Dinamani - சிவகங்கை - http://www.dinamani.com/all-editions/edition-madurai/sivagangai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2868135 மதுரை சிவகங்கை "கிராமம் வளர்ச்சி பெற பாகுபாடின்றி மக்கள் ஒன்றுகூடி திட்டங்களை வகுக்க வேண்டும்' DIN DIN Thursday, February 22, 2018 09:28 AM +0530 ஒரு கிராமம் முழுமையாக வளர்ச்சி பெற வேண்டுமென்றால் அங்குள்ள மக்கள் எவ்வித பாகுபாடின்றி ஒன்று கூடி திட்டங்கள் வகுத்து செயல்பட்டால் முழுமையான வளர்ச்சியை பெற முடியும் என்று கதர் மற்றும் கிராமத் தொழில்கள் துறை அமைச்சர் க.பாஸ்கரன் கூறினார்.
 சிவகங்கை மாவட்டம் 
கட்டாணிப்பட்டி கிராமத்தில் புதன்கிழமை நடைபெற்ற மக்கள் தொடர்பு முகாமுக்கு சிவகங்கை மாவட்ட ஆட்சியர் க.லதா தலைமை வகித்து பேசினார். இதில்,  அமைச்சர் க.பாஸ்கரன் சிறப்பு விருந்தினராக கலந்து கொண்டு  391 பயனாளிகளுக்கு ரூ.1 கோடியே 14 லட்சம் மதிப்பீட்டிலான நலத்திட்ட உதவிகளை வழங்கிப் பேசியதாவது: 
தமிழக மக்களின் வளர்ச்சி மற்றும் முன்னேற்றத்திற்காக தற்போதைய தமிழக அரசு செயல்பட்டு வருகிறது. குறிப்பாக, அரசை தேடி மக்கள் என்ற நிலை மாறி, மக்களை தேடி மாவட்ட நிர்வாகம் என்ற உன்னத நிலையை தமிழக அரசு ஏற்படுத்தியுள்ளது. தமிழக அரசின் நலத்திட்டங்கள் குறித்து பொதுமக்கள் தெரிந்து கொள்ளும் வகையில் அனைத்துத் துறை அரசு முதன்மை அலுவலர்களை கொண்டு மனுநீதி நாள் முகாம் மாதம் ஒருமுறை மாவட்டத்தில் உள்ள கிராமங்கள் தோறும் நடைபெறுகிறது. இம்முகாமில், தமிழக அரசால் அறிவிக்கப்படும் திட்டங்களால் தனிமனிதன் பயன்பெறுவதோடு மட்டுமல்லாமல் ஒட்டுமொத்த சமுதாய வளர்ச்சிக்கும் அடிப்படையாக அமைகிறது. ஒரு கிராமம் முழுமையாக வளர்ச்சி பெற வேண்டுமென்றால் அங்குள்ள மக்கள் எவ்வித பாகுபாடின்றி ஒன்று கூடி திட்டங்கள் வகுத்து செயல்பட்டால் அங்கு முழுமையான வளர்ச்சியை பெற முடியும் என்றார்.
  இந்நிகழ்ச்சியில், மாவட்ட வருவாய் அலுவலர் து.இளங்கோ, ஊரக வளர்ச்சி முகமைத் திட்ட இயக்குநர் காஞ்சனா, வருவாய் கோட்டாட்சியர் என்.சுந்தரமூர்த்தி, சமூகப் பாதுகாப்புத் திட்ட தனித் துணை ஆட்சியர் (பொ) சுப்பையா, கால்நடை பராமரிப்புத் துறை இணை இயக்குநர் கருணாகரன், துணை இயக்குநர் யசோதாமணி (பொது சுகாதாரம்), கூட்டுறவு சங்கங்களின் இணைப் பதிவாளர் திலீப்குமார், மத்திய கூட்டுறவு மேலாண்மை இயக்குநர் பழனீஸ்வரி, வட்டாட்சியர்கள் கந்தசாமி, கண்ணன் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/feb/22/கிராமம்-வளர்ச்சி-பெற-பாகுபாடின்றி-மக்கள்ஒன்றுகூடி-திட்டங்களை-வகுக்க-வேண்டும்-2868135.html
2868133 மதுரை சிவகங்கை கோட்டையூரில் பழுதடைந்த மின் கம்பத்தை மாற்றக் கோரிக்கை DIN DIN Thursday, February 22, 2018 09:28 AM +0530 காரைக்குடி அருகே கோட்டையூரில் ஆபத்தான நிலையில் உள்ள மின் கம்பத்தை மாற்ற பொதுமக்கள் கோரிக்கை விடுத்துள்ளனர்.
 கோட்டையூர்- திருச்சி புறவழிச்சாலையிலிருந்து ஆஸ்பத்திரி வீதி சாலை பிரிந்து கோட்டையூர் பேரூராட்சி அலுவலகம் வரை செல்கிறது. இப்பகுதியில் முத்தையா அழகப்பா மழலையர் வகுப்பு வளாகம் உள்ளது. இங்கு நாள்தோறும் காலை, மாலை வேளைகளில் தங்களது குழந்தைகளை பள்ளியில் விடவும், மீண்டும் வீட்டுக்கு அழைத்துச் செல்லவும் பெற்றோர் இவ்வழியை பயன்படுத்தி வருகின்றனர். 
இந்நிலையில் இச்சாலையில் பழுந்தடைந்த நிலையில் உள்ள மின்கம்பம் மாற்றப்படாமலேயே உள்ளது. மேலும் இதன் அருகில் கடந்த 1 மாதத்துக்கும் மேலாக புதிய சிமெண்ட் கம்பத்தை போட்டு வைத்துள்ளனர். ஆனால் பழுதடைந்த மின்கம்பத்தை மாற்றுவதற்கான எவ்வித பணியையும் மேற்கொள்ளவில்லை. எனவே பழுதடைந்த அந்த மின்கம்பத்தால் விபத்து ஏற்படும் முன் இதனை உடனடியாக மாற்ற வேண்டும் என்று அப்பகுதி சமூக ஆர்வலர்களும், பொதுமக்களும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/sivagangai/2018/feb/22/கோட்டையூரில்-பழுதடைந்தமின்-கம்பத்தை-மாற்றக்-கோரிக்கை-2868133.html
2868131 மதுரை சிவகங்கை திருப்புவனத்தில் இந்திய கம்யூ. ஒன்றிய மாநாடு DIN DIN Thursday, February 22, 2018 09:28 AM +0530 சிவகங்கை மாவட்டம் திருப்புவனத்தில் இந்திய கம்யூனிஸ்ட் கட்சி ஒன்றிய மாநாடு செவ்வாய்கிழமை நடைபெற்றது. 
 கட்சியின் ஒன்றியக் குழு உறுப்பினர் ராமசாமி மாநாட்டுக் கொடியை ஏற்றி வைத்தார். மாநாட்டுக்கு ஜெயபிரகாஷ், நீலமேகம் ஆகியோர் தலைமை வகித்தனர். கட்சியின் மாவட்டச் செயலர் எஸ்.குணசேகரன், துணைச் செயலர் கே.தங்கமணி ஆகியோர் சிறப்புரையாற்றினர். ஒன்றியச் செயலர் சுந்தரலிங்கம், மாவட்டக்குழு உறுப்பினர்கள் சௌந்திரபாண்டியன், சாத்தையா உள்ளிட்டோர் மாநாட்டில் கலந்து கொண்டு பேசினர். மாநாட்டில் புதிய ஒன்றியக்குழு நிர்வாககள் தேர்வு செய்யப்பட்டனர். திருப்புவனம் பகுதியில் இந்தாண்டு போதிய மழை பெய்யாததாலும் வைகையில் தண்ணீர் திறக்கப்படாததாலும் நடவு செய்யப்பட்ட நெல் நாற்றுகள் முளைக்காமல் கருகி விட்டன. எனவே திருப்புவனம் ஒன்றியத்தை வறட்சிப் பகுதியாக அறிவித்து வறட்சி நிவாரணப் பணிகளை தொடங்க வேண்டும். திருப்புவனம் தனித் தாலுகாவாக அறிவிக்கப்பட்டு பல ஆண்டுகளாகியும் இங்கு அமைக்கப்படாமல் உள்ள நீதிமன்றம், தீயணைப்பு நிலையம், அரசு கல்லூரி, பேருந்து நிலையம் ஆகியவற்றை உடனே அமைக்க தமிழக அரசு நடவடிக்கை எடுக்க வேண்டும் என மாநாட்டில் தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/sivagangai/2018/feb/22/திருப்புவனத்தில்-இந்திய-கம்யூ-ஒன்றிய-மாநாடு-2868131.html
2868130 மதுரை சிவகங்கை மார்நாடு கருப்பணசுவாமி கோயிலில் மார்ச் 2-இல் களரி உற்சவம் DIN DIN Thursday, February 22, 2018 09:27 AM +0530 சிவகங்கை மாவட்டம் திருப்புவனம் ஒன்றியம் மார்நாடு கிராமத்திலுள்ள ஸ்ரீகருப்பண சுவாமி கோயிலில் களரி உற்சவ விழா வரும் மார்ச் 2 ஆம் தேதி இரவு நடைபெறுகிறது.
 இவ்விழாவின் போது தமிழகத்தின் பல பகுதிகளிலிருந்தும் வரும் பக்தர்கள் மலர் மாலைகளை சுவாமிக்கு செலுத்தி தரிசனம் செய்வார்கள். நள்ளிரவு கோயில் முன்பு உள்ள களரிப் பொட்டலில் விடிய விடிய சாமியாட்டம் நடைபெறும்.  
விழாவை முன்னிட்டு மார்நாடு கிராமத்துக்கு மதுரை, மானாமதுரை, திருப்புவனம் ஆகிய ஊர்களிலிருந்து அரசு சிறப்புப் பேருந்துகள் இயக்கப்படுகின்றன. விழாவுக்கான ஏற்பாடுகளை மார்நாடு சீமை கிராமத்தார் செய்து வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/22/மார்நாடு-கருப்பணசுவாமி-கோயிலில்-மார்ச்-2-இல்-களரி-உற்சவம்-2868130.html
2868129 மதுரை சிவகங்கை திருக்கோஷ்டியூர் செளமிய நாராயணப் பெருமாள் கோயிலில் மாசி தெப்ப உற்சவ கொடியேற்றம் DIN DIN Thursday, February 22, 2018 09:27 AM +0530 திருப்பத்தூர் அருகே திருக்கோஷ்டியூர் ஸ்ரீசெளமிய நாராயணப் பெருமாள் கோயிலில் மாசி தெப்ப உற்சவ விழா புதன்கிழமை கொடியேற்றத்துடன் தொடங்கியது. மார்ச் 2 ஆம் தேதி தெப்ப உற்சவம் நடைபெறுகிறது.
இக்கோயிலில் ஆண்டு தோறும் மாசி தெப்ப உற்சவம் சிறப்பாக நடைபெறும். இதில் முக்கிய நிகழ்வாக பெண்கள் தீபம் ஏற்றி வழிபடுவார்கள். இந்த ஆண்டுக்கான விழாவில் செவ்வாய்க்கிழமை (பிப். 20) மாலையில் ம்ருத்ஸங்கரஹணம், சேனை முதல்வர் புறப்பாடு நடைபெற்றது. 
புதன்கிழமை (பிப். 21) காலை பெருமாள் தேவியருடன் கருங்கல் மண்டபம் எழுந்தருளினார். பின்னர் உற்சவருக்கு சிறப்பு அபிஷேகம் தீபாராதனை நடைபெற்றது. பெருமாள் தங்க கீரிட அலங்காரத்தில் ஸ்ரீதேவி, பூமிதேவியருடன் பக்தர்களுக்கு காட்சிளித்தார். 
தொடர்ந்து கருடன் படம் வரையப்பட்ட வெள்ளை நிறக் கொடி, கொடிமரத்தில் ஏற்றப்பட்டு கொடி மரம் அருகே விஷ்ணு பூத பீடத்திற்கு பால், தயிர் திருமஞ்சம் போன்ற திரவியங்களால் சிறப்பு அபிஷேகம் நடைபெற்றது. பின்னர் கொடிமரம் பூக்களால் அலங்கரிக்கப்பட்டு தீபாராதனை நடைபெற்றது. 
அதனைத் தொடர்ந்து பெருமாளுக்கும் ஸ்ரீதேவி, பூமிதேவியருக்கும் காப்புக் கட்டுதல் நிகழ்ச்சி நடைபெற்று முதல் நாள் விழா துவங்கியது. இரவு சுவாமி திருவீதி புறப்பாடு நடைபெற்றது. தொடர்ந்து 2ஆம் நாள் முதல் 6 ஆம் நாள் வரை 
தினமும் காலையில் சுவாமி திருவீதி புறப்பாடும், இரவு சிம்மம், ஹனுமன், கருடசேவை, சேஷ வாகனத்தில் பெருமாள் எழுந்தருளி திருவீதி உலா புறப்பாடும் நடைபெறும்.
  6ஆம் நாளான பிப். 26 ஆம் தேதி இரவு திருவீதி புறப்பாடும், ஆண்டாள் சன்னதியில் மாலை மாற்றுதலும், 7ம் நாளான பிப். 27 ஆம் தேதி மாலையில் சுவாமி சூர்ணாபிஷேகம், தங்கத் தோளுக்கினியானில் திருவீதி உலா புறப்பாடு நடைபெறும். 8 ஆம் நாளான பிப். 28 ஆம் தேதி காலையில் சுவாமி திருவீதி உலா புறப்பாடும், இரவு குதிரை வாகனத்தில் புறப்பாடும் நடைபெறும். 
9ஆம் திருநாளான மார்ச்.1 ஆம் தேதி காலையில் வெண்ணைத்தாழி சேவையில் பெருமாள் திருவீதி உலா புறப்பாடும், பின்னர் பகல் 12.50 மணிக்கு தெப்பம் முட்டுத்தள்ளுதலும், இரவு பெருமாள் சிறப்பு அலங்காரத்தில் எழுந்தருளி திருவீதி உலா புறப்பாடு நடைபெறும். 
 10 ஆம் திருநாளான மார்ச் 2 ஆம் தேதி காலை பெருமாள் தங்கத் தோளுக்கினியானில் திருவீதி உலா புறப்பாடும், பகல் 
தெப்பம் சுற்றுதலும், இரவு 10 மணிக்கு பெருமாள் ஸ்ரீதேவி, பூமிதேவியருடன் மின் ஒளியால் அலங்கரிக்கப்பட்ட தெப்பத்தில் எழுந்தருளி தெப்ப உற்சவம் நடைபெறும். 
11 ஆம் நாள் சனிக்கிழமை (மார்ச் 3) தீர்த்தவாரி வைபவத்துடன் தங்கத்தோளுக்கினியானில் ஆசானத்திற்கு சுவாமி எழுந்தருளலுடன் தெப்ப உற்சவம் நிறைவடைகிறது. நிகழ்ச்சி ஏற்பாடுகளை சிவகங்கை சமஸ்தானம், தேவஸ்தானம் பரம்பரை அறங்காவலர் டி.எஸ்.கே.மதுராந்தகநாச்சியார் மற்றும் தேவஸ்தான மேலாளர் ப.இளங்கோ, கண்காணிப்பாளர் சேவற்கொடியோன் மற்றும் பட்டச்சாரியார்கள் செய்து வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/22/திருக்கோஷ்டியூர்-செளமிய-நாராயணப்-பெருமாள்-கோயிலில்-மாசி-தெப்ப-உற்சவ-கொடியேற்றம்-2868129.html
2867238 மதுரை சிவகங்கை மதுரையில் பிப்.27 இல் தொழில் பழகுநர் சேர்க்கை முகாம்: சிவகங்கையை சேர்ந்தவர்கள் பங்கேற்கலாம் DIN DIN Wednesday, February 21, 2018 01:23 AM +0530 மதுரையில் உள்ள அரசினர் தொழிற்பயிற்சி நிலையத்தில் வரும் பிப்.27 இல் நடைபெற உள்ள தொழில் பழகுநர் சேர்க்கை முகாமில் சிவகங்கை மாவட்டத்தைச் சேர்ந்த ஐடிஐ பயின்ற மாணவ, மாணவிகளும் கலந்து கொள்ளலாம் என சிவகங்கை மாவட்ட தொழிற்பயிற்சி நிலையத்தின் முதல்வர் எல்.தர்மராஜ் தெரிவித்துள்ளார்.
இதுகுறித்து அவர் வெளியிட்ட செய்திக்குறிப்பு:
மதுரையில் உள்ள அரசினர் தொழிற்பயிற்சி நிலையத்தில் பிப். 27 ஆம் தேதி தொழில் பழகுநர் சேர்க்கை முகாம் நடைபெற உள்ளது.
இந்த முகாமில் சிவகங்கை மாவட்டத்தில் உள்ள அரசு மற்றும் தனியார் தொழிற் பயிற்சி நிலையத்தில் படித்து ஜூலை 2017 இல் அகில இந்திய தொழிற்பிரிவில் தேர்வு எழுதி தேர்ச்சி பெற்ற தகுதி வாய்ந்த பயிற்சியாளர்கள் கலந்து கொள்ளலாம். மேலும் குறைந்தபட்சம் எட்டாம் வகுப்பு படித்த (ஐடிஐ-இல் பயிற்சி பெறாத) மாணவ, மாணவிகளும் கலந்து கொள்ளலாம்.       
மேற்கொண்ட கல்வித் தகுதியுடன் முகாமில் கலந்து கொள்ள விருப்பமுள்ள மாணவ, மாணவிகள் அனைத்து கல்விச் சான்றிதழ்களுடன் பெயர், முகவரி அடங்கிய அடையாள அட்டை, மின்னஞ்சல் முகவரி, கைபேசி எண் ஆகியவற்றுடன் மதுரை புதூர் பகுதியில் உள்ள அரசினர் தொழிற் பயிற்சி நிலையத்திற்கு நேரடியாகச்  சென்று  கலந்து கொள்ளலாம் என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/feb/21/மதுரையில்-பிப்27-இல்-தொழில்-பழகுநர்-சேர்க்கை-முகாம்-சிவகங்கையை-சேர்ந்தவர்கள்-பங்கேற்கலாம்-2867238.html
2867237 மதுரை சிவகங்கை கானாடுகாத்தான் பகுதியில் பிப். 23 இல் மின்தடை DIN DIN Wednesday, February 21, 2018 01:23 AM +0530 காரைக்குடி அருகே உள்ள கானாடுகாத்தான், கொத்தமங்கலம் உள்ளிட்ட பகுதிகளில் வெள்ளிக்கிழமை (பிப். 23) மின்விநியோகம் இருக்காது என அறிவிக்கப்பட்டுள்ளது.
   கானாடுகாத்தான் துணை மின்நிலையத்தில் வரும் வெள்ளிக்கிழமை மாதாந்திர பராமரிப்புப் பணிகள் நடைபெறவிருப்பதால் அங்கிருந்து மின்விநியோகம் பெறும் ஸ்ரீராம் நகர், கோட்டையூர், வேலங்குடி, பள்ளத்தூர், செட்டிநாடு, கானாடுகாத்தான், கொத்தமங்கலம், நெற்புகப்பட்டி, ஆவுடைப்பொய்கை, ஓ. சிறுவயல், ஆத்தங்குடி, பலவாங்குடி ஆகிய பகுதிகளில் காலை 9 மணி முதல் மாலை 5 மணிவரை மின்விநியோகம் இருக்காது என்று காரைக்குடி கோட்ட செயற்பொறியாளர் சித்தி அப்துல்காதர் தெரிவித்துள்ளார்.
 

]]>
http://www.dinamani.com/all-editions/edition-madurai/sivagangai/2018/feb/21/கானாடுகாத்தான்-பகுதியில்-பிப்-23-இல்-மின்தடை-2867237.html
2867236 மதுரை சிவகங்கை பொதுத்தேர்வு முன்னேற்பாடு பணி ஆலோசனைக் கூட்டம் DIN DIN Wednesday, February 21, 2018 01:22 AM +0530 பிளஸ் 2, பிளஸ் 1 மற்றும் பத்தாம் வகுப்பு பொதுத் தேர்வுகள் விரைவில் தொடங்க உள்ள நிலையில் சிவகங்கை மாவட்டம் முழுவதும் மேற்கொள்ள வேண்டிய முன்னேற்பாடுகள் பணிகள் குறித்த ஆலோசனைகள் கூட்டம் செவ்வாய்க்கிழமை நடைபெற்றது. 
சிவகங்கை மாவட்ட ஆட்சியர் அலுவலகக் கூட்டரங்கில் நடைபெற்ற இந்த கூட்டத்திற்கு ஆட்சியர் க.லதா தலைமை வகித்தார். இதில் பள்ளிக் கல்வித் துறையின் மூலம் பிளஸ் 2 அரசு பொதுத் தேர்வு வரும் மார்ச் 1, பிளஸ் 1 பொதுத் தேர்வு மார்ச் 7, பத்தாம் வகுப்பு பொதுத் தேர்வு மார்ச் 16 இல் தொடங்க உள்ளன. 
இத்தேர்வுகள் நடைபெறுவதையொட்டி வினாத்தாள்கள் பெறப்பட்டு பாதுகாப்புடன் கண்காணிக்கப்படுவதோடு பள்ளிக் கல்வித்துறையின் மூலம் அவ்வப்போது ஆய்வு மேற்கொண்டு வர வேண்டும். அதேபோல் தேர்விற்கான மையங்களை பார்வையிட்டு அனைத்து வகையான உள்கட்டமைப்பு வசதிகள் மற்றும் கழிப்பிட வசதிகள் குறித்தும் ஆய்வு செய்ய வேண்டும். தேர்வுக் காலங்களில் தடையின்றி மின்சாரம் வழங்க உரிய பணிகளை மேற்கொள்ள வேண்டும்.  தவிர மாவட்டத்தின் பல்வேறு பகுதிகளிலிருந்து தேர்வு எழுத வரும் மாணவ, மாணவிகள் பயன்பெறும் வகையில் தேவையான பேருந்து வசதிகளை ஏற்படுத்திட வேண்டும் என அந்தந்த துறை சார்ந்த அலுவலர்களுக்கு ஆட்சியர் உத்தரவிட்டார்.        
கூட்டத்தில் மாவட்ட முதன்மைக் கல்வி அலுவலர் ஆஞ்சிலோ இருதயசாமி, சிவகங்கை வருவாய் கோட்டாட்சியர் என்.சுந்தரமூர்த்தி மற்றும் அனைத்துத் துறை அலுவலர்கள் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/feb/21/பொதுத்தேர்வு-முன்னேற்பாடு-பணி-ஆலோசனைக்-கூட்டம்-2867236.html
2867235 மதுரை சிவகங்கை காரைக்குடியில் சிறுபான்மையின கூட்டமைப்பினர் ஆர்ப்பாட்டம் DIN DIN Wednesday, February 21, 2018 01:22 AM +0530 சிறுபான்மையினர் உரிமைகளைப் பாதுகாத்திட மத்திய, மாநில அரசுகளை வலியுறுத்தி காரைக்குடி ஐந்துவிளக்குப் பகுதியில் காரைக்குடி இஸ்லாமிய, கிறிஸ்தவ சிறுபான்மையினர் கூட்டமைப்பு சார்பில் செவ்வாய்க்கிழமை ஆர்ப்பாட்டம் நடைபெற்றது.
   ஆர்ப்பாட்டத்துக்கு என். முகமதுஉசேன் தலைமை வகித்துப் பேசினார். பங்குத்தந்தை வின்சென்ட் அமல்ராஜ், பொறியாளர் ஜாமல்ராஜா, பொறியாளர் அந்தோனி மைக்கேல் ஆகியோர் கருத்துரையாற்றினர். பங்குத்தந்தை சிரில் சிறப் புரையாற்றினார். காரைக்குடி கழனிவாசல் பகுதியில் வழிபாட்டுத்தலம் அகற்றப்பட்டதற்கான காரணம் குறித்து கேள்வி எழுப்பியும், சிறுபான்மையினர் மற்றும் பொதுமக்களிடம் மதநல்லிணக்கத்தை அதிகாரிகள் ஏற்படுத்த வேண்டும் என்று வலியுறுத்தியும் பேசினர்.
    காரைக்குடி மற்றும் சுற்றுவட்டாரப் பகுதிகளைச் சேர்ந்த கிறிஸ்தவர் மற்றும் இஸ்லாமிய பொதுமக்கள் கலந்து கொண் டனர். முன்னதாக கிறிஸ்தவர் சார்பில் பிரேம் ஆனந்த் வரவேற்றார். 
  இஸ்லாமியர் சார்பில் ஜமால் ராஜா நன்றி கூறினார்.


 

]]>
http://www.dinamani.com/all-editions/edition-madurai/sivagangai/2018/feb/21/காரைக்குடியில்-சிறுபான்மையின-கூட்டமைப்பினர்-ஆர்ப்பாட்டம்-2867235.html
2867234 மதுரை சிவகங்கை நடிகர் கமல்ஹாசன் இன்று மானாமதுரை வருகை DIN DIN Wednesday, February 21, 2018 01:22 AM +0530 நாளைநமதே பயணம் மேற்கொள்ளும் நடிகர் கமல்ஹாசன் சிவகங்கை மாவட்டம் மானாமதுரையில் புதன்கிழமை நடைபெறும் பொதுக்கூட்டத்தில் பேசவுள்ளார்.
  ராமேசுவரத்தில் அப்துல்கலாம் நினைவிடத்தில் புதன்கிழமை அஞ்சலி செலுத்த உள்ள நடிகர் கமல்ஹாசன் அதன் பின்னர் தனது அரசியல் கட்சியின் பெயரை வெளியிட்டு அங்கிருந்து "நாளைநமதே' என்ற தலைப்பில் தனது அரசியல் பயணத்தை தொடங்குகிறார். ராமேசுவரத்திலிருந்து புறப்படும் அவர் ராமநாதபுரத்திலும், பரமக்குடியிலும் பேசுகிறார். அதைத்தொடர்ந்து மானாமதுரைக்கு பிற்பகல் 3 மணிக்கு வரும் கமல்ஹாசன் புதிய பேருந்து நிலையம் அருகே நடைபெறும் பொதுக்கூட்டத்தில் பேசுகிறார். கமலின் அரசியல் பயணத்தை வரவேற்று மானாமதுரையில் அவரது ரசிகர்கள் பல்வேறு இடங்களில் விளம்பரப் பதாகைகள் வைத்துள்ளனர்.
 மானாமதுரையில் பேசிவிட்டு கமல்ஹாசன் மதுரையில் நடக்கும் பொதுக்கூட்டத்தில் பேசுகிறார்.

]]>
http://www.dinamani.com/all-editions/edition-madurai/sivagangai/2018/feb/21/நடிகர்-கமல்ஹாசன்-இன்று-மானாமதுரை-வருகை-2867234.html
2867232 மதுரை சிவகங்கை "சமுதாய பிரச்னைகளை தீர்க்கும் வகையில் மாணவர்களின் ஆராய்ச்சி அமைய வேண்டும்' DIN DIN Wednesday, February 21, 2018 01:21 AM +0530 மாணவர்கள் படிப்பதோடு மட்டுமின்றி ஆராய்ச்சியிலும் ஈடுபட்டு சமுதாயத்தில் உள்ள பிரச்னைகளை அறிவியல் ரீதியாக தீர்ப்பதற்கு முயற்சி செய்யவேண்டும் என காரைக்குடி அழகப்பா பல்கலைக்கழகத் துணைவேந்தர் சொ. சுப்பையை தெரிவித்தார்.
காரைக்குடி அழகப்பா பல்கலைக்கழக உயிரி தகவலியல் துறையின் சார்பில் கட்டமைப்பு உயிரி தகவலியல் மற்றும் கணினி சார் மருந்து கண்டறிதலில் நவீன உத்திகள் மற்றும் வளர்ச்சிகள் குறித்த தேசிய அளவிலான கருத்தரங்கு தொடக்க விழா செவ்வாய்க்கிழமை நடைபெற்றது.
விழாவுக்கு துணைவேந்தர் சொ. சுப்பையா தலைமை வகித்துப் பேசியது: இப்பல்கலைக்கழகத்தில் கடந்த 2008 ஆம் ஆண்டு உயிரி தகவலியல் துறை தொடங்கப்பட்டு 10 ஆண்டுகள் நிறைவடைந்துள்ளது. இத்துறை பன்முக ஆராய்ச்சிகளையும், வளர்ச்சியையும் பெற்றிருக்கிறது. மாணவர்கள் படிப்பதோடு மட்டுமின்றி ஆராய்ச்சியிலும் ஈடுபட்டு சமுதாயத்தில் உள்ள பிரச்னைகளை அறிவியல் ரீதியாக தீர்ப்பதற்கு முயற்சிக்க வேண்டும்.
இன்று கொசுவின் மூலம் டெங்கு, சிக்கன்குன்யா போன்ற நோய்கள் பரவி வருகிறது. இதனால் பெரும்பாலான மக்கள் பாதிக்கப்படுவதால் இதற்கு மருந்து கண்டுபிடிப்பது அவசியம் என்றார்.
கருத்தரங்கு ஒருங்கிணைப்பாளரும்,  துறைத் தலைவருமான ஜெ. ஜெயகாந்தன் பேசுகையில்,  தற்போதைய உலக சுகாதார நிறுவன ஆய்வறிக்கையின்படி 17.3 லட்சம் மக்கள் புதிய வகை புற்றுநோய்களால் பாதிக்கப்பட்டும் அதன் காரணமாக 2020-ஆம் ஆண்டில் 8.8 லட்சம் மரணங்கள் நேரிடவும் வாய்ப்புள்ளது. இந்தியாவில் நீரிழிவு நோய் முதலிடத்தை வகிக்கிறது. வரும் 2030 ஆம் ஆண்டுக்குள் இதற்கான தீர்வு எட்டாவிடில் 7-ஆவது உயிர்க்கொல்லி நோயாக நீரிழிவு நோய் கருதப்படும்.
உயிரி தகவலியல் துறை கணினி அறிவியல் தொழில்நுட்பங்களைப் பயன்படுத்தி யானைக்கால் நோய், நீரிழிவு நோய் மற்றும் புற்றுநோய்களுக்கு மருந்து கண்டறியும் முயற்சி மேற்கொண்டுள்ளது. இதற்காக தேவைப்படும் ரூ. 1.38 கோடி நிதியை இந்திய திட்ட நிதி நிறுவனங்கள் வழங்கியுள்ளது என்றார்.
விழாவில்  அகில இந்திய மருத்துவ அறிவியல் நிறுவன உயிரி இயற்பியல் துறைப் பேராசிரியர் டி.பி. சிங்,  பெங்களூர் இந்திய அறிவியல் நிறுவன பேராசிரியர் கே. சுகுணா, பல்கலைக்கழக மானிய ஆணைக்குழு உறுப்பினர் தே. வேல்முருகன் உள்ளிட்டோர் பேசினர்.
நான்கு நாள்கள் நடைபெறும் இக்கருத்தரங்கில் நாட்டின் பல்வேறு முக்கிய உயர் கல்வி நிறுவனங்களிலிருந்தும் பேராசிரியர்கள், உயிரி தகவலியல் அறிவியல் அறிஞர்கள் கலந்துகொண்டு கணினி சார்பு மருந்து கண்டறிதலின் நவீன உத்திகள் மற்றும் வளர்ச்சி குறித்து உரை மற்றும் கருத்துகளை பகிர்ந்து கொள்ள உள்ளனர்.
விழாவில் கருத்தரங்க மலரை அழகப்பா பல்கலைக்கழகத் துணைவேந்தர் சொ. சுப்பையா வெளியிட அதனை ராஜஸ்தான் பல்கலைக்கழகத் துணைவேந்தர் அருண் கே. புஜாரி பெற்றுக்கொண்டார். பேராசிரியர் சஞ்சீவ் குமார் சிங் நன்றி கூறினார்.
 

]]>
http://www.dinamani.com/all-editions/edition-madurai/sivagangai/2018/feb/21/சமுதாய-பிரச்னைகளை-தீர்க்கும்-வகையில்-மாணவர்களின்-ஆராய்ச்சி-அமைய-வேண்டும்-2867232.html
2867229 மதுரை சிவகங்கை இளையான்குடியில் பள்ளி மாணவர்களுக்கு சதுரங்கப் போட்டி DIN DIN Wednesday, February 21, 2018 01:21 AM +0530 சிவகங்கை மாவட்டம் இளையான்குடி மேல்நிலைப்பள்ளியில் மாவட்ட அளவில் பள்ளி மாணவர்களுக்கான சதுரங்கப் போட்டி திங்கள்கிழமை நடைபெற்றது. 
   இளையான்குடி சதுரங்கக் கழகம் மாவட்டக் கழகத்துடன் இணைந்து நடத்திய இப்போட்டியில் மாவட்டத்தின் பல்வேறு பகுதிகளிலிருந்தும் பல பள்ளிகளைச் சேர்ந்த மாணவ, மாணவிகள் கலந்து கொண்டனர். மூன்று பிரிவுகளாக நடைபெற்ற இப்போட்டியில் வெற்றி பெற்றவர்களுக்கு பரிசுகள் வழங்கப்பட்டன. பரிசளிப்பு விழாவுக்கு மாவட்ட சதுரங்கக் கழகச் செயலாளர் எம்.கண்ணன் தலைமை வகித்தார். இளையான்குடி மேல்நிலைப்பள்ளி உடற்கல்வி ஆசிரியர் நூர்முகமது, செட்டிநாடு சதுரங்கக் கழகச் செயலாளர் பிரகாஷ் மணிமாறன் ஆகியோர் முன்னிலை வகித்தனர். 
    தலைமையாசிரியர் ஜான்முகமது மாணவ, மாணவிகளுக்கு பரிசுகள் வழங்கினார். இளையான்குடி பகுதி சதுரங்கக் கழக நிர்வாகிகள் கேப்ரியல், சகுபர்அலி உள்ளிட்டோர் கலந்துகொண்டனர்.


