Dinamani - பெங்களூரு - http://www.dinamani.com/all-editions/edition-bangalore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2846553 அனைத்துப் பதிப்புகள் பெங்களூரு கணவர் கொலை வழக்கு:  மனைவி, நண்பர் கைது DIN DIN Thursday, January 18, 2018 08:14 AM +0530 கணவர் கொலை வழக்கில்,  அவரது மனைவி, நண்பர் ஆகிய இருவரை போலீஸார் கைது செய்தனர்.
பெங்களூரு ஹுலிமாவைச் சேர்ந்த மகேஷ் சின்டே,  கடந்த ஜனவரி  8-ஆம் தேதி மர்மமான முறையில் உயிரிழந்தார். 
இதுகுறித்து  ஹுலிமாவு போலீஸார் நடத்திய விசாரணையில்,  மகேஷ் சின்டேவை அவரது மனைவி திபாலி,  நண்பர் ராஜ்குமார் ஆகிய இருவரும் கழுத்தை நெரித்து கொலை செய்தது தெரியவந்துள்ளது. இதையடுத்து,  இருவரையும் போலீஸார் கைது செய்தனர்.

]]>
http://www.dinamani.com/all-editions/edition-bangalore/2018/jan/18/கணவர்-கொலை-வழக்கு--மனைவி-நண்பர்-கைது-2846553.html
2846552 அனைத்துப் பதிப்புகள் பெங்களூரு விபத்தில் 2 பேர் சாவு DIN DIN Thursday, January 18, 2018 08:13 AM +0530 மோட்டார் சைக்கிள் மீது தனியார் பேருந்து மோதிக் கொண்ட விபத்தில்,  2 பேர் இறந்தனர்.
சாகரைச் சேர்ந்த ஜான்சன் (36), அமீத் (25) ஆகிய இருவரும் சிவமொக்காவில் உள்ள தங்களது நண்பரை பார்க்க மோட்டார் சைக்கிளில் வந்து,  புதன்கிழமை காலை சொந்த ஊருக்குத் திரும்பிக் கொண்டிருந்தனர். 
ஆயனூர் அருகே மோட்டார் சைக்கிள் மீது எதிரே வந்த தனியார் பேருந்து மோதியது. இதில் பலத்த காயமடைந்த  இருவரும்
நிகழ்விடத்திலேயே உயிரிழந்துள்ளனர். 
இதுகுறித்து கிம்ஸ் போலீஸார் வழக்கு பதிந்து விசாரித்து வருகின்றனர்.

]]>
http://www.dinamani.com/all-editions/edition-bangalore/2018/jan/18/விபத்தில்-2-பேர்-சாவு-2846552.html
2846551 அனைத்துப் பதிப்புகள் பெங்களூரு "ரியல் எஸ்டேட் வர்த்தகம் உயர்வு' DIN DIN Thursday, January 18, 2018 08:13 AM +0530 பெங்களூரு உள்ளிட்ட முக்கிய நகரங்களில் ரியல் எஸ்டேட் வர்த்தகம் உயர்ந்து வருகிறது என்று பூர்வங்கரா மேலாண் இயக்குநர் ஆஷீஷ் பூர்வங்கரா தெரிவித்தார்.
பெங்களூரில் புதன்கிழமை நடைபெற்ற நிகழ்ச்சியில்,  குறைந்த விலையிலான பார்க் ஸ்கோயர் அடுக்குமாடிக் குடியிருப்பை அறிமுகம் செய்து வைத்து அவர் பேசியது:-
மத்திய அரசு கொண்டு வந்த  பணமதிப்பிழப்பு,  ரியல் எஸ்டேட் ஒழுங்குமுறை சட்டம் (ரேரா),  சரக்கு சேவை வரி ஆகியவற்றால் கடந்த 2 ஆண்டுகளாக ரியல் எஸ்டேட் வர்த்தகம் கடுமையாகப் பாதிக்கப்பட்டது.  தற்போது அவற்றை ரியல் எஸ்டேட் உரிமையாளர்களும், பொதுமக்களும் புரிந்து கொண்டு பின்பற்றி வருகின்றனர். இதனால்,  ரியல் எஸ்டேட் வர்த்தகம் சீரடைந்து வருகிறது. 
நிகழாண்டில் ரியல் எஸ்டேட் வர்த்தகம் உயர்ந்து வருகிறது. வரும் நாள்களில் இது மேலும் உயரும் என நம்புகிறோம்.  முன்பு உயர்தர மக்களை மட்டுமே குறிவைத்து அடுக்குமாடிக் குடியிருப்புகள் கட்டப்பட்டன. தற்போது நடுத்தர, சாதாரண மக்களுக்காகவும் குறைந்த விலையில் அனைத்து வசதிகளை கொண்டு அடுக்குமாடிக் குடியிருப்புகள் கட்டப்படுகின்றன. இதுவும் ரியல் எஸ்டேட் வர்த்தகம் உயர்வதற்கு ஒரு காரணம் என்றார் அவர்.      
 

]]>
http://www.dinamani.com/all-editions/edition-bangalore/2018/jan/18/ரியல்-எஸ்டேட்-வர்த்தகம்-உயர்வு-2846551.html
2846550 அனைத்துப் பதிப்புகள் பெங்களூரு ஜன. 25-இல் முழு அடைப்பு: ஆதரவு தர கன்னட சங்கங்கள் கோரிக்கை DIN DIN Thursday, January 18, 2018 08:13 AM +0530 மகதாயி விவகாரம், கோவா அமைச்சரின் கருத்துக்கு  எதிர்ப்புத் தெரிவித்து  கர்நாடகத்தில் ஜனவரி  25-இல் நடைபெறும் முழு அடைப்புக்கு அனைத்துத் தரப்பினரும் முழு ஆதரவு அளிக்க வேண்டும் என்று கன்னட சங்கங்களின் கூட்டமைப்பின் தலைவர் வாட்டாள் நாகராஜ் தெரிவித்தார்.
இதுகுறித்து அவர் புதன்கிழமை செய்தியாளர்களிடம் கூறியது: -
கலசா-பண்டூரி,  மகதாயி நதிநீர் பங்கீடு விவகாரத்தில் கர்நாடகம் தொடர்ந்து வஞ்சிக்கப்படுகிறது.  இதுமட்டுமின்றி,   கன்னடர்களை பற்றிய கோவா மாநில நீர்பாசனத்துறை அமைச்சர் கூறிய கருத்தை கண்டித்தும்,   ஜனவரி  25-இல் கர்நாடகத்தில் முழு அடைப்புக்கு கன்னட சங்கங்களின் கூட்டமைப்பு அழைப்பு விடுத்துள்ளது.  இதற்கு முதல்வர் சித்தராமையா ஆதரவு தெரிவித்துள்ளார். 
இதேபோல்,  பாஜக, மஜத உள்ளிட்ட அனைத்து கட்சிகள்,  சங்கங்கள், அமைப்புகள், பொதுமக்கள் ஆதரவு தெரிவிக்க வேண்டும்.  அனைவரும் ஒற்றுமையாகப் போராடினால் மட்டுமே நமக்கான உரிமையை பெற முடியும். முழு அடைப்பின்போது  பெட்ரோல் விற்பனை நிலையங்கள், திரையரங்குகள், ஹோட்டல்கள், கல்வி மையங்கள் உள்ளிட்டவையும் ஆதரவு தெரிவிக்க வேண்டும் என்றார் அவர்.

]]>
http://www.dinamani.com/all-editions/edition-bangalore/2018/jan/18/ஜன-25-இல்-முழு-அடைப்பு-ஆதரவு-தர-கன்னட-சங்கங்கள்-கோரிக்கை-2846550.html
2846549 அனைத்துப் பதிப்புகள் பெங்களூரு காவலர் மீது தாக்குதல் DIN DIN Thursday, January 18, 2018 08:12 AM +0530 தகராறை தடுக்க சென்ற காவலர் தாக்கப்பட்டார்.
பெங்களூரு ஜே.ஜே.நகர் காவல் சரகத்தில் ஹொய்சலா ரோந்து வாகனத்தின் காவலர் ராஜேந்திரா (50).  இவர் செவ்வாய்க்கிழமை இரவு வாகனத்தில் ரோந்து பணியில் ஈடுபட்டிருந்தார். அப்போது,  பேட்டராயனபுரா 11-வது குறுக்குச் சாலையில்  தகராறில் ஈடுபட்ட கும்பலைக்  கலைக்க ராஜேந்திரா முயன்றுள்ளார். 
இந்த நேரத்தில் ராஜேந்திரா மீது ஆயுதங்களால் மர்ம கும்பல் தாக்குதல் நடத்தி,  தப்பியோடியது. காயமடைந்த ராஜேந்திரா விக்டோரியா மருத்துவமனையில் சேர்க்கப்பட்டார். 
இதுகுறித்து ஜே.ஜே.நகர் போலீஸார் வழக்குப் பதிந்து, ரௌடி அலீம்,   அவரது கூட்டாளிகளைத் தேடி வருகின்றனர்.
 

]]>
http://www.dinamani.com/all-editions/edition-bangalore/2018/jan/18/காவலர்-மீது-தாக்குதல்-2846549.html
2846548 அனைத்துப் பதிப்புகள் பெங்களூரு "தொழில் பயிற்சியை  ஊக்குவிக்க வேண்டும்' DIN DIN Thursday, January 18, 2018 08:12 AM +0530 தேசிய அளவில் இளைஞர்களிடையே தொழில்பயிற்சியை ஊக்குவிக்க வேண்டும் என்று வேளாண் பல்கலைக்கழகத் துணை வேந்தர் எச்.சிவண்ணா தெரிவித்தார்.
பெங்களூரில் புதன்கிழமை நடைபெற்ற நிகழ்ச்சியில்,  தொழில் பயிற்சியாளர்களுக்கான பயிற்சி முகாமைத் தொடக்கி வைத்து அவர் பேசியது: -
உயர்கல்வி பயிலுவதில் தோல்வி அடையும் இளைஞர்களுக்கு, பொருளாதார ரீதியாக வளர்ச்சி அடைய தொழில் பயிற்சி இன்றியமையாததாக உள்ளது.  இதற்காக கர்நாடகத்தில் 1914-ஆம் ஆண்டு முதன்முறையாக தொழில் பயிற்சி மையம் தொடங்கப்பட்டது. 
இந்தியாவில் தொழில் பயிற்சியில் ஈடுபடும் இளைஞர்களின் எண்ணிக்கை 2.5 சதவீதமாக உள்ளது.  ஜப்பான்,  கொரியா போன்ற நாடுகளில் 60 சதவீதம் முதல் 80 சதவீதம் பேர் தொழில் பயிற்சியை பெறுகின்றனர். 
இளைஞர்கள் தொழில் பயிற்சியில் ஈடுபட மத்திய, மாநில அரசுகள் ஊக்கம் அளிக்க வேண்டும்.  வெளிநாடுகளை ஒப்பிடுகையில் தொழில் பயிற்சியில் இந்தியா பல மடங்கு பின் தங்கியுள்ளது. 
தொழில்பயிற்சிகள் குறித்து தகவல்களை தருவதோடு, பிரசாரத்தை அரசு தொடர்ந்து செய்ய வேண்டும் என்றார் அவர். 
நிகழ்ச்சியில் தேசிய வேளாண் தொழில் கவுன்சில் ஆலோசகர் கே.ரவிக்குமார்,  சுரேஷ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/jan/18/தொழில்-பயிற்சியை--ஊக்குவிக்க-வேண்டும்-2846548.html
2846547 அனைத்துப் பதிப்புகள் பெங்களூரு விவசாயிகளுக்கு எதிரான நடவடிக்கையை மத்திய அரசு மேற்கொண்டு வருகிறது: அமைச்சர் குற்றச்சாட்டு DIN DIN Thursday, January 18, 2018 08:12 AM +0530 விவசாயிகளுக்கு எதிரான நடவடிக்கையை மத்திய அரசு தொடர்ந்து  மேற்கொண்டு வருகிறது என்று கர்நாடக மாநில மின்துறை அமைச்சர் டி.கே.சிவகுமார் கூறினார்.
சித்ரதுர்கா மாவட்டத்துக்குள்பட்ட ஹொசதுர்காவில்  பெஸ்காம் துணை அலுவலகத்துக்கான அடிக்கல் நாட்டு விழா புதன்கிழமை நடைபெற்றது. இதில்,  சிவகுமார் பேசியது: -
தேசிய அளவில் கர்நாடகத்தில் 12 ஆயிரம் ஏக்கரில் முதன்முறையாக சூரிய ஒளி மின்சாரப் பூங்கா அமைக்கப்பட்டுள்ளது. இது கர்நாடக அரசின் சாதனையாகும். இதனால் பாஜகவினர் கலக்கம் அடைந்துள்ளனர். 
பிரதமர் நரேந்திர மோடியின் முகத்துக்காக மக்கள் தங்களை ஆதரித்து வாக்களிப்பார்கள் என்று பாஜகவினர் கனவு காணுகின்றனர். இது ஒரு போதும் பலிக்காது.  மோடி எங்கு சென்றாலும் கூடும் மக்கள் தங்கள் கணக்கில் ரூ. 15 லட்சத்தை போடுமாறு குரல் எழுப்பி வருகின்றனர். கர்நாடகத்தில் காங்கிரஸ் அரசு கொடுத்த வாக்குறுதிகள் அனைத்தையும் நிறைவேற்றியுள்ளது. ஆனால் மத்தியில் ஆளும் பாஜக அரசு எந்த வாக்குறுதிகளையும் நிறைவேற்றவில்லை. இதனால் மக்கள் ஏமாற்றம் அடைந்துள்ளனர். 
கூட்டுறவு வங்கிகளில் விவசாயிகள் வாங்கிய கடன்களை கர்நாடக அரசு தள்ளுபடி செய்தது. இதனை "லாலிபப்' என மத்திய அமைச்சர் பிரகாஷ் ஜாவடேகர் கிண்டல் செய்துள்ளார். ஆனால் மத்திய அரசு விவசாயிகளுக்கு எதிரான கொள்கையைப் பின்பற்றி நடவடிக்கை மேற்கொண்டு வருகிறது. இதற்கான பலனை  சட்டப்பேரவைத் தேர்தலில் பாஜகவினர் எதிர்கொள்வார்கள். 
மகதாயி விவகாரத்தில் சட்டத்தை மீறிய எந்தச் செயலையும் கர்நாடக அரசு செய்யவில்லை. ஆனால்  கர்நாடக அரசு மீது கோவா மாநில முதல்வர் மனோகர் பாரிக்கர், பொய்யான குற்றச்சாட்டுகளைத் தெரிவித்து,  இந்த விவகாரத்தை அரசியல் செய்கிறார் என்றார் சிவகுமார்.

]]>
http://www.dinamani.com/all-editions/edition-bangalore/2018/jan/18/விவசாயிகளுக்கு-எதிரான-நடவடிக்கையை-மத்திய-அரசு-மேற்கொண்டு-வருகிறது-அமைச்சர்-குற்றச்சாட்டு-2846547.html
2846546 அனைத்துப் பதிப்புகள் பெங்களூரு அதிக அளவில் மின்சார வாகனங்கள் இயக்கப்படும்: அமைச்சர் ஆர்.வி.தேஷ்பாண்டே DIN DIN Thursday, January 18, 2018 08:12 AM +0530 கர்நாடகத்தில் மின்சார வாகனங்களை அதிக அளவில் இயக்க புதிய கொள்கை வகுக்கப்படும் என்று தொழில் துறை அமைச்சர் ஆர்.வி.தேஷ்பாண்டே தெரிவித்தார்.
அஸ்ஸோசெம் சார்பில் வாகனப் பயன்பாடு குறித்த கருத்தரங்கம்  பெங்களூரில்  புதன்கிழமை  நடைபெற்றது. இதில் அவர் பேசியது:-
சர்வதேச அளவில் பெட்ரோல், டீசல் உள்ளிட்ட எரிபொருள்களைப் பயன்படுத்தி இயக்கும் வாகனங்களால் மாசு அதிகரித்து, சுற்றுச்சூழல் பாதிக்கப்படுகிறது. ஆனால் மின்சார பேட்டரிகளால் இயக்கப்படும் வாகனங்களால் சுற்றுச்சூழல் பாதிக்கப்படுவதில்லை. 
அண்மைக்காலமாக பல நாடுகளில் அதிக அளவில் மின்சார வாகனங்கள் இயக்கப்படுவது அதிகரித்துள்ளது. கர்நாடகத்திலும் மின்சார வாகனங்களைப் பயன்படுத்த வேண்டும். இதன் மூலம் சுற்றுச்சூழல் பாதிக்கப்படாமல் இருக்கும். இதனை கருத்தில் கொண்டு  மின்சார வாகனங்களை அதிக அளவில் இயக்க புதிய கொள்கை வகுக்கப்படும். இதன் மூலம் தேசிய அளவில் மின்சார வாகனங்களை அதிக அளவில் இயக்க புதிய கொள்கை வகுக்கும் முதல் மாநிலமாக கர்நாடகம் திகழும் என்றார். 
நிகழ்ச்சியில் போக்குவரத்துத் துறை அமைச்சர் எச்.எம்.ரேவண்ணா,  மகேஷ், சம்பத்ராமன் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-bangalore/2018/jan/18/அதிக-அளவில்-மின்சார-வாகனங்கள்-இயக்கப்படும்-அமைச்சர்-ஆர்விதேஷ்பாண்டே-2846546.html
2846545 அனைத்துப் பதிப்புகள் பெங்களூரு ஓப்போ நிறுவனத்தின்  புதிய செல்லிடப்பேசி அறிமுகம் DIN DIN Thursday, January 18, 2018 08:11 AM +0530 ஓப்போ நிறுவனத்தின் ஏ83 புதிய செல்லிடப்பேசி அறிமுகம் செய்யப்பட்டது.
பெங்களூரில் அண்மையில் நடைபெற்ற விழாவில்,   செல்லிடப்பேசியை அறிமுகம் செய்துவைத்து ஓப்போ நிறுவனத்தின்  வர்த்தக மேலாளர் சோஹில் முகமது பேசியது:-
அனைவரின் அத்தியாவசியத் தேவையான செல்லிடப்பேசி மாறியுள்ளது.  குறைந்த விலையுள்ள அதிக தொழில்நுட்பம் கொண்ட செல்லிடப்பேசிகளுக்கு அதிக வரவேற்பு உள்ளது. இதனை கருத்தில் கொண்டு ஏ83 செல்லிடப்பேசியை அறிமுகம் செய்துள்ளோம். 
அகல திரையுடன், விரைவாக சார்ஜ் ஆகும் வகையில் தயாரிக்கப்பட்ட இந்தச் செல்லிடப்பேசியில் காட்சிகளைத் துல்லியமாகக் காணும் வகையில் வடிவமைக்கப்பட்டுள்ளது. 13 ஜிபி பின், 8 ஜிபி முன் கேமராக்கள், 4 ஜிபி ரேம், கூடுதல் மெமரி ஸ்டோரேஜ் வசதிகள உள்ளடக்கியுள்ளது. ஜன. 20-ஆம் தேதி முதல் அமேசான், ஃபிளிப்கார்டு உள்ளிட்ட இணையதளங்களில் விற்பனைக்கு விடப்படும். கருப்பு,  தங்க வண்ணங்களில் கிடைக்கும் இதன் விலை ரூ. 13,990 ஆகும் என்றார். 
 

]]>
http://www.dinamani.com/all-editions/edition-bangalore/2018/jan/18/ஓப்போ-நிறுவனத்தின்--புதிய-செல்லிடப்பேசி-அறிமுகம்-2846545.html
2846544 அனைத்துப் பதிப்புகள் பெங்களூரு மஜத ஆட்சியைப் பிடித்தால்  அனைத்து மாணவர்களுக்கும் மடிக்கணினி DIN DIN Thursday, January 18, 2018 08:11 AM +0530 கர்நாடகத்தில் வரும் சட்டப் பேரவைத் தேர்தலில் மஜத ஆட்சியைப் பிடித்தால்,   அனைத்து சமுதாயத்தைச் சேர்ந்த ஏழை மாணவர்களுக்கும்  மடிக்கணினி இலவசமாக வழங்கப்படும் என்று மஜத மாநிலத் தலைவர் எச்.டி.குமாரசாமி தெரிவித்தார்.
 பீதரில் புதன்கிழமை நடைபெற்ற கல்லூரி மாணவர்களுடனான கலந்துரையாடல் நிகழ்ச்சியில், அவர் பேசியது: -
நாட்டுக்கு சுதந்திரம் கிடைத்து 70 ஆண்டுகள் ஆகியும்,   ஏற்றத் தாழ்வில்லாத சமூகத்தைப் பார்க்க முடியவில்லை. 
வரும் சட்டப்பேரவைத் தேர்தலில் மஜத வெற்றி பெற்று,   ஆட்சியைப் பிடித்தால், அனைத்து சமுதாயத்தைச் சேர்ந்த ஏழை மாணவர்களுக்கும் இலவச மடிக்கணினி,  பேருந்து பாஸ் வழங்கப்படும். 
அனைத்து சமுதாயத்தினரும் கல்வி அறிவை பெற்றால் மட்டுமே மாநிலமும்,   நாடும் முன்னேற முடியும்.  எனவே,  ஜாதி, மத பாகுபாடில்லாமல் அனைவருக்கும் கல்வி பயிலத் தேவையான அனைத்து உதவிகளையும் செய்ய முடிவு செய்துள்ளோம்.  அதேபோல்,  ஆட்சியை பிடித்த 24 மணி நேரத்தில் விவசாயிகளின் கடன்கள் அனைத்தும் தள்ளுபடி செய்யப்படும்.  விவசாயிகளின் வளர்ச்சிக்குத் தேவையான நடவடிக்கை மேற்கொள்ளப்படும். 
30 மாவட்டங்களில் உள்ள மாணவர்களைத் தேர்ந்தெடுத்து மாதம்தோறும்,  பெங்களூரில் சட்டப் பேரவை அமைந்துள்ள விதான செளதாவுக்கு வரவழைத்து,  அதனைப் பார்வையிட ஏற்பாடு செய்யப்படும். 
நாட்டின் வளர்ச்சி மாணவர்கள் கையில் உள்ளது.  எனவே அவர்களுக்கு அரசியல் உள்ளிட்ட அனைத்துத் துறைகளிலும் விழிப்புணர்வு ஏற்படுத்தப்படும் என்றார்.  

]]>
http://www.dinamani.com/all-editions/edition-bangalore/2018/jan/18/மஜத-ஆட்சியைப்-பிடித்தால்--அனைத்து-மாணவர்களுக்கும்-மடிக்கணினி-2846544.html
2846543 அனைத்துப் பதிப்புகள் பெங்களூரு சுரங்கத்தொழிலில் முறைகேடு  நடைபெறவில்லை: அமைச்சர் வினய் குல்கர்னி DIN DIN Thursday, January 18, 2018 08:11 AM +0530 கர்நாடகத்தில் நடைபெறும் சுரங்கத் தொழிலில் முறைகேடு எதுவும் நடைபெறவில்லை என்று சுரங்கத் தொழில் துறை அமைச்சர் வினய் குல்கர்னி தெரிவித்தார்.
பெங்களூரில் அவர் புதன்கிழமை செய்தியாளர்களிடம் கூறியது:-
காங்கிரஸ் ஆட்சியில் சுரங்கத் தொழிலில் முறைகேடு நடைபெற்றுள்ளது என முன்னாள் முதல்வர் குமாரசாமி குற்றஞ்சாட்டியதில் உண்மை இல்லை. 
சட்டப்பேரவைத் தேர்தல் நெருங்கி வருவதால்,  இதுபோன்ற குற்றச்சாட்டுகளை குமாரசாமி தெரிவித்துவருகிறார். கடந்த 3 ஆண்டுகளில் 1.20 கோடி டன் இரும்புத் தாதுகள் ஏற்றுமதி செய்யப்பட்டுள்ளது. கடந்த ஆண்டு மார்ச் மாதத்தில் இரும்புத் தாதுகளை மைசூரு மினரல்ஸ் நிறுவனம் குறைவாக அள்ளியுள்ளதை அவர் சுட்டிக் காட்டியுள்ளார். இது குறித்து விசாரணை நடத்த அதிகாரிகளுக்கு உத்தரவிடப்பட்டுள்ளது.
மணல் தட்டுப்பாடு ஏற்பட்டுள்ளதால், அண்டை நாடுகளிடமிருந்து மணலை வாங்க எம்.எஸ்.ஐ.எல். நிறுவனத்துக்கு அனுமதி வழங்கப்பட்டுள்ளது. ஒரு கப்பலில் 50 ஆயிரம் டன் மணலை இறக்குமதி செய்ய முடியும். 
மாதத்துக்கு 3 முறை மணலை இறக்குமதி செய்து கொள்ள முடியும். மணலை இறக்குமதி செய்ய 7 பேர் விண்ணப்பங்களைச் செலுத்தியுள்ளனர். இதனை பரிசீலனை செய்து தகுதி உள்ளவர்களுக்கு அனுமதி வழங்கப்படும். இறக்குமதி செய்யும் மணலை விட, இங்கு உற்பத்தி செய்யப்படும் செயற்கை மணலின் விலை குறைவாக உள்ளது என்றார் அவர்.

]]>
http://www.dinamani.com/all-editions/edition-bangalore/2018/jan/18/சுரங்கத்தொழிலில்-முறைகேடு--நடைபெறவில்லை-அமைச்சர்-வினய்-குல்கர்னி-2846543.html
2846542 அனைத்துப் பதிப்புகள் பெங்களூரு தென் கன்னட மாவட்டத்தில் நக்ஸல்களைத் தேடும் பணி தீவிரம் DIN DIN Thursday, January 18, 2018 08:10 AM +0530 தென் கன்னட மாவட்டத்துக்குள்பட்ட புத்தூர் வட்டத்தில் உள்ள வனப் பகுதியில் நக்ஸல்களைத் தேடும் பணியில் நக்ஸல் ஒழிப்புப் படையினர் ஈடுபட்டுள்ளனர்.
புத்தூர் வட்டத்துக்குள்பட்ட மித்தமஜலு கிராமத்தில் உள்ள ஒரு வீட்டுக்கு ஞாயிற்றுக்கிழமை மாலை 6 மணியளவில் வந்த பெண் உள்ளிட்ட 3 பேர்,  தங்களுக்கு உணவுப் பொருள்கள் தேவை என்றும் உணவுப் பொருள்களை தந்தால் யாரையும் ஒன்றும் செய்ய மாட்டோம் என்றும் தமிழ், மலையாளம் கலந்து கன்னடத்தில் கூறினர்.
அப்போது அவர்கள் தங்களது பெயர்களை புருஷோத்தமன், ராஜேஷ்,  லதா என தெரிவித்து,  சிறுது உணவுப் பொருள்களை எடுத்துச் சென்றுள்ளனர். 
தகவலறிந்த நக்ஸல் ஒழிப்பு படையினர் செவ்வாய்க்கிழமை தொடங்கி, புதன்கிழமை 2-வது நாளாக புத்தூர் வட்டத்தில் உள்ள வனப்பகுதியில் 3 பேரையும் தேடும் பணியில் ஈடுபட்டு வருகின்றனர். 
மூவரும் போலீஸரால் தேடப்பட்டு வரும் கேரள மாநிலத்தைச் சேர்ந்த நந்தகுமார்,  தமிழ்நாட்டைச் சேர்ந்த கங்காதர், லதாவாக இருக்கக் கூடும் என நக்ஸல் ஒழிப்புப் படையினர் தெரிவித்தனர்.


 

]]>
http://www.dinamani.com/all-editions/edition-bangalore/2018/jan/18/தென்-கன்னட-மாவட்டத்தில்-நக்ஸல்களைத்-தேடும்-பணி-தீவிரம்-2846542.html
2846541 அனைத்துப் பதிப்புகள் பெங்களூரு குழந்தைகள், மகளிர் மீதான வன்கொடுமைகளைத் தடுக்க வேண்டும்: கர்நாடக முதல்வர் சித்தராமையா DIN DIN Thursday, January 18, 2018 08:10 AM +0530 குழந்தைகள்,  மகளிர் மீதான பாலியல் வன்கொடுமைகளைத் தடுக்க வேண்டும் என்று கர்நாடக முதல்வர் சித்தராமையா தெரிவித்தார்.
பெங்களூரு டிஜிபி அலுவலகத்தில் புதன்கிழமை நடைபெற்ற காவல் துறை அதிகாரிகள் ஆண்டு விழா மாநாட்டில் அவர் பேசியது:-
காவல் துறையில் பணியாற்றுவது மிகவும் கடினமானது.   அதனை கர்நாடக போலீஸார் சிறப்பாகச் செய்து வருகின்றனர்.  போலீஸாருக்கு பதவி உயர்வு,   ஊதிய உயர்வு அளிப்பது குறித்து ஆய்வு செய்து அறிக்கை அளிக்க குழு அமைக்கப்பட்டுள்ளது.  அந்தக் குழு அளிக்கும் அறிக்கையின்பேரில்,  உரிய நடவடிக்கை எடுக்கப்படும். 
கர்நாடகத்தில் அனைத்துக் குற்றங்களும் குறைய வேண்டும்.  கடந்த ஆண்டுடன் ஒப்பிடுகையில் நிகழாண்டு 1 சதவீதம் குற்றச் செயல்கள் குறைந்துள்ளன.   இது மேலும் குறைய போலீஸ் அதிகாரிகளுக்கு உத்தரவிடப்பட்டுள்ளது. 
குழந்தைகள்,  மகளிர் மீதான பாலியல் வன்கொடுமைகளையும்,  தங்கச் சங்கிலி பறிப்பு சம்பவங்களையும் தடுக்க வேண்டும்.  போதைப்பொருள்கள் விற்பனை செய்பவர்கள் மீது கடுமையான நடவடிக்கை எடுக்க வேண்டும்.
ரெளடிகளைக் கட்டுப்படுத்தும் நடவடிக்கையில் ஈடுபட வேண்டும்.  பழைய குற்றவாளிகளைத் தொடர்ந்து கண்காணிக்க வேண்டும். 
குற்றச் செயல்கள் நடக்கும் முன்பே உளவுத் துறையினர் அதனைக் கண்டறிந்து தடுக்க நடவடிக்கை எடுக்க வேண்டும்.   தற்போது உள்ள உளவுத் துறையினர் பணியில் சற்று பின் தங்கியுள்ளனர்.  இதனைச் சரிசெய்து கொள்ள வேண்டும்.   அனைத்து பகுதிகளிலும் உளவுத் துறை அலுவலகங்கள் திறக்கத் திட்டமிடப்பட்டுள்ளது. 
சட்டப்பேரவைத் தேர்தல் நெருங்கி வரும் வேளையில்,  மத வன்முறைகள் நடைபெறுவது கவலை அளிக்கிறது.  வன்முறையைத் தூண்டுவோரை குண்டர் சட்டத்தின்கீழ் கைது செய்ய வேண்டும்.  தேவைப்பட்டால் அப்படிப்பட்டவர்களைக் கண்டறிந்து மாநிலத்திலிருந்தே வெளியேற்ற வேண்டும்.   சட்டப்பேரவைத் தேர்தலின் பதற்றமான பகுதிகளைக் கண்டறிந்து,  அங்கு பலத்த பாதுகாப்பு ஏற்பாடுகளை செய்ய வேண்டும்.  பணியில் அலட்சியம் காட்டும் போலீஸ் அதிகாரிகள் மீது கடும் நடவடிக்கை எடுக்கப்படும் என்றார் அவர். 
நிகழ்ச்சியில்,  உள்துறை அமைச்சர் ராமலிங்க ரெட்டி,  டிஜிபி நீலமணி என்.ராஜு உள்ளிட்டோர் கலந்து கொண்டனர் .                                                                              

]]>
http://www.dinamani.com/all-editions/edition-bangalore/2018/jan/18/குழந்தைகள்-மகளிர்-மீதான-வன்கொடுமைகளைத்-தடுக்க-வேண்டும்-கர்நாடக-முதல்வர்-சித்தராமையா-2846541.html
2846540 அனைத்துப் பதிப்புகள் பெங்களூரு பெங்களூரில் நாளை முதல் மலர்க் கண்காட்சி DIN DIN Thursday, January 18, 2018 08:10 AM +0530 பெங்களூர் லால்பாக்கில் 207-வது ஆண்டாக நடைபெறும் குடியரசு தின மலர் கண்காட்சி ஜனவரி 19-இல் தொடங்கி,  28-ஆம் தேதி வரை 10 நாள்கள் நடக்கவிருக்கின்றன. 
இதுகுறித்து பெங்களூரில் தோட்டக்கலைத்துறை ஆணையர் பிரகாஷ்சந்திரா ரே,  புதன்கிழமை செய்தியாளர்களிடம் கூறியது: -
கர்நாடக தோட்டக் கலைத் துறை,  மைசூர் தோட்டக்கலை சங்க நிர்வாகக் குழு  ஆகியன இணைந்து மலர்க் கண்காட்சியை நடத்துகின்றன.
லால்பாக்கில் உள்ள கண்ணாடி மாளிகையில் மலர்க்கண்காட்சியை தர்மஸ்தலா கோயில் தர்மகர்தா வீரேந்திரஹெக்டே, ஸ்ரீ நிர்மலானந்தா சுவாமிகள், தோட்டக்கலைத்துறை அமைச்சர் எஸ்.எஸ்.மல்லிகார்ஜுன் ஆகியோர் ஜனவரி 19-ஆம் தேதி காலை 11 மணிக்கு  தொடக்கிவைக்கின்றனர்.   தொகுதி எம்எல்ஏ ஆர்.வி.தேவராஜ், மேயர் சம்பத்ராஜ் உள்ளிட்டோர் கலந்துகொள்கின்றனர்.
கண்காட்சியில் 86-க்கும் அதிகமான வகையிலான மலர்கள் இடம்பெறவுள்ளன. சரவணபெலகோலாவில் மகா மஸ்தபிஷேகம் நடைபெறுவதையொட்டி, கண்ணாடிமாளிகையில் பாகுபலியில் சிலை மலர்களால் உருவாக்கப்பட்டு, சிறப்பிக்கப்பட்டுள்ளது.  
கண்காட்சியைக் காண 5 லட்சத்துக்கும் அதிகமான பார்வையாளர்கள் கலந்து கொள்வார்கள் என எதிர்ப்பார்க்கப்படுகிறது.  தினமும் காலை 9 மணி முதல் மாலை 7 மணி வரை திறக்கப்பட்டிருக்கும் என்றார் அவர். 

]]>
http://www.dinamani.com/all-editions/edition-bangalore/2018/jan/18/பெங்களூரில்-நாளை-முதல்-மலர்க்-கண்காட்சி-2846540.html
2846539 அனைத்துப் பதிப்புகள் பெங்களூரு ஹஜ் புனித பயணத்துக்கு மானியம் ரத்து: கர்நாடக அமைச்சர் யு.டி.காதர் வரவேற்பு DIN DIN Thursday, January 18, 2018 08:10 AM +0530 ஹஜ் புனித பயணத்துக்கான மானியம் ரத்து செய்யப்பட்டதற்கு  கர்நாடக மாநில உணவு, பொது வழங்கல் துறை அமைச்சர் யு.டி.காதர் வரவேற்றுள்ளார்.
இதுகுறித்து அவர் புதன்கிழமை செய்தியாளர்களிடம் கூறியது: -
மெக்காவுக்கு ஹஜ் புனித பயணம் மேற்கொள்வதற்காக இஸ்லாமியர்களுக்கு வழங்கப்படும் மானியம் ரத்து செய்யப்படும் என மத்திய  சிறுபான்மைத் துறை அமைச்சர் முக்தார் அப்பாஸ் நக்வி அறிவித்துள்ளது வரவேற்கத்தக்காகும். 
ஏர் இந்தியா விமானங்களில் செல்ல வேண்டும் என்ற கட்டுப்பாட்டை மத்திய அரசு விதித்திருந்தது. மத்திய அரசின் மானியத்தால் ஏர் இந்தியா விமான நிறுவனமே பயனடைந்து வந்தது.  
தற்போது மானியம் ரத்து செய்யப்பட்டதால், அவரவர்கள் வசதிக்கேற்ப, தாங்கள் விரும்பிய விமானங்களில் ஹஜ் பயணத்தை மேற்கொள்ள முடியும்.  இது ஒரு வகையில் புனித பயணம் மேற்கொள்பவர்களுக்கு உதவியாகவே இருக்கும் என்றார்.  இதேபோல்,  ஹஜ் புனித பயணத்துக்கான மானியம் ரத்து செய்யப்பட்டதை மற்றொரு அமைச்சரான ரோஷன் பெய்க்கும் வரவேற்றுள்ளார்.

