Dinamani - திண்டுக்கல் - http://www.dinamani.com/all-editions/edition-madurai/dindigul/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2926885 மதுரை திண்டுக்கல் கொடைக்கானலில் மினி மாரத்தான் போட்டி DIN DIN Saturday, May 26, 2018 04:48 AM +0530 கொடைக்கானலில் மினி மாரத்தான் போட்டி வெள்ளிக்கிழமை நடைபெற்றது.
கொடைக்கானலில் கோடை விழாவை முன்னிட்டு மாவட்ட விளையாட்டுத் துறை சார்பில் பல்வேறு விளையாட்டுப் போட்டிகள் நடைபெற்று வருகிறது. இந்நிலையில், ஆண்கள் (10 கி.மீ.), பெண்கள் (5 கி.மீ.) பங்கேற்ற மினி மாரத்தான் போட்டி நடைபெற்றது. கொடைக்கானல் ஏரிச்சாலை கலையரங்கம் பகுதியில் நடைபெற்ற இப்போட்டியை, வருவாய் கோட்டாட்சியர் மோகன் தொடங்கி வைத்தார். ஆண்கள் பிரிவில் திவாகர் முதலிடமும், சசிகுமார் இரண்டாம் இடமும், அசோக் மூன்றாமிடமும் பெற்றனர். 
 பெண்கள் பிரிவில் பவித்ரா முதலிடமும், பாசமலர் இரண்டாம் இடமும், சுமித்ரா மூன்றாம் இடமும் பெற்றனர். வெற்றி பெற்றவர்களுக்கு சுற்றுலா அலுவலர் உமாதேவி பரிசுகளை வழங்கினார். முதல் பரிசாக ரூ. 2 ஆயிரம், 2 ஆவது பரிசாக ரூ .1,500,  3 ஆவது பரிசாக ரூ.1,000 வழங்கப்பட்டது.  இந்நிகழ்ச்சியில் கொடைக்கானல் வட்டாட்சியர் பாஷியம், உதவி சுற்றுலா அலுவலர்ஆனந்த் உள்ளிட்ட பலர் கலந்து கொண்டனர்.
போட்டி ரத்து: கொடைக்கானலில் வியாழக்கிழமை இரவு முழுவதும் கொடைக்கானலில் மழை பெய்தது. இதனைத் தொடர்ந்து காலை முதல் மேகமூட்டமும் அவ்வப்போது சாரல் மழையும் பெய்தது. பிற்பகலில் ஒரு மணிநேரம் மிதமான மழை பெய்தது. இதனால் கோடை விழாவை முன்னிட்டு சிறுவர், சிறுமியருக்காக நடைபெறவிருந்த சைக்கிள் போட்டி ரத்து செய்யப்பட்டது.
 

]]>
http://www.dinamani.com/all-editions/edition-madurai/dindigul/2018/may/26/கொடைக்கானலில்-மினி-மாரத்தான்-போட்டி-2926885.html
2926884 மதுரை திண்டுக்கல் பழனியில் தொடர் மழை: அணைகளில் நீர்மட்டம் உயர்வு DIN DIN Saturday, May 26, 2018 04:48 AM +0530 பழனி மற்றும் சுற்றுவட்டாரப் பகுதிகளில் தொடர்ந்து பெய்து வரும்  மழையால் அணைகளுக்கு நீர்வரத்து அதிகரித்துள்ளது.  இதனால் விவசாயிகளும், பொதுமக்களும் மகிழ்ச்சி அடைந்துள்ளனர்.
பழனி நகரில் வெள்ளிக்கிழமை மதியம் சுமார் அரைமணி நேரம் பெய்த அடைமழையால் சாலைகளில் மழைநீர் பெருக்கெடுத்து ஓடியது.  பழனி மற்றும்  கொடைக்கானல் மலைப்பகுதிகளிலும் பெய்து வரும் தொடர்மழை காரணமாக அணைகளுக்கு நீர்வரத்து அதிகரித்துள்ளது. 
பழனிக்கு குடிநீர் வழங்கும் கோடைகால நீர்த்தேக்கம் விரைவாக நிரம்பி வருகிறது.  பழனியை அடுத்த வரதமாநதி அணைக்கு விநாடிக்கு 132 கனஅடி நீர் வரத்து உள்ளது.  66.47 அடி உயரமுள்ள இந்த அணையில் தற்போது 40 அடி உயரத்துக்கு தண்ணீர் நிரம்பியுள்ளது.  அதேபோல பாலாறு பொருந்தலாறு அணை, குதிரையாறு அணைகளிலும்  நீர்வரத்து அதிகரித்துள்ளதால் அணைகளில் நீர்மட்டம் உயர்ந்து வருகிறது.  இதனால் விவசாயிகளும், பொதுமக்களும் மகிழ்ச்சி அடைந்துள்ளனர்.

]]>
http://www.dinamani.com/all-editions/edition-madurai/dindigul/2018/may/26/பழனியில்-தொடர்-மழை-அணைகளில்-நீர்மட்டம்-உயர்வு-2926884.html
2926883 மதுரை திண்டுக்கல் அணையில் மூழ்கி இளைஞர் சாவு DIN DIN Saturday, May 26, 2018 04:47 AM +0530 திண்டுக்கல் மாவட்டம், சிலுக்குவார்பட்டி அடுத்துள்ள பள்ளப்பட்டி கவுண்டன்பட்டியைச் சேர்ந்தவர் சங்கன் மகன் பெரியசாமி(25). இவர், மாவூர் அணைக்கு வெள்ளிக்கிழமை குளிக்கச் சென்றாராம். 
அப்போது இவர், நீரில் மூழ்கி விட்டாராம். இதுகுறித்து அம்மையநாயக்கனூர் போலீஸாருக்கும், நிலக்கோட்டை தீயணைப்பு நிலையத்துக்கும் தகவல் அளிக்கப்பட்டதன் பேரில், தீயணைப்பு படை வீரர்கள் உதவியுடன் சடலத்தை தேடும் பணி நடைபெற்றது. சுமார் 1 மணி நேர முயற்சிக்குப் பின் பெரியசாமியின் சடலம் மீட்கப்பட்டது.  இதுகுறித்து போலீஸார் விசாரிக்கின்றனர்.
 

]]>
http://www.dinamani.com/all-editions/edition-madurai/dindigul/2018/may/26/அணையில்-மூழ்கி-இளைஞர்-சாவு-2926883.html
2926882 மதுரை திண்டுக்கல் பழனி அருகே சுரங்கபாதை அமைப்பதை எதிர்த்து பொதுமக்கள் சாலை மறியல் DIN DIN Saturday, May 26, 2018 04:47 AM +0530 பழனி அருகே ஆளில்லா ரயில்வே கடவுப்பாதையில் சுரங்கப்பாதை அமைக்க எதிர்ப்பு தெரிவித்து வெள்ளிக்கிழமை பொதுமக்கள்  சாலை மறியலில் ஈடுபட்டனர்.
திண்டுக்கல் மாவட்டம் பழனியை அடுத்த ஆயக்குடி பேரூராட்சிக்கு உட்பட்டது பொன்னாபுரம் கிராமம். இக்கிராமத்திற்கு செல்லும் வழியில் ஆளில்லா ரயில்பாதை உள்ளது.  இந்த வழியே நாள்தோறும் சுமார் பத்துக்கும் மேற்பட்ட ரயில்கள் வந்து செல்கின்றன.  
கடந்த சில மாதங்களுக்கு முன்பு பள்ளி வாகனம் ஒன்று ஆளில்லா ரயில் பாதையை கடக்கும் போது, ரயில் ஓட்டுநர் சமயோஜிதமாக செயல்பட்டதால் விபத்து தவிர்க்கப்பட்டது.  இதனைத்தொடர்ந்து இப்பாதையில் தற்காலிக ரயில்வே கேட் கீப்பர்கள் நியமிக்கப்பட்டனர்.  இந்நிலையில் ரயில்வே நிர்வாகம் இங்கு சுரங்கப்பாதை அமைக்க முடிவு செய்தது.  இதற்கான பணிகள் வெள்ளிக்கிழமை நடைபெறும் என அறிவிக்கப்பட்டது. இந்நிலையில் சுரங்கப்பாதை அமைக்க எதிர்ப்பு தெரிவித்து  250க்கும் மேற்பட்ட பொதுமக்கள் ஆயக்குடி-பொன்னாபுரம் சாலையில் மறியலில் ஈடுபட்டனர்.  சுமார் 2 மணி நேரம் நடைபெற்ற இந்த   மறியலால் இப்பகுதியில் போக்குவரத்து பாதிக்கப்பட்டது.  
 தகவலறிந்த ஆயக்குடி போலீஸார் மறியலில் ஈடுபட்ட பொதுமக்களிடம் சமரச பேச்சுவார்த்தையில் ஈடுபட்டனர். அப்போது பொதுமக்கள் மேம்பாலம் அல்லது ரயில்வே கேட் அமைக்க வேண்டுமென்று வலியுறுத்தினர்.  இதுதொடர்பாக ரயில்வே அதிகாரிகளுடன் பேச்சுவார்த்தை நடத்தி முடிவெடுக்கப்படும் என்றும், அதுவரை கட்டுமானப்பணி நிறுத்தி வைக்கப்படும் என்றும் அதிகாரிகள் உறுதியளித்ததைத் தொடர்ந்து பொதுமக்கள் மறியலைக் கைவிட்டனர்.

]]>
http://www.dinamani.com/all-editions/edition-madurai/dindigul/2018/may/26/பழனி-அருகே-சுரங்கபாதை-அமைப்பதை-எதிர்த்து-பொதுமக்கள்-சாலை-மறியல்-2926882.html
2926881 மதுரை திண்டுக்கல் குடிநீர் கோரி சேவுகம்பட்டி பேரூராட்சி அலுவலகம் முற்றுகை DIN DIN Saturday, May 26, 2018 04:47 AM +0530 குடிநீர் விநியோகம் செய்ய வலியுறுத்தி சேவுகம்பட்டி பேரூராட்சி அலுவலகத்தை முற்றுகையிட்டு பொதுமக்கள் ஆர்ப்பாட்டத்தில் ஈடுபட்டனர்.
திண்டுக்கல் மாவட்டம், சேவுகம்பட்டி பேரூராட்சியில் 15 வார்டுகள் உள்ளன. 10ஆயிரத்திற்கும் மேற்பட்டோர் வசித்து வருகின்றனர். இந்நிலையில், கடந்த 40 நாள்களுக்கும் மேலாக, பேரூராட்சி நிர்வாகத்தின் சார்பில் குடிநீர் விநியோகம் செய்யப்படவில்லை என கூறப்படுகிறது. 
இதனால் குடிநீர் விநியோகம் செய்யக்கோரி  மார்க்சிஸ்ட் கம்யூனிஸ்ட் கட்சியின் கிளைச் செயலர்கள் செல்லபாண்டி,  பெருமாள்சாமி ஆகியோர் தலைமையில் எம்.வாடிப்பட்டி பொதுமக்கள் பேரூராட்சி அலுவலகத்தை முற்றுகையிட்டு வெள்ளிக்கிழமை ஆர்ப்பாட்டத்தில் ஈடுபட்டனர்.  
இதனையடுத்து, பேரூராட்சி அலுவலர்கள் போராட்டத்தில் ஈடுபட்டவர்களுடன் பேச்சுவார்த்தை நடத்தினர். அப்போது, சனிக்கிழமை முதல் டிராக்டர் மூலம் குடிநீர் வழங்க நடவடிக்கை எடுக்கப்படும் என அதிகாரிகள் உறுதி அளித்தனர். அதனைத் தொடர்ந்து போராட்டத்தில் ஈடுபட்டவர்கள் கலைந்து சென்றனர்.
 

]]>
http://www.dinamani.com/all-editions/edition-madurai/dindigul/2018/may/26/குடிநீர்-கோரி-சேவுகம்பட்டி-பேரூராட்சி-அலுவலகம்-முற்றுகை-2926881.html
2926880 மதுரை திண்டுக்கல் நத்தம் அருகே பைக் மீது பேருந்து மோதல்: இளைஞர் சாவு DIN DIN Saturday, May 26, 2018 04:46 AM +0530 திண்டுக்கல் மாவட்டம் நத்தம் அருகே மோட்டார் சைக்கிள் மீது தனியார் பேருந்து மோதிய விபத்தில், இளைஞர் ஒருவர் வெள்ளிக்கிழமை உயிரிழந்தார்.
 நத்தத்தை அடுத்துள்ள சித்திரைக்கவுடன்பட்டியைச் சேர்ந்தவர் பெருமாள் மகன் வெள்ளைச்சாமி (24).இவர் மதுரை ரயில்வே சிற்றுண்டி நிலையத்தில் தற்காலிக பணியாளராக வேலைபார்த்து வந்தார்.  இந்நிலையில் வெள்ளைச்சாமி தனது இருசக்கர வாகனத்தில் வெள்ளிக்கிழமை செந்துறைக்கு சென்று கொண்டிருந்த போது மேட்டுப்பட்டி பிரிவில், மணப்பாறை நோக்கி சென்று கொண்டிருந்த தனியார் பேருந்து மோதியது. இதில் பலத்த காயமடைந்த வெள்ளைச்சாமி சம்பவ இடத்திலேயே உயிரிழந்தார். 
இதுகுறித்து தகவல் அறிந்த நத்தம் போலீஸார், சடலத்தை மீட்டு நத்தம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.மேலும் விபத்து குறித்து வழக்குப்பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/26/நத்தம்-அருகே-பைக்-மீது-பேருந்து-மோதல்-இளைஞர்-சாவு-2926880.html
2926879 மதுரை திண்டுக்கல் பழனி அருகே பைக் மீது கார் மோதியதில் மூதாட்டி சாவு DIN DIN Saturday, May 26, 2018 04:45 AM +0530 பழனி அருகே வெள்ளிக்கிழமை இருசக்கர வாகனத்தின் மீது கார் மோதியதில் மூதாட்டி உயிரிழந்தார்.
பழனியை அடுத்த தாதநாயக்கன்பட்டியை சேர்ந்தவர் முத்துச்சாமி (74).  இவரது மனைவி விஜயம்மா(60).  இவர்கள் இருவரும் வெள்ளிக்கிழமை பழனிக்கு  இருசக்கர வாகனத்தில் சென்றுள்ளனர். சின்னக்கலையமுத்தூர் அருகே சென்று கொண்டிருந்த போது இருசக்கர வாகனம் மீது, உடுமலையில் இருந்து கொடைக்கானல் சென்ற கார் மோதியது. இந்த விபத்தில் தூக்கிவீசப்பட்ட விஜயம்மா சம்பவ இடத்திலேயே உயிரிழந்தார்.  முத்துச்சாமி பலத்த காயங்களுடன் பழனி அரசு மருத்துவமனையில் சிகிச்சைக்காக அனுமதிக்கப்பட்டார்.  இந்த விபத்து குறித்து பழனி தாலுகா போலீஸார் வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/may/26/பழனி-அருகே-பைக்-மீது-கார்-மோதியதில்-மூதாட்டி-சாவு-2926879.html
2926878 மதுரை திண்டுக்கல் தூத்துக்குடி துப்பாக்கிச் சூடு சம்பவம்: தமிழ்நாடு அறிவியல் இயக்கம் கண்டனம் DIN DIN Saturday, May 26, 2018 04:45 AM +0530 தூத்துக்குடி துப்பாக்கிச் சூடு சம்பவத்தைக் கண்டித்து, தமிழ்நாடு அறிவியல் இயக்கம் சார்பில் அறிக்கை வெளியிடப்பட்டுள்ளது.
அதில், அவ்வியக்கத்தின் மாநிலச் செயலர் தே. சுந்தர் தெரிவித்திருப்பதாவது: தூத்துக்குடி ஸ்டெர்லைட் ஆலைக் கழிவுகள் மூலம் உருவாகிய மாசு, மக்களை பெருமளவு பாதித்தது ஆய்வுகள் மூலம் நிரூபணம் செய்யப்பட்டுள்ளது. இந்த சூழல் மாசுபாட்டை எதிர்த்தே மக்கள் போராடினர்.
மக்களின் போராட்டங்களையும், கருத்துகளையும்  உரிய வழிமுறையில் அணுகாமல், துப்பாக்கிச் சூடு நடத்தியது அறிவியலாளர்கள் மத்தியில் கொந்தளிப்பை ஏற்படுத்தியுள்ளது.    தமிழகம் மட்டுமின்றி, நாட்டின் பல்வேறு மாநிலங்களிலும் உள்ள அறிவியல் இயக்கங்கள்  கண்டன குரல்களை எழுப்பி வருகின்றன. அறிவியல்பூர்வமற்ற இந்த அணுகுமுறையை தமிழ்நாடு அறிவியல் இயக்கம் வன்மையாகக் கண்டிக்கிறது.
எனவே, உடனடியாக மக்களின் நம்பிக்கையை பெறும் வகையில்,  காவல் துறையினரை விலக்கி, நீதிபதிகள், சட்ட வல்லுநர்கள், கல்வியாளர்கள்,  சமூக ஆர்வலர்கள், அறிவியல் விஞ்ஞானிகள் ஆகியோரைக் கொண்ட குழுவை அமைத்து, அமைதிப் பேச்சுவார்த்தை நடத்தி அமைதியை நிலைநாட்ட வேண்டும் என கோருகிறோம் என்று தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/may/26/தூத்துக்குடி-துப்பாக்கிச்-சூடு-சம்பவம்-தமிழ்நாடு-அறிவியல்-இயக்கம்-கண்டனம்-2926878.html
2926877 மதுரை திண்டுக்கல் கொடைக்கானல் மலர்க் கண்காட்சிக்கு சுற்றுலாப் பயணிகளின் வருகை குறைவு DIN DIN Saturday, May 26, 2018 04:44 AM +0530 கொடைக்கானல் மலர்க் கண்காட்சியில் குறைவான சுற்றுலாப் பயணிகளே பங்கேற்றுள்ளது தெரியவந்துள்ளது. 
இங்கு கோடை விழா மற்றும் மலர்க் கண்காட்சி மே 19-ஆம் தேதி தொடங்கியது. இதில் பிரையண்ட்  பூங்காவில் நடைபெற்ற மலர்க் கண்காட்சியை தமிழக முதல்வர் எடப்பாடி கே.பழனிசாமி தொடக்கி வைத்தார். 
இதையடுத்து 19 மற்றும் 20 ஆகிய 2 நாள்கள் நடைபெற்ற மலர்க் கண்காட்சிக்கு கடந்த ஆண்டைக்  காட்டிலும் இந்த  ஆண்டு வெகு குறைவான சுற்றுலாப்  பயணிகளே வருகை தந்துள்ளனர். 
மே 19 ஆம் தேதி மலர்க் கண்காட்சியை பார்க்க வந்த சுற்றுலாப் பயணிகள் மூலம் வசூலான தொகை ரூ. 2 லட்சத்து 48 ஆயிரத்து 865. அதே போல் 20 ஆம் தேதி வசூலான தொகை ரூ. 5 லட்சத்து 02 ஆயிரத்து 975. மொத்தம் ரூ. 7 லட்சத்து 51 ஆயிரத்து 40. இந்த 2 நாள்களும் பிரையண்ட் பூங்காவுக்கு வந்த மொத்த சுற்றுலாப் பயணிகளின் எண்ணிக்கை 21,561 பேர்.
கடந்த 2017 ம் ஆண்டு 2 நாள்களில் 42,979 பேர் பிரையண்ட் பூங்காவை பார்வையிட்டுள்ளனர். இதன் மூலம் ரூ.13 லட்சத்து 18 ஆயிரத்து 715 வசூலானது. கடந்த ஆண்டைக் காட்டிலும் இந்தாண்டு பிரையண்ட் பூங்காவுக்கு சுற்றுலாப் பயணிகளின் வருகை வெகுவாக குறைந்துள்ளது குறிப்பிடத்தக்கது.
 தொடக்க விழாவுக்கு தமிழக முதல்வர் வந்ததால் பாதுகாப்பு கருதி பழனி- கொடைக்கானல் சாலைகளில் சுற்றுலாப் பயணிகளின் வாகனங்கள் சரியாக இயக்கப்பட வில்லை. 
மேலும் பிரையண்ட் பூங்காப் பகுதிக்கு சென்ற சுற்றுலாப் பயணிகளும், பொது மக்களும் கடும் சோதனைக்குப் பிறகே அனுமதிக்கப்பட்டனர். மேலும் ஏரியைச் சுற்றிலும் கடைகளின் ஆக்கிரமிப்பாலும்  சுற்றுலாப் பயணிகள் பிரையண்ட் பூங்காவுக்கு செல்ல முடியவில்லை.
இது குறித்து தோட்டக்கலைத்துறையைச் சேர்ந்த அலுவலர் ஒருவர் கூறியதாவது: மலர்க் கண்காட்சியையொட்டி பிரையண்ட் பூங்காவை பார்வையிடுவதற்காக பொது மக்கள் இலவசமாக அனுமதிக்கப்பட்டனர். இதனால் வருவாய் குறைந்து விட்டது. மேலும் குறைவான சுற்றுலாப் பயணிகளே  வந்திருந்தனர் என்றார்.

]]>
http://www.dinamani.com/all-editions/edition-madurai/dindigul/2018/may/26/கொடைக்கானல்-மலர்க்-கண்காட்சிக்கு-சுற்றுலாப்-பயணிகளின்-வருகை-குறைவு-2926877.html
2926876 மதுரை திண்டுக்கல் பொது சுகாதாரத்துக்கு முக்கியத்துவம் அளிக்க காந்தி கிராம பல்கலை.யில் 6 புதிய பாடப் பிரிவுகள்: மத்திய சுகாதாரத்துறை தொழில்நுட்ப ஆலோசகர் DIN DIN Saturday, May 26, 2018 04:44 AM +0530 பொது சுகாதாரத்துக்கு முக்கியத்துவம் அளிக்கும் வகையில், காந்தி கிராம கிராமியப் பல்கலை.யில் புதிததாக 6 பாடப் பிரிவுகள் தொடங்கப்படும் என மத்திய அரசின் பொது சுகாதாரத்துறையின் தொழில்நுட்ப ஆலேசாகர் கவிதா நாராயண் தெரிவித்தார்.
காந்தி கிராம கிராமியப் பல்கலைக் கழகத்தில், புதன்கிழமை நடைபெற்ற புதிய பாடத் திட்டம் தொடர்பான ஆலோசனைக் கூட்டத்துக்கு பல்கலை. வேந்தர் கே.எம்.அண்ணாமலை தலைமை வகித்தார். 
துணைவேந்தர் சு.நடராஜன் முன்னிலை வகித்தார். இதில், சிறப்பு அழைப்பாளராக மத்திய அரசின் பொது சுகாதாரத்துறைக்கான தொழில்நுட்ப ஆலோசகரும், காந்தி கிராம பல்கலை. மேலாண்மைக் குழு உறுப்பினருமான கவிதா நாராயண் கலந்து கொண்டார்.
 கூட்டத்திற்கு பின் செய்தியாளர்களிடம் அவர் கூறியதாவது:  காந்தி கிராம கிராமியப் பல்கலை.யில், புதிய வேலைவாய்ப்புகளை உருவாக்கும் வகையில் திறன் மேம்பாடு தொடர்பான கல்விக்கு முக்கியத்துவம் அளிக்கப்பட்டு வருகிறது. இதனை மேலும் விரிவுப்படுத்தும் வகையில், புதியதாக 6 பாடப் பிரிவுகள் தொடங்குவதற்கு திட்டமிடப்பட்டுள்ளது.  குறிப்பாக பொது சுகாதாரம், ஊரக நலன், புற்றுநோய் தொடர்பான பட்டயப் பயிற்சிகள் தொடங்கப்படும். இந்தியாவிலேயே அதிக விபத்து நடைபெறும் மாநிலமாக தமிழகம் உள்ளது.
 கடந்த 2016ல்  மட்டும் நாடு முழுவதும் 1.50 லட்சம் பேர் விபத்தினால் உயிரிழந்துள்ளனர். அதில் தமிழகத்தில் மட்டும் 50 ஆயிரம் பேர் உயிரிழந்துள்ளதாக கண்டறியப்பட்டுள்ளது. அதேபோல், தீக்காயத்தினால் உயிரிழப்போரின் எண்ணிக்கையும் தமிழகத்தில் அதிகமாக உள்ளது. இதனை கருத்தில் கொண்டு, தலைக்காய சிகிச்சை மற்றும் நவீன தீக்காய சிகிச்சை வசதிகளை உருவாக்குவதற்கு மத்திய அரசு நடவடிக்கை மேற்கொண்டு வருகிறது.
அதேபோல், புகையிலைப் பொருள்களினால் ஏற்படும் புற்றுநோய் பாதிப்புகள் குறித்து கிராமப்புற இளைஞர்களுக்கு விழிப்புணர்வு ஏற்படுத்தும் வகையில், சென்னை அடையாறு புற்றுநோய் மையத்துடன் இணைந்து புற்றுநோய் தொடர்பான முதுநிலை பட்டயப் படிப்பினை தொடங்கவும் ஆலோசிக்கப்பட்டுள்ளது என்றார். 
அதனைத் தொடர்ந்து, பல்கலை. வேந்தர் கே.எம்.அண்ணாமலை கூறியது: கிராமப்புற மேம்பாட்டு பங்களிப்பாக, ரெட்டியார்சத்திரம் வட்டாரத்தில் உள்ள சில்வார்பட்டி கிராமத்தில் சுகாதாரம், குடிநீர், கல்வி உள்ளிட்ட தேவைகளை பூர்த்தி செய்து தன்னிறைவு பெற்ற கிராமமாக உருவாக்க நடவடிக்கை மேற்கொள்ளப்படும். குறிப்பாக அறிவியல் மற்றும் கணிதம் தொடர்பாக மாணவர்களுக்கு சிறப்பு பயிற்சி அளிக்கவும் திட்டமிட்டுள்ளோம். 
பாளையங்கோட்டை சிறையில் காந்திய சிந்தனையின் மூலம் மேற்கொள்ளப்பட்ட விழிப்புணர்வு மூலம் கைதிகளின் மனமாற்றம் குறித்து ஆய்வு செய்யப்பட்டு வருகிறது. அதன் அடிப்படையில், இந்த விழிப்புணர்வு நிகழ்ச்சியை நாடு முழுவதுமுள்ள சிறைச்சாலைகளில் அமல்படுத்துவது தொடர்பாக மத்திய அரசு ஆலோசித்து வருகிறது என்றார்.
அப்போது பல்கலை. துணைவேந்தர் சு.நடராஜன், பதிவாளர் வி.பி.ஆர்.சிவக்குமார் ஆகியோர் உடனிருந்தனர்.

]]>
http://www.dinamani.com/all-editions/edition-madurai/dindigul/2018/may/26/பொது-சுகாதாரத்துக்கு-முக்கியத்துவம்-அளிக்க-காந்தி-கிராம-பல்கலையில்-6-புதிய-பாடப்-பிரிவுகள்-மத்திய-2926876.html
2926875 மதுரை திண்டுக்கல் கொடைக்கானலில் அலங்கார படகுப் போட்டி DIN DIN Saturday, May 26, 2018 04:44 AM +0530 கொடைக்கானல் ஏரியில் அரசு துறைகள் பங்கேற்ற அலங்காரப் படகுப் போட்டி வியாழக்கிழமை நடைபெற்றது.
கொடைக்கானலில் கோடை விழாவை முன்னிட்டு, பல்வேறு கலைநிகழ்ச்சிகள் மற்றும் விளையாட்டுப் போட்டிகள் பல்வேறு பகுதிகளில் நடைபெற்று வருகின்றன. இந் நிகழ்ச்சியின் 6-ஆவது நாளாக, கொடைக்கானல் ஏரியில் அரசு துறைகள் பங்கேற்ற அலங்காரப் படகுப் போட்டி நடைபெற்றது.
போட்டியில், கொடைக்கானல் ஊராட்சி ஒன்றியம், சுற்றுலாத் துறை, மீன்வளத் துறை, தோட்டக்கலைத் துறை சார்பில் படகு அலங்கார அணிவகுப்பு நடைபெற்றது.  இதில், கொடைக்கானல் ஊராட்சி ஒன்றியம் சார்பில், தமிழக அரசின் மானிய விலையில் இரு சக்கர வாகனம் வழங்குதல் மற்றும் தனிநபர் கழிப்பறை அமைத்தல் ஆகியவற்றை வலியுறுத்தி படகில் அலங்காரம் செய்யப்பட்டிருந்தது. இதற்கு, முதல் பரிசு வழங்கப்பட்டது. மீன்வளத் துறை சார்பில் அமைக்கப்பட்ட படகுக்கு 2-ஆவது பரிசு வழங்கப்பட்டது.
படகு குழாம் அரங்கில் நடைபெற்ற பரிசு வழங்கும் நிகழ்ச்சிக்கு, கொடைக்கானல் வருவாய் கோட்டாட்சியர் மோகன் தலைமை வகித்து, முதலிடம்  பெற்ற கொடைக்கானல் ஊராட்சி ஒன்றியத்துக்கு வட்டார வளர்ச்சி ஆணையர் மகேந்திரனிடமும், வட்டார வளர்ச்சி அலுவலர் பட்டுராஜனிடமும் பரிசு வழங்கினார்.  இரண்டாமிடம் பெற்ற மீன்வளத் துறையினருக்கும் பரிசு வழங்கப்பட்டது.
இந் நிகழ்ச்சியில், வட்டாட்சியர் பாஷியம், கொடைக்கானல் மாவட்ட  வன அலுவலர் தேஜஸ்வி, படகு குழாம் சங்கத் தலைவர் ராமச்சந்திர துரைராஜ், செயலர் பவானி சங்கர் உள்ளிட்ட பலர் கலந்துகொண்டனர். உதவி சுற்றுலா அலுவலர் ஆனந்த் நன்றி கூறினார்.
ஹாக்கி போட்டி: கோடை விழாவை முன்னிட்டு, மாவட்ட விளையாட்டுத் துறை சார்பில் மூஞ்சிக்கல் பகுதியிலுள்ள அரசு மேல்நிலைப் பள்ளி மைதானத்தில் ஹாக்கி போட்டிகள் நடைபெற்றன.
    இதில், ஆண்கள் பிரிவில் திண்டுக்கல் பாண்டியாஸ் ஏ-பிரிவு முதலிடமும், பஞ்சம்பட்டி அணி இரண்டாம் இடமும் பெற்றது. பெண்கள் பிரிவில், திண்டுக்கல் அணி முதலிடமும், பஞ்சம்பட்டி அணி 2-ஆவது இடமும் பிடித்தது. முதலிடம் பெற்ற அணியினருக்கு ரூ. 1,600, இரண்டாமிடம் பெற்ற அணிகளுக்கு ரூ. 1,200 பரிசாக ஹாக்கி பயிற்சியாளர் ரவி வழங்கினார்.

]]>
http://www.dinamani.com/all-editions/edition-madurai/dindigul/2018/may/26/கொடைக்கானலில்-அலங்கார-படகுப்-போட்டி-2926875.html
2926874 மதுரை திண்டுக்கல் "சுற்றுச்சூழலை பாதுகாக்கவே தூத்துக்குடியில் போராட்டம்' DIN DIN Saturday, May 26, 2018 04:43 AM +0530 சுற்றுச்சூழலைப் பாதுகாக்கவே தூத்துக்குடியில் ஸ்டெர்லைட்டுக்கு எதிராக பொதுமக்கள் போராட்டம் நடத்தியதாக மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் கனகராஜ் தெரிவித்தார்.
ஸ்டெர்லைட் போராட்டத்தில் ஈடுபட்ட மக்களின் மீது நடத்தபப்பட்ட துப்பாக்கிச் சூட்டை கண்டித்து திண்டுக்கல் பேருந்து நிலையம் அருகே, இடதுசாரிக் கட்சிகள் சார்பில் ஆர்ப்பாட்டம் நடைபெற்றது. இந்த ஆர்ப்பாட்டத்திற்கு மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் கனகராஜ் தலைமை வகித்து பேசியது:  
ஸ்டெர்லைட் ஆலைக்கான, தண்ணீர் மற்றும் மின்சாரத்தை துண்டித்துவிட்டதாக தமிழக அரசு  கூறி வருகிறது.  இதேபோல் ஏற்கனவே  5 முறை மின்சாரம் துண்டிக்கப்பட்டு, பின்னர் நீதிமன்ற வழிகாட்டுதலோடு மீண்டும் மின் இணைப்பு வழங்கப்படுவது வாடிக்கையாக உள்ளது.துப்பாக்கிச்சூட்டின் போது வெளிப்படையாகவே, மனித உரிமை மீறல்கள் நடந்துள்ளன. மேலும்  இளைஞர்களை கைது செய்த போலீசார், காவல் நிலையங்களில் சட்டவிரோதமாக  அடைத்து வைத்துள்ளனர். அவர்களை உடனடியாக விடுதலை செய்ய வேண்டும். துப்பாக்கிச்சூட்டிற்கு காரணமான மாவட்ட ஆட்சியர், மாவட்ட காவல் கண்காணிப்பாளர் ஆகியோரை பணியிடை நீக்கம் செய்ய வேண்டும். முதல்வர் எடப்பாடி கே.பழனிசாமி தார்மீக பொறுப்பேற்று பதவி விலக வேண்டும். சுற்றுச்சூழலை பாதுகாக்கவே தூத்துக்குடியில் பொதுமக்கள் போராட்டம் நடத்தினர் என்றார்.
ஆர்ப்பாட்டத்தில் சிபிஎம் மாநிலக்குழு உறுப்பினர் என்.பாண்டி, மாவட்டச் செயலர் ஆர்.சச்சிதானந்தம், மாவட்ட நிர்வாகிகள் கே.ஆர்.கணேசன்,  வ.கல்யாணசுந்தரம், கே.ஆர்.பாலாஜி, சி.பாலச்சந்திரபோஸ், இந்திய கம்யூனிஸ்ட் கட்சியின் மாவட்டச் செயலர் க.சந்தானம் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/may/26/சுற்றுச்சூழலை-பாதுகாக்கவே-தூத்துக்குடியில்-போராட்டம்-2926874.html
2926873 மதுரை திண்டுக்கல் எதிர்க் கட்சிகளின் முழு அடைப்புப் போராட்டம்: திண்டுக்கல்லில் 20% கடைகள் அடைப்பு: மறியல் திமுகவினர் 110 பேர் கைது DIN DIN Saturday, May 26, 2018 04:43 AM +0530 தூத்துக்குடி துப்பாக்கிச்சூடு சம்பவத்தைக் கண்டித்து எதிர்கட்சிகள் சார்பில் வெள்ளிக்கிழமை நடைபெற்ற முழு அடைப்புப் போராட்டத்திற்கு ஆதரவாக திண்டுக்கல் மாவட்டத்தில் 20 சதவிகித கடைகள் மட்டுமே அடைக்கப்பட்டிருந்தன.
ஸ்டெர்லைட் ஆலைக்கு எதிராக தூத்துக்குடியில் போராட்டத்தில் ஈடுபட்டவர்கள் மீது நடத்தப்பட்ட துப்பாக்கிச் சூட்டில் 13 பேர் உயிரிழந்தனர். இந்த பிரச்னைக்கு காரணமான ஸ்டெர்லைட் ஆலையை உடனடியாக மூட வேண்டும். தமிழக அரசு பதவி விலக வேண்டும் என்ற கோரிக்கைகளுடன் எதிர்க்கட்சிகள் சார்பில் வெள்ளிக்கிழமை முழு அடைப்புக்கு அழைப்பு விடப்பட்டிருந்தது. அதன்படி, திண்டுக்கல் மாவட்டத்தில், கொடைக்கானல் நீங்கலாக பிற பகுதிகளில் 80 சதவிகித கடைகள், வர்த்தக நிறுவனங்கள் வழக்கம்போல் செயல்பட்டன. திண்டுக்கல் நகரைப் பொருத்தவரை பிரதான சாலை, பழனிச் சாலை, பெரியகடை வீதி பகுதிகளில் மட்டும் சில கடைகள் அடைக்கப்பட்டிருந்தன. மேலும் பேருந்துகள் சேவையிலும் பாதிப்பில்லை.   
110 பேர் கைது: திண்டுக்கல் பேருந்து நிலையம் முன்பு திமுக துணைப் பொதுச் செயலர் ஐ.பெரியசாமி எம்எல்ஏ தலைமையில் வெள்ளிக்கிழமை மறியல் போராட்டம் நடைபெற்றது. இதில், பழனி எம்எல்ஏ பெ.செந்தில்குமார் உள்பட 110 பேர் கலந்து கொண்டனர். இதனை அடுத்து, மறியலில் ஈடுபட்டவர்களை போலீஸார் கைது செய்தனர். 

