Dinamani - நாகப்பட்டினம் - http://www.dinamani.com/all-editions/edition-nagapattinam/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2804033 அனைத்துப் பதிப்புகள் நாகப்பட்டினம் குடியிருக்கத் தகுதியற்ற வீடுகளை இடித்துவிட்டு புதிய வீடுகள் கட்டித்தர கோரிக்கை DIN DIN Wednesday, November 8, 2017 09:25 AM +0530 சீர்காழி  அருகே குடியிருக்கத் தகுதியற்ற கான்கிரீட் தொகுப்பு வீடுகளை இடித்து விட்டு, புதிய வீடுகள் கட்டித்தர அரசு நடவடிக்கை மேற்கொள்ள வேண்டும் என கோரிக்கை விடுக்கப்பட்டுள்ளது.
நாகை மாவட்டம் சீர்காழி அருகே பழையபளையம் கிராமத்ததைச் சேர்ந்த சின்ன காடுவெட்டி தெருவில் வசித்து வரும் 70-க்கும் மேற்பட்ட குடும்பத்தினரில், 25 குடும்பத்தினர் 35 ஆண்டுகளுக்கு முன்பு அரசால் கட்டடிக்கொடுக்கப்பட்ட கான்கிரீட் தொகுப்பு வீடுகளில் வசித்து வருகின்றனர். இந்த வீடுகளில் குடியிருக்கத் தகுதியில்லாத வகையில் சுவர் மற்றும் வீட்டு மேற்கூரை உள்ளது.
 தொடர் மழை காரணமாக, செவ்வாய்கிழமை கூலித்தொழிலாளி வேலாயுதம் (50) என்பவரின் தொகுப்பு வீடு திடீரென இடிந்து தரைமட்டமானது. அப்போது, வீட்டுக்குள் யாரும் இல்லாததால் பாதிப்பு ஏதும் இல்லை. இக்குடியிருப்பில் 10 குடும்பத்தினர் பாழடைந்த வீட்டில் வசிக்காமல், அருகில் சிறு குடிசைகள் அமைத்து வசித்து வருகின்றனர். மீதமுள்ள 15 குடும்பத்தினர் வசிக்கும் வீடுகள் ஆபத்தான நிலையில் இருப்பதாக கூறப்படுகிறது.
இதுகுறித்து அக்குடியிருப்பைச் சேர்ந்த குமார் கூறியது: இடிந்துவிழும் நிலையில் உள்ள அனைத்து வீடுகளையும் இடித்து விட்டு அரசு புதிய வீடுகள் கட்டித்தர வேண்டும் என்றார். இதேபோல், மாணிக்கவாசல் கிராமத்தைச் சேர்ந்த சுதா, குஞ்சு, பாண்டித்துரை, கலியன், காசிநாதன் ஆகியோர்களின் தொகுப்பு வீடுகளும் சேதமடைந்துள்ளன.

 

]]>
http://www.dinamani.com/all-editions/edition-nagapattinam/2017/nov/08/குடியிருக்கத்-தகுதியற்ற-வீடுகளை-இடித்துவிட்டு-புதிய-வீடுகள்-கட்டித்தர-கோரிக்கை-2804033.html
2804032 அனைத்துப் பதிப்புகள் நாகப்பட்டினம் மழை வெள்ளத்தால் பாதிக்கப்பட்ட அனைவருக்கும் உதவி: அமைச்சர் உறுதி DIN DIN Wednesday, November 8, 2017 09:25 AM +0530 மழை வெள்ளத்தால் பாதிக்கப்பட்டு, எவ்வளவு பேர் முகாம்களுக்கு வந்தாலும் அனைவருக்கும் உதவி செய்ய தமிழக அரசு தயாராக உள்ளது என அமைச்சர் ஓ.எஸ். மணியன் தெரிவித்தார்.
நாகை மாவட்டம், வேதாரண்யம், தலைஞாயிறு பகுதிகளில் கனமழையால் பாதிக்கப்பட்ட இடங்களை தமிழக கைத்தறி மற்றும் துணிநூல்துறை அமைச்சர் ஓ.எஸ். மணியன் செவ்வாய்க்கிழமை ஆய்வு செய்தார்.
பின்னர், வேதாரண்யம் ஊராட்சி ஒன்றிய அலுவலகத்தில் நடைபெற்ற அனைத்து அரசு துறை அலுவலர்கள் பங்கேற்ற கூட்டுக் கூட்டத்தில் பேசிய அமைச்சர், வெள்ளப் பாதிப்பு தடுப்பு பணிகளை வேகப்படுத்தவும், வடிகால் ஆறுகளில் தண்ணீர் வடிவதை தாமதிக்கும் மணல் திட்டுகளை அகற்றுவதில் அனைத்துத் துறையினரும் ஒருங்கிணைந்து செயல்பட அறிவுறுத்தினார்.
 பின்னர், செய்தியாளர்களிடையே அமைச்சர் கூறியதாவது:
வேதாரண்யம், தலைஞாயிறு பகுதியில் பெய்த கன மழையால் நெற்பயிர்கள் மழை நீரால் சூழப்பட்டுள்ளது. இதுதொடர்பான பாதிப்பு விவரங்கள் கணக்கெடுக்கப்பட்டு, உதவிகள் செய்ய நடவடிக்கை எடுக்கப்படும். மழையால் பாதிப்புக்குள்ளாகி முகாமுக்கு எவ்வளவு பேர் வந்தாலும் உணவு மற்றும் அனைத்து உதவிகளும் அளிக்கப்படும் என்றார்.
அனைத்துத்துறை அலுவலர்கள் பங்கேற்ற ஆலோசனைக் கூட்டத்தில் மாவட்ட வருவாய் அலுவலர் கருணாகரன், கோட்டாட்சியர் கண்ணன், ஊரக வளர்ச்சித் திட்ட இயக்குநர் சங்கர், வேளாண் இணை இயக்குநர் சேகர், உதவி இயக்குநர் சந்திரகாசன், வட்டார வளர்ச்சி அலுவலர்கள் சேகர்,தியகராஜன், வட்டாட்சியர் விஜயகுமார் உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/2017/nov/08/மழை-வெள்ளத்தால்-பாதிக்கப்பட்ட-அனைவருக்கும்-உதவி-அமைச்சர்-உறுதி-2804032.html
2804031 அனைத்துப் பதிப்புகள் நாகப்பட்டினம் வெள்ள நீரால் சூழப்பட்டுள்ள பழையாற்றங்கரை அரசுப் பள்ளி DIN DIN Wednesday, November 8, 2017 09:25 AM +0530 வேதாரண்யம் அருகே தலைஞாயிறு பேரூராட்சி பழையாற்றங்கரை கிராமத்தில் அரசுப் பள்ளியை தண்ணீர் சூழ்ந்துள்ளதால் பள்ளிக்கு தொடர் விடுமுறை அளிக்க வலியுறுத்தப்பட்டுள்ளது.
பழையாற்றங்கரையில் உள்ள சுமார் 180 குடியிருப்புகளையும் வெள்ள நீர் சூழ்ந்துள்ளன. சாலையில் சுமார் 2 முதல் 3 அடிவரையில் தண்ணீர் தேங்கியுள்ளது. இதனால், இப்பகுதி கடலுக்குள் அமைந்த தீவுபோல காணப்படுகிறது.
 இங்கு 35 மாணவர்கள் படிக்கும் ஊராட்சி ஒன்றிய தொடக்கப் பள்ளியில் சமையல் கட்டடம், கழிவறை கட்டடம் மற்றும் குழந்தைகளை பராமரிக்கும் அங்கன்வாடி மையம் ஆகியவை தண்ணீரால் சூழப்பட்டு ,வளாகத்துக்குள் 2 அடிக்கு தண்ணீர் தேங்கியுள்ளது. இதனால், இந்த பள்ளிக்கு தொடர் விடுமுறை அளிக்க அப்பகுதியினர் வலியுறுத்தியுள்ளனர்.
 மேலும், குடிநீரேற்ற நிலையத்தையும் வெள்ளம் சூழ்ந்துள்ளன. இதனால், பாதுகாக்கப்பட்ட குடிநீர் வழங்குவதை சுகாதாரத்துறையினர் உறுதிப்படுத்தவும் வலியுறுத்தியுள்ளனர்.
மழை தொடங்கிய நாளில் இருந்து வெள்ளத்தால் சூழப்பட்டுள்ள இந்த கிராமத்தினர் முகாமுக்கு வந்தால் மட்டுமே உணவு வழங்கப்படும் என அரசு தரப்பில் நிர்பந்திக்கப்படுவதாகவும், அதை தவிர்த்து அனைவருக்கும் உதவ வேண்டும் என கிராம மக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-nagapattinam/2017/nov/08/வெள்ள-நீரால்-சூழப்பட்டுள்ள-பழையாற்றங்கரை-அரசுப்-பள்ளி-2804031.html
2804030 அனைத்துப் பதிப்புகள் நாகப்பட்டினம் வெள்ளப் பாதுகாப்பு முகாம் அமைக்கக் கோரி மறியல் DIN DIN Wednesday, November 8, 2017 09:24 AM +0530 வேதாரண்யத்தை அடுத்த தலைஞாயிறு பேரூராட்சி பகுதியில் மழை வெள்ளத்தால் பாதிக்கப்பட்டவர்களுக்கு பாதுகாப்பு முகாம் அமைக்கக் கோரி செவ்வாய்க்கிழமை சாலை மறியல் போராட்டம் நடைபெற்றது.
தலைஞாயிறு பேரூராட்சி பகுதிக்குள்பட்ட 15 வார்டுகளிலும் மழை நீர் சூழ்ந்து பாதிக்கப்பட்டு, வேலைவாய்ப்பை இழந்துள்ள மக்களுக்கு பாதுகாப்பு முகாம் ஏற்படுத்தி, உணவு வழங்க வேண்டும் என வலியுறுத்தி இப்போராட்டம் நடைபெற்றது.
தலைஞாயிறு கடைவீதியில் நடைபெற்ற மறியலுக்கு சுப்பிரமணியன் தலைமை வகித்தார். சட்டப் பேரவை முன்னாள் உறுப்பினர் என்.வி. காமராஜ், பேரூராட்சி முன்னாள் தலைவர் ராசேந்திரன், விடுதலைச் சிறுத்தைகள் கட்சி நிர்வாகி இளையராஜா உள்ளிட்டோர் பங்கேற்று ஆதரவு தெரிவித்தனர்.
தலைஞாயிறு போலீஸார் மற்றும் வருவாய்த் துறையினர் பேச்சுவார்த்தை நடத்தி, உரிய நடவடிக்கை எடுப்பதாக உறுதியளித்ததையடுத்து மறியல் விலக்கிக் கொள்ளப்பட்டது.
இப்போராட்டத்தால், வேட்டைக்காரனிருப்பு- திருத்துறைப்பூண்டி, திருக்குவளை வழிதடத்தில் சிறிது நேரம் போக்குவரத்து பாதிப்பு ஏற்பட்டது.

 

]]>
http://www.dinamani.com/all-editions/edition-nagapattinam/2017/nov/08/வெள்ளப்-பாதுகாப்பு-முகாம்-அமைக்கக்-கோரி-மறியல்-2804030.html
2804029 அனைத்துப் பதிப்புகள் நாகப்பட்டினம் வைத்தீஸ்வரன்கோயில் பகுதியில் சுகாதாரச் சீர்கேடு DIN DIN Wednesday, November 8, 2017 09:24 AM +0530 வைத்தீஸ்வரன்கோயில் பகுதி குடியிருப்புகளில் தேங்கிய மழை நீர் வடியாததால் துர்நாற்றம் ஏற்பட்டு சுகாதாரச் சீர்கேடு ஏற்படும் நிலை உள்ளது.  
தொடர் மழையால், வைத்தீஸ்ரவன்கோயில், திருநகரி வாய்க்கால், கோவிலார் வடிவாய்க்கால்களில் ஏற்பட்ட உடைப்பால் விளக்குமுகத்தெரு, வள்ளுவத்தெரு, தாமரைக்குளம், தெற்குவெளி, வேலவன்நகர் உள்ளிட்ட பகுதி குடியிருப்புகள், விளைநிலங்களில் மழை நீர் சூழ்ந்து, பொதுமக்கள் மற்றும் விவசாயிகளுக்கு பாதிப்பை ஏற்படுத்தியுள்ளது.
இதேபோல் அண்ணாநகர் தெரு மற்றும் வீடுகளில் மழைநீர் வடிய வழியின்றி தெருக்களிலும், வீடுகளிலும்  தேங்கியதால் 100 - க்கும் மேற்பட்ட குடும்பத்தினர் வீட்டைவிட்டு வெளியே வரமுடியாமல் அவதிப்பட்டு வருகின்றனர்.
கடந்த 9 நாட்களாக தண்ணீர் வடியாமல் துர்நாற்றம் வீசி வருவதால் அண்ணாநகரில் சுகாதாரச் சீர்கேடு ஏற்பட்டுள்ளது. கோவிலான் வாய்க்கால் உடைப்பால் கலைஞர் நகர் முழுவதும் மழைநீர் சூழ்ந்து மக்களுக்கு பாதிப்பை ஏற்படுத்தி வருகிறது.
தாமரைக்குளத்திலிருந்து வெளியாகும் தண்ணீர் சாலையை கடந்து அருகில் உள்ள குடியிருப்புகளில் சூழ்ந்து வருகிறது. வாய்க்கால் உடைப்பால் வைத்தீஸ்வரன்கோயில் பகுதியில் விளைநிலங்களும் பாதிக்கப்பட்டுள்ளன. வயல்களில் தேங்கிய மழை நீரில் துர்நாற்றம் வீசி வருகிறது.
எடக்குடி வடபாதி ஊராட்சிக்குள்பட்ட சாந்தபுத்தூர், கீழவெளி, எடக்குடி வடபாதி, கரைமேடு, அட்டக்குளம், விழக்காடு நயினார் தோப்பு, நல்லான்சாவடி, மேலவிழக்காடு, மருவத்தூர், கற்கோயில் உள்ளிட்ட பகுதிகளில் உள்ள விளைநிலங்களில் மழைநீர் சூழ்ந்து வடியாமல் இருந்து வருகிறது.
சாந்தபுத்தூரில் குடியிருப்புகளில் மழைநீர் புகுந்து சாலையை கடந்து செல்கிறது.  எனவே, வைத்தீஸ்வரன்கோயில் உள்ளிட்ட பல்வேறு இடங்களில் ஏற்பட்டுள்ள சுகாதாரக் கேடுகளை சரிசெய்ய உரிய நடவடிக்கை மேற்கொள்ள வேண்டும் என்பதே பொதுமக்களின் கோரிக்கையாகும்.

