் பங்கேற்றுப் பயனடையலாம் என்றார். முன்பதிவுக்கு- 7080808087.
 

]]>
http://www.dinamani.com/all-editions/edition-nagapattinam/nagapattinam/2018/jun/23/மயிலாடுதுறையில்-நாளை-இலவச-மருத்துவ-முகாம்-2945209.html
2945208 நாகப்பட்டினம் நாகப்பட்டினம் வேதாரண்யம் தெற்கு கடலோரத்தில் பலத்த காற்று: குறைந்த எண்ணிக்கையில் கடலுக்குச் சென்ற மீனவர்கள் DIN DIN Saturday, June 23, 2018 01:20 AM +0530 நாகை மாவட்டம், வேதாரண்யத்தின் தெற்கு கடலோரப் பகுதியில் வழக்கத்தைவிட வேகமான கடல் காற்று வீசி வரும் நிலையில், கடந்த சில நாள்களுக்குப் பின்னர் கிழக்கு கடல் பகுதியில் மீன்பிடிக்க மீனவர்கள் வெள்ளிக்கிழமை சென்றனர்.
வேதாரண்யம் பகுதியின் தெற்கு கடலோரப் பகுதியான கோடியக்கரை முதல் துளசியாப்பட்டினம் வரையிலான பரப்பில் கடந்த சில வாரங்களாக தெற்கு மற்றும் தென்மேற்கு திசையில் இருந்து பலத்த கடல் காற்று வழக்கத்தைவிட வேகமாக வீசி வருகிறது.
இதனால் காற்றில் புழுதி மணல் கலந்து வெளியாவதால் பொதுமக்கள் அவதிக்குள்ளாகி வருகின்றனர்.
காற்றின் வேகத்தால் மின் கம்பிகளில் மரக் கிளைகள் மோதி அடிக்கடி மின் விநியோகம் தடைபட்டு வருகிறது. இந்த காற்றானது தெற்கு கடலோரப் பகுதியில் வெள்ளிக்கிழமை அதிகரித்துக் காணப்பட்டது.
இந்நிலையில், கோடியக்கரை உள்ளிட்ட தெற்கு கடலோரத்தில் கடல் சற்று சீற்றமாக காணப்பட்டது. ஆனால், ஆறுகாட்டுத்துறை உள்ளிட்ட கிழக்கு கடல் பரப்பில் சற்று சீற்றம் குறைந்திருந்தது. இதையடுத்து, ஆறுகாட்டுத்துறையில் கடந்த இரு நாள்களாக மீனவர்கள் கடலுக்குச் செல்லாத நிலையில் வெள்ளிக்கிழமை குறிப்பிட்ட எண்ணிக்கையிலான கண்ணாடியிழைப் படகுகளில் மீனவர்கள் கடலுக்குச் சென்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/23/வேதாரண்யம்-தெற்கு-கடலோரத்தில்-பலத்த-காற்று-குறைந்த-எண்ணிக்கையில்-கடலுக்குச்-சென்ற-மீனவர்கள்-2945208.html
2944780 நாகப்பட்டினம் நாகப்பட்டினம் ஆனி உத்திர அபிஷேக விழா DIN DIN Friday, June 22, 2018 08:18 AM +0530 திருவாவடுதுறை ஆதீனத்தில் ஞானமாநடராஜ பெருமான் ஆனி உத்திர அபிஷேக விழா புதன்கிழமை நடைபெற்றது.
பெரிய பூஜை மடம், ஸ்ரீஞானமாநடராஜ பெருமான் சன்னிதியில் 24-ஆவது ஆதீன அம்பலவாண தேசிக பரமாசார்ய சுவாமிகள் சிறப்பு அபிஷேக, ஆராதனைகள் மற்றும் மாகேஸ்வர பூஜைகளைச் செய்தார். பின்னர், ஆதீன கொலு மண்டபத்தில் மதுரை மீனாட்சி சுந்தரேஸ்வரர் கோயில் க. அம்ரிஷ்ரோம் ஓதுவாமூர்த்திகளின் திருமுறை பாராயணம் நடைபெற்றது.
இரவு பூஜை நிறைவில் மதுரை க. அம்ரிஷ்ரோம் ஓதுவாமூர்த்திகளின் திருமறைப்பணிகளைப் பாராட்டி, தெய்வத் தமிழிசைச் செல்வர் எனும் விருதையும், ரூ. 5 ஆயிரம் பொற்கிழியையும் திருவாவடுதுறை ஆதீனம் வழங்கினார். காஞ்சிபுரம் ஆதீன கிளைமடம் ஸ்ரீமத் அம்பலவாணதம்பிரான் சுவாமிகள் வரவேற்றார். ஸ்ரீநமச்சிவாய மூர்த்தி மழலையர் தொடக்கப்பள்ளி முதல்வர் மு. கமலம் நன்றி கூறினார். நிகழ்ச்சியில், ஆதீனத்தின் கட்டளை தம்பிரான்சுவாமிகள், புலவர்கள்,  சைவ சித்தாந்த மற்றும் திருமுறை பயிற்சி மைய பேராசிரியர்கள்  உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/nagapattinam/2018/jun/22/ஆனி-உத்திர-அபிஷேக-விழா-2944780.html
2944779 நாகப்பட்டினம் நாகப்பட்டினம் 19,412 மீனவக் குடும்பங்களுக்கு மீன்பிடி தடைக்கால நிவாரணம் வழங்கப்பட்டுள்ளது: ஆட்சியர் தகவல் DIN DIN Friday, June 22, 2018 08:18 AM +0530 நாகை மாவட்டத்தைச் சேர்ந்த 19,412 மீனவக் குடும்பங்களுக்கு ரூ. 9.70 கோடி மதிப்பில் மீன்பிடித் தடைக்கால நிவாரணம் வழங்கப்பட்டுள்ளது என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : 
மீன்வளத் துறை சார்பில் மீன்பிடித் தடைக்கால நிவாரணமாக ஒவ்வொரு மீனவக் குடும்பத்துக்கும் தலா ரூ. 5 ஆயிரம் வழங்கப்படுகிறது. இதன்படி, 2017- 18 -ஆம் நிதி ஆண்டில் நாகை மாவட்டத்தைச் சேர்ந்த 19,412 மீனவக் குடும்பங்களுக்கு ரூ. 9.70 கோடி மீன்பிடித் தடைக்கால நிவாரணமாக வழங்கப்பட்டுள்ளது.
மேலும், கடல் மீன்பிடி குறைவு காலத்தின்போது வருவாய் இழப்புக்குள்ளாகி வறுமையில் வாடும் மீனவக் குடும்பங்களின் துயர் துடைக்கும் வகையில், சிறப்பு நிவாரணமாக ஒவ்வொரு குடும்பத்துக்கும் தலா ரூ. 5 ஆயிரம் வீதம் 19,913 குடும்பங்களுக்கு ரூ. 9.95 கோடி வழங்கப்பட்டுள்ளது.
மீனவர்கள் மற்றும் மீனவ மகளிரிடையே சேமிப்புப் பழக்கத்தை ஊக்குவிக்கும் வகையிலும், வாழ்வாதாரத்தை மேம்படுத்தும் வகையிலும், தேசிய கடல் மீனவர் சேமிப்பு நிவாரணத் திட்டம் மற்றும் தமிழ்நாடு கடல் மீனவ மகளிர் சேமிப்பு நிவாரணத் திட்டத்தின் கீழ் 2017-18 -ஆம் நிதி ஆண்டில் 27,818 மீனவர்களுக்குத் தலா ரூ. 4,500 வீதமும் ரூ. 12.51 கோடி வழங்கப்பட்டுள்ளது. 24,517 மீனவ மகளிருக்கு ரூ. 11.03 கோடி வழங்கப்பட்டுள்ளது.
மீன்பிடி படகு உரிமையாளர்கள் பயன்பெறும் வகையில், மானிய விலையில் டீசல் வழங்கும் திட்டம் மூலம் ஓர் விசைப் படகுக்கு ஆண்டுக்கு 18 ஆயிரம் லிட்டர் வீதம், 742 விசைப் படகுகளுக்கு மானிய விலையில் டீசல் வழங்கப்பட்டுள்ளன. மேலும், நாட்டுப் படகு, ஃபைபர் படகுகளுக்கு ஆண்டுக்கு 4 ஆயிரம் லிட்டர் வீதம் 1,245 படகுகளுக்கு மானிய விலையில் டீசல் வழங்கப்பட்டுள்ளன.
2017- 18 -ஆம் நிதி ஆண்டில் மத்திய அரசின் நிதி உதவியுடன் மீனவர்களுக்கு 50 சதவீத மானியத்தில், மரத்தால் ஆன கட்டுமரங்களை, கண்ணாடி, ஃபைபர் படகுகளாக மாற்றும் திட்டத்தில் 12 பயனாளிகள் தேர்வு செய்யப்பட்டு, படகு கட்டும் பணிகள் நடைபெற்று வருகின்றன என்று ஆட்சியர் தெரிவித்துள்ளார்.
 

]]>
http://www.dinamani.com/all-editions/edition-nagapattinam/nagapattinam/2018/jun/22/19412-மீனவக்-குடும்பங்களுக்கு-மீன்பிடி-தடைக்கால-நிவாரணம்-வழங்கப்பட்டுள்ளது-ஆட்சியர்-தகவல்-2944779.html
2944778 நாகப்பட்டினம் நாகப்பட்டினம் பெண் மீது தாக்குதல்: தாய், மகன் உள்பட 4 பேர் கைது DIN DIN Friday, June 22, 2018 08:17 AM +0530 குத்தாலத்தில் ஸ்டுடியோ உரிமையாளர் மீது தாக்குதல் நடத்திய தாய், மகன் உள்ளிட்ட 4 பேரை போலீஸார் கைது செய்தனர்.
நாகை மாவட்டம், குத்தாலத்தைச் சேர்ந்த அழகுராஜா மனைவி தமிழரசி (46). இவர் குத்தாலத்தை அடுத்த அஞ்சார்வார்த்தலை கடைவீதியில் போட்டோ ஸ்டுடியோ நடத்தி வருகிறார். இவரது ஸ்டுடியோவில் அஞ்சார்வார்த்தலை பிரதான சாலையில் வசிக்கும் கலியபெருமாள் மனைவி ரேணுகா (53) புகைப்படம் எடுத்து ஓராண்டாகியும், இன்னமும் படம் அச்சிட்டு தரவில்லை எனக் கூறப்படுகிறது.
இந்நிலையில், கடந்த 15-ஆம் தேதி ரேணுகா தனது மகன் கமலக்கண்ணன் உள்ளிட்ட சிலருடன் ஸ்டுடியோ சென்று கேட்டபோது, வாய்த்தகராறு ஏற்பட்டு கைகலப்பாக மாறியுள்ளது. இதில் தமிழரசி காயமடைந்துள்ளார். மேலும் ஸ்டுடியோவில் இருந்த பொருள்கள் சேதமடைந்துள்ளன. இதுகுறித்த புகாரின்பேரில் குத்தாலம்  காவல் உதவி ஆய்வாளர் தமிழ்ச்செல்வி வழக்குப் பதிந்து ரேணுகா, கமலக்கண்ணன் (25), பிரவீன்குமார் (25), ராஜா (25) ஆகிய 4 பேரை கைது செய்து சிறையில் அடைத்தார். 

]]>
http://www.dinamani.com/all-editions/edition-nagapattinam/nagapattinam/2018/jun/22/பெண்-மீது-தாக்குதல்-தாய்-மகன்-உள்பட-4-பேர்-கைது-2944778.html
2944777 நாகப்பட்டினம் நாகப்பட்டினம் நெப்பத்தூர்-திருவாலி இடையே சாலை அமைக்கும் பணி: எம்எல்ஏ ஆய்வு DIN DIN Friday, June 22, 2018 08:17 AM +0530 திருவெண்காடு அருகே திருவாலி- நெப்பத்தூர் பகுதியில் நடைபெற்று வரும் சாலைப் பணியை சட்டப் பேரவை உறுப்பினர் பி.வி. பாரதி வியாழக்கிழமை ஆய்வு செய்தார்.
நாகை மாவட்டம், சீர்காழி ஊராட்சி ஒன்றியம் திருவாலி முதல் நெப்பத்தூர் வரையிலான சுமார் 4 கிலோ மீட்டர் தூரம் மிகவும் சேதமடைந்து காணப்படுகிறது. எனவே இந்த சாலையைச் சீரமைக்குமாறு சீர்காழி சட்டப் பேரவை உறுப்பினர் பி.வி. பாரதியிடம் பொதுமக்கள் கோரிக்கை விடுத்தனர். இதையடுத்து, திருவாலி-நெப்பத்தூர் சாலையை சீரமைக்க ரூ.1.46 கோடி நிதி ஒதுக்கீடு செய்யப்பட்டது. தற்போது சாலைப் பணிகள் தீவிரமாக நடைபெற்று வருகின்றன.
இதை சட்டப் பேரவை உறுப்பினர் பி.வி. பாரதி, நாகை மாவட்ட ஊரக வளர்ச்சி முகமை செயற்பொறியாளர் செல்வராஜ் ஆகியோர் ஆய்வு செய்தனர். சாலைப் பணிகளைத் துரிதமாக முடிக்க வேண்டுமென கேட்டுக்கொண்டனர். அப்போது, ஒன்றிய ஆணையர் ஞானசெல்வி, ஒன்றியப் பொறியாளர் கனகராஜ், பணிமேற்பார்வையாளர் சந்திரசேகரன், ஒன்றிய இளைஞரணி செயலாளர் திருமாறன் ஆகியோர் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/22/நெப்பத்தூர்-திருவாலி-இடையே-சாலை-அமைக்கும்-பணி-எம்எல்ஏ-ஆய்வு-2944777.html
2944776 நாகப்பட்டினம் நாகப்பட்டினம் வேதாரண்யேசுவரர் கோயிலில் ஆனித் திருமஞ்சன தரிசனம் DIN DIN Friday, June 22, 2018 08:17 AM +0530 நாகை மாவட்டம், வேதாரண்யம் வேதாரண்யேசுவரர் சுவாமி கோயிலில் ஆனித் திருமஞ்சன தரிசன திருவிழா வியாழக்கிழமை நடைபெற்றது.
வேதாரண்யேசுவரர் கோயிலில் நடைபெற்ற ஆனித் திருமஞ்சன தரிசனத்தின்போது சுவாமிக்கும் மஹாபிஷேகம் நடைபெற்றது.
விழாவையொட்டி, சிவகாமசுந்தரி சமேத ஸ்ரீநடராஜர் எழுந்தருளிய வீதியுலா நடைபெற்றது.

]]>
http://www.dinamani.com/all-editions/edition-nagapattinam/nagapattinam/2018/jun/22/வேதாரண்யேசுவரர்-கோயிலில்-ஆனித்-திருமஞ்சன-தரிசனம்-2944776.html
2944775 நாகப்பட்டினம் நாகப்பட்டினம் மாணவர்களுக்கு அஞ்சலக சேமிப்புக் கணக்கு தொடக்கம் DIN DIN Friday, June 22, 2018 08:17 AM +0530 நாகை மாவட்டம், சீர்காழியை அடுத்த நிம்மேலி நெப்பத்தூர் ஊராட்சி ஒன்றிய நடுநிலைப்பள்ளியில் இலக்கிய மன்ற விழா, அஞ்சலக சேமிப்புக் கணக்கு தொடக்க விழா ஆகியவை வியாழக்கிழமை நடைபெற்றன.
நிகழ்ச்சிக்கு சீர்காழி சட்டப் பேரவை உறுப்பினர் பி.வி. பாரதி தலைமை வகித்தார். உதவி தொடக்கக் கல்வி அலுவலர் பூவராகவன், தலைமை ஆசிரியை செல்வி ஆகியோர் முன்னிலை வகித்தனர். சட்டப் பேரவை உறுப்பினர் பி.வி.பாரதி, மாணவர்களிடையே சேமிக்கும் பழக்கத்தை ஊக்குவிக்கும் வகையில், அஞ்சலக சேமிப்புக் கணக்கைத் தொடங்கி வைத்து, அதற்கான புத்தகத்தை வழங்கினார். பின்னர், மாணவர்களுக்கு சீருடைகள், ஆங்கில அகராதிகள் வழங்கப்பட்டன. 
விழாவில், இலக்கிய மன்றப் பேச்சாளர் முத்துக்கனியன் சிறப்புரையாற்றினார். செம்மங்குடி தொடக்க வேளாண்மைக் கூட்டுறவு வங்கி தலைவர் ராஜமாணிக்கம், அதிமுக நகரச் செயலாளர் பக்கரிசாமி, பேரூர் கழகச் செயலாளர் போகர். ரவி ஆகியோர் பங்கேற்றனர். ஆசிரியர் சீனிவாசன் வரவேற்றார். ஆசிரியர் ராஜராஜன் நன்றி கூறினார்.
 

]]>
http://www.dinamani.com/all-editions/edition-nagapattinam/nagapattinam/2018/jun/22/மாணவர்களுக்கு-அஞ்சலக-சேமிப்புக்-கணக்கு-தொடக்கம்-2944775.html
2944774 நாகப்பட்டினம் நாகப்பட்டினம் சீரடி சாய்பாபா கோயிலில் சிறப்பு வழிபாடு DIN DIN Friday, June 22, 2018 08:16 AM +0530 சீர்காழி தென்பாதியில் உள்ள சீரடி சாய்பாபா கோயிலில் வியாழக்கிழமை சிறப்பு வழிபாடு நடைபெற்றது.
சீரடிசாய்பாபாவிற்கு சிறப்பு அபிஷேகம் செய்யப்பட்டு, பல்வேறு வகையான வண்ண மலர்கள் கொண்டு அலங்காரம் செய்யப்பட்டது. தொடர்ந்து, மங்கள ஆரத்தி வழிபாடு நடைபெற்றது. இதில், திரளான பக்தர்கள் பங்கேற்று சுவாமி தரிசனம் செய்தனர். 
இதேபோல், சீர்காழி தேர் வடக்கு வீதியில் வடக்கு கோபுரவாசல் அருகே அமைந்துள்ள சாய்பாபா குடிலில் அருள்பாலிக்கும் சாய்பாபாவிற்கு சிறப்பு வழிபாடு செய்யப்பட்டது. தொடர்ந்து, பக்தர்களுக்கு அன்னதானம்  வழங்கப்பட்டது.
 

]]>
http://www.dinamani.com/all-editions/edition-nagapattinam/nagapattinam/2018/jun/22/சீரடி-சாய்பாபா-கோயிலில்-சிறப்பு-வழிபாடு-2944774.html
2944773 நாகப்பட்டினம் நாகப்பட்டினம் சுவேதாரண்யேஸ்வரர் கோயிலில் கிரிக்கெட் வீரர் அஸ்வின் வழிபாடு DIN DIN Friday, June 22, 2018 08:16 AM +0530 இந்திய கிரிக்கெட் வீரர் அஸ்வின் திருவெண்காடு சுவேதாரண்யேஸ்வரர் கோயிலில் வியாழக்கிழமை சுவாமி தரிசனம் செய்தார். 
 கோயிலுக்கு வந்த அஸ்வின் சுவேதாரண்யேஸ்வரர், பிரம்மவித்யாம்பிகை, அகோரமுர்த்தி, புதன், துர்க்கை, சுவேதமகாகாளி உள்ளிட்ட சன்னிதிகளில் சுவாமி தரிசனம் செய்து வழிபட்டார். இதையடுத்து, கோயில் நிர்வாகம் சார்பில் அஸ்வினுக்கு பிரசாதங்கள் வழங்கப்பட்டன. கிரிக்கெட் வீரர் அஸ்வினின் பெற்றோர் பிறந்த ஊர் திருவெண்காடு அருகேயுள்ள பெருந்தோட்டம் என்பதும், அதே ஊரில் உள்ள சிவன் மற்றும் பெருமாள் கோயில்களுக்கு அஸ்வின் குடும்பத்தினர் திருப்பணி செய்து வருகின்றனர் என்பதும் குறிப்பிடத்தக்கது. 

]]>
http://www.dinamani.com/all-editions/edition-nagapattinam/nagapattinam/2018/jun/22/சுவேதாரண்யேஸ்வரர்-கோயிலில்-கிரிக்கெட்-வீரர்-அஸ்வின்-வழிபாடு-2944773.html
2944772 நாகப்பட்டினம் நாகப்பட்டினம் ஊராட்சி ஒன்றிய அலுவலகத்தில் ஆய்வுக் கூட்டம் DIN DIN Friday, June 22, 2018 08:13 AM +0530 நாகை ஊராட்சி ஒன்றியப் பகுதிகளில் சட்டப் பேரவை உறுப்பினர் தொகுதி மேம்பாட்டு நிதி மூலம் செயல்படுத்தப்படும் பணிகள் குறித்த ஆய்வுக் கூட்டம் வியாழக்கிழமை நடைபெற்றது.
நாகை தொகுதி சட்டப் பேரவை உறுப்பினர் எம். தமிமுன் அன்சாரி தலைமை வகித்து, நாகை ஊராட்சி ஒன்றியத்துக்குள்பட்ட பகுதிகளில் நாகை தொகுதி சட்டப் பேரவை உறுப்பினர் தொகுதி மேம்பாட்டு நிதி மூலம் நிறைவேற்றப்பட்ட பணிகள் குறித்தும், மேற்கொள்ளப்பட வேண்டிய பணிகள் குறித்து ஊராட்சித் துறை அலுவலர்களிடம் கேட்டறிந்தார்.
வட்டார வளர்ச்சி அலுவலர்கள் மலர்விழி, செபஸ்தியம்மாள், பொறியாளர் கவிதாராணி, கூட்டுறவு சங்க நிர்வாகிகள் தங்க. கதிரவன், குணசேகரன் மற்றும் நிர்வாகிகள் கலந்துகொண்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/22/ஊராட்சி-ஒன்றிய-அலுவலகத்தில்-ஆய்வுக்-கூட்டம்-2944772.html
2944771 நாகப்பட்டினம் நாகப்பட்டினம் கோயில் நிலப் பிரச்னை: கொலை மிரட்டல் விடுத்த பள்ளி ஆசிரியர் கைது DIN DIN Friday, June 22, 2018 08:13 AM +0530 கோயில் நில அபகரிப்பு புகார் தொடர்பான விரோதத்தில் ஒருவருக்குக் கொலை மிரட்டல் விடுத்த பள்ளி ஆசிரியர் வியாழக்கிழமை கைது செய்யப்பட்டார்.
நாகை, காடம்பாடி, சாலமன்தோட்டம் பகுதியைச் சேர்ந்தவர் தா. சுந்தரவடிவேலன். இவர், வீர ஹிந்து தமிழர் கலாசார பேரவை ஒருங்கிணைப்பாளராகப் பொறுப்பு வகித்து வருகிறார்.  நாகை, வெளிப்பாளையத்தைச் சேர்ந்தவர் க. சரவணன்(39). இவர், வெளிப்பாளையத்தில் உள்ள ஒரு உதவிபெறும் மேல்நிலைப்பள்ளியின் ஆசிரியராகப் பணியாற்றி வருகிறார். 
நாகை செல்லூர் சாலையில் உள்ள நீலாயதாட்சியம்மன் கோயிலுக்குச் சொந்தமான இடத்தை ஆசிரியர் சரவணன் மற்றும் அவரது நண்பர்கள் சேர்ந்து, வீட்டுமனைகளாக்கி விற்பனை செய்ய முயற்சிப்பதாக, சுந்தரவடிவேலன் அண்மையில் கோயில் நிர்வாகத்தில் புகார் அளித்தாராம். இதனால், இருவருக்குமிடையே விரோதம் இருந்துள்ளது. 
இந்நிலையில், புதன்கிழமை தனது நண்பர் பிரதீப் என்பவருடன் மோட்டார் சைக்கிளில் சென்று கொண்டிருந்த சுந்தரவடிவேலவனை, ஆசிரியர் சரவணன் அவரது நண்பர்கள் காடம்பாடி சிலம்பரசன், தெற்கு பால்பண்ணைச்சேரி இந்திரஜித் ஆகியோர் வழிமறித்துத் திட்டி, அரிவாளைக் காட்டி கொலை மிரட்டல் விடுத்துள்ளனர். இதுகுறித்து சுந்தரவடிவேலன் அளித்த புகாரின்பேரில், வெளிப்பாளையம் போலீஸார் வழக்குப் பதிவு செய்து ஆசிரியர் கி. சரவணனை கைது செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/jun/22/கோயில்-நிலப்-பிரச்னை-கொலை-மிரட்டல்-விடுத்த-பள்ளி-ஆசிரியர்-கைது-2944771.html
2944770 நாகப்பட்டினம் நாகப்பட்டினம் சாராயம் விற்ற இருவர் கைது DIN DIN Friday, June 22, 2018 08:13 AM +0530 வேதாரண்யத்தில் அனுமதியின்றி சாராயம் விற்ற இருவரை போலீஸார் வியாழக்கிழமை கைது செய்தனர். 
வேதாரண்யம் பகுதியில் புதுச்சேரி மாநில சாராயம் விற்பனை செய்வதாக கிடைத்த தகவலையடுத்து போலீஸார் கண்காணிப்பில் ஈடுபட்டு வந்தனர். வியாழக்கிழமை வழக்கமாக கண்காணிப்பில் ஈடுபட்டிருந்தபோது, செம்போடை டாஸ்மாக் கடை அருகே அதே பகுதியைச் சேர்ந்த அன்பரசன் (40), செல்வராசு (38) ஆகியோர் அனுமதியின்றி புதுச்சேரி மாநில சாராயம் விற்பனை செய்து கொண்டிருந்தது தெரியவந்ததை அடுத்து போலீஸார் இருவரையும் கைது செய்து, அவர்களிடமிருந்து 110 லிட்டர் சாராயத்தை பறிமுதல் செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/jun/22/சாராயம்-விற்ற-இருவர்-கைது-2944770.html
2944769 நாகப்பட்டினம் நாகப்பட்டினம் உலக யோகா தினம் DIN DIN Friday, June 22, 2018 08:13 AM +0530 தி நியூ இந்தியன் எக்ஸ்பிரஸ் குழுமம் சார்பில் தருமபுரம் ஆதீனம் கலைக் கல்லூரியில்...
தி நியூ இந்தியன் எக்ஸ்பிரஸ் குழுமம் சார்பில் மயிலாடுதுறை தருமபுரம் ஆதீனம் கலைக் கல்லூரியில் உலக யோகா தினம் வியாழக்கிழமை கொண்டாடப்பட்டது.
தி நியூ இந்தியன் எக்ஸ்பிரஸ் குழுமம், தருமபுரம் ஆதீனம் கலைக்கல்லூரி நாட்டு நலப்பணித் திட்டம் மற்றும் மயிலாடுதுறை கிங்ஸ் ரோட்டரி சங்கம் ஆகியவை இணைந்து நடத்திய இந்நிகழ்ச்சிக்கு, கல்லூரி முதல்வர் முனைவர் சி. சுவாமிநாதன் தலைமை வகித்தார். கிங்ஸ் ரோட்டரி சங்கத் தலைவர் எம்.ஏ. அக்பர், செயலர் பி. அய்யாசாமி ஆகியோர் முன்னிலை  வகித்தனர். 
இந்நிகழ்ச்சியில், தருமபுரம் ஆதீனம் கல்வி நிறுவனங்களின் செயலர் முனைவர் எம். திருநாவுக்கரசு சிறப்பு அழைப்பாளராகப் பங்கேற்று உலக யோகா தின விழாவைத் தொடங்கி வைத்து பேசினார். மயிலாடுதுறை பதஞ்சலி யோகா ஆய்வு மைய  இயக்குநரும், யோகா பயிற்சியாளருமான டி.எஸ்.ஆர். கணேசன், மனவளக்கலை யோகா மன்ற பயிற்சியாளர் கே.ஆர்.விஜயலெட்சுமி ஆகியோர் மாணவ, மாணவியருக்கு செயல்முறை விளக்கப் பயிற்சியளித்தனர். கல்லூரி மாணவ, மாணவியர்கள் 700-க்கும் மேற்பட்டோர் இந்த யோகா பயிற்சியில் பங்கேற்றனர். ரோட்டரி சங்க உறுப்பினர் ஆர். கோவிந்தரஜ், கல்லூரி துணை முதல்வர் எஸ். மகாலிங்கம்,  மாலை நேரக் கல்லூரி பொறுப்பாசிரியர் செளந்தர்ராஜன், பேராசிரியர் நல்லமலை மற்றும் பேராசிரியர்கள், அலுவலர்கள், மாணவர்கள் கலந்துகொண்டனர். நிகழ்ச்சிக்கான, ஏற்பாடுகளை நாட்டு நலப்பணித் திட்ட பொறுப்பாசிரியர்கள் ஜி. ராதாகிருஷ்ணன், ஏ. பிரசன்னகுமாரி, எஸ். ராஜேஸ்வரி ஆகியோர் செய்திருந்தனர்.

