Dinamani - நாகப்பட்டினம் - http://www.dinamani.com/all-editions/edition-nagapattinam/nagapattinam/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042647 நாகப்பட்டினம் நாகப்பட்டினம் முதல்வரின் நாகை, திருவாரூர் வருகை ரத்து: ஹெலிகாப்டர் தரையிறங்க முடியவில்லை DIN DIN Wednesday, November 21, 2018 07:12 AM +0530 நாகை, திருவாரூர் மாவட்டங்களில், கஜா புயல் சீற்றத்தில் பாதிக்கப்பட்டவர்களுக்கு நிவாரண உதவிகள் வழங்க ஹெலிகாப்டர் மூலம் வருகை தர இருந்த தமிழக முதல்வரின் வருகை, மோசமான வானிலை காரணமாக  ஹெலிகாப்டர் தரையிறங்க முடியாமல் ரத்தானது.
கஜா புயல் சீற்றத்தில் பாதிக்கப்பட்ட நாகை, திருவாரூர் உள்ளிட்ட பகுதிகளை தமிழக முதல்வர் எடப்பாடி கே. பழனிசாமி கடந்த ஞாயிற்றுக்கிழமை (நவ.18)  பார்வையிட வருவதாக ஏற்கெனவே தகவல்கள் வெளியாகின. பின்னர், அந்தப் பயணத் திட்டம் ரத்து செய்யப்பட்டது. இதையடுத்து, புயல் சேத மதிப்பீடு குறித்து அமைச்சர்கள் மற்றும் துறைச் செயலாளர்களுடனான ஆலோசனைக் கூட்டத்துக்குப் பின்னர் அவர், புயல் பாதிக்கப்பட்ட பகுதிகளைப் பார்வையிட வருவார் எனக் கூறப்பட்டது.  அதன்படி, திங்கள்கிழமை சென்னையில் நடைபெற்ற புயல் சேத நிவாரணப் பணிகள் குறித்த ஆலோசனைக் கூட்டத்துக்குப் பின்னர், புயலால் பாதிக்கப்பட்ட பகுதிகளை முதல்வர் செவ்வாய்க்கிழமை பார்வையிடுவார் என அறிவிக்கப்பட்டது.  ஹெலிகாப்டர் மூலம் பாதிக்கப்பட்ட பகுதிகளை அவர் பார்வையிட உள்ளதாக தகவல்கள் வெளியாகின.
பின்னர், சென்னையிலிருந்து ஹெலிகாப்டர் மூலம் திருச்சி, தஞ்சை, நாகை, திருவாரூர் மாவட்டங்களுக்குப் பயணிக்கும் முதல்வர் எடப்பாடி கே. பழனிசாமி, பட்டுக்கோட்டை, திருவாரூர், நாகை ஆகிய பகுதிகளில், புயலால் பாதிக்கப்பட்டவர்களுக்கு நிவாரணம் வழங்க வருவதாக அதிகாரப்பூர்வமாக அறிவிக்கப்பட்டது.
இதையொட்டி, திருவாரூர் மாங்குடியில் உள்ள ஒரு திருமணக் கூடத்திலும், நாகையில் தெற்குப் பொய்கைநல்லூரில் உள்ள ஒரு சமுதாயக் கூடத்திலும், நிவாரண உதவிகள் வழங்கும் நிகழ்ச்சிகளுக்கு ஏற்பாடு செய்யப்பட்டிருந்தன.
புயல் பாதித்த பகுதிகளுக்கு செவ்வாய்க்கிழமை ஹெலிகாப்டரில் பயணப்பட்ட  முதல்வர், பட்டுக்கோட்டை நிகழ்ச்சிக்குப் பின்னர், ஹெலிகாப்டர் மூலம் திருவாரூர் வ.சோ. ஆண்கள் மேல்நிலைப்பள்ளி மைதானத்தில் தரையிறங்கி, அங்கிருந்து கார் மூலம் மாங்குடிக்கு வருவதற்கும், அதே போல நாகை ஆயுதப்படை மைதானத்தில் தரையிறங்கி, அங்கிருந்து கார் மூலம் தெற்குப்பொய்கைநல்லூர் வருவதற்கும் ஏற்பாடுகள் செய்யப்பட்டிருந்தன.
இதன்படி, பட்டுக்கோட்டையில் பயனாளிகளுக்கு உதவிப் பொருள்களை வழங்கிய முதல்வர், அங்கிருந்து ஹெலிகாப்டரில் திருவாரூருக்குப் பயணப்பட்டார். இதனிடேயே, திருவாரூர் மாவட்டத்தில் காலை 9.45 மணி முதல் பலத்த மழை பெய்யத் தொடங்கியது. அதேபோல, நாகை மாவட்டத்திலும் கனமழை நீடித்தது. 
இதன்காரணமாக, முதல்வர் பயணித்த ஹெலிகாப்டர் இரு மாவட்டங்களிலும் தரையிறங்க முடியாத சூழல் ஏற்பட்டது. இதையடுத்து, தனது நாகை, திருவாரூர் நிகழ்ச்சிகளை ரத்து செய்த அவர், ஹெலிகாப்டரில் திருச்சி சென்றடைந்தார்.
முதல்வரின் வருகை ரத்தானதையொட்டி, அவரால் பயனாளிகளுக்கு வழங்கப்படவிருந்த நிவாரணப் பொருள்களை நாகை, திருவாரூர் மாவட்டங்களில் முகாமிட்டுள்ள அமைச்சர்கள் வழங்கினர்.

]]>
http://www.dinamani.com/all-editions/edition-nagapattinam/nagapattinam/2018/nov/21/முதல்வரின்-நாகை-திருவாரூர்-வருகை-ரத்து-ஹெலிகாப்டர்-தரையிறங்க-முடியவில்லை-3042647.html
3042047 நாகப்பட்டினம் நாகப்பட்டினம் சீரமைப்புப் பணிகளை ஆட்சியர் ஆய்வு DIN DIN Tuesday, November 20, 2018 06:29 AM +0530 நாகை  நகராட்சிக்குள்பட்ட பகுதிகளில்  புயல் பாதிப்பு சீரமைப்புப் பணிகளை  நாகை மாவட்ட ஆட்சியர் சீ.சுரேஷ்குமார் திங்கள்கிழமை பார்வையிட்டார்.
தொடர்ந்து, கீழையூர் ஊராட்சி ஒன்றியம் திருப்பூண்டி மேற்கு கிராமத்தில்  அமைக்கப்பட்டுள்ள புயல் பாதுகாப்பு மையத்தில் ஆய்வு மேற்கொண்டு, குடிநீர்,  உணவு  சரியாக வழங்கப்படுகிறதா எனக் கேட்டறிந்தார்.
பின்னர், செய்தியாளர்களிடம்  அவர் தெரிவித்தது:
நாகை மாவட்டத்தில்  கஜா புயல் மீட்புப் பணிகள் முழு வீச்சில் நடைபெறுகின்றன. பாதுகாப்பு காரணங்களுக்காக தங்க வைக்கப்பட்டிருந்த பொதுமக்கள் தங்களது வீடுகளுக்குச் சென்றுவிட்டனர். சாலைகளில் விழுந்த மரங்கள் அனைத்தும் பொக்லைன் இயந்திரங்கள் கொண்டு அகற்றப்பட்டு வருகின்றன. சீரான மின் விநியோகம் கொடுப்பதற்கான நடவடிக்கைள் மேற்கொள்ளப்பட்டு வருகின்றன. மீட்புப் பணிகளை விரைந்து முடிக்க அதிகாரிகளுக்கு அறிவுறுத்தப்பட்டுள்ளது.  
தற்காலிகமாக அமைக்கப்பட்டுள்ள மருத்துவக் குழுக்கள் மூலம் 14,137 பேர்சிகிச்சைப் பெற்றுள்ளனர். பேரிடர் மேலாண்மை மீட்புப் படையினர் 4 குழுக்களாக மீட்புப் பணிகளை செய்து வருகின்றனர்.  புயலினால் சேதமடைந்த மரங்களில் 1.50 லட்சம் மரங்கள் வெட்டப்பட்டு,  அப்புறப்படுத்தப்பட்டுள்ளன. 9,655 மின் கம்பங்களும், 217 மின் மாற்றிகளும் சரிசெய்யப்பட்டுள்ளன என்றார் 
ஆட்சியர்.
 

]]>
http://www.dinamani.com/all-editions/edition-nagapattinam/nagapattinam/2018/nov/20/சீரமைப்புப்-பணிகளை-ஆட்சியர்-ஆய்வு-3042047.html
3042046 நாகப்பட்டினம் நாகப்பட்டினம் நாகேசுவரமுடையார் கோயிலில் 1,008 சங்காபிஷேகம் DIN DIN Tuesday, November 20, 2018 06:29 AM +0530 நாகை மாவட்டம், சீர்காழி நாகேசுவரமுடையார் கோயிலில், கார்த்திகை சோமவாரத்தையொட்டி, 1,008 சங்காபிஷேகம் திங்கள்கிழமை நடைபெற்றது.
முன்னதாக, அரிசியைப் பரப்பி வைத்து, அதன் மீது புனிதநீர் நிரம்பிய 1,008 சங்குகள் அடுக்கி வைக்கப்பட்டன. தொடர்ந்து, கடங்கள் வைத்து வேத விற்பன்னர்கள் மந்திரங்கள் முழங்க, சிறப்பு ஹோமம், பூர்ணாஹுதி நடைபெற்றன. சங்குகள் மற்றும் கடங்களுக்கு தீபாராதனை காட்டப்பட்டது.
பின்னர், மேள தாளம் முழங்க கடங்கள் கோயிலை வலம் வந்து, மூலவர் நாகேசுவரமுடையார் சுவாமிக்கு 1,008 சங்குகளில் உள்ள புனிதநீர் கொண்டு சிறப்பு அபிஷேகம் செய்யப்பட்டு, தீபாராதனை காட்டப்பட்டது. இதில், ஏராளமான பக்தர்கள் கலந்துகொண்டு சுவாமி தரிசனம் செய்தனர். பூஜைக்கான ஏற்பாடுகளை முத்து குருக்கள், ரமேஷ் ஆகியோர்
 செய்திருந்தனர்.
இதேபோல், சீர்காழி சட்டைநாதர் கோயிலில் கார்த்திகை சோமவாரத்தையொட்டி, மூலவர் பிரம்மபுரீஸ்வரர் சுவாமிக்கு 1,008 சங்காபிஷேகம் நடைபெற்றது. வைத்தீஸ்வரன்கோயில் வைத்தியநாதசுவாமி கோயில், திருத்தாளமுடையார்கோயில் தாளபுரீஸ்வரர் சுவாமி கோயில்களிலும் 1,008 சங்காபிஷேகம் நடைபெற்றது.

]]>
http://www.dinamani.com/all-editions/edition-nagapattinam/nagapattinam/2018/nov/20/நாகேசுவரமுடையார்-கோயிலில்-1008-சங்காபிஷேகம்-3042046.html
3042045 நாகப்பட்டினம் நாகப்பட்டினம் புயலால் பாதிக்கப்பட்ட கிராமங்களுக்கு படிப்படியாக மின் விநியோகம்: அமைச்சர் பி. தங்கமணி DIN DIN Tuesday, November 20, 2018 06:29 AM +0530 கஜா புயல் சீற்றத்தால், பாதிக்கப்பட்ட மின் கம்பங்கள், மின்மாற்றிகள் மற்றும் துணை மின்நிலையங்கள் அனைத்தும் போர்க்கால அடிப்படையில் சீரமைக்கப்பட்டு வருவதால், நகர் மற்றும் கிராமப்புறங்களில் படிப்படியாக மின் விநியோகம் செய்யப்படும் என்று தமிழக மின்சாரத்துறை அமைச்சர் பி. தங்கமணி தெரிவித்துள்ளார்.
கஜா புயல் பாதிப்புகளைப் பார்வையிடுவதற்காக நாகப்பட்டினத்துக்கு வருகை தந்த அமைச்சர் பி. தங்கமணி, மாவட்ட ஆட்சியரகத்தில் திங்கள்கிழமை செய்தியாளர்களுக்கு அளித்த பேட்டியில் மேலும் கூறியது: கஜா புயல் பாதிப்பால், மாவட்டத்தில் 98 ஆயிரம் மின்கம்பங்களும், 846 மின்மாற்றிகளும், 201 துணை மின்நிலையங்களும் சேதமடைந்துள்ளன. 
மாவட்டத்தில் 56 லட்சம் மின் இணைப்புகள் உள்ளன. இதுவரை 18 லட்சம் மின் இணைப்புகள் சீரமைக்கப்பட்டுள்ளன. நாகப்பட்டினம் நகராட்சியில் 87 சதவீதமும், திருவாரூர் நகராட்சியில் 50 சதவீதமும், தஞ்சாவூர் நகராட்சியில் 95 சதவீதமும், புதுக்கோட்டை நகராட்சியில் 50 சதவீதமும், அனைத்து அரசு மருத்துமனைகளுக்கும் மின் இணைப்புகள் கொடுக்கப்பட்டுள்ளன. சீரமைப்புப் பணிகள் போர்க்கால அடிப்படையில் நடைபெற்று வருவதால், ஒருசில தினங்களில் நகர பகுதிகளுக்கு முழுமையாக மின்விநியோகம் செய்யப்படும். ஊரக பகுதிகளைப் பொறுத்தவரை சேதம் அதிகமாக இருக்கிறது. வயல்வெளிகளிலிருந்த மின்கம்பங்கள் மற்றும் மின்மாற்றிகள் அதிகளவு சேதமடைந்துள்ளதால், படிப்படியாக இரு வாரகாலத்துக்குள் முழுமையாக மின்விநியோகம் சீரமைக்கப்படும். புயலால் பாதிக்கப்பட்ட நாகை, திருவாரூர், தஞ்சை  மாவட்டங்களில் சுமார் 14,500 மின்வாரிய ஊழியர்கள் பணியமர்த்தப்பட்டுள்ளனர். ஆந்திர மாநிலத்திலிருந்து 1,000 பேரும், கேரளத்திலிருந்து 150 மின்வாரிய ஊழியர்களும் வரவழைக்கப்பட்டு பணியில் ஈடுபட்டு வருகின்றனர். நாகை மாவட்டம் தலைஞாயிறு, வேதாரண்யம் பகுதிகளில்தான் மின்கம்பங்கள் அதிகளவில் சேதமடைந்துள்ளன. இப்பகுதிகளில் வெளியூரிலிருந்து வரும் மின்சார ஊழியர்கள் பணியமர்த்தப்படவுள்ளனர். 
பொதுமக்களுக்குத் தேவையான நிவாரணப் பணிகளைச் செயவதற்காக அமைச்சர்கள் மற்றும் அரசின் முதன்மைச் செயலாளர்கள் அந்தந்தப் பகுதிகளில் முகாமிட்டு, சீரமைப்புப் பணிகளை மேற்பார்வையிடுகின்றனர். மேலும், சீரமைப்புப் பணிகளைப் போர்க்கால அடிப்படையில் செய்வதற்கு நடவடிக்கைகள் மேற்கொள்ளப்பட்டு வருகின்றன. மின்வாரிய ஊழியர்கள் இரவு பகல் பார்க்காமல் சீரமைப்புப் பணிகளை செய்து வருகின்றனர். ஆகையால், வதந்திகளைப் பொதுமக்கள் நம்ப வேண்டாம். 
பாதிக்கப்பட்ட அனைவருக்கும் நிவாரண உதவிகளை வழங்குவதற்காக கணக்கெடுப்புப் பணிகளைத் தொடங்கியுள்ளோம். நிவாரண உதவிகளை தமிழக முதல்வர் விரைவில் அறிவிப்பார். மின்சாரம் இல்லாமல் கிராமங்களில் குடிநீர்த் தட்டுப்பாடு ஏற்பட்டுள்ளது. இதை சரிசெய்வதற்காக கிராமங்களுக்கு ஜெனரேட்டர்கள் வழங்கப்பட்டுள்ளன. மின்சார உபகரணங்கள் போதுமான அளவுக்கு கொண்டு வரப்பட்டுள்ளன. ஆகையால், மின் பற்றாக்குறை என்ற பேச்சுக்கே இடமில்லை என்றார் அமைச்சர் பி. தங்கமணி. 
பேட்டியின்போது, ஊரக வளர்ச்சித்துறை அமைச்சர் எஸ்.பி. வேலுமணி, தொழில்துறை அமைச்சர் பி. பெஞ்சமின், நாகை மாவட்ட ஆட்சியர் சீ. சுரேஷ்குமார், சட்டப் பேரவை உறுப்பினர்கள் எம். தமிமுன் அன்சாரி (நாகை), ஓம் சக்தி சேகர் ( புதுச்சேரி) மற்றும் அரசு அதிகாரிகள் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/20/புயலால்-பாதிக்கப்பட்ட-கிராமங்களுக்கு-படிப்படியாக-மின்-விநியோகம்-அமைச்சர்-பி-தங்கமணி-3042045.html
3042044 நாகப்பட்டினம் நாகப்பட்டினம் புயல் பாதித்த பகுதிகளில் தமிழக அமைச்சர்கள் ஆய்வு DIN DIN Tuesday, November 20, 2018 06:28 AM +0530 நாகை மாவட்டத்தில் கஜா புயலால் பாதிப்புக்குள்ளான கிராமங்களில் தமிழக மின்துறை அமைச்சர் பி.தங்கமணி, ஊரக தொழில்துறை அமைச்சர் பி.பெஞ்சமின்ஆகியோர் ஆய்வு மேற்கொண்டு, அரசு மூலம்  வழங்கப்பட்டு வரும்  நிவாரண உதவிகள் குறித்து பொதுமக்களிடம் கேட்டறிந்தனர்.
நாகப்பட்டினத்துக்கும், வேதாரண்யத்துக்கும் இடையே கடந்த நவ.16-ஆம் தேதி அதிகாலை கரையைக் கடந்த கஜா புயலால் நாகை மாவட்டம், கீழையூர் ஊராட்சி ஒன்றியத்துக்குள்பட்ட பகுதிகளில் லட்சக்கணக்கான ஏக்கர்களில் பயிரிடப்பட்டிருந்த மா, தென்னை, வாழை மற்றும் சவுக்கு மரங்கள் முறிந்தும், வேருடன் சாய்ந்தும் பேரழிவை ஏற்படுத்தியுள்ளது. 
மேலும், மின் இணைப்புகள் துண்டிக்கப்பட்டுள்ளதால் பொதுமக்கள் பல்வேறு வகையான சிரமங்களுக்கு உள்ளாகி வருகின்றனர். மீனவர்களின் படகுகள், மீன்பிடி வலைகள் கடும்  சேதத்துக்குள்ளாகியுள்ளன. விவசாயிகள் மற்றும்  மீனவர்கள் வாழ்வாதாரத்தை இழந்துள்ளனர்.
 இந்நிலையில், அமைச்சர்கள் பி. தங்கமணி, பி.பெஞ்சமின் மற்றும்  அரசு அதிகாரிகள் நாகை மாவட்டம், கீழையூர் ஊராட்சி ஒன்றியத்துக்குள்பட்ட செருதூர், ராமர் மடம், பெரியார் நகர், பிரதாப ராமபுரம், வேட்டைக்காரனிருப்பு  உள்ளிட்ட10-க்கும் மேற்பட்ட கிராமங்களுக்குச் சென்று, அங்கு சாய்ந்தும், முறிந்தும் கிடக்கும் மரங்கள், சேதமடைந்த குடிசைகள் ஆகியவற்றைப் பார்வையிட்டனர்.
அப்போது, ஆங்காங்கே சாலைகளில் திரண்டிருந்த கிராம மக்கள் குடிநீர் விநியோகம் இல்லை எனவும், மின் கம்பங்களை சரிசெய்து உடனடியாக மின் விநியோகம் செய்ய நடவடிக்கை எடுக்க வேண்டும் எனவும், சேதமடைந்துள்ள மா, வாழை, தென்னை, சவுக்கு போன்ற மரங்களுக்கான நிவாரணத்தை உடனடியாக  வழங்கவேண்டும்  எனவும் வலியுறுத்தினர். இதற்கு உரிய நடவடிக்கை எடுக்கப்படும் என அமைச்சர்கள் உறுதியளித்தனர்.
தொடர்ந்து, காமேஸ்வரம் மீனவ கிராமத்தில் மீனவர்களை சந்தித்து புயல் பாதிப்புகளைக் கேட்டறிந்த  அமைச்சர்கள், பாதுகாப்பு மையங்களில் ஆய்வு  மேற்கொண்டு அங்கு தங்கியுள்ளவர்களுக்கு வழங்கப்படும் உணவுகள், நிவாரண உதவிகள் குறித்து  கேட்டறிந்தனர்.
 இந்த  ஆய்வின் போது முன்னாள் அமைச்சர் கே.ஏ.ஜெயபால் மற்றும் அரசு அதிகாரிகள் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/20/புயல்-பாதித்த-பகுதிகளில்-தமிழக-அமைச்சர்கள்-ஆய்வு-3042044.html
3042043 நாகப்பட்டினம் நாகப்பட்டினம் பயிர் சேத விவரங்களை கணக்கெடுக்கும் பணி தொடக்கம் DIN DIN Tuesday, November 20, 2018 06:28 AM +0530 நாகை வருவாய்க் கோட்டத்துக்குள்பட்ட பகுதிகளில், கஜா புயல் சீற்றத்தால் சேதமடைந்த வேளாண் பயிர்களைக் கணக்கெடுக்கும் பணி தொடங்கப்பட்டுள்ளது. 
இதுகுறித்து, நாகை மாவட்ட வேளாண் இணை இயக்குநர் அலுவலகத்திலிருந்து வெளியிடப்பட்ட செய்திக் குறிப்பு : நாகை, வேதாரண்யம், தலைஞாயிறு, கீழையூர், கீழ்வேளூர் வட்டாரப் பகுதிகளில், கஜா புயல் சீற்றத்தால் பாதிக்கப்பட்ட நெல், தென்னை, வாழை, மலர் செடிகள் மற்றும் காய்கனி பயிர்களின் சேத விவரங்களைக் கணக்கிடும் பணி தொடங்கப்பட்டுள்ளது.
இப்பணிக்கு, வட்டார வேளாண் உதவி இயக்குநர்கள் தலைமையில் குழுக்கள் அமைக்கப்பட்டுள்ளன. ஒவ்வொரு குழுவிலும், ஒரு வேளாண் உதவி அலுவலர் கணக்கெடுப்புப் பொறுப்பாளராகவும், 5 வேளாண் உதவி அலுவலர்களுக்கு ஒரு துணை வேளாண் அலுவலர், கண்காணிப்பு அலுவலராகவும் செயல்படுவார்.
சென்னை, வேளாண்மை உற்பத்தி ஆணையர் மற்றும் அரசு முதன்மைச் செயலாளர் மற்றும் கூடுதல் வேளாண் இயக்குநர் ஆகியோர் மேற்பார்வையில், நியமனம் செய்யப்பட்ட பகுதிகளில், பயிர் பரப்புகள் ஏதும் விடுபடாத வகையில் கணக்கெடுப்புப்  பணிகள் மேற்கொள்ளப்படுகின்றன.
எனவே, பயிர் சேத பரப்புகளைக் கணக்கெடுக்க வரும் வேளாண் உதவி அலுவலர்களிடம், விவசாயிகள் விடுபாடின்றி பயிர் விவரங்கள் மற்றும் தங்கள் ஆதார் அட்டை, வங்கிக் கணக்கு உள்ளிட்ட விவரங்களையும் தெரிவித்திடுமாறு அந்தச் செய்திக் குறிப்பில் கேட்டுக் கொள்ளப்பட்டுள்ளது.


 

]]>
http://www.dinamani.com/all-editions/edition-nagapattinam/nagapattinam/2018/nov/20/பயிர்-சேத-விவரங்களை-கணக்கெடுக்கும்-பணி-தொடக்கம்-3042043.html
3042042 நாகப்பட்டினம் நாகப்பட்டினம் கன மழை எச்சரிக்கை: நாகை மாவட்ட பள்ளி, கல்லூரிகளுக்கு இன்று விடுமுறை DIN DIN Tuesday, November 20, 2018 06:28 AM +0530 கன மழை எச்சரிக்கைக் காரணமாக, நாகை மாவட்டத்தில் உள்ள பள்ளி, கல்லூரிகளுக்கு செவ்வாய்க்கிழமை விடுமுறை அறிவித்து மாவட்ட ஆட்சியர் சீ. சுரேஷ்குமார் உத்தரவிட்டுள்ளார்.
கஜா புயல் சீற்ற சீரமைப்புப் பணிகள் காரணமாக, நாகை வருவாய்க் கோட்டத்துக்குள்பட்ட பள்ளி, கல்லூரிகளுக்கு மட்டும் திங்கள்கிழமை விடுமுறை அளிக்கப்பட்டிருந்தது. இந்த நிலையில், வங்கக் கடலில் நிலை கொண்டுள்ள காற்றழுத்தத் தாழ்வு நிலை காரணமாக கனமழை பெய்ய வாய்ப்புள்ளதாக வானிலை ஆய்வு மையம் எச்சரிக்கை விடுத்துள்ளது. இந்த எச்சரிக்கையையொட்டி,  நாகை மாவட்டத்தில் உள்ள பள்ளி மற்றும் கல்லூரிகளுக்கு செவ்வாய்க்கிழமை விடுமுறை அறிவித்து ஆட்சியர் உத்தரவிட்டுள்ளார்.

]]>
http://www.dinamani.com/all-editions/edition-nagapattinam/nagapattinam/2018/nov/20/கன-மழை-எச்சரிக்கை-நாகை-மாவட்ட-பள்ளி-கல்லூரிகளுக்கு-இன்று-விடுமுறை-3042042.html
3042041 நாகப்பட்டினம் நாகப்பட்டினம் ஆட்டோ மீது டிராக்டர் மோதல்: 2 மாணவிகள் காயம் DIN DIN Tuesday, November 20, 2018 06:27 AM +0530 நாகை மாவட்டம், சீர்காழி அருகே ஆட்டோ மீது டிராக்டர் மோதியதில், பள்ளிச் சிறுமிகள் இருவர் திங்கள்கிழமை காயமடைந்தனர்.
புளிச்சக்காடு பகுதியைச் சேர்ந்த எல்.கே.ஜி. மாணவிகள் யோகேஸ்வரி (4), தீபிகா (4) ஆகிய இருவரும் பள்ளியிலிருந்து, வீட்டுக்கு ஆட்டோவில் சென்றுகொண்டிருந்தனர். புளிச்சக்காடு சாலை வளைவில் சென்றபோது, எதிரே வந்த டிராக்டர், ஆட்டோ மீது மோதியது. இதில், 2 சிறுமிகளும் காயமடைந்தனர். இதைத்தொடர்ந்து, சீர்காழி அரசு மருத்துவமனையில் அவர்கள் அனுமதிக்கப்பட்டனர். இதுகுறித்து போலீஸார் வழக்குப் பதிந்து, தப்பியோடிய டிராக்டர் ஓட்டுநரை தேடிவருகின்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/20/ஆட்டோ-மீது-டிராக்டர்-மோதல்-2-மாணவிகள்-காயம்-3042041.html
3042040 நாகப்பட்டினம் நாகப்பட்டினம் இருசக்கர வாகனம் மீது ஆம்னி பேருந்து மோதல்: ஒருவர் பலி DIN DIN Tuesday, November 20, 2018 06:26 AM +0530 நாகை மாவட்டம், சீர்காழியை அடுத்த வைத்தீஸ்வரன்கோயில் அருகே இருசக்கர வாகனத்தின் மீது ஆம்னி பேருந்து மோதியதில், ஒருவர் திங்கள்கிழமை உயிரிழந்தார்.
திருமுல்லைவாசல் சுனாமி நகரைச் சேர்ந்தவர் பாரூக் அலி (45). இவரது நண்பர் மயிலாடுதுறை சித்தர்காடு தோப்புத் தேருவைச் சேர்ந்தவர் அக்பர் அலி (32). இருவரும் திருமுல்லைவாசலிலிருந்து சித்தர்காட்டுக்கு இருசக்கர வாகனத்தில் சென்றுகொண்டிருந்தனர். வைத்தீஸ்வரன்கோயிலை அடுத்த ஆத்துக்குடி பகுதியில் சென்றபோது, எதிரே மயிலாடுதுறையிலிருந்து வந்த ஆம்னி பேருந்து இருசக்கர வாகனத்தின் மீது மோதியது. இதில், பின்னால் அமர்ந்திருந்த பாரூக் அலி உயிரிழந்தார். அக்பர்அலி படுகாயங்களுடன் மீட்கப்பட்டு, சிதம்பரம் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார். இதுகுறித்து வைத்தீஸ்வரன்கோயில் போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/20/இருசக்கர-வாகனம்-மீது-ஆம்னி-பேருந்து-மோதல்-ஒருவர்-பலி-3042040.html
3042039 நாகப்பட்டினம் நாகப்பட்டினம் திருநகரி கோயிலில் கருட சேவை DIN DIN Tuesday, November 20, 2018 06:26 AM +0530 திருவெண்காடு அருகே உள்ள திருநகரி கல்யாண ரெங்கநாதர் கோயிலில் கருட சேவை உத்ஸவம் ஞாயிற்றுக்கிழமை  நடைபெற்றது.
இக்கோயிலில் ஆண்டுதோறும் கார்த்திகை மாதம் கருட சேவை நடைபெறும். அதன்படி நிகழாண்டுக்கான கருடசேவையையொட்டி  உத்ஸவர் வயலாளி மணவாளப் பெருமாள் மற்றும் குமுதவல்லி நாச்சியார், திருமங்கையாழ்வார் ஆகிய தெய்வங்களுக்கு ஞாயிற்றுக்கிழமை சிறப்பு திருமஞ்சனம் நடைபெற்றது. தொடர்ந்து அன்று இரவு வயலாளி மணவாளப் பெருமாள் கருட வாகனத்திலும், திருமங்கையாழ்வார் குமுதவல்லி நாச்சியாருடன் சந்திர பிரபையிலும் எழுந்தருளி வீதியுலா வரும் நிகழ்வு நடைபெற்றது.  இதில் திரளான பக்தர்கள் பங்கேற்று சுவாமி தரிசனம் செய்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/20/திருநகரி-கோயிலில்-கருட-சேவை-3042039.html
3042038 நாகப்பட்டினம் நாகப்பட்டினம் புயல் நிவாரணங்களைத் தொடர்புடைய அலுவலர்களிடம் வழங்கலாம்: ஆட்சியர் DIN DIN Tuesday, November 20, 2018 06:26 AM +0530 கஜா புயலால் பாதிக்கப்பட்டுள்ளவர்களுக்கு நிவாரணப் பொருள்களை வழங்குவோர், தொடர்புடைய அலுவலர்களிடம் மட்டுமே வழங்க வேண்டும் என நாகை மாவட்ட ஆட்சியர் சீ. சுரேஷ்குமார் கேட்டுக் கொண்டுள்ளார். 
இதுகுறித்து அவர் வெளியிட்டுள்ள செய்திக் குறிப்பு:
நாகப்பட்டினம் மாவட்டம் கஜா புயலால் மிக மோசமாக சேதமடைந்துள்ளது. பாதிக்கப்பட்டவர்களுக்கு நிவாரணப் பொருள்களை வழங்குவோர், நாகப்பட்டினம் ஊராட்சி ஒன்றிய அலுவலகத்தைத் தொடர்பு கொள்ளலாம்.
ஊரக வளர்ச்சி முகமை உதவித்திட்ட அலுவலர் எம். மோகன் 94421-80785, ஆர். வெங்கடேசன்- 94428 88619, முத்து முருகேச பாண்டியன்- 96005 35464 என்ற எண்களில் தொடர்புகொண்டு, அலுவலர்களிடம் நிவாரணப் பொருள்களை ஒப்படைக்ககலாம் என அவர் தனது செய்திக் குறிப்பில் குறிப்பிட்டுள்ளார்.

]]>
http://www.dinamani.com/all-editions/edition-nagapattinam/nagapattinam/2018/nov/20/புயல்-நிவாரணங்களைத்-தொடர்புடைய-அலுவலர்களிடம்-வழங்கலாம்-ஆட்சியர்-3042038.html
3042037 நாகப்பட்டினம் நாகப்பட்டினம் சுவேதாரண்யேசுவரர் கோயிலில் 1,008 சங்காபிஷேகம் DIN DIN Tuesday, November 20, 2018 06:26 AM +0530 நாகை மாவட்டம், திருவெண்காடு சுவேதாரண்யேசுவரர் கோயிலில் 1,008 சங்காபிஷேகம் திங்கள்கிழமை நடைபெற்றது.
இதையொட்டி, யாகசாலையில் யாக பூஜைகள் செய்யப்பட்டு, மகா பூர்ணாஹுதியும், தீபாரதனையும் நடைபெற்றன. பின்னர், மேள தாளம் முழங்கிட வலம்புரி மற்றும் இடம்புரி சங்கு ஊர்வலமாகக் கொண்டுவரப்பட்டு,  சுவேதாரண்யேசுவரருக்கு அபிஷேகம் செய்யப்பட்டது. இதைத்தொடர்ந்து, பூஜிக்கப்பட்ட 1,008 சங்குகளும் ஒன்றன்பின் ஒன்றாக சுவாமிக்கு அபிஷேகம் செய்யப்பட்டது. பின்னர், மலர் அலங்காரம் செய்யப்பட்டு, தீபாரதனை காட்டப்பட்டது. இதில், கோயில் நிர்வாக அதிகாரி ராதாகிருஷ்ணன், உபயதாரர் கண்ணங்குடி ராமகிருஷ்ணன், ஓய்வுபெற்ற காவல் அதிகாரி சிவமனோகரன், பேஸ்கார் திருஞானம் உள்ளிட்ட திரளான பக்தர்கள் கலந்துகொண்டனர்.


 

]]>
http://www.dinamani.com/all-editions/edition-nagapattinam/nagapattinam/2018/nov/20/சுவேதாரண்யேசுவரர்-கோயிலில்-1008-சங்காபிஷேகம்-3042037.html
3042036 நாகப்பட்டினம் நாகப்பட்டினம் கஜா பாதித்த வேதாரண்யத்தில் வேகமடையுமா மீட்பு, நிவாரணப் பணிகள்? ஹெலிகாப்டர் மூலம்  ஆய்வு செய்ய  மக்கள் வலியுறுத்தல் DIN DIN Tuesday, November 20, 2018 06:25 AM +0530 கஜா புயல் பாதித்த வேதாரண்யம் பகுதியில் மீட்புப் பணிகள் நிவாரணத்துக்கான நடவடிக்கைகளில் சுணக்க நிலை தொடர்வதால், மக்களின் போராட்டங்கள் அதிகரித்து வருகிறது. ஹெலிகாப்டர் மூலம் நிலைமையை ஆய்வு செய்து, நிவாரணப் பணிகளை விரைவுபடுத்த அரசு நடவடிக்கை எடுக்க வேண்டும் என பொதுமக்கள் வலியுறுத்தி வருகின்றனர்.
நாகை மாவட்டம், வேதாரண்யம் பகுதியின் கிழக்கு மற்றும் தெற்கு என இரு புறங்களும் கடல் சூழ்ந்த பகுதியாக அமைந்துள்ளது. 1954  மற்றும் 1955- ஆம் ஆண்டுகளுக்குப் பிறகு பெரிய அளவிலான புயல் சீற்றத்தை எதிர் கொள்ளாத இந்த பகுதி கஜா புயல் தாக்கத்தால் வரலாறு காணாத பாதிப்புகளை சந்தித்துள்ளன.
புயலுக்கு முன் அரசு நடவடிக்கை: கடந்த 1952, 1954 மற்றும் 1955 -ஆம் ஆண்டுகளில் வீசிய புயல்களில் ஆயிரக்கணக்கில் மனித உயிர்கள் இழப்பை இப்பகுதி சந்தித்துள்ளது. ஆனால், மிகக் கடுமையாக வீசிய கஜா புயலுக்கு பலியானவர்களின் எண்ணிக்கை மிகக்குறைவு. இதற்கு காரணம் அரசு எடுத்த முன்னெச்சரிக்கை  நடவடிக்கைகள் என மக்களின் பாராட்டை பெற்றுள்ளது. மக்களைப் பாதுகாப்பான இடங்களுக்கு கொண்டு செல்வதில் அரசு தரப்பினர் பல்வேறு நடவடிக்கைகளை எடுத்தனர். இதனால் பெருமளவு உயிரிழப்புகள் தவிர்க்கப்பட்டன.
 குடியிருப்பு, வாழ்வாதாரம் பாதிப்பு: 
ஏழை, பணக்காரர் என்ற பாகுபாடு இல்லாமல் அனைத்துத் தரப்பினரும்
பாதிக்கப்பட்டுள்ளனர். வேளாண்மையை முக்கிய வாழ்வாதாரமாக கொண்டுள்ள இப்பகுதியில் பணப் பயிர்கள் சாகுபடி பிரதான இடத்தை வகிக்கிறது.
கார்காலம் உள்ளிட்ட இருபோகம் காய்க்கும் மா, அந்நிய செலவாணியை ஈட்டித் தந்த முந்திரி, சவுக்கு, தென்னை என சுமார் 20 ஆயிரம் ஹெக்டேரில் சாகுபடி மேற்கொள்ளப்பட்டிருந்த  பயிர்கள் இனி மீள முடியாத அளவில் பாதிக்கப்பட்டுள்ளன. இதேபோல் மீன் பிடி ,சிறு வணிகம் உள்ளிட்ட அனைத்து தொழில்களும் பாதிக்கப்பட்டுள்ளன.
மின்சாரம், குடிநீர், தகவல் தொடர்பு என பல வகையிலும் பாதிக்கப்பட்டுள்ள வேதாரண்யம் பகுதி இப்போது வரையில் துண்டிக்கப்பட்ட தனி தீவுபோலவே கருதப்படுகிறது.
வேதாரண்யத்துக்கு நாகை, திருத்துறைப்பூண்டி என அனைத்து தடங்களிலும் வியாழக்கிழமை மாலை 5 மணிக்கு நிறுத்தப்பட்ட போக்குவரத்து திங்கள்கிழமைதான் மெல்ல தொடங்கியுள்ளன. 
மீட்பு, நிவாரணப் பணியில் சுணக்கம்: தலைஞாயிறு, வேதாரண்யம் உள்ளிட்ட ஊராட்சி ஒன்றியங்கள் முழுமையாகப் பாதிக்கப்பட்டுள்ள நிலையில் அரசு தரப்பினரின் ஆறுதலும், அவசர நிலையிலான மீட்பு, நிவாரணப் பணிகளும் அரிதாகி இருப்பது மக்களிடையே வேதனையை ஏற்படுத்தியுள்ளது.
127 பாதுகாப்பு மையங்கள் செயல்படும் நிலையில், அங்கு கிராம நிர்வாக அலுவலர், ஊராட்சி செயலர், கிராம உதவியாளர் தவிர எந்த மையத்திலும் அதிகாரம் படைத்த அலுவலர்கள் இல்லை. பல இடங்களில் அனைவருக்குமான உணவு உறுதிப்படுத்தப்படவில்லை. சில இடங்களில் தன்னார்வலர்களிடம் உணவுப் பொருள்களைப் பெற்று, அவர்களாகவே சமைத்து சாப்பிடும் நிலையுள்ளது.
குடிநீருக்குத் தட்டுப்பாடு நிலவுகிறது. கொள்ளிடம் குடிநீர் நின்றுபோன நிலையில் 5 நாள்களாகியும் கிராமப் புறங்களில் மாற்று ஏற்பாடுகள் செய்யப்படவில்லை. டேங்கர் லாரிகள் மூலம் உடனடியாக குடிநீர் விநியோகத்தைத் தொடங்குவது அவசியம்.
இந்த நிலையில், உயர் அதிகாரிகள் பாதிப்புகளை ஆய்வு செய்யவில்லை என புகார் தெரிவிக்கும் மக்கள் ஆங்காங்கே திடீர் சாலை மறியல்களில் ஈடுபடுவது அதிகரித்து வருகிறது.
இதன் காரணமாக, அமைச்சர்கள், உயர் அதிகாரிகளை திருப்பி அனுப்புவதால் கீழ் நிலையில் உள்ள அதிகாரிகளும் களப் பணிக்கு செல்வதில் தயக்க நிலையுள்ளது. மறியல் எதிரொலியால் தன்னார்வலர்கள் கொண்டுவரும் நிவாரணப் பொருள்களும் பாதிக்கப்பட்டவர்களுக்கு கிடைப்பது பிரச்னையாகியுள்ளன.
அச்சுறுத்தும் நோய்: மன்னவரம் தீவு பகுதியில் பாதுகாக்கப்பட்டு வந்த நூற்றுக்கணக்கான செம்மறி ஆடுகள், மாடுகள் தவிர கோடியக்கரை வனப் பகுதியில் இருந்து உயிரிழந்த வன உயிரினங்கள், பறவைகள் சடலம் பல்லாயிரக் கணக்கில் திறந்த வெளியிலேயே மிதப்பதால் துர்நாற்றம் வீசத் தொடங்கியுள்ளது. அத்துடன் காற்றில் சூறையாடப்பட்ட செடி-கொடிகள் அழுகி துர்நாற்றம் வீசுகிறது. இதன் மூலம் நோய்த் தொற்று ஏற்படும் அபாயம் ஏற்பட்டுள்ளது.
பிரதான சாலை, பிரதான இடங்களில் அங்கொன்றும், இங்கொன்றும் மருத்துவ குழுக்கள் காணப்பட்டாலும், கிராமப் புறங்களுக்கு தேவையான அளவுக்கு மருத்துவ வசதிகள் அளிக்கப்படவில்லை. புயலுக்குப் பின்னர் ஏற்பட்டுள்ள நிலைகளால் அதிகரிக்கும் நோய் தாக்கத்தை கண்காணிக்க மருத்துவக் குழுக்களின் பணி முதல் தேவையாக உள்ளன.
தகவல் தொடர்பு பின்னடைவு: புயல் வீசிய நள்ளிரவில் இப்பகுதியில் நூற்றுக்கும் மேலான தகவல் தொடர்பு கோபுரங்கள் சரிந்ததால் தகவல் தொடர்பு, இணைய சேவைகள் முடங்கியுள்ளன. இதனால், நிலவரங்களை அரசுக்கு தெரிவிப்பதில் தேக்க நிலையுள்ளது. அத்துடன், திடீர் சாலை மறியல்கள்,அரசு அதிகாரிகள், அமைச்சர்களை மறிப்பது போன்ற சம்பவங்களால் காட்சி ஊடகங்கள் வாயிலாக மக்களின் பாதிப்பு வெளியிடங்களுக்கு தெரிவதில் பின்னடைவு ஏற்பட்டுள்ளது. பிரதான சாலையோரங்களில் மட்டும் போலீஸ் குவிக்கப்பட்டு நடைபெறும் மீட்புப் பணிகள் ஊரகப் பகுதி, மீனவ கிராமங்களுக்கு எட்டவில்லை.
கட்டுப்பாட்டு அறை தேவை: மீட்புப் பணிகள், நிவாரண நடவடிக்கைகளுக்கான பணிகளை கண்காணிக்கவும், அன்றாடம் நடைபெற்ற பணிகளை ஆய்வு செய்யவும் அவசரக் கால தகவல் தொடர்பு வசதியுடன் அனைத்து துறையினரை ஒருங்கிணைத்த வட்ட அளவில் தனி கட்டுப்பாட்டு அறையும், அதை நிர்வகிக்க தனி உயர் அதிகாரியையும் நியமித்து பணிகளை விரைவுப்படுத்த உதவும்.
பார்வையிடாத அரசுத் துறை: அனைத்து இடங்களிலும் பாதிப்பு ஏற்பட்டுள்ள நிலையில், அரசு தரப்பினர் உடனடியாக பார்வையிடவில்லை என்ற வருத்தம் மக்களிடையே அதிகரித்து வருகிறது.
இதனிடையே, பாதிப்பு குறைவு என அமைச்சர் கூறியதாக பரவிய தகவலால் போராட்டங்களில் ஈடுபடும் மக்கள் தங்களது பகுதி ஏதோ ஒரு பின்னணியில் புறக்கணிக்கப்படுவதாகவும் அச்சமடைந்துள்ளனர்.
அதற்கு ஏற்றார்போல புயலுக்குப் பின்னர் ஆட்சியர் உள்ளிட்டோர் உரிய நேரத்தில் வராததும், காட்சி ஊடகங்களின் கவனம் பெறாததும் மக்களிடையே சந்தேகத்தை வலுக்கச் செய்கிறது. 
ஹெலிகாப்டரில் ஆய்வு செய்ய வேண்டும்: தங்களது வாழ்வாதாரம் பாதிக்கப்பட்டிருப்பது அரசுக்கு தெரியாமலே போய்விடுமோ என்ற அச்சம் மக்களிடம் நிலவுகிறது. அவர்களுக்கு ஆறுதல் தரும் வகையிலும், பாதிப்பின் நிலையை அறிந்துகொள்ளவும் ஏதுவாக ஹெலிகாப்டர் வாயிலாக நிலையை முதல்வரோ அல்லது உயர் அதிகாரிகளோ ஆய்வு செய்வது அவசியமானது.
இது மக்களுக்கு ஆறுதலை அளிப்பதோடு, கஜா புயலின் பாதிப்பை படிப்பினையாக ஏற்று, இடர்பாடு கால பாதிப்புகளை தடுக்க திட்டங்களை எதிர் காலத்தில் உருவாக்கவும் ஏதுவாக அமையும் என்பது சமூக ஆர்வலர்களின் வலியுறுத்தல்.


