Dinamani - சிவகங்கை - http://www.dinamani.com/all-editions/edition-madurai/sivagangai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3058803 மதுரை சிவகங்கை கௌரவ விரிவுரையாளர்களுக்கான பதிவு மூப்பு இறுதிப் பட்டியல் வெளியிடக் கோரிக்கை DIN DIN Sunday, December 16, 2018 01:17 AM +0530
தமிழக ஆளுநரின் ஆணையை பின்பற்றாமல், அழகப்பா பல்கலைக்கழக கல்லூரிகள், கௌரவ விரிவுரையாளர்களுக்கான பணி அனுபவத்தை குறைத்து இணையதளத்தில் பதிவு மூப்புப் பட்டியல் வெளியிட்டுள்ளதாகப் புகார் தெரிவிக்கப்பட்டுள்ளது.
இது குறித்து தமிழ்நாடு அனைத்து அரசுக் கல்லூரி யுஜிசி தகுதி கௌர விரிவுரையாளர்கள் சங்க நிறுவனத் தலைவர் மற்றும் ஒருங்கிணைப்பாளர் க. சிவகுமார் வெள்ளிக்கிழமை கூறியதாவது:
அரசுக் கல்லூரிகளில் பல்கலைக்கழக மானியக் குழு (யுஜிசி) தகுதியுடன் பணிபுரியும் கௌர விரிவுரையாளர்கள் நீண்ட கால பணி அனுபவ அடிப்படையில் பணி நிரந்தரம் செய்யப்படுவர் என்று தமிழக அரசு கொள்கை முடிவு எடுத்து, கடந்த மே மாதம் சட்டப்பேரவையில் அறிவிப்பை வெளியிட்டது.
இந்த அறிவிப்பு வெளியாகி 6 மாதங்களாகியும் இதுவரை பணி நிரந்தரம் செய்யப்படவில்லை. இதனால், மன உளைச்சல் ஏற்பட்டுள்ளது. யுஜிசி அறிவிப்பின்படி, தொகுப்பு ஊதிய நிலுவைத் தொகை சுமார் ரூ. 15 லட்சமும் இன்னும் வழங்கப்படாமல் உள்ளது.
இதனிடையே, பணி அனுபவச் சான்று மறுக்கப்பட்டதால், அரசின் கவனத்துக்கு கொண்டு செல்லப்பட்டதன் காரணமாக, கடந்த 2016 இல் தமிழக ஆளுநரால் உத்தரவு பிறப்பிக்கப்பட்டது. அதில், ஜூன் முதல் மார்ச் மாதம் வரை பணியாற்றிவரும் கௌரவ விரிவுரையாளர்கள் பல்வேறு பணிகளை மேற்கொள்வதால், 12 மாதங்களுக்கான பணி அனுபவச் சான்றிதழ் வழங்கவேண்டும் என்றும், அரசு தேர்வு வாரியத்தால் நடத்தப்படும் அரசு கலை மற்றும் அறிவியல் மற்றும் கல்வியியல் கல்லூரிகளில் பணி நியமனத்துக்கு கௌரவ விரிவுரையாளர்களின் 10 மாதப் பணியை ஓராண்டு பணி அனுபவமாகக் கணக்கில் எடுத்துக் கொள்ளுமாறும், கல்லூரி கல்வி இயக்குநர் மூலம் கருத்துரு அனுப்பப்பட்டது. இந்த ஆணையை பின்பற்றாமல், அழகப்பா பல்கலைக்கழகத்துக்குள்பட்ட சில அரசு கல்லூரி முதல்வர்கள், கௌரவ விரிவுரையாளர்களுக்கு பணி அனுபவத்தை குறைத்து மதிப்பிட்டு பல்கலைக்கழகத்துக்கு பட்டியலை அனுப்பியுள்ளனர். இதனால், பெரும்பாலான கௌரவ விரிவுரையாளர்களின் பெயர்கள் பதிவு மூப்புப் பட்டியலில் இருந்து பின்னுக்குத் தள்ளப்பட்டுள்ளது. பரமக்குடி கல்லூரியில் ஒட்டுமொத்த கௌரவ விரிவுரையாளர்களின் பெயர்களும் அழகப்பா பல்கலைக்கழக இணையதளத்தில் வெளியாகியுள்ள பதிவு மூப்புப் பட்டியலில் இடம் பெறாததால், மிகுந்த மன வேதனையடைந்துள்ளனர்.எனவே, கௌரவ விரிவுரையாளர்களின் பதிவு மூப்புப் பட்டியலை ஆளுநரின் ஆணையை பின்பற்றி வழங்க, அரசு கல்லூரி முதல்வர்களுக்கு அழகப்பா பல்கலைக்கழகம் அறிவுறுத்தவேண்டும்.
கௌரவ விரிவுரையாளர்களுக்கு அழகப்பா பல்கலைக்கழகம் அளித்த உரிமையை தொடர்ந்து வழங்கி, சரியான பதிவு மூப்புப் பட்டியல் கிடைத்தவுடன் இறுதி பதிவு மூப்புப் பட்டியலை வெளியிடவேண்டும் என்றும், சங்கத்தின் சார்பில் கேட்டுக்கொள்கிறேன் என்றார்.

 

]]>
http://www.dinamani.com/all-editions/edition-madurai/sivagangai/2018/dec/16/கௌரவ-விரிவுரையாளர்களுக்கான-பதிவு-மூப்பு-இறுதிப்-பட்டியல்-வெளியிடக்-கோரிக்கை-3058803.html
3058802 மதுரை சிவகங்கை திருப்புவனத்தில் ஆட்டோ மோதி பைக்கில் சென்றவர் சாவு DIN DIN Sunday, December 16, 2018 01:17 AM +0530
சிவகங்கை மாவட்டம் திருப்புவனத்தில் சனிக்கிழமை ஆட்டோ மோதி பைக்கில் சென்றவர் உயிரிழந்தார்,
மதுரை நரிமேடு பகுதியைச் சேர்ந்தவர் பாலகிருஷ்ணன்(53). இவரது மனைவி லட்சுமி(43). இருவரும் இரு சக்கர வாகனத்தில் மதுரையிலிருந்து மானாமதுரை வந்து தங்களது மகளை பார்த்துவிட்டு மதுரைக்கு திரும்பிச் சென்றனர். திருப்புவனம் புதூர் பகுதியில் வந்தபோது எதிரே வந்த ஆட்டோ இவர்களது இருசக்கர வாகனம் மீது மோதியது. இதில் பாலகிருஷ்ணன், லட்சுமி, ஆட்டோ ஓட்டுநர் ஞானவேல் ஆகிய 3 பேரும் காயமடைந்தனர். பலத்த காயமடைந்த பாலகிருஷ்ணன் மதுரை அரசு மருத்துவமனைக்கு கொண்டு செல்லும் வழியில் உயிரிழந்தார். மற்ற இருவரும் திருப்புவனம் அரசு மருத்துவமனையில் சிகிச்சை பெற்றனர். இந்த விபத்து குறித்து திருப்புவனம் போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/dec/16/திருப்புவனத்தில்-ஆட்டோ-மோதி-பைக்கில்-சென்றவர்-சாவு-3058802.html
3058801 மதுரை சிவகங்கை சிங்கம்புணரியில் நாளை மின்தடை DIN DIN Sunday, December 16, 2018 01:17 AM +0530
சிவகங்கை மாவட்டம் சிங்கம்புணரி பகுதியில் திங்கள்கிழமை (டிச.17) மின் விநியோகம் தடை செய்யப்படும் என மின்வாரியம் சார்பில் தெரிவிக்கப்பட்டுள்ளது.
திருப்பத்தூர் மின்வாரிய செயற்பொறியாளர் பாட்ஷா முகமது விடுத்துள்ள செய்திக்குறிப்பு: சிங்கம்புணரி துணை மின் நிலையத்தில் திங்கள்கிழமை (டிச.17) மாதாந்திர பராமரிப்புப் பணிகள் நடைபெற உள்ளது. அதனால் அன்றைய தினம் இந்த துணை மின்நிலையத்திலிருந்து மின் விநியோகம் பெறும் சிங்கம்புணரி, எஸ்.வி.மங்கலம், காளாப்பூர், பிரான்மலை மற்றும் சுற்றுவட்டார கிராமங்களில் காலை 9 மணி முதல் மாலை 5 மணிவரை மின் விநியோகம் இருக்காது என தெரிவிக்கப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/dec/16/சிங்கம்புணரியில்-நாளை-மின்தடை-3058801.html
3058799 மதுரை சிவகங்கை வீரனேந்தலில் டிச.19 இல் சிறப்பு கிராம சபைக் கூட்டம் DIN DIN Sunday, December 16, 2018 01:16 AM +0530
திருப்புவனம் அருகே வீரனேந்தலில் வரும் டிச.19 ஆம் தேதி (புதன்கிழமை) சிறப்பு கிராம சபைக் கூட்டம் நடைபெற உள்ளது.
இதுகுறித்து சிவகங்கை மாவட்ட ஆட்சியர் ஜெ.ஜெயகாந்தன் சனிக்கிழமை வெளியிட்டுள்ள செய்திக் குறிப்பு: தமிழக அரசின் விலையில்லா கால்நடைகள் வழங்கும் திட்டத்தின் கீழ் 2018-19 ஆம் ஆண்டுக்கான பயனாளிகளை தேர்வு செய்வதற்காக திருப்புவனம் ஒன்றியத்துக்குள்பட்ட வீரனேந்தலில் வரும் டிச.19 ஆம் தேதி சிறப்பு கிராம சபைக் கூட்டம் நடைபெற உள்ளது.
இந்த கூட்டத்தில் வீரனேந்தல் கிராம ஊராட்சியைச் சேர்ந்த பெண்கள் கலந்து கொள்ளலாம். தகுதியான 40 பயனாளிகளுக்கு தமிழக அரசின் விலையில்லா பசுக்கள் வழங்கப்படும் என அதில் குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/dec/16/வீரனேந்தலில்-டிச19-இல்-சிறப்பு-கிராம-சபைக்-கூட்டம்-3058799.html
3058798 மதுரை சிவகங்கை திருப்பத்தூர் அரசு பெண்கள் மேல்நிலைப் பள்ளி முன்பு ஆசிரியர்கள் தர்னா DIN DIN Sunday, December 16, 2018 01:16 AM +0530
சிவகங்கை மாவட்டம் திருப்பத்தூர் நாகப்பா மருதப்பா பெண்கள் மேல்நிலைப் பள்ளியில் சனிக்கிழமை நடைபெற்ற தேசிய திறனாய்வுத் தேர்வு தாமதமாகத் தொடங்கப்பட்டதால் கூடுதல் நேரம் ஒதுக்கக் கோரி பெற்றோர்கள் மற்றும் ஆசிரியர்கள் தர்னாவில் ஈடுபட்டனர்.
அரசு மற்றும் அரசு உதவி பெறும் பள்ளிகளில் 8 ஆம் வகுப்பு மாணவர்களுக்கு நடத்தப்படும் தேசிய திறனாய்வுத் தேர்வில் வெற்றி பெறுபவர்களுக்கு 12 ஆம் வகுப்பு வரை உதவித் தொகை வழங்கப்பட்டு வருகிறது.
இந்த ஆண்டிற்கான தேர்வு எழுத சனிக்கிழமை சிங்கம்புணரி, திருப்பத்தூர், கல்லல் வட்டாரத்தைச் சேர்ந்த சுமார் 500-க்கும் மேற்பட்ட மாணவ, மாணவிகள் திருப்பத்தூர் பெண்கள் அரசு மேல்நிலைப்பள்ளிக்கு வந்தனர்.
வழக்கமாக காலை 9.15 மணிக்கு தேர்வறைக்கு வரும் கண்காணிப்பாளர்கள் நுழைவுச் சீட்டைச் சரிபார்த்து, பின்னர் மாணவர்களுக்கு அறிவுரை வழங்கி, 9:20-க்கு வினாத் தாள்கள் வழங்கி 9.30 மணிக்கு தேர்வெழுத அனுமதிப்பர். ஆனால் சனிக்கிழமை காலை 9.30 மணி வரை கண்காணிப்பாளர்கள் தேர்வு அறைகளுக்கு வராததால் மாணவர்களை வழி நடத்தி வந்த ஆசிரியர்கள், ஆசிரியைகள் பள்ளி தலைமையாசிரியர் அலுவலகத்திற்கு சென்று கேட்டனர்.
ஆனால் அங்கு கூட்டம் நடக்கிறது. அது முடிந்தபின் தான் தேர்வு நடைமுறைகள் தொடங்கும் என்று கூறிய தலைமையாசிரியை, அவர்களை கண்டித்து பள்ளியை விட்டு வெளியேற உத்தரவிட்டார். இதையடுத்து அங்கிருந்து வெளியேறிய அவர்கள் தேர்வுக்கு கூடுதல் நேரம் ஒதுக்கக் கோரி பள்ளி முன்பு தர்னாவில் ஈடுபட்டனர்.
தகவலறிந்த மாவட்டக் கல்வி அலுவலர் பரமதயாளன் அங்கு வந்து பேச்சு வார்த்தை நடத்தி கூடுதல் நேரம் ஒதுக்கி தேர்வு எழுத அனுமதித்தார். இதைத் தொடர்ந்து தர்னாவில் ஈடுபட்ட ஆசிரியர்கள் கலைந்து சென்றனர்.
கண்காணிப்பாளர்களுக்கு குறித்த நேரத்தில் தகவல் தெரிவிக்காததால் தேர்வு தொடங்குவதில் தாமதம் ஏற்பட்டதாக அவர்கள் குற்றம் சாட்டினர்.

 

]]>
http://www.dinamani.com/all-editions/edition-madurai/sivagangai/2018/dec/16/திருப்பத்தூர்-அரசு-பெண்கள்-மேல்நிலைப்-பள்ளி-முன்பு-ஆசிரியர்கள்-தர்னா-3058798.html
3058797 மதுரை சிவகங்கை விடுதலைச் சிறுத்தைகள் கட்சியினர் ஆர்ப்பாட்டம் DIN DIN Sunday, December 16, 2018 01:16 AM +0530
: காரைக்குடியில் சனிக்கிழமை பெரியார் சிலை அருகே விடுதலைச் சிறுத்தைகள் கட்சியினர் ஆர்ப்பாட்டத்தில் ஈடுபட்டனர்.
பாஜக தேசிய செயலாளர் ஹெச். ராஜாவின் பேச்சைக் கண்டித்தும், அவர் மீது எஸ்சி, எஸ்டி வன்கொடுமை சட்டத்தின் கீழ் நடவடிக்கை எடுக்கக் கோரியும் சிவகங்கை மாவட்ட விடுதலைச் சிறுத்தைகள் கட்சியின் சார்பில் இந்த ஆர்ப்பாட்டம் நடைபெற்றது.
இதற்கு மாவட்டச் செயலாளர் சங்குஉதயகுமார் தலைமை வகித்தார். மாநில தேர்தல் பிரிவு துணைச் செயலாளர் இளைய கௌதமன் முன்னிலை வகித்தார். இதில் கட்சியின் மாவட்ட, நகர, ஒன்றிய நிர்வாகிகள் பலர் கலந்து கொண்டனர்.
மேலும் காரைக்குடி காவல் துணைக் கண்காணிப்பாளரிடம் கோரிக்கை மனுவையும் அளித்தனர்.

 

]]>
http://www.dinamani.com/all-editions/edition-madurai/sivagangai/2018/dec/16/விடுதலைச்-சிறுத்தைகள்-கட்சியினர்-ஆர்ப்பாட்டம்-3058797.html
3058796 மதுரை சிவகங்கை சிவகங்கையில் உலக மாற்றுத் திறனாளர் விழா DIN DIN Sunday, December 16, 2018 01:16 AM +0530
சிவகங்கையில் உள்ள தாய் இல்லத்தில், உலக மாற்றுத் திறனாளர் விழா வெள்ளிக்கிழமை நடைபெற்றது.
இந்த விழாவுக்கு, மாவட்ட ஆட்சியர் ஜெ. ஜெயகாந்தன் தலைமை வகித்தார். விநாயகா ஏஜென்ஸி உரிமையாளர் மணிமுத்து, மாற்றுத் திறனாளிகள் சங்கத்தின் தென்மண்டலத் தலைவர் பகீரத நாச்சியப்பன், தவழும் மாற்றுத் திறனாளிகள் கூட்டமைப்பின் மாநிலப் பொதுச் செயலர் எஸ்.ராஜா ஆகியோர் முன்னிலை வகித்தனர்.
இதில், மாற்றுத் திறனாளிகளுக்கு உதவி உபகரணங்கள் உள்ளிட்ட நலத்திட்ட உதவிகளை, மாவட்ட ஆட்சியர் வழங்கினார். மேலும், சிவகங்கை மாவட்ட மாற்றுத் திறனாளிகள் நல அலுவலர் பூ. சரவணக்குமார், முன்னாள் எம்.எல்.ஏ. எஸ். குணசேகரன், மருத்துவர் தங்கத்துரை, நல்லாசிரியர் விருது பெற்ற கண்ணப்பன் ஆகியோர் வாழ்த்துரை வழங்கினர். முன்னதாக, தாய் அறக்கட்டளை நிறுவனத் தலைவர் டி. புஷ்பராஜ் வரவேற்றார். இதில், சிவகங்கை, மதுரை உள்ளிட்ட பல்வேறு பகுதிகளிலிருந்து ஏராளமான மாற்றுத் திறனாளிகள் கலந்துகொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/16/சிவகங்கையில்-உலக-மாற்றுத்-திறனாளர்-விழா-3058796.html
3058795 மதுரை சிவகங்கை அரியக்குடி திருவேங்கடமுடையான் கோயிலில் டிச.18 இல் சொர்க்கவாசல் திறப்பு DIN DIN Sunday, December 16, 2018 01:15 AM +0530
தென் திருப்பதி என்றழைக்கப்படும் அரியக்குடி திருவேங்கடமுடையான் கோயிலில் வைகுண்ட ஏகாதசியை முன்னிட்டு செவ்வாய்க்கிழமை (டிச. 18) அதிகாலையில் சொர்க்கவாசல் திறப்பு நிகழ்ச்சி நடைபெற உள்ளது.
காரைக்குடி அருகே அரியக்குடியில் திருவேங்கடமுடையான் கோயில் உள்ளது. இங்கு மார்கழி மாதம் 2 ஆம் நாள் திங்கள்கிழமை இரவு 7 மணிக்கு மோகினி அலங்காரப் புறப்பாடு நிகழ்ச்சி நடைபெறுகிறது. வைகுண்ட ஏகாதசியையொட்டி இக்கோயிலில் பரமபதவாசல் (சொர்க்கவாசல்) திறப்பு நிகழ்ச்சியை முன்னிட்டு செவ்வாய்க்கிழமை (டிச.18) அதிகாலையில் கோயில் நடைதிறக்கப்படும்.
அதைத்தொடர்ந்து பரமபதவாசல் முன்பாக தீபாராதனைகள் நடைபெறும். காலை 5.30 மணிக்கு திருவேங்கடமுடையான் சிறப்பு அலங்காரத்தில் ஸ்ரீதேவி, ஸ்ரீபூதேவியுடன் பரமபத வாசல் வழியாக சொர்க்கவாசல் மண்டபத்திற்கு எழுந்தருள்கிறார். இதற்கான ஏற்பாடுகளை கோயில் செயல் அலுவலர், கோயில் அறங்காவலர் மற்றும் விழாக்குழுவினர் செய்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/dec/16/அரியக்குடி-திருவேங்கடமுடையான்-கோயிலில்-டிச18-இல்-சொர்க்கவாசல்-திறப்பு-3058795.html
3058794 மதுரை சிவகங்கை சிவகங்கையில் காவலர்களுக்கு நிறை வாழ்வுப் பயிற்சி மையம் திறப்பு DIN DIN Sunday, December 16, 2018 01:15 AM +0530
சிவகங்கையில் காவலர்களுக்கான நிறை வாழ்வுப் பயிற்சி மையம் திறப்பு விழா வெள்ளிக்கிழமை நடைபெற்றது.
சிவகங்கையில் உள்ள ஆயுதப்படை காவலர் குடியிருப்பு வளாகத்தில் நடைபெற்ற இந்த விழாவுக்கு, சிவகங்கை மாவட்டக் காவல் கண்காணிப்பாளர் டி. ஜெயச்சந்திரன் தலைமை வகித்து, காவலர் நிறை வாழ்வுப் பயிற்சி மையத்தை தொடக்கி வைத்தார்.
இதில், வாரந்தோறும் வெள்ளி மற்றும் சனிக்கிழமைகளில் காவலர்களுக்கும், ஞாயிற்றுக்கிழமை காவலர்களின் குடும்பத்தினருக்கும் பயிற்சி அளிக்கப்பட உள்ளது. இதன்மூலம், காவலர்கள் பணிச் சுமையால் மற்றும் குடும்ப சூழ்நிலையால் மன அழுத்தம் ஏற்பட்டு தவறான முடிவுகளை எடுப்பது, போதை பழக்கத்துக்கு அடிமையாவது, பணியில் அதிகம் கவனம் செலுத்தாமல் இருப்பது உள்ளிட்டவற்றிலிருந்து மீள்வதற்காகவும், காவலர்களின் குறைகளை அறிந்து அவற்றை நீக்குவதற்காகவும், மருத்துவம் மற்றும் பணப்பலன்களை உடனடியாக கிடைக்கச் செய்யும் வகையிலும் இப்பயிற்சி அளிக்கப்பட உள்ளது.
நிகழ்ச்சியில், கூடுதல் காவல் கண்காணிப்பாளர் ஜானகிராமன், காவலர் நிறை வாழ்வு பயிற்சியாளர் அன்னலெட்சுமி, சார்பு-ஆய்வாளர் நர்மதா மற்றும் மனநல நிபுணர் அழகுமன்னன், யுனைடெட் இந்தியா இன்சூரன்ஸ் நிறுவன பாலாஜி உள்ளிட்டோர் கலந்துகொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/16/சிவகங்கையில்-காவலர்களுக்கு-நிறை-வாழ்வுப்-பயிற்சி-மையம்-திறப்பு-3058794.html
3058092 மதுரை சிவகங்கை திருப்பத்தூரில் பிள்ளையார் நோன்பு விழா DIN DIN Saturday, December 15, 2018 01:01 AM +0530
சிவகங்கை மாவட்டம், திருப்பத்தூரில் நகரத்தார் சார்பில் பிள்ளையார் நோன்பு வியாழக்கிழமை கடைபிடிக்கப்பட்டது.
இந்த பிள்ளையார் நோன்பு, நகரத்தார் சமூகத்தினரால் கார்த்திகை தீபத் திருநாளிலிருந்து 21 ஆம் நாள் கடைபிடிக்கப்படுகிறது. இதற்காக, திருப்பத்தூரில் ஒரு திருமண மண்டபத்தில் ஒன்றுகூடிய இவர்கள், அருகில் உள்ள யோக பைரவர் கோயிலுக்கு ஊர்வலமாகச் சென்று தரிசனம் செய்தனர்.
பின்னர், அரிசி மாவு, நெய், வெல்லம் ஆகியன கலந்து பிள்ளையார் பிடித்து வைத்து, வேட்டியிலிருந்து நூல் திரி எடுத்து மாவுப் பிள்ளையாருக்கு விளக்கேற்றினர். அதனை, வாழை இலையில் வைத்து பிரசாதமாக வழங்கினர். விரதம் மேற்கொள்வோர், மாவுப் பிள்ளையாரை தீப ஒளியுடன் உட்கொண்டனர். சுடராக ஒளிரும் இறைவனின் ஜோதியானது, நமது உடலிலும் ஜோதியாக விளங்க வேண்டும் என்பதற்காக இவ்வாறு உட்கொள்கின்றனர்.
இவ்விழாவில், நகரத்தார் சங்கத் தலைவர் எஸ்.எல்.எஸ். பழனியப்பன், துணைத் தலைவர் அண்ணாமலைச் செட்டியார் மற்றும் அழகப்பச் செட்டியார் கே.எல். சுப்பிரமணியன், இணைச் செயலர் கே.ஆர். ஐயப்பன் உள்பட பலர் கலந்துகொண்டனர். இதில், மகிபாலன்பட்டி, கண்டவராயன்பட்டி, சிராவயல் மற்றும் சுற்று வட்டார நகரத்தார் கலந்துகொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/15/திருப்பத்தூரில்-பிள்ளையார்-நோன்பு-விழா-3058092.html
3058091 மதுரை சிவகங்கை வணிக நிறுவனங்களின் பெயர் பலகை தமிழில் இருக்க வேண்டும்: ஆட்சியர் உத்தரவு DIN DIN Saturday, December 15, 2018 01:01 AM +0530
சிவகங்கை மாவட்டத்தில் உள்ள வணிக நிறுவனங்களின் பெயர் பலகை தமிழில் இடம் பெறவேண்டும் என, ஆட்சியர் ஜெ. ஜெயகாந்தன் உத்தரவு பிறப்பித்துள்ளார்.
இது குறித்து அவர் வெள்ளிக்கிழமை வெளியிட்டுள்ள செய்திக் குறிப்பு:
தமிழகத்திலுள்ள கடைகள், தொழிலகங்கள், உணவகங்கள் உள்ளிட்ட அனைத்து வணிக நிறுவனங்களின் பெயர் பலகைகளில் நிறுவனத்தின் பெயர் கட்டாயமாக தமிழிலும், தேவைப்பட்டால் பிற மொழிகளிலும் இடம் பெறவேண்டும் என, தமிழக அரசு அறிவிப்பு வெளியிட்டுள்ளது.
இதனடிப்படையில், சிவகங்கை மாவட்டத்தில் உள்ள கடைகள், உணவகங்கள், தொழிலகங்கள் உள்ளிட்ட அனைத்து வணிக நிறுவனங்களின் பெயர் பலகைகள் அரசு விதிமுறைகளின்படி தமிழில் அமைக்க வேண்டும். வணிக நிறுவனங்களின் பெயர் பலகைகள் தமிழில் உள்ளனவா என்பதை, சிவகங்கை மாவட்டத் தமிழ் வளர்ச்சி உதவி இயக்குநர் மற்றும் தொழிலாளர் துறை அலுவலர்களால் ஆய்வு செய்யப்பட்டு வருகிறது.
விதிமுறைகளை மீறி பெயர் பலகைகள் வைத்திருந்தால், அந்த நிறுவனங்கள் அபராதத் தொகை செலுத்த நேரிடும். எனவே, வணிக நிறுவனங்கள் தங்களது பெயர் பலகைகள் தமிழில் அமைக்க வேண்டும் என அதில் குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/dec/15/வணிக-நிறுவனங்களின்-பெயர்-பலகை-தமிழில்-இருக்க-வேண்டும்-ஆட்சியர்-உத்தரவு-3058091.html
3058090 மதுரை சிவகங்கை வயிரவன் கோயிலில் சம்பக சஷ்டி திருவிழா நிறைவு DIN DIN Saturday, December 15, 2018 01:01 AM +0530
சிவகங்கை மாவட்டம், திருப்பத்தூர் அருகேயுள்ள பிள்ளையார்பட்டி வயிரவன்பட்டி வயிரவன் கோயிலில் சம்பக சஷ்டி திருவிழா சூரசம்ஹாரத்துடன் வியாழக்கிழமை நிறைவு பெற்றது.
இக்கோயிலில் சம்பக சஷ்டி திருவிழா கடந்த சனிக்கிழமை முதல் வியாழக்கிழமை வரை 6 நாள்கள் நடைபெற்றது. முதல் நாள் தொடங்கி நான்காம் நாள் வரை காலையில் ஜெபம், ஹோமம், அபிஷேகம், மாலையில் அலங்காரம் அர்ச்சனை, தீபாராதனை வழிபாடு ஆகியன நடைபெற்றன.
கடந்த புதன்கிழமை கோயிலில் உச்சிகால பூஜை, வயிரவன்சாமி விடுதிக்கு எழுந்தருளி, சாயரட்சை வழிபாடு நடைபெற்றது. சம்பக சஷ்டி விழாவின் நிறைவு நாளான வியாழக்கிழமை இரவு 8.30 மணிக்கு பஞ்சமூர்த்திகளான விநாயகர், பைரவர், நந்தீஸ்வரர், வள்ளி-தெய்வானை சமேத முருகன், ஆண்டாள் ஆகியோருக்கு மண்டகப்படி தீபாராதனை நடைபெற்றது.
பின்னர், வெள்ளித் தேரிலும், பிற வாகனங்களிலும் பஞ்சமூர்த்தி திருவீதி புறப்பாடு நடைபெற்று, இரவு 10.40 மணிக்கு சூரனை எதிர்கொள்ளும் வைபவம் நடந்தது.
இறுதியாக, வயிரவர் சூரன் தலையினைக் கொய்து சூரசம்ஹாரம் நிறைவுபெற்றது.
இவ்விழாவில், சுற்றுப்புற கிராமங்களில் இருந்து ஏராளமான பக்தர்கள் கலந்துகொண்டனர். நிகழ்ச்சிக்கான ஏற்பாடுகளை, நாட்டுக்கோட்டை நகரத்தார் சங்கத் தலைவர் கே.ஆர். மீனாட்சிசுந்தரம் செட்டியார், துணைத் தலைவர் ஏ.ஆர். லெட்சுமணன் செட்டியார், செயலர் டி. வயிரவன் செட்டியார், துணைச் செயலர் சி.டி. நாராயணன் செட்டியார், பொருளாளர் எஸ்.பி. லெட்சுமணன் செட்டியார் ஆகியோர் செய்திருந்தனர்.

 

]]>
http://www.dinamani.com/all-editions/edition-madurai/sivagangai/2018/dec/15/வயிரவன்-கோயிலில்-சம்பக-சஷ்டி-திருவிழா-நிறைவு-3058090.html
3058089 மதுரை சிவகங்கை மானாமதுரை விநாயகர் கோயிலில் மண்டல பூஜை DIN DIN Saturday, December 15, 2018 01:01 AM +0530
சிவகங்கை மாவட்டம், மானாமதுரை அண்ணாமலை நகரில் உள்ள விநாயகர் கோயிலில் மண்டல பூஜை விழா வெள்ளிக்கிழமை நடைபெற்றது.
இக் கோயிலில் 48 நாள்களுக்கு முன் குடமுழுக்கு விழா நடைபெற்றது. அதைத் தொடர்ந்து, மண்டல பூஜை விழாவை முன்னிட்டு, கோயில் அருகே யாகசாலை அமைத்து, அதில் புனிதநீர் கலசங்கள் வைக்கப்பட்டு யாக பூஜைகள் நடைபெற்றன.
பின்னர், புனிதநீரால் விநாயகருக்கு அபிஷேகம் செய்யப்பட்டு, சிறப்பு அலங்காரத்தில் பூஜைகள், தீபாராதனைகள் நடத்தப்பட்டன. இவ் விழாவில், அண்ணாமலை நகர் பகுதி மக்கள் ஏராளமானோர் கலந்துகொண்டு சுவாமி தரிசனம் செய்தனர்.

 

]]>
http://www.dinamani.com/all-editions/edition-madurai/sivagangai/2018/dec/15/மானாமதுரை-விநாயகர்-கோயிலில்-மண்டல-பூஜை-3058089.html
3058088 மதுரை சிவகங்கை அழகப்பா பல்கலை. தொலைநிலைக் கல்வி தொடர்பு வகுப்புகள் DIN DIN Saturday, December 15, 2018 01:00 AM +0530
காரைக்குடி அழகப்பா பல்கலைக்கழக தொலைநிலைக் கல்வியில் முதுநிலை படிப்புக்கான தொடர்பு வகுப்புகள் இம்மாதம் நடைபெறுகின்றன.
2018-2019 ஆம் ஆண்டுக்கான எம்.ஏ. ஜர்னலிசம் அண்ட் மாஸ் கம்யூனிகேஷன் முதல் பருவ மாணவர்களுக்கு டிசம்பர் 15, 16 மற்றும் 19 முதல் 24-ஆம் தேதி வரை, காரைக்குடி அழகப்பா பல்கலைக்கழக ஆங்கிலம் மற்றும் அயல் மொழிகள் துறையில் காலை 9 மணி முதல் மாலை 6 மணி வரை நடைபெறும். இத்தகவலை, பல்கலைக்கழகத்தின் தொலைநிலைக் கல்வி இயக்குநர் (பொறுப்பு) சு. ராசாராம் தெரிவித்துள்ளார்.

