Dinamani - புதுதில்லி - http://www.dinamani.com/all-editions/edition-new-delhi/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2875766 அனைத்துப் பதிப்புகள் புதுதில்லி மன்னை எக்ஸ்பிரஸுக்கு மாற்று ரயில்: அமைச்சரிடம் எம்பிக்கள் வலியுறுத்தல் DIN DIN Wednesday, March 7, 2018 01:55 AM +0530 மன்னை எக்ஸ்பிரஸ் ரயிலுக்கு மாற்று ரயில் அல்லது இணைப்பு ரயில் விட வேண்டும் என்று தில்லியில் ரயில்வே துறை அமைச்சர் பியூஷ் கோயலிடம் அதிமுக உறுப்பினர்கள் கு.பரசுராமன் (தஞ்சாவூர்), ஆர்.கே. பாரதிமோகன் (மயிலாடுதுறை) ஆகியோர் செவ்வாய்க்கிழமை நேரில் மனு அளித்து வலியுறுத்தினர்.
அவர்கள்அளித்துள்ள மனுவில் தெரிவித்திருப்பதாவது: மன்னார்குடி - தஞ்சாவூர் மற்றும் கும்பகோணம் வழியாக சென்னை வரை செல்லும் மன்னை விரைவு ரயில் (எண்: 16179 / 16180) ஆகிய ரயில்கள் மார்ச் 1-ஆம் தேதி முதல் சென்னை - மயிலாடுதுறை - திருவாரூர் வழியாக மன்னார்குடிக்கு இயக்கப்படுவதால் தஞ்சாவூர் மாவட்டத்தில் இருந்து சென்னைக்கு சென்றுவரும் பயணிகள் மிகவும் சிரமப்படுகின்றனர். இதனால், மாற்று ரயில் விட வேண்டும் அல்லது மன்னார்குடி - தஞ்சாவூர் - கும்பகோணம் வழியாக மயிலாடுதுறைக்கு மன்னை விரைவு ரயிலை இணைப்பு விரைவு ரயிலாக விட வேண்டும் என பொதுமக்கள் தரப்பில் கோரிக்கை முன்வைக்கப்பட்டுள்ளது. இதற்கு உடனே ஆவன செய்ய வேண்டும் என மனுவில் கூறப்பட்டுள்ளது.
 இதுகுறித்து ஆர்.கே. பாரதிமோகன் எம்.பி. கூறுகையில், "நாடாளுமன்ற வளாகத்தில் உள்ள அமைச்சரின் அலுவலகத்தில் அமைச்சர் பியூஷ் கோயலை சந்தித்து மன்னை விரைவு ரயில் விவகாரம் தொடர்பாக கோரிக்கை மனு அளித்தோம். அந்த மனு மீது பரிசீலித்து நடவடிக்கை எடுப்பதாக அமைச்சர் பியூஷ் கோயல் கூறினார்' என்றார்.
 

]]>
http://www.dinamani.com/all-editions/edition-new-delhi/2018/mar/07/மன்னை-எக்ஸ்பிரஸுக்கு-மாற்று-ரயில்-அமைச்சரிடம்-எம்பிக்கள்-வலியுறுத்தல்-2875766.html
2875765 அனைத்துப் பதிப்புகள் புதுதில்லி தில்லியில் மார்ச் 9-இல் பாஜக எம்.பி.க்களுக்கு விருந்து: மோடி, அமித் ஷா ஏற்பாடு DIN DIN Wednesday, March 7, 2018 01:54 AM +0530 தில்லியிலுள்ள பாஜகவின் புதிய தலைமையகத்தில் மார்ச் 9-ஆம் தேதி நடைபெறவிருக்கும் இரவு உணவு விருந்தில், பிரதமர் நரேந்திர மோடி, கட்சியின் தேசியத் தலைவர் அமித் ஷா ஆகியோருடன் பாஜக எம்.பி.க்கள் பங்கேற்கவுள்ளனர்.
திரிபுராவில் அண்மையில் நடைபெற்ற சட்டப் பேரவைத் தேர்தலில் பாஜக அமோக வெற்றி பெற்றது. மேலும், மேகாலயம், நாகாலாந்திலும் பாஜக கூட்டணி ஆட்சி அமைந்துள்ளது. இத்துடன் பாஜக மற்றும் அதன் கூட்டணி கட்சிகள் ஆளும் மாநிலங்களின் எண்ணிக்கை 21-ஆக அதிகரித்துள்ளதால், அக்கட்சி வெற்றிக் களிப்பில் இருக்கிறது. இந்நிலையில், பாஜகவைச் சேர்ந்த 332 எம்.பி.க்களுக்கும் தில்லியில் உள்ள கட்சியின் புதிய தலைமை அலுவலகத்தில் மார்ச் 9-ஆம் தேதி இரவு உணவு விருந்துக்கு ஏற்பாடு செய்யப்பட்டுள்ளது. இதனை, தில்லியில் செவ்வாய்க்கிழமை நடைபெற்ற பாஜக ஆட்சிமன்ற குழுக் கூட்டத்தில் பிரதமர் மோடி அறிவித்தார்.
இந்த விருந்து, மோடி மற்றும் அமித் ஷாவுடன் பாஜக எம்.பி.க்கள் கலந்துரையாட வாய்ப்பாக அமையும் என்று கட்சி வட்டாரங்கள் தெரிவித்தன.

]]>
http://www.dinamani.com/all-editions/edition-new-delhi/2018/mar/07/தில்லியில்-மார்ச்-9-இல்-பாஜக-எம்பிக்களுக்கு-விருந்து-மோடி-அமித்-ஷா-ஏற்பாடு-2875765.html
2875764 அனைத்துப் பதிப்புகள் புதுதில்லி தில்லியில் தலாய் லாமா நிகழ்ச்சி ரத்து DIN DIN Wednesday, March 7, 2018 01:54 AM +0530 திபெத் புத்த மதத் தலைவர் தலாய் லாமா இந்தியாவில் தஞ்சம் புகுந்து 60 ஆண்டுகளாவதைக் குறிக்கும் வகையில் தில்லியில் நடத்தப்பட இருந்த சர்வ மதப் பிரார்த்தனை நிகழ்ச்சி ரத்து செய்யப்பட்டுள்ளது.
சீனாவின் அடக்குமுறை காரணமாக புத்தமதத் தலைவர் தலாய் லாமா உள்ளிட்ட ஆயிரக்கணக்கானோர் திபெத்தில் இருந்து 60 ஆண்டுகளுக்கு முன் வெளியேறி இந்தியாவில் தஞ்சம் புகுந்தனர். தலாய் லாமா ஹிமாசலப் பிரதேச மாநிலம் தர்மசாலாவில் புத்த மடாலயத்தை நிர்வகித்து வருகிறார். 
எனினும்,  தலாய் லாமாவுக்கு இந்தியா அடைக்கலம் அளித்துள்ளதை சீனா தொடர்ந்து எதிர்த்து வருகிறது.
இதனிடையே, திபெத்தியர்கள் நடத்தும் நிகழ்ச்சிகளில் பங்கேற்க வேண்டாம் என்று மத்திய மற்றும் மாநில அரசு அதிகாரிகள் பங்கேற்க வேண்டாம் என்று மத்திய அரசு உத்தரவிட்டுள்ளதாக அண்மையில் ஆங்கில நாளிதழ் ஒன்றில் செய்தி வெளியானது. எனினும், அத்தகவலை மத்திய அரசு மறுத்தது.
இந்நிலையில், தலாய் லாமா இந்தியாவில் தஞ்சம் புகுந்து 60 ஆண்டுகளாவதை நினைவுகூரும் வகையில் தில்லியில் உள்ள ராஜ்காட்டில் சர்வ மதப் பிரார்த்தனை நிகழ்ச்சியை வரும் 31-ஆம் தேதி நடத்த நாடுகடந்த திபெத் அரசு அறிவித்திருந்தது. 
எனினும், இந்த நிகழ்ச்சியை ரத்து செய்வதாக நாடு கடந்த திபெத் அரசின் செய்தித் தொடர்பாளர் சோனம் டாக்போ தில்லியில்  செவ்வாய்க்கிழமை தெரிவித்தார். அவர் இது தொடர்பாக மேலும் கூறியதாவது:
தில்லியில் உள்ள தியாகராஜ் அரங்கத்தில் "தேங்க் யூ இந்தியா' என்ற நிகழ்ச்சியை தில்லியில் வரும் 31ஆம் தேதி நடத்தத் திட்டமிட்டிருந்தோம். இந்த நிகழ்ச்சியை தர்மசாலாவுக்கு மாற்ற உள்ளோம். சர்வ மதப் பிரார்த்தனை உள்ளிட்ட இந்த இரு நிகழ்ச்சிகளிலும் தலாய் லாமா பங்கேற்கவிருந்தார். 
திபெத்தியர்களின் நிகழ்ச்சிகளில் பங்கேற்க வேண்டாம் என்று மத்திய அரசு அறிவுறுத்தியதாகக் கூறப்படுவதைப் பொறுத்தவரை, அது தொடர்பாக எங்களுக்கு எந்தத் தகவலும் அரசிடம் இருந்து வரவில்லை.
மத்திய அரசு வெளியிட்டதாகக் கூறப்படும் அறிவுறுத்தலானது தலாய் லாமா மற்றும் திபெத்திய அகதிகள் விவகாரத்தில் இந்திய அரசின் நிலைப்பாட்டில் ஏற்பட்ட மாற்றமா? என்றுகேட்கிறீர்கள். அதற்கு, இல்லை என்பதே என் பதில்.
இந்த விவகாரத்தில் நாங்கள் எந்தக் கருத்தும் கூறமாட்டோம். திபெத்திய அகதிகளுக்கு கடந்த 60 ஆண்டுகளாக அடைக்கலம் அளித்து வந்துள்ளதற்காக நாங்கள் இந்திய அரசுக்கு நன்றியுள்ளவர்களாக இருக்கிறோம். அதற்காக இந்திய மக்களுக்கு நன்றி தெரிவிக்க விரும்புகிறோம். 
இந்த விவகாரத்தில் தனது நிலைப்பாட்டை இந்திய வெளியுறவு அமைச்சகம் கடந்த வாரம் தெளிவுபடுத்தியுள்ளது என்றார் அவர்.

]]>
http://www.dinamani.com/all-editions/edition-new-delhi/2018/mar/07/தில்லியில்-தலாய்-லாமா-நிகழ்ச்சி-ரத்து-2875764.html
2875763 அனைத்துப் பதிப்புகள் புதுதில்லி "மாதவிடாய்: பெண்களின் மனநிலையை மாற்ற நாடு முழுவதும் விழிப்புணர்வு நிகழ்ச்சிகள் தேவை' DIN DIN Wednesday, March 7, 2018 01:53 AM +0530 மாதவிடாய் தொடர்பாக பெண்களின் மனநிலையை மாற்ற இந்தியா முழுவதும் விழிப்புணர்வு நிகழ்ச்சிகள் நடத்தப்பட வேண்டியது அவசியம் என்று தெற்கு தில்லி மாநகராட்சி மேயர் கமல்ஜீத் ஷெராவத் தெரிவித்தார். மேலும், நாட்டில் மாதாந்திரம் 37.50 கோடிப் பெண்களுக்கு சானிட்டரி நாப்கின்கள் தேவை என்றும் அவர் கூறினார்.
மாதவிடாய் காலத்தில் பெண்களின் சுகாதாரத்தைப் பேணும் வகையிலான விழிப்புணர்வு நிகழ்ச்சிகள் தெற்கு தில்லி மாநகராட்சி சார்பில் அந்த மாநகராட்சிக்குள்பட்ட பகுதிகளில் தொடர்ந்து நடைபெற்று வருகின்றன. இது தொடர்பாக மாநகராட்சி மேயர் செவ்வாய்கிழமை செய்தியாளர்களிடம் கூறியதாவது:
மாதவிடாய் நாட்களில் சுகாதாரமான சானிட்டரி நாப்கின்களை உபயோகிப்பது தொடர்பாக பெண்களுக்கு விழிப்புணர்வு நிகழ்ச்சிகள் மூலம் அறிவுறுத்தி வருகிறோம். இதன் ஒரு பகுதியாக மாநகராட்சி சார்பில் பள்ளி மாணவிகளுக்கு இலவச சானிட்டரி நாப்கின்கள் விநியோகிக்கப்படுகின்றன. சானிட்டரி நாப்கின்களுக்கு பதிலாக சுகாதாரமற்ற துணிகளைப் பயன்படுத்தும் பெண்கள் இலகுவில் நோய்த் தொற்றுதலுக்கு உள்ளாகின்றனர். 
நம் நாட்டில் 10-49 வயதுக்குள்பட்ட சுமார் 37.50 கோடி பெண்களுக்கு மாதம்தோறும் சானிட்டரி நாப்கின்கள் தேவைப்படுகிறது. ஒரு சானிட்டரி நாப்கின் சுமார் 12 மணி நேரம் ரத்தப் போக்கை உறிஞ்சி வைத்துக் கொள்ளும் தன்மை கொண்டது. 52 சதவீதம் பெண்கள் முதல் தடவை மாதவிடாய் ஏற்படுவதற்கு முன்பாக அது குறித்து அறியாமல் உள்ளனர். 45 சதவீதம் இந்தியப் பெண்கள் மாதவிடாயை அசாதாரணமான செயலாகவே நினைப்பதாக புள்ளி விவரங்கள் கூறுகின்றன. மாதவிடாய் தொடர்பான பெண்களின் மனநிலையை மாற்ற நாடு முழுவதும் விழிப்புணர்வு நிகழ்ச்சிகள் நடத்தப்பட வேண்டியது அவசியம் என்றார் அவர்.

]]>
http://www.dinamani.com/all-editions/edition-new-delhi/2018/mar/07/மாதவிடாய்-பெண்களின்-மனநிலையை-மாற்ற-நாடு-முழுவதும்-விழிப்புணர்வு-நிகழ்ச்சிகள்-தேவை-2875763.html
2875762 அனைத்துப் பதிப்புகள் புதுதில்லி தகுதி நீக்கம் செய்யப்பட்ட ஆம் ஆத்மி எம்எல்ஏக்கள் 20 பேரின் ஊதியம் நிறுத்திவைப்பு: தில்லி பேரவைத் தலைவர் DIN DIN Wednesday, March 7, 2018 01:53 AM +0530 ஆதாயம் பெறும் இரட்டைப் பதவி வகித்ததாக குற்றம்சாட்டி பதவி நீக்கம் செய்யப்பட்ட 20 ஆம் ஆத்மி எம்எல்ஏக்களின் மாத ஊதியம் உள்பட அனைத்து சலுகைகளும் நிறுத்தி வைக்கப்பட்டுள்ளது என்று தில்லி சட்டப்பேரையின் தலைவர் ராம் நிவாஸ் கோயல் செவ்வாய்க்கிழமை தெரிவித்தார்.
தில்லி பார்லிமென்டரி செயலர்களாக, 20 ஆம் ஆத்மி எம்எல்ஏக்கள் பதவி வகித்ததால், ஆதாயம் தரும் இரட்டைப் பதவி வகித்ததாக கூறி தேர்தல் ஆணையத்தில் புகார் அளிக்கப்பட்டது.
இதே விவகாரம் தொடர்பான வழக்கும் ஆம் ஆத்மி எம்எல்ஏக்களுக்கு எதிராக தில்லி உயர் நீதிமன்றத்திலும் தொடுக்கப்பட்டது. இந்த வழக்கை விசாரித்த உயர் நீதிமன்றம், துணைநிலை ஆளுநரின் ஒப்புதல் இல்லாமல் 20 எம்எல்ஏக்கள் பார்லிமென்டரி செயலர்களாக நியமிக்கப்பட்டுள்ளனர் எனக் கூறி, தில்லி அரசின் உத்தரவை ரத்து செய்தது.
இதையடுத்து, 20 எம்எல்ஏக்களும் பார்லிமென்டரி செயலர் பதவியில் இருந்து விலகினர். இந்நிலையில், தேர்தல் ஆணையத்தில் நடைபெற்று வந்த இந்த வழக்கின் விசாரணை முடிவடைந்ததையடுத்து, 20 ஆம் ஆத்மி எம்எல்ஏக்களைத் தகுதி நீக்கம் செய்ய வேண்டும் என்று குடியரசுத் தலைவருக்கு பரிந்துரைக்கப்பட்டது.
இந்தப் பரிந்துரையை குடியரசுத் தலைவர் ராம்நாத் கோவிந்த் ஏற்றதையடுத்து, 20 ஆம் ஆத்மி எம்எல்ஏக்களைப் பதவி நீக்கம் செய்து மத்திய அரசு அறிவிக்கை வெளியிட்டது. இந்த அறிவிக்கைக்கு தடை விதிக்கக் கோரி 20 ஆம் ஆத்மி எம்எல்ஏக்கள் தில்லி உயர் நீதிமன்றத்தில் வழக்குத் தொடுத்தனர். இந்த வழக்கை விசாரித்த தில்லி உயர் நீதிமன்றம் மத்திய அரசின் அறிவிக்கைக்கு தடை விதிக்க மறுத்துவிட்டது. மேலும், தகுதி நீக்கம் செய்யப்பட்ட ஆம் ஆத்மி எம்எல்ஏக்களின் தொகுதிகளுக்கு தேர்தல் ஆணையம் இடைத்தேர்தல் அறிவிக்கக் கூடாது என்று தெரிவித்தது.
இந்த வழக்கை தினந்தோறும் விசாரித்த தில்லி உயர் நீதிமன்றம், வழக்கின் தீர்ப்பை கடந்த மாதம் 28-ம் தேதி ஒத்திவைத்தது. தில்லி எம்எல்ஏக்கு ஊதியம், பிற சலுகைகளாக மாதம்தோறும் மொத்தம் ரூ. 90,000 வழங்கப்பட்டு வருகிறது.

]]>
http://www.dinamani.com/all-editions/edition-new-delhi/2018/mar/07/தகுதி-நீக்கம்-செய்யப்பட்ட-ஆம்-ஆத்மி-எம்எல்ஏக்கள்-20-பேரின்-ஊதியம்-நிறுத்திவைப்பு-தில்லி-பேரவைத்-தலை-2875762.html
2875761 அனைத்துப் பதிப்புகள் புதுதில்லி மாணவர்களை ஆம் ஆத்மி தவறாக வழிநடத்துகிறது: பாஜக சாடல் DIN DIN Wednesday, March 7, 2018 01:52 AM +0530 எஸ்எஸ்சி தேர்வு விவகாரத்தில் மாணவர்களை ஆம் ஆத்மி அரசு தவறாக வழிநடத்துவதாக பாஜகவின் தில்லி தலைவர் மனோஜ் திவாரி செவ்வாய்கிழமை கடுமையாக குற்றம்சாட்டினார்.
இது தொடர்பாக செய்தியாளர்களிடம் அவர் கூறியதாவது: ஒருங்கிணைந்த பட்டப் படிப்பு நிலையிலான எஸ்எஸ்சி தேர்வில் முறைகேடுகள் நடைபெற்றுள்ளதாகக் கூறி தில்லியில் மாணவர்கள் போராட்டம் நடத்தினர். இந்த விவகாரத்தில் "சிபிஐ விசாரணை நடத்த உத்தரவிடப்படும்' என்று மத்திய அரசு அளித்த உறுதி மொழியை அடுத்து மாணவர்களின் போராட்டம் கைவிடப்பட்டது. ஆனால், இப்போராட்டத்தை பயன்படுத்தி அரசியல் லாபம் பார்க்க நினைத்த ஆம் ஆத்மி கட்சியினர் போராட்டதைத் தொடருமாறு மாணவர்களைத் தூண்டி வடுகின்றனர்.
உண்மையில் மாணவர் போராட்டத்தை மத்திய அரசு கையாண்ட விதம், நல்லாட்சி என்றால் என்ன என்பதற்கு மிகச் சிறந்த உதாரணமாக அமைந்தது. அதேபோல தீய ஆட்சி என்றால் இப்படித்தான் இருக்கும் என்பதை மக்கள் பணி செய்யும் அரசு ஊழியர்கள் மீது தாக்குதல் நடத்தி ஆம் ஆத்மியினர் நிரூபித்து வருகின்றனர். மாணவர்களின் போராட்டம் தொடர்பாக மத்திய உள்துறை அமைச்சரிடம் எடுத்துரைத்தபோது, அவர் ஞாயிற்றுக்கிழமை என்று கூடப் பாராமல் மாணவர்கள் பிரதிநிதிகளைச் சந்திக்க நேரம் ஒதுக்கி அவர்களின் குறைகளைக் கேட்டறிந்தார். 
சிபிஐ விசாரணைக்கு உத்தரவிடப்படும் என்ற உறுதி மொழியைத் தொடர்ந்து பெரும்பாலான மாணவர்கள் போராட்டத்தை விலக்கிக் கொண்டனர். ஆனால், போராட்டத்தைத் தொடருமாறு சில மாணவர்களை ஆம் ஆத்மிக் கட்சி தவறாக வழிநடத்தி வருகிறது. மாணவர் போராட்டத்தில் அரசியல் லாபம் பார்க்க நினைக்கும் இந்த அரசியல் தலைவர்களின் செயல்கள் அருவருக்கத்தக்கன என்றார் அவர். 

]]>
http://www.dinamani.com/all-editions/edition-new-delhi/2018/mar/07/மாணவர்களை-ஆம்-ஆத்மி-தவறாக-வழிநடத்துகிறது-பாஜக-சாடல்-2875761.html
2875760 அனைத்துப் பதிப்புகள் புதுதில்லி பள்ளி முதல்வர் சுட்டுக் கொலை DIN DIN Wednesday, March 7, 2018 01:52 AM +0530 தென்மேற்கு தில்லியில் பெண் பள்ளி முதல்வரும், அவரது சகோதரரும் மர்ம நபர்களால் சுட்டுக் கொல்லப்பட்டுள்ளனர். இந்த கொலைச் சம்பவத்துக்கு சொத்துத் தகராறு காரணமாக இருக்கலாம் என்று தில்லி போலீஸார் தெரிவித்தனர்.
இதுகுறித்து போலீஸார் மேலும் கூறியதாவது:
குமன்ஹீரா கிராமத்தில் வசித்து வந்த பள்ளி முதல்வர் அனிதா யாதவ் (45) திங்கள்கிழமை இரவு மர்ம நபர்களால் சுட்டுக் கொல்லப்பட்டார். தனது வீட்டின் இரண்டு மாடிகளில் அவர் பள்ளியை வைத்து நடித்தி வந்துள்ளார். அங்கேயே அவர் தங்கியும் வந்துள்ளார். சம்பவத்தன்று அவரது கணவரின் முன்னாள்  தொழில் பங்குதாரர் நவீன் யாதவ் காரில் வந்து அனிதா யாதவைச் சுட்டு விட்டு செல்வதுப் போன்ற காட்சி சிசிடிவி கேமராவில் பதிவாகி உள்ளது. அவர் யாதவின் மகனையும் சுட்டுள்ளார். ஆனால் அவர் தப்பித்துள்ளார். நவீனைத் தேடி வருகிறோம் என்றனர்.
இதனிடையே, ஹரியாணாவில் வசித்து வந்த யாதவின் சகோதரரும் மர்ம நபரால் சுடப்பட்டு உயிரிழந்துள்ளார்.

]]>
http://www.dinamani.com/all-editions/edition-new-delhi/2018/mar/07/பள்ளி-முதல்வர்-சுட்டுக்-கொலை-2875760.html
2875758 அனைத்துப் பதிப்புகள் புதுதில்லி "என்டிஎம்சியில் தூய்மையைப் பேண விரைவு நடவடிக்கைகள்' DIN DIN Wednesday, March 7, 2018 01:52 AM +0530 வடக்கு தில்லி மாநகராட்சிக்குள்பட்ட பகுதிகளில் தூய்மையைப் பேணும் வகையில் நடவடிக்கைகள் முடக்கிவிடப்பட்டுள்ளதாக அந்த மாநகராட்சியின் அவைத் தலைவர் ஜெயேந்திர தபஸ் தெரிவித்தார். 
வடக்கு தில்லி மாநகராட்சிக்குள்பட்ட பகி விஹார் பகுதியில் மாநகராட்சி சார்பில் தூய்மைப் பணி மாநகராட்சியின் அவைத் தலைவர் ஜெயேந்திர தபஸ் தலைமையில் செவ்வாய்கிழமை நடைபெற்றது. இதில் மாநகராட்சி ஊழியர்கள் கலந்து கொண்டனர். இந்நிகழ்ச்சியைத் தொடக்கி வைத்து ஜெயேந்திர தபஸ் பேசியதாவது:
தூய்மையான சூழலில் வாழ்வதற்கான உரிமை அனைத்து மக்களுக்கும் உள்ளது. வடக்கு தில்லி மாநகராட்சி சார்பில் தூய்மையைப் பேண விரைவு நடவடிக்கைகள் முடக்கி விடப்பட்டுள்ளன. 
தில்லியைத் தூய்மைப்படுத்தும் எமது பணிகளில் மக்கள் ஆர்வத்துடன் கலந்து கொள்கின்றனர். மாநகராட்சியின் சார்பில் தூய்மைப் படுத்தும் இயந்திரங்கள் கொள்முதல் செய்யப்பட்டுள்ளன. அந்த இயந்திரங்களின் உதவியுடன் தூய்மைப் பணிகள் முடக்கிவிடப்படும் என்றார் அவர். 

]]>
http://www.dinamani.com/all-editions/edition-new-delhi/2018/mar/07/என்டிஎம்சியில்-தூய்மையைப்-பேண-விரைவு-நடவடிக்கைகள்-2875758.html
2875757 அனைத்துப் பதிப்புகள் புதுதில்லி ஆயுர்வேத மருந்துகளால் பக்கவிளைவுகள் இல்லை: மூலிகைப் பூங்காவை திறந்துவைத்து அனில் பய்ஜால் பேச்சு DIN DIN Wednesday, March 7, 2018 01:51 AM +0530 இந்தியாவின் புராதன மருத்துவ சிகிச்சை முறைகளில் ஒன்றான ஆயுர்வேதம் பக்கவிளைவுகள் அற்ற தனித் தன்மையுடன் கூடிய மருத்துவ முறையாகும் என்று தில்லி துணைநிலை ஆளுநர் அனில் பஜ்யால் தெரிவித்தார்.
  வடக்கு தில்லி மாநகராட்சியின் சார்பில் ரோஹிணி செக்டார்-19 பஞ்ச்கிராம் மருத்துவமனை வளாகத்தில் "நக்ஷத்ரா வாதிகா' என்ற மூலிகைப் பூங்கா உருவாக்கப்பட்டுள்ளது. 
இப்பூங்காவை துணைநிலை ஆளுநர் அனில் பஜ்யால், அவரது மனைவி மாலா பஜ்யால் ஆகியோர் செவ்வாய்கிழமை திறந்து வைத்தனர். இந்த நிகழ்வில் வடக்கு தில்லி மாநகராட்சி மேயர் ப்ரீத்தி அகர்வால், மாநகராட்சி ஆணையர் மதூப் வியாஸ் உள்ளிட்டோர் கலந்து கொண்டனர். இந்த மூலிகைப் பூங்காவைத் திறந்து வைத்து அனில் பஜ்யால் பேசியதாவது:
மக்களுக்குப் பயன் தரும் மூலிகைப் பூங்காக்கள் மாநகராட்சி சார்பில் உருவாக்கப்படுவதை வரவேற்கிறேன். மூலிகை மரக் கன்றுகளை நட்டால் மட்டும் போதாது; அவற்றை சரியான முறையில் பராமரிக்கவும் வேண்டும். இந்தியாவின் புராதன சிகிச்சை முறைகளில் ஆயுர்வேதமும் ஒன்றாகும். ஆயுர்வேதத்தால் பக்க விளைவுகள் இல்லை. மேலும, ஆயுர்வேதச் சிகிச்சைக்கு அதிக செலவாகாது. எனவே, ஆயுர்வேத மருத்துவமனைகள் அதிக அளவில் உருவாக்கப்பட்டால் ஏழை மக்கள் பயனடைவர். வடக்கு தில்லி மாநகராட்சியின் சார்பில் பல இடங்களில் மூலிகைப் பூங்காக்கள் உருவாக்கப்பட வேண்டும் என்றார் அவர்.
 மேயர் ப்ரீத்தி அகர்வால் பேசுகையில், "ஜோதிடத்தில் 27 நட்சத்திரங்கள் உள்ளன. ஒவ்வொரு நட்சத்திரத்துக்கும் ஒவ்வொரு தனித்துவமான மரம் உள்ளது. தங்களுடைய நட்சத்திரத்துக்கான மரத்தின் கீழ் அமர்ந்து தியானம் செய்பவர்களுக்கு நோயில்லாத வாழ்வும் மன நிம்மதியும் கிடைக்கும் என ஆயுர் வேதத்தில் கூறப்பட்டுள்ளது. 
அந்த அடிப்படையிலேயே இந்தப் பூங்காவை உருவாக்கினோம். வடக்கு தில்லி மாநகராட்சி மக்கள் தங்கள் பகுதிகளில் இதுபோன்ற பூங்காக்களை அதிகளவில் உருவாக்க வேண்டும் என்றார் அவர். 
மாநகராட்சி ஆணையர் மதூப் வியாஸ் கூறுகையில், "இந்தப் பூங்காவில் நடப்படும் மரக் கன்றுகள் அதிக கவனம் எடுத்துப் பேணப்படும். மூலிகைப் பூங்காக்கள் மாநகராட்சியின் அனைத்துப் பகுதிகளிலும் உருவாக்கப்படும்' என்றார்.

]]>
http://www.dinamani.com/all-editions/edition-new-delhi/2018/mar/07/ஆயுர்வேத-மருந்துகளால்-பக்கவிளைவுகள்-இல்லை-மூலிகைப்-பூங்காவை-திறந்துவைத்து-அனில்-பய்ஜால்-பேச்சு-2875757.html
2875756 அனைத்துப் பதிப்புகள் புதுதில்லி திருச்சியில் "சிஜிஎச்எஸ்' மருத்துவ மையம் அமைக்க வேண்டும்: மக்களவையில் அதிமுக வலியுறுத்தல் DIN DIN Wednesday, March 7, 2018 01:51 AM +0530 திருச்சியில் மத்திய அரசின் சுகாதாரத் திட்ட (சிஜிஎச்எஸ்) மருத்துவ மையத்தை அமைக்க மத்திய அரசு விரைந்து நடவடிக்கை எடுக்க வேண்டும் என்று மக்களவையில் அதிமுக செவ்வாய்க்கிழமை வலியுறுத்தியது.
இது தொடர்பாக மக்களவையில் விதி எண் 377-இன் கீழ் திருச்சி தொகுதி அதிமுக உறுப்பினர் பி.குமார் செவ்வாய்க்கிழமை முன்வைத்த கோரிக்கை: 
எனது தொகுதிக்குள்பட்ட பகுதியில் துப்பாக்கித் தொழிற்சாலை வாரியம், தபால் - தொலைத்தொடர்பு உள்ளிட்ட பல்வேறு மத்திய அரசு அலுவலகங்கள் அமைந்துள்ளன. இவற்றில் ஆயிரக்கணக்கான ஊழியர்கள் பணியாற்றி வருகின்றனர். 
ஆனால், அவர்களின் மருத்துவ வசதியை பூர்த்தி செய்வதற்கு நிரந்தரமான வழிமுறை ஏதும் இல்லாத நிலை உள்ளது. 
இத்தேவையை உணர்ந்து, இந்த விவகாரம் முதலில் மத்திய சுகாதாரம், குடும்ப நலத்துறையிடமும் பின்னர் பாதுகாப்புத் துறையிடமும் கொண்டு செல்லப்பட்டது. இதையடுத்து, "பி அன்ட் டி' மருத்துவ மையங்களுடன் சிஜிஎச்எஸ் சேவையை இணைக்கும் முன்மொழிவு குறித்து மத்திய சுகாதாரத் துறை நடவடிக்கை எடுத்துள்ளது. 
எனவே, திருச்சியில் மத்திய அரசின் சுகாதாரத் திட்ட (சிஜிஎச்எஸ்) மருத்துவ மையத்தை விரைந்து அமைக்க மத்திய சுகாதாரம் மற்றும் குடும்ப நலஅமைச்சகம் நடவடிக்கை எடுக்க வேண்டும். 
அதேபோன்று, திருச்சி மற்றும் அதைச் சுற்றியுள்ள பல்நோக்கு சிறப்பு, சூப்பர் ஸ்பெஷாலிட்டி மருத்துவமனைகளில் சிஜிஎச்எஸ் வசதியை அளிக்க அங்கீகரிக்கும் நடவடிக்கையை மத்திய அரசு மேற்கொள்ள வேண்டும் என்று அவர் கேட்டுக் கொண்டார்.
மின் திட்டக் கோரிக்கை: மக்களவையில் விதி எண் 377-இன்கீழ் காஞ்சிபுரம் தொகுதி அதிமுக உறுப்பினர் கே.மரகதம் செவ்வாய்க்கிழமை முன்வைத்த கோரிக்கையில், "கோதையாறு நீர் மின் திட்டத்தை மேம்படுத்த தமிழக முன்னாள் முதல்வர் ஜெயலலிதா ரூ.80 கோடி திட்டத்தை அறிவித்தார். 
அதேபோன்று, எனது 
தொகுதியில் செய்யூர் அல்ட்ரா மெகா மின் திட்ட செயல்பாட்டை விரைவுபடுத்துமாறும் பிரதமரிடம் அவர் கோரிக்கை விடுத்திருந்தார். 
முன்மொழிவு மின் திட்டம் 2017-2022-இன் கீழ், 2016-இல் செய்யூர் அல்ட்ரா மெகா மின் திட்டத்தை மத்திய அரசு அறிவித்திருந்தது. 
தற்போது தாமதமாகி வரும் இத்திட்டத்தை நிறைவேற்றத்தேவையான நிதியை ஒதுக்க பிரதமரும், மத்திய மின்துறை அமைச்சரும் நடவடிக்கை எடுக்க வேண்டும்' என்று கேட்டுக் கொண்டார்.

]]>
http://www.dinamani.com/all-editions/edition-new-delhi/2018/mar/07/திருச்சியில்-சிஜிஎச்எஸ்-மருத்துவ-மையம்-அமைக்க-வேண்டும்-மக்களவையில்-அதிமுக-வலியுறுத்தல்-2875756.html
2875754 அனைத்துப் பதிப்புகள் புதுதில்லி நாடாளுமன்றத்தில் தொடர்ந்து குரல் எழுப்புவோம்: தமிழக எம்பிக்கள் உறுதி DIN DIN Wednesday, March 7, 2018 01:51 AM +0530 காவிரி மேலாண்மை வாரியத்தை மத்திய அரசு அமைக்கும் வரை நாடாளுமன்றத்தில் தொடர்ந்து குரல் எழுப்பப்படும் என்று தமிழக எம்பிக்கள் உறுதிபடத் தெரிவித்தனர். 
இந்த விவகாரத்தை மையப்படுத்தி நாடாளுமன்றத்தின் இரு அவைகளிலும் தமிழகத்தைச் சேர்ந்த அதிமுக, திமுக, கம்யூனிஸ்ட் எம்பிக்கள் திங்கள்கிழமை அமளியில் ஈடுபட்டனர். செவ்வாய்க்கிழமையும் இந்த அமளி தொடர்ந்தது. இதையடுத்து அவை நாள் முழுவதும் ஒத்திவைக்கப்பட்டது.
இதுகுறித்து மக்களவைத் துணைத் தலைவர் மு.தம்பிதுரை நாடாளுமன்றத்திற்கு வெளியே செய்தியாளர்களிடம் செவ்வாய்க்கிழமை கூறுகையில், "காவிரி மேலாண்மை வாரியம் அமைக்க வேண்டும் என்ற உச்ச நீதிமன்றத் தீர்ப்பை மத்திய அரசு செயல்படுத்த வேண்டும் என்று நாடாளுமன்றத்தில் அதிமுக உறுப்பினர்கள் வலியுறுத்தி வருகின்றனர். இந்த விவகாரத்தில் மற்ற கட்சிகள் ஆதரவு அளிக்க வந்தால் அதை வரவேற்கிறோம். காவிரி மேலாண்மை வாரியம் அமைக்கும் வரை நாடாளுமன்றத்தில் அதிமுக தொடர்ந்து குரல் எழுப்பும்' என்றார்.
மக்களவை அதிமுக உறுப்பினர்கள் கே.பரசுராமன், பி.நாகராஜன், ஆர்.கே. பாரதிமோகன் ஆகியோர் செய்தியாளர்களிடம் கூறுகையில், "காவிரி விவகாரத்தில் நாடாளுமன்ற அதிமுக உறுப்பினர்களை ராஜிநாமா செய்யுமாறு திமுக செயல்தலைவர் மு.க.ஸ்டாலின் கூறி வருகிறார். முதலில் முன்மாதிரியாக அவர் தனது கட்சி சட்டப்பேரவை உறுப்பினர்களை ராஜிநாமா செய்யுமாறு கூறட்டும். அதன்பிறகு தேவைப்பட்டால் நாங்கள் அதுகுறித்து பரிசீலிப்போம். காவிரி மேலாண்மை வாரியம் அமைக்கக் கோரி நாடாளுமன்றத்தில் நாங்கள் தொடர்ந்து குரல் எழுப்பி போராடுவோம்' என்றனர்.
திருச்சி சிவா: மாநிலங்களவை திமுக உறுப்பினர் திருச்சி சிவா கூறுகையில், "காவிரி மேலாண்மை வாரியம் அமைக்கக் கோரும் விவகாரத்தில் திமுக, அதிமுக ஆகிய கட்சிகள் இணைந்து செயல்படுவது ஒரு வழிமுறைதானே தவிர அது மட்டுமே தீர்வாகிவிடாது. பிரதமர் நரேந்திர மோடி அனைத்துக் கட்சிக் குழுவை ஏன் சந்திக்கக் கூடாது? தமிழகத்தில் உள்ள அனைத்துக் கட்சியினரும் எல்லாவித அரசியல் கருத்துவேறுபாடுகளையும் மீறி இந்த விவகாரத்தில் ஒன்றிணைந்து வருகிற போது அவர்களின் கருத்தை மத்திய அரசு கேட்க வேண்டும். அப்போதுதான் பிரச்னையின் நியாயத்தை மத்திய அரசு புரிந்துகொள்ள முடியும். இந்த விவகாரத்தில் மாநிலங்களவையில் திமுக தொடர்ந்து குரல் எழுப்பும்' என்றார்.

]]>
http://www.dinamani.com/all-editions/edition-new-delhi/2018/mar/07/நாடாளுமன்றத்தில்-தொடர்ந்து-குரல்-எழுப்புவோம்-தமிழக-எம்பிக்கள்-உறுதி-2875754.html
2875752 அனைத்துப் பதிப்புகள் புதுதில்லி காவிரி: நாடாளுமன்றத்தில் தமிழக எம்பிக்கள் 2-ஆவது நாளாக கடும் அமளி: காந்தி சிலை முன்பு ஒன்றிணைந்து ஆர்ப்பாட்டம் DIN DIN Wednesday, March 7, 2018 01:50 AM +0530 காவிரி மேலாண்மை வாரியத்தை மத்திய அரசு விரைந்து அமைக்க வேண்டும் என வலியுறுத்தி மக்களவையில் அதிமுக உறுப்பினர்களும், மாநிலங்களவையில் அதிமுக, திமுக, கம்யூனிஸ்ட் கட்சி உறுப்பினர்களும் இரண்டாவது நாளாக செவ்வாய்க்கிழமையும் தொடர்ந்து கடும் அமளியில் ஈடுபட்டனர். 
இதேபோன்று, பிற கட்சிகளைச் சேர்ந்த உறுப்பினர்களும் வேறு விவகாரங்களுக்காக அமளியில் ஈடுபட்டதால் இரு அவைகளும் சில முறை ஒத்திவைக்கப்பட்டு, பிறகு நாள் முழுவதும் ஒத்திவைக்கப்பட்டது. முன்னதாக இரு அவைகளும் கூடுவதற்கு முன்பாக தமிழக எம்பிக்கள் அனைவரும் ஒன்றிணைந்து நாடாளுமன்ற வளாகத்தில் காந்தி சிலை முன் ஆர்ப்பாட்டத்தில் ஈடுபட்டனர். 
நாடாளுமன்றத்தின் பட்ஜெட் கூட்டத் தொடரின் 2-ஆவது பகுதி திங்கள்கிழமை தொடங்கியது. முதல் நாள் இரு அவைகளும் எதிர்க்கட்சிகளால் கடும் அமளியால் முடக்கப்பட்டன. தமிழகத்தைச் சேர்ந்த அதிமுக எம்பிக்கள் நாடாளுமன்றத்தின் இரு அவைகளிலும் காவிரி மேலாண் வாரியம் விவகாரத்தை எழுப்பி கோஷமிட்டனர். 
இந்நிலையில், இரண்டாவது நாளாக செவ்வாய்க்கிழமை மக்களவை அதன் தலைவர் சுமித்ரா மகாஜன் தலைமையில் கூடியதும், கேள்வி நேரத்தை ஒத்திவைத்துவிட்டு காவிரி மேலாண்மை வாரியம் அமைப்பது தொடர்பாக விவாதிக்க வேண்டும் எனக் கோரி அதிமுக உறுப்பினர்கள் கடும் அமளியில் ஈடுபட்டனர்.
அதிமுக உறுப்பினர்கள் டாக்டர் ஜெ.ஜெயவர்தன், கே.பரசுராமன், சி.கோபாலகிருஷ்ணன், பி.நாகராஜன், கே.அசோக்குமார், எம். வசந்தி, சி.மகேந்திரன், கே.மரகதம், வி.சத்யபாமா, மருதராஜா, செல்வக்குமார சின்னயன், ஆர்.பார்த்திபன், ஜி.ஹரி உள்ளிட்ட அதிமுக உறுப்பினர்கள் அவையின் மையப் பகுதிக்கு வந்து காவிரி மேலாண்மை வாரியத்தை அமைக்க வலியுறுத்தி கோஷமிட்டனர். 
அதேபோன்று , மக்களவை அதிமுக குழுத் தலைவர் பி.வேணுகோபால், துணைத் தலைவர் பி.குமார் ஆகியோரும் இக்கோரிக்கையை வலியுறுத்தினர். மக்களவைத் துணைத் தலைவர் மு.தம்பிதுரையும் அப்போது அவையில் இருந்தார். காவிரி மேலாண்மை வாரியத்தை அமைக்க வலியுறுத்தும் பதாகைகளை அதிமுக உறுப்பினர்கள் கையில் ஏந்தியவாறு அவையின் மையப் பகுதியில் தொடர்ந்து குரல் கொடுத்து அமளியில் ஈடுபட்டனர்.
இதேபோன்று, பிஎன்பி மோசடி விவகாரம் உள்பட பல்வேறு விவகாரங்களுக்காக காங்கிரஸ், திரிணமூல் காங்கிரஸ், தெலுங்கு தேசம், தெலங்கானா ராஷ்ட்ர சமிதி கட்சி உறுப்பினர்கள் அமளியில் ஈடுபட்டனர். இதையடுத்து, அவை அலுவலை மக்களவைத் தலைவர் சுமித்ரா மகாஜன் நண்பகல் 12 மணி வரை ஒத்திவைத்தார். பின்னர் அவை 12 மணிக்கு மீண்டும் கூடிய போதும் அதிமுக உறுப்பினர்கள் அமளியில் ஈடுபட்டதால், பின்னர் அவை நாள் முழுவதும் ஒத்திவைக்கப்பட்டது.
மாநிலங்களவையில்...:மாநிலங்களவை அதன் தலைவர் எம்.வெங்கய்ய நாயுடு தலைமையில் காலை 11 மணிக்கு கூடியதும் காவிரி மேலாண்மை வாரியம் தொடர்பாக விவாதிக்க அனுமதிக்குமாறு அதிமுக மாநிலங்களவைக் குழுத் தலைவர் ஏ.நவநீதகிருஷ்ணன், துணைத் தலைவர் எஸ்.ஆர்.பாலசுப்ரமணியன், அக்கட்சியின் உறுப்பினர்கள் டாக்டர் வி.மைத்ரேயன், ஏ.கே. செல்வராஜ், விஜிலா சத்யானந்த் , கே.ஆர். அர்ஜுனன் உள்ளிட்டோர் பாதாகைகளை ஏந்தி குரல் எழுப்பி அமளியில் ஈடுபட்டனர். 
மாநிலங்களவை திமுக குழுத் தலைவர் கனிமொழி, திமுக உறுப்பினர்கள் திருச்சி சிவா, ஆர்.எஸ்.பாரதி, மார்க்சிஸ்ட் கம்யூனிஸ்ட் உறுப்பினர் டி.கே. ரங்கராஜன் உள்ளிட்டோரும் அவையின் மையப் பகுதிக்கு வந்து இதே கோரிக்கையை வலியுறுத்தினர். இந்திய கம்யூனிஸ்ட் கட்சி உறுப்பினர் டி.ராஜா தனது இருக்கையில் எழுந்தவாறு இக்கோரிக்கையை வலியுறுத்தினார். 
மேலும், வேறு சில விவகாரங்களை வலியுறுத்தி திரிணமூல் காங்கிரஸ், தெலுங்கு தேசம் உள்ளிட்ட கட்சி உறுப்பினர்கள் அமளியில் ஈடுபட்டனர். இதையடுத்து, அவை முதல் முறை 25 நிமிடங்கள் ஒத்திவைக்கப்பட்டது. 
அதைத் தொடர்ந்து, மீண்டும் அவை கூடியதும் இதே விவகாரத்தை அதிமுக, திமுக, கம்யூனிஸ்ட் கட்சி உறுப்பினர்கள் எழுப்பினர். இதனால், அவை அலுவலை மதியம் 2 மணி வரை அவைத் தலைவர் எம்.வெங்கய்ய நாயுடு ஒத்திவைத்தார்.
பின்னர் துணைத் தலைவர் பி.ஜே. குரியன் தலைமையில் மதியம் 2 மணிக்கு அவை மீண்டும் கூடியது. அப்போதும், காவிரி மேலாண்மை வாரியம் அமைக்கும் விவகாரத்தை அதிமுக, திமுக உறுப்பினர்கள் எழுப்பி அமளியில் ஈடுபட்டனர். 
இதேபோன்று பல்வேறு விவகாரங்களை மற்ற உறுப்பினர்கள் எழுப்பிஅமளியில் ஈடுபட்டதால் அவை மாலை 3.30 மணி வரை ஒத்திவைக்கப்பட்டு, பின்னர் நாள் முழுவதுக்கும் ஒத்திவைக்கப்பட்டது.
இணைந்த கரங்கள்: முன்னதாக காலையில் நாடாளுமன்றத்தின் இரு அவைகளும் கூடுவதற்கு முன்பாக காவிரி மேலாண்மை வாரியம் அமைக்க வலியுறுத்தி தமிழகத்தைச் சேர்ந்தஅதிமுக, திமுக, மார்க்சிஸ்ட், இந்திய கம்யூனிஸ்ட் கட்சி உறுப்பினர்கள் அனைவரும் ஒன்றாக இணைந்து நாடாளுமன்ற வளாகத்தில் காந்தி சிலையின் முன் நின்று ஆர்ப்பாட்டத்தில் ஈடுபட்டனர். 
பிரதான கட்சிகளான அதிமுக, திமுக உறுப்பினர்கள் ஒன்றிணைந்து ஆர்ப்பாட்டத்தில் ஈடுபட்டது பிற கட்சிகளைச் சேர்ந்த உறுப்பினர்களை ஆச்சரியத்தில் ஆழ்த்துவதாக அமைந்திருந்தது. ஆர்ப்பாட்டத்தின் போது, மாநிலங்களவை திமுக உறுப்பினர் திருச்சி சிவா காவிரி மேலாண்மை வாரியம் அமைக்கக் வேண்டும் என கோஷமிட, அதை அதிமுக, திமுக உறுப்பினர்கள் பின்பற்றி குரல் எழுப்பினர்.
 