உணவு, குடிநீர் கேட்டு சாலை மறியல்
வேதாரண்யம் பகுதியில் புயலால் பாதிக்கப்பட்ட மக்கள் தங்களுக்கு குடிநீர், உணவு கிடைக்கவில்லை என திங்கள்கிழமை சாலை மறியலில் ஈடுபட்டனர்.
வேதாரண்யம் பகுதியில் கஜா புயலால் மின்சாரம் துண்டிக்கப்பட்ட பகுதிகளில் மேல்நிலை குடிநீர்த் தொட்டிகளில் நீரேற்றம் செய்ய முடியாத நிலை உள்ளது. இதனால், அந்தப் பகுதிகளில் குடிநீர்த் தட்டுப்பாடு ஏற்பட்டுள்ளது. மேலும், சாலைகளில் மரங்கள் சாய்ந்து பல கிராமங்களுக்கு போக்குவரத்து தடைப்பட்டுள்ளது. இதனால், உணவுப் பொருள்களை கொண்டு செல்ல முடியாத நிலையுள்ளதால் உணவுப் பொருள்களுக்கும் தட்டுப்பாடு ஏற்பட்டுள்ளது.
இந்நிலையில் மருதூர் இரட்டைக்கடை வீதி, உம்பளச்சேரி உள்ளிட்ட 4 இடங்களில் குடிநீர் மற்றும் உணவுப் பொருள்கள் கேட்டு கிராம மக்கள் சாலை மறியல் போராட்டத்தில் ஈடுபட்டனர். இதனால் அந்த பகுதிகளில் போக்குவரத்து பாதிக்கப்பட்டது.

]]>
http://www.dinamani.com/all-editions/edition-nagapattinam/nagapattinam/2018/nov/20/கஜா-பாதித்த-வேதாரண்யத்தில்-வேகமடையுமா-மீட்பு-நிவாரணப்-பணிகள்-ஹெலிகாப்டர்-மூலம்--ஆய்வு-செய்ய--மக்கள-3042036.html
3041725 நாகப்பட்டினம் நாகப்பட்டினம் புயலால் பாதிக்கப்பட்ட மக்களின் மன அழுத்தத்தைப் போக்க கோரிக்கை DIN DIN Monday, November 19, 2018 05:55 AM +0530
கஜா புயலால் பாதிக்கப்பட்ட மக்களின் மன அழுத்தத்தைப் போக்கும் வகையில் அரசு நடவடிக்கை எடுக்க வேண்டும் என நாகை மாவட்ட நுகர்வோர் பாதுகாப்பு ஆலோசனைக் குழு கோரிக்கை விடுத்துள்ளது.
இதுதொடர்பாக, அதன் உறுப்பினர் கொள்ளிடம் ரவிச்சந்திரன் தமிழக முதல்வருக்கு அனுப்பிய கோரிக்கை மனு:
கஜா புயலின் தாக்கத்தால் உயிரிழந்த குடும்பத்தினருக்கு நிதி உதவி மட்டுமில்லாமல், அவர் சார்ந்த குடும்பத்தினருக்கு பொருளாதார, உளவியல் சார்ந்த அனைத்து உதவிகளையும் செய்யவேண்டும். இந்த புயலால் பாதிக்கப்பட்டுள்ள லட்சக்கணக்கானோருக்கு அடிப்படை வசதிகளான குடிநீர், உணவு, ஆடை, இருப்பிடம், சுகாதாரம் ஆகியவைகள் கிடைக்க தற்காலிக ஏற்பாடுகள் தடையின்றி விரைவாக நடைபெறவேண்டும். இதற்கு அரசு, அருகாமையிலிருக்கும் மாவட்டங்களிலிருந்தும், தனியார் மற்றும் தொண்டு நிறுவனங்களிடமிருந்து கிடைக்கும் உதவிகளை முறைப்படுத்தி, விரைந்து பாதிக்கப்பட்ட மக்களிடம் கொண்டு சேர்க்க நடவடிக்கை எடுக்க வேண்டும். சேதம் குறித்து விரைவாக கணக்கெடுத்து, பாதிக்கப்பட்ட அனைவருக்கும் இடைக்கால நிவாரணத் தொகையை அவரவர் வங்கிக் கணக்கில் செலுத்த வேண்டும்.
இதைத்தொடர்ந்து, பாதிப்படைந்துள்ள அரசு இயந்திரத்தின் அனைத்து சேதங்களுக்கும் நிதி ஒதுக்கீடு செய்து, பழையபடி செயல்பட நடவடிக்கை எடுக்க வேண்டும். வேளாண்மை மற்றும் தோட்டப் பயிர்களுக்கான கணக்கீடுகள் அடிப்படையில் முழுமையான நஷ்டஈடு வழங்கவேண்டும். விவசாயிகளின் வாழ்வாதாரத்தை மீட்டுருவாக்கம் செய்வதற்கு வட்டியில்லா நீண்ட கால கடனுதவி வழங்க வேண்டும். கடுமையான பொருளாதார பாதிப்புக்குள்ளான மீனவர்களுக்கு சுனாமியின் போது உதவியதை போல் முழுமையான நஷ்டஈடு வழங்க வேண்டும்.
இதேபோல் சிறு, குறு வணிகர்கள், தொழில் நிறுவனங்கள் என பாதிக்கப்பட்ட அனைவருக்கும் மானியத்தில் கடனுதவி வழங்கவேண்டும். வன உயிர்கள் உள்பட பல்லுயிர் சேதங்கள் கடுமையாக ஏற்பட்டுள்ளன. இதனால், வனத்தை மேம்படுத்துவதற்கான திட்டங்கள், சுற்றுச்சூழல் மேம்படும் வகையில் தீவிர மரம் வளர்ப்பு உள்ளிட்ட திட்டங்களை செயல்படுத்த வேண்டும்.
கஜா புயலால் பாதிப்படைந்துள்ள மக்கள் கடுமையான மன அழுத்தத்திற்கு ஆளாகியுள்ளனர். அவர்களின் மன அழுத்தத்தை போக்கும் வகையில் அரசு மக்களுக்கு நம்பிக்கை அளிக்கும் வகையில் விரைந்து செயலாற்ற வேண்டும் என அந்த மனுவில் கேட்டுக்கொண்டுள்ளார்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயலால்-பாதிக்கப்பட்ட-மக்களின்-மன-அழுத்தத்தைப்-போக்க-கோரிக்கை-3041725.html
3041724 நாகப்பட்டினம் நாகப்பட்டினம் புயல் பாதிப்பு பகுதிகளில் போர்க்கால நிவாரணப் பணிகள்: கே. பாலகிருஷ்ணன் வலியுறுத்தல் DIN DIN Monday, November 19, 2018 05:50 AM +0530 கஜா புயலால் பாதிக்கப்பட்டுள்ள பகுதிகளில் போர்க்கால அடிப்படையில் நிவாரணப் பணிகளை மேற்கொள்ள வேண்டும் என தமிழக அரசை மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் வலியுறுத்தியுள்ளார்.
நாகப்பட்டினத்தில் ஞாயிற்றுக்கிழமை செய்தியாளர்களுக்கு அவர் அளித்தப் பேட்டி:
தமிழகத்தை தாக்கியுள்ள கஜா புயலால், இதுவரை இல்லாத அளவில் கிராமப்புற மக்கள், விவசாயிகள், மீனவர்கள் பாதிக்கப்பட்டுள்ளனர். புயல் தாக்கி 3 நாள் ஆகியும் கூட பாதிக்கப்பட்டவர்களுக்கு போதிய அடிப்படைத் தேவைகள் செய்து கொடுக்கப்படவில்லை.
நாகை, திருவாரூர், தஞ்சை உள்ளிட்ட 7 மாவட்டங்களில் புயலால் பாதிக்கப்பட்ட குக்கிராமங்களின் நிலை குறித்து வெளி உலகுக்கு சரிவர தெரியவில்லை. மீனவர்கள் கடலுக்குச் செல்ல முடியவில்லை. விவசாயிகள், மீனவர்களின் வாழ்வாதாரம் கேள்விக் குறியாகி இருக்கிறது.
இந்நிலையில், பாதிக்கப்பட்ட பகுதிகளில் எந்தக் கணக்கெடுப்பும் நடத்தாமல் அரசு நிர்வாகம் முடங்கியுள்ளது. முன்னெச்சரிக்கை நடவடிக்கையை சிறப்பாக செய்துள்ளதாக தெரிவிக்கும் அரசு, மீட்புப் பணிகளையும், நிவாரண உதவிகளையும் போர்க்கால அடிப்படையில் மேற்கொள்ள வேண்டும் என்றார் கே.பாலகிருஷ்ணன்.
பேட்டியின்போது, மார்க்சிஸ்ட் கம்யூனிஸ்ட் மாநிலக் குழு உறுப்பினர்கள் வி.மாரிமுத்து, ஏ.வி. முருகையன், நாகை மாவட்டச் செயலாளர் நாகை மாலி, விவசாய சங்க மாநிலத் தலைவர் வி. சுப்பிமணியன், நாகை நகரச் செயலாளர் எம்.பெரியசாமி உள்ளிட்டோர் உடனிருந்தனர்.

 

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-பாதிப்பு-பகுதிகளில்-போர்க்கால-நிவாரணப்-பணிகள்-கே-பாலகிருஷ்ணன்-வலியுறுத்தல்-3041724.html
3041723 நாகப்பட்டினம் நாகப்பட்டினம் புரட்டிப் போட்ட கஜா: சொந்த ஊரிலேயே அகதிகளாக தவிக்கும் மக்கள் DIN DIN Monday, November 19, 2018 05:49 AM +0530
கஜா புயல் சீற்றம் ஏற்படுத்திய கடும் பாதிப்புகளிலிருந்து மீள முடியாமல், நாகை மாவட்ட மக்கள் 3 நாள்களுக்கும் மேலாக தங்கள் சொந்த ஊரிலேயே அகதிகளாக தவித்து வரும் அவலம் நீடித்து வருகிறது.
கஜாவின் கோரத் தாண்டவத்தில் நாகை மாவட்டம், நாகப்பட்டினம், வேதாரண்யம், தலைஞாயிறு, கீழையூர், கீழ்வேளூர் வட்டாரப் பகுதிகள் மிக கடுமையான சேதத்துக்கு உள்ளாகியுள்ளன.
நாகை மாவட்டம், வேதாரண்யம், தலைஞாயிறு, விழுந்தமாவடி மற்றும் சுற்றுப் பகுதிகளில் பல ஆயிரம் ஏக்கரில் பயிரிடப்பட்டிருந்த மல்லிகை, கார்த்திகை கிழங்கு, மா, நெல், வாழை, வெற்றிலை என பணப் பயிர்கள் மற்றும் மூலிகைப் பயிர்கள் உள்ளிட்ட அனைத்து வகையான பயிர்களையும் அழித்தொழித்துள்ளது கஜா புயலின் சீற்றம். அனைத்து வகை விவசாயிகளின் வாழ்வாதாரமும் பாதிக்கப்பட்டிருப்பதுடன், விவசாயிகளின் 20 ஆண்டு கால உழைப்பையும் நாசம் செய்துள்ளது இந்தப் புயல் சீற்றம்.
இப்பகுதிகளில் சாலைகளில் முறிந்து சரிந்த பல்லாயிரக்கணக்கான மரங்களால் போக்குவரத்துத் தடைப்பட்டிருப்பதுடன், மின் விநியோகம், தகவல் தொடர்பு உள்ளிட்டவைகளும் தடைப்பட்டிருப்பதால், வேதாரண்யம் மற்றும் சுற்றுப் பகுதி மக்களின் வேதனைக் குரல் கூட வெளியே தெரியாமலேயே கரைந்து போய்க் கொண்டுள்ளது.
மாவட்ட நிர்வாகத்தின் கணக்கெடுப்புப்படி, சுமார் 32,818 மரங்கள் முறிந்து சரிந்ததாகக் குறிப்பிடப்படுகிறது. இதில், 10 சதவீத மரங்கள் கூட இதுவரை அகற்றப்படவில்லை என்பதே உண்மையாக உள்ளது. இதன் காரணமாக, பல கிராம மக்கள் வெளியுலகத் தொடர்பற்ற நிலையில் தவித்து வருகின்றனர்.
மாவட்டத்தில் சுமார் 18 ஆயிரம் மின் கம்பங்கள் பழுதடைந்திருப்பதாகக் குறிப்பிடப்படும் நிலையில், இதில் மூன்றில் ஒரு பங்கு மின் கம்பங்கள் கூட கடந்த 3 நாள்களாக சீர் செய்யப்படவில்லை. மேலும், பழுதடைந்த 520 மின் மாற்றிகளில் 111 மின் மாற்றிகள் மட்டுமே இதுவரை சீர் செய்யப்பட்டுள்ளதாக அதிகாரப்பூர்வ கணக்கெடுப்புகளில் குறிப்பிடப்படுகிறது. இதன் காரணமாக, நாகை மாவட்டத்தின் நகர்ப்புறப் பகுதிகள் கூட 4 நாள்களாக இருளிலேயே மூழ்கியுள்ளன.
அனைத்துத் தேவைகளுக்கும் அடிப்படை அத்தியாவசியத் தேவையாக உள்ள மின் விநியோகத் தடையால், மாவட்டத்தின் பல பகுதிகளில் தண்ணீர் பஞ்சம் மிகுந்து காணப்படுகிறது. மின் மோட்டார்களை இயக்க முடியாத சூழலில், பல பகுதிகளைச் சேர்ந்த மக்கள் ஆற்றிலும், குளத்திலும் தேங்கியிருக்கும் அழுக்குப் படிந்த நீரையே தங்களின் அன்றாடத் தேவைகளுக்குப் பயன்படுத்த வேண்டியுள்ளது.
தொற்று நோய்களைத் தவிர்க்க, தண்ணீரை காய்ச்சி, வடிகட்டி அருந்த வேண்டும் என சுகாதாரத் துறை சார்பில் அறிவுறுத்தப்படுகிறது. ஆனால், உணவுக்குக் கூட அடுப்பை பற்ற வைக்க முடியாத நிலையில் தான் பல கிராமங்கள் அழித்தொழிக்கப்பட்டுள்ளன புயல் சீற்றத்தில்.
நாகை மாவட்டத்தில் 2 நாள்களுக்கு முன்பு மேற்கொள்ளப்பட்ட கணக்கெடுப்புப்படி சுமார் 11,512 வீடுகள் சேதமடைந்துள்ளதாகக் குறிப்பிடப்படுகிறது. சேதமடைந்த வீடுகளின் சீரமைப்புக்குத் தற்காலி மற்றும் நிரந்தர நிவாரணம் அளிக்கப்படும் என அரசுத் தரப்பில் உறுதியளிக்கப்பட்டாலும், பேரிடர் நிவாரண வரையறைப்படியான உச்சபட்ச நிவாரணத்தை வழங்கினாலும் கூட, சேதமடைந்த வீடுகளில் தற்காலிக சீரமைப்பைக் கூட முழுமையாக மேற்கொள்ள முடியாது என்பதுதான் உண்மை.
நாகை மாவட்டத்தில் 523 பாதுகாப்பு மையங்களில் சுமார் 2 லட்சத்துக்கும் அதிகமானோர் தங்கவைக்கப்பட்டுள்ளனர். இந்த மையங்களில், உணவுத் தட்டுப்பாடும், குடிநீர்த் தட்டுப்பாடும் மக்களை வாட்டி வதைப்பதன் விளைவாக கிராமச் சாலைகள் பெரும்பாலும், மறியல் கலங்களாக மாறியுள்ளன.
இந்தப் போராட்டங்களை மக்களுக்கு ஏற்பட்டுள்ள வாழ்வாதார விரக்தியின் வெளிப்பாடாகக் கருதி, மக்களின் உணர்வுகளுக்கு மதிப்பளித்து விரைவான தீர்வுக்கு அரசுத் துறைகள் நடவடிக்கை எடுக்க வேண்டும் என்பது மக்கள் கோரிக்கையாக உள்ளது.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புரட்டிப்-போட்ட-கஜா-சொந்த-ஊரிலேயே-அகதிகளாக-தவிக்கும்-மக்கள்-3041723.html
3041722 நாகப்பட்டினம் நாகப்பட்டினம் புயல் பாதித்தப் பகுதிகளில் குடிநீர்த் தட்டுப்பாடு DIN DIN Monday, November 19, 2018 05:48 AM +0530
கஜா புயலால் பாதிக்கப்பட்ட நாகை மற்றும் கீழ்வேளூர் ஊராட்சி ஒன்றியப் பகுதிகளில் குடிதண்ணீர் தட்டுப்பாட்டால் கிராம மக்கள் அவதிப்பட்டு வருகின்றனர்.
கஜா புயலின் கோரதாண்டவத்தால், நாகை மாவட்டத்தின் பல்வேறு கிராமங்களில் கடந்த 4 தினங்களாக மின்சாரம் துண்டிக்கப்பட்டுள்ளது. இந்நிலையில் குறிச்சி, ஆழியூர், பாலக்குறிச்சி மற்றும் அகலங்கண் கிராமங்களில் புயல் பாதிப்புகளைப் பார்வையிடச் சென்ற தமிழக துணை முதல்வர் ஓ. பன்னீர் செல்வம் மற்றும் அமைச்சர்களிடம் மின்சாரம் துண்டிக்கப்பட்டிருப்பதால், கடுமையான குடிநீர்த் தட்டுப்பாடு ஏற்பட்டுள்ளதாகவும், அரசு நிர்வாகத்தினர் குடிநீருக்காக செய்துள்ள நடவடிக்கைகள் போதுமானவையாக இல்லை என்றும் தெரிவித்தனர்.
இது குறித்து நாகை மாவட்டம், அகலங்கண் கிராமத்தைச் சேர்ந்த மணிகண்டன் என்பவர் கூறியது:
கிராமங்களில் மின்சாரம் துண்டிக்கப்பட்டுள்ள நிலையில் போதுமான அளவுக்கு குடிநீர் கிடைக்கவில்லை. பொதுமக்களின் குடிநீர்த் தேவைக்காக ஜெனரேட்டர் மூலம் தண்ணீர் இறைக்கப்பட்டு, விநியோகம் செய்யப்பட்டு வந்தாலும், போதுமானதாக இல்லை. பாதிப்புக்குள்ளாகியுள்ள மின் கம்பங்களை போர்க்கால அடிப்படையில் சீரமைத்து, மின் விநியோகம் செய்யப்பட்டால்தான் குடிநீர் பற்றாக்குறை நீங்கும். அதுவரை, கிராமங்களில் கூடுதல் ஜெனரேட்டர் வசதிகளை செய்து தர அரசு நடவடிக்கை எடுக்க வேண்டும் என்றார்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-பாதித்தப்-பகுதிகளில்-குடிநீர்த்-தட்டுப்பாடு-3041722.html
3041721 நாகப்பட்டினம் நாகப்பட்டினம் கஜா புயலால் பாதிக்கப்பட்ட மாணவர்களுக்கு நோட்டுப் புத்தகம் வழங்கக் கோரிக்கை DIN DIN Monday, November 19, 2018 05:48 AM +0530
கஜா புயலால் பாதிக்கப்பட்ட பள்ளி மாணவர்களுக்கு புதிதாக நோட்டு புத்தகங்கள் மற்றும் புத்தகப்பை வழங்கக் கோரிக்கை விடுக்கப்பட்டுள்ளது.
நாகை மாவட்டம், சீர்காழி அருகே உள்ள மாதானாம் கிராமத்தில், குழந்தைகள் உரிமைகள் பாதுகாப்பு இயக்க மாவட்ட நிர்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது. மாநில பொருளாளர் ஜெயவேல் தலைமை வகித்தார். ஊராட்சி மன்ற முன்னாள் தலைவர் குமார், மாநில செயற்குழு உறுப்பினர்கள் ஜானகிராஜதுரை, மறைத்தமிழன் ஆகியோர் முன்னிலை வகித்தனர்.
கூட்டத்தில், கஜா புயலால் பாதிக்கப்பட்டுள்ள பகுதிகளில் உள்ள அரசு மற்றும் தனியார் பள்ளிகளிலும், அங்கன்வாடி மையங்களிலும் உடனடியாக மருத்துவ முகாம் அமைத்து, மாணவர்களை நோய்களிலிருந்து பாதுகாக்கும் வகையில், தடுப்பூசி போட வேண்டும். டெல்டா மாவட்டங்களில் கஜா புயலால் பாதிக்கப்பட்ட அனைத்து பள்ளி மாணவர்களுக்கும் உடனடியாக இலவசமாக புதிய புத்தகப்பையுடன் நோட்டுப் புத்தகங்கள் வழங்க வேண்டும் உள்ளிட்ட தீர்மானங்கள் நிறைவேற்றப்பட்டன.

 

]]>
http://www.dinamani.com/all-editions/edition-nagapattinam/nagapattinam/2018/nov/19/கஜா-புயலால்-பாதிக்கப்பட்ட-மாணவர்களுக்கு-நோட்டுப்-புத்தகம்-வழங்கக்-கோரிக்கை-3041721.html
3041720 நாகப்பட்டினம் நாகப்பட்டினம் பொங்கலுக்கு தயாரான வாழை மரங்கள் சேதம் DIN DIN Monday, November 19, 2018 05:48 AM +0530
நாகை மாவட்டம், தரங்கம்பாடி வட்டத்தில், கஜா புயலால் 500 ஏக்கரில் பயிரிடப்பட்ட வாழை சாகுபடி முற்றிலும் சேதமடைந்ததால், விவசாயிகள் சோகத்தில் மூழ்கியுள்ளனர்.
கிடாரங்கொண்டான், கீழையூர், பொன்செய், முடிகண்டநல்லூர், மேலப்பாதி உள்ளிட்ட 20-க்கும் மேற்பட்ட கிராமங்களில் வாழை பயிரிடப்பட்டு வருகிறது. கஜா புயலால் ஒட்டுமொத்த வாழை சாகுபடியும் சேதமடைந்து விவசாயிகளின் வாழ்வாதாரம் கேள்விக்குறியாகியுள்ளது. புயலால் பாதிக்கப்பட்ட கிடாரங்கொண்டான் கிராமத்தைச் சேர்ந்த விவசாயி ராஜசேகர் கூறியது:
கிடாரங்கொண்டான் பகுதியில் எனக்கு சொந்தமான 2 ஏக்கர் நிலத்தில் ரூ.2 லட்சம் வரை செலவு செய்து பயிரப்பட்ட 2 ஆயிரம் வாழை மரங்களும் கஜா புயலில் முறிந்து விழுந்துவிட்டன.
பொங்கல் பண்டிகையின்போது அறுவடை செய்ய வேண்டி, தார் போட்டிருந்த நிலையில் வாழை மரங்கள் முற்றிலும் அடியோடு சாய்ந்துவிட்டன. தகுந்த நிவாரணத்தை அரசு உடனடியாக வழங்கினால்தான் பாதிப்பிலிருந்து மீளமுடியும் என்றார் அவர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/பொங்கலுக்கு-தயாரான-வாழை-மரங்கள்-சேதம்-3041720.html
3041719 நாகப்பட்டினம் நாகப்பட்டினம் மின்சாரம் பாய்ந்து பி.எஸ்.என்.எல். ஊழியர் சாவு DIN DIN Monday, November 19, 2018 05:47 AM +0530
நாகை மாவட்டம், திருக்கடையூர் அருகே மின்சாரம் பாய்ந்து, பி.எஸ்.என்.எல். ஊழியர், சனிக்கிழமை உயிரிழந்தார்.
மாமங்குடி ஐயனார் கோயில் தெருவைச் சேர்ந்தவர் பக்கிரிசாமி (55). பி.எஸ்.என்.எல். நிறுவன ஒப்பந்த ஊழியரான இவர், சனிக்கிழமை தனது வயலில் விவசாயப் பணியில் ஈடுபட்டிருந்த தொழிலாளர்களுக்கு தேநீர் வாங்கச் சென்றபோது, மின்கம்பி அறுந்து இவர் மீது விழுந்ததாகக் கூறப்படுகிறது.
இதனால், நிகழ்விடத்திலேயே மின்சாரம் பாய்ந்து பக்கிரிசாமி உயிரிழந்தார். பொறையாறு போலீஸார் விசாரணை
மேற்கொண்டுள்ளனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/மின்சாரம்-பாய்ந்து-பிஎஸ்என்எல்-ஊழியர்-சாவு-3041719.html
3041718 நாகப்பட்டினம் நாகப்பட்டினம் பாதிப்புக்குள்ளான பகுதிகளில் அடிப்படை வசதிகள் சீரமைப்புக்கு முன்னுரிமை அளிக்க வேண்டும்: இரா. முத்தரசன் DIN DIN Monday, November 19, 2018 05:47 AM +0530
கஜாபுயலால் பாதிக்கப்பட்ட பகுதிகளில் அடிப்படை வசதிகள் சீரமைப்புக்கு முன்னுரிமை அளிக்க வேண்டும் என இந்திய கம்யூனிஸ்ட் கட்சியின் மாநிலச் செயலாளர் இரா. முத்தரசன் தெரிவித்தார்.
கஜா புயலால் பாதிக்கப்பட்ட திருவாரூர் மாவட்டம், மன்னார்குடியை அடுத்த கோட்டூர், திருப்பத்தூர், திருக்களார், மீனம்பநல்லூர், களப்பாள் உள்ளிட்டு பல்வேறு பகுதிகளை இரா. முத்தரசன் ஞாயிற்றுக்கிழமை பார்வையிட்டு, பாதிக்கப்பட்ட மக்களுக்கு ஆறுதல் கூறினார். இதைத்தொடர்ந்து, செய்தியாளர்களிடம் அவர் கூறியது:
கஜா புயல் நினைத்துப் பார்க்க முடியாத அளவுக்கு பெருத்த சேதத்தை ஏற்படுத்தியுள்ளது. இதனால், கடந்த 4 நாள்களாக மின்விநியோகம் தடைப்பட்டுள்ளதால், மேல்நிலை நீர்த்தேக்கத் தொட்டிகள் மூலம் குடிநீர் விநியோகிக்கப்படவில்லை. எனவே, பொதுமக்கள் வாய்க்கால், குளத்தில் உள்ள நீரைத்தான் குடிக்கவும், சமைக்கவும் பயன்படுத்தி வருகின்றனர். இதனால், நோய்த்தொற்று உருவாகும் அபாயம் ஏற்பட்டுள்ளது. ஆகையால், சுகாதாரம், குடிநீருக்கு முன்னுரிமை கொடுத்து, துரித நடவடிக்கைகளை எடுக்க தமிழக அரசு முன்னுரிமை கொடுக்க வேண்டும்.
அனைத்து கிராமங்களிலும் மின்கம்பங்கள் அடியோடு சாய்ந்திருப்பதால், மின்சாரம் முழுமையாக துண்டிக்கப்பட்டுள்ளது. இதன் காரணமாக பாதிக்கப்பட்டவர்களுக்கு தமிழக அரசு நியாயவிலைக் கடைகள் மூலம் விலையில்லாத மண்ணெண்ணெய் வழங்க வேண்டும். பாதுகாப்பு மையங்களில் தங்க வைக்கப்பட்டுள்ளவர்களுக்கு பாதுகாக்கப்பட்ட குடிநீரைத் தட்டுப்பாடின்றி வழங்க வேண்டும். மின் இணைப்பு சீரமைப்புப் பணிகளை விரைந்து முடிவுக்குக் கொண்டு வரும் வகையில், வெளிமாவட்டங்களில் இருந்து பணியாளர்களைக் கூடுதலாக பணியமர்த்த வேண்டும் என்றார் முத்தரசன்.
அப்போது, விவசாயத் தொழிலாளர்கள் சங்க மாநிலச் செயலாளர் என். பெரியசாமி, இந்திய கம்யூனிஸ்ட் கட்சியின் மாநில செயற்குழு உறுப்பினர் கோ. பழனிச்சாமி, மாவட்டச் செயலாளர் வை. சிவபுண்ணியம், முன்னாள் எம்.எல்.ஏ. கே. உலகநாதன், ஒன்றியச் செயலாளர் கே. மாரிமுத்து ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/பாதிப்புக்குள்ளான-பகுதிகளில்-அடிப்படை-வசதிகள்-சீரமைப்புக்கு-முன்னுரிமை-அளிக்க-வேண்டும்-இரா-முத்தரச-3041718.html
3041717 நாகப்பட்டினம் நாகப்பட்டினம் ரத்த தான முகாம் DIN DIN Monday, November 19, 2018 05:47 AM +0530
நாகை மாவட்டம், சீர்காழியில் தந்தை பெரியார் திராவிடர் கழகத்தின் சார்பில், விடுதலை புலிகளின் தலைவர் பிரபாகரனின் 64-ஆவது பிறந்தநாளை முன்னிட்டு, ரத்த தான முகாம் ஞாயிற்றுக்கிழமை நடைபெற்றது.
சீர்காழி அரசு மருத்துவமனையில் நடைபெற்ற நிகழ்ச்சிக்கு தந்தை பெரியார் திராவிடர் கழகத்தின் மாவட்டச் செயலாளர் பெரியார் செல்வம் தலைமை வகித்தார். நகர செயலாளர் பார்த்திபன், ஒன்றியச் செயலாளர் செந்தில்குமார், கொள்ளிடம் ஒன்றியத் தலைவர் பாக்கியராஜ் ஆகியோர் முன்னிலை வகித்தனர்.
டெல்டா நீர் ஆதார பாதுகாப்பு மையத்தின் தலைவர் கிள்ளை. ரவீந்திரன் முகாமைத் தொடங்கி வைத்தார். மருத்துவர்கள் ஜெயராஜ மூர்த்தி, அருண்ராஜ்குமார், பூபேஸ் தர்மேந்திரா, தந்தை பெரியார் திராவிடர் கழகம் மாவட்ட தலைவர் பரசுராமன் உள்ளிட்டோர் வாழ்த்துரை வழங்கினர். 50-க்கும் மேற்பட்டோர் ரத்த தானம் செய்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/ரத்த-தான-முகாம்-3041717.html
3041716 நாகப்பட்டினம் நாகப்பட்டினம் அத்தியாவசியத் தேவைக்காக அதிகரிக்கும் போராட்டங்கள்: போராட்டக்காரர்கள் மீது போலீஸார் தடியடி DIN DIN Monday, November 19, 2018 05:46 AM +0530
கஜா புயல் சீற்றத்தால் கடும் பாதிப்புக்குள்ளான நாகை வருவாய்க் கோட்டத்துக்குள்பட்ட பகுதிகளில் கடந்த 2 நாள்களாக, அத்தியாவசியத் தேவைகளை அரசு பூர்த்தி செய்ய வலியுறுத்தி, மறியல் போராட்டங்கள் நடைபெற்று வருகின்றன. ஞாயிற்றுக்கிழமை ஒரு சில மறியல் போராட்டங்களில் ஏற்பட்ட வன்முறை காரணமாக, போலீஸார் தடியடி நடத்தினர்.
நாகை - வேதாரண்யம் இடையே கரையைக் கடந்த கஜா புயல் சீற்றம் நாகை மாவட்டத்தின் தென்புறப் பகுதிகளைப் புரட்டிப் போட்டுச் சென்றுள்ளது. இதில், நாகை மாவட்டம், வேதாரண்யம், தலைஞாயிறு, கீழையூர் ஊராட்சி ஒன்றியப் பகுதிகள் கடும் சேதத்துக்கு உள்ளாகியுள்ளன.
தொலைத் தொடர்பு, போக்குவரத்து, குடிநீர் விநியோகம், மின் விநியோகம் என அத்தியாவசியத் தேவைகள் அனைத்தும் தடைப்பட்டிருப்பதால், அப்பகுதி மக்கள் தங்கள் சொந்த ஊர்களிலேயே அகதிகளாக வாழும் நிலை 3 நாள்களாக நீடித்து வருகிறது. மின்வாரியம் மூலம் கடந்த 3 நாள்களாக மேற்கொள்ளப்பட்ட சீரமைப்புப் பணிகளில், மாவட்டத்தின் தலைநகரான நாகையின் சுற்றுப் பகுதிகளில் கூட முழுமையாக மின் விநியோகம் சீரமைக்கப்பட முடியாத நிலையே உள்ளது.
இதனிடையே, புயல் சீற்றம் காரணமாக நாகை மாவட்டத்தில் மிகப் பெரிய சேதங்கள் ஏதும் இல்லை என்பதைப் போல அமைச்சர் ஓ.எஸ். மணியன் கருத்துத் தெரிவித்ததாக பரவிய தகவல்கள், மக்களை விரக்தியின் விளிம்புக்குக் கொண்டுச் சென்றுள்ளது. தடைப்பட்டுள்ள அத்தியாவசியத் தேவைகளை அரசு உடனடியாக வழங்க வேண்டும் என்ற கோரிக்கையை வலியுறுத்தியும், பாதிப்புகளை மறைத்துக் கருத்துத் தெரிவித்ததாக அமைச்சர் ஓ.எஸ். மணியனைக் கண்டித்தும், சீரமைப்புப் பணிகளை அரசுத் துறை அலுவலர்கள் துரிதப்படுத்தாததைக் கண்டித்தும் நாகை வருவாய்க் கோட்டத்துக்குள்பட்ட பகுதிகளில் கடந்த 2 நாள்களாக ஆங்காங்கே மறியல்கள் நடைபெற்று வருகின்றன. நாகை மாவட்டம், விழுந்தமாவடி, கன்னித்தோப்பு பகுதியில் ஞாயிற்றுக்கிழமை மறியலில் ஈடுபட்டவர்களுடன் அமைச்சர் ஓ.எஸ். மணியன் பேச்சுவார்த்தை நடத்திய போது, அங்கு சிலர் திடீர் வன்முறையில் ஈடுபட்டுள்ளனர். அமைச்சரின் வாகனத்துக்குப் பின்னால் அணிவகுத்து வந்த ஒரு காரை சிலர் தாக்கி சேதப்படுத்தியுள்ளனர்.
காமேஸ்வரம் பகுதியில் மறியலில் ஈடுபட்டிருந்தவர்களைக் கலைந்து செல்ல போலீஸார் வலியுறுத்திய போது, அங்கும் லேசான வன்முறை வெடித்துள்ளது. போலீஸாரை நோக்கி சிலர் கல் வீசியுள்ளனர். இதையடுத்து, போலீஸார் போராட்டக்காரர்கள் மீது தடியடி நடத்தியுள்ளனர். இந்தச் சம்பவங்களில் சுமார் 10-க்கும் மேற்பட்டோர் காயமடைந்துள்ளனர்.
இதே போல, மாவட்டத்தின் மேலும் சில பகுதிகளிலும் மக்களின் மறியல் போராட்டங்களும், வன்முறை சம்பவங்களும் நிகழ்ந்துள்ளன. இதன் காரணமாக, புயல் பாதிக்கப்பட்ட பகுதிகளில் மறு சீரமைப்புப் பணிகளில் பெரும் தொய்வு ஏற்பட்டுள்ளது.