 

]]>
http://www.dinamani.com/all-editions/edition-nagapattinam/2017/nov/08/வைத்தீஸ்வரன்கோயில்-பகுதியில்-சுகாதாரச்-சீர்கேடு-2804029.html
2804028 அனைத்துப் பதிப்புகள் நாகப்பட்டினம் சைனிக் பள்ளியில் சேர மாணவர்கள் விண்ணப்பிக்கலாம் DIN DIN Wednesday, November 8, 2017 09:24 AM +0530 மத்திய, மாநில அரசுகள் இணைந்து சிபிஎஸ்இ பாடத்திட்டத்தை அடிப்படையாகக் கொண்டு திருப்பூர் மாவட்டத்தில் செயல்படுத்தும் உண்டு உறைவிடப் பள்ளியில் (சைனிக் பள்ளி) சேர மாணவர்கள் விண்ணப்பிக்கலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு :  மத்திய அரசின் பாதுகாப்பு அமைச்சகமும், தமிழக அரசும் ஒருங்கிணைந்து, சிபிஎஸ்இ பாடத்திட்டத்தை அடிப்படையாகக் கொண்டு நடத்தும் உண்டு உறைவிடப்பள்ளியான சைனிக் பள்ளி, திருப்பூர் மாவட்டம், அமராவதி நகரில் செயல்படுகிறது. இப்பள்ளியில் 2018-19-ஆம் கல்வி ஆண்டுக்கு 6 மற்றும் 9-ஆம் வகுப்புகளின் மாணவர் சேர்க்கைக்கான விண்ணப்பங்கள் வரவேற்கப்படுகின்றன.
இப்பள்ளியில் மாணவர்கள் மட்டுமே சேர்க்கப்படுவர். 6-ஆம் வகுப்பில் சேர விண்ணப்பிக்கும் மாணவர்கள் 10 வயது நிறைவடைந்தவர்களாகவும் 11 வயதுக்குள்பட்டவராகவும் இருக்க வேண்டும். 9-ஆம் வகுப்பில் சேர விண்ணப்பிப்பவர்கள் 8-ஆம் வகுப்பில் படித்துக் கொண்டிருப்பவராகவும், 13 வயது நிறைவடைந்து 14 வயதுக்குள்பட்டவராகவும் இருக்க வேண்டும்.
மாணவர் சேர்க்கைக்கான விண்ணப்ப படிவத்தை நேரில் அல்லது தபால் மூலம் கட்டணம் செலுத்தி பெறலாம். அல்லது w‌w‌w.‌s​a‌i‌n‌i‌k‌s​c‌h‌o‌o‌l​a‌m​a‌r​a‌v​a‌t‌h‌i‌n​a‌g​a‌r.‌e‌d‌u.‌i‌n என்ற இணையதளத்தில் கட்டணம் செலுத்தி, பதிவிறக்கம் செய்து கொள்ளலாம்.
விளக்கக் குறிப்பேடு மற்றும் விண்ணப்பப் படிவத்தை பெற பொதுப் பிரிவு மற்றும் படைத்துறை பிரிவினர் ரூ. 400-க்கு வரைவோலை செலுத்த வேண்டும். தபால் மூலம் பெற ரூ. 450  செலுத்த வேண்டும். பட்டியல் இனத்தவர்கள் மற்றும் பழங்குடியினர் ரூ. 250 கட்டணம் செலுத்த வேண்டும்.  விண்ணப்பப் படிவ கட்டணத்துக்கு, முதல்வர், சைனிக் பள்ளி, அமராவதி நகர் என்ற பெயரில் வரைவோலை எடுக்க வேண்டும்.
நவ. 30-ஆம் தேதிக்குள் விண்ணப்பங்களைப் பெற வேண்டும்.  பூர்த்தி செய்யப்பட்ட விண்ணப்பங்களை  முதல்வர், சைனிக் பள்ளி, அமராவதி நகல் - 642102, உடுமலைப்பேட்டை வட்டம், திருப்பூர் மாவட்டம் என்ற முகவரிக்கு டிச. 15-ஆம் தேதிக்குள் கிடைக்குமாறு அனுப்ப வேண்டும். நுழைவுத் தேர்வு வரும் ஜன. 7-ஆம் தேதி நடைபெறும்.
இதுகுறித்த மேலும் விவரங்களுக்கு சைனிக் பள்ளியை 04252 - 256246, 256296 என்ற
தொலைபேசி எண்களில் தொடர்பு கொள்ளலாம். அல்லது நாகை மாவட்ட முன்னாள் படைவீரர் நல அலுவலகத்தை 04365- 253042 என்ற தொலைபேசி எண்ணில் தொடர்பு கொள்ளலாம் என ஆட்சியர் தனது செய்திக் குறிப்பில் தெரிவித்துள்ளார்.

 

]]>
http://www.dinamani.com/all-editions/edition-nagapattinam/2017/nov/08/சைனிக்-பள்ளியில்-சேர-மாணவர்கள்-விண்ணப்பிக்கலாம்-2804028.html
2804027 அனைத்துப் பதிப்புகள் நாகப்பட்டினம் சீர்காழியில் இன்று தேனீக்கள் வளர்ப்பு தொழில்நுட்பப் பயிற்சி DIN DIN Wednesday, November 8, 2017 09:23 AM +0530 நாகை மாவட்டம், சீர்காழியில் தேனீக்கள் வளர்ப்பு தொழில்நுட்பப் பயிற்சி முகாம் புதன்கிழமை (நவ. 8) காலை 10 மணிக்கு நடைபெறும் என சிக்கல் வேளாண் அறிவியல் நிலையத் திட்ட ஒருங்கிணைப்பாளர் ப. காமராஜ் தெரிவித்துள்ளார்.
சீர்காழி வட்டாரம், 80- ராதாநல்லூர் ஊராட்சிக்குள்பட்ட இளையமதுக்கூடம் பகுதியில், விவசாயி செல்லப்பா என்பவருக்குச் சொந்தமான தோட்டத்தில் பயிற்சி நடைபெறும். பண்ணை மகளிர், இளம் விவசாயிகள், தொழில் முனைவோர்கள் இந்தப் பயிற்சியில் பங்கேற்கலாம் என அவரது செய்திக் குறிப்பில் தெரிவிக்கப்பட்டுள்ளது.

 

 

]]>
http://www.dinamani.com/all-editions/edition-nagapattinam/2017/nov/08/சீர்காழியில்-இன்று-தேனீக்கள்-வளர்ப்பு-தொழில்நுட்பப்-பயிற்சி-2804027.html
2804026 அனைத்துப் பதிப்புகள் நாகப்பட்டினம் வடிகால் ஆற்றில் எதிர் திசையில் வெள்ளம் பெருக்கெடுப்பு DIN DIN Wednesday, November 8, 2017 09:23 AM +0530 வேதாரண்யம், தலைஞாயிறு பகுதியில் வடிகாலிலிருந்து செவ்வாய்க்கிழமை எதிர் திசையில் வெள்ளம் பெருக்கெடுத்தது.
தலைஞாயிறு பகுதியில் கடந்த ஒரு வார காலமாக பெய்து வரும் கனமழையால் ஏற்பட்டுள்ள வெள்ளப் பெருக்கு வடிவதில் தாமதமாகி வருகிறது. இந்த நிலையில் கரியாப்பட்டினம் அடுத்த செம்பியமணக்குடி-மகாராஜபுரம் கிராமங்கள் வழியாக செல்லும் போக்கு வாய்க்கால் எனும் வடிகால் ஆற்றில் செவ்வாய்க்கிழமை வெள்ளம் அதிகரித்து காணப்பட்டது. இந்த ஆற்றில் முன்பு எப்போதும் இல்லாத வகையில், எதிர் திசையில் தண்ணீர் ஓடியது. இது அப்பகுதியினரிடையே அச்சத்தை ஏற்படுத்தியுள்ளது.
அரிச்சந்திரா நதி போன்ற வடிகால் ஆறுகளிலிருந்து வெளியேறும் வெள்ள நீர் இந்த வடிகால் ஆற்றுக்குள் நுழைவதால் தண்ணீர் எதிர் திசையில் ஓடுவதாக விவசாயிகள் தெரிவித்தனர்.
மணக்காட்டான் வாய்க்கால்,போக்கு வாய்க்கால்களில் உள்ள தரைப்பாலங்கள் மூழ்கடிக்கப்பட்டுள்ளதால் அந்த வழியான வாகனப் போக்கு வரத்தில் பாதிப்பு ஏற்பட்டுள்ளது.

]]>
http://www.dinamani.com/all-editions/edition-nagapattinam/2017/nov/08/வடிகால்-ஆற்றில்-எதிர்-திசையில்-வெள்ளம்-பெருக்கெடுப்பு-2804026.html
2804025 அனைத்துப் பதிப்புகள் நாகப்பட்டினம் நிபந்தனையின்றி புதிய பயிர்க் கடன் வழங்க வேண்டும்: மார்க்சிஸ்ட் கம்யூனிஸ்ட் DIN DIN Wednesday, November 8, 2017 09:23 AM +0530 விவசாயிகளுக்கு எவ்வித நிபந்தனையும் இல்லாமல் புதிய பயிர் கடன் கிடைக்க மாவட்ட நிர்வாகம் நடவடிக்கை எடுக்க வேண்டும் என மார்க்சிஸ்ட் கம்யூனிஸ்ட் கட்சி கோரிக்கை விடுத்துள்ளது.
இதுகுறித்து மார்க்சிஸ்ட் கம்யூனிஸ்ட் கட்சியின் நாகை மாவட்டச் செயலாளர் ஏ.வி. முருகையன் வெளியிட்ட அறிக்கை :
நீடித்து வரும் கனமழை காரணமாக, நாகை மாவட்டம் வெள்ளக்காடாகியுள்ளது.   மாவட்டத்தில் சுமார் 1.30 லட்சம் ஏக்கர் பரப்பிலான நெற்பயிர்கள் சேதமடைந்துள்ளன. மேட்டூர் அணையில் போதுமான அளவு தண்ணீர் இருந்த நிலையிலும், காலம் தாழ்த்தி தண்ணீர் திறக்கப்பட்டதும், தண்ணீர் திறக்கப்பட்ட காலத்திலேயே பருவமழை தொடங்கியதும், நிகழாண்டில் சம்பா, தாளடி நெல் பயிர்களில் பெரும் சேதத்தை ஏற்படுத்தியுள்ளது.
இந்த நிலையில்,தொடக்க வேளாண்மை கூட்டுறவு கடன் சங்கங்களில் விவசாயிகளுக்குப் புதிய பயிர்க் கடன் மறுக்கப்படுகிறது. முந்தைய பயிர்க் கடனில் ஒரு குறிப்பிட்ட தொகையைத் திருப்பி செலுத்தினால்தான் கடன் வழங்கப்படும் என வேளாண்மை கூட்டுறவு கடன் சங்கங்கள் தெரிவிப்பது விவசாயிகளை வேதனைக்குள்ளாக்குகிறது.   ஏற்கெனவே பயிர்க் காப்பீடு இழப்பீட்டுத் தொகை பல விவசாயிகளுக்குக் கிடைக்கப் பெறாத நிலையில், பயிர்க் கடனும் மறுக்கப்படுவது விவசாயிகளின் எதிர்காலத்தை கேள்விக்குறியாக்குவதாக உள்ளது.
இதுகுறித்து மாவட்ட நிர்வாகம், தொடக்க வேளாண்மை கூட்டுறவு கடன் சங்கங்களுக்கு உரிய அறிவுறுத்தல்களை வழங்கி, விவசாயிகளுக்கு நிபந்தனையின்றி புதிய பயிர்க் கடன் வழங்க நடவடிக்கை எடுக்க வேண்டும். பாதுகாப்பு மையங்களில் தங்கியுள்ள பொதுமக்களை, குடியிருப்புகளைச் சூழ்ந்த வெள்ள நீர் வடியும் முன்பாகவே வீடுகளுக்குச் செல்ல வற்புறுத்தாமல், அவர்களுக்கான அடிப்படை வசதிகளை உறுதி செய்ய வேண்டும் என அவர் தனது அறிக்கையில் கேட்டுக்கொண்டுள்ளார்.

