Dinamani - பெங்களூரு - http://www.dinamani.com/all-editions/edition-bangalore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2912508 அனைத்துப் பதிப்புகள் பெங்களூரு ரெட்டி சகோதரர்களின் ஆதரவு பாஜகவுக்கு சாதகமாகுமா?    பெங்களூரு, DIN Thursday, May 3, 2018 09:37 AM +0530 கர்நாடக சட்டப்பேரவைத் தேர்தலில் ஜனார்த்தன ரெட்டி சகோதரர்களின் ஆதரவு பாஜகவின் வெற்றிக்குக் கை கொடுக்குமா? என்பது அரசியல் வட்டாரத்தில் முக்கிய விவாதமாகியுள்ளது.
 2008-இல் எடியூரப்பா தலைமையில் பாஜக ஆட்சியமைக்க கைக்கொடுத்த சுரங்கத் தொழிலதிபர் ஜனார்த்தன ரெட்டி, மத்திய வெளியுறவுத் துறை அமைச்சர் சுஷ்மா ஸ்வராஜால் அரசியலில் வளர்த்தெடுக்கப்பட்டார். எடியூரப்பா அமைச்சரவையில் ஜனார்த்தன ரெட்டி, அவரது மூத்த சகோதரர் கருணாகர ரெட்டி, கூட்டாளி ஸ்ரீராமுலு ஆகியோர் அமைச்சர்களாகவும் இடம்பெற்றிருந்தனர்.
 முறைகேடு
 பெல்லாரி மாவட்டத்தில் ஜனார்த்தன ரெட்டிக்குச் சொந்தமான சுரங்க நிறுவனங்கள் மூலம் ஆங்காங்கே சட்ட விரோதமாக சுரங்கங்கள் அமைக்கப்பட்டு, இரும்புத்தாது வெட்டப்பட்டு, வெளிநாடுகளுக்கு ஏற்றுமதி செய்யப்பட்டது. இதில் ரூ.50 ஆயிரம் கோடிக்கு முறைகேடு நடந்துள்ளதாக லோக் ஆயுக்தவின் அன்றைய
 நீதிபதி சந்தோஷ் ஹெக்டே அளித்த அறிக்கையில் அன்றைய முதல்வர் எடியூரப்பா, அமைச்சர்கள் ஜனார்த்தன ரெட்டி, கருணாகர ரெட்டி, ஸ்ரீராமுலு ஆகியோரின் பெயர்கள் இடம்பெற்றிருந்தன.
 சிறைவாசம்
 இதைத் தொடர்ந்து, 2011-ஆம் ஆண்டு ஜூலை 31-ஆம் தேதி எடியூரப்பா முதல்வர் பதவியை இழந்ததோடு, சிறைக்குச் சென்றார். ஜனார்த்தன ரெட்டி மீதான வழக்கை விசாரித்த உச்ச நீதிமன்றம், சுரங்க முறைகேடு வழக்கை சிபிஐ வசம் ஒப்படைத்தது. இதைத் தொடர்ந்து, சுரங்கமுறைகேடு வழக்குகளில் 2011, செப்.5-ஆம் தேதி கைது செய்யப்பட்ட ஜனார்த்தன ரெட்டி, சுமார் மூன்றரை ஆண்டுகள் ஹைதராபாத் சிறையில் அடைக்கப்பட்டு, உச்ச நீதிமன்ற உத்தரவின்பேரில் 2015, ஜன.21-ஆம் தேதி ஜாமீனில் வெளியே வந்தார்.
 இதன்காரணமாக, ஜனார்த்தனரெட்டி, அவரது சகோதரர்கள் கருணாகர ரெட்டி, சோமசேகர ரெட்டி, உறவினர்கள் சுரேஷ்பாபு, சன்னபக்கீரப்பா, நண்பர் ஸ்ரீராமுலு ஆகியோரை ஓரங்கட்டிய பாஜக, 2013-இல் நடந்த சட்டப்பேரவைத் தேர்தலில் இவர்களுக்கு போட்டியிட வாய்ப்பளிக்கவில்லை. இதனால் ஜனார்த்தன ரெட்டிக்கும், பாஜகவுக்கும் இடையே நிலவி வந்த உறவு முறிந்துவிட்டதாகவே கருதப்பட்டது.
 இதனிடையே, பாஜகவில் இருந்து விலகிய ஜனார்த்தன ரெட்டியின் நண்பர் ஸ்ரீராமுலு, பிஎஸ்ஆர் காங்கிரஸ் கட்சியைத் தொடங்கி, 2013-ஆம் ஆண்டு சட்டப்பேரவைத் தேர்தலில் போட்டியிட்டு 4 இடங்களைக் கைப்பற்றினார். 2014-இல் நடைபெற்ற மக்களவைத் தேர்தலின்போது பிஎஸ்ஆர் காங்கிரஸ் கட்சி பாஜகவில் இணைக்கப்பட்டாலும், பாஜகவில் ஜனார்த்தன ரெட்டி, அவரது சகோதரர்களுக்கு எவ்விதப் பங்களிப்பும் வழங்கப்படவில்லை.
 வாய்ப்பு
 இதனிடையே, ஏப்.24-ஆம் தேதி வேட்புமனு தாக்கல் செய்யப்பட்டபோது, ஜனார்த்தன ரெட்டியின் சகோதரர்கள் கருணாகர ரெட்டி, சோமசேகரரெட்டி, உறவினர்கள் சன்னபக்கீரப்பா, லல்லேஷ்ரெட்டி, சுரேஷ்பாபு, நெருங்கிய கூட்டாளி ஸ்ரீராமுலு ஆகியோருக்கு தேர்தலில் போட்டியிட பாஜக வாய்ப்பளித்திருந்தது. இது கர்நாடக அரசியலில் மட்டுமல்லாது, பாஜகவிலும் பெரும் அதிர்ச்சியை ஏற்படுத்தியது. இதனிடையே, சித்தராமையாவை அரசியல் ரீதியாகப் பழிவாங்குவதற்கு சரியான சந்தர்ப்பத்துக்காகக் காத்திருந்த ஜனார்த்தன ரெட்டி, அதற்கான வாய்ப்பாக சட்டப்பேரவைத் தேர்தலைப் பயன்படுத்திக் கொண்டுள்ளார்.
 கணிப்பு
 சட்டப்பேரவைத் தேர்தலில் பாஜக வெற்றி பெறுவதற்கு ஜனார்த்தன ரெட்டியின் உதவியை முன்கூட்டியே கணித்த எடியூரப்பா, அதற்காகவே 2016-இல் நடந்த ஜனார்த்தன ரெட்டி மகள் திருமணத்தில் கலந்துகொண்டு அவரது உறவைப் புதுப்பித்துக் கொண்டார்.
 அதன் காரணமாகவே, ஜனார்த்தன ரெட்டிக்கு நெருக்கமானவர்கள் 6 பேருக்கு 7 இடங்களில் போட்டியிடும் வாய்ப்பு தரப்பட்டுள்ளது. பாதாமி மற்றும் மொலகல்மூரு ஆகிய இரு தொகுதிகளில் ஸ்ரீராமுலு நிறுத்தப்பட்டுள்ளார். பாதாமியில் முதல்வர் சித்தராமையாவை எதிர்த்துப் போட்டியிட நிறுத்தப்பட்டுள்ளார்.
 பாஜக மறைமுக ஆதரவு
 அமித் ஷாவின் ஆலோசனையின் பேரிலேயே ஜனார்த்தன ரெட்டியின் உதவியை நாடியுள்ளதாகக் கூறிய எடியூரப்பா, அவரது பிரசாரத்தால் பெல்லாரி, சித்ரதுர்கா, கதக், கொப்பள், ராய்ச்சூரு மாவட்டங்களில் பாஜகவுக்கு 20-25 இடங்கள் கூடுதலாகக் கிடைக்கும் என்று அறிவித்தார்.
 மத்திய கர்நாடகத்தில் பழங்குடியினரின் வாக்குகளைப் பெற ஸ்ரீராமுலுவையும், பாதாமியில் சித்தராமையாவைத் தோற்கடிக்க, கர்நாடக-ஆந்திர எல்லை மாவட்டங்களில் அதிகளவில் வசிக்கும் ரெட்டி சமுதாயத்தின் வாக்குகளைப் பெற ஜனார்த்தன ரெட்டியையும் நட்சத்திரங்களாகப் பயன்படுத்திக்கொள்ள பாஜக வியூகம் அமைத்துள்ளது. வெற்றியை மட்டுமே இலக்காகக் கொண்டுள்ள பாஜக, ஜனார்த்தன ரெட்டியின் படைபலம் மற்றும் பணபலத்தை முழுமையாகப் பயன்படுத்திக் கொள்ள முடிவு செய்து, அதற்கான வேலைகளில் இறங்கியுள்ளது. ஜனார்த்தன ரெட்டியின் அரசியல் வருகை காங்கிரஸ் ஆட்சியை அகற்றுமா? நிலைக்க வைக்குமா? அல்லது பாஜகவுக்கு வெற்றிக்கனியைப் பறித்துத் தருமா? என்பது மே 15-இல் தெரியவரும்.
 -ந.முத்துமணி
 
 
 
 

]]>
http://www.dinamani.com/all-editions/edition-bangalore/2018/may/03/ரெட்டி-சகோதரர்களின்-ஆதரவு-பாஜகவுக்கு-சாதகமாகுமா-2912508.html
2912507 அனைத்துப் பதிப்புகள் பெங்களூரு வேட்பாளர்களின் வெற்றி வாய்ப்பு   DIN DIN Thursday, May 3, 2018 09:37 AM +0530 சி.வி.ராமன்நகர்
 சி.வி.ராமன்நகர் தொகுதியில் பாஜகவின் தற்போதைய எம்எல்ஏ எஸ்.ரகுவுக்கும், காங்கிரஸ் வேட்பாளராகப் போட்டியிடும் பெங்களூரு மாநகராட்சி மேயர் ஆர்.சம்பத்ராஜுக்கும் இடையே இருமுனை போட்டி நிலவுகிறது.
 பெங்களூரில் உள்ள முக்கியமான தொகுதிகளில் சி.வி.ராமன்நகர் ஒன்றாகும். இத்தொகுதிக்குள்பட்ட பகுதிகளில் மத்திய அரசின் டிஆர்டிஓ, பிஇஎல் போன்ற மத்திய அரசு நிறுவனங்கள் தவிர, ஏராளமான தனியார் தகவல்தொழில்நுட்ப நிறுவனங்களும் உள்ளன.
 இந்தத் தொகுதியில் அனைத்து வகையான சமூக-பொருளாதார பின்புலங்களைக் கொண்டவர்கள் வசித்துவருகிறார்கள். படித்தவர்கள், கல்வியறிவில்லாதவர்கள், பணக்காரர்கள், ஏழைகள், நடுத்தர வர்க்கதினர் உள்ளிட்டோர் உள்ளனர். பழுதடைந்த சாலை, போக்குவரத்து நெரிசல், கொசு தொல்லை, குப்பை குவியல் போன்றவை இத்தொகுதி மக்கள் எதிர்கொள்ளும் அடிப்படை பிரச்னைகளாகும்.
 பாஜகவை சேர்ந்த எஸ்.ரகு கடந்த 10 ஆண்டுகளாக எம்எல்ஏ பதவி வகித்தாலும், சட்டப்பேரவையில் தொகுதி மக்களின் பிரச்னைகளை பேசியதில்லை என்ற குறை உள்ளது. எப்படியும் வென்றுவிடுவோம் என்ற நம்பிக்கையில் இருப்பதால், தொகுதி மக்களைச் சந்திப்பதை தவிர்த்துவருகிறார் என்ற குற்றச்சாட்டு உள்ளது. சித்தராமையா அரசு தனது தொகுதிக்கு போதுமான நிதியை வழங்கவில்லை என்று ரகு கூறினாலும், அந்த வாதத்தை ஏற்க மக்கள் தயாராக இல்லை. 2013-இல் நடைபெற்ற சட்டப்பேரவைத் தேர்தலில் எஸ்.ரகுவை எதிர்த்து காங்கிரஸ் வேட்பாளராகப் போட்டியிட்டு பி.ரமேஷ் 44,945 வாக்குகள் வித்தியாசத்தில் தோல்வியைத் தழுவினார். அதனால் இம்முறை அவருக்கு தேர்தலில் போட்டியிட காங்கிரஸ் வாய்ப்பளிக்கவில்லை.
 இதைத் தொடர்ந்து, அவர் மஜதவுக்கு தாவி அக்கட்சியின் வேட்பாளராகப் போட்டியிடுகிறார். கடந்த 5 ஆண்டுகளில் ஆளுங்கட்சியைச் சேர்ந்தவராக இத்தொகுதிக்கு புதிய திட்டங்களை கொண்டுவர முயற்சிக்கவில்லை என்று கூறப்படுகிறது. முதல்வர் சித்தராமையாவுக்கு நெருக்கமானவராக இருந்தபோதும், தொகுதி வளர்ச்சிக்கு எதையும் செய்யாததால் இவரை போட்டியாளராக மக்கள் கருதவில்லை.
 எனவே, எஸ்.ரகுவுக்கும் காங்கிரஸ் வேட்பாளராகப் போட்டியிடும் பெங்களூரு மாநகராட்சி மேயர் ஆர்.சம்பத்ராஜுக்கும் இடையேதான் போட்டி நிலவுகிறது.
 பெங்களூரு மாநகராட்சி மேயராக திறம்பட செயல்பட்டுள்ள ஆர்.சம்பத்ராஜ், பொறியியல் படித்தவர். இத்தொகுதியில் தமிழர்கள் அதிகம் வசிப்பதால், அவர்கள் அனைவரும் சம்பத்ராஜை ஆதரிக்க முடிவுசெய்துள்ளது காங்கிரஸýக்கு சாதகமாக உள்ளது. மேலும் இத்தொகுதியில் எஸ்.ரகுவுக்கு மாற்றாக நல்லவேட்பாளரை தேடிவந்த மக்களுக்கு ஆர்.சம்பத்ராஜ் நல்ல தேர்வாக உள்ளார்.
 புலிகேசிநகரைச் சேர்ந்தவர் என்று ஆர்.சம்பத்ராஜை கூறினாலும், அவரது வார்டில் செய்துள்ள நல்லபணிகள் சி.வி.ராமன்நகரில் தொடர்வதற்கு வாய்ப்புள்ளதாக மக்கள் நம்புகிறார்கள். எனவே, 10 ஆண்டுகளாக செயல்படாமல் இருக்கும் எஸ்.ரகுவை தோற்கடிக்கும் ஆற்றல் தனக்கிருப்பதாக ஆர்.சம்பத்ராஜ் நம்புகிறார். இத்தேர்தலில் வென்றால் அடுத்த 5 ஆண்டுகளில் தொகுதியை மேம்படுத்த அனைத்து முயற்சிகளிலும் ஈடுபடுவதாக ஆர்.சம்பத்ராஜ் உறுதி அளித்துள்ளார்.
 
 
 

]]>
http://www.dinamani.com/all-editions/edition-bangalore/2018/may/03/வேட்பாளர்களின்-வெற்றி-வாய்ப்பு-2912507.html
2912506 அனைத்துப் பதிப்புகள் பெங்களூரு அறிந்துகொள்வோம் தலைவர்களை...மது பங்காரப்பா   DIN DIN Thursday, May 3, 2018 09:36 AM +0530 கர்நாடகத்தின் புகழ்பெற்ற முதல்வராக விளங்கிய எஸ்.பங்காரப்பாவின் இளையமகன் மது பங்காரப்பா. 1989-ஆம் ஆண்டு முதல் தனது தந்தையுடன் அரசியல் பணியாற்றி வந்த மது பங்காரப்பா, திரைப்படத் துறையிலும் நடிகராக, தயாரிப்பாளராக தடம்பதித்தார்.
 2009-ஆம் ஆண்டு நடைபெற்ற மக்களவைத் தேர்தலில் சிவமொக்கா தொகுதியில் காங்கிரஸ் வேட்பாளராகப் போட்டியிட்டு தோற்ற எஸ்.பங்காரப்பா, தனது மகன் மது பங்காரப்பாவுடன் மஜதவில் இணைந்தார். 2011-இல் எஸ்.பங்காரப்பா காலமானதைத் தொடர்ந்து, மஜதவில் மது பங்காரப்பாவுக்கு முக்கியத்துவம் அளிக்கப்பட்டது.
 மஜதவின் இளைஞர் அணியின் மாநிலத் தலைவராக நியமிக்கப்பட்டவுடன் மாநிலம் முழுவதும் சுற்றுப்பயணம் செய்த மது பங்காரப்பா, மஜதவை வளர்த்தெடுக்க அரும்பாடுபட்டார். அதன்பயனாக, 2013-இல் நடந்த சட்டப்பேரவைத் தேர்தலில் சிவமொக்கா மாவட்டத்தின் சொரபா தொகுதியில் போட்டியிடும் வாய்ப்பு கிடைத்தது. அந்தத் தேர்தலில் மது பங்காரப்பா அபார வெற்றி பெற்றார்.
 முதல்முறையாக சட்டப்பேரவைக்கு தேர்ந்தெடுக்கப்பட்டிருந்தாலும் அவரது முக்கியத்துவத்தை உணர்ந்த மஜத மாநிலத் தலைவர் குமாரசாமி, அவரை கட்சியின் கொறடாவாக நியமித்தார். அதன்பிறகு சிவமொக்கா மாவட்டம் மட்டுமல்லாது மாநிலத்தின் அனைத்து பகுதிகளிலும் மஜதவை வளர்த்தெடுத்தார்.
 குமாரசாமியின் நெருங்கிய அரசியல் வட்டத்தில் இடம்பெற்றிருக்கும் மது பங்காரப்பா, மஜதவின் எதிர்கால தலைவர்களில் ஒருவராக அடையாளப்படுத்தப்பட்டு வருகிறார். சட்டப்பேரவையில் திறமையான தனது வாதங்களால் மாற்றுக் கட்சியினரின் பாராட்டையும் பெற்றுள்ள மது பங்காரப்பா, தனக்குள்ள செல்வாக்கை பயன்படுத்தி சட்டப்பேரவைத் தேர்தலில் மஜதவை வெற்றிபெற செய்ய மாநிலம் முழுவதும் சுற்றுப்பயணம் மேற்கொண்டுள்ளார்.
 

]]>
http://www.dinamani.com/all-editions/edition-bangalore/2018/may/03/அறிந்துகொள்வோம்-தலைவர்களைமது-பங்காரப்பா-2912506.html
2912505 அனைத்துப் பதிப்புகள் பெங்களூரு ஹுப்பள்ளி- சென்னை இடையே சிறப்பு ரயில்    பெங்களூரு DIN Thursday, May 3, 2018 09:36 AM +0530 ஹுப்பள்ளியில் இருந்து சென்னைக்கு(எழும்பூர்) கோடைகால சிறப்பு ரயில் இயக்கப்படுகிறது.
 இதுகுறித்து தென்மேற்கு ரயில்வே வெளியிட்ட செய்திக் குறிப்பு: கோடைகால கூட்டநெரிசலை குறைப்பதற்காக தெற்கு ரயில்வே ஆலோசனையின் பேரில் ஹுப்பள்ளியில் இருந்து சென்னைக்கு(எழும்பூர்) கோடைகால சிறப்பு வாராந்திர விரைவு ரயில் சேவையை தலா 4 நடைகளுக்கு இயக்கப்படுகிறது.
 ரயில் எண்-07324-ஹுப்பள்ளி-சென்னை(எழும்பூர்) சிறப்பு வாராந்திர விரைவுரயில் மே 7-ஆம்தேதிமுதல் திங்கள்கிழமைகளில் இரவு 8.25 மணிக்கு ஹுப்பள்ளி ரயில் நிலையத்தில் இருந்து புறப்பட்டு, செவ்வாய்க்கிழமைகளில் காலை 11.15 மணிக்கு சென்னை(எழும்பூர்) ரயில்நிலையம் சென்றடைகிறது. இதன் கடைசிசேவை மே 28-ஆம் தேதி ஹுப்பள்ளி ரயில்நிலையத்தில் இருந்து புறப்படுகிறது.
 மறு மார்க்கத்தில், ரயில் எண்-07323-சென்னை(எழும்பூர்)-ஹுப்பள்ளி சிறப்பு வாராந்திர விரைவுரயில் மே 8-ஆம் தேதிமுதல் செவ்வாய்க்கிழமைகளில் நண்பகல் 1.30 மணிக்கு புறப்பட்டு, புதன்கிழமைகளில் காலை 11.15 மணிக்கு ஹுப்பள்ளி ரயில் நிலையத்திற்குச் சென்றடைகிறது. இதன்கடைசி சேவை மே 29-ஆம் தேதி சென்னை(எழும்பூர்) ரயில்நிலையத்தில் இருந்து புறப்படுகிறது.
 இந்த விரைவுரயில் இரு மார்க்கங்களிலும் கதக், கொப்பள், ஹொசபேட்டை, தோர்னகல்லு, பெல்லாரி, குண்டக்கல், தடிபாத்ரி, முத்தனூரு, யெர்ரகுண்ட்லா, கடப்பா, நந்தலூர், ராஜம்பேட், கொடூரு, ரேணிகுன்டா, அரக்கோணம், பெரம்பூர் ஆகிய ரயில் நிலையங்களில் நின்று செல்கிறது.
 மொத்தம் 17 பெட்டிகள் கொண்ட இந்த ரயிலில் ஈரடுக்கு குளிரூட்டப்பட்ட ஒரு பெட்டி, மூன்றடுக்கு குளிரூட்டப்பட்ட 2 பெட்டிகள், 2-ஆம் வகுப்பு படுக்கைவசதி கொண்ட 6 பெட்டிகள், 2-ஆம் வகுப்பு பொதுவகுப்பு 6 பெட்டிகள், 2-ஆம் வகுப்பு சரக்கு மற்றும் மாற்றுத் திறனாளி 2 பெட்டிகள் இணைக்கப்பட்டிருக்கும் என அதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/may/03/ஹுப்பள்ளி--சென்னை-இடையே-சிறப்பு-ரயில்-2912505.html
2912504 அனைத்துப் பதிப்புகள் பெங்களூரு கோடைகால தமிழ்ப் பயிற்சி வகுப்பு    பெங்களூரு, DIN Thursday, May 3, 2018 09:35 AM +0530 தமிழ் தெரியாத குழந்தைகளுக்கு இலவசமாக கோடைகால தமிழ் தனிப் பயிற்சி வகுப்பு நடத்த பெங்களூரு தமிழ்ச் சங்கம் ஏற்பாடு செய்துள்ளது.
 இதுகுறித்து பெங்களூரு தமிழ்ச் சங்கத் தலைவர் தி.கோ.தாமோதரன் வெளியிட்ட அறிக்கை: பெங்களூரில் மட்டும் 30 லட்சம் தமிழர்கள் வாழ்ந்துவந்தாலும், கடந்த 30 ஆண்டுகளாக தமிழ்ப்பாடம் கற்றும் பள்ளிகள்பெருமளவில் இல்லாததன் விளைவாக, தமிழ் எழுத,படிக்க தெரியாத தமிழ் குழந்தைகள் கொண்ட 2 தலைமுறைகள் உருவாகிவிட்டன. இதே நிலை நீடித்தால் இன்னும் 15 ஆண்டுகளில் தமிழ் எழுதப்படிக்க தெரிந்த தமிழர்களே இல்லை என்ற நிலை உருவாகிவிடும்.
 இதைத் தடுக்கும் பொறுப்பு தமிழ் அமைப்புகள், தமிழ் ஆசிரியர்கள், பெற்றோர்களுக்கு உள்ளது. தமிழர்கள் தங்கள் குழந்தைகள் தாய்மொழியான தமிழைக் கற்றுக்கொள்ள வேண்டும் என்ற உறுதியான எண்ணத்தை வளர்த்துக்கொள்ள வேண்டும். தாய்மொழியில் கற்பது அறிவுத்திறனை பலமடங்கு மேம்படுத்துவதோடு, சிந்தனையாற்றலை கூர்மைப்படுத்தும் என்பது பல ஆராய்ச்சிகள் மூலம் உறுதியாகியுள்ளது.
 தாய்மொழியான தமிழை கற்றுக்கொண்டு திருக்குறள், ஆத்திச்சூடி, பாரதியார், பாரதிதாசன் கவிதைகளை படித்தால், ஒழுக்கம் நிறைந்த, பொறுப்புமிகுந்த, அறிவாற்றல்மிகுந்த குழந்தைகளை உருவாக உதவியாக இருக்கும். இதை கருத்தில் கொண்டு, தாய்மொழியாக தமிழை எழுதப்படிக்க தெரியாத தமிழ்குழந்தைகள், பெரியவர்கள், தமிழ்கற்க ஆர்வமுள்ள பிறமொழியினருக்கு அகரத்தில் இருந்து தமிழ்மொழியை முதல்நிலை, இரண்டாம்நிலை என்ற அளவில் கற்றுக்கொடுக்க முடிவுசெய்யப்பட்டுள்ளது. இதற்காக எளியமுறையில் பாடத் திட்டங்களும் வகுக்கப்பட்டுள்ளன.
 பெங்களூரு அல்சூரில் உள்ள ஆர்பிஏஎன்எம்எஸ் பிரதானப் பள்ளி வளாகத்தில் மே மாதத்தின் ஞாயிற்றுக்கிழமைகளில் காலை 10.30 மணிமுதல் நண்பகல் 12 மணிவரை தமிழ் பயிற்சிவழங்கப்படுகிறது. இந்த வாய்ப்பை அனைவரும் பயன்படுத்திக் கொள்ள வேண்டும். மேலும் விவரங்களுக்கு கார்த்திகாயினி-9886694338, 9449485903, 080-25510062 என்ற தொலைபேசியை அணுகலாம் என்று அதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/may/03/கோடைகால-தமிழ்ப்-பயிற்சி-வகுப்பு-2912504.html
2912503 அனைத்துப் பதிப்புகள் பெங்களூரு கித்தூர் ராணி சென்னம்மா மகளிர் மேம்பாடு அமைப்பு தொடக்கம்   பெங்களூரு, DIN Thursday, May 3, 2018 09:34 AM +0530 கித்தூர் ராணி சென்னம்மா மகளிர் மேம்பாடு மற்றும் பாதுகாப்பு அமைப்பு, பெங்களூரில் தொடங்கப்பட்டது.
 இதுகுறித்து பெங்களூரில் புதன்கிழமை கித்தூர் ராணி சென்னம்மா மகளிர் மேம்பாடு மற்றும் பாதுகாப்பு அமைப்பு தலைவர் ராஜகுமாரி, செய்தியாளர்களிடம் கூறியது: பெண்களை கடவுளாக வணங்கும் நம் நாட்டில் பெண்களுக்கு பாதுகாப்பும் இல்லை, முன்னேற்றமும் இல்லை.
 சட்டப்பேரவை, நாடாளுமன்றத்தில் பெண்களுக்கு 33 சதவீத இடஒதுக்கீடு வழங்க அரசியல்வாதிகள் தயக்கம் காட்டிவருகிறார்கள். பெண்கள், தமக்குதாமே முன்னேறாவிட்டால், யாரும்முன்னேற்றவிட மாட்டார்கள்.
 பெண்கள் அனைவரும் ஒன்று என்ற எண்ணத்தோடு, மதம், ஜாதி போன்றபாகுபாடுகளை கடந்து பெண்களைஒருங்கிணைப்பதற்காக கித்தூர் ராணி சென்னம்மா மகளிர் மேம்பாடு மற்றும் பாதுகாப்பு அமைப்பை தொடங்கியிருக்கிறோம்.
 7 பெண்களால் தொடங்கப்பட்டுள்ள இந்த அமைப்பில் பெண்களின் பாதுகாப்பு, சமூக, பொருளாதார முன்னேற்றத்திற்காகப் பாடுபடுவோம். மாவட்டத்தோறும் அலுவலகங்களை அமைத்து பெண்களின் பிரச்னைகளை ஆராய்ந்து, கிராம அளவிலான கலந்துரையாடல்களை உருவாக்குவோம். அரசியல் ரீதியாக பெண்கள் பலமடைவதற்கும் பாடுபடுவோம்.
 பெண்களின் அரசியல், சமூக, பொருளாதார, சுகாதார உரிமைகளை பெற்று தருவதற்கு உழைப்போம். முதல்கட்டமாக தென்கன்னடம், மண்டியா, ராமநகரம், மைசூரு, சாமராஜ்நகர், பெங்களூரு ஊரக மாவட்டங்களில் செயல்பாட்டை தொடங்கியுள்ளோம்.
 இந்த அமைப்பில் பெண்கள் சேர்ந்து பயனடையலாம் என்றார்.

]]>
http://www.dinamani.com/all-editions/edition-bangalore/2018/may/03/கித்தூர்-ராணி-சென்னம்மா-மகளிர்-மேம்பாடு-அமைப்பு-தொடக்கம்-2912503.html
2912501 அனைத்துப் பதிப்புகள் பெங்களூரு பெரு நிறுவனங்களுக்கு உதவுவதற்காக கர்நாடகம் வந்துள்ளார் மோடி    பெங்களூரு, DIN Thursday, May 3, 2018 09:34 AM +0530 பெரு நிறுவனங்களுக்கு உதவுவதற்காகவே பிரதமர் நரேந்திர மோடி கர்நாடகம் வந்துள்ளதாக மக்களவை காங்கிரஸ் குழுத் தலைவர் மல்லிகார்ஜுன கார்கே குற்றஞ்சாட்டினார்.
 இதுகுறித்து புதன்கிழமை செய்தியாளர்களிடம் அவர் கூறியது: கர்நாடகத்தில் பாஜகவுக்கு உத்வேகத்தை அளிப்பதற்காக பிரதமர் மோடி பிரசாரம் மேற்கொள்வதாகக் கூறுவதில் உண்மையில்லை. கர்நாடகத்தில் உள்ள பெரு நிறுவனங்களுக்கு உதவுவதற்காகவே அவர் சுற்றுப்பயணம் மேற்கொண்டுள்ளார்.
 ஏழை மக்களை மேம்படுத்த காங்கிரஸ் தொடர்ந்து பாடுபட்டு வருகிறது. சுதந்திரத்திற்காக போராடிய மகாத்மா காந்தி, ஜவாஹர்லால் நேரு ஆகியோர் குறித்து தவறான தகவல்களை மக்களுக்கு அளித்து வருகிறார் மோடி. பொய்யான வாக்குறுதிகளை அளித்து மக்களை அடிமையாக்க பாஜகவினர் முயற்சிக்கின்றனர்.
 பாஜகவை மக்கள் ஒருபோதும் ஏற்கமாட்டார்கள். சட்டப்பேரவைத் தேர்தலில் பாஜகவினருக்கும் மக்கள் தகுந்த பாடம் கற்பிப்பார்கள். காங்கிரஸ் இல்லாத இந்தியாவை உருவாக்க பாஜக உள்ளிட்ட எதிர்க்கட்சிகள் முயன்றாலும், அது சாத்தியமாகாது. கடந்த 5 ஆண்டுகளில் காங்கிரஸ் அரசு பல்வேறு வளர்ச்சிப் பணிகளை செய்துள்ளது. அதற்கு முன்பு ஆட்சியில் இருந்த பாஜக அரசு, எந்த வளர்ச்சிப் பணிகளையும் செய்யாமல், 3 முதல்வர்களில் ஒருவர் சிறைக்குச் சென்றதே அவர்களின் சாதனையாக உள்ளது என்றார்.
 

]]>
http://www.dinamani.com/all-editions/edition-bangalore/2018/may/03/பெரு-நிறுவனங்களுக்கு-உதவுவதற்காக-கர்நாடகம்-வந்துள்ளார்-மோடி-2912501.html
2912500 அனைத்துப் பதிப்புகள் பெங்களூரு சித்தராமையாவுக்கு எதிராக காங்கிரஸாரே செயல்படுகின்றனர்    சிவமொக்கா DIN Thursday, May 3, 2018 09:33 AM +0530 சட்டப்பேரவைத் தேர்தலில் சித்தராமையாவுக்கு எதிராக காங்கிரஸாரே செயல்படுவதாக கர்நாடக பாஜக தலைவர் பி.எஸ்.எடியூரப்பா தெரிவித்தார்.
 இதுகுறித்து புதன்கிழமை செய்தியாளர்களிடம் அவர் கூறியது: கடந்த சட்டப்பேரவைத் தேர்தலில் முதல்வர் வேட்பாளர் போட்டியில் ஜி.பரமேஸ்வர் இருந்ததால், அவரை சித்தராமையாவின் ஆதரவாளர்கள் தோற்கடித்தனர். தற்போது ஜி.பரமேஸ்வரின் ஆதரவாளர்கள் முதல்வர் சித்தராமையாவை தோற்கடிப்பார்கள்.
 காங்கிரஸாரே சித்தராமையாவைத் தோற்கடிப்பதில் முனைப்பாக உள்ளதால், பாஜகவின் பணி எளிதாகியுள்ளது. சாமுண்டீஸ்வரி தொகுதியில் தோல்வி அடைந்துவிடுவோம் என்ற அச்சத்தில், சித்தராமையா பாதாமி தொகுதியிலும் போட்டியிடுகிறார். ஆனால், 2 தொகுதிகளிலும் அவரை மக்களே தோற்கடிக்க முடிவு செய்துள்ளனர்.
 பல்லாரி மாவட்டத்தில் உள்ள தொகுதிகளில் போட்டியிடும் பாஜகவினருக்கு ஜனார்த்தனரெட்டி உதவி வருகிறார். ஜனார்த்தனரெட்டியின் ஒத்துழைப்பை பாஜகவினர் பெற்றுக் கொள்ள கட்சியின் தேசியத் தலைவர் அமித்ஷா உத்தரவிட்டுள்ளார் என்றார்.
 

]]>
http://www.dinamani.com/all-editions/edition-bangalore/2018/may/03/சித்தராமையாவுக்கு-எதிராக-காங்கிரஸாரே-செயல்படுகின்றனர்-2912500.html
2912499 அனைத்துப் பதிப்புகள் பெங்களூரு தேர்தல் தகவலைப் பெற செல்லிடப்பேசி அறிமுகம்    பெங்களூரு, DIN Thursday, May 3, 2018 09:32 AM +0530 தேர்தல் தகவல்களைப் பெறுவதற்காக செல்லிடப்பேசி செயலியை தேர்தல் ஆணையம் அறிமுகம் செய்துள்ளது.
 பெங்களூரு விகாஸ் செüதாவில் புதன்கிழமை நடைபெற்ற நிகழ்ச்சியில் தேர்தல் தகவல்களைப் பெறுவதற்காக "சுனாவனா' என்ற செல்லிடப்பேசி செயலியை கர்நாடகமாநில தலைமை தேர்தல் அதிகாரி சஞ்சீவ்குமார் அறிமுகம் செய்துவைத்தார்.
 இதுகுறித்து அவர் கூறியது: சட்டப்பேரவைத் தேர்தலில் அதிகளவில் வாக்காளர்களை ஈர்ப்பதற்காக பல்வேறு விழிப்புணர்வு நிகழ்ச்சிகளை நடத்திவருகிறோம். இதனிடையே, வாக்காளர்களுக்கு வாக்களிக்க வருவதில் காணப்படும் தடைகள் குறித்து ஆராய்ச்சி செய்தோம். அதன்முடிவில் 25 சத வாக்காளர்கள் வாக்குச்சாவடி தகவல் தெரியாததாலும், 17.5 சத நகர்ப்புற மக்கள் நீண்டவரிசையில் காத்திருக்க வேண்டியதாலும், 7.5 சத நகர மக்கள் வேட்பாளர்கள் பற்றி தெரியாததாலும் வாக்களிக்கவில்லை என்றுதெரிவித்துள்ளனர்.
 இதை சரி செய்யும் வகையில் "சுனாவனா' செல்லிடப்பேசி செயலியைஅறிமுகம் செய்துள்ளோம். இதை கூகிள் பிளேஸ்டோரில் இருந்துதரவிறக்கம் செய்துகொள்ளலாம். தொகுதி மற்றும் வாக்குச்சாவடிகுறித்த அனைத்துவிவரங்களையும் செயலியில் பெறலாம். வேட்பாளர்கள், வாக்குச்சாவடிகள், வாக்களிக்கும் வரிசைநிலை, தேர்தல் அதிகாரிகளின் விவரங்கள், வாக்குச்சாவடியில் முதியோருக்கு சக்கரநாற்கலியை முன்பதிவுசெய்தல், அருகில் உள்ள காவல்நிலையம், சுகாதாரநிலையம், தேர்தல் அட்டவணை போன்றவிவரங்களை பெறலாம் என்றார். உடன், கூடுதல் தேர்தல் அதிகாரி மமதா உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-bangalore/2018/may/03/தேர்தல்-தகவலைப்-பெற-செல்லிடப்பேசி-அறிமுகம்-2912499.html
2912498 அனைத்துப் பதிப்புகள் பெங்களூரு மஜத- பாஜக உள் ஒப்பந்தம்    ஹுப்பள்ளி, DIN Thursday, May 3, 2018 09:32 AM +0530 கர்நாடக சட்டப்பேரவைத் தேர்தலில் மஜதவுடன், பாஜக உள் ஒப்பந்தம் செய்துள்ளதாக முதல்வர் சித்தராமையா குற்றஞ்சாட்டினார்.
 இதுகுறித்து புதன்கிழமை செய்தியாளர்களிடம் அவர் கூறியது: கர்நாடகத்தில் தேர்தல் பிரசாரத்தில் கலந்து கொண்டுள்ள பிரதமர் மோடி, முன்னாள் பிரதமரும், மஜத தேசிய தலைவருமான தேவெ கெüடாவை புகழ்ந்து பேசி வருகிறார். இதன்மூலம் மஜதவுடன், பாஜக உள் ஒப்பந்தம் செய்து கொண்டுள்ளது உறுதியாகியுள்ளது.
 எடியூரப்பா மகனுக்கு தேர்தலில் போட்டியிட வாய்ப்பு மறுக்கப்பட்டத்தில், பாஜகவின் மூத்த தலைவர்கள் சந்தோஷ், மத்திய அமைச்சர் அனந்த்குமார், ஈஸ்வரப்பா, ஜெகதீஷ்ஷெட்டர் ஆகியோரின் பங்கு உள்ளது. பாஜகவின் உள்கட்சி பூசலை மக்கள் உணர்ந்துள்ளனர்.
 ஆனால், காங்கிரஸில் நாங்கள் ஒற்றுமையாக பணியாற்றி வருகிறோம். மாநில காங்கிரஸ் தலைவர் ஜி.பரமேஸ்வர், மக்களவை காங்கிரஸ் தலைவர் மல்லிகார்ஜுன கார்கே, அமைச்சர் டி.கே.சிவக்குமார் ஆகியோர் தேர்தல் பிரசாரத்துக்கு முழு ஒத்துழைப்பை வழங்கி வருகின்றனர். வட கர்நாடகத்தில் எங்களின் எதிர்ப்பார்பை மீறி மக்கள் ஆதரவு அளித்து வருகின்றனர். இதனால், தேர்தலில் காங்கிரஸ் வெற்றி பெற்று மீண்டும் ஆட்சியை பிடிப்பது உறுதியாகியுள்ளது என்றார்.
 

]]>
http://www.dinamani.com/all-editions/edition-bangalore/2018/may/03/மஜத--பாஜக-உள்-ஒப்பந்தம்-2912498.html
2912497 அனைத்துப் பதிப்புகள் பெங்களூரு பாஜக ஆதரவுடன் முதல்வராக சித்தராமையா ஆசைப்பட்டார்    பெங்களூரு, DIN Thursday, May 3, 2018 09:31 AM +0530 பாஜக ஆதரவுடன் முதல்வராக சித்தராமையா ஆசைப்பட்டார் என்று மஜத தேசியத் தலைவர் எச்.டி.தேவெ கெüடா தெரிவித்தார்.
 பெங்களூரில் புதன்கிழமை பத்திரிகையாளர்களுடனான கலந்துரையாடலில் பங்கேற்று அவர் கூறியது:
 சட்டப்பேரவைத் தேர்தலில் காங்கிரஸ், பாஜக ஆகிய கட்சிகளுடன் மாநில கட்சியான மஜத போராடி வருகிறது. மாநில நலன்களைப் பாதுகாக்க மாநில கட்சிகளின் ஆட்சி அவசியமாகும். காவிரி விவகாரத்தில் மத்திய அரசை தமிழகம் ஆட்டிப் படைப்பதற்கு அதிமுக, திமுக ஆகிய மாநில கட்சிகளின் ஆட்சி அதிகாரமே காரணமாகும்.
 கர்நாடகத்தில் தேசிய கட்சிகள் ஆட்சி செய்வதால் மாநில நலன் பாதிக்கப்படுகிறது. உடுப்பியில் நடந்த பாஜக பொதுக்கூட்டத்தில் பேசிய பிரதமர் மோடி, என்னை பாராட்டி பேசியிருப்பதாக அறிந்தேன். முதல்வர் சித்தராமையா என்னை அவமதித்ததைத்தான் பிரதமர் மோடி குறிப்பிட்டிருக்கிறார்.
 ஜே.எச்.பாட்டீல் முதல்வராக இருந்த போது முதல்வர் அலுவலகத்தில் எனது புகைப்படத்தை வைத்தார். அதை எஸ்.எம்.கிருஷ்ணா, தரம்சிங், குமாரசாமி, எடியூரப்பா, சதானந்த கெüடா, ஜெகதீஷ் ஷெட்டர் போன்ற முதல்வர்கள் எடுக்கவில்லை. ஆனால், சித்தராமையா, எனது புகைப்படத்தை அகற்றினார்.
 கன்னடன் ஒருவன் பிரதமராகப் பதவியேற்றது குறித்து சித்தராமையா கர்வம் கொண்டிருக்கவேண்டும். ஆனால், அவர் என்னை அவமதிப்பதையே விரும்புகிறார். ஹாசனில் பேசிய அகில இந்திய காங்கிரஸ் கமிட்டித் தலைவர் ராகுல் காந்தி, தூய்மையாக வெளியே வாருங்கள் என்று என்னை பார்த்து கூறினார். இளைஞராக இருப்பதால் அவருக்கு அனுபவம் போதாது. அனுபவம் வரும்போது முன்னாள் பிரதமர்களை எப்படி பேச வேண்டும் என்பதை கற்றுக்கொள்வார்.
 பிரதமர் மோடியை தனிப்பட்ட முறையில் 5 முறை சந்தித்திருப்பேன். அப்போதெல்லாம் காவிரி, மகதாயி ஆற்றுநீர் விவகாரங்கள், விவசாயிகளின் பிரச்னைகளைத்தான் முன்வைத்திருக்கிறேன். ஆனால், அவரால் கர்நாடகத்துக்கு எந்த நன்மையும் பெரிதாகக் கிடைக்கவில்லை.
 நான் மூன்றாவது அணிக்காக பேச்சுவார்த்தை நடத்தியபோது, மூன்றாம்தர முன்னேற்றம் என்று பிரதமர் மோடி விமர்சித்தார். அறுதிப் பெரும்பான்மை பலத்துடன் மோடி ஆட்சி அமைத்தால் அப்படிப்பட்ட நாடாளுமன்றத்தில் இருக்க நான் விரும்பவில்லை என்று கூறியிருந்தேன். அதன்படி, எனது எம்.பி. பதவியை ராஜிநாமா செய்ய முற்பட்டபோது, மூத்த அரசியல் தலைவரான நீங்கள் தேர்தலின் போது பேசியதை பெரிதாக எடுத்துக்கொண்டு முடிவெடுக்கக் கூடாது என்று மோடி தடுத்தார்.
 பாஜகவுடன் மஜத ரகசிய கூட்டணி அமைத்துள்ளதாக சித்தராமையா கூறிவருகிறார். 2004-இல் மஜதவில் சித்தராமையா இருந்தார். அந்தாண்டு நடந்த தேர்தலில் மஜதவுக்கு 58 இடங்கள் மட்டுமே கிடைத்தன. அப்போது பாஜகவுடன் கூட்டணி அமைத்து தன்னை முதல்வராக்கும்படி என்னை சித்தராமையா கேட்டுக் கொண்டார். பாஜகவுடன் கூட்டணி அமைக்க விரும்பாததால்தான் சித்தராமையாவை அப்போது முதல்வராக்கவில்லை.
 பிரதமர் என்னை புகழ்ந்துள்ளதற்காக பேரவைத் தேர்தலுக்குப் பிறகு பாஜக-மஜத கூட்டணி அமைக்கப்படும் என்ற ஊகத்துக்கு அவசியமில்லை. கர்நாடகத்தில் மஜத தனித்து ஆட்சியமைக்கும். எனவே, கூட்டணி என்ற பேச்சுக்கே இடமில்லை. 5 ஆண்டுகள் பாஜக, 5 ஆண்டுகள் காங்கிரஸ் ஆட்சி செய்தாகிவிட்டது. அடுத்த 5 ஆண்டுகளை மஜதவிடம் அளிக்க மக்கள் தீர்மானித்திருக்கிறார்கள்.
 பாஜகவை மதவாத கட்சி என்கிறார்கள். வாஜ்பாய் தலைமையிலான பாஜகவில் மதவாதம் அவ்வளவாக இல்லை.
 ஆனால், வாஜ்பாய் ஆட்சியுடன் ஒப்பிடுகையில் பிரதமர் மோடி தலைமையிலான பாஜக ஆட்சியில் மதவாதம் தலைவிரித்தாடுகிறது.
 மோடி ஆட்சியில் ஆர்எஸ்எஸ் அமைப்பின் ஆதிக்கம் அதிகமாகக் காணப்படுகிறது என்றார்.
 