]]>
http://www.dinamani.com/all-editions/edition-new-delhi/2018/mar/07/காவிரி-நாடாளுமன்றத்தில்-தமிழக-எம்பிக்கள்-2-ஆவது-நாளாக-கடும்-அமளி-காந்தி-சிலை-முன்பு-ஒன்றிணைந்து-ஆர-2875752.html
2874983 அனைத்துப் பதிப்புகள் புதுதில்லி தில்லி தலைமைச் செயலர் மீது நடவடிக்கை எடுக்கப்படாது: பேரவை விதிமீறல் குழு நீதிமன்றத்தில் உறுதி DIN DIN Tuesday, March 6, 2018 12:28 AM +0530 தில்லி சட்டப்பேரைக் குழுக் கூட்டத்தில் பங்கேற்காத தலைமைச் செயலர் அன்ஷு பிரகாஷ் மீது எந்தவித நடவடிக்கையும் எடுக்கப்படாது என்று தில்லி உயர் நீதிமன்றத்தில் உறுதி அளிக்கப்பட்டது.
தில்லி முதல்வர் அரவிந்த் கேஜரிவால் இல்லத்தில் தலைமைச் செயலர் தாக்கப்பட்டதாக கூறப்படும் விவகாரத்தையடுத்து, பிப்ரவரி 20-ம் தேதி தில்லி தலைமைச் செயலகத்தில் நடைபெற்ற பேரவை கேள்வி மற்றும் குறிப்பீடு குழுவின் கூட்டத்தைத் தலைமைச் செயலர் அன்ஷு பிரகாஷ் புறக்கணித்தார்.
பிப்ரவரி 21, 23 ஆகிய இரண்டு நாள்கள் நடைபெற்ற இந்தக் குழுவின் கூட்டங்களிலும் அவர் பங்கேற்கவில்லை. இதையடுத்து, மார்ச் 1-ம் தேதி தில்லி பேரவை விதிமீறல் குழு அவருக்கு நோட்டீஸ் அனுப்பியது. அந்தக் குழுவின் கூட்டம் தில்லி பழைய தலைமைச் செயலகத்தில் திங்கள்கிழமை நடைபெற்றது.
இந்நிலையில் தனக்கு அளிக்கப்பட்ட நோட்டீஸுக்கு எதிராக தலைமைச் செயலர் தாக்கல் செய்த மனு தில்லி உயர் நீதிமன்ற நீதிபதிகள் ராஜீவ் சக்தேர், ஜி.எஸ். சிஸ்தானி, சங்கீதா திங்கரா சேகல் ஆகியோர்  அடங்கிய அமர்வு முன் திங்கள்கிழமை விசாரணைக்கு வந்தது.
அப்போது, தில்லி பேரவைத் தலைவர், பேரவைக்  குழுக்களுக்கு ஆதரவாக ஆஜரான மூத்த வழக்குரைஞர் சந்தோஷ் ஹெக்டே, தில்லி தலைமைச் செயலருக்கு அளிக்கப்பட்ட நோட்டீஸ் தொடர்பான விவகாரத்தில் எந்தவித நடவடிக்கையும் எடுக்காமல் தில்லி பேரவை விதிமீறல் குழு தள்ளிவைக்கிறது என்று தெரிவித்தார்.
இதை ஏற்றுக் கொண்ட நீதிபதிகள், இந்த விவகாரத்தில் தில்லி தலைமைச் செயலர் நீதிமன்றத்தில் சட்டப்பாதுகாப்பு தேட முயல்வதா இதைக் கருதக் கூடாது என்று நீதிபதிகள் தெரிவித்து, இந்த வழக்கை ஏப்ரல் 11-ம் தேதிக்கு ஒத்திவைத்தனர்.
மேலும், இந்த விவகாரம் தொடர்பாக மத்திய உள்துறை அமைச்சகம், தில்லி துணைநிலை ஆளுநர், தில்லி அரசு, தில்லி பேரவைத் தலைவர் ஆகியோர் இரண்டு வாரங்களில் பதிலளிக்க நீதிபதிகள் உத்தரவிட்டனர்.

]]>
http://www.dinamani.com/all-editions/edition-new-delhi/2018/mar/06/தில்லி-தலைமைச்-செயலர்-மீது-நடவடிக்கை-எடுக்கப்படாது-பேரவை-விதிமீறல்-குழு-நீதிமன்றத்தில்-உறுதி-2874983.html
2874982 அனைத்துப் பதிப்புகள் புதுதில்லி போதிய பயணிகள் இல்லாத ரயில்களை ரத்து செய்துவிடலாம்: ரயில்வே குழு பரிந்துரை DIN DIN Tuesday, March 6, 2018 12:28 AM +0530 பயணிகளின் எண்ணிக்கை மிகக் குறைவாக இருக்கும் ரயில்களை ரத்து செய்ய வேண்டும்; ரயில்கள் தாமதமாவதை தவிர்க்க, அவை ரயில் நிலையங்களில் நிற்கும் நேரத்தை குறைக்க வேண்டும் என்பது உள்ளிட்ட பரிந்துரைகள், ரயில்வே குழுவின் அறிக்கையில் இடம்பெற்றுள்ளன. நிர்ணயிக்கப்பட்ட பயண நேரத்துக்குள் ரயில்கள் இயக்கப்படுவதை உறுதி செய்வதற்காக மேற்கொள்ள வேண்டிய நடவடிக்கைகள் குறித்த பரிந்துரை அறிக்கையை, ரயில்வே வாரியத்திடம் அந்த துறைசார் குழு அளித்துள்ளது. அதில் கூறப்பட்டுள்ளதாவது:
பயணிகள் எண்ணிக்கை மிகக் குறைவாக இருக்கும் பட்சத்தில், சம்பந்தப்பட்ட ரயில்களை ரத்து செய்ய வேண்டும்; அதற்கு பதிலாக, வேறு ரயில்களில் பயணிகளை மாற்றிவிட வேண்டும். ரயில் நிலையங்களில் ரயில்கள் நிற்கும் நேரத்தை குறைக்கலாம். இதன் மூலம் ரயில்கள் குறிப்பிட்ட நேரத்துக்குள் ரயில்கள் இயக்கப்படுவதை உறுதி செய்ய முடியும் என்று அந்த அறிக்கையில் கூறப்பட்டுள்ளது.
மேலும், ரயில்வே மண்டலங்கள் மேற்கொள்ள வேண்டிய குறுகிய கால, நீண்ட கால நடவடிக்கைகளும் அதில் பட்டியலிடப்பட்டுள்ளன.
குறுகிய கால நடவடிக்கைகள்: ரயில் தண்டவாளங்களில் மனிதர்கள், கால்நடைகள், இதர வாகனங்களால் ஏற்படும் இடையூறுகளை தவிர்க்க தடுப்பு வேலி அமைக்க வேண்டும். அனைத்துவிதமான ரயில் பெட்டிகளுக்கும் போதிய எண்ணிக்கையில் மாற்றுப் பெட்டிகள் இருக்க வேண்டும். ஆளில்லா ரயில்வே கடவுப்பாதைகள் முழுமையாக ஒழிக்கப்பட வேண்டும் என்று ரயில்வே குழு பரிந்துரைத்துள்ளது.
நீண்ட கால நடவடிக்கைகள்: சாத்தியமுள்ள பகுதிகளில் புறநகர், விரைவு மற்றும் சரக்கு ரயில்களுக்கு என தனித்தனி தண்டவாளங்களை அமைப்பது, அனைத்து ரயில்வே மண்டலங்களிலும் தானியங்கி சமிக்ஞை நடைமுறையை ஏற்படுத்துவது உள்ளிட்ட நடவடிக்கைகள் நீண்ட கால நடவடிக்கைகளாக பட்டியலிடப்பட்டுள்ளன.
முன்னதாக, பயணிகள் எண்ணிக்கை குறைவாக உள்ள ரயில் நிலையங்கள் குறித்த பட்டியலை சமர்ப்பிக்கும்படி அனைத்து ரயில்வே மண்டலங்களுக்கும் ரயில்வே வாரியம் உத்தரவிட்டிருந்தது. இதுபோன்ற ரயில் நிலையங்கள் மூடப்படவோ அல்லது ரயில் நிற்கும் நேரம் குறைக்கப்படவோ வாய்ப்புள்ளதாக ரயில்வே வட்டாரங்கள் தெரிவிக்கின்றன.

]]>
http://www.dinamani.com/all-editions/edition-new-delhi/2018/mar/06/போதிய-பயணிகள்-இல்லாத-ரயில்களை-ரத்து-செய்துவிடலாம்-ரயில்வே-குழு-பரிந்துரை-2874982.html
2874981 அனைத்துப் பதிப்புகள் புதுதில்லி சித்தியடைந்த ஜயேந்திரருக்கு ஸ்ரத்தாஞ்சலி DIN DIN Tuesday, March 6, 2018 12:27 AM +0530 சித்தியடைந்த ஸ்ரீஜயேந்திரருக்கு கர்நாடக சங்கீத சபா சார்பில் ஸ்ரத்தாஞ்சலி தில்லி கோல் மார்க்கெட்டில் உள்ள சபா வளாகத்தில் திங்கள்கிழமை நடைபெற்றது.
இதில் மாநிலங்களவை பாஜக உறுப்பினர் இல. கணேசன், சிதம்பரம் மக்களவைத் தொகுதி அதிமுக உறுப்பினர் சந்திரகாசி ஆகியோர் சிறப்பு விருந்தினராக பங்கேற்று மலர் தூவி அஞ்சலி செலுத்தினர். 
நிகழ்ச்சியில் தில்லி தமிழ் சங்கத்தின் பொதுச் செயலாளர் இரா. முகுந்தன், தில்லி முத்தமிழ் பேரவைச் செயலாளர் என். கண்ணன், இணை பொருளாளர் ஏ. வெங்கடேசன், ஸ்ரீ ஹயக்ரிவா அமைப்பின் குருச்சரண், ஸ்ரீ வெங்கடேஸ்வரா மிஷன் அறங்காவலர் பெ. ராகவன் நாயுடு, தில்லி தமிழ் சங்கத்தின் முன்னாள் இணைச் செயலர்கள் குருமூர்த்தி, சத்யா அசோகன், முன்னாள் மாநகராட்சி உறுப்பினர் நாகராஜன், பாஜக தென்னிந்திய பிரிவு அமைப்பாளர் கே. முத்துசாமி உள்ளிட்ட பலர் பங்கேற்றனர். விழாவுக்கான ஏற்பாடுகளை கர்நாடக சங்கீத சபா பொதுச்செயலர் ஆர். மகாதேவன், பொருளாளர் ராகவன் ஆகியோர் செய்திருந்தனர்.

]]>
http://www.dinamani.com/all-editions/edition-new-delhi/2018/mar/06/சித்தியடைந்த-ஜயேந்திரருக்கு-ஸ்ரத்தாஞ்சலி-2874981.html
2874980 அனைத்துப் பதிப்புகள் புதுதில்லி கடல் விமானம் தரையிறங்கும் வகையில் யமுனை ஆறு தூய்மைப்படுத்தப்படும்: மனோஜ் திவாரி நம்பிக்கை DIN DIN Tuesday, March 6, 2018 12:27 AM +0530 பிரதமர் நரேந்திர மோடியால் உருவாக்கப்பட்ட "யமுனோஷா' திட்டத்தின் கீழ் கடல் விமானங்கள் தரையிறங்கக் கூடிய அளவுக்கு இன்னும் 5 ஆண்டுகளில் யமுனை ஆறு தூய்மைப்படுத்தப்படும் என்று பாஜகவின் தில்லி தலைவர் மனோஜ் திவாரி நம்பிக்கைத் தெரிவித்தார்.
இது தொடர்பாக செய்தியாளர்களிடம் திங்கள்கிழமை அவர் கூறியதாவது: குஜராத்திலுள்ள சபர்மதி ஆறு, யமுனை ஆற்றைப் போல அசுத்தமடைந்திருந்தது. பிரதமர் மோடியின் திட்டத்தால் அந்த ஆறு சில ஆண்டுகளில் தூய்மைப்படுத்தப்பட்டது. 
குஜராத் தேர்தலின் கடைசி நாள் பிரசாரத்துக்குச் சென்ற பிரதமர் மோடியின் கடல் விமானம் சபர்மதி ஆற்றில் தரையிறங்கியது. 
ஆற்று நீர் பளிங்கு போலத் தூய்மையாக இருந்தால் மட்டுமே கடல் விமானங்களால் அங்கே தரையிறங்க முடியும். 
மக்களின் பயன்பாட்டுக்கு உகந்த நிலையில் இல்லாமல் மிக மோசமாக அசுத்தமடைந்திருந்த சபர்மதி ஆற்றை கடல் விமானம் தரையிறங்கக் கூடிய அளவுக்கு பிரதமரின் திட்டப்படி சுத்தப்படுத்தப்பட்டது. 
அதேபோல, "யமுனோஷா' திட்டத்தின் கீழ் யமுனை ஆறும் இன்னும் 5 ஆண்டுகளில் கடல் விமானங்கள் தரையிறங்கக் கூடிய வகையில் தூய்மைப்படுத்தப்ப்படும். 
சில ஆண்டுகளுக்கு முன்பு வரையிலும் சபர்மதி ஆறு, நீர் இல்லாமல் வற்றிப் போயிருந்தது. இதைத் தொடர்ந்து, துணை ஆறுகள் இணைக்கப்பட்டு நீர் வரத்து உறுதி செய்யப்பட்டது. 
அதே போல யமுனை ஆற்றிலும் நீர் வரத்து உறுதி செய்யப்படும். மேலும், இதன் முதல்படியாக தில்லியில் மட்டும் 48 கிலோ மீட்டர் தொலைவுக்குச் செல்லும் யமுனை ஆற்றை ஒரே சீராக 500 மீட்டர் என்ற அளவில் அகலப்படுத்தவும் தீர்மானிக்கப்பட்டுள்ளது. வஜீராபாத்- ஓக்லா இடையான 22 கிலோ மீட்டர் நீளத்தில் யமுனை ஆறு மிகவும் அசுத்தமடைந்துள்ளது. இந்தப் பகுதி மட்டும் கூடுதல் கவனம் எடுத்து தூய்மைப்படுத்தப்படும். 
ஆற்றில் நீர் வரத்தை உறுதி செய்யும் வகையில் ஆக்ராவில் அணை கட்டப்படும். கழிவுநீர்க் கால்வாய்கள் ஆற்றின் ஓரமாகத் தனியாக அமைக்கப்படும். 
எந்தவொரு கழிவுநீர் கால்வாயும் ஆற்றுடன் கலக்காத வகையில் திட்டங்கள் மேற்கொள்ளப்பட்டுள்ளன. ஆற்றோரமாக பூங்காக்கள் உருவாக்கப்படவுள்ளன. 
மேலும், ஆற்றில் இருந்து மின்சாரத்தை உற்பத்தி செய்யவும் திட்டமிடப்பட்டுள்ளது என்றார் அவர். 

]]>
http://www.dinamani.com/all-editions/edition-new-delhi/2018/mar/06/கடல்-விமானம்-தரையிறங்கும்-வகையில்-யமுனை-ஆறு-தூய்மைப்படுத்தப்படும்-மனோஜ்-திவாரி-நம்பிக்கை-2874980.html
2874979 அனைத்துப் பதிப்புகள் புதுதில்லி பிரைமரி பள்ளிகளில் ஆண் பாதுகாவலர்கள் கூடாது: தில்லி அரசு அறிவிப்பு DIN DIN Tuesday, March 6, 2018 12:27 AM +0530 தில்லி மற்றும் தேசிய தலைநகர் வலயப் பகுதிகளில் உள்ள அனைத்து பிரைமரி நிலைப் பள்ளிகளில் ஆண் பாதுகாவலர், துப்புரவு பணியாளர் ஆகியோரை பள்ளி நிர்வாகம் நியமிக்கக் கூடாது என்று தில்லி அரசு உத்தரவிட்டுள்ளது.
பள்ளிச் சிறார்கள் மீது பாலியல் சீண்டல் சம்பவங்கள் அதிகரித்து வரும்நிலையில், அவர்களின் பாதுகாப்பைக் கருதி தில்லி அரசு இந்த உத்தரவை வெளியிட்டுள்ளது.
பள்ளிப் பாதுகாப்பு குறித்து 117- அறிவுறுத்தல்கள் அடங்கிய சுற்றறிக்கையை தில்லி அரசின் கல்வி இயக்ககம் அனைத்து பள்ளிகளுக்கும் திங்கள்கிழமை அனுப்பியுள்ளது. அதில் தெரிவிக்கப்பட்டுள்ளதாவது:
பிரைமரி நிலையில் உள்ள பள்ளிகளில் ஆண் பாதுகாவலர், துப்புரவுப் பணியாளர் ஆகியோர் மாணவர்களின் கிழிப்பறை அருகே செல்லக் கூடாது. பிரைமரி பள்ளிகளில் அவர்களை நியமக்கக் கூடாது. 
அதேபோல் பள்ளிகளின் நுழைவாயில், வெளியே செல்லும் வாயில், அலுவலகம் ஆகிய பகுதிகள் மூடி வைக்கப்பட வேண்டும். வெளியாட்கள் தகுந்த அனுமதி பெறாமல் நுழையாத அனுமதி அளிக்கக் கூடாது.
அரசு பள்ளிகளின் சுவர்களின் உயரத்தை அதிகரிக்கவும் வேண்டுமென்றாலோ அல்லது சுவர்களை மறுசீரமைக்க வேண்டுமென்றாலோ சம்பந்தப்பட்ட பள்ளிகள் பொதுப் பணித் துறை அலுவலகத்தை அணுகி பணிகளைச் செய்து முடித்து கொள்ளலாம் என்று தெரிவிக்கப்பட்டுள்ளது.
பள்ளிகளில் கழிவறைப் பகுதி உள்பட அனைத்து பகுதிகளும் சைபர் பாதுகாப்பின் கீழ் கொண்டு வரப்பட வேண்டும் என்று தில்லி அரசின் சுற்றறிக்கையில் தெரிவிக்கப்பட்டுள்ளது. 
தில்லி குருகிராம் தனியார் பள்ளியின் 2-ம் வகுப்பு பயின்ற மாணவர் பிரத்யும்னனை அதே பள்ளியைச் சேர்ந்த 11-ம் வகுப்பு படிக்கும் மாணவர் ஒருவர் கழிவறையில் கத்தியால் கழத்தை அறுத்து கொலை செய்த சம்பவம் அண்மையில் பரபரப்பை ஏற்படுத்தியது. 
இதேபோல் தில்லி அரசு பள்ளியில் சிறுமியை பள்ளி பாதுகாவலர் ஒருவரே பாலியல் சீண்டலுக்கு உள்படுத்திய சம்பவமும் தில்லியில் பரபரப்பை ஏற்படுத்தியிருந்தது குறிப்பிடத்தக்கது.

]]>
http://www.dinamani.com/all-editions/edition-new-delhi/2018/mar/06/பிரைமரி-பள்ளிகளில்-ஆண்-பாதுகாவலர்கள்-கூடாது-தில்லி-அரசு-அறிவிப்பு-2874979.html
2874978 அனைத்துப் பதிப்புகள் புதுதில்லி சுல்தான்புரி  இளைஞர் கொலை வழக்கில் 3 பேர் கைது DIN DIN Tuesday, March 6, 2018 12:26 AM +0530 தில்லி சுல்தான்புரியில் இளைஞர் கொலை செய்யப்பட்ட சம்பவத்தில் மூன்று பேரை போலீஸார் கைது செய்தனர். மேலும், இந்தச் சம்பவம் தொடர்பாக இரு சிறார்களும் பிடிபட்டுள்ளதாக போலீஸார் தெரிவித்தனர்.
இதுகுறித்து தில்லி புறநகர் கூடுதல் காவல் துணை ஆணையர் ராஜேந்திர சிங் சாகர் செய்தியாளர்களிடம் திங்கள்கிழமை கூறியதாவது: 
அமன் விஹார் பகுதியைச் சேர்ந்தவர் மாக்ரந்த் . இவரது மகன் ராமன் கடந்த மார்ச் 2-ஆம் தேதி தனது நண்பருடன் ஜகதாம்பா மார்க்கெட் பகுதியில் வந்து கொண்டிருந்தார். அப்போது, அவரை மோட்டார்சைக்கிளில் வந்த 4 பேர் தாக்கினர். 
அப்போது, மேலும் மூன்று பேர் அந்த வழியாக மோட்டார்சைக்கிளில் வந்தனர். அவர்களில் இருவர் ராமனை பிடித்துக் கொண்டனர். மற்றொருவர் ராமனை கத்தியால் தாக்கினார். அவரைக் காப்பாற்றச் சென்ற நண்பரும் தாக்கப்பட்டார்.
இச்சம்பவத்தில் ராமன் பலத்த காயமடைந்து உயிரிழந்தார். இது தொடர்பாக சுல்தான்புரி போலீஸார் வழக்குப் பதிந்தனர். குற்றவாளிகளைப் பிடிக்க தனிப்படை அமைக்கப்பட்டிருந்தது. இப்படையினர் நடத்திய விசாரணையில், பணம் கொடுக்கல் வாங்கல் தகராறு காரணமாக ராமன் கொல்லப்பட்டது தெரிய வந்தது. 
இதையடுத்து, இச்சம்பவத்தில் தொடர்புடைய சுல்தான்புரியைச் சேர்ந்த சோயீப் (20), நதீம் (18), ஜிதேந்தர் (25) ஆகியோர் கைது செய்யப்பட்டனர். மேலும், இரு சிறார்களும் பிடிபட்டனர். அவர்களிடம் விசாரணை நடத்தப்பட்டு வருகிறது என்றார் காவல் அதிகாரி ராஜேந்திர சிங் சாகர்.
 

]]>
http://www.dinamani.com/all-editions/edition-new-delhi/2018/mar/06/சுல்தான்புரி--இளைஞர்-கொலை-வழக்கில்-3-பேர்-கைது-2874978.html
2874977 அனைத்துப் பதிப்புகள் புதுதில்லி மாணவர்கள் போராட்டத்தால் மூடப்பட்டிருந்த ஜேஎல்என் மெட்ரோ ரயில் நிலையம் திறப்பு DIN DIN Tuesday, March 6, 2018 12:26 AM +0530 மாணவர்கள் போராட்டத்தால் கடந்த இரண்டு நாள்களாக மூடப்பட்டிருந்த ஜவாஹர்லால் நேரு (ஜேஎல்என்) மெட்ரோ ரயில் நிலையம் மக்கள் பயன்பாட்டுக்காக திங்கள்கிழமை மீண்டும் திறக்கப்பட்டது.
ஆனால், மெட்ரோ நிலைய பிரதான வாயில் (கேட் நம்பர்-4) மட்டுமே திறக்கப்பட்டுள்ளதாகவும், மற்றைய வாயில்கள் திறக்கப்படவில்லை என்று தில்லி மெட்ரோ ரயில் நிறுவன (டிஎம்ஆர்சி) அதிகாரிகள் தெரிவித்தனர்.
பிப்ரவரி 21- ஆம் தேதி நடைபெற்ற ஒருங்கிணைந்த பட்டப் படிப்பு நிலையிலான எஸ்எஸ்சி தேர்வில் முறைகேடுகள் நடைபெற்றுள்ளது என்றும் அது குறித்து சிபிஜ விசாரணை நடத்தப்பட வேண்டும் என்றும் கோரி தில்லியில் உள்ள பணியாளர் தேர்வாணையத்தின்(எஸ்எஸ்சி) தலைமை அலுவலகப் பகுதியில் கடந்த சில தினங்களாக மாணவர்கள் போராட்டத்தில் ஈடுபட்டனர். 
எஸ்எஸ்சி தலைமை அலுவலகத்தையொட்டியுள்ள பகுதியில் ஜேஎல்என் மெட்ரோ ரயில் நிலையம் அமைந்துள்ளது. 
இப்பகுதியில் நாட்டின் பல்வேறு பகுதிகளில் இருந்து வந்துள்ள ஏராளமான மாணவர்கள் போராட்டத்தில் ஈடுபட்டதால், மெட்ரோ ரயில் நிலையத்துக்கு வரும் பயணிகளுக்கு இடையூறு ஏற்படலாம் எனக் கருதி, ரயில் நிலையத்தை தாற்காலிகமாக மூடுமாறு மெட்ரோ ரயில் நிர்வாகத்தை காவல் துறை சனிக்கிழமை கேட்டுக் கொண்டது. 
இதைத் தொடர்ந்து, ஜேஎல்என் மெட்ரோ ரயில் நிலையம் சனிக்கிழமை காலையில் மூடப்பட்டது.
எஸ்எஸ்சி தேர்வு முறைகேடு விவகாரத்தில் சிபிஜ விசாரணை நடத்தப்படும் என பணியாளர் தேர்வு ஆணையத்தின் தலைவர் அஷிம் குரானா ஞாயிற்றுக் கிழமை உறுதியளித்ததைத் தொடர்ந்து மாணவர்கள் போராட்டத்தை தள்ளிவைத்துள்ளன. 
இந்நிலையில், மாணவர் போராட்டத்தால் கடந்த இரு தினங்களாக மூடப்பட்டிருந்த ஜேஎல்என் மெட்ரோ ரயில் நிலையம் திங்கள்கிழமை மீண்டும் திறக்கப்பட்டது.
இது தொடர்பாக டிஎம்ஆர்சி அதிகாரிகள் தெரிவித்ததாவது: கடந்த இரண்டு தினங்களாக மூடப்பட்டிருந்த ஜேஎல்என் மெட்ரோ ரயில் நிலையம் திங்கள்கிழமை மக்கள் பயன்பாட்டுக்கு மீண்டும் திறக்கப்பட்டது. ஆனால், மெட்ரோ நிலையத்தின் பிரதான வாயில் (கேட் நம்பர்-4) மட்டுமே திறக்கப்பட்டுள்ளது. மற்றைய வாயில்கள் திறக்கப்படவில்லை' என்றனர்.
இதற்கிடையே, போலீஸார் கூறுகையில், "ஆர்பாட்டத்தில் ஈடுபட்ட பெரும்பாலான மாணவர்கள் கலைந்து சென்றுவிட்டனர். ஆனால், குறைந்த எண்ணிக்கையிலான மாணவர்கள் மட்டும் இன்னமும் சிஜிஓ காம்ப்ளக்ஸ் பகுதியில் உள்ளனர்' என்றனர்.
போராட்டம்: இதனிடையே, எஸ்எஸ்சி தேர்வில் முறைகேடுகள் நடைபெற்றுள்ளதாக கூறப்படும் புகார் குறித்து விசாரணைக்கு உத்தரவிட வேண்டும் என்று வலியுறுத்தி நாடாளுமன்ற வளாகத்தில்  ஜன் அதிகாரி கட்சியின் தலைவரும், எம்பியுமான பப்பு யாதவ் திங்கள்கிழமை பதாகை ஏந்தி போராட்டத்தில் ஈடுபட்டார்.
 

]]>
http://www.dinamani.com/all-editions/edition-new-delhi/2018/mar/06/மாணவர்கள்-போராட்டத்தால்-மூடப்பட்டிருந்த-ஜேஎல்என்-மெட்ரோ-ரயில்-நிலையம்-திறப்பு-2874977.html
2874976 அனைத்துப் பதிப்புகள் புதுதில்லி யானைகளை விரட்ட தேன்கூடு வேலிகள்: மக்களவையில் அதிமுக எம்பி வலியுறுத்தல் DIN DIN Tuesday, March 6, 2018 12:26 AM +0530 யானைகளை விரட்ட தேன்கூடு வேலிகள் அமைப்பதற்கு விவசாயிகளுக்கு மானியம் வழங்க மத்திய அரசு நடவடிக்கை எடுக்க வேண்டும் என்று மக்களவையில் கிருஷ்ணகிரி தொகுதி அதிமுக உறுப்பினர் கே.அசோக்குமார் வலியுறுத்தினார்.
இது தொடர்பாக மக்களவையில் திங்கள்கிழமை விதி எண் 377-இன் கீழ் அவர் முன்வைத்த கோரிக்கை: 
மனிதர்கள் - யானைகளுக்கு இடையே ஏற்படும் போராட்டம் காரணமாக மனித உயிரிழப்புகளும், யானை இறப்புகளும் நிகழ்கின்றன. நாட்டில் இதுபோன்று 300 யானைகள் இறந்துள்ளன. நூற்றுக்கணக்கான யானைகளுக்கு காயம் ஏற்பட்டுள்ளது. 
மனித வாழிடங்களுக்குள் புகும் யானைகள் துப்பாக்கிச்சூடு, ஈட்டியால் தாக்குவது, மின்சாரம் பாய்ச்சி கொல்லப்படுவது என பல்வேறு ஆபத்துகளை எதிர்கொள்கின்றன. மேலும், லாரிகளிலும், ரயிலிலும் அடிபட்டு உயிரிழக்கும் நிலையும் உள்ளது. மனிதக் குடியிருப்புகளால் நீர்நிலைகள், யானை வழிப்பாதைகள் ஆக்கிரமிக்கப்படுவதால் இதுபோன்ற நிகழ்வுகள் ஏற்படுகின்றன. அதேபோன்று, விளைநிலங்களில் யானைகள் புகுந்து பயிரை நாசம் செய்வதால் விவசாயிகளுக்கு நஷ்டம் ஏற்படுகிறது. இதன் விளைவாக தோட்டத் தொழிலாளர்களால் அடிக்கடி யானைகள் கொல்லப்படும் நிகழ்வுகளும் அரங்கேறுகின்றன. இதனால், மனிதர்களுக்கும் யானைகளுக்கு இடையே பாதிப்பு ஏற்படுகிறது. 
யானைகள் மனித வசிப்பிடப் பகுதிகள், பயிர் நிலங்கள் ஆகியவற்றுக்குள் புகாமல் தடுக்க இயற்கையே வழிகாட்டியுள்ளது. அதாவது, யானைகள் இயற்கையாகவே தேனீக்களுக்குப் பயப்படும். தேனீக்களின் ஒலி கேட்டால் யானைகள் அப்பகுதியில் இருந்து ஓடிவிடும். இதனால், வெளிநாடுகள் சிலவற்றில் யானைகளை விரட்ட தேன்கூடு வேலிகள் முறையை பயன்படுத்தி வருகின்றனர். இதை அமைப்பதற்கான செலவும் குறைவாகும். தேனீக்கள் வளர்ப்பால் விவசாயிகளுக்கு வருமானமும் கிடைக்கும். எனவே, தேன்கூடு அமைப்பதை ஊக்குவிக்கவும், தேன் கூடு வேலிகளை அமைக்கவும் விவசாயிகளுக்கு மானியம் அளிக்க மத்திய அரசு நடவடிக்கை எடுக்க வேண்டும் என்று அசோக்குமார் கேட்டுக் கொண்டார்.

]]>
http://www.dinamani.com/all-editions/edition-new-delhi/2018/mar/06/யானைகளை-விரட்ட-தேன்கூடு-வேலிகள்-மக்களவையில்-அதிமுக-எம்பி-வலியுறுத்தல்-2874976.html
2874975 அனைத்துப் பதிப்புகள் புதுதில்லி "ஒக்கி' புயலில் சிக்கிய தமிழக மீனவர்கள் 323 பேர் மீட்பு: மாநிலங்களவையில் மத்திய அரசு தகவல் DIN DIN Tuesday, March 6, 2018 12:25 AM +0530 "ஒக்கி' புயலின் போது கடலில் சிக்கி தத்தளித்த 323 தமிழக மீனவர்கள் மீட்கப்பட்டுள்ளதாக மாநிலங்களவையில் மத்திய அரசு தெரிவித்துள்ளது.
இதுதொடர்பாக மாநிலங்களவை அதிமுக உறுப்பினர் ஏ. விஜயக்குமார் , "ஒக்கி புயல் பாதிப்புக்குப் பிறகு தமிழகத்திலிருந்து காணாமல் போன மீனவர்களைக் கண்டுபிடிக்க கடற்படைகள் மூலம் தேடுதல் பணி மேற்கொள்ளப்பட்டதா?' என்று கேள்வி எழுப்பியிருந்தார்.
இதற்கு மாநிலங்களவையில் திங்கள்கிழமை மத்திய பாதுகாப்புப் துறை இணையமைச்சர் டாக்டர் சுபாஷ் பாம்ரே எழுத்துப்பூர்வமாக தாக்கல் செய்த பதில் விவரம்: 
"ஒக்கி' புயலுக்குப் பிறகு மேற்கொள்ளப்பட்ட தேடுதல், மீட்பு நடவடிக்கைகளைத் தொடர்ந்து, மொத்தம் 850 மீனவர்கள் இந்திய கடற்படை மற்றும் கடலோரக் காவல் படையால் மீட்கப்பட்டுள்ளனர். இவர்களில் தமிழகத்தைச் சேர்ந்த மீனவர்கள் 323 பேர் ஆவர். 
தேடுதல், மீட்பு நடவடிக்கையானது (எஸ்ஏஆர்) "ஒக்கி' புயலில் காணாமல்போன மீனவர்களுக்காக இந்திய கடற்படை, கடலோரக் காவல் படை ஆகியவற்றால் கடல் பகுதியில் இணைந்து மேற்கொள்ளப்படும் கடல்சார் கண்காணிப்பு திட்டங்களுடன் தொடர்புடையது. மேலும், காணாமல்போன மீனவர்கள் தொடர்பன தகவல்களைப் பெறுவதற்காக மீன்வளத் துறை, உள்ளூர் நிர்வாகம், மாநில அரசு, யூனியன் பிரதேச அரசுகளுடன் இணைந்து நெருங்கிய ஒத்துழைப்பு அளிக்கப்பட்டு வருகிறது என்று அமைச்சர் சுபாஷ் பாம்ரே தெரிவித்துள்ளார். 
ஆசிரியர்கள் மறு நியமனம் விவகாரம்: நீலகிரி மக்களவைத் தொகுதி அதிமுக உறுப்பினர் சி.கோபாலகிருஷ்ணன், கோயம்புத்தூர் மக்களவைத் தொகுதி அதிமுக உறுப்பினர் பி.நாகராஜன் ஆகியோர், "காலிப் பணியிடங்கள் பிரச்னைக்குத் தீர்வு காணும் வகையில் ஐஐடி, என்ஐடி உயர் கல்வி நிறுவனங்களில் ஓய்வுபெறும் பேராசிரியர்களை மறுநியமனம் செய்வதற்கு மத்திய அரசிடம் முன்மொழிவு உள்ளதா?' என்று கேள்வி எழுப்பியிருந்தனர்.
இதற்கு மாநிலங்களவையில் திங்கள்கிழமை மனித வள மேம்பாட்டுத் துறை இணையமைச்சர் டாக்டர் சத்யபால் சிங் எழுத்துப்பூர்வமாக தாக்கல் செய்த பதிலில், "இந்திய தொழில்நுட்பவியல் கல்வி நிறுவனங்கள் சட்டம் 1961' மூலம் இந்திய தொழில்நுட்பவியல் கல்வி நிறுவனங்கள் நிர்வகிக்கப்படுகின்றன. 
இச்சட்டத்தின் கீழ் விதிகளும் உருவாக்கப்பட்டுள்ளன. செமஸ்டர் அல்லது கல்வி அமர்வு முடியும் வரை ஆசிரியர்களை மீண்டும் பணியில் அமர்த்துவது தொடர்பாக வாரியம் பரிசீலனை மேற்கொள்வதற்கு சட்ட விதிகள் அனுமதிக்கிறது' என்றார் அமைச்சர்.

]]>
http://www.dinamani.com/all-editions/edition-new-delhi/2018/mar/06/ஒக்கி-புயலில்-சிக்கிய-தமிழக-மீனவர்கள்-323-பேர்-மீட்பு-மாநிலங்களவையில்-மத்திய-அரசு-தகவல்-2874975.html
2874974 அனைத்துப் பதிப்புகள் புதுதில்லி "சானிட்டரி நாப்கினுக்கான ஜிஎஸ்டியை குறைக்க வேண்டும்' DIN DIN Tuesday, March 6, 2018 12:24 AM +0530 பெண்கள் பயன்படுத்தும் சானிட்டரி நாப்கினுக்கு மத்திய அரசு விதித்துள்ள 12 சதவீத ஜிஎஸ்டி வரியை உடனடியாக நீக்க வேண்டும் என அகில இந்திய மகிளா காங்கிரஸ் தலைவி சுஷ்மிதா தேவ் தெரிவித்தார்.
 தில்லி மகளிர் காங்கிரஸ் சார்பில் பெண்களின் சுகாதாரத்தை மேம்படுத்தும் வகையில் "சுவாச் மகிளா சுவாஸ்த் மகிளா' என்ற பிரசாரம் தில்லியில் 14 மாவட்டங்களில் திங்கள்கிழமை நடத்தப்பட்டது. 
திலக் நகரில் நடைபெற்ற பிரசார நிகழ்ச்சியில் அகில இந்திய மகிளா காங்கிரஸ் தலைவி சுஷ்மா தேவ், தில்லி முன்னாள் முதல்வர் ஷீலா தீட்ஷித், நாடாளுமன்ற முன்னாள் உறுப்பினர் மஹாபல் மிஸ்ரா, கட்சியின் மாவட்டத் தலைவர் பிரதீப் ஷர்மா உள்ளிட்டோர் கலந்து கொண்டனர். 
இந்நிகழ்வில் ஏழைப் பெண்களுக்கு தில்லி மகளிர் காங்கிரஸ் சார்பில் இலவச சானிட்டரி நாப்கின்கள் வழங்கப்பட்டன. நிகழ்ச்சியில் சுஷ்மா தேவ் பேசியதாவது:
மத்திய அரசு சானிட்டரி நாப்கினுக்கு விதித்துள்ள 12 சதவீத ஜிஎஸ்டி வரியால் ஏழைப் பெண்கள் பாதிக்கப்படுகின்றனர். இந்த வரியைக் குறைக்கக் கோரி நாடு முழுவதும் உள்ள பெண்களிடம் இருந்து மகிளா காங்கிரஸால் 50 லட்சம் கையெழுத்துகள் பெறப்பட்டு மத்திய அரசிடம் வழங்கப்பட்டன. மத்திய நிதியமைச்சர் அருண் ஜெட்லியைச் சந்தித்து சானிட்டரி நாப்கினுக்கு விதிக்கப்பட்டுள்ள வரி குறைக்கப்பட வேண்டும் என முறையிட்டேன். ஆனால், எவ்வித நடவடிக்கையும் இதுவரை எடுக்கப்படவில்லை என்றார்அவர். முன்னாள் முதல்வர் ஷீலா தீட்ஷித் பேசுகையில், "தில்லியில் காங்கிரஸ் ஆட்சியில் 6-12 வகுப்பு மாணவிகளுக்கு இலவச சானிட்டரி நாப்கின்கள் வழங்கும் திட்டத்தை அறிமுகப்படுத்தினோம். இத்திட்டத்தை ஆம் ஆத்மி அரசு நிறுத்தியுள்ளது. ஆம் ஆத்மி அரசுக்கு மக்கள் மீது அக்கறை இல்லை என்பதையே இது காட்டுகிறது' என்றார். 

]]>
http://www.dinamani.com/all-editions/edition-new-delhi/2018/mar/06/சானிட்டரி-நாப்கினுக்கான-ஜிஎஸ்டியை-குறைக்க-வேண்டும்-2874974.html
2874973 அனைத்துப் பதிப்புகள் புதுதில்லி மின்சார கார்கள்: மாநகராட்சிகள் மும்முரம் DIN DIN Tuesday, March 6, 2018 12:24 AM +0530 தெற்கு தில்லி, புது தில்லி முனிசிபல் கவுன்சில் ஆகிய பகுதிகளில் சூழலுக்கு உகந்த மின்சாரத்தில் இயங்கும் கார்களின் பயன்பாடு ஊக்குவிக்க நடவடிக்கை எடுக்கப்பட்டு வருகிறது. 
இது தொடர்பாக தெற்கு தில்லி மாநகராட்சி அதிகாரிகள் கூறியதாவது: 
காற்று மாசுவைக் குறைக்கும் வகையில் எரிபொருள் வாகனங்களுக்குப் பதிலாக மின்சார கார்களின் பயன்பாட்டை அதிகரிக்க உள்ளோம். 
அதன் முதல்படியாக, 32 மின்சாரக் கார்களை தில்லி துணைநிலை ஆளுநர் அனில் பய்ஜால் செவ்வாய்கிழமை அறிமுகப்படுத்தி வைக்க உள்ளார். மேலும், மார்ச் மாத இறுதிக்குள் மேலும் 43 மின்சாரக் கார்கள் அறிமுகப்படுத்தப்படவுள்ளன என்றனர்.
 இதற்கிடையே, மார்ச் மாத மத்திக்குள் 80 மின்சாரக் கார்கள் அறிமுகப்படுத்தப்படவுள்ளதாக புது தில்லி முனிசிபல் கவுன்சில் அதிகாரிகள் தெரிவித்தனர். 
இது தொடர்பாக அவர்கள் கூறுகையில், "மின்சாரக் கார்களை உருவாக்கும் பணிகள் நடைபெற்று வருகின்றன. மார்ச் மாத இறுதிக்குள் பணிகள் பூர்த்தியடைந்து, மக்களின் பயன்பாட்டுக்காக அக்கார்கள் இயக்கப்படும்' என்றனர்.
இந்நிலையில், இக்கார்களை சார்ஜிங் செய்வதற்கு ஏற்ற வகையில் சார்ஜிங் ஸ்டேஷன்கள் உருவாக்கப்படவுள்ளன. இது தொடர்பாக தெற்கு தில்லி மாநகராட்சி அதிகாரிகள் கூறுகையில், "அம்பேத்கர் ஸ்டேடியத்தில் எஸ்டிஎம்சி சார்பில் 40 சார்ஜிங் மையங்கள் அமைக்கப்பட்டுள்ளன. 
மேலும், கிரீன் பார்க், லாஜ்பத் நகர், நஜஃப்கர், துவாரகா ஆகிய இடங்களில் உள்ள எஸ்டிஎம்சி மண்டல அலுவலகங்களிலும், மாநகராட்சி தலைமை அலுவலகம் அமைந்துள்ள சிவிக் சென்டரிலும் சார்ஜிங் மையங்கள்அமைக்கப்படவுள்ளது. மக்களின் ஆதரவைப் பொருத்து மேலும் சார்ஜிங் இடங்கள் அமைக்கப்படும்' என்றனர்.
புது தில்லி முனிசிபல் கவுன்சில் பகுதியில் பாலிகா கேந்திரா, தல்கோத்திரா அரங்கம், வித்யுத் பவன், அப்துல் கலாம் ரோடு, லஷ்மி பாய் நகர், சிவாஜி ஸ்டேடியம் ஆகிய இடங்களில் மின்சார கார்களுக்கு சார்ஜிங் வசதி ஏற்படுத்தப்படவுள்ளதாக அதிகாரிகள் தெரிவித்தனர்.
 

]]>
http://www.dinamani.com/all-editions/edition-new-delhi/2018/mar/06/மின்சார-கார்கள்-மாநகராட்சிகள்-மும்முரம்-2874973.html
2874972 அனைத்துப் பதிப்புகள் புதுதில்லி நாடாளுமன்றத்தில் அதிமுக தொடர்ந்து குரல் எழுப்பும்: தம்பிதுரை DIN DIN Tuesday, March 6, 2018 12:23 AM +0530 காவிரி மேலாண்மை வாரியம் அமைக்க மத்திய அரசை வலியுறுத்தி நாடாளுமன்றக் கூட்டத் தொடரில் அதிமுக தொடர்ந்து குரல் எழுப்பும் என்று மக்களவைத் துணைத் தலைவர் மு.தம்பிதுரை தெரிவித்தார்.
இதுகுறித்து தில்லியில் திங்கள்கிழமை அவர் செய்தியாளர்களிடம் கூறியதாவது: காவிரி மேலாண்மை வாரியம் அமைக்க வேண்டும் என்று உச்ச நீதிமன்றமும் தற்போது தீர்ப்பு அளித்துள்ளது. 
இந்நிலையில், காவிரி மேலாண்மை வாரியம் அமைப்பது தொடர்பாக நாடாளுமன்றத்தில் அதிமுக உறுப்பினர்கள் திங்கள்கிழமை குரல் எழுப்பினர். ஆனால், அவை நாள் முழுவதும் ஒத்திவைக்கப்பட்டது. எங்கள் நோக்கம் காவிரி மேலாண்மை வாரியத்தை அமைக்கச் செய்வதும், காவிரி நீரைப் பெறுவதும்தான். காவிரி மேலாண்மை வாரியம் அமைக்கக் கோரி நாடாளுமன்றத்தில் தொடர்ந்து அதிமுக உறுப்பினர்கள் குரல் கொடுப்பார்கள். 
வடகிழக்கு மாநிலங்களில் பாஜக வெற்றி பெற்றமைக்காக பிரதமர் நரேந்திர மோடியைச் சந்தித்து வாழ்த்துத் தெரிவித்தேன். 
காவிரி மேலாண்மை வாரியம் விவகாரத்தை திசை திருப்புவதற்காக அதிமுக உறுப்பினர்கள் ராஜிநாமா செய்ய வேண்டும் என்று எதிர்க்கட்சியினர் கூறுகின்றனர். அவர்கள் தங்களது சட்டப்பேரவை உறுப்பினர் பதவிகளை ராஜிநாமா செய்தால், எங்கள் கட்சியின் தலைமை எடுக்கும் முடிவுக்கு கட்டுப்பட்டு நாங்களும் செயல்படுவோம் என்றார் மு.தம்பிதுரை. 
இதுகுறித்து மாநிலங்களவை அதிமுக குழுத் தலைவர் ஏ.நவநீதகிருஷ்ணன் கூறுகையில், "உச்ச நீதிமன்றம் உத்தரவிட்ட பிறகும் காவிரி மேலாண்மை வாரியத்தை அமைக்காமல் மத்திய அரசு காலம் தாழ்த்துவது தமிழக மக்களுக்கு இழைக்கும் அநீதியாகும். இந்த விவகாரத்தை அவையில் அதிமுக தொடர்ந்து எழுப்பும்' என்றார். 
நீலகிரி மக்களவைத் தொகுதி அதிமுக உறுப்பினர் சி.கோபாலகிருஷ்ணன் கூறுகையில், "தமிழக மக்களின் ஜீவ நாடியான காவிரி நீரைப் பெறும் விவகாரத்தில் மேலாண்மை வாரியத்தை விரைந்து அமைப்பது அவசியமாகும்' என்றார். 
மாநிலங்களவை மார்க்சிஸ்ட் கம்யூனிஸ்ட் கட்சி உறுப்பினர் டி.கே. ரங்கராஜன் கூறுகையில், "இது தமிழக விவசாயிகளின் ஜீவாதார பிரச்னை. இந்த விஷயத்தில் மத்திய அரசு உரிய கவனம் செலுத்த வலியுறுத்தி மாநிலங்களவையில் மார்க்சிஸ்ட் தொடர்ந்து குரல் கொடுக்கும்' என்றார்.