 

]]>
http://www.dinamani.com/all-editions/edition-nagapattinam/nagapattinam/2018/nov/19/அத்தியாவசியத்-தேவைக்காக-அதிகரிக்கும்-போராட்டங்கள்-போராட்டக்காரர்கள்-மீது-போலீஸார்-தடியடி-3041716.html
3041715 நாகப்பட்டினம் நாகப்பட்டினம் புயல் சேதங்களுக்கு முழு நிவாரணம் வழங்கப்படும்: துணை முதல்வர் ஓ. பன்னீர்செல்வம் DIN DIN Monday, November 19, 2018 05:46 AM +0530
கஜா புயல் சீற்றத்தால் ஏற்பட்ட சேதங்களுக்கு அரசு முழுமையான நிவாரணம் வழங்கும் என தமிழக துணை முதல்வர் ஓ. பன்னீர் செல்வம் தெரிவித்தார்.
நாகையில், ஞாயிற்றுக்கிழமை செய்தியாளர்களுக்கு அவர் அளித்த பேட்டி:
கஜா புயலின் 6 மணி நேர கோரத்தாண்டவத்தில் நாகை, திருவாரூர், தஞ்சாவூர், புதுக்கோட்டை உள்பட 6 மாவட்டங்கள் முழுமையான அளவிலும், 4 மாவட்டங்கள் பகுதியளவிலும் கடுமையான சேதத்துக்கு உள்ளாகியுள்ளன. புயல் பாதிப்புக்குள்ளான பகுதிகளில், தமிழக அரசு உத்தரவுப்படி அனைத்துத் துறை அலுவலர்கள் ஒருங்கிணைந்து போர்க்கால அடிப்படையில் சீரமைப்புப் பணிகளை மேற்கொண்டு வருகின்றனர்.
பல்லாயிரக்கணக்கான மரங்கள் சாலையில் முறிந்து விழுந்ததால், போக்குவரத்து பாதிப்புக்கு உள்ளானது. பிரதான சாலைகளில் சரிந்த மரங்கள் உடனடியாக அகற்றப்பட்டு, போக்குவரத்து சீரமைக்கப்பட்டுள்ளது. அடுத்தக் கட்டமாக, கிராமச் சாலைகளில் சரிந்து கிடக்கும் மரங்களை அகற்றும் பணிகள் தீவிரப்படுத்தப்பட்டுள்ளன. மின் தடை காரணமாக ஏற்பட்ட குடிநீர்த் தட்டுப்பாட்டை போக்க, குடிநீர் வடிகால் வாரியம் மூலம் 26 ஜெனரேட்டர்களைக் கொண்டு குடிநீர் வழங்கும் பணி நடைபெற்று வருகிறது. பழுதடைந்த மின்கம்பங்களை சீரமைக்கும் பணிகள் போர்க்கால அடிப்படையில் நடைபெறுகின்றன. மாவட்டத்தில் இதுவரை 7,958 மின் கம்பங்களும், 111 மின் மாற்றிகளும் சீரமைக்கப்பட்டுள்ளன.
நாகை மாவட்டத்தில் 151 கிராமங்களில், தற்போது சீரமைப்புப் பணிகள் நடைபெற்று வருகின்றன. 210 ஜேசிபி இயந்திரங்கள், 203 ஜெனரேட்டர்கள், 210 அறுவை இயந்திரங்கள் தற்போது சீரமைப்புப் பணிகளில் பயன்படுத்தப்படுகின்றன.
பாதிக்கப்பட்ட பகுதி மக்களுக்கு இதுவரை 10,820 லிட்டர் பால் விநியோகிக்கப்பட்டுள்ளது. 620 லிட்டர் பாக்கெட் பால் வழங்கப்பட்டுள்ளது. இவைத் தவிர, 3 டன் பால் பவுடர் தயார் நிலையில் வைக்கப்பட்டுள்ளன. மேலும் கூடுதலாக 2,500 லிட்டர் பால், 2.5 டன் பால் பவுடர் வரவழைக்கப்படவுள்ளன. புயல் பாதிப்புக்குள்ளான பகுதிகளில் ஞாயிற்றுக்கிழமை முதல் 216 நியாய விலைக் கடைகள் திறக்கப்பட்டு, பொதுமக்களுக்குத் தேவையான அத்தியாவசியப் பொருள்கள் வழங்கப்பட்டு வருகின்றன. பாதிக்கப்பட்ட பகுதிகளில் 105 மருத்துவ முகாம்கள் அமைக்கப்பட்டுள்ளன. 36 ஆம்புலன்ஸ் வாகனங்கள் தயார் நிலையில் வைக்கப்பட்டுள்ளன.
மின் வாரியப் பணியாளர்கள் 1,200 பேரும், நகராட்சி மற்றும் மாநகராட்சிப் பணியாளர்கள் 1,198 பேரும், பேரூராட்சிப் பணியாளர்கள் 828 பேரும், மாவட்ட ஊரக வளர்ச்சி முகமை பணியாளர்கள் 1,194 பேரும், நெடுஞ்சாலைத் துறை பணியாளர்கள் 955 பேரும் வெளி மாவட்டங்களிலிருந்து வரவழைக்கப்பட்டு, சீரமைப்புப் பணிகளில் ஈடுபடுத்தப்பட்டுள்ளனர்.
கஜா புயல் ஏற்படுத்தியுள்ள சேதம், எதிர்பாராத கடும் சேதம், கிராமங்கள் முழுமையும் பாதிக்கப்படும் அளவில் சேதங்கள் ஏற்பட்டுள்ளன. இந்த இயற்கைப் பேரிடரிலிருந்து மீள அனைவரது ஒத்துழைப்பும் அவசியம். சுனாமி சீற்றத்தின்போது, அனைத்துத் தரப்பினரும் ஒருங்கிணைந்து, ஒத்துழைப்பு அளித்ததைப் போல், இந்த இயற்கைப் பேரிடரிலிருந்து மீளவும் பொதுமக்கள் முழுமையாக ஒத்துழைப்பு அளிக்க வேண்டும். பாதுகாப்பு முகாம்களில் தங்கியுள்ள அனைவருக்கும் உணவு உள்ளிட்ட அடிப்படை வசதிகள் உரிய வகையில் வழங்கப்படும். உணவு தயாரிக்க முடியாத நிலையில் உள்ளவர்களுக்கும், இந்த முகாம்களில் உணவு வழங்கப்படும். உணவு தயாரிப்புக்கான அடிப்படைத் தேவைகளான அரிசி, பருப்பு, மண்ணெண்ணெய் ஆகியன தேவைக்கேற்ப வழங்கப்படும்.
வீடுகள் பாதிக்கப்பட்டு, பாதுகாப்பு முகாம்களில் தங்கியுள்ளவர்களின் வீடுகளை தற்காலிகமாக புனரமைக்கவும், நிரந்தரமாக சீர் செய்யவும் அரசு நிதி உதவி வழங்கும். கஜா புயல் சீற்றத்தால் ஏற்பட்ட அனைத்து வகையான இழப்புகளுக்கும் உரிய நிவாரணம் நிச்சயம் வழங்கப்படும்.
புயல் சேதங்கள் குறித்த ஆலோசனைக் கூட்டம் சென்னை, தலைமைச் செயலகத்தில் முதல்வர் தலைமையில் திங்கள்கிழமை நடைபெறுகிறது. இந்தக் கூட்டத்தில், புயல் பாதிப்புகளுக்கான நிவாரணத்தை தமிழக முதல்வர் அறிவிப்பார். புயலால் ஏற்பட்ட சேதங்களுக்கு முழு நிவாரணம் நிச்சயம் வழங்கப்படும் என்றார் துணை முதல்வர் ஓ. பன்னீர்செல்வம். வனத் துறை அமைச்சர் திண்டுக்கல் சி. சீனிவாசன், நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சர் எஸ்.பி. வேலுமணி, வருவாய் மற்றும் பேரிடர் மேலாண்மைத் துறை அமைச்சர் ஆர்.பி. உதயகுமார், சுகாதாரம் மற்றும் குடும்ப நலத் துறை முதன்மைச் செயலாளர் டாக்டர் ஜெ. ராதாகிருஷ்ணன், மாவட்ட ஆட்சியர் சீ. சுரேஷ்குமார் ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-சேதங்களுக்கு-முழு-நிவாரணம்-வழங்கப்படும்-துணை-முதல்வர்-ஓ-பன்னீர்செல்வம்-3041715.html
3041714 நாகப்பட்டினம் நாகப்பட்டினம் நாகை வருவாய்க் கோட்ட பள்ளி, கல்லூரிகளுக்கு இன்று விடுமுறை: ஆட்சியர் தகவல் DIN DIN Monday, November 19, 2018 05:46 AM +0530  

புயல் சேத சீரமைப்புப் பணிகளையொட்டி, நாகை வருவாய்க் கோட்டத்துக்குள்பட்ட பகுதிகளில் உள்ள பள்ளி, கல்லூரிகளுக்கு திங்கள்கிழமை விடுமுறை அளித்து நாகை மாவட்ட ஆட்சியர் சீ. சுரேஷ்குமார் அறிவிப்பு வெளியிட்டுள்ளார்.
இதுகுறித்து அவர் வெளியிட்ட செய்திக் குறிப்பு:
கஜா புயலால் பாதிக்கப்பட்ட பகுதிகளில் மறுசீரமைப்புப் பணிகள் நடைபெறுவதையொட்டி, நாகை வருவாய்க் கோட்டத்துக்குள்பட்ட அனைத்து அரசு மற்றும் தனியார் பள்ளி, கல்லூரிகளுக்கு திங்கள்கிழமை (நவ.19) விடுமுறை அறிவிக்கப்படுகிறது.
மயிலாடுதுறை வருவாய்க் கோட்டத்துக்குள்பட்ட பகுதிகளில் உள்ள பள்ளிகளுக்கு, அந்தந்தப் பள்ளிகளில் ஏற்பட்டுள்ள பாதிப்புகளுக்கேற்ப, பள்ளித் தலைமை ஆசிரியர்கள் விடுமுறை அளிப்பது குறித்து முடிவெடுக்கலாம் என ஆட்சியர் தனது செய்திக் குறிப்பில் தெரிவித்துள்ளார்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/நாகை-வருவாய்க்-கோட்ட-பள்ளி-கல்லூரிகளுக்கு-இன்று-விடுமுறை-ஆட்சியர்-தகவல்-3041714.html
3041713 நாகப்பட்டினம் நாகப்பட்டினம் கஜா புயல்: பாதிக்கப்பட்டவர்களுக்கு தடையின்றி உணவு வழங்க ஏற்பாடு: வேளாண் துறை செயலாளர் ககன்தீப் சிங் பேடி தகவல் DIN DIN Monday, November 19, 2018 05:45 AM +0530
நாகை மாவட்டத்தில் புயல் சீற்றத்தால் பாதிக்கப்பட்டு, பாதுகாப்பு முகாம்களில் தங்கவைக்கப்பட்டுள்ள பொதுமக்களுக்கு 3 வேளையும் தடையில்லாமல் உணவு, குடிநீர் வழங்க விரிவான நடவடிக்கைகள் மேற்கொள்ளப்பட்டுள்ளன என்று வேளாண் துறை முதன்மைச் செயலாளர் ககன்தீப் சிங் பேடி தெரிவித்தார்.
புயல் சீற்றத்தால் பாதிக்கப்பட்டு, நாகை மாவட்டத்தில் உள்ள பாதுகாப்பு முகாம்களில் தங்கவைக்கப்பட்டுள்ள மக்களுக்கு உணவு, குடிநீர் உள்ளிட்டவை தடையில்லாமல் வழங்குவது குறித்த ஆய்வுக் கூட்டம், நாகை மாவட்ட ஆட்சியரகத்தில் ஞாயிற்றுக்கிழமை இரவு நடைபெற்றது.
மாவட்டக் கண்காணிப்பு அலுவலரும், வேளாண் துறை முதன்மைச் செயலாளருமான ககன்தீப் சிங் பேடி, சுகாதாரம் மற்றும் குடும்பநலத் துறை முதன்மைச் செயலாளர் ஜெ. ராதாகிருஷ்ணன், ஊரக வளர்ச்சி மற்றும் ஊராட்சிகள் துறை இயக்குநர் க. பாஸ்கரன், மாவட்ட ஆட்சியர் சீ. சுரேஷ்குமார் ஆகியோர் முன்னிலை வகித்தனர். அரசின் பல்வேறு துறை அலுவலர்கள் கலந்து கொண்டனர்.
இந்தக் கூட்டத்துக்குப் பின்னர் செய்தியாளர்களைச் சந்தித்த வேளாண் துறை முதன்மைச் செயலாளர் ககன்தீப் சிங் பேடி தெரிவித்தது:
நாகை மாவட்டத்தில் கஜா புயல் சீற்றத்தால் பாதிக்கப்பட்ட பகுதிகளைச் சேர்ந்த பொதுமக்கள் 523 பாதுகாப்பு மையங்களில் தங்கவைக்கப்பட்டுள்ளனர். அவர்களுக்கு 3 வேளையும் தடையில்லாமல் உணவு மற்றும் குடிநீர் வழங்க விரிவான நடவடிக்கைகள் மேற்கொள்ளப்பட்டுள்ளன.
நியாயவிலைக் கடைகளில் பொதுமக்களுக்குத் தேவையான அத்தியாவசியப் பொருள்களான அரிசி, பருப்பு, மண்ணெண்ணெய், சமையல் எண்ணெய் ஆகியன தங்குத் தடையின்றி வழங்க நடவடிக்கைகள் மேற்கொள்ளப்பட்டுள்ளன. கிராமச் சாலைகளில் முறிந்து சரிந்திருக்கும் மரங்களை அகற்றும் பணிக்குக் கூடுதல் பொக்லைன் இயந்திரங்கள் அனுப்பப்பட்டுள்ளன.
பாதிக்கப்பட்ட அனைத்துப் பகுதிகளுக்கும் மருத்துவ உதவிகள் வழங்க ஒரு மருத்துவர் உள்பட 4 பேர் கொண்ட நடமாடும் மருத்துவக் குழு அனுப்பி வைக்கப்பட்டுள்ளன. மேலும், அனைத்துக் கிராமங்களுக்கும் நடமாடும் கழிப்பறை வசதிகள் செய்து தரவும், பால் மற்றும் குடிநீர் உள்ளிட்ட அத்தியாவசியப் பொருள்கள் மக்களுக்குத் தடையின்றி கிடைக்கவும் தேவையான நடவடிக்கைகளுக்கு உத்தரவிடப்பட்டுள்ளது என்றார் ககன்தீப்சிங் பேடி.

]]>
http://www.dinamani.com/all-editions/edition-nagapattinam/nagapattinam/2018/nov/19/கஜா-புயல்-பாதிக்கப்பட்டவர்களுக்கு-தடையின்றி-உணவு-வழங்க-ஏற்பாடு-வேளாண்-துறை-செயலாளர்-ககன்தீப்-சிங்-3041713.html
3041390 நாகப்பட்டினம் நாகப்பட்டினம் புயல் சேதங்களுக்கு முழு நிவாரணம் வழங்கப்படும்: துணை முதல்வர் ஓ. பன்னீர்செல்வம் DIN DIN Monday, November 19, 2018 01:54 AM +0530
கஜா புயல் சீற்றத்தால் ஏற்பட்ட சேதங்களுக்கு அரசு முழுமையான நிவாரணம் வழங்கும் என தமிழக துணை முதல்வர் ஓ. பன்னீர் செல்வம் தெரிவித்தார்.
நாகையில், ஞாயிற்றுக்கிழமை செய்தியாளர்களுக்கு அவர் அளித்த பேட்டி:
கஜா புயலின் 6 மணி நேர கோரத்தாண்டவத்தில் நாகை, திருவாரூர், தஞ்சாவூர், புதுக்கோட்டை உள்பட 6 மாவட்டங்கள் முழுமையான அளவிலும், 4 மாவட்டங்கள் பகுதியளவிலும் கடுமையான சேதத்துக்கு உள்ளாகியுள்ளன. புயல் பாதிப்புக்குள்ளான பகுதிகளில், தமிழக அரசு உத்தரவுப்படி அனைத்துத் துறை அலுவலர்கள் ஒருங்கிணைந்து போர்க்கால அடிப்படையில் சீரமைப்புப் பணிகளை மேற்கொண்டு வருகின்றனர்.
பல்லாயிரக்கணக்கான மரங்கள் சாலையில் முறிந்து விழுந்ததால், போக்குவரத்து பாதிப்புக்கு உள்ளானது. பிரதான சாலைகளில் சரிந்த மரங்கள் உடனடியாக அகற்றப்பட்டு, போக்குவரத்து சீரமைக்கப்பட்டுள்ளது. அடுத்தக் கட்டமாக, கிராமச் சாலைகளில் சரிந்து கிடக்கும் மரங்களை அகற்றும் பணிகள் தீவிரப்படுத்தப்பட்டுள்ளன. மின் தடை காரணமாக ஏற்பட்ட குடிநீர்த் தட்டுப்பாட்டை போக்க, குடிநீர் வடிகால் வாரியம் மூலம் 26 ஜெனரேட்டர்களைக் கொண்டு குடிநீர் வழங்கும் பணி நடைபெற்று வருகிறது. பழுதடைந்த மின்கம்பங்களை சீரமைக்கும் பணிகள் போர்க்கால அடிப்படையில் நடைபெறுகின்றன. மாவட்டத்தில் இதுவரை 7,958 மின் கம்பங்களும், 111 மின் மாற்றிகளும் சீரமைக்கப்பட்டுள்ளன.
நாகை மாவட்டத்தில் 151 கிராமங்களில், தற்போது சீரமைப்புப் பணிகள் நடைபெற்று வருகின்றன. 210 ஜேசிபி இயந்திரங்கள், 203 ஜெனரேட்டர்கள், 210 அறுவை இயந்திரங்கள் தற்போது சீரமைப்புப் பணிகளில் பயன்படுத்தப்படுகின்றன.
பாதிக்கப்பட்ட பகுதி மக்களுக்கு இதுவரை 10,820 லிட்டர் பால் விநியோகிக்கப்பட்டுள்ளது. 620 லிட்டர் பாக்கெட் பால் வழங்கப்பட்டுள்ளது. இவைத் தவிர, 3 டன் பால் பவுடர் தயார் நிலையில் வைக்கப்பட்டுள்ளன. மேலும் கூடுதலாக 2,500 லிட்டர் பால், 2.5 டன் பால் பவுடர் வரவழைக்கப்படவுள்ளன. புயல் பாதிப்புக்குள்ளான பகுதிகளில் ஞாயிற்றுக்கிழமை முதல் 216 நியாய விலைக் கடைகள் திறக்கப்பட்டு, பொதுமக்களுக்குத் தேவையான அத்தியாவசியப் பொருள்கள் வழங்கப்பட்டு வருகின்றன. பாதிக்கப்பட்ட பகுதிகளில் 105 மருத்துவ முகாம்கள் அமைக்கப்பட்டுள்ளன. 36 ஆம்புலன்ஸ் வாகனங்கள் தயார் நிலையில் வைக்கப்பட்டுள்ளன.
மின் வாரியப் பணியாளர்கள் 1,200 பேரும், நகராட்சி மற்றும் மாநகராட்சிப் பணியாளர்கள் 1,198 பேரும், பேரூராட்சிப் பணியாளர்கள் 828 பேரும், மாவட்ட ஊரக வளர்ச்சி முகமை பணியாளர்கள் 1,194 பேரும், நெடுஞ்சாலைத் துறை பணியாளர்கள் 955 பேரும் வெளி மாவட்டங்களிலிருந்து வரவழைக்கப்பட்டு, சீரமைப்புப் பணிகளில் ஈடுபடுத்தப்பட்டுள்ளனர்.
கஜா புயல் ஏற்படுத்தியுள்ள சேதம், எதிர்பாராத கடும் சேதம், கிராமங்கள் முழுமையும் பாதிக்கப்படும் அளவில் சேதங்கள் ஏற்பட்டுள்ளன. இந்த இயற்கைப் பேரிடரிலிருந்து மீள அனைவரது ஒத்துழைப்பும் அவசியம். சுனாமி சீற்றத்தின்போது, அனைத்துத் தரப்பினரும் ஒருங்கிணைந்து, ஒத்துழைப்பு அளித்ததைப் போல், இந்த இயற்கைப் பேரிடரிலிருந்து மீளவும் பொதுமக்கள் முழுமையாக ஒத்துழைப்பு அளிக்க வேண்டும். பாதுகாப்பு முகாம்களில் தங்கியுள்ள அனைவருக்கும் உணவு உள்ளிட்ட அடிப்படை வசதிகள் உரிய வகையில் வழங்கப்படும். உணவு தயாரிக்க முடியாத நிலையில் உள்ளவர்களுக்கும், இந்த முகாம்களில் உணவு வழங்கப்படும். உணவு தயாரிப்புக்கான அடிப்படைத் தேவைகளான அரிசி, பருப்பு, மண்ணெண்ணெய் ஆகியன தேவைக்கேற்ப வழங்கப்படும்.
வீடுகள் பாதிக்கப்பட்டு, பாதுகாப்பு முகாம்களில் தங்கியுள்ளவர்களின் வீடுகளை தற்காலிகமாக புனரமைக்கவும், நிரந்தரமாக சீர் செய்யவும் அரசு நிதி உதவி வழங்கும். கஜா புயல் சீற்றத்தால் ஏற்பட்ட அனைத்து வகையான இழப்புகளுக்கும் உரிய நிவாரணம் நிச்சயம் வழங்கப்படும்.
புயல் சேதங்கள் குறித்த ஆலோசனைக் கூட்டம் சென்னை, தலைமைச் செயலகத்தில் முதல்வர் தலைமையில் திங்கள்கிழமை நடைபெறுகிறது. இந்தக் கூட்டத்தில், புயல் பாதிப்புகளுக்கான நிவாரணத்தை தமிழக முதல்வர் அறிவிப்பார். புயலால் ஏற்பட்ட சேதங்களுக்கு முழு நிவாரணம் நிச்சயம் வழங்கப்படும் என்றார் துணை முதல்வர் ஓ. பன்னீர்செல்வம். வனத் துறை அமைச்சர் திண்டுக்கல் சி. சீனிவாசன், நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சர் எஸ்.பி. வேலுமணி, வருவாய் மற்றும் பேரிடர் மேலாண்மைத் துறை அமைச்சர் ஆர்.பி. உதயகுமார், சுகாதாரம் மற்றும் குடும்ப நலத் துறை முதன்மைச் செயலாளர் டாக்டர் ஜெ. ராதாகிருஷ்ணன், மாவட்ட ஆட்சியர் சீ. சுரேஷ்குமார் ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-சேதங்களுக்கு-முழு-நிவாரணம்-வழங்கப்படும்-துணை-முதல்வர்-ஓ-பன்னீர்செல்வம்-3041390.html
3041389 நாகப்பட்டினம் நாகப்பட்டினம் புயலுக்குப் பின்னரான சீரமைப்பு நடவடிக்கைகளை விரைவுபடுத்த வேண்டும்: ஜி.கே. வாசன் கோரிக்கை DIN DIN Monday, November 19, 2018 01:54 AM +0530
புயலுக்குப் பின்னரான அரசின் சீரமைப்பு நடவடிக்கைகளை அரசு விரைவுபடுத்த வேண்டும் என தமிழ்மாநில காங்கிரஸ் கட்சித் தலைவர் ஜி.கே. வாசன் தெரிவித்தார்.
நாகை, அக்கரைப்பேட்டை மீன்பிடித் துறைமுகத்தில், கஜா புயல் சீற்றத்தால் பாதிக்கப்பட்ட மீன்பிடி படகுகளை ஜி.கே. வாசன் ஞாயிற்றுக்கிழமை பார்வையிட்டு, சேதங்கள் குறித்து மீனவர்களிடம் கேட்டறிந்தார்.
பின்னர், செய்தியாளர்களைச் சந்தித்த அவர் அளித்த பேட்டி :
கஜா புயல் சீற்றம், எதிர்பார்க்கப்பட்டதை விட பல மடங்கு சேதத்தை ஏற்படுத்தியுள்ளது. வேதாரண்யம் பகுதியில் மிக கடுமையான பாதிப்புகள் ஏற்பட்டுள்ளன. எனவே, வேதாரண்யம் தொகுதியைப் பேரிடர் பாதித்த பகுதியாக அரசு அறிவிக்க வேண்டும்.
புயல் சீற்றத்தில் மீனவர்கள் கடும் பாதிப்புக்கு உள்ளாகியுள்ளனர். சுமார் 400 சிறிய படகுகளும், 100-க்கும் மேற்பட்ட விசைப் படகுகளும் புயல் சீற்றத்தில் சேதமடைந்துள்ளதாக மீனவர்கள் தெரிவிக்கின்றனர். அதே போல, மீனவர்களின் வீடுகளும் கடுமையான சேதத்துக்குள்ளாகியுள்ளன. எனவே, மீனவர்களின் துன்பத்தை உணர்ந்து, படகுகள் மற்றும் வீடுகளுக்கு உரிய நிவாரணத்தை அரசு வழங்க வேண்டும்.
மின் விநியோகம் இல்லை, குடிநீர் இல்லை, முதலுதவிகள் இல்லை என்பதால் வேதாரண்யம், கீழ்வேளூர் தொகுதிகளில் பல பகுதிகளில் மக்கள் போராட்டங்களில் ஈடுபட்டு வருகின்றனர். மக்களின் உணர்வுகளைப் புரிந்து அரசு, உடனடியாக அடிப்படை வசதிகளை சீரமைக்க வேண்டும்.
நாகை, திருவாரூர், தஞ்சாவூர், புதுக்கோட்டை மாவட்டங்களில் தென்னை மரங்கள் மிகப் பெரிய அளவில் சேதமடைந்துள்ளன. ஒரு தென்னை மரத்துக்கு ரூ. 20 ஆயிரம் முதல் ரூ. 30 ஆயிரம் வரை அரசு நிவாரணம் வழங்க வேண்டும். சேலம், பசுமை சாலை திட்டத்துக்காக வெட்டப்பட்ட தென்னை மரங்களுக்கு அரசு ரூ. 40 ஆயிரம் வீதம் இழப்பீடு அளித்திருந்தால், அதே நிவாரணத்தை தற்போதும் வழங்க வேண்டும்.
இறந்தவர்களின் குடும்பங்களுக்குத் தலா ரூ. 25 லட்சம் வழங்க வேண்டும். புயல் சேதத்துக்குள்ளான வாழைக்கு ஏக்கருக்கு ரூ. 3 லட்சமும், எள்ளுக்கு ரூ. 30 ஆயிரமும், கரும்புக்கு ரூ. 50 ஆயிரமும், பிற பயிர்களுக்கு ஏக்கருக்கு ரூ. 30 ஆயிரம் வீதமும் அரசு நிவாரணம் வழங்க வேண்டும். அதே போல, உப்பளங்களுக்கும் உரிய இழப்பீடு வழங்க வேண்டும்.
மாவட்டத்தில் சுமார் 40 சதவீதம் வீடுகள் பாதிக்கப்பட்டுள்ளன. ஏராளமான கால்நடைகள் இறந்துள்ளன. இறால் பண்ணைகளும் பாதிக்கப்பட்டுள்ளன. கூலித் தொழிலாளர்கள் பாதிக்கப்பட்டுள்ளனர். அனைத்து வகையான இழப்புகளுக்கும் உரிய நிவாரணத்தை அரசு வழங்க வேண்டும். வீடுகளை இழந்தவர்களுக்கு, இயல்பு நிலை திரும்பும் வரை அரசு உரிய உதவிகளை வழங்க வேண்டும்.
கஜா புயல் சீற்றத்தையொட்டி, முன்னெச்சரிக்கை நடவடிக்கைகள் பாராட்டும் வகையில் இருந்தன. ஆனால், புயலுக்குப் பின்னரான சீரமைப்பு நடவடிக்கைகளில் சுணக்கம் நீடிப்பதாக மக்கள் குற்றம்சாட்டுகின்றனர். அரசு இது குறித்து உரிய சிறப்பு கவனம் செலுத்தி, இயல்பான மாவட்டங்களிலிருந்து அலுவலர்கள், ஊழியர்களை, கூலித் தொழிலாளர்களை அழைத்து மறு சீரமைப்புப் பணிகளை விரைவுபடுத்த வேண்டும்.
புயல் சேதம் தொடர்பாக, தமிழக அரசு கோரும் நிதி உதவியை மத்திய அரசு முழுமையாக வழங்கி, உதவிகள் மக்களை நேரடியாகச் சென்றடையும் வகையில் குழுக்களை அமைத்து, வெளிப்படைத் தன்மையுடன் பகிர்ந்தளிக்க வேண்டும். புயல் பாதித்த மாவட்டங்களில் இயல்பு நிலை திரும்பும் வரை டாஸ்மாக் கடைகளை மூட உத்தரவிட வேண்டும் என்றார் ஜி.கே. வாசன்.
தமாகா மாவட்டத் தலைவர்கள் என்.எஸ். நாராயணசாமி (நாகை), குடவாசல் (திருவாரூர்), விவசாயப் பிரிவு மாநிலத் துணைத் தலைவர் புலியூர் நாகராஜன் மற்றும் நிர்வாகிகள் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயலுக்குப்-பின்னரான-சீரமைப்பு-நடவடிக்கைகளை-விரைவுபடுத்த-வேண்டும்-ஜிகே-வாசன்-கோரிக்கை-3041389.html
3041388 நாகப்பட்டினம் நாகப்பட்டினம் சீரமைப்புப் பணிகள் குறித்த வதந்திகளை மக்கள் நம்ப வேண்டாம்: துணை முதல்வர் ஓ. பன்னீர்செல்வம் DIN DIN Monday, November 19, 2018 01:54 AM +0530
கஜா புயல் சீற்ற சீரமைப்புப் பணிகள் மற்றும் நிவாரணங்கள் குறித்துப் பரப்பப்படும் வதந்திகளை பொதுமக்கள் நம்ப வேண்டாம் என துணை முதல்வர் ஓ. பன்னீர்செல்வம் வேண்டுகோள் விடுத்தார்.
நாகை, சின்மயா பள்ளி பாதுகாப்பு மையத்தில் தங்கவைக்கப்பட்டிருந்த பொதுமக்களை, துணை முதல்வர் ஓ.பன்னீர்செல்வம் ஞாயிற்றுக்கிழமை சந்தித்து, ஆறுதல் தெரிவித்து, குழந்தைகளுக்கு ரொட்டி பாக்கெட்டுகளையும், கஜா புயலால் பாதிக்கப்பட்ட சொக்கநாதர்கோயில் தெருவைச் சேர்ந்த பயனாளிகளுக்கு, பேரிடர் நிவாரணமாக ரூ. 1,000 ரொக்கப் பணம், அரிசி, வேட்டி, சேலை ஆகியவற்றையும் அவர் வழங்கினார்.
பின்னர், செய்தியாளர்களுக்கு அவர் அளித்த பேட்டி:
புயலால் பாதிக்கப்பட்டவர்களுக்குப் பேரிடர் நிவாரண உதவியாக ரூ. 1,000 ரொக்கப் பணம், இலவச வேட்டி, சேலை மற்றும் அரிசி, மண்ணெண்ணெய் ஆகியவற்றை வழங்க முதல்வர் உத்தரவிட்டுள்ளார். இதன்படி, தற்போது பேரிடர் நிவாரணப் பொருள்கள் வழங்கப்படுகின்றன. அரசின் அனைத்துத் துறையினரும், ஒருங்கிணைந்து புயல் பாதிப்பு சீரமைப்புப் பணிகளை மேற்கொண்டு வருகின்றனர். அனைத்து வகையான இழப்புகளுக்கும் நிச்சயமாக நிவாரணம் வழங்கப்படும். இதுகுறித்து சென்னையில் திங்கள்கிழமை நடைபெறும் கூட்டத்துக்குப் பின்னர், முதல்வர் முழுமையான அறிவிப்பை வெளியிடுவார்.
புயல் சீரமைப்பு நடவடிக்கைகளுக்குப் பொதுமக்கள் முழுமையான ஒத்துழைப்பு அளித்து வருகின்றனர். ஒரு சில பகுதிகளில், தேவையற்ற வதந்திகள் காரணமாக சிலர் சிறிய பிரச்னைகளை பெரிதாக்கி வருகின்றனர். முழுவீச்சில் சீரமைப்புப் பணிகள் நடைபெறுவதால், வரும் ஓரிரு நாள்களில் இயல்பு நிலை திரும்பும். சீரமைப்புப் பணிகள் மற்றும் நிவாரணங்கள் குறித்துப் பரப்பப்படும் எந்த வதந்தியையும் பொதுமக்கள் நம்ப வேண்டாம் என்றார் ஓ. பன்னீர்செல்வம்.
அமைச்சர்கள் டி. ஜெயக்குமார், திண்டுக்கல் சி. சீனிவாசன், எஸ்.பி. வேலுமணி, ஆர்.பி. உதயகுமார், சுகாதாரத் துறை முதன்மைச் செயலாளர் ஜெ. ராதாகிருஷ்ணன், நாகை மாவட்ட ஆட்சியர் சீ. சுரேஷ்குமார் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-nagapattinam/nagapattinam/2018/nov/19/சீரமைப்புப்-பணிகள்-குறித்த-வதந்திகளை-மக்கள்-நம்ப-வேண்டாம்-துணை-முதல்வர்-ஓ-பன்னீர்செல்வம்-3041388.html
3041387 நாகப்பட்டினம் நாகப்பட்டினம் புயல் பாதிப்புக்குள்ளான பகுதிகளில் அடிப்படை வசதிகள் சீரமைப்புக்கு முன்னுரிமை அளிக்க வேண்டும்: இரா. முத்தரசன் DIN DIN Monday, November 19, 2018 01:54 AM +0530
கஜாபுயலால் பாதிக்கப்பட்ட பகுதிகளில் அடிப்படை வசதிகள் சீரமைப்புக்கு முன்னுரிமை அளிக்க வேண்டும் என இந்திய கம்யூனிஸ்ட் கட்சியின் மாநிலச் செயலாளர் இரா. முத்தரசன் தெரிவித்தார்.
கஜா புயலால் பாதிக்கப்பட்ட திருவாரூர் மாவட்டம், மன்னார்குடியை அடுத்த கோட்டூர், திருப்பத்தூர், திருக்களார், மீனம்பநல்லூர், களப்பாள் உள்ளிட்டு பல்வேறு பகுதிகளை இரா. முத்தரசன் ஞாயிற்றுக்கிழமை பார்வையிட்டு, பாதிக்கப்பட்ட மக்களுக்கு ஆறுதல் கூறினார். இதைத்தொடர்ந்து, செய்தியாளர்களிடம் அவர் கூறியது:
கஜா புயல் நினைத்துப் பார்க்க முடியாத அளவுக்கு பெருத்த சேதத்தை ஏற்படுத்தியுள்ளது. இதனால், கடந்த 4 நாள்களாக மின்விநியோகம் தடைப்பட்டுள்ளதால், மேல்நிலை நீர்த்தேக்கத் தொட்டிகள் மூலம் குடிநீர் விநியோகிக்கப்படவில்லை. எனவே, பொதுமக்கள் வாய்க்கால், குளத்தில் உள்ள நீரைத்தான் குடிக்கவும், சமைக்கவும் பயன்படுத்தி வருகின்றனர். இதனால், நோய்த்தொற்று உருவாகும் அபாயம் ஏற்பட்டுள்ளது. ஆகையால், சுகாதாரம், குடிநீருக்கு முன்னுரிமை கொடுத்து, துரித நடவடிக்கைகளை எடுக்க தமிழக அரசு முன்னுரிமை கொடுக்க வேண்டும்.
அனைத்து கிராமங்களிலும் மின்கம்பங்கள் அடியோடு சாய்ந்திருப்பதால், மின்சாரம் முழுமையாக துண்டிக்கப்பட்டுள்ளது. இதன் காரணமாக பாதிக்கப்பட்டவர்களுக்கு தமிழக அரசு நியாயவிலைக் கடைகள் மூலம் விலையில்லாத மண்ணெண்ணெய் வழங்க வேண்டும். பாதுகாப்பு மையங்களில் தங்க வைக்கப்பட்டுள்ளவர்களுக்கு பாதுகாக்கப்பட்ட குடிநீரைத் தட்டுப்பாடின்றி வழங்க வேண்டும். மின் இணைப்பு சீரமைப்புப் பணிகளை விரைந்து முடிவுக்குக் கொண்டு வரும் வகையில், வெளிமாவட்டங்களில் இருந்து பணியாளர்களைக் கூடுதலாக பணியமர்த்த வேண்டும் என்றார் முத்தரசன்.
அப்போது, விவசாயத் தொழிலாளர்கள் சங்க மாநிலச் செயலாளர் என். பெரியசாமி, இந்திய கம்யூனிஸ்ட் கட்சியின் மாநில செயற்குழு உறுப்பினர் கோ. பழனிச்சாமி, மாவட்டச் செயலாளர் வை. சிவபுண்ணியம், முன்னாள் எம்.எல்.ஏ. கே. உலகநாதன், ஒன்றியச் செயலாளர் கே. மாரிமுத்து ஆகியோர் உடனிருந்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-பாதிப்புக்குள்ளான-பகுதிகளில்-அடிப்படை-வசதிகள்-சீரமைப்புக்கு-முன்னுரிமை-அளிக்க-வேண்டும்-இரா-ம-3041387.html
3041386 நாகப்பட்டினம் நாகப்பட்டினம் கஜா புயல்: 12 இடங்களில் சாலை மறியல் DIN DIN Monday, November 19, 2018 01:53 AM +0530
நாகை மாவட்டம், வேதாரண்யம் பகுதியில் கஜா புயலால் பாதிக்கப்பட்ட பகுதிகளை அரசு தரப்பினர் பார்வையிடாததைக் கண்டித்து, 12 இடங்களில் ஞாயிற்றுக்கிழமை சாலை மறியல் நடைபெற்றது.
ஆயக்காரன்புலம், பன்னாள், தலைஞாயிறு உள்ளிட்ட இடங்களில் இந்த மறியல் போராட்டம் நடைபெற்றது. அப்போது, முகாம்களில் போதிய உணவு வழங்கப்படவில்லை என்று குற்றம்சாட்டப்பட்டது. வேதாரண்யம் பகுதி வரலாறு காணாத அளவில் பாதிக்கப்பட்டுள்ள நிலையில், அதற்கு மாறாக அமைச்சர் ஓ.எஸ். மணியன் கருத்து தெரிவித்ததாகக் கூறப்படுகிறது. இதைக் கண்டித்தும் மறியலின்போது கோஷம் எழுப்பப்பட்டது. தலைஞாயிறில் கேசவன் ஓடைப் பகுதியில் மறியலில் ஈடுபட்டோர் மீது போலீஸார் தாக்குதல் நடத்தியதாகத் தெரிகிறது. இதையடுத்து, தலைஞாயிறில் போலீஸார் சென்ற 3 வாகனங்கள் மீது கல் வீசப்பட்டது.
பேருந்து சேவை நிறுத்தம்: மறியல் காரணமாக பேருந்து சேவை தடைப்பட்டதால், பெரும்பாலானோர் அவதியுற்றனர். கடந்த இரு நாள்களாக மறியல் போராட்டங்கள் நீடிப்பதால், தன்னார்வலர்கள் அனுப்பும் நிவாரணப் பொருள்கள், உரிய இடங்களை அடைவதில் சிக்கல் ஏற்பட்டுள்ளது.
சாலைகளில் கிடந்த மரங்கள் அகற்றப்பட்ட போதிலும், பிரச்னைகளால் வேதாரண்யத்துக்கும் நாகை மற்றும் திருத்துறைப்பூண்டி, பட்டுக்கோட்டை வழித்தடங்களில் பேருந்து சேவை தொடங்குவதில் தாமதமாகிறது.
எனவே, போலீஸார் கூடுதல் கவனம் செலுத்தி, பேருந்துகளை இயக்க நடவடிக்கை எடுக்க வேண்டுமென பொதுமக்கள் வலியுறுத்தியுள்ளனர்.
தகவல் தொடர்பு பாதிப்பால் மீட்பு பணிகள் தாமதம்
நாகை மாவட்டம், வேதாரண்யம் பகுதியில் கஜா புயல் காரணமாக செல்லிடப்பேசி கோபுரங்கள் வீழ்ந்ததால், தகவல் தொடர்பு பெருமளவில் பாதிக்கப்பட்டுள்ளது.
வாய்மேடு, ஆயக்காரன்புலம், கடிநெல்வயல் உள்ளிட்ட பல்வேறு இடங்களில் பி.எஸ்.என்.எல். மற்றும் தனியார் செல்லிடப்பேசி நிறுவன கோபுரங்கள் புயலால் சரிந்தன. தகவல் தொடர்பு பெருமளவில் பாதிக்கப்பட்டுள்ளதால், மீட்புப் பணிகளை விரைவுபடுத்துவதில் தாமதமாகிறது.
பின்தங்கிய கிராமங்களின் பாதிப்பு நிலவரங்களை அறிவது பிரச்னையாகி வருகிறது. மக்களின் தேவைகளை அறிந்துகொள்ளவும், வெளியூர், வெளிநாடுகளில் உள்ள உறவினர்கள் இங்குள்ளவர்களின் நிலையை அறிந்துகொள்ளவும் அவதியுற்று வருகின்றனர்.
தீவு கிராமமானசிறுதலைக்காடு
கஜா புயல் தாக்கத்தில் சிக்கிய கடலோர தீவு கிராமமான சிறுதலைக்காட்டில் அரசு தரப்பினர் ஆய்வுசெய்து, நிவாரணம் வழங்க நடவடிக்கை எடுக்க வேண்டுமென பொதுமக்கள் வலியுறுத்தியுள்ளனர்.
நாகை மாவட்டம், வேதாரண்யத்தை அடுத்த சிறுதலைக்காடு மீனவ கிராமத்தில் 400 குடும்பத்தினர் வசிக்கின்றனர். கஜா புயல் தாக்கத்தால் கடல் நீர் உள்புகுந்து வீடுகள், கட்டடங்கள் சேதமடைந்துள்ளன. மீனவர்களின் வாழ்வாதாரமான படகுகள் சேதமடைந்துள்ளன. 160-க்கும் மேற்பட்ட மாடுகள் இறந்த நிலையில் கரை ஒதுங்கியுள்ளன. இவற்றை முறையாக புதைக்க நடவடிக்கை எடுக்கப்படாததால், நோய்த்தொற்று ஏற்படும் அபாயம் ஏற்பட்டுள்ளது.
மருத்துவக்குழு மற்றும் கிராம நிர்வாக அலுவலர் தவிர பாதிப்புகளை ஆய்வு செய்ய அரசு அதிகாரிகள் வரவில்லை என வேதனை தெரிவித்த அப்பகுதி மக்கள், நிவாரணம் வழங்க அரசு தரப்பில் உரிய நடவடிக்கை எடுக்க வேண்டுமென வலியுறுத்தியுள்ளனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/கஜா-புயல்-12-இடங்களில்-சாலை-மறியல்-3041386.html
3041385 நாகப்பட்டினம் நாகப்பட்டினம் புயல் பாதித்த பகுதிகளில் துணை முதல்வர் ஆய்வு DIN DIN Monday, November 19, 2018 01:53 AM +0530
நாகை மாவட்டத்தில் கஜா புயலால் பாதிக்கப்பட்டுள்ள பகுதிகளில் தமிழக துணை முதல்வர் ஓ. பன்னீர்செல்வம் மற்றும் அமைச்சர்கள் ஞாயிற்றுக்கிழமை ஆய்வு செய்து, நிவாரண உதவிகள் குறித்து பொதுமக்களிடம் கேட்டறிந்தனர்.
கஜா புயலின் சீற்றத்தால் நாகை, திருவாரூர், தஞ்சை, திருச்சி, திண்டுக்கல் உள்ளிட்ட மாவட்டங்கள் பாதிப்புக்குள்ளாகியுள்ளன. இந்நிலையில், சேத பகுதிகளை ஆய்வு செய்வதற்காக தமிழக துணை முதல்வர் ஓ. பன்னீர்செல்வம் மற்றும் அமைச்சர்கள் ஜெயக்குமார், திண்டுக்கல் சீனிவாசன், எஸ்.பி. வேலுமணி, ஆர்.பி. உதயகுமார் ஆகியோர் டெல்டா மாவட்டங்களில் முகாமிட்டுள்ளனர்.
புயல் பாதிப்பு பகுதிகளைப் பார்வையிடுவதற்காக ஞாயிற்றுக்கிழமை மாலை 5 மணிக்கு நாகை மாவட்ட ஆட்சியரகத்திலிருந்து புறப்பட்ட அவர்கள், கருவேலங்கடை, பாப்பாக்கோவில், வடவூர், குறிச்சி, அகலங்கண், பாலக்குறிச்சி, ஆய்மழை, செம்பியன்மாதேவி, ஆவராணி புதுச்சேரி உள்ளிட்ட கிராமங்களில், ஆய்வு செய்து நிவாரணப் பணிகளை முடுக்கிவிட்டனர். அப்போது, சுகாதாரத்துறைச் செயலாளர் ஜெ. ராதாகிருஷ்ணன், நாகை மாவட்ட ஆட்சியர் சீ. சுரேஷ்குமார் மற்றும் அரசு அதிகாரிகள் உடனிருந்தார்கள்.

