Dinamani - திண்டுக்கல் - http://www.dinamani.com/all-editions/edition-madurai/dindigul/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2982450 மதுரை திண்டுக்கல் பழனி அருகே நூற்பாலையில் தீ விபத்து DIN DIN Saturday, August 18, 2018 12:43 AM +0530 பழனி அருகே நூற்பாலையில் வெள்ளிக்கிழமை ஏற்பட்ட தீவிபத்தில் ரூ.பல லட்சம் மதிப்பிலான பஞ்சு மற்றும் இயந்திரங்கள் சேதமடைந்தன.
 பழனியை அடுத்த தாளையூத்து சண்முகாநகரில் தனியார் நூல் உற்பத்தி செய்யும் ஆலை இயங்கி வருகிறது.  இந்த ஆலையில் வெள்ளிக்கிழமை இயந்திரங்களில் ஏற்பட்ட உராய்வின் காரணமாக தீப்பொறி ஏற்பட்டு அது பஞ்சு பொதிகளில் விழுந்துள்ளது. இதில் அங்கிருந்த ஏராளமான பஞ்சு மூட்டைகள் தீப்பற்றி எரிந்தது. தீவிபத்து குறித்து தகவலறிந்த பழனி தீயணைப்பு மற்றும் மீட்புப்படையினர் அங்கு சென்று சுமார் ஒன்றரை மணி நேரம் போராடி தீயை அணைத்தனர். இதில் 50 பேல் பஞ்சு மூட்டைகளும், கலவை இயந்திரமும், ஆஸ்பெஸ்டாஸ் கூரையும் எரிந்து சேதமடைந்தன. இவற்றின் மதிப்பு ரூ. பல லட்சம் இருக்கும்.
இதுகுறித்து சாமிநாதபுரம் போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/aug/18/பழனி-அருகே-நூற்பாலையில்தீ-விபத்து-2982450.html
2982449 மதுரை திண்டுக்கல் மாமியாரிடம் தகராறு செய்தவரை கண்டித்த மருமகனுக்கு பாட்டில் குத்து: ஒருவர் கைது DIN DIN Saturday, August 18, 2018 12:42 AM +0530 ஒட்டன்சத்திரத்தில் மாமியாரிடம் தகராறு செய்தவரை கண்டித்த மருமகனுக்கு வியாழக்கிழமை பாட்டில் குத்து விழுந்தது. இது தொடர்பாக ஒருவர் கைது செய்யப்பட்டார்.
 ஒட்டன்சத்திரம் நல்லாகவுண்டன்நகரைச் சேர்ந்த திருமூர்த்தி மகன் சதீஸ்குமார் (20). இவரது மாமியார் செல்வி.
 இவர், ஒட்டன்சத்திரம்- பழனி சாலையில் உள்ள பெட்ரோல் நிலையம் அருகே பெட்டிக்கடை நடத்தி வருகிறார். 
இந்நிலையில் கே.அத்திக்கோம்பையைச் சேர்ந்த ஆறுமுகம் மகன் ஆனந்த் (24) வியாழக்கிழமை பெட்டிக்கடையில் இருந்த செல்வியிடம் தகராறு செய்துள்ளார். 
இதை மருமகன் சதீஸ்குமார் கண்டித்தார். இதில் ஏற்பட்ட தகராறில் சதீஸ்குமாரை, ஆனந்த் பாட்டிலால் குத்தினார். இதில் பலத்த காயமடைந்த அவரை ஒட்டன்சத்திரம் அரசு மருத்துவமனையில் சேர்ந்தனர்.
 இதுகுறித்து ஒட்டன்சத்திரம் போலீஸார் வழக்குப் பதிந்து ஆனந்தை கைது செய்தனர்.
 

]]>
http://www.dinamani.com/all-editions/edition-madurai/dindigul/2018/aug/18/மாமியாரிடம்-தகராறு-செய்தவரை-கண்டித்த-மருமகனுக்கு-பாட்டில்-குத்து-ஒருவர்-கைது-2982449.html
2982448 மதுரை திண்டுக்கல் கடன் தகராறில் விவசாயி மீது தாக்குதல்: கணவன்-மனைவிக்கு வலை DIN DIN Saturday, August 18, 2018 12:42 AM +0530 கொடைக்கானல் அருகே கடன் தகராறில் விவசாயியை தாக்கியதாக கணவன், மனைவி மீது போலீஸார் வியாழக்கிழமை வழக்குப் பதிந்து, அவர்களை தேடி வருகின்றனர்.
கொடைக்கானல் மேல்மலைக் கிராமமான மன்னவனூர் ஊராட்சி கீழானவயல் பகுதியைச் சேர்ந்தவர் சதாசிவம் (48). விவசாயி. இவர் அதேப் பகுதியைச் சேர்ந்த மீனாசாமி என்பவரிடம் கடந்த 3 ஆண்டுகளுக்கு முன் ரூ. 1 லட்சம் கடன் பெற்றுள்ளார். 
இதற்காக அவர் வட்டியும் கொடுத்து வந்துள்ளார். இந்நிலையில் கடந்த ஓராண்டாக வட்டி தரவில்லையாம். இதனைத் தொடர்ந்து மீனாசாமியின் மனைவி கண்ணகி, கடந்த ஒரு மாதத்துக்குமுன் சதாசிவம் மனைவியிடம் பணம் கேட்டு தகராறு செய்த போது அப்பகுதியைச் சேர்ந்தவர்கள் சமரசம் செய்துள்ளனர்.
இதனிடையே வியாழக்கிழமை மீண்டும் சதாசிவத்திடம், கணவன், மனனவி இருவரும் பணம் கேட்டு தகராறு செய்துள்ளனர்.  இதில் கணவன், மனைவி இருவரும் சேர்ந்து சதாசிவத்தை தாக்கினராம். 
இதில் பலத்த காயமடைந்த சதாசிவம் கொடைக்கானல் அரசு மருத்துவமனையில் சிகிச்சைக்காக சேர்க்கப்பட்டுள்ளார். இதுகுறித்து சதாசிவம் கொடைக்கானல் காவல் நிலையத்தில் அளித்த புகாரின் பேரில் போலீஸார் வழக்குப் பதிந்து தலைமறைவான மீனாசாமி, கண்ணகி ஆகிய இருவரையும் தேடி வருகின்றனர்.
 

]]>
http://www.dinamani.com/all-editions/edition-madurai/dindigul/2018/aug/18/கடன்-தகராறில்-விவசாயி-மீது-தாக்குதல்-கணவன்-மனைவிக்கு-வலை-2982448.html
2982447 மதுரை திண்டுக்கல் திண்டுக்கல்லில் இருந்து கேரளாவுக்கு நிவாரணப் பொருள்கள் DIN DIN Saturday, August 18, 2018 12:42 AM +0530 கேரள மாநிலத்தில் மழை வெள்ளத்தால் பாதிக்கப்பட்டுள்ள மக்களுக்கு, திண்டுக்கல் மாவட்ட உணவுப் பாதுகாப்புத்துறை சார்பில் சேகரிக்கப்பட்டுள்ள ரூ.10 லட்சம் மதிப்பிலான நிவாரணப் பொருள்கள் வெள்ளிக்கிழமை லாரி மூலம் அனுப்பி வைக்கப்பட்டன.
அத்தியாவசிய பொருள்களான அரிசி, பருப்பு, எண்ணெய், குடிநீர் பாட்டில், பால்பவுடர், கம்பளி, துண்டு, பிஸ்கட் உள்ளிட்ட ரூ.10 லட்சம் மதிப்பிலான பொருள்கள் சேகரிக்கப்பட்டன.
இந்த நிவாரணப் பொருள்களை லாரி மூலம் கேரளாவுக்கு அனுப்பி வைக்கும் பணி வெள்ளிக்கிழமை நடைபெற்றது. மாவட்ட ஆட்சியர் அலுவலகத்திலிருந்து புறப்பட்ட அந்த லாரியை, ஆட்சியர் டி.ஜி.வினய் கொடியசைத்து அனுப்பி வைத்தார். அப்போது உணவு மற்றும் மருந்து நிர்வாகத்துறையின் மாவட்ட நியமன அலுவலர் நடராஜன் உடனிருந்தார்.
 

]]>
http://www.dinamani.com/all-editions/edition-madurai/dindigul/2018/aug/18/திண்டுக்கல்லில்-இருந்துகேரளாவுக்கு-நிவாரணப்-பொருள்கள்-2982447.html
2982446 மதுரை திண்டுக்கல் காவல்துறையினரின் வாரிசுகளுக்கு 10 சதவீத இட ஒதுக்கீட்டை அமல்படுத்தக் கோரி மனு DIN DIN Saturday, August 18, 2018 12:41 AM +0530 இராண்டாம் நிலை காவல் பணிக்கான தேர்வில், காவல்துறையினரின் வாரிசுகளுக்கான 10 சதவீத இட ஒதுக்கீட்டை அமல்படுத்த நடவடிக்கை எடுக்கக் கோரி திண்டுக்கல் மாவட்ட காவல் கண்காணிப்பாளர் அலுவலகத்தில் வியாழக்கிழமை மனு அளிக்கப்பட்டது.
 இதுதொடர்பாக மனு அளிக்க வந்த காவல்துறையினரின் வாரிசுகள் ஜி.கண்ணன், சி.அருண்குமார், டி.ஜீவானந்தம் உள்ளிட்டோர் கூறியது:  கடந்த டிசம்பர் மாதம் 2ஆம் நிலை காவலர் பணிக்கான தேர்வு, சீருடை பணியாளர் தேர்வாணையம் மூலம் வெளியிடப்பட்டது. கடந்த 2001ஆம் ஆண்டு அப்போதைய முதல்வர் ஜெயலலிதாவால், காவலர்களின் வாரிசுதாரர்களுக்கு வழங்கப்பட்ட 10 சதவீத இட ஒதுக்கீடு தொடர்பான உத்தரவு சீருடை தேர்வாணைய குழுமத்திடம் வழங்கப்பட்டது.  இதனிடையே, கடந்த மார்ச் மாதம் நடைபெற்ற எழுத்துத் தேர்வுக்கான மதிப்பெண் அறிவிக்கப்பட்டு, கடந்த 11ஆம் தேதி தரவரிசைப் பட்டியல் வெளியிடப்பட்டது.  அதில் காவல்துறையினரின் வாரிசுகளுக்கு இட ஒதுக்கீடு வழங்கப்படவில்லை. இதனால் கடந்த ஓராண்டாக முழு நம்பிக்கையுடன் பயிற்சி மேற்கொண்ட நாங்கள் ஏமாற்றம் அடைந்துள்ளோம். இத்தேர்வு மட்டுமே எங்களுக்கு இறுதி வாய்ப்பு என்பதால், சீருடை பணியாளர் தேர்வாணையம் மூலம் வெளியிடப்பட்ட 10 சதவீத இட ஒதுக்கீட்டை அமல்படுத்த வேண்டும் என்றனர்.

]]>
http://www.dinamani.com/all-editions/edition-madurai/dindigul/2018/aug/18/காவல்துறையினரின்-வாரிசுகளுக்கு-10-சதவீத-இட-ஒதுக்கீட்டை-அமல்படுத்தக்-கோரி-மனு-2982446.html
2982445 மதுரை திண்டுக்கல் திண்டுக்கல்லில் ஆகஸ்ட் 18 மின்தடை DIN DIN Saturday, August 18, 2018 12:41 AM +0530 திண்டுக்கல்லில் சனிக்கிழமை (ஆக. 18) மின் தடை ஏற்படும் என அறிவிக்கப்பட்டுள்ளது.
 இதுகுறித்து திண்டுக்கல் மின் பகிர்மான வட்டத்தின் (மேற்கு) உதவி செயற்பொறியாளர் முத்துக்குமார் தெரிவித்திருப்பதாவது: திண்டுக்கல் அங்குநகர் துணை மின்நிலையத்தில் சனிக்கிழமை மாதாந்திர பராமரிப்புப் பணிகள் நடைபெறுகின்றன. எனவே அன்று காலை 9 முதல் பிற்பகல் 2 மணி வரை திண்டுக்கல் நகர், செட்டிநாயக்கன்பட்டி, குரும்பப்பட்டி, பொன்மாந்துறை, விராலிப்பட்டி ஆகிய இடங்களில் மின் விநியோகம் இருக்காது எனத் தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/aug/18/திண்டுக்கல்லில்-ஆகஸ்ட்-18-மின்தடை-2982445.html
2982444 மதுரை திண்டுக்கல் விநாயகர் சிலை ஊர்வலத்துக்கு கட்டுப்பாடுகள்: ஆட்சியர் உத்தரவு DIN DIN Saturday, August 18, 2018 12:41 AM +0530 விநாயகர் சதுர்த்தி விழாவினை முன்னிட்டு விநாயகர் சிலை பிரதிஷ்டை  மற்றும் விசர்ஜனம் செய்வதற்கு கடுமையான கட்டுப்பாடுகள் விதிக்கப்பட்டுள்ளன. 
இதுதொடர்பாக ஆட்சியர் வினய் வெளியிட்டுள்ள செய்திக்குறிப்பு:
 விநாயகர் சிலை அமைக்க விரும்பும் அமைப்பினர் ஒரு மாதத்திற்கு முன்பாக படிவம் 1-ல் சம்பந்தப்பட்ட சார் ஆட்சியர் அல்லது வருவாய் கோட்டாட்சியர்களிடம் தடையில்லா சான்றுகளுடன் விண்ணப்பிக்க வேண்டும். 
தீயணைப்புத்துறை மற்றும் மின்வாரியத் துறையிடமிருந்து சான்றுகள் பெற வேண்டும். விநாயகர் சிலைகள் களி மண்ணால் மட்டுமே செய்யப்பட்டிருக்க வேண்டும். தமிழ்நாடு மாசுக் கட்டுப்பாடு வாரியத்தினால் தடை செய்யப்பட்ட பொருள்களை பயன்படுத்தக் கூடாது.
 சிலைகளின் உயரம் 10 அடிக்கு மிகாமல் (அடித்தளம் மற்றும் பீடம் உள்பட) அமைக்கப்பட வேண்டும். பிற மத வழிபாட்டுத் தலங்கள், மருத்துவமனைகள், கல்வி நிலையங்கள் அருகில் சிலைகள் நிறுவுவதை தவிர்க்க வேண்டும். கூம்பு வடிவ ஒலி பெருக்கிகள் தடை செய்யப்பட்டுள்ளது. 
பெட்டி வடிவ ஒலிபெருக்கிகளை பூஜையின்போது காலை மற்றும் மாலை வேளைகளில் தலா 2 மணி நேரம் மட்டுமே அனுமதிக்கப்படும். அரசியல் கட்சி மற்றும் மதசார்புள்ள இயக்கங்களின் தலைவர்களின் புகைப்படங்கள் அடங்கிய விளம்பர பதாகைகள் வைக்கப்படக் கூடாது.  சிலை ஊர்வலத்தின்போது பட்டாசு வெடிக்க அனுமதியில்லை. 
 மத உணர்வை தூண்டும் வகையிலான அல்லது பிற மதத்தினரின் உணர்வுகளை புண்படுத்தும் வகையிலான கோஷங்கள் எழுப்பக் கூடாது. சிலைகள் நிறுவப்பட்ட நாளிலிருந்து 5 நாள்களுக்குள் விசர்ஜனம் செய்ய வேண்டும். சார் ஆட்சியர் அல்லது வருவாய் கோட்டாட்சியர்களால் வழங்கப்படும் அனுமதி தொடர்பாக, மாவட்ட ஆட்சியரிடம்  மேல்முறையீடு செய்து கொள்ளலாம் என அதில் தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/aug/18/விநாயகர்-சிலை-ஊர்வலத்துக்கு-கட்டுப்பாடுகள்-ஆட்சியர்-உத்தரவு-2982444.html
2982443 மதுரை திண்டுக்கல் காவிரி உபரி நீரை திண்டுக்கல் மாவட்டத்துக்கு திருப்பும் திட்டம் செயல்படுத்தப்படுமா? DIN DIN Saturday, August 18, 2018 12:40 AM +0530 காவிரி உபரி நீரை திண்டுக்கல் மாவட்டத்துக்கு திருப்பும் திட்டத்தை  செயல்படுத்த வேண்டும் என விவசாயிகள் கோரிக்கை விடுத்துள்ளனர்.
தென்மேற்கு பருவ மழையின் காரணமாக கர்நாடகாவில் பலத்த மழை பெய்து, மேட்டூர் அணை 2ஆவது முறையாக முழு கொள்ளளவை எட்டியுள்ளது. இதனால் நாள்தோறும் பல லட்சம் லிட்டர் தண்ணீர் காவிரி மற்றும் கொள்ளிடம் ஆறுகள் வழியாக கடலில் கலக்கிறது. இதன் ஒரு பகுதியை சேமித்து வைப்பதற்காக அணைக் கட்ட வேண்டும் என பல்வேறு தரப்பிலும் கோரிக்கை முன் வைக்கப்பட்டுள்ளது.
ஆனால் அதற்கான சாத்தியக் கூறுகள் இல்லை என தமிழக அரசின் சார்பில் தெரிவிக்கப்பட்டு வருகிறது. அதே நேரத்தில், காவிரி ஆற்றின் உபரி நீரை கரூர் பகுதியிலிருந்து கால்வாய் அல்லது குழாய்கள் மூலம் திண்டுக்கல் மாவட்டத்துக்கு திருப்பினால், அதிலுள்ள 2.75 லட்சம் ஏக்கர் மானாவாரி நிலங்கள், இறவை பாசன வசதியை  பெற வாய்ப்பு ஏற்படும் எனக் கூறப்படுகிறது.
இம் மாவட்டத்தைப் பொருத்தவரை, சுமார் 1.40 லட்சம் ஹெக்டேரில் வேளாண்மை பயிர்களும்,  30ஆயிரம் ஹெக்டேரில் தென்னை மரங்கள், 50ஆயிரம் ஹெக்டேரில் தோட்டக்கலைப் பயிர்கள் சாகுபடி செய்யப்படுகின்றன. இதில் சுமார் 2.75 லட்சம் ஏக்கர் மானாவாரி நிலங்களாக உள்ளன. 
இம் மாவட்டத்தின் தட்ப வெட்ப சூழல், மண் வளம் போன்றவற்றின் அடிப்படையில் நீராதாரம் சிறப்பாக இருந்தால் மானாவாரி நிலங்களிலும் இறவைப் பாசனத்தை மேற்கொள்ள முடியும்.  ஆனால், போதிய மழை இல்லாத காரணத்தால் மானாவாரி நிலங்கள் தரிசு நிலங்களாக மாறி வருகின்றன. இதனை தவிர்க்கும் வகையில், காவிரியின் உபரி நீரை திண்டுக்கல் மாவட்டத்திற்கு கொண்டு வரும் திட்டத்தை செயல்படுத்த வேண்டும் என விவசாயிகள் கோரிக்கை விடுத்துள்ளனர்.
இதுகுறித்து ஓய்வுப் பெற்ற வேளாண்மை அதிகாரி ஒருவர் கூறியது: திண்டுக்கல் மாவட்டத்தைப் பொருத்தவரை விவசாயமே பிரதான தொழில். இந்நிலையில் காவிரியின் உபரி நீரை, கரூர் மாவட்டத்திலிருந்து தெற்கு நோக்கி திருப்பினால், திண்டுக்கல் மாவட்டம் வளம் பெறும். அதேபோல் மாவட்டத்திலுள்ள 7 அணைகளையும் முறையாக பராமரித்தால், நன்செய் நிலங்கள் செழிப்படைவதோடு,  2.75 லட்சம் ஏக்கர் மானாவாரி நிலங்கள் பாசன வசதி பெறும் வாய்ப்புள்ளது.   கால்வாய் மூலமாகவோ அல்லது முல்லைப் பெரியாற்றில் உள்ளது போல பூமிக்கு அடியில் ராட்சத குழாய்கள் மூலமாகவோ காவிரி உபரி நீரை இம் மாவட்டத்துக்கு கொண்டு வர முடியும். 
மேலும் நீராதாரம் பெருகும்போது, மகசூல் அதிகரித்து, விவசாயிகளின் வாழ்வும் வளம் பெறும். அதே நேரத்தில், மத்திய அரசின் திட்டமான, 2020-ல் விவசாயிகளின் மகசூலை 2 மடங்காகவும், வருமானத்தை 3 மடங்காகவும் அதிகரிக்கும் நோக்கமும் நிறைவேறும். 
மேலும் 100 நாள் வேலை திட்டத்தின் கீழ் கேரளத்தில் ஆக்கப்பூர்வமான வளர்ச்சிப் பணிகள் மேற்கொள்ளப்படுவதைப் போல், மத்திய அரசின் பல்வேறு திட்டங்கள் மூலமாக கிடைக்கும் நிதிகளையும் பயன்படுத்தி காவிரியிலிருந்து புதிய கால்வாய் உருவாக்க வேண்டியது காலத்தின் கட்டாயம் என்றார்.
 