]]>
http://www.dinamani.com/all-editions/edition-new-delhi/2018/mar/06/நாடாளுமன்றத்தில்-அதிமுக-தொடர்ந்து-குரல்-எழுப்பும்-தம்பிதுரை-2874972.html
2874971 அனைத்துப் பதிப்புகள் புதுதில்லி காவிரி மேலாண்மை வாரியம் அமைக்கக்கோரி நாடாளுமன்றத்தில் தமிழக எம்பிக்கள் கடும் அமளி DIN DIN Tuesday, March 6, 2018 12:22 AM +0530 உச்ச நீதிமன்றத்தின் உத்தரவுப்படி காவிரி மேலாண்மை வாரியத்தை மத்திய அரசு விரைந்து அமைக்க வலியுறுத்தி நாடாளுமன்றத்தின் இரு அவைகளிலும் தமிழக எம்பிக்கள் திங்கள்கிழமை தொடர்ந்து அமளியில் ஈடுபட்டனர். 
இதேபோன்று, பிற கட்சிகளைச் சேர்ந்த உறுப்பினர்களும் வேறு விவகாரங்களுக்காக அமளியில் ஈடுபட்டதால் இரு அவையும் அடுத்தடுத்து சில முறை ஒத்திவைக்கப்பட்டு, பிறகு நாள் முழுவதும் ஒத்திவைக்கப்பட்டது.
நாடாளுமன்றத்தின் பட்ஜெட் கூட்டத் தொடரின் 2-ஆவது பகுதி திங்கள்கிழமை தொடங்கியது. மக்களவை அதன் தலைவர் சுமித்ரா மகாஜன் தலைமையில் கூடியது. அப்போது, கேள்வி நேரத்தை ஒத்திவைத்துவிட்டு காவிரி மேலாண்மை வாரியம் அமைப்பது தொடர்பாக விவாதிக்க வேண்டும் என்று அதிமுக சார்பில் ஒத்திவைப்பு நோட்டீஸ் அளித்திருப்பது குறித்து அக்கட்சியின் மக்களவைக் குழுத் தலைவர் பி.வேணுகோபால் கேட்டுக் கொண்டார்.
இதைத் தொடர்ந்து, அதிமுக உறுப்பினர்கள் பி.குமார், கே. அசோக்குமார், சி.கோபாலகிருஷ்ணன், வசந்தி முருகேசன், வி.சத்யபாமா, ஏழுமலை, ஜி.ஹரி, பி.ஆர்.சுந்தரம், அருண்மொழித்தேவன் உள்ளிட்டோர் காவிரி மேலாண்மை வாரியம் அமைக்க வலியுறுத்தி கோஷமிட்டனர். மக்களவைத் துணைத் தலைவர் மு.தம்பிதுரையும் அப்போது அவையில் இருந்தார். மேலும், அதிமுக உறுப்பினர்கள் காவிரி மேலாண்மை வாரியம் அமைக்க வலியுறுத்தும் பதாகைகளை கையில் ஏந்தியவாறு அவையின் மையப் பகுதிக்குச் சென்று அமளியில் ஈடுபட்டனர். 
இதேபோன்று, பிஎன்பி மோசடி விவகாரம் மற்றும் மாநிலத்திற்கு சிறப்பு அந்தஸ்து கோருவது, இடஒதுக்கீட்டை அதிகரிக்கக் கோருவது உள்ளிட்ட விவகாரங்களுக்காக திரிணமூல் காங்கிரஸ், தெலுங்கு தேசம், தெலங்கானா ராஷ்டிர சமிதி உள்ளிட்ட கட்சிகளின் உறுப்பினர்கள் அமளியில் ஈடுபட்டனர். இதையடுத்து, அவை அலுவலை மக்களவைத் தலைவர் சுமித்ரா மகாஜன் நண்பகல் 12 மணி வரை ஒத்திவைத்தார். பின்னர் அவை 12 மணிக்கு மீண்டும் கூடிய போதும் இதே கோரிக்கையை வலியுறுத்தி அதிமுக உறுப்பினர்கள் அமளியில் ஈடுபட்டதால், அவை நாள் முழுவதும் ஒத்திவைக்கப்பட்டது.
மாநிலங்களவையில்...: மாநிலங்களவை அதன் தலைவர் எம்.வெங்கய்ய நாயுடு தலைமையில் காலை 11 மணிக்கு கூடியதும் காவிரி மேலாண்மை வாரியம் தொடர்பாக விவாதிக்க அனுமதிக்குமாறு அதிமுக மாநிலங்களவைக் குழுத் தலைவர் ஏ.நவநீதகிருஷ்ணன், துணைத் தலைவர் எஸ்.ஆர்.பாலசுப்ரமணியன், அக்கட்சியின் உறுப்பினர்கள் டாக்டர் வி.மைத்ரேயன், முத்துக்கருப்பன், ஏ.கே. செல்வராஜ், விஜிலா சத்யானந்த் ஆகியோர் குரல் எழுப்பி அமளியில் ஈடுபட்டனர். மாநிலங்களவை திமுக குழுத் தலைவர் கனிமொழி, மார்க்சிஸ்ட் கம்யூனிஸ்ட் உறுப்பினர் டி.கே. ரங்கராஜன் உள்ளிட்டோரும் அவையின் மையப் பகுதிக்கு வந்து இதே கோரிக்கையை வலியுறுத்தினர். இந்திய கம்யூனிஸ்ட் கட்சி உறுப்பினர் டி.ராஜா தனது இருக்கையில் எழுந்தவாறு இக்கோரிக்கையை வலியுறுத்தினார்.
மேலும், வேறு சில விவகாரங்களை வலியுறுத்தி திரிணமூல் காங்கிரஸ், தெலுங்கு தேசம் உள்ளிட்ட கட்சி உறுப்பினர்கள் அமளியில் ஈடுபட்டனர். இதையடுத்து, அவை முதல் முறை 10 நிமிடங்கள் ஒத்திவைக்கப்பட்டது. அதைத் தொடர்ந்து, மீண்டும் அவை கூடியதும் இதே விவகாரத்தை அதிமுக, திமுக, கம்யூனிஸ்ட் உள்ளிட்ட கட்சி உறுப்பினர்கள் எழுப்பியதால், அவை அலுவலை மதியம் 2 மணி வரை அவைத் தலைவர் எம்.வெங்கய்ய நாயுடு ஒத்திவைத்தார். பின்னர் துணைத் தலைவர் பி.ஜே. குரியன் தலைமையில் மதியம் 2 மணிக்கு அவை மீண்டும் கூடியது. அப்போதும், காவிரி மேலாண்மை வாரியம் அமைக்கும் விவகாரத்தை அதிமுக, திமுக உறுப்பினர்கள் எழுப்பி அமளியில் ஈடுபட்டனர். இதுபோன்ற வேறு சில விவகாரங்களை மற்ற உறுப்பினர்கள் எழுப்பிஅமளியில் ஈடுபட்டதால் அவை நாள் முழுவதுக்கும் ஒத்திவைக்கப்பட்டது.

]]>
http://www.dinamani.com/all-editions/edition-new-delhi/2018/mar/06/காவிரி-மேலாண்மை-வாரியம்-அமைக்கக்கோரி-நாடாளுமன்றத்தில்-தமிழக-எம்பிக்கள்-கடும்-அமளி-2874971.html
2874377 அனைத்துப் பதிப்புகள் புதுதில்லி போலீஸ் சீருடையில் பொதுமக்களை மிரட்டி பணம் பறித்த இருவர் கைது DIN DIN Monday, March 5, 2018 12:28 AM +0530 போலீஸ் சீருடை அணிந்து பொதுமக்களை மிரட்டி பணம் பறிப்பில் ஈடுபட்ட தில்லி குடிமைப் பாதுகாப்பு பிரிவு காவலர்கள் இருவர் தில்லி போலீஸாரால் கைது செய்யப்பட்டனர்.
இதுகுறித்து தில்லி ரோஹிணி மாவட்ட காவல் துணை ஆணையர் ரஜ்னீஷ் குப்தா செய்தியாளர்களிடம் ஞாயிற்றுக்கிழமை கூறியதாவது:
தில்லியைச் சேர்ந்தவர் ஷ்ரவண். இவர் கடந்த 2-ஆம் தேதி பவானா பகுதியில் உள்ள சந்தைக்கு சென்று கொண்டிருந்தார்.  அப்போது, அவ்வழியாக மோட்டார் சைக்கிளில் வந்த இருவர் அவரது செல்லிடப்பேசியைப் பறித்துக் கொண்டு தப்பிச் சென்றனர். அவர்கள் போலீஸ் சீருடை அணிந்திருந்தனர். இதுகுறித்து ஷ்ரவண் காவல் நிலையத்தில் புகார் அளித்தார். அதன்பேரில் போலீஸார் வழக்குப் பதிந்து விசாரித்து வந்தனர்.
இந்நிலையில்,  சனிக்கிழமை போலீஸாருக்கு கிடைத்த ரகசிய தகவலின் பேரில்,  செல்லிடப்பேசி வழிப்பறியில் ஈடுபட்ட புகாரில் தொடர்புடைய  சுல்தான்பூரைச் சேர்ந்த சுக்ராம் (28), தரியாபூர் காலன் பகுதியைச் சேர்ந்த சுரேஷ் (36) ஆகியோரை போலீஸார் பவானா பகுதியில் கைது செய்தனர். 
 அவர்களிடமிருந்து திருட்டு செல்லிடப்பேசிகள் 9,  பல்வேறு துறைகளின்ஊழியர்கள் போன்ற போலி அடையாள அட்டைகள் கைப்பற்றப்பட்டன.  அதில் போலீஸ் சீருடை அணிந்த அடையாள அட்டையும் இருந்தது தெரியவந்தது.  மேலும், ஒரு குடிமைப் பாதுகாப்பு சீருடை அடையாளஅட்டையும் இருந்தது.  விசாரணையில் இருவரும் தில்லி குடிமைப் பணி பாதுகாப்புப் பிரிவில் காவலர்களாக இருப்பதும்,  போலீஸ் சீருடை அணிந்து பொதுமக்களை மிரட்டிப் பணம் பறித்து வந்ததும் தெரியவந்ததாக காவல் உயர் அதிகாரி ரஜ்னீஷ் குப்தா தெரிவித்தார்.

]]>
http://www.dinamani.com/all-editions/edition-new-delhi/2018/mar/05/போலீஸ்-சீருடையில்-பொதுமக்களை-மிரட்டி-பணம்-பறித்த-இருவர்-கைது-2874377.html
2874376 அனைத்துப் பதிப்புகள் புதுதில்லி பள்ளி வளாகத்தில் பாதுகாவலர் கொலை? DIN DIN Monday, March 5, 2018 12:28 AM +0530 தில்லியின் சீமாபுரி பகுதியிலுள்ள பள்ளியொன்றில் இரவு நேர பாதுகாவலராக பணியாற்றி வந்தவர், தலையில் தாக்கப்பட்ட காயத்துடன் பள்ளி வளாகத்தில் இறந்துகிடந்தார்.
இதுதொடர்பாக காவல்துறை அதிகாரி கூறியதாவது:
தேவி தயாள் (45) என்ற அந்த நபர், பள்ளி வளாகத்தில் உள்ள ஒரு அறையில் ஞாயிற்றுக்கிழமை காலையில் சடலமாக கிடந்தார். அவரது தலையில் தாக்கப்பட்ட காயங்கள் உள்ளன. சடலம் அருகே மது பாட்டிலும் கிடந்தது. குடிபோதையில் ஏற்பட்ட தகராறில் அவரை யாரோ கொலை செய்திருக்கலாம் என்று சந்தேகிக்கப்படுகிறது. இதுதொடர்பாக பள்ளி வளாகத்தில் உள்ள சிசிடிவி கேமரா காட்சிகள் மூலம் விசாரணை மேற்காண்டு வருகிறோம் என்றார் அவர். 

]]>
http://www.dinamani.com/all-editions/edition-new-delhi/2018/mar/05/பள்ளி-வளாகத்தில்-பாதுகாவலர்-கொலை-2874376.html
2874374 அனைத்துப் பதிப்புகள் புதுதில்லி ஹோலி: போக்குவரத்து விதிகளை மீறியதாக 9,300 பேர் மீது வழக்கு DIN DIN Monday, March 5, 2018 12:27 AM +0530 தில்லியில் ஹோலி பண்டிகை நாளில் போக்குவரத்து விதிமீறல்களில் ஈடுபட்டதாக 9,300 பேர் மீது வழக்குப் பதிவு செய்யப்பட்டுள்ளது.
இதுதொடர்பாக காவல்துறை உயரதிகாரி ஒருவர் கூறியதாவது:
தில்லியில் ஹோலி பண்டிகை கொண்டாடப்பட்ட கடந்த வெள்ளிக்கிழமையன்று குடித்துவிட்டு வாகனம் ஓட்டியதாக 1,918 பேர் மீது வழக்குப் பதிவு செய்யப்பட்டது. அதில், தெற்கு தில்லியில் 608 வழக்குகள் பதிவு செய்யப்பட்டன.
ஹெல்மட் அணியாமல் வாகனம் ஓட்டியதாக 4,634 பேர் மீதும், மோட்டார் சைக்கிள்களில் 3 பேர் சவாரி செய்ததாக 1,164 பேர் மீதும் வழக்குப் பதிவு செய்யப்பட்டது. அதிவேகமாக வாகனத்தை இயக்குதல் உள்ளிட்ட இதர விதிமீறல்கள் தொடர்பாக 1,589 பேர் மீது வழக்குகள் பதிவு செய்யப்பட்டன.
முன்னதாக, ஹோலி பண்டிகையையொட்டி விபத்துகள் மற்றும் அசம்பாதவித சம்பவங்களைத் தவிர்க்க தில்லி காவல்துறை விரிவான ஏற்பாடுகளை மேற்கொண்டிருந்தது. சட்டம் - ஒழுங்கை பராமரிக்க கூடுதல் காவலர்கள் பணியமர்த்தப்பட்டனர். பல இடங்களில் தாற்காலிக தடுப்புகள் அமைக்கப்பட்ட வாகனச் சோதனை மேற்கொள்ளப்பட்டது என்றார் அந்த அதிகாரி.

]]>
http://www.dinamani.com/all-editions/edition-new-delhi/2018/mar/05/ஹோலி-போக்குவரத்து-விதிகளை-மீறியதாக-9300-பேர்-மீது-வழக்கு-2874374.html
2874373 அனைத்துப் பதிப்புகள் புதுதில்லி திருட்டை தடுக்க முயன்ற இளைஞர் கொலை: மூவர் கைது DIN DIN Monday, March 5, 2018 12:27 AM +0530 தில்லி ஜேத்பூரில் திருட்டைத் தடுக்க முயன்ற இளைஞரைக் கொலை செய்ததாக கார் திருடர்கள் மூன்று பேரை போலீஸார் கைது செய்தனர்.  
இதுகுறித்து தில்லி காவல் துறையின் தென்கிழக்கு மாவட்ட துணை ஆணையர் சின்மய் பிஸ்வால் கூறியதாவது:
தில்லி ஜேத்பூர் பகுதியில் உள்ள சௌரப் விஹார் பகுதியைச் சேர்ந்தவர் மதன் மோகன் (46). இவரது மகன் விஷால் (25). இவர்கள் இருவரும் பிப்ரவரி 24-ஆம் தேதி சிலரால் தாக்கப்பட்டதாக காவல் கட்டுப்பாட்டு அறைக்கு தகவல் வந்தது. இதையடுத்து, போலீஸார் சம்பவ இடத்தில் விசாரணை மேற்கொண்டனர். 
காயமடைந்த இருவரும் மருத்துவமனைக்கு கொண்டு செல்லப்பட்டனர். ஆனால், செல்லும் வழியிலேயே விஷால் இறந்துவிட்டதாக மருத்துவர்கள் கூறினர்.
இது குறித்து விஷாலின் சகோதரர் ரோஹித் போலீஸாரிடம் கூறுகையில், "எங்கள் வீட்டின் அருகே உள்ள வாகன நிறுத்துமிடப் பகுதிக்குள் புகுந்த இருவர் எங்கள் காரில் இருந்த ஸ்பீக்கர்களைத் திருட முயன்றனர். 
இதை எனது தந்தையும், சகோதரர் விஷாலும் தடுக்க முயன்றனர். அப்போது,  அவர்கள் எங்கள் தந்தை, சகோதரரை தாக்கிவிட்டு மற்றொருவர் வந்த காரில் தப்பிச் சென்றுவிட்டனர்' என்று கூறினார்.
இதையடுத்து, இந்தச் சம்பவம் தொடர்பாக கொலை முயற்சி,  காரை ஏற்றிக் கொலை செய்தல், திருட்டு ஆகிய பிரிவுகளின் கீழ் வழக்குப் பதிவு செய்யப்பட்டது. குற்றவாளிகளைப் பிடிக்க தனிப்படையும் அமைக்கப்பட்டது.  இதனிடையே, விஷால் உடலை பிரேதப் பரிசோதனை செய்தபோது, அவரது நெஞ்சில் துப்பாக்கிக் குண்டு பாய்ந்திருப்பது தெரியவந்தது. 
இது தொடர்பாக விசாரணை நடத்தப்பட்டது.  அப்போது,  சௌரப் விஹாரைச் சேர்ந்த ஷானவாஜ் (21),  அவரது நண்பர் யஷீர் (19) ஆகியோர் சம்பவத்தன்று விஷால் வீட்டின்அருகே நிறுத்தப்பட்டிருந்த காரில் திருட வந்திருப்பது தெரியவந்தது.  
இதையடுத்து,  இருவரும் மார்ச் 2-ஆம் தேதி கைது செய்யப்பட்டனர். 
விசாரணையில் காரில் இருந்த ஸ்டீரியோக்களை திருட  முயன்றபோது தந்தை மோகன்,  மகன் விஷால் ஆகியோர் எதிர்ப்புத் தெரிவித்ததாகவும்,  இதனால்,  தங்களது நண்பர் அங்குர் துபே மூலம் அவர்களை துப்பாக்கியால் சுட்டுவிட்டு தப்பிச் சென்றதாகவும் கூறினார். இதையடுத்து, அங்குர் துபேயை காரவல் நகர் பகுதியில்  போலீஸார் கைது செய்தனர். 
விசாரணையில் ஷானவாஜ்,  யஷீர், அங்குர் துபே மூவரும் குறுக்கு வழியில் பணம் ஈட்டுவதற்காக கார் ஸ்டீரியோக்களையும்,  லாரி பேட்டரிகளையும் திருடி விற்று வந்ததும்,  திருட்டுக் காரைப் பயன்படுத்தி திருட்டில் ஈடுபட்டு வந்ததும் விசாரணையில் தெரியவந்தது. 
 மூவரிடமிருந்தும் கார்,  நாட்டுத் துப்பாக்கி,  தோட்டா, 2 வெற்றுத் தோட்டாக்கள் ஆகியவை மீட்கப்பட்டதாக போலீஸ் அதிகாரி சின்மய் பிஸ்வால் கூறினார். 
 

]]>
http://www.dinamani.com/all-editions/edition-new-delhi/2018/mar/05/திருட்டை-தடுக்க-முயன்ற-இளைஞர்-கொலை-மூவர்-கைது-2874373.html
2874372 அனைத்துப் பதிப்புகள் புதுதில்லி குழந்தைகள் பராமரிப்பு நிறுவனங்களில் ஆய்வு நடத்த  6 பேர் குழு DIN DIN Monday, March 5, 2018 12:26 AM +0530 தில்லியில் உள்ள குழந்தைகள் பராமரிப்பு நிறுவனங்களில் ஆய்வு நடத்தி, குழந்தைகளிடம் கருத்துகளைக் கேட்டறிவதற்காக 6 பேர் கொண்ட  குழுவை தில்லி அரசு அமைத்துள்ளது.
இதுகுறித்து தில்லி அரசின் மகளிர்,  குழந்தைகள் மேம்பாட்டுத் துறையின் உயர் அதிகாரி கூறியதாவது:
குழந்தை பராமரிப்பு நிறுவனங்களில் ஆய்வு நடத்துவதற்காக மகளிர் மேம்பாட்டு துறையின் சார்பில் 6 பேர் கொண்ட குழு அமைக்கப்பட்டுள்ளது. இக் குழு மூன்று மாதங்களுக்கு ஒருமுறை சம்பந்தப்பட்ட குழந்தைகள் பராமரிப்பு நிறுவனங்களில் ஆய்வு நடத்தி அதன் அறிக்கையை மாவட்ட குழந்தைகள் பாதுகாப்புப் பிரிவிடமோ அல்லது மாநில அரசிடமோ மேல்நடவடிக்கைக்காக அளிக்கும்.
ஆய்வின்போது குழந்தைகளுக்கான வசதிகள் சம்பந்தப்பட்ட பராமரிப்பு நிறுவனத்தில் ஏற்படுத்தப்பட்டிருக்கிறதா என்று கவனிக்கப்படும்.  மேலும்,  குழுவின் உறுப்பினர்கள் தங்களது ஆய்வின்போது குழந்தைகளிடம் கலந்துரையாடி நிறை, குறைகளைக் கேட்டறிவர். 
இக்குழுவானது மகளிர், குழந்தைகள் மேம்பாட்டு இயக்குநர் மற்றும் மாநில குழந்தைகள் பாதுகாப்பு சங்கத்தின் செயலர்-உறுப்பினர் தலைமையின்கீழ் ஏற்படுத்தப்பட்டுள்ளது. இந்த 6 பேர் கொண்ட குழு தவிர,  10 மாவட்ட  ஆய்வுக் குழுக்களையும் மகளிர், குழந்தைகள் மேம்பாட்டு துறை அமைத்துள்ளது  என்று அந்த அதிகாரி கூறினார். 

]]>
http://www.dinamani.com/all-editions/edition-new-delhi/2018/mar/05/குழந்தைகள்-பராமரிப்பு-நிறுவனங்களில்-ஆய்வு-நடத்த--6-பேர்-குழு-2874372.html
2874370 அனைத்துப் பதிப்புகள் புதுதில்லி எய்ம்ஸ் ஆய்வகத்துக்கு செவிலியரின் பெயர்! மருத்துவ அலட்சியத்தால் இறந்தவர் DIN DIN Monday, March 5, 2018 12:26 AM +0530 தில்லியில் அகில இந்திய மருத்துவ அறிவியல் மருத்துவமனையில் (எய்ம்ஸ்)  அண்மையில் திறக்கப்பட்ட நுரையீரல் பரிசோதனை ஆய்வகத்திற்கு, மருத்துவ அலட்சியத்தால் உயிரிழந்த செவிலியரின் பெயர் சூட்டப்பட்டுள்ளது.
தில்லியில் உள்ள எம்ய்ம்ஸ் மருத்துவமனையின் நுரையீரல் பரிசோதனைப் பிரிவில் செவிலியராகப் பணியாற்றி வந்தவர் ராஜ்பீர் கௌர்.  கர்ப்பிணியாக இருந்த இவர் இந்த மருத்துவமனையில் ஜனவரி 16-ஆம் தேதி பிரசவத்திற்காக சேர்க்கப்பட்டார்.  உடல் ரீதியாக சில பிரச்னைகள் ஏற்படவே,  அவருக்கு  பிரசவத்திற்கானஅறுவைச் சிகிச்சை செய்ய மருத்துவர்கள் முடிவு செய்தனர்.  எனினும், இச்சிகிச்சைக்குப் பிறகு குழந்தை இறந்துவிட்டது.  தீவிர சிகிச்சையில் இருந்து வந்த ராஜ்பீர் கௌரும் உயிரிழந்தார்.
அவருக்கு உரிய சிகிச்சை அளிக்கப்படவில்லை என்றும்,  மருத்துவ அலட்சியத்தால்தான் அவர் உயிரிழந்ததாகவும் கூறி எய்ம்ஸ் மருத்துவமனை செலிவியர்கள் சங்கத்தினர் ஆர்ப்பாட்டத்தில் ஈடுபட்டனர்.
இதைத் தொடர்ந்து,  சில மருத்துவர்கள் பணியிடை நீக்கம் செய்யப்பட்டனர். இது தொடர்பாக விசாரணை நடத்த எய்ம்ஸ் நிர்வாகம் உத்தரவிட்டது. விசாரணையின்போது, செவிலியர் ராஜ்பீர் கௌருக்கு அறுவைச் சிகிச்சை அளிக்கப்பட்ட  பிரிவில் மயக்க மருந்து நிபுணர் இல்லாமல் இருந்தது தெரியவந்தது. மேலும்,  சிசேரியன் மருத்துவ சிகிச்சை முறையில் அனுபவம் இல்லாத இளநிலை மருத்துவர் அந்த சிகிச்சையைச் செய்திருப்பதும் தெரியவந்தது. 
இந்நிலையில்,  கடந்த பிப்ரவரி மாதம் திறக்கப்பட்ட எய்ம்ஸ் மருத்துவமனையின் நுரையீரல் பரிசோதனை ஆய்வகத்திற்கு மருத்துவ அலட்சியத்தால் உயிரிழந்த ராஜ்பீர் கௌரின் பெயர் சூட்டப்பட்டுள்ளதாக எய்ம்ஸ் மருத்துவமனையின் அதிகாரி ஒருவர் தெரிவித்தார். இதுகுறித்து அவர் கூறுகையில், "மறைந்த செவிலியர் ராஜ்பீர் கௌர் எய்ம்ஸ் மருத்துவமனையின் செலிவியர்கள், மருத்துவர்கள் மத்தியில் நன்கு அறியப்பட்டவர். இதனால்தான் அவரது பெயரை சூட்டுவதற்கு முடிவு செய்யப்பட்டது' என்றார். 
ராஜ்பீர் கௌரின் பெயரை இந்த ஆய்வகத்திற்கு சூட்ட வேண்டும் என்று எய்ம்ஸ் மருத்துவமனையின் செவிலியர் அமைப்பு அதன் நிர்வாகத்திற்கு கடிதம் எழுதியிருந்தது குறிப்பிடத்தக்கது.

]]>
http://www.dinamani.com/all-editions/edition-new-delhi/2018/mar/05/எய்ம்ஸ்-ஆய்வகத்துக்கு-செவிலியரின்-பெயர்-மருத்துவ-அலட்சியத்தால்-இறந்தவர்-2874370.html
2874369 அனைத்துப் பதிப்புகள் புதுதில்லி கொலை முயற்சி வழக்கில்  இளைஞருக்கு 5 ஆண்டு சிறை DIN DIN Monday, March 5, 2018 12:26 AM +0530 தகராறை சமாதானப்படுத்த முயன்ற நண்பரைக் கத்தியால் குத்தி கொலை செய்ய முயன்ற வழக்கில் இளைஞருக்கு 5 ஆண்டு கடுங்காவல்  சிறைத் தண்டனை விதித்து தில்லி நீதிமன்றம் தீர்ப்பளித்தது.
இதுகுறித்த வழக்கு விவரம் வருமாறு:
தில்லி சங்கம் விஹார் பகுதியைச் சேர்ந்தவர் மணீஷ்.  இவரது நண்பர் மனோஜ்.  2015,  ஜூலை 16-ஆம் தேதி சங்கம் விஹார் பகுதியில் நண்பர்கள் சிலர் மத்தியில் தகராறு ஏற்பட்டது. இப்பிரச்னையில் சமாதானம் செய்து வைக்க மணீஷ் என்ற நண்பர் முயன்றார்.  அப்போது, அவரை மனோஜ் கத்தியால் குத்தியதாக கூறப்படுகிறது. இதில், மணீஷ் உடலில் ஆழமான காயம் ஏற்பட்டது.
இது தொடர்பாக போலீஸில் புகார் அளிக்கப்பட்டது.  இதையடுத்து,  மனோஜ் மீது கொலை முயற்சி வழக்குப் பதிவு செய்யப்பட்டது. இந்த வழக்கு தில்லி மாவட்ட மற்றும் செஷன்ஸ் நீதிமன்றத்தில் நடைபெற்று வந்தது. விசாரணையின்போது  நீதிமன்றத்தில் ஆஜரான மனோஜ்,  "நான் குற்றத்தில் ஏதும் ஈடுபடவில்லை. என் மீது பொய் வழக்குப் போடப்பட்டுள்ளது. 
இதனால், என்னை வழக்கில் இருந்து விடுவிக்க வேண்டும்' என்று முறையிட்டார்.
இந்த வழக்கில் இரு தரப்பு  வாதங்களுக்குப் பிறகு தில்லி மாவட்ட கூடுதல் செஷன்ஸ்  நீதிமன்ற நீதிபதி ஆஷா மேனன் பிறப்பித்த உத்தரவு:
இந்த வழக்கில் குற்றம்சாட்டப்பட்டவர் (மனோஜ்) மீதான குற்றம் சந்தேகத்திற்கு இடமின்றி நிரூபிக்கப்பட்டுள்ளது.  அவர் பாதிக்கப்பட்டவர் மீது பிரயோகித்த கத்தியின் வீச்சு கொலையை ஏற்படுத்தும் அளவுக்கு மிகவும் ஆழமாகப் பதிந்திருந்ததும் விசாரணையில் தெரியவந்துள்ளது.  
குற்றம் சந்தேகத்திற்கு இடமின்றி ஆதாரங்கள் மூலம் நிரூபிக்கப்பட்டுள்ளதால்,  குற்றம்சாட்டப்பட்ட மனோஜிற்கு 5 ஆண்டுகள் கடுங்காவல் சிறைத் தண்டனையும், ரூ. 10 ஆயிரம் அபராதமும் விதிக்கப்படுகிறது.  
பாதிக்கப்பட்டவருக்கு உரிய இழப்பீடு வழங்க தில்லி சட்டப் பணிகள் ஆணையம் (தெற்கு) நடவடிக்கை எடுக்க உத்தரவிடப்படுகிறது' என்று நீதிபதி தீர்ப்பில் குறிப்பிட்டார்.
இத்தீர்ப்புக்குப் பிறகு நீதிபதியிடம்  மனோஜ், "நான் மிகவும் ஏழைக் குடும்பத்தைச் சேர்ந்தவன். எனது குடும்பம் எனது வருமானத்தைச் சார்ந்துள்ளது. இதைக் கருத்தில் கொண்டு எனக்கு கருணை வழங்க வேண்டும்' என்று முறையிட்டார். 
இதை ஏற்க மறுத்த நீதிபதி, "இந்த வழக்கில் காயமடைந்து பாதிக்கப்பட்ட  நபரும் ஏழைதான்.  இதனால்,  குற்றம்சாட்டப்பட்டவர் 5 ஆண்டு கடுங்காவல் தண்டனையை அனுபவிக்க வேண்டும்' என்று உத்தரவிட்டார்.

]]>
http://www.dinamani.com/all-editions/edition-new-delhi/2018/mar/05/கொலை-முயற்சி-வழக்கில்--இளைஞருக்கு-5-ஆண்டு-சிறை-2874369.html
2874368 அனைத்துப் பதிப்புகள் புதுதில்லி தில்லியில்  வெப்பம் அதிகரிக்கும்: வானிலை மையம் DIN DIN Monday, March 5, 2018 12:25 AM +0530 தலைநகர் தில்லியில் அடுத்த 2 நாள்களில் வெப்பம் அதிகரிக்கும் என்று வானிலை மையம் தெரிவித்துள்ளது.
இதுதொடர்பாக வானிலை மைய அதிகாரிகள் கூறியதாவது:
தில்லியில் ஞாயிற்றுக்கிழமை அதிகபட்ச வெப்பநிலை 31.7 டிகிரி செல்சியஸைத் தொட்டது. இது, நிகழ் பருவத்தின் சராசரி அதிகபட்ச வெப்பநிலையை விட 5 டிகிரி அதிகமாகும். குறைந்தபட்ச வெப்பநிலை 17.3 டிகிரி செல்சியஸாகப் பதிவானது. இது, சராசரி குறைந்தப்பட்ச வெப்பநிலையை விட 4 டிகிரி அதிகமாகும்.
திங்கள்கிழமையை பொருத்தவரை, வானம் தெளிவாகக் காணப்படும். அதிகபட்ச,  குறைந்தபட்ச வெப்பநிலையை பொருத்தவரை, 31, 16 டிகிரி செல்சியஸ்களாகப் பதிவாக வாய்ப்புள்ளது. அடுத்த இரு தினங்களில் அதிகபட்ச வெப்பநிலை 33 டிகிரியைத் தொடும் என எதிர்பார்க்கிறோம் என்று அந்த அதிகாரிகள் தெரிவித்தனர்.

]]>
http://www.dinamani.com/all-editions/edition-new-delhi/2018/mar/05/தில்லியில்--வெப்பம்-அதிகரிக்கும்-வானிலை-மையம்-2874368.html
2874367 அனைத்துப் பதிப்புகள் புதுதில்லி இளம்பெண் தற்கொலை: ஒருவர் கைது DIN DIN Monday, March 5, 2018 12:25 AM +0530 தில்லியில் இளம்பெண் தற்கொலை தொடர்பாக அவரது காதலரின் நண்பரை போலீஸார் சனிக்கிழமை கைது செய்தனர்.
புறநகர் தில்லியைச் சேர்ந்த 24 வயது இளம்பெண் ஒருவருக்கும், ராணுவத்தில் பணியாற்றி வரும் வீரர் ஒருவருக்கும் முகநூல் மூலம் காதல் மலர்ந்தது. இந்நிலையில்,  அப்பெண்ணை திருமணம் செய்துகொள்வதாக ஆசை வார்த்தை கூறிய ராணுவ வீரர், தன்னுடன் உறவு வைத்துக் கொள்ளுமாறு கேட்டுள்ளார். 
இந்நிலையில், திருமண நிகழ்ச்சியொன்றில் பங்கேற்பதற்காக தில்லி அருகே உள்ள ஹல்த்வனிக்கு அந்த பெண் கடந்த மாதம் சென்றார். அங்கு தனது காதலரைச் சந்தித்தார். அப்போது,  இருவரும் உறவு வைத்துக் கொண்டதாக கூறப்படுகிறது. பின்னர், அந்தப் பெண்ணை அவர் திருமணம் செய்ய மறுத்துவிட்டார். இதனால், மன விரக்தியடைந்த அந்தப் பெண்,  சம்பவத்தன்று புறநகர் தில்லியில் உள்ள தனது சகோதரி வீட்டுக்குச் சென்றார். அங்கு ஒரு அறையில் தூக்கிட்டுத் தற்கொலை செய்துகொண்டார். 
போலீஸார் சம்பவ இடத்தில் விசாரணை மேற்கொண்டனர். அப்போது,  இறந்த பெண்ணின் உடல் அருகே ஒரு கடிதத்தை மீட்டனர். அதில்,  இளம்பெண்ணின் சாவுக்கு காதலரான ராணுவ வீரரும் அவரது நண்பரும் தான் காரணம் என எழுதப்பட்டிருந்தது. இதையடுத்து, ராணுவ வீரரின் நண்பர் சனிக்கிழமை கைது செய்யப்பட்டார்.  இது தொடர்பாக விசாரணை நடைபெற்று வருவதாக போலீஸார் தெரிவித்தனர்.

]]>
http://www.dinamani.com/all-editions/edition-new-delhi/2018/mar/05/இளம்பெண்-தற்கொலை-ஒருவர்-கைது-2874367.html
2874366 அனைத்துப் பதிப்புகள் புதுதில்லி "தில்லியில் 4 லட்சம் போலி குடும்ப அட்டைகள்' DIN DIN Monday, March 5, 2018 12:25 AM +0530 தில்லியில் சுமார் 4 லட்சத்துக்கும் அதிகமான போலி குடும்ப அட்டைகள் புழக்கத்தில் உள்ளன;  அவற்றைக் கட்டுப்படுத்த தில்லி அரசு விரைந்து நடவடிக்கை எடுக்க வேண்டும் என தில்லி சட்டப்பேரவை எதிர்க்கட்சித் தலைவர் விஜேந்தர் குப்தா ஞாயிற்றுக்கிழமை வலியுறுத்தினார்.
இதுதொடர்பாக செய்தியாளர்களிடம் அவர் கூறியதாவது:  தில்லியில் ரேசன் மாஃபியா மிகப் பலமாக இயங்கி வருகிறது. இந்த ரேசன் மாஃபியா கும்பல் சுமார் 4 லட்சம் அளவிலான போலி குடும்ப அட்டைகளைப் புழக்கத்தில் விட்டுள்ளது. 
ரேசன் மாஃபியா தொடர்பான தகவல்களை தில்லி அரசு வைத்திருந்தும் அவர்களைக் கட்டுப்படுத்துவதற்கு எவ்விதமான முயற்சிகளும் எடுக்கப்படவில்லை. ரேசன் பொருள்களை விநியோகிப்பது தொடர்பாக தில்லி அரசிடம் தெளிவான செயல் திட்டம் இல்லை. இதனால்தான் ரேசன் மாஃபியா பலமடைந்துள்ளது. 
நிகழாண்டு ஜனவரியில் குடும்ப அட்டைகள் ஆதார் எண்ணுடன் இணைக்கப்பட்டன. இந்த நடவடிக்கை எடுக்கப்பட்டதில் இருந்து இதுவரை சுமார் 4 லட்சம் குடும்ப அட்டைகள் பயன்படுத்தப்படாமல் உள்ளதாக புள்ளிவிவரங்கள் கூறுகின்றன. இந்த அட்டைகள் ரேசன் மாஃபியாவால் புழக்கத்தில் விடப்பட்ட போலி அட்டைகளாகும். இவை போலி அட்டைகள் எனத் தெளிவாகத் தெரிந்த பிறகும் தில்லி அரசு அது தொடர்பாக எவ்விதமான நடவடிக்கையிலும் ஈடுபடவில்லை என்றார் விஜேந்தர் குப்தா.
 

]]>
http://www.dinamani.com/all-editions/edition-new-delhi/2018/mar/05/தில்லியில்-4-லட்சம்-போலி-குடும்ப-அட்டைகள்-2874366.html
2874364 அனைத்துப் பதிப்புகள் புதுதில்லி கொடுமைப்படுத்தும் மனைவியிடமிருந்து கணவருக்கு விவாகரத்து: உயர் நீதிமன்றம் அதிரடி DIN DIN Monday, March 5, 2018 12:24 AM +0530 கொடுமைப்படுத்தும் நோக்கில் நடந்துகொண்ட மனைவியிடமிருந்து கணவருக்கு விவகாரத்து வழங்கிய  குடும்ப நல நீதிமன்றத்தின் உத்தரவை தில்லி உயர் நீதிமன்றம்  உறுதிசெய்து உத்தரவிட்டது.
இது குறித்த வழக்கு விவரம் வருமாறு:  தில்லியைச் சேர்ந்த தம்பதிக்கு ஜூலை, 2008-ஆம் ஆண்டில் திருமணம் நடைபெற்றது.  மார்ச்,  2010-இல் மகன் பிறந்தார். இந்நிலையில்,  தம்பதியருக்கு இடையே கருத்து வேறுபாடு ஏற்பட்டு பிரிந்து வாழ்ந்து வந்தனர்.
இதனிடையே,  தன்னுடைய மனைவி தன்னையும், தனது குடும்ப உறுப்பினர்களையும் மனரீதியாக கொடுமைப்படுவதாகவும், தற்கொலை செய்துகொள்வதாக  கூறி மிரட்டி வருவதாகவும், இதனால் அவரிடமிருந்து தனக்கு விவகாரத்து பெற அனுமதிக்க வேண்டும் என்று குடும்ப நல நீதிமன்றத்தில் கணவர் தரப்பில் மனு தாக்கல் செய்யப்பட்டது. 
இதற்கு மனைவி தரப்பில் நீதிமன்றத்தில் பதில் மனு தாக்கல் செய்யப்பட்டது. அதில், கணவர் அவரது மைத்துனியுடன் (அண்ணன் மனைவி) கள்ள உறவு வைத்திருப்பதாகவும்,  இதற்கு தாம் எதிர்ப்புத் தெரிவித்ததால் தன்னை ஒழித்துக் கட்ட கணவரும், அவரது குடும்பத்தினரும் திட்டமிடுவதாகவும் கூறியிருந்தார்.
இரு தரப்பு வாதங்களைக் கேட்டறிந்த குடும்ப நல நீதிமன்றம் கடந்த ஆண்டு அக்போடரில் இந்த வழக்கில் கணவரின் விவாகரத்து கோரும் மனுவை அனுமதித்து உத்தரவிட்டது.  இதை எதிர்த்து தில்லி உயர் நீதிமன்றத்தில் மனைவி மேல்முறையீடு மனு தாக்கல் செய்தார்.  அந்த மனுவை விசாரித்த தில்லி உயர் நீதிமன்ற நீதிபதிகள் சித்தார்த் மிருதுள்,  தீபா சர்மா ஆகியோர் அடங்கிய அமர்வு மனுதாரரிடமிருந்து (மனைவி) கணவருக்கு விவாகரத்து வழங்கி அனுமதித்த குடும்ப நல நீதிமன்றத்தின் உத்தரவை உறுதி செய்தது. 
மேலும், நீதிபதிகள் அமர்வு கூறியதாவது:  மைத்துனியுடன் கள்ள உறவு வைத்திருப்பதாக சுமத்திய பொய்க் குற்றச்சாட்டுகளால் கணவருக்கு மனவேதனையும், துன்பமும் இழைக்கப்பட்டுள்ளது. மேலும்,  தாம் தற்கொலை செய்துகொள்ளப்போவதாக மனைவி மிரட்டியதால் அவருடன் வாழ்வதற்கான அச்சமும் கணவருக்கு ஏற்பட்டுள்ளது.  இதைக் கருத்தில் கொண்டுதான் மனுதாரரிடமிருந்து (மனைவி) கணவருக்கு விவாகரத்தை குடும்ப நல நீதிமன்றம் அனுமதித்து உத்தரவிட்டுள்ளதாக அறிகிறோம்.  மேலும்,  பொய்யான குற்றச்சாட்டுகளை சுமத்தியதால் கணவருக்கும்,  அவரது மைத்துனிக்கும் மனவேதனையும்,  துயரமும் ஏற்பட்டிருப்பதாக கருதுகிறோம்.  இதுபோன்ற குற்றச்சாட்டுகள் கணவன்-மனைவி உறவில் விரிசலை ஏற்படுத்தும்.  
மேலும்,  மனைவி தற்கொலை செய்யப்போவதாக மிரட்டும்போது அவருடன் வாழ்வதற்கு கணவருக்கும் அச்சம் ஏற்படத்தான் செய்யும்.  மேலும்,  கள்ள உறவு வைத்திருப்பதாக சுமத்தப்படும் குற்றச்சாட்டை நிரூபிக்க போதிய ஆதாரங்கள் இல்லாமல் இருப்பது,  கணவரைக் கொடுமைப்படுத்தும் நோக்கில் மனைவி செயல்பட்டிருப்பதாக நீதிமன்றம் கருதுகிறது.  இதனால்,  குடும்ப நல நீதிமன்றத்தின் உத்தரவை உறுதி செய்து மனுதாரரின் (மனைவி)  மேல்முறையீட்டு மனுவைத் தள்ளுபடி செய்கிறோம்' என்று நீதிபதிகள் உத்தரவில் குறிப்பிட்டுள்ளனர். 

]]>
http://www.dinamani.com/all-editions/edition-new-delhi/2018/mar/05/கொடுமைப்படுத்தும்-மனைவியிடமிருந்து-கணவருக்கு-விவாகரத்து-உயர்-நீதிமன்றம்-அதிரடி-2874364.html
2874363 அனைத்துப் பதிப்புகள் புதுதில்லி எஸ்எஸ்சி தேர்வு முறைகேடு விவகாரத்தில் உரிய விசாரணை: மாணவர்களிடம் மத்திய அரசு உறுதி DIN DIN Monday, March 5, 2018 12:24 AM +0530 எஸ்எஸ்சி தேர்வில் முறைகேடு விவகாரத்தில் உரிய விசாரணை நடத்தப்படும் என மாணவர்களிடம் மத்திய அரசு உறுதியளித்துள்ளதாக தில்லி பாஜக தெரிவித்துள்ளது. 
அரசுப் பணியாளர் தேர்வாணையம் (எஸ்எஸ்சி) சார்பில் கடந்த பிப்ரவரி 21-ஆம் தேதி நடைபெற்ற ஒருங்கிணைந்த பட்டப்படிப்பு அளவிலான  தேர்வில் பெரிய அளவில் முறைகேடுகள் நடைபெற்றிருப்பதாகவும், அதுகுறித்து சிபிஜ விசாரணை நடத்த கோரியும் எஸ்எஸ்சி தலைமை அலுவலகம் அமைந்துள்ள தில்லி சிஜிஓ வளாகம் முன் கடந்த ஆறு நாள்களாக மாணவர்கள் போராட்டத்தில் ஈடுபட்டுள்ளனர்.  நாட்டின் பல்வேறு பகுதிகளிலும் இருந்து வந்த மாணவர்கள் இப்போராட்டத்தில் பங்கேற்றுள்ளனர்.
இதனிடையே,  போராட்டத்தில் ஈடுபட்டு வரும் மாணவர்களை சனிக்கிழமை சந்தித்த தில்லி பாஜக தலைவர் மனோஜ் திவாரி, இந்த விவகாரத்தை  சம்பந்தப்பட்ட துறை அமைச்சரின் கவனத்துக்கு கொண்டு சென்று நடவடிக்கை எடுக்க வலியுறுத்துவதாக  உறுதியளித்தார். 
அதன்படி,  போராட்டத்தில் ஈடுபட்டுள்ள மாணவர்கள் மத்திய உள்துறை அமைச்சர் ராஜ்நாத் சிங்கை ஞாயிற்றுக்கிழமை நேரில் சந்தித்துப் பேச மனோஜ் திவாரி ஏற்பாடு செய்தார்.  அப்போது, மனோஜ் திவாரியும்  உடனிருந்தார். 
இச்சந்திப்பு குறித்து தில்லி பாஜக தலைவர் மனோஜ் திவாரி கூறுகையில், "மாணவர்களின் குறைகளை உள்துறை அமைச்சர் ராஜ்நாத் சிங் கேட்டறிந்தார்.  மாணவர்களுக்கு அநீதி இழைக்கப்பட  மாட்டாது என்றும்,  இந்த விவகாரத்தில் உரிய விசாரணை நடத்தப்படும் எனவும் அமைச்சர் உறுதியளித்தார். மாணவர்களை எஸ்எஸ்சி தலைவரைச் சந்திக்குமாறும் அவர் ஆலோசனை வழங்கினார்' என்றார். 
இதைத் தொடர்ந்து,  எஸ்எஸ்சி தேர்வு ஆணையத் தலைவர் அஷிம் குரானாவை மாணவர்கள் குழு ஞாயிற்றுக்கிழமை பிற்பகல் சந்தித்துப் பேச்சுவார்த்தையில் ஈடுபட்டது.  அப்போது,  எஸ்எஸ்சி தேர்வில் முறைகேடு நடந்திருந்தால் அது தொடர்பாக மத்திய புலனாய்வுத் துறை  அல்லது அதற்கு இணையான  விசாரணை அமைப்பு விசாரணை நடத்துமாறு எஸ்எஸ்சி சார்பில் கோரிக்கை வைக்கப்படும் என்று அஷிம் குரானா மாணவர்களிடம் உறுதியளித்தார்.
முதல்வருடன் சந்திப்பு: இதனிடையே, தில்லி முதல்வர் அரவிந்த் கேஜரிவாலையும் மாணவர்கள் குழு ஞாயிற்றுக்கிழமை சந்தித்து, தங்களது கோரிக்கையை வலியுறுத்தியது.

போராட்டம் ஒத்திவைப்பா?
சிஜிஓ காம்ப்ளக்ஸ் பகுதியில் ஞாயிற்றுக்கிழமை போராட்டத்தில் ஈடுபட்டிருந்த மாணவர்களை, தில்லி பாஜக தலைவர் மனோஜ் திவாரி, புது தில்லி மக்களவைத் தொகுதி பாஜக உறுப்பினர் மீனாட்சி லேகி ஆகியோர் நேரில் சந்தித்து,  எஸ்எஸ்சி தேர்வு ஆணையத் தலைவரின் வாக்குறுதி குறித்து விளக்கமளித்தனர். அத்துடன், போராட்டத்தைத் தள்ளி வைக்குமாறும்  மாணவர்களிடம் கேட்டுக் கொண்டனர். பின்னர், மனோஜ் திவாரி கூறுகையில் "போராட்டத்தை ஒத்தி வைக்குமாறு மாணவர்களைக் கேட்டுக் கொண்டேன். அவர்கள் எனது கோரிக்கையை ஏற்றுக் கொண்டு போராட்டத்தை ஒத்திவைத்தனர்' என்றார்.