 

]]>
http://www.dinamani.com/all-editions/edition-nagapattinam/nagapattinam/2018/nov/19/புயல்-பாதித்த-பகுதிகளில்-துணை-முதல்வர்-ஆய்வு-3041385.html
3040935 நாகப்பட்டினம் நாகப்பட்டினம் புயலால் சாய்ந்த மரங்கள் அகற்றம் DIN DIN Sunday, November 18, 2018 07:57 AM +0530 நாகை மாவட்டம், குத்தாலம் வட்டத்துக்குள்பட்ட பகுதியில், கஜா புயலால் சாய்ந்த மரங்கள் அகற்றப்பட்டன.
குத்தாலம் வட்டம், திருவாலங்காட்டில் கும்பகோணம்- மயிலாடுதுறை நெடுஞ்சாலையில் இருந்த ஒரு மரம் கஜா புயலின் சீற்றத்தால், வேரோடு சாய்ந்தது. இதேபோல், தொழுதாலங்குடி, தேரழந்தூர், சேத்திரபாலபுரம், கடலங்குடி, அக்கரைகொக்கூர் ஆகிய இடங்களிலும் மரங்கள் சாய்ந்தன.
குத்தாலம் வட்டாட்சியர் சபிதாதேவி தலைமையில், தீயணைப்பு நிலைய உதவி அலுவலர் தனசேகரன் உள்ளிட்ட பேரிடர் மேலாண்மைக் குழுவினர், சாய்ந்த மரங்களை அகற்றினர். இது தவிர கடலங்குடி, திருவாலங்காடு பகுதிகளில் சாய்ந்த மின்கம்பங்கள் மின்வாரிய ஊழியர்கள் உதவியுடன் அகற்றப்பட்டு, மின்விநியோகம் சீரமைக்கப்பட்டது.
 

]]>
http://www.dinamani.com/all-editions/edition-nagapattinam/nagapattinam/2018/nov/18/புயலால்-சாய்ந்த-மரங்கள்-அகற்றம்-3040935.html
3040934 நாகப்பட்டினம் நாகப்பட்டினம் கார்த்திகை மாதப் பிறப்பு: சீர்காழி கோயிலில் கோ பூஜை வழிபாடு: அஸ்திர தேவருக்கு தீர்த்தவாரி DIN DIN Sunday, November 18, 2018 07:57 AM +0530 கார்த்திகை மாதப் பிறப்பையொட்டி, சீர்காழி சட்டைநாதர் கோயிலில் கோ பூஜை வழிபாடு மற்றும் அஸ்திர தேவருக்கு தீர்த்தவாரி சனிக்கிழமை நடைபெற்றது.
சீர்காழியில் தருமபுரம் ஆதீனத்துக்குச் சொந்தமான சட்டைநாதர் கோயில் உள்ளது. இக்கோயிலில் திருநிலைநாயகி அம்மன் உடனாகிய பிரம்மபுரீசுவரர் சுவாமி அருள்பாலிக்கிறார். இங்கு கார்த்திகை மாதப் பிறப்பையொட்டி சிறப்பு கோ பூஜை வழிபாடு நடைபெற்றது. முன்னதாக கொடிமரத்து விநாயகருக்கும், நந்தி பகவானுக்கும் சிறப்பு பூஜைகள், தீபாராதனைகள் நடைபெற்றன. தொடர்ந்து, கோசாலையிலிருந்து வரவழைக்கப்பட்ட பசு மற்றும் கன்றுக்கு வஸ்திரம், மாலைகள் அணிவித்து சிறப்பு  வழிபாடுகள் நடைபெற்றன. பின்னர் பக்தர்கள் பசு, கன்று ஆகியவற்றின் மீது மஞ்சள், குங்குமம் வைத்து வலம் வந்து மலர்கள் தூவி வழிபட்டனர். இதில் கோ பூஜை வழிபாட்டுக் குழு பக்தர்கள் திரளானோர் பங்கேற்று சுவாமி தரிசனம் செய்தனர்.
மேலும், கார்த்திகை மாதப் பிறப்பையொட்டி அஸ்திர தேவருக்கு தீர்த்தவாரியும் நடைபெற்றது. இதையொட்டி மேள, தாளங்கள் முழங்க பிரம்ம தீர்த்தக் குளத்துக்கு எழுந்தருளிய அஸ்திர தேவருக்கு மஞ்சள், திரவியப் பொடி, பால், தயிர், சந்தனம் முதலான வாசனைத் திரவியங்களால் அபிஷேகம் செய்யப்பட்டு, தீபாராதனை காட்டப்பட்டது. பின்னர், அஸ்திர தேவருக்கு தீர்த்தவாரி கொடுக்கப்பட்டது. இதில் திரளான பக்தர்கள் பங்கேற்று தரிசனம் செய்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/18/கார்த்திகை-மாதப்-பிறப்பு-சீர்காழி-கோயிலில்-கோ-பூஜை-வழிபாடு-அஸ்திர-தேவருக்கு-தீர்த்தவாரி-3040934.html
3040933 நாகப்பட்டினம் நாகப்பட்டினம் அடிப்படை வசதிகளுக்கான நடவடிக்கைகளில் திருப்தியில்லை DIN DIN Sunday, November 18, 2018 07:57 AM +0530 புயலால் பாதிக்கப்பட்ட மக்களுக்குத் தேவையான அடிப்படை வசதிகளை நிறைவேற்றும் நடவடிக்கைகளில், அரசின் செயல்பாடு திருப்தி அளிக்கவில்லை என திமுக தலைவர் மு.க. ஸ்டாலின் தெரிவித்தார்.
நாகை மாவட்டம், வேதாரண்யத்தில் சனிக்கிழமை செய்தியாளர்களுக்கு அவர் அளித்த பேட்டி : 
நாகை மாவட்டத்தில் கஜா புயல் சீற்றத்தால் பலத்த சேதம் ஏற்பட்டிருப்பதுடன், மக்கள் கடும் பாதிப்புக்குள்ளாகியுள்ளனர். மக்கள் பாதிப்புகளிலிருந்து விடுபடத் தேவையான நடவடிக்கைகளை அரசு விரைவாக மேற்கொள்ள வேண்டும். புயல் சீற்றத்தால் ஏற்பட்ட இழப்பை ஈடு செய்யும் வகையில் நிவாரணத் தொகையை அரசு அறிவிக்க வேண்டும். உயிரிழப்பு ஏற்பட்ட குடும்பங்களைச் சேர்ந்தவர்களுக்கு அரசுப் பணி வழங்க வேண்டும். 
நாகை மாவட்டத்தைச் சேர்ந்த அமைச்சர் ஓ.எஸ். மணியன், புயல் சீற்றத்தால் மாவட்டத்தில் பெரிய பாதிப்புகள் இல்லை என்பதைப் போன்று தேவையற்ற கருத்துகளைத் தெரிவித்து, மக்களின் கோபத்துக்கு ஆளாகி வருகிறார். 
புயலையொட்டி மேற்கொள்ளப்பட்ட முன்னெச்சரிக்கை நடவடிக்கைகளை நான் பாராட்டினேன். ஆனால், தற்போது பாதிக்கப்பட்ட மக்களின் அடிப்படை வசதிகளை நிறைவேற்றும் நடவடிக்கைகளில் அரசின் செயல்பாடுகள் திருப்தி அளிப்பதாக இல்லை. மக்களை பாதிப்பிலிருந்து மீட்டெடுக்க அரசு விரைவான நடவடிக்கைகளை மேற்கொள்ள வேண்டும் என்றார் மு.க. ஸ்டாலின்.
 

]]>
http://www.dinamani.com/all-editions/edition-nagapattinam/nagapattinam/2018/nov/18/அடிப்படை-வசதிகளுக்கான-நடவடிக்கைகளில்-திருப்தியில்லை-3040933.html
3040915 நாகப்பட்டினம் நாகப்பட்டினம் புயல் சீற்ற சீரமைப்பு நடவடிக்கைகள் குறித்த வதந்திகளை நம்ப வேண்டாம் DIN DIN Sunday, November 18, 2018 07:49 AM +0530 நாகை மாவட்டத்தில் புயல் சீற்ற சீரமைப்பு நடவடிக்கைகள் குறித்து பரப்பப்படும் வதந்திகளை பொதுமக்கள் நம்ப வேண்டாம் என தமிழக கைத்தறி மற்றும் துணிநூல் துறை அமைச்சர் ஓ.எஸ். மணியன் கேட்டுக் கொண்டார். 
நாகை மாவட்டம், வேட்டைக்காரனிருப்புப் பகுதியில் புயல் சீற்ற சீரமைப்பு நடவடிக்கைகளை ஆய்வு செய்த அமைச்சர் ஓ.எஸ். மணியன் செய்தியாளர்களுக்கு அளித்த பேட்டி: 
புயல் சீற்ற சேதங்கள் மற்றும் சீரமைப்புப் பணிகள் குறித்து சமூக வலைதளங்களில் பரப்பப்படும் வீண் வதந்திகளை மக்கள் நம்ப வேண்டாம். சீரமைப்புப் பணிகளைக்  கண்காணிக்க ஒவ்வொரு கிராமத்துக்கும் ஒரு தனி அலுவலர் நியமிக்கப்பட்டுள்ளார். இந்தத் தனி அலுவலர்கள், ஞாயிற்றுக்கிழமை முதல் இயல்பு நிலை திரும்பும் வரை அந்தந்தக் கிராமத்திலேயே தங்கியிருந்து சீரமைப்புப் பணிகளை மேற்பார்வை செய்வர். 
நாகை மாவட்டம், வேதாரண்யம் உள்பட மாவட்டத்தின் அனைத்துப் பகுதிகளும், புயல் சீற்றத்தால் கடுமையான பாதிப்புக்கு உள்ளாகியுள்ளன. வீடுகள், கால்நடைகள், வேளாண் பயிர்கள், பணப்பயிர்கள், படகுகள் என பல்வேறு வகையான சேதங்கள் ஏற்பட்டுள்ளன. மின் விநியோகம், போக்குவரத்து, தண்ணீர் விநியோகம் உள்ளிட்டவை தடைபட்டிருப்பதால் மக்கள் பெரும் சிரமத்துக்குள்ளாகியிருப்பதையும் நான் அறிந்துள்ளேன்.
புயலால் ஏற்பட்ட சேதங்கள், மக்களுக்கு ஏற்பட்டுள்ள பாதிப்புகள் குறித்து தமிழக முதல்வரின் கவனத்துக்குக் கொண்டுச் சென்று,  மேலும் துரிதமான மீட்புப் பணிகளுக்கும், நிவாரணங்களுக்கும் கோரிக்கை வைத்துள்ளேன். பாதிக்கப்பட்ட பகுதிகளில் விரைவாக இயல்பு நிலை திரும்பவும், பாதிக்கப்பட்ட மக்களுக்கு உரிய நிவாரணம் கிடைக்கவும் அரசு விரைவான நடவடிக்கைகளை மேற்கொண்டு வருகிறது. எனவே, அரசியல் காழ்ப்புணர்ச்சி காரணமாக, புயல் சீற்ற சீரமைப்புப் பணிகள், நிவாரணங்கள் தொடர்பாக பரப்பப்படும் வீண் வதந்திகளை மக்கள் நம்ப வேண்டாம் என்றார் அமைச்சர் ஓ.எஸ். மணியன்.

]]>
http://www.dinamani.com/all-editions/edition-nagapattinam/nagapattinam/2018/nov/18/புயல்-சீற்ற-சீரமைப்பு-நடவடிக்கைகள்-குறித்த-வதந்திகளை-நம்ப-வேண்டாம்-3040915.html
3040914 நாகப்பட்டினம் நாகப்பட்டினம் சாய்ந்த மின்கம்பங்களை சீரமைக்கும் பணி தீவிரம் DIN DIN Sunday, November 18, 2018 07:49 AM +0530 சீர்காழி பகுதியில் கஜா புயலால் சாய்ந்த மின்கம்பங்கள்  சீரமைக்கும் பணி சனிக்கிழமை தீவிரமாக நடைபெற்றது. 
கஜா புயல் தாக்கத்தில் சீர்காழி உள்ளிட்ட பல்வேறு ஊர்களில் சுமார் 200-க்கும் மேற்பட்ட மின்கம்பங்களும், 600-க்கும் மேற்பட்ட மரங்கள் சாய்ந்து சேதமடைந்தன. சீர்காழி பகுதியில் கிராமங்கள் மற்றும் வயல்வெளிகளில் இருந்த  மின்கம்பங்கள் அதிகளவு சாய்ந்ததால் 20-க்கும் மேற்பட்ட கிராமங்களில் மின்விநியோகம் பாதிக்கப்பட்டது. நகரில்  மின்விநியோகம் 12 மணி நேரத்தில் வழங்கப்பட்டது. 
இதேபோல், எடமணல், வருஷபத்து, தற்காஸ், பழையார், தாண்டவன்குளம், ஆரப்பள்ளம், பழையபாளையம், மாதானம், சஞ்சீவிராயன்கோயில், கொடக்காரமூலை, வேட்டங்குடி, அகரவட்டாரம், திருநகரி, நாயக்கர்குப்பம், தென்னாம்பட்டினம், கோணயாம்பட்டினம், மணல்மேடு, மானாந்திருவாசல், பட்டவர்த்தி, தலைஞாயிறு உள்ளிட்ட பல்வேறு கிராமங்களுக்கு மின்விநியோம் வழங்க சாய்ந்த மின்கம்பங்கள் சீரமைக்கும் பணி போர்க்கால அடிப்படையில் நடைபெற்று வருகிறது. சனிக்கிழமை 80 சதவீதம் நிறைவடைந்து, பெரும்பாலான கிராமங்களுக்கு மின்விநியோகம் வழங்கப்பட்டது. 
மேலும், சனிக்கிழமை இரவுக்குள் பணிகள் நிறைவடைந்து அனைத்து கிராமங்களுக்கும்  முழுமையாக மின்விநியோகம் வழங்கப்பட்டுவிடும் என சீர்காழி கோட்ட மின்வாரிய அலுவலர்கள்  தெரிவித்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/18/சாய்ந்த-மின்கம்பங்களை-சீரமைக்கும்-பணி-தீவிரம்-3040914.html
3040913 நாகப்பட்டினம் நாகப்பட்டினம் ஐயப்ப பக்தர்கள் மாலை அணிந்து விரதத்தை தொடங்கினர் DIN DIN Sunday, November 18, 2018 07:48 AM +0530 செம்பனார்கோவில் பகுதியில் சனிக்கிழமை ஜயப்ப பக்தர்கள் மாலை அணிந்து விரதத்தை தொடங்கினர்.
ஆண்டுதோறும் கார்த்திகை மாதம் முதல் நாள் சபரிமலை ஐயப்பன் கோயிலுக்கு பக்தர்கள் மாலை அணிந்து கொள்வது வழக்கம். அதன்படி, சனிக்கிழமை கார்த்திகை முதல் நாளையொட்டி, செம்பனார்கோவில், ஆக்கூர், மேலப்பாதி, கீழையூர், பரசலூர் உள்ளிட்ட பகுதிகளில் சிறுவர்கள் முதல் பெரியவர்கள் வரை ஏராளமான ஐய்யப்ப பக்தர்கள் சபரிமலைக்கு செல்ல  மாலை அணிந்துக் கொண்டு 48 நாள்கள் விரதத்தை தொடங்கினர். அந்தந்த பகுதியைச் சேர்ந்த குருசாமிகள் பக்தர்களுக்கு மாலை அணிவித்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/18/ஐயப்ப-பக்தர்கள்-மாலை-அணிந்து-விரதத்தை-தொடங்கினர்-3040913.html
3040912 நாகப்பட்டினம் நாகப்பட்டினம் மின்மாற்றி சீரமைப்பில் ஈடுபட்ட மின்வாரிய ஊழியர் சாவு DIN DIN Sunday, November 18, 2018 07:48 AM +0530 நாகையில் கஜா புயலால் சேதமடைந்த மின்மாற்றி சீரமைப்புப் பணியில் ஈடுபட்டிருந்த மின்வாரிய ஊழியர் மின் விபத்தில் சிக்கி வெள்ளிக்கிழமை இரவு உயிரிழந்தார்.
நாகை மாவட்டம், கோகூர், அய்யனார்கோயில் தெருவைச் சேர்ந்தவர் சு. சண்முகம் (42). மின்வாரிய ஊழியரான இவர்,  வெள்ளிக்கிழமை இரவு நாகை பெருமாள் வடக்கு வீதியில், கஜா புயல் சீற்றத்தால் சேதமடைந்த மின் மாற்றியில் சீரமைப்புப் பணியில் ஈடுபட்டுள்ளார். அப்போது, எதிர்பாராத விதமாக மின் விபத்துக்குள்ளான சண்முகம், மின்கம்பத்திலிருந்து கீழே வீசப்பட்டார். இதில், பலத்தக் காயமடைந்த அவர், மருத்துவமனைக்குக் கொண்டு செல்லும் வழியில் உயிரிழந்தார். இதுகுறித்து நாகை நகர காவல் நிலைய போலீஸார் வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/nov/18/மின்மாற்றி-சீரமைப்பில்-ஈடுபட்ட-மின்வாரிய-ஊழியர்-சாவு-3040912.html
3040911 நாகப்பட்டினம் நாகப்பட்டினம் நாகை மாவட்ட புயல் சீற்ற பாதிப்புகளை பார்வையிட்டார் ஸ்டாலின் DIN DIN Sunday, November 18, 2018 07:48 AM +0530 கஜா புயல் சீற்றத்தால் நாகை மாவட்டத்தில் ஏற்பட்ட பாதிப்புகளை திமுக தலைவர் மு.க. ஸ்டாலின் சனிக்கிழமை பார்வையிட்டார்.
வங்கக் கடலில் உருவான கஜா புயல் வெள்ளிக்கிழமை அதிகாலை நாகை - வேதாரண்யம் இடையே கரையைக் கடந்தது. அதிதீவிர புயலாகக் கரையைக் கடந்த இந்தப் புயலால், நாகை மாவட்டத்தில் பலகோடி ரூபாய் மதிப்பில் சேதங்கள் ஏற்பட்டுள்ளன.
இந்தச் சேதங்களை, திமுக தலைவர் மு.க. ஸ்டாலின் பார்வையிட்டார். நாகை அக்கரைப்பேட்டை துறைமுகப் பகுதிக்கு வந்த அவர், அங்கு புயல் சீற்றம் காரணமாக பழுதடைந்த படகுகள் குறித்துக் கேட்டறிந்தார்.  பின்னர், அப்பகுதியில் திரண்டிருந்த மீனவப் பஞ்சாயத்தார் மற்றும் மீனவப் பெண்களைச் சந்தித்து ஆறுதல் தெரிவித்தார். இதைத் தொடர்ந்து, நாகை மாவட்டம், விழுந்தமாவடி, வேதாரண்யம் ஆகிய பகுதிகளில் ஏற்பட்ட புயல் சேதங்களை அவர் பார்வையிட்டார். வேதாரண்யம், காந்திநகர்  தற்காலிக பாதுகாப்பு மையத்தில் தங்கியிருந்த பொதுமக்களைச் சந்தித்து அவர்களின் தேவைகளைக் கேட்டறிந்து, ஆறுதல் கூறினார். பின்னர், முகாமில் தங்கியிருந்த மக்களுக்குப் பால் பவுடர், ரொட்டி, ஆடைகள் உள்ளிட்ட உதவிப் பொருள்களை ஸ்டாலின் வழங்கினார். 
முன்னதாக, நாகை மாவட்டம், தரங்கம்பாடியில் புயல் சீற்றத்தால் சேதமடைந்த படகுகளை அவர் பார்வையிட்டு, மீனவர்களுக்கு ஆறுதல் தெரிவித்து உதவிப் பொருள்களை வழங்கினார். 
முன்னாள் அமைச்சர்கள் டி.ஆர். பாலு, க. பொன்முடி, எம்.ஆர்.கே. பன்னீர்செல்வம், உ. மதிவாணன், நாகை மாவட்ட திமுக பொறுப்பாளர்கள் என். கெளதமன், நிவேதா முருகேன் ஆகியோர் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/18/நாகை-மாவட்ட-புயல்-சீற்ற-பாதிப்புகளை-பார்வையிட்டார்-ஸ்டாலின்-3040911.html
3040910 நாகப்பட்டினம் நாகப்பட்டினம் மின்விநியோகம், போக்குவரத்து சீரமைப்புக்கு போர்க்கால நடவடிக்கை: அமைச்சர் ஆர்.பி. உதயகுமார் DIN DIN Sunday, November 18, 2018 07:47 AM +0530 நாகை உள்பட கஜா புயல் சீற்றத்தால் பாதிக்கப்பட்ட மாவட்டங்களில் மின் விநியோகம் மற்றும் போக்குவரத்து சீரமைப்புக்குப் போர்க்கால நடவடிக்கைகள் மேற்கொள்ளப்பட்டு வருகின்றன என்று தமிழக வருவாய் மற்றும் பேரிடர் மேலாண்மைத் துறை அமைச்சர் ஆர்.பி. உதயகுமார் தெரிவித்தார்.
நாகையில் சனிக்கிழமை செய்தியாளர்களுக்கு அவர் அளித்த பேட்டி: 
கஜா புயல் சீற்றத்தில் 7 மாவட்டங்கள் நேரடி பாதிப்புக்கு உள்ளாகியுள்ளன. புயல் சீற்றம் காரணமாக, சுமார் 120 முதல் 160 கி.மீ. வேகத்தில் காற்று வீசியதால் பரவலான பாதிப்புகள் ஏற்பட்டுள்ளன. இருப்பினும், உரிய விரிவான முன்னெச்சரிக்கை நடவடிக்கைகள் மேற்கொள்ளப்பட்டதால் உயிர் சேதங்கள் தவிர்க்கப்பட்டுள்ளன.
புயல் பாதிப்புக்குள்ளான பகுதிகளில் தடைப்பட்டுள்ள மின் விநியோகத்தை சீரமைக்க  விரைவான நடவடிக்கைகள் மேற்கொள்ள முதல்வர் உத்தரவிட்டுள்ளார். இதன்படி,  தமிழக மின்சாரத் துறை அமைச்சர் ஆய்வு மேற்கொண்டு, சீரமைப்புப் பணிகளை விரைவுப்படுத்தி வருகிறார்.  
புயல் பாதிப்புக்குள்ளான மாவட்டங்களில் மின்விநியோகம் விரைவாக சீரமைக்கப் போர்க்கால நடவடிக்கைகள் மேற்கொள்ளப்பட்டு வருகின்றன.  
இதேபோல், புயல் பாதிப்புக்குள்ளான பகுதிகளில் இயல்பு நிலை திரும்ப போக்குவரத்து வசதிகள் மிக, மிக அவசியம். 
அந்த அடிப்படையில், போக்குவரத்து சீரமைப்புப் பணிகளும் போர்க்கால அடிப்படையில் நடைபெற்று வருகின்றன. நாகை மாவட்டத்தில் பிரதான சாலைகளில் முறிந்து சரிந்த மரங்கள் பேரிடர் மேலாண்மைப் படையினர் மூலம் அகற்றப்பட்டுள்ளன. இப்பணியில் 151 நவீன மரம் அறுக்கும் இயந்திரங்கள், 92 பொக்லைன் இயந்திரங்கள் 28 லாரிகள் பயன்படுத்தப்பட்டுள்ளன.  
பாதிக்கப்பட்ட கடலோரப் பகுதிகளில் தொற்று நோய் பரவாமல் தடுக்கும் வகையில் 2,500 பவர் ஸ்டார் இயந்திரங்கள் மூலம் பிளீச்சிங் பவுடர் தெளிக்கும் பணிகள் நடைபெற்று வருகின்றன. கோடியக்கரை மற்றும் வேதாரண்யம் பகுதிகளுக்கு கூடுதல் ஆம்புலன்ஸ் வாகனங்கள் வரவழைக்கப்பட்டுள்ளன. 
புயல் சேதங்கள் குறித்த முதல் கட்ட தகவல் அறிக்கை முதல்வர் அலுவலகம் மூலம், மத்திய அரசுக்கு அனுப்பப்பட்டுள்ளது.  உயிர் சேதம், பயிர் சேதம், படகுகள் சேதம், கால்நடைகள் சேதம் என அனைத்து வகையான சேதங்களையும் கணக்கிடும் பணி நடைபெற்று வருகிறது. 
பேரிடர் காலங்களில் மத்திய அரசின் உதவி மிகவும் பேருதவியாக இருக்கும். உடனடி  சீரமைப்புப் பணிகளுக்குப் பேரிடர் மேலாண்மை நிதியைப் பயன்படுத்த முதல்வர் உத்தரவிட்டதன் பேரில், அந்த நிதியைக் கொண்டு பணிகள் நடைபெற்று வருகின்றன. தமிழகத்துக்கு நிதி தேவை அதிகம் உள்ளது. 
உணவு, உறக்கம் இல்லாமல் அரசுத் துறை அலுவலர்கள், பேரிடர் மேலாண்மைப் படையினர் பணியாற்றி வருகின்றனர். 
கஜா புயல் முன்னெச்சரிக்கை நடவடிக்கைகளை அரசியல் கட்சிகளின் தலைவர்கள் பாராட்டியிருப்பது, நல்லவற்றை பாராட்டும் தமிழர்களின் பண்பை வெளிப்படுத்துகிறது என்றார் அமைச்சர் ஆர்.பி. 
உதயகுமார். ஆய்வு...
இதைத் தொடர்ந்து,  நாகை மாவட்டம், விழுந்தமாவடி உள்ளிட்ட புயல் பாதிப்புக்குள்ளான பகுதிகளில் நடைபெறும் சீரமைப்புப் பணிகளை அமைச்சர் ஆர்.பி. உதயகுமார் பார்வையிட்டு, ஆய்வு செய்தார். 
விழுந்தமாவடி பகுதி சாலையில் கார்கள் பயணிக்க முடியாத வகையில், மரங்கள் முறிந்து கிடந்ததால், அப்பகுதியைச் சேர்ந்தவர்களின் மோட்டார் சைக்கிள்களில் அமைச்சர் ஆர்.பி. உதயகுமார், சுகாதாரத் துறை முதன்மைச் செயலாளர் ஜெ.ராதாகிருஷ்ணன் ஆகியோர் பயணித்து, பாதிக்கப்பட்ட பகுதிகளைப் பார்வையிட்டனர்.
பொது சுகாதாரம் மற்றும் குடும்ப நலத் துறை முதன்மைச் செயலாளர் ஜெ. ராதாகிருஷ்ணன், மாவட்ட ஆட்சியர் சீ. சுரேஷ்குமார், நாகை மக்களவைத் தொகுதி உறுப்பினர் கே. கோபால், மாவட்ட வருவாய் அலுவலர் வ. முருகேசன் ஆகியோர் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/18/மின்விநியோகம்-போக்குவரத்து-சீரமைப்புக்கு-போர்க்கால-நடவடிக்கை-அமைச்சர்-ஆர்பி-உதயகுமார்-3040910.html
3040909 நாகப்பட்டினம் நாகப்பட்டினம் நாகை ரயில் நிலையத்தில் ஏடிஜிபி சைலேந்திரபாபு ஆய்வு DIN DIN Sunday, November 18, 2018 07:47 AM +0530 கஜா புயல் சீற்ற பாதிப்புகள் குறித்து நாகை ரயில் நிலையத்தில்,  ரயில்வே காவல் துறை கூடுதல் இயக்குநர் சைலேந்திரபாபு சனிக்கிழமை ஆய்வு மேற்கொண்டார்.
நாகை ரயில் நிலையத்தில் ஏற்பட்டுள்ள சேதங்களையும்,  இருப்புப் பாதைகளையும் ரயில்வே காவல் துறை கூடுதல் இயக்குநர் சைலேந்திரபாபு பார்வையிட்டு ஆய்வு செய்தார். அப்போது, ரயில் பயணிகளைச் சந்தித்து, புயல் சீற்றத்தின்போது அவர்களுக்கு ஏற்பட்ட பாதிப்புகள் குறித்து கேட்டறிந்த அவர்,  பயணிகளுக்கு ரொட்டி, பிரட் உள்ளிட்ட உணவுப் பொட்டலங்களை வழங்கினார்.
பின்னர் செய்தியாளர்களைச் சந்தித்த ஏடிஜிபி சைலேந்திரபாபு தெரிவித்தது : புயல் சீற்றம் காரணமாக ரயில் போக்குவரத்துத் தடைப்பட்டிருந்த நாகை, திருவாரூர், தஞ்சாவூர் மற்றும் ராமேஸ்வரம் பகுதிகளிலிருந்து சனிக்கிழமை முதல் ரயில் போக்குவரத்துத் தொடங்கப்பட்டுள்ளது. ரயில் இருப்புப் பாதைகளில் முறிந்து கிடந்த மரங்கள் முழுமையாக அகற்றப்பட்டுள்ளன.  ரயில் பயணிகளின் பாதுகாப்பான பயணத்துக்குத் தேவையான நடவடிக்கைகள் ரயில்வே காவல் துறை மூலம் மேற்கொள்ளப்பட்டுள்ளன என்றார். 
 

]]>
http://www.dinamani.com/all-editions/edition-nagapattinam/nagapattinam/2018/nov/18/நாகை-ரயில்-நிலையத்தில்-ஏடிஜிபி-சைலேந்திரபாபு-ஆய்வு-3040909.html
3040908 நாகப்பட்டினம் நாகப்பட்டினம் படகுகள் சேதத்துக்கு மீனவர்கள் திருப்தியடையும் வகையில் நிவாரணம்: அமைச்சர் டி. ஜெயக்குமார் DIN DIN Sunday, November 18, 2018 07:47 AM +0530 புயல் சீற்றத்தால் சேதமடைந்த படகுகளுக்கு, மீனவர்கள் திருப்தியடையும் வகையில் நிவாரணம் வழங்கப்படும் என தமிழக மீன்வளத் துறை அமைச்சர் டி. ஜெயக்குமார் தெரிவித்தார்.
கஜா புயல் சீற்றம் காரணமாக, நாகை மாவட்டத்தில் ஏற்பட்ட படகுகள் சேதம் குறித்து மீன்வளத் துறை அமைச்சர் டி. ஜெயக்குமார் சனிக்கிழமை ஆய்வு செய்தார். நாகப்பட்டினம், அக்கரைப்பேட்டை கடுவையாற்றுப் படகுத் துறையில் நிறுத்தப்பட்டு, புயல் சீற்றத்தால் ஆற்றுக் கரைகளில் தூக்கி வீசப்பட்டு சேதமடைந்த நிலையில் உள்ள மீன்பிடி படகுகளையும்,  தரங்கம்பாடி பகுதியில் புயல் சீற்றத்தில் சேதமடைந்த படகுகளையும் அவர் பார்வையிட்டு ஆய்வு செய்தார்.
புயல் சீற்றத்தால், அக்கரைப்பேட்டை படகுத் துறையிலிருந்து சுமார் 500 மீட்டருக்கும் அப்பால் கடுவையாற்றுக் கரைகளில் வீசப்பட்ட படகுகளைப் பார்வையிட, அமைச்சர் ஜெயக்குமார் ஃபைபர் படகில் பயணித்துச் சென்று ஆய்வு செய்தார். பின்னர், மீனவர்களைச் சந்தித்து சேத விவரங்களைக் கேட்டறிந்தார். 
இந்த ஆய்வுகளுக்குப் பின்னர் செய்தியாளர்களுக்கு அவர் அளித்த பேட்டி: 
கஜா புயல் சீற்றம் காரணமாக கடுமையான பாதிப்புகள் ஏற்பட்டுள்ளன. இருப்பினும், தமிழக முதல்வர் உத்தரவின் பேரில், முன்கூட்டியே மேற்கொள்ளப்பட்ட முன்னெச்சரிக்கை நடவடிக்கைகள் காரணமாக, மீனவர்கள் மாயம், படகுகள் கடலில் தத்தளிப்பு போன்ற பிரச்னைகள் முழுமையாகத் தவிர்க்கப்பட்டுள்ளன. 
படகுத் துறைகளில் நிறுத்தப்பட்டிருந்த விசைப் படகுகள் புயல் சீற்றத்தால் ஆற்றுக் கரைகளில் வீசப்பட்டுள்ளன. இந்தப் படகுகளை மீனவர்களால் மட்டும் மீட்க இயலாது. எனவே, பெரிய நிறுவனங்களின் உதவியைப் பெற்று படகுகளைப் பாதுகாப்பாக மீட்க நடவடிக்கை மேற்கொள்ளப்படும். 
கஜா புயல் காரணமாக, மீனவர்கள், விவசாயிகள் என அனைத்துத் தரப்பினரும் கடுமையான பாதிப்புக்கு உள்ளாகியுள்ளனர். மீன்பிடி படகுகள், வலைகள், படகுகளுக்கான மோட்டார்கள் என மீனவர்களுக்குப் பல்வேறு வகையான சேதங்கள் ஏற்பட்டுள்ளன. இந்தச் சேத விவரங்களைக் கணக்கடுக்க 6 துணை இயக்குநர்கள் தலைமையில் குழுக்கள் அமைக்கப்பட்டுள்ளன. அவர்கள் ஓரிரு நாள்களில் அறிக்கை அளிப்பர். 
இதேபோல், பயிர் சேதம், வீடுகள் சேதம், கால்நடைகள் சேதம் உள்பட அனைத்து வகையான பாதிப்புகள் குறித்தும் கணக்கெடுப்புகள் நடத்தப்பட்டு வருகிறது. கணக்கெடுப்புப் பணிகள் முழுமைப் பெற்ற பின்னர், நிவாரண அறிவிப்புகளை முதல்வர் வெளியிடுவார். படகுகளுக்கான நிவாரணம், மீனவர்கள் திருப்தியடையும் வகையில் இருக்கும். 
மீன்களுக்கும், மீனவர்களுக்கும் கடலில் எல்லை தெரியாது. சுமார் 300 ஆண்டுகளுக்கும் மேலாக இந்திய- இலங்கை கடற்பரப்பில் மீன்பிடிப்பில் ஈடுபட்டிருந்த தமிழக மீனவர்களை தடை செய்ய இலங்கை அரசுக்கு எந்த உரிமையும் கிடையாது.
 இலங்கையில் சிறைப்பிடிக்கப்பட்டு, மீட்டுக் கொண்டு வரும் நிலையில் உள்ள 47 படகுகளை மீட்க ரூ. 48 லட்சம் நிதி ஒதுக்கீடு செய்யப்பட்டுள்ளது. மீட்க முடியாத நிலைக்குள்ளான படகுகளின் உரிமையாளர்களின் வாழ்வாதாரத்தை பாதுகாக்கவும் நடவடிக்கைகள் எடுக்கப்படும். தரங்கம்பாடியில் மீன்பிடித் துறைமுகம் அமைக்கும் பணி வரும் ஜனவரி மாதம் தொடங்கப்படும் என்றார் அமைச்சர் டி. ஜெயக்குமார். மீன்வளத் துறை இயக்குநர் ஜி.எஸ். சமீரன் மற்றும் மீன்வளத் துறை அலுவலர்கள் உடனிருந்தனர்.  

]]>
http://www.dinamani.com/all-editions/edition-nagapattinam/nagapattinam/2018/nov/18/படகுகள்-சேதத்துக்கு-மீனவர்கள்-திருப்தியடையும்-வகையில்-நிவாரணம்-அமைச்சர்-டி-ஜெயக்குமார்-3040908.html
3040319 நாகப்பட்டினம் நாகப்பட்டினம் சீர்காழியில் 200 மின்கம்பங்கள், 600 மரங்கள் சாய்ந்தன DIN DIN Saturday, November 17, 2018 07:47 AM +0530 நாகை மாவட்டம், சீர்காழி வட்டத்துக்குள்பட்ட பகுதியில் கஜா புயலின் சீற்றத்தால்,  மின்கம்பங்களும், மரங்களும் வெள்ளிக்கிழமை அதிகாலை சாய்ந்தன.
வங்கக் கடலில் உருவான குறைந்த காற்றழுத்தத் தாழ்வு மண்டலம், புயலாக உருவெடுத்து வெள்ளிக்கிழமை அதிகாலை நாகப்பட்டினத்துக்கும், வேதாரண்யத்துக்கும் இடையே தீவிர புயலாக கரையைக் கடந்தது. இதையொட்டி, சீர்காழி பகுதியில் வியாழக்கிழமை காலை முதல் லேசாக மழை பெய்தது. பழையார், திருமுல்லைவாசல், கூழையார், பூம்புகார் ஆகிய பகுதிகளில் கடல் சற்று சீற்றமாகக் காணப்பட்டதால், அப்பகுதி மக்கள் அச்சமடைந்தனர். சீர்காழி பகுதியில் 14 பாதுகாப்பு மையங்கள் அமைக்கப்பட்டு, தாழ்வான பகுதிகளைச் சேர்ந்த 3,500-க்கும் மேற்பட்டோர் அங்கு தங்க வைக்கப்பட்டனர்.
இந்நிலையில், இரவு 9 மணிக்கு மேல் பரவலாக மழை பெய்யத் தொடங்கியது. இரவு 12 மணிக்கு மேல் பலத்த சப்தத்துடன் காற்று வீசியது. அவ்வப்போது லேசாக மழை பெய்தது. அதிகாலை 6 மணி வரை காற்றின் வேகம் இருந்தது. அதன்பின்னர், நாகை- வேதாரண்யத்துக்கும் இடையே கஜா புயல் கரையைக் கடந்ததும் சீர்காழி பகுதியில் காற்று வீசுவது முற்றிலுமாக நின்றது. இதனால், முகாம்களில் தங்கியிருந்த பொதுமக்கள் வெள்ளிக்கிழமை காலை 6 மணிக்கெல்லாம் தங்களது வீடுகளுக்கு திரும்பினர். 
மரங்கள் சாய்ந்தன: இதனிடையே, கஜா புயலால் சீர்காழி, வைத்தீஸ்வரன்கோயில், திருமுல்லைவாசல், எடமணல், திருப்புன்கூர், திருவெண்காடு, மங்கைமடம், கொள்ளிடம், பழையார், வடரெங்கம் உள்ளிட்ட பல்வேறு பகுதிகளில் இருந்த முருங்கைமரம், தென்னைமரம், வாகைமரம், தூங்கண்மூஞ்சி மரம் உள்ளிட்ட 600-க்கும் மேற்பட்ட மரங்கள் வேரோடு சாய்ந்து சாலைகளிலும், வீடுகளிலும் விழுந்து சேதத்தை விளைவித்தன. இதேபோல், சீர்காழி மின்வாரிய கோட்டத்துக்குள்பட்ட பகுதியில் 196 மின்கம்பங்கள் சாய்ந்தன. குறிப்பாக, சீர்காழியில் கற்பகம் நகர், நங்கலத்தெருவில் இருந்த 2 மின்கம்பங்கள் சேதம் அடைந்தன. 
இது தவிர 7 வீடுகளும், 5 கால்நடைகளும் பாதிக்கப்பட்டன.  சீர்காழி சுற்றுவட்டாரப் பகுதிகளில் வியாழக்கிழமை மாலை முதலே மின்விநியோகம் துண்டிக்கப்பட்டது.  நகரில் காற்றுவீசத் தொடங்கிய பிறகே அதாவது, நள்ளிரவு 12.30-க்கு பிறகே மின்சாரம் துண்டிக்கப்பட்டது. இதைத்தொடர்ந்து, வெள்ளிக்கிழமை காலை 11.30 மணியளவில் மின்விநியோகம் சீரானது. சீர்காழி கோட்டத்துக்குள்பட்ட பகுதிகளில் பழுதடைந்த மின்கம்பங்கள் அனைத்தும் சீரமைக்கப்பட்டு சனிக்கிழமை (நவ.17) மாலைக்குள் மின்விநியோகம் சீராகும் என சீர்காழி மின்வாரிய செயற்பொறியாளர் சு. சதீஷ்குமார் தெரிவித்தார்.
சீர்காழியில் முறிந்து விழுந்த மரங்கள் ஜேசிபி இயந்திரங்களைக் கொண்டு போர்க்கால அடிப்படையில்  அப்புறப்படுத்தப்பட்டன. 
கஜா புயல் கரையைக் கடந்ததையடுத்து, வானகிரி மீனவர் தெருவில் கடல்நீர் உள்புகுந்தது. இதையடுத்து, 
ஜேசிபி இயந்திரம் கொண்டு ஆங்காங்கே வெட்டிவிட்டு, வருவாய்த்துறையினர் தண்ணீரை வடிய வைத்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/17/சீர்காழியில்-200-மின்கம்பங்கள்-600-மரங்கள்-சாய்ந்தன-3040319.html
3040318 நாகப்பட்டினம் நாகப்பட்டினம் "கஜா'-வின் சூறையாட்டம்! 9 பேர் சாவு: 11 ஆயிரம் வீடுகள் சேதம் DIN DIN Saturday, November 17, 2018 07:47 AM +0530 நாகை - வேதாரண்யம் இடையே அதிதீவிர புயலாகக் கரையைக் கடந்த கஜா புயல் சீற்றத்தால் நாகை மாவட்டம் மிக கடுமையான சேதத்துக்குள்ளாகியுள்ளது. புயல் சீற்றத்தில் சிக்கி 9 பேர் உயிரிழந்தனர், 11 ஆயிரம் வீடுகள் சேதமடைந்துள்ளன. 
வங்கக் கடலின் தென்கிழக்குப் பகுதியில் நிலை கொண்டிருந்த காற்றழுத்தத் தாழ்வு மண்டலம், கடந்த ஞாயிற்றுக்கிழமை கஜா புயலாக மாறியது. இப்புயல் அதிதீவிர புயலாக, மிக, மிக பலத்தக் காற்றுடன் வியாழக்கிழமை இரவு நாகை- வேதாரண்யம் இடையே, வேதாரண்யத்திலிருந்து வடகிழக்கு திசையில் 30 கி.மீ. தொலைவில் கரையைக் கடந்தது.                                                                              
இரவு சுமார் 11 மணிக்கு கஜா புயல் நாகை மாவட்ட கடலோரப் பகுதிகளை நெருங்கத் தொடங்கியபோது, நாகை, வேளாங்கண்ணி, செருதூர், ஆறுகாட்டுத்துறை, வேதாரண்யம், ஆயக்காரன்புலம் உள்ளிட்ட பகுதிகளில் மழையுடன், சூறை காற்று வீசத் தொடங்கியது.  இந்தக் காற்று, நள்ளிரவு சுமார் 12 மணிக்குப் பின்னர் மிக, மிக பலத்தக் காற்றாக வேகமெடுத்தது. இரவு 12 மணியிலிருந்து அதிகாலை சுமார் 3.30 மணி வரை சுமார் 100 முதல் 130 கி.மீ. வேகத்தில் மிக பலத்த காற்று வீசியது.   
அந்த நேரத்தில், புயல் காற்றின் பேரிறைச்சலும், மரங்கள், மின்கம்பங்கள் முறிந்து விழும் பெரும் சப்தமும், வீடுகளின் மேற் கூரைகள், வணிக நிறுவனங்களின் பெயர்ப் பதாகைகள் மற்றும் கண்ணாடி ஜன்னல்கள் உடைந்து நொறுங்கி விழும் சப்தமும் இடைவிடாமல் ஒலித்துக் கொண்டே இருந்தது. வெள்ளிக்கிழமை அதிகாலை 3.30 மணிக்குப் பின்னர், காற்றின் வேகம் சற்றுத் தணிந்தது. இருப்பினும், காலை 4.30 மணி வரை அவ்வப்போது பலத்தக் காற்று வீசிக்கொண்டிருந்தது. காலை 6 மணிக்குப் பின்னர் காற்றின் சீற்றம் படிப்படியாகக் குறைந்தது.
புயல் சீற்றம் காரணமாக, ரயில் நிலையங்கள், கடைவீதிகள், பேருந்து நிலையங்கள் பெரும் தாக்கத்துக்குள்ளாகி சேதமடைந்தன.  மாவட்டத்தில் 32,818 மரங்கள் முறிந்து விழுந்துள்ளன. இதில், ஆயிரக்கணக்கான மரங்கள் சாலைகளில் முறிந்து விழுந்திருப்பதால், மாவட்டத்தின் பல பகுதிகளுக்கான சாலைப் போக்குவரத்து வெள்ளிக்கிழமை மாலை வரையிலும் தடைப்பட்டிருந்தது.  படகுத் துறைகளில் நிறுத்தி வைக்கப்பட்டிருந்த மீன்பிடி ஃபைபர் படகுகள் ஆற்றுக் கரையோரங்களில் தூக்கி வீசப்பட்டு, சேதமடைந்திருந்தன. முறிந்து சாய்ந்த மரங்கள், மின்கம்பங்கள், அறுந்து தொங்கும் மின்கம்பிகள், கிழிந்து தொங்கும் விளம்பரப் பதாகைகள், இடிந்து சேதமடைந்த வீடுகள், மேற்கூரையில்லாத வீடுகள் என காணும் இடங்களெல்லாம் அலங்கோலமாக்கியது கஜா புயல் சீற்றம். 
வேதாரண்யத்தில்...
வேதாரண்யம் மற்றும் சுற்றுப் பகுதிகளில் வியாழக்கிழமை இரவு 11 முதல் நள்ளிரவு 1.30 மணி வரை, வேதாரண்யத்தின் வடமேற்கு திசையிலிருந்து சுமார் 100 கி.மீ. வேகத்தில் புயல் காற்று வீசியது. ஒரு சில நிமிடங்கள் ஓய்ந்த காற்றின் சீற்றம், அடுத்த சில நிமிடங்களில் வேதாரண்யத்தின் தென்கிழக்குத் திசையிலிருந்து மணிக்கு சுமார் 130 கி.மீ. வேகத்தில் மிக பலத்த காற்றாக வீசத் தொடங்கியது. இரவு சுமார் 1.30 மணியிலிருந்து வேதாரண்யம் மற்றும் சுற்றுப் பகுதிகளின் தகவல் தொடர்பு முழுமையாகத் துண்டிக்கப்பட்டது. ஆயிரக்கணக்கான மரங்கள் சாலைகளில் முறிந்து விழுந்ததன் காரணமாக, வேதாரண்யத்துக்கான சாலைப் போக்குவரத்தும் துண்டிக்கப்பட்டது. 
வியாழக்கிழமை இரவு தொடங்கி வெள்ளிக்கிழமை விடியலின்போது விலகிய கஜா புயலின் கோரத் தாண்டவம், நாகை மாவட்ட மக்களின் பல ஆண்டு கால உழைப்பில் உருவான பல கோடி ரூபாய் மதிப்பிலான உடமைகளை நிர்மூலமாக்கியுள்ளது. வெள்ளிக்கிழமை மாலை 6 மணி வரையிலான கணக்கெடுப்புப்படி, மாவட்டத்தில் 11,512 வீடுகள் சேதமடைந்துள்ளன  எனவும், 2,900 மீன்பிடி ஃபைபர் படகுகள் பகுதியளவிலும், 350 படகுகள் முழுமையாகவும், 125 விசைப் படகுகள் பகுதியளவிலும் சேதமடைந்துள்ளதாக குறிப்பிடப்படுகிறது. 11 கால்நடைகள் இறந்துள்ளன. 