]]>
http://www.dinamani.com/all-editions/edition-madurai/dindigul/2018/aug/18/காவிரி-உபரி-நீரை-திண்டுக்கல்-மாவட்டத்துக்கு-திருப்பும்-திட்டம்-செயல்படுத்தப்படுமா-2982443.html
2981906 மதுரை திண்டுக்கல் வாகரை பகுதியில் ஆகஸ்ட் 18 மின்தடை DIN DIN Friday, August 17, 2018 02:06 AM +0530 பழனியை அடுத்த வாகரை துணை மின்நிலையத்தில் பராமரிப்பு பணிகள் காரணமாக சனிக்கிழமை (ஆக.18) மின்தடை ஏற்படும் என தெரிவிக்கப்பட்டுள்ளது. 
இதுகுறித்து மின்வாரிய செயற்பொறியாளர் சந்திரசேகர் வெளியிட்டுள்ள செய்திக்குறிப்பு:  வாகரை மின்நிலையத்தில் சனிக்கிழமை பராமரிப்பு பணிகள் மேற்கொள்ள இருப்பதால், இந்த மின் நிலையத்தில் இருந்து மின்விநியோகம் பெறும் அப்பனூத்து, புங்கமுத்தூர், திருவாண்டபுரம், அப்பிபாளையம், மேட்டுப்பட்டி, வேப்பன்வலசு, வாகரை, பூலாம்பட்டி, மரிச்சிலம்பு, பூசாரிக்கவுண்டன்வலசு ஆகிய பகுதிகளில் சனிக்கிழமை காலை 9 மணி முதல் மாலை 5 மணி வரை மின்விநியோகம் இருக்காது என்று தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/dindigul/2018/aug/17/வாகரை-பகுதியில்-ஆகஸ்ட்-18-மின்தடை-2981906.html
2981905 மதுரை திண்டுக்கல் திண்டுக்கல் மாவட்டத்தில் நாளை பொது விநியோகத் திட்ட சிறப்பு குறைதீர் கூட்டம் DIN DIN Friday, August 17, 2018 02:05 AM +0530 திண்டுக்கல் மாவட்டத்தில் பொது விநியோகத் திட்டம் தொடர்பான சிறப்பு குறைதீர் கூட்டம் சனிக்கிழமை (ஆக. 18) நடைபெறுகிறது.
இதுகுறித்து மாவட்ட ஆட்சியர் டி.ஜி. வினய் வியாழக்கிழமை வெளியிட்டுள்ள செய்திக் குறிப்பு:
திண்டுக்கல் மாவட்டத்தில் பொது விநியோகத் திட்ட சிறப்பு குறைதீர் கூட்டம் சனிக்கிழமை (ஆக.18)  காலை 10 மணிக்கு நடைபெறுகிறது. கோவிலூர் (திண்டுக்கல் கிழக்கு), முத்தனம்பட்டி (திண்டுக்கல் மேற்கு), வேளாங்கண்ணிபுரம் (ஆத்தூர்), எத்திலோடு (நிலக்கோட்டை), குடகிப்பட்டி (நத்தம்), இடையக்கோட்டை(ஒட்டன்சத்திரம்),   கோம்பைபட்டி (பழனி), கும்பரையூர் (கொடைக்கானல்), வேல்வார்கோட்டை (வேடசந்தூர்) ஆகிய கிராமங்களில் நடைபெறும் கூட்டங்களில் அந்தந்த பகுதி பொதுமக்கள் பங்கேற்று,  பொது விநியோகத் திட்டம் தொடர்பான தங்களது குறைகளை மனுவாக அளித்து தீர்வு காணலாம் என தெரிவித்துள்ளார்.

]]>
http://www.dinamani.com/all-editions/edition-madurai/dindigul/2018/aug/17/திண்டுக்கல்-மாவட்டத்தில்-நாளை-பொது-விநியோகத்-திட்ட-சிறப்பு-குறைதீர்-கூட்டம்-2981905.html
2981904 மதுரை திண்டுக்கல் பழனியில் மாற்றுத்திறனாளிகள் போராட்டத்தில் தள்ளுமுள்ளு DIN DIN Friday, August 17, 2018 02:05 AM +0530 பழனியில் வியாழக்கிழமை நகராட்சி அலுவலகத்தை முற்றுகையிட்டு காத்திருப்பு போராட்டத்தில் ஈடுபட முயன்ற மாற்றுத்திறனாளிகளை போலீஸார் தடுத்து நிறுத்தியதால் சாலையிலேயே அமர்ந்து போராட்டத்தில் ஈடுபட்டனர்.
பழனியில் நகராட்சிக்கு உட்பட்ட பகுதிகளில் உள்ள நகராட்சி கழிவறை,  பேருந்து நிலையம், வணிக வளாகங்கள் ஆகியவற்றில் மாற்றுத்திறனாளிகளுக்கு அடிப்படை வசதிகளை செய்ய தவறியதாக கூறி நகராட்சி அலுவலகம் முன்பு காத்திருப்பு போராட்டத்துக்கு மாற்றுத்திறனாளிகள் சங்கம் அழைப்பு விடுத்திருந்தது.  
இதன்படி நகர செயலாளர் தங்கவேல்,  நகர தலைவர் மாலதி ஆகியோர் தலைமையில் வியாழக்கிழமை பழனி பேருந்து நிலையத்தில் இருந்து பேரணியாக புறப்பட்டு நகராட்சி அலுவலகத்தை நோக்கி  சென்றனர். அப்போது மாற்றுத்திறனாளிகளை காவல்துறையினர் தடுத்து நிறுத்தி,  முற்றுகை போராட்டத்துக்கு அனுமதி இல்லை என தெரிவித்தனர்.
இதைத்தொடர்ந்து மின்சார வாரிய அலுவலகம் முன்பு நூற்றுக்கணக்கான மாற்றுத்திறனாளிகள்  சாலையில் அமர்ந்து போராட்டத்தில் ஈடுபட்டனர். இதனால் அப்பகுதியில் போக்குவரத்து பாதிக்கப்பட்டது.
பல மணி நேரமாகியும் பேச்சுவார்த்தைக்கு அதிகாரிகள் யாரும் வராததால் நகராட்சி அலுவலகத்தை முற்றுகையிட முயன்ற மாற்றுத்திறனாளிகளுக்கும் காவல்துறையினருக்கும் இடையே தள்ளுமுள்ளு ஏற்பட்டது. சம்பவ இடத்துக்கு வந்த நகராட்சி பொறியாளர் சரவணன் உள்ளிட்டோர் போராட்டக் குழுவினருடன் பேச்சுவார்த்தை நடத்தியதைத் தொடர்ந்து தீர்வு எட்டப்பட்டதால், காத்திருப்பு போராட்டம் கைவிடப்பட்டது.

]]>
http://www.dinamani.com/all-editions/edition-madurai/dindigul/2018/aug/17/பழனியில்-மாற்றுத்திறனாளிகள்-போராட்டத்தில்-தள்ளுமுள்ளு-2981904.html
2981902 மதுரை திண்டுக்கல் பக்ரீத்: அய்யலூரில் ஆடுகள் விற்பனை அமோகம் DIN DIN Friday, August 17, 2018 02:05 AM +0530 வரும் 23-ஆம் தேதி பக்ரீத் பண்டிகையை  முன்னிட்டு, அய்யலூர் வாரச் சந்தையில் வியாழக்கிழமை 1000-க்கும் மேற்பட்ட ஆடுகள்  விற்பனையானது.
 திண்டுக்கல் மாவட்டம், அய்யலூரில் வியாழக்கிழமை வாரச் சந்தை நடைபெறுவது வழக்கம். இந்த சந்தையில் அதிக அளவில் ஆடுகள் விற்பனைக்கு கொண்டு வரப்படுவது வழக்கம். திண்டுக்கல்  மற்றும் திருச்சி மாவட்டத்தின் ஊரகப் பகுதியிலிருந்தும், இந்த சந்தைக்கு ஆடுகள் விற்பனைக்கு கொண்டு வரப்படுகின்றன. 
திண்டுக்கல், மதுரை, திருச்சி, கரூர் உள்ளிட்ட மாவட்டங்களைச் சேர்ந்த வியாபாரிகள் இந்த சந்தைக்கு வருகின்றனர்.
இந்நிலையில்,  ஆகஸ்ட் 23-ஆம் தேதி பக்ரீத் பண்டிகையை முன்னிட்டு,  அய்யலூர் வாரச் சந்தையில் வியாழக்கிழமை செம்மறி ஆடுகள் விற்பனை அமோகமாக நடைபெற்றது. 
 வழக்கமாக ரூ. 6ஆயிரம் முதல் ரூ. 7ஆயிரம் வரை விற்பனையாகும் ஆடுகள், ரூ.10ஆயிரத்திற்கும் கூடுதலாக விலை போனது. விலை அதிகரித்தாலும், அதிகாலை 4  மணிக்கு தொடங்கி ஆடுகள் விற்பனை காலை 7 மணிக்குள்ளாக முடிவுக்கு வந்தது.   
ஆடுகளுக்கு அதிக விலை கிடைத்தால் விவசாயிகளும், வியாபாரிகளும் மகிழ்ச்சி அடைந்தனர். 
 

]]>
http://www.dinamani.com/all-editions/edition-madurai/dindigul/2018/aug/17/பக்ரீத்-அய்யலூரில்-ஆடுகள்-விற்பனை-அமோகம்-2981902.html
2981901 மதுரை திண்டுக்கல் பாலசமுத்திரம் பெருமாள் கோயிலில் ஆக.22-இல் ஆவணி பிரம்மோற்சவ கொடியேற்றம் DIN DIN Friday, August 17, 2018 02:04 AM +0530 பழனியை அடுத்த பாலசமுத்திரம் அகோபில வரதராஜப் பெருமாள் கோயிலில் ஆகஸ்ட் 22-ஆம் தேதி ஆவணி பிரம்மோற்சவ விழா கொடியேற்றத்துடன் தொடங்குகிறது.
பழனி தண்டாயுதபாணி சுவாமி கோயிலின் முக்கிய உபகோயில் பாலசமுத்திரம்  அகோபில வரதராஜப்பெருமாள் கோயிலாகும்.  இக்கோயிலில் ஆவணி பிரம்மோற்சவ விழா  ஆகஸ்ட் 22 -ஆம் தேதி கொடியேற்றத்துடன் தொடங்குகிறது. 
 இத்திருவிழா செப்டம்பர் 1ம் தேதி வரையிலான 11 நாட்கள் நடைபெறுகிறது. இதனையொட்டி தினமும் சுவாமி பவளக்கால் சப்பரம், அனுமார் வாகனம், கருட வாகனம், அன்ன வாகனம், குதிரை வாகனம், சேஷ வாகனம் போன்ற வாகனங்களில் எழுந்தருள்கிறார்.  
 ஆகஸ்ட் 28-ஆம் தேதி மாலை 4.30 மணிக்கு மேல் திருக்கல்யாணமும்,  ஆகஸ்ட் 29-ஆம் தேதி பாரிவேட்டையும்,  ஆகஸ்ட் 30 ஆம் தேதி காலை 7.30  மணிக்கு மேல் திருத்தேர் வடம்பிடித்தலும் நடைபெறுகிறது.  
வரும் செப்டம்பர் 11-ஆம் தேதி விடையாற்றி உற்சவத்துடன் விழா நிறைவு பெறுகிறது.  விழா நாட்களில் தினமும் மாலை கோயில் வளாகத்தில் ஆன்மிக சொற்பொழிவு, பட்டிமன்றம், பரதநாட்டியம், பாசுரங்கள் சேவித்தல் உள்ளிட்ட  கலைநிகழ்ச்சிகள் நடைபெறுகின்றன.  
விழா ஏற்பாடுகளை பழனிக் கோயில் இணை ஆணையர் செல்வராஜ் மற்றும் அலுவலர்கள் செய்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/17/பாலசமுத்திரம்-பெருமாள்-கோயிலில்-ஆக22-இல்-ஆவணி-பிரம்மோற்சவ-கொடியேற்றம்-2981901.html
2981899 மதுரை திண்டுக்கல் தாடிக்கொம்பு அருகே கோயில் உண்டியல் திருட்டு: 2 இளைஞர்கள் கைது DIN DIN Friday, August 17, 2018 02:04 AM +0530 தாடிக்கொம்பு சௌந்தரராஜப் பெருமாள் கோயிலில் 3 உண்டியல்களை திருடிச் சென்ற 2 இளைஞர்களை போலீஸார் வியாழக்கிழமை கைது செய்தனர்.
திண்டுக்கல்லை அடுத்துள்ள தாடிக்கொம்பு சௌந்தராஜப் பெருமாள் கோயில் வளாத்திற்குள் கடந்த திங்கள்கிழமை புகுந்த மர்ம நபர்கள்,  தன்வந்திரி,  லட்சுமி நரசிம்மர்,  ஆண்டாள் சன்னதிகளிலிருந்த 3 உண்டியல்களை திருடிச் சென்றனர். திருடு போன 3 உண்டியல்களும் உடைக்கப்பட்டு தாடிக்கொம்பு அடுத்துள்ள கொடகனாற்றில் கிடந்தன. இதுகுறித்து தாடிக்கொம்பு போலீஸார் வழக்குப் பதிவு செய்து விசாரித்து வந்தனர்.
 இந்நிலையில், உண்டியல் திருட்டில் ஈடுபட்ட தாடிக்கொம்பு பகுதியைச் சேர்ந்த கருப்பையா மகன் ராஜபாண்டி (20),  கோவிந்தராஜ் மகன் விசுவநாத் (18) ஆகியோரை போலீஸார் வியாழக்கிழமை கைது செய்தனர்.
 

]]>
http://www.dinamani.com/all-editions/edition-madurai/dindigul/2018/aug/17/தாடிக்கொம்பு-அருகே-கோயில்-உண்டியல்-திருட்டு-2-இளைஞர்கள்-கைது-2981899.html
2981897 மதுரை திண்டுக்கல் வத்தலகுண்டு கோயில் திருவிழாவில் மழை வேண்டி முளைப்பாரி ஊர்வலம் DIN DIN Friday, August 17, 2018 02:03 AM +0530 வத்தலகுண்டு மாரியம்மன் கோயில் திருவிழாவின்போது, மழை வேண்டி பக்தர்கள் வியாழக்கிழமை முளைப்பாரி ஊர்வலம் சென்றனர். 
 திண்டுக்கல் மாவட்டம், வத்தலகுண்டு தெற்கு தெரு பகுதியில் மாரியம்மன் கோயில், கருப்பண்ணசாமி கோயில் திருவிழா 
கடந்த செவ்வாய்க்கிழமை தொடங்கியது. இதன் ஒரு பகுதியாக, பக்தர்கள் சார்பில் மாவிளக்கு மற்றும் பொங்கல் வைத்து நேர்த்திக் கடன் செலுத்தும் நிகழ்ச்சி புதன்கிழமை நடைபெற்றது. அதன் தொடர்ச்சியாக, மழை பெய்ய வேண்டி பக்தர்கள் சார்பில் வியாழக்கிழமை முளைப்பாரி ஊர்வலம் நடைபெற்றது. பல்வேறு தெருக்களின் வழியாக கோயில் பூசாரி கல்யாணி தலைமையில் வலம் வந்த முளைப்பாரி ஊர்வலம், கோயிலைச் சென்றடைந்ததும் பெண்கள் கும்மியடித்து வழிபாடு நடத்தினர்.  பின்னர், வத்தலகுண்டு அடுத்துள்ள கண்ணாப்பட்டி வைகையாற்றில் முளைப்பாரிகளை கரைத்தனர். இதில், ஏராளமான பக்தர்கள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/aug/17/வத்தலகுண்டு-கோயில்-திருவிழாவில்-மழை-வேண்டி-முளைப்பாரி-ஊர்வலம்-2981897.html
2981896 மதுரை திண்டுக்கல் பழனி அருகே குடிசை வீடுகளில் தண்ணீர் புகுந்ததால் மக்கள் அவதி DIN DIN Friday, August 17, 2018 02:03 AM +0530 பழனியை அடுத்த சாமிநாதபுரம் அமராவதி ஆற்றின் கரையோரத்தில் உள்ள குடிசை வீடுகளில் புதன்கிழமை இரவு தண்ணீர் புகுந்ததால் பொதுமக்கள் சிரமத்துக்கு ஆளாகினர்.
  கேரளத்தில் பெய்து வரும் கனமழை காரணமாக திருப்பூர் மாவட்டம் உடுமலை தாலுகாவுக்கு உட்பட்ட அமராவதி,  திருமூர்த்தி அணைகளுக்கு நீர்வரத்து அதிகரித்துள்ளது. அமராவதி அணை முழு கொள்ளளவான 90 அடியில் 88 அடிக்கு மேல் நிறைந்ததைத் தொடர்ந்து அணையின் மதகுகள் திறக்கப்பட்டு  விநாடிக்கு 10 ஆயிகம் கனஅடி தண்ணீர் வெளியேற்றப்பட்டு வருகிறது. 
இந்த தண்ணீர் கொழுமம், சாமிநாதபுரம் வழியாக தாராபுரம் சென்று பின்னர் காவிரியை அடைகிறது. இதனால் திண்டுக்கல் மாவட்டம் சாமிநாதபுரம் பகுதியில் வருவாய்த்துறை சார்பில் புதன்கிழமை வெள்ள அபாய எச்சரிக்கை விடுக்கப்பட்டது.  மேலும் தண்டோரா மூலமும் அறிவிக்கப்பட்டது. 
இந்நிலையில் புதன்கிழமை இரவு  சாமிநாதபுரம் அமராவதி ஆற்றின் கரையோரங்களில் உள்ள சில குடிசை வீடுகளுக்குள் வெள்ளநீர் புகுந்ததால் பொதுமக்கள் இரவு முழுவதும் நீரை வெளியேற்ற முடியாமல் குளிரில் அவதிப்பட்டனர். 
மேலும் அமராவதி ஆற்றின் கரையோரம் அமைந்துள்ள ஒன்றிய நடுநிலைப் பள்ளிக்கு வியாழக்கிழமை விடுமுறை விடப்பட்டது.
 