2-ஆவது நாளாக மூடல்
மாணவர்களின் போராட்டம் காரணமாக , சிஜிஓ வளாகம் அருகேயுள்ள ஜேஎல்என் மெட்ரோ ரயில் நிலையத்துக்கு வரும் பயணிகளுக்கு இடையூறு ஏற்படலாம் என்பதால், அந்த ரயில் நிலையத்தை தாற்காலிகமாக மூடுமாறு மெட்ரோ ரயில் நிர்வாகத்தை காவல்துறை கேட்டுக் கொண்டது. இதைத் தொடர்ந்து, ஜேஎல்என் மெட்ரோ ரயில் நிலையம் சனிக்கிழமை காலையில் மூடப்பட்டது. இந்நிலையில், ஞாயிற்றுக்கிழமையும் ரயில் நிலையம் மூடப்பட்டதாக மெட்ரோ ரயில் நிலைய அதிகாரிகள் தெரிவித்தனர்.

]]>
http://www.dinamani.com/all-editions/edition-new-delhi/2018/mar/05/எஸ்எஸ்சி-தேர்வு-முறைகேடு-விவகாரத்தில்-உரிய-விசாரணை-மாணவர்களிடம்-மத்திய-அரசு-உறுதி-2874363.html
2873971 அனைத்துப் பதிப்புகள் புதுதில்லி வடகிழக்கு மாநிலங்களில் பாஜக அபார வெற்றி: தில்லி தலைவர்கள் பாராட்டு DIN DIN Sunday, March 4, 2018 01:02 AM +0530 வடகிழக்கு மாநிலங்களில் பாஜக பெற்ற வெற்றியானது வரலாற்றுச் சிறப்புமிக்கதென பாஜகவின் தில்லி தலைவர்கள் பாராட்டு தெரிவித்துள்ளனர்.
மனோஜ் திவாரி: இது தொடர்பாக தில்லி பாஜக தலைவர் மனோஜ் திவாரி சனிக்கிழமை செய்தியாளர்களிடம் கூறியதாவது: திரிபுரா மற்றும் நாகலாந்தில் பாஜக பெற்ற வெற்றியின் மூலம் வடகிழக்கு மாநிலங்களுக்கும் இந்தியாவின் மற்றைய மாநிலங்களுக்கும் இடையே இருந்த வேறுபாடுகள் நீங்கியுள்ளன.
பிரதமர் மோடியின் மேம்பாட்டுத் திட்டங்களில் முழு நம்பிக்கை வைத்து வடகிழக்கு மாநில மக்கள் பாஜகவுக்கு வாக்களித்துள்ளனர். புனித பூமி எனப் பெருமையுடன் அழைக்கப்படும் திரிபுராவில் பாஜக பெற்ற பெரும் வெற்றி, பாஜக தொண்டர்களின் கடின உழைப்புக்குக் கிடைத்ததாகும்.
நாகலாந்து மக்கள் பாஜக மீது நம்பிக்கை வைத்துள்ளதை தேர்தல் முடிவுகள் காட்டுகின்றன. மேகாலயாவில் பாஜக தனது கணக்கைத் தொடக்கியுள்ளதைப் பாராட்ட வேண்டும் என்றார் அவர்.
விஜேந்தர் குப்தா: இடதுசாரிகளின் கோட்டையை பாஜக தகர்த்துள்ளதாக தில்லி சட்டப்பேரவை எதிர்க்கட்சித் தலைவர் விஜயேந்தர் குப்தா மகிழ்ச்சி தெரிவித்துள்ளார். இது தொடர்பாக அவர் மேலும் கூறியதாவது: சுமார் 25 ஆண்டுகளாக இடதுசாரிகளின் செங்கொடி பறந்த திரிபுராவில், இனி பாஜகவின் காவிக்கொடி பறக்கப் போகிறது. இந்த அபார வெற்றி பிரதமரின் மேம்பாட்டுத் திட்டங்களுக்குக் கிடைத்த வெற்றியாகும். இந்தியாவின் நலன்களுக்கு எதிரான கட்சிகளை வடகிழக்கு மாநில மக்கள் புறக்கணித்துள்ளனர். வடகிழக்கு மாநிலங்களில் பாஜகவுக்கு கிடைத்த வெற்றியை, அகண்ட பாரதக் கொள்கைக்கு கிடைத்த வெற்றியாகப் பார்க்க வேண்டும். வடகிழக்கு மாநிலங்களில் காவிக் கொடி பறக்க வேண்டும் என்ற ஒவ்வொரு பாஜக தொண்டனது கனவு நிறைவேற்றப்பட்டுள்ளது என்றார் அவர்.
உதித் ராஜ்: பிரதமர் மோடி, பாஜக கட்சித் தலைவர் அமித் ஷாவின் கடின உழைப்புக்குக் கிடைத்த வெற்றி இதுவென வடமேற்கு தில்லி நாடாளுமன்ற உறுப்பினர் உதித் ராஜ் கூறினார். இது தொடர்பாக அவர் மேலும் கூறுகையில் 'இரவுபகல் பாராது நாட்டு மக்களுக்காக பிரதமர் மோடி சேவை செய்து வருகிறார். அவரின் சேவைக்கு மக்கள் அளித்த பரிசுதான் இது. மேலும், பிரதமர் மோடி, பாஜக தலைவர் அமித் ஷாவின் கடின உழைப்புக்குக் கிடைத்த பெரும் வெற்றி இது' என்றார்.
மகேஷ் கிரி: கிழக்கு தில்லி நாடாளுமன்ற உறுப்பினர் மகேஷ் கிரி தனது சுட்டுரையில் ' பிரதமர் மோடி, அமித் ஷாவின் தலைமைக்குக் கிடைத்த மாபெரும் வெற்றி இது. வெற்றிக்காக உழைத்த தொண்டர்களுக்கு வாழ்த்துகள்' என தெரிவித்துள்ளார்.

 

]]>
http://www.dinamani.com/all-editions/edition-new-delhi/2018/mar/04/வடகிழக்கு-மாநிலங்களில்-பாஜக-அபார-வெற்றி-தில்லி-தலைவர்கள்-பாராட்டு-2873971.html
2873970 அனைத்துப் பதிப்புகள் புதுதில்லி தில்லி போக்குவரத்து நிறுவன அலுவலகங்களில் டெபிட் கார்ட் வசதி DIN DIN Sunday, March 4, 2018 01:01 AM +0530 தில்லி அரசின் போக்குவரத்து துறை அலுவலகங்களில் மார்ச் 7-ம் தேதி முதல் டெபிட் கார்டு மூலம் கட்டணங்களைச் செலுத்தும் வசதி தொடங்கப்பட உள்ளது.
இதன் மூலம் மோட்டார் வாகனப் பதிவு அலுவலங்களில் இனி ஆன் லைன் மூலம் வாகனப் பதிவு கட்டணங்களை டெபிட் கார்ட் மூலம் செலுத்தலாம்.
இதுதொடர்பாக தில்லி அரசு போக்குவரத்து துறையின் மூத்த அதிகாரி ஒருவர் சனிக்கிழமை கூறியதாவது:
தில்லி போக்குவரத்து நிறுவனங்களின் அனைத்து அலுவலங்களிலும் டெபிட் கார்ட் மூலம் கட்டணங்களைச் செலுத்தும் வசதி மார்ச் 7-ம் தேதி முதல் அமலுக்கு வருகிறது. இந்த வசதி நிதியமைச்சகம், ரிசர்வ் வங்கி, இந்திய ஸ்டேட் வங்கி ஆகியவற்றுடன் இணைந்து மேற்கொள்ளப்படுகிறது.
ஜனக்புரி, வசந்த் விஹார், மால் ரோடு, ஐ.பி. எஸ்டேட் ஆகிய பகுதிகளில் உள்ள மோட்டார் வாகனப் பதிவு அலுவலங்கள் மார்ச் 7-ம் தேதி முதல் முழுமையாக ஆன் லைன் சேவையின் கீழ் கொண்டு வரப்படும்.
அங்கு வாடிக்கையாளர்களிடம் இருந்து ஆன் லைன் மூலம் கட்டணம் வசூல் செய்து, அதற்கான குறுஞ்செய்தி அவர்களின் செல்லிடப்பேசிக்கு அனுப்பி வைக்கப்படும். இதேபோல் மண்டல அலுவலங்களில் வாகனப் பதிவு சான்றிதழ் மட்டும் அன் லைன் சேவையின் கீழ் கொண்டு வரப்பட்டுள்ளது.
கையெழுத்துகளில் மாற்றம் இருந்தால் மட்டும் சம்பந்தப்பட்ட நபர் நேரில் அழைக்கப்படுவார். போக்குவரத்து நிறுவனத்தில் அனைத்து செயல்பாடுகளும் கிட்டத்தட்ட ஆன் லைன் மயமாக்கப்பட்டுள்ளது. வாகன உரிமைச் சான்றிதழ் பெயர் மாற்றம் செய்யப்படும்போது மட்டும் சம்பந்தப்பட்ட நபர்கள் நேரில் ஆஜராகி கையெழுத்திட வேண்டும்.
அதுவும் தற்போது ஆன் லைன் சேவையின் கீழ் கொண்டு வரப்பட்டுள்ளது. சம்பந்தப்பட்டவர்கள் அவர்களின் கையெழுத்திட்ட ஆணவங்களை தபால் மூலம் அனுப்பி வைக்கலாம்.
போக்குவரத்து நிறுவனங்களின் செயல்பாடுகளில் வெளிப்படைத்தன்மையை ஏற்படுத்த இதுபோன்ற நடவடிக்கைகள் மேற்கொள்ளப்பட்டு வருகின்றன என்றார் அவர்.

 

]]>
http://www.dinamani.com/all-editions/edition-new-delhi/2018/mar/04/தில்லி-போக்குவரத்து-நிறுவன-அலுவலகங்களில்-டெபிட்-கார்ட்-வசதி-2873970.html
2873969 அனைத்துப் பதிப்புகள் புதுதில்லி கேஜரிவால் மன்னிப்பு கேட்கும் வரை போராட்டம் தொடரும்: தில்லி அரசு ஊழியர் நலச் சங்கம் திட்டவட்டம் DIN DIN Sunday, March 4, 2018 01:01 AM +0530 ஆம் ஆத்மி எம்எல்ஏக்களால் தில்லி தலைமைச் செயலர் தாக்கப்பட்ட விவகாரத்தில் முதல்வர் அரவிந்த் கேஜரிவால் மன்னிப்பு கேட்கும் வரை போராட்டம் தொடரும் என்று தில்லி அரசு ஊழியர் நலச் சங்கம் திட்டவட்டமாக தெரிவித்தது.
தில்லிஅரசின் தலைமைச் செயலர் அன்ஷு பிரகாஷ் மற்றும் அரசு ஊழியர்களின் கண்ணியத்தைக் காக்கத் தொடர்ந்து ஒருங்கிணைந்து போராடுவோம் என்றும் அந்தச் சங்கம் சனிக்கிழமை அறிவித்துள்ளது.
தில்லி அரசு ஊழியர் நலச் சங்கத்தின் தலைவர் தயானந்த் சிங் தலைமையில் அதன் நிர்வாகிகள் ஹோலிப் பண்டிகை நாளான வெள்ளிக்கிழமையன்று தில்லி முதல்வரை அவரது இல்லத்தில் சந்தித்துப் பேசினர். இது தில்லி அரசு அதிகாரிகள் வட்டாரத்தில் சலசலப்பை ஏற்படுத்தியது.
இதைத் தொடர்ந்து, தில்லி தலைமைச் செயலர் தாக்கப்பட்டதாகக் கூறப்படும் சம்பவத்துக்கு முதல்வர் மன்னிப்புக் கேட்கும் வரை அவருடன் எந்தக் கூட்டங்களிலும் பங்கேற்பதில்லை என்ற அரசு ஊழியர் நலச் சங்கத்தின் முந்தைய நிலைப்பாட்டில் இருந்து அவர்கள் விலகிவிட்டதாகவும் குற்றச்சாட்டு எழுந்தது.
இந்நிலையில், தில்லி அரசு ஊழியர் நலச் சங்கத்தின் செயலர் தீபக் பரத்வாஜ் சனிக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:
தில்லி அரசின் தலைமைச் செயலர் அன்ஷு பிரகாஷ் தாக்கப்பட்ட விவகாரம் தொடர்பாக எங்களுடைய நிலைப்பாட்டில் எந்தவித மாற்றமும் இல்லை. அந்த விவகாரத்தில் முதல்வர் மன்னிப்புக் கேட்கும் வரை எங்களது போராட்டம் தொடரும். தில்லி தலைமைச் செயலர், தில்லி அரசு ஊழியர்கள் ஆகியோரின் கண்ணியத்தைக் காக்க தொடர்ந்து ஒருங்கிணைந்து போராடுவோம்' என்று கூறப்பட்டுள்ளது.
இந்நிலையில், முதல்வர் கேஜரிவாலின் தாயார் உடல்நலக் குறைவால் மருத்துவமனையில் அனுமதிக்கப்பட்டுள்ளார். முதல்வரும் காய்ச்சலால் பாதிக்கப்பட்டுள்ளார் என்ற செய்தி அறிந்தே அவரைச் சந்தித்தோம். இது முழுக்க முழுக்க தனிப்பட்ட முறையிலான சந்திப்பாகும். இந்தச் சந்திப்பால் நாங்கள் அடிபணிந்து போய்விட்டதாக அர்த்தமாகாது என தில்லி அரசு ஊழியர் நலச் சங்கத்தின் தலைவர் தயானந்த் சிங் சனிக்கிழமை தெரிவித்துள்ளார்.

 

]]>
http://www.dinamani.com/all-editions/edition-new-delhi/2018/mar/04/கேஜரிவால்-மன்னிப்பு-கேட்கும்-வரை-போராட்டம்-தொடரும்-தில்லி-அரசு-ஊழியர்-நலச்-சங்கம்-திட்டவட்டம்-2873969.html
2873968 அனைத்துப் பதிப்புகள் புதுதில்லி கேஜரிவால் பதவி விலக வேண்டும் DIN DIN Sunday, March 4, 2018 01:01 AM +0530 தில்லியில் நிலவும் குழப்ப நிலையை முடிவுக்குக் கொண்டுவரும் வகையில், முதல்வர் பதவியில் இருந்து அரவிந்த் கேஜரிவால் விலகி, தனது கட்சியில் உள்ள தகுதியான, குற்றப் பின்னணி இல்லாத சட்டப்பேரவை உறுப்பினர் ஒருவரை முதல்வராக நியமிக்க வேண்டும் எனத் தில்லி பாஜக தலைவர் மனோஜ் திவாரி கூறினார்.
இது தொடர்பாக செய்தியாளர்களிடம் மனோஜ் திவாரி சனிக்கிழமை கூறியதாவது: கேஜரிவாலின் ஆட்சியில் தில்லியில் சட்டம், ஒழுங்கு இல்லாத நிலை ஏற்பட்டுள்ளது. முதல்வரின் உத்தரவுப்படி அக்கட்சியின் எம்எல்ஏக்களால் அரசு அதிகாரிகள் தாக்கப்படுகின்றனர். நாட்டின் தலைநகரான தில்லியில் சட்டம், ஒழுங்கில்லாத காட்டாட்சி நடைபெறுவது அரசியல் சட்டத்துக்கே அவமானமாகும். முதல்வராக நீடிக்கும் தகுதியை கேஜரிவால் இழந்து விட்டார்.
தில்லியில் நிலவும் இந்த அரசியல் குழப்ப நிலையைத் தீர்க்க முதல்வர் பதவி விலகுவதுதான் ஒரே வழி. தன்னுடைய கட்சியைச் சேர்ந்த குற்றப் பின்னணி இல்லாத சட்டப்பேரவை உறுப்பினர் ஒருவரை அவர் முதல்வராக நியமிக்க வேண்டும் என்றார் அவர்.

 

]]>
http://www.dinamani.com/all-editions/edition-new-delhi/2018/mar/04/கேஜரிவால்-பதவி-விலக-வேண்டும்-2873968.html
2873966 அனைத்துப் பதிப்புகள் புதுதில்லி தில்லியில் ஸ்ரீ தியாகராஜர் இசை உலா DIN DIN Sunday, March 4, 2018 01:01 AM +0530 தியாகராஜா மியூசிக் ஃபெஸ்டிவல் டிரஸ்ட், தில்லி முத்தமிழ்ப் பேரவையுடன் இணைந்து 'தில்லியில் தியாகராஜா' என்ற தலைப்பிலான மூன்று நாள் இசை நிகழ்ச்சி, தில்லி தமிழ்ச் சங்கத்தில் நடத்தி வருகிறது.
வெள்ளிக்கிழமை நடைபெற்ற தொடக்க விழாவில் மாநிலங்களவை பாஜக உறுப்பினர் டாக்டர் சுப்பிரமணியன் சுவாமி தலைமை விருந்தினராகப் பங்கேற்றுப் பேசினார்.
அப்போது அவர் கூறுகையில், 'தியாகராஜர் சுவாமிகளின் இசைத் தொண்டை இன்றைய கர்நாடக இசைக் கலைஞர்கள் மிகுந்த சிரத்தையுடன் முன்னெடுத்துச் செல்வதன் மூலம் இந்து தர்மம் தலை நிமிர்ந்து தழைத்தோங்கி வருகிறது. தமிழ் மட்டுமே சம்ஸ்கிருதத்தின் சகோதர மொழி என்ற தகுதியைப் பெற்றது' என்றார்.
விழாவில் சென்னை புகைப்படக் கலைஞர் சுகுமாரனுக்கு வாழ்நாள் சாதனையாளர் விருது வழங்கப்பட்டது. இதைத் தொடர்ந்து செளம்யா குருச்சரண், அருணா சாய்ராம் குழுவினரின் கர்நாடக இசைக் கச்சேரிகள் நடைபெற்றன. இதில் ஆர். ஸ்ரீதர், ராகவேந்திர ராவ் (வயலின்), என். பத்மநாபன், வைத்தியநாதன் (மிருதங்கம்), என். ஹரிநாராயணன், கார்த்திக் (கடம்), பி. மனோகர்(கஞ்சிரா) ஆகியோர் பக்கவாத்தியம் வாசித்தனர்.
தில்லி தமிழ்ச் சங்கத்தின் தலைவர் இந்துபாலா, பொதுச் செயலாளர் இரா.முகுந்தன், முன்னாள் தலைவர் வி. பாலசுப்ரமணியன், மலைமந்திர் சுவாமிநாத சுவாமி சேவா சமாஜத்தின் தலைவர் எஸ். பட்டாபிராமன், தியாகராஜா மியூசிக் ஃபெஸ்டிவல் டிரஸ்ட் நிர்வாக அறங்காவலர் பி. சேஷாத்ரி, தில்லி முத்தமிழ்ப் பேரவைத் தலைவர் சரோஜா வைத்தியநாதன், செயலாளர் என். கண்ணன், கர்நாடக சங்கீத சபாவின் பொதுச் செயலாளர் ஆர். மகாதேவன், ஸ்ரீ வெங்கடேஸ்வரா மிஷன் அறங்காவலர் பெ. ராகவன் நாயுடு உள்ளிட்டோர் பங்கேற்றனர். தில்லி முத்தமிழ்பேரவை இணைப் பொருளாளர் ஆ. வெங்கடேசன் நன்றி உரையாற்றினார்.
நிகழ்ச்சியில், முன்னதாக அண்மையில் சித்தியடைந்த காஞ்சி ஸ்ரீ ஜெயேந்திர சரஸ்வதி சுவாமிகளுக்கு மெளன அஞ்சலி செலுத்தப்பட்டது.
நிகழ்ச்சியின் இரண்டாவது நாளான சனிக்கிழமை ராகவேந்திர பிரசாத்தின் வயலின் இசைக் கச்சேரி நடைபெற்றது. இதில் மனோகர் பாலச்சந்தர் (மிருதங்கம்) , பி. ஆதித்ய நாராயணன் (கஞ்சிரா) ஆகியோர் பக்கவாத்தியம் வாசித்தனர்.
இதைத் தொடர்ந்து அஸ்வத் நாராயணன் குழுவினரின் கர்நாடக இசைக் கச்சேரி நடைபெற்றது. இதில் அபூர்வா கிருஷ்ணா (வயலின்), மனோஜ் சிவா (மிருதங்கம்), சிவராமகிருஷ்ணன் (கடம்) ஆகியோர் பக்க வாத்தியம் வாசித்தனர். நிறைவாக குன்னக்குடி பாலமுரளி கிருஷ்ணா குழுவினரின் இசைக் கச்சேரி யும் நடைபெற்றது. இசைக் கலைஞர்களை தில்லி தமிழ் சங்கத்தின் பொதுச் செயலாளர் இரா. முகுந்தன், சென்னை விமான நிலைய அதிகாரி முருகேசன் ஆகியோர் கெளரவித்தனர்.
விழாவில் மூன்றாவது நாளான ஞாயிற்றுக்கிழமை பி. வெற்றிபூபதி குழுவினரின் கச்சேரியும், கே. காயத்ரி குழுவினர், பந்துல ரமா குழுவினரின் கர்நாடக இசைக் கச்சேரி நடைபெற உள்ளது.

 

]]>
http://www.dinamani.com/all-editions/edition-new-delhi/2018/mar/04/தில்லியில்-ஸ்ரீ-தியாகராஜர்-இசை-உலா-2873966.html
2873965 அனைத்துப் பதிப்புகள் புதுதில்லி நேதாஜி சுபாஷ் பூங்காவின் மறுசீரமைப்பு பணிகள் நிறைவு DIN DIN Sunday, March 4, 2018 01:00 AM +0530 பழைய தில்லியில் உள்ள பாரம்பரியமிக்க நேதாஜி சுபாஷ் பூங்காவின் மறுசீரமைப்புப் பணிகளை தில்லி மெட்ரோ ரயில் நிறுவனம் நிறைவு செய்துள்ளது. இதையடுத்து, இந்தப் பூங்காவை வடக்கு தில்லி மாநகராட்சியிடம் தில்லி மெட்ரோ ரயில் நிறுவனம் ஒப்படைக்க உள்ளது.
ஒய்லட் லைன் மெட்ரோ ரயில் தடத்தை கஷ்மீரி கேட் வரை விரிவாக்கம் செய்ய, 96-ஆண்டுகால பழைமையான நேதாஜி சுபாஷ் பூங்காவை தில்லி மெட்ரோ ரயில் நிறுவனம் எடுத்திருந்தது.
இதுகுறித்து தில்லி மெட்ரோ ரயில் நிறுவனத்தின் மூத்த அதிகாரி ஒருவர் கூறுகையில், 'சுபாஷ் பூங்காவில் தில்லி மெட்ரோ ரயில் நிறுவனம் மேற்கொண்டு வந்த மறுசீரமைப்புப் பணிகள் முடிவு பெற்றன. அங்கு இருந்த நேதாஜி சுபாஷ் சந்திர போஸின் சிலை, புல்வெளி, நடைபாதைகள் ஆகியவை மறுசீரமைக்கப்பட்டுள்ளன. இந்த பூங்காவை வடக்கு தில்லி மாநகராட்சி தனது கட்டுப்பாட்டில் எடுத்து பராமரிக்க வேண்டும் என்று கடிதம் எழுதப்பட்டுள்ளது. அதற்கான பதிலுக்காக காத்திருக்கிறோம்' என்றார்.
1922-ஆம் ஆண்டு அகில இந்திய ராஜா எட்வர்ட் நினைவின்பேரில், வேல்ஸ் நாட்டின் இளவரசர் இந்தப் பூங்காவைத் தொடக்கி வைத்தார்.
நாடு சுதந்திரம் பெற்ற பிறகு அங்கு இருந்து எட்வர்டின் சிலை அகற்றப்பட்டு, பெயர் மாற்றம் செய்யப்பட்டது. பின்னர் 1970-களில் சுதந்திர போராட்ட வீரர் நேதாஜியின் உருவச் சிலையை, அப்போதைய குடியரசு துணைத் தலைவர் பி.டி ஜாட்டி திறந்து வைத்திருந்தார்.
செங்கோட்டை, ஜாமா மசூதி அருகே சுமார் 5 ஏக்கர் நிலப்பரப்பில் உள்ள இந்தப் பூங்கா, ஒய்லட் லைன் மெட்ரோ விரிவாக்கப் பணிகளுக்காக பயன்படுத்தப்பட்டது. அப்பகுதியில் சுரங்கப்பாதையில் மெட்ரோ ரயில் தடம் அமைக்க பூங்காவில் இடம்பெற்றிருந்த சுதந்திர போராட்ட வீரர் நேதாஜி சுபாஷ் சந்திர போஸின் சிலை அகற்றப்பட்டது. தற்போது சீரமைப்பு செய்யப்பட்ட சுபாஷ் சந்திரபோஸின் சிலை மீண்டும் பூங்காவில் நிறுவப்பட்டுள்ளது.

 

]]>
http://www.dinamani.com/all-editions/edition-new-delhi/2018/mar/04/நேதாஜி-சுபாஷ்-பூங்காவின்-மறுசீரமைப்பு-பணிகள்-நிறைவு-2873965.html
2873963 அனைத்துப் பதிப்புகள் புதுதில்லி எய்ம்ஸ்: 2-ம் தளத்திலிருந்து மின்தூக்கி விழுந்து 5 பேர் காயம்: விசாரணைக்கு உத்தரவு DIN DIN Sunday, March 4, 2018 01:00 AM +0530 அகில இந்திய மருத்துவ அறிவியல் மருத்துவமனையில் (எய்ம்ஸ்) மின்தூக்கி (லிஃப்ட்) திடீரென இரண்டாவது தளத்திலிருந்து கீழே விழுந்ததில் 5 பேர் காயமடைந்தனர்.
இந்தச் சம்பவம் குறித்து விசாரணை நடத்த எய்ம்ஸ் இயக்குநர் உத்தரவிட்டுள்ளார். இதுகுறித்து எய்ம்ஸ் மருத்துவமனை விடுத்துள்ள செய்திக் குறிப்பில் தெரிவிக்கப்பட்டுள்ளதாவது:
எய்மஸ் மருத்துவமனை கண்காணிப்பாளர் அலுவலகம் அருகே உள்ள எண்: 17-வது மின்தூக்கியில் சனிக்கிழமை காலை 9.40-க்கு 20 பேர் சென்றுள்ளனர். மின்தூக்கியை இயக்குபவரும் உடன் இருந்துள்ளார். கீழ் தளத்தில் இருந்து இரண்டாம் தளத்துக்கு சென்ற மின்தூக்கி, அங்கு நிற்காமல் மீண்டும் கீழ் தளத்துக்கே வேகமாக திரும்பியது. கீழ் தளத்தில் அமைக்கப்பட்டிருக்கும் மின்தூக்கி ஸ்பிரிங்குகளின்மீது அது வேகமாக விழுந்தது. இதில், மின்தூக்கியில் இருந்து 20 பேரில் 5 பேருக்கு காயம் ஏற்பட்டது. அவர்கள் அவசர சிகிச்சைப் பிரிவுக்கு உடனடியாக கொண்டு செல்லப்பட்டு, சிகிச்சை அளிக்கப்பட்டது. தற்போது அவர்கள் நலமாக உள்ளனர்.
விபத்துக்குள்ளான மின்தூக்கி, ஆண்டுதோறும் பராமரிப்பு ஒப்பந்தத்தின் கீழ் செயல்பட்டு வருகிறது. பிப்ரவரி 27-ம் தேதிதான் அந்த மின்தூக்கியின் பராமரிப்புப் பணி நடைபெற்றது. ஆனால் 2-ம் தளத்தில் நிற்காமல் கீழே விழுந்தது எப்படி என்பது குறித்து தெரியவில்லை. இந்தச் சம்பவம் குறித்து விசாரணை நடத்த எய்ம்ஸ் மருத்துவமனை கண்காணிப்பாளர் தலைமையில் குழு அமைக்கப்பட்டுள்ளது' என்று தெரிவிக்கப்பட்டுள்ளது.
இந்த சம்பவம் குறித்து போலீஸார் கூறுகையில்,'இந்த விபத்து சனிக்கிழமை காலை 11 மணியளவில் நடந்துள்ளது. இதில், இரண்டு பேருக்கு எலும்பு முறிவு ஏற்பட்டுள்ளது.
இந்த விபத்தைத் தொடர்ந்து, பழுதுபார்ப்பு பணிக்காக அந்த மின்தூக்கியின் இயக்கம் நிறுத்தி வைக்கப்பட்டுள்ளது' என்று போலீஸார் தெரிவித்தனர்.

 

]]>
http://www.dinamani.com/all-editions/edition-new-delhi/2018/mar/04/எய்ம்ஸ்-2-ம்-தளத்திலிருந்து-மின்தூக்கி-விழுந்து-5-பேர்-காயம்-விசாரணைக்கு-உத்தரவு-2873963.html
2873962 அனைத்துப் பதிப்புகள் புதுதில்லி மாணவர்கள் போராட்டம்: ஜேஎல்என் மெட்ரோ ரயில் நிலையம் மூடல் DIN DIN Sunday, March 4, 2018 01:00 AM +0530 தில்லியில் உள்ள ஜவாஹர்லால் நேரு (ஜேஎல்என்) ஸ்டேடியம் மெட்ரோ ரயில் நிலையம் சனிக்கிழமை காலையில் மூடப்பட்டது. இந்த ரயில் நிலையத்தை ஒட்டியுள்ள சிஜிஓ காம்ப்ளக்ஸ் அருகே ஏராளமான மாணவர்கள் போராட்டம் நடத்தியதால் போலீஸாரின் வேண்டுகோளை ஏற்று இந்நடவடிக்கை எடுக்கப்பட்டதாக தில்லி மெட்ரோ ரயில் நிறுவனம் (டிஎம்ஆர்சி) தெரிவித்துள்ளது.
இது குறித்து காவல் துறை உயரதிகாரி கூறியதாவது: இந்த ரயில் நிலையம் தில்லி மெட்ரோ தொடர்பு அமைப்பில் கஷ்மீரி கேட் - எஸ்கார்ட்ஸ் முஜேசர் இடையேயான புளூ லைன் வழித்தடத்தில் அமைந்துள்ளது. இந்த ரயில் நிலையத்தையொட்டியுள்ள சிஜிஓ காம்ப்ளக்ஸ் பகுதியில் பணியாளர் தேர்வாணையத்தின் (எஸ்எஸ்சி) தலைமை அலுவலகம் அமைந்துள்ளது. இப்பகுதியில் நாட்டின் பல்வேறு பகுதிகளில் இருந்து வந்துள்ள ஏராளமான மாணவர்கள் கடந்த 5 நாள்களாகப் போராட்டத்தில் ஈடுபட்டுள்ளனர்.
இந்நிலையில், சிஜிஓ காம்ப்ளக்ஸ் அருகே சனிக்கிழமை காலையில் ஏராளமான மாணவர்கள் திரண்டனர். பிப்ரவரி 21-ஆம் தேதி நடைபெற்ற ஒருங்கிணைந்த பட்டப்படிப்பு நிலையிலான எஸ்எஸ்சி தேர்வில் முறைகேடுகள் நடைபெற்றுள்ளதாகவும் அது குறித்து சிபிஐ விசாரணை நடத்த வேண்டும் என்றும் கோரி மாணவர்கள் ஆர்ப்பாட்டத்தில் ஈடுபட்டனர். இந்த விவகாரம் தொடர்பாக எஸ்எஸ்சியின் தலைவைரையும் மாணவர்கள் சந்தித்துப் பேச்சுவார்த்தை நடத்தினர். ஆனால், எந்த உடன்பாடும் ஏற்படவில்லை.
இந்நிலையில், மாணவர்களின் போராட்டம் காரணமாக சனிக்கிழமை காலையில் காவல் துறையினர் டிஎம்ஆர்சியை அணுகி, சிஜிஓ காம்ப்ளக்ஸ் அருகே நடைபெறும் மாணவர்களின் ஆர்ப்பாட்டத்தையொட்டி, ஜேஎல்என் மெட்ரோ ரயில் நிலையத்தை மூட வேண்டும் என்று கேட்டுக் கொண்டனர். இதைத் தொடர்ந்து, ஜேஎல்என் மெட்ரோ ரயில் நிலையம் உடனடியாக மூடப்பட்டது. இதையடுத்து, மறு அறிவிப்பு வெளியாகும் வரையிலும் பொதுமக்கள் இந்த ரயில் நிலையத்தைப் பயன்படுத்த முடியாது. நிலைமையை போலீஸார் தீவிரமாகக் கண்காணித்து வருகின்றனர். இதுவரையிலும் மாணவர்களின் போராட்டம் அமைதியான முறையில் நடந்து வருகிறது என்றார் அந்த அதிகாரி.
மனோஜ் திவாரி சந்திப்பு: இதனிடையே, போராட்டத்தில் ஈடுபட்டு வரும் மாணவர்களை தில்லி பாஜக தலைவர் மனோஜ் திவாரி சனிக்கிழமை சந்தித்து ஆதரவு தெரிவித்தார்.
லோதி சாலையில் போராட்டத்தில் ஈடுபட்ட மாணவர்களுடன் சுமார் ஒரு மணி நேரம் பேசிய மனோஜ் திவாரி, இந்த விவகாரத்தை சம்பந்தப்பட்ட அமைச்சரிடம் கொண்டு சென்று நடவடிக்கை எடுக்க வலியுறுத்துவதாக உறுதியளித்தார்.
பல்வேறு மாநிலங்களைச் சேர்ந்த மாணவர்கள் ஒன்றுகூடி போராடி வருவதால், மனிதாபிமான அடிப்படையில் அவர்களைச் சந்தித்தாக மனோஜ் திவாரி தெரிவித்தார்.

 

]]>
http://www.dinamani.com/all-editions/edition-new-delhi/2018/mar/04/மாணவர்கள்-போராட்டம்-ஜேஎல்என்-மெட்ரோ-ரயில்-நிலையம்-மூடல்-2873962.html
2873961 அனைத்துப் பதிப்புகள் புதுதில்லி இரவு நேர குடிலில் தீ விபத்து: இளைஞர் சாவு DIN DIN Sunday, March 4, 2018 01:00 AM +0530 தில்லி கஷ்மீரி கேட் பகுதியில் உள்ள இரவு நேர குடிலில் தங்கியிருந்த வீடற்ற இளைஞர் ஒருவர் அங்கு ஏற்பட்ட தீ விபத்தில் உயிரிழந்தார்.
ஹோலி அன்று நடந்த இந்தச் சோக சம்பவம் குறித்து தீயணைப்புத் துறை உயரதிகாரி சனிக்கிழமை கூறியதாவது:
தில்லி கஷ்மீரி கேட் பகுதியில் யமுனா பஜாரில் அரசு சாராத தொண்டு நிறுவனம் சார்பில் அந்த இரவு நேரக் குடில் செயல்பட்டு வருகிறது.
இந்நிலையில், ஹோலி பண்டிகை அன்று காலை 11.15 மணியளவில் இந்த தீ விபத்து குறித்து தீயணைப்புத் துறைக்கு தகவல் தெரிவிக்கப்பட்டது.
இதைத் தொடர்ந்து, மூன்று தீயணைப்பு வாகனங்களுடன் வீரர்கள் அனுப்பிவைக்கப்பட்டனர். சுமார் அரை மணி நேரத்துக்கும் மேல் போராடி தீ அணைக்கப்பட்டது. இந்த விபத்தில் இடிபாடுகளை அகற்றும்போது 25 வயது மதிக்கத்தக்க இளைஞர் ஒருவரின் சடலம் மீட்கப்பட்டது.
அவரது சடலம் கைப்பற்றப்பட்டு பிரேதப் பரிசோதனைக்கு அனுப்பிவைக்கப்பட்டுள்ளது. மின்சாரக் கசிவு காரணமாக இந்த தீவிபத்து ஏற்பட்டதாக முதல் கட்ட விசாரணையில் தெரிய வந்துள்ளது.
மேலும் விசாரணை தொடர்ந்து நடைபெற்று வருகிறது என்று அந்த அதிகாரி தெரிவித்தார்.

 

]]>
http://www.dinamani.com/all-editions/edition-new-delhi/2018/mar/04/இரவு-நேர-குடிலில்-தீ-விபத்து-இளைஞர்-சாவு-2873961.html
2873960 அனைத்துப் பதிப்புகள் புதுதில்லி உலக வனவாழ்வு தினம் கொண்டாட்டம் DIN DIN Sunday, March 4, 2018 12:59 AM +0530 தில்லியில் உள்ள தேசிய உயிரியல் பூங்காவில் உலக வானவாழ்வு தினம் -2018 சனிக்கிழமை கொண்டாடப்பட்டது.
உலகத்தில் அழிந்து வரும் விலங்குகளான புலி, சிங்கம், ஜாக்குவார், சிறுத்தை ஆகியவற்றைப்
பாதுகாக்க வலியுறுத்தும் விழிப்புணர்வு நிகழ்ச்சிகளும் நடத்தப்பட்டன.
இதில், விலங்குகளை எப்படி பாதுகாக்க வேண்டும் என்பது தொடர்பான திரைப்படமும், உரைகளும் நிகழ்த்தப்பட்டன.
இதுகுறித்து தில்லி உயிரியல் பூங்காவின் இயக்குநர் ரேணு சிங் கூறுகையில், 'வன உயிரினங்கள் குறித்து மக்களிடையே விழிப்புணர்வு ஏற்படுத்தும் பணியில் தில்லி உயிரியல் பூங்கா தொடர்ந்து செயல்பட்டு வருகிறது. உலக வனவாழ்வு தினத்தில் பார்வையாளர்களை உற்சாகப்படுத்துவதுடன், விழிப்புணர்வு ஏற்படுத்தும் தினமாகவும் திகழ்கிறது.
தில்லி உயிரியல் பூங்காவில் வைக்கப்பட்டிருந்த புலி, சிங்கம், ஜாக்குவார், சிறுத்தை ஆகியவற்றின் பெரிய புகைப்படங்களுடன் பள்ளி மாணவர்கள் செல்ஃபிகளை எடுத்தும், ராக்கிகளை கட்டியும் மகிழ்ந்தனர்.
வாழ்விடம் மாற்றம், பருவநிலை மாற்றம், கொல்லப்படுதல் ஆகிய காரணங்களால் புலி, சிங்கம், ஜாக்குவார், சிறுத்தை ஆகியவற்றின் எண்ணிக்கை விரைவாக குறைந்து வருகிறது என்றார் அவர்.

 

]]>
http://www.dinamani.com/all-editions/edition-new-delhi/2018/mar/04/உலக-வனவாழ்வு-தினம்-கொண்டாட்டம்-2873960.html
2872622 அனைத்துப் பதிப்புகள் புதுதில்லி மயூர் விஹார் விநாயகர் கோயிலில் ரிக்வேத ஸம்ஹிதா ஹோமம் DIN DIN Friday, March 2, 2018 02:34 AM +0530 தில்லி மயூர் விஹார் ஃபேஸ் 3-இல் உள்ள ஸ்ரீஇஷ்ட சித்தி விநாயகர் கோயிலில் ஸ்ரீப்ரசன்ன மஹா கணபதி வேத சம்ரஷ்ண சபாவும், ஸ்ரீ ஆதி சங்கர சேவா சமாஜமும் இணைந்து உலக நன்மைக்காகவும், பக்தர்களின் உடல் நலத்திற்காகவும் ரிக்வேத ஸம்ஹிதா ஹோமத்தை நடத்தின. பிப்ரவரி 18-ஆம் தேதி முதல் பிப்ரவரி 27-ஆம் தேதி வரை இந்த ஹோமம் நடைபெற்றது.
இதையொட்டி, தினமும் காலை 7 மணி முதல் நண்பகல் 12.30 மணி வரை நீலகண்ட சாஸ்திரிகள் வழிகாட்டுதலிலும், உதனேஸ்வர பட் கனபாடிகள், ராமச்சந்திர கனபாடிகள், பிரசன்ன கனபாடிகள், மணிகண்ட கனபாடிகள், வெங்கடாசலம் ஆகியோர் ரிக்வேத ஸம்ஹிதா ஹோமத்தை நடத்தினர். 
மாலை 3 மணிக்கு சந்திரமௌலி எனும் வித்யார்த்தி ஸமார்த்த நிகழ்ச்சியில் முதல் முறையாக சம்பூர்ண ரிக்வேத ஸம்ஹிதா கண்டஸ்த பாராயணம் நடைபெற்றது. மாலை 7 மணிக்கு ரிக்வேத உபன்யாஸம் நடைபெற்றது.
கடைசி நாளான பிப்ரவரி 27-ஆம் தேதி ஹோமம் முடிவுற்று, பூர்ணாஹுதி, விநாயகருக்கு கலச அபிஷேகம் நடைபெற்றது. நிறைவில் ப்ரசன்ன மஹா கணபதி வேத சம்ரஷ்ண சபா அறங்காவலர் ராஜேஷ் கனபாடிகள் நன்றி கூறினார். 
ஹோமத்தில் பங்கேற்ற வேத பண்டிதர்கள் ஸ்ரீஆதி சங்கர சேவா சமாஜத்தின் சார்பில் கௌரவிக்கப்பட்டனர். 

]]>
http://www.dinamani.com/all-editions/edition-new-delhi/2018/mar/02/மயூர்-விஹார்-விநாயகர்-கோயிலில்-ரிக்வேத-ஸம்ஹிதா-ஹோமம்-2872622.html
2872621 அனைத்துப் பதிப்புகள் புதுதில்லி மாவட்ட நீதிமன்றங்களில் உயர் நீதிமன்ற நீதிபதிகள் திடீர் ஆய்வு DIN DIN Friday, March 2, 2018 02:34 AM +0530 தில்லியில் உள்ள 6 மாவட்ட நீதிமன்றங்களின் செயல்பாடு குறித்து அறிய, தில்லி உயர் நீதிமன்ற தலைமை நீதிபதி (பொறுப்பு) கீதா மித்தல் தலைமையில் 6 நீதிபதிகள் வியாழக்கிழமை திடீர் ஆய்வு நடத்தினர்.
இதேபோன்ற திடீர் ஆய்வுகளை கடந்த ஆண்டு ஆகஸ்ட் மாதம், முதல்முறையாக தில்லி உயர் நீதிமன்ற நீதிபதிகள் நடத்தினர். அப்போது, சில மாவட்ட நீதிமன்ற நீதிபதிகளின் தாமதமான வருகையால் நீதிமன்ற நடவடிக்கைகள் தொடங்காமல் இருப்பதையும் அவர்கள் கண்டுபிடித்து எச்சரித்தனர்.
வியாழக்கிழமை நடைபெற்ற திடீர் ஆய்வில் உயர் நீதிமன்ற நீதிபதிகள் ரவிந்தரா பட், சஞ்சீவ் கன்னா, ஜி.எஸ். சிஸ்தானி, எஸ். முரளிதர், விபின் சங்கி, ஹிமா கோலி ஆகியோர் பங்கேற்றனர்.
இதில், உயர் நீதிமன்ற தலைமை நீதிபதி (பொறுப்பு) கீதா மித்தல், நீதிபதி கோலி உடன் சாகேத் நீதிமன்றத்தில் திடீர் ஆய்வு மேற்கொண்டார். அப்போது, அந்த நீதிமன்றத்தில் நீதிபதிகளின் வருகை நேரம் கடைப்பிடிப்பு, நீதிமன்ற நடவடிக்கைகளின் நிலை, தூய்மை கடைப்பிடிப்பு ஆகியவற்றை அவர் நேரடியாக பார்வையிட்டார்.
இதேபோல் உயர் நீதிமன்றத்தின் பிற நீதிபதிகள் பாட்டியாலா நீதிமன்றம், தீஸ் ஹசாரி நீதிமன்றம், கார்கர்டுமா நீதிமன்றம், ரோஹிணி நீதிமன்றம், துவாரகா நீதிமன்றம் ஆகியவற்றில் திடீர் ஆய்வு நடத்தினர்.
இதுதொடர்பாக தில்லி உயர் நீதிமன்றப் பதிவாளர் அலுவலக வட்டாரத் தகவல்கள் தெரிவித்ததாவது:
தில்லியின் சார்பு நீதிமன்றங்களுக்கு தில்லி உயர் நீதிமன்றம்தான் மேற்பார்வை ஆணையமாக உள்ளது. ஆகையால், மாவட்ட நீதிமன்றங்களின் செயல்பாடுகள் குறித்து நேரடி ஆய்வு நடத்த உயர் நீதிமன்ற நீதிபதிகள் வியாழக்கிழமை சென்றனர். கீழ் நீதிமன்ற நீதிபதிகள் உரிய நேரத்தில் நீதிமன்றங்களில் அமர்ந்து பணிகளைத் தொடங்குகின்றார்களா? என்பதை நேரடியாக உறுதி செய்யவும் இந்த ஆய்வு மேற்கொள்ளப்பட்டது என்று தெரிவித்தன.
கடந்த ஆண்டு ஆய்வின்போது, நீதிபதி மித்தல் ரகசியமாக ஆட்டோ ரிக்ஷாவில் பாட்டியாலா நீதிமன்றம் சென்று திடீர் ஆய்வு நடத்தினார். ஆனால் இந்த முறை ஆய்வில் பங்கேற்ற நீதிபதிகள் தங்கள் அலுவலக கார்களைப் பயன்படுத்தி மாவட்ட நீதிமன்றங்களுக்கு சென்று திடீர் ஆய்வுகளை நடத்தினர்.

]]>
http://www.dinamani.com/all-editions/edition-new-delhi/2018/mar/02/மாவட்ட-நீதிமன்றங்களில்-உயர்-நீதிமன்ற-நீதிபதிகள்-திடீர்-ஆய்வு-2872621.html
2872620 அனைத்துப் பதிப்புகள் புதுதில்லி தலைமைச் செயலர் தாக்கப்பட்ட விவகாரம்: விசாரணைக்கு ஆஜராகாத  ஆம் ஆத்மி எம்எல்ஏக்களுக்கு  தில்லி போலீஸ் அழைப்பாணை DIN DIN Friday, March 2, 2018 02:34 AM +0530 தில்லி அரசின் தலைமைச் செயலர் தாக்கப்பட்ட விவகாரத்தில் விசாரணைக்கு வருமாறு ஆம் ஆத்மி எம்எல்ஏக்கள் 2 பேருக்கு காவல் துறை அழைப்பாணை அனுப்பியுள்ளது.
தில்லி அரசின் தலைமைச் செயலர் அன்ஷு பிரகாஷ் பிப்ரவரி 19-ஆம் தேதி நள்ளிரவு முதல்வர் அரவிந்த் கேஜரிவாலின் இல்லத்தில் நடைபெற்ற கூட்டத்தின் போது தாக்கப்பட்டதாக புகார் எழுந்தது. முதல்வர் முன்னிலையில் ஆம் ஆத்மி எம்எல்ஏக்கள் இருவர் தலைமைச் செயலர் அன்ஷு பிரகாஷை தாக்கியதாக போலீஸில் புகார் அளிக்கப்பட்டது. இதையடுத்து, வழக்கும் பதிவு செய்யப்பட்டது.
இதைத் தொடர்ந்து, அக்கட்சியின் எம்எல்ஏக்கள் அமானத்துல்லா கான், பிரகாஷ் ஜர்வால் ஆகியோர் கைது செய்யப்பட்டனர். இந்நிலையில், தலைமைச் செயலர் தாக்கப்பட்ட விவகாரம் தொடர்பாக ஆம் ஆத்மி எம்எல்ஏக்கள் நிதின் தியாகி, ராஜேஷ் ரிஷி ஆகியோர் சிவில் லைன் காவல் நிலையத்தில் விசாரணைக்கு ஆஜராகுமாறு காவல் துறை சார்பில் நோட்டீஸ் அனுப்பப்பட்டுள்ளது. 
இதுகுறித்து போலீஸார் கூறுகையில், முதல்வர் இல்லத்தில் நடைபெற்ற கூட்டத்தின் போது முதல்வர் கேஜரிவால் தவிர 11 எம்எல்ஏக்கள், முதல்வரின் ஆலோசகர் வி.கே. ஜெயின், துணை முதல்வர் மணீஷ் சிசோடியா ஆகியோர் இருந்தனர். அப்போது, தலைமைச் செயலர் தாக்கப்பட்டதாகக் கூறப்படுகிறது. 
இது தொடர்பாக முதல்வர் இல்லத்தில் பொருத்தப்பட்டிருந்த சிசிடிவி கண்காணிப்பு கேமராவில் பதிவாகியிருந்த பதிவுகளை போலீஸ் குழு ஆய்வு செய்தது. பின்னர், அதன் ஹார்டு டிஸ்க் கைப்பற்றப்பட்டது. 
இச்சம்பவத்தில் எம்எல்ஏக்கள் அமானத்துல்லா கான், ஜர்வால் ஆகியோர் கைது செய்யப்பட்டுள்ளனர். இவர்கள் தவிர, எம்எல்ஏக்கள் நிதின் தியாகி, ராஜேஷ் ரிஷி ஆகியோரின் பங்கு குறித்தும் விசாரணை நடைபெற்று வருகிறது' என்று போலீஸார் தெரிவித்தனர்.     
 