 

]]>
http://www.dinamani.com/all-editions/edition-madurai/sivagangai/2018/feb/21/இளையான்குடியில்-பள்ளி-மாணவர்களுக்கு-சதுரங்கப்-போட்டி-2867229.html
2867227 மதுரை சிவகங்கை வேளாண் துறைக்கு ஒதுக்கப்படும் நிதி கடைமடை விவசாயிகளுக்கு பயனளிக்குமா? DIN DIN Wednesday, February 21, 2018 01:20 AM +0530 விவசாயிகள் பயன்பெறும் வகையில் வேளாண் துறைக்கு மத்திய, மாநில அரசுகள் வழங்கும் நிதி சிவகங்கை மாவட்டத்தில் உள்ள கடைமடை விவசாயிகளுக்கும் பயனளிக்க வேண்டும் என்பதே அனைத்து விவசாயிகளின்  கோரிக்கையாக உள்ளது.
சிவகங்கை மாவட்டத்தில் சிவகங்கை, காளையார்கோவில், கல்லல், கண்ணங்குடி, திருப்பத்தூர், தேவகோட்டை, மானாமதுரை, திருப்புவனம், சிங்கம்புணரி, எஸ்.புதூர், இளையான்குடி, சாக்கோட்டை ஆகிய 12 ஊராட்சி ஒன்றியங்கள் உள்ளன. இந்த ஊராட்சி ஒன்றியங்களுக்கு உட்பட்டு 445 கிராம ஊராட்சிகளும், அதில் 520-க்கும் மேற்பட்ட உட்கிடை கிராமங்களும் உள்ளன.
இங்கு வாழும் பொதுமக்களில் 83 சதவீதம் பேர் விவசாயம் மற்றும் விவசாயம் சார்ந்த தொழிலான கால்நடை வளர்ப்பை மட்டுமே தங்கள் வாழ்வின் முதன்மை தொழிலாகக் கொண்டு வாழ்ந்து வருகின்றனர். இந்நிலையில் சிவகங்கை மாவட்டத்தில் உள்ள அனைத்து விவசாயிகளும்  பல்வேறு நிலைகளில் பயன்பெறும் வகையில்  மாதந்தோறும் கடைசி வெள்ளிக்கிழமை விவசாயிகள் குறை தீர்க்கும் முகாம்  நடைபெறுவது வழக்கம்.
இந்த முகாமில் மன்றப் பொருளாக விவசாயிகள் தகுந்த காலத்திற்கேற்ற வேளாண் பணிகள் மேற்கொள்வது, பயிர்க் காப்பீடு, மானிய விலையில் அரசு வழங்கும்  திட்டங்கள், விவசாயிகளுக்கு இலவசமாக  கிடைக்கும்  சலுகைகள் மற்றும் வேளாண் துறை சார்ந்த நலத் திட்டங்கள் ஆகியவற்றை முதன்மைப் பொருளாகக் கொண்டு அலுவலர்கள் மற்றும் விவசாயிகளிடையே நேரடியான விவாதங்கள் நடைபெறும்.  
ஆனால் கடந்த சில மாதங்களாக சிவகங்கை மாவட்ட விவசாயிகளுக்காக நடத்தப்படும் இந்த கூட்டத்தில்  ஆரோக்கியமான விவாதங்கள் முன்வைக்கப்படுவதில்லை என்றும், கூட்டம் குறித்து முன் அறிவிப்பாக சிவகங்கை மாவட்டத்தின் கடைமடையில் உள்ள விவசாயிகளுக்கு  தகவல் தெரிவிப்பதில்லை எனவும், மத்திய, மாநில  அரசுகள் வழங்கும் நிதியும் சரிவர கிடைப்பதில்லை எனவும் விவசாயிகள்  புகார் தெரிவித்துள்ளனர்.     
இதுகுறித்து சிவகங்கை மாவட்டத்தைச் சேர்ந்த விவசாயிகள் கூறியது:    கடந்த சில மாதங்களாக சிவகங்கையில் நடைபெற்ற விவசாயிகள் குறை தீர்க்கும் முகாமில் வேளாண் துறையைச் சேர்ந்த ஆரோக்கியமான விவாதங்கள் நடைபெறவில்லை. மாறாக, விவசாயிகள் கடந்த ஆண்டு விவசாயம் செய்த  பயிருக்கு செலுத்திய பயிர்க் காப்பீடு  பிரிமியத் தொகைக்கான நிவாரணத் தொகையை அந்தந்த  தனியார் நிறுவனத்திடமிருந்து உடனடியாக பெற்றுத்தர வேண்டும் என்பதே விவாதப் பொருளாக நடைபெற்றது. இதுகுறித்த விவாதத்தின் போது  துறை சார்ந்த அலுவலர்களின் மெத்தனப்போக்கின் காரணமாகவும், விவசாயிகளின் அணுகுமுறையாலும்  கூச்சல், குழப்பம் ஏற்பட்டது.
விவசாயிகளுக்கு தேவையான நலத்திட்டங்கள் குறித்து தெரிந்து கொள்ளவோ அல்லது விவசாயிகளின் குறைகளை கேட்பதற்கோ மாதம் ஒரு நாள் மட்டுமே இந்த கூட்டம் நடைபெறுகிறது. அந்த கூட்டத்தை பயனுள்ள கூட்டமாக  நடத்த மாவட்ட நிர்வாகம் முன் வர வேண்டும். இந்த கூட்டம் நடைபெறும் தகவல் மாவட்ட நிர்வாகத்தின் சார்பில் நாளிதழ் வாயிலாக வெளியிடப்படுகிறது. ஆனால் நாளிதழ்கள் செல்லாத கடைமடை கிராமத்திலுள்ள விவசாயிகளுக்கு கூட்டம்  நடைபெறும் தகவல் கிடைப்பதில்லை. இதன் காரணமாக வேளாண் துறைக்கு மத்திய, மாநில  அரசுகள் வழங்கும் திட்டங்கள் குறித்தும் ஒதுக்கப்படும் நிதி குறித்தும் தெரிவதில்லை.
 ஆகவே இதனைக் கவனத்தில் கொண்டு சிவகங்கை மாவட்டம் தேவகோட்டையில் வரும் பிப்.23ஆம் தேதி வெள்ளிக்கிழமை நடைபெற உள்ள விவசாயிகள் குறை தீர்க்கும் கூட்டம் குறித்து சிவகங்கை மாவட்டத்தில் உள்ள அனைத்து கடைமடை கிராமங்களில் வசித்து வரும் விவசாயிகளுக்கு அக்கிராமங்களில் செயல்படும் செய்தி அறிவிப்பவர்கள் (தண்டோராக்கள்)மூலம் தகவல் தெரிவிக்க மாவட்ட நிர்வாகம் உரிய நடவடிக்கை எடுக்க வேண்டும். தவிர மாவட்டம் முழுவதும் அந்தந்தப் பகுதியில் உள்ள  வட்டார வேளாண்மை  மையத்தின் அலுவலர்கள் மூலம் மத்திய, மாநில  அரசுகள் வேளாண் துறைக்கு வழங்கும் திட்டங்கள் குறித்து ஒவ்வொரு கிராமத்திலும் சிறப்பு முகாம் நடத்தி விவசாயிகளிடம் எடுத்துரைக்க ஆணை பிறப்பிக்க வேண்டும் என்றனர்.

]]>
http://www.dinamani.com/all-editions/edition-madurai/sivagangai/2018/feb/21/வேளாண்-துறைக்கு-ஒதுக்கப்படும்-நிதி-கடைமடை-விவசாயிகளுக்கு-பயனளிக்குமா-2867227.html
2867223 மதுரை சிவகங்கை காரைக்குடி அருகே நாட்டு நலப்பணித் திட்ட முகாம் DIN DIN Wednesday, February 21, 2018 01:19 AM +0530 காரைக்குடி அருகே கொரட்டிக்கிராமத்தில் கோவிலூர் நாச்சியப்ப சுவாமிகள் கலை அறிவியல் கல்லூரி மாணவர்களின் நாட்டு நலப்பணித்திட்ட சிறப்பு முகாம் செவ்வாய்க்கிழமை நடைபெற்றது.
முகாமுக்கு கோவிலூர் மாடலயக் கல்வி நிறுவனங்களின் ஆலோசகர் எஸ். குமரப்பன் தலைமை வகித்தார். கல்லூரி முதல்வர் செல்லப்பா வரவேற்றார். அழகப்பா பல்கலைக்கழக தொலைநிலைக்கல்வி இயக்குநர் ராஜாராம் முகாமை தொடக்கி வைத்துப் பேசினார். கோவிலூர் ஆதீனம் மெய்யப்ப ஞானதேசிக சுவாமிகள் நிறைவுரையாற்றினார்.
முகாமில் பங்கு பெற்ற மாணவர்கள் வேம்பு, புளி, புங்கை மர விதைகளைக்கொண்டு 12,132 விதைப்பந்துகளைத் தயாரித்து சாதனை படைத்தனர். இவ்விதைப்பந்துகள் மூலம் காரைக்குடி பகுதியை பசுமைப்பகுதியாக மாற்றவும் திட்டமிட்டுள்ளனர்.
 மேலும் மாணவர்கள் பல்வேறு தூய்மைப்பணிகளில் ஈடுபட்டனர். மருத்துவ முகாம் மற்றும் விளையாட்டுப்போட்டிகள் நடைபெற்றன.
முகாம் ஏற்பாடுகளை என்.எஸ்.எஸ் திட்ட அலுவலர் ஜெயராஜ், பேராசிரியர் மதுபாலா ஆகியோர் செய்திருந்தனர்.
 

]]>
http://www.dinamani.com/all-editions/edition-madurai/sivagangai/2018/feb/21/காரைக்குடி-அருகே-நாட்டு-நலப்பணித்-திட்ட-முகாம்-2867223.html
2866744 மதுரை சிவகங்கை காரைக்குடியில் புத்தகக் கண்காட்சி நிறைவு DIN DIN Tuesday, February 20, 2018 02:29 AM +0530 காரைக்குடியில் புத்தகத் திருவிழா குழு சார்பில் கம்பன் மணிமண்டபத்தில் நடைபெற்று வந்த மாநில அளவிலான புத்தகக் கண்காட்சி ஞாயிற்றுக்கிழமை மாலையுடன் நிறைவடைந்தது.
நிறைவு விழாவில் புத்தகத் திருவிழாக் குழுத் தலைவர் பேராசிரியர் அய்க்கண் தலைமை வகித்துப் பேசினார். அமைப்புச் செயலாளர் முத்து. பழனியப்பன் வரவேற்றுப் பேசினார். கோவிலூர் ஆதீனம் மெய்யப்ப ஞானதேசிக சுவாமிகள் ஆசியுரை வழங்கினார். அழகப்பா பல்கலைக்கழக துணைவேந்தர் சொ. சுப்பையா மாநில அளவில் கலை, இலக்கியம், விளையாட்டுத் துறைகளில் சாதனை படைத்தோர் மற்றும் போட்டிகளில் வெற்றி பெற்ற பள்ளி, கல்லூரி மாணவ, மாணவிகளுக்குப் பரிசுகள் வழங்கினார்.
தமிழக முன்னாள் அமைச்சர் வைகைச்செல்வன் சிறப்புரையாற்றினார். சிவகங்கை மக்களவை உறுப்பினர் பிஆர். செந்தில்நாதன், பிள்ளையார்பட்டி பிச்சைக்குருக்கள் ஆகியோர் வாழ்த்திப் பேசினர். புத்தகத் திருவிழாக் குழு இணைச் செயலாளர் என்.பி. ராமசாமி, பொருளாளர் வெங்கடாசலம் ஆகியோர் அறிக்கை வாசித்தனர்.
புத்தகத் திருவிழாக் குழு இணைச் செயலாளர் நாச்சியப்பன் நன்றி கூறினார்.

 

]]>
http://www.dinamani.com/all-editions/edition-madurai/sivagangai/2018/feb/20/காரைக்குடியில்-புத்தகக்-கண்காட்சி-நிறைவு-2866744.html
2866743 மதுரை சிவகங்கை சிவகங்கையில் குழந்தைகளுக்குவைட்டமின் 'ஏ' திரவம் வழங்கும் சிறப்பு முகாம் DIN DIN Tuesday, February 20, 2018 02:29 AM +0530 பிறந்து 6 மாதம் முதல் 5 வயது வரை உள்ள சிவகங்கை மாவட்டத்தைச் சேர்ந்த அனைத்து குழந்தைகளுக்கும் வைட்டமின் 'ஏ' திரவம் வழங்கும் சிறப்பு முகாம் பிப். 19 ஆம் தேதி தொடங்கி பிப். 24 ஆம் தேதி வரை நடைபெறும் என தெரிவிக்கப்பட்டுள்ளது.
இதுகுறித்து சிவகங்கை மாவட்ட ஆட்சியர் க.லதா வெளியிட்ட செய்திக்குறிப்பு:
சிவகங்கை மாவட்டத்தில் பிறந்து 6 மாதம் முதல் 5 வயது வரை உள்ள 1,15,975 குழந்தைகளுக்கு வைட்டமின் ஏ திரவம் பொது சுகாதாரத் துறையின் மூலம் பிப்.19 முதல் வரும் பிப்.24 வரை இலவசமாக வழங்கப்பட உள்ளது.
அந்தந்தப் பகுதியில் உள்ள அங்கன்வாடி மையம், துணை சுகாதார நிலையம் மற்றும் ஆரம்ப சுகாதார நிலையங்களில் வழங்கப்பட உள்ள இந்த திரவத்தை சிவகங்கை மாவட்டத்தைச் சேர்ந்த குழந்தைகளை சம்பந்தப்பட்டவர்கள் அழைத்துச் சென்று வழங்க வேண்டும். இதன் காரணமாக குழந்தைகளுக்கு சிறு வயதில் ஏற்படக்கூடிய பார்வை இழப்பு மற்றும் பார்வை குறைபாட்டினை முற்றிலுமாக தடுக்க முடியும் என குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/feb/20/சிவகங்கையில்-குழந்தைகளுக்குவைட்டமின்-ஏ-திரவம்-வழங்கும்-சிறப்பு-முகாம்-2866743.html
2866742 மதுரை சிவகங்கை திருப்பத்தூரில் பிப்.22 இல் எரிவாயு நுகர்வோர் குறை தீர்க்கும் முகாம் DIN DIN Tuesday, February 20, 2018 02:29 AM +0530 சிவகங்கை மாவட்டம் திருப்பத்தூரில் பிப்.22 ஆம் தேதி எரிவாயு நுகர்வோர் குறை தீர்க்கும் நாள் முகாம் நடைபெற உள்ளது.
இதுகுறித்து சிவகங்கை மாவட்ட ஆட்சியர் க.லதா வெளியிட்டுள்ள செய்திக்குறிப்பு:
திருப்பத்தூர் மற்றும் அதனைச் சுற்றியுள்ள பகுதி பொதுமக்கள் பயன்பெறும் வகையில் பிப்.22 ஆம் தேதி வியாழக்கிழமை காலை 11 மணியளவில் எரிவாயு நுகர்வோர் குறை தீர்க்கும் முகாம் நடைபெற உள்ளது.
திருப்பத்தூர் வட்டாட்சியர் அலுவலகத்தில் சிவகங்கை மாவட்ட வருவாய் அலுவலர் து. இளங்கோ தலைமையில் நடைபெற உள்ள கூட்டத்தில்,திருப்பத்தூர் மற்றும் அதனைச் சுற்றியுள்ள பகுதிகளில் உள்ள எரிவாயு நுகர்வோர்கள் கலந்து கொண்டு எரிவாயு உருளைகள் பெறுவதில் உள்ள சிக்கல்கள், எரிவாயு உருளைகள் வழங்குவதில் கால தாமதம் செய்தல், கூடுதல் கட்டணம் வசூலித்தல் மற்றும் முகவரி மாற்றம் உள்ளிட்ட குறைகள் ஏதேனும் இருப்பின் அவற்றை மனு மூலம் தெரிவிக்கலாம்.
அதுகுறித்து உடனடியாக தீர்வு காணப்படும் எனக் குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/sivagangai/2018/feb/20/திருப்பத்தூரில்-பிப்22-இல்-எரிவாயு-நுகர்வோர்-குறை-தீர்க்கும்-முகாம்-2866742.html
2866741 மதுரை சிவகங்கை காரைக்குடி அருகே தனியார் கல்லூரியில் வழிகாட்டுதல் நிகழ்ச்சி DIN DIN Tuesday, February 20, 2018 02:28 AM +0530 காரைக்குடி அருகே கீரணிப்பட்டியில் உள்ள கிட் அன்ட் கிம் பொறியியல் மற்றும் மேலாண்மைக் கல்லூரி வளாகத்தில் மாணவர்களுக்கான வழிகாட்டுதல் நிகழ்ச்சி திங்கள்கிழமை நடைபெற்றது.
இதில் கிட் அன்ட் கிம் கல்விக்குழுமத் தலைவர் வி. அய்யப்பன் தலைமை வகித்துப் பேசினார். பொருளாளர் பி. ராமசுப்பிரமணியன் முன்னிலை வகித்துப் பேசினார். அழகப்பா பல்கலைக்கழக வணிகவியல் துறைத் தலைவர் டிஆர். குருமூர்த்தி சிறப்புரையாற்றினார். பொறியியல் கல்லூரி முதல்வர் வாணிஸ்ரீ, டீன் மயில்வாகனன், மேலாண்மைக் கல்லூரி உதவிப்பேராசிரியர் ரவீந்திரன் ஆகியோர் கல்லூரிகளின் சிறப்பு குறித்து விளக்கிப்பேசினர்.
நிகழ்ச்சியில் 300-க்கும் மேற்பட்ட மாணவர்கள் கலந்துகொண்டனர்.
முன்னதாக கல்லூரியின் இயக்குநர் அண்ணாமலை வரவேற்றுப் பேசினார். முடிவில் மேலாண்மைக் கல்லூரி உதவிப்பேராசிரியை மாலா ஜெய்ஹிந்த் நன்றி கூறினார்.

 

]]>
http://www.dinamani.com/all-editions/edition-madurai/sivagangai/2018/feb/20/காரைக்குடி-அருகே-தனியார்-கல்லூரியில்-வழிகாட்டுதல்-நிகழ்ச்சி-2866741.html
2866740 மதுரை சிவகங்கை அரசு மதுபானக் கடையை அகற்ற கோரி ஆட்சியரிடம் மனு DIN DIN Tuesday, February 20, 2018 02:28 AM +0530 சிவகங்கை மாவட்டம் காரைக்குடியில் எஸ்.எம்.தெருவில் உள்ள அரசு மதுபானக் கடையை அகற்ற வேண்டும் என அப்பகுதி பொதுமக்கள் சிவகங்கை மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறை தீர்க்கும் முகாமில் ஆட்சியர் க.லதாவிடம் கோரிக்கை மனு அளித்தனர்.
இதுகுறித்து அவர்கள் அளித்த மனுவில் தெரிவித்திருப்பதாவது: காரைக்குடி எஸ்.எம்.தெருவில் சுமார் 800-க்கும் மேற்பட்ட குடும்பங்கள் வசித்து வருகிறோம். இந்த தெருவில் கடந்த இரண்டு மாதங்களுக்கு முன்பு அரசு மதுபானக் கடை அமைக்கப்பட்டது. இந்த கடையின் மூலம் அப்பகுதியில் வாழும் பொதுமக்கள், பெண்கள், மாணவ,மாணவிகள் உள்ளிட்ட பலரும் மிகவும் சிரமத்திற்கு ஆளாகி வருகிறோம்.
மேலும் அதே பகுதியில் சிவன் கோயில், அம்மன் கோயில், அரசு உதவி பெறும் பள்ளிகள் உள்ளன. இதுகுறித்து பலமுறை புகார் தெரிவித்தும் எந்த நடவடிக்கையும் இல்லை. ஆகவே, இதனைக் கவனத்தில் கொண்டு அந்த அரசு மதுபானக் கடையை அகற்ற நடவடிக்கை எடுக்க வேண்டும் என அதில் குறிப்பிடப்பட்டுள்ளது.

 

 

]]>
http://www.dinamani.com/all-editions/edition-madurai/sivagangai/2018/feb/20/அரசு-மதுபானக்-கடையை-அகற்ற-கோரி-ஆட்சியரிடம்-மனு-2866740.html
2866739 மதுரை சிவகங்கை பழைய பேருந்துகள் இயக்கத்தை நிறுத்தக் கோரிக்கை DIN DIN Tuesday, February 20, 2018 02:28 AM +0530 காரைக்குடி, தேவகோட்டை அரசுப் போக்குவரத்துக் கழகக் கிளைகளில் மிகவும் பழைய பேருந்துகளை இயக்குவதை நிறுத்த வேண்டும் என்று இந்திய கம்யூனிஸ்ட் சார்பில் கோரிக்கை விடுக்கப்பட்டுள்ளது.
இந்திய கம்யூனிஸ்ட் முன்னாள் சிவகங்கை மாவட்டச் செயலாளர் பிஎல். ராமச்சந்திரன், காரைக்குடி காவல் துணைக் காணிப்பாளர் கார்த்திகேயனிடம் திங்கள்கிழமை கோரிக்கை மனு அளித்துள்ளார்.
அந்த மனுவில் அவர் தெரிவித்திருப்பதாவது: அரசுப்போக்குவரத்துக்கழக மண்டலத்தில் காரைக்குடியைத் தலைமையிடமாகக் கொண்டு இயங்கும் காரைக்குடி, தேவகோட்டைக் கிளைகளில் காலாவதியான பேருந்துகளை இயக்கப்படுவதால் விபத்து ஏற்படுகிறது.
அரசுப் போக்குவரத்துக்கழகங்களில் 6 ஆண்டுகள் அல்லது 7 லட்சம் கிலோமீட்டர் ஓடிய பேருந்துகளை காலாவதி யான பேருந்துகள் என்று கழிக்கப்படவேண்டும். ஆனால் காரைக்குடி மற்றும் தேவகோட்டைக் கிளைகளில் வரைமுறையை மீறி பல ஆண்டுகளாக பேருந்துகள் ஓடிக்கொண்டிருக்கின்றன. காரைக்குடிக்கிளையில் 2006ஆம் ஆண்டு முதல் 11 ஆண்டுகள் ஓடிய 4 பேருந்துகளும், 2007 முதல் 10 ஆண்டுகள் ஓடிய 11 பேருந்துகளும், தேவகோட்டைக் கிளையில் 2005 ஆம் ஆண்டு முதல் 12 ஆண்டுகளாக 1 பேருந்தும், 2006 முதல் 11 ஆண்டுகள் ஓடிய 7 பேருந்துகளும், 2006 ஆம் ஆண்டு முதல் 10 ஆண்டுகள் ஓடிய 3 பேருந்துகளும் இயக்கப்பட்டு வருகின்றன. இது பொதுமக்களின் உயிருக்கு ஆபத்தானது. இதில் காரைக்குடி மண்டல போக்குவரத்து அலுவலர் காலாவதியான பேருந்துகளை நிறுத்த நடவடிக்கை எடுக்கக்கேட்டுக்கொள்கிறோம். ஒரு வாரத்தில் நடவ டிக்கை எடுக்கவில்லையென்றால் போக்குவரத்து அலுவலகம் முன்பாக மக்களைத்திரட்டி ஆர்ப்பாட்டம் மற்றும் மறியல் பேராட்டங்களில் இந்திய கம்யூனிஸ்ட் கட்சி ஈடுபடும் என்பதைத் தெரிவித்துக் கொள்கிறோம் என்று தெரிவித்துள்ளார்.

 

]]>
http://www.dinamani.com/all-editions/edition-madurai/sivagangai/2018/feb/20/பழைய-பேருந்துகள்-இயக்கத்தை-நிறுத்தக்-கோரிக்கை-2866739.html
2866223 மதுரை சிவகங்கை கீழடியில் நான்காம் கட்ட அகழாய்வுப் பணிகள் தொடங்குவதில் தாமதம்: வேலி அமைத்து தென்னங்கன்றுகளை நடும் விவசாயிகள் DIN DIN Monday, February 19, 2018 03:45 AM +0530 சிவகங்கை மாவட்டம் கீழடி பள்ளிச்சந்தை புதூரில் நான்காம் கட்ட அகழாய்வுப் பணிகள் தொடங்குவதில் தாமதம் ஏற்பட்டு வருவதுடன், அப்பகுதி விவசாயிகள் சிலர் வேலி அமைத்து தென்னங்கன்றுகை நட்டு வருகின்றனர்.
 இப்பகுதி விவசாய நிலங்களில் மத்திய தொல்லியல் துறையின் பெங்களூரு அகழாய்வு பிரிவு அலுவலர்கள் ஆய்வு மேற்கொண்ட போது மிகப் பழமையான நகர நாகரீக மக்கள் வாழ்ந்ததற்கான ஆதாரங்கள் கிடைத்தன. இதையடுத்து, மத்திய அரசு நிதி ஒதுக்கீடு செய்ததைத் தொடர்ந்து கடந்த சில ஆண்டுகளாக அங்கு 3 கட்ட அகழாய்வுப் பணிகளை அவர்கள் மேற்கொண்டனர். இதில், சுமார் 2500 ஆண்டுகள் முற்பட்ட சங்க காலத் தமிழர்கள் வாழ்ந்ததற்கான ஆதாரங்கள், கட்டடங்கள் மற்றும் 7 ஆயிரத்துக்கும் மேற்பட்ட  தொல் பொருள்கள் கண்டறியப்பட்டன. மேலும், அவற்றில் சில பொருள்கள் கார்பன் பகுப்பாய்வு செய்யப்பட்டு அவற்றின் காலம் உறுதி செய்யப்பட்டுள்ளது.
 இந்த மூன்றாம் கட்ட அகழாய்வு பணி நிறைவடைந்ததைத் தொடர்ந்து தமிழக தொல்லியல் துறை மூலம் கீழடியில் அகழாய்வுப் பணிகள் மேற்கொள்ள அனுமதி வழங்கப்பட்டது. மேலும் தமிழக அரசு ரூ.55 லட்சம் நிதி ஒதுக்கீடு செய்து அகழாய்வு பணிகள் விரைவில் தொடங்கப்படும் என அண்மையில் அரசாணை வெளியிட்டது.
 இந்நிலையில்,  அகழாய்வுப் பணிகள் நடைபெற்ற விவசாய நிலங்களுக்குரிய இழப்பீட்டுத் தொகை வழங்கப்பட வில்லை எனவும்,  அகழாய்வுப் பணிக்காக குழி தோண்டும் போது அந்த பகுதியில் உள்ள தென்னை மரங்கள் அனைத்தும் பாதிப்புக்குள்ளாகி, பெரும் சேதமடைந்து விடுவதாகவும் விவசாயிகள் தொடர்ந்து புகார் தெரிவித்து வந்தனர்.
இதுகுறித்து விவசாயிகள் கூறும் போது, அகழாய்வுப் பணிக்காக வரும் வாகனங்கள் மற்றும் மனிதர்களின் புழக்கத்தால் இலகுவாக உள்ள மண்ணின் தன்மை கடினமானதாக மாறி விடுகிறது.  அந்த இடத்தை பக்குவப்படுத்தி மீண்டும் வேளாண் பணிகள் மேற்கொள்ள இயலாத நிலை ஏற்படுகிறது. இதனால் நாங்கள் மிகவும் பாதிப்படைந்து வருகிறோம். எங்களுக்கு நிலத்திற்குரிய இழப்பீட்டுத் தொகையை விரைவில் வழங்க வேண்டும். மேலும், இதுகுறித்து சம்பந்தப்பட்ட அலுவலர்களிடம் புகார் தெரிவித்தும், அவர்கள் எந்த ஒரு பதிலும் இதுவரை தரவில்லை என்றனர்.
 இந்நிலையில்,நான்காம் கட்ட அகழாய்வுப்  பணிகள் மேற்கொள்ள உள்ளதை  அறிந்து அந்த பகுதிக்கு செல்லும் பாதையை சில விவசாயிகள் வேலி அமைத்து, தென்னங்கன்றுகளை நடவு செய்துள்ளனர். ஏற்கெனவே வடகிழக்கு பருவமழை காலம்  நிறைவடைந்தவுடன், அதாவது ஜனவரி மாதம் முதல் தேதியில் தொடங்க வேண்டிய அகழாய்வுப் பணிகள் பிப்ரவரி மாதம் 18 ஆம் தேதியை கடந்தும் இன்னும் தொடங்கப்படாமல் உள்ளது. விவசாயிகள் முன் வைக்கும் பிரச்னைகளை கணக்கில் கொண்டால் அகழாய்வுப்  பணிகள் தொடங்க இன்னும் சில வாரங்கள் ஆகக் கூடும் எனக் கூறப்படுகிறது.
 

]]>
http://www.dinamani.com/all-editions/edition-madurai/sivagangai/2018/feb/19/கீழடியில்-நான்காம்-கட்ட-அகழாய்வுப்-பணிகள்-தொடங்குவதில்-தாமதம்-வேலி-அமைத்து-தென்னங்கன்றுகளை-நடும்-வி-2866223.html
2866148 மதுரை சிவகங்கை 14 வயதுக்குள்பட்டோருக்கான மாநில கைப்பந்துப் போட்டி: ஆண்கள் பிரிவில் தஞ்சை, பெண்கள் பிரிவில் தர்மபுரி அணிகள் வெற்றி DIN DIN Monday, February 19, 2018 02:58 AM +0530 சிவகங்கை மாவட்டம் காரைக்குடி அருகே புதுவயலில் சனிக்கிழமை நடைபெற்ற 14 வயதுக்குள்பட்டோருக்கான மாநில கைப்பந்து இறுதிப் போட்டியில் ஆண்கள் பிரிவில் தஞ்சாவூர் மாவட்ட அணியும், பெண்கள் பிரிவில் தருமபுரி மாவட்ட அணியும் முதலிடம் பெற்று வெற்றிக் கோப்பையை கைப்பற்றின.
தமிழ்நாடு கைப்பந்துக் கழகம், சிவகங்கை மாவட்ட கைப்பந்துக் கழகம் மற்றும் புதுவயல் நண்பர்கள் கைப்பந்துக் கழகம் ஆகியவற்றின் சார்பில் புதுவயல் நண்பர்கள் கைப்பந்துக்கழகத் திடலில் கடந்த பிப். 14- ஆம் தேதி முதல் இப்போட்டிகள் தொடங்கி சனிக்கிழமை இரவு இறுதிப் போட்டிகளுடன் நிறைவடைந்தது.  27 மாவட்டங்களிலிருந்து ஆண்கள், பெண்கள் அணிகள் போட்டிகளில் பங்கேற்றன.
இறுதிப் போட்டியில் ஆண்கள் பிரிவில் தஞ்சாவூர் மாவட்ட அணியும், திருவள்ளூர் மாவட்ட அணியும் மோதின. இதில் 25-க்கு 13, 25- க்கு 11,  25-க்கு 12 என்ற செட் கணக்கில் தஞ்சாவூர் அணி வென்றது. இதில் 
தர்மபுரி மாவட்ட அணி மூன்றாமிடமும், சேலம் மாவட்ட அணி நான்காமிடமும் பெற்றன. 
அதே போல் இறுதிப் போட்டி பெண்கள் பிரிவில் தர்மபுரி மாவட்ட அணியும், சேலம் மாவட்ட அணியும் மோதின. இதில் 25-க்கு 21, 25-க்கு 17,  25-க்கு 23 என்ற செட் கணக்கில் தர்மபுரி அணி வென்றது. மூன்றாமிடத்தை ஈரோடு மாவட்ட அணியும், நான்காமிடத்தை திருவாரூர் மாவட்ட அணியும் பெற்றன.
பரிசளிப்பு விழாவில், பெண்கள் அணியினருக்கு டிடிவி. தினகரன் அணியைச்சேர்ந்த தங்க. தமிழ்ச்செல்வன் பரிசுக் கோப்பையையும், ஆண்கள் அணியினருக்கு கண்டனூர் பேரூராட்சி முன்னாள் தலைவர் ஏ.ஆறுமுகம் பரிசுக் கோப்பையையும் வழங்கினர்.
விழாவில், சிவகங்கை மாவட்ட கைப்பந்துக் கழகத் தலைவர் எஸ்பி. வரதராஜன், மாவட்டச் செயலர் கே. ஜெயக்குமார், முன்னாள் எம்.எல்.ஏ.க்கள் சோழன் சித.பழனிச்சாமி, கே.கே. உமாதேவன் மற்றும் மாரியப்பன் கென்னடி, பரணிகார்த்தி,புதுவயல் நண்பர்கள் கைப்பந்துக் கழகத் தலைவர் சுப.பாலுமகேந்திரா உள்ளிட்டபலர் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/19/14-வயதுக்குள்பட்டோருக்கான-மாநில-கைப்பந்துப்-போட்டி-ஆண்கள்-பிரிவில்-தஞ்சை-பெண்கள்-பிரிவில்-தர்மபுரி-2866148.html
2866147 மதுரை சிவகங்கை சிவகங்கை அருகே மஞ்சுவிரட்டு: 20-க்கும் மேற்பட்டோர் காயம் DIN DIN Monday, February 19, 2018 02:58 AM +0530 சிவகங்கை அருகே குமாரப்பட்டியில் உள்ள மந்தை கருப்பண சுவாமி கோயில் மாசி மகா சிவராத்திரியையொட்டி ஞாயிற்றுக்கிழமை  மஞ்சுவிரட்டு நடைபெற்றது.
 மாசி மகா சிவராத்திரி விழாவையொட்டி மந்தைக்கருப்பண சுவாமிக்கு சிறப்பு அபிஷேக, ஆராதனைகள் நடைபெற்றன. அதனைத் தொடர்ந்து, மஞ்சுவிரட்டு காளைக்கு பூஜைகள் செய்து கோயில் முன் உள்ள திடலில் ஒன்றன்பின் ஒன்றாக காளைகள் அவிழ்த்து விடப்பட்டன. இதில், சிவகங்கை, 
ராமநாதபுரம், மதுரை, திண்டுக்கல், தேனி, புதுக்கோட்டை, திருச்சி, விருதுநகர் ஆகிய பகுதிகளிலிருந்து சுமார் 300 காளைகள் பங்கேற்றன. சுமார் ஆயிரத்துக்கும் மேற்பட்ட மாடுபிடி வீரர்கள் கலந்து கொண்டு காளைகளை பிடித்தனர். அப்போது அவர்களில் 20-க்கும் மேற்பட்டோர் காயமடைந்தனர்.  மஞ்சுவிரட்டில் பிடிபடாத காளைகளுக்கும், காளைகளை பிடித்த காளையர்களுக்கும் பரிசுகள் வழங்கப்பட்டன. 
விழாவுக்கான ஏற்பாடுகளை அப்பகுதி கிராமப் பொதுமக்கள் செய்திருந்தனர்.

]]>
http://www.dinamani.com/all-editions/edition-madurai/sivagangai/2018/feb/19/சிவகங்கை-அருகே-மஞ்சுவிரட்டு-20-க்கும்-மேற்பட்டோர்-காயம்-2866147.html
2866146 மதுரை சிவகங்கை பள்ளி ஆண்டு விழா DIN DIN Monday, February 19, 2018 02:58 AM +0530 சிவகங்கை அருகே சோழபுரத்தில் உள்ள ரமண விகாஸ் மெட்ரிக். மேல்நிலைப் பள்ளியின் 11-ஆவது ஆண்டு விழா சனிக்கிழமை நடைபெற்றது.
 பள்ளி வளாகத்தில் உள்ள விழா அரங்கில் நடைபெற்ற இவ்விழாவுக்கு பள்ளிச் செயலர் கே.முத்துக்கண்ணன் தலைமை வகித்தார். ஓய்வு பெற்ற ஐஏஎஸ் அதிகாரி ஆர்.கற்பூரசுந்தரபாண்டியன், திரைப்பட நடிகர் டெல்லி கணேஷ் ஆகியோர் சிறப்பு  விருந்தினர்களாக கலந்து கொண்டு சிறப்புரையாற்றினர். 
இதில், நேரு யுவகேந்திரா அமைப்பின் சிவகங்கை 
மாவட்டத்தின் முன்னாள் ஒருங்கிணைப்பாளர் கே.ஜவஹர், மதுரை அரசு ராஜாஜி மருத்துவமனையின் பொது அறுவை சிகிச்சை நிபுணர் மருத்துவர் 
எஸ்.திருமலைக்கண்ணன், ராமநாதபுர மாவட்ட மனநல 
மருத்துவமனையின் மனநல மருத்துவர் ஜே.பெரியார் லெனின், புனேயில் உள்ள தனியார் கால்நடை மருத்துவ ஆராய்ச்சி நிறுவனத்தின் மருத்துவர் எஸ்.ராஜ்குமார் ஆகியோர் வாழ்த்திப் பேசினர். 
விழாவில், பள்ளி மாணவ, மாணவிகளின் கலை நிகழ்ச்சிகள் நடைபெற்றன. மேலும், பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசும், பாராட்டுச் சான்றிதழும் வழங்கப்பட்டன.
 இதில், பள்ளியின் உதவித் தலைமை ஆசிரியர் கணேஷ் மற்றும் ஆசிரிய, ஆசிரியைகள், பெற்றோர்கள், மாணவ, மாணவிகள் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/19/பள்ளி-ஆண்டு-விழா-2866146.html
2866145 மதுரை சிவகங்கை காரைக்குடி வைரவபுரத்தில் மஞ்சுவிரட்டு: 17 பேர் காயம் DIN DIN Monday, February 19, 2018 02:57 AM +0530 காரைக்குடி சங்கராபுரம் ஊராட்சி வைரவபுரத்தில் பொங்கல் திருவிழாவையொட்டி ஞாயிற்றுக்கிழமை நடைபெற்ற மஞ்சுவிரட்டில் மாடுபிடி வீரர்கள் 17 பேர் காயமடைந்தனர்.
 வைரவபுரம், நேரு நகர், நவரத்தின நகர் பகுதி பொதுமக்கள் சார்பில் 31 ஆம் ஆண்டாக நடைபெற்ற இந்த மஞ்சுவிரட்டு நிகழ்ச்சி வாரச்சந்தை பகுதியில் நடந்தது. இந்நிகழ்ச்சியை தேவகோட்டை சார் ஆட்சியர் ஆஷா அஜித், காரைக்குடி டி.எஸ்.பி. கார்த்திகேயன் ஆகியோர் பார்வையிட்டனர்.
 மஞ்சுவிரட்டில் பங்கேற்பதற்காக புதுக்கோட்டை, மேலூர், தேனிபட்டி புதுப்பட்டி, சிவகங்கை, காரைக்குடி மற்றும் பல்வேறு பகுதிகளிலிருந்து 202 காளைகள் கொண்டு வரப்பட்டு பதிவு செய்யப்பட்டிருந்ததில், பல்வேறு காரணங்களுக்காக 12 காளைகளின் பதிவு ரத்து செய்யப்பட்டது. அதே போல் 122 மாடுபிடி வீரர்கள் பதிவு செய்திருந்ததில் ஒருவர் மட்டும் அனுமதிக்கப்பட வில்லை. 
இதையடுத்து  நடந்த மஞ்சுவிரட்டு நிகழ்ச்சியில் காளைகளை  பிடிக்க முயன்ற 17 வீரர்கள் காயமடைந்தனர். அவர்களுக்கு அரசு மருத்துவக் குழுவினரால் முதலுதவி சிகிச்சையளிக்கப்பட்டது. காரைக்குடி, சங்கராபுரம், கோட்டையூர் மற்றும் சுற்றுவட்டாரங்களைச் சேர்ந்த ஏராளமானோர் மஞ்சுவிரட்டு நிகழ்ச்சியை பார்ப்பதற்காக வந்திருந்தனர்.