 

]]>
http://www.dinamani.com/all-editions/edition-nagapattinam/2017/nov/08/நிபந்தனையின்றி-புதிய-பயிர்க்-கடன்-வழங்க-வேண்டும்-மார்க்சிஸ்ட்-கம்யூனிஸ்ட்-2804025.html
2804024 அனைத்துப் பதிப்புகள் நாகப்பட்டினம் கீழையூர் அருகே நிவாரண உதவிகள் வழங்கக் கோரி சாலை மறியல் DIN DIN Wednesday, November 8, 2017 09:23 AM +0530 கீழையூர் அருகே மழையால் பாதிக்கப்பட்ட மக்களுக்கு முகாம் அமைத்து, நிவாரண உதவிகள் வழங்கக் கோரி சாலை மறியல் செவ்வாய்க்கிழமை நடைபெற்றது.
கீழையூர் அருகேயுள்ள வெண்மணச்சேரியில் மக்கள் மழையால் பாதிக்கப்பட்டிருப்பதாகவும், அங்குள்ள மக்களுக்கு முகாம் அமைத்து உணவு உள்ளிட்ட நிவாரண உதவிகளை வழங்க வேண்டும் என்ற கோரிக்கையை வலியுறுத்தி, வெண்மணச்சேரி கிழக்கு கடற்கரை சாலையில் மறியல் போராட்டம் நடைபெற்றது. போராட்டம் குறித்து தகவலறிந்து வந்த வருவாய்த்துறை அலுவலர்கள் போராட்டக் குழுவினருடன் பேச்சுவார்த்தை நடத்தினர். முகாம் அமைத்து உரிய உதவிகள் வழங்குவதாக உறுதி அளித்ததன்பேரில் மறியல் போராட்டம் கைவிடப்பட்டது.
இதேபோல், சீராவட்டம் பகுதியில் காலையிலும்,  திருப்பூண்டி காரை  நகர்  பகுதியில்  மாலையிலும் இதே  கோரிக்கையை  வலியுறுத்தி சாலை மறியல் நடைபெற்றது.  முகாம் அமைக்கப்படும் என அதிகாரிகள் உறுதியளித்ததன்பேரில் சாலை மறியல்  போராட்டங்கள் முடிவுக்கு வந்தன.

 

]]>
http://www.dinamani.com/all-editions/edition-nagapattinam/2017/nov/08/கீழையூர்-அருகே-நிவாரண-உதவிகள்-வழங்கக்-கோரி-சாலை-மறியல்-2804024.html
2804023 அனைத்துப் பதிப்புகள் நாகப்பட்டினம் சக்கிலியன் ஆற்றில் உடைப்பு சீரமைப்பு DIN DIN Wednesday, November 8, 2017 09:22 AM +0530 திருக்குவளை அருகே சக்கிலியன் ஆற்றில் ஏற்பட்ட உடைப்பு சரி செய்யப்பட்டது.
வடகிழக்குப் பருவமழை காரணமாக நாகை மாவட்டத்தில் பலத்த மழை பெய்து வருகிறது. இதனால் ஆறுகள், வாய்க்கால்களில் அளவுக்கு அதிமாக தண்ணீர் செல்கிறது. சில இடங்களில் அதிக நீர் காரணமாக உடைப்புகள் ஏற்பட்டு, அருகில் உள்ள விளைநிலங்களுக்குள், குடியிருப்புகளுக்குள் செல்லும் நிலை ஏற்பட்டுள்ளது. இதேபோல நாகை மாவட்டம், ஆலங்குடி அருகே சக்கிலியன் ஆற்றில் செவ்வாய்க்கிழமை உடைப்பு ஏற்பட்டது. தகவலறிந்த அங்கு சென்ற மீட்புக் குழுவினர் அப்பகுதி மக்கள் உதவியுடன் ஆற்றில் ஏற்பட்ட உடைப்பை சரி செய்தனர்.

 

]]>
http://www.dinamani.com/all-editions/edition-nagapattinam/2017/nov/08/சக்கிலியன்-ஆற்றில்-உடைப்பு-சீரமைப்பு-2804023.html
2804022 அனைத்துப் பதிப்புகள் நாகப்பட்டினம் சம்பா பயிர் அழுகல்: விவசாயி தற்கொலை முயற்சி DIN DIN Wednesday, November 8, 2017 09:22 AM +0530 சீர்காழி அருகே சம்பா பயிர் அழுகுவதை பார்த்த விவசாயி மனமுடைந்து தற்கொலை முயற்சியில் ஈடுபட்டு மருத்துவமனையில் அனுமதிக்கப்பட்டுள்ளார்.
சீர்காழி அருகேயுள்ள அத்தியூரைச் சேர்ந்தவர் கலியமூர்த்தி(68). இவர் அப்பகுதியில் தனக்குச் சொந்தமான 5 ஏக்கரில் நேரடி விதைப்பு செய்திருந்த சம்பா பயிர் தற்போது பெய்து வரும் தொடர் மழையில் மூழ்கி அழுகத் தொடங்கியதாகக் கூறப்படுகிறது. இந்நிலையில், செவ்வாய்க்கிழமை வயலுக்கு சென்ற கலியமூர்த்தி அழுகும் பயிர்களை பார்த்ததும் மனவேதனையடைந்து விஷ மருந்தை காதில் ஊற்றிக்கொண்டு தற்கொலைக்கு முயன்றதாக கூறப்படுகிறது. இதையறிந்த அக்கம் பக்கத்தினர் உடனடியாக கலியமூர்த்தியை மீட்டு சிதம்பரம் அரசு மருத்துவக் கல்லூரி மருத்துவமனைக்கு கொண்டு சென்று சிகிக்சைக்காக அனுமதித்துள்ளனர். இதுகுறித்து கொள்ளிடம் காவல் நிலையப் போலீஸார் விசாரணையில் ஈடுபட்டனர்.

 

]]>
http://www.dinamani.com/all-editions/edition-nagapattinam/2017/nov/08/சம்பா-பயிர்-அழுகல்-விவசாயி-தற்கொலை-முயற்சி-2804022.html
2804021 அனைத்துப் பதிப்புகள் நாகப்பட்டினம் பெரம்பூர் காவல் நிலையம் இடமாற்றம் DIN DIN Wednesday, November 8, 2017 09:22 AM +0530 குத்தாலம் அருகே பெரம்பூர் காவல் நிலையத்தின் மேற்கூரை சேதம் குறித்து தினமணியில் செய்தி வெளியிட்டதன் எதிரொலியாக, காவல் நிலையம் வேறு இடத்துக்கு செவ்வாய்க்கிழமை மாற்றப்பட்டது.
1984-ஆம் ஆண்டு கட்டப்பட்ட நாகை மாவட்டம் பெரம்பூர் காவல் நிலையத்தின் கட்டுப்பாட்டுக்குள் 86 கிராமங்கள் உள்ளன. காவல் நிலைய கட்டட மேற்கூரை பழுந்தடைந்து தற்போது பெய்து வரும் மழையால் கட்டடத்தில் தண்ணீர் கசிவு ஏற்பட்டு பெயர்ந்து விழும் நிலையில் உள்ளது. இதனால் காவல் நிலையத்தில் பாதுகாக்கப்படும் பல்வேறு முக்கிய கோப்புகள்,  ஆவணங்கள் மழைநீரில் சேதமடையும்.
 எனவே உரிய நடவடிக்கை மேற்கொள்ளப்படுமா என்று திங்கள்கிழமை தினமணியில் செய்தி பிரசுரமானது. செய்தியின் எதிரொலியாக மழைக்காலம் முடியும் வரை காவல்நிலையம் காவலர் குடியிருப்புப் பகுதிக்கு தாற்காலிகமாக இடமாற்றம் செய்ய தஞ்சை சரக காவல் துணைத் தலைவர் லோகநாதன் உத்தரவிட்டுள்ளார். இதையடுத்து செவ்வாய்கிழமை முதல் பெரம்பூர் காவல் நிலையம் பெரம்பூர் காவலர் குடியிருப்பில் செயல்படத் தொடங்கியது.

]]>
http://www.dinamani.com/all-editions/edition-nagapattinam/2017/nov/08/பெரம்பூர்-காவல்-நிலையம்-இடமாற்றம்-2804021.html
2804020 அனைத்துப் பதிப்புகள் நாகப்பட்டினம் மழையால் பாதிக்கப்பட்ட பகுதிகளில் எம்எல்ஏ ஆய்வு DIN DIN Wednesday, November 8, 2017 09:21 AM +0530 பொறையாறு அருகேயுள்ள தரங்கம்பாடி சுனாமி குடியிருப்பில் மழை நீர் சூழ்ந்துள்ள பகுதிகளை எம்எல்ஏ பவுன்ராஜ் பார்வையிட்டார்.
தரங்கம்பாடி சுனாமி குடியிருப்பில் கடந்த 6 நாள்களாக பெய்து வரும் கனமழையால் வெள்ளம் சூழ்ந்தது. இதனால், மீனவர்களின் இயல்பு வாழ்க்கை பாதிக்கப்பட்டுள்ளது.
இந்நிலையில், தரங்கம்பாடி, மாணிக்கபங்கு, பொறையாறு உள்ளிட்ட பகுதிகளில் பாதிக்கபட்ட மக்களை  எம்எல்ஏ பவுன்ராஜ் பார்வையிட்டு குறைகள் கேட்டறிந்தார். அப்போது, தேங்கியுள்ள மழை நீரை வெளியேற்ற சம்பந்தபட்ட அதிகாரிகளை கேட்டு கொண்டார்.
இந்த ஆய்வின்போது, பேரூராட்சி செயல் அலுவலர் சதீஷ்குமார் மற்றும் மீனவ பஞ்சாயத்தார்கள் உடனிருந்தனர்.

 

]]>
http://www.dinamani.com/all-editions/edition-nagapattinam/2017/nov/08/மழையால்-பாதிக்கப்பட்ட-பகுதிகளில்-எம்எல்ஏ-ஆய்வு-2804020.html
2804019 அனைத்துப் பதிப்புகள் நாகப்பட்டினம் போட்டித் தேர்வு பயிற்சி மையம் தொடக்கம் DIN DIN Wednesday, November 8, 2017 09:21 AM +0530 நாகை மாவட்ட மைய நூலகத்தில் போட்டித் தேர்வுக்கான பயிற்சி மையம் திங்கள்கிழமை தொடங்கப்பட்டது.
மாவட்ட முதன்மைக் கல்வி அலுவலர் அ. கஸ்தூரிபாய் தலைமை வகித்து, குத்துவிளக்கேற்றி வைத்துத் தொடங்கி வைத்தார். பாரதிதாசன் பல்கலைக்கழக உறுப்புக் கல்லூரி முதல்வர் அ. ராமு முன்னிலை வகித்தார். ஓய்வு பெற்ற தலைமை ஆசிரியர் மு. சொக்கப்பன், மாவட்ட மைய நூலக வாசகர் வட்டத் தலைவர் ஆ.மீ. ஜவஹர், தமிழ்ச் சங்க செயலாளர் ஆவராணி ஆனந்தன் உள்ளிட்டோர் கலந்துகொண்டனர்.
மாவட்ட நூலக அலுவலர் நா. மதிவாணன் வரவேற்றார். மாவட்ட மைய நூலக அலுவலர் சு. பட்டுகிருஷ்ணன் நன்றி கூறினார்.

 

]]>
http://www.dinamani.com/all-editions/edition-nagapattinam/2017/nov/08/போட்டித்-தேர்வு-பயிற்சி-மையம்-தொடக்கம்-2804019.html
2804018 அனைத்துப் பதிப்புகள் நாகப்பட்டினம் கனமழை பெய்தும் தண்ணீரின்றி காணப்படும் குளம் DIN DIN Wednesday, November 8, 2017 09:21 AM +0530 சீர்காழி வட்டத்தில் கனமழை பெய்தும் தண்ணீரின்றி சேறும் சகதியுமாக முதலியார் குளம் காட்சியளிக்கிறது.

வடகிழக்குப் பருவமழை மற்றும் காற்றழுத்த தாழ்வு நிலைகளால் கடந்த ஒரு வாரத்துக்கும் மேலாக கனமழை பெய்துவருகிறது.
குறிப்பாக,  சீர்காழியில் மாநிலத்தில் அதிக மழைப் பொழிவு மூன்று முறை பதிவாகியுள்ளது. இந்த தொடர் மழையால் சீர்காழி வட்டத்தில் உள்ள பெரும்பாலான ஏரி, குளங்கள், பாசன வாய்காகல்களில் அதிகளவு தண்ணீர் பெருக்கெடுத்துள்ளது. பல வாய்க்கால்கள் வெள்ளத்தால் உடைப்பு ஏற்பட்டு விளைநிலங்களில் தண்ணீர் புகுந்துள்ளது.
பெரும்பாலான குளங்கள் நிரம்பியுள்ள நிலையில், சீர்காழி ஈசானியத்தெருவில் உள்ள முதலியார் குளம் மட்டும் சிறிதளவு தணணீர் தேங்கி நிற்கிறது. ஆங்காங்கே மணல்திட்டுகள்தான் குளத்தில் தென்படுகிறது. குளத்திற்கு நீர் வரும் பாதைகள் அனைத்தும் சுவடுகளே இல்லாத வகையில் ஆக்கிரமிக்கப்பட்டுவிட்டதால்தான் கனமழைக்கும் குளம் தண்ணீரின்றி உள்ளதாக அப்பகுதி மக்கள் தெரிவித்தனர்.

 

 

]]>
http://www.dinamani.com/all-editions/edition-nagapattinam/2017/nov/08/கனமழை-பெய்தும்-தண்ணீரின்றி-காணப்படும்-குளம்-2804018.html
2804017 அனைத்துப் பதிப்புகள் நாகப்பட்டினம் பொறை வாய்க்கால் உடைப்பு: விவசாயிகள் சாலை மறியல் DIN DIN Wednesday, November 8, 2017 09:21 AM +0530 சீர்காழி அருகே பொறைவாய்க்காலில் ஏற்பட்ட உடைப்பால் நீரில் மூழ்கியுள்ள விளைநிலங்களை அதிகாரிகள் ஆய்வு செய்யவில்லை என கண்டனம் தெரிவித்து விவசாயிகள் செவ்வாய்க்கிழமை சாலை மறியலில் ஈடுபட்டனர்.
சீர்காழி  அருகேயுள்ளஅத்தியூர், கருக்குடி, பணிகிருப்பு, பட்டவிளாகம்,கீழமாத்தூர், எருக்கூர் உள்ளிட்ட பகுதிகளில் கடந்த 10 நாள்களாக பெய்து வரும் கனமழையினால் அப்பகுதியில் உள்ள பொறைவாய்க்காலில் உடைப்பு ஏற்பட்டு, விளைநிலங்களில் தண்ணீர் புகுந்ததது. இதனால், இளம்பயிர்கள் அழுகத்தொடங்கியுள்ளன. இதை ஆய்வு செய்ய அதிகாரிகள் வரவில்லை எனக் கூறப்படுகிறது.
இதைக் கண்டித்து, 6கிராமங்களைச் சேர்ந்த 70-க்கும் மேற்பட்ட விவசாயிகள் சீர்காழி புறவழிச்சாலையில் அரசூர் ரவுண்டானா பகுதியில் சாலை மறியலில் ஈடுபட்டனர். சீர்கழி காவல் ஆய்வாளர் சிங்காரவேல் பேச்சுவார்த்தை நடத்தியதன் பேரில் விவசாயிகள் கலைந்து சென்றனர்.
இந்த மறியலால் சீர்காழி சிதம்பரம் மயிலாடுதுறை தேசிய நெடுஞ்சாலையில் 20 நிமிடங்கள் போக்குவரத்து பாதிக்கப்பட்டது.