 

]]>
http://www.dinamani.com/all-editions/edition-madurai/sivagangai/2018/dec/15/அழகப்பா-பல்கலை-தொலைநிலைக்-கல்வி-தொடர்பு-வகுப்புகள்-3058088.html
3058087 மதுரை சிவகங்கை காரைக்குடி ரயில் நிலைய வாகனங்கள் நிறுத்தும் இடத்தில் மேற்கூரை அமைக்கக் கோரிக்கை DIN DIN Saturday, December 15, 2018 01:00 AM +0530
காரைக்குடி ரயில் நிலைய வாகனங்கள் நிறுத்தி பாதுகாக்குமிடத்தில் மேற்கூரை அமைக்க வேண் டும் என்று அமைப்பு சாரா மற்றும் கட்டுமானத்தொழிலாளர்கள் கோரிக்கை விடுத்துள்ளனர்.
இதுகுறித்து லட்சியம் அமைப்புச்சாரா மற்றும் கட்டுமானத் தொழிலாளர்கள் சங்கத்தின் சிவகங்கை மாவட்டச் செயலர் ஏ. அலெக்ஸ் வியாழக்கிழமை கூறியதாவது:
காரைக்குடி ரயில்நிலையத்தில் இரு சக்கர வாகனங்கள் நிறுத்துவதற்கு மேற்கூரை இல்லாமல் மழை, வெயிலால் வாகனங்களுக்குப் பாதிப்பு ஏற்படுகிறது. எனவே உடனே கூரை அமைப் பதற்கு ரயில்வே நிர்வாகம் நடவடிக்கை எடுக்கவேண்டும். மதுரை, திண்டுக்கல், சிவகங்கை, பரமக்குடி போன்ற ஊர்களுக்குச் செல்லும் பேருந்துகளை காரைக்குடி பழைய பேருந்து நிலையத்திலிருந்து புறப்பட்டுச் செல்ல சம்பந்தப்பட்ட அதிகாரிகள் நடவடிக்கை எடுக்க வேண்டும்.இதனிடையே சிவகங்கை மாவட்ட லட்சியம் அமைப்புச்சாரா மற்றும் கட்டுமானத்தொழிலாளர்கள் சங்க மாநில நிர்வாகிகள் கூட்டம் அண்மையில் நடை பெற்றது.
இதில், கட்டுமானத் தொழிலாளர்களுக்கு இழப்பின்றி வேலைவாய்ப்புகள் கிடைக்கும் வகையில் கட்டுமானப் பொருள்கள் மற்றும் மணல் தடையின்றி கிடைக்கச் செய்ய தமிழக அரசு உரிய நடவடிக்கை எடுக்கவேண்டும். கட்டுமானத் தொழிலாளர்கள் நல வாரியங்களில் உறுப்பினர்கள் பதிவு செய்ய வசதியாக தாலுகா அளவில் மாதம் ஒரு நாள் முகாம் நடத்த அரசு நடவடிக்கை எடுக்க வேண்டும்.
மாற்றுத்திறனாளிகள் தனியார் நிறுவனங்களில் வேலைக்காக தேர்வு செய்யப்பட்ட நிலையில் அவர்களுக்கான பயிற்சியை அவரவர் வசிக்கும் பகுதிகளில் அளிக்க மாவட்ட நிர்வாகம் சம்பந்தப்பட்ட நிறுவனங்களுக்கு அறிவுறுத்த வேண்டும் என்றும், மேலும் பல கோரிக்கைகளை முன்வைத்தும் தீர்மானங்கள் நிறைவேற்றி சம்பந்தப்பட்ட துறையினருக்கு அனுப்பி வைத்திருக்கிறோம் என்றார்.

 

]]>
http://www.dinamani.com/all-editions/edition-madurai/sivagangai/2018/dec/15/காரைக்குடி-ரயில்-நிலைய-வாகனங்கள்-நிறுத்தும்-இடத்தில்-மேற்கூரை-அமைக்கக்-கோரிக்கை-3058087.html
3058086 மதுரை சிவகங்கை பள்ளர் உள்ளிட்ட 7 பிரிவினரை தேவேந்திர குல வேளாளர் என அழைக்க வேண்டும்: டாக்டர் கே.கிருஷ்ணசாமி ஆட்சியரிடம் மனு DIN DIN Saturday, December 15, 2018 01:00 AM +0530
பள்ளர் உள்ளிட்ட 7 பிரிவினரை தாழ்த்தப்பட்டோர் பட்டியலில் இருந்து நீக்கி, இதர பிற்படுத்தப்பட்டோர் வகுப்பினர் பிரிவில் சேர்க்க வேண்டும் என வலியுறுத்தி, புதிய தமிழகம் கட்சித் தலைவர் டாக்டர் கே. கிருஷ்ணசாமி சிவகங்கை மாவட்ட ஆட்சியர் ஜெ. ஜெயகாந்தனிடம் வெள்ளிக்கிழமை மனு அளித்தார்.
பின்னர், அவர் செய்தியாளர்களிடம் கூறியது: தற்போது தாழ்த்தப்பட்டோர் பட்டியல் இனத்தில் சுமார் 76 சாதிகள் உள்ளன. அவர்களில் பள்ளர் உள்ளிட்ட 7 பிரிவினரை உள்ளடக்கி தேவேந்திர குல வேளாளர் என தமிழக அரசு அரசாணை பிறப்பிக்க வேண்டும். மேலும், தாழ்த்தப்பட்டோர் பட்டியலில் இருந்து நீக்கி, இதர பிற்படுத்தப்பட்டோர் வகுப்பினர் பிரிவில் சேர்க்க வேண்டும். இதுகுறித்து பலமுறை கோரிக்கை விடுத்தும், இதுவரை எந்த நடவடிக்கையும் எடுக்கப்படவில்லை. எனவே, தற்போது தமிழகம் முழுவதும் அனைத்து கிராமங்களிலும் தனித்தனியாக தீர்மானம் நிறைவேற்றி, அதை கோரிக்கை மனுவாக தயாரித்து, அந்தந்த மாவட்ட ஆட்சியர் மூலம் அரசுக்கு அனுப்பி வருகிறோம். இதனடிப்படையில், சிவகங்கை மாவட்டத்தில் 220 கிராம மக்கள் சார்பாக கோரிக்கை மனு அளிக்கப்பட்டுள்ளது. மீதமுள்ளவர்கள் மக்கள் குறை தீர்க்கும் நாள் கூட்டத்தில் மாவட்ட ஆட்சியரிடம் மனு அளிக்க உள்ளனர்.
தற்போது, பட்டியல் இனத்தில் இருப்பதால் அரசு துறையை தவிர வேறு எந்தப் பயனும் கிடையாது. சுயமரியாதையை பெறவேண்டும் என்பதற்காக இக்கோரிக்கை முன் வைக்கப்படுகிறது. சமூகநீதி பேசக்கூடிய திராவிடக் கட்சிகள் இதை உடனடியாக நிறைவேற்றித் தரவேண்டும். இந்த கோரிக்கைகைய நிறைவேற்றுவதால், அரசுக்கு எந்த பொருளாதார இழப்பும் ஏற்படப் போவதில்லை என்றார்.

 

]]>
http://www.dinamani.com/all-editions/edition-madurai/sivagangai/2018/dec/15/பள்ளர்-உள்ளிட்ட-7-பிரிவினரை-தேவேந்திர-குல-வேளாளர்-என-அழைக்க-வேண்டும்-டாக்டர்-கேகிருஷ்ணசாமி-ஆட்சியர-3058086.html
3058085 மதுரை சிவகங்கை அச்சங்குளத்தில் இடிந்து விழும் அபாயத்தில் உள்ள மேல்நிலை நீர்த்தேக்கத் தொட்டியை அகற்றக் கோரிக்கை DIN DIN Saturday, December 15, 2018 01:00 AM +0530
சிவகங்கை மாவட்டம் அச்சங்குளத்தில் சேதமடைந்து இடிந்து விழும் அபாயத்தில் உள்ள மேல்நிலை நீர்த் தேக்கத் தொட்டியை அகற்ற வேண்டும் என அப்பகுதி பொதுமக்கள் கோரிக்கை விடுத்துள்ளனர்.
திருப்புவனம் ஒன்றியத்துக்குள்பட்ட இக்கிராமத்தில் சுமார் 300-க்கும் மேற்பட்ட குடும்பங்கள் வசித்து வருகின்றன. அந்த கிராமப் பொதுமக்கள் பயன்பெறும் வகையில் ஏற்கெனவே குடிநீர் மேல்நிலை நீர்த் தேக்கத் தொட்டி செயல்பாட்டில் இருந்தது. இந்த தொட்டி கடந்த சில ஆண்டுகளுக்கு முன் சிமென்ட் பூச்சுகள் பெயர்ந்து இடிந்து கீழே விழும் நிலையில் தற்போது உள்ளது.அங்கன்வாடி மையம், வழிபாட்டு தலம் உள்ளிட்ட மக்கள் அதிகம் நடமாடும் பகுதியில் அந்த தொட்டி உள்ளதால் அப்பகுதி மக்கள் மிகுந்த அச்சத்துடனேயே அவ்வழியாக செல்வதாக தெரிவித்தனர். இதுகுறித்து சம்பந்தப்பட்ட அலுவலர்களிடம் பல முறை புகார் தெரிவித்தும் இதுவரை எவ்வித நடவடிக்கையும் எடுக்கவில்லை எனவும் தெரிவித்தனர். எனவே மாவட்ட நிர்வாகம் உரிய நடவடிக்கை எடுத்து இடிந்து விழும் அபாயத்தில் உள்ள இந்த மேல்நிலைத் தொட்டியை அகற்ற வேண்டும் என அப்பகுதி பொதுமக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-madurai/sivagangai/2018/dec/15/அச்சங்குளத்தில்-இடிந்து-விழும்-அபாயத்தில்-உள்ள-மேல்நிலை-நீர்த்தேக்கத்-தொட்டியை-அகற்றக்-கோரிக்கை-3058085.html
3057366 மதுரை சிவகங்கை மதுரையில் ஹாக்கிப் போட்டி சிவகங்கை மாவட்ட அணிக்கு டிச.16-இல் வீரர்கள் தேர்வு DIN DIN Friday, December 14, 2018 12:55 AM +0530
மதுரையில் நடைபெற உள்ள ஹாக்கிப் போட்டியில் பங்கேற்கும் சிவகங்கை மாவட்ட ஹாக்கி அணிக்கு வீரர்களை தேர்வு செய்யும் போட்டி வரும் டிச.16 ஆம் தேதி நடைபெற உள்ளது என தெரிவிக்கப்பட்டுள்ளது.
இதுகுறித்து சிவகங்கை மாவட்ட ஒருங்கிணைந்த ஹாக்கி கழகச் செயலர் ஆர்.தியாகபூமி வியாழக்கிழமை வெளியிட்டுள்ள செய்திக் குறிப்பு: ஹாக்கி யூனிட் ஆப் தமிழ்நாடு சார்பில் வரும் டிச.19 ஆம் தேதி முதல் டிச. 23 ஆம் தேதி வரை மதுரையில் ஆண்களுக்கான (சீனியர்) ஹாக்கிப் போட்டி நடைபெற உள்ளது.
இப்போட்டியில் சிவகங்கை மாவட்ட ஒருங்கிணைந்த ஹாக்கி அணி கலந்து கொள்ள உள்ளது. இதற்கான வீரர்கள் தேர்வு செய்யும் போட்டி அரசனூரில் உள்ள பாண்டியன் சரசுவதி யாதவ் பொறியியல் கல்லூரி வளாகத்தில் வரும் டிச.16 ஆம் தேதி மாலை 3 மணிக்கு நடைபெறும்.
இப்போட்டியில் சிவகங்கை மாவட்டத்தில் உள்ள ஹாக்கி வீரர்கள் மற்றும் கல்லூரி மாணவர்கள் பங்கேற்கலாம். மேலும் இதுதொடர்பான கூடுதல் விவரங்களுக்கு 9786160152 என்ற செல்லிடப்பேசி எண்ணில் தொடர்பு கொண்டு தெரிந்து கொள்ளலாம் எனக் குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/14/மதுரையில்-ஹாக்கிப்-போட்டி-சிவகங்கை-மாவட்ட-அணிக்கு-டிச16-இல்-வீரர்கள்-தேர்வு-3057366.html
3057365 மதுரை சிவகங்கை சிவகங்கையில் அரசினர் குழந்தைகள் இல்லத்தில் நூலகம் திறப்பு DIN DIN Friday, December 14, 2018 12:55 AM +0530
சிவகங்கை மாவட்ட சமூக பாதுகாப்புத் துறையின் கீழ் செயல்பட்டு வரும் அரசினர் குழந்தைகள் இல்லத்தில் கணினி பயிற்சி மையம் மற்றும் நூலக திறப்பு விழா வியாழக்கிழமை நடைபெற்றது.
சிவகங்கை 48 காலனியில் உள்ள அரசினர் குழந்தைகள் இல்லத்தில் நடைபெற்ற விழாவுக்கு சிவகங்கை மாவட்ட முதன்மை நீதிபதி மு.ஏ.செந்தூர்பாண்டியன் தலைமை வகித்து கணினி பயிற்சி மையத்தை திறந்து வைத்தார். தொடர்ந்து குற்றவியல் நீதித்துறை நடுவர் து.ராதிகா நூலகத்தை திறந்து வைத்தார்.
இந்நிகழ்ச்சியில் குழந்தைகள் நலக் குழு தலைவர் ராமநாதன், உறுப்பினர்கள் சரளா, ஜீவானந்தம், ரசீந்திரக்குமார், மாவட்ட குழந்தைகள் பாதுகாப்பு அலுவலர் ஜெயபிரகாஷ் உள்ளிட்ட இல்ல பணியாளர்கள், குழந்தைகள் ஏராளமானோர் கலந்து கொண்டனர். முன்னதாக குழந்தைகள் இல்ல கண்காணிப்பாளர் என்.பிரபாகரன் வரவேற்றார்.

 

]]>
http://www.dinamani.com/all-editions/edition-madurai/sivagangai/2018/dec/14/சிவகங்கையில்-அரசினர்-குழந்தைகள்-இல்லத்தில்-நூலகம்-திறப்பு-3057365.html
3057363 மதுரை சிவகங்கை மானாமதுரை ஐயப்பன் கோயிலில் பஜனை விழா DIN DIN Friday, December 14, 2018 12:54 AM +0530
மானாமதுரை அண்ணா சிலை அருகேயுள்ள ஸ்ரீ தர்மசாஸ்தா ஐயப்பன் கோயிலில் பஜனை விழா புதன்கிழமை இரவு நடைபெற்றது.
ஐயப்பப் பக்தர்கள் சார்பில் நடைபெற்ற இவ்விழாவையொட்டி மூலவர் தர்மசாஸ்தாவுக்கும், 18 ஆம் படிக்கும் அபிஷேகங்கள் நடத்தி சுவாமி மலர் அலங்காரத்தில் எழுந்தருளி அருள்பாலித்தார். கோயில் காவல்தெய்வம் கருணப்பசுவாமிக்கும் பூஜைகள் நடத்தப்பட்டன. அதைத்தொடர்ந்து ஐயப்பப் பக்தர்கள் கூடி பாடல்களைப் பாடி பஜனை நடத்தினர். மங்களாரத்தி முடிந்து சுவாமிக்கு மகா தீபாராதனை நடந்தது. ஏராளமானோர் பஜனை விழாவில் கலந்து கொண்டு ஐயப்பனை தரிசித்தனர். பின்னர் நடந்த அன்னதானத்தில் திரளானோர் பங்கேற்றனர்.

]]>
http://www.dinamani.com/all-editions/edition-madurai/sivagangai/2018/dec/14/மானாமதுரை-ஐயப்பன்-கோயிலில்-பஜனை-விழா-3057363.html
3057362 மதுரை சிவகங்கை காரைக்குடியில் என்.எஸ்.எஸ். மாணவர்கள் விழிப்புணர்வு பேரணி DIN DIN Friday, December 14, 2018 12:54 AM +0530
 சிவகங்கை மாவட்டம் காரைக்குடியில் பல்வேறு மாநிலங்களைச் சேர்ந்த நாட்டு நலப்பணித்திட்ட மாணவ, மாணவியர் பங்கேற்ற வேற்றுமையில் ஒற்றுமை எனும் விழிப்புணர்வுப் பேரணி வியாழக்கிழமை நடை பெற்றது.
காரைக்குடி அழப்பச்செட்டியார் பொறியியல் மற்றும் தொழில்நுட்பக்கல்லூரி, சென்னை அண்ணா பல்கலைக் கழகம் ஆகியன இணைந்து நடத்தும் 11 மாநிலங்களைச்சேர்ந்த நாட்டுநலப்பணித்திட்ட மாணவர்கள் பங்கேற்கும் தேசிய ஒருமைப்பாட்டு முகாம் கடந்த டிச. 10-ஆம் தேதி தொடங்கியது. இம்முகாம் ஞாயிற்றுக்கிழமையுடன் (டிச. 16) நிறைவடைகிறது.
முகாமின் ஒருபகுதியாக வேற்றுமையில் ஒற்றுமை என்பதை வலியுறுத்தி விழிப்புணர்வு பேரணி கல்லூரிச் சாலை முதல் பாண்டியன் திரையரங்க திடல் வரை வியாழக்கிழமை நடைபெற்றது.
இதனை கல்லூரி முதல்வர் இளங்கோ, அழகப்பா கல்விக்குழும அறங்காவலர் தேவி வைரவன், என்.எஸ்.எஸ். தென்மண்டல இயக்குநர் சாமுவேல் செல்லையா ஆகியோர் கொடியசைத்துத் தொடக்கி வைத்தனர்.
பேரணியில் தமிழ்நாடு, கேரளா, கர்நாடகா, தெலங்கானா, உத்தரபிரதேசம், மத்திய பிரதேசம், மகாராஷ்டிரம், புதுச்சேரி, அசாம், குஜராத் உள்ளிட்ட மாநிலங்களைச்சேர்ந்த பல்கலைக் கழகம் மற்றும் தொழில்நுட்பக் கல்லூரிகளின் நாட்டு நலப் பணித்திட்ட மாணவ, மாணவியர் தங்களது பாரம்
பரிய உடையணிந்து விழிப்புணர்வு வாசகங்கள் கொண்ட பதாகை களை ஏந்தியவாறு பங்கேற்றனர்.
நிகழ்ச்சியில், அழகப்பச்செட்டியார் பொறியியல் மற்றும் தொழில்நுட்பக்கல்லூரி துணைமுதல்வர் கணேசன், என்.எஸ்.எஸ். திட்ட அலுவலர் லோகநாதன், மதுரை மண்டல என்.எஸ்.எஸ். ஒருங்கிணைப்பாளர் ஜோசப் பால்ராஜ், கோவை மண்டல என்.எஸ்.எஸ். ஒருங்கிணைப்பாளர் யுவராஜூ, சிவகங்கை மாவட்ட என்.எஸ்.எஸ். ஒருங்கிணைப்பாளர் சீனிராஜ் மற்றும் கல்லூரிப் பேராசிரியர்கள், மாணவர்கள் பலர் கலந்து கொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/14/காரைக்குடியில்-என்எஸ்எஸ்-மாணவர்கள்-விழிப்புணர்வு-பேரணி-3057362.html
3057361 மதுரை சிவகங்கை மானாமதுரை பகுதி ரேஷன் கடைகளில் தரமற்ற அரிசி விநியோகிப்பதாக புகார் DIN DIN Friday, December 14, 2018 12:54 AM +0530
மானாமதுரை பகுதி ரேஷன் கடைகளில் தரமற்ற அரிசி விநியோகிக்கப்படுவதாக பொதுமக்கள் புகார் தெரிவித்துள்ளனர்.
மானாமதுரை ஒன்றிய பகுதிகளில் உள்ள கிராமங்களில் செயல்படும் ரேஷன்கடைகளில் குடும்ப அட்டைதாரர்களுக்கு மாதந்தோறும் 15 கிலோ புழுங்கல் அரிசி, 5 கிலோ பச்சரிசி இலவசமாக வழங்கப்படுகிறது.
ஒவ்வொரு மாதத்திலும் குறிப்பிட்ட சில நாள்கள் மட்டுமே இந்த அரிசியை விநியோகிக்கப்படுகிறது. இந்நிலையில் கடந்த இரண்டு மாதங்களாக மானாமதுரை பகுதி ரேஷன்கடைகளில் வழங்கப்படும் அரிசி தரமற்றதாக உணவு சமைக்க முடியாத அளவுக்கு பழுப்பு நிறத்தில் காணப்படுவதாக பொதுமக்கள் புகார் தெரிவிக்கின்றனர்.
கடந்த மாதம் மானாமதுரை அருகே கீழப்பசலை கிராமத்தில் தரமற்ற அரிசி வழங்கப்பட்டதால் பொதுமக்கள் அதை வாங்க மறுத்து போராட்டம் நடத்தினர். அதன்பின் இவர்களுக்கு தரமான அரிசி வழங்கப்பட்டது. பல கிராமங்களில் மக்கள் ரேஷன்கடைகளில் கொடுக்கும் தரமற்ற அரிசியை வேறு வழியில்லாமல் வாங்கிச் செல்கின்றனர்.
இதுகுறித்து ரேஷன்கடை விற்பனையாளர்களிடம் கேட்டபோது அவர்கள் கூறியதாவது:
ரேஷன்கடைகளுக்கு நுகர்பொருள் வாணிபக்கழக கிடங்கிலிருந்து அனுப்பப்படும் அரிசி மூட்டைகள் தரமற்றதாக உள்ளன. இது கடைகளுக்கு வந்து இறங்கிய பின்னர் அதை அவிழ்த்து பார்த்தால் தான் அரிசியின் தரம் தெரியவருகிறது. தரமற்றதாக இருந்தாலும் அதைத்தான் விநியோகிக்க வேண்டும் என அதிகாரிகள் கூறுகின்றனர். அரிசி மூட்டைகளை திருப்பி அனுப்பவும் முடியவில்லை. பொதுமக்களும் வாங்க மறுத்து தகராறு செய்கின்றனர் என்றனர்.
பொதுமக்கள் கூறுகையில் அரிசியின் தரம் குறித்து நாங்கள் யாரிடம் சென்று முறையிடுவது எனத் தெரியவில்லை. எனவே மாவட்ட நிர்வாகம் தரமான அரிசியை வழங்க நடவடிக்கை எடுக்க வேண்டும் என்றனர்.

 

]]>
http://www.dinamani.com/all-editions/edition-madurai/sivagangai/2018/dec/14/மானாமதுரை-பகுதி-ரேஷன்-கடைகளில்-தரமற்ற-அரிசி-விநியோகிப்பதாக-புகார்-3057361.html
3057360 மதுரை சிவகங்கை மானாமதுரை அருகே பைக்குகள் மோதல்: பூ வியாபாரி சாவு DIN DIN Friday, December 14, 2018 12:54 AM +0530
மானாமதுரை அருகே புதன்கிழமை இரவு இரு மோட்டார் சைக்கிள்கள் நேருக்குநேர் மோதிக்கொண்டதில் பூ வியாபாரி உயிரிழந்தார்.
மானாமதுரை அருகே வேம்பத்தூர் கிராமத்தைச் சேர்ந்தவர் பூ வியாபாரி சுந்தரமாணிக்கம் (34). இவர் தனது மோட்டார் சைக்கிளில் வீட்டிலிருந்து புறப்பட்டு சென்றார். அதே போல் சிவகங்கை அருகே கீழக்கண்டனி கிராமத்தை சேர்ந்த அழகர் எதிரே மோட்டார் சைக்கிளில் வந்தார். இந்த இரு மோட்டார் சைக்கிள்களும் வேம்பத்தூர் பகுதியில் நேருக்குநேர் மோதிக்கொண்டதில் கீழே விழுந்த சுந்தரமாணிக்கம், அழகர் இருவரும் பலத்த காயமடைந்தனர். இதையடுத்து அவர்கள் சிவகங்கை அரசு மருத்துவமனையில் அனுமதிக்கப்பட்டதில் சுந்தரமாணிக்கம் சிகிச்சை பலனின்றி உயிரிழந்தார். இதுகுறித்து மானாமதுரை சிப்காட் போலீஸார் வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/dec/14/மானாமதுரை-அருகே-பைக்குகள்-மோதல்-பூ-வியாபாரி-சாவு-3057360.html
3057359 மதுரை சிவகங்கை மத்திய அரசின் விருது பெற்ற விவசாயிக்கு பாராட்டு DIN DIN Friday, December 14, 2018 12:53 AM +0530
ஒருங்கிணைந்த பண்ணையம் முறையில் வேளாண் பணிகளை மேற்கொண்ட நெற்குப்பையை சேர்ந்த விவசாயியை சிவகங்கை மாவட்ட ஆட்சியர் ஜெ.ஜெயகாந்தன் புதன்கிழமை மாலை பாராட்டினார்.
சிவகங்கை மாவட்டம் நெற்குப்பையைச் சேர்ந்தவர் எஸ்.அழகு. ஒருங்கிணைந்த பண்ணையம் முறையில் வேளாண் பணிகளை சிறப்பாக மேற்கொண்டதற்காக இவருக்கு அண்மையில் மத்திய அரசு மகிளா கிஷான் விருது வழங்கி கெளரவித்தது. இந்நிலையில் அவரை சிவகங்கை மாவட்ட ஆட்சியர் ஜெ.ஜெயகாந்தன் புதன்கிழமை மாலை பாராட்டினார். அப்போது ஊரக வளர்ச்சி முகமையின் திட்ட இயக்குநர் சு.வடிவேல்,வேளாண்துறை அலுவலர்கள் உள்ளிட்ட பலரும் உடனிருந்தனர்.

 

]]>
http://www.dinamani.com/all-editions/edition-madurai/sivagangai/2018/dec/14/மத்திய-அரசின்-விருது-பெற்ற-விவசாயிக்கு-பாராட்டு-3057359.html
3057358 மதுரை சிவகங்கை சிவகங்கை பகுதியில் நாளை மின்தடை DIN DIN Friday, December 14, 2018 12:53 AM +0530
சிவகங்கை பகுதியில் சனிக்கிழமை (டிச.15) மின்தடை ஏற்படும் எனஅறிவிக்கப்பட்டுள்ளது.
இதுகுறித்து சிவகங்கை மின் பகிர்மானத்தின் உதவி செயற்பொறியாளர் ஆர்.வீரமணி வியாழக்கிழமை வெளியிட்டுள்ள செய்திக்குறிப்பு: சிவகங்கையில் உள்ள கூட்டுத் தொகுப்பு மின் நிலையத்தில் மாதாந்திர பராமரிப்புப் பணிகள் சனிக்கிழமை நடைபெற உள்ளது. இதனால், சிவகங்கை நகர், புதுப்பட்டி, இடையமேலூர், தமறாக்கி, கூட்டுறவுபட்டி, மலம்பட்டி, மேலப்பூங்குடி, வாணியங்குடி, கீழக்கண்டனி, சுந்தரநடப்பு, சோழபுரம் ஆகிய பகுதிகளிலும், அதனைச் சுற்றியுள்ள பகுதிகளிலும் சனிக்கிழமை காலை 9 மணி முதல் மாலை 5 மணி வரை மின் விநியோகம் இருக்காது எனக் குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/dec/14/சிவகங்கை-பகுதியில்-நாளை-மின்தடை-3057358.html
3056969 மதுரை சிவகங்கை கீழச்சிவல்பட்டி பள்ளியில் பாலியல் விழிப்புணர்வு முகாம் DIN DIN Thursday, December 13, 2018 07:22 AM +0530 சிவகங்கை மாவட்டம் கீழச்சிவல்பட்டி ஸ்ரீமீனாட்சி சுந்தரேசுவரர் மேல்நிலைப்பள்ளியில் புதன்கிழமை பெண் குழந்தைகளுக்கான பாதுகாப்பு மற்றும் பாலியல் விழிப்புணர்வு முகாம் நடைபெற்றது.
 பள்ளி வளாகத்தில் நடைபெற்ற  நிகழ்ச்சிக்கு  பள்ளிச் செயலர் கருப்பையா தலைமை வகித்தார். தமிழாசிரியர் தெய்வானை முன்னிலை வகித்தார்.  நிகழ்ச்சியின் சிறப்பு அழைப்பாளராக பெண் குழந்தைகள் பாதுகாப்பு பரப்புரையாளர் சபரிமாலா ஜெயகாந்தன் கலந்து கொண்டு பேசினார். ஆசிரியர் மலைச்சாமி அறிமுக உரையாற்றினர். முன்னதாக தலைமை ஆசிரியை மீனாட்சி வரவேற்றார். முன்னாள் ஊராட்சி மன்றத் தலைவர் அழகுமணிகண்டன் நன்றி கூறினார்.                                                                               

]]>
http://www.dinamani.com/all-editions/edition-madurai/sivagangai/2018/dec/13/கீழச்சிவல்பட்டி-பள்ளியில்-பாலியல்-விழிப்புணர்வு-முகாம்-3056969.html
3056968 மதுரை சிவகங்கை அழகப்பா பல்கலை. தொலைநிலைகல்விக்கான தொடர்பு வகுப்புகள் DIN DIN Thursday, December 13, 2018 07:22 AM +0530 காரைக்குடி அழகப்பா பல்கலைக்கழக தொலைநிலைக்கல்வி இயக்ககத்தின் வாயிலாக நடத்தப்படும்  2018-2019 ஆண்டு இளநிலை, முதுநிலைப்படிப்புகள் மற்றும் 2017-ஆம்ஆண்டு முதுநிலைப்படிப்புக்குமான தொடர்பு வகுப்புகள் நடைபெற உள்ளன.
2018-2019 ஆம் ஆண்டுக்கான எம்.ஏ. (சோசியாலஜி) முதல் பருவ மாணவர்களுக்கு டிசம்பர் 14 முதல் 21 வரையிலும்,  எம்.எஸ்.டபிள்யூ முதல் பருவ மாணவர்களுக்கு டிசம்பர் 14 முதல் 21 வரையிலும் காரைக்குடி அழகப்பா பல்கலைக்கழகத்தில் உள்ள சோசியல் ஓர்க் துறையில் காலை 9 மணி முதல் மாலை 6 மணிவரை தொடர்பு வகுப்புகளும், எம்.எஸ்.டபிள்யூ மாணவர்களுக்கு டிசம்பர் 11 முதல் 24 வரை காலை 8 மணி முதல் மாலை 6 மணிவரை செய்முறை வகுப்புகளும் நடைபெறும்.
பி.ஏ., மற்றும் எம்.ஏ., ஆங்கிலம் முதல் பருவ மாணவர்களுக்கு டிசம்பர் 15,16,19 மற்றும் 24 ஆகிய தேதிகளிலும், அனைத்து பி.ஏ., பி.எஸ்சி., பிபிஏ மற்றும் பிசிஏ பாடங்களுக்கு ஆங்கிலம் பகுதி 2 -க்கான தொடர்பு வகுப்புகள் காரைக்குடி அழகப்பா பல்கலைக்கழக ஆங்கிலம் மற்றும் அயல் மொழிகள் துறையில் காலை 9 மணி முதல் மாலை 6 மணிவரையிலும் வகுப்புகள் நடைபெறும்.
 பி.ஜி.டி.எஸ்.எம். முதல் பருவ மாணவர்களுக்கு டிசம்பர் 17 முதல் 24 வரை அழகப்பா பல்கலைக்கழக உடற்கல்வி மற்றும் உடல் நல அறிவியல் துறையில் காலை 9 மணி முதல் மாலை 6 மணி வரையிலும் தொடர்பு வகுப்புகள் நடைபெறும்.
2017 ஆம் ஆண்டு  எம்.ஏ., சோசியாலஜி இரண்டாமாண்டு மாணவர்களுக்கு டிசம்பர் 14 முதல் 21 வரை காரைக்குடி அழகப்பா பல்கலைக்கழக சோசியல் ஒர்க் துறையில் காலை 10 மணிமுதல் மாலை 5 மணிவரை தொடர்பு வகுப்புகள் நடைபெறும் என்று தொலைநிலைக்கல்வி இயக்குநர் (பொறுப்பு) சு. ராசாராம் தெரிவித்துள்ளார்.
 