]]>
http://www.dinamani.com/all-editions/edition-new-delhi/2018/mar/02/தலைமைச்-செயலர்-தாக்கப்பட்ட-விவகாரம்-விசாரணைக்கு-ஆஜராகாத-ஆம்-ஆத்மி-எம்எல்ஏக்களுக்கு--தில்லி-போலீஸ்-2872620.html
2872619 அனைத்துப் பதிப்புகள் புதுதில்லி அதிகாரிகள் - ரேஷன் மாஃபியா இடையே தொடர்பு: கேஜரிவால் பகிரங்க குற்றச்சாட்டு DIN DIN Friday, March 2, 2018 02:33 AM +0530 தில்லி அரசின் சில அதிகாரிகளுக்கும், ரேஷன் மாஃபியா கும்பலுக்கும் இடையே நீண்ட தொடர்பு உள்ளது என்று தில்லி முதல்வர் அரவிந்த் கேஜரிவால் பகிரங்கமாக குற்றம்சாட்டியுள்ளார்.
ரேஷன் பொருள்களை வீடுகளுக்கே சென்று அளிக்கும், தில்லி அரசின் கனவுத் திட்டம் தொடர்பான பரிந்துரையை தில்லி தலைமைச் செயலர் கொண்டு வராததால் தில்லி அமைச்சரவைக் கூட்டம் வியாழக்கிழமை ஒத்திவைக்கப்பட்டது. பின்னர் செய்தியாளர்களிடம் துணை முதல்வர் மணீஷ் சிசோடி கூறுகையில், "வீடுகளுக்கே சென்று ரேஷன் பொருள்களை அளிக்கும் திட்டம் தொடர்பான பரிந்துரையை கடந்த பிப்ரவரி 27-ம் தேதி நடைபெற்ற அமைச்சரவைக் கூட்டத்தில் தாக்கல் செய்யச் சொல்லியும், தலைமைச் செயலர் தாக்கல் செய்யவில்லை. வியாழக்கிழமை கூட்டத்திலும் அவர் தாக்கல் செய்யவில்லை. இதனால் அமைச்சரவைக் கூட்டம் ஒத்திவைக்கப்பட்டது. தில்லி அரசின் கனவு திட்டமான இதனைத் தடுத்து நிறுத்த தில்லி அதிகாரிகள் முற்படுகின்றனர். தில்லி அரசு அதிகாரிகளுக்கும், ரேஷன் மாஃபியாக்கும் இடையே நீண்ட தொடர்பு உள்ளது இதன் மூலம் வெளிப்படுகிறது. இதுகுறித்து விசாரணைக்கு உத்தரவிட வேண்டும்' என்று வலியுறுத்தினார்.
இந்த விவகாரம் குறித்து முதல்வர் அரவிந்த் கேஜரிவால் சுட்டுரையில் செய்துள்ள பதிவில், "தில்லி அரசின் சில அதிகாரிகளுக்கும், ரேஷன் மாஃபியா கும்பலுக்கும் இடையே நீண்ட தொடர்பு உள்ளது. இதன் மூலம் எதிர்க்கட்சியைச் சேர்ந்த சில அரசியல்வாதிகள் பலனடைகிறார்கள். இதன் காரணமாகதான் இந்தத் திட்டத்தை செயல்படுத்த விடாமல் அவர்கள் தடுத்து வருகின்றனர்' என்று தெரிவித்துள்ளார்.
 

]]>
http://www.dinamani.com/all-editions/edition-new-delhi/2018/mar/02/அதிகாரிகள்---ரேஷன்-மாஃபியா-இடையே-தொடர்பு-கேஜரிவால்-பகிரங்க-குற்றச்சாட்டு-2872619.html
2872618 அனைத்துப் பதிப்புகள் புதுதில்லி "புதிய கட்டுமானங்கள்: ஆன் லைன் விண்ணப்ப வழிமுறைகள் எளிமையாக்கப்பட்டுள்ளன' DIN DIN Friday, March 2, 2018 02:32 AM +0530 தெற்கு தில்லி மாநகராட்சிக்குள்பட்ட பகுதிகளில் புதிய கட்டுமானங்களை மேற்கொள்வதற்கு ஆன் லைனில் அனுமதி பெறுவதற்கான வழிமுறைகள் எளிமைப்படுத்தப்பட்டுள்ளன மாநகராட்சியின் ஆணையர் புனித் கோயல் தெரிவித்தார். 
வணிகத்தை எளிதாக்குவது தொடர்பான கருத்தரங்கு தெற்கு தில்லி மாநகராட்சி சார்பில் (எஸ்.டி.எம்.சி.) வியாழக்கிழமை நடத்தப்பட்டது.  
கருத்தரங்கைத் தொடக்கி வைத்து தெற்கு தில்லி மாநகராட்சி ஆணையர் புனித் கோயல் பேசியதாவது: தெற்கு தில்லி மாநகராட்சிக்குள்பட்ட பகுதிகளில் வணிகத்தை எளிதாக்கும் வகையில் பல திட்டங்களை அறிமுகப்படுத்தியுள்ளோம். 
புதிய கட்டுமானங்களை மேற்கொள்வது தொடர்பான விண்ணப்ப வழிமுறைகள் எளிமைப்படுத்தப்பட்டுள்ளன. இதன்மூலம், பல்லாயிரக்கணக்கானோர் பயனடைந்துள்ளனர் என்றார் அவர். 

]]>
http://www.dinamani.com/all-editions/edition-new-delhi/2018/mar/02/புதிய-கட்டுமானங்கள்-ஆன்-லைன்-விண்ணப்ப-வழிமுறைகள்-எளிமையாக்கப்பட்டுள்ளன-2872618.html
2872617 அனைத்துப் பதிப்புகள் புதுதில்லி கல்வி நிறுவனம் நடத்தி போலி சான்றிதழ்கள் வழங்கிய 2 பேர் கைது DIN DIN Friday, March 2, 2018 02:32 AM +0530 கல்வி நிறுவனம் நடத்தி போலி கல்விச் சான்றிதழ்களை வழங்கியதாக 2 பேரை தில்லி போலீஸார் கைது செய்தனர். 
இதுகுறித்து தில்லி காவல் துறையின் குற்றப் பிரிவு இணை ஆணையர் அலோக் வர்மா செய்தியாளர்களிடம் வியாழக்கிழமை கூறியதாவது: 
பல்வேறு திறந்தவெளி பல்கலைக்கழகங்களின் பட்டச் சான்றிதழ்களை போலியாக தயாரிப்பதிலும், விநியோகப்பதிலும் ஒரு கும்பல் ஈடுபடுவதாக குற்றப் பிரிவு போலீஸாருக்கு தகவல் வந்தது.
இதையடுத்து, சாணக்கியபுரியில் உள்ள குற்றப் பிரிவு போலீஸார் தில்லி முன்ட்கா மெட்ரோ ரயில் நிலையம் அருகே பிப்ரவரி 23-ஆம் தேதி இருவர் கைது செய்யப்பட்டனர்.
இருவரும் ஹரியாணாவைச் சேர்ந்த பல்ராஜ், சந்தீப் சஹல் ஆகியோர் என விசாரணையில் தெரியவந்தது. இருவரும் "சத்யம் எஜுகேஷன்' என்ற பெயரில் கல்வி அறக்கட்டளையைத் தொடங்கினர். தனிப் பயிற்சி மையங்களை அணுகி அதில் பயிலும் மாணவர்களிடம் அதிக மதிப்பெண்கள் பெற்றுத் தருவதாக ஆசை வார்த்தை கூறினர். 
பின்னர், திறந்தவெளி பல்கலைக்கழகங்களில் அந்த மாணவர்களை பட்டப் படிப்புகளில் முறைப்படி சேர ஏற்பாடு செய்தனர். அதைத் தொடர்ந்து, தேர்வுத் தாள்களை மாணவர்களின் வீட்டு முகவரிக்கு அனுப்பி விடையை அவர்களை எழுதச் சொல்லி பின்னர் சம்பந்தப்பட்ட பல்கலைக்கழகத்திற்கு அனுப்பி குறுக்கு வழிகள் மூலம் அவர்கள் அதிக மதிப்பெண்கள் எடுக்க உதவியுள்ளனர். மேலும், பல்வேறு பல்கலைக்கழகங்களின் பெயர்களில் போலி மதிப்பெண் சான்றிதழ், பட்டச் சான்றிதழ்களை வழங்கியுள்ளனர். இருவரும் பட்டதாரிகள் என்பதும், குறுக்கு வழியில் அதிக பணம் ஈட்டும் ஆசையில் இதுபோன்ற சட்டவிரோத நடவடிக்கையில் ஈடுபட்டதும் தெரிய வந்துள்ளது. இருவரிடமிருந்தும் மடிக் கணினி, 3 பென் டிரைவ்கள், போலி கல்விச் சான்றிதழ்கள், பல்வேறு பல்கலைக்கழகங்களின் ரப்பர் ஸ்டாம்புகள் உள்ளிட்டவை பறிமுதல் செய்யப்பட்டதாக அலோக் வர்மா தெரிவித்தார்.
 

]]>
http://www.dinamani.com/all-editions/edition-new-delhi/2018/mar/02/கல்வி-நிறுவனம்-நடத்தி-போலி-சான்றிதழ்கள்-வழங்கிய-2-பேர்-கைது-2872617.html
2872616 அனைத்துப் பதிப்புகள் புதுதில்லி 7 பள்ளிகளை மூடும் விவகாரம்: கல்வித் துறை உத்தரவுக்கு எதிரான மனு: மத்திய, தில்லி அரசுகள் பதில் அளிக்க உத்தரவு DIN DIN Friday, March 2, 2018 02:32 AM +0530 தில்லி மத்திய மாவட்டத்தில் ஏழு அருகாமை பள்ளிகளை மூடும் தில்லி கல்வி துறையின் உத்தரவுக்கு எதிராக தாக்கலான மனு மீது மத்திய அரசு, தில்லி ஆம் ஆத்மி அரசு ஆகியவை பதில் அளிக்க உயர் நீதிமன்றம் உத்தரவிட்டுள்ளது.
இது தொடர்பான மனுவை விசாரித்த தில்லி உயர் நீதிமன்றத் தலைமை நீதிபதி (பொறுப்பு) கீதா மித்தல், நீதிபதி சி.ஹரி சங்கர் ஆகியோர் அடங்கிய அமர்வு தில்லி அரசின் கல்வித் துறை, மத்திய அரசு ஆகியவை பதில் அளிக்க நோட்டீஸ் அனுப்ப உத்தரவிட்டு, மனு மீதான விசாரணையை ஜூலை 27-ஆம் தேதிக்கு தள்ளிவைத்தது. 
முன்னதாக, இந்த மனு மீதான விசாரணையின் போது தில்லி அரசு சார்பில் ஆஜரான வழக்குரைஞர், "கல்வித் துறையின் சம்பந்தப்பட்ட உத்தரவின் குறிப்பிட்ட பகுதிகள் திரும்பப் பெறப்பட்டுள்ளது' என்றார்.
இந்த விவகாரம் தொடர்பாக வழக்குரைஞர்-ஆர்வலர் யூசுஃப் நாகி தாக்கல் செய்துள்ள மனுவில் கூறப்பட்டுள்ளதாவது: 
மத்திய மாவட்டத்தில் செயல்பட்டு வரும் ஏழு பள்ளிகளை மூடும் விவகாரம் தொடர்பாக தகவல் அறியும் உரிமைச் சட்டம் மூலம் பெறப்பட்ட தகவலில், மாணவர்கள் சேர்க்கை குறைவாக இருப்பதன் காரணமாக அந்தப் பள்ளிகளை மூடவோ அல்லது வேறு பள்ளிகளுடன் இணைப்பதற்காகவோ கல்வித் துறை நடவடிக்கை எடுத்துள்ளது தெரிய வந்துள்ளது. 
பள்ளிகளில் மாணவர்கள் சேர்க்கை குறையக் காரணம் கல்வி உரிமைச் சட்டத்தின் 8-ஆவது பிரிவின் கீழ் அரசின் சட்டப்பூர்வ கடைமையை செய்யாததேயாகும். இதனால், மக்களின் அடிப்படை உரிமைகளைத் தடுக்கும் வகையில் தில்லி கல்வித் துறை பிறப்பித்துள்ள 7 பள்ளிகளை மூடும் உத்தரவுக்குத் தடை விதிக்க வேண்டும். மேலும், அரசு மற்றும் அரசு உதவி பெறும் பள்ளிகளை திறன் வாய்ந்த வகையில் நடத்துவதற்கும், பராமரிப்பதற்கும் உரிய வழிகாட்டு நெறிமுறைகளை உருவாக்க சம்பந்தப்பட்ட துறையினருக்கு உத்தரவிட வேண்டும்' என்று மனுவில் கூறப்பட்டிருந்தது.
இந்த மனு மீதான விசாரணையின்போது மனுதாரர் யூசுஃப் நாகி சார்பில் வழக்குரைஞர் ஜி.எம். அக்தர் ஆஜராகி, "கல்வி உரிமைச் சட்டத்தின் பிரிவு 8-இன்படி, கல்வியை மேம்படுத்துவதும், மாணவர்களை பள்ளிகளில் சேர்ப்பதற்கு பெற்றோர்களையும், மாணவர்களையும் ஊக்குவிப்பதும் அரசின் கடைமையாகும். அதேசமயத்தில், அரசானது சூழலை உருவாக்கி பள்ளிகளை மூடுவதற்கான நடவடிக்கையில் ஈடுபட்டுள்ளது. இதன் விளைவாக மாணவர்கள் சம்பந்தப்பட்ட ஏழு பள்ளிகளில் இருந்து விலகும் நிலை உருவாகியுள்ளது. இதன் காரணமாக, அருகாமைப் பள்ளிகளின் எண்ணிக்கை 14-இல் இருந்து ஏழாக குறையும் நிலை ஏற்பட்டுள்ளது' என்று வாதிட்டார். இதையடுத்து, மேற்கண்ட உத்தரவை நீதிபதிகள் அமர்வு பிறப்பித்தது.
 

]]>
http://www.dinamani.com/all-editions/edition-new-delhi/2018/mar/02/7-பள்ளிகளை-மூடும்-விவகாரம்-கல்வித்-துறை-உத்தரவுக்கு-எதிரான-மனு-மத்திய-தில்லி-அரசுகள்-பதில்-அளிக்க-2872616.html
2872615 அனைத்துப் பதிப்புகள் புதுதில்லி சட்டவிரோத ஆயுத விநியோகம்: ம.பி. இளைஞர் தில்லியில் கைது 24 நவீனரக துப்பாக்கிகள் பறிமுதல் DIN DIN Friday, March 2, 2018 02:31 AM +0530 சட்டவிரோதமாக ஆயுத விநியோகத்தில் ஈடுபட்டு வந்த மத்திய பிரதேச மாநிலத்தைச் சேர்ந்த இளைஞரை தில்லியில் போலீஸார் கைது செய்தனர். அவரிடமிருந்து 24 நவீனரக துப்பாக்கிகள், 20 தோட்டாக்களை போலீஸார் பறிமுதல் செய்தனர்.
இது குறித்து தில்லி காவல் துறையின் சிறப்புப் பிரிவு துணை ஆணையர் பி.எஸ். குஷ்வாஹா செய்தியாளர்களிடம் வியாழக்கிழமை கூறியதாவது: 
தில்லி காவல் துறையின் தென் சரக சிறப்புப் பிரிவு போலீஸாருக்கு சம்பவத்தன்று ரகசியத் தகவல் கிடைத்தது. அதில், மத்திய பிரதேச மாநிலத்தைச் சேர்ந்த வினோத் குமார் (40) என்பவர் சட்டவிரோத ஆயுத விநியோகத்தில் ஈடுபட்டு வருவதாகத் தகவல் கிடைத்தது. இதையடுத்து, அவரது நடமாட்டத்தை கண்டறியும் வகையில் மத்திய பிரதேச மாநிலம், கார்கோன், பர்ஹன்பூர், சாகர் உள்ளிட்ட பகுதிகளுக்கு தனிப்படை போலீஸார் அனுப்பப்பட்டனர். இரு மாதங்களாக அவர் குறித்த தகவல்களை போலீஸார் திரட்டி வந்தனர்.
 இந்நிலையில், தில்லி சிறப்புப் பிரிவு போலீஸ் ஆய்வாளர் ஷிவ குமாருக்கு புதன்கிழமையன்று ரகசியத் தகவல் கிடைத்தது. அதில், னோத் குமார் சட்டவிரோத ஆயுதங்களை விநியோகம் செய்வதற்காக தில்லி, மேற்கு உத்தர பிரதேசம் பகுதிக்கு வர உள்ளதாகத் தெரிவிக்கப்பட்டது.
இதையடுத்து, போலீஸார் தில்லி, ஆஸ்ரம் சௌக் அருகே உள்ள சித்தார்த்தா என்கிளேவ் பகுதியில் மறைந்திருந்து கண்காணித்தனர். அப்போது, அங்கு வந்த வினோத் குமார் கைது செய்யப்பட்டார். அவரிடமிருந்து 24 நவீனரக துப்பாக்கிகள், 20 தோட்டாக்கள் பறிமுதல் செய்யப்பட்டன. அவர் மத்திய பிரதேச மாநிலம், பர்ஹன்பூர் பகுதியைச் சேர்ந்தவர் என்பது விசாரணையில் தெரிய வந்தது.
அவர் பர்ஹன்பூரில் சட்டவிரோதமாக ஆயுதங்களைத் தயாரித்து தில்லி மற்றும் அதை ஒட்டியுள்ள பிற பகுதிகளில் விநியோகம் செய்து வந்ததும் தெரிய வந்தது. 15 ஆண்டுகளாக மத்திய பிரதேசம், தில்லி, உத்தர பிரதேசம், ஹரியாணா உள்ளிட்ட மாநிலங்களில் சட்டவிரோத ஆயுத விற்பனையில் அவர் ஈடுபட்டு வந்துள்ளார். 
மேலும், ரூ.10 ஆயிரத்துக்கு துப்பாக்கிகளை கொள்முதல் செய்து ரூ.20 ஆயிரம் முதல் ரூ.25 ஆயிரம் வரைக்கும் விற்று வந்துள்ளார். ஏற்கெனவே ஆயுதக் கடத்தலில் ஈடுபட்டு போலீஸாரால் 2008-ஆம் ஆண்டில் அவர் கைது செய்யப்பட்டிருந்ததும் விசாரணையில் தெரியவந்ததாக காவல் உயர் அதிகாரி பி.எஸ்.குஷ்வாஹா கூறினார்.
 

]]>
http://www.dinamani.com/all-editions/edition-new-delhi/2018/mar/02/சட்டவிரோத-ஆயுத-விநியோகம்-மபி-இளைஞர்-தில்லியில்-கைது-24-நவீனரக-துப்பாக்கிகள்-பறிமுதல்-2872615.html
2872614 அனைத்துப் பதிப்புகள் புதுதில்லி ஜர்வால் எம்எல்ஏ ஜாமீன் மனு: தில்லி காவல் துறைக்கு நீதிமன்றம் நோட்டீஸ் DIN DIN Friday, March 2, 2018 02:31 AM +0530 தில்லி தலைமைச் செயலர் அன்ஷு பிரகாஷ் தாக்கப்பட்டதாகக் கூறப்படும் விவகாரத்தில் கைது செய்யப்பட்டு நீதிமன்றக் காவலில் இருந்து வரும் தியோலி சட்டப்பேரவைத் தொகுதி ஆம் ஆத்மி உறுப்பினர் பிரகாஷ் ஜர்வால் ஜாமீன் மனுவுக்கு பதில் அளிக்க தில்லி காவல் துறைக்கு நோட்டீஸ் அனுப்ப உயர் நீதிமன்றம் வியாழக்கிழமை  உத்தரவிட்டது. 
தில்லியில் பிப்ரவரி 19-ஆம் தேதி நள்ளிரவு முதல்வர் அரவிந்த் கேஜரிவாலின் இல்லத்தில் கூட்டம் நடைபெற்றது. அப்போது, முதல்வர் முன்னிலையில் தில்லி அரசின் தலைமைச் செயலர் அன்ஷு பிரகாஷை ஆம் ஆத்மி எம்எல்ஏக்கள் இருவர் தாக்கியதாக எழுந்த புகாரில் அக்கட்சியின் எம்எல்ஏக்கள் அமானத்துல்லா கான், பிரகாஷ் ஜர்வால் ஆகியோர் கைது செய்யப்பட்டனர். 
இருவரும் நீதிமன்றத்தில் ஆஜர்படுத்தப்பட்ட நிலையில், 14 நாள் நீதிமன்றக் காவலில் வைக்கப்பட்டனர்.இருவர் சார்பிலும் ஜாமீன் கோரி தில்லி மாஜிஸ்திரேட் நீதிமன்றத்தில் மனு தாக்கல் செய்யப்பட்டது. இம்மனுவை கடந்த பிப்ரவரி 23 தேதி விசாரித்த மாஜிஸ்திரேட் நீதிமன்றம், இருவர் மீதும் குற்றப் பின்னணி இருப்பதாகவும், திட்டமிட்ட குற்றச் சதியில் ஈடுபட்டதற்கான முகாந்திரம் இருப்பதாகவும் கூறி ஜாமீன் மனுவை தள்ளுபடி செய்து உத்தரவிட்டது. 
இதைத் தொடர்ந்து, தில்லி கூடுதல் செஷன்ஸ் நீதிமன்றத்தில் பிரகாஷ் ஜர்வால் தரப்பில் ஜாமீன் கோரி மனு தாக்கல் செய்யப்பட்டது. இந்த மனுவை கடந்த செவ்வாய்க்கிழமை விசாரித்த தில்லி கூடுதல் செஷன்ஸ் நீதிமன்ற சிறப்பு நீதிபதி அஞ்சு பஜாஜ் சந்த்னா, மனுவை தள்ளுபடி செய்து உத்தரவிட்டார். தலைமைச் செயலர் அளித்துள்ள குற்றச்சாட்டுகளை உறுதிப்படுத்தும் வகையில் அவருடைய மருத்துவ அறிக்கையும், தில்லி முதல்வரின் ஆலோகர் வி.கே. ஜெயின் வெளியிட்ட அறிக்கையும் இருப்பதாக நீதிமன்றம் தெரிவித்திருந்தது.
இதையடுத்து, எம்எல்ஏ ஜர்வால் தரப்பில் தில்லி உயர் நீதிமன்றத்தில் புதன்கிழமை ஜாமீன் கோரி மனு தாக்கல் செய்யப்பட்டது. இந்த மனு வியாழக்கிழமை தில்லி உயர் நீதிமன்ற நீதிபதி முக்தா குப்தா முன் விசாரணைக்கு வந்தது. அப்போது, எம்எல்ஏ ஜர்வால் சார்பில் மூத்த வழக்குரைஞர் ரபீக்கா எம் ஜான் ஆஜராகி, "இந்த வழக்கில் விசாரணை முடிவடைந்து விட்டது. இதனால், எம்எல்ஏ ஜர்வாலை மேலும் நீதிமன்றக் காவலில் வைத்திருக்க வேண்டிய அவசியம் எழவில்லை. சம்பவம் நிகழ்ந்த மறுதினம் பிற்பகல் 1 மணிக்குத்தான் இந்த வழக்கு தாமதமாக பதிவு செய்யப்பட்டுள்ளது. இதை செஷன்ஸ் நீதிமன்ற நீதிபதி மதிப்பிடத் தவறிவிட்டார். இந்த வழக்கில் புகார்தாரர் (அன்ஷு பிராகஷ்) தில்லி காவல் துறை உயர் அதிகாரிகளுடன் நேரடி தொடர்பு கொள்ளும் வகையில் செல்வாக்குமிக்க பதவியில் இருந்து வருகிறார். இதையும் நீதிமன்றம் கருத்தில் கொள்ளவில்லை. எம்எல்ஏ ஜர்வால் ஏற்கெனவே குற்ற வழக்குகளில் தொடர்புடையவர் என்று போலீஸார் சித்திரித்துள்ளனர். ஆனால், அந்த வழக்குகள் இயல்பாகவே அரசியல் தொடர்புடைய வழக்குகளாகும். மேலும், எம்எல்ஏ தனது செல்வாக்கை பயன்படுத்தி சாட்சிகளைக் கலைத்துவிட வாய்ப்புள்ளதாக செஷன்ஸ் நீதிமன்றம் பொதுவான கருத்தை கூறியுள்ளது' என்று வாதிட்டார்.
இந்த வாதத்திற்குப் பிறகு, இந்த விவகாரத்தில் தில்லி மாநகர் காவல் துறை பதில் அளிக்க நோட்டீஸ் அனுப்ப உத்தரவிட்ட நீதிபதி முக்தா குப்தா, வரும் மார்ச் 7-ஆம் தேதிக்குள் நிலவர அறிக்கை தாக்கல் செய்யவும் போலீஸாருக்கு உத்தரவிட்டார்.

]]>
http://www.dinamani.com/all-editions/edition-new-delhi/2018/mar/02/ஜர்வால்-எம்எல்ஏ-ஜாமீன்-மனு-தில்லி-காவல்-துறைக்கு-நீதிமன்றம்-நோட்டீஸ்-2872614.html
2872613 அனைத்துப் பதிப்புகள் புதுதில்லி பாதுகாப்புக்கு உறுதி அளித்த பின்பும் 3-வது நாளாக தொடரும் அரசு மருத்துவர்கள் போராட்டம் DIN DIN Friday, March 2, 2018 02:31 AM +0530 தில்லி அரசு மருத்துவர்களுக்கு உரிய பாதுகாப்பு அளிக்கப்படும் என்று மாநில சுகாதாரத் துறை அமைச்சர் சத்யேந்தர் ஜெயின் உறுதியளித்தார். எனினும், தில்லி அரசு உள்ளுறை மருத்துவர்கள் மேற்கொண்டு வரும் காலவரையற்ற வேலை நிறுத்தப் போராட்டம் வியாழக்கிழமை மூன்றாவது நாளை எட்டியது.
தில்லி லோக் நாயக் மருத்துவமனை மருத்துவர்கள் இருவர் மீது நோயாளிகளின் உறவினர்கள் கடந்த செவ்வாய்க்கிழமை தாக்குதல் நடத்தினர். இதற்கு எதிர்ப்பு தெரிவித்தும், அரசு மருத்துவர்களுக்கு உரிய பாதுகாப்பு அளிக்கக் கோரியும் மௌலானா ஆசாத் மருத்துவ கல்லூரி மருத்துவர்கள் செவ்வாய்க்கிழமை முதல் காலவரையற்ற வேலை நிறுத்தப் போராட்டத்தில் ஈடுபட்டு வருகின்றனர்.
 மேலும், அரசு மருத்துவர்களுக்கு உரிய பாதுகாப்பு அளிக்கப்படவில்லை என்றால் அதிகாரிகள் மீது நீதிமன்ற அவமதிப்பு நடவடிக்கை எடுக்கப்படும் என்று தில்லி உயர் நீதிமன்றம் புதன்கிழமை எச்சரித்திருந்தது.
இந்நிலையில், இந்தப் பிரச்னைக்கு தீர்வு காணப்பது தொடர்பாக அமைச்சர் சத்யேந்தர் ஜெயனுடன் போராட்டத்தில் ஈடுபட்டுள்ள மருத்துவர்களின் பிரதிநிதிகள், மௌலானா மருத்துவ கல்லூரியின் டீன், லோக் நாயக் மருத்துவமனை இயக்குநர் ஆகியோர் புதன்கிழமை இரவு சந்தித்து ஆலோசனை நடத்தினர்.
அப்போது, நோயாளிகளுடன் வரவேண்டிய உறவினர்களின் எண்ணிக்கையை குறைக்கும் உரிய உத்தரவை தில்லி தலைமைச் செயலகம் வாயிலாக அறிவிக்கப்பட வேண்டும். மருத்துவர்களுக்கு உரிய பாதுகாப்பு அளிக்க பல்வேறு நடவடிக்கைகள் மேற்கொள்ள வேண்டும் என்று சுகாதாரத் துறை செயலருக்கு சத்யேந்தர் ஜெயின் உத்தரவிட்டிருந்தார்.
எனினும், லோக் நாயக் மருத்துவமனை உள்ளுறை மருத்துவர்கள் வியாழக்கிழமையும் தங்களது வேலை நிறுத்தப்போராட்டத்தை தொடர்ந்தனர். இதனால் அவசர சிகிச்சை பிரிவும், புறநோயாளிகள் பிரிவும் கடுமையாக பாதிக்கப்பட்டது.
 இதுகுறித்து லோக் நாயக் மருத்துவமனையின் மருத்துவ கண்காணிப்பாளர் பஸ்ஸை கூறுகையில், "உள்ளுறை மருத்துவர்கள் தொடர்ந்து வேலை நிறுத்தப் போராட்டத்தில் ஈடுபட்டு வருகின்றனர். 
அமைச்சர் சத்யேந்தர் ஜெயின் அளித்த வாக்குறுதிகளுக்கு அத்துறை செயலரிடம் ஒப்புதல் பெறும் பணிகள் நடைபெற்று வருகின்றன. மருத்துவர்களுக்கு பாதுகாப்பு அளிக்க பாதுகாவலர்கள் அதிகரிக்கப்படுவார்கள். சிசிடிவி கேராக்கள் அமைக்கும் பணி விரைவுப்படுத்தப்படும்' என்றார்.
இதேபோல், மத்திய அரசால் நடத்தப்படும் சஃப்தர்ஜங் மருத்துவமனையில் பணியாற்றும் உள்ளுறை மருத்துவர்களின் வேலை நிறுத்தப்போராட்டம் வியாழக்கிழமை இரண்டாவது நாளை எட்டியது. 
இந்த மருத்துவமனையில் நிர்வாக குறைபாடுகளைக் காரணம் காட்டி, மருத்துவ உயர் படிப்புகளில் 30 இடங்கள் குறைக்கப்பட்டதற்கு எதிர்ப்பு தெரிவித்து இந்தப் போராட்டம் நடைபெற்று வருகிறது. இதன் காரணமாகவும் சஃப்தர்ஜங் மருத்துவமனையில் மருத்துவ சேவைகள் பாதிக்கப்பட்டுள்ளன.

]]>
http://www.dinamani.com/all-editions/edition-new-delhi/2018/mar/02/பாதுகாப்புக்கு-உறுதி-அளித்த-பின்பும்-3-வது-நாளாக-தொடரும்-அரசு-மருத்துவர்கள்-போராட்டம்-2872613.html
2872612 அனைத்துப் பதிப்புகள் புதுதில்லி தில்லி காங்கிரஸ் சார்பில் கொண்டாட்டம் DIN DIN Friday, March 2, 2018 02:30 AM +0530 வசந்த காலத்தை வரவேற்கும் ஹோலிப் பண்டிகையிலாவது பாஜக, ஆம் ஆத்மி கட்சிகளுக்கும் அதன் தலைவர்களுக்கும் நல்ல புத்தியை வழங்க இறைவனை தில்லிவாழ் மக்கள் அனைவரும் பிரார்த்தனை செய்ய வேண்டும் என்று காங்கிரஸ் கட்சியின் தில்லி  தலைவர் அஜய் மாக்கன்  தெரிவித்தார். 
 தில்லி காங்கிரஸ் உத்தராஞ்சல் பிரிவின் சார்பில்  தில்லியில் உள்ள மாநிலக் கட்சி அலுவலகத்தில் ஹோலிப் பண்டிகை வியாழக்கிழமை கொண்டாடப்பட்டது. 
 இக்கொண்டாட்டத்தில் பூர்வாஞ்சல் பிரிவின் தலைவரும் முன்னாள் நாடாளுமன்ற உறுப்பினருமான மகாபல் மிஸ்ரா, சிவாஜி சிங், பி.கே.மிஸ்ரா உள்படப் பலரும் கலந்து கொண்டனர்.
 இந்த நிகழ்வில்  கட்சியின் தில்லி தலைவர் அஜய் மாக்கன் பேசியதாவது: தில்லியை ஆளும் ஆம் ஆத்மி, மத்தியில் ஆளும் பாஜக அரசுகளின் நிர்வாகக் குளறுபடிகளாலும் அவர்கள் கடைப்பிடிக்கும் மோதல் போக்காலும் தில்லி மக்கள்  கடுமையாகப் பாதிக்கப்பட்டுள்ளனர்.  வசந்த காலத்தை வரவேற்கும் ஹோலிப் பண்டிகையைக் கூட மன நிறைவுடன் அவர்களால் கொண்டாட முடியவில்லை.  ஆம் ஆத்மி அரசுக்கும் பாஜகவுக்கும் நடைபெறும் ஈகோ யுத்தம் மக்களை சலிப்படைய வைத்துள்ளது.   சீலிங் நடவடிக்கையால் பாதிக்கப்பட்டுள்ள வணிகர்களால் எவ்வாறு மனநிறைவுடன் ஹோலிப் பண்டிகையைக் கொண்டாட முடியும்? இந்தப் பண்டிகை நாளில் மத்தியில் உள்ள பாஜக அரசுக்கும், தில்லியில் உள்ள ஆம் ஆத்மி அரசுக்கும் நல்ல புத்தியை இறைவன் வழங்க வேண்டும் என நாம்அனைவரும் பிரார்திக்க வேண்டும் என்றார் அவர். 
 

]]>
http://www.dinamani.com/all-editions/edition-new-delhi/2018/mar/02/தில்லி-காங்கிரஸ்-சார்பில்-கொண்டாட்டம்-2872612.html
2872610 அனைத்துப் பதிப்புகள் புதுதில்லி மோடி ஆட்சியில் மக்கள் மகிழ்ச்சியாக வாழ்கின்றனர்: மனோஜ் திவாரி DIN DIN Friday, March 2, 2018 02:30 AM +0530 பிரதமர் நரேந்திர மோடியின் ஆட்சியில் மக்கள் மகிழ்ச்சியாக வாழ்கிறார்கள் என்பதை இந்த ஹோலிப் பண்டிகையை அவர்கள் கொண்டாடும் விதத்தில் இருந்து அறிந்து கொள்ளலாம் என தில்லி பாஜக தலைவர் மனோஜ் திவாரி வியாழக்கிழமை செய்தியாளர்களிடம் கூறினார்.
தில்லி பாஜக சார்பில் ஹோலிப் பண்டிகை தில்லியில் வியாழக்கிழமை கொண்டாடப்பட்டது. இந்த விழாவில் மத்திய அமைச்சர் விஜய் கோயல், முன்னாள் நாடாளுமன்ற உறுப்பினர் விஜய் குமார் மல்கோத்ரா, தில்லி சட்டப்பேரவை எதிர்கட்சித் தலைவர் விஜயேந்தர் குப்தா, சட்டப்பேரவை உறுப்பினர்கள் ஓம் பிரகாஷ் சர்மா, ஜெகதீஷ் பிரதான் தேசிய பொறுப்பாளர்கள் பிரகல்ப்ஸ், அரவிந்த் மேனன், துணைப் பொறுப்பாளர் பவன் சர்மா, மாநில பொதுச் செயலர் சித்தார்த்தன், மாநில செயலர்கள் குல்ஜீத் சிங் சாகல்,ரவீந்தர் குப்தா, ராஜேஷ் பட்டியா, மாநகராட்சி மேயர்கள் கமல்ஜீத் ஷெராவத், நீமா பகத், ப்ரீத்தி அகர்வால் உள்ளிட்ட பலரும் கலந்து கலந்து கொண்டனர். 
இந்த நிகழ்வில் தில்லி பாஜக தலைவர் மனோஜ் திவாரி பேசியதாவது: பிரதமர் நரேந்திர மோடியின் ஆட்சியில் மக்கள் மிகவும் மகிழ்ச்சியாக வாழ்கிறார்கள் என்பதை அவர்கள் ஹோலிப் பண்டிகையை மகிழ்ச்சியாகக் கொண்டாடும் விதத்தில் இருந்து அறிந்து கொள்ளலாம். 
இந்தப் பண்டிகையில் அனைத்து மத மக்களும் கலந்து கொண்டது பாஜகவின் மதச்சார்பற்ற தன்மையைக் காட்டி நிற்கிறது. விவசாயிகள், வணிகர்கள் உள்பட அனைத்துத் தரப்பினருமே இந்தப் பண்டிகையை சிறப்பாகக் கொண்டாடுகிறார்கள் என்றார் அவர். 
இந்தக் கொண்டாட்டங்களில் திகார் சிறைக் கைதிகள் தயாரித்த வர்ணப் பொடிகள் பயன்படுத்தப்பட்டன. 
கே.முத்துசாமி தலைமையிலான தில்லி பாஜகவின் தென் இந்தியப் பிரிவினர் இந்தக் கொண்டாட்டங்களில் கலந்து கொண்டனர். 

]]>
http://www.dinamani.com/all-editions/edition-new-delhi/2018/mar/02/மோடி-ஆட்சியில்-மக்கள்-மகிழ்ச்சியாக-வாழ்கின்றனர்-மனோஜ்-திவாரி-2872610.html
2872609 அனைத்துப் பதிப்புகள் புதுதில்லி பேருந்து, மெட்ரோ சேவைகளில் இன்று மாற்றம் DIN DIN Friday, March 2, 2018 02:30 AM +0530 ஹோலி பண்டிகைக் கொண்டாட்டங்களையொட்டி, தில்லி போக்குவரத்து நிறுவன பேருந்துகள் (டிடிசி) வெள்ளிக்கிழமை மதியம் 2 மணிக்கு பிறகுதான் இயங்கும் என்று தெரிவிக்கப்பட்டுள்ளது.
இதுதொடர்பாக அந்த நிறுவனத்தின் மூத்த அதிகாரி ஒருவர் கூறுகையில், "ஹோலி பண்டிகையின்போது தில்லி பேருந்துகளில் கூட்டம் குறைவாக காணப்படும். ஆகையால், வெள்ளிக்கிழமை 2 மணிக்கு பிறகு தேவைப்படும் மார்க்கங்களில் மட்டும் 896 டிடிசி பேருந்துகள் மட்டும் இயக்கப்படும். இந்தப் பேருந்துகள் எந்த வழித்தடங்களில் இயக்கப்படுகின்றன என்பது குறித்த விவரங்களை தொலைபேசி உதவி எண்: 180018181 மூலம் பயணிகள் தெரிந்து கொள்ளலாம் என்று அவர் தெரவித்தார்.
மெட்ரோ சேவை: இதேபோல், வெள்ளிக்கிழமையன்று மதியம் 2.30 மணி வரை மெட்ரோ ரயில் சேவை நிறுத்தப்படும் என்று தில்லி மெட்ரோ ரயில் நிறுவனம் அறிவித்துள்ளது.
வெள்ளிக்கிழமை மதியம் 2.30 மணிக்கு மேல் வழக்கமான மெட்ரோ ரயில் சேவை இயக்கத்தில் இருக்கும் என்றும் வெள்ளிக்கிழமை முழுவதும் மெட்ரோ ஃபீடர் பேருந்து சேவை இருக்காது என்றும் மெட்ரோ நிறுவனம் தெரிவித்துள்ளது.
 

]]>
http://www.dinamani.com/all-editions/edition-new-delhi/2018/mar/02/பேருந்து-மெட்ரோ-சேவைகளில்-இன்று-மாற்றம்-2872609.html
2872608 அனைத்துப் பதிப்புகள் புதுதில்லி ஹோலி பண்டிகை: தலைநகரில் பலத்த போலீஸ் பாதுகாப்பு DIN DIN Friday, March 2, 2018 02:29 AM +0530 வட இந்தியாவில் ஹோலிப் பண்டிகை வெள்ளிக்கிழமை (மார்ச் 2) கொண்டாடப்படுகிறது. இதையடுத்து, தில்லியில் ஹோலி கொண்டாடட்டத்தின் போது சட்டம் ஒழுங்கைப் பராமரிக்கவும், வாகன ஓட்டிகளின் விதி மீறல்களைத் தடுக்கவும் போதிய போலீஸாரை பணியில் ஈடுபடுத்த தில்லி காவல் துறை விரிவான ஏற்பாடுகளை செய்துள்ளது.
இதுகுறித்து தில்லி காவல் துறையின் இணை ஆணையர் (போக்குவரத்து) கரிமா பட்னாகர் செய்தியாளர்களிடம் வியாழக்கிழமை கூறியதாவது: 
ஹோலி பண்டிகையன்று மது அருந்திவிட்டு வாகனத்தை ஓட்டுவதைத் தடுக்கவும், இரு சக்கர சாகச பயணத்தை நிறுத்தவும், வாகனப் போக்குவரத்து விதிமீறல்களைத் தடுக்கவும் விரிவான பாதுகாப்பு ஏற்பாடுகள் செய்யப்பட்டுள்ளன. 
முக்கியச் சாலைச் சந்திப்புகளில் போதையைக் கண்டறியும் வகையிலான கருவிகளுடன்கூடிய சிறப்பு சோதனை குழுக்கள் பணியில் அமர்த்தப்பட்டுள்ளன. சிறார்கள் சாகச பயணம் மேற்கொள்வது, கார் ஓட்டுவது போன்றவை சோதனையின் போது கண்டறியப்பட்டால் வாகன உரிமையாளர்களுக்கு எதிராக கடும் நடவடிக்கை எடுக்கப்படும். 
மது அருந்திவிட்டு வாகனங்களை ஓட்டுபவர்களைக் கண்காணித்து தடுக்கும் வகையிலும், அதீத வாகனத்தில் வாகனம் ஓட்டுவோரைக் கண்காணிப்பதற்காவும் தில்லி முழுவதும் முக்கியமான இடங்களில் உள்ளூர் போலீஸாரும், காவல் கட்டுப்பாட்டு வாகனப் போலீஸாரும், போக்குவரத்துக் காவல் குழுக்களும் பணியில் ஈடுபடுத்தப்படுவர். 
உச்ச நீதிமன்றத்தால் நியமிக்கப்பட்ட குழுவின் உத்தரவின்பேரில், சிவப்பு விளக்கை தாண்டுவது, வாகனத்தை ஓட்டிக் கொண்டிருக்கும் போது செல்லிடப்பேசியில் பேசுவது, குடித்துவிட்டு வாகனத்தை ஓட்டுவது, அதீத வேகத்தில் வாகனத்தை ஓட்டுவது ஆகிய குற்றங்களுக்காக வாகன ஓட்டுநர் உரிமங்கள் பறிமுதல் செய்யப்படும் என்று பட்னாகர் தெரிவித்தார்.
 

]]>
http://www.dinamani.com/all-editions/edition-new-delhi/2018/mar/02/ஹோலி-பண்டிகை-தலைநகரில்-பலத்த-போலீஸ்-பாதுகாப்பு-2872608.html
2871988 அனைத்துப் பதிப்புகள் புதுதில்லி டிடிஇஏ பள்ளிகளில் தேசிய அறிவியல் தின விழா DIN DIN Thursday, March 1, 2018 01:01 AM +0530 தில்லி தமிழ்க் கல்விக் கழக(டிடிஇஏ) பள்ளிகளில் புதன்கிழமை தேசிய அறிவியல் தினம் கொண்டாடப்பட்டது.
"சர்' சி. வி. ராமன் 28.02.1928-இல் "ராமன் விளைவை' கண்டுபிடித்து, 1930-இல் நோபல் பரிசு பெற்றார். அவரைப் பெருமைப்படுத்தும் விதமாக ஒவ்வோர் ஆண்டும் பிப்ரவரி 28-ஆம் தேதியை தேசிய அறிவியல் தினமாக அரசு கடைப்பிடித்து வருகிறது. தமிழர்களுக்குப் பெருமை சேர்த்த அறிவியல் அறிஞர் "சர்' சி.வி.ராமனின் பெருமைகளை மாணவர்கள் அறியவும், உத்வேகத்தை மாணவர்கள் பெறவும் இத்தினம் தில்லி தமிழ்க் கல்விக் கழகப் பள்ளிகளில் புதன்கிழமை கொண்டாடப்பட்டது. 
இந்நிகழ்ச்சியில் அறிவியல் தினம் குறித்து மாணவர்களுக்குக்கு அறிவியல் பிரிவு ஆசிரியர்கள் எடுத்துரைத்தனர். மாணவர்களின் உரையும் இடம் பெற்றது. மாணவர்கள் பல்வேறு பதாகைகளைக் காட்சிப்படுத்தினர். பூசா சாலை பள்ளியில் மாணவர்களுக்கான வினாடி- வினா போட்டி நடைபெற்றது. இப்போட்டியில் வெற்றி பெற்ற மாணவர்களை பள்ளியின் முதல்வர் (பொறுப்பு) சித்ரா ராதாகிருஷ்ணன் வாழ்த்திப் பரிசுகள் வழங்கினார். இந்நிகழ்ச்சியில் கலந்து கொண்ட மாணவர்களுக்கு டிடிஇஏ செயலர் ராஜு வாழ்த்துத் தெரிவித்தார்.