 

]]>
http://www.dinamani.com/all-editions/edition-bangalore/2018/may/03/பாஜக-ஆதரவுடன்-முதல்வராக-சித்தராமையா-ஆசைப்பட்டார்-2912497.html
2912490 அனைத்துப் பதிப்புகள் பெங்களூரு பயிர்க் காப்பீட்டுத் திட்டத்தை முறையாக அமல்படுத்தாத கர்நாடக அரசு: பிரதமர் மோடி தாக்கு    பெங்களூரு, DIN Thursday, May 3, 2018 09:28 AM +0530 கர்நாடக மாநிலத்தில் சித்தராமையா தலைமையிலான அரசு, பயிர்க் காப்பீட்டுத் திட்டத்தை முறையாக அமல்படுத்தவில்லை என்று பிரதமர் நரேந்திர மோடி குற்றம் சாட்டினார்.
 அந்த மாநிலத்தில் சட்டப் பேரவைத் தேர்தல், வரும் 12-ஆம் தேதி நடைபெறவுள்ள நிலையில், பாஜக விவசாயிகள் அணி (கிஸான் மோர்ச்சா) தொண்டர்களுடன் மோடி தனது செல்லிடப்பேசி செயலி வழியாக கலந்துரையாடினார். அப்போது அவர் கூறியதாவது:
 விவசாயிகளை மேம்படுத்துவதற்காக, அவர்கள் விதைகளை வாங்குவது முதல் விளைபொருள்கள் சந்தைகளுக்கு கொண்டு செல்வது வரை, விவசாயம் சார்ந்த விஷயங்களை முழுமையாக அணுகி வருகிறோம்.
 ஆனால், கர்நாடகத்தில் ஆளும் காங்கிரஸ் அரசு, விவசாயிகள் நலனில் அக்கறையின்றி, பயிர்க் காப்பீட்டுத் திட்டத்தை முழுமையாகச் செயல்படுத்தவில்லை.
 இதுதொடர்பாக, கர்நாடகத்தில் இருந்து எனக்கு தொடர்ந்து புகார்கள் வந்த வண்ணம் உள்ளன. எனினும், பாஜகவைச் சேர்ந்த எம்.பி. ஒருவர், தனது தொகுதியில் பாஜக விவசாயிகள் அணி தொண்டர்களின் ஒத்துழைப்புடன் பயிர்க் காப்பீட்டுத் திட்டத்தை சிறப்பாக செயல்படுத்தியுள்ளார். இத் திட்டத்தின் மூலம் விவசாயிகள் பயன்பெற வேண்டும் என்று கர்நாடக அரசு விரும்பவில்லை. விவசாயிகள் மீது அக்கறை இருப்பதாக பேச்சளவில் மட்டும் காங்கிரஸ் கட்சி காட்டிக் கொள்கிறது. மேலும், வறட்சி பாதிப்பை சித்தராமையா அரசு சரிவரக் கையாளத் தவறிவிட்டது. விவசாயிகளின் துயரத்தைப் போக்குவற்குப் பதிலாக, நீர் வற்றிப் போன ஏரிகளை கட்டடப் பணிகளுக்காக, கட்டுமான நிறுவனங்களிடம் கர்நாடக அரசு கொடுத்து விட்டது.
 விவசாயிகளுக்கு உதவி செய்வது ஒரு நல்ல வாய்ப்பாகும். ஆனால், கர்நாடக அரசோ, விவசாயிகளின் பெயரில் அரசியல் செய்து, தவறான தகவல்களை பரப்பி வருகிறது. விவசாயிகள் நலனில் அக்கறை கொண்டுள்ள முதல்வர் பதவி வேட்பாளர் பி.எஸ்.எடியூரப்பா ஆட்சிக்கு வந்த பிறகு வேளாண் துறைக்கு புத்துயிர் கொடுத்து மத்திய அரசின் குறிக்கோள்களை நிறைவேற்றுவார் என்று மோடி கூறினார்.
 சித்தராமையா மறுப்பு: ஆனால், மோடியின் இந்தக் குற்றச்சாட்டுக்கு கர்நாடக முதல்வர் சித்தராமையா மறுப்பு தெரிவித்தார். இதுதொடர்பாக, அவர் தனது சுட்டுரைப் பக்கத்தில் வெளியிட்ட பதிவில் கூறியிருப்பதாவது:
 பயிர்க் காப்பீட்டுத் திட்டத்துக்கான தொகையில் 50 சதவீதத்தை கர்நாடக அரசு கொடுத்துள்ளது. நாட்டிலேயே விவசாயிகளுக்கு பயிர்க் காப்பீட்டுத் தொகை வழங்குவதற்காக, தகவல் தொழில்நுட்பத்தை நேரடியாகப் பயன்படுத்திய ஒரே அரசு எங்களுடையதுதான். உண்மையில் பயிர்க் காப்பீட்டுத் திட்டத்தை முந்தைய ஐக்கிய முற்போக்கு கூட்டணி அரசுதான் கொண்டு வந்தது என்றார் சித்தராமையா.
 
 

]]>
http://www.dinamani.com/all-editions/edition-bangalore/2018/may/03/பயிர்க்-காப்பீட்டுத்-திட்டத்தை-முறையாக-அமல்படுத்தாத-கர்நாடக-அரசு-பிரதமர்-மோடி-தாக்கு-2912490.html
2912478 அனைத்துப் பதிப்புகள் பெங்களூரு பயிர்க் காப்பீட்டுத் திட்டத்தை முறையாக அமல்படுத்தாத கர்நாடக அரசு: பிரதமர் மோடி தாக்கு    பெங்களூரு, DIN Thursday, May 3, 2018 09:24 AM +0530 கர்நாடக மாநிலத்தில் சித்தராமையா தலைமையிலான அரசு, பயிர்க் காப்பீட்டுத் திட்டத்தை முறையாக அமல்படுத்தவில்லை என்று பிரதமர் நரேந்திர மோடி குற்றம் சாட்டினார்.
 அந்த மாநிலத்தில் சட்டப் பேரவைத் தேர்தல், வரும் 12}ஆம் தேதி நடைபெறவுள்ள நிலையில், பாஜக விவசாயிகள் அணி (கிஸான் மோர்ச்சா) தொண்டர்களுடன் மோடி தனது செல்லிடப்பேசி செயலி வழியாக கலந்துரையாடினார். அப்போது அவர் கூறியதாவது:
 விவசாயிகளை மேம்படுத்துவதற்காக, அவர்கள் விதைகளை வாங்குவது முதல் விளைபொருள்கள் சந்தைகளுக்கு கொண்டு செல்வது வரை, விவசாயம் சார்ந்த விஷயங்களை முழுமையாக அணுகி வருகிறோம்.
 ஆனால், கர்நாடகத்தில் ஆளும் காங்கிரஸ் அரசு, விவசாயிகள் நலனில் அக்கறையின்றி, பயிர்க் காப்பீட்டுத் திட்டத்தை முழுமையாகச் செயல்படுத்தவில்லை.
 இதுதொடர்பாக, கர்நாடகத்தில் இருந்து எனக்கு தொடர்ந்து புகார்கள் வந்த வண்ணம் உள்ளன. எனினும், பாஜகவைச் சேர்ந்த எம்.பி. ஒருவர், தனது தொகுதியில் பாஜக விவசாயிகள் அணி தொண்டர்களின் ஒத்துழைப்புடன் பயிர்க் காப்பீட்டுத் திட்டத்தை சிறப்பாக செயல்படுத்தியுள்ளார். இத் திட்டத்தின் மூலம் விவசாயிகள் பயன்பெற வேண்டும் என்று கர்நாடக அரசு விரும்பவில்லை. விவசாயிகள் மீது அக்கறை இருப்பதாக பேச்சளவில் மட்டும் காங்கிரஸ் கட்சி காட்டிக் கொள்கிறது. மேலும், வறட்சி பாதிப்பை சித்தராமையா அரசு சரிவரக் கையாளத் தவறிவிட்டது. விவசாயிகளின் துயரத்தைப் போக்குவற்குப் பதிலாக, நீர் வற்றிப் போன ஏரிகளை கட்டடப் பணிகளுக்காக, கட்டுமான நிறுவனங்களிடம் கர்நாடக அரசு கொடுத்து விட்டது.
 விவசாயிகளுக்கு உதவி செய்வது ஒரு நல்ல வாய்ப்பாகும். ஆனால், கர்நாடக அரசோ, விவசாயிகளின் பெயரில் அரசியல் செய்து, தவறான தகவல்களை பரப்பி வருகிறது. விவசாயிகள் நலனில் அக்கறை கொண்டுள்ள முதல்வர் பதவி வேட்பாளர் பி.எஸ்.எடியூரப்பா ஆட்சிக்கு வந்த பிறகு வேளாண் துறைக்கு புத்துயிர் கொடுத்து மத்திய அரசின் குறிக்கோள்களை நிறைவேற்றுவார் என்று மோடி கூறினார்.
 சித்தராமையா மறுப்பு: ஆனால், மோடியின் இந்தக் குற்றச்சாட்டுக்கு கர்நாடக முதல்வர் சித்தராமையா மறுப்பு தெரிவித்தார். இதுதொடர்பாக, அவர் தனது சுட்டுரைப் பக்கத்தில் வெளியிட்ட பதிவில் கூறியிருப்பதாவது:
 பயிர்க் காப்பீட்டுத் திட்டத்துக்கான தொகையில் 50 சதவீதத்தை கர்நாடக அரசு கொடுத்துள்ளது. நாட்டிலேயே விவசாயிகளுக்கு பயிர்க் காப்பீட்டுத் தொகை வழங்குவதற்காக, தகவல் தொழில்நுட்பத்தை நேரடியாகப் பயன்படுத்திய ஒரே அரசு எங்களுடையதுதான். உண்மையில் பயிர்க் காப்பீட்டுத் திட்டத்தை முந்தைய ஐக்கிய முற்போக்கு கூட்டணி அரசுதான் கொண்டு வந்தது என்றார் சித்தராமையா.
 
 

]]>
http://www.dinamani.com/all-editions/edition-bangalore/2018/may/03/பயிர்க்-காப்பீட்டுத்-திட்டத்தை-முறையாக-அமல்படுத்தாத-கர்நாடக-அரசு-பிரதமர்-மோடி-தாக்கு-2912478.html
2876072 அனைத்துப் பதிப்புகள் பெங்களூரு "மஜதவுக்கு ஆட்சி வாய்ப்பு தாருங்கள்' DIN DIN Wednesday, March 7, 2018 09:29 AM +0530 கர்நாடகத்தில் மீண்டும் மதச்சார்பற்ற ஜனதா தளம் ஆட்சி அமைக்க பொதுமக்கள் வாய்ப்பளிக்க வேண்டும் என்று அக் கட்சியின் செயல் தலைவர் பிஜிஆர் சிந்தியா கேட்டுக் கொண்டார்.
பெங்களூரு பசவனகுடி சட்டப்பேரவைத் தொகுதியில் செவ்வாய்க்கிழமை பெரிய கணபதி கோயிலில் விகாஸ்பர்வா யாத்திரையை சிறப்பு பூஜை செய்து தொடக்கிவைத்த பின்னர் செய்தியாளர்களிடம் அவர் கூறியது:
செவ்வாய்க்கிழமை (மார்ச் 6) தொடங்கும் விகாஸ்பர்வா யாத்திரை பெங்களூரின் அனைத்து சட்டப்பேரவைத் தொகுதிகளில் ஒரு மாதம் வரை நடைபெற உள்ளது. யாத்திரை மூலம் மக்களை சந்தித்து அவர்களின் ஆசீர்வாதத்தை பெற முடிவு செய்துள்ளோம். 
மக்கள் காங்கிரஸ், பாஜகவின் ஆட்சியை கடந்த 10 ஆண்டுகளாக பார்த்துள்ளனர். எனவே மஜத ஆட்சி அமைக்க மீண்டும் ஒரு வாய்ப்பளிக்க வேண்டும். வாய்ப்பளித்தால், மக்கள் நல வளர்ச்சிப்பணிகளை தொடர்ந்து செயல்படுத்துவோம். 
சர்வதேச அளவில் பெங்களூரை மாதிரி மாநகரமாக மாற்றிக் காட்டுவோம். காங்கிரஸ் கட்சி பெங்களூரில் வளர்ச்சிப்பணிகளை மேற்கொள்வதில் தோல்வி அடைந்துள்ளது. பெங்களூரு-மைசூரு இடையே நெடுஞ்சாலை அமைப்பதில் முறைகேடு செய்த அசோக்கேணியை காங்கிரஸில் இணைத்துக் கொண்டுள்ளதை ஏற்றுக் கொள்ள முடியாது. மஜத கட்சியில் அதுபோன்ற நபர்களை இணைத்துக் கொள்ள மாட்டோம் என்றார்.
பேட்டியின் போது மஜத சட்ட மேலவை உறுப்பினர் டி.ஏ.சரவணா, பெங்களூரு மாநகர மஜத தலைவர் ஆர்.பிரகாஷ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-bangalore/2018/mar/07/மஜதவுக்கு-ஆட்சி-வாய்ப்பு-தாருங்கள்-2876072.html
2876071 அனைத்துப் பதிப்புகள் பெங்களூரு காங்கிரஸ் கட்சியில் விருப்ப மனு செலுத்த கால அவகாசம் நீட்டிப்பு DIN DIN Wednesday, March 7, 2018 09:29 AM +0530 கர்நாடக சட்டப்பேரவைத் தேர்தலில் 224 தொகுதிகளில் காங்கிரஸ் கட்சி சார்பில் போட்டியிட விருப்பம் உள்ளவர்கள் மனு அளிக்க கால அவகாசம் வழங்கப்பட்டுள்ளது.
இதுகுறித்து காங்கிரஸ் வெளியிட்ட அறிக்கை: கர்நாடகத்தில் விரைவில் நடைபெற உள்ள சட்டப்பேரவைத் தேர்தலில் காங்கிரஸ் சார்பில் போட்டியிட விருப்பம் உள்ளவர்கள் மனு செலுத்த அக்கட்சி மார்ச் 5-ஆம் தேதி வரை கால அவகாசம் வழங்கியது. 
இதையடுத்து மார்ச் 5-ஆம் தேதி வரை 224 சட்டப்பேரவைத் தொகுதிகளில் போட்டியிட 1900 விருப்ப மனுக்களை செலுத்தினர். இந்த நிலையில், காங்கிரஸ் கட்சி சார்பில் விருப்ப மனு தாக்கல் செய்ய மார்ச் 10-ஆம் தேதி வரை கால அவகாசம் நீட்டிக்கப்பட்டுள்ளது. 
விருப்ப மனுவை செலுத்த பொதுப்பிரிவினர் ரூ. 20 ஆயிரம், தலித் மற்றும் பங்குடியினர் ரூ. 15 ஆயிரம் கட்டணம் செலுத்த வேண்டும். அமைச்சர்கள் ரூ. ஒரு லட்சமும், சட்டப்பேரவை உறுப்பினர்கள் ரூ. 50 ஆயிரம், முன்னாள் சட்டப்பேரவை உறுப்பினர்கள் ரூ. 25 ஆயிரம் கட்டணம் செலுத்த வேண்டும்.
கடந்த தேர்தலில் ஒரே குடும்பத்தைச் சேர்ந்த ஷாமனூர் சிவசங்கரப்பா, அவரது மகன் மல்லிகார்ஜுன் மற்றும் லேஅவுட் எம்.கிருஷ்ணப்பா, அவரது மகன் பிரியா கிருஷ்ணா ஆகியோர் விருப்ப மனுவை செலுத்தினர். தற்போது அவர்கள் 4 பேர் மட்டுமன்றி, அமைச்சர் ஜெயசந்திரா, அவரது மகன் சந்தோஷ், முதல்வர் சித்தராமையா, அவரது மகன் யதீந்திரா, அமைச்சர் மகாதேவப்பா, அவரது மகன் சுனில்போஸ், அமைச்சர் ராமலிங்கரெட்டி, அவரது மகள் செளம்யாரெட்டி ஆகியோர் தேர்தலில் போட்டியிட விருப்ப மனுவை செலுத்தியுள்ளனர்.

]]>
http://www.dinamani.com/all-editions/edition-bangalore/2018/mar/07/காங்கிரஸ்-கட்சியில்-விருப்ப-மனு-செலுத்த-கால-அவகாசம்-நீட்டிப்பு-2876071.html
2876070 அனைத்துப் பதிப்புகள் பெங்களூரு சாலை விபத்தில் தனியார் நிறுவன ஊழியர் சாவு DIN DIN Wednesday, March 7, 2018 09:29 AM +0530 மோட்டார் சைக்கிள் மீது கார் மோதியதில் தனியார் நிறுவன ஊழியர் உயிரிழந்தார்.
தும்கூரு மாவட்டம், சிராவைச் சேர்ந்தவர் சேதன் (24). பெங்களூரு பீன்யாவில் தங்கி அங்குள்ள தனியார் நிறுவனத்தில் வேலை செய்து வந்தார்.
திங்கள்கிழமை இரவு பணி முடிந்து தனது நண்பருடன் மோட்டார் சைக்கிளில் வீட்டிற்குச் சென்று கொண்டிருந்தார். அப்போது, வேகமாக வந்த கார் மோதியதில் காயமடைந்த சேதன், மருத்துவமனையில் அனுமதிக்கப்பட்டார். அங்கு, அவர் செவ்வாய்க்கிழமை உயிரிழந்தார்.
இந்த விபத்து குறித்து பீன்யா போக்குவரத்து போலீஸார் விசாரணை மேற்கொண்டுள்ளனர்.  


 

]]>
http://www.dinamani.com/all-editions/edition-bangalore/2018/mar/07/சாலை-விபத்தில்-தனியார்-நிறுவன-ஊழியர்-சாவு-2876070.html
2876069 அனைத்துப் பதிப்புகள் பெங்களூரு மகளிர் தினத்தையொட்டி இந்திரா உணவகங்களில் இலவச உணவு DIN DIN Wednesday, March 7, 2018 09:28 AM +0530 மகளிர் தினத்தையொட்டி,  இந்திரா உணவகங்களில் பெண்களுக்கு இலவசமாக உணவு வழங்கப்படும் என்று மேயர் சம்பத்ராஜ் தெரிவித்தார்.
பெங்களூரு மாநகராட்சியின் மாமன்றக் கூட்டத்தில் செவ்வாய்க்கிழமை நடைபெற்ற பட்ஜெட் மீதான விவாதத்தில் எதிர்க்கட்சித் தலைவர் பத்மநாபரெட்டியின் கேள்விக்குப் பதிலளித்து பேசிய மேயர் சம்பத்ராஜ், மார்ச் 8-ஆம் தேதி சர்வதேச மகளிர் தினம் கொண்டாடப்படுகிறது. இதனையொட்டி அன்றைய தினம் பெங்களூரில் உள்ள 198 வார்டுகளில் உள்ள இந்திரா உணவகங்களில் பெண்களுக்கு காலை, மாலை, இரவில் இலவசமாக சிற்றுண்டி, உணவுகள் வழங்கப்படும். 
காங்கிரஸ் ஆட்சியில் பெண்களுக்கான பல்வேறு திட்டங்கள் செயல்படுத்தப்படுகின்றன. எனது அதிகாரத்தில் மாமன்றத்தில் பெண்களுக்காக பிங்க் நேரம் என ஒதுக்கி, அதில் பெண்கள் மட்டுமே பேச அனுமதிக்கப்பட்டுள்ளது. அதேபோல் பெண்களுக்கென்ற தனி கழிவறை, வாகன நிறுத்துமிடம் ஒதுக்கப்பட்டுள்ளன என்றார்.
 

]]>
http://www.dinamani.com/all-editions/edition-bangalore/2018/mar/07/மகளிர்-தினத்தையொட்டி-இந்திரா-உணவகங்களில்-இலவச-உணவு-2876069.html
2876068 அனைத்துப் பதிப்புகள் பெங்களூரு "கோடையில் குடிநீர் தட்டுப்பாடு ஏற்படாது' DIN DIN Wednesday, March 7, 2018 09:28 AM +0530 கோடையில் பெங்களூரில் குடிநீர்த் தட்டுப்பாடு ஏற்படாத வகையில் போதிய முன்னெச்சரிக்கை நடவடிக்கை மேற்கொள்ளப்படும் என மேயர் சம்பத்ராஜ் தெரிவித்தார்.
பெங்களூரில் செவ்வாய்க்கிழமை ஹைகிரவுண்ட் பகுதியில் உள்ள குடிநீர் வடிகால் வாரிய அலுவலகத்தில்  நீரேற்றும் முறையை ஆய்வு செய்த பின்னர் செய்தியாளர்களிடம் அவர் கூறியது:
கோடையில் பெங்களூரில் குடிநீர்ப் பிரச்னையை சமாளிக்க தேவையான நடவடிக்கைகள் குறித்து அதிகாரிகளுடன் ஆலோசனை நடத்தப்பட்டது. இதற்கு குடிநீர் வடிகால் வாரிய அதிகாரிகளும் ஒத்துழைப்பு அளிக்க உறுதியளித்துள்ளனர். 
பெங்களூரு குடிநீர்த் தேவை 19.55 டிஎம்சியாக உள்ளது. இதற்காக ஹாரங்கி அணையிலிருந்து 1.76 டிஎம்சியும், கபினி அணையிலிருந்து 6.3 டிஎம்சியும், கே.ஆர்.எஸ் அணையிலிருந்து 11.49 டிஎம்சி தண்ணீர் கிடைத்து வருகிறது. கோடைகாலத்தில் 3 மாதங்களுக்கு கூடுதலாக 6 டிஎம்சி தண்ணீர் தேவையுள்ளது. அதனை காவிரியிலிருந்து பெற முடிவு செய்துள்ளோம் என்றார்.
 

]]>
http://www.dinamani.com/all-editions/edition-bangalore/2018/mar/07/கோடையில்-குடிநீர்-தட்டுப்பாடு-ஏற்படாது-2876068.html
2876067 அனைத்துப் பதிப்புகள் பெங்களூரு பாலியல் பலாத்கார வழக்குகளை விரைந்து முடிக்க வலியுறுத்தல் DIN DIN Wednesday, March 7, 2018 09:28 AM +0530 பாலியல் பலாத்கார வழக்குகளை விரைந்து முடிக்க கோரி மார்ச் 8-ஆம் தேதி போராட்டம் நடத்தப்படும் என்று நியூ இந்தியா அறக்கட்டளையின் நிறுவனர் விஜய்டாடா தெரிவித்தார்.
பெங்களூரில் செவ்வாய்க்கிழமை அவர் செய்தியாளர்களிடம் கூறியது: 
இந்தியாவில் பாலியல் பலாத்காரம், வன்கொடுமைகள் அதிகரித்து வேதனையளிக்கிறது, கடந்த ஆண்டில் 34,651 பாலியல் பலாத்கார வழக்குகள் பதிவு செய்யப்பட்டுள்ளதாக புள்ளிவிவரம் தெரிவிக்கிறது. இதைத் தடுக்க வேண்டியது அனைவரின் கடமை. குறிப்பாக நீதித்துறை முயற்சித்தால் மட்டுமே இதனை தடுக்க முடியும். 
பாலியல் பலாத்கார வழக்குகளில் தாமதமாக தீர்ப்பு கிடைப்பதால், குற்றவாளிகள் தண்டனையிலிருந்து தப்பித்து விடுகின்றனர். பாதிக்கப்பட்ட பெண்களுக்கு உரிய பரிகாரம் கிடைப்பதில்லை. இந்த நிலையில் மார்ச் 8-ஆம் தேதியன்று மகளிர் தினம் கொண்டாடப்படுகிறது. தேசிய அளவில் பெண்கள் கடுமையாக பாதிக்கப்பட்டுவரும் நிலையில் மகளிர் தினத்தை கொண்டாடுவதில் அர்த்தமில்லை. எனவே பாலியல் பலாத்கார வழக்குகளில் விரைந்து தீர்ப்பு வழங்க நீதித் துறை முன் வரவேண்டும். 
விரைவான தீர்ப்பாலும், கடுமையான தண்டனையால் மட்டுமே குற்றம் செய்பவர்களுக்கு அச்சம் பிறக்கும். இதை வலியுறுத்தி, மார்ச் 8-ஆம் தேதி பெங்களூரு சுதந்திரப் பூங்காவில் எனது தலைமையில் போராட்டம் நடைபெறும். போராட்டத்தைத் தொடர்ந்து பாலியல் பலாத்கார வழக்குகளில் பாதிக்கப்பட்டு, நீதி கிடைப்பதில் தாமதம் ஏற்பட்டுள்ள பெண்களுடன் ஆதரவாக நீதிமன்றங்களின் முன்பு அமைதியான முறையில் போராட்டம் நடத்த திட்டமிட்டுள்ளோம்.
பாலியல் பலாத்காரத்தால் பாதிக்கப்பட்டுள்ள பெண்கள் முன்னேற்றத்திற்கு பாடுபடவும் எங்கள் அறக்கட்டளை முடிவு செய்துள்ளது என்றார். பேட்டியின் போது அறக்கட்டளை இணை நிறுவனர் அம்ரிதாவிஜய்டாடா உடனிருந்தார்.                                                                             
 

]]>
http://www.dinamani.com/all-editions/edition-bangalore/2018/mar/07/பாலியல்-பலாத்கார-வழக்குகளை-விரைந்து-முடிக்க-வலியுறுத்தல்-2876067.html
2876066 அனைத்துப் பதிப்புகள் பெங்களூரு பெங்களூரு நகை கடையில் திருட்டு: ஒருவர் கைது DIN DIN Wednesday, March 7, 2018 09:28 AM +0530 நகைக் கடையில் திருட்டில் ஈடுபட்ட கும்பலைச் சேர்ந்த ஒருவரை பொதுமக்கள் பிடித்து காவல் நிலையத்தில் ஒப்படைத்தனர். 
பெங்களூரு வடக்கு வட்டம், மாகடிசாலை மாச்சோஹள்ளியில் ராஜஸ்தானைச் சேர்ந்த சந்துராம் என்பவருக்கு சொந்தமான நகைக்கடை உள்ளது. திங்கள்கிழமை இரவு 10 மணியளவில் கடையை அடைக்க முயன்ற போது, மோட்டார் சைக்கிள்களில் தலைக்கவசம், கையுறை அணிந்து வந்த 6 பேர் கொண்ட கும்பல், சந்துராமின் கையை அரிவாளால் வெட்டி காயப்படுத்திவிட்டு, கடையிலிருந்து ரூ. 21 லட்சம் மதிப்புள்ள 700 கிராம் தங்க நகையை கொள்ளையடித்து தப்பிக்க முயன்றது, கடை முன் கூடிய பொதுமக்கள், கொள்ளையரில் ஒருவரை விரட்டி சென்று பிடித்து போலீஸாரிடம் ஒப்படைந்தனர்.
இதுகுறித்து வழக்குப் பதிந்த மாதநாயகனஹள்ளி போலீஸார், பிடிப்பட்ட கொள்ளையனிடம் தொடர்ந்து விசாரணை மேற்கொண்டு வருகின்றனர்.   
 

]]>
http://www.dinamani.com/all-editions/edition-bangalore/2018/mar/07/பெங்களூரு-நகை-கடையில்-திருட்டு-ஒருவர்-கைது-2876066.html
2876064 அனைத்துப் பதிப்புகள் பெங்களூரு மாநிலங்களவைத் தேர்தல்: காங்கிரஸின் ஆதரவை கோரவில்லை: கர்நாடக மஜத தலைவர் குமாரசாமி DIN DIN Wednesday, March 7, 2018 09:27 AM +0530 மாநிலங்களவைத் தேர்தலில் காங்கிரஸின் ஆதரவை மஜத கோரவில்லை என அக் கட்சியின் மாநிலத் தலைவரும், கர்நாடக முன்னாள் முதல்வருமான எச்.டி.குமாரசாமி தெரிவித்தார்.
கர்நாடக மாநிலம், மங்களூரில் செவ்வாய்க்கிழமை செய்தியாளர்களிடம் அவர் கூறியது: மாநிலங்களவைத் தேர்தலில் மஜதவின் ஆதரவு எங்களுக்கு தேவையில்லை. நாங்களும் அவர்களுக்கு ஆதரவு தரமாட்டோம் என்று முதல்வர் சித்தராமையா கூறியுள்ளார். 
மாநிலங்களவைத் தேர்தலில் எங்களுக்கு ஆதரவு தர வேண்டும் என்று நாங்கள் காங்கிரஸுக்கு எந்த வேண்டுகோளும் விடுக்கவில்லை. காங்கிரஸ் அலுவலகத்தின் வாசலிலும் நிற்கவில்லை. ஆனால், பெங்களூரு மேயர் தேர்தலில் அவர்கள்தான் எங்களது ஆதரவை கோரி காத்திருந்தனர்.
மஜதவை தரம்தாழ்த்தி விமர்சிப்பதை முதல்வர் சித்தராமையா நிறுத்த வேண்டும். கலவரத்தை தூண்டும் வகையில் பேசும் உத்தரபிரதேச மாநில முதல்வர் யோகி ஆதித்யநாத்தின் பொதுக்கூட்டத்துக்கு அனுமதி வழங்கியுள்ள மாநில அரசு, மஜத கூட்டத்துக்கு அனுமதி வழங்க மறுத்துள்ளது என்றார்.
மேலும் மாநில பாஜகவில் தலைவர்களுக்கு தட்டுப்பாடு ஏற்பட்டுள்ளது. எனவேதான் அவர்கள் பிரசாரத்துக்கு உத்தரபிரதேசம், தில்லியிலிருந்து தலைவர்களை வரவழைக்கின்றனர். உத்தர பிரதேசத்தில் மருத்துவமனையில் குழந்தைகளைக் காப்பாற்ற முடியாத அம்மாநில முதல்வர் யோகி ஆதித்யநாத், கர்நாடகத்தில் மக்கள் பாதுகாப்பு யாத்திரையில் கலந்து கொள்வது வேடிக்கையாக உள்ளது. மாநிலத்தில் காங்கிரஸ், பாஜக உள்ளிட்ட கட்சிகளின் ஆட்சியில் வளர்ச்சிப் பணிகள் எதுவும் நடைபெறவில்லை. மக்கள் நலனில் அக்கறையில்லாத தேசிய கட்சிகளின் ஆட்சி தேவையா என்பதனை மக்கள் முடிவு செய்ய வேண்டும் என்றார்.

]]>
http://www.dinamani.com/all-editions/edition-bangalore/2018/mar/07/மாநிலங்களவைத்-தேர்தல்-காங்கிரஸின்-ஆதரவை-கோரவில்லை-கர்நாடக-மஜத-தலைவர்-குமாரசாமி-2876064.html
2876063 அனைத்துப் பதிப்புகள் பெங்களூரு "அனைவருக்கும் தரமான கல்வி கிடைக்க வேண்டும்' DIN DIN Wednesday, March 7, 2018 09:27 AM +0530 தேசிய அளவில் அனைவருக்கு தரமானக் கல்வி கிடைக்க வேண்டும் என்று லான்ஸெஸ் மேலாண் இயக்குநர் ஜாக்கஸ் பரேஸ் கேட்டுக் கொண்டார்.
பெங்களூரில் செவ்வாய்க்கிழமை தரமான கல்வி வழங்குவது தொடர்பான விழிப்புணர்வு நிகழ்ச்சியில் கலந்து கொண்டு அவர் பேசியது: இந்தியாவில் எல்லோருக்குமே தரமானக் கல்வி கிடைப்பதில்லை. குறிப்பாக தனியார் மற்றும் அரசு பள்ளிகளில் பயிலும் ஏழை மாணவர்கள் ஒரு சிலருக்கு தரமான கல்வி கிடைப்பதில்லை.
எங்கள் நிறுவனத்தில் கிடைக்கும் லாபத்தில் ஒரு குறிப்பிட்ட சதவீதத்தை தேசிய அளவில் ஏழை மாணவர்களுக்கு தரமான கல்வி கிடைக்க வழங்க முடிவு செய்துள்ளோம். தரமான கல்வி பயிலும் அனைவருக்கும் வரும் காலங்களில் பிரகாசமான எதிர்காலம் உள்ளது. தரமான கல்வியை வழங்க அனைவரும் ஒத்துழைக்க வேண்டும் என்றார்.   

]]>
http://www.dinamani.com/all-editions/edition-bangalore/2018/mar/07/அனைவருக்கும்-தரமான-கல்வி-கிடைக்க-வேண்டும்-2876063.html
2876062 அனைத்துப் பதிப்புகள் பெங்களூரு சூளகிரி அருகே எருது விடும் விழா:  500 காளைகள் பங்கேற்பு DIN DIN Wednesday, March 7, 2018 09:27 AM +0530 சூளகிரி அருகே தியாகரசனப்பள்ளியில் நடந்த எருது விடும் விழாவைக் காண ஆயிரக்கணக்கான பொதுமக்கள் திரண்டனர்.
கிருஷ்ணகிரி மாவட்டம், சூளகிரி அருகே தியாகரசனப்பள்ளி கிராமத்தில் பொதுமக்கள் சார்பில் செவ்வாய்க்கிழமை எருது விடும் விழா நடைபெற்றது.  இதையொட்டி, தியாகரசனப்பள்ளி, நல்லராலப்பள்ளி, உல்லட்டி, சூளகிரி, ஒட்டர்பாளையம், மாரண்டபள்ளி, கிருஷ்ணேபாளையம் மற்றும் சுற்று வட்டாரப் பகுதிகளில் இருந்து சுமார் 500 காளைகள் நன்கு அலங்கரிக்கப்பட்டு அழைத்து வரப்பட்டன, 
எருதுவிடும் விழா மைதானத்தில் அவிழ்த்து விடப்பட்ட காளைகள்  சீறிப் பாய்ந்து சென்றனர்.  இளைஞர்கள்,  மாடுபிடி வீரர்கள், காளைகளை விரட்டிச் சென்று அவற்றின் கொம்புகளில் கட்டப்பட்டிருந்த அலங்காரத் தட்டிகள் மற்றும் பரிசுப்பொருட்களைப் பறிக்க முயன்றனர். அப்போது சிலர் கீழே விழுந்ததில் காயமடைந்தனர். அவர்களுக்கு உடனடியாக முதலுதவி சிகிச்சை அளிக்கப்பட்டது. 
எருது விடும் விழாவை காண சூளகிரி,  உத்தனப்பள்ளி மற்றும் சுற்று வட்டார பகுதிகளில் இருந்தும், கர்நாடகம்,  ஆந்திரம் உள்ளிட்ட மாநிலங்களின் பல்வேறு பகுதிகளில் இருந்தும் ஏராளமானோர் வந்திருந்தனர். விழாவையொட்டி பொதுமக்களுக்கு அன்னதானம் வழங்கப்பட்டது. இதேபோல, ஒசூர் அருகே திருச்சிப்பள்ளி கிராமத்திலும் எருது விடும் விழா நடைபெற்றது.
 

]]>
http://www.dinamani.com/all-editions/edition-bangalore/2018/mar/07/சூளகிரி-அருகே-எருது-விடும்-விழா--500-காளைகள்-பங்கேற்பு-2876062.html
2876061 அனைத்துப் பதிப்புகள் பெங்களூரு மாடியிலிருந்து கீழே குதித்து  தாய், மகன் தற்கொலை DIN DIN Wednesday, March 7, 2018 09:26 AM +0530 அடுக்குமாடிக் குடியிருப்பின் 5-ஆவது மாடியிலிருந்து கீழே குதித்து தாய், மகன் தற்கொலை செய்து கொண்டனர்.
யாதகிரி மாவட்டம், ஷகாபுரா வட்டம், சிக்கனஹள்ளியைச் சேர்ந்தவர்கள் சுந்தரம்மா (60). இவரது மகன் மெளனீஷ் (37). அரசு பேருந்தில் நடத்துனராகப் பணியாற்றி வந்த மெளனீஷ், காவல் துறையில் பணியாற்றி வரும் சந்திரப்பாவின் சகோதரியை காதலித்து வந்ததாகக் கூறப்படுகிறது. 
இந்த நிலையில் சந்திரப்பா சகோதரி வீட்டை விட்டு வெளியே சென்றார். இதையடுத்து, சந்திரப்பாவின் அழைப்பை ஏற்று, கடந்த 5 நாள்களுக்கு முன்பு பெங்களூரு வந்த சுந்தரம்மா, மெளனீஷ் பெங்களூரு காடுகோடி காவல்சரகத்தில் உள்ள சந்திரப்பாவுக்குச் சொந்தமான அடுக்குமாடிக் குடியிருப்பில் தங்கியுள்ளனர். 
இந்த நிலையில், செவ்வாய்க்கிழமை அதிகாலை 4 மணியளவில் அடுக்குமாடி குடியிருப்பின் 5-வது மாடியிலிருந்து கீழே குதித்து, சுந்தரம்மா, மெளனீஷ் தற்கொலை செய்து கொண்டதாகக் கூறப்படுகிறது. இதுகுறித்து வழக்குப் பதிந்த காடுகோடி போலீஸார், இது தற்கொலையா? கொலையா? என்ற கோணத்தில் விசாரணை மேற்கொண்டுள்ளனர்.  
 

]]>
http://www.dinamani.com/all-editions/edition-bangalore/2018/mar/07/மாடியிலிருந்து-கீழே-குதித்து--தாய்-மகன்-தற்கொலை-2876061.html
2876060 அனைத்துப் பதிப்புகள் பெங்களூரு கர்நாடகத்தில் ஹிந்துகளுக்கு பாதுகாப்பில்லை: எம்பி நளின்குமார் கட்டீல் DIN DIN Wednesday, March 7, 2018 09:26 AM +0530 கர்நாடகத்தில் ஹிந்துகளுக்கு எதிராக அம்மாநில காங்கிரஸ் அரசு செயல்படுவதாக பாஜக எம்பி நளின்குமார் கட்டீல் குற்றஞ்சாட்டினார்.
கர்நாடக மாநிலம், தென்கன்னட மாவட்டம், மங்களூரில் செவ்வாய்க்கிழமை மக்கள் பாதுகாப்பு பேரணியையொட்டி நடைபெற்ற கூட்டத்தில் அவர் பேசியது: 
ஹிந்துகளுக்கு எதிராக முதல்வர் சித்தராமையா செயல்பட்டு வருகிறார். 
அடுத்தடுத்து ஹிந்து பிரமுகர்கள் கொலை செய்யப்படுகின்றனர். கோத்ரா சம்பவம் தொடர்பாக பிரதமர் நரேந்திர மோடியை நரஹந்தகா (மனிதர்களை கொல்லுபவர்) என்று முதல்வர் சித்தராமையா விமர்சித்தார்.
ஆனால், உண்மையிலே மனிதர்களை கொன்று குறிப்பாக ஹிந்துகளுக்கு எதிராக முதல்வர் சித்தராமையாதான் செயல்பட்டு வருகிறார் என்றார்.
இதேபோல, பாஜகவைச் சேர்ந்த மத்திய இணை அமைச்சர் அனந்த்குமார் ஹெக்டே, மக்களவை உறுப்பினர் பிரதாப் சிம்ஹா ஆகியோர் மோடிக்கு எதிரான சித்தராமையாவின் பேச்சுக்கு கடும் கண்டனம் தெரிவித்துள்ளனர்.

]]>
http://www.dinamani.com/all-editions/edition-bangalore/2018/mar/07/கர்நாடகத்தில்-ஹிந்துகளுக்கு-பாதுகாப்பில்லை-எம்பி-நளின்குமார்-கட்டீல்-2876060.html
2876059 அனைத்துப் பதிப்புகள் பெங்களூரு வீடு புகுந்து நகை, பணம் திருட்டு DIN DIN Wednesday, March 7, 2018 09:26 AM +0530 வீட்டின் பூட்டை உடைத்து ரூ.8 லட்சம் மதிப்பிலான நகை, பணத்தை மர்ம நபர்கள் திருடிச் சென்றனர்.
பெங்களூரு விஜயநகர் எம்.சி.லேஅவுட்டைச் சேர்ந்த தொழிலதிபர் கோபிநாத். இவர் தனது குடும்பத்தினருடன் மார்ச் 3-ஆம் தேதி திருப்பதிக்குச் சென்றுவிட்டு, திங்கள்கிழமை மாலை வீட்டிற்கு திரும்பி வந்தார். 
இதனிடையே, அவரது வீட்டின் பூட்டை உடைத்து ரூ. 8 லட்சம் மதிப்புள்ள தங்க நகை, ரூ. 2.7 லட்சம் திருடு போனது தெரியவந்தது. இதுகுறித்து விஜயநகர் போலீஸார் வழக்குப் பதிந்து விசாரணை செய்து வருகின்றனர்.  
 

]]>
http://www.dinamani.com/all-editions/edition-bangalore/2018/mar/07/வீடு-புகுந்து-நகை-பணம்-திருட்டு-2876059.html
2876058 அனைத்துப் பதிப்புகள் பெங்களூரு பெங்களூரு-பெலகாவி இடையே சிறப்பு ரயில்சேவை DIN DIN Wednesday, March 7, 2018 09:25 AM +0530 பெங்களூரிலிருந்து பெலகாவிக்கு சிறப்பு தட்கல் விரைவு ரயில் இயக்கப்படுகிறது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு: புனித வெள்ளியை முன்னிட்டு கூட்ட நெரிசலை குறைப்பதற்காக பெங்களூரில் (யஷ்வந்தபூர்) இருந்து பெலகாவிக்கு சிறப்பு தட்கல் விரைவுரயில் இயக்கப்படுகிறது.
ரயில் எண்-06581-பெங்களூரு(யஷ்வந்த்பூர்)-பெலகாவி சிறப்பு தட்கல் விரைவு ரயில் மார்ச் 29-ஆம் தேதி இரவு 8.15 மணிக்கு யஷ்வந்த்பூர் ரயில் நிலையத்தில் இருந்து புறப்பட்டு, மறுநாள் மார்ச் 30-ஆம் தேதி காலை 8.10 மணிக்கு பெலகாவி ரயில் நிலையத்திற்கு சென்றடைகிறது.  மறு மார்க்கத்தில், ரயில் எண்-06582-பெலகாவி-பெங்களூரு(யஷ்வந்த்பூர்)சிறப்பு தட்கல் விரைவு ரயில் ஏப். 1-ஆம் தேதி மாலை 5.15 மணிக்கு பெலகாவி ரயில் நிலையத்தில் இருந்து புறப்பட்டு, மறுநாள் ஏப். 2-ஆம் தேதி காலை 5 மணிக்கு பெங்களூரு(யஷ்வந்தபூர்) ரயில்நிலையம் வந்தடைகிறது. 
இந்த ரயில் இரு மார்க்கத்திலும் தும்கூரு, அரசிகெரே, பீரூர், தாவணகெரே, ஹரிஹரா, ஹாவேரி, ஹுப்பள்ளி, தாட்வாட், லோண்டா ஆகிய ரயில்நிலையங்களில் நின்று செல்லும். 
ரயிலில் மூன்றடுக்கு குளிரூட்டப்பட்ட 3 பெட்டிகள், 2-ஆம் வகுப்பு படுக்கை வசதி கொண்ட 14 பெட்டிகள், 2-ஆம் வகுப்பு சரக்கு மற்றும் ஓய்வறை கொண்ட 2 பெட்டிகள் இடம்பெற்றிருக்கும் என்று அதில் கூறப்பட்டுள்ளது.

]]>
http://www.dinamani.com/all-editions/edition-bangalore/2018/mar/07/பெங்களூரு-பெலகாவி-இடையே-சிறப்பு-ரயில்சேவை-2876058.html
2876057 அனைத்துப் பதிப்புகள் பெங்களூரு காங்கிரஸ் அல்லாத கர்நாடகத்தை உருவாக்க வேண்டும்: யோகி ஆதித்யநாத் DIN DIN Wednesday, March 7, 2018 09:25 AM +0530 காங்கிரஸ் அல்லாத கர்நாடகத்தை கட்டமைக்க பொதுமக்கள் முன்வர வேண்டும் என்று உத்தர பிரதேச மாநில முதல்வர் யோகி ஆதித்யநாத் கேட்டுக் கொண்டார்.
கர்நாடக மாநிலம், மங்களூரில் செவ்வாய்க்கிழமை நடைபெற்ற பாஜக மாநாட்டில் அவர் பேசியது: 
கர்நாடகத்தில் காங்கிரஸ் ஆட்சியில் வளர்ச்சிப் பணிகள் எதுவும் நடைபெறவில்லை. மக்கள் வரி பணத்தை காங்கிரஸ் அரசு முறைகேடாக பயன்படுத்துகிறது. திரிபுரா மாநிலத்தில் காங்கிரஸ் கடந்த முறை எதிர்கட்சியாக இருந்தது. அண்மையில் நடைபெற்ற தேர்தலில் காங்கிரஸ் இருந்த இடம் தெரியாமல் மறைந்தது.
தேசிய அளவில் பாஜக சூறைகாற்று வீசி வருகிறது. 21 மாநிலங்களில் பாஜகவோ அல்லது அதன் கூட்டணி கட்சிகளோ ஆட்சி செய்து வருகின்றன. எனவே, காங்கிரஸ் அல்லாத கர்நாடகத்தை உருவாக்க வேண்டும். திரிபுராவில் பாஜக சாதித்ததை கர்நாடகத்தில் ஏன் சாதிக்க முடியாது?. 
வடகிழக்கு மாநிலங்களில் பாஜகவை ஆதரிக்க மக்கள் முன்வந்துள்ளனர். அதேபோல கர்நாடகம் உள்ளிட்ட தென்னிந்தியாவில் பாஜகவை ஆதரிக்க வேண்டும். கர்நாடகத்தில் விவசாயிகளுக்கு எதிராக காங்கிரஸ் அரசு செயல்பட்டு வருகிறது. விவசாயிகளுக்கு ஆதரவாக பாஜக உள்ளது. உத்தரபிரதேச மாநிலத்தில் 86 லட்சம் விவசாயிகளின் வங்கி கடன் தள்ளுபடி செய்யப்பட்டுள்ளது. உத்தரபிரதேச மாநிலத்தில் ஊழல் இல்லாத ஆட்சியை வழங்கி வருகிறோம். சித்தராமையா தலைமையிலான காங்கிரஸ் ஆட்சியில் எந்த வளர்ச்சிப் பணிகளும் நடைபெறாமல் உள்ளது. 
கர்நாடகத்தில் ஹிந்துகளுக்கு பாதுகாப்பு இல்லாத சூழல் ஏற்பட்டுள்ளது. விவசாயிகள் தற்கொலை செய்து கொள்கின்றனர். சட்டம்- ஒழுங்கு சீர்குலைந்துள்ளதால் மக்கள் பாதுகாப்பு இல்லாமல் அச்சத்தில் உள்ளனர்.  பிரதமர் நரேந்திர மோடியின் தலைமையில் தேசிய அளவில் வளர்ச்சிப் பணிகள் நடைபெற்று வருகிறது. பாஜக ஆட்சியால் மட்டுமே நாட்டை வளர்ச்சிப்பாதைக்கு கொண்டு செல்ல முடியும். ஊழல் அல்லாத கர்நாடகத்தை உருவாக்க மக்கள் பாஜகவை ஆதரிக்க வேண்டும் என்றார்.
 

