Dinamani - திண்டுக்கல் - http://www.dinamani.com/all-editions/edition-madurai/dindigul/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3057518 மதுரை திண்டுக்கல் பழனியில் இன்று ரோப் கார் சேவை நிறுத்தம் DIN DIN Friday, December 14, 2018 01:45 AM +0530
மாதாந்திர பராமரிப்புப் பணி காரணமாக, பழனி மலைக் கோயிலுக்கான ரோப் கார் சேவை வெள்ளிக்கிழமை (டிச.14) மட்டும் நிறுத்தப்படுகிறது.
பழனி தண்டாயுதபாணி சுவாமி மலைக் கோயில் செல்வதற்கு, தெற்கு கிரி வீதியிலிருந்து பக்தர்களின் வசதிக்காக ரோப் கார் இயக்கப்படுகிறது. இந்த ரோப் காருக்கான மாதாந்திர பராமரிப்புப் பணிகள் வெள்ளிக்கிழமை நடைபெறவுள்ளதால், அதன் சேவை நிறுத்தப்படுகிறது.
எனவே, பக்தர்கள் வசதிக்காக மலைக் கோயில் செல்ல மேற்கு கிரி வீதியில் உள்ள விஞ்ச் கூடுதல் நேரம் இயக்கப்படுமென்றும், கோயில் நிர்வாகம் சார்பில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-madurai/dindigul/2018/dec/14/பழனியில்-இன்று-ரோப்-கார்-சேவை-நிறுத்தம்-3057518.html
3057437 மதுரை திண்டுக்கல் கொடைக்கானலில் ஆரஞ்சு பழம் விளைச்சல் குறைவு; விலை அதிகம் DIN DIN Friday, December 14, 2018 01:23 AM +0530
கொடைக்கானலில் ஆரஞ்சு பழம் விளைச்சல் குறைந்துள்ளதால், விலை அதிகரித்துள்ளது.
கொடைக்கானலில் நவம்பர், டிசம்பர், ஜனவரி ஆகிய மாதங்கள் பனிக் காலமாகும். இந்த மாதங்களில் கீழ்மலைப் பகுதிகளான பண்ணைக்காடு, பெருமாள்மலை, பாலமலை, தாண்டிக்குடி, அடுக்கம், கே.சி.பட்டி, கும்பரையூர், வாழைகிரி, தாமரைக்குளம் உள்ளிட்ட பகுதிகளில் நூற்றுக்கணக்கான ஏக்கரில் ஆரஞ்சு பழம் விளைவிக்கப்படுகிறது.
ஆனால், இந்தாண்டு பனிக் காலங்களில் அவ்வப்போது மழை பெய்தது. கடந்த நவம்பர் மாதம் கஜா புயலால் பாதிப்பு ஏற்பட்டதில், ஆரஞ்சு மரங்கள் சேதமடைந்தன. இதனால், விளைச்சல் பாதிக்கப்பட்டு குறைந்தது.
இந்நிலையில், விவசாயிகள் சேதமடைந்த ஆரஞ்சு மரங்களில் எஞ்சியுள்ள பழங்களை பறிக்கும் பணியில் ஈடுபட்டு வருகின்றனர். இந்த பழங்கள் தற்போது கடைகளில் விற்பனைக்கு வந்துள்ளன.
லேசான சாரலும், மிதமான பனிப் பொழிவும் இருந்தால் மட்டுமே ஆரஞ்சு பழம் விளைச்சல் அதிகமாகவும், சுவையாகவும் இருக்கும். கொடைக்கானல் பகுதிகளில் விளையும் ஆரஞ்சு பழத்துக்கு வெளிச் சந்தைகளில் வரவேற்பு உள்ளது. எனவே, இங்கு விளையும் ஆரஞ்சு பழங்கள், கேரளம், ஆந்திரம் மற்றும் தமிழகத்தின் பல்வேறு பகுதிகளுக்கு அனுப்பப்படுகின்றன.
இது குறித்து கொடைக்கானல் கீழ்மலைப் பகுதி விவசாயிகள் கூறியது: ஆயிரக்கணக்கான ஏக்கரில் ஆரஞ்சு மரங்கள் உள்ளன. சமீபத்தில் ஏற்பட்ட புயல் மற்றும் மழைக்கு ஏராளமான மரங்கள் சேதமடைந்தன.
இதனால், ஆரஞ்சு பழம் விளைச்சல் குறைந்துள்ளது. இருப்பினும், தற்போது பனிப் பொழிவு அதிகரித்துள்ளதால், மரங்களிலுள்ள பழங்கள் நன்கு விளைவதற்கு வாய்ப்புள்ளது.
தற்போது, பழக் கடைகளில் கிலோ ரூ. 45-க்கு விற்கப்படுகிறது. அதிக மகசூல் இருந்தால் மட்டுமே விலை குறைய வாய்ப்புள்ளது என்றனர்.

 

]]>
http://www.dinamani.com/all-editions/edition-madurai/dindigul/2018/dec/14/கொடைக்கானலில்-ஆரஞ்சு-பழம்-விளைச்சல்-குறைவு-விலை-அதிகம்-3057437.html
3057436 மதுரை திண்டுக்கல் வத்தலகுண்டு அருகே 210 ஏக்கர் நெல் பயிர்களுக்கு இன்று தண்ணீர் திறக்க பொதுப்பணித் துறை ஒப்புதல் DIN DIN Friday, December 14, 2018 01:23 AM +0530
வத்தலகுண்டு அடுத்துள்ள எம்.வாடிப்பட்டி பகுதியில் சுமார் 210 ஏக்கர் பரப்பில் சாகுபடி செய்யப்பட்டுள்ள நெல் பயிர்கள் கருகுவதைத் தடுக்க வேண்டும் என்ற தினமணி செய்தி எதிரொலியாக, மருதா நதியிலிருந்து வெள்ளிக்கிழமை தண்ணீர் திறக்க நடவடிக்கை மேற்கொள்ளப்பட்டுள்ளது.
திண்டுக்கல் மாவட்டம், வத்தலகுண்டு அடுத்துள்ள எம்.வாடிப்பட்டி பகுதியில் சுமார் 210 ஏக்கரில் நெல் பயிர் நடவு செய்யப்பட்டுள்ளது. மருதாநதி அணையிலிருந்து தண்ணீர் கிடைக்கும் என்ற எதிர்பார்ப்பில் நடவுப் பணிகளை விவசாயிகள் தொடங்கியுள்ளனர். ஆனால், பொதுப்பணித் துறை சார்பில் மருதாநதி அணையிலிருந்து திறக்கப்பட்ட தண்ணீர், எம்.வாடிப்பட்டிக்கு முன்னதாகவுள்ள 3 கண்மாய்களுக்கு மட்டுமே இதுவரை வந்துள்ளது.
இந்நிலையில், எம்.வாடிப்பட்டி பகுதியிலுள்ள கோபாலசமுத்திரத்துக்கு தண்ணீர் கிடைக்காததால், நெல் சாகுபடி செய்யப்பட்டுள்ள வயல்களுக்கு தண்ணீர் பாய்ச்ச முடியாத நிலை ஏற்பட்டுள்ளது. தண்ணீரின்றி வறண்ட வயல் பரப்புகளில் வெடிப்பு ஏற்பட்டுள்ளது.
இதனால், அப்பகுதியைச் சேர்ந்த விவசாயிகள் கடும் அதிர்ச்சி அடைந்துள்ளது தொடர்பாக கடந்த புதன்கிழமை (டிச.12) தினமணியில் செய்தி வெளியானது.
அதையடுத்து, சம்பந்தப்பட்ட பகுதிக்கு நேரடியாக ஆய்வு செய்ய வேளாண்மை அலுவலர்களுக்கு மாவட்ட நிர்வாகம் உத்தரவிட்டது. அதன்படி, எம்.வாடிப்பட்டியில் பாதிக்கப்பட்ட வயல்களை வத்தலகுண்டு வட்டார வேளாண்மை அலுவலர்கள் புதன்கிழமை பார்வையிட்டனர். அப்போது, விவசாயிகள் தரப்பில் தண்ணீர் திறக்க கோரிக்கை விடுக்கப்பட்டது.
அதன் தொடர்ச்சியாக, எம்.வாடிப்பட்டியில் வட்டார வேளாண்மை உதவி இயக்குநர் ரவிச்சந்திரன், பொதுப்பணித் துறை உதவிப் பொறியாளர் யுவராஜ் ஆகியோர் தலைமையில், விவசாயிகளுடனான ஆலோசனைக் கூட்டம் வியாழக்கிழமை நடைபெற்றது. கூட்டத்தில், கோபாலசமுத்திரக் குளம் பாசன விவசாயிகள் சங்கத் தலைவர் சித்திரன், செயலர் நாகராஜ் உள்ளிட்ட விவசாயிகள் கலந்துகொண்டனர். விவசாயிகள் தரப்பில் பேசியதாவது: நீர்வள, நிலவளத் திட்டத்தின் கீழ் வழங்கப்பட்ட அட்சயா ரக நெல்லை வேளாண்மைத்துறை அலுவலர்களின் பரிந்துரையின்பேரிலேயே சாகுபடி செய்துள்ளோம்.
இந்த ரகத்திலிருந்து அதிக மகசூலை பெறுவதற்கு, கோபாலசமுத்திர குளத்துக்கு மருதாநதியிலிருந்து உடனடியாக தண்ணீர் திறக்கவேண்டும் என்றனர்.
அதைத் தொடர்ந்து பேசிய பொதுப்பணித் துறை அலுவலர்கள், எம். வாடிப்பட்டி கோபாலசமுத்திர குளத்துக்கு வெள்ளிக்கிழமை தண்ணீர் திறக்கப்படும் என்றும், அந்த தண்ணீரை குளத்தில் தேக்கி முறைப்பாசனம் மூலமாக 110 நாள்களுக்குப் பயன்படுத்திக் கொள்ள வேண்டும் என்றும் அறிவுறுத்தினர்.
கருகும் நிலையிலுள்ள நெல் பயிர்களை காக்க உடனடியாக தண்ணீர் திறக்க மாவட்ட நிர்வாகம் மேற்கொண்ட நடவடிக்கை, விவசாயிகள் மத்தியில் மகிழ்ச்சியை ஏற்படுத்தியுள்ளது.

 

]]>
http://www.dinamani.com/all-editions/edition-madurai/dindigul/2018/dec/14/வத்தலகுண்டு-அருகே-210-ஏக்கர்-நெல்-பயிர்களுக்கு-இன்று-தண்ணீர்-திறக்க-பொதுப்பணித்-துறை-ஒப்புதல்-3057436.html
3057435 மதுரை திண்டுக்கல் தேக்கம்பட்டி புத்துணர்வு முகாமுக்கு புறப்பட்டது பழனி கோயில் யானை DIN DIN Friday, December 14, 2018 01:22 AM +0530
மேட்டுப்பாளையம் அடுத்துள்ள தேக்கம்பட்டியில் நடைபெறும் புத்துணர்வு முகாமுக்கு, பழனி கோயில் யானை கஸ்தூரி வியாழக்கிழமை லாரி மூலம் அனுப்பி வைக்கப்பட்டது.
தமிழக அரசு சார்பில், கடந்த 2003 ஆம் ஆண்டு முதல் கோயில் யானைகளுக்கு புத்துணர்வு முகாம் நடத்தப்பட்டு வருகிறது. அதன்படி, 2018 ஆம் ஆண்டுக்கான புத்துணர்வு முகாம், கோவை மாவட்டம் தேக்கம்பட்டி வனபத்ரகாளியம்மன் கோயில் அருகே வனப் பகுதியில் உள்ள பவானி ஆற்றுப் படுகையில் வெள்ளிக்கிழமை தொடங்குகிறது. வரும் 2019 ஜனவரி 30 ஆம் தேதி வரை 48 நாள்கள் நடைபெறும் இந்த முகாமுக்கு, கடந்த ஆண்டை விட 25 சதவீதம் கூடுதலாக நிதி ஒதுக்கீடு செய்யப்பட்டுள்ளது. மொத்தம் ரூ.1.50 கோடி நிதி ஒதுக்கீடு செய்யப்பட்டுள்ளது.
இம் முகாமில் பங்கேற்பதற்காக, பழனி கோயில் யானை கஸ்தூரிக்கு சிறப்பு பூஜைகள் செய்யப்பட்டு, உடுமலை தேசிய நெடுஞ்சாலையிலுள்ள காரமடை தோட்டத்திலிருந்து லாரி மூலம் அனுப்பி வைக்கப்பட்டது. முன்னதாக, யானையின் எடை அளவு பார்க்கப்பட்டதில் 4,790 கிலோ இருந்தது. நிகழ்ச்சியில், பழனி கோயில் இணை ஆணையர் செல்வராஜ், துணை ஆணையர் செந்தில்குமார் உள்ளிட்டோர் கலந்துகொண்டனர்.
யானை இல்லாத தைப்பூசத் திருவிழா: பழனி கோயில் தைப்பூச திருவிழா ஜனவரி 15 ஆம் தேதி தொடங்கி 24 ஆம் தேதி வரை நடைபெறுகிறது. அப்போது, கஸ்தூரி யானை புத்துணர்வு முகாமில் இருக்கும் என்பதால், தைப்பூசத் திருவிழாவில் யானை பங்கேற்காது எனக் கூறப்படுகிறது.

 

]]>
http://www.dinamani.com/all-editions/edition-madurai/dindigul/2018/dec/14/தேக்கம்பட்டி-புத்துணர்வு-முகாமுக்கு-புறப்பட்டது-பழனி-கோயில்-யானை-3057435.html
3057434 மதுரை திண்டுக்கல் திண்டுக்கல் பகுதியில் ஒரே நாளில் 6 குழந்தை திருமணங்கள் தடுத்து நிறுத்தம் DIN DIN Friday, December 14, 2018 01:22 AM +0530
திண்டுக்கல் மற்றும் சுற்றுப்புறப் பகுதிகளில் வியாழக்கிழமை நடைபெறவிருந்த மற்றும் ஏற்பாடு செய்யப்பட்டிருந்த 6 குழந்தை திருமணங்களை, குழந்தைகள் பாதுகாப்புத் துறை, சமூக நலத்துறை மற்றும் சைல்டு-லைன் அமைப்பினர் தடுத்து நிறுத்தினர்.
திண்டுக்கல் மாவட்டம், எரியோடு பகுதியிலுள்ள 16 வயது சிறுமிக்கு வியாழக்கிழமை (டிச.13) திருமணம் நடத்துவதற்கான ஏற்பாடுகள் செய்யப்பட்டிருந்தன. இது தொடர்பாக சமூக நலத்துறை மற்றும் சைல்டு-லைன் அமைப்புக்கு தகவல் கிடைத்துள்ளது. அதன்பேரில், புதன்கிழமை சம்பவ இடத்துக்குச் சென்று விசாரணை மேற்கொண்ட அலுவலர்கள், திருமண ஏற்பாடுகளை தடுத்து நிறுத்தினர்.
அதேபோல், கொடைரோடு அடுத்துள்ள காமலாபுரம் பகுதியைச் சேர்ந்த 17 வயது சிறுமிக்கும், கன்னிவாடி அடுத்துள்ள தருமத்துப்பட்டி கோம்பை பகுதியைச் சேர்ந்த 11ஆம் வகுப்பு மாணவிக்கும், அம்பாத்துரை அடுத்துள்ள பெருமாள்கோவில்பட்டியைச் சேர்ந்த 11ஆம் வகுப்பு மாணவிக்கும், ஆத்தூர் அடுத்துள்ள கதிர்நாயக்கன்பட்டியைச் சேர்ந்த 16 வயது சிறுமிக்கும், திண்டுக்கல் அடுத்துள்ள குள்ளனம்பட்டியைச் சேர்ந்த 15 வயது சிறுமிக்கும், புதன்கிழமை திருமண நிச்சயதார்த்தம் நடத்துவதற்கு, அவர்களது பெற்றோர்கள் சார்பில் ஏற்பாடு செய்யப்பட்டிருந்தது.
இது குறித்த தகவலின்பேரில், சமூகநலத் துறை, குழந்தைகள் பாதுகாப்புத் துறை மற்றும் சைல்டு-லைன் அமைப்பினர், அந்தந்த இடங்களுக்குச் சென்று திருமண ஏற்பாடுகளைத் தடுத்து நிறுத்தினர்.
இதில், 16 வயது சிறுமிக்கு 35 வயது இளைஞருடன் திருமணம் நிச்சயம் செய்யப்பட்டிருப்பதை அறிந்த அலுவலர்கள் கடும் அதிர்ச்சி அடைந்தனர். திண்டுக்கல் பகுதியில் ஒரே நாளில் 6 குழந்தை திருமணங்களை அலுவலர்கள் தடுத்து நிறுத்தியது பரபரப்பை ஏற்படுத்தியுள்ளது.

 

]]>
http://www.dinamani.com/all-editions/edition-madurai/dindigul/2018/dec/14/திண்டுக்கல்-பகுதியில்-ஒரே-நாளில்-6-குழந்தை-திருமணங்கள்-தடுத்து-நிறுத்தம்-3057434.html
3057433 மதுரை திண்டுக்கல் முதன்மைக் கல்வி அலுவலக வளாகத்தில் விளம்பரப் பதாகை: அதிமுக எதிர்ப்பால் பரபரப்பு DIN DIN Friday, December 14, 2018 01:22 AM +0530
திண்டுக்கல் மாவட்ட முதன்மைக் கல்வி அலுவலக வளாகத்தில், கல்வித் துறை அலுவலர் சங்கம் சார்பில் நிறுவப்பட்டுள்ள விளம்பரப் பதாகைக்கு, அதிமுக சார்பில் வியாழக்கிழமை எதிர்ப்பு தெரிவிக்கப்பட்டது.
திண்டுக்கல் மாவட்ட முதன்மைக் கல்வி அலுவலக வளாகத்தில், ஆசிரியர் சங்கங்கள் போராட்டம் நடத்தவும், கோரிக்கைகள் தொடர்பான சுவரொட்டிகள் மற்றும் பதாகைகள் நிறுவவும் தடை விதிக்கப்பட்டுள்ளது. இது தொடர்பான அறிவிப்புப் பலகையும் முதன்மைக் கல்வி அலுவலக வளாகத்தில் நிறுவப்பட்டுள்ளது.
ஆனால், இந்த உத்தரவைக் கண்டுகொள்ளாத ஆசிரியர் சங்கங்கள் சுவரொட்டிகளை ஒட்டியும், போராட்டம் தொடர்பான பதாகைகளை அமைத்தும் வருகின்றனர்.
இந்நிலையில், தமிழ்நாடு கல்வித் துறை அரசு அலுவலர் சங்கக் கூட்டம் தொடர்பான பதாகை, முதன்மைக் கல்வி அலுவலக வளாகத்திலுள்ள காந்தி சிலை அருகே வைக்கப்பட்டுள்ளது. இந்தப் பதாகைக்கு எதிர்ப்பு தெரிவித்து, அதிமுக தொழிற்சங்க மாவட்டச் செயலர் ஜெயராமன், முதன்மைக் கல்வி அலுவலர் கு.சொ. சாந்தகுமாரிடம் வியாழக்கிழமை புகார் அளித்தார்.
முன்னாள் முதல்வர் ஜெயலலிதா உருவப்படத்துடன் கூடிய அந்த பதாகையை உடனடியாக அப்புறப்படுத்தாவிட்டால், தங்கள் அமைப்பு சார்பில் புதிய பதாகைகளை அச்சிட்டு கல்வித் துறை அலுவலக வளாகத்தில் வைப்போம் என்றும் தெரிவித்தார். இதனால், கல்வித் துறை அலுவலர்கள் அதிருப்தி அடைந்தனர். பதாகை நிறுவிய சங்கத்தினரை அழைத்து விசாரணை மேற்கொண்டனர். அப்போது, ஏற்கெனவே, ஜாக்டோ-ஜியோ அமைப்பினர் சார்பில் பதாகை நிறுவப்பட்டுள்ளது. மேலும், ஆசிரியர் சங்கம் சார்பில் போராட்டம், ஆர்ப்பாட்டம் தொடர்பான அனைத்து சுவரொட்டிகளும் ஒட்டப்படுவதாகவும் தெரிவித்தனர்.
இந்தப் பிரச்னையை, ஆசிரியர் சங்க நிர்வாகியே அரசியலாக்க முயற்சிக்கிறார் என்றும் புகார் தெரிவித்தனர்.

 

]]>
http://www.dinamani.com/all-editions/edition-madurai/dindigul/2018/dec/14/முதன்மைக்-கல்வி-அலுவலக-வளாகத்தில்-விளம்பரப்-பதாகை-அதிமுக-எதிர்ப்பால்-பரபரப்பு-3057433.html
3057432 மதுரை திண்டுக்கல் நத்தம் அருகே மின்சாரம் பாய்ந்து சிறுவன் சாவு DIN DIN Friday, December 14, 2018 01:22 AM +0530
நத்தம் அருகே வியாழக்கிழமை விவசாயத் தோட்டத்திலுள்ள இரும்பு வேலியைத் தொட்ட சிறுவன் மின்சாரம் பாய்ந்து உயிரிழந்தான்.
திண்டுக்கல் மாவட்டம், நத்தம் அடுத்துள்ள கோமணாம்பட்டியைச் சேர்ந்தவர் மலைச்சாமி. இவரது மகன் அஜித் (16). அதே பகுதியிலுள்ள தோட்டத்தின் வழியாகச் சென்றுகொண்டிருந்த அஜித், அங்குள்ள இரும்பு வேலியைத் தொட்டாராம். அப்போது, அந்த இரும்பு வேலி மீது மின்கம்பி அறுந்து கிடந்ததால், அஜித் மீது மின்சாரம் பாய்ந்து சம்பவ இடத்திலேயே உயிரிழந்தார்.
இது குறித்து நத்தம் போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/dec/14/நத்தம்-அருகே-மின்சாரம்-பாய்ந்து-சிறுவன்-சாவு-3057432.html
3057431 மதுரை திண்டுக்கல் போலி மதுபானம் விற்கப்படுவதைக் கண்டித்து கொடைக்கானல் அருகே சாலை மறியல் DIN DIN Friday, December 14, 2018 01:21 AM +0530
கொடைக்கானல் அருகே பெருமாள்மலைப் பகுதியில் போலி மதுபானம் விற்கப்படுவதைக் கண்டித்து, அப்பகுதியினர் வியாழக்கிழமை சாலை மறியலில் ஈடுபட்டனர்.
பெருமாள்மலைப் பகுதியில் இருந்த மதுபானக் கடை, பொதுமக்களின் பல்வேறு போராட்டங்களால் அங்கிருந்து அகற்றப்பட்டது. இதைப் பயன்படுத்தி, பெருமாள்மலைப் பகுதியில் செல்வம் என்பவர் போலி மதுபானம் விற்பனை செய்து வந்துள்ளார். இதற்கு, அப் பகுதியினர் எதிர்ப்பு தெரிவித்தனர்.
இந்நிலையில், பொதுமக்கள் போலி மதுபானம் விற்பனை செய்வதை எதிர்த்து, கொடைக்கானல்-வத்தலக்குண்டு-பழனி மலைச் சாலையில் மறியலில் ஈடுபட்டனர். மேலும், அப்பகுதியில் மறைத்து வைக்கப்பட்டிருந்த 300-க்கும் மேற்பட்ட போலி மதுபான பாட்டில்களை, பொதுமக்கள் சாலையில் கொட்டி சேதப்படுத்தினர். இதனால், அப்பகுதியில் சுமார் 2 மணி நேரம் போக்குவரத்து பாதிக்கப்பட்டது. சம்பவ இடத்துக்கு வந்த கொடைக்கானல் காவல் துறையினர், மறியலில் ஈடுபட்டவர்களிடம் பேச்சுவார்த்தை நடத்தியதை அடுத்து, அவர்கள் கலைந்து சென்றனர். அதையடுத்து, பெருமாள்மலைப் பகுதியில் விற்பனைக்காக வைக்கப்பட்டிருந்த 200-க்கும் மேற்பட்ட போலி மதுபாட்டில்களை, காவல் துறையினர் கைப்பற்றினர். மேலும், அவற்றை விற்பனை செய்து வந்த செல்வத்தை போலீஸார் தேடி வருகின்றனர்.

 

]]>
http://www.dinamani.com/all-editions/edition-madurai/dindigul/2018/dec/14/போலி-மதுபானம்-விற்கப்படுவதைக்-கண்டித்து-கொடைக்கானல்-அருகே-சாலை-மறியல்-3057431.html
3056915 மதுரை திண்டுக்கல் மதுபான விற்பனையை தடுக்க கோரி நிலக்கோட்டையில் பெண்கள் ஆர்ப்பாட்டம் DIN DIN Thursday, December 13, 2018 07:01 AM +0530 மதுபான விற்பனையை தடுக்க கோரி நிலக்கோட்டையில் புதன்கிழமை 100-க்கும் மேற்பட்ட பெண்கள் ஆர்ப்பாட்டத்தில் ஈடுபட்டனர். 
திண்டுக்கல் மாவட்டம், நிலக்கோட்டை  காவல் நிலையம் அருகே தமிழக மது ஒழிப்பு இயக்க கூட்டமைப்பு சார்பில் நடைபெற்ற இந்த ஆர்ப்பாட்டத்திற்கு, அந்த இயக்கத்தின் மாவட்ட ஒருங்கிணைப்பாளர் ஜெயந்தி தலைமை வகித்தார்.  மாநில அமைப்பாளர் சி.ஜெ.ராஜன் கண்டன உரை நிகழ்த்தினார். 
ஆர்ப்பாட்டத்தின்போது, திண்டுக்கல் மாவட்டம், நிலக்கோட்டை அடுத்துள்ள பள்ளப்பட்டியில் சில்லரை விற்பனையில் மதுபானம் வாங்கி குடித்து உயிரிழந்த சாண்டிலாபுரத்தைச் சேர்ந்த சமையன், கவுண்டன்பட்டி முருகன் ஆகியோர் குடும்பத்திற்கு ரூ.10 லட்சம் நிதி உதவி வழங்க வேண்டும். அந்த வழக்கினை வன்கொடுமை சட்டப்பிரிவின் கீழ் மாற்றி விசாரணை நடத்த வேண்டும். சில்லரை மது விற்பனைக்கு துணைபுரிந்த அம்மையநாயக்கனூர் போலீஸார் மற்றும் மதுவிலக்குப் பிரிவு போலீஸார் மீது நடவடிக்கை எடுக்க வேண்டும். 
தமிழக அரசு  மதுபான  விற்பனையை தடை செய்து, பூரண மதுவிலக்கை அமல்படுத்த வேண்டும். சில்லரை விற்பனையை தடுப்பதற்கு மாவட்ட நிர்வாகம் தீவிர நடவடிக்கை  மேற்கொள்ள வேண்டும்  என்பன உள்ளிட்ட கோரிக்கைகளை வலியுறுத்தி கோஷமிட்டனர்.  ஆர்ப்பாட்டத்தில் நிலக்கோட்டை மற்றும் வத்தலகுண்டு பகுதியைச் சேர்ந்த தன்னார்வலர் தொண்டு நிறுவனங்களைச் சேர்ந்த 100-க்கும் மேற்பட்ட பெண்கள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/13/மதுபான-விற்பனையை-தடுக்க-கோரி-நிலக்கோட்டையில்-பெண்கள்-ஆர்ப்பாட்டம்-3056915.html
3056914 மதுரை திண்டுக்கல் மருதாநதி வடக்கு பிரதான வாய்க்காலில் தண்ணீரை தடுக்கும் புதர்களை அகற்ற ஆட்சியர் உத்தரவு DIN DIN Thursday, December 13, 2018 07:01 AM +0530 முப்பது ஆண்டுகளுக்கு பிறகு தண்ணீர் திறக்கப்பட்ட மருதாநதி வடக்கு பிரதான வாய்க்காலில் தண்ணீர் செல்வதற்கு தடையாக உள்ள புதர்களை உடனடியாக நீக்க வேண்டுமென மாவட்ட ஆட்சியர் டி.ஜி.வினய் உத்தரவிட்டார்.
திண்டுக்கல் மாவட்டம், அய்யம்பாளையம் அடுத்துள்ள மருதாநதி அணையின் 10 கி.மீ. நீளமுள்ள வடக்கு பிரதான கால்வாய் மூலம் 2537 ஏக்கர் ஆயக்கட்டு நிலங்களும், 9.86 கி.மீ. நீளமுள்ள தெற்கு கால்வாய் மூலம் 1613.17 ஏக்கர் ஆயக்கட்டு நிலங்களும் பாசன வசதியை பெற்று வந்தன. ஆனால், கடந்த 1988 ஆம் ஆண்டுக்கு பின், வடக்கு பிரதான கால்வாயில் தண்ணீர் திறக்கப்படவில்லை. இந்நிலையில், நீர் வள, நில வள மேம்பாட்டுத் திட்டத்தின் கீழ் ரூ.11 லட்சம் செலவில் வடக்கு பிரதான கால்வாயை சீரமைக்கும் பணிகள் கடந்த 6  மாதங்களுக்கு முன்பு  நடைபெற்றன. 
இதனிடையே கடந்த 1ஆம் தேதி, 30 ஆண்டுகளுக்கு பின் முதன் முறையாக வடக்கு பிரதான கால்வாயில் தண்ணீர் திறக்கப்பட்டது. மொத்தமுள்ள 10 கி.மீ. நீள கால்வாயில், 7 கி.மீ. தூரம் மட்டுமே தண்ணீர் பாய்ந்தது. 
கால்வாயின் பல பகுதிகளில் மண் சரிந்து விழுந்ததாலும், புதர்கள் இருந்ததாலும் தண்ணீர் செல்வது தடைப்பட்டது. மேலும், மடைகள் வழியாகவும் விவசாயிகள் தண்ணீரை திறந்துவிட்டனர். இதனால் அணையிலிருந்து திறக்கப்பட்ட தண்ணீர் நிறுத்தப்பட்டது. 
இந்நிலையில், மாவட்ட ஆட்சியர் டி.ஜி.வினய் மருதாநதியின் வடக்கு பிரதான கால்வாயில் ஆய்வு மேற்கொண்டார். 
பின்னர், 100 நாள் வேலைத் திட்ட பயனாளிகள் மூலமாக கால்வாயில் சரிந்துள்ள மண்ணை அகற்றவும், புதர்களை நீக்கவும் நடவடிக்கை மேற்கொள்ளுமாறு வட்டார வளர்ச்சி அலுவலர்களுக்கு உத்தரவிட்டார். இந்த பணிகள் முடிந்துவுடன், கால்வாயின் பல்வேறு இடங்களில் அமைக்கப்பட்டுள்ள 22 மடைகளிலும், 100 நாள் வேலைத் திட்ட பணியாளர்களை பாதுகாப்புக்கு நிறுத்தி தண்ணீர் திறக்க வேண்டும். 
அதன் மூலம் விவசாயிகள் தண்ணீர் திறப்பதை தடுத்து, சித்தரேவு வரை கால்வாயில் தண்ணீர் செல்ல பொதுப்பணித்துறையினர் நடவடிக்கை மேற்கொள்ள வேண்டும் என்றார். 
 

]]>
http://www.dinamani.com/all-editions/edition-madurai/dindigul/2018/dec/13/மருதாநதி-வடக்கு-பிரதான-வாய்க்காலில்-தண்ணீரை-தடுக்கும்-புதர்களை-அகற்ற-ஆட்சியர்-உத்தரவு-3056914.html
3056913 மதுரை திண்டுக்கல் ரெட்டியபட்டி சாலையை சீரமைக்க கோரிக்கை DIN DIN Thursday, December 13, 2018 07:01 AM +0530 ஒட்டன்சத்திரம் அருகே பழுதடைந்த சாலையை சீரமைக்க பொதுமக்கள் கோரிக்கை விடுத்துள்ளனர்.
           ஒட்டன்சத்திரம் அடுத்துள்ள சத்திரப்பட்டி-தேவத்தூர் பிரதான சாலையில் இருந்து ரெட்டியபட்டிக்கு செல்லும் சாலை உள்ளது. இந்த சாலை வழியாக தினசரி ஏராளமான விவசாயிகள் தங்களது விளை பொருள்களை ஒட்டன்சத்திரம் காய்கறி சந்தைக்கு கொண்டு வருகின்றனர். 
இச்சாலை பழுதடைந்து பல ஆண்டுகளாக குண்டும், குழியுமாக காட்சி அளிக்கிறது. இதனால் வாகனங்களில் செல்வதற்கு மிகவும் சிரமப்படுகின்றனர். 
சாலையை பராமரிக்கக்கோரி பல முறை அப்பகுதியைச் சேர்ந்த பொதுமக்கள் மற்றும் விவசாயிகள் நெடுஞ்சாலைத்துறையினருக்கு புகார் தெரிவித்தும் இதுவரை எந்தவித நடவடிக்கையும் இல்லையாம். 
எனவே சாலையை உடனடியாக சீரமைக்க மாவட்ட நிர்வாகம்  நடவடிக்கை எடுக்க வேண்டும் என்றும் மக்களைத் திரட்டி போராட்டம் நடத்தப்போவதாகவும் ரெட்டியபட்டி விவசாயிகள் தெரிவித்தனர்.

]]>
http://www.dinamani.com/all-editions/edition-madurai/dindigul/2018/dec/13/ரெட்டியபட்டி-சாலையை-சீரமைக்க-கோரிக்கை-3056913.html
3056912 மதுரை திண்டுக்கல் தடையை மீறி இந்து முன்னணி கொடி ஏற்ற முயன்ற 46 பேர் கைது DIN DIN Thursday, December 13, 2018 07:00 AM +0530 திண்டுக்கல்லில் தடையை மீறி இந்து முன்னணி கொடியேற்ற முயன்ற 46 பேரை போலீஸார் புதன்கிழமை கைது செய்தனர்.
திண்டுக்கல் குடைப்பாறைப்பட்டி பகுதியில், இந்து முன்னணி அமைப்பினர் 6 இடங்களில் கொடியேற்றும் நிகழ்ச்சி மற்றும் தெருமுனைப்  பிரசாரக் கூட்டங்களுக்கு காவல்துறையிடம் அனுமதி கேட்டுள்ளனர். ஆனால், அனுமதி மறுக்கப்பட்டது. இதனிடையே, குடைப்பாறைப்பட்டி பகுதியில் இந்து முன்னணி சார்பில் 2 இடங்களில் அமைக்கப்பட்டிருந்த புதிய கொடிக்கம்பங்களை அகற்றும் பணியில் போலீஸார் புதன்கிழமை ஈடுபட்டனர். அதனை அறிந்த இந்து முன்னணி நிர்வாகிகள், கொடிக்கம்பத்தை தாமாக முன் வந்து அகற்றிக் கொண்டனர். இந்த சூழலில், அந்த பகுதியில் 50-க்கு மேற்பட்ட போலீஸார் குவிக்கப்பட்டிருந்தனர். 
 இதனிடையே, காவல்துறையின் தடையை மீறி கொடியேற்றுவதற்காக, இந்து முன்னணி மாவட்ட பொதுச் செயலர் சங்கர் கணேஷ் தலைமையில், 50-க்கு மேற்பட்டோர்  பாறைப்பட்டி  பகுதியில் புதன்கிழமை மாலை கூடி ஊர்வலம் புறப்பட்டனர். 
இதனால் மீண்டும் பரபரப்பு ஏற்பட்டது.  அங்கு பாதுகாப்பு பணியில் ஈடுபட்ட திண்டுக்கல் தெற்கு காவல் நிலைய போலீஸார், அவர்களை தடுத்து நிறுத்தினர். பின்னர் அங்கு கோஷங்களை எழுப்பிய மாவட்ட பொதுச் செயலர் சங்கர் கணேஷ், செயலர்கள் சஞ்சீவிராஜ், சதீஷ்குமார் மற்றும் 2 பெண்கள் உள்பட 46 பேரை போலீஸார் கைது செய்தனர்.