]]>
http://www.dinamani.com/all-editions/edition-new-delhi/2018/mar/01/டிடிஇஏ-பள்ளிகளில்-தேசிய-அறிவியல்-தின-விழா-2871988.html
2871986 அனைத்துப் பதிப்புகள் புதுதில்லி மருத்துவர்கள் மீதான தாக்குதலைக் கண்டித்து வேலைநிறுத்த போராட்டம்: உரிய பாதுகாப்பு அளிக்க உயர் நீதிமன்றம் உத்தரவு DIN DIN Thursday, March 1, 2018 01:00 AM +0530 லோக் நாயக் மருத்துவமனையில் இரண்டு உள்ளுறை மருத்துவர்கள் மீது நோயாளிகளின் உறவினர்கள் செவ்வாய்க்கிழமை தாக்குதல் நடத்தியதற்கு எதிர்ப்பு தெரிவித்து மௌலானா ஆசாத் மருத்துவமனை உள்ளுறை மருத்துவர்கள் புதன்கிழமை வேலை நிறுத்தப் போராட்டத்தில் ஈடுப்பட்டனர்.
இதனால் புற நோயாளிகள் பிரிவும், அனுமதிக்கப்பட்டுள்ள நோயாளிகளுக்கான சிகிச்சைகள் கடுமையாக பாதிக்கப்பட்டன.
இதனிடையே, இந்த சம்பவத்தை தாமாக முன் வந்து தில்லி உயர் நீதிமன்றம் புதன்கிழமை விசாரித்தது. அப்போது, தில்லி அரசு மருத்துவமனைகளில் நோயாளிகளின் உறவினர்களால் மருத்துவர்கள் தொடர்ந்து தாக்கப்படும் சம்பவங்கள் வருத்தமளிப்பதாகவும்,  மருத்துவர்களுக்கு உரிய பாதுகாப்பு அளிக்காத அதிகாரிகள் மீது நீதிமன்ற அவமதிப்பு நடவடிக்கை எடுக்கப்படும் என்றும் எச்சரித்தது.
இந்த வழக்கை புதன்கிழமை விசாரித்த தில்லி உயர் நீதிமன்றத்தின் தலைமை நீதிபதி (பொறுப்பு) கீதா மித்தல், நீதிபதி சி. ஹரி சங்கர் ஆகியோர் அடங்கிய அமர்வு கூறியதாவது: 
இதுபோன்ற தாக்குதல் சம்பவங்கள் முன்பு நடைபெற்றபோது, அரசு மருத்துவமனை மருத்துவர்களுக்கு உரிய பாதுகாப்பு அளிக்க வேண்டும் என்று நீதிமன்றம் அறிவுறுத்தியிருந்தது. ஆனால் இதுவரை அது நடைமுறைக்கு வரவில்லை.
மருத்துவர்களுக்கு எதிரான தாக்குதல் சம்பவங்களை பொறுத்துக்கொண்டு இருக்க முடியாது. இதுபோன்ற தாக்குதல் சம்பவங்களைத் தடுக்க ஏன் அதிகாரிகள் நடவடிக்கை எடுப்பதில்லை என்று தெரியவில்லை. 
உரிய பாதுகாப்பு அளிக்கத் தவறினால் சம்பந்தப்பட்ட அதிகாரிகள் மீது நீதிமன்ற அவமதிப்பு நடவடிக்கை ஏன் எடுக்கக்கூடாது' என்று கேள்வி எழுப்பினர்.
இதற்கு தில்லி, மத்திய அரசுகள் சார்பில் ஆஜரான வழக்குரைஞர்கள், "தில்லியில் உள்ள அனைத்து மருத்துவமனைகளிலும் இதுபோன்ற தாக்குதல் சம்பவங்கள் நடைபெறாமல் தடுக்க வலுலான திட்டம் வகுக்க ஒருமுறை வாய்ப்பு அளிக்க வேண்டும் என்று கோரிக்கை விடுத்தனர். இதை ஏற்றுக் கொண்ட நீதிபதிகள் சம்பந்தப்பட்ட அதிகாரிகளுக்கு எதிராக நீதிமன்ற அவமதிப்பு நடவடிக்கை எடுப்பதை ஒத்தி வைத்தனர். 
இதற்கு பின்பும் பாதுகாப்பு நடவடிக்கைகளை மேற்கொள்ளவில்லை என்றால் அதிகாரிகள் மீது நீதிமன்றம் அவமதிப்பு நடவடிக்கை எடுக்கப்படும் என்று நீதிபதிகள் எச்சரித்து, இந்த வழக்கின் அடுத்த விசாரணை மார்ச் 21-ம் தேதிக்கு ஒத்தி வைத்தனர்.
 

]]>
http://www.dinamani.com/all-editions/edition-new-delhi/2018/mar/01/மருத்துவர்கள்-மீதான-தாக்குதலைக்-கண்டித்து-வேலைநிறுத்த-போராட்டம்-உரிய-பாதுகாப்பு-அளிக்க-உயர்-நீதிமன்-2871986.html
2871984 அனைத்துப் பதிப்புகள் புதுதில்லி திருமண கொண்டாட்டத்தில் துப்பாகியால் சுட்டதில் மாப்பிள்ளை சாவு DIN DIN Thursday, March 1, 2018 01:00 AM +0530 தில்லியில் திருமணக் கொண்டாட்ட ஊர்வலத்தில் மகிழ்ச்சியை வெளிப்படுத்த உறவினர் ஒருவர் துப்பாக்கியால் சுட்ட குண்டு மாப்பிள்ளை மீது பாய்ந்தது. 
இதில் மாப்பிள்ளை உயிரிழந்தார். மகிழ்ச்சிக்காக சுடப்பட்ட தோட்டா, மாப்பிள்ளையின் உயிரையே பலியாக்கிவிட்ட சம்பவம் திருமண நிகழ்ச்சியல் பங்கேற்ற அனைவரையும் சோகத்தில் ஆழ்த்தியது.
இந்தச் சம்பவம் குறித்து போலீஸார் கூறியதாவது:
ஷீலம்புரி பகுதியில் உள்ள கலந்தர் காலனியில் இருந்து ஃபரீதாபாதுக்கு திருமண ஊர்வலம் செவ்வாய்க்கிழமை இரவு நடைபெற்றது. இதில் மாப்பிள்ளை  தீபக் (23) குதிரையில் ஏறி அமர்ந்து சென்றார். அப்போது ஊர்வலத்தில் பங்கேற்ற மாப்பிள்ளையின் உறவினர் ஒருவர் துப்பாக்கியை எடுத்து மகிழ்ச்சியை வெளிப்படுத்த சுட்டுள்ளார். அதில், ஒரு தோட்டா தீபக்கின் தலையில் பாய்ந்தது. குதிரையில் இருந்து சரிந்து கீழே விழுந்த தீபக்கை, உறவினர்கள் மீட்டு ஜிடிபி மருத்துவமனையில் சேர்த்தனர். ஆனால் சிகிச்சை பலனின்றி அதிகாலை 2 மணியளவில் தீபக் உயிரிழந்தார். இந்தச் சம்பவம் தொடர்பாக வழக்குப் பதிவு செய்து விசாரணை நடத்தி வருகிறோம். ஆனந்த் விஹார் பேருந்து பணிமனையில் தீபக் உதவியாளராக பணியாற்றி வந்துள்ளார் என்று போலீஸார் தெரிவித்தனர்.

]]>
http://www.dinamani.com/all-editions/edition-new-delhi/2018/mar/01/திருமண-கொண்டாட்டத்தில்-துப்பாகியால்-சுட்டதில்-மாப்பிள்ளை-சாவு-2871984.html
2871983 அனைத்துப் பதிப்புகள் புதுதில்லி ஜாமீன் வழங்கக் கோரி உயர் நீதிமன்றத்தில் எம்எல்ஏ ஜர்வால் மனு DIN DIN Thursday, March 1, 2018 01:00 AM +0530 தில்லி தலைமைச் செயலர் அன்ஷு பிரகாஷ் தாக்கப்பட்டதாகக் கூறப்படும் விவகாரத்தில் கைது செய்யப்பட்டு நீதிமன்றக் காவலில் இருந்து வரும் ஆம் ஆத்மி எம்எல்ஏ பிரகாஷ் ஜர்வால் , ஜாமீன் கோரி தில்லி உயர் நீதிமன்றத்தில் புதன்கிழமை மனு தாக்கல் செய்துள்ளார். கீழமை நீதிமன்றத்தில் இருமுறை ஜாமீன் மறுக்கப்பட்ட நிலையில் தாக்கல் செய்யபட்டுள்ள அவரது மனு நீதிபதி முக்தா குப்தா முன் வியாழக்கிழமை விசாரணைக்கு வரும் என எதிர்பார்க்கப்படுகிறது. 
தில்லியில் பிப்ரவரி 19-ஆம் தேதி நள்ளிரவு முதல்வர் அரவிந்த் கேஜரிவாலின் இல்லத்தில் கூட்டம் நடைபெற்றது. அப்போது, முதல்வர் முன்னிலையில் தில்லி அரசின் தலைமைச் செயலர் அன்ஷு பிரகாஷை ஆம் ஆத்மி எம்எல்ஏக்கள் இருவர் தாக்கியதாக எழுந்த புகாரில் அக்கட்சியின் எம்எல்ஏக்கள் அமானத்துல்லா கான், பிரகாஷ் ஜர்வால் ஆகியோர் கைது செய்யப்பட்டனர். இருவரும் நீதிமன்றத்தில் ஆஜர்படுத்தப்பட்டு நீதிமன்றக் காவலில் வைக்கப்பட்டனர். எம்எல்ஏக்கள் இருவர் சார்பிலும் ஜாமீன் கோரி தில்லி மாஜிஸ்திரேட் நீதிமன்றத்தில் மனு தாக்கல் செய்யப்பட்டது. இம்மனுவை கடந்த பிப்ரவரி 23 தேதி விசாரித்த மாஜிஸ்திரேட் நீதிமன்றம், இருவர் மீதும் குற்றப் பின்னணி இருப்பதாகவும், திட்டமிட்ட குற்றச் சதியில் ஈடுபட்டதற்கான முகாந்திரம் இருப்பதாகவும் கூறி ஜாமீன் மனுவை தள்ளுபடி செய்து உத்தரவிட்டது. 
இதைத் தொடர்ந்து, தில்லி கூடுதல் சென்ஷ் நீதிமன்றத்தில் பிரகாஷ் ஜர்வால் தரப்பில் ஜாமீன் கோரி மனு தாக்கல் செய்யப்பட்டது. இந்த மனுவை செவ்வாய்க்கிழமை விசாரித்த தில்லி கூடுதல் செஷன்ஸ் நீதிமன்ற சிறப்பு நீதிபதி அஞ்சு பஜாஜ் சந்த்னா, மனுவை தள்ளுபடி செய்து உத்தரவிட்டிருந்தார். இந்நிலையில், எம்எல்ஏ ஜர்வால் தரப்பில் தில்லி உயர் நீதிமன்றத்தில் புதன்கிழமை ஜாமீன் கோரி மனு தாக்கல் செய்யப்பட்டுள்ளது.
 

]]>
http://www.dinamani.com/all-editions/edition-new-delhi/2018/mar/01/ஜாமீன்-வழங்கக்-கோரி-உயர்-நீதிமன்றத்தில்-எம்எல்ஏ-ஜர்வால்-மனு-2871983.html
2871982 அனைத்துப் பதிப்புகள் புதுதில்லி செல்லிடப்பேசி வழிப்பறி: 7 பேர் கும்பல் கைது DIN DIN Thursday, March 1, 2018 12:59 AM +0530 செல்லிடப்பேசி வழிப்பறியில் ஈடுபட்டு வந்த 7 பேர் கும்பலை தில்லி போலீஸார் கைது செய்தனர். அவர்களிடமிருந்து 51 திருட்டு செல்லிடப்பேசிகள் மீட்கப்பட்டதாக போலீஸார் தெரிவித்தனர்.
இதுகுறித்து தில்லி புறநகர் மாவட்ட கூடுதல் காவல் துணை ஆணையர் ராஜேந்திர சிங் சாகர் செய்தியாளர்களிடம் புதன்கிழமை கூறியதாவது: 
பல்வேறு வழிப்பறிச் சம்பவங்களில் தொடர்புடைய மூன்று பேர் தில்லியின் சுகி நாகர் சாலைக்கு வருவதாக போலீஸாருக்கு ரகசியத் தகவல் கிடைத்தது. இதையடுத்து, தனிப்படை போலீஸார் முபாரக்பூர் பகுதியில் மறைந்திருந்து கண்காணிப்பில் ஈடுபட்டனர். மாலை 3 மணியளவில் அவ்வழியாக ஸ்கூட்டி வாகனத்தில் வந்த மூன்று பேரை போலீஸார் நிறுத்தி விசாரித்தனர். அப்போது, அவர்கள் ஓட்டி வந்தது திருட்டு வாகனம் எனத் தெரிய வந்தது. இதையடுத்து, மூவரும் கைது செய்யப்பட்டனர். இவர்களில் ஒருவர் சிறார் என்பதும் விசாரணையில் தெரிய வந்தது. அவர்கள் அளித்த தகவலின் பேரில் மேலும் நான்கு பேர் கைது செய்யப்பட்டனர். விசாரணையில் அவர்கள் கிராரி சுலேமான் நகரைச் சேர்ந்த முகம்மது ஃபரூக் (25), முகம்மது ஜிலானி (22), முபாரக்பூர் தபாஸ் பகுதியைச் சேர்ந்த கௌரவ் ராவத் (25), இந்தர் என்கிளேவ் பகுதியைச் சேர்ந்த வேத் பிரகாஷ் (34), சாயிஃப் அலி, பிரேம் நகரைச் சேர்ந்த மோனு சிங் (20) மற்றும் ஒரு சிறார் என்பது தெரியவந்தது. அவர்கள் ஏழு பேரும் நாங்லோய், நிஹல் விஹார், அமன் விஹார், பஸ்சிம் விஹார், மியான்வாலி நகர் உள்ளிட்ட பகுதிகளில் பல்வேறு வழிப்பறிச் சம்பவங்களில் ஈடுபட்டிருந்தது தெரிய வந்தது. அவர்களிடமிருந்து 51 செல்லிடப்பேசிகள், ஸ்கூட்டி வாகனம், கணினி உள்ளிட்டவை மீட்கப்பட்டதாக காவல் அதிகாரி ராஜேந்திர சிங் சாகர் தெரிவித்தார்.

]]>
http://www.dinamani.com/all-editions/edition-new-delhi/2018/mar/01/செல்லிடப்பேசி-வழிப்பறி-7-பேர்-கும்பல்-கைது-2871982.html
2871981 அனைத்துப் பதிப்புகள் புதுதில்லி கிராமப் பொருளாதாரத்தின் ஆதாரமாக திகழும் கால்நடை பராமரிப்புத் துறை: தில்லி கூட்டத்தில் தமிழக அமைச்சர் பெருமிதம் DIN DIN Thursday, March 1, 2018 12:59 AM +0530 கிராமப்புற பொருளாதாரத்தின் ஆதாரமாக கால்நடை பராமரிப்புத் துறை திகழ்ந்து வருவதாக தில்லியில் நடைபெற்ற கூட்டத்தில் தமிழக அமைச்சர் உடுமலை கே.ராதாகிருஷ்ணன் பெருமிதத்துடன் கூறினார்.
தில்லி பூசா வளாகத்தில் புதன்கிழமை இந்திய வேளாண்மை ஆராய்ச்சிக் கவுன்சிலின் 89-ஆவது ஆண்டு பொதுக்குழுக் கூட்டம் நடைபெற்றது. இக்கூட்டத்திற்கு மத்திய வேளாண்மைத் துறை அமைச்சர் ராதாமோகன் சிங் தலைமை வகித்தார். இதில் பல்வேறு மாநிலங்களைச் சேர்ந்த கால்நடை, வேளாண் துறை அமைச்சர்கள் பங்கேற்றனர். இக்கூட்டத்தில் தமிழக கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் பங்கேற்றுப் பேசியதாவது:
கால்நடை வளர்ப்பு மற்றும் மீன்வளத் துறைக்காக ரூ.1,000 கோடி தொகுப்பு நிதி உருவாக்கும் அறிவிப்பை வெளியிட்டதற்காக பிரதமர் மோடிக்கு தமிழக அரசின் சார்பில் நன்றியைத் தெரிவித்துக் கொள்கிறேன். கிராமப்புற மக்களின் பொருளாதார அந்தஸ்தை மேம்படுத்துவதில் கால்நடை பராமரிப்புத் துறை முக்கியப் பங்களிப்பு செய்து வருகிறது. 
கிராமப் பொருளாதாரத்தின் ஆதாரமாகவும் இருந்து வருகிறது. கிராமப்புற மக்களுக்கு வேலைவாய்ப்பையும் அளித்து வருகிறது. தவிர, பால், இறைச்சி, முட்டை, கம்பளி, எலும்பு, தோல், உரம் போன்றவற்றையும் அளித்து வருகிறது. மொத்த மாநில உள்நாட்டு உற்பத்திக்கு (ஜிஎஸ்டிபி) கால்நடைத் துறையின் பங்களிப்பு 4.34 சதவீதமாக உள்ளது. இதை அதிகரிக்கும் வகையில் தமிழக அரசு பல்வேறு நடவடிக்கைகளை எடுத்து வருகிறது.
தமிழகத்தில் 2006-07-இல் கால்நடைகளின் மொத்த உற்பத்தி மதிப்பு ரூ.11,535.23 கோடியாக இருந்தது. 2015-16-இல் இது ரூ.47,659 கோடியாக அதிகரித்துள்ளது. அதேபோன்று, 2005-06-இல் 54.74 லட்சம் டன்னாக இருந்த மதிப்பிடப்பட்ட பால் உற்பத்தி, 2016-17-இல் 75.56 லட்சம் டன்னாக அதிகரித்துள்ளது. இதேபோன்று முட்டை, இறைச்சி, கோழி, ஆடு, மாடு உற்பத்தியிலும் தமிழகம் அபரிமித வளர்ச்சியைப் பெற்றுள்ளது என்றார் அமைச்சர் ராதாகிருஷ்ணன். இந்நிகழ்ச்சியில் தமிழக அரசின் தில்லி சிறப்புப் பிரதிநிதி தளவாய் சுந்தரம் உள்ளிட்டோர் கலந்து கொண்டனர்.


 

]]>
http://www.dinamani.com/all-editions/edition-new-delhi/2018/mar/01/கிராமப்-பொருளாதாரத்தின்-ஆதாரமாக-திகழும்-கால்நடை-பராமரிப்புத்-துறை-தில்லி-கூட்டத்தில்-தமிழக-அமைச்சர்-2871981.html
2871980 அனைத்துப் பதிப்புகள் புதுதில்லி சிறையில் எம்எல்ஏ அமானத்துல்லாவின் உயிருக்கு அச்சுறுத்தல் இல்லை: நீதிமன்றத்தில் மண்டோலி சிறை அதிகாரி அறிக்கை DIN DIN Thursday, March 1, 2018 12:59 AM +0530 தில்லி தலைமைச் செயலர் அன்ஷு பிரகாஷ் தாக்கப்பட்டதாகக் கூறப்படும் விவகாரத்தில் கைது செய்யப்பட்டு நீதிமன்றக் காவலில் இருந்து வரும் ஓக்லா தொகுதி ஆம் ஆத்மி எம்எல்ஏ அமானத்துல்லா கானின் உயிருக்கு சிறையில் அச்சுறுத்தல் இல்லை என்று நீதிமன்றத்தில் மண்டோலி சிறையின் கண்காணிப்பாளர் அறிக்கை தாக்கல் செய்துள்ளார். 
தில்லியில் பிப்ரவரி 19-ஆம் தேதி இரவு முதல்வர் அரவிந்த் கேஜரிவாலின் அரசு இல்லத்தில் கூட்டம் நடைபெற்றது. அப்போது, முதல்வர் முன்னிலையில் தில்லி அரசின் தலைமைச் செயலர் அன்ஷு பிரகாஷை ஆம் ஆத்மி எம்எல்ஏக்கள் இருவர் தாக்கியதாகப் புகார் எழுந்தது. இது தொடர்பாக அன்ஷு பிரகாஷ் அளித்த புகாரின் பேரில், ஆம் ஆத்மி எம்எல்ஏக்கள் அமானத்துல்லா கான், பிரகாஷ் ஜர்வால் ஆகியோர் கைது செய்யப்பட்டனர். இருவரும் நீதிமன்றத்தில் ஆஜர்படுத்தப்பட்டு நீதிமன்றக் காவலில் வைக்கப்பட்டனர். இந்நிலையில், ஜாமீன் கோரி தில்லி பெருநகர் மாஜிஸ்திரேட் நீதிமன்றத்தில் இருவர் தாக்கல் செய்த மனு கடந்த பிப்ரவரி 23-ஆம் தேதி தள்ளுபடி செய்யப்பட்டது. 
இதையடுத்து, ஜாமீன் கோரி பிரகாஷ் ஜர்வால் தரப்பில் கூடுதல் செஷன்ஸ் நீதிமன்றத்தில் மேல்முறையீடு செய்யப்பட்டது. இந்த மனுவை செவ்வாய்க்கிழமை விசாரித்த நீதிபதி அஞ்சு பஜாஜ் சந்த்னா, இது ஒரு சாதாரண தாக்குதல் சம்பவ வழக்கு அல்ல. அரசின் தலைமை அதிகாரி மீது குற்றம்சாட்டப்பட்டவர்கள் தாக்குதல் நடத்தியுள்ள வழக்காகும் எனக் கூறி மனுவைத் தள்ளுபடி செய்தார். 
இதனிடையே, மண்டோலி சிறையில் நீதிமன்றக் காவலில் இருந்து வரும் அமானத்துல்லா கானின் மனைவி தில்லி பெருநகர் மாஜிஸ்திரேட் நீதிமன்றத்தில் கடந்த பிப்ரவரி 26-ஆம் தேதி ஒரு மனு தாக்கல் செய்திருந்தார். அதில், "மண்டோலி சிறையில் அடைக்கப்பட்டுள்ள எனது கணவர் அமானத்துல்லாவைச் சந்தித்தேன். அப்போது சக சிறைவாசிகள் தன்னை அடித்து, தாக்கி அச்சுறுத்தி வருவதாகக் கூறினார். இதனால், சிறையில் அவரது உயிருக்கு ஆபத்து உள்ளதால், அவரை வேறு சிறைக்கு மாற்ற உத்தரவிட வேண்டும்' என்று கோரப்பட்டிருந்தது.
இந்த மனு மீதான விசாரணை தில்லி பெருநகர் மாஜிஸ்திரேட் நீதிமன்ற நீதிபதி ஷெஃபாலி பர்னாலா டாண்டன் முன் புதன்கிழமை விசாரணைக்கு வந்தது. அப்போது, வடகிழக்கு தில்லியில் உள்ள மண்டோலி சிறையின் 11-ஆவது எண் சிறையின் கண்காணிப்பாளர் நீதிமன்றத்தில் இது தொடர்பாக அறிக்கை தாக்கல் செய்தார்.
அதில் கூறப்பட்டுள்ளதாவது: அமானத்துல்லா கானின் உயிருக்கு சிறையில் அச்சுறுத்தல் ஏதும் இல்லை. குற்றம்சாட்டப்பட்ட நபரின் மனைவி நீதிமன்றத்தில் தாக்கல் செய்துள்ள மனு தொடர்பான தகவல் அமானத்துல்லாவுக்கு தெரிவிக்கப்பட்டது. ஆனால், அது போன்று தனக்கு ஏதும் அச்சுறுத்தல் இல்லை என்று அவர் சிறை அதிகாரிகளிடம் கூறியுள்ளார். மேலும், தன்னை சிறைக் கைதிகள் யாரும் தாக்கவோ, மிரட்டவோ இல்லை என்றும் தாம் பாதுகாப்பாக இருப்பதாக உணர்வதாகவும் அவர் தெரிவித்துள்ளார். மேற்கண்ட விஷயங்களைக் கருத்தில் கொள்ளும் போது அமானத்துல்லாவின் மனைவி தெரிவித்துள்ள குற்றச்சாட்டுகளில் அடிப்படையில்லை என்று அறிக்கையில் தெரிவிக்கப்பட்டுள்ளது.
இந்த அறிக்கையை பரிசீலித்த நீதிமன்றம், எம்எல்ஏ அமானத்துல்லாவின் மனைவி தாக்கல் செய்த மனுவைத் தள்ளுபடி செய்து உத்தரவிட்டது. 

]]>
http://www.dinamani.com/all-editions/edition-new-delhi/2018/mar/01/சிறையில்-எம்எல்ஏ-அமானத்துல்லாவின்-உயிருக்கு-அச்சுறுத்தல்-இல்லை-நீதிமன்றத்தில்-மண்டோலி-சிறை-அதிகாரி-2871980.html
2871978 அனைத்துப் பதிப்புகள் புதுதில்லி ஆம் ஆத்மி எம்எல்ஏக்கள் தகுதி நீக்கத்துக்கு எதிரான வழக்கு: தீர்ப்பு ஒத்திவைப்பு DIN DIN Thursday, March 1, 2018 12:59 AM +0530 தகுதி நீக்கம் செய்யப்பட்டதற்கு எதிராக 20 ஆம் ஆத்மி எம்எல்ஏக்கள் தொடுத்த வழக்கின் தீர்ப்பை, தேதி குறிப்பிடாமல் தில்லி உயர் நீதிமன்றம் புதன்கிழமை ஒத்தி வைத்தது.
இந்த வழக்கில் தேர்தல் ஆணையத்தின் வாதங்களும், சம்பந்தப்பட்ட எம்எல்ஏக்களின் வாதங்களும் முடிவடைந்துள்ளதால் தீர்ப்பை ஒத்தி வைப்பதாக நீதிபதிகள் சஞ்சீவ் கன்னா, சந்தர் சேகர் ஆகியோர் அடங்கிய அமர்வு தெரிவித்தது.
ஆம் ஆத்மி எம்எல்ஏக்கள் 20 பேர், பார்லிமென்ட்டரி செயலர் பதவிகளையும் வகிப்பதால் அவர்கள் மீது நடவடிக்கை எடுக்க வேண்டும் என்று தேர்தல் ஆணையத்தில் புகார் அளிக்கப்பட்டது. இதன் மீது விசாரணை நடத்திய தேர்தல் ஆணையம், ஆதாயம் தரும் இரட்டைப் பதவி வகிப்பதால் 20 ஆம் ஆத்மி எம்எல்ஏக்களைத் தகுதி நீக்கம் செய்ய வேண்டும் என்று ஜனவரி 19-ம் தேதி குடியரசுத் தலைவர் ராம்நாத் கோவிந்துக்கு பரிந்துரைத்தது. இந்தப் பரிந்துரையை அவர் ஏற்றுக் கொண்டதையடுத்து, 20 ஆம் ஆத்மி எம்எல்ஏக்களைப் பதவி நீக்கம் செய்து மத்திய அரசு ஜனவரி 20-ம் தேதி அரசாணை பிறப்பித்தது.
"இந்த அரசாணைக்கு தடை விதிக்க வேண்டும்; 20 தொகுதிகளுக்கு உடனடியாக தேர்தல் நடத்தக் கூடாது' எனக் கோரி ஆம் ஆத்மி எம்எல்ஏக்கள் தில்லி உயர் நீதிமன்றத்தில் வழக்குத் தொடுத்தனர்.
மத்திய அரசு பிறப்பித்த அரசாணைக்கு தடைவிதிக்க மறுத்த நீதிமன்றம், தகுதி நீக்கப்பட்ட ஆம் ஆத்மி எம்எல்ஏக்களின் தொகுதிகளில் தேர்தல் அறிவிக்கக் கூடாது என்று தேர்தல் ஆணையத்தைக் கேட்டுக் கொண்டது. 
இதையடுத்து, இந்த வழக்கை நீதிபதிகள் சஞ்சீவ் கன்னா, சந்தர் சேகர் ஆகியோர் அடங்கிய அமர்வு கடந்த பிப்ரவரி 7-ஆம் தேதி முதல் தினந்தோறும் விசாரித்து வந்தது.
செவ்வாய்க்கிழமை நடைபெற்ற விசாரணையின்போது, ஆம் ஆத்மி எம்எல்ஏக்கள் சார்பில், "தகுதி நீக்கம் செய்ய தேர்தல் ஆணையம் செய்த பரிந்துரை இயற்கை நீதியை மீறிய செயலாகும். எங்கள் தரப்பு வாதங்களை முன்வைக்க போதிய வாய்ப்பு வழங்காமல் தேர்தல் ஆணையம் பரிந்துரைத்துவிட்டது. ஆகையால், இந்த வழக்கை முதலில் இருந்து விசாரிக்க வேண்டும் என்று தேர்தல் ஆணையத்துக்கு உத்தரவிட வேண்டும் என்று வலியுறுத்தப்பட்டது.
தேர்தல் ஆணையத்தின் சார்பில் முன்வைக்கப்பட்ட வாதத்தின்போது, "ஆதாயம் தரும் இரட்டைப் பதவி வகிக்கவில்லை என்று எம்எல்ஏக்களால் முறையிட முடியாது. வாதங்களை முன்வைக்க அவர்களுக்கு தேர்தல் ஆணையம் போதிய வாய்ப்புகளை வழங்கி விட்டது. ஆகையால், அவர்களின் மனுக்களைத் தள்ளுபடி செய்ய வேண்டும்' என்று தெரிவிக்கப்பட்டது. இருதரப்பு வாதங்களும் புதன்கிழமை முடியுற்றதையடுத்து தீர்ப்பு ஒத்தி வைக்கப்பட்டது.

]]>
http://www.dinamani.com/all-editions/edition-new-delhi/2018/mar/01/ஆம்-ஆத்மி-எம்எல்ஏக்கள்-தகுதி-நீக்கத்துக்கு-எதிரான-வழக்கு-தீர்ப்பு-ஒத்திவைப்பு-2871978.html
2871976 அனைத்துப் பதிப்புகள் புதுதில்லி கொசுக்களால் பரவும் நோய்களைத் தடுக்க நடவடிக்கை:மேயர் தகவல் DIN DIN Thursday, March 1, 2018 12:58 AM +0530 தெற்கு தில்லி மாநகராட்சி (எஸ்டிஎம்சி) பகுதியில் கொசுக்களால் பரவும் நோய்களைத் தடுக்க நடவடிக்கைத் திட்டம் அமல்படுத்தப்படவுள்ளதாக மேயர் கமல்ஜீத் ஷெராவத் தெரிவித்தார்.  
கொசுக்களால் பரவும் நோய்களைத் தடுப்பது தொடர்பான கருத்தரங்கு எஸ்டிஎம்சி சார்பில் புதன்கிழமை நடைபெற்றது. இதில் விஞ்ஞானிகள், மத்திய மாநில அரசு மருத்துவர்கள், தில்லியில் உள்ள மூன்று மாநகராட்சிகளின் பிரதிநிதிகள் உள்பட பலர் கலந்து கொண்டனர். 
கருத்தரங்கைத் தொடக்கி வைத்து எஸ்டிஎம்சி மேயர் கமல்ஜீத் ஷெராவத் பேசியதாவது: டெங்கு, மலேரியா, சிக்குன் குனியா போன்ற கொசுக்களால் பரவும் நோய்களை, அவை பரவுவதற்கு முன்பே கண்டறிந்து தடுக்க வேண்டும். 
இதற்காக நிபுணர்கள் குழுவின் உதவியுடன் உருவாக்கப்பட்ட நடவடிக்கைத் திட்டத்தை அமல்படுத்துவது தொடர்பாக ஆராய்ந்து வருகிறோம். 
மேலும், கொசுக்களால் பரவும் நோய்களைத் தடுப்பது தொடர்பாக சமூக வலைத்தளங்களின் மூலம் அறிவுறுத்தப்பட வேண்டும். நோய்த் தடுப்பில் குடியிருப்போர் நலச் சங்கங்களின் உதவிகள் பெறப்பட வேண்டும். கொசுக்களால் பரவும் நோய்களைக் சுகாதாரத் துறை, அதில் பணியாற்றும் அதிகாரிகளால் மட்டுமே கட்டுப்படுத்த முடியாது. 
பொதுமக்களின் ஒத்துழைப்பு இல்லாமல் இந்த நோய்களைத் தடுக்க முடியாது. சிக்குன்குனியா, டெங்கு போன்ற நோய்கள் பிற மாநிலங்களில் இருந்து தில்லிக்கு பரவுகின்றன. வீடுகளில் நீர் தேங்காமல் மக்கள் கவனமாக இருக்க வேண்டும் என்றார் அவர். இக்கருத்தரங்கில் கொசுக்களால் பரவும் நோய்களைத் தடுப்பதற்கான வழிமுறைகள் குறித்து விஞ்ஞானிகள், மருத்துவர்கள் விவாதித்தனர்.
 

]]>
http://www.dinamani.com/all-editions/edition-new-delhi/2018/mar/01/கொசுக்களால்-பரவும்-நோய்களைத்-தடுக்க-நடவடிக்கைமேயர்-தகவல்-2871976.html
2871975 அனைத்துப் பதிப்புகள் புதுதில்லி தெற்கு தில்லி மாநகராட்சி  வார்டுகளில்  மேயர் ஆய்வு DIN DIN Thursday, March 1, 2018 12:58 AM +0530 தெற்கு தில்லி மாநகராட்சிக்குள்பட்ட மத்திய மண்டலத்தில் உள்ள ஹரிநகர் உள்பட 4 வார்ட்டுகளில் மேயர் கமல்ஜீத் ஷெராவத் புதன்கிழமை ஆய்வு மேற்கொண்டார்.
 இந்த ஆய்வின் போது வார்டு குழுத் தலைவர் ராஜ்பால் சிங், மாநகராட்சி ஆணையர் புனித் குமார் கோயல், கவுன்சிலர்கள் மகேஷ், அனாமிகா, கமலேஷ் குமார் சுக்லா, பிரேந்திரி ஆவனா மற்றும் அதிகாரிகள் உடனிருந்தனர்.
இந்த ஆய்வு தொடர்பாக மாநகராட்சி அதிகாரிகள் கூறியதாவது: மத்திய மண்டலத்தில் அமைந்துள்ள நான்கு வார்டுகளில் மேயர் ஆய்வு மேற்கொண்டார். மக்களைச் சந்தித்துக் கலந்துரையாடி அவர்களின் குறைகளைக் கேட்டறிந்தார். மக்களின் குறைகளை உடனுக்குடன் தீர்க்க நடவடிக்கை எடுக்கும்படி அதிகாரிகளை அவர் உத்தரவிட்டார். 
மாநகராட்சிப் பூங்காக்களைப் பார்வையிட்ட மேயர், பூங்காக்களில் மேற்கொள்ளப்பட வேண்டிய மேம்பாட்டுப் பணிகள் தொடர்பாக அதிகாரிகளுக்கு உத்தரவிட்டார். பூங்காக்களில் பசுமைப் பகுதியை அதிகரிப்பது தொடர்பாக அதிகாரிகளுடன் அமைச்சர் ஆலோசனை நடத்தினார் என்றனர்.
மாநகராட்சியை அழகுபடுத்த திட்டம்: 
பின்னர் செய்தியாளர்களிடம் பேசுகையில், "தெற்கு தில்லி மாநகராட்சிக்குள்பட்ட பகுதிகளை அழகுபடுத்தும் முயற்சிகளில் மாநகராட்சியினர் ஈடுபட்டு வருகின்றனர். 
மாநகராட்சிப் பூங்காக்கள் அழகுபடுத்தத் திட்டமிடப்பட்டு பணிகள் தொடங்கியுள்ளன. அதே போல, மக்கள் பயன்படுத்திய பிறகு கழிக்கப்படும் குடிநீர் பாட்டில்கள், பிளாஸ்டிக் கோப்பைகள், பாலித்தீன் ஆகியவை சேகரிக்கப்பட்டு அவற்றின் மூலம் மாநகராட்சிக்குள்பட்ட பகுதிகளை அழகுபடுத்த உள்ளோம். 
இதற்காக கழிவுப் பொருள்களைப் பயன்படுத்தி சிலைகள், உருவப் பொம்மைகளை உருவாக்கும் கலைஞர்களை இனம் கண்டு அந்தப் பொறுப்பை வழங்கி வருகிறோம். 
இந்தச் சிலைகள் பூங்காக்கள், நகரின் மையப் பகுதிகளில் வைக்கப்படும். இதற்காக மக்களிடம் இருந்து கழிவுப் பொருள்களை சேகரிக்கும் பணியில் ஈடுபட்டுள்ளோம்' என்றார்.

]]>
http://www.dinamani.com/all-editions/edition-new-delhi/2018/mar/01/தெற்கு-தில்லி-மாநகராட்சி--வார்டுகளில்--மேயர்-ஆய்வு-2871975.html
2871973 அனைத்துப் பதிப்புகள் புதுதில்லி கனாட்பிளேஸில் முதியவரை துப்பாக்கியால் சுட்டு பை திருட்டு: பட்டப்பகலில் சம்பவம் DIN DIN Thursday, March 1, 2018 12:58 AM +0530 தனது பையைப் பறித்த கொள்ளையர்களைத் தடுக்க முயன்ற தஸ்வீரி சிங் (50) என்பவரை கொள்ளையர்கள் துப்பாக்கியால் சுட்டுவிட்டு தப்பினர்.
தில்லியின் மையப் பகுதியான கனாட்பிளேஸில் காலை 10 மணியளவில் நடைபெற்ற இந்த துப்பாக்கி சூடு சம்பவம் பரபரப்பை ஏற்படுத்தியுள்ளது.
இந்தச் சம்பவம் குறித்து போலீஸார் புதன்கிழமை கூறியதாவது:
ரோஹிணியைச் சேர்ந்த தஸ்வீர் சிங், கனாட்பிளேஸில் உள்ள வெளிநாட்டு பணம் மாற்றும் நிறுவனத்தில் பணியாற்றி வருகிறார். கனாட்பிளேஸ் ஏ பிளாக் பகுதியில் புதன்கிழமை காலை 10 மணியளவில் அவர் முதுகில் பையை மாட்டிக் கொண்டு  சென்று கொண்டிருந்தார். அப்போது மர்ம நபர் இருவர் அவரது பையைப் பறித்துள்ளனர். 
இதைத் தடுக்க முயன்ற அவர் மீது துப்பாக்கியால் சுட்டுவிட்டு தப்பிவிட்டனர். இதில் தஸ்வீர் சிங்கின் முதுகில் குண்டு பாய்ந்தது. மருத்துவமனையில் சிகிச்சைப் பெற்று வரும் அவர் நலமாக உள்ளார்.தஸ்வீரின் பையில் பணம் ஏதும் இல்லை. அவரது மகன் சிறையில் உள்ளார். ஆகையால், இந்தச் சம்பவம் முன்விரோதம் காரணமாக நடைபெற்றதா அல்லது கொள்ளையடிக்கும் நோக்கத்தில் நடைபெற்றதா என்ற கோணத்தில் விசாரணை நடைபெற்று வருகிறது. 
அப்பகுதியில் உள்ள சிசிடிவி கேமராக்களின் பதிவுகளை கைப்பற்றி   விசாரணை நடத்தி வருகிறோம் என்றனர். இந்நிலையில், சம்பவத்தை நேரில் பார்த்த பாதுகாவலர் ஒருவர் கூறியதாவது: 
நடந்து சென்று கொண்டிருந்த தஸ்லீமின் முதுகு பையை, கைக்குட்டையால் முகத்தை மறைத்திருந்த இருவர் திடீரென பிடிங்கினார். அதை அவர் தடுத்து கூச்சலிட்டார். அப்போது துப்பாக்கியால் சுட்ட சத்தம் கேட்டது. நான் கொள்ளையர்களைப் பார்த்ததும், அவர்கள் ஓடிவிட்டனர். காலை 10 மணி என்பதால் கடைகள் திறக்கும் பணிகளில் ஊழியர்கள் ஈடுபட்டிருந்தனர். மக்கள் நடமாட்டமும் குறைவாக இருந்தது என்றார்.

]]>
http://www.dinamani.com/all-editions/edition-new-delhi/2018/mar/01/கனாட்பிளேஸில்-முதியவரை-துப்பாக்கியால்-சுட்டு-பை-திருட்டு-பட்டப்பகலில்-சம்பவம்-2871973.html
2871972 அனைத்துப் பதிப்புகள் புதுதில்லி மாநகராட்சிகளில் தொடரும் சீலிங் நடவடிக்கை DIN DIN Thursday, March 1, 2018 12:57 AM +0530 வடக்கு, தெற்கு தில்லி மாநகராட்சிகளில் சீலிங் நடவடிக்கை புதன்கிழமையும் தொடர்ந்தது.
உருமாற்றக் கட்டணம் செலுத்தாத, சட்டத்துக்குப் புறம்பான வகையில் அமைக்கப்பட்ட வணிக வளாகங்களையும் கடைகளையும் உச்ச நீதிமன்றத்தால் அமைக்கப்பட்ட கண்காணிப்புக் குழுவின் உத்தரவுப்படி மாநகராட்சி அதிகாரிகள் கடந்த சில மாதங்களாக சீல் வைத்து வருகின்றனர். இந்நிலையில், புதன்கிழமையும் வடக்கு, தெற்கு மாநகராட்சிக்குள்பட்ட பகுதிகளில் சீல் வைப்பு நடவடிக்கை தொடர்ந்தது. 
இது தொடர்பாக மாநகராட்சி அதிகாரிகள் கூறியதாவது: வடக்கு தில்லி மாநகராட்சிப் பகுதியில் விக் லைன், ரோஹிணி, தர்யா கஞ்ச், கீர்த்தி நகர், மானசரோவர் கார்டன், சுபாஷ் பிளேஸ், பிரசாந் விஹார் ஆகிய இடங்களில் 84 கடைகள் சீல் வைக்கப்பட்டன. இக்கடைகள் முறையான அனுமதி பெறாமல் கட்டப்பட்டவையாகும். 
தெற்கு தில்லி மாநகராட்சி, மேற்கு மண்டலத்தில் 12 கடைகள், மத்திய மண்டலத்தில் 3 கடைகள் சீல் வைக்கப்பட்டன. இக்கடைகளில் பார்க்கிங் பகுதிகள் வணிகத் தேவைகளுக்காகப் பயன்படுத்தப்பட்டதால் அவை சீல் வைக்கப்பட்டன என்றனர்.


 

]]>
http://www.dinamani.com/all-editions/edition-new-delhi/2018/mar/01/மாநகராட்சிகளில்-தொடரும்-சீலிங்-நடவடிக்கை-2871972.html
2871970 அனைத்துப் பதிப்புகள் புதுதில்லி ஜயேந்திரர் மறைவு: குடியரசுத் தலைவர், பிரதமர் உள்ளிட்டோர் இரங்கல் DIN DIN Thursday, March 1, 2018 12:57 AM +0530 காஞ்சி சங்கராச்சாரியார் மறைவுக்கு குடியரசுத் தலைவர் ராம்நாத் கோவிந்த் பிரதமர் நரேந்திர மோடி, குடியரசு துணைத் தலைவர் வெங்கய்ய நாயுடு உள்ளிட்ட தலைவர்கள் இரங்கல் தெரிவித்துள்ளனர்.
ராம்நாத் கோவிந்த் வெளியிட்டுள்ள இரங்கல் செய்தியில், "காஞ்சி சங்கராச்சாரியாரின் மறைவு செய்தி மிகுந்த வேதனை அளிக்கிறது. நமது நாடு மிகப்பெரிய ஆன்மிகத் தலைவரும், சமூக சீர்திருத்தவாதியையும் இழந்துவிட்டது. அவரது மடத்தைச் சேர்ந்தவர்களுக்கும், அவரைப் பிரிந்துவாடும் பக்தர்களுக்கும் எனது ஆழ்ந்த இரங்கலைத் தெரிவித்துக் கொள்கிறேன்' என்று கூறியுள்ளார்.
இதுதொடர்பாக வெங்கய்ய நாயுடு சுட்டுரையில் (டுவிட்டர்) வெளியிட்ட பதிவில், "முக்தியடைந்துவிட்ட காஞ்சி பீடாதிபதி ஸ்ரீ ஜயேந்திர சரஸ்வதி சுவாமிகளுக்கு எனது இறுதி மரியாதையைத் தெரிவிக்கிறேன். நாட்டில் ஆன்மிக வளர்ச்சிக்கும், மனிதகுல மேம்பாட்டுக்கும் அவர் பணியாற்றினார்' என்று கூறியுள்ளார்.
பிரதமர் மோடி சுட்டுரையில் வெளியிட்ட இரங்கல் செய்தியில், "தனது சேவைகளாலும், சீரிய சிந்தனைகளாலும் லட்சக்கணக்கான பக்தர்களின் மனதில் சங்கராச்சாரியார் எப்போதும் வாழ்ந்து கொண்டிருப்பார். லட்சக்கணக்கான ஏழை, எளிய மக்களின் வாழ்க்கை மேம்பாட்டுக்காக அவரது தலைமையில் சிறப்பான பணிகள் நடைபெற்றுள்ளன' என்று கூறியுள்ளார்.
காங்கிரஸ் தலைவர் ராகுல் காந்தி: சங்கராச்சாரியாரின் திடீர் மறைவு பெரும் அதிர்ச்சி அளிக்கிறது. உலகம் முழுவதும் உள்ள லட்சக்கணக்கான பக்தர்கள் மனதில் எப்போதும் அவர் வாழ்வார். அவரது ஆத்மா சாந்தியடைய இறைவனை வேண்டுகிறேன் என்று ராகுல் காந்தி சுட்டுரையில் கூறியுள்ளார்.
மேற்கு வங்க முதல்வர் மம்தா பானர்ஜி, தெலங்கானா ஆளுநர் இஎஸ்எல் நரசிம்மன், முதல்வர் கே.சந்திரசேகர ராவ் உள்ளிட்ட பலர் சங்கராச்சாரியார் மறைவுக்கு இரங்கல் தெரிவித்துள்ளனர்.

]]>
http://www.dinamani.com/all-editions/edition-new-delhi/2018/mar/01/ஜயேந்திரர்-மறைவு-குடியரசுத்-தலைவர்-பிரதமர்-உள்ளிட்டோர்-இரங்கல்-2871970.html
2871320 அனைத்துப் பதிப்புகள் புதுதில்லி பிக்பாக்கெட் கும்பல் கத்தியால் குத்தி உ.பி. இளைஞர் சாவு: மனைவியைக் காப்பாற்ற முயன்ற போது சம்பவம் DIN DIN Wednesday, February 28, 2018 12:52 AM +0530 தில்லியில் பிக்பாக்கெட் கும்பல் கத்தியால் குத்தியதில் இளைஞர் உயிரிழந்தார். திருடர்களின் தாக்குதலில் இருந்து மனைவியைக் காப்பாற்ற முயன்ற போது அவர் கொலை செய்யப்பட்டதாக போலீஸார் தெரிவித்தனர். இது தொடர்பாக மூன்று பேர் கைது செய்யப்பட்டுள்ளனர். 
இது குறித்து தில்லி காவல் துறையினர் கூறியதாவது: 
உத்தர பிரதேச மாநிலத்தைச் சேர்ந்தவர் அமர்ஜீத் (25). கூலித் தொழிலாளி. இவர் தில்லி நிலோத்தி பகுதியில் தனது குடும்பத்துடன் வசித்து வந்தார். சம்பவத்தன்று பகலில் இவர் தனது மனைவி மஞ்சு, சகோதரர் சந்தீப், நான்கு வயது மகன் ஆகியோருடன் தில்லியில் உள்ள தேசிய உயிரியல் பூங்காவுக்கு சென்றார். 
பூங்காவைச் சுற்றிப் பார்த்துவிட்டு மாலையில் அங்கிருந்து அருகில் உள்ள மெட்ரோ ரயில் நிலையத்திற்கு செல்வதற்காக தில்லி அரசுப் போக்குவரத்து நிறுவனப் (டிடிசி) பேருந்தில் நால்வரும் திரும்பிக் கொண்டிருந்தனர்.  
பேருந்து பிரகதி மைதான் அருகே வந்து கொண்டிருந்த போது பேருந்தில் இருந்த இருவர், அமர்ஜீத்திடமிருந்து செல்லிடப்பேசியை திருடினர். இதைப் பார்த்த அமர்ஜீத்தின் மனைவி கூச்சலிட்டார். இதையடுத்து, சுதாரித்துக் கொண்ட பிக்பாக்கெட் திருடர்கள் நான்கு பேர் பேருந்தில் இருந்து குதித்து ஓடினர். அவர்களில் ஒருவரை பிடிக்க மஞ்சு முயன்றார். 
இதையடுத்து, திருடர்கள் தாக்கியதில் அவருக்கு காயம் ஏற்பட்டது. இதைப் பார்த்த அமர்ஜீத், மனைவியைக் காப்பாற்ற முயன்றார். அப்போது, அவரை பிக்பாக்கெட் திருடர்களில் ஒருவரான அஜித் என்பவர் கத்தியால் குத்தியதாகக் கூறப்படுகிறது. இதில், அமர்ஜீத் ரத்த வெள்ளத்தில் சரிந்து விழுந்து உயிரிழந்தார்.
 இதனிடையே, அமர்ஜீத்தின் மனைவி மஞ்சு திருடர்களைப் பின்தொடர்ந்து விரட்டிச் சென்றார். இதில், சுமித், சூரஜ் ஆகிய இரு திருடர்கள் சிக்கினர். அவர்கள் இருவரும் பொதுமக்கள் உதவியுடன் பிடிக்கப்பட்டு போலீஸாரிடம் ஒப்படைக்கப்பட்டனர். 
அவர்களை போலீஸார் கைது செய்தனர். சுமித், சூரஜ் இருவரிடம் நடத்திய விசாரணையைத் தொடர்ந்து, கிழக்கு தில்லி, ஷாதராவில் மறைந்திருந்த அஜித் (24) கைது செய்யப்பட்டார். இந்தச் சம்பவத்தில் தொடர்புடைய மேலும் ஒருவரை தேடி வருவதாக போலீஸார் தெரிவித்தனர்.