]]>
http://www.dinamani.com/all-editions/edition-bangalore/2018/mar/07/காங்கிரஸ்-அல்லாத-கர்நாடகத்தை-உருவாக்க-வேண்டும்-யோகி-ஆதித்யநாத்-2876057.html
2876055 அனைத்துப் பதிப்புகள் பெங்களூரு காங்கிரஸ் ஆட்சியில் பெங்களூரில் குற்றங்கள் அதிகரிப்பு: முரளிதரராவ் DIN DIN Wednesday, March 7, 2018 09:24 AM +0530 காங்கிரஸ் ஆட்சியில் குற்றங்களின் தலைநகராக பெங்களூரு மாறியுள்ளதாக கர்நாடக பாஜக மாநில பொறுப்பாளர் முரளிதரராவ் குற்றஞ்சாட்டினார்.
பெங்களூரு சாம்ராஜ்பேட்டை சட்டப்பேரவைத் தொகுதியில் பாஜக சார்பில் செவ்வாய்க்கிழமை நடைபெற்ற "பெங்களூரை பாதுகாப்போம்' பேரணியில் கலந்து கொண்டு அவர் பேசியது: 
தகவல் தொழில்நுட்பம் உள்ளிட்டவைகளில் சர்வதேச அளவில் தலைநகரமாக பெங்களூரு விளங்குகிறது. ஆனால், காங்கிரஸ் ஆட்சி பொறுப்பேற்ற பிறகு குற்றங்களின் தலைநகரமாக பெங்களூரு மாறியுள்ளது. மாநிலத்தில் இதுவரை பாஜக உள்ளிட்ட ஹிந்து அமைப்புகளைச் சேர்ந்த 24 பேர் கொலை செய்யப்பட்டுள்ளனர்.  சட்டம்- ஒழுங்கு சீர்குலைந்துள்ளது. 
சாம்ராஜ்பேட்டை தொகுதியில் பாஜக மாமன்ற உறுப்பினர் ரேகாவின் கணவர் கொலை செய்யப்பட்டார். அவரது கொலைக்கான காரணத்தை இன்னும் வெளியிடப்படாமல் உள்ளது.காங்கிரஸ் தலைவர் ராகுல்காந்தி பிரசாரத்துக்குச் சென்றார் அந்தத் தொகுதியில் காங்கிரஸ் தோல்வியைத் தழுவும்.
மத்தியபிரதேசம், உத்தரபிரதேசம், நாகலாந்து உள்ளிட்ட மாநிலங்களில் காங்கிரஸ் கட்சி தனது பலத்தை முழுவதுமாக இழந்து வருகிறது. கர்நாடகத்திலும் காங்கிரஸ் தோல்வி அடைவது உறுதி என்றார். 
பேரணியில் எதிர்க்கட்சித் துணைத் தலைவர் ஆர்.அசோக், சட்ட மேலவை உறுப்பினர் தாரா அனுராதா, நரேந்திரபாபு, மாளவிகா அவினாஷ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/mar/07/காங்கிரஸ்-ஆட்சியில்-பெங்களூரில்-குற்றங்கள்-அதிகரிப்பு-முரளிதரராவ்-2876055.html
2874626 அனைத்துப் பதிப்புகள் பெங்களூரு வீடுகளில் புகுந்து நகை,  பணம் திருட்டு DIN DIN Monday, March 5, 2018 07:31 AM +0530 இரு வேறு இடங்களில் வீடுகளில் புகுந்த தங்க நகை, வெள்ளிப் பொருள்கள், ரொக்கப் பணத்தை மர்ம நபர்கள் திருடிச் சென்றனர்.
பெங்களூரு சி.கே. அச்சக்கட்டு கங்கம்மா கோயில் அருகே 9-ஆவது குறுக்குச் சாலையில் வசித்து வருபவர் லலிதா. இவர் அதே பகுதியில் உள்ள பள்ளியில் ஆசிரியையாகப் பணியாற்றி வருகிறார். சனிக்கிழமை வீட்டைப் பூட்டி விட்டுப்  பணிக்குச் சென்றவர் மாலை வீடு திரும்பி வந்துபோது வீட்டின் பூட்டு உடைக்கப்பட்டு பீரோவிலிருந்த  ரூ. 1 லட்சம் மதிப்பிலான தங்கநகை, வெள்ளிப்பொருள்களை திருடுபோனது தெரிய வந்தது.அவர் அளித்த புகாரின்பேரில் சி.கே. அச்சகட்டு போலீஸார் வழக்குப் பதிந்து விசாரணை செய்து வருகின்றனர்.
மற்றொரு சம்பவம்
ஆர்.டி. நகர் அருகே புவனேஸ்வரி நகர் 11-ஆவது குறுக்குச் சாலைச் சேர்ந்தவர் முகமது அலி. இவர், வெள்ளிக்கிழமை வீட்டை பூட்டிவிட்டு வெளியூருக்குச் சென்றவர் சனிக்கிழமை வீடு திரும்பியபோது, வீட்டில் பீரோவிலிருந்த ரூ. 1 லட்சம் ரொக்கப் பணம் திருடுபோனது தெரியவந்தது. அவர் அளித்த புகாரின்பேரில் புட்டேனஹள்ளி போலீஸார் விசாரணை மேற்கோண்டுள்ளனர்.

]]>
http://www.dinamani.com/all-editions/edition-bangalore/2018/mar/05/வீடுகளில்-புகுந்து-நகை--பணம்-திருட்டு-2874626.html
2874625 அனைத்துப் பதிப்புகள் பெங்களூரு ஆடம்பரத் திருமணங்களை இளைஞர்கள் தவிர்க்க வேண்டும்: அமைச்சர் ராமலிங்க ரெட்டி DIN DIN Monday, March 5, 2018 07:31 AM +0530 ஆடம்பரத் திருமணங்களை இளைஞர்கள் தவிர்க்க வேண்டும் என்று உள்துறை அமைச்சர் ராமலிங்க ரெட்டி தெரிவித்தார்.
கர்நாடக மாநிலம், விஜயபுரா மாவட்டம், சிந்தகி வட்டத்தில் ஞாயிற்றுக்கிழமை 101 ஜோடிகளுக்கு இலவசத் திருமணத்தை நடத்தி வைத்து அவர் பேசியது:
திருமணங்கள் நடத்துவது ஆடம்பரமாகியுள்ளதால், ஏழை எளிய பெற்றோர், இளைஞர்கள் பாதிக்கப்பட்டுள்ளனர். ஆடம்பரமில்லாமல், எளிமையான முறையில் திருமணங்களை நடத்த இளைஞர்கள் முன்வர வேண்டும்.
திருமணங்கள் மூலம் இரு மனங்கள் கலக்க வேண்டுமே ஒழிய, ஆடம்பரத்தால் அவர்களை கடனாளியாக்கக் கூடாது. வெளிநாடுகளில் திருமணம் என்பது சுமையல்ல. ஆனால், நமது நாட்டில் நடுத்தர, ஏழைக் குடும்பங்களுக்கு திருமணங்கள் சுமையாகியுள்ளன. எனவே, ஏழைகளின் நாடான இந்தியாவில் ஆடம்பர திருமணங்களைத் தவிர்ப்பது நல்லது.
இதுபோன்ற இலவச கூட்டுத் திருமணங்களை நடத்த செல்வந்தர்கள், தொழிலதிபர்கள் முன் வர வேண்டும். சமூக சேவையோடு, கூட்டுத் திருமணங்களை மஞ்சுளா போன்றவர்கள் நடத்தி வருவது மகிழ்ச்சி அளிக்கிறது என்றார் அவர். நிகழ்ச்சியில் அமைச்சர் எச்.எம். ரேவண்ணா, மஞ்சுளா உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/mar/05/ஆடம்பரத்-திருமணங்களை-இளைஞர்கள்-தவிர்க்க-வேண்டும்-அமைச்சர்-ராமலிங்க-ரெட்டி-2874625.html
2874624 அனைத்துப் பதிப்புகள் பெங்களூரு "இந்திய அளவில் கர்நாடகத்தை முதல் மாநிலமாக்கத் திட்டம்' DIN DIN Monday, March 5, 2018 07:30 AM +0530 இந்திய அளவில் கர்நாடகத்தை முதல் மாநிலமாக்க திட்டமிட்டு செயலாற்றி வருவதாக முதல்வர் சித்தராமையா தெரிவித்தார்.
பெங்களூரில் ஞாயிற்றுக்கிழமை கர்நாடக தொழில் வளர்ச்சிக் கழகத்தின் பொன்விழா மற்றும் புதிய அலுவலகக் கட்டட திறப்பு விழாவில் கலந்து கொண்டு அவர் பேசியது:
இந்திய அளவில் கர்நாடகத்தை அனைத்துத் துறைகளிலும் முதல் மாநிலமாக்கத் திட்டமிட்டுள்ளோம். அதற்கான அனைத்து நடவடிக்கைகளையும் மேற்கொண்டு வருகிறோம். நவீன கர்நாடகத்தை உருவாக்க அனைவரும் கைக்கோக்க வேண்டும். அனைவரும் ஒற்றுமையாகப் பணியாற்றினால் இது சாத்தியம்.
மாநிலத்தில் வேலைவாய்ப்பை உருவாக்கும் தொழில் துறைக்கு அதிக முக்கியத்துவம் வழங்கப்படுகிறது. எனவே, தொழில்துறை வளர்ச்சிக்கு உகந்த கொள்கையை மாநில அரசு அறிவித்தது.
கர்நாடகம் முதலீடு செய்வதற்கு உகந்த மாநிலமாகத் திகழ்கிறது.  எனவேதான் முதலீட்டை ஈர்ப்பதில் முதல் மாநிலமாக கர்நாடகம் விளங்குகிறது.  கடந்த 2 ஆண்டுகளில் மாநிலத்தில் ரூ. 1.54 லட்சம் கோடி அளவுக்கு முதலீடு ஈர்க்கப்பட்டுள்ளது.  நகரங்களைத் தவிர்த்து கிராமங்களில் தொழிற்சாலைகள் தொடங்குவதன் மூலம் இளைஞர்களுக்கு வேலைவாய்ப்பை உருவாக்க முடியும்.
எனவேதான்,  கிராமங்களில் தொழில் துறையில் முதலீடு செய்வதை மாநில அரசு ஊக்குவித்து வருகிறது.  தொழில் துறையில் மனித வளத்தை மேம்படுத்த இளைஞர்களுக்கு தொழில் பயிற்சி அளிக்கப்படுகிறது.  இதுவரை 5 லட்சம் பேருக்கு தொழில் பயிற்சி அளிக்கப்பட்டுள்ளது.
பயிற்சி பெற்றவர்களுக்கு வேலைவாய்ப்பைப் பெற்றுத் தரவும் அரசு நடவடிக்கை மேற்கொண்டுள்ளது.  கர்நாடகத் தொழில் வளர்ச்சிக் கழகம் கடந்த 50 ஆண்டுகளில் 165 தொழில்பேட்டைகளை உருவாக்கியுள்ளது.  இதன் மூலம் பல லட்சம் பேர் வேலைவாய்ப்பைப் பெற்றுள்ளனர்.  தொழில் துறையை மேம்படுத்த அரசு அதிக கவனம் செலுத்தி வருகிறது என்றார் அவர்.
நிகழ்ச்சியில்,  அமைச்சர் ஆர்.வி. தேஷ் பாண்டே,  தலைமைச் செயலாளர் ரத்னபிரபா, முதன்மைச் செயலாளர் டி.வி.பிரசாத் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/mar/05/இந்திய-அளவில்-கர்நாடகத்தை-முதல்-மாநிலமாக்கத்-திட்டம்-2874624.html
2874623 அனைத்துப் பதிப்புகள் பெங்களூரு அரசுப் பள்ளி மாணவர்களுக்கு இரண்டு இலவச சீருடைகள்: கர்நாடக அமைச்சரவையில் முடிவு DIN DIN Monday, March 5, 2018 07:30 AM +0530 வரும் கல்வியாண்டு முதல் அரசுப் பள்ளி மாணவர்களுக்கு இரண்டு இலவச சீருடைகள் வழங்க கர்நாடக அமைச்சரவையில் முடிவு செய்யப்பட்டுள்ளது.
பெங்களூரு, விதானசெளதாவில் சனிக்கிழமை கர்நாடக அமைச்சரவைக் கூட்டம் முதல்வர் சித்தராமையா தலைமையில் நடைபெற்றது. கூட்டத்தில் எடுக்கப்பட்ட முடிவுகள் குறித்து சட்டத் துறை அமைச்சர் டி.பி. ஜெயசந்திரா, செய்தியாளர்களிடம் கூறியது:
வரும் கல்வியாண்டு முதல் (2018-19) மாநிலத்தின் அனைத்து அரசுப் பள்ளி மாணவர்களுக்கும் இலவசமாக இரண்டு சீருடைகள் வழங்க அமைச்சரவை தீர்மானித்துள்ளது.
இந்தத் திட்டத்தால் மாநிலத்தில் அரசுப் பள்ளிகளில் பயிலும் 52 லட்சம் மாணவர்கள் பயனடைவர். தேசிய உயர்நிலைக் கல்வித் திட்டத்தின் கீழ் 2009-10,  2010-11-ஆம் ஆண்டுகளில் அனுமதி அளிக்கப்பட்டிருந்த 237 திட்டப் பணிகள், 2013-14 முதல் 2017-18-ஆம் ஆண்டு வரையிலான காலக் கட்டத்தில் அனுமதி அளிக்கப்பட்டிருந்த 173 திட்டங்களுக்கும் மொத்தம் ரூ. 433.20 கோடி ஒதுக்க அமைச்சரவை ஒப்புதல் அளித்தது.
தேவனஹள்ளியில் உள்ள கெம்பேகெளடா பன்னாட்டு விமானநிலையத்தைச் சுற்றியுள்ள பகுதிகளில் சாலைகளை மேம்படுத்துவதற்கும், நிலம் கையகப்படுத்தும் பணிக்கும் ரூ. 105.85 கோடியை ஒதுக்க அமைச்சரவை அனுமதி வழங்கியது.
பெங்களூரு கோல்ப் கிளப் நிறுவனத்துக்கு வழங்கப்பட்டுள்ள நிலத்துக்கு குத்தகை கட்டணத்தை நிறுவனத்தின் வரவு-செலவின் அடிப்படையில்  உயர்த்த அனுமதிஅளிக்கப்பட்டது. இந்நிறுவனத்தின் வரவு-செலவு ரூ. 8 கோடியாக இருப்பதால், அரசுக்கு குத்தகை தொகையாக ரூ. 16 லட்சம் கிடைக்கும் வாய்ப்பு உள்ளது. 
டி.நரசிபுரா நகரத்துக்கு காவிரி ஆற்றில் இருந்து மூன்றாம் நிலை குடிநீர் விநியோகத் திட்டத்துக்கு ரூ. 69.60 கோடி ஒதுக்க நிர்வாக ரீதியான அனுமதி அளிக்கப்பட்டுள்ளது. 
பெங்களூரு மருத்துவக்கல்லூரி மற்றும் ஆராய்ச்சிமையத்தின் வளாகத்தில் ரூ.22.20 கோடி செலவில் நிமுலேஷன் சென்டர் மற்றும் ஸ்கில் லேப் நிறுவ அமைச்சரவை அனுமதி அளித்துள்ளது. பெங்களூரு, மாகடிசாலையில் உள்ள ஆயுஷ் துறைக்கு ஒதுக்கப்பட்ட 5 ஏக்கர் நிலத்தில் கர்நாடக ஓமியோபதி வாரியத்திற்கு 20 சென்ட் நிலத்தை வழங்க அமைச்சரவை தீர்மானித்துள்ளது. பெங்களூரு மாநகராட்சிக்குள்பட்ட 110 கிராமங்களில் புதை சாக்கடை அமைக்க திருத்தப்பட்ட திட்ட மதிப்பீட்டுக்கு அமைச்சரவை ஒப்புதல் அளித்தது.
கர்நாடகத்தில் உள்கட்டமைப்பு வசதிகளை செய்து தருவதற்கு அரசு - தனியார் கூட்டு முயற்சியில் 2018-ஆம் ஆண்டுக்கானக் கொள்கையை வகுக்க தீர்மானிக்கப்பட்டது.
கர்நாடகத்தின் நீர்ப்பாசனப் பகுதிகளில் நீர்வளத்தை முறையாகப் பயன்படுத்திக் கொள்வதற்காக வகுக்கப்பட்டுள்ள கர்நாடக மாநில நுண்பாசனக் கொள்கை-2017-க்கு அமைச்சரவை ஒப்புதல் அளித்தது என்றார் அவர்.

]]>
http://www.dinamani.com/all-editions/edition-bangalore/2018/mar/05/அரசுப்-பள்ளி-மாணவர்களுக்கு-இரண்டு-இலவச-சீருடைகள்-கர்நாடக-அமைச்சரவையில்-முடிவு-2874623.html
2874622 அனைத்துப் பதிப்புகள் பெங்களூரு சட்டப் பேரவைத் தேர்தலில் போட்டியிட கர்நாடக தி.மு.க. யோசனை DIN DIN Monday, March 5, 2018 07:29 AM +0530 வருகிற சட்டப் பேரவைத் தேர்தலில் போட்டியிட கர்நாடக மாநில திமுக யோசித்து வருகிறது.
கர்நாடக மாநில திமுக நிர்வாகிகள் குழுக் கூட்டம், அக்கட்சியின் மாநில அவைத் தலைவர் மொ. பெரியசாமி தலைமையில் பெங்களூரில் ஞாயிற்றுக்கிழமை நடைபெற்றது.
கூட்டத்தில் மாநில அமைப்பாளர் ந. இராமசாமி, பொருளாளர் கே. தட்சிணாமூர்த்தி, இளைஞர் அணி, இலக்கிய அணி, மகளிர் அணி, தொ.மு.ச. பேரவை நிர்வாகிகள் கலந்து கொண்டனர். கூட்டத்தில் கர்நாடக மாநில திமுக மூத்த உறுப்பினர்  மா. மன்னர், ஸ்ரீராம மந்திர் வட்டக் கிளைச் செயலாளர் எஸ்.எஸ். குமார் ஆகியோர் மறைவுக்கு ஆழ்ந்த இரங்கல் தெரிவிக்கப்பட்டது.
திமுக செயல் தலைவர் மு.க. ஸ்டாலினின் பிறந்த நாளை மாநிலம் முழுவதும் இளைஞர் எழுச்சி நாளாகக் கொண்டாடுவது,  
மார்ச் 24, 25-ஆம் தேதிகளில் ஈரோட்டில் நடைபெறவிருக்கும் திமுக மண்டல மாநாட்டில் கர்நாடக மாநில திமுக நிர்வாகிகள், தொண்டர்கள் கலந்து கொள்வது, 
மாநில திமுக தலைமை அலுவலகத்தில் திருவள்ளுவர் மற்றும் பேரறிஞர் அண்ணா சிலைகளைத் திறந்து வைத்த தலைமைக் கழக அமைப்புச் செயலாளர் ஆர்.எஸ். பாரதி, கொள்கைப் பரப்புச் செயலாளர் ஆ. ராசா, துணைச் செயலாளர் குடியாத்தம் குமரன் உள்ளிட்டோருக்கு நன்றி தெரிவிப்பது, கர்நாடக சட்டப் பேரவைத் தேர்தலில் திமுக போட்டியிடுவது குறித்து தலைமைக் கழகத்துடன் மாநில நிர்வாகிகள் ஆலோசனை நடத்தி உரிய முடிவெடுத்து செயல்படுத்துவது, 
பெங்களூரில் தமிழ் பதாகைகள், பெயர்ப் பலகைகளில் தமிழ் எழுத்துகளை அழித்து, தமிழர்-கன்னடர் இடையிலான நல்லுறவை சீர்குலைக்க சிலரின்  அராஜக செயலைக் கண்டிப்பது, அவர்கள் மீது முதல்வர் சித்தராமையா, உள்துறை அமைச்சர் ராமலிங்கரெட்டி ஆகியோர் நடவடிக்கை எடுக்கக் கோருவது உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-bangalore/2018/mar/05/சட்டப்-பேரவைத்-தேர்தலில்-போட்டியிட-கர்நாடக-திமுக-யோசனை-2874622.html
2874621 அனைத்துப் பதிப்புகள் பெங்களூரு பாஜக, ம.ஜ.த.விடம் இருந்து பெங்களூரைக் காப்பாற்ற வேண்டும்: முதல்வர் சித்தராமையா DIN DIN Monday, March 5, 2018 07:29 AM +0530 பாஜக, ம.ஜ.த.விடம் இருந்து பெங்களூரைக் காப்பாற்ற காங்கிரஸை மக்கள் ஆதரிக்க வேண்டும் என்று முதல்வர் சித்தராமையா தெரிவித்தார்.
பெங்களூரு, கிருஷ்ணராஜ புரத்தில் ஞாயிற்றுக்கிழமை நடைபெற்ற விழாவில் ரூ. 400 கோடி மதிப்பிலான வளர்ச்சித் திட்டப் பணிகளைத் தொடக்கி வைத்து அவர் கூறியது:
லஞ்சப் பணத்தை காசோலையில் பெற்று,  சிறைக்குச் சென்று திரும்பிய எடியூரப்பாவை அருகில் உட்கார வைத்துக் கொண்டு எங்களை ஊழல் அரசு என்று மேடையில் விமர்சிப்பதற்கு பிரதமர் மோடிக்குத் தகுதியில்லை.
மேலும்,  எனது அரசை 10 சத தரகுத் தொகை அரசு என்று பிரதமர் மோடி கூறியிருக்கிறார்.  மத்திய அரசுதான் 90 சத தரகுத் தொகை அரசு, எடியூரப்பா முதல்வராக இருந்த காலத்தில் 100 சத ஊழல் ஆட்சியை நடத்தினார்.
எனது அரசை 10 சத தரகுத் தொகை அரசு என்று கூறும் பிரதமர் மோடி,  அதுகுறித்து பொது மேடையில் விவாதிக்கத் தயாரா? பிரதமராகப் பதவி வகிப்பவர் ஆதாரமில்லாமல் குற்றச்சாட்டுகளைக் கூறலாமா? 
பெங்களூரு மாநகரைக் குப்பை நகரமாக்கியவர்கள்,  நள்ளிரவில் ஒப்பந்தப்புள்ளி கோரியவர்களை அழைத்திருந்தவர்கள், ஊழல் குற்றச்சாட்டுகள் அடங்கிய கோப்புகள் இருந்த மாநகராட்சி அறையைத் தீயிட்டு கொளுத்தியவர்கள் பாஜகவினர்.
அப்படிப்பட்ட பாஜகவினர்தான், பெங்களூரைப் பாதுகாக்கப் போவதாக அறிவித்துக் கொண்டு நடைப்பயணம் புறப்பட்டுள்ளனர்.
பெங்களூரை பாஜக, ம.ஜ.த.விடம் இருந்துதான் காப்பாற்ற வேண்டும்.  அதற்கு காங்கிரஸ் கட்சியை மக்கள் ஆதரிக்க வேண்டும். பாஜக ஆட்சிக் காலத்தில்தான் பெங்களூரு மாநகராட்சியின் சொத்துகளை அடமானம் வைத்து கடன் வாங்கியிருந்தனர்.  அந்த சொத்துகளை காங்கிரஸ் அரசுதான் மீட்டது.
தொழில் முதலீடுகளை ஈர்ப்பதில் தேசிய அளவில் கர்நாடக மாநிலம் முதலிடம் பெற்றுள்ளது.  சட்டம் ஒழுங்கு சரியில்லையெனில்,  தொழில் முதலீடுகள் வர வாய்ப்புள்ளதா?. இதை பாஜகவினர் புரிந்துகொள்ளாமல் சட்டம்,  ஒழுங்கு கெட்டுவிட்டதாக பொய் பிரசாரம் செய்கின்றனர்.  நாங்கள் மக்களுக்குக் கொடுத்த வாக்குறுதிகளை முழுமையாக நிறைவேற்றித் தந்திருக்கிறோம்.  மக்கள் மீண்டும் காங்கிரஸ் கட்சிக்கு வாக்களித்து வெற்றி பெறச் செய்வார்கள் என்றார் அவர்.
விழாவில்,  அமைச்சர்கள் கே.ஜே. ஜார்ஜ், எச்.சி. மகாதேவப்பா,  எம்எல்ஏ பைரதி  பசவராஜ்,  கே.வெங்கடேஷ்,  மாநகராட்சி மேயர் சம்பத்ராஜ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/mar/05/பாஜக-மஜதவிடம்-இருந்து-பெங்களூரைக்-காப்பாற்ற-வேண்டும்-முதல்வர்-சித்தராமையா-2874621.html
2874620 அனைத்துப் பதிப்புகள் பெங்களூரு ஆட்டோ மீது தனியார் பேருந்து மோதல்: கல்லூரி மாணவர்கள் 3 பேர் சாவு DIN DIN Monday, March 5, 2018 07:29 AM +0530 ஆட்டோ மீது தனியார் பேருந்து மோதியதில் கல்லூரி மாணவர்கள் 3 பேர் உயிரிழந்துள்ளனர்.
கர்நாடக மாநிலம், தும்கூருவைச் சேர்ந்த மாருதி, நாகேஷ், பஹதத்கான் உள்ளிட்ட 4 கல்லூரி மாணவர்கள் ஞாயிற்றுக்கிழமை ஆட்டோவில் தேவராய துர்காவுக்கு ஆட்டோவில் சென்றுவிட்டு தும்கூருவுக்கு திரும்பிக் கொண்டிருந்தனராம்.
தும்கூரு ஊரகம் பெலகும்பா அருகே வேகமாக வந்த தனியார் பேருந்து ஆட்டோ மீது மோதியுள்ளது. இதில் மாருதி, நாகேஷ், பஹதத்கான் ஆகிய 3 பேர் நிகழ்விடத்திலேயே உயிரிழந்தனர்.
காயமடைந்த ஒருவர் தும்கூரு அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இது குறித்து கியாதசந்திரா போலீஸார் வழக்குப் பதிந்து விசாரணை செய்து வருகின்றனர்.

]]>
http://www.dinamani.com/all-editions/edition-bangalore/2018/mar/05/ஆட்டோ-மீது-தனியார்-பேருந்து-மோதல்-கல்லூரி-மாணவர்கள்-3-பேர்-சாவு-2874620.html
2874619 அனைத்துப் பதிப்புகள் பெங்களூரு நாட்டின் வளர்ச்சிக்கு கூட்டுறவு வங்கிகளின் சேவை அபாரம் DIN DIN Monday, March 5, 2018 07:29 AM +0530 நாட்டின் வளர்ச்சிக்கு கூட்டுறவு வங்கிகளின் சேவை அபாரமாக உள்ளது என்று சிருங்கேரி மடத்தின் செயல் அதிகாரி கெளரிசங்கர் தெரிவித்தார்.
பெங்களூரில் ஞாயிற்றுக்கிழமை செளஹார்த்தா கூட்டுறவு வங்கியின் 9-வது கிளையைத் தொடக்கி வைத்து அவர் பேசியது:
நாட்டின் பொருளாதார வளர்ச்சிக்கு தேசிய வங்கிகளின் சேவை இன்றியமையாததாக உள்ளது. அதே போல கூட்டுறவு வங்கிகளின் சேவையும் அபாரமாக உள்ளது. குறிப்பாக கிராமங்களில் கூட்டுறவு வங்கிகளால் விவசாயிகள் உள்ளிட்டோர் அதிக அளவில் பயனடைந்து வருகின்றனர். கூட்டுறவு வங்கிகள், தேசிய வங்கிகளைப்போல் குறைந்த வட்டியில் கடன் வழங்க முன் வர வேண்டும்.
கர்நாடகத்தில் கூட்டுறவு வங்கிகளில் விவசாயிகள் வாங்கிய கடனை மாநில அரசு தள்ளுபடி செய்தது. இதனால்,  பல விவசாயிகள் பயனடைந்துள்ளனர். கூட்டுறவு வங்கிகளில் கடன் தள்ளுபடி செய்ததையடுத்து விவசாயிகள் தற்கொலை செய்து கொள்வது பெருமளவில் குறைந்துள்ளது என்றார் அவர். நிகழ்ச்சியில் ஏடிஜிபி பாஸ்கர் ராவ் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/mar/05/நாட்டின்-வளர்ச்சிக்கு-கூட்டுறவு-வங்கிகளின்-சேவை-அபாரம்-2874619.html
2874618 அனைத்துப் பதிப்புகள் பெங்களூரு கள்ள ரூபாய் நோட்டு  அச்சடிப்பு: 2 பேர் கைது DIN DIN Monday, March 5, 2018 07:28 AM +0530 கள்ள ரூபாய் நோட்டுகளை அச்சடித்த 2 பேரை போலீஸார் கைது செய்துள்ளனர்.
பெங்களூரு செளூர்பாளையத்தைச் சேர்ந்த சேத்தன் (34). விஜயநகரைச் சேர்ந்த உதய்குமார் (38) ஆகிய இருவரும் இணைந்து விஜயநகர் 5-வது குறுக்குச்சாலை, 7-வது பிரதானசாலையில் உள்ள வீடு ஒன்றில் ரூ. 2000, 500, 200  மதிப்புள்ள கள்ள ரூபாய் நோட்டுகளை அச்சடித்து பொதுமக்களிடம் புழக்கத்தில் விட்டு வந்தனராம்.
இது குறித்து தகவல் அறிந்த போலீஸார் இருவரைக் கைது செய்து ரூ. 1.57 லட்சம் கள்ள ரூபாய் நோட்டுகளை பறிமுதல் செய்துள்ளனர். கைது செய்யப்பட்ட 2 பேரிடமும் விஜயநகர்  போலீஸார் தொடர்ந்து விசாரணை மேற்கொண்டு வருகின்றனர்.

]]>
http://www.dinamani.com/all-editions/edition-bangalore/2018/mar/05/கள்ள-ரூபாய்-நோட்டு--அச்சடிப்பு-2-பேர்-கைது-2874618.html
2874617 அனைத்துப் பதிப்புகள் பெங்களூரு திரிபுரா தேர்தல் வெற்றி  இளைஞர்களால் சாத்தியமானது DIN DIN Monday, March 5, 2018 07:28 AM +0530 திரிபுரா மாநில சட்டப் பேரவைத் தேர்தலில் பெற்ற வெற்றி இளைஞர்களால் சாத்தியமானது என்று பிரதமர் மோடி தெரிவித்தார்.
தும்கூரு, மகாத்மா காந்தி விளையாட்டுத் திடலில் ராமகிருஷ்ண-விவேகானந்தர் ஆஸ்ரமத்தின் வெள்ளிவிழாவின் நிறைவு விழா  ஞாயிற்றுக்கிழமை நடைபெற்றது. இதில் புதுதில்லியில் இருந்து காணொலிக் காட்சி மூலம் பங்கேற்று பிரதமர் மோடி பேசியதாவது:
உலக அளவில் மிகவும் இளமையான நாடக இந்தியா உள்ளது. இந்திய மக்கள்தொகையில் 65 சதவீதம் பேர் 35 வயதுக்குள்பட்ட இளைஞர்கள்.
இளைஞர்களின் துடிப்பான பங்களிப்பு நமது நாட்டின் தோற்றத்தையே மாற்றியமைக்கும் வல்லமை படைத்தது. இளைஞர்களின் ஆற்றலை சாதகமாகப் பயன்படுத்தி 21-ஆம் நூற்றாண்டின் உயரத்தில் இந்தியாவை உயர்த்த வேண்டும். எனது வாழ்க்கையில் சுவாமி விவேகானந்தரின் போதனைகள் ஆழமான மாற்றங்களுக்கு வித்திட்டுச் சென்றுள்ளது. விவேகானந்தரின் எண்ணப்படி இளைஞர்களின் ஆற்றலை நெறிப்படுத்த ஆக்கப்பூர்வமான நடைகளை எடுத்து வைத்து வருகிறோம்.
உடலும் உள்ளமும் நன்றாக இருந்தால்தான் எந்த வேலையையும் சீரும் சிறப்புமாக செய்ய இயலும். அதைக் கவனத்தில் கொண்டு இளைஞர்களின் ஆற்றலை முழுமையாகப் பயன்படுத்துவோம். திரிபுரா மாநில சட்டப் பேரவைத் தேர்தலில் பாஜகவுக்கு கிடைத்துள்ள வெற்றி வரலாற்று சிறப்புவாய்ந்தது. இடதுசாரிகளின் கோட்டை என்று வர்ணிக்கப்பட்ட திரிபுராவில் பாஜக வென்றுள்ளது மகத்துவம் வாய்ந்தது. இந்த வெற்றியின் பின்னால் இளைஞர்கள் இருந்துள்ளதை யாராலும் மறைக்க இயலாது. இளைஞர்களும் மகளிரும் இணைந்து செயல்பட்டதால், திரிபுரா மாநிலத்தில் பாஜகவால் வெல்ல முடிந்திருக்கிறது.
திரிபுராவில் நிலவிய அச்சம், ஊழல், பழிவாங்கும் அரசியல், பகைமை உணர்வை இளைஞர் சமூகம் தூள் தூளாக்கியுள்ளது. இளைஞர்களின் ஆற்றல், இந்திய நாட்டை உயர்த்த பயன்படும் என்றார் அவர்.
விழாவில் சுவாமி கெளதமானந்தா மகராஜ், சுவாமி ஜிதகாமானந்தாமகராஜ், சுவாமி நிர்பயானந்த சரஸ்வதி, மாவட்ட ஆட்சியர் மோகன்ராஜ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/mar/05/திரிபுரா-தேர்தல்-வெற்றி--இளைஞர்களால்-சாத்தியமானது-2874617.html
2874616 அனைத்துப் பதிப்புகள் பெங்களூரு கர்நாடகத்தில் இன்று முதல் கைப்பிடி அரிசி பிரசாரம்: பாஜக ஏற்பாடு DIN DIN Monday, March 5, 2018 07:28 AM +0530 கர்நாடகத்தில் திங்கள்கிழமை (மார்ச் 5) முதல் கைப்பிடி அரிசி பிரசாரத் திட்டத்தை நடத்த பாஜக ஏற்பாடு செய்துள்ளது.
இதுகுறித்து பெங்களூரு பாஜக தலைமை அலுவலகத்தில் ஞாயிற்றுக்கிழமை பாஜக எம்பி ஷோபா கரந்தலஜே, செய்தியாளர்களிடம் கூறியது:
தாவணகெரேயில் அண்மையில் நடந்த மாநில பாஜக தலைவர் எடியூரப்பாவின் பிறந்தநாள் விழாவில் பங்கேற்ற பிரதமர் மோடி, விவசாயிகளிடம் இருந்து தானியம் பெறும் பிரசார திட்டத்தை அறிவித்தார்.
அதன்படி, விவசாயிகள் குறித்து முதல்வர் சித்தராமையா அரசின் அலட்சியம்,  எடியூரப்பா அக்கறையை கிராமம் கிராமமாகச் சென்று பிரசாரம் செய்ய கைப்பிடி அரிசி பிரசாரத்தை திங்கள்கிழமை முதல் மாநிலம் முழுவதும் நடத்த பாஜக திட்டமிட்டுள்ளது.
மாநிலத்தில் உள்ள 6,068 கிராமங்களிலும் கிராம சபைகளை நடத்தி எடியூரப்பா கையெழுத்திட்டுள்ள துண்டறிக்கைகளை வழங்க விருக்கிறோம். அப்போது விவசாயிகளிடம் இருந்து கைப்பிடி அரிசி சேகரிக்கப்படும்.
இந்த பிரசாரத்தில் பாஜக தொண்டர்கள் ஈடுபடுவதற்காக தனியாக பைகள் தயாரிக்கப்பட்டுள்ளன. காங்கிரஸ் அரசின் தோல்விகள் குறித்த கையேடு பையில் உள்ளது. இதை பாஜக தொண்டர்கள் கிராம மக்களிடம் எடுத்துரைப்பர். இந்த பிரசார திட்டம் அடுத்த 15 நாள்களுக்கு நடைபெற இருக்கிறது. இதில் ஏதாவது ஒரு மாவட்டத்தில் எடியூரப்பா கலந்து கொள்வார்.
உடுப்பியில் திங்கள்கிழமை நடைபெறவிருக்கும் நடைப்பயணத்தில் மத்திய அமைச்சர் மேனகா காந்தி பங்கேற்கிறார். இதன் நிறைவுவிழா மார்ச் 6-ஆம் தேதி மங்களூருவில் நடக்கிறது. அதில் உத்தரபிரதேச முதல்வர் யோகி ஆதித்யநாத் கலந்துகொண்டு பேசுகிறார் என்றார் அவர். பேட்டியின்போது பாஜக எம்எல்ஏ சி.டி.ரவி உடனிருந்தார்.

]]>
http://www.dinamani.com/all-editions/edition-bangalore/2018/mar/05/கர்நாடகத்தில்-இன்று-முதல்-கைப்பிடி-அரிசி-பிரசாரம்-பாஜக-ஏற்பாடு-2874616.html
2874615 அனைத்துப் பதிப்புகள் பெங்களூரு இன்று முதல் மாநிலங்களவை தேர்தலுக்கான வேட்புமனு தாக்கல் தொடக்கம் DIN DIN Monday, March 5, 2018 07:27 AM +0530 கர்நாடகத்தில் காலியாக உள்ள 4 இடங்களுக்கான மாநிலங்களவைத் தேர்தலுக்கான வேட்பு மனு தாக்கல் செய்வது திங்கள்கிழமை (மார்ச் 5) முதல் தொடங்கி நடைபெற உள்ளது.
இது குறித்து மாநில தேர்தல் அதிகாரி அலுவலகம் வெளியிட்டுள்ள செய்தி அறிக்கை:
தேசிய அளவில் காலியாக உள்ள மாநிலங்களவை உறுப்பினர் பதவிக்கு மார்ச் 23-ஆம் தேதி தேர்தல் நடைபெற உள்ளது. கர்நாடகத்தைச் சேர்ந்த மக்களவை உறுப்பினர்கள் ரகுமான்கான், பசவராஜ் பாட்டீல் சேடம், ராமகிருஷ்ணா, ராஜீவ்சந்திர சேகர் ஆகியோரின் பதவி காலம் நிறைவு பெறுகிறது.
மக்களவைத் தேர்தலில் காங்கிரஸ் சார்பில் 2 பேரும், பாஜக சார்பில் ஒருவரும், மேலும் ஒரு இடத்துக்கு ம.ஜ.த.வின் ஆதரவு பெற்றவர் வெற்றி பெற முடியும். இதனைத் தொடர்ந்து காலியாக உள்ள 4 இடங்களுக்கும் மார்ச் 23-ஆம் தேர்தலில் நடைபெற உள்ளது. இதில் போட்டியிட விருப்பம் உள்ளவர்கள் திங்கள்கிழமை முதல் வேட்பு மனு தாக்கல் செய்யலாம். மார்ச் 12-ஆம் தேதி வேட்பு மனு தாக்கல் செய்ய கடைசி நாளாகும். மார்ச் 15-ஆம் தேதி வேட்புமனுக்கல் பரிசீலிக்கப்படும். மார்ச் 23-ஆம் தேதி தேர்தல் நடைபெறும். அன்று மாலையே வாக்குகள் எண்ணப்பட்டு முடிவுகள் அறிவிக்கப்படும். மார்ச் 26-ஆம் தேதி தேர்தல் நடைமுறைகள் நிறைவு பெறும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-bangalore/2018/mar/05/இன்று-முதல்-மாநிலங்களவை-தேர்தலுக்கான-வேட்புமனு-தாக்கல்-தொடக்கம்-2874615.html
2874194 அனைத்துப் பதிப்புகள் பெங்களூரு காவல் துறையினர் மக்களோடுதோழமையாக நடந்து கொள்ள வேண்டும்: அமைச்சர் ராமலிங்க ரெட்டி DIN DIN Sunday, March 4, 2018 02:29 AM +0530 காவல்துறையினர் மக்களோடு தோழமையாக நடந்து கொள்ள வேண்டும் என உள்துறை அமைச்சர் ராமலிங்க ரெட்டி தெரிவித்தார்.
மைசூரில் சனிக்கிழமை காவல் பயிற்சிக் கல்லூரியில் நடைபெற்ற பெண் காவலர்களின் பயிற்சி நிறைவு விழாவில் அணிவகுப்பை பார்வையிட்ட பிறகு, நிகழ்ச்சியில் அவர் பேசியது: மாநிலத்தில் மக்கள் நிம்மதியாக வாழ வேண்டுமென்றால், சட்டம்-ஒழுங்கு சீராக இருக்க வேண்டும். அந்த சட்டம்-ஒழுங்கை பராமரிக்கும் மிகப்பெரிய பொறுப்பு காவல் துறையிடம் உள்ளது.
காவல் நிலையத்தில் பணியாற்றும் காவலர்கள் மக்களோடு நேரடி தொடர்பில் இருப்பவர்கள். புகார்களை அளிக்க காவல் நிலையத்துக்கு வரும் மக்களோடு தோழமையோடு நடந்து கொள்ள வேண்டியது காவல்துறையினரின் கடமையாகும். மக்களோடு மக்களாக காவலர்கள் பிணைந்து பணியாற்றினால் தான் சட்டம்-ஒழுங்கை சீராக காப்பதோடு, குற்றங்களை குறைக்க இயலும், குற்றவாளிகளை எளிதில் கண்டுபிடிக்கவும் உதவியாக இருக்கும்.
காவல் நிலையத்துக்கு வந்து மக்கள் தெரிவிக்கும் புகார்களை அக்கறையோடு பரிசீலித்து, நடவடிக்கை எடுக்க வேண்டும்.
பயிற்சி நிறைவுசெய்திருக்கும் காவலர்கள் வெவ்வேறு இடங்களில் பணியாற்றும் சூழல் உருவாகும். எத்தனை நெருக்கடிகள் சூழ்ந்தாலும் சேவை மனப்பான்மை, மக்கள் சொத்துகளை பாதுகாக்கும் எண்ணத்தை சமரசப்படுத்திக் கொள்ளக் கூடாது. நேர்மை, நாணயம், நடுநிலைமையுடன் மக்கள் தொண்டை நோக்கமாக கொண்டு கடமையாற்ற தவறக் கூடாது. அதே போல காவல் துறையின் கெளரவத்துக்கு பங்கம் விளைவிக்கும் ரீதியில் நடந்துகொள்ளக் கூடாது. துறைசார்ந்த ரகசியங்களையும் காப்பாற்ற வேண்டியதும் அவசியமாகும் என்றார் அவர்.
விழாவில், உள்துறை அமைச்சரின் ஆலோசகர் கெம்பையா, காவல் துறை கூடுதல் தலைவர் கே.எஸ்.ஆர்.சரண் ரெட்டி, கல்லூரி முதல்வர் தரணிதேவி மாலகத்தி உள்ளிட்டோர் கலந்துகொண்டனர்.
நிகழ்ச்சிக்கு பின்னர் செய்தியாளர்களிடம் அமைச்சர் ராமலிங்க ரெட்டி கூறியது: மூத்த பத்திரிகையாளர் கெளரிலங்கேஷின் கொலை வழக்கு குறித்த முழுவிவரங்களையும் தெரிவிக்க இயலாது. இந்த வழக்கு குறித்து ஏற்கெனவே கூறியிருக்கிறேன். கூடுதல் விவரங்கள் ஏதாவது இருந்தால் அதை சிறப்பு புலனாய்வுப் படை அதிகாரிகள் பகிரங்கப்படுத்துவரகள்.
உத்தரபிரதேசம் மற்றும் மகாராஷ்டிர மாநிலங்களில் இருந்து கர்நாடகத்துக்குள் சட்டவிரோதமாக ஆயுதங்கள் கொண்டுவரப்படுவதாக தகவல் கிடைத்துள்ளது. இதுகுறித்து அம்மாநில அரசுகள் தீவிரமாக விசாரிக்க வேண்டும் என்றார் அவர்.

]]>
http://www.dinamani.com/all-editions/edition-bangalore/2018/mar/04/காவல்-துறையினர்-மக்களோடுதோழமையாக-நடந்து-கொள்ள-வேண்டும்-அமைச்சர்-ராமலிங்க-ரெட்டி-2874194.html
2874193 அனைத்துப் பதிப்புகள் பெங்களூரு கல்வி உரிமைச் சட்டம்: 24 ஆயிரம் விண்ணப்பங்கள் பதிவேற்றம் DIN DIN Sunday, March 4, 2018 02:29 AM +0530 கல்வி உரிமைச் சட்டத்தின் கீழ், தனியார் பள்ளிகளில் சேர்க்கைபெற 24,309 விண்ணப்பங்கள் இணையதளத்தில் பதிவேற்றம் செய்யப்பட்டுள்ளன.
இதுகுறித்து பள்ளிக் கல்வித் துறை வெளியிட்டுள்ள செய்தி: 2018-19-ஆம் கல்வியாண்டில் கர்நாடகத்தில் உள்ள தனியார் பள்ளிகளில் மாணவர் சேர்க்கை பெறுவதற்கான விண்ணப்பங்களை இணையதளத்தின் மூலம் சனிக்கிழமை (மார்ச் 3) முதல் பெறப்பட்டு வருகின்றன.
அதன்படி, சனிக்கிழமை மாலை 6 மணி வரையில் 24,309 விண்ணப்பங்கள் இணையதளத்தில் பதிவேற்றம் செய்யப்பட்டுள்ளன. மார்ச் 21-ஆம் தேதி வரை விண்ணப்பங்களை செலுத்த வாய்ப்பளிக்கப்பட்டுள்ளது.
மாநில அரசின் வழிகாட்டுதலின்படி, 2018 மே 31-ஆம் தேதி அன்று மாணவருக்கு 3 ஆண்டுகள், 10 மாதங்கள் முதல் 4 ஆண்டுகள், 10 மாதங்கள் நிறைவடைந்திருந்தால் மட்டுமே மழலையர் வகுப்புக்கு விண்ணப்பிக்கலாம். முதலாம் வகுப்பில் சேர்க்க மாணவருக்கு 5 ஆண்டுகள், 10 மாதங்கள் முதல் 6 ஆண்டுகள், 10 மாதங்கள் நிறைவடைந்திருந்தால் மட்டுமே மழலையர் வகுப்புக்கு விண்ணப்பிக்கலாம் என அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-bangalore/2018/mar/04/கல்வி-உரிமைச்-சட்டம்-24-ஆயிரம்-விண்ணப்பங்கள்-பதிவேற்றம்-2874193.html
2874192 அனைத்துப் பதிப்புகள் பெங்களூரு வட கிழக்கு தேர்தல் முடிவுகள் கர்நாடகத்தை பாதிக்காது: ஜி.பரமேஸ்வர் DIN DIN Sunday, March 4, 2018 02:28 AM +0530 வட கிழக்கு மாநிலங்களின் சட்டப்பேரவைத் தேர்தல் முடிவுகள் கர்நாடகத்தில் எவ்வித விளைவுகளையும் ஏற்படுத்தாது என மாநில காங்கிரஸ் தலைவர் ஜி.பரமேஸ்வர் தெரிவித்தார்.
இதுகுறித்து பெங்களூரில் சனிக்கிழமை செய்தியாளர்களிடம் அவர் கூறியது: திரிபுரா, மேகாலயா, நாகலாந்து போன்ற வட கிழக்கு மாநிலங்களின் சட்டப்பேரவைத் தேர்தல் முடிவுகள் கர்நாடக அரசியலில் எவ்வித விளைவுகளையும் ஏற்படுத்தாது. இத்தேர்தல் முடிவுக்கும், கர்நாடகத்துக்கும் எவ்வித சம்பந்தமும் இல்லை.
வட கிழக்கு மாநில சட்டப்பேரவைத் தேர்தல் முடிவுகள் கலவையாக உள்ளன. மேகாலயாவில் காங்கிரஸ் அதிக இடங்களை வென்றுள்ளது. திரிபுராவில் காங்கிரஸ் கட்சிக்கு பெரும் பின்னடைவு ஏற்பட்டுள்ளது. இது ஜனநாயகத்தில் இயல்பானது.
இத்தேர்தல் முடிவுகளால் பெரிய சாதனைகளை நிகழ்த்திவிட்டதாக பாஜகவினர் பெருமைப்பட்டு கொள்ள தேவையில்லை.
பெங்களூரை பாதுகாப்போம் என்ற ஊர்வலத்தை பாஜகவினர் நடத்தி வருகிறார்கள். அதையொட்டி, பாஜகவினர் வெளியிட்டுள்ள குற்றப்பத்திரிகை என்ற கையேட்டில் பதிந்துள்ள ஒருசில புகைப்படங்கள் வேறு மாநிலத்தை சேர்ந்தவை என்பது பகிரங்கமாகியுள்ளது.
வேறு மாநிலங்களின் புகைப்படங்களை வைத்துக்கொண்டு சாலையில் உருவான குழிகளை மூடவில்லை, குப்பைகள் அகற்றப்படவில்லை என்று பொய்யான குற்றச்சாட்டுகளை பாஜக முன்வைத்துள்ளது.
பாஜகவினர் பொய் சொல்வதில் கைதேர்ந்தவர்கள். இது மக்களுக்கும் நன்றாக தெரிந்துள்ளது. சட்டப்பேரவைத் தேர்தலின்போதுபெங்களூருக்கு மட்டும் தனித்தேர்தல் அறிக்கையை காங்கிரஸ் வெளியிடும்.
அகில இந்திய காங்கிரஸ் கமிட்டித் தலைவர் ராகுல் காந்தியின் அடுத்தகட்ட சுற்றுப்பயணம் மைசூரு மண்டலத்தில் நடக்க இருக்கிறது. இதற்கான தேதி இன்னும் உறுதிசெய்யப்படவில்லை. அநேகமாக மார்ச் 20 அல்லது 24-ஆம் தேதி முதல் ராகுல் காந்தியின் சுற்றுப்பயணம் தொடங்கும் என்றார் அவர்.