]]>
http://www.dinamani.com/all-editions/edition-madurai/dindigul/2018/dec/13/தடையை-மீறி-இந்து-முன்னணி-கொடி-ஏற்ற-முயன்ற-46-பேர்-கைது-3056912.html
3056880 மதுரை திண்டுக்கல் ரூ.65 லட்சம் ஒதுக்கீடு செய்தும் தாமரைக்குளத்தில் மரக்கன்றுகள் பராமரிக்கப்படவில்லை: விவசாயிகள் புகார் DIN DIN Thursday, December 13, 2018 02:53 AM +0530 திண்டுக்கல் அடுத்துள்ள தாமரைக்குளத்தின் கரையோரங்களில் மரக்கன்றுகள் வளர்க்கும் திட்டத்திற்கு ரூ.65 லட்சம் நிதி ஒதுக்கீடு செய்யப்பட்டும், பராமரிப்பு பணிகள் நடைபெறவில்லை என விவசாயிகள் தரப்பில் புகார் எழுந்துள்ளது. 
திண்டுக்கல் அடுத்துள்ள மைலாப்பூர் பகுதியில்  254 ஏக்கர் பரப்பளவில் அமைந்துள்ள சிந்தலக்குண்டு தாமரைக்குளத்தின் மூலம், சுமார் 665 ஏக்கர் நன்செய் நிலங்கள் பாசன வசதியை பெற்று வந்தன. மேலும், பொன்னிமாந்துறை, அனுந்தராயன்கோட்டை, குட்டத்துப்பட்டி, அணைப்பட்டி ஊராட்சிகளுக்கு உள்பட்ட 35 கிராமங்களுக்கு குடிநீராகவும் பயன்பட்டு வந்தது. ஆனால், கடந்த 15 ஆண்டுகளாக போதிய மழையில்லாமலும், கொடகனாற்றிலிருந்து தண்ணீர் வரத்து இல்லாததாலும், தாமரைக்குளம் வறண்டுவிட்டது.  
 இந்நிலையில், அப்பகுதியைச் சேர்ந்த பாசன விவசாயிகளின் கோரிக்கையை ஏற்று குடிமராமத்து திட்டத்தின் கீழ் ரூ.20 லட்சம் செலவில்  பொதுப்பணித்துறை மூலம் தாமரைக்குளத்தின் கரைகள் பலப்படுத்தும் பணிகள் நடைபெற்றுள்ளன. 
அதனைத் தொடர்ந்து பாசன விவசாயிகள் சங்கத்தின் மூலமாகவும், நவீன தொழில்நுட்ப அறக்கட்டளை மையத்தின் மூலமாகவும் 10 ஆயிரம் பனை விதைகள் மற்றும் 2 ஆயிரம் மரக் கன்றுகள் நடவு செய்யப்பட்டுள்ளன. அதே நேரத்தில் ரெட்டியார்சத்திரம் ஊராட்சி ஒன்றியத்தின் மூலமாக 10ஆயிரம் பனை விதைகள் மற்றும் 10 ஆயிரம் மரக் கன்றுகள் நடவு செய்தல் மற்றும் பராமரிப்பு பணிகளுக்காக ரூ.64.80 லட்சம், மாவட்ட ஊரக வளர்ச்சி முகமையின் மூலமாக ஒதுக்கீடு செய்யப்பட்டுள்ளது. 
ஆனால், அந்த நிதியை இதுவரை முறையாக பயன்படுத்தவில்லை என்றும், நடவு செய்யப்பட்டுள்ள மரக்கன்றுகளை முறையாக பராமரிக்கவில்லை எனவும் குற்றச்சாட்டு எழுந்துள்ளது. நடவு செய்யப்பட்ட 2 ஆயிரம் மரக்கன்றுகளில், பராமரிப்பு குறைபாடு காரணமாக 300-க்கும் மேற்பட்ட கன்றுகள் அழிந்துவிட்டதாக அப்பகுதியைச் சேர்ந்த பொதுமக்கள் குற்றம் சாட்டுகின்றனர். 
இதுதொடர்பாக கொடகனாறு குளங்கள் மற்றும் வாய்க்கால் பாதுகாப்பு பாசன விவசாயிகள் சங்கத்தின் செயலர் ரா.சுந்தரராஜ் கூறியதாவது: தாமரைக்குளத்தின் கரையில் 100 நாள் வேலைத் திட்டப் பணியாளர்களை பயன்படுத்தி 10ஆயிரம் பனை விதைகளும், நாவல், மருது, வேம்பு, புங்கன் உள்ளிட்ட 16 வகை மரக் கன்றுகளும் நடவு செய்யப்பட்டன. இதற்காக ரெட்டியார்சத்திரம் ஊராட்சி ஒன்றியத்தின் சார்பில் ரூ.64.80 லட்சம் ஒதுக்கீடு செய்யப்பட்டும், அந்த நிதி முழுமையாக பயன்படுத்தப்படவில்லை. மரக் கன்று நடவு செய்ததோடு 100 நாள் வேலைத் திட்ட பணியாளர்கள் வெளியேறிவிட்டனர்.10 நாள்கள் மட்டுமே அந்த பணிகள் நடைபெற்றன. 
அதே பணியாளர்களை பயன்படுத்தி, மரக்கன்றுகளுக்கு வேலி ஏற்படுத்தி பாதுகாத்திருந்தால் 2ஆயிரம் கன்றுகளும் சேதமடையாமல் வளர்ந்திருக்கும். இதுதொடர்பாக ஊராட்சி ஒன்றிய அலுவலர்கள் மற்றும் மாவட்ட ஊரக வளர்ச்சி முகமை அலுவலர்களிடம் புகார்  தெரிவித்தும் உரிய நடவடிக்கை மேற்கொள்ளப்படவில்லை என்றார்.
 

]]>
http://www.dinamani.com/all-editions/edition-madurai/dindigul/2018/dec/13/ரூ65-லட்சம்-ஒதுக்கீடு-செய்தும்-தாமரைக்குளத்தில்-மரக்கன்றுகள்-பராமரிக்கப்படவில்லை-விவசாயிகள்-புகார்-3056880.html
3056879 மதுரை திண்டுக்கல் காங்கிரஸார் கொண்டாட்டம் DIN DIN Thursday, December 13, 2018 02:52 AM +0530 ராஜஸ்தான், மத்தியபிரதேசம், சத்தீஸ்கர் சட்டப்பேரவைத் தேர்தல்களில் காங்கிரஸ் கட்சி வெற்றி பெற்றதை பழனியில் காங்கிரஸார் கொண்டாடினர். 
பேருந்து நிலையம் முன்பாக நடைபெற்ற இந்நிகழ்ச்சிக்கு அக்கட்சியின் கிழக்கு வட்டாரத் தலைவர் சுந்தரம் தலைமை வகித்தார்.  நகரத் தலைவர் முத்துவிஜயன் முன்னிலை வகித்தார்.  கட்சியினர் பட்டாசு வெடித்து, பொதுமக்களுக்கும், பேருந்தில் சென்றவர்களுக்கும் இனிப்புக்கள் வழங்கினர். பின்னர் சோனியா காந்தி மற்றும் ராகுல் காந்தி பெயரை சொல்லி கோஷங்கள் எழுப்பப்பட்டன.  நிகழ்ச்சியில் திண்டுக்கல் மாவட்ட மகளிரணி தலைவி சத்யா, ஆயக்குடி முன்னாள் தலைவர் பெரியதுரை, தேவேந்திரன், முருகானந்தம் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/dec/13/காங்கிரஸார்-கொண்டாட்டம்-3056879.html
3056878 மதுரை திண்டுக்கல் பழனி அழகுநாச்சியம்மன் கோயிலில் நாளை வருடாபிஷேகம் DIN DIN Thursday, December 13, 2018 02:51 AM +0530 பழனி  அழகுநாச்சியம்மன் கோயிலில் புதிய கலசம் வைக்கப்பட்டதைத் தொடர்ந்து வெள்ளிக்கிழமை (டிச.14) வருடாபிஷேகம் நடைபெறவுள்ளது.
பழனி தண்டாயுதபாணி சுவாமி கோயிலின் உபகோயிலான இக்கோயிலில் கடந்த சில தினங்களுக்கு முன்பு வருடாபிஷேகம் நடக்கும் நாளன்று கோபுரத்தில் இருந்த செம்புக் கலசத்தை மர்ம நபர் திருடி சென்றார்.  இதையடுத்து வருடாபிஷேகம் நிறுத்தப்பட்டது. கோயிலின் சிசிடிவி கேமராக்களில் திருடிய நபர் கலசத்தை சாக்குப்பையில் எடுத்துக் கொண்டு பேருந்து நிலையம் செல்வது வரையிலான காட்சிகள் பதிவாகியிருந்தன. இருந்தபோதும் இதுவரை அந்த நபர் பிடிபடவில்லை. இந்நிலையில் புதன்கிழமை இந்து சமய அறநிலையத்துறை ஆணையர் வர இருந்ததை முன்னிட்டு கோயில் சார்பில் திடீரென புதிய  செம்புக் கலசம் வாங்கப்பட்டு  கோபுரத்தில் பூஜைகள் நடத்தி நிறுவப்பட்டது. புதிய கலசம் நிறுவப்பட்டதையடுத்து வெள்ளிக்கிழமை வருடாபிஷேகம் நடத்தப்படும் என கோயில் நிர்வாகம் தெரிவித்துள்ளது.
 

]]>
http://www.dinamani.com/all-editions/edition-madurai/dindigul/2018/dec/13/பழனி-அழகுநாச்சியம்மன்-கோயிலில்-நாளை-வருடாபிஷேகம்-3056878.html
3056877 மதுரை திண்டுக்கல் சபரிமலை செல்லும் பக்தர்களின் வசதிக்காக ஜன.16 வரை சிறப்பு பேருந்துகள் DIN DIN Thursday, December 13, 2018 02:51 AM +0530 மண்டல பூஜை மற்றும் மகர விளக்கு பூஜைகளின் போது சபரிமலை செல்லும் பக்தர்களின் வசதிக்காக டிச.15 முதல் 2019 ஜனவரி 16ஆம் தேதி வரை தமிழ்நாடு அரசுப் போக்குவரத்துக் கழக திண்டுக்கல் மண்டலம் சார்பில் சிறப்பு பேருந்துகள் இயக்கப்பட உள்ளன.
இதுகுறித்து தமிழ்நாடு அரசுப் போக்குவரத்துக்கழக  மேலாண்மை இயக்குநர் (மதுரை) கே.சேனாதிபதி  தெரிவித்துள்ளது: சபரிமலை ஸ்ரீ ஐய்யப்பன் மண்டல பூஜை மற்றும் மகர விளக்கு பூஜை திருவிழாக்கள் முறையே டிச. 26 மற்றும் 2019 ஜனவரி 15ஆம் தேதிகளில் நடைபெற உள்ளது. இதனையொட்டி சபரிமலை செல்லும் பக்தர்களின் வசதிக்காக, டிச.15 முதல் 2019 ஜன.16ஆம் தேதி வரை தமிழ்நாடு அரசுப் போக்குவரத்து கழக திண்டுக்கல் மண்டலத்தின் சார்பில் சிறப்பு பேருந்துகள் இயக்கப்பட உள்ளன. திண்டுக்கல், பழனி, திருச்சி, மதுரை, தேனி ஆகிய இடங்களிலிருந்தும், அதனைச் சுற்றியுள்ள முக்கிய இடங்களிலிருந்தும் குமுளி வரை பக்தர்களின் தேவைக்கு ஏற்ப சிறப்பு பேருந்துகள் இயக்கப்படும். குமுளியிலிருந்து சபரிமலை செல்வதற்கு, கேரள மாநில போக்குவரத்துக் கழகத்தின் சார்பில் இணைப்பு பேருந்துகள் இயக்கப்படுகின்றன.
மேலும், குமுளி, திண்டுக்கல், பழனி, திருச்சி மற்றும் மதுரை ஆகிய பேருந்து நிலையங்களில் பக்தர்களுக்கு உதவும் வகையில், அரசு போக்குவரத்துக்கழகத்தின் சார்பில் அலுவலர்கள் நியமிக்கப்பட்டுள்ளனர். குமுளியில் முன்பதிவு வசதியும் வசதியும் ஏற்படுத்தப்பட்டுள்ளது என தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/dec/13/சபரிமலை-செல்லும்-பக்தர்களின்-வசதிக்காக-ஜன16-வரை-சிறப்பு-பேருந்துகள்-3056877.html
3056876 மதுரை திண்டுக்கல் பெரியநாயகியம்மன் கோயிலில் பஞ்சமூர்த்திகள் உலா DIN DIN Thursday, December 13, 2018 02:50 AM +0530 பழனி பெரியநாயகியம்மன் கோயிலில்  வருடாபிஷேகத்தை முன்னிட்டு செவ்வாய்க்கிழமை இரவு பஞ்சமூர்த்தி உலா நடைபெற்றது.
  சிவாலயங்களில் பஞ்சமூர்த்தி உலா என்பது உலகமக்கள் நலன் கருதி செய்யப்படும் முக்கிய உற்சவமாகும்.  பழனி பெரியநாயகியம்மன்  கோயிலில் செவ்வாய்க்கிழமை இரவு வருடாபிஷேகத்தை முன்னிட்டு பஞ்சமூர்த்தி உலா நடைபெற்றது.  
  உச்சிக்காலத்தின் போது வருடாபிஷேகம்,  மாலையில் திருக்கல்யாணம் நடத்தப்பட்டு இரவு பஞ்சமூர்த்தி புறப்பாடு நடைபெற்றது. வள்ளி, தெய்வானை சமேதர் முத்துக்குமாரசாமி தங்கமயில் வாகனத்திலும்,  சிவகாமி அம்பாள் சமேதர் கைலாசநாதர் ரிஷப வாகனத்திலும், பெரியநாயகியம்மன் அன்னபக்க்ஷி வாகனத்திலும் எழுந்தருள உற்சவ மூர்த்திகளுக்கு பட்டாடைகள், மலர்மாலைகள் அணிவித்து சிறப்பு அலங்காரம் செய்யப்பட்டது.  
முன்னதாக வெள்ளி மூஷிக வாகனத்தில்  விநாயகரும்,  வெள்ளி ஆட்டுக்கிடா வாகனத்தில் ஷேத்ர பாலகரான வீரபாகுவும், நந்தி வாகனத்தில் சண்டிகேசுவரர் சண்டிகேசுவரரும்  உலா எழுந்தருளினர். மஹாதீபாராதனையைத் தொடர்ந்து கோயிலின் உட்பிரகாரத்தில் உலா எழுந்தருளிய பஞ்சமூர்த்தி சுவாமிகள் கோயிலின் நான்கு ரதவீதிகளில் உலா எழுந்தருளினர்.  ஏராளமான பக்தர்கள் சுவாமிக்கு பூஜைப்பொருட்கள் வழங்கி தரிசனம் செய்தனர்.  நிகழ்ச்சியில் பழனிக்கோயில் இணை ஆணையர் செல்வராஜ், கண்காணிப்பாளர் முருகேசன்,  சித்தனாதன் சன்ஸ் செந்தில்குமார், கண்பத் கிராண்ட் ஹரிஹரமுத்து உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-madurai/dindigul/2018/dec/13/பெரியநாயகியம்மன்-கோயிலில்-பஞ்சமூர்த்திகள்-உலா-3056876.html
3056150 மதுரை திண்டுக்கல் பொதுப்பாதைக்கு இடம் ஒதுக்கக் கோரி வடமதுரை கூட்டுறவு கடன் சங்கம் முற்றுகை DIN DIN Wednesday, December 12, 2018 01:47 AM +0530 பொது பாதைக்கு இடம் ஒதுக்கக் கோரி, வடமதுரை தொடக்க வேளாண்மை கூட்டுறவு கடன் சங்கத்தை பொதுமக்கள் செவ்வாய்க்கிழமை முற்றுகையிட்டனர்.
திண்டுக்கல் மாவட்டம், வடமதுரையில் தொடக்க வேளாண்மை கூட்டுறவு கடன் சங்கம் செயல்பட்டு வருகிறது. இச்சங்கத்துக்கு 85 சென்ட் நிலம் இருந்தபோதிலும், 15 சென்ட்டில் மட்டுமே கட்டடம் அமைந்துள்ளது. இந்நிலையில், மீதம் உள்ள 70 சென்ட் நிலத்தை பாதுகாக்கும் வகையில் சுற்றுச் சுவர் கட்டும் பணி மேற்கொள்ளப்பட்டுள்ளது.
இதனை அறிந்த, வடமதுரை பேரூராட்சி 4ஆவது வார்டுக்கு உள்பட்ட அண்ணா நகர் பகுதி மக்கள், கூட்டுறவு கடன் சங்கத்தை முற்றுகையிட்டு சுற்றுச்சுவர்  கட்டும் பணிகளை நிறுத்த வேண்டும் என செவ்வாய்க்கிழமை கோரிக்கை விடுத்தனர்.
இதுதொடர்பாக அப்பகுதி மக்கள் கூறியது: கூட்டுறவு கடன் சங்கத்துக்கு சொந்தமான காலி மனையை பல ஆண்டுகளாக பொதுப்  பாதையாக  பயன்படுத்தி வருகிறோம். தற்போது சுற்றுச்சுவர் கட்டுவதால், அண்ணாநகர் மக்கள், பிரதான சாலைக்கு வர முடியாத நிலை ஏற்படும். மருத்துவமனை, பள்ளி உள்ளிட்ட இடங்களுக்கு எளிதாக செல்ல முடியாது. இதனால், பொதுமக்கள் நலன் கருதி, 15 அடி பாதைக்கான நிலத்தை கூட்டுறவு சங்கம் ஒதுக்கிவிட்டு, சுற்றுச்சுவர் கட்ட வேண்டும் என்றனர்.
அதைத்தொடர்ந்து, முற்றுகையிட்ட பொதுமக்களுடன் கூட்டுறவு கடன் சங்க செயலர் விஜயகுமார் பேச்சுவார்த்தை நடத்தினார். அப்போது, அரசுக்கு சொந்தமான நிலத்தை பொதுப்பாதையாக வழங்கும் அதிகாரம் இல்லை. 
இதுதொடர்பாக, கூட்டுறவுச் சங்க இணைப் பதிவாளரிடம் கூறி, உரிய முடிவு எடுக்கப்படும் என்றார். அதைத்தொடர்ந்து போராட்டத்தில் ஈடுபட்டவர்கள் கலைந்து சென்றனர்.

]]>
http://www.dinamani.com/all-editions/edition-madurai/dindigul/2018/dec/12/பொதுப்பாதைக்கு-இடம்-ஒதுக்கக்-கோரி-வடமதுரை-கூட்டுறவு-கடன்-சங்கம்-முற்றுகை-3056150.html
3056149 மதுரை திண்டுக்கல் பழனி பெரியநாயகி அம்மன் கோயிலில் பிரஹதீஸ்வர கைலாசநாதர் திருக்கல்யாணம் DIN DIN Wednesday, December 12, 2018 01:47 AM +0530 பழனி  பெரியநாயகியம்மன் கோயிலில் வருஷாபிஷேகத்தை முன்னிட்டு  பிரஹதீஸ்வர கைலாசநாதர், பிரஹந்நாயகியம்மன் திருக்கல்யாணம் செவ்வாய்க்கிழமை இரவு நடைபெற்றது.
இதையொட்டி விநாயகர் அனுமதி, புண்யாவாசனம் நடைபெற்ற பின்னர் கலசங்கள் வைத்து கலசபூஜை, வாத்ய பூஜை நடைபெற்றது.  தொடர்ந்து பொற்சுண்ணம் இடித்தல் நடத்தப்பட்டு பெருமானுக்கு பூணூல் அணிவிக்கப்பட்டு காப்பு கட்டப்பட்டது.  பால் கொண்டு பாதபூஜை நடத்தப்பட்டு ஊஞ்சல் உற்சவம் நடைபெற்றது.  
கோத்ர பிரவாரம், கன்யாதானம் முடிந்த பின்பு தம்பதி சமேதர் கைலாசநாதருக்கு திருக்கல்யாணம் நடைபெற்றது.  தொடர்ந்து மாலை மாற்றுதல், நெல் பொரி போடுதல், அஷ்டோத்திர அர்ச்சனைகள், சோடஷ தீபாராதனை, சோடஷ உபச்சாரம், இரவு பஞ்சமூர்த்தி புறப்பாடும் நடைபெற்றது.  உபய ஏற்பாடுகளை கண்பத் குழுமம் சார்பில் செய்யப்பட்டிருந்தன. நிகழ்ச்சியில் பழனிக்கோயில் இணை ஆணையர் செல்வராஜ், துணை ஆணையர் செந்தில்குமார், கண்பத் கிராண்ட் ஹரிஹரமுத்து, கண்காணிப்பாளர் முருகேசன், நிட் ரமேஷ், திருப்பூர் லாட்ஜ் மகேஷ்வரன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/dec/12/பழனி-பெரியநாயகி-அம்மன்-கோயிலில்-பிரஹதீஸ்வர-கைலாசநாதர்-திருக்கல்யாணம்-3056149.html
3056148 மதுரை திண்டுக்கல் கொடைக்கானலில் சுற்றுலா வழிகாட்டிகள் தர்னா  DIN DIN Wednesday, December 12, 2018 01:46 AM +0530 கொடைக்கானலில் பல்வேறு கோரிக்கைகளை வலியுறுத்தி சுற்றுலா வழிகாட்டிகள்  செவ்வாய்க்கிழமை தர்னா போராட்டம் நடத்தினர்.
கொடைக்கானலுக்கு வரும் சுற்றுலாப் பயணிகளை சுற்றுலா வழிகாட்டிகள் அழைத்துச் சென்று, அவர்கள் தங்கும் விடுதிகளுக்கு அழைத்துச் செல்வது வழக்கமாக இருந்து வருகிறது. இந்நிலையில் வெள்ளி நீர்வீழ்ச்சி அருகே தனியார் விடுதிகளைச் சேர்ந்தவர்கள் அப்பகுதிக்கு வரும் சுற்றுலாப் பயணிகளை, அவர்களது விடுதிகளுக்கு அழைத்துச் செல்கின்றனர். 
இதற்கு சுற்றுலா வழிகாட்டிகள் தொடர்ந்து எதிர்ப்புத் தெரிவித்து வந்தனர். இந்நிலையில்  சுற்றுலா வழிகாட்டிகளைத் தவிர யாரும் சுற்றுலாப் பயணிகளை விடுதிகளுக்கு அழைத்து செல்லக்  கூடாது,  சுற்றுலா வழிகாட்டிகள் அனைவருக்கும் அடையாள அட்டை வழங்க வேண்டும் என்பன உள்ளிட்ட  கோரிக்கைகளை வலியுறுத்தி  200-க்கும் மேற்பட்ட சுற்றுலா வழிகாட்டிகள் வெள்ளிநீர்வீழ்ச்சி அருகே சுமார் 4 மணி நேரம் தர்னா போராட்டம் நடத்தினர். 
இதனையடுத்து கொடைக்கானல் வட்டாட்சியர் ரமேஷ், காவல்துறை ஆய்வாளர் ராஜசேகர், நகரமைப்பு அலுவலர் முருகானந்தம் மற்றும் பல்வேறு அரசியல் கட்சிகளைச் சேர்ந்த நிர்வாகிகள் உள்ளிட்ட பலர் சுற்றுலா வழிகாட்டிகளிடம் பேச்சுவார்த்தை நடத்தினர். 
அப்போது தனியார் விடுதியைச் சேர்ந்தவர்கள் சுற்றுலாப் பயணிகளை  சிரமப்படுத்தக் கூடாது என்று உறுதி அளித்தனர்.
மேலும்  சுற்றுலா வழிகாட்டிகள் அடையாள அட்டை தெரியும்படி வைத்திருக்க வேண்டும் என்றும், இவற்றை மீறுபவர்கள் மீது காவல்துறை மூலமாக நடவடிக்கை எடுக்கப்படும் என பேச்சுவார்த்தையில் உடன்பாடு ஏற்பட்டது.  இதனைத் தொடர்ந்து தர்னாவில் ஈடுபட்ட சுற்றுலா வழிகாட்டிகள் கலைந்து சென்றனர்.

]]>
http://www.dinamani.com/all-editions/edition-madurai/dindigul/2018/dec/12/கொடைக்கானலில்-சுற்றுலா-வழிகாட்டிகள்-தர்னா-3056148.html
3056147 மதுரை திண்டுக்கல் பாலாறு அணையில் மீன்பிடிப்பதில் முறைகேடு: ஒப்பந்ததாரர் மீது நடவடிக்கைக்கு உத்தரவு DIN DIN Wednesday, December 12, 2018 01:46 AM +0530 பழனியை அடுத்த பாலாறு அணையில் மீன்பிடிப்பதில் வரைமுறைகளை மீறியதாக ஒப்பந்தகாரர் மீது நடவடிக்கை எடுக்க சார் ஆட்சியர் அருண்ராஜ் உத்தரவிட்டார்.
பழனியை அடுத்தது பாலாறு பொருந்தலாறு அணைக்கட்டு. இந்த அணையில் மீன்வளர்த்து விற்பனை செய்யும் உரிமத்தை தமிழ்நாடு மீன்வளர்ச்சிக்கழகம் சார்பில் தனியாருக்கு குத்தகைக்கு விட்டுள்ளது. அணையில் கட்லா, ரோகு, விரால், ஜிலேபி, மிருகால் உள்ளிட்ட மீன் குஞ்சுகள் வளர்க்கப்பட்டு வருகின்றன.  
இங்கு காலை 8 மணி முதல் காலை 10 மணி வரை மட்டுமே மீனவர்கள் மீன் பிடிக்க அனுமதி வழங்கப்பட்டுள்ளதாக அதிகாரிகள் தெரிவித்தனர். 
இந்நிலையில் அதிகாரிகள் இல்லாத நேரத்தில் ஒப்பந்ததாரர் மீன்பிடிப்பில் ஈடுபட்டதாக மீனவர்களை குற்றம் சாட்டியுள்ளனர்.  இதுதொடர்பாக ஒப்பந்ததாரருக்கும், மீன்வளர்ச்சிக் கழக அதிகாரிகளுக்கும் இடையே செவ்வாய்க்கிழமை வாக்குவாதம் ஏற்பட்டது.
இதனால் மீனவர்கள் அணைப்பகுதியில் மீன்பிடிக்க ஒரு வார காலம் தடை விதித்த மீன்வளர்ச்சிக்கழக அதிகாரிகள், மீன்பிடிக்கும் உரிமத்தையும் ரத்து செய்வதாக தெரிவித்துள்ளனர். 
இந்நிலையில் சம்பவ இடத்துக்கு வந்த சார் ஆட்சியர் வினீத், ஒப்பந்ததாரர் அறிவுறுத்தலின் பேரில் மீனவர்கள் முறைகேடாக மீன்பிடிக்க பயன்படுத்தப்பட்ட வலைகளையும், மீன்களையும் பறிமுதல் செய்ய உத்தரவிட்டார்.  மேலும், ஒப்பந்தாரர் மகுடீஸ்வரன் மீது காவல்நிலையத்தில் புகார் கொடுக்குமாறு மீன்வளர்ச்சிக் கழகத்தினரை அறிவுறுத்தினார்.

]]>
http://www.dinamani.com/all-editions/edition-madurai/dindigul/2018/dec/12/பாலாறு-அணையில்-மீன்பிடிப்பதில்-முறைகேடு-ஒப்பந்ததாரர்-மீது-நடவடிக்கைக்கு-உத்தரவு-3056147.html
3056146 மதுரை திண்டுக்கல் சாலை விபத்தில் இளைஞர் சாவு DIN DIN Wednesday, December 12, 2018 01:46 AM +0530 பழனி புறவழிச்சாலையில் இருசக்கர வாகனம் மீது லாரி மோதியதில் இளைஞர் திங்கள்கிழமை இரவு உயிரிழந்தார்.
பழனி அண்ணாநகரைச் சேர்ந்தவர் தன்ராஜ் (32).  இவர், திங்கள்கிழமை இரவு பழனி சிவகிரிப்பட்டி புறவழிச்சாலையில் இருசக்கர வாகனத்தில் சென்று கொண்டிருந்தார். அப்போது கொடைக்கானல் சாலை சந்திப்பு அருகே எதிர்பாராதவிதமாக லாரி மோதியதில் தன்ராஜ் சம்பவ இடத்திலேயே உயிரிழந்தார். இந்த விபத்து குறித்து அடிவாரம் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/dec/12/சாலை-விபத்தில்-இளைஞர்-சாவு-3056146.html
3056144 மதுரை திண்டுக்கல் கொடைரோடு அருகே குளத்தில் மூழ்கி பள்ளி மாணவர் சாவு DIN DIN Wednesday, December 12, 2018 01:45 AM +0530 திண்டுக்கல் மாவட்டம் கொடைரோடு அருகே செவ்வாய்க்கிழமை குளத்தில் குளிக்கச் சென்ற பள்ளி மாணவர் தண்ணீரில் மூழ்கி உயிரிழந்தார்.
 திண்டுக்கல் மாவட்டம் அம்மையநாயக்கனூர் பகுதியை சேர்ந்தவர் பிரின்ஸ் இவரது மகன் ஜான் (13). அதே பகுதியில் உள்ள அரசுப் பள்ளியில் 8 ஆம் வகுப்பு பயின்று வந்தார். இந்நிலையில் செவ்வாய்க்கிழமை பள்ளி முடிந்த பின் தனது நண்பர்களுடன் பொட்டிச்செட்டிபட்டி பகுதியில் உள்ள அரண்மனை குளத்திற்கு தனது நண்பர்களுடன் ஜான் குளிக்கச் சென்றுள்ளார். அப்போது நீச்சல் தெரியாத ஜான் தண்ணீரில் மூழ்கி உயிரிழந்தார். 
இதுகுறித்து தகவலறிந்த நிலக்கோட்டை தீயணைப்புத் துறையினர் சம்பவ இடத்திற்கு சென்று ஜானின் சடலத்தை மீட்டனர். இதுதொடர்பாக அம்மையநாயக்கனூர் போலீஸார் விசாரணை மேற்கொண்டு வருகின்றனர்.
 

]]>
http://www.dinamani.com/all-editions/edition-madurai/dindigul/2018/dec/12/கொடைரோடு-அருகே-குளத்தில்-மூழ்கி-பள்ளி-மாணவர்-சாவு-3056144.html
3056143 மதுரை திண்டுக்கல் காங்கிரஸ் கட்சியினர் கொண்டாட்டம் DIN DIN Wednesday, December 12, 2018 01:45 AM +0530 வடமாநில தேர்தல்களில் முன்னிலை பெற்றதையடுத்து கொடைக்கானலில் காங்கிரஸ் கட்சியினர் செவ்வாய்க்கிழமை பட்டாசு வெடித்து  கொண்டாடினர்.
மத்தியப் பிரதேசம், ராஜஸ்தான், சத்தீஸ்கர் உள்ளிட்ட 3 மாநிலங்களில் நடைபெற்ற சட்டப்பேரவை தேர்தலில் காங்கிரஸ் கட்சியினர் முன்னிலை பெற்றுள்ளனர். இதனைத் தொடர்ந்து கொடைக்கானலில் உள்ள காங்கிரஸ் கட்சியினர்  பேருந்து நிலையப் பகுதி, மூஞ்சிக்கல், நாயுடுபுரம் ஆகிய பகுதிகளில் பட்டாசு வெடித்தும், பொதுமக்களுக்கு இனிப்புகள் வழங்கியும் கொண்டாடினர். இந் நிகழ்ச்சியில் கொடைக்கானல் நகர, ஒன்றியப் பகுதிகளைச் சேர்ந்த காங்கிரஸ் கட்சி நிர்வாகிகள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/12/காங்கிரஸ்-கட்சியினர்-கொண்டாட்டம்-3056143.html
3056142 மதுரை திண்டுக்கல் பெரியநாயகியம்மன் கோயிலில் வருடாபிஷேகம் DIN DIN Wednesday, December 12, 2018 01:45 AM +0530 பழனி பெரியநாயகியம்மன் கோயிலில் கும்பாபிஷேக தினத்தை முன்னிட்டு செவ்வாய்க்கிழமை வருடாபிஷேகம் நடைபெற்றது.
பழனி தண்டாயுதபாணி சுவாமி கோயிலின் உபகோயிலான இக்கோயிலிலே தான் தைப்பூசம், வசந்தோற்சவம் உள்ளிட்ட பல திருவிழாக்கள் நடைபெறுகின்றன. இக்கோயிலில் கடந்த ஆண்டு இதே நாளில் கும்பாபிஷேகம் நடைபெற்றதால் செவ்வாய்க்கிழமை வருடாபிஷேகம் நடைபெற்றது. உச்சிக்காலத்தின் போது கைலாசநாதர், பிரஹந்நாயகியம்மன், வள்ளி, தெய்வானை சமேத சோமாஸ்கந்தருக்கு சிறப்பு அபிஷேகம், அலங்காரம் செய்யப்பட்டது.
 முன்னதாக ஐந்து கலசங்களை பிரதானமாக வைத்து மயூர யாகபூஜை நடைபெற்றது. நிறைவில் பூர்ணாஹுதி நடத்தப்பட்டு கலசங்களுக்கு மகா தீபாராதனை காட்டப்பட்டது. பின்னர் கலசங்கள் மேளதாளம் முழங்க கோயிலை வலம் வந்து கருவறையில் உள்ள மூலவர் சுவாமிகளுக்கு அபிஷேகம் செய்யப்பட்டது. இந்நிகழ்ச்சியில் கண்பத் கிராண்ட் ஹரிஹரமுத்து, கண்காணிப்பாளர் முருகேசன் மற்றும் பக்தர்கள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/12/பெரியநாயகியம்மன்-கோயிலில்-வருடாபிஷேகம்-3056142.html
3056140 மதுரை திண்டுக்கல் கொடைக்கானல் அருகே ஆதிவாசி மனிதர்கள் வாழ்ந்த கற்குகைகள்: பொதுமக்கள் பராமரிப்பு DIN DIN Wednesday, December 12, 2018 01:45 AM +0530 கொடைக்கானல் அருகே பேத்துப்பாறை பகுதியில் பழங்கால ஆதிவாசி மனிதர்கள் வாழ்ந்த குகையை அப்பகுதி மக்கள் பராமரிக்க திண்டுக்கல் மாவட்ட ஆட்சியர் டி.ஜி.வினய் அனுமதி வழங்கியுள்ளார்.
கொடைக்கானல் மலைப் பகுதியில் பேத்துப்பாறை, வாழைகிரி, தாண்டிக்குடி, பண்ணைக்காடு, கடுகுதடி உள்ளிட்ட பல்வேறு இடங்களில் ஆதிவாசி மனிதர்கள் வாழ்ந்த குகைகள் உள்ளன. பேத்துப்பாறைப் பகுதியில் 5-கற்குகைகள் இருப்பதால், இந்த குகையை பஞ்சபாண்டவர்கள் பயன்படுத்தியதாக முன்னோர்கள் கூறி வருகின்றனர். இந்த குகையில் பழங்கால விளையாட்டுப் பொருள்கள் பயன்படுத்தியதற்காக அறிகுறிகள் உள்ளன.கடந்த சில ஆண்டுகளுக்கு முன்பு தொல்லியல் துறையினர் ஆய்வு செய்து, அப்பகுதியில் பதாகைகள் வைத்துள்ளனர்.இப்பகுதியில் உள்ள கற்குகைகளை பராமரிக்க அனுமதி கோரி அப்பகுதி மக்கள், திண்டுக்கல் மாவட்ட ஆட்சியர் டி.ஜி.வினய்யிடம் கோரிக்கை வைத்தனர். அதனை ஏற்று மாவட்ட ஆட்சியர் கற்குகைகளை பராமரிக்க அனுமதி வழங்கினார்.
இதனைத்தொடர்ந்து பேத்துப்பாறையைச் சேர்ந்த பொது மக்கள், பள்ளி மாணவர்கள் கற்குகைகளை சுத்தம் செய்தனர். மேலும் செவ்வாய்க்கிழமை பூமி பூஜை செய்து வழிபட்டனர். இந்நிகழ்ச்சியில் அப் பகுதியைச் சேர்ந்த பொதுமக்கள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/12/கொடைக்கானல்-அருகே-ஆதிவாசி-மனிதர்கள்-வாழ்ந்த-கற்குகைகள்-பொதுமக்கள்-பராமரிப்பு-3056140.html
3056139 மதுரை திண்டுக்கல் ஜெருசேலம் புனித பயணத்திற்கான அரசின் நிதி உதவி பெற விண்ணப்பிக்கலாம் DIN DIN Wednesday, December 12, 2018 01:44 AM +0530 ஜெருசலேம் புனித பயணம் மேற்கொள்வதற்காக தமிழக அரசின் சார்பில் வழங்கப்படும் ரூ.20 ஆயிரம் நிதி உதவியை பெற விரும்புவோர் விண்ணப்பிக்கலாம் என செவ்வாய்க்கிழமை தெரிவிக்கப்பட்டுள்ளது. 
இதுகுறித்து திண்டுக்கல் மாவட்ட ஆட்சியர் டி.ஜி.வினய் தெரிவித்துள்ளது:  இப்புனித பயணம் பெத்லஹேம், ஜெருசலேம், நாசரேத், ஜோர்டான் நதி, கலிலேயா சமுத்திரம் மற்றும் கிறிஸ்தவ மதம் தொடர்புடைய  பிற புனித தலங்களையும் உள்ளடக்கியது. டிசம்பர் 2018 முதல் ஜனவரி 2019 வரை மேற்கொள்ளும் வகையில் உத்தேசிக்கப்பட்டுள்ள புனித பயணம், 10 நாள்கள் வரை இருக்கும். விண்ணப்பப் படிவங்களை, மாவட்ட ஆட்சியர் அலுவலகத்தில் இயங்கும் மாவட்ட பிற்படுத்தப்பட்டோர் மற்றும் சிறுபான்மையினர்  நல அலுவலகங்களிலிருந்து கட்டணமின்றி பெறலாம்.  இதற்கான நிபந்தனைகள், விதிமுறைகள், மற்றும் விண்ணப்பப் படிவம் ஆகியவற்றை  w‌w‌w.​b​c‌m​b​c‌m‌w.‌t‌n.‌g‌o‌v.‌i‌n என்ற இணையதள முகவரியில் காணலாம். விண்ணப்பப் படிவங்களை பதிவிறக்கம் செய்தும் பயன்படுத்தலாம். பூர்த்தி செய்யப்பட்ட விண்ணப்பங்கள் தேவையான அனைத்து இணைப்புகளுடன்  அஞ்சல் உறையில் ஜெருசலேம்  புனித பயணத்திற்கான  விண்ணப்பம் என குறிப்பிட்டு, மேலாண்மை இயக்குநர், தமிழ்நாடு சிறுபான்மையினர் பொருளாதார மேம்பாட்டுக்கழகம், கலசமஹால், பாரம்பரிய கட்டடம், முதல் தளம், சேப்பாக்கம், சென்னை-600 005 என்ற முகவரிக்கு அனுப்ப வேண்டும் என தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/dec/12/ஜெருசேலம்-புனித-பயணத்திற்கான-அரசின்-நிதி-உதவி-பெற-விண்ணப்பிக்கலாம்-3056139.html
3056137 மதுரை திண்டுக்கல் பழனியில் கூட்டுறவுச் சங்கத் தேர்தல்: வேட்பாளர் பட்டியலை அதிமுகவினர் கிழித்ததைக் கண்டித்து அமமுகவினர் மறியல் DIN DIN Wednesday, December 12, 2018 01:43 AM +0530 பழனியில் வேளாண்மை உற்பத்தியாளர்கள் கூட்டுறவு விற்பனை சங்கத் தேர்தலில் இறுதி வேட்பாளர் பட்டியலை அதிமுகவினர் கிழித்ததைக் கண்டித்து அமமுகவினர் செவ்வாய்க்கிழமை சாலை மறியலில் ஈடுபட்டனர். 
திண்டுக்கல் மாவட்டம் பழனி- திண்டுக்கல் சாலையில் வேளாண்மை உற்பத்தியாளர்கள் கூட்டுறவுச் சங்கம் செயல்பட்டு வருகிறது. இந்த கூட்டுறவு சங்கத்திற்கான தேர்தல் வரும் 14 ஆம் தேதி நடைபெற உள்ளது. தேர்தலை முன்னிட்டு வேட்புமனுத் தாக்கல் முடிந்து, வேட்புமனு பரிசீலனை செவ்வாய்க்கிழமை நடைபெற்றது. 
இதனையடுத்து மாலை இறுதி வேட்பாளர் பட்டியல் அலுவலகத்தின் தகவல் பலகையில் ஒட்டப்பட்டது.  
அப்போது அங்கு வந்த அதிமுகவைச் சேர்ந்த செல்வக்குமார், ஒட்டப்பட்ட வேட்பாளர் பட்டியலை கிழித்து எறிந்துவிட்டு ஓடியதால் பரபரப்பு ஏற்பட்டது. 
இதனையடுத்து அங்கிருந்த அமமுகவினர், செல்வக்குமாரை விரட்டிச் சென்ற போது வாகனத்தில் ஏறி தப்பிவிட்டார். இதனையடுத்து பழனி-திண்டுக்கல் தேசிய நெடுஞ்சாலையில் அமமுக நகரச் செயலாளர் கணேசன், ஒன்றியச் செயலாளர் ஆறுமுகம், ஒட்டன்சத்திரம் ஒன்றியச் செயலாளர் சண்முகம் உள்ளிட்டோர் சாலை மறியலில் ஈடுபட்டனர். 
தவலறிந்து சம்பவ இடத்திற்கு வந்த பழனி நகர காவல்ஆய்வாளர் பொன்னிவளவன் அமமுக வினருடன் பேச்சுவார்த்தை நடத்தினர். அப்போது வேட்பாளர் பட்டியலை மீண்டும் ஒட்டவேண்டும் என்றும், கிழித்து எறிந்து விட்டு ஓடிய நபரை கைது செய்யவேண்டும் என்று தெரிவித்தனர். இதனையடுத்து உடனடியாக  இறுதி வேட்பாளர் பட்டியல் மீண்டும் அறிவிப்புப் பலகையில் ஒட்டப்பட்டது.
 இதனையடுத்து அமமுகவினர் சாலை மறியலை கைவிட்டு கலைந்து சென்றனர்.  இதே கூட்டுறவு வு சங்கத் தேர்தல் முன்பு நடைபெற்ற போதும், அதிமுகவினர் வேட்பாளர் பட்டியலை கிழித்து சென்றதால் தேர்தல் ஒத்தி வைக்கப்பட்டது குறிப்பிடத்தக்கது.