]]>
http://www.dinamani.com/all-editions/edition-bangalore/2018/jan/18/ஹஜ்-புனித-பயணத்துக்கு-மானியம்-ரத்து-கர்நாடக-அமைச்சர்-யுடிகாதர்-வரவேற்பு-2846539.html
2845829 அனைத்துப் பதிப்புகள் பெங்களூரு கோவா அமைச்சருக்கு சித்தராமையா கண்டனம் DIN DIN Wednesday, January 17, 2018 07:22 AM +0530 கோவா மாநில நீர்ப்பாசனத் துறை அமைச்சரின் பேச்சுக்கு கர்நாடக முதல்வர் சித்தராமையா கடும் கண்டனம் தெரிவித்துள்ளார்.
பெங்களூரு வசந்த்நகரில் செவ்வாய்க்கிழமை காங்கிரஸ் கட்சியின் நிர்வாகிகள் கூட்டத்தில் பங்கேற்பதற்கு முன்னதாக செய்தியாளர்களிடம் அவர் கூறியது:
கோவா மாநில நீர்ப்பாசனத் துறை அமைச்சர் வினோத் பாலைக்கர் கன்னடர்களை இழிவாக பேசியுள்ளார். அவர் வகிக்கும் பதவிக்கு கெளரவம் அளிக்காமல் பொறுப்பற்ற முறையில் பேசியுள்ளது மிகப் பெரிய தவறாகும். அவரது பொறுப்பற்ற பேச்சுக்கு பதிலளித்து என்னை தரம் தாழ்த்திக் கொள்ள விரும்பவில்லை. அவரது கலாசாரம், அண்டை மாநிலங்களுடன் இணக்கம் குறித்து அவர் அறிந்து கொள்வது அவசியம்.
பின்னர், காங்கிரஸ் கட்சியின் நிர்வாகிகள் கூட்டத்தில் அவர் பேசியது: மாநில காங்கிரஸ் கட்சிக்கு புதிய நிர்வாகிகள் நியமிக்கப்பட்டுள்ளனர். அவர்கள் கட்சியின் வளர்ச்சிக்கு பாடுபட வாழ்த்துகிறேன். இன்னும் 3 மாதங்களில் சட்டப்பேரவைத் தேர்தல் நடைபெற உள்ளது. எனவே இந்த நிர்வாகிகள் கூட்டம் மிக முக்கியமாது. 
நிர்வாகிகள் தேர்தலில் சிறப்பாக உழைக்க வேண்டும். அரசின் சாதனைகளை மக்களிடத்தில் கொண்டு செல்ல வேண்டும். டிச. 13-ஆம் தேதி முதல் ஜன. 12-ஆம் தேதி வரை மாநிலத்தின் அனைத்து மாவட்டங்களிலும் சுற்றுப்பயணம் மேற்கொண்டேன். இதன்மூலம் மக்களிடத்தில் காங்கிரஸுக்கு ஆதரவு அதிகரித்துள்ளது. என்றாலும் தேசிய அளவில் எந்த மாநிலத்திலும் தேர்தல் இல்லாததால், பாஜகவின் மூத்த தலைவர்கள் கர்நாடகத்தில் முகாமிட்டுள்ளனர். அவர்கள் தேர்தலில் வெற்றி பெற எதை வேண்டுமானாலும் செய்வார்கள். அதனை முறியடித்து நாம் தேர்தலில் வெற்றி பெற பாடுபட வேண்டும் என்றார். 
கூட்டத்தில் காங்கிரஸ் கட்சியின் மேலிடப் பார்வையாளர் வேணுகோபால், மாநிலத் தலைவர் ஜி.பரமேஸ்வர் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/jan/17/கோவா-அமைச்சருக்கு-சித்தராமையா-கண்டனம்-2845829.html
2845828 அனைத்துப் பதிப்புகள் பெங்களூரு "கர்நாடகத்தின் உரிமையை மீட்டெடுப்போம் ' DIN DIN Wednesday, January 17, 2018 07:21 AM +0530 மகதாயி நதிநீர்ப் பங்கீட்டு விவகாரத்தில் கர்நாடகத்தின் உரிமையை மீட்டெடுப்போம் என்று அந்த மாநில நீர்ப்பாசனத் துறை அமைச்சர் எம்.பி.பாட்டீல் தெரிவித்தார்.
இதுகுறித்து செவ்வாய்க்கிழமை செய்தியாளர்களிடம்  அவர் கூறியது: மகதாயி விவகாரத்தில் மாநிலத்தின் உரிமைக்காக தொடர்ந்து அமைதியான முறையில் போராடி வருகிறோம். இதை கோவா மாநில நீர்ப்பாசனத் துறை அமைச்சர் விமர்சித்துள்ளார்.
இது கண்டிக்கத்தக்கது. மகதாயி நதிநீரில் நமக்கான பங்கீட்டை கேட்பது எந்த வகையில் அநீதி என்பதை அவர் விளக்க வேண்டும். மகதாயி நதிநீர்ப் பங்கீட்டு விவகாரத்தில் கர்நாடகத்தின் உரிமையை மீட்டெடுப்போம். அதிலிருந்து ஒருபோதும் பின்வாங்க மாட்டோம். 
கோவா மாநிலத்திடம் எங்களுக்கான உரிமையைத்தான் கோருகிறோம். இதை தரக்குறைவாக விமர்சிக்க யாருக்கும் உரிமைஇல்லை. அம்மாநில நீர்ப்பாசனத் துறை அமைச்சர் வினோத பலின்கர் மன்னிப்பு கோர வேண்டும் என்றார்.

]]>
http://www.dinamani.com/all-editions/edition-bangalore/2018/jan/17/கர்நாடகத்தின்-உரிமையை-மீட்டெடுப்போம்--2845828.html
2845827 அனைத்துப் பதிப்புகள் பெங்களூரு கோவா அரசைக் கலைக்க வேண்டும்: வாட்டாள் நாகராஜ் DIN DIN Wednesday, January 17, 2018 07:21 AM +0530 மகதாயி நதிநீர்ப் பங்கீட்டு விவகாரத்தில் கர்நாடகத்துக்கு அநீதி இழைக்கும் கோவா மாநில அரசை நீக்க வேண்டும் என்று கன்னட சங்கங்களின் கூட்டமைப்பின் தலைவர் வாட்டாள் நாகராஜ் தெரிவித்தார்.
பெங்களூரு மைசூரு வங்கி சதுக்கத்தில் செவ்வாய்க்கிழமை கோவா மாநில அரசை கண்டித்து ஆர்ப்பாட்டத்தில் ஈடுபட்ட பிறகு செய்தியாளர்களிடம் அவர் கூறியது: 
மகதாயி நதிநீர்ப் பங்கீட்டு விவகாரத்தில் கர்நாடகத்துக்கு கோவா மாநில அரசு அநீதி இழைத்து வருகிறது. அம்மாநில நீர்ப்பாசனத் துறை அமைச்சர் வினோத் பாலைக்கர் கன்னடர்களை இழிவாக பேசியுள்ளார். அவரை அமைச்சரவையிலிருந்து உடனடியாக நீக்க வேண்டும்.
கன்னடர்களை அவமானப்படுத்தியுள்ள அவர் பகிரங்க மன்னிப்புக் கேட்க வேண்டும். கர்நாடக மாநிலத்தில் உள்ள பெலகாவி மாவட்டத்திற்குள் வந்து அங்கு நடைபெறும் நீர்ப்பாசனத் துறை வளர்ச்சிப் பணிகளை பார்வையிட்டுள்ளார். இது அதிகார வரம்பை மீறிய செயலாகும். 
இந்திய இறையாண்மை மீறும் செயல்களில் கோவா மாநில அரசும், அம்மாநில அமைச்சரும் ஈடுபட்டு வருகின்றனர். எனவே, கோவா மாநில அரசு உடனடியாக நீக்க வேண்டும். மகதாயி நதிநீர்ப் பங்கீட்டு விவகாரத்தில் பிரதமர் உடனடியாக தலையிட வேண்டும். இதனை வலியுறுத்தி ஜன. 25-ஆம் தேதி மாநிலத்தில் முழு அடைப்புக்கு அழைப்பு விடுத்துள்ளோம் என்றார். 
ஆர்பாட்டத்தில் ராஜ்குமார் ரசிகர் மன்றத் தலைவர் சா.ரா.கோவிந்து உள்ளிட்டோர் கலந்து கொண்டனர். 
 

]]>
http://www.dinamani.com/all-editions/edition-bangalore/2018/jan/17/கோவா-அரசைக்-கலைக்க-வேண்டும்-வாட்டாள்-நாகராஜ்-2845827.html
2845826 அனைத்துப் பதிப்புகள் பெங்களூரு ஹைதராபாத் கர்நாடகத்தில்  குமாரசாமி இன்று முதல் சுற்றுப்பயணம் DIN DIN Wednesday, January 17, 2018 07:21 AM +0530 கர்நாடக மஜத தலைவர் குமாரசாமி புதன்கிழமை (ஜன.17) முதல் 21-ஆம் தேதி வரை ஹைதராபாத் கர்நாடகத்தில் சுற்றுப்பயணம் மேற்கொள்கிறார்.
இதுகுறித்து அக்கட்சி வெளியிட்ட அறிக்கை:
அண்மையில் வட கர்நாடகத்தின் பல்வேறு மாவட்டங்களில் 3 நாள் சுற்றுப்பயணம் மேற்கொண்ட மஜத மாநிலத் தலைவர் எச்.டி.குமாரசாமி, ஜன. 17-ஆம் தேதி முதல் 21-ஆம் தேதி வரை ஹைதராபாத் கர்நாடகத்தில் சுற்றுப்பயணம் மேற்கொள்கிறார். ஜன. 17-ஆம் தேதி பீதர் மாவட்டத்தில் காலை கல்லூரி மாணவர்களுடன் கலந்துரையாடல் நிகழ்ச்சியில் கலந்து கொள்கிறார். பிற்பகல் ஹும்னாபாத்தில் நடைபெறும் மஜத மாநாட்டில் பங்கேற்கிறார்.
ஜன. 18-ஆம் தேதி சின்சோலி,கலபுர்கியில் நடைபெறும் மஜத மாநாட்டில் கலந்து கொள்கிறார். 19-ஆம் தேதி ஹாலந்தா, ஜேவர்கியில் நடைபெறும் கட்சி நிர்வாகிகள் கூட்டத்தில் பங்கேற்று ஆலோசனை வழங்குகிறார். அதைத் தொடர்ந்து, ஜன. 20-ஆம் தேதி யாதகிரி மாவட்டத்தில் சுற்றுப்பயணம் மேற்கொள்ளும் அவர், ஜன. 21-ஆம் தேதி கொப்பள் மாவட்டத்தில் சுற்றுப்பயணம் மேற்கொள்கிறார்.
அங்கு நடைபெறும் மஜத நிர்வாகிகள் கூட்டத்தில் கலந்து கொள்கிறார். அதன் பின்னர் 21-ஆம் தேதி சிவமொக்க மாவட்டத்தில் சுற்றுப்பயணம் மேற்கொள்கிறார் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/jan/17/ஹைதராபாத்-கர்நாடகத்தில்--குமாரசாமி-இன்று-முதல்-சுற்றுப்பயணம்-2845826.html
2845825 அனைத்துப் பதிப்புகள் பெங்களூரு மகதாயி விவகாரத்தில் பாஜக அரசியல் நாடகம்: அமைச்சர் ராமலிங்க ரெட்டி DIN DIN Wednesday, January 17, 2018 07:20 AM +0530 மகதாயி விவகாரத்தில் பாஜக அரசியல் நாடகத்தில் ஈடுபட்டுள்ளதாக கர்நாடக உள்துறை அமைச்சர் ராமலிங்க ரெட்டி குற்றஞ்சாட்டினார்.
சிக்பள்ளாபூர் மாவட்டம் உருவாக்கப்பட்டு 10 ஆண்டுகள் நிறைவுபெற்றதையடுத்து செவ்வாய்க்கிழமை அதற்கான இலட்சினையை வெளியிட்டு,  மாணவர்களுக்கு மடிக் கணியை வழங்கி அவர் மேலும் பேசியது: 
தேசிய கட்சியான பாஜக நாடக கம்பெனி போல் செயல்படுகிறது.   மேலும்,  கோவா மாநில நீர்ப் பாசனத் துறை அமைச்சர் வினோத் பாலைக்கர் கர்நாடக மக்களை தரக்குறைவாக விமர்சித்துள்ளார். அதன் பின்னணியில் பாஜகவினர் உள்ளனர். 
பெங்களூரு பெண்களுக்கு பாதுகாப்பில்லாத நகரம் என்று கூறுவதை ஏற்றுக் கொள்ள முடியாது.  ஒருசில சம்பவங்களைத் தவிர்க்க முடியாமல் போகிறது.  என்றாலும்,  பெண்கள் மீது தாக்குதல் நடத்தப்படுவதை ஒருபோதும் ஏற்றுக்கொள்ள முடியாது.  தவறு செய்தவர்கள் யாராக இருந்தாலும், அவர்கள் மீது கடும் நடவடிக்கை எடுக்கப்படும்.  ஒரு சம்பவத்தை கொண்டு, மாநிலத்தில் சட்டம்- ஒழுங்கு சீர்குலைந்துள்ளது எனக் கூறுவதை ஏற்றுக் கொள்ள முடியாது என்றார்.
 

]]>
http://www.dinamani.com/all-editions/edition-bangalore/2018/jan/17/மகதாயி-விவகாரத்தில்-பாஜக-அரசியல்-நாடகம்-அமைச்சர்-ராமலிங்க-ரெட்டி-2845825.html
2845810 அனைத்துப் பதிப்புகள் பெங்களூரு கோவா அமைச்சர் மீது நடவடிக்கை எடுக்க வலியுறுத்துவோம்: பிரஹலாத் ஜோஷி DIN DIN Wednesday, January 17, 2018 02:36 AM +0530 கன்னடர்களை தரக்குறைவாக விமர்சித்த கோவா நீர்ப்பாசனத் துறை அமைச்சர் வினோத் பாலைக்கர் மீது நடவடிக்கை எடுக்க அம்மாநில முதல்வரிடம் மாநில பாஜக சார்பில் வலியுறுத்தப்படும் என்று மக்களவை உறுப்பினர் பிரஹலாத் ஜோஷி தெரிவித்தார்.
இதுகுறித்து செவ்வாய்க்கிழமை செய்தியாளர்களிடம் அவர் கூறியது: 
கலசா-பண்டூரி, மகதாயி நதிநீர்ப் பங்கீடு விவகாரம் தொடர்பான வழக்கு உச்ச நீதிமன்றத்தில் நடைபெற்று வருவதால் கருத்து தெரிவிக்க இயலாது. கன்னடர்களை கோவா மாநில நீர்ப்பாசனத் துறை அமைச்சர் வினோத் பாலைக்கர் இழிவாகப் பேசியுள்ளதாக ஊடகங்களில் செய்திகள் வெளியாகியுள்ளன. 
இது 2 மாநிலங்களிடையேயான நல்லுறவை கெடுக்கும் வகையில் உள்ளது வேதனையளிக்கிறது. அவரின் கருத்தால் கன்னடர்களிடையே கொந்தளிப்பு ஏற்பட்டுள்ளதை மறுக்க முடியாது. அவர் தெரிவித்துள்ள கருத்தை மாநில பாஜக ஒரு போதும் ஆதரிக்காது. அவர் மீது நடவடிக்கை எடுக்க அம்மாநில முதல்வர் மனோகர் பாரிக்கரிடம் வலியுறுத்துவோம் என்றார்.
 

]]>
http://www.dinamani.com/all-editions/edition-bangalore/2018/jan/17/கோவா-அமைச்சர்-மீது-நடவடிக்கை-எடுக்க-வலியுறுத்துவோம்-பிரஹலாத்-ஜோஷி-2845810.html
2845809 அனைத்துப் பதிப்புகள் பெங்களூரு தம்பதி தூக்கிட்டுத் தற்கொலை DIN DIN Wednesday, January 17, 2018 02:36 AM +0530 சம்பங்கிராம்நகர் காவல் சரகத்தில் தம்பதி தூக்கிட்டுத் தற்கொலை செய்து கொண்டனர்.
பெங்களூரு சம்பங்கிராம்நகர் 7-ஆவது குறுக்குச் சாலையைச் சேர்ந்தவர் பரமேஸ்வர் (50). இவரது மனைவி சசிகலா (45). நெசவு தொழில் செய்து வந்த பரமேஸ்வர், ஞாயிற்றுக்கிழமை பணிக்குச் சென்றுவிட்டு, பிற்பகல் வீட்டிற்குத் திரும்பியுள்ளார். 
அப்போது, வீட்டின் அறையில் சசிகலா தூக்கில் தொங்கிய நிலையில் இறந்து கிடந்தார். இதையடுத்து, பரமேஸ்வரும் தூக்கிட்டுத் தற்கொலை செய்து கொண்டார். தகவல் அறிந்த போலீஸார், இருவரிடன் சடலங்களை மீட்டு பிரேத பரிசோதனைக்கு அனுமதித்தனர். இதுகுறித்து சம்பங்கிராம்நகர் போலீஸார் வழக்குப் பதிந்து விசாரணை செய்து வருகின்றனர்.  
 

]]>
http://www.dinamani.com/all-editions/edition-bangalore/2018/jan/17/தம்பதி-தூக்கிட்டுத்-தற்கொலை-2845809.html
2845807 அனைத்துப் பதிப்புகள் பெங்களூரு பெங்களூரில் வெவ்வேறு இடங்களில் வீடு புகுந்து திருட்டு DIN DIN Wednesday, January 17, 2018 02:35 AM +0530 பெங்களூரில் 3 இடங்களில் வீடுகளில் புகுந்து தங்க நகை, வெள்ளிப் பொருள்கள், பணத்தை மர்மநபர்கள் திருடிச் சென்றனர்.
பெங்களூரு வில்சன்கார்டன் சுதாமநகர் 2-ஆவது குறுக்குச் சாலையைச் சேர்ந்தவர் ரியல் எஸ்டேட் உரிமையாளர் ஜெயராம். இவர் ஜன. 14-ஆம் தேதி வீட்டைப் பூட்டிக் கொண்டு குடும்பத்தினருடன் வெளியூருக்குச் சென்றுவிட்டு, திங்கள்கிழமை வீட்டிற்குத் திரும்பி வந்தாராம். 
இதற்கிடையே பூட்டை உடைத்து வீட்டிற்குள் புகுந்த யாரோ, ரூ. 6.6 லட்சம் மதிப்புள்ள 195 கிராம் தங்கநகை, 1 கிலோ வெள்ளிப்பொருள்கள், ரூ. 45 ஆயிரம் ரொக்கத்தை திருடிச் சென்றனர். இதுகுறித்து வில்சன் கார்டன் போலீஸார் விசாரிக்கின்றனர்.
இதேபோல் கே.ஜி.நகர் பிருந்தாவன்நகரைச் சேர்ந்தவர் திருமலைசாமி. இவர் செவ்வாய்க்கிழமை காலை வீட்டைப் பூட்டிக் கொண்டு வெளியே சென்றுவிட்டு, பிற்பகல் திரும்பி வந்தாராம். இதற்குள் வீட்டிற்குள் புகுந்த யாரோ ரூ. 6.2 லட்சம் மதிப்புள்ள 180 கிராம் தங்கநகை, ரூ. 80 ஆயிரம் ரொக்கப்பணத்தை திருடிச் சென்றுள்ளனர். இதுகுறித்து கே.ஜி.நகர் போலீஸார் விசாரணை மேற்கொண்டுள்ளனர்.
மேலும் கே.ஆர்.புரம் அக்ஷ்யாநகரைச் சேர்ந்தவர் ரவிக்குமார். இவர் திங்கள்கிழமை குடும்பத்தினருடன் வெளியூருக்கு சென்றுவிட்டு, செவ்வாய்க்கிழமை காலை திரும்பி வந்தனராம். இதற்கிடையே அவரது வீட்டில் புகுந்த யாரோ ரூ. 3 லட்சம் மதிப்புள்ள 90 கிராம் தங்கநகை, ரூ. 40 ஆயிரம் ரொக்கப்பணத்தை திருடிச் சென்றுள்ளனர். இதுகுறித்து கே.ஆர்.புரம் போலீஸார் விசாரணை மேற்கொண்டு வருகின்றனர்.                                                                              
 

]]>
http://www.dinamani.com/all-editions/edition-bangalore/2018/jan/17/பெங்களூரில்-வெவ்வேறு-இடங்களில்-வீடு-புகுந்து-திருட்டு-2845807.html
2845806 அனைத்துப் பதிப்புகள் பெங்களூரு திருட்டு வழக்கில்  மேற்கு வங்கத்தைச் சேர்ந்த 2 பேர் கைது DIN DIN Wednesday, January 17, 2018 02:34 AM +0530 திருட்டு, கொள்ளை வழக்குகளில் ஈடுபட்ட மேற்கு வங்க மாநிலத்தைச் சேர்ந்த 2 பேரை கைது செய்த போலீஸார், ரூ. 25 லட்சம் மதிப்புள்ள பொருள்களை பறிமுதல் செய்துள்ளனர்.
மேற்கு வங்க மாநிலத்தைச் சேர்ந்தவர்கள் தூத்குமார்தாஸ் (43), சாகர் சந்திர சர்கார் (28). இவர்கள் இருவரும் பெங்களூரு ஹெப்பாள் கெம்பாபுரா பகுதியில் தங்கி, நகரில் மற்ற பகுதிகளில் பூட்டியுள்ள வீடுகளை அடையாளம் கண்டு, திருடியும், கொள்ளையடுத்தும் வந்துள்ளனர். இது குறித்து வழக்கு பதிந்த போலீஸார், 2 பேரையும் கைது செய்து, ரூ. 25 லட்சம் மதிப்புள்ள 67 கிராம் தங்கநகை, 4 கிலோ 200 கிராம் வெள்ளிப்பொருள்கள் 6 செல்லிடப்பேசிகள், 4 கேமரா, 8 பித்தளை சிலைகள், 11 கைக்கடிகாரம், வெளிநாட்டு ரூபாய் நோட்டுகளை பறிமுதல் செய்துள்ளனர். கைது செய்யப்பட்ட 2 பேரிடமும் சஞ்சய்நகர் போலீஸார் விசாரித்து வருகின்றனர்.

]]>
http://www.dinamani.com/all-editions/edition-bangalore/2018/jan/17/திருட்டு-வழக்கில்--மேற்கு-வங்கத்தைச்-சேர்ந்த-2-பேர்-கைது-2845806.html
2845804 அனைத்துப் பதிப்புகள் பெங்களூரு "போக்குவரத்து நெரிசலை தவிர்க்க ரயில்களில் பயணிக்க வேண்டும்' DIN DIN Wednesday, January 17, 2018 02:34 AM +0530 பெங்களூரில் போக்குவரத்து நெரிசலை தவிர்க்க மெட்ரோ ரயிலில் பயணம் செய்ய பொதுமக்கள் முன்வர வேண்டும் என போக்குவரத்துத் துறை அமைச்சர் எச்.எம்.ரேவண்ணா தெரிவித்தார்.
கர்நாடக மாநிலம், மைசூரிலிருந்து செவ்வாய்க்கிழமை பெங்களூருக்கு காரில் பயணம் செய்த அவர், பெங்களூரு நாயண்டஹள்ளியில் ஏற்பட்ட போக்குவரத்து நெரிசலில் சிக்கினார். அங்கிருந்து காரிலிருந்து இறங்கி, மெட்ரோ ரயில் மூலம் விதான செளதாவுக்கு பயணம் செய்தார்.
பின்னர், செய்தியாளர்களிடம் அவர் கூறியது: நாயண்டஹள்ளி அருகே ஏற்பட்ட போக்குவரத்து நெரிசலில் சிக்கியதால் விதான செளதாவுக்கு மெட்ரோ ரயிலில் பயணம் மேற்கொண்டேன். பாதுகாப்பு காரணங்களுக்காக மெட்ரோ ரயிலில் பயணம் செய்வது உகந்தது அல்ல என்று பலரும் எனக்கு அறிவுரை கூறினர். 
நான் அமைச்சராக இருந்தாலும், மெட்ரோ ரயிலில் பயணம் செய்வதில் எந்த பிரச்னையும் இல்லை. நான் சாமனியனாக இருப்பதால், எனக்கு எந்த அச்சுறுத்தலும் இல்லை. பொது வாழ்வில் உள்ளவர்களுக்கு பலத்த பாதுகாப்பு தேவையில்லை. தவறு செய்து உயிருக்கு அச்சுறுத்தல் உள்ளவர்களுக்கு மட்டுமே பாதுகாப்பு தேவைப்படும். 
பெங்களூரில் நாள்தோறும் வாகன நெரிசல் அதிகரித்து வருவதால், பொதுமக்கள் மெட்ரோ ரயில் சேவையை பயன்படுத்திக் கொள்ள வேண்டும். இதன்மூலம் வாகன நெரிசலைக் குறைக்க முடியும் என்றார்.

]]>
http://www.dinamani.com/all-editions/edition-bangalore/2018/jan/17/போக்குவரத்து-நெரிசலை-தவிர்க்க-ரயில்களில்-பயணிக்க-வேண்டும்-2845804.html
2845803 அனைத்துப் பதிப்புகள் பெங்களூரு  மோட்டார் சைக்கிள் அறிமுகம் DIN DIN Wednesday, January 17, 2018 02:33 AM +0530 பஜாஜ் நிறுவனத்தின் மேம்படுத்தப்பட்ட புதிய தொழில்நுட்பங்களுடன் அவெஞ்சர்ஸ் மோட்டார் வாகனம் செவ்வாய்க்கிழமை பெங்களூரில் அறிமுகம் செய்யப்பட்டது.
பெங்களூரில் புதன்கிழமை அந்நிறுவனத்தின் சார்பில் மேம்படுத்தப்பட்ட புதிய தொழில்நுட்பங்களுடன் குரூஸ், ஸ்டீரிட் என்ற பெயரில் 2 வகையான புதிய அவெஞ்சர்ஸ் மோட்டார் சைக்கிள்களை அறிமுகம் செய்து வைத்த அந்நிறுவனத்தின் வர்த்தகப் பிரிவின் தலைவர் எரிக் வாஸ் பேசியது: சர்வதேச அளவில் இருசக்கர வாகனங்களை இளைஞர்கள் பயன்படுத்துவது அதிகரித்துள்ளது. 
அதிலும் மேம்படுத்தப்பட்ட தொழில்நுட்பங்களுடன் இலகுவாக ஓடும் வாகனங்களுக்கு ஆண்கள் மட்டுமறி பெண்களிடமும் அதிக அளவில் வரவேற்பு உள்ளது. இதனை கருத்தில் கொண்டு புதிய தொழில்நுட்பங்களுடன் குரூஸ், ஸ்டீரிட் என்ற பெயரில் அவெஞ்சர்ஸ் மோட்டார் சைக்கிள்களை அறிமுகம் செய்துள்ளோம். 
இந்த மோட்டார் சைக்கிள் கட்டுப்பட்டுடனும், எளிதாக கையாளும் வகையில் தயாரிக்கப்பட்டுள்ளது. உலகத் தரத்தில் வடிவமைக்கப்பட்ட மோட்டார் சைக்கிள் வாடிக்கையாளர்களுக்கு ஒரு வரப்பிரசாதமாகும். மிகச்சிறந்த என்ஜின் செயல்திறன், லிட்டர் பெட்ரோலுக்கு 50 கி.மீ செல்லும் வகையிலான எரிபொருள் சிக்கனம், டிரம்பிரேக், 2 வகையான வண்ணங்களில் அறிமுகம் செய்யப்பட்டுள்ள அவெஞ்சர்ஸ் மோட்டார் சைக்கிளின் பெங்களூருவின் விலை ரூ. 92, 950 என்றார் அவர். நிகழ்ச்சியில் அந்நிறுவனத்தின் தென்னிந்திய வர்த்தக பிரிவு துணைத் தலைவர் அஸ்வின் ஜெயகாந்த் உடனிருந்தார். 

]]>
http://www.dinamani.com/all-editions/edition-bangalore/2018/jan/17/மோட்டார்-சைக்கிள்-அறிமுகம்-2845803.html
2845801 அனைத்துப் பதிப்புகள் பெங்களூரு "தரம்மிகுந்த ஹெல்மெட் அணிவது கட்டாயம்' DIN DIN Wednesday, January 17, 2018 02:33 AM +0530 கர்நாடகத்தில் இரு சக்கர வாகனங்களில் பயணிப்பவர்கள் ஐஎஸ்ஐ முத்திரை பதித்த முழு தலைக்கவசம் அணிவது கட்டாயமாக்கப்பட்டுள்ளது.
இதுகுறித்து செவ்வாய்க்கிழமை வட்டாரப் போக்குவரத்து அலுவலக ஆணையர் பி.தாயானந்த் செய்தியாளர்களிடம் கூறியது: இரு சக்கர வாகன விபத்துகளில் தலையில் காயமடைபவர்கள் உயிரிழப்பது, மூளைச்சாவு அடைவதைத் தொடர்ந்து தலையில் கவசம் (ஹெல்மெட்) அணிவதை உச்ச நீதிமன்றம் கட்டாயமாக்கியுள்ளது. ஐஎஸ்ஐ முத்திரை பதிக்காத தலைக்கவசங்களை பலர் அணிக்கின்றனர். இதனால், அவர்களின் தலைகளுக்கு பாதுகாப்பு இல்லாமல் போகிறது. எனவே, வரும் நாள்களில் இரு சக்கர வாகனங்களில் முன், பின் இருக்கைகளில் அமர்ந்து செல்பவர்கள் ஐஎஸ்ஐ முத்திரை பதித்த முழுதலைக்கவசம் அணிந்து செல்வது கட்டாயமாக்கப்பட்டுள்ளது. 
ஐஎஸ்ஐ முத்திரை பதிக்காத முழு, அரை தலைக்கவசங்கள் அணிந்து செல்பவர்களுக்கு அபராதம் விதிக்கப்படும். பெங்களூரு போன்ற நகரங்களில் ஐஎஸ்ஐ முத்திரை பதிக்காத தலைக்கவசங்கள் விற்பனை செய்யப்படுகின்றன. அதுபோன்ற வியாபாரிகளைக் கண்டறிந்து, அபராதம் விதிக்க முடிவு செய்யப்பட்டுள்ளது.
மேலும் வாகனச் சோதனையில் சுற்றுச்சூழலுக்கு பாதிப்பு ஏற்படுத்தும் வகையில் புகை வெளியிடும் 14 லட்சம் வாகனங்கள் மீது, 1.89 லட்சம் வழக்குகள் பதிவு செய்யப்பட்டுள்ளன. ரூ. 102 கோடி அபராதம் வசூலிக்கப்பட்டுள்ளது. மாநில அளவில் 882  வாகன மாசு பரிசோதனை மையங்கள் அமைக்கப்பட்டுள்ளன. 
இதில் ஒரு சில மையங்களில் தவறாக சான்றிதழ்கள் வழங்கப்படுவதாக வந்த குற்றச்சாட்டின் பேரில், 84 மையங்களின் உரிமையாளர்களுக்கு நோட்டீஸ் வழங்கப்பட்டுள்ளது. மேலும் வாகனங்களின் தகுதியை பரிசோதனை செய்ய பெங்களூரு ஊரகம் நெலமங்கலா அருகே மையம் அமைக்கப்பட்டுள்ளது. பரிசோதனையின் போது சாலைகளில் இயங்க தகுதியில்லாத வாகனங்கள் கண்டறியப்பட்டால், அவற்றிற்கு தடை விதிக்கப்படும் என்றார்.
 

]]>
http://www.dinamani.com/all-editions/edition-bangalore/2018/jan/17/தரம்மிகுந்த-ஹெல்மெட்-அணிவது-கட்டாயம்-2845801.html
2845800 அனைத்துப் பதிப்புகள் பெங்களூரு கர்நாடகத்தில் 2 கட்டமாக போலியோ தடுப்பு சொட்டு மருந்து முகாம் DIN DIN Wednesday, January 17, 2018 02:33 AM +0530 கர்நாடகத்தில் ஜன.28, மார்ச் 11 ஆகிய 2 நாள்களில் போலியோ தடுப்பு சொட்டு மருந்து முகாம் நடைபெறுகிறது.
கர்நாடகத்தில் உள்ள 80 லட்சம் குழந்தைகளுக்கு ஜன. 28-ஆம் தேதியும், மார்ச் 11-ஆம் தேதியும் 2 கட்டமாகவும் இந்த போலியோ தடுப்பு சொட்டு மருந்து புகட்ட அரசு முடிவு செய்துள்ளது. இதற்காக 35 ஆயிரம் முகாம்கள் அமைக்கப்பட உள்ளன. இதில் 1 லட்சத்து 50 ஆயிரம் பேர் 50 ஆயிரம் குழுக்களாகப் பிரிக்கப்பட்டு, சொட்டு மருந்து புகட்ட அனுப்பி வைக்கப்படுவார்கள்.
குறிப்பிட்ட தேதிகளில் காலை 8 மணி முதல் மாலை 5 மணி வரை சொட்டு மருந்து புகட்டப்படும். மேலும் பொதுமக்கள் அதிகம் கூடும் பகுதிகளான பேருந்து, ரயில், விமான நிலையங்களிலும், சந்தைகளிலும் சொட்டு மருந்து புகட்ட ஏற்பாடு செய்யப்பட்டுள்ளது. 
பெங்களூரில் 2 ஆயிரம் மையங்களில் சொட்டு மருந்து புகட்ட ஏற்பாடு செய்யப்பட்டுள்ளது. ஜன. 28-ஆம் தேதி மாநகராட்சி மருத்துவமனைகளில் மேயர் சம்பத்ராஜ், அரசு மருத்துவமனையில் முதல்வர் சித்தராமையா இந்த முகாமைத் தொடக்கிவைக்கின்றனர்.
198 வார்டுகளிலும் மாமன்ற உறுப்பினர்கள் சொட்டு மருந்து முகாமை தொடக்கிவைக்கின்றனர். போலியோ தடுப்பு சொட்டு மருந்து புகட்டப்படும் முகாம்களில் அரிமா, ரோட்டரி சங்கங்கள் உள்ளிட்ட பல்வேறு தன்னார்வத் தொண்டு நிறுவனங்கள் ஒத்துழைப்பு வழங்க முன்வந்துள்ளனர்.

]]>
http://www.dinamani.com/all-editions/edition-bangalore/2018/jan/17/கர்நாடகத்தில்-2-கட்டமாக-போலியோ-தடுப்பு-சொட்டு-மருந்து-முகாம்-2845800.html
2845365 அனைத்துப் பதிப்புகள் பெங்களூரு மதக் கலவரத்துக்கு யார் காரணம்? அமைச்சர் ராமலிங்க ரெட்டி விளக்கம் DIN DIN Tuesday, January 16, 2018 09:52 AM +0530 மதக் கலவரத்துக்கு பல்வேறு அமைப்புகள் காரணமாக உள்ளதாக கர்நாடக உள்துறை அமைச்சர் ராமலிங்க ரெட்டி தெரிவித்தார்.
இதுகுறித்து சிவமொக்காவில் திங்கள்கிழமை செய்தியாளர்களிடம் அவர் கூறியது: 
கடலோர கர்நாடகத்தில் மட்டும் மதக் கலவரங்கள் தொடர்ந்து நடந்துவருகின்றன. இந்த சம்பவங்களுக்கு ஒரு மதத்தை சார்ந்தவர்கள் மட்டும் காரணமல்ல. மதக் கலவரங்களுக்கு பல்வேறு அமைப்புகளும் காரணமாக இருக்கின்றன.
இதில் பிஎஃப்ஐ, எஸ்டிபிஐ, ஆர்எஸ்எஸ், பஜ்ரங்தள், ஸ்ரீராமசேனே உள்ளிட்ட அமைப்புகள் அடக்கம். ஒருசில அமைப்புகள் அரசியல் உள்நோக்கத்திற்காக கடலோர மாவட்டங்களில் மதக் கலவரங்களை தூண்டிவிட முயற்சித்து வருகின்றன. 
தேர்தல் நெருங்கிக் கொண்டிருப்பதால், இதுபோன்ற சம்பவங்களை பெரிதாக்கி வருகிறார்கள். 
எந்தவொரு அமைப்பையும் தடை செய்யும் அதிகாரம் மாநில அரசுக்கு இல்லை. அமைப்புகளைத் தடை செய்யும் அதிகாரம் மத்திய அரசுக்கு மட்டுமே உள்ளது. இந்த விவகாரத்தில் மத்திய அரசுக்கு மாநில அரசு பரிந்துரை செய்யலாம், அவ்வளவுதான் என்றார்.
 

]]>
http://www.dinamani.com/all-editions/edition-bangalore/2018/jan/16/மதக்-கலவரத்துக்கு-யார்-காரணம்-அமைச்சர்-ராமலிங்க-ரெட்டி-விளக்கம்-2845365.html
2845364 அனைத்துப் பதிப்புகள் பெங்களூரு ஏரியில் மூழ்கி 2 பேர் பலி DIN DIN Tuesday, January 16, 2018 09:52 AM +0530 பங்கார்பேட் அருகே ஏரியில் மூழ்கி இருவர்  உயிரிழந்தனர்.
கோலார் மாவட்டம், பங்கார்பேட் வட்டம், ஐனோரஹொசஹள்ளியில் உள்ள காசிபுரா ஏரிக்கு திங்கள்கிழமை அக்கிராமத்தைச் சேர்ந்த அஃப்ரோஸ்(15), ஃபைசோ(9) ஆகியோர் தனது நண்பர்களுடன் மாட்டை குளிக்க  வைப்பதற்காக இழுத்துச் சென்றனர். ஏரியில் இறங்கி மாட்டை குளிப்பாட்டிக் கொண்டிருந்த போது மாடுகள் மிரண்டு இழுத்ததில் அஃப்ரோஸ், ஃபைசோ ஆகிய இருவரும் நீரில் மூழ்கி உயிரிழந்தனர். இதுகுறித்து பங்கார்பேட் போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-bangalore/2018/jan/16/ஏரியில்-மூழ்கி-2-பேர்-பலி-2845364.html
2845361 அனைத்துப் பதிப்புகள் பெங்களூரு பட்டாசு வெடித்ததில் சிறுவன் சாவு DIN DIN Tuesday, January 16, 2018 09:52 AM +0530 திருவிழாவின் போது பட்டாசு வெடித்ததில் காயமடைந்த சிறுவன் உயிரிழந்தார்.
பெங்களூரு தியாகராஜ்நகர் 2-ஆவது பிளாக்கை சேர்ந்தவர் தொழிலதிபர் சுரேஷ்குமார். இவரது மகன் தனுஷ் (12). தனியார் பள்ளியில் 6-ஆம் வகுப்பு படித்து வந்தார். ஞாயிற்றுக்கிழமை இரவு அல்சூரில் உள்ள கிறிஸ்தவ தேவாலயத்தில் நடைபெற்ற செபஸ்டீன் திருவிழாவில் கலந்து கொண்டுள்ளார். 
திருவிழாவின் போது பட்டாசு கொளுத்தப்பட்டது. அப்போது வேடிக்கை பார்த்த சிறுவன் தனுஷின் தலையில் தீக் காயம் ஏற்பட்டது. தனியார் மருத்துவமனையில் அனுமதிக்கப்பட்ட சிறுவன் சிகிச்சை பலனின்றி உயிரிழந்தார். இதுகுறித்து அல்சூர் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-bangalore/2018/jan/16/பட்டாசு-வெடித்ததில்-சிறுவன்-சாவு-2845361.html
2845343 அனைத்துப் பதிப்புகள் பெங்களூரு அமைச்சர் ரோஷன் பெய்க் மகன், மகளுக்கு அமலாக்கத் துறை நோட்டீஸ் DIN DIN Tuesday, January 16, 2018 09:48 AM +0530 ஹவாலா சட்ட விதிமீறல் தொடர்பாக விளக்கம் கேட்டு நகர்ப்புற வளர்ச்சித் துறைஅமைச்சர் ரோஷன் பெய்கின் மகன் மற்றும் மகளுக்கு அமலாத் துறை நோட்டீஸ் அனுப்பியுள்ளது.
கர்நாடக அமைச்சரவையில் நகர்ப்புற வளர்ச்சித் துறை அமைச்சர் ரோஷன் பெய்கின் மகன் ரூமன் பெய்க், மகள் சபியா பெய்க் உள்ளிட்ட பலர் இயக்குநர்களாக இருக்கும் ரூமன் என்டர்பிரைசஸ் நிறுவனத்தை நடத்திவருகிறார்கள். 
இந்நிறுவனத்திற்கு கடந்த 7-8 ஆண்டுகளாக ஐக்கிய அரபி அமீரகத்தில் இருந்து பங்குத்தொகையாக நிதி பெறப்பட்டுள்ளது. இந்தத் தொகையை பெறுவதற்கு சரியான ஆவணங்களை தாக்கல் செய்யாததோடு, ஹவாலா விதிகளை மீறியுள்ளதாக தெரியவந்துள்ளது.
 எனவே, இதுதொடர்பாக விளக்கம் கேட்டு ரூமன்பெய்க், சபியாபெய்க் ஆகியோருக்கு அமலாக்கத் துறை நோட்டீஸ் அனுப்யுள்ளது. இது காங்கிரஸ் கட்சிக்கு அதிர்ச்சியை ஏற்படுத்தியுள்ளது.