]]>
http://www.dinamani.com/all-editions/edition-madurai/dindigul/2018/aug/17/பழனி-அருகே-குடிசை-வீடுகளில்-தண்ணீர்-புகுந்ததால்-மக்கள்-அவதி-2981896.html
2981892 மதுரை திண்டுக்கல் அகில இந்திய தேர்வுகளில் பின்தங்கிய தமிழகத்தின் நிலையை புதிய பாடத்திட்டம் மாற்றியமைக்கும்: பள்ளிக் கல்வித்துறை: செயலர் உதயச்சந்திரன் DIN DIN Friday, August 17, 2018 01:54 AM +0530 அகில இந்திய தேர்வுகளில் பின்தங்கியுள்ள தமிழகத்தின் நிலையை புதிய பாடத்திட்டம் மாற்றி அமைக்கும்  என பள்ளிக் கல்வித்துறை செயலர் உதயச்சந்திரன் தெரிவித்தார்.
1, 6, 9 மற்றும் 11ஆம் வகுப்புகளுக்கான புதிய பாட நூல்கள் குறித்து, திண்டுக்கல் மாவட்டத்திலுள்ள கருத்தாளர்களிடம் ( "க்யூஆர் கோடு' முறை தொடர்பாக பயிற்சி அளிக்கும் ஆசிரியர்கள்) கருத்தாய்வுக் கூட்டம் வியாழக்கிழமை நடைபெற்றது. திண்டுக்கல் ரவுண்ட்ரோடு பகுதியிலுள்ள தனியார் பள்ளியில் நடைபெற்ற இந்த கூட்டத்திற்கு, பள்ளிக் கல்வித்துறை செயலர் உதயச்சந்திரன் தலைமை வகித்தார். 
 ஆசிரியர் பயிற்சி நிறுவனத்தின் இணை இயக்குநர் பொன் குமார், திண்டுக்கல் மாவட்ட முதன்மை கல்வி அலுவலர் சாந்தகுமார் ஆகியோர் முன்னிலை வகித்தனர். 
கூட்டத்தில் கலந்து கொண்ட கருத்தாளர்கள் சார்பில் தெரிவிக்கப்பட்ட கருத்துக்கள் விவரம்: அரசுப் பள்ளி மாணவர்களின் கற்றல் திறன் 50 சதவீதத்திற்கும் குறைவாக உள்ளது. இந்த சூழலில் தற்போது அறிமுகப்பட்டுத்தப்பட்டுள்ள புதிய பாட நூல்களில், பாடங்களை விரைந்து     நடத்த முடியவில்லை. மேலும், பாடங்களில் அடுத்தடுத்த நிகழ்வுகள் குறித்த தொடர்பு இல்லை. உலகம் உருவானதற்கான விளக்கம் அறிவியல் பாடத்தில் மட்டுமின்றி சமூக அறிவியல் பாடத்திலும் இடம் பெறவில்லை. எழுத்துப் பிழைகளும் உள்ளன. தமிழ் பாடத்தில் செய்யுள் பகுதியில் அந்தந்த பாடல்களுக்கான ஆசிரியர்களின் ஊர், பெற்றோர் உள்ளிட்ட விவரங்கள் இல்லை. 
சமூக அறிவியல் பாடத்தில், பழமை குறித்து விளக்குவதற்கு தமிழகத்தில் தொல்லியல் ஆய்வுகள் மூலம் கிடைத்த குறீயிடுகள், கல்வெட்டுகளுக்கு முக்கியத்துவம் வழங்க வேண்டும் என்பன உள்ளிட்ட பல்வேறு கருத்துக்கள் ஆசிரியர்கள் (கருத்தாளர்கள்) தரப்பில் பதிவு செய்யப்பட்டன. 
இதற்கு பதில் அளித்து பள்ளி கல்வித்துறை செயலர் உதயச்சந்திரன் பேசியது:  நாட்டிலேயே முதன்முறையாக, "க்யூஆர் கோடு' முறையில் பாடப்புத்தகம் உருவாக்கப்பட்டிருப்பது தமிழகத்தில் மட்டுமே. தமிழகத்தில் நாளொன்றுக்கு 1.5 முதல் 2 லட்சம் பேர் வரை "க்யூஆர் கோடு' மூலமாக பாடங்களை பதிவிறக்கம் செய்கின்றனர். சிந்துச் சமவெளியில் வாழ்ந்த மக்கள் திராவிடர்கள் என்ற கருத்து தற்போதும் ஆய்விலேயே இருந்து வருகிறது. புதிய பாடத் திட்டத்தை பொருத்தவரை, வரலாற்றுச் சான்றுகளின் அடிப்படையிலேயே ஒவ்வொரு கருத்தும் இடம் பெற்றுள்ளது. 
 பொதுவாக 3 நிமிடங்களுக்கு மேல் இ-குறிப்புகளை தொடர்ந்து வாசிக்க முடியாது. அதன் அடிப்படையிலேயே பாடத்தில் குறைவான விளக்கங்கள் கொடுக்கப்பட்டுள்ளன. 
 பாடப் புத்தகத்தில் ஆண்டுகள் மற்றும் எண்களுக்கு முக்கியத்துவம் வழங்கும்போது, புரிந்து படிப்பதற்கு மாறாக மனனம் செய்ய வேண்டிய கட்டாயம் ஏற்படுகிறது. அதனை தவிர்ப்பதற்கான முயற்சிகள் புதிய பாடத் திட்டத்தில் மேற்கொள்ளப்பட்டுள்ளன. 
மூத்த மொழியான தமிழை, சமஸ்கிருத்தின் மூலம் நிலை நிறுத்த வேண்டிய அவசியமில்லை.  அகில இந்திய தேர்வுகளில் பின் தங்கியுள்ள தமிழகத்தின் நிலையை, புதிய பாடத் திட்டம் உறுதியாக மாற்றி அமைக்கும். கடந்த ஆண்டு நடைபெற்ற நீட் தேர்வில் பிளஸ் 1 மற்றும் பிளஸ் 2 பாடங்களிலிருந்தே வினாக்கள் இடம் பெற்றுள்ளன. அதில் 99 சதவீத வினாக்கள் , புதிய பாடத் திட்டத்தில் இடம் பெற்றுள்ளன. குடிமைப் பணித் தேர்வுகளை எதிர்கொள்ளும் வகையிலேயே பிளஸ் 1 அரசியல் அறிவியல், வரலாறு மற்றும் புவியியல் பாடங்கள் உருவாக்கப்பட்டுள்ளன என்றார். 
 

]]>
http://www.dinamani.com/all-editions/edition-madurai/dindigul/2018/aug/17/அகில-இந்திய-தேர்வுகளில்-பின்தங்கிய-தமிழகத்தின்-நிலையை-புதிய-பாடத்திட்டம்-மாற்றியமைக்கும்-பள்ளிக்-கல-2981892.html
2981876 மதுரை திண்டுக்கல் ஒட்டன்சத்திரத்தில் அமமுக  ஆலோசனைக்கூட்டம் DIN DIN Friday, August 17, 2018 01:29 AM +0530 திண்டுக்கல் மேற்கு மாவட்ட அம்மா மக்கள் முன்னேற்ற கழகத்தின் நிர்வாகிகள் ஆலோசனைக் கூட்டம் வியாழக்கிழமை ஒட்டன்சத்திரத்தில் நடைபெற்றது.
இந்த கூட்டத்திற்கு அம்மா மக்கள் முன்னேற்ற கழக அமைப்புச் செயலாளர் பி.குமாரசாமி தலைமை வகித்தார். திண்டுக்கல் மேற்கு மாவட்ட செயலாளர் கே.பி.நல்லசாமி முன்னிலை வகித்தார். கட்சியில் புதிய உறுப்பினர்களை அதிக அளவு சேர்ப்பது குறித்தும், ஒட்டன்சத்திரத்தில் நடைபெறும் பொதுக்கூட்டத்திற்கு வருகை தரும் துணைப்பொதுச்செயலர் டிடிவி தினகரனுக்கு சிறப்பான வரவேற்பு கொடுப்பது குறித்தும் ஆலோசனை செய்யப்பட்டது. கூட்டத்தில் வேடசந்தூர், ஒட்டன்சத்திரம், பழனி ஆகிய சட்டமன்ற தொகுதிகளை சேர்ந்த  நிர்வாகிகள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/aug/17/ஒட்டன்சத்திரத்தில்-அமமுக--ஆலோசனைக்கூட்டம்-2981876.html
2981874 மதுரை திண்டுக்கல் விவசாயிகளுக்கு திறன் மேம்பாட்டு பயிற்சி DIN DIN Friday, August 17, 2018 01:29 AM +0530 கொடைக்கானல் அருகேயுள்ள பூண்டியில் வியாழக்கிழமை விவசாயிகளுக்கு திறன் மேம்பாட்டு பயிற்சி நடைபெற்றது.
இந்த பயிற்சிக்கு தோட்டக்கலை ஆராய்ச்சி நிலையத் தலைவர்  சரஸ்வதி தலைமை வகித்தார். நிகழ்ச்சியில் உதவி பேராசிரியர் தங்கமணி காய்கறி பயிர்களில் மதிப்பு கூடுதல் மற்றும் முறையாக பதப்படுத்துதல் பற்றி விளக்கினார்.  முன்னதாக பயிற்சிக்கு  வந்திருந்தவர்களை அட்மா திட்ட மேலாளர் கார்த்திக் வரவேற்றார். உதவி தொழில் நுட்ப மேலாளர் மாதவன் ராஜா நன்றி கூறினார். இப்பயிற்சியில் கொடைக்கானல், பூண்டி, மன்னவனூர், கூக்கால், குண்டுபட்டி உள்ளிட்ட பல்வேறு பகுதிகளைச் சேர்ந்த 100-க்கும் மேற்பட்ட விவசாயிகள் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/aug/17/விவசாயிகளுக்கு-திறன்-மேம்பாட்டு-பயிற்சி-2981874.html
2981872 மதுரை திண்டுக்கல் கொலை வழக்கு: அண்ணன் தம்பி உள்பட4 பேர் குண்டர் தடுப்புச் சட்டத்தில் கைது DIN DIN Friday, August 17, 2018 01:28 AM +0530 திண்டுக்கல் இளைஞரை கொலை செய்த வழக்கில் கைதான அண்ணன், தம்பி உள்ளிட்ட 4 பேரை குண்டர் தடுப்புச் சட்டத்தின் கீழ் சிறையில் அடைக்க மாவட்ட ஆட்சியர் டி.ஜி.வினய் வியாழக்கிழமை உத்தரவிட்டுள்ளார்.
 திண்டுக்கல் ஆர்வி நகரைச் சேர்ந்த குமரேசன் கடந்த ஜூன் 18ஆம் தேதி வெட்டிக் கொலை செய்யப்பட்டார். இந்த கொலை வழக்கு தொடர்பாக, திண்டுக்கல் நாரணயம்பிள்ளை தோட்டம் பகுதியைச் சேர்ந்த சௌ.ஆசிக் முகமது என்ற அல் ஆசிக்(24), க.முகமது ஷேக் அப்துல்லா(22), குடைப்பாறைப்பட்டியைச் சேர்ந்த பா.அசோக்குமார்(24), இவரது தம்பி பா.சந்திரசேகர்(22) ஆகியோரை போலீஸார் கைது செய்தனர்.  
கைதான 4 பேர் மீதும் ஏற்கனவே பல்வேறு குற்ற வழக்குகள் நிலையில் இருந்துவரும் நிலையில், 4 பேரையும் குண்டர் தடுப்புச் சட்டத்தின் கீழ் சிறையில் அடைக்க மாவட்ட காவல் கண்காணிப்பாளர் இரா.சக்திவேல் பரிந்துரை செய்துள்ளார். அதனை ஏற்று, மாவட்ட ஆட்சியர் டி.ஜி.வினய், அதற்கான உத்தரவை வியாழக்கிழமை பிறப்பித்துள்ளார். 

]]>
http://www.dinamani.com/all-editions/edition-madurai/dindigul/2018/aug/17/கொலை-வழக்கு-அண்ணன்-தம்பி-உள்பட4-பேர்-குண்டர்-தடுப்புச்-சட்டத்தில்-கைது-2981872.html
2981871 மதுரை திண்டுக்கல் பாலசமுத்திரத்தில் கழிவுநீர்க் கால்வாய் அமைக்க பொதுமக்கள் கோரிக்கை DIN DIN Friday, August 17, 2018 01:28 AM +0530 பழனியை அடுத்த பாலசமுத்திரத்தில்  சாலைகளில் கழிவுநீர் குளம் போல தேங்கி சுகாதாரக்கேட்டை ஏற்படுத்தி வருகிறது.
 பழனியை அடுத்த பாலசமுத்திரம்  பேரூராட்சியில்  ஐநூறுக்கும் மேற்பட்ட குடும்பத்தினர் வசித்து வருகின்றனர். இங்கு சாலைகள் முற்றிலும் சேதமடைந்துள்ளன. பாலசமுத்திரம் வழியாகத்தான் பழனி சந்தைக்கு வேண்டிய காய்கறிகள், மீன்கள் உள்ளிட்டவை கொண்டு செல்லப்படுகிறது.  
இந்நிலையில் இங்கு கழிவுநீர் கால்வாய் அமைக்கப்படாததால், சாலையில் கழிவு நீர் குளம்போல தேங்கி நிற்கிறது.  இதனால் இப்பகுதி முழுக்க துர்நாற்றம் வீசுவதோடு, நோய் பரவும் அபாயம் ஏற்பட்டுள்ளது.  இங்கு  பேரூராட்சி நிர்வாகம் சாலைகளை சீரமைத்து, கழிவு நீர் கால்வாய் அமைக்க வேண்டும் என 
பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/dindigul/2018/aug/17/பாலசமுத்திரத்தில்-கழிவுநீர்க்-கால்வாய்-அமைக்க-பொதுமக்கள்-கோரிக்கை-2981871.html
2981870 மதுரை திண்டுக்கல் ஒ‌ட்ட‌ன்​ச‌த்​தி​ர‌ம் அருகே ஊரா‌ட்சி அலு​வ​ல​க‌ம் மு‌ற்​றுகை DIN DIN Friday, August 17, 2018 01:27 AM +0530 குடி​நீ‌ர் பிர‌ச்​னைக்கு தீ‌ர்வு காண வலி​யு​று‌த்தி,  ஒ‌ட்ட‌ன்​ச‌த்​தி​ர‌ம் அடு‌த்​து‌ள்ள சி‌ன்​ன‌‌க்​கா‌ம்​ப‌ட்டி ஊரா‌ட்சி அலு​வ​ல​க‌த்தை அ‌ப்​ப​குதி பொது​ம‌க்​க‌ள் வியா​ழ‌க்​கி​ழமை மு‌ற்​று​கை​யி‌ட்​ட​ன‌‌ர்.
  ஒ‌ட்ட‌ன்​ச‌த்​தி​ர‌த்தை அடு‌த்​து‌ள்ள சி‌ன்​ன‌‌க்​கா‌ம்​ப‌ட்டி ஊரா‌ட்​சி​யி‌ல் வசி‌க்​கு‌ம் பொது​ம‌க்​க​ளு‌க்கு கட‌ந்த சில மாத‌ங்​க​ளாக சரி​வர குடி​நீ‌ர் விநி​யோ​க‌ம் செ‌ய்​ய‌ப்​ப​ட​வி‌ல்​லை​யா‌ம். இத​னா‌ல் புதி​தாக ஆ‌ழ்​கு​ழா‌ய் அமைத்து குடி​நீ‌ர் பிர‌ச்​னையை தீ‌ர்‌க்க வே‌ண்​டு‌ம் எ‌ன்று அரசு அதி​கா​ரி​க​ளி​ட‌ம் பொது​ம‌க்​க‌ள் கோரி‌க்கை விடு‌த்​த​ன‌‌ர். ஆனா‌ல்,  இதை அரசு அதி​கா​ரி​க‌ள் க‌ண்டு கொ‌ள்​ள​வி‌ல்​லை​யா‌ம்.
இ‌ந்​நி​லை​யி‌ல்,  வியா​ழ‌க்​கி​ழமை அ‌ப்​ப​கு​தி​யைச் சே‌ர்‌ந்த சுமா‌ர் 100-‌க்கு‌ம் மே‌ற்​ப‌ட்ட பொது​ம‌க்​க‌ள் காலி‌க் குட‌ங்​க​ளு​ட‌ன் ஊரா‌ட்சி அலு​வ​ல​க‌த்தை மு‌ற்​று​கை​யி‌ட்​ட​ன‌‌ர். 
தக​வ​ல​றி‌ந்த இடையகோட்டை போ​லீ​ஸா‌ர், ஒ‌ட்ட‌ன்​ச‌த்​தி​ர‌ம் வ‌ட்டார வள‌ர்‌ச்சி அலு​வ​ல‌ர் ஜாகீ‌ர் உசேன் ச‌ம்​பவ இட‌த்​தி‌ற்கு செ‌ன்று பொது​ம‌க்​க​ளி​ட‌ம் பே‌ச்​சு​வா‌ர்‌த்தை நட‌த்​தி​ன‌‌ர்.
புதி​தாக ஆ‌ழ்​கு​ழா‌ய் அமைத்து விரை​வி‌ல் குடி​நீ‌ர் பிர‌ச்​னையை தீ‌ர்‌ப்​ப​தாக அவ‌ர்​க‌ள் உறு​தி​ய​ளி‌த்​த​தி‌ன் பேரி‌ல் மு‌ற்​று​கைப் போரா‌ட்​ட‌த்தை பொது​ம‌க்​க‌ள் கை​வி‌ட்​ட​ன‌‌ர்.
 

]]>
http://www.dinamani.com/all-editions/edition-madurai/dindigul/2018/aug/17/ஒ‌ட்ட‌ன்​ச‌த்​தி​ர‌ம்-அருகே-ஊரா‌ட்சி-அலு​வ​ல​க‌ம்-மு‌ற்​றுகை-2981870.html
2981868 மதுரை திண்டுக்கல் வைகை ஆ‌ற்று கரையோர ம‌க்​க​ளு‌க்கு வெ‌ள்ள அபாய எ‌ச்​ச​ரி‌க்கை DIN DIN Friday, August 17, 2018 01:27 AM +0530 வைகை அணை  நிர‌ம்பி வரு‌ம் நிலை​யி‌ல், கரையோ​ர‌ங்​க​ளி‌ல் வசி‌க்​கு‌ம் ம‌க்​க‌ள் எ‌ச்​ச​ரி‌க்​கை​யு​ட‌ன் இரு‌க்க வே‌ண்​டு‌ம் என‌ தி‌ண்​டு‌க்​க‌ல் மாவ‌ட்ட ஆ‌ட்சி​ய‌ர் வின‌‌ய் தெரி​வி‌த்​து‌ள்​ளா‌ர்.
இது​தொ​ட‌ர்​பாக ஆ‌ட்சி​ய‌ர் வின‌‌ய் வெளி​யி‌ட்​டு‌ள்ள செ‌ய்​தி‌க்​கு​றி‌ப்பு: 
தெ‌ன் மே‌ற்கு பருவ மழை தீவி​ர​ம​டைந்​து‌ள்ள நிலை​யி‌ல், தேனி மாவ‌ட்​ட‌த்​தி‌ல் அமைந்​து‌ள்ள வைகை அணைக்கு நீ‌ர் வர‌த்து தொட‌ர்‌ந்து அதி​க​ரி‌த்​து‌ள்​ளது. எ‌ந்​நே​ர‌த்​தி​லு‌ம் வைகை​யா‌ற்​றி‌ல் த‌ண்​ணீ‌ர் திற‌‌ந்து விட‌ப்​ப​டு‌ம் என‌ பொது‌ப்​ப​ணி‌த்​துறை‌ சா‌ர்​பி‌ல் தெரி​வி‌க்​க‌ப்​ப‌ட்​டு‌ள்​ளது. 
என‌வே, தி‌ண்​டு‌க்​க‌ல் மாவ‌ட்​ட‌ம் நில‌க்​கோ‌ட்டை வ‌ட்ட‌த்​தி‌ல் வைகை​யா‌ற்​றி‌ன் கரையோ​ர‌ங்​க​ளி‌ல் அமைந்​து‌ள்ள சிவ​ஞா​ன‌​பு​ர‌ம், கூ‌ட்டா‌த்து அ‌ய்​ய‌ம்​பா​ளை​ய‌ம், போடி​ய​க​வு‌ண்​ட‌ன்​ப‌ட்டி, நட​கோ‌ட்டை, லெ‌ட்சு​மி​பு​ர‌ம், எ‌ஸ்.​வா​டி‌ப்​ப‌ட்டி, சி‌த்​த‌ர்​க‌ள் ந‌த்​த‌ம், அணைப்​ப‌ட்டி, விளா‌ம்​ப‌ட்டி உ‌ள்​ளி‌ட்ட கிரா​ம‌ங்​க​ளி‌ல் வெ‌ள்​ள‌ப் பெரு‌க்கு ஏ‌ற்​பட வா‌ய்‌ப்​பு‌ள்​ளது. 
அத​னா‌ல், பொது​ம‌க்​க‌ள் ஆ‌ற்​றி‌ல் இற‌‌ங்​கவோ, குளி‌க்​கவோ, கா‌ல்​ந​டை​களை குளி‌ப்​பா‌ட்​டவோ, குறி‌ப்​பாக த‌ன்​ப​ட‌ம் எடு‌க்​கு‌ம் முய‌ற்​சி​யிலோ ஈடு​ப​ட‌க் கூடாது.  இது​தொ​ட‌ர்​பான‌ அவ​சர உத​வி​க​ளு‌க்கு மாவ‌ட்ட பேரி​ட‌ர் மேலா‌ண்மை பிரிவு க‌ட்டு‌ப்​பா‌ட்டு எ‌ண் 0451-1077 ம‌ற்​று‌ம் நில‌க்​கோ‌ட்டை வ‌ட்டா‌ட்​சி​ய‌ர் அலு​வ​லக தொலைபேசி எ‌ண் 04543-233631ஆகிய எ‌ண்​க​ளி‌ல் தொட‌ர்பு கொ‌ள்​ள​லா‌ம் என‌ தெ​ரி​வி‌த்​து‌ள்​ளா‌ர்.