மயிலாடுதுறை பள்ளி, கல்லூரிகளில்...
உலக யோகா தினத்தையொட்டி, மயிலாடுதுறையில் பள்ளி மற்றும் கல்லூரியில் யோகா தின நிகழ்ச்சிகள் நடைபெற்றன.
குட்சமாரிட்டன் மெட்ரிக் மேல்நிலைப்பள்ளியில், பள்ளி இயக்குநர் ஆர். அலெக்ஸாண்டர் ஹெப்ளின்இசையா தலைமையில் நடைபெற்ற இந்நிகழ்ச்சியில்.  பல் மருத்துவர் ராஜசிம்மன் சிறப்பு அழைப்பாளராகப் பங்கேற்று யோகா தின விழாவைத் தொடங்கி வைத்தார். தொடர்ந்து, மாணவ, மாணவியர்கள் பல்வேறு வகையான யோகாசனங்களை செய்து கண்பித்தனர்.
பள்ளியின் முதல்வர் மகாலெட்சுமி மற்றும் ஆசிரியர்கள், மாணவர்கள் கலந்துகொண்டனர்.
இதேபோல், மயிலாடுதுறை ஏவிசி பொறியியல் கல்லூரியில், கல்லூரி முதல்வர் விஜயராஜ் தலைமையில் நடைபெற்ற உலக யோகா தின நிகழ்ச்சியில், கல்லூரி பேராசிரியர்கள், மாணவர்கள் கலந்துகொண்டனர்.
பாஜக சார்பில்: மயிலாடுதுறை நகர பாஜக சார்பில் உலக யோகா தின நிகழ்ச்சி நடைபெற்றது. உலக யோகா தினம் குறித்து பொதுமக்களிடையே விழிப்புணர்வு ஏற்படுத்தும் வகையில் சுடர் ஓட்டம் நடத்தப்பட்டது. பாஜக நகரத் தலைவர் மோடி. கண்ணன் தலைமையில் நடைபெற்ற இந்நிகழ்ச்சியில், கட்சியின் மயிலாடுதுறை மக்களவைத் தொகுதிப் பொறுப்பாளர் கோவி. சேதுராமன், யோகா பயிற்றுநர் கணேசன் உள்ளிட்டோர் பங்கேற்றனர்.

சீர்காழி பள்ளி, கல்லூரிகளில்...
சர்வதேச யோகா தினத்தையொட்டி, நாகை மாவட்டம், சீர்காழி வட்டத்தில் உள்ள  பள்ளி, கல்லூரிகளில் விழிப்புணர்வு பேரணி, துண்டுப் பிரசுரம் வழங்கல், மற்றும் யோகா பயிற்சி ஆகியவை வியாழக்கிழமை நடைபெற்றன.
சீர்காழி சபாநாயக முதலியார் இந்து மேல்நிலைப்பள்ளி மற்றும் ரோட்டரி சங்கம் சார்பில், யோகா செய்முறை பயிற்சி மற்றும் விழிப்புணர்வு பேரணி நடைபெற்றது. ரோட்டரி சங்கத் தலைவர் சுப்ரமணியன் தலைமை வகித்தார். ரோட்டரி மாவட்ட துணை ஆளுநர் சுசீந்திரன், பள்ளி தலைமை ஆசிரியர் அறிவுடைநம்பி ஆகியோர் முன்னிலை வகித்தனர். பள்ளி செயலாளர் கயிலை மாமணி ராமகிருஷ்ணன் பேரணியைத் தொடங்கி வைத்து சிறப்புரையாற்றினார். ரோட்டரி பொருளாளர் ராஜேந்திரன், நிர்வாகிகள் பழனியப்பன், பாஸ்கரன், உடற்கல்வி இயக்குநர் முரளிதரன் ஆகியோர் பங்கேற்றனர்.
சர்வதேச அளவில் யோகா போட்டிகளில் பங்கேற்று, தங்கப் பதக்கங்களை வென்ற பள்ளி மாணவி சுபானு மற்றும் உடற்கல்வி ஆசிரியர்கள் யோகா குறித்து செய்முறை விளக்கம் அளித்தனர். இதில், 2,000 மாணவர்கள் கலந்துகொண்டனர். முன்னதாக விழிப்புணர்வு பேரணி சபாநாயக முதலியார் இந்து மேல்நிலைப்பள்ளியிலிருந்து புறப்பட்டு நகரின் முக்கிய வீதிகள் வழியாகச் சென்று பழைய பேருந்து நிலையத்தை அடைந்தது.
இதேபோல், சீர்காழியை அடுத்த புத்தூரில் உள்ள எம்.ஜி.ஆர். அரசு கலை மற்றும் அறிவியல் கல்லூரியில் நடைபெற்ற யோகா தின நிகழ்ச்சிக்கு கல்லூரி முதல்வர் முனைவர் அறிவுடைநம்பி தலைமை வகித்தார். பேராசிரியர் சாந்தி, உடற்கல்வி  இயக்குநர் பிரபாகரன் ஆகியோர் முன்னிலை வகித்தனர். அண்ணாமலை பல்கலைக்கழகத்தைச் சேர்ந்த யோகா பயிற்சியாளர் லெட்சுமிதேவி யோகாசனத்தின் முக்கியத்துவம் குறித்தும், அதன் நன்மைகள் குறித்தும் பேசியதோடு, யோகாசனம் குறித்து செய்முறை விளக்கம் அளித்தார்.

வேதாரண்யம் கல்லூரிகளில்...
வேதாரண்யம் பாரதிதாசன் பல்கலைக்கழக மாதிரிக் கல்லூரி, செம்போடை ஆர்.வி. கல்லூரிகளில் சர்வதேச யோகா தினத்தையொட்டி சிறப்பு பயிற்சி, கருத்தரங்கம் வியாழக்கிழமை நடைபெற்றது.
பாரதிதாசன் பல்கலைக்கழக மாதிரிக் கல்லூரியில் நாட்டு நலப் பணித் திட்டம் சார்பில் நடைபெற்ற நிகழ்ச்சிக்கு கல்லூரி முதல்வர் பி. முருகன் தலைமை வகித்தார். நாட்டு நலப் பணித் திட்ட அலுவலர் பேராசிரியர் த. ராஜா, மேலாண்மையியல் துறை பேராசிரியர் ப. பிரபாகரன் ஆகியோர் பங்கேற்று பேசினர். யோகா பயிற்றுநர் யோகி வரதராஜன் மாணவர்களுக்கு பயிற்சியளித்து, மூச்சுப் பயிற்சி உள்ளிட்ட தலைப்புகளில் விளக்கமளித்து பேசினார்.
ஆர்.வி.கல்லூரி: செம்போடை ஆர்.வி பால்தொழில்நுட்பக் கல்லூரியில் நாட்டு நலப் பணித் திட்டம் சார்பில் நடைபெற்ற யோகா தின விழாவுக்கு கல்லூரி நிறுவனர் ஆர். வரதராஜன் தலைமை வகித்தார். கல்லூரிச் செயலர் ஆர்.வி. செந்தில் முன்னிலை வகித்தார். விழாவில்,யோகா பயிற்றுநர் மு. குழந்தைவேலனார் பங்கேற்று மாணவர்களுக்கு யோகாசன பயிற்சி அளித்தார். கல்லூரி முதல்வர் யோகானந்த், ஆர்.வி. பொறியியல் கல்லூரி முதல்வர் பாலமுருகன், ஆசிரியர் பயிற்சி நிறுவன முதல்வர் பக்கிரிசாமி, நாட்டு நலப் பணித் திட்ட அலுவலர் நடராஜன், துறைத் தலைவர் கலியமூர்த்தி உள்ளிட்டோர் பங்கேற்று பேசினர். இதேபோல, வேதாரண்யம் பகுதியில் செயல்படும் பள்ளிகள் உள்ளிட்ட கல்வி நிறுவனங்களில் சர்வதேச யோகா தினத்தையொட்டி பயிற்சி வகுப்புகள், கருத்தரங்குகள் நடைபெற்றன.

வேளாங்கண்ணி பள்ளியில் ...
நாகை மாவட்டம், புனித ஆரோக்கிய அன்னை மேல்நிலைப்பள்ளியில் சர்வதேச யோகா தினத்தையொட்டி, யோகா பயிற்சி வகுப்பு வியாழக்கிழமை நடைபெற்றது.
பள்ளியின் தேசிய மாணவர் படை சார்பில் இந்த நிகழ்ச்சி நடைபெற்றது. பள்ளித் தலைமை ஆசிரியர் எ. பன்னீர்செல்வம் தலைமை வகித்தார். பள்ளி நிர்வாகி எம். செபாஸ்டின் அடிகளார் சிறப்பு அழைப்பாளராகப் பங்கேற்றார்.
தேசிய மாணவர் படையைச் சேர்ந்த 61 மாணவ, மாணவியர் இந்தப் பயிற்சியில் பங்கேற்று, பல்வேறு வகையான யோக பயிற்சிகளை மேற்கொண்டனர். தேசிய மாணவர் படை அலுவலர் எம். அடைக்கலராஜ் நிகழ்ச்சிக்கான ஏற்பாடுகளைச் செய்திருந்தார்.

]]>
http://www.dinamani.com/all-editions/edition-nagapattinam/nagapattinam/2018/jun/22/உலக-யோகா-தினம்-2944769.html
2944257 நாகப்பட்டினம் நாகப்பட்டினம் எரிபொருள் விலை உயர்வைக் கண்டித்து இந்திய கம்யூனிஸ்ட் கட்சியினர் ஆர்ப்பாட்டம் DIN DIN Thursday, June 21, 2018 10:10 AM +0530 எரிபொருள்கள் விலை உயர்வைக் கண்டித்து, இந்திய கம்யூனிஸ்ட் கட்சி சார்பில் நாகை மாவட்டத்தில் புதன்கிழமை ஆர்ப்பாட்டம் நடைபெற்றது.
பெட்ரோல், டீசல் மற்றும் சமையல் எரிவாயு விலை ஏற்றத்தைக் கண்டித்தும், இந்த விலை ஏற்றத்தை உடனடியாகத் திரும்பப் பெறக் கோரியும் இந்தப் போராட்டம் நடைபெற்றது.
நாகையில்...
நாகை வட்டாட்சியர் அலுவலகம் முன்பாக நடைபெற்ற ஆர்ப்பாட்டத்துக்கு கட்சியின் மாவட்ட நிர்வாகக் குழு உறுப்பினர் வி. ராமலிங்கம் தலைமை வகித்தார். ஒன்றிய துணைச் செயலாளர் ஆர். செல்லத்துரை, நகரச் செயலாளர் என். கோபிநாதன் ஆகியோர் முன்னிலை வகித்தனர். கட்சியின் மாநில கட்டுப்பாட்டுக் குழு உறுப்பினர் கோ. பாண்டியன் கோரிக்கைகளை வலியுறுத்திப் பேசினார். விவசாயிகள் சங்க மாநிலக் குழு உறுப்பினர் வி. சரபோஜி, ஒன்றியப் பொருளாளர் ஒய். சேவியர், விவசாயிகள் சங்க ஒன்றியச் செயலாளர் எம். சுப்பிரமணியன், மாணவர் பெருமன்ற மாவட்டத் தலைவர் பி. மதன், விவசாயத் தொழிலாளர் சங்க மாநிலக் குழு உறுப்பினர் எஸ். மல்லிகா உள்ளிட்டோர் கலந்துகொண்டனர்.
தரங்கம்பாடியில்...
தரங்கம்பாடி வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு கட்சியின் மாவட்டக் குழு உறுப்பினர் ஜே. வேதநாயகம் தலைமை வகித்தார். 
ஒன்றியச் செயலாளர் எஸ். கிருஷ்ணமூர்த்தி, மாவட்டக் குழு உறுப்பினர் கே. தங்கசாமி ஆகியோர் கலந்துகொண்டு மத்திய, மாநில அரசுகளைக் கண்டித்து கண்டன உரையாற்றினர். இதில், கிளைச் செயலாளர்கள் உள்ளிட்டோர் பங்கேற்றனர். 
சீர்காழியில்...
சீர்காழி வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு இந்திய கம்யூனிஸ்ட் கட்சியின் ஒன்றியச் செயலாளர் கோ. செல்வராசு தலைமை வகித்தார். நாகை மாவட்டச் செயலாளர் அ. சீனிவாசன், பெ. வீரராஜ் ஆகியோர் பெட்ரோல், டீசல் விலை உயர்வுக்கு கண்டனம் தெரிவித்துப் பேசினர். பொறுப்பாளர்கள் நீதிசோழன், பாஸ்கரன், ஜெயக்குமார், பிரபாகரன் உள்ளிட்டோர் ஆர்ப்பாட்டத்தில் கலந்துகொண்டனர்.
வேதாரண்யத்தில்...
வேதாரண்யம் வட்டாட்சியர் அலுவலகம் எதிரே நடைபெற்ற ஆர்ப்பாட்டத்துக்கு இந்திய கம்யூனிஸ்ட் கட்சியின் ஒன்றியச் செயலர் சிவகுரு. பாண்டியன் தலைமை வகித்தார். 
கட்சியின் மாவட்டக் குழு உறுப்பினர்கள் கே. பாஸ்கர், த. நாராயணன், விவசாயத் தொழிலாளர் சங்கத்தின் ஒன்றிய நிர்வாகிகள் கே. மாரியப்பன், கே. வைத்திலிங்கம், நகரச் செயலர் ராசேந்திரன் உள்ளிட்டோர் பங்கேற்று பேசினர்.
இதேபோல், தலைஞாயிறு வட்டார வளர்ச்சி அலுவலர் அலுவலகம் எதிரே நடைபெற்ற ஆர்ப்பாட்டத்துக்கு இந்திய கம்யூனிஸ்ட் கட்சியின் ஒன்றியச் செயலர்  எஸ்.எம்.டி. மகேந்திரன் தலைமை வகித்தார்.
கட்சியின் மாநிலக் குழு உறுப்பினர் எஸ். சம்பந்தம், விவசாயத் தொழிலாளர் சங்கத்தின் மாவட்டச் செயலர் வி. பழனிச்சாமி உள்ளிட்டோர் பங்கேற்று கோரிக்கைகளை விளக்கிப் பேசினர்.


 

]]>
http://www.dinamani.com/all-editions/edition-nagapattinam/nagapattinam/2018/jun/21/எரிபொருள்-விலை-உயர்வைக்-கண்டித்து-இந்திய-கம்யூனிஸ்ட்-கட்சியினர்-ஆர்ப்பாட்டம்-2944257.html
2944256 நாகப்பட்டினம் நாகப்பட்டினம் வேதாரண்யத்தில் கிராம உதவியாளர் பணிக்கு நேர்முகத் தேர்வு DIN DIN Thursday, June 21, 2018 10:10 AM +0530 நாகை மாவட்டம், வேதாரண்யம்  வட்டத்துக்குள்பட்ட 9 வருவாய் கிராம உதவியாளர் பணியிடங்களுக்கு புதன்கிழமை நடைபெற்ற நேர்முகத் தேர்வுக்கு விண்ணப்பதாரர்கள் வரிசையில் நின்று பங்கேற்றனர்.
வேதாரண்யம் வட்டத்துக்குள்பட்ட 9 வருவாய் கிராமங்களில் உள்ள உதவியாளர் காலிப் பணியிடங்கள் நிரப்பப்படவுள்ளன. இந்த பணிகளுக்கு 200 -க்கும் மேற்பட்டோர் விண்ணப்பித்துள்ளனர்.
இவர்களுக்கான நேர்முகத் தேர்வு வட்டாட்சியர் அலுவலகத்தில் நடைபெற்றது. விண்ணப்பதாரர்கள் உரிய சான்றுகளுடன் வரிசையில் நின்று தேர்வில் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/21/வேதாரண்யத்தில்-கிராம-உதவியாளர்-பணிக்கு-நேர்முகத்-தேர்வு-2944256.html
2944255 நாகப்பட்டினம் நாகப்பட்டினம் "மயிலாடுதுறையில் ஜூன் 30 முதல் குரூப் 2 தேர்வுக்கான இலவச பயிற்சி வகுப்பு' DIN DIN Thursday, June 21, 2018 10:10 AM +0530 நாகை மாவட்டம், மயிலாடுதுறையில் ஜூன் 30 -ஆம் தேதி முதல் நடைபெறவுள்ள குரூப் 2 தேர்வுக்கான இலவச பயிற்சி வகுப்பில் ஏழை, எளிய மாணவர்கள் பங்கேற்று பயன்பெறலாம் என சிட்டி யூனியன் வங்கி துணைப் பொது மேலாளர் ஏ. ராமசாமி கூறினார்.
மயிலாடுதுறை சென்ட்ரல் லயன்ஸ் சங்கம், நாகை மாவட்ட வேலைவாய்ப்பு அலுவலகம், மயிலாடுதுறை நகராட்சி நிர்வாகம் ஆகியவை சார்பில் நகராட்சி நூலகம் - தன்னார்வ பயிலும் வட்ட வளாகத்தில் ஜூன் 30-ஆம் தேதி முதல் தமிழ்நாடு அரசுப் பணியாளர் தேர்வாணையம் நடத்தும் குரூப் 2 தேர்வுக்கான இலவச பயிற்சியளிக்கவுள்ளது. புதன்கிழமை நடைபெற்ற இதன் தொடக்க விழாவில், சிட்டி யூனியன் துணைப் பொது மேலாளர் ஏ. ராமசாமி போட்டித் தேர்வுக்கான வழிகாட்டி கையேட்டை வெளியிட்டு மேலும் அவர் பேசியது :
நகர்ப்புற மற்றும் கிராமப்புற ஏழை, எளிய மாணவர்கள் தேர்வாணையம் நடத்தும் போட்டித் தேர்வுகளில் வெற்றி பெற்று வாழ்வில் உயர்ந்த நிலையை அடைய வேண்டும் என்ற நோக்கில் இப்பயிற்சி அளிக்கப்படுகிறது. இந்த பயிற்சி மையத்தில் கடந்த 2 ஆண்டுகளில் பயின்ற மாணவர்கள்  12 பேர் தேர்ச்சி பெற்று அரசு வேலைவாய்ப்பைப் பெற்றுள்ளனர் என்றார்.
தன்னார்வ பயிலும் வட்டத்தின் ஒருங்கிணைப்பாளர் பேராசிரியர் எஸ். சிவராமன் : மயிலாடுதுறை மற்றும் சுற்றுப் பகுதிகளில் உள்ள கல்லூரிகளில் பயிலும் மாணவர்கள் 100 பேர் இந்த பயிற்சி  வகுப்பில் பங்கேற்கலாம். பயிற்சி வகுப்புகள் சனி, ஞாயிற்றுக்கிழமைகளில் நடைபெறும். பயிற்சி வகுப்பு ஜூன் 30  தொடங்கி செப். 16 -ஆம் தேதியுடன் நிறைவு பெறும்
என்றார்.
இதில், நாகை மாவட்ட வேலைவாய்ப்பு அலுவலர் (பொறுப்பு) டி. பிரகாசம், இளநிலை வேலைவாய்ப்பு அலுவலர் டி. சரவணன் ஆகியோர் வாழ்த்துரை வழங்கினர். சென்ட்ரல் லயன்ஸ் சங்கத்தின் முன்னாள் தலைவர்கள் பேராசிரியர் (ஓய்வு) கே. மணி, ஏ. பாண்டியமன்னன், ஏவிசி கல்லூரி நூலகர் (ஓய்வு) முனைவர் செந்தில்நாயகம், கணிதத்துறை தலைவர் முனைவர் ஆறுமுகம், பூம்புகார் கல்லூரி பேராசிரியர் முனைவர் அசோக்குமார், ராஜம் தட்டச்சுப் பயிலகத்தின் உரிமையாளர் வி. கல்யாணசுந்தரம் மற்றும் ஆசிரியர்கள், பயிற்சி மாணவர்கள் கலந்துகொண்டனர். சென்ட்ரல் லயன்ஸ் சங்கத்தின் செயலரும், தொழிலதிபருமான எஸ். சிவலிங்கம் நன்றி கூறினார்.