 

]]>
http://www.dinamani.com/all-editions/edition-bangalore/2018/mar/04/வட-கிழக்கு-தேர்தல்-முடிவுகள்-கர்நாடகத்தை-பாதிக்காது-ஜிபரமேஸ்வர்-2874192.html
2874191 அனைத்துப் பதிப்புகள் பெங்களூரு எதிர்கால கர்நாடகத்துக்கான அடித்தளத்தை மாநில அரசு அமைத்துள்ளது: முதல்வர் சித்தராமையா DIN DIN Sunday, March 4, 2018 02:28 AM +0530 கடந்த ஐந்தாண்டு கால ஆட்சியில், எதிர்கால கர்நாடகத்துக்கான அடித்தளத்தை மாநில அரசு அமைத்துள்ளது என முதல்வர் சித்தராமையா தெரிவித்தார்.
பெங்களூரில் சனிக்கிழமை நடைபெற்ற விழாவில், புதிய கர்நாடகத்துக்கான தொலைநோக்கு திட்டம்-2025 ஆவணத்தை வெளியிட்டு அவர் பேசியது: கடந்த ஐந்தாண்டுகளில் மக்களுக்கு கொடுத்திருந்த வாக்குறுதிகளை பெருமளவு நிறைவேற்றியுள்ளோம். அனைவருக்கும் சம வாழ்வு, அனைவருக்கும் சம வாய்ப்பு என்ற நோக்கத்தைச் செயல்படுத்த நியாயமான முயற்சிகளை எடுத்திருக்கிறோம். வளமான, நிலையான எதிர்கால கர்நாடகத்துக்கான அடித்தளத்தை கடந்த ஐந்தாண்டு கால ஆட்சியில் மாநில அரசு அமைத்துள்ளது.
பசவண்ணர் கண்ட ஜாதியற்ற, வர்க்கமற்ற, சமூக நீதி நிலைத்திருக்கும் சமத்துவ சமுதாயத்தைப் படைக்க முற்பட்டுள்ளோம். ஒவ்வொரு குடிமகனுக்கும் சமூக, பொருளாதார சுதந்திரம் கிடைத்தால்தான் அரசியல் ஜனநாயகத்தால் வென்ற சுதந்திரம் முழுமையானதாக அமையும் என்று அரசியலமைப்புச் சட்டத்தை வகுத்தளித்த டாக்டர் பி.ஆர்.அம்பேத்கர் தெரிவித்துள்ளார். அதன்படி, ஒடுக்கப்பட்டோர், நலிவடைந்தோர், பின்தங்கியோர், தாழ்த்தப்பட்டோர், பழங்குடியினருக்கு தரமான கல்வி, உணவு, சுகாதார, வேலை, சம வாய்ப்பு கிடைக்க பாடுபட்டு வந்துள்ளோம்.
அதற்காகவே பட்டினியில்லா கர்நாடகத்தை உருவாக்க கர்நாடகத்தில் முதல்முறையாக பிபிஎல் குடும்ப அட்டைதாரரின் ஒரு குடும்ப உறுப்பினருக்கு தலா 7 கிலோ அரிசியை இலவசமாக வழங்கி வருகிறோம். மன்மோகன் சிங் ஆட்சியில் உணவுப் பாதுகாப்பு சட்டம் கொண்டு வரப்பட்டு, ஒருகிலோ அரிசி ரூ.3 விலையில் விற்க உத்தரவாதம் அளிக்கப்பட்டது. அந்த திட்டத்தை விரிவுப்படுத்தி இலவச அரிசி திட்டத்தைச் செயல்படுத்தியுள்ளோம். இத் திட்டத்தால் 4 கோடி நபர்கள் பயனடைந்துள்ளனர். பள்ளிக் குழந்தைகளுக்கு இலவச பால், கர்ப்பிணிகளுக்கு ஊட்டச்சத்து, தாய்மார்களுக்கு மதிய உணவு, மலிவு விலையில் உணவு வழங்கும் இந்திரா உணவகம், அறுசுவை நடமாடும் உணவகம் போன்ற திட்டங்கள் செயல்படுத்தப்பட்டுள்ளன. அதேபோல, ஏழைகளுக்கு இலவச மருத்துவ சிகிச்சை வழங்கும் ஆரோக்கிய கர்நாடக திட்டம் அறிமுகம் செய்யப்பட்டுள்ளது.
வானம் பார்த்த பூமிக்கு பாசன வசதியை ஏற்படுத்த விளைநிலங்களில் குட்டைகளை அமைக்கும் திட்டம் அமலுக்குக் கொண்டு வரப்பட்டது. இத் திட்டத்தில் ரூ.2 ஆயிரம் கோடியில் 2 லட்சம் குட்டைகள் தோண்டப்பட்டுள்ளன.
இந்தியாவில் முதல்முறையாக மெய்நிகர் விளைபொருள் சந்தை திட்டம் கொண்டு வரப்பட்டதால், உழவர்களின் வருவாய் 38 சதவீதம் உயர்ந்திருப்பதாக நீதி ஆயோக் தெரிவித்துள்ளது.
தேசிய அளவில் முதலீடுகளை ஈர்ப்பதில் கர்நாடகம் முதலிடத்தில் உள்ளது. ஐந்தாண்டு காலமாக ரூ.1.54 லட்சம் கோடி தொழில் முதலீடுகள் வந்துள்ளன. 5 ஆண்டுகளில் 1.5 லட்சம் அரசு பணியிடங்கள் நிரப்பப்பட்டுள்ளன. 13 லட்சம் தனியார் வேலைவாய்ப்புகள் உருவாக்கப்பட்டுள்ளன. ஆரம்பப் பள்ளி முதல் முதுநிலை பட்டப் படிப்பு வரை பெண்களுக்கு இலவச கல்வி வழங்கப்பட இருக்கிறது. 60 கி.மீ. எல்லைக்குள் பள்ளி மாணவர்கள் பேருந்தில் இலவசமாக பயணிக்கலாம். பட்டப்படிப்பு பயிலும் மாணவர்களுக்கு இலவசமாக மடிக் கணினி வழங்கப்படுகிறது.
உலகளவில் ஒரே இடத்தில் 2 ஆயிரம் மெகாவாட் மின்சாரம் தயாரிக்கும் சூரிய ஒளி மின் பூங்காவை பாவகடாவில் தொடங்கியிருக்கிறோம். இவ்வாறாக, கடந்த ஐந்தாண்டு கால ஆட்சியில் எதிர்கால கர்நாடகத்துக்கு அடித்தளம் அமைத்துள்ளோம். 2025-ஆம் ஆண்டுக்குள் கர்நாடகத்தை மேலும் முன்னேற்ற என்ன செய்ய வேண்டும் என்பதை விளக்கும் புதிய கர்நாடகத்துக்கான தொலைநோக்கு திட்டம்-2025 ஆவணத்தை வெளியிட்டுள்ளோம். தொலைநோக்கு திட்டத்தைச் செயல்படுத்த காங்கிரஸ் மீண்டும் ஆட்சிக்கு வரும் என்றார் அவர்.
விழாவில், முன்னாள் மத்திய அமைச்சர் ஜெய்ராம் ரமேஷ், அமைச்சர்கள் கே.ஜே.ஜார்ஜ், தன்வீர்சேட், பிரியங்க்கார்கே, எச்.ஆஞ்சநேயா உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-bangalore/2018/mar/04/எதிர்கால-கர்நாடகத்துக்கான-அடித்தளத்தை-மாநில-அரசு-அமைத்துள்ளது-முதல்வர்-சித்தராமையா-2874191.html
2874190 அனைத்துப் பதிப்புகள் பெங்களூரு பெங்களூரில் நாளை முதல் மஜத நடைபயணம் DIN DIN Sunday, March 4, 2018 02:28 AM +0530 பெங்களூரில் மார்ச் 5-ஆம் தேதி முதல் மஜத நடைபயணம் மேற்கொள்ள திட்டமிட்டுள்ளது.
இதுகுறித்து பெங்களூரில் சனிக்கிழமை மாநில மஜத செயல்தலைவர் பி.ஜி.ஆர்.சிந்தியா செய்தியாளர்களிடம் கூறியது: பெங்களூரு மாநகராட்சியை முன் ஆட்சி செய்த பாஜக, தற்போது ஆட்சி செய்துவரும் காங்கிரஸ் ஆகிய இரு கட்சிகளும் பரஸ்பரம் குற்றம்சாட்டிக் கொண்டுள்ளன.
பாஜக குறித்து காங்கிரஸ் கூறுவதிலும், காங்கிரஸ் குறித்து பாஜக கூறுவதிலும் பொய்யில்லை. இந்த இரு கட்சிகளும் இணைந்து பெங்களூரு மாநகராட்சியை சீரழித்துவிட்டன என்பதுதான் உண்மை.
பெங்களூரில் சட்டம்-ஒழுங்கு முழுமையாக சீர்குலைந்துள்ளது. இதேநிலை நீடித்தால் பெங்களூரில் தொழில்முதலீடு செய்ய யாரும் முன்வர மாட்டார்கள். பெங்களூரில் பணியாற்றி வரும் காவல் துறை அதிகாரிகளை எவ்வித காரணங்களும் இல்லாமல் இடமாற்றம் செய்துவருவதால், ரெளடிகள், கொள்ளையர்கள் போன்ற சமூக விரோதிகளுக்கு அச்சம் இல்லாமல் போய்விட்டது. இது பெங்களூரின் சட்டம்-ஒழுங்கை பாதித்துள்ளது. பெங்களூரில் ரெளடிகளின் அட்டகாசத்தை தடுக்க எவ்வித முயற்சியும் எடுக்கப்படவில்லை. இது நிலைமையை மேலும் மோசமாக்கியுள்ளது.
பெங்களூரில் நிலவும் போக்குவரத்து நெரிசல் மக்களை திண்டாட வைத்துள்ளது. நகரத்தில் நடமாடுவதற்கு காலதாமதமாகிறது. இதுபோன்ற பல பிரச்னைகளை காங்கிரஸ் அரசு கவனிக்காமல் அலட்சியமாக இருந்து வருகிறது. முன் ஆட்சியில் இருந்த பாஜகவும் காங்கிரஸ்போல தான் மோசமான ஆட்சியை வழங்கியது.
பெங்களூரில் வாகன நெரிசலை குறைக்கும் நோக்கில், துணை பேருந்து நிலையங்களை உருவாக்கியது மஜத அரசு தான். பெங்களூரு மாநகர போக்குவரத்துக் கழகத்தை உருவாக்கியது, அதன் வருவாயை பெருக்க கட்டடங்களை கட்டி வாடகை வசூலித்தது மஜத அரசு தான். பெங்களூரில் மெட்ரோ ரயில் திட்டம்கொண்டுவர அடித்தளமிட்டதே மஜததான். எச்.டி.குமாரசாமி கொண்டு வந்த துணைநகர வட்டச்சாலை திட்டத்தை பாஜக, காங்கிரஸ் அரசுகள் கிடப்பில் போட்டுவிட்டன. ஒருவேளை இந்த திட்டத்தை செயல்படுத்தியிருந்தால், நகரின் போக்குவரத்து நெரிசல் 20 சதவீதம் குறைந்திருக்கும்.
பெங்களூரில் நிலவும் அனைத்துப் பிரச்னைகளுக்கும் மஜதவால் தீர்வுகாண இயலும். அடுத்த சட்டப்பேரவைத் தேர்தலில் மஜத வென்று ஆட்சி அமைத்தால், பெங்களூரின் தோற்றத்தை முழுமையாக மாற்றிவிடுவோம்.
பெங்களூரை காப்பதில் காங்கிரஸ், பாஜக ஆகிய இரு தேசியக் கட்சிகளும் தோல்வி அடைந்துள்ளதையும், பெங்களூரை மேம்படுத்த மஜதவின் கனவை வெளிப்படுத்தவும் பெங்களூரின் 28 சட்டப்பேரவைத் தொகுதிகளிலும் மார்ச் 6 முதல் ஏப்.8-ஆம் தேதி வரை ஒரு மாத காலம் வளர்ச்சி சிகரம் நடைபயணம் நடத்த திட்டமிட்டுள்ளோம் என்றார் அவர்.
பேட்டியின்போது, மஜத எம்.பி. குபேந்திர ரெட்டி, எம்எல்.சி. டி.ஏ.சரவணா உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-bangalore/2018/mar/04/பெங்களூரில்-நாளை-முதல்-மஜத-நடைபயணம்-2874190.html
2874189 அனைத்துப் பதிப்புகள் பெங்களூரு பெங்களூரில் நாளை பேருந்து தினம்: கூடுதல் பேருந்துகள் இயக்க திட்டம் DIN DIN Sunday, March 4, 2018 02:27 AM +0530 பெங்களூரில் திங்கள்கிழமை (மார்ச் 5) பேருந்து தினம் கொண்டாடப்படுவதால், குறிப்பிட்ட தடங்களில் கூடுதல் பேருந்துகள் இயக்கப்படுகின்றன.
இதுகுறித்து பெங்களூரு மாநகர போக்குவரத்துக் கழகம் (பிஎம்டிசி) வெளியிட்டுள்ள செய்தி: பெங்களூரு மக்களுக்கு திறன்வாய்ந்த, நம்பகமான, பாதுகாப்பான, வசதியான பேருந்து சேவைகளை வழங்க வேண்டுமென்பதே பெங்களூரு மாநகர போக்குவரத்துக் கழகத்தின் முக்கிய நோக்கமாகும்.
இதனிடையே, பெங்களூரில் வாகனங்களால் ஏற்படும் காற்று மாசை குறைப்பதற்காக, அரசுப் பேருந்து சேவைகளை பயன்படுத்துவதற்கு மக்களை ஊக்குவிப்பதற்காக 2010 பிப். 4-ஆம் தேதி முதல் மாதந்தோறும் 4-ஆம் தேதியை பேருந்து தினமாக கொண்டாடி வருகிறோம்.
பேருந்து தினம் 7-ஆம் ஆண்டில் நடைபோட்டுவரும் நிலையில், கடந்த 6 ஆண்டுகளாக காற்று மாசுபடுதல், போக்குவரத்து நெரிசல், டீசல் நுகர்வு கணிசமாக குறைந்துள்ளது. இம்மாதம் 4-ஆம் தேதி விடுமுறைநாளான ஞாயிற்றுக்கிழமை வருவதால், 98-ஆவது பேருந்து தினம் திங்கள்கிழமை (மார்ச் 5) கொண்டாடப்படுகிறது.
இதை முன்னிட்டு பழைய விமான நிலைய சாலை, சர்ஜாபூர் சாலை, ஒசூர் சாலை, பன்னர்கட்டா சாலை, கனகபுரா சாலை, மைசூரு சாலை, மாகடி சாலை, தும்கூர் சாலை, பல்லாரி சாலை, தனிசந்திரா சாலை, ஹென்னூர் சாலை, பழைய மதராஸ் சாலை உள்ளிட்ட பகுதிகளில் கூடுதல் பேருந்துகள் இயக்கப்படுகின்றன.
வழக்கமாக 6,266 பயணத் தடங்களில் 14 லட்சம் கி.மீ. சாலை பயணத்தில் 75,928 நடைகள் இயக்கப்படும். இதன்மூலம் 53 லட்சம் பயணிகளுக்கு சேவையாற்ற இலக்கு நிர்ணயிக்கப்பட்டுள்ளது. பேருந்து தினத்தை முன்னிட்டு கூடுதலாக 1,500 பயணத் தடங்களில் பேருந்து இயக்கப்படுகிறது. மேலும் 22 மணி நேரம் பேருந்து சேவை வழங்கப்படும்.
சிறப்பு சேவையாக ஹெப்பாள், கிருஷ்ணராஜபுரம், ஆனேக்கல், அத்திபெலே, ராஜராஜேஸ்வரி நகர், காடுகோடி, பன்னர்கட்டா சதுக்கம், தொட்டன்கன்னஹள்ளி ஆகிய பேருந்து நிலையங்களில் இருந்து புதிய பேருந்துகள் இயக்கப்படுகின்றன.

 

]]>
http://www.dinamani.com/all-editions/edition-bangalore/2018/mar/04/பெங்களூரில்-நாளை-பேருந்து-தினம்-கூடுதல்-பேருந்துகள்-இயக்க-திட்டம்-2874189.html
2874188 அனைத்துப் பதிப்புகள் பெங்களூரு இன்று நந்தி திருவிழா: மலைக்குச் செல்ல தடை DIN DIN Sunday, March 4, 2018 02:27 AM +0530 நந்தி கிராமத்தில் நந்தி திருவிழா நடைபெறுவதால், ஞாயிற்றுக்கிழமை நந்தி மலைக்கு செல்ல தடை விதிக்கப்பட்டுள்ளது.
பெங்களூரில் இருந்து 60 கி.மீ. தொலைவில் சிக்பளாப்பூர் மாவட்டத்தில் அமைந்துள்ளது நந்தி கிராமம். இந்த கிராமத்துக்கு அருகேயுள்ள நந்தி மலைக்கு வார இறுதி நாள்களில் சுற்றுலாப் பயணிகள் வருவது வழக்கம். எனினும், நந்தி கிராமத்தில் ஞாயிற்றுக்கிழமை(மார்ச் 4) திருவிழா நடப்பதால், அன்று காலை 4 மணி முதல் நண்பகல் 2 மணி வரை நந்தி மலை மற்றும் நந்தி கிராமத்துக்கு செல்லும் சாலை அடைக்கப்பட்டிருக்கும். இத்திருவிழாவை முன்னிட்டு இங்கு சைக்கிள் பயணம், தொடர் ஓட்டம் போன்றவை நடைபெறுகிறது. இதில் பங்கேற்போரின் பாதுகாப்பை கருதி மலைக்கு செல்லும் பாதை மூடப்படுகிறது. இதனால் நந்திமலைக்கு செல்ல ஞாயிற்றுக்கிழமை தடைவிதித்து சிக்பளாப்பூர் மாவட்ட நிர்வாகம் உத்தரவிட்டுள்ளது.

 

]]>
http://www.dinamani.com/all-editions/edition-bangalore/2018/mar/04/இன்று-நந்தி-திருவிழா-மலைக்குச்-செல்ல-தடை-2874188.html
2874187 அனைத்துப் பதிப்புகள் பெங்களூரு மத்திய அரசுக்கு நிகராக மாநில அரசு ஊழியர்களுக்கு ஊதியம் : முதல்வர் சித்தராமையா DIN DIN Sunday, March 4, 2018 02:27 AM +0530 மத்திய அரசு ஊழியர்களுக்கு நிகராக மாநில அரசு ஊழியர்களுக்கு ஊதியம் வழங்கப்படும் என முதல்வர் சித்தராமையா தெரிவித்தார்.
பெங்களூரு அரண்மனை மைதானத்தில் சனிக்கிழமை நடைபெற்ற கர்நாடக அரசு ஊழியர்கள் சங்கத்தின் மாநில மாநாட்டை தொடக்கி வைத்து அவர் பேசியது: கர்நாடக அரசு ஊழியர்களின் ஊதியம் குறித்து அரசுக்கு பரிந்துரை வழங்க ஓய்வுபெற்ற ஐஏஎஸ் அதிகாரி சீனிவாஸ்மூர்த்தி தலைமையில் அமைக்கப்பட்ட 6-ஆவது மாநில ஊதியக் குழுவின் பரிந்துரைகளை ஒரு எழுத்தையும் மாற்றாமல் மாநில அரசு ஏற்றுக்கொண்டுள்ளது. இது தொடர்பாக அரசாணையும் பிறப்பிக்கப்பட்டுள்ளது.
சித்தராமையா என்றால் அரசு ஊழியர்களுக்கு எதிரானவன் என்ற பிரசாரம் செய்யப்பட்டு வந்தது. ஆனால் அரசு ஊழியர்கள் எனது குடும்பத்தை சேர்ந்தவர்கள் என்பதை உறுதிப்படுத்தும் வகையில், விலைவாசி உயர்வைக் கருத்தில் கொண்டு ஊதியத்தை உயர்த்தியிருக்கிறேன்.
அரசு ஊழியர்கள், அரசின் தூதர்களை போன்றவர்கள். அரசின் கொள்கை, செயல்திட்டங்கள், நலத் திட்டங்களை அமல்படுத்த வேண்டுமானால் அரசு ஊழியர்களால் மட்டுமே சாத்தியமாகும்.
மக்கள் பிரதிநிதிகளும் அரசு ஊழியர்களும் ஒன்றாக கைகோர்த்து செயலாற்ற வேண்டும். அப்போதுதான் அரசின் இலக்கை நிறைவேற்ற இயலும், மக்களின் எண்ணங்களை செயல்படுத்த இயலும்.
சட்டப்பேரவை, நிர்வாகம், நீதிமன்றம் ஒன்றோடு ஒன்று சேர்ந்து பணியாற்றினால் மட்டுமே வளமான கர்நாடகத்தை கட்டமைக்க இயலும். மக்கள் வாக்களித்து எங்களை ஆட்சிப் பொறுப்பில் வைத்துள்ளனர். ஆனால், அதிகாரிகள் சீராக பணியாற்றினால் மட்டுமே அரசு கொண்டுவரும் திட்டங்கள் மக்களை சென்றடையும்.
ஏற்கெனவே வாக்களித்தப்படி, ஆறாவது மாநில ஊதியக்குழுவை அமைத்து, அதன் பரிந்துரைகளை செயல்படுத்தியுள்ளேன்.
இக்குழுவின் இரண்டாவது அறிக்கையில், மத்திய அரசு ஊழியர்களுக்கு நிகராக மாநில அரசு ஊழியர்களின் ஊதியத்தை உயர்த்த பரிந்துரைக்குமாறு கேட்டுக்கொள்வேன். மேலும், பழைய ஓய்வூதியத் திட்டம் அமல்படுத்துவது உள்ளிட்ட கோரிக்கைகளை குழுவின் அறிக்கையில் சேர்க்க பரிந்துரைப்பேன்.
அரசு ஊழியர்கள் முன்னிலும் வேகத்தோடு செயல்பட வேண்டும். மக்கள் சேவையில் கவனம் செலுத்துங்கள். அரசியலமைப்புச் சட்டத்தின் எண்ணங்களை செயல்படுத்த வேண்டியது நம் அனைவரின் கடமையாகும். அரசின் திட்டங்கள் கடைசி குடிமகனுக்கும் கிடைக்க வேண்டும் என்றார் அவர்.
விழாவில், அமைச்சர்கள் டி.கே.சிவக்குமார், டி.பி.ஜெயசந்திரா, எச்.எம்.ரேவண்ணா, எச்.ஆஞ்சநேயா, சங்கத் தலைவர் பி.பி.மஞ்சே கெளடா உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-bangalore/2018/mar/04/மத்திய-அரசுக்கு-நிகராக-மாநில-அரசு-ஊழியர்களுக்கு-ஊதியம்-முதல்வர்-சித்தராமையா-2874187.html
2874186 அனைத்துப் பதிப்புகள் பெங்களூரு இன்று அறிவியல் உரைவீச்சு DIN DIN Sunday, March 4, 2018 02:27 AM +0530 பெங்களூரில் ஞாயிற்றுக்கிழமை (மார்ச் 4) அறிவியல் உரைவீச்சு வழங்கப்படுகிறது.
இதுகுறித்து ஜவாகர்லால் நேரு கோளரங்கம்வெளியிட்டுள்ள செய்தி: ஜவாகர்லால் நேரு கோளரங்கத்தின் சார்பில் பெங்களூரு, ஹைகிரவுண்ட்ஸ், செளடையா சாலையில் உள்ள கோளரங்க வளாகத்தில் மார்ச் 4-ஆம் தேதி மாலை 6.30 மணிக்கு "உங்கள் நட்சத்திரத்தை அறியுங்கள்' என்ற தலைப்பிலான அறிவியல் உரைவீச்சு வழங்கப்படுகிறது. இதில் கலந்துகொள்ள ஆர்வமுள்ளோர்  இணையதளம் அல்லது 080-22379725 என்ற தொலைபேசியை அணுகலாம்.

 

]]>
http://www.dinamani.com/all-editions/edition-bangalore/2018/mar/04/இன்று-அறிவியல்-உரைவீச்சு-2874186.html
2874185 அனைத்துப் பதிப்புகள் பெங்களூரு நாளை முதல் ஹோம்பேக்கிங் பயிற்சி DIN DIN Sunday, March 4, 2018 02:26 AM +0530 பெங்களூரில் மார்ச் 5-ஆம் தேதி முதல் ஹோம்பேக்கிங் பயிற்சி வழங்கப்படுகிறது.
இதுகுறித்து பேக்கிங் அண்ட் கேக் ஆர்ட் இன்ஸ்டிடியூட் வெளியிட்டுள்ள செய்தி: பேக்கிங் அண்ட் கேக் ஆர்ட் இன்ஸ்டிடுயூட் சார்பில், மார்ச் 5-ஆம் தேதி முதல் 7-ஆம் தேதி வரை, மார்ச் 19 முதல் 21-ஆம் தேதி வரை பெங்களூரில் ஹோம்பேக்கிங் பயிற்சி வழங்கப்படுகிறது.
பேக்கிங் கலையில் தொழில்நுட்ப ஆற்றலை போதிப்பதற்காக நடத்தப்படும் இப்பயிற்சியில் யார் வேண்டுமானாலும் பங்கேற்கலாம். முட்டைகள் இல்லாமல் ஹோம்பேக்கிங் செய்வது குறித்த செய்முறை பயிற்சியும் வழங்கப்படும். மேலும் விவரங்களுக்கு 8088601601, 9341169607 என்ற செல்லிடப்பேசி எண்கள் மற்றும்  இணையதளத்தை அணுகலாம்.

 

]]>
http://www.dinamani.com/all-editions/edition-bangalore/2018/mar/04/நாளை-முதல்-ஹோம்பேக்கிங்-பயிற்சி-2874185.html
2873553 அனைத்துப் பதிப்புகள் பெங்களூரு "கடிதம் எழுதும் கலையை  புதுப்பித்தல் அவசியம்' DIN DIN Saturday, March 3, 2018 08:12 AM +0530 கடிதம் எழுதும் கலையை புதுப்பித்தல் அவசியம் என புனித வளனார் பள்ளி மற்றும் கல்லூரி குழுமத்தின் தலைவர் அருள்தந்தை மரியகிரெகரி தெரிவித்தார்.
இந்திய பேனா நண்பர் பேரவை-கர்நாடக கிளை சார்பில் பெங்களூரு புனித வளனார் பள்ளி மற்றும் கல்லூரியில் வியாழக்கிழமை நடைபெற்ற கடிதம் எழுதும் போட்டியில் வெற்றி பெற்ற மாணவர்களுக்கு பரிசளிப்பு விழாவை தொடக்கிவைத்து அவர் பேசியது: 
இன்றைய நவீன காலத்தில் தகவல் தொடர்பு முக்கியத்துவம் வாய்ந்ததாகக் கருதப்படுகிறது. தொழில், வணிகம், வெளிநாட்டு தொடர்பு உள்ளிட்ட எதுவாக இருந்தாலும் தகவல்தொடர்பு முக்கியப் பங்காற்றி வருகிறது. அதற்காக மின்னஞ்சல், கட்செவி, முகநூல், சுட்டுரை போன்ற எண்ணற்ற மின்னணு மற்றும் சமூகவலை ஊடகங்கள் பயன்படுத்தப்படுகின்றன. 
இவை விரைவான தகவல் தொடர்புக்கு உறுதுணையாக இருந்து வருகின்றன. நவீன தொழில்நுட்பங்கள் வந்திருந்தாலும், கடந்த பல நூற்றாண்டுகளாகப் பயன்படுத்தப்பட்டு வந்த கடிதங்களின் சிறப்புக்கு மாற்றாக அமைந்துவிடாது. 
கடிதம் என்பது தகவல்தொடர்பு ஊடகமாக பயன்படுத்தப்பட்டாலும், அவை வெளிப்படுத்தும் உணர்வுகளை வேறு எவற்றாலும் ஈடுசெய்ய இயலாது. கடிதம் எழுதுவது ஒரு கலை. மொழி அறிவு, சிந்தனைத்தெளிவு, கட்டுக்கோப்பான அணுகுமுறை, சுருங்க தெளிந்துக்கூறல், எழுத்துநடை, கையெழுத்து போன்ற பல்வேறு அம்சங்களை கொண்டுள்ளது.
 எனவே, கடிதம் எழுதும் தொடர்புக் கலையை பட்டுப்போகாமல் பாதுகாக்கப்பட வேண்டியது அவசியம் என்றார்.
பேரவைக் கிளையின் மாநில அமைப்பாளர்ஜே.ஜேசுதாஸ் தலைமையில் நடந்த விழாவில் சிறப்பிடம் பெற்ற  மாணவர்களுக்கு பிஷப்காட்டன் மேலாண்மைக் கல்லூரி முதல்வர் சாம்கிறிஸ்டோபர், தொழிலதிபர்கள் கிப்சன், எஸ்.சிவக்குமார், பொறியாளர் தசராஜன் கலந்து கொண்டு பரிசுகளை வழங்கினர். 
விழாவில் கல்லூரி முதல்வர் ஜோசப், ஜெயராஜ், மலர்வண்ணன், சந்திரன், ரங்கநாதன் உள்ளிட்ட ஏராளமானோர் கலந்து கொண்டனர்.

]]>
http://www.dinamani.com/all-editions/edition-bangalore/2018/mar/03/கடிதம்-எழுதும்-கலையை-புதுப்பித்தல்-அவசியம்-2873553.html
2873552 அனைத்துப் பதிப்புகள் பெங்களூரு காவிரி மேலாண்மை வாரியம் அமைப்பது கட்டாயமாகியுள்ளதா? நீர்ப்பாசன வல்லுநர்கள் விளக்கம் DIN DIN Saturday, March 3, 2018 08:12 AM +0530 காவிரி மேலாண்மை வாரியம் அமைக்கப்படுவது கட்டாயமாகியுள்ளதாக  நீர்ப்பாசன வல்லுநர்கள் கருத்து தெரிவித்துள்ளனர்.
100 ஆண்டுகளுக்கும் பழமையான காவிரி ஆற்றுநீர்ப் பங்கீடு விவகாரத்தில் காவிரி நடுவர் மன்றம் அளித்த தீர்ப்பை எதிர்த்து கர்நாடகம், தமிழகம் தாக்கல் செய்திருந்த மேல்முறையீட்டு மனுவை விசாரித்து வந்த உச்ச நீதிமன்றம் தனது இறுதித் தீர்ப்பை 10 ஆண்டுகள் கழித்து பிப்.16-ஆம் தேதி வழங்கியது. 
காவிரியிலிருந்து கர்நாடகம் தமிழகத்துக்கு வழங்க வேண்டிய 192 டிஎம்சி நீரில் 14.75 டிஎம்சியை கர்நாடகத்துக்கு வழங்கி உச்ச நீதிமன்றம் உத்தரவிட்டிருந்ததோடு, அடுத்த 6 வாரங்களில் தீர்ப்பை அமல்படுத்த திட்டத்தை (வாரியம் அல்லது ஆணையம்)அமைக்க வேண்டும் என்று மத்திய அரசுக்கு ஆணையிட்டிருந்தது.
தமிழகத்துக்கு வழங்க வேண்டிய நீரின் அளவை குறைத்து கூடுதலாக 14.75 டிஎம்சி தண்ணீரை ஒதுக்கியுள்ளதை வரவேற்றுள்ள கர்நாடகம், உச்ச நீதிமன்ற தீர்ப்பை அமல்படுத்த காவிரி மேலாண்மை வாரியம் அமைக்க உத்தரவிட்டிருந்ததை எதிர்த்துள்ளது.
 காவிரி மேலாண்மை வாரியம் அமைப்பதை தொடர்ந்து எதிர்ப்போம். மேலும், காவிரி மேலாண்மை வாரியம் போன்ற ஏதாவதொன்றை அமைக்க மத்திய அரசு முற்பட்டால் அதுகுறித்து கர்நாடகத்தின்நிலைப்பாட்டை கேட்டறிவது அவசியம் என்று கர்நாடக முதல்வர் சித்தராமையா தெரிவித்திருந்தார். 
காவிரி மேலாண்மை வாரியம் அமைந்தால், காவிரி ஆற்றின் குறுக்கே அமைந்துள்ள அணைகள் மீதான தங்கள் கட்டுப்பாட்டை கைவிட்டுப்போகும் என்று கர்நாடக அரசு மட்டுமல்லாது, அரசியல்கட்சிகள், விவசாய சங்கங்கள் கருதுகின்றன. உச்ச நீதிமன்றம் அளித்துள்ள தீர்ப்பின்படியாவது தண்ணீர் திறந்துவிட உடனடியாக காவிரி மேலாண்மை வாரியம் அமைக்க வேண்டும் என்று தமிழக அரசு மத்திய அரசுக்கு கோரிக்கை விடுத்துள்ளது.
இந்நிலையில், காவிரி மேலாண்மை வாரியம் அமைப்பதை தவிரவேறு வழியில்லை. அதை கர்நாடகம் ஏற்றுக்கொள்ள வேண்டும் என்று கர்நாடகத்தை சேர்ந்த சட்ட அறிஞர் ஒருவர் கூறினார். உச்ச நீதிமன்றத்தில் கர்நாடக தரப்பு வழக்குரைஞர் குழுவில் இடம் பெற்றிருந்த வழக்குரைஞர் ஒருவர் கூறுகையில்,"காவிரி மேலாண்மை வாரியம் அமைக்கப்படுவதை எதிர்ப்பது அவசியமற்றது. 
நடுவர் மன்றம் அல்லது உச்ச நீதிமன்றத்தின் தீர்ப்பை அமல்படுத்த வாரியம் அல்லது ஆணையம் இருக்க வேண்டியது அவசியமாகும். தண்ணீர் பங்கீடு விவகாரத்தில் சம்பந்தப்பட்ட மாநில அரசுகள் சுயமாக விதிகளை உருவாக்கிக்கொள்ள இயலாது. வாரியம் அமைக்கப்படுவது இதுமுதல்முறையல்ல. 
வாரியம் அமைந்தால் கர்நாடக அரசு, காவிரி நீர் மீதான உரிமையை இழக்கும் என்ற கருத்து தவறானதாகும். மாநிலத்துக்குள் தண்ணீர் விநியோகத்தை நிர்வகிக்கும் பொறுப்பு சம்பந்தப்பட்ட மாநில அரசுகளுக்கு அளிக்கப்பட்டுள்ளதை உச்சநீதிமன்ற தீர்ப்பில் தெளிவாக குறிப்பிடப்பட்டுள்ளது' என்றார்.
நீர்ப்பாசன அறிஞர் கேப்டன் ராஜாராவ் கூறுகையில்,"ஆணையம் அல்லது வாரியம் அமைந்தாலும், அதில் நமது காவிரி நீர் உரிமை குறித்து குறைகளை எடுத்துரைக்கவும், தீர்வுகாணவும் வாய்ப்பிருக்கிறது. நமது தரப்பு நியாயத்தை எடுத்துரைக்க வாய்ப்பு இருக்கும்போது வாரியம் அமைக்க எதிர்ப்புத் தெரிவிப்பது ஏன்? கர்நாடக அரசு தனது கருத்தை வாரியத்தின் முன் தெரிவிக்க எப்போதும் வாய்ப்பு உள்ளது. தீர்ப்பை அமல்படுத்துவதில் மட்டுமே வாரியம் அல்லது முகமை கவனம் செலுத்தும்' என்றார்.
இந்த வழக்கில் உச்ச நீதிமன்றத்தில் கர்நாடக அரசுத் தரப்பில் வாதாடிய குழுவில் இடம்பெற்றிருந்த மூத்த வழக்குரைஞர் மோகன் வி.கடார்கி கூறுகையில், "காவிரி மேலாண்மை வாரியம் அமைக்கும்படி காவிரி நடுவர் மன்றம் தெரிவித்திருந்த பரிந்துரையை உச்சநீதிமன்றம் ஏற்கவோ, ஒப்புக்கொள்ளவோ இல்லை. மாநிலங்களுக்கு இடையிலான ஆற்றுநீர் சிக்கல் சட்டப்பிரிவு 6ஏ-இன்படி 6 வாரங்களுக்குள் ஒரு திட்டத்தை உருவாக்கி, தீர்ப்பை அமலாக்க ஒழுங்காற்று ஆணையத்தை அமைக்க மத்திய அரசுக்கு உச்சநீதிமன்றம் உத்தரவிட்டுள்ளது. அந்த ஒழுங்காற்று ஆணையத்தின் அதிகாரம் மற்றும் செயல்பாடுகள் எத்தகையதாக அமைந்திருக்க வேண்டும் என்பதை மத்திய அரசு தான் முடிவுசெய்ய வேண்டும்' என்றார்.
உச்ச நீதிமன்ற உத்தரவுப்படி மார்ச் 30-ஆம் தேதிக்குள் அதாவது 6 வாரங்களுக்குள் காவிரி மேலாண்மை வாரியத்தை அமைக்க வேண்டியது அவசியமாகும். வாரியத்தின் அதிகாரங்கள், உரிமைகள், செயல்பாடுகள் குறித்து மத்திய அரசு தீர்மானிக்க வேண்டும். 
அதன்பிறகு வாரியம் அமைக்க நாடாளுமன்றத்தின் ஒப்புகையையும் பெற வேண்டியது கட்டாயமாகும். பேரிடர் காலத்தில் தமிழகத்திற்கு வழங்க வேண்டிய தண்ணீரின் அளவு குறித்தும் புதிதாக அமையவிருக்கும் வாரியம் அல்லது முகமைதான் முடிவுசெய்யும். 
கர்நாடக சட்டப்பேரவைத் தேர்தல் நெருங்கும் சமயத்தில் மத்திய அரசு வாரியத்தை அமைக்குமா? அமைக்காதா? என்ற படபடப்பு கர்நாடக விவசாயிகளிடையே நிலவிவருகிறது.
 

]]>
http://www.dinamani.com/all-editions/edition-bangalore/2018/mar/03/காவிரி-மேலாண்மை-வாரியம்-அமைப்பது-கட்டாயமாகியுள்ளதா-நீர்ப்பாசன-வல்லுநர்கள்-விளக்கம்-2873552.html
2873551 அனைத்துப் பதிப்புகள் பெங்களூரு "கல்வியுடன் விளையாட்டும் தேவை' DIN DIN Saturday, March 3, 2018 08:12 AM +0530 மாணவர்களுக்கு கல்வியுடன் விளையாட்டும் முக்கியம் என்று ஏகலைவன் விருது பெற்ற சர்வதேச கைப்பந்து வீராங்கனை எச்.ரோஹினி தெரிவித்தார். 
பெங்களூரு ராமையா பல்கலைக்கழகத்தில் வெள்ளிக்கிழமை பல்கலைக்கழங்கங்களுக்கு இடையேயான கைப்பந்து போட்டியை தொடக்கிவைத்து அவர் பேசியது: 
சர்வதேச அளவில் கிரிக்கெட்டை தவிர்த்து கால்பந்து, கைப்பந்து, கூடைப்பந்து உள்ளிட்ட விளையாட்டுகளுக்கு அதிக அளவில் வரவேற்பு உள்ளது. ஆனால் இந்தியாவில் கிரிக்கெட்டை தவிர்த்து மற்ற விளையாட்டுகளுக்கு ஆதரவு குறைவாக உள்ளது. எனவே மற்ற விளையாட்டுகளை அரசும், தனியார் நிறுவனங்களும் ஊக்குவிக்க நடவடிக்கை எடுக்க வேண்டும். 
பள்ளி, கல்லூரிகளில் கல்வி பயிலும் மாணவர்கள் விளையாட்டிலும் சிறந்து விளங்க வேண்டும். அவர்களது பெற்றோர்களும் கல்வியுடன், விளையாட்டிற்கும் முக்கியத்துவம் வழங்க வேண்டும். விளையாட்டில் சிறந்து விளங்கும் மாணவர்களுக்கு வேலைவாய்ப்பிலும் முன்னுரிமை அளிக்கப்படுகிறது. 
எனவே மாணவர்களுக்கு கல்வியை போல விளையாட்டும் முக்கியம். விளையாட்டில் சிறந்து விளங்கும் மாணவர்கள் உடல் ஆரோக்கியம் பெற்று கல்வியிலும் சிறந்து விளங்குவார்கள். தகவல் தொழில்நுட்பத்தில் சிறந்து விளங்கும் கர்நாடகத்தை விளையாட்டிலும் சிறக்க செய்வது மாணவர்களின் கடமை. தேசிய அளவில் அனைத்து விளையாட்டுகளிலும் கர்நாடகம் முதல் இடத்தை பிடிக்கும் காலம் வெகுதூரமில்லை என்றார்.
நிகழ்ச்சியில் சர்வதேச கூடைப்பந்து வீரர் ஆஸ்டின் ஜாய் மில்ட்ரட் அல்மெய்டா, ராமையா பல்கலைக்கழகத்தில் துணை வேந்தர் சங்பால் உள்ளிட்டோர் கலந்து கொண்டனர்.   

]]>
http://www.dinamani.com/all-editions/edition-bangalore/2018/mar/03/கல்வியுடன்-விளையாட்டும்-தேவை-2873551.html
2873550 அனைத்துப் பதிப்புகள் பெங்களூரு ரயில் பயணச்சீட்டுகளில் கன்னடம்: தென்மேற்கு ரயில்வே கழகம் DIN DIN Saturday, March 3, 2018 08:11 AM +0530 ரயில் பயணச்சீட்டுகளில் கன்னடத்தில் விவரங்களை பதிவேற்ற தென்மேற்கு ரயில்வே முடிவு செய்துள்ளது.
பயணச்சீட்டுகளில் முக்கியமான தகவல்களை உள்ளூர் மொழிகளில் அச்சடிக்க இந்திய ரயில்வே முடிவு செய்துள்ளது. அதன்படி, முன்பதிவில்லா பயணச்சீட்டுகளில் கன்னடத்தில் 
தகவல்களை அச்சடிக்க தென்மேற்கு ரயில்வே ஏற்பாடு செய்துள்ளது. 
முதல்கட்டமாக பெங்களூரு, மைசூரு, ஹுப்பள்ளி ரயில் நிலையங்களில் வழங்கப்படும் முன்பதிவில்லா பயணச்சீட்டுகளில் இந்தத் திட்டம் வெள்ளிக்கிழமை முதல் அமலுக்கு வந்துள்ளது. இந்தத் திட்டம் படிப்படியாக கர்நாடகம் முழுவதும் விரிவாக்கப்படும் என்று தென்மேற்கு ரயில்வே வெளியிட்ட அறிக்கையில் தெரிவிக்கப்பட்டுள்ளது. 
பயணச்சீட்டில் அச்சடிக்கப்படும் புறப்படும் ரயில் நிலையம், சென்றடையும் ரயில் நிலையம், வகுப்பு, ரயில் வகை போன்ற விவரங்கள் ஹிந்தி, ஆங்கிலத்துடன் கன்னடத்திலும் அச்சடிக்கப்பட்டுள்ளது. இந்திய ரயில்வே வரலாற்றில் முதல்முறையாக ஹிந்தி, ஆங்கிலம் தவிர கன்னடத்தில் பயணச்சீட்டு அச்சடிக்கப்பட்டுள்ளது.  
உள்ளூர் மொழிகள் வரிசையில் பயணச்சீட்டில் அச்சடிக்கப்படும் முதல்மொழி கன்னடம் என்பது குறிப்பிடத்தக்கதாகும்.

]]>
http://www.dinamani.com/all-editions/edition-bangalore/2018/mar/03/ரயில்-பயணச்சீட்டுகளில்-கன்னடம்-தென்மேற்கு-ரயில்வே-கழகம்-2873550.html
2873549 அனைத்துப் பதிப்புகள் பெங்களூரு ஓகலிபுரம் மேம்பால கட்டுமானப் பணி டிசம்பரில் நிறைவடையும்: தினேஷ் குண்டுராவ் DIN DIN Saturday, March 3, 2018 08:11 AM +0530 ஓகலிபுரம் மேம்பாலங்களின் கட்டுமானப் பணி டிசம்பரில் நிறைவடையும் என்று கர்நாடக காங்கிரஸ் செயல் தலைவரும், காந்திநகர் சட்டப்பேரவைத் தொகுதியின் எம்எல்ஏவுமான தினேஷ் குண்டுராவ் தெரிவித்தார்.
இதுகுறித்து பெங்களூரில் வெள்ளிக்கிழமை தினமணி செய்தியாளரிடம் அவர் கூறியது: 
பெங்களூரின் மையப்பகுதியாக விளங்கும் காந்திநகர் சட்டப்பேரவைத் தொகுதிக்கு 1999, 2004, 2008, 2013-ஆம் ஆண்டுகளில் நடைபெற்ற தேர்தலில் போட்டியிட்டு வென்று, தொடர்ந்து 19 ஆண்டுகளாக எம்எல்ஏவாக இருந்து வருகிறேன். 
இந்தத் தொகுதியில் கன்னடர்கள் தவிர தமிழர்கள் பெரும்பான்மையாக வாழ்ந்து வருகிறார்கள். அனைத்து சமுதாய மக்களும் அதிகளவில் வசித்து வந்தாலும், இத் தொகுதியில் குடிசைப் பகுதிகள் அதிகம். சுதந்திராபாளையா, கே.பி.அக்ரஹாரா, வி.வி.கிரிபுரம், லட்சுமணபுரி,கோபாலபுரம், அஞ்சையா பிளாக், விவேகானந்தா பிளாக் உள்ளிட்ட பல குடிசைப் பகுதிகள் உள்ளன. 
நான் முதல் முறையாக எம்எல்ஏவான காலத்தில் குடிசைப் பகுதிகளில் அடிப்படை கட்டமைப்பு வசதிகள் எதுவும் இல்லாமல் இருந்தது. முக்கியமான குடிநீர்ப் பிரச்னை தீவிரமாக காணப்பட்டது. எனவே, குடிசைப் பகுதிகளின் குடிநீர்ப் பிரச்னையைத் தீர்க்க தீவிரமாக உழைத்தேன். 
அதன் விளைவாக இன்றைக்கு குடிசைப் பகுதிகளில் தூய்மையானகுடிநீர் வழங்கப்பட்டு வருகிறது. இதேபோல சாலைகள், தெருவிளக்குகள், சுகாதார நிலையங்கள், புதை சாக்கடைகள் அமைக்கப்பட்டுள்ளன. மேலும் குடிசைப் பகுதிகளில் வாழும் மக்களுக்கு வீட்டுப்பட்டா வாங்கி தந்திருக்கிறேன். 
அண்மையில் விவேகானந்தா பிளாட்டில் 200 வீடுகளை கட்டித்தந்திருக்கிறேன். கோபாலபுரம் மற்றும் சுதந்திராபாளையா குடிசைப் பகுதிகளில் புதிதாக 1000 வீடுகள் கட்டும் பணி தொடங்கியுள்ளது. நிலத்தோடு வீடுகளையும் கட்டித்தருகிறோம். இந்தத் திட்டத்தில் பயனாளிகளுக்கு ரூ.4.5 லட்சம் மானியமாக வழங்கப்படும். 
பயனாளிகள் ரூ.50 ஆயிரம் செலவு செய்ய நேரிடும். எனது தொகுதியில் இந்தத் திட்டத்தில் இதுவரை 11 ஆயிரம் வீடுகளை கட்டிமுடித்திருக்கிறோம். 6 பள்ளிகளின் கட்டடங்கள் புதுப்பிக்கப்பட்டுள்ளன. நேருபூங்கா, சிக்லால்பாக் பூங்காக்கள் சீரமைக்கப்பட்டுள்ளன. கே.பி.அக்ரஹாராவில் நிலவிவந்த குடிநீர்ப் பிரச்னையைத் தீர்க்க ரூ.4கோடியில் குழாய் அமைக்கப்பட்டு, அப்பிரச்னை தீர்க்கப்பட்டுள்ளது. 
பள்ளிகளில் உள்ள 6 விளையாட்டுத் திடல்கள் புதிதாக அமைக்கப்பட்டுள்ளன. மாகடிசாலை பூங்கா, சாலைகள், விளையாட்டுத்திடல் மேம்படுத்தப்பட்டுள்ளன. மெஜஸ்டிக் பகுதியில் ரூ.94கோடியில் ஒப்பந்த உறுதி சாலைகள் அமைக்கப்பட்டுவருகின்றன. சுதந்திரப் பூங்காவில் ரூ.70கோடி செலவில் பல்லடுக்கு வாகன நிறுத்தங்கள் அமைக்கப்பட்டுள்ளன. 
3 தளங்களில் 500 கார்கள், 500 இருசக்கரவாகனங்கள் நிறுத்தலாம். ஆனந்தராவ் சதுக்கம் மற்றும் ஓகலிபுரத்தில் சுரங்கப்பாலங்கள், மேம்பாலங்கள் கட்டப்பட்டுவருகின்றன. இதில் 3 சுரங்கப்பாலங்கள் திறக்கப்பட்டுள்ளன. மேம்பாலங்களின் பணி நிகழாண்டு டிசம்பரில் முடிவடையும். இத்திட்டத்திற்கு ரூ.200கோடி செலவிடப்பட்டுவருகிறது. 
குடிசைப் பகுதிகளில் வாழும் மக்கள் நிலுவையாக வைத்திருந்த குடிநீர்க் கட்டணம் முழுவதும் தள்ளுபடி செய்யப்பட்டுள்ளது. மாதம் தலா 10 ஆயிரம் லிட்டர் குடிநீர் இலவசமாக வழங்கி வருகிறோம். ஆங்காங்கே அங்கன்வாடிகள், சமுதாயக்கூடங்கள் கட்டப்பட்டுள்ளன. 
எனது தொகுதியில் 6 இந்திரா உணவகங்கள், ஒரு நடமாடும் உணவகம் அமைக்கப்பட்டுள்ளது. ரூ.3கோடி செலவில் காட்டன்பேட் பகுதியில் டயாலிசிஸ் மையம் அமைக்கப்படவிருக்கிறது. சிக்பேட், காட்டன்பேட் பகுதிகளை மேம்படுத்தத் திட்டம் வகுக்கப்பட்டுள்ளது. தொகுதி முழுவதும் ரூ.80கோடியில் மழைநீர் வடிகால்கள் மறுசீரமைக்கப்பட்டுவருகின்றன. 
மாகடிசாலையில் உள்ள மாநகராட்சி பட்டக் கல்லூரியில் அடுத்த கல்வியாண்டு முதல் முதுநிலைப் பட்டப்படிப்பு வகுப்பு தொடங்கப்படுகிறது என்றார்.