]]>
http://www.dinamani.com/all-editions/edition-madurai/dindigul/2018/aug/17/வைகை-ஆ‌ற்று-கரையோர-ம‌க்​க​ளு‌க்கு-வெ‌ள்ள-அபாய-எ‌ச்​ச​ரி‌க்கை-2981868.html
2981866 மதுரை திண்டுக்கல் கொடைக்​கா​ன‌​லி‌ல் பல‌த்த கா‌ற்​று​ட‌ன் சார‌ல் மழை: சு‌ற்​று​லா‌ப் பய​ணி​க‌ள் ஏமா‌ற்​ற‌‌ம் DIN DIN Friday, August 17, 2018 01:27 AM +0530 கொடைக்​கா​ன‌​லி‌ல் வியா​ழ‌க்​கி​ழமை பல‌த்த கா‌ற்​று​ட‌ன் சார‌ல் மழை பெ‌ய்​த​தா‌ல்  சு‌ற்​றுலா இட‌ங்​க​ளைப் பா‌ர்‌க்க முடி​யா​ம‌ல் பய​ணி​க‌ள் ஏமா‌ற்​ற‌​ம​டைந்​த​ன‌‌ர்.
கொடைக்​கா​ன‌​லி‌ல் த‌ற்​போது இர‌ண்​டா‌ம் க‌ட்ட சீச‌ன் கால​மா​கு‌ம். இ‌ந்த கால‌ங்​க​ளி‌ல் சு‌ற்​று​லா‌ப் பய​ணி​க‌ள் வருகை அதி​க‌ம் இரு‌க்​கு‌ம்.  ஆனா‌ல் கட‌ந்த சில தின‌‌ங்​க​ளாக கொடைக்​கா​ன‌​லி‌ல் பல‌த்த கா‌ற்​று​ட‌ன், லேசான‌ மழை​யு‌ம் பெ‌ய்து வரு​வ​தா‌ல் இய‌ல்பு வா‌ழ்‌க்கை பாதி‌க்​க‌ப்​ப‌ட்​டு‌ள்​ளது.
இ‌ந்​நி​லை​யி‌ல், கொடைக்​கா​ன‌​லி‌ல் வியா​ழ‌க்​கி​ழமை கணி​ச​மான‌ அளவு சு‌ற்​று​லா‌ப் பய​ணி​க‌ள் வருகை இரு‌ந்​தது. ஆனா‌ல், கா‌ற்று மழை கார​ண​மாக பசு​மைப் ப‌ள்​ள‌த்​தா‌க்கு, குணா குகை ஆகி​ய‌ப் பகு​தி​க​ளி‌ல் கடை​க‌ள் அடைக்​க‌ப்​ப‌ட்​டி​ரு‌ந்​த​தா‌ல், சாலை​க‌ள் வெறி‌ச்​சோ​டி‌க் காண‌ப்​ப‌ட்​டன‌. 
அதி​காலை முதலே பல‌த்த கா‌ற்றி வீசி​ய​தா‌ல் ஏரி‌ச்​சா​லைப் பகுதி, குணா குகை சாலை,  மியூ​சி​ய‌ம் சாலை ஆகி​ய‌ப் பகு​தி​க​ளி‌ல் மர‌க் கிளைக‌ள் முறி‌ந்து விழு‌ந்​தன‌. இவ‌ற்றை‌ அ‌ப் பகு​தியைச் சே‌ர்‌ந்தவ‌ர்களே அக‌ற்​றி​ன‌‌ர்.
மேலு‌ம் கொடைக்​கா​ன‌‌ல் படகு குழா‌ம்​க​ளி‌ல் படகு சேவை ர‌த்து செ‌ய்​ய‌ப்​ப‌ட்​ட​தா​லு‌ம் சு‌ற்​றுலா இட‌ங்​க​ளைப் பா‌ர்‌க்க முடி​யா​ம​லு‌ம் சு‌ற்​று​லா‌ப் பய​ணி​க‌ள் ஏமா‌ற்​ற‌​ம​டைந்​த​ன‌‌ர். 
தொட‌ர்‌ந்து வீசி வரு‌ம் கா‌ற்றிலு‌ம் மித​மான‌ மழை​யா​லு‌ம் வழ‌க்​க‌த்​தை​விட அதி​க​மாக குளி‌ர் நில​வு​கி​ற‌து.  எனி​னு‌ம் கொடைக்​கா​ன‌‌ல் பகு​தி​க​ளி‌ல் உ‌ள்ள அனைத்து ப‌ள்​ளி​க​ளு‌ம் வழ‌க்​க‌ம்​போல இய‌ங்​கின‌.
 

]]>
http://www.dinamani.com/all-editions/edition-madurai/dindigul/2018/aug/17/கொடைக்​கா​ன‌​லி‌ல்-பல‌த்த-கா‌ற்​று​ட‌ன்-சார‌ல்-மழை-சு‌ற்​று​லா‌ப்-பய​ணி​க‌ள்-ஏமா‌ற்​ற‌‌ம்-2981866.html
2981616 மதுரை திண்டுக்கல் திண்டுக்கல்லில் வீட்டின் பூட்டை உடைத்து 70 பவுன் நகைகள்,  ரூ.10 லட்சம் திருட்டு DIN DIN Thursday, August 16, 2018 08:29 AM +0530 திண்டுக்கல்லில் செவ்வாய்க்கிழமை இரவு வீட்டின் பூட்டை உடைத்து உள்ளே புகுந்த மர்ம நபர்கள்,  70 பவுன் நகைகள், ரூ. 10 லட்சம் ரொக்கம் ஆகியவற்றை திருடிச் சென்றனர்.
 திண்டுக்கல் கோவிந்தராஜ் நகரைச் சேர்ந்தவர் அருளானந்தம். ரியல் எஸ்டேட் தொழில் செய்து வருகிறார். 
 இவரது மகன் விக்டர் ஜோசப்,  மருமகள் ஜூலி வினிதா ஆகியோருடன், கோவிந்தராஜ் நகரில் உள்ள வீட்டில் வசித்து வருகிறார். ஜூலி வினிதா, அரசு உதவி பெறும் பள்ளியில் ஆசிரியையாக பணிபுரிந்து வருகிறார்.
  இந்நிலையில், விக்டர் ஜோசப், ஜூலி வினிதா மற்றும் குடும்பத்தினருடன், நிலக்கோட்டை அடுத்துள்ள சிலுக்குவார்பட்டி பகுதியிலுள்ள புனித சந்தியாகப்பர் ஆலய திருவிழாவுக்கு செவ்வாய்க்கிழமை சென்றுள்ளனர். 
இதனிடையே தொழில் ரீதியாக வெளியிடங்களுக்கு சென்ற அருளானந்தம் இரவு 10 மணிக்கு வீட்டுக்கு திரும்பி வந்தார். அப்போது, வீட்டின் சாவி விக்டர் ஜோசப்பிடம் இருப்பதை அறிந்து, அதனை பெறுவதற்காக சென்றுள்ளார். பின்னர், சாவியை பெற்றுக்கொண்டு நள்ளிரவு 1 மணிக்கு வீட்டுக்கு திரும்பி வந்தார். அப்போது,  வீடு திறந்து கிடப்பதை பார்த்து அதிர்ச்சி அடைந்தார். வீட்டினுள் சென்று பார்த்தபோது பீரோவில் வைக்கப்பட்டிருந்த 70 பவுன் நகைகள் மற்றும்  ரூ.10 லட்சம் ரொக்கம் திருடு போயிருப்பது தெரியவந்தது.
 இதையடுத்து, திண்டுக்கல் தாலுகா காவல் நிலையத்தில் அருளானந்தம் புகார் அளித்தார். போலீஸார் வழக்குப் பதிவு செய்து விசாரித்து வருகின்றனர். இரவு 10 முதல் நள்ளிரவு 1 மணிக்குள் நிகழ்ந்த இந்த திருட்டு சம்பவம், அப்பகுதியில் பெரும் பரபரப்பை ஏற்படுத்தியுள்ளது.
 

]]>
http://www.dinamani.com/all-editions/edition-madurai/dindigul/2018/aug/16/திண்டுக்கல்லில்-வீட்டின்-பூட்டை-உடைத்து-70-பவுன்-நகைகள்--ரூ10-லட்சம்-திருட்டு-2981616.html
2981503 மதுரை திண்டுக்கல் திண்டுக்கல் பகுதியில் ஆகஸ்ட் 17 மின்தடை DIN DIN Thursday, August 16, 2018 07:20 AM +0530 திண்டுக்கல் அடுத்துள்ள பொன்னகரம் துணை மின்நிலையத்தில் மாதாந்திர பராமரிப்புப் பணிகள் காரணமாக வெள்ளிக்கிழமை மின் விநியோகம் இருக்காது என அறிவிக்கப்பட்டுள்ளது.
அதன்படி, பொன்னகரம், நல்லாம்பட்டி, வாழக்காய்பட்டி, சிறுமலை அடிவாரம், நரசிங்கபுரம், தோமையார்புரம், மேட்டுப்பட்டி, தொழிற்பேட்டை, என்.ஜி.ஓ.காலனி, பாலகிருஷ்ணாபுரம், தோட்டனூத்து, ஆர்.எம்.டி.சி.காலனி, அடியனூத்து, நல்லமநாயக்கன்பட்டி, உத்தனம்பட்டி, காப்பிளியப்பட்டி, நாகல்புதூர், பாரதிபுரம், ரயில் நிலையம் ஆகிய பகுதிகளில் வெள்ளிக்கிழமை காலை 9 மணி முதல் மாலை 5 மணி வரை மின் விநியோகம் இருக்காது. இத்தகவலை உதவி செயற்பொறியாளர் எஸ்.ராமன் தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/aug/16/திண்டுக்கல்-பகுதியில்-ஆகஸ்ட்-17-மின்தடை-2981503.html
2981502 மதுரை திண்டுக்கல் மார்க்சிஸ்ட் கட்சியினர் மனிதச்சங்கிலிப் போராட்டம் DIN DIN Thursday, August 16, 2018 07:20 AM +0530 பெண்கள், குழந்தைகள் மீதான பாலியல் வன்கொடுமைகளை கண்டித்து பழனியில் மார்க்சிஸ்ட் கம்யூனிஸ்ட் கட்சியினர் புதன்கிழமை மனிதச்சங்கிலி போராட்டம் நடத்தினர்.
பழனியில் பேருந்து நிலையம் முன் நடைபெற்ற இப்போராட்டத்துக்கு கட்சியின் நகர செயலாளர் கந்தசாமி தலைமை வகித்தார். மாவட்ட செயலாளர் பாண்டி, சிஐடியூ மனோகரன், ஒன்றிய நிர்வாகிகள் அருள்செல்வன், கமலக்கண்ணன் உள்ளிட்ட பலர் கலந்து கொண்டனர். 
இதில், குழந்தைகள் மற்றும் பெண்கள் மீதான பாலியல் வன்கொடுமைகளை தடுக்கத் தவறிய மத்திய அரசை கண்டித்தும், குற்றவாளிகள் மீது உரிய நடவடிக்கை எடுக்கக் கோரியும் முழக்கங்கள் எழுப்பப்பட்டன. இப்போராட்டத்தில் சுமார் 70 பேர் கலந்து கொண்டனர்.


 

]]>
http://www.dinamani.com/all-editions/edition-madurai/dindigul/2018/aug/16/மார்க்சிஸ்ட்-கட்சியினர்-மனிதச்சங்கிலிப்-போராட்டம்-2981502.html
2981501 மதுரை திண்டுக்கல் பழனி அருகே 10 அடி நீள மலைப்பாம்பு பிடிபட்டது DIN DIN Thursday, August 16, 2018 07:19 AM +0530 பழனியை அடுத்த கொடைக்கானல் சாலையில் புதன்கிழமை தனியார் தோட்டத்தின் மோட்டார் அறையில் பதுங்கியிருந்த மலைப்பாம்பை தீயணைப்புத்துறையினர் பிடித்து வனத்துறை வசம் ஒப்படைத்தனர்.
 பழனியை அடுத்த கொடைக்கானல் சாலையில் தேக்கன்தோட்டம் பகுதியில் உள்ள தனியார் தோட்டம் ஒன்றில்  மோட்டார் அறையில் மலைப்பாம்பு இருந்துள்ளது. இதனைப் பார்த்த தோட்ட உரிமையாளர், பழனி தீயணைப்பு மற்றும் மீட்புப் படையினருக்கு தகவல் தெரிவித்தார்.
அதன்பேரில், சம்பவ இடத்துக்கு வந்த தீயணைப்புப்படை வீரர்கள் மலைப் பாம்பை லாவகமாக பிடித்தனர். பிடிபட்ட பாம்பு, சுமார் பத்து அடி நீளமும், இருபத்தைந்து கிலோ எடையும் இருந்தது. பின்னர், அதனை வனத்துறையினரிடம் ஒப்படைத்து, அவர்கள் மூலம் ஜீரோ பாயிண்ட் வனப்பகுதியில் கொண்டுசென்று விட்டனர்.
 