]]>
http://www.dinamani.com/all-editions/edition-new-delhi/2018/feb/28/பிக்பாக்கெட்-கும்பல்-கத்தியால்-குத்தி-உபி-இளைஞர்-சாவு-மனைவியைக்-காப்பாற்ற-முயன்ற-போது-சம்பவம்-2871320.html
2871319 அனைத்துப் பதிப்புகள் புதுதில்லி என்.டி.எம்.சி. பூங்காக்களில் கூடுதல் பொழுதுபோக்கு அம்சங்கள் DIN DIN Wednesday, February 28, 2018 12:52 AM +0530 தெற்கு தில்லி மாநகராட்சிப் பூங்காக்களில் கூடுதல் பொழுதுபோக்கு அம்சங்கள் ஏற்படுத்தப்படவுள்ளதாக மாநகராட்சி அவைத்தலைவர் ஷிக்கா ராய் கூறினார். 
இது தொடர்பாக அவர் செவ்வாய்க்கிழமை கூறியதாவது: தெற்கு தில்லி மாநகராட்சிக்குச் சொந்தமான பூங்காக்களில் பல பொழுதுபோக்கு அம்சங்கள் உருவாக்கப்படவுள்ளன. 
அதன்படி, பூங்காக்களில் உணவகங்கள் அமைக்கப்படவுள்ளன. பூங்காக்களில் குழந்தைகள் விளையாடுவதற்கென தனியாக இடங்கள் ஒதுக்கப்பட்டு அங்கே குழந்தைகள் விளையாட்டு உபகரணங்கள் நிறுவப்படவுள்ளன. 
பொதுமக்களைக் கவரும் வகையில் செயற்கையான நீருற்றுகள், மக்கள் ஓய்வெடுக்கும் வகையில் நிழல் குடைகள் அமைக்கப்படவுள்ளன.
தில்லியில் உள்ள புகழ்பெற்ற பொழுதுபோக்கு சுற்றுலா இடங்களில் விடுமுறை நாள்களில் மக்கள் கூட்டம் அதிகமாகக் காணப்படும். 
அதைக் கருத்தில் கொண்டு மாநகராட்சிப் பூங்காக்களில் இந்தக் கூடுதல் வசதிக்கு ஏற்பாடு செய்யப்படுகிறது. இதனால், இனிமேல் இந்தப் பூங்காக்களைப் பொதுமக்கள் பயன்படுத்திக் கொள்ளலாம். 
இதற்காக தெற்கு தில்லி மாநகராட்சி எல்லைக்குள் இரண்டு ஏக்கருக்கும் அதிகமான பரப்பளவுள்ள பூங்காக்களை இனம் கண்டு வருகிறோம். 
அங்கு அமைக்கப்படும் பூங்காக்களில் இந்த வசதிகள் ஏற்படுத்தப்படவுள்ளன. மக்கள் குடியிருப்புக்களுக்கு மத்தியில் அமைந்துள்ள பூங்காக்களில் இந்த வசதிகள் ஏற்படுத்தப்படாது. குடியிருப்புகளுக்கு ஒதுக்குப்புறமாக அமைந்துள்ள பூங்காக்களிலேயே இந்தவசதிகள் ஏற்படுத்தப்படவுள்ளன. 
இதில் பிரதான சாலைகளை ஒட்டி அமைந்துள்ள பூங்காக்களுக்கு முன்னுரிமை வழங்கப்படும். 
பூங்காக்களின் ஒரு பகுதியில் தாற்காலிக சந்தைகளை அமைப்பது தொடர்பாகவும் விவாதித்து வருகிறோம். 
முதல் கட்டமாக கிரேட்டர் கைலாஷ்-1, டிஃபன்ஸ் காலனி, சாகேத், பஞ்சாபி பாக் ஆகிய பகுதிகளில் உள்ள பூங்காக்களில் கூடுதல் பொழுதுபோக்கு அம்சங்கள் ஏற்படுத்தப்படவுள்ளன என்றார் அவர்.
 

]]>
http://www.dinamani.com/all-editions/edition-new-delhi/2018/feb/28/என்டிஎம்சி-பூங்காக்களில்-கூடுதல்-பொழுதுபோக்கு-அம்சங்கள்-2871319.html
2871318 அனைத்துப் பதிப்புகள் புதுதில்லி கிரேன் மோதி கால் இழந்த முதியவருக்கு  ரூ.44 லட்சம் இழப்பீடு வழங்க உத்தரவு DIN DIN Wednesday, February 28, 2018 12:51 AM +0530 கிரேன் வாகனம் மோதி இடதுகாலை இழந்த முதியவருக்கு ரூ. 44,82,200 இழப்பீடு வழங்க இஃப்கோ டோக்கியோ ஜெனரல் இன்சூரன்ஸ் நிறுவனத்துக்கு மோட்டார் வாகன விபத்து இழப்பீட்டுக் கோஸ்ரல் தீர்ப்பாயம் உத்தரவிட்டது.
இதுகுறித்த வழக்கு விவரம் வருமாறு: 
தில்லியைச் சேர்ந்தவர் அசோக் குமார் (60). இவர் தனியார் நிறுவனத்தில் பாதுகாவலாளியாக வேலை செய்து வந்தார். இந்நிலையில், கடந்த ஆண்டு ஆகஸ்ட் 2-ஆம் தேதி தெற்கு தில்லி ஓக்லா பகுதி சாலையில் நடந்து சென்று கொண்டிருந்தார். அப்போது, அவ்வழியாக வந்த கிரேன் வாகனம் அவர் மீது மோதியது. இதில் நிலைகுலைந்து கீழே விழுந்த அசோக் குமார் மீது வாகனத்தின் சக்கரம் ஏறியது. 
இதில் அவரது இடது கால் நசுங்கியதாகக் கூறப்படுகிறது. இதையடுத்து, மருத்துவமனையில் அசோக் குமார் அனுமதிக்கப்பட்டார். 80 சதவீதம் பாதிப்புக்குள்ளான அவரது கால் அகற்றப்பட்டது.
இதையடுத்து, விபத்துக்குக் காரணமான கிரேன் வாகன ஓட்டுநர், அதன் உரிமையாளர், வாகனத்திற்கு காப்பீடு செய்த நிறுவனத்திடமும் இருந்து இழப்பீடு பெற்றுத் தரக் கோரி தில்லியில் உள்ள மோட்டார் வாகன விபத்து இழப்பீட்டுக் கோரல் தீர்ப்பாயத்தில் அசோக் குமார் வழக்குத் தொடுத்தார்.
அதில், "சம்பவத்தன்று நடந்து சென்றுகொண்டிருந்தேன். அப்போது, விதி மீறி அஜாக்கிரதையாக ஓட்டிவரப்பட்ட கிரேன் வாகனம் மோதி விபத்து ஏற்பட்டு எனது இடது காலை இழக்க நேரிட்டது. 
இதனால், எனது வருவாயும் நிரந்தரமாக நின்றுவிட்டது. கிரேன் வாகனத்தை அதன் ஓட்டுநர் கவனக் குறைவாகவும், வேகமாகவும் ஓட்டி வந்ததுதான் விபத்துக்குக் காரணம். எனவே, எனக்கு இழப்பீடு வழங்க உத்தரவிட வேண்டும்' என்று வலியுறுத்தப்பட்டிருந்தது.
இந்த வழக்கு விசாரணையின் போது கிரேன் வாகனத்தின்உரிமையாளர், ஓட்டுநர் ஆகியோர் தரப்பில் பதில் தாக்கல் செய்யப்படவில்லை. உரிய ஆதாரங்களையும் அளிக்கவில்லை. 
மேலும், கிரேன் வாகனத்திற்கு காப்பீடு செய்த நிறுவனம் பாதிக்கப்பட்ட அசோக் குமாருக்கு ரூ.1 லட்சம் அளித்து இந்த விவகாரத்தை சமரசம் செய்து கொள்ள முன்வந்தது. அதை அசோக் குமார் ஏற்க மறுத்துவிட்டார். 
இந்நிலையில், இந்த விபத்து தொடர்பான வழக்கை விசாரித்த தீர்ப்பாயத்தின் தலைமை அதிகாரி ராஜ் குமார் சௌகான் பிறப்பித்த உத்தரவு வருமாறு:
இந்த வழக்கில், பாதிக்கப்பட்ட அசோக் குமார் விபத்தில் சிக்கி தனது இடது காலை இழந்துள்ளார். அவருக்கு 80 சதவீதம் பாதிப்பு ஏற்பட்டுள்ளதால், அவரால் எஞ்சிய காலம் முழுவதும் வேலை செய்ய முடியாத நிலை ஏற்பட்டிருப்பது தெரிய வருகிறது. 
அவர் மாற்றுத் திறனாளியாவதற்கு விபத்தை ஏற்படுத்திய கிரேன் வாகனம் அஜாக்கிரதையாக ஓட்டிவரப்பட்டதுதான் காரணம் என்பது போலீஸாரின் முதல் தகவல் அறிக்கை, குற்றப்பத்திரிகை, பாதிக்கப்பட்டவரின் மருத்துவ அறிக்கை, கிரேன் வாகனத்தின் ஆய்வு அறிக்கை ஆகியவை மூலம் தெரிய வருகிறது. 
இதனால், விபத்தில் காலை இழந்த அசோக் குமாருக்கு கிரேன் வாகனத்திற்கு காப்பீடு செய்துள்ள இஃப்கோ டோக்கியோ ஜெனரல் இன்சூரன்ஸ் நிறுவனம் இழப்பீட்டுத் தொகையாக ரூ.44,82,200 வழங்க வேண்டும் என்று அந்த உத்தரவில் கூறப்பட்டுள்ளது.
 

]]>
http://www.dinamani.com/all-editions/edition-new-delhi/2018/feb/28/கிரேன்-மோதி-கால்-இழந்த-முதியவருக்கு-ரூ44-லட்சம்-இழப்பீடு-வழங்க-உத்தரவு-2871318.html
2871316 அனைத்துப் பதிப்புகள் புதுதில்லி கேஜரிவாலுடன் ஆலோசனைக் கூட்டத்தில்  பங்கேற்றார் தலைமைச் செயலர் DIN DIN Wednesday, February 28, 2018 12:51 AM +0530 தில்லி தலைமைச் செயலர் தாக்கப்பட்டதாக கூறப்படும் சம்பவத்துக்கு பிறகு, தில்லி முதல்வர் அரவிந்த் கேஜரிவாலுடன் முதல் கூட்டத்தில் தலைமைச் செயலர் அன்ஷு பிரகாஷ் செவ்வாய்க்கிழமை பங்கேற்றார். 
கேஜரிவால் இல்லத்தில் ஆம் ஆத்மி எம்எல்ஏக்கள் இருவரால் தலைமைச் செயலர் தாக்கப்பட்டதாக எழுந்த சர்ச்சைக்கு பிறகு, முதல்வர், அமைச்சர்கள் பங்கேற்கும் ஆலோசனைக் கூட்டங்களை தலைமைச் செயலர் புறக்கணித்து வந்தார். இந்த விவகாரத்தில் துணைநிலை ஆளுநர் அனில் பய்ஜால் தலையிட்டு சுமுகத் தீர்வு காண நடவடிக்கைகளை எடுத்து வந்தார். ஆனாலும் கடந்த 19-ம் தேதி நடைபெற்ற இந்த சம்பவத்தையடுத்து, தில்லி தலைமைச் செயலகத்தில் உள்ள தனது அறையில் இருந்தபோதிலும், அங்கு நடைபெற்ற அரசு ஆலோசனைக் கூட்டங்களில் அன்ஷு பிரகாஷ் பங்கேற்க வில்லை. 
இந்நிலையில், பட்ஜெட் கூட்டத்தொடர் தொடர்பாக செவ்வாய்க்கிழமை நடைபெற்ற ஆலோசனைக் கூட்டத்துக்கு முன்பு தலைமைச் செயலர் அன்ஷு பிரகாஷ், முதல்வர் கேஜரிவாலுக்கு கடிதம் எழுதினார். அதில், "தில்லி பட்ஜெட் கூட்டத்தொடரின் தேதிகளை இறுதி செய்வதற்கான முக்கிய ஆலோசனைக் கூட்டம் இன்று நடைபெறுகிறது. தில்லி அமைச்சர்கள் பங்கேற்கும் இந்தக் கூட்டத்தில் முக்கிய முடிவுகள் எடுக்கப்பட உள்ளன.
தில்லி அரசு செயல்பட பட்ஜெட் தாக்கல் செய்யப்பட்டு நிறைவேற்றபட வேண்டியது அவசியம். ஆகையால், நானும் முக்கிய அதிகாரிகளும் இன்றைய கூட்டத்தொடரில் பங்கேற்கிறோம். 
இந்தக் கூட்டத்தில் அதிகாரிகளுக்கு உரிய மரியாதையும், கண்ணியமும் காக்கப்படும் என்று நம்புகிறோம். எங்கள் மீது வார்த்தைகளால் தாக்குதலோ, நேரடித் தாக்குதலோ நடைபெறாமல் இருக்க முதல்வர் நடவடிக்கை எடுப்பார்' என்று நம்புகிறோம் என்று தெரிவித்திருந்தார்.

"அமைதி போராட்டம் தொடரும்'
தில்லி தலைமைச் செயலர் தாக்கப்பட்டதாக கூறப்படும் விவகாரத்தில் தில்லி முதல்வரும், துணை முதல்வரும் மன்னிப்பு கேட்கும் வரை போராட்டம் தொடரும் என்று ஐஏஎஸ், டானிக்ஸ், டாஸ் பிரிவுகளைச் சேர்ந்த அதிகாரிகளின் சங்கம் தெரிவித்துள்ளது.
தில்லி அரசு அதிகாரிகளின் கூட்டு சங்கத்தினரின் கூட்டம் செவ்வாய்க்கிழமை நடைபெற்றது. இந்தக் கூட்டத்தில் நிறைவேற்றப்பட்ட தீர்மானங்கள் குறித்து அச்சங்கத்தின் உறுப்பினர் பங்கஞ் குமார் செய்தியாளர்களிடம் கூறியதாவது: தில்லி மக்களின் நலனைக் கருத்தில் கொண்டு, பட்ஜெட் ஆலோசனைக் கூட்டத்தில் தொடர்புடைய அதிகாரிகள் மட்டும் செவ்வாய்க்கிழமை நடைபெற்ற கூட்டத்தில் பங்கேற்றனர். எனினும், தில்லி தலைமைச் செயலர் தாக்கப்பட்ட சம்பவத்துக்கு முதல்வரும், துணை முதல்வரும் எழுத்துபூர்வமாக மன்னிப்பு கோரும் வரை தில்லி அரசு அலுவலகங்களில் அதிகாரிகள் தினந்தோறும் மதியம் 1.30 மணிக்கு 5 நிமிடங்கள் கடைப்பிடிக்கும் அமைதி போராட்டம் தொடரும் என்றார் அவர்.

முதல்வரின் ஆலோசகர் விடுப்பில் சென்றார்
தில்லி முதல்வர் அரவிந்த் கேஜரிவாலின் ஆலோசகர் வி.கே. ஜெயின் ஒரு வாரம் மருத்துவ விடுப்பில் சென்றார்.
தலைமைச் செயலர் தாக்குதல் சம்பவம் தொடர்பாக இவரிடம் தில்லி போலீஸார் விசாரணை நடத்தியிருந்தனர். முதலில் இந்தச் சம்பவம் நடைபெற்றபோது, சம்பவ இடத்தில் தான் இல்லை என்று போலீஸாரிடம் ஜெயின் தெரிவித்திருந்தார். பின்னர், ஆம் ஆத்மி எம்எல்ஏக்கள் பிரகாஷ் ஜார்வால், அமானதுல்லா கான் ஆகியோர் தலைமைச் செயலர் மீது தாக்குதல் நடத்தியதை பார்த்ததாக போலீஸாரிடம் ஜெயின் தெரிவித்திருந்தார்.

]]>
http://www.dinamani.com/all-editions/edition-new-delhi/2018/feb/28/கேஜரிவாலுடன்-ஆலோசனைக்-கூட்டத்தில்-பங்கேற்றார்-தலைமைச்-செயலர்-2871316.html
2871314 அனைத்துப் பதிப்புகள் புதுதில்லி தில்லி தமிழ்ச் சங்கத்தில் மனவளக்கலை சொற்பொழிவு DIN DIN Wednesday, February 28, 2018 12:51 AM +0530 தில்லித் தமிழ்ச் சங்கத்தின் மனவளக்கலை (யோகா) பயிலரங்கத்துடன் இணைந்து தில்லி தமிழ்ச் சங்கத்தின் சார்பில் மனவளக்கலை குறித்த சொற்பொழிவு நிகழ்ச்சி செவ்வாய்க்கிழமை மாலை நடைபெற்றது.
இதில், திருச்சி உலக சமுதாய சேவா மையத்தின் மனவளக்கலை பேராசிரியர் மாலா ஜெயப்பிரகாஷ் கலந்துகொண்டு "இல்லற வாழ்வில் இனிமைக்கு மனவளக்கலை (யோகா)' எனும் தலைப்பில் சொற்பொழிவு நிகழ்த்தினார். அவரை தில்லி தமிழ்ச் சங்கத்தின் செயற்குழு உறுப்பினர் சாந்தி, இணைச் செயலர் பாலமூர்த்தி, செயற்குழு உறுப்பினர்கள் எஸ்.மகேந்திரன், எம். சம்பத்குமார், எஸ். லட்சுமணன், மனவளக்கலை பேராசிரியர் பரமேஸ்வரன் ஆகியோர் கௌரவித்தனர்.
 

]]>
http://www.dinamani.com/all-editions/edition-new-delhi/2018/feb/28/தில்லி-தமிழ்ச்-சங்கத்தில்மனவளக்கலை-சொற்பொழிவு-2871314.html
2871312 அனைத்துப் பதிப்புகள் புதுதில்லி எஸ்டிஎம்சி பள்ளிகளின் பாடத் திட்டத்தில் மாற்றம்: மேயர் தகவல் DIN DIN Wednesday, February 28, 2018 12:50 AM +0530 தெற்கு தில்லி மாநகராட்சி (எஸ்டிஎம்சி) பள்ளிகளின்  பாடத் திட்டம் விரைவில் மாற்றம் செய்யப்படவுள்ளது என்று மேயர் கமல்ஜீத் ஷெராவத் தெரிவித்தார். இது தொடர்பாக அவர் மேலும் கூறியதாவது: மாநகராட்சிப் பள்ளிகளின் கல்வித் தரத்தை தனியார் பள்ளிகளின் கல்வித் தரத்துக்கு இணையானதாக மாற்றும் வகையில் "புராஜெக்ட் புனியாத்' திட்டம் அறிமுகப்படுத்தப்பட்டுள்ளது. 
இப்போது வரையிலும் 4 வயது நிரம்பிய மாணவர்களே மாநகராட்சி நர்சரிப் பள்ளிகளில் சேர்த்துக் கொள்ளப்பட்டார்கள். ஆனால், "புராஜெக்ட் புனியாத்' திட்டத்தின்படி, 3 வயது நிரம்பிய மாணவர்கள் மாநகராட்சி நர்சரிப் பள்ளிகளில் சேர்த்துக் கொள்ளப்படவுள்ளனர். இதனால், மாணவர் சேர்க்கை 15 சதவீத அதிகரிக்கும். மாநகராட்சிப் பள்ளி வகுப்பறைகள் இத்திட்டத்தின்படி நவீனப்படுத்தப்படவுள்ளன. இத்திட்டத்தின்படி, சனிக்கிழமைகளில் மாணவர்கள் பள்ளிப் பைகளை பள்ளிக்கு எடுத்துவர வேண்டியதில்லை. மேலும், மாணவர்கள் ஆர்வத்துடன் படிக்கும் வகையில் பாடத் திட்டத்தில் மாற்றம் செய்யப்படவுள்ளது என்றார் அவர். 
எடியூரப்பாவுக்கு பிறந்தநாள் வாழ்த்து: கர்நாடக பாஜக தலைவர் பி.எஸ். எடியூரப்பா தனது 75- ஆவது பிறந்த தினத்தை புதன்கிழமை கொண்டாடினார். அவருக்கு வாழ்த்து தெரிவித்து தெற்கு தில்லி மாநகராட்சி மேயர் கமல்ஜீத் ஷெராவத் கூறியதாவது: 
கர்நாடக மக்களின் பெருமைக்குரிய தலைவராக பி.எஸ்.எடியூரப்பா இருந்து வருகிறார். அவருடைய தலைமையின் கீழ் கர்நாடக பாஜகவினர் தேர்தல் வெற்றிக்காக அயராது உழைத்து வருகின்றனர் அவரின் தலைமையில் கர்நாடகத்தில் பாஜக மாபெரும் வெற்றி பெறப்போவது நிச்சயம். கர்நாடகத்தில் தாமரை மலர்வதை யாராலும் டுக்க முடியாது என்றார் அவர்.

]]>
http://www.dinamani.com/all-editions/edition-new-delhi/2018/feb/28/எஸ்டிஎம்சி-பள்ளிகளின்-பாடத்-திட்டத்தில்-மாற்றம்-மேயர்-தகவல்-2871312.html
2871311 அனைத்துப் பதிப்புகள் புதுதில்லி தில்லியில் குடியிருப்புப் பகுதிகளில் உணவகங்கள், கேளிக்கை விடுதிகளுக்கு  தடை: மத்திய அரசு பரிந்துரை DIN DIN Wednesday, February 28, 2018 12:50 AM +0530 தில்லியில் குடியிருப்புப் பகுதிகளில் உணவகங்கள், கேளிக்கை விடுதிகள், மன்றங்கள் செயல்படுவதற்கு தடை விதிக்க மத்திய அரசின் நகர்ப்புற விவகாரங்கள் அமைச்சகம் பரிந்துரை செய்துள்ளது. 
இதுபோன்ற நிறுவனங்களை மாற்றி அமைப்பதற்கான காலக்கெடு அளிப்பது தொடர்பான ஆலோசனையை மத்திய அமைச்சகம் அளிக்காத போதிலும், குடியிருப்புவாசிகள், குடியிருப்போர் நலச் சங்கம் ஆகியவற்றின் கோரிக்கையை பரிசீலிக்கும் வகையில் இந்தப் பரிந்துரையை அளித்துள்ளது.
இதன்படி, குடியிருப்புப் பகுதிகளில் உள்ள இதுபோன்ற உணவகங்கள், கேளிக்கை விடுதிகள், மன்றங்களின் உரிமையாளர்கள் வேறு இடத்திற்கு மாறிச் செல்லுமாறு கேட்டுக் கொள்ளப்படுவர்.
மேலும், குடியிருப்புப் பகுதிகள் மற்றும் வணிக வளாகத் தெருக்களில் அமைந்துள்ள அனைத்து வணிக நிறுவனங்களும் பிரதானச் சாலைப் பகுதியில் நுழைவு மற்றும் வெளியேறும் வழிகளை வழங்க வேண்டியிருக்கும். தவிர, குடியிருப்புப் பகுதிகளில் வாகனங்கள் நிறுத்தப்படாமல் இருப்பதையும் அந்த நிறுவனங்கள் உறுதிப்படுத்த வேண்டும் என மத்திய நகர்ப்புற விவகாரங்கள் அமைச்சகம் தனது பரிந்துரையில் தெரிவித்துள்ளது.
புதிய விதிகள் அறிவிப்பு மூலம் தில்லி முழுவதும் மேற்கொள்ளப்பட்டு வரும் சீலிங் நடவடிக்கையை முடிவுக்குக் கொண்டு வரும் முயற்சியில் தில்லி மாஸ்டர் பிளானில் திருத்தம் செய்யும் ஒரு பகுதியாக இந்த மாற்றங்களை அமைச்சகம் முன்மொழிந்துள்ளது. இந்த முன்மொழிவுக்கு தில்லி வளர்ச்சி ஆணையம் அனுமதி அளிக்க உள்ளதாகக் கூறப்படுகிறது. இதுகுறித்து மத்திய வீட்டுவசதி, நகர்ப்புற விவகாரங்கள் அமைச்சர் ஹர்தீப் புரி கூறுகையில், "தில்லி மாஸ்டர் பிளான் 2021-இன் சரத்துகள், சட்ட விதிகளுக்குள் ஒரு தீர்வை மத்திய அரசு கண்டறிந்துள்ளது ' என்றார்.

]]>
http://www.dinamani.com/all-editions/edition-new-delhi/2018/feb/28/தில்லியில்-குடியிருப்புப்-பகுதிகளில்உணவகங்கள்-கேளிக்கை-விடுதிகளுக்கு--தடை-மத்திய-அரசு-பரிந்துரை-2871311.html
2871309 அனைத்துப் பதிப்புகள் புதுதில்லி தில்லிப் பல்கலை.யில் பாரம்பரிய இசைக் கருத்தரங்கு: இன்று தொடக்கம் DIN DIN Wednesday, February 28, 2018 12:49 AM +0530 தில்லிப் பல்கலைக் கழகத்தின் இசைத் துறை, இந்திய கலாசார உறவுகளுக்கான கவுன்சில் (ஐசிசிஆர்) ஆகியவை இணைந்து நடத்தும் இரு நாள் பாரம்பரிய இசைக் கருத்தரங்கம் செவ்வாய்கிழமை தொடங்கியது. 
பல்கலை. வளாகத்தில் நடைபெறும் இக்கருத்தரங்கு குறித்து தில்லி பல்கலை. இசைத் துறையினர் கூறியதாவது:
இந்தியாவின் பாரம்பரிய இசை தொடர்பாக பல்வேறு நாட்டு மக்களும் அறிந்து கொள்ள விரும்புகின்றனர். மேலும், இந்தியாவின் வெவ்வேறு பகுதிகளிலும் உள்ள பாரம்பரிய இசை தொடர்பாக அறிந்து கொள்ள மக்கள் ஆர்வம் காட்டி வருகின்றனர். செவ்வாய்கிழமை தொடங்கியுள்ள இக் கருத்தரங்கில் இந்தியாவின் அனைத்துப் பகுதிகளிலும் உள்ள பாரம்பரிய இசை தொடர்பாக ஆராயப்படும். இக்கருத்தரங்கையொட்டி, இசை நிகழ்ச்சிகளும் நடைபெறவுள்ளன. 
கருத்தரங்கின் நிறைவு நாளான புதன்கிழமை சித்தார் கலைஞர் சுபேந்திர ராவ், தபேலா கலைஞர் ஷகிலேந்திர மிஷ்ரா உள்ளிட்ட இசைக் கலைஞர்கள் பங்கேற்கின்றனர். மிருதங்கக் கலைஞர் என்.பத்மநாதன் குழுவினரின் தாளவாத்ய இசை நிகழ்ச்சியும், ஹிந்துஸ்தான் இசைக் கலைஞர் கலாபினியின் இசைக் கச்சேரியும் நடைபெறவுள்ளன. இக் கருத்தரங்கில் ஹிந்துஸ்தானி, கர்நாடக இசையின் வளர்ச்சிக்கான செயல்முறைகள் உள்படப் பல விஷயங்கள் இக்கருத்தரங்கில் கலந்துரையாடப்படும் என்றார் அவர்.

]]>
http://www.dinamani.com/all-editions/edition-new-delhi/2018/feb/28/தில்லிப்-பல்கலையில்-பாரம்பரிய-இசைக்-கருத்தரங்கு-இன்று-தொடக்கம்-2871309.html
2871308 அனைத்துப் பதிப்புகள் புதுதில்லி கியாலா கருமாரியம்மன் கோயில் தேரோட்ட விழா DIN DIN Wednesday, February 28, 2018 12:49 AM +0530 தில்லி கயாலாவில் உள்ள அருள்மிகு தேவி கருமாரியம்மன் திருக்கோயில் தேரோட்டத் திருவிழா ஞாயிற்றுக்கிழமை நடைபெற்றது.
கயாலாவில் 50 ஆண்டுகள் பழைமையான கருமாரியம்மன் கோயில் உள்ளது. இக்கோயில் சார்பில் முதல் முறையாக திருத் தேரோட்ட விழா நடைபெற்றது. 
இந்நிகழ்ச்சியில் வடமேற்கு தில்லி மாவட்ட மாஜிஸ்திரேட் சி. உதயக்குமார், கூடுதல் காவல் துணை ஆணையர் சத்தியசுந்தரம், கேசவ்பூர் கவுன்சிலர் ஸ்வேதா ஷைனி, சக்கர்பூர் முன்னாள் கவுன்சிலர் என்.ராஜா, பாஜகவைச் சேர்ந்த சித்தார்த்தன், ராஜீவ் பப்பர், உச்ச நீதிமன்ற வழக்குரைஞர் கருணாகரன் ஆகியோர் பங்கேற்றனர். 
திருத்தேர் கோயில் பகுதியில் இருந்து புறப்பட்டு கயாலா பகுதி முழுவதும் சுற்றி நிறைவாக கோயிலை வந்தடைந்தது. 
இதில் ஏராளமான பக்தர்கள் பங்கேற்று அம்மனை தரிசித்தனர். 
திருத்தேர் வெள்ளோட்டத்திற்கான ஏற்பாடுகளை ஸ்ரீதேவி கருமாரி அம்மன் கோயில் நிர்வாகக் குழுவினர் மற்றும் பக்தர்கள் செய்திருந்தனர்.

]]>
http://www.dinamani.com/all-editions/edition-new-delhi/2018/feb/28/கியாலா-கருமாரியம்மன்-கோயில்-தேரோட்ட-விழா-2871308.html
2871307 அனைத்துப் பதிப்புகள் புதுதில்லி ஐ.ஏ.எஸ். தேர்வில் தோல்வியுற்றதால் விரக்தியில் இளைஞர் தற்கொலை DIN DIN Wednesday, February 28, 2018 12:49 AM +0530 இந்திய ஆட்சிப் பணி (ஐஏஎஸ்) தேர்வில் தோல்வியுற்றதால் விரக்தியடைந்த இளைஞர், தில்லியில் தான் தங்கியிருந்த அறையில் தூக்கிட்டுத் தற்கொலை செய்துகொண்டார்.
இதுகுறித்து போலீஸ் தரப்பில் கூறப்படுவதாவது: தில்லி பேர்சராய் பகுதியைச் சேர்ந்தவர் சம்ரத் சௌகான். பட்டதாரியான இவர், ஐ.ஏ.எஸ். தேர்வுக்காக தயாராகி வந்தார். அண்மையில் நடந்த ஐ.ஏ.எஸ். தேர்வில் சம்ரத் சௌகான் தோல்வியுற்றதாகக் கூறப்படுகிறது.
இந்நிலையில், சம்பவத்தன்று தான் தங்கியிருந்த அறையில் சம்ரத் சௌகான் தூக்கிட்டுக் கொண்டதாக போலீஸாருக்கு தகவல் தெரிவிக்கப்பட்டது. 
இதையடுத்து, போலீஸார் சம்பவ இடத்திற்கு விரைந்து சென்று அவரை மீட்டு ஆம்புலன்ஸ் மூலம் மருத்துவமனைக்கு கொண்டு சென்றனர். ஆனால், அவர் ஏற்கெனவே இறந்துவிட்டதாக மருத்துவர்கள் கூறினர். 
மேலும், தடய அறிவியல் நிபுணர்களும் சம்பவ இடத்திற்கு விரைந்து சென்று ஆதாரங்களை சேகரித்தனர். இதையடுத்து, பிரேதப் பரிசோதனைக்காக சம்ரத் சௌகானின் உடல் சப்தர்ஜங் மருத்துவமனைக்குக் கொண்டு செல்லப்பட்டது. 
சம்பவ இடத்தில் இருந்து போலீஸார் ஒரு கடிதத்தை கைப்பற்றினர். சம்ரத் சௌகான் எழுதியிருந்த அக்கடிதத்தில், ஐ.ஏ.எஸ். தேர்வில் தோல்வியடைந்துவிட்டதால் மன விரக்தியில் தற்கொலை முடிவு எடுத்ததாக கூறப்பட்டுள்ளது. இது தொடர்பாக விசாரணை நடைபெற்று வருவதாக போலீஸார் தெரிவித்தனர்.
இதுகுறித்து சம்ரத் சௌகான் தந்தை ஹரி ஓம் கூறுகையில், "தினமும் காலை 8.30 மணிக்கு எனது மகன் சௌகானுடன் பேசுவது வழக்கம். அவனிடமிருந்து சம்பவத்தன்று தொலைபேசி ஏதும் வராததால் மிகவும் கவலையாக இருந்தேன். 
இங்கு வந்து நேரில் பார்த்த போது எனது இதயம் நின்றுவிடும்போல் இருந்தது. அவனுக்கு மனம் அழுத்தம் இருந்ததால்தான் இந்த முடிவுக்கு அவன் சென்றுள்ளான்' என்றார்.

]]>
http://www.dinamani.com/all-editions/edition-new-delhi/2018/feb/28/ஐஏஎஸ்-தேர்வில்-தோல்வியுற்றதால்-விரக்தியில்-இளைஞர்-தற்கொலை-2871307.html
2871306 அனைத்துப் பதிப்புகள் புதுதில்லி ஹோலி: தில்லி பல்கலைக்கழகம் கட்டுப்பாடு  DIN DIN Wednesday, February 28, 2018 12:48 AM +0530 ஹோலிப் பண்டிகை என்ற பெயரில் தில்லி பல்கலைக்கழகம், அதற்கு உள்பட்ட கல்லூரி வளாகங்களில் மாணவிகள் மீது தவறாக நடந்து கொள்ள முயற்சிக்கும் மாணவர்கள் மீது ஒழுங்கு நடவடிக்கை மேற்கொள்ளப்படும் என்று அப்பல்கலை. நிர்வாகம் தெரிவித்துள்ளது.
இது தொடர்பாக அப்பல்கலை. அதிகாரிகள் செவ்வாய்க்கிழமை கூறியதாவது: 
ஹோலிப் பண்டிகையை தில்லி பல்கலைக் கழக மாணவர்களும், தில்லி பல்கலைக் கழகத்துக்குள்பட்ட கல்லூரி மாணவர்களும் கல்லூரி வளாகங்களில் பல ஆண்டுகளாகக் கொண்டாடி வருகின்றனர். கடந்த சில ஆண்டுகளாக ஹோலிப் பண்டிகையை காரணமாக வைத்து மாணவிகள் மீது சில மாணவர்கள் வர்ணம் பூசுவதுடன் தவறாகவும் நடக்க முற்படுவதாக புகார்கள் கிடைக்கப் பெற்றன. 
இதைத் தொடர்ந்து, இந்த ஆண்டு தில்லி பல்கலைக் கழகத்திலும், அதன் கீழ் இயங்கும் கல்லூரிகளிலும் ஹோலிப் பண்டிகை கொண்டாட்டத்துக்கு தடை விதிக்கப்பட்டுள்ளது.
அடுத்த வெள்ளிக்கிழமை கொண்டாடப்படவுள்ள ஹோலிப் பண்டிகையை காரணமாக வைத்து மாணவிகளுடன் அத்துமீற முயற்சிக்கும் மாணவர்கள், பல்கலைக் கழக அவசர சட்டம் மற்றும் பணியிடங்களில் பெண்களுக்கு பாலியல் துன்புறுத்தல் தடுப்புச் சட்டம் 2013 ஆகியவற்றின் கீழ் ஒழுங்கு நடவடிக்கைக்கு உள்ளாவர். ஹோலிப் பண்டிகை என்ற பெயரில் மாணவிகளை ஈவ் டீசிங் செய்யும் மாணவர்கள் காவல்துறையிட ம் ஒப்படைக்கப்படுவர்.
மேலும், பலூன்களுக்குள் வர்ணப்பொடிகளை நிரப் பி மாணவிகள் மீது எறிவது, நீர் துப்பாக்கி மூலம் சுடுவது போன்ற விளையாட்டுகளில் ஈடுபடும் மாணவர்கள் மீதும் ஒழுங்கு நடவடிக்கை மேற்கொள்ளப்படும். 
மாணவர் தங்கும் விடுதிகளிலும், பல்கலைக் கழக, கல்லூரி வளாகங்களிலும் தீவிர கண்காணிப்பு நடவடிக்கை மேற்
கொள்ளப்படும். பாதிக்கப்படும் மாணவிகள் தயங்காது புகார் அளிக்க முன்வரவேண்டும் என்று அதிகாரிகள் கேட்டுக் கொண்டுள்ளனர்.
 

]]>
http://www.dinamani.com/all-editions/edition-new-delhi/2018/feb/28/ஹோலி-தில்லி-பல்கலைக்கழகம்-கட்டுப்பாடு-2871306.html
2871304 அனைத்துப் பதிப்புகள் புதுதில்லி ஆம் ஆத்மி எம்எல்ஏ பிரகாஷுக்கு ஜாமீன் மறுப்பு: தலைமைச் செயலர் தாக்கப்பட்ட விவகாரம் DIN DIN Wednesday, February 28, 2018 12:48 AM +0530 தில்லி தலைமைச் செயலர் அன்ஷு பிரகாஷ் தாக்கப்பட்டதாகக் கூறப்படும் விவகாரத்தில் கைது செய்யப்பட்டு நீதிமன்றக் காவலில் இருந்து வரும் ஆம் ஆத்மி எம்எல்ஏ பிரகாஷ் ஜர்வாலுக்கு ஜாமீன் வழங்க தில்லி நீதிமன்றம் செவ்வாய்க்கிழமை மறுத்துவிட்டது. 
 மேலும், நேர்மையாகக் கடைமையைச் செய்யும் மூத்த அரசு அதிகாரியின் கண்ணியத்தை வெளிப்படையாக சட்டப்பேரவை உறுப்பினர் மீறிய உண்மையை நிராகரிக்க முடியாது என்றும் நீதிமன்றம் தெரிவித்துள்ளது.
இது தொடர்பான ஜாமீன் மனுவை விசாரித்த தில்லி கூடுதல் செஷன்ஸ் நீதிமன்ற சிறப்பு நீதிபதி அஞ்சு பஜாஜ் சந்த்னா பிறப்பித்த உத்தரவு வருமாறு: 
இது ஒரு சாதாரண தாக்குதல் சம்பவ வழக்கு அல்ல. அரசின் தலைமை அதிகாரி மீது குற்றம்சாட்டப்பட்டவர்கள் தாக்குதல் நடத்தியுள்ள வழக்காகும். அதுவும், தில்லி முதல்வர் இல்லத்தில் நடந்துள்ள இச் சம்பவமானது மனுதாரர் (ஜர்வால்) சட்டத்தை மதிக்கவில்லை என்பதைக் காட்டுவதாக உள்ளது. 
இது ஜனநாயமற்ற மற்றும் நல்ல நிர்வாகத்தின் கொள்கைகளுக்கு எதிரான செயல்பாடு மட்டுமின்றி, பிற அதிகாரிகளின் மனத்திலும் அச்சத்தை உருவாக்கிவிடும் செயலாக உள்ளது. இது சட்ட அமலாக்க இயந்திரத்தில் மக்களுக்கு உள்ள நம்பிக்கையை அசைத்துவிடும். 
இதுபோன்ற சூழலில் மனுதாரரை (ஜர்வால்) ஜாமீனில் விட்டால் அவர் தனது செல்வாக்கு மூலம் ஆதாரங்களை அழிக்கவும், சாட்சியங்களை கலைக்கவும் முயல்வதற்கான வாய்ப்பு உள்ளது. இதனால், அவரது ஜாமீன் மனு நிராகரிக்கப்படுகிறது.
மனுதாரர் இளம் அரசியல்வாதி என்பது உண்மையே. அண்மையில் திருமணமானவரும்கூட. அதேவேளையில், மூத்த அதிகாரியின் கண்ணியத்தை வெளிப்படையாக அவர் மீறியதை நிராகரித்து விட முடியாது. 
இச்சம்பவ குற்றத்தின் தீவிரத் தன்மை, குற்றம்சாட்டப்பட்டவர்களின் முந்தைய நடவடிக்கைகள், முக்கியமான கட்டத்தில் உள்ள வழக்கு விசாரணையின் நியாயத்தை உறுதிப்படுத்துதல் ஆகியவற்றை கருத்தில் கொண்டு குற்றம்சாட்டப்பட்டவரின் ஜாமீன் கோரும் மனு நிராகரிக்கப்படுகிறது. 
மேலும், தலைமைச் செயலரின் குற்றச்சாட்டுகள் அவரது மருத்துவ அறிக்கையால் உறுதிப்படுத்தப்பட்டுள்ளது. மேலும், முதல்வர் அரவிந்த் கேஜரிவாலின் ஆலோசகர் வி.கே. ஜெயினின் அறிக்கையும் இதை உறுதிப்படுத்துகிறது என்று நீதிபதி தனது உத்தரவில் குறிப்பிட்டார். 
ஜாமீன் மனு விசாரணையின்போது நீதிமன்ற அறையில் ஜர்வால் எம்எல்ஏவின் மனைவி மற்றும் இதர குடும்ப உறுப்பினர்கள் இருந்தனர். நீதிமன்ற உத்தரவுக்குப் பிறகு, உயர் நீதிமன்றத்தை நாட உள்ளதாக அவர்கள் தெரிவித்தனர்.
பின்னணி: தில்லியில் பிப்ரவரி 19-ஆம் தேதி இரவு முதல்வர் அரவிந்த் கேஜரிவாலின் அரசு அதிகாரப்பூர்வ இல்லத்தில் கூட்டம் நடைபெற்றது. அப்போது, முதல்வர் முன்னிலையில் தில்லி அரசின் தலைமைச் செயலர் அன்ஷு பிரகாஷை ஆம் ஆத்மி எம்எல்ஏக்கள் இருவர் தாக்கியதாகப் புகார் எழுந்தது. 
இது தொடர்பாக அன்ஷு பிரகாஷ் போலீஸில் புகார் அளித்தார். இதையடுத்து, ஆம் ஆத்மி எம்எல்ஏக்கள் அமானதுல்லா கான், பிரகாஷ் ஜர்வால் ஆகியோர் கைது செய்யப்பட்டனர். இருவரும் நீதிமன்றத்தில் ஆஜர்படுத்தப்பட்டு நீதிமன்றக் காவலில் வைக்கப்பட்டனர். 
எம்எல்ஏக்கள் இருவர் சார்பிலும் ஜாமீன் கோரி தில்லி நீதிமன்றத்தில் மனு தாக்கல் செய்யப்பட்டது. இம்மனுவை கடந்த பிப்ரவரி 23 தேதி விசாரித்த மாஜிஸ்திரேட் நீதிமன்றம், இருவர் மீதும் குற்றப் பின்னணி இருப்பதாகவும், திட்டமிட்ட குற்றச் சதியில் ஈடுபட்டதற்கான முகாந்திரம் இருப்பதாகவும் கூறி ஜாமீன் மனுவை தள்ளுபடி செய்து உத்தரவிட்டது.

]]>
http://www.dinamani.com/all-editions/edition-new-delhi/2018/feb/28/ஆம்-ஆத்மி-எம்எல்ஏ-பிரகாஷுக்கு-ஜாமீன்-மறுப்பு-தலைமைச்-செயலர்-தாக்கப்பட்ட-விவகாரம்-2871304.html
2870842 அனைத்துப் பதிப்புகள் புதுதில்லி இளைஞர் மர்மச் சாவு: முறையாக விசாரிக்க தில்லி போலீஸாருக்கு நீதிமன்றம் உத்தரவு DIN DIN Tuesday, February 27, 2018 05:30 AM +0530 தில்லியில் இளைஞர் மர்மமான முறையில் இறந்த சம்பவம் மீது உரிய பிரிவுகளின் கீழ் முதல் தகவல் அறிக்கை பதிவு செய்து, முறையாக விசாரிக்குமாறு தில்லி காவல் துறைக்கு நீதிமன்றம் உத்தரவிட்டுள்ளது. மேலும், இச்சம்பவத்தில் போலீஸார் உரிய கோணத்தில் விசாரிக்காமல் மெத்தனப் போக்குடன் செயல்பட்டதாகவும் நீதிமன்றம் கடிந்து கொண்டது.
இது தொடர்பான சம்பவம் குறித்த விவரம் வருமாறு: தில்லியைச் சேர்ந்தவர் அர்னவ் துக்கல் (23). சுற்றுலா படிப்பில் பட்டம் பெற்ற அவர், ஐடிசி கிராண்ட் பாரத் ஹோட்டலில் மேலாளராகப் பணியாற்றி வந்தார். இந்நிலையில், அவர் கடந்த ஆண்டு ஜூன் 13-ஆம் தேதி தில்லி துவாரகாவில் மர்மமான முறையில் இறந்து கிடந்தார். அவர் தற்கொலை செய்து கொண்டதாக விசாரணையில் தெரிய வந்ததாக போலீஸ் தரப்பில் தெரிவிக்கப்பட்டது.
இறந்தவரின் தாய் புகார்: இதனிடையே, அர்னவின் தாய், தில்லி தலைமை பெருநகர் மாஜிஸ்திரேட் நீதிமன்றத்தில் ஒரு புகார் மனு அளித்தார். அதில், "எனது மகன் அர்னவ் துவாரகாவில் தனது காதலியின் வீட்டில் இறந்து கிடந்தார். அவரை காதலியே கழுத்தை நெரித்துக் கொலை செய்துவிட்டார். இது தொடர்பாக போலீஸில் புகார் அளித்தும் எவ்வித நடவடிக்கையும் எடுக்கப்படவில்லை. போலீஸாரின் விசாரணையில் பல்வேறு முரண்பாடுகள் உள்ளன' என்று அதில் கோரப்பட்டிருந்தது.
இந்த மனு மீதான முந்தைய விசாரணையின் போது போலீஸார் உரிய அறிக்கை தாக்கல் செய்ய நீதிமன்றம் உத்தரவிட்டிருந்தது. இதையடுத்து, போலீஸார் நீதிமன்றத்தில் விசாரணை அறிக்கையைத் தாக்கல் செய்தனர்.
நீதிமன்றம் உத்தரவு: இந்நிலையில், இந்த மனுவை விசாரித்த தில்லி தலைமை பெருநகர் மாஜிஸ்திரேட் நீதிமன்ற நீதிபதி சுமேஷ் குமார் சேத்தி பிறப்பித்த உத்தரவு: 
அர்னவ் துக்கல் மர்மமான முறையில் இறந்துள்ள சம்பவம் மீது உரிய பிரிவுகளின் கீழ் முதல் தகவல் அறிக்கை பதிவு செய்யப்பட வேண்டும். இச்சம்பவத்தை தற்கொலை என போலீஸார் சாயம்பூச முயல்வது குறித்தும், இந்த வழக்கில் போலீஸாரின் மெத்தனப் போக்குடன் செயல்பட்டதாகக் கூறப்படும் விஷயம் குறித்தும் விசாரிக்க வேண்டும். இச்சம்பவ விசாரணையின் முடிவில் தவறு இழைத்திருப்பது கண்டறியப்பட்டால் சம்பந்தப்பட்ட போலீஸார் மீது கடும் நடவடிக்கை எடுக்கப்பட வேண்டும். 
இளைஞர் இறப்புக்கு பின்னால் உள்ள உண்மைகளைக் கண்டறிவது மட்டுமின்றி, இச்சம்பவத்தை ஆரம்பத்தில் இருந்தே தற்கொலை என மூடி மறைக்க மேற்கொள்ளப்பட்ட முயற்சிகள் குறித்தும் விசாரிப்பது அவசியமாகிறது. விசாரணை அதிகாரி நீதிமன்றத்தில் தாக்கல் செய்த அறிக்கையில், இளைஞர் தற்கொலை செய்து கொண்டது விசாரணையில் தெரியவந்துள்ளதாகக் கூறியுள்ளார். மேலும், அந்த இளைஞரை பெண் கொலை செய்ததற்கான தடய ஆதராங்கள் ஏதும் இல்லை என்று தெரிவித்திருப்பது ஏற்றுக் கொள்ளும்படியாக இல்லை. அர்னவ் துக்கல் மர்மான முறையில் இறந்திருப்பது கண்டறியப்பட்ட போதிலும், அவரது பெற்றோர்குற்றச்சாட்டுகளை முன்வைத்த போதிலும் போலீஸார் வழக்குப் பதிவு செய்ய மறுத்திருப்பதும் தெரிய வந்துள்ளது. 
சம்பந்தப்பட்ட இளைஞர் மின் விசிறியில் தற்கொலை செய்து கொண்டதை சம்பவ இடத்தில் போலீஸார் நேரிடையாகப் பார்க்கவில்லை. அதேவேளையில், புகாருக்குள்ளான பெண் அளித்த வாக்குமூலத்தை போலீஸார் அப்படியே ஏற்றுக் கொண்டுள்ளதாகத் தெரிகிறது.
 இதுபோன்று பல்வேறு விஷயங்கள், உண்மைகள், சந்தர்ப்ப சூழல்கள் ஆகியவற்றைக் கருத்தில் கொண்டு, அர்னவ் துக்கல் மர்ம்மான முறையில் இறந்த சம்பவம் குறித்து உரிய பிரிவுகளின் கீழ் போலீஸார் வழக்குப் பதிவு செய்ய வேண்டும்.  வழக்கு விசாரணையை விசாரணை அதிகாரியான காவல் ஆய்வாளர் சுனில் ஜெயினிடமிருந்து மூத்த அதிகாரியிடம் மாற்ற வேண்டும். சுனில் ஜெயின் மீது அவரது நடத்ததைக்காக ஏன் உரிய நடவடிக்கை எடுக்கக் கூடாது என்பதற்கான கேள்விக்கு அவரது விளக்கத்தையும் எழுத்துப்பூர்வமாக நீதிமன்றத்தில் அடுத்த விசாரணை நடைபெறுதற்கு முன் தாக்கல் செய்ய வேண்டும் என்று நீதிபதி உத்தரவில் குறிப்பிட்டுள்ளார்.
 