]]>
http://www.dinamani.com/all-editions/edition-madurai/sivagangai/2018/feb/19/காரைக்குடி-வைரவபுரத்தில்-மஞ்சுவிரட்டு-17-பேர்-காயம்-2866145.html
2865650 மதுரை சிவகங்கை "நீட்' தேர்வுக்கு விலக்கு கோரி பள்ளி, கல்லூரிகள் முன் நாளை முதல் துண்டறிக்கைப் பிரசாரம் DIN DIN Sunday, February 18, 2018 07:42 AM +0530 மருத்துவம் மற்றும் பொறியியல் படிப்புக்கு நடத்தப்படும் தேசியத் தகுதித் தேர்விலிருந்து (நீட்) தமிழக மாணவர்களுக்கு விலக்கு அளிக்கக் கோரி சமூக நீதி பாதுகாப்புப் பேரவை என்ற அனைத்துக் கட்சிகளின் மாணவர்கள் அமைப்பினர் ராமநாதபுரம், சிவகங்கை மாவட்டங்களில் திங்கள்கிழமை (பிப். 19) முதல் 21 ஆம் தேதி வரைதுண்டறிக்கைப் பிரசாரம் செய்கின்றனர்.
இப்பிரசாரம் மற்றும் ஆர்ப்பாட்டங்களில் திமுக, காங்கிரஸ், மதிமுக, விடுதலைச்சிறுத்தைகள், இந்திய கம்யூனிஸ்ட் கட்சி, திராவிடர் கழகம், தமிழர் பேரவை, மக்கள் அதிகாரம் ஆகியவற்றின் மாணவர்கள் அமைப்பைச் சேர்ந்தவர்கள் மற்றும் பிற அமைப்பினர் பங்கேற்கின்றனர்.
இதைத் தொடர்ந்து, திங்கள்கிழமை (பிப்.19) கல்லூரிகள் முன்பாகவும், செவ்வாய்க்கிழமை (பிப். 20) மேல்நிலைப் பள்ளிகள் முன்பாகவும், புதன்கிழமை (பிப். 21)பேருந்து நிலையங்களிலும் துண்டுப்பிரசுரம் வழங்கிப் பிரசாரம் மேற்கொள்கின்றனர். பிப். 22 ஆம் தேதி மாவட்டத் தலைநகரில் மாணவர்கள் கண்டன ஆர்ப்பாட்டம் நடத்துகின்றனர். காரைக்குடி ஐந்து விளக்குப்பகுதியில் அன்று மாலை மாணவர் அமைப்பினர் கண்டன ஆர்ப்பாட்டம் நடத்துவர் என சிவகங்கை மண்டல தி.க. தலைவர் சாமி. திராவிடமணி தெரிவித்தார்.


 

]]>
http://www.dinamani.com/all-editions/edition-madurai/sivagangai/2018/feb/18/நீட்-தேர்வுக்கு-விலக்கு-கோரி-பள்ளி-கல்லூரிகள்-முன்-நாளை-முதல்-துண்டறிக்கைப்-பிரசாரம்-2865650.html
2865646 மதுரை சிவகங்கை நான்கு வழிச்சாலைத் திட்டத்துக்காக திருப்புவனம் அருகே பழமையான கட்டடம் இடித்து அகற்றம் DIN DIN Sunday, February 18, 2018 07:41 AM +0530 நான்கு வழிச்சாலைத் திட்டப் பணிக்காக சிவகங்கை மாவட்டம் திருப்புவனம் அருகே பழமையான கட்டடம் சனிக்கிழமை போலீஸ் பாதுகாப்புடன் இடித்து அகற்றப்பட்டது. 
 மதுரை-ராமநாதபுரம் இடையே நான்கு வழிச்சாலைத் திட்டப் பணிகள் நடந்து வருகின்றன. இத்திட்டப் பணிக்காக மதுரை மற்றும் ராமநாதபுரத்துக்கு இடையே உள்ள நிலங்கள் கையகப்படுத்தப்பட்டன. இந்த நிலங்கள், வீடுகளுக்கு இழப்பீடு வழங்கப்பட்டது. இந்நிலையில் திருப்புவனம் அருகே மணலூர் என்ற இடத்தில் சாலையோரத்தில் பல ஆண்டுகள் கடந்த பழமையான கட்டடத்தை  கையகப்படுத்தி இடிக்க அந்த வீட்டின் உரிமையாளர் தொடர்ந்து எதிர்ப்பு தெரிவித்து வந்தார்.  இந்நிலையில் 2  போலீஸ் டி.எஸ்.பிக்கள் மேற்பார்வையில் 100-க்கும் மேற்பட்ட போலீஸார் பாதுகாப்புடன் சனிக்கிழமை புல்டோசர் இயந்திரம் மூலம் அந்த பழமையான கட்டடம் இடித்து அகற்றப்பட்டது.

]]>
http://www.dinamani.com/all-editions/edition-madurai/sivagangai/2018/feb/18/நான்கு-வழிச்சாலைத்-திட்டத்துக்காக-திருப்புவனம்-அருகே-பழமையான-கட்டடம்-இடித்து-அகற்றம்-2865646.html
2865645 மதுரை சிவகங்கை மானிய விலையில் மதிப்புக் கூட்டும் இயந்திரத்தை பெற உழவர் அமைப்பினர் விண்ணப்பிக்கலாம் DIN DIN Sunday, February 18, 2018 07:40 AM +0530 விளைவிக்கும் வேளாண் பொருள்களை மதிப்புக் கூட்டும் பொருளாக மாற்ற தேவையான இயந்திரங்களை மானிய விலையில் பெற சிவகங்கை மாவட்டம் முழுவதும் அந்தந்த பகுதியில் செயல்படும் உழவர் அமைப்புகளோ அல்லது உழவர் குழுவோ விண்ணப்பிக்கலாம் என தெரிவிக்கப்பட்டுள்ளது.
 இதுகுறித்து சிவகங்கை மாவட்ட ஆட்சியர் க.லதா வெளியிட்ட செய்திக் குறிப்பு: விவசாயிகள் வேளாண் விளைப் பொருள்களை, மதிப்புக் கூட்டி, சந்தையில் விற்பனைக்கு கொண்டு வந்து அதிக லாபம் பெறும் வகையில், மதிப்புக் கூட்டும் இயந்திர மையங்கள் அமைக்க முதற்கட்டமாக தேர்ந்தெடுக்கப்பட்ட 200 தொகுப்புகளில் அமைக்க அரசாணை பிறப்பிக்கப்பட்டு, 2017-2018ஆம் ஆண்டில் 75 சதவீதம் மானியத்தில் 50 தொகுப்புகளில் அமைக்க திட்டமிடப்பட்டுள்ளது. 
மானாவாரி தொகுப்புகளிலுள்ள உழவர் உற்பத்தியாளர் அமைப்பு அல்லது கூட்டுப் பண்ணைய திட்டத்தின் கீழ் அமைக்கப்பட்ட உழவர் உற்பத்தியாளர் குழுக்களுக்கு அந்தந்த தொகுதிகளில் பயிர்களுக்கான விளைப் பொருள்களை மதிப்புக் கூட்டும் வகையில் மதிப்புக் கூட்டும் இயந்திரங்கள் மையம் அமைக்க மானியம் வழங்கப்பட உள்ளது.
 வேளாண் விளைப் பொருள்களை சுத்தப்படுத்தி, தரம் பிரித்து விற்பனைக்கேற்ற வகையில் பேக்கிங் செய்தல் உள்ளிட்டப் பணிகளுக்கான மதிப்புக் கூட்டும் இயந்திரங்கள் வாங்குவதற்கும் மற்றும் அதற்குரிய பணி மூலதனம் ஆகியவற்றுக்கு மொத்த தொகையில் 75 சதவீதம் அல்லது ரூ.10 லட்சம் இதில் எது குறைவோ, அத்தொகை அரசு மானியமாக வழங்கப்படும். 
மீதமுள்ள 25 சதவீதத் தொகையினை உழவர் உற்பத்தியாளர் அமைப்பு அல்லது உழவர் உற்பத்திக் குழு செலுத்த வேண்டும். மதிப்புக் கூட்டும் இயந்திரங்களை நிறுவுவதற்கும், பொருள்களை வைப்பதற்கும் உரிய இடவசதி, மின்சார இணைப்பு இருப்பதை உறுதி செய்து கொள்ள வேண்டும்.
 தொகுப்புகளில் ஏதாவது அரசு கட்டடங்கள் தேவையான இடவசதியுடன் இருந்தால், வட்டார மேம்பாட்டுக் குழுவின் ஒத்துழைப்புடன் மாவட்ட ஆட்சியர் தலைமையில், மாவட்ட அளவிலான குழுவுக்கு பரிந்துரை செய்யப்பட்டு, கட்டடத்தின் வாடகை தொகையினை செலுத்தி, அவ்விடத்திலும் அமைத்துக் கொள்ளலாம். மதிப்புக் கூட்டுதலுக்கான அனைத்து நிலைகளுக்கும், அதாவது தானியங்களை சுத்தப்படுத்துதல் முதல் சிப்பம் கட்டுதல் (பேக்கிங்) வரை தேவைப்படும் அனைத்து இயந்திரங்களையும் ஒரு தொகுப்பாக வாங்கி, சிறிய தொழில் மையம் அமைக்கலாம். அல்லது ஒன்றுக்கும் மேற்பட்ட தொகுப்பிலுள்ள உழவர் உற்பத்தியாளர் அமைப்பு மற்றும் உழவர் உற்பத்தியாளர் குழு சேர்ந்து பெரிய அளவிலான மதிப்புக் கூட்டும் இயந்திர மையங்களை ரூ.10 லட்சத்திற்கும் அதிகமான தொகையிலும் அமைக்கலாம். 
வேளாண் பொறியியல் துறையின் மூலம் விலை நிர்ணயம் செய்து அங்கீகாரம் வழங்கப்பட்ட நிறுவனங்களிடம் இருந்து இயந்திரங்கள் வாங்கப்பட வேண்டும்.
 மதிப்புக் கூட்டும் இயந்திர மையம் அமைக்க ஆர்வமுள்ள உழவர் உற்பத்தியாளர் அமைப்பு அல்லது உழவர் உற்பத்தியாளர் குழுவினர் சம்பந்தப்பட்ட மானாவாரி தொகுப்பு மேம்பாட்டுக் குழுவுக்கு விண்ணப்பிக்க வேண்டும். தொகுப்பு மேம்பாட்டுக் குழு, விண்ணப்பத்தினை உரிய ஆவணங்களுடன் சம்பந்தப்பட்ட வேளாண் பொறியியல் துறை உதவி செயற்பொறியாளருக்கு பரிந்துரை செய்ய வேண்டும்.
 விண்ணப்பத்திலுள்ள உழவர் உற்பத்தியாளர் அமைப்பு அல்லது உழவர் உற்பத்தியாளர் குழுக்கான தேவையான கட்டமைப்புகள், தேவைப்படும் இயந்திர விவரங்கள் மற்றும் ஆவணங்களை உதவி செயற் பொறியாளர், வேளாண் பொறியியல் துறை சரிபார்த்த பின் தேர்வு செய்யப்பட்ட விண்ணப்பத்துக்கு மாவட்ட ஆட்சியர் தலைமையில் மாவட்ட அளவிலான 
குழுவின் ஒப்புதல் பெறப்படும். பின்னர், வேளாண்மை பொறியியல் துறையின் மூலம் அங்கீகாரம் வழங்கப்பட்ட நிறுவனங்களுக்கு உதவி செயற்பொறியாளரால் மதிப்புக் கூட்டும் இயந்திரங்கள் வழங்க பணி ஆணை வழங்கப்படும். 
இதையடுத்து மதிப்புக் கூட்டும் இயந்திர மையம் அமைக்கப்பட்ட பின் உதவி செயற்பொறியாளரால் ஆய்வு செய்யப்பட்டு இயந்திரங்கள் திருப்திகரமாக செயல்படுகிறது என்ற அறிக்கையினை உழவர் உற்பத்தியாளர் அமைப்பு அல்லது உழவர் உற்பத்தியாளர் குழுவிடமிருந்து பெற்று நிறுவனங்களுக்கு தொகுப்பு மேம்பாட்டுக் குழுவின் மூலம் மானியத் தொகை விடுவிக்கப்படும். 
ஆகவே இத்திட்டத்தின் கீழ் பயன்பெற ஆர்வமுள்ள உழவர் உற்பத்தியாளர் அமைப்பு மற்றும் உழவர் உற்பத்தியாளர் குழு தங்களது விருப்ப விண்ணப்பத்தினை செயற்பொறியாளர் (வே.பொ),வேளாண்மைப் பொறியியல் துறை,மாவட்டக் கல்வி அலுவலகம் 2ஆவது தளம், மாவட்ட ஆட்சியர் வளாகம், சிவகங்கை அல்லது வேளாண்மை இணை இயக்குநர், மாவட்ட முதன்மைக் கல்வி அலுவலகம், மாவட்ட ஆட்சியர் வளாகம், சிவகங்கை அல்லது உதவி செயற்பொறியாளர் (வே.பொ), வேளாண்மைப் பொறியியல் துறை,எண் -1 புகழேந்தி தெரு, சூடாமணிபுரம், காரைக்குடி இவற்றில் ஏதேனும் ஒரு முகவரிக்கு தபால் மூலமாகவோ அல்லது நேரடியாகவோ விண்ணப்பிக்கலாம் என குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/feb/18/மானிய-விலையில்-மதிப்புக்-கூட்டும்-இயந்திரத்தை-பெற-உழவர்-அமைப்பினர்-விண்ணப்பிக்கலாம்-2865645.html
2865644 மதுரை சிவகங்கை பள்ளியில் விளையாட்டு விழா DIN DIN Sunday, February 18, 2018 07:40 AM +0530 சிவகங்கை மாவட்டம் திருப்பத்தூர் கிறிஸ்துராஜா மெட்ரிக் பள்ளியில் வெள்ளிக்கிழமை விளையாட்டு விழா நடைபெற்றது.
விழாவுக்கு பெற்றோர், ஆசிரியர் கழகத் தலைவர் மாணிக்கம் தலைமை வகித்தார். விளையாட்டுப் போட்டியை உடற்கல்வி இயக்குனர் சந்திரன் தொடக்கி வைத்தார். பள்ளித் தாளாளர் ஏ.டி.விக்டர் முன்னிலை வகித்தார். அரிமா சங்கத் தலைவர் சிவசுப்பிரமணியன் யோகாசனப் பயிற்சிகளை தொடக்கி வைத்தார். முன்னதாக பள்ளி முதல்வர் ரூபன் வரவேற்றார். இவ்விளையாட்டு விழாவில் ஓட்டப்பந்தயம், உயரம் தாண்டுதல் மற்றும் கூட்டு உடற்பயிற்சி, தேக்வாண்டே, கராத்தே மற்றும் யோகாசனப் பயிற்சி மற்றும் கலை நிகழ்ச்சிகளை மாணவ, மாணவிகள் நடத்தினர்.
 தொடர்ந்து வெற்றி பெற்ற மாணவ, மாணவிகளுக்குப் பதக்கமும் பரிசுகளும் வழங்கப்பட்டன. நிகழ்ச்சி ஏற்பாடுகளை உடற்பயிற்சி ஆசிரியர் பாண்டியன் செய்திருந்தார். மாணவர் தலைவர் நன்றி கூறினார்.
 

]]>
http://www.dinamani.com/all-editions/edition-madurai/sivagangai/2018/feb/18/பள்ளியில்-விளையாட்டு-விழா-2865644.html
2865643 மதுரை சிவகங்கை பாலிடெக்னிக் கல்லூரியில் ரத்ததான முகாம் DIN DIN Sunday, February 18, 2018 07:39 AM +0530 காரைக்குடி அருகே நாச்சியப்ப சுவாமிகள் பாலிடெக்னிக் கல்லூரியின் நாட்டு நலப்பணித் திட்டம் சார்பில் ரத்ததான முகாம் சனிக்கிழமை நடைபெற்றது.
முகாமை கோவிலூர் ஆதீனம் மெய்யப்ப ஞானதேசிக சுவாமிகள் தொடக்கி வைத்துப்பேசினார். கல்லூரி முதல்வர் மாயாண்டி வரவேற்றார். பேராசிரியர் எஸ். குமரப்பன் சிறப்புரையாற்றினார். முகாமில் 75 மாணவர்கள் ரத்ததானம் வழங்கினர். காரைக்குடி மாவட்ட தலைமை மருத்துவமனை ரத்த வங்கி மருத்துவர் வி. அருள்தாஸ் தலைமையிலான மருத்துவர் குழுவினர் ரத்தம் சேகரித்தனர்.
முகாமில் மருத்துவர் ஆல்வின், குன்றக்குடி ஆரம்ப சுகாதாரநிலைய அலுவலர்கள், கோவிலூர் மடாலயங்களின் பள்ளி மற்றும் கல்லூரி முதல்வர்கள், ஆசிரியர்கள், மாணவ, மாணவிகள் பலர் கலந்துகொண்டனர். என்.எஸ்.எஸ் சார்பில் எஸ்பி. கருப்பையா நன்றி கூறினார்.

]]>
http://www.dinamani.com/all-editions/edition-madurai/sivagangai/2018/feb/18/பாலிடெக்னிக்-கல்லூரியில்-ரத்ததான-முகாம்-2865643.html
2865642 மதுரை சிவகங்கை திருப்பத்தூரில் பிப்.20-இல் மின் பயனீட்டாளர்கள் குறைதீர்க்கும் கூட்டம் DIN DIN Sunday, February 18, 2018 07:39 AM +0530 சிவகங்கை மாவட்டம் திருப்பத்தூரில் வரும் பிப். 20 ஆம் தேதி மின் பயனீட்டாளர்கள் குறைதீர்க்கும் நாள் கூட்டம் நடைபெற உள்ளது.   
இதுகுறித்து சிவகங்கை மாவட்ட மின் பகிர்மானத்தின் மேற்பார்வை பொறியாளர் மு.சின்னையன் வெளியிட்டுள்ள செய்திக்குறிப்பு: சிவகங்கை மாவட்டம் திருப்பத்தூர் கோட்டத்திற்குள்பட்ட மின் பயனீட்டாளர்கள் பயன்பெறும் வகையில் வரும் பிப்.20 ஆம் தேதி (செவ்வாய்க்கிழமை) காலை 11 மணி முதல் 1 மணி வரை மின் பயனீட்டாளர்கள் குறை தீர்க்கும் கூட்டம் நடைபெற உள்ளது.
  திருப்பத்தூரில் உள்ள தமிழ்நாடு மின்சார வாரியத்தின் துணை மின் நிலைய அலுவலகத்தில் நடைபெறும் இக்கூட்டத்தில்,திருப்பத்தூர் கோட்டத்திற்குள்பட்ட மின் பயனீட்டாளர்கள் கலந்து கொண்டு மின்சார வாரியம் தொடர்பான புகார்களை மனு மூலம் தெரிவிக்கலாம். அவை விசாரனை செய்யப்பட்டு உடனடியாக தீர்வு காணப்படும் எனக் குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/feb/18/திருப்பத்தூரில்-பிப்20-இல்-மின்-பயனீட்டாளர்கள்-குறைதீர்க்கும்-கூட்டம்-2865642.html
2865641 மதுரை சிவகங்கை திருப்பத்தூர்-கண்டரமாணிக்கம் சாலையோரத்தில் உள்ள பெரிய பள்ளங்களால் விபத்து அபாயம் DIN DIN Sunday, February 18, 2018 07:39 AM +0530 சிவகங்கை மாவட்டம் திருப்பத்தூர்- கண்டரமாணிக்கம் சாலையில் தம்மம் பகுதி சாலையோரம் ஏற்பட்டுள்ள பள்ளத்தால் வாகன ஓட்டிகள் விபத்தில் சிக்கும் அபாயம் ஏற்பட்டுள்ளது.
  திருப்பத்தூரிலிருந்து கண்டரமாணிக்கம் மற்றும் பட்டமங்கலம் செல்லும் பிரதான சாலையில் தம்மம் பகுதி சாலை வழியே கார், பள்ளி வாகனங்கள் மற்றும் இருசக்கர வாகனங்கள் அதிக அளவில் செல்கின்றன. பட்டமங்கலம் கோயிலுக்குச் செல்லும் பக்தர்களும் இச்சாலையை பயன்படுத்துகின்றனர்.
மேலும் ஆத்தங்கரைப்பட்டி, வாணியன்காடு, வெளியாத்தூர், மற்றும் சுற்றுப்புறப் பகுதிகளைச் சேர்ந்த 20 க்கும் மேற்பட்ட கிராமத்தினரும் இச்சாலையை பயன்படுத்தி வருகின்றனர்.
 இந்நிலையில் திருப்பத்தூரிலிருந்து பட்டமங்கலம், கண்டரமாணிக்கம் வரை சாலைகளில் பல இடங்களில் புதைகுழிபோல் பள்ளங்கள் ஏற்பட்டுள்ளன. மேலும் இப்பள்ளங்களுக்கு அருகே குடிநீர்க்குளமும் அரசு மேல்நிலைப்பள்ளியும் உள்ளன. 
இதனிடையே இரவு நேரத்தில் இருசக்கர வாகனத்தில் வரும் வாகன ஓட்டிகள் இப்பள்ளங்களில் தவறி விழுந்து விபத்தில் சிக்கும்  வாய்ப்பு உள்ளதாகவும், எனவே நெடுஞ்சாலைத் துறையினர் சாலையின் பக்கவாட்டுப் பகுதிகளில் ஏற்பட்டுள்ள அரிப்புகளையும், பெரிய பள்ளங்களையும் மூடி விபத்தினை தவிர்க்க பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/sivagangai/2018/feb/18/திருப்பத்தூர்-கண்டரமாணிக்கம்-சாலையோரத்தில்-உள்ள-பெரிய-பள்ளங்களால்-விபத்து-அபாயம்-2865641.html
2865640 மதுரை சிவகங்கை கோட்டையிருப்பு சூரமாகாளியம்மன் கோயில் திருவிழா DIN DIN Sunday, February 18, 2018 07:39 AM +0530 சிவகங்கை மாவட்டம் திருப்பத்தூர் அருகே கோட்டையிருப்பில் சூரமாகாளியம்மன் கோயில் திருவிழா நிறைவு நாள் விழா வெள்ளிக்கிழமை நடைபெற்றது.
இத்திருவிழா கடந்த பிப்.11 ஆம் தேதி காப்புக் கட்டுதலுடன் தொடங்கியது. அன்றிலிருந்து கிராம மக்கள் விரதம் மேற்கொண்டனர். தொடர்ந்து செவ்வாய்க்கிழமை செவல்பட்டியிலிருந்து விதைப்பு எடுக்கும் வைபவம் நடைபெற்றது. பின்னர் புதன்கிழமை கோட்டையிருப்பு கிராமத்தில் விதைப்பு எடுக்கும் நிகழ்ச்சி நடைபெற்று அம்மனுக்கு சிறப்பு அலங்காரம் மற்றும் தீபாராதனை காட்டப்பட்டது. தொடர்ந்து வியாழக்கிழமை காவடிஆட்டம்,  கரகம் மற்றும் தொட்டில் தூக்கும் வழிபாடு ஆகியவை நடைபெற்றன. நிறைவு நாளான வெள்ளிக்கிழமை அம்மனுக்கு புஷ்ப அலங்காரம் செய்யப்பட்டு கிடா வெட்டு நடைபெற்றது. இதில் ஆயிரக்கணக்கான பக்தர்கள் நேர்த்திக்கடன் செலுத்தினர். விழா ஏற்பாடுகளை சூரயக்கோன் வகையறாவினர் செய்திருந்தனர்.


 

]]>
http://www.dinamani.com/all-editions/edition-madurai/sivagangai/2018/feb/18/கோட்டையிருப்பு-சூரமாகாளியம்மன்-கோயில்-திருவிழா-2865640.html
2865639 மதுரை சிவகங்கை   கோவிலூர் மடாலயத்தில் பகவத்கீதை விளக்க உரை DIN DIN Sunday, February 18, 2018 07:38 AM +0530 காரைக்குடி அருகே கோவிலூர் மடாலயத்தில் 4 நாள்கள் நடைபெறும் உபநிஷம் மற்றும் பகவத்கீதை 9 பாகமும் விளக்க உரை நிகழ்ச்சி சனிக்கிழமை தொடங்கியது.
நிகழ்ச்சிக்கு, கோவிலூர் ஆதீனம் மெய்யப்ப ஞானதேசிக சுவாமிகள் தலைமை வகித்தார். ரிஷிகேஷ் சுவாமி தயானந்த சரஸ்வதியின் சீடர் சாக்ஷாத் க்ருதயானந்த சுவாமிகள் பகவத் கீதை குறித்து விளக்க உரையாற்றினார். ஞாயிறு, திங்கள் மற்றும் செவ்வாய்க்கிழமைகளில் (பிப். 18, 19 மற்றும் 20) காலை 8 மணி முதல் பகல் 11 மணிவரையிலும், பின்னர் மாலை 5 மணியளவிலும் பகவத் கீதை விளக்க உரையை அவர் நிகழ்த்துகிறார்.
பகவத் கீதை உரையாற்றும் அவர், ஆங்கிலம் மற்றும் தமிழில் சரளமாக பேசக் கூடியவர். இவர் நூற்றுக்கணக்கான வேதாந்தக் குருமார்களை உருவாக்கியவர். இவரது உரையை கேட்க விருப்பமுள்ளவர்கள் கோவிலூர் மடாலயத்திற்கு வரலாம் என்று மடாலய மக்கள் தொடர்பு அலுவலர் குமரப்பன் தெரிவித்துள்ளார்.

]]>
http://www.dinamani.com/all-editions/edition-madurai/sivagangai/2018/feb/18/கோவிலூர்-மடாலயத்தில்-பகவத்கீதை-விளக்க-உரை-2865639.html
2865025 மதுரை சிவகங்கை திருப்பத்தூர் அருகே குடிநீர்க் குழாய் உடைப்பை சீரமைக்க முன்னாள் எம்எல்ஏ. கோரிக்கை DIN DIN Saturday, February 17, 2018 07:21 AM +0530 சிவகங்கை மாவட்டம் திருப்பத்தூர் அருகே ஆத்தங்கரைப்பட்டியில் குடிநீர்க்குழாய் உடைப்பை சீரமைக்க முன்னாள் எம்எல்ஏ கே.கே.உமாதேவன் கோரிக்கை விடுத்துள்ளார்.
 இந்த குழாய் உடைப்புக்கு குடிநீர் வடிகால் வாரியம் எவ்வித நடவடிக்கையும் எடுக்க வில்லை. மேலும், திருப்பத்தூர் அருகே கண்டரமாணிக்கம் வழியாகச் செல்லும் இந்த கூட்டுக்குடிநீர்க் குழாய் ஆத்தங்கரைப்பட்டியில் உடைப்பு ஏற்பட்டு ஓராண்டுக்கு மேலாக குடிநீர் வயல்வெளிகளிலும், வெளியாத்தூர் கண்மாயிலும் வீணாக பாய்கிறது. மேலும் குழாய் உடைப்பின் காரணமாக சாலையில் அரிப்பு ஏற்பட்டு சேதமடைந்து காணப்படுகிறது என பொதுமக்கள் புகார் தெரிவித்துள்ளனர்.
 இந்த இடத்தை வெள்ளிக்கிழமை பார்வையிட்ட திருப்பத்தூர் தொகுதி முன்னாள் சட்டப் பேரவை உறுப்பினரும், அ.தி.மு.க. அம்மா அணி மாவட்டச் செயலருமான கே.கே.உமாதேவன் செய்தியாளர்களிடம் கூறியதாவது: இப்பகுதியில் கடந்த ஓராண்டாக  குடிநீர் குழாய் உடைந்து வெள்ளமாக பெருக்கெடுத்து ஓடுகிறது. இதுகுறித்து  தி.மு.க. முன்னாள் ஊராட்சி மன்றத் தலைவரும், தொகுதி எம்எல்ஏவும் கண்டுகொள்வதில்லை. தொடர்ந்து இந்நிலை நீடித்தால் அ.தி.மு.க. அம்மா அணி சார்பில் கண்டரமாணிக்கம் சாலையில் மறியலில் ஈடுபடுவோம் என்றார்.

]]>
http://www.dinamani.com/all-editions/edition-madurai/sivagangai/2018/feb/17/திருப்பத்தூர்-அருகே-குடிநீர்க்-குழாய்-உடைப்பை-சீரமைக்க-முன்னாள்-எம்எல்ஏ-கோரிக்கை-2865025.html
2865024 மதுரை சிவகங்கை திருப்பத்தூரில் தூய்மை இந்தியா விழிப்புணர்வு DIN DIN Saturday, February 17, 2018 07:20 AM +0530 சிவகங்கை மாவட்டம் திருப்பத்தூரில் பள்ளி மற்றும் தன்னார்வ அமைப்புகள் தூய்மை இந்தியா விழிப்புணர்வு மற்றும் களப்பணி நிகழ்ச்சிகளை புதன்கிழமை நடத்தின. 
தூய்மை இந்தியா திட்டத்தின் கீழ் "சுவச் பாரத் பக்வாடா" விழிப்புணர்வு மற்றும் களப்பணிகள் மத்திய அரசால் இந்தியா முழுவதும் பிப்ரவரி மாதம் 1 ஆம் தேதி முதல் 15 ஆம் தேதி வரை செயல்படுத்தப்படுகிறது. பொதுச் சேவை மையங்கள் மூலம் இப்பணிகள் ஒருங்கிணைக்கப்பட்டு வருகிறது. 
திருப்பத்தூர் மவுண்ட் சீயோன் சில்வர் ஜூபிலி மெட்ரிக் மேல்நிலைப்பள்ளியின் இன்டராக்ட் கிளப் மற்றும் காரைக்குடி ஸ்டான்லி அகாதெமி பொது சேவை மையம் இணைந்து நடத்திய விழிப்புணர்வு முகாமில் மவுண்ட் சீயோன் சில்வர் ஜூபிலி மெட்ரிக் மேல்நிலைப்பள்ளியின் தாளாளர் டாக்டர் ஜெய்சன் ஜெயபாரதன் தலைமை வகித்துப் பேசினார்.
அப்போது, மாணவர்கள் மட்கும் மற்றும் மக்காத குப்பைகளை தரம் பிரிக்க பொதுமக்களுக்கு அறிவுறுத்த வேண்டும் என்றார். பொது சேவை மைய மாவட்ட மேலாளர் ஜஸ்டிஸ் கோபிநாத் மத்திய அரசு தூய்மை இந்தியா திட்டத்தை செயல்படுத்த எடுத்துக்கொண்ட முயற்சிகளை விளக்கி, சுற்றுப்புறத்தை தூய்மையாக வைத்து வருங்கால சந்ததி வாழ வழிவிட வேண்டும் என்றார். 
முன்னதாக பள்ளி முதல்வர் அருள் ராஜசேகர் வரவேற்றார். பள்ளியின் இன்டராக்ட் கிளப் மூலமாக செயல்படுத்தப்பட்டு வரும் தூய்மைப் பணிகள் குறித்து மாணவி அஸ்விந்தரா கூறினார். தொடர்ந்து திருப்பத்தூர் பேரூராட்சிக்குட்பட்ட செம்மொழி பூங்கா தூய்மைப்படுத்தும் பணி நடைபெற்றது. நிகழ்ச்சியின் ஒரு பகுதியான மரம் நடும் நிகழ்ச்சியில்  மவுண்ட் சீயோன் கல்வி நிறுவனங்களின் துணைத் தலைவர் பிளாரன்ஸ் ஜெயபாரதன் கலந்துகொண்டார். முன்னாள் கவுன்சிலர் ஷேக் மகதூன், பேரூராட்சி துப்புரவு ஆய்வாளர் தங்கதுரை மற்றும் பலர் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/feb/17/திருப்பத்தூரில்-தூய்மை-இந்தியா-விழிப்புணர்வு-2865024.html
2865023 மதுரை சிவகங்கை கோட்டையிருப்பு அய்யனார் கோயிலில் காவடியாட்டம் DIN DIN Saturday, February 17, 2018 07:20 AM +0530 சிவகங்கை மாவட்டம் திருப்பத்தூர் அருகேயுள்ள தங்கமருதுடைய அய்யனார் கோயிலில் சிவராத்திரி விழாவையொட்டி காவடி மற்றும் சாமியாட்டம் வியாழக்கிழமை நடைபெற்றது. 
    விழாவையொட்டி சுற்றுக் கிராமங்களான ரணசிங்கபுரம், மாங்குடி, கோட்டையிருப்பு ஆகிய ஊர்களிலிருந்து காவடி எடுத்து கோட்டையிருப்பு ஸ்ரீ தங்கமருதுடைய அய்யனார் கோயிலுக்கு வந்தனர். 
   முன்னதாக கோட்டையிருப்பு மந்தை திடலில் சுமார் 20-க்கும் மேற்பட்ட காவடிகளுடன் சாமியாட்டம் நடைபெற்றது. இதில் ஆயிரக்கணக்கான மக்கள் கலந்து கொண்டனர். சாமியாட்டத்தின் போது இஸ்லாமியர்கள் அனைவருக்கும் மாலையிட்டு மரியாதை செலுத்தினர்.  
    மேலும் குழந்தை பேறு நேர்த்திக்கடன் செலுத்தும் வகையில் குழந்தையை கரும்புத் தொட்டில் கட்டி தூக்கி வந்தனர்.
      பின்னர் அனைவரும் கோட்டையிருப்பிலிருந்து ஊர்வலமாக ஸ்ரீ தங்க மருதுடைய அய்யனார் கோயில் வந்து காவடி செலுத்தினர். இத்திருவிழாவில் சுற்றுப்புற கிராமங்களிலிருந்து சுமார் 5 ஆயிரத்திற்கும் மேற்பட்ட பக்தர்கள் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/17/கோட்டையிருப்பு-அய்யனார்-கோயிலில்-காவடியாட்டம்-2865023.html
2865022 மதுரை சிவகங்கை "வல்லரசு இந்தியாவின் நம்பிக்கை நட்சத்திரங்கள் குழந்தைகள்' DIN DIN Saturday, February 17, 2018 07:20 AM +0530 பல்வேறு துறைகளில் வளர்ந்து வரும் இந்தியா, சவால்கள் நிறைந்த உலக அரங்கில் எதிர்காலத்தில் வல்லரசாக மாறுவதற்கு நம்பிக்கைக்குரிய நட்சத்திரங்கள் குழந்தைகள் தான் என  சிவகங்கை  மாவட்ட ஆட்சியர் க.லதா தெரிவித்துள்ளார். 
   சிவகங்கை மாவட்ட குழந்தைகள் பாதுகாப்புத் துறையின் சார்பில் குழந்தைகளுக்கான இலவச தொலைபேசி "1098' சேவை மையத் தொடக்க விழா வியாழக்கிழமை நடைபெற்றது. சிவகங்கையில் உள்ள தனியார் மேல்நிலைப் பள்ளியில் நடைபெற்ற விழாவில், மாவட்ட ஆட்சியர் க.லதா கட்டணமில்லா(1098) தொலைபேசி  சேவையை குத்துவிளக்கேற்றி தொடக்கி வைத்துப் பேசியது:
சமூக ரீதியாக பெண் குழந்தைகள் மற்றும் பெண்களுக்கு ஏற்படும் பல வன்கொடுமை நிகழ்வுகளை தவிர்க்கும் விதமாக மத்திய, மாநில அரசுகள் பல்வேறு நடவடிக்கைகள் எடுத்து அவற்றை செயல்படுத்தி வருகின்றன. இதையொட்டி ஏற்கெனவே மாவட்ட குழந்தைகள் பாதுகாப்பு மையம் மற்றும் மாவட்ட சமூக நல அலுவலகம், மாவட்ட தொழிலாளர் நலம் ஆகியத் துறைகள் ஒருங்கிணைந்து குழந்தைகளுக்கு எதிராக நடைபெற்று வரும் குற்றச் சம்பவங்களை களைந்து அவர்களுக்கு பாதுகாப்பு வழங்கப்பட்டு வருகிறது. அதன் தொடர்ச்சியாக, தற்போது குழந்தைகள் மற்றும் பெண்களுக்கு எதிராக ஏற்படும் குற்றங்களை தடுத்திடும் வகையில் கட்டணமில்லா 1098 என்ற தொலைபேசி சேவை சிவகங்கை மாவட்டத்தில் புதியதாக தொடங்கப்பட்டுள்ளது. இந்த எண்ணை தொடர்பு கொண்டு தகவல் தெரிவிக்க கட்டணம் ஏதுமில்லை. 
இதன் நோக்கம், பெண்கள் மற்றும் குழந்தைகளின் பாதுகாப்பை உறுதிப்படுத்துவதாகும். 
பல்வேறு துறைகளில் வளர்ந்து வரும் இந்தியா,சவால் நிறைந்த உலக அரங்கில் எதிர்காலத்தில் வல்லரசு  நாடாக மாறுவதற்கு நம்பிக்கைக்குரிய நட்சத்திரங்கள் குழந்தைகள் தான்.ஆகவே அவர்களை பேணிக்  காக்கும் பொறுப்பு நம் அனைவருக்குமே உள்ளது என்றார்.
மாவட்ட முதன்மைக் கல்வி அலுவலர் ஆஞ்சலோ இருதயசாமி, மாவட்ட காவல் துணைக் கண்காணிப்பாளர் முருகேசன், மாவட்ட குழந்தைகள் பாதுகாப்பு அலுவலர் ஜெயபிரகாஷ், மாவட்ட குழந்தைகள் நலக் குழுத் தலைவர் பால்ராஜ், மாவட்ட தொழிலாளர் நல அலுவலர் மைவிழிச்செல்வி, மாவட்ட சமூக நல அலுவலர் வசந்தா, மாவட்டக் கல்வி அலுவலர் சபிதா உள்பட பலர் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/17/வல்லரசு-இந்தியாவின்-நம்பிக்கை-நட்சத்திரங்கள்-குழந்தைகள்-2865022.html
2865021 மதுரை சிவகங்கை மானாமதுரையில் ஓய்வு பெற்ற அரசு அலுவலர்கள் சங்கக் கூட்டம் DIN DIN Saturday, February 17, 2018 07:19 AM +0530 சிவகங்கை மாவட்டம் மானாமதுரையில் ஓய்வு பெற்ற அரசு அலுவலர்கள் சங்கக் கூட்டம் புதன்கிழமை நடைபெற்றது. 
   கூட்டத்துக்கு சங்கத்தின் துணைத் தலைவர் இராசு தலைமை வகித்தார். செயல் தலைவர் அமல்ராஜ் முன்னிலை வகித்தார். பொருளாளர் உல. மீனாட்சிசுந்தரம் சங்கத்தின் வரவு செலவு அறிக்கை தாக்கல் செய்து பேசினார். தலைவர் அங்குச்சாமி, துணைத் தலைவர் பாப்பான்குளம் பாண்டியன் உள்ளிட்ட நிர்வாகிகள் கலந்து கொண்டனர். சங்கத்தில் புதிதாக புரவலர்களாக இணைந்த முனைவர் டி.கிறிஸ்டிராஜ், மேரிதனபாக்கியம், மரியலூயிஸ்ராஜ், சோமசுந்தரம் ஆகியோருக்கு கூட்டத்தில் பாராட்டு தெரிவிக்கப்பட்டது. முடிவில் இணைச் செயலாளர் பாலுச்சாமி நன்றி கூறினார்.