 

 

]]>
http://www.dinamani.com/all-editions/edition-nagapattinam/2017/nov/08/பொறை-வாய்க்கால்-உடைப்பு-விவசாயிகள்-சாலை-மறியல்-2804017.html
2804016 அனைத்துப் பதிப்புகள் நாகப்பட்டினம் மழை வெள்ளம் தொடர்ந்தாலும் எதிர்கொள்ளத் தயார்: பொதுப்பணித்துறை தலைமை பொறியாளர் DIN DIN Wednesday, November 8, 2017 09:20 AM +0530 வரும் நாள்களிலும் கூடுதல் மழை, வெள்ளம் ஏற்பட்டாலும் எதிர்கொள்ள பொதுப்பணித்துறை தயார் நிலையில் உள்ளதாக திருச்சி மண்டல தலைமை பொறியாளர் செந்தில்குமார் செவ்வாய்க்கிழமை தெரிவித்தார்.
சீர்காழி வட்டத்தில் தொடர்ந்து பெய்துவரும் கனமழையினால் வைத்தீஸ்வரன்கோயில் பகுதியில் உள்ள கோவிலார் வடிவாய்க்காலில் உடைப்பு ஏற்பட்டு விளக்குமுகத்தெரு, மில்லடிதெரு உள்ளிட்ட பகுதிகளில் உள்ள சுமார் 200 குடியிருப்புகளை மழைநீர் சூழ்ந்தது. இதனால் பாதிக்கப்பட்ட பொதுமக்கள் பள்ளிக்கூடத்தில் அமைக்கப்பட்ட முகாமில் தங்கவைக்கப்பட்டு உணவுகள் வழங்கப்பட்டன.
இந்நிலையில் உடைப்பு ஏற்பட்ட கோவிலார் வடிவாய்க்காலை பொதுப்பணித்துறை நீர்வள ஆதாரப்பிரிவு திருச்சி மண்டல தலைமை பொறியாளர் செந்தில்குமார் பார்வையிட்டு ஆய்வு செய்தார். தொடர்ந்து, வாய்காலில் ஏற்பட்ட உடைப்புகள் சீரமைக்கப்பட்டத்தையும், ஆகாயத்தாமரைகள் அகற்றப்பட்டு தூர்வாரப்பட்டதையும் ஆய்வு செய்தார்.
அப்போது அவர் செய்தியாளர்களிடம் கூறியது:
மஞ்சளாறு, ராஜேந்திரன்வாய்க்கால் புதுமண்ணியாறு உள்ளிட்ட பாசன வாய்க்கால்களில் அடைப்புகள் அகற்றி, தண்ணீர் வேகமாக வெளியேறும் வகையில் சீரமைக்கப்பட்டுள்ளது. சீர்காழி பகுதியில் மழை பாதிப்பு அதிகம் என்பதால் கூடுதலாக 19 பொறியாளர்கள் வரவழைக்கப்பட்டு சீரமைப்பு பணிகளில் முழு வீச்சில் நடைபெறுகிறது. வரும் நாட்களில் கூடுதல் மழைபெய்தாலும் அதனை எதிர்கொள்ள பொதுப்பணித்துறை தயார் நிலையில் உள்ளது என்றார்.

]]>
http://www.dinamani.com/all-editions/edition-nagapattinam/2017/nov/08/மழை-வெள்ளம்-தொடர்ந்தாலும்-எதிர்கொள்ளத்-தயார்-பொதுப்பணித்துறை-தலைமை-பொறியாளர்-2804016.html
2804015 அனைத்துப் பதிப்புகள் நாகப்பட்டினம் மயிலாடுதுறை அருகே விவசாயிகள் சங்கத்தினர் சாலை மறியல் DIN DIN Wednesday, November 8, 2017 09:20 AM +0530 மயிலாடுதுறை வட்டம், மறையூரில் தமிழ்நாடு விவசாயிகள் சங்கத்தினர்கள்  (சிபிஐஎம் சார்பு) செவ்வாய்க்கிழமை சாலை மறியல் போராட்டத்தில் ஈடுபட்டனர்.
மறையூர் தொடக்க வேளாண்மைக் கூட்டுறவு வங்கியில் பயிர்க் காப்பீடு பிரிமியம் தொகை செலுத்திய விவசாயிகளுக்கு தமிழக அரசால் அறிக்கப்பட்ட பயிர்க் காப்பீட்டுத் தொகை வழங்கப்படவில்லை என கூறப்படுகிறது.
இந்நிலையில் ,தமிழ்நாடு விவசாயிகள்  சங்கத்தின்  மயிலாடுதுறை  ஒன்றியத் தலைவர் ஜி. வைரவன் தலைமையில், மறையூர் கிராமத்தில் ஒன்றிணைந்த விவசாயிகள் மற்றும் விவசாயக் கூலித்தொழிலாளர்கள்  50-க்கு மேற்பட்டோர்  பயிர்காப்பீட்டுத் தொகை வழங்க வலியுறுத்தி தொடக்க வேளாண்மைக் கூட்டுறவு வங்கி முன்பு ஆர்ப்பாட்டத்தில் ஈடுபட்டனர்.
இதில், தமிழ்நாடு விவசாயிகள் சங்க நாகை மாவட்டத் தலைவர்  எஸ். துரைராஜ்,  மயிலாடுதுறை ஒன்றியச் செயலாளர் த. ராயர், மார்க்சிஸ்ட் கம்யூனிஸ்ட் கட்சியின் ஒன்றியச் செயலாளர்கள் சி.மேகநாதன் (மயிலாடுதுறை) சி. விஜயகாந்த் (குத்தாலம்), மறையூர் கிளைச் செயலாளர் எம்.மாரியப்பன் உள்ளிட்டோர் கோரிக்கையை வலியுறுத்திப் பேசினர்.
பின்னர், மயிலாடுதுறையிலிருந்து மறையூர் வழியாக அசிக்காடு வரை செல்லும்  அரசுப் பேருந்தை நிறுத்தி  சாலையில் அமர்ந்து மறியல் செய்தனர். இதனால் அப்பகுதியில் சிறிது நேரம் போக்குவரத்து பாதிக்கப்பட்டது.
 குத்தாலம் காவல் ஆய்வாளர் சுகுணா மற்றும்  தொடக்க வேளாண்மைக் கூட்டுறவு வங்கிச் செயலாளர் ஆகியோர் பேச்சுவார்த்தை நடத்தி, 2 தினங்களுக்குள் விவசாயிகள்அனைவருக்கும் பயிர்க் காப்பீடு தொகை  வழங்கப்படும் எனக் கூறியதையடுத்து, மறியல் விலக்கிக் கொள்ளப்பட்டது.

 

]]>
http://www.dinamani.com/all-editions/edition-nagapattinam/2017/nov/08/மயிலாடுதுறை-அருகே-விவசாயிகள்-சங்கத்தினர்-சாலை-மறியல்-2804015.html
2667437 அனைத்துப் பதிப்புகள் நாகப்பட்டினம் சீமைக்கருவேல மரங்கள் அகற்றம்: நீதிபதிகள் ஆய்வு DIN DIN Friday, March 17, 2017 06:43 AM +0530 குத்தாலம் பேரூராட்சியில் சீமைக்கருவேல மரங்களை அகற்றும் பணிகளை புதன்கிழமை நீதிபதிகள் ஆய்வு மேற்கொண்டனர்.
 குத்தாலம் பேரூராட்சி மாயா நகரில் சீமைக்கருவேல மரங்களை பொக்லைன் இயந்திரம் மூலம் அகற்றும் பணியை முதன்மை சார்பு நீதிபதி மணிவண்ணன், கூடுதல் சார்பு நீதிபதி ஆனந்தன், முதன்மை மாவட்ட உரிமையியல் நீதிபதி சந்திரசேகரன், கூடுதல் மாவட்ட உரிமையியல் நீதிபதி ஜெகதீசன்,  குற்றவியல் நீதிபதிகள் செல்லப்பாண்டியன், மணிகண்டராஜா ஆகியோர் ஆய்வு செய்தனர். பேரூராட்சி செயல் அலுவலர் சோ.சிவக்குமார் மற்றும் பலர் உடன் இருந்தனர்.

]]>
http://www.dinamani.com/all-editions/edition-nagapattinam/2017/mar/17/சீமைக்கருவேல-மரங்கள்-அகற்றம்-நீதிபதிகள்-ஆய்வு-2667437.html
2667436 அனைத்துப் பதிப்புகள் நாகப்பட்டினம் மாயமான 4 மீனவர்கள் கரை திரும்பினர் DIN DIN Friday, March 17, 2017 06:43 AM +0530 நாகை மாவட்டம், வேதாரண்யத்திலிருந்து கடலுக்குச் சென்று மாயமான 4 மீனவர்கள், ஆறுகாட்டுத்துறையில் வியாழக்கிழமை இரவு கரையேறியது தெரியவந்தது.
வேதாரண்யத்தைச் சேர்ந்த ஆறுகாட்டுத்துறை மீனவ கிராமத்தைச் சேர்ந்தவர் சி. ஆனந்தன் (31). இவருக்குச் சொந்தமான கண்ணாடியிழைப் படகு ஒன்று மார்ச் 13 ஆம் தேதி கடலுக்குச் சென்றது. இதில், ஆறுகாட்டுத்துறையைச் சேர்ந்த மீனவர்கள் சி. சிவகுமார் (33), ச. ஸ்ரீநாத் (19), சே. சத்துருபாலன் (18), உ. அருண்குமார் (18) ஆகிய நால்வரும் சென்றனர்.
கோடியக்கரைக்கு தென்கிழக்கே தங்கி திருக்கை மீன் பிடிக்கச் சென்ற இந்த மீனவர்கள், புதன்கிழமை காலை கரை திரும்பியிருக்க வேண்டும். ஆனால், வியாழக்கிழமை மாலை வரை மீனவர்கள் கரை திரும்பவில்லை.
இதையடுத்து, மீனவர்களின் உறவினர்களான சசிகுமார் வேதாரண்யம் கடலோரக் காவல் நிலையத்தில் புகார் அளித்தார்.
ஆறுகாட்டுத்துறையிலிருந்து விசைப்படகில் கடலுக்குச் சென்ற சில மீனவர்கள் மாயமான மீனவர்களை தேடி வந்தனர். இந்நிலையில், தேடப்பட்டு வந்த 4 மீனவர்களும், ஆறுகாட்டுத்துறையில் வியாழக்கிழமை இரவு 8 மணியளவில் கரையேறியது தெரியவந்தது.
இதுகுறித்து கரை திரும்பிய மீனவர்கள் கூறுகையில், படகிலிருந்த என்ஜினில் பழுது ஏற்பட்டது. இதனால், பழுதை சரி செய்துவிட்டு, கரை திரும்புவதில் தாமதம் ஏற்பட்டது என்றனர்.

]]>
http://www.dinamani.com/all-editions/edition-nagapattinam/2017/mar/17/மாயமான-4-மீனவர்கள்-கரை-திரும்பினர்-2667436.html
2667435 அனைத்துப் பதிப்புகள் நாகப்பட்டினம் நாகையில் 4-ஆவது நாளாக மீனவர்கள் உண்ணாவிரதம் DIN DIN Friday, March 17, 2017 06:42 AM +0530 இலங்கை  கடற்படையின் அத்துமீறல்களைக் கண்டித்தும், இலங்கையில் சிறைபிடிக்கப்பட்டுள்ள மீன்பிடி படகுகளை மீட்கக் கோரியும் நாகை மாவட்ட மீனவர்கள் 4-ஆவது நாளாக வியாழக்கிழமை நாகையில் உண்ணாவிரதப் போராட்டத்தில் ஈடுபட்டனர்.
ராமநாதபுரம் மாவட்டம், தங்கச்சி மடத்தைச் சேர்ந்த ஒரு மீனவர், கடந்த 6-ஆம் தேதி இலங்கை  கடற்படையினரால் சுட்டுக் கொல்லப்பட்டதைத் தொடர்ந்து, நாகை வட்ட மீனவர்கள் மார்ச் 7-ஆம் தேதி முதல் வேலை நிறுத்தப் போராட்டத்தில் ஈடுபட்டனர். மார்ச் 9-ஆம் தேதி நாகையில் நடைபெற்ற 6 மாவட்ட மீனவப் பஞ்சாயத்தார் ஆலோசனைக் கூட்ட முடிவுப்படி, நாகை மாவட்ட மீனவர்கள் மார்ச் 9-ஆம் தேதி முதல் வேலை நிறுத்தப் போராட்டத்தையும், மார்ச் 13-ஆம் தேதி முதல் நாகையில் தொடர் உண்ணாவிரதப் போராட்டத்தையும் மேற்கொண்டனர்.
இந்த நிலையில், அமைச்சர்கள் டி. ஜெயக்குமார், ஓ.எஸ். மணியன் ஆகியோர் நாகை மாவட்ட மீனவப் போராட்டக் குழுவினருடன் செவ்வாய்க்கிழமை பேச்சுவார்த்தை மேற்கொண்டனர். இதைத் தொடர்ந்து, புதன்கிழமை முதல் வேலை நிறுத்தப் போராட்டத்தைக் கைவிட்டு, உண்ணாவிரதப் போராட்டம் தொடரப்படும் என மீனவர்கள் புதன்கிழமை தெரிவித்தனர். இதன்படி, நாகை மாவட்ட மீனவர்களின் தொடர் உண்ணாவிரதப் போராட்டம் 4-ஆவது நாளாக வியாழக்கிழமையும் தொடர்ந்தது. நாகை தலைமை அஞ்சலகம் முன்பு நடைபெற்ற இப் போராட்டத்தில் நாகை மாவட்டத்தின் 54 மீனவக் கிராமங்களில் இருந்து திரளான மீனவர்கள் பங்கேற்றனர். பல்வேறு அரசியல் கட்சியினர், தன்னார்வ அமைப்புகள், இளைஞர்  அமைப்பினர் மீனவப் போராட்டக் குழுவினரைச் சந்தித்து, ஆதரவைத் தெரிவித்து சில மணி நேரங்கள் போராட்டத்தில் பங்கேற்றனர்.