]]>
http://www.dinamani.com/all-editions/edition-madurai/dindigul/2018/may/26/எதிர்க்-கட்சிகளின்-முழு-அடைப்புப்-போராட்டம்-திண்டுக்கல்லில்-20-கடைகள்-அடைப்பு-மறியல்-திமுகவினர்-1-2926873.html
2926527 மதுரை திண்டுக்கல் கொடைக்கானலில் கைப்பந்து போட்டி DIN DIN Friday, May 25, 2018 05:23 AM +0530 கொடைக்கானலில் கோடை விழாவையொட்டி கைப்பந்து போட்டி புதன்கிழமை நடைபெற்றது.
மாவட்ட விளாயாட்டுத் துறை சார்பில் கொடைக்கானல் மூஞ்சிக்கல் பகுதியிலுள்ள அரசு மேல்நிலைப் பள்ளி விளையாட்டு மைதானத்தில் நடைபெற்ற இப்போட்டியில் கொடைக்கானல், பள்ளங்கி, காந்தி கிராமம், சின்னாளப்பட்டி ,கோவில்பட்டி ஆகியப் பகுதிகளைச் சேர்ந்த 100-க்கும் மேற்பட்ட வீரர், வீராங்கனைகள் கலந்து கொண்டனர். ஆண்கள் போட்டியில் கொடைக்கானல் உள்ளிட்ட பல்வேறு பகுதிகளைச் சேர்ந்த 6 அணிகள் கலந்து கொண்டு விளையாடினர். இதில் கொடைக்கானல் பகுதியைச் சேர்ந்த அட்டுவம்பட்டி அணியினர் முதலிடமும், காந்தி கிராமத்தைச் சேர்ந்த அணியினர் இரண்டாவது இடமும் பெற்றனர். முதலிடம் பெற்ற அணியினருக்கு ரூ.2,600-ம், இரண்டாம் இடம் பெற்ற அணியினருக்கு ரூ.1,800-ம் பரிசாக வழங்கப்பட்டது. அதனைத் தொடர்ந்து நடைபெற்ற பெண்களுக்கான போட்டியில் காந்தி கிராமத்தைச் சேர்ந்த அணியும்,சின்னாளப்பட்டியைச் சேர்ந்த அணியும் விளையாடின. இதில் காந்தி கிராமம் அணி முதலிடமும், சின்னாளப் பட்டி அணியினர் இரண்டாம் இடமும் பெற்றனர். முதலிடம் பெற்ற அணியினருக்கு ரூ.2,600-ம், இரண்டாம் இடம் பெற்ற அணியினருக்கு ரூ.1,800-ம் பரிசாக வழங்கப்பட்டது. வெற்றி பெற்றவர்களுக்கு கொடைக்கானல் சன்பில்டர்ஸ் நிறுவனர் டி.பி.ரவீந்திரன் பரிசுகளை வழங்கினார். மாவட்ட விளையாட்டு அலுவலர் சௌந்தரராஜன் நன்றி கூறினார்.

 

]]>
http://www.dinamani.com/all-editions/edition-madurai/dindigul/2018/may/25/கொடைக்கானலில்-கைப்பந்து-போட்டி-2926527.html
2926526 மதுரை திண்டுக்கல் கொடைக்கானலில் திமுகவினர் சாலை மறியல் DIN DIN Friday, May 25, 2018 05:23 AM +0530 கொடைக்கானலில் திமுகவினர் வியாழக்கிழமை மாலை சாலை மறியலில் ஈடுபட்டனர்.
தூத்துக்குடி துப்பாக்கிச் சூடு சம்பவத்தைக் கண்டித்து சென்னையில் சாலை மறியலில் ஈடுபட்ட மு.க. ஸ்டாலின் கைது செய்யப்பட்டதைக் கண்டித்து, கொடைக்கானல் திமுக சார்பில் நகரச் செயலர் முகமது இப்ராஹிம் தலைமையில், 20-க்கும் மேற்பட்ட அக்கட்சியினர், கொடைக்கானல்-வத்தலகுண்டு சாலை மூஞ்சிக்கல் பகுதியில் மறியலில் ஈடுபட்டனர். இவர்களை போலீஸார் கைது செய்தனர்.

 

]]>
http://www.dinamani.com/all-editions/edition-madurai/dindigul/2018/may/25/கொடைக்கானலில்-திமுகவினர்-சாலை-மறியல்-2926526.html
2926525 மதுரை திண்டுக்கல் தூத்துக்குடி துப்பாக்கிச் சூடு சம்பவத்தை கண்டித்து திண்டுக்கல் மாவட்டத்தில் 7 இடங்களில் போராட்டம்: 2 எம்.எல்.ஏ.க்கள் உள்பட 301 பேர் கைது DIN DIN Friday, May 25, 2018 05:22 AM +0530 தூத்துக்குடி துப்பாக்கிச் சூடு சம்பவத்தை கண்டித்து, திண்டுக்கல் மாவட்டத்தில் 7 இடங்களில் வியாழக்கிழமை மறியல் மற்றும் உண்ணாவிரதப் போராட்டம் நடைபெற்றதில், 2 திமுக எம்.எல்.ஏ.க்கள் உள்பட 301 பேர் கைது செய்யப்பட்டனர்.
ஸ்டெர்லைட் ஆலையை மூடக் கோரி, தூத்துக்குடி ஆட்சியர் அலுவலகத்தை முற்றுகையிட முயன்ற போராட்டத்தின் போது போலீஸார் நடத்திய துப்பாக்கிச் சூட்டில் இதுவரை 13 பேர் உயிரிழந்துள்ளனர்.
இதைக் கண்டித்து, தமிழகம் முழுவதும் பல்வேறு போராட்டங்கள் நடைபெற்று வருகின்றன. திண்டுக்கல் மாவட்டத்திலும் கடந்த 2 நாள்களாக பல்வேறு அமைப்புகள் சார்பில் சாலை மறியல், ஆர்ப்பாட்டம் உள்ளிட்ட போராட்டங்கள் நடைபெற்று வருகின்றன.
திண்டுக்கல் பேருந்து நிலையப் பகுதியில், இந்திய ஜனநாயக வாலிபர் சங்கத்தினர் வியாழக்கிழமை உண்ணாவிரதப் போராட்டத்தில் ஈடுபட்டனர். இந்தப் போராட்டத்துக்கு, மாவட்டச் செயலர் சி. பாலசந்திர போஸ் தலைமை வகித்தார். மாவட்டத் தலைவர் டி. பாலசுப்பிரமணி, பொருளாளர் என். சரவணக்குமார் ஆகியோர் முன்னிலை வகித்தனர். இதில், தூத்துக்குடி துப்பாக்கிச் சூட்டில் உயிரிழந்தவர்களுக்கு நிவாரணமாக ரூ.1 கோடி வழங்க வேண்டும். பலத்த காயமடைந்தவர்களுக்கு ரூ.10 முதல் ரூ.20 லட்சம் வழங்க வேண்டும். பணியில் இருக்கும் நீதிபதியைக் கொண்டு விசாரணை நடத்த உத்தரவிட வேண்டும். பிரச்னைக்கு காரணமான ஆட்சியர் மற்றும் மாவட்டக் காவல் கண்காணிப்பாளரை பணியிடை நீக்கம் செய்யவேண்டும். தமிழகத்தில் அமைதி நிலவ ஸ்டெர்லைட் ஆலையை உடனடியாக மூடவேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனர்.
இதையடுத்து, அங்கு பாதுகாப்புக்கு நின்றிருந்த போலீஸார் போராட்டத்தில் ஈடுபட்ட 16 பேரை கைது செய்து, திருமண மண்டபத்துக்கு அழைத்துச் சென்றனர். அங்கும் அவர்கள் உண்ணாவிரதத்தை தொடர்ந்தனர்.
2 திமுக எம்.எல்.ஏ.க்கள் கைது: இதனிடையே, துப்பாக்கிச் சூடு சம்பவத்துக்கு எதிர்ப்பு தெரிவித்து, திண்டுக்கல், வத்தலகுண்டு, குஜிலியம்பாறை, பழனி, ஒட்டன்சத்திரம், கொடைக்கானல் ஆகிய இடங்களிலும் வியாழக்கிழமை பிற்பகலில் சாலை மறியல் போராட்டம் நடத்தப்பட்டது. திண்டுக்கல் பேருந்து நிலையம் அருகே நடைபெற்ற போராட்டத்துக்கு, திமுக துணைப் பொதுச் செயலரும், சட்டப்பேரவை உறுப்பினருமான ஐ. பெரியசாமி தலைமை வகித்தார். இவர் மற்றும் இப்போராட்டத்தில் ஈடுபட்ட சட்டப்பேரவை உறுப்பினர் ஐ. செந்தில்குமார் உள்பட 75 பேரை போலீஸார் கைது செய்தனர். இதேபோல், குஜிலியம்பாறையில் திமுக ஒன்றியச் செயலர் ஸ்ரீநிவாசன் தலைமையில் மறியலில் ஈடுபட்ட 15 பேரும், வத்தலகுண்டு பகுதியில் ஒன்றியச் செயலர் கே.பி. முருகன் தலைமையில் மறியலில் ஈடுபட்ட 20-க்கும் மேற்பட்டோரும் கைது செய்யப்பட்டனர். தொடர்ந்து, நிலக்கோட்டையில் ஒன்றியச் செயலர் மாயாண்டி தலைமையில் மறியலில் ஈடுபட்ட 18 பேர் கைது செய்யப்பட்டனர்.

 

]]>
http://www.dinamani.com/all-editions/edition-madurai/dindigul/2018/may/25/தூத்துக்குடி-துப்பாக்கிச்-சூடு-சம்பவத்தை-கண்டித்து-திண்டுக்கல்-மாவட்டத்தில்-7-இடங்களில்-போராட்டம்-2-2926525.html
2926524 மதுரை திண்டுக்கல் இழப்பீட்டுத் தொகை வழங்கக் கோரி குறைதீர் கூட்டத்தில் விவசாயிகள் முற்றுகை DIN DIN Friday, May 25, 2018 05:22 AM +0530 பயிர் காப்பீட்டுத் திட்டத்தின் கீழ் இழப்பீட்டுத் தொகை வழங்கக் கோரி, குறைதீர் கூட்டத்தில் பங்கேற்ற விவசாயிகள் வியாழக்கிழமை முற்றுகைப் போராட்டத்தில் ஈடுபட்டனர்.
திண்டுக்கல் மாவட்ட விவசாயிகளுக்கான குறைதீர் கூட்டம், மாவட்ட ஆட்சியர் அலுவலகத்தில் வியாழக்கிழமை நடைபெற்றது. கூட்டத்துக்கு, ஆட்சியர் டி.ஜி. வினய் தலைமை வகித்தார். அப்போது, பயிர் காப்பீட்டுத் திட்டத்தின் கீழ் இதுவரை இழப்பீட்டுத் தொகை கிடைக்காத தொப்பம்பட்டி வட்டாரத்தைச் சேர்ந்த விவசாயிகள், ஆட்சியரை முற்றுகையிட்டு கோரிக்கையை வலியுறுத்தினர்.
இந்த முற்றுகைப் போராட்டத்துக்கு, தமிழ்நாடு விவசாயிகள் சங்கத்தின் மாநில துணைத் தலைவர் கே. முகமது அலி தலைமை வகித்து பேசியதாவது: மாவட்ட ஆட்சியரின் அறிவுறுத்தலின் பேரிலேயே பயிர் காப்பீட்டுத் திட்டத்தில் விவசாயிகள் இணைந்துள்ளனர். கடந்த 2016-17 நிதியாண்டில் திண்டுக்கல் மாவட்டத்தில் 39ஆயிரம் விவசாயிகள் பயிர் காப்பீடு செய்திருந்த நிலையில், வறட்சியால் மகசூல் பாதிப்பு ஏற்பட்டது. ஆனால், தற்போது வரை 4ஆயிரம் விவசாயிகளுக்கு மட்டுமே இழப்பீட்டுத் தொகை வழங்கப்பட்டுள்ளது.
இது தொடர்பாக விவசாயிகள் பலமுறை கோரிக்கை விடுத்தும், இழப்பீட்டுத் தொகை வழங்குவதற்கான முகாந்திரம் இல்லை என்றும், மத்திய-மாநில அரசுகளையும், காப்பீட்டு நிறுவனங்களையும் காரணம் காண்பித்து அளிக்கப்படும் விளக்கத்தால் எவ்வித தீர்வும் ஏற்படப் போவதில்லை. உரிய காலத்தில் இழப்பீட்டுத் தொகை கிடைக்காதது, பொருளாதார ரீதியாக பாதிப்புகளை சந்தித்து வரும் விவசாயிகளுக்கு மேலும் சிக்கலை ஏற்படுத்தியுள்ளது என்றார்.
இதற்கு பதிலளித்த ஆட்சியர், கொடைக்கானலுக்கு வந்திருந்த முதல்வரிடம் பயிர் காப்பீட்டுத் திட்டத்தின் கீழ் விவசாயிகளுக்கு வழங்க வேண்டிய இழப்பீட்டுத் தொகை குறித்து தெரிவித்துள்ளோம். விவசாயிகளின் நலன் கருதி துரிதமாக பெற்றுக் கொடுக்க நடவடிக்கை எடுக்கப்படும் என அவர் உறுதி அளித்துள்ளார் என்றார்.
ஆனால், இந்த பதிலால் எவ்வித பயனுமில்லை என தெரிவித்த விவசாயிகள், குறிப்பிட்ட காலத்துக்குள் இழப்பீட்டுத் தொகை வழங்கப்படும் என உத்தரவாதம் அளிக்கும் வரை காத்திருப்புப் போராட்டத்தில் ஈடுபடப் போவதாகத் தெரிவித்தனர். பின்னர், ஆட்சியர் அலுவலகக் கூட்ட அரங்குக்கு வெளியே தரையில் அமர்ந்து காத்திருப்புப் போராட்டத்தில் ஈடுபட்டனர்.
பிற்பகலில் குறைதீர் கூட்டம் முடிவுற்ற பின், போராட்டத்தில் ஈடுபட்ட விவசாயிகளின் நிர்வாகிகளை அழைத்து ஆட்சியர் பேச்சுவார்த்தை நடத்தினார். அப்போது, ஒற்றை இலக்க இழப்பீட்டுத் தொகை பிரச்னைக்கு உடனடியாகத் தீர்வு காணப்படும் என்றும், 33ஆயிரம் விவசாயிகளுக்கான இழப்பீட்டுத் தொகையை பொருத்தவரை, தில்லியில் நடைபெறும் காப்பீட்டு நிறுவனங்களுக்கான கூட்டத்துக்கு பின் முடிவு எட்டப்படும் என்றும், ஜூன் மாத இறுதிக்குள் இழப்பீட்டுத் தொகை கிடைக்கும் எனவும் ஆட்சியர் உறுதி அளித்தார். அதைத் தொடர்ந்து, போராட்டத்தில் ஈடுபட்டவர்கள் கலைந்து சென்றனர்.
இணை இயக்குநர் பதிலால் சலசலப்பு
முற்றுகைப் போராட்டத்தின்போது ஆட்சியரிடம் பேசிக் கொண்டிருந்த விவசாயிகளிடம், இழப்பீட்டுத் தொகை பெறுவதற்கு நீதிமன்றத்தில் வழக்குத் தொடுக்குமாறு வேளாண்மை இணை இயக்குநர் ஜெ.சேகர் தெரிவித்தார். இதனால், ஆத்திரமடைந்த விவசாயிகள் இணை இயக்குநருடன் வாக்குவாதத்தில் ஈடுபட்டனர். காப்பீட்டு நிறுவனங்களுக்கு ஆதரவாக விவசாயிகளை பயிர் காப்பீட்டுத் திட்டத்தில் இணைத்ததில் வேளாண்மைத் துறை அலுவலர்களின் பங்களிப்பே பிரதானமாக இருந்தது. நீதிமன்றத்தை அணுகினால், அதற்கான வழக்கு செலவை யார் ஏற்றுக் கொள்வது என கேள்வி எழுப்பினர். இதனால், கூட்டத்தில் சலசலப்பு ஏற்பட்டது. திண்டுக்கல் மாவட்டச் செயலர் இரா. சச்சிதானந்தம், மாவட்டத் தலைவர் டி. செல்வராஜ், தொப்பம்பட்டி ஒன்றியச் செயலர் என். நாகு ஆகியோர் முன்னிலை வகித்தனர்.

 

]]>
http://www.dinamani.com/all-editions/edition-madurai/dindigul/2018/may/25/இழப்பீட்டுத்-தொகை-வழங்கக்-கோரி-குறைதீர்-கூட்டத்தில்-விவசாயிகள்-முற்றுகை-2926524.html
2926523 மதுரை திண்டுக்கல் மின்சாரம் பாய்ந்து விவசாயி சாவு DIN DIN Friday, May 25, 2018 05:22 AM +0530 தோட்டத்துக்குச் செல்லும் வழியில் அறுந்து கிடந்த மின்கம்பியை விவசாயி மிதித்ததால், மின்சாரம் பாய்ந்து வியாழக்கிழமை உயிரிழந்தார்.
திண்டுக்கல் அடுத்துள்ள ராமையன்பட்டி கிராமத்தைச் சேர்ந்தவர் ஜெயராஜ் (53). விவசாயியான இவர், வியாழக்கிழமை காலை வீட்டிலிருந்து தோட்டத்துக்கு நடந்து சென்றுள்ளார். அப்போது இவர், புதன்கிழமை இரவு வீசிய சூறாவளியில் உயர் அழுத்த மின்கம்பி அறுந்து வழியில் விழுந்து கிடந்ததை கவனிக்காமல் மிதித்து விட்டாராம். இதில், மின்சாரம் பாய்ந்து மயங்கி கிடந்திருந்த ஜெயராஜை, திண்டுக்கல் அரசு மருத்துவமனைக்கு கொண்டு வந்துள்ளனர். இங்கு, அவரை பரிசோதித்த மருத்துவர்கள் ஜெயராஜ் ஏற்கெனவே உயிரிழந்துவிட்டதாகத் தெரிவித்தனர்.
இது குறித்து தாடிக்கொம்பு போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/25/மின்சாரம்-பாய்ந்து-விவசாயி-சாவு-2926523.html
2926084 மதுரை திண்டுக்கல் திண்டுக்கல்லில் போராட்டம்: 2 எம்எல்ஏக்கள் உள்பட 301 பேர் கைது DIN DIN Thursday, May 24, 2018 11:41 PM +0530 தூத்துக்குடி துப்பாக்கிச் சூடு சம்பவத்தை கண்டித்து, திண்டுக்கல் மாவட்டத்தில் 7 இடங்களில் வியாழக்கிழமை மறியல் மற்றும் உண்ணாவிரதப் போராட்டம் நடைபெற்றது. இதில் 2 திமுக எம்.எல்.ஏ.க்கள் உள்பட 301 பேர் கைது செய்யப்பட்டனர்.
தூத்துக்குடி துப்பாக்கிச் சூடு சம்பவத்தைக் கண்டித்து, தமிழகம் முழுவதும் பல்வேறு போராட்டங்கள் நடைபெற்று வருகின்றன. திண்டுக்கல் மாவட்டத்திலும் கடந்த 2 நாள்களாக பல்வேறு அமைப்புகள் சார்பில் சாலை மறியல், ஆர்ப்பாட்டம் உள்ளிட்ட போராட்டங்கள் நடைபெற்று வருகின்றன.
எம்.எல்.ஏ.க்கள் கைது: தூத்துக்குடி துப்பாக்கிச் சூடு சம்பவத்துக்கு எதிர்ப்பு தெரிவித்து, திண்டுக்கல், வத்தலகுண்டு, குஜிலியம்பாறை, பழனி, ஒட்டன்சத்திரம், கொடைக்கானல் ஆகிய இடங்களில் வியாழக்கிழமை பிற்பகலில் சாலை மறியல் போராட்டம் நடத்தப்பட்டது.
திண்டுக்கல் பேருந்து நிலையம் அருகே நடைபெற்ற போராட்டத்துக்கு, திமுக துணைப் பொதுச் செயலரும், சட்டப்பேரவை உறுப்பினருமான ஐ. பெரியசாமி தலைமை வகித்தார். இவர் மற்றும் இப்போராட்டத்தில் ஈடுபட்ட சட்டப்பேரவை உறுப்பினர் ஐ. செந்தில்குமார் உள்பட 75 பேரை போலீஸார் கைது செய்தனர். இதேபோல், குஜிலியம்பாறையில் மறியலில் ஈடுபட்ட திமுகவினர் 15 பேரும், வத்தலகுண்டு பகுதியில் மறியலில் ஈடுபட்ட 20 -க்கும் மேற்பட்டோரும் கைது செய்யப்பட்டனர்.
பணியிடை நீக்கம் செய்ய வேண்டும்: இதனிடையே, திண்டுக்கல் பேருந்து நிலையப் பகுதியில், இந்திய ஜனநாயக வாலிபர் சங்கத்தினர் வியாழக்கிழமை உண்ணாவிரதப் போராட்டத்தில் ஈடுபட்டனர். இதில், துப்பாக்கிச் சூட்டில் உயிரிழந்தவர்களுக்கு நிவாரணமாக ரூ.1 கோடி வழங்க வேண்டும். பிரச்னைக்கு காரணமான தூத்துக்குடி மாவட்ட ஆட்சியர் மற்றும் மாவட்டக் காவல் கண்காணிப்பாளரை பணியிடை நீக்கம் செய்ய வேண்டும். ஸ்டெர்லைட் ஆலையை உடனே மூடவேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனர்.

 

]]>
http://www.dinamani.com/all-editions/edition-madurai/dindigul/2018/may/24/திண்டுக்கல்லில்-போராட்டம்-2-எம்எல்ஏக்கள்-உள்பட-301-பேர்-கைது-2926084.html
2925585 மதுரை திண்டுக்கல் 10ஆம் வகுப்பு பொதுத் தேர்வு: திண்டுக்கல் மாவட்டத்தில் 92 சதவீதம் மாணவ, மாணவியர் தேர்ச்சி DIN DIN Thursday, May 24, 2018 01:11 AM +0530 பத்தாம் வகுப்பு தேர்வு முடிவுகள் புதன்கிழமை வெளியிடப்பட்டுள்ள நிலையில், திண்டுக்கல் மாவட்டத்தைச் சேர்ந்த 23,105 மாணவ, மாணவிகள் தேர்ச்சி அடைந்துள்ளனர்.
திண்டுக்கல் மாவட்டத்தில் உள்ள பழனி மற்றும் திண்டுக்கல் கல்வி மாவட்டங்களைச் சேர்ந்த 12,703 மாணவர்கள், 12,520 மாணவிகள் என மொத்தம் 25,223 பேர் பத்தாம் வகுப்பு பொதுத் தேர்வினை எழுதியிருந்தனர். அதற்கான தேர்வு முடிவுகள் புதன்கிழமை வெளியிடப்பட்டுள்ளதில், 11,272 மாணவர்கள், 11,834 மாணவிகள் என மொத்தம் 23,105 பேர் தேர்ச்சி அடைந்துள்ளனர்.
மாணவர்கள் 88.73 சதவீத தேர்ச்சியும், மாணவிகள் 94.52 சதவீத தேர்ச்சியும் அடைந்துள்ளனர்.
மாவட்டத்தின் மொத்த தேர்ச்சி விகிதம் 91.60. கடந்த 2016ஆம் ஆண்டு 92.57 சதவீதமாக இருந்த திண்டுக்கல் மாவட்டத்தின் தேர்ச்சி விகிதம் 2017-இல் 94.44 சதவீதமானது. இந்நிலையில், தற்போது 91.60 சதவீதமாக குறைந்துள்ளது.
பெண்கள் பள்ளிகள் முன்னிலை: திண்டுக்கல் மாவட்டத்தில் அரசுப் பள்ளிகளின் செயல்பாடுகளை பொருத்தவரை, 143 பள்ளிகளைச் சேர்ந்த 9,339 மாணவர்கள் பத்தாம் வகுப்பு பொதுத் தேர்வினை எழுதியிருந்தனர். இதில், 7,892 மாணவர்கள் தேர்ச்சிப் பெற்றுள்ளனர். தேர்ச்சி விகிதம் 84.51.
அதேபோல் ஆண்கள் மட்டும், பெண்கள் மட்டும் மற்றும் இருபாலர் பள்ளிகளின் செயல்பாடுகளில், பெண்கள் பள்ளிகள் முன்னிலை பெற்றுள்ளன. ஆண்கள் பள்ளிகளைச் சேர்ந்த 2,745 மாணவர்களில் 2,404 பேர் தேர்ச்சி பெற்றுள்ளனர்.
தேர்ச்சி விகிதம் 87.58. பெண்கள் பள்ளிகளைச் சேர்ந்த 5,092 மாணவிகளில் 4,829 பேர் தேர்ச்சி அடைந்துள்ளனர். தேர்ச்சி விகிதம் 94.84. இருபாலர் பள்ளிகளைச் சேர்ந்த 17,386 மாணவர்களில் 15,872 பேர் தேர்ச்சியாகியுள்ளனர். தேர்ச்சி விகிதம் 91.29.
94 பள்ளிகள் 100 சதவீத தேர்ச்சி: திண்டுக்கல் மாவட்டத்தில், 14 அரசுப் பள்ளிகள், 9 அரசு உதவிப் பெறும் பள்ளிகள், 1 கள்ளர் சீரமைப்பு பள்ளி, 63 மெட்ரிக். பள்ளிகள், 7 சுய நிதிப் பள்ளிகள் என மொத்தம் 94 பள்ளிகள் 100 சதவீத தேர்ச்சியைப் பெற்றுள்ளன.
இதில் அரசுப் பள்ளிகள் பட்டியலில், வி.கூத்தம்பட்டி அரசு மேல்நிலைப் பள்ளி, டி.பண்ணப்பட்டி அரசு உயர்நிலைப் பள்ளி, வத்திப்பட்டி அரசு உயர்நிலைப் பள்ளி, நெல்லூர் கள்ளர் சீரமைப்பு உயர்நிலைப் பள்ளி, பண்ணைக்காடு பெண்கள் உயர்நிலைப் பள்ளி, பில்லமநாயக்கன்பட்டி
அரசு உயர்நிலைப் பள்ளி, சாமிநாதபுரம் அரசு உயர்நிலைப் பள்ளி, கூத்தம்பூண்டி அரசு உயர்நிலைப் பள்ளி, பூண்டி அரசு மேல்நிலைப் பள்ளி, உசிலம்பட்டி அரசு உயர்நிலைப் பள்ளி, விருதலைப்பட்டி அரசு உயர்நிலைப் பள்ளி,
செல்லக்குட்டியூர் அரசு உயர்நிலைப் பள்ளி, நல்லமணார்கோட்டை அரசு உயர்நிலைப் பள்ளி, தேவிநாயக்கன்பட்டி அரசு உயர்நிலைப் பள்ளி, மேலக்கரைப்பட்டி அரசு உயர்நிலைப் பள்ளி ஆகிய பள்ளிகள் இடம் பெற்றுள்ளன. இந்த பள்ளிகளின் தலைமையாசிரியர்கள் மற்றும் ஆசிரியர்களுக்கு, முதன்மைக் கல்வி அலுவலர் ச.கோபிதாஸ் பாராட்டுத் தெரிவித்துள்ளார்.
பாட வாரியாக தேர்ச்சி விகிதம்: மொழிப் பாடம்- 94.96, ஆங்கிலம்- 93.45, கணிதம்- 92.97, அறிவியல்- 97.48, புவியியல்- 95.82.

 

]]>
http://www.dinamani.com/all-editions/edition-madurai/dindigul/2018/may/24/10ஆம்-வகுப்பு-பொதுத்-தேர்வு-திண்டுக்கல்-மாவட்டத்தில்-92-சதவீதம்-மாணவ-மாணவியர்-தேர்ச்சி-2925585.html
2925584 மதுரை திண்டுக்கல் முதல் 3 நிலைகளில் 2,475 மாணவர்கள் DIN DIN Thursday, May 24, 2018 01:11 AM +0530 திண்டுக்கல் மாவட்டத்தைச் சேர்ந்த 2,475 மாணவ, மாணவிகள் பத்தாம் வகுப்பு தேர்வில் 426 மதிப்பெண்களுக்கும் கூடுதலாக எடுத்து முதல் 3 நிலைகளை பெற்றுள்ளனர்.
இம்மாவட்டத்தில் பத்தாம் வகுப்பு பொதுத் தேர்வில் மதிப்பெண்கள் அடிப்படையில் 8 பிரிவுகளில் மாணவர்களின் எண்ணிக்கை வரிசைப்படுத்தப்பட்டு, அதற்கான பட்டியல் மாவட்ட வாரியாக வெளியிடப்பட்டுள்ளது. திண்டுக்கல் மாவட்டத்தைப் பொருத்தவரை, 481க்கும் கூடுதலான மதிப்பெண் பெற்று 37 மாணவர்கள், 94 மாணவிகள் என மொத்தம் 131 பேர் முதல் பட்டியலில் இடம் பெற்றுள்ளனர்.
451 முதல் 480 வரையிலான மதிப்பெண்களுடன் 2ஆவது வரிசையில் 337 மாணவர்கள், 698 மாணவிகள் என 1,035 பேரும், 426 முதல் 450 வரையிலான 3ஆவது நிலையில் 450 மாணவர்கள், 486 மாணவிகள் என மொத்தம் 1,309 பேரும், 401 முதல் 425 வரையிலான மதிப்பெண்களுடன் 4ஆவது பிரிவில் 625 மாணவர்கள், 1,015 மாணவிகள் என 1,635 மாணவர்களும், 301 முதல் 400 வரையிலான மதிப்பெண்களுடன் 5ஆவது நிலையில் 4,152 மாணவர்கள், 5,085 மாணவிகள் என 9,237 மாணவர்களும், 201 முதல் 300 வரையிலான மதிப்பெண்களுடன் 6ஆவது பட்டியலில் 5,312 மாணவர்கள், 4,037 மாணவிகள் என 9,349 பேரும், 176 முதல் 200 வரையிலான மதிப்பெண்களுடன் 7ஆவது பட்டியலில் 648 மாணவர்கள், 337 மாணவிகள் என 985 பேரும், 175க்கும் குறைவான மதிப்பெண்களுடன் கடைசியாக உள்ள 8ஆவது பட்டியலில் 1,111 மாணவர்கள், 431 மாணவிகள் என1,542 பேரும் இடம் பெற்றுள்ளனர்.

]]>
http://www.dinamani.com/all-editions/edition-madurai/dindigul/2018/may/24/முதல்-3-நிலைகளில்-2475-மாணவர்கள்-2925584.html
2925583 மதுரை திண்டுக்கல் நத்தம் பகுதியில் நாளை மின்தடை DIN DIN Thursday, May 24, 2018 01:11 AM +0530 நத்தம் துணை மின் நிலையத்தில் மாதாந்திர பராமரிப்புப் பணிகள் நடைபெறுவதையொட்டி வெள்ளிக்கிழமை (மே 25) மின் விநியோகம் இருக்காது என தெரிவிக்கப்பட்டுள்ளது.
இதன் காரணமாக, நத்தம், கோவில்பட்டி, சேத்தூர், அரவங்குறிச்சி, கோட்டையூர், சிறுகுடி, பூசாரிப்பட்டி, பூதகுடி, பன்னியாமலை, உலுப்பகுடி, காட்டுவேலம்பட்டி, ஆவிச்சிப்பட்டி, பட்டணம், பொய்யாம்பட்டி, செல்லப்பநாயக்கன்பட்டி, தேத்தாம்பட்டி மற்றும் ஒடுகம்பட்டி ஆகிய இடங்களில் அன்று காலை 9 முதல் மாலை 5 மணி வரை மின்விநியோகம் இருக்காது என நத்தம் மின்வாரிய உதவி செயற்பொறியாளர் உஷாபிரியன் சூரியநாத் தெரிவித்துள்ளார்.

 

]]>
http://www.dinamani.com/all-editions/edition-madurai/dindigul/2018/may/24/நத்தம்-பகுதியில்-நாளை-மின்தடை-2925583.html
2925582 மதுரை திண்டுக்கல் பழனி அரசு அருங்காட்சியகத்தில் நாணயக் கண்காட்சி DIN DIN Thursday, May 24, 2018 01:10 AM +0530 பழனி அரசு அருங்காட்சியகத்தில் அருங்காட்சியக தினத்தை முன்னிட்டு புதன்கிழமை நாணயக் கண்காட்சி நடைபெற்றது.
அருங்காட்சியகத்தின் முக்கியத்துவத்தை விளக்கும் விதமாக ஆண்டுதோறும் மே 18 ஆம் தேதி சர்வதேச அருங்காட்சியக தினம் கொண்டாடப்படுகிறது. இதனை 1977 ஆம் ஆண்டு முதல் சர்வதேச அருங்காட்சியக சங்கம் நடத்துகிறது. இந்த ஆண்டுக்கான கருப்பொருள் கலாசாரப் பரிமாற்றம், வளர்ச்சி, மக்களுக்கிடையேயான பரஸ்பர புரிந்து கொள்ளல், ஒற்றுமையில் அருங்காட்சியகங்களின் பங்கு ஆகியவை ஆகும். இதையொட்டி நடைபெற்ற நாணயக் கண்காட்சியை நாணய சேகரிப்பாளர் பாலசுப்பிரமணியன் தொடக்கி வைத்தார். இந்த கண்காட்சி மே 27 ஆம் தேதி வரை நடைபெற உள்ளது. இதில் இந்திய சுதந்திரத்துக்கு முன்பு, பின்பு என்ற தலைப்பில் ஏராளமான நாணயங்கள் வைக்கப்பட்டுள்ளது. இது பலரையும் கவர்ந்து வருகிறது. ஏற்பாடுகளை காப்பாட்சியர் (பொறுப்பு) சிவக்குமார் செய்துள்ளார்.