]]>
http://www.dinamani.com/all-editions/edition-madurai/sivagangai/2018/feb/17/மானாமதுரையில்-ஓய்வு-பெற்ற-அரசு-அலுவலர்கள்-சங்கக்-கூட்டம்-2865021.html
2865020 மதுரை சிவகங்கை பழையனூர் சுந்தரமகாலிங்கம் கோயில் தேரோட்டம் DIN DIN Saturday, February 17, 2018 07:19 AM +0530 சிவகங்கை மாவட்டம் பழையனூர் கிராமத்தில் உள்ள சுந்தரமகாலிங்கம், அங்காளஈஸ்வரி, சந்தனக்கருப்பணசுவாமி கோயில் மாசி மகா சிவராத்திரி திருவிழாவையொட்டி வெள்ளிக்கிழமை தேரோட்டம் நடைபெற்றது.
 இவ்விழா கடந்த பிப். 13 ஆம் தேதி இரவு கொடியேற்றம் மற்றும் காப்புக் கட்டுதலுடன் தொடங்கியது. இதையடுத்து தினசரி சுவாமி, அம்மன் உள்ளிட்ட பரிவார மூர்த்திகளுக்கு சிறப்பு அபிஷேக, ஆராதனைகள் நடைபெற்றன. பின்னர் வியாழக்கிழமை இரவு சுந்தரமகாலிங்கம் பிரியாவிடையுடன் காளை வாகனத்திலும், அங்காளஈஸ்வரி அம்மன் சிம்ம வாகனத்திலும் எழுந்தருளி கோயிலிலிருந்து புறப்பட்டு முக்கிய வீதிகள் வழியாக ஊர்வலமாக வந்தனர். அதனைத் தொடர்ந்து பாரி வேட்டை திருவிழா நடைபெற்றது. முக்கிய திருவிழாவான தேரோட்டம்  வெள்ளிக்கிழமை நடைபெற்றது. முன்னதாக சுவாமிக்கும் அம்மனுக்கும், சிறப்பு அபிஷக,ஆராதனைகள் நடைபெற்றன. அதன் பின்னர் சுவாமி பிரியாவிடையுடனும், அம்மன் தனியாகவும் தேரடிக்கு எழுந்தருளினர். பிறகு சுமார் 3.30 மணிக்கு புறப்பட்ட தேர், தேரடி வீதி வழியாக  வலம்  வந்து மாலை 6 மணிக்கு நிலைக்கு வந்து சேர்ந்தது.
 இதில், சிவகங்கை, மதுரை, ராமநாதபுரம், விருதுநகர், தேனி, திண்டுக்கல் ஆகிய  மாவட்டங்களிலிருந்தும், தமிழகத்தின் பிற பகுதிகளிலிருந்தும் ஏராளமான பக்தர்கள் கலந்து கொண்டனர். விழாவுக்கான ஏற்பாடுகள் கோயில் பரம்பரை அறங்காவலர் மு.கருப்புராஜா மற்றும் கோயில் குருக்கள் மாசானம் தலைமையில் செய்யப்பட்டிருந்தது.

]]>
http://www.dinamani.com/all-editions/edition-madurai/sivagangai/2018/feb/17/பழையனூர்-சுந்தரமகாலிங்கம்-கோயில்-தேரோட்டம்-2865020.html
2865019 மதுரை சிவகங்கை சிவகங்கை பஜார் பகுதி கடைகளில் பூட்டை உடைத்து பணம் திருட்டு DIN DIN Saturday, February 17, 2018 07:18 AM +0530 சிவகங்கை பஜாரில் வியாழக்கிழமை இரவு 5 கடைகளில் பூட்டை உடைத்து பணத்தைத் திருடிச் சென்ற மர்ம நபர்களை போலீஸார் தேடி வருகின்றனர்.
 சிவகங்கை வாரச் சந்தை சாலையில் உள்ள 2 அரிசிக் கடைகள், பேருந்து நிலையம் அருகே உள்ள ஆட்டோ உதிரி பாகங்கள் விற்பனை கடை, தனியார் பால் விற்பனை கடை, வடக்கு ராஜரத வீதியில் உள்ள மின்சாதன விற்பனைக் கடை ஆகியவற்றில் வியாழக்கிழமை இரவு புகுந்த மர்ம நபர்கள் அங்கிருந்த ரொக்கப் பணம், செல்லிடப்பேசி மற்றும் இதர பொருள்களை திருடிச் சென்றுவிட்டனர்.
 இதுகுறித்த புகாரின் பேரில் சிவகங்கை நகர் போலீஸார் தீவிரமாக விசாரித்து வருகின்றனர். மேலும், அந்தந்த  கடைகளில் பொருத்தப்பட்டுள்ள சிசிடிவி கேமராவை ஆய்வு செய்த போது, சில மர்ம நபர்கள் முகமூடி அணிந்து திருடியக் காட்சிகள் பதிவாகி இருப்பதாகவும், இதன் மூலம் விசாரணை நடத்தப்பட்டு அந்த மர்ம நபர்கள் விரைவில் பிடிபடுவர் என்றும் போலீஸ் தரப்பில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/feb/17/சிவகங்கை-பஜார்-பகுதி-கடைகளில்-பூட்டை-உடைத்து-பணம்-திருட்டு-2865019.html
2865018 மதுரை சிவகங்கை ஆனைக்குளம் கிராம மக்களின் குடிநீர் தேவை பூர்த்தி செய்யப்படுமா? ஒரு குடம் தண்ணீர் ரூ. 30-க்கு வாங்கும் அவலம் DIN DIN Saturday, February 17, 2018 07:18 AM +0530 சிவகங்கை மாவட்டம் ஆனைக்குளம் கிராமத்தில் கடந்த 5  ஆண்டுகளுக்கும் மேலாக பூட்டிய நிலையில் உள்ள மேல்நிலை நீர்த் தேக்கத் தொட்டியின் ஆழ்துளை மோட்டாரை செயல்பாட்டுக்கு கொண்டுவர வேண்டும் அப்பகுதி பொதுமக்கள்  கோரிக்கை  விடுத்துள்ளனர்.    
சிவகங்கை மாவட்டம் மேலச்சொரிக்குளம் கிராம ஊராட்சிக்கு உட்பட்டது ஆனைக்குளம் கிராமம். இங்கு சுமார் 70-க்கும் மேற்பட்ட குடும்பங்கள் வசித்து வருகின்றனர். இந்நிலையில், அங்கு வாழும் பொதுமக்களின் தண்ணீர் தேவையை பூர்த்தி செய்யும் வகையில் ஆழ்துளை கிணறு அமைத்து, மேல்நிலை நீர்த்தேக்கத் தொட்டியின் மூலம் தண்ணீர் வழங்கப்பட்டு வந்தது.
கடந்த 5 ஆண்டுகளுக்கும் மேலாக இந்த மேல்நிலை நீர்த்தேக்கத் தொட்டிக்குரிய  ஆழ்துளை  மோட்டார் செயல்படாமல் உள்ளதாகவும், இதுகுறித்து பலமுறை சம்பந்தப்பட்ட அலுவலர்களிடம்  புகார் செய்தும், இதுவரை எந்த ஒரு நடவடிக்கையும் இல்லை என அப்பகுதி பொதுமக்கள் புகார் தெரிவித்துள்ளனர். மேலும் இதனைக் கவனத்தில் கொண்டு மாவட்ட நிர்வாகம் உரிய நடவடிக்கை எடுத்து ஆழ்துளை கிணற்றின் மோட்டாரை மீண்டும் இயக்க வேண்டும்  எனக்  கோரிக்கை விடுத்துள்ளனர்.
 இதுகுறித்து ஆனைக்குளம் கிராமப் பொதுமக்கள் கூறியது: எங்கள் கிராமத்தின் தண்ணீர்  தேவையை பூர்த்தி செய்து வந்த மேல்நிலை நீர்த் தேக்கத் தொட்டியின் ஆழ்துளை கிணற்றின் மோட்டார் கடந்த 5 ஆண்டுகளுக்கும் மேலாக செயல்படாமல் பூட்டியே கிடக்கிறது.
  ஏற்கனவே அமைக்கப்பட்ட சிறுமின் விசைப் பம்பு (சின்டெக்ஸ்)  மூலம் எங்கள் கிராமத்திற்கு தேவையான தண்ணீர் தேவையை இதுவரை பூர்த்தி செய்து வந்தோம். அந்த தண்ணீரும் சமீபத்தில் உப்பாக மாறி பயன்படுத்த முடியாத அளவிற்கு போய்விட்டது. இதன் காரணமாக வெளியிலிருந்து வரும் வாகனங்களிலிருந்து சுத்திகரிக்கப்பட்ட தண்ணீரை ஒரு குடம் ரூ.30 என விலை வாங்கி பயன்படுத்தி வருகிறோம். 
இந்நிலையில் கிராம ஊரக வளர்ச்சி நிதியின் கீழ் நிதி ஒதுக்கீடு செய்து எங்கள் ஊரிலுள்ள அய்யனார் கோயில் முன் அண்மையில் ஆழ்துளை கிணறு ஒன்று அமைக்கப்பட்டது. அந்த தண்ணீரும் குடிக்க முடியாத அளவே உள்ளது. மேலும் இதன் மூலம் கிடைக்கும் தண்ணீரை பொதுமக்களுக்கு வழங்குவதற்கு முறையான செயல்திட்டங்கள் ஏதும் வகுக்கப்படவில்லை. ஆகவே,மேற்கண்ட ஆழ்துளை கிணற்றுக்கு செலவிடும் தொகை வீணானது.
அதற்கு பதிலாக மாவட்ட நிர்வாகம் போர்க்கால அடிப்படையில் நடவடிக்கை எடுத்து, ஆனைக்குளம் கிராமத்தில் ஏற்கெனவே கடந்த 5 ஆண்டுகளுக்கு மேலாக செயல்படாமல்  பூட்டிய  நிலையில் உள்ள மேல்நிலை தொட்டிக்குரிய ஆழ்துளை கிணற்றின் மோட்டாரை  இயக்க முன் வர வேண்டும் என்றார்.

]]>
http://www.dinamani.com/all-editions/edition-madurai/sivagangai/2018/feb/17/ஆனைக்குளம்-கிராம-மக்களின்-குடிநீர்-தேவை-பூர்த்தி-செய்யப்படுமா-ஒரு-குடம்-தண்ணீர்-ரூ-30-க்கு-வாங்கும-2865018.html
2864530 மதுரை சிவகங்கை பயிர்க்காப்பீடு பிரீமியம் ரூ.5 கோடி மோசடி: நிதித்துறை செயலர், ஆட்சியர் பதிலளிக்க உத்தரவு DIN DIN Friday, February 16, 2018 09:44 AM +0530 சிவகங்கை மாவட்டத்தில் ரூ.5 கோடி பயிர்க்காப்பீடு பிரீமியத் தொகையை முறைகேடு செய்த வேளாண் கூட்டுறவு சங்க நிர்வாகிகள் மீது நடவடிக்கை கோரும் மனுவுக்கு தமிழக நிதித்துறைச் செயலர், சிவகங்கை மாவட்ட ஆட்சியர் ஆகியோர் பதிலளிக்குமாறு சென்னை உயர்நீதிமன்ற மதுரைக்கிளை வியாழக்கிழமை உத்தரவிட்டுள்ளது. 
 சிவகங்கை மாவட்டம் காளையார்கோவிலைச் சேர்ந்த மரகதம் தாக்கல் செய்த மனு: 
எங்கள் கிராமத்தை சேர்ந்த விவசாயிகள் அனைவரும் கடந்த 2016-இல் அவரவருக்கு சொந்தமான நிலங்களில் நெல் பயிரிட்டோம். இதற்கு சக்கூர் தொடக்க வேளாண் கூட்டுறவு சங்கத்தில் முறையாக பயிர்க் காப்பீடு செய்து அதற்குரிய பிரீமிய தொகையையும் செலுத்தி வந்தோம். பின்னர் எங்களது பயிர் காப்பீட்டு கணக்கு பிரதம மந்திரி பசல் பீமா யோஜனா காப்பீட்டுத் திட்டத்தில் சேர்க்கப்பட்டது. 
 இந்நிலையில் போதிய மழையில்லாததால் பயிர்கள் கருகி விட்டன. எங்கள் நிலத்தில் இழப்பு ஏற்பட்டது தொடர்பாக அளவீடு செய்யப்பட்டது. சாகுபடி பொய்த்துப்போன நிலங்களுக்கு ஏக்கருக்கு ரூ.20 ஆயிரத்து 990 இழப்பீட்டு தொகையாக நிர்ணயம் செய்யப்பட்டது. ஆனால் எங்களுக்கு சேர வேண்டிய இழப்பீட்டுத் தொகையை வழங்காமல் அதிகாரிகள் அலைக்கழித்தனர்.
இதுதொடர்பாக விசாரித்தபோது, நாங்கள் கூட்டுறவு சங்கத்தில் செலுத்திய பயிர்காப்பீட்டு பிரீமிய தொகையை அதிகாரிகள் காப்பீட்டு நிறுவனத்துக்கு செலுத்தாதது தெரிய வந்தது. இதில் சக்கூர் கூட்டுறவு வேளாண் சங்கத்தில் 15-க்கும் மேற்பட்ட கிராமங்களைச் சேர்ந்த ஆயிரத்துக்கும் அதிகமான விவசாயிகள் செலுத்திய ரூ.5 கோடியை கூட்டுறவு சங்கத்தினர் மோசடி செய்துள்ளனர். எனவே கூட்டுறவு சங்க நிர்வாகிகள் மீது உரிய நடவடிக்கை எடுக்கக்கோரி வணிக குற்றப்புலனாய்வு பிரிவில் புகார் அளித்தும் நடவடிக்கை இல்லை. எனவே மோசடியில் ஈடுபட்டவர்கள் மீது நடவடிக்கை எடுக்கவும், பாதிக்கப்பட்ட எங்களுக்கு முதல்வர் நிவாரண நிதியில் இருந்து பயிர் இழப்பீட்டு தொகையை வழங்கவும் உத்தரவிட வேண்டும் என்று குறிப்பிட்டிருந்தார். 
 இந்த மனு நீதிபதிகள் எம்.சத்தியநாராயணன், ஆர்.ஹேமலதா ஆகியோர் அடங்கிய அமர்வு முன்பு வியாழக்கிழமை விசாரணைக்கு வந்தது. மனுவை விசாரித்த நீதிபதிகள், மனுவுக்கு நிதித்துறை செயலர், சிவகங்கை ஆட்சியர் ஆகியோர் பதிலளிக்குமாறு உத்தரவிட்டனர்.

]]>
http://www.dinamani.com/all-editions/edition-madurai/sivagangai/2018/feb/16/பயிர்க்காப்பீடு-பிரீமியம்-ரூ5-கோடி-மோசடி-நிதித்துறை-செயலர்-ஆட்சியர்-பதிலளிக்க-உத்தரவு-2864530.html
2864529 மதுரை சிவகங்கை சிவகங்கையில் சத்துணவு ஊழியர்கள் சாலை மறியல்: 79 பெண்கள் உள்பட 121 பேர் கைது DIN DIN Friday, February 16, 2018 09:44 AM +0530 காலமுறை ஊதியம் உள்ளிட்ட பல்வேறு கோரிக்கைகளை வலியுறுத்தி தமிழ்நாடு சத்துணவு ஊழியர் சங்கத்தின் சார்பில் வியாழக்கிழமை சாலை மறியலில் ஈடுபட்ட 79 பெண்கள் உள்பட 121 பேர் கைது செய்யப்பட்டனர்.
    தமிழகம் முழுவதும் உள்ள பள்ளிகளில் பணியாற்றும் சத்துணவு அமைப்பாளர், சமையலர், உதவி சமையலர் ஆகியோருக்கு காலமுறை ஊதியம் வழங்க வேண்டும், குறைந்தபட்ச ஓய்வூதியத் தொகையை ரூ.9ஆயிரமாக அதிகரித்து வழங்க வேண்டும். ஓய்வு பெறும் பணியாளர்களுக்கு பணிக் கொடையாக ரூ.5 லட்சம் வழங்க வேண்டும். தமிழகம் முழுவதும்  காலியாக உள்ள பணியிடங்களை உடனடியாக நிரப்ப வேண்டும் என்பன உள்ளிட்ட  பல்வேறு  கோரிக்கைகளை வலியுறுத்தி சிவகங்கை அரண்மனை வாசல் முன் சத்துணவு ஊழியர்கள் சாலை மறியல் போராட்டத்தில் ஈடுபட்டனர்.
   போராட்டத்திற்கு  தமிழ்நாடு  சத்துணவு சங்கத்தின் சிவகங்கை மாவட்டத் தலைவர்  கண்ணுச்சாமி தலைமை வகித்தார். 
 இதில் கலந்து கொண்ட 79 பெண்கள் உள்பட 121 பேரை சிவகங்கை நகர் போலீஸார் கைது செய்து, பின்பு மாலையில் விடுவித்தனர்.

]]>
http://www.dinamani.com/all-editions/edition-madurai/sivagangai/2018/feb/16/சிவகங்கையில்-சத்துணவு-ஊழியர்கள்-சாலை-மறியல்-79-பெண்கள்-உள்பட-121-பேர்-கைது-2864529.html
2864527 மதுரை சிவகங்கை காரைக்குடி அழகப்பா பல்கலைக்கழகத்துக்கு முதல்தர வரிசை: துணைவேந்தர் தகவல் DIN DIN Friday, February 16, 2018 09:43 AM +0530 பல்கலைக்கழக நிதி நல்கைக்குழு (யு.ஜி.சி) நாட்டில் உள்ள 819 பல்கலைக்கழகங்களை கல்வி, ஆராய்ச்சி, விரிவாக்கம் மற்றும் செயல்பாட்டுத்திறன் அடிப்படையில் மூன்று வகையாக தரப்படுத்தி தேர்ந்தெடுக்கப்பட்ட 32 பல்கலைக்கழகங்களுள் காரைக்குடி அழகப்பா பல்கலைக்கழகம் முதல்தரத்தினைப் பெற்றுள்ளது என துணைவேந்தர் சொ. சுப்பையா தெரிவித்தார்.
இதுகுறித்து அவர் புதன்கிழமை கூறியது: 
தேர்ந்தெடுக்கப்பட்டுள்ள 32 பல்கலைக்கழகங்களுள் அழகப்பா பல்கலைக்கழகம் முதல்தரத்தினை பெற்று முன்னிலையில் உள்ளது. தமிழகத்திலுள்ள 21 அரசு பல்கலைக்கழகங்களுள் அழகப்பா பல்கலைக்கழகம் மட்டுமே முதல் தர பல்கலைக்கழகமாக தேர்ந்தெடுக் கப்பட்டுள்ளது.
பல்கலைக்கழக மானியக்குழு பல்கலைக்கழகத் தரவரிசையினை தேசிய தரமதிப்பீட்டுக் குழுமத்தின் ஒட்டுமொத்த கூட்டு மதிப்பீட்டு புள்ளி அடிப்படையில் தேர்வு செய்கிறது. கூட்டு மதிப்பீட்டுப்புள்ளி 3.50-க்கு மேல் எடுத்த பல்கலைக்கழகங்கள் மட்டுமே முதல்தர வகைக்கு தகுதி பெறுகின்றன. காரைக்குடி அழகப்பா பல்கலைக்கழகம் மூன்றாவது சுற்று தர (விரிவாக்கம் மற்றும் செயல்பாட்டுத்திறன்) மதிப்பீட்டில் கூட்டுமதிப்பீட்டுப் புள்ளி 3.64 எடுத்துள்ளதால் இந்தச்சிறப்பினை பெற்றுள்ளது என்பது குறிப்பிடத்தக்கது.
அழகப்பா பல்கலைக்கழகம் முதல் தரத்தினை பெற்றிருப்பதால் பல்வேறு பலன்களைப்பெறுகிறது.  அதாவது பல்கலைக்கழகம் தானாகவே புதிய துறைகள், மையங்கள், பாடப்பிரிவுகள் தொடங்குவதற்கு அனுமதிக்கப்பட்டுள்ளது. புதிய ஆராய்ச்சி பூங்காக்கள், இன்குபேசன் மையங்கள், பல்கலைக்கழக சமூக தொடர்பு மையங்கள் மற்றும் தனியாருடன் இணைந்து புதிய பாடப்பிரிவுகள் தொடங்குவதற்கு யு.ஜி.சி அனுமதியை நாட தேவையில்லை.
மேலும் பன்னாட்டு அறிஞர்கள், பேராசிரியர்களை பணி அமர்த்திக் கொள்ளவும், அயல் நாட்டு மாணவர்களை எந்தவிதத் தடைகளும் இன்றி அனுமதித்துக்கொள்ளவும், அயல்நாட்டு மாணவர்களை மொத்த பல்கலைக்கழக மாணவர் எண்ணிக்கையில் 20 சதவீதம் வரை சேர்த்துக்கொள்ளவும் அனுமதிக்கப்பட்டுள்ளது. தொலைநிலைக் கல்வியில் புதிய பாடத்திட்டங்களுக்கு யு.ஜி.சி அனுமதியை நாட தேவையில்லை. பல்கலைக்கழக பிரதான வளாகம் தவிர 2 புற வளாக மையங்களை அழகப்பா பல்கலைக்கழம் தொடங்குவதற்கும், உலகத்தரம் வாய்ந்த முதல் 500 அயல்நாட்டு பல்கலைக்கழகங்களோடு இணைந்து புதிய பாடத்திட்டங்களை அமல்படுத்தவும், மிகத்திறமையான ஆசிரியர்களுக்கு சம்பளத்தோடு கூடுதல் ஊக்கத்தொகையை சிண்டிகேட் ஒப்புதலுடன் வழங்கவும் அனுமதிக்கப்பட்டுள்ளது என்றார். 
   பேட்டியின் போது பல்கலைக்கழகப் பதிவாளர் ஹா. குருமல்லேஷ் பிரபு மற்றும் ஆட்சிக்குழு உறுப்பினர்கள், பேராசிரியர்கள் உடனிருந்தனர்.

]]>
http://www.dinamani.com/all-editions/edition-madurai/sivagangai/2018/feb/16/காரைக்குடி-அழகப்பா-பல்கலைக்கழகத்துக்கு-முதல்தர-வரிசை-துணைவேந்தர்-தகவல்-2864527.html
2864526 மதுரை சிவகங்கை சிவகங்கை அருகே மஞ்சுவிரட்டு DIN DIN Friday, February 16, 2018 09:43 AM +0530 சிவகங்கை அருகே முத்தூரில் உள்ள முத்துசாத்த அய்யனார், வல்ல நாட்டு கருப்பண சுவாமி கோயில் மாசி மகா சிவராத்திரி திருவிழாவை முன்னிட்டு  மஞ்சுவிரட்டு வியாழக்கிழமை நடைபெற்றது.
விழாவை முன்னிட்டு முத்துசாத்த அய்யனார், பள்ளுடைய அய்யனார், வல்ல நாட்டு கருப்பண சுவாமி, காளியம்மன் உள்ளிட்ட பரிவார தேவதைகளுக்கு சிறப்பு அபிஷேக, ஆராதனைகள் நடைபெற்றன. அதனைத் தொடர்ந்து, காளைகளுக்கு சிறப்பு பூஜைகள் செய்யப்பட்டு, கோயில் முன் உள்ள மஞ்சு விரட்டு திடலில் அவிழ்த்துவிடப்பட்டன. இந்த மஞ்சுவிரட்டில் பங்கேற்க சிவகங்கை, ராமநாதபுரம், மதுரை, புதுக்கோட்டை ஆகிய மாவட்டங்களிலிருந்து சுமார் 60-க்கும் மேற்பட்ட காளைகள் கொண்டுவரப்பட்டன. இதில் சுமார் 500-க்கும் மேற்பட்ட மாடுபிடி வீரர்கள் கலந்து கொண்டு காளைகளை பிடித்தனர். வெற்றி பெற்ற வீரர்களுக்கும், பிடி கொடுக்காத காளைகளுக்கும் பரிசுகள் வழங்கப்பட்டன. இந்நிகழ்வினை அப்பகுதியைச் சேர்ந்த ஏராளமான பொதுமக்கள் பார்வையிட்டனர்.
 

]]>
http://www.dinamani.com/all-editions/edition-madurai/sivagangai/2018/feb/16/சிவகங்கை-அருகே-மஞ்சுவிரட்டு-2864526.html
2864524 மதுரை சிவகங்கை காரைக்குடியில் அஞ்சல் துறை வங்கிச் சேவை தொடக்கம் DIN DIN Friday, February 16, 2018 09:43 AM +0530 காரைக்குடி தலைமை அஞ்சலகத்தில் வங்கிச் சேவை தொடக்க விழா செவ்வாய்க்கிழமை நடைபெற்றது.
விழாவில், கோட்டக் கண்காணிப்பாளர் வே. மாரியப்பன் வங்கிச் சேவையை குத்துவிளக்கேற்றி தொடக்கி வைத்துப் பேசியது: 
இந்திய அஞ்சல் துறை காலத்திற்கேற்றார் போல் தற்போது நவீனமயமாக்கப்பட்டு பிற வங்கிகளின் சேவையைப் போலவே வங்கிச் சேவையை செய்து வருகிறது. தற்போது சேமிப்புக்கணக்கில் குறைந்தது ரூ. 50 மட்டும் இருப்பு வைத்து கணக்கு தொடங்கலாம். கூடுதலாக எவ்விதக் கட்டணமுமின்றி ஏ.டி.எம் அட்டை வழங்கப்படும். இதன் மூலம் அனைத்து வங்கிகளின் ஏ.டி.எம் மூலம் பணம் எடுக்கும் வசதி ஏற்படுத்தப்பட்டுள்ளது.
காரைக்குடி அஞ்சல் கோட்டத்தில் உள்ள அனைத்து அஞ்சல் நிலையங்களும் கோர் சிஸ்டம் இன்டகிரேடர் தொழில்நுட்பத்தில் இணைந்து செயல்பட உள்ளது என்றார்.
விழாவில், காரைக்குடி அஞ்சல் துணைக் கோட்டக் கண்காணிப்பாளர் கே. விஜயலெட்சுமி, தேவகோட்டை துணைக் கோட்டக் கண்காணிப்பாளர் பி.ஹூசைன்அகமது, காரைக்குடி உபகோட்ட ஆய்வாளர் டென்னிஸ்தாசன், காரைக்குடி தலைமை அஞ்சலக அதிகாரி டி. கல்யாணி மற்றும் அனைத்து அஞ்சல் அலுவலர்கள் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/16/காரைக்குடியில்-அஞ்சல்-துறை-வங்கிச்-சேவை-தொடக்கம்-2864524.html
2863718 மதுரை சிவகங்கை கற்கள் பெயர்ந்து முற்றிலும் சேதம்: திருப்பத்தூரில் கால்களை பதம் பார்க்கும் காளியம்மன் கோயில் சாலை DIN DIN Thursday, February 15, 2018 03:48 AM +0530 சிவகங்கை மாவட்டம் திருப்பத்தூர் பேரூராட்சிக்குட்பட்ட செட்டிய தெருவில் இருந்து காளியம்மன் கோயில் வரை செல்லும் பிரதான சாலை முழுவதும் கற்கள் பெயர்ந்து குண்டும் குழியுமாக காணப்படுகிறது.
   திருப்பத்தூர் பேரூராட்சி 16-ஆவது வார்டில் கடந்த 2011-2012 ஆம் ஆண்டு ஒருங்கிணைந்த நகர்புற வளர்ச்சித் திட்டத்தின் கிழ் ரூ.16.20 லட்சம் மதிப்பில் மதுரை சாலை முதல் ராஜகாளியம்மன் கோயில் வரை சாலை போடப்பட்டது. தற்போது இந்த சாலை கற்கள் பெயர்ந்து குண்டும், குழியுமாக முற்றிலும் சேதமடைந்து பயன்படுத்த முடியாத நிலையில் இருந்து வருகிறது. மேலும் சிறிய மழை பெய்தாலே தண்ணீர் தேங்கி குளம் போல் மாறிவிடுகிறது. பெரும்பாலான இடங்களில் தார்ச் சாலை முற்றிலும் சேதமடைந்து மண் சாலையாக மாறிவிட்டது. 
  மாங்குடி, மணக்குடி, காரையூர், வைரவன்பட்டி உள்ளிட்ட கிராம மக்கள் சிங்கம்புணரி பிரதான சாலையில் இருந்து இச்சாலையினை குறுக்கு சாலையாக பயன்படுத்துகின்றனர். மேலும் திருப்பத்தூர் தாலூகா அலுவலகம், மருத்துவமனைக்குச் செல்லும் பிரதான சாலையாக உள்ளதால் இச்சாலையில் இருசக்கர வாகனம், கார்கள், பள்ளி வாகனங்களில் செல்வோர் மிகவும் சிரமத்திற்குள்ளாகின்றனர். 
மேலும் பேருந்து நிலையத்திலிருந்து காளியம்மன் கோயில் தெரு, உசேன் அம்பலம்நகர் கண்மனிபாக்கம், அம்மன்வீதி போன்ற பகுதிகளுக்கு பகல் மற்றும் இரவு நேரங்களில் ஆட்டோ மற்றும் கார் ஓட்டுநர்கள் வருவதற்குத் தயங்குகின்றனர். ஒருவேளை வரும் பட்சத்தில் இருமடங்கு தொகை வசூல் செய்கின்றனர். எனவே சாலையினை சரி செய்ய பேரூராட்சிக்கு உத்தரவிட வேண்டும் என பொதுமக்கள் மாவட்ட நிர்வாகத்திற்கு கோரிக்கை விடுத்துள்ளனர். 
 '' செட்டிய தெருவில் இருந்து பல இடங்களில் சாலையில் கற்கள் பெயர்ந்து, குண்டும் குழியுமாக உள்ளது. இப்பகுதியில் மிகவும் பிரசித்தி பெற்ற காளியம்மன் கோயில் மற்றும் திருமுருகன் திருக்கோயில் திருவிழாக்களுக்கு வரும் பக்தர்கள் மிகவும் சிரமப்பட்டு நடந்து செல்கின்றனர். 
மேலும் பால்குடம், பூத்தட்டு, காவடி எடுத்துவரும் போது, சாலையின் நடுவே தடுமாறி கீழே விழும் நிலை உள்ளது. எங்கள் பகுதிகளில் மணப்பெண் பார்ப்பதற்குக் கூட மாப்பிள்ளை வீட்டார் வர தயங்குகின்றனர். காளியம்மன் கோயில் திருவிழாவிற்குள் இந்த சாலையை பேரூராட்சி நிர்வாகம் உடனடியாக சீர்செய்ய வேண்டும்'' என அப்பகுதியினர் தெரிவித்தனர்.

]]>
http://www.dinamani.com/all-editions/edition-madurai/sivagangai/2018/feb/15/கற்கள்-பெயர்ந்து-முற்றிலும்-சேதம்-திருப்பத்தூரில்-கால்களை-பதம்-பார்க்கும்-காளியம்மன்-கோயில்-சாலை-2863718.html
2863717 மதுரை சிவகங்கை தடகளப்போட்டியில் தங்கம் வென்ற மாற்றுத்திறனாளிகளுக்குப் பாராட்டு DIN DIN Thursday, February 15, 2018 03:48 AM +0530 தென்மேற்கு ஆசிய நாடுகளின் கூட்டமைப்பு சார்பில் இலங்கைத் தலைநகர் கொழும்புவில் அண்மையில் நடைபெற்ற மாற்றுத்திறனாளிகளுக்கான தடகளப் போட்டியில் 3 தங்கம், 3 வெள்ளிப் பதக்கங்கள் வென்ற காரைக்குடி அழகப்பா பல்கலைக்கழக பாரா விளையாட்டு மையத்தைச் சார்ந்த 4 மாணவர்களை துணைவேந்தர் சொ. சுப்பையா திங்கள்கிழமை பாராட்டினார்.
இதில் மாணவர் ர.  பாலசுப்பிரமணியன் 100 மீட்டர் மற்றும் நீளம் தாண்டுதல் போட்டியில் 2 தங்கப்பதக்கங்களையும்,  பெண்கள் பிரிவில் எ. சிவகவி 100 
மீட்டர் பந்தயத்தில் தங்கமும், எ. செல்வராஜ் ஈட்டி எறிதல் 
மற்றும் வட்டு எறிதல் போட்டிகளில் வெள்ளிப்பதக்கமும், எ. சிவராஜ் 100 மீட்டர் போட்டியில் வெள்ளிப் பதக்கமும் வென்றனர்.
வெற்றி பெற்ற மாணவ, மாணவிகள், பயிற்சியாளர் எம். சுந்தர் ஆகியோரை துணைவேந்தர் சொ. சுப்பையா, பதிவாளர் ஹா. குருமல்லேஷ்பிரபு ஆகியோர் பாராட்டினர். மேலும் துணைவேந்தர் கூறுகையில், சர்வதேச அளவில் வெற்றி பெற்ற மாணவர்களுக்கு பல்கலைக்கழக ஆட்சிக்குழு பரிந்துரைப்படி தங்கம் வென்ற மாணவர்களுக்கு ரொக்கப்பரிசாக ரூ. 2 லட்சமும், வெள்ளி வென்றவர்களுக்கு ரூ. 1 லட்சமும் வழங்கப்படும் என்றார்.