]]>
http://www.dinamani.com/all-editions/edition-bangalore/2018/mar/03/ஓகலிபுரம்-மேம்பால-கட்டுமானப்-பணி-டிசம்பரில்-நிறைவடையும்-தினேஷ்-குண்டுராவ்-2873549.html
2873548 அனைத்துப் பதிப்புகள் பெங்களூரு "இட ஒதுக்கீடு மூலமே ஜாதியை ஒழிக்க முடியும்' DIN DIN Saturday, March 3, 2018 08:11 AM +0530 ஜாதியை ஒழிப்பதற்கான மருந்தே இடஒதுக்கீடுதான் என்று முதல்வர் சித்தராமையா தெரிவித்தார்.
பெங்களூரு விதான செளதாவில் வெள்ளிக்கிழமை நடைபெற்ற விழாவில் மெய்சரணர் அம்பிகர செளடையா வளர்ச்சிக் கழகத்தைத் தொடக்கிவைத்து அவர் பேசியது: ஜாதி ரீதியாக இடஒதுக்கீடு வழங்கப்படுவதால் ஜாதியை கட்டமைப்பு நிலைத்து நிற்பதாக ஒருசிலர் வாதிட்டுவருகிறார்கள். ஜாதிய கட்டமைப்பை காப்பாற்றுவதற்காக அல்ல, ஜாதிகளை வேரோடும் வேரடி மண்ணோடும் ஒழிப்பதற்கான மருந்தாகவே இடஒதுக்கீடுமுறை பின்பற்றப்படுகிறது. 
அடித்தட்டு ஜாதி அல்லது பின்தங்கிய சமுதாய மக்கள் சமூக, பொருளாதார, கல்வி, அரசியல்ரீதியாக முன்னேறினால் ஜாதி என்ற கட்டமைப்பு தானாக அழிந்துவிடும். எனவே, பிற்படுத்தப்பட்டோர், தாழ்த்தப்பட்டோர், பழங்குடியினர் போன்ற அனைத்து சமூகத்தினரும் முன்னேறுவதற்காகவே இடஒதுக்கீடு வழங்கப்படுகிறது. இடஒதுக்கீடு அமல்படுத்தப்படுவதால், வளர்ச்சிக் கழகங்கள் அமைக்கப்படுவதால் அந்தந்த சமுதாய மக்கள் மேம்பட உதவியாக இருப்பதோடு, வளர்ச்சிநீரோட்டத்தில் கலக்கவும் வாய்ப்பு ஏற்படும். 
ஏழைகள், எழுத்தறிவின்மை போன்றவை தான் ஜாதிய கட்டமைப்பை இன்னும் உயிர்ப்போடு வைத்துள்ளன. எங்கு முன்னேற்றம் காணப்படுவதில்லையோ அங்கு ஜாதிஆழமாக வேரூன்றிவிடுகிறது. எனவே, ஜாதிய கட்டமைப்பை ஒழிப்பதற்கு தடையாக இருக்கும் கூறுகளை அகற்றுவதில் கவனம் செலுத்தவேண்டும். ஏழை-பணக்காரன் என்ற பாகுபாடு மறைந்து அனைவருக்கும் சுதந்திர இந்தியாவின் பலன்கள் கிடைக்க வேண்டும். 
கல்வி, சொத்து, அதிகாரம் ஆகியவை அனைத்து சமுதாய மக்களுக்கும் சமமாக கிடைக்கிறதோ, அப்போது தான் சமூகநீதி மற்றும் பொருளாதாரநீதி சாத்தியமாகும் என்று அரசியலமைப்புச் சட்டத்தை வகுத்தளித்த டாக்டர் பி.ஆர்.அம்பேத்கர் கூறியிருக்கிறார். இதைத்தான் கர்நாடக முதல்வராக இருந்த தேவராஜ் அர்ஸ் செய்து காட்டினார். இதன்காரணமாகவே, மைசூரு மாகாணத்தை ஆட்சி செய்துவந்த நான்காம் கிருஷ்ணராஜ உடையார் பிரமாணர்கள் மற்றும் பிரமாணர் அல்லாதாருக்கு இடஒதுக்கீடுமுறையை கொண்டுவந்தார். 
பின்தங்கிய சமுதாயத்தினர் மேம்பட வேண்டும் என்பதற்காகவே வளர்ச்சிக் கழகம் உருவாக்கப்பட்டுள்ளது. இந்த வாய்ப்பைப் பயன்படுத்தி அனைவரும் முன்னேற்றமடைய வேண்டும் என்றார்.
விழாவில் அம்பிகர செளடையா மடத்தின் பீடாதிபதி சாந்தபீஷ்மா செளடையா சுவாமிகள், சமூகநலத் துறை அமைச்சர் எச்.ஆஞ்சநேயா, அறிவியல் மற்றும் தொழில்நுட்பத் துறை அமைச்சர் எம்.ஆர்.சீத்தாராம், கழகத்தின் தலைவர் ஜெகன்நாத் சாமதார் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-bangalore/2018/mar/03/இட-ஒதுக்கீடு-மூலமே-ஜாதியை-ஒழிக்க-முடியும்-2873548.html
2873547 அனைத்துப் பதிப்புகள் பெங்களூரு தேசிய கட்சிகள் ஊழலில் திளைத்துள்ளன DIN DIN Saturday, March 3, 2018 08:10 AM +0530 பாஜக, காங்கிரஸ் ஆட்சியில் பல்வேறு துறைகளில் ஊழல் மலிந்துள்ளதாக மதச் சார்பற்ற ஜனதா தள மாநிலத் தலைவர் குமாரசாமி குற்றஞ்சாட்டினார்.
இதுகுறித்து வெள்ளிக்கிழமை  செய்தியாளர்களிடம் அவர் கூறியது: 
வரும் சட்டப்பேரவைத் தேர்தலில் போட்டியிடும்  முதல் வேட்பாளர் பட்டியலை மஜத மட்டுமே முதலில் வெளியிட்டுள்ளது. இதில் வாய்ப்பு கிடைக்காத பலர் கட்சியில் இருந்து கொண்டே கலகம் விளைவித்து வருகின்றனர். கட்சி என்றால் பிரச்னை இருப்பது வாடிக்கை. அதற்காக தொடர்ந்து கலகம் விளைவித்துக் கொண்டிருப்பவர்களை ஏற்றுக் கொள்ள முடியாது. 
மேலும் கடந்த 5 ஆண்டுகளில் பெங்களூரின் வளர்ச்சிக்கு முதல்வர் சித்தராமையா தலைமையிலான காங்கிரஸ் எந்த பணியை மேற்கொள்ளவில்லை. அதேபோல முந்தைய பாஜக ஆட்சியிலும் வளர்ச்சிப் பணிகள் எதுவும் நடைபெறவில்லை. மாறாக இரு கட்சிகள் ஆட்சியின் போதும் ஊழல் அதிகரித்திருந்தன. எனவே  ஊழலற்ற அரசு அமைய மஜதவுக்கு மக்கள் ஆதரவளிக்க வேண்டும் என்றார்.

]]>
http://www.dinamani.com/all-editions/edition-bangalore/2018/mar/03/தேசிய-கட்சிகள்-ஊழலில்-திளைத்துள்ளன-2873547.html
2873546 அனைத்துப் பதிப்புகள் பெங்களூரு பேருந்து மோதியதில் முதியவர் சாவு DIN DIN Saturday, March 3, 2018 08:10 AM +0530 தெலுங்கானா மாநில அரசுப் பேருந்து மோதியதில் முதியவர் உயிரிழந்தார்.
பெங்களூரு தின்னூருவைச் சேர்ந்தவர் ராமதாஸ் (78). இவர் வெள்ளிக்கிழமை அதிகாலை 4.30 மணியளவில் பெங்களூரு-பல்லாரி சாலையில் நடைபயிற்சியில் ஈடுபட்டிருந்த போது, வேகமாக வந்த தெலுங்கானா மாநில அரசு பேருந்து மோதியது. இதில் பலத்த காயமடைந்த அவர், மருத்துவமனையில் சிகிச்சைப் பலனின்றி உயிரிழந்தார். 
இந்த விபத்து குறித்து ஆர்.டி.நகர் போக்குவரத்து போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-bangalore/2018/mar/03/பேருந்து-மோதியதில்-முதியவர்-சாவு-2873546.html
2873545 அனைத்துப் பதிப்புகள் பெங்களூரு கொலை முயற்சி: காங். எம்எல்ஏ மகனுக்கு ஜாமீன் மறுப்பு DIN DIN Saturday, March 3, 2018 08:10 AM +0530 கொலை முயற்சி வழக்கில் கைது செய்யப்பட்டுள்ள கர்நாடக காங்கிரஸ் எம்எல்ஏ என்.ஏ.ஹாரிஸின் மகனுக்கு ஜாமீன் வழங்க மாவட்ட நீதிமன்றம் மறுத்துவிட்டது. வழக்கின் சாட்சிகளையும், ஆதாரங்களையும் அவர் அழிக்க வாய்ப்புள்ளதால் ஜாமீன் மனு நிராகரிக்கப்படுவதாகவும் தெரிவித்துள்ளது.
கர்நாடகத்தில் ஆளும் காங்கிரஸ் கட்சியைச் சேர்ந்த எம்எல்ஏ ஹாரிஸின் மகன் முகமது நளபத். இவர் பெங்களூரு மாவட்ட இளைஞர் காங்கிரஸ் பொதுச் செயலாளராக பொறுப்பு வகித்து வந்தார்.
கடந்த சில நாள்களுக்கு முன்பு அப்பகுதியில் இருந்த கேளிக்கை விடுதிக்குச் சென்ற நளபத்துக்கும், அங்கிருந்த வித்வத் என்பவருக்கும் வாக்குவாதம் எழுந்ததாகத் தெரிகிறது. அதைத் தொடர்ந்து அந்த நபரை நளபத் மற்றும் அவரது ஆதரவாளர்கள் கடுமையாகத் தாக்கியுள்ளனர்.
இதில் பலத்த காயமடைந்த வித்வத், மருத்துவமனையில் சிகிச்சை பெற்று வருகிறார். இதுதொடர்பாக வழக்குப் பதிவு செய்த போலீஸார் நளபத் உள்பட 7 பேரைக் கைது செய்துள்ளனர். 
இந்நிலையில், கைதானவர்கள் தரப்பில் பெங்களூரு மாவட்ட நீதிமன்றத்தில் ஜாமீன் மனுக்கள் தாக்கல் செய்யப்பட்டன. அவற்றின் மீதான விசாரணை வெள்ளிக்கிழமை நடைபெற்றது.
அப்போது நளபத் உள்ளிட்டோருக்கு ஜாமீன் அளித்தால், ஆதாரங்களை அழித்துவிட வாய்ப்புள்ளதாக அரசு தரப்பில் வாதிடப்பட்டது. அதை ஏற்றுக் கொண்ட நீதிபதி அவர்களின் ஜாமீன் மனுவை நிராகரித்தார். முன்னதாக, கட்சிப் பொறுப்பில் இருந்து நளபத்தை காங்கிரஸ் தலைமை நீக்கி உத்தரவிட்டது குறிப்பிடத்தக்கது.
தங்க நகை வியாபாரி வீட்டில் திருட்டு: 4 பேர் கைது
பெங்களூரு, மார்ச் 2:  தங்க நகை வியாபாரி வீட்டில் நடைபெற்ற திருட்டு வழக்கில் 4 பேரை போலீஸார் கைது செய்தனர்.
பெங்களூரு மில்லர்ஸ் சாலையில் வசித்து வருபவர் தங்கநகை வியாபாரி அசோக்பாட்டியா. இவரது வீட்டில் பிப். 20-ஆம் நுழைந்த மர்மநபர்கள், அங்கிருந்த 2 பேரை கட்டிப்போட்டு வெள்ளிநகை, ரூ. 3 லட்சம் ரொக்கப்பணத்தைத் திருடிக் கொண்டு, அங்கு நிறுத்தி வைக்கப்பட்டிருந்த அசோக்பாட்டியாவின் காரில் தப்பி சென்றனர். இதுதொடர்பாக 7 பேரை கைது செய்திருந்த நிலையில்,  மேலும், நேபாள் நாட்டைச் சேர்ந்த பிரகாஷ்கிரி (39), சுமன் பகதூர் (27), ராபின்கடகா (19), கிஷன்கிரி (29) ஆகியோரைக் கைது செய்தனர்.  இந்த விபத்து குறித்து ஜே.பி.நகர் போலீஸார் விசாரணை நடத்தி வருகின்றனர்.
பெண்களிடம் தங்கச் சங்கிலி பறிப்பு
பெங்களூரு, மார்ச் 2:  இரு இடங்களில் பெண்களிடம் தங்கச் சங்கிலியை மர்மநபர்கள் பறித்துச் சென்றனர்.
பெங்களூரு பேகூர் அஜென்டா அடுக்குமாடிக் குடியிருப்பில் வியாழக்கிழமை இரவு 8.15 மணியளவில் சாலையில் நடந்து சென்ற சாவித்திரியம்மா என்பவரின் கழுத்திலிருந்த ரூ. 1.8 லட்சம் மதிப்புள்ள 60 கிராம் எடையுள்ள தங்கச் சங்கிலியை மோட்டார் சைக்கிளில் வந்த 2 பேர் பறித்து சென்றனர். இதுகுறித்து ஹுலிமாவு போலீஸார் விசாரிக்கின்றனர்.
மற்றொரு சம்பவம்: சிக்ஜாலா மதுகதஹள்ளியில் வியாழக்கிழமை மாலை 6 மணியளவில் தனுஜம்மா என்பவர் நடந்து சென்று கொண்டிருந்தனர். அப்போது, மோட்டார் சைக்கிளில் வந்த 2 பேர் அவரது கழுத்திலிருந்து ரூ. 2.4 லட்சம் மதிப்புள்ள 80 கிராம் தங்கச் சங்கிலியை பறித்துச் சென்றனர். இதுகுறித்து சிக்கஜாலா போலீஸார் வழக்குப் பதிந்து விசாரணை மேற்கொண்டுள்ளனர்.  

]]>
http://www.dinamani.com/all-editions/edition-bangalore/2018/mar/03/கொலை-முயற்சிகாங்-எம்எல்ஏ-மகனுக்கு-ஜாமீன்-மறுப்பு-2873545.html
2873544 அனைத்துப் பதிப்புகள் பெங்களூரு பெண்களுக்கு அரசியல் அதிகாரம் கிடைக்க வேண்டும்: சித்தராமையா DIN DIN Saturday, March 3, 2018 08:09 AM +0530 பெண்களுக்கு அரசியல் அதிகாரம் கிடைக்க வேண்டும் என்றார் கர்நாடக முதல்வர் சித்தராமையா.
கர்நாடக தொழில் துறை மற்றும் பல தொழில் சங்கங்கள் கூட்டாக பெங்களூரில் வெள்ளிக்கிழமை ஏற்பாடு செய்திருந்த "மதிப்புமிகு பெண்கள்' என்ற இரண்டு நாள்கள் நடக்கவிருக்கும் மகளிர் கருத்தரங்கைத் தொடக்கிவைத்து அவர் பேசியது: 
பெண்கள் முடிவெடுக்கும் இடத்தில் இருக்க வேண்டியது அவசியமாகும். அந்த வாய்ப்பு பெண்களுக்கு
கிடைக்காவிட்டால், சமத்துவ சமுதாயத்தை கட்டமைக்கும் கனவு நனவாவது கடினமாகும். பெண்கள் தங்கள் திறமை, மதிப்பை உயர்த்திக் கொண்டால், முடிவெடுக்கும் இடத்திற்கு உயரலாம். 
கல்வி, சொத்து, அதிகாரம் ஆகியவற்றில் ஆண்களுக்கும் பெண்களுக்கும் சம வாய்ப்பு கிடைக்க வேண்டும். குறிப்பாக பெண்களுக்கு அரசியல் அதிகாரம் கிடைக்க வேண்டும். அதை சாத்தியமாக்கும் வகையில், நாடாளுமன்றம் மற்றும் சட்டப்பேரவைகளில் பெண்களுக்கு 33 சதவீத இடஒதுக்கீடு வழங்க வேண்டியது கட்டாயமாகும். 
1996-ஆம் ஆண்டு பெண்களுக்கு 33 சதவீத இடஒதுக்கீடு வழங்க வகை செய்யும் சட்ட மசோதா தாக்கல் செய்யப்பட்டது. ஆனால், இதுவரை சட்ட மசோதா நிறைவேற்றப்படாமல் இருப்பது வேதனை அளிக்கிறது.
இயற்கை பாலின சமன்பாட்டின்படி ஆண்கள் 100 பேர் இருந்தால், பெண்கள் 100 பேர் இருக்க வேண்டும். ஆனால், பெண்களின் எண்ணிக்கை குறைந்து பாலின சமன்பாடு சரிந்து காணப்படுகிறது. 
ஜனநாயகம் மற்றும் சமத்துவக் கனவை 12-ஆம் நூற்றாண்டிலே கண்ட சமூக சிந்தனையாளர் பசவண்ணர்  தான் அமைத்த அனுபவ மண்டபத்தில் பெண்களுக்கும் வாய்ப்பளித்திருந்தார். அந்த சிந்தனைதான் இன்றைக்கும் நமது ஜனநாயகத்தை வழிநடத்தி வருகிறது. 
மனித சமூகத்தில் மாற்றம் கொண்டுவரும் போராட்டத்தில் பெண்கள் முன்னிலையில் இருந்தால்தான் வெற்றிகிட்டும். அதன்படி, அனைத்து துறைகளிலும் பெண்களுக்கு சமவாய்ப்பு அளிக்க வேண்டியது நமது கடமையாகும்.
பெங்களூரு மாநகராட்சியில் உள்ள 198 வார்டுகளில் 102 இடங்களில் பெண்கள் தான் மாமன்ற உறுப்பினர்களாக இருக்கிறார்கள். அதேபோல, நாடாளுமன்றம், சட்டப்பேரவைகளிலும் நிலைமை மாறவேண்டும். தொழில் துறைகளிலும் பெண்களுக்கு சமவாய்ப்பு கிடைக்க வேண்டும். 
தொழில்பேட்டைகளில் பெண்களுக்கு இடஒதுக்கீடு வழங்கப்படும். தாழ்த்தப்பட்டவர்களை போலவே பெண்களும் பின்தங்கியுள்ளனர். கல்வி, சமூக, பொருளாதாரத்தில் பெண்கள் முன்னேற வேண்டுமானால், அரசியல் அதிகாரம் பெண்களுக்கு கிடைக்க வேண்டியது கட்டாயமாகும் என்றார்.
 

]]>
http://www.dinamani.com/all-editions/edition-bangalore/2018/mar/03/பெண்களுக்கு-அரசியல்-அதிகாரம்-கிடைக்க-வேண்டும்-சித்தராமையா-2873544.html
2873543 அனைத்துப் பதிப்புகள் பெங்களூரு இளைஞரைத் தாக்கிய எம்எல்ஏ மகனின் ஜாமீன் மனு தள்ளுபடி DIN DIN Saturday, March 3, 2018 08:09 AM +0530 வித்வத் என்ற இளைஞர் தாக்கப்பட்டது தொடர்பான வழக்கில் நீதிமன்றக் காவலில் இருக்கும் காங்கிரஸ் எம்எல்ஏ ஹாரீஸின் மகன் முகமது நல்பாடுவின் ஜாமீன் மனுவை செசன்ஸ் நீதிமன்றம் தள்ளுபடி செய்தது.
பெங்களூரு யூபி சிட்டியில் உள்ள கேளிக்கை விடுதியில் பிப்.17-ஆம் தேதி வித்வத் என்ற இளைஞரை காங்கிரஸ் எம்எல்ஏ ஹாரீஸின் மகன் முகமது நல்பாடு மற்றும் அவரது நண்பர்கள் தாக்கினாராம். காயமடைந்த மல்லையாவை முகமதுநல்பாடு மற்றும் அவரது கூட்டாளிகள் தாக்கினர். 
இதுதொடர்பாக காங்கிரஸ் அரசுக்கு எதிராக பாஜக, ஆம் ஆத்மி கட்சியினர் தீவிர போராட்டம் நடத்தினர். இதனிடையே முகமது நல்பாடுவின் நண்பர்கள் அருண்பாபு, மஞ்சுநாத், முகமதுஅஷ்ரப், பாலகிருஷ்ணா, அபிஷேக், நபி முகமது நசீர் ஆகிய 6 பேரை போலீஸார் கைதுசெய்தனர். 
இதைத் தொடர்ந்து தலைமறைவாக இருந்த முகமது நல்பாடு, சம்பவம் நடந்த 37 மணி நேரம் கழித்து காவல் நிலையத்தில் சரணடைந்தார். அதைத் தொடர்ந்து 7 பேரும் நீதிமன்றத்தில் ஆஜர்படுத்தப்பட்டனர். 
இரு நாள்கள் காவலில் எடுத்து போலீசார் விசாரித்தனர். இதன் பிறகு, மார்ச் 7-ஆம் தேதிவரை 14 நாள்கள் நீதிமன்றக் காவலில் வைக்க பிப்.22-ஆம் தேதி நீதிமன்றம் உத்தரவிட்டிருந்தது. முகமது நல்பாடு மற்றும் அவரது கூட்டாளிகள் 6 பேர் பரப்பன அக்ரஹாரா சிறையில் அடைக்கப்பட்டனர்.
இந்த நிலையில், முகமது நல்பாடு மற்றும் அவரது கூட்டாளிகள் 6 பேரும் ஜாமீன் மனுவை தாக்கல் செய்திருந்தனர். இந்த மனு மீதான விசாரணை 63-ஆவது செசன்ஸ் நீதிமன்றத்தில் நீதிபதி பரமேஸ்வரா பிரசன்னா முன்னிலையில் நடைபெற்றது.
இருதரப்பு வாதங்களையும் கேட்டறிந்த நீதிபதி பிரசன்னா, முகமதுநல்பாடு மற்றும் அவரது கூட்டாளிகள் 6 பேரின் ஜாமீன் மனுவை தள்ளுபடிசெய்தார். 

]]>
http://www.dinamani.com/all-editions/edition-bangalore/2018/mar/03/இளைஞரைத்-தாக்கிய-எம்எல்ஏ-மகனின்-ஜாமீன்-மனு-தள்ளுபடி-2873543.html
2873542 அனைத்துப் பதிப்புகள் பெங்களூரு கல்வி உரிமைச் சட்டத்தின் கீழ் சேர்க்கை பெற இன்று முதல் விண்ணப்பிக்கலாம் DIN DIN Saturday, March 3, 2018 08:09 AM +0530 கல்வி உரிமைச் சட்டத்தின் கீழ் தனியார் பள்ளிகளில் சேர்க்கை பெற சனிக்கிழமை (மார்ச் 3) முதல் விண்ணப்பிக்கலாம் என்று ஆர்டிஇ மாணவர்கள் மற்றும் பெற்றோர் சங்கச் செயலாளர் பி.என்.யோகானந்தா தெரிவித்தார்.
இதுகுறித்து பெங்களூரில் வெள்ளிக்கிழமை செய்தியாளர்களிடம் அவர் கூறியது: 2018-19-ஆம் கல்வியாண்டில் சிறுபான்மை அல்லாத மற்றும் அரசு மானியம் பெறாத பள்ளிகளில் கல்வி உரிமைச் சட்டத்தின்கீழ் 25 சதவீத இடங்கள் ஒதுக்கப்பட்டுள்ளன. 
இந்த இடங்களில் கல்வி உரிமைச் சட்டத்தின் கீழ் சேர்க்கை பெற விரும்புவோர் மார்ச் 3-ஆம் தேதிமுதல்  ‌h‌t‌t‌p://‌w‌w‌w.‌s​c‌h‌o‌o‌l‌e‌d‌u​c​a‌t‌i‌o‌n.‌k​a‌r.‌n‌i​c.‌i‌n  என்ற இணையதளத்தில் விண்ணப்பங்களைச் செலுத்தலாம். தினக்கூலி தொழிலாளர்கள், அனாதை குழந்தைகள், திருநங்கைகள், தற்கொலை செய்துகொண்ட விவசாயிகளின் குழந்தைகள், பொருளாதாரத்தில் நலிவடைந்தோர், தாழ்த்தப்பட்டோர், பழங்குடியினர், பிற்படுத்தப்பட்டோர் சமூகத்தினரின் குழந்தைகள் சேர்க்கை பெற தகுதியானவர்கள். 
கல்வி உரிமைச் சட்டத்தின்கீழ் சேர்க்கை பெறவிரும்புவோர் விண்ணப்பங்களைச் செலுத்துவதற்கு பெங்களூரில் 35 இடங்களில் இலவச விண்ணப்பப்பதிவு மையங்களை திறந்திருக்கிறோம். பெங்களூரு, மண்டியா, மங்களூரு,சிவமொக்காவில் ஆர்டிஇ மையங்கள் செயல்பட்டுவருகின்றன. இம்மையங்களில் விண்ணப்பங்களைச் செலுத்த கட்டணம் எதுவும் வசூலிக்கப்படமாட்டாது. 
கல்வி உரிமைச் சட்டத்தின்கீழ் விண்ணப்பங்களை செலுத்துவோர் குழந்தையின் ஆதார் அட்டை, பெற்றோரின் ஆதார் அட்டை, பெற்றோரின் ஜாதி மற்றும் வருமானச்சான்றிதழை கட்டாயம் வைத்திருக்க வேண்டியது அவசியமாகும். 
மழலையர் வகுப்புகளில் சேர்க்கை பெற விரும்புவோர் 2013, ஆக.1 முதல் 2014, ஆக.1-ஆம் தேதிக்குள், முதலாம் வகுப்பில் சேரவிரும்புவோர் 2011, ஆக.1 முதல் 2012 ஆக.1-ஆம் தேதிக்குள் பிறந்திருக்க வேண்டும்.
விண்ணப்பங்களை செலுத்துவதுதொடர்பாக கூடுதல் தகவல்களை பெற மாநில அளவில் 7022422495 என்ற செல்லிடப்பேசி எண்ணில் தொடர்பு கொள்ளலாம். இதுதவிர, 080-30474949 என்ற கட்டணமில்லா தொலைபேசிக்கு தவறிய அழைப்பு வழங்கியும் தகவல்களைப் பெறலாம் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-bangalore/2018/mar/03/கல்வி-உரிமைச்-சட்டத்தின்-கீழ்-சேர்க்கை-பெற-இன்று-முதல்-விண்ணப்பிக்கலாம்-2873542.html
2873541 அனைத்துப் பதிப்புகள் பெங்களூரு காங்கிரஸின் செயல்பாடுகளைக் கண்டித்து பாஜக பேரணி DIN DIN Saturday, March 3, 2018 08:06 AM +0530 காங்கிரஸின் மக்கள் விரோதப் போக்கை கண்டித்து பாஜக சார்பில் பேரணி நடைபெற்றது.
பெங்களூரு கவிபுரம் கவி கங்காதரேஷ்வரா கோயில் முன்பு வெள்ளிக்கிழமை காங்கிரஸ் அரசின் செயல்பாடுகளைக் கண்டித்து பெங்களூருவை பாதுகாப்போம் பேரணி பாஜக சார்பில் நடைபெற்றது. இதில் மத்திய அமைச்சரும், மாநில பாஜக பொறுப்பாளருமான பிரகாஷ் ஜாவடேகர் கலந்து கொண்டு பேசியது: பெங்களூரு பாதுகாப்போம் பேரணி வெள்ளிக்கிழமை தொடங்கி, மார்ச் 15-ஆம் தேதி வரை அனைத்து சட்டப்பேரவைத் தொகுதிகளிலும் நடைபெறும். அனைத்து சட்டப்பேரவைத் தொகுதியில் உள்ள மக்களை பேரணி மூலம் சந்தித்து பெங்களூரை பாதுகாக்க வலியுறுத்தி விழிப்புணர்வு ஏற்படுத்தப்படும். 
பெங்களூரு மாநகரம் ஒரு காலத்தில் தகவல் தொழில்நுட்பத்துக்கும், முதலீடு செய்வதற்கும் சிறந்து விளங்கியது. காங்கிரஸ் கட்சியில்தான் சமூக விரோதச் செயல்கள் அதிகமாகியுள்ளன. இதனால் வீட்டை விட்டு வெளியே வருவதற்கு பொதுமக்கள் அச்சமடைந்துள்ளனர். அக்கட்சியின் மக்கள் பிரதிநிதிகளின் பிள்ளைகள் சட்டத்தை தங்கள் கையில் எடுத்துக் கொண்டுள்ளனர்.
மத்திய அரசின் திட்டங்களைச் செயல்படுத்தாததால், பெங்களூரு அனைத்து துறைகளிலும் பின்தங்கியுள்ளன. அனைத்து திட்டங்களைச் செயல்படுத்துவதற்கு லஞ்சம் தேவைப்படுகிறது. பெங்களூரு மாநகராட்சியில் அதிகாரிகளின் துணையோடி ஆளும் கட்சியினர் முறைகேடுகளில் ஈடுபட்டு வருகின்றனர். 
சாலையில் ஏற்பட்ட குழிகளை மூடுவதற்காக ஒதுக்கப்பட்ட நிதியில் பெரும் ஊழல் நடைபெற்றுள்ளது. எனவே, மக்கள் தங்களை பாதுகாத்து கொள்ள இதுபோன்ற அடாவடித்தனம், சட்டம்- ஒழுங்கு சீர்குலைவுக்கு காரணமான அரசை ஆதரிக்கக் கூடாது. மாநகர மக்கள் நிம்மதியாக வாழ பாஜகவை ஆதரிக்க வேண்டும் என்றார். 
பேரணியில் மத்திய அமைச்சர்கள் அனந்த்குமார், சதானந்த கெளடா, எதிர்க்கட்சித் துணைத் தலைவர் ஆர்.அசோக், எம்.எல்.ஏ.க்கள் அரவிந்த்லிம்பாவளி, விஜயகுமார், ரவிசுப்ரமண்யா, அஸ்வத்நாராயணா, சுரேஷ்குமார் உள்ளிட்டோர் கலந்து கொண்டனர்.  
 

]]>
http://www.dinamani.com/all-editions/edition-bangalore/2018/mar/03/காங்கிரஸின்-செயல்பாடுகளைக்-கண்டித்து-பாஜக-பேரணி-2873541.html
2873053 அனைத்துப் பதிப்புகள் பெங்களூரு பெங்களூரில் வர்த்தக உரிமத்தை புதுப்பிக்க கால அவகாசம் DIN DIN Friday, March 2, 2018 09:42 AM +0530 பெங்களூரு மாநகராட்சிக்குள்பட்ட எல்லையில் செயல்பட்டுவரும் வர்த்தக நிறுவனங்கள் உரிமத்தை புதுப்பிக்க மார்ச் 31 வரை அவகாசம் வழங்கப்பட்டுள்ளது.
இதுகுறித்து பெங்களூரு மாநகராட்சி வெளியிட்ட செய்திக் குறிப்பு: பெங்களூரு மாநகராட்சி எல்லைக்குள்பட்ட பகுதிகளில் செயல்பட்டுவரும் வர்த்தகநிறுவனங்கள், அதற்கான உரிமத்தை பெற்று இயங்க வேண்டியது கட்டாயமாகும். 2018-19-ஆம் ஆண்டுக்கான வர்த்தக உரிமத்தை புதுப்பிக்கும் பணி நடந்து வருகிறது. இதற்கான விண்ணப்பத்தை h‌t‌t‌p://​b​b‌m‌p.‌g‌o‌v.‌i‌n இணையதளம் மூலம் செலுத்தலாம். விண்ணப்பங்களைச் செலுத்துவதற்கான கடைசி தேதி பிப்.28-ஆம் தேதிவரை வழங்கப்பட்டிருந்தது. இந்நிலையில், வர்த்தகர்களின் கோரிக்கையை ஏற்று, விண்ணப்பங்களை இணையதளம் மூலம் செலுத்தும் கடைசி தேதியை மார்ச் 31-ஆம் தேதிவரை நீட்டிக்க முடிவு செய்யப்பட்டுள்ளது. ஏப்.1-ஆம் தேதிமுதல் வர்த்தக உரிமம் பெறுவதற்கான கட்டணத்தை 100 சதவீதம் அபராதமாக செலுத்தி விண்ணப்பிக்கலாம். வர்த்தக உரிமம் இல்லாமல் செயல்படும் வர்த்தக நிறுவனங்கள் ஜூலை 1-ஆம் தேதி முதல் மூடப்படும். எனவே, அபராதமில்லாமல் வர்த்தக உரிமம் பெற அனைவரும் முன்வரவேண்டும் என்று அதில் கூறப்பட்டுள்ளது.
 

]]>
http://www.dinamani.com/all-editions/edition-bangalore/2018/mar/02/பெங்களூரில்-வர்த்தக-உரிமத்தை-புதுப்பிக்க-கால-அவகாசம்-2873053.html
2873052 அனைத்துப் பதிப்புகள் பெங்களூரு கர்நாடகத்தில் உலகின் மிகப்பெரிய சூரியஒளி மின் பூங்கா: முதல்வர்  தொடக்கிவைத்தார் DIN DIN Friday, March 2, 2018 09:41 AM +0530 கர்நாடகத்தில் 2 ஆயிரம் மெகா வாட் மின் உற்பத்தித் திறன் கொண்ட உலகின் மிகப் பெரிய சூரிய ஒளி மின் பூங்காவை முதல்வர் சித்தராமையா தொடக்கிவைத்தார்.
கர்நாடக மாநிலம், தும்கூரு மாவட்டம் பாவகடா வட்டத்தைச் சேர்ந்த திருமணி கிராமத்தில் 2 ஆயிரம் மெகா வாட் மின் உற்பத்தித் திறன் கொண்ட உலகின் மிகப்பெரிய சூரியஒளி மின் பூங்கா அமைக்கப்பட்டுள்ளது.  13 ஆயிரம் ஏக்கர் நிலப் பரப்பில் அமைந்துள்ள இப் பூங்கா ரூ.14,500 கோடி முதலீட்டில் கட்டமைக்கப்பட்டுள்ளது. 
2,300 விவசாயிகளிடம் இருந்து ஆண்டுக்கு ரூ.21 ஆயிரம் வீதம் 28 ஆண்டுகளுக்கு குத்தகை அடிப்படையில் பெறப்பட்டுள்ள விளைநிலத்தில் இப் பூங்கா உருவாக்கப்பட்டுள்ளது. இந்த குத்தகை தொகை 2 ஆண்டுக்கு ஒருமுறை 5 சதவீதம் உயர்த்தப்படும்.  இந்தத் திட்டத்தால் 4 ஆயிரம் வேலைவாய்ப்புகள் உருவாகும் என்று அரசு தெரிவித்துள்ளது.
கடும் வறட்சியால் பாதிக்கப்பட்டுள்ள இப் பகுதிக்கு இத் திட்டம் சிறந்த வாய்ப்பாக அமைந்துள்ளது. திருமணி கிராமத்தில் இருந்து 10 கி.மீட்டர் தொலைவில் அமைந்துள்ள வெங்கடம்மனஹள்ளி கிராமத்தில் 2004-ஆம் ஆண்டு அமைக்கப்பட்டிருந்த காவல் முகாம் மீது மாவோயிஸ்ட் தாக்குதல் நடத்தினர். 
இதில் கர்நாடக மாநில ஆயுதப் படையைச் சேர்ந்த 9 வீரர்கள் உள்பட 10 பேர் உயிரிழந்தனர்.  வறுமையால் வாடியிருந்த இக் கிராம மக்கள்,  நக்சலைட்டுகளின் ஆதிக்கத்தில் இருந்து வந்தனர்.  வறுமையைப் போக்கி விவசாயிகளின் வாழ்வில் ஒளியேற்றும் வகையில் இத் திட்டம் அமைந்துள்ளதாக அப் பகுதி மக்கள் தெரிவித்தனர். 
திருமணி கிராமத்தில் வியாழக்கிழமை நடைபெற்ற விழாவில் சூரிய ஒளி மின் உற்பத்திப் பூங்காவை முதல்வர் சித்தராமையா தொடக்கி வைத்தார்.  இந்த விழாவில்,  மின் துறை அமைச்சர் டி.கே.சிவக்குமார்,  சட்டத் துறை அமைச்சர் டி.பி.ஜெயசந்திரா உள்ளிட்ட ஏராளமானோர் கலந்து கொண்டனர். 
தற்போதைக்கு 600 மெகா வாட் மின்சாரம் மட்டுமே உற்பத்தி செய்யப்படுகிறது.  நிகழாண்டின் இறுதியில் 2 ஆயிரம் மெகா வாட் மின் உற்பத்தி சாத்தியமாகும் என்று மின் துறைஅமைச்சர் டி.கே.சிவக்குமார் தெரிவித்தார்.    


"கோடையில் மின் தட்டுப்பாடு இருக்காது'
கோடை காலத்தில் மின் தட்டுப்பாடு ஏற்படாது என மின் துறை அமைச்சர் டி.கே.சிவக்குமார் தெரிவித்தார்.
சூரியஒளி மின் பூங்கா திறப்பு விழாவில் அவர் மேலும் பேசியது:
பாவகடா வட்டத்தில் உள்ள விவசாயிகளுக்கு பயன் தரக்கூடிய வகையில் இந்தத் திட்டம் நிறைவேற்றப்பட்டுள்ளது. விவசாயிகளின் துன்பங்களை போக்குவதற்கும், பொருளாதார மேம்பாட்டுக்கும் இத்திட்டம் பயன்படும். இந்தத் திட்டம், மக்களின் வாழ்க்கைமுறையையே மாற்றவிருக்கிறது. சூரியஒளி மின் திட்டத்தில் இருந்து மின்சாரத்தை கொள்முதல் செய்யவிருக்கும் தேசிய அனல்மின்கழகம் (என்டிபிசி), கர்நாடகத்தின் மின் தொகுப்பில் கூடுதலாக 300மெகாவாட் மின்சாரத்தை சேர்க்கும். இதன்விளைவாக, தொழிற்சாலைகள், விவசாய பம்ப்செட்கள், வீடுகளுக்கு தடையில்லா மின் வழங்கல் சாத்தியமாகும். 
கர்நாடகத்தில் 2 கோடி மின்சார வாடிக்கையாளர்கள் இருக்கிறார்கள். இவர்களுக்கு உத்தரவாதம் அளிக்க விரும்புவதுஎன்னவென்றால், கோடைக்காலத்தில் தொழிலகங்கள், வீடுகளில் கண்டிப்பாக மின் தடை இருக்காது. 
பாவகடா வட்டத்தில் அமைக்கப்பட்டுள்ள சூரியஒளி மின் பூங்கா, உலகின் மிகப்பெரிய திட்டமாகும். இதற்குமுன் உலகின் மிகப்பெரிய சூரியஒளி மின் பூங்காவாக இருந்ததில் 1500 மெகாவாட் மின்சாரம் மட்டுமே உற்பத்திசெய்யப்பட்டது. ஆனால் இங்கு 2 ஆயிரம் மெகாவாட் மின்சாரம் உற்பத்திசெய்யப்படுவதால், இதுதான் உலகின் மிகப்பெரிய மின்பூங்காவாகும். 
ரூ.14,500கோடியில் செயல்படுத்தப்பட்டுள்ள இந்தத் திட்டத்துக்கு ஒரு மெகாவாட்டுக்கு ரூ.20 லட்சம் வீதம் மத்திய அரசு நிதியுதவி செய்யும். இந்த பெரிய திட்டத்தை பிரதமர் மோடி உள்ளிட்ட யாரும் தேசிய அளவில் பாராட்டி பேசியதில்லை. சூரியஒளி மின் திட்டத்தை செயல்படுத்துவதில் கர்நாடகம் ஒரு முன்மாதிரியை உருவாக்கியுள்ளது. 
விவசாயிகளிடம் இருந்து நிலத்தை கொள்முதல் செய்யாமல், குத்தகை அடிப்படையில் வாங்கியுள்ளதால் இத்திட்டத்தை யாரும் பாராட்டவில்லை. மேலும் விவசாயிகளிடம் உறுதி அளித்தப்படி, குறித்த நேரத்தில் திட்டம் தொடங்கப்பட்டுள்ளது. மாணவர்கள், பொதுமக்களுக்கு சூரியஒளி மின்சாரத்தின் விழிப்புணர்வை ஏற்படுத்த முற்பட்டுள்ளோம். இதற்காக இப்பகுதியை சுற்றுலாத்தலமாக மேம்படுத்துவோம் என்றார்.

"கர்நாடகத்தை இருள் இல்லா மாநிலமாக்குவதே நோக்கம்'
கர்நாடகத்தை இருள் இல்லா மாநிலமாக்க திட்டமிடப்பட்டுள்ளதாக முதல்வர் சித்தராமையா தெரிவித்தார்.
தும்கூரு மாவட்டத்தின் பாவகடா வட்டம், திருமணி கிராமத்தில் வியாழக்கிழமை நடைபெற்ற விழாவில் சூரியஒளி மின் பூங்காவைத் திறந்துவைத்து, அவர் பேசியது: தும்கூரு மாவட்டத்தின் பாவகடா வட்டம் மிகவும் வறட்சியான பகுதியாகும். இந்த வட்டத்தை சேர்ந்த ராயசெர்லு, கியாதகானசெர்லு, பலசமுத்ரா, வள்ளூர் கிராமங்களைச் சேர்ந்த விவசாயிகள் குத்தகை அடிப்படையில் அளித்த 13 ஏக்கர் நிலப்பரப்பில் சூரியஒளி மின் பூங்கா அமைக்கப்பட்டுள்ளது.
இனிமேலாவது இந்த பகுதியில் அரசியலுக்கு பதிலாக வளர்ச்சி பற்றிபேச ஆரம்பிக்க வேண்டும். வறண்ட பகுதியான பாவகடா தொடர் வறட்சியால் கடுமையாக பாதிக்கப்பட்டுள்ளது. இந்தத் திட்டம் இப்பகுதி மக்களின் வாழ்க்கையை மாற்றியமைக்கப்போகிறது. 
எனவே, இனிமேலும் இப்பகுதி பின்தங்கியதாக இருக்கக் கூடாது. இந்தத் திட்டத்தால் குறைந்தது 4 ஆயிரம் பேருக்கு வேலைவாய்ப்பு கிடைக்கும். இப்பகுதியைச் சேர்ந்த பெரும்பாலானோருக்கு வேலைவாய்ப்பு உள்ளது. நஞ்சுண்டப்பா அறிக்கையில் வறட்சியால் பாதிக்கப்பட்ட வட்டமாக குறிப்பிட்டுள்ள இப்பகுதி எதிர்காலத்தில் சுற்றுலாத்தலமாக மாறவிருக்கிறது. 
விவசாயிகளிடம் இருந்து நிலங்களை கொள்முதல் செய்யாமல், குத்தகை அடிப்படையில் பெற்றுள்ளோம். இந்தத் திட்டத்தில் விவசாயிகளுக்கு ஏக்கர் ஒன்றுக்கு குத்தகை தொகையாக ரூ.21 ஆயிரம் தரவிருக்கிறோம். 2044, மார்ச் 31-ஆம் தேதிவரை இந்த குத்தகை தொடரும். 2 ஆண்டுகளுக்கு ஒருமுறை குத்தகை தொகை 5 சதவீதம் உயர்த்தி அளிக்கப்படும். இந்ததிட்டத்திற்கு நிலங்களை குத்தகையாக வழங்கிய 2300 விவசாயிகளுக்கு நன்றியை தெரிவித்துக் கொள்கிறேன். 
கர்நாடகத்தை இருள் இல்லா மாநிலமாக்குவதே எங்கள் அரசின் தலையாய நோக்கமாகும். எதிர்பார்த்த அளவு மழை பெய்யாவிட்டாலும், மாநில விவசாயிகளுக்கு தினமும் 7 மணி நேர மின்சாரத்தை வழங்கிவந்துள்ளோம். இப்போதும் 7 மணி நேரம் மும்முனை மின்சாரம் வழங்கப்பட்டுவருகிறது என்றார்.