 

]]>
http://www.dinamani.com/all-editions/edition-madurai/dindigul/2018/may/24/பழனி-அரசு-அருங்காட்சியகத்தில்-நாணயக்-கண்காட்சி-2925582.html
2925581 மதுரை திண்டுக்கல் பழனியில் மார்க்சிஸ்ட் கம்யூனிஸ்ட் ஆர்ப்பாட்டம் DIN DIN Thursday, May 24, 2018 01:10 AM +0530 பழனி பேருந்து நிலைய ரவுண்டானா அருகில் புதன்கிழமை தமிழக மக்கள் மேடை அமைப்பு மற்றும் மார்க்சிஸ்ட் கம்யூனிஸ்ட் கட்சி சார்பில் தூத்துக்குடி துப்பாக்கிச்சூட்டை கண்டித்து கண்டன ஆர்ப்பாட்டம் நடைபெற்றது.
இதற்கு சிஐடியு மாவட்ட பொருளாளர் மனோகரன், கட்டுமான சங்க செயலர் ஜெகதீஷ் குமார், இந்திய தேசிய மாதர் சம்மேள மாநில குழ உறுப்பினர் கெளசல்யா, இந்திய ஜனநாயக மாதர் சங்க மாவட்ட செயலர் ராணி உள்ளிட்டோர் பேசினர். விவசாய சங்க மாவட்ட செயலர் அருள் செல்வன் சிறப்புரையாற்றினார். ஆர்ப்பாட்டத்தில் விவசாயிகள், மாணவர்கள், ஜனநாயக மாதர் சங்கத்தினர் என ஏராளமானோர் பங்கேற்றனர். இதே போல் மாலையில் மார்க்சிஸ்ட் கம்யூனிஸ்ட் கட்சி சார்பில் கண்டன ஆர்ப்பாட்டம் நடைபெற்றது. இதில் நகரச் செயலர் கந்தசாமி, முன்னாள் நகர்மன்ற தலைவர் ராஜமாணிக்கம், முன்னாள் நகர செயலர் குருசாமி உள்ளிட்ட பலர் பங்கேற்று பேசினர்.
கொடைக்கானல்: கொடைக்கானலில் நாம் தமிழர் கட்சி சார்பில் தூத்துக்குடி துப்பாக்கிச்சூட்டைக் கண்டித்து புதன்கிழமை ஆர்ப்பாட்டம் நடைபெற்றது.
மூஞ்சிக்கல் பகுதியில் நடைபெற்ற ஆர்ப்பாட்டத்தில் நாம் தமிழர் கட்சியைச் சேர்ந்த 20-க்கும் மேற்பட்டவர்கள் கலந்து கொண்டனர்.
தேனி மாவட்டத்தில் 127 பள்ளிகளில் 100 சதவிகிதம் தேர்ச்சிதேனி, மே 23: தேனி மாவட்டத்தில் 198 பள்ளிகளைச் சேர்ந்த 15,985 மாணவ, மாணவிகள் 10-ஆம் வகுப்பு பொதுத் தேர்வு எழுதியதில், 59 அரசு பள்ளிகள் உள்பட 127 பள்ளிகளைச் சேர்ந்த மாணவ, மாணவிகள் 100 சதவிகிதம் தேர்ச்சி பெற்றனர்.
மேலும் அரசுப் பள்ளிகள் அளவிலான தேர்ச்சி விகித தரவரிசைப் பட்டியலில், தேனி மாவட்டம் மாநில அளவில் 3-ம் இடம் பிடித்துள்ளது.
மாவட்டத்தில் 81 அரசுப் பள்ளிகளில் 46 பள்ளிகளைச் சேர்ந்த மாணவ, மாணவிகள் 100 சதவிகிதம் தேர்ச்சி பெற்றுள்ளனர். 15 கள்ளர் சீரமைப்புத் துறை பள்ளிகளில் 10 பள்ளிகளிலும் 4 நகராட்சி பள்ளிகளில் 2 பள்ளிகளிலும், 3 ஆதிதிராவிடர் நலத் துறை பள்ளிகளில் ஒரு பள்ளியிலும் மாணவ, மாணவிகள் 100 சதவிகிதம் தேர்ச்சி பெற்றுள்ளனர். 41 அரசு உதவி பெறும் பள்ளிகளில் 18 பள்ளிகளிலும், 54 தனியார் மெட்ரிக் பள்ளிகளில் 50 பள்ளிகளிலும் மாணவ, மாணவிகள் 100 சதவிகிதம் தேர்ச்சி பெற்றுள்ளனர்.
பாடவாரியாக தேர்ச்சி விகிதம்: மாவட்டத்தில் உள்ள பள்ளிகளில் 10-ஆம் வகுப்பு பொதுத் தேர்வில் தமிழில் 98.57 சதவிகிதம் மாணவ, மாணவிகளும், ஆங்கிலத்தில் 98.40 சதவிகித மாணவ மாணவிகளும், கணிதத்தில் 98.92 சதவிகிதம், அறிவியலில் 99.56 சதவிகிதம், சமூக அறிவியலில் 98.86 சதவிகிதம் மாணவ, மாணவிகளும் தேர்ச்சி பெற்றுள்ளனர்.
அதிக மதிப்பெண் பெற்றவர்கள்: மாவட்டத்தில் மொத்தம் 15,985 மாணவ, மாணவிகள் 10-ஆம் வகுப்பு பொதுத் தேர்வு எழுதியதில், 174 மாணவிகள், 64 மாணவர்கள் உள்பட மொத்தம் 238 பேர் 500-க்கு, 481 மதிப்பெண்களுக்கும் மேல் பெற்றுள்ளனர். 1,164 பேர் 451 மதிப்பெண்களுக்கும், 1,123 பேர் 425 மதிப்பெண்களுக்கும், 1,437 பேர் 400 மதிப்பெண்களுக்கும் மேல் பெற்று தேர்ச்சி பெற்றுள்ளனர்.

 

]]>
http://www.dinamani.com/all-editions/edition-madurai/dindigul/2018/may/24/பழனியில்-மார்க்சிஸ்ட்-கம்யூனிஸ்ட்-ஆர்ப்பாட்டம்-2925581.html
2925580 மதுரை திண்டுக்கல் தேனி, திண்டுக்கல் மாவட்டங்களில் கிராம அஞ்சலக ஊழியர்கள் காலவரையற்ற வேலைநிறுத்தம் DIN DIN Thursday, May 24, 2018 01:10 AM +0530 தேனி, திண்டுக்கல் மாவட்டங்களில் ஊதியக் குழு பரிந்துரைகளை அமல்படுத்த அரசை வலியுறுத்தி கிராம அஞ்சலக ஊழியர்கள் செவ்வாய்க்கிழமை காலவரையற்ற வேலை நிறுத்தப் போராட்டத்தை தொடங்கினர்.
2 ஆவது நாளாக புதன்கிழமையும் இப்போராட்டம் நீடித்தது.
தேனி மாவட்டத்தில் 174 கிராம அஞ்சலகங்கள் செயல்பட்டு வருகின்றன. இதில், மொத்தம் 417 ஊழியர்கள் பணியாற்றி வருகின்றனர். இவர்கள் தங்களுக்கு 7-ஆவது ஊதியக்குழு பரிந்துரையின் அடிப்படையில் சம்பள உயர்வு மற்றும் சலுகைகள் வழங்காமல் அரசு காலதாமதப்படுத்தி வருவதை கண்டித்தும், ஊதியக் குழு பரிந்துரைகளை உடனடியாக அமல்படுத்த வலியுறுத்தியும் காலவரையற்ற வேலை நிறுத்தப் போராட்டத்தை தொடங்கினர். இதனால் மாவட்டத்தில் 124 கிராம அஞ்சலங்கள் மூடப்பட்டிருந்தன. மற்ற இடங்களில் தற்காலிக பணியாளர்கள் மூலம் அஞ்சலகங்கள் செயல்பட்டன. இந்நிலையில், தேனி மாவட்ட ஆட்சியர் அலுவலகம் முன் கோரிக்கையை வலியுறுத்தி, அகில இந்திய கிராமிய அஞ்சல் ஊழியர்கள் சங்கம் சார்பில் மாவட்டத் தலைவர் பழனி தலைமையில் ஆர்ப்பாட்டம் நடைபெற்றது.
2 ஆவது நாளாக போராட்டம்: தேனி மாவட்டத்தில் கோரிக்கையை வலியுறுத்தி புதன்கிழமை 2-வது நாளாக கிராம அஞ்சலக ஊழியர்கள் வேலை நிறுத்தப் போராட்டத்தில் ஈடுபட்டனர். இதனால் மாவட்டத்தில் உள்ள 174 கிராம அஞ்சலகங்களில், 124 கிராம அஞ்சலகங்கள் மூடப்பட்டுள்ளன. இந்நிலையில், கிராம அஞ்சலக ஊழியர்களின் கோரிக்கைக்கு ஆதரவாக புதன்கிழமை நகர்புற அஞ்சலக ஊழியர்கள் வேலை நிறுத்தப் போராட்டத்தில் ஈடுபட்டனர். இதனால், 45 இடங்களில் செயல்பட்டு வந்த நகர்புற அஞ்சலங்களில் 7 அஞ்சலகங்கள் மூடப்பட்டிருந்தன. ஏனைய நகர்புற அஞ்சலங்களில் பெரும்பாலான ஊழியர்கள் பணிக்கு வராததால் பணிகள் முடங்கின.
திண்டுக்கல்: இதே கோரிக்கைகளை வலியுறுத்தி திண்டுக்கல் அஞ்சல் கோட்டத்தில் 1500-க்கும் மேற்பட்ட ஊழியர்கள் செவ்வாய்க்கிழமை முதல் காலவரையற்ற வேலை நிறுத்தப் போராட்டத்தை தொடங்கினர்.
இதுகுறித்து அனைத்து இந்திய அஞ்சல் ஊழியர் சங்கத்தின் திண்டுக்கல் மாவட்டச் செயலர் பி.மைக்கேல் ராஜ் கூறியதாவது: கடந்த 18 மாதங்களுக்கு முன் கமலேஷ் சந்திரா கமிட்டி, ஊதிய உயர்வு தொடர்பான பரிந்துரையை மத்திய அரசிடம் வழங்கி விட்டது. கடந்த 18 மாதங்களாக அந்த பரிந்துரையை அமல்படுத்துவதற்கு மத்திய அரசு நடவடிக்கை மேற்கொள்ளவில்லை. நியாயமான அந்த கோரிக்கைக்கு ஆதரவாக திண்டுக்கல் மாவட்டத்தில் உள்ள கிராமிய அஞ்சல் ஊழியர்கள் 1500 பேரும், அஞ்சல் ஊழியர்கள் மற்றும் அதிகாரிகள் 250 பேர் என மொத்தம் 1,750 பேர் இந்த காலவரையற்ற போராட்டத்தில் ஈடுபட்டுள்ளனர் என்றார்.
இதன் காரணமாக, திண்டுக்கல் மாவட்டத்தில் 3 தலைமை அஞ்லகங்கள், 69 துணை அஞ்சலகங்கள், 300-க்கும் மேற்பட்ட கிராம அஞ்சல் அலுவலகங்களில் அனைத்து பணிகளும் செவ்வாய்க்கிழமை முடங்கின.

]]>
http://www.dinamani.com/all-editions/edition-madurai/dindigul/2018/may/24/தேனி-திண்டுக்கல்-மாவட்டங்களில்-கிராம-அஞ்சலக-ஊழியர்கள்-காலவரையற்ற-வேலைநிறுத்தம்-2925580.html
2925579 மதுரை திண்டுக்கல் கொடைக்கானல் கோடை விழா: கராத்தே மாணவர்கள் சாகசம் DIN DIN Thursday, May 24, 2018 01:09 AM +0530 கொடைக்கானலில் கோடை விழாவை முன்னிட்டு செவ்வாய்க்கிழமை கராத்தே மாணவர்களின் சாகச நிகழ்ச்சி நடைபெற்றது.
கொடைக்கானலில் கடந்த சில தினங்களாக கோடை விழாவை முன்னிட்டு பிரையண்ட் பூங்காவில் பல்வேறு கலை நிகழ்ச்சிகள் நடபெற்று வருகின்றன. இந் நிலையில் தனியார் நிறுவனம் சார்பில் கராத்தே மாணவர்களின் தற்காப்பு நிகழ்ச்சி நடைபெற்றது. இந் நிகழ்ச்சிக்கு அந்நிறுவன உரிமையாளர் டி.பி. ரவீந்திரன் தலைமை வகித்தார்.
சுற்றுலா அலுவலர் உமாதேவி கராத்தே சாகச நிகழ்ச்சிகளை தொடங்கி வைத்தார். நிகழ்ச்சியில் மாணவரின் கை மீது சுமார் 200-கிலோ எடையுள்ள இருசக்கர வாகனத்தை ஏற்றுவது, மாணவர் மீது பலகை வைத்து நெஞ்சில் இருசக்கர வாகனத்தை ஏற்றுவது மற்றும் மாணவர் ஒருவர் தனது பல்லால் சுமார் 40-கிலோ எடைûயுள்ள மற்றொரு மாணவரை தூக்கியது உள்ளிட்ட பல்வேறு சாகச நிகழ்ச்சிகளை செய்து காட்டினர்.
இந் நிகழ்ச்சிகளை சுற்றுலாப் பயணிகள் வெகுவாக பார்த்து ரசித்தனர். நிகழ்ச்சியில் நகர்மன்ற முன்னாள் உறுப்பினர் ஆஷா ரவீந்திரன்,நகர காங்கிரஸ் கமிட்டித் தலைவர் செந்தில்குமார், கொடைக்கானல் சன் அரிமா சங்க நிர்வாகிகள் உள்ளிட்ட பலர் கலந்து கொண்டனர். உதவி சுற்றுலா அலுவலர் ஆனந்த் நன்றி கூறினார்.
யோகா நிகழ்ச்சி: பிரையண்ட் பூங்காவில் கொடைக்கானல் சிவானந்தா யோகீஸ் யோகா மையம் சார்பில் யோகா நிகழ்ச்சி நடைபெற்றது இதில் யோகா பயிற்சி பெற்ற மாணவர்கள் பல்வேறு யோகா சனங்களை செய்து காட்டினர்.மேலும் பூங்காவில் சுற்றுலாப் பயணிகள்கலந்து கொண்ட மெதுவாக சைக்கிள் ஓட்டும் நிகழ்ச்சி ஆண்,பெண் என இரு பிரிவுகளாக நடைபெற்றது. இதில் வெற்றி பெற்றவர்களுக்கு சுற்றுலா அலுவலர் உமா தேவி பரிசுகள் வழங்கினார். அதனைத் தொடர்ந்து தென்மாங்கு கலைக்குழுவினரின் தென்மேற்கு பருவக்காற்று குலவைச் சத்தம் நிகழ்ச்சியும், மெல்லிசை நிகழ்ச்சியும்,சென்னை பாரதி கலைக்கூடம் வழங்கும் பல்சுவை நிகழ்ச்சி நடைபெற்றது. இந் நிகழ்ச்சிகளை சுற்றுலாப் பயணிகள் வெகுவாக பார்த்து ரசித்தனர்.

 

]]>
http://www.dinamani.com/all-editions/edition-madurai/dindigul/2018/may/24/கொடைக்கானல்-கோடை-விழா-கராத்தே-மாணவர்கள்-சாகசம்-2925579.html
2925578 மதுரை திண்டுக்கல் திண்டுக்கல்லில் இன்று விவசாயிகள் குறைதீர் கூட்டம் DIN DIN Thursday, May 24, 2018 01:09 AM +0530 திண்டுக்கல் மாவட்ட விவசாயிகளுக்கான குறைதீர் கூட்டம் வியாழக்கிழமை (ஏப்.24) நடைபெறுகிறது.
இதுகுறித்து மாவட்ட ஆட்சியர் டி.ஜி.வினய் வெளியிட்டுள்ள செய்திக் குறிப்பு:
திண்டுக்கல் மாவட்ட விவசாயிகளுக்காக நடத்தப்படும் மாதாந்திர குறைதீர் கூட்டம் வியாழக்கிழமை நடைபெற உள்ளது. அனைத்துத் துறை அலுவலர்கள் பங்கேற்கும் இக் கூட்டத்தில், கடந்த ஏப்ரல் மாதம் விவசாயிகள் அளித்த கோரிக்கை மனுக்கள் குறித்தும் விவாதிக்கப்பட உள்ளது. எனவே, மாவட்டத்தில் உள்ள விவசாயிகள் கூட்டத்தில் பங்கேற்று தங்கள் கோரிக்கைகளுக்கு தீர்வு காணலாம் என தெரிவித்துள்ளார்.

 

]]>
http://www.dinamani.com/all-editions/edition-madurai/dindigul/2018/may/24/திண்டுக்கல்லில்-இன்று-விவசாயிகள்-குறைதீர்-கூட்டம்-2925578.html
2925577 மதுரை திண்டுக்கல் உரிமைக்காக போராடும் பணியாளர் சங்கங்கள் ஆட்சி மொழி செயலாக்கத்துக்கு துணை நிற்க வேண்டும்: தமிழ் வளர்ச்சித்துறை இயக்குநர் DIN DIN Thursday, May 24, 2018 01:08 AM +0530 உரிமைக்காக போராடும் பணியாளர் சங்கங்கள், ஆட்சிமொழி செயலாக்கத்துக்கு துணை நிற்க வேண்டும் என தமிழ் வளர்ச்சித்துறை இயக்குநர் கோ.விசயராகவன் தெரிவித்தார்.
தமிழ் வளர்ச்சித்துறை சார்பில், திண்டுக்கல் மாவட்ட ஆட்சியர் அலுவலகத்தில் வருவாய்ப் பிரிவு மற்றும் வளர்ச்சிப் பிரிவு அலுவலர்கள், பணியாளர்கள் மற்றும் மாவட்ட நிலை அலுவலர்கள் கலந்தாய்வுக் கூட்டம் புதன்கிழமை நடைபெற்றது. இதற்கு தமிழ் வளர்ச்சித்துறை இயக்குநர் கோ.விசயராகவன் தலைமை வகித்தார். மாவட்ட ஆட்சியர் வினய் முன்னிலை வகித்தார்.
கூட்டத்தில் பங்கேற்ற அலுவலர்கள் பேசுகையில், அரசாணை ஆங்கிலத்தில் வெளியிடுவதை மாற்ற வேண்டும். துறைத் தலைமையிலிருந்து ஆங்கிலத்தில் பதில் கேட்கும்போது, கீழ்நிலை அலுவலர்கள் தமிழில் பதில் அனுப்ப முடியாத நிலை உள்ளது. தலைமைச் செயலகம் முதல் அனைத்து துறைத் தலைமைகளிலும் மாற்றத்தை கொண்டு வந்தால் மட்டுமே, கீழ் நிலை அலுவலகங்களிலும் தமிழ் ஆட்சி மொழியை பின்பற்ற முடியும் என்றனர்.
இதற்கு பதில் அளித்து இயக்குநர் விசயராகவன் பேசியதாவது: தலைமைச் செயலகத்திலிருந்து அனுப்பப்படும் கோப்புகள், கடிதங்கள், குறிப்பாணைகள் அனைத்தையும் தமிழில் வெளியிடுவதற்கு நடவடிக்கை மேற்கொள்ளப்படும். அதேபோல், கீழ் நிலைகளில் பணிபுரியும் அலுவலர்கள் முதல் எழுத்து, கையொப்பம் தொடங்கி அனைத்து கோப்புகளிலும் தமிழை முழுமையாக பயன்படுத்த வேண்டும். பெரும்பான்மையான மக்கள் பேசும் மொழியே ஆட்சி மொழி. அதனை புறந்தள்ளிவிட்டு மாற்று மொழியை பயன்படுத்துவதற்கு யாருக்கும் அதிகாரம் கிடையாது. ஆந்திரம், கர்நாடகம், கேரளத்தில், மத்திய அரசுடன் தொடர்பு கொள்ளவே ஆங்கிலம் பயன்படுத்தப்படுகிறது. ஆனால், தமிழகத்தில் தமிழில் வெளியாகும் அராசணைகளை இருப்பு கோப்பில் பூட்டி வைத்துவிட்டு, ஆங்கிலத்தில் வெளியிடுகின்றனர்.
அம்மா மென் தமிழ் சொல்லாளர் குறுந்தகடு பயன்படுத்தினால், பிழையின்றி தமிழில் எழுத முடியும். ஆட்சி சொல் அகராதி மட்டுமின்றி, வரைவுகளை தமிழில் எழுதுவது குறித்தும் குறுந்தகட்டில் விளக்கம் அளிக்கப்பட்டுள்ளது. பிழையாக தட்டச்சு செய்தால், பிழை திருத்தி பொத்தானை அழுத்தி சந்தி, ஒற்று என அனைத்துப் பிழைகளையும் சரி செய்வதற்கும் வசதி செய்து கொடுக்கப்பட்டுள்ளது. இதனை அனைத்து பணியாளர்களும், அலுவலர்களும் பயன்படுத்திக் கொள்ள வேண்டும். மேலும் ஊதிய உயர்வு முதல் ஓய்வூதியம் வரை பல்வேறு உரிமை பிரச்னைகளுக்காக போராடும் பணியாளர் சங்கங்கள், மொழி உணர்வோடு ஆட்சி மொழி செயலாக்கத்தை முழுமையாக செயல்படுத்த முன்வர வேண்டும் என்றார்.
இதில் தமிழ் வளர்ச்சித்துறை துணை இயக்குநர் தா.லலிதா, உதவி இயக்குநர்(பொ) பெ.சந்திரா, ஆட்சியரின் நேர்முக உதவியாளர்(பொது) இந்திரவள்ளி, அலுவலக மேலாளர் செழியன் உளளிட்டோர் கலந்து கொண்டனர்.
ஆங்கிலத்தில் கையொப்பமிட்ட ஆட்சியர்: ஆய்வுக் கூட்டத்தினை தொடர்ந்து, ஆய்வு நாள் அறிக்கை மாவட்ட ஆட்சியரின் கையொப்பத்திற்காக வழங்கப்பட்டது. அப்போது, ஆட்சியர் வினய் அதில் ஆங்கிலத்தில் கையெழுத்திட்டதால், தமிழ் வளர்ச்சித்துறை இயக்குநர் கோ.விசயராகவன் அதிருப்தி அடைந்தார்.
பின்னர், அந்த ஆங்கில கையொப்பத்திற்கு மாற்றாக, தமிழில் கையெழுத்திடும் படி ஆட்சியரிடம் வலியுறுத்தினார்.

 

]]>
http://www.dinamani.com/all-editions/edition-madurai/dindigul/2018/may/24/உரிமைக்காக-போராடும்-பணியாளர்-சங்கங்கள்-ஆட்சி-மொழி-செயலாக்கத்துக்கு-துணை-நிற்க-வேண்டும்-தமிழ்-வளர்ச்-2925577.html
2925517 மதுரை திண்டுக்கல் கொடைக்கானலில் நாய்கள் கண்காட்சி DIN DIN Thursday, May 24, 2018 12:52 AM +0530 கொடைக்கானல் பிரையண்ட் பூங்காவில் நாய்கள் கண்காட்சி புதன்கிழமை நடைபெற்றது.
இங்கு கோடை விழா மற்றும் மலர்க் கண்காட்சி கடந்த மே 19-ஆம் தேதி தொடங்கியது. இரண்டு நாள்கள் நடைபெற்ற இக்கண்காட்சியைத் தொடர்ந்து கடந்த சில தினங்களாக பல்வேறு கலை நிகழ்ச்சிகள் நடைபெற்று வந்தன. இந்நிலையில் கோடை விழாவின் 5-ஆவது நாளான புதன்கிழமை கால்நடை பராமரிப்புத் துறை சார்பில் பிரையண்ட் பூங்காவில் நாய்கள் கண்காட்சி நடைபெற்றது. இதில் ஜெர்மன் செஷப்பர்ட், லாப்ட்ராக், லோபர் டாக், பிக்,அல்ஷேசன், டாபர்மென், லாப்ட்ராடல், ஜெயின் பெர்னட் உள்ளிட்ட 20-க்கும் மேற்பட்ட பல வகையான நாய்கள் பங்கேற்றன.
சிறிய, நடுத்தர மற்றும் பெரிய நாய்கள் இக்கண்காட்சியில் இடம் பெற்றன. 3 பிரிவுகளாக நடைபெற்ற இப்போட்டியில் கலந்து கொண்ட நாய்களின் பராமரிப்பு, சுத்தம், கீழ்ப்படிதல், வளர்ச்சி, மோப்பத் திறன் உள்ளிட்டவைகளின் அடிப்படையில் பரிசுக்கு தேர்வு செய்யப்பட்டன. இதில் பெரிய நாய் பிரிவில் கொடைக்கானல் அப்சர்வேட்டரி பகுதியைச் சேர்ந்த டேனியல் என்பவரது நாய் லாப்ட்ராக் முதல் பரிசும், ஜெர்மன் செப்பர்ட் நாய் 2 ஆம் பரிசும் பெற்றன.
வெற்றி பெற்ற நாய்களின் உரிமையாளர்களிடம் மன்னவனூர் ஆட்டுப் பண்ணை விஞ்ஞானி ராஜேந்திரன் பரிசுகளை வழங்கினார்.
இந்நிகழ்ச்சியில் கால்நடை பராமரிப்புத்துறை உதவி இயக்குநர் ஹக்கீம், வட்டாட்சியர் பாஷியம், சுற்றுலா அலுவலர் உமாதேவி ஆகியோர் பங்கேற்றனர். இந்த நாய்க் கண்காட்சியை பொது மக்களும், சுற்றுலாப் பயணிகளும் பார்த்து ரசித்தனர்.

 

]]>
http://www.dinamani.com/all-editions/edition-madurai/dindigul/2018/may/24/கொடைக்கானலில்-நாய்கள்-கண்காட்சி-2925517.html
2925254 மதுரை திண்டுக்கல் தூத்துக்குடி துப்பாக்கிச் சூடு சம்பவத்தை கண்டித்து திண்டுக்கல்லில் மார்க்சிஸ்ட் சாலை மறியல்: 54 பேர் கைது DIN DIN Wednesday, May 23, 2018 05:31 AM +0530 தூத்துக்குடி துப்பாக்கி சூடு சம்பவத்திற்கு எதிர்ப்பு தெரிவித்து, திண்டுக்கல்லில் செவ்வாய்க்கிழமை சாலை மறியல் போராட்டத்தில் ஈடுபட்ட மார்க்சிஸ்ட் கம்யூனிஸ்ட் கட்சியினர் 54 பேரை போலீஸார் கைது செய்தனர்.
தூத்துக்குடியில் ஸ்டெர்லைட் ஆலையை மூடக் கோரி மாவட்ட ஆட்சியர் அலுவலகத்தை முற்றுகையிட முயன்ற போராட்டக்காரர்கள் மீது போலீஸார் செவ்வாய்க்கிழமை துப்பாக்கி சூடு நடத்தினர். இதில், 10 பேர் உயிரிழந்துள்ள நிலையில், மேலும் பலர் காயமடைந்துள்ளனர். இந்த சம்பவம் தமிழகம் முழுவதும் கடும் அதிர்ச்சியை ஏற்படுத்தியுள்ள நிலையில், திண்டுக்கல்லில் மார்க்சிஸ்ட் கம்யூனிஸ்ட் கட்சி சார்பில் தமிழக அரசையும், காவல் துறையையும் கண்டித்து செவ்வாய்க்கிழமை மறியல் போராட்டம் நடைபெற்றது.
திண்டுக்கல் பேருந்து நிலையம் பகுதியில் நடைபெற்ற போராட்டத்திற்கு அக்கட்சியின் மாவட்ட செயலர் இரா.சச்சிதானந்தம் தலைமை வகித்தார். இதில், மாநிலக் குழு உறுப்பினர் என். பாண்டி, சிஐடியு மாநில துணைச் செயலர் கே.ஆர். கணேசன் உள்ளிட்ட பலர் கலந்து கொண்டனர். போராட்டத்தின் போது தமிழக அரசுக்கு எதிராகவும், போராட்டக்காரர்களுக்கு ஆதரவாகவும் கோஷமிட்டனர். இதனை அடுத்து, அங்கு பாதுகாப்புக்கு நின்ற போலீஸாரால் போராட்டத்தில் ஈடுபட்ட 9 பெண்கள் உள்பட 54 பேர் கைது செய்யப்பட்டனர்.

]]>
http://www.dinamani.com/all-editions/edition-madurai/dindigul/2018/may/23/தூத்துக்குடி-துப்பாக்கிச்-சூடு-சம்பவத்தை-கண்டித்து-திண்டுக்கல்லில்-மார்க்சிஸ்ட்-சாலை-மறியல்-54-பேர்-2925254.html
2925253 மதுரை திண்டுக்கல் விடுப்பு கிடைக்காததால் அரசுப் பேருந்து ஓட்டுநர் தீக்குளிக்க முயற்சி DIN DIN Wednesday, May 23, 2018 05:31 AM +0530 திண்டுக்கல் பணிமனையில் செவ்வாய்க்கிழமை அரசு பேருந்து ஓட்டுநர் மண்ணெண்ணெய் ஊற்றி தீக்குளிக்க முயன்றதால் பரபரப்பு ஏற்பட்டது.
திண்டுக்கல் அடுத்துள்ள தாமரைப்பாடியைச் சேர்ந்தவர் மணிகண்டன்(40). தமிழ்நாடு அரசு போக்குவரத்துக் கழகத்தில் ஓட்டுநராக பணிபுரிந்து வருகிறார். கோயில் திருவிழாவுக்கு செல்ல விடுமுறை கேட்பதற்காக, திண்டுக்கல் நாகல்நகரில் உள்ள பணிமனைக்கு செவ்வாய்க்கிழமை வந்துள்ளார். அப்போது, கிளை மேலாளர் விடுமுறை அளிக்க மறுத்ததாக கூறப்படுகிறது. இதனால் அதிருப்தி அடைந்த மணிகண்டன், போக்குவரத்து நிர்வாகத்திற்கு எதிராக கோஷமிட்டபடி, கிளை அலுவலகம் முன்பு மண்ணெண்ணெய் ஊற்றி தீக்குளிக்க முயன்றார். இதனை கவனித்த போக்குவரத்துக் கழக தொழிலாளர்கள், அவரது முயற்சியை தடுத்து நிறுத்தினர். பின்னர், சம்பவ இடத்திற்கு சென்ற திண்டுக்கல் வடக்கு காவல் நிலைய போலீசார், மணிகண்டனை அழைத்துச் சென்று விசாரணை மேற்கொண்டனர். இந்த சம்பவத்தால், நாகல்நகர் பணி மனை முன்பு சிறிது நேரம் பரபரப்பு ஏற்பட்டது.

 

]]>
http://www.dinamani.com/all-editions/edition-madurai/dindigul/2018/may/23/விடுப்பு-கிடைக்காததால்-அரசுப்-பேருந்து-ஓட்டுநர்-தீக்குளிக்க-முயற்சி-2925253.html
2925252 மதுரை திண்டுக்கல் மருத்துவமனை மாடியிலிருந்து குதித்து மனநோயாளி தற்கொலை DIN DIN Wednesday, May 23, 2018 05:23 AM +0530 திண்டுக்கல்லில் தனியார் மருத்துவமனைக்கு செவ்வாய்க்கிழமை சிகிச்சைக்கு வந்த மன நோயாளி, மருத்துவமனையின் மாடியிலிருந்து குதித்து தற்கொலை செய்து கொண்டார்.
திண்டுக்கல் மாவட்டம், கன்னிவாடி அடுத்துள்ள சோமலிங்கபுரம் பகுதியைச் சேர்ந்த ஆண்டவர் மகன் முருகேசன்(33). இவரது மனைவி அமுத பிரியா.
கடந்த சில நாள்களாக மன நல பாதிப்பில் இருந்த முருகேசன், திண்டுக்கல் ஒய்எம்ஆர் பட்டியில் உள்ள தனியார் மருத்துவமனையில் சிகிச்சைப் பெற்று வந்தார். செவ்வாய்க்கிழமை பிற்பகல், அமுத பிரியா உணவு கொடுத்துக் கொண்டிருந்தாராம். அப்போது திடீரென 4 ஆவது மாடியிலிருந்து அருகில் உள்ள வீட்டின் மாடியின் மீது முருகேசன் குதித்துள்ளார். இதில் பலத்த காயமடைந்த அவர் சம்பவ இடத்திலேயே உயிரிழந்தார். இதுகுறித்து, திண்டுக்கல் வடக்கு காவல் நிலைய போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/23/மருத்துவமனை-மாடியிலிருந்து-குதித்து-மனநோயாளி-தற்கொலை-2925252.html
2924583 மதுரை திண்டுக்கல் கால்நடைகளின் நலன் வேண்டி 500 ரேக்ளா வண்டிகளில் பழனிக்கு வந்த கிராம மக்கள் DIN DIN Tuesday, May 22, 2018 04:34 AM +0530 கால்நடைகளின் நலன் வேண்டி பழனி தண்டாயுதபாணி சுவாமி கோயிலுக்கு திங்கள்கிழமை 500 ரேக்ளா வண்டிகளில் வந்து சுற்றுவட்டார கிராம மக்கள் சுவாமி தரிசனம் செய்தனர்.
கடந்த மே 4ஆம் தேதி அக்னி நட்சத்திரம் தொடங்கியதை முன்னிட்டு, பழனி தண்டாயுதபாணி சுவாமி மலைக்கோயிலில் கைலாசநாதருக்கு சீதகும்பம் வைக்கப்பட்டு சிறப்பு பூஜைகள் நடைபெற்றன.
சித்திரை மாதத்தின் கடைசி ஏழு நாட்களும், வைகாசி மாதத்தின் முதல் ஏழு நாட்களும் பழனி கிரி வீதியில் மூலிகை காற்று வீசுவதாகவும், இதை நுகர்வதால் நோய்கள் நீங்குவதாகவும் பக்தர்கள் நம்புகின்றனர். இதனால் இந்த நாள்களில் நாள்தோறும் காலை மற்றும் மாலை வேளைகளில் ஆயிரக்கணக்கான பக்தர்கள் கிரி வலம் வந்து பழனியாண்டவரை தரிசனம் செய்தனர்.
இதில் கடைசி கிரிவல நாளான திங்கள்கிழமை பழனியை சுற்றியுள்ள பல்வேறு கிராமங்களில் இருந்து விவசாயிகள் மாட்டு வண்டி பூட்டி வந்து சுவாமி தரிசனம் செய்வது வழக்கம். இதனால் கால்நடைகள் நோயின்றி வாழ்வதாகவும், விவசாயம் செழிப்பதாகவும் கூறுகின்றனர்.
இதையொட்டி திங்கள்கிழமை ஆண்டிபட்டி, பூளவாடி, பாலப்பம்பட்டி, கல்லாபுரம் உள்ளிட்ட பல்வேறு கிராமங்களில் இருந்து 500-க்கும் மேற்பட்ட இரட்டை மாட்டு வண்டி, ரேக்ளா வண்டி, குதிரை வண்டிகளில் குவிந்த பக்தர்கள் சுவாமி தரிசனம் செய்து ஊர் திரும்பினர். ஜல்லிக்கட்டுக்கு தடை நீக்கப்பட்டுள்ள நிலையில் இந்த ஆண்டு ஏராளமான வண்டிகள் வந்தது குறிப்பிடத்தக்கது.