]]>
http://www.dinamani.com/all-editions/edition-madurai/dindigul/2018/dec/12/பழனியில்-கூட்டுறவுச்-சங்கத்-தேர்தல்-வேட்பாளர்-பட்டியலை-அதிமுகவினர்-கிழித்ததைக்-கண்டித்து-அமமுகவினர்-3056137.html
3056136 மதுரை திண்டுக்கல் பழனி மலைக்கோயில் உண்டியல் காணிக்கை ரூ.1.32 கோடி DIN DIN Wednesday, December 12, 2018 01:43 AM +0530 பழனி தண்டாயுதபாணி சுவாமி கோயில் உண்டியல்களில் பக்தர்கள் காணிக்கையாக ரூ.1.32 கோடி செலுத்தியிருந்தனர். உண்டியல்கள் நிரம்பியதையடுத்து செவ்வாய்க்கிழமை திறந்து எண்ணப்பட்ட போது  தங்கம் 725 கிராம், வெள்ளி 4,190 கிராம் மற்றும் வெளிநாட்டு கரன்சிகளும் இருந்தன. 
தமிழகத்தின் முதன்மைக் கோயிலான பழனி  தண்டாயுதபாணி சுவாமி கோயில் உண்டியல்கள் கடந்த 14 நாள்களில் நிரம்பியதைத் தொடர்ந்து  திறக்கப்பட்டு எண்ணப்பட்டது. 
 மலைக்கோயில் கார்த்திகை மண்டபத்தில் நடைபெற்ற உண்டியல் எண்ணும் பணியில் 500-க்கும் மேற்பட்ட கல்லூரி மாணவிகள், ஆசிரியர்கள், கோயில் அலுவலர்கள் ஈடுபட்டனர்.  
இதில் பக்தர்கள் காணிக்கையாக ரூ. 1,32,17, 660 செலுத்தியிருந்தனர். 
இதுதவிர பக்தர்கள் தங்கத்தாலான வேல், பட்டை, தாலி, மோதிரம், செயின், தங்கக்காசு போன்றவற்றையும் வெள்ளியால் ஆன பிஸ்கட், காசுகள், சிறிய வீடு, தொட்டில், வேல், கொலுசு, பாதம் போன்றவற்றையும் காணிக்கையாக செலுத்தியிருந்தனர்.  
இதில் தங்கம் 725 கிராமும், வெள்ளி 4,190 கிராமும் இருந்தன. மலேசியா, சிங்கப்பூர், அமெரிக்கா, ஜப்பான், ஆஸ்திரேலியா உள்ளிட்ட பல்வேறு நாட்டு கரன்சிகள் 1,229-ம் இருந்தன. 
இவை தவிர பித்தளை வேல், கைக்கடிகாரம், ஏலக்காய், முந்திரி, நவதானியங்கள், பட்டாடைகளையும் பக்தர்கள் காணிக்கையாக செலுத்தியிருந்தனர். 
உண்டியல் எண்ணும் நிகழ்ச்சியில் பழனிக்கோயில் இணை ஆணையர் செல்வராஜ், துணை ஆணையர்(பொறுப்பு) செந்தில்குமார், திண்டுக்கல் இந்து சமய அறநிலையத்துறை உதவி ஆணையர் சிவலிங்கம், மேலாளர் உமா உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/dec/12/பழனி-மலைக்கோயில்-உண்டியல்-காணிக்கை-ரூ132-கோடி-3056136.html
3056134 மதுரை திண்டுக்கல் பாரதியாரின் 137ஆவது பிறந்த தினம் DIN DIN Wednesday, December 12, 2018 01:42 AM +0530 திண்டுக்கல் மாவட்ட காமராஜர் சிவாஜி தேசிய பேரவை சார்பில், மகாகவி பாரதியாரின் 137-ஆவது பிறந்த தினம், ராஜாஜியின் 141-ஆவது பிறந்த தினம், குதிராம் போஸ் 130-ஆவது பிறந்த தினம் செவ்வாய்க்கிழமை கொண்டாடப்பட்டது. 
திண்டுக்கல் காமராஜர் சிலை வளாகத்தில் நடைபெற்ற நிகழ்ச்சிக்கு, பேரவையின் அரசியல் ஆலோசகர்  சி.கே.ராதாகிருஷ்ணன் தலைமை வகித்தார். மாவட்ட துணைத் தலைவர் சி.தவசி நாகராஜன் முன்னிலை வகித்தார். மறைந்த தலைவர்களின் திருவுருவப்படங்களுக்கு மாலை 
அணிவித்து மரியாதை செலுத்தப்பட்டது. பின்னர், ஸ்ரீராமகிருஷ்ண ஆசிரமத்திலுள்ள சிறுவர்களுக்கு இனிப்புகள் வழங்கப்பட்டன. அதனைத் தொடர்ந்து நிறைவேற்றப்பட்ட தீர்மானங்கள் விவரம்:  
தேசியக்கவி பாரதியார் பிறந்த எட்டையபுரத்திற்கு தேசிய மகாகவி பாரதிபுரம் என பெயர் சூட்ட வேண்டும். ஓசூர் தொடர் வண்டி நிலையத்திற்கு மூதறிஞர் ராஜாஜி பெயரைச் சூட்ட வேண்டும்.  கன்னியாகுமரி முதல் ஹவுரா வரை இயக்கப்படும் தொடர் வண்டிக்கு, குதிராம் போஸ் பெயரை சூட்ட வேண்டும் என்ற கோரிக்கைகளை வலியுறுத்தி தீர்மானங்கள் நிறைவேற்றப்பட்டன. நிகழ்ச்சியில் காமராஜர் சிவாஜி பேரவையின் மாநகரத் தலைவர் க.ஆனந்தன், வி.ஹெச்.ஹரிகரன், பி.கே.பி.பாலன் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/12/பாரதியாரின்-137ஆவது-பிறந்த-தினம்-3056134.html
3056133 மதுரை திண்டுக்கல் பழனியில் நெல் பண்ணைப்பள்ளி DIN DIN Wednesday, December 12, 2018 01:42 AM +0530 பழனி வேளாண்மை உதவி இயக்குநர் அலுவலகத்தில் திங்கள்கிழமை நெல் பண்ணைப் பள்ளி நடைபெற்றது.
நிகழ்ச்சிக்கு வேளாண்மை துணை இயக்குநர் தமிழ்ச்செல்வன் தலைமை வகித்தார்.  நிகழ்ச்சியில் செம்மை நெல் சாகுபடி குறித்து விளக்கப்பட்டது.  பூஞ்சான நோய்களை கட்டுப்படுத்த விதை நேர்த்தி செய்தல், நாற்றாங்காலில் இருந்து நாற்று நடும்போது உயிர் உரத்தில் நனைத்து நடும்போது உரச்செல்வு குறைதல் குறித்து விவசாயிகளுக்கு விவரிக்கப்பட்டது.  
மேலும், வேளாண்மை விரிவாக்க மையத்தில் 110 மற்றும் 120 நாள்களில் ஹெக்டேருக்கு ஆறாயிரம் முதல் பதினோறாயிரம் கிலோ வரை மகசூல் தரக்கூடிய சான்று பெற்ற நெல் விதைகள் மானிய விலையில் வழங்கப்படுவதாகவும் தெரிவிக்கப்பட்டது.  
நிகழ்ச்சியில் 25 விவசாயிகள் பங்கேற்றனர். ஏற்பாடுகளை வேளாண்துறை மற்றும் அட்மா தொழில்நுட்ப பிரிவினர் செய்திருந்தனர்.

]]>
http://www.dinamani.com/all-editions/edition-madurai/dindigul/2018/dec/12/பழனியில்-நெல்-பண்ணைப்பள்ளி-3056133.html
3056132 மதுரை திண்டுக்கல் வத்தலகுண்டு அருகே தண்ணீரின்றி கருகும் 210 ஏக்கர் நெல் பயிர்கள் DIN DIN Wednesday, December 12, 2018 01:42 AM +0530 மருதாநதியிலிருந்து திறக்கப்பட்ட தண்ணீர் வந்தடையாததால், வத்தலகுண்டு அருகே 210 ஏக்கரில் நடவு செய்யப்பட்டுள்ள நெல் நாற்றுகள் கருகும் நிலை ஏற்பட்டுள்ளது.
 திண்டுக்கல் மாவட்டம்,  வத்தலகுண்டு அடுத்துள்ள எம்.வாடிப்பட்டி பகுதியில் அமைந்துள்ள கோபாலசமுத்திரம் கண்மாய்க்கு, கடந்த நவம்பர் 16 ஆம் தேதி ஏற்பட்ட "கஜா' புயலால் பெய்த மழையில் சிறிது தண்ணீர் வரத் தொடங்கியது. மேலும், இக்கண்மாய்க்கு தண்ணீர் வழங்க கூடிய மருதாநதி அணையும், கொடைக்கானல் மலைப் பகுதியில் பெய்த கன மழையால் முழு கொள்ளளவை எட்டியது. இதனால் மகிழ்ச்சி அடைந்த எம்.வாடிப்பட்டி விவசாயிகள் கோபாலசமுத்திர கண்மாயில் தேங்கிய தண்ணீரை மூலதனமாக கொண்டு, சுமார் 210 ஏக்கர் பரப்பில் நெல் நடவுப் பணிகளை தொடங்கினர். மேலும், பொதுப்பணித்துறை அலுவலர்களுடனான கூட்டத்திலும் மருதாநதி அணையிலிருந்து துரிதமாக தண்ணீர் வழங்க நடவடிக்கை எடுக்கப்படும் என உறுதி அளிக்கப்பட்டது. இதனால் உற்சாகமடைந்த விவசாயிகள், கடந்த 15 நாள்களுக்கு முன்னதாக 210 ஏக்கரிலும் நெல் நாற்று நடவுப் பணிகளை முடித்துவிட்டனர். 
ஆனால், பொதுப்பணித்துறை சார்பில் மருதாநதி அணையிலிருந்து திறக்கப்பட்ட தண்ணீர், எம்.வாடிப்பட்டிக்கு முன்னதாகவுள்ள 3 கண்மாய்களுக்கு மட்டுமே இதுவரை வந்து கொண்டிருக்கிறது. எம்.வாடிப்பட்டி கோபாலசமுத்திரத்திற்கு தண்ணீர் கிடைக்காத நிலையில், நெல் சாகுபடி செய்யப்பட்டுள்ள வயல்களுக்கு தண்ணீர் பாய்ச்ச முடியாத நிலை ஏற்பட்டுள்ளது. தண்ணீரின்றி வறண்ட வயல் பரப்புகளில் வெடிப்பு ஏற்படத் தொடங்கியுள்ளது. மேலும், நெல் நாற்றுகளும் கருகும் நிலையில் உள்ளன. இதனால், அப்பகுதியைச் சேர்ந்த விவசாயிகள் கடும் அதிர்ச்சி அடைந்துள்ளனர்.
இதுதொடர்பாக எம்.வாடிப்பட்டியைச் சேர்ந்த விவசாயி செந்தில் பாண்டியன் செவ்வாய்க்கிழமை கூறியது: ஏக்கருக்கு ரூ. 20 ஆயிரம் வரை செலவு செய்து நடவுப் பணிகள் மேற்கொள்ளப்பட்டுள்ளன. இதனிடையே, "கஜா' புயலுக்கு பின்னர் மழையும் பெய்யவில்லை. மருதாநதியிலிருந்த திறக்கப்பட்டுள்ள தண்ணீரும் கோபாலசமுத்திரத்திற்கு வந்து சேரவில்லை. ஓரிரு நாள்களில் தண்ணீர் கிடைக்காதபட்சத்தில், 210 ஏக்கரில் சாகுபடி செய்யப்பட்டுள்ள நெல் பயிர்கள் முழுமையாக கருகிவிடும். இந்த சூழலைக் கருத்தில் கொண்டு, கோபாலசமுத்திர கண்மாய்க்கு தண்ணீர் திறக்க வேண்டும் என்றார். 

]]>
http://www.dinamani.com/all-editions/edition-madurai/dindigul/2018/dec/12/வத்தலகுண்டு-அருகே-தண்ணீரின்றி-கருகும்-210-ஏக்கர்-நெல்-பயிர்கள்-3056132.html
3055582 மதுரை திண்டுக்கல் கிராம நிர்வாக அலுவலர்கள் காலவரையற்ற  வேலைநிறுத்தப் போராட்டம் DIN DIN Tuesday, December 11, 2018 06:02 AM +0530 நான்கு அம்ச கோரிக்கைகளை வலியுறுத்தி கிராம நிர்வாக அலுவலர்கள் காலவரையற்ற வேலை நிறுத்தப் போராட்டத்தை திங்கள்கிழமை முதல் தொடங்கியுள்ளனர். 
கிராம நிர்வாக அலுவலர்களுக்கு மாவட்டம் விட்டு மாவட்டம் பணியிட மாறுதல் வழங்க வேண்டும், கூடுதல் பணிகளை மேற்கொண்டு வந்த கிராம நிர்வாக அலுவலருக்கு வழங்கப்பட்டு வந்த 6 மாத கூடுதல் ஊதியத்தை மீண்டும் வழங்க வேண்டும். மீண்டும் பழைய ஓய்வூதியத் திட்டத்தை செயல்படுத்த வேண்டும் என்பன உள்ளிட்ட கோரிக்கைகளை நிறைவேற்ற வலியுறுத்தி இப்போராட்டத்தை தொடங்கியுள்ளனர். 
திண்டுக்கல் மாவட்டத்தில் நடைபெற்ற வேலை நிறுத்தப் போராட்டத்தில் 233 கிராம நிர்வாக அலுவலர்கள் கலந்து கொண்டனர். இந்த போராட்டத்தின் ஒரு பகுதியாக, மக்களைத் தேடிச் சென்று தங்கள் கோரிக்கைகள் தொடர்பான துண்டு பிரசுரங்களை வழங்கினர். இதுதொடர்பாக, தமிழ்நாடு கிராம நிர்வாக அலுவலர் சங்கத்தின் திண்டுக்கல் மாவட்டத்  தலைவர் சி.ராஜரத்தினம் கூறியதாவது: 
4அம்ச கோரிக்கைகள் குறித்து பொதுமக்களிடம் விளக்கம் அளிக்கும் வகையில், ஒவ்வொரு வட்டத்திலும் ஒரு குறுவட்டத்தை தேர்வு செய்து, அந்தந்த வட்டத்திலுள்ள அனைத்து கிராம நிர்வாக அலுவலர்களும் துண்டு பிரசுரங்கள் வழங்க முடிவு செய்யப்பட்டிருந்தது. அதன்படி, திண்டுக்கல் மாவட்டத்தில் திங்கள்கிழமை நடைபெற்ற மக்களைத் தேடி போராட்டம், பாளையம், கள்ளிமந்தையம், பழனி, திண்டுக்கல், செங்குறிச்சி, சின்னாளப்பட்டி, வத்தலகுண்டு, தாண்டிக்குடி பகுதிகளில் திங்கள்கிழமை நடைபெற்றது. 
இதில், மாவட்டத்திலுள்ள 233 கிராம நிர்வாக அலுவலர்கள் கலந்து கொண்டனர். இதேபோல், செவ்வாய் மற்றும் புதன்கிழமைகளிலும் மற்றொரு குறுவட்டத்தில் துண்டு பிரசுரம் வழங்கப்படும்.  வியாழன் மற்றும் வெள்ளிக்கிழமைகளில், அந்தந்த வட்டாட்சியர் அலுவலகம் முன்பு காலை, மாலை என இருவேளைகளில் ஆர்ப்பாட்டம் நடத்தப்படும் என்றார்.
தேனி:  தேனி வட்டாட்சியர் அலுவலகம் முன் நடைபெற்ற ஆர்ப்பாட்டத்திற்கு தமிழ்நாடு கிராம நிர்வாக அலுவலர்கள் சங்க மாவட்டத் தலைவர் கார்த்திக் தலைமை வகித்தார். மாவட்ட பொருளாளர் மதுக்கண்ணன், வட்டாரச் செயலர் மகேஸ்வரி ஆகியோர் முன்னிலை வகித்தனர். 
இதில், புதிய ஓய்வூதியத் திட்டத்தை அரசு கைவிட வேண்டும், கிராம நிர்வாக அலுவலகங்களில் அடிப்படை வசதி மற்றும் இணைய தள சேவை வசதி செய்து தர வேண்டும், காலிப் பணியிடம் உள்ள கிராமங்களுக்கு கூடுதல் பொறுப்பு வகிக்கும் கிராம நிர்வாக அலுவலர்களுக்கு பொறுப்பூதியம் வழங்க வேண்டும், வருவாய் துறை சான்றிதழ் மற்றும் பட்டா வழங்கும் நடைமுறையில் மாற்றம் செய்யக் கூடாது என்பன உள்ளிட்ட கோரிக்கைகளை வலியுறுத்தினர்.
 

]]>
http://www.dinamani.com/all-editions/edition-madurai/dindigul/2018/dec/11/கிராம-நிர்வாக-அலுவலர்கள்-காலவரையற்ற--வேலைநிறுத்தப்-போராட்டம்-3055582.html
3055581 மதுரை திண்டுக்கல் வல்லக்குண்டபுரம் கோயில் நகைகள் அறநிலையத்துறையிடம் ஒப்படைப்பு DIN DIN Tuesday, December 11, 2018 06:02 AM +0530 ஒட்டன்சத்திரம் அருகே கொத்தயம் ஊராட்சி வல்லக்குண்டபுரம் சுயம்பு முத்துமாரியம்மன் கோயில் நகைகள் இந்துசமய அறநிலைத்துறை அதிகாரிகளிடம் திங்கள்கிழமை ஒப்படைக்கப்பட்டன.
திண்டுக்கல் மாவட்டம் ஒட்டன்சத்திரம் அடுத்துள்ள கொத்தையம் ஊராட்சியில் உள்ள வல்லக்குண்டபுரத்தில் சுயம்பு முத்துமாரியம்மன் கோவில் உள்ளது. இந்த கோயில் கடந்த சில ஆண்டுகளுக்கு முன்பு இந்து அறநிலைத்துறை வசம் ஒப்படைக்கப்பட்டது.   கோயிலின் நகைகள் அறங்காவலர்கள் அப்பன் என்ற பழனிச்சாமி, முருகசாமி என்ற பழனிச்சாமி, சின்னச்சாமி ஆகியோர் வசம் இருந்தது. 
இந்த நிலையில் கோயிலுக்கு அறநிலைத்துறை சார்பில் தனி அதிகாரியை நியமிக்க வேண்டும் என்று பொதுமக்கள் கோரிக்கை வைத்தனர். அதன் பேரில் ரெட்டியார்சத்திரம்  கோபிநாதசுவாமி திருக்கோயில் செயல் அலுவலர் கணபதி முருகன் கடந்த நவம்பர் மாதம் 30-ஆம் தேதி கோயில் அதிகாரியாக பொறுப்பு ஏற்றார். 
அதனைத் தொடர்ந்து கோயிலில் உள்ள தங்கம் மற்றும் வெள்ளி பொருள்கள் ஒப்படைக்கும் பணி திங்கள்கிழமை கோயில் வளாகத்தில் நடைபெற்றது. அதில் வெள்ளி சாமி சிலை, வெள்ளி திருவாச்சி, வெள்ளி சூலாயுதம் மற்றும் 101 பவுன் தங்கக் காசு மாலை,தங்க கண்மலர், தங்கத் தாலி பொட்டு உள்ளிட்டவை மதிப்பீடு செய்யப்பட்டன.
அதே போல பூஜை பொருள்களாக பித்தளை குத்துவிளக்கு, மணி, செம்பு உள்ளிட்டவைகளும் மதிப்பீடு செய்யப்பட்டன. அதன் பிறகு அந்த பொருள்களை தேனி, திண்டுக்கல் மாவட்டங்களுக்கான இந்து சமய அறநிலைத்துறை அதிகாரி சிவலிங்கம் முன்னிலையில் கோயில் அதிகாரி கணபதி முருகன் பெற்றுக்கொண்டார். பூஜை பொருள்கள் கோயில் பூசாரியிடம் ஒப்படைக்கப்பட்டன. தங்க காசு மாலை மட்டும் வங்கி லாக்கரில் வைக்க அதிகாரிகள் முடிவு செய்து எடுத்துச் சென்றனர்.

]]>
http://www.dinamani.com/all-editions/edition-madurai/dindigul/2018/dec/11/வல்லக்குண்டபுரம்-கோயில்-நகைகள்-அறநிலையத்துறையிடம்-ஒப்படைப்பு-3055581.html
3055580 மதுரை திண்டுக்கல் மரத்தில் கார் மோதி ராணுவ வீரர் சாவு DIN DIN Tuesday, December 11, 2018 06:02 AM +0530 திண்டுக்கல் அருகே  திங்கள்கிழமை சாலையோர மரத்தில் கா ர் மோதியதில், திருச்சியைச் சேர்ந்த ராணுவ வீரர் உயிரிழந்தார்.
திருச்சி அடுத்துள்ள எட்டரை கோம்பு பகுதியைச் சேர்ந்தவர் லோகநாதன் (38).  ராணுவ வீரரான  இவர், அருணாச்சல பிரதேச மாநில எல்லையில் பணிபுரிந்து வந்தார். இவரது மனைவி சங்கரி (29). இவர்களுக்கு வைஸ் லதா (3) என்ற மகளும், கனிஷ்க்(1) என்ற மகனும் உள்ளனர்.   இந்நிலையில்,  விடுமுறையில் சொந்த ஊருக்கு வந்த லோகநாதன், குடும்பத்தினருடன் சுவாமி தரிசனம் செய்வதற்காக பழனிக்கு திங்கள்கிழமை வந்துள்ளார். 
சுவாமி தரிசனம் செய்த பின், திருச்சிக்கு காரில் புறப்பட்டுள்ளனர். காரை லோகநாதனே ஓட்டி வந்துள்ளார். திண்டுக்கல் அடுத்துள்ள அக்கரைப்பட்டி பகுதியில் வந்து கொண்டிருந்தபோது, சாலையோரமாக இருந்த புளிய மரத்தில் மோதி கார் விபத்துக்குள்ளானது. 
இதில், லோகநாதன் சம்பவ இடத்திலேயே உயிரிழந்தார். காயமடைந்த சங்கரி,  குழந்தைகள் வைஸ் லதா, கனிஷ்க் மற்றும் உறவினர் சக்திவேல் ஆகியோர் சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டனர். 
விபத்து குறித்து ரெட்டியார்சத்திரம் போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/dec/11/மரத்தில்-கார்-மோதி-ராணுவ-வீரர்-சாவு-3055580.html
3055579 மதுரை திண்டுக்கல் போலி எம்.சாண்ட் குவாரிக்கு "சீல்' DIN DIN Tuesday, December 11, 2018 06:01 AM +0530 ஒட்டன்சத்திரம் அருகே எம்.சாண்ட் என்ற பெயரில் அனுமதியின்றி செயல்பட்ட  மணல்  குவாரிக்கு பழனி சார் -ஆட்சியர் அருண்ராஜ் திங்கள்கிழமை சீல் வைத்தார்.
திண்டுக்கல் மாவட்டம் ஒட்டன்சத்திரம் அடுத்துள்ள பெரியகோட்டையில் மணல் குவாரி அமைத்து எம்.சாண்ட் என்ற பெயரில் தரமற்ற மணல் விற்பனை செய்வதாக பொதுமக்கள் பழனி சார்- ஆட்சியரிடம் புகார் செய்தனர். அதன் பேரில் திங்கள்கிழமை சார்- ஆட்சியர் அருண்ராஜ், ஒட்டன்சத்திரம் வட்டாட்சியர் ஆ.லீனா ரெஜினா, மண்டல துணை வட்டாட்சியர் சசி, வருவாய் ஆய்வாளர் முத்துக்குட்டி மற்றும் காவல்துறையினர் அப்பகுதியில் ஆய்வு செய்தனர். 
அப்போது, அனுமதி இல்லாமல் மணல் விற்பனை செய்வது தெரிய வந்தது. இதைத் தொடர்ந்து  மணல் குவாரிக்கு சார் -ஆட்சியர் அருண்ராஜ் சீல் வைத்தார். மேலும் அங்கிருந்த  லாரி,  ஒரு கிட்டாச்சி, ஒரு ஜேசிபி இயந்திரம் ஆகியவற்றை பறிமுதல் செய்தனர்.
 

]]>
http://www.dinamani.com/all-editions/edition-madurai/dindigul/2018/dec/11/போலி-எம்சாண்ட்-குவாரிக்கு-சீல்-3055579.html
3055578 மதுரை திண்டுக்கல் தலைக்கவசம் அணியாத வாகன ஓட்டிகள் ஆட்சியர் அலுவலகத்திற்குள் நுழைய அனுமதி மறுப்பு DIN DIN Tuesday, December 11, 2018 06:01 AM +0530 தலைக்கவசம் இல்லாமல் வந்த இருசக்கர வாகன ஓட்டிகள், திண்டுக்கல் மாவட்ட ஆட்சியர் அலுவலகத்திற்குள் நுழைவதற்கு திங்கள்கிழமை அனுமதி மறுக்கப்பட்டது.
திண்டுக்கல் மாவட்டத்திலுள்ள அரசு அலுவலகங்களுக்கு இருசக்கர வாகனங்களில் வரும் அரசு அலுவலர்கள், தற்காலிக பணியாளர்கள் மற்றும் பொதுமக்கள் தலைக்கவசம் அணிந்து வர வேண்டும் என மாவட்ட நிர்வாகம் சார்பில் அறிவுறுத்தப்பட்டிருந்தது. 
மேலும், தலைக்கவசம் இல்லாமல் இரு சக்கர வாகனங்களில் வருவோர், அரசு அலுவலக வளாகத்திற்குள் நுழைவதற்கு திங்கள்கிழமை முதல் அனுமதி மறுக்கப்படும் என்றும் தெரிவிக்கப்பட்டிருந்தது. 
அதன்படி,  திண்டுக்கல் மாவட்ட ஆட்சியர் அலுவலக நுழைவு வாயிலில் பாதுகாப்புக்கு நின்ற போலீஸார் தலைக்கவசம் அணியாமல் வந்த இருசக்கர வாகன ஓட்டிகளை தடுத்து நிறுத்தினர். இதனால், ஆட்சியர் அலுவலக அணுகுசாலை ஓரத்தில் பெரும்பாலானவர்கள் வாகனங்களை நிறுத்திவிட்டு அலுவலகத்திற்கு நடந்தே சென்றனர். 
அலுவலகத்திற்கு செல்லும் வழியில் காரை விட்டு இறங்கிய ஆட்சியர் டி.ஜி.வினய், தலைக் கவசம் தொடர்பான உத்தரவு முறையாக பின்பற்றப்படுகிறதா என்பதை சிறிது நேரம் கண்காணித்தார். பின்னர், மாவட்ட மாற்றுத்திறனாளிகள் நல அலுவலகத்தில் நடைபெற்ற நிகழ்ச்சியில் பங்கேற்பதற்காக புறப்பட்டுச் சென்றார்.
வெளியேறியவர்களிடம் தலைக்கவசம் இல்லை: மாவட்ட ஆட்சியர் அலுலகத்தின் பிரதான நுழைவு வாயிலில் மட்டுமே போலீஸார் தீவிர கண்காணிப்பில் ஈடுபட்டனர். ஆனால், மாவட்ட நீதிமன்றம், மாவட்ட காவல் கண்காணிப்பாளர் அலுவலகம், கால்நடை ஆராய்ச்சி நிலையம் வழியாகவும் மாவட்ட ஆட்சியர் அலுவலத்திற்கு செல்ல பாதை உள்ளதால், தலைக்கவசம் அணியாத வாகன ஓட்டிகள் அந்த பாதைகள் வழியாக உள்ளே நுழைந்தனர். அலுவலக பணிகளை முடித்துக் கொண்ட பின்னர் பிரதான வாயில் வழியாக தலைக்கவசம் இல்லாமல் சென்றபோதும், அதனை போலீஸார் கண்காணிக்கவில்லை என்பது குறிப்பிடத்தக்கது.

]]>
http://www.dinamani.com/all-editions/edition-madurai/dindigul/2018/dec/11/தலைக்கவசம்-அணியாத-வாகன-ஓட்டிகள்-ஆட்சியர்-அலுவலகத்திற்குள்-நுழைய-அனுமதி-மறுப்பு-3055578.html
3055577 மதுரை திண்டுக்கல் கட்செவி அஞ்சலில் அவதூறு பரப்பிய நபரை கைது செய்யக்கோரி புகார் DIN DIN Tuesday, December 11, 2018 06:01 AM +0530 கட்செவியில் சாதிமோதலை தூண்டும் வண்ணம் பேசிய நபரை கைது செய்து நடவடிக்கை எடுக்கக் கோரி கொங்குநாடு மக்கள் தேசிய கட்சியினர் புகார் மனு கொடுத்துள்ளனர்.
     கட்செவியில் கடந்த சில நாள்களாக, அம்பேத்கர் படம் முன்பு இளைஞர் ஒருவர் நின்று கொண்டு சாதி மோதலை ஏற்படுத்தும் வகையில் கோஷங்கள் எழுப்பிய காட்சிகள் பரவியது.  இது பல்வேறு பிரிவினரையும் மோதலை தூண்டும் விதத்தில் அமைந்திருந்தது.  இதையடுத்து இதை பரப்பிய நபர் மீது வழக்குப் பதிவு செய்து கைது நடவடிக்கை மேற்கொள்ள வேண்டும் என பழனி ஆய்வாளருக்கு கொங்கு நாடு மக்கள் தேசிய கட்சியின் ஒன்றியச் செயலாளர் குமரவேல் தலைமையில் ஏராளமானோர் புகார் மனு கொடுத்துள்ளனர்.  இதுகுறித்து அவர்கள் கூறும்போது, மேற்படி நபர் பேசும் காட்சிகளை பார்க்கும் போது பெண்களை பெற்றவர்களும், பெற்றோர்களும் அச்சப்படும் விதமாக உள்ளது என தெரிவித்துள்ளனர்.