 

]]>
http://www.dinamani.com/all-editions/edition-nagapattinam/2017/mar/17/நாகையில்-4-ஆவது-நாளாக-மீனவர்கள்-உண்ணாவிரதம்-2667435.html
2667434 அனைத்துப் பதிப்புகள் நாகப்பட்டினம் சித்தர்க்காடு - மாப்படுகை இணைப்பு பாலத்தை சீரமைக்கக் கோரிக்கை DIN DIN Friday, March 17, 2017 06:42 AM +0530 மயிலாடுதுறை வட்டம், சித்தர்க்காடு -  மாப்படுகை கிராமங்களை இணைக்கும் வகையில் காவிரி  ஆற்றின் குறுக்கே கட்டப்பட்டுள்ள பாலத்தை சீரமைக்க வேண்டும் என பொதுமக்கள் கோரிக்கை விடுத்துள்ளனர்.
காவிரி ஆற்றின் குறுக்கே ராமாபுரத்தில் இந்தப் பாலம் கட்டப்பட்டுள்ளது. இதனால் சித்தர்க்காடு,  சோழம்பேட்டே, மாப்படுகை, வாணாதிராஜபுரம் உள்ளிட்ட கிராமங்களைச் சேர்ந்த பொதுமக்களும், பள்ளி, கல்லூரி மாணவ, மாணவியரும் பயனடைந்து வருகின்றனர்.
இந்தப் பாலத்தின் தடுப்புச் சுவர் கடந்த சில மாதங்களாக இடிந்து தொங்கிய நிலையில் காணப்படுகிறது. இதனால், இந்தப் பாலத்தை கடந்து செல்வோர் அச்சத்துடனேயே செல்ல வேண்டியுள்ளது.
இப் பாலத்தை மயிலாடுதுறை சட்டப்பேரவை உறுப்பினர் வீ. ராதாகிருஷ்ணன் மற்றும் பொதுப்பணித்துறை அதிகாரிகள் ஆய்வு செய்து சீரமைக்க நடவடிக்கை எடுக்க வேண்டும் என்பதே பொதுமக்களின் கோரிக்கையாக உள்ளது.
இதுகுறித்து மயிலாடுதுறை சமூக ஆர்வலர் அப்பர்சுந்தரம் கூறியது: சித்தர்க்காடு - மாப்படுகை கிராமங்களை  இணைக்கும் வகையில் காவிரி ஆற்றின் குறுக்கே கட்டப்பட்டுள்ள பாலத்தை நாளொன்றுக்கு சுமார் 2 ஆயிரத்துக்கும் அதிகமானோர் பயன்படுத்தி வருகின்றனர். தற்போது பழுதடைந்த நிலையில் உள்ள இப்பாலத்தை சீர்படுத்தி, பயன்பாட்டுக்கு கொண்டுவர நடவடிக்கை எடுக்க வேண்டும்
என்றார்.

]]>
http://www.dinamani.com/all-editions/edition-nagapattinam/2017/mar/17/சித்தர்க்காடு---மாப்படுகை-இணைப்பு-பாலத்தை-சீரமைக்கக்-கோரிக்கை-2667434.html
2667433 அனைத்துப் பதிப்புகள் நாகப்பட்டினம் கணவரை காணவில்லை: மனைவி போலீஸில் புகார் DIN DIN Friday, March 17, 2017 06:42 AM +0530 நாகூர் அருகே வேலைக்குச் சென்ற கணவரை காணவில்லை என அவரது மனைவி போலீஸில் புகார் அளித்துள்ளார்.
நாகூர் அருகேயுள்ள முட்டம், வடக்குத் தெருவைச் சேர்ந்தவர் செல்லையா மகன் சக்தி (42). சக்தியின் மனைவி பஞ்சவர்ணம் (30). இவர்களுக்கு திருமணமாகி, 8 வயதில் ஒரு மகள் உள்ளார். நாகூரில் உள்ள டீக்கடையில் வேலை பார்க்கும் சக்திக்கு கடன் தொல்லை இருந்ததாம்.
கடந்த பிப். 22 ஆம் தேதி பணிக்குச் செல்வதாகக் கூறிச் சென்ற சக்தி வீடு திரும்பவில்லையாம். இதுகுறித்து பஞ்சவர்ணம் அளித்த புகாரின் பேரில், நாகூர் போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-nagapattinam/2017/mar/17/கணவரை-காணவில்லை-மனைவி-போலீஸில்-புகார்-2667433.html
2667432 அனைத்துப் பதிப்புகள் நாகப்பட்டினம் தென்னையில் ஒருங்கிணைந்த பயிர் மேலாண்மை பயிற்சி: நாளை நடைபெறுகிறது DIN DIN Friday, March 17, 2017 06:41 AM +0530 நாகை மாவட்டம், சிக்கல் வேளாண் அறிவியல் நிலையத்தில், தென்னையில் ஒருங்கிணைந்த பயிர் மேலாண்மை குறித்த தொழில்நுட்பப் பயிற்சி முகாம் சனிக்கிழமை (மார்ச் 18) காலை 10 மணிக்கு நடைபெறுகிறது.
தென்னங்கன்று உற்பத்தி, தென்னைக்கு உரமிடுதல், வேர் மூலம் தென்னை டானிக் செலுத்துதல், நீர்ப் பாசனம், ஊடுபயிர் சாகுபடி, பூச்சி மற்றும் நோய்க் கட்டுப்பாடு உள்ளிட்டவை குறித்து இந்த முகாமில் விளக்கம், பயிற்சி அளிக்கப்படும்.
விவசாயிகள், பண்ணை மகளிர், கிராமிய இளைஞர்கள், தொழில் முனைவோர் இந்தப் பயிற்சி முகாமில் பங்கேற்கலாம் என சிக்கல் வேளாண் அறிவியல் நிலையத் திட்ட ஒருங்கிணைப்பாளர் அ. அனுராதா தனது செய்திக் குறிப்பில் தெரிவித்துள்ளார்.

]]>
http://www.dinamani.com/all-editions/edition-nagapattinam/2017/mar/17/தென்னையில்-ஒருங்கிணைந்த-பயிர்-மேலாண்மை-பயிற்சி-நாளை-நடைபெறுகிறது-2667432.html
2667431 அனைத்துப் பதிப்புகள் நாகப்பட்டினம் திருமங்கலம் - பொய்கைக்குடி சாலையை சீரமைக்கக் கோரிக்கை DIN DIN Friday, March 17, 2017 06:41 AM +0530 மயிலாடுதுறை வட்டம், திருமங்கலம் - பொய்கைக்குடி இணைப்புச் சாலையை சீரமைக்க வேண்டும் என பொதுமக்கள் கோரிக்கை விடுத்துள்ளனர்.
இந்தச் சாலையை பொய்கைக்குடி, கிடாத்தலைமேடு, பிராங்குடி உள்ளிட்ட கிராமங்களைச் சேர்ந்த பொதுமக்கள் பயன்படுத்தி வருகின்றனர்.
சுமார் 1.50 கி.மீ. தொலைவுள்ள இணைப்புச்  சாலையானது, கடந்த 10 ஆண்டுகளுக்கு முன்னர் தார்ச் சாலையாக மாற்றம்  செய்யப்பட்டது. அதன் பிறகு, இந்தச் சாலையில் எவ்வித மேம்பாட்டுப் பணிகளோ, சீரமைப்புப் பணிகளோ நடைபெறவில்லை. இதனால், இச்சாலை ஆங்காங்கே குண்டும் குழியுமாக உள்ளது. மேலும், சாலையோர  மின் விளக்குகள் ஏதும் இல்லாததால், இரவு நேரங்களில் இந்தச் சாலையில் செல்லும்  பொதுமக்கள் அச்சத்துடனேயே செல்லும் நிலை உள்ளது.
கடந்த 10 ஆண்டுகளுக்கு முன்னர் போடப்பட்ட இந்தச் சாலையை  அகலப்படுத்தி, பயன்பாட்டுக்கு கொண்டு வர மயிலாடுதுறை சட்டப்பேரவை உறுப்பினர் வீ. ராதாகிருஷ்ணன் மற்றும் ஊராட்சி ஒன்றிய அதிகாரிகள் நடவடிக்கை எடுக்க வேண்டும் என்பதே பொதுமக்களின் கோரிக்கையாகும்.
இதுகுறித்து சட்டப்பேரவை உறுப்பினர் வீ. ராதாகிருஷ்ணன் கூறியது: திருமங்கலம் - பொய்கைக்குடி சாலையை சீரமைப்பதற்கு ரூ. 14 லட்சம் நிதி ஒதுக்கீடு செய்யப்பட்டுள்ளது. மேலும், சாலையை சீர்படுத்தும் பணி விரைவில் தொடங்கப்படும் என்றார்.

 

]]>
http://www.dinamani.com/all-editions/edition-nagapattinam/2017/mar/17/திருமங்கலம்---பொய்கைக்குடி-சாலையை-சீரமைக்கக்-கோரிக்கை-2667431.html
2667430 அனைத்துப் பதிப்புகள் நாகப்பட்டினம் அஞ்சலக ஊழியர்கள் ஆர்ப்பாட்டம் DIN DIN Friday, March 17, 2017 06:41 AM +0530 சீர்காழியில் தலைமை அஞ்சலகம் முன்பு ஊழியர்கள் கோரிக்கைகளை வலியுறுத்தி வியாழக்கிழமை மாலை ஆர்ப்பாட்டத்தில் ஈடுபட்டனர்.
புதிய ஓய்வூதியத் திட்டத்தை ரத்து செய்ய வேண்டும் உள்ளிட்ட 20 அம்சக் கோரிக்கைகளை வலியுறுத்தி,  சீர்காழியில் உள்ள தலைமை அஞ்சலகம் மற்றும் அதன் கீழ் செயல்படும் 19 கிராம அஞ்சல் நிலைய ஊழியர்கள் ஒரு நாள் அடையாள வேலைநிறுத்தத்தில் ஈடுபட்டனர்.
இதைத்தொடர்ந்து, சீர்காழி தலைமை அஞ்சலகம் முன்பு மத்திய அரசு ஊழியர் மகா சம்மேளனம் தமிழ் மாநிலக்குழு சார்பில், அதன் தலைவர் ராமமூர்த்தி தலைமையில் மாலையில் ஆர்ப்பாட்டம் நடைபெற்றது. இதில் செயலர் கோவிந்தராஜன், பொறுப்பாளர் செல்லத்துரை உள்ளிட்ட 50-க்கும் மேற்பட்டோர் பங்கேற்றனர். ஊழியர்களின் வேலை நிறுத்தப் போராட்டத்தால் அஞ்சலகப் பணிகள் பெரிதும் பாதிக்கப்பட்டன.

]]>
http://www.dinamani.com/all-editions/edition-nagapattinam/2017/mar/17/அஞ்சலக-ஊழியர்கள்-ஆர்ப்பாட்டம்-2667430.html
2667429 அனைத்துப் பதிப்புகள் நாகப்பட்டினம் கல்வி உதவித் தொகை வழங்கக் கோரி ஆர்ப்பாட்டம் DIN DIN Friday, March 17, 2017 06:40 AM +0530 தரங்கம்பாடியில், கல்வி உதவித் தொகை வழங்க வலியுறுத்தி பொறையாறு தனியார் கல்லூரி மாணவர்கள் சார்பில் வகுப்புகளை புறக்கணித்து ஆர்ப்பாட்டம் வியாழக்கிழமை நடைபெற்றது.
தரங்கம்பாடி வட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு இந்திய மாணவர் சங்கத்தின் மாவட்ட துணைச் செயலர் ஐயப்பன் தலைமை வகித்தார்.
மாணவர்களுக்கு உரிய கல்வி உதவித் தொகையை வழங்க வேண்டும். புதுதில்லி ஜேஎன்யு பல்கலைக்கழகத்தில் மாணவர் முத்துகிருஷ்ணன் உயிரிழந்ததற்கு உரிய நடவடிக்கை எடுத்து நீதி விசாரணை மேற்கொள்ள வேண்டும் உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடைபெற்றது.
முன்னதாக கல்லூரி மாணவ, மாணவியர் வகுப்புகளை புறக்கணித்து, கோரிக்கைகளை கோஷங்களாக எழுப்பியப்படி தரங்கம்பாடி வட்டாட்சியர் அலுவலகம் வரை பேரணியாகச் சென்றடைந்தனர்.