 

]]>
http://www.dinamani.com/all-editions/edition-madurai/dindigul/2018/may/22/கால்நடைகளின்-நலன்-வேண்டி-500-ரேக்ளா-வண்டிகளில்-பழனிக்கு-வந்த-கிராம-மக்கள்-2924583.html
2924248 மதுரை திண்டுக்கல் எம்ஜிஆர் நூற்றாண்டு விழாவில் 250 பேருக்கு கொடுத்த பட்டாவுக்கான இடத்தை வழங்கக் கோரி ஆர்ப்பாட்டம் DIN DIN Tuesday, May 22, 2018 12:35 AM +0530 திண்டுக்கல்லில் எம்ஜிஆர் நூற்றாண்டு விழாவின்போது 250 பேருக்கு வழங்கப்பட்ட பட்டாவுக்கான இடத்தை ஒப்படைக்கக் கோரி திங்கள்கிழமை ஆர்ப்பாட்டம் நடைபெற்றது.
திண்டுக்கல் மாவட்ட ஆட்சியர் அலுவலகம் முன்பு தமிழ்த் தேசிய கட்சியின் சார்பில் நடைபெற்ற இந்த ஆர்ப்பாட்டத்திற்கு மாவட்டத் தலைவர் வி.ஆறுமுகம் தலைமை வகித்தார்.
ஆர்ப்பாட்டத்தின்போது, கடந்த 4 மாதங்களுக்கு முன்பு திண்டுக்கல்லில் நடைபெற்ற எம்ஜிஆர் நூற்றாண்டு விழாவில் 250 பயனாளிகளுக்கு வழங்கப்பட்ட பட்டாவுக்கான இடத்தை உடனடியாக ஒப்படைக்க வேண்டும்.
மதம் மாறிய தாழ்த்தப்பட்ட கிறிஸ்தவர்களுக்கு ஆதிதிராவிடர் நலத்துறை மூலம் வீட்டுமனைப் பட்டா வழங்க வேண்டும்.
திண்டுக்கல் மாவட்டத்தில் சொந்த வீடு இல்லாத தாழ்த்தப்பட்ட மக்களை கண்டறிந்து, இலவச வீட்டு மனைப் பட்டாவுடன், வீடு கட்டிக் கொடுக்க வேண்டும் என்பன உள்ளிட்ட கோரிக்கைகளை வலியுறுத்தி கோஷமிட்டனர். இதில் பெண்கள் உள்பட 50க்கும் மேற்பட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/may/22/எம்ஜிஆர்-நூற்றாண்டு-விழாவில்-250-பேருக்கு-கொடுத்த-பட்டாவுக்கான இடத்தை-வழங்கக்-கோரி-ஆர்ப்பாட்டம்-2924248.html
2924247 மதுரை திண்டுக்கல் வத்தலகுண்டு அருகே கார் மீது வேன் மோதல்: ஓட்டுநர் சாவு DIN DIN Tuesday, May 22, 2018 12:34 AM +0530 வத்தலகுண்டு அருகே ஞாயிற்றுக்கிழமை கார் மீது வேன் மோதிய விபத்தில், வேன் ஓட்டுநர் உயிரிழந்தார்.
தேனி மாவட்டம், பெரியகுளம் அடுத்துள்ள ஜெயமங்கலம் பகுதியைச் சேர்ந்தவர் ஜெகன்(33). இவர், தனது குடும்பத்தினருடன் வேனில் சமயபுரம் சென்று விட்டு, திண்டுக்கல் வழியாக ஜெயமங்கலத்திற்கு ஞாயிற்றுக்கிழமை நள்ளிரவு திரும்பியுள்ளார். அந்த வேன், வத்தலகுண்டு அடுத்துள்ள முத்துலாபுரம் அருகே சென்றபோது, கொடைக்கானலிலிருந்து திண்டுக்கல் நோக்கி வந்து கொண்டிருந்த காருடன் மோதியது.
இவ்விபத்தில், வேனில் பயணம் செய்த ஜெகன், தீபா(27), லத்திகா(6), குவேஷ்(3), பாண்டியராஜ்(38), நித்யா(28), ஈஸ்வரி(47) பிரகாஷ்(17), திவ்யதர்ஷினி(12), ஓட்டுநர் ராஜ்குமார்(42), காரில் பயணித்த திண்டுக்கல்லைச் சேர்ந்த கிஷோர் ஆகியோர் பலத்த காயமடைந்தனர். இதனையடுத்து, காயமடைந்தவர்கள் திண்டுக்கல் மற்றும் மதுரை
அரசு மருத்துவமனைகளில் சிகிச்சைக்காக அனுமதிக்கப்பட்டனர்.
மதுரை அரசு மருத்துவமனையில் அனுமதிக்கப்பட்டிருந்த வேன் ஓட்டுநரான ஜெயமங்கலத்தைச் சேர்ந்த ராஜ்குமார், சிகிச்சைப் பலனின்றி திங்கள்கிழமை உயிரிழந்தார்.
விபத்துக் குறித்து பட்டிவீரன்பட்டி போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/22/வத்தலகுண்டு-அருகே-கார்-மீது-வேன்-மோதல்-ஓட்டுநர்-சாவு-2924247.html
2924246 மதுரை திண்டுக்கல் நத்தம் அருகே ஜல்லிக்கட்டில் காளை முட்டி 14 பேர் காயம் DIN DIN Tuesday, May 22, 2018 12:34 AM +0530 நத்தம் அடுத்துள்ள அய்யாபட்டியில் திங்கள்கிழமை நடைபெற்ற ஜல்லிக்கட்டில் காளை முட்டியதில் 14 பேர் காயமடைந்தனர்.
திண்டுக்கல் மாவட்டம், நத்தம் அடுத்துள்ள அய்யாபட்டி காளியம்மன், கருப்புசாமி கோயில் திருவிழாவையொட்டி திங்கள்கிழமை ஜல்லிகட்டு நடைபெற்றது. நிகழ்ச்சிக்கு தலைமை வகித்த திண்டுக்கல் கோட்டாட்சியர் ஜீவா போட்டியை தொடங்கி வைத்தார்.
வீரர்கள் உறுதிமொழி ஏற்புக்குபின், ஊர்கோயில் காளைகள் அவிழ்த்துவிடப்பட்டன. அவற்றைத் தொடர்ந்து திண்டுக்கல், மதுரை, தேனி, சிவகங்கை, திருச்சி, ராமநாதபுரம் உள்ளிட்ட மாவட்டங்களிலிருந்து அழைத்துவரப்பட்ட 313 காளைகள் கால்நடை மருத்துவத்துறை பரிசோதனைக்கு பின் வாடிவாசல் வழியாக அவிழ்த்துவிடப்பட்டன. காளைகளை பிடிக்கும் முயற்சியில் 250 வீரர்கள் ஈடுபட்டனர்.
காளைகளை பிடித்த வீரர்களுக்கும், பிடிபடாத காளைகளின் உரிமையாளர்களுக்கும் தங்கக்காசு, வெள்ளிக்காசு, கட்டில், நாற்காலி, சைக்கிள், பீரோ, பித்தளை மற்றும் சில்வர் பாத்திரங்கள் உள்ளிட்ட பல்வேறு பரிசுப் பொருள்கள் வழங்கப்பட்டன.
காளைகளை பிடிக்க முயன்றபோது மாடுபிடி வீரர்கள் 10 பேர், பார்வையாளர்கள் 4 பேர் என மொத்தம் 14 பேர் காயமடைந்தனர்.
நிகழ்ச்சிக்கான ஏற்பாடுகளை அய்யாப்பட்டி பொதுமக்கள் மற்றும் கோயில் நிர்வாகிகள் செய்திருந்தனர்.

 

]]>
http://www.dinamani.com/all-editions/edition-madurai/dindigul/2018/may/22/நத்தம்-அருகே-ஜல்லிக்கட்டில்-காளை-முட்டி-14-பேர்-காயம்-2924246.html
2924245 மதுரை திண்டுக்கல் கூட்டுறவுச் சங்கங்களுக்கு செயலாட்சியர் நியமிக்கக் கோரி மனு DIN DIN Tuesday, May 22, 2018 12:34 AM +0530 கூட்டுறவுச் சங்கங்களைத் தொய்வின்றிச் செயல்படுத்தச் செயலாட்சியர்களை நியமிக்க வலியுறுத்தி மாவட்ட ஆட்சியர் அலுவலகத்தில் திங்கள்கிழமை மனு அளிக்கப்பட்டது.
தமிழ்நாடு மாநில தொடக்க கூட்டுறவு வங்கி அனைத்து பணியாளர்கள் சங்கத்தின் திண்டுக்கல் மாவட்ட நிர்வாகிகள், மாவட்ட ஆட்சியர் அலுவலகத்திற்கு மனு அளிப்பதற்காக திங்கள்கிழமை வந்தனர்.
அப்போது மாவட்டத் தலைவர் கே.அன்பரசு, செயலர் ஏ.ரவிச்சந்திரன் ஆகியோர் செய்தியாளர்களிடம் கூறியது:
தமிழகத்தில் 4,563 தொடக்க வேளாண்மை கூட்டுறவு கடன் சங்கங்களில் முதல்கட்டமாக 1,120 சங்கங்களுக்கு தேர்தல் நடைபெற்று, புதிய நிர்வாகக் குழு பதவியேற்றுள்ளது. சில சங்கங்களில் தேர்தல் நிறுத்தப்பட்டுச் செயலாட்சியர் நியமனம் செய்யப்பட்டுப் பணிபுரிந்து வருகின்றனர்.
அதன் தொடர்ச்சியாக 2,3 மற்றும் 4ஆவது கட்டங்களில் நடைபெற்ற தேர்தல்களில், நீதிமன்றங்களில் வழக்குத் தொடரப்பட்டு, முடிவுகள் நிறுத்தி வைக்கப்பட்டுள்ளன.
இதனால், நகைக்கடன், விவசாயக் கடன், உரம் மற்றும் இடுபொருள்கள் வழங்குதல் உள்ளிட்டப் பணிகள் பாதிக்கப்பட்டுள்ளன.
மேலும், சங்கங்களுக்குத் தேவையான நிதி வழங்கப்படாததால் நியாய விலைக் கடைகளையும் செயல்படுத்த முடியாத நிலை உள்ளது. இதற்கு தீர்வு காணும் வகையில், முடிவுகள் நிறுத்தி வைக்கப்பட்டுள்ள சங்கங்களில் உடனடியாகச் செயலாட்சியர் நியமனம் செய்ய வேண்டும்.
இக் கோரிக்கையை வலியுறுத்தி, தமிழகம் முழுவதும் சுமார் 25ஆயிரம் பணியாளர்கள் திங்கள்கிழமை முதல் தொடர் விடுப்புப் போராட்டத்தில் ஈடுபடுகிறோம்.
திண்டுக்கல் மாவட்டத்தில் மட்டும், 197 சங்கங்களைச் சேர்ந்த 480 பணியாளர்கள் இதில் பங்கேற்கின்றனர் என்றனர்.
இதுதொடர்பான மனு, மண்டல இணைப் பதிவாளர் அலுவலகத்திலும் அளிக்கப்பட்டது.

 

]]>
http://www.dinamani.com/all-editions/edition-madurai/dindigul/2018/may/22/கூட்டுறவுச்-சங்கங்களுக்கு-செயலாட்சியர்-நியமிக்கக்-கோரி-மனு-2924245.html
2924244 மதுரை திண்டுக்கல் பழனியில் ஆசிரியர் வீட்டில் 25 பவுன் நகைகள், ரூ.1 லட்சம் திருட்டு DIN DIN Tuesday, May 22, 2018 12:34 AM +0530 பழனியில் அரசு பள்ளி ஆசிரியர் வீட்டில் இருந்து 25 பவுன் நகை மற்றும் ஒரு லட்சம் ரூபாய் பணத்தை மர்ம நபர்கள்திருடிச் சென்றனர்.
திண்டுக்கல் மாவட்டம் பழனி புறநகர் பகுதியில் உள்ளது எம்.ஜி.ஆர் நகர். இங்கு நயினார் - கண்ணகி தம்பதி வாடகை வீட்டில் வசித்து வருகின்றனர். இருவரும் அரசு பள்ளி ஆசிரியர்கள். கடந்த இரண்டு நாள்களுக்கு முன்பு இருவரும் தென்காசியில் உள்ள உறவினர் வீட்டிற்குச் சென்றுள்ளனர்.
திங்கள்கிழமை நயினார் வீட்டின் பின்புற கதவு திறந்து கிடப்பதை அக்கம் பக்கத்தினர் பார்த்துள்ளனர். உடனடியாக நயினாருக்கும், பழனி நகர் காவல்துறைக்கும் தகவல் கொடுத்தனர்.
போலீஸார் உள்ளே சென்று பார்த்த போது வீட்டினுள் இருந்த இரண்டு பீரோக்களும் உடைக்கப்பட்டுக் கிடந்தன. போலீசார் நடத்திய விசாரணையில் வீட்டில் இருந்த 25 பவுன் நகை மற்றும் ஒரு லட்சம் ரூபாய் பணம் ஆகியவை திருடப்பட்டது தெரியவந்தது.
பழனி நகரப் போலீஸார் வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/22/பழனியில்-ஆசிரியர்-வீட்டில்-25-பவுன்-நகைகள்-ரூ1-லட்சம்-திருட்டு-2924244.html
2924243 மதுரை திண்டுக்கல் கொடைக்கானலில் மின்சாரம் பாய்ந்து ஒருவர் சாவு; இருவர் காயம் DIN DIN Tuesday, May 22, 2018 12:33 AM +0530 கொடைக்கானலில் திங்கள்கிழமை விளம்பரப் பதாகைகளை அகற்றும் பணியில் ஈடுபட்டிருந்து தொழிலாளி மின்சாரம் பாய்ந்து உயிரிழந்தார். மேலும் இரு தொழிலாளர்கள் காயமடைந்தனர்.
கொடைக்கானலில் கோடை விழா மலர்க் கண்காட்சியை தொடங்கி வைப்பதற்கு தமிழக முதல்வர் எடப்பாடி கே. பழனிசாமி சனிக்கிழமை வந்தார். இதையொட்டி கொடைக்கானல் பகுதியில் முதல்வரை வரவேற்று பல்வேறு இடங்களில் விளம்பரப் பதாகைகள் வைக்கப்பட்டிருந்தன. இந்நிலையில் அந்த விளம்பரப் பதாகைகளை அகற்றும் பணியில் திங்கள்கிழமை திருவண்ணாமலையைச் சேர்ந்த சுமார் 20 தொழிலாளர்கள் ஈடுபட்டிருந்தனர். அப்போது கல்லறைமேடுப் பகுதியில் உள்ள மின்கம்பத்தில் வைக்கப்பட்டிருந்த விளம்பர பதாகையை 3 பேர் அகற்றிக் கொண்டிருந்தனர். அப்போது எதிர்பாராத விதமாக அந்த பதாகை மின்கம்பியில் பட்டதால் மணிகண்டன் (25) என்பவர் சம்பவ இடத்திலேயே உயிரிழந்தார். சக பணியாளர்கள் புகழேந்தி(34), மதியழகன்(25) ஆகியோர் காயமடைந்தனர்.
இதனைத் தொடர்ந்து அவர்கள் கொடைக்கானல் அரசு மருத்துவமனையில் அனுமதிக்கப்பட்டனர். இதுகுறித்து கொடைக்கானல் போலீஸார் வழக்குப் பதிவு செய்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/22/கொடைக்கானலில்-மின்சாரம்-பாய்ந்து-ஒருவர்-சாவு-இருவர்-காயம்-2924243.html
2924242 மதுரை திண்டுக்கல் பழனி அருகே கிணற்றில் தவறி விழுந்து சிறுவன் சாவு DIN DIN Tuesday, May 22, 2018 12:33 AM +0530 பழனி அருகே திங்கள்கிழமை கிணற்றில் தவறி விழுந்து சிறுவன் உயிரிழந்தான். ஆனால் உடலை மீட்பதில் தாமதம் ஏற்பட்டு வருகிறது.
பழனி தெற்கு அண்ணாநகரை சேர்ந்தவர் நாகராஜ். இவரது மகன் மாதேஸ்வரன் (13). தனியார் பள்ளியில் ஏழாம் வகுப்பு பயின்று வருகிறார். திங்கள்கிழமை நண்பர்கள் ஐந்து பேருடன் பழனியாண்டவர் நகருக்கு விளையாட சென்றுள்ளார். அப்போது அங்கே மூடப்படாமல் இருந்த சிவகிரிப்பட்டி ஊராட்சி கிணற்றை எட்டிப்பார்த்தபோது, மாதேஸ்வரன் எதிர்பாராவிதமாக உள்ளே விழுந்து விட்டார். தகவலறிந்த அப்பகுதியினர் தீயணைப்பு மற்றும் மீட்புப்படையினருக்கு தகவல் கொடுத்தனர்.
சம்பவ இடத்துக்கு வந்த தீயணைப்பு வீரர்கள் நீண்ட நேரம் தேடியும் சிறுவனின் உடல் கிடைக்கவில்லை. இந்நிலையில் கிணற்றின் அருகே சிறுவனது பெற்றோர் கதறி அழுதது பார்ப்போரை கலங்க வைத்தது.
கிணற்றில் அதிக அளவு தண்ணீர் உள்ளதாலும், இரவு நேரமானதாலும் சிறுவன் உடலை மீட்பதில் தாமதம் ஏற்பட்டது. இதுகுறித்து பழனி டவுன் போலீஸார் வழக்குப் பதிவு செய்துள்ளனர்.

 

]]>
http://www.dinamani.com/all-editions/edition-madurai/dindigul/2018/may/22/பழனி-அருகே-கிணற்றில்-தவறி-விழுந்து-சிறுவன்-சாவு-2924242.html
2924240 மதுரை திண்டுக்கல் கொடைக்கானல் மலைச்சாலையில் அரசுப் பேருந்து மீது மரக்கிளை விழுந்ததில் போக்குவரத்து பாதிப்பு DIN DIN Tuesday, May 22, 2018 12:33 AM +0530 கொடைக்கானல் மலைச்சாலையில் திங்கள் கிழமை சென்ற அரசு விரைவுப் பேருந்து மீது மரக்கிளை விழுந்ததில் போக்குவரத்து பாதிப்பு ஏற்பட்டது.
கொடைக்கானல் பேருந்து நிலையத்திலிருந்து அரசு விரைவுப் பேருந்து சென்னைக்கு செல்வதற்காக திங்கள் கிழமை இரவு புறப்பட்டு சென்றது, கொடைக்கானல் -வத்தலக்குண்டு மலைச்சாலையில் மயிலாடும் பாறை அருகே குறுகிய வளைவில் செல்லும் போது மரக்கிளை ஒன்று அரசு விரைவுப் பேருந்தின் மீது விழுந்தது. இதனால் அப் பகுதியில் சுமார் 40-நிமிடம் போக்குவரத்து பாதிப்பு ஏற்பட்டது. இதனைத் தொடர்ந்து சம்பவ இடத்திற்கு காவல்துறையினர், நெடுஞ்சாலைத்துறையினர், வனத்துறையினர் விரைந்து சென்று பேருந்து மீது விழுந்த மரக்கிளையை அகற்றினர். நல்வாய்ப்பாக பேருந்தில் பயணம் செய்த 40-க்கும் மேற்பட்ட சுற்றுலாப் பயணிகளுக்கு எந்தவிதமான பாதிப்பும் இல்லை அனைவரும் உயிர் தப்பினர்.
மரக்கிளையை அகற்றிய பிறகு போக்குவரத்து சரி செய்யப்பட்டு வழக்கம் போல கொடைக்கானல்-வத்தலக்குண்டு மலைச் சாலையில் போக்குவரத்து தொடங்கியது.

 

]]>
http://www.dinamani.com/all-editions/edition-madurai/dindigul/2018/may/22/கொடைக்கானல்-மலைச்சாலையில்-அரசுப்-பேருந்து-மீது-மரக்கிளை-விழுந்ததில்-போக்குவரத்து-பாதிப்பு-2924240.html
2924239 மதுரை திண்டுக்கல் கொடைக்கானல் ஏரியில் மீன் பிடிக்கும் போட்டி DIN DIN Tuesday, May 22, 2018 12:32 AM +0530 கொடைக்கானலில் கோடை விழாவை முன்னிட்டு ஏரியில் மீன் பிடிக்கும் போட்டி திங்கள்கிழமை நடைபெற்றது.
மீன் வளத்துறை சார்பில் கொடைக்கானல் ஏரியில் நடைபெற்ற இப்போட்டி 18-வயதுக்குட்பட்டவர்களுக்கும், பெரியவர்களுக்கும் என இரு பிரிவுகளாக நடைபெற்றது. போட்டியை மீன் வளத்துறை உதவி இயக்குநர் வேல்முருகன் தொடங்கி வைத்தார். போட்டியில் கலந்து கொண்டவர்களுக்கு இரண்டு மணி நேரம் வழங்கப்பட்டது. இதில் சிறியவர்கள் பிரிவில் கொடைக்கானலைச் சேர்ந்த சதீஷ்குமார் 225-கிராம் கென்டை மீனைப் பிடித்து முதல் பரிசும், மணிகண்டபிரபு 175-கிராம் சாதா கென்டை மீனை பிடித்து இரண்டாம் பரிசும், கரீம் என்பவர் சாதா கென்டை மீனை பிடித்து மூன்றாவது பரிசும் பெற்றனர்.
பெரியவர்கள் பிரிவில் அருமைநாயகம் என்பவர் 30-நிமிடத்தில் சுமார் 1.200 கிலோ எûயுள்ள கென்டை மீனை பிடித்து முதலிடம் பெற்றார். செல்வம் என்பவர் சுமார் ஒரு கிலோ எடையுள்ள சாதா கென்டை மீனை பிடித்து இரண்டாம் இடம் பிடித்தார்.
சௌந்தர் என்பவர் சுமார் 750 கிராம் எடையுள்ள சாதா கென்டை மீனை பிடித்து 3-ஆவது இடம் பிடித்தார்.
வெற்றி பெற்றவர்களுக்கு மீன் வளத்துறை சார்பில் பரிசுகள் வழங்கப்பட்டது. இந் நிகழ்ச்சியில் மீன் வள ஆய்வாளர் கவிதா, மீன்வளத்துறை மேற்பார்வையாளர்கள் மனோகரன், கார்த்திக், உதவி சுற்றுலா அலுவலர் ஆனந்த் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/may/22/கொடைக்கானல்-ஏரியில்-மீன்-பிடிக்கும்-போட்டி-2924239.html
2924238 மதுரை திண்டுக்கல் உசிலம்பட்டியில் வயர்மேன் மீது தாக்குதல்: சக ஊழியர்கள் உள்ளிருப்புப் போராட்டம் DIN DIN Tuesday, May 22, 2018 12:32 AM +0530 உசிலம்பட்டியில் வயர்மேனை தாக்கியவர்கள் மீது நடவடிக்கை எடுக்கக் கோரி, மின் வாரிய அலுவலகத்தில் சக ஊழியர்கள் திங்கள்கிழமை உள்ளிருப்புப் போராட்டத்தில் ஈடுபட்டனர்.
உசிலம்பட்டியை அடுத்த வாலாந்தூரைச் சேர்ந்தவர் ஜெயகிருஷ்ணன். வயர்மேனான இவரிடம் வாலாந்தூரைச் சேர்ந்த அக்கினி மகன் உக்கிரபாண்டி, அடிக்கடி ஏன் மின்தடை ஏற்படுகிறது' எனக் கேட்டு, கடந்த சனிக்கிழமை தகராறில் ஈடுபட்டுள்ளார். மேலும் தகாத வார்த்தைகளால் திட்டி, கல்லால் தாக்கியதாகக் கூறப்படுகிறது.
இதுகுறித்து வாலாந்தூர் காவல் நிலையத்தில் புகார் அளித்தும் உக்கிரபாண்டி மீது எவ்வித நடவடிக்கையும் எடுக்கப்படவில்லையாம்.
இந்நிலையில், வயர்மேன் ஜெயகிருஷ்ணன் தாக்கப்பட்டதை கண்டித்தும், உக்கிரபாண்டி மீது உடனடியாக நடவடிக்கை எடுக்க வலியுறுத்தியும் உசிலம்பட்டி மின்சார வாரிய உற்பத்தி மற்றும் மின் பகிர்மான அலுவலகத்தில் உசிலம்பட்டி மற்றும் வாலாந்தூர் மின்வாரிய ஊழியர்கள் 50-க்கும் மேற்பட்டோர்
திங்கள்கிழமை காலை உள்ளிருப்புப் போராட்டத்தில் ஈடுபட்டனர்.
சுமார் 2 மணி நேரம் இப்போராட்டம் நடைபெற்றது. இதைத்தொடர்ந்து, அவர்கள் கலைந்து சென்றனர்.

 

]]>
http://www.dinamani.com/all-editions/edition-madurai/dindigul/2018/may/22/உசிலம்பட்டியில்-வயர்மேன்-மீது-தாக்குதல்-சக-ஊழியர்கள்-உள்ளிருப்புப்-போராட்டம்-2924238.html
2923621 மதுரை திண்டுக்கல் கொடைக்கானலில் மழை: சுற்றுலாப் பயணிகள் மகிழ்ச்சி DIN DIN Monday, May 21, 2018 12:46 AM +0530 கொடைக்கானலில் ஞாயிற்றுக்கிழமை மாலை மிதமான மழை பெய்ததால் சுற்றுலாப் பயணிகள் மகிழ்ச்சியடைந்தனர்.
 கொடைக்கானலில் தற்போது சீசன் களைகட்டியுள்ள நிலையில் பல்வேறு இடங்களிலிருந்து ஏராளமான சுற்றுலாப் பயணிகள் வந்து செல்கின்றனர். மேலும் பிரையண்ட் பூங்காவில் மலர் கண்காட்சி நடைபெற்று வருவதாலும் அங்கு சுற்றுலாப் பயணிகள் குவிந்து வருகின்றனர்.
இந்நிலையில், கடந்த இரண்டு நாள்களாக கொடைக்கானல் பகுதிகளில் அவ்வப்போது, மழை பெய்து வருகிறது. இருப்பினும், இதனால் மலர் கண்காட்சிக்கு பாதிப்பில்லாமல் நடைபெற்றது. ஞாயிற்றுக்கிழமை காலை முதல் மதியம் வரை வெயில் அடித்தது. அதன் பின் மேகமூட்டம் திரண்டு, திடீரென மிதமான மழை பெய்தது. சுமார் அரை மணி நேரம் பெய்த மழையால் சுற்றுலாப் பயணிகள் மகிழ்ச்சியடைந்தனர்.

]]>
http://www.dinamani.com/all-editions/edition-madurai/dindigul/2018/may/21/கொடைக்கானலில்-மழை-சுற்றுலாப்-பயணிகள்-மகிழ்ச்சி-2923621.html
2923620 மதுரை திண்டுக்கல் பழனி கோயிலுக்கு  பக்தர்கள் வருகை அதிகரிப்பு DIN DIN Monday, May 21, 2018 12:46 AM +0530 பழனி தண்டாயுதபாணி சுவாமி கோயிலுக்கு ஞாயிற்றுக்கிழமை பக்தர்கள் வருகை அதிகரித்ததால், சுவாமி தரிசனத்துக்கு நான்கு மணி நேரமானது. 
 ஞாயிற்றுக்கிழமை விடுமுறை தினம் என்பதாலும், சஷ்டி, வைகாசி பூசம், முகூர்த்த நாள் மற்றும் அக்னி நட்சத்திரம் கடைசி கிரி ஆகியனவும் சேர்ந்து வந்தது. இதனால், அதிகாலை முதலே பல்லாயிரக்கணக்கான பக்தர்கள் கோயிலில் குவிந்தனர். சனிக்கிழமை இரவு விடுதிகள் அனைத்தும் நிரம்பியதால் பக்தர்கள் பலரும் கிரிவீதியில் காத்து கிடந்தனர். ரோப்கார் மற்றும் வின்ச் நிலையத்தில் கட்டண டிக்கெட் வழங்குமிடத்தில் நீண்ட வரிசையில் பக்தர்கள் காத்திருந்தனர்.
 படிவழியிலும் பக்தர்கள் கூட்டம் நிரம்பி காணப்பட்டது. மலைக்கோயிலில் கட்டண தரிசன வரிசை, இலவச தரிசன வரிசை என அனைத்துப் பகுதிகளிலும் பக்தர்கள் கூட்டம் அதிகமாக காணப்பட்டது. இதனால், சுவாமி தரிசனத்துக்கு சுமார் நான்கு மணி நேரமானது. பக்தர்களுக்கு வேண்டிய குடிநீர் வசதி, பாதுகாப்பு வசதி மற்றும் தரிசன ஏற்பாடுகளை பழனிக்கோயில் இணை ஆணையர் செல்வராஜ், துணை ஆணையர் (பொறுப்பு) மேனகா உள்ளிட்டோர் தலைமையில் திருக்கோயில் அலுவலர்கள் செய்திருந்தனர்.
 

]]>
http://www.dinamani.com/all-editions/edition-madurai/dindigul/2018/may/21/பழனி-கோயிலுக்கு--பக்தர்கள்-வருகை-அதிகரிப்பு-2923620.html
2923619 மதுரை திண்டுக்கல் கன்னிவாடி அருகே டிப்பர் லாரி மோதி   இளைஞர் சாவு DIN DIN Monday, May 21, 2018 12:46 AM +0530 கன்னிவாடி அருகே டிப்பர் லாரி மோதிய விபத்தில் இளைஞர் சனிக்கிழமை உயிரிழந்தார்.
 திண்டுக்கல் மாவட்டம், கன்னிவாடி பேரூராட்சி 7-ஆவது வார்டைச் சேர்ந்த முருகேசன் மகன் பாபு (20). இவரது நண்பர் ஆலத்தூரன்பட்டி கிருஷ்ணசாமி (30). இருவரும்  சனிக்கிழமை இருசக்கர வாகனத்தில் கன்னிவாடி -கீழதெப்பம்பட்டி சாலை பாப்பன்குளம் பாலம் அருகே சென்று கொண்டிருந்தனர். 
அப்போது எதிரே வந்த டிப்பர் லாரி அவர்கள் மீது மோதியது. அதில் இருவரும் பலத்த காயமடைந்தனர். அருகில் இருந்தவர்கள் அவர்களை மீட்டு 108 ஆம்புலன்ஸ் மூலம் திண்டுக்கல் அரசு மருத்துவமனைக்கு கொண்டு சென்றனர்.
 அப்போது, பாபு வழியிலேயே உயிரிழந்தார். கிருஷ்ணசாமி சிகிச்சை பெற்று வருகிறார்.
 இதுகுறித்து கன்னிவாடி போலீஸார் வழக்குப்பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/may/21/கன்னிவாடி-அருகே-டிப்பர்-லாரி-மோதி---இளைஞர்-சாவு-2923619.html
2923617 மதுரை திண்டுக்கல் ஆட்டோ மோதி  தொழிலாளி சாவு DIN DIN Monday, May 21, 2018 12:45 AM +0530 ஒட்டன்சத்திரத்தில் ஞாயிற்றுக்கிழமை ஆட்டோ மோதியதில் சுமை தூக்கும் தொழிலாளி உயிரிழந்தார்.
 ஒட்டன்சத்திரம் காந்தி நகர் பட்டாள ஈஸ்வரி கோயில்தெருவைச் சேர்ந்தவர் பிச்சைமுத்து (65). சுமை தூக்கும் தொழிலாளியான இவர், ஞாயிற்றுக்கிழமை வீட்டில் இருந்து தேனீர் அருந்துவதற்காக கடை வீதிக்கு நடத்து சென்று கொண்டிருந்தார்.
  திண்டுக்கல்-பழனி சாலை தாராபுரம் பிரிவு அருகே சென்றபோது, பின்னால் வந்த ஆட்டோ பிச்சைமுத்து மீது மோதியது. இதில் தலையில் பலத்த காயமடைந்த அவரை மீட்டு 108 ஆம்புலன்ஸ் மூலம் ஒட்டன்சத்திரம் அரசு மருத்துவமனையில் சேர்த்தனர். 
பின்னர், மேல் சிகிச்சைக்காக மதுரை அரசு மருத்துவமனைக்கு கொண்டு சென்றனர். ஆனால், வழியிலேயே பிச்சைமுத்து உயிரிழந்தார். இதுகுறித்து ஒட்டன்சத்திரம் போலீஸார் வழக்குப்பதிந்து, ஆட்டோ ஓட்டுநரான காப்பிளியப்பட்டியைச் சேர்ந்த ஜெயந்திர சுந்தரை கைது செய்தனர்.

]]>
http://www.dinamani.com/all-editions/edition-madurai/dindigul/2018/may/21/ஆட்டோ-மோதி--தொழிலாளி-சாவு-2923617.html
2923616 மதுரை திண்டுக்கல் பழனியில் மே 22 மின்தடை DIN DIN Monday, May 21, 2018 12:45 AM +0530 பழனி சுற்றுவட்டாரப் பகுதியில் செவ்வாய்க்கிழமை மின் விநியோகம் இருக்காது.
இதுகுறித்து பழனி மின்வாரிய செயற்பொறியாளர் சந்திரசேகர் வெளியிட்டுள்ள செய்திக்குறிப்பு: பழனி துணை மின்நிலையத்தில் "பராமரிப்புப் பணிகள் காரணமாக பழனி நகர், பாலசமுத்திரம், நெய்க்காரபட்டி, ஆயக்குடி மற்றும் சின்னக்கலையம்புத்தூர் ஆகிய பகுதிகளில் செவ்வாய்க்கிழமை காலை 9 மணி முதல் மாலை 5 மணி வரை மின்விநியோகம் இருக்காது என அதில் கூறப்பட்டுள்ளது.
 