]]>
http://www.dinamani.com/all-editions/edition-bangalore/2018/jan/16/அமைச்சர்-ரோஷன்-பெய்க்-மகன்-மகளுக்கு-அமலாக்கத்-துறை-நோட்டீஸ்-2845343.html
2845342 அனைத்துப் பதிப்புகள் பெங்களூரு "இந்திய ஒருமைப்பாட்டுக்கு மொழி நல்லிணக்கம் அவசியம்' DIN DIN Tuesday, January 16, 2018 09:48 AM +0530 இந்திய ஒருமைப்பாட்டுக்கு மொழி நல்லிணக்கம் அவசியம் என கர்நாடக ரக்ஷன யுவபடே அமைப்புத் தலைவர் எஸ்.சதீஷ் தெரிவித்தார்.
கர்நாடக ரக்ஷன யுவபடே அமைப்பு சார்பில் பெங்களூரு டேனரிசாலையில் திங்கள்கிழமை நடைபெற்ற சங்கராந்தி மற்றும் பொங்கல் திருநாள் விழாவில் சிறப்பு விருந்தினராகப் பங்கேற்ற பெங்களூரு தமிழ்ச் சங்கத் தலைவர் தி.கோ.தாமோதரன், ஏழைகளுக்கு பொங்கல் உணவுப் பொருள்களை வழங்கினார்.
விழாவுக்கு தலைமையேற்று அமைப்பின் தலைவர் எஸ்.சதீஷ் பேசியது: 
கர்நாடகத்தின் நிலம், நீர், மொழி உரிமைகளை என்றைக்கும் நாங்கள் விட்டுக் கொடுப்பதில்லை. அதற்காக பெங்களூரில் குறிப்பாக டேனரி சாலையில் வாழும் தமிழ், தெலுங்கு, உருது பேசும் மக்களுடன் நாங்கள் சண்டையிட வேண்டிய அவசியம் கன்னடர்களுக்கு இல்லை. எங்கள் கன்னட மொழியை நேசிக்கும் அதே நேரத்தில் தமிழ், தெலுங்கு உள்ளிட்ட இந்தியாவின் அனைத்து மொழிகளையும் நேசிக்கிறோம். 
சங்கராந்தி, பொங்கல் உள்ளிட்ட அனைத்து பண்டிகைகளையும் கொண்டாடி வருகிறோம். அனைத்து சமூக மக்களோடும் தோழமை, நட்புறவு, நல்லிணக்கத்தை பேணி பாதுகாத்து வருகிறோம். கன்னடர்களும் தமிழர்களும் ஒற்றுமை உணர்வோடு வாழ்ந்துவருகிறோம்.
இரு சமூகமும் ஒன்றாக பணியாற்றினால் நமது நாட்டின் பலம் கூடும். ஜாதி, மதம்,மொழி எவ்வித பாகுபாடும் இல்லாமல் அனைத்து மக்களையும் இந்தியர்களாக கருதி சேவையாற்றி வருகிறோம். இந்திய ஒருமைப்பாட்டுக்கு மொழி நல்லிணக்கம் அத்தியாவசியம் என்பதை உணர்ந்திருக்கிறோம். 
இனிமேலும் தமிழர்களையும், கன்னடர்களையும் ஒருசிலரின் சுயநலனுக்காக பிளவுபடுத்துவதை அனுமதிக்க இயலாது என்றார். 
நிகழ்ச்சியில் தேவர்ஜீவனஹள்ளி காவல் நிலையத்தின் ஆய்வாளர் முனிகிருஷ்ணா, அமைப்பின் செயல் தலைவர் முனுராவ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/jan/16/இந்திய-ஒருமைப்பாட்டுக்கு-மொழி-நல்லிணக்கம்-அவசியம்-2845342.html
2845341 அனைத்துப் பதிப்புகள் பெங்களூரு பெங்களூரில் ஜனவரி 19 முதல் 21 வரை இயற்கை வேளாண்மை கண்காட்சி DIN DIN Tuesday, January 16, 2018 09:48 AM +0530 பெங்களூரில் ஜனவரி 19 முதல் 21-ஆம் தேதி வரை இயற்கை வேளாண்மை கண்காட்சி,  கருத்தரங்கம் நடைபெறுகிறது என்று வேளாண்மைத் துறை அமைச்சர் கிருஷ்ணபைரே கெளடா தெரிவித்தார்.
பெங்களூரில் அவர் சனிக்கிழமை செய்தியாளர்களிடம் கூறியது: -
இயற்கை வேளாண்மை என்பது இந்தியாவின் பாரம்பரிய வேளாண் முறையாகும்.  பசுமைப் புரட்சிக்கு பிறகு இயற்கை வேளாண்மையின் தாக்கம் இந்தியாவில் குறைந்துவிட்டது. 
பாரம்பரிய இயற்கை வேளாண்முறையை மீண்டும் புதுப்பிக்க கர்நாடக அரசு நடவடிக்கை எடுத்துவருகிறது.  மண் வளத்தை மேம்படுத்தி, இயற்கை வளத்தை பேணி பாதுகாக்கவும்,  ஊரக வளர்ச்சியை ஊக்குவிக்கவும் உணவு உற்பத்தியைப் பெருக்கவும் அரசு நடவடிக்கை எடுத்துள்ளது.   இயற்கை வேளாண் விளைபொருளின் குவிமையமாக பெங்களூரு உருவெடுத்துள்ளது.  எனவே, கர்நாடக அரசு சார்பில் இயற்கை வேளாண் முறை, உணவுப் பொருள்கள், சிறுதானியங்களின் கண்காட்சி,  கருத்தரங்கை பெங்களூரு, அரண்மனை மைதானத்தில் ஜனவரி 19 முதல் 21-ஆம் தேதிவரை 3 நாள்களுக்கு நடத்த திட்டமிட்டுள்ளோம். கண்காட்சியையொட்டி இயற்கை வேளாண்மை குறித்த கருத்தரங்கம், பயிலரங்களும் நடக்கவிருக்கின்றன. இயற்கை வேளாண்மைக்கான சந்தைவாய்ப்புகள் குறித்தும் சிறப்பு கருத்து பரிமாற்றங்கள் நிகழ்த்தப்படும். இதில்,  பல்வேறு மாநிலங்களில் இருந்தும் 10 ஆயிரத்துக்கும் அதிகமான இயற்கை விவசாயிகள் கலந்துகொள்கிறார்கள். கண்காட்சியில் வெளிநாடுகள், தமிழகம் உள்ளிட்ட 7 மாநிலங்களை சேர்ந்த 250 காட்சியாளர்கள் அரங்கு அமைக்கவிருக்கிறார்கள்.
இயற்கை வேளாண்மை,  சிறுதானியங்களின் முக்கியத்துவத்தை இளம் தலைமுறையினரிடையே பரப்புவதற்காக இந்தக் கண்காட்சி நடக்கிறது. சிறுதானியங்கள் நமது மண்ணுக்கு மட்டுமல்ல உடலுக்கும் தீங்கிழைக்காதது என்றார் அவர். பேட்டியின்போது வேளாண்துறையின் ஆணையர் சதீஷ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-bangalore/2018/jan/16/பெங்களூரில்-ஜனவரி-19-முதல்-21-வரை-இயற்கை-வேளாண்மை-கண்காட்சி-2845341.html
2845340 அனைத்துப் பதிப்புகள் பெங்களூரு கர்நாடகத்தில் கன்னடர்களும், தமிழர்களும் சகோதரர்களாகவே வாழ்கின்றனர்: அமைச்சர் ஜார்ஜ் DIN DIN Tuesday, January 16, 2018 09:47 AM +0530 கர்நாடகத்தில் கன்னடர்களும், தமிழர்களும் சகோதரர்களாகவே வாழ்ந்து வருவதாக பெங்களூரு வளர்ச்சித் துறை அமைச்சர் கே.ஜே.ஜார்ஜ் தெரிவித்தார்.
பெங்களூரு அல்சூரில் நடைபெற்ற திருவள்ளுவர் தின விழாவில் அவர் மேலும் பேசியது: சர்வதேச அளவில் அறியப்படும் திருவள்ளுவரின் கருத்துகள் 21-ஆம் நூற்றாண்டில் மக்கள் சந்தித்து வரும் பிரச்னைகளுக்குத் தீர்வு அளிப்பதாக உள்ளது. திருக்குறள் தமிழ் மொழிக்கு மட்டுமே சொந்தமானது அல்ல. அது அனைத்து மொழியினருக்கும் சொந்தமானது.
கன்னடத்தில் மொழியாக்கம் செய்யப்பட்ட திருக்குறளைப் படித்தப் பிறகே இதை நான் உணர்ந்தேன். மற்றவர்களும் திருக்குறளைப் படிப்பதன் மூலம் வாழ்வில் ஏற்படும் அனைத்து பிரச்னைகளுக்கும் தீர்வு கிடைக்கும்.
பெங்களூரில் திருவள்ளுவர் சிலை வைப்பதற்கு காங்கிரஸ் பல்வேறு முயற்சிகளை மேற்கொண்டது. சிலையைத் திறப்பதற்கு பாஜகவினர் தடை பெற்றனர். பின்னர், எடியூரப்பா கர்நாடக முதல்வராக இருந்த போது, அப்போதைய தமிழக முதல்வர் கருணாநிதியுடன் பேச்சுவார்த்தை நடத்தி, பெங்களூரில் திருவள்ளுவர் சிலையையும், சென்னையில் சர்வக்ஞர் சிலையையும் திறக்கப்பட்டது.
திருவள்ளுவர் சிலை திறப்பின் போது கல்வெட்டிலிருந்து எனது பெயர் நீக்கப்பட்டது. எனது பெயர் நீக்கப்பட்டாலும் பரவாயில்லை, திருவள்ளுவர் சிலை திறந்து வைக்கப்பட வேண்டும் என்ற எண்ணம் மட்டுமே எனக்கிருந்தது. 
கர்நாடகத்தில் கன்னடர்களும், தமிழர்களும் சகோதரர்கள் போல் ஒற்றுமையாக வாழ்ந்து வருகின்றனர். ஆனால், ஒருசிலர் தங்கள் ஆதாயத்துக்காக அவர்களிடையே பிளவை ஏற்படுத்த முயற்சிக்கின்றனர். அவர்களின் முயற்சி ஒரு போதும் பலிக்காது.  தமிழர்களின் நலனில் காங்கிரஸ் கட்சி அதிக அக்கறை கொண்டுள்ளது. கர்நாடகத்தில் தமிழர்களை அதிகாரப் பதவியில் அமர்த்த வேண்டும் என்பதிலும் காங்கிரஸ் ஆர்வம் கொண்டுள்ளது. தமிழர்களைப் பெருமைப்படுத்த வேண்டும் என்ற நோக்கில் பெங்களூரில் காமராஜர் சாலை, ராஜாஜிநகர், பாரதிநகர் என்ற பெயர்கள் வைக்கப்பட்டுள்ளன என்றார். விழாவில் காங்கிரஸ் செயல் தலைவர் தினேஷ் குண்டுராவ், மேயர் சம்பத்ராஜ், காங்கிரஸ் பொதுச் செயலாளர் எஸ்.எஸ்.பிரகாசம், மாவட்ட தொழிலாளர் பிரிவுத் தலைவர் பைப்பனஹள்ளி ரமேஷ் உள்ளிட்ட ஏராளமானோர் கலந்து கொண்டனர். 
 

]]>
http://www.dinamani.com/all-editions/edition-bangalore/2018/jan/16/கர்நாடகத்தில்-கன்னடர்களும்-தமிழர்களும்-சகோதரர்களாகவே-வாழ்கின்றனர்-அமைச்சர்-ஜார்ஜ்-2845340.html
2845338 அனைத்துப் பதிப்புகள் பெங்களூரு வழிப்பறியைத் தடுக்க நடவடிக்கை: மாநகரக் காவல் ஆணையர் சுனில்குமார் DIN DIN Tuesday, January 16, 2018 09:47 AM +0530 தங்கச் சங்கிலி பறிப்பு வழக்குகளைத் தடுக்க நடவடிக்கை எடுக்கப்பட்டுள்ளதாக மாநகரக் காவல் ஆணையர் சுனில்குமார் தெரிவித்தார்.
இதுகுறித்து பெங்களூரில் திங்கள்கிழமை செய்தியாளர்களிடம் அவர் கூறியது: பெங்களூரு பீன்யா காவல் சரகத்தில் திங்கள்கிழமை காவல் ஆய்வாளரின் மனைவியிடம் மர்மநபர்கள் தங்கச் சங்கிலியைப் பறித்துச் சென்றனர். இதேபோல பல்வேறு இடங்களில் பொதுமக்களிடம் நகைகள் பறிப்பு அதிகரித்து வருகிறது.
இதுபோன்ற சம்பவங்களைக் கட்டுப்படுத்த காலை, மாலை 2 வேலைகளிலும் போலீஸார் தங்களின் காவல் சரகங்களில் ரோந்து பணியில் ஈடுபட வேண்டும். பெங்களூருக்கு அருகே மாநில எல்லைகளில் உள்ள தங்கும் விடுதிகளில் சோதனை நடத்த உத்தரவிடப்பட்டுள்ளது. மேலும், சிறையிலிருந்து விடுதலையாகியுள்ள பழைய குற்றவாளிகளைக் கண்காணிக்குமாறு உத்தரவிடப்பட்டுள்ளது என்றார்.  

]]>
http://www.dinamani.com/all-editions/edition-bangalore/2018/jan/16/வழிப்பறியைத்-தடுக்க-நடவடிக்கை-மாநகரக்-காவல்-ஆணையர்-சுனில்குமார்-2845338.html
2845335 அனைத்துப் பதிப்புகள் பெங்களூரு "தமிழர்களின் பண்பாட்டு அடையாளம் பொங்கல் விழா' DIN DIN Tuesday, January 16, 2018 09:47 AM +0530 பொங்கல் விழா தமிழர்களின் பண்பாட்டு அடையாளமாக உள்ளதாக கர்நாடக மாநில திமுக அமைப்பாளர் ந.இராமசாமி தெரிவித்தார்.
கர்நாடக திமுக சார்பில் பெங்களூரு ராமசந்திரபுரத்தில் உள்ள கலைஞர் அறிவாலயத்தில் ஞாயிற்றுக்கிழமை தமிழ்ப் புத்தாண்டு, பொங்கல்விழா, திருவள்ளுவர் நாள், உழவர் திருநாள்விழா நடைபெற்றது. விழாவுக்கு மாநில திமுக அமைப்பாளர் இராமசாமி தலைமை தாங்கினார்.
கட்சியின் அவைத்தலைவர் மொ.பெரியசாமி, பொருளாளர் தட்சிணாமூர்த்தி, நிர்வாகிகள் மணி, ராமன் உள்ளிட்டோர் கலந்துகொண்டனர்.
விழாவில் இராமசாமி பேசியது: தமிழர்களின் பண்பாட்டின் உச்சமாக கருதப்படும் பொங்கல்விழா நடத்தப்படுகிறது. உழவுக்கு உதவியாக இருக்கக் கூடிய சூரியன், கால்நடைகள், இயற்கையைப் போற்றி வணங்கும் அறுவடைத் திருநாள் எனப்படும் இந்த விழா தமிழர் திருநாளாக கொண்டாடப்படுகிறது. 
தமிழர்கள் உலகின் எந்த பகுதியில் வாழ்ந்தாலும் பொங்கல் விழாவைக் கொண்டாட தவறக் கூடாது. தமிழர்களின் அடையாளமாகத் திகழும் மொழி, கலை, இலக்கியம் மற்றும் பண்பாட்டை தீவிரமாக கடைப்பிடிக்க வேண்டும். 
தை பிறந்தால் வழிபிறக்கும் என்ற பழமொழி நீண்டகாலமாக தமிழரிடையே இருந்துவருகிறது. அதன்படி, தை முதல் நாள்தான் தமிழ்ப் புத்தாண்டாகும். தமிழகத்தில் மீண்டும் திமுக ஆட்சி மலர்ந்தால், தை முதல் நாள் தமிழ்ப் புத்தாண்டாக அறிவிக்கப்படும். அந்த நாளுக்காக தமிழர்கள் காத்திருக்கிறார்கள் என்றார். நிகழ்ச்சியின் முடிவில் அனைவருக்கும் பொங்கல், கரும்பு
வழங்கப்பட்டது.

]]>
http://www.dinamani.com/all-editions/edition-bangalore/2018/jan/16/தமிழர்களின்-பண்பாட்டு-அடையாளம்-பொங்கல்-விழா-2845335.html
2845334 அனைத்துப் பதிப்புகள் பெங்களூரு பெங்களூரு தமிழ்ச் சங்கத்தில் பொங்கல் விழா கொண்டாட்டம்: அமைச்சர் கே.ஜே.ஜார்ஜ் பங்கேற்பு DIN DIN Tuesday, January 16, 2018 09:46 AM +0530 பெங்களூரு தமிழ்ச் சங்கத்தில் திங்கள்கிழமை பொங்கல் விழா உற்சாகமாக கொண்டாட்டப்பட்டது. நிகழ்ச்சியில் பெங்களூரு வளர்ச்சித் துறை அமைச்சர் கே.ஜே.ஜார்ஜ், மேயர் ஆர்.சம்பத்ராஜ் உள்ளிட்டோர் கலந்து கொண்டனர்.
பெங்களூரு தமிழ்ச் சங்கம் சார்பில் பெங்களூரில் திங்கள்கிழமை பொங்கல், திருவள்ளுவர் நாள் விழா கொண்டாட்டப்பட்டது. சங்க இசை வகுப்பு மாணவர்கள் தமிழ்த்தாய் வாழ்த்துடன் நிகழ்ச்சியை தொடக்கினர். இதைத் தொடர்ந்து, இசை வகுப்பு மாணவர்கள் வாய்ப்பாட்டு தவிர வீணை உள்ளிட்ட இசைக் கருவிகளை இசைத்து இன்னிசை வழங்கினர்.
இவ் விழாவில் பெங்களூரு வளர்ச்சித் துறை அமைச்சர் கே.ஜே.ஜார்ஜ், மேயர் ஆர்.சம்பத் ராஜ், செய்தி மற்றும் விளம்பர வாரியத் தலைவர் ரகு தேவராஜ், அனைத்திந்திய தமிழ்ச் சங்கப் பேரவைத் தலைவர் மு.மீனாட்சிசுந்தரம், தமிழ்ச் சங்கத் தலைவர் தி.கோ.தாமோதரன், துணைத்தலைவர் கோ.தாமோதரன், செயலாளர் இராமசுப்ரமணியன், பொருளாளர் பத்மநாபன், துணைச்செயலாளர்கள் அமுதபாண்டியன், சுந்தரவேலு, செயற்குழு உறுப்பினர்கள் உள்ளிட்ட ஏராளமானோர் கலந்து கொண்டனர்.
நிகழ்ச்சிக்கு தலைமை வகித்து சங்கத் தலைவர் தி.கோ.தாமோதரன் பேசுகையில்,"20 ஆண்டுகளுக்குமுன்பு கே.ஜே.ஜார்ஜ் அமைச்சராக இருந்தபோது தான் திருவள்ளுவர் சிலை வைக்க அனுமதி வழங்கினார். 2009-ஆம் ஆண்டு திருவள்ளுவர் சிலை திறந்தது முதல் அமைச்சர் கே.ஜே.ஜார்ஜ் ஆண்டுதோறும் தவறாமல் சிலைக்கு மாலை அணிவித்து கெளரவித்து வருகிறார். 
மேலும், மூன்று தமிழர்களுக்கு வாரியத் தலைவர்களாகவும்,மேயராகவும் தேர்ந்தெடுக்க உதவியுள்ளார். அதே போல், வருகிற சட்டப்பேரவைத் தேர்தலில் வேட்பாளர்களாக போட்டியிட குறைந்தது இரண்டு தமிழர்களுக்கு வாய்ப்பு வழங்க வேண்டும். மேலும், தமிழ்ச் சங்க விரிவாக்க பணிகளுக்கு 10 ஏக்கர் நிலம் கேட்டு மனு கொடுத்துள்ளோம். அதையும் பரிசீலித்து நிலம் ஒதுக்க அமைச்சர் கே.ஜே.ஜார்ஜ் மூலம் கர்நாடக அரசை கேட்டுக்கொள்கிறேன்" என்றார்.
இதைத் தொடர்ந்து பேசிய அமைச்சர் கே.ஜே.ஜார்ஜ்: பெங்களூரு தமிழ்ச் சங்கத்திற்கு மறைந்த முன்னாள் முதல்வர் நிஜலிங்கப்பா உதவுயுள்ளார். நான் அமைச்சராக இருந்த போது திருவள்ளுவர் சிலை நிறுவ அனுமதி வழங்கினேன். 
அனுமதிக்கு தடை வாஙகியவர்களே 18 ஆண்டுகளுக்கு பிறகு சிலையை திறந்தார்கள். காங்கிரஸ் பேரியக்கம் சாதி, மதம் மொழி வேறுபாடில்லாமல் பாடுபடக்கூடியது. 
பெங்களூரு தமிழ்ச் சங்கத் தலைவர் நிலம் வேண்டி மனுக் கொடுத்துள்ளனர். அதை உரிய அதிகாரிகளுக்கு அனுப்பி தகுந்த இடத்தை கண்டுப் பிடிக்க உத்தரவிட்டுள்ளோம். இந்த சங்கத்தை நீண்ட காலமாக நேரடியாக அறிந்தவன். கர்நாடக வாழ் தமிழர்களுக்கு இனிய பொங்கல் நல் வாழ்த்துகள்" என்றார்.
நிகழ்ச்சியில் மாநகராட்சி மேயர் ஆர்.சம்பத்ராஜ், காங்கிரஸ் பொதுச் செயலாளர் எஸ்.எஸ்.பிரகாசம் உள்ளிட்டோரும் பேசினார்கள். மாற்று ஊடக மையக் கலைஞர்களால் பறையாட்டம், கரகாட்டம், சிலம்பாட்டம், சக்கைக்குச்சி ஆட்டம், சிலா ஆட்டம், ஒயிலாட்டம், களியலாட்டம் நடைப்பெற்றது. பெங்களூரு தமிழ்ச் சங்க நடனப் பள்ளி மாணவர்களின் நாட்டிய நிகழ்ச்சி, காமராசர் பள்ளி, புனித அல்போன்ஸ் பள்ளி மாணவர்களின் இசை மற்றும் கலை நிகழ்ச்சி நடைபெற்றது. 
அதன்பிறகு, தமிழ்ச் சங்க ஆண்டுவிழாப் போட்டியில் வெற்றிபெற்ற மாணவர்களுக்கு பரிசளிக்கப்பட்டது. இதைத் தொடர்ந்து நூல் வெளியீடும், கவியரங்கமும் நடைபெற்றது. நா.மகிழ்நன் தலைமையில் நடைபெற்ற கவியரங்கத்தில் 70 பேர் கவிபாடினர். 
முன்னதாக, பெங்களூரு தமிழ்ச் சங்கத்தில் தலைவர்.தி.கோ.தமோதரன் மற்றும் நிர்வாகிகள் கோ.தாமோதரன், ராமசுப்பிரமணியன், அமுத பாண்டியன், சுந்தரவேலு, சம்பத், புஸ்பா மனோகரன் மற்றும் மகளிர்களால் பொங்கல் வைத்து,அனைவருக்கும் பரிமாறப்பட்டது.

]]>
http://www.dinamani.com/all-editions/edition-bangalore/2018/jan/16/பெங்களூரு-தமிழ்ச்-சங்கத்தில்-பொங்கல்-விழா-கொண்டாட்டம்-அமைச்சர்-கேஜேஜார்ஜ்-பங்கேற்பு-2845334.html
2845331 அனைத்துப் பதிப்புகள் பெங்களூரு பெங்களூரில் ஜன.21-இல் வாய்மை, நீதி மாநாடு DIN DIN Tuesday, January 16, 2018 09:46 AM +0530 பெங்களூரில் வரும் 21-ஆம் தேதி வாய்மை மற்றும் நீதி மாநாடு நடக்கவிருக்கிறது.
இதுகுறித்து ஜமாத்-இ-இஸ்லாமி ஹிந்த் அமைப்பின் ஒருங்கிணைப்பாளர் டாக்டர் சாத் பெல்காமி வெளியிட்ட அறிக்கை:
ஜமாத்-இ-இஸ்லாமி ஹிந்த் அமைப்பு சார்பில் பெங்களூரு, மில்லர்ஸ் சாலையில் உள்ள குத்தூஸ் சாஹெப் ஈத்கா வளாகத்தில் ஜன.19 முதல் 21-ஆம் தேதி வரை வாய்மை மற்றும் நீதி மாநாடு நடக்கவிருக்கிறது. மாநாடையொட்டி தினமும் காலை 10 மணி முதல் மாலை 6 மணிவரை கன்னடம், உருது, தமிழ் உள்ளிட்ட மொழிகளில் கருத்தரங்குகள் நடக்கின்றன. 
இதுதவிர கண்காட்சி, பன்மொழி புத்தக கண்காட்சி, ஒளி-ஒலிக்காட்சிகள் இடம்பெறுகின்றன. இதன் ஒரு பகுதியாக ஜன.21-ஆம் தேதி பிற்பகல் 2.30 மணி முதல் மாலை 4.30 மணிவரை  இம்மாநாடு தமிழ்மொழி பேசுவோருக்காக நடக்கிறது. அப்போது, 'நீதியில்லையேல் அமைதியில்லை' என்ற தலைப்பில் நடக்கவுள்ள கருத்தரங்கம், கேள்வி-பதில் நிகழ்ச்சியில் சென்னையை சேர்ந்த இஸ்லாமிய நிறுவனம் அறக்கட்டளையின் டாக்டர்கே.வி.எஸ்.ஹபீப் முகம்மது, பெங்களூரைச் சேர்ந்த திருக்குறள் ராஜன் ஆகியோர் சொற்பொழிவாற்றுகிறார்கள். 
இந்த நிகழ்ச்சியில் அனைத்து மத அன்பர்களும் கலந்துகொள்ள அழைக்கிறோம் என்றுஅதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/jan/16/பெங்களூரில்-ஜன21-இல்-வாய்மை-நீதி-மாநாடு-2845331.html
2845330 அனைத்துப் பதிப்புகள் பெங்களூரு தேசிய கட்சிகள் மீது மக்கள் அதிருப்தி: குமாரசாமி DIN DIN Tuesday, January 16, 2018 09:46 AM +0530 கர்நாடகத்தில் தேசிய கட்சிகள் மீது அதிருப்தியடைந்துள்ள மக்கள் வரும் பேரவைத் தேர்தலில் மஜதவை ஆதரிக்கவுள்ளதாக அக் கட்சியின் மாநிலத் தலைவர் எச்.டி. குமாரசாமி தெரிவித்தார்.
இதுகுறித்து திங்கள்கிழமை செய்தியாளர்களிடம் அவர் கூறியது: 
மாநிலத்தில் கடந்த 10 ஆண்டுகளாக காங்கிரஸ், பாஜக உள்ளிட்ட தேசியக் கட்சிகள் ஆட்சி செய்து வருகின்றன. தேசிய கட்சிகளின் ஆட்சியால் மாநிலத்தின் வளர்ச்சி குன்றியுள்ளது. இதனால் மக்கள் அக்கட்சிகளை புறக்கணிக்க முடிவு செய்துள்ளனர். மாநில கட்சியான மஜதவை ஆதரிக்க முடிவு செய்துள்ளனர். 
வரும் சட்டப்பேரவைத் தேர்தலில் மஜத 113 தொகுதிகளுக்கு அதிகமான தொகுதிகளில் வெற்றி பெற்று ஆட்சியைப் பிடிக்கும். முன்னாள் அமைச்சர் ஆனந்த் அஸ்நோட்டிகர் பாஜகவிலிருந்து விலகி மஜதவில் இணைந்துள்ளார். சுயேச்சையாக வெற்றி பெற்று, பாஜக ஆட்சியைப் பிடிக்க ஆதரவு அளித்த அவர், அந்த ஆட்சியில் ஏராளமான அவமானங்களைச் சந்தித்துள்ளார். 
அதன் விளைவாக அவர் மஜதவில் இணைந்துள்ளார். மாநிலத்தை வளர்ச்சிப் பாதையில் கொண்டு செல்ல மாநில கட்சிகளால் மட்டுமே முடியும் என மக்கள் மட்டுமன்றி, தலைவர்களும் உணர்ந்துள்ளனர். இதனால் தேசியக் கட்சிகளிலிருந்து விலகி பலர் மஜதவில் இணைந்து வருகின்றனர் என்றார்.  
 

]]>
http://www.dinamani.com/all-editions/edition-bangalore/2018/jan/16/தேசிய-கட்சிகள்-மீது-மக்கள்-அதிருப்தி-குமாரசாமி-2845330.html
2845328 அனைத்துப் பதிப்புகள் பெங்களூரு கன்னடர்கள் குறித்து அவதூறு: எடியூரப்பா கண்டனம் DIN DIN Tuesday, January 16, 2018 09:46 AM +0530 கன்னடர்கள் குறித்து கோவா அரசியல் கட்சித் தலைவர்களுக்கு கர்நாடக பாஜக தலைவர் எடியூரப்பா கடும் கண்டனம் தெரிவித்துள்ளார்.
இதுகுறித்து பாஜக மாநிலத் தலைவர் எடியூரப்பா வெளியிட்ட அறிக்கை: 
கோவா ஃபார்வார்டு கட்சித் தலைவர் மற்றும் கோவா மாநில அரசின் நீர்வளத் துறை அமைச்சர் வினோத் பாளையகார், தனது பேச்சின்போது கன்னடர்கள் குறித்து அவதூறான சொல்களைப் பயன்படுத்தியது சரியல்ல. இதை நான்  வன்மையாக கண்டிக்கிறேன். கர்நாடகம் மற்றும் கோவா மாநிலங்களுக்கு இடையே நல்லிணக்கமான சூழ்நிலை உருவாகி வரும் நிலையில், அவசியமில்லாமல் கன்னடர்கள் குறித்து பேசுவது அவசியமற்றது. கன்னடர்கள் குறித்து இலகுவான வார்த்தைகளால் பேசும் அதிகாரத்தை அவருக்கு யாரும் வழங்கிவிடவில்லை. எனவே, தனது கருத்துக்கு வினோத் பாளையகார் உடனடியாக மன்னிப்பு கேட்க வேண்டும் என அதில் அவர் குறிப்பிட்டுள்ளார்.

]]>
http://www.dinamani.com/all-editions/edition-bangalore/2018/jan/16/கன்னடர்கள்-குறித்து-அவதூறு-எடியூரப்பா-கண்டனம்-2845328.html
2845327 அனைத்துப் பதிப்புகள் பெங்களூரு "பேரவைத் தேர்தலில் போட்டியிட தமிழர்களுக்கு வாய்ப்பளிக்க வேண்டும்' DIN DIN Tuesday, January 16, 2018 09:45 AM +0530 சட்டப்பேரவைத் தேர்தலில் தமிழர்கள் போட்டியிட பரவலாக வாய்ப்பளிக்க வேண்டும் என்று காங்கிரஸ் கட்சியின் மாநில பொதுச் செயலாளரும், தொழிலாளர் பிரிவுத் தலைவருமான எஸ்.எஸ்.பிரகாசம் கேட்டுக் கொண்டார்.
திருவள்ளுர் தினத்தையொட்டி, பெங்களூரு அல்சூரு ஏரிக்கரையில் உள்ள திருவள்ளுவர் சிலைக்கு மாலை அணிவித்து மரியாதை செய்த பின்னர் பொதுக்கூட்டத்தில் அவர் பேசியது: 
பெங்களூரு உள்ளிட்ட கர்நாடகத்தில் 80 லட்சம் தமிழர்கள் வாழ்ந்து வருகின்றனர். அவர்கள் கர்நாடகத்தின் வளர்ச்சிக்கு உறுதுணையாக இருக்கின்றனர். மொழி, நிலம், நீர் உள்ளிட்ட அனைத்து பிரச்னைகளுக்கும் கன்னட மக்களோடு இணைந்து போராடி வருகின்றனர். 
தமிழ் மொழி பேசும் கன்னடர்களாகவே தமிழர்கள் வாழ்ந்து வருகின்றனர். அவர்களுக்கு அரசியலில் அதிகாரம் வழங்க வேண்டியது காங்கிரஸின் கடமை. வரும் சட்டப்பேரவைத் தேர்தலில் காங்கிரஸ் கட்சி சார்பில் தமிழர்கள் 5 பேருக்கு வெற்றி பெரும் தொகுதிகளில் போட்டியிட வாய்ப்பளிக்க வேண்டும். 
பெங்களூரில் தமிழர்களின் வளர்ச்சிக்கு அமைச்சர் கே.ஜே.ஜார்ஜ், காங்கிரஸ் செயல் தலைவர் தினேஷ் குண்டுராவ் ஆகியோர் பாடுபட்டு வருகின்றனர். காங்கிரஸ் கட்சியில் அதிகாரப் பதவியில் தமிழர்கள் இல்லாத குறையை அவர்கள் போக்கி வருகின்றனர் என்றார். 


 

]]>
http://www.dinamani.com/all-editions/edition-bangalore/2018/jan/16/பேரவைத்-தேர்தலில்-போட்டியிட-தமிழர்களுக்கு-வாய்ப்பளிக்க-வேண்டும்-2845327.html
2845326 அனைத்துப் பதிப்புகள் பெங்களூரு பாஜக பயணத்துக்கு மக்கள் ஆதரவு: எம்பி பி.சி.மோகன் DIN DIN Tuesday, January 16, 2018 09:45 AM +0530 கர்நாடகத்தில் பாஜக மேற்கொண்ட மாற்றத்திற்கான பயணத்துக்கு மக்களிடையே ஆதரவு பெருகியுள்ளதாக மாநில பாஜக துணைத் தலைவரும், பெங்களூரு மத்திய தொகுதி மக்களவை உறுப்பினருமான பி.சி.மோகன் தெரிவித்தார்.
பெங்களூரு செலுவாதிபாளையாவில் ஞாயிற்றுக்கிழமை பொங்கல் பண்டிகையைத் தொடக்கிவைத்து அவர் பேசியது: கர்நாடக பாஜக தலைவர் எடியூரப்பா தலைமையில் மாற்றத்திற்கான பயணம் மேற்கொள்ளப்பட்டு வருகிறது. இந்த பயணம் மூலம் பாஜக மீது மக்களிடையே ஆதரவு பெருகியுள்ளது. முதல்வர் சித்தராமையா சாதனை பயணம் என்ற பெயரில் மக்களின் வரிப் பணத்தை வீணடித்து வருகிறார். 
வளர்ச்சிப் பணிகள் என்ற பெயரில் காங்கிரஸ் கட்சிக்கான விளம்பரத்தைத் தேடி வருகின்றனர். மாநிலத்தில் இதுவரை ரூ. 1300 கோடியை விளம்பரத்துக்காக காங்கிரஸ் அரசு செலவிட்டுள்ளது. மத்தியில் பிரதமர் நரேந்திர மோடி தலைமையிலான பாஜக அரசு பதவியேற்ற பிறகு நாட்டின் பாதுகாப்பு அதிகரித்துள்ளது. 
பாதுகாப்பு உபகரணங்கள் உள்நாட்டிலேயே தயாரிப்பது அதிகரித்துள்ளது. நாட்டின் வளர்ச்சியை சகிக்க முடியாத காங்கிரஸார், தேவையில்லாமல் மத்திய அரசை விமர்சித்து வருகின்றனர். பாஜக தலைவர் எடியூரப்பாவை சிறைக்குச் சென்றவர் என்று முதல்வர் சித்தரமையா தரக்குறைவாக பேசி வருகிறார். சட்டப்பேரவைத் தேர்தலுக்கு பிறகு சிறைக்கு செல்லப் போவது யார் என்பது சித்தராமையாவுக்கு தெரியவரும். 
தேர்தல் பிரசாத்தில் கடந்த 5 ஆண்டுகளில் காங்கிரஸ் அரசில் நடந்த ஊழல்களை மக்களிடத்தில் கொண்டு செல்வோம் என்றார். 
நிகழ்ச்சியில் மாமன்ற உறுப்பினர் ரேகா கதிரேசன், முன்னாள் மாமன்ற உறுப்பினர் கணேஷ், கதிரேசன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/jan/16/பாஜக-பயணத்துக்கு-மக்கள்-ஆதரவு-எம்பி-பிசிமோகன்-2845326.html
2844531 அனைத்துப் பதிப்புகள் பெங்களூரு வாக்குவங்கி அரசியலை சித்தராமையா நடத்துகிறார்: பாஜக எம்பி ஷோபா கரந்தலஜே DIN DIN Sunday, January 14, 2018 02:05 AM +0530 வாக்குவங்கி அரசியலை முதல்வர் சித்தராமையா நடத்துகிறார் என்று பாஜக எம்பி ஷோபா கரந்தலஜே தெரிவித்தார்.
பாஜக, ஆர்எஸ்எஸ் போன்றவை பயங்கரவாத அமைப்புகள் என்று முதல்வர் சித்தராமையா கூறியிருந்ததைக் கண்டித்து, பெங்களூரில் மைசூரு சதுக்கத்தில் பாஜக சார்பில் சனிக்கிழமை நடைபெற்ற ஆர்ப்பாட்டத்தில், ஷோபா கரந்தலஜே பேசியது:-
இன்னும் சில மாதங்களே முதல்வராக நீடிப்போம் என்பதை சித்தராமையா அறியவில்லை. அகந்தையின் உச்சத்தில் நின்று கொண்டு பாஜக, ஆர்எஸ்எஸ் பயங்கரவாத அமைப்புகள் என்று கூறியிருக்கிறார். முதல்வர் சித்தராமையா வாக்குவங்கி அரசியலில் ஈடுபட்டுவருகிறார்.
இஸ்லாமியர்களை ஈர்க்க வேண்டும் என்பதற்காக பாஜக, ஆர்எஸ்எஸ் அமைப்புகளைத் தரக்குறைவாக விமர்சித்திருக்கிறார். இதற்காக கர்நாடக மக்களிடம் முதல்வர் சித்தராமையா மன்னிப்பு கேட்க வேண்டும். கர்நாடகத்தில் காங்கிரஸ் ஆட்சிக்கு வந்தவுடன், ஹிந்து அமைப்புகளின் தொண்டர்கள் கொலை செய்யப்படுவது அதிகரித்துள்ளது. கேரளத்தை போலவே கர்நாடகத்திலும் கொலைகள் நடந்துவருகின்றன.
கேரளம், கர்நாடகத்தில் ஹிந்து தொண்டர்கள் கொலை செய்யப்படுவது குறித்து தேசிய புலனாய்வுப் படையினரால் விசாரணை நடத்தவேண்டும். நாட்டில் பயங்கரவாதம் தலைதூக்கியதற்கு காங்கிரúஸ காரணமாகும் என்றார். எம்எல்ஏக்கள் விஜயகுமார், அஸ்வத்நாராயணா, முன்னாள் மேயர் நடராஜ், மாநகராட்சி எதிர்க்கட்சித்தலைவர் பத்மநாப ரெட்டி உள்ளிட்டோர் கலந்துகொண்டனர்.
இதைத்தொடர்ந்து, சாலை மறியலில் ஈடுபட்ட நூற்றுக்கும் மேற்பட்ட பாஜகவினரை போலீஸார் கைது செய்தனர். பின்னர், அவர்கள் விடுவிக்கப்பட்டனர்.