]]>
http://www.dinamani.com/all-editions/edition-madurai/sivagangai/2018/dec/13/அழகப்பா-பல்கலை-தொலைநிலைகல்விக்கான-தொடர்பு-வகுப்புகள்-3056968.html
3056967 மதுரை சிவகங்கை "விவசாயிகள் நிலக்கடலை விதையை பரிசோதனை செய்து கொள்ளலாம்' DIN DIN Thursday, December 13, 2018 07:22 AM +0530 சிவகங்கை மாவட்டத்தில் உள்ள நிலக்கடலை விவசாயிகள் நடப்புப் பருவத்தில் விதைப்புக்கு முன்னர் விதை பரிசோதனை நிலையத்தில் கடலை விதையினை பரிசோதித்துக் கொள்ளலாம் என தெரிவிக்கப்பட்டுள்ளது.      
  இதுகுறித்து சிவகங்கை மாவட்ட விதை பரிசோதனை அலுவலர் சிவ.அமுதன் புதன்கிழமை வெளியிட்டுள்ள செய்திக் குறிப்பு: 
  கார்த்திகை, மார்கழி ஆகிய மாதங்களில் நிலைக்கடலை விதைப்புப் பணியில் ஈடுபட உள்ள சாக்கோட்டை, கல்லல், திருப்பத்தூர், காளையார்கோவில், திருப்புவனம், மானாமதுரை, எஸ்.புதூர், சிங்கம்புணரி ஆகிய பகுதி  விவசாயிகள் விதைப்புக்கு முன் கடலை விதையை பரிசோதனை செய்து கொள்ளலாம்.     பரிசோதனையில் விதையின் புறத்தூய்மை, முளைப்புத் திறன், ஈரப்பதம் ஆகியவை கணக்கிடப்பட்டு அறிக்கையாக வழங்கப்படும்.விவசாயிகள் விதையின் தரத்தை பரிசோதிப்பதன் மூலம் நல்ல முளைப்புத் திறன், பயிர் வளர்ச்சி, அதிக மகசூல் குறித்து அறிந்து கொள்ளலாம்.    ஆகவே விதை பரிசோதனை செய்ய விரும்பும் விவசாயிகள் சிவகங்கை-மதுரை சாலையில் உள்ள விதை பரிசோதனை நிலையத்தை நேரடியாக அணுகி பயன்பெறலாம் என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/13/விவசாயிகள்-நிலக்கடலை-விதையை-பரிசோதனை-செய்து-கொள்ளலாம்-3056967.html
3056966 மதுரை சிவகங்கை அரசுப் பள்ளி கழிப்பறைகளை சுத்தம் செய்யும் தலைமை ஆசிரியர் DIN DIN Thursday, December 13, 2018 07:21 AM +0530 சிவகங்கை மாவட்டம் கல்குறிச்சி அரசு உயர்நிலைப்பள்ளியில் துப்புரவுப் பணியாளர் பணிக்கு வராததால், கழிப்பறைகளை தலைமையாசிரியர் தினந்தோறும் சுத்தம் செய்யும் பணியில் ஈடுபட்டுள்ளார்.
  மானாமதுரை ஒன்றியம் கல்குறிச்சி கிராமத்தில்  அரசு உயர்நிலைப்பள்ளி உள்ளது. இங்கு 200-க்கும் மேற்பட்ட மாணவர்கள் படித்து வருகின்றனர். இப்பள்ளிக்கான புதிய கட்டடம் கட்டப்பட்டுள்ளது. இந்த கட்டடத்தில் 15-க்கும் மேற்பட்ட கழிப்பறைகள் உள்ளன. இந்த கழிப்பறைகளை சுத்தம் செய்யும் துப்புரவு பணியாளருக்கு 7 மாதமாக சம்பளம் வழங்கவில்லை. அதனால் அவர் பணிக்கு வருவதில்லை. இந்நிலையில் இப்பள்ளியின் தலைமை ஆசிரியர் சேவியர் ஆரோக்கியதாஸ்  கழிப்பறைகளை தினந்தோறும்  சுத்தம் செய்து வருகிறார்.
   இது குறித்து சேவியர் ஆரோக்கியதாஸ் கூறியது: கல்குறிச்சி அரசு உயர்நிலைப்பள்ளி பழைய கட்டடத்தில் செயல்பட்டு வந்த போது, கிராம வறுமை ஒழிப்புக்குழு மூலம் துப்புரவு பணியாளர் கழிப்பறைகளை சுத்தம் செய்தார்.  இந்நிலையில் கடந்த 7 மாதங்களாக மானாமதுரை ஊராட்சி ஒன்றிய அலுவலகத்தில் இருந்து அவருக்கான சம்பளத்தை வழங்கவில்லை. அதனால் அவர் பணிக்கு வருவதில்லை. இதனால் தினமும் பள்ளியிலுள்ள கழிப்பறைகளை சுத்தம் செய்து வருகிறேன் என்றார். 
   துப்புரவுப் பணியாளருக்கு சம்பளம் வழங்கி,  பள்ளியின் கழிப்பறைகள் சுத்தம் செய்ய அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/sivagangai/2018/dec/13/அரசுப்-பள்ளி-கழிப்பறைகளை-சுத்தம்-செய்யும்-தலைமை-ஆசிரியர்-3056966.html
3056965 மதுரை சிவகங்கை பூவந்தியில் கிராம நிர்வாக அலுவலர்கள் போராட்டம் DIN DIN Thursday, December 13, 2018 07:21 AM +0530 காலிப் பணியிடங்களை உடனடியாக நிரப்ப வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கிராம நிர்வாக அலுவலர்கள் சங்கம் சார்பில் சிவகங்கை மாவட்டம் பூவந்தியில் போராட்டம் புதன்கிழமை நடைபெற்றது.
பூவந்தி பேருந்து நிலையம் முன் நடைபெற்ற இப்போராட்டத்துக்கு கிராம நிர்வாக அலுவலர்கள் சங்கத்தின் திருப்புவனம் வட்டாரத் தலைவர் எம்.செந்தில் தலைமை வகித்தார். வட்டச் செயலர் அன்புச் செல்வன் முன்னிலை வகித்தார். இதில் தமிழகம் முழுவதும் உள்ள காலிப் பணியிடங்களை உடனடியாக நிரப்ப வேண்டும். அனைத்து வருவாய் கிராமங்களிலும் அடிப்படை வசதிகளுடன் கூடிய கிராம நிர்வாக அலுவலகம் அமைத்துத் தர வேண்டும். கூடுதல் பணிக்கு பொறுப்பூதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்திப் பேசினர். போராட்டத்தில் கிராம நிர்வாக அலுவலர்கள் சங்கத்தைச் சேர்ந்த திருப்புவனம் வட்டார நிர்வாகிகள், உறுப்பினர்கள் உள்ளிட்ட ஏராளமானோர் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/dec/13/பூவந்தியில்-கிராம-நிர்வாக-அலுவலர்கள்-போராட்டம்-3056965.html
3056964 மதுரை சிவகங்கை சிவகங்கையில் நாளை தனியார் வேலைவாய்ப்பு முகாம் DIN DIN Thursday, December 13, 2018 07:21 AM +0530 சிவகங்கையில் வெள்ளிக்கிழமை (டிச.14) தனியார் வேலைவாய்ப்பு முகாம் நடைபெற உள்ளது.
இதுகுறித்து சிவகங்கை மாவட்ட வேலைவாய்ப்பு நல அலுவலர் ஆர்.மணிகணேஷ் புதன்கிழமை வெளியிட்டுள்ள செய்திக் குறிப்பு: சிவகங்கை மாவட்டத்தில் உள்ள இளைஞர்கள் பயன்பெறும் வகையில் வெள்ளிக்கிழமை தனியார் வேலைவாய்ப்பு முகாம் நடைபெற உள்ளது.
சிவகங்கையில் உள்ள மாவட்ட வேலைவாய்ப்பு நல அலுவலகத்தில் நடைபெற உள்ள இம்முகாமில் பல்வேறு நிறுவனத்தினர் கலந்து கொண்டு தங்கள் நிறுவனத்திற்கு தேவையான 100 பணியாளர்களை தேர்ந்தெடுக்க உள்ளனர். 
எனவே பத்தாம் வகுப்பு முதல் பட்டப்படிப்பு நிறைவு செய்துள்ள இளைஞர்கள் தங்களது கல்விச் சான்றிதழ், குடும்ப அட்டை, வேலைவாய்ப்பு அடையாள அட்டை, ஆதார் அட்டை ஆகியவற்றுடன் இம்முகாமில் கலந்து கொண்டு பயன்பெறலாம்.
இதன் மூலம் பணிவாய்ப்பு பெறுவோருக்கு பதிவு மூப்பு ஏதும் ரத்து செய்யப்பட மாட்டாது. பயிற்சியின் போது உதவித் தொகை, இதர சலுகைகள் வழங்கப்படும் என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/13/சிவகங்கையில்-நாளை-தனியார்-வேலைவாய்ப்பு-முகாம்-3056964.html
3056963 மதுரை சிவகங்கை பெண்ணிடம் சங்கிலி பறித்தவரை பொதுமக்கள் பிடித்து போலீஸில் ஒப்படைத்தனர் DIN DIN Thursday, December 13, 2018 07:20 AM +0530 சிவகங்கை மாவட்டம் திருப்பத்தூர் அருகே செவ்வாய்க்கிழமை இரவு  இருசக்கர வாகனத்தில் சென்ற பெண்ணிடம், சங்கிலியைப் பறித்துச் சென்ற திருடனை பொதுமக்கள் விரட்டிப்பிடித்து போலீஸாரிடம் ஒப்படைத்தனர். மற்றொருவரை போலீஸார் தேடி வருகின்றனர்.
  திருப்பத்தூர் அருகே புதுப்பட்டியைச் சேர்ந்தவர் சிவராஜன். இவர் திருப்புத்தூர் டவுன் சர்வேயராக பணியாற்றி வருகிறார். இவரது மனைவி ஜீவிதா (24). இவர் செவ்வாய்கிழமை இரவு, தனது 4 வயது பெண் குழந்தையுடன் இருசக்கர வாகனத்தில், திருப்பத்தூருக்கு சென்றுவிட்டு வீட்டிற்கு திரும்பியுள்ளார். புதுக்கோட்டை சாலையில்  தனியார் மருத்துவமனை அருகில் சென்று கொண்டிருந்த, இவரைப் பின் தொடர்ந்து இருசக்கர வாகனத்தில் தலைக்கவசம் அணிந்து வந்த இரண்டு இளைஞர்கள் வந்தனர். அவர்கள் திடீரென ஜீவிதா கழுத்தில் அணிந்திருந்த 5 பவுன் தங்கச்சங்கிலியை பறித்துக்கொண்டு வேகமாகச் சென்றனர்.  அப்போது சங்கிலியான் கோயில் அருகே சாலைப்பணிக்காக தோண்டப்பட்ட பள்ளத்தில் தடுமாறி, 2 பேரும் கீழே விழுந்துள்ளனர். இந்நிலையில் இவர்களைப் பின் தொடர்ந்து ஜீவிதா விரட்டிச் சென்றுள்ளார். இதைப் பார்த்த திருடர்கள் இருசக்கர வாகனத்தை அப்படியே விட்டு விட்டு அங்கிருந்து காட்டுப் பகுதிக்குள் ஓடிவிட்டனர்.  இதுகுறித்து தகவலறிந்து வந்த அப்பகுதியைச் சேர்ந்த சுமார் 300-க்கும் மேற்பட்டோர், அவர்களைத் தேடும் முயற்சியில் ஈடுபட்டனர். சுமார் 2 மணி நேரம் போராடி ஒரு இளைஞரை பிடித்தனர். அதில் மற்றொருவர் தப்பி ஓடிவிட்டார். பிடிபட்டவரை திருப்பத்தூர் டவுன் போலீஸாரிடம் பொதுமக்கள் ஒப்படைத்தனர்.  போலீஸாரின் விசாரணயில்  பிடிபட்டவர், மதுரை மாவட்டம் கல்லுப்பட்டி அருகே வலையங்குளம் பகுதியைச் சேர்ந்த வீரணன் மகன் தமிழ்ச்செல்வன் (24) என்பது தெரிய வந்தது. தப்பி ஓடிய மற்றொரு நபரை போலீஸார்  தேடி வருகின்றனர்.
   மேலும் அவர்கள் விட்டுச்சென்ற இருசக்கர வாகனத்தை பறிமுதல் செய்தனர். இச்சம்பவத்தால் அப்பகுதியில் பெரும் பரபரப்பு ஏற்பட்டது.
 

]]>
http://www.dinamani.com/all-editions/edition-madurai/sivagangai/2018/dec/13/பெண்ணிடம்-சங்கிலி-பறித்தவரை-பொதுமக்கள்-பிடித்து-போலீஸில்-ஒப்படைத்தனர்-3056963.html
3056962 மதுரை சிவகங்கை மாங்குடி மங்கிலியக்காரியம்மன் கோயில் கும்பாபிஷேகம் DIN DIN Thursday, December 13, 2018 07:20 AM +0530 சிவகங்கை மாவட்டம் திருப்பத்தூர் அருகே மாங்குடி கிராமத்தில் உள்ள ஸ்ரீ மங்கிலியக்காரியம்மன் கோயில் கும்பாபிஷேக விழா புதன்கிழமை நடைபெற்றது.
    இக்கும்பாபிஷேக விழாவை முன்னிட்டு திங்கள்கிழமை காலை 7 மணிக்கு கணபதி ஹோமம், நவக்கிரக ஹோமம், லெட்சுமி ஹோமம், நடைபெற்று மறுநாள் செவ்வாய்கிழமை மாலை 4.35 மணிக்கு வாஸ்து ஹோமம், அங்குரார்ப்பணம், ரக்ஷாபந்தனம் ஆகியவை நடைபெற்றது. இதனைத்தொடர்ந்து 6 மணிக்கு யாகசாலை பூஜை வேதமந்திரங்கள் நடைபெற்று இரவு 8 மணிக்கு பூர்ணாகுதி நடைபெற்றது. 
     புதன்கிழமை காலை 6 மணிக்கு கோ பூஜையுடன் 2 ஆம் கால யாகபூஜை தொடங்கி பூர்ணாகுதியுடன் தீபாராதனை நடைபெற்றது. பின்னர்  9.45 மணிக்கு கலசத்தில் புனிதநீர் ஊற்றப்பட்டு கும்பாபிஷேகம் நடைபெற்றது. பின்னர் அம்மனுக்கு மகாதீபம் காட்டப்பட்டது. இக்கும்பாபிஷேகத்தில் மாங்குடி, கருமிச்சான்பட்டி, சொக்காம்பட்டி, காரையூர், திருப்பத்தூர் ஆகிய பகுதிகளிலிருந்து ஏராளமானோர் கலந்து கொண்டனர். பொதுமக்களுக்கு அன்னதானம் வழங்கப்பட்டது.

]]>
http://www.dinamani.com/all-editions/edition-madurai/sivagangai/2018/dec/13/மாங்குடி-மங்கிலியக்காரியம்மன்-கோயில்-கும்பாபிஷேகம்-3056962.html
3056961 மதுரை சிவகங்கை பள்ளிகளில் பாரதியார் பிறந்த நாள் விழா DIN DIN Thursday, December 13, 2018 07:20 AM +0530 மானாமதுரை, சுற்றுவட்டாரப் பகுதிகளில் உள்ள அரசு மற்றும் தனியார் பள்ளிகளில் பாரதியார் பிறந்தநாள் விழா செவ்வாய்க்கிழமை கொண்டாடப்பட்டது.
மானாமதுரை பாபா மெட்ரிக். பள்ளி, அரசு மகளிர் மேல்நிலைப்பள்ளி மற்றும் இடைக்காட்டூர், வேதியரேந்தல், கல்குறிச்சி உள்ளிட்ட பகுதிகளில் உள்ள பல்வேறு பள்ளிகளில் பாரதியார் உருவப்படத்துக்கு மாணவ, மாணவிகள், ஆசிரியர்கள் மலர் தூவி மரியாதை செலுத்தினர். பின்னர், பாரதியார் குறித்து நடைபெற்ற பேச்சுப்போட்டிகளில் மாணவர்கள் பங்கேற்று பேசினர். மழலையர் பள்ளிகளில் குழந்தைகள் பாரதியார் வேடமிட்டு வந்து, பாரதியார் பாடல்களை பாடினர்.
இவ்விழாக்களில் பாபா மெட்ரிக் பள்ளி தாளாளர் கபிலன், கல்குறிச்சி பள்ளி தலைமையாசிரியர் சேவியர் ஆரோக்கியதாஸ், இடைக்காட்டூர் பள்ளி ஓவிய ஆசிரியர் செல்வம், தமிழ்நாடு முற்போக்கு எழுத்தாளர் கலைஞர்கள் சங்க நிர்வாகிகள் கலந்து கொண்டனர். இதேபோல், நூலகங்களிலும் பாரதியார் பிறந்தநாள் விழா கொண்டாடப்பட்டது.
 

]]>
http://www.dinamani.com/all-editions/edition-madurai/sivagangai/2018/dec/13/பள்ளிகளில்-பாரதியார்-பிறந்த-நாள்-விழா-3056961.html
3056960 மதுரை சிவகங்கை பள்ளி மாணவிகளுக்கு விலையில்லா சைக்கிள் வழங்கல் DIN DIN Thursday, December 13, 2018 07:19 AM +0530 காரைக்குடி எஸ்.எம்.எஸ்.வி மேல்நிலைப்பள்ளி, ஸ்ரீ மீனாட்சி பெண்கள் மேல்நிலைப்பள்ளி மாணவ, மாணவிகளுக்கு தமிழக அரசின் விலையில்லா சைக்கிள்கள் செவ்வாய்க்கிழமை வழங்கப்பட்டன.
  எஸ்.எம்.எஸ்.வி மேல்நிலைப்பள்ளியில் நடைபெற்ற விழாவில் காரைக்குடி எம்எல்ஏ கே. ஆர். ராமசாமி தலைமை வகித்து மாணவ, மாணவிகளுக்கு விலையில்லா சைக்கிள்களை வழங்கிப் பேசினார். பள்ளியின் ஆட்சிக்குழு உறுப்பினர் முத்து. பழனியப்பன், சங்கராபுரம்  ஊராட்சிமன்ற முன்னாள் தலைவர் எஸ். மாங்குடி ஆகியோர் முன்னிலை வகித்தனர்.
 விழாவில், நாட்டு நலப்பணித் திட்ட அலுவலர் சேவு.முத்துக்குமார், உதவித்திட்ட அலுவலர் ஜெ. பிரகாஷ் மணிமாறன், ஓவிய ஆசிரியர் எஸ். வெங்கடேசன், பட்டதாரி ஆசிரியர் பிரகாஷ், மாரி மணிகண்டன் மற்றும் குழந்தைவேலு உள்பட பலர் கலந்து கொண்டனர்.
 முன்னதாக தலைமை ஆசிரியர் முரு. வள்ளியப்பன் வரவேற்றார். முடிவில் ஸ்ரீ மீனாட்சி பெண்கள் மேல்நிலைப்பள்ளியின் தலைமையாசிரியை புவனேஸ்வரி நன்றி கூறினார்.

]]>
http://www.dinamani.com/all-editions/edition-madurai/sivagangai/2018/dec/13/பள்ளி-மாணவிகளுக்கு-விலையில்லா-சைக்கிள்-வழங்கல்-3056960.html
3056959 மதுரை சிவகங்கை பள்ளியில் லியோ சங்கம் தொடக்கம் DIN DIN Thursday, December 13, 2018 07:19 AM +0530 திருப்பத்தூரில் பள்ளி, கல்லூரி மாணவர்களுக்கான லியோ சங்கம் திங்கள்கிழமை தொடங்கப்பட்டது.
 மாணவர்களுக்கு தலைமைப் பண்பு, சேவை மனப்பான்மையை உருவாக்கும் பொருட்டு மாவட்ட அரிமா சங்கத்தினரால் லியோ சங்கம் தொடங்கப்பட்டுள்ளது.  இதில், பாபா பள்ளி, கிறிஸ்துராஜா மெட்ரிக் பள்ளி மாணவ, மாணவிகள்  உறுப்பினர்களாக இணைந்து கொண்டனர். இவ்விழாவுக்கு அரிமா சங்க மாவட்ட ஆளுநர் பரமேஸ்வரன் தலைமை வகித்தார். பாபா பள்ளி மாணவர் தினேஷ், கிறிஸ்துராஜா பள்ளி மாணவி இலக்கியா ஆகியோர் தலைவர்களாக தேர்ந்தெடுக்கப்பட்டனர்.
இவ்விழாவில், அரிமா மாவட்ட முதல் நிலை ஆளுநர் ராமசாமி, இரண்டாம் நிலை துணை ஆளுநர் ஜானகிராமன் ஆகியோர் சிறப்புரையாற்றினர். 
முன்னாள் தொடக்கக் கல்வி அலுவலர் ரெங்கசாமி, பேராசிரியர் சுப்பிரமணியன் ஆகியோர் லியோ சங்க ஆலோசகர்களாக நியமிக்கப்பட்டனர். நிகழ்ச்சிக்கான ஏற்பாடுகளை மாவட்ட லியோ சங்கத் தலைவர் ஏ.டி. விக்டர் செய்திருந்தார்.

]]>
http://www.dinamani.com/all-editions/edition-madurai/sivagangai/2018/dec/13/பள்ளியில்-லியோ-சங்கம்-தொடக்கம்-3056959.html
3056958 மதுரை சிவகங்கை சிவகங்கையில் மது ஒழிப்பு விழிப்புணர்வு பேரணி DIN DIN Thursday, December 13, 2018 07:19 AM +0530 சிவகங்கை மாவட்ட மதுவிலக்கு மற்றும் ஆயத்தீர்வைத்துறை சார்பில் மது ஒழிப்பு விழிப்புணர்வு பேரணி புதன்கிழமை நடைபெற்றது.
சிவகங்கை மாவட்ட ஆட்சியர் அலுவலக வளாகத்தில் நடைபெற்ற இப்பேரணியை சிவகங்கை மாவட்ட வருவாய் அலுவலர் க.லதா தலைமை வகித்து தொடங்கி வைத்தார். காவல் துணை கண்காணிப்பாளர் ஜானகிராமன் முன்னிலை வகித்தார்.
மது ஒழிப்பு மற்றும் மதுவினால் ஏற்படும் தீமைகள் குறித்து வாசகங்கள் அடங்கிய பதாகைகளை கையில் ஏந்தியபடி பள்ளி மாணவ, மாணவிகள் ஊர்வலமாகச் சென்றனர். மாவட்ட ஆட்சியர் அலுவலக வளாகத்தில் தொடங்கிய பேரணி திருப்பத்தூர் சாலை, காந்தி  வீதி, மரக்கடை உள்ளிட்ட முக்கிய வீதிகள் வழியாக வந்து அரண்மனை வாசலில் நிறைவடைந்தது.
இதில் ஆயத்தீர்வை அலுவலர் சேகர் உள்பட அரசு அலுவலர்கள், பள்ளி மாணவ, மாணவிகள் பலரும் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/dec/13/சிவகங்கையில்-மது-ஒழிப்பு-விழிப்புணர்வு-பேரணி-3056958.html
3056272 மதுரை சிவகங்கை மறவமங்கலம் பெரியாறு பாசன கால்வாயை சீரமைக்க வேண்டும்: விவசாயிகள் வலியுறுத்தல் DIN DIN Wednesday, December 12, 2018 07:09 AM +0530 சிவகங்கை மாவட்டம், மறவமங்கலம் வரை நீட்டிப்பு செய்யப்பட்ட பெரியாறு பாசனக் கால்வாயை சீரமைக்க வேண்டும் என அப்பகுதி விவசாயிகள் கோரிக்கை விடுத்துள்ளனர்.
சிவகங்கை மாவட்ட விவசாயத்துக்காக பெரியாறு- வைகை பாசன விரிவாக்க கால்வாய் திட்டம் மூலம் மதுரை மாவட்டம் மேலூர் அருகே காஞ்சிரம்பட்டி விலக்கில் இருந்து சிங்கம்புணரி, திருப்பத்தூருக்கு கால்வாய்கள் அமைக்கப்பட்டன.
இதேபோல், திருவாதவூரில் இருந்து சிவகங்கை மாவட்டம் தமறாக்கி, குமாரப்பட்டி, அரசனூர், நல்லாகுளம், மாத்தூர் வரையும், தமறாக்கியில் இருந்து வி.மலம்பட்டி, கூட்டுறவுப்பட்டி, உசிலம்பட்டி, இடையமேலூர், காஞ்சிரங்கால், சூரக்குளம், செம்பனூர், பொட்டகவயல் வழியாக மறவமங்கலம் வரை கால்வாய்கள் அமைக்கப்பட்டன. பெரியாறு மற்றும் வைகை அணைகள் முழுக் கொள்ளளவை எட்டினால் இக்கால்வாய்களில் தண்ணீர் திறக்கப்படும். இதன் மூலம் சுமார் 12 ஆயிரத்துக்கும் மேற்பட்ட ஏக்கர் விவசாய நிலங்கள் பாசனம் பெறும்.
இதில், மறவமங்கலம் வரை விரிவாக்கம் செய்யப்பட்ட கால்வாய் மூலம் மட்டுமே சுமார் 5 ஆயிரம் ஏக்கர் பாசன வசதி பெறும். கடந்த சில ஆண்டுகளாக பருவமழை பொய்த்ததால் மறவமங்கலம் கால்வாயில் தண்ணீர் திறக்கப்படவில்லை.
இதனால், கால்வாய்களில் சீமைக் கருவேல மரங்கள் வளர்ந்தும், மண் திட்டுகளால் மூடப்பட்டும் உள்ளன. இவை தவிர, சில இடங்களில் கால்வாய்களை சேதப்படுத்திய மர்ம நபர்கள் கற்களை அள்ளிச் சென்று விட்டனர். இதனால், கால்வாய்கள் ஆங்காங்கே துண்டிக்கப்பட்டு, மழைக் காலங்களில் வரும் உபரிநீர் கூட வீணாகின்றன.
எனவே, மறவமங்கலம் வரை உள்ள பெரியாறு பாசனக் கால்வாயை தூர்வார சிவகங்கை மாவட்ட நிர்வாகம் நடவடிக்கை எடுக்க வேண்டும் என அப்பகுதி விவசாயிகள், பொதுமக்கள் கோரிக்கை விடுத்துள்ளனர்.
இதுகுறித்து பொட்டகவயலைச் சேர்ந்த விவசாயி வேலுச்சாமி கூறியது:
பருவமழை பொய்த்ததால் மறவமங்கலம் பெரியாறு பாசனக் கால்வாயில் தண்ணீர் திறந்து பல ஆண்டுகளாகின்றன. தற்போது கால்வாய்கள் உருக்குலைந்துள்ளன. கடந்த புரட்டாசி மாதம் பெய்த மழையைக் கொண்டு நெல் விதைத்தோம். விதைப்பு பணி நிறைவடைந்து ஒரு மாதத்தில் மழை சரிவர பெய்யவில்லை. இதனால் போதிய தண்ணீரின்றி பயிர்கள் ஆரம்ப நிலையிலேயே கருகின.
உழவு செய்தல், விதைத்தல், களை எடுத்தல், உரம் மற்றும் பூச்சி மருந்து தெளித்தல் என ஒரு ஏக்கருக்கு  ரூ. 18 ஆயிரம் வரை 
செலவாகிறது. போதிய நீர் இல்லாததால், பயிர்கள் கருகி மேய்ச்சல் நிலமாக மாறி விட்டது. எனவே, விவசாயத்தை காக்க, மறவமங்கலம் பெரியாறு பாசனக் கால்வாயை தூர்வாரி தண்ணீர் திறக்க நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-madurai/sivagangai/2018/dec/12/மறவமங்கலம்-பெரியாறு-பாசன-கால்வாயை-சீரமைக்க-வேண்டும்-விவசாயிகள்-வலியுறுத்தல்-3056272.html
3056271 மதுரை சிவகங்கை தேர்தல் வெற்றி: காங்கிரஸ் கட்சியினர் கொண்டாட்டம் DIN DIN Wednesday, December 12, 2018 07:08 AM +0530 ராஜஸ்தான், சத்தீஸ்கர், மத்திய பிரதேசம் ஆகிய மூன்று மாநில தேர்தல்களில் பெரும்பான்மை இடங்களில் காங்கிரஸ் கட்சி வெற்றி பெற்றதைத் தொடர்ந்து, மானாமதுரையில் அக்கட்சித் தொண்டர்கள் செவ்வாய்க்கிழமை பட்டாசு வெடித்தும், இனிப்பு வழங்கியும் கொண்டாடினர்.
  மானாமதுரையில் உள்ள காங்கிரஸ் கட்சி அலுவலகம் முன், கட்சியின் தலைவர் ராகுல்காந்தியை வாழ்த்தி முழக்கமிட்டனர். அதைத்தொடர்ந்து நடைபெற்ற பாரதியார் பிறந்த நாள் விழாவில், அவரது உருவப்படத்துக்கு மாலை அணிவித்து மரியாதை செலுத்தினர்.
 இந்நிகழ்ச்சியில் காங்கிரஸ் நகர்த் தலைவர் கணேசன், தாழ்த்தப்பட்டோர் பிரிவு மாவட்ட நிர்வாகி ரமேஷ்கண்ணா உள்ளிட்ட நிர்வாகிகள் கலந்து கொண்டனர்.
முதுகுளத்தூர்: ராமநாதபுரம் மாவட்டம் முதுகுளத்தூர் பேருந்து நிலையத்தில் சட்டப்பேரவை முதுகுளத்தூர் தொகுதி உறுப்பினர் மலேசியா எஸ்.பாண்டியன் ஆதரவாளர்கள் பட்டாசு வெடித்து, பொதுமக்களுக்கு இனிப்பு வழங்கி கொண்டாடினர். 
நிகழ்ச்சியில் காங்கிரஸ் கட்சியின் முன்னாள் மாவட்ட தலைவர் எம்.பூவலிங்கம், கிழக்கு 
வட்டார தலைவர் ராமர், மேற்கு வட்டார தலைவர் புவனேஸ்வரன், நகர் தலைவர் என்.சுரேஸ்காந்தி மற்றும் முதுகுளத்தூர் சட்டப்பேரவைத் தொகுதி மேம்பாட்டு நலக்குழு  உறுப்பினர்கள் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/dec/12/தேர்தல்-வெற்றி-காங்கிரஸ்-கட்சியினர்-கொண்டாட்டம்-3056271.html
3056255 மதுரை சிவகங்கை குண்டர் சட்டத்தில் இளைஞர் கைது DIN DIN Wednesday, December 12, 2018 06:59 AM +0530 கொலை, கொள்ளை உள்பட பல்வேறு வழக்குகளில் தொடர்புடைய இளைஞரை சிவகங்கை தாலுகா போலீஸார் குண்டர் சட்டத்தில் செவ்வாய்க்கிழமை கைது செய்தனர். 
சிவகங்கை அருகே உள்ள பனங்காடியைச் சேர்ந்த காளையப்பன் மகன் ராஜசேகர் (29). இவர் மீது சிவகங்கை தாலுகா, சாக்கோட்டை, காளையார்கோவில் ஆகிய காவல் நிலையங்களில் கொலை, கொள்ளை, வழிப்பறி உள்ளிட்ட பல்வேறு வழக்குகள் நிலுவையில் உள்ளன.    இந்நிலையில், சிவகங்கை மாவட்ட காவல் கண்காணிப்பாளர் டி.ஜெயச்சந்திரன் ராஜசேகரை குண்டர் சட்டத்தின் கீழ் கைது செய்ய, மாவட்ட ஆட்சியர் ஜெ.ஜெயகாந்தனுக்கு பரிந்துரை செய்தார். ஆட்சியர் உத்தரவின்பேரில் சிவகங்கை தாலுகா போலீஸார் ராஜசேகரை செவ்வாய்க்கிழமை குண்டர் சட்டத்தின் கீழ் கைது செய்து, மதுரை மத்திய சிறையில் அடைத்தனர்.