]]>
http://www.dinamani.com/all-editions/edition-nagapattinam/nagapattinam/2018/jun/21/மயிலாடுதுறையில்-ஜூன்-30-முதல்-குரூப்-2-தேர்வுக்கான-இலவச-பயிற்சி-வகுப்பு-2944255.html
2944254 நாகப்பட்டினம் நாகப்பட்டினம் காவல் துறையைக் கண்டித்து பாஜக ஆர்ப்பாட்டம் DIN DIN Thursday, June 21, 2018 10:09 AM +0530 மயிலாடுதுறையில் காவல் துறையைக் கண்டித்து புதன்கிழமை ஆர்ப்பாட்டத்தில் ஈடுபட்ட பாஜகவினர் 14 பேரை போலீஸார் கைது செய்தனர்.
திருவாரூர் மாவட்டம், முத்துப்பேட்டையில் பாஜக மாநிலச் செயலாளர்  கருப்பு. முருகானந்தம் கைது செய்யப்பட்டதைக் கண்டித்து மயிலாடுதுறையில் பாஜகவினர் ஆர்ப்பாட்டத்தில் ஈடுபட்டனர். 
கிட்டப்பா அங்காடி முன்பு நடைபெற்ற இந்த ஆர்ப்பாட்டத்தில் பாஜக நாகை  வடக்கு மாவட்டத் தலைவர் ஜி. வெங்கேடசன் தலைமை வகித்தார்.
கட்சியின் மயிலாடுதுறை மக்களவைத் தொகுதிப் பொறுப்பாளர் கோவி. சேதுராமன், மாவட்டப் பொதுச் செயலாளர் நாஞ்சில். பாலு, துணைத் தலைவர் ஸ்ரீதர், நகரத் தலைவர் மோடி.கண்ணன் ஆகியோர் காவல் துறையை கண்டித்துப் பேசினர். 
இதில் பங்கேற்ற பாஜக நகரத் துணைத் தலைவர் கே. குமார், இளைஞரணி நிர்வாகிகள் பாரதிகண்ணன், சதீஷ்சிங், வர்த்தகர் அணி செயலாளர் மணிகண்டன், மகளிர் அணி நிர்வாகி மாசிலாமேரி உள்ளிட்ட 14 பேரை போலீஸார் கைது செய்து, மாலையில் விடுவித்தனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/21/காவல்-துறையைக்-கண்டித்து-பாஜக-ஆர்ப்பாட்டம்-2944254.html
2944253 நாகப்பட்டினம் நாகப்பட்டினம் சீர்காழி எம்எல்ஏவிடம் போக்குவரத்துக் கழக தொழிலாளர்கள் கோரிக்கை மனு DIN DIN Thursday, June 21, 2018 10:09 AM +0530 ஓய்வூதியம் உள்ளிட்ட கோரிக்கைகள் குறித்து சட்டப் பேரவையில் வலியுறுத்தக் கோரி, தமிழ்நாடு அரசு போக்குவரத்துக் கழக அனைத்து தொழிற்சங்கங்களின் கூட்டமைப்பு சார்பில் சீர்காழி எம்எல்ஏ பி.வி. பாரதியிடம் கோரிக்கை மனு புதன்கிழமை அளிக்கப்பட்டது.
அந்த மனுவில் கூறப்பட்டுள்ளதாவது: போக்குவரத்து கழகங்களுக்கு போதுமான நிதியை பட்ஜெட்டில் ஒதுக்கீடு செய்யவும், ஓய்வு பெற்ற ஊழியர்களின் பணப் பலன்களை உடனடியாக வழங்குவதுடன், ஓய்வூதிய விகிதத்தை முறைப்படுத்தவும் சட்டப் பேரவையில் பேசி, பெற்றுத்தர வேண்டும்.
மேலும், தொழிலாளர்களின் ஊதியத்தில் பிடித்தம் செய்யப்படும் பணத்தை நிர்வாக செலவுக்குப் பயன்படுத்துவதை தவிர்த்து, உரிய கணக்கில் செலுத்தப்படவேண்டும்.  ஊதிய முரண்பாடுகளை சரி செய்வதுடன், ஒப்பந்த பலன்களை 1.9.2016 முதல் கணக்கிட்டு நிலுவைத் தொகையுடன் வழங்க வேண்டும் உள்ளிட்ட கோரிக்கைகளையும் அந்த மனுவில் வலியுறுத்தியுள்ளனர்.


 

]]>
http://www.dinamani.com/all-editions/edition-nagapattinam/nagapattinam/2018/jun/21/சீர்காழி-எம்எல்ஏவிடம்-போக்குவரத்துக்-கழக-தொழிலாளர்கள்-கோரிக்கை-மனு-2944253.html
2944252 நாகப்பட்டினம் நாகப்பட்டினம் எம்எல்ஏ கார் மோதி இளைஞர் காயம் DIN DIN Thursday, June 21, 2018 10:09 AM +0530 நாகை மாவட்டம், வேதாரண்யம் அருகே இருசக்கர வாகனத்தின் மீது நாகை சட்டப் பேரவை உறுப்பினர் தமிமுன் அன்சாரியின் கார் மோதியதில், இளைஞர் ஒருவர் காயமடைந்தார்.
வேதாரண்யத்தை அடுத்த வேட்டைக்காரனிருப்பு, சடையன்காடு பகுதியைச் சேர்ந்த ராஜா (எ) ராஜேந்திரன் மகன் சந்தோஷ்குமார் (21). இவர், வேதாரண்யம்- நாகை பிரதான சாலையில் வேட்டைக்காரனிருப்பு கடைவீதியில் இருந்து இருசக்கர வாகனத்தில் தனது வீட்டுக்குச் சென்று கொண்டிருந்தார்.
பிரதான சாலையிலிருந்து வீட்டுக்குச் செல்லும் வழியை அடைய வலது பக்கம் திரும்பியுள்ளார். அப்போது, நாகையிலிருந்து வேதாரண்யம் நோக்கிச் சென்ற சட்டப் பேரவை உறுப்பினர் தமிமுன் அன்சாரியின் கார், அந்த இருசக்கர வாகனத்தின் மீது மோதியது.
இந்த விபத்தில், தலையில் காயமடைந்த சந்தோஷ்குமாரை உடனடியாக தனது காரில் ஏற்றிய தமிமுன் அன்சாரி, நாகை அரசு மருத்துவமனையில் சேர்த்தார். அங்கு அவருக்கு சிகிச்சை அளிக்கப்பட்டு வருகிறது. இதுகுறித்து வேட்டைக்காரனிருப்பு போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/21/எம்எல்ஏ-கார்-மோதி-இளைஞர்-காயம்-2944252.html
2944251 நாகப்பட்டினம் நாகப்பட்டினம் அமைச்சர் திண்டுக்கல் சீனிவாசனைக் கண்டித்து அ.ம.மு.க.வினர் ஆர்ப்பாட்டம் DIN DIN Thursday, June 21, 2018 10:09 AM +0530 தமிழக முன்னாள் முதல்வர் ஜெயலலிதாவை அமைச்சர் திண்டுக்கல் சீனிவாசன் தவறாக பேசியதாகக் கூறி, வேதாரண்யம், சீர்காழி, மயிலாடுதுறை உள்ளிட்ட நாகை மாவட்டத்தின் பல்வேறு பகுதிகளில் அ.ம.மு.க.வினர் புதன்கிழமை ஆர்ப்பாட்டத்தில் ஈடுபட்டனர். அப்போது அமைச்சரின் உருவப் பொம்மையை எரிக்க முயன்றதால் அவர்களை போலீஸார் கைது செய்தனர்.
வேதாரண்யத்தில்...
வேதாரண்யம் ராஜாஜி பூங்கா பெரியார் சிலை அருகே அமைச்சர் திண்டுக்கல் சீனிவாசன் உருவப் பொம்மையை அ.ம.மு.க.வினர் எரிக்க முயன்றபோது காவல்துறையினர் தடுத்து நிறுத்தினர். இதையடுத்து, அவர்கள் அமைச்சர் சீனிவாசனின் உருவப் படத்தை எரித்து கண்டன ஆர்ப்பாட்டத்தில் ஈடுபட்டனர்.
இதில், அ.ம.மு.க. மாவட்ட அவைத் தலைவர் ஆறுமுகம், நகரச் செயலர் இளங்கோவன், ஒன்றியச் செயலர் பாண்டியன், நிர்வாகி கருப்பு நித்யானந்தா உள்ளிட்டோர் பங்கேற்றனர்.
மயிலாடுதுறையில்...
மயிலாடுதுறையில்  நாகை வடக்கு மாவட்டச் செயலாளர் எஸ். செந்தமிழன் தலைமையில், கட்சி அலுவலகம் முன்பு திரண்ட அமமுகவினர் 50-க்கும் மேற்பட்டோர் பேரணியாகச் சென்று, மயிலாடுதுறை கிட்டப்பா அங்காடி முன்பு  தமிழக வனத்துறை அமைச்சரைக் கண்டித்து கோஷமிட்டனர். 
பின்னர், அமைச்சரின் உருவப்பொம்மையை  எரிக்க முயன்றனர். அப்போது, அங்கு பாதுகாப்பு பணியில் ஈடுபட்டிருந்த போலீஸார், அமமுகவினரை தடுத்தி நிறுத்தி, அமமுகவின் மயிலாடுதுறை சட்டப் பேரவை தொகுதிச் செயலாளர் ராஜராஜன்,  நகரச் செயலாளர் தியா. ஆனந்தகுமார், ஒன்றியச் செயலாளர்  தேவேந்திரன் உள்ளிட்ட 53 பேரை கைது செய்தனர். பின்னர், அவர்கள் அருகில் உள்ள திருமண மண்டபத்தில் தங்க வைக்கப்பட்டு, மாலையில் விடுவிக்கப்பட்டனர்.
செம்பனார்கோவிலில்...
செம்பனார்கோவில் மேலமுக்கூட்டில்  திரண்ட அமமுகவினர் கட்சியின் ஒன்றியச் செயலாளர் ஜெனார்த்தனன் தலைமையில், தமிழக வனத்துறை அமைச்சரின் உருவப் பொம்மையை எரித்து ஆர்ப்பாட்டத்தில் ஈடுபட்டனர். இதுதொடர்பாக 54 பேரை செம்பனார்கோவில் போலீஸார் கைது செய்தனர்.
கொள்ளிடத்தில்...
சீர்காழியை அடுத்த கொள்ளிடம் கடைவீதியில் அ.ம.மு.க. ஒன்றியச் செயலாளர் பாரிவள்ளல் தலைமையில், ஒன்றிய துணைச் செயலாளர் பொன்னம்பலம், இணைச் செயலாளர் சந்திரசேகர் உள்ளிட்டோர் திரண்டு, அமைச்சர் திண்டுக்கல் சீனிவாசனின் உருவப்பொம்மையை எரித்தனர். இதையடுத்து, அமைச்சரின் உருவப்பொம்மையை எரித்த 60 பேரை போலீஸார் கைது செய்து அழைத்துச் சென்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/21/அமைச்சர்-திண்டுக்கல்-சீனிவாசனைக்-கண்டித்து-அமமுகவினர்-ஆர்ப்பாட்டம்-2944251.html
2944250 நாகப்பட்டினம் நாகப்பட்டினம் நாகையில் அம்மா மக்கள்  முன்னேற்றக் கழகம் ஆர்ப்பாட்டம் DIN DIN Thursday, June 21, 2018 10:08 AM +0530 அமைச்சர் திண்டுக்கல் சீனிவாசனைக் கண்டித்து அம்மா மக்கள் முன்னேற்றக் கழகம் சார்பில் நாகை புதிய பேருந்து நிலையம் முன்பாக ஆர்ப்பாட்டம் புதன்கிழமை நடைபெற்றது.
மறைந்த முன்னாள் முதல்வர் ஜெயலலிதா மற்றும் அம்மா மக்கள் முன்னேற்றக் கழகத் துணைப் பொதுச் செயலாளர் டி.டி.வி தினகரன் ஆகியோரை விமர்சித்துப் பேசியதாக அமைச்சர் திண்டுக்கல் சீனிவாசனைக் கண்டித்து இந்த ஆர்ப்பாட்டம் நடைபெற்றது.
கட்சியின் நாகை மாவட்டத் தலைவர் (தெற்கு) இரா. சந்திரமோகன் தலைமை வகித்தார். பொறுப்பாளர் மஞ்சுளா சந்திரமோகன் மற்றும் நிர்வாகிகள் கலந்து கொண்டு, கண்டன முழக்கங்களை எழுப்பினர். 
ஆர்ப்பாட்டத்தின் நிறைவில், அமைச்சர் திண்டுக்கல் சீனிவாசனின் உருவ பொம்மையை எரிக்க முயற்சிகள் மேற்கொள்ளப்பட்டன. 


 

]]>
http://www.dinamani.com/all-editions/edition-nagapattinam/nagapattinam/2018/jun/21/நாகையில்-அம்மா-மக்கள்--முன்னேற்றக்-கழகம்-ஆர்ப்பாட்டம்-2944250.html
2944249 நாகப்பட்டினம் நாகப்பட்டினம் நாகை நகராட்சி வளர்ச்சிப் பணிகள் DIN DIN Thursday, June 21, 2018 10:08 AM +0530 நாகை நகராட்சிப் பகுதிகளில் நடைபெறும் வளர்ச்சித் திட்டப் பணிகளை நாகை மாவட்ட ஆட்சியர் சீ. சுரேஷ்குமார் செவ்வாய்க்கிழமை பார்வையிட்டு ஆய்வு செய்தார்.
ரூ. 3.15 கோடி மதிப்பில் நடைபெறும் அக்கரைக்குளம் சீரமைப்புப் பணி, ரூ. 1.25 கோடி மதிப்பில் தாமரைக்குளத்தில் தொடங்கப்படவுள்ள பொலிவுபடுத்தும் பணிகளுக்கான முன்னேற்பாடுகள் ஆகியவற்றை ஆட்சியர் பார்வையிட்டு ஆய்வு செய்தார்.
பின்னர், செல்லூர் சாலையில் ரூ. 9.60 லட்சம் மதிப்பில் நடைபெற்ற நவீன எரிவாயு தகன மேடை சீரமைப்புப் பணிகளை ஆட்சியர் ஆய்வு செய்தார். அப்போது, அந்த தகன மேடையை விரைவாக பயன்பாட்டுக்குக் கொண்டு வர அவர் அறிவுறுத்தினார்.
நகராட்சி ஆணையர் (பொறுப்பு) ஆர். ரவிச்சந்திரன், உதவி செயற்பொறியாளர்கள் வசந்தன் மற்றும் அரசுத் துறை அலுவலர்கள் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/21/நாகை-நகராட்சி-வளர்ச்சிப்-பணிகள்-2944249.html
2944248 நாகப்பட்டினம் நாகப்பட்டினம் சுதந்திரப் போராட்ட தியாகி பிறந்த நாள் விழா:  மாணவர்களுக்கு எழுதுபொருள்கள் வழங்கல் DIN DIN Thursday, June 21, 2018 10:08 AM +0530 சீர்காழியில் சுதந்திரப் போராட்ட தியாகி எஸ்.எஸ்.விஸ்வநாததாஸின் 132-ஆவது பிறந்த நாளையொட்டி மாணவ-மாணவியருக்கு எழுதுப்பொருள்கள் செவ்வாய்க்கிழமை வழங்கப்பட்டன.
தமிழ்நாடு மருத்துவர் சமுதாய மறுமலர்ச்சிப் பேரவை சார்பில், சீர்காழி கோவிந்தராஜன் நகரில் நடைபெற்ற இந்நிகழ்ச்சியில் 10, 11, 12-ஆம் வகுப்பு பொதுத் தேர்வில்  அதிக மதிப்பெண்கள் பெற்ற அப்பகுதி மாணவ-மாணவியருக்கு கல்வி உதவித் தொகை வழங்கப்பட்டது.  தொடர்ந்து, அனைத்து மாணவ-மாணவியருக்கும் இலவசமாக நோட்டு, புத்தகங்கள், பேனா, சீருடை ஆகியன வழங்கப்பட்டன. இப்பொருள்களை முன்னாள் ரோட்டரி சங்கத் தலைவர் சுடர். 
கல்யாணசுந்தரம், பன்னாட்டு மனிதவள மேம்பாட்டு பயிற்சியாளர் எல். பாபுநேசன் ஆகியோர் வழங்கினர்.
இந்நிகழ்ச்சியில் மருத்துவர் சமுதாய மறுமலர்ச்சிப் பேரவை ஒருங்கிணைப்பாளர் பி. பிரபாகரன் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/21/சுதந்திரப்-போராட்ட-தியாகி-பிறந்த-நாள்-விழா--மாணவர்களுக்கு-எழுதுபொருள்கள்-வழங்கல்-2944248.html
2944247 நாகப்பட்டினம் நாகப்பட்டினம் அரசு மருத்துவர்களுக்கிடையே மோதல்: ஒருவர் காயம் DIN DIN Thursday, June 21, 2018 10:08 AM +0530 நாகை மாவட்டம், திருப்பூண்டி அரசு ஆரம்ப சுகாதார நிலையத்தில் அரசு மருத்துவர்களுக்கிடையே ஏற்பட்ட தகராறில் ஒரு மருத்துவர் புதன்கிழமை தாக்கப்பட்டார்.
நாகை மாவட்டம், திருப்பூண்டி அரசு ஆரம்ப சுகாதார நிலையத்தில் பி.எம்.ஓ-வாக பணியாற்றுபவர் டாக்டர் எம். சுதாகர் (30). இந்த ஆரம்ப சுகாதார நிலையத்தில் பி.எம்.ஓ-வாக பணியாற்றி அண்மையில் விழுந்தமாவடி ஆரம்ப சுகாதார நிலையத்துக்கு மாற்றப்பட்டவர் டாக்டர் எம். மகேஷ்குமார். 
தனது பணியிட மாற்றத்துக்கு டாக்டர் சுதாகர் தான் காரணம் என, டாக்டர் மகேஷ்குமார் கருதியுள்ளார். இந்த நிலையில், டாக்டர் சுதாகர் புதன்கிழமை காலை திருப்பூண்டி அரசு ஆரம்ப சுகாதார நிலையத்தில் வெளிநோயாளிகளுக்கு சிகிச்சை அளித்துக் கொண்டிருந்தபோது, டாக்டர் மகேஷ்குமார் அங்கு வந்துள்ளார்.
அப்போது, இருவருக்குமிடையே வாய்த் தகராறு ஏற்பட்டதாகக் கூறப்படுகிறது.  ஆத்திரமடைந்த டாக்டர் மகேஷ்குமார் அங்கிருந்த எழுதும் பேடை எடுத்து தாக்கினாராம். இதில், டாக்டர் சுதாகரின் காலில் உள்காயம் ஏற்பட்டதாகக் கூறப்படுகிறது.
இதையடுத்து, டாக்டர் சுதாகர் நாகை அரசு மருத்துவமனையில் சிகிச்சைக்கு அனுமதிக்கப்பட்டார். இதுகுறித்து கீழையூர் போலீஸார் விசாரணை மேற்கொண்டுள்ளனர்.


 

]]>
http://www.dinamani.com/all-editions/edition-nagapattinam/nagapattinam/2018/jun/21/அரசு-மருத்துவர்களுக்கிடையே-மோதல்-ஒருவர்-காயம்-2944247.html
2944246 நாகப்பட்டினம் நாகப்பட்டினம் நாகை, திருவாரூர், காரைக்கால் விவசாயிகளிடையே காணொலி மூலம் பிரதமர் உரை DIN DIN Thursday, June 21, 2018 10:07 AM +0530 வேளாண் அபிவிருத்தி திட்டங்கள் குறித்து பிரதமர் நரேந்திர மோடி நாகை, திருவாரூர், காரைக்கால் மாவட்ட விவசாயிகளிடையே காணொலி மூலம் புதன்கிழமை உரையாற்றினார். 
நாடு முழுவதும் உள்ள விவசாயிகளுடன் பிரதமர் நரேந்திர மோடி கலந்துரையாடிய நிகழ்வு புதன்கிழமை நடைபெற்றது. இதன்படி, பிரதமர் உரையாற்றிய காணொலி நாகை மாவட்டம், சிக்கல் வேளாண் அறிவியல் நிலையத்தில் அமைக்கப்பட்டிருந்த திரையில்  ஒளிபரப்பு செய்யப்பட்டது.  
இதில், நாகை மாவட்டத்தைச் சேர்ந்த 160-க்கும் அதிகமான விவசாயிகள், வேளாண் அறிவியல் நிலையத் திட்ட ஒருங்கிணைப்பாளர் என். சம்பத்குமார் மற்றும் அலுவலர்கள், வேளாண் துறை மற்றும் ஆத்மா திட்ட அலுவலர்கள் கலந்து கொண்டனர்.  விவசாயிகளின் வருமானத்தை இரட்டிப்பாக்க மத்திய அரசால் செயல்படுத்தப்படும் திட்டங்கள் குறித்து ஹிந்தியில் பேசிய பிரதமரின் உரை, மொழிப் பெயர்ப்பாளர் மூலம் விவசாயிகளுக்கு தமிழில் மொழி பெயர்க்கப்பட்டது.
காரைக்காலில்....
பிரதமரின் காணொலி உரை காரைக்கால் கூடுதல் வேளாண் இயக்குநர் அலுவலகத்தில் ஒளிபரப்பு செய்யப்பட்டது.  100-க்கும் மேற்பட்ட விவசாயிகள்,    கூடுதல் வேளாண் இயக்குநர் மதியழகன், வேளாண் இணை மற்றும் துணை இயக்குநர்கள், வேளாண் அலுவலர்கள் கலந்துகொண்டனர்.
நீடாமங்கலத்தில்...
இதேபோல், திருவாரூர் மாவட்டம், நீடாமங்கலம் வேளாண்மை அறிவியல் நிலையத்தில் பிரதமரின் காணொலி  உரை ஒளிபரப்பப்பட்டது. இதில் வேளாண் பேராசிரியர்கள் ஆ. பாஸ்கரன்,  ராமசுப்ரமணியன், அனுராதா மற்றும் 120-க்கும் மேற்பட்ட விவசாயிகள் கலந்துகொண்டனர்.
விவசாயிகள் ஏமாற்றம்...
பிரதமருடன் காணொலியில் கலந்துரையாட வாய்ப்பளிக்கப்படும் எனக் கருதப்பட்ட நிலையில், அதற்கான இணைப்பு நாகை, காரைக்கால் மாவட்ட விவசாயிகளுக்கு வழங்கப்படாதது, விவசாயிகளுக்குப் பெரும் ஏமாற்றத்தை ஏற்படுத்தியது. 
இதுகுறித்து காரைக்கால், பேட்டை கிராமத்தைச் சேர்ந்த விவசாயி ஆர். முருகபூபதி கூறியது:
பிரதமருடன் பேச தமிழகம், புதுச்சேரி, கேரளம், ஆந்திரம், தெலங்கானா போன்ற மாநில விவசாயிகளுக்கு இணைப்புத் தரப்படவில்லை.  
பலதரப்பட்ட குறைகள், நவீன விவசாயத்துக்கான தேவைகள் குறித்து பிரதமருடன் உரையாட காத்திருந்த விவசாயிகளுக்கு இது பெரும் ஏமாற்றமாக அமைந்தது என்றார்.  

]]>
http://www.dinamani.com/all-editions/edition-nagapattinam/nagapattinam/2018/jun/21/நாகை-திருவாரூர்-காரைக்கால்-விவசாயிகளிடையே-காணொலி-மூலம்-பிரதமர்-உரை-2944246.html
2944245 நாகப்பட்டினம் நாகப்பட்டினம் வேதாரண்யத்தில் சுற்றித் திரிந்த 9 மன நோயாளிகள் மீட்பு DIN DIN Thursday, June 21, 2018 10:07 AM +0530 நாகை மாவட்டம், வேதாரண்யத்தில் மனநலம் பாதித்த நிலையில் சுற்றித் திரிந்தவர்களை மீட்டு மருத்துவமனைக்கு அனுப்பி வைப்பதற்கான பணி புதன்கிழமை நடைபெற்றது.
வேதாரண்யம் பகுதியில் மனநலம் பாதித்த வெளி மாநிலத்தவர் உள்ளிட்ட ஆண், பெண்கள் சுற்றித் திரிவது மீண்டும் அதிகரித்துள்ளன. இவர்களில் சிலர் அறைகுறை ஆடையுடனும், ஒரு சிலர் நிர்வாணமாகவும் சுற்றித் திரிகின்றனர். இவர்களால் சில நேரங்களில் பொதுமக்களுக்கு பாதிப்பு ஏற்படுகிறது. இதனிடையே, மனநலம் பாதித்தவர்களை மீட்டு சென்னை கீழ்ப்பாக்கம் மனநல மருத்துவமனையில் சிகிச்சை அளிக்க நடவடிக்கை எடுக்க வேண்டுமென வேதாரண்யம் வர்த்தகர் சங்கத்தின் சார்பில் அதன் தலைவர் எஸ்.எஸ். தென்னரசு, உயர் அதிகாரிகளுக்கு கோரிக்கை மனுவை அண்மையில் அனுப்பியிருந்தார்.
இந்நிலையில், நாகையில் செயல்பட்டு வரும் தன்னார்வ தொண்டு நிறுவன உதவியுடன் மாவட்ட சமூக நலத்துறை மன நோயாளிகளை மீட்கும் நடவடிக்கையை புதன்கிழமை மேற்கொண்டது.
இந்த குழுவினர் வேதாரண்யம் நகரம், கோடியக்கரை பகுதியில் சுற்றித் திரிந்த மன நோயாளிகளைக் கண்டறிந்து மீட்டனர். தொடக்கத்தில் மீட்கப்பட்ட 3 ஆண்களில் இருவர் முரட்டுத்தனமாக செயல்பட்டு ஒத்துழைப்பு கொடுக்காமல் தப்பியோடினர். எஞ்சிய 8 பெண்கள் உள்பட 9 பேர் காவல் நிலையத்தின் அனுமதியோடு காப்பகத்துக்கு அனுப்பிவைக்கப்பட்டனர்.
தேவை சிகிச்சை : மீட்கப்படும் மன நோயாளிகளை காப்பகத்தில் தங்கவைத்து பராமரிப்பதைவிட சென்னை கீழ்ப்பாக்கம் மனநல மருத்துவமனைக்கு அனுப்பி உரிய சிகிச்சை அளிப்பதை அரசு உறுதிப்படுத்த வேண்டும் என சமூக ஆர்வலர்கள் வலியுறுத்துகின்றனர்.
மேலும், பெரிய அளவில் மனநலம் பாதித்து, முரட்டுத்தனமாகவும், அருவருக்கத்தக்க வகையில் நடந்துகொள்வதால் பாதுகாப்பு, உணவு கிடைக்காமல் அவதியுறும் நோயாளிகளும் மீட்கப்பட வேண்டும் எனவும் வலியுறுத்தப்பட்டுள்ளது.