]]>
http://www.dinamani.com/all-editions/edition-madurai/sivagangai/2018/feb/15/தடகளப்போட்டியில்-தங்கம்-வென்ற-மாற்றுத்திறனாளிகளுக்குப்-பாராட்டு-2863717.html
2863716 மதுரை சிவகங்கை வங்கியில் பெண்ணிடம் ரூ.60 ஆயிரம் திருட்டு DIN DIN Thursday, February 15, 2018 03:48 AM +0530 சிவகங்கை மாவட்டம் திருப்புத்தூர் அருகே வங்கியில் வைத்திருந்த நகையைத் திருப்ப வந்த பெண்ணிடம் ரூ.60 ஆயிரத்தை மர்ம நபர்கள் திருடிச்சென்றுள்ளனர்.
   திருப்பத்தூர் அருகே சேவிணிப்பட்டியைச் சேர்ந்தவர் பூமாலை மனைவி நல்லம்மாள்(28). இவர் கீழச்சிவல்பட்டி  வங்கியில் தனது நகையை அடமானம் வைத்துள்ளார். இந்நிலையில் செவ்வாய்கிழமை நகையை திருப்புவதற்காக வங்கிற்கு வந்துள்ளார். அப்போது நகை திருப்ப படிவத்தை பூர்த்தி செய்துவிட்டு பணம் கட்டுவதற்காக தனது தோளில் மாட்டியிருந்த பையில் வைத்திருந்த பணத்தை பார்த்தபோது,அதில் வைத்திருந்த ரூ.61.500 திருடு போனது தெரியவந்துள்ளது. பின்னர் இதுகுறித்து கீழச்சிவல்பட்டி காவல் நிலையத்தில் புகார் அளித்தார். அதன்பேரில்  போலீசார் விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/15/வங்கியில்-பெண்ணிடம்-ரூ60-ஆயிரம்-திருட்டு-2863716.html
2863715 மதுரை சிவகங்கை சிறுமி பலாத்காரம்: 3 பேர் கைது DIN DIN Thursday, February 15, 2018 03:46 AM +0530 சிவகங்கை அருகே சிறுமியை கடத்திச் சென்று பலாத்காரம் செய்த வழக்கில் மூவரை சிவகங்கை போலீஸார் புதன்கிழமை இரவு கைது செய்தனர்.
        சிவகங்கை அருகே உள்ள பேரணிப்பட்டியைச் சேர்ந்த 15 வயது சிறுமி, கடந்த சில  நாட்களுக்கு முன்பு அவரது  வீட்டில் அவரது தாயுடன் இருந்த போது காரில் வந்த சில மர்ம  நபர்கள் கத்தியைக் காட்டி மிரட்டி சிறுமியை கடத்திச் சென்றனராம். பின்னர்,அவரை பலாத்காரம் செய்து மதகுபட்டியை அடுத்த கீழப்பூங்குடி பகுதியில் இறக்கிவிட்டு சென்று விட்டனராம். இதுகுறித்த புகாரின் பேரில் சிவகங்கை மகளிர் போலீஸார் வழக்குப் பதிந்து சம்பந்தப்பட்ட குற்றவாளிகளை தேடி வந்தனர். 
 இந்நிலையில், சிவகங்கை மாவட்ட காவல் கண்காணிப்பாளர் டி.ஜெயச்சந்திரன் உத்தரவின் பேரில், சிவகங்கை துணைக் காவல் கண்காணிப்பாளர் மங்களேஸ்வரன் மற்றும் திருமலைக்குமார் தலைமையிலான தனிப்படை போலீஸார் விசாரித்து வந்தனர்.
    விசாரணையில், சிவகங்கை அருகே மணக்குளம் பகுதியைச் சேர்ந்த பாண்டி என்ற பர்மா பாண்டி(30), அதே ஊரைச் சேர்ந்த அருண்பாண்டி(எ)செல்வம்(27), மதுரை உத்தங்குடி பகுதியைச் சேர்ந்த பிரபாகரன்(23), சென்னையைச் சேர்ந்த சுலைமான், மதுரை எல்லீஸ் நகரைச் சேர்ந்த சிரஞ்சீவி (23) ஆகிய 5 பேரும் சிறுமியை கடத்திச் சென்று பலாத்காரம் செய்திருப்பது தெரியவந்தது.
      இதையடுத்து,இந்த வழக்கில் பாண்டி என்ற பர்மா பாண்டி, பிரபாகரன்,சிரஞ்சிவி ஆகிய மூவரையும் சிவகங்கை போலீஸார் புதன்கிழமை இரவு கைது செய்து,அவர்களிடமிருந்த கார்,20 பவுன் நகை ஆகியவற்றை பறிமுதல் செய்தனர்.மேலும் மற்ற இருவரையும் போலீஸார் தேடி வருகின்றனர்.
     கைது செய்யப்பட்டுள்ள பர்மா பாண்டியின் மீது சென்னை உள்பட தமிழகம் முழுவதும் பல்வேறு திருட்டு வழக்குகள் பதிவு செய்யப்பட்டிருப்பது குறிப்பிடத்தக்கது.மேலும்,எட்டுமுறை  குண்டர் சட்டத்தில் கைதாகி விடுதலையானவர்.இளையான்குடி அருகே அண்மையில் இருசக்கர வாகனம் மீது கார் மோதி விபத்துக்குள்ளானதில்,துணை மின் நிலையத்தில் ஒப்பந்த ஊழியராக பணிபுரிந்த முருகேசன் (45) என்பவர் இறந்த வழக்கில் மேற்கண்ட நபர்கள் மீது வழக்குப் பதிவு செய்திருப்பது குறிப்பிடதக்கது.

]]>
http://www.dinamani.com/all-editions/edition-madurai/sivagangai/2018/feb/15/சிறுமி-பலாத்காரம்-3-பேர்-கைது-2863715.html
2863714 மதுரை சிவகங்கை மாமலை வனப்பகுதியில் வேட்டை: 6 பேர் கைது DIN DIN Thursday, February 15, 2018 03:46 AM +0530 சிவகங்கை மாவட்டம் திருப்பத்தூர் அருகேயுள்ள மாமலை வனப்பகுதியில் புதன்கிழமை முயல் வேட்டைக்குச் சென்ற 6 பேரை வனத்துறையினர் கைது செய்தனர்.
   புழுதிபட்டி மாயாண்டிபட்டியைச் சேர்ந்த வெள்ளைச்சாமி மகன் ராமு (40), அய்யாத்துரை மகன் குமார்(29), கருப்பையா மகன் அழகு (50), பழனி மகன் பூமிநாதன் (37), உத்தம்பட்டியைச் சேர்ந்த கருப்பையா மகன் சின்னையா (56), சின்னையா மகன் சிவசந்திரன்(32).  இவர்கள் 6 பேரும் திருப்பத்தூர் அருகேயுள்ள மாமலை வனப்பகுதியில் முயல் வேட்டைக்குச் சென்றனராம்.  இது தொடர்பாக வனத்துறையினருக்கு வந்த தகவலையடுத்து  வனச்சரக அலுவலர் மதிவாணன் தலைமையில் வனவர்கள் காசி, பழனி உள்ளிட்ட  வனத்துறையினர் அப்பகுதியில் ஆய்வு மேற்கொண்டனர். அப்பொழுது 6 பேரும் பிடிபட்டனர். அவர்களை கைது செய்து, முயல் வேட்டைக்கு பயன்படுத்தும் எறி கம்புகள் கைப்பற்றப்பட்டு தலா ரூ. 5 ஆயிரம் வீதம் ரூ. 30 ஆயிரம் அபராதம் விதிக்கப்பட்டது.

]]>
http://www.dinamani.com/all-editions/edition-madurai/sivagangai/2018/feb/15/மாமலை-வனப்பகுதியில்-வேட்டை-6-பேர்-கைது-2863714.html
2863713 மதுரை சிவகங்கை விளையாட்டுகள் இளைஞர்களை நல்வழிப்படுத்தும்: கனிமொழி எம்பி DIN DIN Thursday, February 15, 2018 03:45 AM +0530 இளைஞர்களை நல்வழிப்படுத்த விளையாட்டுப் போட்டிகள் உதவியாக இருக்கும் என  நாடாளுமன்ற திமுக குழுத்தலைவர் கனிமொழி எம்பி பேசினார்.
    காரைக்குடி அருகே புதுவயலில் 14 வயதுக்குட்பட்டோர் மாநில அளவிலான மினி கைப்பந்துப் போட்டிகள் புதன்கிழமை தொடங்கின. தமிழ்நாடு கைப்பந்துக்கழகம், சிவகங்கை மாவட்ட கைப்பந்துக்கழகம் மற்றும் புதுவயல் நண் பர்கள் கைப்பந்துக்கழகம் ஆகியவற்றின் சார்பில் போட்டிகளைத் துவக்கிவைத்து கனிமொழி 
பேசியது:
    இக்குழு விளையாட்டு உடற்பயிற்சி மட்டுமல்ல. குழு ஒற்றுமை, வித்தியாசம் பாராதது என விளையாட்டில் பங்கேற்பதாகும். முதலில் மாவட்ட அளவு குழு என்ற உணர்வும், பின்னர் இதிலிருந்து மாநிலங்களுக்கிடையே போட்டிக்காக பங்கேற்கும்போது தமிழ்நாடு என்ற உணர்வும், சர்வதேச அளவில் விளையாடும்போது குழுவில் இந்தியர் என்கிற உணர்வும் இருக்கவேண்டும்.
இன்றைய இளைஞர்கள் பிரச்னைகள், சவால்களை சந்திக்கின்ற காலகட்டத்தில் இருக்கிறார்கள். இணையதளம், சமூக ஊடகங்களில் பல எதிர்மறையான தகவல்களை தவிர்த்து இதுபோன்ற விளையாட்டுக்களுக்குத் தேவையான தகவல்களைப்பெற்று வளர்ச்சி காணவேண்டும். பெண்கள் பள்ளி அளவிலேயே விளையாட்டை நிறுத்திவிடாமல் கல்லூரி வரையிலும் விளையாட முன்வர வேண்டும்.
இங்கு பார்வையாளர் பகுதி அமைக்கவேண்டும் என்று என்னிடம் கோரிக்கை வைத்திருக்கிறார்கள். அதற்குரிய திட்டத்தை என்னிடம் தந்தால் நிச்சயமாக நிறைவேற்றித்தருகிறேன். தமிழக அரசு விளையாட்டுக்கான பயிற்சியாளர்களை நியமிக்கவில்லை. தமிழ்நாடு விளையாட்டுப்பல்கலைக்கழகத்திற்கு துணைவேந்தர் பதவி நிரப்பட வில்லை. இளைஞர்களை நெறிப்படுத்தவும், நல்வழிப்படுத்தவும் விளையாட்டு உதவியாக இருக்கும். தமிழக அரசு இதனை உணர்ந்து மாணவர்களுக்கு விளையாட்டுக்கான உதவித்தொகையை தரவேண்டும். அத்துடன் விளையாட்டுக்குத் தேவையான எந்த உதவியையும் செய்துகொடுக்கும்போதுதான் இந்திய மாணவர்களை வெற்றி வீரர்களாக நாம் பார்க்க முடியும் என்றார்.
இப்போட்டிகளில் சென்னை, திருவள்ளூர், திருச்சி, திருவாரூர், திருநெல்வேலி, தூத்துக்குடி, பெரம்பலூர், ஈரோடு, திரூப்பூர், சேலம், சிவகங்கை, கோவை, திருவண்ணாமலை, தர்மபுரி, தேனி, கிருஷ்ணகிரி, புதுக்கோட்டை, நாகப்பட் டிணம், தஞ்சாவூர் உள்ளிட்ட 27 மாவட்டங்களிலிருந்து ஆண், பெண் இருபாலர் அணிகள் பங்கேற்கின்றன.
துவக்க விழாவில் சிவகங்கை மாவட்ட கைப்பந்துக்கழக தலைவர் எஸ்பி. வரதராஜன் தலைமைவகித்தார்.முன்னாள் அமைச்சர்கள் கேஆர். பெரியகருப்பன், மு.தென்னவன், தமிழ்நாடு கைப்பந்துக்கழக துணைத்தலைவர் எம்.பி. செல்வகணேஷ், வித்யாகிரி கல்விக்குழும பொருளாளர் முகமதுமீரா, சாக்கோட்டை ஒன்றியக்குழு முன்னாள் தலைவர் சுப. முத்துராமலிங்கம், முருகன் ஆகியோர் வாழ்த்திப்பேசினர்.
முன்னதாக சிவகங்கை மாவட்ட கைப்பந்துக்கழக செயலாளர் கே. ஜெயக்குமார் வரவேற்றுப்பேசினார். முடிவில் நண்பர்கள் கைப்பந்துக்கழக தலைவர் சுப. பாலுமகேந்திரா நன்றி கூறினார்.

]]>
http://www.dinamani.com/all-editions/edition-madurai/sivagangai/2018/feb/15/விளையாட்டுகள்-இளைஞர்களை-நல்வழிப்படுத்தும்-கனிமொழி-எம்பி-2863713.html
2863712 மதுரை சிவகங்கை சிவகங்கை அருகே மாட்டு வண்டிப் பந்தயம் DIN DIN Thursday, February 15, 2018 03:45 AM +0530 சிவகங்கை அருகே பில்லூரில் உள்ள வேதமுடைய அய்யனார், முத்தையா சுவாமி கோயில் மாசி மகா சிவராத்திரியை முன்னிட்டு புதன்கிழமை மாட்டு வண்டிப் பந்தயம் நடைபெற்றது. 
  இவ்விழாவை முன்னிட்டு வேதமுடைய அய்யனார், முத்தையா சுவாமி மற்றும் பரிவார மூர்த்திகளுக்கு செவ்வாய்க்கிழமை இரவு சிறப்பு அபிஷேக,ஆராதனைகள் நடைபெற்றன. இதையடுத்து,புதன்கிழமை மதுரை-சிவகங்கை சாலையில் மாட்டு வண்டிப் பந்தயம் நடைபெற்றது. 
இதில், சிவகங்கை,ராமநாதபுரம், புதுக்கோட்டை, மதுரை உள்ளிட்ட மாவட்டங்களிலிருந்து பெரிய மாடு, சின்ன மாடு நிலையில் 25 மாட்டு வண்டிகள் பங்கேற்றன.
போட்டியில் வெற்றி பெற்ற மாட்டு வண்டிகளுக்கு பரிசுகள் வழங்கப்பட்டன. இப்போட்டியை ஏராளமான பொதுமக்கள் பார்வையிட்டனர்.
 

]]>
http://www.dinamani.com/all-editions/edition-madurai/sivagangai/2018/feb/15/சிவகங்கை-அருகே-மாட்டு-வண்டிப்-பந்தயம்-2863712.html
2863711 மதுரை சிவகங்கை கருவேல மரத்தில் சிக்கியது மலைப்பாம்பு DIN DIN Thursday, February 15, 2018 03:44 AM +0530 சிவகங்கை மாவட்டம் திருப்பத்தூர் அருகே நெடுமறம் கிராமத்தில் செவ்வாய்க்கிழமை இரவு கருவேல மரத்தில் சிக்கிய மலைப்பாம்பை கிராமத்தினர் பிடித்து வனத்துறையினரிடம் ஒப்படைத்தனர்.
 நெடுமறம் கிராமத்தில் அவ்வப்போதுமலைப் பாம்புகளின் நடமாட்டம் தென்படுகிறது. சில மலைப்பாம்புகள் தீயணைப்புத் துறை மூலம் பிடிக்கப்பட்டு வனத்துறையினரிடம் ஒப்படைக்கப்பட்டு காட்டில் விடப்பட்டுள்ளன. 
 இந்நிலையில் செவ்வாய்க்கிழமை இரவு அய்யனார் கோயில் அருகேயுள்ள குடியிருப்புப் பகுதிகளில் கோழிகளின் சத்தம் கேட்டு பார்த்த கிராம மக்கள் அதிர்ச்சி அடைந்தனர். சுமார் 12 நீளமும் 40 கிலோவிற்கும் மேற்பட்ட எடையும் கொண்ட ராட்சத மலைப்பாம்பு கோழியினைக் கவ்விக் கொண்டு
இருந்தது. பெண்கள் அக்கம் பக்கத்தில் உள்ள ஆள்களை கூப்பிடுவதற்குள் அடர்ந்த கருவேல மர புதருக்குள் பாம்பு சென்று மரத்தின் மேல் ஏறிக்கொண்டது. கிராமத்தினர் 2 மணி நேரம் போராடி பாம்பை பிடிக்க முயன்றனர். பின்னர் அப்பகுதிக்கு வந்த வருவாய் ஆய்வாளர் முத்துக்குமார் ஏற்கெனவே தீயணைப்புத் துறையில் வேலை பார்த்த அனுபவத்தை வைத்து லாவகமாக பாம்பினைப் பிடித்தார். பின்னர் சாக்குப் பையில் அடைக்கப்பட்டு திருப்பத்தூரில் உள்ள வனத்துறை அலுவலகத்தில் ஒப்படைக்கப்பட்டது. பிறகு மதகுபட்டி அருகில் உள்ள மண்மலைக்காட்டில் பாம்பை விடுவித்தனர். 
 
 

]]>
http://www.dinamani.com/all-editions/edition-madurai/sivagangai/2018/feb/15/கருவேல-மரத்தில்-சிக்கியது-மலைப்பாம்பு-2863711.html
2863710 மதுரை சிவகங்கை அழகப்பா பல்கலை. துணைவேந்தருக்கு விருது DIN DIN Thursday, February 15, 2018 03:44 AM +0530 மொழி, பண்பாடு, கலை இலக்கியம் போன்றவற்றை போற்றி ஆதரித்து வளர்த்து வருவதற்காகவும், சீரிய உயர் கல்வி பணிகளுக்காகவும் காரைக்குடி அழகப்பா பல்கலைக்கழக துணைவேந்தர் சொ. சுப்பையாவுக்கு கொல்கத்தாவிலுள்ள இந்திய கிழக்கத்திய இயல் பாரம்பரிய நிறுவனம் சார்பில் டாக்டர் ராதாகிருஷ்ணன் விருது வழங்கப்பட் டுள்ளது.
இந்த விருதின் பாராட்டுச் சான்றிதழில் இலக்கியம், மொழி, கலை மற்றும் பண்பாடு தொடர்பான பழமையான கலைகளைப்போற்றி ஆதரித்து வளர்த்துவருவதற்காகவும், அவற்றின் புதுமைத்தன்மைகளை அனைவரும் அறியச்செய்து வரும் நற்பணிகளுக்காகவும் இவ்விருது துணைவேந்தருக்கு வழங்கப்படுகிறது என்று தெரிவிக்கப்பட்டுள்ளது. 
இந்த விருதை கடந்த பிப். 6-ஆம் தேதி 
புதுதில்லியில் நடைபெற்ற 41-ஆவது ஆண்டு கிழக்கத்திய பாரம்பரியப் பன்னாட்டுக் கருத்தரங்கில் 
அந்நிறுவனத்தின் வேந்தர் சத்தியநாராயண்சக்ரவர்த்தி வழங்கினார்.
மேலும் உயரியகல்வி சார்ந்த பின்புலத்திற்காகவும், கல்வியில் சிறந்த நடைமுறைகளை மேற்கொண்டு உயர்கல்வியை வளரச் செய்வதற்காவும் கடந்த பிப். 7-ஆம் தேதி நொய்டா அமிட்டிப்பல்கலைக்கழகம் சார்பில் நடைபெற்ற18-ஆவது பன்னாட்டு உலக உச்சி மாநாடு இன்புஷ் 2018 எனும் விழாவில் அமிட்டி பல்கலைக்கழகத் துணைவேந்தர் குரீந்தர்சிங் அழகப்பா பல்கலைக்கழக துணைவேந்தர் சுப்பையாவுக்கு  அமிட்டி உயர்கல்வியாளர் விருது வழங்கி கௌரவித்தார். 
இந்த உச்சி மாநாட்டில் 500-க்கும் மேற்பட்ட கல்விச்சிந்தனையாளர்கள், அமைச்சர்கள், நாடாளுமன்ற உறுப்பினர்கள், மாணவர்கள் கலந்துகொண்டனர் என்று அழகப்பா 
பல்கலைக்கழகத்தின் பதிவாளர் ஹா. குருமல்லேஷ் பிரபு தெரிவித்துள்ளார்.

]]>
http://www.dinamani.com/all-editions/edition-madurai/sivagangai/2018/feb/15/அழகப்பா-பல்கலை-துணைவேந்தருக்கு-விருது-2863710.html
2863709 மதுரை சிவகங்கை அழகப்பா பல்கலை. துணைவேந்தருக்கு விருது DIN DIN Thursday, February 15, 2018 03:38 AM +0530 மொழி, பண்பாடு, கலை இலக்கியம் போன்றவற்றை போற்றி ஆதரித்து வளர்த்து வருவதற்காகவும், சீரிய உயர் கல்வி பணிகளுக்காகவும் காரைக்குடி அழகப்பா பல்கலைக்கழக துணைவேந்தர் சொ. சுப்பையாவுக்கு கொல்கத்தாவிலுள்ள இந்திய கிழக்கத்திய இயல் பாரம்பரிய நிறுவனம் சார்பில் டாக்டர் ராதாகிருஷ்ணன் விருது வழங்கப்பட் டுள்ளது.
இந்த விருதின் பாராட்டுச் சான்றிதழில் இலக்கியம், மொழி, கலை மற்றும் பண்பாடு தொடர்பான பழமையான கலைகளைப்போற்றி ஆதரித்து வளர்த்துவருவதற்காகவும், அவற்றின் புதுமைத்தன்மைகளை அனைவரும் அறியச்செய்து வரும் நற்பணிகளுக்காகவும் இவ்விருது துணைவேந்தருக்கு வழங்கப்படுகிறது என்று தெரிவிக்கப்பட்டுள்ளது. 
இந்த விருதை கடந்த பிப். 6-ஆம் தேதி 
புதுதில்லியில் நடைபெற்ற 41-ஆவது ஆண்டு கிழக்கத்திய பாரம்பரியப் பன்னாட்டுக் கருத்தரங்கில் 
அந்நிறுவனத்தின் வேந்தர் சத்தியநாராயண்சக்ரவர்த்தி வழங்கினார்.
மேலும் உயரியகல்வி சார்ந்த பின்புலத்திற்காகவும், கல்வியில் சிறந்த நடைமுறைகளை மேற்கொண்டு உயர்கல்வியை வளரச் செய்வதற்காவும் கடந்த பிப். 7-ஆம் தேதி நொய்டா அமிட்டிப்பல்கலைக்கழகம் சார்பில் நடைபெற்ற18-ஆவது பன்னாட்டு உலக உச்சி மாநாடு இன்புஷ் 2018 எனும் விழாவில் அமிட்டி பல்கலைக்கழகத் துணைவேந்தர் குரீந்தர்சிங் அழகப்பா பல்கலைக்கழக துணைவேந்தர் சுப்பையாவுக்கு  அமிட்டி உயர்கல்வியாளர் விருது வழங்கி கௌரவித்தார். 
இந்த உச்சி மாநாட்டில் 500-க்கும் மேற்பட்ட கல்விச்சிந்தனையாளர்கள், அமைச்சர்கள், நாடாளுமன்ற உறுப்பினர்கள், மாணவர்கள் கலந்துகொண்டனர் என்று அழகப்பா 
பல்கலைக்கழகத்தின் பதிவாளர் ஹா. குருமல்லேஷ் பிரபு தெரிவித்துள்ளார்.

]]>
http://www.dinamani.com/all-editions/edition-madurai/sivagangai/2018/feb/15/அழகப்பா-பல்கலை-துணைவேந்தருக்கு-விருது-2863709.html
2863708 மதுரை சிவகங்கை சிவகங்கையில் நாளை தனியார் வேலைவாய்ப்பு முகாம் DIN DIN Thursday, February 15, 2018 03:38 AM +0530 சிவகங்கை மாவட்ட வேலைவாய்ப்பு அலுவலகத்தில் பிப்.16-இல் (வெள்ளிக்கிழமை) தனியார் நிறுவனங்களுக்கான வேலை வாய்ப்பு முகாம் நடைபெற உள்ளது.
இதுகுறித்து சிவகங்கை மாவட்ட வேலைவாய்ப்பு நல அலுவலர் ம.பேச்சியம்மாள் வெளியிட்டுள்ள செய்தி விவரம்: 
சிவகங்கை மாவட்டத்தில் உள்ள இளைஞர்கள் பயன்பெறும் வகையில் பிப்.16-ஆம் தேதி  (வெள்ளிக்கிழமை) தனியார் வேலை வாய்ப்பு முகாம் நடைபெற உள்ளது. இந்த முகாமில், சுந்தரம் கிளைடன் எனும் தனியார் நிறுவனம் கலந்து  கொண்டு காலியாக உள்ள தொழில்நுட்பவியல் பயிற்சியாளர் பணியிடத்திற்கு தகுதியான நபர்களை தேர்ந்தெடுக்க உள்ளது. 
முகாமில் கலந்து கொள்ள விரும்பும் நபர்கள் 18 வயது பூர்த்தி அடைந்தவராகவும், 26 வயதுக்கு உட்பட்டவராகவும் இருத்தல் வேண்டும். மேலும், டிஎம்இ,டிஏஇ, டிஇஇஇ, ஐடிஐ, பத்தாம் வகுப்பு (தேர்ச்சி,தோல்வி) பிளஸ் 2(தேர்ச்சி,தோல்வி) எனும் கல்வித் தகுதியை பெற்றிருக்க வேண்டும். 
மேற்கண்ட தகுதியுடைய சிவகங்கை மாவட்டத்தைச் சேர்ந்த இளைஞர்கள் அனைத்து கல்விச் சான்றிதழ்களுடன் தங்களது 5 பாஸ்போட் அளவு புகைப்படத்துடன் காலை 11 மணியளவில் சிவகங்கை மாவட்ட வேலைவாய்ப்பு அலுவலகத்தில் நடைபெறும் முகாமில் கலந்து கொள்ளலாம். 
இந்த முகாமில் கலந்து கொண்டு பணி நியமனம் பெற்றவர்களது வேலைவாய்ப்பு அலுவலக பதிவு மூப்பு எவ்விதத்திலும் பாதிக்காது என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/feb/15/சிவகங்கையில்-நாளை-தனியார்-வேலைவாய்ப்பு-முகாம்-2863708.html
2863707 மதுரை சிவகங்கை மழை நீரை சேமிக்க கண்மாய்கள் தூர்வாரப்படும்: ஆட்சியர் DIN DIN Thursday, February 15, 2018 03:37 AM +0530 பருவமழை காலங்களில் பெய்யும் மழை நீரை சேமித்து அவற்றை உரிய முறையில் வேளாண் பணிக்கு விவசாயிகள் பயன்படுத்தும்  வகையில் சிவகங்கை மாவட்டத்தில் உள்ள அனைத்து கண்மாய்களும் தூர்வாரப்படும்  என சிவகங்கை  மாவட்ட  ஆட்சியர் க.லதா தெரிவித்தார்.
சிவகங்கை மாவட்டம் 
ஆதனூர் ஊராட்சியில் பொதுப்பணித் துறையின் மூலம் 
நடைபெற்று வரும்  அந்த கிராமத்தில் உள்ள பெரிய கண்மாய் சீரமைப்புப் பணிகளை செவ்வாய்க்கிழமை பார்வையிட்ட சிவகங்கை மாவட்ட ஆட்சியர் க.லதா அப்பகுதி விவசாயிகளிடம் கூறியது:
உலக வங்கியின் நிதியை அடிப்படையாகக்  கொண்டு ஆதனூர் பெரிய கண்மாயில் ரூ.35 லட்சம் மதிப்பீட்டில், தற்போது 
சீரமைக்கும் பணிகள் 
நடைபெற்று வருகின்றன. 
இப்பணியின் மூலம் கண்மாயின் 3,200 மீட்டர் நீளம் கரைப்பகுதி பலப்படுத்துவதுடன், பாசன வசதிக்காக ஏற்கெனவே 
உள்ள இரண்டு மடைகள் 
சீரமைக்கும் பணியும் நடைபெற்று வருகிறது. மேலும் கண்மாயின் உட்பகுதியில் உள்ள கருவேல மரங்களை முற்றிலுமாக அகற்ற நடவடிக்கை எடுக்கப்பட்டுள்ளது.
  இதன்காரணமாக, மழைக் காலங்களில் போதிய அளவு தண்ணீர் தேக்கப்பட்டு சுமார் 1,500 ஏக்கர் விவசாய நிலம் பயன்பெறும். இதேபோன்று பருவமழை காலங்களில் பெய்யும் மழை நீரை சேமித்து, அவற்றை உரிய முறையில் வேளாண் பணிக்கு விவசாயிகள் பயன்படுத்தும்  வகையில் சிவகங்கை மாவட்டத்தில் உள்ள அனைத்து  கண்மாய்களும் தூர்வாரப்படும் என்றார்.
ஆய்வின் போது பொதுப்பணித்துறை (சருகனியாறு) செயற்பொறியாளர் வெங்கட்ராமன், உதவி செயற் பொறியாளர் ரமேஷ், பொதுப்பணித் துறை அலுவலர் (கட்டடங்கள்) சுந்தரப்பன் மற்றும் அரசு அலுவலர்கள் உட்பட பலரும் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/15/மழை-நீரை-சேமிக்க-கண்மாய்கள்-தூர்வாரப்படும்-ஆட்சியர்-2863707.html
2863706 மதுரை சிவகங்கை மானாமதுரை, திருப்புவனம்  சிவதலங்களில்  சிவராத்திரி வழிபாடு DIN DIN Thursday, February 15, 2018 03:36 AM +0530 சிவகங்கை மாவட்டம் மானாமதுரை, திருப்புவனத்தில் உள்ள சிவ தலங்களில் கடந்த செவ்வாய்க்கிழமை இரவு  விடியவிடிய  மகா சிவராத்திரி வழிபாடு நடத்தப்பட்டது. 
மானாமதுரை ஸ்ரீ ஆனந்தவல்லி அம்மன் சமேத சோமநாதர் சுவாமி கோயில், திருப்புவனம் புஷ்பவனேஸ்வரர் சமேத சோமநாதர் சுவாமி கோயிலில் மகாசிவ ராத்திரியை முன்னிட்டு முதல் கால பூஜை இரவு 9 மணிக்கு தொடங்கியது. 
அப்போது லிங்க விடிவிலான சிவலிங்கங்களுக்கு அபிஷேகப் பொருள்களால் அபிஷேகம் நடத்தி அலங்காரத்துடன் சிறப்பு பூஜைகள், தீபாரதனைகள் நடந்தன. இவ்வாறு விடிய விடிய குறிப்பிட்ட சில மணி நேர இடைவேளையில் அபிஷேக, ஆராதனைகள் நடத்தி வழிபாடு நடைபெற்றது. இப்பூஜைகளில் ஏராளமானோர் கலந்து கொண்டு சுவாமி தரிசனம் செய்தனர். பெண்கள் விளக்கேற்றி வைத்து வழிபட்டனர். 
மேலும் மானாமதுரை ரயில் நிலையம் எதிரேயுள்ள பூர்ணசக்கர விநாயகர் கோயிலில் உள்ள ஸ்ரீ காசிவிஸ்வநாதர் சன்னதியிலும் சிவராத்திரி பூஜை வழிபாடு நடைபெற்றது.
 

]]>
http://www.dinamani.com/all-editions/edition-madurai/sivagangai/2018/feb/15/மானாமதுரை-திருப்புவனம்--சிவதலங்களில்--சிவராத்திரி-வழிபாடு-2863706.html
2863008 மதுரை சிவகங்கை தென் மண்டல ஓட்டப்பந்தயப் போட்டி: இளையான்குடி கல்லூரி மாணவி முதலிடம் DIN DIN Wednesday, February 14, 2018 05:31 AM +0530 தென் மண்டல அளவில் நடைபெற்ற ஓட்டப்பந்தயப் போட்டியில் சிவகங்கை மாவட்டம் இளையான்குடி ஜாகீர் உசேன் கல்வியியல் கல்லூரி மாணவி முதலிடம் பெற்று பதக்கம் வென்றார். 
சென்னையில் தமிழ்நாடு ஆசிரியர் கல்வியியல் பல்கலைக்கழகம் சார்பில் தென் மண்டல விளையாட்டுப் போட்டி கடந்த 10 ஆம் தேதி நடைபெற்றது. இதில் இளையான்குடி ஜாகீர் உசேன் கல்வியியல் கல்லூரி மாணவி கே.அனுசியா 100 மற்றும் 200 மீட்டர் ஓட்டப்பந்தயப் போட்டியில் முதலிடம் பெற்று பதக்கம் வென்றார். 
மேலும் இவர் 2017-18 ஆம் ஆண்டுக்கான தனிநபர் வெற்றியாளருக்கான சாம்பியன்ஷிப் பட்டத்தையும் வென்றார். மாணவி அனுசியாவையும் இவருக்கு பயிற்சியளித்த கல்லூரி உடற்கல்வி இயக்குநர் 
கோகுலன் ஆகியோரை கல்லூரி ஆட்சிக்குழு நிர்வாகிகள் மற்றும் முதல்வர், ஆசிரியர்கள் பாராட்டினர்.
 

]]>
http://www.dinamani.com/all-editions/edition-madurai/sivagangai/2018/feb/14/தென்-மண்டல-ஓட்டப்பந்தயப்-போட்டி-இளையான்குடி-கல்லூரி-மாணவி-முதலிடம்-2863008.html
2863007 மதுரை சிவகங்கை அகஸ்தீஸ்வரர் ஆலயத்தில் 108 சங்காபிஷேகம் DIN DIN Wednesday, February 14, 2018 05:30 AM +0530 சிவகங்கை மாவட்டம் திருப்பத்தூர் புதுப்பட்டியில் உள்ள அகஸ்தீஸ்வரர் ஆலயத்தில் மகா சிவராத்திரியை முன்னிட்டு 108 சங்காபிஷேகம், 108 கலச அபிஷேகம், லிங்கோத்பவ பூஜை மற்றும் வருஷாபிஷேக ஹோமம் ஆகியவை செவ்வாய்க்கிழமை நடைபெற்றது.
இக்கோயிலில் மகா சிவராத்திரி விழா பிப். 4 ஆம் தேதி தொடங்கியது. இதையடுத்து திங்கள்கிழமை உற்சவர் திருவீதி உலா நடைபெற்றது. மகா சிவராத்திரி நாளான செவ்வாய்க்கிழமை மாலை ஏராளமான பக்தர்கள் பால்குடம் எடுத்தனர். தொடர்ந்து 4 ஆம் வருஷா அபிஷேக ஹோமம், விக்னேஸ்வரபூஜையுடன் சிவராத்திரி ஹோமம் தொடங்கியது. 
தொடர்ந்து உற்சவருக்கு 108 சங்காபிஷேகம், 108 கலசாபிஷேகம் மற்றும் லிங்கோத்பவ பூஜை கிருஷ்ணமூர்த்தி சிவாச்சாரியார் தலைமையில் சிவாச்சாரியார்கள் செய்தனர். 
தொடர்ந்து மகாசிவராத்திரியைக் குறிக்கும் வகையில் இரவு 9.30 மணிக்கு முதல்கால பூஜையும், இரவு 12.30 மணிக்கு 2 ஆம் கால பூதையும், நள்ளிரவு 3.30 மணிக்கு 3 ஆம் கால பூஜையும், அதிகாலை 5.30 மணிக்கு 4 ஆம் கால பூஜையும் நடைபெற்றது.

]]>
http://www.dinamani.com/all-editions/edition-madurai/sivagangai/2018/feb/14/அகஸ்தீஸ்வரர்-ஆலயத்தில்-108-சங்காபிஷேகம்-2863007.html
2863006 மதுரை சிவகங்கை மடப்புரம் பத்ரகாளியம்மன் கோயில் உண்டியல் காணிக்கை ரூ. 19.14 லட்சம் DIN DIN Wednesday, February 14, 2018 05:30 AM +0530 சிவகங்கை மாவட்டம் திருப்புவனம் அருகேயுள்ள மடப்புரம் ஸ்ரீபத்ரகாளியம்மன் கோயில் உண்டியலில் பக்தர்கள் காணிக்கையாக ரூ. 19.14 லட்சம் செலுத்தியிருந்தனர்.
மடப்புரம் ஸ்ரீபத்ரகாளியம்மன் கோயிலில் உண்டியல்களை திறந்து காணிக்கை எண்ணும் பணி கடந்த திங்கள்கிழமை நடைபெற்றது. 
இருக்கன்குடி உதவி ஆணையர் வில்வமூர்த்தி தலைமையில் நடைபெற்ற இப்பணியில்,  ரூ. 19 லட்சத்து 14 ஆயிரத்து 360 ரொக்கம்,  177 கிராம் தங்கம், 357 
கிராம் வெள்ளி காணிக்கையாக பக்தர்கள் செலுத்தியிருந்தனர். 
உண்டியல் எண்ணும் பணியில் மதுரை அகில பாரத ஐயப்பா சேவா சங்கத்தின் உறுப்பினர்கள் ஈடுபட்டனர். மடப்புரம் கோயில் உதவி ஆணையர் செல்வி தலைமையில் கோயில் ஊழியர்கள் கண்காணிப்புப் பணியில் ஈடுபட்டனர்.
 