]]>
http://www.dinamani.com/all-editions/edition-madurai/sivagangai/2018/dec/12/குண்டர்-சட்டத்தில்-இளைஞர்-கைது-3056255.html
3056254 மதுரை சிவகங்கை சிவகங்கையில் வழக்குரைஞர்களுக்கு சமரச தீர்வு பயிற்சி DIN DIN Wednesday, December 12, 2018 06:59 AM +0530 சிவகங்கை மாவட்ட சட்டப் பணிகள் ஆணையம் சார்பில் வழக்குரைஞர்களுக்கு சமரச தீர்வு காண்பது எவ்வாறு என்பது குறித்த பயிற்சி செவ்வாய்க்கிழமை நடைபெற்றது.
சிவகங்கை மாவட்ட நீதிமன்ற வளாக கூட்டரங்கில் நடைபெற்ற இம்முகாமை மாவட்ட முதன்மை நீதிபதி (பொறுப்பு) வி.வி.தனியரசு தலைமை வகித்து தொடக்கி வைத்தார்.
மாவட்ட சட்டப் பணிகள் ஆணைய செயலரும், சார்பு நீதிபதியுமான டி.பி.வடிவேலு, சிவகங்கை மாவட்ட சமரச தீர்வு மையத்தின் உறுப்பினர் எம்.மோகனசுந்தரம் ஆகியோர் முன்னிலை வகித்தனர்.இதில், சென்னை உயர்நீதிமன்ற வழக்குரைஞர்கள் எஸ்.அருணாசலம், டி.சாய்கிருஷ்ணன் ஆகியோர் கலந்து கொண்டு வழக்குரைஞர்களுக்கு பல ஆண்டுகளாக நிலுவையில் உள்ள வழக்குகளை விசாரணையின்றி பேச்சுவார்த்தை மூலம் சமரசமாக தீர்வு காண்பது குறித்து பயிற்சி வழங்கினர். முகாமில் ஏராளமான வழக்குரைஞர்கள் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/dec/12/சிவகங்கையில்-வழக்குரைஞர்களுக்கு-சமரச-தீர்வு-பயிற்சி-3056254.html
3056253 மதுரை சிவகங்கை கூட்டுறவு சங்க தேர்தல் வழக்குகள்: ஓய்வு பெற்ற நீதிபதி குழு விசாரணை DIN DIN Wednesday, December 12, 2018 06:58 AM +0530 சிவகங்கை-ராமநாதபுரம் மாவட்ட நீதிமன்றங்களில் தொடரப்பட்ட கூட்டுறவு சங்க தேர்தல் தொடர்பான வழக்குகளை ஓய்வுபெற்ற நீதிபதி ராமநாதன் தலைமையிலான குழுவினர் சிவகங்கையில் செவ்வாய்க்கிழமை விசாரித்தனர்.
தமிழகம் முழுவதும் நடைபெற்ற கூட்டுறவு சங்க தேர்தல் தொடர்பாக நீதிமன்றத்தில் தாக்கல் செய்யப்பட்ட வழக்குகளை ஓய்வுபெற்ற நீதிபதியைக் கொண்டு விசாரிக்க சென்னை உயர்நீதிமன்றம் உத்தரவிட்டது.
அதையடுத்து, கூட்டுறவு சங்க தேர்தல் தொடர்பான வழக்குகளை விசாரிக்க தெற்கு மண்டலக் குழு தலைவராக ஓய்வுபெற்ற நீதிபதி ராமநாதனும், மதுரை, விருதுநகர், மாவட்ட ஆட்சியர்கள் மற்றும் மாவட்ட கூட்டுறவு இணைப் பதிவாளர்கள் உறுப்பினர்களாகவும் நியமிக்கப்பட்டனர்.
இக்குழுவினர் விசாரணைக்கு செல்லும் பகுதிகளில் அந்தந்த மாவட்ட ஆட்சியர் மற்றும் இணைப் பதிவாளர்கள் உறுப்பினர்களாக கலந்து கொண்டு விசாரணை மேற்கொள்வர். கூட்டுறவு சங்க தேர்தல் தொடர்பாக சிவகங்கை மாவட்டத்தில் உள்ள நீதிமன்றங்களில் சுமார் 40 வழக்குகள் தாக்கல் செய்யப்பட்டுள்ளன. இந்த வழக்குகளை விசாரிப்பதற்காக ஓய்வுபெற்ற நீதிபதி ராமநாதன் தலைமையிலான குழுவினர் சிவகங்கைக்கு செவ்வாய்க்கிழமை வந்தனர்.
 வழக்கு விசாரணையின்போது சிவகங்கை மாவட்ட ஆட்சியர் ஜெ.ஜெயகாந்தன், விருதுநகர் மாவட்ட ஆட்சியர் சிவஞானம், ராமநாதபுரம் மாவட்ட வருவாய் அலுவலர் முத்துமாரி ஆகியோர் உடனிருந்தனர்.
இதில் சிவகங்கை மாவட்ட நீதிமன்றத்தில் தொடரப்பட்ட 8 வழக்குகளும், ராமநாதபுரம் மாவட்ட நீதிமன்றத்தில் தொடரப்பட்ட 6 வழக்குகளும் விசாரணை செய்யப்பட்டது.

]]>
http://www.dinamani.com/all-editions/edition-madurai/sivagangai/2018/dec/12/கூட்டுறவு-சங்க-தேர்தல்-வழக்குகள்-ஓய்வு-பெற்ற-நீதிபதி-குழு-விசாரணை-3056253.html
3056252 மதுரை சிவகங்கை டிச.18 முதல் அஞ்சலக ஊழியர்கள்வேலை நிறுத்தம் செய்ய முடிவு DIN DIN Wednesday, December 12, 2018 06:57 AM +0530 அஞ்சல் துறை புறநிலை ஊழியர்கள் வரும் டிச. 18 ஆம் தேதி முதல் காலவரையாற்ற வேலை நிறுத்தம் செய்ய முடிவு செய்துள்ளனர்.
இது குறித்து அகில இந்திய அஞ்சல்துறை புறநிலை ஊழியர்கள் சங்கத்தின் மாநில உதவி செயலாளர் செல்வன் மானாமதுரையில் செய்தியாளர்களிடம் செவ்வாய்க்கிழமை கூறியதாவது:
அஞ்சல்துறை புறநிலை ஊழியர்கள் வேலை நிறுத்தப் போராட்டத்தின்போது நிறைவேற்றுவதாக உறுதியளித்த எந்த கோரிக்கைகளையும் மத்திய அரசு முழுமையாக நிறைவேற்றவில்லை.
குறிப்பாக நிலுவைத்தொகையை முன் தேதியிட்டு வழங்காமல் ஊழியர்களை மத்திய அரசு ஏமாற்றிவிட்டது. இதனால் புறநிலை ஊழியர்கள் மிகவும் பாதிக்கப்பட்டுள்ளனர். மத்திய சங்கம் வரும் டிச. 18 ஆம் தேதி முதல் நாடு முழுவதும் மீண்டும் வேலை நிறுத்தப் போராட்டத்தில் ஈடுபடப்போவதாக அறிவித்துள்ளது. இதற்கிடையே, சங்க நிர்வாகிகளிடம் மத்திய அரசு பிரதிநிதிகள் நடத்திய பேச்சுவார்த்தை தோல்வியடைந்தது. எனவே, திட்டமிட்டபடி வரும் 18 ஆம் தேதி முதல் நாடு முழுவதும் அஞ்சல்துறை புறநிலை ஊழியர்கள் காலவரையற்ற வேலை நிறுத்தப் போராட்டத்தில் பங்கேற்பார்கள் என்றார்.
 

]]>
http://www.dinamani.com/all-editions/edition-madurai/sivagangai/2018/dec/12/டிச18-முதல்-அஞ்சலக-ஊழியர்கள்வேலை-நிறுத்தம்-செய்ய-முடிவு-3056252.html
3056251 மதுரை சிவகங்கை கிராமிய கலைஞர்கள் கஜா புயல் நிவாரண நிதி சேகரிப்பு DIN DIN Wednesday, December 12, 2018 06:57 AM +0530 சிவகங்கை மாவட்டம் திருப்பத்தூரில் நாட்டுப்புற மேடைக் கலைஞர்களும் ஒருங்கிணைந்த மத நல்லிணக்க குழுவினரும் இணைந்து கஜா புயலால் பாதிக்கப்பட்டவர்களுக்காக செவ்வாய்க்கிழமை நிவாரணப் பொருள்கள் சேகரித்தனர்.
  கிறிஸ்துராஜா மெட்ரிக் பள்ளியில் மாணவர்களிடையே நாட்டுப்புற கலைஞர்கள் நடனமாடி புயலின் கோரதாண்டவத்தை பாடல் மூலம் எடுத்துக் கூறினர். பள்ளி சார்பில் இக்கலைஞர்களிடம் ரூ.10 ஆயிரம் வழங்கப்பட்டது. 
 தொடர்ந்து அச்சுக்கட்டு, காந்திசிலை, நான்குரோடு, செம்மொழிப்பூங்கா போன்ற பகுதிகளில் கலை நிகழ்ச்சிகள் நடத்தப்பட்டது. 
அப்போது மதுரையிலிருந்து அவ்வழியாக வந்த பிரான்ஸ் நாட்டினர் கிராமிய கலைஞர்களின் நடனத்தைக் கண்டும் அதன் காரணத்தை கேட்டறிந்தும் அவர்களும் நடனமாடி நிதி சேகரிப்பில் ஈடுபட்டதோடு, தாங்களும் நிதி வழங்கினர்.
 இந்நிகழ்ச்சிக்கான ஏற்பாட்டினை  நாட்டுப்புற மேடை கலைஞர்கள் சங்கப் பொருளாளர் வைகைபிரபா, கலை வளர் மாமணி தந்தானேஈனா, மத நல்லிணக்க ஒருங்கிணைப்புக் குழுத்தலைவர் ரபீக் ஆகியோர் செய்திருந்தனர்.
 

]]>
http://www.dinamani.com/all-editions/edition-madurai/sivagangai/2018/dec/12/கிராமிய-கலைஞர்கள்-கஜா-புயல்-நிவாரண-நிதி-சேகரிப்பு-3056251.html
3056250 மதுரை சிவகங்கை விவசாய நிலத்தில் தாழ்வாகச் செல்லும்  மின் கம்பியை மாற்றி அமைக்க கோரிக்கை DIN DIN Wednesday, December 12, 2018 06:57 AM +0530 சிவகங்கை மாவட்டம், திருப்பாச்சேத்தி அருகே விவசாய நிலத்தில் தாழ்வாக செல்லும் மின் கம்பியை உயரத்தில் செல்லும் வகையில் மாற்றி அமைக்க வேண்டும் என அப்பகுதி விவசாயிகள் கோரிக்கை விடுத்துள்ளனர்.     
 திருப்பாச்சேத்தி அருகே உள்ள பத்துப்பட்டி கிராமத்தில் பெரும்பாலான மக்கள் வேளாண் பணிகளை செய்து வருகின்றனர். இந்நிலையில், பத்துப்பட்டி- குருந்தங்குளம் சாலையில் சுவாமிநாதன் வீட்டருகே உள்ள விவசாய நிலத்தின் மேலே செல்லும் உயர் மின் அழுத்த கம்பி மிகவும் தாழ்வாக செல்கிறது. இதனால், அந்த நிலத்தில் வேளாண் பணிகளை மேற்கொள்ள முடியாமல் அவதியடைந்து வருவதாகவும், அந்த வழியாக மிகுந்த அச்சத்துடனேயே நடந்து செல்வதாகவும் விவசாயிகள் புகார் தெரிவித்துள்ளனர்.
 இதுகுறித்து சம்பந்தப்பட்ட அலுவலர்களிடம் பலமுறை தெரிவித்தும், இதுவரை எவ்வித நடவடிக்கையும் இல்லை. எனவே, வயல்வெளியில் தாழ்வாக செல்லும் உயர் மின் அழுத்த கம்பியை மாற்றி அமைக்க வேண்டும் என மாவட்ட நிர்வாகத்துக்கு விவசாயிகள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/sivagangai/2018/dec/12/விவசாய-நிலத்தில்-தாழ்வாகச்-செல்லும்--மின்-கம்பியை-மாற்றி-அமைக்க-கோரிக்கை-3056250.html
3056249 மதுரை சிவகங்கை காரைக்குடி அழகப்பா பல்கலை. சார்பில் ரூ. 20 லட்சம் நிவாரண நிதி DIN DIN Wednesday, December 12, 2018 06:56 AM +0530 காரைக்குடி அழகப்பா பல்கலைக்கழகம் சார்பில் கஜா புயல் நிவாரண நிதியாக  ரூ. 20 லட்சம் தமிழக முதல்வரிடம் அண்மையில் வழங்கப்பட்டது.
இதுகுறித்து பல்கலைக்கழக பதிவாளர் ஹா.குமல்லேஷ்பிரபு செவ்வாய்க்கிழமை வெளியிட்டுள்ள செய்திக் குறிப்பு:
தமிழகத்தில் கஜா புயலால் ஏற்பட்ட பாதிப்புகளுக்கு நிவாரணம் மற்றும் சீரமைப்புப் பணிகளுக்காக  முதல்வரின் பொது நிவாரண நிதிக்கு காரைக்குடி அழகப்பா பல்கலைக்கழகத்தின் சார்பில் நிதி வழங்க முடிவு செய்யப்பட்டது. அதன்படி, ஆசிரியர்கள், நிர்வாக அலுவலர்கள் தங்களது ஒரு நாள் ஊதியம் மற்றும் பல்கலைக்கழக நிதியிலிருந்தும் ரூ. 20 லட்சத்துக்கான காசோலையை உயர்கல்வித்துறை அமைச்சர் கே.பி. அன்பழகன் முன்னிலையில், தமிழக முதல்வர் எடப்பாடி கே. பழனிசாமியிடம் அழகப்பா பல்கலைக்கழக துணைவேந்தர் நா. ராஜேந்திரன் கடந்த டிச.7 ஆம் தேதி நேரில் வழங்கினார் என அதில் குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/dec/12/காரைக்குடி-அழகப்பா-பல்கலை-சார்பில்-ரூ-20-லட்சம்-நிவாரண-நிதி-3056249.html
3055670 மதுரை சிவகங்கை காரைக்குடியில் நீதிமன்றம் முதல் முத்துமாரியம்மன் கோயில் வரையிலான சாலையை சீரமைக்கக் கோரிக்கை DIN DIN Tuesday, December 11, 2018 07:10 AM +0530 காரைக்குடியில் நீதிமன்றம் முதல் முத்துமாரியம்மன் கோயில் வரையிலான சாலையை உடனடியாக சீரமைக்க வேண்டும் என்று காரைக்குடி நகராட்சி ஆணையரிடம் கோரிக்கை விடுக்கப்பட்டுள்ளது.
   காரைக்குடித் தொழில்வணிகக் கழக முன்னாள் தலைவர் முத்து. பழனியப்பன் நகராட்சி ஆணையரிடம் திங்கள்கிழமை அளித்துள்ள கோரிக்கை மனுவில் தெரிவித்திருப்பதாவது: பாதாளச் சாக்கடைத் திட்டப்பணிகளால் காரைக்குடியில் உள்ள சாலைகள் அனைத்தும் தோண்டப்பட்டு யாருமே பயணிக்க முடியாத அளவுக்கு பல மாதங்களாகவே சரி செய்யப்படாமல் மோசமான நிலையில் உள்ளது. 
  அதிலும் அண்மைக்காலமாக தொடர் மழையால் சாலைகள் சேறும், சகதியுமாய் தண்ணீர் தேங்கி சுகாதாரக்கேடும், பொதுமக்களுக்கு உடல்நல பாதிப்பினையும் ஏற்படுத்தி வருகிறது,
   காரைக்குடி நீதிமன்ற வளாகம், தலைமை அஞ்சல் நிலையம், மகரிஷிவித்யா மந்திர் பள்ளி, பல்வேறு வங்கிக்கிளைகள், தனியார் மருத்துவமனைகள், நெடுஞ்சாலைத்துறை, பொதுப்பணித்துறை அலுவலகங்கள் இருக்கும் இந்த முக்கியத்துவம் வாய்ந்த சாலையில் தினமும் நூற்றுக்கணக்கானோர் சென்று வருகின்றனர். இச்சாலை தோண்டப்பட்டு சீரமைக்கப்படாததால் தினமும் 10 முதல் 15 பேர் வரை கீழே விழுந்து பலத்த காயமடையும் நிலை தொடர்கிறது.
    எல்லாச் சாலைகளுமே சீரமைக்கப்பட வேண்டிய நிலையில் இருந்தாலும் நீதிமன்றம் முதல் முத்துமாரியம்மன் கோயில் வரையுள்ள சண்முகராஜா, கோவிந்தராஜூலு சாலைகளை உடனடியாக சீரமைக்க வேண்டும் என்று தெரிவித்துள்ளார்.
 

]]>
http://www.dinamani.com/all-editions/edition-madurai/sivagangai/2018/dec/11/காரைக்குடியில்-நீதிமன்றம்-முதல்-முத்துமாரியம்மன்-கோயில்வரையிலான-சாலையை-சீரமைக்கக்-கோரிக்கை-3055670.html
3055669 மதுரை சிவகங்கை "கஜா' புயல் நிவாரண நிதியாக பள்ளி மாணவர்கள்  ரூ.4 ஆயிரம் வழங்கல் DIN DIN Tuesday, December 11, 2018 07:10 AM +0530 கஜா புயலால் பாதிக்கப்பட்ட மக்களுக்கு பள்ளி மாணவர்கள் நிவாரணத்  தொகையாக ரூ.4 ஆயிரத்தை வழங்கினர்.   
சிவகங்கை காமராஜர் நகரைச் சேர்ந்த 10-க்கும் மேற்பட்ட பள்ளி மாணவர்கள் கஜா புயலால் பாதிக்கப்பட்ட மக்களுக்கு நிவாரணம் வழங்கும் வகையில் நிதி சேகரித்தனர். அவ்வாறு சேகரிக்கப்பட்ட நிதி ரூ.4 ஆயிரத்துக்கான காசோலையை சிவகங்கை மாவட்ட ஆட்சியர் அலுவலக கூட்டரங்கில் திங்கள்கிழமை நடைபெற்ற மக்கள் குறை தீர்க்கும் முகாமில் மாவட்ட ஆட்சியரின் நேர்முக உதவியாளர் சக்திவேலிடம் வழங்கினர். அப்போது மாணவர்களின் பெற்றோர்களும் உடனிருந்தனர்.

]]>
http://www.dinamani.com/all-editions/edition-madurai/sivagangai/2018/dec/11/கஜா-புயல்-நிவாரண-நிதியாக-பள்ளி-மாணவர்கள்-ரூ4-ஆயிரம்-வழங்கல்-3055669.html
3055668 மதுரை சிவகங்கை மானாமதுரையில்  திமுக வாக்குச்சாவடி முகவர்கள் கூட்டம் DIN DIN Tuesday, December 11, 2018 07:10 AM +0530 மானாமதுரையில் திமுக வாக்குச்சாவடி முகவர்கள் கூட்டம் திங்கள்கிழமை நடைபெற்றது.
 இக்கூட்டத்துக்கு திமுக மாவட்டச் செயலர் கே.ஆர்.பெரியகருப்பன் தலைமை வகித்தார். மானாமதுரை, இளையான்குடி, திருப்புவனம் ஒன்றியங்களைச் சேர்ந்த திமுக நிர்வாகிகள் வாக்குச்சாவடி முகவர்கள் கூட்டத்தில் கலந்து கொண்டர். சிவகங்கை மக்களவைத் தொகுதி திமுக தேர்தல் பொறுப்பாளர் பொன்.முத்துராமலிங்கம் கூட்டத்தில் கலந்து கொண்டு அடுத்த ஆண்டு நடைபெறவுள்ள மக்களவைத் தேர்தலில் சிவகங்கைத் தொகுதியில் போட்டியிடும் திமுக வேட்பாளர் வெற்றிக்கு திமுகவினர் எவ்வாறு தேர்தல் பணி செய்ய வேண்டும் என்பது குறித்து பேசினார். 
   இளையான்குடி திமுக மேற்கு ஒன்றியச் செயலர் சுப.மதியசரன், மானாமதுரை ஒன்றியச் செயலர் துரை.ராஜாமணி, மாவட்ட துணைச் செயலர் சேங்கைமாறன் உள்ளிட்ட நிர்வாகிகள் கூட்டத்தில் பங்கேற்றனர்.
 

]]>
http://www.dinamani.com/all-editions/edition-madurai/sivagangai/2018/dec/11/மானாமதுரையில்--திமுக-வாக்குச்சாவடி-முகவர்கள்-கூட்டம்-3055668.html
3055667 மதுரை சிவகங்கை தாய் இறந்த துக்கம் தாளாமல் மகன் தற்கொலை DIN DIN Tuesday, December 11, 2018 07:09 AM +0530 இளையான்குடி அருகே தாய் இறந்த துக்கம் தாளாமல்  ஞாயிற்றுக்கிழமை இரவு மகன் தற்கொலை செய்து கொண்டார்.
 இளையான்குடி அருகே அரியாண்டிபுரம் கிராமத்தைச் சேர்ந்தவர் ஜேசுராஜா (51). இவரது தாய் மாணிக்கம்மாள் கடந்த சில மாதங்களுக்கு முன் இறந்துவிட்டார். இதையடுத்து அவரது மகன் ஜேசுராஜா, தாய் இறந்த துக்கம் தாளாமல் மன உளைச்சலில் இருந்து வந்துள்ளார். இந்நிலையில் வீட்டுக்கு அருகே ஜேசுராஜா மரத்தில் தூக்கிட்டு தற்கொலை செய்து கொண்டார்.
  இதுகுறித்து  இளையான்குடி போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-madurai/sivagangai/2018/dec/11/தாய்-இறந்த-துக்கம்-தாளாமல்-மகன்-தற்கொலை-3055667.html
3055666 மதுரை சிவகங்கை தேவகோட்டையில் மகாகவி பாரதி விழா DIN DIN Tuesday, December 11, 2018 07:09 AM +0530 தேவகோட்டை  ஆனந்தா கல்லூரியும்  சமூகமே எந்திரி மாத இதழ் குழுமம் ஒருங்கிணைக்கும் மகாகவி பாரதி விழா-2018 கல்லூரி அரங்கத்தில்  ஆனந்தா கல்லூரி முதல்வர் அருட்தந்தை ச.ஜான் வசந்தகுமார் தலைமையில் திங்கள் கிழமை நடைபெற்றது.
    இவ்விழாவிற்கு சிறப்பு விருந்தினர்களாக மகாகவி பாரதியின் எள்ளுப்பேரன் கவிஞர் நிரஞ்சன் பாரதி மற்றும் பட்டி மன்ற நடுவர் திண்டிவனம் சபரிமாலா செயகாந்தன் கலந்துகொண்டனர். பாரதி தமிழ்ச்சங்க கலை  இலக்கியப்பெருமன்றம் புலவர் ம.சவரிமுத்து, காரைக்குடி வீறுகவி முடியரசனர் அவைக்களம் நிறவனர் எழுத்தாளர் பாரி முடியரசன், திருப்பத்தூர் பாரதி தமிழ் மன்றம் நிறுவனர் கவிஞர் லி.ஜெயச்சந்திரன் ஆகியோருக்கு செந்தமிழ்ச்செல்வர் விருதினை வழங்கினார். பின்னர் யார் பாரதி என்ற தலைப்பில் கருத்தரங்கம் நடைபெற்றது. இதில் லால்குடி எழில் ஆன்மிக வாதியே, யோகேஸ்வரன் பெண்ணிய வாதியே, இரா.விஸ்வா அரசியல் வாதியே, காவியா சரவணன் பொது நலவாதியே, முத்துக்குமரன் தேசியவாதியே, விக்னேஷ்குமார்  ஊடகவாதியே என்ற  தலைப்பில் கருத்தரங்கம் நடைபெற்றது. மாணவிகளின் நடன நிகழ்ச்சிகள் நடைபெற்றது. இந்நிகழ்ச்சிகு  ஆனந்தா கல்லூரி செயலர் அருட்தந்தை ஜேசுராஜ் கே.கிறிஷ்டி முன்னிலை வகித்தார். மாணவர் நவின்லூர்துராஜ் நன்றி கூறினார்.

]]>
http://www.dinamani.com/all-editions/edition-madurai/sivagangai/2018/dec/11/தேவகோட்டையில்-மகாகவி-பாரதி-விழா-3055666.html
3055665 மதுரை சிவகங்கை இனிவரும் தேர்தல்களில் திமுக தவிர்க்க முடியாத சக்தியாக திகழும்: முன்னாள் அமைச்சர் பொன்.முத்துராமலிங்கம் DIN DIN Tuesday, December 11, 2018 07:09 AM +0530 இனி வரும் காலங்களில் தமிழகத்தில் ஆட்சி அமைப்பதிலும் சரி, மத்திய ஆட்சியில் முக்கிய அங்கம் வகிப்பதிலும் சரி திமுக தவிர்க்க முடியாத  சக்தியாக திகழும் என முன்னாள் அமைச்சரும், சிவகங்கை மக்களவைத் தொகுதி திமுக தேர்தல் பொறுப்பாளருமான பொன்.முத்துராமலிங்கம் தெரிவித்தார்.   
  சிவகங்கையில் திமுக சார்பில் திங்கள்கிழமை இரவு நடைபெற்ற வாக்குச் சாவடி முகவர்கள் கூட்டத்தில் அவர் பேசியதாவது: முல்லைப் பெரியாறு அணை விவகாரம் மற்றும் காவிரி நதிநீர் பங்கீடு உள்ளிட்ட எண்ணற்ற பிரச்னைகளில் தமிழகத்தின் உரிமையை நிலைநாட்ட தற்போதைய அரசு தவறிவிட்டது.  
  சுதந்திரமாக செயல்பட வேண்டிய நீதித்துறை, தேர்தல் ஆணையம், மத்திய புலனாய்வு அமைப்பு (சிபிஐ) உள்ளிட்ட பல்வேறு முக்கியத் துறைகளை மத்திய அரசு தனது கைப்பாவையாக மாற்றி வருகிறது. இது ஜனநாயக முறைக்கு எதிரானதாகும். இதன் காரணமாக மத்திய அரசு மீது நாட்டு மக்கள் நம்பிக்கை இழந்து வருகின்றனர். பெண்ணுக்கு சம உரிமை, அனைவரும்  சமம் என்கிற உரிமை, திருநங்கைகள், மாற்றுத்திறனாளிகள் உள்ளிட்ட எண்ணற்ற அடித்தட்டு மக்கள் வாழ்வில் எல்லா வளமும் பெற வேண்டும் என்பதற்காக இன்று வரை தொடர்ந்து குரல் கொடுத்து வரும் இயக்கம் திமுக தான்.  ஆகவே இனி வரும் காலங்களில் தமிழகத்தில் ஆட்சி அமைப்பதிலும் சரி, மத்தியில் ஆட்சி அமைப்பதிலும் சரி, திமுக தவிர்க்க முடியாத சக்தியாக திகழும் என்றார்.

]]>
http://www.dinamani.com/all-editions/edition-madurai/sivagangai/2018/dec/11/இனிவரும்-தேர்தல்களில்-திமுக-தவிர்க்க-முடியாத-சக்தியாக-திகழும்-முன்னாள்-அமைச்சர்-பொன்முத்துராமலிங்க-3055665.html
3055664 மதுரை சிவகங்கை மேல ஆதித்திருத்தளிநாதர் ஆலயத்தில் சங்காபிஷேக விழா DIN DIN Tuesday, December 11, 2018 07:06 AM +0530 திருப்பத்தூர் ஆதிதிருத்தளிநாதர் ஆலயத்தில் சோமவார 4 ஆம் திங்களை முன்னிட்டு 108 சங்காபிஷேக விழா நடைபெற்றது.
 குன்றக்குடி தேவஸ்தானத்திற்குட்பட்ட கோயில்களில் மிகப் பழமையானதும் தொன்மை வாய்ந்த கோயிலுமான மேலக்கோயில் என்று அழைக்கப்படும் இவ்ஆலயத்தில் கார்த்திகை  திங்கள் சோமவார திங்களாக கடைபிடிக்கப்பட்டு 108 சங்காபிஷேக விழா 4 வாரங்கள் நடைபெற்று வந்தது. கடைசி சோமவார திங்களை முன்னிட்டு மாலை நெல்லில் சங்குகள் அடுக்கப்பட்டு பால் மற்றும் சந்தனம், குங்குமம் இடப்பட்டு ரோஜாப்பூக்களுடன் சுற்றிலும் நெய்தீபம் ஏற்றி சிவலிங்கம் ஓம் என்ற வடிவத்தில்  அமைக்கப்பட்டது. பின்னர் சிவாச்சாரியார்களால் சங்குகளுக்கு வில்வ இலை கொண்டு சிறப்பு அர்ச்சனை செய்யப்பட்டது. தொடர்ந்து சிறப்பு கலசங்களுக்கு யாகவேள்வி, பூர்ணாகுதி நடைபெற்று மூலவரான சிவனுக்கு பால், தயிர், சந்தனம், திருமஞ்சனம், இளநீர், விபூதி, யாகத்தில் வைக்கப்பட்ட புனித கலசநீர் ஆகிய பொருள்களால் அபிஷேகம் செய்யப்பட்டு சிறப்பு அலங்காரத்தில் மூலவர் காட்சியளித்தார். 
 சோமவார இறுதி திங்களை முன்னிட்டு சாமிநாத குருக்கள் தலைமையில் பிரசாந்த், குருக்கள் மற்றும் சிவாச்சாரியார்கள் வேள்வி மற்றும் சிறப்பு பூஜையில் ஈடுபட்டனர். இவ்விழாவில் ஏராளமான பெண்கள் கலந்து கொண்டு நெய்விளக்கேற்றி வழிபட்டனர். இவ்விழாவில் உபயதாரர்கள் மற்றும் ஊர் பொதுமக்கள், சுற்றுப்புற கிராமத்தினர் திரளான அளவில் கலந்து கொண்டனர்.  நிகழ்ச்சி ஏற்பாடுகளை ஆதித்திருத்தளிநாதர் கோயில் பிரதோஷ குழுவினர் செய்திருந்தனர். பக்தர்களுக்கு அன்னதானம் வழங்கப்பட்டது.
 

]]>
http://www.dinamani.com/all-editions/edition-madurai/sivagangai/2018/dec/11/மேல-ஆதித்திருத்தளிநாதர்-ஆலயத்தில்-சங்காபிஷேக-விழா-3055664.html
3055663 மதுரை சிவகங்கை மானாமதுரை, திருப்புவனம் கோயில்களில் கடைசி சோமவார உற்சவம் DIN DIN Tuesday, December 11, 2018 07:06 AM +0530 மானாமதுரை, திருப்புவனம் கோயில்களில் கார்த்திகை கடைசி சோமவார உற்சவம் திங்கள்கிழமை நடைபெற்றது.
 திருப்புவனம் புஷ்பவனேஸ்வரர் சௌந்திரநாயகி அம்மன் கோயிலில்  மூலவருக்கு அலங்காரத்துடன் சிறப்பு பூஜைகள், தீபாராதனைகள் நடந்தன. முன்னதாக சங்காபிஷேகம் நடத்தி புனிதநீரால் சுவாமிக்கு அபிஷேகம் நடத்தப்பட்டது. ஏராளமானோர் நிகழ்ச்சியில் கலந்து கொண்டு சுவாமி தரிசனம் செய்தனர். மானாமதுரை பூர்ணசக்கர விநாயகர் கோயிலில் காசி விஸ்வநாதர் சுவாமி சன்னதியில் நடந்த சோமவாரத்தையொட்டி லிங்க வடிவிலான மூலவருக்கு அபிஷேகம் நடத்தி சிறப்பு பூஜைகள், தீபாராதனைகள் நடந்தன.
திருப்பாச்சேத்தி சிவன் கோயில், குறிச்சி காசி விஸ்வநாதர் சுவாமி கோயிலிலும் கார்த்திகை சோமவார உற்சவம் நடந்தது. மானாமதுரை அருகே மேலநெட்டூர் சொர்ணவாரீஸ்வரர் சுவாமி கோயிலில் சோமவாரத்தையொட்டி சங்காபிஷேகம் நடத்தி புனிதநீரால் மூலவருக்கு அபிஷேகம் நடத்தப்பட்டது. அதன்பின் சுவாமி, சிறப்பு அலங்காரத்தில் எழுந்தருளி அருள்பாலித்தார். திரளானோர் கோயிலுக்கு வந்து சுவாமி தரிசனம் செய்தனர்.
 