9 பேர் உயிரிழப்பு...
மாவட்ட நிர்வாகத்தின் முதல்கட்ட கணக்கெடுப்புப்படி, திருக்குவளை வட்டத்துக்குள்பட்ட பகுதிகளில் 5 பேரும், வேதாரண்யம் வட்டத்துக்குள்பட்ட பகுதிகளைச் சேர்ந்த 2 பேர் மொத்தம் 9 பேர் கஜா புயல் சீற்றத்தில் சிக்கி உயிரிழந்ததாகக் குறிப்பிடப்படுகிறது. வியாழக்கிழமை நள்ளிரவு தொடங்கி வெள்ளிக்கிழமை அதிகாலை வரை நாகை மாவட்டத்தை புரட்டிப் போட்ட கஜா புயலால் ஏற்பட்டுள்ள சேதங்களின் தாக்கத்திலிருந்து மக்கள் விடுபட சுமார் ஒரு மாத காலத்துக்கும் மேலாகும் எனக் கூறப்படுகிறது.
 

]]>
http://www.dinamani.com/all-editions/edition-nagapattinam/nagapattinam/2018/nov/17/கஜா-வின்-சூறையாட்டம்-9-பேர்-சாவு-11-ஆயிரம்-வீடுகள்-சேதம்-3040318.html
3040317 நாகப்பட்டினம் நாகப்பட்டினம் கஜா புயலால் வாழை, பொங்கல் கரும்பு சேதம் DIN DIN Saturday, November 17, 2018 07:44 AM +0530 சீர்காழி பகுதியில் கஜா புயலின் கோரத் தாண்டவத்தால் 50 ஏக்கரில் வாழை மரங்களும், 30 ஏக்கரில் பொங்கல் கரும்புகளும் சாய்ந்து சேதம் ஏற்பட்டுள்ளதால் விவசாயிகள் கவலையடைந்துள்ளனர்.
நாகை மாவட்டம், சீர்காழி அருகேயுள்ள அல்லிவிளாகம், செம்பதனிருப்பு, காத்திருப்பு ஆகிய பகுதிகளில் சுமார் 50 ஏக்கரில் வாழை மரங்கள் பயிரிடப்பட்டிருந்தன. இதேபோல், சுமார் 30 ஏக்கரில் பொங்கல் கரும்பு சாகுபடி செய்யப்பட்டிருந்தன. இவைகள் நன்கு வளர்ந்து இன்னும் சில நாள்களில் அறுவடைக்கு தயாராக இருந்தன. 
இந்நிலையில், வியாழக்கிழமை கஜா புயல் நாகை-வேதாரண்யத்துக்கு இடையே கரையை கடந்தபோது அடித்த பேய்க் காற்றால் அல்லிவிளாகம், காத்திருப்பு,செம்பனிருப்பு பகுதிகளில் விளைவிக்கப்பட்டிருந்த வாழை, கரும்புகள் 60 சதவீதம் சாய்ந்து சேதத்தை  ஏற்படுத்தியுள்ளன.
இதுகுறித்து, வாழை விவசாயி முத்துக்குமரன் கூறியது: அல்லிவிளாகம், காத்திருப்பு, செம்பனிருப்பு பகுதிகளில் 50 ஏக்கரில் வாழை, 30 ஏக்கரில் கரும்பு ஆகியவை  பயிரிடப்பட்டிருந்தன. கடன் பெற்று ஆயிரம் வாழைக்கு  ரூ.1 லட்சம் வரையிலும், கரும்புக்கு ஏக்கருக்கு ரூ. 25 ஆயிரம் முதல் 30 ஆயிரம் வரையிலும் செலவு செய்து பராமரித்து வந்தோம். 
இந்நிலையில் கஜா புயலால் பொங்கல் கரும்பும், வாழையும் இன்னும் சில வாரங்களில் அறுவடைக்கு தயாராக இருந்த நிலையில் சாய்ந்து சேதம் ஏற்பட்டுள்ளது. 
இந்த சேதத்திலிருந்து  விவசாயிகள் ஓரளவுக்கு மீண்டு வரும் வகையில்  அரசு வாழை 1 க்கு ரூ. 200 வீதம் சேதம் ஏற்பட்ட வாழைகளை கணக்கிட்டும், கரும்புக்கு ஏக்கருக்கு ரூ. 50ஆயிரமும்  நிவாரணத் தொகை வழங்க வேண்டும் என்றார். 
 

]]>
http://www.dinamani.com/all-editions/edition-nagapattinam/nagapattinam/2018/nov/17/கஜா-புயலால்-வாழை-பொங்கல்-கரும்பு-சேதம்-3040317.html
3040316 நாகப்பட்டினம் நாகப்பட்டினம் வேளாங்கண்ணி தேவாலயம் சேதம் DIN DIN Saturday, November 17, 2018 07:43 AM +0530 கஜா புயல் சீற்றத்தால் வேளாங்கண்ணி தேவாலய கோபுரத்திலிருந்த சிலுவைகள், தேவாலய வளாகத்தில் நிறுவப்பட்டுள்ள இயேசுநாதர் சிலையின் கை பகுதிகள் தேசமடைந்தன.
வங்கக் கடலில் உருவாகியிருந்த கஜா புயலானது நாகைக்கும்- வேதாரண்யத்துக்கும் இடையே வெள்ளிக்கிழமை அதிகாலை கரையைக் கடந்தது. இந்த புயலின் சீற்றத்தால் புகழ்பெற்ற வேளாங்கண்ணி தேவாலயத்தின் கோபுரங்களிலிருந்த 2 சிலுவைகள், தேவாலய வளாகத்தில் நிறுவப்பட்டுள்ள இயேசுநாதர் சிலையின் கைப் பகுதிகள் சேதமடைந்தன. இதேபோல், தேவாயல வளாகத்திலிருந்த மரங்களும் சாய்ந்தன. பேருந்து நிலையம் அருகே தனியாருக்குச் சொந்தமானக் கட்டடத்தில் அமைக்கப்பட்டிருந்த தனியார் செல்லிடப்பேசி கோபுரம் சாய்ந்து சாலையில் விழுந்தது. புயலின்போது பொதுமக்கள் நடமாட்டம் இல்லையென்பதால் பெரும் விபத்து தவிர்க்கப்பட்டது.
இதேபோல் வேளாங்கண்ணி படகுத் துறையில் நிறுத்தி வைக்ப்பட்டிருந்த   மீடிபிடி படகுகள் மற்றும் மீன்பிடி வலைகளும் காற்றின் வேகத்தால் அடித்துச் செல்லப்பட்டு, கடற்கரைப் பரப்பிலும், கடற்கரையோர சாலைகளிலும் வீசப்பட்டன. இதனால்,  பல லட்சம் மதிப்புடைய மீன்பிடிப் படகுகளும், மீன்பிடி வலைகளும் பாதிக்கப்பட்டுள்ளன. 
வேளாங்கண்ணி மற்றும் வடக்குப் பொய்கைநல்லூர், தெற்குப் பொய்கைநல்லூர், மேலப்பிடாகை காரப்பிடாகை உள்ளிட்டப் பகுதிகளில் சுமார் 1000-க்கும் மேற்பட்ட மின்கம்பங்கள் புயல் சீற்றத்தால் சாய்ந்துள்ளன. தெற்குப் பொய்கை நல்லூரில் பல்லாயிரக் கணக்கான மரங்கள் வேரோடு முறிந்து சாய்ந்துள்ளது. கடைகள் மற்றும் குடியிருப்புகளிலும் கடல் தண்ணீர் உள்புகுந்ததால் கடைகளில் வைக்கப்பட்டிருந்த பல லட்சம் மதிப்பிலானப் பொருள்களை கடல் நீரால் அடித்து சென்றுவிட்டதாகவும், குடியிருப்புகள் வெகுவாகப் பாதிக்கப்பட்டிருப்பதாகவும்  வணிகர்களும், பொதுமக்களும் தெரிவித்தனர்.  
நாகையில் பெரியார் சிலை தேசம்: இதேபோல், நாகை நகராட்சிக்குள்பட்ட மேலகோட்டைவாசல் பகுதியில் உள்ள பெரியார் சிலை மீது ஆலமரம் வேரோடு சாய்ந்ததில் சுமார் 10 அடி உயரமுள்ள பெரியார் சிலை சரிந்து கீழே விழுந்து சேதமடைந்ததது. வேளாங்கண்ணி பகுதிகளில் உள்ள தனியாருக்குச் சொந்தமான தங்கும் விடுதிகள், பெட்ரோல் நிலையங்கள், உணவகங்கள், வணிக நிறுவனங்களின் மேற்பகுதிகளில் தகரத்தால் அமைக்கப்பட்டிருந்த ஷெட்டுகள், சாலையோரங்களில் வைக்கப்பட்டுள்ள விளம்பரப் பதாகைகள் புயல் காற்றில் பாதிக்கப்பட்டது. 

]]>
http://www.dinamani.com/all-editions/edition-nagapattinam/nagapattinam/2018/nov/17/வேளாங்கண்ணி-தேவாலயம்-சேதம்-3040316.html
3040315 நாகப்பட்டினம் நாகப்பட்டினம் புயல் பாதிப்பு சீரமைப்புப் பணிகளில் 362 பேர்: தென்காசி சு. ஜவஹர் DIN DIN Saturday, November 17, 2018 07:43 AM +0530 நாகை மாவட்டத்தில் புயல் சீற்றத்துக்குள்ளான பகுதிகளின்  சீரமைப்புப் பணிகளில் தேசிய பேரிடர் மேலாண்மைப் படையினர் உள்பட 362 பேர் ஈடுபடுத்தப்பட்டுள்ளனர் என நாகை மாவட்டக் கண்காணிப்பு அலுவலரும், கருவூலம் மற்றும் கணக்குத் துறை முதன்மைச் செயலாளருமான தென்காசி சு. ஜவஹர் தெரிவித்தார்.
நாகை மாவட்டத்தில் புயல் சீற்ற பாதிப்புக்குள்ளான பகுதிகளில், மாவட்ட நிர்வாகம் மூலம் நடைபெறும் சீரமைப்புப் பணிகளை கருவூல கணக்குத் துறை முதன்மைச் செயலாளர் தென்காசி சு. ஜவஹர், மாவட்ட ஆட்சியர் சீ. சுரேஷ்குமார் ஆகியோர் வெள்ளிக்கிழமை பார்வையிட்டு ஆய்வு செய்தனர்.
இந்த ஆய்வுகளுக்குப் பின்னர் செய்தியாளர்களைச் சந்தித்த தென்காசி சு.ஜவஹர் தெரிவித்தது: 
கஜா புயல் எச்சரிக்கையையொட்டி, மாவட்ட நிர்வாகம் சார்பில் மேற்கொள்ளப்பட்ட முன்னெச்சரிக்கை நடவடிக்கைகள் காரணமாக பெரிய அளவிலான பாதிப்புகள் தவிர்க்கப்பட்டுள்ளன. மாவட்டத்தில் 114 பாதுகாப்பு மையங்களில் 49,622 பேர் பாதுகாப்பாக தங்கவைக்கப்பட்டுள்ளனர். 78 மருத்துவ முகாம்கள் அமைக்கப்பட்டு 8,162 பேருக்கு மருத்துவப் பரிசோதனைகள், சிகிச்சைகள் அளிக்கப்பட்டுள்ளன. 
புயல் சீற்றத்தால் சேதமடைந்த மின் கம்பங்களை மாற்றி அமைக்கவும், பழுதடைந்த மின்மாற்றிகளை சீரமைக்கவும் மின்வாரியம் மூலம் விரைவான நடவடிக்கைகள் மேற்கொள்ளப்பட்டு வருகின்றன. 
தேசியப் பேரிடர் மேலாண்மைப் படையைச் சேர்ந்த 102 பேரும், தமிழ்நாடு பேரிடர் மேலாண்மைப் படையைச் சேர்ந்த 140 பேரும், தனியார் தொண்டு நிறுவனங்களின் தன்னார்வலர்கள் 120 பேரும் புயலால் பாதிக்கப்பட்ட பகுதிகளில் சீரமைக்கும் பணிகளை மேற்கொண்டு வருகின்றனர். பாதிக்கப்பட்ட பகுதிகளில் இயல்பு நிலை விரைவாக திரும்ப நடவடிக்கைகள் மேற்கொள்ளப்பட்டு வருகின்றன என்றார். 
மாவட்டக் காவல் கண்காணிப்பாளர் செ. விஜயகுமார் மற்றும் அரசுத் துறை அலுவலர்கள் இந்த ஆய்வில் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/17/புயல்-பாதிப்பு-சீரமைப்புப்-பணிகளில்-362-பேர்-தென்காசி-சு-ஜவஹர்-3040315.html
3040314 நாகப்பட்டினம் நாகப்பட்டினம் தரங்கம்பாடி பகுதியில் மீன்பிடி படகுகள் சேதம் DIN DIN Saturday, November 17, 2018 07:43 AM +0530 கஜா புயல் காரணமாக நாகை மாவட்டம், தரங்கம்பாடி வட்டத்துக்குள்பட்ட பகுதிகளில் மரங்கள் மற்றும் மின்கம்பங்கள் சாய்ந்தன. மீன்பிடி படகுகள் சேதமடைந்தன. 
தரங்கம்பாடி வட்டத்துக்குள்பட்ட பொறையாறு, சந்திரபாடி, சின்னூர்பேட்டை, பெருமாள்பேட்டை, சின்னங்குடி மற்றும் ஆக்கூர், திருக்கடையூர், செம்பனார்கோவில், திருவிளையாட்டம், சங்கரன்பந்தல், பெரம்பூர் ஆகிய பகுதிகளில் வியாழக்கிழமை இரவு கஜா புயலால் மரங்கள் மற்றும் மின்கம்பங்கள் அடியோடுஸ் சாய்ந்தன. மேலும், குடிசை வீடுகள் பலத்த சேதம் அடைந்தன. 
தரங்கம்பாடி, சின்னூர்பேட்டை, மாணிக்கபங்கு, பெருமாள்பேட்டை, சின்னங்குடி ஆகிய மீனவ கிராமங்களில், ஆயிரக்கணக்கான ஃபைபர் படகுகள் மற்றும் கட்டுமரங்கள் கடல் சீற்றத்தால் இழுத்துச் செல்லப்பட்டு சேதமடைந்தன. மீட்புக்குழுவினர் மீட்புப் பணியில் முழுவீச்சில் ஈடுபட்டு, சரிந்து விழுந்த மரங்களை அகற்றினர்.
இதனிடையே, பாதிக்கப்பட்ட மக்களை பூம்புகார் சட்டப் பேரவை உறுப்பினர் எஸ். பவுன்ராஜ், நேரில் சந்தித்து, விரைவில் நிவாரண உதவி வழங்க நடவடிக்கை எடுக்கப்படும் என்று கூறினார். அப்போது, மீன்வளத்துறை உதவி இயக்குநர் மோகன்ராஜ் மற்றும் செம்பனார்கோவில் அதிமுக ஒன்றியச் செயலாளர் சுந்தர்ராஜன், தொடக்க கூட்டுறவு வங்கித்தலைவர் கபடி பாண்டியன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/17/தரங்கம்பாடி-பகுதியில்-மீன்பிடி-படகுகள்-சேதம்-3040314.html
3040313 நாகப்பட்டினம் நாகப்பட்டினம் கஜா புயல் சீற்றத்தால் சாலையில் சாய்ந்த மரங்கள் அகற்றம் DIN DIN Saturday, November 17, 2018 07:42 AM +0530 கஜா புயல் சீற்றத்தால் சாலையில் சாய்ந்த மரங்கள் உடனடியாக அகற்றப்பட்டு போக்குவரத்து சரிசெய்யப்பட்டு வருகிறது என நாகை மாவட்டக் காவல் காண்காணிப்பாளர் செ.விஜயகுமார் வெள்ளிக்கிழமை தெரிவித்தார்.
வங்கக் கடலில் உருவான கஜா புயல் வெள்ளிக்கிழமை அதிகாலை நாகைக்கும், வேதாரண்யத்துக்கும் இடையே கரையைக் கடந்தது. இந்த புயல் சீற்றத்தால் நாகையில் போக்குவரத்து நிறைந்த சாலைகள், நீதிமன்ற வளாகம், ஆட்சியர் வளாகம், காவல் கண்காணிப்பாளர் அலுவலகம் உள்ளிட்ட பல்வேறு இடங்களிலும், சாலையோரங்களிலும் இருந்த மரங்கள் வேரோடும், முறிந்தும் சாய்ந்தன. இதனால் போக்குவரத்து  பாதிக்கப்பட்டது. இதைத்தொடர்ந்து, மாவட்டக் காவல் கண்காணிப்பாளர் செ. விஜயகுமார் உத்தரவின்பேரில், தேசியப் பேரிடர் மற்றும் மாநில பேரிடர் மேலாண்மை மீட்புப் படைவீரர்கள் மரம் அறுக்கும் இயந்திரங்கள், ஜே.சி.பி. இயந்திரம் ஆகியவற்றுடன் மரங்களை  அகற்றி, போக்குவரத்தை சரிசெய்யும் பணிகளில் ஈடுபட்டனர்.
நாகை எஸ்.பி. ஆய்வு : நாகையை அடுத்த புத்தூர் பகுதியில் மரங்கள் அகற்றும் பணியைப் பார்வையிட்ட  எஸ்.பி. செ. விஜயகுமார் செய்தியாளர்களிடம் கூறியது:
நாகப்பட்டினம் பகுதியில் 25 தேசிய பேரிடர் மேலாண்மை மீட்புப் படையினரும், 120 மாநில பேரிடர் மேலாண்மை மீட்புப் படையினரும், வேதாரண்யத்தில் 50 பேரிடர் மேலாண்மை மீட்புப் படையினரும், 20 மாநில மேலாண்மை மீட்புப் படையினரும், மயிலாடுதுறை சீர்காழி உள்கோட்டங்களில் தலா 20 மீட்புப் படை வீரர்களைக் கொண்ட குழுவினரும் மீட்புப் பணிகளில் ஈடுபட்டு வருகின்றனர்.
இவர்களைக் கொண்டு நாகப்பட்டினம், வேதாரண்யம், தாலைஞாயிறு, சீர்காழி, பொறையாறு ஆகிய பகுதிகளில் இணைப்புச் சாலைகளில் சாய்ந்து கிடக்கும் மரங்கள் அகற்றப்பட்டு, போக்குவரத்து சரிசெய்யப்பட்டு வருகிறது என்றார் அவர்.

]]>
http://www.dinamani.com/all-editions/edition-nagapattinam/nagapattinam/2018/nov/17/கஜா-புயல்-சீற்றத்தால்-சாலையில்-சாய்ந்த-மரங்கள்-அகற்றம்-3040313.html
3040312 நாகப்பட்டினம் நாகப்பட்டினம் கஜா புயலால் பாதிப்பு: வாழைத் தோட்டத்தில் சுகாதாரத்துறை முதன்மைச் செயலாளர் ஆய்வு DIN DIN Saturday, November 17, 2018 07:42 AM +0530 நாகை மாவட்டத்தில், கஜா புயலால் பாதிக்கப்பட்ட கரும்பு, வாழைத் தோட்டங்களில் தமிழக சுகாதாரத்துறை முதன்மைச் செயலாளர் ராதாகிருஷ்ணன் வெள்ளிக்கிழமை ஆய்வு செய்தார்.
கஜா புயல் காரணமாக சீர்காழி மற்றும் செம்பனார்கோவில் ஒன்றியங்களுக்குள்பட்ட செம்பதனிருப்பு, அல்லிவிளாகம், காத்திருப்பு, நடராஜபிள்ளைச்சாவடி, ராதாநல்லூர் உள்ளிட்ட பகுதிகளில் வாழைத் தோட்டங்கள் நாசமாகின. விவசாயிகளால் பயிரிடப்பட்டிருந்த கரும்புகள் வேரோடு சாய்ந்தன.
இந்த நிலையில், நாகை மாவட்ட சேத விவரங்களை ஆய்வு செய்ய தமிழக அரசால் நியமிக்கப்பட்ட சுகாதாரத்துறை முதன்மைச் செயலாளர் ராதாகிருஷ்ணன், மேற்கண்ட இடங்களைப் பார்வையிட்டார். அப்போது, விவசாயிகளுக்கு ஆறுதல் கூறிய அவர், இழப்பீடு பெற்றுத் தர நடவடிக்கை எடுப்பதாக உறுதியளித்தார்.
ஆய்வின்போது, வட்டார வளர்ச்சி அலுவலர் தேன்மொழி, மாவட்ட பொது சுகாதாரத்துறை பயிற்சி மருத்துவ அலுவலர் திருமுருகன், வட்டாட்சியர் சங்கர், மண்டல தனி வட்டாட்சியர்கள் அரிஹரன், பாபு, கிராம நிர்வாக அலுவலர் பபிதா ஆகியோர் உடனிருந்தனர். 

]]>
http://www.dinamani.com/all-editions/edition-nagapattinam/nagapattinam/2018/nov/17/கஜா-புயலால்-பாதிப்பு-வாழைத்-தோட்டத்தில்-சுகாதாரத்துறை-முதன்மைச்-செயலாளர்-ஆய்வு-3040312.html
3040311 நாகப்பட்டினம் நாகப்பட்டினம் தமிழக அரசின் முன்னெச்சரிக்கை நடவடிக்கைகள் பாராட்டுக்குரியவை DIN DIN Saturday, November 17, 2018 07:42 AM +0530 கஜா புயலையொட்டி, தமிழக அரசு மேற்கொண்ட விரிவான முன்னெச்சரிக்கை நடவடிக்கைகள் பாராட்டுக்குரியவை என்றார் மத்திய இணை அமைச்சர் பொன். ராதாகிருஷ்ணன்.
புயல் சீற்றத்துக்குள்ளான நாகை கடற்கரையோரப் பகுதிகளான நம்பியார் நகர், அக்கரைப்பேட்டை ஆகிய பகுதிகளில் ஏற்பட்ட பாதிப்புகளை மத்திய இணை அமைச்சர் பொன். ராதாகிருஷ்ணன் வெள்ளிக்கிழமை ஆய்வு செய்தபோது, செய்தியாளர்களிடம் கூறியது: கஜா புயலையொட்டி, தமிழக அரசு மேற்கொண்ட விரிவான முன்னெச்சரிக்கை நடவடிக்கைகள் பாராட்டுக்குரியவை. அதன் காரணமாகதான், புயல் சீற்ற பாதிப்புகள் குறைந்துள்ளன என்றார்.
முன்னதாக, அக்கரைப்பேட்டையில் ஆய்வு மேற்கொண்ட போது, புயல் சீற்றத்தால் கடற்கரை மேட்டுப் பகுதிக்குத் தள்ளப்பட்டுள்ள விசைப் படகுகளை பாதுகாப்பாக கடலுக்கு இறக்க நடவடிக்கை எடுக்க வேண்டும் என மீனவர்கள் விடுத்த கோரிக்கை குறித்து, சென்னை, துறைமுக அலுவலர்களுடன் கலந்தாலோசித்து நடவடிக்கை எடுக்கப்படும் என தெரிவித்தார். 
அவருடன், பாஜக கோட்டப் பொறுப்பாளர் வரதராஜன், மாவட்டத் தலைவர்கள் நேதாஜி, வெங்கடேசன், சட்டப் பேரவை முன்னாள் உறுப்பினர் எஸ்.கே. வேதரெத்தினம் ஆகியோர் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/17/தமிழக-அரசின்-முன்னெச்சரிக்கை-நடவடிக்கைகள்-பாராட்டுக்குரியவை-3040311.html
3039579 நாகப்பட்டினம் நாகப்பட்டினம் நாகை மாவட்டத்தில் 102 பாதுகாப்பு மையங்களில் 44,087  பேர் தங்க வைப்பு DIN DIN Friday, November 16, 2018 07:41 AM +0530 கஜா புயல் சீற்றம் மற்றும் கனமழையில் அதிகம் பாதிக்கப்படும் எனக் கருதப்பட்ட பகுதிகளைச் சேர்ந்த 44,087 பேர் பாதுகாப்பு முகாம்களில் தங்கவைக்கப்பட்டுள்ளனர். 
கஜா புயல் எச்சரிக்கையொட்டி, நாகை மாவட்டத்தில் பேரிடர் பாதிப்புக்குள்ளாகும் பகுதிகளைச் சேர்ந்த பொதுமக்களை பாதுகாப்பாக தங்கவைப்பதற்காக 627 பொதுக் கட்டடங்களும், கால்நடைகளை பாதுகாக்க 212 பாதுகாப்பு இடங்களும் கண்டறியப்பட்டன. 
வியாழக்கிழமை இரவு நாகை அருகே கஜா புயல் கரையைக் கடக்கும் எனக் குறிப்பிடப்பட்டதையடுத்து, மாவட்ட நிர்வாகம் சார்பில், நாகை மாவட்டத்தில் 137 பாதுகாப்பு மையங்களில் மக்களை தங்க வைப்பதற்கான ஏற்பாடுகள் முழு அளவில் மேற்கொள்ளப்பட்ட தயார்ப்படுத்தப்பட்டன. 
வட்டம் வாரியாக தயார் நிலையில் வைக்கப்பட்ட பாதுகாப்பு மையங்களின் எண்ணிக்கை :  
நாகை- 26, கீழ்வேளூர்- 8, திருக்குவளை- 3, வேதாரண்யம்- 61, மயிலாடுதுறை- 12, தரங்கம்பாடி- 13, சீர்காழி- 14. இதில்,  நாகை வட்டத்தில் 8 பாதுகாப்பு மையங்களும், கீழ்வேளூர் வட்டத்தில் 8 பாதுகாப்பு மையங்களும், திருக்குவளை வட்டத்தில் 3 பாதுகாப்பு மையங்களும், வேதாரண்யம் வட்டத்தில் 61 பாதுகாப்பு மையமும், தரங்கம்பாடி வட்டத்தில் 8 பாதுகாப்பு மையங்களும், சீர்காழி வட்டத்தில் 14 பாதுகாப்பு மையங்களும்  வியாழக்கிழமை பிற்பகலுக்குப் பின்னர் திறக்கப்பட்டு, அப்பகுதியைச் சேர்ந்த மக்கள் 44,087 பேர் தங்க வைக்கப்பட்டனர்.
வட்டம் வாரியாக பாதுகாப்பு மையங்களில் தங்க வைக்கப்பட்டுள்ளவர்களின் எண்ணிக்கை : நாகை - 1,054, கீழ்வேளூர் - 5,209, திருக்குவளை - 342, வேதாரண்யம் -  26,965,  தரங்கம்பாடி- 1,158, சீர்காழி-  9,368.

]]>
http://www.dinamani.com/all-editions/edition-nagapattinam/nagapattinam/2018/nov/16/நாகை-மாவட்டத்தில்-102-பாதுகாப்பு-மையங்களில்-44087--பேர்-தங்க-வைப்பு-3039579.html
3039578 நாகப்பட்டினம் நாகப்பட்டினம் விவசாயிகள் குறைதீர் கூட்டம் DIN DIN Friday, November 16, 2018 07:40 AM +0530 தரங்கம்பாடி வட்டாட்சியர் அலுவலகத்தில் புதன்கிழமை விவசாயிகள் குறைதீர் கூட்டம் நடைபெற்றது. 
வட்டாட்சியர் சுந்தரம் தலைமையில் நடைபெற்ற கூட்டத்தில், தரங்கம்பாடி வட்டத்துக்குள்பட்ட திருவிளையாட்டம், காழியப்பநல்லூர், ஆக்கூர், திருக்கடையூர், ஆயப்பாடி, தில்லையாடி,பொறையாறு ஆகிய பகுதிகளை சேர்ந்த விவசாயிகள் கலந்து கொண்டு தங்கள் கோரிக்கையை மனுவாக அளித்தனர். கூட்டத்தில், பொறையாறு, ஆண்டாஞ்சேரி, கோரையாறு பாசன வாய்க்கால் மற்றும் ஒழுகைமங்கலம் பாசன வாய்க்கால் உள்ளிட்ட வாய்க்கால்களை தூர்வார வேண்டும், விவசாயிகளின் நிகழாண்டுக்கான பயிர்க் காப்பீட்டுத் தொகை இந்த மாத இறுதிக்குள் வழங்க வேண்டும், காவிரி நீர் அனைத்து கடைமடை பகுதிகளுக்கும் வந்து சேர ஏற்பாடு செய்ய வேண்டும் என்று விவசாயிகள் கோரிக்கை விடுத்தனர். விவசாயிகளின் கோரிக்கை குறித்து உரிய நடவடிக்கை மேற்கொள்ளப்படும் என்றார் வட்டாட்சியர் சுந்தரம். கூட்டத்தில், வேளாண் துறை உதவி அலுவலர் உமாபசுபதி, மண்ட துணை வட்டாட்சியர் மகேந்திரன், முதுநிலை ஆய்வாளர் ராஜூ உள்ளிட்டோர் பங்கேற்றனர். 

]]>
http://www.dinamani.com/all-editions/edition-nagapattinam/nagapattinam/2018/nov/16/விவசாயிகள்-குறைதீர்-கூட்டம்-3039578.html
3039577 நாகப்பட்டினம் நாகப்பட்டினம் அரசாணையை தீயிட்டு கொளுத்தி போராட்டம் DIN DIN Friday, November 16, 2018 07:40 AM +0530 நாகையில் வியாழக்கிழமை, தமிழக அரசு ஊழியர் சங்கத்தினர் தமிழக அரசின் அரசாணையை தீயிட்டு கொளுத்தி போராட்டத்தில்  ஈடுபட்டனர்.
தமிழக அரசின் அரசாணை 56, அரசுப் பணியிடங்களை குறைத்தும், அத்தியாவசியப் பணியிடங்கள் வெளி முகமை மூலம் மேற்கொள்ள வழிவகை செய்யும் வகையில் அமைந்துள்ளது. இந்த அரசாணைக்கு எதிர்ப்புத் தெரிவித்து, தமிழ்நாடு அரசு ஊழியர் சங்கத்தினர் நாகையில் அரசாணையை தீயிட்டு கொளுத்தி போராட்டத்தில் ஈடுபட்டனர். சங்க நாகை மாவட்டத் தலைவர் ப. அந்துவன்சேரல் தலைமையில் நடைபெற்ற போராட்டத்தில், பங்கேற்ற சங்க மாநிலச் செயலர் எம். சௌந்தரராஜன் பேசியது:
அரசுத் துறைகளை தனியார் மயமாக்க தமிழக அரசு முயற்சித்து வருகிறது. அரசுப் பணியிடங்களைக் குறைத்தும், அத்தியாவசியப் பணியிடங்களை வெளிமுகமை மூலம் மேற்கொள்ளவும் தமிழக அரசாணை- 56  வழிவகை செய்கிறது.
இந்த அரசாணையில் இளைஞர்களுக்கு வேலை வாய்ப்பு மறுக்கப்பட்டுள்ளதுடன் பல்வேறு போராட்டங்களால் பெறப்பட்ட தாழ்த்தப்பட்ட, மிகவும் பிற்படுத்தப்பட்ட மற்றும் பிற்படுத்தப்பட்டவர்களுக்கு வழங்கப்பட்ட இடஒதுக்கீட்டுக்கும், சமூக நீதிக்கும் பாதிப்பை ஏற்படுத்தும் என்றார்.
போராட்டத்தில், சங்க நாகை மாவட்டச் செயலர் ஏ.டீ. அன்பழகன், நாகை தொழிற்சங்கக் கூட்டமைப்புத் தலைவர் சு.சிவக்குமார், வருவாய்த் துறை அலுவலர் சங்க மாவட்டச் செயலர் இளவரசன், அரசு ஊழியர் சங்க  நாகை வட்டத் தலைவர் சி. பாலசுப்பிரமணியன், செயலர் எம்.தமிழ்வாணன் உள்ளிட்டோர் பங்கேற்றனர். போராட்டத்தில், அரசாணை 56-க்கு தீ வைத்து கொளுத்தப்பட்டு, தமிழக அரசுக்கு எதிராக கோஷம் எழுப்பப்பட்டது. 
 

]]>
http://www.dinamani.com/all-editions/edition-nagapattinam/nagapattinam/2018/nov/16/அரசாணையை-தீயிட்டு-கொளுத்தி-போராட்டம்-3039577.html
3039576 நாகப்பட்டினம் நாகப்பட்டினம் பேருந்து, மின்சாரம் நிறுத்தம் DIN DIN Friday, November 16, 2018 07:40 AM +0530 பொறையாறு பகுதியில் கஜா புயல் முன்னெச்சரிக்கை நடவடிக்கையாக பேருந்துகள் இயக்கப்படவில்லை. மின் விநியோகம் நிறுத்தப்பட்டது.
தரங்கம்பாடி வட்டத்துக்குள்பட்ட பொறையாறு, திருக்கடையூர், ஆக்கூர், செம்பனார்கோயில் பகுதியில் கஜா புயல் முன்னெச்சரிக்கையாக அரசு மற்றும் தனியார் பேருந்துகள் இயக்கப்படவில்லை. மேலும் பாதுகாப்பு கருதி மின் விநியோகம் வியாழக்கிழமை மாலை முதல் நிறுத்தப்பட்டது.
 