]]>
http://www.dinamani.com/all-editions/edition-madurai/dindigul/2018/may/21/பழனியில்-மே-22-மின்தடை-2923616.html
2923615 மதுரை திண்டுக்கல் காவிரி மேலாண்மை ஆணையம்: தமிழக மக்களுக்கு கிடைத்த வெற்றி: ஜி.கே.வாசன் DIN DIN Monday, May 21, 2018 12:45 AM +0530 காவிரி மேலாண்மை ஆணையம் அமைப்பதற்கு உச்சநீதிமன்றம் அளித்த தீர்ப்பு, தமிழக மக்களுக்கு கிடைத்த வெற்றி என தமிழ் மாநில காங்கிரஸ் கட்சித் தலைவர் ஜி.கே.வாசன் தெரிவித்தார்.
 திண்டுக்கல்லில் ஞாயிற்றுக்கிழமை நடைபெற்ற திருமண நிகழ்ச்சியொன்றில் பங்கேற்க வந்த அவர், செய்தியாளர்களிடம் கூறியதாவது:  காவிரி மேலாண்மை ஆணையம் அமைக்க உச்சநீதிமன்றம் அளித்த தீர்ப்பு, தமிழக மக்களுக்கு கிடைத்த வெற்றி. உச்சநீதிமன்ற உத்தரவின்படி, காவிரி மேலாண்மை ஆணையத்துக்கான அலுவலகத்தை விரைவாக அமைத்து, அக்குழுவுக்கான உறுப்பினர்களை 4 நாள்களில் நியமிக்க வேண்டும். தமிழகத்தில் குற்றச் சம்பவங்கள் அதிகரித்து வருகின்றன. பல சம்பவங்களில், வட மாநில இளைஞர்களுக்கு தொடர்பு இருப்பதாக கண்டறியப்பட்டுள்ளது. சட்டம் - ஒழுங்கை பாதுகாக்க, அரசு உரிய நடவடிக்கை எடுக்க வேண்டும்.
 தேசிய கட்சிகளான பாஜக மற்றும் காங்கிரஸ், தமிழகத்துக்கு தண்ணீர் வழங்கும் பிரச்னையில் துரோகம் இழைத்து வருகின்றன. கர்நாடக தேர்தலை கருத்தில் கொண்டே, பாஜக காலம் கடத்தி வந்தது. ஆனாலும், அவர்களுக்கு (பாஜக) கைக்கு எட்டியது வாய்க்கு கிட்டவில்லை. கர்நாடக ஆளுநர் நடுநிலையோடு செயல்பட வேண்டும்.
 விவசாயிகளின் நலன் கருதி, மேட்டூர் அணையை ஜூன் 12 ஆம் தேதி திறப்பதற்கு தமிழக அரசு நடவடிக்கை எடுக்க வேண்டும். பெட்ரோல் - டீசல் விலை உயர்வை கட்டுப்படுத்துவதற்கு, அவற்றை ஜிஎஸ்டி வரம்புக்குள் கொண்டு வர வேண்டும். நியூட்ரினோ, ஹைட்ரோ கார்பன் திட்டங்களினால் நன்மைகள் ஏற்படுமானால், அதுகுறித்து பொதுமக்களுக்கு விழிப்புணர்வு ஏற்படுத்திய பின், அதற்கான முயற்சி மேற்கொள்ளப்பட வேண்டும். தமிழக மக்களுக்கான நலத்திட்டங்களை அரசு விரைந்து செயல்படுத்த வேண்டும் என்பதே மக்களின் எதிர்பார்ப்பு என்றார் அவர்.

]]>
http://www.dinamani.com/all-editions/edition-madurai/dindigul/2018/may/21/காவிரி-மேலாண்மை-ஆணையம்-தமிழக-மக்களுக்கு-கிடைத்த-வெற்றி-ஜிகேவாசன்-2923615.html
2923614 மதுரை திண்டுக்கல் பெண்ணிடம் 5 பவுன் சங்கிலி பறிப்பு DIN DIN Monday, May 21, 2018 12:45 AM +0530 பழனியில் நடந்து சென்ற பெண்ணிடம் இருசக்கர வாகனத்தில் வந்த மர்ம நபர்கள் ஞாயிற்றுக்கிழமை ஐந்தரை பவுன் செயினை பறித்துக்கொண்டு தப்பிச் சென்றனர்.
 பழனி இந்திரா நகர் காமாட்சியம்மன் கோயில் பகுதியைச் சேர்ந்தவர் செளந்திரராஜன் மனைவி சுப்புலட்சுமி (60). இவர், ஞாயிற்றுக்கிழமை ராஜயோக கணபதி கோயில் அருகே நடந்து சென்று கொண்டிருந்தார். அப்போது அந்த வழியே இருசக்கர வாகனத்தில் வந்த மர்மநபர்கள்  சுப்புலட்சுமி கழுத்தில் இருந்த ஐந்தரை பவுன் செயினை பறித்துக்கொண்டு, தப்பிச்சென்றனர்.  இதுகுறித்த புகாரின்பேரில், பழனி டவுன் போலீஸார் வழக்குப்பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/may/21/பெண்ணிடம்-5-பவுன்-சங்கிலி-பறிப்பு-2923614.html
2923613 மதுரை திண்டுக்கல் கொடைக்கானலில் கோடை விழா: பார்வையாளர்களை கவர்ந்த பாரா ஸ்லைடிங், பரதநாட்டியம் DIN DIN Monday, May 21, 2018 12:44 AM +0530 கொடைக்கானலில் கோடை விழாவை முன்னிட்டு ஞாயிற்றுக்கிழமை நடைபெற்ற பரத நாட்டியம், பாரா ஸ்லைடிங் நிகழ்ச்சி பார்வையாளர்களை வெகுவாக கவர்ந்தது.
கோடை விழாவை முன்னிட்டு, கொடைக்கானல் பிரையண்ட் பூங்காவில் பல்வேறு கலை நிகழ்ச்சிகள் நடைபெற்று வருகின்றன. இதில், பொதுமக்களையும், சுற்றுலாப் பயணிகளையும் கவரும் வகையில் இந்திய வான் விளையாட்டு மற்றும் அறிவியல் மையம் சார்பில் கொடைக்கானல் அரசு மேல்நிலைப் பள்ளி விளையாட்டு மைதானத்தில் பாரா ஸ்லைடிங் விளையாட்டு மற்றும் பயிற்சி அளிக்கும் நிகழ்ச்சி ஞாயிற்றுக்கிழமை தொடங்கியது.
 இந்நிகழ்ச்சியை கொடைக்கானல் வருவாய் கோட்டாட்சியர் மோகன் தொடங்கி வைத்தார். இதில், கொடைக்கானல் பகுதி மாணவ, மாணவிகள், சுற்றுலாப் பயணிகள் ஆர்வமுடன் கலந்து கொண்டனர்.
 அவர்களுக்கு பயிற்சியாளர் மற்றும் ஒருங்கிணைப்பாளர் பாபு பயிற்சி அளித்தார். திங்கள்கிழமையுடன் பாரா ஸ்லைடிங் நிகழ்ச்சி நிறைவடைகிறது.
இதேபோல், பிரையண்ட் பூங்காவில் சுற்றுலாப் பயணிகள் கலந்து கொண்ட கயிறு இழுத்தல் போட்டி நடைபெற்றது, அதைத்தொடர்ந்து பல்சுவை நிகழ்ச்சி, பரத நாட்டியம், தேவராட்டம், ஒயிலாட்டம், சேவையாட்டம் ஆகிய நிகழ்ச்சிகள் நடைபெற்றன. இந்நிகழ்ச்சிகளை திண்டுக்கல் மாவட்ட ஆட்சியர் டி.ஜி.வினய், வருவாய் கோட்டாட்சியர் மோகன், வட்டாட்சியர் பாஷியம், மாவட்ட வன அலுவலர் தேஜஸ்வி, தோட்டக்கலை துணை இயக்குனர் சுரேஷ் ஸ்ரீராம் மற்றும் ஏராளமான சுற்றுலாப் பயணிகள் 
கண்டுரசித்தனர்.
 

]]>
http://www.dinamani.com/all-editions/edition-madurai/dindigul/2018/may/21/கொடைக்கானலில்-கோடை-விழா-பார்வையாளர்களை-கவர்ந்த-பாரா-ஸ்லைடிங்-பரதநாட்டியம்-2923613.html
2923612 மதுரை திண்டுக்கல் கொடைக்கானல் மலர்க் கண்காட்சி: போட்டிகளில் வெற்றி பெற்றவர்களுக்குப் பரிசு DIN DIN Monday, May 21, 2018 12:44 AM +0530 கொடைக்கானல் கோடை விழா மலர்க் கண்காட்சியில் நடத்தப்பட்ட போட்டிகளில் வெற்றி பெற்றவர்களுக்கு மாவட்ட ஆட்சியர் டி.ஜி.வினய் ஞாயிற்றுக்கிழமை பரிசு வழங்கினார்.
கொடைக்கானலில் கோடை விழா மற்றும் மலர்க் கண்காட்சி கடந்த 19 ஆம் தேதி தொடங்கியது. இவ்விழாவை, முதல்வர் எடப்பாடி கே. பழனிசாமி தொடங்கி வைத்தார். மலர்க் கண்காட்சியில் டைந்தேஷ், அந்தோரியம், மேரி கோல்ட், பேன்சி, பிங் ஆஸ்டர், கல் ரோஜா, ரோஜா உள்ளிட்ட 25 வகையான வண்ண மலர்கள் ஆயிரக்கணக்கில் இடம் பெற்றன. மேலும், கொடைக்கானல் மலைப் பகுதிகளில் விளையக் கூடிய உருளைக் கிழங்கு, கேரட், பீட்ரூட், வாழை, வாசனை திரவியங்கள், மிளகு, கொடை மிளகாய், ஆரஞ்சு உள்ளிட்டவைகளும் கண்காட்சியில் இடம் பெற்றன.இதைத்தொடர்ந்து தோட்டக்கலைத் துறை சார்பில் கொடைக்கானல் பகுதிகளிலுள்ள தனியார் விடுதிகள், காட்டேஜ்கள், ரிசார்ட்கள் மற்றும் விவசாயிகள் கலந்து கொண்டு புல்வெளிகள், ரோஜா தோட்டம், மலர்த் தோட்டங்கள் அமைத்தல், காய்கறிகள் விளைவித்தல், பசுமைக் குடில் அமைத்தல், கொய்மலர்கள் அமைத்தல் உள்ளிட்ட பலவகையான தோட்டங்கள் அமைத்தல், பராமரித்தல் போன்றவைகளுக்கு பெரிய தோட்டம்,சிறிய தோட்டம், நடுத்தர தோட்டம் ஆகிய பிரிவுகளில் போட்டிகள் நடைபெற்றன.
 இப்போட்டிகளில் கொடைக்கானல், செண்பகனூர், அட்டுவம்பட்டி, அரக்கால், பூம்பாறை, மன்னவனூர், கிளாவரை, பண்ணைக்காடு, தாண்டிக்குடி, பூலத்தூர், கவுஞ்சி உள்ளிட்ட பல்வேறு பகுதிகளைச் சேர்ந்த 200-க்கும் மேற்பட்டோர் கலந்து கொண்டனர்.
இப்போட்டிகளில் வெற்றி பெற்றவர்களுக்கு பரிசு வழங்கும் நிகழ்ச்சி பிரையண்ட் பூங்காவில் ஞாயிற்றுக்கிழமை நடைபெற்றது. விழாவுக்கு திண்டுக்கல் மாவட்ட ஆட்சியர் டி.ஜி.வினய் தலைமை வகித்து பரிசு வழங்கினார். இந்நிகழ்ச்சியில் கொடைக்கானல் வருவாய் கோட்டாட்சியர் மோகன், மாவட்ட வன அலுவலர் தேஜேஸ்வி, தோட்டக்கலைத்துறை துணை இயக்குநர் சுரேஷ் ஸ்ரீராம், சுற்றுலா அலுவலர் உமாதேவி, தோட்டக்கலை உதவி அலுவலர் ஷைனி, பிரையண்ட் பூங்கா மேலாளர் பிரியதர்சன் உள்ளிட்ட பலர் கலந்து கொண்டனர்.
 போட்டியில் வெற்றி பெற்றவர்களுக்கு 36 சுழற்கோப்பைகளும், ஒவ்வொரு பிரிவிலும் முதல் பரிசு, இரண்டாம் பரிசு, மூன்றாம் பரிசு, சிறப்புப் பரிசு உள்ளிட்ட 558 பரிசுகளும் வழங்கப்பட்டன. இந்நிகழ்ச்சியில் ஏராளமான சுற்றுலாப் பயணிகள் கலந்து கொண்டனர். உதவி சுற்றுலா அலுவலர் ஆனந்த் நன்றி கூறினார்.
 

]]>
http://www.dinamani.com/all-editions/edition-madurai/dindigul/2018/may/21/கொடைக்கானல்-மலர்க்-கண்காட்சி-போட்டிகளில்-வெற்றி-பெற்றவர்களுக்குப்-பரிசு-2923612.html
2923302 மதுரை திண்டுக்கல் காவிரி விவகாரம்: 32 ஆண்டுகளாக அதிமுக மேற்கொண்ட முயற்சிக்கு இறுதி வெற்றி: முதல்வர் எடப்பாடி கே.பழனிசாமி DIN DIN Sunday, May 20, 2018 02:46 AM +0530 காவிரி நதி நீர் பங்கீடு விவகாரத்தில், கடந்த 32 ஆண்டுகளாக அதிமுக மேற்கொண்ட முயற்சிக்கு இறுதி வெற்றி கிடைத்துள்ளது என தமிழக முதல்வர் எடப்பாடி கே.பழனிசாமி தெரிவித்தார்.
திண்டுக்கல் மாவட்டம், கொடைக்கானல் பிரையண்ட்
பூங்காவில் 57-ஆவது கோடை விழா மற்றும் 2 நாள் மலர்க் கண்காட்சி தொடக்க விழா சனிக்கிழமை நடைபெற்றது. தமிழக வனத்துறை அமைச்சர் திண்டுக்கல் சி.சீனிவாசன் தலைமை வகித்தார். கோடை விழா மற்றும் மலர்க் கண்காட்சியைத் தொடங்கி வைத்து முதல்வர் பேசியது:
தமிழகத்தின் பழைமை, பண்பாடு, கலாசாரம் உள்ளிட்ட பெருமைகள், இங்குள்ள இயற்கை வளங்கள் நிறைந்த சுற்றுலா இடங்களைப் பார்க்க வரும் வெளி மாநிலங்கள் மற்றும் வெளிநாடுகளைச் சேர்ந்த பயணிகள் மூலம், உலகம் முழுவதும் எடுத்துச் செல்லப்படுகிறது. அதனாலேயே, சுற்றுலாத் தலங்களை மேம்படுத்தவும், இதுபோன்ற மலர்க் கண்காட்சிளை நடத்தவும் தமிழக அரசு முக்கியத்துவம் அளித்து வருகிறது.
தமிழகத்தில் 20 மாவட்டங்களில் வாழ்வாதாரமாக உள்ள காவிரி நதி நீர் பிரச்னையில், மத்திய அரசின் ஒத்துழைப்பு இல்லாதபோதிலும், ஜெயலலிதா மேற்கொண்ட தொடர் சட்டப் பேராட்டத்தின் மூலம் காவிரி மேலாண்மை ஆணையம் இன்றைக்கு சாத்தியமாகியுள்ளது. மேலும், காவிரி நீருக்காக தொடர்ந்து 80 மணி நேரம் உண்ணாவிரதம் இருந்த ஒரே முதல்வர் ஜெயலலிதா மட்டுமே. கடந்த 32 ஆண்டு காலமாக அதிமுக தலைவர்கள் மேற்கொண்ட முயற்சிக்கு இறுதி வெற்றி கிடைத்துள்ளது.
தமிழ்நாடு பெயர் மாற்றம் செய்யப்பட்டு, 50 ஆண்டுகள் முடிவடைந்ததையொட்டி, பொன்விழா ஆண்டாகக் கொண்டாடுவதற்கு நடவடிக்கை மேற்கொள்ளப்படும். ஊட்டி, கொடைக்கானல், ஏற்காடு வரிசையில், திண்டுக்கல்லை அடுத்துள்ள சிறுமலையை விரைவில் சுற்றுலாத் தலமாக மேம்படுத்துவதற்கு அரசு பரிசீலிக்கும்.
பழனி திருக்கோயிலில் நடைபெறும் தைப்பூசம், பங்குனி உத்திர திருவிழாக்களுக்கு பாதயாத்திரை மேற்கொள்ளும் பக்தர்களின் வசதிக்காக, நத்தம் முதல் திண்டுக்கல் வரையிலும், தாராபுரம் முதல் பழனி வரையிலும் தனி பாதை வசதி ஏற்படுத்தப்படும்.
ஜெயலலிதாவின் வழியில் நடைபெற்றுக் கொண்டிருக்கும் இந்த ஆட்சி, இயற்கை வளங்களைப் பாதுகாப்பதற்கான அனைத்து முயற்சிகளையும் மேற்கொள்ளும்.
தமிழகத்தில் சட்டம் ஒழுங்கு கெட்டுவிட்டதாக எதிர்க்கட்சிகள் குற்றம் சாட்டி வருகின்றன. ஆனால், சிறப்பாக சட்டம், ஒழுங்கைப் பராமரித்த காரணத்தாலேயே, நாட்டிலேயே சிறந்த காவல் நிலையமாக கோவை ஆர்.எஸ்.புரம் காவல்நிலையம் தேர்வு செய்யப்பட்டுள்ளது. மேலும், சென்னை அண்ணாநகர் காவல் நிலையம் 5-ஆவது நிலையைப் பெற்றுள்ளது. இதுவே தமிழகத்தின் சட்டம் ஒழுங்கு சீராக இருப்பதற்குச் சாட்சி. ஆட்சிக்கு அவப்பெயர் ஏற்படுத்த வேண்டும் என்ற நோக்கில் செயல்பட்டுக் கொண்டிருப்பவர்களை ஒதுக்கிவிட்டு, கட்சிக்கும், ஆட்சிக்கும் உழைப்பவர்கள் பக்கம்தான் மக்கள் நிற்பார்கள். அப்படிப்பட்டவர்களுக்கே மக்களின் ஆதரவும் கிடைக்கும் என்றார்.
நிகழ்ச்சியில் ரூ.24.45 கோடி மதிப்பீட்டில் முடிவுற்ற திட்டப் பணிகள், ரூ 3.85 கோடி மதிப்பீட்டிலான வளர்ச்சி திட்டப் பணிகளை முதல்வர் தொடங்கி வைத்து, ரூ.7.75 கோடி மதிப்பீட்டில் நலத்திட்ட உதவிகளையும் வழங்கினார்.
தமிழக வேளாண்மைத்துறை அமைச்சர் இரா.துரைக்கண்ணு, முதன்மைச் செயலர்கள் அபூர்வ வர்மா, ககன்தீப்சிங் பேடி, திண்டுக்கல் மாவட்ட ஆட்சியர் டி.ஜி.வினய் உள்ளிட்டோர் விழாவில் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/may/20/காவிரி-விவகாரம்-32-ஆண்டுகளாக-அதிமுக-மேற்கொண்ட-முயற்சிக்கு-இறுதி-வெற்றி-முதல்வர்-எடப்பாடி-கேபழனிசா-2923302.html
2923134 மதுரை திண்டுக்கல் செண்பகனூரில் புனித சவேரியார் ஆலயத் திருவிழா கொடியேற்றம் DIN DIN Sunday, May 20, 2018 01:02 AM +0530 கொடைக்கானல் அருகே செண்பகனூரில் புனித சவேரியார் ஆலயத் திருவிழா வெள்ளிக்கிழமை மாலை கொடியேற்றத்துடன் தொடங்கியது.
புனித சவேரியார் கொடியை அப்பகுதியைச் சேர்ந்த கிறிஸ்தவர்கள் ஊர்வலமாக எடுத்துச் சென்றனர். அதன் பின் மதுரை உயர் மறை மாவட்ட போராயர் அந்தோணி பாப்புசாமி தலைமையில் சிறப்புத் திருப்பலி, ஜெபவழிபாடு நிகழ்ச்சியும் கொடியேற்றமும் நடைபெற்றது. இந்நிகழ்ச்சியில் பங்குத் தந்தை ஏஞ்சல் ராஜ் விழாக்குழுவினர் மற்றும் செண்பகனூர், சகாயபுரம், பிரகாசபுரம், இருதயபுரம், அட்டக்கடி, கொய்யாப்பாறை, கே.பி.என் பாறை உள்ளிட்ட பல்வேறு பகுதிகளைச் சேர்ந்த கிறிஸ்தவர்கள் கலந்து கொண்டனர். திருவிழாவானது தொடர்ந்து ஒரு வாரம் நடைபெறுகிறது. ஒவ்வொரு நாளும் புனித சவேரியார் ஆலயத்தில் அன்பியங்கள் சார்பில் திருப்பலி மற்றும் ஜெபவழிபாடு நிகழ்ச்சி நடைபெறுகிறது.

 

]]>
http://www.dinamani.com/all-editions/edition-madurai/dindigul/2018/may/20/செண்பகனூரில்-புனித-சவேரியார்-ஆலயத்-திருவிழா-கொடியேற்றம்-2923134.html
2923133 மதுரை திண்டுக்கல் மினுக்கம்பட்டி பகுதியில் நாளை மின்தடை DIN DIN Sunday, May 20, 2018 01:02 AM +0530 வேடசந்தூர் அடுத்துள்ள மினுக்கம்பட்டி துணை மின் நிலையத்தில் திங்கள்கிழமை (மே 21) மாதாந்திர பராமரிப்பு பணிகள் நடைபெறுகிறது.
இதனால் அன்றைய தினம் ஐயர்மடம், குறும்பபட்டி, எஸ். குட்டம், ஆசாரிபுதூர், எஸ் சுக்காம்பட்டி, கொன்னம்பட்டி, எஸ்.கே.புதூர், கோட்டைமேடு, வி.புதுக்கோட்டை ஆகிய இடங்களில் காலை 9 முதல் பிற்பகல் 2 மணி வரை மின் விநியோகம் இருக்காது என மின் வாரிய உதவி செயற்பொறியாளர் வெங்கடேஸ்வரன் தெரிவித்துள்ளார்.

 

]]>
http://www.dinamani.com/all-editions/edition-madurai/dindigul/2018/may/20/மினுக்கம்பட்டி-பகுதியில்-நாளை-மின்தடை-2923133.html
2923131 மதுரை திண்டுக்கல் கொடைக்கானல் மலர்க் கண்காட்சியில் சுற்றுலாப் பயணிகள் பங்கேற்பு குறைவு DIN DIN Sunday, May 20, 2018 01:01 AM +0530 கொடைக்கானலில் சனிக்கிழமை நடைபெற்ற மலர்க் கண்காட்சியை பார்ப்பதற்கு நீண்ட நேரமாக சுற்றுலாப் பயணிகளுக்கு அனுமதி மறுக்கப்பட்டதால் பயணிகள் பெரிதும் சிரமமடைந்தனர்.
கொடைக்கானல் பிரையண்ட் பூங்காவில் சனிக்கிழமை 57ஆவது மலர்க்கண்காட்சி மற்றும் கோடை விழா தொடங்கியது. விழாவை தமிழக முதல்வர் எடப்பாடி கே. பழனிசாமி தொடக்கி வைத்துப் பார்வையிட்டார்.
இந் நிகழ்ச்சியைத் தொடர்ந்து மேடையில் நடைபெற்ற பல்வேறு நிகழ்ச்சிகளிலும் தமிழக முதல்வர் கலந்து கொண்டு பயனாளிகளுக்கு பல்வேறு நலத்திட்ட உதவிகள் வழங்கி சிறப்புரையாற்றினார். இவ்விழா சுமார் 3மணி நேரம் நடைபெற்றது. விழா நடைபெற்ற இடத்தில் அதிமுக பிரமுகர்கள் மற்றும் பயனாளிகள் மட்டும் இருந்தனர். சுற்றுலாப் பயணிகளுக்கு அனுமதி கொடுக்கவில்லை. மேடையிலிருந்து 500மீட்டர் தூரத்தில் மட்டுமே சுற்றுலாப் பயணிகள் குறைவாக இருந்தனர். மேலும் விழா முடியும் வரை பிரையண்ட் பூங்காவிற்கு செல்வதற்கான சாலைகளில் போக்குவரத்து நிறுத்தப்பட்டது. ஏரிச்சாலையைச் சுற்றியுள்ள கடைகள் அடைக்கப்பட்டிருந்தன. இதனால் சுற்றுலாப் பயணிகள் விழா நடைபெறும் இடத்திற்கு செல்ல முடியாமலும் மலர் கண்காட்சியை பார்க்க முடியாமலும் சிரமப்பட்டனர்.
காவல் துறையினர் சார்பில் பலத்த பாதுகாப்பு மற்றும் சோதனைகள் தீவிரமாக நடைபெற்றது.
தமிழக முதல்வர் வருகையை முன்னிட்டு பழனிச்சாலை,வத்தலக்குண்டு சாலைகளில் குறைவான வாகனங்கள் மட்டும் அனுமதிக்கப்பட்டன.
பேருந்துகள் பண்ணைக்காடு, தாண்டிக்குடி ஆகியப் பகுதிகள் வழியாக இயக்கப்பட்டன. விழாமுடிந்த பின் வழக்கம் போல பிரையண்ட் பூங்காவிற்கு சுற்றுலாப் பயணிகள் சென்று மலர்களையும், மலர்களால் அலங்கரிக்கப்பட்ட பல்வேறு உருவங்களையும் பார்த்து ரசித்து மகிழ்ச்சியுடன் கைப்படம் மற்றும் புகைப்படம் எடுத்தனர்.

 

]]>
http://www.dinamani.com/all-editions/edition-madurai/dindigul/2018/may/20/கொடைக்கானல்-மலர்க்-கண்காட்சியில்-சுற்றுலாப்-பயணிகள்-பங்கேற்பு-குறைவு-2923131.html
2923130 மதுரை திண்டுக்கல் பழனியில் மாற்றுத்திறனாளிகளுக்கு சிறப்பு குறைதீர் முகாம் DIN DIN Sunday, May 20, 2018 01:01 AM +0530 பழனியில் வருவாய்த்துறை சார் ஆட்சியர் தலைமையில் மாற்றுத்திறனாளிகளுக்கான சிறப்பு குறைதீர் முகாம் நடைபெற்றது.
திண்டுக்கல் மாவட்டம் பழனி நகராட்சி மேல்நிலைப் பள்ளி வளாகத்தில் சனிக்கிழமை சார் ஆட்சியர் அருண்ராஜ் தலைமையில் சிறப்பு குறைதீர்ப்பு முகாம் நடைபெற்றது. இந்த முகாமில் பழனி, ஒட்டன்சத்திரம், வேடசந்தூர் போன்ற ஊர்களில் இருந்து ஐநூறுக்கும் மேற்பட்ட மாற்றுத்திறனாளிகள் பங்கேற்றனர். மாற்றுத்திறனாளிகளின் திறன்பற்றி கண்டறிய எலும்பு முறிவு சிகிச்சை மருத்துவர் சதீஷ்பாபு உள்ளிட்ட பலர் கலந்து கொண்டு அளவுகளை கண்டறிந்தனர். அடையாள அட்டை இல்லாதவர்களுக்கு அடையாள அட்டைக்கான பரிந்துரை, மாற்றுத்திறனாளிகளுக்கு வேண்டிய கடனுதவி, சக்கரவண்டிகள், தனிநபர் கழிப்பறை கட்டுவதற்கான மானிய உதவிகள் போன்றவற்றிற்கு வந்திருந்தவர்களிடம் மொத்தம் 231 மனுக்கள் பெறப்பட்டன. தகுதியான மனுக்களுக்கு உடனடியாக சக்கரவண்டிகள், அடையாள அட்டை போன்றவை வழங்கப்பட்டது. நிகழ்ச்சியில் வட்டாட்சியர் நவநீதகிருஷ்ணன், தனி வட்டாட்சியர் ராஜேந்திரன், பழனிக்கோயில் துணை ஆணையர்(பொறுப்பு) செந்தில்குமார், வருவாய் ஆய்வர் பிரபு, மாற்றுத்திறனாளிகள் சங்க மாவட்ட செயலாளர் பகத்சிங் உள்ளிட்ட பலர் பங்கேற்றனர்.

 

]]>
http://www.dinamani.com/all-editions/edition-madurai/dindigul/2018/may/20/பழனியில்-மாற்றுத்திறனாளிகளுக்கு-சிறப்பு-குறைதீர்-முகாம்-2923130.html
2923129 மதுரை திண்டுக்கல் பைக் மீது லாரி மோதல்: இளைஞர் சாவு DIN DIN Sunday, May 20, 2018 01:01 AM +0530 திண்டுக்கல் மாவட்டம், கன்னிவாடி அருகே மோட்டர் சைக்கிள் மீது லாரி மோதிய விபத்தில், இளைஞர் ஒருவர் சனிக்கிழமை உயிரிழந்தார்
கன்னிவாடி பகுதியைச் சேர்ந்தவர் முருகேசன். இவரது மகன் பிரபு (28). இவரது சித்தாப்பா மகன் கிருஷ்ணன் (27). இவர்கள் இருவரும் மோட்டார் சைக்கிளில் திண்டுக்கல்லுக்கு வந்து விட்டு பின்னர் கன்னிவாடிக்கு சனிக்கிழமை திரும்பிக் கொண்டிருந்தனர். கன்னிவாடி அடுத்துள்ள, கிட்டம்பட்டி அருகே சென்ற போது, எதிரே வந்த லாரி மோதியதில், பிரபு சம்பவ இடத்திலேயே உயிரிழந்தார்.
பலத்த காயங்களுடன் மீட்கப்பட்ட கிருஷ்ணன், திண்டுக்கல் அரசு மருத்துவமனையில் சிகிச்சைப் பெற்று வருகிறார்.
இதுகுறித்து வழக்குப் பதிவு செய்த கன்னிவாடி போலீஸார், லாரி ஓட்டுநரான கீழத்திப்பம்பட்டியைச் சேர்ந்த மாரிமுத்து என்பவரை கைது செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/20/பைக்-மீது-லாரி-மோதல்-இளைஞர்-சாவு-2923129.html
2923128 மதுரை திண்டுக்கல் சமையல் எரிவாயு உருளை வெடித்து பெண் சாவு DIN DIN Sunday, May 20, 2018 01:01 AM +0530 திண்டுக்கல் அருகே சனிக்கிழமை சமையல் எரிவாயு உருளை வெடித்ததில் பெண் உயிரிழந்தார்.
திண்டுக்கல் மாவட்டம், அனுமந்தராயன் கோட்டை கமலா நகரைச் சேர்ந்தவர் அற்புதம் (40). இவரது மனைவி அருள்மேரி (38). சனிக்கிழமை காலை வழக்கம்போல், சமையல் செய்யும் பணியில் அருள்மேரி ஈடுபட்டிருந்தாராம். அப்போது, எதிர்பாராதவிதமாக சமையல் எரியாவு உருளை வெடித்ததில், அருள்மேரி சம்பவ இடத்திலேயே உயிரிழந்தார். இந்த விபத்தில் அற்புதம் பலத்த காயமடைந்தார். அவர் மதுரை அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.
இவர்களது மகன் ஆல்வின்(14), காயங்களுடன் சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டுள்ளார். விபத்து குறித்து திண்டுக்கல் தாலுகா போலீஸார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/20/சமையல்-எரிவாயு-உருளை-வெடித்து-பெண்-சாவு-2923128.html
2923053 மதுரை திண்டுக்கல் கொடைக்கானலில் கோடை விழா மலர்க் கண்காட்சி DIN DIN Sunday, May 20, 2018 12:43 AM +0530 கொடைக்கானலில் சனிக்கிழமை கோடை விழா மற்றும் மலர்க்கண்காட்சி தொடங்கியது.
கொடைக்கானலில் 57ஆவது கோடை விழா மற்றும் மலர் கண்காட்சி தொடக்கவிழா பிரையண்ட் பூங்காவில் சனிக்கிழமை நடைபெற்றது. இவ்விழாவை தொடக்கி வைத்த முதல்வர் எடப்பாடி கே.பழனிசாமி மலர் கண்காட்சியில் வைக்கப்பட்டிருந்த ஆந்தேரியம், டைந்தேஷ்,மேரி கோல்ட், பேன்சி, கிங் ஆஸ்டர் உள்ளிட்ட 25வகையான மலர்கள் மற்றும் நூற்றுக்கணக்கான வண்ணமிகு மலர் தொட்டிகளையும் பார்த்து ரசித்தார்.
கொடைக்கானல் மலைப் பகுதிகளில் விளைவிக்கப்பட்டு கண்காட்சியில் வைக்கப்பட்டிருந்த காய்கறிகளையும் மற்றும் பூங்கா வளாகத்தில் பல்வேறு வண்ணங்களில் ஆயிரக்கணக்கான கொய் மலர்களால் அமைக்கப்பட்டிருந்த யானை, காளை, மயில், தாஜ்மஹால், வெள்ளிநீர் வீழ்ச்சி, மாட்டுவண்டி உருவங்களையும்
முதல்வர் வியந்து பார்த்தார். பிரையண்ட் பூங்காவில் வனத்துறை மற்றும் தனியார் நிறுவனங்களின் சார்பில் அமைக்கப்பட்டிருந்த அரங்குகளையும் அவர் பார்வையிட்டார். தினமணி சார்பில் அமைக்கப்பட்டிருந்த அரங்கையும் முதல்வர் பார்வையிட்டார்.