]]>
http://www.dinamani.com/all-editions/edition-madurai/sivagangai/2018/dec/11/மானாமதுரை-திருப்புவனம்-கோயில்களில்-கடைசி-சோமவார-உற்சவம்-3055663.html
3055661 மதுரை சிவகங்கை திருப்பத்தூரில் குடிநீர் குழாய் உடைப்பை சீரமைக்கக் கோரிக்கை DIN DIN Tuesday, December 11, 2018 07:05 AM +0530 சிவகங்கை மாவட்டம் திருப்பத்தூர்-மதுரை சாலையில் குடிநீர் குழாய் உடைப்பை சீரமைக்க வேண்டும் என கோரிக்கை விடுக்கப்பட்டுள்ளது.
 திருப்பத்தூர் பேரூராட்சிக்குள்பட்ட 18 வார்டுகளில் காவிரி கூட்டுக் குடிநீர் திட்டத்தின் மூலம் குழாய் பதிக்கப்பட்டு குடிநீர் தினமும் காலை ஒரு மணி நேரம் விநியோகிக்கப்பட்டு வருகிறது. இந்நிலையில் மருதுபாண்டியர் நகர், அச்சுக்கட்டுபகுதி, புதுத்தெரு, தென்மாபட்டு பகுதி ஆகிய இடங்களில் திடீர் என ஏற்படும் குழாய் உடைப்புகளால் குடிநீர் அதிக அளவில் வீணாகி வருகிறது. இதே போல் வியாழக்கிழமை புதுத்தெரு பகுதியில் மதுரை சாலை, இணைப்பில் திடீரென குழாயில் உடைப்பு ஏற்பட்டு குடிநீர் வீணாக தாம்போதி ஆற்றில் கலக்கிறது. இதேபோல் மருதுபாண்டியர் நகரில் உள்ள திருமண மண்டபம் எதிரே பல நாள்களாக குழாய் உடைப்பு ஏற்பட்டு இன்னும் சரிசெய்யப்பட வில்லை. அப்பகுதியில் தண்ணீர் பெருக்கெடுத்து வெள்ளம் போல் ஓடுகிறது. இதுகுறித்து அப்பகுதி பொது மக்கள் கூறியது: 
குடிநீர் குழாய் உடைப்பை உடனடியாக சரிசெய்ய பேரூராட்சியோ, குடிநீர் வடிகால் வாரியமோ முன்வருவதில்லை. இதனால் 3 நாள்கள் முதல் ஒரு வாரம் வரை குடிநீர் வழங்க இயலாத சூழ்நிலை உருவாகிறது. எனவே தமிழ்நாடு குடிநீர் வடிகால் வாரியம் பராமரிப்பில் இருக்கும் இக்குழாய்களை போர்க்கால அடிப்படையில் சரி செய்ய வேண்டும். மாவட்ட நிர்வாகமும் நடவடிக்கை எடுக்க வேண்டும் என்றனர்.

]]>
http://www.dinamani.com/all-editions/edition-madurai/sivagangai/2018/dec/11/திருப்பத்தூரில்-குடிநீர்-குழாய்-உடைப்பை-சீரமைக்கக்-கோரிக்கை-3055661.html
3055660 மதுரை சிவகங்கை சவுடு மண் அள்ளுவதற்கு அனுமதி பெற்று தருவதாகக் கூறி ரூ.50 லட்சம் மோசடி: ஆட்சியரிடம் புகார் DIN DIN Tuesday, December 11, 2018 07:05 AM +0530 சவுடு மண் அள்ளுவதற்கு அனுமதி பெற்றுத் தருவதாகக் கூறி ரூ.50 லட்சம் மோசடி செய்தவர் மீது நடவடிக்கை எடுக்கக் கோரி மாவட்ட ஆட்சியர் ஜெ.ஜெயகாந்தனிடம் திங்கள்கிழமை மனு அளிக்கப்பட்டுள்ளது.
 தேவகோட்டை அருகே தானாவயலைச் சேர்ந்த மருதமுத்து என்பவர் சிவகங்கை மாவட்ட ஆட்சியர் அலுவலக வளாகத்தில் திங்கள்கிழமை நடைபெற்ற மக்கள் குறைதீர்க்கும் முகாமில் மாவட்ட ஆட்சியரிடம் அளித்த மனு விவரம்: சிவகங்கை மாவட்டம் காரைக்குடி வ.உ.சி. சாலையைச் சேர்ந்த தங்கச்சாமி மகன் சிதம்பரம் என்பவர் திருவாடானை அருகே உள்ள கட்டவிளாகம், கிடங்கூர் ஆகிய பகுதிகளில் சவுடு மண் அள்ள அனுமதி வாங்கித் தருவதாகக் கூறினார். அதற்காக ரூ.75 லட்சம் செலவாகும் எனத் தெரிவித்தார்.   
இந்நிலையில், கடந்த சில ஆண்டுகளுக்கு முன் இரண்டு தவணைகளாக ரூ.50 லட்சத்தை சிதம்பரத்திடம் வழங்கினேன். ஆனால் இதுவரை சவுடு மண் அள்ளுவதற்கு அனுமதி பெற்றுத் தராததால் கொடுத்த பணத்தை அண்மையில் திருப்பிக் கேட்டேன். பணத்தை தராமல் காலம் தாழ்த்துவது மட்டுமின்றி, என்னையும் எனது மகனையும் சிதம்பரம் மிரட்டி வருகிறார்.
ஆகவே மாவட்ட நிர்வாகம் விசாரணை செய்து சம்பந்தப்பட்டவர் மீது உரிய நடவடிக்கை எடுத்து எனது பணத்தை மீட்டுத் தர வேண்டும் என அந்த மனுவில் 
குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/11/சவுடு-மண்-அள்ளுவதற்கு-அனுமதி-பெற்று-தருவதாகக்-கூறி-ரூ50-லட்சம்-மோசடி-ஆட்சியரிடம்-புகார்-3055660.html
3055659 மதுரை சிவகங்கை சிவகங்கையில்  பட்டதாரி ஆசிரியர் கழக செயற்குழு கூட்டம் DIN DIN Tuesday, December 11, 2018 07:04 AM +0530 சிவகங்கையில் பட்டதாரி ஆசிரியர் கழகம் சார்பில் மாவட்ட செயற்குழு கூட்டம் ஞாயிற்றுக்கிழமை மாலை நடைபெற்றது.     
சிவகங்கையில் உள்ள அலுவலகத்தில் நடைபெற்ற கூட்டத்துக்கு பட்டதாரி ஆசிரியர் கழகத்தின் மாவட்டத் தலைவர் எஸ்.வேணுகோபால் தலைமை வகித்தார். மாவட்டச் செயலர் எம்.கோவிந்தராஜூ, அமைப்புச் செயலர் கலைத்தங்கம், மாநிலத் துணைத் தலைவர் எம்.ஜேம்ஸ்குமார் ஆகியோர் முன்னிலை வகித்தனர்.    
இதில், பழைய ஓய்வூதிய திட்டத்தை அமல்படுத்த வேண்டும். 21 மாத நிலுவைத் தொகையை உடனடியாக வழங்க வேண்டும். கற்றல், கற்பித்தல் பணியை மேம்படுத்தும் வகையில் அனைத்து ஆசிரியர்களுக்கும் மடிக்கணினி வழங்க வேண்டும். ஆண்டாய்வின் போது இடைநிலை ஆசிரியர்களை பள்ளித் துணை ஆய்வாளர், பட்டதாரி ஆசிரியர்களை மாவட்டக் கல்வி அலுவலர், முதுகலை ஆசிரியர்களை முதன்மைக் கல்வி அலுவலர் மட்டுமே ஆய்வு செய்ய வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.     
கூட்டத்தில், பட்டதாரி ஆசிரியர் கழக மாவட்டப் பொருளாளர் செங்கோல்ராஜ் உள்ளிட்ட ஆசிரிய, ஆசிரியைகள் ஏராளமானோர் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/dec/11/சிவகங்கையில்--பட்டதாரி-ஆசிரியர்-கழக-செயற்குழு-கூட்டம்-3055659.html
3055287 மதுரை சிவகங்கை தேவகோட்டையில் அரையாண்டுத் தேர்வு வினாத்தாள் திருட்டு: 10 மாணவர்களிடம் போலீஸார் விசாரணை DIN DIN Monday, December 10, 2018 09:59 AM +0530 தேவகோட்டையில் அரசு உதவி பெறும் தனியார் பள்ளியில் அரையாண்டு வினாத்தாள்கள் திருடப்பட்டது தொடர்பாக 10 மாணவர்களிடம் போலீஸார் ஞாயிற்றுக்கிழமை விசாரணை நடத்தினர்.
 தமிழகம் முழுவதும் பள்ளிகளில் அரையாண்டுத் தேர்வு திங்கள்கிழமை தொடங்குகிறது. இந்நிலையில் தேவகோட்டை தாலுகாவுக்கு உள்பட்ட  26 பள்ளிகளுக்கான தேர்வு வினாத்தாள்கள் அனைத்தும் என்.எஸ்.எம்.வி.பி.எஸ். மேல்நிலைப் ள்ளிக்கு சனிக்கிழமை அதிகாலை கொண்டுவரப்பட்டன. இவை அனைத்தும் தலைமை ஆசிரியரின் அறையில் வைக்கப்பட்டு பூட்டப்பட்டிருந்தது. பள்ளியின் காவலாளி சண்முகம் காவல் பணியில் இருந்தார். 
இந்நிலையில்,  ஞாயிற்றுக்கிழமை காலை பள்ளியில் பணியாளர்கள் வந்து பார்த்தபோது, வினாத்தாள்கள் வைக்கப்பட்டிருந்த தலைமை ஆசிரியர் அறையின் பூட்டு உடைக்கப்பட்டிருந்ததைக் கண்டு அதிச்சி அடைந்தனர். 
இதுகுறித்து தலைமை ஆசிரியர் வெங்கடாசலம் போலீஸாருக்கு தகவல் தெரிவித்தார். 
மாவட்ட காவல் கண்காணிப்பாளர் ஜெ. ஜெயசந்திரன் சம்பவ இடத்துக்கு வந்து விசாரணை நடத்தினார்.
 மேலும்  ஏ.டி.எஸ்.பி. ஜானகிராம்,  டி.எஸ்.பி. கார்த்திகேயன் உள்ளிட்ட காவல் அதிகாரிகளும் விசாரணை மேற்கொண்டனர். தடயவியல் நிபுணர்கள் சம்பவ இடத்தில் தடயங்களை சேகரித்தனர்.
போலீஸார் மேற்கொண்ட  முதல்கட்ட விசாரணையில்,  9ஆம் வகுப்பு தமிழ் முதல் தாள், 10ஆம் வகுப்பு தமிழ், ஆங்கிலம்,  பிளஸ் 2 தமிழ், ஆங்கிலம், கணிதம், விலங்கியல், கணினி அறிவியல் ஆகிய பாடப் பிரிவுகளின் வினாத்தாள்களின் கட்டுகள் பிரிக்கப்பட்டு, அதிலிருந்த வினாத்தாள்கள் திருடப்பட்டிருப்பது தெரியவந்தது .

10 மாணவர்களிடம் விசாரணை
முதல் கட்ட விசாரணையில் இச்சம்பவம் தொடர்பாக அதே பள்ளியைச்  சேர்ந்த 10 மாணவர்களிடம் தேவகோட்டை போலீஸார் ஞாயிற்றுக்கிழமை இரவு விசாரணை நடத்தினர். விசாரணையில் பள்ளி தலைமையாசிரியருக்கும்,  அங்கு பயிலும் மாணவர்கள் சிலருக்கும் உள்ள கருத்து வேறுபாடு காரணமாக இச்சம்பவம் நடைபெற்றிருக்கலாம் என போலீஸார் தரப்பில் தெரிவித்தனர். 
அறிவித்தபடி தேர்வுகள் நடைபெறும்: இதுகுறித்து சிவகங்கை மாவட்ட முதன்மைக் கல்வி அலுவலர் பாலுமுத்து கூறியது:  தேவகோட்டையில் நடந்த சம்பவம் ஏதோ உள்நோக்கத்துடன் நடத்தப்பட்ட சம்பவம் போல் உள்ளது.மேலும் தேர்வுக்கான வினாத்தாள் அனைத்தும் பத்திரமாகவும், போதுமானதாகவும் உள்ளன. எனவே ஏற்கெனவே அறிவித்த கால அட்டவணைப்படி அரையாண்டுத் தேர்வுகள் நடைபெறும் என்றார்.

]]>
http://www.dinamani.com/all-editions/edition-madurai/sivagangai/2018/dec/10/தேவகோட்டையில்-அரையாண்டுத்-தேர்வு-வினாத்தாள்-திருட்டு-10-மாணவர்களிடம்-போலீஸார்-விசாரணை-3055287.html
3054995 மதுரை சிவகங்கை திருப்பத்தூரில் சாலைப் பாதுகாப்பு விழிப்புணர்வு நிகழ்ச்சி DIN DIN Monday, December 10, 2018 05:16 AM +0530 திருப்பத்தூரில் சாலைப் பாதுகாப்பு விழிப்புணர்வு நிகழ்ச்சி சனிக்கிழமை நடைபெற்றது. 
போக்குவரத்து காவல் துறை, மாவட்ட சாலைப் பாதுகாப்புப் படை, கிறிதுஸ்துராஜா மெட்ரிக் பள்ளி ஆகியன இணைந்து நகரின் முக்கிய இடங்களில் இந்நிகழ்ச்சியை நடத்தின. முன்னதாக தம்பிபட்டி, தேசிய நெடுஞ்சாலை பகுதியில் இருசக்கர வாகனப் பேரணியை தேவகோட்டை சார் ஆட்சியர் ஆஷாஅஜீத் தலைமை வகித்து தொடங்கி வைத்தார்.
வட்டாரப் போக்குவரத்து அலுவலர் திருவள்ளுவன், மாவட்ட கல்வி அலுவலர் பரமதயாளன், மோட்டார் வாகன ஆய்வாளர் மோகனப்பிரியா ஆகியோர் முன்னிலை வகித்தனர். தொடர்ந்து அரசு போக்குவரத்துப் பணிமனை முன், தலைக்கவசம் அணிந்து வந்த இருசக்கர வாகன ஓட்டிகளுக்கு காவல் துணை கண்காணிப்பாளர் கல்யாண்குமார், காவல் ஆய்வாளர் ஆனந்தி ஆகியோர் நாள்காட்டி பரிசு வழங்கினர்.
பின்னர், வட்டாசியர் தங்கமணி முன்னிலையில் வாகனங்கத்தின் முகப்பு விளக்குகளில் கருப்பு வில்லை ஒட்டப்பட்டது. இதேபோல் நகரின் முக்கிய இடங்களில் காவல் ஆய்வாளர் ஆனந்தி, மாவட்ட சதுரங்கக் கழகச் செயலாளர் கண்ணன் நாட்டு நலப்பணித்திட்ட ஒருங்கிணைப்பாளர் முத்துக்குமார், பசுமை நிறுவனத்தலைவர் பிரகாஷ் உள்ளிட்டோர் சாலைப் பாதுக்காப்பு விழிப்புணர்வு நிகழ்ச்சிகளை நடத்தினர்.
காந்திசிலை அருகே மருத்துவர் சுகுமார், லெட்சுமி மருத்துவமனைக் குழுவினர் வாகன ஓட்டுநர்களுக்கு இலவச மருத்துவ பரிசோதனை செய்தனர். முன்னதாக கிறிஸ்துராஜா பள்ளி முதல்வர் ரூபன் வரவேற்றார். முடிவில் பிரகாஷ் மணிமாறன் நன்றி கூறினார்.
 

]]>
http://www.dinamani.com/all-editions/edition-madurai/sivagangai/2018/dec/10/திருப்பத்தூரில்-சாலைப்-பாதுகாப்பு-விழிப்புணர்வு-நிகழ்ச்சி-3054995.html
3054994 மதுரை சிவகங்கை காரைக்குடி மையங்களில் டிச.16-இல் இளநிலை ஆராய்ச்சியாளர் மற்றும் விரிவுரையாளர் தேசியத் தகுதித் தேர்வு DIN DIN Monday, December 10, 2018 05:16 AM +0530 புதுதில்லி சி.எஸ்.ஐ.ஆர். மற்றும் யூ.ஜி.சி. இணைந்து நடத்தும் இளநிலை ஆராய்ச்சியாளர் மற்றும் விரிவுரையாளர் தேசிய தகுதித் தேர்வுக்கு விண்ணப்பித்துள்ள 3,600 பேர் டிசம்பர் 16-ஆம் தேதி தேர்வு எழுத, காரைக்குடி மையங்களில் ஏற்பாடுகள் செய்யப்பட்டுள்ளன.
இது குறித்து காரைக்குடி மையமான செக்ரி நிறுவனம் வெள்ளிக்கிழமை வெளியிட்டுள்ள செய்திக் குறிப்பு: மத்திய மின்வேதியியல் ஆய்வகம் (செக்ரி), கேந்திரிய வித்யாலயா, அழகப்பா மெட்ரிக்குலேஷன் மேல்நிலைப் பள்ளி, டாக்டர் உமையாள் ராமநாதன் மகளிர் கல்லூரி, அழகப்பா பாலிடெக்னிக் ஆகிய தேர்வு மையங்களில் ஏற்பாடுகள் நடைபெற்று வருகின்றன. இங்கு, நுழைவுச் சான்று உள்ள விண்ணப்பதாரர்கள் மட்டுமே தேர்வுவெழுத அனுமதிக்கப்படுவர்.
இத்தேர்வு எழுத பதிவு செய்துள்ள விண்ணப்பதாரர்கள் புகைப்படத்துடன் கூடிய நுழைவுச் சான்றினை சிஎஸ்ஐஆர்ஹெச்ஆர்டிஜி.ஆர்இஎஸ்.ஐஎன் என்ற இணையதளத்தில் வெள்ளிக்கிழமை (டிச. 7) முதல் பதிவிறக்கம் செய்து கொள்ளலாம். நுழைவுச்சான்று அஞ்சல் வழியாக வீட்டு முகவரிக்கு அனுப்பப்படமாட்டாது. தேர்வு எழுதும் மாணவர்கள் கருப்பு மை பந்துமுனை (பால் பாயின்ட்) பேனா கட்டாயம் எடுத்து வருமாறு அறிவுறுத்தப்படுகிறார்கள்.
வரும் டிசம்பர் 16 காலை 9 முதல் நண்பகல் 12 மணி வரை உயிர் அறிவியல், இயற்பியல் அறிவியல், பிற்பகல் 2 முதல் மாலை 5 மணி வரை வேதி அறிவியல், புவி, வானவியல், கடல் மற்றும் கோளவியல் அறிவியல், கணித அறிவியல் பாடத்துக்கான தேர்வு நடைபெறும்.      தேர்வு மையத்தில் நகல் நுழைவுச்சீட்டு வழங்கப்படமாட்டாது.தேர்வு எழுதும் மாணவர்கள் தேர்வு மையத்துக்கு 60 நிமிடத்துக்கு முன்னதாகவே வரவேண்டும் என்றும் அறிவுறுத்தப்படுகிறது.
மேலும் விவரங்களுக்கு, காரைக்குடி செக்ரி முதன்மை ஆராய்ச்சியாளர் மற்றும் தேர்வு ஒருங்கிணைப்பாளர் டி. வேலாயுதத்தை 04565 - 2411337 , 94435-02305 ஆகிய எண்களில் தொடர்பு கொள்ளலாம் என்று தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/10/காரைக்குடி-மையங்களில்-டிச16-இல்-இளநிலை-ஆராய்ச்சியாளர்-மற்றும்-விரிவுரையாளர்-தேசியத்-தகுதித்-தேர்வு-3054994.html
3054993 மதுரை சிவகங்கை மாணவியை கேலி செய்தவர்களைக் கண்டித்த 5 பேரை வாளால் தாக்கியதாக இருவர் கைது DIN DIN Monday, December 10, 2018 05:16 AM +0530 சிவகங்கை மாவட்டம், மானாமதுரையில் பள்ளி மாணவியை கேலி செய்தவர்களை கண்டித்த 5பேரை வாளால் தாக்கிய 2 பேரை போலீஸார் ஞாயிற்றுக்கிழமை கைது செய்தனர்.
மானாமதுரை கிருஷ்ணராஜபுரம் காலனியைச் சேர்ந்தவர் சேகர் மகன் சிவா(20). இவரது நண்பர் அலெக்ஸ் என்பவரின் சகோதரி மாலை சிறப்பு வகுப்புக்கு (டியூசன்) சென்று விட்டு வரும் போது 5 இளைஞர்கள் சேர்ந்து அவரை கேலி செய்துள்ளனர். இது குறித்து அம் மாணவி சகோதரர் அலெக்ஸிடம் கூறியுள்ளார். 
இதையடுத்து அலெக்ஸ், நண்பர் சிவா  மற்றும் அவரது நண்பர்களும் சென்று கேலி செய்தவர்களை கண்டித்து எச்சரித்து விட்டு திரும்பினர். ஆதனூர் சாலை கிருஷ்ணராஜபுரம் காலனி மயானம் அருகே அவர்கள் வந்தபோது, கிளங்காட்டூரைச் சேர்ந்த அண்ணாதுரை மகன் முத்துராமு(எ)எலி, ராமு மகன் காட்டுராஜா, ராசையா மகன் மணிகண்டன், பாம்பு(எ)விக்கி ஆகியோர் வழிமறித்து  சிவாவையும் அவரது நண்பர்கள் நால்வரையும் வாளால் தாக்கிக் காயப்படுத்தினர். 
இச்சம்பவம் குறித்து மானாமதுரை காவல் நிலையத்தில் சிவா கொடுத்த புகாரின் பேரில்  போலீஸார் வழக்குப் பதிவு செய்து முத்துராமு(எ)எலி, காட்டுராஜா ஆகிய இருவரையும் கைது செய்தனர். தலைமறைவான  மற்றவர்களை தேடி வருகின்றனர்.

]]>
http://www.dinamani.com/all-editions/edition-madurai/sivagangai/2018/dec/10/மாணவியை-கேலி-செய்தவர்களைக்-கண்டித்த-5-பேரை-வாளால்-தாக்கியதாக-இருவர்-கைது-3054993.html
3054992 மதுரை சிவகங்கை மணல் கடத்திய இருவர் கைது: 2 லாரிகள் பறிமுதல் DIN DIN Monday, December 10, 2018 05:15 AM +0530 சிவகங்கை மாவட்டம் திருப்பத்தூர் அருகே ஞாயிற்றுக்கிழமை லாரியில் மணல் கடத்தி வந்த இரண்டு பேரை போலீஸார் கைது செய்து, 2 லாரிகளை பறிமுதல் செய்தனர்.
சிவகங்கை சிறப்பு படை காவல் ஆய்வாளர் ராஜாமுகமது தலைமையிலான போலீஸார் ஞாற்றுக்கிழமை திருப்பத்தூர் நெடுமறம் அருகே வாகன சோதனையில் ஈடுபட்டிருந்தனர். 
அப்போது அவ் வழியாக வந்த 2 மணல் லாரியை பிடித்து விசாரித்தனர். விசாரணையில், புதுக்கோட்டையிலிருந்து காளையார்கோவிலுக்கு அரசு அனுமதியின்றி மணல் ஏற்றி சென்றது தெரியவந்தது. இதையடுத்து, புதுக்கோட்டையைச் சேர்ந்த செந்தில்குமார்(32), காளையார்கோவில் அருகே புல்லுக்கோட்டையைச் சேர்ந்த  ரஞ்சித் (26) ஆகிய இருவரையும் கைது செய்து, லாரிகளையும் பறிமுதல் செய்தனர். 
இதுகுறித்து திருப்பத்தூர் போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/sivagangai/2018/dec/10/மணல்-கடத்திய-இருவர்-கைது-2-லாரிகள்-பறிமுதல்-3054992.html
3054991 மதுரை சிவகங்கை திருப்பத்தூரில் மஞ்சுவிரட்டு: 5 பேர் காயம் DIN DIN Monday, December 10, 2018 05:15 AM +0530 சிவகங்கை மாவட்டம் திருப்பத்தூர் தம்பிப்பட்டியில் ஞாயிற்றுக்கிழமை நடைபெற்ற வடமஞ்சுவிரட்டில் 5 பேர் காயமடைந்தனர்.
இங்கு ஸ்ரீகெளரி விநாயக வருடாபிஷேக விழாவையொட்டி நடைபெற்ற இந்த மஞ்சுவிரட்டில் திருப்பத்தூர் மற்றும் சுற்றுவட்டார கிராமங்களைச் சேர்ந்த 14 மாடுகள் பங்கேற்றன. இக்காளைகளை அடக்குவதற்கு மாடுபிடி வீரர்கள் 14 குழுக்களாக களமிறங்கினர்.  இதில் வெற்றி பெற்ற மாடுபிடி வீரர்களுக்கும், மாட்டின் உரிமையாளர்களுக்கும் அண்டா, குக்கர், தங்க நாணயம் உள்ளிட்ட பல பரிசுகள் வழங்கப்பட்டன. இந்த மஞ்சுவிரட்டில் காளைகளை பிடிக்கும் போது 5 பேருக்கு லேசான காயம் ஏற்பட்டது. அவர்களுக்கு தனியார் மருத்துவமனை சார்பில் சிகிச்சை அளிக்கப்பட்டது. இந்த மஞ்சுவிரட்டைக் காண சுற்றுவட்டார கிராமங்களைச் சேர்ந்த ஏராளமானவர்கள் வந்திருந்தனர். இந்த வடமஞ்சுவிரட்டுக்கு திருப்பத்தூர் நகர் காவல்நிலையத்தைச் சேர்ந்த காவல் சார்பு ஆய்வாளர்கள் 4 பேர்  தலைமையில் 20-க்கும் மேற்பட்ட போலீஸார் பாதுகாப்பு பணியில் ஈடுபட்டிருந்தனர். விழா ஏற்பாட்டினை தம்பிப்பட்டி ஊர் பொதுமக்கள் மற்றும் த்ரி ஸ்டார் கபடிக்குழு நண்பர்கள் செய்திருந்தனர்.

]]>
http://www.dinamani.com/all-editions/edition-madurai/sivagangai/2018/dec/10/திருப்பத்தூரில்-மஞ்சுவிரட்டு-5-பேர்-காயம்-3054991.html
3054990 மதுரை சிவகங்கை திருப்பத்தூரில் சகாய மாதா திருநாள் தேர்பவனி DIN DIN Monday, December 10, 2018 05:15 AM +0530 சிவகங்கை மறை மாவட்டம் திருப்பத்தூர் புனித அமல அன்னை ஆலயத்தில் சகாய மாதா திருநாளையொட்டி சனிக்கிழமை தேர்பவனி நடைபெற்றது.
இவ்வாலயத்தில் ஆண்டுத்திருவிழா கடந்த வாரம் கொடியேற்றத்துடன் தொடங்கி நடைபெற்று வந்தது. இந்நிலையில் சனிக்கிழமை நடந்த சகாய மாதா திருத்தேர் பவனியை முன்னிட்டு பங்குத்தந்தை ஏ.சந்தியாகு தலைமையில் கூட்டுத்திருப்பலி நடைபெற்றது. அப்போது தேவமாதாவை பற்றி மறையுரையாற்றப்பட்டது. அதனைத் தொடர்ந்து சகாயமாதா சொரூபம் தாங்கிய அலங்கரிக்கப்பட்ட தேர் நகரின் முக்கிய வீதிகளில் வலம் வந்தது. இந்நிகழ்ச்சியில் சிவகங்கை, புதுக்கோட்டை, செந்துறை, பகையஞ்சான், காரைக்குடி, கணக்கன்பட்டி ஆகிய பகுதிகளைச் சேர்ந்த இறையாளர்கள் ஜேசு, பாக்கியநாதன், லாரன்ஸ், ஜான்ஜெயபால், ஸ்டீபன், இருதயராஜ் ஆகியோர் கலந்து கொண்டனர். 
அதனையடுத்து ஞாயிற்றுக்கிழமை காலை புதுநன்மை வழங்கும் நிகழ்ச்சியும், கொடியிறக்க நிகழ்ச்சியும் நடைபெற்றது. இந்நிகழ்ச்சிகளில் திருப்பத்தூர் அதன் சுற்றுப்புற பகுதிகளைச் சேர்ந்த கிறிஸ்தவர்கள் பெருமளவில் கலந்து கொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/10/திருப்பத்தூரில்-சகாய-மாதா-திருநாள்-தேர்பவனி-3054990.html
3054989 மதுரை சிவகங்கை பள்ளி மாடியிலிருந்து குதித்து மாணவி உயிரிழந்த சம்பவம்: சிவகங்கையில் மாணவர்கள் முற்றுகை போராட்டம் DIN DIN Monday, December 10, 2018 05:14 AM +0530 சிவகங்கையில் பள்ளி மாடியிலிருந்து மாணவி குதித்து உயிரிழந்ததை அடுத்து, அவருடன் பயின்ற சக மாணவ, மாணவிகள் பள்ளி நிர்வாகத்திற்கு எதிராக ஞாயிற்றுக்கிழமை கோஷங்களை எழுப்பியவாறு முற்றுகை போராட்டத்தில் ஈடுபட்டனர். 
சிவகங்கையில் உள்ள அம்மன் நகரைச் சேர்ந்த சிவநேசன் மகள் சுவேதா(17). இவர் அதே பகுதியில் உள்ள தனியார் மேல்நிலைப் பள்ளியில் பிளஸ் 1 படித்து வந்தார். இந்நிலையில், இவர் கடந்த 5 ஆம் தேதி பள்ளிக்கு செல்லிடப்பேசி கொண்டு வந்துள்ளார். இது தொடர்பாக ஆசிரியர்கள் மாணவியின் தந்தையை வரவழைத்து புகார் தெரிவித்துள்ளனர்.   
இதனால்  மனமுடைந்த அம்மாணவி பள்ளியின் மாடியிலிருந்து குதித்தார். இதில்  பலத்த காயமடைந்த அவர் மதுரை தனியார் மருத்துவமனையில் சிகிச்சை பலனின்றி கடந்த வியாழக்கிழமை உயிரிழந்தார். 
இந்நிலையில், உயிரிழந்த சுவேதாவுடன் படித்த சக மாணவ, மாணவிகள், முன்னாள் மாணவ, மாணவிகள் உள்ளிட்ட ஏராளமானோர் பள்ளி நிர்வாகத்தைக் கண்டித்தும், மாணவி சுவேதா பிரச்னையை கையாண்ட விதத்தை கண்டித்தும் அப்பள்ளி வளாகத்தை ஞாயிற்றுக்கிழமை முற்றுகையிட்டு போராட்டத்தில் ஈடுபட்டனர்.      
இதுகுறித்து தகவலறிந்து வந்த சிவகங்கை நகர் காவல் ஆய்வாளர் அழகர்  உள்ளிட்ட போலீஸார் போராட்டத்தில் ஈடுபட்டவர்களிடம் பேச்சுவார்த்தை நடத்தினர். இதில் மாணவர்களின் கோரிக்கையை பள்ளி நிர்வாகத்திடம் தெரிவிக்கப்படும் எனக் கூறி சமாதானம் செய்ததை அடுத்து, அனைவரும் கலைந்து சென்றனர். இதனால் அங்கு சிறிது நேரம் பரபரப்பு ஏற்பட்டது.
 