]]>
http://www.dinamani.com/all-editions/edition-madurai/dindigul/2018/aug/16/பழனி-அருகே-10-அடி-நீள-மலைப்பாம்பு-பிடிபட்டது-2981501.html
2981500 மதுரை திண்டுக்கல் அரசுப் போக்குவரத்துக் கழகத்தில் சிறப்பாக பணிபுரிந்த 29 பேருக்கு பரிசு DIN DIN Thursday, August 16, 2018 07:19 AM +0530 திண்டுக்கல் அரசுப் போக்குவரத்துக் கழகத்தில் சிறப்பாக பணிபுரிந்த ஓட்டுநர், நடத்துநர் உள்ளிட்ட 29 பேருக்கு, புதன்கிழமை பரிசு, பாராட்டுச் சான்றிதழ் வழங்கப்பட்டது.
சுதந்திர தினத்தை முன்னிட்டு,  தமிழ்நாடு அரசு போக்குவரத்துக் கழகத்தின், திண்டுக்கல் மண்டல தலைமை அலுவலகத்தில் நடைபெற்ற நிகழ்ச்சியில் மண்டல பொது மேலாளர் சி.ராஜேஸ்வரன் தேசிய கொடி ஏற்றி வைத்தார்.
விழாவில், 10 மற்றும் 12ஆம் வகுப்பில் சிறப்பிடம் பெற்ற பணியாளர்களின் குழந்தைகள், பி.கே.சக்திவேல் தங்கபாண்டியன், ஏ.அபர்ணா, யு.ஹரிஸ்பாண்டி மற்றும் கே.மோகனபிரசாத், எஸ்.எம்.புவனேஸ், வி.சினேகா ஆகியோருக்கு பரிசு மற்றும் பாராட்டுச் சான்றிதழ் வழங்கப்பட்டது.
அதைத்தொடர்ந்து, பேருந்து இயக்கத்தின்போது டீசலை சிக்கனமாகப் பயன்படுத்திய திண்டுக்கல் மண்டலத்தைச் சேர்ந்த 12 ஓட்டுநர்கள், அதிக வருவாய் ஈட்டிய 12 நடத்துநர்கள், தொழில்நுட்ப பணியாளர், அலுவலக மேற்பார்வையாளர் உள்ளிட்ட 29 பேருக்கு பரிசு மற்றும் பாராட்டுச் சான்றிதழ் வழங்கப்பட்டது. மேலும், 12 ஓட்டுநர்கள், 34 நடத்துநர்களுக்கு பணி நிரந்தத்துக்கான ஆணையும் வழங்கப்பட்டது.
இந்நிகழ்ச்சியில் துணை மேலாளர்கள் கோபாலகிருஷ்ணன், பாண்டியன் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-madurai/dindigul/2018/aug/16/அரசுப்-போக்குவரத்துக்-கழகத்தில்-சிறப்பாக-பணிபுரிந்த-29-பேருக்கு-பரிசு-2981500.html
2981499 மதுரை திண்டுக்கல் நீர்நிலைகளை பாதுகாக்க பொதுமக்கள் ஒத்துழைக்க வேண்டும்: கிராம சபைக் கூட்டத்தில் ஆட்சியர் வேண்டுகோள் DIN DIN Thursday, August 16, 2018 07:19 AM +0530 நீர்நிலைகளை பாதுகாக்கும் முயற்சிக்கு பொதுமக்கள் முழுமையாக ஒத்துழைக்க வேண்டுமென கிராம சபைக் கூட்டத்தில் திண்டுக்கல் மாவட்ட ஆட்சியர் டி.ஜி.வினய் வேண்டுகோள் விடுத்தார்.
 72ஆவது சுதந்திர தினத்தை முன்னிட்டு, திண்டுக்கல் மாவட்டம் ரெட்டியார்சத்திரம் அடுத்துள்ள நீலமலைக்கோட்டை கிராமத்தில் சிறப்பு கிராம சபைக் கூட்டம் புதன்கிழமை நடைபெற்றது. 
அதில், மாவட்ட ஆட்சியர் டி.ஜி.வினய் சிறப்புப் பார்வையாளராக கலந்து கொண்டார். அப்போது அவர் பேசியதாவது:
எதிர்கால சந்ததியினரின் நலனை கருத்தில் கொண்டு, நிலத்தடி நீர்மட்டத்தை உயர்த்துவதற்கென மாவட்ட நிர்வாகத்தினால் துரிதமாக பல்வேறு நடவடிக்கை மேற்கொள்ளப்பட்டு வருகிறது. குடிநீரின் முக்கியத்துவத்தினை உணர்ந்து, பொதுமக்கள் சிக்கனமாக பயன்படுத்த வேண்டும். நீர்நிலைகளை பாதுகாப்பதற்கு மாவட்ட நிர்வாகம் மேற்கொள்ளும் முயற்சிகளுக்கு பொதுமக்கள் முழுமையாக ஒத்துழைக்க வேண்டும் என்றார். 
இக்கூட்டத்தில் தூய்மை தமிழகம் குறித்த உறுதிமொழியினை மாவட்ட ஆட்சியர் தலைமையில் பொதுமக்கள் மற்றும் அரசு அலுவலர்கள் ஏற்றுக்கொண்டனர்.
 இக்கூட்டத்தில் மாவட்ட ஊரக வளர்ச்சி முகமை திட்ட இயக்குநர் கவிதா, கோட்டாட்சியர் ரா.ஜீவா, உதவி இயக்குநர் (ஊராட்சிகள்) கருப்பையா, வட்டார வளர்ச்சி அலுவலர் சுப்பிரமணி உள்ளிட்ட பலர் கலந்து கொண்டனர்.
ஆண்டிபட்டியில்: தேனி மாவட்டம், ஆண்டிபட்டி வட்டம், மரிக்குண்டு ஊராட்சியில் சுதந்திர தின விழாவையொட்டி, சிறப்பு கிராம சபை கூட்டம் ஊராட்சி ஒன்றிய ஆணையாளர் முத்துப்பாண்டி தலைமையில் நடைபெற்றது. பெரியகுளம் கோட்டாட்சியர் ஜெயப்ரிதா, திட்ட இயக்குநர் (பொறுப்பு) பவிதா ஆகியோர் முன்னிலை வகித்தனர். 
ஊராட்சி உதவி இயக்குனர் ஹனிபா வரவேற்றார். ஊராட்சி செயலர் பிச்சை மணி வரவு, செலவினங்கள் மற்றும் ஊராட்சியில் மேற்கொள்ளப்பட்ட பணிகள் குறித்து வாசித்தார். சிறப்பு விருந்தினராக மாவட்ட ஆட்சியர் பல்லவி பல்தேவ் கலந்து பேசினார்.
 இதில் முழு சுகாதார தமிழகம், முன்னோடி தமிழகம் என்ற உறுதி மொழியினை ஆட்சியர் வாசிக்க, கிராம உறுதி மொழி எடுத்துக் கொண்டனர். தனி நபர் இல்ல கழிப்பறை கட்டியவர்களை ஊக்கப்படுத்தும் வகையில் , அவர்களுக்கு பரிசுகள் வழங்கப்பட்டன. மேலும் பிளாஸ்டிக் பொருள்களை தவிர்க்க, கிராமத்தினருக்கு துணிப்பைகளை ஆட்சியர் வழங்கினார்.
 இக்கூட்டத்தில் வட்டாட்சியர்கள் அர்ஜுனன், இளங்கோ, வட்டார மருத்துவர் இளங்கோ, வட்டார வளர்ச்சி அலுவலர் எபி உள்பட பலர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/aug/16/நீர்நிலைகளை-பாதுகாக்க-பொதுமக்கள்-ஒத்துழைக்க-வேண்டும்-கிராம-சபைக்-கூட்டத்தில்-ஆட்சியர்-வேண்டுகோள்-2981499.html
2981498 மதுரை திண்டுக்கல் பழனி அருகே கிராமசபைக் கூட்டம் நடத்த பொதுமக்கள் எதிர்ப்பு DIN DIN Thursday, August 16, 2018 07:19 AM +0530 பழனி அருகே உள்ள வடக்கு தாதநாயக்கன்பட்டியில் அடிப்படை தேவைகளை பூர்த்தி செய்யாமல் கிராமசபைக் கூட்டம் நடத்தக் கூடாது என பொதுமக்கள் எதிர்ப்பு தெரிவித்ததால் புதன்கிழமை பரபரப்பு ஏற்பட்டது.
வடக்கு தாதநாயக்கன்பட்டி ஊராட்சியில் சுதந்திர தினத்தையொட்டி, புதன்கிழமை கிராம சபை கூட்டம் நடைபெறும் என அறிவிக்கப்பட்டிருந்தது. ஆனால், இக்கூட்டம் நடத்துவதற்கு கிராம மக்கள் எதிர்ப்பு தெரிவித்து ஊராட்சி அலுவலகத்தை திடீரென முற்றுகையிட்டு போராட்டத்தில் ஈடுபட்டனர்.
அப்போது, அப்பகுதியைச் சேர்ந்த மணி என்பவர் தெரிவித்ததாவது:
வடக்கு தாதநாயக்கன்பட்டி ஊராட்சியில் பல மாதங்களாக எவ்வித அடிப்படை வசதிகளும் செய்து தரப்படவில்லை. குடிநீர்,தெருவிளக்கு, கழிவுநீர் வடிகால் என எந்த அடிப்படை தேவையும் பூர்த்தி செய்யப்படவில்லை. 
இதனால், கிராம மக்கள் கடுமையாக பாதிக்கப்பட்டுள்ளோம்.
 இதுதொடர்பாக ஊராட்சி நிர்வாக அதிகாரிகளிடம் பலமுறை புகார் அளித்தும் எவ்வித நடவடிக்கையும் எடுக்கவில்லை. மேலும், ஊராட்சி அலுவலகத்தில் நிரந்தர அலுவலக பணியாளர் இல்லாததால், வேறு ஊராட்சியில் பணிபுரிபவர்களையே இங்கு பொறுப்பு அலுவலராக நியமிக்கின்றனர். 
எந்த ஒரு முக்கிய அடிப்படை தேவையையும் பல மாதங்களாக நிறைவேற்றப்படாத ஊராட்சியில் கிராம சபைக் கூட்டம் எதற்கு நடத்த வேண்டும் என எதிர்ப்புத் தெரிவித்து போராட்டத்தில் ஈடுபட்டுள்ளோம் என்றார்.
கிராமத்தில் அடிப்படை வசதியை நிறைவேற்றிய பின்னரே கிராம சபைக் கூட்டம் நடத்த வேண்டும் என்றும், எங்களது தேவைகளை பூர்த்தி செய்யாவிட்டால் விரைவில் பழனி ஊராட்சி ஒன்றிய அலுவலகத்தை முற்றுகையிட்டு போராட்டத்தில் ஈடுபடுவோம் என்றும் கிராம மக்கள் தெரிவித்தனர். இதனால், அப்பகுதியில் பரபரப்பு ஏற்பட்டது.
 

]]>
http://www.dinamani.com/all-editions/edition-madurai/dindigul/2018/aug/16/பழனி-அருகே-கிராமசபைக்-கூட்டம்-நடத்த-பொதுமக்கள்-எதிர்ப்பு-2981498.html
2981497 மதுரை திண்டுக்கல் பழனியில் பாஜக நிர்வாகிகள் ஆலோசனைக் கூட்டம் DIN DIN Thursday, August 16, 2018 07:18 AM +0530 பழனியில் பாஜக சட்டப்பேரவை தொகுதி நிர்வாகிகள் ஆலோசனைக் கூட்டம் புதன்கிழமை நடைபெற்றது.
 பழனி இடும்பன் இட்டேரி சாலையில் உள்ள கட்சி அலுவலகத்தில் நடைபெற்ற இக்கூட்டத்துக்கு மாவட்ட தலைவர் பழனிச்சாமி தலைமை வகித்தார். மாவட்ட பொதுச்செயலாளர் கனகராஜ் முன்னிலை வகித்தார்.  தேசிய விவசாய அணி செயற்குழு உறுப்பினர் திருமலைசாமி வாழ்த்திப் பேசினார். 
 இதில் மாநில செயலாளர் நந்தகுமார், மாநில மகளிரணி செயலாளர் கார்த்திகேயனி உள்ளிட்டோர் சிறப்புரையாற்றினர். 
இக்கூட்டத்தில், அடுத்த ஆண்டு நடைபெறவுள்ள பாராளுமன்ற தேர்தலுக்கு கட்சி சார்பில் மேற்கொள்ள வேண்டிய நடவடிக்கைகள், பழனி சண்முகநதியை தூய்மைப்படுத்துவது உள்ளிட்டவை தொடர்பாக ஆலோசிக்கப்பட்டது. 
இதில், நகர செயலாளர் செந்தில்குமார், கார்த்தி உள்பட கட்சி நிர்வாகிகள் திரளாக கலந்து கொண்டனர்.
 

]]>
http://www.dinamani.com/all-editions/edition-madurai/dindigul/2018/aug/16/பழனியில்-பாஜக-நிர்வாகிகள்-ஆலோசனைக்-கூட்டம்-2981497.html
2981496 மதுரை திண்டுக்கல் கொடைக்கானல் குறிஞ்சி ஆண்டவர்  கோயிலில் சமபந்தி விருந்து DIN DIN Thursday, August 16, 2018 07:18 AM +0530 கொடைக்கானலில் 72-வது சுதந்திர தின விழாவை முன்னிட்டு குறிஞ்சியாண்டவர் கோயிலில் புதன்கிழமை சமபந்தி விருந்து நிகழ்ச்சி வழங்கப்பட்டது.
 முன்னதாக முருகனுக்கு சிறப்பு அலங்காரம் செய்யப்பட்டு, பூஜைகள் நடைபெற்றன. அதைத்தொடர்ந்து கோயில் வளாகத்தில் உள்ள அரங்கத்தில் பொதுமக்கள் கலந்து கொண்ட சமபந்தி விருந்து நடைபெற்றது. இந்நிகழ்ச்சியில் கொடைக்கானல் வட்டாட்சியர் ரமேஷ் உள்ளிட்ட பலர் கலந்து கொண்டனர்.
 கிராம சபைக் கூட்டம்: கொடைக்கானல் கிராமப் பகுதிகளான அடுக்கம், வில்பட்டி, பண்ணைக்காடு, தாண்டிக்குடி, பூம்பாறை, வடகவுஞ்சி, மன்னவனூர் உள்ளிட்ட பல்வேறு கிராமங்களில் கிராம சபைக் கூட்டம் நடைபெற்றது.  இதில் அடிப்படை வசதிகளான சாலை, குடிநீர், வீட்டுமனைப் பட்டா, முதியோர் உதவித் தொகை உள்ளிட்ட கோரிக்கைகளை வலியுறுத்தி அந்தந்த  ஊராட்சி செயலரிடம் பொதுமக்கள் மனுக்களை அளித்தனர்.
 

]]>
http://www.dinamani.com/all-editions/edition-madurai/dindigul/2018/aug/16/கொடைக்கானல்-குறிஞ்சி-ஆண்டவர்--கோயிலில்-சமபந்தி-விருந்து-2981496.html
2981495 மதுரை திண்டுக்கல் வழக்குரைஞர் சங்க பொதுக்குழு கூட்டம் DIN DIN Thursday, August 16, 2018 07:18 AM +0530 ஒட்டன்சத்திரத்தில் வழக்குரைஞர் சங்க பொதுக்குழுக்கூட்டம் செவ்வாய்க்கிழமை நடைபெற்றது.
கூட்டத்திற்கு சங்கத்தலைவர் வி.பழனிச்சாமி தலைமை வகித்தார். செயலாளர் கே.சின்னக்கருப்பன் முன்னிலை வகித்தார். தமிழக முன்னாள் முதல்வர் மு.கருணாநிதி மறைவிற்கு  இரங்கல் தெரிவித்தும், ஒட்டன்சத்திரத்தில் உள்ள நீதிமன்றங்களில் அடிப்படை வசதிகளை ஏற்படுத்தி கொடுக்கவும், போலி வழக்குரைஞர்களை அடையாளம் கண்டு காவல்துறை நடவடிக்கை எடுக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-madurai/dindigul/2018/aug/16/வழக்குரைஞர்-சங்க-பொதுக்குழு-கூட்டம்-2981495.html
2981494 மதுரை திண்டுக்கல் டிராக்டரிலிருந்து தவறி விழுந்த சிறுமி சாவு DIN DIN Thursday, August 16, 2018 07:18 AM +0530 திண்டுக்கல் அருகே டிராக்டரிலிருந்து தவறி விழுந்த சிறுமி புதன்கிழமை உயிரிழந்தார்.
 திண்டுக்கல் மாவட்டம், வடமதுரை அடுத்துள்ள சில்வார்பட்டியைச் சேர்ந்தவர் மாரிமுத்து. இவரது மனைவி ராஜேஸ்வரி. இவர்களது மகள் ஹேமமாலினி (7). இந்நிலையில், அய்யலூர் பகுதியில் உள்ள கோயிலுக்கு செல்வதற்காக மாரிமுத்து, அவரது குடும்பத்தினர், உறவினர் நந்தினி (20) மற்றும் மற்றொரு பெண் என மொத்தம் 5 பேர் டிராக்டரில் புதன்கிழமை சென்றனர். 
 செங்குறிச்சி அடுத்துள்ள ஆலம்பட்டி அருகே சென்றபோது, திடீரென மூதாட்டி ஒருவர் குறுக்கே வந்ததாகக் கூறப்படுகிறது. அப்போது, டிராக்டர் டிப்பரில் நின்று கொண்டிருந்த சிறுமி ஹேமாமாலினி, நந்தினி ஆகிய இருவரும் தவறி கீழே விழுந்தனர். இதில் ஹேமாமாலினி சம்பவ இடத்திலேயே உயிரிழந்தார். பலத்த காயமடைந்த நந்தினி, சிகிச்சைக்காக திண்டுக்கல் அரசு மருத்துவமனையில் சேர்க்கப்பட்டார். பின்னர், மேல் சிகிச்சைக்காக மதுரை அரசு மருத்துவமனைக்கு கொண்டு செல்லப்பட்டார். இந்த விபத்து குறித்து வடமதுரை போலீஸார் வழக்குப் பதிந்து, விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/16/டிராக்டரிலிருந்து-தவறி-விழுந்த-சிறுமி-சாவு-2981494.html
2981493 மதுரை திண்டுக்கல் பழனிக்கோயில் சார்பில் சுதந்திர தின அன்னதான பொது விருந்து DIN DIN Thursday, August 16, 2018 07:17 AM +0530 பழனி தண்டாயுதபாணி சுவாமி கோயில் சார்பில்  சுதந்திர தினவிழாவையொட்டி  புதன்கிழமை அன்னதான பொதுவிருந்து நிகழ்ச்சி நடைபெற்றது. 
 அடிவாரம் குடமுழுக்கு நினைவரங்கில் நடைபெற்ற இந்நிகழ்ச்சிக்கு கோயில் இணை ஆணையர் செல்வராஜ் தலைமை வகித்தார். இதில், சிறப்பு பூஜை, இசை நிகழ்ச்சி நடைபெற்றது. அதைத்தொடர்ந்து ஐந்தாயிரத்துக்கும் மேற்பட்ட பக்தர்களுக்கு வடை, பாயாசம், மூன்று வகை பொறியல், அறுசுவை அன்னதானம் வழங்கப்பட்டது.
 பழனியாண்டவர் பாலிடெக்னிக் கல்லூரி, பழனியாண்டவர் கலை மற்றும் பண்பாட்டுக் கல்லூரி என்.எஸ்.எஸ். என்.சி.சி., மாணவர்கள் இப்பணியை மேற்கொண்டனர். 
 பின்னர், ஆதரவற்ற முதியோர்களுக்கு விலையில்லா வேட்டி, சேலைகள் வழங்கப்பட்டன. இந்நிகழ்ச்சியில் டிஎஸ்பி., விவேகானந்தன், சித்தனாதன் சன்ஸ் பழனிவேலு, திருப்பூர் லாட்ஜ் மகேஷ், அதிமுக நகர செயலாளர் முருகானந்தம் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-madurai/dindigul/2018/aug/16/பழனிக்கோயில்-சார்பில்-சுதந்திர-தின-அன்னதான-பொது-விருந்து-2981493.html
2981492 மதுரை திண்டுக்கல் கொடைக்கானல் புனித சலேத் மாதா ஆலய மின் அலங்காரத் தேர் பவனி DIN DIN Thursday, August 16, 2018 07:17 AM +0530 கொடைக்கானல் செயிண்ட்மேரீஸ் சாலையிலுள்ள புனித சலேத் மாதா கோயிலின் 153-ஆம் ஆண்டு திருவிழாவை முன்னிட்டு செவ்வாய்க்கிழமை இரவு மின் அலங்காரத் தேர் பவனி நடைபெற்றது.
 கடந்த 5-ஆம் தேதி கொடியேற்றத்துடன் தொடங்கிய இத்திருவிழாவில், ஜெப வழிபாடு, திருப்பலி நிகழ்ச்சி நடைபெற்றது. 
 இதில், சனிக்கிழமை மதுரை உயர்மறை மாவட்ட பேராயர் அந்தோணி பாப்புசாமி தலைமையில் மறைவட்டார அதிபர் எட்வின் சகாயராஜ் முன்னிலையில் 20-க்கும் மேற்பட்ட அருட்பணியாளர்கள் பங்கேற்ற திருப்பலி மற்றும் ஜெபவழிபாடு நிகழ்ச்சியும் நடைபெற்றது. அப்போது, மும்மத பிரதிநிதிகளுக்கு பேராயர் சால்வை அணிவித்து மரியாதை செலுத்தினார். தொடர்ந்து பேராயர் புனித சலேத் மாதாவின் மின் அலங்காரத் தேர்ப்பவனியை அர்ச்சித்தார். அதைத்தொடர்ந்து தேர்ப் பவனி நடைபெற்றது. பவனியானது கோக்கர்ஸ்வாக் சாலை, பூங்கா சாலை, கிளப் சாலை, செவண்ரோடு, பேருந்து நிலையம் பகுதி, அண்ணா சாலை, கே.சி.எஸ்.திடல், மூஞ்சிக்கல் காமராஜர் சாலை வழியாக திரு இருதய ஆண்டவர் ஆலயத்தை அடைந்தது. 
 அங்கு புதன்கிழமை சிறப்பு திருப்பலி நடைபெற்றது. பிற்பகலில் புனித சலேத் மாதாவின் சப்பரம் மலர்களால் அலங்கரிக்கப்பட்டு ஊர்வலமாக மீண்டும் செயிண்ட் மேரீஸ் சாலையிலுள்ள சலேத் மாதா கோயிலை அடைந்தது. அங்கு மறைவட்ட அதிபர் எட்வின் சகாயராஜ் தலைமையில் திருவிழா நிறைவு நிகழ்ச்சி நடைபெற்றது. மாதாவின் கொடி இறக்கம் நிகழ்ச்சி நடைபெற்றது.விழாவிற்கான ஏற்பாடுகளை திரு இருதய ஆண்டவர் ஆலயத்தின் மறைவட்ட அதிபர் மற்றும் அருட் பணியாளர்கள்,விழாக் குழுவினர், பங்கு இறைமக்கள் உள்ளிட்ட பலர் செய்திருந்தனர்.
 