 

]]>
http://www.dinamani.com/all-editions/edition-bangalore/2018/mar/02/கர்நாடகத்தில்-உலகின்-மிகப்பெரிய-சூரியஒளி-மின்-பூங்கா-முதல்வர்-தொடக்கிவைத்தார்-2873052.html
2872989 அனைத்துப் பதிப்புகள் பெங்களூரு கர்நாடக அரசு ஊழியர்களின் ஊதியம் 30 சதவீதம் உயர்வு DIN DIN Friday, March 2, 2018 08:58 AM +0530 கர்நாடக அரசு ஊழியர்களின் ஊதியம் 30 சதவீதம் உயர்த்தப்பட்டுள்ளது.
ஊதிய உயர்வு தொடர்பாக அரசுக்கு பரிந்துரைகளை வழங்க 2017, ஜூன் 1-ஆம் தேதி ஆறாவது மாநில ஊதியக்குழு முன்னாள் ஐஏஎஸ் அதிகாரி எம்.ஆர்.சீனிவாஸ்மூர்த்தி தலைமையில் அமைக்கப்பட்டது. இந்த குழு தனது முதல்கட்ட அறிக்கையை ஜன.31-ஆம் தேதி முதல்வர் சித்தராமையாவிடம் அளித்தது. அந்த அறிக்கையில் அளிக்கப்பட்டிருந்த பரிந்துரைகளை ஏற்றுக்கொண்டுள்ள மாநில அரசு, அரசு ஊழியர்களின் ஊதியத்தை 30 சதவீதம் உயர்த்தி வியாழக்கிழமை உத்தரவிட்டுள்ளது. 
இது கர்நாடக அரசில் பணியாற்றி வரும் 5.2 லட்சம் ஊழியர்களுக்கு பலனளிக்கவிருக்கிறது. இதில் அரசு மானியம் பெறும் கல்வி நிறுவனங்கள், உள்ளாட்சி அமைப்புகள், பல்கலைக்கழகங்கள் மற்றும் கல்லூரிகளின் ஆசிரியரல்லா ஊழியர்கள் 73 ஆயிரம் பேரும் அடங்குவர். மாநில அரசின் அனைத்து ஊழியர்களுக்கும் 30 சதவீத ஊதிய உயர்வு அளிக்கப்பட்டுள்ளது. 
இந்த ஊதிய உயர்வு 2017, ஜூலை 1-ஆம் தேதி முதல் அமல்படுத்தப்பட்டு ஏப்.1-ஆம் தேதி முதல் நடைமுறைக்கு வரவிருக்கிறது. ஓய்வுபெற்ற ஊழியர்களின் ஓய்வூதியத்தையும், குடும்பத்தினரின் ஓய்வூதியத்தையும் 2017, ஜூலை 1-ஆம் தேதி முதல் 30 சதவீதம் உயர்த்தப்பட்டுள்ளது. இதனால் 5.73 லட்சம் ஓய்வூதியர்கள் பயன்பெறுவார்கள். 
குறைந்தபட்ச ஊதியமாக ரூ.17 ஆயிரமாக நிர்ணயிக்கப்பட்டுள்ளது. இதேபோல, அதிகபட்ச ஊதியம் ரூ.1,50,500-ஆக உயர்த்தப்பட்டுள்ளது. இதனால் மாநில அரசுக்கு ஆண்டுக்கு கூடுதலாக ரூ.10,508 கோடி செலவாகும்.

]]>
http://www.dinamani.com/all-editions/edition-bangalore/2018/mar/02/கர்நாடக-அரசு-ஊழியர்களின்-ஊதியம்-30-சதவீதம்-உயர்வு-2872989.html
2872988 அனைத்துப் பதிப்புகள் பெங்களூரு கோலார் தங்கவயலில் புஷ்ப பல்லக்கு விழா DIN DIN Friday, March 2, 2018 08:58 AM +0530 கோலார் தங்கவயலில் உள்ள ஸ்ரீ பிரசன்ன லட்சுமி வெங்கடரமண சுவாமி கோயில் பிரம்மோத்ஸவ திருவிழாவை முன்னிட்டு பூ பல்லக்கு விழா நடைபெற்றது.
கோலார் தங்கவயல், ராபர்ட்சன்பேட்டையில் உள்ள ஸ்ரீபிரசன்னலட்சுமி வெங்கடரமண சுவாமி கோயில் பிரம்மோத்ஸவ திருவிழா கடந்த சில மாதங்களுக்கு முன்பு தொடங்கி நடந்துவருகிறது. மார்ச் 4-ஆம் தேதி வரை நடக்கவிருக்கும் இந்த திருவிழாவில் இதுவரை சிபிகவாஹன உற்சவம், ஹனுமந்தவாஹன உத்ஸவம் என பல்வேறு நிகழ்வுகள் நடைபெற்றன.
இதைத் தொடர்ந்து புதன்கிழமை பூ பல்லக்கு திருவிழா நடந்தது.இதை நீதிபதி எம்.ஜெகதீஸ்வரா தொடக்கிவைத்தார். விழாவில் நீதிபதிகள் தயானந்த், ரவிக்குமார், லோகேஷ், கணேஷ்நாயக், கோயில் செயல் அதிகாரி மரிராஜ், நகராட்சி ஆணையர் ஸ்ரீகாந்த் உள்ளிட்டோர் கலந்துகொண்டனர்.
பல்லக்கை பின்தொடர்ந்து பெத்தப்பள்ளி கங்கை அம்மன், விநாயகர், ஸ்ரீசுப்ரமணியர், லலிதா ஈஸ்வரன், ஆஞ்சநேயா, கிருஷ்ணா, பச்சை கங்கம்மா, மேல்மருவத்தூர் ஆதிபராசக்தி, சனிமகாத்மா ஆகிய தெய்வங்களின் தேர் பவனியும் இடம் பெற்றது.
புதன்கிழமை இரவு முழுவதும் நகரின் முக்கிய வீதிகளில் வலம் வந்த பல்லக்கு, வியாழக்கிழமை காலை 9.45 மணிக்கு நிறைவடைந்தது. இந்த திருவிழாவில் கர்நாடகம் தவிர தமிழகம், ஆந்திர மாநிலங்களைச் சேர்ந்த லட்சக்கணக்கான பக்தர்கள் கலந்து கொண்டனர்.

]]>
http://www.dinamani.com/all-editions/edition-bangalore/2018/mar/02/கோலார்-தங்கவயலில்-புஷ்ப-பல்லக்கு-விழா-2872988.html
2872987 அனைத்துப் பதிப்புகள் பெங்களூரு பெங்களூரு வளர்ச்சித் திட்டங்களில் காங்கிரஸ் ஊழல்? பாஜக குற்றச்சாட்டு DIN DIN Friday, March 2, 2018 08:58 AM +0530 பெங்களூரில் செயல்படுத்தப்பட்ட வளர்ச்சித் திட்டங்களில் காங்கிரஸ் அரசு ஊழல் செய்துள்ளதாக பாஜக குற்றஞ்சாட்டியுள்ளது.
பெங்களூரு தனியார் நட்சத்திர ஹோட்டலில் வியாழக்கிழமை காங்கிரஸுக்கு எதிராக குற்றப்பத்திரிகையை வெளியிட்டு மத்திய அமைச்சரும், பாஜக மாநில பொறுப்பாளருமான பிரகாஷ் ஜாவடேகர் பேசியது: தகவல் தொழில்நுட்பத்திற்கு பெயர் பெற்ற பெங்களூரு தற்போது பாலியல் பலாத்காரத்துக்கும், குப்பைக்கும், சட்டம்- ஒழுங்கு சீர்குலைவுக்கும் பெயர் பெற்றுள்ளது. 
பெங்களூரில் பகலிலேயே பெண்கள், சிறுமிகள் மீது பாலியல் பலாத்காரம் நடைபெறுகிறது. மக்கள் பிரதிநிதிகளின் குழந்தைகள் குண்டர்கள், ரெளடிகள் போல் செயல்படுகின்றனர். இதனால் மக்கள் அச்சத்தில் ஆழ்ந்துள்ளனர். காங்கிரஸ் கட்சி, மக்களுக்கு பல்வேறு வாக்குறுதிகளை அளித்தது. ஆனால் இதுவரை அவர்கள் அளித்த வாக்குறுதிகள் எதுவும் நிறைவேற்றவில்லை. 
மத்திய அரசின் சிறந்த திட்டங்களையும் மாநில அரசு நிறைவேற்றத் தவறிவிட்டது. அனைத்து திட்டங்களிலும் ஊழல் நடைபெற்று வருகிறது. பெங்களூரில் செயல்படுத்தப்பட்ட வளர்ச்சிப் பணிகளில் காங்கிரஸ் அரசு ஊழல் செய்துள்ளது.
பெங்களூரில் மழையால் சாலையில் ஏற்பட்ட 24 ஆயிரம் குழிகளை மூட ரூ. 460 கோடி செலவு செய்ததாக மாநகராட்சி தெரிவித்துள்ளது. ஆனால், எந்த சாலைகளிலும் முழுவதுமாக குழிகளை மூடாததால் பொதுமக்கள் பாதிக்கப்பட்டுள்ளனர். இதனால் தொடர்ந்து விபத்துகள் ஏற்படுவது தொடர்கதையாகியுள்ளது.
ரூ. 1800 கோடியில் உருக்கு மேம்பாலம் அமைக்க அரசு முடிவு செய்யப்பட்டது. இதற்கு பொதுமக்கள் கடுமையாக எதிர்ப்புத் தெரிவித்ததால், அந்தத் திட்டம் கைவிடப்பட்டது. மாநகரில் சிமென்ட் சாலைகள் அமைக்க ரூ.  ஆயிரம் கோடி செலவு செய்யப்பட்டது. 
ஆனால், தரமற்ற அச்சாலைகள் போட ரூ. 100 கோடியே அதிகபட்சமாகும். ராஜ்கால்வாய்களை சீரமைக்காததால், மழை வெள்ளத்தில் 16 பேர் அடித்துச் செல்லப்பட்டனர். 
ரூ. 1600 கோடி மதிப்பில் இழப்பு ஏற்பட்டது. 300-க்கும் அதிகமான வீடுகள் இடிந்து விழுந்தன. சர்வதேச அளவில் சிறந்த நகரமாக பெங்களூரை மாற்ற பொலிவுறு நகர திட்டத்தை மத்திய அரசு அறிவித்தது. மாநில அரசு, மாநகராட்சியின் மோசமான செயல்பாட்டால் அது தோல்வி அடையும் நிலைமை ஏற்பட்டுள்ளது. குப்பை அள்ளுவதிலும் தோல்வி அடைந்துள்ளது. 
பெங்களூருவில் முதலீடு செய்வதற்கு முதலீட்டாளர்கள் தயக்கம் காட்டி வருகின்றனர்.இதற்கு மாநில அரசின் மோசமான செயல்பாடே காரணம் என்றார். பேட்டியின் போது, மத்திய அமைச்சர் அனந்த்குமார், எம்.எல்.ஏ.க்கள் ஆர்.அசோக், அஸ்வத்நாராயணா, சுரேஷ்குமார், நாராயணசாமி உள்ளிட்டோர் உடனிருந்தனர்.  

]]>
http://www.dinamani.com/all-editions/edition-bangalore/2018/mar/02/பெங்களூரு-வளர்ச்சித்-திட்டங்களில்-காங்கிரஸ்-ஊழல்-பாஜக-குற்றச்சாட்டு-2872987.html
2872982 அனைத்துப் பதிப்புகள் பெங்களூரு கர்நாடகத்தில் உலகின் மிகப்பெரிய சூரியஒளி மின் பூங்கா: முதல்வர்  தொடக்கிவைத்தார் DIN DIN Friday, March 2, 2018 08:56 AM +0530 கர்நாடகத்தில் 2 ஆயிரம் மெகா வாட் மின் உற்பத்தித் திறன் கொண்ட உலகின் மிகப் பெரிய சூரிய ஒளி மின் பூங்காவை முதல்வர் சித்தராமையா தொடக்கிவைத்தார்.
கர்நாடக மாநிலம், தும்கூரு மாவட்டம் பாவகடா வட்டத்தைச் சேர்ந்த திருமணி கிராமத்தில் 2 ஆயிரம் மெகா வாட் மின் உற்பத்தித் திறன் கொண்ட உலகின் மிகப்பெரிய சூரியஒளி மின் பூங்கா அமைக்கப்பட்டுள்ளது.  13 ஆயிரம் ஏக்கர் நிலப் பரப்பில் அமைந்துள்ள இப் பூங்கா ரூ.14,500 கோடி முதலீட்டில் கட்டமைக்கப்பட்டுள்ளது. 
2,300 விவசாயிகளிடம் இருந்து ஆண்டுக்கு ரூ.21 ஆயிரம் வீதம் 28 ஆண்டுகளுக்கு குத்தகை அடிப்படையில் பெறப்பட்டுள்ள விளைநிலத்தில் இப் பூங்கா உருவாக்கப்பட்டுள்ளது. இந்த குத்தகை தொகை 2 ஆண்டுக்கு ஒருமுறை 5 சதவீதம் உயர்த்தப்படும்.  இந்தத் திட்டத்தால் 4 ஆயிரம் வேலைவாய்ப்புகள் உருவாகும் என்று அரசு தெரிவித்துள்ளது.
கடும் வறட்சியால் பாதிக்கப்பட்டுள்ள இப் பகுதிக்கு இத் திட்டம் சிறந்த வாய்ப்பாக அமைந்துள்ளது. திருமணி கிராமத்தில் இருந்து 10 கி.மீட்டர் தொலைவில் அமைந்துள்ள வெங்கடம்மனஹள்ளி கிராமத்தில் 2004-ஆம் ஆண்டு அமைக்கப்பட்டிருந்த காவல் முகாம் மீது மாவோயிஸ்ட் தாக்குதல் நடத்தினர். 
இதில் கர்நாடக மாநில ஆயுதப் படையைச் சேர்ந்த 9 வீரர்கள் உள்பட 10 பேர் உயிரிழந்தனர்.  வறுமையால் வாடியிருந்த இக் கிராம மக்கள்,  நக்சலைட்டுகளின் ஆதிக்கத்தில் இருந்து வந்தனர்.  வறுமையைப் போக்கி விவசாயிகளின் வாழ்வில் ஒளியேற்றும் வகையில் இத் திட்டம் அமைந்துள்ளதாக அப் பகுதி மக்கள் தெரிவித்தனர். 
திருமணி கிராமத்தில் வியாழக்கிழமை நடைபெற்ற விழாவில் சூரிய ஒளி மின் உற்பத்திப் பூங்காவை முதல்வர் சித்தராமையா தொடக்கி வைத்தார்.  இந்த விழாவில்,  மின் துறை அமைச்சர் டி.கே.சிவக்குமார்,  சட்டத் துறை அமைச்சர் டி.பி.ஜெயசந்திரா உள்ளிட்ட ஏராளமானோர் கலந்து கொண்டனர். 
தற்போதைக்கு 600 மெகா வாட் மின்சாரம் மட்டுமே உற்பத்தி செய்யப்படுகிறது.  நிகழாண்டின் இறுதியில் 2 ஆயிரம் மெகா வாட் மின் உற்பத்தி சாத்தியமாகும் என்று மின் துறைஅமைச்சர் டி.கே.சிவக்குமார் தெரிவித்தார்.    
 

]]>
http://www.dinamani.com/all-editions/edition-bangalore/2018/mar/02/கர்நாடகத்தில்-உலகின்-மிகப்பெரிய-சூரியஒளி-மின்-பூங்கா-முதல்வர்-தொடக்கிவைத்தார்-2872982.html
2872981 அனைத்துப் பதிப்புகள் பெங்களூரு மக்கள் பிரச்னையைத் தீர்ப்பதில் பாஜக, காங்கிரஸ் தோல்வி DIN DIN Friday, March 2, 2018 08:56 AM +0530 மக்கள் பிரச்னைகளைத் தீர்ப்பதில் காங்கிரஸும், மத்தியில் பாஜக அரசும் தோல்வி அடைந்துள்ளதாக மஜத மாநிலத் தலைவர்  எச்.டி.குமாரசாமி குற்றஞ்சாட்டினார்.
கர்நாடக மாநிலம், ஹுப்பள்ளியில் வியாழக்கிழமை செய்தியாளர்களிடம் அவர் கூறியது: மாநில அளவில் மக்கள் பல்வேறு பிரச்னைகளை எதிர்கொண்டு வருகின்றனர். ஆனால் அதனை தீர்ப்பதைவிட்டுவிட்டு, காங்கிரஸ் கட்சியை, பாஜகவினரும், பாஜகவை காங்கிரஸ் கட்சியினரும் ஊழல் செய்வதாக குற்றம்சாட்டி வருகின்றனர். இதனால் மக்கள் வேதனை அடைந்துள்ளனர். 
மஜதவை ஆதரித்து ஆட்சியைப் பிடிக்க உதவினால் மக்கள் பிரச்னைகளைத் தீர்க்க முன்னுரிமை அளிக்கப்படும். எனவே, மஜதவுக்கு மாநிலத்தில் ஆட்சியைப் பிடிக்க மக்கள் ஆதரவு தெரிவிக்க வேண்டும். காங்கிரஸுக்கும், பாஜகவுக்கும் விவசாயிகள் நலனில் அக்கறை இல்லை. 
மின் உற்பத்தியில் மாநில அரசு சாதனை செய்துள்ளதாக முதல்வர் சித்தராமையா கூறி வருகிறார். மாநில அரசு ஏற்கெனவே அறிவித்தப்படி 2 ஆயிரம் மெகவாட் சூரிய ஒளி மின்சாரத்தை உற்பத்தி செய்ய முடியாமல் போனது ஏன்? என்பதை விளக்க வேண்டும். சட்டப்பேரவைத் தேர்தலி நெருங்கி வருவதால், வட கர்நாடகத்தின் மீது பற்றுள்ளது போல் 2 தேசிய கட்சிகளும் நாடகமாடுகின்றன. தேர்தலுக்கு பிறகு 2 கட்சிகளுமே மகதாயி உள்ளிட்ட பிரச்னைகளை மறந்து போவார்கள். எனவே வரும் தேர்தலில் மக்கள் தெளிவான முடிவை எடுக்க வேண்டும் என்றார்.
 

]]>
http://www.dinamani.com/all-editions/edition-bangalore/2018/mar/02/மக்கள்-பிரச்னையைத்-தீர்ப்பதில்-பாஜக-காங்கிரஸ்-தோல்வி-2872981.html
2872979 அனைத்துப் பதிப்புகள் பெங்களூரு "காங்கிரஸின் வெற்றிக்கு தீவிர களப் பணியாற்ற வேண்டுகோள்' DIN DIN Friday, March 2, 2018 08:56 AM +0530 வரும் சட்டப்பேரவைத் தேர்தலில் காங்கிரஸ் வெற்றி பெற பாடுபட வேண்டும் என்று அக்கட்சியின் மாநில பொதுச் செயலாளரும், தொழிலாளர் பிரிவுத் தலைவருமான எஸ்.எஸ்.பிரகாசம் தெரிவித்தார்.
பெங்களூரில் வியாழக்கிழமை நடைபெற்ற தனது பிறந்த நாள் நிகழ்ச்சியில் கலந்து கொண்டு அவர் பேசியது: காங்கிரஸ் கட்சியில் தமிழர்கள் போட்டியிட அதிக அளவில் போட்டியிட வாய்ப்பளிக்க வேண்டும். குறிப்பாக தமிழர்கள் அதிகம் வசிக்கும் பகுதியில் தமிழர்களுக்கு காங்கிரஸ் கட்சி வாய்ப்பு அளிக்கும் என நம்புகிறேன். பெங்களூரு ராஜாஜிநகர், கோலார் தங்கவயல் உள்ளிட்ட தொகுதிகளில் தமிழர்கள் வெற்றி பெற வாய்ப்புள்ளது. எனவே, தகுதியான தமிழர்களுக்கு அங்கு வாய்ப்பளிக்க வேண்டும். 
கர்நாடகத்தில் சிறந்த ஆட்சியை சித்தராமையா வழங்கியுள்ளார். அன்னபாக்யா, இந்திரா உணவகம் உள்ளிட்ட திட்டங்களால் மக்கள் அதிக அளவில் பயனடைந்துள்ளனர். கடந்த 5 ஆண்டுகளில் மாநிலத்தில் பல்வேறு நலத் திட்டங்களை காங்கிரஸ் அரசு செயல்படுத்தியுள்ளது. இதனால் மக்கள் மீண்டும் காங்கிரஸ் ஆட்சியை கொண்டு வர முடிவு செய்துள்ளனர். வரும் சட்டப்பேரவைத் தேர்தலில் வேட்பாளர் யார் என்று பார்க்காமல் காங்கிரஸ் கட்சி வெற்றி பெற்று ஆட்சியை அமைக்க வேண்டும் என்ற முடிவில் பணியாற்ற வேண்டும். கட்சி மேலிடம் யாருக்கு வேண்டுமானாலும் வாய்ப்பு அளிக்கட்டும். வாய்ப்பு கிடைத்தவர்கள் வெற்றி பெற அனைவரும் ஒற்றுமையாகப் பாடுபட வேண்டும் என்றார். நிகழ்ச்சியில் பெங்களூரு மாவட்ட தொழிலாளர் பிரிவு தலைவர் பைப்பனஹள்ளி ரமேஷ், மகளிர் அணி நிர்வாகி கற்பகம், ஜோசப் உள்ளிட்டோர் கலந்து கொண்டனர். முன்னதாக நிகழ்ச்சியில் கலந்து கொண்ட பெண்கள், குழந்தைகளுக்கு நலத் திட்ட உதவிகள் வழங்கப்பட்டது. 

]]>
http://www.dinamani.com/all-editions/edition-bangalore/2018/mar/02/காங்கிரஸின்-வெற்றிக்கு-தீவிர-களப்-பணியாற்ற-வேண்டுகோள்-2872979.html
2872977 அனைத்துப் பதிப்புகள் பெங்களூரு பெங்களூரில் 2 பெண்கள் கொலை DIN DIN Friday, March 2, 2018 08:55 AM +0530 பெங்களூரில் இரு இடங்களில் திருட்டு மற்றும் தகராறில் 2 பெண்கள் கொலை செய்யப்பட்டனர்.
பேட்டரானபுரா கஸ்தூரிபாநகர் நகரில் வசித்து வருபவர் சிவராம். இவரது மனைவி கவிதா (26). தனியார் நிறுவனத்தில் பணியாற்றி வந்த சிவராம், வியாழக்கிழமை காலை 9 மணியளவில் பணிக்குச் சென்ற பின்னர் கவிதா வீட்டில் தனியாக இருந்துள்ளார். அப்போது, வீட்டிற்குள் நுழைந்த யாரோ கவிதாவின் கழுத்தை அறுத்துக் கொலை செய்துவிட்டு, பீரோவிலிருந்த தங்கநகை, ரொக்கப் பணத்தை திருடிச் சென்றனர். தகவல் அறிந்த போலீஸார் கவிதாவின் சடலத்தை மீட்டு பிரேத பரிசோதனைக்கு அனுமதித்தனர். இதுகுறித்து பேட்டராயனபுரா போலீஸார் விசாரிக்கின்றனர்.
மற்றொரு சம்பவம்: சுத்தகுன்டேபாளையா தாவரகெரே பிரதானசாலை பிடிஎம் லேஅவுட் முதலாவது ஸ்டேஜைச் சேர்ந்தவர் கமலம்மா (55). வாடகை வீட்டில் வசித்து வந்த இவருக்கும், வீட்டின் உரிமையாளர் ஜெகதீஷிக்கும் இடையே வீடு காலி செய்வதில் தகராறு இருந்ததாகக் கூறப்படுகிறது. புதன்கிழமை இரவு 9.30 மணியளவில் கமலம்மாவின் வீட்டிற்கு நண்பருடன் வந்த ஜெகதீஷ், வீடு காலி செய்வது தொடர்பாக கமலம்மாவுடன் தகராறில் ஈடுபட்டுள்ளார். அப்போது, கமலம்மாவின் கழுத்தில் கத்தியால் குத்திவிட்டு தப்பினார். இதில் பலத்த காயமடைந்த கமலம்மா மருத்துவமனையில் உயிரிழந்தார். இதுகுறித்து சுத்தகுன்டேபாளையா போலீஸார் விசாரணை மேற்கொண்டுள்ளனர்.

]]>
http://www.dinamani.com/all-editions/edition-bangalore/2018/mar/02/பெங்களூரில்-2-பெண்கள்-கொலை-2872977.html
2872976 அனைத்துப் பதிப்புகள் பெங்களூரு கர்நாடக சட்டப்பேரவைத் தேர்தல் எப்போது? மாநில தலைமை தேர்தல் அதிகாரி விளக்கம் DIN DIN Friday, March 2, 2018 08:55 AM +0530 கர்நாடக சட்டப்பேரவைத் தேர்தல் குறித்து இந்திய தேர்தல் ஆணையம் இன்னும் முடிவு செய்யவில்லை;  தற்போது மாநிலத்தில் நடைபெறும் பணிகள் அனைத்தும் தேர்தல் முன்னேற்பாடுகள் மட்டுமே என்றார் மாநில தலைமை தேர்தல் அதிகாரி சஞ்சீவ்குமார்.
இதுகுறித்து பெங்களூரில் புதன்கிழமை செய்தியாளர்களிடம் அவர் கூறியது: கர்நாடகத்தில் சட்டப்பேரவைத் தேர்தல் நடத்துவதற்கான தேதி குறித்து இன்னும் முடிவெடுக்கவில்லை. இதுதொடர்பாக இந்திய தேர்தல் ஆணையத்திடம் இருந்து எந்த தகவலும் இதுவரை வரவில்லை. 
இதேபோல,தேர்தல் நடத்துவதற்கான தேதிகளையும் இந்திய தேர்தல் ஆணையத்துக்கு நாங்கள் பரிந்துரைக்கவில்லை. தேர்தல் தேதி குறித்து முடிவெடுக்கும் அதிகாரம் எங்களுக்கு இல்லை. தேர்தல் தேதி அறிவித்ததும், அதை நடத்துவதற்கான முன்னேற்பாடுகளில் ஈடுபடும் பொறுப்பு மட்டுமே எங்களுக்கு அளிக்கப்பட்டுள்ளது. 
தேர்தல் நடத்துவது குறித்து அதிகாரிகளுக்கு பயிற்சி அளிக்கப்பட்டுள்ளது. அடுத்தகட்டமாக மாவட்ட அளவில் அதிகாரிகளுக்கு தேர்தல் பயிற்சி தரப்படும். வாக்காளர் பட்டியலில் புதிதாக பெயர்சேர்ப்பது, நீக்குவது, திருத்துவது உள்ளிட்டவற்றுக்கு பிப்.28 கடைசி தேதியாக அறிவிக்கப்பட்டிருந்தது. அதன்படி, இப்பணி நிறைவடைகிறது. 
கர்நாடகத்தில் புதிதாக 15,56,141 வாக்காளர்களின் பெயர்கள் சேர்க்கப்பட்டுள்ளன. அதேபோல, 9,17,368 வாக்காளர்களின் பெயர்கள் வாக்காளர் பட்டியலில் இருந்து நீக்கப்பட்டுள்ளன. கர்நாடகத்தில் வாக்காளர்களின் எண்ணிக்கை 4,96,56,059 ஆக உள்ளது. 
வாக்காளர் பட்டியலை திருத்தும் பணி தொடர்ந்து நடைபெற்று வருகிறது. எனவே, வாக்காளர் பட்டியலில் பெயர் சேர்க்க விரும்புவோர் விண்ணப்பங்களை அளிக்கலாம். புதிதாக வாக்காளர்களை குறிவைத்து செயல்படுத்தப்பட்ட முறையான வாக்காளர் கல்வி மற்றும் வாக்காளர் பங்களிப்பு வெற்றிகரமாக செயல்படுத்தப்பட்டுள்ளது.
வரும் சட்டப்பேரவைத் தேர்தலில் வாக்காளர் காகித தணிக்கை தடத்துடன் (யர்ற்ங்ழ் யங்ழ்ண்ச்ண்ஹக்ஷப்ங் டஹல்ங்ழ் அன்க்ண்ற் பழ்ஹண்ப்-யயடஅப)
கூடிய மின்னணு வாக்கு இயந்திரங்கள் பயன்படுத்தப்படவிருக்கின்றன. கோவா, குஜராத், ஹிமாசல்பிரதேசம், திரிபுரா, மேகாலயா, நாகாலாந்து மாநிலங்களை தொடர்ந்து, 7-ஆவது மாநிலமாக கர்நாடகம் இந்த புதிய தொழில்நுட்பத்தை பயன்படுத்தவிருக்கிறது. 
56,694 வாக்குச்சாவடிகளில் வைப்பதற்காக 73,850 வாக்காளர் காகித தணிக்கை தடம் வந்துள்ளது. தேர்தல்நடைமுறைகளை வெளிப்படையானதாக மாற்றவே இம்முயற்சி எடுக்கப்பட்டுள்ளது. பெங்களூரில் முதல்முறையாக அதிநவீன எம்3 என்ற மின்னணு வாக்கு இயந்திரம் பயன்படுத்தப்படவிருக்கிறது. 
வாக்காளர் காகித தணிக்கை தடம் பயன்படுத்தப்படுவதால் தேர்தல் பணியில் ஈடுபடுவோரின் எண்ணிக்கை 25 சதவீதம் அதிகரிக்கும். அதன்படி இம்முறை 3.25 லட்சம் ஊழியர்கள் தேர்தல் பணியில் ஈடுபடுவார்கள்.
நாம் பயன்படுத்தும் மின்னணு வாக்கு இயந்திரங்கள் தரமானதாக இருப்பதால், இது குறித்து யாரும் சந்தேகப்பட வேண்டாம். இந்த இயந்திரங்களில்பயன்படுத்தப்படும் சிப்களை மறுபடியும் பயன்படுத்த இயலாது, முறைகேட்டில் ஈடுபடவும் முடியாது என்றார்.
 

]]>
http://www.dinamani.com/all-editions/edition-bangalore/2018/mar/02/கர்நாடக-சட்டப்பேரவைத்-தேர்தல்-எப்போது-மாநில-தலைமை-தேர்தல்-அதிகாரி-விளக்கம்-2872976.html
2872974 அனைத்துப் பதிப்புகள் பெங்களூரு பெங்களூரில் குற்றங்களைத் தடுக்க பொதுமக்கள் ஒத்துழைக்க வேண்டும் DIN DIN Friday, March 2, 2018 08:55 AM +0530 பெங்களூரில் குற்றங்களைத் தடுக்க பொதுமக்கள் ஒத்துழைக்க வேண்டும் என்று ஓய்வு பெற்ற காவல் துறை அதிகாரி பி.என்.எஸ்.ரெட்டி தெரிவித்தார்.
பெங்களூரில் வியாழக்கிழமை குற்றங்களுக்கு எதிராக போராட வேண்டும் என்ற நோக்கில் அச்சமில்லா பெங்களூரு என்ற விழிப்புணர்வு பிரசாரத்தை தொடக்கிவைத்து அவர் பேசியது: பெங்களூரில் அண்மையில் எம்.எல்.ஏ.வின் மகன் தாக்கியதில் காயமடைந்த இளைஞர் மருத்துவமனையில் சிகிச்சைக்காக அனுமதிக்கப்பட்டுள்ளார். 
இதுபோன்ற சம்பவங்களால் பொதுமக்கள் வீட்டை விட்டு வெளியே வருவதற்கு அச்சம் கொண்டுள்ளனர். இதனால், தகவல் தொழில்நுட்ப தலைநகரமாக விளங்கும் பெங்களூரு வெட்கி தலைகுனியும் நிலைமை ஏற்பட்டுள்ளது. எனவே, குற்றங்களுக்கு எதிராக போராடவும், அச்சமில்லாத பெங்களூருவை உருவாக்கவும் அனைவரும் ஒத்துழைக்க வேண்டும்.
குற்றங்களுக்கு எதிராக போராட ஆர்வமுள்ளவர்கள் 9019551122 எண்ணில் தொடர்பு கொண்டு பதிவு செய்து கொள்ளலாம் என்றார். 

]]>
http://www.dinamani.com/all-editions/edition-bangalore/2018/mar/02/பெங்களூரில்-குற்றங்களைத்-தடுக்க-பொதுமக்கள்-ஒத்துழைக்க-வேண்டும்-2872974.html
2872972 அனைத்துப் பதிப்புகள் பெங்களூரு பெங்களூரில் மார்ச் 10-இல் வேலைவாய்ப்பு முகாம் DIN DIN Friday, March 2, 2018 08:55 AM +0530 பெங்களூரில் மார்ச் 10-ஆம் தேதி வேலைவாய்ப்பு முகாம் நடத்தப்படுகிறது. 
பெங்களூரு நகர மாவட்ட வேலைவாய்ப்பு அலுவலகம் மற்றும் தனியார் நிறுவனங்கள் கூட்டாக பெங்களூரு, கொடிகேஹள்ளி முதன்மைசாலை, சஹகார்நகரில் உள்ள தேவ்-இன் கல்லூரி வளாகத்தில் மார்ச் 10-ஆம் தேதி காலை 9 மணி முதல் மாலை 5 மணிவரை வேலை வாய்ப்பு முகாம் நடத்தப்படுகிறது. 
இந்த முகாமில் தகவல்தொழில்நுட்பம், தகவல்தொழில்நுட்பம்சாரா, நிதி, ஆட்டோமொபைல், உற்பத்தி, விருந்தோம்பல், மெக்கானிக்கல் துறைகளை சார்ந்த 100-க்கும் மேற்பட்ட நிறுவனங்கள் கலந்துகொள்கின்றன. இதில் ஆண்கள், பெண்கள் கலந்துகொள்ளலாம். வேலைவாய்புமுகாமில் எழுத்தறிவில்லாதவர்கள், பாதியில் பள்ளி படிப்பை இழந்தவர்கள், எஸ்எஸ்எல்சி, பியூசி, ஐடிஐ, பட்டயம் படித்தோர், இளநிலை, முதுநிலை பட்டதாரிகளும் வேலைவாய்ப்புகள் முகாமில் கலந்து கொள்ளலாம். 
18-30 வயதுக்குள்பட்ட புதியவர்கள் முதல் ஓராண்டு வேலை அனுபவம் கொண்டவர்கள் பங்கேற்கலாம். வேலைதேடி வருவோர் தன்விவரக்குறிப்பு 6 படிகள், கடவுச்சீட்டு அளவு புகைப்படம் 6 படிகள், அசல் மற்றும் நகல் கல்வி சான்றிதழ்கள், ஆதார் அட்டை, பான் அட்டை, ஓட்டுநர் உரிமம், வாக்காளர் அடையாள அட்டை, கடவுச்சீட்டு போன்ற அடையாள அட்டைகளின் நகல்களை கொண்டுவர வேண்டும். மேலும் விவரங்களுக்கு 080-22289668, 22261184, 22374582, 22268846, 22259351 ஆகிய தொலைபேசி எண்களில் தொடர்பு கொள்ளலாம் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/mar/02/பெங்களூரில்-மார்ச்-10-இல்-வேலைவாய்ப்பு-முகாம்-2872972.html
2872970 அனைத்துப் பதிப்புகள் பெங்களூரு மதவாதத்திலிருந்தும் கர்நாடகத்தை விடுவிக்க வேண்டும்: சித்தராமையா DIN DIN Friday, March 2, 2018 08:54 AM +0530 பட்டினியில் இருந்து மட்டுமல்ல, மதவாதத்திலிருந்தும் கர்நாடகத்தை விடுவிக்க வேண்டும் என்று முதல்வர் சித்தராமையா தெரிவித்தார்.
இதுகுறித்து பெங்களூரில் புதன்கிழமை நடைபெற்ற "மக்கள் வாக்கு' என்ற கலந்துரையாடல் நிகழ்ச்சியில் பங்கேற்று அவர் பேசியது: 
கர்நாடகத்தை பட்டினியில்லா, குடிசையில்லா, வறட்சியில்லா மாநிலமாக்க வேண்டும் என்பதே என் இலட்சியம். 
கர்நாடகம் மதவாதத்தில் இருந்தும் விடுவிக்கப்பட வேண்டும். கடந்த ஐந்தாண்டுகால ஆட்சியில் அனைவருக்கும் உணவு கிடைக்க வேண்டும் என்பதற்காக அன்னபாக்கியா திட்டம் அமல்படுத்தப்பட்டது. 
இதேபோல வீடில்லா ஏழைகளுக்கு அடுக்குமாடி வீடுகள் கட்டித்தரப்பட்டுள்ளன. வேளாண் உற்பத்தித்
திறனை மேம்படுத்துவதற்கு நீர்ப்பாசனத்திற்கு முக்கியத்துவம் அளிக்கப்பட்டுள்ளது. வளர்ச்சியை நோக்கி கர்நாடகம் நகர்ந்து வந்தாலும், மதவாதம் போன்றவை அதை சீரழிக்க வழிவகுக்கும்.
எனவே, கர்நாடகத்தில் மதவாதத்தை ஒழிக்க அனைத்து கட்சிகளின் ஒத்துழைப்பு தேவை. ஒருசில கட்சிகள் தேர்தல் லாபத்தை மனதில் கொண்டு மத உணர்வுகளை தூண்டிவிட்டு குளிர்காய நினைப்பதால், அது சாத்தியமில்லாமல் போனது. எது எப்படி இருந்தாலும், தொழில்மற்றும் சேவைத்துறையின் மேம்பாட்டில் அரசு தீவிர கவனம் செலுத்தியுள்ளது.
மாநிலத்தில் உள்ள அனைத்து ஏரிகளையும் பாதுகாக்க, பராமரிக்க, அவை அனைத்தையும் ஒரே குடையின்கீழ் கொண்டுவருவதற்காக தனி ஆணையம் உருவாக்க முற்பட்டுள்ளோம். பெங்களூரில் உள்ள ஏரிகள் பெங்களூரு மாநகராட்சி, பெங்களூரு வளர்ச்சி ஆணையம், வனத் துறையின் கட்டுப்பாட்டில் உள்ளன. 
இதனால் ஏரிகளைப் பராமரிப்பது, பாதுகாப்பது மிகவும் கடினமாக உள்ளது.எனவே, ஏரிகள் அனைத்தையும் ஒரே நிர்வாகத்தின்கீழ் கொண்டுவர முடிவுசெய்துள்ளோம். இதை சாத்தியமாக்கினால், கழிவுநீர்க் கால்வாய்கள் அமைப்பதில் காணப்படும் தடைகள் நீக்கப்படும்.
மாநில அரசின் அங்கீகாரத்தை பெற்றுள்ள அனைத்து பள்ளிகளும் மாநில அரசின் பாடத்திட்டத்தை பின்பற்றும். தேசிய கல்வி ஆராய்ச்சி மற்றும் பயிற்சி பேரவையின் ஒரே தேசம், ஒரேபாடத்திட்டம் என்ற கொள்கையை நாங்கள் ஏற்கவில்லை. சட்டப்பேரவைத் தேர்தலில் காங்கிரஸ் பெரும்பான்மை பலத்துடன் ஆட்சியைக் கைப்பற்றும் என்றார்.

]]>
http://www.dinamani.com/all-editions/edition-bangalore/2018/mar/02/மதவாதத்திலிருந்தும்-கர்நாடகத்தை-விடுவிக்க-வேண்டும்-சித்தராமையா-2872970.html
2872104 அனைத்துப் பதிப்புகள் பெங்களூரு மத்திய அரசு கமிஷன் வாங்குவதில் மூழ்கியுள்ளது DIN DIN Thursday, March 1, 2018 02:36 AM +0530 பிரதமர் நரேந்திர மோடி தலைமையிலான மத்திய அரசு 90 சதவீத கமிஷன் வாங்குவதில் மூழ்கியுள்ளது என முதல்வர் சித்தராமையா தெரிவித்தார்.
கர்நாடக மாநிலம், கொப்பள் பசபுரா விமான நிலையத்தில் புதன்கிழமை அவர் செய்தியாளர்களிடம் கூறியது: பாஜகவில் பிரதமர் நரேந்திர மோடியின் பேச்சை யாரும் கேட்பதில்லை. மக்களுக்கும் அவரது பேச்சை கேட்பதில் ஆர்வமில்லை. என்றாலும், அவர் காங்கிரஸ் கட்சியின் மீதும், ஆட்சியின் மீது தொடர்ந்து குற்றம்சாட்டி வருகிறார். அவரது குற்றச்சாட்டில் உண்மையில்லை. மோடியின் ஆட்சியில் லலித்மோடி, நீரவ்மோடி, விஜய் மல்லய்யா ஆகியோர் தவறு செய்துவிட்டு, நாட்டைவிட்டே ஓடிப்போய் உள்ளனர். எங்கள் ஆட்சியில் ஊழல் நடைபெற்றுள்ளதாக கூறும் பிரதமர் மோடியிடம், அதற்கான ஆவணங்கள் உள்ளனவா என்பதனை தெரிவிக்க வேண்டும்.
மாநிலத்துக்கு 3 முறை வந்துள்ள பிரதமர் மோடி, விவசாயிகளுக்கு ஆதரவாக எதுவும் பேசவில்லை. மாநில அரசை தரக்குறைவாக விமர்சனம் செய்வது பிரதமர் பதவிக்கு அழகல்ல என்றார்.
மேலும், மாநில அரசிடம் பாஜக கட்சியின் தேசியத் தலைவர் அமித்ஷா கணக்கு கேட்கிறார். அவரிடம் கணக்கு காண்பிக்க வேண்டிய அவசியம் மாநில அரசுக்கு இல்லை. எங்களை கணக்கு கேட்கும் உரிமை மக்களுக்கு மட்டுமே உள்ளது. அவர்களிடம் நாங்கள் செலவு செய்த கணக்கை தெரிவிப்போம் என்றார் அவர்.
 

]]>
http://www.dinamani.com/all-editions/edition-bangalore/2018/mar/01/மத்திய-அரசு-கமிஷன்-வாங்குவதில்-மூழ்கியுள்ளது-2872104.html
2872103 அனைத்துப் பதிப்புகள் பெங்களூரு "மகதாயி நதிநீர் விவகாரத்தில் பிரதமர் மோடி, ராகுல் கருத்துக் கூறாதது ஏன்?' DIN DIN Thursday, March 1, 2018 02:35 AM +0530 மகதாயி நதிநீர் விவகாரத்தில் பிரதமர் மோடி, ராகுல் காந்தி கருத்துக் கூறாதது ஏன்? என மஜத தேசிய செயல் தலைவர் பிஜிஆர் சிந்தியா கேள்வி எழுப்பினார்.
பெங்களூரு விதானசெளதாவில் உள்ள மஜத கட்சி அலுவலகத்தில் அவர் செய்தியாளர்களிடம் புதன்கிழமை கூறியது:  அண்மைக் காலமாக கர்நாடகத்துக்கு வருகை புரிந்து வரும் பிரதமர் நரேந்திர மோடி,  காங்கிரஸ் தலைவர் ராகுல் காந்தி ஆகியோர் கர்நாடகத்தின் பிரச்னைகளைப் பேசாமல்,  காங்கிரஸார் கமிஷன் வாங்குகின்றனர் என்று பிரதமர் மோடியும், அவருக்கு பதில் அளிக்கும் வகையில் ராகுல் காந்தியும் பேசி வருகின்றனர்.
மக்கள் சந்தித்து வரும் பிரச்னைகளைப் பேசாமல்,  வாக்கு வங்கிகளைக் குறிவைத்து 2 கட்சியினரும் பேசி வருவது வேதனை அளிக்கிறது.  வட கர்நாடக மக்களின் நீண்ட நாள் பிரச்னையான மகதாயி ஆற்று நீர்ப் பங்கீடு குறித்து அவர்கள் 2 பேரும் வாய் திறக்காதது ஏன்?  விவசாயிகளின் பிரச்னையைத் தீர்க்க முன் வராதது ஏன்? மகதாயி விவகாரத்தில் பிரதமர் மோடி தலையிட்டு,  பிரச்னையைத் தீர்த்து வைக்க வேண்டும் என்றார்.
மேலும்,  காவிரி விவகாரத்தில் உச்ச நீதிமன்றத்தின் தீர்ப்பால்,  மாநிலத்துக்கு சங்கடம் ஏற்படலாம் எனக் கூறப்படுகிறது.  இதுகுறித்து முன்னாள் பிரதமர் தேவெ கெளடா சூசகமாக தெரிவித்துள்ளார்.  எனவே,  முதல்வர் சித்தராமையா அனைத்துக் கட்சித் தலைவர்கள் கூட்டத்தைக் கூட்டி,  ஆலோசனை நடத்தி உரிய நடவடிக்கை மேற்கொள்ள வேண்டும். 
நடைபெற உள்ள சட்டப்பேரவைத் தேர்தலில் எந்தக் கட்சியுடன் கூட்டணி அமைப்பது என்பது குறித்து ஆரம்பக்கட்ட பேச்சு வார்த்தை நடைபெற்று வருகிறது என்றார் அவர்.
பேட்டியின் போது,  சட்டமேலவை உறுப்பினர் ரமேஷ்பாபு உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-bangalore/2018/mar/01/மகதாயி-நதிநீர்-விவகாரத்தில்-பிரதமர்-மோடி-ராகுல்-கருத்துக்-கூறாதது-ஏன்-2872103.html
2872105 அனைத்துப் பதிப்புகள் பெங்களூரு பூங்காக்களில் மழைநீர் சேகரிப்புக் குழிகள் அமைக்க திட்டம் DIN DIN Thursday, March 1, 2018 02:33 AM +0530 பூங்காக்களில் மழைநீர் சேகரிப்புக் குழிகள் அமைக்க திட்டமிட்டுள்ளதாக 2018-19-ஆம் ஆண்டுக்கான பெங்களூரு மாநகராட்சி வரவு-செலவு திட்டத்தில் அறிவிக்கப்பட்டுள்ளது.
அதன் விவரம்: பெங்களூரு மாநகரில் நிலத்தடி நீர்மட்டம் சரிந்த வண்ணம் உள்ளதால், இதைத் தடுக்க மழைநீர் சேமிப்புத் திட்டத்தை செயல்படுத்த திட்டமிடப்பட்டுள்ளது. மாநகராட்சி கட்டும் அனைத்து வகையான மழைநீர் கால்வாய் திட்டங்களிலும் மழைநீர் சேகரிப்புக் குழிகளை கட்டுவதற்கு அதன் மொத்த செலவில் 10 சதவீத நிதி ஒதுக்கப்படும். மாநகராட்சியின் அனைத்து பூங்காக்களிலும் ரூ.5 கோடியில் மழைநீர் சேமிப்புக் குழிகள் அமைக்கப்படும். மாநகராட்சியின் அனைத்துக் கட்டடங்கள், பள்ளி, கல்லூரிகள், காலியிடங்களில் மழைநீர் சேமிப்புக் கட்டமைப்பை நிறுவ ரூ.5 கோடி ஒதுக்கப்படும். மாநகராட்சி நாற்றுப் பண்ணையில் ரூ.2 கோடியில் மழைநீர் சேமிப்புக் குழிகள் நிறுவப்படும். 
சுற்றுச்சுழல்: மாநகரில் பெருகி வரும் சுற்றுச்சூழல் மாசில் இருந்து காப்பாற்ற தீவிர நடவடிக்கைகள் எடுக்கப்பட்டுள்ளன. மரவளையங்களுடன் 200 மரங்களை நடுவதற்கு ரூ.1 கோடி ஒதுக்கப்படுகிறது. 
மாநகராட்சி பள்ளி, கல்லூரிகளின் வெற்றிடங்கள், திறந்தவெளிகள், வார்டுகளில் உள்ள வெற்றிடங்களில் மரக்கன்றுகள் நடப்படும். மாநகராட்சியின் 5 நாற்றுப் பண்ணைகளில் 2 லட்சம் மரக்கன்றுகள் வளர்த்து, பராமரிக்கப்படும். மழைக் காலங்களில் நாற்றுப் பண்ணைகளில் உள்ள 8-10 அடி உயரமுள்ள மரக்கன்றுகள் நடப்படும். 
மாநகரின் பசுமைப் படலத்தை மேம்படுத்த மேலும் ஒரு நாற்றுப் பண்ணை அமைக்கப்படும். மாநகரின் சுற்றுச்சூழலைப் பாதுகாக்க ரூ.45.26 கோடி ஒதுக்கப்படும்.
ஏரிகள்: ஏரிப் படுகைகளில் உள்ள ஆக்கிரமிப்புகளை அகற்ற நடவடிக்கை எடுக்கப்படும். உயிர்ப்போடு இருக்கும் ஏரிகள் புனரமைக்கப்பட்டு, பாதுகாக்கப்படும். 
ஏரிகள் பராமரிப்புக்கு ரூ.10 கோடி ஒதுக்கப்படும். 40 ஏரிகளை மேம்படுத்த ரூ.20 கோடி ஒதுக்கப்படுகிறது.
 