]]>
http://www.dinamani.com/all-editions/edition-madurai/sivagangai/2018/dec/10/பள்ளி-மாடியிலிருந்து-குதித்து-மாணவி-உயிரிழந்த-சம்பவம்-சிவகங்கையில்-மாணவர்கள்-முற்றுகை-போராட்டம்-3054989.html
3054462 மதுரை சிவகங்கை கொத்தனார் கொலை: 2 பெண்கள் கைது DIN DIN Sunday, December 9, 2018 01:47 AM +0530
சிவகங்கை மாவட்டம் திருப்பாச்சேத்தி அருகே முன்விரோதத்தில் கொத்தனாரை கொலை செய்தது தொடர்பாக போலீஸார் 7 பேர் மீது வழக்குப்பதிந்து அவர்களில் இரு பெண்களை சனிக்கிழமை கைது செய்தனர்.
திருப்புவனத்தைச் சேர்ந்த கொத்தனார் சக்திவேல் (45). இவர், தனது சொந்த ஊரான திருப்பாச்சேத்தி அருகே உள்ள புலவர்சேரி கிராமத்துக்கு கடந்த வியாழக்கிழமை இரவு சென்றுவிட்டு, இருசக்கர வாகனத்தில் ஊர் திரும்பிக் கொண்டிருந்தார்.
அப்போது, ஒரு கும்பல் சக்திவேலை வழிமறித்து கழுத்தை அறுத்து கொலை செய்துவிட்டு தப்பியது. இதுகுறித்து பழையனூர் போலீஸார் வழக்குப்பதிந்து விசாரித்து வந்தனர். இந்நிலையில், புலவர்சேரி அருகே உள்ள நடுக்கனேந்தல் கிராமத்தைச் சேர்ந்த தனம் (35), இக் கொலைச் சம்பவம் தொடர்பாக பழையனூர் காவல் நிலையத்தில் சரணடைந்தார்.
அவரிடம் போலீஸார் விசாரணை நடத்தியதில் முன்விரோதம் காரணமாக தனது தாய் உள்பட 7 பேர் சேர்ந்து கொலை செய்ததாக தெரிவித்தார்.
அதைத்தொடர்ந்து தனம், அவரது தாய் மரகதம், உறவினர்கள் முத்துவீரன், பாலுச்சாமி உள்பட 7 பேர் மீது போலீஸார் வழக்குப்பதிந்து தனம், மீனாட்சி ஆகிய இருவரையும் கைது செய்தனர். மற்றவர்களை தேடி வருகின்றனர். மேலும் சக்திவேலிடமிருந்து எடுத்துச் சென்ற ரூ. 85 ஆயிரம் ரொக்கத்தை மரகதமிடமிருந்து போலீஸார் பறிமுதல் செய்தனர்.

 

]]>
http://www.dinamani.com/all-editions/edition-madurai/sivagangai/2018/dec/09/கொத்தனார்-கொலை-2-பெண்கள்-கைது-3054462.html
3054440 மதுரை சிவகங்கை சிவகங்கை மாவட்டத்தில்தேசிய மக்கள் நீதிமன்றத்தில் 2,116 வழக்குகளுக்கு தீர்வு DIN DIN Sunday, December 9, 2018 01:43 AM +0530
சிவகங்கை மாவட்ட நீதிமன்றத்தில் சனிக்கிழமை நடைபெற்ற தேசிய மக்கள் நீதிமன்றத்தில் 2,116 வழக்குகளுக்கு தீர்வு காணப்பட்டது.
தேசிய சட்டப் பணிகள் ஆணையம் மற்றும் தமிழ்நாடு சட்டப் பணிகள் ஆணையத்தின் வழிகாட்டுதலின் படி சிவகங்கை மாவட்டத்தில் 12 இடங்களில் சனிக்கிழமை தேசிய மக்கள் நீதிமன்ற அமர்வுகள் நடைபெற்றன. இதில், மாவட்டத்தில் அனைத்து நீதிமன்றங்களிலும் நிலுவையில் உள்ள உரிமையியல் மற்றும் குற்ற வழக்குகள்,வங்கிக் கடன் நிலுவை சம்பந்தப்பட்ட (நீதிமன்றத்தில் தாக்கல் செய்யப்படாத) வழக்குகள் விசாரணைக்காக எடுத்துக் கொள்ளப்பட்டன.
சிவகங்கை மாவட்ட முதன்மை நீதிபதி மு.ஏ.செந்தூர்பாண்டியன், மாவட்ட கூடுதல் நீதிபதி தனியரசு, குடும்ப நல நீதிமன்ற நீதிபதி சுப்பிரமணியன், முதன்மை குற்றவியல் நீதித்துறை நடுவர் ராதிகா, சார்பு நீதிபதி மற்றும் மாவட்ட சட்டப் பணிகள் ஆணையச் செயலர் வடிவேலு, சார்பு நீதிபதி செல்வகுமார், மாவட்ட உரிமையியல் நீதிபதி அச்சுதன் மற்றும் குற்றவியல் நீதித்துறை நடுவர் லலிதாராணி ஆகியோர் வழக்குகளை விசாரித்தனர்.
மேலும், அவர்களுடன் வழக்குரைஞர்கள் ராஜசேகரன், கோபால், சோமநாதன், ராமலிங்கம், விஜயஜோதி, மு.ராதாகிருஷ்ணன் ஆகியோர் மக்கள் நீதிமன்ற உறுப்பினர்களாக செயல்பட்டனர்.இதில்,1,958 குற்ற வழக்குகளும், 60 காசோலை மோசடி வழக்குகளும்,120 வங்கிக் கடன் வழக்குகளும், 258 வாகன விபத்து நஷ்ட ஈடு வழக்குகளும், 50 குடும்பப் பிரச்சனை சம்பந்தப்பட்ட வழக்குகளும் மற்றும் 140 சிவில் சம்பந்தப்பட்ட வழக்குகளும் என மொத்தம் 2,586 வழக்குகள் பரிசீலனைக்கு எடுத்துக்கொள்ளப்பட்டன.
அவற்றில், 2,020 வழக்குகளில் சமரசம் ஏற்பட்டு, ரூ.3.95 கோடிக்கு தீர்வு காணப்பட்டது. இதேபோல் வங்கிக் கடன் நிலுவை சம்பந்தப்பட்ட (நீதிமன்றத்தில் தாக்கல் செய்யப்படாத வழக்கு) 96 வழக்குகளில் ரூ.78.60 லட்சத்துக்கு தீர்வு காணப்பட்டது.
இதற்கான ஏற்பாடுகளை மாவட்ட சட்டப்பணிகள் ஆணைய நிர்வாக அதிகாரிகள் மணிமேகலை, பானுமதி உள்ளிட்டோர் செய்திருந்தனர்.

 

]]>
http://www.dinamani.com/all-editions/edition-madurai/sivagangai/2018/dec/09/சிவகங்கை-மாவட்டத்தில்தேசிய-மக்கள்-நீதிமன்றத்தில்-2116-வழக்குகளுக்கு-தீர்வு-3054440.html
3054439 மதுரை சிவகங்கை தொழில் தொடங்க இளைஞர்கள் முன்வர வேண்டும் DIN DIN Sunday, December 9, 2018 01:43 AM +0530
தொழில் தொடங்க இளைஞர்கள் முன்வர வேண்டும் என, மாவட்ட ஆட்சியர் ஜெ. ஜெயகாந்தன் தெரிவித்தார்.
சிவகங்கை மாவட்டத் தொழில் மையம், காரைக்குடி தொழில் வணிகக் கழகம் ஆகியன சார்பில், காரைக்குடியில் சர்வதேச முதலீட்டாளர்கள் மாநாடு -2019 குறித்த முதலீட்டாளர்களுக்கான விழிப்புணர்வுக் கருத்தரங்கு, தொழில் வணிகக் கழக அரங்கத்தில் வெள்ளிக்கிழமை நடைபெற்றது.
இக் கருத்தரங்கில், வேலையில்லாத இளைஞர்களுக்கு வேலைவாய்ப்பு உருவாக்கும் திட்டத்தின் கீழ், 25 சதவீதம் அரசு மானியக் கடன் திட்டத்தில் 7 பேருக்கு ரூ. 4, 28,751 மதிப்பிலான கடனுதவியை வழங்கி ஆட்சியர் பேசியதாவது:
வரும் ஜனவரியில் சென்னையில் சர்வதேச முதலீட்டாளர்கள் மாநாடு, தமிழக முதல்வர் தலைமையில் நடைபெறுகிறது. அதில், பங்குபெறுவதற்கு சிறந்த தொழில்முனைவோர்களை உருவாக்கி, முதலீட்டாளர்களை தேர்வு செய்து பங்குபெற வைப்பதற்காக மாவட்ட அளவில் இக் கருத்தரங்கம் நடத்தப்படுகிறது.
இதன்மூலம், சமுதாயத்தில் பின்தங்கியுள்ளவர்களுக்கு வேலைவாய்ப்பை உருவாக்கும் வகையில் உற்பத்தி, சேவை மற்றும் வணிகம் சார்ந்த தொழில்களுக்கு முறையான வழிகாட்டுதலுடன் வங்கிக் கடனுக்கு ஏற்பாடு செய்து, தொழில் தொடங்க வழிவகை செய்யப்படும்.
சிவகங்கை மாவட்டத்தில் தொழில் தொடங்க முன்வரும் முதலீட்டாளர்களுக்கு தேவையான உதவிகளை, மாவட்ட நிர்வாகம் செய்து கொடுத்து உறுதுணையாக இருக்கும். எனவே, இளைஞர்கள் தொழில் தொடங்க முன்வரவேண்டும் என்றார்.
கருத்தரங்கில், மாவட்டத் தொழில் மைய மேலாளர் சி. கணேசன், முன்னோடி வங்கி மேலாளர் எம். முருகேசன், சிட்கோ கிளை மேலாளர் (பொறுப்பு) கே. சசிகலா, டிக் நிறுவன கிளை மேலாளர் வி. குமார், உள்பட பலர் கலந்துகொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/09/தொழில்-தொடங்க-இளைஞர்கள்-முன்வர-வேண்டும்-3054439.html
3054438 மதுரை சிவகங்கை கொத்தனார் கொலை: 7 பேர் மீது வழக்கு; 2 பெண்கள் கைது DIN DIN Sunday, December 9, 2018 01:42 AM +0530  

சிவகங்கை மாவட்டம் திருப்பாச்சேத்தி அருகே முன்விரோதத்தில் கொத்தனாரை கொலை செய்தது தொடர்பாக போலீஸார் 7 பேர் மீது வழக்குப்பதிந்து அவர்களில் இரு பெண்களை சனிக்கிழமை கைது செய்தனர்.
திருப்புவனத்தைச் சேர்ந்த கொத்தனார் சக்திவேல் (45). இவர், தனது சொந்த ஊரான திருப்பாச்சேத்தி அருகே உள்ள புலவர்சேரி கிராமத்துக்கு கடந்த வியாழக்கிழமை இரவு சென்றுவிட்டு, இருசக்கர வாகனத்தில் ஊர் திரும்பிக் கொண்டிருந்தார்.
அப்போது, ஒரு கும்பல் சக்திவேலை வழிமறித்து கழுத்தை அறுத்து கொலை செய்துவிட்டு தப்பியது. இதுகுறித்து பழையனூர் போலீஸார் வழக்குப்பதிந்து விசாரித்து வந்தனர். இந்நிலையில், புலவர்சேரி அருகே உள்ள நடுக்கனேந்தல் கிராமத்தைச் சேர்ந்த தனம் (35), இக் கொலைச் சம்பவம் தொடர்பாக பழையனூர் காவல் நிலையத்தில் சரணடைந்தார். அவரிடம் போலீஸார் விசாரணை நடத்தியதில் முன்விரோதம் காரணமாக தனது தாய் உள்பட 7 பேர் சேர்ந்து கொலை செய்ததாக தெரிவித்தார்.
அதைத்தொடர்ந்து தனம், அவரது தாய் மரகதம், உறவினர்கள் முத்துவீரன், பாலுச்சாமி உள்பட 7 பேர் மீது போலீஸார் வழக்குப்பதிந்து தனம், மீனாட்சி ஆகிய இருவரையும் கைது செய்தனர். மற்றவர்களை தேடி வருகின்றனர். மேலும் சக்திவேலிடமிருந்து எடுத்துச் சென்ற ரூ. 85 ஆயிரம் ரொக்கத்தை மரகதமிடமிருந்து போலீஸார் பறிமுதல் செய்தனர்.

 

]]>
http://www.dinamani.com/all-editions/edition-madurai/sivagangai/2018/dec/09/கொத்தனார்-கொலை-7-பேர்-மீது-வழக்கு-2-பெண்கள்-கைது-3054438.html
3054437 மதுரை சிவகங்கை செளமிய நாராயண பெருமாள் கோயிலில் பகல் பத்து உற்சவம் தொடக்கம் DIN DIN Sunday, December 9, 2018 01:42 AM +0530
திருப்பத்தூர் அருகே உள்ள திருக்கோஷ்டியூர் செளமிய நாராயண பெருமாள் கோயிலில் வைகுண்ட ஏகாதசி பகல் பத்து உற்சவம் சனிக்கிழமை தொடங்கியது.
சிவகங்கை சமஸ்தான தேவஸ்தானத்தைச் சேர்ந்த இக்கோயிலில் மார்கழி உற்சவ விழாவாக பகல் பத்து, ரா பத்து நடைபெறுவது வழக்கம்.
பகல் பத்து உற்சவத்தின் முதல் நாளான சனிக்கிழமை மாலை 11 ஆழ்வார்கள் ஆண்டாள் சன்னதியில் எழுந்தருளினர். அதைத்தொடர்ந்து மேல் சன்னதியில் இருந்து உற்சவபெருமாள் ஆண்டாள் சன்னதியில் எழுந்தருளினார்.
பின்னர், உற்சவத்துக்காக காப்புக் கட்டப்பட்டு திவ்ய பிரபந்த கோஷ்டி ஆழ்வாருக்கு மரியாதை நடைபெற்றது. தொடர்ந்து உற்சவர் பெருமாள், மூலஸ்தானம் எழுந்தருளல் நடைபெற்றது. பகல் பத்து உற்சவம் வரும் டிச.17 வரை நடைபெறும். டிச. 18 அன்று, வைகுண்ட ஏகாதசியை முன்னிட்டு காலையில் உற்சவர் பெருமாள் சயன அலங்காரத்தில் அருள்பாலிப்பார். இரவு 8 மணிக்கு அமர்ந்த நிலையில் ராஜ அலங்காரத்தில் காட்சியளிப்பார்.தொடர்ந்து வேதவிண்ணப்பம் வாசித்தல் நடைபெறும்.
இரவு 10.30 மணிக்கு பரமபத வாசல் திறக்கப்பட்டு பெருமாள் எழுந்தருள்வார். அதைத்தொடர்ந்து ரா பத்து உற்சவம் தொடங்கும். தினமும் மாலை 6.30 மணிக்கு பெருமாள் எழுந்தருளி பரமபத வாசல் வழியாக வலம் வருவார். தொடர்ந்து தென்னமர வீதி புறப்பாடு நடைபெறும். டிச. 28 வரை ராப்பத்து உற்சவம் நடைபெறும்.
இவ்விழாவுக்கான ஏற்பாடுகளை சிவகங்கை ராணி மதுராந்தக நாச்சியார், மேலாளர் இளங்கோ, கண்காணிப்பாளர் சேவற்கொடியோன் ஆகியோர் செய்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/dec/09/செளமிய-நாராயண-பெருமாள்-கோயிலில்-பகல்-பத்து-உற்சவம்-தொடக்கம்-3054437.html
3054436 மதுரை சிவகங்கை இறுதிக்கட்டத்தில் மானாமதுரை, திருப்புவனம் மேம்பாலப் பணிகள்: ஜனவரியில் போக்குவரத்து தொடங்க வாய்ப்பு DIN DIN Sunday, December 9, 2018 01:42 AM +0530
சிவகங்கை மாவட்டம் மானாமதுரை, திருப்புவனத்தில் நான்கு வழிச்சாலை திட்டத்தில் அமைக்கப்பட்டு வரும் மேம்பாலம் அமைக்கும் பணிகள் இறுதிக் கட்டத்தை எட்டியுள்ளதால் வரும் ஜனவரியில் போக்குவரத்து தொடங்குவதற்கான வாய்ப்பு உள்ளது.
மதுரை-பரமக்குடி இடையே ரூ.936 கோடி மதிப்பீட்டில் நான்கு வழிச்சாலை அமைக்கும் பணி நடந்து வருகிறது. இந்த திட்டத்தில் மானாமதுரை,திருப்புவனம், ராமநாதபுரம் மாவட்டம் கமுதக்குடி ஆகிய இடங்களில் ரயில் பாதையை கடக்கும் இடங்களில் மேம்பாலங்கள் அமைக்கப்படுகின்றன.
நான்கு வழிச்சாலை அமைக்கும் பணி நிறைவடைய உள்ள நிலையில் மேற்கண்ட இடங்களில் அமைக்கப்பட்டு வரும் பாலங்களுக்கான பணிகள் மிகவும் தாமதமாக நடப்பதாக புகார் எழுந்தது. இதையடுத்து நான்குவழிச்சாலைத் திட்டப் பணி அதிகாரிகள் பாலம் அமைக்கும் பணிகளை விரைந்து முடிக்க ஒப்பந்ததாரருக்கு உத்தரவிட்டனர்.
இதையடுத்து மானாமதுரை, திருப்புவனம், கமுதக்குடி ஆகிய இடங்களில் மேம்பாலம் அமைக்கும் பணிகள் தீவிரப்படுத்தப்பட்டன. அதன்படி தற்போது இப் பாலங்கள் அமைக்கும் பணிகள் இறுதிக்கட்டத்தை எட்டியுள்ளன. பாலங்களில் ஒரு சில பகுதிகளைத் தவிர்த்து மற்ற பகுதிகளில் முழுமையாக தார்ச்சாலைகள் அமைக்கப்பட்டுள்ளன.
ரயில்பாதை குறுக்கிடும் இடங்களில் பாலத்தின் மேல் கான்கிரீட் சாலை அமைக்கும் பணி மட்டும் தற்போது நடந்து வருகிறது.
இந்த பணியும் இம் மாத இறுதிக்குள் முடிவடைந்துவிடும் என தெரிவிக்கப்பட்டுள்ளது. இதனால் வரும் ஜனவரி மாதத்தில் மானாமதுரை, திருப்புவனம், கமுதக்குடி ஆகிய இடங்களில் அமைக்கப்பட்டுள்ள மேம்பாலங்களில் போக்குவரத்து தொடங்குவதற்கான வாய்ப்பு உள்ளதாக நான்குவழிச்சாலை திட்டப் பணி அதிகாரிகள் தரப்பில் தெரிவிக்கப்பட்டது.

 

]]>
http://www.dinamani.com/all-editions/edition-madurai/sivagangai/2018/dec/09/இறுதிக்கட்டத்தில்-மானாமதுரை-திருப்புவனம்-மேம்பாலப்-பணிகள்-ஜனவரியில்-போக்குவரத்து-தொடங்க-வாய்ப்பு-3054436.html
3054435 மதுரை சிவகங்கை பள்ளியில் குழந்தைகள் பாதுகாப்புக் குழு கூட்டம் DIN DIN Sunday, December 9, 2018 01:42 AM +0530
சிவகங்கை மாவட்டம், மானாமதுரை அருகே தெ.புதுக்கோட்டையிலுள்ள அரசு நிதியுதவி பெறும் எம். கே.என். நடுநிலைப் பள்ளியில், கிராம அளவிலான குழந்தைகள் பாதுகாப்புக் குழு கூட்டம் வெள்ளிக்கிழமை நடைபெற்றது.
கூட்டத்தில் பங்கேற்ற சிவகங்கை மாவட்டக் குழந்தைகள் பாதுகாப்பு மைய உறுப்பினர் சத்தியமூர்த்தி, குழந்தைகள் பாதுகாப்பு சம்பந்தமாக எடுத்துவரும் பல்வேறு நடவடிக்கைகள் பற்றியும், குழந்தைகளுக்கு ஏற்படும் பிரச்னைகள் மற்றும் அதற்கான தீர்வு முறைகள், குழந்தை திருமணங்களை தடுத்தல், பெற்றோர்-ஆசிரியர் வழிகாட்டுதலின்படி குழந்தைகள் செயல்பட வேண்டும்.
இதில், பார்வை குறைபாடுடைய மாணவர்களுக்கு அரசு வழங்கும் இலவச கண் கண்ணாடியை செவிலியர் வித்யா வழங்கினார். கூட்டத்தில், வருவாய் உதவியாளர் கணேஷ்வதி, பள்ளியின் பெற்றோர்-ஆசிரியர் கழகத் தலைவர் பூங்கொடி, அங்கன்வாடி ஆசிரியை அருளாயி, பள்ளி ஆசிரியர்கள் தேவி, கண்ணகி, சகாய மைக்கேல், சாந்தி ராமலெட்சுமி மற்றும் மாணவ-மாணவியர் கலந்துகொண்டனர்.

 

]]>
http://www.dinamani.com/all-editions/edition-madurai/sivagangai/2018/dec/09/பள்ளியில்-குழந்தைகள்-பாதுகாப்புக்-குழு-கூட்டம்-3054435.html
3054434 மதுரை சிவகங்கை மானாமதுரை பிரத்யங்கிரா தேவி கோயிலில் யாகம் DIN DIN Sunday, December 9, 2018 01:41 AM +0530
சிவகங்கை மாவட்டம், மானாமதுரை வேதியரேந்தல் விலக்கு பகுதியில் அமைந்துள்ள மகா பஞ்சமுக பிரத்யங்கிரா தேவி கோயிலில் கார்த்திகை அமாவாசை யாகம் வியாழக்கிழமை இரவு நடைபெற்றது.
இதையொட்டி, கோயில் யாகசாலையில் யாகம் வளர்க்கப்பட்டு, அதில் மிளகு, திரவியப் பொருள்கள், தங்கம், வெள்ளிச் சாமான்கள், பட்டுப் புடவைகள், பூ மாலைகள் உள்ளிட்ட பல்வேறு பொருள்கள் இடப்பட்டன. தஞ்சை குருஜி கணபதி சுப்ரமணியம் யாகத்தை நடத்தினார். பூர்ணாஹூதியை தொடர்ந்து மகா தீபாராதனை நடைபெற்றது. பின்னர், கடம் புறப்பாடாகி மூலவர் பிரத்யங்கிரா தேவிக்கு புனிதநீரால் பாத சமர்ப்பணம் நடைபெற்றது. இதில், ஏராளமான பக்தர்கள் கலந்துகொண்டு தரிசனம் செய்தனர்.
ஏற்பாடுகளை, பிரத்யங்கிரா மடாலய நிர்வாகி ஞானசேகரன் சுவாமிகள் செய்திருந்தார்.

 

]]>
http://www.dinamani.com/all-editions/edition-madurai/sivagangai/2018/dec/09/மானாமதுரை-பிரத்யங்கிரா-தேவி-கோயிலில்-யாகம்-3054434.html
3054433 மதுரை சிவகங்கை தேசிய குத்துச் சண்டைப் போட்டிக்கு சிவகங்கை மாணவி தேர்வு DIN DIN Sunday, December 9, 2018 01:41 AM +0530
தேசிய அளவில் நடைபெற உள்ள குத்துச்சண்டைப் போட்டிக்கு,சிவகங்கை மாணவி தேர்வு பெற்றுள்ளார்.
சிவகங்கை தாகூர் தெருவைச் சேர்ந்த எஸ். செந்தில்ராஜன் மகள் சகானா. இவர், இங்குள்ள தனியார் பள்ளியில் 7-ஆம் வகுப்பு படித்து வருகிறார். இவர், சில வாரங்களுக்கு முன் ராமநாதபுரம் மாவட்டம் அபிராமத்தில் நடைபெற்ற மண்டல அளவிலான குத்துச் சண்டைப் போட்டியில் வெற்றி பெற்றார்.
சமீபத்தில், திருப்பூர் மாவட்டம் முத்தூரில் நடைபெற்ற மாநில அளவிலான குத்துச் சண்டைப் போட்டியில் பங்கேற்று வெற்றி பெற்ற இவர், தேசிய அளவில் நடைபெற உள்ள குத்துச் சண்டைப் போட்டிக்குத் தேர்வாகியுள்ளார்.
தேசியப் போட்டிக்கு தகுதி பெற்றுள்ள இம்மாணவியை, குத்துச் சண்டைப் பயிற்றுநர் நிமலன் நீலமேகம், சிவகங்கை சமஸ்தான இளைய மன்னர் மகேஷ்துரை, சிவகங்கை மாவட்டக் கூடைப் பந்து அணி தலைவர் சிவசஞ்சீவி ராஜன் மற்றும் பள்ளி ஆசிரியர்கள் பாராட்டினர்.

 

]]>
http://www.dinamani.com/all-editions/edition-madurai/sivagangai/2018/dec/09/தேசிய-குத்துச்-சண்டைப்-போட்டிக்கு-சிவகங்கை-மாணவி-தேர்வு-3054433.html
3053840 மதுரை சிவகங்கை திருப்பாச்சேத்தி அருகே கொத்தனார் வெட்டிக் கொலை: காவல் நிலையத்தில் பெண் சரண் DIN DIN Saturday, December 8, 2018 07:32 AM +0530 சிவகங்கை மாவட்டம், திருப்பாச்சேத்தி அருகே முன்விரோதம் காரணமாக வியாழக்கிழமை இரவு கொத்தனார் வெட்டிக் கொலை செய்யப்பட்டார். இக்கொலை சம்பந்தமாக, பெண் ஒருவர் காவல் நிலையத்தில் வெள்ளிக்கிழமை சரணடைந்துள்ளார்.  
பழையனூர் காவல் சரகத்துக்குள்பட்ட புலவர்சேரியைச் சேர்ந்த சேது மகன் சக்திவேல் (42). கொத்தனாரான இவருக்கும், அருகிலுள்ள நடுக்கனேந்தல் கிராமத்தைச் சேர்ந்த சுப்பையா என்பவருக்கும் 8 மாதங்களுக்கு முன் தகராறு ஏற்பட்டுள்ளது. அப்போது, சக்திவேல் தள்ளிவிட்டதில் சுப்பையா கீழே விழுந்து மயக்கமடைந்தார். பின்னர், மருத்துவமனையில் அனுமதிக்கப்பட்டு வீடு திரும்பிய சுப்பையா, சில மாதங்களுக்குப் பிறகு உயிரிழந்தார்.
இதனிடையே, சக்திவேல் தனது குடும்பத்துடன் திருப்புவனத்தில் குடியேறினார். இந்நிலையில், நடுக்கனேந்தல் கிராமத்தில் சக்திவேல் ஒருவருக்கு வட்டிக்கு பணம் கொடுத்திருந்தாராம். அந்தப் பணத்தை வாங்கிச் செல்லும்படி கடன் வாங்கியிருந்தவர் கூறியுள்ளார். எனவே, தனது இரு சக்கர வாகனத்தில் நடுக்கனேந்தல் கிராமத்துக்குச் சென்று பணத்தை வாங்கிக் கொண்டு திரும்பிய சக்திவேல், புலவர்சேரி கிராமத்தில் தனது தாய் மீனாட்சியை சந்தித்துவிட்டு வந்துள்ளார். 
கணவர் சென்று நீண்ட நேரமாகியும் வீடு திரும்பாததால்,  சக்திவேல் மனைவி நவநீதம் செல்லிடப்பேசியில் தொடர்பு கொண்டதில், அது அணைத்து வைக்கப்பட்டிருந்துள்ளது. இந்நிலையில், புலவர்சேரி கண்மாய் பகுதியில் அடர்ந்து வளர்ந்துள்ள கருவேல மரங்களுக்கிடையே சக்திவேல் கண்ணில் மிளகாய் பொடி தூவப்பட்ட நிலையில் கழுத்து உள்ளிட்ட பல இடங்களில் வெட்டுக் காயங்களுடன் சடலமாகக் கிடந்துள்ளது தெரியவந்தது. சம்பவ இடத்துக்குச் சென்ற பழையனூர் காவல் நிலைய போலீஸார், சக்திவேல் சடலத்தை மீட்டு சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனர். இது குறித்து வழக்குப் பதிவு செய்த போலீஸார், சுப்பையா இறப்புக்கு பழிக்குப் பழியாக சக்திவேல் கொலை செய்யப்பட்டிருக்கலாம் என்ற கோணத்தில் விசாரணை நடத்தி வந்தனர்.
இதனிடையே, திருப்பாச்சேத்தி காவல் நிலையத்தில் சுப்பையாவின் மகள் தனலெட்சுமி (32) வெள்ளிக்கிழமை மாலை சரணடைந்தார். இவரிடம் போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/sivagangai/2018/dec/08/திருப்பாச்சேத்தி-அருகே-கொத்தனார்-வெட்டிக்-கொலை-காவல்-நிலையத்தில்-பெண்-சரண்-3053840.html
3053839 மதுரை சிவகங்கை எல்.ஐ.சி. முகவர்கள் ஆர்ப்பாட்டம் DIN DIN Saturday, December 8, 2018 07:32 AM +0530 பாலிசி மீதான ஜி.எஸ்.டி. வரியை நீக்கவேண்டும் என்பது உள்ளிட்ட 18 அம்ச கோரிக்கைகளை வலியுறுத்தி, திருப்பத்தூர், காரைக்குடியில் எல்.ஐ.சி. முகவர்கள் வெள்ளிக்கிழமை ஆர்ப்பாட்டத்தில் ஈடுபட்டனர்.
சிவகங்கை மாவட்டம், திருப்பத்தூர் போஸ்ட் ஆபீஸ் அருகேயுள்ள எல்.ஐ.சி. அலுவலகம் முன்பாக நடத்தப்பட்ட இந்த ஆர்ப்பாட்டத்துக்கு, முகவர்கள் சங்க மதுரை கோட்ட இணைச் செயலர் சிவசுப்பிரமணியன் தலைமை வகித்தார்.  முகவர்கள் குருசாமி, ராமலிங்கம் ஆகியோர் முன்னிலை வகித்தனர். ஆர்ப்பாட்டத்தில், பாலிசிதாரர்களுக்கு அதிக போனஸ் வழங்க வேண்டும் என்பது உள்ளிட்ட 18 அம்ச கோரிக்கைகளை நிறைவேற்றிட வலியுறுத்தப்பட்டன.  
காரைக்குடி: எல்.ஐ.சி. கிளை அலுவலகம் முன்பாக நடைபெற்ற இப்போராட்டத்துக்கு, முகவர்கள் சங்க மதுரை கோட்டச் செயலர் ஏ. சார்லஸ் ஜோசப் தலைமை வகித்தார். முகவர் சங்க காரைக்குடி கிளைத் தலைவர் ஜி. ராஜசேகரன் முன்னிலை வகித்தார். செயலர் எம். முருகானந்தம் போராட்டம் குறித்து விளக்கிப் பேசினார்.  
 