]]>
http://www.dinamani.com/all-editions/edition-nagapattinam/nagapattinam/2018/jun/21/வேதாரண்யத்தில்-சுற்றித்-திரிந்த-9-மன-நோயாளிகள்-மீட்பு-2944245.html
2943320 நாகப்பட்டினம் நாகப்பட்டினம் பொருள்காட்சியில் உணவு பாதுகாப்பு அலுவலர்கள் ஆய்வு DIN DIN Wednesday, June 20, 2018 08:15 AM +0530 நாகையில் அமைக்கப்பட்டுள்ள பொருள்காட்சியில் உணவுப் பாதுகாப்பு அலுவலர்கள் செவ்வாய்க்கிழமை ஆய்வு மேற்கொண்டனர். 
நாகை அவுரித் திடலில் அமைக்கப்பட்டுள்ள பொருள்காட்சி வளாகத்தில் உள்ள உணவு விற்பனை கடைகளில் நாகை நகராட்சி உணவுப் பாதுகாப்பு அலுவலர் ஏ.டி. அன்பழகன், வட்டார உணவுப் பாதுகாப்பு அலுவலர் ஆர். மகாராஜன் ஆகியோர் ஆய்வு மேற்கொண்டனர். உணவுப் பொருள் தயாரிப்பு இடம் மற்றும் உணவுத் தயாரிப்புக்கான மூலப் பொருள்கள் ஆகியவற்றை ஆய்வு செய்த அலுவலர்கள், உரிய தயாரிப்பு விவரங்களைக் கொண்ட மூலப் பொருள்களை மட்டுமே உணவுத் தயாரிப்புக்குப் பயன்படுத்த வேண்டும், உபயோகித்த எண்ணெய்யை மீண்டும், மீண்டும் பயன்படுத்தக் கூடாது, உணவுப் பொருள்கள் தயாரிப்பு மற்றும் விற்பனையில் ஈடுபடுவோர் தன் சுத்தம் பராமரிக்க வேண்டும் என அறிவுறுத்தினர். மேலும், இந்த அறிவுறுத்தல்கள் மீறப்பட்டால் உணவுப் பாதுகாப்பு சட்டப்படி நடவடிக்கை எடுக்கப்படும் எனவும் உணவு விற்பனைக் கடை உரிமையாளர்களிடம்,  உணவுப் பாதுகாப்பு அலுவலர்கள் எச்சரிக்கை விடுத்தனர். 

]]>
http://www.dinamani.com/all-editions/edition-nagapattinam/nagapattinam/2018/jun/20/பொருள்காட்சியில்-உணவு-பாதுகாப்பு-அலுவலர்கள்-ஆய்வு-2943320.html
2943319 நாகப்பட்டினம் நாகப்பட்டினம் ரத்த தானம் வழங்கியவர்களுக்கு சான்றிதழ் DIN DIN Wednesday, June 20, 2018 08:15 AM +0530 பூம்புகார் ஆரம்ப சுகாதார நிலையத்தின் சார்பில் செவ்வாய்க்கிழமை நடைபெற்ற ரத்த தான முகாமில் ரத்த தானம் வழங்கியவர்களுக்கு சான்றிதழ்கள் வழங்கப்பட்டன.
முகாமுக்கு சீர்காழி வட்டார மருத்துவ அலுவலர் கனிமொழி தலைமை வகித்தார். மருத்துவ அலுவர் ஹேமாவதி வரவேற்றார். முகாமில் ரத்த தானம் செய்தவர்களுக்கு மயிலாடுதுறை அரசு மருத்துவமனை மருத்துவர் சிவகுமார் சான்றிதழ்கள் வழங்கினார். 
முகாமில் மருத்துவ அலுவலர்கள், செவிலியர்கள் மற்றும் மருத்துவமனைப் பணியாளர்கள் கலந்துகொண்டனர். நிறைவில் சுகாதார ஆய்வாளர் துரை கார்த்திக் நன்றி கூறினார்.
 

]]>
http://www.dinamani.com/all-editions/edition-nagapattinam/nagapattinam/2018/jun/20/ரத்த-தானம்-வழங்கியவர்களுக்கு-சான்றிதழ்-2943319.html
2943317 நாகப்பட்டினம் நாகப்பட்டினம் செம்பனார்கோயிலில் ஊரக வளர்ச்சித் துறை அலுவலர்கள் போராட்டம் DIN DIN Wednesday, June 20, 2018 08:15 AM +0530 செம்பனார்கோயில் தமிழ்நாடு ஊரக வளர்ச்சித் துறை அலுவலர்கள் சங்கத்தினர் செவ்வாய்கிழமை தற்செயல் விடுப்பு எடுத்து, போராட்டத்தில் ஈடுபட்டனர்.
ஊராட்சி ஒன்றிய அலுவலகம் முன்பு நடைபெற்ற போராட்டத்துக்கு சங்க மாவட்ட இணைச் செயலாளர் நல்லமுத்து தலைமை வகித்தார்.  ஊராட்சி செயலாளர்களுக்கு பதிவுறு எழுத்தருக்கு இணையான ஊதியம் வழங்க வேண்டும் உள்ளிட்ட கோரிக்கைகள் போராட்டத்தில் வலியுறுத்தப்பட்டன.
இதில் சங்க மாநிலச் செயற்குழு உறுப்பினர் தியாகராஜன், மாவட்ட இணைச் செயலாளர் நெடுமாறன், மாவட்டச் செயற்குழு உறுப்பினர் தெட்சிணாமூர்த்தி உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/nagapattinam/2018/jun/20/செம்பனார்கோயிலில்-ஊரக-வளர்ச்சித்-துறை-அலுவலர்கள்-போராட்டம்-2943317.html
2943316 நாகப்பட்டினம் நாகப்பட்டினம் மின்வாரிய ஊழியர்கள் உண்ணாவிரதப் போராட்டம் DIN DIN Wednesday, June 20, 2018 08:14 AM +0530 கோரிக்கைகளை வலியுறுத்தி தமிழ்நாடு மின் ஊழியர் மத்திய அமைப்பு சார்பில் நாகை மின்வாரிய மேற்பார்வைப் பொறியாளர் அலுவலகம் முன்பாக உண்ணாவிரதப் போராட்டம் செவ்வாய்க்கிழமை நடைபெற்றது.
2016-ஆம் ஆண்டு டிச. 26-ஆம் தேதி சென்னையில் நடைபெற்ற பேச்சுவார்த்தையில் அளித்த வாக்குறுதிப்படி, மின்வாரிய ஒப்பந்த ஊழியர்களை அடையாளம் கண்டு, அவர்களை பணி நிரந்தரம் செய்ய வேண்டும். தினக்கூலி ரூ. 380-ஐ அனைத்து ஒப்பந்தத் தொழிலாளர்களுக்கும் உடனடியாக வழங்க வேண்டும். கே 2 ஒப்பந்தத்தில் பணியாற்றியவர்களுக்கு வழங்கப்படாமல் உள்ள ஊதியத்தை உடனடியாக வழங்க வேண்டும் போன்ற கோரிக்கைகளை வலியுறுத்தி இந்தப் போராட்டம் நடைபெற்றது.
தமிழ்நாடு மின் ஊழியர் மத்திய அமைப்பின் திட்டத் தலைவர் எஸ். சிவராஜன் தலைமை வகித்தார்.  திட்டச் செயலாளர் எம். கலைச்செல்வன் முன்னிலை வகித்தார். சிஐடியு மாவட்டச் செயலாளர் சீனி. மணி போராட்டத்தை தொடங்கி வைத்துப் பேசினார்.
 சிஐடியு மாவட்டத் துணை தலைவரும், முன்னாள் சட்டப்பேரவை உறுப்பினருமான வி. மாரிமுத்து கோரிக்கைகளை வலியுறுத்திப் பேசினார். 
மின் ஊழியர் மத்திய அமைப்பின் திட்ட பொருளாளர் செந்தில்குமார் மற்றும் அமைப்பின் நிர்வாகிகள், உறுப்பினர்கள், சிஐடியு பொறுப்பாளர்கள் போராட்டத்தில் பங்கேற்று, கோரிக்கைகளை வலியுறுத்தி முழக்கங்களை எழுப்பினர்.

]]>
http://www.dinamani.com/all-editions/edition-nagapattinam/nagapattinam/2018/jun/20/மின்வாரிய-ஊழியர்கள்-உண்ணாவிரதப்-போராட்டம்-2943316.html
2943315 நாகப்பட்டினம் நாகப்பட்டினம் ராகுல் காந்தி பிறந்த நாள் விழா: பள்ளிக் குழந்தைகளுக்கு இனிப்புகள் வழங்கி கொண்டாட்டம் DIN DIN Wednesday, June 20, 2018 08:14 AM +0530 அகில இந்திய காங்கிரஸ் கமிட்டித் தலைவர் ராகுல் காந்தியின் பிறந்த நாளையொட்டி, காங்கிரஸ் கட்சியினர் பள்ளிக் குழந்தைகளுக்கு செவ்வாய்க்கிழமை இனிப்புகள் வழங்கினர்.
நாகை, திருமருகல், திட்டச்சேரி, நாகூர், கீழ்வேளூர், வேளாங்கண்ணி உள்ளிட்ட பகுதிகளில் அரசு தொடக்க மற்றும் நடுநிலைப் பள்ளிக் குழந்தைகளுக்கு ரொட்டி பாக்கெட்டுகள், இனிப்புகள் வழங்கப்பட்டன. காங்கிரஸ் கட்சியின் இதர பிற்படுத்தப்பட்டோர் பிரிவு மாவட்டத் தலைவர் இ.ஆர். ரவிச்சந்திரன், மகிளா காங்கிரஸ் மாவட்டத் தலைவர் ஆர். ரேணுகாதேவி, காங்கிரஸ் மாநிலப் பொதுக் குழு உறுப்பினர்கள் ராமலிங்கம், ஆர்.என். அமிர்தராஜா, ஏ.ஆர். நவ்சாத் பாபு, மாவட்ட விவசாயப் பிரிவு நிர்வாகிகள் ராமலிங்கம், மோகன், விவசாயப் பிரிவு மாநில செயற்குழு உறுப்பினர் நிக்கோலஸ், இளைஞர் காங்கிரஸ் பொதுச் செயலாளர் உதயச்சந்திரன், பட்டதாரிகள் பிரிவு மாவட்டத் தலைவர் ரபீக் மற்றும் பல்வேறு பிரிவுகளின் நிர்வாகிகள் கலந்து கொண்டனர்.
மயிலாடுதுறையில்...
அகில  இந்திய காங்கிரஸ் கட்சித் தலைவர் ராகுல் காந்தியின் 48-ஆவது பிறந்த நாளையொட்டி, மயிலாடுதுறை வட்டார காங்கிரஸ் கமிட்டி சார்பில், மயிலாடுதுறை அரசு மருத்துவமனை உள்நோயாளிகளுக்கு உணவுப் பொருள்கள் வழங்கி, ரத்த தானம் செய்து இனிப்புகள் வழங்கி கொண்டாடினர். 
நிகழ்ச்சியையொட்டி நடைபெற்ற ரத்த தானத்தை கட்சியின் நாகை வடக்கு மாவட்டத் தலைவர் எஸ். ராஜகுமார் தொடங்கி வைத்தார். 
இதையடுத்து, கூரைநாட்டில் காமராஜர் சிலைக்கு மாலை அணிவித்து அங்கு ராகுல் காந்தியின் பிறந்த நாள் கொண்டாடப்பட்டது. இதில், கட்சியின் நகரத் தலைவர் ராமானுஜம்,  மூத்த நிர்வாகி எஸ்.பி. முத்தையா,  மாவட்ட நிர்வாகிகள் பி.ஜி. பத்மநாபன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/20/ராகுல்-காந்தி-பிறந்த-நாள்-விழா-பள்ளிக்-குழந்தைகளுக்கு-இனிப்புகள்-வழங்கி-கொண்டாட்டம்-2943315.html
2943314 நாகப்பட்டினம் நாகப்பட்டினம் 2-ஆவது நாளாக லாரிகள் வேலைநிறுத்தம்: எருக்கூர் நவீன அரிசி ஆலை அரவைப் பணி பாதிப்பு DIN DIN Wednesday, June 20, 2018 08:14 AM +0530 லாரிகள் வேலைநிறுத்தம்  2-ஆவது நாளாக செவ்வாய்க்கிழமையும் தொடர்ந்ததால், சீர்காழியை அடுத்த எருக்கூர் பகுதியில் உள்ள நவீன அரிசி ஆலையில் அரவைப் பணிகளும், பொதுவினியோகத் திட்டத்தின் கீழ் நியாய விலைக் கடைகளுக்கு அரிசி மூட்டைகள் அனுப்பும் பணிகளும் பாதிக்கப்பட்டன.
டீசல் விலை மற்றும்  மூன்றாம் நபர் காப்பீடு கட்டணத்தை குறைக்க வேண்டும்,  சுங்கச்சாவடி கட்டணத்தை ரத்து செய்ய வேண்டும் உள்ளிட்ட கோரிக்கைகளை வலியுறுத்தி அகில இந்திய லாரிகள் உரிமையாளர்கள் சங்கத்தினர் காலவரையற்ற வேலை நிறுத்தப் போராட்டத்தை திங்கள்கிழமை (ஜூன் 18) தொடங்கினர். இதனால், சீர்காழியை அடுத்த எருக்கூர் நவீன அரிசி ஆலை அருகே அமைந்துள்ள லாரிகள் யார்டில் சுமார் 149 லாரிகள் நிறுத்தி வைக்கப்பட்டுள்ளன. 
இந்நிலையில் 2-ஆவது நாளாக வேலைநிறுத்தம் தொடர்வதால் எருக்கூர் நவீன அரிசி ஆலையில்  அரிசி அரவைப் பணிகள் பெரிதும் பாதிக்கப்பட்டுள்ளன. இதன் காரணமாக,  பொது வினியோகத் திட்டத்தின்  கீழ் நியாயவிலைக் கடைகளுக்கு அனுப்பிவைக்கப்படும் அரிசி மூட்டைகளை அனுப்ப முடியாத நிலை ஏற்பட்டுள்ளது. மேலும், காய்-கனிகள் உள்ளிட்ட அத்தியாவசியப் பொருள்களின்  விலை உயரும் அபாயமும் ஏற்பட்டுள்ளது.
இது குறித்து சீர்காழி வட்ட லாரி உரிமையாளர்கள் சங்கத் தலைவர்  எம்.கே.கே. செந்தில்குமார், செயலாளர் கே. உலகநாதன், பொருளாளர் வி. வெங்கடேசன் ஆகியோர் கூறியது:
நாளுக்கு நாள் டீசல் விலை உயர்ந்து வருவதால், லாரி தொழிலில் நஷ்டம் ஏற்பட்டு லாரி உரிமையாளர்கள், ஓட்டுநர்கள், சுமைத்தூக்கும் தொழிலாளர்கள் என இந்த தொழிலில் தொடர்புடைய அனைத்து தரப்பினரும் பாதிக்கப்பட்டுள்ளோம். 
எனவே, டீசல் லிட்டருக்கு கர்நாடகத்தில் ரூ.2.67, புதுச்சேரியில் ரூ. 1.67, கேரளத்தில் ரூ.1.99 என விலையை குறைத்துள்ளதுபோல், தமிழக அரசும் சேவை வரிகளை குறைப்பதன் மூலம் டீசல் விலையை குறைக்க வேண்டும் என்றனர். 

]]>
http://www.dinamani.com/all-editions/edition-nagapattinam/nagapattinam/2018/jun/20/2-ஆவது-நாளாக-லாரிகள்-வேலைநிறுத்தம்-எருக்கூர்-நவீன-அரிசி-ஆலை-அரவைப்-பணி-பாதிப்பு-2943314.html
2943313 நாகப்பட்டினம் நாகப்பட்டினம் தேசியக் கொடி ஏற்றப்படாத காவல் கண்காணிப்பாளர் அலுவலகம் DIN DIN Wednesday, June 20, 2018 08:14 AM +0530 நாகை மாவட்டக் காவல் கண்காணிப்பாளர் அலுவலகத்தின் மேல் தளத்தில், செவ்வாய்க்கிழமை தேசியக் கொடி ஏற்றப்படாமல் இருந்தது சர்ச்சையை ஏற்படுத்தியது.
மாவட்ட ஆட்சியர் அலுவலகம், மாவட்டக் காவல் கண்காணிப்பாளர் அலுவலகம் போன்ற இடங்களில் தினமும் காலை 6 மணிக்கு தேசியக் கொடி ஏற்றப்பட்டு, மாலை 5.59 மணிக்கு இறக்கப்படுவது வழக்கம். சூரிய உதயத்துக்குப் பின் தேசியக் கொடி ஏற்றி, சூரியன் மறைவதற்கு முன்பாக இறக்க வேண்டும் என்ற அடிப்படையில் இந்த நடைமுறை கடைப்பிடிக்கப்படுகிறது. 
இதன்படி,  நாகை மாவட்டக் காவல் கண்காணிப்பாளர் அலுவலகத்தின் மேல்தளத்தில் தினமும் தேசியக் கொடி ஏற்றப்படுவது வழக்கம். ஆனால், செவ்வாய்க்கிழமை காலை நாகை மாவட்டக் காவல் கண்காணிப்பாளர் அலுவலகத்தில் தேசியக் கொடி ஏற்றப்படாமலிருந்தது.  இது, திடீர் சர்ச்சையை ஏற்படுத்தியது.
இது குறித்துத் தகவலறிந்த மாவட்டக் காவல் கண்காணிப்பாளர் அலுவலக அலுவலர்கள் செவ்வாய்க்கிழமை பகல் ஒரு மணிக்குப் பின்னர்,  காவல் கண்காணிப்பாளர் அலுவலக மேல் தளத்தில் தேசியக் கொடியை பறக்க விட்டனர். 
ஏற்கெனவே இருந்த தேசியக் கொடி திடீரென சேதமானதால், புதிய தேசியக் கொடியை வாங்கி வந்து ஏற்றுவதற்கு தாமதம் ஏற்பட்டதாக காவல் துறை வட்டாரங்கள் தெரிவித்தன.

]]>
http://www.dinamani.com/all-editions/edition-nagapattinam/nagapattinam/2018/jun/20/தேசியக்-கொடி-ஏற்றப்படாத-காவல்-கண்காணிப்பாளர்-அலுவலகம்-2943313.html
2943312 நாகப்பட்டினம் நாகப்பட்டினம் சுமை ஆட்டோ மோதி ஒருவர் சாவு DIN DIN Wednesday, June 20, 2018 08:13 AM +0530 குத்தாலம் அருகே சுமை ஆட்டோ மோட்டார் சைக்கிள் மீது மோதியதில் ஒருவர் உயிரிழந்தார்.
குத்தாலம் வட்டம், செங்குடி மாதாகோவில் தெருவைச் சேர்ந்தவர் வேதநாயகம் மகன் ஸ்டாலின்(40). இவர், மோட்டார் சைக்கிளில் நல்லாவூர் வழியாக கும்பகோணத்துக்கு திங்கள்கிழமை சென்றுகொண்டிருந்தார். அப்போது, எதிரே வந்த சுமை ஆட்டோ மோதியதில் படுகாயமடைந்த ஸ்டாலினை கும்பகோணம் அரசு மருத்துவமனையில் சேர்த்தனர். பின்னர், தீவிர சிகிச்சைக்காக தஞ்சாவூர் மருத்துவக் கல்லூரி மருத்துவமனைக்கு கொண்டு செல்லும் வழியில் இறந்தார். இதுகுறித்து, பாலையூர் போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/20/சுமை-ஆட்டோ-மோதி-ஒருவர்-சாவு-2943312.html
2943311 நாகப்பட்டினம் நாகப்பட்டினம் ஊராட்சி ஒன்றிய அலுவலர்கள்,  ஊழியர்கள் தற்செயல் விடுப்புப் போராட்டம் DIN DIN Wednesday, June 20, 2018 08:13 AM +0530 நாகை மாவட்டம், சீர்காழி, கொள்ளிடம் ஊராட்சி ஒன்றிய அனைத்து அலுவலர்கள், ஊழியர்கள் தற்செயல் விடுப்புப் போராட்டத்தில் செவ்வாய்க்கிழமை ஈடுபட்டனர்.
தமிழ்நாடு ஊரக வளர்ச்சித்துறை அலுவலர்கள் சங்கம் சார்பில், ஊராட்சிச் செயலாளர்களுக்கு பதிவுறு எழுத்தருக்கு வழங்கப்படும் ஊதியத்துக்கு இணையான ஊதியம் வழங்க வலியுறுத்தி, கொள்ளிடம் ஊராட்சி ஒன்றிய அலுவலகத்தில் பணிபுரியும் ஒன்றிய ஆணையர், பி.டி.ஓ. ஒன்றியப் பொறியாளர்கள், பணிமேற்பார்வையாளர்கள், இளநிலை உதவியாளர்கள் உள்ளிட்ட அனைத்து ஊழியர்கள், 41 ஊராட்சிச் செயலாளர்கள் உள்ளிட்ட 88 பேர், முதலமைச்சர் எடப்பாடி கே. பழனிசாமியின் கவனத்தை ஈர்க்கும் வகையில், ஒன்றிய அலுவலகத்துக்குச் செல்லாமல், ஒரு நாள் தற்செயல் விடுப்பு எடுத்து, அதற்கான கடிதத்தை ஒன்றிய ஆணையர் நக்கீரனிடம் வழங்கினர்.
பின்னர், ஒன்றிய அலுவலகம் முன்பு தலைவர் செந்தில்குமார் தலைமையில், செயலாளர் சிங்காரவேலன் மற்றும் ஊழியர்கள் ஆர்ப்பாட்டத்தில் ஈடுபட்டனர். ஒட்டுமொத்த ஊழியர்களும் விடுப்பு எடுத்து, ஆர்ப்பாட்டத்தில் ஈடுபட்டதால், ஊராட்சி ஒன்றிய அலுவலகத்தில் பணிகள் முடங்கின. இதேபோல், சீர்காழி ஊராட்சி ஒன்றிய அலுவலகத்திலும் அலுவலர்கள் தற்செயல் விடுப்புப் போராட்டத்தில் ஈடுபட்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/20/ஊராட்சி-ஒன்றிய-அலுவலர்கள்--ஊழியர்கள்-தற்செயல்-விடுப்புப்-போராட்டம்-2943311.html
2943310 நாகப்பட்டினம் நாகப்பட்டினம் வழக்குரைஞர்கள் நீதிமன்ற புறக்கணிப்பு DIN DIN Wednesday, June 20, 2018 08:13 AM +0530 மயிலாடுதுறை நீதிமன்றத்தில் பணியாற்றும் வழக்குரைஞரை மிரட்டியவர்கள் மீது உரிய நடவடிக்கை மேற்கொள்ள வலியுறுத்தி வழக்குரைஞர்கள் செவ்வாய்க்கிழமை பணியை புறக்கணித்தவர். 
தரங்கம்பாடி வட்டம், சங்கரன்பந்தலைச் சேர்ந்தவர் வழக்குரைஞர் ஏ. சங்கமித்திரன். இவர் மாயூரம் வழக்குரைஞர் சங்கத்தில் உறுப்பினராக உள்ளார். இவர், ஜூன் 11-ஆம் தேதி செம்பனார்கோயில் பகுதியில் சென்றுக் கொண்டிருந்தபோது, அவரை பின் தொடர்ந்து சென்று வழி மறித்து சிலர் தகராறு செய்து கொலை மிரட்டல் விடுத்தனராம். இதுகுறித்து ஏ.சங்கமித்திரன் செம்பனார்கோயில் காவல் நிலையத்தில் புகார் அளித்துள்ளார்.
இந்நிலையில், வழக்குரைஞர் சங்கமித்திரனை மிரட்டியவர்கள் மீது உரிய நடவடிக்கை மேற்கொள்ள வலியுறுத்தி, மாயூரம் வழக்குரைஞர் சங்கம், மயிலாடுதுறை வழக்குரைஞர் சங்கத்தைச் சேர்ந்த 200-க்கும் மேற்பட்ட வழக்குரைஞர்கள் செவ்வாய்க்கிழமை நீதிமன்றப்  பணிகளை புறக்கணிப்பு செய்தனர்.