]]>
http://www.dinamani.com/all-editions/edition-bangalore/2018/mar/01/பூங்காக்களில்-மழைநீர்-சேகரிப்புக்-குழிகள்-அமைக்க-திட்டம்-2872105.html
2872077 அனைத்துப் பதிப்புகள் பெங்களூரு இரண்டாமாண்டு பியூசி பொதுத் தேர்வு இன்று தொடக்கம்: 6.90 லட்சம் மாணவர்கள் எழுதுகின்றனர் DIN DIN Thursday, March 1, 2018 01:45 AM +0530 இரண்டாமாண்டு பியூசி பொதுத் தேர்வு வியாழக்கிழமை (மார்ச் 1) தொடங்குகிறது. இதில் 6.90 லட்சம் மாணவர்கள்தேர்வெழுதுகின்றனர்.
இதுகுறித்து பெங்களூரில் புதன்கிழமை பியூ கல்வித் துறை இயக்குநர் சி.சீக்கா கூறியது: இரண்டாமாண்டு பியூசி தேர்வு மார்ச் 1 முதல் 17-ஆம் தேதி வரை தினமும் காலை 10.15 முதல் நண்பகல் 1.30 மணி வரை நடைபெறுகிறது.
மாநிலத்தில் மொத்தம் 4,526 பியூ கல்லூரிகள் உள்ளன. இக் கல்லூரிகளை சேர்ந்த 6,90,150 மாணவர்கள் பொதுத்தேர்வு எழுதுகிறார்கள். புதிய தேர்வாளர்கள் 5,39,430, மறுதேர்வர்கள் 1,22,346, தனித்தேர்வர்கள் 28,374 உள்ளனர்.
மாநிலம் முழுவதும் 1,004 தேர்வு மையங்களில் தேர்வு நடத்தப்படும். தேர்வு மையங்களில் இருந்து 200 மீ. சுற்றுவட்டத்துக்கு தடை உத்தரவு பிறப்பிக்கப்பட்டுள்ளது. ஒரு தேர்வு மையத்தில் 500 முதல் 1,000 மாணவர்கள் அமரும் வகையில் இருக்கை வசதிகள் செய்யப்பட்டுள்ளன.
தேர்வு முறைகேடுகளை தடுப்பதற்காக முதல்முறையாக அனைத்து தேர்வு மையங்களிலும் சிசிடிவி கேமராக்கள் பொருத்தப்பட்டுள்ளன. 
தேர்வுப் பணிகளில் 7 ஆயிரத்துக்கும் அதிகமான ஊழியர்கள் ஈடுபடுத்தப்படுவார்கள்.
மாவட்ட அளவில் அமைதியான முறையில் தேர்வு நடத்துவதற்காக பல்வேறு துறைகளை சேர்ந்த 286 அதிகாரிகள் குழு அமைக்கப்பட்டுள்ளது. பதற்றமான பகுதிகளில் இரவுநேர ரோந்துப் பணிக்கும் ஏற்பாடு செய்யப்பட்டுள்ளது.
தேர்வுமைய அனுமதி சீட்டில் தவறு மற்றும் கல்விக் கட்டணம் கட்டாததால் தேர்வு எழுதாமல் தடுக்கும் சூழ்நிலை ஏற்படாமல் இருக்க, கல்லூரி முதல்வர்கள் அளவிலேயே பிரச்னைக்கு தீர்வுகாண வழிகாட்டுதல் வழங்கப்பட்டுள்ளது. 
வினாத்தாள் வெளியாவதாக செய்தி பரவினால் அவற்றுக்கு மாணவர்கள் செவிசாய்க்கக் கூடாது. மாணவர்கள் சொந்த முயற்சியில் படித்து தேர்வு எழுத வேண்டும். தேர்வில் மாணவர்கள் காப்பி அடித்தால் தேர்வு எழுத 3 ஆண்டுகள் தடை விதிக்கப்படும். முறைகேடுகளுக்கு ஊக்கம் அளிக்கும் கல்லூரிகளின் உரிமம் 3 ஆண்டுகளுக்கு ரத்துசெய்யப்படும். வினாத்தாள் கசியவிட்டால் அல்லது அது சம்பந்தமான குற்றங்களில் ஈடுபட்டால் 5 ஆண்டுகள் சிறை தண்டனை மற்றும் ரூ.5 லட்சம் அபராதம் கட்ட நேரிடும். மாணவர்கள் மற்றும் பெற்றோர்களுக்கு தேர்வு தொடர்பான, தேர்வு பயம் உள்ளிட்ட சந்தேகங்களுக்கு விளக்கம் பெறுவதற்காக தொலைபேசி உதவிமையம் தொடங்கப்படுகிறது. 080 - 23083900 என்ற தொலைபேசி எண்ணுக்கு தினமும் காலை 9 மணி முதல் இரவு 9 மணிவரை அழைத்து மாணவர்கள் விளக்கம் பெறலாம்.
மின்னணு கருவிகளுக்கு தடை
தேர்வு மையங்களில் மாணவர்கள், தேர்வுக் கண்காணிப்பாளர்கள், பணியாளர்கள் உள்ளிட்ட யாரும் செல்லிடப்பேசி உள்ளிட்ட மின்னணு கருவிகள் கொண்டுசெல்ல தடை விதிக்கப்பட்டுள்ளது. அறிவியல் கால்குலேட்டர் கருவிக்கு பதிலாக சாதாரண கால்குலேட்டர் அனுமதிக்கப்படும். தேர்வு நேரத்துக்கு 45 நிமிடங்களுக்கு முன்பாக மாணவர்கள் தேர்வு மையங்களுக்கு வந்தடைய வேண்டும். காகிதங்கள் உள்ளிட்ட எதையும் தேர்வு மையத்துக்குள் எடுத்துச் செல்லக் கூடாது. மேலும், வினாத்தாள்களை கொண்டுசெல்லும் வாகனங்களில் ஜிபிஎஸ் கருவி பொருத்தப்பட்டுள்ளது. வினாத்தாள்கள் வைக்கப்பட்டிருக்கும் கருவூலகங்களிலும் சிசிடிவி கேமராக்கள் பொருத்தப்பட்டுள்ளன. தேர்வு நாளன்று தேர்வு மையங்களை அடைவதற்காக மாணவர்கள் பேருந்தில் பயணித்தால், கட்டணம் செலுத்துவதில் இருந்து விலக்களிக்கப்படுகிறது.

தேர்வு அட்டவணை
தேர்வு நடத்தப்படும் தேதியும், பாடமும் வருமாறு:
மார்ச் 1 (வியாழன்)-பொருளாதாரம், இயற்பியல், மார்ச் 2 (வெள்ளி)-தேசிய திறன்கள் தகுதி கட்டமைப்புத் தேர்வு-தகவல் மற்றும் தொழில்நுட்பம், சில்லறை, தானியங்கி, சுகாதாரம், அழகு மற்றும் உடல்நலம், மார்ச் 3 (சனி)-மனநலவியல், மின்னணுவியல், கணினி அறிவியல், மார்ச் 4 (ஞாயிறு)-விடுமுறை, மார்ச் 5 (திங்கள்)-வணிக ஆய்வியல், உயிரியல், மார்ச் 6 (செவ்வாய்)-உருது, சமஸ்கிருதம், மார்ச் 7 (புதன்)-அரசியல் அறிவியல், நில அமைப்பியல், மார்ச் 8 (வியாழன்)-சிறப்பு கன்னடம், கணக்குப்பதிவியல், வேதியியல், மார்ச் 9 (வெள்ளி)-தருக்கவியல், கல்வியியல், மனை அறிவியல், மார்ச் 10 (சனி)-வரலாறு, புள்ளியியல், மார்ச் 11 (ஞாயிறு)-விடுமுறை, மார்ச் 12 (திங்கள்)-சமூகவியல், கணிதம், அடிப்படை கணிதம், மார்ச் 13 (செவ்வாய்)-நில அறிவியல், கர்நாடக இசை, ஹிந்துஸ்தானி இசை, மார்ச் 14 (புதன்)-கன்னடம், மார்ச் 15 (வியாழன்)-ஹிந்தி, மார்ச் 16 (வெள்ளி)-தமிழ், தெலுங்கு, மலையாளம், மராத்தி, அராபிக், பிரெஞ்சு, மார்ச் 17 (சனி)-ஆங்கிலம்.

]]>
http://www.dinamani.com/all-editions/edition-bangalore/2018/mar/01/இரண்டாமாண்டு-பியூசி-பொதுத்-தேர்வு-இன்று-தொடக்கம்-690-லட்சம்-மாணவர்கள்-எழுதுகின்றனர்-2872077.html
2872076 அனைத்துப் பதிப்புகள் பெங்களூரு "மக்களின் வங்கி வைப்புகளை அபகரிக்க மத்திய அரசு திட்டம்' DIN DIN Thursday, March 1, 2018 01:44 AM +0530 மக்களின் வங்கி வைப்புகளை அபகரிக்க மத்திய அரசு திட்டமிட்டுள்ளது என மாநில காங்கிரஸ் செயல் தலைவர் தினேஷ் குண்டுராவ் குற்றம்சாட்டியுள்ளார்.
இதுகுறித்து பெங்களூரில் உள்ள காங்கிரஸ் தலைமை அலுவலகத்தில் புதன்கிழமை செய்தியாளர்களிடம் அவர் கூறியது: பண மதிப்பிழப்பு, சரக்கு மற்றும் சேவை வரிமுறையை அவசரகதியில் அமல்படுத்தியதால், நமது நாட்டின் பொருளாதாரம் மோசமான நிலையை அடைந்துள்ளது. குறிப்பாக, வங்கிகள் ஆபத்தான நிலைக்கு தள்ளப்பட்டுள்ளன.
2015-ஆம் ஆண்டு வங்கிகளின் வாராக் கடன் ரூ.2 லட்சம் கோடியாக இருந்தது. தற்போது இது ரூ.10 லட்சம் கோடியாக உயர்ந்துள்ளது. இதில் 50 சதவீத கடன் தொகை 10 பெருநிறுவனங்கள் செலுத்த வேண்டியதாகும். நஷ்டத்தை எதிர்கொண்டுள்ளதால் வங்கிகள் திவாலாகும் நிலை ஏற்பட்டுள்ளது.
பண மதிப்பிழப்பை அமல்படுத்தியதால் கடுமையாக பாதிக்கப்பட்ட இந்திய பொருளாதாரம், திட்டமிடாத சரக்கு மற்றும் சேவை வரியால் மிகவும் மோசமடைந்துள்ளது. இதனால் நிறுவனங்கள் கடன் தொகையை திரும்ப செலுத்தமுடியாமல் தவித்து வருகின்றன. அண்மையில் ரூ.30 ஆயிரம் கோடி அளவுக்கு வங்கிப் பணம் மோசடி செய்யப்பட்டுள்ளது. இந்திய பொருளாதாரத்தை சீராக வைத்திருப்பதில் தோல்வி அடைந்துவிட்ட பிரதமர் மோடி, மக்களை திசைதிருப்புவதற்கான முயற்சியில் இருக்கிறார்கள்.
வங்கிகள் நஷ்டத்தில் இயங்கி வருகின்றன. எனவே, வங்கிகளை பாதுகாப்பதற்காக ரூ.2,500 கோடியை வழங்கவிருப்பதாக மத்திய அரசு அறிவித்துள்ளது. இந்த நிலையில், நஷ்டத்தில் இயங்கும் வங்கிகளை காப்பாற்றுவதற்காக நிதி தீர்மானம் மற்றும் வைப்புத் தொகை காப்புறுதி சட்டமசோதா-2017 (ஊண்ய்ஹய்ஸ்ரீண்ஹப் தங்ள்ர்ப்ன்ற்ண்ர்ய் ஹய்க் ஈங்ல்ர்ள்ண்ற் ஐய்ள்ன்ழ்ஹய்ஸ்ரீங்)  தாக்கல் செய்ய மத்திய அரசு முடிவுசெய்துள்ளது. இச்சட்டத்தின் மூலம் மக்களின் வங்கி வைப்புகளை அபகரிக்க மத்திய அரசு திட்டமிட்டுள்ளது.
வங்கிகளில் மக்கள் வைத்துள்ள வைப்புத் தொகை, சேமிப்பு வங்கித் தொகைகள் உள்ளிட்ட அனைத்தையும் நிறுத்தி வைக்கவும், தாமதமாக தருவதாக கூறவும், பணத்தை தரமறுக்கவும் இச்சட்டம் வங்கிகளுக்கு அனுமதி அளிக்கிறது. வங்கிகளை காப்பாற்றுவதற்காக மக்களின் வங்கி சேமிப்புகளை அபகரிக்க மத்திய அரசு முடிவுசெய்துள்ளதை காங்கிரஸ் கடுமையாக எதிர்க்கிறது. இதைத் தொடர்ந்து, இச்சட்டமசோதா நாடாளுமன்ற நிலைக்குழுவின் பரிசீலனைக்கு அனுப்பி வைக்கப்பட்டுள்ளது.
வங்கிகளில் இருப்பதால் தங்கள் பணம் பாதுகாப்பாக இருப்பதாக மக்கள் நம்பியிருந்தனர். அதை பாழாக்கும் நோக்கோடு இச்சட்ட மசோதா கொண்டு வரப்படுகிறது. இனி வங்கிகளில் பணத்தை செலுத்த மக்கள் தயக்கம் காட்டினால், வங்கித் துறையின் நிலை என்னவாகும்? எனவே, இந்த சட்ட மசோதாவை மத்திய அரசு கைவிட வேண்டும் என்று கேட்டுக்கொள்கிறோம். 
தாவணகெரேயில் பேசியுள்ள பிரதமர் மோடி, முதல்வர் சித்தராமையாவை "நேரடியாக பணம்' என பொருள்படும்படி "சீதா ராமையா' என்று வர்ணித்திருப்பதை வன்மையாகக் கண்டிக்கிறேன். இதன் மூலம் கன்னடர்களையும், கர்நாடகத்தையும் பிரதமர் மோடி அவமதித்துள்ளார். இதேபோல தரம்தாழ்ந்து முதல்வர் சித்தராமையாவை பிரதமர் மோடி விமர்சித்தால், அதற்கு தக்க பதிலடி கொடுப்போம். முதல்வர் சித்தராமையா மீது கீழ்த்தரமான விமர்சனங்களை வைப்பது பிரதமர் பதவிக்கு அழகல்ல.
வங்கி மோசடிகளில் இருந்து மக்களை திசை திருப்புவதற்காகவே கார்த்திக் சிதம்பரம் கைதுசெய்யப்பட்டுள்ளார். இதை அவர் சட்டப்படியாக எதிர்கொள்வார் என்றார் அவர்.

]]>
http://www.dinamani.com/all-editions/edition-bangalore/2018/mar/01/மக்களின்-வங்கி-வைப்புகளை-அபகரிக்க-மத்திய-அரசு-திட்டம்-2872076.html
2872075 அனைத்துப் பதிப்புகள் பெங்களூரு ஜயேந்திரர் மறைவுக்கு எடியூரப்பா இரங்கல் DIN DIN Thursday, March 1, 2018 01:43 AM +0530 ஜயேந்திர சரஸ்வதி சுவாமிகளின் மறைவுக்கு கர்நாடக பாஜக மாநிலத் தலைவர் எடியூரப்பா இரங்கல் தெரிவித்துள்ளார்.
இதுகுறித்து அவர் தனது இரங்கல் செய்தியில்,  காஞ்சி காமகோடி பீடாதிபதி ஜயேந்திர சரஸ்வதி சுவாமிகள் மறைந்த செய்தியை கேட்டு தீவிர துக்கமடைந்தேன்.  சனாதன மதத்தின் பிரசாரத்தில் ஈடுபட்டு வந்த அவரது மறைவு ஈடு செய்ய முடியாத இழப்பாகும்.  ஜயேந்திர சுவாமிகளின் மறைவுக்கு எனது ஆழ்ந்த இரங்கலைத் தெரிவித்துக் கொள்கிறேன்.  அவரது பக்தர்களின் ஒருவனாக,  சுவாமிகள் பாதங்களுக்கு எனது நமஸ்காரத்தைத் தெரிவித்துக் கொள்கிறேன்.
தென் இந்தியாவில் பிரசித்தி பெற்ற காமகோடி மடத்தின் சங்கராச்சார்யா பீடத்தின் மடாதிபதியாக திகழ்ந்த அவர்,  பல்வேறு சமூக நலப் பணிகள் செய்ததுடன்,  பக்தர்களுக்கு வழிகாட்டியாக விளங்கினார்.  அவரது மறைவால் வாடும் பக்தர்கள் அனைவருக்கும் கடவுள் இதனைத் தாங்கும் சக்தியைக் கொடுக்க வேண்டும் என்று வேண்டிக் கொள்கிறேன் என அதில் தெரிவித்துள்ளார்.


 

]]>
http://www.dinamani.com/all-editions/edition-bangalore/2018/mar/01/ஜயேந்திரர்-மறைவுக்கு-எடியூரப்பா-இரங்கல்-2872075.html
2872073 அனைத்துப் பதிப்புகள் பெங்களூரு எஸ்எஸ்எல்சி, பியூசி தேர்வு: சிறப்பிடம் பெறும் 250 மாணவர்களுக்கு ரொக்கப் பரிசு DIN DIN Thursday, March 1, 2018 01:42 AM +0530 எஸ்எஸ்எல்சி, பியூசி தேர்வில் சிறப்பிடம் பெறும் மாநகராட்சி பள்ளி, கல்லூரியை சேர்ந்த 250 மாணவர்களுக்கு ரொக்கப் பரிசு வழங்கப்படும் என பெங்களூரு மாநகராட்சியின் 2018-19-ஆம் ஆண்டுக்கான வரவு-செலவு திட்டத்தில் தெரிவிக்கப்பட்டுள்ளது.
அதன் விவரம் வருமாறு: கடந்த ஆண்டு, மாநகராட்சி பள்ளி, கல்லூரிகளில் பயிலும் மாணவர்களுக்கு காப்பீடு திட்டத்தை அமல்படுத்த திட்டமிடப்பட்டிருந்தது. காப்பீடு திட்டத்துக்கு பதிலாக, வங்கியில் வைப்புத் தொகையாக வைக்கப்பட்டுள்ள ரூ.2 கோடி மீது கிடைக்கும் வட்டி வருவாயில் மாணவர்களின் உயிர் மற்றும் மருத்துவச் செலவுகள் ஈடுசெய்யப்படும். மாநகராட்சி பள்ளி, கல்லூரி மாணவர்களுக்கு மாதந்தோறும் மருத்துவ சோதனை நடத்தப்படும். மாநகராட்சியின் பள்ளி, கல்லூரி மாணவர்கள் உயர்கல்வி பயில்வதை ஊக்குவிக்க, 2018-ஆம் ஆண்டின் எஸ்எஸ்எல்சி தேர்வில் முதல் 150 இடங்களை பெறும் மாணவர்களுக்கு தலா ரூ.25 ஆயிரம், இரண்டாமாண்டு பியூசி தேர்வில் முதல் 100 இடங்களை பெறும் மாணவர்களுக்கு ரூ.35 ஆயிரம் வழங்கப்படும்.
மாநகராட்சி பள்ளி, கல்லூரி வளாகங்களில் மாணவர்களுக்கு தூய்மையான குடிநீர் வழங்க ரூ.5 கோடியில் சுத்திகரிப்புக் கருவிகள் பொருத்தப்படும். மாநகராட்சி பள்ளி, கல்லூரி மாணவர்களுக்கு இலவச பாடநூல்களை வழங்க ரூ.1 கோடி ஒதுக்கப்படுகிறது. மாணவியரின் உடல் சுத்தத்தை ஊக்குவிக்க ரூ.5 லட்சத்தில் தானியங்கி சானிடரி நாப்கின்களை எரிக்கும் தொட்டி அமைக்கப்படும். கல்வி திட்டங்களுக்கு மொத்தம் ரூ.58கோடி செலவழிக்கப்படும்.

]]>
http://www.dinamani.com/all-editions/edition-bangalore/2018/mar/01/எஸ்எஸ்எல்சி-பியூசி-தேர்வு-சிறப்பிடம்-பெறும்-250-மாணவர்களுக்கு-ரொக்கப்-பரிசு-2872073.html
2872072 அனைத்துப் பதிப்புகள் பெங்களூரு மூத்த குடிமக்களுக்கு இலவச நீரிழிவு, ரத்தக் கொதிப்பு மருந்துகள் DIN DIN Thursday, March 1, 2018 01:42 AM +0530 பெங்களூரு மாநகரை தூய்மையாக வைத்திருக்க உதவும் துப்புரவுத் தொழிலாளர்களின் குறைந்தபட்ச ஊதியம் உயர்த்தப்பட்டுள்ளது. அது அவர்களின் வங்கிக் கணக்கில் செலுத்தப்படும். ஆதார் அடிப்படையிலான வருகைப் பதிவு அறிமுகம் செய்யப்படும். இந்திரா உணவகம் மூலம் துப்புரவுத் தொழிலாளர்களுக்கு இலவசமாக மதிய உணவு அளிக்கப்படும். துப்புரவுத் தொழிலாளர்களின் உடல்நலனுக்கு இலவசமாக சுகாதார உபகரணங்கள் தரப்படும்.
தாழ்த்தப்பட்டோர், பழங்குடியினர் நலன்: நல உதவி திட்டத்தின் கீழ் அனைத்து பயனாளிகளுக்கும் ஆதார் எண் கட்டாயமாக்கப்படும். தாழ்த்தப்பட்டோர், பழங்குடியினருக்கு வீடு கட்டும் திட்டத்துக்கு நிதி உதவி அளிக்க ரூ.80 கோடி ஒதுக்கப்படுகிறது. பயனாளிகளுக்கு நிதியுதவியாக அளிக்கும் நிதி ரூ.4 லட்சத்தில் இருந்து ரூ.5 லட்சமாக உயர்த்தப்படும். ரூ.5 கோடியில் வார்டு எண்-78-இல் அம்பேத்கர் மாளிகை கட்டப்படும். எலஹங்காவில் ரூ.50 லட்சத்தில் பசலிங்கப்பா சமாதி கட்டப்படும். தாழ்த்தப்பட்டோர் வாழ்விடங்களில் அடிப்படைக் கட்டமைப்பு வசதிகளை செய்வதற்கு ரூ.110 கோடி ஒதுக்கப்படுகிறது. தாழ்த்தப்பட்டோர், பழங்குடியினருக்கு திறன்மேம்பாடு பயிற்சி அளிக்க ரூ.5 கோடி ஒதுக்கப்படுகிறது. தாழ்த்தப்பட்டோர், பழங்குடியினத்தை சேர்ந்த துப்புரவுத் தொழிலாளர்களின் குழந்தைகள் கல்வி உள்ளிட்ட வசதிகளை செய்துதர ரூ.9 கோடி ஒதுக்கப்படுகிறது.
பிற்படுத்தப்பட்டோர் திட்டம்: பிற்படுத்தப்பட்டோர், சிறுபான்மையினருக்கு வீடு கட்டுவதற்கான திட்டத்துக்கு ரூ.80 கோடி ஒதுக்கப்படுகிறது. பயனாளிகளுக்கு வழங்கப்படும் நிதியுதவி ரூ.4 லட்சத்தில் இருந்து ரூ.5 லட்சமாக உயர்த்தப்படுகிறது. குடிசைவாழ் மக்களுக்கு அடுக்குமாடி குடியிருப்பு கட்டுவதற்கு அரசு-தனியார் முயற்சியில் திட்டம் அமலாக்கப்படும்.
மாற்றுத் திறனாளிகள் நலன்: மாற்றுத் திறனாளிகளின் நலனுக்காக ரூ.63 கோடி ஒதுக்கப்படுகிறது. சுயதொழிலுக்கு நிதியுதவி அளிப்பதோடு, தகுதியானவர்களுக்கு ஜெய்பூல் செயற்கைக்கால் வழங்கப்படும். முச்சக்கர வாகனம், கைத்தடிகள், மருத்துவ உதவிகள், கல்விக் கட்டணம், விளையாட்டு ஊக்கம், காதுகேட்கும் கருவி, பார்வையற்றோருக்கு கண்ணாடிகள் போன்றவை வழங்கப்படும். மாநகராட்சி அலுவலகம், பள்ளிகள், கல்லூரிகளில் சாய்வு நடைபாதை அமைக்கப்படும். 
பெண்கள் நலம்: பெண்களின் சுகாதாரம், கல்வி, கலாசார திட்டங்களான மடிக்கணினி, தையல், பின்னுதல், பூத்தையல் இயந்தியங்கள் வழங்குவதற்காக 198 வார்டுகளுக்கு தலா ரூ.10 லட்சம் ஒதுக்கப்படுகிறது.
மூத்த குடிமக்கள் நலம்: மூத்த குடிமக்கள் ஓய்வெடுக்க தனியறைகள், கூட்டரங்கு கட்டுவதற்கு ரூ.5 கோடி ஒதுக்கப்படும். ஆதார் அட்டையின் அடிப்படையில் 100 மூத்த குடிமக்களுக்கு கைத்தடி அளிக்கப்படும். மாநகராட்சி மருத்துவமனைகளுக்கு தகுதியான மூத்த குடிமக்களுக்கு இலவசமாக நீரிழிவு மற்றும் ரத்தக் கொதிப்பு மருந்துகள் வழங்கப்படும். திருநங்கைகளுக்கு வாகனம் செலுத்தும் பயிற்சி, தள்ளுவண்டிகள் இலவசமாக அளிக்கப்படும். இலவச பேருந்து அட்டைகள் தரப்படும். கல்வி, சுயதொழில் புரிய நிதியுதவி தரப்படும். இதற்காக ரூ.1கோடி ஒதுக்கப்படுகிறது.

ஜன. 1-இல் பிறக்கும் பெண் குழந்தைகளுக்கு தலா ரூ.5 லட்சம் நிதியுதவி
பெங்களூரு மாநகராட்சியின் 24 மகப்பேறு மருத்துவமனைகளில் 2019 ஜன.1-ஆம் தேதி அல்லது அதன்பிறகு பிறக்கும் முதல் பெண் குழந்தைக்கு இளஞ்சிவப்பு குழந்தைத் திட்டத்தின்கீழ் தரமான கல்வி கிடைப்பதற்காக ரூ.5 லட்சம் நிதியுதவி அளிக்கப்படும். இத்திட்டத்துக்கு ரூ.1.20 கோடி ஒதுக்கப்பட்டுள்ளது.
புலிகேசிநகர், விஜயநகர், ஜெயநகர், பொம்மனஹள்ளி, யஷ்வந்த்பூர் சட்டப்பேரவைத் தொகுதிகளில் ஏழைகள் பயன்பெறுவதற்காக ரூ.15 கோடியில் டயாலிசிஸ் மையங்கள் அமைக்கப்படும். மாநகராட்சி மருத்துவமனைகள், இந்திரா உணவகங்களில் ஏழை மக்களுக்கு மலிவான விலையில் மருந்துகளை விற்க மக்கள் மருந்து மையங்கள் அமைக்கப்படும். ரூ.25 லட்சத்தில் ஏழை கர்ப்பிணிப் பெண்களுக்கு ஊட்டச்சத்துள்ள பிஸ்கட்கள் தரப்படும். ரூ.1.50 கோடியில் குழந்தையை ஈன்ற தாய்மார்களுக்கு சுகாதாரத் தொகுப்பு பைகள் வழங்கப்படும். ரூ.4 கோடியில் தகுதிவாய்ந்த ஏழை இதய நோயாளிகளுக்கு இலவச ஸ்டென்ட்கள் அளிக்கப்படும். சுகாதார திட்டங்களுக்கு ரூ.98 கோடி செலவிடப்படும்.

198 வார்டுகளிலும் உரம் தயாரிக்கும் மையங்கள் பெங்களூரு மாநகராட்சியில் தினமும் சேகரிக்கப்படும் குப்பைகளை உலர், ஈரம் என்று வகைப்படுத்தி, அறிவியல் ரீதியாக அழிப்பது பெரும் சவாலாக உள்ளது.
இப்பிரச்னைக்கு தீர்வுகாண குப்பைகள் உருவாகும் இடத்திலேயே வகை பிரிப்பது, மறுசுழற்சி செய்ய இயலாத பிளாஸ்டிக் சிப்பமிடும் பொருள்களை தடை செய்வது, மறுசுழற்சி செய்யத்தக்க பருத்தி மற்றும் சணல் பைகளின் பயன்பாட்டை ஊக்குவிப்பது, தொழில்பேட்டைகளில் கழிவுவகைப்படுத்தல் அலகுகள் அமைப்பது, குப்பைகளால் நிரப்பப்பட்டுள்ள பெல்லாஹள்ளி குவாரியை ரூ.2 கோடியில் தூய்மைப்படுத்தி மோட்டார் விளையாட்டுகளை ஊக்குவிப்பது போன்றவை பரிந்துரைக்கப்படுகின்றன. மேலும் மழைநீர் வடிகால்கள், ஏரிகள் போன்ற நீதாரங்களில் குப்பைகளை கொட்டும் லாரிகள், டிராக்டர்களுக்கு விதிக்கப்படும் அபராதத் தொகையை ரூ.1 லட்சத்தில் இருந்து ரூ.5 லட்சமாக உயர்த்தப்படுகிறது.
கன்னஹள்ளி, மாவள்ளியில் உள்ள கழிவுவகைப்படுத்தல் மையங்களில் ரூ.50 கோடியில் மின்சார உற்பத்தி அலகுகள் நிறுவப்படும். கர்நாடக உயர்நீதிமன்றத்தின் உத்தரவுப்படி, மாநகராட்சியின் 198 வார்டுகளிலும் உரம் தயாரிக்கும் மையங்கள் அமைக்கப்படும்.
மாநகராட்சியின் சொத்துகளுக்கு தனி எண்கள் வழங்கப்பட்டு, தனியார் பதிவுசெய்யப்படும். பூங்கா, விளையாட்டுத் திடல், ஏரிகள் போன்ற மாநகராட்சி சொத்துகளை பாதுகாக்க வேலி அமைக்க ரூ.10 கோடி ஒதுக்கப்படுகிறது. சாலை அகலப்படுத்துதல், திடக்கழிவு மேலாண்மை உள்ளிட்ட இதர பணிகளுக்கு நிலம் கையகப்படுத்த ரூ.45 கோடி ஒதுக்கப்படும்.
தோட்டக்கலை:
ரூ.50 லட்சத்தில் பூங்காக்கள், ஏரியோரங்களில் மூலிகைச் செடிகள் வளர்க்கப்படும். விலங்குகள், பறவைகளுக்கு தீவனம் வழங்க ஏரிப்படுகை, உரக்குழிகளுக்கு அருகே பல்வேறு வகையான பழச்செடிகள் நடப்படும். பூங்காக்களில் தடையில்லா தண்ணீர் கிடைக்க ரூ.2 கோடியில் ஆழ்துளைக் கிணறுகள் வெட்டப்படும். பூங்காக்களை பராமரிக்க ரூ.40 கோடி ஒதுக்கப்படும்.

4 இடங்களில் கட்டண வாகன நிறுத்தங்கள்
பெங்களூரில் உள்ள நான்கு இடங்களில் கட்டண வாகன நிறுத்தங்கள் அமைக்கப்படும் என பெங்களூரு மாநகராட்சியின் 2018-19-ஆம் ஆண்டுக்கான வரவு-செலவு திட்டத்தில் தெரிவிக்கப்பட்டுள்ளன.
அதன் விவரம்: பெங்களூரில் காந்தி நகர், மகாத்மா காந்தி சாலை, டிஸ்பென்சரி சாலை, சிவாஜி நகர் ஆகிய நான்கு இடங்களில் கட்டண வாகன நிறுத்தங்கள் அமைக்கப்படும். இவை தவிர, மக்களின் நலன் கருதி முக்கியமான இடங்களில் அரசு-தனியார் கூட்டுமுயற்சியில் கட்டண வாகன நிறுத்தங்கள் கட்டமைக்கப்படும்.

கலாசாரம் மற்றும் விளையாட்டு:
மாநகராட்சி தலைமை அலுவலகம் மற்றும் வார்டுகளில் கெம்பேகெளடா பிறந்தநாள் கொண்டாட தலா ரூ.1.50 லட்சம் ஒதுக்கப்படும். அரசியலமைப்புச் சட்டத்தின் தந்தை பி.ஆர்.அம்பேத்கர் பிறந்த நாள் விழாவை மாநகராட்சி தலைமை அலுவலகம் மற்றும் வார்டுகளில் கொண்டாட தலா ரூ.1.50 லட்சம் ஒதுக்கப்படும். இதுதவிர, தசரா திருவிழா, பெங்களூரு கரகம், வேர்க்கடலை திருவிழா உள்ளிட்ட கலாசார நிகழ்ச்சிகளை நடத்துவதற்கு நிதியுதவி வழங்கப்படும்.
கர்நாடக மாநில ஹாக்கி சங்க வளாகத்தில் ஹாக்கி வீரர் தியாந்த்சந்த் சிலை வைக்க ரூ.1 கோடி, நாட்டுக்காக உயிரை தியாகம் செய்த மேஜர் உன்னிகிருஷ்ணன், மேஜர் அக்ஷய்கிரீஷ்குமாரின் சிலைகளை நிறுவ ரூ.1கோடி, நாடகம் மற்றும் இசை நிகழ்ச்சிகள் நடத்துவதற்கு 5 புதிய மண்டலங்களில் கலை மாளிகைகள் கட்டுவதற்கு ரூ.5 கோடி, ஊரக விளையாட்டுகளை ஊக்குவிக்க "வீட்டு முற்றத்தில் ஆடுவோம் வா' திட்டத்தின்கீழ் வார்டுக்கு ரூ.1 லட்சம் ஒதுக்கப்படும்.
 

]]>
http://www.dinamani.com/all-editions/edition-bangalore/2018/mar/01/மூத்த-குடிமக்களுக்கு-இலவச-நீரிழிவு-ரத்தக்-கொதிப்பு-மருந்துகள்-2872072.html
2872071 அனைத்துப் பதிப்புகள் பெங்களூரு பெங்களூரு மாநகராட்சி பட்ஜெட்: சொத்துவரி மூலம் ரூ.3,317 கோடி திரட்ட இலக்கு DIN DIN Thursday, March 1, 2018 01:41 AM +0530 பெங்களூரு மாநகராட்சி பட்ஜெட்டில் 2018-19-ஆம் நிதியாண்டில் சொத்துவரி மூலம் ரூ.3,317 கோடி திரட்ட இலக்கு நிர்ணயிக்கப்பட்டுள்ளது.
பெங்களூரு மாநகராட்சியின் 2018-19-ஆம் நிதியாண்டின் பட்ஜெட்டை மாமன்றத்தில் புதன்கிழமை தாக்கல் செய்து வரி மற்றும் நிதிநிலைக்குழு தலைவர் எம்.மகாதேவ் பேசியது: பூங்கா, அறிவியல், இசை, பண்டைய கோயில்கள், வளமான பண்பாட்டு பாரம்பரிய கட்டடங்களின் நகரம் என்ற அழைக்கப்பட்ட பெங்களூரு தற்போது உலகின் தொழில்நுட்ப நகரமாக மாறியுள்ளது.
பெங்களூரில் குடிநீர் ஆதாயம் அருகி வரும் நிலையில், மழைநீர் சேமிப்பு மற்றும் தண்ணீர் பாதுகாப்பு ஆகியவை தான் அதற்கு தீர்வாக அமையும். 
2018-19-ஆம் ஆண்டுக்கான மாநில வரவு-செலவு திட்டத்தில் பெங்களூரு மாநகரின் ஒருங்கிணைந்த வளர்ச்சிக்கான முன் தயாரிப்புப் பணிகளை மேற்கொள்ள ரூ.2,500கோடியை முதல்வர் சித்தராமையா ஒதுக்கியுள்ளார். இதன்மூலம் பெங்களூரின் தகிக்கும் பிரச்னைகளுக்கு தீர்வுகாண முற்பட்டுள்ளார். இதற்காக முதல்வர் சித்தராமையா, பெங்களூரு வளர்ச்சித் துறை அமைச்சர் கே.ஜே.ஜார்ஜ் ஆகியோருக்கு நன்றி பாராட்டுகிறேன்.
இந்த வரவு-செலவு திட்டத்தில் சுற்றுச்சூழல் மற்றும் தண்ணீர் பாதுகாப்பு, மழைநீர் சேமிப்பு, குடிமக்கள் சுகாதாரம் மற்றும் தூய்மை, பெங்களூரின் பண்பாட்டு மரபு, கல்வி, பொதுப் பணிகளை நிறைவுசெய்தல், நிர்வாகம் மற்றும் நிதி சீர்திருத்தம், நிதி ஒழுங்கை கடைபிடிக்க தொழில்நுட்பத்தை சார்ந்திருத்தல் போன்றவற்றுக்கு முக்கியத்துவம் அளிக்கப்படும். 
நிர்வாக சீர்த்திருத்தம்: பெங்களூரு மாநகராட்சியின் புதிய மேயராக பதவியேற்போருக்கு வெளியேறும் மேயர் அடையாள ரீதியாக பொறுப்புகளை கைமாற்றி தரும் நடைமுறை அமலுக்கு கொண்டுவரப்படும். அதேபோல, புதிய ஆணையராக பதவியேற்போருக்கு கர்நாடக உள்ளாட்சி சட்டம்,1976-இன் படியை வழங்கும் நடைமுறை அமல்படுத்தப்படும். வெளிநாட்டு பிரதிநிதிகளை மரபுரீதியாக வரவேற்க ரூ.60 லட்சத்தில் இரு கார்கள் வாங்கப்படும். மேயர் இல்லம், ஆணையர் இல்லம் கட்டுவதற்கு ரூ.5 கோடி ஒதுக்கப்படும். மாமன்ற உறுப்பினர்களின் மருத்துவ உதவித்தொகை தொகுப்பை ரூ.4 லட்சத்தில் இருந்து ரூ.6 லட்சமாக உயர்த்தப்படுகிறது. எண்ம மாநகராட்சியாக மாறிவரும் நிலையில், அனைத்து சுற்றறிக்கைகள், கூட்ட அறிக்கைகள் உள்ளிட்ட அனைத்து விவரங்களும் மின்னணு முறையில் வழங்கப்படும். இதற்காக மாமன்ற உறுப்பினர்களுக்கு தனி மின்னஞ்சல்முகவரி தரப்பட்டு கையடக்கக் கணினி(டேப்) அளிக்கப்படும்.
ஆளுமை மற்றும் திறன்
மேம்பாடு: மாநகராட்சி ஊழியர்களுக்கு யோகா பயிற்சி அளிக்கப்படும். ஆதார் எண் அடிப்படையிலான பயோமெட்ரிக் வருகைப் பதிவு முறை மண்டல அலுவலகங்களில் அறிமுகம் செய்யப்படும். பெங்களூரு மாநகரின் முக்கியமான சாலைச் சந்திப்புகள், மாநகராட்சி அலுவலகங்கள், பேருந்து நிறுத்தங்கள் உள்ளிட்ட 400 முக்கிய இடங்களில் மாநில அரசு உதவியுடன் வைஃபை வசதி செய்யப்படும். தலைமை அலுவலகத்தில் அமல்படுத்தப்பட்டுள்ளது போல மண்டல அலுவலகங்களிலும் மெய்நிகர் கோப்பு நகர்வு கண்காணிப்பு முறை அறிமுகம் செய்யப்படும். 
நிதி சீர்திருத்தம்: ஹட்கோ கடனை அடைத்தால் ரூ.12.50 கோடி வட்டித் தொகை மீதமாகும். நிகழ் நிதியாண்டில் கடனை அடைத்து 2 அடமான சொத்துகள் மீட்கப்படும். ஒருங்கிணைந்த கணக்குப் பதிவியல் மையம் உருவாக்கப்படும்.
வரி வருவாய்
சொத்து வரி: இதுவரை சொத்துவரி மதிப்பீட்டுக்காக 19 லட்சம் சொத்துகள் அடையாளம் காணப்பட்டுள்ளன. சொத்துவரி ஏய்ப்பில் ஈடுபட்டால் கடும் நடவடிக்கை எடுக்கப்படும். கூடுதல் வரி வருவாயை திரட்ட மாநகராட்சி ஆணையர் (நிதி) தலைமையில் வருவாய் கண்காணிப்பு மையத்தை அமைக்க திட்டமிடப்பட்டுள்ளது.
மாநகரில் உள்ள 100 வணிக வளாகங்கள், சொகுசு வணிக வளாகங்கள், நுட்பப் பூங்காக்கள், அடுக்குமாடி வணிக வளாகங்கள், குடியிருப்பு வளாகங்களை முழுமையாக ஆய்வுசெய்து, வரித்தொகையை நிர்ணயிக்க முழுமை மதிப்பீடு திட்டம் அமல்படுத்தப்படும். இதனால் சொத்துவரி வருவாய் உயரும். நிகழ்நிதியாண்டில் ரூ.3,317 கோடி சொத்துவரி வசூலிக்க இலக்கு நிர்ணயிக்கப்பட்டுள்ளது.
விளம்பர வரி: மாநகராட்சி எல்லையில் சட்டவிரோத தனியார் விளம்பரப் பலகைகள் அமைப்பதை தடுக்க புதிய கொள்கை வகுக்கப்படும். மாநகராட்சிக்கு சொந்தமான விளம்பரப் பலகைகள் அரசு மற்றும் தனியார் முகமைகளுக்கு பொது ஏலம் விடப்படும். மாநகரின் அழகை பராமரிக்க சட்டவிரோதமான விளம்பரப் பலகைகள் அப்புறப்படுத்தப்பட்டு, அபராதம் விதிக்கப்படும். விளம்பர வரியாக ரூ.75.25 கோடியை வசூலிக்க இலக்கு நிர்ணயிக்கப்பட்டுள்ளது.
வரிசாரா வருவாய்: நிலுவையில் இருக்கும் ரூ.300 கோடி மேம்பாட்டுக் கட்டணம், மத்திய, மாநில அரசு அலுவலகங்கள் மற்றும் வரிவிலக்களிக்கப்பட்ட கல்வி நிறுவனங்களிடம் இருந்து சேவை வரி, மாநகராட்சி கடைகள் மற்றும் சந்தைகளில் நிலுவையில் உள்ள ரூ.90 கோடி வாடகைக் கட்டணம், வாகன நிறுத்தக் கட்டணம் ரூ.4.50 கோடி, உரிமக் கட்டணம் மூலம் ரூ.57 கோடி, செல்லிடப்பேசி கோபுரக் கட்டணம் மூலம் ரூ.50 கோடி, நகர்ப்புற திட்டமிடல் கட்டணத்தில் ரூ.768 கோடி ஆகியன வசூலிக்கப்படும்.
மத்திய அரசின் மானியமாக ரூ.306.87 கோடி, மாநில அரசின் மானியமாக ரூ.3,343.42 கோடி என மொத்தம் அரசு மானியமாக ரூ.3,650.29 கோடி கிடைக்க இருக்கிறது என்றார் அவர்.

முக்கிய அம்சங்கள்
* 14-ஆவது நிதி ஆணையத்தின்கீழ் ரூ.301.72 கோடி ஒதுக்கீடு
* மாநில நிதி ஆணையத்தின்கீழ் ரூ.215 கோடி ஒதுக்கீடு
* 150 கி.மீ. நீளமுள்ள வெளிவட்டச் சாலைகள் கான்கிரீட்
      சாலைகளாக மாற்றம்
* 40 ஏரிகள் மேம்பாடு
* 100 கி.மீ. நீளம் கொண்ட பெரிய சாலைகள்மேம்பாடு
* வாகன நெரிசலைக் குறைக்க 8 சந்திப்புகளில் வகைப்பிரிப்பு 
      பின்னல்சாலைகள் அமைப்பு
* 150 கி.மீ. நீளமுள்ள மழைநீர் வடிகால்கள் அமைத்தல்
* 250 கி.மீ. நீளமுள்ள நடைபாதைகள் அமைப்பு
* மாநகராட்சியில் இணைக்கப்பட்ட 110 கிராமங்களின்
     சாலை மேம்பாடு
* ஐடிபிஎல்-க்கு இணை தொடர்பை ஏற்படுத்த 14 சாலைகள் 
     மேம்பாடு
* பொலிவுறு நகரம் திட்டத்தில் பெங்களூரை மேம்படுத்த
      மத்திய-மாநில அரசுகள் ரூ.500 கோடி ஒதுக்கீடு
* ஒப்பந்த உறுதி திட்டத்தில் 25 சாலைகள் மேம்பாடு
* வரலாற்று சிறப்பு வாய்ந்த கே.ஆர்.மார்க்கெட் புதுப்பிப்பு
* சிவாஜி நகரில் ஒருங்கிணைந்த போக்குவரத்து
     குவிமையம் அமைப்பு
* கப்பன் பூங்கா மேம்பாடு, சுதந்திரபாளையா பகுதி மேம்பாடு
* அல்சூர், சாங்கி ஏரிகள் மேம்பாடு
* கே.சி. பொது மருத்துவமனை புதுப்பிப்பு
* காந்தி பஜார், டிஸ்பென்சரி சாலை, ரேஸ்கோர்ஸ் சாலை, சேஷாத்ரி சாலை, கோரமங்களா 4-ஆவது பிளாக், ஜெயநகர் வளாகம், காந்திநகர், மாநகராட்சி தலைமை அலுவலகத்தில் பல அடுக்கு வாகன நிறுத்தங்கள் அமைக்கப்படும்.


ஐந்து மண்டலங்களிலும் ரூ.5 கோடியில் ஹெலிபேடுகள்
பெங்களூரின் ஹட்சன் சதுக்கத்தில் ஐந்து பாதைகள் கொண்ட மரத்தாலான நடைமேம்பாலம் அமைக்கப்படும். வார்டு பணிகளை செயல்படுத்த பழைய வார்டுகளுக்கு தலா ரூ.2 கோடி, புதிய வார்டுகளுக்கு தலா ரூ.3 கோடி ஒதுக்கப்படுகிறது. மழைநீர் சேமிப்புக் கட்டமைப்புகளை உருவாக்க வார்டுக்கு தலா ரூ.30 லட்சம் வழங்கப்படுகிறது. குடிநீர் வசதியை ஏற்படுத்த பழைய வார்டுக்கு தலா ரூ.15 லட்சம், புதிய வார்டுக்கு தலா ரூ.40 லட்சம் ஒதுக்கப்படுகிறது. விமான ஆம்புலன்ஸ் சேவைகள் மற்றும் முக்கிய நபர்களின் நடமாட்டத்துக்கு வசதியாக மாநகராட்சியின் ஐந்து மண்டலங்களிலும் ரூ.5 கோடியில் ஹெலிபேட்கள் நிறுவப்படும். மாநகராட்சியின் குறிப்பிட்ட இடங்களில் 100 பொது கழிப்பறைகளை நிறுவ திட்டமிடப்பட்டுள்ளது. வார்டுகளில் குடிநீர் சுத்திகரிப்புக்கு தலா ரூ.15 லட்சம் வழங்கப்படுகிறது. இத்திட்டத்தை செயல்படுத்த ரூ.30 கோடி ஒதுக்கப்பட்டுள்ளது. கன்னட கலாசாரத்தை பரப்பவும், கன்னட மேம்பாடு குறித்த தகவல்களை பிரசாரம் செய்யவும் கன்னட பேருந்து நிலையங்கள் ரூ.5 கோடியில் அமைக்கப்படும். இங்கு வைஃபை வசதி, குடிநீர், கழிப்பறை வசதிகள் இருக்கும். புதிதாக 3 ஆம்புலன்ஸ் வாகனங்களை வாங்க ரூ.1 கோடி ஒதுக்கப்படுகிறது. மாநகராட்சியின் அனைத்து அலுவலகங்களிலும் சூரியமின் உற்பத்தி அலகுகள் நிறுவப்படும்.