]]>
http://www.dinamani.com/all-editions/edition-madurai/sivagangai/2018/dec/08/எல்ஐசி-முகவர்கள்-ஆர்ப்பாட்டம்-3053839.html
3053838 மதுரை சிவகங்கை திருப்பத்தூரில் ஆபத்தான நிலையில் உள்ள மின்கம்பங்களை சீரமைக்கக் கோரிக்கை DIN DIN Saturday, December 8, 2018 07:32 AM +0530 சிவகங்கை மாவட்டம் திருப்பத்தூரில் பல்வேறு பகுதிகளில் மின்கம்பங்கள் முறிந்து விழும் அபாயத்தில் உள்ளதால் அவற்றை சீரமைக்க பொதுமக்கள் கோரிக்கை விடுத்துள்ளனர்.
திருப்பத்தூரில் மாதவன்நகர், கல்லூரிச் சாலை, காளியம்மன் கோயில் தெரு ஆகிய பகுதிகளில் அமைக்கப்பட்டிருந்த மின்கம்பங்கள் சிமின்ட் பெயர்ந்தும், கம்பிகள் முறிந்தும் காற்றில் சாயும் நிலையில் உள்ளன. இதில் மாதவன் நகர் பகுதியில் உள்ள மின்கம்பம் மிகவும் மோசமான நிலையில் உள்ளது. அதேபோல் காளியம்மன் கோயில் தெரு பகுதியில் உள்ள உயரழுத்த மின்சாரம் செல்லும் மின்கம்பமும் முற்றிலும் சேதமடைந்துள்ளது. 
ஆறுமுகம்பிள்ளை சீதையம்மாள் கல்லூரி எதிரில் உள்ள மின்கம்பத்தின் பாதிப் பகுதி முற்றிலுமாக அரித்து காற்றில் விழும் சூழல் உள்ளது. இதுகுறித்து அந்தந்த பகுதி மக்கள் மின்வாரியத்துக்கு தகவல் தெரிவித்தும் நடவடிக்கை இல்லை.  எனவே திருப்பத்தூர் மின்வாரிய அதிகாரிகள் மின்கம்பங்களை மாற்றி சீரமைத்து மக்களின் அச்சத்தைப் போக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/sivagangai/2018/dec/08/திருப்பத்தூரில்-ஆபத்தான-நிலையில்-உள்ள-மின்கம்பங்களை-சீரமைக்கக்-கோரிக்கை-3053838.html
3053837 மதுரை சிவகங்கை கலை இலக்கியப் பெருமன்ற கூட்டம் DIN DIN Saturday, December 8, 2018 07:31 AM +0530 தமிழ்நாடு கலை இலக்கியப் பெருமன்றத்தின் சிவகங்கை கிளை சார்பில் மாதாந்திரக் கூட்டம்  புதன்கிழமை இரவு நடைபெற்றது. தனியார் மண்டபத்தில் நடைபெற்ற கூட்டத்துக்கு முன்னாள் சட்டப்பேரவை உறுப்பினர் எஸ்.குணசேகரன் தலைமை வகித்தார். கலை இலக்கியப் பெருமன்றத்தின் சிவகங்கை நகர் தலைவரும், நல்லாசிரியர்  விருது பெற்றவருமான செ. கண்ணப்பன்,கிளைச் செயலர் இந்திராகாந்தி  ஆகியோர் முன்னிலை வகித்தனர். சிவகங்கையில் உள்ள மனிதவள மேம்பாட்டு அமைப்பின் நிறுவனர் இரா.கற்பூர சுந்தரபாண்டியன் சிறப்புரையாற்றினார்.  தொடர்ந்து இந்நிகழ்ச்சியின் ஒரு பகுதியாக படைப்பரங்கம் நடைபெற்றது. இதில்,25-க்கும் மேற்பட்ட படைப்பாளர்கள் கலந்து கொண்டு கவிதைகள், கதைகள் வாசித்தனர். சிறந்த படைப்புக்கு பரிசுகள் வழங்கப்பட்டன. கூட்டத்தில், தமிழ்நாடு கலை இலக்கியப் பெருமன்றத்தின் மாவட்டச் செயலர் முருகன், மாவட்டப் பொருளாளர் ரவிச்சந்திரன், பேரா. மு.பழனியப்பன் உள்ளிட்ட தமிழறிஞர்கள், படைப்பாளர்கள், பொதுமக்கள், மாணவ, மாணவிகள் பலரும் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/dec/08/கலை-இலக்கியப்-பெருமன்ற-கூட்டம்-3053837.html
3053836 மதுரை சிவகங்கை காரைக்குடி அருகே  கண்மாய்களில் பனை விதைகள் நடவு DIN DIN Saturday, December 8, 2018 07:31 AM +0530 காரைக்குடி அருகே கண்மாய்க் கரைகளில் 2019 ஆங்கிலப்புத்தாண்டை வரவேற்கும் விதமாக 22,019 பனை விதைகள் வியாழக்கிழமை நடவு செய்யப்பட்டன.
வித்யாகிரி கல்விக்குழுமம், ரோட்டரி பியர்ல்ஸ் சங்கமம், அரியக்குடி, கோவிலூர் அரசு உயர்நிலைப்பள்ளிகள் ஆகியன சார்பில் கோவிலூர் பெரிய கண்மாய், அரியக்குடி கண்மாய், இடையன்வயல் கண்மாய் மற்றும் இலுப்பக்குடி புதுவெட்டுக்கண்மாய் ஆகிய கண்மாய்களில் மாணவர்கள், ஆசிரியர்கள் பனை விதைகளை நட்டனர். இந்நிகழ்ச்சியில், காரைக்குடி வித்யாகிரி மெட்ரிக் மேல்நிலைப்பள்ளி முதல்வர் ஹேமமாலினி சுவாமிநாதன், கோவிலூர் முன்னாள் ஊராட்சித்தலைவர் அழகப்பன் ஆகியோர் முன்னிலை வகித்தனர். இலுப்பக்குடி புதுவெட்டுக் கண்மாயில் இந்த நிகழ்வை காரைக்குடி எஸ்.எம்.எஸ்.வி மேல்நிலைப் பள்ளியின் தலைமையாசிரியர் வள்ளியப்பன் தொடக்கி வைத்தார். சுழற் சங்க மாவட்ட துணை ஆளுநர் ஜி. முத்துக்குமார், துணை ஆளுநர் (தேர்வு) நாச்சியப்பன், சுழற்சங்கத்தின் பியர்ல்ஸ் சங்கமம் தலைவர் நாவுக்கரசு, நல்லாசிரியர்கள் ஆ. பீட்டர் ராஜா, ஹென்றிபாஸ்கர், நாட்டுநலப்பணித்திட்ட அலுவலர்கள், உடற்கல்வி ஆசிரியர்கள் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/dec/08/காரைக்குடி-அருகே--கண்மாய்களில்-பனை-விதைகள்-நடவு-3053836.html
3053835 மதுரை சிவகங்கை பொருளாதார முன்னேற்றத்தில் பெரும் பங்கு வகிப்பது விவசாயமே: ஆட்சியர் DIN DIN Saturday, December 8, 2018 07:31 AM +0530 ஒவ்வொருவரின் பொருளாதார முன்னேற்றத்திலும் பெரும் பங்குவகிப்பது விவசாயமே என்று சிவகங்கை மாவட்ட ஆட்சியர் ஜெ. ஜெயகாந்தன் தெரிவித்தார்.
சிவகங்கை மாவட்டம் காரைக்குடி அருகே அமராவதிபுதூரில் தோட்டக்கலை மற்றும் மலைப்பயிர்கள் துறைகள், குன்றக்குடி வேளாண் அறிவியல் நிலையம் ஆகியன சார்பில் புதன்கிழமை நடைபெற்ற மண்வள தினவிழாவில் தோட்டக்கலைப் பயிர்கள் சாகுபடி குறித்த கண்காட்சிஅரங்கைதுவக்கிவைத்தும், அரளிக்கோட்டை சீதாலட்சுமிக்கு முன்னோடி விவசாயிக்கான கேடயம் வழங்கியும், பயனாளிகளுக்கு மண்வள அட்டை மற்றும் காய்கறி சாகுபடிக்கான நாற்றுக்களை வழங்கியும் ஆட்சியர் பேசியதாவது:  இன்றைய உலகில் அனைத்து விதமான புரட்சிகள், சாதனைகள் படைக்கும் மனிதர்களுக்கு வேளாண்மையே மூலதனமாகும். ஒவ்வொருவரின் பொருளாதார முன்னேற்றத்திலும் பெரும்பங்குவகிப்பது விவசாயம் தான். சில காலங்களில் ஏற்றம், இறக்கம் இருக்கலாம். ஆனால் நிலையானதொரு தொழில் விவசாயம் மட்டுமே. நல்ல மண்ணும், நிலையான நீரும் அமைந்தால் அந்த விவசாயி சாதிக்க முடியாதது ஒன்றும் இருக்கமுடியாது. மண்வள தினம் கொண்டாடப்படுவதன் நோக்கம் விவசாயி நிலத்தை பாதுகாக்க வேண்டும் என்பதே. மண் நன்றாக இருந்தால்தான் அதில் பயிர்கள் சிறப்பான பலனைத்தரும் என்றார்.
விழாவில், குன்றக்குடி வேளாண்அறிவியல் நிலையத்தலைவர் செந்தூர்குமரன்,தோட்டக்கலைத்துறை துணை இயக்குநர் ராஜேந்திரன், வேளாண்மை இணை இயக்குநர் சேகர், கால்நடைப் பராமரிப்புத்துறை மண்டல இணை இயக்குநர் நவநீதகிருஷ்ணன், கிராமியப்பயிற்சி மைய இயக்குநர் அப்பாத்துரை, மத்திய கூட்டுறவு வங்கி மேலாண்மை இயக்குநர் பழனீஸ்வரி, முன்னோடி வங்கி மேலாளர் முருகேசன், தோட்டக்கலைத்துறை சாக்கோட்டை உதவி இயக்குநர் அழகுமலை, முன்னோடி விவசாயிகள் அய்யாசாமி, ஆபிரகாம், குமார், அழகுமலை மற்றும் விவசாயிககள், அதிகாரிகள் உள்பட பலர் கலந்துகொண்டனர்.

]]>
http://www.dinamani.com/all-editions/edition-madurai/sivagangai/2018/dec/08/பொருளாதார-முன்னேற்றத்தில்-பெரும்-பங்கு-வகிப்பது-விவசாயமே-ஆட்சியர்-3053835.html
3053834 மதுரை சிவகங்கை மேலப்பசலை கிராமத்துக்கு  அணுகு சாலை அமைக்க கோரிக்கை DIN DIN Saturday, December 8, 2018 07:30 AM +0530 சிவகங்கை மாவட்டம் மானாமதுரை அருகே உள்ள மேலப்பசலை கிராமத்துக்கு மதுரை-ராமேசுவரம் நான்கு வழிச்சாலையில் அணுகு சாலை அமைக்க வலியுறுத்தி சிவகங்கை மாவட்ட ஆட்சியர் ஜெ.ஜெயகாந்தனிடம் வியாழக்கிழமை மனு அளித்துள்ளனர்.  
மனு விவரம்: மேலப்பசலை கிராமத்தில் சுமார் 300-க்கும் மேற்பட்ட குடும்பங்கள் வசித்து வருகின்றனர். இந்த கிராமத்துக்கு செல்லும் வகையில் ஏற்கெனவே இருந்த மதுரை-ராமேசுவரம் தேசிய நெடுஞ்சாலையில் பிரிவு சாலை இருந்தது. தற்போது, புதிதாக அமைக்கப்பட்டுள்ள நான்கு வழிச்சாலையில் அணுகு சாலை அமைக்கவில்லை. இதனால் மானாமதுரையிலிருந்து வரும்போது சுமார் 2 கி.மீ. தொலைவுக்கு சுற்றி வர வேண்டியுள்ளது. இதே போன்று பார்த்திபனூரிலிருந்து வரும்போது சுமார் 5 கி.மீ. தொலைவு சுற்றி வர வேண்டியுள்ளது. இதுகுறித்து சம்பந்தப்பட்ட அலுவலர்களிடம் பலமுறை மனு அளித்தும் இதுவரை எந்தவிதமான நடவடிக்கையும் எடுக்கவில்லை. ஆகவே இதனைக் கவனத்தில் கொண்டு மாவட்ட நிர்வாகம் உரிய நடவடிக்கை எடுத்து மதுரை- ராமேசுவரம் நான்கு வழிச்சாலையில் மேலப்பசலை கிராமத்துக்கு செல்லும் வகையில் அணுகு சாலை அமைக்க வேண்டும் என குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/dec/08/மேலப்பசலை-கிராமத்துக்கு--அணுகு-சாலை-அமைக்க-கோரிக்கை-3053834.html
3053136 மதுரை சிவகங்கை அம்பேத்கர் நினைவு தினம் அனுசரிப்பு DIN DIN Friday, December 7, 2018 06:56 AM +0530 சிவகங்கை மாவட்டம் மானாமதுரை, திருப்புவனம், இளையான்குடி பகுதிகளில் வியாழக்கிழமை அம்பேத்கர் நினைவு தினம் கடைப்பிடிக்கப்பட்டது. 
மானாமதுரை கிருஷ்ணராஜபுரம், ரயில்வேகாலனி, மூங்கில்ஊருணி, அண்ணாநகர் உள்ளிட்ட பகுதிகளில் சமுதாய அமைப்புகள், இளைஞர் மன்றங்கள் உள்ளிட்ட பல்வேறு தரப்பினர் சார்பில் அம்பேத்கர் உருவப்படத்துக்கு மாலை அணிவித்து மரியாதை செலுத்தப்பட்டது. மானாமதுரை அருகேயுள்ள ராஜகம்பீரம் புதூர், திருப்பாச்சேத்தி, கோட்டைநகர் உள்ளிட்ட பல கிராமங்களிலும் அம்பேத்கர் உருவப்படத்துக்கு ஏராளமானோர் மாலை அணிவித்து அஞ்சலி செலுத்தினர். இளையான்குடி நகர் மற்றும் அருகேயுள்ள கோட்டையூர் உள்ளிட்ட பல கிராமங்களிலும் அம்பேத்கர் உருவப்படத்துக்கு பலரும் மாலைகள் அணிவித்து மரியாதை செலுத்தினர்.திருப்புவனம் மற்றும் அதன் சுற்றுவட்டார பகுதிகளிலும் அம்பேத்கர் நினைவுதினம் அனுசரிக்கப்பட்டது.  
காரைக்குடி:காரைக்குடியில் உள்ள அம்பேத்கர் சிலைக்கு டாக்டர் அம்பேத்கர் ஐக்கிய நாடுகள் சபை அமைப்பின் நிர்வாகிகள், உறுப்பினர்கள்,திராவிடர் கழகம் சார்பில் மண்டலத்தலைவர் சாமி. திராவிடமணி தலைமையில்  நிர்வாகிகள், திமுக, அதிமுக, காங்கிரஸ், கம்யூனிஸ்ட், விடுதலைச் சிறுத்தைகள் உள்ளிட்ட பல்வேறு கட்சியினரும் மாலை அணிவித்து மரியாதை செலுத்தினர்.
பா.ஜ.க சார்பில் நகரத்தலைவர் கே. சந்திரன் தலைமையில் கட்சியினர் பெரியார் சிலையிலிருந்து ஊர்வலமாகச் சென்று அம்பேத்கர் சிலைக்கு மாலை அணிவித்து மரியாதை செலுத்தினர்.

]]>
http://www.dinamani.com/all-editions/edition-madurai/sivagangai/2018/dec/07/அம்பேத்கர்-நினைவு-தினம்-அனுசரிப்பு-3053136.html
3053135 மதுரை சிவகங்கை அறிவார்ந்த சமுதாயத்தை உருவாக்குவதில் இலக்கியங்கள் பெரும்பங்கு வகிக்கின்றன: துணைவேந்தர் பேச்சு DIN DIN Friday, December 7, 2018 06:55 AM +0530 அறிவார்ந்த சமுதாயத்தை  உருவாக்குவதில் இலக்கியங்கள் பெரும்பங்கு வகிக்கின்றன என அழகப்பா பல்கலைக்கழகத் துணைவேந்தர் நா. ராஜேந்திரன் தெரிவித்தார்.
காரைக்குடியில் அழகப்பா பல்கலைக்கழகத் தமிழ்ப்பண்பாட்டு மையத்தின் சார்பில் "20 ஆம் நூற்றாண்டுத் தமிழ்ப் புதின, சிறுகதை ஆசிரியர்கள்' என்ற தலைப்பில் வியாழக்கிழமை பன்னாட்டுக் கருத்தரங்கம்  நடைபெற்றது. இதில், துணைவேந்தர்  தலைமை வகித்து பேசியதாவது:
இலக்கியங்களில் புதினம் மற்றும் சிறு கதைகளின் வளர்ச்சி குறிப்பிடத்தக்கது. இவ்விலக்கியங்கள் காலந்தோறும் தம்மை மாற்றிக்கொண்டுள்ளன. காலத்திற்கேற்ப தம்மை மாற்றிக்கொள்ளும் கலையே நிலைத்து நிற்கும்.  இலக்கியங்கள் பொழுது போக்குக்காக மட்டுமல்லாமல் அறிவார்ந்த சமுதாயத்தை உருவாக்குவதில் பெரும்பங்குவகிக்கிறது. 
எனவே இலக்கியங்களின் சிறப்புத் தன்மைகளை வெளிக்கொணரும் வகையில்  கருத்தரங்கம் நடத்தப்படுவது பாராட்டுக்குரியது என்றார். பிரான்ஸ் நாட்டின் தமிழறிஞர் ஜெ.பி. பிரசாந்த் மோரே  பேசுகையில், சிறுகதைகளில் வாழ்க் கைக்கான படிப்பினைகள், வாழ்வியல் ஒழுக்கம் போன்ற பல்வேறு கூறுகள் இடம்பெற்றுள்ளன. 18 ஆம் நூற்றாண்டு முதல் வளரத்தொடங்கிய சிறுகதை படைப்புகள் 20 ஆம் நூற்றாண்டில் மிகச்சிறப்பான இடத்தைப் பெற்றது என்றார்.
பேராசிரியர்கள் அய்க்கண், பழனிராகுலதாசன், எழுத்தாளர் தேனம்மை லெட்சுமணன் ஆகியோர் வாழ்த் திப்பேசினர். துணைவேந்தர் ஆய்வுக்கோவையை வெளியிட அதன் முதல்பிரதியை ஜெ.பி. பிரசாந்த் மோரே பெற்றுக்கொண்டார். 
மாலையில் நடைபெற்ற நிறைவு விழாவில், பல்கலைக்கழகத்தின் ஆட்சிக்குழு உறுப்பினர் த.ரா. குருமூர்த்தி தலைமை வகித்துப்பேசினார். சிவகங்கையைச்சேர்ந்த எழுத்தாளர் சந்திரகாந்தன் சிறப்புரையாற்றினார். மலேசியா எழுத்தாளர் வாணிஜெயம் வாழ்த்திப்பேசினார். சிவகங்கை எழுத்தாளர் என். ரிஷிகேசன் கருத்தரங்க மதிப்பீட்டுரை வழங்கினார்.
கருத்தரங்கில் தமிழறிஞர்கள், பேராசிரியர்கள், ஆய்வு மாணவர்கள் உள்பட பலர் கலந்துகொண்டனர். 
 

]]>
http://www.dinamani.com/all-editions/edition-madurai/sivagangai/2018/dec/07/அறிவார்ந்த-சமுதாயத்தை-உருவாக்குவதில்-இலக்கியங்கள்-பெரும்பங்கு-வகிக்கின்றன-துணைவேந்தர்-பேச்சு-3053135.html
3053134 மதுரை சிவகங்கை பாபர் மசூதி இடிப்பு தின ஆர்ப்பாட்டம் DIN DIN Friday, December 7, 2018 06:55 AM +0530 பாபர் மசூதி இடிப்பு வழக்கை விரைந்து முடிக்க வலியுறுத்தி சிவகங்கையில் எஸ்டிபிஐ கட்சியினர் வியாழக்கிழமை ஆர்ப்பாட்டத்தில் ஈடுபட்டனர்.
சிவகங்கை அரண்மனை வாசல் முன் நடைபெற்ற ஆர்ப்பாட்டத்துக்கு அக்கட்சியின் மாவட்டத் தலைவர் ஒ.எம்.முகமது காலித் தலைமை வகித்தார். பாப்புலர் பிரண்ட் ஆப் இந்தியா அமைப்பின் மாவட்டத் தலைவர் எஸ்.ஜலாலுதின் முன்னிலை வகித்தார்.  இதில், பாபர் மசூதி இடிப்பு வழக்கை விரைந்து முடிக்க வேண்டும், சட்ட விரோதமாக அமைக்கப்பட்டுள்ள தற்காலிக வழிபாட்டு அமைப்பை அகற்ற வேண்டும், பாபர் மசூதியை அதே இடத்தில் கட்ட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்களை எழுப்பினர். ஆர்ப்பாட்டத்தில், எஸ்டிபிஐ கட்சி நிர்வாகிகள், உறுப்பினர்கள் பலரும் கலந்து  கொண்டனர். 
திருப்பத்தூர்: திருப்பத்தூர் அண்ணாசிலையருகே தமிழ்நாடு முஸ்லிம் முன்னேற்றக் கழகம் சார்பில் கண்டன ஆர்ப்பாட்டம் நடைபெற்றது. ஆர்ப்பாட்டத்துக்கு த.மு.மு.க. மாவட்டத் தலைவர் எம்.டி.எஸ்.துல்கர்ணைசேட் தலைமை வகித்தார். மனித நேய மக்கள் கட்சி மாவட்டச் செயலாளர் எம்.மஜீத், த.மு.மு.க. மாவட்டச் செயலர் எம்.கமரல்ஜமான், மாவட்டப் பொருளாளர் எம்.ஷஹிபுல்பர்கி, மாவட்ட இளைஞரணிச் செயலாளர் எம்.இம்ரான்கான் மாநில செயற்குழு உறுப்பினர் உதுமான்அலி, ஆகியோர் முன்னிலை வகித்தனர். 
 மாநில வழக்குரைஞர் அணிச் செயலாளர் அப்ரார் அகமது,  பாபர் மசூதி இடிப்பு குறித்தும் அதற்கான போராட்டங்கள் குறித்தும் கண்டன உரையாற்றினார். 
மேலும் திராவிடர் கழக தலைமைக் கழகப் பேச்சாளர் என்னரசுபிராட்லா, மாவட்ட தி.மு.க. சிறுபான்மை நலப்பிரிவு அமைப்பாளர் என்.எம்.சாக்ளா, மாவட்ட வர்த்தக அணி துணை அமைப்பாளர் ஆர்.கான்முகமது, மார்க்சிஸ்ட் கம்யூ. மாநிலக் குழு உறுப்பினர் சின்னத்துரை. இந்திய யூனியன் முஸ்லீம் லீக் மாவட்டத் தலைவர் எம்.எச்.ஹைதர்அலி அம்பலம், த.மு.மு.க. மாவட்டத் துணைத் தலைவர் என்.பீர்முகமது ஆகியோர் சிறப்புரையாற்றினர்.  
த.மு.மு.க. நகர்த் துணைத்தலைவர் அமானுல்லா, நகரச் செயலாளர் சையதுஅலி ஆகியோர் கலந்து கொண்டனர். முன்னதாக த.மு.மு.க. நகரத் தலைவர் பொறியாளர் ஜெ.சமஸ்கான் வரவேற்றார்.முடிவில் நகர் த.மு.மு.க. செயலாளர் ஏ.ராஜாமுகமது நன்றி கூறினார்.

]]>
http://www.dinamani.com/all-editions/edition-madurai/sivagangai/2018/dec/07/பாபர்-மசூதி-இடிப்பு-தின-ஆர்ப்பாட்டம்-3053134.html
3053133 மதுரை சிவகங்கை மதுரை ஆதீன மடத்தின்  நிலம் ஆக்கிரமிப்பு: அதிகாரி மீது தாக்குதல் DIN DIN Friday, December 7, 2018 06:55 AM +0530 சிவகங்கை மாவட்டம் திருப்புவனம் அருகே மதுரை ஆதீன மடத்தின் நிலத்தைப் பார்க்கச் சென்ற  இந்து சமய அறநிலையத்துறை அதிகாரியைத் தாக்கியதாக வியாழக்கிழமை இரவு ஒருவர் மீது போலீஸார் வழக்குப்பதிவு செய்தனர்.
திருப்புவனம் அருகே உள்ள ஜாரிபுதுக்கோட்டை கிராமத்தில் மதுரை ஆதீனமடத்துக்குச் சொந்தமான நிலங்கள் உள்ளன. இந்த இடத்தை தனியார் ஒருவர் குத்தகைக்கு எடுத்து விவசாயம் செய்து வந்துள்ளார்.  இந் நிலையில் இந்த நிலம் ஆக்கிரமிப்பில் உள்ளதாகவும் அதை மீட்டுத்தரக்கோரியும் மதுரை ஆதீன மடத்தின் நிர்வாகம் சார்பில் இந்து சமய அறநிலையத்துறை உதவி ஆணையர் ராமசாமியிடம் புகார் செய்யப்பட்டது. இது குறித்து விசாரிக்க, அதிகாரி ராமசாமி கடந்த புதன்கிழமை மாலை ஜாரிபுதுக்கோட்டை கிராமத்தில் ஆதின மடத்துக்கு சொந்தமான நிலத்துக்குச்  சென்றுள்ளார். அப்போது அங்கிருந்த சண்முகம் என்பவருக்கும் ஆணையர் ராமசாமிக்கும் வாக்குவாதம் ஏற்பட்டுள்ளது. இதைத்தொடர்ந்து சண்முகம் ஆணையர் ராமசாமியை தாக்கி கீழே தள்ளியதாக கூறப்படுகிறது. அதன்பின் திருப்புவனம் காவல் நிலையத்தில் இச் சம்பவம் குறித்து ராமசாமி புகார் அளித்தார். அதன்பேரில் போலீஸார் சண்முகம் மீது வழக்குப் பதிந்து விசாரித்து வருகின்றனர். ராமசாமி திருப்புவனம் அரசு மருத்துவமனையில் சிகிச்சை பெற்றார்.
 

]]>
http://www.dinamani.com/all-editions/edition-madurai/sivagangai/2018/dec/07/மதுரை-ஆதீன-மடத்தின்--நிலம்-ஆக்கிரமிப்பு-அதிகாரி-மீது-தாக்குதல்-3053133.html
3053132 மதுரை சிவகங்கை கீழச்சிவல்பட்டி பள்ளியில் ஓவியக் கண்காட்சி DIN DIN Friday, December 7, 2018 06:54 AM +0530 சிவகங்கை மாவட்டம் கீழச்சிவல்பட்டி ஸ்ரீமீனாட்சி சுந்தரேஸ்வரர் மேல்நிலைப் பள்ளியில் புதன்கிழமை ஓவியக் கண்காட்சி நடைபெற்றது.
பள்ளி வளாகத்தில் நடைபெற்ற இந்த கண்காட்சியை பள்ளிச் செயலர் எஸ்.பி.கருப்பையா தலைமை வகித்து தொடக்கி வைத்தார். இக்கண்காட்சியின் சிறப்பு அழைப்பாளராக ஆத்தங்குடி ஓவியப் பயிற்சிப்பள்ளி முதல்வர் கணேசன் கலந்து கொண்டு பள்ளி மாணவர்களின் ஓவியப் படைப்புகளைப் பாராட்டினார். மேலும் கும்பகோணம், அரசு கவின் கலைக் கல்லூரி மாணவர்கள் இக்கண்காட்சியில் பங்கு கொண்டனர். முன்னதாக பள்ளித்தலைமை ஆசிரியை மீனாட்சி வரவேற்றார். சுற்றுப்புற பள்ளிகளைச் சேர்ந்த மாணவ, மாணவிகள் ஓவிய கண்காட்சியை பார்வையிட்டனர். இதற்கான ஏற்பாடுகளை ஓவிய ஆசிரியர் கண்ணன் செய்திருந்தார். ஆசிரியர் தியாகராஜன் நன்றி கூறினார்.
 

]]>
http://www.dinamani.com/all-editions/edition-madurai/sivagangai/2018/dec/07/கீழச்சிவல்பட்டி-பள்ளியில்-ஓவியக்-கண்காட்சி-3053132.html
3053131 மதுரை சிவகங்கை சிவகங்கை மாவட்டத்தில் நாளை பொது விநியோக குறைதீர் கூட்டம் DIN DIN Friday, December 7, 2018 06:54 AM +0530 சிவகங்கை மாவட்டத்தில் வட்ட வாரியாக சனிக்கிழமை (டிச.8) பொது விநியோக குறைதீர் கூட்டங்கள் நடைபெற உள்ளதாக சிவகங்கை மாவட்ட ஆட்சியர் ஜெ.ஜெயகாந்தன் தெரிவித்துள்ளார்.
இதுகுறித்து அவர் வியாழக்கிழமை வெளியிட்ட செய்தி குறிப்பு: சிவகங்கை மாவட்டத்தில் உள்ள பொதுமக்கள் பொது விநியோகத் திட்டத்தில் பயன்பெறும் வகையில் நுகர்வோர் குறை தீர்க்கும் நாள் கூட்டம் சனிக்கிழமை காலை 10 மணி அளவில் நடைபெற உள்ளது. அந்தந்த வட்டத்திற்கு உள்பட்ட கிராமங்களில் நடைபெறும் கூட்டத்தில் துணை ஆட்சியர் நிலையிலான மண்டல அலுவலர்கள், சம்பந்தப்பட்ட வட்ட வழங்கல் அலுவலர்கள் மற்றும் கூட்டுறவு சார்-பதிவாளர்கள் உள்ளிட்ட பொது விநியோக திட்ட அலுவலர்கள் பலரும் கலந்து கொள்ள உள்ளனர். இக்கூட்டத்தில் சம்பந்தப்பட்ட கிராமத்தைச் சேர்ந்த குடும்ப அட்டைதாரர்கள் கலந்து கொண்டு பொது விநியோகத் திட்டம் தொடர்பான தங்களது குறைகளை மனு மூலம் தெரிவிக்கலாம். அவற்றிற்கு உடனடியாக தீர்வு காணப்படும் என குறிப்பிடப்பட்டுள்ளது.
முகாம் நடைபெறும் கிராமங்கள்: சிவகங்கை வட்டம் மதகுபட்டி,மானாமதுரை வட்டம் சமத்துவபுரம், இளையான்குடி வட்டம் சாத்தனூர், காரைக்குடி வட்டம் செஞ்சை,தேவகோட்டை வட்டம் பகையனி,திருப்பத்தூர் வட்டம் பிள்ளையார்பட்டி,திருப்புவனம் வட்டம் அல்லிநகரம்,காளையார்கோவில் வட்டம் சாத்தரசன்கோட்டை,சிங்கம்புணரி வட்டம் சூரக்குடி.

]]>
http://www.dinamani.com/all-editions/edition-madurai/sivagangai/2018/dec/07/சிவகங்கை-மாவட்டத்தில்-நாளை-பொது-விநியோக-குறைதீர்-கூட்டம்-3053131.html
3053130 மதுரை சிவகங்கை திருத்தளிநாதர் கோயிலில் நாளை சம்பக சஷ்டி விழா  தொடக்கம் DIN DIN Friday, December 7, 2018 06:53 AM +0530 சிவகங்கை மாவட்டம் திருப்பத்தூரில் சிவகாமி சுந்தரி உடனாய திருத்தளிநாதர் சுவாமி கோயிலில்  சனிக்கிழமை (டிச.8) சம்பக சஷ்டி விழா தொடங்குகிறது.
குன்றக்குடி திருவண்ணாமலை ஆதீனத்திற்கு உள்பட்ட இக்கோயிலில்  யோகபைரவர் சுவாமிக்கு இத்திருவிழா நடத்தப்படுகிறது. டிச. 13 வரை 6 நாள்கள் நடைபெற உள்ள விழாவில் தினமும் காலை 9 மணிக்கு  அஷ்ட பைரவர் யாகம், 11.30 மணிக்கு பூர்ணாகுதி, மதியம் 12 மணிக்கு அபிஷேகம், பிற்பகல் 1 மணிக்குத் தீபாராதனை நடைபெறும். 
மாலை 4.30 மணிக்கு மீண்டும் யாகம், இரவு 7 மணிக்குப் பூர்ணாகுதி, 7.15 மணிக்கு அபிஷேகம்,  7.45 மணிக்குத் தீபாராதனை நடைபெறும். 
விழா ஏற்பாடுகளை திருத்தளிநாதர் சாமி திருக்கோயில் சம்பகசஷ்டி விழாக் குழுவினர் செய்து வருகின்றனர்.
 