 

]]>
http://www.dinamani.com/all-editions/edition-bangalore/2018/jan/14/வாக்குவங்கி-அரசியலை-சித்தராமையா-நடத்துகிறார்-பாஜக-எம்பி-ஷோபா-கரந்தலஜே-2844531.html
2844530 அனைத்துப் பதிப்புகள் பெங்களூரு பொங்கல் திருநாள்: கர்நாடக தமிழ்ச் சங்கங்கள் வாழ்த்து DIN DIN Sunday, January 14, 2018 02:05 AM +0530 பொங்கல் திருநாளை முன்னிட்டு, கர்நாடகத்தில் வசிக்கும் தமிழர்களுக்கு தமிழ்ச் சங்கங்கள், தமிழ் அமைப்புகள் வாழ்த்து தெரிவித்துள்ளன.
பெங்களூரு தமிழ்ச் சங்கத் தலைவர் தி.கோ.தாமோதரன்: கர்நாடகத்தில் வரும் சட்டப் பேரவைத் தேர்தலில் தமிழர்களின் குரல் சட்டப் பேரவையில் ஒலிக்க வேண்டும் என கர்நாடக வாழ் தமிழர்கள் சூளுரை மேற்கொள்ள வேண்டும் என்று பொங்கல் திருநாளில் பெங்களூரு தமிழ்ச் சங்கம் வேண்டுகிறது.
கர்நாடக தமிழர்களுக்கு தேர்தலில் வாய்ப்பளிக்கும் கட்சிக்கு வாக்களிப்போம். தமிர்களுக்கு ஆதரவாக இருக்கும் வேட்பாளர்களுக்கே தமிழர்கள் வாக்களிக்க வேண்டும்.
குனிய, குனியத்தான் அரசியல்வாதிகள் தமிழர்களின் முதுகில் சவாரி செய்வார்கள். தமிழர்கள் நிமிர்ந்து உரிமைக்கு குரல் கொடுத்தால் நிச்சயம் வெற்றி கிட்டும்.
உலகின் மூத்த மொழிகளுள் ஒன்றாக விளங்கும் தமிழ் பேசுகின்ற மக்களுக்கென இதுவரை தமிழ்த் தேசிய தன்னாட்சி உரிமை பெற்ற நாடு உலக வரைபடத்தில் இடம் பெறவில்லை.
இந்தியாவில் உள்ளடங்கிய தமிழ்நாடு, புதுச்சேரி ஆகிய மாநிலங்களில் தமிழர்கள் பெரும்பான்மையாக வசிக்கின்றனர். இந்த மாநிலங்களில் மாநில அரசால் ஆட்சி மொழித் தன்மையை தமிழ் பெற்றுள்தோடு, இந்தியாவில் உள்ள 22 தேசிய மொழிகளில் ஒன்றாகத் தமிழ் விளங்குகிறது. இதுதவிர, இந்தியாவின் பிற நகரங்களான பெங்களூரு, மும்பை, திருவனந்தபுரம், புதுதில்லி போன்ற நகரங்களிலும் தமிழர்கள் வாழ்கின்றனர். மேலும் இலங்கை, சிங்கப்பூர், மொரீசியஸ் ஆகிய நாடுகளில் தமிழ் இனத்தின் அடையாளங்களாக அங்கு தேசிய மொழியாகவும் நாணயத் தாள்களில் தமிழ் வரிகள் அச்சிடப்பட்டும் உள்ளன.
ஆஸ்திரேலியாவில் உள்ள சிட்னியில் இரு நகராட்சிகளில் தகவல்கள் தமிழில் அச்சிடப்பட்டு வழங்கும் அளவுக்கு அங்கு கணிசமான தமிழர்கள் வாழ்ந்து வருகின்றனர்.
உலகில் உள்ள 264 நாடுகளில் 149 நாடுகளில் தமிழ் இனம் பரவியுள்ளது. இதை எல்லாம் மனதில் கொண்டு கர்நாடக வாழ் தமிழர்கள் இந்த முறை கர்நாடகத் தமிழனின் குரல் கர்நாடகச் சட்டப்பேரவையில் ஒலிக்க நாம் அனைவரும் ஒற்றுமையோடு சாதி மதம் கடந்து, அனைத்து தமிழர்களும் ஒன்றிணைவோம். அனைவருக்கும் இனிய பொங்கல் நல் வாழ்த்துகள்.
மைசூர் தமிழ்ச் சங்கத் தலைவர் தவமணி: காலவெள்ளத்தில் தாய்த் தமிழகத்தில் இருந்து புலம்பெயர்ந்து உலகின் எந்த பகுதியில் வாழ்ந்தாலும் நமது தாய்க்கொடி உறவாம் மொழி, கலை, பண்பாட்டை பேணி பாதுகாப்பதில் தமிழர்களை யாரும் விஞ்சமுடியாது. ஐக்கிய அமெரிக்க ஒன்றியத்தின் அங்கமாக விளங்கும் வர்ஜீனியா மாகாண அரசின் நாடாளுமன்றத்தில் தமிழர்களின் பண்பாட்டு திருவிழாவாம் பொங்கல் நாளை பொது விடுமுறையாக அறிவித்து தீர்மானம் நிறைவேற்றப்பட்டுள்ளது என்பது பெருமைக்குரிய விஷயமாகும்.
வர்ஜீனியா மாகாணத்தின் வரலாற்று சிறப்புவாய்ந்த இந்தத் தீர்மானத்தை மனதாரப் பாராட்டுவதோடு, அந்த மாகாணத்தின் முடிவு தமிழர்களின் பண்பாட்டு தொன்மைக்கு கிடைத்த மிகப் பெரிய கெளரவமாகும். இந்த செய்தியை இஸ்ரோ 31 செயற்கைக்கோள்களை விண்ணில் செலுத்திய சாதனைக்கு நிகராக கருதுவோம்.
வர்ஜீனியாவில் தமிழர்கள் எப்படிப்பட்ட ஆக்கப்பூர்வமான தாக்கத்தை ஏற்படுத்தியிருந்தால், இந்த விளைவு நிகழ்ந்திருக்கும்? என்பதை நினைத்து பூரிப்படைவோம். நாம் செல்லும் இடமெல்லாம்,"இங்கிவரை யான் பெறவே என்ன தவம் செய்துவிட்டேன்" என்கிற புகழே வரவேண்டும். இந்த மகிழ்ச்சியான தருணத்தில் கர்நாடகத்தமிழர்களுக்கு இனிய பொங்கல் திருநாள் நல்வாழ்த்துகள்.
தமிழ்ச்சங்க கூட்டமைப்புத்தலைவர்
கு.புகழேந்தி: பொங்கல் என்னும் அறுவடைத் திருநாள் கர்நாடகத் தமிழர்களுக்கு மகிழ்ச்சியையும் வளத்தையும் அளிக்கும் நன்னாள் ஆகும். உழவன் உள்ளம் குளிரவும் கர்நாடகத் தமிழர்கள் மகிழ்ச்சியுடன் வாழவும் உழவர் திருநாளை பெருமையாகக் கொண்டாடுவோம். இயற்கை அளிக்கும் கொடைக்கு நன்றி தெரிவிக்கும் நல்ல நாளான இன்று கர்நாடகத் தமிழர்கள் வாழ்வில் அறமும், பண்பும் சிறக்க, குன்றா வளமும்
நலமும் பெற்று மகிழ்வுடன் வாழ இந்த இனிய பொங்கல் நாளில் கர்நாடகத் தமிழர்களையும், அவர்களின் உறவுகளையும் கன்னட நண்பர்களையும் வாழ்த்தி அன்பும், அறிவும், அமைதியும், ஆனந்தமும் பொங்கிட இந்த தைப் பொங்கல் நன்னாளில் உளமார வாழ்த்துகிறேன்.
கர்நாடக தமிழ் மக்கள் இயக்கத்தலைவர் சி.இராசன்: தமிழர்களின் இல்லங்களிலும் உள்ளங்களிலும் தமிழ் பொங்கவும், மகிழ்ச்சி பொங்கவும், கண்ணீர் இல்லாமல் கவலை இல்லாமல், நோய் நொடியில்லாமல் நீண்டகாலம்வாழ்ந்து தமிழுக்கும் தமிழ் மக்களுக்கும் தொண்டு செய்து மேன்மையுற செய்ய வேண்டும்.
உலகத் தமிழ்க் கழகத்தின் தண்டுக் கிளை தலைவர் கி.சி.தென்னவன்: உலக மாந்தன் முதலில்பேசிய தமிழ் மொழியை காலங்கள் கடந்தும் கடத்தி வந்திருக்கிறோம். பண்பாட்டு, அறுவடை திருவிழாவாம் பொங்கல் திருநாளை தமிழர்கள் உற்சாகத்தோடு கொண்டாடிவருகிறோம். உலக அளவில் 12 கோடி தமிழர்கள் வாழ்ந்துவருகிறார்கள். ஆங்காங்கே வாழும் தமிழர்களுக்கு சிலபல சிக்கல்கள் எழும்போதெல்லாம் ஒற்றுமையோடு அணுகி வெற்றி கொள்வோம். இந்த நாள் தமிழர்கள்வாழ்வில் மகிழ்ச்சிபொங்கி, வாழ்வாங்கு வாழ வாழ்த்துகிறேன்.
அனைத்திந்தியத் தமிழ்ச் சங்கப் பேரவை தலைவர் மு.மீனாட்சி சுந்தரம்: உழைத்துவர உழைப்பின் பயனைத் துய்க்கும் திருவிழா பொங்கல் நன்னாளாகும். தமிழர் பண்பாட்டை உணர்த்தும் நல்லதோர் விழா. உலகெங்கும் அறுவடை நாள் என்பது விழாவாகப் பல்வேறு வழிகளில் கொண்டாடப்பட்டு வந்தாலும் தமிழர்கள் இயற்கையோடு இயைந்து கொண்டாடும் விழாவாகவும் உழவுத் தொழிலுக்கு உறுதுணையாக இருக்கும் ஆக்களுக்கும் காளைகளுக்கும் நன்றி தெரிவிக்கும் விழாவாகவும் கொண்டாடுவதே தனிச் சிறப்பு வாய்ந்ததாகும்.
'உழுவார் உலகத்தார்க் காணி' என உழவுத் தொழிலைப் போற்றிய அய்யன் வள்ளுவப் பெருந்தகைக்கும் சேர்த்து விழா எடுக்கும் இந்த நன்னாளில் உலகத் தமிழர் அனைவருக்கும் அனைத்திந்தியத் தமிழ்ச் சங்கப் பேரவை வளம் பல பெற்று வாழ வாழ்த்துகின்றது.ஈழத் தமிழர் சிறந்ததொரு விடியலைக் காணவும் பேரவை வாழ்த்துகிறது.

 

]]>
http://www.dinamani.com/all-editions/edition-bangalore/2018/jan/14/பொங்கல்-திருநாள்-கர்நாடக-தமிழ்ச்-சங்கங்கள்-வாழ்த்து-2844530.html
2844529 அனைத்துப் பதிப்புகள் பெங்களூரு கோலார் தங்கவயலில் இன்று தமிழர் பண்பாட்டு ஊர்வலம் DIN DIN Sunday, January 14, 2018 02:04 AM +0530 பொங்கல் விழா, தமிழர் பண்பாட்டு ஊர்வலம் ஆகியன கோலார் தங்கவயலில் ஞாயிற்றுக்கிழமை நடைபெறுகிறது.
தங்கவயல் தமிழ்ச் சங்கத்தின் சார்பில் கோலார் தங்கவயலில் உள்ள தமிழ்ச் சங்கத் திடலில் ஞாயிற்றுக்கிழமை( (ஜனவரி 14) காலை 10 மணிக்கு 38-ஆவது ஆண்டாக பொங்கல்விழா, தமிழர் பண்பாட்டு ஊர்வலம் நடைபெறுகிறது.
விழாவுக்கு கோலார் தங்கவயல் முதனிலைக் கல்லூரி முதல்வர் கிருஷ்ணகுமார் தலைமை வகிக்கிறார். விழாவில் நா.சு.மணி, சு.க.அன்பரசன் தொடக்கவுரையாற்றுகிறார். அப்புஜெயக்குமார், ஆர்.பிரபுராம் வரவேற்புரையாற்றுகின்றனர்.
திருவள்ளுவர் கொடியை கோபன்ராஜும், தமிழ் கொடியை துரை ராஜேந்தினும் ஏற்றிவைக்கின்றனர். பின்னர், திருவள்ளுவர் சிலைக்கு கமல் முனிசாமி மாலை அணிவிக்கிறார்.
ஆர்.வி.குமார், நாத்திகம் ஸ்ரீதர் முன்மொழிகிறார்கள். விழாவில் நகர்மன்றத்தலைவர் ரமேஷ், அனந்தகிருஷ்ணன் ஆகியோர் வாழ்த்துரை வழங்குகிறார்கள். வழக்குரைஞர்கள் ஜோதிபாசு, மணிவண்ணன், திருவரங்கம், சி.கிருஷ்ணமூர்த்தி, அசோகன், தினேஷ் ஆகியோர் சட்ட உரிமைகள் குறித்துவிழிப்புணர்வு உரையாற்றுகின்றனர். இதை தொடர்ந்து, டி.என்.ரவிக்குமார் இசைக்குழுவினரின் இசை நிகழ்ச்சி நடக்கிறது.
கோலார் தங்கவயல் எம்எல்ஏக்களாக பதவிவகித்து மறைந்த தலைவர்கள், தமிழறிஞர்கள், தங்கச்சுரங்கத்தை தொடங்கிய ஜான்டெய்லர், கன்னடக் கவிஞர் சர்வக்ஞர் உருவப்படங்களை தாஸ்சின்னசவரி, கே.சி.முரளி, எம்.வெங்கடேஷ், எஸ்.மகேஷ், டி.முனியப்பா, மு.அன்பு, வி.ராஜப்பா, தங்கராஜ், கு.அறிவழகன், துரையரசன் உள்ளிட்டோர் திறந்துவைக்கின்றனர்.
இதைத் தொடர்ந்து, தமிழ்ப்பணி மற்றும் மக்கள்நலப்பணிகள் ஆற்றி வருகின்ற கோபன்ராஜ், சபாபதி, டாக்டர்.அலெக்சாண்டர், ராமு, கோவலன், வேளாங்கண்ணி பால், சந்திரசேகர், சம்பத், அகஸ்டின், டி.சுடர், ஆசிரியை பிலோமினா ஆகியோருக்கு தமிழ்மாமணி விருதுகள் வழங்கப்படுகின்றன. நிகழ்ச்சியில் எம்எல்ஏ இராமக்கா, முன்னாள் எம்எல்ஏக்கள் மு.பக்தவச்சலம், எஸ்.ராஜேந்திரன், ஒய்.சம்பங்கி, சிறப்பு அழைப்பாளர்கள் டி.ஜெயபால், என்.சீனிவாஸ், எஸ்.டி.குமார், கே.ராஜேந்திரன், சுரேஷ் நாராயணன் உள்ளிட்டோர் கலந்துகொள்கிறார்கள்.
இதைத் தொடர்ந்து, சங்கத்தலைவர் சு.கலையரசன் தலைமையில் திருவள்ளுவர் கொடியேற்றி வைத்து ரூபா சசிதர் தமிழர் பண்பாட்டு ஊர்வலத்தை தொடக்கிவைக்கிறார். ஊர்வலம் நகரின் முக்கியவீதிகள் வழியாக சென்று தங்கவயல் தமிழ்ச்சங்கத்திடலில் நிறைவுபெறுகிறது. ஊர்வலத்தில் தமிழர் பண்பாடு, கலைகளை விளக்கும் ஊர்திகள் இடம்பெறுகின்றன.

 

]]>
http://www.dinamani.com/all-editions/edition-bangalore/2018/jan/14/கோலார்-தங்கவயலில்-இன்று-தமிழர்-பண்பாட்டு-ஊர்வலம்-2844529.html
2844528 அனைத்துப் பதிப்புகள் பெங்களூரு சட்ட விரோத சுரங்க முறைகேடு: முதல்வர் அலுவலக அதிகாரிகளுக்கும் தொடர்பு: குமாரசாமி குற்றச்சாட்டு DIN DIN Sunday, January 14, 2018 02:04 AM +0530 சட்ட விரோத சுரங்கமுறைகேட்டில் முதல்வர் சித்தராமையாவின் அலுவலக அதிகாரிகளுக்கும் தொடர்பு இருக்கிறது என்று மஜத மாநிலத் தலைவர் குமாரசாமி குற்றம்சாட்டினார்.
பெங்களூரில் அவர் சனிக்கிழமை செய்தியாளர்களிடம் கூறியது:-
முதல்வர் சித்தராமையா பதவியேற்றபிறகு, அவரது அலுவலக அதிகாரிகள் கர்நாடக அரசுக்குச் சொந்தமான மைசூரு மினரல்ஸ் நிறுவனத்தில் இருந்து ரூ.5450கோடிமதிப்பிலான இரும்புத்தாதுவை பெல்லாரி மாவட்டத்தின் சந்தூரில் இருந்து சட்டவிரோதமாக தோண்டியெடுத்து, எடுத்துச்சென்றுள்ளனர்.
முதல்வர் அலுவலகத்தின் உயரதிகாரிகள், அரசியல்வாதிகளின் துணை இல்லாமல் இதுபோன்ற முறைகேடுகள் நடக்கவாய்ப்பில்லை. தான் கூறிக்கொள்வதுபோல சித்தராமையா நேர்மையானவராக இருந்தால், இந்தவிவகாரம் தொடர்பாக விசாரணைக்கு உத்தரவிடதயாரா?
முந்தைய பாஜக அரசை காட்டிலும் இன்றைய காங்கிரஸ் அரசு மிகவும் மோசமானதாக உள்ளது. இந்த விவகாரத்தை கிடப்பில்போடாமல் தீவிரமாக மக்களிடம் கொண்டுசெல்வேன். பெல்லாரி மாவட்டத்தின் சந்தூர் வட்டத்தில் உள்ள திம்மப்பனகுண்டி, சுப்பராயனஹள்ளி இருப்புத்தாது சுரங்கங்களில் சுரங்கப்பணியில் ஈடுபட பல்வேறு நிறுவனங்களுக்கு 2014 நவ.27 முதல் 2017 மார்ச் 31-ஆம் தேதிவரை அனுமதி அளிக்கப்பட்டுள்ளது. இந்த நிறுவனங்கள் ஆண்டுக்கு 30 லட்சம் டன் இரும்புத்தாதுவை தான் தோண்டலாம். ஆனால் இந்நிறுவனங்கள் அனுமதிக்கப்பட்ட அளவை காட்டிலும் கூடுதலாக இரும்புத்தாதுவை தோண்டி எடுத்துள்ளன. இதுபோன்ற பல முறைகேடுகள் மைசூரு மினரல்ஸ் நிறுவனத்தின் தணிக்கை அறிக்கையில் காணப்படுகின்றன என்றார் அவர்.

 

]]>
http://www.dinamani.com/all-editions/edition-bangalore/2018/jan/14/சட்ட-விரோத-சுரங்க-முறைகேடு-முதல்வர்-அலுவலக-அதிகாரிகளுக்கும்-தொடர்பு-குமாரசாமி-குற்றச்சாட்டு-2844528.html
2844527 அனைத்துப் பதிப்புகள் பெங்களூரு மகர சங்கராந்தி பண்டிகை: கர்நாடக தலைவர்கள் வாழ்த்து DIN DIN Sunday, January 14, 2018 02:04 AM +0530 மகர சங்கராந்தி பண்டிகையை முன்னிட்டு, கர்நாடக மக்களுக்கு ஆளுநர், அரசியல் கட்சித் தலைவர்கள் வாழ்த்து தெரிவித்துள்ளனர்.
கர்நாடகத்தில் மகர சங்கராந்தி பண்டிகை கோலாகலமாக திங்கள்கிழமை கொண்டாடப்படுகிறது. இயற்கைக்கு நன்றி செலுத்தும் இந்தப் பண்டிகையையொட்டி கர்நாடக மக்களுக்குத் தலைவர்கள் வாழ்த்து தெரிவித்துள்ளனர்.
ஆளுநர் வஜுபாய் வாலா: இயற்கை வளம் நிறைந்த கர்நாடகத்தில் விவசாயிகள் செல்வச் செழிப்போடு வாழ வாழ்த்துகிறேன். சங்கராந்தி விழா கர்நாடக மக்களுக்கு அன்பு, செல்வம், மகிழ்ச்சி, அமைதியை வாரி வழங்கட்டும்.
காங்கிரஸ் மாநிலத் தலைவர் ஜி.பரமேஸ்வர்: அறுவடையின் மகிழ்ச்சியை வரவேற்கும் சங்கராந்தி திருநாளில் கர்நாடக மக்களின் இல்லங்களிலும், உள்ளங்களிலும் மகிழ்ச்சி, அமைதி, நிம்மதி பெருக வாழ்த்துகிறேன். மக்களின் வாழ்வில் வளம் பெருகி, நல்வாழ்வு கிடைக்க வாழ்த்துகிறேன்.
எதிர்க்கட்சித்தலைவர் ஜெகதீஷ்ஷெட்டர்: உழவர்களின் உழைப்பால் விளைந்த அறுவடையைக் கொண்டாடிமகிழும் மகர சங்கராந்தி பண்டிகையின் நல்வாழ்த்துகளை கர்நாடகமக்களுக்கு தெரிவித்துக்கொள்கிறேன்.
உழவுத் தொழிலில் இணைந்து உழைக்கும் சூரியன், இயற்கை, கால்நடைகளுக்கு நன்றி செலுத்த உழவர்கள் சங்கராந்தி பண்டிகையை கொண்டாடிவருகிறார்கள்.
இயற்கையோடு இணைந்து வாழ்ந்திருக்கிறோம் என்பதற்கு சான்றாக இன்றைக்கும்கடைபிடிக்கும் மிகச்சிறந்த பண்டிகையாகும். உற்சாகம், மகிழ்ச்சியை தங்கள் சொந்தங்களுடன் பகிர்ந்துகொள்வதற்காக வீடுவீடாக சென்று எள் வார்க்கும், எள்ளும் வெல்லமும் வழங்கும் மரபு காலம்காலமாக பின்பற்றப்படுவது மனித உறவுகளை மேம்படுத்துவதற்காகும் என்பதை இந்த பண்டிகை நினைவூட்டிசெல்கிறது.
உறவுகளுக்கு இடையே அன்பை பரிமாறிக்கொள்வதன் மூலம் உறவை பலப்படுத்துவது மனிதச்சமூகத்தை சீரியவாழ்க்கைக்கு இட்டுச்செல்லும் நடைமுறையாகும். இது போன்றவிழாக்கள் தரும் நட்புறவு காலத்திற்கும் மறக்க இயலாத அனுபவத்தை தரும் என்பதில் சந்தேகமில்லை. மாநில மக்களின் வாழ்வில் குறிப்பாக விவசாயிகளின் குடும்பங்களில் மகிழ்ச்சி பொங்கிபெருகட்டும் என்று விரும்புவதோடு, அனைவருக்கும் சங்கராந்தி நல்வாழ்த்துகளை தெரிவித்துக்கொள்கிறேன்.
மற்ற தலைவர்களின் வாழ்த்து: இதேபோல், மத்திய அமைச்சர்கள் சதானந்த கெளடா, அனந்த் குமார், முன்னாள் பிரதமர் தேவே கௌடா, சட்டப் பேரவை எதிர்க்கட்சித் தலைவர் ஜெகதீஷ் ஷெட்டர், மேலவை எதிர்க்கட்சித் தலைவர் கே.எஸ்.ஈஸ்வரப்பா, காங்கிரஸ் மாநிலத் தலைவர் ஜி.பரமேஸ்வர், பாஜக மாநிலத் தலைவர் எடியூரப்பா, மஜத மாநிலத் தலைவர் குமாரசாமி, சட்ட மேலவைத்தலைவர் டி.எச்.சங்கரமூர்த்தி உள்ளிட்டோரும் வாழ்த்து தெரிவித்துள்ளனர்.

 

]]>
http://www.dinamani.com/all-editions/edition-bangalore/2018/jan/14/மகர-சங்கராந்தி-பண்டிகை-கர்நாடக-தலைவர்கள்-வாழ்த்து-2844527.html
2844526 அனைத்துப் பதிப்புகள் பெங்களூரு சட்டப் பேரவைத் தேர்தல்: கர்நாடக காங்கிரஸாருடன் ராகுல் ஆலோசனை DIN DIN Sunday, January 14, 2018 02:04 AM +0530 கர்நாடக சட்டப் பேரவைத் தேர்தல் குறித்து, கர்நாடக மாநில காங்கிரஸ் நிர்வாகிகளுடன் அகில இந்திய காங்கிரஸ் கமிட்டி தலைவர் ராகுல் காந்தி ஆலோசனை நடத்தினார்.
கர்நாடகத்தில் விரைவில் சட்டப் பேரவைத் தேர்தல் நடைபெறவுள்ள நிலையில், புதுதில்லியில் உள்ளதனது இல்லத்தில் கர்நாடக மாநில காங்கிரஸ் நிர்வாகிகளுடன் ராகுல் காந்தி ஆலோசனை நடத்தினார்.
கூட்டத்தில் முதல்வர் சித்தராமையா, மக்களவை காங்கிரஸ் குழுத் தலைவர் மல்லிகார்ஜுன கார்கே, மாநிலத் தலைவர் ஜி.பரமேஸ்வர், செயல் தலைவர்கள் தினேஷ் குண்டுராவ், எஸ்.ஆர்.பாட்டீல், கட்சியின் மேலிடப்பொறுப்பாளர் கே.சி.வேணுகோபால், மூத்தத் தலைவர்கள் ஆஸ்கர் பெர்ணான்டஸ், பி.கே.ஹரிபிரசாத், பெங்களூரு வளர்ச்சித்துறை அமைச்சர் கே.ஜே.ஜார்ஜ், கட்சியின் தேர்தல் அறிக்கை தயாரிப்புக் குழுத் தலைவர் வீரப்ப மொய்லி, கட்சியின் மேலிடப் பார்வையாளர் மாணிக் தாகூர் உள்ளிட்ட முக்கிய தலைவர்கள் கலந்துகொண்டனர்.
கூட்டத்தில் தேர்தலுக்கு கட்சி எடுத்துள்ள முயற்சிகள், வியூகங்கள், ஆட்சி நிலவரங்கள், கர்நாடக அரசியல் சூழல், பாஜக,
மஜதவின் தேர்தல் பிரசாரங்கள் உள்ளிட்ட அனைத்துஅம்சங்கள் குறித்தும் கேட்டறிந்த ராகுல் காந்தி, "காங்கிரஸார் கருத்து வேறுபாடுகளை மறந்து கருத்தொற்றுமையுடன் தேர்தலை சந்தித்து வெற்றி வாகை சூட வேண்டும். பாஜக, மஜகவின் வியூகத்தை முறியடித்து, தேர்தலில் காங்கிரஸ் மீண்டும் ஆட்சியை கைப்பற்ற வேண்டும்' என்று கூறியுள்ளார்.
கூட்டத்துக்குப் பின்னர் சித்தராமையா செய்தியாளர்களிடம் கூறியது: -
தேர்தல் குறித்து ராகுல் கேட்டறிந்தார். கட்சி, ஆட்சி குறித்தும் விவரங்களை பெற்றுகொண்டார். தேர்தலுக்காக கட்சி நடத்தியுள்ள தயாரிப்பு வேலைகள், காங்கிரஸ் அரசின் செயல்பாடுகள், அரசுக்கு எதிராக மக்கள் அலை இல்லாதது குறித்து ராகுல் மகிழ்ச்சி தெரிவித்தார்.
2013-ஆம் ஆண்டு நடைபெற்ற சட்டப் பேரவைத் தேர்தலின்போது தேர்தல் அறிக்கை வாயிலாக மக்களுக்கு அளித்த அனைத்து வாக்குறுதிகளையும் காங்கிரஸ் அரசு நிறைவேற்றியுள்ளது. தேர்தல் அறிக்கையில் இல்லாத திட்டங்களையும் அரசு செயல்படுத்தியுள்ளது.
சட்டப்பேரவை தேர்தலில் வெற்றி பெற்று காங்கிரஸ் மீண்டும் ஆட்சி அமைக்கும் என்று காங்கிரஸார் நம்பிக்கை தெரிவித்துள்ளோம்.இந்த சட்டப்பேரவை தேர்தல் எடியூரப்பாவுக்கும் சித்தராமையாவுக்கும் இடையே, பிரதமர் மோடிக்கும் சித்தராமையாவுக்கும் இடையே நடப்பதல்ல. இந்தத் தேர்தல் கொள்கை அடிப்படையில், மதவாத சக்திகளுக்கும் மதசார்பற்ற சக்திகளுக்கும் இடையே நடப்பதாகும் என்றார் அவர்.
பிப்ரவரி 10 முதல் ராகுல் பிரசாரம்
கர்நாடகத்தில் சட்டப் பேரவைத் தேர்தலுக்காக அகில இந்திய காங்கிரஸ் கமிட்டி தலைவர் ராகுல்காந்தி பிப்ரவரி 10-ஆம் தேதி முதல் பிரசாரத்தில் ஈடுபடவிருக்கிறார்.
கர்நாடகத்தில் காங்கிரஸ் கட்சியின் வெற்றியை உறுதி செய்வதை இலக்காகக் கொண்டு செயல்பட்டுவரும் ராகுல் காந்தி, தீவிர பிரசாரத்தில் ஈடுபட உள்ளார்.
கர்நாடகத்தின் தென் பகுதியில் இருந்து தனது பிரசாரத்தை தொடங்கவிருக்கும் ராகுல்காந்தி, அதன் பிறகு கடலோர கர்நாடகம், வட கர்நாடகம், ஹைதராபாத்-கர்நாடகம் பகுதிகளுக்கு செல்ல திட்டமிட்டிருக்கிறார்.
தனது முதல்கட்ட பிரசாரத்தை பிப்ரவரி 10-இல் ராகுல் தொடங்கி, பிப்ரவரி 12-ஆம் தேதிவரை கர்நாடகத்தில் சுற்றுப்பயணம் செல்லவிருக்கிறார். அப்போது விவசாயிகள், மகளிர், மாணவர்களை சந்தித்து பேசவும் ராகுல் திட்டமிட்டுள்ளதாக கட்சி வட்டாரங்கள் தெரிவிக்கின்றன.

 

]]>
http://www.dinamani.com/all-editions/edition-bangalore/2018/jan/14/சட்டப்-பேரவைத்-தேர்தல்-கர்நாடக-காங்கிரஸாருடன்-ராகுல்-ஆலோசனை-2844526.html
2844525 அனைத்துப் பதிப்புகள் பெங்களூரு வேளாண் பல்கலை.யில் பிப்.9-இல் பட்டமளிப்பு விழா DIN DIN Sunday, January 14, 2018 02:03 AM +0530 பெங்களூரு வேளாண் அறிவியல் பல்கலைக்கழகத்தின் பட்டமளிப்பு விழா பிப்.9-ஆம் தேதி நடக்கவிருக்கிறது.
இதுகுறித்து அப் பல்கலைக்கழகம் வெளியிட்ட செய்திக் குறிப்பு: பெங்களூரு வேளாண்
அறிவியல் பல்கலைக்கழகத்தின் 52-ஆவது பட்டமளிப்பு விழா, பெங்களூரில் உள்ள பல்கலைக்கழக வளாகத்தில் பிப்.9-ஆம் தேதி காலை 11மணிக்கு நடக்கவிருக்கிறது. பல்கலைக்கழகத்தின் துணைவேந்தர் எச்.சிவண்ணா தலைமையில் நடக்கும் இந்த விழாவில், பல்கலைக்கழக வேந்தரும், ஆளுநருமான வஜுபாய்வாலா கலந்து கொண்டு முதுநிலைப் பட்டப்படிப்பு தேர்வில் சிறப்பிடம் பிடித்த மாணவர்களுக்கு தங்கப்பதக்கம் மற்றும் பட்டப் படிப்புக்கான சான்றிதழை வழங்கி கெளரவிக்கிறார்.
இந்த விழாவில் மத்திய அரசின்முன்னாள் செயலாளர் மஞ்சுசர்மா, வேளாண்துறை அமைச்சர்கிருஷ்ண பைரேகெளடா உள்ளிட்டோர் சிறப்பு விருந்தினராகக் கலந்து கொண்டு, சிறப்புரை ஆற்றுகிறார் என்று அதில் கூறப்பட்டுள்ளது.

 

]]>
http://www.dinamani.com/all-editions/edition-bangalore/2018/jan/14/வேளாண்-பல்கலையில்-பிப்9-இல்-பட்டமளிப்பு-விழா-2844525.html
2844524 அனைத்துப் பதிப்புகள் பெங்களூரு இலக்குகளை அடைய போராட்ட வாழ்க்கையை எதிர்கொள்ள துணிய வேண்டும்: விஞ்ஞானி டில்லிபாபு DIN DIN Sunday, January 14, 2018 02:03 AM +0530 இலக்குகளை அடைவதற்கு போராட்டங்கள் நிறைந்த வாழ்க்கையை எதிர்கொள்ள இளைஞர்கள் துணிய வேண்டும் என்று ராணுவ ஆராய்ச்சி, மேம்பாட்டு அமைப்பின் (டிஆர்டிஓ) விஞ்ஞானி டில்லிபாபு கூறினார்.
புனித வளனார் கல்லூரியின் தமிழ் மாணவர் சங்கத்தின் சார்பில் பெங்களூரில் சனிக்கிழமை நடைபெற்ற பொங்கல் விழாவில், அவர் பேசியது: -
தமிழர் கலைகளாம் கும்மி, ஒயிலாட்டம், பறையாட்டம் போன்ற பல்வேறு நாட்டுப்புறக்கலைவடிவங்களை கண்முன்னே கொண்டு வந்த மாணவர்களை பாராட்டாமல் இருக்கமுடியவில்லை. இவர்கள் அறிவியல் பட்டப் படிப்பை படித்து வந்தாலும், மொழி, கலை, பண்பாட்டின் உறவை பாதுகாத்துவைத்திருக்கிறார்கள்.
குடும்பம், நாட்டுக்காக ஏராளமான கனவுகளோடு கல்லூரியில் படித்துவரும் இளைஞர்கள், அதை அடைவதற்கான அறிவாற்றலை பெற தவற கூடாது. பறவைகளை பார்த்து வானத்தில் பறக்க துணிந்த மனிதன், அந்த கனவை நனவாக்குவதற்கு ஏராளமான தடைகள், சங்கடங்கள், இடையூறுகள், சவால்கள், சிக்கல்கள், போராட்டங்களை கடக்க வேண்டியிருந்தது. வானத்தில் பறக்கும் ராக்கெட், விமானம் எதுவாக இருந்தாலும் அவற்றை கட்டமைக்கவிஞ்ஞானிகள் பலமணி நேர உழைப்பை செலவிடவேண்டியுள்ளது.
இந்தப் பணியில் பல சவால்களை எதிர்கொள்ள வேண்டியுள்ளது. அதுபோலதான் நமது வாழ்க்கையும். நமது வாழ்க்கையில் நாம் வகுத்துகொண்ட இலக்குகள், கனவுகள், இலட்சியங்களை அடைவதற்கு கடினமாக உழைப்பது ஒருபுறம் என்றால், எதிர்படும் சிக்கல்களை போராட்டங்களை துணிந்து எதிர்கொள்ளவேண்டும். அப்போதுதான் வானம் வசப்படும்.
அண்மையில் ஒரு காணொளிக்காட்சியை பார்த்தேன். அதில் முயல் ஒன்றைவேட்டை நாய் விரட்டி சென்று தனது முயற்சியில் தோற்றுபோனது. வேட்டை நாய் இன்னும் சிறப்பாகச் செயல்பட்டிருந்தால் முயலை பிடித்திருக்கலாம் என்று சிலர் கூறினார். வேட்டைநாய் வயிற்றுப்பிழைப்புக்காக ஓடியது. ஆனால் முயல் தனது வாழ்க்கைக்காக ஓடியது.
முயற்சிகள் வயிற்றுப்பிழைப்புக்காக இல்லாமல், வாழ்க்கைக்காக இருந்தால் நாமும் முயலை போல வெற்றிபெறலாம்.
உலகின் ஆகச்சிறந்த விஞ்ஞானியான ஆல்பர்ட் ஐன்ஸ்டீன், தனது ஒப்பியல் கோட்பாடு குறித்து ஊர் ஊராக சென்று விஞ்ஞானிகளுக்கு விவரித்து உரையாற்றிக்கொண்டிருந்தார். இந்த் உரைகளைகவனித்து வந்த ஐன்ஸ்டீனின் கார் ஓட்டுநர்,"நீங்கள் பேசியதையே திரும்ப திரும்ப பேசுகிறீர்கள். அவை எனக்கு முழுமையாக அறிந்துவிட்டேன். மாற்றத்துக்காக நான் பேசுகிறேன்" என்றிருக்கிறார்.
இதற்கு ஐன்ஸ்டீனும் ஒப்புக்கொண்டு, ஒரு கூட்டத்தில் தனது ஓட்டுநரை தன் பெயரில் பேசவிட்டிருக்கிறார். ஐன்ஸ்டீனை போல பேசிமுடித்த ஓட்டுநரிடம், பார்வையாளர் ஒருவர் கடினமான கேள்வியை எழுப்பியிருக்கிறார். நிலைமை மோசமாக போவதை உணர்ந்த ஐன்ஸ்டீன், தனது நற்பெயருக்கு களங்கம் வந்துவிடுமோ என்ற ஆதங்கத்தில் செய்வதறியாது திகைத்திருக்கிறார். அப்போது, தனக்கு பதில் தெரியவில்லை என்பதை உணர்ந்துகொண்ட ஓட்டுநர், அதை சமாளிக்கும் விதமாக,"நீங்கள் கேட்டதுமிகவும் எளிமையான கேள்வி. இதற்கு நான் பதில் சொல்வதை காட்டிலும், எனது ஓட்டுநர் பதில் சொல்வார்" என்று ஐன்ஸ்டீனை காட்டி மேடைக்கு அழைத்தாராம். அதுபோல, வாழ்க்கையில் எதிர்படும் எதிர்பாரா சவால்களை எதிர்கொள்ள வேண்டும். போராட்டம் இல்லாமல் யாருடைய ஆட்டமும் முடியபோவதில்லை என்பதை இளைஞர்கள் உணரவேண்டும். இன்றைய இளைஞர்களை திசைமாற்றிவருவதுசெல்லிடப்பேசிகள்தான். எனவே, செல்லிடப்பேசிகளிடம் இருந்து கொஞ்சம் செல்லாமல் இருந்தால், தொல்லைகள் இல்லாமல் இருக்கும் என்றார் அவர்.
விழாவில் பெங்களூரு பல்கலைக்கழக தமிழ்த் துறை தலைவர் யு.பசவராஜ், கல்லூரியின் தலைமை செயல் அதிகாரி சி.மோகன் தாஸ், தமிழ்த்துறை தலைவர் ஆரோக்கியமேரி, தமிழ் விரிவுரையாளர் எமிலியா உள்ளிட்டோர் கலந்துகொண்டனர். முன்னதாக, கல்லூரி மாணவர்களின் கும்மி, ஒயிலாட்டம், பறையாட்டம் போன்ற நாட்டுப்புறக்கலைகளின் நடனம் இடம்பெற்றது.