 

]]>
http://www.dinamani.com/all-editions/edition-nagapattinam/2017/mar/17/கல்வி-உதவித்-தொகை-வழங்கக்-கோரி-ஆர்ப்பாட்டம்-2667429.html
2667428 அனைத்துப் பதிப்புகள் நாகப்பட்டினம் குவைத், ஓமன் நாடுகளில் வேலை வாய்ப்பு: மார்ச் 20-க்குள் விண்ணப்பிக்கலாம் DIN DIN Friday, March 17, 2017 06:40 AM +0530 குவைத் மற்றும் ஓமன் நாடுகளில் அறிவிக்கப்பட்டுள்ள பணிகளுக்கு மார்ச் 20 ஆம் தேதிக்குள் விண்ணப்பங்களை அனுப்ப வேண்டும் என தெரிவிக்கப்பட்டுள்ளது.
இதுகுறித்து நாகை மாவட்ட வேலை வாய்ப்பு அலுவலகம் வெளியிட்ட  செய்திக் குறிப்பு:
குவைத் நாட்டிலுள்ள தனியார் நிறுவனத்துக்கு 10 ஆம் வகுப்பு தேர்ச்சியுடன், 22 முதல் 40 வயதுக்குள்பட்ட தொழிலாளர்கள் பெருமளவில் தேவைப்படுகின்றனர். தேர்ந்தெடுக்கப்படுவோருக்கு உணவு மற்றும் இருப்பிட வசதியும் சேர்த்து ரூ. 33 ஆயிரம் ஊதியத்துடன் இலவச விமான டிக்கெட், குவைத் நாட்டின் சட்டத்துக்குள்பட்ட இதர சலுகைகள் வழங்கப்படும். ஓமன் நாட்டிலுள்ள நிறுவனத்துக்கு 10 ஆம் வகுப்பு தேர்ச்சியுடன் ஏதாவது ஒரு நிறுவனத்தில் 2 ஆண்டுகள் பணி அனுபவத்துடன் 22 முதல் 26 வயதுக்குள்பட்ட இயந்திரம் இயக்குபவர்கள் தேவைப்படுகின்றனர். தேர்ந்தெடுக்கப்படுபவர்களுக்கு தகுதி, அனுபவத்துக்கேற்ப ரூ. 25 ஆயிரம் வரை ஊதியம், இலவச இருப்பிட வசதி வழங்கப்படும்.
தகுதியுள்ளவர்கள் சுய விவரங்கள் அடங்கிய விண்ணப்பத்துடன் கல்வி, அனுபவம், பாஸ்போர்ட் ஆகியவற்றின் நகல்கள் மற்றும் ஒரு புகைப்படத்துடன் ர்ம்ஸ்ரீழ்ங்ள்ன்ம்ஃஞ்ம்ஹண்ப்.ஸ்ரீர்ம் எனும் மின்னஞ்சலுக்கு மார்ச் 20 ஆம் தேதிக்குள்  அனுப்பி வைக்க வேண்டும்.
மேலும் விவரங்களுக்கு 044-22505886, 22502267 என்ற எண்ணிலோ அல்லது o‌m​c‌r‌e‌s‌u‌m​@‌g‌m​a‌i‌l.c‌o‌m​  என்ற வலைதளத்திலோ தெரிந்து கொள்ளலாம் என வேலைவாய்ப்பு மற்றும் பயிற்சித்துறை இயக்குநர் தெரிவித்துள்ளதாக அதில் கூறப்பட்டுள்ளது.

 

 

]]>
http://www.dinamani.com/all-editions/edition-nagapattinam/2017/mar/17/குவைத்-ஓமன்-நாடுகளில்-வேலை-வாய்ப்பு-மார்ச்-20-க்குள்-விண்ணப்பிக்கலாம்-2667428.html
2667427 அனைத்துப் பதிப்புகள் நாகப்பட்டினம் வறட்சி பாதிப்பு: உயிரிழந்த விவசாயிகள் 23 பேரின் குடும்பங்களுக்கு நிவாரணம் DIN DIN Friday, March 17, 2017 06:39 AM +0530 வறட்சி பாதிப்பு காரணமாக உயிரிழந்த நாகை மாவட்டத்தைச் சேர்ந்த 23 விவசாயிகளின் குடும்பங்களுக்கு அரசு நிவாரணத் தொகைக்கான காசோலைகள் வியாழக்கிழமை வழங்கப்பட்டன.
நாகை மாவட்டத்தில் வறட்சி பாதிப்பு காரணமாக உயிரிழந்ததாகக் கூறப்பட்ட விவசாயிகளில் 23 பேரின் குடும்பங்களுக்குத் தலா ரூ. 3 லட்சம் நிவாரணத் தொகை வழங்க தமிழக அரசு உத்தரவிட்டிருந்தது. இந்த உத்தரவுப்படி, விவசாயிகளின் குடும்பங்களுக்கு நிவாரணத் தொகைக்கான காசோலைகள் வழங்கும் நிகழ்ச்சி மாவட்ட ஆட்சியரகத்தில் நடைபெற்றது.
நாகை மாவட்ட ஆட்சியர் சு. பழனிசாமி தலைமை வகித்து, உயிரிழந்த விவசாயிகள் 23 பேரின் குடும்பங்களுக்கு தலா ரூ. 3 லட்சத்துக்கான காசோலைகளை வழங்கினார். மாவட்ட வருவாய் அலுவலர் எஸ். கருணாகரன், வருவாய்க் கோட்டாட்சியர் கண்ணன் ஆகியோர் உடனிருந்தனர்.

]]>
http://www.dinamani.com/all-editions/edition-nagapattinam/2017/mar/17/வறட்சி-பாதிப்பு-உயிரிழந்த-விவசாயிகள்-23-பேரின்-குடும்பங்களுக்கு-நிவாரணம்-2667427.html
2667426 அனைத்துப் பதிப்புகள் நாகப்பட்டினம் ஊரக வளர்ச்சித்துறை அலுவலர்கள் ஆர்ப்பாட்டம் DIN DIN Friday, March 17, 2017 06:38 AM +0530 நாகப்பட்டினத்தில் கோரிக்கைகளை வலியுறுத்தி, ஊரக வளர்ச்சித்துறை அலுவலர்கள் சங்கம் சார்பில் ஆர்ப்பாட்டம் வியாழக்கிழமை நடைபெற்றது.
முழு நேர ஊழியர்களாக அறிவிக்கப்பட்ட ஊராட்சி செயலர்களுக்கு அறிவித்தப்படி காலமுறை ஊதியம் வழங்க வேண்டும். உதவி இயக்குநர், இணை இயக்குநர், கூடுதல் இயக்குநர் காலிப் பணியிடங்களை பதவி உயர்வு வழியாக நிரப்ப வேண்டும். மகாத்மா காந்தி தேசிய ஊரக வேலை உறுதித் திட்டத்தை சிறப்பாக நடத்தும் வகையில் ஒவ்வொரு ஊராட்சி ஒன்றியத்திலும் வட்டார வளர்ச்சி அலுவலர் தலைமையில் தனி ஊழியர் கட்டமைப்பை உருவாக்க வேண்டும் உள்ளிட்ட  கோரிக்கைகளை வலியுறுத்தி, ஊரக வளர்ச்சித் துறை அலுவலர்கள் கடந்த 3 நாள்களாக வேலை நிறுத்தப் போராட்டத்தில் ஈடுபட்டுள்ளனர்.
இந்தக் கோரிக்கைகளை வலியுறுத்தி, நாகை மாவட்ட ஆட்சியர் அலுவலகம் முன்பு வியாழக்கிழமை ஆர்ப்பாட்டம் நடைபெற்றது. ஆர்ப்பாட்டத்துக்கு மாவட்டத் தலைவர் ஜோதிமணி தலைமை வகித்தார். ஆர்ப்பாட்டத்தில் கோரிக்கைகளை விளக்கி கோஷங்கள் எழுப்பப்பட்டன. இவர்களுக்கு ஆதரவாக அரசு ஊழியர் சங்கத்தினரும் மாவட்ட ஆட்சியரக வளாகத்தில் ஆர்ப்பாட்டத்தில் ஈடுபட்டனர்.
சீர்காழியில்: சீர்காழியில் ஊராட்சி ஒன்றிய அலுவலக ஊழியர்கள் 3-ஆவது நாளாக வியாழக்கிழமையும் வேலைநிறுத்ததில் ஈடுபட்டனர். சீர்காழி ஊராட்சி ஒன்றியத்தில் பணிபுரியும் ஊராட்சி ஒன்றிய அலுவலர்கள், பொறியாளர்கள், ஊராட்சி செயலாளர்கள்,  பணி மேற்பார்வையாளர்கள் உள்ளிட்ட அனைத்து ஊழியர்களும் வேலை நிறுத்தத்தில் பற்கேற்றுள்ளதால், அலுவலகப் பணிகள் பெரிதும் பாதிக்கப்பட்டுள்ளன.

 

 

]]>
http://www.dinamani.com/all-editions/edition-nagapattinam/2017/mar/17/ஊரக-வளர்ச்சித்துறை-அலுவலர்கள்-ஆர்ப்பாட்டம்-2667426.html
2667425 அனைத்துப் பதிப்புகள் நாகப்பட்டினம் ஸ்ரீசெளந்தரராஜப் பெருமாள் கோயில் பங்குனி உத்ஸவ கால் கோல் விழா DIN DIN Friday, March 17, 2017 06:38 AM +0530 நாகையில் உள்ள ஸ்ரீ செளந்தரராஜப் பெருமாள் கோயிலில் பங்குனிப் பெருவிழா உத்ஸவம் தொடக்கமாக கால் கோல் விழா வியாழக்கிழமை காலை நடைபெற்றது.
ஆழ்வார்களால் மங்களாசாசனம் செய்யப்பட்ட திவ்ய தேசங்களில் ஒன்றான நாகை ஸ்ரீ செளந்தரராஜப் பெருமாள் கோயிலில் பங்குனிப் பெருவிழா ஆண்டுதோறும் நடைபெறுவது வழக்கம். இதன்படி, நிகழாண்டுக்கான பங்குனிப் பெருவிழா ஏப். 1-ஆம் தேதி கொடியேற்றத்துடன் தொடங்கப்படவுள்ளது.
விழா தொடக்க முகூர்த்த நிகழ்வாக, கால் கோல் விழா வியாழக்கிழமை காலை நடைபெற்றது. ஸ்ரீசெளந்தரராஜப் பெருமாளுக்கு சிறப்பு வழிபாடுகள் மேற்கொள்ளப்பட்ட பின்னர், காலை 9 மணிக்கு மேல் கோயில் நுழைவு வாயில் பகுதியில் பாரம்பரிய முறைப்படி, பந்தல்  கால் ஊன்றப்பட்டது.
ஏப்ரல் 1-ஆம் தேதி கொடியேற்றத்துடன் தொடங்கப்படும் பங்குனிப் பெருவிழா ஏப். 12-ஆம் தேதி நடைபெறுகிறது. விழா நிகழ்ச்சியாக தினமும் காலை, மாலை இரு  வேளைகளிலும் வெவ்வேறு வாகனங்களில் பெருமாள் வீதியுலா நடைபெறவுள்ளது.

 

]]>
http://www.dinamani.com/all-editions/edition-nagapattinam/2017/mar/17/ஸ்ரீசெளந்தரராஜப்-பெருமாள்-கோயில்-பங்குனி-உத்ஸவ-கால்-கோல்-விழா-2667425.html
2667424 அனைத்துப் பதிப்புகள் நாகப்பட்டினம் 2 குடிசைகள் தீக்கிரை DIN DIN Friday, March 17, 2017 06:38 AM +0530 நாகை மாவட்டம், மயிலாடுதுறையில் புதன்கிழமை  நள்ளிரவு ஏற்பட்ட தீ விபத்தில் 2 குடிசை வீடுகள் தீக்கிரையாகின.
மயிலாடுதுறை நகரம், கூறைநாடு அண்ணா வீதியைச்  சேர்ந்தவர்கள் வை. பாலமுருகன் (48), ஞா. குணசேகரன் (45). சலவைத் தொழிலாளிகளான இவர்கள் இருவரும், குடும்பத்தினருடன் தனித்தனியே குடிசை வீடுகளில் வசித்து வந்தனர். புதன்கிழமை நள்ளிரவு திடீரென இவர்களது குடிசை வீட்டில் தீப்பிடித்தது. இதில் வீட்டு உபயோகப் பொருள்கள், சலவை செய்து வைத்திருந்த துணிகள் ஆகியவை எரிந்து நாசமாயின. மயிலாடுதுறை போலீஸார் வியாழக்கிழமை வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-nagapattinam/2017/mar/17/2-குடிசைகள்-தீக்கிரை-2667424.html
2667423 அனைத்துப் பதிப்புகள் நாகப்பட்டினம் மயிலாடுதுறையில் பட்டினிப் போராட்டம் DIN DIN Friday, March 17, 2017 06:37 AM +0530 வறட்சியின் காரணமாக விவசாயப் பயிர்கள் கருகியதால், உயிரிழந்த விவசாயிகளின் குடும்பத்தினருக்கு உரிய இழப்பீட்டுத் தொகை வழங்க வலியுறுத்தி, தமிழக நிலம் மற்றும் நீர் பாதுகாப்பு கூட்டமைப்பைச் சேர்ந்தவர்கள் மயிலாடுதுறையை அடுத்த ஆர்.கே. புரத்தில் வியாழக்கிழமை பட்டினிப் போராட்டத்தில் ஈடுபட்டனர்.
உயிரிழந்த விவசாயிகளின் குடும்பத்தினர் அனைவருக்கும்  தலா ரூ. 30 லட்சம் இழப்பீடு வழங்க வேண்டும். வேலையிழந்து தவிக்கும் விவசாயக் கூலித் தொழிலாளர்களின் குடும்பத்தினருக்கு இழப்பு நிதியாக ரூ. 10 ஆயிரம் 3 மாதங்களுக்கு வழங்க வேண்டும். ஹைட்ரோ கார்பன் திட்டத்தை அரசு கைவிட வேண்டும்.
விளைநிலங்களுக்கான சிறப்பு பாதுகாப்புச் சட்டத்தை உடனே நிறைவேற்ற வேண்டும் உள்ளிட்ட கோரிக்கைகளை வலியுறுத்தி, இந்த பட்டினிப் போராட்டம் நடைபெற்றது.
போராட்டத்துக்கு, விடுதலைச் சிறுத்தைகள் தஞ்சை மண்டலச் செயலரும், வழக்குரைஞருமான  வேலு. குபேந்திரன் தலைமை வகித்தார். வியாழக்கிழமை காலை 11 மணியளவில் தொடங்கிய பட்டினிப் போராட்டம் இரவும் தொடர்ந்தது.
வருவாய்க் கோட்டாட்சியர் பேச்சுவார்த்தை: தகவலறிந்த மயிலாடுதுறை வருவாய்க் கோட்டாட்சியர் பி. சுபாநந்தினி, காவல் துணைக் கண்காணிப்பாளர் கலித்தீர்த்தான், வட்டாட்சியர் எஸ். காந்திமதி உள்ளிட்டோர் அங்கு சென்றனர்.
பின்னர், போராட்டக் குழுவினருடன் கோட்டாட்சியர் பி. சுபாநந்தினி பேச்சுவார்த்தை நடத்தியதைத் தொடர்ந்து, வியாழக்கிழமை இரவு 8 மணியளவில் போராட்டம் கைவிடப்பட்டது.
இப் போராட்டத்தில், தமிழக நிலம் மற்றும் நீர் பாதுகாப்பு கூட்டமைப்பின் ஒருங்கிணைப்பாளர் இரணியன், மனிதநேய மக்கள் கட்சியின் மாவட்டச் செயலர் ஓ.எம்.ஏ. முசாகுதீன், தமிழர் உரிமை இயக்க அமைப்பாளர் சுப்பு. மகேசு, தமாகா நாகை வடக்கு மாவட்டத் தலைவர் பூம்புகார் எம். சங்கர், மார்க்சிஸ்ட் கம்யூனிஸ்ட் கட்சி குத்தாலம் ஒன்றியச் செயலர் எஸ். துரைராஜ் மற்றும் பல்வேறு அமைப்பினர், வேளாண் இழப்பால் உயிரிழந்த விவசாயிகளின் குடும்பத்தினர், சமூக ஆர்வலர்கள் கலந்துகொண்டனர். பட்டினிப் போராட்டம் நடைபெற்ற இடத்தில் போலீஸார் பாதுகாப்புப் பணியில் ஈடுபட்டனர்.