]]>
http://www.dinamani.com/all-editions/edition-madurai/sivagangai/2018/dec/07/திருத்தளிநாதர்-கோயிலில்-நாளை-சம்பக-சஷ்டி-விழா-தொடக்கம்-3053130.html
3053129 மதுரை சிவகங்கை சிவகங்கை மாவட்ட பாசனத்துக்கு வைகையில் மீண்டும் தண்ணீர் திறக்க விவசாயிகள் வலியுறுத்தல் DIN DIN Friday, December 7, 2018 06:53 AM +0530 சிவகங்கை மாவட்ட பாசனத்துக்கு வைகை அணையில் மீண்டும் தண்ணீர் திறந்துவிட வேண்டும் என தமிழ்நாடு விவசாயிகள் சங்க மாநாட்டில் தீர்மானம் நிறைவேற்றப்பட்டது.     
அச்சங்கத்தின் திருப்புவனம், மானாமதுரை ஒன்றிய மாநாடு வியாழக்கிழமை நடைபெற்றது. இம் மாநாட்டுக்கு சங்கத்தின் ஒன்றியத் தலைவர் வேணுகோபால் தலைமை வகித்தார், விவசாய தொழிலாளர் சங்க மாநிலத் தலைவர் கே.தங்கமணி, மாவட்டத் தலைவர் எஸ்.மணி, ஒன்றியச் செயலாளர் ஜி.சங்கையா, பொருளாளர் அடியாக்கி, இந்திய கம்யூனிஸ்ட் கட்சி மாவட்டச் செயலாளர் கண்ணகி, நகர்ச் செயலாளர் எஸ்.டி. நாகராஜன் உள்பட சங்க நிர்வாகிகள், உறுப்பினர்கள் மாநாட்டில் கலந்து கொண்டனர். 
மாநாட்டில் நிறைவேற்றப்பட்ட தீர்மானங்கள் விபரம்: ஒவ்வொரு ஆண்டும் செப்டம்பர் மாதம் பூர்வீக சிவகங்கை மாவட்ட வைகைப் பாசனத்துக்கு வைகை அணையிலிருந்து தண்ணீர் திறக்க வேண்டும், இந்தாண்டு சிவகங்கை மாவட்டத்துக்கு வைகையில் பாசனத்துக்காக  திறக்கப்பட்ட தண்ணீர் போதுமானதாக இல்லாமல் உள்ளது. 
எனவே இம் மாவட்டத்துக்கு மீண்டும் வைகை அணையிலிருந்து தண்ணீர் திறக்க வேண்டும், சிவகங்கை மாவட்டத்தில் நிலத்தடி நீராதரத்தை அழிக்கும் தைல மரக்கன்றுகளை அழிக்க வேண்டும்,
மானாமதுரை ஒன்றியத்தில்  ராஜகம்பீரம் முதல் அ.புதூர் வரை பாசன வசதி பெறும் நாட்டார் கால்வாய் திட்டத்தை மேம்படுத்தி செயல்படுத்த வேண்டும். மானாமதுரை பகுதியில் நிலத்தடி நீராதாரத்துக்கு பாதிப்பு ஏற்படுத்தும் மணல் குவாரியை தொடங்கக்கூடாது என வலியுறுத்தி தீர்மானம் நிறைவேறப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/dec/07/சிவகங்கை-மாவட்ட-பாசனத்துக்கு-வைகையில்-மீண்டும்-தண்ணீர்-திறக்க-விவசாயிகள்-வலியுறுத்தல்-3053129.html
3052590 மதுரை சிவகங்கை தேசிய திறனாய்வு தேர்வு: விடைத்தாள் இன்று வெளியீடு DIN DIN Thursday, December 6, 2018 07:48 AM +0530 அண்மையில் நடைபெற்ற தேசிய திறனாய்வு தேர்வுக்கான விடைத் தாள் இன்று வியாழக்கிழமை (டிச.6) வெளியிடப்படும் என தெரிவிக்கப்பட்டுள்ளது.
இதுகுறித்து சிவகங்கை மாவட்ட முதன்மைக் கல்வி அலுவலர் பாலுமுத்து புதன்கிழமை வெளியிட்டுள்ள செய்திக் குறிப்பு:  
டிசம்பர் 4 ஆம் தேதி தேசிய திறனாய்வுத் தேர்வு நடைபெற்றது. இத்தேர்வுக்கான விடைத் தாள் அரசு தேர்வு இயக்ககத்தின் w‌w‌w.‌d‌g‌e.‌t‌n.‌g‌o‌v.‌i‌n என்ற இணையதள முகவரியில் வியாழக்கிழமை  வெளியிடப்பட உள்ளது. 
ஆகவே, தேசிய திறனாய்வு தேர்வு எழுதிய சிவகங்கை மாவட்டத்தைச் சேர்ந்த மாணவ, மாணவிகள் தங்களுக்கான விடைத் தாளை மேற்கண்ட இணையதள முகவரியில் பதிவிறக்கம் செய்து கொள்ளலாம் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/dec/06/தேசிய-திறனாய்வு-தேர்வு-விடைத்தாள்-இன்று-வெளியீடு-3052590.html
3052576 மதுரை சிவகங்கை இலவச ஆடுகள் வழங்கும் திட்டத்தில் முறைகேடு: பயனாளிகள்  பட்டியலை தாக்கல் செய்ய சிவகங்கை ஆட்சியருக்கு உத்தரவு DIN DIN Thursday, December 6, 2018 07:41 AM +0530 சிவகங்கை மாவட்டத்தில் இலவச ஆடு வழங்கும் திட்டத்தில் முறைகேடு நடைபெற்றுள்ளதாக தாக்கல்செய்யப்பட்ட மனு தொடர்பாக, பயனாளிகளின் பட்டியலைத் தாக்கல் செய்யுமாறு மாவட்ட ஆட்சியருக்கு சென்னை உயர்நீதிமன்ற மதுரைக்கிளை புதன்கிழமை உத்தரவிட்டுள்ளது.
இதுகுறித்து சிவகங்கை மாவட்டம், டி. அதிகரையைச் சேர்ந்த சுப்ரமணியன் சென்னை உயர்நீதிமன்ற மதுரைக் கிளையில் தாக்கல் செய்த பொதுநல மனு:  கிராமங்களில் வறுமை கோட்டுக்கு கீழ் வசிக்கும் குடும்பங்களுக்கு இலவசமாக ஆடு வழங்கும் திட்டம் தமிழக அரசால் செயல்படுத்தப்படுகிறது. இந்த திட்டத்தின் கீழ் அடையாளம் காணப்படும் பயனாளிகள் பட்டியலுக்கு  கிராம சபைக்கூட்டங்களில் ஒப்புதல் பெறப்படும். கிராமத்தில் நிரந்தரமாக வசித்து வரும், சொந்தமாக விவசாய நிலம் இல்லாத குடும்பத்தில் 18 முதல் 60 வயதுக்கு உள்பட்ட ஒருவருக்கு இத்திட்டத்தின் மூலம் ஆடு வழங்கப்படும். இதில், 30 சதவீத பயனாளிகள் தாழ்த்தப்பட்டவர்களாக இருக்க வேண்டும் என அரசு விதிகளில் உள்ளது.இந்நிலையில், சிவகங்கை மாவட்டம், கழுகர்கடை ஊராட்சிக்கு உள்பட்ட தட்டான்குளம், அகரம் கிராமங்களில், 2018-ஆம் ஆண்டுக்கான இலவச ஆடு வழங்கும் திட்டத்தில், ஏழை மக்கள் பயனாளிகளாக சேர்க்கப்படாமல், ஆளும் கட்சியினர் பயனாளிகளாக சேர்க்கப்பட்டுள்ளனர். 
இதுதொடர்பாக உயர் அதிகாரிகளிடம் புகார் அளித்தும் நடவடிக்கை எடுக்கவில்லை. எனவே, முறையாக கிராம சபைக்கூட்டம் நடத்தி உண்மையான பயனாளிகளை தேர்வு செய்ய உத்தரவிடவேண்டும் என்று குறிப்பிட்டிருந்தார். 
இந்த மனு நீதிபதிகள் கே.கே.சசிதரன், பி.டி.ஆதிகேசவலு ஆகியோர் அடங்கிய அமர்வு முன்பு புதன்கிழமை விசாரணைக்கு வந்தது. மனுவை விசாரித்த நீதிபதிகள், கழுகர்கடை ஊராட்சியில் 2018-ஆம் ஆண்டுக்கான இலவச ஆடு வழங்கும் திட்டத்தின் கீழ் சேர்க்கப்பட்டுள்ள பயனாளிகளின் பட்டியலையும்,  திட்டத்தின் விதிமுறைகளையும் நீதிமன்றத்தில் தாக்கல் செய்யுமாறு சிவகங்கை மாவட்ட ஆட்சியருக்கு உத்தரவிட்டு விசாரணையை வரும் டிச.18-ஆம் தேதிக்கு ஒத்திவைத்தனர்.


 

]]>
http://www.dinamani.com/all-editions/edition-madurai/sivagangai/2018/dec/06/இலவச-ஆடுகள்-வழங்கும்-திட்டத்தில்-முறைகேடு-பயனாளிகள்-பட்டியலை-தாக்கல்-செய்ய-சிவகங்கை-ஆட்சியருக்கு-உ-3052576.html
3052575 மதுரை சிவகங்கை சிவகங்கையில் பெண்ணிடம் தங்கச் சங்கிலி பறிப்பு DIN DIN Thursday, December 6, 2018 07:41 AM +0530 சிவகங்கையில் செவ்வாய்க்கிழமை சாலையில் நடந்து சென்ற பெண்ணிடம் 4 பவுன் சங்கிலியை  பறித்துச் சென்ற மர்ம நபர்களை போலீஸார் தேடி வருகின்றனர்.
சிவகங்கை அருகே மேலவாணியங்குடியைச் சேர்ந்த ஞானசேகரன் மனைவி இந்திரா (52). இவர் சிவகங்கையில் உள்ள தனது மகள் வீட்டுக்கு சென்று விட்டு செவ்வாய்க்கிழமை மாலை தனது வீட்டுக்கு திரும்பியுள்ளார்.
கல்லூரிச் சாலையில் நடந்து சென்ற போது இரு சக்கர வாகனத்தில் வந்த மர்ம நபர்கள் இந்திரா அணிந்திருந்த 4 பவுன் சங்கிலியை பறித்துச் சென்று விட்டனர். 
இதுகுறித்து, சிவகங்கை மாவட்ட குற்றப் பிரிவு போலீஸார் புதன்கிழமை வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/dec/06/சிவகங்கையில்-பெண்ணிடம்-தங்கச்-சங்கிலி-பறிப்பு-3052575.html
3052574 மதுரை சிவகங்கை சிவகங்கை மாவட்ட ஆட்சியரின் காரைஜப்தி செய்ய வந்தவர் மீது வழக்கு DIN DIN Thursday, December 6, 2018 07:40 AM +0530 இழப்பீட்டுத் தொகைக்காக நீதிமன்ற உத்தரவுப்படி சிவகங்கை மாவட்ட ஆட்சியரின் காரை ஜப்தி செய்ய வந்தவர் மீது போலீஸார் செவ்வாய்க்கிழமை இரவு வழக்குப் பதிந்து விசாரித்து வருகின்றனர்.
காளையார்கோவில் காளையப்பா நகரைச் சேர்ந்த முகமதுகாசிம் (63) என்பவரது நிலத்தை ஆதிதிராவிடர்நலத்துறை சார்பில் கடந்த 1998 ஆம் ஆண்டு ஒரு சென்ட் ரூ.136 வீதம் பேசி ரூ.50 ஆயிரத்தை முன் பணமாக செலுத்தியுள்ளனர்.
இந்நிலையில், இந்த தொகை போதுமானதாக இல்லை எனக் கூறி முகமதுகாசிம் சிவகங்கை சார்பு நீதிமன்றத்தில் தொடர்ந்த வழக்கில் அரசு தரப்பிலிருந்து அவருக்கு ரூ.26 லட்சத்து 36 ஆயிரம் வழங்க வேண்டும் என தீர்ப்பளிக்கப்பட்டது. ஆனால் பல மாதங்களாகியும் அந்த பணம் வழங்கப்படாததால் முகமது காசிம் செய்த மேல் முறையீட்டின் பேரில் மாவட்ட ஆட்சியரின் காரை ஜப்தி செய்ய நீதிபதி உத்தரவிட்டார்.
 இதையடுத்து, முகமதுகாசிம் மற்றும் நீதிமன்ற அலுவலர்கள் செவ்வாய்க்கிழமை மாவட்ட ஆட்சியர் அலுவலகத்துக்கு வந்து ஜப்தி நோட்டீஸை ஆட்சியரின் காரில் ஒட்டினர். தொடர்ந்து காரை எடுத்துச் செல்வதற்காக தனியார் வாகனம் வரவழைக்கப்பட்டது. இருப்பினும் இரவு 7.30 மணிக்கு மாவட்ட ஆட்சியர் அலுவலக கதவு மூடப்பட்டதையடுத்து வாகனத்தை எடுக்க முடியாததால் அவர்கள் அங்கேயே இரவு வெகு நேரமாக காத்திருந்து விட்டு சென்று விட்டனர்.
 இந்நிலையில், சிவகங்கை மாவட்ட ஆட்சியர் ஜெ.ஜெயகாந்தன் சார்பில், இது ஆதிதிராவிடர் நலத்துறையின் தனி வட்டாட்சியர் மீதான வழக்கு என்றும், எனவே இந்த வழக்குக்கு ஆட்சியரின் காரை ஜப்தி செய்ய வேண்டிய அவசியமில்லை என்றும் நீதிமன்றத்துக்கும், சம்பந்தப்பட்ட நபருக்கும் தகவல் தெரிவிக்கப்பட்டது. இருப்பினும் தன்னை பணி செய்ய விடாமல் முகமதுகாசிம் தடுத்ததாக சிவகங்கை நகர் காவல் நிலையத்தில் செவ்வாய்க்கிழமை நள்ளிரவு ஆட்சியர் அளித்த புகாரின் பேரில் சிவகங்கை நகர் போலீஸார் முகமதுகாசிம் மீது வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/sivagangai/2018/dec/06/சிவகங்கை-மாவட்ட-ஆட்சியரின்-காரைஜப்தி-செய்ய-வந்தவர்-மீது-வழக்கு-3052574.html
3052573 மதுரை சிவகங்கை காரைக்குடி தமிழிசைச் சங்கம் சார்பில் நாட்டிய நிகழ்ச்சி DIN DIN Thursday, December 6, 2018 07:40 AM +0530 காரைக்குடி தமிழிசைச் சங்கத்தின் சார்பில், டிசம்பர் மாத நிகழ்ச்சியாக கலைக்கோயில் நாட்டியப் பள்ளி மாணவிகளின் நடன நிகழ்ச்சி திங்கள்கிழமை இரவு நடைபெற்றது.
    எல்.கே. முத்தையா - ஆறுமுகத்தம்மாள் நினைவாக, காரைக்குடி ஸ்ரீ சங்கர மணிமண்டபத்தில் நடைபெற்ற இந்நிகழ்ச்சியில், அழகப்பா கல்வி அறக்கட்டளையின் நிர்வாகி தேவி வைரவன் சிறப்பு விருந்தினராகக் கலந்துகொண்டு பேசினார். 
     விழாவில், தேவி வைரவனின் அறப்பணிகளைப் பாராட்டி, அவருக்கு வள்ளலின் இளம் விருது என்ற விருதை தமிழிசைச் சங்கத்தின் துணைத் தலைவர் எம்.எஸ்.பி. ராகவன் செட்டியார், முன்னாள் தலைவர் பிஆர். சொக்கலிங்கம் ஆகியோர் வழங்கினர். தொடர்ந்து, காரைக்குடி கலைக்கோயில் நாட்டியப் பள்ளி முதல்வர் எம்.எஸ். சரளாவுக்கு, நாட்டியச் சுடர்மணி விருதும் வழங்கப்பட்டது. பின்னர், பல்வேறு பாடல்களுக்கு மாணவிகள் நடனமாடினர். 
விழாவில், தமிழிசைச் சங்கத் தலைவர் ராமநாதன் வைரவன் சார்பில், அழகப்பா பல்கலைக்கழக வாழ்நாள் ஆட்சிக்குழு உறுப்பினர் உமையாள் ராமநாதன், புதுக்கோட்டை மிருதங்க வித்வான் ராஜா, மதுரை தொழிலதிபர் சுந்தர் ஆகியோர் வாழ்த்திப் பேசினர். இதில்,  தமிழிசைச் சங்கப் பிரமுகர்கள், சங்கரமட நிர்வாகிகள், அழகப்பா கல்விக் குழுமங்களின் முதல்வர்கள் மற்றும் பொதுமக்கள் ஏராளமானோர் கலந்துகொண்டனர்.
முன்னதாக, தமிழிசைச் சங்கப் பொருளாளர் ஆர். சேதுராமன் வரவேற்றார். தமிழிசைச் சங்கச் செயலர் வி. சுந்தரராமன் நன்றி கூறினார்.

]]>
http://www.dinamani.com/all-editions/edition-madurai/sivagangai/2018/dec/06/காரைக்குடி-தமிழிசைச்-சங்கம்-சார்பில்-நாட்டிய-நிகழ்ச்சி-3052573.html
3052572 மதுரை சிவகங்கை சிவகங்கையில் நாளை தனியார் வேலைவாய்ப்பு முகாம் DIN DIN Thursday, December 6, 2018 07:40 AM +0530 சிவகங்கையில் வெள்ளிக்கிழமை (டிச.7) தனியார் வேலைவாய்ப்பு முகாம் நடைபெற உள்ளது.
இதுகுறித்து சிவகங்கை மாவட்ட வேலைவாய்ப்பு நல அலுவலர் ஆர்.மணிகணேஷ் புதன்கிழமை வெளியிட்டுள்ள செய்திக்குறிப்பு : சிவகங்கை மாவட்டத்தில் உள்ள இளைஞர்கள் பயன்பெறும் வகையில் வெள்ளிக்கிழமை தனியார் வேலைவாய்ப்பு முகாம் நடைபெற உள்ளது.
சிவகங்கையில் உள்ள மாவட்ட வேலைவாய்ப்பு நல அலுவலகத்தில் நடைபெற உள்ள இம்முகாமில், பல்வேறு நிறுவனத்தினர் கலந்து கொண்டு தங்கள் நிறுவனத்திற்கு தேவையான 100 பணியாளர்களை தேர்ந்தெடுக்க உள்ளனர். எனவே பத்தாம் வகுப்பு முதல் பட்டப்படிப்பு நிறைவு செய்துள்ள இளைஞர்கள் தங்களது கல்விச் சான்றிதழ், குடும்ப அட்டை, வேலைவாய்ப்பு அடையாள அட்டை, ஆதார் அட்டை ஆகியவற்றுடன் இம்முகாமில் கலந்து கொண்டு பயன் பெறலாம்.
இதன் மூலம் பணிவாய்ப்பு பெறுவோருக்கு பதிவு மூப்பு ஏதும் ரத்து செய்யப்பட மாட்டாது. பயிற்சியின் போது உதவித் தொகை, இதர சலுகைகள் வழங்கப்படும் என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/dec/06/சிவகங்கையில்-நாளை-தனியார்-வேலைவாய்ப்பு-முகாம்-3052572.html
3052571 மதுரை சிவகங்கை சிவகங்கை மாவட்டத்தில் தைல மரங்கள் நடவு செய்வதை நிறுத்த விவசாயிகள் கோரிக்கை DIN DIN Thursday, December 6, 2018 07:39 AM +0530 சிவகங்கை மாவட்டம் முழுவதும் வனத் துறைக்குச் சொந்தமான நிலத்தில் தைல மரங்கள் நடவு செய்வதை நிறுத்த வேண்டும் என, விவசாயிகள் கோரிக்கை விடுத்தனர்.
சிவகங்கை மாவட்ட ஆட்சியர் அலுவலகக் கூட்டரங்கில் விவசாயிகள் சிறப்பு குறை தீர்க்கும் நாள் கூட்டம் செவ்வாய்க்கிழமை நடைபெற்றது. இக்கூட்டத்துக்கு, சிவகங்கை மாவட்ட வனத்துறை அலுவலர் ராமேஸ்வர குமார் தலைமை வகித்தார். வனக் கோட்ட கழகத்தின் மேலாளர் நேசமணி, வனத் துறை வட்டாட்சியர் பாலாஜி, காரைக்குடி வட்டாட்சியர் மகேஸ்வரன் ஆகியோர் முன்னிலை வகித்தனர்.   
விவசாயிகள் முன்வைத்த கோரிக்கைகள்: வனத் துறைக்குச் சொந்தமான நிலத்தில் தைல மரங்கள் நடவு செய்வதை முற்றிலும் நிறுத்த வேண்டும். ஏற்கெனவே நடப்பட்டுள்ள தைல மரங்களை அழிக்க வேண்டும். அந்த நிலத்தில் பறவைகள்,விலங்குகள் பயன்பெறும் வகையில், உணவுக் காடுகளை உருவாக்க வேண்டும்.   
தைல மரக் காடுகள் வழியாக வரும் வரத்துக் கால்வாய்கள் அனைத்தும் அடைக்கப்பட்டுள்ளன. அவற்றை சீரமைத்து, அங்கு தோண்டப்பட்டுள்ள அகழிகளையும் அகற்ற வேண்டும்.
     குரங்கு, மான் உள்ளிட்ட பல்வேறு விலங்குகள், பறவைகள் தங்களுக்கு தேவையான உணவு கிடைக்காத காரணத்தால், விவசாய நிலங்கள் மற்றும் குடியிருப்புகளுக்குள் புகுந்து சேதப்படுத்துகின்றன. அதற்குத் தீர்வு காணவேண்டும்  என வலியுறுத்தினர்.    
   மாவட்ட வனத்துறை அலுவலர் ராமேஸ்வர குமார் அளித்த பதில்:  இனிவரும் காலங்களில் சிவகங்கை மாவட்டத்தில் எந்தவொரு பகுதியிலும் புதிதாக தைல மரங்கள் நடவு செய்யப்படமாட்டாது. மேலும், ஏற்கெனவே நடவு செய்ய அனுமதி வழங்கிய இடத்திலும் நடவுப் பணிகள் நிறுத்தப்படும். மாவட்டம் முழுவதும் உள்ள தைல மரங்களை அழிப்பதற்கு முன்வரைவு திட்டம் தயாரிக்கப்பட்டு, சம்பந்தப்பட்ட துறைக்கு அனுப்பி வைக்கப்படும். முறையான அனுமதி கிடைத்தவுடன் அவை முற்றிலும் அகற்றப்படும்.    
   மேலும், வரத்துக் கால்வாய்கள் அடைப்பு குறித்து அந்தந்தப் பகுதி விவசாயிகள் கோரிக்கை மனு அளித்தால், அவை சீரமைக்கப்படும். அதேபோல், மாவட்டம் முழுவதும் வனத் துறைக்குச் சொந்தமான நிலத்தில் உணவுக் காடுகள் உருவாக்க நடவடிக்கை எடுக்கப்பட்டு வருகிறது என்றார்.
    கூட்டத்தில், அரசு அலுவலர்கள், விவசாயிகள், பொதுமக்கள் உள்பட ஏரளமானோர் கலந்துகொண்டனர்.
 

]]>
http://www.dinamani.com/all-editions/edition-madurai/sivagangai/2018/dec/06/சிவகங்கை-மாவட்டத்தில்-தைல-மரங்கள்-நடவு-செய்வதை-நிறுத்த-விவசாயிகள்-கோரிக்கை-3052571.html
3051980 மதுரை சிவகங்கை தலைமை ஆசிரியையிடம் 9 பவுன் நகை பறிப்பு DIN DIN Wednesday, December 5, 2018 07:26 AM +0530 சிவகங்கை அருகே திங்கள்கிழமை பள்ளிக்கு நடந்து சென்ற தலைமை ஆசிரியையிடம் 9 பவுன் நகையை மர்ம நபர்கள் பறித்துச் சென்றனர்.
மதுரை புதூரில் உள்ள சூர்யா நகரைச் சேர்ந்தவர் தமிழரசி(50). இவர், சிவகங்கை அருகே உள்ள பொன்குண்டுபட்டி ஊராட்சி ஒன்றிய தொடக்கப் பள்ளியில் தலைமை ஆசிரியையாக பணியாற்றி வருகிறார். இந்நிலையில், இவர் திங்கள்கிழமை காலை வழக்கம் போல கட்டாணிபட்டியில் என்ற இடத்தில் இறங்கி பள்ளிக்கு நடந்து சென்றுள்ளார். அப்போது அவ் வழியாக இரு சக்கர வாகனத்தில் வந்த மர்ம நபர்கள் 2 பேர் தமிழரசி கழுத்தில் அணிந்திருந்த 9 பவுன் தங்க நகையை பறித்துச் சென்றனர். மதகுபட்டி போலீஸார் வழக்குப் பதிந்து, மர்ம நபர்களை தேடி வருகின்றனர்.

]]>
http://www.dinamani.com/all-editions/edition-madurai/sivagangai/2018/dec/05/தலைமை-ஆசிரியையிடம்-9-பவுன்-நகை-பறிப்பு-3051980.html
3051979 மதுரை சிவகங்கை தேவகோட்டையில் மாணவர்களுக்கு விலையில்லா மிதிவண்டி  வழங்கல் DIN DIN Wednesday, December 5, 2018 07:25 AM +0530 தேவகோட்டையில் தமிழக அரசின் விலையில்லா மிதிவண்டி வழங்கும் நிகழ்ச்சி தே பிரித்தோ மேல்நிலைப்பள்ளியில் திங்கள் கிழமை நடைபெற்றது.
இந் நிகழ்ச்சிக்கு கல்வி அதிகாரி சாமி சத்திய மூர்த்தி  தலைமை வகித்தார். பள்ளி தலைமை ஆசிரியர் ஆரோக்கியசாமி முன்னிலை வகித்தார்.  இதில் தே பிரித்தோ மேல்நிலைப்பள்ளி,  புனித மரிய அன்னை மேல்நிலைப்பள்ளி, என்.எஸ்.எம்.வி.பி.எஸ்.மேல்நிலைப்பள்ளி, இன்பான்ட் ஜீசஸ் மேல்நிலைப்பள்ளி, பெத்தால் ஆச்சி பெண்கள் மேல்நிலைப் பள்ளி, புனித ஜான் பெண்கள் மேல்நிலைப் பள்ளி ஆகிய பள்ளிகளைச் சேர்ந்த 2,851 மாணவ, மாணவிகளுக்கு அரசின் விலையில்லா மிதிவண்டிகளை தேவகோட்டை முன்னாள் நகர் மன்றத் துணைத் தலைவர் கே.சுந்தரலிங்கம் வழங்கினார். முன்னதாக ஆசிரியர் அன்பரசன் வரவேற்றார். ஆசிரியர் மிக்கேல்ராஜ் நன்றிகூறினார்.
 

]]>
http://www.dinamani.com/all-editions/edition-madurai/sivagangai/2018/dec/05/தேவகோட்டையில்-மாணவர்களுக்கு-விலையில்லா-மிதிவண்டி--வழங்கல்-3051979.html
3051978 மதுரை சிவகங்கை திருப்பத்தூர் அருகே மாநில ஹாக்கி போட்டி DIN DIN Wednesday, December 5, 2018 07:25 AM +0530 சிவகங்கை மாவட்டம் திருப்பத்தூர் அருகே ஆ.தெக்கூர் எஸ்.வி.கே.மேல்நிலைப் பள்ளியில் மாநில அளவிலான ஹாக்கிப் போட்டி சனி, மற்றும்  ஞாயிறுக்கிழமைகளில் நடைபெற்றது.
ஆ.தெக்கூர் எஸ்.வி.கே மேல்நிலைப்பள்ளி ஹாக்கி கிளப்பும், பாலாஜி பிரதர்ஸ் ஹாக்கி கிளப்பும் இணைந்து மாநில அளவிலான ஹாக்கிப் போட்டியை நடத்தின. இப்போட்டியில் ஈரோடு, திருவாரூர், கிருஷ்ணகிரி, சேலம், தஞ்சாவூர், கோவில்பட்டி, காரைக்குடி, மதுரை, ஆகிய ஊர்களிலிருந்து அணிகள் கலந்து கொண்டன. 
இப்போட்டியில், கிருஷ்ணகிரி தன்ராஜ்பிள்ளை ஹாக்கி கிளப் அணி 4 ஆம் இடத்தையும், தயான் ஹாக்கி அணி 3 ஆம் இடத்தையும் பிடித்தன. வெற்றிக் கோப்பைக்கான இறுதிப் போட்டியில் பாலாஜி பிரதர்ஸ் ஹாக்கி கிளப் ஆ.தெக்கூர் அணியும், கோவில்பட்டி அணியும் மோதின. இதில் கோவில்பட்டி அணி முதலிடத்தையும் ஆ.தெக்கூர் அணி 2 ஆம் இடத்தையும் பிடித்தன. 
அதனைத் தொடர்ந்து நடைபெற்ற பரிசளிப்பு விழாவுக்கு எஸ்.வி.கே. மேல்நிலைப்பள்ளிச் செயலர் கருமுத்து டி.எஸ்.சேது தலைமை வகித்தார். சிறப்பு அழைப்பாளராக கலந்து கொண்ட ஆடிட்டர் கண்ணன் முன்னிலை வகித்தார். முதல் பரிசு பெற்ற கோவில்பட்டி அணிக்கு 15 ஆயிரம் ரொக்கப் பரிசும் கோப்பையும் வழங்கப்பட்டது. 2 ஆம் இடம் பிடித்த ஆ.தெக்கூர் அணிக்கு 10 ஆயிரம் ரொக்கப் பரிசும் வழங்கப்பட்டது. போட்டி ஏற்பாடுகளை பள்ளியின் உடற்கல்வி ஆசிரியர்கள் சமயகருப்பனும், மதுசூதனனும் செய்திருந்தனர். முன்னதாக பள்ளித் தலைமை ஆசிரியர் அசோகன் வரவேற்றார். முன்னாள் பட்டதாரி ஆசிரியர் முருகேசன் நன்றி கூறினார்.
 

]]>
http://www.dinamani.com/all-editions/edition-madurai/sivagangai/2018/dec/05/திருப்பத்தூர்-அருகே-மாநில-ஹாக்கி-போட்டி-3051978.html
3051977 மதுரை சிவகங்கை அற்புத முருகன் கோயிலுக்கு பக்தர்கள் பால்குடம் DIN DIN Wednesday, December 5, 2018 07:24 AM +0530 சிவகங்கை அருகே ஒக்கூர் ஈழத்தமிழர்கள் குடியிருப்பில் உள்ள அருள்தரும் அற்புத முருகன் கோயில் திருவிழா திங்கள்கிழமை நடைபெற்றது.
இவ்விழா கடந்த மாதம் 24 ஆம் தேதி காப்புக் கட்டுதலுடன் தொடங்கியது.முக்கிய விழாவான பால்குடம் எடுத்தல், காவடி எடுத்தல் உள்ளிட்டவை திங்கள்கிழமை நடைபெற்றன. விழாவை முன்னிட்டு சுவாமிக்கு தைலம், திருமஞ்சனம், பால், சந்தனம், பன்னீர் உள்ளிட்ட 16 வகையான திரவியங்களால் அபிஷேகம் நடைபெற்றது. பின்னர் சிறப்பு தீபாராதனை நடைபெற்றது.    
இதில்,ஒக்கூர் மற்றும் அதனைச் சுற்றியுள்ள பகுதிகளிலிருந்து ஏராளமான பக்தர்கள் கலந்து கொண்டு பால்குடம் எடுத்தும், காவடி தூக்கியும் நேர்த்திக் கடன் செலுத்தினர். விழாவிற்கான ஏற்பாடுகளை ஈழத்தமிழர்கள் குடியிருப்பு பகுதியைச் சேர்ந்த பொதுமக்கள் செய்திருந்தனர்.

]]>
http://www.dinamani.com/all-editions/edition-madurai/sivagangai/2018/dec/05/அற்புத-முருகன்-கோயிலுக்குபக்தர்கள்-பால்குடம்-3051977.html