பட்ஜெட் கண்ணோட்டம்

வருவாய்
மொத்த வருவாய்     - ரூ.9,322.48 கோடி
வரி வருவாய்         - ரூ.2,750.25 கோடி (30%)
வரிசாரா வருவாய்     - ரூ.2,503.92 (27%) கோடி
அரசு மானியம்         - ரூ.3,665.31 கோடி (39%)
சொத்துமீட்பு மற்றும் மீள்நிதி - ரூ.403.0 0(4%)

செலவின வகைகள்
ஊதியம், ஓய்வூதியம்     - ரூ.698.85 கோடி (7.49%)
தெருவிளக்கு மின்கட்டணம் - ரூ.229.67 கோடி (2.46%)
நிர்வாக செலவினம்     - ரூ.199.19 கோடி (2.14%)
கடன் மற்றும் வட்டி செலுத்தல் - ரூ.487.80 கோடி (5.23%)
திடக்கழிவு மேலாண்மை     - ரூ.1,066.88 கோடி (11.44%)
தோட்டக்கலை, ஏரி, வனம் - ரூ.315.64 கோடி (3.38%) 
சுகாதாரம், கல்வி, இதர செலவு - ரூ.156.55 கோடி (1.68%)
சமூகநல திட்டம்     - ரூ.769.24 கோடி (1.68%)
உள்கட்டமைப்பு, மேம்பாடு, பராமரிப்பு - ரூ.5,125.45 கோடி (54.96%)
வைப்புத் தொகை, மீள்நிதி - ரூ.276.26 கோடி (2.96%)

ஒரு ரூபாயில் வரவு
வரி வருவாய்         - 30 பைசா
வரிசாரா வருவாய்     - 27 பைசா
அரசு மானியங்கள்     - 39 பைசா
சொத்துமீட்பு மற்றும் மீள்நிதி - 4 பைசா

ஒரு ரூபாயில் செலவு
ஊதியம், ஓய்வூதியம்     - 8 பைசா
தெருவிளக்கு மின்கட்டணம் - 3 பைசா
நிர்வாக செலவினம்     - 2 பைசா
கடன் மற்றும் வட்டி செலுத்தல் - 5 பைசா
திடக்கழிவு மேலாண்மை     - 11 பைசா
தோட்டக்கலை, ஏரி, வனம் - 3 பைசா
சுகாதாரம், கல்வி, இதர செலவு - 2 பைசா
சமூகநல திட்டம்     - 8 பைசா
உள்கட்டமைப்பு, மேம்பாடு, பராமரிப்பு - 55 பைசா
வைப்புத் தொகை, மீள்நிதி - 3 பைசா
 

]]>
http://www.dinamani.com/all-editions/edition-bangalore/2018/mar/01/பெங்களூரு-மாநகராட்சி-பட்ஜெட்-சொத்துவரி-மூலம்-ரூ3317-கோடி-திரட்ட-இலக்கு-2872071.html
2869986 அனைத்துப் பதிப்புகள் பெங்களூரு "முதலீட்டாளர்களை ஊக்குவிப்பதில் கர்நாடகம் சிறந்து விளங்குகிறது' DIN DIN Sunday, February 25, 2018 08:48 AM +0530 தொழில் முதலீட்டாளர்களை ஊக்குவிப்பதில் கர்நாடகம் சிறந்து விளங்குவதாக கன்னட நடிகர் புனித்ராஜ்குமார் தெரிவித்தார்.
பெங்களூரில் வெள்ளிக்கிழமை நடைபெற்ற போத்தீஸின் புதிய கிளை தொடக்க விழாவில் அவர் பேசியது: 90 ஆண்டுகளாக பழைமை வாய்ந்த போத்தீஸ் குழுமம் பெங்களூரு கெம்பே கெüடா சதுக்கத்தில் முதன்முறையாக தனது கிளையை தொடங்கியுள்ளது மகிழ்ச்சி அளிக்கிறது. முதலீட்டாளர்களின் சொர்க்க பூமியாக கர்நாடகம் விளங்குகிறது.
குறிப்பாக பெங்களூரில் முதலீடு செய்வதில் முதலீட்டாளர்களும் ஆர்வமாக உள்ளனர். மாநில அரசும் முதலீட்டாளர்களை தொடர்ந்து ஊக்குவித்து வருகிறது. தகவல், உயிரித் தொழில்நுட்பம் மட்டுமின்றி, தொழில் துறை, ஜவுளி, வர்த்தகத்திலும் கர்நாடகம் சிறந்து விளங்குகிறது. 
கின்னஸ் சாதனை புத்தகத்தில் இடம்பெற்ற போத்தீஸ் குழுமத்தின் விளம்பரத் தூதராக என்னை தேர்ந்தெடுத்ததில் மகிழ்ச்சி ஏற்பட்டுள்ளது என்றார். நிகழ்ச்சியில் அக் குழுமத்தின் மேலாண் இயக்குனர் ரமேஷ்போத்தீ உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/feb/25/முதலீட்டாளர்களை-ஊக்குவிப்பதில்-கர்நாடகம்-சிறந்து-விளங்குகிறது-2869986.html
2869985 அனைத்துப் பதிப்புகள் பெங்களூரு பிரதமர் குறித்து சித்தராமையா பேச்சு: அவையில் பாஜக அமளி DIN DIN Sunday, February 25, 2018 08:48 AM +0530 கர்நாடகத்தில் மீண்டும் காங்கிரஸ் ஆட்சியமைக்கும் என பிரதமர் நரேந்திர மோடியிடம் கூறியதாக சித்தராமையா அவையில் தெரிவித்த கருத்துக்கு பாஜகவினர் கடும் ஆட்சேபம் தெரிவித்தனர். 
கர்நாடக சட்டப்பேரவையில் வெள்ளிக்கிழமை வரவு-செலவு திட்டத்தின் மீதான விவாதத்திற்குப் பதிலளித்து முதல்வர் சித்தராமையா பேசியது:
கடந்த வாரம் மைசூருக்கு பிரதமர் மோடி வந்திருந்த போது, மத்திய அமைச்சர் அனந்த்குமாரிடம் "உங்கள்(பாஜக) மாநாட்டுக்கு என்னை அழைத்து செல்லுங்கள். அங்கே நான் உரையாற்றுகிறேன். கர்நாடகத்தில் மீண்டும் ஆட்சிக்கு வருவது காங்கிரஸ்தான்' என்று கூறியிருந்தேன். 
நான் கூறியதை பிரதமர் மோடியிடம் மத்திய அமைச்சர் அனந்த்குமார் தெரிவித்தார். அப்போது, பிரதமர் மோடியிடம் நான், "மீண்டும் நாங்கள் (காங்கிரஸ்) ஆட்சிக்கு வரவிருக்கிறோம்' என்று தெரிவித்தேன்' என்றார். அப்போது குறுக்கிட்டுப் பேசிய எதிர்க்கட்சித் தலைவர் ஜெகதீஷ் ஷெட்டர், "அவையில் பிரதமர் பெயரை குறிப்பிட்டு பேசுவது சரியல்ல. பொறுப்பு வாய்ந்த முதல்வர் பதவியை வகித்துக் கொண்டு இதுபோல பேசுவது நியாயமா?' என்றார். 
இதைத் தொடர்ந்து, ஜெகதீஷ் ஷெட்டருக்கு ஆதரவாக பாஜக உறுப்பினர்கள் பேசினர். பாஜக உறுப்பினர் விஸ்வேஷ்வர ஹெக்டே காகேரி பேசுகையில், "முதல்வர் சித்தராமையா, பொய் சொல்வதில் வல்லவர். ஆனால், பிரதமர் மோடியின் பெயரை பயன்படுத்தி பொய் சொல்வது சரியல்ல' என்றார்.
இதைத் தொடர்ந்து, காங்கிரஸ்-பாஜக உறுப்பினர்கள் இடையே கடும் வாக்குவாதம் ஏற்பட்டது. அப்போது சித்தராமையா, "பிரதமர் மோடி மீது எனக்கு அபார கெüரவம், மதிப்புள்ளது. அவரை கெüரவத்துடனேயே பேசி வருகிறேன். அவர்மீது நான் எவ்வித குற்றச்சாட்டையும் கூறவில்லை. நான் பிரதமர் மோடியிடம் கூறியதை தான் அவையில் தெரிவித்தேன். இதற்கு ஏன் பதறுகிறீர்கள்?' என்றார்.
அவையில் தொடர்ந்து கூச்சல், குழப்பம் நிலவியதைத் தொடர்ந்து, பேரவைத் தலைவர் கே.பி.கோலிவாட் அவையை இயல்புநிலைக்கு கொண்டுவர முயற்சித்தார். காங்கிரஸ்-பாஜக உறுப்பினர்கள் தொடர்ந்து அமளியில் ஈடுபட்டதால், அவை ஒத்திவைக்கப்பட்டது. 
இதனிடையே, 2018-19-ஆம் ஆண்டுக்கான வரவு-செலவு திட்டம் மற்றும் அடுத்த 3 மாதத்திற்கான வரவு-செலவு திட்டம் குரல் வாக்கெடுப்பு மூலம் நிறைவேற்றப்பட்டன.
 

]]>
http://www.dinamani.com/all-editions/edition-bangalore/2018/feb/25/பிரதமர்-குறித்து-சித்தராமையா-பேச்சு-அவையில்-பாஜக-அமளி-2869985.html
2869984 அனைத்துப் பதிப்புகள் பெங்களூரு சுற்றுலாத் துறையை மேம்படுத்த நடவடிக்கை DIN DIN Sunday, February 25, 2018 08:48 AM +0530 கர்நாடகத்தில் சுற்றுலாத் துறையை மேம்படுத்த நடவடிக்கைகள் எடுக்கப்படும் என்று கர்நாடக சுற்றுலா வளர்ச்சிக் கழகத்தின் மேலாண் இயக்குநர் குமார் புஷ்கர் தெரிவித்தார்.
பெங்களூரு அரண்மனைத் திடலில் வெள்ளிக்கிழமை 3 நாள் சுற்றுலா கண்காட்சியை அமைச்சர் ரோஷன்பெய்க் தொடக்கி வைத்தார். நிகழ்ச்சியில் கலந்து கொண்ட குமார்புஷ்கர் பின்னர் செய்தியாளர்களிடம் கூறியது: சர்வதேச அளவில் சுற்றுலாவிற்கு சிறந்த நாடாக இந்தியா விளங்குகிறது. இதில் கர்நாடகம் பாரம்பரியம், கலாசாரம், சுகாதாரம், ஆன்மீகம், வனச்சுற்றுலா உள்ளிட்டவைகளில் சிறந்து விளங்குகிறது. இதனால் கர்நாடகத்திற்கு சுற்றுலா வருபவர்களின் எண்ணிக்கை அதிகரித்து வருகிறது. கர்நாடகத்துக்கு சுற்றுலா வருபவர்கள் இங்குள்ள சுற்றுலாதளங்களை மட்டுமல்லாது, அண்டை மாநிலங்களான தமிழ்நாடு, ஆந்திரா, கேரளா, கோவா உள்ளிட்ட மாநிலங்களுக்கும் செல்கின்றனர். இதனால் அவர்களுக்கு வருவாய் உயருகிறது. எனவே சுற்றுலாவை மேம்படுத்து கர்நாடகத்துடன் அண்டை மாநிலங்களும் புரிந்துணர்வு ஒப்பந்தங்களை செய்து கொள்ள வேண்டும். இதனால் தென்னிந்திய மாநிலங்கள் சுற்றுலாவில் வளர்ச்சி அடைய முடியும். சுற்றுலா வளர்ச்சிக்கு தேவையான அனைத்து உதவிகளையும் மாநில அரசு செய்ய தயாராக உள்ளது.
கண்காட்சியின் ஒருங்கிணைப்பாளர் சுரேஷ் பேசியது: சுற்றுலா கண்காட்சியில் 8 நாடுகள், 21 மாநிலங்களை சேர்ந்த 180 அரங்குகள் இடம்பெற்றுள்ளன. 3 நாள்கள் நடைபெறும் கண்காட்சியில் 1 ஆயிரம் வர்த்தகர்களும், 10 ஆயிரம் பார்வையாளர்களும் கலந்து கொள்வார்கள் என எதிர்ப்பார்க்கப்படுகிறது. சுற்றுலாவில் கர்நாடகம் உள்ளிட்ட அந்தமான்-நிக்கோபார், பீகார், சண்டிகர், கோவா, ஹிமாசலப்பிரதேசம், ஜார்கண்ட், மத்தியபிரதேசம், பஞ்சாப் மாநிலங்கள் கலந்து கொண்டுள்ளது மகிழ்ச்சி அளிக்கிறது என்றார் அவர். 

]]>
http://www.dinamani.com/all-editions/edition-bangalore/2018/feb/25/சுற்றுலாத்-துறையை-மேம்படுத்த-நடவடிக்கை-2869984.html
2869983 அனைத்துப் பதிப்புகள் பெங்களூரு நாயண்டஹள்ளியில் திருப்பதி விரைவு ரயில் நிறுத்தம் DIN DIN Sunday, February 25, 2018 08:48 AM +0530 நாயண்டஹள்ளியில் சாம்ராஜ்நகர்-திருப்பதி-சாம்ராஜ்நகர் விரைவு ரயில் தாற்காலிகமாக நிறுத்த உத்தரவிடப்பட்டுள்ளது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு: ரயில் எண்கள் 16219/16220- சாம்ராஜ்நகர்-திருப்பதி-சாம்ராஜ்நகர் விரைவு ரயில் இருமார்க்கங்களிலும் சோதனை முயற்சியாக மார்ச் 25-ஆம் தேதிமுதல் செப். 24-ஆம் தேதி வரை 6 மாதங்களுக்கு நாயண்டஹள்ளியில் ரயில் நிலையத்தில் 1 நிமிடம் நின்று செல்லும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-bangalore/2018/feb/25/நாயண்டஹள்ளியில்-திருப்பதி-விரைவு-ரயில்-நிறுத்தம்-2869983.html
2869982 அனைத்துப் பதிப்புகள் பெங்களூரு ஜீப் மீது லாரி மோதியதில் 3 பேர் சாவு DIN DIN Sunday, February 25, 2018 08:47 AM +0530 பெங்களூரு அருகே ஜீப் மீது லாரி மோதியதில் 3 பேர் உயிரிழந்தனர்.
கங்கோத்ரிநகரைச் சேர்ந்த கெம்பராஜ் (34), ராஜேஷ் (20). இவர்கள் நண்பர்களுடன் ஜீப்பில் பெங்களூரு வந்துவிட்டு, வெள்ளிக்கிழமை காலை 8.30 மணியளவில் தங்கள் ஊருக்கு திரும்பிக் கொண்டிருந்தனராம். தும்கூரு-பெங்களூரு தேசிய நெடுஞ்சாலை டி.பேகூரு அருகில் வேகமாக வந்த லாரி, ஜீப் மீது மோதிவிட்டு, பின்னர் பேருந்து மீது மோதியுள்ளது. இதில் ஜீப்பில் இருந்த கெம்பராஜ், ராஜேஷ் நிகழ்விடத்திலேயே உயிரிழந்துள்ளனர். இது குறித்து நெலமங்கலா ஊரக போலீஸார் வழக்கு பதிந்து விசாரணை செய்து வருகின்றனர்.

]]>
http://www.dinamani.com/all-editions/edition-bangalore/2018/feb/25/ஜீப்-மீது-லாரி-மோதியதில்-3-பேர்-சாவு-2869982.html
2869981 அனைத்துப் பதிப்புகள் பெங்களூரு கலவரத்தை தூண்டும் வகையில் அமித்ஷா பேசுகிறார் DIN DIN Sunday, February 25, 2018 08:47 AM +0530 கர்நாடகத்தில் கலவரத்தை தூண்டும் வகையில் பாஜக தேசியத் தலைவர் அமித்ஷா பேசி வருவதாக உள்துறை அமைச்சர் ராமலிங்க ரெட்டி தெரிவித்தார்.
பெங்களூரு லால்பாக்கில் வெள்ளிக்கிழமை கனிக்காட்சியைத் தொடக்கிவைத்த பின்னர் செய்தியாளர்களிடம் அவர் கூறியது: கர்நாடகத்தில் சட்டப்பேரவைத் தேர்தல் நெருங்கி வருகிறது. இதனால் குற்றச் செயல்களை தூண்டிவிடும் வேலையை சிலர் செய்து வருகின்றனர். குறிப்பாக பாஜகவினரை அக்கட்சியின் தேசியத் தலைவர் அமித்ஷா தூண்டிவிடுகிறார். மக்களவை உறுப்பினர் பிரதாப்சிம்ஹா வெளியிட்டுள்ள விடியோவில் இது நிரூபணமாகியுள்ளது. மாநிலத்தில் கலவரத்தை தூண்டும் வகையில் பேசி வருகிறார் அமித்ஷா பேசி வருகிறார். 
வரும் நாள்களில் அவர் மாநிலத்தில் சுற்றுப்பயணம் மேற்கொள்ள உள்ளதால், மேலும் கலவரங்கள் தூண்டப்படலாம் என்ற சந்தேகம் எழுந்துள்ளது. அமைதியாக உள்ள மாநிலத்தில் கலவரத்தை தூண்டி அரசியல் லாபமடைய சிலர் முயற்சி மேற்கொண்டுள்ளதை மக்கள் ஏற்றுக் கொள்ளமாட்டார்கள். மாநிலத்தில் குற்றங்கள் அதிகரிகரித்துள்ளது என்பதனை ஏற்றுக் கொள்ளமாட்டேன். இது குறித்து பாஜகவினருடன் விவாதம் நடத்த தயாராக உள்ளேன் என்றார் அவர்.
 

]]>
http://www.dinamani.com/all-editions/edition-bangalore/2018/feb/25/கலவரத்தை-தூண்டும்-வகையில்-அமித்ஷா-பேசுகிறார்-2869981.html
2869980 அனைத்துப் பதிப்புகள் பெங்களூரு மாநகராட்சி அலுவலகத்துக்கு தீ வைக்க முயன்ற வழக்கில் காங்கிரஸ் பிரமுகர் கைது DIN DIN Sunday, February 25, 2018 08:47 AM +0530 பெட்ரோல் ஊற்றி மாநகராட்சி அலுவலகத்துக்கு தீ வைக்க முயன்ற வழக்கில் காங்கிரஸ் பிரமுகர் நாராயணசாமி வெள்ளிக்கிழமை போலீஸாரிடம் சரணடைந்தார்.
பெங்களூரு ஹொரமாவில் உள்ள மாநகராட்சி அலுவலகத்துக்குள் அண்மையில் புகுந்த கே.ஆர்.புரம் பிளாக் காங்கிரஸ் தலைவர் நாராயணசாமி, பெட்ரோல் ஊற்றி தீ வைக்க முயன்றதாக கூறப்படுகிறது. இதனையடுத்து அவர் மீது வழக்கு பதிந்து ராமமூர்த்திநகர் போலீஸார், தீவிரமாக தேடி வந்தனர். இந்த விவகாரம் தொடர்பாக சட்டப்பேரவையிலும், மேலவையிலும் பெரும் அமளியை ஏற்படுத்தியது. 
நாராயணசாமி தவறு செய்திருந்தால் அவரை உடனடியாக கைது செய்யும்படி முதல்வர் சித்தராமையா உத்தரவிட்டிருந்தார். இந்த நிலையில், வெள்ளிக்கிழமை அவர் போலீஸாரிடம் சரணடைந்தார். அவரை நீதிமன்றத்தில் ஆஜர்படுத்திய பின்னர், தங்கள் விசாரணைக்கு எடுத்துக் கொள்ள போலீஸார் முடிவுசெய்துள்ளனர். பெட்ரோல் ஊற்றி மாநகராட்சி அலுவலகத்திற்கு தீ வைக்க முயற்சித்த சம்பவத்தையடுத்து நாராயணசாமியை 6 ஆண்டுகள் காங்கிரஸ் கட்சியிலிருந்து நீக்கி, அக்கட்சியின் மாநிலத்தலைவர் ஜி.பரமேஸ்வர் உத்தரவிட்டுள்ளது
குறிப்பிடத்தக்கது.
 

]]>
http://www.dinamani.com/all-editions/edition-bangalore/2018/feb/25/மாநகராட்சி-அலுவலகத்துக்கு-தீ-வைக்க-முயன்ற-வழக்கில்-காங்கிரஸ்-பிரமுகர்-கைது-2869980.html
2869979 அனைத்துப் பதிப்புகள் பெங்களூரு ஷோபா கரந்தலஜேவின் குற்றச்சாட்டில் உண்மையில்லை: அமைச்சர் ஆஞ்சநேயா DIN DIN Sunday, February 25, 2018 08:46 AM +0530 ஆழ்துளைக் கிணறு அமைப்பதில் ஊழல் நடந்துள்ளதாக மக்களவை உறுப்பினர் ஷோபா கரந்தலஜே தெரிவித்துள்ள குற்றச்சாட்டில் உண்மையில்லை என்று கர்நாடக சமூக நலத் துறை அமைச்சர் எச்.ஆஞ்சநேயா தெரிவித்துள்ளார்.
இதுகுறித்து அவர் வெளியிட்ட அறிக்கை: 
எனது தொகுதியான உள்ள ஹொல்லேகெரேயில் கங்கா-கல்யாண் திட்டத்தில் ஆழ்துளைக் கிணறு தோண்டுவதில் ஊழல் நடைபெற்றுள்ளதாக மக்களவை உறுப்பினர் ஷோபா கரந்தலஜே குற்றம் சாட்டியுள்ளார். அவரது குற்றச்சாட்டில் உண்மையில்லை. எனது தொகுதியில் அதிக அளவில் ஏழை விவசாயிகள் உள்ளதால், அவர்களின் கோரிக்கையை ஏற்று கங்கா-கல்யாண் திட்டத்தில் நீர்ப்பாசனத்துக்காக ஆழ்துளைக் கிணறுகள் தோண்ட நிதி ஒதுக்கப்பட்டது.
அதன்படி, ஆழ்துளைக் கிணறுகள் தோண்டியதை உறுதி செய்துள்ள அதிகாரிகள் அதற்கான நிதியை ஒதுக்கித் தந்தனர். இதில் எந்த முறைகேடும் நடைபெறவில்லை. அரசியல் லாபத்திற்காக ஷோபா கரந்தலஜே ஆதாரமில்லாத குற்றச்சாட்டுகளை சுமத்துவது முறையல்ல. 
நானும் விவசாயின் மகன் என்பதால் விவசாயிகள் எதிர்க்கொண்டு வரும் பிரச்னையை உணர்ந்துள்ளேன். விவசாயிகள் பிரச்னைதைத் தீர்க்க முயன்றதில் குறை காணுவது சரியல்ல என அதில் அவர் தெரிவித்துள்ளார்.

]]>
http://www.dinamani.com/all-editions/edition-bangalore/2018/feb/25/ஷோபா-கரந்தலஜேவின்-குற்றச்சாட்டில்-உண்மையில்லை-அமைச்சர்-ஆஞ்சநேயா-2869979.html
2869029 அனைத்துப் பதிப்புகள் பெங்களூரு மக்கள் விரும்பிய ஆட்சியைத் தந்துள்ளோம்: முதல்வர் சித்தராமையா DIN DIN Saturday, February 24, 2018 12:51 AM +0530 கடந்த 5 ஆண்டுகளில் மக்கள் விரும்பிய,  நிலையான ஆட்சியை வழங்கியுள்ளதாக கர்நாடக முதல்வர் சித்தராமையா  கூறினார்.
கர்நாடக சட்டப்பேரவையில் வெள்ளிக்கிழமை 2018-19-ஆம் ஆண்டுக்கான வரவு- செலவுத் திட்டம் மீதான விவாதத்துக்குப் பதிலளித்து அவர் பேசியது:
கடந்த ஐந்து ஆண்டு கால ஆட்சியில் விமர்சனங்களையும், பாராட்டுகளையும் கண்டிருக்கிறோம்.  விமர்சனங்கள் இயல்பானவை.  அரசின் செயல்பாடுகள் எல்லாவற்றையும் பாராட்ட வேண்டும் என நான் எதிர்பார்க்கவில்லை. 
ஐந்து ஆண்டு கால ஆட்சியை நடத்துவதற்கு ஒத்துழைத்த அமைச்சர்கள்,  அதிகாரிகள்,  ஆளுங்கட்சி மற்றும் எதிர்க்கட்சிகளின் உறுப்பினர்களுக்கு எனது நன்றியைத் தெரிவித்துக் கொள்கிறேன்.  எதிர்வரும் சட்டப்பேரவையில் போட்டியிடும் அனைவரும் வெற்றிபெற்று சட்டப்பேரவைக்கு வருவோம் என்று கூற மாட்டேன்.  நமது வெற்றியை மக்கள் தீர்மானிக்கப் போகிறார்கள். 
எனக்கு கிடைத்திருக்கும் தகவலின்படி,  அடுத்த சட்டப்பேரவைத் தேர்தலில் வென்று காங்கிரஸ் மீண்டும் ஆட்சி அமைக்கும்.  கடந்த ஐந்து ஆண்டுகளில் முதல்வராக 6 மாநில வரவு-செலவு திட்டங்களைத் தாக்கல் செய்திருக்கிறேன்.  நிதியமைச்சராக 13 வரவு-செலவுத் திட்டங்களைத் தாக்கல் செய்துள்ளேன். 
ராமகிருஷ்ண ஹெக்டேவுக்கு பிறகு 13 வரவு-செலவுத் திட்டங்களைத் தாக்கல் செய்ததும்,  தேவராஜ் அர்ஸுக்குப் பிறகு ஐந்து ஆண்டுகளாக முதல்வராகப் பதவி வகித்ததும் நான் மட்டும்தான்.  ஐந்து ஆண்டு காலத்தில் மக்கள் விரும்பிய,  நிலையான ஆட்சியை வழங்கியிருக்கிறோம். 
ஐந்தாண்டு ஆட்சியின் கடைசி ஆண்டில் 60 நாள்கள் சட்டப்பேரவைக் கூட்டம் நடந்திருக்க வேண்டும்.  53 நாள்கள் மட்டுமே சட்டப்பேரவைக் கூடியுள்ளது.  ஐந்தாண்டுகளில் 244 நாள்கள் சட்டப்பேரவை நடத்தப்பட்டுள்ளது. 13-ஆவது சட்டப்பேரவை 203 நாள்கள் கூடியிருந்தது.  முந்தைய அரசைக் காட்டிலும் கூடுதல் தினங்கள் சட்டப்பேரவை நடத்தியமைக்கு பேரவை,  மேலவைத் தலைவர்கள், துணைத் தலைவர்களைப் பாராட்டுகிறேன்.
நிகழ் சட்டப்பேரவைக் கூட்டத்தில் உறுப்பினர்களின் வருகை குறைவாகக் காணப்பட்டது வருத்தமாக  உள்ளது. 
சட்டப்பேரவைக் கூட்டத் தொடரில் கலந்து கொள்கிறோமா? இல்லையா? என்பதை மக்கள் கவனித்து வருகிறார்கள்.  அண்மைக் காலமாக பேரவை விவாதங்களின் தரம் தாழ்ந்துள்ளதாக மக்கள் மனதில் கருத்து உருவாகியிருக்கிறது.  இதற்கு இடமளிக்காமல்,  தரமான விவாதங்களில் ஈடுபட  வேண்டும். 
தேர்தல் நெருங்கும் போது தாக்கல் செய்யும் மாநில வரவு-செலவுத் திட்டத்துக்கு மதிப்பில்லை என்று எதிர்க்கட்சித் தலைவர் ஜெகதீஷ் ஷெட்டர் கூறியிருந்தது சரியில்லை.  இது தேர்தல் வரவு-செலவுத் திட்டமல்ல, 
நடைமுறை சாத்தியமானதாகும்.  தேர்தலுக்காக வரவு-செலவுத் திட்டத்தைத் தாக்கல் செய்யவில்லை.  மீண்டும் ஆட்சிக்கு வரும் நம்பிக்கை இருப்பதால்,  வரவு-செலவுத் திட்டத்தில் அறிவித்த திட்டங்கள் அனைத்தும் செயல்படுத்தப்படும் என்றார்.

]]>
http://www.dinamani.com/all-editions/edition-bangalore/2018/feb/24/மக்கள்-விரும்பிய-ஆட்சியைத்-தந்துள்ளோம்-முதல்வர்-சித்தராமையா-2869029.html
2869034 அனைத்துப் பதிப்புகள் பெங்களூரு கங்கா- கல்யாண் திட்டத்தில் ஊழல்? அமைச்சர் மீது பாஜக குற்றச்சாட்டு DIN DIN Saturday, February 24, 2018 12:41 AM +0530 கங்கா-கல்யாண் திட்டத்தில் ஊழல் நடைபெற்றுள்ளதாகவும், அதில் அமைச்சர் எச்.ஆஞ்சநேயா உள்ளிட்ட 18 அதிகாரிகளுக்கு தொடர்பு உள்ளதாக பாஜக மாநிலச் செயலாளரும், மக்களவை உறுப்பினருமான ஷோபா கரந்தலஜே குற்றஞ்சாட்டினார்.
பெங்களூரு மல்லேஸ்வரத்தில் உள்ள பாஜக அலுவலகத்தில் வெள்ளிக்கிழமை செய்தியாளர்களிடம் அவர் கூறியது: 
டாக்டர் பி.ஆர்.அம்பேத்கர் வளர்ச்சி கழகத்தின் கங்கா-கல்யாண் திட்டத்தில் பல கோடி மதிப்பில் ஊழல் நடைபெற்றுள்ளது. இதில் சமூகநலத் துறை அமைச்சர் எச்.ஆஞ்சநேயா உள்ளிட்ட 18 அதிகாரிகளுக்கு தொடர்பு உள்ளது. இந்தத் திட்டத்தில் மாநிலத்தின் 7 மண்டலங்களில் ரூ. 36  கோடி மதிப்பில் ஆழ்துளை கிணறுகளை தோண்ட ஒரே நாளில் உத்தர பிறப்பிக்கப்பட்டுள்ளது. 
அமைச்சர் ஆஞ்நேயாவின் தொகுதியில் உள்ள ஹொல்லேகெரேயில் 1800 ஆழ்துளை கிணறுகள் தோண்டவும் உத்தரவிடப்பட்டுள்ளதே ஊழல் நடைபெற்றுள்ளதற்கு சாட்சியாகும். இதற்கு உடனடியாக நிதியும் ஒதுக்கப்பட்டுள்ளது. இதற்கான ஆதாரங்கள் எங்களிடம் உள்ளது. இதற்கு பொறுப்பேற்று அமைச்சர் ஆஞ்சநேயா தனது பதவியை உடனடியாக ராஜிநாமா செய்ய வேண்டும். மேலும் உண்டு உறைவிடப்பள்ளிகளுக்கு மெத்தை வாங்கியதிலும் ஊழல் நடைபெற்றுள்ளது. இது குறித்து சிபிஐ விசாரணைக்கு ஒப்படைக்க வேண்டும் என்றார் அவர். 
பேட்டியின் போது, பாஜக மாநிலச் செயலாளர் ரவிக்குமார், வாமனாச்சாரியா உள்ளிட்டோர் உடனிருந்தனர். 
 

]]>
http://www.dinamani.com/all-editions/edition-bangalore/2018/feb/24/கங்கா--கல்யாண்-திட்டத்தில்-ஊழல்-அமைச்சர்-மீது-பாஜக-குற்றச்சாட்டு-2869034.html
2869033 அனைத்துப் பதிப்புகள் பெங்களூரு வியாபாரி வெட்டிக் கொலை DIN DIN Saturday, February 24, 2018 12:41 AM +0530 வீட்டில் புகுந்த மர்மநபர்கள் வியாபாரியை அரிவாள் உள்ளிட்ட ஆயுதங்களால் வெட்டிக் கொலை செய்துவிட்டு தப்பினர்.
ராம்நகரைச் சேர்ந்தவர் பானிப்பூரி வியாபாரி நரசிம்மமூர்த்தி (28). பெங்களூரு குருபரஹள்ளியில் மனைவி, மகனுடன் வசித்து வந்த இவர், அதே பகுதியில் பானிப்பூரி கடை நடத்தி வந்தாராம். வியாழக்கிழமை இரவு வியாபாரம் முடிந்து வீட்டிற்கு நரசிம்மமூர்த்தி சென்றுள்ளார்.
10.30 மணியளவில் அவரது வீட்டிற்குள் புகுந்த 3 பேர், நரசிம்மமூர்த்தியின் மனையின் முகத்தில் மயக்க மருந்தை பீச்சி அடித்துள்ளனர். அவர் மயங்கி விழுந்தவுடன் நரசிம்ம மூர்த்தியை, அரிவாள் உள்ளிட்ட ஆயுதங்கள் வெட்டிக் கொலை செய்துவிட்டு, தப்பிச் சென்றுள்ளனர். வெள்ளிக்கிழமை காலையில் மயக்கம் தெளிந்து கண்விழித்த அவரது மனைவி, போலீஸாருக்கு தகவல் தெரிவித்துள்ளார். தகவலை அடுத்து அங்கு வந்த போலீஸார், நரசிம்மமூர்த்தியிடன் சடலத்தை மீட்டு பிரேத பரிசோதனைக்கு அனுமதித்தனர். இது குறித்து மகாலட்சுமி லேஅவுட் போலீஸார் வழக்கு பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-bangalore/2018/feb/24/வியாபாரி-வெட்டிக்-கொலை-2869033.html
2869032 அனைத்துப் பதிப்புகள் பெங்களூரு ர்நாடகத் தமிழர் பாதுகாப்புப் பேரணி நடத்துவதற்கான அவசியம் ஏன்? DIN DIN Saturday, February 24, 2018 12:41 AM +0530 பெங்களூரில் பிப்.25-ஆம் தேதி நடைபெறவிருக்கும் கர்நாடகத் தமிழர் பாதுகாப்புப் பேரணி நடத்துவதற்கான அவசியம் ஏன்? என்பது குறித்த விவாதங்கள் தமிழர்களிடையே காணப்படுகிறது.
தென்னிந்தியாவில் தமிழர்களின் இல்லமாக விளங்கும் தமிழகத்தின் அண்டை மாநிலம் கர்நாடகம். இம்மாநிலத்திற்குள்பட்ட பெங்களூரு, கோலார், மண்டியா, மைசூரு, சிவமொக்கா, சாமராஜ்நகர், தாவணகெரே உள்ளிட்ட பெரும்பாலான மாவட்டங்களில் லட்சக்கணக்கான தமிழர்கள் வாழ்ந்து வருகின்றனர். 1991-ஆம் ஆண்டில் நடந்த காவிரி கலவரத்துக்குப் பிறகு தமிழ்ச் சமூகம் குழப்பமான சமூக, அரசியல், பொருளாதாரச்சூழலை எதிர்கொண்டுள்ளது.
மொழிவாரி மாநிலங்கள் பிரிக்கப்பட்ட போது ஒன்றுபட்ட கன்னட நாடு கனவு நனவானது,"மைசூரு மாநிலம்' உதயமானது. இதையடுத்து 1973-ஆம் ஆண்டு மைசூரு மாநிலத்துக்கு கர்நாடகம் என்ற பெயர்சூட்டப்பட்டது. 
அண்டை மாகாணங்களில் இருந்து கன்னட மொழி பேசும் மக்கள் வசிக்கும் பகுதிகளை கர்நாடகத்தில் சேர்க்க தெரிந்தவர்களுக்கு, மராத்தி, தமிழ், தெலுங்கு, மலையாளம் பேசும் வாழ்ந்த பகுதிகளை முறையே மகாராஷ்டிரம், தமிழ்நாடு, ஆந்திரம், கேரள மாநிலங்களில் சேர்க்காமல் விட்டுவிட்டனர். 
கர்நாடகத்தில் வாழும் தமிழர்கள், மராத்தியர்கள் கன்னடமொழியை கற்றுத்தேர்ந்துள்ளதோடு, அம்மொழியின் வளர்ச்சிக்கும் பங்காற்றியுள்ளனர். ஆனாலும் தமிழர்கள், மராத்தியர்களின் மொழி உரிமையை மதிக்கவும், பாதுகாக்கவும் கன்னடர்கள் தவறிவிட்டனர். 
1991-ஆம் ஆண்டு எடுக்கப்பட்ட மக்கள்தொகை கணக்கெடுப்பில் பெங்களூரில் அதிக அளவில் வாழ்ந்த சமூகமாக தமிழர்கள் இருந்தனர். தமிழர்களைவிட கன்னடர்கள் குறைவான எண்ணிக்கையில் பெங்களூரில் வாழ்ந்திருந்தனர். 
காவிரி நடுவர் மன்றம் இடைக்காலத் தீர்ப்பை கண்டித்து 1991, டிச.12, 13-ஆம் தேதிகளில் கர்நாடகத் தமிழர் மீது வன்முறை வெறியாட்டம் கட்டவிழ்த்துவிடப்பட்டது. மனிதகுலத்தை அவமதிக்கும் வகையிலான வன்முறைகள் தமிழர்கள் மீது ஏவப்பட்டன. இதன்விளைவாக, 18 தமிழர்கள் கொல்லப்பட்டதோடு, தமிழர்கள் வீடுகள், சொத்துகள், வியாபார நிறுவனங்கள் சூறையாடப்பட்டு தீவைத்துக் கொளுத்தப்பட்டன. 
தமிழ் அழிப்பு
கடந்த 27 ஆண்டுகளாக நிலைகுலைந்து போயிருக்கும் தமிழர்களை காவிரி பிரச்னை வரும்போதெல்லாம் சீண்டிபார்த்து வரும்போக்கும் தொடர்ந்துள்ளது. 1991-ஆம் ஆண்டுக்கு பிறகு 1996, 2000, 2004,2016-ஆம் ஆண்டுகளிலும் காவிரி கலவரங்கள் சிறிய அளவில் வெடித்துள்ளன. காவிரி பிரச்னையால் துவண்டுபோயிருக்கும்கர்நாடகத்தமிழர்களின் மொழி அடையாளங்களை அழிக்கும் போக்கு கடந்தசில மாதங்களாக உருவெடுத்துள்ளது. 
கடந்தமாதம் பெங்களூருவில் பொங்கல்விழா, கோயில் திருவிழாக்களை கொண்டாடவிடாமல் தடுக்கப்பட்டுள்ளனர். பெரியார்நகர், டேனரிசாலை, லட்சுமிபுரம், வண்ணாரப்பேட்டை, கே.எஸ்.தோட்டம், காவல்பைரசந்திரா, அல்சூரு, ஆனந்தபுரம், கே.ஆர்.மார்க்கெட் போன்ற பகுதிகளில் தமிழ் பதாகைகள் கிழிக்கப்பட்டு, தமிழ் எழுத்துகள் அழிக்கப்பட்டுள்ளன. கர்நாடகத்தில் இனிமேல் யாரும் தமிழ் பதாகைகள் வைக்கக்கூடாது என்று கன்னட அமைப்பினர் மிரட்டி சென்றுள்ளனர். தமிழ் கோயில்களில் கூட தமிழ் பாடல்களை ஒலிபரப்பக்கூடாது என்று எச்சரித்துள்ளனர். இது தொடர்பாக கன்னடர் அமைப்பினர் மீது அளித்த புகாரை வாங்க காவல் துறையினர் மறுத்துள்ளனர். 
பாதுகாப்புப் பேரணி
இதுபோன்ற வன்முறைச்செயல்களை இனிமேலும் தாங்கிக்கொள்ள இயலாத நிலைக்கு தள்ளப்பட்டுள்ள கர்நாடகத் தமிழர்கள், தங்கள் மீதான தொடர் வெறியாட்டங்களை கண்டித்தும், தமிழர்களுக்கு பாதுகாப்பு வழங்கக்கோரி கர்நாடக அரசை வலியுறுத்தியும் பிப்.25-ஆம் தேதி கர்நாடகத்தமிழர் பாதுகாப்புப்பேரணி நடத்தி, ஆளுநர் வஜுபாய் வாலாவிடம் கோரிக்கை மனு அளிக்க கர்நாடகத்தமிழ் மக்கள் இயக்கம் உள்ளிட்டதமிழ் அமைப்புகளின் ஒத்துழைப்பில் கர்நாடகத்
தமிழர் திட்டமிட்டுள்ளனர்.

]]>
http://www.dinamani.com/all-editions/edition-bangalore/2018/feb/24/ர்நாடகத்-தமிழர்-பாதுகாப்புப்-பேரணி-நடத்துவதற்கான-அவசியம்-ஏன்-2869032.html
2869031 அனைத்துப் பதிப்புகள் பெங்களூரு லால் பாக் பூங்காவில் காய்கறிக் கண்காட்சி DIN DIN Saturday, February 24, 2018 12:39 AM +0530 பெங்களூரு லால்பாக் பூங்காவில் வெள்ளிக்கிழமை திராட்சை, தர்பூசணி கனிக்கண்காட்சியை உள்துறை அமைச்சர் ராமலிங்கரெட்டி தொடக்கி வைத்தார்.
பெங்களூரு லால்பாக் பூங்கா கண்ணாடி மாளிகையில் வெள்ளிக்கிழமை திராட்சை, தர்பூசணி கனிக்கண்காட்சியை தொடக்கி வைத்து அமைச்சர் ராமலிங்கரெட்டி பேசியது: ரசாயனக் கலப்பில்லாத இயற்கையாக விளைவிக்கப்பட்ட திராட்சை, தர்பூசணி உள்ளிட்ட கனிகளின் விற்பனை கண்காட்சி தொடங்கப்பட்டுள்ளது. இன்னும் 1 மாதம் நடைபெற உள்ளது இந்த கண்காட்சியில் 500 மெட்ரிக் டன் திராட்சையும், 2 ஆயிரம் மெட்ரிக் டன் தர்பூசணியும் விற்பனையாகும் என எதிர்பார்ப்பு உள்ளது. கண்காட்சியில் கனிகள் விற்பனை மூலம் கிடைக்கும் லாபம் நேரடியாக விவசாயிகளுக்கு சென்றடைகிறது.  இடைத்தரகர் இல்லாமம் நேரடியாக தாங்கள் விளைவித்த கனிகளை கண்காட்சியில் விவசாயிகள் விற்பனை செய்ய ஏற்பாடு செய்யப்பட்டுள்ளது வரவேற்கத்தக்கது. விவசாயிகளின் நலனைக் கருத்தில் கொண்டு இதுபோன்ற கண்காட்சிகளை பொதுமக்கள் ஆதரிக்க வேண்டும் என்றார் அவர். நிகழ்ச்சியில் ஹாப்காம்ஸின் தலைவர் ஏ.எஸ்.சந்திரேகெளடா, தோட்டக்கலைத்துறை ஆணையர் ஒய்.எஸ்.பாட்டீல், மேலாண் இயக்குனர் எம்.விஸ்வநாத் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-bangalore/2018/feb/24/லால்-பாக்-பூங்காவில்-காய்கறிக்-கண்காட்சி-2869031.html
2869030 அனைத்துப் பதிப்புகள் பெங்களூரு பயிர்க் கடன் விவகாரம்: பேரவையில் பாஜகவினர் தர்னா DIN DIN Saturday, February 24, 2018 12:39 AM +0530 பயிர்க் கடன் விவகாரம் தொடர்பாக பேரவையில் எழுந்த விவாதத்திற்கு எதிர்ப்புத் தெரிவித்து பாஜக உறுப்பினர்கள் தர்னாவில் ஈடுபட்டனர்.
கர்நாடக சட்டப்பேரவையில் வெள்ளிக்கிழமை வரவு-செலவு திட்டம் மீதான விவாதத்திற்குப் பதிலளித்து முதல்வர் சித்தராமையா பேசுகையில்,"மாநிலத்தில் உள்ள கூட்டுறவு வங்கிகளில் விவசாயிகள் பெற்றிருந்த பயிர்க் கடனில் தலா ரூ.50 ஆயிரம் சதவீதம் தள்ளுபடி செய்திருக்கிறோம். இதனால், அரசுக்கு ரூ.8,165கோடி நிதிச்சுமை ஏற்பட்டுள்ளது. முந்தையபாஜக ஆட்சியில் தள்ளுபடி செய்யப்பட்ட பயிர்க்கடனுக்கான தொகையை காங்கிரஸ் அரசுதான் கூட்டுறவுச் சங்கங்களுக்கு நிதி வழங்கியது' என்றார்.
இதற்குப் பதிலளித்து பேசிய எதிர்க்கட்சித் தலைவர் ஜெகதீஷ் ஷெட்டர், "விவசாயிகள் பெற்றுள்ள பயிர்க் கடனை ரூ.ஒரு லட்சம் வரை தள்ளுபடிசெய்ய வேண்டும். மேலும், பயிர்க்கடன் தள்ளுபடி செய்து அறிவிப்பை வெளியிட்டால், சட்டப்பேரவைத் தேர்தலுக்கு பிறகு அமையும் பாஜக ஆட்சியில் அவற்றை தீர்த்துவைப்போம்' என்றார்.
அப்போது காங்கிரஸ் உறுப்பினர் கே.என்.ராஜண்ணா, "2008-ஆம் ஆண்டு முதல் இதுவரை ரூ.1.18 லட்சம் கோடியை மத்திய அரசு வங்கிகளுக்கு அளித்துள்ளது. இதுதவிர, 2017-ஆம் ஆண்டில் ரூ.2.11கோடியையும் மத்திய அரசு வங்கிகளுக்கு தந்துள்ளது. அந்த பணத்தை தொழிலதிபர்கள் நீரவ் மோடி, விஜய்மல்லையா ஆகியோருக்கு வழங்கப்பட்டுவிடுகிறது' என்றார்.
இதற்கு பாஜக உறுப்பினர்கள் கடும் எதிர்ப்புத் தெரிவித்தனர். அப்போது எதிர்க்கட்சித் தலைவர் ஜெகதீஷ் ஷெட்டர், துணைத் தலைவர் ஆர்.அசோக், பாஜக உறுப்பினர்கள் சி.டி.ரவி,சுனில்குமார், விஸ்வேஷ்வர ஹெக்டே காகேரி உள்ளிட்டோர் ஆளுங்கட்சியினருடன் வாக்குவாதத்தில் ஈடுபட்டனர். 
இவர்களுக்கு ஆளுங்கட்சித் தரப்பில் அமைச்சர்கள் ரோஷன்பெய்க், பிரியாங்கார்கே, பிரமோத் மத்வராஜ், சரணபிரகாஷ் பாட்டீல் உள்ளிட்டோர்பதிலளித்தனர். இதனால் அவையில் கூச்சல், குழப்பம் நிலவியது. காங்கிரஸ்-பாஜகவினரிடையே வாக்குவாதம் முற்றியதால், பாஜகவினர் பேரவைத் தலைவர் இருக்கை முன்பு கூடி தர்னாவில் ஈடுபட்டனர்.
இதைத் தொடர்ந்து 10 நிமிடங்களுக்கு அவை ஒத்திவைக்கப்பட்டது. மீண்டும் அவை கூடியதும் பாஜகவினர் தர்னா போராட்டத்தை தொடர்ந்ததால் அவை மறுபடியும்
ஒத்திவைக்கப்பட்டது.

]]>
http://www.dinamani.com/all-editions/edition-bangalore/2018/feb/24/பயிர்க்-கடன்-விவகாரம்-பேரவையில்-பாஜகவினர்-தர்னா-2869030.html