]]>
http://www.dinamani.com/all-editions/edition-madurai/dindigul/2018/dec/11/கட்செவி-அஞ்சலில்-அவதூறு-பரப்பிய-நபரை-கைது-செய்யக்கோரி-புகார்-3055577.html
3055576 மதுரை திண்டுக்கல் புத்தக வாசிப்பு வாழ்க்கைக்கான ஊட்டம்: அமைச்சர் பேச்சு DIN DIN Tuesday, December 11, 2018 06:00 AM +0530 புத்தகம் வாசிப்பதே  வாழ்க்கைக்கான ஊட்டம்  என்பதை இளைஞர்களுக்கு கற்றுக் கொடுக்க வேண்டும் என தமிழக வனத்துறை அமைச்சர் சி.சீனிவாசன் தெரிவித்தார். 
திண்டுக்கல் இலக்கிய களம் சார்பில் நடைபெற்ற 7ஆவது புத்தகத் திருவிழாவின் நிறைவு விழா நிகழ்ச்சி ஞாயிற்றுக்கிழமை நடைபெற்றது.
இந்நிகழ்ச்சிக்கு மாவட்ட ஆட்சியர்  டி.ஜி.வினய் தலைமை வகித்தார். வனத்துறை அமைச்சர் சி.சீனிவாசன் சிறப்பு அழைப்பாளராக கலந்து கொண்டு பேசியதாவது: பத்திரிகை வாசிக்கும் பழக்கம், விவாத களங்களை எளிமைப்படுத்தும். நான் சிறுவனாக இருந்தபோது, தினமணி நாளிதழை வாசித்தே உள்ளூர் மட்டுமின்றி உலக நடப்புகள் அனைத்தையும் எளிதாக அறிந்துகொண்டேன். இன்றைய தலைமுறையினருக்கு, தகவல் தொழில்நுட்ப வளர்ச்சியின் காரணமாக அனைத்து தகவல்களும் மின்னணு சாதனங்கள் மூலமாக எளிதாக கிடைக்கிறது. ஆனாலும், இலக்கியம், பண்பாடு, கலை சார்ந்த தகவல்களை, புத்தகங்களை தேடினால் மட்டுமே நம்மால் பெற முடியும். 
 தொலைக்காட்சி நிகழ்ச்சிகளிலிருந்து நம்முடைய குழந்தைகளை பாதுகாக்க வேண்டும். வாசிப்பு வாழ்க்கைக்கான ஊட்டமாக இருக்கும் என்பதை நாம் கற்றுக் கொடுக்க வேண்டும். திண்டுக்கல் நகரில் அரசு விழாக்கள் மட்டுமின்றி பொது நிகழ்ச்சிக்கள் நடத்துவதற்கும் ஒரு பொது மைதானம் இல்லை என்ற குறை விரைவில் தீர்க்கப்படும் என்றார். 
மாவட்ட ஆட்சியர் டி.ஜி.வினய் பேசியதாவது: சமூகத்தில் முன்னேற்றம் பெற வேண்டுமெனில், வரலாறு தெரிந்திருக்க வேண்டும். திண்டுக்கல்லில் நடைபெற்று வரும் புத்தகத் திருவிழா, மக்களிடையே நல்ல மாற்றத்தை ஏற்படுத்தும். ஒரு புத்தகம் கூட மனிதனிடம் மாற்றத்தை ஏற்படுத்த முடியும். தொலைக்காட்சி, செல்லிடப்பேசி உள்ளிட்ட மின்னணு சாதனங்கள் பெரிய சவாலாக இருந்தாலும், நேர்முறை சிந்தனையை மட்டுமே உருவாக்க கூடிய புத்தகங்களை வாசிக்கும் முயற்சியில் மாணவ சமுதாயம் முன் நிற்க வேண்டும். 
 மக்களுக்கு பயன்படக் கூடிய இந்த புத்தகத் திருவிழாவுக்கு, அரசு சார்பில் குறைவான ஒத்துழைப்பே வழங்கப்பட்டுள்ளது. எனினும், அடுத்த புத்தகத் திருவிழா அரசு மட்டுமின்றி பொதுமக்களின் முழு ஒத்துழைபோடு நடத்துவற்கான வாய்ப்புகள் உருவாக்கப்படும் என்றார். நிகிழ்ச்சியில் முன்னாள் மேயர் வி.மருதராஜ், இலக்கிய களம் அமைப்பின் தலைவர் மு.குருவம்மாள், நிர்வாகச் செயலர் ச.கண்ணன், பொருளாளர் க.மணிவண்ணன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/11/புத்தக-வாசிப்பு-வாழ்க்கைக்கான-ஊட்டம்-அமைச்சர்-பேச்சு-3055576.html
3055575 மதுரை திண்டுக்கல் பழனியில் கூட்டுறவு சங்க இயக்குநர் தேர்தல்:18 பேர் வேட்பு மனு தாக்கல் DIN DIN Tuesday, December 11, 2018 06:00 AM +0530 பழனியில் வேளாண்மை உற்பத்தியாளர்கள் கூட்டுறவு விற்பனைச் சங்க இயக்குநர் தேர்தலுக்கு திங்கள்கிழமை 18 பேர் மனு தாக்கல் செய்தனர்.
இச்சங்கத்தின் இயக்குநர்களுக்கான தேர்தல் கடந்த அக்டோபரில் அறிவிக்கப்பட்டது.  அப்போது அமமுக சார்பில் வேட்புமனு அளிக்கப்பட்ட நிலையில் அதிமுக சார்பில் உட்கட்சி பூசலால் வேட்பு மனு வழங்குவதில் குளறுபடி ஏற்பட்டது. இந்நிலையில் அதிமுகவினர் வேட்பு மனுக்களை கிழித்துப் போட்டதால் தேர்தல் ரத்து செய்யப்பட்டது.  தற்போது மீண்டும் தேர்தல் தேதி அறிவிக்கப்பட்டு வேட்பு மனு தாக்கல் தொடங்கியுள்ளது.  
திங்கள்கிழமை அமமுக சார்பில் மாவட்டச் செயலாளர் நல்லசாமி, நகரச் செயலாளர் கணேசன், ஒன்றியச் செயலாளர் ஆறுமுகம் ஆகியோர் தலைமையில் அமமுகவினர் ஊர்வலமாக வந்து கூட்டுறவு விற்பனை சங்க அலுவலகத்தில் வேட்பு மனு தாக்கல் செய்தனர்.  11 பேருக்கான தேர்தலுக்கு 18 பேர் தேர்தல் அலுவலர் பிரனேஷிடம் வேட்பு மனுக்களை வழங்கினர். நிகழ்ச்சியில் ஒன்றிய துணை செயலாளர் மாலதி பெரியராஜ், ஆயக்குடி பேரூர் செயலாளர் சிவக்குமார், பாலசமுத்திரம் பேரூர் செயலாளர் தினேஷ், வழக்குரைஞர் சுரேந்திரன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/dec/11/பழனியில்-கூட்டுறவு-சங்க-இயக்குநர்-தேர்தல்18-பேர்-வேட்பு-மனு-தாக்கல்-3055575.html
3055574 மதுரை திண்டுக்கல் ஸ்ரீவாலிகேஸ்வரர் கோயிலில் சமாராதனை விழா DIN DIN Tuesday, December 11, 2018 05:59 AM +0530 திண்டுக்கல் மாவட்டம், வத்தலகுண்டு அடுத்துள்ள தும்மலப்பட்டி ஸ்ரீவாலிகேஸ்வரர் கோயிலில் கார்த்திகை சோமவாரத்தை முன்னிட்டு, சமாராதனை விழா திங்கள்கிழமை நடைபெற்றது. 
  இதனையொட்டி, கடந்த 2ஆம் தேதி முதல் (ஞாயிற்றுக்கிழமை) ஸ்ரீங்கேரி விநாயகர் திருக்கோயில், சங்கிலி சுவாமி கோயில், சுப்பிரமணிய சுவாமி கோயில், லட்சுமி நாராயணசுவாமி கோயில், நாமத்துவர், பஜனை மடம்,  ஸ்ரீ ராகவேந்திரர் மிருத்திகா பிருந்தாவனம், விசாலாட்சி அம்மன்   கோயில்களில் சிறப்பு அபிஷேகம் மற்றும் ஆராதனை நடைபெற்று வந்தது. இந்நிலையில்,  கார்த்திகை சோமாவாரத்தை முன்னிட்டு ஸ்ரீவாலிகேஸ்வரர் சுவாமிக்கு பூர்ணாபிஷேகமும், வருண ஜெபமும் திங்கள்கிழமை நடைபெற்றது. பின்னர் ஞானாம்பாள் சமேத ஸ்ரீவாலிகேஸ்வரர் சுவாமிக்கு சிறப்பு அலங்காரம் நடைபெற்றது. 
திண்டுக்கல் பாலாஜி குழுவினர், மதுரை ஆனந்தன் சர்மா குழுவினர் சார்பில் வேத பாராயணம் நடைபெற்றது. வத்தலகுண்டு விசாலாட்சி அம்மன் கோயில் குருக்கள் முத்துக்குமார் சிறப்பு பூஜைகளை நடத்தினார். 
வத்தலகுண்டு பிரமாணர் சங்கத் தலைவர் யு.சங்கர சுப்பிரமணியம் சிறப்பு பூஜைக்கான ஏற்பாடுகளை செய்திருந்தார். தமிழகத்தின் பல்வேறு பகுதிகளிலிருந்து வந்த பக்தர்கள், இந்த சிறப்பு வழிபாட்டில் கலந்து கொண்டு சுவாமி தரிசனம் செய்தனர்.

]]>
http://www.dinamani.com/all-editions/edition-madurai/dindigul/2018/dec/11/ஸ்ரீவாலிகேஸ்வரர்-கோயிலில்-சமாராதனை-விழா-3055574.html
3055573 மதுரை திண்டுக்கல் துப்புரவுத் தொழிலாளர்களுக்கு குறைந்தபட்ச ஊதியம் வழங்கக் கோரி தீர்மானம் DIN DIN Tuesday, December 11, 2018 05:59 AM +0530 ஊராட்சிகளில் பணிபுரியும் மேல்நிலைத் தொட்டி இயக்குவோர் மற்றும் துப்புரவுப் பணியாளர்களுக்கு குறைந்தபட்ச ஊதியம் வழங்கக் கோரி திண்டுக்கல்லில் நடைபெற்ற மாநில மாநாட்டில் தீர்மானம் நிறைவேற்றப்பட்டது.
 தமிழ்நாடு ஊரக வளர்ச்சி, உள்ளாட்சித்துறை ஊழியர்கள் சம்மேளனம்  சார்பில், மேல்நிலைத் தொட்டி இயக்குவோர், துப்புரவு தொழிலாளர்கள் கோரிக்கை மாநில மாநாடு திண்டுக்கல்லில் திங்கள்கிழமை நடைபெற்றது. திண்டுக்கல்- நத்தம் சாலையிலுள்ள தனியார் அரங்கில் நடைபெற்ற நிகழ்ச்சிக்கு சம்மேளனத்தின் மாநிலத் தலைவர் ப.சண்முகம் தலைமை வகித்தார். 
சிறப்பு அழைப்பாளர்களாக சிஐடியு மாநில பொதுச் செயலர் ஜி.சுகுமாறன், சம்மேளன பொதுச் செயலர் கே.ஆர்.கணேசன் ஆகியோர் கலந்து கொண்டனர். கூட்டத்தில் நிறைவேற்றப்பட்ட தீர்மானங்கள் விவரம்: மேல்நிலைத் தொட்டி இயக்குவோர் மற்றும் துப்புரவுத் தொழிலாளர்களுக்கு 7ஆவது ஊதியக் குழு அரசாணையின்படி 2017 அக்டோபர் 1ஆம் தேதி முதல் நிலுவைத் தொகையுடன் ஊதிய வழங்க வேண்டும். குறைந்தபட்ச ஊதியத்தை ஊராட்சிகளில் அமல்படுத்த வேண்டும். 
சிறப்பு காலமுறை ஊதியம், பணிக்கொடை, ஓய்வூதியம், மருத்துவக் காப்பீட்டு திட்டம் உள்ளிட்டவற்றை அமல்படுத்த வேண்டும். மேல்நிலைத் தொட்டி இயக்குவோர் தொட்டியை சுத்தம் செய்வதற்கு மாதம் ரூ.1000 வழங்க வேண்டும். 
ஓய்வு பெற்ற துப்புரவுப் பணியாளர்களுக்கு மாதம் ரூ.2ஆயிரம் ஓய்வூதியம், ரூ.50 ஆயிரம் பணிக்கொடை வழங்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன. 
கூட்டத்திற்கு பின் சம்மேளன பொதுச் செயலர் கே.ஆர்.கணேசன் கூறியதாவது: 
மாநில மாநாட்டில் நிறைவேற்றப்பட்ட தீர்மானங்களை ஊரக வளர்ச்சி இயக்குநர் நிறைவேற்ற வலியுறுத்தி 2019 ஜனவரி 28 ஆம் தேதி சென்னையில் கவன ஈர்ப்பு ஆர்ப்பாட்டம் நடத்தப்படும். அதேபோல், அகில இந்திய அளவில் ஜனவரி 8 மற்றும் 9 ஆம் தேதிகளில் நடைபெறும் பொது வேலை நிறுத்தப் போராட்டத்திலும் மேல்நிலைத் தொட்டி இயக்குவோர் மற்றும் துப்புரவுப் பணியாளர்கள் கலந்து கொள்வார்கள் என்றார். 
கூட்டத்தில் மாவட்ட செயலர்  கே.முத்துராஜ், சம்மேளனத் தலைவர் நா.பாலசுப்பிரமணியன், பொருளாளர் ஆர்.பாலசுப்பிரமணியன், தமிழ்நாடு வருவாய்த்துறை அலுவலர் சங்கத்தின் முன்னாள் பொதுச் செயலர் பி.கிருஷ்ணசாமி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-madurai/dindigul/2018/dec/11/துப்புரவுத்-தொழிலாளர்களுக்கு-குறைந்தபட்ச-ஊதியம்-வழங்கக்-கோரி-தீர்மானம்-3055573.html
3055025 மதுரை திண்டுக்கல் கொடைக்கானல் அருகே நிலத்தகராறு 3 பேருக்கு அரிவாள் வெட்டு DIN DIN Monday, December 10, 2018 05:30 AM +0530 கொடைக்கானல் அருகே ஆதிவாசிகளிடையே சனிக்கிழமை இரவு ஏற்பட்ட நிலத்தகராறில் 3 பேர் அரிவாளால் தாக்கப்பட்டனர். இதுதொடர்பாக 2 பேரை போலீஸார் தேடிவருகின்றனர். 
கொடைக்கானல் மேல்மலைக் கிராமமான போலூர் காமராஜர் காலனியைச் சேர்ந்தவர் பழனிச்சாமி. இவரது மகன் ஜனகராஜ் (20), இவர்களுக்கு போலூர் குருட்டாறு அருகே நிலம் உள்ளது. இந்த நிலத்தில் உள்ள தடுப்புச் சுவர் சேதமடைந்துள்ளதால் அதனை ஜனகராஜ் சனிக்கிழமை சரி செய்து வந்துள்ளார். அப்போது போலூரைச் சேர்ந்த பொன்னுச்சாமி என்பவர் அங்கு வந்து எனது நிலத்தில் என்ன செய்கிறாய் எனக் கேட்டு தகராறு செய்துள்ளார். 
இதையடுத்து பழனிச்சாமி தனது குடும்பத்தினருடன் சென்று பொன்னுச்சாமியிடம் இதுகுறித்து கேட்டபோது, அவர்களுக்கிடையே தகராறு ஏற்பட்டது. 
அப்போது பொன்னுச்சாமியும் அவரது உறவினர் ராஜ்குமாரும் சேர்ந்து அரிவாளால் பழனிச்சாமி, அவரது மனைவி லவமணி, மகன் ஜனகராஜ் ஆகியோரை தாக்கியுள்ளனர். இதில் காயமடைந்த மூவரும் கொடைக்கானல் அரசு மருத்துவமனையில் அனுமதிக்கப்பட்டுள்ளனர். 
இது குறித்து ஜனகராஜ் கொடைக்கானல் காவல் நிலையத்தில் ஞாயிற்றுக்கிழமை புகார் அளித்தார். அதன் பேரில் போலீஸார் வழக்குப் பதிவு செய்து தலைமறைவான பொன்னுச்சாமி, ராஜ்குமாரை தேடி வருகின்றனர்.

]]>
http://www.dinamani.com/all-editions/edition-madurai/dindigul/2018/dec/10/கொடைக்கானல்-அருகே-நிலத்தகராறு-3-பேருக்கு-அரிவாள்-வெட்டு-3055025.html
3055024 மதுரை திண்டுக்கல் தேசிய கால்பந்து போட்டி: டிச.12 இல் மாநில அணி தேர்வு DIN DIN Monday, December 10, 2018 05:29 AM +0530 அரசு அலுவலர்கள் பங்கேற்கும் தேசிய அளவிலான கால்பந்து போட்டிக்கான தமிழக அணி தேர்வு டிச.12 ஆம் தேதி சென்னையில் நடைபெறும் என தெரிவிக்கப்பட்டுள்ளது.
இதுதொடர்பாக தமிழ்நாடு விளையாட்டு மேம்பாட்டு ஆணையத்தின் திண்டுக்கல் மாவட்ட அலுவலர் செ.சௌந்தரராஜன் தெரிவித்ததாவது: 
2018-19 ஆம் ஆண்டுக்கான அரசு அலுவலர்களுக்கான தேசிய அளவிலான கால்பந்து போட்டிகள்(ஆண்களுக்கு மட்டும்) டிச.17 முதல் 22 ஆம் தேதி வரை, மத்தியப்பிரதேச மாநிலம்  போபாலில் நடைபெறவுள்ளது. இதில் பங்கேற்கவுள்ள தமிழக அணிக்கான தேர்வு, டிச.12ஆம் தேதி சென்னை நேரு விளையாட்டரங்கில் நடைபெறுகிறது. மாநில அணி தேர்வில் பங்கேற்க விரும்பும் அரசு அலுவலர்கள் அடையாள அட்டையுடன் செல்ல வேண்டும்.  வயது வரம்பு கிடையாது. சீருடைப் பணியாளர்கள் பங்கேற்க இயலாது.
இதுதொடர்பான கூடுதல் விவரங்களுக்கு திண்டுக்கல் மாவட்ட விளையாட்டு அலுவலரை  0451-2461162 என்ற எண்ணில் தொடர்பு கொள்ளலாம் என தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/dec/10/தேசிய-கால்பந்து-போட்டி-டிச12-இல்-மாநில-அணி-தேர்வு-3055024.html
3055023 மதுரை திண்டுக்கல் பழனியில் பிளாஸ்டிக் ஒழிப்பு விழிப்புணர்வு பதாகையுடன்  ஐயப்பப் பக்தர்கள் தரிசனம் DIN DIN Monday, December 10, 2018 05:29 AM +0530 ஒட்டன்சத்திரம் அருகே மலைவாழ் மக்களுக்கு திமுக சார்பில் ஞாயிற்றுக்கிழமை நிவாரணப் பொருள்கள் வழங்கப்பட்டது.
கஜா புயலால் பாதிக்கப்பட்ட மக்களுக்கு திமுக தலைமை கழகம் சார்பில் உப்பு, அரிசி, பருப்பு, சீனி, போர்வை போன்ற நிவாரணப் பொருள்கள் வழங்கப்பட்டு வருகிறது. இந்நிலையில் ஒட்டன்சத்திரம் சட்டப்பேரவைத் தொகுதிக்கு உட்பட்ட வடகாடு ஊராட்சி சிறுவாட்டுக்காடு மலைப்பகுதியில் வாழும் மக்களுக்கு திண்டுக்கல் மேற்கு மாவட்ட திமுக செயலாளரும், ஒட்டன்சத்திரம் சட்டப்பேரவை உறுப்பினருமான அர.சக்கரபாணி நிவாரணப் பொருள்கள் வழங்கினார். 
இதில் 170 குடும்பங்களுக்கு நிவாரண பொருள்கள் வழங்கப்பட்டது. நிகழ்ச்சியில் ஒட்டன்சத்திரம் தெற்கு ஒன்றிய திமுக செயலாளர் தி.தர்மராஜன், ஒன்றிய துணைச் செயலாளர் பு.சிவக்குமார், வடகாடு ஊராட்சி செயலாளர் ப.செல்வராஜ், க.சோமசுந்தரம் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/10/பழனியில்-பிளாஸ்டிக்-ஒழிப்பு-விழிப்புணர்வு-பதாகையுடன்-ஐயப்பப்-பக்தர்கள்-தரிசனம்-3055023.html
3055022 மதுரை திண்டுக்கல் வத்தலகுண்டுக்கு  ஸ்ரீஸ்ரீ வித்யா விஜய தீர்த்த சுவாமிகள் வருகை DIN DIN Monday, December 10, 2018 05:27 AM +0530 வத்தலகுண்டு வந்த ஸ்ரீஸ்ரீ வித்யா விஜய தீர்த்த சுவாமிகள் அங்குள்ள பிருந்தாவனத்தில் ஞாயிற்றுக்கிழமை சிறப்பு வழிபாடு மேற்கொண்டு, பக்தர்களுக்கு அருளாசி வழங்கினார்.
 திண்டுக்கல் மாவட்டம், வத்தலகுண்டு அக்ரஹாரத்தில் உள்ள ஸ்ரீ ராகவேந்திரா  பிருந்தாவனத்திற்கு, கர்நாடக மாநிலம் சோசலை வியாசராஜ மடத்தின் 40ஆவது பீடாதிபதி ஸ்ரீஸ்ரீ வித்யாமனோகர தீர்த்த சுவாமிகளால் சந்தியாச ஆஸ்ரமம் அளிக்கப்பட்ட ஸ்ரீஸ்ரீ வித்யா விஜய தீர்த்த சுவாமிகள் ஞாயிற்றுக்கிழமை வந்தார். 
அவருக்கு பிருந்தாவனத்தின் நிறுவனர் கோபிநாதன் தலைமையில் வரவேற்பு அளிக்கப்பட்டது. பின்னர்,  பிருந்தாவனத்தில் சிறப்பு வழிபாடு நடத்திய  ஸ்ரீஸ்ரீ வித்யா விஜய தீர்த்த சுவாமிகள், கிருஷ்ணதேவராயரின் ஆன்மீக குருவான வியாசராஜர் மற்றும் அவரது அடுத்த பிறவியான ஸ்ரீராகவேந்திரர், முற்பிறவியான பிரகலாதரின் சிறப்புகளை எடுத்துரைத்தார். 
மேலும், ஸ்ரீராகவேந்திரர் சமாதியாகி 347 ஆண்டுகள் முடிந்தும், 700 ஆண்டுகள் வரை ஜீவனுடன் இருந்தும் அருளாசி வழங்கும் பொருட்டு வத்தலகுண்டுவில்  பிருந்தாவனத்தில் குடி கொண்டுள்ளார். உண்மையான பக்தியுடன் வழிபாடு செய்தால், குருவருளால் நமக்கு அனைத்து நன்மைகளும் கிடைக்கும் என பக்தர்களுக்கு அருளாசி புரிந்தார்.

]]>
http://www.dinamani.com/all-editions/edition-madurai/dindigul/2018/dec/10/வத்தலகுண்டுக்கு--ஸ்ரீஸ்ரீ-வித்யா-விஜய-தீர்த்த-சுவாமிகள்-வருகை-3055022.html
3055021 மதுரை திண்டுக்கல் பழனியில் பிளாஸ்டிக் ஒழிப்பு விழிப்புணர்வு பதாகையுடன்  ஐயப்பப் பக்தர்கள் தரிசனம் DIN DIN Monday, December 10, 2018 05:26 AM +0530 விழுப்புரம் மாவட்டம் ஆலம்பாடியை சேர்ந்த ஐயப்பப் பக்தர்கள் பிளாஸ்டிக் ஒழிப்பு விழிப்புணர்வு பதாகையுடன் பழனி மலைக்கோயிலுக்கு ஞாயிற்றுக்கிழமை வந்து சுவாமி தரிசனம் செய்தனர்.
பழனி மலைக்கோயிலில் ஞாயிற்றுக்கிழமை பல்லாயிரக்கணக்கான பக்தர்கள் சுவாமி தரிசனம் செய்ய குவிந்தனர். இதனால் தரிசன வரிசை, வின்ச், ரோப்கார் நிலையங்களில் ஏராளமானோர் வரிசையில் காத்திருந்தனர்.  ஐயப்பப் பக்தர்கள் பலரும் காவடி எடுத்து ஆடிப்பாடி வந்தனர்.   விழுப்புரம் மாவட்டம் ஆலம்பாடியை சேர்ந்த ஐயப்பப் பக்தர்கள் பிளாஸ்டிக் ஒழிப்பு குறித்து விழிப்புணர்வு பதாகையுடன் வந்து சுவாமி தரிசனம் செய்தனர். 
அந்த பதாகையில் வாழை இலையில் சாப்பிடுவதால் ஆயுள் அதிகரிக்கும், பிளாஸ்டிக் இலை கேடு, பிளாஸ்டிக் டம்ளரில் குடிநீர், பூமித்தாய்க்கு கண்ணீர் என்று குறிப்பிடப்பட்டிருந்தது. இதை வைத்திருந்த  ஒன்பதாம் வகுப்பு படிக்கும் மாணவர் சரண் சபரிமலை, ராமேசுவரம் உள்ளிட்ட பல ஊர்களுக்கும் இந்த பதாகைகளுடன் சென்று பிளாஸ்டிக் ஒழிப்பு குறித்து பக்தர்களிடம் விழிப்புணர்வு ஏற்படுத்தியுள்ளார். 

]]>
http://www.dinamani.com/all-editions/edition-madurai/dindigul/2018/dec/10/பழனியில்-பிளாஸ்டிக்-ஒழிப்பு-விழிப்புணர்வு-பதாகையுடன்-ஐயப்பப்-பக்தர்கள்-தரிசனம்-3055021.html
3055020 மதுரை திண்டுக்கல் காய்கறி, மாட்டுச் சந்தைகளில் கூடுதல் நுழைவுக் கட்டணம் வசூல்: விவசாயிகள் புகார் DIN DIN Monday, December 10, 2018 05:26 AM +0530 திண்டுக்கல் மாவட்டத்தில் காய்கறி,  மாட்டுச் சந்தைகளில் கூடுதல் நுழைவுக்கட்டணம் வசூலிப்பதாக விவசாயிகள் புகார் தெரிவிக்கின்றனர்.
திண்டுக்கல் மாவட்டத்தில் காய்கறி, மாட்டுச் சந்தைகள் ஆண்டுதோறும் பொது ஏலம் நடத்தப்பட்டு குத்தகைக்கு விடப்படுகிறது. இதில் ஏலம் எடுப்பவர்களுக்கு சம்பந்தப்பட்ட சந்தைகளில் நுழைவுக் கட்டணம் வசூலிப்பதற்கான அனுமதி வழங்கப்படுகிறது. ஆனால், சந்தைக்கு உற்பத்தி பொருள்களை கொண்டு வரும் விவசாயிகளிடம், குத்தகைதாரர் வசூலிக்க வேண்டிய கட்டணம் குறித்து உள்ளாட்சி அமைப்புகள் சார்பில் எவ்விதக் கட்டுப்பாடும் விதிக்கப்படுவதில்லை. இதனால், அதிக தொகை செலுத்தி ஏலம் எடுக்கும் குத்தகைதாரர்கள், முதலீடு செய்த பணத்தை திரும்ப பெற வேண்டிய நிர்பந்தத்தில், அதிகப்படியான கட்டணத்தை விவசாயிகளிடம் வசூலிப்பதாக புகார் எழுந்துள்ளது. 
கடந்த ஆண்டு ரூ.12 லட்சத்துக்கு ஏலம் விடப்பட்ட திண்டுக்கல் காந்தி மார்க்கெட், நிகழாண்டு ரூ.62 லட்சத்துக்கு ஏலம் விடப்பட்டுள்ளது. இதனால் ரூ.1 மட்டுமே வசூலிக்கப்பட்டு வந்த காய்கறி மூட்டைகளுக்கான கட்டணம் தற்போது ரூ.5 ஆக உயர்த்தப்பட்டுள்ளது. அதேபோல் லாரிகளுக்கு மட்டும் ரூ.40 வசூலிக்கப்பட்ட வந்த நிலையில், தற்போது லாரியில் கொண்டு வரப்படும் ஒவ்வொரு மூட்டைக்கும் தலா ரூ.5 வீதம் கணக்கீடு செய்து வசூலிப்பதாக விவசாயிகள் குற்றம்சாட்டுகின்றனர்.
இதேபோல் கடந்த ஆண்டு ரூ.60 லட்சத்துக்கு ஏலம் போன ஒட்டன்சத்திரம் கால்நடை வாரச் சந்தை நிகழாண்டு ரூ.1.20 கோடிக்கு ஏலம் விடப்பட்டுள்ளது. இதனால், விவசாயிகள் கொண்டு செல்லும் கால்நடைகளுக்கான நுழைவுக் கட்டணம் ரூ.50 ஆக நிர்ணயிக்கப்பட்டிருந்தாலும், ரூ.130-க்கும் கூடுதலாக வசூலிக்கப்படுகிறது. பாதிக்கப்பட்ட விவசாயிகள், மாவட்ட நிர்வாகத்திடம் புகார் அளித்துள்ளனர். 
இதுதொடர்பாக திண்டுக்கல் அருகே உள்ள மைலாப்பூரைச் சேர்ந்த விவசாயிகள் எஸ்.வேளாங்கண்ணி, ஏ.சவேரியார் ஆகியோர் கூறியது: அரசுக்கு வருமானம் கிடைக்க வேண்டும் என்பதில் மட்டுமே உள்ளாட்சி அலுவலர்கள் கவனம் செலுத்துகின்றனர். 
சந்தைகளை அதிக தொகைக்கு ஏலம் எடுக்கும் குத்தகைதாரர்கள், நுழைவுக் கட்டணத்தை 3 மடங்கு உயர்த்துவதால் விவசாயிகளே அதிகம் பாதிக்கப்படுகின்றனர். உற்பத்தி பொருளுக்கே போதிய விலை கிடைக்காமல் திணறும் நிலையில், இதுபோன்ற 
கட்டண வசூல் விவசாயிகளுக்கு மேலும் சிரமத்தை ஏற்படுத்துகிறது. 
எனவே அந்தந்த உள்ளாட்சி அமைப்புகள் சார்பில் குறைந்தபட்ச ஏலத்தொகை நிர்ணயம் செய்வதைப் போல், அதிகபட்ச தொகையையும் வெளிப்படையாக குறிப்பிட வேண்டும். இதன் மூலம் ஏலத்தொகை கட்டுப்படுத்துவதோடு, வசூலிக்க வேண்டிய நுழைவுக் கட்டணத்தையும் வெளிப்படையாக தகவல் பலகையில் குறிப்பிட்டு கண்காணிக்கும் பணிகளையும் மேற்கொள்ள வேண்டும் என்றனர்.

]]>
http://www.dinamani.com/all-editions/edition-madurai/dindigul/2018/dec/10/காய்கறி-மாட்டுச்-சந்தைகளில்-கூடுதல்-நுழைவுக்-கட்டணம்-வசூல்-விவசாயிகள்-புகார்-3055020.html
3055019 மதுரை திண்டுக்கல் "கஜா' புயல்: தென்னை மரத்துக்கு ரூ.30 ஆயிரம் வழங்க கோரிக்கை DIN DIN Monday, December 10, 2018 05:26 AM +0530 தமிழகத்தில் கஜா புயலால் பாதிக்கப்பட்ட தென்னை விவசாயிகளுக்கு மரம் ஒன்றுக்கு ரூ.30 ஆயிரம் வழங்க வேண்டும் என்று தமிழக அரசுக்கு உழவர் உழைப்பாளர் கட்சியின் மாநில தலைவர் கே.செல்லமுத்து வேண்டுகோள் விடுத்துள்ளார்.
திண்டுக்கல் மாவட்டம், ஒட்டன்சத்திரத்தில் ஞாயிற்றுக்கிழமை அவர் கூறியது: கஜா புயலால் திண்டுக்கல் மாவட்டத்தில் உள்ள தென்னை மற்றும் மக்காச்சோளம், கண்வளி செடிகள் அதிக அளவில் பாதிக்கப்பட்டுள்ளன.
இதனால் ஏராளமான விவசாயிகள் தங்களது வாழ்வாதரத்தை இழந்துள்ளனர். இப்பகுதியில் சேதமடைந்த பயிர்களைக் கணக்கெடுத்து இதுவரை நிவாரணத் தொகை வழங்காதது கண்டிக்கத்தக்கது. அதேபோல புயலால் பாதிக்கப்பட்ட கண்வளி செடி ஏக்கர் ஒன்றுக்கு ரூ.50 ஆயிரமும், மக்காச்சோளத்திற்கு ஏக்கருக்கு ரூ.20 ஆயிரமும், தென்னை மரம் ஒன்றுக்கு ரூ.30 ஆயிரமும் நிவாரணமாக உடனடியாக வழங்க வேண்டும். இல்லையென்றால் அனைத்து விவசாயிகளையும் ஒருங்கிணைத்து மாவட்ட 
முழுவதும் மிகப்பெரிய போராட்டம் நடத்துவோம் என்றார்.
அப்போது ஒட்டன்சத்திரம் நகர உழவர் உழைப்பாளர் கட்சியின் செயலாளர் கே.குப்புச்சாமி உடனிருந்தார்.
 

]]>
http://www.dinamani.com/all-editions/edition-madurai/dindigul/2018/dec/10/கஜா-புயல்-தென்னை-மரத்துக்கு-ரூ30-ஆயிரம்-வழங்க-கோரிக்கை-3055019.html
3055018 மதுரை திண்டுக்கல் சோனியா காந்தி பிறந்த நாள் விழா DIN DIN Monday, December 10, 2018 05:25 AM +0530 காங்கிரஸ் முன்னாள் தலைவர் சோனியா காந்தியின் 72ஆவது பிறந்தநாளை முன்னிட்டு திண்டுக்கல் நகர காங்கிரஸார் சார்பில் சிறப்பு வழிபாடு நடத்தப்பட்டது. 
திண்டுக்கல் மாவட்ட பெருந்தலைவர் காமராஜர் தேசிய பேரவை சார்பில், காமராஜர் சிலை வளாகத்தில் நடைபெற்ற நிகழ்ச்சிக்கு மாவட்டத் தலைவர் ராமு.ராமசாமி தலைமை வகித்தார். பள்ளி மாணவர்களுக்கு நோட்டு புத்தகங்கள் மற்றும் இனிப்புகளை, தேசிய ஒருமைப்பாட்டு இயக்கத் தலைவர் ஏ.அப்துல்ஜபார் வழங்கினார். முன்னதாக, அபிராமி அம்மன் கோயிலில், சோனியா காந்திக்காக சிறப்பு வழிபாடு நடைபெற்றது. 
இதேபோல் திண்டுக்கல் கிழக்கு மாவட்ட காங்கிரஸ் தகவல் அறியும் உரிமை சட்டத்துறை சார்பில் நடைபெற்ற சோனியா காந்தி பிறந்த நாள் நிகழ்ச்சிக்கு, மாவட்டத் தலைவர் எம்.எம்.ஹயருல்லா தலைமை வகித்தார். லஞ்ச ஒழிப்பு இயக்கத் தலைவர் ஆதி, மாணவர்களுக்கு இனிப்பு வழங்கினார்.
 

]]>
http://www.dinamani.com/all-editions/edition-madurai/dindigul/2018/dec/10/சோனியா-காந்தி-பிறந்த-நாள்-விழா-3055018.html
3055017 மதுரை திண்டுக்கல் தலைக்கவசம் இன்றி வருவோருக்கு அரசு அலுவலகங்களில் நுழைய அனுமதி இல்லை DIN DIN Monday, December 10, 2018 05:25 AM +0530 திண்டுக்கல் மாவட்டத்திலுள்ள அரசு அலுவலகங்களுக்கு இருசக்கர  வாகனங்களில் செல்லும் அரசு அலுவலர்கள், பணியாளர்கள் மற்றும் பொதுமக்கள் திங்கள்கிழமை (டிச. 10) முதல் கட்டாயம் தலைக்கவசம் அணிய வேண்டும் என மாவட்ட நிர்வாகம் உத்தரவிட்டுள்ளது.
இதுதொடர்பாக மாவட்ட ஆட்சியர் டி.ஜி. வினய் வெளியிட்டுள்ள செய்திக் குறிப்பு: தமிழகத்தில் இருசக்கர வாகன ஓட்டிகள் மற்றும் பின்னால் அமர்ந்து பயணிப்போரும் தலைக்கவசம் அணிய வேண்டும் என உயர்நீதிமன்றம் கடந்த 2015 இல்  உத்தரவு பிறப்பித்துள்ளது. அதன் அடிப்படையில், சாலை விபத்துகளின் மூலம் ஏற்படும் உயிரிழப்புகளை 100 சதவீதம் குறைக்கும் வகையில் தலைக்கவசம் திண்டுக்கல் மாவட்டத்தில் கட்டாயமாக்கப்பட்டுள்ளது. திண்டுக்கல் மாவட்டத்திலுள்ள அரசு அலுவலகங்களுக்கு இருசக்கர வாகனங்களில் செல்லும் அரசு அலுவலர்கள், தற்காலிக ஊழியர்கள், ஒப்பந்த ஊழியர்கள் மற்றும் பொதுமக்கள், கண்டிப்பாக தலைக்கவசம் அணிய வேண்டும். 
தலைக் கவசம் அணியாமல் வருவோருக்கு, அரசு அலுவலகத்திற்குள் நுழைவதற்கு திங்கள்கிழமை (டிச.10) முதல் அனுமதி மறுக்கப்படும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/dindigul/2018/dec/10/தலைக்கவசம்-இன்றி-வருவோருக்கு-அரசு-அலுவலகங்களில்-நுழைய-அனுமதி-இல்லை-3055017.html
3055016 மதுரை திண்டுக்கல் முன்னறிவிப்பின்றி வரதமாநதி அணை பூங்கா மூடல்: சுற்றுலாப் பயணிகள் ஏமாற்றம் DIN DIN Monday, December 10, 2018 05:25 AM +0530 பழனி அருகே உள்ள வரதமாநதி அணைப் பூங்கா கடந்த வெள்ளிக்கிழமை முதல் முன்அறிவிப்பின்றி மூடப்பட்டுள்ளதால் சுற்றுலாப் பயணிகளும், பொதுமக்களும் ஏமாற்றத்துடன் திரும்பிச் செல்கின்றனர்.
பழனியிலிருந்து கொடைக்கானல் செல்லும் வழியில் உள்ளது வரதமாநதி அணை. அணையின் முன்பாக சிறுவர் பூங்காவும் உள்ளது.  
பொதுவாக நவம்பர் மாதங்களில் அணையில் தண்ணீர் நிரம்பி இருப்பதால் அணையின் வாய்க்கால்களில் குளித்துவிட்டு பூங்காவை சுற்றிப்பார்த்து விட்டு செல்வது ஐயப்பப் பக்தர்கள் வழக்கம். 
இந்நிலையில் கடந்த வெள்ளிக்கிழமை முதல் மூன்று நாள்களாக அணையின் பூங்கா மூடப்பட்டுள்ளது. இதனால் விடுமுறை நாளான ஞாயிற்றுக்கிழமை ஏராளமான உள்ளூர் மக்களும், ஐயப்பப் பக்தர்களும் வந்து பார்த்து விட்டு ஏமாற்றத்துடன் சென்றனர். 
நகரின் அருகே உள்ள இந்த அணை எப்போதும் நீர் நிரம்பி ரம்மியமாக காட்சியளிக்கும். இங்கு படகு சவாரி, பூங்காவை சுத்தப்படுத்தி பராமரித்து விரிவாக்கம் செய்வது குறித்து பலமுறை ஆய்வுகள் மேற்கொள்ளப்பட்டு எந்த முன்னேற்றமும் இல்லை. 
இந்நிலையில் பூங்கா பூட்டப்பட்டுள்ளதால் பொதுமக்கள் ஏமாற்றம் அடைந்துள்ளனர்.