 

]]>
http://www.dinamani.com/all-editions/edition-madurai/dindigul/2018/may/20/கொடைக்கானலில்-கோடை-விழா-மலர்க்-கண்காட்சி-2923053.html
2922670 மதுரை திண்டுக்கல் அஞ்சலகங்களில் விண்ணப்பித்த 53 ஆயிரம் பேருக்கு கடவுச் சீட்டு: முதன்மை தபால் துறை அலுவலர் தகவல் DIN DIN Saturday, May 19, 2018 05:17 AM +0530 தமிழகத்தில் அஞ்சலகங்களில் தொடங்கப்பட்டுள்ள 10 கடவுச் சீட்டு சேவை மையங்கள் மூலமாக, இதுவரை விண்ணப்பித்த 53,123 பேருக்கு கடவுச் சீட்டு வழங்கப்பட்டுள்ளதாக, தமிழ்நாடு முதன்மை தபால் துறை அலுவலர் சம்பத் தெரிவித்தார்.
      திண்டுக்கல் மாவட்டம், கொடைரோடு தபால் நிலையத்தில் கடவுச் சீட்டு  சேவை மைய திறப்பு விழா வெள்ளிக்கிழமை நடைபெற்றது. இந் நிகழ்ச்சிக்கு, தமிழ்நாடு முதன்மை தபால் துறை அலுவலர் சம்பத் தலைமை வகித்தார். மதுரை மண்டலக் கடவுச் சீட்டு அதிகாரி அருண் பிரசாத் முன்னிலை வகித்தார். வனத் துறை அமைச்சர் திண்டுக்கல் சி. சீனிவாசன் சிறப்பு அழைப்பாளராகக் கலந்துகொண்டு, கடவுச் சீட்டு சேவை மையத்தை திறந்து வைத்து பேசியதாவது:
     தபால் நிலையத்தின் மூலமாக எளிய முறையில் கடவுச் சீட்டு பெறுவதற்கான இந்த ஏற்பாடு, பொதுமக்கள் மத்தியில் வரவேற்பைப் பெற்றுள்ளது. இந்த சேவை மையம் திண்டுக்கல்லில் அமைந்திருக்குமானால், அதிகமான மக்கள் பயன்பெறுவதற்கு வாய்ப்பாக அமைந்திருக்கும் என்றார்.    தொடர்ந்து, மண்டலக் கடவுச் சீட்டு அதிகாரி அருண் பிரசாத் பேசியது:
 கடந்த 2010 ஆம் ஆண்டு முதல் தபால் நிலையங்களில் கடவுச் சீட்டு சேவை மையம் தொடங்கும்  பணி நடைபெற்று வருகிறது. 
  நாடு முழுவதும் 231 கடவுச் சீட்டு சேவை மையங்கள் தொடங்க திட்டமிடப்பட்டது. கொடைரோட்டில் 200 ஆவது சேவை மையம் தொடங்கப்பட்டுள்ளது.      மதுரை மண்டலத்தை பொருத்தவரை இது 4ஆவது சேவை மையமாகும். இங்கு விண்ணப்பிப்பவர்களுக்கு, அதிகபட்சம் 15 நாள்களுக்குள் சம்பந்தப்பட்ட நபரின் வீட்டுக்கே கடவுச் சீட்டு வந்து சேரும் வகையில் துரிதமாக நடவடிக்கை மேற்கொள்ளப்படும் என்றார்.
    தமிழ்நாடு முதன்மை தபால் துறை அலுவலர் சம்பத் பேசுகையில், தமிழகத்தில் அடுத்த 3 மாதங்களில் மேலும் 6 புதிய கடவுச் சீட்டு சேவை மையங்கள் தொடங்கப்படும். கடந்த ஓராண்டில் தமிழகத்தில் மட்டும் 10 கடவுச் சீட்டு சேவை மையங்கள் தொடங்கப்பட்டுள்ளன. இவற்றின் மூலம் 53,321 விண்ணப்பங்கள் பெறப்பட்டு, கடவுச் சீட்டு வழங்கப்பட்டுள்ளது என்றார். 
    நிகழ்ச்சியில், மக்களவை உறுப்பினர் மு. உதயக்குமார், அஞ்சல்துறை மத்திய மண்டல இயக்குநர் பவன்குமார் சிங் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-madurai/dindigul/2018/may/19/அஞ்சலகங்களில்-விண்ணப்பித்த-53-ஆயிரம்-பேருக்கு-கடவுச்-சீட்டு-முதன்மை-தபால்-துறை-அலுவலர்-தகவல்-2922670.html
2922669 மதுரை திண்டுக்கல் பழனி கிரி வீதிகளில் மீண்டும் ஆக்கிரமிப்பு DIN DIN Saturday, May 19, 2018 05:16 AM +0530 பழனி அடிவாரம் சன்னதி வீதி மற்றும் கிரி வீதிகளில் மீண்டும் ஆக்கிரமிப்புகள் நடைபெற்று வருகின்றன.
      பழனி நகராட்சிக்குள்பட்ட அடிவாரம் சன்னதி வீதி 30 அடி அகலம் கொண்டது. ஆனால், இருபுறமும் கடைகளின் ஆக்கிரமிப்பால் சுருங்கி பத்தடி வீதியாக மாறியுள்ளது. அதிலும், வீதியின் நடுவே பழ வியாபாரிகள் நின்று கொண்டு வியாபாரம் செய்கின்றனர். இதனால், பக்தர்கள் நடந்து செல்லக் கூட முடிவதில்லை.
    இதேபோல், கிரி வீதியில் பக்தர்களுக்காக அமைக்கப்பட்ட நிழற்பந்தலுக்குள் தள்ளுவண்டி கடைகள் நிறுத்தப்பட்டுள்ளன. இதனால், பக்தர்கள் வெயிலில் நிற்க வேண்டியிருக்கிறது.    மதுரை உயர் நீதிமன்றக் கிளை உத்தரவைத் தொடர்ந்து, சமீபத்தில் அதிகாரிகள் பரபரப்பாக ஆக்கிரமிப்புகளை அகற்றினாலும், தற்போது மீண்டும் இவை முளைக்கத் தொடங்கிவிட்டன.    எனவே, இந்த கடைகளை நிரந்தரமாக அகற்றி, அவர்களுக்கு மாற்று இடங்களில் கடை வழங்கி முறைப்படுத்த வேண்டும் என, பக்தர்கள் தொடர்ந்து கோரிக்கை விடுத்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/19/பழனி-கிரி-வீதிகளில்-மீண்டும்-ஆக்கிரமிப்பு-2922669.html
2922668 மதுரை திண்டுக்கல் பழனியில் முதல்வருக்கு வரவேற்பு DIN DIN Saturday, May 19, 2018 05:16 AM +0530 திண்டுக்கல் மாவட்டம், கொடைக்கானலில் சனிக்கிழமை மலர்க் கண்காட்சியை தொடக்கி வைப்பதற்காக, வெள்ளிக்கிழமை உதகையிலிருந்து சாலை வழியாக கொடைக்கானல் சென்ற முதல்வரை, பழனியில் இரவு கட்சியினர் வரவேற்றனர்.
       பின்னர், பேருந்து நிலைய ரவுண்டானா அருகே அமைக்கப்பட்ட சிறப்பு பொதுக்கூட்டமேடையில் முதல்வர் பேசியதாவது: தமிழகத்தில் அதிமுக ஆட்சி நடக்காது என பேசியவர்கள் மத்தியில், சிறப்புற 15 மாதம் ஆட்சி நடத்தப்பட்டுள்ளது.  மற்ற மாநிலங்களைக் காட்டிலும் தமிழகத்தில் ஜெயலலிதா தொடக்கி வைத்த பல்வேறு நலத் திட்டங்கள் சிறப்பாக நிறைவேற்றப்பட்டு வருகின்றன.
     மத்திய அரசின் வேளாண் துறை விருது தொடர்ந்து 3 முறை பெற்றுள்ளோம். பல ஆண்டுகளாகப் போராடி வந்த காவிரி நதிநீர்ப் பிரச்னைக்கு இன்று தீர்வு கிடைத்துள்ளது.  பழனிக்கு வரும் நாளில் கிடைத்த இந்தத் தீர்ப்பு, பழனியாண்டவர் அருளாலேயே கிடைத்துள்ளது. 
    பழனிக்கு தைப்பூசம் மற்றும் பங்குனி உத்திரம் நாள்களில் லட்சக்கணக்கான பக்தர்கள் பாதயாத்திரையாக வருகின்றனர். பக்தர்களின் நலனுக்காக, விரைவில் தாராபுரம் முதல் பழனி வரையிலான சாலை நான்கு வழிச் சாலையாக விரிவுபடுத்தப்படும். அதேபோல், பக்தர்கள் நடந்து செல்ல தனியே பாதை அமைக்கப்படும் என்றார்.
    இந் நிகழ்ச்சியில், திண்டுக்கல் சி. சீனிவாசன், முன்னாள் அமைச்சர் நத்தம் இரா. விசுவநாதன், முன்னாள் எம்எல்ஏ.க்கள் வேணுகோபாலு, செல்லச்சாமி, நகரச் செயலர் முருகானந்தம் உள்ளிட்ட ஏராளமானோர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/may/19/பழனியில்-முதல்வருக்கு-வரவேற்பு-2922668.html
2922666 மதுரை திண்டுக்கல் வையாபுரி குளத்தில் அமலைச் செடிகளால் சுகாதாரச் சீர்கேடு DIN DIN Saturday, May 19, 2018 05:15 AM +0530 பழனி வையாபுரி குளத்தில் நிறைந்துள்ள அமலைச் செடிகளால் சுகாதாரச் சீர்கேடு ஏற்பட்டு வருகிறது.
      பழனி நகரின் நடுவே சுமார் நூறு ஏக்கர் பரப்பளவில் வையாபுரி குளம் அமைந்துள்ளது. இந்த குளத்தில் தற்போது 20-க்கும் மேற்பட்ட சாக்கடைகள் கலக்கின்றன. இதனால், சுகாதாரச் சீர்கேடு ஏற்பட்டுள்ளது.
     மேலும், இந்த குளம் முழுவதும் கடந்த சில ஆண்டுகளாக அமலைச் செடிகள் எனப்படும் வெங்காயத் தாமரை வளர்ந்து தண்ணீரை உறிஞ்சி வருகிறது. இக்குளம் மூலம் பல ஆயிரம் ஏக்கர் நிலங்கள் பாசன வசதி பெறும் நிலையில், குளத்தை தூய்மையாகப் பராமரிக்க நிர்வாகம் முன்வரவில்லை. 
   எனவே, பொதுப்பணித் துறையினர் இந்த குளத்தில் சாக்கடைகள் கலக்கா வண்ணம் தடுத்து சுத்தமாகப் பராமரிப்பதுடன், அமலைச் செடிகளை நிரந்தரமாக அகற்றவும் நடவடிக்கை எடுத்தால் மட்டுமே நிலங்கள் பாசன வசதி பெறமுடியும். மேலும், குளத்தில் நீராடும் பக்தர்களையும் நோய்த் தொற்றிலிருந்து காக்க முடியும் என, பொதுமக்கள் வலியுறுத்துகின்றனர்.
 

]]>
http://www.dinamani.com/all-editions/edition-madurai/dindigul/2018/may/19/வையாபுரி-குளத்தில்-அமலைச்-செடிகளால்சுகாதாரச்-சீர்கேடு-2922666.html
2922664 மதுரை திண்டுக்கல் ஒட்டன்சத்திரம் பகுதியில் உயரழுத்த மின்சாரம்: மின்சாதனங்கள் சேதம் DIN DIN Saturday, May 19, 2018 05:15 AM +0530 ஒட்டன்சத்திரம் பகுதியில் வியாழக்கிழமை இரவு உயரழுத்த மின்சாரம் காரணமாக, வீட்டிலிருந்த மின்சாதனங்கள் சேதமடைந்தன.
      ஒட்டன்சத்திரம் நகராட்சி 5-ஆவது வார்டில் உள்ள கருப்பணப்புரம், வண்ணான்பாறை, செக்குமேடு, காந்தி நகர் உள்ளிட்ட பகுதிகளில் சுமார் 50-க்கும் மேற்பட்ட வீடுகளுக்கு வியாழக்கிழமை இரவு உயரழுத்த மின்சாரம் விநியோகிக்கப்பட்டதால், வீட்டிலிருந்த தொலைக்காட்சிப் பெட்டி, குளிர்சாதனப் பெட்டி மற்றும் விளக்குகள் உள்ளிட்ட மின் சாதனங்கள் சேதமடைந்தன. அதன்பின்னர், இரவு முழுவதும் மின்சாரம் தடைப்பட்டது. இதனால் பொதுமக்கள் மிகவும் அவதிப்பட்டனர்.     இதேபோல், நகராட்சி 14-ஆவது வார்டில் சில தினங்களுக்கு முன் உயர்மின் அழுத்ததால், தெரு விளக்குகள் அனைத்தும் சேதமடைந்தன. வெள்ளிக்கிழமை வரை இவை சரிசெய்யப்படவில்லை என, அப்பகுதியினர் புகார் தெரிவித்துள்ளனர்.

]]>
http://www.dinamani.com/all-editions/edition-madurai/dindigul/2018/may/19/ஒட்டன்சத்திரம்-பகுதியில்-உயரழுத்த-மின்சாரம்-மின்சாதனங்கள்-சேதம்-2922664.html
2922662 மதுரை திண்டுக்கல் திண்டுக்கல் மாவட்டத்தில்  ஹெச்.ஐ.வி.யால் உயிரிழந்த 39 பேருக்கு அஞ்சலி DIN DIN Saturday, May 19, 2018 05:15 AM +0530 திண்டுக்கல் மாவட்டத்தில் கடந்த ஆண்டில் ஹெச்.ஐ.வி. பாதிப்பு காரணமாக உயிரிழந்த 39 பேருக்கு, மாவட்ட அரசு மருத்துவமனை வளாகத்தில் வெள்ளிக்கிழமை அஞ்சலி செலுத்தப்பட்டது.
     தமிழகத்தில் ஹெச்.ஐ.வி. பாதிப்பு காரணமாக உயிரிழந்தவர்களுக்கு, அந்தந்த பகுதியில் உள்ள மாவட்ட அரசு மருத்துவமனை வளாகத்தில், சுகாதாரத் துறை அதிகாரிகள், மருத்துவர்கள் மற்றும் ஹெச்.ஐ.வி. சிகிச்சை மைய ஆலோசகர்கள் மூலம் அஞ்சலி செலுத்தும் நிகழ்ச்சி வெள்ளிக்கிழமை நடைபெறும் என அறிவிக்கப்பட்டிருந்தது.    அதன்படி, திண்டுக்கல் மாவட்ட அரசு மருத்துவமனை வளாகத்தில் நடைபெற்ற அஞ்சலி கூட்டத்துக்கு, நலப் பணிகள் இணை இயக்குநர் ஜெ. மாலதி பிரகாஷ் தலைமை வகித்தார். துணை இயக்குநர் (எய்ட்ஸ் கட்டுப்பாடு) ராமசந்திரன் முன்னிலை வகித்தார். 
     இதில், மருத்துவமனைக் கண்காணிப்பாளர் பாலசுப்பிரமணியன், நிலைய மருத்துவ அலுவலர் சிவக்குமார், தன்னார்வலர் தொண்டு நிறுவனப் பொறுப்பாளர்கள் உள்ளிட்டோர் பங்கேற்று, மெழுகுவர்த்தி ஏந்தி உயிரிழந்தவர்களுக்கு அஞ்சலி செலுத்தினர்.     இது தொடர்பாக இணை இயக்குநர் மாலதி பிரகாஷ் கூறியது: திண்டுக்கல் மாவட்டத்தைப் பொருத்தவரை, கடந்த ஆண்டு வரை 464 பேர் ஹெச்.ஐ.வி.யால் பாதிக்கப்பட்டுள்ளதாகப் பதிவு செய்யப்பட்டுள்ளது. இதில், 418 பேர் தொடர் சிகிச்சையில் இருந்து வருகின்றனர். கடந்த ஓராண்டில் மட்டும் 39 பேர் ஹெச்.ஐ.வி. பாதிப்பால் உயிரிழந்துள்ளனர். ஹெச்.ஐ.வி. பாதிப்புக்குள்ளானவர்கள் அவர்களது குடும்பத்தினரால் புறக்கணிக்கப்படும் நிலை உள்ளது.
     இந்நிலையில், உயிரிழந்தவர்களின் ஆத்மா சாந்தியடையும் வகையிலும், அதன் மூலம் சமூகத்தில் ஹெச்.ஐ.வி. குறித்து விழிப்புணர்வு ஏற்படுத்தும் வகையிலும், இந்த அஞ்சலி கூட்டம் நடத்தப்பட்டுள்ளது என்றார்.

]]>
http://www.dinamani.com/all-editions/edition-madurai/dindigul/2018/may/19/திண்டுக்கல்-மாவட்டத்தில்--ஹெச்ஐவியால்-உயிரிழந்த-39-பேருக்கு-அஞ்சலி-2922662.html
2922659 மதுரை திண்டுக்கல் ஒட்டன்சத்திரம் அருகே "அம்மா' திட்ட சிறப்பு முகாம் DIN DIN Saturday, May 19, 2018 05:14 AM +0530 ஒட்டன்சத்திரம் அருகே அம்மா திட்ட சிறப்பு முகாம் வெள்ளிக்கிழமை நடைபெற்றது.  
    ஒட்டன்சத்திரம் அடுத்துள்ள அரசப்பபிள்ளைபட்டி கிராமத்தில் நடைபெற்ற இந்த சிறப்பு முகாமுக்கு, ஒட்டன்சத்திரம் வட்டாட்சியர் ஆ. லீலா ரெஜினா தலைமை வகித்தார். மண்டல துணை வட்டாட்சியர்கள் சசி, சஞ்சய்காந்தி ஆகியோர் முன்னிலை வகித்தனர்.    முகாமில், பட்டா மாறுதல், முதியோர் உதவித்தொகை, இலவச வீட்டுமனைப் பட்டா ஆகியன கோரி பொதுமக்களால் 22 மனுக்கள் சமர்ப்பிக்கப்பட்டன. இந்த மனுக்கள் பரிசீலனை செய்யப்பட்டு, அந்தந்தத் துறை அலுவலர்களுக்கு அனுப்பப்பட்டது. அதனைத் தொடர்ந்து, மருத்துவ முகாம் நடைபெற்றது. இதில் ஏராளமான பொதுமக்கள் கலந்துகொண்டு பயனடைந்தனர்.

]]>
http://www.dinamani.com/all-editions/edition-madurai/dindigul/2018/may/19/ஒட்டன்சத்திரம்-அருகே-அம்மா-திட்ட-சிறப்பு-முகாம்-2922659.html
2922655 மதுரை திண்டுக்கல் கல்வி உதவித்தொகை பெற விண்ணப்பிக்க அழைப்பு DIN DIN Saturday, May 19, 2018 05:14 AM +0530 திண்டுக்கல் பிஎன்சி தர்ம சாஸ்தா அறக்கட்டளை சார்பில், வசதியற்ற மாணவர்களுக்கான கல்வி  உதவித்தொகை பெற விண்ணப்பிக்கலாம் எனத் தெரிவிக்கப்பட்டுள்ளது.
     இது குறித்து அறக்கட்டளையின் தலைவர் டி.கே. லோகநாதன் தெரிவித்துள்ளது:  திண்டுக்கல் பிஎன்சி தர்ம சாஸ்தா அறக்கட்டளை சார்பில், வசதி வாய்ப்பற்ற தகுதி வாய்ந்த மாணவர்களுக்கு கடந்த 22 ஆண்டுகளாக கல்வி உதவித்தொகை  வழங்கப்பட்டு வருகிறது.
     அதேபோல், நிகழாண்டிலும் திண்டுக்கல் மாவட்டத்தைச் சேர்ந்த அரசு மற்றும் அரசு உதவிபெறும் பள்ளி மாணவர்களுக்கான உதவித் தொகை வழங்கப்பட உள்ளது.     உதவித் தொகை பெற விரும்பும் மாணர்கள், கடந்த ஆண்டு மதிப்பெண் பட்டியல் மற்றும் பள்ளி ஆசிரியரின் பரிந்துரையுடன் விண்ணப்பங்களை அனுப்ப வேண்டும்.
    கல்லூரியில் சேர உள்ள மாணவர்கள், கல்லூரி அனுமதிக் கடிதம் மற்றும் கட்டண விவரங்களை இணைத்து விண்ணப்பிக்க வேண்டும். ஏற்கெனவே, பிஎன்சி அறக்கட்டளை மூலம் ஆண்டுதோறும் உதவித் தொகை பெற்று வரும் மாணவர்கள், இதுவரை நடைபெற்றுள்ள அனைத்து பருவத் தேர்வுகளின் மதிப்பெண் பட்டியலுடன் விண்ணப்பத்தினை அனுப்ப வேண்டும்.
    விண்ணப்பங்களை, எஸ். ஜெயசந்திரன், திட்ட ஒருங்கிணைப்பாளர், 40 நேருஜி நகர், திண்டுக்கல் 624001 என்ற முகவரிக்கு, ஜூன் 11ஆம் தேதிக்கு முன்னதாக வந்து சேரும்படி அனுப்பவேண்டும் எனத் தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/may/19/கல்வி-உதவித்தொகை-பெற-விண்ணப்பிக்க-அழைப்பு-2922655.html
2921759 மதுரை திண்டுக்கல் பழனியில் ஆர்எஸ்எஸ் அணிவகுப்பு ஊர்வலம் DIN DIN Friday, May 18, 2018 01:21 AM +0530 பழனியில்  ஆர்எஸ்எஸ் சார்பில் வியாழக்கிழமை அணிவகுப்பு ஊர்வலம் மற்றும் பொதுக்கூட்டம் நடைபெற்றது.
பழனியை அடுத்த சுக்கமநாயக்கன்பட்டியில் ஆர்.எஸ்.எஸ். சார்பில் கடந்த மாதம் 28 ஆம் தேதி பண்புப் பயிற்சி முகாம் துவங்கியது.  இருபது நாட்கள் நடைபெற்ற இந்த முகாமில் தமிழகம் முழுவதும் இருந்து 123 இளைஞர்கள் பங்கேற்றனர். 
முகாமிற்கு ராஜேந்திரன் தலைமை வகித்தார்.  ஆர்எஸ்எஸ்  அகிலபாரத பொதுச்செயலாளர் சுரேஷ் பையாஜி,  இணை பொதுச் செயலாளர் முகுந்தா உள்ளிட்டோர் பயிற்சிகளை வழங்கினர். முகாமில்  இளைஞர்களுக்கு சிலம்பம், கராத்தே, யோகா உள்ளிட்ட கலைகள் கற்றுத் தரப்பட்டன. 
வியாழக்கிழமை முகாம் நிறைவை முன்னிட்டு பழனியில் ஆர்.எஸ்.எஸ்., சார்பில் அணிவகுப்பு ஊர்வலம் நடைபெற்றது.  கொடிக்கு மரியாதை செய்யப்பட்டு மலர்கள் தூவி தேசபக்தி பாடல்கள் இசைக்கப்பட்டன. பின்னர் இசை வாத்தியங்கள் முழங்க ஊர்வலம் துவங்கியது.  கண்பத் கிராண்ட் ஹரிஹரமுத்து ஊர்வலத்தை துவக்கி வைத்தார்.  ஊர்வலம் முக்கிய வீதிகள் வழியாக சென்றது.  ஊர்வல நிறைவில் பொதுக்கூட்டமும் நடைபெற்றது.  நிகழ்ச்சியில் பாரதிய ஜனதா கட்சி, விஷ்வ ஹிந்து பரிஷத் உள்ளிட்ட பல்வேறு அமைப்புக்களை சேர்ந்த நிர்வாகிகள் ஏராளமானோர் பங்கேற்றனர். 

]]>
http://www.dinamani.com/all-editions/edition-madurai/dindigul/2018/may/18/பழனியில்-ஆர்எஸ்எஸ்-அணிவகுப்பு-ஊர்வலம்-2921759.html
2921757 மதுரை திண்டுக்கல் கொடைக்கானல் பிரையண்ட் பூங்காவில் பூத்துள்ள கொய்மலர்கள் DIN DIN Friday, May 18, 2018 01:21 AM +0530 கொடைக்கானலில் சுற்றுலாப் பயணிகளைக் கவரும் வகையில் கொய்மலர்கள் பூத்துள்ளது.
கொடைக்கானலில் வரும் சனிக்கிழமை கோடை விழாவை முன்னிட்டு பிரையண்ட் பூங்காவில் மலர் கண்காட்சி நடைபெறுகிறது. இதற்காக டைந்தேஸ், ஆந்தோரியம், பேன்சி, கொய்மலர்கள், ரோஜா, கல் ரோஜா,  மேரிகோல்ட்  உள்ளிட்ட 25 வகையான மலர்கள் லட்சக்கணக்கில் பூத்துள்ளன. இந்த மலர்களை பார்த்து ரசிப்பதற்காக தமிழகம் மட்டுமல்லாமல் பல்வேறு மாநிலங்களிலிருந்து ஏராளமான சுற்றுலாப் பயணிகள் வருகை தருகின்றனர். இதுதவிர செட்டியார் பூங்கா மற்றும் அப்சர்வேட்டரி பகுதிகளிலுள்ள ரோஜாத் தோட்டங்களிலும் மலர்கள் பூத்துள்ளதை சுற்றுலாப் பயணிகள் பார்த்து ரசித்து  வருகின்றனர்.

]]>
http://www.dinamani.com/all-editions/edition-madurai/dindigul/2018/may/18/கொடைக்கானல்-பிரையண்ட்-பூங்காவில்-பூத்துள்ள-கொய்மலர்கள்-2921757.html
2921755 மதுரை திண்டுக்கல் திண்டுக்கல் மாவட்டத்தில் 1.21 லட்சம் விவசாயிகளுக்கு மண் வள அட்டை வழங்க ஏற்பாடு DIN DIN Friday, May 18, 2018 01:21 AM +0530 திண்டுக்கல் மாவட்டத்தில் 1.21 லட்சம் விவசாயிகளுக்கு நடப்பு நிதியாண்டில் மண் வள அட்டை வழங்க நடவடிக்கை மேற்கொள்ளப்பட்டுள்ளது.
இதுகுறித்து வேளாண்மை உதவி இயக்குநர் (தரக்கட்டுப்பாடு) சுருளியப்பன் வியாழக்கிழமை தெரிவித்தது: மண் வளத்தை பாதுகாத்து, உணவு தானிய உற்பத்தியை பெருக்க வேண்டும் என்ற நோக்கில், தமிழக அரசு விவசாயிகளுக்கு மண் பரிசோதனை செய்து மண் வள அடையாள அட்டையை வழங்கி வருகிறது.
 அதன்படி திண்டுக்கல் மாவட்டத்தில் 2.39 லட்சம் விவசாயிகளுக்கு மண் வள அட்டை வழங்க திட்டமிடப்பட்டது. இதில் முதல்கட்டமாக 1.18 லட்சம் விவசாயிகளுக்கு கடந்த 2017-18 ஆம் ஆண்டில் மண் வள அட்டை வழங்கப்பட்டுள்ளது. 2 ஆம் கட்டமாக நடப்பு நிதியாண்டில் (2018-19) 1.21 லட்சம் விவசாயிகளுக்கு மண் வள அட்டை வழங்கப்பட உள்ளது. இதற்கான மண் மாதிரி பரிசோதனை விரைவில் நடைபெற உள்ளது.
 இந்த வாய்ப்பினை விவசாயிகள் முறையாக பயன்படுத்திக் கொண்டு, மண் பரிசோதனை செய்து, உரத்தின் மூலம் ஏற்படும் கூடுதல் பொருள் செலவை 
தவிர்க்கலாம் எனத் தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/may/18/திண்டுக்கல்-மாவட்டத்தில்-121-லட்சம்-விவசாயிகளுக்கு-மண்-வள-அட்டை-வழங்க-ஏற்பாடு-2921755.html
2921753 மதுரை திண்டுக்கல் பழனியில் சிகிச்சைக்கு வந்தவர் குத்திக்கொலை: இளைஞர் கைது DIN DIN Friday, May 18, 2018 01:20 AM +0530 பழனியில் தனியார் மருத்துவமனையில் டயாலிசிஸ் செய்ய வந்தவரை கத்தியால் குத்திக் கொன்று காரில் தப்பிய இளைஞரை போலீஸார் வியாழக் கிழமை கைது செய்தனர்.
பழனி லட்சுமிபுரத்தை சேர்ந்தவர் ரவிராஜா (62).  இவர் வீடு, காலி மனைகளை வாங்கி விற்கும் வேலை 
செய்து வருகிறார்.  இவரது கார் ஓட்டுனராக சென்னையை சேர்ந்த ராஜூ மகன் சந்துரு (25)  வேலை பார்த்து வந்துள்ளார்.  கடந்த மாதம் ஏற்பட்ட கருத்துவேறுபாடு சந்துருவை வேலையை விட்டு நிறுத்தி விட்டார்.
இந்நிலையில் ரவிராஜா சுப்பிரமணியபுரத்தில் உள்ள தனியார் மருத்துவமனைக்கு வியாழக்கிழமை டயாலிசிஸ் சிகிச்சைக்காக சென்றுள்ளார். அப்போது மருத்துவமனைக்கு வந்த சந்துரு, ரவிராஜா மீது திடீரென பாய்ந்துள்ளார். சந்துரு, ரவிராஜாவின் வாயைப்பொத்தி கத்தியால் கழுத்தை அறுத்ததோடு, வயிற்றிலும், காலிலும் குத்தியுள்ளார்.  
இதைபார்த்த அருகேயிருந்த நோயாளிகள் சத்தம் எழுப்பவே, சந்துரு அங்கிருந்து வெளியேறி ரவிராஜாவின் காரை எடுத்து தப்பியுள்ளார்.  இதையடுத்து சம்பவ இடத்துக்கு வந்த பழனி டவுன் போலீஸார் அனைத்து சோதனைச்சாவடிகளுக்கும் தகவல் கொடுத்தனர்.  
இதையடுத்து திருப்பூர் மாவட்டம் தாராபுரம் அருகே காரில் சென்ற சந்துருவை போலீஸார் மடக்கிப் பிடித்தனர். அவரை போலீஸார் கைது செய்து விசாரணை நடத்தி வருகின்றனர்.  
இதனிடையே கத்திக் குத்தில் படுகாயமடைந்த ரவிராஜா மேல் சிகிச்சைக்காக மதுரை தனியார் மருத்துவமனையில்  சேர்க்கப்பட்டார்.  அங்கு சிகிச்சை பலனின்றி அவர் இறந்தார்.
 

]]>
http://www.dinamani.com/all-editions/edition-madurai/dindigul/2018/may/18/பழனியில்-சிகிச்சைக்கு-வந்தவர்-குத்திக்கொலை-இளைஞர்-கைது-2921753.html
2921752 மதுரை திண்டுக்கல் பழனி-கொடைக்கானல் சாலையில் பாறையில் வேன் மோதல்: 5 பேர் காயம் DIN DIN Friday, May 18, 2018 01:20 AM +0530 பழனி அருகே மலைச்சாலையில் வியாழக்கிழமை சுற்றுலா வேன் பாறையில் மோதியதில் 5 பேர் படுகாயம் அடைந்தனர். 
 திருவள்ளூர் மாவட்டம் பூந்தமல்லி அருகே உள்ள பட்டாபுரத்தை அடுத்த சித்தக்காடு பகுதியைச் சேர்ந்தவர் பாளையம் (62).  இவர் ஆவடியில் உள்ள தனியார் பொறியியல் நிறுவனத்தில் வேலை பார்த்து ஓய்வு பெற்றவர்.
இவர் தனது குடும்பத்தினர்கள் 15 பேருடன் கடந்த திங்கள்கிழமை வேனில் சுற்றுலா 
கிளம்பியுள்ளனர்.  வேனை  டில்லி (37) என்பவர் ஓட்டியுள்ளார். 
புதன்கிழமை கொடைக்கானலை சுற்றிப் பார்த்து விட்டு, வியாழக்கிழமை மதியம் பழனிக்கு புறப்பட்டனர்.
பழனி-கொடைக்கானல் மலைச்சாலையில் சவரிக்காடு அருகே வந்தபோது வேனில் பிரேக் பிடிக்காமல் போனது.  
இதனால் அதிர்ச்சியடைந்த ஓட்டுனர் டில்லி வேனை சாலையோரம் இருந்த பாறையில் மோதி நிறுத்தியுள்ளார்.  இதில் வேனில் பயணம் செய்த பாளையம், பச்சையம்மள், டிரைவர் டில்லி, மாலதி (27), கீதா(33) ஆகியோர் பலத்த காயம்  அடைந்தனர்.  
இதுகுறித்து தகவலறிந்த 108 ஆம்புலன்ஸ் சம்பவ இடத்துக்கு விரைந்து வந்தது. ஆம்புலன்ஸ் பணியாளர்கள் காயமடைந்தவர்களை மீட்டு பழனி அரசு மருத்துவமனையில் சிகிச்சைக்காக சேர்த்தனர்.  விபத்து குறித்து கொடைக்கானல் போலீசார் விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/may/18/பழனி-கொடைக்கானல்-சாலையில்-பாறையில்-வேன்-மோதல்-5-பேர்-காயம்-2921752.html
2921750 மதுரை திண்டுக்கல் வத்தலகுண்டு அருகே அரசுப் பேருந்து மோதி இளைஞர் சாவு DIN DIN Friday, May 18, 2018 01:19 AM +0530 திண்டுக்கல் மாவட்டம் வத்தலகுண்டு அருகே புதன்கிழமை இரவு அரசு விரைவுப் பேருந்து மோதிய விபத்தில், இருசக்கர வாகனத்தில் சென்ற  இளைஞர் சம்பவ இடத்திலேயே உயிரிழந்தார். 
பழைய வத்தலகுண்டைச் சேர்ந்த பெரியசாமி மகன் பிரகாஷ் (25). நிலக்கோட்டை பகுதியில் உள்ள ரொட்டி தயாரிப்பு ஆலையில் பணிபுரிந்து வந்தார். 
இந்நிலையில், பழைய வத்தலகுண்டில் இருந்து, வத்தலகுண்டிற்கு பெட்ரோல் வாங்குவதற்காக புதன்கிழமை நள்ளிரவு இருசக்கர வாகனத்தில் பிரகாஷ் சென்றுள்ளார். அப்போது கேரள மாநிலம் சங்கனாச்சேரியிலிருந்து சென்னை நோக்கிச் சென்ற அரசு விரைவுப் பேருந்து,  பெரியகுளம் புறவழிச்சாலையில்  சென்ற இருசக்கர வாகனம் மீது  மோதியது. இதில் பலத்த காயமடைந்த பிரகாஷ் சம்பவ இடத்திலேயே உயிரிழந்தார்.
 இதுகுறித்து தகவல் அறிந்த பிரகாஷின் உறவினர்கள், சம்பவ இடத்திற்கு திரண்டு வந்தனர். ஆத்திரமடைந்த அவர்கள், பேருந்தின் கண்ணாடிகளை உடைத்து சேதப்படுத்தினர். அப்போது பேருந்தில் இருந்த பயணிகள், கீழே இறங்கி நின்றதால் காயமின்றி தப்பினர்.  இந்த விபத்து குறித்து வத்தலகுண்டு போலீஸார் வழக்குப்பதிவு செய்து விசாரித்து வருகின்றனர்.
 