 

]]>
http://www.dinamani.com/all-editions/edition-bangalore/2018/jan/14/இலக்குகளை-அடைய-போராட்ட-வாழ்க்கையை-எதிர்கொள்ள-துணிய-வேண்டும்-விஞ்ஞானி-டில்லிபாபு-2844524.html
2844523 அனைத்துப் பதிப்புகள் பெங்களூரு ஜன.28-இல் திருவள்ளுவர் நாள் விழா DIN DIN Sunday, January 14, 2018 02:03 AM +0530 பெங்களூரு தமிழ்ச் சங்கம் சார்பில், பெங்களூரில் ஜன.28-ஆம் தேதி திருவள்ளுவர் நாள் விழா மற்றும் பேரணி நடைபெறவிருக்கிறது.
இதுகுறித்து பெங்களூரு தமிழ்ச் சங்கத் தலைவர் தி.கோ.தாமோதரன் வெளியிட்டுள்ள அறிக்கை:
2009-ஆம் ஆண்டு பெங்களூரில் திருவள்ளுவர் சிலை திறக்கப்பட்ட பிறகு, பெங்களூரு தமிழ்ச் சங்கத்தின் சார்பில் ஆண்டுதோறும் திருவள்ளுவர் நாள் விழாவை சிறப்பாக கொண்டாடப்படுகிறது.
பெங்களூரில் 40 லட்சத்துக்கும் அதிகமாக, கர்நாடகத்தில் ஒருகோடிக்கும் அதிகமான தமிழர்கள் பல்லாண்டு காலமாக வாழ்ந்து வருகிறார்கள்.
கர்நாடகத் தமிழர்களின் அடையாளமாக விளங்கும் பெங்களூரு தமிழ்ச் சங்கத்தின் சார்பில் திருவள்ளுவரை போற்றுவதற்கு விழா எடுப்பதோடு, மொழிச் சிறுபான்மையினரான தமிழர்களுக்கு உரிமை பெற்றுதருவதும் நமது தலையாய நோக்கமாக விளங்கிவருகிறது.
இதற்காக திருவள்ளுவர் நாள் விழா மற்றும் பேரணியை நடத்தி தமிழர்களிடையே நிலவும் ஒற்றுமையை பலப்படுத்திவருகிறோம். அந்தவகையில், நிகழாண்டுக்கான திருவள்ளுவர் நாள்விழா மற்றும் பேரணி வருகிற ஜன.28-ஆம் தேதி (ஞாயிற்றுக்கிழமை) காலை 10மணிக்கு நடக்கவிருக்கிறது.
இந்த பேரணியில் தமிழ்ச் சங்க உறுப்பினர்கள், பெங்களூரில் உள்ள பெரும்பாலான தமிழர்கள், மாணவர்கள், ஆசிரியர்கள் பேரணியில் பங்கேற்க உள்ளனர். பேரணியில் நாட்டுப்புறக் கலைஞர்களின் கலைநிகழ்ச்சிகளும் இடம்பெறவிருக்கின்றன. பேரணியில் முதல்வர் சித்தராமையா, அமைச்சர்கள் கே.ஜே.ஜார்ஜ், ரோஷன்பெய்க், முன்னாள் பிரதமர் தேவெ கெளடா, பாஜக மாநிலத் தலைவர் எடியூரப்பா, மஜத மாநிலத்தலைவர்குமாரசாமி, மேயர் ஆர்.சம்பத்ராஜ், எம்பிக்கள், எம்எல்ஏக்கள் உள்ளிட்ட ஏராளமானோர் கலந்துகொள்கிறார்கள் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-bangalore/2018/jan/14/ஜன28-இல்-திருவள்ளுவர்-நாள்-விழா-2844523.html
2843977 அனைத்துப் பதிப்புகள் பெங்களூரு பசியில்லா மாநிலத்தை  உருவாக்கவே அன்னபாக்யா திட்டம்:  காங்கிரஸ் DIN DIN Saturday, January 13, 2018 07:32 AM +0530 பசியில்லா மாநிலத்தை உருவாக்கும் நோக்கில் அன்னபாக்யா, இந்திரா உணவகம் உள்ளிட்ட திட்டங்கள் தொடங்கப்பட்டுள்ளதாக கர்நாடக காங்கிரஸ் செயலாளர் மதன்பாட்டீல் தெரிவித்தார்.
பெங்களூரு சி.வி.ராமன் சட்டப்பேரவைத் தொகுதியில் வெள்ளிக்கிழமை பொதுமக்களுக்கு அரிசி, வெல்லம், நெய், சேலை உள்ளிட்ட பொங்கல் பரிசு தொகுப்பு வழங்கும் நிகழ்ச்சியில் அவர் பேசியது: 
அனைத்து மொழிகள் பேசுபவர்களும் சகோதரர்களாக இணைந்து வாழும் மாநிலம் என்ற பெருமை கர்நாடகத்தையே சேரும். இங்கு தமிழர்களும், கன்னடர்களும், தெலுங்கர்களும் சகோதரர்களாக இணைந்து வாழ்ந்து வருகின்றனர். கர்நாடகத்தில் சங்கராந்தி என்றும், தமிழகத்தில் பொங்கல் பண்டிகை என்றும் கொண்டாடப்படுகிறது. 
தைத்திருநாளை தமிழர்கள் சிறப்பாக கொண்டாடுவது வழக்கம். சி.வி.ராமன் தொகுதியில் தமிழர்கள் அதிகம் வசிக்கின்றனர். அதிலும் கூலித் தொழிலாளி உள்ளிட்ட ஏழைகள் அதிக அளவில் உள்ளனர். அவர்கள் அனைவரும் பொங்கல் பண்டிகையை சிறப்பாக கொண்டாட வேண்டும் என்ற நோக்கில், காங்கிரஸ் சார்பில் பொங்கல் பரிசுத் தொகுப்பு வழங்கப்படுகிறது.
பொங்கல் பண்டிகை மட்டுமன்றி, மாநிலத்தில் வாழும் அனைவரும் பசியின்றி வாழ வேண்டும் என்பதே முதல்வர் சித்தராமையாவின் நோக்கம். பசிக்கு மட்டுமே ஜாதி, மத, இன, மொழி பேதம் கிடையாது. பசியில்லா மாநிலமாக கர்நாடகத்தை உருவாக்க வேண்டும் என்ற நோக்கில் அன்னபாக்யா, இந்திரா உணவகம் உள்ளிட்ட திட்டங்கள் தொடங்கப்பட்டுள்ளது. 
முதல்வர் சித்தராமையாவின் வளர்ச்சித் திட்டங்களால் மக்கள் பயனடைந்துள்ளனர். வரும் பேரவைத் தேர்தலில் காங்கிரஸ் மீண்டும் ஆட்சியைப் பிடிப்பது உறுதி. எங்களின் வேண்டுகோளை ஏற்று, பெங்களூரு சி.வி.ராமன் சட்டப்பேரவைத் தொகுதியில் பொதுப்பணித் துறை அமைச்சர் எம்.சி.மகாதேவப்பா காங்கிரஸ் கட்சி சார்பில் போட்டியிட ஒப்புக் கொண்டுள்ளார் என்றார். 
நிகழ்ச்சியில் சட்ட மேலவை உறுப்பினர் நாராயணசாமி, முன்னாள் சட்டப்பேரவை உறுப்பினர் ஜலன்நிகிலி, மாவட்ட காங்கிரஸ் நிர்வாகி சரவணன் உள்ளிட்டோர் கலந்து கொண்டனர்.  

]]>
http://www.dinamani.com/all-editions/edition-bangalore/2018/jan/13/பசியில்லா-மாநிலத்தை--உருவாக்கவே-அன்னபாக்யா-திட்டம்--காங்கிரஸ்-2843977.html
2843976 அனைத்துப் பதிப்புகள் பெங்களூரு "சுற்றுச்சூழலைப் பாதுகாக்க  ஒன்றிணைவோம்' DIN DIN Saturday, January 13, 2018 07:31 AM +0530 சுற்றுச்சூழலைப் பாதுகாக்க உலகளவில் அனைவரும் ஒன்றுபட வேண்டும் என்று சுற்றுச்சூழல் ஆர்வலரும், சூரிய ஒளி மின்சாரத்தில் இயங்கும் விமானத்தை கண்டுபிடித்து, அதில் பயணம் செய்தவருமான பெர்டிராட் பிக்கார்டு கேட்டுக் கொண்டார்.
பெங்களூரு ராமைய்யா அறிவியல் பல்கலைக்கழத்தில் வெள்ளிக்கிழமை நடைபெற்ற அறிவியல் கருத்தரங்கில் அவர் பேசியது: 
உலகளவில் வாகனங்களைக் கக்கும் புகையாலும், மாசுக்களை ஏற்படுத்தும் செயல்களாலும் சுற்றுச்சூழல் பாதிக்கப்பட்டு, பூமி வெப்பமயமாகி வருகிறது. இதைத் தடுக்க வேண்டியது அனைவரின் கடமை. இதனைக் கருத்தில் கொண்டு பல்வேறு முயற்சி, சவால்களைத் தொடர்ந்து சூரிய ஒளி மின்சாரத்தில் இயங்கும் விமானத்தை கண்டுபிடித்து, சுற்றுச்சூழலை பாதுகாக்க வலியுறுத்தி உலகளவில் சுற்றுப்பயணம் மேற்கொண்டு வருகிறேன். 
சுற்றுச்சூழலைப் பாதுகாக்க உலகளவில் அனைவரும் ஒன்றுபட வேண்டும். சிறப்பு அழைப்பின் பேரில் இந்தியா வந்துள்ள நான், சுற்றுச்சூழலைப் பாதுகாக்க அனைவரும் ஒன்றுபட வேண்டும். சுற்றுச்சூழலை பாதுகாப்பதில் நாம் இப்போதே விழிப்படைய வேண்டும். தவறினால் எதிர்காலத்தில் நமது சந்ததியினர் மோசமான விளைவுகளை சந்திக்க நேரிடும். 
சூரிய ஒளி மின்சாரத்தில் இயங்கும் விமானத்தை கண்டுபிடிக்கும் முயற்சியில் ஈடுபட்டபோது, பலரும் வீண்முயற்சி என்று எனது ஊக்கத்தை மட்டுபடுத்தினர். ஆனால், விடாமுயற்சியில் ஈடுபட்டு, தற்போது எரிவாயு இல்லாமல், சூரிய ஒளி மின்சாரத்தில் இயங்கும் விமானத்தை கண்டறிந்து, அதில் பல நாடுகளுக்கு பயணம் செய்துள்ளேன்.
மாணவர்கள் புதிய தொழில்நுட்பங்களைக் கண்டறியும்போது எத்தனை எதிர்ப்புகள் வந்தாலும், இலக்கை நோக்கு பயணம் செய்யுங்கள். இறுதியில் கனவின் இலக்கை அடைவது நிச்சயம் என்றார். 
நிகழ்ச்சியில் ராமைய்யா அறிவியல் பல்கலைக்கழத்தில் துணை வேந்தர் சங்பால் உள்ளிட்டோர் கலந்து கொண்டனர்.  
 

]]>
http://www.dinamani.com/all-editions/edition-bangalore/2018/jan/13/சுற்றுச்சூழலைப்-பாதுகாக்க--ஒன்றிணைவோம்-2843976.html
2843975 அனைத்துப் பதிப்புகள் பெங்களூரு பெங்களூரை இந்தியாவின் இரண்டாம் தலைநகரமாக்க கோரிக்கை DIN DIN Saturday, January 13, 2018 07:31 AM +0530 பெங்களூரை இந்தியாவின் இரண்டாம் தலைநகரமாக்க வேண்டும் என்று பிரதமர் நரேந்திர மோடிக்கு கர்நாடக தொழில் துறை அமைச்சர் ஆர்.வி.தேஷ்பாண்டே கடிதம் எழுதியிருக்கிறார்.
இதுதொடர்பாக அவர் அனுப்பியுள்ள கடித விவரம்:
நமது நாட்டின் இரண்டாம் தலைநகரம் தென்னிந்தியாவில் அமைக்கப்பட வேண்டுமென்பது இப்பகுதி மக்களின் நீண்டகால விருப்பமாகும். அந்தவகையில், பெங்களூரை இந்தியாவின் இரண்டாம் தலைநகரமாக்குவதற்கு கருத வேண்டும்.
இந்தியாவுக்கு இரண்டாம் தலைநகரம் அவசர தேவையாகும். அதற்கு பெங்களூரு மிகச் சிறந்த தேர்வாகும். இந்தியா போன்ற மிகப்பெரிய தேசத்தை ஆள்வதற்கு ஒரேஒரு தலைநகரம் போதாது. ஒருங்கிணைந்த நிர்வாகம், கட்டமைப்பு ரீதியான சீர்த்திருத்தம், நாட்டின் மறுகட்டமைப்பு, பன்னாட்டு நல்லுறவு ஆகியவை இன்றைய தேவையாக இருப்பதால், அதற்கேற்ப ஒருங்கிணைந்த நிர்வாகத்தில் கடைசி குடிமகனின் பங்களிப்பு அவசியமாகிறது. 
எனவே, தென்னிந்திய மக்களுக்கு தில்லி தொலைவில் இருப்பதை மறுக்க இயலாது. இதனால், தென்னிந்திய மக்கள் தங்கள் குறைகளை தீர்க்க தில்லிக்கு பயணப்பட வேண்டியுள்ளது. தென்னிந்தியமக்களின் தனி இயல்புகளுக்கு தகுந்தவாறு இங்கு இரண்டாம் தலைநகரம் அமைவது சரியாக இருக்கும். 
இரண்டாம் தலைநகரம் அமைவதற்கு பெங்களூரு மிகச்சிறந்த மாநகரமாகும். பெங்களூரில் நல்ல தட்பவெப்பம், பேரிடரில் பாதிக்கப்படாத சூழல் உள்ளது. அனைத்து வகையான மக்களும் பெங்களூரில் வசிக்கிறார்கள். தொழில் வளர்ச்சி, தகவல் தொழில்நுட்பத்திலும் பெங்களூரு சிறந்து விளங்குகிறது. தில்லிக்கு அடுத்தப்படியாக உலகளவில் புகழ்பெற்ற நகரமாக பெங்களூரு விளங்குகிறது. இந்த கருத்தியலை ஏற்று பெங்களூரை இரண்டாம் தலைநகரமாக்க கேட்டுக் கொள்கிறேன் என்று அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/jan/13/பெங்களூரை-இந்தியாவின்-இரண்டாம்-தலைநகரமாக்க-கோரிக்கை-2843975.html
2843974 அனைத்துப் பதிப்புகள் பெங்களூரு மதக் கலவரங்களைத் தூண்டுவோரை மக்களே தண்டிப்பார்கள்: சித்தராமையா DIN DIN Saturday, January 13, 2018 07:31 AM +0530 மதக் கலவரங்களை தூண்டுவது போன்ற செயல்களில் ஈடுபடுவோரை மக்களே தண்டிப்பார்கள் என்று முதல்வர் சித்தராமையா தெரிவித்தார்.
இதுகுறித்து மைசூரில் வெள்ளிக்கிழமை செய்தியாளர்களிடம் அவர் கூறியது: 
மக்கள் மனதில் மத உணர்வுகளைத் தூண்டுவோர், சமுதாயத்தில் நிலவும் அமைதியை சீர்குலைக்க முயற்சிப்போரை மக்களே தண்டிப்பார்கள். 
இதற்கு போலீஸார் தேவையில்லை. பாஜகவினரையும் போலீஸார் கைது செய்ய வேண்டிய அவசியமில்லை. சமுதாயத்தில் நிலவும் மத நல்லிணக்கத்தை சீரழித்து, மற்றொரு சமுதாயத்தின் மீது பகைமையை விதைப்பது பாஜகவினர்தான்.
பாஜகவினரின் இந்த தந்திரத்தை மக்கள் நிராகரிப்பார்கள். பிரதமர் மோடி, காங்கிரஸ் கட்சியின் தோல்விகளை மக்கள் முன்வைப்பதாகக் கூறிக் கொள்கிறார். நாங்கள் பாஜகவினரின் தோல்விகளை மக்கள் மன்றத்தில் வைப்போம். ஒரு மாதகாலமாக மாநிலம் முழுவதும் சுற்றுப்பயணம் மேற்கொண்டது சிறப்பாக அமைந்திருந்தது.
கர்நாடக மக்கள் காங்கிரஸ் கட்சிக்கு ஆதரவாக இருக்கிறார்கள். எங்கள் அரசு கொண்டுவந்திருக்கும் அன்னபாக்கியா, இலவச பால் போன்ற திட்டங்கள் மக்களிடையே நல்ல வரவேற்பை பெற்றுள்ளன. இந்தத் திட்டங்களின் பலன்களை மக்கள் அனுபவித்துள்ளனர். 
அதனால், அடுத்த சட்டப்பேரவைத் தேர்தலில் காங்கிரஸை மக்கள் ஆதரிப்பார்கள். எங்கள் நிர்வாகம் கண்ணாடியை போல மக்கள் மத்தியில் பிரதிபலிப்பதை உணர முடிந்தது என்றார்.

]]>
http://www.dinamani.com/all-editions/edition-bangalore/2018/jan/13/மதக்-கலவரங்களைத்-தூண்டுவோரை-மக்களே-தண்டிப்பார்கள்-சித்தராமையா-2843974.html
2843973 அனைத்துப் பதிப்புகள் பெங்களூரு பெங்களூரு-ஜெய்ப்பூர்  இடையே சிறப்பு ரயில் சேவை DIN DIN Saturday, January 13, 2018 07:30 AM +0530 பெங்களூரிலிருந்து (யஷ்வந்த்பூர்) ஜெய்ப்பூருக்கு சிறப்பு சுவிதா அதிவிரைவு ரயில் சேவைகள் இயக்கப்படுகின்றன. 
இதுகுறித்து தென்மேற்கு ரயில்வே வெளியிட்ட செய்திக் குறிப்பு: விழாக்கால கூட்ட நெரிசலை குறைக்க பெங்களூரிலிருந்து (யஷ்வந்த்பூர்) ஜெய்ப்பூருக்கு சுவிதா அதிவிரைவு சிறப்பு ரயில் சேவைகள் இயக்கப்படுகின்றன. 
ரயில் எண்-82653-பெங்களுரு (யஷ்வந்த்பூர்)-ஜெய்ப்பூர் சுவிதா அதிவிரைவு சிறப்பு ரயில் வியாழக்கிழமை (பிப்.1) காலை 11.30 மணிக்கு பெங்களூரு (யஷ்வந்த்பூர்) ரயில் நிலையத்தில் இருந்து புறப்பட்டுள்ளது. இந்த ரயில் சனிக்கிழமை(பிப்.3)காலை 6.35 மணிக்கு ஜெய்ப்பூர் ரயில்நிலையம் சென்றடைகிறது.
மறு மார்க்கத்தில் ரயில் எண்-82654-ஜெய்ப்பூர்-பெங்களூரு (யஷ்வந்த்பூர்) சுவிதா அதிவிரைவு சிறப்பு ரயில் சனிக்கிழமை (பிப்.3) இரவு 10.15 மணிக்கு ஜெய்ப்பூர் ரயில் நிலையத்தில் இருந்து புறப்பட்டு, திங்கள்கிழமை மாலை 5.55 மணிக்கு பெங்களூரு (யஷ்வந்த்பூர்) ரயில் நிலையம் வந்தடைகிறது. 
இந்த ரயில் சேவை பிப். 1-ஆம் தேதி தொடங்கி ஜூலை 28-அம் தேதி வரை தொடரும். சுவிதா அதிவிரைவு சிறப்பு ரயில் தும்கூரு, அரசிகெரே, தாவணகெரே, ஹுப்பள்ளி, தார்வாட், பெலகவை, மீரஜ், சதாரா, புணே, லோனாவாலா, பன்வெல், வசாய் சாலை, வாபி, சூரத், வதோதரா, ரட்லம், நிமச், சித்தூர், பில்வாரா, அஜ்மீர், கிஷன்கர்க் ஆகிய ரயில் நிலையங்களில் நின்று செல்லும். 
ரயிலில் ஈரடுக்கு குளிரூட்டப்பட்ட 2 பெட்டிகள், மூன்றடுக்கு குளிரூட்டப்பட்ட 4 பெட்டிகள், 2-ஆம் வகுப்பு படுக்கைவசதி கொண்ட 10 பெட்டிகள், 2 சரக்கு பெட்டிகள், உணவகத்துக்கு ஒரு பெட்டி இடம் பெற்றிருக்கும் என அதில் கூறப்பட்டுள்ளது. 

]]>
http://www.dinamani.com/all-editions/edition-bangalore/2018/jan/13/பெங்களூரு-ஜெய்ப்பூர்--இடையே-சிறப்பு-ரயில்-சேவை-2843973.html
2843972 அனைத்துப் பதிப்புகள் பெங்களூரு பொங்கல் பண்டிகை:  முதல்வர் சித்தராமையா வாழ்த்து DIN DIN Saturday, January 13, 2018 07:30 AM +0530 பொங்கல் பண்டிகையையொட்டி, கர்நாடக மக்களுக்கு முதல்வர் சித்தராமையா வாழ்த்துகளைத் தெரிவித்துள்ளார்.
இதுகுறித்து அவர் வெளியிட்ட வாழ்த்து செய்தி: 
கன்னடர், தமிழர், தெலுங்கர், மலையாளிகள் என அனைத்து மக்களும் ஒன்றுமையாக இணைந்து வாழும் மாநிலமாக கர்நாடகம் விளங்குகிறது. கர்நாடக மக்கள் சங்கராந்தி என்ற பெயரிலும், தமிழர்கள் பொங்கல் என்ற பெயரில் பண்டிகையைக் கொண்டாடுகின்றனர். 
குறிப்பாக கிராமங்களில் உள்ள விவசாயிகள், மகளிர் கொண்டாடும் பண்டிகையாக பொங்கல் திகழ்கிறது. பொங்கலன்று கிராமங்களில் உள்ள வீடுகளில் கரும்பு, வண்ண கோலங்கள் மூலம் அலங்கரிக்கப்பட்டு இப் பண்டிகையை வரவேற்பர்.
வீடுகளில் ஒருபக்கம் விவசாயிகள் விளைவித்த வேளாண் பொருகள், மறுபக்கம் அலங்கரிக்கப்பட்ட பசு, காளைகள் உள்ளிட்ட கால்நடைகள் என விவசாயிகள் பொங்கல் பண்டிகையை சிறப்பாக கொண்டாடுகின்றனர். உழைத்த கால்நடைகளைக் கொண்டாடும் வகையில் மாட்டுப்பொங்கல் கொண்டாடப்படுகிறது. குளிர்காலத்தில் வைக்கோல்களில் வைக்கப்பட்ட தீயை கால்நடைகள் தாண்டுவதன் மூலம் அவைகள் சுறுசுறுப்பு அடைக்கின்றன என்ற நம்பிக்கை விவசாயிகளிடையே உள்ளது. பெண் பிள்ளைகள் புத்தாடை அணிந்து எள்ளு,வெல்லத்தை உறவினர்களுக்கம், நண்பர்களுக்கு வழங்குவது மகிழ்ச்சியை அளிக்கிறது. 
ஜாதிகளைக் கடந்து பொங்கலை கொண்டாடும் மாநிலத்தில் வாழும் அனைத்து மக்கள், குறிப்பாக விவசாயிகள் இல்லங்களில் மகிழ்ச்சி பொங்கட்டும் என்பதே எனது ஆழ்மனதின் வாழ்த்துகளும், ஆசைகளும் என அதில் தெரிவித்துள்ளார்.    
 

]]>
http://www.dinamani.com/all-editions/edition-bangalore/2018/jan/13/பொங்கல்-பண்டிகை--முதல்வர்-சித்தராமையா-வாழ்த்து-2843972.html
2843971 அனைத்துப் பதிப்புகள் பெங்களூரு இஸ்ரோ விஞ்ஞானிகளுக்கு சித்தராமையா பாராட்டு DIN DIN Saturday, January 13, 2018 07:30 AM +0530 இந்திய விண்வெளி ஆய்வு மையம் தயாரித்த 100-ஆவது செயற்கைக்கோள் விண்ணில் வெற்றிகரமாக நிலைநிறுத்தப்பட்டதற்கு கர்நாடக முதல்வர் சித்தராமையா பாராட்டு தெரிவித்துள்ளார்.
இதுகுறித்து முதல்வர் சித்தராமையா வெளியிட்ட வாழ்த்துச் செய்தி:
இஸ்ரோவின் சாதனை மகுடத்தில் மற்றொரு சாதனையாக பிஎஸ்எல்வி-சி40 ராக்கெட்  மூலம் கண்காணிப்பு செயற்கைக்கோளான கார்ட்டோசாட்-2 மற்றும் கனடா, ஃபின்லாந்து, பிரான்ஸ்,  கொரியா,  இங்கிலாந்து,  அமெரிக்கா ஆகிய 6 நாடுகளின் சிறிய மற்றும் நுண்செயற்கைக்கோள்கள் சுற்றுவட்டப் பாதையில் வெற்றிகரமாக நிலைநிறுத்தப்படுள்ளது. 
இஸ்ரோ தனது பொன்விழாவைக் கொண்டாடுவதற்கு முன்னதாக 100-ஆவது செயற்கைக்கோளை விண்ணில் செலுத்தியுள்ளது.  இதன்மூலம் விண்வெளி தொழில்நுட்பத்தில் இஸ்ரோ உலக முன்னோடியாக உயர்ந்துள்ளது.  அறிவாற்றல்,  அர்ப்பணிப்புடன் கூடிய உழைப்பால் இந்த சாதனைகளை இஸ்ரோ விஞ்ஞானிகள் நிகழ்த்தியுள்ளனர்.
இந்தியாவுக்குப் பெருமை சேர்த்த இஸ்ரோ தலைவர் ஏ.எஸ்.கிரண்குமார்,  விஞ்ஞானிகள்,  தொழில்நுட்பர்களுக்கு பாராட்டுதலைத் தெரிவித்துக் கொள்கிறேன் என அதில் குறிப்பிட்டுள்ளார்.

]]>
http://www.dinamani.com/all-editions/edition-bangalore/2018/jan/13/இஸ்ரோ-விஞ்ஞானிகளுக்கு-சித்தராமையா-பாராட்டு-2843971.html
2843970 அனைத்துப் பதிப்புகள் பெங்களூரு பொங்கல்: பெங்களூரில் கைத்தறி மற்றும் கைவினைப் பொருள் கண்காட்சி DIN DIN Saturday, January 13, 2018 07:30 AM +0530 பொங்கல் பண்டிகையையொட்டி சிறப்பு கைத்தறி மற்றும் கைவினைப் பொருள்கள் கண்காட்சி வெள்ளிக்கிழமை தொடங்கியது.
பெங்களூரு சித்ரகலா பரிஷத்தில் இக் கண்காட்சியை நடிகை சுபா பூன்ஜா  தொடக்கிவைத்தார்.இதுகுறித்து கர்நாடக சித்ரகலா பரிஷத்தின் பொதுச் செயலாளரும்,  கண்காட்சியின் நிர்வாகியுமான எம்.ஜே.கமலாக்ஷி கூறியது:
தமிழர்கள் மட்டுமன்றி விவசாயிகள் அனைவரும் கொண்டாடும் பண்டிகையாக பொங்கல் திகழ்கிறது. கன்னடர்கள் இதனை சங்கராந்தி என்ற பெயரில் கொண்டாடுகின்றனர். பொங்கல் பண்டியையொட்டி கர்நாடக சித்தர கலாபரிஷத்தின் சார்பில் ஜன. 12-ஆம் தேதி முதல் 21-ஆம் தேதி வரை கண்காட்சி நடைபெற உள்ளது. 
இக் கண்காட்சியில் தேசிய அளவில் கைவினைக் கலைஞர்கள் தயாரித்துள்ள கைவினைப் பொருள் தயாரிப்புகள், கைத்தறி ஜவுளிகள் இடம் பெற்றுள்ளன. மத்திய பிரதேச மாநிலத்தின் பாரம்பரியத்தை பிரதிபலிக்கும் பனாரஸி சேலைகள், கதர் ஆடைகள், குஜராத்தை சேர்ந்த கண்ணாடிகள் பதிக்கப்பட்ட சேலைகள், அலங்காரப் பொருள்கள், ஜவுளிகள், மேற்குவங்க மாநிலத்தை சேர்ந்த பருத்தி, பட்டுச் சேலைகள், மர வேலைபாடுகள், சணல் செருப்புகள், ஆபரணங்கள், பொம்மைகள், தரைவிரிப்புகள், புல் கால்மிதியடிகள் உள்ளிட்ட ஏராளமான பொருள்கள் கண்காட்சியில் விற்பனைக்கு வைக்கப்பட்டுள்ளன.
கண்காட்சியில் கர்நாடகம், தமிழ்நாடு, ஆந்திர மாநிங்களின் பாரம்பரியத்தை போற்றும் வகையிலான பட்டு, பருத்தி ஆடைகள் இடம் பெற்றுள்ளன. கண்காட்சி தினமும் காலை 11 மணி முதல் மாலை 8 மணிவரை பொதுமக்கள் பார்வைக்காக திறந்திருக்கும் என்றார். 
பேட்டியின் போது, கர்நாடக சித்தரகலா பரிஷத்தின் துணை பொதுச் செயலாளர் அப்பாஜெய்யா உள்ளிட்டோர் உடனிருந்தனர்.

]]>
http://www.dinamani.com/all-editions/edition-bangalore/2018/jan/13/பொங்கல்-பெங்களூரில்-கைத்தறி-மற்றும்-கைவினைப்-பொருள்-கண்காட்சி-2843970.html
2843969 அனைத்துப் பதிப்புகள் பெங்களூரு விபத்து ஏற்படுத்தாத ஓட்டுநர்களுக்கு வெகுமதி DIN DIN Saturday, January 13, 2018 07:29 AM +0530 விபத்து ஏற்படுத்தாத ஓட்டுநர்களுக்கு மாநில போக்குவரத்துத் துறை அமைச்சர் எச்.எம்.ரேவண்ணா வெள்ளிப் பதக்கங்களை வழங்கி கெளரவித்தார்.
கர்நாடக மாநில சாலை போக்குவரத்துக் கழகம் சார்பில், பெங்களூரில் வெள்ளிக்கிழமை நடைபெற்ற நிகழ்ச்சியில் விபத்தில்லாமல் பேருந்துகளை இயக்கிய ஓட்டுநர்களுக்கு அமைச்சர் எச்.எம்.ரேவண்ணா பதக்கங்களை வழங்கி கெளரவித்தார். 
இதுதவிர, கர்நாடக மாநில சாலை போக்குவரத்துக் கழகத்துக்கு முதலுதவிப்பெட்டி வழங்குவதற்காக கோல்டன்ஹவர் அறக்கட்டளையுடன் புரிந்துணர்வு ஒப்பந்தம் கையெழுத்திட்டதோடு, 400 பேருந்துகளுக்கு முதலுதவிப்பெட்டிகளை வழங்கினார்.  விழாவில் கழகத்தின் துணைத் தலைவர் ரவி, இயக்குநர் கே.சீனிவாஸ், எஸ்.ஆர்.உமாசங்கர் உள்ளிட்டோர் கலந்து கொண்டனர். 
விழாவில் அமைச்சர் ரேவண்ணா பேசியது: விபத்தில்லாமல் பேருந்துகளை ஓட்டிச் செல்லும் ஓட்டுநர்கள், புகார் எதுவுமில்லாமல் வேலைசெய்யும் ஓட்டுநர் மற்றும் நடத்துநர்களைப் பாராட்டி கெளரவிப்பதற்காக வெள்ளிப்பதக்கம் வழங்கும் திட்டம் 1982-இல் தொடங்கப்பட்டது. 
ஐந்தாண்டுகள் விபத்தில்லாமல் பேருந்துகளை இயக்கும் ஓட்டுநர்களுக்கு வெள்ளிப்பதக்கம் வழங்கப்படுகிறது. இந்த பதக்கத்துடன் ரூ.2 ஆயிரம் ரொக்கம், ஆண்டு ஊக்கத்தொகை ரூ.50 அளிக்கப்படுகிறது. 2013 முதல் 2016-ஆம் ஆண்டு வரையிலான காலக்கட்டத்தில் 86 ஓட்டுநர்களுக்கு வெள்ளிப்பதக்கம் அளிக்கப்பட்டுள்ளது. 
விபத்து நேரும் போது பாதிக்கப்பட்டவர்களுக்கு உடனடியாக முதலுதவி அளித்து, மருத்துவமனைகளுக்கு கொண்டு செல்வதற்காக தனி பேருந்து வடிவமைக்கப்பட்டுள்ளது. இதில் நவீன மருத்துவக் கருவிகள் பொருத்தப்பட்டுள்ளன. 
விபத்து நிகழும் இடத்துக்கு உடனடியாக இப் பேருந்துகள் அனுப்பிவைக்கப்படும். இந்த பேருந்து ஹெப்பாள் பகுதியில் நிறுத்தப்பட்டிருக்கும். 10-க்கும் மேற்பட்டோர் பாதிக்கப்பட்டிருந்தால், 1062 என்ற கட்டணமில்லா தொலைபேசிக்கு அழைத்து தனிபேருந்து வசதியைப் பெற்றுக் கொள்ளலாம். 
அவசரகாலத்தில் பாதிக்கப்பட்டவர்களைக் கையாள்வது குறித்து பயிற்சி அளிப்பதற்காக கோல்டன்ஹவர் அறக்கட்டளையுடன் புரிந்துணர்வு ஒப்பந்தம் கையெழுத்திடப்பட்டுள்ளது. இந்தத் திட்டத்தில் பெங்களூரு, ஹாசன், சிக்மகளூரு, மலவள்ளி பகுதியில் 11,009 ஓட்டுநர்கள், 3,583 நடத்துநர்கள், 13,704 ஓட்டுநர் மற்றும் நடத்துநர்கள், 5,193 பழுது நீக்குவோர், 3,292 அலுவலக ஊழியர்கள் என 36,781 பேருக்கு பயிற்சி அளிக்கப்படுகிறது. 
பயிற்சியின் நிறைவில் சான்றிதழ் அளிக்கப்பட்டு, "உயிரைக் காப்பாற்றுவோன்' என்ற வாசகம் பொறித்த அடையாளச் சின்னம் வழங்கப்படும் என்றார்.

]]>
http://www.dinamani.com/all-editions/edition-bangalore/2018/jan/13/விபத்து-ஏற்படுத்தாத-ஓட்டுநர்களுக்கு-வெகுமதி-2843969.html
2843968 அனைத்துப் பதிப்புகள் பெங்களூரு மாநகராட்சி பட்ஜெட்: பொதுமக்களிடம் கருத்துக் கேட்பு DIN DIN Saturday, January 13, 2018 07:29 AM +0530 பெங்களூரு மாநகராட்சி பட்ஜெட்டில் மக்களின் அடிப்படை தேவைகளை சேர்ப்பதற்காக கருத்துக் கேட்பு முகாம் நடத்தப்படுகிறது.
பெங்களூரு மாநகராட்சியின் 2018-19-ஆம் ஆண்டுக்கான பட்ஜெட், மாநில பட்ஜெட்டுக்கு பிறகு, தாக்கல் செய்யப்படவிருக்கிறது. இந்த பட்ஜெட் குறித்து மக்களின் கருத்தறிவதற்காக "எனது மாநகரம் எனது பட்ஜெட்' என்ற மக்கள் கருத்துக் கேட்பு முகாமை மாநகராட்சி அலுவலகத்தில் வெள்ளிக்கிழமை துணை மேயர் பத்மாவதி தொடக்கிவைத்தார். 
இந்த நிகழ்ச்சியில் மாநகராட்சி எதிர்க்கட்சித் தலைவர் பத்மநாபரெட்டி, உயரதிகாரிகள் உள்ளிட்டோர் கலந்து கொண்டனர். 
இதுகுறித்து துணை மேயர் பத்மாவதி கூறியது: "நமது மாநகரம், நமது பட்ஜெட்' என்ற மக்கள் கருத்துக்கேட்பு முகாம் கடந்தாண்டு தொடங்கப்பட்டதாகும். கடந்தாண்டில் 40 ஆயிரம் பேர் 67,114 கருத்துகளை தெரிவித்திருந்தனர். இதில் பெங்களூரு மாநகராட்சி சம்பந்தப்பட்டது மட்டும் 57,197 கருத்துகளாகும். இவற்றில் 12,468 கருத்துகள் பட்ஜெட்டில் சேர்க்கப்பட்டன. இதில் 34 சதவீதம் தெருவிளக்குகள், 27 சதவீதம் சாலைகள், 21 சதவீதம் சாலையோர சாக்கடைகள் தொடர்பானவையாக இருந்தன. அவற்றை செயல்படுத்த 20 வார்டு சபை கூட்டங்கள் நடத்தப்பட்டுள்ளன. 
பொதுமக்கள் அளித்த கருத்துகளின் அடிப்படையில் ரூ.515 கோடி மதிப்பில் பிரச்னைகளுக்குத் தீர்வு காணப்பட்டுள்ளன. இது மொத்த பட்ஜெட் தொகையில் 8.5 சதவீதமாகும். இந்தத் திட்டத்துக்கு மக்களிடமிருந்த நல்ல வரவேற்பு கிடைத்துள்ளது. 
இதைத் தொடர்ந்து, 2018-19-ஆம் ஆண்டுக்கான பட்ஜெட் குறித்தும் மக்களிடம் கருத்துக் கேட்பு முகாம் தொடங்கப்பட்டுள்ளது. மாநகரின் பல்வேறு பகுதிகளில் வைக்கப்பட்டுள்ள சிறப்பு முகாம் மையங்கள் தவிர,  w‌w‌w.‌i​c‌h​a‌n‌g‌e‌m​a‌y​c‌i‌t‌y.​c‌o‌m  என்ற இணையதளம் வழியாகவும் பொதுமக்கள் கருத்துகளை தெரிவிக்கலாம் என்றார்.