]]>
http://www.dinamani.com/all-editions/edition-madurai/dindigul/2018/dec/10/முன்னறிவிப்பின்றி-வரதமாநதி-அணை-பூங்கா-மூடல்-சுற்றுலாப்-பயணிகள்-ஏமாற்றம்-3055016.html
3054611 மதுரை திண்டுக்கல் மின்வாரிய உதவிப் பொறியாளர் தூக்கிட்டு தற்கொலை: பணிச்சுமை காரணம் என உருக்கமான கடிதம் DIN DIN Sunday, December 9, 2018 03:30 AM +0530 பழனியில் சனிக்கிழமை மின்வாரிய உதவிப் பொறியாளர் தூக்கிட்டு தற்கொலை செய்து கொண்டார். பணிச்சுமை என கடிதம் எழுதியுள்ளதும் தெரியவந்துள்ளது.
பழனியை அடுத்த ஆயக்குடியில் மின்வாரிய உதவிப்பொறியாளராக பணியாற்றி வந்தவர் தனபால்(55). இவர் ராமநாதபுரத்தை சேர்ந்தவர். இவரது மகன் பழனி அருகே தனியார் பால் நிறுவனத்தில் வேலை செய்து வருகிறார். இவரும், இவரது மகனும் பழனி ரயில்வே பீடர் சாலையில் வாடகை வீட்டில் தங்கியுள்ளனர். கடந்த சில மாதங்களாக குடும்பப் பிரச்னை மற்றும் பணிச்சுமை காரணமாக தனபால் கவலையில் இருந்துள்ளார். இதனால் ராமநாதபுரத்துக்கு பணி மாறுதல் கேட்டதால் பணிமாறுதல் கிடைத்தும் அங்கு சேரமுடியாமல் இருந்துள்ளார்.
கஜா புயல் காரணமாக மின்வாரியத்தில் பணிபுரியும் பலரும் பல்வேறு சிறப்புப்பணியில் இருந்ததால் இவரை பணிமாறுதல் செய்ய வருபவர்கள் தாமதமான நிலை நீடித்தது. இந்நிலையில் தனது தாயார் நினைவு தினத்துக்குச் செல்ல முடியாமல் இருந்ததாகக் கூறப்படுகிறது.
இந்நிலையில் சனிக்கிழமை மகன் இல்லாத நேரத்தில் வீட்டில் தூக்கிட்டு தற்கொலை செய்து கொண்டார். குடும்பத்தினருக்கு பணிச்சுமை குறித்து கடிதமும் எழுதி வைத்துள்ளார். இதையடுத்து சம்பவ இடத்துக்கு வந்த டவுன் போலீஸார் உடலை கைப்பற்றி பழனி அரசு மருத்துவமனைக்கு அனுப்பி வைத்தனர். மேலும், கடிதத்தை கைப்பற்றி விசாரணை நடத்தி வருகின்றனர்.

 

]]>
http://www.dinamani.com/all-editions/edition-madurai/dindigul/2018/dec/09/மின்வாரிய-உதவிப்-பொறியாளர்-தூக்கிட்டு-தற்கொலை-பணிச்சுமை-காரணம்-என-உருக்கமான-கடிதம்-3054611.html
3054510 மதுரை திண்டுக்கல் வேடசந்தூரில் ரூ.90 லட்சத்தில் திரவக் கழிவு மேலாண்மைத் திட்டம்கொடகனாற்றை தூய்மைப்படுத்துவது சாத்தியமா? DIN DIN Sunday, December 9, 2018 01:57 AM +0530
திண்டுக்கல் மாவட்டம், வேடசந்தூர் பேரூராட்சி சார்பில் ரூ.90 லட்சம் செலவில் செயல்படுத்தப்படும் திரவக் கழிவு மேலாண்மை திட்டத்தின் மூலம் கொடகனாற்றை தூய்மைப்படுத்த முயற்சி எடுக்கப்பட்டுள்ள நிலையில், பிற இடங்களிலிருந்து கலக்கும் கழிவுநீரை தடுக்க நடவடிக்கை எடுக்க வேண்டும் என எதிர்பார்ப்பு எழுந்துள்ளது.
வேடசந்தூர் பேரூராட்சியில் 6ஆயிரம் வீடுகள் உள்ளன. சுமார் 11,500 மக்கள் வசித்து வரும் இப்பேரூராட்சி பகுதியில், நாளொன்றுக்கு 9 லட்சம் தண்ணீர் விநியோகம் செய்யப்படுகிறது. இதில் சுமார் 40 சதவீத தண்ணீர், கழிவுநீராக வெளியற்றப்படுவதாக கணக்கிடப்பட்டுள்ளது. வேடசந்தூர் பகுதியிலிருந்து வெளியேறும் கழிவுநீர், தண்ணீர் வரத்து அரிதாகிவிட்ட கொடகனாற்றில் கலக்கிறது. இந்நிலையில், வேடசந்தூர் பேரூராட்சி சார்பில் கழிவுநீரை சுத்திகரிப்பு செய்து, ஆற்றில் விடுவதற்கான திரவக் கழிவு மேலாண்மைத் திட்டம் ரூ.90 லட்சம் செலவில் மேற்கொள்ளப்பட்டுள்ளது. தமிழகத்தில், சேலம் மாவட்டம் ஜலகண்டாபுரம் பேரூராட்சியில் முதன்முறையாக நிறைவேற்றப்பட்ட இத்திட்டம், வேடசந்தூர் பேரூராட்சியில் 2ஆவதாக செயல்படுத்தப்பட உள்ளது குறிப்பிடத்தக்கது.
இதுதொடர்பாக வேடசந்தூர் பேரூராட்சி செயல் அலுவலர் கோபிநாத் கூறுகையில், வேடசந்தூர் பேரூராட்சி பகுதியிலுள்ள வீடுகளிலிருந்து வெளியேறும் கழிவுநீர், கொடகனாற்றில் 7 இடங்களில் கலக்கிறது. ஆற்றின் மேற்கு கரையில் 3 இடங்களிலும், கீழக்கு கரையில் 4 இடங்களிலும் திரவக் கழிவு மேலாண்மை திட்டம் செயல்படுத்தப்பட உள்ளது. தலா 1 மீட்டர் நீளத்திலும், 1.50 மீட்டர் அகலத்திலும் வரிசையாக 6 தொட்டிகள் கட்டி, அதில் கூழாங்கற்கள், 40 எம்.எம்.ஜல்லி, 20 எம்.எம் செங்கல் ஜல்லி, கரித்துண்டு, 20 எம்.எம் செங்கல் ஜல்லி, 40 எம்.எம்.ஜல்லி நிரப்பி, அதன் வழியாக கழிவுநீர் வெளியேற்றப்படுகிறது.
திரவக் கழிவு மேலாண்மை அமைப்பு வழியாக கழிவுநீர் வெளியேற்றப்படும்போது, கசடுகள் நீக்கப்பட்டும், தூர்நாற்றம் இல்லாமலும் சுத்திகரிக்கப்பட்ட தண்ணீராக ஆற்றில் கலக்கும். இந்த மேலாண்மை தொட்டிகளில் தேங்கும் கசடுகளை, 6 மாதங்களுக்கு ஒருமுறை நீக்க வேண்டும். அதன்பின்னர், மீண்டும் புதிய கூழாங்கற்கள், ஜல்லி, செங்கல் ஜல்லி, கரித்துண்டு ஆகியவற்றை நிரப்பி, திரவக் கழிவு மேலாண்மை திட்டம் செயல்படுத்தப்படும் என்றார்.
தோல்கழிவு நீர் தடுக்கப்படுமா?: இதுதொடர்பாக வேடசந்தூரைச் சேர்ந்த ராமமூர்த்தி கூறுகையில், பெரும்பாலான நாள்கள் கொடகனாற்றில் தண்ணீருக்கு பதிலாக, கழிவுநீரே செல்கிறது. வேடசந்தூர் பேரூராட்சியில் மட்டும் திரவக் கழிவு மேலாண்மைத் திட்டத்தை செயல்படுத்தினால், கொடகனாற்றை தூய்மைப்படுத்த முடியாது. மேலும், திரவக் கழிவு மேலாண்மைக்காக அமைக்கப்பட்டுள்ள வடிவமைப்பும் சிறிய அளவில் இருப்பதால், கழிவுநீர் சுத்தப்படுத்தப்பட்டு வெளியேறுமா அல்லது கழிவுநீர் தேங்கும் பகுதியாக மாறுமா என்பது தெரியவில்லை.
திண்டுக்கல்லிலிருந்து வெளியேறும் தோல் கழிவுகள் மட்டுமின்றி, தாடிக்கொம்பு, அகரம், விட்டல்நாயக்கன்பட்டி, லட்சுமணம்பட்டி உள்ளிட்ட பகுதிகளிலிருந்து வெளியேறும் கழிவுநீரும் கொடகனாற்றில் கலக்கிறது. இதனால், நிலத்தடி நீர் மாசுபடுவது மட்டுமின்றி, 20 கி.மீட்டர் தொலைவிலுள்ள அழகாபுரி அணை வரையிலும் தண்ணீர் மாசுபடுகிறது. நிலத்தடி நீரையும், கொடகனாற்றையும் பாதுகாக்க முதலில் தோல் கழிவுநீரை தடுப்பதற்கு தீவிர முயற்சி மேற்கொள்ளப்பட வேண்டும் என்றார்.

 

]]>
http://www.dinamani.com/all-editions/edition-madurai/dindigul/2018/dec/09/வேடசந்தூரில்-ரூ90-லட்சத்தில்-திரவக்-கழிவு-மேலாண்மைத்-திட்டம்கொடகனாற்றை-தூய்மைப்படுத்துவது-சாத்தியமா-3054510.html
3054509 மதுரை திண்டுக்கல் மக்கள் நீதிமன்றத்தில் 5,735 வழக்குகளுக்கு தீர்வு ரூ.9.37 கோடி தீர்வு தொகை வழங்க உத்தரவு DIN DIN Sunday, December 9, 2018 01:57 AM +0530
திண்டுக்கல் மாவட்டத்தில் நடைபெற்ற தேசிய மக்கள் நீதிமன்றத்தில் 5,735 வழக்குகள் முடித்து வைக்கப்பட்டு, ரூ.9.37 கோடி தீர்வுத் தொகை வழங்க உத்தரவிடப்பட்டது.
திண்டுக்கல் மாவட்ட சட்டப் பணிகள் ஆணைக்குழு சார்பில், திண்டுக்கல், நத்தம், நிலக்கோட்டை, வேடசந்தூர், பழனி, ஒட்டன்சத்திரம், கொடைக்கானல் நீதிமன்றங்களில், மக்கள் நீதிமன்றம் சனிக்கிழமை நடைபெற்றது.
திண்டுக்கல் மாவட்ட ஒருங்கிணைந்த நீதிமன்ற வளாகத்தில் நடைபெற்ற விசாரணையை, மாவட்ட முதன்மை நீதிபதி கே.முரளிசங்கர் தொடக்கி வைத்தார். நிகழ்ச்சிக்கு மாவட்ட சட்டப்பணிகள் ஆணைக்குழுவின் செயலரும், சார்பு நீதிபதியுமான சி.விஜயகுமார் முன்னிலை வகித்தார்.
மாவட்டத்தில் உள்ள 7 நீதிமன்றங்களில் 13அமர்வுகளில் நடைபெற்ற மக்கள் நீதிமன்றத்தில், 5,735 வழக்குகளுக்கு தீர்வு காணப்பட்டு முடித்து வைக்கப்பட்டது. தீர்வுத் தொகையாக ரூ.9.37 கோடி வழங்குவதற்கு உத்தரவிடப்பட்டது.

 

]]>
http://www.dinamani.com/all-editions/edition-madurai/dindigul/2018/dec/09/மக்கள்-நீதிமன்றத்தில்-5735-வழக்குகளுக்கு-தீர்வு-ரூ937-கோடி-தீர்வு-தொகை-வழங்க-உத்தரவு-3054509.html
3054508 மதுரை திண்டுக்கல் கஜா புயல்: விவசாயிகள் மனுக்கொடுக்கும் இயக்கம் DIN DIN Sunday, December 9, 2018 01:57 AM +0530
பழனியில் தமிழ்நாடு விவசாயிகள் சங்கம் சார்பில் மனு கொடுக்கும் இயக்கம் வெள்ளிக்கிழமை நடைபெற்றது.
கஜா புயலால் பாதிக்கப்பட்ட மக்காசோளம், பருத்தி உள்ளிட்ட பயிர்களுக்கு ஏக்கருக்கு ரூ.25,000, கரும்புக்கு ஏக்கருக்கு ரூ.50,000, வாழை, தென்னை மற்றும் நெல்லுக்கு ரூ. 1 லட்சம் நிவாரணம் வழங்கக்கோரி தமிழ்நாடு விவசாயிகள் சங்கம் மற்றும் அகில இந்திய விவசாயிகள் சங்கம் சார்பில் மனுக்கொடுக்கும் இயக்கம் பழனி சார்-ஆட்சியர் அலுவலகம் அருகே நடைபெற்றது.
இந்நிகழ்ச்சியில் திண்டுக்கல் மாவட்டக் குழு செயலாளர் அருள்செல்வன், மாவட்டக் குழுத் தலைவர் செல்வராஜ், ஒட்டன்சத்திரம் ஒன்றியச் செயலாளர் ஆறுச்சாமி, தொப்பம்பட்டி ஒன்றியப் பொருளாளர் சொக்கலிங்கம் உள்ளிட்ட பலர் பேசினர்.

 

]]>
http://www.dinamani.com/all-editions/edition-madurai/dindigul/2018/dec/09/கஜா-புயல்-விவசாயிகள்-மனுக்கொடுக்கும்-இயக்கம்-3054508.html
3054507 மதுரை திண்டுக்கல் அரசு தொடக்கப் பள்ளிக்கு சீர்வரிசை பொருள்கள் வழங்கல் DIN DIN Sunday, December 9, 2018 01:57 AM +0530
திண்டுக்கல் மாவட்டம், வத்தலகுண்டு அருகே அரசு ஊராட்சி ஒன்றியத் தொடக்கப் பள்ளிக்கு, பொதுமக்கள் சார்பில் சீர்வரிசைப் பொருள்கள் வெள்ளிக்கிழமை வழங்கப்பட்டன.
வத்தலகுண்டு அடுத்துள்ள மேலகோவில்பட்டி கிராமத்தில் உள்ள ஊராட்சி ஒன்றிய தொடக்கப் பள்ளியில் 65 மாணவர்கள் பயின்று வருகின்றனர். இந்நிலையில், கிராம மக்கள் மற்றும் மாணவர்களின் பெற்றோர் சார்பில், பள்ளிக்கு தேவையான பொருள்களை சீர்வரிசையாக வழங்க முடிவு செய்யப்பட்டது. அதன்படி, பங்குத் தந்தை ஜெயராஜ், ஊர் பிரமுகர் ஜெகன் ஆகியோர் தலைமையில், மேஜை, நாற்காலி, தண்ணீர் குடம், குறிப்பேடு, புத்தகம், மரக்கன்றுகள் உள்ளிட்ட சீர்வரிசை பொருள்களை பொதுமக்கள் வெள்ளிக்கிழமை ஊர்வலமாக கொண்டு வந்தனர்.
பள்ளி வளாகத்தில், வட்டார கல்வி அலுவலர் அங்கயற்கண்ணி, தலைமையாசிரியை பாண்டியம்மாள் ஆகியோர் சீர்வரிசையுடன் வந்த பொதுமக்களை வரவேற்றனர். இந்நிகழ்ச்சிக்கான ஏற்பாடுகளை பெற்றோர் ஆசிரியர் கழகத் தலைவர் தங்கப்பாண்டி செய்திருந்தார்.

 

]]>
http://www.dinamani.com/all-editions/edition-madurai/dindigul/2018/dec/09/அரசு-தொடக்கப்-பள்ளிக்கு-சீர்வரிசை-பொருள்கள்-வழங்கல்-3054507.html
3054506 மதுரை திண்டுக்கல் குழந்தைகளை ஒப்பிட்டு பேசுவதை பெற்றோர்கள் தவிர்க்க வேண்டும் DIN DIN Sunday, December 9, 2018 01:57 AM +0530
குழந்தைகளை, உறவினர்களோடும், நண்பர்களோடும் ஒப்பிட்டு பேசுவதை பெற்றோர்கள் தவிர்க்க வேண்டும் என மன நல வழிகாட்டி கருத்தரங்கில் பெற்றோர்களுக்கு அறிவுறுத்தப்பட்டது.
திண்டுக்கல் அடுத்துள்ள சிறுமலை ஹில்லாக் இன்டர்நேஷனல் பள்ளி சார்பில், மாணவர்களின் பெற்றோர்களுக்கான வழிகாட்டி நிகழ்ச்சி வெள்ளிக்கிழமை நடைபெற்றது. திண்டுக்கல் தாடிக்கொம்பு சாலையிலுள்ள தனியார் அரங்கில் நடைபெற்ற நிகழ்ச்சிக்கு ஹில்லாக் பள்ளி தாளாளர் நளினி தலைமை வகித்தார். கருத்தரங்கை மாவட்ட முதன்மை கல்வி அலுவலர் கு.சொ.சாந்தகுமார் தொடக்கி வைத்தார்.
கோவையைச் சேர்ந்த மன நல ஆலோசகர் பி.கோதனவள்ளி சிறப்பு அழைப்பாளராக கலந்து கொண்டு பேசியது: நவீன தகவல் தொழில்நுட்ப வளர்ச்சியினால், குடும்ப உறுப்பினர்களிடையிலான நெருக்கம் குறைந்துவிட்டது. இதுவே பல்வேறு பிரச்னைகளுக்கும் முக்கிய காரணமாக உள்ளது.
கணவன், மனைவி இருவரும் வேலைக்கு செல்வோராக இருந்தாலும், குழந்தைகளிடம் பேசுவதற்கு கண்டிப்பாக நேரம் ஒதுக்க வேண்டும். பள்ளியில், பேருந்தில், வகுப்பறையில், அவர்கள் சந்திக்கும் நிகழ்வுகள் குறித்து கேட்டறிய வேண்டும். குறிப்பாக உடல் மீது தொட்டுப் பேசுவதற்கு யாரையும் அனுமதிக்கக் கூடாது என்பதை கற்றுக் கொடுக்க வேண்டும்.
அதே நேரத்தில், உறவினர்களையும், பெரியவர்களையும் மதிக்கவும் கற்றுக் கொடுக்க வேண்டும். குழந்தைகள் முன்பு சண்டையிடுவதையும், உறவினர்கள் மற்றும் நண்பர்களோடு ஒப்பிட்டு பேசுவதையும் பெற்றோர்கள் கண்டிப்பாக தவிர்க்க வேண்டும் என்றார்.
நிகழ்ச்சியில் பள்ளி முதல்வர்கள் சிநேகலதா, உமாமகேஸ்வரி, பெற்றோர்கள், மாணவர்கள் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/dec/09/குழந்தைகளை-ஒப்பிட்டு-பேசுவதை-பெற்றோர்கள்-தவிர்க்க-வேண்டும்-3054506.html
3054505 மதுரை திண்டுக்கல் தென்னை விவசாயிகளுக்கு நீரா பானம் இறக்க அனுமதி DIN DIN Sunday, December 9, 2018 01:56 AM +0530
திண்டுக்கல் மாவட்டத்தைச் சேர்ந்த விவசாயிகளுக்கு நீரா பானம் இறக்குவதற்கான அனுமதியை, வத்தலகுண்டுவில் நடைபெற்ற நிகழ்ச்சியில் வனத்துறை அமைச்சர் சி.சீனிவாசன் சனிக்கிழமை வழங்கினார்.
திண்டுக்கல் மாவட்டம், வத்தலக்குண்டு அடுத்துள்ள எம்.வாடிப்பட்டியில், தென்னை விவசாயிகளுக்கு நீரா பானம் இறக்குவதற்கான அனுமதி ஆணை வழங்கும் நிகழ்ச்சி சனிக்கிழமை நடைபெற்றது. நிகழ்ச்சிக்கு மாவட்ட ஆட்சியர் டி.ஜி.வினய் தலைமை வகித்தார். இதில் சிறப்பு அழைப்பாளராக வனத்துறை அமைச்சர் சி.சீனிவாசன் கலந்து கொண்டார்.
திண்டுக்கல் தென்னை உற்பத்தியாளர் நிறுவனத்தில், நிலக்கோட்டை, ஆத்தூர், பழனி, ஒட்டன்சத்திரம் வருவாய் வட்டங்களைச் சேர்ந்த 655 விவசாயிகளுக்கு சொந்தமான 1,89,785 தென்னை மரங்கள் பதிவு செய்யப்பட்டுள்ளன. இதில், 5 சதவீதம் என்ற கணக்கீட்டில், 9,423 மரங்களில் நீரா பானம் இறக்க அனுமதி வழங்கப்பட உள்ளது.
முதல்கட்டமாக 1,000 மரங்களுக்கான அனுமதி ஆணையை விவசாயிகளிடம் அமைச்சர் சீனிவாசன் வழங்கினார். மேலும், 185 விவசாயிகளுக்கு ரூ.57.44 லட்சம் மதிப்பீட்டிலான மானியத் தொகையினையும் அமைச்சர் வழங்கினார்.
நிகழ்ச்சியில் வேளாண்மை இணை இயக்குநர் வீ.மனோகரன், துணை இயக்குநர் (வணிகம்) சாத்தப்பன், வேளாண் உற்பத்தியாளர்கள் கூட்டுறவு சங்கத்தலைவர் வி.மருதராஜ், திண்டுக்கல் தென்னை உற்பத்தியாளர் நிறுவனத்தின் தலைவர் முருகேசன் உள்ளிட்டோர் கலந்து கொண்டனர்.
தென்னை விவசாயிகளுக்கு 5 மாதங்களுக்கும் மேலாக இவ்உரிமம் வழங்கப்படாமல், வேளாண்மை (வணிகம்) அலுவலர்கள் அலைகழிப்பதாக கடந்த நவ.8 ஆம் தேதி தினமணியில் செய்தி வெளியானது.
அதன் எதிரொலியாக, வேளாண்மை துணை இயக்குநரை(வணிகம்) உடனடியாக அனுமதி ஆணை வழங்க நடவடிக்கை எடுக்கும்படி மாவட்ட நிர்வாகம் அறிவுறுத்தியது. இதனை அடுத்து, அதற்கான பணிகள் துரிதமாக நடைபெற்றன. ஆனாலும், கஜா புயல் பாதிப்பால் அதற்கான பணிகள் 20 நாள்கள் பாதிக்கப்பட்டு, தற்போது 1,000 விவசாயிகளுக்கு ஆணை வழங்கப்பட்டுள்ளது.
57 ஆயிரம் ஏக்கரில் பாதிப்பு: இந்நிகழ்ச்சியில் கலந்து கொண்ட பின்னர் அமைச்சர் திண்டுக்கல் சீனிவாசன் தெரிவித்ததாவது: கடந்த நவ.16 ஆம் தேதி ஏற்பட்ட கஜா புயலால், நெல் 30 ஹெக்டேர், மக்காச்சோளம் 16,000 ஹெக்டேர், பயறு வகைகள் 34 ஹெக்டேர், கரும்பு 27 ஹெக்டேர், சோளம் 79 ஹெக்டேர் என மொத்தம் 16,170 ஹெக்டேரிலும், தோட்டக்கலை பயிர்கள் 6,900 ஹெக்டேரிலும், 7,311 தென்னை மரங்களும் சேதமடைந்துள்ளன.
சேதம் அடைந்துள்ள பயிர்களுக்கு ரூ.12 கோடி, பாதிப்படைந்த தென்னை மரங்களுக்கு ரூ.81 லட்சம் என மொத்தம் ரூ.12.81 கோடி நிவாரணம் வழங்க, மாவட்ட நிர்வாகம் பரிந்துரை செய்துள்ளது.
நிவாரணத்தொகை வந்தவுடன், சம்பந்தப்பட்ட விவசாயிகளின் வங்கி கணக்கில் நேரடியாக வரவு வைக்கப்படும் என்றார். அப்போது ஆட்சியர் டி.ஜி.வினய் உடனிருந்தார்.

 

]]>
http://www.dinamani.com/all-editions/edition-madurai/dindigul/2018/dec/09/தென்னை-விவசாயிகளுக்கு-நீரா-பானம்-இறக்க-அனுமதி-3054505.html
3054504 மதுரை திண்டுக்கல் பழனியில் இலவச கண் சிகிச்சை முகாம் DIN DIN Sunday, December 9, 2018 01:56 AM +0530  

பழனி திண்டுக்கல் சாலையில் தனியார் வளாகத்தில் நெய்க்காரபட்டி அரிமா சங்கம், ஜிடீ ஹூண்டாய், மாவட்ட பார்வையிழப்பு சங்கம் சார்பில் இலவச கண்சிகிச்சை முகாம் சனிக்கிழமை நடைபெற்றது.
முகாமிற்கு நெய்க்காரபட்டி அரிமா சங்க தலைவர் மயில்சாமி தலைமை வகித்தார். ஜிடீ ஹூண்டாய் சந்தோஷ் முகாமை தொடக்கி வைத்தார். மாவட்ட துணை ஆளுனர் ராமசாமி, மாவட்ட தலைவர் வடிவேல் உள்ளிட்டோர் வாழ்த்திப் பேசினர். முகாமில் 300-க்கும் மேற்பட்டோர் பங்கேற்று தங்கள் கண்குறைபாடுகளுக்கான சிகிச்சை பெற்றனர். பலருக்கும் மாத்திரைகள், சொட்டு மருந்துகள் இலவசமாக வழங்கப்பட்டன.
ஐம்பதுக்கும் மேற்பட்டோர் இலவச கண்புரை அறுவை சிகிச்சைக்கு தேர்வு செய்யப்பட்டனர். முகாமில் அரிமா நிர்வாகிள் சுப்புராஜ், ஜார்ஜ் செல்வராஜ், தினகரன் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/dec/09/பழனியில்-இலவச-கண்-சிகிச்சை-முகாம்-3054504.html
3054503 மதுரை திண்டுக்கல் திண்டுக்கல் காந்தி மைதானம் மீட்கப்படுமா? DIN DIN Sunday, December 9, 2018 01:56 AM +0530
பொது நிகழ்ச்சிகள் நடத்துவதற்கு இடமில்லாமல் திண்டுக்கல் பகுதியில் அரசியல் கட்சியினர், பொது அமைப்புகள் தவித்து வரும் நிலையில், காய்கறி சந்தையாக மாறியுள்ள காந்தி மைதானத்தை மீட்டெடுக்க வேண்டும் என்ற கோரிக்கை வலுவடைந்துள்ளது.
கடந்த 1985ஆம் ஆண்டு திண்டுக்கல் தனி மாவட்டமாக உருவாக்கப்பட்டது. மாவட்டத்தின் தலைநகரான திண்டுக்கல் நகர் கடந்த 4 ஆண்டுகளுக்கு முன்பு நகராட்சியிலிருந்து மாநகராட்சியாக நிலை உயர்த்தப்பட்டது. சுமார் 2.21 லட்சம் மக்கள் தொகை கொண்ட இந்நகரில், பொது நிகழ்ச்சிகள் நடத்துவதற்கோ, அரசியல் கட்சிகள் கூட்டங்கள் நடத்துவதற்கான இடவசதியோ இல்லை என பொதுமக்கள், தனியார் அமைப்புகள் மற்றும் அரசியல் கட்சியினர் தெரிவிக்கின்றனர்.
நகரின் மத்தியில் உள்ள காந்தி மைதானம், கடந்த 25 ஆண்டுகளுக்கும் மேலாக காய்கறி சந்தையாக செயல்பட்டு வருகிறது. மகாத்மா காந்தி தேசியக் கொடியை ஏற்றி வைத்த பெருமை கொண்ட இந்த மைதானத்தை மீட்க வேண்டும் என பல்வேறு தரப்பினரும் கோரிக்கை விடுத்து வருகின்றனர். ஆனால், மாநகராட்சியோ, மாவட்ட நிர்வாகமே எவ்வித நடவடிக்கையும் எடுக்கவில்லை.
இந்நிலையில், திண்டுக்கல் நகரில் கடந்த 6 ஆண்டுகளாக புத்தகத் திருவிழா நடத்தப்பட்டு வருகிறது. நிகழாண்டு 7ஆவது முறையாக தனியாருக்கு சொந்தமான இடத்தில் கடும் நெருக்கடிக்கு மத்தியில் நடத்தப்பட்டது. புத்தகத் திருவிழாவை பொருத்தவரை, பள்ளி மாணவர்களின் பங்களிப்பே அதிகமாக இருந்து வருகிறது. தற்போது புத்தகத் திருவிழா நடைபெற்று வரும் தனியார் இடம், பேருந்து நிலைய பிரதான சாலையில் இருப்பதால், கடும் போக்குவரத்து நெரிசலுக்கு மத்தியில் மாணவர்கள் சென்று வர வேண்டிய நிலை உள்ளது. சிறிய கட்சிகள் நடத்தும் கூட்டங்களுக்கு கூட போக்குவரத்துக்கு மாற்று வழி ஏற்படுத்தும் காவல் துறையினர், புத்தக திருவிழாவுக்கு வரும் மாணவர்களின் நலன் கருதி எவ்வித மாற்று ஏற்பாடுகளும் செய்யவில்லை என ஆசிரியர்களும், பள்ளி நிர்வாகங்களும், பொது மக்களும் அதிருப்தி தெரிவித்தனர். இந்நிலையில், திண்டுக்கல் நகர மக்களின் பயன்பாட்டுக்கு காந்தி மைதானத்தை உடனடியாக மீட்க வேண்டும் என்ற கோரிக்கை வலுத்துள்ளது.
இதுதொடர்பாக காந்தியவாதி ஆர்.பழனிச்சாமி கூறியது: அரசியல் கட்சியினரின் அனைத்து பொதுக்கூட்டங்களுக்கும் நத்தம் சாலையிலேயே அனுமதி அளிக்கப்படுகிறது. இதனால், நகருக்குள் வரும் பேருந்துகள் உள்ளிட்ட அனைத்து வாகனங்களும் கடுமையான நெரிசலுக்கிடையே பயணிக்க வேண்டிய நிலை ஏற்படுகிறது. பொதுமக்களின் சிரமம் குறித்து எந்த அரசியல் கட்சியினரும் கவனத்தில் கொள்வதில்லை. காந்தி மைதானத்தை மீட்டு, அதை பொது நிகழ்ச்சிக்கான இடமாக மாற்றுவதே இதற்கு தீர்வாக அமையும் என்றார்.

 

]]>
http://www.dinamani.com/all-editions/edition-madurai/dindigul/2018/dec/09/திண்டுக்கல்-காந்தி-மைதானம்-மீட்கப்படுமா-3054503.html
3054501 மதுரை திண்டுக்கல் பழனியில் ஆக்கிரமிப்பு அகற்றம் DIN DIN Sunday, December 9, 2018 01:56 AM +0530
பழனி சன்னதி வீதியில் ஆக்கிரமிப்புகளை நகராட்சி அதிகாரிகள் சனிக்கிழமை அகற்றினர்.
பழனியில் கார்த்திகை மாதத்தையொட்டி பக்தர்கள் வருகை அதிகரித்துள்ளது. இந் நிலையில் பாதவினாயகர் கோயில் முதல் திருஆவினன்குடி வரையிலான சன்னதி வீதியில் ஆக்கிரமிப்பு அதிகரித்ததால் பக்தர்களுக்கு பெரும் இடையூறு ஏற்பட்டது.
இதையடுத்து சனிக்கிழமை நகராட்சி நிர்வாகம் சார்பில் ஆக்கிரமிப்புகள் அகற்றப்பட்டன. காலை முதல் மதியம் வரை நடைபெற்ற இப்பணியின் போது வியாபாரிகள் பலரும் தாமாக முன்வந்து ஆக்கிரமித்திருந்த கடைகளை அகற்றினர். எனினும் மாலையில் மீண்டும் ஆக்கிரமிப்பு செய்யப்பட்டது.
தைப்பூசம் தொடங்கினால் அலகு குத்தி வரும் பக்தர்கள் எண்ணிக்கை அதிகமாகும் என்பதால் ஆக்கிமிப்புகளை அகற்றும் பணியை முறையாக செய்ய வேண்டும் என பக்தர்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-madurai/dindigul/2018/dec/09/பழனியில்-ஆக்கிரமிப்பு-அகற்றம்-3054501.html
3054500 மதுரை திண்டுக்கல் தேர்தல் ஆணையம் சார்பில் கொடைக்கானல், போடியில் அனைத்துக் கட்சி ஆலோசனைக் கூட்டம் DIN DIN Sunday, December 9, 2018 01:55 AM +0530
போடி, கொடைக்கானலில் தேர்தல் ஆணையத்தின் சார்பில் அனைத்துக் கட்சி ஆலோசனைக் கூட்டம் சனிக்கிழமை நடைபெற்றது.
கொடைக்கானலில் தனியார் மண்டபத்தில் நடைபெற்ற இந்நிகழ்ச்சிக்கு கொடைக்கானல் வட்டாட்சியர் ரமேஷ் தலைமை வகித்தார். தேர்தல் துணை வட்டாட்சியர் ஜெயராஜ் முன்னிலை வகித்தார். கூட்டத்தில் தேர்தலின் போது பூத் ஏஜெண்டுகள் எவ்வாறு நடந்து கொள்ள வேண்டும், வாக்காளர் பட்டியலில் பெயர் சேர்த்தல், நீக்குதல், திருத்தம் ஆகியவை குறித்து ஆலோசிக்கப்பட்டது. தேர்தல் ஆணையத்திடம் தங்களது கருத்துகளை பதிவிடுவதற்கு அனைவருக்கும் படிவங்கள் வழங்கப்பட்டன.
மேலும் இக் கூட்டத்தில் கலந்து கொண்ட அனைத்துக் கட்சிகளின் முக்கிய நிர்வாகிகளின் கருத்துகளும் கேட்கப்பட்டன. இக் கூட்டத்தில் கொடைக்கானல் நகரம், மேல்மலை, கீழ்மலை பகுதிகளைச் சேர்ந்த அனைத்துக் கட்சிகளின் நிர்வாகிகள், உறுப்பினர்கள் உள்ளிட்ட 100-க்கும் மேற்பட்டோர் கலந்து கொண்டனர்.
போடியில்... அனைத்து கட்சியினர் ஆலோசனை கூட்டம் வர்த்தகர் சங்க திருமண மண்டபத்தில் நடைபெற்றது. போடி வட்டாட்சியர் ஜெ.கு.ஆர்த்தி தலைமை வகித்தார். போடி நகராட்சி ஆணையாளர் செளந்திரராஜன் முன்னிலை வகித்தார். கூட்டத்தில் தி.மு.க. நகரச் செயலாளர் மா.வீ.செல்வராஜ், அ.தி.மு.க. ஒன்றியச் செயலாளர் சற்குணம், காங்கிரஸ் நகரத் தலைவர் முசாக் மந்திரி மற்றும் இந்திய கம்யூனிஸ்ட் கட்சி. மார்க்சிஸ்ட் கம்யூனிஸ்ட் கட்சி உள்ளிட்ட கட்சிகளின் பிரதிநிதிகள் பங்கேற்றனர்.

 

]]>
http://www.dinamani.com/all-editions/edition-madurai/dindigul/2018/dec/09/தேர்தல்-ஆணையம்-சார்பில்-கொடைக்கானல்-போடியில்-அனைத்துக்-கட்சி-ஆலோசனைக்-கூட்டம்-3054500.html
3054489 மதுரை திண்டுக்கல் கன்னிவாடி அருகே மணல் திருடியவர் கைதுஒட்டன் DIN DIN Sunday, December 9, 2018 01:53 AM +0530
திண்டுக்கல் மாவட்டம் கன்னிவாடி அருகே மணல் திருடியவரை போலீஸார் சனிக்கிழமை கைது செய்தனர்.
கன்னிவாடி காவல் நிலைய போலீஸார் ரோந்துப் பணியில் ஈடுபட்டனர். அப்போது தருமத்துப்பட்டி-பன்றிமலை சாலை பொன்னையா சிலை அருகே நின்றிருந்த டிராக்டரை சோதனை செய்தனர். அதில் திருட்டு மணல் இருந்தது தெரியவந்தது. அதன் பேரில் டிராக்டரை ஓட்டி வந்த தருமத்துப்பட்டியைச் சேர்ந்த முருகன் மகன் சாந்தகுமாரை (22) கைது செய்தனர். மேலும் டிராக்டரை பறிமுதல் செய்தனர்.