]]>
http://www.dinamani.com/all-editions/edition-madurai/sivagangai/2018/feb/14/மடப்புரம்-பத்ரகாளியம்மன்-கோயில்-உண்டியல்-காணிக்கை-ரூ-1914-லட்சம்-2863006.html
2863005 மதுரை சிவகங்கை நகைகள் திருடிய வழக்கு:  4 பேருக்கு தலா 7 ஆண்டுகள் சிறை DIN DIN Wednesday, February 14, 2018 05:29 AM +0530 திருப்பத்தூர் அருகே நெற்குப்பையில் கணவன், மனைவியைத் தாக்கி தங்க நகைகளை திருடிய வழக்கில், நான்கு பேருக்கு தலா ஏழு ஆண்டுகள் சிறை தண்டனை விதித்து சிவகங்கை நீதிமன்றம் திங்கள்கிழமை தீர்ப்பளித்தது. 
சிவகங்கை மாவட்டம் திருப்பத்தூர் அருகே நெற்குப்பையை சேர்ந்தவர் ரெத்தினம் செட்டியார் (89). இவரும் இவரது மனைவி ராமாயி (75) இருவரும் நெற்குப்பையில் உள்ள வீட்டில் கடந்த 2016 ஆம் ஆண்டு ஜன.2 ஆம் தேதி இரவு இருந்த போது, அங்கு வந்த மர்ம நபர்கள் 4 பேர் வீட்டுக்குள் புகுந்து ரெத்தினம் மற்றும் ராமாயி ஆகிய இருவரையும் தாக்கினராம்.
பின்னர் பீரோவிலிருந்த 12 பவுன் நகை, ரூ. 20 ஆயிரம் பணம் மற்றும் செல்லிடப்பேசி ஆகியவற்றை திருடிச் சென்றனராம். இதுகுறித்தப் புகாரின் பேரில் நெற்குப்பை போலீஸார் வழக்குப் பதிந்து நெற்குப்பையைச் சேர்ந்த ஆண்டியப்பன் (எ) சண்முகம் (31), கண்ணன் (32), உலகம்பட்டியை சேர்ந்த கருப்புச்சாமிபாண்டியன் (30), பொன்னமராவதியைச் சேர்ந்த ராமதாஸ் (35) ஆகிய நால்வரையும் கைது செய்தனர். 
    இது தொடர்பான வழக்கு சிவகங்கை மாவட்ட குற்றவியல் நீதிமன்றத்தில் நடந்து வந்தது. 
இந்நிலையில் இந்த வழக்கு திங்கள்கிழமை நீதிபதி ராதிகா முன்னிலையில் விசாரணைக்கு வந்தது. 
அப்போது குற்றம் உறுதி செய்யப்பட்டதால், கைது செய்யப்பட்ட ஆண்டியப்பன் (எ) சண்முகம்(31), கண்ணன் (32), கருப்புச்சாமிபாண்டியன் (30), ராமதாஸ் (35) ஆகிய நால்வருக்கும் தலா ஏழு ஆண்டுகள் சிறை தண்டனையும், ரூ. 1500 அபராதமும் விதித்து தீர்ப்பளித்தார்.

]]>
http://www.dinamani.com/all-editions/edition-madurai/sivagangai/2018/feb/14/நகைகள்-திருடிய-வழக்கு-4-பேருக்கு-தலா-7-ஆண்டுகள்-சிறை-2863005.html
2863004 மதுரை சிவகங்கை தேவகோட்டையில் பிப். 23-இல் விவசாயிகள் குறைதீர் முகாம் DIN DIN Wednesday, February 14, 2018 05:29 AM +0530 சிவகங்கை மாவட்டம் தேவகோட்டையில் பிப்.23 ஆம் தேதி விவசாயிகள் குறை தீர்க்கும் முகாம் நடைபெற உள்ளதாக மாவட்ட ஆட்சியரின் நேர்முக உதவியாளர் (பொறுப்பு)ஆர்.தனபால் (விவசாயம்) தெரிவித்துள்ளார்.
இதுகுறித்து அவர் செவ்வாய்க்கிழமை வெளியிட்ட செய்தி விவரம்:
சிவகங்கை மாவட்டத்தில் உள்ள விவசாயிகள் பயன்பெறும் வகையில் விவசாயிகள் குறை தீர்க்கும் நாள் கூட்டம் பிப்.23 ஆம் தேதி காலை 11 மணியளவில் நடைபெற உள்ளது.
தேவகோட்டையில் உள்ள அரசு தோட்டக்கலைத் துறை பண்ணை வளாகத்தில் சிவகங்கை மாவட்ட ஆட்சியர் க.லதா தலைமையில் நடைபெற உள்ள இந்த கூட்டத்தில், அனைத்துத் துறை உயர் அலுவலர்களும் கலந்து கொள்ள உள்ளனர். 
ஆகவே சிவகங்கை மாவட்டத்தைச் சேர்ந்த விவசாயிகள் இந்த கூட்டத்தில் கலந்து கொண்டு விவசாயம் சார்ந்த குறைகளை மனு மூலமாகவும், நேரடியாகவும் தெரிவிக்கலாம் எனக் குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/feb/14/தேவகோட்டையில்-பிப்-23-இல்-விவசாயிகள்-குறைதீர்-முகாம்-2863004.html
2862691 மதுரை சிவகங்கை பிப். 21 முதல் சென்னையில் தொடர் போராட்டம்: ஜாக்டோ - ஜியோ கூட்டத்தில் அறிவிப்பு DIN DIN Tuesday, February 13, 2018 10:07 AM +0530 தன் பங்களிப்பு ஓய்வூதியத் திட்டத்தை ரத்து செய்து பழைய  ஓய்வூதியத்  திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி வரும் பிப்.21ஆம் தேதி முதல் சென்னையில் தொடர் போராட்டத்தில் ஈடுபடப் போவதாக ஜாக்டோ- ஜியோ கூட்டமைப்பு அறிவித்துள்ளது.
    சிவகங்கையில் ஜாக்டோ - ஜியோ சார்பில் சிவகங்கை, ராமநாதபுரம், விருதுநகர் ஆகிய மாவட்டங்களை உள்ளடக்கிய மண்டல அளவிலான கூட்டம் ஞாயிற்றுக்கிழமை மாலை நடைபெற்றது. 
கூட்டத்திற்கு ஜாக்டோ- ஜியோ சிவகங்கை மாவட்ட ஒருங்கிணைப்பாளர்கள் தமிழரசன், இளங்கோ, முத்துப் பாண்டியன் ஆகியோர் தலைமை வகித்தனர். விருதுநகர் மாவட்ட ஒருங்கிணைப்பாளர்கள் வைரமுத்து, முத்துராஜ், ராமநாதபுரம் மாவட்டப் பொருளாளர் செளந்தரராஜன் ஆகியோர் முன்னிலை வகித்தனர்.  
    இதில் அரசு ஊழியர்கள் அனைவருக்கும் ஊதியக் குழுவில் உள்ள முரண்பாடுகளை களைய வேண்டும். தன் பங்களிப்பு ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை அமல்படுத்த வேண்டும். காலமுறை ஊதியம் வழங்க வேண்டும். 8-ஆவது ஊதியக் குழுவில் வழங்க வேண்டிய 21 மாத ஊதிய நிலுவைத் தொகையை உடனடியாக வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
   மேலும் மேற்கண்ட 5 அம்சக் கோரிக்கைகளை வலியுறுத்தி வரும் பிப்.21ஆம் தேதி சென்னையில் நடைபெற உள்ள தொடர் மறியல் போராட்டத்தில் மூன்று மாவட்டங்களிலும் இருந்து ஆயிரத்திற்கு மேற்பட்ட ஆசிரியர், அரசு ஊழியர்கள், அங்கன்வாடி, சத்துணவுப் பணியாளர்கள் மற்றும் கிராம ஊராட்சிச் செயலர்கள் பங்கேற்பது எனவும் முடிவு செய்யப்பட்டது.  
   கூட்டத்தில் ஜாக்டோ- ஜியோ கூட்டமைப்பில் உள்ள ஆசிரியர் மற்றும் அரசு ஊழியர் சங்கங்களின் பிரதிநிதிகள் ஏராளமானோர் கலந்து கொண்டனர்.
 

]]>
http://www.dinamani.com/all-editions/edition-madurai/sivagangai/2018/feb/13/பிப்-21-முதல்-சென்னையில்-தொடர்-போராட்டம்-ஜாக்டோ---ஜியோ-கூட்டத்தில்-அறிவிப்பு-2862691.html
2862690 மதுரை சிவகங்கை மானாமதுரை அருகே கார் கவிழ்ந்து நெடுஞ்சாலைத்துறை பெண் அதிகாரி, ஓட்டுநர் காயம் DIN DIN Tuesday, February 13, 2018 10:07 AM +0530 சிவகங்கை மாவட்டம் மானாமதுரை அருகே திங்கள்கிழமை கார் கவிழ்ந்ததில் நெடுஞ்சாலைத்துறை பெண் அதிகாரி மற்றும் ஓட்டுநர் காயமடைந்தனர். 
      மானாமதுரையில் உள்ள மாநில நெடுஞ்சாலைத்துறை அலுவலகத்தில் உதவி கோட்டப் பொறியாளராகப் பணியாற்றி வருபவர் மல்லிகா (42). இவர் திருப்புவனம் பகுதியில் நடைபெற்று வரும் துறை சார்ந்த பணிகளை பார்வையிடுவதற்காக அலுவலக காரில் சென்று கொண்டிருந்தார். 
            காரை ஓட்டுநர் கிட்டு ஓட்டிச் சென்றார். மானாமதுரை அருகே கால்பிரிவு விலக்கு பகுதியில் சென்றபோது கார் நிலைதடுமாறி சாலையில் கவிழ்ந்தது. 
  இந்த விபத்தில் காயமடைந்த உதவி கோட்டப் பொறியாளர் மல்லிகா,  ஓட்டுநர் கிட்டு இருவரும் சிவகங்கை அரசு மருத்துவமனையில் அனுமதிக்கப்பட்டனர்.விபத்து குறித்து மானாமதுரை போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-madurai/sivagangai/2018/feb/13/மானாமதுரை-அருகே-கார்-கவிழ்ந்து-நெடுஞ்சாலைத்துறை-பெண்-அதிகாரி-ஓட்டுநர்-காயம்-2862690.html
2862689 மதுரை சிவகங்கை தாயமங்கலம் முத்துமாரியம்மன் கோயில் கடைகளை அகற்றுவதற்கு தடை விதிக்கக் கோரி ஆட்சியரிடம் மனு DIN DIN Tuesday, February 13, 2018 10:06 AM +0530 சிவகங்கை மாவட்டம் தாயமங்கலம் முத்துமாரியம்மன் கோயில் முன் உள்ள கடைகளை அகற்றுவதற்கு தடை விதிக்க வேண்டும் என அப்பகுதி வியாபாரிகள் ஆட்சியர் க.லதாவிடம் கோரிக்கை மனு அளித்தனர்.
சிவகங்கை மாவட்ட ஆட்சியர் அலுவலகக் கூட்டரங்கில் திங்கள்கிழமை நடைபெற்ற மக்கள் குறை தீர்க்கும் முகாமில் ஆட்சியரிடம் அவர்கள் அளித்த மனு:
   தாயமங்கலம் கிராமத்தில் உள்ள முத்துமாரியம்மன் கோயில் வெளிப்பிரகாரத்தில் சிறு கடைகள் அமைத்து பூஜைக்கு தேவையான அபிஷேக மற்றும் அர்ச்சனைப் பொருள்களை விற்பனை செய்து வருகிறோம்.
    இந்நிலையில் பல்வேறு காரணங்களைக் கூறி கோயில் நிர்வாகம் வெளிப் பிரகாரத்தில் உள்ள கடைகளை அகற்ற உள்ளதாக தகவல் அறிந்தோம். மிகவும் பாதுகாப்பான முறையில் பொருள்களை விற்பனை செய்து வருகிறோம். மேலும் எங்கள் கடைகளுக்கு மின்சார இணைப்பு கிடையாது. கோயில் நிர்வாகம் கூறும் காரணங்களுக்கு வாய்ப்பு இல்லை.
 ஆகவே எங்களின் வாழ்வாதார நிலையை கருத்தில் கொண்டு கோயிலுக்கு எந்தவிதப் பாதிப்பு  ஏற்படாத வகையில் உள்ள கடைகளை கோயில் நிர்வாகம் அகற்ற முன் வருவதற்கு  தடை  விதிக்க வேண்டும் எனக் குறிப்பிடப்பட்டுள்ளது.
 

]]>
http://www.dinamani.com/all-editions/edition-madurai/sivagangai/2018/feb/13/தாயமங்கலம்-முத்துமாரியம்மன்-கோயில்-கடைகளை-அகற்றுவதற்கு-தடை-விதிக்கக்-கோரி-ஆட்சியரிடம்-மனு-2862689.html
2862688 மதுரை சிவகங்கை இருசக்கர வாகனம் மீது கார் மோதல்: மின்வாரிய ஊழியர் சாவு DIN DIN Tuesday, February 13, 2018 10:06 AM +0530 சிவகங்கை மாவட்டம் இளையான்குடி அருகே ஞாயிற்றுக்கிழமை இரவு இருசக்கர வாகனம் மீது கார் மோதியதில் மின்வாரிய தாற்காலிக ஊழியர் உயிரிழந்தார்.
இளையான்குடி அருகே உள்ள திருவள்ளூர் கிராமத்தைச் சேர்ந்தவர் முருகேசன் (45). இவர் இப்பகுதியில் உள்ள மின்வாரிய அலுவலகத்தில் தாற்காலிக ஊழியராகப் பணியாற்றி வந்தார். இந்நிலையில் ஞாயிற்றுக்கிழமை இருசக்கர வாகனத்தில் இளையான்குடி வந்த முருகேசன் இங்குள்ள புறவழிச்சாலை வழியாக திருவள்ளூர் கிராமத்துக்கு திரும்பிச் சென்றார். அப்போது அந்த வழியாக வந்த கார், இருசக்கர வாகனம் மீது மோதியது. இதில் முருகேசன் சம்பவ இடத்திலேயே உயிரிழந்தார். இளையான்குடி போலீஸார் வழக்குப் பதிந்து விசாரித்து வருகின்றனர்.


 

]]>
http://www.dinamani.com/all-editions/edition-madurai/sivagangai/2018/feb/13/இருசக்கர-வாகனம்-மீது-கார்-மோதல்-மின்வாரிய-ஊழியர்-சாவு-2862688.html
2862686 மதுரை சிவகங்கை இரண்டாவது திருமணம் செய்தவர் கைது DIN DIN Tuesday, February 13, 2018 10:06 AM +0530 சிவகங்கை மாவட்டம் மானாமதுரை அருகே மனைவிக்கு தெரியாமல் இரண்டாவது திருமணம் செய்த கணவரை மகளிர் போலீஸார் சனிக்கிழமை கைது செய்தனர். 
 மானாமதுரை அருகே உள்ள கீழப்பசலை கிராமத்தைச் சேர்ந்தவர் முருகன்(34), இவருக்கும் இதே கிராமத்தைச் சேர்ந்த பரமேஸ்வரி(30) என்பவருக்கும் கடந்த 12 ஆண்டுகளுக்கு முன்பு திருமணம் நடைபெற்றுள்ளது. 
இவர்களுக்கு தற்போது ஒரு மகன் உள்ளார்.  இந் நிலையில் வெளிநாட்டுக்கு வேலைக்குச் சென்ற முருகன் திரும்பி வந்து பரமேஸ்வரிக்கு தெரியாமல் இரண்டாவதாக ஒரு பெண்ணை திருமணம் செய்தாராம். 
 இது குறித்து பரமேஸ்வரி, மானாமதுரை மகளிர் காவல் நிலையத்தில் புகார் செய்தார். போலீசார் வழக்குப் பதிந்து கணவர் முருகனை கைது செய்தனர். உடந்தையாக இருந்த மாமியார் ராசம்மாள் உள்பட 7 பெண்கள் மீதும் போலீசார் வழக்கு பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/13/இரண்டாவது-திருமணம்-செய்தவர்-கைது-2862686.html
2862685 மதுரை சிவகங்கை காரைக்குடி பழைய, புதிய பேருந்து நிலையங்களில்  போதிய கழிப்பறை வசதி ஏற்படுத்தக் கோரிக்கை DIN DIN Tuesday, February 13, 2018 10:05 AM +0530 காரைக்குடி பழைய மற்றும் புதிய பேருந்து நிலையங்களில் போதிய கழிப்பறை வசதிகள் செய்து தரவேண்டும் என்று காந்திய மக்கள் இயக்கம் கோரிக்கை விடுத்துள்ளது.
காரைக்குடி பூமாலை வணிக வளாக அரங்கில் சிவகங்கை மாவட்ட காந்திய மக்கள் மாவட்டப்பேரவை மற்றும் அர சியல் பயிலரங்கம் சனிக்கிழமை நடைபெற்றது. இதில் மாவட்டத் தலைவர் அருளானந்து தலைமை வகித்தார். மாவட்டப் பொதுச் செயலாளர் தங்கவேலு, மாட்ட துணைத் தலைவர் செந்தில்குமார், மாவட்டப் பொருளாளர் இஸ்மாயில், ஏஎல். நாச்சியப்பன் ஆகியோர் முன்னிலைவகித்தனர். நிகழ்ச்சியில் காந்திய மக்கள் இயக்க மாநில கொள்கை பரப்பு செயலாளர் பொன். மனோகரன், மாநில இளைஞரணி நிர்வாகிகள் சதீஷ்குமார், பாலாஜி உள்ளிட்டோர் பேசினர். 
முடிவில், காரைக்குடியில் உள்ள மாவட்ட தலைமை மருத்துவமனையில் அவசர சிகிச்சைப்பிரிவு தொடங்க மாவட்ட நிர்வாகம் நடவடிக்கை எடுக்கவேண்டும் என்றும், காரைக்குடியில் புதிய, பழைய பேருந்துநிலையங்களில் பொதுமக்கள் பயன்படுத்தும் விதமாக போதுமான கழிப்பறை வசதிகள் செய்து கொடுக்கப்படவேண்டும் என்பன உள்ளிட்ட பல்வேறு கோரிக்கைகளை வலியுறுத்தி தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/sivagangai/2018/feb/13/காரைக்குடி-பழைய-புதிய-பேருந்து-நிலையங்களில்--போதிய-கழிப்பறை-வசதி-ஏற்படுத்தக்-கோரிக்கை-2862685.html
2862684 மதுரை சிவகங்கை வெளிநாட்டில் இறந்த கணவரின் உடலை மீட்டுத் தரக் கோரி ஆட்சியரிடம் மனு DIN DIN Tuesday, February 13, 2018 10:05 AM +0530 வெளிநாட்டில் இறந்த கணவரின் உடலை மீட்டுத் தர வேண்டும் என சிவகங்கை மாவட்டம் பச்சேரி கிராமத்தைச் சேர்ந்த சுமதி தனது உறவினர்களுடன் சிவகங்கை மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறை தீர்க்கும் நாள் முகாமில்  ஆட்சியர் க.லதாவிடம் கோரிக்கை மனு அளித்துள்ளார்.
இதுகுறித்து  அவர் அளித்த மனு விவரம்:  சிவகங்கை மாவட்டம் பச்சேரி கிராமத்தில் நானும், எனது மகன் மற்றும் மகளும் வசித்து வருகிறோம். கடந்த 2010ஆம் ஆண்டு எனது கணவர் மாரி வேலை  நிமித்தமாக மலேசியா நாட்டிற்கு சென்றார். அங்கு பணியாற்றி வந்த அவர், கடந்த சில ஆண்டுகளாக எங்களிடம் பேசவில்லை.
 மேலும் அவர் குறித்து விசாரித்த போது எந்த ஒரு தகவலும் கிடைக்கவில்லை.
    இந்நிலையில் பிப்.9 ஆம் தேதி மலேசிய நாட்டில் உள்ள இந்திய தூதரகத்திடமிருந்து எனது  கணவர்  இறந்து விட்டதாக தகவல் கிடைத்தது. இதனைக் கவனத்தில் கொண்டு மலேசிய நாட்டில் இறந்த எனது கணவரின் உடலை விரைவில் மீட்டுத் தர நடவடிக்கை எடுக்க வேண்டும் என குறிப்பிடப்பட்டுள்ளது.

]]>
http://www.dinamani.com/all-editions/edition-madurai/sivagangai/2018/feb/13/வெளிநாட்டில்-இறந்த-கணவரின்-உடலை-மீட்டுத்-தரக்-கோரி-ஆட்சியரிடம்-மனு-2862684.html
2862683 மதுரை சிவகங்கை திருப்புவனம் அருகே மணல் கடத்தல்: லாரிகள், ஜேசிபி இயந்திரம் பறிமுதல் DIN DIN Tuesday, February 13, 2018 10:05 AM +0530 திருப்புவனம் அருகே வைகையாற்றில் அனுமதியின்றி மணல் அள்ளி கடத்திய 4 லாரிகள், ஜேசிபி இயந்திரத்தை போலீசார் திங்கள்கிழமை பறிமுதல் செய்தனர். 
திருப்புவனம் அருகே பெத்தானேந்தல் கிராமத்தின் வைகையாற்றுப்பகுதியில் லாரிகளில் மணல் கடத்தப்படுவதாக வந்த தகவலின்பேரில் திருப்புவனம் போலீஸார் அப்பகுதியில் சோதனை நடத்தினர். 
 அப்போது ஆற்றுக்குள் ஜேசிபி இயந்திரம் மூலம் மணல் எடுத்து லாரிகளில் ஏற்றிக்கொண்டிருப்பது தெரியவந்தது. போலீஸாரைக் கண்டதும் அங்கிருந்தவர்கள் தப்பிச் சென்றனர். 
அதன்பின் போலீஸார் மணல் கடத்தியதாக அங்கிருந்த 4 லாரிகள் ஒரு ஜேசிபி இயந்திரத்தை பறிமுதல் செய்து காவல் நிலையத்துக்கு கொண்டு வந்தனர். போலீஸார் அவற்றின் உரிமையாளர்கள் மீது வழக்குப் பதிந்து நடவடிக்கை எடுத்துள்ளனர்.
 

]]>
http://www.dinamani.com/all-editions/edition-madurai/sivagangai/2018/feb/13/திருப்புவனம்-அருகே-மணல்-கடத்தல்-லாரிகள்-ஜேசிபி-இயந்திரம்-பறிமுதல்-2862683.html
2862682 மதுரை சிவகங்கை காவல் உதவி ஆய்வாளரை மிரட்டியவர்கள் கைது DIN DIN Tuesday, February 13, 2018 10:05 AM +0530 இளையான்குடி அருகே ஞாயிற்றுக்கிழமை அனுமதியின்றி ஒரு சமூகத்தினர் கூட்டம் நடத்தினர். அப்போது அங்கு வந்து கூட்டத்தை கலைந்து செல்லுமாறு கூறிய காவல் உதவி ஆய்வாளரை ஆயுதங்களுடன் மிரட்டிய 17 பேரை போலீஸார் கைது செய்தனர். 
இளையான்குடி அருகே கோட்டையூர் கிராமத்தில் ஒரு குறிப்பிட்ட சமூகத்தினர் வெளியூர்களிலிருந்து கார்களில் வந்து கிராமத்தினர் சிலருடன் சேர்ந்து கூட்டம் நடத்தினர். அப்போது அங்கு வந்த இளையான்குடி காவல் உதவி ஆய்வாளர்  செந்தூர்பாண்டியன் மற்றும் போலீஸார் அனுமதியின்றி கூட்டம் நடத்தக்கூடாது. கலைந்து செல்லுங்கள் எனக் கூறியுள்ளார். இதனால் ஆத்திரமடைந்த அவர்கள் காருக்குள் இருந்த ஆயுதங்களை எடுத்து உதவி ஆய்வாளர் செந்தூர்பாண்டியனை மிரட்டியுள்ளனர். 
 இதுகுறித்து அவர் அளித்த புகாரின் பேரில் போலீஸார் கோட்டையூர் கிராமத்துக்குச் சென்று அங்கு உதவி ஆய்வாளரை மிரட்டியதாக சென்னை, மானாமதுரை, ராமநாதபுரம், சிவகங்கை உள்பட பல்வேறு  ஊர்களைச் சேர்ந்த 27 பேர் மீது வழக்குப் பதிந்து 17 பேரை கைது செய்தனர்.

]]>
http://www.dinamani.com/all-editions/edition-madurai/sivagangai/2018/feb/13/காவல்-உதவி-ஆய்வாளரை-மிரட்டியவர்கள்-கைது-2862682.html
2861631 மதுரை சிவகங்கை குடிநீர் வடிகால் வாரியம் அலட்சியம்: திருப்பத்தூரில் தினமும் பல லட்சம் லிட்டர் குடிநீர் வீண் DIN DIN Monday, February 12, 2018 01:04 AM +0530 சிவகங்கை மாவட்டம் திருப்பத்தூரில் குழாய் இணைப்பு கசிவு மற்றும் குழாய் உடைப்புகளை குடிநீர் வடிகால் வாரியம் சரி செய்யாததால் தினமும் பல லட்சம் லிட்டர் காவிரிக் கூட்டுக்குடி வீணாகிவருகிறது.
திருப்பத்தூர் பேரூராட்சிக்குட்பட்ட பகுதிகளில் கடுமையான குடிநீர் பஞ்சம் நிலவிய காலத்தில் கடந்த 10 ஆண்டுகளுக்கு முன் திருச்சி அருகேயுள்ள முத்தரசநல்லூர் காவிரிப் படுகையில் காவிரி கூட்டுக்குடிநீர்த் திட்டத்தின் மூலம் ராட்சத ஆழ்குழாய் கிணறு அமைத்து பொன்னமராவதி, திருப்பத்தூர் வழியாக ராமநாதபுரம் வரை கூட்டுக் குடிநீர்த் திட்டம் செயல்படுத்தப்பட்டது.
இதில் திருப்பத்தூர் பேரூராட்சிக்குட்பட்ட பகுதிகளில் அடிக்கடி குழாய் உடைப்பு ஏற்பட்டு குடிநீர் வீணாகிறது. டி.புதுப்பட்டியில் உள்ள தொட்டியிலிருந்து சிவகங்கை சாலையில் உள்ள மேல்நிலைத் தொட்டிக்கு குழாய் மூலம் குடிநீர் எடுத்துச் செல்லப்படுகிறது. பின்னர் இம்மேல்நிலைத் தொட்டியிலிருந்து நகரின் பல பகுதிகளுக்கு விநியோகம் செய்யப்படுகிறது.
புதுப்பட்டியிலிருந்து நீர் வரும் வழியில் குழாய் உடைப்பு மற்றும் இணைப்பு கசிவுகளை சரி செய்ய பராமரிப்புப் பணிகளை குடிநீர் வாரியத்தினர் மேற்கொள்ளவில்லை. நிதிப் பற்றாக்குறையால் உடனடியாக பராமரிப்புப் பணி மேற்கொள்வதில் தாமதம் ஏற்படுவதாக கூறப்படுகிறது.
இதனால் புதுக்கோட்டை சாலை, தங்கமணித் திரையரங்கம் ஆகிய இடங்களில் நீர்க்கசிவு ஏற்பட்டு சாலையில் தண்ணீர் வீணாக ஓடுகிறது. இவ்வாறு ஏற்படும் பழுதினால் ஒருவாரத்திற்கு மேல் குடிநீர் விநியோகம் நிறுத்தப்பட்டு பொதுமக்கள் சிரமப்படுகின்றனர்.
எனவே சம்மந்தப்பட்ட துறையினர் துரித நடவடிக்கை எடுத்து தண்ணீர் கசிவதையும் குழாய் உடைப்பின் மூலம் சாலையில் நீர் வீணாவதையும் நிரந்தரமாக நிறுத்த பொதுமக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-madurai/sivagangai/2018/feb/12/குடிநீர்-வடிகால்-வாரியம்-அலட்சியம்-திருப்பத்தூரில்-தினமும்-பல-லட்சம்-லிட்டர்-குடிநீர்-வீண்-2861631.html
2861629 மதுரை சிவகங்கை பிளாஸ்டிக் ஒழிப்பு விழிப்புணர்வு கருத்தரங்கம் DIN DIN Monday, February 12, 2018 01:03 AM +0530 சிவகங்கை மாவட்டம் காளையார்கோவிலில் வட்டார வளர்ச்சி அலுவலகம் சார்பில் பிளாஸ்டிக் ஒழிப்பு குறித்த விழிப்புணர்வு கருத்தரங்கம் வியாழக்கிழமை இரவு நடைபெற்றது.
காளையார்கோவிலில் உள்ள மருதுபாண்டியர் கலையரங்கில் நடைபெற்ற இந்த கருத்தரங்கிற்கு சிவகங்கை மாவட்ட ஊரக வளர்ச்சி முகமையின் திட்ட இயக்குநர் காஞ்சனா தலைமை வகித்தார்.மகளிர் திட்ட இயக்குநர் இளங்கோ முன்னிலை வகித்தார்.இதில்,பட்டிமன்ற நடுவர் ராஜா சிறப்பு விருந்தினராக கலந்து கொண்டு சிறப்புரையாற்றினார். கருத்தரங்கில்,பிளாஸ்டிக் ஒழிப்பு குறித்த உறுதிமொழி எடுக்கப்பட்டது.
மேலும்,நகர் வர்த்தகர்கள், பொதுமக்கள் ஆகியோருக்கு துணிப் பைகள் வழங்கப்பட்டன. இதில், காளையார்கோயில் வட்டார வளர்ச்சி அலுவலர் அன்புதுரை(கி.ஊ),ஆணையாளர் ரஜினிதேவி, வட்டாட்சியர் சந்தானலெட்சுமி,உதவி செயற்பொறியாளர் ஷாஜிதா,மாவட்ட சுகாதார ஒருங்கிணைப்பாளர் பல்த்தசார் உள்ளிட்ட அலுவலர்கள்,ஏராளமான பொதுமக்கள் கலந்து கொண்டனர்.

 

]]>
http://www.dinamani.com/all-editions/edition-madurai/sivagangai/2018/feb/12/பிளாஸ்டிக்-ஒழிப்பு-விழிப்புணர்வு-கருத்தரங்கம்-2861629.html
2861628 மதுரை சிவகங்கை டிஎன்பிஎஸ்சி குரூப்-4 பணிக்கு எழுத்துத் தேர்வு: ராமநாதபுரம், சிவகங்கை மாவட்டங்களில் 63 ஆயிரம் பேர் எழுதினர் DIN DIN Monday, February 12, 2018 01:03 AM +0530 ராமநாதபுரம், சிவகங்கை மாவட்டங்களில் ஞாயிற்றுக்கிழமை நடைபெற்ற தமிழ்நாடு அரசுப்பணியாளர் தேர்வாணையத்தின் குரூப்-4 பணியிடங்களுக்கான எழுத்துத் தேர்வினை 60 ஆயிரத்துக்கு மேற்பட்டவர்கள் எழுதினர்.
தமிழ்நாடு அரசுப்பணியாளர் தேர்வாணையத்தின் மூலம் கிராம நிர்வாக அலுவலர், இளநிலை உதவியாளர், நில அளவர், தட்டச்சர், சுருக்கெழுத்து தட்டச்சர் உள்ளிட்ட பல்வேறு அரசுப் பணியிடங்களுக்காக தகுதியான நபர்களை தேர்வு செய்வதற்காக குரூப்-4 க்கான எழுத்துத் தேர்வு தமிழகம் முழுவதும் நடைபெற்றது. ராமநாதபுரம் மாவட்டம் முழுவதும் 134 இடங்களில் 157 தேர்வு மையங்களில் தேர்வு நடந்தது. இத்தேர்வில் கலந்து கொள்வதற்காக ஏற்கனவே விண்ணப்பித்த 39,906 நபர்களுக்கு தேர்வுக்கான நுழைவுச்சீட்டு அனுப்பபட்டிருந்தது. இவர்களில் 6037 பேர் வரவில்லை. 84 சதவிகிதத்தினர் மட்டுமே, அதாவது 33869 பேர் மட்டுமே தேர்வு எழுதினார்கள். தேர்வினை கண்காணிக்க 8 பறக்கும் படைக் குழுக்களும், 37 நகரும் படைக் குழுக்களும் அமைக்கப்பட்டு தேர்வுப் பணியில் கண்காணிப்பில் ஈடுபட்டிருந்தனர். தேர்வர்கள் தேர்வு மையங்களுக்கு செல்ல வசதியாக பேருந்து வசதி, குடிநீர் வசதி,கழிப்பிட வசதி ஆகியனவும் செய்யப்பட்டிருந்தது.வினாத்தாள்களையும், விடைத்தாள்களையும் பாதுகாப்பான முறையில் அந்தந்த தேர்வு மையங்களுக்கு கொண்டு செல்லவும், தேர்வு முடிந்தவுடன் மீண்டும் பாதுகாப்பாக மாவட்ட கருவூலத்துக்கு கொண்டு செல்லவும் தேவையான பாதுகாப்பு நடவடிக்கைகள் மேற்கொள்ளப்பட்டிருந்தன.
சிவகங்கை: சிவகங்கை மாவட்டத்திலிருந்து 36 ஆயிரத்து 215 பேர் டிஎன்பிஎஸ்சி தேர்வெழுத விருப்பம் தெரிவித்து விண்ணப்பித்திருந்தனர்.இதையடுத்து, சிவகங்கை, காரைக்குடி, தேவகோட்டை, மானாமதுரை, திருப்பத்தூர், இளையான்குடி, திருப்புவனம், காளையார்கோவில் ஆகிய வட்டத்திற்குள்பட்ட 127 மையங்களில் ஞாயிற்றுக்கிழமை தேர்வு நடைபெற்றது. விண்ணப்பித்தவர்களில் 30,852 பேர் தேர்வு எழுதினர். மீதமுள்ள 5363 பேர் தேர்வு எழுத வரவில்லை.
சிவகங்கை மாவட்ட ஆட்சியர் க.லதா உள்ளிட்ட உயர் அலுவலர்கள் தேர்வு மையத்திற்கு நேரடியாகச் சென்று ஆய்வு செய்தனர்.மேலும் 127 முதன்மைக் கண்காணிப்பாளர்களும், 22 நகர்வுக் குழுக்களும், 22 பறக்கும் படையினரும், 127 ஆய்வுக் குழுவினர்களும்,மாவட்டம் முழுவதும் கண்காணிப்புப் பணியில் ஈடுபட்டனர்.
காரைக்குடியில்..குரூப்-4 மற் றும் கிராம நிர்வாக அலுவலர் பணியிடங்களுக்கான தேர்வில் சிவகங்கை மாவட்டம் காரைக்குடியில் 31 மையங்க ளில் தேர்வு எழுதினர். காரைக்குடி அழகப்பா அரசு கலைக்கல்லூரி, அழகப்பச்செட்டியார் பொறியியல் மற்றும் தொழில்நுட்பக்கல்லூரி, பாலிடெக்னிக் கல்லூரி உள்ளிட்ட 31 இடங்களில் தேர்வு எழுத தமிழ்நாடு தேர்வாணையம் சார்பில் ஏற்பாடு செய் யப்பட்டிருந்தது. மொத்தம் 8,670 பேர் தேர்வு எழுத ஏற்பாடு செய்யப்பட்டிருந்ததில் 7,044 பேர் தேர்வில் பங்கேற்றனர். விண்ணப்பித்திருந்தோரில் 1,626 பேர் தேர்வில் பங்கேற்கவில்லை. தமிழ்நாடு தேர்வாணையம் சென்னையிலிருந்து சிறப்பு அதிகாரி மற்றும் சிவகங்கை மாவட்டத்தைச் சேர்ந்த வரு வாய்த்துறை அதிகாரிகள் தேர்வு மையங்களுக்குச் சென்று கண்காணிப்பு பணியில் ஈடுபட்டிருந்தனர்.
செல்போன் பாதுகாக்க இடமில்லை
தேர்வுக்கு வருபவர்கள் யாரும் செல்போன்கள் கொண்டு வரக்கூடாது என முன்கூட்டியே அறிவிக்கப்பட்டிருந்தும் தேர்வுக்கு வந்த பலரும் செல்போன், புத்தகம், மணிப்பர்ஸ் ஆகியனவற்றை கொண்டு வந்திருந்தார்கள். இவை எதையும் மைய கண்காணிப்பாளர்கள் மையத்துக்குள் அனுமதிக்கவில்லை. எனவே பாதுகாப்பாக வைக்க என்ன செய்வது என்று புரியாமல் குழப்பமடைந்தனர். பாதுகாப்பு கருதி விலையுயர்ந்த செல்போன்களை வாங்கி வைத்து அவை தொலைந்து போய்விட்டால் அவற்றை திருப்பிக் கொடுக்க முடியாது என மைய கண்காணிப்பாளர்கள் கூறிவிட்டனர். இதனால் தேர்வர்கள் எவ்வித பாதுகாப்பும் இல்லாமல் மையத்துக்கு வெளியில் வைத்து விட்டு தேர்வு எழுத சென்றனர். ஒரு சில மையங்களில் வெளியிலிருந்து கொண்டு வரப்பட்ட பொருட்களை வைப்பதற்காகவே ஒரு அறை ஒதுக்கப்பட்டு அனைவரும் அதில் பொருட்களை வைத்த பிறகு பூட்டியிருந்து தேர்வு முடிந்தவுடன் திறந்து எடுத்துக் கொள்ளுமாறும் செய்தனர்.