]]>
http://www.dinamani.com/all-editions/edition-new-delhi/2018/feb/27/இளைஞர்-மர்மச்-சாவு-முறையாக-விசாரிக்க-தில்லி-போலீஸாருக்கு-நீதிமன்றம்-உத்தரவு-2870842.html
2870841 அனைத்துப் பதிப்புகள் புதுதில்லி முதல்வர், துணை முதல்வர் மீது நடவடிக்கை வேண்டும்: தில்லி அரசு ஊழியர் அமைப்பு கோரிக்கை DIN DIN Tuesday, February 27, 2018 05:30 AM +0530 தில்லி தலைமைச் செயலாளர் அன்ஷு பிரகாஷ் மீதான தாக்குதல் புகார் விவகாரத்தில் முதல்வர் அரவிந்த் கேஜரிவால், துணை முதல்வர் மணீஷ் சிசோடியா ஆகியோர் மீது நடவடிக்கை எடுக்க வேண்டும் என துணைநிலை ஆளுநருக்கு தில்லி அரசு ஊழியர் கூட்டமைப்பு கோரிக்கை விடுத்துள்ளது. 
இது குறித்து கூட்டமைபின் உறுப்பினர் பூஜா ஜோஷி திங்கள்கிழமை கூறுகையில், "தலைமைச் செயலாளர் மீதான தாக்குதல் புகார் விவகாரத்தில் முதல்வரும், துணை முதல்வரும் தொடர்ந்து மறுப்புத் தெரிவித்து வருகின்றனர். இதுவே அவர்களுக்கு சதியில் தொடர்பு இருப்பதைக் காட்டுகிறது. எனவே, சட்டப்படி முதல்வர், துணை முதல்வர் மீது நடவடிக்கை எடுக்க வேண்டும் என்று துணைநிலை ஆளுநர், காவல் துறை ஆணையருக்கு கோரிக்கை விடுக்கிறோம். மேலும், முதல்வரையோ, துணை முதல்வரையோ, சட்டப்பேரவை உறுப்பினர்களையோ சந்திக்க மாட்டோம். அவர்களுடன் தொலைபேசியிலும் பேசமாட்டோம். கோப்பு குறிப்புகள் மூலமாக மட்டும் தொடர்பு வைத்துக் கொள்வோம்' என்றார்.
இந்த விவகாரம் தொடர்பாக பேசுவதற்கு தில்லி சமூக நலத் துறை அமைச்சர் ராஜேந்தர் பால் கெளதம், தில்லி அரசு ஊழியர் கூட்டமைப்புக்கு அழைப்பு விடுத்தார். ஆனால், முதல்வர் அரவிந்த் கேஜரிவால் பொது மன்னிப்பு கோரும் வரையில் சமரசம் என்ற பேச்சுக்கே இடமில்லை என கூட்டமைப்பு தெரிவித்தது குறிப்பிடத்தக்கது.

]]>
http://www.dinamani.com/all-editions/edition-new-delhi/2018/feb/27/முதல்வர்-துணை-முதல்வர்-மீது-நடவடிக்கை-வேண்டும்-தில்லி-அரசு-ஊழியர்-அமைப்பு-கோரிக்கை-2870841.html
2870840 அனைத்துப் பதிப்புகள் புதுதில்லி தெற்கு தில்லியில் தொடரும் சீலிங் நடவடிக்கை DIN DIN Tuesday, February 27, 2018 05:29 AM +0530 தெற்கு தில்லி மாநகராட்சிக்குள்பட்ட பகுதிகளில் 16 வணிக வளாகங்கள் திங்கள்கிழமை மாநகராட்சி அதிகாரிகளால் சீல் வைக்கப்பட்டன. 
இது தொடர்பாக மாநகராட்சி அதிகாரிகள் கூறியதாவது: 
உச்ச நீதிமன்றத்தால் அமைக்கப்பட்ட கண்காணிப்புக் குழுவின் உத்தரவுப்படி மாநகராட்சி அதிகாரிகள்  தெற்கு தில்லி பகுதிகளில் அதிரடி சோதனைகளில் ஈடுபட்டனர். அப்போது, வாகன நிறுத்துமிடப் பகுதிகளை வணிகத் தேவைகளுக்குப் பயன்படுத்திய வணிக வளாகங்கள் மாநகராட்சி அதிகாரிகளால் சீல் வைக்கப்பட்டன. மேற்கு மண்டலம், விகாஷ்புரியில் 4 கடைகள், மத்திய மண்டலத்தில் 12 கடைகள் என மொத்தம் 16 சீல் வைக்கப்பட்டன என்றார்கள் அவர்கள். 

]]>
http://www.dinamani.com/all-editions/edition-new-delhi/2018/feb/27/தெற்கு-தில்லியில்-தொடரும்-சீலிங்-நடவடிக்கை-2870840.html
2870839 அனைத்துப் பதிப்புகள் புதுதில்லி கேஜரிவாலுக்கு நல்ல குணங்கள் வழங்க வேண்டி பாஜக பிரார்த்தனை! DIN DIN Tuesday, February 27, 2018 05:29 AM +0530 மக்கள் பணி செய்யும் அரசு அதிகாரிகளிடம் அராஜக அரசியலில் ஆம் ஆத்மி அரசு ஈடுபட்டுள்ளதாகவும், இதனால் தில்லி முதல்வர் கேஜரிவாலுக்கு நல்ல குணங்களை வழங்க வேண்டி ராஜ்காட்டில் தில்லி பாஜக சார்பில் பிரார்த்தனைக் கூட்டம் திங்கள்கிழமை நடைபெற்றது.
இக்கூட்டத்தில் கலந்து கொண்டு தில்லி பாஜக தலைவர் மனோஜ் திவாரி பேசியதாவது: 
இந்திய அரசியல் அமைப்புச் சட்டத்தை மீறுவதை முதல்வர் கேஜிரிவால் வாடிக்கையாகக் கொண்டுள்ளார். 2014-இல் குடியரசுத் தினத்தை பகிஷ்கரிக்கப் போவதாகக் கூறி, அரசியல் அமைப்புச் சட்டத்துக்கு சவால் விடும் வகையில் நடந்து கொண்டார். 
இப்போது, தில்லி அரசு அதிகாரிகளில் மூத்தவரான தலைமைச் செயலரை தனது கட்சி எம்எல்ஏக்களை வைத்து தாக்கியுள்ளார். இதன் மூலம், இந்திய அரசியல் அமைப்புச் சட்டத்தின் மீது தனக்கு எவ்விதமான மரியாதையும் இல்லை என்பதை அவர் மீண்டும் மீண்டும் நிரூபித்து வருகிறார். இந்திய அரசியல் அமைப்புச் சட்டத்துக்கு முரணாக அவர் நடந்து கொள்வது அவர் நக்சல்களிடம் பாடம் பயின்றிருப்பாரோ என்ற சந்தேகத்தை எழுப்பும் வகையில் உள்ளது.
காந்தி சமாதி உள்ள இதே ராஜ்காட்டில் தில்லி மக்களுக்கு பொய்யான உறுதிமொழிகளை வழங்கி ஆட்சிக்கு வந்தவர் கேஜரிவால். அதனால், அதே ராஜ்காட்டில் அவருக்கு நல்ல குணங்களை வழங்க வேண்டி நாங்கள் பிரார்த்தனை செய்கிறோம் என்றார் அவர். இப்பிரார்த்தனைக் கூட்டத்தில் தில்லி பாஜக பொதுச் செயலர்கள் குல்ஜீத் சிங் சாகல், ரவீந்திர குப்தா, துணைத் தலைவர் அபே வர்மா உள்ளிட்டோர் கலந்து கொண்டனர். 
 

]]>
http://www.dinamani.com/all-editions/edition-new-delhi/2018/feb/27/கேஜரிவாலுக்கு-நல்ல-குணங்கள்-வழங்க-வேண்டி-பாஜக-பிரார்த்தனை-2870839.html
2870838 அனைத்துப் பதிப்புகள் புதுதில்லி தசரதபுரி ராஜாராம் கோயிலில் ஸ்ரீராமநவமி உத்ஸவம்: மார்ச் 2-இல் தொடக்கம் DIN DIN Tuesday, February 27, 2018 05:29 AM +0530 தில்லி தசரதபுரி ஸ்ரீராஜாராம் கோயிலில் ஸ்ரீராமநவமி உத்ஸவம் வரும் மார்ச் 2-ஆம் தேதி முதல் 10-ஆம் தேதி வரை நடைபெற உள்ளது. 
இதையொட்டி, பரமனூர் ஸ்ரீஸ்ரீகிருஷ்ணப்ரேமி சுவாமிகள் மற்றும் அவரது குமாரர்கள் ஸ்ரீஹரி அண்ணா, டாக்டர் ரங்கன் அண்ணா ஆகியோர் பங்கேற்கும் ஸ்ரீமத் ராமயண நவாஹம், சொற்பொழிவு நடைபெறும். 
மார்ச் 2 முதல் மார்ச் 10-ஆம் தேதி வரை தினமும் காலை 6 மணிக்கு சுப்ரபாதம், காலை 7 மணி முதல் 11.30 மணி வரை ஸ்ரீமத் ராமாயண பாராயணம், பகரல் 12 மணிக்கு பூஜையும் 2 மணி முதல் மாலை 4 மணி வரை அஷ்டபதி பஜனை, மாலை 4 மணி முதல் 6 மணி வரை திவ்யநாம சங்கீர்த்தனம் நடைபெறும்.
மார்ச் 2 முதல் 10-ஆம் தேதி வரை தினமும் இரவு 7 மணி முதல் 9 மணி வரை ஸ்ரீராம ஜனனம், ஸ்ரீசீதா கல்யாணம், பித்ருவாக்கிய பரிபாலனம், பாதுகா பட்டாபிஷேகம், ஆரண்ய காண்டம், சுக்ரீவ பட்டாபிஷேகம், சுந்தர காண்டம், விபீஷண சரணாகதி, ராம பட்டாபிஷேகம் ஆகிய தலைப்புகளில் சொற்பொழிவு நடைபெறும். அதைத் தொடர்ந்து, இரவு 9.15 மணிக்கு டோலோத்ஸவமும் நடைபெறும். 
மார்ச் 4-ஆம் தேதி காலை 8 மணிக்கு ஸ்ரீவிஷ்ணு சரஸ்ரநாமம், உஞ்ச விருத்தி, ராதா கல்யாணம், மாலை 6 மணிக்கு ராமர் வீதி புறப்பாடு நடைபெறும். இதற்கான ஏற்பாடுகளை அகில பாரத ஸாது சமாஜம் அமைப்பினர் செய்து வருகின்றனர்.

]]>
http://www.dinamani.com/all-editions/edition-new-delhi/2018/feb/27/தசரதபுரி-ராஜாராம்-கோயிலில்-ஸ்ரீராமநவமி-உத்ஸவம்-மார்ச்-2-இல்-தொடக்கம்-2870838.html
2870837 அனைத்துப் பதிப்புகள் புதுதில்லி கடத்தப்பட்ட ஆண் குழந்தை 48 மணி நேரத்தில் மீட்பு: இரு பெண்கள் உள்பட 3 பேர் கைது DIN DIN Tuesday, February 27, 2018 05:28 AM +0530 தில்லி பவானாவில் கடத்தப்பட்ட இரண்டரை வயது ஆண் குழந்தையை போலீஸார் 48 மணி நேரத்தில் மீட்டனர். இது தொடர்பாக 3 பேர் கைது செய்யப்பட்டனர்.இது குறித்து தில்லி ரோஹிணி மாவட்டக் காவல், துணை ஆணையர் ரஜ்னீஷ் குப்தா செய்தியாளர்களிடம் கூறியதாவது:
கடந்த வெள்ளிக்கிழமை தில்லி பவானா காவல் துறையினருக்கு ஒரு புகார் வந்தது. அதில், ஆஷிஷ் என்ற இரண்டரை வயது ஆண் குழந்தை காணாமல் போனதாக பெற்றோர் தெரிவித்திருந்தனர். 
இது தொடர்பாக போலீஸார் வழக்குப் பதிந்து குழந்தையை கண்டுபிடிப்பதற்காக ஒரு தனிப்படையை அமைத்திருந்தனர். குழந்தை காணாமல் போன பகுதியில் பொருத்தப்பட்டிருந்த கண்காணிப்புக் கேமராக்கள் ஆய்வுக்கு உள்படுத்தப்பட்டன. அப்போது, ஆண் குழந்தையை பெண் ஒருவர் கடத்திச் செல்வது தெரிய வந்தது. தொடர்ந்து மேற்கொள்ளப்பட்ட விசாரணையின் போது, சம்பந்தப்பட்ட பெண், தனது வீட்டில் இருந்து தலைமறைவாகி இருப்பதும் தெரிய வந்தது. 
இதையடுத்து, போலீஸார் தீவிர விசாரணை நடத்தி தில்லி பவானாவைச் சேர்ந்த சோனியாவை (28) தில்லி ஆனந்த் விஹார் ஐஎஸ்பிடி பகுதியில் கைது செய்தனர். அவரிடம் விசாரணை நடத்தப்பட்டதில், ஆண் குழந்தை ஆஷிஷை கடத்தி ரஜ்னி என்ற பெண்ணிடம் ரூ.42 ஆயிரத்துக்கு விற்றது தெரிய வந்தது. சோனியாவிடமிருந்து ரூ.42 ஆயிரம் ரொக்கம் பறிமுதல் செய்யப்பட்டது. இதைத் தொடர்ந்து, ரஜ்னி, அவரது உறவினர் சௌரவ் ஆகியோர் கைது செய்யப்பட்டு விசாரணை நடத்தப்பட்டது.
 ரஜ்னியின் சகோதரி சந்தோஷின் மகன் 2015-ஆம் ஆண்டில் நிகழ்ந்த விபத்தில் இறந்துவிட்டார். இதனால், அவருக்காக குழந்தை ஆஷிஷை பணம் கொடுத்து வாங்கியதாக ரஜ்னி வாக்கு மூலம் அளித்தார். இது குறித்த விஷயத்தை சந்தோஷிடம் ரஜ்னியும், சௌரவும் கூறாமல் மறைத்தது விசாரணையில் தெரியவந்துள்ளதாக காவல் உயர் அதிகாரி ரஜ்னீஷ் குப்தா கூறினார்.

]]>
http://www.dinamani.com/all-editions/edition-new-delhi/2018/feb/27/கடத்தப்பட்ட-ஆண்-குழந்தை-48-மணி-நேரத்தில்-மீட்பு-இரு-பெண்கள்-உள்பட-3-பேர்-கைது-2870837.html
2870836 அனைத்துப் பதிப்புகள் புதுதில்லி தெற்கு தில்லி மாநகராட்சிப் பள்ளிகளில் விரைவில் நவீன வசதிகள்: மேயர் தகவல் DIN DIN Tuesday, February 27, 2018 05:28 AM +0530 தெற்கு தில்லி மாநகராட்சிப் பள்ளிகள் அடுத்த கோடை விடுமுறை முடிவதற்குள் நவீனப்படுத்தப்படவுள்ளன என்று அதன் மேயர் கமல்ஜீத் ஷெராவத் தெரிவித்தார். 
 தெற்கு தில்லியில் மொத்தம் 581 மாநகராட்சிப் பள்ளிகள் இயங்கி வருகின்றன. இப்பள்ளிகளை நவீனப் படுத்த வேண்டும் என்று பெற்றோர்களும், ஆசிரியர்களும் தொடர்ந்து கோரிக்கை விடுத்து வந்தனர். இந்நிலையில், மாநகராட்சிப் பள்ளிகள் மிக விரைவில் நவீனப் படுத்தப்படவுள்ளதாக மேயர் கமல்ஜீத் ஷெராவத் செய்தியாளர்களிடம் திங்கள்கிழமை கூறினார். இது தொடர்பாக அவர் மேலும் கூறியதாவது:
தெற்கு தில்லி பகுதியில் உள்ள மாநகராட்சிப் பள்ளிகளில் மைதானங்கள், விளையாட்டு வசதிகள் நவீனப்படுத்தப்படவுள்ளன. பள்ளி விளையாட்டு மைதானங்கள் இந்திய விளையாட்டு ஆணையத்தின் உதவியுடன் புனரமைக்கப்படவுள்ளன. விளையாட்டு மைதானம் இல்லாத பள்ளிகளில் புதிய மைதானங்கள் அமைக்கப்படவுள்ளன. மாநகராட்சி சார்பில் விளையாட்டுப் போட்டிகள் நடத்தப்படவுள்ளதுடன், கிரிக்கெட், டென்னிஸ், பேட் மிட்டன் போன்ற விளையாட்டுகளை விளையாடும் வகையில், விளையாட்டு மைதானங்களில் கூடுதல் வசதிகள் ஏற்படுத்தப்படவுள்ளன. 
சிசிடிவி கண்காணிப்புக் கேமரா: மாணவர்களின் பாதுகாப்பை உறுதிப்படுத்தும் வகையில் அனைத்துப் பள்ளிகளிலும் சிசிடிவி கண்காணிப்புக் கேமரா பொருத்தப்படவுள்ளது. மேலும், மாநகராட்சி சார்பில் பாதுகாவலர்களும் நியமிக்கப்படவுள்ளனர். ஏற்கனவே 62 பள்ளிகளில் சிசிடிவி கேமராக்கள் பொருத்தப்பட்டுள்ளன. எஞ்சியுள்ள பள்ளிகளில் சிசிடிவி கேமரா பொருத்தும் பணி அடுத்தமாத தொடக்கத்தில் நடைபெறும்.
ஒவ்வொரு பள்ளியிலும் 8-12 கேமராக்கள் பொருத்தப்படும். கேமராக்களின் எண்ணிக்கை பள்ளிகளின் அளவைப் பொருத்து மாறுபடும். பள்ளிகளின் நுழைவாயில், வகுப்பறைகள், கழிப்பறைகள், மைதானங்கள் ஆகியவற்றில் இந்த கேமராக்கள் பொருத்தப்படவுள்ளன. 
இந்த கேமராவில் பதிவாகும் காட்சிகளை பள்ளி முதல்வர்கள், கல்வி இயக்குநர், மண்டலத் துணை இயக்குநர் ஆகியோர் நேரலையாகப் பார்வையிடும் வகையில் உரிய தொழில்நுட்பத்துடன் இந்த கேமராக்கள் அமைக்கப்படும் என்றார் அவர். 

]]>
http://www.dinamani.com/all-editions/edition-new-delhi/2018/feb/27/தெற்கு-தில்லி-மாநகராட்சிப்-பள்ளிகளில்-விரைவில்-நவீன-வசதிகள்-மேயர்-தகவல்-2870836.html
2870835 அனைத்துப் பதிப்புகள் புதுதில்லி யமுனை மாசுவுக்கான காரணத்தை கண்டறிய பசுமைத் தீர்ப்பாயம் உத்தரவு DIN DIN Tuesday, February 27, 2018 05:28 AM +0530 யமுனை நதியில் ஏற்பட்டுள்ள மாசுவுக்கான காரணம் கண்டறிய வேண்டும் என்று தில்லி, ஹரியாணா அரசுகளுக்கு தேசிய பசுமைத் தீர்ப்பாயம் உத்தரவிட்டுள்ளது.
"ஹரியாணாவில் இருந்து தில்லிக்கு வரும் யமுனை நீரில் விஷம் கலந்த கழிவுநீர் கலந்துள்ளதால், தில்லிக்கு நீர் விநியோகம் பாதிக்கப்பட்டுள்ளது. இதில் தேசிய பசுமைத் தீர்ப்பாயம் தலையிட்டு தீர்வு காண வேண்டும்' என்று தில்லி ஜல் போர்ட் மனு தாக்கல் செய்திருந்தது.
இந்த மனுவை விசாரித்த தீர்ப்பாயம், யமுனை நதியில் கலந்துள்ள அளவுக்கு அதிகமான அமோனியா குறித்து மத்திய மாசு கட்டுப்பாட்டு வாரியம் ஆய்வு நடத்தி அறிக்கை தாக்கல் செய்ய உத்தரவிட்டது.
மேலும், இந்த விவகாரம் குறித்து தில்லி அரசும், ஹரியாணா அரசும் பேச்சுவார்த்தை நடத்த வேண்டும் என்றும் உத்தரவிட்டிருந்தது. இந்நிலையில், மத்திய மாசு கட்டுப்பாட்டு வாரியம் தாக்கல் செய்திருந்த ஆய்வு அறிக்கையில், "ஹத்னிகுண்ட் பேரெச் பகுதியில் அமோனியா லிட்டருக்கு 0.6 மி.கி. உள்ளதாகவும், வாஜிராபாத் பகுதியில் இது 1.9 மி.கி. அளவும், ஐடிஓ பேரெச் பகுதியில் 24.9 மி.கி. அளவு இருக்கிறது' என்று தெரிவிக்கப்பட்டிருந்தது.
இந்நிலையில், இந்த வழக்கு தீர்ப்பாயத்தின் நீதிபதி ஜாவத் ரஹீம் தலைமையிலான அமர்வு முன் திங்கள்கிழமை விசாரணைக்கு வந்தது. அப்போது, தில்லி ஜல் போர்ட் பகுதிக்கு வரும் நீரில் அதிக அளவு அமோனியா இருப்பதாக தெரியவந்தாலும், தில்லிக்கு உள்ளே உள்ள  யமுனை நீர் பகுதிகளிலும் சோதனை நடத்தப்பட வேண்டும்.
ஆகையால், இந்த மாசு விவகாரம் குறித்து தில்லி, ஹரியாணா அரசுகள் தங்கள் பகுதிகளில் யமுனை மாசுவுக்கான காரணத்தை  கண்டறிய வேண்டும். மத்திய மாசு கட்டுப்பாட்டு வாரியம், தில்லி ஜல் போர்ட் ஆகியவை மாசுவை ஏற்படுத்தும் தொழிற்சாலைகள், உள்ளூர் அமைப்புகள், பிற அமைப்புகள் ஆகியவற்றை கண்டறிந்து, மாசுவின் அளவு குறித்து அவ்வப்போது ஆய்வு நடத்த வேண்டும். கோரஜ்பூர் வடிகால் பகுதி -2, கோரஜ்பூர் பகுதி மாசு குறித்து மத்திய மாசு கட்டுப்பாட்டு வாரியம் தாக்கல் செய்துள்ள அறிக்கையில் உள்ள புள்ளிவிவரங்களில் தவறு உள்ளதால், அவை மறு ஆய்வுக்கு உள்படுத்த வேண்டும் என்று தீர்ப்பாயம் உத்தரவிட்டது.

]]>
http://www.dinamani.com/all-editions/edition-new-delhi/2018/feb/27/யமுனை-மாசுவுக்கான-காரணத்தை-கண்டறிய-பசுமைத்-தீர்ப்பாயம்-உத்தரவு-2870835.html
2870834 அனைத்துப் பதிப்புகள் புதுதில்லி தில்லி சாலைப் பாதுகாப்புக் கொள்கைக்கு விரைவில் இறுதி வடிவம் DIN DIN Tuesday, February 27, 2018 05:27 AM +0530 தில்லி சாலைப் பாதுகாப்புக் கொள்கைக்கு விரைவில் இறுதி வடிவம் அளிக்கப்படும் என்று தில்லி அரசு தெரிவித்துள்ளது.
சாலை விபத்துகளை தடுக்கும் வகையில் ஒவ்வொரு மாநிலத்திலும் சாலைப் பாதுகாப்பு கவுன்சிலை ஏற்படுத்தவும், ஆண்டுக்கு இருமுறை அதன் கூட்டத்தை நடத்தவும் உச்ச நீதிமன்றம் உத்தரவிட்டது. இதைத் தொடர்ந்து, தில்லியிலும் சாலை பாதுகாப்புக் கவுன்சில் ஏற்படுத்தப்பட்டது. 
இந்தக் கவுன்சிலின் 2-ஆவது கூட்டம் தில்லி தலைமைச் செயலகத்தில் போக்குவரத்துத் துறை அமைச்சர் கைலாஷ் கெலாட் தலைமையில் திங்கள்கிழமை நடைபெற்றது. கூட்டத்தில் தில்லி சாலைப் பாதுகாப்புக் கொள்கைக்கு இறுதி வடிவம் அளிப்பது தொடர்பாக விவாதிக்கப்பட்டது.
 தில்லியில் அடுத்த 5 ஆண்டுகளில் சாலை பாதுகாப்பை உறுதி செய்வது குறித்தும், தில்லி சாலைப் பாதுகாப்புக் கொள்கைக்கு கிடைக் பெற்ற பரிந்துரைகள் குறித்தும் கூட்டத்தில் விவாதிக்கப்பட்டது.
 தில்லியில் உள்ள இந்திய தொழில்நுட்பக் கழகம், திட்டமிடல், கட்டடக் கலை மையம் ஆகியவற்றின் நிபுணர்கள் அளித்த பரிந்துரைகள் கூட்டத்தில் ஆலோசிக்கப்பட்டது. சாலை விபத்துக்கான காரணங்களை அறிவியல்பூர்வமாக கண்டறியவும், விபத்துக்கான மூலக் காரணங்களை கடந்த கால தரவுகளின் அடிப்படையில் ஆய்வு செய்யவும் தில்லி போக்குவரத்துத் துறையில் சாலைப் பாதுகாப்புப் பிரிவை உருவாக்க வேண்டும் எனக் கூட்டத்தில் முக்கியமாக பரிந்துரைக்கப்பட்டது. 
சாலை விபத்துகளைத் தடுக்கும் நோக்கில், மாஜிஸ்திரேட் தலைமையில் மாவட்டச் சாலைப் பாதுகாப்புக் குழுக்களை ஏற்படுத்தவும் கூட்டத்தில் முடிவு மேற்கொள்ளப்பட்டது என்று தில்லி அரசு வெளியிட்ட செய்திக் குறிப்பில் தெரிவிக்கப்பட்டுள்ளது. 
 

]]>
http://www.dinamani.com/all-editions/edition-new-delhi/2018/feb/27/தில்லி-சாலைப்-பாதுகாப்புக்-கொள்கைக்கு-விரைவில்-இறுதி-வடிவம்-2870834.html
2870833 அனைத்துப் பதிப்புகள் புதுதில்லி அமைச்சரை தாக்கியவர்கள் மீது நடவடிக்கை: காவல் துறை ஆணையரிடம் ஆம் ஆத்மி வலியுறுத்தல் DIN DIN Tuesday, February 27, 2018 05:27 AM +0530 தலைமைச் செயலகத்தில் அமைச்சர் இம்ரான் ஹுசேன் மற்றும் அவரது உதவியாளர், தில்லி டயலாக் கமிஷன் துணைத் தலைவர் ஆசிஷ் கேதான் ஆகியோர் தாக்கப்பட்டது தொடர்பாக நடவடிக்கை எடுக்க வேண்டும் என்று காவல்துறை ஆணையரிடம் ஆம் ஆத்மி கட்சி வலியுறுத்தியுள்ளது.
இது தொடர்பாக ஆம் ஆத்மி கட்சியின் மாநிலங்களவை உறுப்பினர் சஞ்சய் சிங், தேசிய செய்தித் தொடர்பாளர் ஆசுதோஷ் ஆகியோர் தில்லி காவல் துறை ஆணையர் ஏ.கே. பட்நாயக்கை திங்கள்கிழமை சந்தித்து புகார் அளித்தனர்.
பின்னர் செய்தியாளர்களிடம் அவர்கள் கூறியதாவது: 
இரு ஆம் ஆத்மி எம்எல்ஏக்களுக்கு எதிராக புகார் அளித்தவுடன், தில்லி போலீஸார் எவ்வித ஆதாரமும் இல்லாமல் கைது செய்து சிறையில் அடைத்தார்கள். தலைமைச் செயலகத்தில் அமைச்சர் உள்ளிட்டோர் மீது நடத்தப்பட்ட தாக்குதல் தொடர்பாக விடியோ ஆதாரம் இருந்தும் நடவடிக்கை எடுக்கவில்லை. எம்எல்ஏக்களுக்கு எதிரான புகாரில் தில்லி காவல் துறை காட்டிய வேகம், தலைமைச் செயலகத்தில் நடைபெற்ற தாக்குதல் புகாரில் காட்டப்படவில்லை. 
தலைமைச் செயலகத்தில் நடைபெற்ற தாக்குதல் சம்பவம் தொடர்பாக சந்தித்துப் பேசுவதற்கு தில்லி காவல் ஆணையரிடம் கடந்த மூன்று நாள்களுக்கு முன்னர் நேரம் கேட்டிருந்தோம். தாக்குதல் குறித்து காவல்நிலையத்தில் புகார் அளித்தும் நடவடிக்கை இல்லை. இந்நிலையில், காவல் துறை ஆணையரை சந்தித்து புகார் கடிதம் அளித்துள்ளோம். 
அதில் தாக்குதல் தொடர்பான விடியோ ஆதாரம் உள்ளது எனவும், தாக்குதல் நடத்திய நபர்களின் அடையாளம் காணப்பட்டுள்ளது எனவும் தெரிவித்துள்ளோம். தாக்குதலில் காயமடைந்த சாஹில் அரோரா, பிரகாஷ், ராணா மார்க்கண்டேய ஆகியோரின் மருத்துவ அறிக்கையும், தலைமைச் செயலகத்தில் தாக்குதல் நடத்திய போது பதிவான விடியோ ஆதாரத்தையும் காவல் துறை ஆணையரிடம் அளித்துள்ளோம். 
எனவே இத்தாக்குதலில் ஈடுபட்டோருக்கு எதிராக நடவடிக்கை எடுக்க வேண்டும் என வலியுறுத்திள்ளோம் என்றனர். 

]]>
http://www.dinamani.com/all-editions/edition-new-delhi/2018/feb/27/அமைச்சரை-தாக்கியவர்கள்-மீது-நடவடிக்கை-காவல்-துறை-ஆணையரிடம்-ஆம்-ஆத்மி-வலியுறுத்தல்-2870833.html
2870832 அனைத்துப் பதிப்புகள் புதுதில்லி எஸ்டிஎம்சி பள்ளிகளில் இலவச "சானிட்டரி நாப்கின்' DIN DIN Tuesday, February 27, 2018 05:27 AM +0530 தெற்கு தில்லி மாநகராட்சி (எஸ்டிஎம்சி) பள்ளிகளில் இலவச சானிட்டரி நாப்கின் வழங்கப்படவுள்ளதாக மாநகராட்சி அவைத் தலைவர் ஷிக்கா ராய் திங்கள் கிழமை தெரிவித்தார்.
இது தொடர்பாக அவர் மேலும் கூறுயதாவது: மாநகராட்சிப் பள்ளி மாணவர்கள் உடல் சுகாதாரத்தை பேணும் வகையில் சிறப்புத் திட்டங்களை அறிமுகப்படுத்தவுள்ளோம். அதன் ஒரு பகுதியாக மாநகராட்சிப் பள்ளி மாணவிகளுக்கு "சானிட்டரி நாப்கின்'கள் இலவசமாக வழங்கப்படவுள்ளன. 
மேலும், மாதவிடாய் நாய்களில் மாணவிகளுக்கு இலவச மருத்துவ ஆலோசனைகளும் வழங்கப்படும். மாதவிடாய் நாள்களில் மாணவிகள் பள்ளிக்கு வருவது குறைவாக உள்ளது. எனவே, மாநகராட்சி மேற்கொள்ளும் இந்த முயற்சிகளால் மாணவிகளின் வருகை உறுதிப்படுத்தப்படும் என்றார் அவர்.

]]>
http://www.dinamani.com/all-editions/edition-new-delhi/2018/feb/27/எஸ்டிஎம்சி-பள்ளிகளில்-இலவச-சானிட்டரி-நாப்கின்-2870832.html
2870831 அனைத்துப் பதிப்புகள் புதுதில்லி தில்லியில் மாசு தடுப்பு நடவடிக்கை: ரூ.1200 கோடி திட்டத்துக்கு மத்திய அரசு அனுமதி DIN DIN Tuesday, February 27, 2018 05:26 AM +0530 தில்லியில் காற்று மாசுவைத் தடுக்கும் வகையில் ரூ.1,200 கோடி மதிப்பிலான திட்டத்துக்கு மத்திய அரசு அனுமதி அளித்துள்ளதாக மத்திய கொள்கைக் குழு (நீதி ஆயோக்) தலைமைச் செயல் அதிகாரி அமிதாப் காந்த் தெரிவித்தார்.
தில்லியில் இந்திய தொழிலக கூட்டமைப்பு மற்றும் நீதி ஆயோக் சார்பில் "தூய்மையான காற்று- நல்வாழ்வு' எனும் தலைப்பில் மாசு குறைப்புக்கான பரிந்துரை அறிக்கை வெளியிடும் நிகழ்ச்சி திங்கள்கிழமை நடைபெற்றது. இந்த நிகழ்வில் நீதி ஆயோக் தலைமை செயல் அதிகாரி அமிதாப் காந்த் கலந்து கொண்டு பேசியதாவது:
தில்லியில் காற்று மாசு பெரும் பிரச்னையாக இருந்து வருகிறது. குறிப்பாக அக்டோபர் முதல் டிசம்பர் வரையிலான காலக்கட்டத்தில் காற்று மாசு அதிமாக உள்ளது. தில்லியின் அண்டை மாநிலங்களில் பயிர்க் கழிவுகள் எரிக்கப்படுவதன் காரணமாக இதுபோன்ற மாசு பிரச்னை இருந்து வருகிறது. தில்லியில் காற்று மாசுத் தடுப்புக்காக ரூ.1,200 கோடி மதிப்பிலான திட்டத்துக்கு மத்திய அரசு ஒப்புதல் அளித்துள்ளது. இதனால், நிகழாண்டில் அக்டோபர் மாதம் முதல் டிசம்பர் வரையிலான காலத்தில் தில்லியில் காற்று மாசு பிரச்னை இருக்காது. காற்று மாசுவைக் குறைப்பது தொடர்பாக பரிந்துரைகள் அளிக்கப்பட்டுள்ளன. இதை அமல்படுத்துவது தற்போது மாநில அரசு மற்றும் மாநகராட்சிகள் அளவிலான நிர்வாக இயந்திரத்திடம் உள்ளது.
 நடைபாதைகளுடன் கூடிய சாலைகள், மரக் கன்றுகள் ஆகியவற்றை அதிகளவில் ஏற்படுத்துவதை உறுதிப்படுப்படுத்த வேண்டும். தொடர் வாகனப் பரிசோதனையும் உறுதிப்படுத்துவது அவசியமாகிறது. மாசுக் கட்டுப்பாடு விதிகளை மீறுவோருக்கு அபராதம் விதிக்கப்பட வேண்டும் . அதேபோன்று, டீசல் ஜெனரேட்டர் உள்பட சுற்றுச்சூழல் கட்டுப்பாடு விதிகளுக்கு உள்படாத மின் நிலையங்கள் தடுக்கப்பட வேண்டும். அவற்றின் மீது நடவடிக்கையும் எடுக்கப்பட வேண்டும். இதுபோன்ற நடவடிக்கைகள் நிர்வாக அளவில் மேற்கொள்ளப்பட வேண்டியுள்ளது. சூழல் விதிகளை மீறும் வாகனங்களைக் தொடர்ந்து பரிசோதனை மூலம் கண்டறிந்து அவற்றை சாலையில் இருந்து அப்புறப்படுத்துவதை உறுதிப்படுத்தும் சவால் தற்போது போக்குவரத்துத் துறையிடம் உள்ளது. இந்த நடவடிக்கைகள் வெற்றிகரமாக அமைய, தில்லியின் அண்டை மாநிலங்களின் உதவியும் அவசியத் தேவையாக உள்ளது என்றார் அமிதாப் காந்த்.
இந்நிகழ்ச்சியில், நீதி ஆயோக் கூடுதல் செயலர் யதுவேந்திர மாத்தூர், கம்மின்ஸ் நிறுவனத்தின் தலைமை செயலர் அதிகாரி டாம் லைன்பார்கர், சுற்றுச்சூழல் அமைச்சக கூடுதல் செயலர் ஏ.கே. மேத்தா, பெட்ரோலியம், இயற்கை எரிவாயு அமைச்சகத்தின் இணைச் செயலர் சந்தீப் பௌன்ட்ரிக், சாலைப் போக்குவரத்து, நெடுஞ்சாலை அமைச்சகத்தின் இணைச் செயலர் அபய் டாமில் உள்ளிட்டோர் பேசினர். இந்திய தொழிலகத் கூட்டமைப்பின் சீமா அரோரா நிறைவுரையாற்றினார். 
 

]]>
http://www.dinamani.com/all-editions/edition-new-delhi/2018/feb/27/தில்லியில்-மாசு-தடுப்பு-நடவடிக்கை-ரூ1200-கோடி-திட்டத்துக்கு-மத்திய-அரசு-அனுமதி-2870831.html
2870830 அனைத்துப் பதிப்புகள் புதுதில்லி தலைமைச் செயலர் தாக்கப்பட்ட சம்பவம் எதிரொலி: அதிகாரப்பூர்வ கூட்டங்களை நேரலையாக இணையதளத்தில் ஒளிபரப்ப தில்லி அரசு திட்டம் DIN DIN Tuesday, February 27, 2018 05:26 AM +0530 தில்லியில் தலைமைச் செயலர் அன்ஷு பிரகாஷ் தாக்கப்பட்ட சம்பவத்தைத் தொடர்ந்து, அரசின் அதிகாரப்பூர்வ கூட்டங்களை நேரலையாக ஒளிபரப்புச் செய்வதற்கு தில்லி அரசு திட்டமிட்டு வருகிறது. 
தில்லியில் பிப்ரவரி 19-ம் தேதி இரவு தில்லி முதல்வர் அரவிந்த் கேஜரிவால் இல்லத்தில் நள்ளிரவில் நடைபெற்ற அமைச்சர்கள், எம்எல்ஏக்கள், அதிகாரிகள் பங்கேற்ற கூட்டத்தின் போது தில்லி அரசின் தலைமைச் செயலர் அன்ஷு பிரகாஷை ஆம் ஆத்மி எம்எல்ஏக்கள் அமானத்துல்லா கான், ஜர்வால் ஆகியோர் தாக்கியதாகப் புகார் எழுந்தது.
இது தொடர்பாக அன்ஷு பிரகாஷ் போலீஸில் புகார் அளித்ததன் பேரில், இரு எம்எல்ஏக்களும் கைது செய்யப்பட்டனர். 
இதையடுத்து, கேஜரிவால் இல்லத்திலும் போலீஸார் நேரடி விசாரணை நடத்தினர். தலைமைச் செயலர் தாக்கப்பட்ட சம்பவம் தில்லி அரசின் உயர் அதிகாரிகள் மட்டத்தில் கடும் அதிருப்தியை ஏற்படுத்தியது. இந்நிலையில், இச்சம்பவத்தின் எதிரொலியாக தில்லி அரசின் அதிகாரப்பூர்வ கூட்டங்களை நேரலையாக இணையதளத்தில் ஒளிபரப்பு செய்வது குறித்து தில்லி அரசு திட்டமிட்டு வருகிறது.
 இது குறித்து தில்லி அரசின் மூத்த அதிகாரி ஒருவர் கூறியதாவது: தில்லி அரசின் அதிகாரப்பூர்வ கூட்டங்களை நேரலையாக ஒலிப்பதிவுடன் இணையதளத்தில் வெளியிடுவது குறித்து அரசு திட்டமிட்டு வருகிறது. 
இத்திட்டம் நிறைவேற்றப்பட்டால், இத்திட்டத்திற்கான நிதி வரும் தில்லி அரசின் நிதிநிலை அறிக்கையில் ஒதுக்கீடு செய்யப்படும். 
அரசின் அதிகாரப்பூர்வ கூட்டங்கள் நேரலையாக ஒளிபரப்புவதன் மூலம் கூட்டத்தில் மக்கள் பிரதிநிதியாக இருந்தாலும் அதிகாரிகளாக இருந்தாலும் யார் என்ன பேசினார்கள் என்பதை பொதுமக்கள் தெரிந்து கொள்ள முடியும். மேலும், துறைகளிடையே செல்லும் கோப்புகள், கோப்புகள் மீதான குறிப்புகள் ஆகியவற்றையும் இணையதளத்தில் வெளியிட உள்ளோம். 
இதன் மூலம் கோப்புகள் தொடர்பான பணிகளை யார் எவ்வளவு காலம் மேற்கொண்டனர். 
கோப்புகளுக்கு ஒப்புதல் அளித்தவர்கள் யார், குறிப்பிட்ட கோப்பு மீது யார் குறிப்புகள் எழுதியது போன்ற விவரங்களையும் பொதுமக்கள் பார்த்து தெரிந்து கொள்ள முடியும் என்றார் அந்த அதிகாரி.
கடந்த காலங்களில், சில அதிகாரிகள் அரசு நிர்வாகத்தில் இடையூறு ஏற்படுத்தியதாக ஆம் ஆத்மி அரசு குற்றம்சாட்டியிருந்தது. 
தலைமைச் செயலர் அன்ஷு பிரகாஷ் தாக்கப்பட்ட விவகாரத்தைத் தொடர்ந்து, தில்லி முதல்வர், அவரது அமைச்சரவை சகாக்களின் கூட்டத்தில் பங்கேற்காத அதிகாரிகள், தலைமைச் செயலர் தாக்கப்பட்ட சம்பவத்திற்கு முதல்வர் கேஜரிவால் மன்னிப்புக் கேட்க வேண்டும் என்று கோரி வருவது குறிப்பிடத்தக்கது. 

]]>
http://www.dinamani.com/all-editions/edition-new-delhi/2018/feb/27/தலைமைச்-செயலர்-தாக்கப்பட்ட-சம்பவம்-எதிரொலி-அதிகாரப்பூர்வ-கூட்டங்களை-நேரலையாக-இணையதளத்தில்-ஒளிபரப்ப-2870830.html
2870829 அனைத்துப் பதிப்புகள் புதுதில்லி சண்டீகர் மருத்துவமனை விடுதியில் தமிழக மருத்துவ மாணவர் தற்கொலை DIN DIN Tuesday, February 27, 2018 05:26 AM +0530 சண்டீகரில் செயல்படும் முதுநிலைப் பட்ட மருத்துவக் கல்வி, ஆராய்ச்சி மருத்துவமனையில் (பிஜிஐஎம்இஆர்) பயின்று வந்த தமிழகத்தைச் சேர்ந்த மருத்துவ மாணவர் ஆர்.கிருஷ்ண பிரசாத் (24) மருத்துவமனை விடுதியில் திங்கள்கிழமை தூக்கிட்டுத் தற்கொலை செய்து கொண்டதாக போலீஸார் தெரிவித்தனர்.
இதுகுறித்து சண்டீகர் செக்டார் 11 காவல் நிலைய ஆய்வாளர் லக்பீர் சிங் கூறியதாவது: 
தமிழகத்தைச் சேர்ந்த ஆர். கிருஷ்ண பிரசாத், பிஜிஐஎம்இஆர் மருத்துவமனையின் ரேடியோ டயாக்னாசிஸ் துறையில் இளம் உறைவிட மருத்துவராகப் பணியாற்றி வந்தார். இந்நிலையில், மருத்துவமனை விடுதியில் உள்ள தனது அறையில் தூக்கிட்ட நிலையில் இறந்து கிடந்தார். இதற்காக அவர் கயிற்றை பயன்படுத்தி இருந்தது தெரிய வந்துள்ளது. அவர் தூக்கிட்டதற்கான காரணம் உடனடியாகத் தெரியவில்லை. இது தொடர்பாக வழக்குப் பதிவு செய்யப்பட்டு விசாரணை நடைபெற்று வருகிறது என்றார் அவர். 
தில்லியில் தமிழகத்தைச் சேர்ந்த மருத்துவப் பட்ட மேற்படிப்பு மாணவர் சரத் பிரபு (28), கடந்த ஜனவரி மாதம் மர்மமான முறையில் உயிரிழந்தார். அவர் தற்கொலை செய்து கொண்டதாக போலீஸ் தரப்பில் கூறப்பட்டது. திருப்பூர் மாவட்டம், பாரப்பாளையத்தைச் சேர்ந்த அவர், தில்லி பல்கலைக்கழகத்தின் கீழ் செயல்படும் குரு தேக் பகதூர் (ஜிடிபி) மருத்துவமனையுடன் இணைந்த யு.சி.எம்.எஸ். மருத்துவக் கல்லூரியில் பட்ட மேற்படிப்பில் (எம்டி) சேர்ந்து முதலாமாண்டு படித்து வந்தார்.
இதற்கு முன்பு 2016, ஜூலை 10-ஆம் தேதி தில்லி எய்ம்ஸ் மருத்துவக் கல்லூரியில் முதுநிலைப் பட்டப் படிப்பு படித்து வந்த திருப்பூரைச் சேர்ந்த மாணவர் சரவணன், மர்மான முறையில் உயிரிழந்தார். அவரது பிரேதப் பரிசோதனை அறிக்கையில், விஷ ஊசி செலுத்தப்பட்டு உயிரிழந்ததாகத் தெரிவிக்கப்பட்டது. இதையடுத்து, அந்த வழக்கு கொலை வழக்காகப் பதிவு செய்யப்பட்டது.
 

]]>
http://www.dinamani.com/all-editions/edition-new-delhi/2018/feb/27/சண்டீகர்-மருத்துவமனை-விடுதியில்-தமிழக-மருத்துவ-மாணவர்-தற்கொலை-2870829.html