]]>
http://www.dinamani.com/all-editions/edition-nagapattinam/2017/mar/17/மயிலாடுதுறையில்-பட்டினிப்-போராட்டம்-2667423.html
2667422 அனைத்துப் பதிப்புகள் நாகப்பட்டினம் சாலை மறியலில் ஈடுபட்ட 12 பேர் கைது DIN DIN Friday, March 17, 2017 06:37 AM +0530 மயிலாடுதுறை அரசு பெரியார் மருத்துவமனை நிர்வாகத்தைக் கண்டித்து, சாலை மறியலில் ஈடுபட்ட மார்க்சிஸ்ட் கம்யூனிஸ்ட் கட்சியினர் 12 பேரை போலீஸார் வியாழக்கிழமை கைது செய்தனர்.
மயிலாடுதுறை அரசு பெரியார் மருத்துவமனையில் வியாழக்கிழமை குழந்தைகள் நல மருத்துவர் பணியில் இல்லையாம். இதைக் கண்டித்து, மார்க்சிஸ்ட் கம்யூனிஸ்ட் கட்சி மாநிலக் குழு உறுப்பினர் து. கணேசன் தலைமையில், அக்கட்சியினர் அரசு மருத்துவமனை முன்பு சாலை மறியலில் ஈடுபட்டனர். இதனால் போக்குவரத்து பாதிக்கப்பட்டது. மறியலில் ஈடுபட்டது தொடர்பாக 12 பேர் கைது செய்யப்பட்டு, மாலையில் விடுவிக்கப்பட்டனர்.
இதில் மார்க்சிஸ்ட் கம்யூனிஸ்ட் கட்சியின் வட்டச் செயலர் எம். மணி, இந்திய ஜனநாயக வாலிபர் சங்க நகர செயலர் டி. துரை உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-nagapattinam/2017/mar/17/சாலை-மறியலில்-ஈடுபட்ட-12-பேர்-கைது-2667422.html
2667421 அனைத்துப் பதிப்புகள் நாகப்பட்டினம் ஓய்வூதியர்கள் ஆர்ப்பாட்டம் DIN DIN Friday, March 17, 2017 06:37 AM +0530 தமிழ்நாடு அரசு அனைத்துத்துறை ஓய்வூதியர் சங்கத்தினர் மயிலாடுதுறையில் வியாழக்கிழமை ஆர்ப்பாட்டத்தில் ஈடுபட்டனர்.
வருவாய்க் கோட்டாட்சியர் அலுவலகம் முன்பு நடைபெற்ற ஆர்ப்பாட்டத்துக்கு, சங்கத்தின் நாகை மாவட்டத் தலைவர் சா. ஜெகதீசன் தலைமை வகித்தார்.
ஓய்வூதியர்களுக்கு குறைந்தபட்ச ஓய்வூதியம் ரூ. 18 ஆயிரம் வழங்க வேண்டும். கிராமப்புற அஞ்சல் ஊழியர்களை நிரந்தரமாக பணியமர்த்த வேண்டும். 7-ஆவது ஊதியக்குழுவில் உள்ள ஓய்வூதியர்களுக்கு  எதிரான முரண்பாடுளை களைய வேண்டும். புதிய ஓய்வூதியத் திட்டத்தை ரத்து செய்ய வேண்டும் உள்ளிட்ட கோரிக்கைகளை வலியுறுத்தி, இந்த ஆர்ப்பாட்டம் நடைபெற்றது.
சங்கத்தின் மாநிலச் செயலர் கல்யாணசுந்தரம், தமிழ்நாடு மின் ஊழியர் மத்திய அமைப்பின் தலைவர் எஸ். சுவாமிநாதன், சங்கத்தின் நாகை மாவட்டச் செயலர் வ. பழனிவேல் மற்றும் மத்திய, மாநில அரசு அலுவலகங்களில் பணியாற்றி ஓய்வு பெற்ற அலுவலர்கள் 150-க்கும் மேற்பட்டோர் பங்கேற்றனர்.

 

 

]]>
http://www.dinamani.com/all-editions/edition-nagapattinam/2017/mar/17/ஓய்வூதியர்கள்-ஆர்ப்பாட்டம்-2667421.html
2625101 அனைத்துப் பதிப்புகள் நாகப்பட்டினம் நாகை மாவட்டத்தில் 6 விவசாயிகள் சாவு DIN DIN Sunday, January 1, 2017 12:33 AM +0530 நாகப்பட்டினத்தில் மாரடைப்பு ஏற்பட்டு பெண் விவசாயி உள்பட 6 பேர் உயிரிழந்தனர்.
கீழ்வேளூர் அருகே கடம்பர வாழ்க்கை, நடுத்தெருவைச் சேர்ந்தவர் ராமகிருஷ்ணன் மனைவி சரோஜா (57). கணவர் இறந்து ஓராண்டு ஆகிறது. சரோஜாவுக்கு கோகூர் அருகே எலிசியத்தில் இரண்டரை ஏக்கர் சாகுபடி நிலம் உள்ளது.
வெள்ளிக்கிழமை மாலை வயலுக்குச் சென்றுவிட்டு வீட்டுக்கு வந்தவர் மயங்கி விழுந்து இறந்து விட்டாராம். தண்ணீர் இல்லாமல் பயிர்கள் காய்ந்ததன் காரணமாக மன உளைச்சலில் இறந்து விட்டதாக அவரது உறவினர்கள் தெரிவித்தனர்.
இதேபோல் கீழ்வேளூர் அருகே ஓர்குடி, தெற்குத்தெருவைச் சேர்ந்தவர் கலியபெருமாள் (69). இவருக்குச் சொந்தமான 1 ஏக்கர் நிலத்தில் சம்பா சாகுபடி செய்திருந்தாராம்.
ஆனால் தண்ணீர் இல்லாமல் பயிர்கள் காய்ந்திருந்தனவாம். இந்நிலையில் சனிக்கிழமை காலை வயலுக்குச் சென்ற கலியபெருமாள், அங்கேயே மயங்கி விழுந்து உயிரிழந்து விட்டாராம்.
திருமருகல் அருகே போலகம், கூத்தப்பட்டார் தோப்பு பகுதியைச் சேர்ந்தவர் திருமாவளவன் (40). இந்தப் பகுதியில் 5 ஏக்கரில் சாகுபடி செய்துள்ள இவர், சாகுபடிக்கு உரிய தண்ணீர் கிடைக்காததால் மன உளைச்சலில் இருந்தாராம். இந்நிலையில் சனிக்கிழமை காலை மாரடைப்பு ஏற்பட்டு இறந்துள்ளார்.
நாகூர் அருகே கடம்பங்குடி பகுதியைச் சேர்ந்தவர் வீரமணி (30). 2 ஏக்கரில் சாகுபடி செய்த வீரமணிக்கு இரு தினங்களுக்கு முன்பு திடீரென மாரடைப்பு ஏற்பட்டுள்ளது.
இதையடுத்து திருவாரூர் அரசு மருத்துவக்கல்லூரி மருத்துவமனையில் சேர்க்கப்பட்ட வீரமணி சிகிச்சை பலனின்றி வெள்ளிக்கிழமை இறந்தார்.
வேதாரண்யத்தில்...: பஞ்சநதிக்குளம், மேற்கு ஊராட்சி, சின்னதேவன்காடு பகுதியைச் சேர்ந்தவர் பி. கணபதி (74). இவருக்குச் சொந்தமான 3 ஏக்கர் நிலத்தில் நேரடி விதைப்பு முறையில் பயிரிட்டிருந்தாராம். உரிய அளவு தண்ணீர் கிடைக்காததால் வயலில் வளர்ந்த களைகளை கட்டுப்படுத்த முடியவில்லையாம்.
இந்நிலையில் அண்மையில் நடைபெற்ற களையெடுப்பு பணியின்போது, வயலிலேயே மயங்கி விழுந்துள்ளார். அவருக்கு சிகிச்சை அளிக்கப்பட்ட நிலையில் வெள்ளிக்கிழமை உயிரிழந்தார்.
இதேபோல் பஞ்சநதிக்குளம் நடுசேத்தி பகுதியைச் சேர்ந்தவர் அ. கோகுலவாசன் (72). இவர் சாகுபடி செய்துள்ள 4 ஏக்கர் நிலத்தில் பயிர் பாதிப்பு ஏற்பட்டதால் நெஞ்சு வலி ஏற்பட்டு உயிரிழந்தார்.

 

]]>
http://www.dinamani.com/all-editions/edition-nagapattinam/2017/jan/01/நாகை-மாவட்டத்தில்-6-விவசாயிகள்-சாவு-2625101.html
1794 அனைத்துப் பதிப்புகள் நாகப்பட்டினம் ஷேல் எரிவாயு திட்டத்தை தமிழக அரசு நிராகரிக்க மீத்தேன் திட்ட எதிர்ப்புக் கூட்டமைப்பு வலியுறுத்தல் kirthika DIN Friday, June 3, 2016 01:37 AM +0530 ஷேல் எரிவாயு திட்டம் எனும் பாறை எரிவாயுத் திட்டத்தை தமிழக அரசு முற்றிலும் நிராகரிக்கவேண்டும் என மீத்தேன் திட்ட எதிர்ப்புக் கூட்டமைப்பினர் வலியுறுத்தியுள்ளனர்.

இதுகுறித்து, மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் ஓய்வுபெற்ற பேராசிரியர் த.ஜெயராமன் விடுத்துள்ள செய்திக்குறிப்பில் தெரிவித்திருப்பது:

ஷேல் எரிவாயு திட்டத்திற்கு தடைகோரி பசுமைத் தீர்ப்பாயத்தில் தொடுக்கப்பட்ட வழக்கில், ஷேல் எரிவாயு திட்டம் குறித்து நிபுணர்களை ஆலோசித்து தனது நிலைப்பாட்டை தமிழக அரசு தெரிவிக்கவேண்டும் என பசுமை தீர்ப்பாயம் கூறியுள்ளது.

காவிரிப் படுகையில் மீத்தேன் வாயு எடுóப்பதற்கு கிரேட் ஈஸ்டர்ன் எனர்ஜி நிறுவனத்திற்கும், வண்டல் மண் பாறையில் ஷேல் எரிவாயு எடுப்பதற்கு

ஓ.என்.ஜி.சி. நிறுவனத்திற்கும் மத்திய பெட்ரோலியத்துறை அனுமதி வழங்கியுள்ளது.

இந்நிலையில் மீத்தேன் எரிவாயு திட்டத்திற்கு மட்டும் எதிர்ப்பு உருவாகிய நிலையில்

ஷேஸ் எரிவாயு திட்டத்திற்கு எவ்வித எதிர்ப்பும் தெரிவிக்கவில்லை.

ஷேல் எரிவாயு எடுக்கும் திட்டம் எனக் கூறி வந்த, ஓ.என்.சி.ஜி. நிறுவனம் தற்போது, சுற்றுச்சூழல் அமைச்சகத்தின் அனுமதிக்குப் பின்னர் ஷேல் எரிவாயு எடுப்பதற்கு பல இடங்களில் ஆழ் குழாய்கள் பதிக்கும் பணிகளையும் செய்து வருகின்றது.

கிரேட் ஈஸ்டர்ன் எனர்ஜி நிறுவனம் மீத்தேன் எரிவாயு எடுக்க முயற்சித்தபோது பல்வேறு போராட்டங்கள் நடைபெற்றன. இதைத் தொடர்ந்து தமிழக முதல்வர் விவசாயிகளுக்கு பாதிப்பை ஏற்படுத்தும் எந்த திட்டங்களுக்கும் அனுமதியில்லை என தெரிவித்தார்.

மீத்தேன் எரிவாயு திட்டத்திற்காக தமிழக முதல்வர் பிறப்பித்த இந்த உத்தரவு ஷேல் எரிவாயு திட்டத்திற்கும் பொருந்தும் என்பதால், ஷேல் எரிவாயு எடுக்கும் திட்டத்தை தமிழக அரசு நிராகரிக்க வேண்டும் என அந்தச் செய்திக்குறிப்பில் த.ஜெயராமன் குறிப்பிட்டுள்ளார்.