]]>
http://www.dinamani.com/all-editions/edition-madurai/dindigul/2018/aug/16/கொடைக்கானல்-புனித-சலேத்-மாதா-ஆலய-மின்-அலங்காரத்-தேர்-பவனி-2981492.html
2981491 மதுரை திண்டுக்கல் அயன்கலையமுத்தூர் அக்ரஹாரம் கைலாசநாதர் கோயிலில் ஆடி லட்சார்ச்சனை DIN DIN Thursday, August 16, 2018 07:17 AM +0530 பழனியை அடுத்த அயன்கலையமுத்தூர் அக்ரஹாரம் கைலாசநாதர் கோயிலில் செவ்வாய்க்கிழமை ஆடிலட்சார்ச்சனை நடைபெற்றது.
இவ்விழாவையொட்டி பிரதான சப்பரத்தில் கலசங்களில் புனித நீர் நிரப்பி ஆவாகனம் செய்யப்பட்டு, மலர்கள் தூவி பூஜை நடைபெற்றது.   
சுவாமிநாத சிவாச்சார்யார் தலைமையில் யாககுண்டம் அமைக்கப்பட்டு வேதமந்திரங்கள் முழங்க யாகபூஜை நடைபெற்றது. இரண்டாம் நாளாக செவ்வாய்க்கிழமை வசூர்தாரா மூல ஹோமம் வளர்க்கப்பட்டது.  தொடர்ந்து பூர்ணாஹூதியும்,  தீபாராதனையும் நடைபெற்றது.  முன்னதாக வடுகபூஜை, கன்யாபூஜை, சுமங்கலி பூஜை ஆகியன நடத்தப்பட்டன. 
பூர்ணாஹூதியைத் தொடர்ந்து கலசங்களுக்கு மஹா தீபாராதனை காட்டப்பட்டு கலசங்கள் மேளதாளம் முழங்க கோயிலை வலம் வந்தன.  
பின்னர் உச்சிக்காலத்தின் போது அம்பாளுக்கு அபிஷேகம் செய்யப்பட்டது.  தொடர்ந்து பால், பஞ்சாமிர்தம், சந்தனம், மஞ்சள் போன்ற பொருட்களால் அபிஷேகம் செய்யப்பட்டு மலர் மாலைகள், பட்டாடை, நகைகள் கொண்டு சிறப்பு அலங்காரம் செய்யப்பட்டது. பின்னர் தீபாராதனை செய்யப்பட்டு பக்தர்களுக்கு பிரசாதங்கள் வழங்கப்பட்டன.

]]>
http://www.dinamani.com/all-editions/edition-madurai/dindigul/2018/aug/16/அயன்கலையமுத்தூர்-அக்ரஹாரம்-கைலாசநாதர்-கோயிலில்-ஆடி-லட்சார்ச்சனை-2981491.html
2981490 மதுரை திண்டுக்கல் சுதந்திர தின விழா: ரூ.79.24 லட்சம் நலத்திட்ட உதவிகள் வழங்கல் DIN DIN Thursday, August 16, 2018 07:16 AM +0530 திண்டுக்கல், தேனி மாவட்ட நிர்வாகங்கள் சார்பில் புதன்கிழமை நடைபெற்ற 71-ஆவது சுதந்திர தின விழாவில் ரூ.79.24 லட்சம் மதிப்பிலான நலத்திட்ட உதவிகள் பயனாளிகளுக்கு வழங்கப்பட்டது.
திண்டுக்கல் மாவட்ட விளையாட்டு மைதானத்தில், காலை 9.20 மணிக்கு மாவட்ட ஆட்சியர் டி.ஜி.வினய் தேசியக் கொடியை ஏற்றி வைத்து மரியாதை செலுத்தினார். அதனைத் தொடர்ந்து, காவல் துறை, ஊர்க்காவல் படை, என்.சி.சி அணி வகுப்பு மரியாதை நடைபெற்றது. காவல்துறையினரின் அணிவகுப்பு மரியாதையை ஏற்றுக் கொண்ட ஆட்சியர் வினய், சுதந்திரப் போராட்ட தியாகிகள் மற்றும் அவர்களின் வாரிசுகளுக்கு பொன்னாடை போர்த்தி கெளரவித்தார். அதனைத் தொடர்ந்து சிறப்பாக பணிபுரிந்த பல்வேறு துறைகளைச் சேர்ந்த 105 அரசு அலுவலர்களுக்கு பதக்கம் மற்றும் பாராட்டுச் சான்றிதழை ஆட்சியர் வழங்கினார். பின்னர், பல்வேறு துறைகளின் சார்பில், 101 பயனாளிகளுக்கு  ரூ.37.60 லட்சம் மதிப்பில் நலத்திட்ட உதவிகளை ஆட்சியர்   வழங்கினார்.
 அதன் தொடர்ச்சியாக, 6 பள்ளிகளைச் சேர்ந்த 450-க்கும் மேற்பட்ட மாணவர்கள் பங்கேற்ற கலை நிகழ்ச்சிகள் நடைபெற்றன. நிகழ்ச்சியில் காவல்துறை துணைத் தலைவர் கே.ஜோஷி நிர்மல்குமார், மாவட்ட காவல் கண்காணிப்பாளர் ஆர்.சக்திவேல், மாவட்ட வருவாய் அலுவலர் பா.வேலு உள்ளிட்ட பலர் கலந்து கொண்டனர்.
தேனியில்: தேனியில் மாவட்ட நிர்வாகம் சார்பில் மாவட்ட விளையாட்டு மைதானத்தில் சுதந்திர தின விழா நடைபெற்றது. விழாவுக்கு மாவட்ட காவல் கண்காணிப்பாளர் வீ.பாஸ்கரன், மாவட்ட வருவாய் அலுவலர் ச.கந்தசாமி ஆகியோர் முன்னிலை வகித்தனர். விழாவில் ஆட்சியர் ம.பல்லவி பல்தேவ் தேசியக் கொடியை ஏற்றி வைத்து மரியாதை செலுத்தினார். பின்னர், சுந்திர போராட்ட தியாகிகளுக்கு கதர் ஆடை அணிவித்து கௌரவித்தார். காவல் துறை ஆயுதப் படை பிரிவு சார்பில் அணி வகுப்பு மரியாதை நடைபெற்றது.
சுதந்திர தின விழாவை முன்னிட்டு முன்னாள் படை வீரர் நலத்துறை, வருவாய்த்துறை, சமூக பாதுகாப்புத் துறை, பிற்பட்டோர் மற்றும் சிறுபான்மையினர் நலத் துறை, மகளிர் திட்டம், வேளாண்மைத் துறை, தோட்டக் கலைத் துறை, தொழிலாளர் நலத் துறை, ஊரக வளர்ச்சித் துறை, மாற்றுத் திறனாளிகள் நலத் துறை ஆகியவற்றின் சார்பில் 62 பயனாளிகளுக்கு மொத்தம் ரூ.41.64 லட்சம் மதிப்பிலான நலத் திட்ட உதவிகளை ஆட்சியர் வழங்கினார். அரசுத் துறைகளில் சிறப்பாக பணியாற்றிய 219 அலுவலர்களுக்கு பாராட்டுச் சான்றிதழ் வழங்கப்பட்டது.
 அகமலை ஊராட்சியில் உள்ள சொக்கனலை மலை கிராம மக்களுக்கு கழிப்பறைகள் கட்டி வழங்கிய விழுதுகள் இளைஞர் பெருமன்றத்திற்கு மத்திய அரசு சார்பில் சிறந்த இளையோர் மன்ற விருது, பாராட்டுச் சான்றிதழை ஆட்சியர் வழங்கினார். அதைத்தொடர்ந்து, பள்ளி மற்றும் கல்லூரி மாணவ, மாணவிகள், மனித நேய காப்பக குழந்தைகள் பங்கேற்ற கலை நிகழ்ச்சி நடைபெற்றது.
வீரபாண்டி கௌமாரியம்மன் கோயிலில் சுந்திர தின விழாவையொட்டி நடைபெற்ற சமபந்தி விருந்தில் ஆட்சியர், மாவட்ட காவல் கண்காணிப்பாளர் கலந்து கொண்டனர்.

]]>
http://www.dinamani.com/all-editions/edition-madurai/dindigul/2018/aug/16/சுதந்திர-தின-விழா-ரூ7924-லட்சம்-நலத்திட்ட-உதவிகள்-வழங்கல்-2981490.html
2981483 மதுரை திண்டுக்கல் பள்ளி, கல்லூரி, அரசு அலுவலகங்களில் சுதந்திர தின விழா கோலாகலம் DIN DIN Thursday, August 16, 2018 07:14 AM +0530 திண்டுக்கல், தேனி மாவடங்களில் உள்ள பள்ளி, கல்லூரிகள், அரசு அலுவலகங்கள், அரசியல் கட்சி அலுவலகங்கள் மற்றும் பல்வேறு அமைப்புகள் சார்பில் நாட்டின் 72ஆவது சுதந்திர தின விழா புதன்கிழமை கோலாகலமாக கொண்டாடப்பட்டது.
திண்டுக்கல்லில்: திண்டுக்கல் காந்தி கிராம கிராமியப் பல்கலைக் கழகத்தில் நடைபெற்ற சுதந்திர தின விழாவில், துணைவேந்தர் சு.நடராஜன் தலைமை வகித்து தேசிய கொடியை ஏற்றி வைத்துப் பேசினார். 
திண்டுக்கல் மாவட்ட ஒருங்கிணைந்த நீதிமன்ற வளாகத்தில் முதன்மை நீதிபதி கே.முரளி சங்கர் தேசிய கொடியினை ஏற்றி வைத்து மரியாதை செலுத்தினார். இந்நிகழ்ச்சியில் நீதிபதிகள், நீதிமன்ற அலுவலர்கள் மற்றும் ஊழியர்கள் கலந்து கொண்டனர்.
மாநகராட்சி அலுவலகத்தில் ஆணையர் ந.மனோகர், தேசிய கொடி ஏற்றி வைத்து,  25 ஆண்டுகள் சிறப்பாக பணிபுரிந்த அலுவலர்கள் மற்றும் ஊழியர்களுக்கு, சான்றிதழும், தலா ரூ.2 ஆயிரம் ரொக்கப் பரிசும் வழங்கப்பட்டது. திண்டுக்கல் கிழக்கு கோவிந்தாபுரத்தில் ஸ்ரீவாசவி பள்ளியில், வாசவி கிளப் ஆளுநர் சர்மிளா தினேஷ் தேசிய கொடியை ஏற்றி வைத்தார். 
தாடிக்கொம்பு சாலையில் உள்ள வர்த்தக சங்கம், கொத்தம்பட்டி ஊராட்சி ஒன்றிய தொடக்கப் பள்ளி, பகவதி அம்மன் கோயில் பகுதி, குஜிலியம்பாறை அரசு மேல்நிலைப் பள்ளி, சின்னாளப்பட்டி நகர காங்கிரஸ் கமிட்டி, சேரன் வித்யாலயா மெட்ரிக். பள்ளி செம்பட்டி அடுத்துள்ள எஸ்.பாறைப்பட்டி ஊராட்சி ஒன்றிய நடுநிலைப் பள்ளி,  வத்தலக்குண்டு அரசு ஆண்கள் மேல்நிலைப் பள்ளி, திண்டுக்கல் எம்விஎம் அரசு மகளிர் கலைக் கல்லூரி, நிலக்கோட்டை அரசு மகளிர் கலைக்கல்லூரி  ஆகிய இடங்களிலும் சுதந்திர தின விழா கோலாகலமாக கொண்டாடப்பட்டது.
பழனியில்: பழனி பழனியாண்டவர் மகளிர் கலைக்கல்லூரியில் நடைபெற்ற சுதந்திர தினவிழாவில் கல்லூரி முதல்வர் புவனேஸ்வரி தேசியக்கொடியேற்றி சிறப்புரையாற்றினார். விழா ஏற்பாடுகளை கல்லூரி பேரவைத் துணைத் தலைவர் தமிழரசி செய்திருந்தார்.  
பழனியை அடுத்த புளியம்பட்டி வேல் கல்வியியல் கல்லூரியில் நடைபெற்ற சுதந்திர தின விழாவில் கல்லூரி முதல்வர், தாளாளர் குப்புச்சாமி தேசியக்கொடியேற்றி மாணவர்களின் அணிவகுப்பு மரியாதையை ஏற்றுக் கொண்டார். 
திருவள்ளுவர் நடுநிலைப் பள்ளியில் நடைபெற்ற விழாவில் பள்ளி செயலர் ராஜாமணி தலைமை வகித்தார்.  தலைமையாசிரியர் பிரபாகரன் முன்னிலை வகித்தார். வட்டாரக் கல்வி அலுவலர் தமிழ்ச்செல்வன் தேசியக் கொடியேற்றினார். இதேபோல், தமாகா அலுவலகம், பழனி சிறுமலர்நடுநிலைப் பள்ளி, ஆர்எம்கேஆர் ரத்தினம் தொடக்கப்பள்ளி, தொப்பம்பட்டி அரசு உயர்நிலைப் பள்ளி, பழையஆயக்குடி வஉசி மழலையர் பள்ளிகளிலும் சுதந்திர தின விழா கொண்டாடப்பட்டது.
ஒட்டன்சத்திரத்தில்: ஒட்டன்சத்திரம் அடுத்துள்ள அம்பிளிக்கை சாந்தி நிகேதன் மேல்நிலைப்பள்ளியில் நடைபெற்ற சுதந்திர தின விழாவில் சட்டப்பேரவை உறுப்பினர் அர.சக்கரபாணி கலந்து கொண்டு தேசிய கொடியேற்றினார். இந்நிகழ்ச்சியில் மும்பை முன்னாள் காவல் ஆணையர் டி.சிவானந்தம், மேற்கு வங்காள வருமானவரித் துணை ஆணையர் ரஷிப்குமார் ஹோட்டா உள்ளிட்டோர் கலந்து கொண்டனர். அம்பிக்கை ஜேக்கப் நினைவு கல்லூரியில் நடைபெற்ற விழாவில், கல்லூரி வளாகத்தில் சுமார் 250 கிலோ உப்பில் வரையப்பட்ட தேசிய கொடி அனைவரையும் கவர்ந்தது. 
ஒட்டன்சத்திரம் வட்டாட்சியர் அலுவலகத்தில் நடைபெற்ற சுதந்திர தினவிழாவில் வட்டாட்சியர் ஆ.லீனாரெஜூனா தேசிய கொடியேற்றினார். ஒட்டன்சத்திரம் நகராட்சி அலுவலகத்தில் நடைபெற்ற விழாவில் நகராட்சி ஆணையர் எம். இளவரசன் தேசிய கொடியேற்றினார். இதில் சுகாதார ஆய்வாளர் வீரபாகு, நகராட்சி பணியாளர்கள் கலந்து கொண்டனர்.
இதேபோல், ஒட்டன்சத்திரம் காந்தி காய்கறி சந்தை கடை உரிமையாளர்கள் நலச்சங்கம், காவல் நிலையம், அரசு மகளிர் மேல்நிலைப்பள்ளி, தொப்பாக்கா வலசு ஊராட்சி ஒன்றிய ஆரம்பப்பள்ளி, காளாஞ்சிபட்டி விவேகானந்தா வித்யாலாயா மேல்நிலைப்பள்ளி, கிருஷ்ணா மெட்ரிக். மேல்நிலைப்பள்ளிகளிலும் சுதந்திர தின விழா நடைபெற்றது.
கொடைக்கானலில்: கொடைக்கானல் நகராட்சி அலுவலக வளாகத்தில் நகராட்சி ஆணையர் முருகேசன் தேசிய கொடி ஏற்றி வைத்தார். கொடைக்கானல் ஊராட்சி ஒன்றிய அலுவலகத்தில் வட்டார வளர்ச்சி அலுவலர் மகேந்திரன் தேசிய கொடி ஏற்றி வைத்து, மரியாதை செலுத்தினார். 
இந்நிகழ்ச்சியில் வட்டார வளர்ச்சி ஆணையர் பட்டுராஜன் உள்ளிட்ட பலர் கலந்து கொண்டனர். சன் அரிமா சங்கம் சார்பில் அதன் பட்டயத் தலைவர் டி.பி.ரவீந்திரன் தேசிய கொடி ஏற்றிவைத்தார். இந்நிகழ்ச்சியில் முன்னாள் நகர்மன்ற உறுப்பினர் ஆஷா ரவீந்திரன், 12 ஆவது வார்டு பொதுநலச் சங்க நிர்வாகிகள் கலந்து கொண்டனர்.
கொடைக்கானல் வனத்துறை அலுவலகம், காவல் துணை கண்காணிப்பாளர் அலுவலகம், வட்டாட்சியர் அலுவலகம், வருவாய் கோட்டாட்சியர் அலுவலகம் உள்ளிட்ட அரசு அலுவலகங்களில் தேசிய கொடியேற்றி இனிப்பு வழங்கப்பட்டது.
பெரியகுளத்தில்: பெரியகுளம் அருகே உள்ள ஜெயராஜ் அன்னபாக்கியம் மகளிர் கல்லூரியில் நடைபெற்ற சுதந்திரதின விழாவுக்கு கல்லூரி முதல்வர் யேசுராணி தலைமை வகித்தார். பெரியகுளம் காவல் ஆய்வாளர் மதனகலா சிறப்பு விருந்தினராக கலந்து கொண்டு தேசியக்கொடி ஏற்றி வைத்து சிறப்புரையாற்றினார்.
சில்வார்பட்டி அரசு மேல்நிலைப்பள்ளியில் நடைபெற்ற விழாவுக்கு பள்ளி தலைமையாசிரியர் மோகன் தலைமை வகித்தார். மாணவர் நாடாளுமன்ற பிரதமர் ஜெகதீஸ்வரன் கொடியேற்றினார். மாணவர் சுகாதாரத்துறை அமைச்சர் சரண்யா நிகழ்ச்சியை தொடங்கி வைத்தார். பெற்றோர் - ஆசிரியர் சங்கத்தலைவர் சுப்பையா போட்டிகளில் வெற்றி பெற்ற மாணவர்களுக்கு பரிசுகளை வழங்கி பாராட்டி பேசினார்.  பெரியகுளம் சேக்கிழார் நடுநிலைப்பள்ளி, திருவள்ளுவர் நடுநிலைப்பள்ளி, தாமரைக்குளம் அரசு மேல்நிலைப்பள்ளி, ஊராட்சி ஒன்றிய நடுநிலைப்பள்ளிகளிலும் சுதந்திரதின விழா சிறப்பாக கொண்டாடப்பட்டது.
கம்பத்தில்: கம்பம் காமயகவுண்டன்பட்டி சாலையில்  உள்ள புனித மேரி மெட்ரிக். மேல்நிலைப் பள்ளியில் நடைபெற்ற சுதந்திர தினவிழாவுக்கு பள்ளியின் முதல்வர் மேரிகுரியன் தலைமை வகித்தார். தாளாளர் ஜெயராணி வரவேற்றார். உத்தமபாளையம் கல்லூரி பேராசிரியர் முகமதுஷெரீப் தேசியக்கொடியேற்றினார். 
அதைத்தொடர்ந்து, போட்டிகளில் வெற்றி பெற்ற மாணவ, மாணவிகளுக்கு ஆசிரியர் சுங்குவெள்ளை பரிசுகளை வழங்கினார். பின்னர் மாணவ, மாணவிகளின் கலை நிகழ்ச்சிகள் நடைபெற்றன. இதேபோல், இதர பள்ளிகள், அரசு அலுவலகங்களிலும் சுதந்திர தின விழா நடைபெற்றது. 
போடியில்: போடி புதிய நீதிமன்ற வளாகத்தில் நடைபெற்ற சுதந்திர தின விழாவுக்கு குற்றவியல் நீதித்துறை நடுவர் ஆர்.மணிவாசகன் தலைமை வகித்தார். மாவட்ட உரிமையியல் நீதிமன்ற நீதிபதி வி.சுந்தரராஜ் தேசிய கொடியேற்றினார்.இதில், வழக்குரைஞர்கள் சங்க நிர்வாகிகள், நீதிமன்ற பணியாளர்கள் பங்கேற்றனர். போடி வட்டாட்சியர் அலுவலகத்தில் வட்டாட்சியர் கே.ஆர்த்தி தேசிய கொடியேற்றினார். இதேபோல், வருவாய் ஆய்வாளர் அலுவலகம், டி.எஸ்.பி. அலுவலகம், நகராட்சி அலுவலகங்களிலும் சுதந்திர தின விழா நடைபெற்றது. போடி நகர் காங்கிரஸ் கட்சி சார்பில் நடைபெற்ற நிகழ்ச்சியில் மாவட்ட தலைவர் முருகேசன் தலைமை வகித்தார். நகர தலைவர் முசாக் மந்திரி வார்டுகளில் கொடியேற்றி இனிப்பு வழங்கினார். துணைத்தலைவர் சன்னாசி உள்ளிட்ட பலர் பங்கேற்றனர். பாட்டாளி மக்கள் கட்சி மாவட்ட துணை செயலாளர் ஹரிதாஸ் பள்ளி குழந்தைகளுக்கு இனிப்பு வழங்கினார். போடி ஏல விவசாயிகள் சங்கக் கல்லூரியில் கல்லூரி தலைவர் எஸ்.வி.சுப்பிரமணியன் தலைமை வகித்து கொடியேற்றி வைத்து இனிப்புகளை வழங்கினார்.
மேலும், போடி அரசு பொறியியல் கல்லூரி, திருமலாபுரம் நாடார் மேல்நிலைப் பள்ளி, பங்கஜம் பெண்கள் மேல்நிலைப் பள்ளி, சில்லமரத்துப்பட்டி, சிலமலை, தேவாரம்,  உள்ளிட்ட கிராமங்களில் உள்ள அரசு மேல்நிலைப் பள்ளிகளில் சுதந்திர தினிவிழா கொண்டாடப்பட்டது.
ஆண்டிபட்டியில்: ஆண்டிபட்டி பேரூராட்சி அலுவலகத்தில் நடைபெற்ற சுதந்திர தினவிழாவில் சுகாதார ஆய்வாளர் முருகானந்தம் தலைமை தாங்கி தேசிய கொடியேற்றினார். இதில் பேரூராட்சி ஊழியர்கள், பொதுமக்கள் கலந்துகொண்டனர். ஊராட்சி ஒன்றிய அலுவலத்தில் நடைபெற்ற விழாவில் வட்டார வளர்ச்சி அலுவலர் எபி கொடியேற்றினார். வட்டாட்சியர் அலுவலகத்தில் நடைபெற்ற சுதந்திர தினவிழாவில் வட்டாட்சியர் அர்ஜூனன் தேசிய கொடியேற்றி இனிப்பு வழங்கினார். இதில் சமூகநலத் திட்ட வட்டாட்சியர் இளங்கோ, மண்டல துணை வட்டாட்சியர் செந்தில், வருவாய்த்துறை அதிகாரிகள் கலந்து கொண்டனர்.
இதேபோல் காவல் துணை கண்காணிப்பாளர் அலுவலகம், காவல் நிலையம், ஏஞ்சல் வித்யாலயா பள்ளி, செல்லம்மாள் கல்வியியல் கல்லூரி மற்றும் தொழிற்பயிற்சி நிலையம், லிட்டில் பிளவர் நர்சரி பிரைமரி பள்ளி, டைமன் வித்யாலயா பள்ளிகளிலும் சுதந்திர தின விழா சிறப்பாக கொண்டாடப்பட்டது.
உத்தமபாளையத்தில்: உத்தமபாளையம் ஒருங்கிணைந்த நீதிமன்ற வளாகத்தில், சார்பு நீதிபதி தோத்திரமேரி  தேசிய கொடியேற்றி மரியாதை செலுத்தினார். இதில், நீதிமன்ற அலுவலர்கள், வழக்குரைஞர்கள் உள்ளிட்டோர் கலந்து கொண்டனர்.
உத்தமபாளையம் கோட்டாட்சியர் அலுவலகத்தில், கோட்டாட்சியர் சென்னியப்பன் தேசிய கொடியை ஏற்றினார். இதேபோல், உத்தமபாளையம் காவல் துணைக்காண்காணிப்பாளர் அலுவலகம், வட்டாட்சியர் அலுவலகம், அரசு மருத்துவமனை, நெடுஞ்சாலைத்துறை மற்றும் நகராட்சி அலுவலகங்களிலும் சுதந்திர தின விழா கொண்டாடப்பட்டது. 
முன்னாள் படைவீரர்கள் சார்பில் உத்தமபாளையம் வட்டாட்சியர் அலுவலகம் முன், தேசிய கொடி ஏற்றப்பட்டது. முன்னாள் படைவீரர்கள் பகவதிராஜ், முருகன் உள்பட பலர் கலந்துகொண்டனர். கடந்த 13 ஆண்டுகளாக சாலையோரத்தில் தேசிய கொடியை ஏற்றி வருவதால், சுதந்திர தின விழா கொண்டாடுவதற்கு தனியாக இடம் ஒதுக்கீடு செய்ய வேண்டும் என அவர்கள் கோரிக்கை விடுத்தனர்.
இதேபோல், உத்தமபாளையம் ஹாஜி கருத்தராவுத்தர் ஹவுதியா கல்லூரி, க.புதுப்பட்டி எ.லக்கப்பகவுண்டர் வக்கலிகர் உயர்நிலைப்பள்,ளி கோம்பை, பண்ணைப்புரம், அனுமந்தன்பட்டி, சின்னமனூர் போன்ற பகுதிகளில் உள்ள பள்ளிகள், அரசு மற்றும் தனியார் நிறுவனங்களில் தேசிய கொடி ஏற்றி, மரியாதை செலுத்தினர்.
 