]]>
http://www.dinamani.com/all-editions/edition-bangalore/2018/jan/13/மாநகராட்சி-பட்ஜெட்-பொதுமக்களிடம்-கருத்துக்-கேட்பு-2843968.html
2843967 அனைத்துப் பதிப்புகள் பெங்களூரு மகதாயி: கர்நாடகத்தில் ஜன.25-இல் முழு அடைப்பு DIN DIN Saturday, January 13, 2018 07:28 AM +0530 மகதாயி ஆற்றுநீர்ப் பங்கீட்டு விவகாரத்தில் பிரதமர் நரேந்திர மோடி தலையிட வலியுறுத்தி, கர்நாடகத்தில் ஜன.25-ஆம் தேதி முழுஅடைப்பு போராட்டம் நடத்த கன்னட அமைப்புகளின் கூட்டமைப்பு அழைப்பு விடுத்துள்ளது.
கர்நாடகம், கோவா மாநிலங்களுக்கு இடையே கடந்த 40 ஆண்டுகளாக நிலவும் மகதாயி ஆற்றுநீர்ப் பங்கீட்டு பிரச்னையைத் தீர்க்க பிரதமர் மோடி தலையிடவேண்டும் என்று கர்நாடக விவசாயிகள் கோரிக்கை விடுத்துள்ளனர்.
இதனிடையே, முதல்வர் சித்தராமையா தலைமையில் கர்நாடக அனைத்து கட்சி தலைவர்கள் குழுவும் பிரதமர் மோடியைச் சந்தித்து மகதாயி ஆற்றுநீர்ப் பிரச்னையைத் தீர்க்குமாறு கோரிக்கை விடுத்தனர். ஆனால், இந்த பிரச்னையில் பிரதமர் மோடி தலையிட மறுத்ததோடு, கர்நாடகம், கோவா, மகாராஷ்டிர மாநிலங்களின் அரசியல் கட்சிகள் சேர்ந்து பிரச்னையை தீர்த்துக் கொள்ளுமாறு அறிவுறுத்தினார். 
இது கர்நாடக விவசாயிகளிடையே கடும் அதிருப்திக்கு காரணமாக அமைந்தது. இந்நிலையில், பாஜக மாநிலத் தலைவர் எடியூரப்பா, மகதாயி ஆற்றுநீர்ப் பங்கீட்டு விவகாரம் குறித்து கோவா மாநிலமுதல்வர் மனோகர் பாரிக்கருக்கு கடிதம் எழுதினார். அதற்குப் பதிலளித்து மனோகர் பாரிக்கர் எழுதிய கடிதத்தில், "மகதாயி ஆற்றில் இருந்து குடிநீருக்காக தண்ணீரை பகிர்ந்து கொள்ள நடுவர் மன்றத்தில் எதிர்ப்பு தெரிவிக்கமாட்டோம்' என்று குறிப்பிட்டிருந்தார். இது விவசாயிகளுக்கு திருப்தி அளிக்காததால், விவசாயிகள் பாஜகவுக்கு எதிராக போராட்டம் நடத்தினர். இந்தவிவகாரத்தில் பாஜகவும், காங்கிரஸுக்கும் இடையே கருத்து மோதல்கள் அதிகரித்தன.
இந்த நிலையில், மகதாயி ஆற்றுநீர்ப் பங்கீட்டு பிரச்னையை பிரதமர் மோடி தலையிட்டு தீர்க்கக் கோரி ஜன.25-ஆம் தேதி கர்நாடகத்தில் முழு அடைப்பு போராட்டம் நடத்த கன்னட அமைப்புகளின் கூட்டமைப்பு, விவசாயிகள் சங்கத்தினர் கூட்டாக அறிவித்துள்ளனர். ஏற்கெனவே, ஜன.27-ஆம் தேதிக்கு நடத்துவதாக அறிவிக்கப்பட்டிருந்த நிலையில், தற்போது இப் போராட்டம் ஜன.25-ஆம் தேதிக்கு மாற்றப்பட்டுள்ளது. 
இதுகுறித்து கன்னட அமைப்புகளின் கூட்டமைப்புத் தலைவர் வாட்டாள் நாகராஜ் கூறியது: மகதாயி ஆற்றுநீர்ப் பங்கீட்டு பிரச்னை கடந்த 40 ஆண்டுகளாக நிலவிவந்தாலும், அதற்கான போராட்டங்கள் கடந்த 3 ஆண்டுகளாக தீவிரமடைந்துள்ளன. இந்த விவகாரத்தில் பாஜகவினர் தினந்தோறும் முரண்பட்ட கருத்துகளைக் கூறி வருகிறார்கள். எனவே, இந்த விவகாரத்தில் பிரதமர் மோடி தலையிட வேண்டும். பிரச்னைக்கு தீர்வு காண வேண்டும் என்ற கோரிக்கையை முன்வைத்து ஜன.25-ஆம் தேதி காலை 6 மணி முதல் மாலை 6 மணி வரை மாநிலம் தழுவிய முழு அடைப்பு போராட்டத்துக்கு அழைப்பு விடுத்துள்ளோம்.
இந்த போராட்டத்துக்கு டாக்டர் ராஜ்குமார் ரசிகர் மன்றம், கர்நாடக ரக்ஷனவேதிகே, கன்னட திரையுலகம் உள்ளிட்ட ஏராளமான அமைப்புகள் ஆதரவளித்துள்ளன. ஜன.25-ஆம் தேதி பெங்களூரில் டவுன்ஹாலில் இருந்து சுதந்திரப் பூங்கா வரை ஊர்வலம் நடக்கவிருக்கிறது. திரையரங்குகள் மூடியிருக்கும். அரசு, தனியார் பேருந்துகள் இயக்கப்படாது. ஆட்டோ, வேன்கள், லாரிகள் உள்ளிட்ட அனைத்தும் இயக்கப்படாது. பாலகம், மருந்தகம், ஆம்புலன்ஸ் போன்ற அத்தியாவசிய சேவைகளுக்கு மட்டும் விதிவிலக்களிக்கப்பட்டுள்ளது. 
ஜன.28-ஆம் தேதி பிரதமர் மோடி பெங்களூருக்கு வருகிறார். அப்போது, அவருக்கு கருப்புக்கொடி காட்டி போராட்டம் நடத்தப்படும். இப் போராட்டத்துக்கு மக்கள் ஆதரவளிக்க வேண்டும் என்றார்.
 

]]>
http://www.dinamani.com/all-editions/edition-bangalore/2018/jan/13/மகதாயி-கர்நாடகத்தில்-ஜன25-இல்-முழு-அடைப்பு-2843967.html
2843966 அனைத்துப் பதிப்புகள் பெங்களூரு லஞ்சம்: கிராம நிர்வாக அலுவலர் கைது DIN DIN Saturday, January 13, 2018 07:27 AM +0530 குடிநீர் இணைப்பு வழங்க லஞ்சம் பெற்றதாக கிராம நிர்வாக அலுவலரை லஞ்ச ஒழிப்பு போலீஸார் கைது செய்தனர்.
தென்கன்னட மாவட்டம், பண்டுவால் வட்டம், மனிநால்கூரு கிராமத்தைச் சேர்ந்தவர் தனது வீட்டிற்கு குடிநீர் இணைப்பு வழங்க, கிராம நிர்வாக அலுவலரை அணுகினார். குடிநீர் இணைப்புக்கு அனுமதி அளிக்க ரூ.ஆயிரம் லஞ்சமாக தருமாறு கிராம நிர்வாக அலுவலர் நஞ்சுண்டையா கேட்டாராம்.
இதுகுறித்து லஞ்ச ஒழிப்பு போலீஸாரிடம் பயனாளி புகார் தெரிவித்தார். போலீஸாரின் அறிவுரையின் பேரில், வியாழக்கிழமை கிராம நிர்வாக அலுவலரிடம் ரூ. ஆயிரம் லஞ்சமாக தரும் போது, மறைந்திருந்த போலீஸார் அவரைக் கைது செய்தனர்.

]]>
http://www.dinamani.com/all-editions/edition-bangalore/2018/jan/13/லஞ்சம்-கிராம-நிர்வாக-அலுவலர்-கைது-2843966.html
2843450 அனைத்துப் பதிப்புகள் பெங்களூரு ஜனவரி 12 மின் நிறுத்தம் DIN DIN Friday, January 12, 2018 08:43 AM +0530 பெங்களூரு மாநகரில் ஒருசில பகுதிகளில் பராமரிப்புப் பணிகள் நடைபெறுவதால்  வெள்ளிக்கிழமை (ஜன.12)  காலை 10 மணி முதல் மாலை 6 மணி வரை மின் விநியோகம் நிறுத்தம் செய்யப்படுவதாக பெங்களூரு மின் வினியோகக் கழகம் (பெஸ்காம்) அறிவித்துள்ளது.
மின் விநியோகம் நிறுத்தப்படும் பகுதிகள்:  எச்.பி.ஆர். லேஅவுட் 3-வது பிளாக், ராம்தேவ் லேஅவுட், மங்களா லேஅவுட், கரியண்ணாபாளையா, காசகரனஹள்ளி, அரவிந்த்நகர், பாரதியார்சாலை, கம்மனஹள்ளி பிரதானசாலை, ஹென்னூர் பிரதானசாலை, கே.ஜி.ஹள்ளி, தனிச்சந்திரா, நாராயணபுரா, ஐஸ்வர்யா லேஅவுட், கொத்தனூர், காவிரிலேஅவுட், குவெம்பு லேஅவுட், நாகவரா, அமர்ஜோதி லேஅவுட், ஹொய்சலாநகர், கோவிந்தபுரா, சுப்பையனபாளையா, பானசவாடி, நேதாஜிநகர், வித்யாநகர், ஆதர்ஷாநகர், பெரியார்நகர், தேவரஹள்ளி, காவல்பைரசந்திரா மற்றும் அதைச் சுற்றியுள்ள பகுதிகள்.
 

]]>
http://www.dinamani.com/all-editions/edition-bangalore/2018/jan/12/ஜனவரி-12-மின்-நிறுத்தம்-2843450.html
2843447 அனைத்துப் பதிப்புகள் பெங்களூரு கோளரங்கத்தில் நாளை அறிவியல் உரைவீச்சு DIN DIN Friday, January 12, 2018 08:42 AM +0530 பெங்களூரில் உள்ள ஜவாஹர்லால் நேரு கோளரங்கத்தில் ஜன.13-ஆம் தேதி அறிவியல் உரை வீச்சு வழங்கப்படுகிறது.
இதுகுறித்து ஜவாஹர்லால் நேரு கோளரங்கம் வெளியிட்ட செய்திக் குறிப்பு:
ஜவாஹர்லால் நேரு கோளரங்கம் சார்பில் பெங்களூரு ஹைகிரவுண்ட்ஸ் செளடையா சாலையில் உள்ள கோளரங்க வளாகத்தில் ஜன.13-ஆம் தேதி மாலை 5.30 மணிக்கு வானியல் விஞ்ஞானி டாக்டர் பேட்ரிக் மைக்கேல் 'சூரிய குடும்பத்தின் வரலாறு மற்றும் அதன் பாதுகாப்பு' என்ற தலைப்பிலான அறிவியல் உரைவீச்சு வழங்குகிறார். இதில் கலந்து கொள்ள ஆர்வமுள்ளோர் அனைவரையும் வரவேற்கிறோம். கூடுதல்விவரங்களுக்கு  w‌w‌w.‌t​a‌r​a‌l​a‌y​a.‌o‌r‌g என்ற இணையதளம் அல்லது 080-22379725 என்ற தொலைபேசி எண்ணில் தொடர்பு கொள்ளலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/jan/12/கோளரங்கத்தில்-நாளை-அறிவியல்-உரைவீச்சு-2843447.html
2843426 அனைத்துப் பதிப்புகள் பெங்களூரு போதைப்பொருள் விற்றவர் கைது DIN DIN Friday, January 12, 2018 08:42 AM +0530 பெங்களூரில் போதைப்பொருள் விற்றதாக நைஜீரியா நாட்டைச் சேர்ந்தவரை போலீஸார் கைது செய்தனர்.
நைஜீரியா நாட்டைச் சேர்ந்தவர் நோபல்(33). இவர் பெங்களூருஹொரமாவு அகரா எம்.வி.ஆர்.எல் லேஅவுட்டில் வசித்து வந்தாராம். புதன்கிழமை ஹென்னூர் காவல் சரகத்திற்குட்பட்ட ஹொரமாவு அகரா ஹோனிசாலையில் போதைப்பொருள்கள் விற்பதாக கிடைத்த தகவலின் பேரில், அங்குச் சென்ற போலீஸார் நோபலைக் கைது செய்து, ரூ. 3 லட்சம் மதிப்புள்ள போதைப்பொருள், 3 செல்லிப்பேசிகள், 2 மடிக்கணினி, மோட்டார் சைக்கிளை பறிமுதல் செய்தனர். இதுகுறித்து ஹென்னூர் போலீஸார் விசாரிக்கின்றனர்.

]]>
http://www.dinamani.com/all-editions/edition-bangalore/2018/jan/12/போதைப்பொருள்-விற்றவர்-கைது-2843426.html
2843444 அனைத்துப் பதிப்புகள் பெங்களூரு சங்கிராந்தி பண்டிகை: பெங்களூரிலிருந்து கூடுதலாக 300 பேருந்துகள் இயக்கம் DIN DIN Friday, January 12, 2018 08:41 AM +0530 சங்கிராந்தி பண்டிகையை முன்னிட்டு, பெங்களூரிலிருந்து கர்நாடகத்தின் பல்வேறு பகுதிகளுக்கு கூடுதலாக 300 பேருந்துகள் இயக்கப்படுகின்றன.
இதுகுறித்து கர்நாடக மாநில சாலை போக்குவரத்துக் கழகம் வெளியிட்ட செய்திக் குறிப்பு:
தீபாவளி பண்டிகையை முன்னிட்டு, பெங்களூரிலிருந்து மாநிலத்தின் பல்வேறு நகரங்களுக்கு ஜன.12 முதல் அக்.13-ஆம் தேதி வரையிலும், ஜன.15-ஆம் தேதியும் கூடுதல் பேருந்துகளை இயக்க கர்நாடக மாநில சாலை போக்குவரத்துக் கழகம் திட்டமிட்டுள்ளது. இந்த சிறப்பு பேருந்துகள் பெங்களூரில் உள்ள கெம்பேகெளடா பேருந்து நிலையம், மைசூருசாலை பேருந்து நிலையம், சாந்திநகர் பேருந்துநிலையம் உள்ளிட்ட பல்வேறு பேருந்து நிலையங்களில் இருந்து இயக்கப்படுகின்றன. இதுதவிர, மாநிலத்தின் வெவ்வேறு பகுதிகளில் இருந்து ஜன.12 முதல் கூடுதல் பேருந்துகள் இயக்கப்படவிருக்கின்றன. 
வெளிமாவட்டங்கள்
கெம்பே கெளடா பேருந்து நிலையத்தில் இருந்து தர்மஸ்தலா, குக்கேசுப்ரமணியா, சிவமொக்கா, ஹாசன், மங்களூரு, குந்தாபுரா, சிருங்கேரி, ஹொரநாடு, தாவணகெரே, ஹுப்பள்ளி, தார்வாட், பெலகாவி,விஜயபுரா, கோகர்ணா, சிர்சி, கார்வாட், ராய்ச்சூரு, கலபுர்கி,பெல்லாரி, கொப்பள், யாதகிரி, பீதர், திருப்பதி உள்ளிட்ட இடங்களுக்கு பேருந்துகள் இயக்கப்படவிருக்கின்றன.
மைசூரு சாலை துணை பேருந்து நிலையத்தில் இருந்து மைசூரு, ஹுன்சூர், பிரியாப்பட்டணா, விராஜ்பேட், குஷால்நகர்,மடிக்கெரி நகரங்களுக்கு சிறப்பு பேருந்துகள் இயக்கப்படுகின்றன.
வெளியூர் பேருந்துகள்
மதுரை, கும்பகோணம், திருச்சி, சென்னை, கோயமுத்தூர், திருப்பதி, விஜயவாடா, ஹைதராபாத் உள்பட தமிழகம் மற்றும் ஆந்திர மாநிலங்களின் பல்வேறு நகரங்களுக்கு சிறப்பு சொகுசுப் பேருந்துகள் சாந்திநகர் பேருந்து நிலையத்தில் இருந்து இயக்கப்படுகிறது.
சிறப்பு ஏற்பாடுகள்
விஜயநகர், ஜே.பி.நகர், ஜெயநகர் 4-ஆவது பிளாக், 9-ஆவதுபிளாக், ஜாலஹள்ளி குறுக்குத்தெரு, நவரங்(ராஜாஜிநகர்),மல்லேஸ்வரம் 18-ஆவது குறுக்குத்தெரு, கெங்கேரி சாட்டிலைட் பேருந்து நிலையங்களில் இருந்தும் சிவமொக்கா, தாவணகெரே, திருப்பதி, மங்களூரு, குந்தாபுரா, சிருங்கேரி, ஹொரநாடு, குக்கேசுப்ரமணியா, தர்மஸ்தலா உள்ளிட்ட இடங்களுக்கு சிறப்புபேருந்துகள் இயக்கப்படுகின்றன. முன்பதிவுசெய்யாத பயணிகளுக்கும் கெம்பே கெளடா பேருந்துநிலையத்தில் இருந்து பேருந்துகள் இயக்க ஏற்பாடுகள் செய்யப்பட்டுள்ளன.
முன்பதிவு வசதி
சிறப்பு பேருந்துகளில் பயணிக்க முன்பதிவு செய்து கொள்ளும் வசதி அறிமுகம் செய்யப்பட்டுள்ளது. w‌w‌w.‌k‌s‌r‌t​c.‌i‌n என்ற இணையதளம் வழியே முன்பதிவு செய்து கொள்ளலாம். பெங்களூரில் உள்ள 115, மைசூரில் உள்ள 17, மங்களூரில் உள்ள 75 உள்ளிட்ட 286 முன்பதிவு மையங்களில் சிறப்பு மற்றும் வழக்கமான பேருந்துகளுக்கு முன்பதிவு செய்துகொள்ளலாம். 
ஒரே பயணச்சீட்டில் 4 பேருக்கு மேற்பட்டோருக்கு முன்பதிவு செய்தால் 5 சதவீத தள்ளுபடியும், மறுபயணம் மேற்கொண்டால் 10 சதவீத தள்ளுபடியும் வழங்கப்படுகிறது. 
பெங்களூரு தவிர, மாநிலத்தின் இதர நகரங்களில் இருந்தும் வெவ்வேறு நகரங்களுக்கு சிறப்பு பேருந்துகள் இயக்கப்படுகின்றன. இந்த வசதியை பயணிகள் பயன்படுத்திக் கொள்ளுமாறு கேட்டுக்கொள்கிறோம் என்று அதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/jan/12/சங்கிராந்தி-பண்டிகை-பெங்களூரிலிருந்து-கூடுதலாக-300-பேருந்துகள்-இயக்கம்-2843444.html
2843441 அனைத்துப் பதிப்புகள் பெங்களூரு கர்நாடக காங்கிரஸ் தலைவர்களின்  தொலைபேசி அழைப்புகள் ஒட்டுக்கேட்பு? அமைச்சர் புகார் DIN DIN Friday, January 12, 2018 08:40 AM +0530 மத்திய அரசு உத்தரவின் பேரில்,  கர்நாடக அமைச்சர்கள், காங்கிரஸ் தலைவர்களின் தொலைபேசி அழைப்புகள் ஒட்டுக் கேட்கப்படுவதாக அந்த மாநில உள்துறை அமைச்சர் ராமலிங்க ரெட்டி குற்றஞ்சாட்டினார்.
முன்னாள் பிரதமர் லால்பகதூர் சாஸ்திரியின் 52-ஆவது நினைவு தினத்தையொட்டி,  பெங்களூரு விதான செளதாவில் வியாழக்கிழமை அவரது உருவப்படத்துக்கு மரியாதை செலுத்திய பின்னர் செய்தியாளர்களிடம்  ராமலிங்க ரெட்டி கூறியது:  
கர்நாடகத்தில் அமைச்சர்கள்,  காங்கிரஸ் கட்சியின் முக்கிய தலைவர்களின் தொலைபேசி அழைப்புகள் ஒட்டுக் கேட்கப்படுகின்றன.  இதை ஏற்கெனவே தெரிவித்திருந்தேன். மத்திய அரசு உத்தரவின் பேரில்,  தொலைபேசி அழைப்புகள் ஒட்டுக் கேட்கப்படுகின்றன. 
     மாநிலத்தில் சட்டப்பேரவைத் தேர்தல் நெருங்கி வரும் நிலையில்,  தொலைபேசி அழைப்புகள் ஒட்டுக் கேட்கப்படுவது அதிகரித்துள்ளது.   சட்டப்படி தொலைபேசியை ஒட்டுக்கேட்பது தவறு.  இதனால் பாதிக்கப்பட்டவர்கள் விரைவில் நீதிமன்றத்துக்குச் செல்வார்கள் என நம்புகிறேன். 
கர்நாடகத்தில் கலாசார காவலர்கள் என்ற பெயரில் பாஜக இளைஞர் அணியினர் பலர் பொதுமக்களை மிரட்டி வருவதாக புகார் எழுந்துள்ளது.  பாஜக ஆட்சியில் இதுபோன்ற சம்பவங்கள் அதிக அளவில் நடைபெற்றன. 
 காங்கிரஸ் ஆட்சியில் அது முழுவதுமாக கட்டுப்படுத்தப்பட்டுள்ளது.  என்றாலும்,  ஒருசில இடங்களில் இது போன்ற செயல்களில் பாஜக உள்ளிட்ட ஹிந்து அமைப்புகள் ஈடுபடுகின்றன.  இதனை ஒரு போதும் ஏற்க முடியாது.  சிக்மகளூரில் ஹிந்து அமைப்புகளின் மிரட்டலுக்குப் பணிந்து தன்யஸ்ரீ என்ற மாணவி தற்கொலை செய்து கொண்டுள்ளார்.  இதுதொடர்பாக 4 பேர் கைது செய்யப்பட்டுள்ளனர் என்றார்.
 

]]>
http://www.dinamani.com/all-editions/edition-bangalore/2018/jan/12/கர்நாடக-காங்கிரஸ்-தலைவர்களின்--தொலைபேசி-அழைப்புகள்-ஒட்டுக்கேட்பு-அமைச்சர்-புகார்-2843441.html
2843440 அனைத்துப் பதிப்புகள் பெங்களூரு ஆராய்ச்சியாளர் பணிக்கு விண்ணப்பிக்கலாம் DIN DIN Friday, January 12, 2018 08:39 AM +0530 பெங்களூரு பல்கலைக்கழகத்தில் ஆராய்ச்சிப் பணியில் ஈடுபட வாய்ப்பளிக்கப்படுகிறது.
இதுகுறித்து பெங்களூரு பல்கலைக்கழகத்தின் கனரா வங்கி மேலாண்மைப் படிப்புப் பள்ளி வெளியிட்ட செய்திக் குறிப்பு: 
பெங்களூரு பல்கலைக்கழகத்தின் கனரா வங்கி மேலாண்மை படிப்புப் பள்ளி மேற்கொள்ளவிருக்கும் "இந்தியாவில் உயர்கல்வி பட்டதாரிகளின் வேலைத்திறன்' என்ற தலைப்பிலான ஆராய்ச்சிப் பணியில் சேர்ந்து பணியாற்ற துணை ஆராய்ச்சியாளர், உதவியாளர், தரவு உள்ளீட்டு இயக்குபவர் பணிகளுக்கு விண்ணப்பங்கள் வரவேற்கப்படுகின்றன.
எம்.பி.ஏ. பட்டம் படித்தவர்கள் இப்பணிக்கு விண்ணப்பிக்கலாம். ஆராய்ச்சிப் பணியில் ஈடுபட்ட  2 ஆண்டுகள் அனுபவம் உள்ளவர்களுக்கு முன்னுரிமை அளிக்கப்படும். ஆறு மாதங்களுக்கு ஆராய்ச்சிப்பணியில் ஈடுபடவேண்டும். 
இப்பணிக்குத் தேர்ந்தெடுக்கப்பட்டால் மாத உதவித்தொகை அளிக்கப்படும். இதில் ஆர்வமுள்ளவர்கள் ஜன.21-ஆம் தேதிக்குள் விண்ணப்பங்களை பல்கலைக்கழகத்தின் கனரா வங்கி மேலாண்மை படிப்புப் பள்ளிக்கு அனுப்பிவைக்கலாம். மேலும் விவரங்களுக்கு 9449234437, 080-22961971, 22961972  ஆகிய தொலைபேசி எண்களில் தொடர்பு கொள்ளலாம்.
துணை ஆராய்ச்சியாளர் பணிக்குபெங்களூரு பல்கலைக்கழகத்தின் கனரா வங்கி மேலாண்மைப் படிப்புப் பள்ளி மேற்கொள்ளவிருக்கும் "கழிவு மேலாண்மையில் இருந்து வேலைவாய்ப்புகளை உருவாக்குவதற்கான நிலையான வணிக வாய்ப்புகள்' என்ற தலைப்பிலான ஆராய்ச்சிப் பணியில் சேர்ந்து பணியாற்ற துணை ஆராய்ச்சியாளர் பணிகளுக்கு விண்ணப்பங்கள் வரவேற்கப்படுகின்றன.
எம்பிஏ பட்டம் படித்தவர்கள் இப்பணிக்கு விண்ணப்பிக்கலாம். ஆராய்ச்சிப்பணியில் ஈடுபட்ட 2 ஆண்டுகள் அனுபவம் உள்ளவர்களுக்கு முன்னுரிமை அளிக்கப்படும். மூன்றுமாதங்களுக்கு ஆராய்ச்சிப்பணியில் ஈடுபடவேண்டும். இப்பணிக்கு தேர்ந்தெடுக்கப்பட்டால் மாத உதவித்தொகை அளிக்கப்படும். இதில் ஆர்வமுள்ளவர்களள் விண்ணப்பங்களை ஜன.16-ஆம் தேதிக்குள் பல்கலைக்கழகத்தின் கனராவங்கி மேலாண்மை படிப்புப் பள்ளிக்கு அனுப்பிவைக்கலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/jan/12/ஆராய்ச்சியாளர்-பணிக்கு-விண்ணப்பிக்கலாம்-2843440.html
2843439 அனைத்துப் பதிப்புகள் பெங்களூரு மாநில அரசு மத்திய அரசின்  அடிமையில்லை: மஜத DIN DIN Friday, January 12, 2018 08:39 AM +0530 மத்திய அரசுக்கு, மாநில அரசு அடிமையல்ல என்று முன்னாள் அமைச்சரும், மஜத மூத்த தலைவருமான பிஜிஆர் சிந்தியா தெரிவித்தார்.
இதுகுறித்து வியாழக்கிழமை செய்தியாளர்களிடம் அவர் கூறியது:
மத்திய அரசு வழங்கிய ரூ. 3 லட்சம் கோடிக்கு, மாநில அரசு கணக்கு வழங்க வேண்டும் என்று பாஜக தேசியத் தலைவர் அமித்ஷா கேட்டுக் கொண்டுள்ளார். அவர் கணக்கு கேட்பது முறையல்ல. அப்படி என்றால் மாநிலத்திலிருந்து பல்வேறு துறைகளிலிருந்து வசூலிக்கப்படும் வரி மத்திய அரசுக்கு அனுப்பப்படுகிறது.
அதற்கான கணக்கை மத்திய அரசு முதலில் வழங்கட்டும். பின்னர், மாநிலங்களிடம் நிதிக்கான கணக்கை கேட்கட்டும். ஆர்.எஸ்.எஸ். அமைப்பை தடை செய்ய வேண்டும் என்று மாநில காங்கிரஸ் செயல் தலைவர் தினேஷ் குண்டுராவ் கூறியுள்ளார். 
மாநிலத்தில் காங்கிரஸ் அரசு ஆட்சி செய்து வருகிறது. அவர்கள் ஆர்.எஸ்.எஸ் அமைப்பை தடை செய்ய வேண்டும் என்றால் அதற்கான தீர்மானத்தை நிறைவேற்றி, மத்திய அரசுக்கு சிபாரிசு செய்யட்டும். 
அதை செய்யாமல் தடை செய்ய வேண்டும் என்று தொடர்ந்து கூறுவதில் அர்த்தமில்லை. மாநிலத்தில் காங்கிரஸ், பாஜக உள்ளிட்ட 2 தேசியக் கட்சிகள் மீதும் இருதரப்பினரும் குற்றம்சாட்டி வருகின்றனர். இதனால், அக்கட்சிகள் மீது மக்கள் அதிருப்தி அடைந்துள்ளனர். இதனால் வரும் சட்டப்பேரவைத் தேர்தலில் மாநில கட்சியான மஜதவை ஆதரிக்க முடிவு செய்துள்ளனர் என்றார்.  

]]>
http://www.dinamani.com/all-editions/edition-bangalore/2018/jan/12/மாநில-அரசு-மத்திய-அரசின்--அடிமையில்லை-மஜத-2843439.html
2843436 அனைத்துப் பதிப்புகள் பெங்களூரு மதக் கலவரத்தைத் தூண்டிவிட பாஜக முயற்சி: காங்கிரஸ் DIN DIN Friday, January 12, 2018 08:39 AM +0530 சட்டப்பேரவைத் தேர்தலுக்காக மதக் கலவரத்தை தூண்டி முயற்சியில் பாஜக ஈடுபட்டுள்ளதாக  கர்நாடக காங்கிரஸ் கட்சியின் மேலிடப் பொறுப்பாளர் கே.சி.வேணுகோபால் குற்றஞ்சாட்டினார்.
விஜயபுராவில் வியாழக்கிழமை செய்தியாளர்களிடம் அவர் கூறியது: 
ஆர்.எஸ்.எஸ் மதவாதத்தை தூண்டும் அமைப்பு என்பதில் இருவேறு கருத்தில்லை. அந்த அமைப்பை தடை செய்வது குறித்தோ, பிபுள் பிரண்ட் ஆப் இந்தியா அமைப்பை தடை செய்வது குறித்தோ மாநில அரசே முடிவு எடுக்க வேண்டும். இதில் கட்சி மேலிடம் தலையிடாது.
கர்நாடக காங்கிரஸில் யாருக்கும் எவ்வித கருத்து வேறுபாடுகளும் இல்லை. சட்டப்பேரவைத் தேர்தலுக்கான வேட்பாளர்களைத் தேர்வு செய்வதில் கட்சி மேலிடம் இறுதி முடிவை எடுக்கும். மாநிலத்தில் காங்கிரஸ் கட்சி மீண்டும் ஆட்சியைக் கைப்பற்றும் என நம்பிக்கை உள்ளது. 
கடலோர மாவட்டங்களில் நடைபெறும் கொலைகளின் பின்னணியில் பாஜக, ஆர்.எஸ்.எஸ். உள்ளிட்ட அமைப்புகள் உள்ளன. மதக் கலவரங்களைத் தூண்டி, மாநிலத்தில் ஆட்சியைப் பிடிக்க பாஜக முயற்சி மேற்கொண்டுள்ளது என்றார். 

]]>
http://www.dinamani.com/all-editions/edition-bangalore/2018/jan/12/மதக்-கலவரத்தைத்-தூண்டிவிட-பாஜக-முயற்சி-காங்கிரஸ்-2843436.html
2843435 அனைத்துப் பதிப்புகள் பெங்களூரு மத்திய அரசின் நிதி ஒதுக்கீடு: அமித்ஷாவுக்கு முதல்வர் சித்தராமையா கண்டனம் DIN DIN Friday, January 12, 2018 08:38 AM +0530 மத்திய அரசு ஒதுக்கும் நிதி குறித்து கேள்விக் கேட்கும் உரிமை பாஜக தேசியத் தலைவர் அமித் ஷாவுக்கு இல்லை என்று முதல்வர் சித்தராமையா தெரிவித்தார்.
இதுகுறித்து மைசூரு மாவட்டம்,  எச்.டி.கோட்டேவில் வியாழக்கிழமை செய்தியாளர்களிடம் அவர் கூறியது: 
 மத்திய அரசிடம் இருந்து மாநில அரசுக்கு வரும் நிதி குறித்து கணக்கு கேட்க பாஜக தேசியத் தலைவர் அமித் ஷாவுக்கு எவ்வித உரிமையும் இல்லை.  மாநில சட்டப்பேரவை மற்றும் மாநில மக்களுக்கு நான் பதிலளிக்க கடமைப்பட்டுள்ளேனே தவிர, அமித் ஷாவுக்கு அல்ல. 
பல்வேறு வகையான வரியில் இருந்து மாநில அரசுக்கு வழங்க வேண்டிய பங்குத்தொகையைத்தான் மத்திய அரசு வழங்குகிறது.  கடந்த 4 ஆண்டுகளில் கர்நாடக அரசுக்கு வழங்க வேண்டிய ரூ.11 ஆயிரம் கோடி நிதியை மத்திய அரசு இதுவரை வழங்கவில்லை.
மாநில அரசுக்கு வழங்க வேண்டிய பங்குத்தொகையை நிலுவையாக வைத்துக் கொண்டு லட்சக்கணக்கான ரூபாயை வரியாக மத்திய அரசு வசூலித்துள்ளது.  யாருடைய பணத்தை மத்திய அரசு வழங்குகிறது என்பதை அமித் ஷா தெளிவுப்படுத்த வேண்டும். 
பேரிடர் நிதியில் இருந்து மாநில அரசுக்கு வழங்க வேண்டிய நிதியை மத்திய அரசு ஒதுக்கவில்லை.  இந்த விவகாரத்தில் மத்திய அரசு மாற்றாந்தாய் மனப்பான்மையுடன் நடந்து கொள்கிறது.  மாநிலத்தில் நிலவும் மத நல்லிணக்கத்தைச் சீர்குலைக்க முயற்சிக்கும் அமைப்புகள் மீது கடும் நடவடிக்கை எடுப்போம்.  எஸ்டிபிஐ உள்ளிட்ட எந்த அமைப்பையும் தடை விதிப்பதாக நான் எங்கும் கூறவில்லை. 
பாஜகவினரை பயங்கரவாதிகள் என்று கூறவில்லை. மாறாக,  பாஜகவினர் ஹிந்துத்துவாவில் தீவிரமானவர்கள் என்றுதான் கூறினேன்.  நானும், காங்கிரஸ் கட்சியில் உள்ளோரும் ஹிந்துகள்தான்.  ஆனால், நாங்கள் மனிதநேய ஹிந்துகள் என்றார்.
 