 

]]>
http://www.dinamani.com/all-editions/edition-madurai/sivagangai/2018/feb/12/டிஎன்பிஎஸ்சி-குரூப்-4-பணிக்கு-எழுத்துத்-தேர்வு-ராமநாதபுரம்-சிவகங்கை-மாவட்டங்களில்-63-ஆயிரம்-பேர்-எ-2861628.html
2861627 மதுரை சிவகங்கை காரைக்குடி ரயில் நிலையத்தில் அடிப்படை வசதிகளை மேம்படுத்த வலியுறுத்தல் DIN DIN Monday, February 12, 2018 01:03 AM +0530 காரைக்குடி-பட்டுக்கோட்டை அகல ரயில்பாதைப் பணிகள் நிறைவடைந்து விரைவில் போக்குவரத்து தொடங்கவிருக்கும் நிலையில், காரைக்குடி ரயில் நிலையத்தில் அடிப்படை வசதிகள் மேம்படுத்தப்பட வேண்டும் என, பயணிகள் வலியுறுத்துகின்றனர்.
சென்னையிலிருந்து திருச்சி, புதுக்கோட்டை, காரைக்குடி வழியாக ராமேசுவரம் வரை பல்வேறு விரைவு ரயில்கள், பயணிகள் ரயில்கள் இயக்கப்பட்டு வருகின்றன. மேலும், கோவை மற்றும் நீண்டதொலைவு வாராந்திர ரயில்களின் போக்குவரத்தும் இவ்வழியாக நடைபெற்று வருகின்றன. சுமார் 6 ஆண்டுகளுக்கும் மேலாக மேற்கொள்ளப்பட்டு வரும் பட்டுக்கோட்டை - காரைக்குடி அகல ரயில் பாதைப் பணிகள் தற்போது நிறைவடையும் நிலையில் உள்ளன. இம்மார்க்கத்தில் விரைவில் போக்குவரத்து தொடங்கும் என்றும் எதிர்பார்க்கப்படுகிறது.
திருவாரூர் - காரைக்குடி மார்க்கமாக 148.99 கிலோ மீட்டர் தொலைவுக்கு அகல ரயில் பாதையாக மாற்றும் திட்டத்துக்கு, ரயில்வே கமிட்டி கடந்த 2011-இல் அனுமதியளித்தது. இவ்வழித்தடத்தில் 26 பெரிய பாலங்கள், 436 சிறிய பாலங்கள், 64 புதிய கட்டடங்கள் என 4 கட்டப் பணியாக நடத்தவும், 2015 ஆம் ஆண்டு பணியை முடிக்கவும் திட்டமிடப்பட்டிருந்தது.
இதில் முதல் கட்டமாக, காரைக்குடி-பட்டுக்கோட்டை இடையே 73 கிலோ மீட்டர் தொலைவு அகல ரயில் பாதைப் பணி 2012 இல் தொடங்கப்பட்டு, 2014 இல் முடிக்க திட்டமிடப்பட்டிருந்தது. ஆனால், 4 ஆண்டுகள் தாமதமாக தற்போதுதான் இப்பணி நிறைவடையும் நிலையில் உள்ளது.
தற்போது, மத்திய பொது நிதிநிலை அறிக்கையில், பட்டுக்கோட்டையிலிருந்து திருத்துறைப்பூண்டி வழியாக திருவாரூக்கு அகல ரயில் பாதைப் பணிக்காக ரூ. 175 கோடி ஒதுக்கப்பட்டு, அப்பணி விரைவில் தொடங்கி 2019 இல் முடிக்கப்படும் என்றும், தென்னக ரயில்வே நிர்வாகம் அறிவித்திருக்கிறது.
இந்நிலையில், சிவகங்கை மாவட்டத்தில் முக்கிய நகரமான காரைக்குடி பி-கிரேடு அந்தஸ்துடன் கூடிய ரயில் சந்திப்பு நிலையமாக உள்ளது. தற்போது பேருந்து கட்டணங்கள் உயர்த்தப்பட்டிருப்பதால், ரயில் பயணிகளின் எண்ணிக்கை நாளுக்கு நாள் அதிகரித்து வருகிறது. எனவே, இங்கு பயணிகளுக்கான அடிப்படை வசதிகளை மேம்படுத்துவது அவசியமாகிறது என்று, காரைக்குடி ரயில் பயணிகள் பாதுகாப்புக் கழகச் செயலர் சாமி. திராவிடமணி தெரிவித்தார்.
இது குறித்து அவர் மேலும் கூறியது: காரைக்குடி ரயில் நிலைய வாகனக் காப்பகம் ஒப்பந்தத்தில் விடாமலும், சேதமடைந்த நிலையிலும் இருப்பதால், இரு சக்கரம் மற்றும் நான்கு சக்கர வாகனங்கள் பாதிக்கப்படுகின்றன.
தொடர்ந்து, கடந்த 3 ஆண்டுகளாக உணவகம் இல்லாத ரயில் நிலையமாக காரைக்குடி உள்ளது. இதனால், வெளியூர் பயணிகள் மிகவும் சிரமத்துக்குள்ளாகின்றனர். நீண்டநாள் கோரிக்கையான புதிய நடைமேம்பாலம் விரைவில் அமைக்க வேண்டும். ரயில் நிலைய அலுவலக முதல் தளத்தில் பயணிகள் தங்கும் அறைகள் கட்டுவது உள்ளிட்ட அடிப்படை வசதிகளையும் ஏற்படுத்தித் தரவேண்டும் என்றார்.

 

]]>
http://www.dinamani.com/all-editions/edition-madurai/sivagangai/2018/feb/12/காரைக்குடி-ரயில்-நிலையத்தில்-அடிப்படை-வசதிகளை-மேம்படுத்த-வலியுறுத்தல்-2861627.html
2861626 மதுரை சிவகங்கை துணை வட்டாட்சியர் பதவி உயர்வு பட்டியலை ரத்து செய்யக் கோரி மனு: மாநில வருவாய் நிர்வாகத் துறைச் செயலர் பதிலளிக்க உத்தரவு DIN DIN Monday, February 12, 2018 01:03 AM +0530 சிவகங்கை துணை வட்டாட்சியர் பதவி உயர்வு பட்டியலை ரத்து செய்யக் கோரி தாக்கல் செய்யப்பட்ட மனுவுக்கு, மாநில வருவாய் நிர்வாகத் துறைச் செயலர் பதிலளிக்க சென்னை உயர் நீதிமன்ற மதுரைக் கிளை வெள்ளிக்கிழமை உத்தரவிட்டது.
இது குறித்து, சிவகங்கை மாவட்டத்தில் வருவாய்த் துறை உதவியாளர்களாகப் பணியாற்றும் 15 பேர் சென்னை உயர் நீதிமன்ற மதுரைக் கிளையில் தாக்கல் செய்த மனு:
தமிழ்நாடு அரசுப் பணியாளர் தேர்வாணையம் மூலம் உதவியாளராகத் தேர்வு செய்யப்பட்டு, 2012-ஆம் ஆண்டிலிருந்து பணிபுரிந்து வருகிறோம். பதவி உயர்வுக்காக துறைத் தேர்விலும் வெற்றி பெற்றுள்ளோம். சிவகங்கை மாவட்ட துணை வட்டாட்சியர் பதவி உயர்வு பட்டியல் 2017-ஆம் ஆண்டில் தயாரிக்கப்பட்டது.
இப்பதவி உயர்வு பட்டியலில் பாகுபாடு இருப்பதாக சங்கர் என்பவர் உயர் அதிகாரிகளிடம் மனு அளித்தார். அவரது மனு மீது எந்த நடவடிக்கையும் எடுக்கப்படவில்லை. பின்னர், உயர் நீதிமன்றத்தில் வழக்குத் தொடர்ந்தார். அந்த வழக்கில் உயர் நீதிமன்றம் சில உத்தரவுகளைப் பிறப்பித்தது.
இந்நிலையில், உயர் நீதிமன்றம் பிறப்பித்த உத்தரவைக் கருத்தில் கொள்ளாமல், துணை வட்டாட்சியர் பதவி உயர்வுப் பட்டியலை மாவட்ட ஆட்சியர் 2017 செப்டம்பரில் வெளியிட்டார். இப்பட்டியலில் இடஒதுக்கீடு பின்பற்றப்படவில்லை. பதவி உயர்வு தொடர்பான வருவாய்த் துறைச் செயலரின் சுற்றறிக்கையும் பின்பற்றப்படவில்லை.சிவகங்கை மாவட்டத்தில் 15 துணை வட்டாட்சியர் பணியிடங்கள் மட்டுமே உள்ள நிலையில், 42 பேருக்கு துணை வட்டாட்சியர்களாகப் பதவி உயர்வு வழங்கப்பட்டுள்ளது. எனவே, துணை வட்டாட்சியர் பதவி உயர்வு பட்டியலை ரத்து செய்து, விதிமுறைகளைப் பின்பற்றி புதிய பதவி உயர்வு பட்டியல் தயாரிக்கவும், அதுவரை பதவி உயர்வு பட்டியலை அமல்படுத்த தடை விதித்தும் உத்தரவிட வேண்டும் என்று அதில் குறிப்பிட்டிருந்தனர்.
இந்த மனு நீதிபதி ஜி.ஆர். சுவாமிநாதன் முன்பு விசாரணைக்கு வந்தது. மனுவை விசாரித்த நீதிபதி, இது தொடர்பாக மாநில வருவாய் நிர்வாகத் துறைச் செயலர் பதிலளிக்க உத்தரவிட்டு, விசாரணையை பிப்ரவரி 13 ஆம் தேதிக்கு ஒத்திவைத்தார்.

]]>
http://www.dinamani.com/all-editions/edition-madurai/sivagangai/2018/feb/12/துணை-வட்டாட்சியர்-பதவி-உயர்வு-பட்டியலை-ரத்து-செய்யக்-கோரி-மனு-மாநில-வருவாய்-நிர்வாகத்-துறைச்-செயலர்-2861626.html
2861625 மதுரை சிவகங்கை தாயமங்கலம் முத்துமாரியம்மன் கோயில் ராஜகோபுர பணியை விரைந்து முடிக்க திமுக கோரிக்கை DIN DIN Monday, February 12, 2018 01:02 AM +0530 சிவகங்கை மாவட்டம் இளையான்குடி அருகேயுள்ள தாயமங்கலம் முத்துமாரியம்மன் கோயிலில் ராஜகோபுரம் அமைக்கும் பணியை விரைந்து முடிக்க வேண்டும் என திமுக கூட்டத்தில் தீர்மானம் நிறைவேற்றப்பட்டது.
இளையான்குடியில் மேற்கு ஒன்றியம் மற்றும் பேரூர் கழக திமுக செயல்வீரர்கள் கூட்டம் கடந்த சனிக்கிழமை நடைபெற்றது. இக் கூட்டத்துக்கு கட்சியின் சிறுபான்மை நலப்பிரிவு மாவட்ட துணை அமைப்பாளர் நாசர் தலைமை வகித்தார்.
பேரூர்ச் செயலாளர் நஜூமுதீன், அவைத் தலைவர் பெரியசாமி ஆகியோர் முன்னிலை வகித்தனர். ஒன்றியச் செயலாளர் சுப.மதியரசன் கூட்டத்தில் கலந்து கொண்டு சிறப்புரையாற்றினார்.
கூட்டத்தில் நிறைவேற்றப்பட்ட தீர்மானங்கள் விபரம்: சிவகங்கையில் வரும் 13 ஆம் தேதி பஸ் கட்டண உயர்வைக் கண்டித்து நடைபெறும் கண்டன பொதுக்கூட்டத்திலும் ஈரோட்டில் வரும் 24, 25 ஆம் தேதிகளில் நடைபெறும் திமுக மண்டல மாநாட்டிலும் இளையான்குடி ஒன்றியத்திலிருந்து கட்சியைச் சேர்ந்த திரளானோர் சென்று கலந்து கொள்ள முடிவு செய்யப்படுகிறது. இளையான்குடி ஒன்றியத்தில் இந்தாண்டு நிலவும் கடும் வறட்சியை சமாளித்திட வறட்சி நிவாரணப் பணிகளை உடனே தொடங்கிட வேண்டும், சென்னையில் வரும் 28 ஆம் தேதி நடக்கும் கட்சியின் கலந்தாய்வுக் கூட்டத்தில் கட்சியின் ஊராட்சி, நகர நிர்வாகிகள் சென்று கலந்து கொள்ள வேண்டும், பிரசித்தம் பெற்ற தாயமங்கலம் முத்துமாரியம்மன் கோயிலில் நடந்து வரும் ராஜகோபுரம் அமைக்கும் பணியை விரைந்து முடிக்க வேண்டும். மேலும் இக் கோயிலில் கூடுதல் துப்புரவு பணியாளர்கள் நியமனம் செய்வதோடு தெப்பக்குளத்தை தூர்வாரி குடிநீர் தேவைக்கு கூடுதல் ஆழ்துளைக்கிணறுகள் அமைக்க வேண்டும்.

 

]]>
http://www.dinamani.com/all-editions/edition-madurai/sivagangai/2018/feb/12/தாயமங்கலம்-முத்துமாரியம்மன்-கோயில்-ராஜகோபுர-பணியை-விரைந்து-முடிக்க-திமுக-கோரிக்கை-2861625.html
2861624 மதுரை சிவகங்கை ஆழ்குழாய்க் கிணற்று நீரால் நிரம்பும் திருக்கோஷ்டியூர் தெப்பக்குளம் DIN DIN Monday, February 12, 2018 01:02 AM +0530 சிவகங்கை மாவட்டம் திருப்பத்தூர் அருகே திருக்கோஷ்டியூர் செளமியநாராயணப் பருமாள் கோயிலில் வரும் மார்ச். 2-ஆம் தேதி மாசிமக தெப்பத் திருவிழா நடைபெறவுள்ளது.
108 வைணவத் தலங்களில் முக்கியத்துவம் வாய்ந்த ஸ்ரீசெளமிய நாராயணப்பெருமாள் கோயிலில் மாசி தெப்ப உற்சவம் மார்ச் 2 ஆம் தேதி நடைபெற உள்ளது. தற்போது தெப்பக்குளத்தில் தண்ணீர் குறைவாக உள்ளது.
இதற்காக கடந்த 25 நாள்களாக அருகில் உள்ள 4 ஆழ்குழாய் கிணறுகளின் மூலம் தெப்பக்குளத்திற்கு தண்ணீர் விடப்படுகிறது.
இந்த தெப்ப உற்வத்திற்கு தமிழகம் முழுவதும் மட்டுமின்றி பல்வேறு மாநிலங்களைச் சேர்ந்தவர்களும் லட்சக்கணக்கான பக்தர்கள் இவ்விழாவில் கலந்து கொள்வார்கள். இதில் முக்கிய நிகழ்வாக கோயில் தெப்பக்குளப் படிக்கட்டிலும், குளத்தைச் சுற்றிலும் பெண்கள் தீபம் ஏற்றி வழிபடுவார்கள். இதனைத் தொடர்ந்து கடந்த 2 நாட்களாக கோயில் வளாகத்தில் காரைக்குடி அழகப்பா உடற்கல்வி கல்லூரியின் மாணவர்கள் சௌமியநாராயணப்பெருமாள் கோயில் உட்பிரகாரங்களை சுத்தம் செய்து வருகின்றனர்.

 

]]>
http://www.dinamani.com/all-editions/edition-madurai/sivagangai/2018/feb/12/ஆழ்குழாய்க்-கிணற்று-நீரால்-நிரம்பும்-திருக்கோஷ்டியூர்-தெப்பக்குளம்-2861624.html
2861198 மதுரை சிவகங்கை நாட்டார்குடியில் அடிப்படை வசதிகள் செய்து தர கோரிக்கை DIN DIN Sunday, February 11, 2018 01:14 AM +0530 சிவகங்கை அருகே உள்ள நாட்டார்குடியில் அடிப்படை வசதிகள் செய்து தர கோரிக்கை விடுத்துள்ளனர் இக்கிராம மக்கள்.
சிவகங்கை மாவட்டம், மாத்தூர் கிராம ஊராட்சிக்குட்பட்டது நாட்டார்குடி கிராமம். இந்த கிராமத்தில் கடந்த 5 ஆண்டுகளுக்கு முன்னர் 70 குடும்பங்கள் வசித்து வந்தன. இங்கு அடிப்படைத் தேவைகளான குடிநீர், போக்குவரத்து, சாலை வசதி, மின்சாரம் உள்ளிட்ட வசதிகள் செய்து தர வேண்டும் என மாவட்ட நிர்வாகத்திடம் கடந்த 30 ஆண்டுகளுக்கும் மேலாக இக்கிராம மக்கள் கோரிக்கை வைத்தும், உரிய நடவடிக்கை எடுக்கப்படாததால் சுமார் 40 குடும்பங்கள் ஊரை விட்டு வெளியேறிவிட்டன.
இதுகுறித்து நாட்டார்குடி கிராமத்தைச் சேர்ந்த விவசாயி பழனிவேல் (72) கூறியது:
எங்களது கிராமத்தில் அடிப்படை வசதிகளான குடிநீர், போக்குவரத்து, சாலை வசதி, கல்வி ஆகியவை இன்றுவரை செய்யப்படவில்லை. கடந்த 30 ஆண்டுகளுக்கும் மேலாக முதலமைச்சரின் தனிப்பிரிவு, மாவட்ட நிர்வாகம், சம்பந்தப்பட்ட துறைகளைச் சேர்ந்த அலுவலர்களிடம் பலமுறை மனு அளித்தோம். ஆனால் இதுவரை எந்த ஒரு நடவடிக்கையும் எடுக்கப்படவில்லை.எங்கள் கிராமத்தில் குடிநீர் வழங்குவதற்காக ஆழ்துளை கிணறுகள் அமைக்கப்பட்டன. அவற்றில் ஒன்றில்கூட தண்ணீர் வரவில்லை. அவ்வாறு வந்தாலும் அவை பயன்படுத்த முடியாத அளவிற்கு உப்பாக உள்ளது. உப்புத் தண்ணீரை நல்ல தண்ணீராக மாற்றுவதற்காக ரூ. 6 லட்சம் அரசு நிதியில் சுத்திகரிக்கப்பட்ட குடிநீர் நிலையம் அமைக்கப்பட்டது. மின்சார பற்றாக்குûறால் அதுவும் செயலிழந்த நிலையில், பூட்டிய பள்ளிக் கட்டட அறையில் உள்ளது. இதனால் எங்களது குடிநீர் தேவைக்காக சுமார் கி.மீ. தொலைவில் உள்ள உப்பாற்றில் ஊத்து(சுமார் 6 அடி பள்ளம்) தோண்டி தண்ணீரை சேகரித்து பயன்படுத்தி வருகிறோம்.
வெளியூருக்கு பயணம் மேற்கொள்ள எங்கள் ஊரிலிருந்து சுமார் 2 கி.மீ. தொலைவு நடந்து மதுரை - சிவகங்கை சாலையில் உள்ள நல்லாகுளம் கிராமத்திற்குச் செல்ல வேண்டும். கிராமத்தில் உள்ள பெரும்பாலான குடும்பங்கள் ஊரைவிட்டு வெளியேறி விட்டதால், நாட்டார்குடியில் செயல்பட்டு வந்த தொடக்கப் பள்ளியும் கடந்த சில ஆண்டுகளுக்கு முன்னர் மூடப்பட்டது. எனவே, மாவட்ட நிர்வாகம் நாட்டார்குடியில் அடிப்படை வசதிகளை செய்து தரவேண்டும்.
இல்லையென்றால் எஞ்சிய குடும்பங்களும் கிராமத்தை விட்டு வெளியேறுவதை தவிர வேறு வழியில்லை என்றார்.

 

]]>
http://www.dinamani.com/all-editions/edition-madurai/sivagangai/2018/feb/11/நாட்டார்குடியில்-அடிப்படை-வசதிகள்-செய்து-தர-கோரிக்கை-2861198.html
2861197 மதுரை சிவகங்கை நிதி நிறுவனம் மீது மோசடி புகார்: ஒருவர் கைது DIN DIN Sunday, February 11, 2018 01:14 AM +0530 சிவகங்கை மாவட்டத்தில் நிதி நிறுவனம் மூலம் பணத்தை வசூல் செய்து மோசடி செய்ததாக ஒருவரை போலீஸார் வெள்ளிக்கிழமை இரவு கைது செய்தனர்.
சிவகங்கை பேருந்து நிலையம் அருகே சென்னை அயனாபுரத்தைச் சேர்ந்த மரியடேவிட் என்பவர் மாதத் தவணையில் பணம் வசூல் செய்யும் தனியார் நிறுவனத்தை கடந்த 2012-ஆம் ஆண்டு தொடங்கியுள்ளார். மதுரையை தலைமையிடமாகக் கொண்ட இந்த நிறுவனத்தின் கிளைகள் சிவகங்கை, காரைக்குடி, அறந்தாங்கி,திருச்சி ஆகிய பகுதிகளில் செயல்பட்டு வந்தன.
சிவகங்கை கிளை மூலம் மானாமதுரை,திருப்புவனம், இளையான்குடி, காளையார்கோவில், பரமக்குடி ஆகிய பகுதிகளில் முகவர்களை நியமித்து பொதுமக்களிடம் இருந்து மாதம் ரூ.ஆயிரம் வீதம் 5 வருடம் (60) மாதம் செலுத்தினால் நிறைவாக ரூ.85 ஆயிரம் வழங்கப்படும் என அறிவித்து பணம் வசூல் செய்தனராம். அதனைத் தொடர்ந்து, கடந்த சில தினங்களுக்கு முன்னர் பணம் செலுத்திய அனைவரும் தங்களது பணத்தை திருப்பி கேட்டுள்ளனர். ஆனால் நிதி நிறுவனத்திடமிருந்து எந்த பதிலும் தெரிவிக்கவில்லையாம்.
மதகுபட்டியை சேர்ந்த சம்பத் (60) என்பவர் கொடுத்த புகாரின் பேரில் சிவகங்கை நகர் போலீஸார் மரியடேவிட் மற்றும் ராயர்,கென்னடி, ஜோதி, வெள்ளிபரமசிவம் ஆகிய 5 பேர் மீது வழக்கு பதிந்து விசாரித்தனர். இந்நிலையில் பரமசிவத்தை வெள்ளிக்கிழமை இரவு கைது செய்தனர். மற்ற நால்வரையும் தேடி வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/11/நிதி-நிறுவனம்-மீது-மோசடி-புகார்-ஒருவர்-கைது-2861197.html
2861196 மதுரை சிவகங்கை மாவட்டச் செயலரை தாக்கிய காவலர்கள் மீது கொலை முயற்சி வழக்கு: ஜி.ராமகிருஷ்ணன் வலியுறுத்தல் DIN DIN Sunday, February 11, 2018 01:13 AM +0530 மார்க்சிஸ்ட் கம்யூ. சிவகங்கை மாவட்டச் செயலாளர் மீது தாக்குதல் நடத்திய போலீஸார் மீது கொலை முயற்சி வழக்குப் பதிந்து பணி இடை நீக்கம் செய்ய வலியுறுத்தி தொடர் போராட்டங்களை நடத்துவோம் என அக்கட்சியின் மாநிலச் செயலர் ஜி.ராமகிருஷ்ணன் தெரிவித்தார்.
சிவகங்கை மாவட்டம் திருப்புவனத்தில் கடந்த ஜன.16 ஆம் தேதி சாலையோர கடைகளை அகற்ற காவல்துறையினர் நடவடிக்கை எடுத்தனர். அது குறித்து கேள்வி எழுப்பிய மார்க்சிஸ்ட் கம்யூனிஸ்ட் கட்சியின் சிவகங்கை மாவட்டச் செயலாளர் கந்தசாமியை போலீஸார் காவல்நிலையத்துக்கு அழைத்துச்சென்ற தாக்கியதாக புகார் எழுந்தது. இது தொடர்பாக பல்வேறு கட்சியினரும் கண்டனம் தெரிவித்து போராட்டம் நடத்தியுள்ளனர். சம்பந்தப்பட்ட போலீஸார் இட மாற்றம் செய்யப்பட்டுள்ளனர்.
இந்நிலையில் காவல்துறையினரைக் கண்டித்து திருப்புவனத்தில் மார்க்சிஸ்ட் கம்யூனிஸ்ட் சார்பில் வியாழக்கிழமை இரவு கண்டன பொதுக்கூட்டம் நடைபெற்றது. அதில் கட்சியின் ஒன்றியச் செயலாளர் அய்யம்பாண்டி தலைமை வகித்தார். மாவட்டக்குழு உறுப்பினர்கள் ஜெயராமன், சண்முகப்பிரியா ஆகியோர் முன்னிலை வகித்தனர்.
இதில் மாநிலச் செயலர் ஜி.ராமகிருஷ்ணன் பேசியது:
மார்க்சிஸ்ட் கம்யூனிஸ்ட் கட்சியின் சிவகங்கை மாவட்டச் செயலாளர் கந்தசாமி மீது போலீஸார் கொலை வெறித் தாக்குதல் நடத்தியுள்ளனர். இச் சம்பவம் கண்டனத்துக்குரியதாகும். தாôக்குதல் நடத்திய சார்பு-ஆய்வாளர் திருமுருகன் மற்றும் போலீஸார் மீது கொலை முயற்சி வழக்குப் பதிந்து அவர்களை பணியிலிருந்து இடை நீக்கம் செய்ய வேண்டும். இக் கோரிக்கைகளை வலியுறுத்தி மார்க்சிஸ்ட் கம்யூனிஸ்ட் கட்சி தொடர் போராட்டங்களை நடத்தும்.
மத்தியில் பாஜக அரசு தாக்கல் செய்துள்ள பட்ஜெட் சாமானிய மக்களுக்கு பயனளிக்கக்கூடியதாக இல்லை. 2019 ஆம் ஆண்டு நாடாளுமன்றத் தேர்தலில் பாஜகவை மக்கள் புறக்கணிக்க வேண்டும் என்றார்.
இக் கூட்டத்தில் மதிமுக மாவட்ட செயலாளர் புலவர் செவந்தியப்பன், இந்திய கம்யூனிஸ்ட் கட்சியின் மாவட்ட துணைச் செயலாளர் தங்கமணி, விடுதலை சிறுத்தைகள் கட்சியின் மாவட்ட செயலாளர்கள் திருமொழி, சங்குஉதயகுமார், திமுக ஒன்றிய செயலாளர் கடம்பசாமி, நகர் செயலாளர் நாகூர்கனி, தமாகா பொறுப்பாளர் ராஜா உள்ளிட்ட பல்வேறு கட்சியியனரும் பேசினர்.

 

]]>
http://www.dinamani.com/all-editions/edition-madurai/sivagangai/2018/feb/11/மாவட்டச்-செயலரை-தாக்கிய-காவலர்கள்-மீது-கொலை-முயற்சி-வழக்கு-ஜிராமகிருஷ்ணன்-வலியுறுத்தல்-2861196.html
2861195 மதுரை சிவகங்கை கடன் பெற்ற பெண் தற்கொலை: வன்கொடுமை வழக்குப் பதிவு: சடலம் உறவினர்களிடம் ஒப்படைப்பு DIN DIN Sunday, February 11, 2018 01:13 AM +0530 மானாமதுரை அருகே கடன் பாக்கிக்காக குழந்தைகள் சிறை வைக்கப்பட்டதால் தாய் தற்கொலை செய்து கொண்ட சம்பவம் தொடர்பாக சனிக்கிழமை வன்கொடுமை தடுப்புச் சட்டத்தில் போலீஸார் வழக்கு பதிவு செய்தனர். இதையடுத்து அந்தப் பெண்ணின் சடலத்தை உறவினர்கள் பெற்றுக்கொண்டு அடக்கம் செய்தனர்.
மானாமதுரை அருகே கொம்புக்காரனேந்தல் கிராமத்தைச் சேர்ந்த கணேசன் மனைவி தொந்தீஸ்வரி(21).இக் கிராமத்தில் செயல்படும் மகளிர் சுய உதவிக்குழுவில் கடன் வாங்கியிருந்தாராம். கடனுக்கான மாதத்தவணையை திரும்பச் செலுத்தாததால் குழுவைச் சேர்ந்தவர்கள் தொந்தீஸ்வரியின் மகன், மகள் மற்றும் தாய் நாகவள்ளி ஆகியோரை ஆட்டோவில் கடத்திச் சென்று கொம்புக்காரனேந்தல் கிராமத்தில் உள்ள வீட்டில் அடைத்து வைத்தனராம். இந்நிலையில் தொந்தீஸ்வரி கலியனேந்தல் கிராமத்தில் வியாழக்கிழமை தூக்கிட்டுத் தற்கொலை செய்து கொண்டார்.
தொந்தீஸ்வரி உடல் மானாமதுரை அரசு மருத்துவமனையில் கடந்த வெள்ளிக்கிழமை பரிசோதனை செய்யப்பட்டது. ஆனால் அவரது உறவினர்கள் சடலத்தை வாங்க மறுத்து விடுதலை சிறுத்தைகள், ஆதிதமிழர் பேரவை, மார்க்சிஸ்ட் கம்யூனிஸ்ட் கட்சியினருடன் இணைந்து சாலைமறியல் போராட்டம் நடத்தினர்.
தொந்தீஸ்வரி தற்கொலை சம்பவம் தொடர்பாக வன்கொடுமை தடுப்புச் சட்டத்தில் வழக்கு பதிவு செய்ய வேண்டும், அவரது குடும்பத்துக்கு நிவாரணம் வழங்க வேண்டும், தற்கொலைக்கு தூண்டியவர்களை உடனே கைது செய்ய வேண்டும் என அவர்கள் வலியுறுத்தினர். சம்பவ இடத்துக்கு வந்த கோட்டாட்சியர் சுந்தரமூர்த்தி போராட்டம் நடத்தியவர்களிடம் எதுவும் பேசாமல் சென்றதால் அவர்கள் சடலத்தை வாங்க மறுத்து திரும்பிச் சென்றனர். இதனால் தொந்தீஸ்வரி உடல் மானாமதுரை அரசு மருத்துவமனையிலேயே இரவு முழுவதும் வைக்கப்பட்டது.
அதைத்தொடர்ந்து தொந்தீஸ்வரி தற்கொலை சம்பவம் தொடர்பாக பழையனூர் காவல் நிலையத்தில் வன்கொடுமை தடுப்புச் சட்டத்தில் வழக்கு பதிவு செய்யப்பட்டு அதன் நகல் சனிக்கிழமை போராட்டக்குழுவினரிடம் கொடுக்கப்பட்டது. மேலும் வரும் 20-ஆம் தேதிக்குள் அவரது குடும்பத்தினருக்கு அரசு சார்பில் ரூ 4.25 லட்சம் நிவாரணம் வழங்கப்படும் என அரசு அதிகாரிகள், காவல்துறையினர் தரப்பில் உறுதியளிக்கப்பட்டது. இதையடுத்து குடும்பத்தினரும் போராட்டத்தில் ஈடுபட்டிருந்தவர்களும் தொந்தீஸ்வரியின் உடலைப் பெற்றுக்கொண்டு மானாமதுரையில் மயானத்தில் அடக்கம் செய்தனர்.

 

]]>
http://www.dinamani.com/all-editions/edition-madurai/sivagangai/2018/feb/11/கடன்-பெற்ற-பெண்-தற்கொலை-வன்கொடுமை-வழக்குப்-பதிவு-சடலம்-உறவினர்களிடம்-ஒப்படைப்பு-2861195.html
2861194 மதுரை சிவகங்கை காரைக்குடி புத்தக திருவிழா தொடக்கம் DIN DIN Sunday, February 11, 2018 01:13 AM +0530 காரைக்குடி கம்பன் மணிமண்டபத்தில் வெள்ளிக்கிழமை இரவு காரைக்குடி புத்தகத் திருவிழா தொடங்கியது.
மாநில அளவிலான 16-ஆம்ஆண்டு புத்தகத் திருவிழாவை குன்றக்குடி பொன்னம்பல அடிகளார் திறந்துவைத்தார். விழாவில் அடிகளார் பேசியதாவது:
புத்தகங்கள் வாசிக்கவேண்டும் என்ற ஆர்வத்தை தூண்டுபவையாக இருக்கவேண்டும். மனஉளைச்சலுக்கும், பணி நெருக்கடி களுக்கும் உள்ளானவர்களுக்கு ஆறுதல்தருவது புத்தகங்கள்தான். நாம் புத்தகத்தை புரட்ட மறுக்கலாம். ஆனால் உலகத்தையே புரட்டிப்போட்ட புத்தகங்கள் ஏராளம். அதன் வரிசை நீண்ட நெடிய வரிசை. தாமஸ் ஸ்டெயின் என்பவர் எழுதிய 47 பக்கங்கள் கொண்ட பகுத்தறிவுப் புத்தகம் அமெரிக்காவை புரட்டிப்போட்டது. அடிமை நாடாக இருக்கக்கூடாது என்று சுதந்திர அமெரிக்கா எண்ணத்தை அம்மக் கள் இதயத்தில் ஏற்படுத்திய அந்தப்புத்தகம் 3 லட்சம் பிரதிகள் விற்றுத்தீர்ந்தது.
புத்தகங்களுக்காக தன்னுடைய வாழ்க்கையை கரைத்துக்கொண்டவர்கள் ஏராளம். கரையான்களுக்கு இறையாகிவிடாமல் ஓலைச்சுவடிகளை தேடித்திரிந்து அச்சேற்றியவர்கள் உ.வே.சா போன்றவர்கள். கடந்த கால தலைமுறை அறிவின் தலைவாசலைத் தேடி அலைந்தது. மரணம் தம்மை நெருங்கிய நேரத்திலும் வாசிப்பையே நேசித்தவர்களும் உண்டு என்றார்.
விழாவில், புத்தகத்திருவிழாக்குழுத்தலைவர் பேராசிரியர் அய்க்கண் தலைமைவகித்துப்பேசினார். திரைப்பட இயக்குநர் பாரதி கிருஷ்ணகுமார் சிறப்புரையாற்றினார். கம்பன் அறநிலைத்தலைவர் சத்தி.அ. திருநாவுக்கரசு, தொழிலதிபர் பிஎல். படிக்காசு, கவிஞர் ரெங்க.லெ. வள்ளியப்பன், சென்னை பபாசி தலைவர் எஸ். வயிரவன், இந்தியன் வங்கி மதுரை மண்டல மேலாளர் சி. பாரதி ஆகியோர் வாழ்த்திப்பேசினர். புத்தகத்திருவிழாக்குழு துணைத்தலைவர் பி.வி. சுவாமி விளக்கவுரையாற்றினார்.
முன்னதாக புத்தகத்திருவிழாக்குழு அமைப்புச்செயலாளர் முத்து. பழனியப்பன் வரவேற்றுப்பேசினார். முடிவில் துணைத்தலைவர் ஸ்ரீ வித்யா ராஜகோபாலன் நன்றி கூறினார்.