 

]]>
http://www.dinamani.com/all-editions/edition-madurai/dindigul/2018/dec/09/கன்னிவாடி-அருகே-மணல்-திருடியவர்-கைதுஒட்டன்-3054489.html
3053747 மதுரை திண்டுக்கல் வெளிநாட்டு சுற்றுலாப் பயணிகள் வருகை அதிகரிப்பு: கொடைக்கானல் வட்டக்கானல் பகுதியில் துப்பாக்கி ஏந்திய போலீஸ் பாதுகாப்பு DIN DIN Saturday, December 8, 2018 06:53 AM +0530 கொடைக்கானலுக்கு வெளிநாட்டு சுற்றுலாப் பயணிகள் வருகை அதிகரித்துள்ளதால், வட்டக்கானல் சோதனைச் சாவடியில் துப்பாக்கி ஏந்திய போலீஸார் பாதுகாப்புப் பணியில் ஈடுபட்டுள்ளனர்.
 கொடைக்கானலில் நவம்பர், டிசம்பர், ஜனவரி மாதங்களில் ஜெர்மன், பிரிட்டன், இஸ்ரேல் உள்ளிட்ட வெளிநாட்டுச் சுற்றுலாப் பயணிகள் வருகை அதிகமாக இருக்கும். இவர்கள் கொடைக்கானல் அருகே உள்ள வட்டக்கானல் பகுதியில் மட்டுமே தங்குவார்கள். இந்தப் பகுதியில் மட்டுமே அமைதியான சூழ்நிலையும் வெளிநாட்டவர்களுக்குத் தேவையான உணவு உள்ளிட்ட வசதிகள் கிடைப்பதால் அப் பகுதியையே வெளிநாட்டுவர்கள் தங்குவதற்கு தேர்வு செய்கின்றனர். இந்நிலையில் கடந்த சில ஆண்டுகளுக்கு முன், வட்டக்கானல் பகுதியில் தங்கியிருந்த இஸ்ரேல் நாட்டவர்கள் மீது நக்ஸல்கள் தாக்குதல் நடத்த திட்டமிட்டுள்ளதாக காவல் துறைக்கு தகவல் கிடைத்தது.
அதைத்தொடர்ந்து வட்டக்கானல் பகுதியில் காவல் சோதனைச் சாவடி அமைக்கப்பட்டு, அனைத்து வாகனங்களையும் சோதனைக்கு பின்னரே போலீஸார் அனுமதித்தனர். தற்போது, வெளிநாட்டு சுற்றுலாப் பயணிகள் வருகை அதிகரித்துள்ளதால், வட்டக்கானல் சோதனைச் சாவடியில் துப்பாக்கி ஏந்திய போலீஸார் பாதுகாப்பு பணியில் ஈடுபட்டுள்ளனர்.
 இதுகுறித்து காவல்துறையினர் கூறியதாவது:
கொடைக்கானல் வட்டக்கானல் பகுதியில் தற்போது வெளிநாட்டு சுற்றுலாப் பயணிகள் வருகை அதிகரித்து வருகிறது. 
  அவர்களின் பாதுகாப்பு கருதி வட்டக்கானல் சோதனைச் சாவடியில் துப்பாக்கி ஏந்திய போலீஸார் 24 மணி நேரமும் பாதுகாப்புப் பணியில் ஈடுபட்டுள்ளனர். இதனால், பொது மக்களுக்கும், சுற்றுலாப் பயணிகளுக்கும் எவ்விதமான பாதிப்புகளும் இல்லை என்றனர்.

]]>
http://www.dinamani.com/all-editions/edition-madurai/dindigul/2018/dec/08/வெளிநாட்டு-சுற்றுலாப்-பயணிகள்-வருகை-அதிகரிப்பு-கொடைக்கானல்-வட்டக்கானல்-பகுதியில்-துப்பாக்கி-ஏந்திய-3053747.html
3053746 மதுரை திண்டுக்கல் பழனியில் ஆசிரியையிடம் சங்கிலி பறிப்பு: 5 பேர் கைது DIN DIN Saturday, December 8, 2018 06:53 AM +0530 பழனியில் ஆசிரியையிடம் சங்கிலி பறித்த வழக்கில் 5 பேர் வெள்ளிக்கிழமை கைது செய்யப்பட்டனர்.
 பழனி ரெட்கிராஸ் சாலையில் தனியார் பள்ளி ஆசிரியை சாந்தி (30), வியாழக்கிழமை மாலை வேலை முடிந்து வீட்டுக்கு நடந்து சென்று கொண்டிருந்தார்.
 அப்போது, இருசக்கர வாகனத்தில் வந்த மர்ம நபர்கள் 3 பேர், சாந்தி கழுத்தில் அணிந்திருந்த இரண்டு பவுன் செயினை பறித்துள்ளனர். அவரது சத்தம் கேட்டு, அக்கம்பக்கத்தினர் விரட்டி பிடித்ததில் ஒருவர் கீழே விழுந்து சிக்கிக் கொண்டார்.  அவரிடமிருந்த சங்கிலியும் கைப்பற்றப்பட்டது. 
   அதைத்தொடர்ந்து அந்த நபரை போலீஸாரிடம் ஒப்படைத்தனர். விசாரணையில், பிடிபட்டவர் பழனி கோட்டைமேட்டுத் தெருவைச் சேர்ந்த சாதிக் (20) என்பதும், தப்பிச்சென்றவர்கள் கோட்டைமேட்டுத் தெருவை சேர்ந்த ஆரிப்தீன் (20), தெளபீக் (21) என்பதும் தெரியவந்தது. அதையடுத்து அவர்கள் இருவரையும் போலீஸார் வெள்ளிக்கிழமை கைது செய்து இரண்டு பவுன் நகையை பறிமுதல் செய்தனர். கைதுசெய்யப்பட்ட மூவரும் பழனி, திருப்பூர் உள்ளிட்ட ஊர்களில் செல்லிடப்பேசி பறிப்பிலும் ஈடுபட்டது தெரியவந்தது.
        மேலும், இவர்களின் கூட்டாளிகளான கோட்டைமேட்டுத் தெரு, மதினா நகரைச் சேர்ந்த ரஞ்சித்குமார் (21), சித்திக்அலி (20) ஆகியோரையும் போலீஸார் கைது செய்து, அவர்கள் வசம் இருந்த திருட்டு செல்லிடப்பேசிகளை பறிமுதல் செய்தனர்.

]]>
http://www.dinamani.com/all-editions/edition-madurai/dindigul/2018/dec/08/பழனியில்-ஆசிரியையிடம்-சங்கிலி-பறிப்பு-5-பேர்-கைது-3053746.html
3053745 மதுரை திண்டுக்கல் பழனி அருகே காட்டு யானையால் வயல், தென்னந்தோப்பு சேதம் DIN DIN Saturday, December 8, 2018 06:52 AM +0530 பழனியை அடுத்த கோம்பைப்பட்டி பெரியதுரையான் கோயில் அருகே வியாழக்கிழமை இரவு தென்னந்தோப்பு மற்றும் வயல்களில்  காட்டு யானை மரங்களை முறித்தும், பயிர்களை நாசப்படுத்தியும் சென்றது.
 பழனியை அடுத்த கொடைக்கானல் வனப்பகுதியில் காட்டு யானைகள், காட்டுமாடுகள், மான்கள், சிறுத்தை, புலி என ஏராளமான வன விலங்குகள் உள்ளன. விலங்குகளுக்கு வேண்டிய குடிநீர், உணவுகள் மலையடிவாரப் பகுதியில் கிடைப்பதால் வனவிலங்குகள் இடம்பெயர மனமின்றி இங்கேயே முகாமிட்டுள்ளன. தற்போது நல்ல மழை பெய்துள்ள நிலையில் பழனி அடிவாரம் கோம்பைப்பட்டி பகுதிகளில் மக்காச்சோளம், தென்னை, பருத்தி ஆகியன செழித்து வளர்ந்துள்ளன.
 இந்நிலையில் வியாழக்கிழமை இரவு ஒற்றை காட்டு யானை,  நாகராஜ் என்பவரது தென்னந்தோப்பில் நுழைந்து சிறிய தென்னை மரங்களை முறித்து அட்டகாசம் செய்தது.  இதில், சுமார் பத்து மரங்கள் குருத்து ஒடிந்தும், சாய்ந்தும் சேதமடைந்தது.
 மேலும், அருகே உள்ள துரை என்பவரின் வயலில் மக்காச்சோளப் பயிர்களை சேதப்படுத்தியதோடு வயல் முழுக்க நடந்ததில் பல இடங்களிலும் வளர்ந்திருந்த பருத்தி பயிர்கள் அழிந்தது. யானையின் கால் தடங்கள் சுமார் முக்கால் அடி ஆழத்துக்கு வழிநெடுக பதிந்திருந்தது. 
கோம்பைப்பட்டி பகுதி மக்கள் நீண்ட காலமாகவே வனவிலங்குகள் வயல்களுக்குள் புகுவதாக புகார் தெரிவித்து வருகின்றனர். இந்நிலையில் யானைகள் தற்போது பயிர்களை சேதம் செய்யத் தொடங்கியுள்ளது விவசாயிகளுக்கு பாதிப்பை ஏற்படுத்தியுள்ளது. ஒட்டன்சத்திரம் வனத்துறையினர் உடனடியாக இழப்பீட்டுத் தொகை வழங்கவும், வனவிலங்குகள் விவசாய நிலங்களுக்கு வருவதை தடுக்க அகழி அமைக்கவும் வேண்டும் என விவசாயிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/dindigul/2018/dec/08/பழனி-அருகே-காட்டு-யானையால்-வயல்-தென்னந்தோப்பு-சேதம்-3053745.html
3053744 மதுரை திண்டுக்கல் "கஜா' புயல் நிவாரணம்: அதிகாரிகளை கண்டித்து பழனி-திண்டுக்கல் நெடுஞ்சாலையில் விவசாயிகள் மறியல் DIN DIN Saturday, December 8, 2018 06:52 AM +0530 பழனி சுற்று வட்டார கிராமங்களில் கஜா புயலால் பாதிக்கப்பட்ட பகுதிகளை அதிகாரிகள் சரிவர பார்வையிடவில்லை என்றும்,  நிவாரண நிதி வழங்குவதில் தாமதம் ஏற்படுவதையும் கண்டித்து தமிழ்நாடு விவசாயிகள் சங்கத்தினர், பழனி-திண்டுக்கல் நெடுஞ்சாலையில் வெள்ளிக்கிழமை மறியலில் ஈடுபட்டனர்.
 திண்டுக்கல் மாவட்டம் பழனியை அடுத்த கணக்கன்பட்டி, கோம்பைப்பட்டி, அமரபூண்டி, மஞ்சநாயக்கன்பட்டி, போடுவார்பட்டி உள்ளிட்ட சுற்று வட்டார கிராமங்களில் சுமார் ஐந்தாயிரம் ஏக்கருக்கு மேல் மக்காச்சோளம் பயிரிடப்பட்டிருந்தது.
 கடந்த மாதம் கஜா புயல் காரணமாக மக்காச்சோளம், நெல், கரும்பு, தக்காளி மற்றும் கத்திரி செடிகள் அனைத்தும் பெரும் சேதமடைந்தன. எஞ்சியிருந்த மக்காச்சோள பயிர்களும் தொடர் மழை காரணமாக அமெரிக்கன் படைப்புழு தாக்குதலுக்கு உள்ளாகி விவசாயிகளுக்கு பெரும் இழப்பு ஏற்பட்டுள்ளது.
 ஆனால், தற்போது வரை புயலால் பாதிக்கப்பட்ட பகுதிகளை அதிகாரிகளோ, அமைச்சர்களோ பார்வையிட வரவில்லை என்றும், பாதிக்கப்பட்ட பகுதிகளை கணக்கெடுக்காமலும், நிவாரண நிதி கிடைப்பதில் தாமதம் ஏற்படுத்துவதாகவும் விவசாயிகள் குற்றம்சாட்டி வந்தனர்.
 இதுதொடர்பாக வேளாண்மைத்துறை அதிகாரிகளுக்கு பலமுறை புகார் செய்தும் அதிகாரிகள் கண்டுகொள்ளாததாலும், ஆண்டுதோறும் பயிர் காப்பீட்டுத் தொகை செலுத்தியவர்களுக்கும் காப்பீட்டு இழப்பீட்டுத் தொகை கிடைக்காததாலும் விவசாயிகள் அதிருப்தியில் இருந்தனர்.
 இந்நிலையில், பழனியை அடுத்த திண்டுக்கல் தேசிய நெடுஞ்சாலை மாட்டுப்பாதையில் வெள்ளிக்கிழமை 500-க்கும் மேற்பட்ட விவசாயிகள் ஆர்ப்பாட்டத்தில் ஈடுபட்டனர். அப்போதும் அதிகாரிகள் யாரும் பேச்சுவார்த்தைக்கு வராததால் ஆத்திரமடைந்த விவசாயிகள், திடீரென  சாலை மறியலில் ஈடுபட்டனர்.
 இதனால் அந்த வழியே போக்குவரத்து பாதிக்கப்பட்டு நீண்ட வரிசையில் அணிவகுத்து நின்றன. அதையடுத்து, சம்பவ இடத்துக்கு வந்த சத்திரபட்டி போலீஸார் விவசாயிகளுடன் பேச்சுவார்த்தை நடத்தினர். அப்போது, இருதரப்புக்கும் கடும் வாக்குவாதம் ஏற்பட்டது. பின்னர், சம்பவ இடத்துக்கு வேளாண்மை அலுவலர் கதிரேசன் வந்து பேச்சுவார்த்தை நடத்தியதையடுத்து விவசாயிகள் மறியலை கைவிட்டு கலைந்து சென்றனர்.
 

]]>
http://www.dinamani.com/all-editions/edition-madurai/dindigul/2018/dec/08/கஜா-புயல்-நிவாரணம்-அதிகாரிகளை-கண்டித்து-பழனி-திண்டுக்கல்-நெடுஞ்சாலையில்-விவசாயிகள்-மறியல்-3053744.html
3053743 மதுரை திண்டுக்கல் மாநில அளவிலான தேக்வாண்டோ போட்டி:  முதலிடம் பெற்ற பள்ளி மாணவர்களுக்கு பாராட்டு DIN DIN Saturday, December 8, 2018 06:52 AM +0530 மாநில அளவிலான தேக்வாண்டோ போட்டியில், 14 வயதுக்குள்பட்டோர் பிரிவில் முதலிடம் பெற்ற திண்டுக்கல் பி.ஆர்.என்.பி. மாணவர்களை பள்ளி நிர்வாகிகள் வெள்ளிக்கிழமை பாராட்டினர். 
  குடியரசு தின, பாரதியார் தின விளையாட்டுப் போட்டிகளின் தமிழகத்தின் பல்வேறு பகுதிகளில் நடைபெற்று வருகின்றன. இதில், மாநில அளவிலான தேக்வாண்டோ போட்டி திருப்பூரில் வியாழக்கிழமை நடைபெற்றன. இப்போட்டியில், 14 வயதுக்குள்பட்டோருக்கான பிரிவில் திண்டுக்கல் ம.மூ.கோவிலூர் பகுதியிலுள்ள பி.ஆர்.என்.பி. மெட்ரிக். பள்ளி மாணவி டி.தர்ஷினி மகளிர் பிரிவிலும், இதே பள்ளியைச் சேர்ந்த மாணவர் வி.ராகுல்கண்ணா ஆண்கள் பிரிவிலும் முதலிடம் பெற்றனர்.
   இந்நிலையில், போட்டியில் முதலிடம் பிடித்த டி.தர்ஷினி, வி.ராகுல்கண்ணா மற்றும் அவர்களுக்கு பயிற்சி அளித்த உடற்கல்வி ஆசிரியர் பி.முருகன் ஆகியோரை பி.ஆர்.என்.பி. பள்ளி நிர்வாக இயக்குநர் ஆர்.சந்திரமோகன், தாளாளர் சி.ராஜலட்சுமி, முதல்வர் என்.ஹேமா சுகந்தி ஆகியோர் வெள்ளிக்கிழமை பாராட்டி வாழ்த்தினர்.
 

]]>
http://www.dinamani.com/all-editions/edition-madurai/dindigul/2018/dec/08/மாநில-அளவிலான-தேக்வாண்டோ-போட்டி--முதலிடம்-பெற்ற-பள்ளி-மாணவர்களுக்கு-பாராட்டு-3053743.html
3053742 மதுரை திண்டுக்கல் நெல் ஜெயராமன் மறைவுக்கு இரங்கல் DIN DIN Saturday, December 8, 2018 06:52 AM +0530 ஒட்டன்சத்திரத்தில் நெல் ஜெயராமனுக்கு இரங்கல் கூட்டம் வியாழக்கிழமை நடைபெற்றது.
        பாரம்பரிய நெல் வகைகளை மீட்டு எடுத்த இயற்கை வேளாண் விஞ்ஞானி நெல் ஜெயராமன் புற்று நோயால் காலமானார். இதையடுத்து அவருக்கு திண்டுக்கல் மாவட்ட ஏர்முனை இளைஞர் அணி சார்பில் ஒட்டன்சத்திரம் பேருந்து நிலையம் அருகே இரங்கல் கூட்டம் 
நடைபெற்றது. இக் கூட்டத்துக்கு திண்டுக்கல் மாவட்ட ஏர்முனை இளைஞர் அணி தலைவர் கா.இராஜா தலைமை வகித்தார். இதில் செயலாளர் நடராஜ், பொருளாளர் பொற்செல்வன் மற்றும் நாம் தமிழர் கட்சி ஒட்டன்சத்திரம் தொகுதி கழக செயலாளர் செல்வராஜ் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/08/நெல்-ஜெயராமன்-மறைவுக்கு-இரங்கல்-3053742.html
3053741 மதுரை திண்டுக்கல் திண்டுக்கல் அரசு மருத்துவமனையில் லஞ்ச ஒழிப்புத்துறை போலீஸார் திடீர் ஆய்வு DIN DIN Saturday, December 8, 2018 06:51 AM +0530 திண்டுக்கல் மாவட்ட அரசு தலைமை மருத்துவமனையில் லஞ்ச ஒழிப்புத்துறை போலீஸார் வெள்ளிக்கிழமை திடீர் ஆய்வு நடத்தியதால் பரபரப்பு ஏற்பட்டது.
 திண்டுக்கல் மாவட்ட அரசு தலைமை மருத்துவமனையில், தினமும் 4 ஆயிரம் பேர் சிகிச்சை பெறுகின்றனர். இங்குள்ள மகப்பேறு சிகிச்சைப் பிரிவில், மாதம் சராசரியாக 500 பெண்களுக்கு பிரசவம் நடைபெறுகிறது. பிரசவத்துக்கு அனுமதிக்கப்படும் பெண்களின் உறவினர்களிடம், மருத்துவமனை ஊழியர்கள் பணம் வசூல் நடத்துவதாக புகார்கள் எழுந்தது.
 இந்நிலையில், மகப்பேறு சிகிச்சைப் பிரிவுக்கு லஞ்ச ஒழிப்புத்துறை போலீஸார் வெள்ளிக்கிழமை  திடீரென வந்து, ஊழியர்கள் பண வசூலில் ஈடுபடுகிறார்களா என விசாரணை மேற்கொண்டனர். ஆனால், பண வசூல் தொடர்பான எவ்வித ஆதாரங்களும் கிடைக்காததால் அங்கிருந்து புறப்பட்டுச் சென்றனர்.
 இதுதொடர்பாக லஞ்ச ஒழிப்புத்துறை போலீஸார் கூறியது:
 மாநிலம் முழுவதும் அரசு மருத்துவமனைகளில் திடீர் ஆய்வு நடத்த உத்தரவிடப்பட்டிருந்தது. அதன்படி, திண்டுக்கல் அரசு மருத்துவமனையில் சோதனை மேற்கொள்ளப்பட்டது. அரசு மருத்துவமனைக்கு அடித்தட்டு மக்களே சிகிச்சைக்கு வரும் நிலையில், அவர்களிடம் பண வசூல் நடத்தக் கூடாது என்பதை வலியுறுத்தவே இந்த சோதனை மேற்கொள்ளப்பட்டுள்ளது என்றனர்.
 

]]>
http://www.dinamani.com/all-editions/edition-madurai/dindigul/2018/dec/08/திண்டுக்கல்-அரசு-மருத்துவமனையில்-லஞ்ச-ஒழிப்புத்துறை-போலீஸார்-திடீர்-ஆய்வு-3053741.html
3053740 மதுரை திண்டுக்கல் நிலக்கோட்டை வாரச்சந்தை 4 மாதங்களுக்கு ரூ.55 லட்சத்துக்கு ஏலம்: பெண் போட்டியாளரால் பரபரப்பு DIN DIN Saturday, December 8, 2018 06:51 AM +0530 நிலக்கோட்டை வாரச் சந்தையை 4 மாத காலத்துக்கு ரூ.55 லட்சத்துக்கு பெண் ஒருவர் வெள்ளிக்கிழமை ஏலம் கேட்டது, போட்டியாளர்கள் மட்டுமின்றி, பேரூராட்சி நிர்வாகத்தினருக்கும் அதிர்ச்சியை ஏற்படுத்தியுள்ளது. 
 திண்டுக்கல் மாவட்டம், நிலக்கோட்டை பேரூராட்சிக்கு உள்பட்ட வாரச் சந்தை, கட்டணக் கழிப்பறைகள், ஆடு வதை கூடம், புளிய மரம் உள்ளிட்ட இனங்களுக்கு 2019 மார்ச் வரை 4 மாத காலத்துக்கு, உயர்நீதிமன்ற மதுரை கிளை உத்தரவுப்படி வெள்ளிக்கிழமை ஏலம் விடப்பட்டது.
 நிலக்கோட்டை பேரூராட்சி அலுவலகத்தில் நடைபெற்ற வாரச் சந்தைக்கான ஏலத்தில் 20 பேர் கலந்து கொண்டனர். கடந்த முறை ரூ.13 லட்சத்துக்கு ஏலம் விடப்பட்ட வாரச் சந்தை, இந்த முறை 4 மாத காலத்துக்கு மட்டுமாகவே இருந்தாலும், ரூ. 29 லட்சம் வரை ஏலம் கேட்கப்பட்டது. இந்த கடுமையான போட்டியால், ஏலம் கேட்க வந்த பலர் அதிர்ச்சி அடைந்தனர். 
 இதனிடையே, மூடி முத்திரையிடப்பட்ட ஒப்பந்தப்புள்ளி படிவங்கள் பிரிக்கப்பட்டு,  வாசிக்கப்பட்டன. அதில், வேடசந்தூர் வட்டம், குளத்தூர் பகுதியைச் சேர்ந்த முருகம்மாள் என்பவர் ரூ.55 லட்சத்துக்கு வாரச் சந்தைக்கு மட்டுமே ஏலம் கோரியிருந்தது தெரிய வந்தது. ரூ.55 லட்சம் என தொகை வாசிக்கப்பட்டதும், கூட்டத்தில் இருந்தவர்கள் 55-க்கு அடுத்துள்ள பூஜ்ஜியங்களை சரியாக எண்ணிப் பார்க்கும்படி கேலி செய்தனர். ஆனால்,  எண்ணிற்கு  அடுத்ததாக எழுத்திலும் ரூ.55 லட்சம் என குறிப்பிடப்பட்டுள்ளதாக கூட்டத்தில் தெரிவிக்கப்பட்டது. 
 இதனை கேட்ட ஏல போட்டியாளர்கள் மேலும் அதிர்ச்சி அடைந்தனர். இந்நிலையில், கூட்டத்திலிருந்து எழுந்த பெண் ஒருவர் ரூ.55 லட்சத்துக்கு ஏலம் கேட்ட முருகம்மாள் நான் தான் என தெரிவித்தார். அதன் பின்னர், பல போட்டியாளர்கள் அங்கிருந்து வெளியேறினர். வாரச் சந்தையை தொடர்ந்து, கட்டண கழிப்பிடங்கள், ஆடுவதை கூடம் உள்ளிட்ட இனங்களுக்கான ஏலம் தொடர்ந்து நடைபெற்றது.  4 மாத காலத்துக்கு வாரச் சந்தை ரூ.55 லட்சத்துக்கு ஏலம் கேட்கப்பட்டது, ஒப்பந்ததாரர்கள் மட்டுமின்றி, பேரூராட்சி நிர்வாகத்தினருக்கும் அதிர்ச்சியை ஏற்படுத்தியுள்ளது.

]]>
http://www.dinamani.com/all-editions/edition-madurai/dindigul/2018/dec/08/நிலக்கோட்டை-வாரச்சந்தை-4-மாதங்களுக்கு-ரூ55-லட்சத்துக்கு-ஏலம்-பெண்-போட்டியாளரால்-பரபரப்பு-3053740.html
3053739 மதுரை திண்டுக்கல் வடமதுரை பகுதியில் அனுமதியின்றி மணல் குவாரி நடத்திய  திமுகவினர் 3 பேர் மீது வழக்கு DIN DIN Saturday, December 8, 2018 06:51 AM +0530 திண்டுக்கல் மாவட்டம், வடமதுரை பகுதியில் அனுமதியின்றி மணல் குவாரி நடத்திய திமுக பிரமுகர்கள் 3 பேர் மீது போலீஸார் வெள்ளிக்கிழமை வழக்குப்பதிவு செய்துள்ளனர்.
 திண்டுக்கல், தாடிக்கொம்பு, வடமதுரை உள்ளிட்ட பகுதிகளில் ரூ.100 கோடி மதிப்பிலான மணல், கடந்த சில மாதங்களாக தொடர்ந்து திருடப்படுவதாக முன்னாள் அமைச்சரும், ஆத்தூர் சட்டப்பேரவை உறுப்பினருமான ஐ.பெரியசாமி புதன்கிழமை குற்றம்சாட்டியிருந்தார். மேலும், பொதுமக்கள் தரப்பில் மணல் திருட்டு குறித்து புகார் அளித்தபோதிலும், கனிம வளத்துறையினர் நடவடிக்கை எடுப்பதில்லை எனவும் அவர் தெரிவித்திருந்தார். 
 இந்நிலையில், வடமதுரை சுற்றுப்புற பகுதியில் ஆய்வு மேற்கொண்ட கனிம வளத்துறை உதவி இயக்குநர் சசிக்குமார், குளத்தூரைச் சேர்ந்த கிருஷ்ணமூர்த்தி, பழனிச்சாமி, பெரும்புள்ளியைச் சேர்ந்த பெருமாள்சாமி ஆகியோர் மீது வடமதுரை காவல் நிலையத்தில் புகார் அளித்தார். 
  அதன்பேரில், அனுமதியின்றி மணல் குவாரி நடத்தியதாக அவர்கள் 3 பேர் மீதும் வடமதுரை போலீஸார் வழக்குப் பதிவு செய்துள்ளனர். இவர்கள் மூவரும் திமுக பிரமுகர்கள் என்பது குறிப்பிடத்தக்கது.
திமுகவினர் அதிர்ச்சி: மணல் திருட்டை தடுக்கக் கோரி திமுக துணைப் பொதுச் செயலர் ஐ.பெரியசாமி போட்டி அளித்ததன் எதிரொலியாக, திமுக பிரமுகர்கள் மீதே வழக்குப் பதிவு செய்யப்பட்டுள்ளதை அறிந்த வடமதுரை ஒன்றிய திமுகவினர் அதிர்ச்சி அடைந்துள்ளனர்.

]]>
http://www.dinamani.com/all-editions/edition-madurai/dindigul/2018/dec/08/வடமதுரை-பகுதியில்-அனுமதியின்றி-மணல்-குவாரி-நடத்திய-திமுகவினர்-3-பேர்-மீது-வழக்கு-3053739.html
3053113 மதுரை திண்டுக்கல் மின்சாரம் பாய்ந்து யானைகள் உயிரிழப்பதைத் தடுக்க  மின் கம்பிகளின் உயரத்தை அதிகரிக்க நடவடிக்கை: உயர்நீதிமன்றத்தில் மின்வாரியம் தகவல் DIN DIN Friday, December 7, 2018 06:46 AM +0530 தேனி மாவட்ட வனப் பகுதிகளில் மின்சாரம் பாய்ந்து காட்டுயானைகள் உயிரிழப்பதைத் தடுக்க, தாழ்வாகச் செல்லும் மின்கம்பிகளின் உயரத்தை அதிகரிக்க நடவடிக்கை மேற்கொள்ளப்பட்டிருப்பதாக,  தமிழக மின்வாரியத் தலைவர் சார்பில் உயர்நீதிமன்ற மதுரைக் கிளையில் வியாழக்கிழமை பதில் மனுத் தாக்கல் செய்யப்பட்டுள்ளது.
 தேனி மாவட்ட வனப் பகுதிகளில் தாழ்வாகச் செல்லும் மின்கம்பிகளில் சிக்கி, காட்டுயானைகள் உயிரிழப்பது தொடர்பாக  நாளிதழ்களில் வெளியான செய்திகளின் அடிப்படையில் உயர்நீதிமன்ற மதுரைக் கிளை பதிவாளர் (நீதித் துறை) சார்பில், பொதுநல மனு தாக்கல் செய்யப்பட்டது. 
வெண்ணியாறு பகுதியில் தாழ்வாகச் செல்லும் மின் கம்பிகளை மாற்ற நடவடிக்கை எடுக்க உத்தரவிட வேண்டும் என அந்த மனுவில் தெரிவிக்கப்பட்டிருந்தது.
இந்த மனு, ஏற்கெனவே விசாரணைக்கு வந்தபோது, மேகமலை வனக் காப்பாளர் நேரில் ஆஜராகி யானைகள் உயிரிப்பு குறித்து விளக்கம் அளித்தார். இதையடுத்து மின்சாரம் பாய்ந்து யானைகள் உயிரிழப்பதை தடுக்க எடுக்கப்பட்ட  நடவடிக்கைகள் குறித்து தமிழக மின்வாரியத் தலைவர் அறிக்கை தாக்கல் செய்ய நீதிமன்றம் உத்தரவிட்டது.
இந்நிலையில், இந்த வழக்கு நீதிபதிகள் கே.கே.சசிதரன், பி.டி.ஆதிகேசவலு அமர்வு முன்பு  வியாழக்கிழமை விசாரணைக்கு வந்தது. அப்போது, மேகமலையில் வனவிலங்குகள் உயிரிழப்பைத் தடுக்கும்வகையில், 2019 ஜன. 31ஆம் தேதிக்குள் மின்கம்பிகளின் உயரத்தை அதிகரிக்க நடவடிக்கை மேற்கொள்ளப்பட்டுள்ளதாகவும், இதற்காக சுருளி- கயத்தாறு பகுதியில் தற்காலிகமாக மின்நிறுத்தம் செய்யப்பட்டுள்ளதாகவும் தமிழக மின்வாரியத் தலைவர் தரப்பில் தெரிவிக்கப்பட்டது. இந்த பதில் மனுவை ஏற்றுக் கொண்ட நீதிபதிகள், வழக்கை 2019 ஜனவரி  3 ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-madurai/dindigul/2018/dec/07/மின்சாரம்-பாய்ந்து-யானைகள்-உயிரிழப்பதைத்-தடுக்க-மின்-கம்பிகளின்-உயரத்தை-அதிகரிக்க-நடவடிக்கை-உயர்நீ-3053113.html
3053112 மதுரை திண்டுக்கல் கொடைக்கானலில் கட்டடங்கள் மீது எந்த திட்டத்தின் அடிப்படையில் நடவடிக்கை எடுக்கப்படுகிறது? நகர்புற வளர்ச்சித் துறை செயலர் பதில் அளிக்க உயர்நீதிமன்றம் உத்தரவு DIN DIN Friday, December 7, 2018 06:45 AM +0530 கொடைக்கானலில் விதிமீறல் உள்ள ஓட்டல்கள் மற்றும் கட்டடங்கள் மீது நடவடிக்கை எடுப்பது புதிய மாஸ்டர் பிளான் அடிப்படையிலா அல்லது தற்போது நடைமுறையில் உள்ள மாஸ்டர் பிளான் முறையிலா என பதிலளிக்க நகர்புற வளர்ச்சித் துறைச் செயலருக்கு உத்தரவிட்டு உயர்நீதிமன்ற மதுரைக் கிளை வியாழக்கிழமை  உத்தரவிட்டது.
கொடைக்கானல் ஓட்டல்கள் மற்றும் தங்கும் விடுதி உரிமையாளர்கள் சங்கச் செயலர் அப்துல்கனி ராஜ் தாக்கல் செய்த மனு: கொடைக்கானலில் 1993 ஆம் ஆண்டு அமல்படுத்தப்பட்ட மாஸ்டர்பிளான் 1998 இல் காலாவதியானது. நகர் ஊரமைப்புச் சட்டப்படி ஒவ்வொரு 5 ஆண்டுக்கும் ஒரு முறை மாஸ்டர் பிளான் புதுப்பிக்கப்பட வேண்டும். ஆனால் கொடைக்கானலில் 1998-க்குப் பிறகு  தற்போது வரை மாஸ்டர் பிளானை புதுப்பிக்காமல் உள்ளனர்.
இந்நிலையில் கொடைக்கானலில் மண்டலம் மற்றும் பகுதி வேறுபாட்டை கருத்தில் கொண்டு கட்டடங்கள் மற்றும் தங்கும் விடுதிகள், உணவகங்களுக்கு நோட்டீஸ் அனுப்புவது மற்றும் சீல் வைப்பது போன்ற நடவடிக்கைகளில் நகராட்சி ஆணையர் மற்றும் நகர் ஊரமைப்பு உறுப்பினர் செயலர் செயல்பட்டு வருகின்றனர்.
 இதனால்  தங்கும் விடுதி நடத்தி வருவோர் பல்வேறு இன்னல்களுக்கு ஆளாகின்றனர்.
எனவே மாஸ்டர் பிளானை மாற்றியமைக்கும் வரை அதிகாரிகளின் நோட்டீஸ் அனுப்புவது, சீல் வைப்பது போன்ற நடவடிக்கைகளை நிறுத்தி வைக்க  உத்தரவிட வேண்டும் என மனுவில் கோரப்பட்டிருந்தது. 
இந்த மனு, ஏற்கெனவே விசாரணைக்கு வந்தபோது கொடைக்கானல் மாஸ்டர் பிளானை மாற்றி அமைப்பது குறித்த நடவடிக்கை எந்த நிலையில் உள்ளது என பதிலளிக்க உத்தரவிடப்பட்டிருந்தது.
இந்நிலையில், செவ்வாய்க்கிழமை இந்த வழக்கு விசாரணைக்கு வந்தபோது, அரசுத் தரப்பில் பதில் அளிக்க கூடுதல் அவகாசம் கோரப்பட்டது. இதனை ஏற்க மறுத்த நீதிபதிகள் வீட்டுவசதி மற்றும் நகர்ப்புற வளர்ச்சித் துறை செயலர் நேரில் ஆஜராகி விளக்கமளிக்க உத்தரவிட்டு வழக்கை ஒத்திவைத்தனர்.  
இந்த வழக்கு, நீதிபதிகள் கே.கே.சசிதரன், ஜி.ஆர்.சுவாமிநாதன் முன்பு வியாழக்கிழமை விசாரணைக்கு வந்தது. அப்போது அரசு தரப்பில், புதிய மாஸ்டர் பிளான் திட்ட தயாரிப்பு பணிகள் நடைபெற்று வருவதாகத் தெரிவிக்கப்பட்டது. அப்போது நீதிபதிகள் குறுக்கிட்டு, விதிமீறல் உள்ள ஓட்டல்கள் மற்றும் கட்டடங்கள் மீது நடவடிக்கை எடுப்பது புதிய மாஸ்டர்பிளான் அடிப்படையிலா? அல்லது தற்போது நடைமுறையில் உள்ள மாஸ்டர்பிளான் முறையிலா? என்று பதிலளிக்க நகர்புற வளர்ச்சித்துறை செயலருக்கு உத்தரவிட்டு, வழக்கை டிசம்பர் 19ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-madurai/dindigul/2018/dec/07/கொடைக்கானலில்-கட்டடங்கள்-மீது-எந்த-திட்டத்தின்-அடிப்படையில்-நடவடிக்கை-எடுக்கப்படுகிறது-நகர்புற-வளர்-3053112.html
3053111 மதுரை திண்டுக்கல் நிலக்கோட்டை அருகே மதுபானம் குடித்த 2 பேர் இறந்த சம்பவம்: விஷம் கலந்த மதுபானக் கடை மேற்பார்வையாளர் உள்பட 6 பேர் கைது DIN DIN Friday, December 7, 2018 06:45 AM +0530 திண்டுக்கல் மாவட்டம்,  நிலக்கோட்டை அருகே மதுபானம் குடித்து 2 பேர் உயிரிழந்த சம்பவத்தில், முன்விரோதம் காரணமாக மதுவில் விஷம் கலந்த மதுபானக் கடை மேற்பார்வையாளர் உள்பட 6 பேரை போலீஸார் வியாழக்கிழமை கைது செய்தனர்.
நிலக்கோட்டை வட்டம், பள்ளப்பட்டி கிராமத்தில் அனுமதியின்றி வீட்டில் விற்பனை செய்யப்பட்ட மதுபானத்தை அருந்திய அதே பகுதியைச் சேர்ந்த தொ. சாய்ராம் என்ற சமையன் (60), கவுண்டன்பட்டியைச் சேர்ந்த பூ வியாபாரி ரா.முருகன்(40) ஆகியோர் புதன்கிழமை உயிரிழந்தனர்.  மேலும், விளாம்பட்டி அடுத்துள்ள பாஞ்சாலங்குறிச்சியைச் சேர்ந்த சாமியார் மகன் தங்கபாண்டி(32) தீவிர சிகிச்சைக்காக மதுரை அரசு மருத்துவமனையில் அனுமதிக்கப்பட்டுள்ளார். 
இதுகுறித்து விசாரணை மேற்கொண்ட அம்மையநாயக்கனூர் போலீஸார், அனுமதியின்றி மது விற்பனையில் ஈடுபட்ட பள்ளப்பட்டியைச் சேர்ந்த ந.ஜெயசந்திரன்(40), ஆவரம்பட்டியைச் சேர்ந்த நா.செல்வம் (35), கவுண்டன்பட்டியைச் சேர்ந்த செ.கண்ணன்(40) ஆகிய மூவரை புதன்கிழமை கைது செய்தனர். இதனிடையே, முன்விரோதம் காரணமாக,  மதுபானத்தில் விஷம் கலந்தது போலீஸார் விசாரணையில் தெரியவந்தது. 
இதன்பேரில், பள்ளப்பட்டி மற்றும் மதுரையைச் சேர்ந்த 6 பேரிடம் போலீஸார் விசாரணை மேற்கொண்டனர். இதுகுறித்து போலீஸ் தரப்பில் கூறியது: 
பள்ளப்பட்டியைச் சேர்ந்த பொ.ராஜலிங்கம் (40), கொடைரோடு அரசு மதுபானக் கடையில் மேற்பார்வையாளராக பணிபுரிந்து வருகிறார். இவரும், ந. ஜெயசந்திரனும் கூட்டு சேர்ந்து பள்ளப்பட்டி பகுதியில் அனுமதியின்றி மதுபானம் விற்பனை செய்து வந்தனர். இதனிடையே, பள்ளப்பட்டி அடுத்துள்ள சிப்காட் பகுதியிலுள்ள மதுபானக் கடையிலிருந்து ஜெயசந்திரனுக்கு மதுபான பாட்டில்கள் கிடைத்துள்ளன.  இதனால் வியாபார கூட்டணியிலிருந்து ஜெயசந்திரன் வெளியேறியதால், ராஜலிங்கம் அதிருப்தியில் இருந்துள்ளார். இதனிடையே, பள்ளப்பட்டியைச் சேர்ந்த பா. தமிழ்வாணன்(50) என்பவர் நடத்தி வந்த கோழி இறைச்சிக் கடைக்கு ஜெயசந்திரன் மூலம் சிக்கல் ஏற்பட்டுள்ளது. இதனால் தமிழ்வாணனும், ஜெயசந்திரன் மீது அதிருப்தியில் இருந்துள்ளார்.
இதையடுத்து, ராஜலிங்கம் மற்றும் தமிழ்வாணன் சேர்ந்து ஜெயசந்திரனை தொழில் ரீதியாக முடக்கும் முயற்சியில் இறங்கினர். இதற்கு உடந்தையாக பள்ளப்பட்டியைச் சேர்ந்த பெ.கிருஷ்ணமூர்த்தி(50), ச.செந்தில்குமார்(30), கவுண்டன்பட்டியைச் சேர்ந்த அ.கிருஷ்ணமூர்த்தி(40) ஆகியோர் இருந்துள்ளனர். இதில் நாட்டு வைத்தியரான பெ.கிருஷ்ணமூர்த்தி, மதுரையைச் சேர்ந்த நகை பட்டறை உரிமையாளர் பாலு என்பவரிடம் சயனைடு (விஷம்) வாங்கியுள்ளார். அந்த விஷத்தை 5 மது பாட்டில்களில் கலந்து, ஜெயசந்திரன் கடையில் மாற்றியுள்ளனர். அந்த மதுபானத்தை குடித்ததால், தொ.சாய் ராம் என்ற சமையன், முருகன் ஆகியோர் உயிரிழந்துள்ளனர் என தெரிவித்தனர்.
இதையடுத்து, ராஜலிங்கம், தமிழ்வாணன், பாலு, கிருஷ்ணமூர்த்தி, செந்தில்குமார்,  மற்றொரு கிருஷ்ணமூர்த்தி ஆகிய 6 பேரையும் போலீஸார் கைது செய்தனர்.