]]>
http://www.dinamani.com/all-editions/edition-bangalore/2018/jan/12/மத்திய-அரசின்-நிதி-ஒதுக்கீடு-அமித்ஷாவுக்கு-முதல்வர்-சித்தராமையா-கண்டனம்-2843435.html
2843433 அனைத்துப் பதிப்புகள் பெங்களூரு சம்பல்பூரு சிறப்பு ரயில் மேலும் 9 நடைகளுக்கு நீட்டிப்பு DIN DIN Friday, January 12, 2018 08:38 AM +0530 பெங்களூரிலிருந்து சம்பல்பூருக்கு இயக்கப்படும் சிறப்பு ரயில் சேவை மேலும் 9 நடைகளுக்கு நீட்டிக்கப்பட்டுள்ளது. 
இதுகுறித்து தென்மேற்கு ரயில்வே வெளியிட்ட செய்திக் குறிப்பு: விழாக்கால கூட்டநெரிசலைக் குறைப்பதற்காக கிழக்கு கடலோர ரயில்வே சார்பில் பெங்களூரில் (பானஸ்வாடி) இருந்து சம்பல்பூருக்கு சிறப்புக் கட்டணத்துடன் இயக்கப்பட்டு வந்த சிறப்பு வாராந்திர ரயில் சேவையை மேலும் தலா 9 நடைகளுக்கு நீட்டிக்கப்பட்டுள்ளது. 
ரயில் எண்-08301-சம்பல்பூர்-பெங்களூரு(பானஸ்வாடி)சிறப்பு வாராந்திர விரைவுரயில் ஜன.3-ஆம்தேதிமுதல் புதன்கிழமைகளில் காலை 9.30 மணிக்கு சம்பல்பூர் ரயில்நிலையத்தில் இருந்து புறப்பட்டு, வியாழக்கிழமைகளில் மாலை 4.40 மணிக்கு பெங்களூரு(பானஸ்வாடி) ரயில் நிலையத்தை வந்தடைகிறது. இதன் கடைசிசேவை பிப்.28-ஆம் தேதி சம்பல்பூரில் இருந்து புறப்படுகிறது.
மறு மார்க்கத்தில், ரயில் எண் 08302-பெங்களூரு(பானஸ்வாடி)-சம்பல்பூர் சிறப்பு வாராந்திர விரைவு ரயில் ஜன.5-ஆம் தேதிமுதல் வெள்ளிக்கிழமைகளில் நள்ளிரவு 12.30 மணிக்கு புறப்பட்டு, சனிக்கிழமைகளில் காலை 6.35 மணிக்கு சம்பல்பூர் ரயில் நிலையத்தைச் சென்றடைகிறது. இதன்கடைசி சேவை மார்ச் 2-ஆம் தேதி பெங்களூரிலிருந்து (பானஸ்வாடி) புறப்படுகிறது.
இந்த ரயில் இருமார்க்கத்திலும் கிருஷ்ணராஜபுரம், ஜோலார்பேட்டை, காட்பாடி, சித்தூர், பகாலா, திருப்பதி, ரேனிகுன்டா, குடூர், நெல்லூர், ஓங்கால், விஜயவாடா, ஏலூரு, ராஜமுந்திரி, சாமல்கோட்,விசாகப்பட்டினம், விஜியநகரம், பொப்பிலி, பார்வதிபுரம், ராயகடா, முனிகுடா, கேசிங்கா,திட்லாகர்க், போலங்கீர், பர்கர்க்ரோடு ஆகிய ரயில்நிலையங்களில் நின்று செல்லும். 
ரயிலில் ஈரடுக்கு குளிரூட்டப்பட்ட ஒரு பெட்டி, மூன்றடுக்கு குளிரூட்டப்பட்ட 3 பெட்டிகள், 2-ஆம் வகுப்பு படுக்கைவசதி கொண்ட 10 பெட்டிகள், 2-ஆம் வகுப்பு பொதுவகுப்பு 2 பெட்டிகள், 2-ஆம் வகுப்பு இருக்கை வசதி கொண்ட 2 பெட்டிகள் இடம் பெற்றிருக்கும் என்று அதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/jan/12/சம்பல்பூரு-சிறப்பு-ரயில்-மேலும்-9-நடைகளுக்கு-நீட்டிப்பு-2843433.html
2843432 அனைத்துப் பதிப்புகள் பெங்களூரு புனித வளனார் கல்லூரியில் நாளை தமிழர் கலை விழா DIN DIN Friday, January 12, 2018 08:38 AM +0530 புனித வளனார் கல்லூரியில் ஜன.13-ஆம் தேதி தமிழர் கலை விழா நடைபெறுகிறது.
இதுகுறித்து பெங்களூரைச் சேர்ந்த புனித வளனார் கல்லூரி வெளியிட்ட செய்திக் குறிப்பு: 
பெங்களூரு சாந்திநகர் லால்பாக் சாலைக்கு அருகே உள்ள புனிதவளனார் கல்லூரியில் தமிழ்மாணவர் சங்கம் சார்பில் ஜன.13-ஆம் தேதி நண்பகல் 1 மணிக்கு தமிழர் கலைவிழா நடக்கவிருக்கிறது. விழாவுக்கு கல்லூரி முதல்வர் அருள்தந்தை முனைவர் விக்டர்லோபோ தலைமை வகிக்க, பெங்களூரு பல்கலைக்கழக தமிழ்த் துறைத் தலைவர் பேராசிரியர் பசவராஜ் முன்னிலை வகிக்கிறார். 
தமிழ் மாணவர் சங்கத்தின் முன்னாள் செயலாளர் அருள்சகோதரி பனிஹெலன் அனைவரையும் வரவேற்கிறார். ராணுவ ஆராய்ச்சி மற்றும் மேம்பாட்டு அமைப்பு (டிஆர்டிஓ) விஞ்ஞானி டில்லிபாபு சிறப்பு விருந்தினராக பங்கேற்று உரையாற்றுகிறார்.
தமிழர் கலைவிழாவை முன்னிட்டு மாணவர்களின் கலைநிகழ்ச்சிகள் நடைபெறுகின்றன. நிறைவாக கல்லூரியின் தமிழ் பேராசிரியை ஆரோக்கியமேரி நன்றி கூறுகிறார். நிகழ்ச்சிக்கான ஏற்பாடுகளை தமிழ் மாணவர் சங்கத் தலைவர் நரேஷ்குமார் உள்ளிட்ட மாணவர்கள் செய்து வருகின்றனர். இந்நிகழ்ச்சியில் அனைவரும் கலந்து கொள்ள அழைக்கிறோம் என்று அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-bangalore/2018/jan/12/புனித-வளனார்-கல்லூரியில்-நாளை-தமிழர்-கலை-விழா-2843432.html
2843430 அனைத்துப் பதிப்புகள் பெங்களூரு வரதட்சிணைக் கொடுமை: பெண் தூக்கிட்டுத் தற்கொலை DIN DIN Friday, January 12, 2018 08:38 AM +0530 வரதட்சிணை கொடுமையால் பெண் தூக்கிட்டுத் தற்கொலை செய்து கொண்டார்.
பெங்களுரு ராஜராஜேஸ்வரிநகரைச் சேர்ந்தவர் விஸ்வநாத். இவரது மனைவி நிர்மலா (24). தனியார் நிறுவனத்தில் பணியாற்றி வரும் விஸ்வநாத்திற்கும் நிர்மலாவுக்கும் ஒன்றரை ஆண்டுகளுக்கு முன்பு திருமணம் நடைபெற்றது. 
பணி மாறுதல் காரணமாக விஸ்வநாத் ஜப்பான் நாட்டில் பணியாற்றி வந்தார். அண்மையில் பெங்களூரு வந்த அவர், செவ்வாய்க்கிழமை ஜப்பான் நாட்டிற்கு திரும்பிச் சென்றார். இந்த நிலையில், புதன்கிழமை தனது வீட்டில் நிர்மலா தூக்கில் தொங்கிய நிலையில் இறந்து கிடந்தார்.
அவர் எழுதி வைத்திருந்த கடிதத்தில், தனது தற்கொலைக்கு கணவர் விஸ்வநாத், மாமனார் நாகராஜ், மாமியார் பிரேமா ஆகியோரே காரணம். தொடர்ந்து வரதட்சிணைக் கேட்டு என்னை கொடுமைப்படுத்தியதாக அவர் அதில் குறிப்பிட்டுள்ளார். இதுகுறித்து ராஜராஜேஸ்வரிநகர் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-bangalore/2018/jan/12/வரதட்சிணைக்-கொடுமை-பெண்-தூக்கிட்டுத்-தற்கொலை-2843430.html
2843429 அனைத்துப் பதிப்புகள் பெங்களூரு பாஜகவினர் இன்று சிறை நிரப்பும் போராட்டம் DIN DIN Friday, January 12, 2018 08:37 AM +0530 பாஜக, ஆர்எஸ்எஸ் அமைப்பு குறித்து முதல்வர் சித்தராமையா,  கர்நாடக காங்கிரஸ் செயல் தலைவர் தினேஷ் குண்டுராவ் விமர்சித்துள்ளதை கண்டித்து பாஜகவினர் வெள்ளிக்கிழமை சிறை நிரப்பும் போராட்டத்தில் ஈடுபட முடிவு செய்துள்ளனர்.
இதுகுறித்து பெங்களூரு பாஜக தலைமை அலுவலகத்தில் வியாழக்கிழமை பாஜக எம்பியும், கட்சியின் மாநில பொதுச் செயலாளருமான ஷோபாகரந்தலஜே செய்தியாளர்களிடம் கூறியது: 
பாஜக, ஆர்எஸ்எஸ் அமைப்புகளில் அங்கம் வகிப்போரை முதல்வர் சித்தராமையா மற்றும் காங்கிரஸ் மாநில செயல்தலைவர் தினேஷ் குண்டுராவ் ஆகியோர் பயங்கரவாதிகள் என்று விமர்சித்துள்ளனர். இதை கண்டித்து மாநிலமெங்கும் சிறை நிரப்பும் போராட்டத்தை பாஜகவினர் வெள்ளிக்கிழமை(ஜன.12)நடத்தவிருக்கிறோம். 
அனைத்து மாவட்ட தலைநகரங்களிலும் பாஜகவினர் அமைதியான முறையில் ஆர்ப்பாட்டம் நடத்தி, சிறை நிரப்பும் போராட்டத்தில் ஈடுபடுவோம். முதல்வர் சித்தராமையாவும், தினேஷ் குண்டுராவும் தங்கள் கருத்துக்கு நிபந்தனையற்ற மன்னிப்புக் கேட்க வேண்டும். இதை செய்ய தவறினால், சிறை நிரப்பும் போராட்டம் தொடரும். 
உள்துறை அமைச்சர் ராமலிங்க ரெட்டியின் நடவடிக்கைகள் கண்டிக்கத்தக்கதாகும். பயங்கரவாதச் செயல்களில் ஈடுபடுவோர் மீது நடவடிக்கை எடுப்பதற்குப் பதிலாக ஆதாரமற்ற விமர்சனங்களைக் கூறி வருகிறார். 
சந்த்ஜர்னல்சிங் பிந்தரன்வாலா மற்றும் காலிஸ்தான் இயக்கத்தை உருவாக்கி வளர்த்தெடுத்ததே காங்கிரஸ்தான். இதன் காரணமாக, பத்தாண்டுகளுக்கும் மேலாக பஞ்சாப் மாநிலத்தில் வன்முறை ஏற்பட்டது. 
இதேபோல, இலங்கையில் தமிழீழ விடுதலைப்புலிகள் இயக்கத்தை ஆதரித்து, வளர்த்தது காங்கிரஸ் கட்சிதான். இதன்காரணமாகவே, அக்கட்சியின் முன்னாள் பிரதமர் ராஜீவ் காந்தியை காங்கிரஸ் கட்சி இழக்க நேரிட்டது. பயங்கரவாதிகள் மீது மென்மையான போக்கை கடைப்பிடித்ததால்தான் இந்திராகாந்தி மற்றும் ராஜீவ்காந்தி போன்ற முக்கியத்தலைவர்களை இழந்தோம். 
இந்த இரண்டு தலைவர்களையும் இழப்பதற்கு காங்கிரஸ் கட்சிதான் காரணமே அன்றி வேறு யாரும் அல்ல. வடகிழக்கு மாநிலங்களில் பிரிவினைவாதிகள் பலம் பெற காங்கிரஸ் கட்சியே காரணமாகும். உப்ஃபா அமைப்புக்கு காங்கிரஸ் கட்சி ஆதரவு அளித்திருந்தது. காங்கிரஸ் கட்சியின் கொள்கைகளால் தான் உல்ஃபா போன்ற அமைப்புகள் வடகிழக்குமாநிலங்களில் தேசவிரோதச் செயல்களில் ஈடுபட முக்கிய காரணமாக அமைந்தது.
கர்நாடகத்தில் பிஎஃப்ஐ, எஸ்டிபிஐ அமைப்புகள் வளர்வதற்கு காங்கிரஸ் கட்சியின் நேரடி மற்றும் மறைமுக ஆதரவே காரணமாகும். முதல்வர் சித்தராமையா பாஜகவை பயங்கரவாத அமைப்பு என்று அழைப்பதன் மூலம் இதுபோன்ற அமைப்புகளுக்கு ஊக்கமளிக்க முற்பட்டிருக்கிறார் என்றார்.

]]>
http://www.dinamani.com/all-editions/edition-bangalore/2018/jan/12/பாஜகவினர்-இன்று-சிறை-நிரப்பும்-போராட்டம்-2843429.html
2843424 அனைத்துப் பதிப்புகள் பெங்களூரு ஜன.18 முதல் பட்ஜெட் ஆலோசனைக் கூட்டம் DIN DIN Friday, January 12, 2018 08:37 AM +0530 பெங்களூரில் ஜன.18-ஆம் தேதி முதல் பட்ஜெட் தொடர்பான ஆலோசனை கேட்பு கூட்டம் நடக்கவிருக்கிறது.
2018-19-ஆம் ஆண்டுக்கான பட்ஜெட் கூட்டத் தொடர் பிப்.16 முதல் 28-ஆம் தேதி வரை நடைபெறவிருக்கிறது. பிப்.16-ஆம் தேதி தனது 13-ஆவது பட்ஜெட்டை முதல்வர் சித்தராமையா தாக்கல் செய்யவிருக்கிறார். ஏப்ரல் மாதத்தில் கர்நாடக சட்டப்பேரவைக்கான தேர்தல் நடைபெறுகிறது. கடந்த ஐந்தாண்டு கால காங்கிரஸ் அரசின் கடைசி பட்ஜெட் இதுவாகும். 
எனவே, பட்ஜெட்டில் அனைத்து தரப்பினரையும் திருப்திப்படுத்தும் வகையிலான அம்சங்கள் இடம்பெறும் என்று எதிர்பார்க்கப்படுகிறது. கர்நாடக சட்டப்பேரவைத் தேர்தலில் பட்ஜெட் அம்சங்கள் முக்கிய பங்கு வகிக்கும் என்பதால் அதைத் தயாரிக்க முதல்வர் சித்தராமையா கூடுதல் கவனம் செலுத்திவருகிறார். 
இதுகுறித்து அனைத்து தரப்பினரின் ஆலோசனையைக் கேட்டறிவதற்காக ஜன.18-ஆம் தேதி முதல் பிப்.1-ஆம் தேதி வரை ஆலோசனைக் கூட்டங்களை நடத்த முதல்வர் சித்தராமையா திட்டமிட்டிருக்கிறார். பெங்களூரு விதான செளதாவில் உள்ள அரங்கத்தில் இக்கூட்டம் நடக்கவிருக்கிறது. 
ஆலோசனை கூட்ட விவரம்: ஜன.18-ஆம் தேதி விவசாயச் சங்கங்களின் பிரதிநிதிகளுடன் கூட்டம் நடத்தப்படுகிறது. ஜன.19-ஆம் தேதி மருத்துவக் கல்வி, சுகாதாரம், ஆரம்பப் பள்ளிக் கல்வி, உயர்கல்வி, தொழிலாளர் நலன், திறன் மேம்பாடு, வனம், சுற்றுச்சூழல், மின்சாரம், உணவு மற்றும் பொதுவழங்கல் துறைகள்.
ஜன.20-ஆம் தேதி கன்னடம் மற்றும் கலாசாரம், மகளிர் மற்றும் குழந்தைகள் நலம், வருவாய், இந்து அறநிலையம், ஜவுளி, சமூகநலம், பிற்படுத்தப்பட்டோர் நலம், சிறுபான்மையினர் நலம்; ஜன.22-ஆம் தேதி நீர்வளம், சிறிய நீர்ப்பாசனம், தோட்டக்கலை, வேளாண்சந்தைப்படுத்தல், இளைஞர் நலம், விளையாட்டு, மீன்வளம்.
ஜன.25-ஆம் தேதி வேளாண்மை, உணவு பதப்படுத்துதல், கால்நடை பராமரிப்பு, பட்டு, செய்தி மற்றும் மக்கள்தொடர்பு, மின்-ஆளுமை, நிர்வாக சீர்த்திருத்தம்
ஜன.30-ஆம் தேதி கூட்டுறவு, வீட்டுவசதி, தொழில், உள்ளாட்சி, பெங்களூரு வளர்ச்சி, ஜன.31-ஆம் தேதி காவல், பொதுப்பணி, போக்குவரத்து, திட்டம் மற்றும் திட்ட அமலாக்கம், அறிவியல் தொழில்நுட்பம், தகவல் தொழில்நுட்பம், உயிரித் தொழில்நுட்பம், சுற்றுலா.
பிப்.1-ஆம் தேதி ஊரகவளர்ச்சி, சர்க்கரை, பெரும்தொழில், அடிப்படை உள்கட்டமைப்பு, சுரங்கம், நில அமைப்பியல் துறைகளின் ஆலோசனைக் கூட்டம் நடக்கிறது. இதில் துறையின் அமைச்சர்கள், உயரதிகாரிகள் கலந்து கொள்கிறார்கள். இதைத் தொடர்ந்து, பிப்.2-ஆம் தேதி விதான செளதா அரங்கில் தொழில், வர்த்தக சங்கங்கள், போக்குவரத்துத் தொழிலாளர் சங்கங்கள், கலால்துறை அங்கங்கள், மனைத் தொழில்சங்கத்தின் பிரதிநிதிகளுடன் முதல்வர் சித்தராமையா ஆலோசனை நடத்துகிறார்.
 கிருஷ்ணா அரசினர் இல்லத்தில் பிப்.3-ஆம் தேதி தலித் அமைப்பினர், பிற்படுத்தப்பட்டோர் சங்கங்கள், சிறுபான்மையினர் சங்கங்களின் பிரதிநிதிகள், எம்பிக்கள், எம்எல்ஏக்களுடன் ஆலோசனை நடத்தவும் திட்டமிட்டிருக்கிறார். பிப்.5-ஆம் தேதி மின்சார மாளிகையில் வணிகவரி, கலால், போக்குவரத்து, முத்திரைத்தாள் மற்றும் பதிவு, சுரங்கத்துறையின் பிரதிநிதிகளுடனும், பிப்.6-ஆம் தேதி கர்நாடக அரசு ஊழியர் சங்கப் பிரதிநிதிகளுடனும் முதல்வர் சித்தராமையா பட்ஜெட் குறித்து ஆலோசனை நடத்துகிறார். 
பிப்.16-ஆம் தேதி முதல்வர் சித்தராமையா 2018-19-ஆம் ஆண்டுக்கான பட்ஜெட்டை தாக்கல் செய்கிறார்.
 

]]>
http://www.dinamani.com/all-editions/edition-bangalore/2018/jan/12/ஜன18-முதல்-பட்ஜெட்-ஆலோசனைக்-கூட்டம்-2843424.html
2843423 அனைத்துப் பதிப்புகள் பெங்களூரு "புகையிலை பாதிப்பு: விழிப்புணர்வு அவசியம்' DIN DIN Friday, January 12, 2018 08:36 AM +0530 புகையிலைப் பயன்பாடு மற்றும் அதன் பாதிப்புகள் குறித்து இளைஞர்களிடம் விழிப்புணர்வு ஏற்படுத்த வேண்டும் என்று கர்நாடக சட்டப்பேரவைத் துணைத் தலைவர் சிவசங்கர ரெட்டி கேட்டுக் கொண்டார்.
பெங்களூரு விதான செளதாவில் வியாழக்கிழமை சர்வதேச அளவில் வயது வந்தோருக்கான புகையிலை பயன்பாடு அறிக்கையைத் தாக்கல் செய்து அவர் பேசியது: சர்வதேச அளவில் புகையிலையைப் பயன்படுத்துவதால் ஏராளமானோர் பாதிக்கப்பட்டுள்ளனர். ஆனாலும், புகையிலையைப் பயன்படுத்துவது தொடர்கிறது. இதுகுறித்து தனியார் அமைப்பான ஜாட்ஸ் ஆய்வு செய்து அறிக்கை தாக்கல் செய்துள்ளது. அதில் புகையிலைப் பயன்படுத்துவோரின் எண்ணிக்கை 28.2 சதவீதத்திலிருந்து 22.8 சதவீதமாகக் குறைந்துள்ளதாகத் தெரிவித்துள்ளது. 
புகையிலை உபயோகிப்பவரின் எண்ணிக்கை குறைந்துள்ள போதும், அதனை முழுமையாக குறைக்க நடவடிக்கை மேற்கொள்ள வேண்டும். புகையிலை பாதிப்பு குறித்து இளைஞர்களிடையே விழிப்புணர்வை ஏற்படுத்த வேண்டும். புகையிலைப் பயன்பாட்டால் பல இளைஞர்கள் புற்றுநோயால் பாதிக்கப்படுவது வேதனை அளிக்கிறது என்றார். 
 

]]>
http://www.dinamani.com/all-editions/edition-bangalore/2018/jan/12/புகையிலை-பாதிப்பு-விழிப்புணர்வு-அவசியம்-2843423.html
2843422 அனைத்துப் பதிப்புகள் பெங்களூரு கைநூலாடை கண்காட்சியில் ரூ.8.26 கோடிக்கு ஆடைகள் விற்பனை DIN DIN Friday, January 12, 2018 08:36 AM +0530 பெங்களூரில் நடைபெற்றுவரும் கைநூலாடை கண்காட்சியில் ரூ.8.26 கோடி மதிப்புள்ள கைநூலாடைகள் விற்கப்பட்டுள்ளதாக கர்நாடக மாநில கைநூலாடை மற்றும் ஊரகத்தொழில் வாரியத் தலைவர் எலுவனஹள்ளி என்.ரமேஷ் தெரிவித்தார்.
இதுகுறித்து பெங்களூரு, சுதந்திரப் பூங்காவில் வியாழக்கிழமை செய்தியாளர்களிடம் அவர் கூறியது: தொழில் மற்றும் வர்த்தகத் துறையின் ஒத்துழைப்புடன் கர்நாடக மாநில கைநூலாடை மற்றும் ஊரகத்தொழில் வாரியம் சார்பில் பெங்களூரில்  உள்ள சுதந்திரப் பூங்காவில் ஜன.2-ஆம் தேதி முதல் கைநூலாடை விற்பனை கண்காட்சி நடைபெறுகிறது.
ஜன.31-ஆம் தேதிவரை நடக்கவிருக்கும் இக்கண்காட்சியில் கர்நாடகத்தைச் சேர்ந்த 116 மற்றும் இதர மாநிலங்களைச் சேர்ந்த 87 அங்காடிகள் அமைக்கப்பட்டுள்ளன. ஜன.11-ஆம் தேதி வரை ரூ.6.20கோடி மதிப்புள்ள கைநூலாடை மற்றும் ரூ.2.05 கோடி மதிப்புள்ள ஊரகத் தொழில் பொருள்கள் விற்பனையாகியுள்ளன. 
இக் காலக்கட்டத்தில் 24,987 ஆயிரம் வாடிக்கையாளர்கள் கண்காட்சியைப் பார்வையிட்டுள்ளனர். கைநூலாடை மீது 35 சதம், பட்டு கைநூலாடை மீது 20 சதவீதம், குடிசைத்தொழில் பொருள்கள் மீது 20 சதவீதம் தள்ளுபடி அளிக்கப்படுகிறது.
ஜன.31-ஆம் தேதி வரையில் மேலும் 2.5 லட்சம் வாடிக்கையாளர்கள் வருகைதருவார்கள் என்று எதிர்பார்க்கப்படுகிறோம். இக்காலக்கட்டத்தில் ரூ.50கோடி அளவுக்கு விற்பனை செய்ய இலக்கு நிர்ணயிக்கப்பட்டுள்ளது. கடந்த ஆண்டு 2 லட்சம் வாடிக்கையாளர்கள் வருகைதந்திருந்தனர். 
கர்நாடகத்தில் 140 கைநூலாடை உற்பத்தி நிலையங்கள் செயல்பட்டுவருகின்றன. இதில் 29,000 பேர் பணியாற்றி வருகிறார்கள். அதேபோல, மாநிலத்தில் 8,600 குடிசைத்தொழில் நிலையங்கள் உள்ளன. இங்கு 70 ஆயிரம் பேர் வேலைவாய்ப்பு பெற்றுள்ளனர். 
கடந்த ஆண்டு 5 மாவட்டங்களில் இதுபோன்ற கண்காட்சிகளை நடத்தினோம். மாநிலத்தின் இரண்டு நகரங்களில் கைநூலாடை அங்காடிகளை அமைக்க ரூ.10 கோடி ஒதுக்கப்பட்டுள்ளது. இளைஞர்களுக்கு கைநூலாடை குறித்து பயிற்சி அளிக்க திறன்மேம்பாட்டு மையம் அமைக்க ரூ.4 கோடி ஒதுக்கப்பட்டுள்ளது. நெசவாளர்களுக்கு வழங்கக்கூடிய ஊக்கத்தொகை ஒரு மீட்டர் ஆடைக்கு ரூ.7-இல் இருந்து ரூ. 14 ஆக உயர்த்தப்பட்டுள்ளது என்றார்.
 

]]>
http://www.dinamani.com/all-editions/edition-bangalore/2018/jan/12/கைநூலாடை-கண்காட்சியில்-ரூ826-கோடிக்கு-ஆடைகள்-விற்பனை-2843422.html
2843419 அனைத்துப் பதிப்புகள் பெங்களூரு பெங்களூரில் கார் மோதியதில் இளைஞர் சாவு DIN DIN Friday, January 12, 2018 08:36 AM +0530 பெங்களூரில் கார் மோதியதில் இளைஞர் உயிரிழந்தார்.
ஆந்திரத்தைச் சேர்ந்தவர் சகாதேவ் (21). இவர் பெங்களூரு எலஹங்கா குண்டப்பா லேஅவுட்டில் தங்கி, தனியார் நிறுவனத்தில் பணியாற்றி வந்தார். வியாழக்கிழமை காலை 9 மணியளவில் தனது நண்பருடன் மோட்டார் சைக்கிளில் பணிக்கு சென்று கொண்டிருந்தார். பெங்களூரு-பெல்லாரி சாலையில் எல்லைப் பாதுகாப்பு படை அலுவலகம் முன் வேகமாக வந்த கார் மோதியதில் பலத்த காயமடைந்த சகாதேவ் நிகழ்விடத்திலே உயிரிழந்தார். அவரது நண்பர் சிகிச்சைக்காக மருத்துவமனையில் அனுமதிக்கப்பட்டுள்ளார். 
இந்த விபத்து குறித்து எலஹங்கா போக்குவரத்து விசாரணை மேற்கொண்டுள்ளனர்.  

]]>
http://www.dinamani.com/all-editions/edition-bangalore/2018/jan/12/பெங்களூரில்-கார்-மோதியதில்-இளைஞர்-சாவு-2843419.html
2843418 அனைத்துப் பதிப்புகள் பெங்களூரு "தலித், பழங்குடியின மக்கள் பொருளாதார வளர்ச்சி பெற வேண்டும்' DIN DIN Friday, January 12, 2018 08:36 AM +0530 அரசின் நலத் திட்டங்களை பயன்படுத்தி பொருளாதார வளர்ச்சியில் தலித், பழங்குடியின மக்கள் முன்னேற்றமடைய வேண்டும் என பி.ஆர்.அம்பேத்கர் வளர்ச்சிக் கழகத்தின் தலைவர் எம்.எஸ்.பசவராஜ் கேட்டுக் கொண்டார்.
பெங்களூரில் வியாழக்கிழமை நடைபெற்ற நிகழ்ச்சியில் நாள்குறிப்பை வெளியிட்டு அவர் மேலும் பேசியது: 
முதல்வர் சித்தராமையா தலைமையிலான காங்கிரஸ் அரசு கடந்த 5 ஆண்டுகளில் பல்வேறு வளர்ச்சி திட்டங்களை தலித், பழங்குயின மக்களுக்கு அறிவித்து, செயல்படுத்தி வருகிறது. 1975-ஆம் ஆண்டு தலித், பழங்குடியின மக்களின் வளர்ச்சியைக் கருத்தில் கொண்டு பி.ஆர்.அம்பேத்கர் வளர்ச்சிக் கழகம் தொடங்கப்பட்டது. கடந்த 43 ஆண்டுகளாக தலித், பழங்குடியின மக்களின் மேம்பாட்டிற்காக கழகம் பாடுபட்டு வருகிறது. நிகழ் நிதியாண்டில் தலித், பழங்குடியின மக்கள் நிலம் வாங்க ரூ. 277.18 கோடி வழங்கப்பட்டுள்ளது.  இதில் 4327 பேர் பயனடைந்துள்ளனர். கங்கா கல்யாண் திட்டத்தில் நீர்ப்பாசனத்துக்கு ஆழ்துளைக் கிணறு தோண்டுவதற்கு கடந்த 5 ஆண்டுகளில் ரூ.721 கோடி வழங்கப்பட்டுள்ளது. இந்த நிதியில் 35,584 ஆழ்துளைக் கிணறுகள் தோண்ட அனுமதி வழங்கப்பட்டது.
இதில் 30,060 ஆழ்துளைக் கிணறுகள் தோண்டப்பட்டு, மின் இணைப்பு வழங்கி, 2570 விவசாயிகள் பயனடைந்துள்ளனர். சுய தொழில் செய்யும் இளைஞர்களுக்கு தலா ரூ. 3 லட்சம் என்ற விகித்தில் ரூ. 3500 பயனடைந்துள்ளனர். ரூ. 1 லட்சம் என்றவிகிதத்தில் 6973 பேர் பயனடைந்துள்ளனர். 
அரசின் நலத் திட்டங்களை எளிதாக பெறும் வகையில் இணையதளச்சேவை, செல்லிடப்பேசி சேவையை தொடங்கியுள்ளோம். இதை பயன்படுத்தி மாநில அரசு அறிவித்துள்ள பல்வேறு நலத் திட்டங்களை தலித், பழங்குடியின மக்கள் பயன் பெற வேண்டும்.தலித் சமுதாய மக்கள் பொருளாதார வளர்ச்சி பெற்றால் மட்டுமே சமூக நீதியை பெற முடியும் என்றார். 
நிகழ்ச்சியில் பி.ஆர்.அம்பேத்கர் வளர்ச்சிக் கழகத்தின் மேலாண் இயக்குனர் சீனிவாசலு கலந்து கொண்டார்.      

]]>
http://www.dinamani.com/all-editions/edition-bangalore/2018/jan/12/தலித்-பழங்குடியின-மக்கள்-பொருளாதார-வளர்ச்சி-பெற-வேண்டும்-2843418.html
2842995 அனைத்துப் பதிப்புகள் பெங்களூரு "ரியல் எஸ்டேட் கட்டுப்பாட்டு சட்டத்தால் வர்த்தகம் பாதிப்பு'  பெங்களூரு, DIN Thursday, January 11, 2018 10:11 AM +0530 ரியல் எஸ்டேட் கட்டுப்பாட்டு சட்டத்தால் (ரேரா) வர்த்தகம் பாதிக்கப்பட்டுள்ளதாக நைட்பிராங்க் இயக்குனர் சந்தானு முஜிம்தார் தெரிவித்தார்.
 இதுகுறித்து புதன்கிழமை செய்தியாளர்களிடம் அவர் கூறியது: தேசிய அளவில் 2011}ஆம் ஆண்டு ரியல் எஸ்டேட் வர்த்தகம் உச்சநிலையை அடைந்தது. அதைத் தொடர்ந்து சிறப்பாக இருந்த ரியல் எஸ்டேட் வர்த்தகம் 2016}ஆம் ஆண்டு நவம்பர் மாதம் பணமதிப்பிழப்புக்குப் பிறகு குறைந்தது.
 2 மாதம் கழிந்த பின்னர் உயரத்தொடங்கிய வர்த்தகம், சரக்கு சேவை வரி, ரியல் எஸ்டேட் கட்டுப்பாட்டு சட்டத்தால் தொடர்ந்து பாதிக்கப்பட்டு வருகிறது. 2016}ஆம் ஆண்டை ஒப்பிடுகையில் 2017}ஆம் ஆண்டு இறுதியில் கட்டுமான பணிகள் தொடங்குவது 41 சதவீதமும், விற்பனைகள் 38 சதவீதமும் குறைந்துள்ளது.
 எனவே மத்திய, மாநில அரசுகள் ரியல் எஸ்டேட் வர்த்தகத்தை உயர்த்துவதற்கான நடவடிக்கையில் ஈடுபட வேண்டும். நாட்டின் பொருளாதார வளர்ச்சியில் அதிக பங்களிப்பை ரியல் எஸ்டேட் வர்த்தகம் வழங்கி வருகிறது என்றார்.
 
 
 
 
 

]]>
http://www.dinamani.com/all-editions/edition-bangalore/2018/jan/11/ரியல்-எஸ்டேட்-கட்டுப்பாட்டு-சட்டத்தால்-வர்த்தகம்-பாதிப்பு-2842995.html
2842993 அனைத்துப் பதிப்புகள் பெங்களூரு "இளைஞர்களிடம் வன்முறையை தூண்டுவது சரியல்ல'  பெங்களூரு, DIN Thursday, January 11, 2018 10:11 AM +0530 அரசியல் ஆதாயத்துக்காக இளைஞர்களிடம் வன்முறையைத் தூண்டுவது சரியல்ல என கர்நாடக காங்கிரஸ் செயல் தலைவர் தினேஷ் குண்டுராவ் தெரிவித்தார்.
 பெங்களூரு ஆனந்தராவ் சதுக்கத்தில் புதன்கிழமை குடகு மாவட்டம் மடிகேரியில் மாணவி தன்யஸ்ரீ தற்கொலைக்கு ஹிந்து அமைப்புகள் தூண்டியதாக இந்திய தேசிய மாணவர் ஒன்றியத்தினர் ஆர்ப்பாட்டத்தில் ஈடுபட்டனர். இதில் கலந்து கொண்டு அவர் பேசியது: மாநிலத்தில் கடலோர மாவட்டங்களில் மதக் கலவரங்கள் தூண்டப்படுகின்றன. அதன் பின்னணியில் பாஜக தலைவர்களின் ஆதரவு உள்ளதாக தெரிகிறது. குடகு மாவட்டம், மடிகேரியில் மாணவி தன்யஸ்ரீ தற்கொலை செய்து கொண்டுள்ளார். அதன் பின்னணியில் பஜ்ரங் தள் அமைப்பைச் சேர்ந்த நபர் உள்ளதாகக் கூறப்படுகிறது.
 இதுகுறித்து பாஜக வாயை திறக்க மறுப்பது ஏன்? என்று தெரியவில்லை. தன்யஸ்ரீயும் ஹிந்து மதத்தைச் சேர்ந்தவர்தான். தீபக்ராவின் கொலையை அரசியலாக்கும் பாஜகவினர், தன்யஸ்ரீயை தற்கொலைக்கு தூண்டிவிட்டவர்களைக் கைது செய்யவும் போராட வேண்டும்.
 மதக் கலவரத்திற்கு காரணமான பாஜக, ஆர்.எஸ்.எஸ் அமைப்புகளை உடனடியாக தடை செய்ய வேண்டும். அதைத் தொடர்ந்து மற்ற அமைப்புகளை தடை செய்வது குறித்து ஆலோசிக்க வேண்டும். அரசியல் லாபத்துக்காக இளைஞர்களை பயங்கரவாத செயல்களில் ஈடுபட பாஜக தூண்டி வருவது முறையல்ல. மாநிலத்தை அமைதிபூங்காவாக்க அனைவரும் ஒத்துழைக்க வேண்டும் என்றார். ஆர்பாட்டத்தில் காங்கிரஸ் செய்தித் தொடர்பாளர் ராதாகிருஷ்ணா, இந்திய தேசிய மாணவர் ஒன்றிய மாநிலத் தலைவர் மஞ்சுநாத் உள்ளிட்டோர் கலந்து கொண்டனர்.
 
 

]]>
http://www.dinamani.com/all-editions/edition-bangalore/2018/jan/11/இளைஞர்களிடம்-வன்முறையை-தூண்டுவது-சரியல்ல-2842993.html
2842992 அனைத்துப் பதிப்புகள் பெங்களூரு நுகர்வோரை மோசடியிலிருந்து தடுக்க புதிய சட்ட மசோதா: அமைச்சர் யு.டி.காதர்  பெங்களூரு, DIN Thursday, January 11, 2018 10:11 AM +0530 நுகர்வோரை மோசடியிலிருந்து தடுக்க புதிய சட்ட மசோதா அறிமுகப்படுத்தப்படும் என்று உணவு மற்றும் பொது வழங்கல் துறை அமைச்சர் யு.டி.காதர் தெரிவித்தார்.
 பெங்களூரில் புதன்கிழமை நடைபெற்ற தேசிய நுகர்வோர் தின விழாவில் கலந்து கொண்டு அவர் பேசியது:
 அண்மைக் காலமாக இணையதளங்கள் மூலம் நுகர்வோரை மோசடி செய்வது அதிகரித்து வருகிறது. இதைத் தடுக்க புதிய சட்ட மசோதா அறிமுகம் செய்ய திட்டமிட்டுள்ளோம். இதன்மூலம் நுகர்வோர் பாதிக்கப்பட்டால் சம்பந்தப்பட்ட இணையதளங்கள் மீது கடும் நடவடிக்கை எடுக்கப்படும்.
 நுகர்வோரைப் பாதுகாக்கும் வகையிலான சட்ட மசோதாவை ஏற்கெனவே மத்திய அரசு அறிமுகம் செய்துள்ளது. என்றாலும், இதை பின்பற்றுவதில் சில சட்ட சிக்கல்களை நுகர்வோர் எதிர்கொள்கின்றனர். உணவுப் பொருள்கள் பற்றி தவறான முறையில் பிரசாரங்கள் செய்பவர்கள் மீது நடவடிக்கை எடுக்க முடிவு செய்துள்ளோம். நுகர்வோர் பாதுகாப்பில் கர்நாடகம் தேசிய அளவில் முன்மாதிரியாகத் திகழ வேண்டும். நுகர்வோர் தங்களின் உரிமைகளை ஒருபோதும் விட்டுதரக் கூடாது. மேலும், மாநில அளவில் 430 ஆதரவற்றோர் இல்லங்களுக்கு அரசு சார்பில் அரிசி வழங்கி வருகிறோம். அங்குள்ள தனிநபருக்கு மாதந்தோரும் 15 கிலோ அரிசி வழங்கி வருகிறோம். இதனால் 45 ஆயிரம் ஆதரவற்றோர் பயன் பெறுகின்றனர்.
 மாநில அளவில் புதிதாக பிபிஎல் குடும்ப அட்டைகளுக்கு 15 லட்சம் பேர் விண்ணப்பங்கள் செலுத்தி இருந்தனர். அதில் முதல்கட்டமாக தகுதியுள்ள 11 லட்சம் பேருக்கு பிபிஎல் குடும்ப அட்டைகள் வழங்கப்பட்டுள்ளது என்றார்.
 
 
 
 
 

]]>
http://www.dinamani.com/all-editions/edition-bangalore/2018/jan/11/நுகர்வோரை-மோசடியிலிருந்து-தடுக்க-புதிய-சட்ட-மசோதா-அமைச்சர்-யுடிகாதர்-2842992.html
2842991 அனைத்துப் பதிப்புகள் பெங்களூரு கர்நாடகத்தில் மதக் கலவரத்தை தூண்டி ஆட்சியைப் பிடிக்க பாஜக முயற்சி: அமைச்சர் கே.ஜே.ஜார்ஜ் குற்றச்சாட்டு பெங்களூரு, DIN Thursday, January 11, 2018 10:10 AM +0530 கர்நாடகத்தில் மதக் கலவரத்தை தூண்டி, ஆட்சியைக் கைப்ற்ற பாஜக முயற்சி மேற்கொண்டுள்ளதாக பெங்களூரு வளர்ச்சித் துறை அமைச்சர் கே.ஜே.ஜார்ஜ் குற்றஞ்சாட்டினார்.
 பெங்களூரு யஷ்வந்தபுரம் சோமனஹள்ளியில் நடைபெற்ற வீடுகள்தோறும் காங்கிரஸ் என்ற நிகழ்ச்சியில் அவர் பேசியது:
 பல்வேறு தேர்தல் வாக்குறுதிகளை அளித்து மத்தியில் பாஜக ஆட்சியைப் பிடித்தது. ஆனால், வாக்குறுதிகளை நிறைவேற்றவில்லை. மாறாக, ஏழை மக்களை பாதிக்கும் வகையில் பண மதிப்பிழப்பு, பொருள் மற்றும் சேவை வரி உள்ளிட்ட நடவடிக்கைகளால் பாஜக மீது அனைவரும் அதிருப்தி ஏற்பட்டுள்ளது.
 இதன் விளைவுகள் வரும் மக்களவைத் தேர்தல், கர்நாடக சட்டப்பேரவைத் தேர்தலில் எதிரொலிக்கும். வெளிநாடுகளில் உள்ள கருப்புப் பணத்தை இந்தியாவுக்கு கொண்டு வந்து அனைவரின் வங்கிக் கணக்கிலும் தலா ரூ. 15 லட்சம் வரவு வைக்கப்படும் என பாஜக தெரிவித்திருந்தது. ஆனால், இதுதொடர்பாக எவ்வித நடவடிக்கையும் மத்திய பாஜக அரசு மேற்கொள்ளவில்லை.
 கர்நாடகத்தில் முந்தைய பேரவைத் தேர்தலின் போது காங்கிரஸ் கட்சி அளித்த அனைத்து வாக்குறுதிகளும் படிப்படியாக நிறைவேற்றப்பட்டுள்ளது. மத்தியில் காங்கிரஸ் கட்சி ஆட்சி செய்த போது, அறிவியல், நவீன தொழில்நுட்பம், நாட்டின் வளர்ச்சியில் அதிக கவனம் செலுத்தியது.
 ஆனால், பாஜக ஆட்சியில் வளர்ச்சி என்ற பெயரில் பிரதமர் பொய்யான பிரசாரத்தில் ஈடுபட்டு வருகிறார். இதை மக்கள் உணர்ந்துள்ளனர். அதன் விளைவுகளை விரைவில் பாஜகவினர் சந்திப்பார்கள். மாநிலத்தில் சட்டப்பேரவைத் தேர்தல் நெருங்குவதால், மதக் கலவரத்தைத் தூண்டுவிட்டு ஆட்சியைக் கைப்பற்ற பாஜக முயற்சித்து வருகிறது என்றார்.
 