]]>
http://www.dinamani.com/all-editions/edition-madurai/dindigul/2018/aug/16/பள்ளி-கல்லூரி-அரசு-அலுவலகங்களில்-சுதந்திர-தின-விழா-கோலாகலம்-2981483.html
2981482 மதுரை திண்டுக்கல் சாலை ஆக்கிரமிப்பை அகற்ற கிராம மக்கள் கோரிக்கை DIN DIN Thursday, August 16, 2018 07:12 AM +0530 பழனியை அடுத்த பொருந்தல் கிராமத்தில் சாலை ஆக்கிரமிப்பை அகற்ற நடவடிக்கை எடுக்க வேண்டும் என கிராம மக்கள் மாவட்ட நிர்வாகத்துக்கு கோரிக்கை விடுத்துள்ளனர்.
  பொருந்தல் கிராமத்திலிருந்து புளியம்பட்டி, ஓடைக்காடு, சண்முகம்பாறை பகுதிகளுக்கு செல்வதற்கு ஒரே சாலை தான் உள்ளது. 
பொருந்தல் கிராமத்திலிருந்து சண்முகம்பாறை, புளியம்பட்டி பகுதியில் உள்ள பள்ளிகளுக்கு இந்த வழியே தான் மாணவர்கள் சென்று வருகின்றனர். மேலும், விவசாயிகளும் உரங்கள், விளை பொருள்களை டிராக்டரில் இந்த வழியில் தான் கொண்டு செல்கின்றனர்.
 இந்நிலையில் தனியார் சிலர் இச்சாலையை இருபுறமும் கற்கள், முள்களை வைத்து சிறிது, சிறிதாக ஆக்கிரமித்து வருகின்றனர். 
இதுகுறித்து வருவாய்த்துறையினரிடம் புகார் அளித்தும் எவ்வித நடவடிக்கையும் மேற்கொள்ளப்படவில்லையாம். 
எனவே, சாலை ஆக்கிரமிப்பை அகற்ற மாவட்ட நிர்வாகம் நடவடிக்கை எடுக்க வேண்டும் என பொருந்தல் கிராம மக்கள், விவசாயிகள் கோரிக்கை 
விடுத்துள்ளனர்.


 

]]>
http://www.dinamani.com/all-editions/edition-madurai/dindigul/2018/aug/16/சாலை-ஆக்கிரமிப்பை-அகற்ற-கிராம-மக்கள்-கோரிக்கை-2981482.html
2980717 மதுரை திண்டுக்கல் பரசுராமபுரத்தில் குறுவட்ட விளையாட்டுப் போட்டி DIN DIN Wednesday, August 15, 2018 06:32 AM +0530 திண்டுக்கல் மாவட்டம், வத்தலகுண்டு அடுத்துள்ள பரசுராமபுரம் பகுதியில்  குறுவட்ட அளவிலான கோ-கோ போட்டி திங்கள்கிழமை நடைபெற்றது. 
மௌன்ட் சீயோன் பள்ளியில் நடைபெற்ற இந்தப் போட்டியில், வத்தலகுண்டு மற்றும் நிலக்கோட்டை பகுதியில் உள்ள 17 பள்ளிகளைச் சேர்ந்த மாணவர்கள் கலந்து கொண்டனர். 
போட்டியை, வத்தலகுண்டு அரசு ஆண்கள் மேல்நிலைப் பள்ளித் தலைமையாசிரியர் தங்கராஜ், மௌன்ட் சீயோன் பள்ளி முதல்வர் நோரீஸ் நடராஜன் ஆகியோர் தொடக்கி வைத்தனர். 14, 17, 19 வயதுக்குள்பட்டோருக்கான இப்போட்டிகளின் முடிவில் வெற்றி பெற்ற பள்ளிகள் விவரம்:
ஆண்கள் பிரிவு: சிலுக்குவார்ட்டி சுவாமி விவேகானந்த மேல்நிலைப் பள்ளி மாணவர்கள் 14, 17 மற்றும் 19 வயதுக்குள்பட்டோருக்கான பிரிவில் முதலிடம் பெற்றனர்.    
பெண்கள் பிரிவு: வத்தலகுண்டு ஜெயசீலன் மேல்நிலைப் பள்ளி (14 வயது), மௌன்ட் சீயோன் மெட்ரிக். பள்ளி (17 வயது), நிலக்கோட்டை ஹெச்என்யூபிஆர் பெண்கள் பள்ளி (19) முதலிடம் பிடித்து, மண்டல அளவிலான போட்டிக்கு தகுதி பெற்றுள்ளன. போட்டிக்கான ஏற்பாடுகளை, உடற்கல்வி ஆசிரியர்கள் நெடுமாறன், நிர்மல் குமார், பிரபு ஆகியோர் செய்திருந்தனர். 
 

]]>
http://www.dinamani.com/all-editions/edition-madurai/dindigul/2018/aug/15/பரசுராமபுரத்தில்-குறுவட்ட-விளையாட்டுப்-போட்டி-2980717.html
2980716 மதுரை திண்டுக்கல் மினுக்கம்பட்டி, பாப்பம்பட்டியில் ஆகஸ்ட் 16 மின்தடை DIN DIN Wednesday, August 15, 2018 06:32 AM +0530 வேடசந்தூரை அடுத்துள்ள மினுக்கம்பட்டி துணை மின் நிலையத்தில் மாதாந்திர பராமரிப்பு பணிகள் நடைபெறுவதையொட்டி வியாழக்கிழமை மின் விநியோகம் இருக்காது என தெரிவிக்கப்பட்டுள்ளது.
 இதன் காரணமாக ஐய்யர்மடம், குறும்பபட்டி, எஸ். குட்டம், ஆசாரிபுதூர், எஸ் சுக்காம்பட்டி, கொன்னம்பட்டி, எஸ்.கே.புதூர், கோட்டைமேடு, வி.புதுக்கோட்டை ஆகிய இடங்களில் காலை 9 முதல் பிற்பகல் 2 மணி வரை மின் விநியோகம் இருக்காது என உதவி செயற்பொறியாளர் காளிமுத்து தெரிவித்துள்ளார்.
பழனி:  பழனி கோட்ட செயற்பொறியாளர் சந்திரசேகர் வெளியிட்டுள்ள செய்திக்குறிப்பு: பாப்பம்பட்டி துணை மின் நிலைய பராமரிப்புப் பணிகள் காரணமாக வியாழக்கிழமை பாப்பம்பட்டி, ஆண்டிபட்டி, அய்யம்பாளையம், சித்தரேவு, காவலப்பட்டி, வி.பி.புதூர், தாதநாயக்கன்பட்டி மற்றும் கரடிகூட்டம் பகுதிகளில் காலை 9 மணி முதல் மாலை 5 மணி வரை மின்சாரம் விநியோகம் நிறுத்தப்படும் என தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/aug/15/மினுக்கம்பட்டி-பாப்பம்பட்டியில்-ஆகஸ்ட்-16-மின்தடை-2980716.html
2980715 மதுரை திண்டுக்கல் குடிநீர் விநியோகம் செய்ய வலியுறுத்தி நிலக்கோட்டை ஒன்றிய அலுவலகம் முற்றுகை DIN DIN Wednesday, August 15, 2018 06:31 AM +0530 குடிநீர் விநியோகம் செய்ய வலியுறுத்தி, நிலக்கோட்டை ஊராட்சி ஒன்றிய அலுவலகத்தை கிராம மக்கள் செவ்வாய்க்கிழமை முற்றுகையிட்டனர்.
 திண்டுக்கல் மாவட்டம்  நிலக்கோட்டை அடுத்துள்ள சங்கால்பட்டி கிராமத்தில் சுமார் 250 வீடுகள் உள்ளன. இந்த கிராமத்தினருக்கு கடந்த 3 மாதங்களாக முறையான குடிநீர் விநியோகம் செய்யப்படவில்லை எனக் கூறப்படுகிறது. இதுகுறித்து ஊராட்சி  மன்ற அலுவலகத்தில் புகார் அளித்தும் நடவடிக்கை எடுக்கவில்லை. 
 இதனால் அதிருப்தி அடைந்த அப்பகுதியினர்,  குடிநீர் விநியோகம் செய்வதற்கு நடவடிக்கை எடுக்கக் கோரி நிலக்கோட்டை ஊராட்சி ஒன்றிய அலுவலகத்தை செவ்வாய்க்கிழமை முற்றுகையிட்டனர். இதனையடுத்து,  பொதுமக்களுடன் பேச்சுவார்த்தை நடத்திய வட்டார வளர்ச்சித்துறை அலுவலர்கள், குடிநீர் பிரச்னைக்கு விரைவில் தீர்வு காணப்படும் என உறுதி அளித்தனர். அதன் பின்னர், போராட்டத்தில் ஈடுபட்டவர்கள் கலைந்து சென்றனர்.
 

]]>
http://www.dinamani.com/all-editions/edition-madurai/dindigul/2018/aug/15/குடிநீர்-விநியோகம்-செய்ய-வலியுறுத்தி-நிலக்கோட்டை-ஒன்றிய-அலுவலகம்-முற்றுகை-2980715.html
2980714 மதுரை திண்டுக்கல் வடமதுரை அருகே தீக்குளித்து காயமடைந்த இளைஞர் சாவு DIN DIN Wednesday, August 15, 2018 06:31 AM +0530 வடமதுரை அருகே குடும்பத் தகராறில், மண்ணெண்ணெய் ஊற்றி தீக்குளித்து காயமடைந்த இளைஞர் செவ்வாய்க்கிழமை உயிரிழந்தார். 
திண்டுக்கல் மாவட்டம், வடமதுரை அடுத்துள்ள செங்குளத்துப்பட்டியைச் சேர்ந்தவர் காளீஸ்வரன் (25). லாரிகளில் சுமை தூக்கும் தொழிலாளியாக பணிபுரிந்து வந்தார். இவரது மனைவி நாகஜோதி (24). இவர்களுக்கு நிஷாந்த் (5), நந்தகுமார்(3) என 2 குழந்தைகள் உள்ளனர். 
இந்நிலையில், கணவன் மனைவி இடையே கடந்த வியாழக்கிழமை ஏற்பட்ட தகராறில், அதிருப்தி அடைந்த நாகஜோதி,  மண்ணெண்ணெய் ஊற்றி தீக்குளித்தார். 
அவரோடு சேர்ந்து காளீஸ்வரனும் தீக்குளித்தார். அப்போது வீட்டிலிருந்து குழந்தை நத்தகுமாருக்கும் லேசான தீக்காயம் ஏற்பட்டது. இதனை அடுத்து மூவரும், சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டனர்.
 மருத்துவமனையில் சிகிச்சைப் பலனின்றி நாகஜோதி வெள்ளிக்கிழமை உயிரிழந்தார். இந்நிலையில், காளீஸ்வரனும் சிகிச்சைப் பலனின்றி செவ்வாய்க்கிழமை உயிரிழந்தார்.  வடமதுரை போலீஸார் வழக்குப்பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/15/வடமதுரை-அருகே-தீக்குளித்து-காயமடைந்த-இளைஞர்-சாவு-2980714.html
2980713 மதுரை திண்டுக்கல் சுதந்திர தின விழா: பழனி மலைக் கோயிலுக்கு துப்பாக்கி ஏந்திய போலீஸ் பாதுகாப்பு DIN DIN Wednesday, August 15, 2018 06:31 AM +0530 பழனியில் சுதந்திர தின விழாவை முன்னிட்டு மலைக்கோயில், பேருந்து நிலையம், ரயில் நிலையங்களில் கூடுதல் பாதுகாப்பு ஏற்பாடுகள் செய்யப்பட்டுள்ளன.
சுதந்திர தினத்தை முன்னிட்டு நாடு முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன. பழனி மலைக்கோயிலில் தங்ககோபுரம் பகுதியில் துப்பாக்கி ஏந்திய போலீஸார் பாதுகாப்புப் பணியில் நிறுத்தப்பட்டுள்ளனர். மேலும் ஒரு ஆய்வாளர் தலைமையில் இருபது போலீஸார் கண்காணிப்பில் ஈடுபட்டுள்ளனர்.  மலைக்கோயிலுக்கு பக்தர்கள் செல்லும்  வின்ச் மற்றும் படிவழிகளில்  "டோர்பிரேம் மெட்டல் டிடெக்டர்' நிறுவப்பட்டுள்ளது.  மேலும் சந்தேகத்துக்கு இடமான பக்தர்கள் உடமைகள்  மெட்டல் டிடெக்டர் கொண்டு ஆய்வு செய்யப்பட்டு வருகிறது. இதற்கான பாதுகாப்பு ஏற்பாடுகளை திருக்கோயில் நிர்வாகம் மற்றும் பழனி காவல்துறை இணைந்து மேற்கொண்டுள்ளது. 
பேருந்து நிலையம், அடிவாரம் உள்ளிட்ட பகுதிகளில் சாதாரண உடையில் போலீஸார் கண்காணிப்புப் பணியில் ஈடுபடுத்தப்பட்டுள்ளனர்.  ரயில் நிலையங்களில் ரயில்வே போலீஸார் மற்றும் இருப்புப்பாதை போலீஸார் மெட்டல் டிடெக்டருடன் சந்தேகத்துக்கு இடமான பொருள்களையும், பயணிகளையும் சோதனை செய்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/15/சுதந்திர-தின-விழா-பழனி-மலைக்-கோயிலுக்கு-துப்பாக்கி-ஏந்திய-போலீஸ்-பாதுகாப்பு-2980713.html
2980712 மதுரை திண்டுக்கல் தாடிக்கொம்பு பெருமாள் கோயிலில் 3 உண்டியல்கள் திருட்டு DIN DIN Wednesday, August 15, 2018 06:30 AM +0530 தாடிக்கொம்பு சௌந்தரராஜப் பெருமாள் கோயிலில் 3 உண்டியல்களை திருடிச் சென்ற மர்ம நபர்கள் குறித்து செவ்வாய்க்கிழமை போலீஸார் வழக்குப்பதிவு செய்து விசாரித்து வருகின்றனர்.
திண்டுக்கல் அருகேயுள்ள தாடிக்கொம்பு பகுதியில் பிரசித்தி பெற்ற சௌந்தராஜப் பெருமாள் கோயில் உள்ளது.இக்கோயில் வளாகத்தில், விநயாகர், சரஸ்வதி, தன்வந்திரி, லட்சுமி நரசிம்மர், ஆண்டாள், ஆஞ்சநேயர் உள்ளிட்ட சுவாமி சன்னதிகளும் அமைந்துள்ளன. 
இந்நிலையில், கோயில் வளாத்திற்குள் திங்கள்கிழமை இரவு புகுந்த மர்ம நபர்கள் தன்வந்திரி, லட்சுமி நரசிம்மர், ஆண்டாள் சன்னதிகளிலிருந்த 3 உண்டியல்களை திருடிச் சென்றுள்ளனர். வழக்கம்போல், செவ்வாய்க்கிழமை காலை கோயிலுக்கு வந்த அர்ச்சகர்கள் உண்டியல்கள் திருடு போனது குறித்து தாடிக்கொம்பு போலீஸாருக்கு தகவல் தெரிவித்துள்ளனர்.
 இதனிடையே, திருடு போன 3 உண்டியல்களும் உடைக்கப்பட்டு தாடிக்கொம்பு அடுத்துள்ள கொடகனாற்றில் கிடந்துள்ளன. கடந்த 2 நாள்களுக்கு முன்பு நடைபெற்ற சொர்ணஆகர்ஷன பைரவர் சிறப்பு வழிபாடு முடிந்த பின், திருக்கோயிலில் உள்ள உண்டியல்கள் திறக்கப்பட்டு, பணம் எடுக்கப்பட்டிருந்தது. இதனால், திருடு போன உண்டியல்களில் அதிக பணம் இருந்திருக்க வாய்ப்பில்லை என கோயில் நிர்வாகம் சார்பில் தெரிவிக்கப்பட்டுள்ளது. இதுகுறித்து தாடிக்கொம்பு போலீஸார் தொடர்ந்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/15/தாடிக்கொம்பு-பெருமாள்-கோயிலில்-3-உண்டியல்கள்-திருட்டு-2980712.html
2980711 மதுரை திண்டுக்கல் பழனி அருகே சுவாமி சிலை சேதம் DIN DIN Wednesday, August 15, 2018 06:30 AM +0530 பழனியை அடுத்த தேக்கன்தோட்டம் வனப்பகுதியில் சுவாமியின் சிலையை திங்கள்கிழமை இரவு மர்மநபர்கள் சேதப்படுத்தியதால் பரபரப்பு ஏற்பட்டுள்ளது.
திண்டுக்கல் மாவட்டம் பழனியை அடுத்தது தேக்கன்தோட்டம்.   இங்கிருந்து சுமார் அரை கிலோ மீட்டர் தொலையில் விலங்கையப்பன் கோயில் உள்ளது.  வனப்பகுதியின் காவல் தெய்வமாக விளங்கும் இக்கோயிலில் வருடம் முழுக்க ஆடு பலியிடுதல் நடைபெறுவது வழக்கம்.   
வனப்பகுதியில் தீ விபத்து நடைபெறுவதால் தற்போது இங்கு வழிபாட்டிற்கு பல்வேறு கட்டுப்பாடுகள் விதிக்கப்பட்டுள்ளன.  இந்நிலையில் திங்கள்கிழமை இரவு விலங்கையப்பன் சுவாமி சிலையின் கைப்பகுதியை மர்மநபர்கள் சேதப்படுத்தியுள்ளனர். இதனால் அப்பகுதியில் திடீர் பரபரப்பு ஏற்பட்டது.  இதுகுறித்து பழனி தாலுகா போலீஸார்  விசாரணை நடத்தி வருகின்றனர்.  இந்நிலையில்  சிலைகளை சேதப்படுத்தியவர்களை கண்டுபிடித்து உடனடியாக கைது செய்ய வேண்டும் என்று பாஜக திண்டுக்கல் மாவட்ட பொதுச் செயலாளர்  கனகராஜ்  வலியுறுத்தியுள்ளார்.