]]>
http://www.dinamani.com/all-editions/edition-madurai/dindigul/2018/dec/07/நிலக்கோட்டை-அருகே-மதுபானம்-குடித்த-2-பேர்-இறந்த-சம்பவம்-விஷம்-கலந்த-மதுபானக்-கடை-மேற்பார்வையாளர்-உள-3053111.html
3053110 மதுரை திண்டுக்கல் நில சீரமைப்புக்கு நிவாரண நிதி வழங்க கொடைக்கானல் மேல்மலை கிராமங்களில் கணக்கெடுப்பு தொடக்கம் DIN DIN Friday, December 7, 2018 06:44 AM +0530 கொடைக்கானல் மேல் மலை கிராமங்களில் "கஜா' புயல் காரணமாக சேதமடைந்த மண் திட்டுகளை (டெரேஸ் பார்மிங்) நில சீரமைப்பு செய்வதற்கான நிவாரண நிதி வழங்குவதற்கான கணக்கெடுப்பு பணி வியாழக்கிழமை தொடங்கியது. 
கொடைக்கானல் மேல் மலை கிராமங்களில் கடந்த மாதம் 16 ஆம் தேதி ஏற்பட்ட கஜா புயல் மற்றும் பலத்த மழையால், கேரட், உருளை, பீன்ஸ் உள்ளிட்ட மலைப் பயிர்கள் சாகுபடிக்காக அமைக்கப்பட்டிருந்த கல் வரப்புகளுடன் கூடிய மண் திட்டுகள்(டெரேஸ் பார்மிங்) சரிந்தன. பயிர் பாதிப்பு மட்டுமின்றி நில அமைப்பும் சேதமடைந்ததால், விவசாயிகள் கடுமையாக பாதிக்கப்பட்டனர். மகசூல் இழப்புகளுக்கு நிவாரணம் வழங்குவதைப் போல், நில சீரமைப்பு பணிகளுக்கும் நிவாரணம் வழங்க நடவடிக்கை எடுக்க வேண்டும் என விவசாயிகள் தரப்பில் எழுந்த கோரிக்கை தொடர்பாக கடந்த மாதம் 23ஆம் தேதி தினமணியில் செய்தி வெளியானது. 
அதன் எதிரொலியாக, மாவட்ட நிர்வாகம் மண் திட்டு பாதிப்புகள் குறித்து கணக்கெடுக்கும் பணிகள் மேற்கொள்ள உத்தரவிட்டுள்ளது. மேல்மலை கிராமங்களான பூம்பாறை, மன்னவனூர், கவுஞ்சி, பூண்டி, கிளாவரை, கூக்கால் மற்றும் வில்பட்டி உள்ளிட்ட பகுதிகளில், தோட்டக்கலைத்துறை, வேளாண் பொறியியல் துறை, வருவாய்த்துறை அலுவலர்கள் கொண்ட குழுவினர், சேதமடைந்த மண் திட்டுகளை கணக்கீடு செய்யும் பணியில் ஈடுபட்டுள்ளனர். இதுதொடர்பாக வேளாண் பொறியியல் துறை அலுவலர்கள் கூறுகையில், சரிந்து விழுந்த மண் அளவு, கல் வரப்பு சேதம் ஆகியவற்றின் அடிப்படையில் கணக்கெடுப்பு பணி தொடங்கப்பட்டுள்ளது. 
ஒரு வார  காலத்தில் கணக்கெடுக்கும் பணி முடிவடையும். அதன் பின்னர், நில சீரமைப்புக்கான நிவாரண நிதி மாவட்ட நிர்வாகத்தின் மூலம் வழங்குவதற்கான  நடவடிக்கை மேற்கொள்ளப்படும் என்றனர்.

]]>
http://www.dinamani.com/all-editions/edition-madurai/dindigul/2018/dec/07/நில-சீரமைப்புக்கு-நிவாரண-நிதி-வழங்க-கொடைக்கானல்-மேல்மலை-கிராமங்களில்-கணக்கெடுப்பு-தொடக்கம்-3053110.html
3053108 மதுரை திண்டுக்கல் மதுபானக் கடையில் கொள்ளை முயற்சி தடுக்க முயன்ற ஊழியர்களுக்கு அரிவாள் வெட்டு DIN DIN Friday, December 7, 2018 06:43 AM +0530 பழனி அருகே மதுபானக் கடையில் புதன்கிழமை இரவு திருட வந்தவர்களை தடுத்த ஊழியர்கள் 2 பேருக்கு அரிவாள் வெட்டு விழுந்தது.
     பழனியை அடுத்த கந்தப்பகவுண்டன்வலசில் வயல்வெளியில் அரசு மதுபானக்கடை அமைந்துள்ளது.  ஊருக்கு ஒதுக்குப்புறமாக அமைந்துள்ள இக் கடையை புதன்கிழமை இரவு பணியாளர்கள் அடைத்து விட்டு வீட்டுக்கு சென்றுவிட்டனர்.  கடையில் உள்ள மதுபானக்கூடத்தில் அலங்கியத்தை சேர்ந்த மூர்த்தி(40) மற்றும் ஆயக்குடியை சேர்ந்த கிருஷ்ணராஜா(40) என இரு ஊழியர்கள்  தங்கியுள்ளனர்.  இரவு நேரத்தில் மதுபானக் கடையின் பூட்டை உடைக்கும் சத்தம் கேட்கவே ஊழியர்கள் இருவரும் வெளியே வந்து பார்த்த போது ஐந்து பேர் பூட்டை உடைக்க முயன்றுள்ளனர்.  
  இவர்கள் சத்தம் போடவே திருட முயன்றவர்கள் தப்பி ஓட முயன்றனர்.  இதையடுத்து இருவரும் அவர்களை துரத்தி பிடிக்க முற்பட்ட போது மர்மநபர்கள் மறைத்து வைத்திருந்த அரிவாளால் இருவரையும் தாக்கி விட்டு தப்பினர்.  இதில் பலத்த காயமடைந்த மூர்த்தி, கிருஷ்ணசாமி ஆகிய இருவரும் பழனி தனியார் மருத்துவமனையில் சிகிச்சைக்காக சேர்க்கப்பட்டனர்.  
  இது குறித்து கீரனூர் போலீஸார் வழக்குப் பதிவு செய்து விசாரிக்கின்றனர்.

]]>
http://www.dinamani.com/all-editions/edition-madurai/dindigul/2018/dec/07/மதுபானக்-கடையில்-கொள்ளை-முயற்சி-தடுக்க-முயன்ற-ஊழியர்களுக்கு-அரிவாள்-வெட்டு-3053108.html
3053107 மதுரை திண்டுக்கல் வத்தலகுண்டு நகர கூட்டுறவு வங்கி தேர்தல் அனைத்து இடங்களிலும் திமுகவினர் வெற்றி DIN DIN Friday, December 7, 2018 06:43 AM +0530 திண்டுக்கல் மாவட்டம் வத்தலகுண்டு நகர கூட்டுறவு வங்கி தேர்தலில், மொத்தமுள்ள 11 இடங்களிலும் திமுக வேட்பாளர்கள் வெற்றிப் பெற்றனர்.
 வத்தலக்குண்டு நகர கூட்டுறவு வங்கி நிர்வாக குழு உறுப்பினர்களுக்கான தேர்தல் கடந்த 3 மாதங்களுக்கு முன்பு நடைபெற்றது. இத்தேர்தலில் அதிமுக, திமுக, அமமுக கட்சிகளை சேர்ந்த 41 பேர் போட்டியிட்டனர். கடந்த  செப்.1ஆம் தேதி வாக்குப் பதிவைத் தொடர்ந்து, செப்.3ஆம் தேதி பதிவான 2,148 வாக்குகள் எண்ணப்பட்டன. அப்போது திமுக வேட்பாளர்கள் 11 பேர் முன்னிலை வகித்தனர். இதனால் அதிருப்தி அடைந்த அதிமுக பிரமுகர் ஜெயபாண்டி என்பவர் திடீரென வாக்கு எண்ணிக்கை மையத்திற்குள் நுழைந்து வாக்கு பெட்டிக்குள் மை ஊற்றியதால், வாக்கு எண்ணிக்கை நிறுத்தப்பட்டது.  இதனிடையே, வாக்குகளை உடனடியாக எண்ணி தேர்தல் முடிவினை அறிவிக்கக் கோரி திமுக மாவட்ட பிரதிநிதி கே.கணேசன் என்பவர் சென்னை உயர்நீதி மன்ற மதுரை கிளையில்  மனுதாக்கல் செய்தார். அதே நேரத்தில், அதிமுக தரப்பில் தேர்தலை ரத்து செய்யக் கோரி மனுத் தாக்கல் செய்யப்பட்டது.  இதையடுத்து, விசாரணை ஆணையம் அமைத்து உயர்நீதிமன்ற கிளை உத்தரவிட்டது. அதன்பேரில் விசாரனை மேற்கொண்டு வந்த கோயமுத்தூரை தலைமையிடமாக கொண்ட கூட்டுறவு சங்கங்களின் தேர்தல் தொடர்பான மேற்கு மண்டல குழு, கடந்த 20ஆம் தேதி வாக்கு பெட்டிகளை ஆய்வுக்காக எடுத்துச் சென்றது. விசாரணையில், மை ஊற்றப்பட்ட 6 வாக்குகளையும் மீதமுள்ள வாக்குகளையும்  எண்ணுவதற்கு உத்தரவிட்டது. வாக்குகள் அனைத்தும் எண்ணப்பட்டு, அதன் முடிவுகளை சென்னை உயர் நீதிமன்ற மதுரை கிளை புதன்கிழமை அறிவித்தது. 
  அதன் அடிப்படையில் வெற்றிப் பெற்றவர்களின் பட்டியலை தேர்தல் அலுவலர் மனோகரன், வங்கி வளாகத்திலுள்ள அறிவிப்பு பலகையில் வியாழக்கிழமை ஓட்டினார். பின்னர் தேர்தலில் வெற்றிப் பெற்ற திமுக வேட்பாளர்கள் கணேசன், அப்துல் ஹமீது, பாண்டியம்மாள், முருகன் உள்ளிட்ட 11 பேருக்கும் சான்றிதழ் வழங்கப்பட்டது. கூட்டுறவு சங்கங்களின் தேர்தல் தொடர்பான மேற்கு மண்டல குழுவின் அறிவிப்புக்கு பின், தலைவர் மற்றும் துணைத் தலைவருக்கான தேர்தல் நடைபெறும் என தேர்தல் அலுவலர் மனோகரன் தெரிவித்தார். 
 வத்தலகுண்டு நகர கூட்டுறவு வங்கித் தேர்தலில் அனைத்து இடங்களிலும் திமுக வெற்றிப் பெற்றதால், அதிமுகவினர் கடும் அதிர்ச்சி அடைந்துள்ளனர்.
 

]]>
http://www.dinamani.com/all-editions/edition-madurai/dindigul/2018/dec/07/வத்தலகுண்டு-நகர-கூட்டுறவு-வங்கி-தேர்தல்-அனைத்து-இடங்களிலும்-திமுகவினர்-வெற்றி-3053107.html
3053106 மதுரை திண்டுக்கல் ஊராட்சிச் செயலர் மீது புகார்: ஒன்றிய அலுவலகம் முற்றுகை DIN DIN Friday, December 7, 2018 06:43 AM +0530 பணி ஒதுக்கீடு செய்வது, ஊதியம் முறைகேடு புகார்களில் சிக்கிய ஊராட்சிச் செயலர் மீது நடவடிக்கை எடுக்க கோரி வடமதுரை ஊராட்சி ஒன்றிய அலுவலகத்தை 100 நாள் வேலைத் திட்ட பயனாளிகள் வியாழக்கிழமை முற்றுகையிட்டனர்.
 திண்டுக்கல் மாவட்டம், அய்யலூர் அடுத்துள்ள சுக்காம்பட்டி ஊராட்சிக்குள்பட்ட எஸ்.குரும்பப்பட்டி, ஒண்டபொம்மன்பட்டி, களத்தூர், ரோட்டுப் புதூர்,செக்கணம் உள்ளிட்ட பகுதிகளைச் சேர்ந்த 500-க்கும் மேற்பட்ட பயனாளிகள், 100 நாள் வேலை திட்டத்தின் கீழ் பணிபுரிந்து வருகின்றனர். இந்நிலையில், அரசியல் காரணங்களுக்காக பயனாளிகளுக்கு பாராபட்சமாக பணி ஒதுக்கீடு செய்யப்படுவதாகவும், குறைவான ஊதியம் வழங்கப்படுவதாகவும், ஊதியத்தில் பல லட்ச ரூபாய் முறைகேடு நடந்துள்ளது  என்றும்  பயனாளிகள் தரப்பில் புகார் தெரிவித்து வந்தனர். இதனால் ஆத்திரமடைந்த ஊராட்சி செயலர் வளைவிசெட்டிப்பட்டியைச் சேர்ந்த பயனாளிகளுக்கு மட்டும் பணி வாய்ப்பு அளித்ததாகக் கூறப்படுகிறது. இதனால் அதிர்ச்சி அடைந்த 100க்கும் மேற்பட்ட பயனாளிகள், வடமதுரை ஊராட்சி ஒன்றிய அலுவலகத்தை வியாழக்கிழமை முற்றுகையிட்டனர்.
 இதையடுத்து,  போராட்டத்தில் ஈடுபட்ட பயனாளிகளுடன், வட்டார வளர்ச்சி அலுவலர் குருவானந்தம், காவல் ஆய்வாளர் வைரம் ஆகியோர் பேச்சுவார்த்தை நடத்தினர். அப்போது, எஸ்.குரும்பப்பட்டி, ஒண்டபொம்மன்பட்டி, களத்தூர், ரோட்டுப் புதூர்,செக்கணம் பகுதியைச் சேர்ந்த பயனாளிகளுக்கு மீண்டும் பணி ஒதுக்கீடு செய்யப்படும் என்றும், ஊராட்சி செயலர் பணியிட மாற்றம் செய்யப்படுவார் என்றும் உறுதி அளித்தனர். இதனை அடுத்து போராட்டத்தில் ஈடுபட்டவர்கள் கலைந்து சென்றனர். 

]]>
http://www.dinamani.com/all-editions/edition-madurai/dindigul/2018/dec/07/ஊராட்சிச்-செயலர்-மீது-புகார்-ஒன்றிய-அலுவலகம்-முற்றுகை-3053106.html
3052414 மதுரை திண்டுக்கல் அம்பேத்கர் விருது பெற டிச.15 வரை விண்ணப்பிக்கலாம் DIN DIN Thursday, December 6, 2018 01:35 AM +0530 2019ஆம் ஆண்டுக்கான அம்பேத்கர் விருது பெற தகுதியான நபர்கள் டிசம்பர் 15 ஆம் தேதி வரை விண்ணப்பிக்கலாம் என தெரிவிக்கப்பட்டுள்ளது. 
     இதுதொடர்பாக மாவட்ட ஆட்சியர் டி.ஜி.வினய் வெளியிட்டுள்ள செய்திக்குறிப்பு: திண்டுக்கல் மாவட்டத்தில் தமிழ் வளர்ச்சிக்கு பாடுபட்ட தமிழறிஞர்கள், கவிஞர்கள் மற்றும் சான்றோர்களில் சிறந்தவர்கள் தேர்வு செய்து, 2019 ஆம் ஆண்டு ஜனவரி மாதம் திருவள்ளுவர் தினத்தன்று அம்பேத்கர் விருது வழங்கப்பட உள்ளது.  இவ்விருதுக்கு மாவட்ட அளவில் தகுதியான நபர்களை தேர்வு செய்து, ஆதிதிராவிடர் நல இயக்குநரகத்திற்கு அனுப்பப்படவுள்ளது. இதற்கான விண்ணப்பத்தினை, மாவட்ட ஆட்சியர் அலுவலகத்தில் உள்ள மாவட்ட ஆதிதிராவிடர் மற்றும் பழங்குடியினர் நல அலுவலகத்தில் பெர்றுக் கொள்ளலாம். பூர்த்தி செய்யப்பட்ட விண்ணப்பங்கள்,  15.12.2018-க்குள் மாவட்ட ஆதிதிராவிடர் மற்றும் பழங்குடியினர் நல அலுவலகத்திற்கு வந்து சேர வேண்டும் என தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/dec/06/அம்பேத்கர்-விருது-பெற-டிச15-வரை-விண்ணப்பிக்கலாம்-3052414.html
3052413 மதுரை திண்டுக்கல் பழனியில் தேசிய நூலக வாரவிழா: மாணவ, மாணவிகள் பங்கேற்பு DIN DIN Thursday, December 6, 2018 01:35 AM +0530 பழனி தட்டான்குளம் கிளை நூலகத்தில் செவ்வாய்க்கிழமை 51-ஆவது தேசிய நூலக வாரவிழாவை முன்னிட்டு பள்ளி மாணவிகள் பங்கேற்ற பல்வேறு போட்டிகள் நடைபெற்றன. 
இந்த விழாவிற்கு மாவட்ட நூலகர் பழனிச்சாமி தலைமை வகித்தார். பழனி அரசினர் மகளிர் மேல்நிலைப் பள்ளியை சேர்ந்த நூற்றுக்கணக்கான மாணவிகள் நூலகம் என்ற தலைப்பில் ஓவியப்போட்டி, கட்டுரைப்போட்டி, பேச்சுப்போட்டிகளில் பங்கேற்றனர்.  பின்னர் மாணவிகளுக்கான விளையாட்டுப்போட்டிகளும் நடைபெற்றது.  
போட்டிகளின் முடிவில் வெற்றி பெற்ற மாணவ, மாணவிகளுக்கு பழனி அரசினர் மேல்நிலைப் பள்ளி தமிழாசிரியர் நந்திவர்மன், முன்னாள் கவுன்சிலர் சுந்தர் உள்ளிட்டோர் பரிசுகளை வழங்கினர்.  தொடர்ந்து நடைபயிற்சிக் கழகத்தின் சார்பில் சுமார் பத்தாயிரம் ரூபாய் மதிப்புள்ள பொருள்கள், நூல்கள் நூலகத்துக்கு வழங்கப்பட்டன.   முன்னதாக நூலகர் வேலுச்சாமி வரவேற்றார்.   நிகழ்ச்சியில் நூலகர்கள், ஆசிரியர்கள், அரசியல் பிரமுகர்கள், பொதுமக்கள் என ஏராளமானோர் பங்கேற்றனர்.  
மாணவிகள் கூறுகையில், நூலகங்கள் மூலம் நூல்கள் வாசிப்பு அதிகமாகிறது.  அறிவு வளர்ச்சிக்கு பெரிதும் முக்கிய பங்கை வாசிப்பு வகிக்கிறது.  தமிழக அரசு நகர்ப்பகுதிகளில் மட்டுமன்றி அனைத்து பள்ளிகளிலும் நூலகங்கள் தொடங்கினால் மாணவ, மாணவியர்க்கு பயனுள்ளதாக இருக்கும்.  
மேலும் நூலகங்களுக்கு கூடுதல் நிதி ஒதுக்கி கூடுதல் நூல்களை வாங்கி வைத்தால் பள்ளிகளில் பயில்வோர்க்கும், பொதுமக்களுக்கும் மிகவும் பயனுள்ளதாக இருக்கும் என்றனர்.

]]>
http://www.dinamani.com/all-editions/edition-madurai/dindigul/2018/dec/06/பழனியில்-தேசிய-நூலக-வாரவிழா-மாணவ-மாணவிகள்-பங்கேற்பு-3052413.html
3052412 மதுரை திண்டுக்கல் கொடைக்கானலில் தொடர் மழை மரங்கள் விழுந்து போக்குவரத்துப் பாதிப்பு DIN DIN Thursday, December 6, 2018 01:34 AM +0530 கொடைக்கானலில் தொடர்ந்து பெய்து வரும் மழையால் புதன்கிழமை, சாலையில் மரங்கள் விழுந்து போக்குவரத்து பாதிக்கப்பட்டது.
   கொடைக்கானலில்  கடந்த 16 ஆம் தேதி ஏற்பட்ட "கஜா' புயலின் போது பலத்த மழை பெய்தது. அப்போது பல்வேறு இடங்களில் ஏராளமான மரங்கள் விழுந்தன. சாலைகள் சேதமடைந்து, ஆங்காங்கே மண் சரிவு ஏற்பட்டு போக்குவரத்து பாதித்தது. இதையடுத்து சாலைகள் சீரமைக்கப்பட்டு  போக்குவரத்து தொடங்கியது. 
   இதையடுத்து கொடைக்கானலில் கடந்த சில நாள்களாக பனிப்பொழிவு நிலவி வந்த நிலையில்,  இரண்டு நாள்களாக பரவலாக மழை பெய்தது. இந்நிலையில் கொடைக்கானல், பெருமாள்மலை, அப்சர்வேட்டரி, வட்டக்கானல், வில்பட்டி, பள்ளங்கி, கோம்பை உள்ளிட்ட பல்வேறு இடங்களில் புதன்கிழமை பரவலாக மழை பெய்தது.
   இந்நிலையில் கொடைக்கானல்-வத்தலக்குண்டு மலைச்சாலையான வெள்ளி நீர்வீழ்ச்சி, குருசரடி பகுதிகளில் மரங்கள் விழுந்ததால் சுமார் ஒரு மணி நேரம் போக்குவரத்து பாதிப்பு ஏற்பட்டது.
   இதனைத்தொடர்ந்து சம்பவ இடத்திற்கு வனத்துறையினர் சென்று கீழே விழுந்த மரங்களை அகற்றினர். அதன்பின் போக்குவரத்து சரி செய்யப்பட்டு வழக்கம் போல் வாகனங்கள் சென்றன.
அபாயகரமான மரங்களை அகற்ற கோரிக்கை:
கொடைக்கானல் பெருமாள்மலை, குருசரடி, வடகவுஞ்சி,பி.எல். செட் ஆகிய பகுதிகளில் நூற்றுக்கணக்கான அபாயகரமான மரங்கள் முறிந்து விழும் நிலையில் உள்ளன. இந்த மரங்களை விரைவில் அகற்றினால் பெரும் விபத்துகளைத் தவிர்க்கலாம். எனவே மாவட்ட நிர்வாகம் அபாயகரமான மரங்களை அகற்ற நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/dindigul/2018/dec/06/கொடைக்கானலில்-தொடர்-மழை-மரங்கள்-விழுந்து-போக்குவரத்துப்-பாதிப்பு-3052412.html
3052411 மதுரை திண்டுக்கல் ஒட்டன்சத்திரத்தில் பெண்ணுக்கு கொலை மிரட்டல்: தம்பதி மீது வழக்கு DIN DIN Thursday, December 6, 2018 01:34 AM +0530 ஒட்டன்சத்திரத்தில் பெண்ணுக்கு கொலை மிரட்டல் விடுத்ததாக தம்பதி மீது போலீஸார் புதன்கிழமை வழக்குப் பதிவு செய்தனர்.
     திண்டுக்கல்  மாவட்டம் ஒட்டன்சத்திரம் அருகேயுள்ள  கே.அத்திக்கோம்பையைச் சேர்ந்தவர் விசுவநாதன் மகள் அன்னாள் ஞானசுந்திரி (36). இவர் ஒட்டன்சத்திரத்தில் உள்ள ஒரு மளிகைக்கடையில் வேலை செய்த போது, அதேகடையில் வேலை பார்த்த முத்துராஜா (42) என்பவருடன் பழக்கம் ஏற்பட்டுள்ளது.    முத்துராஜா ஏற்கெனவே திருமணமாகி 2 குழந்தைகள் உள்ளதை மறைத்து அன்னாள் ஞானசுந்திரியை திருமணம் செய்து கொள்ளுவதாக ஆசை வார்த்தை கூறியுள்ளார். அதை நம்பி அவர் தனது சம்பளப் பணம் ரூ.5 லட்சத்தை முத்துராஜாவிடம் கொடுத்ததாகக் கூறப்படுகிறது. இந்த நிலையில் கொடுத்த பணத்தை திருப்பிக் கேட்டபோது, தரமறுத்து முத்துராஜா மற்றும் அவரது மனைவி ஈஸ்வரி (37) இருவரும் சேர்ந்து அன்னாள் ஞானசுந்தரியை அடித்து உதைத்து கொலை செய்து விடுவதாக மிரட்டினார்களாம்.     இது குறித்தப் புகாரின் பேரில் ஒட்டன்சத்திரம் அனைத்து மகளிர் காவல் நிலையப் போலீஸார் முத்துராஜா மற்றும் ஈஸ்வரி மீது வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/dec/06/ஒட்டன்சத்திரத்தில்-பெண்ணுக்கு-கொலை-மிரட்டல்-தம்பதி-மீது-வழக்கு-3052411.html
3052410 மதுரை திண்டுக்கல் வத்தலகுண்டுவில் புகையிலைப் பொருள்கள் பறிமுதல் DIN DIN Thursday, December 6, 2018 01:33 AM +0530 வத்தலகுண்டுவில் புதன்கிழமை மளிகைக் கடை மற்றும் குடோனில் நடத்தப்பட்ட திடீர் சோதனையில் ரூ.25ஆயிரம் மதிப்பிலான புகையிலைப் பொருள்களை உணவுப் பாதுகாப்பு அலுவலர்கள் பறிமுதல் செய்தனர்.
 திண்டுக்கல் மாவட்டம், வத்தலகுண்டு பிரதான சாலையிலுள்ள 5 மளிகைக் கடைகளிலும், அந்த கடை உரிமையாளர்களுக்கு சொந்தமான குடோன்களிலும், உணவுப் பாதுகாப்பு அலுவலர்கள் புதன்கிழமை சோதனை மேற்கொண்டனர்.  அதில் பணியாளர்கள் தங்கியுள்ள ஒரு குடோனில், தமிழகத்தில் தடை செய்யப்பட்டுள்ள புகையிலைப் பொருள்கள் 25 கிலோ பதுக்கி வைக்கப்பட்டிருந்தது கண்டறியப்பட்டது. 
 ரூ.25 ஆயிரம் மதிப்பிலான புகையிலைப் பொருள்களை பறிமுதல் செய்த உணவுப் பாதுகாப்பு  அலுவலர்கள், மாதிரிகளை சேகரித்து பகுப்பாய்வு கூடத்திற்கு அனுப்பி வைத்துள்ளனர். ஆய்வின் முடிவு வந்தவுடன், சம்பந்தப்பட்ட குடோன் உரிமையாளர் மீது சட்டரீதியான நடவடிக்கை மேற்கொள்ளப்படும் என்றும் தெரிவித்தனர்.

]]>
http://www.dinamani.com/all-editions/edition-madurai/dindigul/2018/dec/06/வத்தலகுண்டுவில்-புகையிலைப்-பொருள்கள்-பறிமுதல்-3052410.html
3052409 மதுரை திண்டுக்கல் பழனியில் கனமழை: ஆறுகளில் தண்ணீர் பெருக்கெடுத்தது DIN DIN Thursday, December 6, 2018 01:33 AM +0530 பழனி மற்றும் சுற்றுவட்டாரப் பகுதிகளில் புதன்கிழமை காலையில் சுமார் 6 மணி நேரம் பெய்த கனமழையால் பொதுமக்களின் இயல்பு வாழ்க்கை பாதிக்கப்பட்டது. பழனியை அடுத்த கோம்பைப்பட்டியில் இருந்து மூலக்கடை கிராமத்துக்கு செல்லும் தரைப்பாலம் தண்ணீரில் மூழ்கியது.
   பழனியில் புதன்கிழமை அதிகாலை 4 மணிக்கு தொடங்கிய மழை தொடர்ந்து 6 மணி நேரம் பெய்தது. 
  இதனால் பொதுமக்கள் வெளியே வராமல் வீட்டுக்குள் முடங்கினர். பழனியை அடுத்த மேற்குத் தொடர்ச்சி மலையடிவாரப்பகுதியில் கனமழை காரணமாக கோம்பைப்பட்டியை அடுத்த பெரியதுரையான் ஆற்றில் வெள்ளம் பெருக்கெடுத்து ஓடியது. இதனால் கோம்பைப்பட்டியில் இருந்து மூலக்கடை கிராமத்துக்கு செல்லும் தரைப்பாலம் நீரில் மூழ்கியது. இதனால் அப்பகுதியில் போக்குவரத்து தடைபட்டது.

]]>
http://www.dinamani.com/all-editions/edition-madurai/dindigul/2018/dec/06/பழனியில்-கனமழை-ஆறுகளில்-தண்ணீர்-பெருக்கெடுத்தது-3052409.html
3052407 மதுரை திண்டுக்கல் உண்ணாவிரதப் போராட்டம் அறிவிப்பு: பழனியில் கம்யூனிஸ்ட் கட்சியினருடன் நகராட்சி அலுவலர்கள் பேச்சுவார்த்தை DIN DIN Thursday, December 6, 2018 01:33 AM +0530 பழனி நகராட்சி அலுவலகத்தில் புதன்கிழமை கம்யூனிஸ்ட் கட்சியினருடன் நகராட்சி அதிகாரிகள் பேச்சுவார்த்தை நடத்தியதால் அக்கட்சி சார்பில் வெள்ளிக்கிழமை முதல் அறிவிக்கப்பட்டிருந்த தொடர் உண்ணாவிரதப் போராட்டம் ஒத்தி வைக்கப்பட வாய்ப்புள்ளதாகத் தெரிகிறது.
பழனி நகராட்சி நிர்வாகம் வரியை உயர்த்தியது, தெருவிளக்குகளைப் பராமரிக்காதது, குடிசைப் பகுதிகளை அகற்றியது. குப்பைவரி விதித்தது உள்ளிட்ட பல்வேறு பிரச்னைகளை கண்டித்து பழனியில் மார்க்சிஸ்ட் கம்யூனிஸ்ட் கட்சி சார்பில் வெள்ளிக்கிழமை முதல் 10 நாள்களுக்கு தொடர் உண்ணாவிரதப் போராட்டம் அறிவிக்கப்பட்டிருந்தது. இதற்கு காவல்துறை சார்பில் அனுமதி மறுக்கப்பட்ட நிலையில் புதன்கிழமை நகராட்சி அலுவலகத்தில் கட்சி நிர்வாகிகளுடன் பேச்சுவார்த்தை நடைபெற்றது. 
நகராட்சி ஆணையர் நாராயணன், நகராட்சிப் பொறியாளர் சரவணன் உள்ளிட்டோர் போராட்டக்குழுவினருடன் பேச்சுவார்த்தை நடத்தினர். மார்க்சிஸ்ட் கம்யூனிஸ்ட் கட்சியின் முன்னாள் நகர்மன்றத் தலைவர் ராஜமாணிக்கம், நகரச் செயலாளர் கந்தசாமி, மாவட்டக்குழு உறுப்பினர் குருசாமி உள்ளிட்டோர் அதிகாரிகளிடம் பொதுமக்களின் பிரச்னைகள் குறித்து எடுத்துக் கூறினர். நகராட்சி பூங்காக்களில் உரம் தயாரித்தல், வீட்டு வரி, குப்பை வரி போன்றவை அரசு சம்பந்தப்பட்டவை என்றும், இதில் குறைகள் இருந்தால் சரி செய்து தருவதாகவும், நகரில் தெருவிளக்கு, குப்பைகள் அள்ளுதல், கொசுமருந்து அடித்தல் போன்ற பிரச்னைகளுக்கு உடனடியாக தீர்வு ஏற்படுத்தி தருவதாகவும் அதிகாரிகள் தெரிவித்தனர். இதையடுத்து வியாழக்கிழமை நகர்க்குழு கூட்டப்பட்டு முடிவை தெரிவிப்பதாக மார்க்சிஸ்ட் கம்யூனிஸ்ட் கட்சியினர் தெரிவித்து சென்றனர்.  இதனால் தொடர் உண்ணாவிரதப் போராட்டத்தில் மாற்றம் ஏற்படும் என தெரியவந்துள்ளது.