]]>
http://www.dinamani.com/all-editions/edition-madurai/dindigul/2018/may/18/வத்தலகுண்டு-அருகே-அரசுப்-பேருந்து-மோதி-இளைஞர்-சாவு-2921750.html
2921749 மதுரை திண்டுக்கல் வத்தலகுண்டுவில் வீட்டின் பூட்டை உடைத்து நகை, பணம் திருட்டு DIN DIN Friday, May 18, 2018 01:19 AM +0530 வத்தலகுண்டு பகுதியில் புதன்கிழமை வீட்டின் பூட்டை உடைத்து 8 பவுன் நகை மற்றும் ரூ.40 ஆயிரம் பணத்தை மர்ம நபர்கள் திருடிச் சென்றனர்.
 வத்தலகுண்டு காந்திநகர் விரிவாக்கப் பகுதியைச் சேர்ந்தவர் பாலமுருகன் (48). ரியல் எஸ்டேட் தரகர். வத்தலகுண்டு பகுதியில் உள்ள கோயிலுக்கு புதன்கிழமை மாலை குடும்பத்தினருடன் பாலமுருகன் சென்றிருந்தாராம். பின்னர் 1 மணி நேரத்துக்குப் பின் வீட்டுக்கு வந்தபோது, பூட்டு உடைக்கப்பட்டு கதவுகள் திறந்து கிடந்தது. வீட்டிற்குள் சென்று அவர் பார்த்த போது, பீரோவிலிருந்த 8 பவுன் நகை, ரூ.40 ஆயிரம் பணம் ஆகியவற்றை மர்ம நபர்கள் திருடிச் சென்றிருப்பது தெரிய வந்தது.
 இதனை அடுத்து, வத்தலகுண்டு காவல் நிலையத்தில் பாலமுருகன் அளித்த புகாரின் பேரில் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/18/வத்தலகுண்டுவில்-வீட்டின்-பூட்டை-உடைத்து-நகை-பணம்-திருட்டு-2921749.html
2921747 மதுரை திண்டுக்கல் வேடசந்தூர் பகுதியில் மே 19 மின்தடை DIN DIN Friday, May 18, 2018 01:19 AM +0530 வேடசந்தூர் பகுதியில் சனிக்கிழமை (மே 19) மின் தடை ஏற்படும் என அறிவிக்கப்பட்டுள்ளது.
   இதுகுறித்து உதவி மின் செயற்பொறியாளர் வெங்கேடஸ்வரன் தெரிவித்திருப்பதாவது: வேடசந்தூர் துணை மின்நிலையத்தில் சனிக்கிழமை மாதாந்திர பராமரிப்பு பணிகள் நடைபெறுகின்றன.  
  இதனால், வேடசந்தூர், நாகம்பட்டி, காளனம்பட்டி, நத்தப்பட்டி, தட்டாரப்பட்டி, சுள்ளெறும்பு, நவாலூத்து, பூவாய்பாளையம், பூத்தாம்பட்டி, குருநாதநாயக்கனூர், அம்மாபட்டி, மாரம்பாடி, முருநெல்லிக்கோட்டை, சேனான்கோட்டை, ஒட்டநாகம்பட்டி, கோடாங்கிபட்டி ஆகிய பகுதிகளில் அன்று காலை 9 முதல் பிற்பகல் 2 மணி வரை மின் விநியோகம் இருக்காது என அவர் தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/may/18/வேடசந்தூர்-பகுதியில்-மே-19-மின்தடை-2921747.html
2921746 மதுரை திண்டுக்கல் ஒட்டன்சத்திரம் அருகே கோயில் பாதை திறப்பு DIN DIN Friday, May 18, 2018 01:18 AM +0530 ஒட்டன்சத்திரம் அருகே  பக்தர்கள் வசதிக்காக கோயில் பாதை வியாழக்கிழமை திறந்து வைக்கப்பட்டது. 
    திண்டுக்கல் மாவட்டம் ஒட்டன்சத்திரம் அருகே சிந்தலப்பட்டி ஊராட்சி நசச்சியப்பகவுண்டன்வலசு கிராமத்தில் கருப்பணசாமி கோயில் உள்ளது. இந்த கோயிலுக்கு செல்லும் பாதையை சிலர் ஆக்கிரமித்து வைத்திருந்தனர். ஆக்கிமிரப்பை அகற்றக்கோரி இந்து முன்னணி சார்பில் பல போராட்டங்கள் நடைபெற்றன.
இதனைத்தொடர்ந்து நடைபெற்ற பேச்சுவார்த்தையில் உடன்பாடு ஏற்பட்டது. அதன் பேரில் ஊர்ப் பொதுமக்கள் சார்பில் சாலை அகலப்படுத்தப்பட்டு மண் சாலையாக மாற்றப்பட்டது. அந்த சாலை திறப்பு விழா வியாழக்கிழமை நடைபெற்றது.
     இந்து முன்னணி மாநில நிர்வாகக்குழு உறுப்பினர் வி.எஸ்.செந்தில்குமார் சாலையை திறந்து வைத்தார்.   இந்த நிகழ்ச்சியில் திண்டுக்கல் மாவட்ட இந்து முன்னணி செயலாளர் ரகுபதி, பாஜக மாவட்டத்தலைவர் எஸ்.கே.பழனிச்சாமி, இந்து முன்னணி ஒன்றிய தலைவர் முத்துராமலிங்கம் மற்றும் ஊர் முக்கிய பிரமுகர்கள் ரவிச்சந்திரன், பழனிச்சாமி உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/may/18/ஒட்டன்சத்திரம்-அருகே-கோயில்-பாதை-திறப்பு-2921746.html
2921488 மதுரை திண்டுக்கல் உசிலம்பட்டியில் ஜமாபந்தி: 109 மனுக்களுக்கு உடனடித் தீர்வு DIN DIN Thursday, May 17, 2018 05:23 AM +0530 உசிலம்பட்டியில் புதன்கிழமை நடைபெற்ற ஜமாபந்தியில் 109 மனுக்களுக்கு உடனடியாக தீர்வு காணப் பட்டது.
உசிலம்பட்டி வட்டாட்சியர் அலுவலகத்தில் மே 9-ஆம் தேதியிலிருந்து ஜமாபந்தி நடைபெற்று வந்தது. புதன்கிழமையும் ஜமாபந்தி நிகழ்ச்சி நடைபெற்றது. இதில், கருமாத்தூர், வாலாந்தூர், சிந்துபட்டி, உத்தப்பநாயக்கனூர், உசிலம்பட்டி ஆகிய பிர்காகளில் பட்டா மாறுதல், முதியோர் உதவித்தொகை உள்ளிட்ட கோரிக்கைகள் தொடர்பாக 1425 மனுக்கள் பெறப்பட்டன. இதில் 109 மனுக்களுக்கு உடனடியாக தீர்வு வழங்கப்பட்டது.
தீர்வு காணப்பட்ட மனுக்கள் தொடர்பான ஆணைகளை மாவட்ட பிற்படுத்தப்பட்டோர் மற்றும் சிறுபான்மையினர் நலத்துறை அலுவலர் சித்ரா வழங்கினார். உசிலம்பட்டி வட்டாட்சியர் ராமசந்திரன், சமூக பாதுகாப்பு திட்ட வட்டாட்சியர் செ. சிவராம், மண்டல துணை வட்டாட்சியர் எல்.ஆர்.ராஜன், துணை வட்டாட்சியர் செல்லப்பாண்டியன், வருவாய் ஆய்வாளர் முனீஸ்வரன், கிராம நிர்வாக அலுவலர் வாசிமுத்து ஆகியோர் உடனிருந்தனர்.

 

]]>
http://www.dinamani.com/all-editions/edition-madurai/dindigul/2018/may/17/உசிலம்பட்டியில்-ஜமாபந்தி-109-மனுக்களுக்கு-உடனடித்-தீர்வு-2921488.html
2921487 மதுரை திண்டுக்கல் பிளஸ் 2 பொதுத் தேர்வு முடிவுகள்: திண்டுக்கல் மாவட்டத்தில் 90 சதவீதம் மாணவர்கள் தேர்ச்சி DIN DIN Thursday, May 17, 2018 05:22 AM +0530 திண்டுக்கல் மாவட்டத்தில் பிளஸ் 2 பொதுத் தேர்வில் 89.78 சதவீத மாணவ- மாணவிகள் தேர்ச்சி அடைந்துள்ளனர்.
கடந்த மார்ச் மாதம் நடைபெற்ற இத்தேர்வை திண்டுக்கல் மற்றும் பழனி கல்வி மாவட்டங்களைச் சேர்ந்த 10,235 மாணவர்கள் 11,683 மாணவிகள் என மொத்தம் 21,918 மாணவர்கள் எழுதினர். இதற்கான தேர்வு முடிவுகள் புதன்கிழமை வெளியிடப்பட்டதில் 8,450 மாணவர்கள், 10,827 மாணவிகள் என மொத்தம் 19,677 மாணவர்கள் தேர்ச்சி அடைந்துள்ளனர். தேர்ச்சி விகிதம் 89.78. கடந்த ஆண்டு (2017) தேர்ச்சி விகிதம் 92.80 சதவீதமாக இருந்தது குறிப்பிடத்தக்கது.
அரசுப் பள்ளிகளைச் சேர்ந்த 8,504 மாணவர்களில் 7,001 பேரும் (82.33 சதவீதம்), ஆதிதிராவிடர் நல மேல்நிலைப் பள்ளிகளைச் சேர்ந்த 42 மாணவர்களில் 32 பேரும் (76.19 சதவீதம்), கள்ளர் சீரமைப்பு மேல்நிலைப் பள்ளிகளைச் சேர்ந்த 333 மாணவர்களில் 260 பேரும் (78.08 சதவீதம்), நகராட்சிப் பள்ளிகளைச் சேர்ந்த 280 மாணவர்களில் 229 பேரும் (81.79 சதவீதம்), அரசு உதவிப் பெறும் பள்ளிகளைச் சேர்ந்த 6,038 மாணவர்களில் 5,702 பேரும் (94.44 சதவீதம்), பகுதி நிதி உதவி பெறும் பள்ளிகளைச் சேர்ந்த 2,445 பேரில் 2,276 பேரும் (93.09 சதவீதம்), மெட்ரிக் பள்ளிகளைச் சேர்ந்த 3,592 பேரில் 3,520 பேரும் (98 சதவீதம்), சுயநிதிப் பள்ளிகளைச் சேர்ந்த 638 மாணவர்களில் 618 பேரும் (96.87 சதவீதம்), பழங்குடியினர் உண்டு உறைவிடப் பள்ளியைச் சேர்ந்த 14 மாணவர்களில் 14 பேரும் (100 சதவீதம்) தேர்ச்சிப் பெற்றுள்ளனர்.
கடந்த ஆண்டு முதல் மாநில, மாவட்ட அளவில் மதிப்பெண் அடிப்படையில் சிறப்பிடம் பெறும் மாணவர்களின் தர வரிசைப் பட்டியல் வெளியிடும் முறைக்கு பள்ளிக்கல்வித்துறை தடை விதித்தது. தற்போது 2ஆவது ஆண்டாக அந்த நடைமுறை தொடர்ந்து பின்பற்றப்பட்டுள்ள நிலையில், பிற பள்ளிகளின் மதிப்பெண் பட்டியலை அறிந்து கொள்வதற்கு, பல தனியார் பள்ளி நிர்வாகங்கள் பல்வேறு வழிகளிலும் முயற்சி மேற்கொண்டன.
ஆனாலும், மாவட்டத்திலேயே 1,180 மதிப்பெண்களுக்கும் கூடுதலாக மதிப்பெண் பெற்ற மாணவி யார் என்பது தெரியாமல், புதன்கிழமை மாலை வரை இழுபறி நீடித்தது. தர வரிசைப் பட்டியல் இல்லாததால், அதிக மதிப்பெண் பெறும் மாணவர்களுக்கு நடைபெறும் கொண்டாட்டங்களுக்கு 2ஆவது ஆண்டாக வாய்ப்புகள் ஏற்படவில்லை.

 

]]>
http://www.dinamani.com/all-editions/edition-madurai/dindigul/2018/may/17/பிளஸ்-2-பொதுத்-தேர்வு-முடிவுகள்-திண்டுக்கல்-மாவட்டத்தில்-90-சதவீதம்-மாணவர்கள்-தேர்ச்சி-2921487.html
2921486 மதுரை திண்டுக்கல் மதிப்பெண் அடிப்படையில் முதல் 3 நிலை: திண்டுக்கல் மாவட்டத்தில் 163 மாணவர்கள் தேர்ச்சி DIN DIN Thursday, May 17, 2018 05:22 AM +0530 பிளஸ் 2 தேர்வில் மதிப்பெண் அடிப்படையில் 1,126 மதிப்பெண்களுக்கு கூடுதலாகப் பெற்று முதல் 3 நிலைகளில், திண்டுக்கல் மாவட்டத்தைச் சேர்ந்த 163 மாணவர்கள்தேர்ச்சி அடைந்துள்ளனர்.
திண்டுக்கல் மாவட்டத்தில் 21,918 மாணவர்கள் பிளஸ்2 பொதுத் தேர்வு எழுதிய நிலையில், 19,677 பேர் தேர்ச்சி அடைந்துள்ளனர். கடந்த ஆண்டு முதல் மதிப்பெண் அடிப்படையில் மாணவர்களின் தனிப்பட்ட விவரங்களுடன் தர வரிசைப் பட்டியில் வெளியிடுவதற்கு தடை விதிக்கப்பட்டுள்ளது. அதேநேரத்தில், மதிப்பெண்கள் அடிப்படையில் 9 பிரிவுகளில் மாணவர்களின் எண்ணிக்கை வரிசைப்படுத்தப்பட்டு, அதற்கான பட்டியல் மாவட்ட வாரியாக வெளியிடப்பட்டுள்ளது.
அதன்படி, திண்டுக்கல் மாவட்டத்தைப் பொருத்தவரை, 1,180-க்கும் கூடுதலான மதிப்பெண் பெற்ற மாணவர்கள் தர வரிசையில், ஒரு மாணவி மட்டுமே இடம் பெற்றுள்ளார். 1,151 முதல் 1,180 வரையிலான மதிப்பெண்களுடன் 2ஆவது வரிசையில் 19 மாணவர்கள், 26 மாணவிகள் என மொத்தம் 45 மாணவர்களும், 1,126 முதல் 1,159 வரையிலான மதிப்பெண்களுடன் 3 ஆவது பட்டியலில் 37 மாணவர்கள், 80 மாணவிகள் என மொத்தம் 117 பேரும், 1,101 முதல் 1,125 வரையிலான மதிப்பெண்களுடன் 4 ஆவது பிரிவில் 51 மாணவர்கள், 115 மாணவிகள் என 166 மாணவர்களும் இடம் பெற்றுள்ளனர்.
அதே போல் 1001 முதல் 1,100 வரையிலான மதிப்பெண்களுடன் 439 மாணவர்கள், 899 மாணவிகள் என 1,338 மாணவர்கள் 5 ஆவது பிரிவையும், 901 முதல் 1000 வரையிலான மதிப்பெண்களுடன் 920 மாணவர்கள், 1,558 மாணவிகள் என 2,478 பேர் 6 ஆவது பிரிவையும், 801 முதல் 900 வரையிலான மதிப்பெண்களுடன் 1,505 மாணவர்கள், 2092 மாணவிகள் என 3,597 பேர் 7 ஆவது பிரிவையும், 701 முதல் 800 வரையிலான மதிப்பெண்களுடன் 1,996 மாணவர்கள், 2,307 மாணவிகள் என 4,303 பேர் 8 ஆவது பிரிவையும் பெற்றுள்ளனர்.
மேலும் 700-க்கு குறைவான மதிப்பெண்களுடன் கடைசியாக உள்ள 9ஆவது பட்டியலில் 5,268 மாணவர்கள், 4,605 மாணவிகள் என 9,873 பேர் இடம் பெற்றுள்ளனர்.
அதேபோல் 100 சதவீத தேர்ச்சிப் பெற்ற பள்ளிகளின் பட்டியலில், கடந்த ஆண்டை விட திண்டுக்கல் மாவட்டத்தில் 4 பள்ளிகள் கூடுதலாக இடம் பெற்றுள்ளன. 2017-இல் 32 பள்ளிகள் மட்டுமே 100 சதவீத தேர்ச்சிப் பெற்றிருந்த நிலையில், 2018-இல் அந்த எண்ணிக்கை 36 ஆக உயர்ந்துள்ளது. ஆனாலும், அரசுப் பள்ளிகளை பொருத்தவரை கடந்த முறை 4 ஆக இருந்த 100 சதவீத தேர்ச்சி அடைந்திருந்த பள்ளிகளின் எண்ணிக்கை இந்த முறை 3 ஆக குறைந்துள்ளது.
33 மாணவர்களுடன் செட்டியப்பட்டி அரசு மேல்நிலைப் பள்ளியும், 66 மாணவர்களுடன் தருமத்துப்பட்டி அரசு மேல்நிலைப் பள்ளியும், 14 மாணவர்களுடன் பெரும்பாறை பழங்குடியினர் உண்டு உறைவிட மேல்நிலைப் பள்ளியும் 100 சதவீத தேர்ச்சிப் பெற்றுள்ளன. 100 சதவீத தேர்ச்சிப் பட்டியலில் 4 அரசு உதவிப் பெறும் பள்ளிகள் மற்றும் 29 மெட்ரிக் பள்ளிகள் இடம் பெற்றுள்ளன. 100 சதவீத தேர்ச்சிப் பெற்றுள்ள அரசுப் பள்ளிகளின் தலைமையாசிரியர்களுக்கு முதன்மை கல்வி அலுவலர் ச.கோபிதாஸ் பாராட்டுத் தெரிவித்துள்ளார்.

 

]]>
http://www.dinamani.com/all-editions/edition-madurai/dindigul/2018/may/17/மதிப்பெண்-அடிப்படையில்-முதல்-3-நிலை-திண்டுக்கல்-மாவட்டத்தில்-163-மாணவர்கள்-தேர்ச்சி-2921486.html
2921485 மதுரை திண்டுக்கல் 2 பாடப் பிரிவுகளில் 100 சதவீத தேர்ச்சி DIN DIN Thursday, May 17, 2018 05:22 AM +0530 திண்டுக்கல் மாவட்டத்தில் 21,918 மாணவர்கள் பிளஸ் 2 பொதுத் தேர்வினை எழுதிய நிலையில், வணிக கணிதவியல் மற்றும் இந்திய கலாசாரம் ஆகிய 2 பாடப் பிரிவுகளில் மாணவர்கள் முழுத் தேர்ச்சி அடைந்துள்ளனர்.
பாட வாரியாக மாணவர்களின் தேர்ச்சி விகிதம் வருமாறு: மொழிப் பாடம்- 96.77, ஆங்கிலம்- 96.70, இயற்பியல்- 96.57, வேதியியல்- 95.16, உயிரியல்- 95.43, தாவரவியல்- 94.55, விலங்கியல்- 94.41, புள்ளியியல்- 98.93, கணினி அறிவியல்- 96.26, புவியியல்- 99.23, செவிலியர் (நர்சிங்)- 99.68, கணிதவியல்- 95.25, மனையியல்- 98.53, புவியியல்- 90.04, வரலாறு- 90.04, பொருளியல்- 88.76, அரசியல் அறிவியல்- 95.74, வணிகவியல்- 87.74, கணக்குப் பதிவியல்- 87.87, இந்திய கலாசாரம்- 100, சிறப்பு தமிழ்- 95.41, வணிக கணிதவியல்- 100.

 

]]>
http://www.dinamani.com/all-editions/edition-madurai/dindigul/2018/may/17/2-பாடப்-பிரிவுகளில்-100-சதவீத-தேர்ச்சி-2921485.html
2921484 மதுரை திண்டுக்கல் நத்தம் அருகே இருசக்கர வாகனம் மீது அரசுப் பேருந்து மோதல்: பெண் சாவு DIN DIN Thursday, May 17, 2018 05:22 AM +0530 நத்தம் அருகே இருசக்கர வாகனம் மீது அரசுப் பேருந்து மோதியதில் பெண் ஒருவர் சம்பவ இடத்திலேயே உயிரிழந்தார்.
திண்டுக்கல் மாவட்டம் நத்தம் அருகேயுள்ள செந்துறையைச் சேர்ந்தவர் சந்திரன் (65). ஓய்வுப் பெற்ற அரசுப் பள்ளி தலைமையாசிரியர். இவரது மனைவி ராமதிலகம் (55). இருவரும் செந்துறை அடுத்துள்ள கோட்டைப்பட்டிக்கு புதன்கிழமை ஒரு இருசக்கர வாகனத்தில் சென்று கொண்டிருந்தனர். செந்துறை - துவரங்குறிச்சி சாலையில் மேட்டுப்பட்டி பிரிவு அருகே சென்றபோது, துவரங்குறிச்சியிருந்து வந்து கொண்டிருந்த அரசுப் பேருந்து இருசக்கர வாகனத்தின் மீது மோதியது. இதில் பலத்த காயமடைந்த ராமதிலகம் சம்பவ இடத்திலேயே உயிரிழந்தார். இருசக்கர வாகனத்தை ஓட்டிச் சென்ற சந்திரன் பலத்த காயங்களுடன் மதுரை அரசு மருத்துவமனையில் அனுமதிக்கப்பட்டுள்ளார். விபத்து குறித்து நத்தம் போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/17/நத்தம்-அருகே-இருசக்கர-வாகனம்-மீது-அரசுப்-பேருந்து-மோதல்-பெண்-சாவு-2921484.html
2921483 மதுரை திண்டுக்கல் கொடைக்கானல் பிரையண்ட் பூங்காவில் ரூ.45 லட்சத்தில் இசை நடன நீரூற்று சீரமைப்பு: ஆட்சியர் DIN DIN Thursday, May 17, 2018 05:21 AM +0530 கொடைக்கானல் பிரையண்ட் பூங்காவில் இசை நடன நீரூற்று ரூ. 45 லட்சம் செலவில் சீரமைக்கப்படும் என ஆட்சியர் டி.ஜி.வினய் தெரிவித்தார்.
இப்பூங்காவில் கோடை விழா மற்றும் மலர்க் கண்காட்சி மே 19-ஆம் தேதி தொடங்குகிறது. இதில் தமிழக முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் மற்றும் அமைச்சர்கள் கலந்து கொள்கின்றனர்.
இதற்காக விழா நடைபெறும் மேடை, மலர்க் கண்காட்சி நடைபெறும் இடங்கள் மற்றும் பாதுகாப்பு பணிகள் உள்ளிட்டவற்றை ஆட்சியர் டி.ஜி.வினய் புதன்கிழமை பார்வையிட்டு அதிகாரிகளுடன் ஆலோசனை நடத்தினார்.
பின்னர் அவர் செய்தியாளர்களிடம் கூறியதாவது: கொடைக்கானலில் நடைபெறும் மலர்க் கண்காட்சி மற்றும் கோடை விழாவை தமிழக முதல்வர் தொடக்கி வைக்கிறார்.
இதற்காக பிரையண்ட் பூங்காவில் பல்வேறு பணிகள் நடைபெற்று வருகின்றன. மேலும் இப்பூங்காவிலுள்ள இசை நடன நீரூற்று ரூ. 45 லட்சம் செலவில் சீரமைக்க நடவடிக்கை எடுக்கப்பட்டுள்ளது.
விழாவில் பங்கேற்பதற்காக மே 18-ஆம் தேதி இரவு தமிழக முதல்வர் கொடைக்கானல் வருகிறார். இதையொட்டி அவர் தங்குமிடத்தையும், போக்குவரத்து பகுதிகளையும் ஆய்வு செய்து வருவதோடு, மலர்க் கண்காட்சி சிறப்பான முறையில் நடைபெறுவதற்கு தேவையான அனைத்து நடவடிக்கைகள் எடுக்கப்பட்டு வருகிறது என்றார்.
முன்னதாக பிரையண்ட் பூங்காவை ஆட்சியர் சுற்றிப் பார்த்த போது அங்கிருந்த குப்பைகளை தானே எடுத்து அவற்றை குப்பைத் தொட்டியில் போட்டார். மேலும் பூங்காவில் வைப்பதற்காக கொடைக்கானல் நகராட்சிக்கு, சுழற்சங்கம் சார்பில் வழங்கப்பட்ட குப்பைத் தொட்டிகளை நகராட்சி பணியாளர்களிடம் ஒப்படைத்தார்.
இந்நிகழ்ச்சியில் கொடைக்கானல் மாவட்ட வன அலுவலர் தேஜஸ்வி, வருவாய் கோட்டாட்சியர் மோகன், வட்டாட்சியர் பாஷியம், நகராட்சி ஆணையர் முருகேசன், வட்டார வளர்ச்சி அலுவலர் (கி ஊ) பட்டுராஜன், சுழற்சங்கத் தலைவர் ரோகன்சாம் பாபு, நகர்நல அலுவலர் ராம்குமார், சுகாதார ஆய்வாளர் சுப்பையா உள்ளிட்ட பல்வேறு துறையைச் சேர்ந்த அலுவலர்கள் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/may/17/கொடைக்கானல்-பிரையண்ட்-பூங்காவில்-ரூ45-லட்சத்தில்-இசை-நடன-நீரூற்று-சீரமைப்பு-ஆட்சியர்-2921483.html
2921482 மதுரை திண்டுக்கல் பழனி பேருந்து நிலைய கழிவுநீர் பாலம் அமைக்கும் பணியில் தாமதம்: பொதுமக்கள் அவதி DIN DIN Thursday, May 17, 2018 05:21 AM +0530 பழனி பேருந்து நிலைய வாயில் முன்பாக நடைபெற்று வரும் கழிவுநீர் பாலம் கட்டும் பணிகள் தாமதத்தால் பொதுமக்கள் பெரும் அவதிக்குள்ளாகி வருகின்றனர்.
பழனி நகராட்சி பேருந்து நிலையத்துக்கு நுழைவு வாயில் அடிவாரம் செல்லும் வழியிலும், வெளியேறும் வாயில் திண்டுக்கல் சாலையிலும் அமைக்கப்பட்டுள்ளன. இந்நிலையில் பேருந்து நிலையத்தில் இருந்து வாகனங்கள் வெளியேறும் பகுதியில், விரிவாக்கம் செய்வதற்காக ஏற்கெனவே இருந்த கழிவு நீர் பாலம் இடிக்கப்பட்டது.
இதையடுத்து நகராட்சி சார்பில் ரூ.9.50 லட்சம் மதிப்பீட்டில் 26 மீட்டர் நீளமும், 2.70 மீட்டர் அகலமும் கொண்ட புதிய பாலம் அமைக்கும் பணி தொடங்கியது. இந்த பணிகள் தாமதமடைந்து வருவதால் பேருந்துகள் நிறுத்துவதிலும், பேருந்துகள் வெளியே செல்வதிலும் சிக்கல் நீடித்து வருகிறது. இருபுறமும் கான்கிரீட் தடுப்புச்சுவர்கள் அமைக்கப்பட்ட நிலையில் மேலே பாலம் அமைக்கும் பணிகள் பத்து நாட்களாகியும் நடைபெறவில்லை. பேருந்து நிலைய வளாகம் முழுக்க ஜல்லிகற்கள், மணல், சிமெண்ட், கம்பிகள் வைக்கப்பட்டுள்ளதால் பயணிகள் நடந்து செல்லக்கூட முடியாத நிலை உள்ளது.
இதுகுறித்து ஒப்பந்ததாரர் தரப்பில் கேட்டபோது, பாலத்தின் மேலே கான்கிரீட் போட தளவாடப் பொருட்கள் தயாராக இருந்தும், அவற்றைப் பார்வையிட அதிகாரிகள் வர தாமதமாகி வருகிறது. இதனால் பணிகள் தாமதமாவதாக தெரிவித்தார்.
நகராட்சி உதவிப்பொறியாளர் செல்லத்துரையிடம் கேட்டபோது, பாலத்தின் மேலே கான்கிரீட் தளம் அமைக்க போதிய அளவு மணல் இல்லாததால் பணிகள் தாமதமாவதாகவும், இந்த வாரத்தில் பணிகள் முடிக்கப்படும் என்றும் அவர் கூறினார்.

 

 

]]>
http://www.dinamani.com/all-editions/edition-madurai/dindigul/2018/may/17/பழனி-பேருந்து-நிலைய-கழிவுநீர்-பாலம்-அமைக்கும்-பணியில்-தாமதம்-பொதுமக்கள்-அவதி-2921482.html
2921481 மதுரை திண்டுக்கல் வன உயிரின சரணாலய திட்டம் தொடர்பாக கொடைக்கானலில் அமைதிப் பேச்சுவார்த்தை DIN DIN Thursday, May 17, 2018 05:20 AM +0530 கொடைக்கானல் வன உயிரின சரணாலயம் அமைப்பது தொடர்பான அமைதிப் பேச்சுவார்த்தைக் கூட்டம் வன அலுவலகத்தில் புதன்கிழமை நடைபெற்றது.
கொடைக்கானலை வன உயிரின சரணாலயமாக மாற்றுவதற்கு விவசாயிகள், வர்த்தகர்கள் உள்ளிட்ட பல்வேறு அமைப்பினர் எதிர்ப்பு தெரிவித்து பல்வேறு போராட்டங்களை நடத்தி வருகின்றனர்.
இந்நிலையில் கொடைக்கானல் மாவட்ட வன அலுவலகத்தில் வன உயிரின சரணாலயம் திட்டம் தொடர்பாக அமைதிப் பேச்சுவார்த்தை கூட்டம் நடைபெற்றது. இதில் மாவட்ட வன அலுவலர் தேஜேஸ்வி கூறியதாவது: கொடைக்கானல் வன உயிரின சரணாலயம் அமையும் இடத்தையும், சுற்றுச்சூழல் உணர்வு மண்டலத்தையும் மறு ஆய்வு செய்ய வேண்டும் என எதிர்ப்பாளர்கள் கோரிக்கை விடுத்துள்ளனர். கோடை விழா முடிந்ததும் தங்களது கோரிக்கைகள் மீது நடவடிக்கை எடுக்கப்படும். எனவே வன உயிரின சரணாலய திட்டத்தை எதிர்க்கும் அனைவரும் இதற்கு ஒத்துழைக்க வேண்டும் என்றார்.
இந்நிகழ்ச்சியில் பங்கேற்ற ஒருங்கிணைப்பாளர்கள் அசோகன்சிவக்குமார், கீஸ் அமைப்பைச் சேர்ந்த மோகன், வாய்ஸ் அமைப்பைச் சேர்ந்த மைக்கேல், பழனிமலை கூட்டமைப்பினர், வர்த்தக சங்கத்தைச் சேர்ந்த ராஜா முகமது உள்ளிட்டோர் கூறும் போது, இத்திட்டத்தை மறு ஆய்வு செய்வதற்கு கால அவகாசம் கேட்டுள்ளனர். அதுவரை கொடைக்கானல் மலைப் பகுதிகளில் கருப்புக் கொடி கட்டி எதிர்ப்பு தெரிவிக்கும் போராட்டம் தற்காலிகமாக ஒத்தி வைக்கப்பட்டுள்ளது என்றனர்.
இக்கூட்டத்தில் டி.எஸ்.பி. பொன்னுச்சாமி உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/may/17/வன-உயிரின-சரணாலய-திட்டம்-தொடர்பாக-கொடைக்கானலில்-அமைதிப்-பேச்சுவார்த்தை-2921481.html
2921480 மதுரை திண்டுக்கல் பழனி பேருந்து நிலைய கழிவுநீர் பாலம் அமைக்கும் பணியில் தாமதம்: பொதுமக்கள் அவதி DIN DIN Thursday, May 17, 2018 05:20 AM +0530 பழனி பேருந்து நிலைய வாயில் முன்பாக நடைபெற்று வரும் கழிவுநீர் பாலம் கட்டும் பணிகள் தாமதத்தால் பொதுமக்கள் பெரும் அவதிக்குள்ளாகி வருகின்றனர்.
பழனி நகராட்சி பேருந்து நிலையத்துக்கு நுழைவு வாயில் அடிவாரம் செல்லும் வழியிலும், வெளியேறும் வாயில் திண்டுக்கல் சாலையிலும் அமைக்கப்பட்டுள்ளன. இந்நிலையில் பேருந்து நிலையத்தில் இருந்து வாகனங்கள் வெளியேறும் பகுதியில், விரிவாக்கம் செய்வதற்காக ஏற்கெனவே இருந்த கழிவு நீர் பாலம் இடிக்கப்பட்டது.
இதையடுத்து நகராட்சி சார்பில் ரூ.9.50 லட்சம் மதிப்பீட்டில் 26 மீட்டர் நீளமும், 2.70 மீட்டர் அகலமும் கொண்ட புதிய பாலம் அமைக்கும் பணி தொடங்கியது. இந்த பணிகள் தாமதமடைந்து வருவதால் பேருந்துகள் நிறுத்துவதிலும், பேருந்துகள் வெளியே செல்வதிலும் சிக்கல் நீடித்து வருகிறது. இருபுறமும் கான்கிரீட் தடுப்புச்சுவர்கள் அமைக்கப்பட்ட நிலையில் மேலே பாலம் அமைக்கும் பணிகள் பத்து நாட்களாகியும் நடைபெறவில்லை. பேருந்து நிலைய வளாகம் முழுக்க ஜல்லிகற்கள், மணல், சிமெண்ட், கம்பிகள் வைக்கப்பட்டுள்ளதால் பயணிகள் நடந்து செல்லக்கூட முடியாத நிலை உள்ளது.
இதுகுறித்து ஒப்பந்ததாரர் தரப்பில் கேட்டபோது, பாலத்தின் மேலே கான்கிரீட் போட தளவாடப் பொருட்கள் தயாராக இருந்தும், அவற்றைப் பார்வையிட அதிகாரிகள் வர தாமதமாகி வருகிறது. இதனால் பணிகள் தாமதமாவதாக தெரிவித்தார்.
நகராட்சி உதவிப்பொறியாளர் செல்லத்துரையிடம் கேட்டபோது, பாலத்தின் மேலே கான்கிரீட் தளம் அமைக்க போதிய அளவு மணல் இல்லாததால் பணிகள் தாமதமாவதாகவும், இந்த வாரத்தில் பணிகள் முடிக்கப்படும் என்றும் அவர் கூறினார்.

 

]]>
http://www.dinamani.com/all-editions/edition-madurai/dindigul/2018/may/17/பழனி-பேருந்து-நிலைய-கழிவுநீர்-பாலம்-அமைக்கும்-பணியில்-தாமதம்-பொதுமக்கள்-அவதி-2921480.html
2920551 மதுரை திண்டுக்கல் கொடைக்கானலில் மே 16 மின்தடை DIN DIN Wednesday, May 16, 2018 04:38 AM +0530 கொடைக்கானலில் புதன்கிழமை (மே 16) மின் விநியோகம் நிறுத்தப்படும்.
   கொடைக்கானலில் மே மாதம் 19-ஆம் தேதி மலர்கள் கண்காட்சி மற்றும் கோடை விழா நடைபெறுகிறது. இந்த விழாவை துவக்கி வைக்க தமிழக முதல்வர் மற்றும் துணை முதல்வர், அமைச்சர்கள் வருகின்றனர். 
இதனால் 19-ஆம் தேதி தடையில்லா மின்சாரம் வழங்குவதற்கு முன்னேற்பாடாக புதன்கிழமை கொடைக்கானல், வில்பட்டி, பெருமாள்மலை, பாச்சலூர், பண்ணைக்காடு, தாண்டிக்குடி உள்ளிட்ட பல்வேறு பகுதிகளில் புதன்கிழமை காலை 10-மணி முதல் மதியம் 2-மணி வரை மின்விநியோகம் இருக்காது என உதவி செயற் பொறியாளர் தெரிவித்தார்.

]]>
http://www.dinamani.com/all-editions/edition-madurai/dindigul/2018/may/16/கொடைக்கானலில்-மே-16-மின்தடை-2920551.html
2920550 மதுரை திண்டுக்கல் சிலை முறைகேடு: பழனியில் அர்ச்சகர்களிடம் விசாரணை DIN DIN Wednesday, May 16, 2018 04:38 AM +0530 பழனியில் அபிஷேக மூர்த்தி சிலை முறைகேடு தொடர்பாக செவ்வாய்க்கிழமை அர்ச்சகர்களிடம்  சிலை கடத்தல் பிரிவு போலீஸார் விசாரணை மேற்கொண்டனர். 
     பழனி மலைக்கோயிலில் மூலவர் சிலை முன்பு நிறுவப்பட்ட அபிஷேக மூர்த்தி சிலை முறைகேடு தொடர்பாக சிலை கடத்தல் மற்றும் தடுப்புப் பிரிவு ஐ.ஜி. பொன்மாணிக்கவேல் தலைமையிலான போலீஸார் பழனியில் முகாமிட்டு விசாரணை நடத்தி வருகின்றனர். இவ்வழக்கில் ஏற்கெனவே ஸ்தபதி முத்தையா, கோயில் முன்னாள் இணை ஆணையர் கே.கே. ராஜா ஆகியோர் கைது செய்யப்பட்டனர். இதன் தொடர்ச்சியாக முன்னாள் இணை ஆணையர் புகழேந்தி, நகை சரிபார்க்கும் அதிகாரி தேவேந்திரன் ஆகியோர் ஞாயிற்றுக்கிழமை கைது செய்யப்பட்டு சிறையிலடைக்கப்பட்டனர். 
  பழனி மலைக்கோயிலில் செவ்வாய்க்கிழமையும் அதிகாரிகள் விசாரணை நீடித்தது. ஸ்தானீக அர்ச்சகர்களிடம் அவர்கள் விசாரணை மேற்கொண்டனர்.  மூலஸ்தானத்தில் சிலைக்கு ஏதேனும் சேதம் ஏற்படும் பட்சத்தில் சிலைகளை கையாளுபவர்கள் என்பதால் அவர்களிடம் விசாரணை நடத்தியதாக அதிகாரிகள் தெரிவித்தனர். நான்கு நாள்களாக பொதுப்பணித்துறை விருந்தினர் மாளிகையில் தங்கியுள்ள ஐஜி பொன். மாணிக்கவேல் அதிகாலை முதலே கோப்புகளை சரிபார்ப்பதும், திடீரென மலைக்கோயிலுக்கு சென்று வருவதும், சந்தேகத்துக்கு உரிய நபர்களை நேரடியாக விசாரணை செய்து வருவதும் அறநிலையத்துறை அலுவலர்கள் மத்தியில் அச்சத்தை ஏற்படுத்தியுள்ளது.  புதன்கிழமை இந்த குழுவினர் நெடுஞ்சாலைத்துறை பயணியர் தங்கும் விடுதியில் தங்கி விசாரணை செய்யவுள்ளனர்.