]]>
http://www.dinamani.com/all-editions/edition-nagapattinam/nagapattinam/2018/nov/16/பேருந்து-மின்சாரம்-நிறுத்தம்-3039576.html
3039575 நாகப்பட்டினம் நாகப்பட்டினம் பாதுகாப்பு முகாம்களில் முன்னேற்பாடுகள்: ஆட்சியர் சீ.சுரேஷ்குமார் DIN DIN Friday, November 16, 2018 07:40 AM +0530 கஜா புயலிலிருந்து பொதுமக்களை பாதுகாப்பாக தங்க வைக்க நாகை மாவட்ட நிர்வாகம் சார்பில் அமைக்கப்பட்டுள்ள புயல் பாதுகாப்பு முகாம்களில் போதிய முன்னேற்பாடுகளும், அடிப்படை வசதிகளும் செய்யப்பட்டுள்ளன என்று ஆட்சியர் சீ.சுரேஷ்குமார் தெரிவித்தார்.
கஜா புயலையொட்டி, நாகையை அடுத்த சாமந்தன்பேட்டை, தெற்குப் பொய்கைநல்லூர், வடக்குப் பொய்கைநல்லூர் மற்றும் நாகையில்  தனியார் திருமண மண்டபம் உள்ளிட்ட இடங்களில் புயல் பாதுகாப்பு முகாம்கள் அமைக்கப்பட்டுள்ளன.
இந்த முகாம்களில் ஆட்சியர் சீ.சுரேஷ்குமார் வியாழக்கிழமை ஆய்வு  மேற்கொண்டார். பின்னர், நாகையில்  செய்தியாளர்களிடம் அவர் கூறியது:
கஜா புயலிலிருந்து பொதுமக்களைப் பாதுகாக்கும் வகையில் நகராட்சி மற்றும் ஊராட்சி ஒன்றியப் பகுதிகளில் அமைக்கப்பட்டுள்ள புயல் பாதுகாப்பு முகாம்களில் போதுமான உணவுப் பொருள்கள், குடிநீர், கழிப்பறை வசதிகள், மருத்துவ வசதிகள் செய்யப்பட்டுள்ளன.
வானிலை நிலவரம் குறித்து கடலோர கிராமங்களில் ஒலிப் பெருக்கிகள் மூலம் அவ்வப்போது அறிவிப்புகள் செய்யப்படுகிறது. பொதுமக்கள் மற்றும் கால்நடைகளின் பாதுகாப்பை உறுதி செய்ய அனைத்து நிலையிலான அலுவலர்கள் நியமிக்கப்பட்டுள்ளனர். 
மேலும், பொதுமக்கள் வாகனங்களில் வெகுதூரம் பயணம் செய்வதை தவிர்க்கவும், முதியோர்கள் மற்றும் குழந்தைகளுக்குத் தேவையான மருந்துகளை வாங்கி கையிருப்பில் வைத்துக் கொள்ளவும் அறிவுறுத்தப்பட்டுள்ளனர். மாவட்ட ஆட்சியர் அலுவலகத்தில் 24 நேரமும் செயல்படக்கூடிய கட்டுப்பாட்டு அறை திறக்கப்பட்டுள்ளது என்றார் ஆட்சியர்.
இந்த ஆய்வின்போது மாவட்ட வருவாய் அலுவலர் வ.முருகேசன், சார் ஆட்சியர் கமல் கிஷோர், செய்தி மற்றும் மக்கள் தொடர்பு அலுவலர் மீ.செல்வக்குமார், வட்டாட்சியர் இளங்கோவன் ஆகியோர் உடனிருந்தனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/16/பாதுகாப்பு-முகாம்களில்-முன்னேற்பாடுகள்-ஆட்சியர்-சீசுரேஷ்குமார்-3039575.html
3039574 நாகப்பட்டினம் நாகப்பட்டினம் மீனவ கிராமங்களில் எம்எல்ஏ ஆய்வு DIN DIN Friday, November 16, 2018 07:39 AM +0530 நாகை மாவட்டம், சீர்காழி ஒன்றியத்துக்குள்பட்ட மீனவ கிராமங்களில் சட்டப் பேரவை உறுப்பினர் பி.வி. பாரதி வியாழக்கிழமை ஆய்வு மேற்கொண்டார்.
கஜா புயல் எச்சரிக்கையைத் தொடர்ந்து, சீர்காழி ஒன்றியத்துக்குள்பட்ட மடத்துக்குப்பம், பூம்புகார், நாயக்கர்குப்பம் உள்ளிட்ட 8 மீனவ கிராமங்களில் பாதுகாப்பு நடவடிக்கைகள் மேற்கொள்ளப்பட்டுள்ளன. இந்நிலையில், சட்டப் பேரவை உறுப்பினர் பி.வி. பாரதி அந்த கிராமங்களுக்கு நேரில் சென்று, முன்னேற்பாடு நடவடிக்கைகளை ஆய்வு செய்தார்.
அப்போது, அவரிடம் மடத்துக்குப்பம் கிராமப் பெண்கள், தங்களுக்கு தினந்தோறும் தடையின்றி குடிநீர் கிடைத்திட ஏற்பாடு செய்யவும், குடிநீர் தொட்டியை சுத்தம் செய்யவும் கோரிக்கை விடுத்தனர். இதன் மீது நடவடிக்கை எடுக்கப்படும் என உறுதியளித்த பி.வி. பாரதி, அங்கு பழுதடைந்த நிலையில் காணப்படும் மின்கம்பங்களை அகற்றுமாறு மின்வாரிய அதிகாரிகளிடம் கேட்டுக்கொண்டார்.
ஆய்வின்போது, சீர்காழி வட்டார வளர்ச்சி அலுவலர் (ஊராட்சிகள்) ரெஜினாராணி, அதிமுக ஒன்றியச் செயலாளர் ராஜமாணிக்கம், மண்டல துணை வட்டார வளர்ச்சி அலுவலர்கள் பால்ராஜ், ஜோதி, ஒன்றிய இளைஞரணி செயலாளர் திருமாறன், கூட்டுறவு சங்கத்தலைவர்கள் பாலசுப்பிரமணியன், மாமல்லன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/16/மீனவ-கிராமங்களில்-எம்எல்ஏ-ஆய்வு-3039574.html
3039573 நாகப்பட்டினம் நாகப்பட்டினம் முகாம்களுக்கு வர மறுத்த கிராம மக்கள் DIN DIN Friday, November 16, 2018 07:39 AM +0530 கஜா புயலையொட்டி கொள்ளிடம் பகுதியில் அமைக்கப்பட்டுள்ள முகாம்களுக்கு வர மறுத்த பொதுமக்களை அதிகாரிகள் புயல் பாதிப்பு குறித்து எடுத்துக் கூறி வரவழைத்தனர்.
கொள்ளிடம் கரையோர கிராமங்களைச் சேர்ந்தவர்களை பாதுகாப்பாக தங்க வைக்க பழையாறு சுனாமி நகர், புதுப்பட்டினம், தொடுவாய், மகேந்திரப்பள்ளி, வேட்டங்குடி, அளக்குடி முதலைமேடு, கூழையாறு, காட்டூர், வெள்ளைமணல் ஆகிய இடங்களில்  முகாம்கள் அமைக்கப்பட்டுள்ளன.
 இந்நிலையில், இந்த முகாம்களில் தங்க வைக்க வருவாய்த் துறை மற்றும் ஊரக வளர்ச்சித் துறை அதிகாரிகள் பொதுமக்களை அழைத்தபோது அவர்கள் முகாம்களுக்கு வர மறுத்தனர். பின்னர்,  வட்டாட்சியர் இரா.சங்கர் மற்றும் அதிகாரிகள் கஜா புயலால் ஏற்படும் பாதிப்பு குறித்து விளக்கியும், முகாம்களில் செய்யப்பட்டுள்ள ஏற்பாடுகளையும் எடுத்துக் கூறினர். இதையடுத்து,  பொதுமக்கள் முகாங்களுக்குச் சென்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/16/முகாம்களுக்கு-வர-மறுத்த-கிராம-மக்கள்-3039573.html
3039572 நாகப்பட்டினம் நாகப்பட்டினம் கஜா புயல்: 14 முகாம்களில் 3,500 பேர் தஞ்சம் DIN DIN Friday, November 16, 2018 07:39 AM +0530 கஜா புயல் முன்னெச்சரிக்கை நடவடிக்கையாக நாகை மாவட்டம், சீர்காழி வட்டத்துக்குள்பட்ட 14 முகாம்களில், 3,500 பேர் வியாழக்கிழமை தங்க வைக்கப்பட்டனர். 
கஜா புயலைக் கருத்தில் கொண்டு, சீர்காழி வட்டத்துக்குள்பட்ட திருமுல்லைவாசல், கூழையார், புதுப்பட்டினம், தருமக்குளம், திருவெண்காடு உள்ளிட்ட 14 இடங்களில் பள்ளிக்கூடங்கள், திருமண மண்டபங்கள், புயல் பாதுகாப்பு மையம் ஆகியவற்றில் தற்காலிக முகாம்கள் ஏற்படுத்தப்பட்டுள்ளன. 
இங்கு சுற்றுவட்டாரப் பகுதிகளைச் சேர்ந்த சுமார் 3,500 பேர் தஞ்சமடைந்தனர். அவர்களுக்கு இரவு உணவு வழங்கப்பட்டது.
பாதுகாப்பு முகாம்களை சீர்காழி புயல் பாதுகாப்புக் கண்காணிப்பு அலுவலரும், சமூக நலப் பாதுகாப்புத் தனித் துணை ஆட்சியருமான வேலுமணி, கோட்டாட்சியர் தேன்மொழி, வட்டாட்சியர் இரா. சங்கர், மண்டல துணை வட்டாட்சியர் பாபு ஆகியோர் ஆய்வு செய்தனர். மாவட்ட நிர்வாகம் அடுத்தகட்ட அறிவிப்பை வெளியிடும் வரையில், பொதுமக்கள் முகாம்களிலேயே தங்கியிருக்க வேண்டுமென அறிவுறுத்தினர்.
மின்சாரம் துண்டிப்பு
இதனிடையே, சீர்காழி வட்டத்தில் பல்வேறு கிராமங்களில் மின் இணைப்பு துண்டிக்கப்பட்டது. பழையார், திருமுல்லைவாசல் மற்றும் பூம்புகாரில் கடல் வழக்கத்துக்கு மாறாக சீற்றத்துடன் காணப்பட்டது.
சீர்காழிக்கு 2 ஆய்வாளர்கள் தலைமையில், மாநில பேரிடர் மீட்புக் குழுவினர் 70 பேரும், தேசிய பேரிடர் மீட்புக் குழுவினர் 25 பேரும் வருகை தந்தனர். 
சீர்காழி பகுதியில் மாலை 6 மணிக்கு மேல் பெரும்பாலான அரசு, தனியார் பேருந்து சேவை நிறுத்தப்பட்டது. மாலை 5 மணிக்குப் பின்னர், கடைகள் அனைத்தும் அடைக்கப்பட்டன.

]]>
http://www.dinamani.com/all-editions/edition-nagapattinam/nagapattinam/2018/nov/16/கஜா-புயல்-14-முகாம்களில்-3500-பேர்-தஞ்சம்-3039572.html
3039571 நாகப்பட்டினம் நாகப்பட்டினம் லாரி மோதி இளைஞர் சாவு DIN DIN Friday, November 16, 2018 07:38 AM +0530 நாகை அருகே புதன்கிழமை லாரி மோதி இளைஞர் உயிரிழந்தார். மேலும் இருவர் காயமடைந்து மருத்துவமனையில் அனுமதிக்கப்பட்டுள்ளனர். 
நாகை அருகேயுள்ள செருதூர் சிங்காரவேல் நகரைச் சேர்ந்தவர் பாலமுருகன்(20). இவர், புதன்கிழமை இரவு நண்பர்கள்  பாரதி (20), விவேக் (19) ஆகியோருடன் நாகையிலிருந்து செருதூருக்கு இருசக்கர வாகனத்தில் பாப்பாகோயில் பகுதியில் சென்று கொண்டிருந்தபோது, அவ்வழியே வந்த சரக்கு லாரி மோதியதில், பாலமுருகன் நிகழ்விடத்திலேயே உயிரிழந்தார். பாரதி, விவேக் ஆகியோர் காயமடைந்தனர். 
விபத்துக் குறித்து தகவலறிந்த நாகை நகர காவல் நிலைய போலீஸார் நிகழ்விடத்துக்கு சென்று பாலமுருகனின் சடலத்தை மீட்டு நாகை அரசு மருத்துவமனைக்கு அனுப்பி வைத்து வழக்குப் பதிந்து விசாரணை மேற்கொண்டுள்ளனர். 
இதற்கிடையில், விபத்தில் காயமடைந்த பாரதி, விவேக் ஆகிய இருவரும் நாகை அரசு மருத்துவமனையில் சிகிச்சைப் பெற்று வருகின்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/16/லாரி-மோதி-இளைஞர்-சாவு-3039571.html
3039570 நாகப்பட்டினம் நாகப்பட்டினம் கஜா புயல் சீற்றம்: நாகை, வேதாரண்யத்தில் மிக பலத்த காற்றுடன் மழை: நாகை, சீர்காழியில் 38.6 மி.மீ. மழை DIN DIN Friday, November 16, 2018 07:38 AM +0530 கஜா புயல் கரையைக் கடக்கத் தொடங்கிய வியாழக்கிழமை நள்ளிரவு முதல் வெள்ளிக்கிழமை அதிகாலை வரை நாகை மாவட்டம், நாகப்பட்டினம் மற்றும் வேதாரண்யம் பகுதிகளில் மிக பலத்த சூறை காற்று வீசியது.
கஜா புயல் நாகையை நெருங்கத் தொடங்கிய வியாழக்கிழமை மாலை முதல் நாகை மாவட்டத்தின் சில பகுதிகளில் மிதமான மற்றும் லேசான மழை பெய்யத் தொடங்கியது. மாலை 6 மணிக்குப் பின்னர், நாகப்பட்டினம், ஆயக்காரன்புலம் ஆகிய பகுதிகளில் பலத்தக் காற்றுடன் மழை பெய்தது.
இரவு சுமார். 10.50 மணியிலிருந்து நாகை, ஆயக்காரன்புலம் மற்றும் சுற்றுப் பகுதிகளில் சூறை காற்று வீசத் தொடங்கியது. இரவு சுமார் 11.30 மணி அளவில் நாகை, வேதாரண்யம், வேளாங்கண்ணி, செருதூர் உள்ளிட்ட பகுதிகளில் மழையுடன் மிக பலத்தக் காற்று வீசத் தொடங்கியது. 
இந்தக் காற்றின் சீற்றம் காரணமாக, ஆங்காங்கே பனை மற்றும் தென்னை மரங்கள் முறிந்து விழுந்தன. வீடுகளில் வேயப்பட்டிருந்த இரும்புத் தகடுகள், கீற்றுகள் மற்றும் விளம்பரப் பதாகைகள் காற்றின் வேகத்தில் சாலைகளில் வீசப்பட்டன. வெள்ளிக்கிழமை அதிகாலை சுமார் ஒரு மணிக்கு மேலாகவும் காற்றின் வேகம் அதிகரித்துக் கொண்டே இருந்தது.  மாவட்டத்தின் கடலோரப் பகுதிகள் முழுவதும் மின்சாரம் துண்டிக்கப்பட்டிருந்தது. 
வியாழக்கிழமை பிற்பகல் முதல் இரவு 12 மணி வரையிலான நேரத்தில் நாகை மாவட்டத்தில் அதிகளவாக நாகை மற்றும் சீர்காழியில் 38.6 மி.மீ மழை பதிவானது. 
மற்ற பகுதிகளின் மழையளவு (மி.மீட்டரில்) : மயிலாடுதுறை - 37. திருப்பூண்டி - 30.4. வேதாரண்யம்- 27. தலைஞாயிறு - 26.8. கொள்ளிடம் - 24.6. மணல்மேடு - 19.8. தரங்கம்பாடி - 7.3.

]]>
http://www.dinamani.com/all-editions/edition-nagapattinam/nagapattinam/2018/nov/16/கஜா-புயல்-சீற்றம்-நாகை-வேதாரண்யத்தில்-மிக-பலத்த-காற்றுடன்-மழை-நாகை-சீர்காழியில்-386-மிமீ-மழை-3039570.html
3039569 நாகப்பட்டினம் நாகப்பட்டினம் புயல் எச்சரிக்கை: நாகை, வேதாரண்யம் பகுதிகள் வெறிச்சோடின DIN DIN Friday, November 16, 2018 07:38 AM +0530 கஜா புயல் எச்சரிக்கை மற்றும் மாவட்ட நிர்வாக அறிவிப்பு காரணமாக, வியாழக்கிழமை பிற்பகலில் நாகை மற்றும் வேதாரண்யம் பகுதி  வீதிகள் மக்கள் நடமாட்டமின்றி வெறிச்சோடிக் காணப்பட்டன.
வங்கக் கடலில் உருவான கஜா புயல் அதிதீவிர புயலாக மாறி, கடலூர் - பாம்பன் இடையே, நாகைக்கு அருகே வியாழக்கிழமை இரவு கரையைக் கடக்கும் என வானிலை ஆய்வு மையம் அறிவித்தது. இந்தப் புயல் கரையைக் கடக்கும் போது, பலத்தக் காற்று வீசும், கனமழை பெய்யும் எனவும் அந்த அறிவிப்பில் குறிப்பிடப்பட்டது. இதையடுத்து, நாகை மாவட்டத்தில் உள்ள பள்ளி, கல்லூரிகளுக்கு வியாழக்கிழமை விடுமுறை அளித்து மாவட்ட நிர்வாகம் புதன்கிழமை உத்தரவிட்டது. மேலும், தனியார் நிறுவன ஊழியர்கள் பாதுகாப்பாக வீடு திரும்பும் வகையில்,  வியாழக்கிழமை பகல் 3 மணிக்குள் பணி நேரத்தை நிறைவு செய்ய வேண்டும் என மாவட்ட நிர்வாகம் உத்தரவிட்டது.  முன்னெச்சரிக்கை நடவடிக்கையாக, உயர்கோபுர விளக்குகள் அரை கம்பத்தில் இறக்கப்பட்டன. கடற்கரை பகுதிகளில் தேசிய பேரிடர் மீட்புப் படையினர், காவல் துறையினர் பாதுகாப்புப் பணிகளில் ஈடுபட்டிருந்தனர். பிற்பகல் 4 மணிக்குப் பின்னர், கடற்கரை பகுதிகளுக்கு செல்ல பொதுமக்களுக்கு அனுமதி மறுக்கப்பட்டன. முக்கியப் பகுதிகளில் அமைக்கப்பட்டிருந்த விளம்பரப் பதாகைகள் முன்னெச்சரிக்கை நடவடிக்கையாக அகற்றப்பட்டன.
வியாழக்கிழமை காலை முதல் நாகை மாவட்ட கடலோரப் பகுதிகளிலும், பிற்பகலில் நகரப் பகுதிகளிலும் புயல் எச்சரிக்கைக் குறித்த முன்னறிவிப்புகள் ஒலிப்பெருக்கி மூலம் அறிவிக்கப்பட்டு, மக்கள் பாதுகாப்பாக தங்கியிருக்க மாவட்ட நிர்வாகம் சார்பில் கேட்டுக் கொள்ளப்பட்டது. 
வியாழக்கிழமை பகல் 12 மணி வரை வானிலை மாற்றம் ஏதும் இல்லாத நிலையில்,  பிற்பகல் 1 மணி முதல் மந்தமான வானிலை நீடித்தது. பிற்பகல் 2 மணி அளவில் லேசான தூறல் மழை பெய்தது. இதையடுத்து, பொதுமக்களிடையே பரபரப்பு அதிகமானது. காய்கனிகள் கொள்முதல், மளிகை பொருள்கள் கொள்முதல் என பொதுமக்கள் தங்கள் அத்தியாவசிய உணவுத் தேவைக்கான கொள்முதல்களை வேகமாக மேற்கொள்ளத் தொடங்கினர். திரளானோர் தங்கள் வாகனங்களுக்கு பெட்ரோல் நிரப்ப தீவிரம் காட்டினர். இதனால், பெட்ரோல் விற்பனை நிலையங்களில் கடும் கூட்ட நெரிசல் ஏற்பட்டது. சுமார் 3.30 மணி அளவில் நாகை நகரப் பகுதிகளில் உள்ள கடைகள், வணிக நிறுவனங்கள், வங்கிகள் அடைக்கப்பட்டன. பிற்பகல் சுமார் 4.30 மணி முதல் வீதிகளில் மக்கள் நடமாட்டம் குறையத் தொடங்கியது. வீதிகள் வெறிச்சோடின. ஆட்டோ, கார், பேருந்து உள்ளிட்ட அனைத்து வாகனப் போக்குவரத்துகளும் நிறுத்தப்பட்டன. 
நாகை மாவட்டம், நாகப்பட்டினம், வேதாரண்யம், ஆறுகாட்டுத்துறை, வேளாங்கண்ணி உள்ளிட்ட கடலோரப் பகுதிகளில் வல்லம் படகுகள், கண்ணாடியிழைப் படகுகள் கடலிலிருந்து சுமார் 500 மீட்டருக்கு அப்பால் கயிறு கட்டி பாதுகாப்பாக நிறுத்தப்பட்டிருந்தன. இதேபோல், விசைப் படகுகள் படகுத் துறைகளில் பாதுகாப்பாக நிறுத்தப்பட்டிருந்தன. வியாழக்கிழமை பிற்பகல் 5 மணி முதல் நாகை மற்றும் சுற்றுப் பகுதிகளில் அவ்வப்போது காற்றுடன் கூடிய கனமழையும் மற்ற நேரங்களில் சாரல் மழையும் பெய்தது. 
சூறைக் காற்றுடன் மழை: இதேபோல, புயல் கரையைக் கடக்கும் பகுதியாகக் குறிப்பிடப்பட்ட வேதாரண்யம் மற்றும் சுற்றுப் பகுதிகளிலும் பிற்பகல் 3 மணிக்கு வீதிகள் வெறிச்சோடின. ஒரு சில பேருந்து போக்குவரத்துகள் தவிர மற்ற வாகனப் போக்குவரத்துகள் முழுமையாக நிறுத்தப்பட்டிருந்தன. மக்கள் பாதுகாப்பான இடங்களுக்குச் செல்ல ஒலிப்பெருக்கிகள் மூலம் தொடர்ந்து அறிவுறுத்தப்பட்டது. வேதாரண்யம் அருகே உள்ள ஆயக்காரன்புலம் மற்றும் சுற்றுப் பகுதிகளில் மாலை சுமார் 6 மணி அளவில் பலத்த சூறைக்காற்றுடன் மழை பெய்தது. தொடர்ந்து, அந்தப் பகுதிகளில் மழை மேகங்கள் நிலை கொண்டிருந்தன. வேதாரண்யம் மற்றும் சுற்றுப் பகுதிகளில் மாலை 6 மணி முதல் மின்சாரம் நிறுத்தப்பட்டிருந்தது.
உள்ளூர் விடுமுறை: மயிலாடுதுறை மாயூரநாதசுவாமி கோயில் துலா உத்ஸவ கடைமுக தீர்த்த விழாவையொட்டி, நாகை மாவட்டத்தில் உள்ள கல்வி நிலையங்கள் மற்றும் மாநில அரசுத் துறை அலுவலகங்களுக்கு வெள்ளிக்கிழமை (நவ. 16) உள்ளூர் விடுமுறை அளித்து மாவட்ட நிர்வாகம் ஏற்கெனவே அறிவிப்பு
வெளியிட்டுள்ளது குறிப்பிடத்தக்கது.

]]>
http://www.dinamani.com/all-editions/edition-nagapattinam/nagapattinam/2018/nov/16/புயல்-எச்சரிக்கை-நாகை-வேதாரண்யம்-பகுதிகள்-வெறிச்சோடின-3039569.html
3039568 நாகப்பட்டினம் நாகப்பட்டினம் மாயூரநாதர் கோயில் துலா உத்ஸவ தேரோட்டம் DIN DIN Friday, November 16, 2018 07:37 AM +0530 மயிலாடுதுறை அருள்மிகு மாயூரநாதர் சுவாமி கோயிலில் நடைபெறும் துலா உத்ஸவத்தை முன்னிட்டு தேரோட்டம் வியாழக்கிழமை   நடைபெற்றது.
திருவாவடுதுறை ஆதீனம் கட்டுப்பாட்டில் உள்ள மயிலாடுதுறை அருள்மிகு அபயாம்பிகை உடனுறை மாயூரநாதர் கோயிலில் துலா உத்ஸவப் பெருவிழா கடந்த அக்.18-ஆம் தேதி (ஐப்பசி மாதப் பிறப்பன்று) தீர்த்தவாரியுடன் தொடங்கி, நடைபெற்று வருகிறது. இதையொட்டி, தினமும் கோயிலில் சிறப்பு வழிபாடுகள், அபிஷேக- ஆராதனைகள், மாயூரநாதர் துலாக்கட்டக் காவிரியில் எழுந்தருளி தீர்த்தம் கொடுத்தருளல் ஆகிய நிகழ்ச்சிகள் நடைபெற்று வருகின்றன.
விழாவின் முக்கிய நிகழ்வுகளில் ஒன்றான திருத்தேரோட்டம்  வியாழக்கிழமை  நடைபெற்றது. இதையொட்டி, கோயிலில் நடைபெற்ற சிறப்பு வழிபாடுகளுக்குப் பின்னர், காலை 9 மணிக்கு மாயூரநாதர் பஞ்சமூர்த்திகளுடன் திருத்தேரில் எழுந்தருளச் செய்யப்பட்டார். தொடர்ந்து, தேரோட்டம் நடைபெற்றது. திருவாவடுதுறை ஆதீனம் 24-ஆவது குருமகா சந்நிதானம் ஸ்ரீலஸ்ரீ அம்பலவாண தேசிக பரமாசார்ய சுவாமிகள் வடம் பிடித்து தேரோட்டத்தை தொடங்கி வைத்தார். தேர் நான்கு  வீதிகளின் வழியே வலம் வந்து, பிற்பகல் 2 மணிக்கு மீண்டும் நிலையை வந்தடைந்தது.  இதில், வருவாய்க் கோட்டாட்சியர் கோ.தேன்மொழி, காவல் துணைக் கண்காணிப்பாளர் எஸ்.வெங்கடேசன், வட்டாட்சியர்து.விஜயராகவன், திருவாவடுதுறை ஆதீனம் கட்டளை ஸ்ரீமத்அம்பலவாண தம்பிரான் சுவாமிகள், கோயில் கண்காணிப்பாளர் எஸ்.குருமூர்த்தி, பாஜக தேசிய பொதுக்குழு உறுப்பினர் கே.ராஜேந்திரன், வழக்குரைஞர் ராம.சேயோன்  உள்ளிட்ட திரளான பக்தர்கள் கலந்துகொண்டு தேரின் வடம் பிடித்து சுவாமி தரிசனம் செய்தனர்.
வழக்கமாக மாயூரநாதர் கோயில்தேரோட்டம் ஆண்டுதோறும் பிற்பகலில் நடைபெறும். நிகழாண்டு கஜா புயல் காரணமாக பாதுகாப்பை கருத்தில் கொண்டு காலையில் தேரோட்டம் நடத்தப்பட்டது குறிப்பிடத்தக்கது. 
கடைமுகத் தீர்த்தவாரி: துலா உத்ஸவத்தின் நிறைவு நிகழ்ச்சியாக அருள்மிகு கெளரி மாயூரநாதர் இடபாரூபராய் துலாக்கட்டக் காவிரியில் எழுந்தருளி தீர்த்தம் கொடுத்தருளும் கடைமுகத் தீர்த்தவாரி வெள்ளிக்கிழமை (நவ.16) பிற்பகலில்  நடைபெறுகிறது.

]]>
http://www.dinamani.com/all-editions/edition-nagapattinam/nagapattinam/2018/nov/16/மாயூரநாதர்-கோயில்-துலா-உத்ஸவ-தேரோட்டம்-3039568.html
3039567 நாகப்பட்டினம் நாகப்பட்டினம் திருநகரி கோயிலில் திருமங்கையாழ்வார் திருக்கார்த்திகை உத்ஸவம் தொடக்கம் DIN DIN Friday, November 16, 2018 07:29 AM +0530 திருவெண்காடு அருகே உள்ள திருநகரி கல்யாணரெங்கநாதர் கோயிலில் திருமங்கையாழ்வார் திருக்கார்த்திகை உத்ஸவம் வியாழக்கிழமை கொடியேற்றத்துடன் தொடங்கியது.  
108 திவ்ய தேசங்களில் ஒன்றான இக்கோயிலில் திருமங்கையாழ்வார் தனி சன்னிதியில் எழுந்தருளியுள்ளார்.  திருமங்கையாழ்வார் கார்த்திகை மாதம் கார்த்திகை நட்சத்திரத்தன்று அவதரித்தார். இதையொட்டி, இக்கோயிலில் ஆண்டுதோறும் திருமங்கையாழ்வார் திருக்கார்த்திகை உத்ஸவம் கொண்டாடப்பட்டு வருகிறது. 
நிகழாண்டுக்கான திருமங்கையாழ்வார் திருக்கார்த்திகை உத்ஸவம் வியாழக்கிழமை கொடியேற்றத்துடன் தொடங்கியது. இதையொட்டி, குமுதவல்லி நாச்சியாருடன் திருமங்கையாழ்வார் கொடிமரம் எதிரே எழுந்தருளச் செய்யப்பட்டார். தொடர்ந்து, கொடி மரத்துக்கு சிறப்பு பூஜை செய்யப்பட்டு உத்ஸவக் கொடியேற்றப்பட்டது.
பின்னர், திருமங்கையாழ்வார் வீதியுலா நடைபெற்றது. இந்த உத்ஸவத்தையொட்டி ஹம்ச வாகனம், சூரிய பிரபை, யானை வாகனம் என தினமும் வெவ்வேறு வாகனங்களில் குமுதவல்லி நாச்சியாருடன் திருமங்கையாழ்வார் வீதியுலா நடைபெறுகிறது. நவ.18- ஆம் தேதி காலை ஆழ்வார் நாச்சியார் கோலத்தில் எழுந்தருளுகிறார். தொடர்ந்து, அன்று இரவு கருட சேவை நடைபெறுகிறது. அப்போது உத்ஸவர் வயலாளி மணவாளப் பெருமாள் தங்க கருட வாகனத்திலும், ஆழ்வார் சந்திர பிரபையிலும் எழுந்தருளி வீதியுலா நடைபெறவுள்ளது.
 பின்னர், நவ.22- ஆம் தேதி இரவு திருமங்கையாழ்வார் தங்க குதிரை வாகனத்தில் வீதிவலம் வரும் நிகழ்ச்சியும்,  23-ஆம் தேதி காலை பெருமாள் மற்றும் தாயாரை திருமங்கையாழ்வார் மங்களாசாசனம் செய்யும் வைபவமும், பின்னர் தேரோட்டமும், தீர்த்தவாரியும் நடைபெறவுள்ளது.
 இதற்கான ஏற்பாடுகளை மயிலாடுதுறை இந்து சமய அறநிலையத் துறை இணை ஆணையர் சிவக்குமார் ஆலோசனையின்படி கோயில் தக்கார் மற்றும் ஆய்வாளருமான மதியழகன், செயல் அலுவலர் அன்பரசன் உள்ளிட்டோர் செய்து வருகின்றனர்.  

]]>
http://www.dinamani.com/all-editions/edition-nagapattinam/nagapattinam/2018/nov/16/திருநகரி-கோயிலில்-திருமங்கையாழ்வார்-திருக்கார்த்திகை-உத்ஸவம்-தொடக்கம்-3039567.html
3039566 நாகப்பட்டினம் நாகப்பட்டினம் முகாம்களில்  பொதுமக்கள் தங்கவைப்பு DIN DIN Friday, November 16, 2018 07:28 AM +0530 கஜா புயலைக் கருத்தில் கொண்டு, முன்னெச்சரிக்கை நடவடிக்கையாக நாகை மாவட்டம், தரங்கம்பாடி வட்டத்துக்குள்பட்ட பகுதிகளைச் சேர்ந்த பொதுமக்கள், பாதுகாப்பு மையங்களில் தங்க வைக்கப்பட்டுள்ளனர்.
தரங்கம்பாடி வட்டத்துக்குள்பட்ட சந்திரபாடி, தரங்கம்பாடி, மாணிக்கபங்கு, காலமாநல்லூர், பிள்ளைபெருமாள்நல்லூர், மருதம்பள்ளம் ஆகிய மீனவ கிராமங்களைச் சேர்ந்த 1,158 பேர் புயல் பாதுகாப்பு மையம், பள்ளிக்கூடங்கள், திருமண மண்டபங்களில் பாதுகாப்பாக தங்க வைக்கப்பட்டு, அவர்களுக்குத் தேவையான உணவு பொருள்கள் வழங்கப்பட்டு வருகின்றன. மேலும், வட்டாட்சியர் சுந்தரம் தலைமையில் அனைத்து துறை அலுவலர்களும், தீயணைப்பு நிலைய அலுவலர் அருள்மொழி தேவன் தலைமையில் தீயணைப்பு வீரர்களும், போலீஸாரும் பாதுகாப்புப் பணியில் ஈடுபட்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/nov/16/முகாம்களில்-பொதுமக்கள்-தங்கவைப்பு-3039566.html
3039565 நாகப்பட்டினம் நாகப்பட்டினம் கஜா புயலால் பாதிப்புக்குள்ளாகும்  பகுதிகளில் தீவிர கண்காணிப்பு: தஞ்சை சரக டி.ஐ.ஜி.  DIN DIN Friday, November 16, 2018 07:28 AM +0530 நாகை மாவட்டத்தில், கஜா புயலால் பாதிக்கப்படும் பகுதியாக கண்டறியப்பட்டுள்ள இடங்களில் தீவிரமாக கண்காணிக்கப்படுகிறது என்றார் தஞ்சை சரக டி.ஜி.ஜி. ஜே. லோகநாதன். 
கஜா புயலையொட்டி, நாகையில் முகாமிட்டுள்ள மாநிலப் பேரிடர் மேலாண்மை மீட்புப் படையினருக்கு வியாழக்கிழமை அறிவுரை வழங்கி, அவர்கள் பயன்படுத்தும் தளவாடப் பொருள்களை ஆய்வு செய்த பின் செய்தியாளர்களுக்கு அவர் அளித்த பேட்டி:
 கஜா புயலால் மாவட்டத்தில் 83 இடங்கள் மிகவும் பாதிப்புக்குள்ளாகும் என கண்டறியப்பட்டு அந்த இடங்களில் கண்காணிக்க மீட்புப் படைக் குழுவுக்கு அறிவுறுத்தப்பட்டுள்ளது. மாவட்டத்தில் மழை, வெள்ள மீட்புப் பணிக்காக 75 தேசிய பேரிடர் மேலாண்மை மீட்புப்படை வீரர்களும்,120 மாநிலப் பேரிடர் மேலாண்மை மீட்புப் படை வீரர்களும் மற்றும் காவல் துறையினரும் தயார் நிலையில் உள்ளனர். இந்த மீட்புப் படையினர் வேதாரண்யம், நாகை, தரங்கம்பாடி, சீர்காழி ஆகிய வட்டங்களில் குழுக்களாக முகாமிட்டு கண்காணித்து வருகின்றனர். தவிர மேலும், 60 பேரிடர் மேலாண்மை மீட்புப்படை வீரர்கள் வருகின்றனர்.  
மாவட்டத்தில், புயல் பாதிப்பு குறித்து தகவல்களைப் பெற பேரிடர் மேலாண்மைக் கட்டுப்பாட்டு அறை எண் 04365-251992, ஆட்சியர் அலுவலக கட்டுப்பாட்டு அறை எண் 1077, மாநில அவசர கால கட்டுப்பாட்டு அறை எண் 1070 மற்றும் மாவட்டக் காவல் கண்காணிப்பாளர் அலுவலக கட்டுப்பாட்டு அறை எண் 04365-240430, வேதாரண்யம்  காவல் கட்டுப்பாட்டு அறை எண் 04369-251539 தயார் நிலையில் வைக்கப்பட்டுள்ளது என்றார்அவர். பின்னர், மாவட்ட காவல் கண்காணிப்பாளர் அலுவலக வளாகத்தில் மாநில பேரிடர் மேலாண்மை மீட்புப் படை வீரர்களுக்கு அறிவுரைகளை வழங்கி, அங்கு காட்சிப்படுத்தப்பட்டிருந்த மழை, வெள்ள மீட்பு தளவாடப் பொருள்களைப் பார்வையிட்டார். ஆய்வின்போது, மாவட்ட காவல் கண்காணிப்பாளர் செ. விஜயகுமார் உடனிருந்தார்.  
கலந்தாய்வு: கஜா புயல் வியாழக்கிழமை (நவ.15) கரையைக் கடக்கும் என வானிலை ஆய்வு மையம் அறிவித்ததைத் தொடர்ந்து, தேசிய பேரிடர் மேலாண்மை மீட்புப் படை மற்றும் மாநில பேரிடர் மேலாண்மை மீட்புப் படையை சேர்ந்த 255 வீரர்கள் உரிய பாதுகாப்பு தளவாடங்களுடன் நாகப்பட்டினம் மாவட்டத்தில் பல்வேறு பகுதிகளில் முகாமிட்டுள்ளனர். கஜா புயலையொட்டி, நாகை மாவட்ட காவல் துறை மேற்கொண்ட முன்னெச்சரிக்கை மற்றும் பாதுகாப்புப் நடவடிக்கைகள் குறித்து, மாவட்ட காவல் கண்காணிப்பாளர் அலுவலகத்தில் தஞ்சை சரக காவல்துறை துணைத் தலைவர் ஜே. லோகநாதன் வியாழக்கிழமை கலந்தாய்வு மேற்கொண்டார்.

]]>
http://www.dinamani.com/all-editions/edition-nagapattinam/nagapattinam/2018/nov/16/கஜா-புயலால்-பாதிப்புக்குள்ளாகும்-பகுதிகளில்-தீவிர-கண்காணிப்பு-தஞ்சை-சரக-டிஐஜி-3039565.html
3039564 நாகப்பட்டினம் நாகப்பட்டினம் புயல் பாதிப்பு குறித்து கட்டுப்பாட்டு அறையை தொடர்பு கொள்ள வேண்டுகோள்: அமைச்சர் ஓ.எஸ். மணியன் DIN DIN Friday, November 16, 2018 07:28 AM +0530 கஜா புயல் பாதிப்பு குறித்து தகவல் தெரிவிக்க அல்லது உதவிக்கு உடனடியாக கட்டுப்பாட்டு அறையை தொடர்புகொள்ள வேண்டுகோள் விடுத்துள்ளார் கைத்தறி மற்றும் துணிநூல் துறை அமைச்சர் ஓ.எஸ். மணியன். 
கஜா புயலையொட்டி, நாகை மாவட்டம், விழுந்தமாவடி, காமேஸ்வரம், செருதூர், வேளாங்கண்ணி, அக்கரைப்பேட்டை உள்ளிட்ட கடலோர கிராமங்களில் அமைக்கப்பட்டுள்ள புயல் பாதுகாப்பு மையங்களில் ஏற்படுத்தப்பட்டுள்ள அடிப்படை வசதிகள் குறித்து அமைச்சர் ஓ.எஸ். மணியன் வியாழக்கிழமை மாலை ஆய்வு செய்தார்.
ஆய்வுக்குப் பின்னர் செய்தியாளர்களுக்கு அவர் அளித்த பேட்டி : பாதுகாப்பு மையங்களில் தங்க வைக்கப்படும் மக்களுக்குத் தேவையான அனைத்து அடிப்படை வசதிகளும் அரசுத் துறைகளால் உறுதி செய்யப்பட்டுள்ளன.  புயல் எச்சரிக்கையாக,  மாவட்ட நிர்வாகம் தெரிவிக்கும் அறிவுறுத்தல்களை மக்கள் அனைவரும் முழுமையாகப் பின்பற்ற வேண்டும். மாவட்டத்தின் எந்தப் பகுதியிலாவது பேரிடர் பாதிப்பு ஏற்பட்டால் அது குறித்து 1077 என்ற கட்டணமில்லா தொலைபேசி எண்ணில் அல்லது 04365-251992 என்ற எண்ணில்  கட்டுப்பாட்டு அறையைத் தொடர்புகொள்ளலாம் என்றார். 
ஆய்வின்போது, ஆட்சியர் சீ. சுரேஷ்குமார், செய்தி மக்கள் தொடர்பு அலுவலர் மீ. செல்வகுமார், வட்டாட்சியர் தையல்நாயகி உள்ளிட்டோர் உடனிருந்தனர். 

]]>
http://www.dinamani.com/all-editions/edition-nagapattinam/nagapattinam/2018/nov/16/புயல்-பாதிப்பு-குறித்து-கட்டுப்பாட்டு-அறையை-தொடர்பு-கொள்ள-வேண்டுகோள்-அமைச்சர்-ஓஎஸ்-மணியன்-3039564.html
3039562 நாகப்பட்டினம் நாகப்பட்டினம் நாகை மாவட்டத்தில் 42 பாதுகாப்பு  மையங்களில் 18,444  பேர் தங்கவைப்பு DIN DIN Friday, November 16, 2018 07:10 AM +0530 நாகை மாவட்டத்தில், கஜா புயல் சீற்றம் மற்றும் கனமழையில் அதிகம் பாதிக்கப்படும் எனக் கருதப்பட்ட பகுதிகளைச் சேர்ந்த 18,444 பேர் 42 பாதுகாப்பு முகாம்களில் தங்கவைக்கப்பட்டுள்ளனர். 
கஜா புயல் எச்சரிக்கையொட்டி, நாகை மாவட்டத்தில் பேரிடர் பாதிப்புக்குள்ளாகும் பகுதிகளைச் சேர்ந்த பொதுமக்களை பாதுகாப்பாக தங்கவைப்பதற்காக 627 பொதுக் கட்டடங்களும், கால்நடைகளைப் பாதுகாப்பாக தங்கவைக்க 212 பாதுகாப்பு இடங்களும் கண்டறியப்பட்டன. 
வியாழக்கிழமை இரவு நாகை அருகே கஜா புயல் கரையைக் கடக்கும் எனக் குறிப்பிடப்பட்டதையடுத்து, மாவட்ட நிர்வாகம் சார்பில் நாகை மாவட்டத்தில் 111 பாதுகாப்பு மையங்களில் மக்களை தங்க வைப்பதற்கான ஏற்பாடுகள் முழு அளவில் மேற்கொள்ளப்பட்ட தயார்ப்படுத்தப்பட்டன. 
வட்டம் வாரியாக தயார் நிலையில் வைக்கப்பட்ட பாதுகாப்பு மையங்களின் எண்ணிக்கை:  நாகை- 26, கீழ்வேளூர்- 6, திருக்குவளை- 3, வேதாரண்யம்- 37, மயிலாடுதுறை- 12, தரங்கம்பாடி- 13, சீர்காழி- 14.   இதில்,  நாகை வட்டத்தில் 8 பாதுகாப்பு மையங்களும், கீழ்வேளூர் வட்டத்தில் 8 பாதுகாப்பு மையங்களும், திருக்குவளை வட்டத்தில் 3 பாதுகாப்பு மையங்களும், வேதாரண்யம் வட்டத்தில் ஒரு பாதுகாப்பு மையமும், தரங்கம்பாடி வட்டத்தில் 8 பாதுகாப்பு மையங்களும், சீர்காழி வட்டத்தில் 14 பாதுகாப்பு மையங்களும்  வியாழக்கிழமை பிற்பகலுக்குப் பின்னர் திறக்கப்பட்டு, அப்பகுதியைச் சேர்ந்த மக்கள் 18,444 பேர் தங்க வைக்கப்பட்டனர். வட்டம் வாரியாக பாதுகாப்பு மையங்களில் தங்க வைக்கப்பட்டுள்ளவர்களின் எண்ணிக்கை: நாகை - 1,054, கீழ்வேளூர் - 5,209, திருக்குவளை - 342, வேதாரண்யம் -  1,313, தரங்கம்பாடி- 1,158, சீர்காழி-  9,368.


 

]]>
http://www.dinamani.com/all-editions/edition-nagapattinam/nagapattinam/2018/nov/16/நாகை-மாவட்டத்தில்-42-பாதுகாப்பு--மையங்களில்-18444--பேர்-தங்கவைப்பு-3039562.html
3039561 நாகப்பட்டினம் நாகப்பட்டினம் நாகை மீனவர்கள் 40 பேர் சென்னையில் தஞ்சம் DIN DIN Friday, November 16, 2018 07:10 AM +0530 நாகையைச் சேர்ந்த 40 மீனவர்கள், புயல் சீற்றம் காரணமாக நாகை திரும்ப இயலாமல் சென்னை, காசிமேடு பகுதியில் வியாழக்கிழமை கரையேறியுள்ளனர்.
நாகை அக்கரைப்பேட்டை மற்றும் கீச்சாங்குப்பம் பகுதிகளைச் சேர்ந்த 40 மீனவர்கள் கடந்த சில நாள்களுக்கு முன்பு 4 விசைப் படகுகளில் கடலுக்கு மீன்பிடிக்கச் சென்றனர்.  கடல் சீற்றம் காரணமாக திசை மாறிய அவர்கள், கடந்த செவ்வாய்க்கிழமை ஆந்திரமாநிலம், கிருஷ்ணராஜபுரம் பகுதியை அடைந்தனர். அங்கு,  நாகை மீனவர்கள் கரையிறங்க அனுமதி மறுக்கப்பட்டது. பின்னர், கஜா புயல் தீவிரமடைந்ததையொட்டி,  நாகை மீனவர்கள் அங்கிருந்து புறப்பட்டு வியாழக்கிழமை சென்னை, காசிமேடு பகுதியில் கரையேறியுள்ளனர்.
கரை திரும்பாதவர்கள் இல்லை.. ஏற்கெனவே கடலுக்குச் சென்ற மீனவர்கள், புயல் எச்சரிக்கை காரணமாக உடனடியாக கரை திரும்ப வேண்டும் என நாகை மாவட்ட நிர்வாகம் சார்பில் கடந்த 2 நாள்களாக அறிவுறுத்தப்பட்டது. இதன்படி, பெரும்பாலான மீனவர்கள் புதன்கிழமை கரை திரும்பினர்.  இது தொடர்பாக, நாகை மீன்வளத் துறை இணை இயக்குநர் அமல்சேவியரிடம் கேட்ட போது, கடலுக்குச் சென்ற நாகை மாவட்ட மீனவர்கள் அனைவரும் கரை திரும்பிவிட்டனர்.  கரை திரும்பாத மீனவர்கள் யாரும் இல்லை என்றார். 
 