 

]]>
http://www.dinamani.com/all-editions/edition-madurai/sivagangai/2018/feb/11/காரைக்குடி-புத்தக-திருவிழா-தொடக்கம்-2861194.html
2861193 மதுரை சிவகங்கை சென்னை - செங்கோட்டை சிலம்பு ரயிலை தினசரி இயக்க வாய்ப்பு: விரைவில் அறிவிப்பு வெளியாகிறது DIN DIN Sunday, February 11, 2018 01:12 AM +0530 சென்னை - செங்கோட்டை இடையே இயக்கப்படும் சிலம்பு விரைவு ரயிலை தினசரி இயக்குவதற்கான வாய்ப்புள்ளதாக ரயில்வேதுறை வட்டாரங்கள் தெரிவிக்கின்றன. விரைவில் இதற்கான அறிவிப்பு வெளியாகலாம் என எதிர்பார்க்கப்படுகிறது.
அருப்புக்கோட்டை, மானாமதுரை, காரைக்குடி வழியாக சென்னை - செங்கோட்டை இடையே இரு மார்க்கங்களிலும் வாரம் இருமுறை சிலம்பு ரயில் இயக்கப்படுகிறது. புதன், சனி ஆகிய கிழமைகளில் சென்னையிலிருந்தும் வியாழன், ஞாயிறு ஆகிய கிழமைகளில் செங்கோட்டையிலிருந்தும் இந்த ரயில் இயக்கப்படுகிறது.
இதன் மூலம் நெல்லை, விருதுநகர், சிவகங்கை, ராமநாதபுரம் மாவட்ட மக்கள் பெரிதும் பயனடைந்து வருகின்றனர். மானாமதுரை வழியாக சென்னை - ராமேசுவரம் இடையே ராமேசுவரம் எக்ஸ்பிரஸ், சேது எக்ஸ்பிரஸ் ரயில்கள் இரு மார்க்கங்களிலும் தினசரி இயக்கப்பட்டு வருகிறது. ஆனால், இந்த ரயில்கள் சிவகங்கை, ராமநாதபுரம் மாவட்ட மக்களுக்கும் ராமேசுவரம் வரும் சுற்றுலாப் பயணிகளுக்கும், பக்தர்களுக்கும் போதுமானதாக இல்லை.
இதுதவிர பகல் நேரத்தில் சென்னை - ராமேசுவரம் இடையே எக்ஸ்பிரஸ் ரயில் இயக்கப்பட வேண்டும் என ராமநாதபுரம், சிவகங்கை மாவட்ட மக்கள் தொடர்ந்து வலியுறுத்தி வருகின்றனர். ஆனால், இக்கோரிக்கை இதுவரை ரயில்வே நிர்வாகத்தால் கண்டுகொள்ளப்படவில்லை.
இதற்கிடையில் மானாமதுரை வழியாக சென்னை- செங்கோட்டை இடையே பகல் நேரத்தில் வாராந்திர எக்ஸ்பிரஸ் ரயில் சிறப்பு ரயிலாக சில மாதங்களுக்கு முன்பு இயக்கப்பட்டது. இந்த ரயிலுக்கு பயணிகள் மத்தியில் வரவேற்பு இருந்தபோதிலும் இந்த ரயிலை தொடர்ந்து இயக்காமல் ரயில்வே நிர்வாகம் அறிவிப்பு காலம் முடிந்ததும் நிறுத்தி விட்டது.
சிவகங்கை, ராமநாதபுரம் மாவட்ட பயணிகள் நெல்லை மாவட்டம் உள்ளிட்ட தென்மாவட்டங்களுக்குச் செல்ல வேண்டுமானால் மதுரை சென்று அதன்பின்னரே தென் மாவட்ட ரயில்களில் பயணிக்க வேண்டிய நிலை உள்ளது. இதனால் பயண நேரம் கூடுவதுடன் செலவும் அதிகரிக்கிறது. சென்னையிலிருந்து காரைக்குடி, மானாமதுரை வழியாக தென்மாவட்டங்களை இணைக்கும் வகையில் புதிதாக ரயில்கள் இயக்கப்பட வேண்டும் என்ற கோரிக்கையும் நீண்டகாலமாக கிடப்பில் உள்ளது.
இந்நிலையில் வாரம் இருமுறை இயக்கப்பட்டு வரும் சென்னை - செங்கோட்டை சிலம்பு ரயிலை தினசரி இயக்க வேண்டும் என பல்வேறு தரப்பினரும் வலியுறுத்தி வந்தனர். தற்போது இக்கோரிக்கை ரயில்வே நிர்வாகத்தால் ஏற்றுக்கொள்ளப்பட்டதாக தெரிகிறது.
ரயில்வே பட்ஜெட்டில் தமிழகத்துக்கு புதிய ரயில்கள் அறிவிப்பு இல்லாத நிலையில், சென்னை - செங்கோட்டை இடையே இரு மார்க்கங்களிலும் வாரம் இருமுறை இயக்கப்படும் சிலம்பு எக்ஸ்பிரஸ் ரயிலை தினசரி ரயிலாக இயக்க தென்னக ரயில்வே நிர்வாகம் முடிவு செய்துள்ளது.
ஏப்ரல் மாதம் முதல் இந்த ரயில் தினசரி ரயிலாக இயக்கப்படுவதற்கான வாய்ப்பு உள்ளதாகவும், இதற்கான அறிவிப்பு மார்ச் மாதம் வெளியாகலாம் எனவும் ரயில்வேதுறை வட்டாரத் தகவல்கள் தெரிவிக்கின்றன.

 

]]>
http://www.dinamani.com/all-editions/edition-madurai/sivagangai/2018/feb/11/சென்னை---செங்கோட்டை-சிலம்பு-ரயிலை-தினசரி-இயக்க-வாய்ப்பு-விரைவில்-அறிவிப்பு-வெளியாகிறது-2861193.html
2861192 மதுரை சிவகங்கை மானாமதுரையில் பிப்.13 இல் மின் பயனீட்டாளர் குறை தீர் கூட்டம் DIN DIN Sunday, February 11, 2018 01:12 AM +0530 மானாமதுரையில் பிப்.13 ஆம் தேதி (செவ்வாய்க்கிழமை) மின் பயனீட்டாளர்கள் குறை தீர்க்கும் நாள் கூட்டம் நடைபெற உள்ளது.
துணை மின் நிலைய அலுவலகத்தில் காலை 11 மணி முதல் மதியம் 1 மணி வரை நடைபெற உள்ள இந்த கூட்டத்தில், மானாமதுரை கோட்டத்திற்கு உள்பட்ட மின் பயனீட்டாளர்கள் கலந்து கொண்டு மின்சார வாரியம் தொடர்பான புகார்களை மனு மூலம் தெரிவிக்கலாம். அவை விசாரணை செய்யப்பட்டு உடனடியாக தீர்வு காணப்படும்.சிவகங்கை மின் பகிர்மான வட்ட மேற்பார்வை பொறியாளர் மு.சின்னையன் இத்தகவலைத் தெரிவித்துள்ளார்.

 

]]>
http://www.dinamani.com/all-editions/edition-madurai/sivagangai/2018/feb/11/மானாமதுரையில்-பிப்13-இல்-மின்-பயனீட்டாளர்-குறை-தீர்-கூட்டம்-2861192.html
2860495 மதுரை சிவகங்கை தொடர் திருட்டில் ஈடுபட்டு வந்த 4 பேர் கைது DIN DIN Saturday, February 10, 2018 12:43 AM +0530 தேவகோட்டைபகுதியில் தொடர் திருட்டுச் சம்பவங்களில் ஈடுபட்டு வந்த 4 பேரை, போலீஸார் வெள்ளிக்கிழமை கைது செய்தனர்.
     தேவகோட்டை மற்றும் சுற்றுவட்டாரப் பகுதிகளில் தொடர் சங்கிலி பறிப்பு மற்றும் திருட்டுச் சம்பவங்களால், மாவட்டக் காவல்துறை கண்காணிப்பாளர் ஜெயச்சந்திரன் உத்தரவின்பேரில், தனிப்படை அமைக்கப்பட்டு விசாரணை நடைபெற்று வந்தது.
    இந்நிலையில், கல்லல் காவல் ஆய்வாளர் சாதுரமேஷ் தலைமையில் போலீஸார், வெற்றியூர் அருகே வாகனத் தணிக்கையில் ஈடுபட்டிருந்தனர். அப்போது, காளையார்கோவிலில் இருந்து கல்லல் நோக்கி வந்த காரை மடக்கி விசாரித்தனர். 
     அதில், காரில் வந்த ராமநாதபுரம் மாவட்டம் பரமக்குடியைச் சேர்ந்த சரவணன் (20), பரமக்குடி அருகே மஞ்சள்பட்டினத்தைச் சேர்ந்த கருணாசாகர் (20), சூராணம் அருகே சொக்கடப்பு கிராமத்தைச் சேர்ந்த முருகன் (37), இளையான்குடி அருகே சோதுகுடியைச் சேர்ந்த காளீஸ்வரன் (23) ஆகியோர், தேவகோட்டை அருகே நாகனி, இளையான்குடி, சருகனி, கல்லல் உள்ளிட்ட பகுதிகிளில் அன்புமனி என்பவருடன் இணைந்து கார் மற்றும் இரு சக்கர வாகனத்தில் சென்று சங்கிலி பறிப்பில் ஈடுபட்டது தெரியவந்தது.
    இதையடுத்து,  இந்த 4 பேரையும் கைது செய்த போலீஸார், அவர்களிடமிருந்த 26 பவுன் தங்க நகைகளையும் மீட்டனர். மேலும், தலைமைறைவாக உள்ள அன்புமணியை தேடி வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/10/தொடர்-திருட்டில்-ஈடுபட்டு-வந்த-4-பேர்-கைது-2860495.html
2860494 மதுரை சிவகங்கை காரைக்குடியில் காங்கிரஸ் சார்பில் பொதுமக்களுக்கு "பக்கோடா'  DIN DIN Saturday, February 10, 2018 12:42 AM +0530 காரைக்குடியில்  காங்கிரஸ் கட்சி சார்பில் பொதுமக்களுக்கு பக்கோடா வழங்கும் விழா அண்ணா சிலை அருகே வியாழக்கிழமை நடைபெற்றது.
  2 கோடி இளைஞர்களுக்கு வேலைவாய்ப்பு வழங்குவதாக வாக்குறுதியளித்து ஆட்சிக்கு வந்து,   இளைஞர்களுக்கு உரிய வேலைவாய்ப்புகளை உருவாக்காமல் பக்கோடா விற்பனையும் வேலைவாய்ப்பு தான் என்று பேசிய பிரதமர் மோடிக்கு நன்றி தெரிவித்து பொதுமக்களுக்கு பக்கோடா வழங்குவதாக காங்கிரஸ் கட்சியினர் தெரிவித்தனர். 
 தமிழக காங்கிரஸ் சட்டபேரவை தலைவர் கே.ஆர். ராமசாமி தொடங்கிவைத்துப்பேசுகையில், பொய்யான வாக்குறுதியை மோடி அளித்து ஆட்சிக்கு வந்துவிட்டார். அவர் ஆட்சியில் பணமதிப்பு இழப்பு, ஜி.எஸ்.டி. யால் பாதிப்பு,  மீனவர்கள் மீதான தாக்குதலுக்கு தீர்வு காணாதது போன்ற மக்களுக்கு இன்னல்கள்தான் தொடர்கிறது. எனவே உண்மைக்கு மாறான தகவல்களை மக்களுக்கு தொடர்ந்து தருவதே பிரதமர் மோடியின் வழக்கமாக உள்ளது. மொத்தத்தில் மத்திய அரசு மக்களது நம்பிக்கையை இழந்திருக்கிறது என்றார்.
 விழாவில், காரைக்குடி காங்கிரஸ் கமிட்டி நகரத் தலைவர் பாண்டிமெய்யப்பன், சட்டப்பேரவை முன்னாள் உறுப்பினர் என். சுந்தரம், சங்கராபுரம் ஊராட்சி முன்னாள் தலைவர் எஸ். மாங்குடி, முன்னாள் மாவட்ட காங்கிரஸ் தலைவர் சொ. துரைசிங்கம் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/sivagangai/2018/feb/10/காரைக்குடியில்-காங்கிரஸ்-சார்பில்-பொதுமக்களுக்கு-பக்கோடா-2860494.html
2860493 மதுரை சிவகங்கை "வர்த்தக நிறுவனங்களின் வளர்ச்சிக்கு நன் மதிப்பு அவசியம்'  DIN DIN Saturday, February 10, 2018 12:42 AM +0530 வர்த்தக நிறுவனங்களின் வளர்ச்சிக்கு நன்மதிப்பும் அவசியம் என்று, அழகப்பா பல்கலைக்கழகத் துணைவேந்தர் சொ. சுப்பையா தெரிவித்தார்.
     காரைக்குடி அழகப்பா பல்கலைக்கழக வணிகவியல் துறை, வணிக இணைப்பு மையம் ஆகியவற்றின் சார்பில், வர்த்தக வளர்ச்சிக்கு சந்தை உத்திகள் என்ற தலைப்பிலான கருத்தரங்கின் தொடக்க விழாவில் தலைமை வகித்து அவர் மேலும் பேசியதாவது: 
    வர்த்தக வளர்ச்சிக்கு பொருள் விலை, விநியோகம் மற்றும் விளம்பரம் சார்ந்த உத்திகள் அவசியமானது. இந்த உத்திகளே வர்த்தக நிறுவனங்களின் வளர்ச்சிக்கு பெரிதும் உதவும். அத்துடன், வர்த்தக நிறுவனங்களின் வளர்ச்சிக்கு நன்மதிப்பும் மிகவும் அவசியமாகும்.
     இதனை, ஒவ்வொரு நிறுவனமும் உணர்ந்து நன்மதிப்பை மேம்படுத்துவதில் கவனம் செலுத்தவேண்டும்.
     அழகப்பா பல்கலைக்கழகத்தில் சிறுதொழில் மையம் அமைக்கப்பட்டிருக்கிறது. நெல் சாகுபடி, காய்கறிகள், காளான் உற்பத்தி செய்தல் மற்றும் மீன் வளர்ப்பு ஆகிய துறைகளில் அழகப்பா பல்கலைக்கழகம், காரைக்குடி அருகே விசாயலயன்கோட்டையில் உள்ள சேதுபாஸ்கரா விவசாயக் கல்லூரியுடன் புரிந்துணர்வு ஒப்பந்தம் விரைவில் மேற்கொள்ளப்படும் என்றார்.
    விழாவில், சென்னை சேதுபாஸ்கரா கல்வி குழுமத் தலைவர் சேது குமணன் தொடக்க உரையாற்றினார். அழகப்பா பல்கலைக்கழக மேலாண்மை புல முதன்மையர் வெ. மாணிக்கவாசகம், பல்கலைக்கழக வர்த்தக இணைப்பு மைய ஒருங்கிணைப்பாளர் பி. வசீகரன் ஆகியோர் வாழ்த்திப் பேசினர்.
    விழாவில், வங்கியியல் துறை, நிறுமச் செயலரியல் துறை, மேலாண்மைத் துறைகள் சார்ந்த பேராசிரியர்கள், மாணவ, மாணவியர் பலர் கலந்துகொண்டனர். முன்னதாக, வணிகவியல் துறைத் தலைவர் டி.ஆர். குருமூர்த்தி வரவேற்றார். பேராசிரியர் எம். குருபாண்டி நன்றி கூறினார்.

]]>
http://www.dinamani.com/all-editions/edition-madurai/sivagangai/2018/feb/10/வர்த்தக-நிறுவனங்களின்-வளர்ச்சிக்கு-நன்-மதிப்பு-அவசியம்-2860493.html
2860491 மதுரை சிவகங்கை பள்ளி வளாகத்திற்குள் வழிதவறி வந்த  "நைட்ஹெரான்' பறவை மீட்பு DIN DIN Saturday, February 10, 2018 12:41 AM +0530 சிவகங்கை மாவட்டம், திருப்பத்தூர் அரசு மேல்நிலைப் பள்ளி வளாகத்திற்குள் வியாழக்கிழமை வழி தவறி வந்த நைட்ஹெரான் பறவை வனத்துறையினரிடம் ஒப்படைக்கப்பட்டு, பறவைகள் சரணாலயத்தில் விடப்பட்டது.
திருப்பத்தூர் ஆறுமுகம்பிள்ளை அரசு ஆண்கள் மேல்நிலைப் பள்ளி வளாகத்திற்குள் வியாழக்கிழமை பறவை ஒன்று திசை தெரியாமல் அங்கும் இங்கும் அலைந்து கொண்டிருந்தது. அதனைப் பார்த்த மாணவர்கள் பறவையைப் பிடித்து பொறியியல் பிரிவு ஆசிரியர் செந்திலிடம் ஒப்படைத்தனர்.  அப்பறவை மூக்கு நீளமாகவும் கால்கள் மிகநீளமாகவும் இருப்பதைக் கண்ட ஆசிரியர் வனத்துறையினருக்கு தகவல் அளித்தார். பின்னர் வனத்துறை அலுவலகத்தில் ஒப்படைக்கப்பட்ட அந்த பறவை நைட்ஹெரான் என்ற கொக்கு இனத்தைச் சேர்ந்த பறவை எனவும் இரவில் மட்டுமே அதற்கு பார்வை தெரியும் என்றும்  அந்தப் பறவை பூச்சியினங்களைப் பிடித்து உண்ணும் வகையைச் சேர்ந்தது எனவும் வனத்துறையினர் கூறினர். 
   மேலும் இப்பறவை பெரிய அளவில் வளரக் கூடியது எனவும்,  மீட்கப்பட்ட பறவை பிறந்து ஓரு சில மாதங்களான குஞ்சு பறவை எனவும் தெரிவித்தனர். பின்னர் அப்பறவை திருப்பத்தூர் அருகில் உள்ள வேட்டங்குடிப்பட்டி பறவைகள் சரணாலயத்தில் விடப்பட்டது.

]]>
http://www.dinamani.com/all-editions/edition-madurai/sivagangai/2018/feb/10/பள்ளி-வளாகத்திற்குள்-வழிதவறி-வந்த--நைட்ஹெரான்-பறவை-மீட்பு-2860491.html
2860490 மதுரை சிவகங்கை நாளை டிஎன்பிஎஸ்சி குரூப்-4 தேர்வு : சிவகங்கை மாவட்டத்தில் 36 ஆயிரம் பேர் எழுதுகின்றனர் DIN DIN Saturday, February 10, 2018 12:41 AM +0530 தமிழ்நாடு அரசுப் பணியாளர் தேர்வாணையம் மூலம் ஞாயிற்றுக்கிழமை (பிப்.11) நடைபெற உள்ள குரூப்-4  தேர்வில், சிவகங்கை மாவட்டம் முழுவதும் 108 மையங்களில் 36,215 பேர் தேர்வு எழுத உள்ளனர்.
     தமிழகம் முழுவதும் காலியாக உள்ள விஏஓ மற்றும் குரூப்-4 (சர்வேயர் நிலையிலான) பணியிடங்களை நிரப்பும் வகையில், கடந்த ஆண்டு நவம்பர் 14ஆம் தேதி தமிழ்நாடு அரசுப் பணியாளர் தேர்வாணையம் மூலம் அறிவிப்பாணை வெளியிடப்பட்டது. 
அதையடுத்து, தமிழகத்தில் லட்சக்கணக்கானோர் தேர்வில் பங்கேற்க விண்ணப்பித்துள்ளனர்.
     இந்நிலையில், சிவகங்கை மாவட்டத்தில் 108 தேர்வு மையங்களில் நடைபெறும் இத்தேர்வில், 36,215 பேர் பங்கேற்கின்றனர். இதில், 127 முதன்மைக் கண்காணிப்பாளர்களும், 22 நகர்வுக் குழுக்களும், 22 பறக்கும் படையினரும், 127 ஆய்வுக் குழுவினர்களும், மாவட்டம் முழுவதும் கண்காணிப்புப் பணியில் ஈடுபடுகின்றனர்.

]]>
http://www.dinamani.com/all-editions/edition-madurai/sivagangai/2018/feb/10/நாளை-டிஎன்பிஎஸ்சி-குரூப்-4-தேர்வு--சிவகங்கை-மாவட்டத்தில்-36-ஆயிரம்-பேர்-எழுதுகின்றனர்-2860490.html
2860489 மதுரை சிவகங்கை திருப்புவனம் அருகே  மின்சாரம் பாய்ந்து  இளைஞர் சாவு DIN DIN Saturday, February 10, 2018 12:41 AM +0530 சிவகங்கை மாவட்டம், திருப்புவனம் அருகே வெள்ளிக்கிழமை மின்சாரம் பாய்ந்து இளைஞர் உயிரிழந்தார்.
      திருப்புவனம் அருகே கழுகேர்கடை கிராமத்தைச் சேர்ந்தவர் அப்தாகீர் மகன் சாதிக் அலி(35). வெளிநாட்டில் வேலை பார்த்து வந்த இவர், சமீபத்தில் தனது கிராமத்துக்கு வந்துள்ளார். இவரது வீட்டுக்கு அருகிலேயே மின்கம்பி வழித்தடம் உள்ளது. வெள்ளிக்கிழமை வீட்டின் மாடிக்குச் சென்ற சாதிக் அலியின் கை எதிர்பாராதவிதமாக அந்த மின்கம்பி மீது உரசியது. இதில், மின்சாரம் பாய்ந்து சாதிக்அலி சம்பவ இடத்திலேயே உயிரிழந்தார்.
    இச் சம்பவம் குறித்து திருப்புவனம் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/sivagangai/2018/feb/10/திருப்புவனம்-அருகே--மின்சாரம்-பாய்ந்து--இளைஞர்-சாவு-2860489.html
2860487 மதுரை சிவகங்கை மானாமதுரை அருகே இளம்பெண் தற்கொலை சம்பவம்: சடலத்தை வாங்க மறுத்து உறவினர்கள், அரசியல் கட்சியினர் மறியல் DIN DIN Saturday, February 10, 2018 12:40 AM +0530 மானாமதுரை அருகே மகளிர் சுய உதவிக் குழுவுக்கான கடனை கட்டாததால், இளம் பெண்ணின் குழந்தைகளை வீட்டில் அடைத்து வைத்த சம்பவத்தால், மனமுடைந்து தற்கொலை செய்துகொண்ட அப்பெண்ணின் சடலத்தை, அரசியல் கட்சியினர் மற்றும் உறவினர்கள் வாங்க மறுத்து வெள்ளிக்கிழமை சாலை மறியலில் ஈடுபட்டனர். 
     சிவகங்கை மாவட்டம், மானாமதுரை அருகே உள்ள கொம்புக்காரனேந்தல் கிராமத்தைச் சேர்ந்த  கணேசன் மனைவி தொந்தீஸ்வரி (22). இவர், மகளிர் சுய உதவிக்குழு மூலம் வாங்கிய கடனுக்கான மாதத் தவணையை திருப்பி செலுத்தவில்லையாம். இதனால், மகளிர் குழுவைச் சேர்ந்த வீராயி மற்றும் வீரம்மாள், பாண்டியம்மாள், இருளாயி ஆகிய 4 பேரும், திருப்புவனத்தை அடுத்த பழையனூர் அருகே கலியனேந்தல் கிராமத்தில் உள்ள தனது தாயார் சுந்தரவள்ளி வீட்டிலிருந்த தொந்தீஸ்வரியை பார்க்கச் சென்றுள்ளனர். ஆனால், அங்கு தொந்தீஸ்வரி இல்லாததால், அவரது இரு குழந்தைகளையும் ஆட்டோவில் ஏற்றி, கொம்புக்காரனேந்தலில் உள்ள தொந்தீஸ்வரியின் வீட்டில் அடைத்து வைத்து, சாப்பாடும் போட்டு வந்துள்ளனர்.
    இதையறிந்து மனமுடைந்த தொந்தீஸ்வரி, வியாழக்கிழமை மாலை தூக்கிட்டுத் தற்கொலை செய்துகொண்டார்.  அதையடுத்து, அவரது சடலம்  மானாமதுரை அரசு மருத்துவமனைக்கு கொண்டு வரப்பட்டது.
சாலை மறியல்:    தொந்தீஸ்வரியை தற்கொலைக்கு தூண்டியதாக, மகளிர் குழுவைச் சேர்ந்த வீராயி மற்றும் வீரம்மாள், பாண்டியம்மாள், இருளாயி ஆகிய 4 பேரையும் கைது செய்ய வேண்டும். அவர்கள் மீது வன்கொடுமை தடுப்புச் சட்டத்தின் கீழ் வழக்கு பதிவு செய்யவேண்டும். தொந்தீஸ்வரி குடும்பத்தினருக்கு நிவாரணம் வழங்க வேண்டும். தற்கொலை வழக்கை கொலை வழக்காக பதிவு செய்யவேண்டும் என்று, அவரது குடும்பத்தினர் மற்றும் மார்க்சிஸ்ட் கம்யூனிஸ்ட், விடுதலைச் சிறுத்தைகள் கட்சியினர் மற்றும் ஆதித்தமிழர் பேரவையினர் வெள்ளிக்கிழமை மானாமதுரை-பரமக்குடி சாலையில்  மறியலில் ஈடுபட்டனர்.
    பின்னர், அவர்களை மானாமதுரை போலீஸார் சமாதானம் செய்தனர். இதனிடையே, சம்பவ இடத்துக்கு வந்த கோட்டாட்சியர் சுந்தரமூர்த்தியிடம் மேற்கண்ட கோரிக்கைகள் தெரிவிக்கப்பட்டன. ஆனால், அவர் பதிலளிக்காமல் சென்றுவிட்டதாகவும், இந்தப் பிரச்னைக்கு தீர்வு காணாமல் சடலத்தை வாங்க மாட்டோம் என உறவினர்களும், அரசியல் கட்சியினரும் திரும்பிச் சென்றுவிட்டனர்.
    எனவே, மருத்துவமனை பிரேதப் பரிசோதனை அறையில் தொந்தீஸ்வரியின் சடலம் வைக்கப்பட்டுள்ளது. அங்கு,போலீஸார் பாதுகாப்புப் பணியில் ஈடுபட்டுள்ளனர்.

]]>
http://www.dinamani.com/all-editions/edition-madurai/sivagangai/2018/feb/10/மானாமதுரை-அருகே-இளம்பெண்-தற்கொலை-சம்பவம்-சடலத்தை-வாங்க-மறுத்து-உறவினர்கள்-அரசியல்-கட்சியினர்-மறியல-2860487.html
2860486 மதுரை சிவகங்கை மானாமதுரையில்  முன்விரோதத்தில் இளைஞருக்கு கத்திக் குத்து DIN DIN Saturday, February 10, 2018 12:40 AM +0530 சிவகங்கை மாவட்டம், மானாமதுரையில் முன்விரோதம் காரணமாக, வியாழக்கிழமை இரவு இளைஞரை கத்தியால் குத்தியவரை போலீஸார் கைது செய்தனர். 
     மானாமதுரை தயாபுரம் பகுதியில் வசிப்பவர் கதிரேசன் மகன் ராஜபாண்டியன் (22). இவருக்கும், அருகேயுள்ள கணபதி நகரைச் சேர்ந்த சீமைச்சாமி மகன் முத்துக்குமார் (30) என்பவருக்கும் முன்விரோதம் இருந்து வந்துள்ளது.
       இந் நிலையில், மானாமதுரை சிப்காட்  பகுதியில் இந்த இருவருக்கும் தகராறு ஏற்பட்டுள்ளது. அப்போது, முத்துக்குமார் தான் மறைத்து வைத்திருந்த கத்தியால் ராஜபாண்டியனை குத்தியதில், அவர் காயமடைந்தார். 
அதையடுத்து, அவர் சிவகங்கை அரசு மருத்துவமனையில் சிகிச்சைக்காக அனுமதிக்கப்பட்டார். 
    இது குறித்து சிப்காட் போலீஸார் வழக்குப் பதிந்து முத்துக்குமாரை கைது செய்தனர்.

]]>
http://www.dinamani.com/all-editions/edition-madurai/sivagangai/2018/feb/10/மானாமதுரையில்--முன்விரோதத்தில்-இளைஞருக்கு-கத்திக்-குத்து-2860486.html
2860484 மதுரை சிவகங்கை காரைக்குடியில் இஸ்லாமிய, கிறிஸ்தவ கூட்டமைப்புக்  கூட்டம் DIN DIN Saturday, February 10, 2018 12:40 AM +0530 காரைக்குடியில் இஸ்லாமிய, கிறிஸ்தவ சிறுபான்மையினர் கூட்டமைப்பின் முதல் பொதுக்குழுக் கூட்டம் வெள்ளிக்கிழமை நடைபெற்றது.
     இக்கூட்டத்தில், அரியக்குடி வளன் நகர் பங்குப் பணியாளர் மைக்கேல் தலைமை வகித்தார். முஹிப்புல் உலமா என். முகம்மது ஹூசைன் முன்னிலை வகித்தார். கூட்டத்தில், இஸ்லாமியர், கிறிஸ்தவர் சிறுபான்மையினர் கூட்டமைப்பு என்ற பெயர் சூட்டுவது என ஏகமனதாகத் தீர்மானிக்கப்பட்டது. 
     மேலும், இக்கூட்டமைப்பு சார்பில் சமூக, பொருளாதார, அரசு திட்டங்கள் தொடர்பான விழிப்புணர்வு ஏற்படுத்திட முனைப்புடன் செயலாற்றுவது எனவும், சிறுபான்மை சமுதாய மக்கள் தொடர்பான அனைத்து விஷயங்களையும் ஆய்வு செய்து, இணக்கமான சூழ்நிலையை உருவாக்கப் பாடுபடுவது என்றும் தீர்மானிக்கப்பட்டது.
    இந்தக் கூட்டமைப்பை, மாவட்ட, மாநில, தேசிய அளவில் விரிவுபடுத்துவது எனவும், சிறுபான்மையினருக்கு எதிரான வன்முறைகளை தடுத்து நிறுத்தி மதநல்லிணக்கத்தை உருவாக்க காவல் துறையினரையும், வருவாய்த் துறையினரையும் இந்த அமைப்புக் கேட்டுக்கொள்கிறது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/sivagangai/2018/feb/10/காரைக்குடியில்-இஸ்லாமிய-கிறிஸ்தவ-கூட்டமைப்புக்--கூட்டம்-2860484.html
2860048 மதுரை சிவகங்கை பேருந்தில் திருடிய பெண் கைது DIN DIN Friday, February 9, 2018 02:39 AM +0530 சிவகங்கை மாவட்டம்,  திருப்பத்தூரில் பேருந்தில் பயணம் செய்த பெண் பயணியிடம்  திருடிய பெண்ணை போலீஸார் வியாழக்கிழமை கைது செய்தனர்.
தஞ்சையிலிருந்து மதுரை நோக்கி சென்று கொண்டிருந்த அரசுப் பேருந்தில் திருமயம் நிறுத்தத்தில் பழனியம்மாள் என்ற பெண் ஏறியுள்ளார். பேருந்து திருப்பத்தூர் வந்ததும் இறங்கிய பழனியம்மாள் தனது பையில் இருந்த பர்ஸை காணாவில்லை என்று கூறியுள்ளார்.
இதுகுறித்து அருகிலுள்ள காவல் நிலையம் சென்று புகார் தெரிவித்தார். இதையடுத்து,  எஸ்.எஸ்.கோட்டை சோதனச் சாவடிக்கு தகவல் தெரிவித்த போலீஸார், அப்பெண் வந்த பேருந்தை நிறுத்தி அதில் இருந்த பயணிகளிடம் சோதனை மேற்கொண்டனர். 
இதில் கடலூரைச் சேர்ந்த கவிதாராணி (38) என்பவர் பழனியம்மாளின் பர்ஸை திருடியது தெரியவந்தது. 
திருப்பத்தூர் நகர் காவல் நிலையம் கொண்டுவரப்பட்ட அப்பெண்ணிடமிருந்த ரூ. 6 ஆயிரம் ரூபாய் பறிமுதல் செய்யப்பட்டு,  அவர் கைது செய்யப்பட்டு, சிறையில் அடைக்கப்பட்டார்.


 

]]>
http://www.dinamani.com/all-editions/edition-madurai/sivagangai/2018/feb/09/பேருந்தில்-திருடிய-பெண்-கைது-2860048.html
2860045 மதுரை சிவகங்கை சிவகங்கை மாவட்டத்தில் நாளை பொது விநியோகத் திட்ட  குறைதீர் கூட்டம் DIN DIN Friday, February 9, 2018 02:39 AM +0530 சிவகங்கை மாவட்டம் முழுவதும்  சனிக்கிழமை  பொது விநியோகத் திட்ட  குறைதீர் கூட்டம் நடைபெறும் என்று சிவகங்கை மாவட்ட ஆட்சியர் க. லதா தெரிவித்துள்ளார். 
  இதுகுறித்து அவர் வியாழக்கிழமை வெளியிட்ட செய்திக்குறிப்பு:
 சிவகங்கை மாவட்ட பொதுமக்கள் பொது விநியோகத் திட்டத்தில் பயன்பெறும் வகையில் நுகர்வோர் குறை தீர்க்கும் நாள் கூட்டம் சனிக்கிழமை காலை 10 மணி அளவில்  நடைபெற உள்ளது. அந்தந்த வட்டத்திற்கு உள்பட்ட கிராமங்களில் நடைபெறும் கூட்டத்தில் துணை ஆட்சியர் நிலையிலான மண்டல அலுவலர்கள், சம்பந்தப்பட்ட வட்ட வழங்கல் அலுவலர்கள் மற்றும் கூட்டுறவு சார் பதிவாளர்கள்  உள்ளிட்ட பொது விநியோக திட்ட அலுவலர்கள் கலந்து கொள்ள உள்ளனர். இக்கூட்டத்தில்  குடும்ப அட்டைதாரர்கள் கலந்து கொண்டு பொது விநியோகத் திட்டம் தொடர்பான தங்களது குறைகளை மனு மூலம் தெரிவிக்கலாம்.அவற்றிற்கு உடனடியாக தீர்வு காணப்படும் என குறிப்பிடப்பட்டுள்ளது.
முகாம் நடைபெறும் கிராமங்கள்: சிவகங்கை வட்டம் கத்தாலம்பட்டு, மானாமதுரை வட்டம் சங்கமங்கலம்,    இளையான்குடி வட்டம் கரும்புக்கூட்டம், காரைக்குடி வட்டம் மாத்தூர், தேவகோட்டை வட்டம் முப்பையூர்,  திருப்பத்தூர் வட்டம் பிள்ளையார்பட்டி, திருப்புவனம் வட்டம் பொட்டப்பாளையம், காளையார்கோவில்    வட்டம் காளையார்கோவில், சிங்கம்புணரி வட்டம் எம். சூரக்குடி.

]]>
http://www.dinamani.com/all-editions/edition-madurai/sivagangai/2018/feb/09/சிவகங்கை-மாவட்டத்தில்-நாளை-பொது-விநியோகத்-திட்ட--குறைதீர்-கூட்டம்-2860045.html
2860041 மதுரை சிவகங்கை குண்டர் சட்டத்தில் ரௌடி கைது DIN DIN Friday, February 9, 2018 02:38 AM +0530 சிவகங்கை மாவட்டம் மானாமதுரையில் குண்டர் சட்டத்தின் கீழ் ரௌடி புதன்கிழமை கைது செய்யப்பட்டார்.
  திருப்பாச்சேத்தியைச் சேர்ந்தவர் பாண்டியழகு (20).  இவர் மீது திருப்புவனம், திருப்பாச்சேத்தி உள்ளிட்ட பல காவல் நிலையங்களில் கொலை, கொள்ளை, வழிப்பறி வழக்குகள் நிலுவையில் உள்ளன. 
 இந்நிலையில் கடந்த அக்டோபர் மாதம் பாண்டியழகு மானாமதுரை பகுதியில் கத்தியைக் காட்டி மிரட்டி சாலையில் நடந்து சென்றவர்களிடம் பணம் கேட்டதாக மானாமதுரை போலீஸார் அவர் மீது வழக்குப் பதிந்து கைதுசெய்தனர்.
   தற்போது இவர் மதுரை மத்திய சிறையில் அடைக்கப்பட்டுள்ளார். அவரை குண்டர்   சட்டத்தில் கைது செய்ய மாவட்ட ஆட்சியர் லதாவுக்கு எஸ்.பி. ஜெயச்சந்திரன் பரிந்துரை செய்தார். இதையடுத்து, ஆட்சியர் உத்தரவின் பேரில் பாண்டியழகுவை மானாமதுரை போலீஸார் குண்டர் சட்டத்தில் கைது செய்தனர்.
 

]]>
http://www.dinamani.com/all-editions/edition-madurai/sivagangai/2018/feb/09/குண்டர்-சட்டத்தில்-ரௌடி-கைது-2860041.html