 

]]>
http://www.dinamani.com/all-editions/edition-nagapattinam/nagapattinam/2018/jun/20/வழக்குரைஞர்கள்-நீதிமன்ற-புறக்கணிப்பு-2943310.html
2943309 நாகப்பட்டினம் நாகப்பட்டினம் இயற்கை விவசாயிகளுக்கு மானியம் வழங்க முதல்வரிடம் வலியுறுத்தல் DIN DIN Wednesday, June 20, 2018 08:12 AM +0530 தமிழக இயற்கை விவசாயிகளுக்கு மானியம் வழங்க உரிய நடவடிக்கை மேற்கொள்ள வேண்டும் என மயிலாடுதுறைக்கு திங்கள்கிழமை வந்த முதல்வர் எடப்பாடி கே. பழனிசாமியிடம் நலம் பாரம்பரிய விவசாய அறக் கட்டளையினர் கோரிக்கை மனு அளித்தனர். 
மனு விவரம்: காவிரி மேலாண்மை ஆணையம் அமைக்க நடவடிக்கை, பிளாஸ்டிக் ஒழிப்பு, இயற்கை வேளாண் மண்டலம், சிறப்புத் தொகுப்புத் திட்டங்கள், சிறந்த விவசாயிகளுக்கு மாநில விருது மற்றும் விவசாயிகளுக்கான நலத் திட்டங்களை செயல்படுத்தி தமிழக இயற்கை விவசாயிகளின் கனவுகளை நினைவாக்கி வரும் தமிழக முதல்வருக்கும், தமிழக அரசுக்கும் தமிழக இயற்கை விவசாயிகளின் சார்பில் நன்றி. 
இயற்கை விவசாயத்தில் விளையும் வேளாண் விளைப் பொருள்களை தமிழக அரசு கொள்முதல் செய்து அங்கன்வாடி மற்றும் பள்ளிகளில் பயிலும் மாணவர்களுக்கு ஆரோக்கியமான உணவுகளை வழங்கி, இயற்கை விவசாயிகளின் வாழ்வாதாரத்தை பாதுகாக்க வழிவகை செய்ய வேண்டும், பாரம்பரிய விதை நெல்களையும், இயற்கை விவசாயத்தையும், பாரம்பரிய இயற்கை உணவையும் தமிழகம் முழுவதும் பரப்ப வேண்டும். 
இயற்கை விவசாயிகள் ரசாயன உரங்கள் மற்றும் பூச்சி மருந்துகளை பயன்படுத்துவது இல்லை என்பதால் ரசாயன உரம் மற்றும் பூச்சி மருத்துக்களுக்கு கொடுக்கும் மானியத் தொகைக்கு நிகரானத் தொகையை நில அளவை அடிப்படையில் இயற்கை விவசாயிகளுக்கு மானியத் தொகையாக வழங்க வேண்டும். தமிழகத்தின் உணவு கேந்திரமான காவிரி டெல்டா பகுதியை பேரழிவுத் திட்டங்களிலிருந்து காப்பற்றும் வகையில் டெல்டா மாவட்டங்களைப் பாதுகாக்கப்பட்ட வேளாண் மண்டலமாக அறிவிக்க வேண்டும்.
மேட்டூருக்கு நீர்வரத்து அதிகரித்துள்ள நிலையில், சம்பா சாகுபடியை உரிய காலத்தில் செய்ய ஏதுவாக ஜூலை 15-ஆம் தேதிக்குள்அணை திறப்பை உறுதி செய்யவேண்டும். இயற்கை விவசாயம் செய்பவர்களுக்கு ஏக்கருக்கு ரூ.15 ஆயிரம் மானியம் வழங்க வேண்டும். நிகழாண்டில், புதிய விவசாயிகளுக்கு பயிர்க் கடன் வழங்க வேண்டும். கடந்த ஆண்டில் பயிர்க் காப்பீடு செய்தவர்களுக்கு வழங்கப்படாமல் உள்ள நிலுவைத் தொகையை வழங்க  உரிய நடவடிக்கை எடுக்க வேண்டும் என அந்த மனுவில்  குறிப்பிடப்பட்டுள்ளது.
பாரம்பரிய அரிசி வகைகளால் தயாரிக்கப்பட்ட முதல்வரின் உருவப்படம்: முன்னதாக மாப்பிள்ளை சம்பா, கருப்புக் கவுனி, கிச்சடி சம்பா மற்றும் திணை ஆகிய பாரம்பரிய அரிசி வகைகளால் தயாரிக்கப்பட்ட தமிழக முதல்வரின் உருவப் படத்தை, முதல்வருக்கு நலம் பாரம்பரிய விவசாய அறக்கட்டளை நிர்வாகிகள் பரிசாக வழங்கினர். 
இயற்கை விவசாயிகளின் இந்த சந்திப்பின்போது, தமிழ்நாடு கைத்தறி மற்றும் துணி நூல்துறை அமைச்சர் ஓ.எஸ். மணியன், எம்எல்ஏக்கள் வீ. ராதாகிருஷ்ணன்(மயிலாடுதுறை), எஸ். பவுன்ராஜ் (பூம்புகார்), நலம் பாரம்பரிய விவசாய அறக்கட்டளை தலைவர் எஸ். ரெங்கராஜன், செயலர் ஆர். சுதாகர், பொருளர் கே. சந்தோஷ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/jun/20/இயற்கை-விவசாயிகளுக்கு-மானியம்-வழங்க-முதல்வரிடம்-வலியுறுத்தல்-2943309.html
2943308 நாகப்பட்டினம் நாகப்பட்டினம் நாகையில் ஜூன் 29-இல் தமிழ் வளர்ச்சித் துறை போட்டிகள்: மாணவ, மாணவியருக்கு அழைப்பு DIN DIN Wednesday, June 20, 2018 08:12 AM +0530 தமிழ்நாடு பொன் விழா ஆண்டையொட்டி, தமிழ் வளர்ச்சித் துறை சார்பில் நாகை மாவட்ட கல்லூரி மாணவ, மாணவிகளுக்கான பேச்சுப் போட்டி, கட்டுரைப் போட்டி ஆகியன நாகையில் ஜூன் 29-ஆம் தேதி நடைபெறும் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : சென்னை மாநிலம் தமிழ்நாடு என பெயர் மாற்றப்பட்ட பொன் விழா ஆண்டையொட்டி, தமிழ் வளர்ச்சித் துறை சார்பில், நாகை மாவட்ட கல்லூரி மாணவ, மாணவிகளுக்கு இடையேயான கவிதை, கட்டுரை, பேச்சுப் போட்டிகள், நாகை இ.ஜி.எஸ். பிள்ளை பொறியியல் கல்லூரியில் ஜூன் 29-ஆம் தேதி நடைபெறுகிறது. மாணவ, மாணவியர் தங்கள் கல்லூரி முதல்வரின் பரிந்துரை கடிதத்துடன் போட்டியில் பங்கேற்கலாம். ஒவ்வொரு கல்லூரியில் இருந்தும், ஒவ்வொரு போட்டிக்கும் ஒரு மாணவர் மட்டுமே அனுமதிக்கப்படுவர். போட்டியாளர்கள் காலை 9.30 மணிக்குள் போட்டி அரங்கத்துக்கு வர வேண்டும். 
போட்டிக்கான தலைப்புகள் பேரறிஞர் அண்ணா, பாரதியார், பாரதிதாசன், திருவிக, பட்டுக்கோட்டை கல்யாணசுந்தரம் ஆகியோரின் படைப்புகளை அடியொற்றியதாக இருக்கும். போட்டித் தலைப்பு போட்டி நாளில், நடுவர் முன்னிலையில் அறிவிக்கப்படும். போட்டி நடைபெறும் நாளிலேயே முடிவுகள் அறிவிக்கப்படும். பரிசுகள், அரசு விழா ஒன்றில் பின்னர் வழங்கப்படும். மாவட்ட அளவில் வெற்றி பெற்ற மாணவர்களுக்கு ஒவ்வொரு போட்டிக்கும் முதல் பரிசாக ரூ. 5 ஆயிரமும், இரண்டாம் பரிசாக ரூ. 3 ஆயிரமும், மூன்றாம் பரிசாக ரூ. 2 ஆயிரமும், பாராட்டுச் சான்றும் வழங்கப்படும்.
 மாவட்ட அளவில் முதல் பரிசு பெறுவோர், மாநில அளவிலான போட்டிக்கு அனுமதிக்கப்படுவர்.  போட்டிகளில் வெற்றி பெற்ற மாணவர்கள் தங்களது இரண்டு மார்பளவு புகைப்படங்களை போட்டி நாளிலேயே வழங்க வேண்டும் என ஆட்சியர் தனது செய்திக் குறிப்பில் தெரிவித்துள்ளார்.

]]>
http://www.dinamani.com/all-editions/edition-nagapattinam/nagapattinam/2018/jun/20/நாகையில்-ஜூன்-29-இல்-தமிழ்-வளர்ச்சித்-துறை-போட்டிகள்-மாணவ-மாணவியருக்கு-அழைப்பு-2943308.html
2943307 நாகப்பட்டினம் நாகப்பட்டினம் தீ விபத்தில் தேநீர் கடை சேதம் DIN DIN Wednesday, June 20, 2018 08:12 AM +0530 சீர்காழி அருகேயுள்ள கூத்தியம்பேட்டையில் திங்கள்கிழமை நள்ளிரவு ஏற்பட்ட தீ விபத்தில் பெட்டிக் கடை மற்றும் தேநீர் கடை தீயில் எரிந்து சேதமடைந்தது. 
கூத்தியம்பேட்டையைச் சேர்ந்த ராஜேந்திரன்(45) தனது வீட்டுஅருகில் தேநீர் கடை நடத்தி வருகிறார். அதே பகுதியைச் சேர்ந்த மற்றொரு ராஜேந்திரன்(55) பெட்டிக் கடை வைத்து நடத்தி வருகிறார். இருகடைகளும் சேர்ந்து இருப்பதுடன் கூறையால் வேயப்பட்டது. இந்நிலையில், திங்கள்கிழமை நள்ளிரவு ஏற்பட்ட மின் கசிவால் தீப்பிடித்து எரிந்து இரு கடைகளும் சேதமடைந்தது. தகவலறிந்த சீர்காழி தீயணைப்பு வீரர்கள் சம்பவ இடத்துக்கு வந்து தீ மேலும் பரவாமல் அணைத்தனர்.  இதுகுறித்து கொள்ளிடம் காவல் ஆய்வாளர் முனிசேகர் விசாரனை மேற்கொண்டுள்ளார். 

]]>
http://www.dinamani.com/all-editions/edition-nagapattinam/nagapattinam/2018/jun/20/தீ-விபத்தில்-தேநீர்-கடை-சேதம்-2943307.html
2943306 நாகப்பட்டினம் நாகப்பட்டினம் சாலைப் பணியாளர்கள் ஆர்ப்பாட்டம் DIN DIN Wednesday, June 20, 2018 08:11 AM +0530 வேதாரண்யத்தில் சாலைப் பணியாளர்கள் சங்கத்தினர் செவ்வாய்க்கிழமை கண்டன ஆர்ப்பாட்டத்தில் ஈடுபட்டனர்.
வேதாரண்யம் நெடுஞ்சாலைத் துறை உதவிக் கோட்டப் பொறியாளர் அலுவலகம் முன்பாக நடைபெற்ற ஆர்ப்பாட்டத்துக்கு சங்க நிர்வாகி எம். மாரிமுத்து தலைமை வகித்தார். சாலை பணியாளர்கள் சங்க மாவட்டச் செயலாளர் வி. உதயகுமார், உட்கோட்டச் செயலாளர் கே. முருகானந்தம், பொருளாளர் ஏ. முனுசாமி உள்ளிட்டோர் கோரிக்கைகளை வலியுறுத்திப் பேசினர்.
திருச்சி, புதுக்கோட்டை கோட்ட கண்காணிப்பு பொறியாளர், கோட்டப் பொறியாளர்கள் சாலைப் பணியாளர்களை பழிவாங்கும் போக்குடன் செயல்படுவதாகக் கூறி ஆர்ப்பாட்டத்தில் கண்டனம் தெரிவிக்கப்பட்டது. மேலும், விடுப்பு விதிகளுக்கு முரணாக ஊதிய பிடித்தம் செய்த உதவிக் கோட்டப் பொறியாளர் மீது நடவடிக்கை எடுக்க வேண்டும். தொழிற்சங்க விரோத நடவடிக்கையை கைவிட வேண்டும் என ஆர்ப்பாட்டத்தில் பங்கேற்றவர்கள் கோஷமிட்டனர்.

]]>
http://www.dinamani.com/all-editions/edition-nagapattinam/nagapattinam/2018/jun/20/சாலைப்-பணியாளர்கள்-ஆர்ப்பாட்டம்-2943306.html
2943305 நாகப்பட்டினம் நாகப்பட்டினம் பள்ளி செல்லா குழந்தைகளுக்கு சிறப்பு பயிற்சி DIN DIN Wednesday, June 20, 2018 08:11 AM +0530 செம்பனார்கோயில் பகுதியில் பள்ளி செல்லா குழந்தைகள் மற்றும் இடைநின்ற குழந்தைகள் அனைவருக்கும் கல்வி இயக்கம் சார்பில் கண்டறியப்பட்டு, சிறப்பு பயிற்சி மையத்தில் சேர்க்கப்பட்டனர்.
இதுகுறித்து, செம்பனார்கோயில் வட்டார வளமைய மேற்பார்வையாளர் சுப்பிரமணியன் கூறியது: செம்பனார்கோயில் அரசு உதவி பெறும் நடுநிலைப் பள்ளியில்  2017-18 ஆம் கல்வியாண்டின் இறுதியில் பள்ளி செல்லா குழந்தைகள் கண்டறியப்பட்டு, நிகழ் கல்வியாண்டில் அவர்கள் பள்ளி இணைப்பு சிறப்பு பயிற்சி மையத்தில் சேர்க்கப்பட்டனர். இம்மாணவர்களுக்கு தன்னார்வலர்கள் மூலம் கற்பிக்கப்படுகிறது.
மேலும், இம்மாணவர்களுக்கு தமிழக அரசு வழங்கும் அனைத்து விலையில்லாப் பொருள்களும் வழங்கப்படும், பயிற்சியின் இறுதியில் மற்ற மாணவர்களோடு சேர்ந்து பயிலும் விதத்தில் முறையான பள்ளியில் சேர்க்கப்படுவர் என்றார்.

]]>
http://www.dinamani.com/all-editions/edition-nagapattinam/nagapattinam/2018/jun/20/பள்ளி-செல்லா-குழந்தைகளுக்கு-சிறப்பு-பயிற்சி-2943305.html
2943304 நாகப்பட்டினம் நாகப்பட்டினம் சீர்காழி ஆரம்ப சுகாதார நிலையத்தில் மருத்துவர் இல்லாததால் நோயாளிகள் அவதி: பெண்கள் முற்றுகைப் போராட்டம் DIN DIN Wednesday, June 20, 2018 08:11 AM +0530 சீர்காழி நகர அரசு ஆரம்ப சுகாதார நிலையத்தில் மருத்துவர் மற்றும் போதிய மருந்து மாத்திரைகள் இல்லாததால் நோயாளிகள் பாதிக்கப்பட்டு வரும் நிலையில், செவ்வாய்க்கிழமை சிகிச்சைப் பெற வந்த  பெண்கள் முற்றுகைப் போராட்டத்தில் ஈடுபட்டனர்.
சீர்காழி ஈசானியத் தெருவில் நகர ஆரம்ப சுகாதார நிலையம் கடந்த 5 ஆண்டுகளுக்கும் மேலாக செயல்பட்டு வருகிறது. இங்கு சர்க்கரை வியாதி, ரத்த அழுத்தம், காய்ச்சல் உள்ளிட்ட நோய்களுக்கு சிகிச்சை அளிக்கப்படுகிறது. அத்துடன், வாரந்தோறும் செவ்வாய்க்கிழமை கர்ப்பிணிகளுக்கும், புதன்கிழமை பச்சிளம் குழந்தைகளுக்கும் தடுப்பூசி மற்றும் மருத்துவப் பரிசோதனைகள் செய்யப்படுகின்றன.
 இந்த சுகாதார நிலையத்தில் ஒரு மருத்துவ அலுவலர், 4 செவிலியர்கள் மற்றும் லேப் டெக்னீசியன்கள்,  ஒரு மருந்தாளுநர் பணியிடங்கள் உள்ளன. இதில், மருத்துவ அலுவலர் ராஜ்மோகன் மயிலாடுதுறை அரசு ஆரம்ப சுகாதார நிலையத்துக்கு வட்டார மருத்துவ அலுவலராகப் பதவி உயர்வு பெற்று சென்றுவிட்டார். இதனால், கடந்த 25 நாள்களுக்கும் மேலாக சீர்காழி ஆரம்ப சுகாதார நிலையத்தில் மருத்துவர் இல்லாமல், சிகிச்சைக்கு வருவோர் அவதிப்படும் நிலை உள்ளது.
 தற்போது, ஒப்பந்த அடிப்படையில் பணியாற்றிவரும் 3 செவிலியர்கள் தான், நோயாளிகளுக்கு சாதாரண காய்ச்சல் உள்ளிட்ட உடல் நலக் குறைப்பாடுகளுக்கு மாத்திரைகள் மட்டும் வழங்கி வருகின்றனர். சர்க்கரை நோய், ரத்த அழுத்தம் போன்றவற்றுக்கு மாத்திரைகள் இருப்பு இல்லாமல், கடந்த 6 மாதங்களாக வழங்கப்படாமல் நோயாளிகள் அலைகழிக்கப்படுகின்றனர். சில வகை மாத்திரைகளை மட்டும், திருமுல்லைவாசல் அரசு மருத்துவமனையிலிருந்து செவிலியர்கள்  வாங்கி வந்து நோயாளிகளுக்கு வழங்குகின்றனர். மருந்தாளுநரும் பணிக்கு வந்து பல மாதங்கள் ஆவதாக நோயாளிகள் கூறுகின்றனர். எனவே, சீர்காழி ஆரம்ப சுகாதார நிலையத்துக்கு மருத்துவரை நியமித்து, போதிய மருந்து, மாத்திரைகள் இருப்பு வைக்க நடவடிக்கை எடுக்க வேண்டும் என அப்பகுதி மக்கள் வலியுறுத்தி வருகின்றனர்.
இதுகுறித்து, சீர்காழி  ஈசானியத் தெருவைச் சேர்ந்த ஆர். நித்யா, பா. சாந்தினி  ஆகியோர் கூறியது:
சீர்காழி நகர ஆரம்ப சுகாதார நிலையத்தில்  கடந்த ஒரு மாதமாக மருத்துவர் இல்லாமல் சிகிச்சைக்கு வருபவர்கள் அலைகழிக்கப்படுகின்றனர். இங்கு ஊசிப்போட்டுக் கொண்ட சில நோயாளிகளுக்கு காயம் ஏற்பட்டு, பின்னர் அந்த இடத்தில் அறுவை சிகிச்சை செய்யும் நிலை ஏற்பட்டுள்ளது. மாதாந்திர தடுப்பூசி, பரிசோதனைக்கு வரும் கர்ப்பிணிகள் பெரிதும் அவதிப்படுகின்றனர். சுகாதாரப் பணியாளர்கள் இல்லாததால் அந்த பணியையும் செவிலியர்களே செய்து வருகின்றனர். மருந்தாளுநர் பணியிடம் நிரப்பப்பட்டும் அவர் இதுவரை இங்கு வந்ததில்லை. இந்த குறைகளை நிவர்த்தி செய்ய வலியுறுத்தி   நாள்தோறும் வரும் நோயாளிகள், தெருவாசிகள் சுமார் 200 பேரிடம் கையெழுத்து  பெற்றுள்ளோம். இதை நாகை மாவட்ட ஆட்சியருக்கு அனுப்பிவைக்கவுள்ளோம் என்றனர்.
முற்றுகைப் போராட்டம்... 
இந்நிலையில், இந்த ஆரம்ப சுகாதார நிலையத்துக்கு செவ்வாய்க்கிழமை மருத்துவப் பரிசோதனைக்கு வந்திருந்த கர்ப்பிணிகள் மற்றும் உடல் நலக் குறைபாடுகளுக்கு சிகிச்சைப் பெற வந்த பெண்கள் மருத்துவர் இல்லாததால் முற்றுகைப் போராட்டத்தில் ஈடுபட்டனர். அவர்களை பணியில் இருந்த செவிலியர்கள் சமரசம் செய்து அனுப்பி வைத்தனர்.

]]>
http://www.dinamani.com/all-editions/edition-nagapattinam/nagapattinam/2018/jun/20/சீர்காழி-ஆரம்ப-சுகாதார-நிலையத்தில்-மருத்துவர்-இல்லாததால்-நோயாளிகள்-அவதி-பெண்கள்-முற்றுகைப்-போராட்டம-2943304.html
2943303 நாகப்பட்டினம் நாகப்பட்டினம் வேதாரண்யம் அருகே தொகுப்பு வீடு இடிந்து கல்லூரி மாணவர் சாவு: கிராம மக்கள் சாலை மறியல் DIN DIN Wednesday, June 20, 2018 08:11 AM +0530 நாகை மாவட்டம், வேதாரண்யம் அருகே தொகுப்பு வீடு செவ்வாய்க்கிழமை இடிந்து விழுந்ததில் கல்லூரி மாணவர் உயிரிழந்தார். காயமடைந்த அவரது சகோதரர் மருத்துவமனையில் அனுமதிக்கப்பட்டுள்ளார்.
பழுதடைந்த தொகுப்பு வீடுகளை புதுப்பிக்காததால் தான் இந்த சம்பவம் நிகழ்ந்ததாகக் கூறி கிராம மக்கள் சாலை மறியல் போராட்டத்தில் ஈடுபட்டனர்.
வேதாரண்யம் அருகே உள்ள வேட்டைக்காரனிருப்பு சடையன்காடு பகுதியைச் சேர்ந்தவர் பக்கிரிசாமி. விவசாயக் கூலித் தொழிலாளியான இவர் கடந்த 1989- ஆம் ஆண்டு அரசு கட்டிக்கொடுத்த தொகுப்பு வீட்டில் மனைவி, 4 மகன்கள் மற்றும் ஒரு மகளுடன் வசித்து வந்தார்.
இந்நிலையில்,  இந்த தொகுப்பு வீட்டின் மேற்கூரை செவ்வாய்க்கிழமை காலை திடீரென இடிந்து விழுந்தது. இதில் பக்கிரிசாமியின் மகன்கள் சுதாகர் (23),பிரகாஷ்ராஜ் (20) ஆகிய இருவரும் இடிபாடுகளுக்குள் சிக்கினர். தகவல் அறிந்த தலைஞாயிறு தீயணைப்பு மற்றும் மீட்புக் குழுவினர் விரைந்து வந்து, சகோதரர்கள் இருவரையும் மீட்டனர். இருப்பினும், பிரகாஷ்ராஜ் நிகழ்விடத்திலேயே உயிரிழந்தார். பலத்த காயமடைந்த சுதாகர் சிகிச்சைக்காக நாகை அரசு மருத்துவமனையில் அனுமதிக்கப்பட்டார். உயிரிழந்த பிரகாஷ்ராஜ் நாகையில் உள்ள தனியார் பல்தொழில்நுட்பக் கல்லூரியில் இரண்டாமாண்டு படித்து வந்தார் என்பது குறிப்பிடத்தக்கது.
இந்த சம்பவம் தொடர்பாக வேட்டைக்காரனிருப்பு காவல் நிலைய போலீஸார் வழக்குப் பதிவு செய்து விசாரித்து வருகின்றனர்.
சாலை மறியல்...
தொகுப்பு வீடுகளை உரிய காலத்தில் பழுதுபார்க்காததால் தான், இந்த சம்பவம் நடந்ததாகக் கூறி, வேதாரண்யம்- நாகை பிரதான சாலையில் வேட்டைக்காரனிருப்பு கிராமத்தினர் சாலை மறியலில் ஈடுபட்டனர். இதில், இந்திய கம்யூனிஸ்ட் கட்சியின் கீழையூர் ஒன்றியச் செயலாளர் செல்வம் உள்ளிட்டோர் பங்கேற்றனர்.
உயிரிழந்த கல்லூரி மாணவரின் குடும்பத்துக்கு ரூ.10 லட்சம் நிவாரணம் வழங்கவேண்டும். வேட்டைக்காரனிருப்பு கிராமத்தில் இந்திரா குடியிருப்பு திட்டத்தின் கீழ் அரசு கட்டிக்கொடுத்த 40 வீடுகளும் பழுதடைந்துள்ளதால்,  அவற்றுக்குப் பதிலாக புதிய வீடுகள் கட்டிக்கொடுக்கவேண்டும் என மறியலின்போது வலியுறுத்தப்பட்டது.
வேதாரண்யம் துணைக் காவல்  கண்காணிப்பாளர் பாலு, வருவாய்த் துறை, ஊரக வளர்ச்சித் துறை அதிகாரிகள் நிகழ்விடத்துக்குச் சென்று பேச்சுவார்த்தை நடத்தினர். 
அப்போது, கிராம மக்களின் கோரிக்கை குறித்து அரசுக்கு அறிக்கை அனுப்புவதாக அதிகாரிகள் தரப்பில் உறுதியளிக்கப்பட்டதையடுத்து மறியல் விலக்கிக்கொள்ளப்பட்டது.
 