]]>
http://www.dinamani.com/all-editions/edition-nagapattinam/nagapattinam/2018/nov/16/நாகை-மீனவர்கள்-40-பேர்-சென்னையில்-தஞ்சம்-3039561.html
3039560 நாகப்பட்டினம் நாகப்பட்டினம் நாகையில் 10-ஆம் எண் புயல் எச்சரிக்கைக் கூண்டு DIN DIN Friday, November 16, 2018 07:09 AM +0530 கஜா புயல் நாகை அருகே கரையைக் கடக்கும் என சென்னை, வானிலை ஆய்வு மையம் அறிவித்ததைத் தொடர்ந்து, நாகை துறைமுக அலுவலகத்தில் வியாழக்கிழமை பிற்பகல் 10-ஆம் எண் புயல் எச்சரிக்கைக் கூண்டு ஏற்றப்பட்டது.
வங்கக் கடலின் தென்கிழக்குப் பகுதியில் நிலை கொண்டிருந்த காற்றழுத்தத் தாழ்வுப் பகுதி வலுப்பெற்று கடந்த 10 -ஆம் தேதி காற்றழுத்தத் தாழ்வு மண்டலமாக மாறியதைத் தொடர்ந்து, நாகையில் 1 -ஆம் எண் புயல் எச்சரிக்கைக் கூண்டு ஏற்றப்பட்டது.
பின்னர்,  இந்தக் காற்றழுத்தத் தாழ்வு மண்டலம் கடந்த 11-ஆம் தேதி கஜா புயலாக மாறியதைத் தொடர்ந்து, நாகை துறைமுக அலுவலகத்தில் 2-ஆம் எண் புயல் எச்சரிக்கைக் கூண்டு ஏற்றப்பட்டது. நவ. 11 -ஆம் தேதியிலிருந்து புதன்கிழமை வரை 2-ஆம் எண் புயல் எச்சரிக்கையே தொடர்ந்தது.
கஜா புயல் நாகையை நோக்கி நகரத் தொடங்கியதையடுத்து, வியாழக்கிழமை காலை 3-ஆம் எண் புயல் எச்சரிக்கைக் கூண்டு ஏற்றப்பட்டது. பின்னர், கஜா புயல் நகர்வின் வேகம் அதிகரித்ததுடன்,  நாகையிலிருந்து சுமார் 245 கி.மீ. தொலைவில் உள்ளதாக வானிலை ஆய்வு மையம் அறிவித்ததையடுத்து, வியாழக்கிழமை பிற்பகல் சுமார் 1.30 மணிக்கு நாகை துறைமுக அலுவலகத்தில் 10 -ஆம் எண் புயல் எச்சரிக்கைக் கூண்டு ஏற்றப்பட்டது. 
துறைமுகத்தை அல்லது அதன் அருகண்மைப் பகுதியைக் கடந்து செல்லும் புயலால்,  கடுமையான வானிலை மாற்றம் ஏற்படும் என்பதை அறிவிக்கும் பெரிய அபாய அறிவிப்பாக இந்தப் புயல் கூண்டு ஏற்றப்பட்டது.
நாகை மாவட்டம், சீர்காழி உள்ளிட்ட ஒரு சில பகுதிகளில் வியாழக்கிழமை காலை சுமார் 10 மணி அளவிலும்,  நாகை மற்றும் சுற்றுப் பகுதிகளில் பிற்பகல் 2 மணி அளவிலும் வானிலை மாற்றம் ஏற்பட்டு லேசான சாரல் மழை பெய்தது. மாலை சுமார் 5 மணி அளவில் நாகை மற்றும் சுற்றுப் பகுதிகளில் காற்றுடன் கூடிய மழை பெய்தது. பின்னர், லேசான சாரல் மழை நீடித்து வந்த நிலையில், மாலை 6 மணியிலிருந்து காற்றுடன் கூடிய கனமழை தொடர்ந்தது.
காரைக்கால் துறைமுகத்தில் 9-ஆம் எண் புயல் எச்சரிக்கைக் கூண்டு: இதேபோல், காரைக்கால் துறைமுகத்தில் 9-ஆம் எண் புயல் எச்சரிக்கைக் கூண்டு வியாழக்கிழமை மாலை 4 மணியளவில் ஏற்றப்பட்டது. தொடர்ந்து, 9-ஆம் எண் புயல் எச்சரிக்கைக் கூண்டே நீடித்து வருகிறது.


 

]]>
http://www.dinamani.com/all-editions/edition-nagapattinam/nagapattinam/2018/nov/16/நாகையில்-10-ஆம்-எண்-புயல்-எச்சரிக்கைக்-கூண்டு-3039560.html
3039559 நாகப்பட்டினம் நாகப்பட்டினம் வேதாரண்யத்தில் முன்னெச்சரிக்கை பணிகள் தீவிரம் DIN DIN Friday, November 16, 2018 07:09 AM +0530 நாகை மாவட்டம், வேதாரண்யம் பகுதியில் கஜா புயலை எதிர்கொள்ள முன்னெச்சரிக்கை பணிகள் வியாழக்கிழமை தீவிரமாக மேற்கொள்ளப்பட்டன.
வேதாரண்யம், தலைஞாயிறு ஒன்றியப் பகுதியில் உள்ள அனைத்து மீனவக் கிராமங்களிலும் ஒலிப்பெருக்கி வாயிலாக மீனவர்களுக்கு எச்சரிக்கை விடுக்கப்பட்டது. கோடியக்கரையில் பருவக்கால மீன்பிடிக்காக தற்காலிக குடியிருப்புகளில் முகாமிட்டுள்ள வெளியூர் மீனவக் குடும்பத்தினர் அங்கிருந்து வெளியேற்றப்பட்டு, பாதுகாப்பான இடங்களில் தங்கவைக்கப்பட்டுள்ளனர். புயல் தொடர்பான முன்னெச்சரிக்கை நடவடிக்கைகளை தமிழக  கைத்தறி மற்றும் துணிநூல் துறை அமைச்சர் ஓ.எஸ்.மணியன், கருவூலம் மற்றும் கணக்குத் துறை முதன்மைச் செயலாளர் தென்காசி சு.ஜவஹர், தஞ்சை சரக டிஐஜி லோகநாதன், சார் ஆட்சியர் கமல் கிஷோர் உள்ளிட்டோர் முகாமிட்டு கண்காணித்து வருகின்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/16/வேதாரண்யத்தில்-முன்னெச்சரிக்கை-பணிகள்-தீவிரம்-3039559.html
3038944 நாகப்பட்டினம் நாகப்பட்டினம் சவூதி அரேபியாவில் இறந்தவரின் வாரிசுக்கு ரூ.19.10 லட்சம் இழப்பீடு DIN DIN Thursday, November 15, 2018 07:22 AM +0530 சவூதி அரேபியாவில் பணிபுரிந்தபோது உயிரிழந்தவரின் வாரிசுக்கு சவூதி அரேபிய அரசால் வழங்கப்பட்ட இழப்பீடு தொகை ரூ.19,10,715-க்கான காசோலையை நாகை மாவட்ட ஆட்சியரகத்தில் ஆட்சியர் சீ. சுரேஷ்குமார் செவ்வாய்க்கிழமை வழங்கினார்.
நாகை மாவட்டம், தரங்கம்பாடி வட்டம், வெளிப்பாளையம் பகுதியைச் சேர்ந்தவர் ச. கரேல் சூசன்னா. இவர் சவூதி அரேபியாவில் பணிபுரிந்தபோது உயிரிழந்தார். இதைத்தொடர்ந்து, சவூதி அரேபிய அரசால் இந்திய தூதரகத்தின் வாயிலாக வரப்பெற்ற இழப்பீட்டுத் தொகை ரூ.19 லட்சத்து 10 ஆயிரத்து 715-க்கான காசோலையை கரேல் சூசன்னாவின் தாயார் சந்திராருத் அன்புச்செல்வியிடம் ஆட்சியர் சீ. சுரேஷ்குமார் வழங்கினார்.
 

]]>
http://www.dinamani.com/all-editions/edition-nagapattinam/nagapattinam/2018/nov/15/சவூதி-அரேபியாவில்-இறந்தவரின்-வாரிசுக்கு-ரூ1910-லட்சம்-இழப்பீடு-3038944.html
3038176 நாகப்பட்டினம் நாகப்பட்டினம் புயல் எச்சரிக்கை:  தேசிய பேரிடர் மீட்புக் குழுவினர் நாகை வருகை DIN DIN Wednesday, November 14, 2018 05:48 AM +0530 வங்கக் கடலில் உருவாகியுள்ள கஜா புயல் நவ. 15-ஆம் தேதி கரையைக் கடக்கும் என வானிலை ஆய்வு மையம் அறிவித்துள்ள நிலையில், தேசிய பேரிடர் மீட்புக்குழுவினர் 77 பேர் திங்கள்கிழமை இரவு நாகை வந்தனர்.
வங்கக்கடலில் உருவாகியுள்ள குறைந்த காற்றழுத்த தாழ்வு மண்டலமானது, புயலாக மாறி நவ. 15-ஆம் தேதி கடலூருக்கும், பாம்பனுக்குமிடையே கரையைக் கடக்கும் என வானிலை ஆய்வு மையம் தெரிவித்துள்ளது. இதைத்தொடர்ந்து, பாதுகாப்பு ஏற்பாடுகளை மாவட்ட நிர்வாகம் முடுக்கிவிட்டுள்ளது. இந்நிலையில், தேசிய பேரிடர் மேலாண்மை ஆணைய கட்டுப்பாட்டின்கீழ் உள்ள தேசிய பேரிடர் மீட்புப் படையைச் சேர்ந்த 77 பேர், துணை கமாண்டன்ட் பி. வைரவநாதன் தலைமையில், உரிய பாதுகாப்பு உபகரணங்களுடன் நாகைக்கு வந்துள்ளனர்.
திங்கள்கிழமை இரவு நாகப்பட்டினத்துக்கு வந்த இக்குழுவினர், வலிவலம் தேசிகர் பாலிடெக்னிக் கல்லூரியில் தங்க வைக்கப்பட்டுள்ளனர். அவர்களை மாவட்ட ஆட்சியர் சீ. சுரேஷ்குமார் செவ்வாய்க்கிழமை சந்தித்து, ஆலோசனை மேற்கொண்டார். தொடர்ந்து, கல்லூரி வாளாகத்தில் வைக்கப்பட்டிருந்த பாதுகாப்பு மற்றும் மீட்பு  உபகரணங்களை அவர் பார்வையிட்டார். 
அப்போது, மாவட்ட வருவாய் அலுவலர் வ. முருகேசன், காவல் கண்காணிப்பாளர் செ. விஜயகுமார், தேசிய பேரிடர் மீட்புப்படை துணை கமாண்டன்ட் பி. வைரவநாதன், மாவட்ட மக்கள் தொடர்பு அலுவலர் மீ. செல்வக்குமார், பேரிடர் மேலாண்மை வட்டாட்சியர் தமிமுல் அன்சாரி மற்றும் அரசு அதிகாரிகள் உடனிருந்தனர்.

]]>
http://www.dinamani.com/all-editions/edition-nagapattinam/nagapattinam/2018/nov/14/புயல்-எச்சரிக்கை-தேசிய-பேரிடர்-மீட்புக்-குழுவினர்-நாகை-வருகை-3038176.html
3038175 நாகப்பட்டினம் நாகப்பட்டினம் வைத்தீஸ்வரன்கோயிலில் கந்த சஷ்டி விழா DIN DIN Wednesday, November 14, 2018 05:47 AM +0530 நாகை மாவட்டம், சீர்காழி அருகே உள்ள வைத்தீஸ்வரன்கோயிலில், செல்வமுத்துக்குமார சுவாமி சிவபெருமானிடம் தங்கவேல் பெற்று சூரனை சம்ஹாரம் செய்யும் ஐதீக விழா செவ்வாய்க்கிழமை நடைபெற்றது.
சீர்காழி அருகே வைத்தீஸ்வரன்கோயிலில் தருமை ஆதீனத்துக்குச் சொந்தமான வைத்தியநாதசுவாமி கோயில் உள்ளது. இக்கோயிலில் தையல்நாயகி அம்மன் உடனாகிய வைத்தியநாத சுவாமி, செல்வமுத்துக்குமார சுவாமி, அங்காரகன் (செவ்வாய்) ஆகிய சுவாமிகள் அருள்பாலித்து வருகின்றனர்.
சூரசம்ஹார நிகழ்ச்சியையொட்டி, செவ்வாய்க்கிழமை காலை கிருத்திகை மண்டபத்தில் செல்வமுத்துக்குமார சுவாமிக்கு சிறப்பு அபிஷேகம், அலங்காரம் மற்றும் தீபாராதனை நடைபெற்றது. இதைத்தொடர்ந்து, நவரத்தினஆபரணங்கள் அலங்காரத்துடன் செல்வமுத்துக்குமாரசுவாமி கொடிமரம் அருகே எழுந்தருளினார்.
தொடர்ந்து, மூலவர் வைத்தியநாத சுவாமியிடமிருந்து சூரனை சம்ஹாரம் செய்ய தங்கவேல் வாங்கும் ஐதீக நிகழ்வு தருமபுரம் ஆதீனம் இளைய சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த சுவாமிகள் முன்னிலையில் நடைபெற்றது. சிவபெருமானிடம் தங்கவேல் வாங்கி முருகப்பெருமான் அம்பாளிடம் சக்தி பெற்று தங்கமயில் வாகனத்தில் எழுந்தருளினார். பின்னர், மேளதாளங்கள் முழங்க கோயில் பிராகாரத்தை வலம் வந்து, மேற்கு கோபுர வாசலில் அலங்கரிக்கப்பட்ட திருத்தேரில் எழுந்தருளினார்.
இதையடுத்து, சிவபெருமானிடம் பெற்ற வேலினைக் கொண்டு சூரனை சம்ஹாரம் செய்யும் நிகழ்வு சிவாச்சாரியார்களால் நடத்தி வைக்கப்பட்டது. அப்போது கூடியிருந்த ஆயிரக்கணக்கான பக்தர்கள் "அரோகரா', "அரோகரா' என கோஷமிட்டனர். 
விழாவில், வைத்தீஸ்வரன்கோயில் கட்டளை விசாரணை திருநாவுக்கரசு தம்பிரான் சுவாமிகள் உள்ளிட்ட ஏராளமான பக்தர்கள் பங்கேற்றனர். பாதுகாப்பு ஏற்பாடுகளை சீர்காழி டி.எஸ்.பி. சேகர் தலைமையில், காவல் ஆய்வாளர் சிங்காரவேலு மற்றும் போலீஸார் மேற்கொண்டனர். விழாவுக்கான ஏற்பாடுகளை கோயில் நிர்வாகத்தினர், சிவாச்சாரியார்கள், பக்தர்கள் மேற்கொண்டனர்.
 

]]>
http://www.dinamani.com/all-editions/edition-nagapattinam/nagapattinam/2018/nov/14/வைத்தீஸ்வரன்கோயிலில்-கந்த-சஷ்டி-விழா-3038175.html
3038174 நாகப்பட்டினம் நாகப்பட்டினம் நாகையில் மறியல்: மின்வாரிய  ஒப்பந்தத் தொழிலாளர்கள் 145 பேர் கைது DIN DIN Wednesday, November 14, 2018 05:47 AM +0530 நாகையில், மின்சார வாரிய மேற்பார்வைப் பொறியாளர் அலுவலகம் முன்பு மறியலில் ஈடுபட்ட மின்வாரிய ஒப்பந்தத் தொழிலாளர்கள் 145 பேரை போலீஸார் செவ்வாய்க்கிழமை கைது செய்தனர்.
தமிழ்நாடு மின்சார வாரியத்தில் பணிபுரியும் ஒப்பந்தத் தொழிலாளர்களைப் பணிநிரந்தரம் செய்ய வேண்டும், அனைத்து ஒப்பந்தத் தொழிலாளர்களுக்கும் முத்தரப்பு பேச்சுவார்த்தை ஒப்பந்த அடிப்படையில் ரூ.380 தினக்கூலி வழங்க வேண்டும், ஒப்பந்தத் தொழிலாளர்களுக்கு வழங்கப்பட வேண்டிய ஊதிய நிலுவைத் தொகையை உடனடியாக வழங்க வேண்டும், கருணைத் தொகை ரூ.4 ஆயிரம் வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி, தமிழ்நாடு மின்வாரிய ஒப்பந்தத் தொழிலாளர்கள் செவ்வாய்க்கிழமை மாநிலம் தழுவிய மறியல் போராட்டத்தில் ஈடுபட்டனர்.
இதன் ஒரு பகுதியாக, தமிழ்நாடு மின் ஊழியர் மத்திய அமைப்பின் (சிபிஐஎம் சார்பு) நாகை திட்டத் தலைவர் எஸ். சிவராஜன் தலைமையில், நாகையில் தமிழ்நாடு மின்சார வாரிய மேற்பார்வைப் பொறியாளர் அலுவலகம் முன்பு செவ்வாய்க்கிழமை காலை 200-க்கும் மேற்பட்ட ஒப்பந்தத் தொழிலாளர்கள் திரண்டு, கோரிக்கைகளை வலியுறுத்தி, ஆர்ப்பாட்டத்தில் ஈடுபட்டனர். இதில், சிஐடியு நாகை மாவட்டச் செயலாளர் சீனி. மணி, தமிழ்நாடு மின் ஊழியர் மத்திய அமைப்பு, திட்டச் செயலாளர் எம். கலைச்செல்வன், திட்டப் பொருளாளர் ஆர். செந்தில்குமார், கோட்டச் செயலாளர் வி. செபஸ்டியான் ஆகியோர் பங்கேற்று, கோரிக்கைகளை வலியுறுத்திப் பேசினர். பின்னர், மின்சார வாரிய மேற்பார்வைப் பொறியாளர் அலுவலக வாயிலில் அமர்ந்து மறியலில் ஈடுபட்டனர்.இதைத்தொடர்ந்து, பாதுகாப்புப் பணியிலிருந்த போலீஸார், மறியலில் ஈடுபட்ட  ஒப்பந்தத் தொழிலாளர்கள் 145 பேரை கைது செய்து, திருமண மண்டபம் ஒன்றில் அடைத்தனர். மாலை 6.30 மணியளவில் அனைவரும் விடுவிக்கப்பட்டனர்.  இந்த மறியல் போராட்டத்தில் நாகை மட்டுமன்றி மயிலாடுதுறை, சீர்காழி ஆகிய கோட்டங்களில் பணிபுரியும் ஒப்பந்தத் தொழிலாளர்களும் கலந்துகொண்டனர். 
 

]]>
http://www.dinamani.com/all-editions/edition-nagapattinam/nagapattinam/2018/nov/14/நாகையில்-மறியல்-மின்வாரிய--ஒப்பந்தத்-தொழிலாளர்கள்-145-பேர்-கைது-3038174.html
3038173 நாகப்பட்டினம் நாகப்பட்டினம் பழைய ஓய்வூதியத் திட்டத்தை அமல்படுத்தக் கோரி ஆர்ப்பாட்டம் DIN DIN Wednesday, November 14, 2018 05:37 AM +0530 பழைய ஓய்வூதியத் திட்டத்தை அமல்படுத்தக் கோரி நாகையில் செவ்வாய்க்கிழமை தமிழ்நாடு அரசு அனைத்துத் துறை ஓய்வூதியர் சங்கத்தினர் ஆர்ப்பாட்டத்தில் ஈடுபட்டனர். 
நாகை அவுரித் திடலில் ஓய்வூதியர் சங்க வட்டத் தலைவர் எம்.எம். காதர் மொகிதீன் தலைமையில் நடைபெற்ற ஆர்ப்பாட்டத்தில், புதிய ஓய்வூதியத் திட்டத்தை ரத்து செய்து விட்டு பழைய ஓய்வூதியத் திட்டத்தை நடைமுறைப்படுத்த வேண்டும், மருத்துவக் காப்பீட்டுத் திட்டத்தை அரசே ஏற்று நடத்த வேண்டும், மத்திய  அரசு வழங்குவதுபோல் அனைத்து ஓய்வூதியர்களுக்கும் குறைந்தபட்ச ஓய்வூதியம் வழங்க வேண்டும், குடும்பப் பாதுகாப்பு நிதி ரூ 1.50 லட்சம் வழங்க வேண்டும் உள்ளிட்ட பல்வேறு கோரிக்கைகள் வலியுறுத்தப்பட்டன. 
ஆர்ப்பாட்டத்தில், வட்டச் செயலர் வி. மாரிமுத்து, தமிழ்நாடு அரசு ஊழியர் சங்க பொதுச் செயலர் பி. அந்துவன்சேரல், மாவட்டச் செயலர் டி. இளவரசன், ஓய்வூதியர் சங்க மாநிலத் துணைத் தலைவர் கோ. சுந்தரமூர்த்தி உள்ளிட்டோர் பங்கேற்றனர்.
செம்பனார்கோவிலில்... செம்பனார்கோவில் ஊராட்சி ஒன்றிய அலுவலகம் எதிரே நடைபெற்ற ஆர்ப்பாட்டத்துக்கு ஓய்வூதியர் சங்க வட்டக் கிளைத் தலைவர் கந்தசாமி தலைமை வகித்தார். இதில், மாவட்ட தலைவர் ஜெகதீசன், துணைத் தலைவர் இளமுருகு செல்வன், இணைச் செயலாளர் கருணாநிதி உள்ளிட்ட பலர் கலந்துகொண்டனர். வட்டக் கிளைத் துணைத் தலைவர் ராஜாராமன் நன்றி கூறினார்.

]]>
http://www.dinamani.com/all-editions/edition-nagapattinam/nagapattinam/2018/nov/14/பழைய-ஓய்வூதியத்-திட்டத்தை-அமல்படுத்தக்-கோரி-ஆர்ப்பாட்டம்-3038173.html
3038172 நாகப்பட்டினம் நாகப்பட்டினம் காவல் துறையினருக்கு புத்தாக்கப் பயிற்சி DIN DIN Wednesday, November 14, 2018 05:36 AM +0530 காவல் துறையில் பணியாற்றும் அலுவலர்கள் மற்றும் காவலர்கள் மன அழுத்தத்திலிருந்து விடுபடுவதற்கான புத்தாக்கப் பயிற்சி நாகை மாவட்டக் காவல் கண்காணிப்பாளர் அலுவலகத்தில் செவ்வாய்க்கிழமை நடைபெற்றது. 
நாகை மாவட்ட காவல் துறை மற்றும் தஞ்சை மீனாட்சி மிஷன் மருத்துவமனை நிர்வாகம் ஆகியவை  இணைந்து நடத்திய, இப்பயிற்சியை மாவட்டக் காவல் கண்காணிப்பாளர் செ.வியஜகுமார் தொடங்கி வைத்தார். மீனாட்சி மருத்துவமனை ஊக்கப் பயிற்சியாளர் சுபாஷ் சந்திரபோஸ் பணியிலிருக்கும் காவல் துறையினர் மன அழுத்தத்திலிருந்து விடுபடும் வழிமுறைகள் குறித்து பயிற்சியளித்தார். மீனாட்சி மருத்துவமனை தலைமை நிர்வாகி மருத்துவர் ரமேஷ்பாபு, ஒருங்கிணைப்பாளர் பூபதி குமார் மற்றும் காவல் துணைக் கண்காணிப்பாளர்கள், ஆய்வாளர்கள், காவலர்கள், அலுவலக அமைச்சுப் பணியாளர்கள் உள்ளிட்ட 100-க்கும் மேற்பட்டோர் பயிற்சியில் பங்கேற்றனர். 

]]>
http://www.dinamani.com/all-editions/edition-nagapattinam/nagapattinam/2018/nov/14/காவல்-துறையினருக்கு-புத்தாக்கப்-பயிற்சி-3038172.html
3038171 நாகப்பட்டினம் நாகப்பட்டினம் தயார் நிலையில் மழை, வெள்ள மீட்புக் குழுவினர்: மாவட்ட காவல் கண்காணிப்பாளர் DIN DIN Wednesday, November 14, 2018 05:36 AM +0530 நாகை மாவட்டத்தில் மழை, வெள்ள மீட்புப் பணிகளில்  ஈடுபடுத்துவதற்காக பயிற்சி பெற்ற மழை வெள்ள மீட்புக் குழுவினர் தயார் நிலையில் உள்ளனர் என்றார் மாவட்ட காவல் கண்காணிப்பாளர் செ. விஜயகுமார். 
வங்கக் கடலில் உருவாகியுள்ள கஜா புயல் வியாழக்கிழமை (நவ.15) கரையைக் கடக்கும் என இந்திய வானிலை ஆய்வு மையம் தெரிவித்துள்ளதை தொடர்ந்து, நாகை மாவட்டத்தில் பாதிப்புகளை சரிசெய்யும் பணியில் பேரிடர் மேலாண்மை மீட்புப் பயிற்சி பெற்ற மீட்புக் குழுவினர் 170 பேர் பணியமர்த்தப்பட்டுள்ளனர். இக்குழுவினரை செவ்வாய்க்கிழமை சந்தித்து அறிவுரைகள் கூறியதுடன் பாதுகாப்பு உபகரணங்களை பார்வையிட்ட பிறகு செய்தியாளர்களிடம் அவர் கூறியது: கஜா புயலால் பொதுமக்களுக்கு பாதிப்பு ஏற்படாத வகையில், அனைத்து முன்னெச்சரிக்கை நடவடிக்கைகளும் மாவட்டத்தில் மேற்கொள்ளப்பட்டுள்ளன. நாகை மாவட்டத்தில்,தேசிய பேரிடர் மேலாண்மை ஆணையம், மீட்புக் குழுவினர் 77 பேர், மாநில பேரிடர் மேலாண்மைக் குழுவினர் 66 பேர், மாவட்ட வெள்ள மீட்புக் குழுவினர் 30 பேர் என மொத்தம் 170 பயிற்சிப் பெற்ற மழை, வெள்ள மீட்பு மற்றும் பாதுகாப்புப் பணிகளில் ஈடுபட தயார் நிலையில் உள்ளனர். இக்குழுவினர் நாகை, வேதாரண்யம், மயிலாடுதுறை, சீர்காழி ஆகிய 4 காவல் உட்கோட்டங்களிலும் குழுக்களாக பாதுகாப்புப் பணியில் ஈடுபடுவார்கள். தவிர மாவட்டத்தில் உள்ள அனைத்துப் பகுதிகளிலும்  காவல்துறையினரும் பாதுகாப்பு பணியில் ஈடுபடுகின்றனர் என்றார். 

]]>
http://www.dinamani.com/all-editions/edition-nagapattinam/nagapattinam/2018/nov/14/தயார்-நிலையில்-மழை-வெள்ள-மீட்புக்-குழுவினர்-மாவட்ட-காவல்-கண்காணிப்பாளர்-3038171.html
3038170 நாகப்பட்டினம் நாகப்பட்டினம் கஜா புயல்: முன்னெச்சரிக்கை நடவடிக்கை: தூங்குவாகை மரக்கிளைகள் அகற்றம் DIN DIN Wednesday, November 14, 2018 05:36 AM +0530 நாகை மாவட்டம், செம்பனார்கோவில் அருகே உள்ள இளையாளூர் கிராமத்தில், வடகரை நெடுஞ்சாலையில் கஜா புயல் முன்னெச்சரிக்கை நடவடிக்கையாக முறிந்துவிழும் அபாய நிலையில் இருந்த தூங்குவாகை மரக்கிளைகள் அகற்றப்பட்டன.
வங்கக் கடலில் உருவான குறைந்த காற்றழுத்த தாழ்வு மண்டலமானது புயலாக மாறி, கடலூருக்கும், பாம்பனுக்கும் இடையே வியாழக்கிழமை (நவ. 15) கரையைக் கடக்கும் என அறிவிப்பு வெளியாகியுள்ளது. இந்த நிலையில், இளையாளூர் கிராமத்தில் புயலால் சாலையோரம் உள்ள தூங்கு வாகை மரக்கிளைகள் முறிந்து விழும் ஆபத்து நேரிடுவதாகவும், எனவே அசம்பாவிதம் ஏற்படும் முன்பு அதன் கிளைகளை அகற்றக்கோரி, வடகரை ஜமாஅத்தார்கள் மயிலாடுதுறை கோட்டாட்சியர் தேன்மொழியிடம் கோரிக்கை விடுத்தனர். இதையடுத்து, வருவாய் ஆய்வாளர் கவிதா, கிராம நிர்வாக அலுவலர் கணேஷ்குமார் ஆகியோரது முன்னிலையில் மரக்கிளைகளை செவ்வாய்க்கிழமை அகற்றப்பட்டன. 
பணியின்போது மின்தடை ஏற்படுத்தி, மின்கம்பிகளை கீழிறக்கி, மின்வாரிய ஊழியர்கள் உதவிபுரிந்தனர். வடகரை ஜமாஅத்தைச் சேர்ந்த முகம்மது ஃபாரூக், கனி, ரபீக், அஸ்ரப் அலி மற்றும் பொதுமக்கள் உடனிருந்தனர்.


 

]]>
http://www.dinamani.com/all-editions/edition-nagapattinam/nagapattinam/2018/nov/14/கஜா-புயல்-முன்னெச்சரிக்கை-நடவடிக்கை-தூங்குவாகை-மரக்கிளைகள்-அகற்றம்-3038170.html
3038169 நாகப்பட்டினம் நாகப்பட்டினம் கஜா புயல்: நாகை மாவட்டத்தில் போதிய முன்னேற்பாடுகள் DIN DIN Wednesday, November 14, 2018 05:36 AM +0530 கஜா புயலிலிருந்து பொதுமக்களை பாதுகாக்க மாவட்டத்தில் போதிய முன்னெச்சரிக்கை நடவடிக்கைகள் மேற்கொள்ளப்பட்டுள்ளன என்றார் மாவட்ட ஆட்சியர் சீ. சுரேஷ்குமார்.
நாகையில் செவ்வாய்க்கிழமை செய்தியாளர்களுக்கு அளித்த பேட்டி: வங்கக் கடலில் உருவாகியுள்ள கஜா புயல் கடலோர மாவட்டங்களின் வழியே கரையைக் கடக்கும் என இந்திய வானிலை ஆய்வு மையம் எச்சரிக்கை விடுத்துள்ளது. இந்த அறிவிப்பையொட்டி, அனைத்துத் துறை அலுவலர்களும் கண்காணிப்பில் இருக்கவும், எவ்வித சூழலையும் எதிர்கொள்ளவும் தயார்படுத்தப்பட்டுள்ளனர். கடலுக்கு சென்றுள்ள மீனவர்கள் உடனடியாக கரைக்கு திரும்ப கேட்டுக் கொள்ளப்பட்டுள்ளது. 
மாவட்டத்தில் பொதுமக்களை தங்க வைப்பதற்காக 9 பல்நோக்கு பேரிடர் மையங்கள், 23 புயல் பாதுகாப்பு மையங்கள், பள்ளிகள், சமுதாயக் கூடங்கள், திருமண மண்டபங்கள் என 627 பொதுக் கட்டடங்கள் தயார் நிலையில் வைக்கப்பட்டுள்ளன. இம்மையங்களில் பொதுமக்களுக்குத் தேவையான உணவு மற்றும் குடிநீர் கிடைக்க நடவடிக்கை மேற்கொள்ளப்பட்டுள்ளன. இதேபோல், 14 நிலையான மருத்துவக் குழுக்கள், 19 பொபைல் மருத்துவக் குழுக்கள் அமைக்கப்பட்டு தேவையான மருத்துவ உபகரணங்கள், மருந்துப் பொருள்கள் வழங்கப்பட்டுள்ளன.
கிராம அளவில் பணியாற்ற 653  பெண்கள் உள்ளிட்ட 4,454 முதல்நிலைப் பொறுப்பாளர்கள் தயார் நிலையில் உள்ளனர். மனிதர்கள் மட்டுமின்றி கால்நடைகளைப் பாதுகாக்க 24 மருத்துவக் குழுக்களும், 21 கால்நடை பாதுகாப்பு மையங்களும் அமைக்கப்பட்டுள்ளன. தீயணைப்புத் துறை மூலம் தலா 10 பேர் கொண்ட 9 குழுக்கள், காவல் துறையில், மாநில பேரிடர் பயிற்சி பெற்ற காவலர்கள் தலா 10 பேர் வீதம் 8 குழுக்கள் தயார் நிலையில் உள்ளனர். 
புயல் காரணமாக மின்கம்பங்கள் பாதிக்கப்படும் என்பதால், உடனடியாக சரி செய்வதற்காக 6 ஆயிரம் மின் கம்பங்களும், மீட்புப் பணிக்காக மீன்வளத் துறை மூலம் 54 படகுகளும் தயார் நிலையில் வைக்கப்பட்டுள்ளன. தாழ்வானப் பகுதிகளில் வெள்ள பாதிப்பு ஏற்பட்டால் அதை, உடனடியாக சரி செய்ய 1.20 லட்சம் மணல் மூட்டைகளும், சாய்ந்த மரங்களைஅகற்றுவதற்காக 54 மரம் அறுக்கும் இயந்திரங்கள், 88 ஜே.சி.பி. இயந்திரங்கள் தயார் நிலையில் உள்ளன. 
மீட்புப் பணிக்காக தேசிய பேரிடர் மேலாண்மை மீட்புப் படையைச் சேர்ந்த தலா 25 பேர் கொண்ட 3 குழுக்களைச் சேர்ந்த மீட்புப்படை வீரர்கள் உரிய பாதுகாப்பு உபகரணங்களுடன் தங்கவைக்கப்பட்டுள்ளனர். புயலால் பாதிக்கப்படுபவர்களுக்கு உரிய உதவிகள் செய்ய மாவட்டத்தில் பணியாற்றும் 8 வட்டாட்சியர்களிடம் ரூ. 2 லட்சம் பணம் கையிருப்பு வைக்கப்பட்டுள்ளது. விடுப்பிலுள்ள அலுவலர்கள் உடனடியாகப் பணிக்கு  திரும்ப அறிவுறுத்தப்பட்டுள்ளது. பொதுமக்கள், அரசு அலுவலர்கள் கொடுக்கும் அறிவிப்பைத் தவிர, புயல் குறித்த வேறு எந்த விதமான வதந்தி மற்றும்  தகவல்களை நம்ப வேண்டாம். புயல் பாதிப்புகள் குறித்து 24 மணி நேரமும் செயல்பாட்டில் இருக்கும் 1077 என்ற தொலைப்பேசி எண்ணில் தொடர்புக் கொண்டு தகவல்களைத் தெரிவிக்கலாம் என்றார். 
பேட்டியின்போது, தேசிய பேரிடர் மேலாண்மை படை மீட்புக் குழு 4-ஆவது பிரிவு (அரக்கோணம்) துணை கமாண்டென்ட் பி. வைரவநாதன், மாவட்ட வருவாய் அலுவலர் வ. முருகேசன் ஆகியோர் உடனிருந்தனர். 


 

]]>
http://www.dinamani.com/all-editions/edition-nagapattinam/nagapattinam/2018/nov/14/கஜா-புயல்-நாகை-மாவட்டத்தில்-போதிய-முன்னேற்பாடுகள்-3038169.html
3038168 நாகப்பட்டினம் நாகப்பட்டினம் கஜா புயல்: ஆலோசனைக் கூட்டம் DIN DIN Wednesday, November 14, 2018 05:35 AM +0530 கஜா புயல் முன்னெச்சரிக்கை தொடர்பாக மேற்கொள்ள வேண்டிய நடவடிக்கைகள் குறித்து, செம்பனார்கோயில் ஒன்றிய அலுவலகத்தில் ஊராட்சி செயலர்களுக்கான  ஆலோசனைக் கூட்டம் செவ்வாய்க்கிழமை நடைபெற்றது.  
கூட்டத்துக்கு நாகை மாவட்ட ஊராட்சி செயலர் மற்றும் மண்டல அலுவலர் கோவிந்தராஜன் தலைமை வகித்தார். ஒன்றிய ஆணையர் தியாகராஜன், வட்டார வளர்ச்சி அலுவலர் (ஊராட்சி) அருண் ஆகியோர் முன்னிலை வகித்தனர். கூட்டத்தில் கஜா புயல் பாதிப்புகளை எதிர்கொள்வது குறித்து ஆலோசிக்கப்பட்டது. அப்போது, பழுதடைந்த தொகுப்பு வீடுகளில் வசிப்பவர்களை பாதுகாப்பான இடங்களுக்குச் செல்ல அறிவுறுத்தி துண்டு பிரசுரங்கள் வழங்கப்பட வேண்டும். பள்ளி சத்துணவுக்கூட சமையல் பாத்திரங்கள் மற்றும் எரிவாயு உருளைகளை தயார் நிலையில் வைத்திருக்க வேண்டும். மேல்நிலை நீர்த்தேக்கத் தொட்டிகளில் 13- ஆம் தேதி இரவுக்குள் முழுமையாக நீரேற்றம் செய்யப்பட்டு, குளோரினேஷன் செய்யப்பட வேண்டும். மணல் மூட்டைகளை தயாராக வைத்திருக்க வேண்டும் என ஊராட்சி செயலாளர்களுக்கு அறுவுறுத்தப்பட்டது.
இந்த கூட்டத்தில், செம்பனார்கோயில் ஒன்றியத்தைச் சார்ந்த 57 ஊராட்சி செயலர்கள் மற்றும் பணியாளர்கள் கலந்துகொண்டனர்.  நிறைவில் மண்டல துணை வட்டார வளர்ச்சி அலுவலர் நல்லமுத்து நன்றி கூறினார்.
 

]]>
http://www.dinamani.com/all-editions/edition-nagapattinam/nagapattinam/2018/nov/14/கஜா-புயல்-ஆலோசனைக்-கூட்டம்-3038168.html
3038167 நாகப்பட்டினம் நாகப்பட்டினம் கந்த சஷ்டிவிழா திரளான பக்தர்கள் பங்கேற்பு DIN DIN Wednesday, November 14, 2018 05:35 AM +0530 சிக்கல் சிங்காரவேலவர் கோயிலில்...
நாகை அருகேயுள்ள சிக்கல் சிங்காரவேலவர் கோயிலில் செவ்வாய்க்கிழமை இரவு சூரசம்ஹார விழா  நடைபெற்றது.
நாகை அருகே சிக்கலில் உள்ள நவநீதேசுவரசுவாமி திருக்கோயிலில் ஸ்ரீமுருகப்பெருமான் தனிச் சன்னிதியில் அருள்பாலித்து வருகிறார். இக்கோயிலில், ஆண்டுதோறும் கந்த சஷ்டி விழா நடைபெறுவது வழக்கம். நிகழாண்டு இவ்விழா கடந்த நவ. 8-ஆம் தேதி தொடங்கியது. கந்த சஷ்டி விழாவின் முக்கிய நிகழ்வுகளில் ஒன்றான ஸ்ரீமுருகப் பெருமான் தாயார் வேல் நெடுங்கண்ணியிடமிருந்து சக்திவேல் வாங்கும் நிகழ்வு திங்கள்கிழமை இரவு நடைபெற்றது. இதைத் தொடர்ந்து, விழாவின் முக்கிய நிகழ்ச்சியான சூரசம்ஹார விழா செவ்வாய்க்கிழமை நடைபெற்றது. விழாவையொட்டி, காலை 7 மணிக்கு ஸ்ரீ ஆறுமுகப் பெருமானுக்கு சிறப்பு அர்ச்சனையும், நண்பகல் 12 மணிக்கு சஷ்டி மஹா அபிஷேகமும் நடைபெற்றது. தொடர்ந்து, மாலை 6-மணியளவில் சிங்காரவேலவர் தங்க ஆட்டுக்கிடா வாகனத்தில் எழுந்தருளி சம்ஹாரம் செய்யும் சூரசம்ஹார ஐதீக விழா நடைபெற்றது. தொடர்ந்து, ஸ்ரீமுருகப் பெருமானின் இந்திர விமான வீதியுலாவும் , வாணவேடிக்கையும் நடைபெற்றது. இதில், திரளான பக்தர்கள் பங்கேற்று சுவாமி தரிசனம் செய்தனர். 

நாகை மெய்கண்ட மூர்த்தி சுவாமி கோயிலில்...
நாகப்பட்டினம், நவ.13: நாகை நீலா தெற்கு வீதியில் உள்ள அருள்மிகு மெய்கண்டமூர்த்தி (குமரன்) சுவாமி கோயிலில் சூரசம்ஹார விழா செவ்வாய்க்கிழமை நடைபெற்றது.
இந்து சமய அறநிலையத் துறைக்குச் சொந்தமான இக்கோயிலில் ஆண்டுதோறும் சூரசம்ஹார விழா நடைபெறுவது வழக்கம். நிகழாண்டில் இவ்விழா நவ. 8-ஆம் தேதி விக்னேஸ்வரா பூஜை, வாஸ்து சாந்தியுடன் தொடங்கியது. தொடர்ந்து, கோயிலில் நாள்தோறும் சிறப்பு வழிபாடுகள், சுவாமி புறப்பாடு மற்றும் அபிஷேக ஆராதனைகள் நடைபெற்றன. இதன் தொடர்ச்சியாக, செவ்வாய்க்கிழமை சூரசம்ஹார விழா நடைபெற்றது. இவ்விழாவையொட்டி, காலை 7 மணிக்கு கோயிலில் சிறப்பு வழிபாடுகள் நடைபெற்றன. பின்னர்,  முருகப் பெருமான் ஆட்டுக்கிடா வாகனத்தில் எழுந்தருளும் நிகழ்ச்சியும், இரவு 8.30 மணியளவில் நீலாயதாட்சியம்மன் 4 வீதிகள் வழியாக  வீதியுலாவும் நடைபெற்றது. இரவு 9 மணியளவில் முருகப் பெருமானின் சூரசம்ஹார ஐதீக விழா நடைபெற்றது. இதற்கான பூஜைகள் மற்றும் வழிபாடுகளை கோயில் அர்ச்சகர் குஞ்சிபாத சிவாச்சாரியார் செய்தார். கோயில் செயல் அலுவலர் கவியரசு மற்றும் பணியாளர்கள் 500-க்கும் மேற்பட்டோர் பங்கேற்று சுவாமி தரிசனம் செய்தனர். 