]]>
http://www.dinamani.com/all-editions/edition-madurai/dindigul/2018/dec/06/உண்ணாவிரதப்-போராட்டம்-அறிவிப்பு-பழனியில்-கம்யூனிஸ்ட்-கட்சியினருடன்-நகராட்சி-அலுவலர்கள்-பேச்சுவார்த்-3052407.html
3052406 மதுரை திண்டுக்கல் முன்னாள் முதல்வர் ஜெயலலிதாவுக்கு அஞ்சலி DIN DIN Thursday, December 6, 2018 01:32 AM +0530 பழனி மற்றும் சுற்றுவட்டார கிராமங்களில் அதிமுக மற்றும் அமமுக கட்சிகள் சார்பில் மறைந்த முன்னாள் முதல்வர் ஜெயலலிதாவின் இரண்டாம் ஆண்டு நினைவு தினத்தையொட்டி அவருக்கு புதன்கிழமை அஞ்சலி செலுத்தப்பட்டது.  
இதையொட்டி பழனியில் பேருந்து நிலையம் மயில் ரவுண்டானா அருகே அதிமுக நகர கழகம் சார்பில் நகரச் செயலாளர் முருகானந்தம் தலைமையில் அஞ்சலி செலுத்தப்பட்டது. 
இதில் ஒன்றிய செயலாளர் முத்துச்சாமி, செல்வக்குமார் உள்ளிட்ட ஏராளமானோர் பங்கேற்று ஜெயலலிதா படத்துக்கு மலர் தூவி அஞ்சலி செலுத்தினர். 
பேருந்து நிலைய நுழைவாயில் அருகே அம்மா மக்கள் முன்னேற்றக் கழகத்தின் நகர மற்றும் ஒன்றிய கழகம் சார்பில் அஞ்சலி செலுத்தப்பட்டது. கழக அமைப்புச் செயலாளரும், நாடாளுமன்ற முன்னாள் உறுப்பினருமான குமாரசாமி, நகரச் செயலாளர் கணேசன், ஒன்றியச் செயலாளர் ஆறுமுகம் உள்ளிட்டோர் பங்கேற்று ஜெயலலிதாவின் படத்துக்கு மலர்தூவி அஞ்சலி செலுத்தினர். 
இதேபோல் பழனியை அருகே உள்ள அமரபூண்டி, அடுத்த ஆண்டிபட்டி ஊராட்சி குதிரையாறு அணை உள்ளிட்ட பகுதிகளிலும் அஞ்சலி செலுத்தப்பட்டது. 
ஒட்டன்சத்திரம்: திண்டுக்கல் மாவட்டம் ஒட்டன்சத்திரத்தில் ஒன்றிய, நகர அதிமுக சார்பில் முன்னாள் முதல்வர் ஜெயலலிதாவின்  2-ஆம் ஆண்டு நினைவு நாளை முன்னிட்டு, ஒன்றியச் செயலாளர் பி.பாலசுப்பிரமணி தலைமையில் கட்சி அலுவலகத்தில் இருந்து பேருந்து நிலையம் வரை புதன்கிழமை மௌன ஊர்வலம் நடைபெற்றது. அதனைத் தொடர்ந்து பேருந்து நிலையம் அருகே வைக்கப்பட்டிருந்த ஜெயலலிதாவின் படத்துக்கு மாலை அணிவித்து மலர் தூவி மரியாதை செலுத்தினர். இந்நிகழ்ச்சியில் முன்னாள் எம்எல்ஏ குப்புச்சாமி, நகரச் செயலாளர் உதயம் ராமசாமி, மாவட்ட எம்ஜிஆர் மன்ற இணைச் செயலாளர்கள் தேவி குணசேகரன், எஸ்.ஏ.பழனிவேல் உள்ளிட்டோர் கலந்து கொண்டனர்.
அதேபோல அமமுக சார்பில் ஒன்றியச் செயலாளர் ஐ.ஆர்.சந்திரன் தலைமையில் மௌன ஊர்வலம் நடைபெற்றது. அதனைத் தொடர்ந்து பேருந்து நிலைய மேற்குப் பகுதியில் வைக்கப்பட்டிருந்த ஜெயலலிதாவின் படத்துக்கு மலர் தூவி மரியாதை செலுத்தினர். இந்நிகழ்ச்சியில் வடக்கு ஒன்றியச் செயலாளர் சண்முகவேல், நகரச் செயலாளர் தங்கதுரை, ஜமால்தீன் உள்ளிட்ட ஏராளமான  நிர்வாகிகள் கலந்து கொண்டனர்.
போடியில்: முன்னாள் முதல்வர் ஜெயலலிதா நினைவு தினத்தையொட்டி போடியில் புதன்கிழமை அதிமுகவினர் அவரது படத்துக்கு மலர் தூவி அஞ்சலி செலுத்தினர். இதையொட்டி போடி நகரச் செயலாளர் வி.ஆர்.பழனிராஜ் தலைமையில் திருவள்ளுவர் சிலையிலிருந்து ஊர்வலமாகச் சென்ற அ.தி.மு.க.வினர் போடி தேவர் சிலை அருகே வைக்கப்பட்டிருந்த ஜெயலலிதாவின் படத்திற்கு மலர் தூவி மரியாதை செலுத்தினர். இதேபோல் போடி நகராட்சியில் 33 வார்டுகளிலும் ஜெயலலிதாவின் படம் வைக்கப்பட்டு அஞ்சலி செலுத்தப்பட்டது. இதேபோல் அம்மா மக்கள் முன்னேற்ற கழகம் சார்பிலும் ஜெயலலிதா நினைவு தினம் அனுசரிக்கப்பட்டது. 
போடி சட்டப்பேரவை உறுப்பினரும், தமிழக துணை முதல்வருமான ஓ.பன்னீர்செல்வம் அலுவலகத்தில் ஜெயலலிதாவின் படம் வைக்கப்பட்டு மலர் தூவி அஞ்சலி செலுத்தப்பட்டது. இதில் மாவட்ட ஜெயலலிதா பேரவை பொருளாளர் குறிஞ்சி மணி தலைமையில் அ.தி.மு.க.வினர் அஞ்சலி செலுத்தினர்.

]]>
http://www.dinamani.com/all-editions/edition-madurai/dindigul/2018/dec/06/முன்னாள்-முதல்வர்-ஜெயலலிதாவுக்கு-அஞ்சலி-3052406.html
3052404 மதுரை திண்டுக்கல் பழனியில் குப்பைக்கிடங்காக மாறிய சிறுவர் பூங்கா DIN DIN Thursday, December 6, 2018 01:32 AM +0530 பழனியில் சட்டப்பேரவை உறுப்பினர் அலுவலகத்துக்கு அருகே உள்ள சிறுவர் பூங்கா  குப்பைக்கிடங்காக மாறியுள்ளதால் நோய்பரவும் அபாயம் ஏற்பட்டுள்ளதாக பொதுமக்கள் குற்றம் சாட்டியுள்ளனர். 
பழனி சண்முகபுரம்  25வது வார்டு பகுதியில் சட்டப்பேரவை உறுப்பினர் அலுவலகத்தை ஒட்டி அமைந்துள்ளது நகராட்சி சிறுவர் பூங்கா. 1,600 சதுரடி பரப்பளவில் கட்டப்பட்டுள்ள இந்த பூங்கா சிறுவர்கள் மற்றும் பெரியவர்கள் காலை மற்றும் மாலை வேளைகளில் நடைப்பயிற்சி செய்வதற்காக கட்டப்பட்டது.  
தனியார் நிர்வாகம் இந்த பூங்காவை பராமரிக்க அனுமதியும் வழங்கப்பட்டது.  
இந்நிலையில் இந்த பூங்காவின் முன்பகுதியை ஆக்கிரமித்து ஏராளமானோர் காய்கறி கடைகள் ஆரம்பித்தனர்.  பின்னர் பூங்காவின் உள்பகுதியில் ஆடுகள், கோழிகள் வளர்த்தும், ஒரு பகுதியை காய்கறி குடோனாகவும் மாற்றினர்.  இதனால் பொதுமக்கள் வருகை முற்றிலும் தவிர்த்தனர்.
இதனால் இங்கு குப்பைகள் கொட்டி உரமாக மாற்றும் உரக்கிடங்கு கட்டப்பட்டது.  இங்கு வார்டு குப்பைகள் மட்டுமன்றி உழவர் சந்தை, உழவர் சந்தை முன்பாக உள்ள தினசரி சந்தை அனைத்தின் கழிவுகளும் கொட்டப்பட்டு உரமாக மாற்றும் பணி நடைபெற்றது. 
 சமீபத்திய மழை காரணமாக குப்பைக்கிடங்கில் துர்நாற்றம் வீசத்துவங்கியது.  
பூங்காவில் இருந்து வரும் துர்நாற்றத்தால் நோய்பரவும் சூழல் ஏற்பட்டுள்ளது.  குப்பைக் கழிவுகளால் கொசு அதிகளவில் உற்பத்தியாகிறது. மக்கள் குடியிருக்கும் நகரின் பிரதான  பகுதியில், சிறுவர் பூங்காவில் குப்பைக்கழிவுகளை கொட்டுவதை தவிர்த்து, பூங்காவை பயன்பாட்டுக்கு கொண்டுவர வேண்டும் என பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/dindigul/2018/dec/06/பழனியில்-குப்பைக்கிடங்காக-மாறிய-சிறுவர்-பூங்கா-3052404.html
3052402 மதுரை திண்டுக்கல் தேனி கல்லூரியில் தேசிய அறிவியல் தின விழா  நாளை தொடக்கம் DIN DIN Thursday, December 6, 2018 01:32 AM +0530 தேனி நாடார் சரசுவதி கலை மற்றும் அறிவியல் கல்லூரியில் தேசிய அறிவியல் மற்றும் கணித தின விழா டிச. 7, 8 ஆம் தேதிகளில் நடைபெறுகிறது.
இதுகுறித்து கல்லூரி முதல்வர் சித்ரா கூறியது: தமிழ்நாடு அறிவியல் தொழில்நுட்ப மன்றம் மற்றும் கல்லூரி நிர்வாகம் சார்பில் நடைபெறும் தேசிய அறிவியல் மற்றும் கணித விழாவை முன்னிட்டு, அனைத்துப் பள்ளி மாணவ, மாணவிகளின் அறிவியல் மற்றும் கணிதத் திறனை மேம்படுத்துவதற்காக கண்காட்சி, விநாடி-வினாப் போட்டி, பயிற்சிப் பட்டறை மற்றும் கருத்தரங்கு நடைபெறுகிறது.
இந்த விழாவில் அனைத்து பள்ளிகளிலும் 6-ஆம் வகுப்பு முதல் 9-ஆம் வகுப்பு வரை படிக்கும் மாணவ, மாணவிகள் பங்கேற்கலாம். கண்காட்சியில் இடம் பெறும் மாணவ, மாணவிகளின் சிறந்த அறிவியல் மற்றும் கணிதப் படைப்புகளுக்கு பரிசு மற்றும் பாராட்டுச் சான்றிதழ் வழங்கப்படும்.
விழாவில் பங்கேற்கும் மாணவ, மாணவிகளுக்கு பங்கேற்புச் சான்றிதழ் வழங்கப்படும். பங்கேற்க விரும்பும் மாணவ, மாணவிகள் 99766 37141, 70100 70756  என்ற எண்களில் தொடர்பு கொண்டு தங்களது பெயர்களை பதிவு செய்து கொள்ளலாம் என்றார்.
 

]]>
http://www.dinamani.com/all-editions/edition-madurai/dindigul/2018/dec/06/தேனி-கல்லூரியில்-தேசிய-அறிவியல்-தின-விழா--நாளை-தொடக்கம்-3052402.html
3052401 மதுரை திண்டுக்கல் உத்தமபாளையத்தில் ஆக்கிரமிப்பு ஓடையை மீட்க விவசாயிகள் கோரிக்கை DIN DIN Thursday, December 6, 2018 01:31 AM +0530 தேனி மாவட்டம் உத்தமபாளையத்தில்  40 ஆண்டுக்கு மேலாக ஆக்கிரமிப்பில் சிக்கிய ஓடைகளை மீட்க வேண்டும் என விவசாய அமைப்பினர் மாவட்ட நிர்வாகத்தை வலியுறுத்தி வருகின்றனர்.
உத்தமபாளையம் அருகேயுள்ள மேற்குத் தொடர்ச்சி மலை அடிவாரத்திலிருந்து  10 க்கும் மேற்பட்ட ஓடைகள் அமைந்திருந்தன.  பருவமழை காலங்களில்  பெய்யும் மழைநீரானது  இந்த ஓடைகள் வழியாக வழிந்தோடி ஆங்காங்கே இருக்கும் கண்மாய்களுக்கு சென்றடையும்.  உத்தமபாளையம் - கோம்பை இடையே செல்லும் மாநில நெடுஞ்சாலையோரத்தில் 50 அடி அகலத்தில் பெரிய ஓடை சென்றது. மேற்குத்தொடர்ச்சி மலையில் பெய்யும் மழைநீர்  இந்த ஓடை வழியாக சென்று அங்குள்ள புதுக்குளத்திற்கு சென்றடையும்.     அங்கிருந்து கருக்கோடை, இ.பி. காலனி, அம்மாபட்டி விலக்கு வழியாக சென்று உத்தமபாளையம் வழியாக செல்லும் உத்தமுத்து கால்வாயுடன்  அந்த  நீர் கலந்தது. இதன் மூலமாக சுற்றியுள்ள 500 ஏக்கருக்கு மேலாக விவசாய நிலங்கள் பாசன வசதி பெற்றன.
ஆனால், கடந்த சில ஆண்டுகளாக பருமவழை குறைந்த நிலையில்  10 கிலோ மீட்டர் நீளமுள்ள இந்த ஓடையானது முற்றிலுமாக ஆக்கிரமிப்பு  செய்யப்பட்டது. 
ஆனால் இந்தாண்டு பருவமழை கை கொடுத்த நிலையில்,   மழைநீர் செல்ல வழியில்லாமல் தோட்டங்கள் மற்றும் குடியிருப்புகளில் மழை நீர் புகுந்து 
சேதத்தை  ஏற்படுத்தியது.   எனவே, மாவட்ட நிர்வாகம்  உத்தமபாளையம் - கோம்பை இடையே ஆக்கிரமிப்பில் சிக்கியுள்ள  ஓடையை மீட்க  மழை நீர் செல்ல நடவடிக்கை எடுக்க வேண்டும் என அப்பகுதி விவசாயிகள்   கோரிக்கை விடுத்தனர். 
 

]]>
http://www.dinamani.com/all-editions/edition-madurai/dindigul/2018/dec/06/உத்தமபாளையத்தில்-ஆக்கிரமிப்பு-ஓடையை-மீட்க-விவசாயிகள்-கோரிக்கை-3052401.html
3052399 மதுரை திண்டுக்கல் "உலக மக்களை எளிமையாக தொடர்புபடுத்துவது ஓவியம்' DIN DIN Thursday, December 6, 2018 01:31 AM +0530 உலக மக்களை எளிமையாக தொடர்புபடுத்தக் கூடிய வாய்ப்பு ஓவியங்களுக்கு  மட்டுமே உண்டு என ஓவியர் ட்ராட்ஸ்கி மருது பேசினார்.
திண்டுக்கல் இலக்கிய களம் நடத்தும் 7-ஆவது புத்தகத் திருவிழாவில் செவ்வாய்க்கிழமை நடைபெற்ற சிந்தனையரங்கம் நிகழ்ச்சிக்கு துணைத் தலைவர் ஆர்.மனோகரன் தலைமை வகித்தார். இதில் காண்பியல் கலையும் தமிழர் மரபும் என்ற தலைப்பில் ஓவியர் ட்ராட்ஸ்கி மருது பேசியதாவது:   
ஐரோப்பாவிலுள்ள பாட நூல்களில், கிளியோபட்ரா தொடர்பான பாடத்தில் எழுத்துக்களுக்கு 2 பக்கம் ஒதுக்கிவிட்டு, அவர் தொடர்பான புகைப்படங்களுக்கு 6 பக்கங்கள் ஒதுக்கப்பட்டுள்ளன. அதில், ரோமானிய உடை முதல் 1960-களில் பிரபலமான நடிகையின் உடை வரையிலும், பல்வேறு ஆடை வடிவமைப்புடன் கூடிய கிளியோபட்ரா உருவங்கள் கொடுக்கப்பட்டுள்ளன. ஆனால், தமிழக பாடப் புத்தகங்களில் சித்திரங்களுக்கு முக்கியத்துவம் வழங்கப்படுவதில்லை. மேலும், புத்தகங்களில் இடம்பெற்றுள்ள ஓவியங்களும் உண்மைத் தன்மை கொண்டவை அல்ல. தமிழ் மன்னர்கள் என்றால் நகைகள் அணிந்து சிம்மாசனத்தில் இருப்பது போன்ற கற்பனையை நாம் விதைத்துவிட்டோம். 
ஆனால், அதுபோன்ற தோற்றத்தில் மன்னர்கள் இருக்கவில்லை என்பதையும், திருவிழாக் காலங்களில் மட்டுமே நகை அணிந்து கொண்டார்கள் என்ற உண்மை வரலாற்றையும் நாம் கற்றுக் கொள்ளவில்லை. 
அதேபோல் ஓவிய ஆசிரியர்களையும், ஓவிய பாடத்தையும் நாம் 2ஆம் நிலையிலேயே வைத்துள்ளோம். ஒவ்வொரு பள்ளியிலும் ஓவிய வகுப்புக்கான தனி அறை உருவாக்கப்பட வேண்டும். ஒரு மொழியை தெரிந்திருந்தால் மட்டுமே அதனை புரிந்து கொள்ள முடியும். ஆனால்  ஓவியங்கள் மட்டுமே உலக மக்களுடன், நம்மை எளிமையாக தொடர்புபடுத்தும் என்றார்.

]]>
http://www.dinamani.com/all-editions/edition-madurai/dindigul/2018/dec/06/உலக-மக்களை-எளிமையாக-தொடர்புபடுத்துவது-ஓவியம்-3052399.html
3052397 மதுரை திண்டுக்கல் "கஜா' புயல் பாதிப்பு: பழங்குடியின மக்களுக்கு வனத்துறையினர் நிவாரண உதவிகள் வழங்கல் DIN DIN Thursday, December 6, 2018 01:31 AM +0530 பழனியை அடுத்த மண்திட்டு மற்றும் பொந்துப்புளி பகுதியில் "கஜா' புயலால் பாதிப்படைந்த பழங்குடியின மக்களுக்கு செவ்வாய்க்கிழமை வனத்துறை மற்றும் தனியார் அமைப்பு சார்பில் நிவாரண உதவிகள் வழங்கப்பட்டன.
"கஜா' புயல் மழையின் போது கொடைக்கானல் வனவிலங்கு சரணாலயம் பழனி வனச்சரகத்திற்கு உள்பட்ட பழங்குடி மக்கள் அதிகம் வசிக்கும் குடியிருப்பு பகுதிகளான பொந்துப்புளி மற்றும் மண்திட்டு  பகுதிகள் சேதமடைந்தன.  
இதைத் தொடர்ந்து இப்பகுதியில் வசிக்கும் பழங்குடியின மக்கள் சுமார் 125  பேருக்கு நிவாரண உதவிகள் வழங்கப்பட்டன. 
நிகழ்ச்சிக்கு திண்டுக்கல் தலைமை வனப்பாதுகாவலர் திருநாவுக்கரசு தலைமை வகித்தார். கொடைக்கானல் வன உயிரின சரணாலய மாவட்ட அலுவலர் தேஜஸ்வி முன்னிலை வகித்தார்.  
நிகழ்ச்சியில்  குழந்தைகளுக்கு  புதிய துணிகள்  பெரியவர்களுக்கு வேண்டிய வேட்டி, சேலை மற்றும் மெழுகுவர்த்தி, தீப்பெட்டி, கொசுவர்த்தி, குடும்பம் ஒன்றுக்கு தலா 10 கிலோ அரிசி, மழைக்கோட்டு, 125 போர்வைகள், 200 துண்டுகள்,  ஆவணங்களை பாதுகாக்க நனையாத பைல்கள்,  குடிசைகளில் மழைநீர் புகாமல் இருக்க 15 தார்பாலின் உறைகள் ஆகியன வழங்கப்பட்டன.  
தலைமை விருந்தினர்கள் பழங்குடியின மக்களுக்கு நிவாரண பொருள்களை வழங்கினர். முன்னதாக பழனி வனச்சரகர் கணேஷ்ராம் வரவேற்றார்.
நிவாரண உதவிக்கான ஏற்பாடுகளை நாகர்கோவில் பழங்குடிமக்கள் அறக்கட்டளை மற்றும் தமிழ்நாடு பசுமை இயக்கம் மற்றும் நண்பர்கள் அமைப்பு சார்பில் டேவிட்சன்,  அருண்சங்கர் ,ஹெர்பர்ட், சுதாகர் உள்ளிட்டோர் செய்திருந்தனர்.

]]>
http://www.dinamani.com/all-editions/edition-madurai/dindigul/2018/dec/06/கஜா-புயல்-பாதிப்பு-பழங்குடியின-மக்களுக்கு-வனத்துறையினர்-நிவாரண-உதவிகள்-வழங்கல்-3052397.html
3051819 மதுரை திண்டுக்கல் கொடைக்கானலில் தொடர் மழை: பள்ளத்தில் இறங்கியது தனியார் பேருந்து DIN DIN Wednesday, December 5, 2018 06:12 AM +0530 கொடைக்கானலில் செவ்வாய்க்கிழமை அதிகாலை முதலே மேக  மூட்டத்துடன் மழை  பெய்ததால் செவ்வாய்க்கிழமை தனியார் பேருந்து பள்ளத்தில் இறங்கியது. இதில் பயணிகள் அதிர்ஷ்வசமாக உயிர் தப்பினர். 
திண்டுக்கல் மாவட்டம் வத்தலக்குண்டுவிலிருந்து தனியார் பேருந்து சென்றது. அதில் 50-பயணிகள் பயணம் செய்தனர். கொடைக்கானலில் தொடர்ந்து மழை பெய்ததால் அதிக மேகமூட்டத்துடன் காணப்பட்டது.  இந் நிலையில் தனியார் பேருந்து மயிலாடும்பாறை அருகே சென்ற போது, கட்டுப்பாட்டை இழந்து அருகிலுள்ள பள்ளத்தில் இறங்கியது. இதனால் பேருந்தில் சென்ற பயணிகள் சிலருக்கு லேசான காயங்கள் ஏற்பட்டன. 
இதனைத் தொடர்ந்து சம்பவ இடத்திற்கு உடனடியாகச் சென்ற  போலீஸார் பயணிகளை  பாதுகாப்பாக மீட்டனர்.  இதனைத் தொடர்ந்து பள்ளத்தில் இறங்கிய தனியார் பேருந்து மீட்கப்பட்டது. இந்த விபத்து குறித்து கொடைக்கானல் போலீஸார் விசாரனை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/dec/05/கொடைக்கானலில்-தொடர்-மழைபள்ளத்தில்-இறங்கியது-தனியார்-பேருந்து-3051819.html
3051818 மதுரை திண்டுக்கல் நீலகண்ட பிரம்மச்சாரி 130-ஆவது பிறந்த தினம் DIN DIN Wednesday, December 5, 2018 06:12 AM +0530 திண்டுக்கல் மாவட்ட காமராஜர் சிவாஜி தேசியப் பேரவை சார்பில், தேசப் பக்தர் எருக்கூர் நீலகண்ட பிரம்மச்சாரியின் 130-ஆவது பிறந்த தினம் செவ்வாய்க்கிழமை கொண்டாடப்பட்டது. 
திண்டுக்கல் காமராஜர் சிலை வளாகத்தில் நடைபெற்ற நிகழ்ச்சிக்கு, காமராஜர் சிவாஜி பேரவையின் மாவட்டத் துணைத் தலைவர் சி.தவசி நாகராசன் தலைமை வகித்தார். பொருளாளர் டி.கே.ராமமூர்த்தி முன்னிலை வகித்தார். நிகழ்ச்சியின் போது நீலகண்ட பிரம்மச்சாரியின் படத்திற்கு மாலை அணிவித்து அஞ்சலி செலுத்தப்பட்டது. 
அதனைத் தொடர்ந்து, நாகை மாவட்டம் சீர்காழி தொடர் வண்டி நிலையத்திற்கு எருக்கூர் நீலகண்ட பிரம்மச்சாரி பெயரைச் சூட்ட வேண்டும். நீலகண்ட பிரம்மச்சாரி பிறந்த ஊரான, சீர்காழி அடுத்துள்ள எருக்கூர் கிராமத்தில் அவருக்கு நினைவு மண்டபம் அமைக்க வேண்டும் என தீர்மானம் நிறைவேற்றப்பட்டது. நிகழ்ச்சியில் மாவட்டச் செயலர் மு.சந்தர் ஈசன், நிறுவனர் சு.வைரவேல், மாநகர் பொதுச் செயலர் பி.கே.மோதிலால் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/dec/05/நீலகண்ட-பிரம்மச்சாரி-130-ஆவது-பிறந்த-தினம்-3051818.html
3051817 மதுரை திண்டுக்கல் ஒட்டன்சத்திரம் அருகே ஸ்டவ் அடுப்பு வெடித்து காயமடைந்த பெண் சாவு DIN DIN Wednesday, December 5, 2018 06:12 AM +0530 ஒட்டன்சத்திரம் அருகே சமையல் செய்த போது மண்ணெண்ணெய் ஸ்டவ் அடுப்பு வெடித்து காயமடைந்த பெண் சிகிச்சை பலனின்றி செவ்வாய்க்கிழமை உயிரிழந்தார்.
ஒட்டன்சத்திரம் அடுத்துள்ள கூடலிங்கபுரத்தைச் சேர்ந்த முருகேசன் மனைவி மாரியம்மாள் (47). இவர் கடந்த நவ. 30-ஆம் தேதி வீட்டில் சமையல் செய்யும் போது எதிர்பாராமல் மண்ணெண்ணெய் ஸ்டவ் வெடித்ததாம். இதில் பலத்த தீக்காயமடைந்த அவரை அக்கம்பக்கத்தினர் மீட்டு ஒட்டன்சத்திரம் அரசு மருத்துவமனையில் சேர்ந்தனர். அங்கு முதலுதவிக்கு பிறகு மதுரை அரசு மருத்துவமனையில் சேர்க்கப்பட்டு சிகிச்சை பெற்று வந்தார். இந்நிலையில் செவ்வாய்க்கிழமை மாரியம்மாள் உயிரிழந்தார். இதுகுறித்து ஒட்டன்சத்திரம் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/dec/05/ஒட்டன்சத்திரம்-அருகே-ஸ்டவ்-அடுப்பு-வெடித்து-காயமடைந்த-பெண்-சாவு-3051817.html
3051816 மதுரை திண்டுக்கல் பழனியில்  அரசு மருத்துவர்கள் வேலைநிறுத்தம்: பொதுமக்கள் அவதி DIN DIN Wednesday, December 5, 2018 06:11 AM +0530 பழனி அரசு மருத்துவமனையில் செவ்வாய்க்கிழமை அரசு மருத்துவர்களின் வேலைநிறுத்த போராட்டத்தால்  புறநோயாளிகள் சிரமத்துக்கு ஆளாகினர். 
மத்திய அரசு மருத்துவர்களுக்கு இணையான ஊதியம் வழங்கக் கோரி, செவ்வாய்க்கிழமை ஒருநாள் வெளிநோயாளிகளுக்கு சிகிச்சை வழங்குவதில்லை என்று தமிழகம் முழுவதும் மருத்துவர்கள் போராட்டத்தில் ஈடுபட்டனர். 
 பழனியில் அரசு மருத்துவர்கள் சங்க கூட்டமைப்பு சார்பில் புறநோயாளிகள் சிகிச்சை புறக்கணிப்பு போராட்டம் நடைபெற்றது.  பழனி மற்றும் சுற்றுவட்டார பகுதிகளில் சமீபத்திய மழை மற்றும் பருவநிலை மாற்றத்தால் நாள்தோறும் ஆயிரக்கணக்கான மக்கள் கிராமபகுதிகளில் இருந்து சிகிச்சை பெற்று வருகின்றனர்.  
செவ்வாய்க்கிழமை சிகிச்சைக்காக வந்த பலரும் மருத்துவர்கள் வேலை நிறுத்தப் போராட்டத்தால் சிரமத்துக்கு ஆளாகினர்.   நோயாளிகளுக்கு செவிலியர்கள் சிகிச்சை அளித்தனர்.

]]>
http://www.dinamani.com/all-editions/edition-madurai/dindigul/2018/dec/05/பழனியில்--அரசு-மருத்துவர்கள்-வேலைநிறுத்தம்-பொதுமக்கள்-அவதி-3051816.html
3051815 மதுரை திண்டுக்கல் புயலால் விழுந்துள்ள தைல மரங்கள்: கொடைக்கானலில் 2 இடங்களில் டிஎன்பிஎல் கொள்முதல் மையங்கள் DIN DIN Wednesday, December 5, 2018 06:10 AM +0530 கொடைக்கானல் மலைப் பகுதியில் புயலால் முறிந்து விழுந்துள்ள தைல மரங்களை கொள்முதல் செய்வதற்கு, தினமணி செய்தி எதிரொலியாக டிஎன்பிஎல் நிறுவனம் சார்பில் 2 இடங்களில் தற்காலிக கொள்முதல் மையம் அமைக்கப்படும் என தெரிவிக்கப்பட்டுள்ளது.
திண்டுக்கல் மாவட்டத்தில் கடந்த நவ.16ஆம் தேதி ஏற்பட்ட கஜா புயலால், கொடைக்கானல் கீழ்மலை மற்றும் மேல் மலைப் பகுதியில் சுமார் 1.50 லட்சம் மரங்கள் முறிந்து விழுந்துள்ளன. பட்டா நிலங்களில் விழுந்துள்ள மரங்களை அகற்றுவதற்கான அனுமதி ஆணை பெறுவது தொடர்பாகவும், விவசாயிகளுக்கு உரிய விலை கிடைப்பதை உறுதி செய்வதற்கும், நில உரிமையாளர்கள் மற்றும் மர வியாபாரிகள் ஒருங்கிணைப்புக் கூட்டம் செவ்வாய்க்கிழமை நடைபெற்றது. மாவட்ட ஆட்சியர் அலுவலகத்தில் நடைபெற்ற இக்கூட்டத்திற்கு ஆட்சியர் டி.ஜி. வினய் தலைமை வகித்தார். 
அப்போது அவர் தெரிவித்ததாவது: கஜா புயலால் முறிந்து விழுந்த மரங்களை  அகற்றுவதற்கு அனுமதி ஆணை துரிதமாக வழங்கப்படும். விவசாயிகள் தரப்பில் வழங்கப்படும் விண்ணப்பங்களை வருவாய்த்துறையினர் மூலமாக ஆய்வு செய்து, உடனடியாக ஆணை வழங்க அறிவுறுத்தப்பட்டுள்ளது. இதுவரை 103 பட்டாதாரர்கள் சார்பில் 22,550 மரங்களை அகற்றுவதற்கு விண்ணப்பம் வழங்கப்பட்டுள்ளது. சிறு, குறு விவசாயிகள் எளிதாக பயன்பெறும் வகையில், அந்தந்த பகுதிகளுக்குள்பட்ட கிராம நிர்வாக அலுவலர்கள், வருவாய் ஆய்வாளர்களிடமும் விண்ணப்பம் வழங்கலாம் என தெரிவித்துள்ளார்.
 கொள்முதல் மையங்கள்:
 புயலால் பாதிக்கப்பட்ட தஞ்சாவூர், புதுக்கோட்டை, நாகை உள்ளிட்ட 6 மாவட்டங்களில் முறிந்து விழுந்துள்ள மரங்களை கொள்முதல் செய்வதற்கு தமிழ்நாடு செய்தித்தாள் காகித நிறுவனம் சார்பில் கொள்முதல் மையம் அமைக்கப்படும் என வேளாண் உற்பத்தி ஆணையர் ககன்தீப்சிங் பேடி அறிவித்திருந்தார். அதேபோல் திண்டுக்கல் மாவட்டத்திலும் கொள்முதல் மையம் அமைக்க வேண்டும் என விவசாயிகள் மத்தியில்  எழுந்த எதிர்பார்ப்பு குறித்து தினமணியில் (டிச.3) செய்தி வெளியானது. அதன் எதிரொலியாக, டிஎன்பிஎல் நிறுவனத்திற்கும் அழைப்பு விடுத்த மாவட்ட நிர்வாகம், கொடைக்கானல் பகுதியில் 2 இடங்களில் கொள்முதல் மையம் அமைக்கப்படுவதையும் செவ்வாய்க்கிழமை உறுதி செய்துள்ளது. இதுதொடர்பாக விவசாயிகளிடம் பேசிய ஆட்சியர் வினய், டிஎன்பிஎல் நிறுவனத்திற்கு தைல மரங்கள் மட்டுமே தேவைப்படுவதாக தெரிவித்துள்ளனர். இதனால், கொடைக்கானல் மற்றும் மேல்மலைப் பகுதியில் முறிந்து விழுந்துள்ள தைல மரங்களை கொடைக்கானலிலும், வடகவுஞ்சி மற்றும் சுற்றுப்புற பகுதியில் விழுந்துள்ள மரங்களை மேல்பள்ளம் பகுதியிலும் கொள்முதல் செய்ய தற்காலிக மையங்கள் அமைக்கப்படும் என்றார்.

]]>
http://www.dinamani.com/all-editions/edition-madurai/dindigul/2018/dec/05/புயலால்-விழுந்துள்ள-தைல-மரங்கள்-கொடைக்கானலில்-2-இடங்களில்-டிஎன்பிஎல்-கொள்முதல்-மையங்கள்-3051815.html
3051814 மதுரை திண்டுக்கல் பாலாறு-பொருந்தலாறு அணை நிரம்புகிறது: கரையோர மக்களுக்கு வெள்ள அபாய எச்சரிக்கை DIN DIN Wednesday, December 5, 2018 06:10 AM +0530 பழனி பாலாறு அணை நிரம்பி வருவதால் செவ்வாய்க்கிழமை பொதுப்பணித்துறை சார்பில் கரையோர மக்களுக்கு மூன்றாம் கட்ட வெள்ள அபாய எச்சரிக்கை விடுக்கப்பட்டுள்ளது.
பழனி நங்காஞ்சியாறு வடிநிலக்கோட்டம் செயற்பொறியாளர் சுப்பிரமணியம் விடுத்துள்ள  செய்திக்குறிப்பு:  
பழனியை அடுத்த பாலாறு பொருந்தலாறு அணையின் மொத்த உயரம் 65 அடி.  தற்போது 63 அடிக்கு தண்ணீர் நிரம்பியுள்ளது.  அணைக்கு விநாடிக்கு 129 கனஅடி நீர் வரத்து உள்ளது.  விவசாய பயன்பாட்டுக்காக விநாடிக்கு 129 கனஅடி தண்ணீர் வெளியேற்றப்படுகிறது.  இந்நிலையில் வானிலை அறிவிப்பின் படி மழை தொடர்ந்தால் அணையின் பாதுகாப்பு கருதி 63 அடி உயரத்துக்கு நீர்மட்டம் கண்காணிக்கப்பட்டு உபரிநீர் வெளியேற்றப்படும்.  இதனால் கரையோர கிராமங்களுக்கு மூன்றாம் கட்ட வெள்ள அபாய எச்சரிக்கை விடுக்கப்பட்டுள்ளது.
அதன்படி பச்சையாறு, சண்முகநதி கரையோர கிராமங்களான பொருந்தல், பாலசமுத்திரம், தாமரைக்குளம், மானூர், கோரிக்கடவு, கீரனூர் கிராம மக்கள் தங்களையும், தங்கள் உடைமைகளையும், கால்நடைகளையும் பாதுகாப்பாக அப்புறப்படுத்திக் கொள்ள வேண்டும் என தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/dec/05/பாலாறு-பொருந்தலாறு-அணை-நிரம்புகிறதுகரையோர-மக்களுக்கு-வெள்ள-அபாய-எச்சரிக்கை-3051814.html
3051813 மதுரை திண்டுக்கல் பழனி அருகே கிணற்றில் விழுந்து  DIN DIN Wednesday, December 5, 2018 06:09 AM +0530 பழனி அருகே மூலக்கடையில் தனியார் தோட்டக் கிணற்றில் சுமார் ஒரு வயதுள்ள ஆண் கடமான் தவறி விழுந்து இறந்தது.
 திண்டுக்கல் மாவட்டம் பழனியை அடுத்த கோம்பைப்பட்டி அருகே உள்ளது மூலக்கடை.  மேற்குத்தொடர்ச்சி மலை அடிவாரமான இப்பகுதியில் நெல், கரும்பு, மக்காச்சோளம் போன்ற பயிர்கள் சாகுபடி செய்யப்பட்டுள்ளது.  இதனால் மலைப்பகுதியில் இருந்து மான், முயல், யானை உள்ளிட்ட வனவிலங்குகளும் இப்பகுதிக்கு வருவது அதிகரித்துள்ளன.  
இந்நிலையில் திங்கள்கிழமை இரவு அப்பகுதியில் வசிக்கும் சுப்பிரமணி என்பவருக்கு சொந்தமான வயலுக்கு, சுமார் ஒரு வயது நிரம்பிய ஆண் கடமான் வழிதவறி வந்துள்ளது.   அப்போது  வயலில் இருந்த சுமார் 80 அடி ஆழமுள்ள கிணற்றில் தவறி விழுந்தது.  இதில் மேலே ஏற வழியின்றி மான் நீரில் மூழ்கி இறந்தது.  தகவலறிந்த ஒட்டன்சத்திரம் வனத்துறையினர் செவ்வாய்க்கிழமை காலை சம்பவ இடத்துக்குச் சென்று, கிணற்றில் இறந்த மானில் உடலை கயிறு மூலமாக மேலே எடுத்தனர்.  சம்பவ இடத்துக்குச் சத்திரப்பட்டி கால்நடை உதவி மருத்துவர் வரவழைக்கப்பட்டு பிரேதப் பரிசோதனை செய்யப்பட்டு, உடல் புதைக்கப்பட்டது.
 

]]>
http://www.dinamani.com/all-editions/edition-madurai/dindigul/2018/dec/05/பழனி-அருகேகிணற்றில்-விழுந்து-3051813.html