]]>
http://www.dinamani.com/all-editions/edition-nagapattinam/nagapattinam/2018/jun/20/வேதாரண்யம்-அருகே-தொகுப்பு-வீடு-இடிந்து-கல்லூரி-மாணவர்-சாவு-கிராம-மக்கள்-சாலை-மறியல்-2943303.html
2942745 நாகப்பட்டினம் நாகப்பட்டினம் குரவப்புலத்தில் ரயில் நிறுத்தம் அமைக்க வலியுறுத்தி ஆர்ப்பாட்டம் DIN DIN Tuesday, June 19, 2018 09:33 AM +0530 திருத்துறைப்பூண்டி - அகஸ்தியம்பள்ளி (வேதாரண்யம்) வரையிலான அகல ரயில்பாதை அமைக்கும் திட்டப் பணியில் குரவப்புலம் கிராமத்தில் ரயில் நிறுத்தம் அமைக்க வேண்டும் என்ற கோரிக்கையை வலியுறுத்தி பல்வேறு அமைப்பினர் திங்கள்கிழமை ஆர்ப்பாட்டத்தில் ஈடுபட்டனர்.
திருத்துறைப்பூண்டி - அகஸ்தியம்பள்ளி (வேதாரண்யம்) வரை 1936-இல் ஆங்கிலேயரால் ரயில் பாதை அமைக்கப்பட்டது. குறுகிய பாதை (மீட்டர்கேஜ்) யாக இருந்த இந்த ரயில் தடத்தில் பயணிகள் ரயில், சரக்கு ரயில்கள் இயக்கப்பட்டு வந்தன. வேதாரண்யத்தில் உற்பத்தியாகும் உப்பு உள்பட மீன், விளை பொருள்களை வெளியிடங்களுக்கு ஏற்றிச் செல்ல ஏதுவாக இருந்த வந்தது. இதில், இயக்கப்பட்டு வந்த ரயில்கள் வேதாரண்யம், தோப்புத்துறை, குரவப்புலம், கரியாப்பட்டினம், மேலமருதூர் உள்ளிட்ட 6 நிறுத்தங்களில் ரயில் நின்று சென்றன. 
சுமார் 20 ஆண்டுகளுக்கு முன்பு பயணிகள் ரயிலும்,1995-ஆம் ஆண்டுக்குப் பிறகு சரக்கு ரயில் இயக்கமும் தற்காலிகமாக நிறுத்தப்பட்டது. இதைத் தொடர்ந்து இந்த தடத்தில் (திருத்துறைப்பூண்டி-அகஸ்தியம்பள்ளி) ரயில் பஸ் இயக்கம் நடைபெற்று வந்தது. இந்த ரயில்பஸ்சும், பயணிகள் மற்றும் சரக்கு ரயில் போல அனைத்து நிறுத்தகங்களிலும் நின்று செல்ல வகை செய்யப்பட்டிருந்தது. இதற்கிடையில் ரயில்பஸ் இயக்கமும் 2004-இல் (சுனாமி தாக்கிய நாளுடன்) நிறுத்தப்பட்டது. இதனிடையே, இப்பகுதி மக்களின் தொடர் போராட்டங்களுக்குப் பிறகு குறுகிய பாதை அகல பாதையாக மாற்ற அரசு திட்டமிட்டது. இதற்கான முதல் கட்டப் பணிகளாக சிறு பாலங்கள், ரயில் நிறுத்தங்கள் போன்றவை தற்போது நடைபெற்று வருகிறது.
இத்திட்டப் பணியில் குரவப்புலத்தில் ஏற்கெனவே இயங்கி வந்தபடி ரயில் நிலையம் அமைக்க அனுமதிக்கப்படவில்லை என தெரிகிறது. 
இதையடுத்து, குரவப்புலத்தில் ஏற்கெனவே செயல்பட்டதைப்போல மீண்டும் ரயில் நிறுத்தம் அமைக்க அனுமதிக்கவும், புதிய திட்டப் பணியில் நிறுத்தகத்துக்கான நிலையக் கட்டடத்தை கட்டித்தரவும் அப்பகுதி மக்கள் வலியுறுத்தி வருகின்றனர். இக்கோரிக்கையை வலியுறுத்தி குரவப்புலம் தபால் நிலையம் முன்பு திங்கள்கிழமை போராட்டக் குழுத் தலைவர் தலைவர் மா. ராஜப்பன் தலைமையில் நடைபெற்ற ஆர்ப்பாட்டத்தில், சட்டப் பேரவை முன்னாள் உறுப்பினர் என்.வி. காமராஜ், அதிமுக பிரமுகர் மா. சரவணன், விவசாய சங்கத் தலைவர் ராஜன், திமுக, மதிமுக, இடதுசாரிகள், பாமக, காங்கிரஸ், பாஜக என பல்வேறு அமைப்புகளைச் சேர்ந்த பிரமுகர்கள் மற்றும் கத்தரிப்புலம், குரவப்புலம், நாகக்குடையான், அவரிக்காடு, கருப்பம்புலம், ஆயக்காரன்புலம் உள்ளிட்ட சுற்றுப் பகுதி கிராமத்தினர் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/19/குரவப்புலத்தில்-ரயில்-நிறுத்தம்-அமைக்க-வலியுறுத்தி-ஆர்ப்பாட்டம்-2942745.html
2942744 நாகப்பட்டினம் நாகப்பட்டினம் பாதுகாப்பற்ற கொள்ளிடம் ஆற்றங்கரை சாலை மேம்படுத்தப்படுமா ? DIN DIN Tuesday, June 19, 2018 09:33 AM +0530 பலமுறை கோரிக்கை விடுத்தும் மேம்படுத்தப்படாத பாதுகாப்பற்ற நிலையில் உள்ள கொள்ளிடம் ஆற்றங்கரைச் சாலையை மேம்படுத்த சம்பந்தப்பட்ட துறையினர் உரிய நடவடிக்கை மேற்கொள்ள வேண்டும் என பொதுமக்கள் மீண்டும் கோரிக்கை விடுத்துள்ளனர். 
கொள்ளிடம் சோதனைச் சாவடியிலிருந்து சந்தப்படுகை, திட்டுப்படுகை, நாதல்படுகை மற்றும் அளக்குடி வழியாக காட்டூர் கிராம் வரை செல்லும் கொள்ளிடம் ஆற்றின் வலது கரை சாலை சுமார் 8 கிலோ மீட்டர் தூரத்துக்கு மிகவும் மோசமடைந்து போக்குவரத்துக்கு பாதுகாப்பற்றதாக இருந்து வருகிறது. ஆபத்தான நிலையில் உள்ள இந்த ஆற்றங்கரை சாலை ஆண்டுதோறும் பெய்யும் மழையால் சாலை பல இடங்களில் உடைந்து கரைந்துள்ளது. 
சாலை நெடுகிலும் உடைப்புகள் ஏற்பட்டுள்ளதால் அனைத்து வாகனங்களும் செல்ல முடியாத நிலை ஏற்பட்டுள்ளது. ஆற்றின் கரையோரமுள்ள 15-க்கும் மேற்பட்ட கிராமங்களைச் சேர்ந்த விவசாயிகள், பள்ளி மற்றும் கல்லூரிகளுக்கு செல்லும் மாணவர்கள் இரு சக்கர வாகனங்களில் கூட செல்ல முடியாமல் சிரமப்படுகின்றனர். சாலை நடுவில் ஏற்பட்டுள்ள உடைப்புகளால் அடிக்கடி விபத்து நேரிடுகிறது. இதுகுறித்து சம்பந்தப்பட்ட அலுவலர்களுக்கு பொதுமக்கள் சார்பில் பலமுறை கோரிக்கை விடுத்தும் எந்த நடவடிக்கையும் இல்லை. எனவே, ஆபத்தான பயணம் மேற்கொள்ளும் பொதுமக்களின் நலன் கருதி உடனடியாக சாலையை மேம்படுத்த நடவடிக்கை மேற்கொள்ள வேண்டும்.
 

]]>
http://www.dinamani.com/all-editions/edition-nagapattinam/nagapattinam/2018/jun/19/பாதுகாப்பற்ற-கொள்ளிடம்-ஆற்றங்கரை-சாலை-மேம்படுத்தப்படுமா--2942744.html
2942743 நாகப்பட்டினம் நாகப்பட்டினம் மாணவர்களின் தனித்திறமையை வெளிப்படுத்துவது ஆசிரியரின் கடமை DIN DIN Tuesday, June 19, 2018 09:32 AM +0530 மாணவர்களின் தனித்துவத்தையும், தனித்திறமையையும் உலகுக்கு வெளிப்படுத்துவது ஆசிரியர்களின் கடமை என்றார் பேரிடர் மேலாண்மை ஆணையர் ராஜேந்திர ரத்னு.
சீர்காழி அருகேயுள்ள செங்கமேடு காழிநகர் பகுதியில் புதிதாக கட்டப்பட்டுள்ள சுபம் வித்யா மந்திர் பப்ளிக் (சிபிஎஸ்இ) பள்ளி தொடக்க விழாவில் அவர் மேலும் பேசியது: மாணவர்கள் ஒவ்வொருவருக்கும் தனித்திறமை உண்டு. பாடம் கற்பிக்கும் ஆசிரியர்கள் மாணவரின் தனித்திறமையை உலகிற்கு வெளிப்படுத்தி பள்ளிப் படிப்பை நிறைவு செய்து வெளியேறும்போது முழுமையான சிறந்த மாணவராக அனுப்புவதே ஆசிரியர் மற்றும் பள்ளிகளின் கடமையாகும். அவ்வாறு இல்லாமல் புத்தகங்களில் உள்ள பாடங்களை மட்டும் நடத்திவிட்டு, அதன் மூலம் தேர்வு எழுதி தேர்ச்சி பெறுவது பள்ளிக்கும், மாணவருக்கும் சிறப்புடையதல்ல. அது பள்ளியின் வெற்றியாக இருக்காது என்றார் ராஜேந்திரரத்னு. 
பள்ளி நிறுவனர் பி. கியான்சந்த் தலைமையில் நடைபெற்ற விழாவில், நாகை மாவட்ட ஆட்சியர் சீ. சுரேஷ்குமார், சீர்காழி சட்டப் பேரவைத் தொகுதி உறுப்பினர் பி.வி. பாரதி, பள்ளித் தாளாளர் ஜி. சுதேஷ், விருத்தாச்சலம் ஜெயின் ஜுவல்லரி  அஹர்சந்த், தஞ்சாவூர் மகாராஜா சில்க்ஸ் முகமது ரபி ஆகியோர் வாழ்த்துரை வழங்கினர். சியாமளா பெண்கள் மேல்நிலைப்பள்ளி செயலர் எம். முரளிதரன், விவேகானந்தா கல்வி நிறுவனங்களின் தலைவர் கே.வி. ராதாகிருஷ்ணன், பெஸ்ட் கல்வி நிறுவனங்களின் தாளாளர் எஸ்.எஸ்.என். ராஜ்கமல், ரோட்டரி முன்னாள் தலைவர்கள் சுடர். கல்யாணசுந்தரம், பிரசாந்த், தொழிலதிபர் ரமேஷ்பாபு உள்ளிட்டோர் பங்கேற்றனர். 

]]>
http://www.dinamani.com/all-editions/edition-nagapattinam/nagapattinam/2018/jun/19/மாணவர்களின்-தனித்திறமையை-வெளிப்படுத்துவது-ஆசிரியரின்-கடமை-2942743.html
2942742 நாகப்பட்டினம் நாகப்பட்டினம் காவிரி வெற்றிக்கு அறிவுப்பூர்வமான செயல்பாடே காரணம்: அமைச்சர் ஓ.எஸ். மணியன் DIN DIN Tuesday, June 19, 2018 09:32 AM +0530 அதிமுக அரசு அறிவுப்பூர்வமாக சிந்தித்து, சட்டப் போராட்டம் நடத்தியதன் காரணமாகவே தமிழகத்தின் காவிரி நீர் உரிமை உறுதி செய்யப்பட்டுள்ளது என கைத்தறி மற்றும் துணிநூல் துறை அமைச்சர் ஓ.எஸ். மணியன் தெரிவித்தார்.
நாகை மாவட்டம், மயிலாடுதுறையில் திங்கள்கிழமை நடைபெற்ற காவிரி நதி நீர் உரிமை மீட்பு போராட்ட வெற்றி விளக்கப் பொதுக் கூட்டத்தில் மேலும் அவர் பேசியது: 
அதிமுக அரசு எப்போது கவிழும் என சிலர் கனவு கண்டார்கள். அவர்களின் கனவில் மண்ணைப் போட்டு, அமைதியான ஆட்சியை அதிமுக அளித்து வருகிறது. மக்கள் நலனுக்காக எந்தத் திட்டங்களைக் கேட்டாலும் மறுக்காமல் நிறைவேற்றி வருகிறார் முதல்வர் எடப்பாடி கே. பழனிசாமி.  கடந்த ஆண்டு வெள்ளப் பாதிப்பு ஏற்பட்டதற்கு, மதகுகளிலிருந்து தண்ணீர் வடியாததே காரணம் எனத் தெரியவந்தது. இதுகுறித்து முதல்வருக்கு கடிதம் அளித்ததன் விளைவாக தற்போது, 405 குழாய் மதகுகளை, பாக்ஸ் கல்வெர்ட்டுகளாக மாற்ற ரூ. 54 கோடி நிதி ஒதுக்கீடு அளித்துள்ளார் முதல்வர். 
காவிரிப் பிரச்னையை அறிவுப்பூர்வமாக அணுகி, சட்டப்போராட்டம் நடத்தி, எந்தெந்த வாதங்களை முன்வைத்தால் தமிழக உரிமையை உறுதி செய்யலாம் என வல்லுநர்களுடன் ஆலோசித்து அதிமுக அரசு நடவடிக்கை மேற்கொண்டதுதான் காவிரி வெற்றிக்குக் காரணம் என்றார் ஓ.எஸ். மணியன்.
அரசை அசைக்க முடியாது: அதிமுக அரசை யாராலும் அசைக்க முடியாது என வேளாண் துறை அமைச்சர் ஆர். துரைக்கண்ணு தெரிவித்தார்.  மேலும் அவர் பேசியது :
தமிழகத்துக்கு காவிரி வருமா? தண்ணீர் கிடைக்குமா? என அனைவரும் ஏக்கத்துடன் காத்திருந்த நிலையில், அதிமுக அரசு விவசாயிகளின் காவலனாக செயல்பட்டு, காவிரி உரிமையை உறுதி செய்துள்ளது. டெல்டா மாவட்ட குறுவை சாகுபடிக்காக தமிழக அரசு தற்போது ரூ. 115.67 கோடி மதிப்பில் குறுவை சிறப்புத் தொகுப்புத் திட்டத்தை அறிவித்துள்ளது. இத்திட்டத்தை விவசாயிகள் முழுமையாகப் பயன்படுத்திக் கொள்ள வேண்டும். எனது மறைவுக்குப் பின்னரும் அதிமுக 100 ஆண்டுகள் நிலைத்திருக்கும், அதிமுக அரசும் நிலைத்திருக்கும் என மறைந்த முன்னாள் முதல்வர் ஜெயலலிதா சொன்ன போதுகூட சிலர் முழுமையாக நம்பவில்லை. ஆனால், அந்த நம்பிக்கை தற்போது பிரகாசமாகியுள்ளது என்றார். 
பாவம் நீங்காது: காவிரி பிரச்னையில் தமிழகத்துக்குத் துரோகம் இழைத்த திமுகவின் பாவம் புஷ்கரத்திலும் நீங்காது என தமிழக மக்கள் நல்வாழ்வுத் துறை அமைச்சர் சி. விஜயபாஸ்கர் தெரிவித்தார். மறைந்த முன்னாள் முதல்வர் ஜெயலலிதாவின் வழியொற்றி செயல்பட்டு, அவர் நடத்திய சட்டப் போராட்டத்தை தொடர்ந்து மேற்கொண்டு, காவிரியின் உரிமையை உறுதி செய்த பெருமை முதல்வர் எடப்பாடி கே. பழனிசாமியையே சாரும். தமிழக காவிரி பிரச்னையில் வரலாற்றுப் பிழையை ஏற்படுத்தி, தமிழகத்துக்குத் துரோகம் இழைத்த திமுகவின் பாவம் புஷ்கரத்திலும் (மயிலாடுதுறையில் காவிரி மகா புஷ்கரம் கடந்த ஆண்டு நடைபெற்றது) நீங்காது என்றார். 
 

]]>
http://www.dinamani.com/all-editions/edition-nagapattinam/nagapattinam/2018/jun/19/காவிரி-வெற்றிக்கு-அறிவுப்பூர்வமான-செயல்பாடே-காரணம்-அமைச்சர்-ஓஎஸ்-மணியன்-2942742.html
2942556 நாகப்பட்டினம் நாகப்பட்டினம் காவிரி உரிமையை உறுதி செய்திருப்பது அதிமுக அரசு மட்டுமே! முதல்வர் எடப்பாடி கே.பழனிசாமி DIN DIN Tuesday, June 19, 2018 08:45 AM +0530 காவிரி உரிமையை உறுதி செய்திருப்பது அதிமுக அரசு மட்டுமே என்றார் தமிழக முதல்வர் எடப்பாடி கே. பழனிசாமி. 
நாகை மாவட்டம், மயிலாடுதுறையில் திங்கள்கிழமை நடைபெற்ற காவிரி நதி நீர் மீட்புப் போராட்ட வெற்றி விளக்கப் பொதுக் கூட்டத்தில் அவர் மேலும் பேசியது :
38 ஆண்டுகளாக நீடித்த காவிரி பிரச்னைக்கு சட்டப் போராட்டம் மூலம் அதிமுக அரசு தற்போது தீர்வு கிடைக்கச் செய்துள்ளது. ஆனால், காவிரி பிரச்னையில் தமிழகத்துக்கு அடுக்கடுக்கான துரோகங்களைதான் திமுக இழைத்துள்ளது. 
தமிழகத்தின் சட்டப் பேரவை மற்றும் மேலவையில் தீர்மானம் நிறைவேற்றி,  தொடரப்பட்ட காவிரி நதி நீர் வழக்கை 1971-ஆம் ஆண்டில் எவ்வித அறிவிப்பும் இல்லாமல், அப்போதைய பிரதமர் இந்திரா காந்தி கேட்டுக் கொண்டதன்பேரில், சுயநலம் கருதி வாபஸ் பெற்று விவசாயிகளுக்கு கருணாநிதி துரோகம் இழைத்தார். 
2007-ஆம் ஆண்டில் காவிரி நடுவர்மன்ற தீர்ப்பு வெளிவந்தபோது, மத்தியிலும், மாநிலத்திலும் பொறுப்புகளை வகித்த திமுக, மத்திய அரசுக்கு உரிய அழுத்தம் அளித்திருந்தால், உடனடியாக அந்தத் தீர்ப்பை அரசிதழில் வெளியிடச் செய்து, காவிரி மேலாண்மை வாரியம், ஒழுங்காற்றுக் குழு அமைத்திருக்கலாம். ஆனால், விவசாயிகள் நலனில் அக்கறை இல்லாத திமுக அதை செய்யவில்லை.
சட்டப் போராட்டம் நடத்தி நடுவர்மன்ற இறுதித் தீர்ப்பை மத்திய அரசிதழில் வெளியிடச் செய்ததும், மத்திய அரசு மீது நீதிமன்ற அவமதிப்பு வழக்குத் தொடர்ந்தும், உண்ணாவிரதப் போராட்டங்கள் மூலம் விவசாயிகளின் குரலை ஒலிக்கச் செய்தும், நாடாளுமன்றத்தை 22 நாள்கள் முடங்கச் செய்தும், காவிரி மேலாண்மை ஆணையம் அமைக்கவும், காவிரி ஒழுங்காற்றுக் குழு அமைக்கவும் வழிவகை செய்து, தமிழகத்தின் காவிரி உரிமையை உறுதி செய்திருப்பது அதிமுக அரசு மட்டும்தான். 
காவிரி மேலாண்மை ஆணையத்துக்கும், ஒழுங்காற்று குழுவுக்கும் தமிழகம், புதுச்சேரி, கேரளம் ஆகிய மாநிலங்கள் உறுப்பினர்களைப் பரிந்துரைத்துள்ள நிலையில், கர்நாடக அரசு இதுவரை உறுப்பினர்களைப் பரிந்துரைக்காமல் உள்ளது. 
நீதி ஆயோக் கூட்டத்தில் பங்கேற்க சென்றபோது, இதுகுறித்து பிரதமர் மற்றும் மத்திய அமைச்சர் நிதின் கட்கரி ஆகியோரின் கவனத்துக்குக் கொண்டுச் செல்லப்பட்டு,  விரைவாக காவிரி மேலாண்மை ஆணையம் அமைத்து கூட்டம் நடத்தி, தமிழகத்துக்குத் தண்ணீர் கிடைக்கச் செய்ய வேண்டும் என வலியுறுத்தப்பட்டுள்ளது.
திமுக ஆட்சிக் காலத்தில் 1980, 1990 ஆகிய ஆண்டுகளில் ஆகஸ்ட் மாதங்களிலும், 1999, 2007, 2009, 2010 ஆகிய ஆண்டுகளில் ஜூலை மாதங்களிலும்தான் மேட்டூரிலிருந்து விவசாயத்துக்குத் தண்ணீர் திறக்கப்பட்டுள்ளது. 
தற்போது,  மேட்டூரில் உரிய தண்ணீர் இல்லாததை வைத்து அரசியல் நடத்தலாம் எனக் கருதி, ஜூன் 12-ஆம் தேதி குறுவைக்குத் தண்ணீர் திறக்க வேண்டும் எனக்கூறி திமுக செயல் தலைவர் ஸ்டாலின் வெளிநடப்புச் செய்தார். ஆனால், அதை மக்கள் ஏற்கவில்லை. 
அதிமுக அரசு வேளாண் துறை, மக்கள் நல்வாழ்வுத் துறை, கல்வித் துறை என அனைத்துத் துறைகளிலும் முதன்மைப் பெற்று வருகிறது என்றார் முதல்வர் எடப்பாடி கே. பழனிசாமி.

 

 

கொண்டாட்டங்களும், ஏமாற்றமும்...
மயிலாடுதுறை, ஜூன் 18 : தமிழக முதல்வர் எடப்பாடி கே. பழனிசாமி வருகையையொட்டி, மயிலாடுதுறை நகரம் விழாக் கோலம் கொண்டிருந்தது. ஆனால், மயிலாடுதுறை வளர்ச்சிக்கான அறிவிப்புகள் எதையும் முதல்வர் வெளியிடாதது மக்களுக்கு ஏமாற்றத்தை அளித்தது. 
தமிழக முதல்வராகப் பொறுப்பேற்ற பின்னர் முதல்வர் எடப்பாடி கே. பழனிசாமி மயிலாடுதுறையில் பங்கேற்ற முதல் பொதுக் கூட்டம். இதையொட்டி, நாகை மாவட்ட அதிமுக சார்பில் பட்டமங்கலத் தெரு, கச்சேரி சாலை, தரங்கை சாலை, காந்திஜி சாலை என முக்கிய சாலைகள் அனைத்திலும் சாலையின் இருமருங்கிலும் அதிமுக கொடிகளும், ஆங்காங்கே தோரணங்களும், விளம்பர பதாகைகளும், மின்விளக்குகளும் அமைக்கப்பட்டிருந்தன. இதனால், மயிலாடுதுறை நகரம் முழுமையும் விழாக் கோலம் கொண்டிருந்தது. சின்னக்கடைத் தெருவைச் சுற்றியுள்ள அனைத்து வீதிகளிலும் சுமார் ஒரு கிலோ மீட்டர் சுற்றளவில் போலீஸார் பாதுகாப்புப் பணியில் ஈடுபட்டிருந்தனர். மாயூரநாதர் கோயில் மேலவீதி, வடக்கு வீதி, மகாதானத் தெரு என பல பகுதிகளில் மெட்டல் டிடெக்டர் கருவிகள் அமைக்கப்பட்டு, தீவிர கண்காணிப்புக்குப் பின்னரே தொண்டர்கள், பொதுமக்கள் அனுமதிக்கப்பட்டனர்.  சின்னக்கடைத் தெரு வழியேயான போக்குவரத்துத் தடை செய்யப்பட்டு, மாயூரநாதர்கோயில் கீழவீதி, தெற்குவீதி வழியே வாகனங்கள் இயக்கப்பட்டன. 
விடா முயற்சி: முதல்வர் எடப்பாடி கே. பழனிசாமி பேசத் தொடங்கிய சில நிமிடங்களில் அவருக்குக் குரல் தடைபட்டது. பல முறை தண்ணீர் குடித்துத் தொண்டையை சரி செய்ய அவர் முயன்றாலும் உரிய தீர்வு கிடைக்கவில்லை.  குரல்வளம் தடைபட்டதன் காரணமாக, அவர் தனது உரையை பாதியிலேயே முடித்துக் கொள்ள நேரலாம் என பெரும்பாலானோர் கருதிய நிலையில், குரல்வள பாதிப்புடனேயே அவர் தனது உரையை சுமார் ஒரு மணி நேரத்துக்கும் மேலாகத் தொடர்ந்தார்.
முதல்வர் எடப்பாடி கே. பழனிசாமி ஏற்கெனவே கடந்த செப்டம்பர் மாதம் மயிலாடுதுறைக்கு வந்து காவிரி மகா புஷ்கரத்தில் புனித நீராடி சென்றார். ஆனால், அவர் பங்கேற்கும் முதல் பொதுக் கூட்டம் திங்கள்கிழமை நடைபெற்ற கூட்டமே. அந்த வகையில், மயிலாடுதுறையின் நீண்ட கால கோரிக்கைகளான தனி மாவட்டக் கோரிக்கை, புதிய பேருந்து நிலைய பிரச்னை, புறவழிச் சாலை பிரச்னை போன்ற பிரச்னைகளுக்குத் தீர்வு அறிவிப்பார் அல்லது வேறு ஏதேனும் புதிய வளர்ச்சிப் பணிகளை அறிவிப்பார் என்ற எதிர்பார்ப்பு அனைவரிடமும் மேலோங்கியது.  ஆனால், மயிலாடுதுறை நலனுக்காக எந்தப் புதிய அறிவிப்புகளையும் அவர் வெளியிடாதது மக்களுக்கு ஏமாற்றத்தை ஏற்படுத்தியது. 
உம்பளச்சேரி மாடு: முதல்வரின் உரை முடிந்த உடன் கூட்டத்தில் பங்கேற்றிருந்த தொண்டர்கள் புறபட தயாராகினர். அப்போது, ஒலிப்பெருக்கியைப் பிடித்த அமைச்சர் ஓ.எஸ். மணியன், முதல்வருக்கு ஒரு வித்தியாசமான பரிசு அளிக்கப்படவுள்ளது. அந்தப் பரிசு இப்போது மேடைக்கு வரவுள்ளது அனைவரும் அந்தப் பரிசை பார்த்துவிட்டுச் செல்லலாம் என்றார். அமைச்சர் ஓ.எஸ். மணியனின் பலமான பீடிகையால், என்ன பரிசு ? என்ற கேள்விக்குறி அனைவரையும் சூழ்ந்திருந்த நிலையில்,  எதிர்பார்ப்புக்குக் குறையில்லாத வகையில்,  உழவுக்குப் பெயர் பெற்ற உம்பளச்சேரி மாடுகள் பூட்டிய ஏர் கலப்பையை தமிழக முதல்வர் எடப்பாடி கே. பழனிசாமிக்கு அமைச்சர் ஓ.எஸ். மணியன் பரிசளித்தார். மாடுகள் மேடைக்கு வந்தபோது பலத்த கரவொலி எழும்பியது.
மாடுகளுக்காக பிளாஷ் ரத்து: மாடுகள் மேடைக்கு வந்தவுடன், புகைப்படக்காரர்கள் படம் எடுக்க மிகுந்த ஆர்வம் காட்டினர். அப்போது, பிளாஷ் ஒளியைக் கண்டு மாடுகள் மிரளக் கூடும் என்பதால் புகைப்பட கேமிராவில் பிளாஷை பயன்படுத்தக் கூடாது என எச்சரிக்கப்பட்டது. இது, புகைப்படக்காரர்களுக்கு லேசான அசெளகரியத்தை ஏற்படுத்தினாலும், சரியான முன்னேற்பாடாகவே கருதப்பட்டது.