மஞ்சக்கொல்லை வெற்றி வேலாயுத சுவாமி கோயிலில்...
நாகையை அடுத்த மஞ்சக்கொல்லை அருள்மிகு வெற்றி வேலாயுத சுவாமி கோயில் கந்த சஷ்டி விழாவை முன்னிட்டு,  தேரோட்டம், முருகப்பெருமான் வேல்வாங்குதல், சூரசம்ஹாரம் மற்றும் சுவாமி புறப்பாடு நிகழ்ச்சிகள் செவ்வாய்க்கிழமை நடைபெற்றன.
குமரன்கோயில் என ஆன்மிகப் பற்றாளர்களால் அழைக்கப்பட்டு வரும் மஞ்சக்கொல்லை வெற்றி வேலாயுதசுவாமி கோயிலில் ஆண்டுதோறும் கந்த சஷ்டி விழா நடைபெற்று வருகிறது.
நிகழாண்டுக்கான, இவ்விழா நவ. 7 -ஆம் தேதி விக்னேஸ்வர  பூஜை, அனுக்ஞை, வாஸ்து சாந்தியுடன் தொடங்கியது. 8 -ஆம் தேதி காப்புக் கட்டுதல் நிகழ்ச்சி நடைபெற்றது. இதைத் தொடர்ந்து, கடந்த 6 நாள்களாக கோயிலில் சிறப்பு வழிபாடுகள், அபிஷேக ஆராதனைகள், வெவ்வேறு வாகனங்களில் சுவாமி புறப்பாடு நிகழ்ச்சிகள் நடைபெற்று வந்தன.
இதன் தொடர்ச்சியாக, கந்த சஷ்டி விழாவின் முக்கிய நிகழ்வான தேரோட்டம், முருகப்பெருமான் வேல்வாங்குதல் மற்றும் சூரசம்ஹாரம் ஆகியன செவ்வாய்க்கிழமை நடைபெற்றன.
இந்நிகழ்ச்சிகளை முன்னிட்டு, கோயிலில் நடைபெற்ற சிறப்பு வழிபாடுகளுக்குப் பின்னர் காலை 9.30 மணியளவில் முருகப்பெருமான் தேரில் எழுந்தருளும் நிகழ்ச்சியும், தொடர்ந்து தேரோட்டமும் நடைபெற்றன.
காலை 10.30 மணியளவில் கோயிலின் முன்பு  தொடங்கிய தேரோட்டம், கோயிலின் 4 வீதிகள் வழியாகச் சென்று நண்பகல் 12 மணியளவில் நிலையை வந்தடைந்து.
தொடர்ந்து நடைபெற்ற வழிபாடுகளுக்குப் பின்னர் பிற்பகல் 2.30 மணியளவில் முருகப்பெருமான் வேல் வாங்கும் விழா நடைபெற்றது.
பின்னர், முருகப்பெருமான் சூரர்களை சம்ஹாரம் செய்யும் நிகழ்ச்சியான சூரசம்ஹாரமும், மயில் வாகனத்தில் முருகப்பெருமான் எழுந்தருளி பிராகாரம் வலம் வருதல் நிகழ்ச்சியும் நடைபெற்றன.
இந்நிகழ்ச்சிகளில், நாகை மஞ்சக்கொல்லை மற்றும் சுற்றுப் பகுதிகளைச் சேர்ந்த திரளான பக்தர்கள், கோயில் நிர்வாகத்தினர் கலந்துகொண்டனர்.
பிற கோயில்களில் சூரசம்ஹார விழா: இதேபோல் நாகை மாவட்டம், மயிலாடுதுறை அருள்மிகு அபயாம்பிகை உடனுறை மாயூரநாதர், அருள்மிகு சுவேதாரண்யேசுவரர், திட்டச்சேரி அருள்மிகு சுப்பிரமணியசுவாமி, திருப்பூண்டி அருள்மிகு அகத்தீஸ்வரசுவாமி கோயில் ஆகிய கோயில்களிலும் சூரசம்ஹாரம் செவ்வாய்க்கிழமை இரவு நடைபெற்றது.

]]>
http://www.dinamani.com/all-editions/edition-nagapattinam/nagapattinam/2018/nov/14/கந்த-சஷ்டிவிழா-திரளான-பக்தர்கள்-பங்கேற்பு-3038167.html
3038166 நாகப்பட்டினம் நாகப்பட்டினம் கிராமசபைக் கூட்டம் DIN DIN Wednesday, November 14, 2018 05:33 AM +0530 குத்தாலம் ஒன்றியம், காஞ்சிவாய் ஊராட்சியில் 2019-2020- ஆம் ஆண்டுக்கான சிறப்பு கிராமசபைக் கூட்டம் திங்கள்கிழமை நடைபெற்றது. 
இக்கூட்டத்துக்கு மண்டல துணை வட்டார வளர்ச்சி அலுவலர் டி.மாரிமுத்து தலைமை வகித்தார். துணை வட்டார வளர்ச்சி அலுவலர் தினகரன், உதவி வேளாண்மை அலுவலர் கலையரசன், கிராம நிர்வாக அலுவலர் அம்சா, அங்காடி ஊழியர் கீர்த்திவாசன், நூலகர் முருகானந்தம் உள்ளிட்ட பல்வேறு துறை அலுவலர்கள் கலந்துகொண்டனர்.
இக்கூட்டத்தில், கிராமப் பகுதிகளில் அத்தியாவசியப் பணிகள், தேவைகள் மற்றும் நிறைவேற்றப்பட வேண்டிய பணிகள் குறித்து உள்ளூர் பொதுமக்களின் ஆலோசனைகளைப் பெற்று, அதன்படி கிராம வளர்ச்சிக்கான திட்டம் தயார் செய்யப்பட்டது. நிறைவில் ஊராட்சி செயலாளர் தேவேந்திரன் நன்றி கூறினார்.

]]>
http://www.dinamani.com/all-editions/edition-nagapattinam/nagapattinam/2018/nov/14/கிராமசபைக்-கூட்டம்-3038166.html
3038165 நாகப்பட்டினம் நாகப்பட்டினம் தூய்மை பள்ளி விருது DIN DIN Wednesday, November 14, 2018 05:33 AM +0530 சீர்காழி வாணிவிலாஸ் உதவிப்பெறும் துவக்கப்பள்ளி தூய்மை பள்ளி விருது பெற்றுள்ளது. 
சீர்காழியில் செயல்பட்டு வரும் பால்சாமி நாடார் கல்வி அறக்கட்டளையின் வாணிவிலாஸ் துவக்கப்பள்ளிக்கு மத்திய அரசின் மனிதவள மேம்பாட்டுத்துறை சார்பில் அனைவருக்கும் கல்வி இயக்கத் திட்டத்தின் மூலமாக ஸ்வாச் வித்யாலயா புரஸ்கார் எனும் விருது (தூய்மைக்கான விருது) அண்மையில் நாகை மாவட்ட ஆட்சியர் சீ. சுரேஷ்குமாரால்  வழங்கப்பட்டது. தவிர, ரூ. 5 ஆயிரத்துக்கான காசோலையும் வழங்கப்பட்டது.
இதை பள்ளித் தலைமையாசிரியை ஹேமலதா பெற்றுக் கொண்டார். விருது பெற்றமைக்காக பள்ளிச் செயலர் மா. ராமர் உள்ளிட்டோர் பாராட்டினர்.

]]>
http://www.dinamani.com/all-editions/edition-nagapattinam/nagapattinam/2018/nov/14/தூய்மை-பள்ளி-விருது-3038165.html
3038164 நாகப்பட்டினம் நாகப்பட்டினம் பெண்ணிடம் 7 பவுன் பறிப்பு DIN DIN Wednesday, November 14, 2018 05:33 AM +0530 பொறையாறு அருகே பெண்ணிடமிருந்து 7 பவுன் சங்கிலியை மர்ம நபர்கள் பறித்துச் சென்றனர். 
செம்பனார்கோவில் அருகேயுள்ள ஆறுபாதியைச் சேர்ந்த லதா (37) சனிக்கிழமை இரவு மயிலாடுதுறையிலிருந்து பேருந்தில் வீட்டிற்கு சென்றார். ஆறுபாதி பேருந்து நிறுத்தத்தில் இறங்கி வீட்டுக்கு சென்றபோது, அங்கு இருசக்கர வாகனத்தில் வந்த  மர்ம நபர்கள் லதா அணிந்திருந்த 5 பவுன் தாலி சங்கலி, 2 பவுன் டாலர் சங்கலி ஆகியவற்றை பறித்துகொண்டு தப்பியோடினர். 
இதுகுறித்து, லதா செம்பனார்கோவில் காவல் நிலையத்தில் அளித்த புகாரின்பேரில் போலீஸார் வழக்குப் பதிந்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/nov/14/பெண்ணிடம்-7-பவுன்-பறிப்பு-3038164.html
3038163 நாகப்பட்டினம் நாகப்பட்டினம் கார் மோதி பெண் சாவு DIN DIN Wednesday, November 14, 2018 05:32 AM +0530 நாகை மாவட்டம், செம்பனார்கோவிலில் கார் மோதி பெண் ஒருவர் உயிரிழந்தார். 
செம்பனார்கோவில் குரங்குபுத்தூர் பிரதான சாலையைச் சேர்ந்தவர் கம்சலம் (60). இவர் சனிக்கிழமை சாலையோரம் நடந்து சென்றபோது, பின்னால் வந்த கார் மோதியதில் பலத்த காயமடைந்தார். இதைத்தொடர்ந்து, திருவாரூர் மருத்துவக் கல்லூரி மருத்துவமனையில் அனுமதிக்கப்பட்ட அவர், சிகிச்சை பலனின்றி உயிரிழந்தார். செம்பனார்கோவில் போலீஸார் வழக்குப் பதிந்து, விசாரணை மேற்கொண்டுள்ளனர்.

]]>
http://www.dinamani.com/all-editions/edition-nagapattinam/nagapattinam/2018/nov/14/கார்-மோதி-பெண்-சாவு-3038163.html
3038162 நாகப்பட்டினம் நாகப்பட்டினம் காவல் துறையை கண்டித்து ஆர்ப்பாட்டம் DIN DIN Wednesday, November 14, 2018 05:32 AM +0530 ஆக்கூர் முக்கூட்டில் செவ்வாய்க்கிழமை மார்க்சிஸ்ட் கம்யூனிஸ்ட் கட்சி, இந்திய ஜனநாயக வாலிபர் சங்கம் இணைந்து காவல் துறையை கண்டித்து ஆர்ப்பாட்டம் நடத்தியது. 
இந்திய ஜனநாயக வாலிபர் சங்க வட்டச் செயலர் கே.பி. மார்க்ஸ் தலைமையில் நடைபெற்ற ஆர்ப்பாட்டத்தில், தமிழகத்தில் பெண்கள், குழந்தைகள் மீதான பாலியல் வன்கொடுமை அதிகரித்து வருவதை கண்டித்தும், சேலம் , தருமபுரி ஆகிய பகுதிகளில் நிகழ்ந்த பாலியல் வன்கொடுமைகளை கண்டித்தும், மயிலாடுதுறையில் பொதுமக்களுக்கு இடையூராக நகரின் மையப் பகுதியில் டாஸ்மாக் கடை திறப்புக்கு எதிராக போராட்டம் நடத்திய மார்க்சிஸ்ட் கட்சியினர் 23 பேரை கைது செய்து சிறையில் அடைத்த காவல்துறையை கண்டித்தும், உடனடியாக அவர்களை விடுதலை செய்ய வலியுறுத்தப்பட்டது. ஆர்ப்பாட்டத்தில், மார்க்சிஸ்ட் கம்யூனிஸ்ட் கட்சியின் வட்டச் செயலர் பி. சீனிவாசன், மாவட்டக் குழு உறுப்பினர்கள் சிம்சன், ராசைய்யன், ரவிச்சந்திரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-nagapattinam/nagapattinam/2018/nov/14/காவல்-துறையை-கண்டித்து-ஆர்ப்பாட்டம்-3038162.html
3038161 நாகப்பட்டினம் நாகப்பட்டினம் பட்டாசு வெடித்தவர்கள் மீது போடப்பட்டுள்ள வழக்குகளை வாபஸ் பெறக் கோரிக்கை DIN DIN Wednesday, November 14, 2018 05:31 AM +0530 தீபாவளி தினத்தன்று தமிழக அரசின் உத்தரவை மீறி பட்டாசு வெடித்ததாக ஆயிரக்கணக்கானோர் மீது போடப்பட்டுள்ள வழக்குகளை திரும்ப பெற வேண்டும் என இந்து மக்கள் கட்சி கோரிக்கை விடுத்துள்ளது.
இதுதொடர்பாக, இந்து மக்கள் கட்சியின் மாநிலச் செயலாளர் கொள்ளிடம்.ஜெ.சுவாமிநாதன் வெளியிட்ட அறிக்கை:
உச்சநீதிமன்ற உத்தரவுபடி, தீபாவளி தினத்தன்று காலை 6 முதல் 7 மணி வரையிலும், இரவு 7 முதல் 8 மணி வரையிலும் மட்டுமே பட்டாசு வெடிக்க வேண்டும் என தமிழ அரசு உத்தரவிட்டிருந்தது.
இந்நிலையில், தீபாவளி தினத்தன்று அரசு உத்தரவை மீறி பட்டாசு வெடித்ததாக தமிழகம் முழுவதும் சிறுவர்கள் உள்ளிட்ட 2 ஆயிரத்துக்கும் மேற்பட்டோர் மீது போலீஸார் வழக்குப் பதிவு செய்துள்ளனர். இந்த வழக்குகள் எந்தப் பிரிவின் கீழ் போடப்பட்டுள்ளது என்பது தெளிவானதாக இல்லை.
இந்த நடவடிக்கையால் பட்டாசு தொழிலை வாழ்வாதாரமாகக் கொண்டுள்ள லட்சக்கணக்கான தொழிலாளர்கள் பாதிக்கப்படும் நிலையுள்ளது. எனவே, இந்த பிரச்னையில் தமிழக முதல்வர் தலையிட்டு மேற்கண்ட வழக்குகளை திரும்பப் பெற நடவடிக்கை எடுக்க வேண்டும் என அந்த அறிக்கையில் கோரிக்கை விடுக்கப்பட்டுள்ளது.

]]>
http://www.dinamani.com/all-editions/edition-nagapattinam/nagapattinam/2018/nov/14/பட்டாசு-வெடித்தவர்கள்-மீது-போடப்பட்டுள்ள-வழக்குகளை-வாபஸ்-பெறக்-கோரிக்கை-3038161.html
3038160 நாகப்பட்டினம் நாகப்பட்டினம் நாகையில் 3-ஆவது நாளாக நீடித்த 2 -ஆம் எண் புயல் எச்சரிக்கைக் கூண்டு DIN DIN Wednesday, November 14, 2018 05:31 AM +0530 வங்கக் கடலில் உருவாகியுள்ள கஜா புயல் காரணமாக, நாகை துறைமுக அலுவலகத்தில் 3 -ஆது நாளாக செவ்வாய்க்கிழமை 2 -ஆம் எண் புயல் எச்சரிக்கைக் கூண்டு நீடித்தது.
வங்கக் கடல் பரப்பில் குறைந்த காற்றழுத்தத் தாழ்வு மண்டலம் காரணமாக, இந்திய வானிலை ஆய்வு மையம் அறிவுறுத்தலின்படி, நாகை துறைமுக அலுவலகத்தில் கடந்த  11-ஆம் தேதி 2 -ஆம் எண் புயல் எச்சரிக்கைக் கூண்டு ஏற்பட்டது.
இந்நிலையில், வங்கக் கடலில் உருவாகியுள்ள கஜா புயலானது சென்னைக்கு 600 கி.மீ. தொலைவிலும், நாகப்பட்டினத்துக்கு 760 கி.மீ. தொலைவிலும் நிலை கொண்டுள்ளதாகவும் செவ்வாய்க்கிழமை பிற்பகல் 2.30 மணியளவில் வானிலை ஆய்வு அறிவிப்பு வெளியிட்டதைத் தொடர்ந்து நாகை துறைமுக அலுவலகத்தில் ஏற்பட்ட 2 -ஆம் எண் புயல் எச்சரிக்கைக் கூண்டு, 3-ஆவது நாளாக செவ்வாய்க்கிழமையும் நீடித்தது.
பொது அறிவிப்பு: இதையொட்டி, கடலோரத்திலும், தாழ்வானப் பகுதிகளிலும் வசிக்கும் மக்கள், வசிப்பிடத்தைவிட்டு வெளியேறி பாதுகாப்பான இடங்களில் தங்க வேண்டும் என நாகை அக்கரைப்பேட்டை பகுதியில் ஒலிப்பெருக்கி மூலம் அறிவிக்கப்பட்டதாக நாகை  வட்டாட்சியர் இளங்கோவன் தெரிவித்தார்.
 

]]>
http://www.dinamani.com/all-editions/edition-nagapattinam/nagapattinam/2018/nov/14/நாகையில்-3-ஆவது-நாளாக-நீடித்த-2--ஆம்-எண்-புயல்-எச்சரிக்கைக்-கூண்டு-3038160.html
3037896 நாகப்பட்டினம் நாகப்பட்டினம் நாகை: 8 இடங்களில் கிராம நிர்வாக அலுவலர்கள் கவன ஈர்ப்பு ஆர்ப்பாட்டம் DIN DIN Tuesday, November 13, 2018 05:35 AM +0530
நாகை மாவட்டத்தில் உள்ள 8 வட்டாட்சியர் அலுவலகங்கள் முன்பு, தமிழ்நாடு கிராம நிர்வாக அலுவலர்கள் சங்கத்தினர் திங்கள்கிழமை கவன ஈர்ப்பு ஆர்ப்பாட்டத்தில் ஈடுபட்டனர்.
கூடுதல் பொறுப்பு வகிக்கும் கிராம நிர்வாக அலுவலர்களுக்கு வழங்கப்பட்டு வந்த கூடுதல் பொறுப்பூதியம் கடந்த ஓராண்டாக வழங்கப்படவில்லை எனக் கூறப்படுகிறது. இதைக் கண்டித்தும், பல்வேறு கோரிக்கைகளை வலியுறுத்தியும், நாகை மாவட்டத்தில் நாகை,வேதாரண்யம், திருக்குவளை, கீழ்வேளூர், மயிலாடுதுறை, சீர்காழி, குத்தாலம், தரங்கம்பாடி ஆகிய 8 இடங்களில் வட்டாட்சியர் அலுவலகங்கள் முன்பு தமிழ்நாடு கிராம நிர்வாக அலுவலர்கள் சங்கத்தினர் கவன ஈர்ப்பு ஆர்ப்பாட்டத்தில் ஈடுபட்டனர்.
நாகையில்...
நாகையில் வட்டாட்சியர் அலுவலகம் முன்பு சங்கத்தின் நாகை வட்டத் தலைவர் கே. மாரியப்பன் தலைமையில் நடைபெற்ற ஆர்ப்பாட்டத்தில் முன்னாள் மாவட்டத் தலைவர் பி.வீரமணி உள்ளிட்ட கிராம நிர்வாக அலுவலர்கள் 50-க்கும் மேற்பட்டோர் கலந்துகொண்டனர்.
கீழ்வேளூரில்...
கீழ்வேளூர் வட்டாட்சியர் அலுவலகம் முன்பு சங்க வட்டத் தலைவர் பிரபாகரன் தலைமையில் நடைபெற்ற ஆர்ப்பாட்டத்தில் கிராம நிர்வாக அலுவலர்கள் 37 பே ர் கலந்துகொண்டனர்.
திருக்குவளையில்...
திருக்குவளை வட்டாட்சியர் அலுவலகம் முன்பு சங்க வட்டத் தலைவர் முருகையன் தலைமையில் நடைபெற்ற ஆர்ப்பாட்டத்தில் கிராம நிர்வாக அலுவர்கள் 17 பேர் கலந்துகொண்டனர்.
மயிலாடுதுறையில்...
மயிலாடுதுறை வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு, வட்டத் தலைவர் திருமலைச்சங்கு தலைமை வகித்தார். நாகை மாவட்டச் செயலாளர் மாரியப்பன் சிறப்பு அழைப்பாளராகப் பங்கேற்று, கோரிக்கைகளை வலியுறுத்திப் பேசினார். வட்டச் செயலாளர் என். குமரவேல், பொருளாளர் எஸ்.குமரன் உள்ளிட்ட கிராம நிர்வாக அலுவலர்கள் கலந்துகொண்டனர்.
குத்தாலத்தில்...
குத்தாலம் வட்டாட்சியர் அலுவலகம் முன்பு வட்ட கிராம நிர்வாக அலுவலர்கள் சங்கத் தலைவர் ஜெயப்பிரகாஷ் தலைமையில் நடைபெற்ற ஆர்ப்பாட்டத்தில், சங்கச் செயலர் ராஜ்மோகன், பொருளாளர் சரவணன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/நாகை-8-இடங்களில்-கிராம-நிர்வாக-அலுவலர்கள்-கவன-ஈர்ப்பு-ஆர்ப்பாட்டம்-3037896.html
3037895 நாகப்பட்டினம் நாகப்பட்டினம் அரசு மருத்துவமனையில் சுகாதாரத் துறை இணை இயக்குநர் ஆய்வு DIN DIN Tuesday, November 13, 2018 05:35 AM +0530
மயிலாடுதுறை அரசு பெரியார் மருத்துவமனையில் மாநில பொது சுகாதாரம் மற்றும் நோய்த் தடுப்பு மருந்துத் துறை இணை இயக்குநர் சகாயமேரி ரீட்டா திங்கள்கிழமை நேரில் ஆய்வு மேற்கொண்டார்.
டெங்கு மற்றும் பன்றிக் காய்ச்சலைக் கட்டுப்படுத்தும் வகையில், தமிழக அரசு நோய்த் தடுப்புக்கான தொடர் நடவடிக்கைகளை மேற்கொண்டு வருகிறது. இதன் தொடர்ச்சியாக, மாநில பொது சுகாதாரம் மற்றும் நோய்த் தடுப்பு மருந்துத் துறை இணை இயக்குநர் சகாயமேரி ரீட்டா திங்கள்கிழமை நேரில் ஆய்வு மேற்கொண்டார்.
அங்கு அவர், டெங்கு மற்றும் பன்றிக் காய்ச்சலால் பாதிக்கப்படுபவர்களுக்கு அளிக்கப்படும் சிகிச்சைகள் குறித்து மருத்துவர்களிடம் கேட்டறிந்தார். மேலும், மருத்துவமனையை தூய்மையாக வைத்துக் கொள்ளுமாறு மருத்துவமனை ஊழியர்களுக்கு அறிவுறுத்தினர்.
கலந்தாய்வுக் கூட்டம்: தொடர்ந்து, மயிலாடுதுறை நகராட்சி நிர்வாகம் சார்பில் சி.சி.சி. சமுதாயக் கல்லூரியில் ஏற்பாடு செய்யப்பட்டிருந்த டெங்கு மற்றும் பன்றிக்காய்ச்சல் விழிப்புணர்வு கலந்தாய்வுக் கூட்டத்தில் பங்கேற்று, நோய்த் தடுப்புக்காக களப்பணியாற்றவுள்ள சமுதாயக் கல்லூரி மாணவிகளுக்கு அறிவுரை வழங்கினார்.
இந்நிகழ்ச்சிகளில் நாகை மாவட்ட மருத்துவ நலப்பணிகள் இணை இயக்குநர் மகேந்திரன், நோய்த் தடுப்பு மற்றும் மருந்துத் துறை துணை இயக்குநர் சண்முகசுந்தரம், மயிலாடுதுறை அரசுப் பெரியார் மருத்துவமனை தலைமை மருத்துவர் ராஜசேகர், மாவட்ட பூச்சியியல் அலுவலர் சுப்பிரமணியன், மயிலாடுதுறை நகராட்சி ஆணையர் கிருஷ்ணமூர்த்தி உள்ளிட்டோர் கலந்து கொண்டனர்.
துலாக்கட்ட காவிரியில் ஆய்வு: இதைத்தொடர்ந்து, மயிலாடுதுறை துலாக்கட்ட காவிரிப் பகுதியில் ஆய்வு மேற்கொண்ட மாநில பொது சுகாதாரம் மற்றும் நோய்த் தடுப்பு மருந்துத் துறை இணை இயக்குநர் சகாய மேரி ரீட்டா, துலாக்கட்ட காவிரி பகுதியில் தூய்மைப் பணிகளை மேற்கொள்ள நகராட்சி நிர்வாகத்தினரை அறிவுறுத்தினர்.
பின்னர் டெங்கு, பன்றிக்காய்ச்சால் தடுப்புக்கான களப் பணியில் ஈடுபடவுள்ள சமுதாயக் கல்லூரி மாணவியருக்கு கை கழுவும் முறைகள் குறித்துப் பயிற்சியளித்தார்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/அரசு-மருத்துவமனையில்-சுகாதாரத்-துறை-இணை-இயக்குநர்-ஆய்வு-3037895.html
3037894 நாகப்பட்டினம் நாகப்பட்டினம் ஊர்ப் பெயர்களின் உச்சரிப்பில் மாற்றம் செய்ய 15-க்குள் மனு அளிக்கலாம் DIN DIN Tuesday, November 13, 2018 05:34 AM +0530
 நாகை மாவட்டத்தில் உள்ள ஊர்ப் பெயர்களின் தமிழ் உச்சரிப்பைப் போன்றே ஆங்கிலத்திலும் அமைக்கப்பட வேண்டுமெனில் அது குறித்து பொதுமக்கள் மனு அளிக்கலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு:
தமிழகத்தில் உள்ள ஊர்ப் பெயர்களின் தமிழ் உச்சரிப்பைப் போன்றே ஆங்கிலத்திலும் அமைக்கப்படும் என தமிழ் ஆட்சி மொழி, தமிழ்ப் பண்பாடு மற்றும் தொல்லியல் துறை அமைச்சர் சட்டப் பேரவையில் அறிவித்ததைத் தொடர்ந்து, அந்த அறிவிப்பை செயல்படுத்த தமிழக அரசு உயர்நிலைக் குழு அமைத்து உத்தரவிட்டுள்ளது.
எனவே, தங்கள் ஊர்ப் பெயர்களின் தமிழ் உச்சரிப்பைப் போன்றே ஆங்கில உச்சரிப்பையும் அமைத்திட பொதுமக்களுக்கு கோரிக்கைகள் இருந்தால், அதனை எழுத்துப்பூர்வமாக தமிழ் வளர்ச்சி உதவி இயக்குநர், மாவட்ட ஆட்சியரகம், நாகப்பட்டினம் - 611 003 என்ற முகவரிக்கு நேரிலும், அஞ்சலிலும், மின்னஞ்சலிலும் நவ. 15-ஆம் தேதிக்குள் அளிக்கலாம். மாவட்ட ஆட்சியர் தலைமையிலான உயர்நிலைக் குழு மூலம், இந்த மனுக்கள் பரிசீலிக்கப்பட்டு, பெயர் மாற்ற பரிந்துகள் அரசுக்கு அனுப்பப்படும் என ஆட்சியர் தனது செய்திக் குறிப்பில் தெரிவித்துள்ளார்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/ஊர்ப்-பெயர்களின்-உச்சரிப்பில்-மாற்றம்-செய்ய-15-க்குள்-மனு-அளிக்கலாம்-3037894.html
3037893 நாகப்பட்டினம் நாகப்பட்டினம் வங்கி கிளை இணைப்பை கண்டித்து ஆர்ப்பாட்டம் DIN DIN Tuesday, November 13, 2018 05:34 AM +0530
கோடிமங்கலத்தில் ஐஓபி கிளையை திருவாவடுதுறை கிளையுடன் இணைப்பதை கண்டித்து திங்கள்கிழமை ஆர்ப்பாட்டம் நடைபெற்றது.
குத்தாலம் அருகேயுள்ள கோடிமங்கலம் கிராமத்தில் செயல்பட்டு வரும் இந்தியன் ஓவர்சீஸ் வங்கி கிளையை திருவாவடுதுறை கிராமத்தில் உள்ள இந்தியன் ஓவர்சிஸ் வங்கி கிளையுடன் இணைப்பதாக வங்கி நிர்வாகம் அறிவித்துள்ளது. முன்னாள் குடியரசுத் தலைவர் பிரணாப் முகர்ஜியால் இந்தியா முழுவதும் ஒரே நாளில் திறக்கப்பட்ட 100 வங்கிக் கிளைகளில் கோடிமங்கலம் கிளை வங்கியும் ஒன்று. இவ்வங்கியில் தஞ்சை, நாகை, திருவாரூர் மாவட்ட பகுதிகளான எஸ். புதூர், கோடிமங்கலம், மேலஅகலங்கண், கீழஅகலங்கண், வைகல், கோனேரிராஜபுரம், சிவனாகரம், வடமட்டம், பரவாக்கரை, உள்ளிட்ட கிராமங்களைச் சேர்ந்த 10ஆயிரத்துக்கும் மேற்பட்டோர் வாடிக்கையாளர்களாக உள்ளனர்.
இந்நிலையில், கோடிமங்கலம் வங்கி கிளையை திருவாவடுதுறை வங்கி கிளையில் இணைக்கும் வங்கி நிர்வாகத்தின் முடிவுக்கு எதிர்ப்பு தெரிவித்து, கோடிமங்கலம் வங்கி முன்பு திங்கள்கிழமை ஏஐடியுசி மாவட்ட துணைச் செயலர் சி. மதியழகன் தலைமையில் நடைபெற்ற ஆர்ப்பாட்டத்தில், தீன. செல்வம் (வணிகர் சங்க பேரமைப்பு), எஸ்.சி. கணபதி (விவசாய தொழிலாளர் சங்கம்), சுபாஷ் சந்திரபோஸ் (கட்டடத் தொழிலாளர் சங்கம்) உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/வங்கி-கிளை-இணைப்பை-கண்டித்து-ஆர்ப்பாட்டம்-3037893.html
3037892 நாகப்பட்டினம் நாகப்பட்டினம் கொள்ளிடம் ஆற்றில் ரூ.396 கோடியில் கதவணை அமைக்க அரசாணை: தமிழக அரசுக்கு பாஜக நன்றி DIN DIN Tuesday, November 13, 2018 05:33 AM +0530
நாகை மாவட்டம், கொள்ளிடம் ஆற்றில் ரூ. 396 கோடியில் கதவணை அமைக்க அரசாணை வெளியிட்டுள்ள தமிழக அரசுக்கு பாஜக சார்பில் நன்றி தெரிவிக்கப்பட்டுள்ளது.
இதுகுறித்து, பாஜக தேசியக்குழு உறுப்பினரும், மத்திய அரசு வழக்குரைஞருமான கே. ராஜேந்திரன் வெளியிட்டுள்ள அறிக்கை: கொள்ளிடத்தில் தடுப்பணைகள் இல்லாததால் ஆண்டுதோறும் பல லட்சம் கனஅடி வெள்ளநீர் வீணாக கடலில் கலந்து வருகிறது. கொள்ளிடம் ஆற்று நீரை சேமிக்கும் வகையில், நாகை மாவட்டம் குமாரமங்கலம் அருகே கதவணை கட்ட வேண்டும் என பொதுநல வழக்குத் தொடரப்பட்டதை தொடர்ந்து, ரூ. 400 கோடியில் கொள்ளிடத்தில் கதவணை அமைக்கப்படும் என கடந்த தமிழக அரசு அரசாணை வெளியிட்டது. இருப்பினும், அப்பணி தொடங்காமல் கிடப்பில் போடப்பட்டதால், மீண்டும் உயர்நீதிமன்றத்தில் பொதுநல வழக்குத் தொடர்ந்ததன் அடிப்படையில், 2017-ஆம் ஆண்டு நிதிநிலை அறிக்கையில் தமிழக அரசு இத்திட்டத்துக்கு முதல்கட்டமாக ரூ.31 கோடியை ஒதுக்கீடு செய்து, கதவணை அமைக்க நிலம் கையகப்படுத்த உத்தரவிட்டது. ஆனாலும், பணிகள் தொடங்காமல் கிடப்பில் போடப்பட்டிருந்த நிலையில், தற்போது மத்திய அரசின் நிதியுதவியுடன் ரூ.396 கோடியில் கொள்ளிடத்தில் கதவணை அமைக்கப்படும் என அரசாணை வெளியிட்டுள்ளது. இந்த அறிவிப்பின் மூலம், நாகை மாவட்ட விவசாயிகள், பொதுமக்கள் மிகுந்த மகிழ்ச்சியடைந்துள்ளனர். இந்த அறிவிப்பை வெளியிட்டுள்ள தமிழக முதல்வருக்கு பாஜக மற்றும் விவசாயிகள் சார்பில் நன்றி. கதவணை அமைக்கும் பணியை விரைந்து தொடங்க தமிழக அரசு நடவடிக்கை மேற்கொள்ள வேண்டும் என அதில் குறிப்பிடப்பட்டுள்ளது.

 

]]>
http://www.dinamani.com/all-editions/edition-nagapattinam/nagapattinam/2018/nov/13/கொள்ளிடம்-ஆற்றில்-ரூ396-கோடியில்-கதவணை-அமைக்க-அரசாணை-தமிழக-அரசுக்கு-பாஜக-நன்றி-3037892.html
3037891 நாகப்பட்டினம் நாகப்பட்டினம் உலக யோகா போட்டியில் தங்கப் பதக்கம் வென்ற மாணவிக்கு பாராட்டு DIN DIN Tuesday, November 13, 2018 05:33 AM +0530
உலக அளவிலான யோகா போட்டியில் தங்கப் பதக்கம் வென்ற சீர்காழி மாணவி சுபானுக்கு சீர்காழி எம்எல்ஏ பி.வி. பாரதி திங்கள்கிழமை பாராட்டுத் தெரிவித்தார்.
சீர்காழியை அடுத்த வேட்டங்குடி கிராமத்தைச் சேர்ந்த மணிவண்ணன்-சீதா தம்பதியரின் மகள் சுபானு (15). சீர்காழி ச.மு.இ. மேல்நிலைப் பள்ளியில் 10-ஆம் வகுப்பு படித்துவரும் மாணவி சுபானு, ஆர்ஜென்டினா நாட்டில் அண்மையில் நடைபெற்ற உலக அளவிலான யோகா போட்டியில் பங்கேற்று முதலிடம் பிடித்து, தங்கப் பதக்கம் வென்று, இந்தியாவுக்கு பெருமை சேர்த்தார்.
மாணவி சுபானு ஞாயிற்றுக்கிழமை இரவு சீர்காழிக்கு திரும்பினார். இதையறிந்த சீர்காழி எம்எல்ஏ பி.வி.பாரதி, மாணவி சுபானுவையும் அவரது பெற்றோரையும் திங்கள்கிழமை நேரில் அழைத்து, பாராட்டுத் தெரிவித்தார்.மேலும் இதுபோன்ற சாதனைகள் புரிய தேவையான உதவிகளை செய்வதாகவும் அப்போது உறுதியளித்தார். இந்நிகழ்வில் ஜெ.பேரவை நகர செயலாளர் ஏ.வி.மணி, பொறியாளர் செந்தில்குமார் உள்ளிட்டோர் உடனிருந்தனர்.
இதேபோல், மாணவி சுபானுவுக்கு ச.மு.இ.மேல்நிலைப் பள்ளி தலைமையாசிரியர் அறிவுடைநம்பி, ரோட்டரி சங்கத் தலைவர் ஜெய்சங்கர், செயலர் பாலமுருகன் உள்ளிட்டோரும் பாராட்டுத் தெரிவித்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/உலக-யோகா-போட்டியில்-தங்கப்-பதக்கம்-வென்ற-மாணவிக்கு-பாராட்டு-3037891.html
3037890 நாகப்பட்டினம் நாகப்பட்டினம் பணியிலிருந்த வேளாங்கண்ணி காவல் ஆய்வாளர் மரணம் DIN DIN Tuesday, November 13, 2018 05:33 AM +0530
நாகை மாவட்டம், வேளாங்கண்ணி காவல் நிலைய ஆய்வாளர் சி.சாமிநாதன் (54)  பணியிலிருந்தபோது, ரத்த அழுத்தம் காரணமாக திங்கள்கிழமை இரவு மரணமடைந்தார்.
தஞ்சை மாவட்டம், ஒரத்தநாடு வட்டம், குருங்குளம் பகுதியைச் சேர்ந்தவர் சி.சாமிநாதன். இவர் கடந்த 2 ஆண்டுகளுக்கும் மேலாக நாகை மாவட்டம், வேளாங்கண்ணி காவல் நிலையத்தில் ஆய்வாளராகப் பணியாற்றி வந்தார்.
இந்நிலையில், நாகை அருகே உள்ள சிக்கல் சிங்காரவேலவர் திருக்கோயிலில் திங்கள்கிழமை நடைபெற்ற கந்தசஷ்டி விழாவில் பாதுகாப்புப் பணியில் ஈடுபட்டிருந்த சாமிநாதனுக்கு ரத்த அழுத்தம் ஏற்பட்டது. இதனால் அவர் மயங்கி விழுந்தார். அவரை, 108 ஆம்புலன்ஸ் மூலம் நாகை அரசு மருத்துவமனைக்கு கொண்டு வந்தனர். அவரை பரிசோதித்த மருத்துவர், அவர் ஏற்கெனவே இறந்துவிட்டதாக தெரிவித்தனர்.
இறந்த சாமிநாதனின் சடலம் நாகை அரசு மருத்துவமனையில் வைக்கப்பட்டுள்ளது. இவருக்கு லதா என்ற மனைவியும், 2 மகள்களும் உள்ளனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/பணியிலிருந்த-வேளாங்கண்ணி-காவல்-ஆய்வாளர்-மரணம்-3037890.html
3037889 நாகப்பட்டினம் நாகப்பட்டினம் ஓய்வுபெற்ற தலைமையாசிரியை மர்மச் சாவு DIN DIN Tuesday, November 13, 2018 05:33 AM +0530
சீர்காழி அருகே ஓய்வுபெற்ற தலைமையாசிரியை மர்மமான முறையில் இறந்தது குறித்து போலீஸார் விசாரணை மேற்கொண்டுள்ளனர்.
சீர்காழி அருகே உள்ள பச்சபெருமாநல்லூர் சன்னிதிதெருவைச் சேர்ந்தவர் ஷியாமளா (72). இவர், அப்பகுதியில் உள்ள ஊராட்சி ஒன்றிய நடுநிலைப் பள்ளியில் தலைமையாசிரியையாக பணியாற்றி ஓய்வுபெற்றவர். இவரின் ஒரே மகன் சென்னையில் குடும்பத்துடன் வசித்து வருகிறார். இதனால், பச்சபெருமாநல்லூரில் உள்ள வீட்டில் ஷியாமளா தனியாக வசித்து வந்தார்.
இந்நிலையில், கடந்த 8-ஆம் தேதி கடையில் பால் வாங்கிவிட்டு வீட்டுக்குச் சென்றவர், மீண்டும் வெளியே வரவில்லை. கடந்த 4 நாள்களாக வீட்டின் கதவு அடைக்கப்பட்டிருந்தது. இதனால், சந்தேகமடைந்த அப்பகுதி மக்கள் திங்கள்கிழமை (நவ.12) வீட்டின் கதவை திறந்து உள்ளே சென்று பார்த்தபோது, சோபாவில் சாய்ந்தபடி மர்மமான முறையில் ஷியாமளா இறந்துகிடந்தார்.
இதுகுறித்து, அப்பகுதி கிராம நிர்வாக அலுவலர் அருள்பிரகாஷ் புதுப்பட்டினம் காவல் நிலையத்தில் புகார் அளித்தார். அதன்பேரில், போலீஸார் வழக்குப் பதிவு செய்து, ஷியாமளாவின் உடலை பிரேதப் பரிசோதனைக்காக சீர்காழி அரசு மருத்துவமனைக்கு அனுப்பிவைத்தனர். மேலும், இதுதொடர்பாக விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/ஓய்வுபெற்ற-தலைமையாசிரியை-மர்மச்-சாவு-3037889.html
3037888 நாகப்பட்டினம் நாகப்பட்டினம் உறவினர் மகளை திருமணம் செய்ய எதிர்ப்பு: நடத்துநர் தற்கொலை DIN DIN Tuesday, November 13, 2018 05:32 AM +0530
குத்தாலம் அருகே அரசுப் பேருந்து நடத்துநர் சனிக்கிழமை தூக்கிட்டுத் தற்கொலை செய்துகொண்டார்.
குத்தாலம் வட்டம், கோமல் மேலத்தெருவைச் சேர்ந்தவர் கலியபெருமாள் மகன் மணிகண்டன் (30). அரசுப் பேருந்து நடத்துநர். இவர், தனக்கு மாமா உறவுமுறை உள்ளவரின் மகளை திருமணம் செய்ய விரும்பினாராம். இதற்கு உறவினர்கள் எதிர்ப்பு தெரிவித்தனராம்.
இதனால், விரக்தியடைந்த மணிகண்டன், திருக்குளம்பியத்தில் உள்ள தனது நிலத்தின் அருகே பனந்தோப்பில் சனிக்கிழமை இரவு தூக்கிட்டுத் தற்கொலை செய்து கொண்டதாகக் கூறப்படுகிறது. இதுகுறித்து, பாலையூர் போலீஸார் வழக்குப்பதிந்து விசாரணை மேற்கொண்டுள்ளனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/உறவினர்-மகளை-திருமணம்-செய்ய-எதிர்ப்பு-நடத்துநர்-தற்கொலை-3037888.html
3037887 நாகப்பட்டினம் நாகப்பட்டினம் புதுச்சேரி சாராயம் விற்றவர் கைது DIN DIN Tuesday, November 13, 2018 05:32 AM +0530
நாகை மாவட்டம், வேதாரண்யம் அருகே சட்ட விரோதமாக புதுச்சேரி மாநில சாராயத்தை விற்பனை செய்த ஒருவர் திங்கள்கிழமை கைது செய்யப்பட்டார்.
கருப்பம்புலம் அரசு மதுபானக் கடை அருகே அனுமதியின்றி புதுச்சேரி மாநில சாராயம் விற்பனை செய்யப்படுவதாக போலீஸாருக்கு தகவல் கிடைத்தது.
இதையடுத்து, அங்கு கண்காணிப்பு பணியில் ஈடுபட்ட வேதாரண்யம் போலீஸார், சாராய விற்பனையில் ஈடுபட்டதாக சு. சௌந்தரராஜன் (40) என்பவரை கைது செய்தனர்.

 

]]>
http://www.dinamani.com/all-editions/edition-nagapattinam/nagapattinam/2018/nov/13/புதுச்சேரி-சாராயம்-விற்றவர்-கைது-3037887.html