கலந்தாய்வுக் கூட்டம்: முன்னதாக, மயிலாடுதுறை மகாதானத்தெருவில், வியாழக்கிழமை த.ஜெயராமன் தலைமையில் நடைபெற்ற கலந்தாய்வுக் கூட்டத்தில், கூட்டமைப்பின் நிர்வாகிகள் கலந்துகொண்டனர்.

 

]]>
http://www.dinamani.com/edition_trichy/nagapattinam/2016/jun/03/ஷேல்-எரிவாயு-திட்டத்தை-தமிழக-அரசு-நிராகரிக்கமீத்தேன்-திட்ட-எதிர்ப்புக்-கூட்டமைப்பு-வலியுறுத்தல்-1794.html
1701 அனைத்துப் பதிப்புகள் நாகப்பட்டினம் மன்னார்குடியில் டிஆர்பி ராஜா நன்றி தெரிவிப்பு kirthika DIN Thursday, June 2, 2016 01:37 AM +0530 நீடாமங்கலம் வடக்கு, தெற்கு ஒன்றியத்துக்கு உள்பட்ட பகுதிகளில் வாக்காளர்களுக்கு மன்னார்குடி தொகுதி பேரவை உறுப்பினர் டி.ஆர்.பி. ராஜா செவ்வாய்க்கிழமை நன்றி தெரிவித்தார்.

கோவில்வெண்ணி, ஆதனூர், நகர், சித்தமல்லி, பரப்பனமேடு, காளாஞ்சிமேடு, காளாச்சேரி, ராயபுரம், வடகாரவயல், காணூர், எடகீழையூர், எடமேலையூர், வடுவூர், வடபாதி, தென்பாதி உள்ளிட்ட பகுதிகளுக்குச் சென்று அவர் வாக்காளர்களுக்கு நன்றி தெரிவித்தார்.

நிகழ்ச்சியில் எம்எல்ஏவுடன், முன்னாள் எம்எல்ஏ பி.ராஜமாணிக்கம், ஒன்றியச் செயலாளர்கள் விசு.அண்ணாதுரை, வி.மாயவநாதன், மகளிரணி மாவட்டச் செயலாளர் ராணிசேகர், ஒன்றிய இளைஞரணி அமைப்பாளர்

ஜெயகோபி உள்ளிட்டோர் கலந்து கொண்டனர்.

 

]]>
http://www.dinamani.com/edition_trichy/nagapattinam/2016/jun/02/மன்னார்குடியில்-டிஆர்பி-ராஜா-நன்றி-தெரிவிப்பு-1701.html
1436 அனைத்துப் பதிப்புகள் நாகப்பட்டினம் பல்நோக்கு அரங்கம் அடிக்கல் நாட்டு விழா kirthika Express News Service Saturday, May 28, 2016 05:52 AM +0530 நாகூர் கிரசண்ட் மெட்ரிக் பெண்கள் மேல்நிலைப் பள்ளி வளாகத்தில் பல்நோக்கு அரங்குக்கான அடிக்கல் நாட்டுவிழா வெள்ளிக்கிழமை நடைபெற்றது.

நிகழ்ச்சிக்கு பள்ளியின் முதல்வர் ரபியா சிராஜீதீன் தலைமை வகித்தார். அலுவலக மேலாளர் குலாம்ஷா முன்னிலை வகித்தார். அரபி மொழி ஆசிரியை துஆ ஓதினார்.

விழாவில் பொறியாளர் அப்துல்காதர், ஆசிரியைகள், அலுவலகப் பணியாளர்கள், பெற்றோர் ஆசிரியர் சங்க நிர்வாகிகள் உள்ளிட்ட ஏராளமானோர் பங்கேற்றனர்.

]]>
http://www.dinamani.com/edition_trichy/nagapattinam/2016/may/28/பல்நோக்கு-அரங்கம்-அடிக்கல்-நாட்டு-விழா-1436.html
1434 அனைத்துப் பதிப்புகள் நாகப்பட்டினம் ஜூன் 1, 2 ல் நாட்டுக்கோழி வளர்ப்பு தொடர்பான பயிற்சி முகாம் kirthika Express News Service Saturday, May 28, 2016 05:49 AM +0530 நாகப்பட்டினத்தில் ஜூன் 1 மற்றும் 2 ல் நாட்டுக்கோழி வளர்ப்பு தொடர்பான இலவச பயிற்சி முகாம் நடைபெற உள்ளது.

இதுகுறித்து நாகப்பட்டினம் கால்நடை பல்கலைக்கழக பயிற்சி மற்றும் ஆராய்ச்சி மைய தலைவர் பி. சீனிவாசன் வெளியிட்டிருப்பது:

நாகப்பட்டினம் கால்நடை மருத்துவமனை வளாகத்தில் செயல்பட்டு வரும் தமிழ்நாடு கால்நடை மருத்துவ அறிவியல் பல்கலைக்கழகத்தின் கால்நடை பல்கலைக்கழக பயிற்சி மற்றும் ஆராய்ச்சி மையத்தில் ஜூன் 1, 2 தேதிகளில் நாட்டுக்கோழி வளர்ப்பு தொடர்பான இலவச பயிற்சி முகாம் நடைபெற உள்ளது.

முகாமில் நாட்டுக்கோழி இனங்கள், இடத்தேர்வு, கொட்டகை அமைக்கும் முறை, தீவன பராமரிப்பு, நோய்த் தடுப்பு, பண்ணை பொருளாதாராம் போன்ற தலைப்புகளில் பயிற்சி அளிக்கப்படும்.

காலை 10 மணிக்கு தொடங்கும் பயிற்சியில் பங்கேற்க விரும்புவோர் நேரிலோ அல்லது 04365-247123 என்ற எண்ணிலோ நாகை கால்நடை பல்கலைக்கழக பயிற்சி மற்றும் ஆராய்ச்சி மையத்தை அணுகலாம் எனக் கூறியுள்ளார்.

]]>
http://www.dinamani.com/edition_trichy/nagapattinam/2016/may/28/ஜூன்-1-2-ல்-நாட்டுக்கோழி-வளர்ப்பு-தொடர்பான-பயிற்சி-முகாம்-1434.html
662 அனைத்துப் பதிப்புகள் நாகப்பட்டினம் இன்னும் தீரல... இனியாவது நடைபெறுமா இந்திர விழா? kirthika PTI Friday, May 13, 2016 10:17 AM +0530

பூம்புகார் - கற்புக்கடம் பூண்ட பொற்புடை தெய்வம் கண்ணகி வாழ்ந்த ஊர். தொன்மைத் தமிழர்களின் கலாசாரத்தை பறைசாற்றும் எண்ணற்ற தொல்லியல் எச்சங்களைக் கொண்ட வரலாற்றுச் சிறப்புமிக்க ஊர், வான் பொய்ப்பினும் தான் பொய்யா மலைத் தலைய கடற்காவிரி கடலில் சங்கமிக்கும் ஊர் என பல்வேறு சிறப்புகளைக் கொண்டது பூம்புகார்.

இங்கு, ஆண்டுதோறும் சித்ரா பெளர்ணமி நாளில் சித்திரை முழு நிலவு நாள் விழா என்ற பெயரில், வரலாற்றுச் சிறப்புப் பெற்ற இந்திர விழா கொண்டாடப்படுவது வழக்கம்.

காலத்தே மழை பெய்ய வேண்டும், இயற்கை சீற்றங்கள் ஏதுமின்றி பசி, பிணி நீங்கி மக்கள் இன்புற்று வாழ வேண்டும் என்பனவற்றைக் கருத்தில் கொண்டு, இந்திரக் கடவுளை நோக்கி எடுக்கப்படும் விழாவாக இவ்விழா சங்கக் காலத்தில் கொண்டாடப்பட்டது.

அகத்திய முனிவரால் கூறப்பட்டு, தூங்கெயிலெறிந்த தொடித்தோட்ச் செம்பியன் என்ற மன்னனால் தொடங்கப்பட்டது இந்த விழா எனவும், விண்ணவரும் வியந்து ரசித்துச் சென்ற வகையில் இவ்விழா கொண்டாடப்பட்டது எனவும் சங்க இலக்கியக் குறிப்புகளில் உள்ளன.

இவ்விழாவை, நெடுமுடிக்கிள்ளி என்ற மன்னன் தனது ஆட்சிக் காலத்தில் கைவிட்டதால், பூம்புகாரைக் கடல் கொண்டது எனவும் மணிமேகலையில் குறிப்பிடப்பட்டுள்ளது.

முற்காலத்தில், இவ்விழா 28 நாள்கள் கொண்டாடப்பட்டதாகவும், சாதி வேறுபாடுகளின்றி ஊர் மக்கள் அனைவரும் ஒன்றிணைந்து இவ்விழாவைக் கொண்டாடியதாகவும் வரலாற்றுக் குறிப்புகள் உணர்த்துகின்றன. பல்வேறு இயற்கை சீற்றங்களால் பொலிவிழந்த பூம்புகார், 1972-ஆம் ஆண்டு தமிழக அரசால் புனரமைக்கப்பட்டது. சிலப்பதிகாரக் கூடம், இளஞ்சி மன்றம், பாவை மன்றம், கண்ணகி சிலை ஆகியன அமைக்கப்பட்டன.

இதையடுத்து, நீண்ட காலமாகத் தடைபட்டிருந்த பூம்புகார் இந்திர விழா கொண்டாட்டங்களும் தொடர்ந்தன. இந்த விழா, சித்திரை முழு நிலவு நாள் விழா என்ற பெயரில் அரசின் சுற்றுலாத் துறை மூலம் கொண்டாடப்பட்டது.

இவ்விழாவின்போது, பூம்புகார் கொற்றைப் பந்தலில் கண்ணகி, சிலப்பதிகாரத்தின் பெருமைகளைப் பகரும் வகையிலான வழக்காடு மன்றம், தமிழறிஞர்களின் சொற்பொழிவுகள், பாரம்பரிய கலைநிகழ்ச்சிகள் சுற்றுலாத் துறை மூலம் நடத்தப்படும்.

இந்த நிகழ்ச்சிகளைக் காண, நாகை மாவட்டத்தின் பல்வேறு பகுதிகளிலிருந்து சிறப்புப் பேருந்துகள் இயக்கப்படும். மாவட்டத்தின் பல பகுதிகளைச் சேர்ந்த பொதுமக்கள் வீட்டிலிருந்து உணவு வகைகளை எடுத்துக் கொண்டு, பூம்புகாரில் நடைபெறும் விழாக்களை பார்த்து ரசித்து, ரம்மியமான முழு நிலவு வெளிச்சத்தில் கடற்கரையில் அமர்ந்து உணவருந்தி அதிகாலையில் வீடு திரும்புவது வழக்கம். கடந்த 2009-ஆம் ஆண்டு மக்களவைத் தேர்தல் குறுக்கீடு காரணமாக இவ்விழா தடைபட்டது. 2010-ம் ஆண்டில், சுற்றுலாத் துறைக்குச் சொந்தமான கடைகளை ஏலம் எடுப்பதில் ஏற்பட்ட பிரச்னை காரணமாக, சட்டம் ஒழுங்கு பாதிக்கலாம் என்ற யூகத்தின் அடிப்படையில் விழா ரத்து செய்யப்பட்டது.

2011-ஆம் ஆண்டில் பொதுத் தேர்தல் குறுக்கீடு காரணமாக இவ்விழா ரத்தானது. 2012-ம் ஆண்டு முதல் எவ்வித காரணமும், குறுக்கீடும் இல்லாத நிலையிலும், இந்திர விழா கொண்டாட்டங்கள் கைவிடப்பட்டு வருகிறது. ஏன் இந்த அவலம், இதற்கு என்ன தீர்வு? என்பது குறித்த பிரக்ஞை கூட வாக்குக் கேட்கும், அரசியல் கட்சிகளிடம் இல்லை என்பதே பெரும் அவலம்.

தற்போது நடைபெறும் தேர்தல் திருவிழாவில் எண்ணற்ற வாக்குறுதிகளை அள்ளி இறைத்துக் கொண்டிருக்கும் அரசியல் கட்சிகள் ஒன்றுகூட இந்த விழாவை மீட்டெடுக்க வாக்குறுதி அளிக்கவில்லை.

பூம்புகார் புனரமைக்கப்படும் என்ற ஒற்றைவரி வாக்குறுதி திமுகவின் தேர்தல் அறிக்கையில் இடம் பெற்றுள்ளது. இருப்பினும், வழக்கொழியும் இந்திரவிழாவை மீட்டெடுக்கும் அறிவிப்பு இல்லை.

ஒவ்வொரு கட்சியும், ஒவ்வொரு புதிய ஊரை அடையாளம் காட்டி, அந்த ஊரை சுற்றுலாத் தலமாக மேம்படுத்தவுள்ளதாக தேர்தல் வாக்குறுதி அளித்துள்ள நிலையில், ஏற்கெனவே சுற்றுலாத் துறை சார்பில் நடத்தப்பட்டதும், பூம்புகாரின் சுற்றுலா வளர்ச்சிக்கு வித்திட்டுக் கொண்டிருந்ததுமான இந்திர விழாவை மீட்டெடுக்கும் அறிவிப்பை எந்தக் கட்சியும் வாய்மொழி வாக்குறுதியாகக் கூட அளிக்கவில்லை.

தேர்தல் திருவிழா காலத்திலாவது இந்த விழாவை மீட்டெடுக்க அரசியல் கட்சிகளிடமிருந்து வாக்குறுதி கிடைக்குமா? எதிர்காலத்திலாவது இவ்விழா தடையில்லாமல் நடைபெறுமா? என்பது மக்களின் எதிர்பார்ப்பு.

 

]]>
http://www.dinamani.com/edition_trichy/nagapattinam/2016/may/13/இன்னும்-தீரல-இனியாவது-நடைபெறுமா-இந்திர-விழா-662.html