]]>
http://www.dinamani.com/all-editions/edition-nagapattinam/nagapattinam/2018/jun/19/காவிரி-உரிமையை-உறுதி-செய்திருப்பது-அதிமுக-அரசு-மட்டுமே-முதல்வர்-எடப்பாடி-கேபழனிசாமி-2942556.html
2941850 நாகப்பட்டினம் நாகப்பட்டினம் சித்தங்காத்தான் கோயில் கும்பாபிஷேகம் DIN DIN Monday, June 18, 2018 07:50 AM +0530 பூம்புகார் அருகே உள்ள கீழையூரில் அருள்பாலிக்கும் சித்தங்காத்தான் கோயிலில் கும்பாபிஷேகம் ஞாயிற்றுக்கிழமை நடைபெற்றது.
மிகவும் தொன்மைவாய்ந்த இக்கோயில் குறித்து சிலப்பதிகார காப்பியத்தில் குறிப்புகள் உள்ளன. இக்கோயிலில் ஆகம விதிப்படி 12 ஆண்டுகளுக்கு ஒருமுறை கும்பாபிஷேகம் நடத்தப்பட்டுவருகிறது. அதன்படி, இதற்கு முன்னதாக கும்பாபிஷேகம் நடத்தப்பட்டு 12 ஆண்டுகள் நிறைவடைந்ததையொட்டி, மீண்டும் கும்பாபிஷேகம் நடத்த திருப்பணிகள் நடைபெற்றுவந்தன.
இப்பணிகள் நிறைவடைந்ததைத் தொடர்ந்து, வெள்ளிக்கிழமை யாகசாலை பூஜைகள் தொடங்கின. தொடர்ந்து, ஞாயிற்றுக்கிழமை காலை நான்காம் கால யாக பூஜையும், மகாபூர்ணாஹுதியும் நடைபெற்றன. பின்னர், புனிதநீர் குடங்கள் கோபுரத்துக்கு கொண்டு செல்லபட்டு, கோபுர கலசங்களுக்கு கும்பாபிஷேகம் நடைபெற்றது.
இதில் கோயில் அறங்காவலர் மகாலிங்க அய்யர், திருப்பணிக் குழுவைச் சேர்ந்த பாலசுப்பிரமணியன், சீனிவாசன் உள்பட திரளான பக்தர்கள் கலந்துகொண்டு சுவாமி தரிசனம் செய்தனர். 

]]>
http://www.dinamani.com/all-editions/edition-nagapattinam/nagapattinam/2018/jun/18/சித்தங்காத்தான்-கோயில்-கும்பாபிஷேகம்-2941850.html
2941849 நாகப்பட்டினம் நாகப்பட்டினம் மயிலாடுதுறையில் இன்று முதல்வர் பங்கேற்கும் பொதுக் கூட்டம் DIN DIN Monday, June 18, 2018 07:49 AM +0530 காவிரியில் தமிழகத்தின் ஜீவாதார உரிமையை மீட்டெடுத்த அதிமுக அரசின் காவிரி நதிநீர் மீட்புப் போராட்ட வெற்றி விளக்கப் பொதுக் கூட்டம் மயிலாடுதுறையில் திங்கள்கிழமை (ஜூன் 18) நடைபெறுகிறது. 
அதிமுக நாகை மாவட்டச் செயலரும், தமிழ்நாடு கைத்தறி மற்றும் துணி நூல்துறை அமைச்சருமான ஓ.எஸ். மணியன் தலைமையில், நடைபெறவுள்ள பொதுக் கூட்டத்தில் முதல்வர் எடப்பாடி கே. பழனிசாமி பங்கேற்று சிறப்புரையாற்றுகிறார். இதில், தமிழக அமைச்சர்கள், அதிமுக நிர்வாகிகள் உள்ளிட்ட திராளானோர் பங்கேற்கவுள்ளனர். மயிலாடுதுறை சின்னக்கடை வீதியில் அமைக்கப்பட்டுள்ள பொதுக் கூட்ட மேடையை அமைச்சர் ஓ.எஸ். மணியன் ஞாயிற்றுக்கிழமை பார்வையிட்டார். அவருடன், மயிலாடுதுறை சட்டப் பேரவைத் தொகுதி உறுப்பினர் வீ. ராதாகிருஷ்ணன் உள்ளிட்டோர் உடனிருந்தனர்.  
பாதுகாப்புப் பணியில் 2000-க்கும் மேற்பட்ட போலீஸார்: முதல்வரின் வருகையையொட்டி, திருச்சி மத்திய மண்டல காவல் துறைத் தலைவர் வரதராஜூ தலைமையில், தஞ்சை சரக டிஐஜி லோகநாதன் மற்றும் 5  மாவட்டக் காவல் கண்காணிப்பாளர்கள், 10 கூடுதல் காவல் கண்காணிப்பாளர்கள், 20 டிஎஸ்பிகள், 60  காவல் ஆய்வாளர்கள், 148 காவல் உதவி ஆய்வாளர்கள் உள்ளிட்ட  2000-க்கும் மேற்பட்ட போலீஸார் பாதுகாப்புப் பணியில் ஈடுபடவுள்ளனர். 
முதல்வரின் வருகை குறித்து ஓ.எஸ். மணியன் கூறியது: சென்னையிலிருந்து விமானம் மூலம் திருச்சி வரும் முதல்வர் அங்கிருந்து கார் மூலம் மயிலாடுதுறைக்கு மதியம் 1.30 மணி அளவில் வந்து சேருகிறார். 
முதல்வருக்கு கட்சி சார்பில்,  நாகை மாவட்டம், குத்தாலம் வட்டம் ராஜகோபாலாபுரம்  பகுதியில் வரவேற்பு கும்ப மரியாதை அளிக்கப்படுகிறது. மதிய உணவுக்கு  பின்னர், மயிலாடுதுறை காவேரி இல்லத்தில் ஓய்வெடுக்கும் முதல்வர் எடப்பாடி கே. பழனிசாமி மாலை 5.30 மணிக்கு பொதுக் கூட்ட மேடைக்கு வருகிறார். மாலை 6 மணி முதல் 7 மணி வரை கூட்டத்தில் பேசுகிறார் என்றார் ஓ.எஸ். மணியன். 

]]>
http://www.dinamani.com/all-editions/edition-nagapattinam/nagapattinam/2018/jun/18/மயிலாடுதுறையில்-இன்று-முதல்வர்-பங்கேற்கும்-பொதுக்-கூட்டம்-2941849.html
2941848 நாகப்பட்டினம் நாகப்பட்டினம் மழையால் மின் விபத்து DIN DIN Monday, June 18, 2018 07:49 AM +0530 சீர்காழியில் சனிக்கிழமை இரவு இடி, மின்னலுடன் சுமார் 2 மணி நேரம் பெய்த மழையால்,  மின் விநியோகத்தில் பாதிப்பு ஏற்பட்டு, வீட்டிலிருந்த மின்விளக்கு வெடித்து தீ விபத்து ஏற்பட்டது.
சீர்காழி பகுதியில் சனிக்கிழமை இரவு 8 மணியிலிருந்து சுமார் 2 மணி நேரம் இடி, மின்னலுடன் பலத்த மழை பெய்தது. இதனால் ஏற்பட்ட அதிக மின்னழுத்தம் காரணமாக, சீர்காழி கோயில்பத்து தெற்குத்தெரு ஐவேலி பகுதியில் வசிக்கும் பஜில்ரகுமான் (50) என்பவரது மாடி வீட்டில் குழல் மின் விளக்கு வெடித்து சிதறியது. 
இதனால், தீ விபத்து ஏற்பட்டு, மின்சாதனப் பொருள்கள் மற்றும் மெத்தை உள்ளிட்டவை எரிந்து நாசமாகின. தகவலறிந்த தீயணைப்பு படையினர் விரைந்து வந்து, தீயை அணைத்தனர். இதுகுறித்து, சீர்காழி போலீஸார் விசாரணை மேற்கொண்டுள்ளனர்.
மேலும், இந்த மழையால் சீர்காழி சுற்றுவட்டாரப் பகுதிகளில் சுமார் இரண்டரை மணிநேரம் மின் தடை  ஏற்பட்டு, பொதுமக்கள் பாதிக்கப்பட்டனர்.
 

]]>
http://www.dinamani.com/all-editions/edition-nagapattinam/nagapattinam/2018/jun/18/மழையால்-மின்-விபத்து-2941848.html
2941847 நாகப்பட்டினம் நாகப்பட்டினம் பாலையூர் சீதாளபரமேஸ்வரி மாரியம்மன் கோயில் கும்பாபிஷேகம் DIN DIN Monday, June 18, 2018 07:49 AM +0530 நாகை அருகேயுள்ள பாலையூர் அருள்மிகு சீதாளபரமேஸ்வரி மாரியம்மன் கோயில் கும்பாபிஷேகம் ஞாயிற்றுக்கிழமை நடைபெற்றது.
நாகை அருகே பாலையூரில் அருள்மிகு சீதாளபரமேஸ்வரி மாரியம்மன் கோயில் உள்ளது. இக்கோயிலில் நடைபெற்றுவந்த திருப்பணிகள் முடிவடைந்ததையடுத்து, கும்பாபிஷேகத்துக்கான பூர்வாங்க பூஜைகள் சனிக்கிழமை காலை விக்னேஷ்வர பூஜை, கணபதி ஹோமத்துடன் தொடங்கின. 
பின்னர், ஞாயிற்றுக்கிழமை காலை இரண்டாம் கால பூஜைகள் தொடங்கி பூர்ணாஹுதி நடைபெற்றது. இதையடுத்து, யாத்ராதானம் நடைபெற்று கும்பாபிஷேகம் நடைபெற்றது. இதில், சுற்றுவட்டாரத்திலிருந்து திரளான பக்தர்கள் பங்கேற்று, சுவாமி தரிசனம் செய்தனர்.

]]>
http://www.dinamani.com/all-editions/edition-nagapattinam/nagapattinam/2018/jun/18/பாலையூர்-சீதாளபரமேஸ்வரி-மாரியம்மன்-கோயில்-கும்பாபிஷேகம்-2941847.html
2941846 நாகப்பட்டினம் நாகப்பட்டினம் அமிர்தகடேசுவரர் கோயில் நான்கு வீதி சாலையை சீரமைக்கக் கோரிக்கை DIN DIN Monday, June 18, 2018 07:48 AM +0530 நாகை மாவட்டம், திருக்கடையூர் அமிர்தகடேசுவரர் கோயிலைச் சுற்றியுள்ள நான்கு வீதி சாலையைச் சீரமைக்க வேண்டும் என பொதுமக்கள் கோரிக்கை விடுத்துள்ளனர்.
திருக்கடையூர் அமிர்தகடேசுவரர் கோயிலுக்கு நாள்தோறும் ஏராளமான பக்தர்கள் வருகின்றனர். 60 வயது பூர்த்தி அடைவதையொட்டி, மணிவிழா, ஆயுஷ்ஹோமம் ஆகிய பூஜைகள் இங்கு மட்டுமே நடைபெறுகின்றன. மேலும், திருவிழாக்காலங்களில் நான்கு வீதியைச் சுற்றியுள்ள தார்ச்சாலை வழியாகத்தான் தேரில் சாமி வீதியுலா வருகிறது.
இந்த நிலையில், நான்கு வீதி சாலைகள் குண்டும், குழியுமாக மிகவும் சேதமடைந்த நிலையில் காட்சியளிக்கின்றன. இதனால், கோயிலுக்கு வரும் பக்தர்களும், உள்ளூர் பொதுமக்களும் வாகனங்களை இயக்க மிகவும் சிரமப்படுகின்றனர். அத்துடன், போக்குவரத்து பாதிப்பும் ஏற்படுகிறது. தவிர, அடிப்படை வசதிகளான கழிவறை, குளியலறை மற்றும் குடிநீர் வசதி இல்லாததால், பெண்களும், வயதானவர்களும் மிகவும் அவதிப்
படுகின்றனர். எனவே, இவற்றை சரிசெய்ய சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-nagapattinam/nagapattinam/2018/jun/18/அமிர்தகடேசுவரர்-கோயில்-நான்கு-வீதி-சாலையை-சீரமைக்கக்-கோரிக்கை-2941846.html
2941845 நாகப்பட்டினம் நாகப்பட்டினம் பாஜக நிர்வாகிகள் கூட்டம் DIN DIN Monday, June 18, 2018 07:47 AM +0530 சீர்காழி சட்டப் பேரவை தொகுதி பாஜக நிர்வாகிகள் கூட்டம் சனிக்கிழமை நடைபெற்றது.
கூட்டத்துக்கு, கட்சியின் நகரச் செயலாளர் செல்வம் தலைமை வகித்தார். பொறுப்பாளர்கள் இளவழகன், தமிழ்வளவன், அசோகன், உமாமகேஸ்வரி, கிரி, அபரஜிதா, சண்முகம், குருமூர்த்தி, நேதாஜி ஆகியோர் முன்னிலை வகித்தனர். மாவட்டத் தலைவர் வெங்கடேசன் சிறப்புரையாற்றினார். 
2019 -ஆம் ஆண்டு நடைபெறவுள்ள நாடாளுமன்றத் தேர்தலில் பாஜக வெற்றி பெற மேற்கொள்ள வேண்டிய பணிகள் குறித்து ஆலோசிக்கப்பட்டது. நிறைவில் நகர பொதுச் செயலாளர் முருகேசன் நன்றி கூறினார்.
 

]]>
http://www.dinamani.com/all-editions/edition-nagapattinam/nagapattinam/2018/jun/18/பாஜக-நிர்வாகிகள்-கூட்டம்-2941845.html
2941844 நாகப்பட்டினம் நாகப்பட்டினம் சாலையில் வைக்கப்பட்டுள்ள இரும்புத் தடுப்புகளால் போக்குவரத்துக்கு இடையூறு DIN DIN Monday, June 18, 2018 07:47 AM +0530 கொள்ளிடம் பகுதி தேசிய நெடுஞ்சாலையில் பல்வேறு இடங்களில் வைக்கப்பட்டுள்ள இரும்புத் தடுப்புகளால் (பேரிகார்டு) போக்குவரத்துக்கு இடையூறு ஏற்படுவதாக வாகன ஓட்டிகள் குற்றம் சாட்டுகின்றனர்.
சென்னை, புதுச்சேரி, கடலூர், சிதம்பரம் ஆகிய பகுதிகளிலிருந்து சீர்காழி, காரைக்கால், நாகப்பட்டினம், மயிலாடுதுறை உள்ளிட்ட பகுதிகளுக்கு செல்லும் அனைத்து வாகனங்களும் சீர்காழி - சிதம்பரம் தேசிய நெடுஞ்சாலை வழியாக செல்ல வேண்டும். இவ்வழித்தடத்திலுள்ள கொள்ளிடம், தைக்கால், புத்தூர், எருக்கூர், சீர்காழி புறவழிச்சாலை கோயில்பத்து ஆகிய பகுதிகள் வாகனப் போக்குவரத்து மிகுந்த நெருக்கடியான பகுதியாகும்.
வாகனங்கள் அதிக வேகத்துடன் வருவதாலும் தனியார், அரசுப் பேருந்துகள் பேருந்து நிறுத்தத்தில் நின்று செல்ல தைக்கால், புத்தூர்மதகடி, எருக்கூர் ஆகிய பகுதிகளில் சாலையின் இருபுறமும் சிறிது தூர இடைவெளியில் இரும்புத் தடுப்புகள் வைக்கப்பட்டு வாகனங்களில் வேகத்தை  கட்டுப்படுத்த நடவடிக்கை மேற்கொள்ளப்பட்டுள்ளது. தற்போது, இத்தடுப்புகளால் சில நேரங்களில் விபத்து மற்றும் போக்குவரத்து பாதிப்பு ஏற்படுவதாக வாகன ஓட்டிகள் குற்றம் சாட்டுகின்றனர். 
சுமார் 25 அடி முதல் 30 அடி அகலமுள்ள சாலையில் 15 அடிக்கு மேல் இரும்புத் தடுப்புகள் வைக்கப்பட்டுள்ளன. இதனால், பேருந்து, லாரி உள்ளிட்ட வாகனங்களுக்கு சென்று வர சிரமமாக உள்ளது. வாகனங்கள் திருப்பிச் செல்லும் போது சாலையோரம் உள்ள கடைகளுக்கும், அங்கு நிறுத்திவைக்கப்பட்டுள்ள இருசக்கர வாகனங்களுக்கும் பாதிப்பு ஏற்படுகிறது. 
மேலும், வேகமாக வரும் வாகனங்கள் எதிரில் வரும் வாகனத்துக்கு முன்பாக பேரிகார்டுகளுக்கு சென்று வெளியேற வேண்டும் என்ற முனைப்பில் போட்டிப் போட்டுக் கொண்டு உள்ளே புக நினைப்பதால் விபத்து ஏற்படுகிறது. அதிக வாகனங்கள் உள்ள பகுதியில் இரும்புத் தடுப்புகள் வைக்கப்பட்டுள்ளதால் வாகனங்கள் நீண்ட வரிசையில் நின்று கடந்து செல்லும் நிலை உள்ளது. 
எனவே, சம்பந்தப்பட்ட துறையினர் சாலை குறுக்கே வைத்துள்ள பேரிகார்டுகளின் நீளத்தை குறைத்து வாகனங்கள் எளிதாக கடந்து செல்லவும், இரும்பு தடுப்புகளுக்கு பதிலாக வேகத்தடைகள் அமைக்கவும் உரிய நடவடிக்கை மேற்கொள்ள வேண்டும் என்று பலதரப்பினராலும் வலியுறுத்தப்படுகிறது.
 

]]>
http://www.dinamani.com/all-editions/edition-nagapattinam/nagapattinam/2018/jun/18/சாலையில்-வைக்கப்பட்டுள்ள-இரும்புத்-தடுப்புகளால்-போக்குவரத்துக்கு-இடையூறு-2941844.html
2941843 நாகப்பட்டினம் நாகப்பட்டினம் கிராம நிர்வாக அலுவலகக் கட்டடத்தில் விரிசல் DIN DIN Monday, June 18, 2018 07:47 AM +0530 நாகை மாவட்டம், செம்பனார்கோவிலை அடுத்த மேமாத்தூர் ஊராட்சியில் பழுதடைந்த நிலையில் உள்ள கிராம நிர்வாக அலுவலகக் கட்டடத்தை சீரமைக்குமாறு பொதுமக்கள் கோரிக்கை விடுத்துள்ளனர்.
தரங்கம்பாடி தாலுகாவுக்குள்பட்ட மேமாத்தூர் ஊராட்சி மன்றக் கட்டடத்தின் அருகில் கிராம நிர்வாக அலுவலகம் செயல்பட்டு வருகிறது. இதைச் சுற்றியுள்ள கீழ்மாத்தூர், வாழ்க்கை, கேணிக்கரை உள்ளிட்ட 15-க்கும் மேற்பட்ட கிராமங்களில் 4,000-க்கும் அதிகமான மக்கள் வசிக்கின்றனர்.
அரசு சார்ந்த பல்வேறு சான்றிதழ்கள், சிட்டா அடங்கல் மற்றும் விண்ணப்பங்களைப் பெற இந்த கிராம நிர்வாக அலுவலகத்தையே அவர்கள் பயன்படுத்தி வருகின்றனர். மேலும், பள்ளி, கல்லூரி மாணவர்கள் சாதிச் சான்றிதழ், வருமானச் சான்றிதழ் மற்றும் இருப்பிடச் சான்றிதழ்கள் பெற இந்த அலுவலகத்துக்குத் தான் வந்து செல்கின்றனர். 
கடந்த 5 ஆண்டுக்கு முன்பு கட்டப்பட்ட மேமாத்தூர் கிராம நிர்வாக அலுவலகக் கட்டடத்தில், தற்போது விரிசல் ஏற்பட்டு ஆங்காங்கே காரைகள் பெயர்ந்து விழுகின்றன. இதனால், மழைக்காலத்தில் மழைநீர் கசிவதால் கிராம நிர்வாக அலுவலரும், மனு அளிக்க வரும் பொதுமக்களும் மிகவும் சிரமத்துக்குள்ளாகின்றனர். இது தவிர அலுவலகத்தில் உள்ள முக்கிய ஆவணங்கள் மழைநீரில் நனையும் நிலை ஏற்பட்டுள்ளது. எனவே, இடிந்துவிழும் நிலையில் உள்ள இந்த கிராம நிர்வாக அலுவலகக் கட்டடத்தை சம்பந்தப்பட்ட அதிகாரிகள் விரைவில் சீரமைக்க வேண்டும் என்று இப்பகுதி மக்கள் கோரிக்கை விடுத்துள்ளனர். 
 