 

]]>
http://www.dinamani.com/all-editions/edition-bangalore/2018/jan/11/கர்நாடகத்தில்-மதக்-கலவரத்தை-தூண்டி-ஆட்சியைப்-பிடிக்க-பாஜக-முயற்சி-அமைச்சர்-கேஜேஜார்ஜ்-குற்றச்சாட்-2842991.html
2842990 அனைத்துப் பதிப்புகள் பெங்களூரு புனித நூல்களுடன் அரசியலமைப்புச் சட்டத்தை ஒப்பிடக் கூடாது: கன்னட எழுத்தாளர் சந்திரசேகர் பாட்டீல்  பெங்களூரு DIN Thursday, January 11, 2018 10:10 AM +0530 புனித நூல்களுடன் அரசியலமைப்புச் சட்டத்தை ஒப்பிடக் கூடாது என்று கன்னட எழுத்தாளர் சந்திரசேகர் பாட்டீல் தெரிவித்தார்.
 தலித் சங்கர்ஷ சமிதி சார்பில் பெங்களூரு சுதந்திரப் பூங்காவில் புதன்கிழமை புரட்சிமங்கை சாவித்திரி ஜோதிபாஃபூலேவின் பிறந்த நாள் விழாவையொட்டி நடைபெற்ற அரசியலமைப்புச் சட்டம் தொடர்பான விழிப்புணர்வு கருத்தரங்கை தொடக்கிவைத்து அவர் பேசியது:
 ஒவ்வொரு மதமும் தனது கொள்கைகள், கோட்பாடுகளை வெளிப்படுத்துவதற்காக புனித நூல்களை எழுதி வைத்துள்ளன. அந்த மதத்தை நிறுவியவரோ, பின்பற்றுபவரோ மதத்தின் நோக்கங்களை எழுதி வைத்திருப்பதை புனிதநூல்கள் என்றழைக்கிறோம். அது அந்தந்த மதத்தினருக்கு முக்கியமானதாகும்.
 அதேபோல, நமது இந்திய நாட்டின் மக்களுக்காக எழுதி வழங்கப்பட்டுள்ள அரசியலமைப்புச் சட்டத்தை மதுநூல் அல்லது புனித நூல் போல புரிந்து கொள்ள வேண்டியதில்லை. புனித நூல்களுடன் அரசியலமைப்புச் சட்டத்தை ஒப்பிடக்கூடாது. அரசியலமைப்புச் சட்டமே வேறு, புனிதநூல்களே வேறு. அரசியலமைப்புச் சட்டத்தை காலத்திற்கு தகுந்தவாறு மாற்றிக் கொள்ளலாம்.
 ஆனால், அரசியலமைப்புச் சட்டத்தை புதிதாக திருத்த எழுத வந்திருப்பதாக மத்திய அமைச்சர் ஒருவர் கூறியிருக்கிறார். அரசியலமைப்புச்சட்டத்தில் ஏதாவது திருத்தம் வேண்டுமானால் செய்துகொள்ளலாம். அதற்காக அதை முழுவதுமாக மாற்ற வேண்டும் என்று கேட்பதை ஏற்க முடியாது. ஒருவீட்டின் கதவு, ஜன்னல் அல்லது இன்னப்பிறவற்றை மாற்றிக் கொள்ளலாம். ஆனால் அதற்காக வீட்டையே இடித்துவிட்டு புதிய வீடு கட்டுகிறேன் என்றால் அது பெரிய சிக்கலுக்கு வழிவகுத்துவிடும். அதேபோல, எந்த காரணத்தை முன்னிட்டும் அரசியலமைப்புச் சட்டத்தை திருத்த அனுமதிக்கமாட்டோம். பிறப்பில் அனைவரும் சுதந்திரமானவர்கள்தான். ஆனால், வளரும் போது தான் நம்மை சுற்றி வேலிகளும், சுவர்களும் கட்டப்படுகின்றன. ஜாதி, சமயம், பிரிவினைகள் அதில் அடைக்கப்படுகின்றன.
 தலித் சமுதாயம் இவற்றில் இருந்து வெளியே வராவிட்டால் சுதந்திரம் என்பது சாத்தியமாகாது. சமத்துவமின்மை, வன்முறைக்கு எதிராக 40}50 ஆண்டுகளாகவே போராட்டம் நடைபெற்றுவருகிறது. ஆனால், வெல்வது எப்போது? நாட்டில் இருக்கும் லட்சக்கணக்கான தலித் மக்கள், பெüத்தர்களாகி விட்டால், ஏற்றத்தாழ்வுகள் அற்றுப்போகும் என்றார்.
 முன்னதாக, டாக்டர் பி.ஆர்.அம்பேத்கர், சாவித்திரி ஜோதிபாஃபூலேவின் உருவப்படங்களுக்கு மலர்தூவி மரியாதை செலுத்தப்பட்டது.
 
 
 

]]>
http://www.dinamani.com/all-editions/edition-bangalore/2018/jan/11/புனித-நூல்களுடன்-அரசியலமைப்புச்-சட்டத்தை-ஒப்பிடக்-கூடாது-கன்னட-எழுத்தாளர்-சந்திரசேகர்-பாட்டீல்-2842990.html
2842989 அனைத்துப் பதிப்புகள் பெங்களூரு எடியூரப்பாவின் ஊழல் நினைவுக்கு வரவில்லையா?: அமித்ஷாவுக்கு முதல்வர் சித்தராமையா கேள்வி    கொள்ளேகால் DIN Thursday, January 11, 2018 10:09 AM +0530 ஊழல் குறித்து பேசும் அமித்ஷாவுக்கு எடியூரப்பாவின் ஊழல் நினைவுக்கு வரவில்லையா? என்று முதல்வர் சித்தராமையா கேள்வி எழுப்பினார்.
 சாமராஜ்நகர் மாவட்டம், கொள்ளேகால் நகரில் புதன்கிழமை நடைபெற்ற அரசு விழாவில் பல்வேறு வளர்ச்சிப் பணிகளுக்கு அடிக்கல் நாட்டிய பிறகு அவர் பேசியது:
 முந்தைய பாஜக ஆட்சியின் போது ஊழலில் ஈடுபட்டு சிறைக்குச் சென்று திரும்பியுள்ள பாஜக மாநிலத் தலைவர் எடியூரப்பாவை அருகில் வைத்துக் கொண்டு, எனது தலைமையிலான அரசு மீது பாஜக தேசியத் தலைவர் அமித்ஷா ஊழல் குற்றச்சாட்டுகளை அள்ளிவீசியிருக்கிறார்.
 ஊழல் குறித்து பேசும் அமித்ஷாவுக்கு எடியூரப்பாவின் ஊழல் நினைவுக்கு வரவில்லையா? அதேபோல ஊழல் குற்றச்சாட்டில் ஈடுபட்ட அமைச்சர்கள் சிறைக்குச் சென்று திரும்பியதும் நினைவுக்கு வரவில்லையா? அமித்ஷாவே சிறைக்குச் சென்று திரும்பியவர்தான்.
 அதுமட்டுமல்லாது, அமித்ஷா இரண்டு ஆண்டுகள் மாநிலத்தில் இருந்து வெளியேற்றப்பட்டிருந்தார். பெங்களூரு வந்துள்ள அமித்ஷா, அதிகாலை 3 மணிவரை கட்சியினருடன் ஆலோசனை நடத்தியுள்ளார். அமித்ஷா எந்த தந்திரங்களில் ஈடுபட்டாலும், சட்டப்பேரவைத் தேர்தலில் 60 இடங்களுக்கு மேல் பாஜக கைப்பற்றாது என்ற அறிக்கை கிடைத்திருப்பதால், அவர் வேதனை அடைந்துள்ளார்.
 அதனால்தான் எனது அரசு மீது பொய் குற்றச்சாட்டுகளைக் கூறிவருகிறார். தேசியத் தலைவராக இருக்கக்கூடிய அமித்ஷா தனதுகட்சியினர் கூட்டங்களில் மத்திய அரசின் சாதனைகளைக் கூறி, மக்களை சந்திக்க வேண்டும்.
 மக்களின் ஆதரவை பெற மத்திய அரசின் சாதனைகளைக் கூறாமல், மாநிலத்தில் மதக் கலவரங்களில் ஈடுபடுங்கள், துப்பாக்கிச்சூடு, தடியடி நடத்தும் வகையில் கலவரங்களை நடத்துங்கள் என்று கட்சியினருக்கு வழிகாட்டுதல் வழங்குகிறார்.
 மத்திய அரசு மாநில அரசுக்கு வழங்கும் நிதி குறித்து அமித்ஷா பேசி வருகிறார். மத்திய அரசு மாநில அரசுக்கு கொடுக்கும் பணம் யாருடையது? மாநில அரசுக்கு வழங்க வேண்டிய பங்குத்தொகைதானே. அரசியலமைப்புச் சட்டத்தின்படி மாநில அரசுக்கு கிடைக்க வேண்டிய நிதியாகும்.
 எனவே, அந்த நிதியை மாநில அரசுக்கு மத்திய அரசு அளிக்க வேண்டும். மத்திய அரசு விடுவிக்கும் நிதியை கேட்க அமித்ஷா இங்கு வரவேண்டுமா? இதை கேட்டு மக்கள் பாஜகவுக்கு வாக்களிப்பார்களா?
 கர்நாடகத்தில் காங்கிரஸ் ஒழிந்தால்தான் மக்களுக்கு நல்ல காலம் பிறக்கும் என்று எடியூரப்பா கூறியிருக்கிறார். எடியூரப்பா சிறைக்குச் சென்று வந்தாரே அப்போது கர்நாடகத்தில் எந்தகாலம் இருந்தது என்பதை அமித்ஷாதான் கூற வேண்டும் என்றார்.
 மத நல்ணக்கத்தை சீர்குலைத்தால் கடும் நடவடிக்கை
 சாமராஜ்நகர், ஜன.10: மத நல்லிணக்கத்தை சீர்குலைத்தால் கடும் நடவடிக்கை எடுக்கப்படும் என்று முதல்வர் சித்தராமையா தெரிவித்தார்.
 இதுகுறித்து சாமராஜ்நகர் மாவட்டம், நாகவள்ளி கிராமத்தில் புதன்கிழமை செய்தியாளர்களிடம் அவர் கூறியது:
 சமுதாயத்தில் நிலவும் மத நல்லிணக்கத்தை பாஜக, ஆர்எஸ்எஸ் அமைப்புகள் சீர்குலைக்க முயற்சியில் ஈடுபட்டு வருகின்றன. வன்முறையில் யார் ஈடுபட்டாலும், அவர்கள் மீது கடும் நடவடிக்கை எடுக்கப்படும். பிஎஃப்ஐ, ஆர்எஸ்எஸ், எஸ்டிபிஐ, பஜ்ரங் தள் போன்ற எந்த அமைப்பைச் சார்ந்தவர்களாக இருந்தாலும் பாரபட்சம் இல்லை.
 மக்கள் ஆதரவுடன் காங்கிரஸ் மீண்டும் ஆட்சியமைக்கும். இந்த உண்மையை அறியாமல் அமித் ஷா பரப்புரை மேற்கொண்டுள்ளார். மஜத தலைவர்களைச் சந்தித்து, அவர்களை காங்கிரஸ் கட்சியில் இணையுமாறு அழைப்பு விடுப்பதாகக் கூறுவதில் உண்மையில்லை.
 குடகு சென்றிருந்த போது உடல் நலம் பாதிக்கப்பட்டுள்ள மஜத மூத்த தலைவர் எம்.சி.நானையாவைச் சந்தித்தேன். இதில் அரசியல் உள்நோக்கம் எதுவும் இல்லை. 1983 முதல் எம்.சி.நானையாவும், நானும் நண்பர்கள். பள்ளிக் கல்வித் துறை அமைச்சர் தன்வீர்சேட்டுக்கு மிரட்டல் விடுத்தவர்கள் குறித்து விசாரணை நடத்துமாறு போலீஸôருக்கு உத்தரவிட்டுள்ளேன். உத்தரப் பிரதேச முதல்வர் யோகி ஆதித்யநாத்தை விமர்சிக்க தனக்கு தகுதி இல்லை என்று சிறைக்குச் சென்று வந்த பாஜக மாநிலத் தலைவர் எடியூரப்பா கூறுவது நகைப்பிற்குரியது என்றார்.
 
 
 
 

]]>
http://images.dinamani.com/uploads/user/imagelibrary/2018/1/11/w600X390/sidd.jpg http://www.dinamani.com/all-editions/edition-bangalore/2018/jan/11/எடியூரப்பாவின்-ஊழல்-நினைவுக்கு-வரவில்லையா-அமித்ஷாவுக்கு-முதல்வர்-சித்தராமையா-கேள்வி-2842989.html
2842988 அனைத்துப் பதிப்புகள் பெங்களூரு வாக்காளர்கள் கவனத்துக்கு... பெங்களூரு, DIN Thursday, January 11, 2018 10:05 AM +0530 வாக்காளர் பட்டியலில் தங்களது பெயரை சரிபார்த்துக் கொள்ளுமாறு இந்திய தேர்தல் ஆணையத்தின் துணை ஆணையர் உமேஷ் சின்ஹா கேட்டுக் கொண்டுள்ளார்.
பெங்களூரு விதான செüதாவில் புதன்கிழமை கர்நாடக சட்டப்பேரவை குறித்த ஆய்வுக் கூட்டத்தில் பங்கேற்ற பிறகு செய்தியாளர்களிடம் அவர் கூறியது: வாக்காளர் பட்டியலில் புதிய பெயர்களைச் சேர்க்கும் பணி நடந்து வருகிறது. வாக்காளர் பட்டியலில் பெயர் இருப்பதை வாக்காளர்கள் உறுதி செய்து கொள்ள வேண்டியதுஅவசியமாகும். பெயர் இருக்கிறதா? என்பதை தெரிந்துகொள்ள 9731979899 என்ற செல்லிடப்பேசிக்கு KAEPIC < VOTERS ID NO > என்று குறுந்தகவல் அனுப்பினால், உடனடியாக வாக்காளர் பெயர், தொகுதி, வாக்குப்பதிவு மையம் போன்ற தகவல்கள் அனுப்பிவைக்கப்படும். இதுதவிர,கர்நாடக தலைமைத் தேர்தல் அதிகாரி அலுவலகம் செல்லிடப்பேசி செயலியைத் தயாரித்துள்ளது. அதை பயன்படுத்தியும் வாக்காளர்பட்டியல் குறித்த விவரங்களைப் பெறலாம். பட்டியலில் பெயர் சேர்க்கவும், நீக்கவும், திருத்தவும் செயலியை பயன்படுத்தலாம். 
2018, ஜன.1}ஆம் தேதி அன்று 18 வயது நிரம்பியவர்கள் அனைவரும் இணையதளம்மூலமும் வாக்காளர் பட்டியலில் பெயர்களைப் பதிவு செய்து கொள்ளலாம். தேர்தலில் வாக்காளர் யாருக்கு வாக்களித்தோம் என்ற விவரங்களை அறிந்து கொள்ள விவிபாட் இயந்திரங்கள் மின்னணு இயந்திரத்துடன் இணைக்கப்படும். 
மாநிலத்தில் 4.9 கோடி வாக்காளர்கள் உள்ளனர். இவர்கள் வாக்களிக்க 66,395 வாக்குச்சாவடிகள் அமைக்கப்படும். மாநில எல்லைகளில் சிசிடிவி கேமராக்கள் பொருத்தப்படும். அதிகப்படியான பணம் மற்றும் பரிசுப் பொருள்களின் நடமாட்டம் குறித்து தீவிரமாக கண்காணிக்கப்படும். ஒருவேட்பாளர் தேர்தலில் அதிகபட்சமாக ரூ.28 லட்சம் வரை செலவு செய்யலாம் என்றார். மாநில தலைமைத் தேர்தல் அதிகாரி சஞ்சீவ்குமார் உள்ளிட்டோர் கூட்டத்தில் கலந்து கொண்டனர்.
 

]]>
http://www.dinamani.com/all-editions/edition-bangalore/2018/jan/11/வாக்காளர்கள்-கவனத்துக்கு-2842988.html
2842174 அனைத்துப் பதிப்புகள் பெங்களூரு ஜன. 15-இல் பெங்களூரு தமிழ்ச் சங்கத்தில் பொங்கல் விழா DIN DIN Wednesday, January 10, 2018 08:12 AM +0530 பெங்களூரு தமிழ்ச் சங்கத்தில் ஜன. 15-ஆம் தேதி வள்ளுவர் தினத்தையொட்டி பொங்கல் திருவிழா நடைபெறுகிறது.
இதுகுறித்து பெங்களூரு தமிழ்ச் சங்கம் வெளியிட்ட அறிக்கை:
பெங்களூரு தமிழ்ச் சங்கத்தில் ஆண்டுதோறும் ஜன. 15-ஆம் தேதி வள்ளுவர் தினத்தையொட்டி பொங்கல் விழா சிறப்பாக கொண்டாடப்படுவது வழக்கமாக உள்ளது. வரும் திங்கள்கிழமை காலை (ஜன.15) காலை 9.30.மணியளவில் மகளிரால் பொங்கல் விழா தொடங்கப்பட்டு, சிறப்பாக கொண்டாடப்பட உள்ளது. இதில் அனைத்து மதத்தினரும் கலந்து கொள்கிறார்கள். 
தொடர்ந்து சென்னையில் இருந்து வரும் மாற்று ஊடக மையக் கலைஞர்கள் நிகழ்த்தும் பறையாட்டம்,கரகாட்டம்,சிலம்பாட்டம்,சக்கைகுச்சியாட்டம்,சிலாஆட்டம்,ஒயிலாட்டம்,களியல்ஆட்டம் நடைபெறும். 
மேலும் தூய அல்போன்சியார் உயர்நிலைப் பள்ளி மாணவ,மாணவிகளின் கோலாட்டம்,ஒயிலாட்டம்,பி.எம்.பள்ளியின் நாட்டிய நாடகம், பெங்களூரு தமிழ்ச் சங்க இசை வகுப்பு மற்றும் நாட்டிய வகுப்பு மாணவியரின் நாட்டிய கலைநிகழ்ச்சி முதலிய பல்வேறு கண்கவர் நிகழ்வுகள் நடைபெறவுள்ளன.
பெங்களூரு வாழ் தமிழர்கள் அனைவரும் திரளாக இவ்விழாவில் கலந்து கொள்ளவேண்டும் என்று அதில் கேட்டுக் கொள்ளப்பட்டுள்ளது. பொங்கல் விழாவில் கலந்து கொள்ளும் அனைவருக்கும் மதிய உணவுக்கு ஏற்பாடு செய்யப்பட்டுள்ளது. மதிய உணவுக்குப் பிறகு பொங்கல் கவியரங்கம், புத்தகவெளியீடு நிகழ்ச்சிகள்
நடைபெறும். 
பின்னர், ஆண்டுவிழா போட்டிகளில் வெற்றி பெற்றவர்களுக்கு பரிசுகள் வழங்கப்படும் என்று தமிழ்ச் சங்கத்தின் தலைவர் தி.கோ.தாமோதரன் தெரிவித்தார்.

]]>
http://www.dinamani.com/all-editions/edition-bangalore/2018/jan/10/ஜன-15-இல்-பெங்களூரு-தமிழ்ச்-சங்கத்தில்-பொங்கல்-விழா-2842174.html
2842173 அனைத்துப் பதிப்புகள் பெங்களூரு பாஜகவின் அரசியல் தந்திரம் பலிக்காது: சித்தராமையா DIN DIN Wednesday, January 10, 2018 08:11 AM +0530 வரும் கர்நாடக சட்டப்பேரவைத் தேர்தலில் பாஜகவின் அரசியல் தந்திரம் பலிக்காது என்று முதல்வர் சித்தராமையா தெரிவித்தார்.
குடகு மாவட்டம் மடிகேரியில் செவ்வாய்க்கிழமை நடைபெற்ற சாதனை பயண மாநாட்டில் பல்வேறு வளர்ச்சிப் பணிகளைத் தொடக்கிவைத்தார். முன்னதாக செய்தியாளர்களிடம் அவர்
கூறியது: 
கர்நாடகத்தில் ஆட்சியைக் கைப்பற்றும் நோக்கில் பாஜக தேசியத் தலைவர் அமித்ஷா, தொடர்ந்து மாநிலத்திற்கு அடிக்கடி பயணம் மேற்கொண்டு வருகிறார். நடைபெற உள்ள சட்டப்பேரவைத் தேர்தலில் வெற்றி பெற வேண்டும் என்பதற்காக பாஜகவினர் பல்வேறு தந்திரங்களைச் செய்து வருகின்றனர். அவர்களின் தந்திரம் கர்நாடகத்தில் பலிக்காது. மாநில அரசின் சாதனைகளால் ஈர்க்கப்பட்டுள்ள மக்கள், வரும் தேர்தலிலும் காங்கிரஸ் கட்சியை ஆதரிக்க முடிவு செய்துள்ளனர். இதனால், காங்கிரஸ் மீண்டும் ஆட்சியைப்
பிடிக்கும்.
மக்கள் வரிப் பணத்தில் முதல்வர் சித்தராமையா, சாதனை பயணத்தை மேற்கொண்டுள்ளார் என பாஜக உள்ளிட்ட எதிர்க்கட்சிகள் விமர்சனம் செய்து வருகின்றனர். பிரதமர் நரேந்திர மோடி பல வெளிநாடுகளுக்கு தொடர்ந்து பயணம் மேற்கொண்டு வருகிறார். இதுபோன்ற பயணங்களுக்கு பிரதமர் தனது சொந்தப்பணத்தை செலவிடுகிறாரா? என்பதனை பாஜகவினர் விளக்க வேண்டும். 
அண்மையில் மாநிலத்திற்கு வந்த உத்தர பிரதேச மாநில முதல்வர் யோகி ஆதித்யநாத், ஆதாரமற்ற தகவல்களை மக்களிடத்தில் கொண்டு செல்லும் முயற்சியில் ஈடுபட்டுள்ளார். அவரின் பொய் பிரசாரத்தை மக்கள் நம்பமாட்டார்கள் என்றார்.

]]>
http://www.dinamani.com/all-editions/edition-bangalore/2018/jan/10/பாஜகவின்-அரசியல்-தந்திரம்-பலிக்காது-சித்தராமையா-2842173.html
2842172 அனைத்துப் பதிப்புகள் பெங்களூரு மதக் கலவரங்களைத் தூண்டும் முயற்சியில் பாஜக ஈடுபடாது DIN DIN Wednesday, January 10, 2018 08:11 AM +0530 மதக் கலவரங்களைத் தூண்டும் முயற்சியில் பாஜக ஒருபோதும் ஈடுபடாது என்று கர்நாடக பாஜக தலைவர் பி.எஸ்.எடியூரப்பா தெரிவித்தார்.
கர்நாடக மாநிலம்,  சித்ரதுர்காவில் செவ்வாய்க்கிழமை தொடங்கிய மாற்றத்துக்கான பயணத்தில் பங்கேற்பதற்கு முன்னதாக செய்தியாளர்களிடம் அவர் கூறியது: 
கர்நாடகத்தில் அதிகரித்துவரும் குற்றங்களையும்,  விவசாயிகளின் தற்கொலைகளையும், பசுக்கள் கொல்லப்படுவதையும் தடுக்க வேண்டும் என்று அண்மையில் பெங்களூரில் நடைபெற்ற மாற்றத்திற்கான பயண மாநாட்டில் உத்தர பிரதேச மாநில முதல்வர் யோகி ஆதித்யநாத் தெரிவித்தார். 
அவரின் கருத்தை ஏற்க முடியாத முதல்வர் சித்தரமையா,  யோகி ஆதித்யநாத்தை தரக்குறைவாக விமர்சனம் செய்து வருகிறார்.  இது முதல்வராகப் பதவி வகிக்கும் சித்தராமையாவுக்கு அழகல்ல. யோகி ஆதித்யநாத்தை விமர்சனம் செய்யும் தார்மிக உரிமை சித்தராமையாவுக்கு இல்லை. 
தன்னை ஹிந்து எனக் கூறிக் கொள்ளும் முதல்வர் சித்தராமையா,  அசைவ உணவு சாப்பிட்ட பின்னர் தர்மஸ்தலா கோயிலுக்குச் சென்றார்.  அவரின் செயல்பாடு ஒருபோதும் ஏற்க முடியாதது.  மதக் கலவரங்களை பாஜக தூண்டுவதாக சித்தராமையா குற்றம்சாட்டி வருகிறார்.  அதில் உண்மை இல்லை. 
மதக் கலவரத்தை தூண்டும் முயற்சியில் பாஜக ஒருபோதும் ஈடுபடாது.  காங்கிரஸ் ஆட்சியில் விவசாயிகள் தற்கொலை அதிகரித்துள்ளது. நிதி நிலைமையும் மோசமாகியுள்ளது. மகதாயி விவகாரத்தை காங்கிரஸ் அரசியலாக்கி வருகிறது என்றார்.
 

]]>
http://www.dinamani.com/all-editions/edition-bangalore/2018/jan/10/மதக்-கலவரங்களைத்-தூண்டும்-முயற்சியில்-பாஜக-ஈடுபடாது-2842172.html
2842171 அனைத்துப் பதிப்புகள் பெங்களூரு லாரி மோதியதில் விவசாயி சாவு DIN DIN Wednesday, January 10, 2018 08:11 AM +0530 பெங்களூரு அருகே லாரி மோதியதில் விவசாயி உயிரிழந்தார்.
பெங்களூரு ஊரகம் ஹொசகோட்டை சிக்கநாயகனஹள்ளியைச் சேர்ந்தவர் நரசிம்மா (63). செவ்வாய்க்கிழமை காலை 7 மணியளவில் கிராமத்தில் உள்ள கோலார் சாலையில் நின்று கொண்டிருந்தாராம். அப்போது வேகமாக வந்த மினி லாரி மோதியதில் நிகழ்விடத்திலே நரசிம்மா உயிரிழந்தார். இந்த விபத்து குறித்து நந்தகுடி போலீஸார் வழக்குப் பதிந்து விசாரணை மேற்கொண்டுள்ளனர். 

]]>
http://www.dinamani.com/all-editions/edition-bangalore/2018/jan/10/லாரி-மோதியதில்-விவசாயி-சாவு-2842171.html
2842170 அனைத்துப் பதிப்புகள் பெங்களூரு நாளை திமுக நிர்வாகிகள் கூட்டம் DIN DIN Wednesday, January 10, 2018 08:11 AM +0530 கர்நாடக மாநில திமுக நிர்வாகிகள் கூட்டம் ஜன. 11-ஆம் தேதி நடைபெறுகிறது.
இதுகுறித்து கர்நாடக மாநில திமுக அமைப்பாளர் ந.இராமசாமி வெளியிட்ட அறிக்கை:
கர்நாடக மாநில திமுக நிர்வாகிகள் குழு கூட்டம் பெங்களூரு ராமசந்திரபுரத்தில் உள்ள ஸ்டாலின் மணிவிழா அரங்கில் ஜன. 11-ஆம் தேதி மாலை 4 மணிளவில் நடைபெற உள்ளது. மாநில திமுக அவைத்தலைவர் மொ.பெரியசாமி தலைமையில் நடக்கும் இக்கூட்டத்தில் தலைமைச் செயற்குழு, பொதுக்குழு உறுப்பினர்கள், இளைஞர் அணி, மகளிர் அணி, இலக்கிய அணி, தொமுச பேரவை நிர்வாகிகள் உள்ளிட்டோர் கலந்து கொள்ளவிருக்கிறார்கள். 
இக்கூட்டத்தில் பேரறிஞர் அண்ணா சிலை திறப்பு, கட்சியின் ஆக்கப்பணிகள் குறித்து விவாதிக்கப்பட உள்ளதாக அதில் கூறப்பட்டுள்ளது.  
 

]]>
http://www.dinamani.com/all-editions/edition-bangalore/2018/jan/10/நாளை-திமுக-நிர்வாகிகள்-கூட்டம்-2842170.html
2842169 அனைத்துப் பதிப்புகள் பெங்களூரு பெண்ணிடமிருந்து ரூ.47 லட்சம் பறிப்பு DIN DIN Wednesday, January 10, 2018 08:10 AM +0530 பெண்ணிடமிருந்து ரூ. 47 லட்சம் மதிப்புள்ள தங்கநகை, ரொக்கப்பணத்தை பறித்துச் சென்ற மர்ம நபர்களை போலீஸார் தேடி வருகின்றனர்.
பெங்களூரு சந்திராலேஅவுட் நியூ இன்கம்டாக்ஸ் லேஅவுட் முதலாவது குறுக்குச் சாலையைச் சேர்ந்தவர் சரோஜா. இவர் திங்கள்கிழமை தனது கணவருடன் காரில் சென்று, வங்கியொன்றின் பெட்டகத்தில் வைத்திருந்த ரூ. 47 லட்சம் மதிப்புள்ள ஒன்றரை கிலோ தங்கநகை, ரூ. 2 லட்சம் ரொக்கப்பணத்தை எடுத்து கைப்பையில் வைத்துக் கொண்டு, வீட்டிற்குத் திரும்பி வந்தாராம்.  வீட்டின் அருகே காரிலிருந்து இறங்கி வீட்டிற்குள் செல்ல முயன்ற போது, மோட்டார் சைக்கிளில் வந்த 2 பேர் அவர் வைத்திருந்த கைப்பையை பறித்துக் கொண்டு தப்பினர்.  இது குறித்து சந்திராலேஅவுட் போலீஸார், வழக்குப் பதிந்து விசாரணை நடத்தி வருகின்றனர்.     

]]>
http://www.dinamani.com/all-editions/edition-bangalore/2018/jan/10/பெண்ணிடமிருந்து-ரூ47-லட்சம்-பறிப்பு-2842169.html
2842168 அனைத்துப் பதிப்புகள் பெங்களூரு "பெண்களுக்கு புற்றுநோய் விழிப்புணர்வு அவசியம்' DIN DIN Wednesday, January 10, 2018 08:10 AM +0530 புற்றுநோய் குறித்து பெண்களுக்கு தேவையான விழிப்புணர்வை ஏற்படுத்துவது அவசியம் என பிங்கத்தான் நிறுவனர் மிலிந்சோமன் தெரிவித்தார்.
பெங்களூரில் செவ்வாய்க்கிழமை பிங்கத்தான் சார்பில் பெண்களுக்கான புற்றுநோய் விழிப்புணர்வு ஓட்டப்பந்தய அறிமுக நிகழ்ச்சியில் அவர் பேசியது: தேசிய அளவில் புற்றுநோயால் பெண்கள் பாதிக்கப்படுவது அதிகரித்து வருகிறது. இதைத் தடுக்க பெண்களிடம் விழிப்புணர்வை ஏற்படுத்துவது அவசியம். பெண்களின் சுகாதாரம் பாதிக்கப்பட்டால், ஒரு குடும்பத்தின் வளர்ச்சி முற்றிலும் பாதிக்கும். எனவே, நாடும், வீடும் நலமாக இருக்க பெண்கள் தங்கள் சுகாதாரத்தில் அக்கறை கொள்வது அவசியம். 
புற்றுநோய் விழிப்புணர்வை வலியுறுத்தி பிப். 18-ஆம் தேதி பெங்களூரில் 10, 5 கி.மீ உள்ளிட்ட 5 பிரிவுகளில் ஓட்டப்பந்தயங்கள் நடைபெற உள்ளது. இதில் மாற்றுத் திறனாளிகள் உள்ளிட்ட 10 ஆயிரம் பெண்கள் பங்கேற்பார்கள் என எதிர்பார்க்கப்படுகிறது என்றார். நிகழ்ச்சியில் ரீமா சங்கவி, ஆனந்த்பஜாஜ், ராஜ்நாயக் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/jan/10/பெண்களுக்கு-புற்றுநோய்-விழிப்புணர்வு-அவசியம்-2842168.html
2842167 அனைத்துப் பதிப்புகள் பெங்களூரு ராஜகால்வாயில் தவறி விழுந்து குழந்தை சாவு DIN DIN Wednesday, January 10, 2018 08:10 AM +0530 சாலையோரம் விளையாடிக் கொண்டிருந்த குழந்தை ராஜகால்வாயில் தவறி விழுந்து உயிரிழந்தது.
கர்நாடக மாநிலம், கலபுர்கி மாவட்டத்தைச் சேர்ந்த கூலி தொழிலாளர் சிவண்ணா. இவரது இரண்டரை வயது பெண் குழந்தை தனுஸ்ரீ. பெங்களூரு தொட்டபொம்மசந்திரா அருகே கொட்டகை அமைத்து சிவண்ணா தனது குடும்பத்தினருடன் வசித்து வந்தார்.
செவ்வாய்க்கிழமை காலை கொட்டாகை அருகே விளையாடிக் கொண்டிருந்த குழந்தை தனுஸ்ரீ, கால் தவறி, ராஜகால்வாயில் விழுந்தது. இதில் மூச்சுத் திணறி குழந்தை உயிரிழந்தது. தகவல் அறிந்த வித்யாரண்யபுரா போலீஸார், குழந்தையின் சடலத்தை மீட்டு பிரேத பரிசோதனைக்கு அனுமதித்தனர். இதுகுறித்து வழக்குப் பதிந்து போலீஸார் விசாரணை மேற்கொண்டு வருகின்றனர். 

]]>
http://www.dinamani.com/all-editions/edition-bangalore/2018/jan/10/ராஜகால்வாயில்-தவறி-விழுந்து-குழந்தை-சாவு-2842167.html
2842165 அனைத்துப் பதிப்புகள் பெங்களூரு மஜதவுக்கு ஆதரவளியுங்கள்: தேவெ கெளடா DIN DIN Wednesday, January 10, 2018 08:09 AM +0530 கர்நாடகத்தின் வளர்ச்சியைக் கருத்தில் கொண்டு மாநில கட்சியான மஜதவுக்கு மக்கள் ஆதரவளிக்க வேண்டும் என முன்னாள் பிரதமர் தேவெ கெளடா தெரிவித்தார்.
தும்கூரு மாவட்டம், பாவகடாவில் திங்கள்கிழமை நடைபெற்ற மஜத கட்சியின் மாநாட்டில் அவர் பேசியது: 
கர்நாடகத்தின் அண்டை மாநிலமான ஆந்திரத்தில் மாநிலக் கட்சி ஆட்சியைப் பிடித்துள்ளது. இதனால், அம்மாநிலம் பரவலான வளர்ச்சியைப் பெற்று வருகிறது. இதேபோன்ற வளர்ச்சியை கர்நாடகத்தில் காணமுடியும். எனவே, மாநிலத்தில் வளர்ச்சியைக் கருத்தில் கொண்டு மஜதவுக்கு மக்கள் ஆதரவளிக்க வேண்டும். 
பாவகடாவில் கூடியுள்ள மக்கள் கூட்டத்தை பார்க்கும் போது, மஜத மீண்டும் ஆட்சியைப் பிடிக்கும் என்ற நம்பிக்கை ஏற்பட்டுள்ளது. மிகச் சாதாரணமாக இருந்த சித்தராமையாவை தோளில் சுமந்து தற்போது முதல்வர் பதவி வரை அழைத்துச் சென்ற ஒரு கட்சியை, இறந்த கட்சி என்று சித்தராமையா விமர்சனம் செய்ய அவருக்கு எப்படி மனம் வந்தது என்று தெரியவில்லை.
அண்மைக் காலமாக மாநிலத்தில் புதிய அலை வீசி வருகின்றது. மக்கள் மாற்றத்தை விரும்புகின்றனர். எனவே மாநிலக் கட்சியை ஆதரிக்க முடிவு செய்துள்ளனர். மாநில கட்சியால் மட்டுமே மக்களுக்கு தேவையான பரவலான வளர்ச்சியை வழங்க முடியும். கர்நாடகத்தின் வளர்ச்சியை மட்டுமே இலக்காகக் கொண்டு செயல்படுவதே மஜதவின் குறிக்கோளாகும் என்றார்.
 

]]>
http://www.dinamani.com/all-editions/edition-bangalore/2018/jan/10/மஜதவுக்கு-ஆதரவளியுங்கள்-தேவெ-கெளடா-2842165.html
2842164 அனைத்துப் பதிப்புகள் பெங்களூரு மது அருந்த பணம் தராததால் தாய் கொலை: மகன் கைது DIN DIN Wednesday, January 10, 2018 08:09 AM +0530 மது அருந்த பணம் தராததால் தாயைக் கொன்ற மகனை போலீஸார் கைது செய்தனர்.
பெங்களூரு ஆடுகோடி அம்பேத்கர்நகரைச் சேர்ந்தவர் மூதாட்டி லட்சுமி (80). இவரது மகன் செல்வராஜ் (58). கடந்த ஜன. 4-ஆம் தேதி லட்சுமியிடம், செல்வராஜ் மது அருந்த பணம் கேட்டுள்ளார். பணம் தர லட்சுமி மறுத்ததையடுத்து, ஆத்திரமடைந்த செல்வராஜ், தாயை தாக்கினாராம்.
இதில் காயமடைந்த லட்சுமி சிகிச்சைக்காக தனியார் மருத்துவமனையில் அனுமதிக்கப்பட்டார். இந்த நிலையில்,  திங்கள்கிழமை இரவு அவர் உயிரிழந்தார். இதுகுறித்து ஆடுகோடி போலீஸார் வழக்குப் பதிந்து  செல்வராஜை கைது செய்தனர்.

]]>
http://www.dinamani.com/all-editions/edition-bangalore/2018/jan/10/மது-அருந்த-பணம்-தராததால்-தாய்-கொலை-மகன்-கைது-2842164.html
2842163 அனைத்துப் பதிப்புகள் பெங்களூரு கர்நாடகத்தில் மஜத மீண்டும் ஆட்சியைக் கைப்பற்றும் DIN DIN Wednesday, January 10, 2018 08:09 AM +0530 வரும் சட்டப்பேரவைத் தேர்தலில் அதிகத் தொகுதிகளில் வெற்றிபெற்று மஜத மீண்டும் ஆட்சியைக் கைப்பற்றும் என கர்நாடக மதச் சார்பற்ற ஜனதா தளத் தலைவர் எச்.டி.குமாரசாமி நம்பிக்கை தெரிவித்தார்.
பெங்களூரில் உள்ள இங்கிலாந்து தூதரகத்தில் இந்தியாவுக்கான இங்கிலாந்து துணைத் தூதர்கள் அலெக்ஸாண்டர்,  டோமினிக் மைக்கலிஸ்டரைச் சந்தித்து கெளரவித்தார்.  பின்னர்,  செய்தியாளர்களிடம் அவர் கூறியது: 
கர்நாடகத்தில் நிகழாண்டு சட்டப்பேரவைத் தேர்தல் நடைபெற உள்ளது.  இதில் தொங்கு சட்டப்பேரவை ஏற்படும் என்று கருத்துக் கணிப்புகள் கூறி வருகின்றன.  மேலும், இதனால் 3-ஆவது இடத்துக்கு மஜத தள்ளப்படும்.  ஆட்சி அமைக்க விரும்பும் காங்கிரஸ் மற்றும் பாஜகவினர் மஜதவின் உதவியை நாடுவார்கள்.  இதனால், கிங்மேக்கராக மஜத செயல்பட உள்ளது எனத் தெரிவிக்கப்பட்டுள்ளது. 
அரசுகளை உருவாக்கும் கட்சியாக மஜத இருக்க விரும்பவில்லை.  அரசைக் கைப்பற்றும் கட்சியாக இருக்கவே விரும்புகிறது.  எனவே,  வரும் சட்டப்பேரவைத் தேர்தலில் அதிகத் தொகுதிகளில் வெற்றிபெற்று,  மஜத ஆட்சியைக் கைப்பற்றும்.   தேசியக் கட்சிகளின் ஆட்சியால் வேதனையடைந்துள்ள மக்கள் மாநிலக் கட்சியான மஜதவை ஆதரிக்க முடிவு செய்துள்ளனர் என்றார்.

]]>
http://www.dinamani.com/all-editions/edition-bangalore/2018/jan/10/கர்நாடகத்தில்-மஜத-மீண்டும்-ஆட்சியைக்-கைப்பற்றும்-2842163.html