]]>
http://www.dinamani.com/all-editions/edition-madurai/dindigul/2018/may/16/சிலை-முறைகேடு-பழனியில்-அர்ச்சகர்களிடம்-விசாரணை-2920550.html
2920549 மதுரை திண்டுக்கல் கொடைக்கானல் அருகே பூட்டிய வீட்டில் ரூ.2 லட்சம் நகைகள் திருட்டு DIN DIN Wednesday, May 16, 2018 04:37 AM +0530 கொடைக்கானல் அருகே  செவ்வாய்க்கிழமை பூட்டிய வீட்டை உடைத்து  ரூ 2 லட்சம் மதிப்பிலான நகை, பணத்தை மர்ம நபர்கள் திருடிச் சென்றுள்ளனர்.
   கொடைக்கானல் அருகே செண்பகனூர் பகுதியைச் சேர்ந்தவர் உதயசுதாகரன். லாரி ஓட்டுநராக வேலை பார்த்து வருகிறார். மகனுக்கு உடல் நிலை சரியில்லாததால் குடும்பத்துடன் வத்தலக்குண்டு விலுள்ள மருத்துவமனைக்குச் சென்றிருந்தார்.  இந் நிலையில் காலையில் உதயசுதாகரன் வீட்டின் கதவு உடைக்கப்பட்டிருப்பதாக அருகில் உள்ள அவரது உறவினர்கள் அவருக்கு தகவல் கொடுத்துள்ளனர். 
இதனைத் தொடர்ந்து வத்தலக்குண்டுவிலிருந்து உதயசுதாகரன் வீட்டிற்கு வந்து பார்த்தபோது வீட்டினுள் பீரோவிலிருந்த ரூ.2 லட்சம் மதிப்பிலான  8-பவுன் தங்க நகை, ரொக்கம் ரூ 5-ஆயிரம் திருடு போனது தெரிய வந்தது.  
அவர் அளித்தப் புகாரின் பேரில் போலீஸார் சம்பவ இடத்திற்குச் சென்று பார்வையிட்டு அப் பகுதிகளிலுள்ளவர்களிடம் விசாரனை நடத்தினர்.

]]>
http://www.dinamani.com/all-editions/edition-madurai/dindigul/2018/may/16/கொடைக்கானல்-அருகே-பூட்டிய-வீட்டில்-ரூ2-லட்சம்-நகைகள்-திருட்டு-2920549.html
2920548 மதுரை திண்டுக்கல் ஒரே நாளில் 4 விஷேசங்கள்: பழனியில் பக்தர்கள் குவிந்தனர்: 4 மணி நேரம் காத்திருந்து தரிசனம் DIN DIN Wednesday, May 16, 2018 04:37 AM +0530 பழனியில் செவ்வாய்க்கிழமை மாதப்பிறப்பு, திருக்கார்த்திகை மற்றும் அமாவாசை தினங்கள் இணைந்து வந்ததால் பல்லாயிரக்கணக்கான பக்தர்கள் மலைக்கோயிலில் குவிந்தனர். சுவாமி தரிசனம் செய்ய சுமார் நான்கு மணி நேரமானது.
      பழனி தண்டாயுதபாணி சுவாமி செவ்வாய் அதிபதி என்பதால் அவருக்கு உகந்த நாளாக செவ்வாய்க்கிழமை கருதப்படுகிறது. மேலும் கார்த்திகை திருநாள், அமாவாசை மற்றும் வைகாசி மாதப்பிறப்பு ஆகியவையும் செவ்வாய்க்கிழமை ஒருசேர வந்ததால் அதிகாலை முதலே ஆயிரக்கணக்கான பக்தர்கள் கோயிலில் குவிந்தனர். 
படிப்பாதை மட்டுமன்றி வின்ச் மற்றும் ரோப்காரிலும் பக்தர்கள் மலைக்கு செல்ல காத்திருந்தனர்.  மலைக்கோயிலில் கட்டண தரிசன வரிசை மற்றும் இலவச தரிசன வரிசைகளில் நீண்ட வரிசையில் பக்தர்கள் காத்திருந்தனர்.  மேலும் அன்னதானத்துக்கும் நீண்ட வரிசையில் பக்தர்கள் காத்திருந்தனர்.  
பக்தர்கள் சுவாமி தரிசனம் செய்ய சுமார் நான்கு மணி நேரமானது. மாதப்பிறப்பை முன்னிட்டு ஆனந்த விநாயகர் சன்னதி முன்பு சிறப்பு யாகபூஜை நடத்தப்பட்டு விநாயகருக்கு வெள்ளிக்கவச அலங்காரம் செய்யப்பட்டது. கார்த்திகை தினத்தை முன்னிட்டு மலைக்கோயிலில் பழனி திருமுருக பக்த சபா சார்பில் நடைபெற்ற ஆன்மீக சொற்பொழிவு நிகழ்ச்சியில் முனைவர் தேவி, வெங்கட்ரமணன் உள்ளிட்டோர் சொற்பொழிவு நிகழ்த்தினர்.  108 திருவிளக்கு பூஜையும் நடைபெற்றது.  சின்னக்குமாரசாமி உட்பிரகாரத்தில் தங்கமயில் வாகனத்திலும், வெளிப்பிரகாரத்தில் தங்கத்தேரிலும் உலா வந்து எழுந்தருளி பக்தர்களுக்கு அருள்பாலித்தார்.  190-க்கும் மேற்பட்டோர் தங்கத்தேர் புறப்பாட்டுக்கு கட்டணம் செலுத்தி தேரை இழுத்தனர்.  பக்தர்களுக்கு வேண்டிய பாதுகாப்பு, குடிநீர் மற்றும் சுகாதார வசதிகளை திருக்கோயில் இணை ஆணையர் செல்வராஜ் தலைமையில் துணை ஆணையர்(பொறுப்பு) செந்தில்குமார் மற்றும் அதிகாரிகள், அலுவலர்கள் செய்திருந்தனர்.

]]>
http://www.dinamani.com/all-editions/edition-madurai/dindigul/2018/may/16/ஒரே-நாளில்-4-விஷேசங்கள்-பழனியில்-பக்தர்கள்-குவிந்தனர்-4-மணி-நேரம்-காத்திருந்து-தரிசனம்-2920548.html
2920547 மதுரை திண்டுக்கல் கொடைக்கானலில் தரமற்ற உணவுப் பொருள்கள் விற்பனை அதிகரிப்பு! DIN DIN Wednesday, May 16, 2018 04:37 AM +0530 கொடைக்கானலில் சுற்றுலா பயணிகளின் எண்ணிக்கை அதிகரித்து வரும் நிலையில், அதிகரித்து வரும் தரமில்லாத உணவுப் பொருள்கள் விற்பனையை கட்டுப்படுத்துவதற்கு உணவுப் பாதுகாப்புத்துறையினர் நடவடிக்கை மேற்கொள்ள வேண்டும் என நுகர்வோர் தரப்பில் எதிர்பார்ப்பு எழுந்துள்ளது.
    கோடைகால விடுமுறையையொட்டி, திண்டுக்கல் மாவட்டம், கொடைக்கானலுக்கு நாளொன்றுக்கு சராசரியாக 8 ஆயிரம் சுற்றுலா பயணிகள் வந்து செல்கின்றனர். குறிப்பாக வார விடுமுறை நாள்களில் வருவோரின் எண்ணிக்கை 15 ஆயிரமாக உள்ளது. சுற்றுலா பயணிகளை நம்பி, கொடைக்கானல் நகரில் விடுதிகள், உணவகங்கள், மிட்டாய் விற்பனை நிலையங்கள், பழ வியாபாரம் என பல்வேறு தொழில்கள் நடைபெறுகின்றன. இதன் மூலம், கொடைக்கானல் பகுதியைச் சேர்ந்த தொழில் அதிபர்கள் முதல் சிறு வியாபாரிகள், கூலித் தொழிலாளர்கள் என பலரும் பயனடைந்து வருகின்றனர். 
 கொடைக்கானல் நகரில் மட்டும் சுமார் 150 உணவகங்கள் செயல்பட்டு வருகின்றன. இதுதவிர 200-க்கும் மேற்பட்ட  சாலையோர கடைகள் உள்ளன. அதேபோல், சாக்லேட், ஜெல்லி விற்பனை கடைகள், மிளகு, சீரகம், சோம்பு, பட்டை, ஏலக்காய், காபி மற்றும் டீத் துள் உள்ளிட்ட உணவுப் பொருள்கள் விற்பனை, பெருமாள்மலை முதல் கொடைக்கானல் வரை வழிநெடுக நடைபெறுகிறது. 
 ஆனால், உணவுப் பொருள்களைப் பொருத்தவரை, பெரும்பாலான இடங்களில் சுகாதாரமற்ற முறையில் தயார் செய்யப்படுவதாகவும், காலாவதியான உணவுப் பொருள்கள் விற்பனை செய்யப்படுவதாகவும் தொடர் குற்றச்சாட்டு எழுந்து வருகிறது. குறிப்பாக குளிர்ச்சியான சுற்றுச்சூழலை பயன்படுத்தி, பழைய உணவுப் பொருள்களை மீண்டும் சூடுபடுத்தி விற்பனை செய்யும் வழக்கம் அதிகரித்துள்ளது. இதனால், சுற்றுலா பயணிகள் வாந்தி, வயிறு வலி, உணவு ஒவ்வாமை போன்ற பாதிப்புகளால் அவதியுறும் நிலை உள்ளது.
 கடந்த சில நாள்களுக்கு முன்னர், கொடைக்கானலுக்கு சுற்றுலா வந்த வேளாண்மை கல்லூரி மாணவர்கள் 90 பேரில், உணவு ஒவ்வாமையினால் பலருக்கு உடல் நலக் குறைவு ஏற்பட்டுள்ளது. இதுபோன்று, தரமில்லாத உணவு வகைகளால் பலரும் பாதிக்கப்பட்டு வருகின்றனர். 
 இதற்கு தீர்வு காண வேண்டிய உணவுப் பாதுகாப்புத்துறை அதிகாரிகள் சார்பில், தொடர் ஆய்வு,  கண்காணிப்பு உள்ளிட்ட பணிகள் மேற்கொள்ளப்படுவதில்லை என கூறப்படுகிறது. உணவு வகைகள் ஒரு புறம் பாதிப்பு ஏற்படுத்தும் நிலையில், மிளகு, சீரகம், ஏலக்காய், டீத்துள் உள்ளிட்ட பொருள்களில் கலப்படம் செய்து விற்பனை செய்யப்படுகிறது. மேலும் பாக்கெட்டுகளில் அடைத்து விற்பனை செய்யப்படும் பொருள்களில் காலாவதி தேதி, விலை விவரம் குறிப்பிடப்படுவதில்லை. அதேபோல், வாடிக்கையாளரை கவரும் வகையில், செயற்கை நிறமூட்டிகள் பயன்படுத்தப்படுவதாகவும் குற்றச்சாட்டு எழுந்துள்ளது.
 இதுபோன்ற பாதிப்புகளால் நுகர்வோர் பாதிக்கப்படுவதை தவிர்க்கும் வகையில் உணவுப் பாதுகாப்பு அலுவலர்கள் துரித நடவடிக்கை மேற்கொள்ள வேண்டும். குறிப்பாக பழனி பங்குனி உத்திர திருவிழாவின்போது மேற்கொள்ளப்பட்ட தொடர் ஆய்வைப் போன்று, கொடைக்கானல் சீசன் முடிவடையும் வரையிலும்  உணவுப் பாதுப்புத்துறையினர் ஆய்வில் ஈடுபட வேண்டும் என்பதே பொதுமக்களின் எதிர்பார்ப்பாக உள்ளது.இதுகுறித்து உணவுப் பாதுகாப்பு மற்றும் மருந்து நிர்வாகத்துறை மாவட்ட நியமன அலுவலர் கே.நடராஜன் கூறியது:
 கொடைக்கானல் வரும் சுற்றுலா பயணிகளுக்கு உணவுப் பாதுகாப்பு குறித்து விழிப்புணர்வு ஏற்படுத்த பில்லார் ராக், நட்சத்திர ஏரி, கோக்கர்ஸ் வாக் ஆகிய 3 இடங்களில் மையம் அமைக்கப்பட்டுள்ளது. நுகர்வோர் நலன் கருதி, உணவுப் பாதுகாப்புத்துறை சார்பில் ஆய்வு மேற்கொள்ளவும் உத்தரவிடப்பட்டுள்ளது. 
உணவுப் பொருள்கள் தொடர்பான புகார்களுக்கு 9444042322 என்ற கட்செவி அஞ்சல் மூலமாகவும் பொதுமக்கள் புகார் அளிக்கலாம் என்றார்.

]]>
http://www.dinamani.com/all-editions/edition-madurai/dindigul/2018/may/16/கொடைக்கானலில்-தரமற்ற-உணவுப்-பொருள்கள்-விற்பனை-அதிகரிப்பு-2920547.html
2920546 மதுரை திண்டுக்கல் பழனியில் கால் இடறி விழுந்தவர்  பேருந்து மோதி சாவு DIN DIN Wednesday, May 16, 2018 04:36 AM +0530 பழனி பேருந்து நிலையத்தில் செவ்வாய்க்கிழமை நடந்து சென்றபோது கால் இடறிவிழுந்தவர், பேருந்து மோதி  உயிரிழந்தார்.
     கோவை மாவட்டம் மேட்டுப்பாளையத்தை சேர்ந்தவர் கார்த்திக் (31).  நகை அடகு கடையில் வேலை செய்து வந்தார். செவ்வாய்க்கிழமை பழனிக்கு வந்தார் இவர், பேருந்து நிலையத்தில் நடந்து சென்றபோது எதிர்பாராதவிதமாக கால் இடறி கீழே விழுந்துள்ளார். அப்போது பேருந்து நிலையத்தில் கோவைக்கு கிளம்பிய அரசுப் பேருந்து அவர் மீது மோதியது. இதில் சம்பவ இடத்திலேயே அவர் உயிரிழந்தார். விபத்து குறித்து பழனி நகர் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/may/16/பழனியில்-கால்-இடறி-விழுந்தவர்--பேருந்து-மோதி-சாவு-2920546.html
2920545 மதுரை திண்டுக்கல் தொடர் மழையால் பீன்ஸ் விளைச்சல் பாதிப்பு: விவசாயிகள் கவலை DIN DIN Wednesday, May 16, 2018 04:36 AM +0530 கொடைக்கானலில் தொடர் மழையின் காரணமாக பீன்ஸ் விளைச்சல் பாதிப்பால் விவசாயிகள் கவலையடைந்துள்ளனர்.
    கொடைக்கானலில் காலத்தில் கோடையில் முன் எப்போதும் இல்லாத அளவிற்கு தற்போது மழை பெய்து வருகிறது. இந் நிலையில் செவ்வாய்க்கிழமை காலை முதல்  மிதமான வெயில் நிலவி வந்த நிலையில், மாலை 4-மணி  முதல் 6-மணி வரை இரண்டு மணிநேரம் பரவலாக  மழை  பெய்தது.     இருதையபுரம், பிரகாசபுரம், செண்பகனூர், அட்டக்கடி, சீனிவாசபுரம், உகார்த்தேநகர், சகாயபுரம் உள்ளிட்ட பல்வேறு பகுதிகளில் விவசாய நிலங்களில் பீன்ஸ் பயிரிடப்பட்டுள்ளது. 
  தொடர் மழையின் காரணமாக பீன்ஸ் பயிரில் அழுகல் நோய் ஏற்பட்டு செடிகளில் பீன்ஸ் வளர்ச்சி இல்லாமல் உள்ளது. விவசாயிகள் மருந்து தெளித்தும் தொடர் மழையால் செடிகளில் தண்ணீர் தேங்கி விளைச்சல் குறைந்துள்ளது. இதனால் விவசாயிகள் கவலையடைந்துள்ளனர்.
 

]]>
http://www.dinamani.com/all-editions/edition-madurai/dindigul/2018/may/16/தொடர்-மழையால்-பீன்ஸ்-விளைச்சல்-பாதிப்பு-விவசாயிகள்-கவலை-2920545.html
2920544 மதுரை திண்டுக்கல் பழனியில் விசாகப் பெருவிழா: மே 22-இல் கொடியேற்றம்: மே 28 இல் தேரோட்டம் DIN DIN Wednesday, May 16, 2018 04:36 AM +0530 பழனி பெரியநாயகியம்மன் கோயிலில் வரும் 22-ஆம் தேதி வைகாசி விசாகப் பெருவிழா கொடியேற்றத்துடன் துவங்குகிறது. முக்கிய நிகழ்ச்சியான தேரோட்டம் மே மாதம் 28-ஆம் தேதி நடைபெறுகிறது.
      பெரியநாயகியம்மன் கோயிலில் உள்ள கொடிக்கட்டி மண்டபத்தில் மே 22 ஆம் தேதி காலை 10.30 மணிக்கு மேல் கொடியேற்றம் நடைபெறுகிறது. 10 நாள்கள் நடைபெறும் இவ்விழாவை முன்னிட்டு தினமும் வள்ளி, தெய்வானை சமேதர் முத்துக்குமார சுவாமி தங்கமயில், தங்கக்குதிரை, வெள்ளி யானை, கற்பக விருஷம், வெள்ளி காமதேனு உள்ளிட்ட பல்வேறு வாகனங்களில் நான்கு  ரத வீதிகளில் எழுந்தருள்கிறார்.  முக்கிய நிகழ்ச்சியாக வரும் மே 27-ஆம் தேதி இரவு 7.30 மணியளவில் திருக்கல்யாண நிகழ்ச்சியும், மே 28-ஆம் தேதி மாலை 4.30 மணியளவில் வைகாசி விசாகத் தேரோட்டமும் நடைபெறுகின்றன.  
 மே 31 ஆம் தேதி கொடி இறக்கப்பட்டு விழா நிறைவு பெறுகிறது. விழா நாள்களில் கோயில் வளாகத்தில் ஆன்மீக சொற்பொழிவு, பரத நாட்டியம், கவியரங்கம், பட்டிமன்றம் உள்ளிட்ட ஏராளமான கலை நிகழ்ச்சிகள் நடைபெறுகின்றன.  
  விழாவிற்கான ஏற்பாடுகளை பழனிக்கோயில் இணை ஆணையர் செல்வராஜ், துணை ஆணையர்(பொறுப்பு) செந்தில்குமார் மற்றும் திருக்கோயில் அதிகாரிகள், அலுவலர்கள் செய்து வருகின்றனர்.

]]>
http://www.dinamani.com/all-editions/edition-madurai/dindigul/2018/may/16/பழனியில்-விசாகப்-பெருவிழா-மே-22-இல்-கொடியேற்றம்-மே-28-இல்-தேரோட்டம்-2920544.html
2920543 மதுரை திண்டுக்கல் திருமலைக்கேணியில்  அமாவாசை வழிபாடு DIN DIN Wednesday, May 16, 2018 04:35 AM +0530 திண்டுக்கல் அருகேயுள்ள திருமலைக்கேணி சுப்பிரமணிய சுவாமி கோயிலில் வைகாசி மாத அமாவசை மற்றும் கிருத்திகையை முன்னிட்டு செவ்வாய்க்கிழமை சிறப்பு வழிபாடு நடைபெற்றது. 
     வைகாசி மாத பிறப்பு, கிருத்திகை, அமாவாசை என 3 முக்கிய நிகழ்வுகள் செவ்வாய்க்கிழமை ஒரு சேர வந்ததால், முக்கிய கோயில்களில் ஏராளமான பக்தர்கள் செவ்வாய்கிழமை சிறப்பு தரிசனம் செய்தனர். அதன்படி திண்டுக்கல் மாவட்டம் செங்குறிச்சி அடுத்துள்ள திருமலைக்கேணி சுப்பிரமணிய சுவாமி திருக்கோயிலில், முருகபெருமானுக்கு பால், தயிர், பன்னீர், இளநீர், சந்தனம், விபூதி உள்ளிட்ட 16 வகை அபிஷேகங்கள் செவ்வாய்க்கிழமை நடைபெற்றது.  அதனைத் தொடர்ந்து, சிறப்பு அலங்காரத்தில் அருள்பாலித்த முருகப்பெருமானுக்கு, தீபாராதனைகள் நடைபெற்றது. 
 இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.
 

]]>
http://www.dinamani.com/all-editions/edition-madurai/dindigul/2018/may/16/திருமலைக்கேணியில்--அமாவாசை-வழிபாடு-2920543.html
2920542 மதுரை திண்டுக்கல் பழனியில் மாற்றுத்திறனாளிகள் காத்திருப்பு போராட்டம் DIN DIN Wednesday, May 16, 2018 04:35 AM +0530 பல்வேறு கோரிக்கைகளை வலியுறுத்தி பழனியில் திங்கள்கிழமை மாற்றுத்திறனாளிகள் காத்திருப்பு போராட்டத்தில் ஈடுபட்டனர்.
 தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமை சங்கம் சார்பில் பழனி கோயில் அலுவலகம் முன்பாக திங்கள்கிழமை மாலை இப்போராட்டம் நடைபெற்றது. முன்னதாக அடிவாரம் பாதவினாயகர் கோயிலில் இருந்து மாற்றுத் திறனாளிகள் ஊர்வலமாக திருக்கோயில் தலைமை அலுவலகம் வரை ஊர்வலம் வந்தனர். திருக்கோயில் கட்டுப்பாட்டில் உள்ள தங்கும் விடுதிகள், மண்டபங்கள், கோயில்கள், பள்ளிகள், கல்லூரிகள், கடைகள் உள்ளிட்ட இடங்களில் மாற்றுத்திறனாளிகள் செல்வதற்கு வசதியாக கைப்பிடியுடன் கூடிய சாய்வுதளம் அமைக்க வேண்டும்,  மாற்றுத்திறனாளிகளுக்கான குறைபாடுகளை தெரிவிக்க கோயில் நிர்வாகம் சார்பில் 
குறைகேட்பு தொடர்பு எண் வழங்க வேண்டும், மாற்றுத்திறனாளிகளின் வசதிக்காக கோயில் நிர்வாகம் சார்பில் பேருந்து நிலையம், வின்ச் நிலையம் மற்றும் ரோப்கார் நிலையங்களில் பேட்டரி கார் வசதி ஏற்படுத்த வேண்டும், மாற்றுத்திறனாளிகளுக்கு முடிக்காணிக்கை செலுத்துவதில் உள்ள சிரமங்களை தவிர்க்க வேண்டும். மாற்றுத்திறனாளிகளுக்கான வேலை வாய்ப்பை உறுதிபடுத்தும் வகையில் கோயில் நிர்வாகத்தின் கட்டுப்பாட்டில் உள்ள கடைகளில் இடஒதுக்கீடு வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி கோஷமிட்டனர். 
  இப்போராட்டத்தை முன்னிட்டு திருக்கோயில் அலுவலக கதவு அடைக்கப்பட்டு வாயில் முன்பாக காவல்துறையினர் பாதுகாப்புப் பணியில் ஈடுபடுத்தப்பட்டனர்.  போராட்டத்தில் ஈடுபட்ட மாற்றுத்திறனாளிகள் சங்க மாவட்டத் தலைவர் செல்வநாயகம், மாவட்ட செயலாளர் பகத்சிங், மாவட்ட பொருளாளர் காளீஸ்வரி மற்றும் மாநில நிர்வாகிகளுடன் திருக்கோயில் அதிகாரிகள் மற்றும் காவல்துறையினர் பேச்சுவார்த்தை நடத்தி உரிய நடவடிக்கை எடுப்பதாக உறுதி அளித்ததைத் தொடர்ந்து போராட்டம் கைவிடப்பட்டது.  

]]>
http://www.dinamani.com/all-editions/edition-madurai/dindigul/2018/may/16/பழனியில்-மாற்றுத்திறனாளிகள்-காத்திருப்பு-போராட்டம்-2920542.html
2920541 மதுரை திண்டுக்கல் எல். வலையபட்டி பகுதியில் மே 17 மின்தடை DIN DIN Wednesday, May 16, 2018 04:35 AM +0530 நத்தம் அடுத்துள்ள எல்.வலையபட்டி துணை மின் நிலையத்தில் மாதாந்திர பராமரிப்பு பணி நடைபெறுவதையட்டி வியாழக்கிழமை காலை 9 முதல் மாலை 5 மணி வரை மின் விநியோகம் நிறுத்தப்படுகிறது.மின் தடை ஏற்படும் பகுதிகள்: வத்திப்பட்டி, ரெட்டியபட்டி, காசம்பட்டி, புதுக்கோட்டை, லிங்கவாடி, பரளி, வேம்பரளி, தேத்தாம்பட்டி, பொடுகம்பட்டி, பெருமாள்பட்டி ஆகிய இடங்கள். நத்தம் மின்வாரிய உதவி செயற்பொறியாளர் உஷாபிரியன் சூரியநாத் இத்தகவலைத் தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/may/16/எல்-வலையபட்டி-பகுதியில்-மே-17-மின்தடை-2920541.html
2920540 மதுரை திண்டுக்கல் தரமற்ற ரேஷன் பொருள்கள் விநியோகம்: வடமதுரை அருகே பொதுமக்கள் சாலை மறியல் DIN DIN Wednesday, May 16, 2018 04:34 AM +0530 வடமதுரை அருகே தரமற்ற ரேஷன் பொருள்கள் விநியோகிக்கப்படுவதாக கூறி, பொதுமக்கள் செவ்வாய்க்கிழமை சாலை மறியல் போராட்டத்தில் ஈடுபட்டனர்.
    திண்டுக்கல் மாவட்டம், வடமதுரை அடுத்துள்ள கொம்பேறிப்பட்டி ஊராட்சிக்குள்பட்ட காடயனூர் பகுதியில் பகுதி நேர ரேஷன் கடை செயல்பட்டு வருகிறது. இந்த கடையில் புழுங்கல் அரிசி குறைவாகவும், பச்சரிசி அதிகமாகவும் விநியோகிக்கப்படுவதாக புகார் எழுந்தது. மேலும், விநியோகிக்கப்படும் பொருள்கள் தரமில்லாமல் இருப்பதாகவும் குற்றச்சாட்டு எழுந்தது. இதனிடையே,  அந்த ரேஷன் கடைக்கு பின்புறம் பகுதியில் உள்ள கண்ணாடி ஜன்னல்களை உடைத்து அரிசி, பருப்பு, சர்க்கரை உள்ளிட்ட பொருள்களை மர்ம நபர்கள் திருடிச் செல்வதால், பொதுமக்களுக்கு பொருள்கள் கிடைப்பதில் குறைபாடு இருந்துள்ளது.
 இதனால், ஆத்திரமடைந்த பொதுமக்கள், கொம்பேறிப்பட்டி 4 ரோடு பகுதியில் செவ்வாய்க்கிழமை சாலை மறியலில் ஈடுபட்டனர். இதுகுறித்து தகவல் அறிந்த வடமதுரை போலீஸார், தனி வருவாய் ஆய்வாளர் ராஜ்மோகன் ஆகியோர் மறியலில் ஈடுபட்டவர்களுடன் பேச்சுவார்த்தை நடத்தினர். பின்னர், சம்பந்தப்பட்ட ரேஷன் கடைக்கு சென்று பார்வையிட்டனர். அதனைத் தொடர்ந்து, தரமில்லாத பொருள்கள் வந்தால், அவற்றை திருப்பி வழங்கிவிட்டு, மாற்றுப் பொருள்கள் பெற்றுக் கொள்ளும்படியும், ஜன்னல்களை உடைத்து பொருள்கள் திருடு போவதை தவிர்க்க தடுப்புகள் அமைக்குமாறும் ரேஷன் கடை ஊழியர்களுக்கு அறிவுறுத்தப்பட்டது. இந்த மறியல் போராட்டம் காரணமாக, அந்த பகுதியில் சிறிது நேரம் போக்குவரத்து பாதிக்கப்பட்டது.

]]>
http://www.dinamani.com/all-editions/edition-madurai/dindigul/2018/may/16/தரமற்ற-ரேஷன்-பொருள்கள்-விநியோகம்-வடமதுரை-அருகே-பொதுமக்கள்-சாலை-மறியல்-2920540.html
2920539 மதுரை திண்டுக்கல் "ரோல்பால் ஸ்கேட்டிங்' கின்னஸ் சாதனை முயற்சி: திண்டுக்கல்லில் இருந்து 7 பேர் பங்கேற்பு DIN DIN Wednesday, May 16, 2018 04:34 AM +0530 கர்நாடக மாநிலம் பெல்காமில் நடைபெறும் ரோல்பால் ஸ்கேட்டிங் கின்னஸ் சாதனை முயற்சிக்காக திண்டுக்கல் மாவட்டத்தின் சார்பில் 5 வீராங்கனைகள் மற்றும் 2 வீரர்கள் செவ்வாய்க்கிழமை புறப்பட்டுச் சென்றனர்.
    ரோல்பால் ஸ்கேட்டிங்கில் கின்னஸ் சாதனை முயற்சிக்காக, கர்நாடக மாநிலம் பெல்காமில் மே 18-ஆம் தேதி மாலை 6 மணி முதல் 19ஆம் தேதி மாலை 6 மணி வரை 24 மணி நேர நிகழ்ச்சி ஏற்பாடு செய்யப்பட்டுள்ளது. இதில் பங்கேற்பதற்காக இந்தியா முழுவதும்  மொத்தம் 1000 ரோல் பால் ஸ்கேட்டிங் வீரர் வீராங்கனைகள் தேர்வு செய்யப்பட்டுள்ளனர். 
 தமிழகத்தில் மட்டும் 50 பேர் இந்த கின்னஸ் சாதனை முயற்சியில் பங்கேற்கவுள்ளனர். தமிழகத்தில், திண்டுக்கல் மாவட்டத்தின் சார்பில் 5 வீராங்கனைகள் மற்றும் 2 வீரர்கள், பெல்காம் நிகழ்ச்சிக்கு தேர்வு செய்யப்பட்டுள்ளனர். திண்டுக்கல் மாவட்டத்தின் சார்பில் தேர்வு செய்யப்பட்டுள்ள மாணவிகள் ஆர்.ஹரிணி பார்வதி, எம்.விதுலாஸ்ரீ, கே.நிவேதிதா, எம்.அமிர்தா, ஏ.கிரண் கபூஷ், மாணவர்கள் எம்.விபிஷ், ஜெ.லிக்கேஷ் ஆகியோர் செவ்வாய்க்கிழமை பெல்காம் புறப்பட்டுச் சென்றனர். 
    திண்டுக்கல் ரயில் நிலைய வளாகத்தில், மாவட்ட ரோல் பால் ஸ்கேட்டிங் சங்கம் சார்பில் கின்னஸ் சாதனை முயற்சிக்காக புறப்பட்டுச் சென்ற வீரர், வீராங்கனைகளுக்கு வாழ்த்து தெரிவித்து, வழியனுப்பட்டனர். இந்த அணியினருடன், தமிழ்நாடு அணி மேலாளராக தேர்வு செய்யப்பட்டுள்ள எம்.பிரேம்நாத் உடன் சென்றார்.

]]>
http://www.dinamani.com/all-editions/edition-madurai/dindigul/2018/may/16/ரோல்பால்-ஸ்கேட்டிங்-கின்னஸ்-சாதனை-முயற்சி-திண்டுக்கல்லில்-இருந்து-7-பேர்-பங்கேற்பு-2920539.html
2920033 மதுரை திண்டுக்கல் 3 கார்கள் அடுத்தடுத்து மோதல்: அரசுப் போக்குவரத்துக் கழக ஒண்டிப்புதூர் கிளை மேலாளர் சாவு DIN DIN Tuesday, May 15, 2018 03:52 AM +0530 திண்டுக்கல் அடுத்துள்ள தாடிக்கொம்பு அருகே 4 வழிச்சாலையின் நடுவில் உள்ள தடுப்புச் சுவரை கடந்து சென்ற கார், எதிர்திசையில் வந்த 2 கார்கள் மீது மோதியதில், கோவையைச் சேர்ந்த அரசுப் போக்குவரத்துக் கழக மேலாளர் திங்கள்கிழமை உயிரிழந்தார்.
மதுரை வில்லாபுரம் பகுதியைச் சேர்ந்த சேக் அப்துல்லா என்பவரின் மகன் ரணீஷ் (19). வியாபாரம் நிமித்தமாக கரூருக்கு காரில் புறப்பட்டுச் சென்றார். அந்த காரை சம்சுதீன் (40), என்பவர் ஓட்டி வந்துள்ளார். அதே காரில் மொத்தம் 4 பேர் பயணம் செய்துள்ளனர். அந்த கார், திண்டுக்கல் அடுத்துள்ள தாடிக்கொம்பு பூதிபுரம் பகுதியில் சென்றபோது, ஓட்டுநரின் கட்டுப்பாட்டை இழந்து, 4 வழிச்சாலையின் நடுவில் உள்ள தடுப்புச் சுவரை கடந்து எதிர்திசையில் வந்த 2 கார்கள் மீது மோதியது. இதில் கரூரிலிருந்து திண்டுக்கல் நோக்கி முதலாவதாக வந்த காரில், தூத்துக்குடி மாவட்ட அதிமுக விவசாய அணி செயலர் ராமச்சந்திரன் என்பவரின் மகள் சரண்யா, அவரது கணவர் ரவிச்சந்திரன், தங்கை சந்தியா உள்பட 2 குழந்தைகள் வந்தனர். இவர்கள் தமிழக அமைச்சர் கடம்பூர் ராஜூவின் உறவினர்கள் எனக் கூறப்படுகிறது.
இந்த 2 கார்களும், மற்றொரு காரின் மீது மோதின. அந்த காரில், தமிழ்நாடு அரசு விரைவுப் போக்குவரத்துக் கழகத்தின், கோவை ஒண்டிப்புதூர் கிளையின் மேலாளர் ஜெயசந்திரன் (50) உள்பட 4 பேர் வந்துள்ளனர். இதில், பலத்த காயமடைந்த ஜெயச்சந்திரன் சம்பவ இடத்திலேயே உயிரிழந்தார். மேலும் இந்த விபத்தில் காயமடைந்த 11 பேரில், 4 பேர் திண்டுக்கல்லில் உள்ள தனியார் மருத்துவமனையிலும், 7 பேர் அரசு மருத்துவமனையிலும் சிகிச்சைக்காக அனுமதிக்கப்பட்டனர். விபத்து குறித்து தாடிக்கொம்பு போலீசார் வழக்குப் பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/dindigul/2018/may/15/3-கார்கள்-அடுத்தடுத்து-மோதல்-அரசுப்-போக்குவரத்துக்-கழக-ஒண்டிப்புதூர்-கிளை-மேலாளர்-சாவு-2920033.html