]]>
http://www.dinamani.com/all-editions/edition-nagapattinam/nagapattinam/2018/jun/18/கிராம-நிர்வாக-அலுவலகக்-கட்டடத்தில்-விரிசல்-2941843.html
2941842 நாகப்பட்டினம் நாகப்பட்டினம் ஆவின் பாலகம் திறப்பு விழா DIN DIN Monday, June 18, 2018 07:47 AM +0530 நாகை மாவட்டம், சீர்காழியை அடுத்த சட்டநாதபுரத்தில் புதிதாக அமைக்கப்பட்டுள்ள ஆவின் பாலகம் திறப்பு விழா ஞாயிற்றுக்கிழமை நடைபெற்றது.
சட்டநாதபுரம் நான்கு வழிச்சாலை சந்திப்புப் பகுதியில் புதிதாக ஆவின் பாலகம் அமைக்கப்பட்டுள்ளது. இதை சீர்காழி சட்டப் பேரவை உறுப்பினர் பி.வி. பாரதி, திறந்து வைத்து முதல் விற்பனையைத் தொடங்கி வைத்தார். இந்நிகழ்ச்சியில், வட்டாட்சியர் பாலமுருகன், அதிமுக ஒன்றியச் செயலாளர் ராஜமாணிக்கம், நகரச் செயலாளர் பக்கிரிசாமி, ஊராட்சி மன்ற முன்னாள் தலைவர் தெட்சிணாமூர்த்தி, பெஸ்ட் கல்வி நிறுவனங்களின் தாளாளர் எஸ்.எஸ்.என். ராஜ்கமல், ஆவின் பாலக முகவர் காயத்திரி உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/jun/18/ஆவின்-பாலகம்-திறப்பு-விழா-2941842.html
2941841 நாகப்பட்டினம் நாகப்பட்டினம் குட்டையில் மண் சரிவு ஏற்பட்டு 2 சிறுமிகள் சாவு DIN DIN Monday, June 18, 2018 07:46 AM +0530 குத்தாலம் அருகே குட்டையில் ஞாயிற்றுக்கிழமை விளையாடிக்கொண்டிருந்த இரண்டு சிறுமிகள் மண் சரிவு ஏற்பட்டு உயிரிழந்தனர்.
நாகை மாவட்டம், குத்தாலத்தை அடுத்த ராஜகோபாலபுரம் ராஜா காலனி கீழத் தெருவைச் சேர்ந்தவர் ராமமூர்த்தி. வழக்குரைஞரான இவரது வீட்டுக்கு,  உறவினர்களான கும்பகோணம் ஆனைக்காரன்பாளையத்தைச் சேர்ந்த தேவேந்திரன் மகள் சியாமளா(7), சுதாகர் மகள் வர்ஷினி(10) ஆகியோர் வந்திருந்தனர். 
சிறுமிகள் இருவரும், வீட்டுக்கு அருகில் உள்ள கொம்புகாரன் குட்டையில் ஞாயிற்றுக்கிழமை விளையாடிக்கொண்டிருந்தனர். அப்போது, மண் சரிவு ஏற்பட்டு, அதில் சிறுமிகள் சிக்கினர். அவர்களது அலறல் சத்தம் கேட்டு விரைந்து வந்த உறவினர்கள், இருவரையும்  மீட்டனர். உயிருக்கு ஆபத்தான நிலையில் இருந்த இரு சிறுமிகளையும் மருத்துவமனைக்கு கொண்டு செல்ல, 108 ஆம்புலன்ஸை அழைத்துள்ளனர். 
ஆனால், வெகு நேரமாகியும் ஆம்புலன்ஸ் வராததால், இருசக்கர வாகனத்தில் குத்தாலம் அரசு மருத்துவமனைக்கு கொண்டு சென்றனர். அங்கு மருத்துவர்கள் இல்லை. இதனால், மயிலாடுதுறை அரசு மருத்துவமனைக்கு கொண்டு செல்லும்போது, வழியிலேயே  இரு சிறுமிகளும் உயிரிழந்தனர்.
சாலை மறியல்: மண் சரிவு ஏற்பட்ட குட்டையில் கடந்த 10 நாள்களுக்கு முன்பு அனுமதியின்றி மண் எடுக்கப்பட்டதாகவும், அதன் பின்னர், குழியை சரிசெய்யாமல் விட்டுச்சென்றதால் மண் சரி ஏற்பட்டு, இரண்டு சிறுமிகளின் உயிரிழப்புக்கு காரணமாகிவிட்டது எனக் கூறி, மயிலாடுதுறை அரசு மருத்துவமனை அருகே உறவினர்கள் சாலை மறியலில் ஈடுபட்டனர். 
அப்போது, ஆம்புலன்ஸ் வாகனம் நீண்ட நேரமாக வராததற்கும், குத்தாலம் அரசு மருத்துவமனையில் மருத்துவர்கள் இல்லாததற்கும் கண்டனம் தெரிவித்தனர்.
 இதுகுறித்து, தகவலறிந்த குத்தாலம் வட்டாட்சியர் சபீதாதேவி, காவல் ஆய்வாளர் சுப்பிரமணியன் ஆகியோர் நிகழ்விடத்துக்குச் சென்று பேச்சுவார்த்தை நடத்தி, உரிய நடவடிக்கை எடுப்பதாக உறுதியளித்ததையடுத்து சாலை மறியல் விலக்கிக்கொள்ளப்பட்டது.

]]>
http://www.dinamani.com/all-editions/edition-nagapattinam/nagapattinam/2018/jun/18/குட்டையில்-மண்-சரிவு-ஏற்பட்டு-2-சிறுமிகள்-சாவு-2941841.html
2941840 நாகப்பட்டினம் நாகப்பட்டினம் முதல்வர் வருகையால்  தீர்வு கிடைக்குமா மயிலாடுதுறைக்கு? எம். சங்கர் DIN Monday, June 18, 2018 07:46 AM +0530 தமிழக முதல்வரின் வருகையால், மயிலாடுதுறையின் கால் நூற்றாண்டு கால கோரிக்கைகளுக்குத் தீர்வு கிடைக்குமா?  என எதிர்பார்க்கின்றனர் மயிலாடுதுறை பகுதி மக்கள். 
நாகை மாவட்டத்தின் பெரிய வருவாய்க் கோட்டமான மயிலாடுதுறையைத் தலைமையிடமாகக் கொண்ட புதிய மாவட்டம் அமைக்க வேண்டும் என்பது மயிலாடுதுறை மக்களின் 25 ஆண்டு கால கோரிக்கை. இம்மாவட்டத்தில், அதிக மக்கள் தொகையும், அதிக வருவாயும் கொண்டது மயிலாடுதுறை வருவாய்க் கோட்டம். மயிலாடுதுறை, சீர்காழி ஆகிய 2 நகராட்சிகளையும், மயிலாடுதுறை, சீர்காழி, தரங்கம்பாடி, குத்தாலம் ஆகிய 4 வட்டங்களையும், மயிலாடுதுறை, சீர்காழி, குத்தாலம், செம்பனார்கோவில், கொள்ளிடம் ஆகிய 5 ஊராட்சி ஒன்றியங்களையும்,  மயிலாடுதுறை, சீர்காழி, பூம்புகார் ஆகிய 3 சட்டப் பேரவைத் தொகுதிகளையும் உள்ளடக்கியது. 
1991-ஆம் ஆண்டு ஒருங்கிணைந்த தஞ்சை மாவட்டத்திலிருந்து, நாகையைத் தலைமையிடமாகக் கொண்டு புதிய மாவட்டம் தொடங்கப்பட்டதிலிருந்தே மயிலாடுதுறையைத் தனி மாவட்டமாக அமைக்க வேண்டும் என்ற கோரிக்கையும் வலுப்பெற்று வருகிறது. இக்கோரிக்கைக்கான பிரதான காரணம்,  மயிலாடுதுறைக்கும், நாகைக்கும் இடையேயான தொலைவும், பூகோள அமைப்பும்தான். 
நாகை வருவாய்க் கோட்ட பகுதிகள் வெண்ணாறு வடிநிலக் கோட்டத்துக்குள்பட்டவை. மயிலாடுதுறை வருவாய்க் கோட்ட பகுதிகள் காவிரி வடிநிலக் கோட்டத்துக்குள்பட்டவை. பாசனத்தால் மட்டுமல்ல, பழக்க, வழக்கங்களாலும் இந்த 2 வருவாய்க் கோட்டங்களும் மாறுபட்டே உள்ளன. சீதோஷ்ண நிலை, வேளாண்மை, தொழில் என அனைத்திலும் மாறுபட்ட இந்த 2 வருவாய்க் கோட்டங்களையும் ஒரே மாவட்டமாக நிர்வகிப்பதில் மாவட்ட நிர்வாகத்துக்கும் பல்வேறு நடைமுறைப் பிரச்னைகள் உள்ளன. அப்பிரச்னைகள், மழை, வெள்ளம் உள்ளிட்ட இயற்கை சீற்றக் காலங்களில் பெரியளவில் வெளிப்படும். இதனால், அதிகம் பாதிக்கப்படுவது  மயிலாடுதுறையாகதான் இருக்கும்.
மயிலாடுதுறை வருவாய்க் கோட்டத்துக்குள்பட்ட கொள்ளிடம் பகுதியிலிருந்து ஓர் அரசு அலுவலர் பணி நிமித்தமாக, மாவட்டத் தலைநகரான நாகைக்குச் சென்று திரும்பி வர ஏறத்தாழ ஒரு பணி நாள் முழுமையாகத் தேவைப்படும். மக்கள் குறைதீர் கூட்டத்தில் மனு அளிக்கச் செல்லும் பொதுமக்களும் இதற்கு விதிவிலக்கல்ல. உரிய அரசியல் அந்தஸ்தும், மாவட்ட நிர்வாகத்தின் நேரடி பார்வையும் கிடைக்கப் பெறாததால் மயிலாடுதுறை வருவாய் கோட்டத்தின் குறைகள்,  ஓங்கி ஒலிக்கப்படுவதும் இல்லை, உயர் முக்கியத்தும் பெறப்படுவதும் இல்லை.  பல ஆண்டுகளாக கிடப்பில் போடப்பட்டிருக்கும் மயிலாடுதுறைக்கான ஒருங்கிணைந்த புதிய பேருந்து நிலையம் அமைக்கும் திட்டம், புறவழிச் சாலை அமைக்கும் திட்டம் ஆகியன இதற்கு மற்ற பிற உதாரணங்கள். 
மயிலாடுதுறை காமராஜர் பேருந்து நிலையத்தில் கடுமையான இடநெருக்கடி ஏற்பட்டதன் காரணமாக, கடந்த 17 ஆண்டுகளுக்கு முன்பு மயிலாடுதுறை நகராட்சி பூங்கா திடலில் தற்காலிக பேருந்து நிலையம் அமைக்கப்பட்டது. பயணிகளுக்குப் போதுமான அடிப்படை வசதிகள் இல்லாமலேயே ஏறத்தாழ 17 ஆண்டுகளாக இந்தத் தற்காலிகப் பேருந்து நிலையம் தொடர்ந்து வருகிறது. சிதம்பரம், தஞ்சாவூர், கும்பகோணம் மார்க்கத்திலிருந்து மயிலாடுதுறை வழியே நாகை, திருவாரூர், காரைக்கால் மார்க்கத்தில் பயணம் மேற்கொள்ள வருவோர் காமராஜர் பேருந்து நிலையத்திலிருந்து பூங்கா பேருந்து நிலையத்துக்கும், இதேபோல திருவாரூர், நாகை மார்க்கத்திலிருந்து சிதம்பரம், தஞ்சாவூர் மார்க்கத்தில் பயணிக்க வேண்டியவர்கள் பூங்கா பேருந்து நிலையத்திலிருந்து காமராஜர் பேருந்து நிலையத்துக்கும் அலைய வேண்டியுள்ளது. 
மாவட்டத்தின் மிகப் பெரிய வருவாய்க் கோட்டத் தலைநகரான மயிலாடுதுறைக்கு ஏற்பட்டுள்ள இந்த அவலம் மாவட்டத்தின் வேறு எந்தப் பகுதியிலும் இல்லாதது.  மயிலாடுதுறைக்கு ஒருங்கிணைந்த புதிய பேருந்து நிலையம் அமைக்க நகராட்சி எல்லைக்குள்பட்ட பகுதியில் நகராட்சிக்குச் சொந்தமான இடம் இல்லை, பேருந்து நிலையத்துக்காக இடம் வாங்க உள்ளாட்சி சட்டத்தில் அனுமதியில்லை என்ற காரணங்களைக் கூறி பல ஆண்டுகளாக காலம் கடத்தப்பட்டது. கடந்த சில ஆண்டுகளுக்கு முன்பு, மயிலாடுதுறை அருகே உள்ள மணக்குடி கிராமத்தில் தருமபுரம் ஆதீனத்துக்குச் சொந்தமான இடத்தில் புதிய பேருந்து நிலையம் அமைக்க முயற்சிகள் மேற்கொள்ளப்பட்டன. பரபரப்பாக நடைபெற்ற முயற்சிகள், அரசியல் காரணங்களால் மந்தமாக்கப்பட்டு, மறக்கடிக்கச் செய்யப்பட்டன. 
இந்நிலையில், கடந்த 2017 செப்டம்பர் மாதம் நாகையில் நடைபெற்ற எம்.ஜி.ஆர் நூற்றாண்டு விழாவில், மயிலாடுதுறையில் நிலவும் போக்குவரத்து நெரிசலை தவிர்க்கும் வகையில், மயிலாடுதுறை மணக்குடி கிராமத்தில் 13.77 ஏக்கர் பரப்பில், தனியார் பங்களிப்புடன் புதிய பேருந்து நிலையம் அமைக்கப்படும் என முதல்வர் எடப்பாடி கே. பழனிசாமி அறிவித்தார். 
இந்த அறிவிப்பு மக்களுக்கு ஓரளவு ஆறுதலை அளித்தது. ஆனாலும், மணக்குடியில் பேருந்து நிலையத்துக்காக தேர்வு செய்யப்பட்ட இடத்தில் சுற்றுவேலிகள் அமைக்கப்பட்டுள்ளதே தவிர வேறு எந்தப் பணியும் இங்கு இதுவரை நடைபெறவில்லை. 
புதிய பேருந்து நிலையத்துக்குத் தேர்வு செய்யப்பட்டுள்ள பகுதி நகராட்சி எல்லைக்குள்பட்ட பகுதியில் இல்லாததால், மணக்குடி கிராமத்தை நகராட்சியில் இணைக்க வேண்டும். இல்லையெனில்,  தனியார் மூலம் கட்டுமானப் பணிகளை மேற்கொண்டு நகராட்சி வசம் ஒப்படைத்தால்தான், அங்குப் பேருந்து நிலையம் அமையும் என அடுத்த முட்டுக்கட்டைகள் தற்போது வீசப்பட்டுள்ளன. லட்சக்கணக்கான மக்கள் வசிக்கும் பகுதியில் கால் நூற்றாண்டு காலமாக நீடிக்கும் இக் கோரிக்கைகள், ஒரு சமூகம் சார்ந்த, மதம் சார்ந்த கோரிக்கைகள் அல்ல. ஒட்டுமொத்த மக்களின் பொதுநலக் கோரிக்கை. தாமதப்படுத்தப்பட்ட நீதி, மறுக்கப்பட்ட நீதிக்குச் சமமானது என்பது நீதித்துறைக்கு மட்டுமல்ல, அரசு நிர்வாகத்துக்கும் பொருந்தும் என்ற வகையில், காலம் தாழ்த்தாமல் மயிலாடுதுறை மக்களின் நீண்ட கால கோரிக்கைகளுக்கு அரசு தீர்வு காண வேண்டும் என்பது மக்கள் கோரிக்கை.
மயிலாடுதுறையில் திங்கள்கிழமை (ஜூன் 18) நடைபெறும், காவிரி நதி நீர் மீட்பு வெற்றி விளக்கப் பொதுக் கூட்டத்துக்கு வருகை தரும் முதல்வர் எடப்பாடி கே. பழனிசாமி, மயிலாடுதுறை மக்களின் மனநிலையை உணர்ந்து, மக்களுக்கு மகிழ்ச்சி அளிக்கும் வகையில், மயிலாடுதுறையைத் தலைமையிடமாகக் கொண்ட தனி மாவட்டம் அமைக்கும் கோரிக்கைக்கும், புதிய பேருந்து நிலையம் அமைக்கப்படும் காலக்கெடுவையும் அறிவிக்க வேண்டும் என்பது மக்களின் எதிர்பார்ப்பு.


சொந்த மாவட்டத்துக்குச் செல்ல வரி செலுத்தும் அவலம்
மயிலாடுதுறை வருவாய்க் கோட்டத்துக்குள்பட்ட பகுதிகளைச் சேர்ந்த மக்கள், மாவட்டத்தின் தலைநகரான நாகைக்குச் செல்ல, யூனியன் பிரதேசமான காரைக்கால் மாவட்டத்தைக் கடந்து செல்ல வேண்டும் அல்லது அடுத்த மாவட்டமான திருவாரூர் மாவட்டம், வழியாக நாகைக்குச் செல்ல வேண்டும். காரைக்கால் மாவட்டத்தைக் கடந்து செல்லும் வாகனங்கள் புதுச்சேரி அரசுக்கு நுழைவு வரி செலுத்த வேண்டிய கட்டாயமும் உண்டு. சொந்த மாவட்டத்தின் தலைநகருக்குச் செல்லும் எந்த மாவட்ட மக்களும் சந்திக்காதது இந்தப் பிரச்னை.

தனி மாவட்ட கோரிக்கை நிறைவேறுவது எப்போது ? 
3 வட்டங்களைக் கொண்ட பகுதிகள் கூட கடந்த காலங்களில் தனி மாவட்டமாக அறிவிக்கப்பட்டுள்ள நிலையில், 4 வட்டங்களையும், 286 வருவாய் கிராமங்களையும், ஒரு மக்களவைத் தொகுதியையும், 3 சட்டப் பேரவைத் தொகுதிகளையும் கொண்ட மயிலாடுதுறை வருவாய்க் கோட்டம், தனி மாவட்டத்துக்கான அனைத்துத் தகுதிகளையும் முழுமையாகப் பெற்ற வருவாய்க் கோட்டம் என்றால் மிகையில்லை. அனைத்துத் தகுதிகளும் இருந்தும், மயிலாடுதுறை மக்கள் 20 ஆண்டு காலமாக வலியுறுத்தி வரும் நிலையிலும், மயிலாடுதுறை தனி மாவட்டமாக அமைக்கப்படாததுக்கு, இப்பகுதியில் சரியான அரசியல் ஆளுமை உருவாகாததும் ஒரு காரணமாக உள்ளது. 
இக்கோரிக்கையை வலியுறுத்தி 1988-ஆம் ஆண்டு முதல் பல்வேறு கட்ட போராட்டங்கள் நடைபெற்றுள்ளன. இதுதொடர்பாக, உயர்நீதிமன்றத்தில் ஒரு பொதுநல வழக்குத் தொடரப்பட்டது.  அந்த வழக்கின் தீர்ப்பில், மயிலாடுதுறையைத் தனி மாவட்டமாக அமைக்க (காலக்கெடு இல்லாமல்)  அரசுக்குப் பரிந்துரைக்கப்பட்டது. இருப்பினும், இதுவரை கோரிக்கை நிறைவேறவில்லை. இதேபோல, மயிலாடுதுறைக்கு ஒருங்கிணைந்த புதிய பேருந்து நிலையம் அமைக்க வேண்டும் என்ற கோரிக்கையும் ஏறத்தாழ  20 ஆண்டுகளுக்கும் மேலாக தொடரும் கோரிக்கையாக 
உள்ளது.
 

]]>
http://www.dinamani.com/all-editions/edition-nagapattinam/nagapattinam/2018/jun/18/முதல்வர்-வருகையால்--தீர்வு-கிடைக்குமா-மயிலாடுதுறைக்கு-2941840.html
2941477 நாகப்பட்டினம் நாகப்பட்டினம் அக்கரைக்குளம் தூர்வாரும் பணியைத் துரிதப்படுத்தக் கோரிக்கை DIN DIN Sunday, June 17, 2018 04:12 AM +0530 நாகை அக்கரைக்குளம் தூர்வாரும் பணியைத் துரிதப்படுத்த வேண்டும் என ரஜினிகாந்த் மக்கள் மன்றம் கோரிக்கை விடுத்துள்ளது.
நாகை அக்கரைக்குளம், சுமார் 6 ஏக்கர் பரப்பு கொண்டது. நகராட்சி பராமரிப்பில், பொதுமக்கள் பயன்பாட்டில் இருந்த இந்தக் குளம், நாகை நகராட்சியின் முன்னாள் தலைவர்கள் திருவம்பலம் செட்டியார், அப்துல் ஜபார் மரைக்காயர் ஆகியோரது காலத்தில் தூர்வாரி சீரமைக்கப்பட்டு ஆண், பெண் இருபாலருக்குமான தனித்தனி படித்துறைகள், உடை மாற்றுமிடங்கள், பக்கவாட்டுச் சுற்றுச் சுவர்கள் உள்ளிட்ட வசதிகள் ஏற்படுத்தப்பட்டு, சிறப்பாகப் பராமரிக்கப்பட்டு வந்தது.
அதன் பின்னர், போதுமான பராமரிப்பு இல்லாததால், பொலிவிழந்திருந்த இந்தக் குளத்தை தூர்வாரி சீரமைக்கவும், குளத்தின் இருபுறங்களில் பக்கவாட்டுச் சுவர்கள் அமைக்கவும், படித்துறை அமைக்கவும் ரூ. 3.15 கோடி நிதி ஒதுக்கீடு செய்யப்பட்டு, பணிகள் நடைபெற்று வருகின்றன.
இந்த நிலையில், அக்கரைக்குளம் தூர்வாரும் பணிகள் முழு வீச்சில் நடைபெறாததால், திட்டப் பணியின் நோக்கம் நிறைவடையுமா என்ற சந்தேகம் தற்போது எழுந்துள்ளதாக ரஜினிகாந்த் மக்கள் மன்ற நிர்வாகி சி. குபேந்திரன் தெரிவித்துள்ளார்.
இதுகுறித்து அவர் வெளியிட்ட அறிக்கை:
மிகப் பெரிய அக்கரைக்குளத்தை தூர்வார தினமும் ஒரேயொரு பொக்லைன் மட்டுமே பயன்படுத்தப்படுகிறது. இங்கிருந்து மண்ணை அள்ளி டிராக்டர்களில் வெளியே கொண்டு செல்லும் பணியை மட்டுமே இங்கு காணமுடிகிறது. இதே நிலை நீடித்தால், மழைக்கால குறுக்கீட்டால் பணிகள் முழுமைப் பெற வாய்ப்பு இல்லாத நிலை ஏற்படும்.
தூர்வாரும் பணியே பல நாள்களாக நீடித்து வரும் நிலையில், படித்துறைகள், சுற்றுச் சுவர்கள் அமைக்கவும் நடவடிக்கை எடுக்கப்படுவது எப்போது என்ற சந்தேகமும், 2 ஆண்டுகளுக்கும் மேலாக கேள்விக்குறியாகவே தொடரும் தாமரைக்குளம் பொலிவுபடுத்தும் பணியைப் போன்ற நிலை அக்கரைக் குளத்துக்கும் நேரிடுமோ என்ற அச்சமும் மேலோங்குகிறது.
இதுதொடர்பாக நாகை மாவட்ட ஆட்சியர் நேரடி கவனம் செலுத்தி, திட்ட வரைவுப்படி பணிகள் நடைபெறத் தேவையான நடவடிக்கைகளை எடுக்க வேண்டும் என அவர் தெரிவித்துள்ளார்.

 

]]>
http://www.dinamani.com/all-editions/edition-nagapattinam/nagapattinam/2018/jun/17/அக்கரைக்குளம்-தூர்வாரும்-பணியைத்-துரிதப்படுத்தக்-கோரிக்கை-2941477.html
2941476 நாகப்பட்டினம் நாகப்பட்டினம் திருவெண்காட்டில் மீன் விற்பனை அங்காடி அமைக்கப்படும்: சட்டப் பேரவை உறுப்பினர் பாரதி DIN DIN Sunday, June 17, 2018 04:11 AM +0530 நாகை மாவட்டம், திருவெண்காட்டில் மீன் விற்பனை அங்காடி விரைவில் அமைக்கப்படும் என சட்டப் பேரவை உறுப்பினர் பாரதி கூறினார்.
திருவெண்காட்டில் மீன் வியாபாரம் செய்யும் பெண்கள் போதிய இடவசதி இல்லாததால், நெடுஞ்சாலை பகுதியில் அமர்ந்து வியாபாரம் செய்து வருகின்றனர். எனவே, மீன் வியாபாரம் செய்வதற்கு ஏதுவாக தங்களுக்கு அங்காடி அமைத்துத் தருமாறு சீர்காழி சட்டப் பேரவை உறுப்பினர் பாரதியிடம் கோரிக்கை விடுத்தனர்.
இதைத்தொடர்ந்து, சட்டப் பேரவை உறுப்பினர் பாரதி, அங்காடி அமைக்கும் இடத்தை சனிக்கிழமை ஆய்வு செய்தார். அப்போது, திருவெண்காட்டில் மீன் விற்பனை அங்காடி அமைக்கப்படும் என உறுதியளித்த அவர், மீன் வியாபாரம் செய்யும் பெண்களின் வசதிக்காக தற்காலிமாக கூடாரமும் அமைக்க நடவடிக்கை எடுக்கப்படும் என்றார்.
ஆய்வின்போது, சீர்காழி ஒன்றிய ஆணையர் ஞானச்செல்வி, வட்டார வளர்ச்சி அலுவலர் (ஊராட்சிகள்) ரெஜினாராணி, ஒன்றியப் பொறியாளர் கனகராஜ், ஒன்றிய மேலாளர் சசிக்குமார், மண்டல துணை வட்டார வளர்ச்சி அலுவலர் பால்ராஜ், ஊராட்சிச் செயலாளர் கார்த்திக் ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/17/திருவெண்காட்டில்-மீன்-விற்பனை-அங்காடி-அமைக்கப்படும்-சட்டப்-பேரவை-உறுப்பினர்-பாரதி-2941476.html
2941475 நாகப்பட்டினம் நாகப்பட்டினம் தமிழ்நாடு தவ்ஹீத் ஜமாஅத் சார்பில் திடல் தொழுகை: ஆயிரத்துக்கும் மேற்பட்டோர் பங்கேற்பு DIN DIN Sunday, June 17, 2018 04:11 AM +0530 ரம்ஜான் பண்டிகையை முன்னிட்டு, தமிழ்நாடு தவ்ஹீத் ஜமாஅத் சார்பில், மயிலாடுதுறை கணபதி நகரில் திடல் தொழுகை சனிக்கிழமை நடைபெற்றது.
இந்தத் திடல் தொழுகையின்போது, தமிழ்நாடு தவ்ஹீத் ஜமாஅத் அமைப்பின் நாகை மாவட்டத் துணைத் தலைவர் அஷ்ரப் அலி பேசினார். காலை 7.30 மணியளவில் தொடங்கிய தொழுகை, ஒருமணிநேரத்தில் அதாவது 8.30 மணியளவில் நிறைவுபெற்றது. இதில், மயிலாடுதுறை மற்றும் சுற்றுப் பகுதிகளைச் சேர்ந்த ஆயிரத்துக்கும் மேற்பட்ட இஸ்லாமியர்கள் பங்கேற்றனர். இதற்கான ஏற்பாடுகளை தமிழ்நாடு தவ்ஹீத் ஜமாஅத்-இன் கிளை நிர்வாகிகள் செய்திருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/jun/17/தமிழ்நாடு-தவ்ஹீத்-ஜமாஅத்-சார்பில்-திடல்-தொழுகை-ஆயிரத்துக்கும்-மேற்பட்டோர்-பங்கேற்பு-2941475.html