]]>
http://www.dinamani.com/all-editions/edition-madurai/dindigul/2018/aug/15/பழனி-அருகே-சுவாமி-சிலை-சேதம்-2980711.html
2980710 மதுரை திண்டுக்கல் கொடைக்கானல் அருகே காட்டு யானைகள் அட்டகாசம்: பொதுமக்கள் அச்சம் DIN DIN Wednesday, August 15, 2018 06:30 AM +0530 கொடைக்கானல் அருகே செவ்வாய்க்கிழமை காட்டு யானைகள் ஐந்து வீடு பகுதியில்  நிறுத்தி வைக்கப்பட்டிருந்த கார் மற்றும் விவசாய நிலங்களை சேதப்படுத்தியதால் பொதுமக்கள் அச்சமடைந்துள்ளனர்.
கொடைக்கானல் அருகே உப்புப்பாறை மெத்து, பேத்துப்பாறை ஆகிய பகுதிகளில் காட்டு யானைகள் முகாமிட்டுள்ளன. இந்த யானைகள் ஐந்து வீடு பகுதியில் உள்ள கனிபாய் தோட்டம் அருகே உள்ள விவசாய நிலங்களையும், அங்கு நிறுத்தி வைக்கப்பட்டிருந்த காரையும் சேதப்படுத்தியது.  இதனைத் தொடர்ந்து வனத் துறையினர்  அப்பகுதிக்குச் சென்று ஒலி  எழுப்பியும், வெடிவெடித்தும்  யானைகளை விரட்டும் பணியில் ஈடுபட்டனர்.
இதுகுறித்து  விவசாயிகள் கூறியது: யானைகள் தொந்தரவால் இரவு நேரங்களில் தோட்டத்திற்கு கூட காவல் காப்பதற்கு யாரும் செல்வதில்லை. மேலும் கொடைக்கானல்-பழனிமலைச்  சாலைப்பகுதிகளில் யானைகள் நடமாட்டம் இருந்து வருகிறது. எனவே வனத்துறையினர் காட்டு யானைகளை வனப் பகுதிக்கு விரட்டுவதற்கு நடவடிக்கை எடுக்க வேண்டும் என்றனர்.
 

]]>
http://www.dinamani.com/all-editions/edition-madurai/dindigul/2018/aug/15/கொடைக்கானல்-அருகே-காட்டு-யானைகள்-அட்டகாசம்-பொதுமக்கள்-அச்சம்-2980710.html
2980709 மதுரை திண்டுக்கல் திமுக உள்கட்சி விவகாரம் பற்றி பேசுவது நாகரிகமல்ல: டிடிவி.தினகரன் DIN DIN Wednesday, August 15, 2018 06:29 AM +0530 திமுக உள்கட்சி விவகாரம் குறித்து பேசுவது நாகரீகமல்ல என அமமுக துணை பொதுச்செயலர் டிடிவி. தினகரன் தெரிவித்துள்ளார்.
   திண்டுக்கல் மாவட்டம் பழனி அடிவாரத்தில் உள்ள திருஆவினன்குடி கோயிலுக்கு செவ்வாய்க்கிழமை இரவு வந்த அவர்,  குழந்தை வேலாயுத சுவாமியை தரிசனம் செய்தார்.  பின்னர் அவரிடம் செய்தியாளர்கள், திமுகவின் அவசரக் கூட்டத்தில் முக்கியமான முடிவுகள் எடுக்காதது மற்றும் மு.க.அழகிரியால் திமுகவில் பிளவு ஏற்படுமா  என கேட்டனர். 
அதற்கு அவர், திமுக வின் உள்கட்சி விவகாரம் பற்றி பேசுவது நாகரீகமல்ல.  அது அவர்கள் பிரச்னை  என்றார். கோயம்புத்தூர் செல்லும் வழியில் பழனி திருஆவினன்குடி கோயிலுக்கு வந்ததாக அவர் தெரிவித்தார். அவருடன் ஏராளமான கட்சியினர் உடனிருந்தனர்.

]]>
http://www.dinamani.com/all-editions/edition-madurai/dindigul/2018/aug/15/திமுக-உள்கட்சி-விவகாரம்-பற்றி-பேசுவது-நாகரிகமல்ல-டிடிவிதினகரன்-2980709.html
2980708 மதுரை திண்டுக்கல் கொடைக்கானலில் மரக்கிளை தலையில் விழுந்து  துப்புரவுத் தொழிலாளி சாவு DIN DIN Wednesday, August 15, 2018 06:29 AM +0530 கொடைக்கானலில் வீசிய பலத்த காற்றில் மரக்கிளை விழுந்ததில் பலத்த காயமடைந்த துப்புரவுத் தொழிலாளி  சிகிச்சை பலனின்றி செவ்வாய்க்கிழமை இறந்தார்.
கொடைக்கானல் அருகே வடகவுஞ்சி இந்திராநகர் மேல்பள்ளம் கிராமத்தைச் சேர்ந்தவர் தங்கவேல்  மகன் மதுரை வீரன் (29). இவர் துப்புரவு பணியாளராக பணியாற்றி வருகிறார். இவரது மனைவி தனலட்சுமி. இவர்களுக்கு திருமணமாகி 18-மாதங்கள் ஆகிறது. கடந்த ஞாயிற்றுக்கிழமை இரவு மதுரைவீரன் வீட்டிலிருந்து வெளியே சென்றுள்ளார். அப்போது வீசிய பலத்த காற்றில்,  யூக்கலிப்டஸ் மரக்கிளை மதுரைவீரன் தலையில் விழுந்தது. இதில் பலத்த காயமடைந்த அவரை, உறவினர்கள் மீட்டு பழனி அரசு மருத்துவமனைக்கு கொண்டு சென்று சிகிச்சை அளித்தனர். மேல் சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சை பலனின்று செவ்வாய்க்கிழமை இறந்தார். இதுகுறித்து கொடைக்கானல் காவல் நிலைய போலீஸார் வழக்குப்பதிவு செய்து விசாரனை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/15/கொடைக்கானலில்-மரக்கிளை-தலையில்-விழுந்து--துப்புரவுத்-தொழிலாளி-சாவு-2980708.html
2980707 மதுரை திண்டுக்கல் கின்னஸ் சாதனை முயற்சிக்காக இந்திய வரைபடம் போன்று அணிவகுத்து நின்ற 703 மாணவர்கள் DIN DIN Wednesday, August 15, 2018 06:29 AM +0530 கின்னஸ் சாதனை முயற்சிக்காக, திண்டுக்கல் அருகே சுதந்திர போராட்ட வீரர்கள் வேடமணிந்த 703 மாணவர்கள் இந்திய வரைபடமாக அணிவகுத்து நின்றனர்.
 திண்டுக்கல் அடுத்துள்ள புதுக்காப்பிளியப்பட்டி பகுதியில் உள்ள ஸ்ரீகுருமுகி வித்யாஸ்ரம் பள்ளியில், சுதந்திர தின விழா செவ்வாய்க்கிழமை கொண்டாடப்பட்டது. 
இதனையொட்டி உலக சாதனை முயற்சியாக 703 மாணவர்கள் பங்கேற்கும் 2 நிகழ்ச்சிகளுக்கு ஏற்பாடு செய்யப்பட்டிருந்தது.
 முதல் நிகழ்ச்சியாக, இந்தியாவின் விடுதலைப் போராட்டத்தில் ஈடுபட்ட 703 தலைவர்களின் வேடங்களை தரித்த மாணவர்கள், இந்திய வரைப் படம் போல் அணி வகுத்து நின்றனர். அதனைத் தொடர்ந்து 703 விடுதலை போராட்ட வீரர்களின் வாழ்க்கை வரலாறு குறித்து மாணவர்கள் சார்பில் உரை நிகழ்த்தப்பட்டது. 
 இதுதொடர்பாக அந்த பள்ளியின் நிர்வாகிகள் கூறுகையில், மாபெரும் வீரர்களின் ரத்தம் இந்த மண்ணில் சிந்திய பின்னரே, நாட்டிற்கு சுதந்திரம் கிடைத்துள்ளது என்பதை இளைய தலைமுறையினர் அறிந்து கொள்ள வேண்டும் என்பதற்காகவே இதுபோன்ற நிகழ்ச்சிக்கு ஏற்பாடு செய்துள்ளோம் என தெரிவித்தனர்.

]]>
http://www.dinamani.com/all-editions/edition-madurai/dindigul/2018/aug/15/கின்னஸ்-சாதனை-முயற்சிக்காக-இந்திய-வரைபடம்-போன்று-அணிவகுத்து-நின்ற-703-மாணவர்கள்-2980707.html
2980156 மதுரை திண்டுக்கல் அடிப்படை வசதி கோரி ரெட்டியபட்டி கிராம மக்கள் மனு DIN DIN Tuesday, August 14, 2018 07:19 AM +0530 ஒட்டன்சத்திரம் அடுத்துள்ள கிராம மக்கள், அடிப்படை வசதிகளை நிறைவேற்றித் தரக் கோரி மாவட்ட ஆட்சியர் அலுவலகத்தில் திங்கள்கிழமை மனு அளித்தனர்.
      திண்டுக்கல் மாவட்டம், ஒட்டன்சத்திரம் அடுத்துள்ள ரெட்டியபட்டி கிராமத்தைச் சேர்ந்த பொதுமக்கள், குடிநீர், சாலை உள்ளிட்ட அடிப்படை வசதிகளை நிறைவேற்றக் கோரி மாவட்ட ஆட்சியர் அலுவலகத்துக்கு மனு அளிக்க வந்தனர்.
     இது தொடர்பாக அப்பகுதியைச் சேர்ந்த பெண்கள் கூறியது: ரெட்டியபட்டி ஊராட்சியில், ரெட்டியபட்டி தாய் கிராமமாக இருந்தபோதிலும், எங்கள் பகுதியில் கடந்த 4 மாதங்களாக குடிநீர் விநியோகம் செய்யப்படவில்லை. 5 ஆழ்துளைக் கிணறுகள் உள்ளன. 500 அடி ஆழ்துளைக் கிணற்றுக்கு 300 அடிக்கு மட்டுமே குழாய் பதிக்கப்பட்டுள்ளது. 
   இதனால், குடிநீர் விநியோகம் பாதிக்கப்பட்டுள்ளது. அதேபோல், பெரியகோட்டை மற்றும் சத்திரப்பட்டி வரையில் மட்டுமே பேருந்து வசதி உள்ளது. இதனால், ரெட்டியபட்டி கிராமத்துக்கு 2 கி.மீ. தொலைவு நடந்து செல்லும் நிலை உள்ளது.
    மேலும், எங்கள் பகுதியைச் சேர்ந்தவர்களுக்கு 100 நாள் வேலை திட்டத்தின் கீழ் பணி ஒதுக்கீடு செய்வதில்லை. இதனால், வேலைவாய்ப்பு இல்லாமல் பலர் சிரமம் அடைந்து வருகின்றனர். 
   இது தொடர்பாக ஊராட்சி செயலரிடம் மனு அளித்தும், இதுவரை நடவடிக்கை எடுக்கவில்லை. எனவே, மாவட்ட ஆட்சியர் எங்கள் பகுதிக்கான அடிப்படைத் தேவைகளை நிறைவேற்றிக் கொடுக்க நடவடிக்கை எடுக்கவேண்டும் எனத் தெரிவித்தனர்.

]]>
http://www.dinamani.com/all-editions/edition-madurai/dindigul/2018/aug/14/அடிப்படை-வசதி-கோரி-ரெட்டியபட்டி-கிராம-மக்கள்-மனு-2980156.html
2980155 மதுரை திண்டுக்கல் ஒட்டன்சத்திரத்தில் தீ விபத்து DIN DIN Tuesday, August 14, 2018 07:18 AM +0530 ஒட்டன்சத்திரத்தில் திங்கள்கிழமை குப்பையில் வைக்கப்பட்ட தீயானது மரக்கடைக்கு பரவியது. 
      ஒட்டன்சத்திரம்-தாராபுரம் சாலையில் மின்வாரிய அலுவலகம் அருகே நகராட்சி சார்பில் குப்பைத் தொட்டி வைக்கப்பட்டுள்ளது. இந்த குப்பைத் தொட்டியில் மர்ம நபர் தீ வைத்துள்ளார். இதனால், குப்பையில் பிடித்த தீ அருகிலிருந்த காலி இடத்துக்கு பரவி, அங்கு காய்ந்து கிடந்த புல்லில் பற்றி எரிந்தது. பின்னர், அதனருகிலுள்ள மரக்கடைக்கு பரவியது. 
    இதனிடையே, தகவலின்பேரில் சம்பவ இடத்துக்கு வந்த ஒட்டன்சத்திரம் தீயணைப்பு நிலைய வீரர்கள் தீயை அணைத்தனர். இதனால், மரக்கடையில் இருந்த பல லட்சம் ரூபாய் மதிப்பிலான கட்டைகள் தப்பின.

]]>
http://www.dinamani.com/all-editions/edition-madurai/dindigul/2018/aug/14/ஒட்டன்சத்திரத்தில்-தீ-விபத்து-2980155.html
2980154 மதுரை திண்டுக்கல் மாற்றுத்திறனாளிகளுக்கு 100 நாள் வேலை வழங்கக் கோரி காத்திருப்புப் போராட்டம் DIN DIN Tuesday, August 14, 2018 07:18 AM +0530 திண்டுக்கல் மாவட்ட மாற்றுத் திறனாளிகளுக்கு, அரசாணைப்படி 100 நாள் வேலை வழங்க வலியுறுத்தி, மாவட்ட  ஆட்சியர் அலுவலகத்தில் காத்திருப்பு போராட்டம் திங்கள்கிழமை நடத்தப்பட்டது.
       தமிழ்நாடு அனைத்து வகை மாற்றுத் திறனாளிகள் மற்றும் பாதுகாப்போர் உரிமைகளுக்கான சங்கத்தின் சார்பில், 50-க்கும் மேற்பட்ட மாற்றுத் திறனாளிகள், திண்டுக்கல் மாவட்ட ஆட்சியர் அலுவலகம் முன் காத்திருப்புப் போராட்டத்தில் ஈடுபட்டனர். முன்னதாக, இவர்கள் மாவட்ட ஆட்சியர் அலுவலகத்துக்கு ஊர்வலமாக வந்தனர். 
     இது தொடர்பாக அச் சங்கத்தின் மாவட்டத் தலைவர் பி. செல்வநாயகம் கூறியது:   மாற்றுத் திறனாளிகளுக்கு 100 நாள் வேலை திட்டத்தில் பணி ஒதுக்கீடு செய்வது தொடர்பாக, தமிழக அரசு கடந்த 2012ஆம் ஆண்டு அரசாணை வெளியிட்டது. அந்த அரசாணையை, திண்டுக்கல் மாவட்டத்தில் அமல்படுத்தக் கோரி கடந்த செப்டம்பர் மாதம் மாற்றுத் திறனாளிகள் பாதுகாப்பு சங்கத்தின் சார்பில் போராட்டம் நடத்தப்பட்டது.
    அதன் காரணமாக, மாற்றுத் திறனாளிகளுக்கு நாளொன்றுக்கு 4 மணி நேர வேலை வழங்கப்படும் என உறுதி அளிக்கப்பட்டதோடு, பணியும் வழங்கப்பட்டது. ஆனால், நிகழாண்டின் தொடக்கம் முதலே அந்த விதிமுறைகளை மாற்றி, 8 மணி நேரம் வேலை செய்ய வேண்டும் என மாற்றுத் திறனாளிகள் வற்புறுத்தப்படுகின்றனர். பலருக்கு 100 நாள் வேலை மறுக்கப்படுகிறது. இந்தப் பிரச்னைக்கு, மாவட்ட நிர்வாகம் உரிய தீர்வு காணவேண்டும் எனத் தெரிவித்தார்.

]]>
http://www.dinamani.com/all-editions/edition-madurai/dindigul/2018/aug/14/மாற்றுத்திறனாளிகளுக்கு-100-நாள்-வேலை-வழங்கக்-கோரி-காத்திருப்புப்-போராட்டம்-2980154.html
2980153 மதுரை திண்டுக்கல் பழனி அருகே முறைகேடாக அள்ளப்படும் செம்மண்: நிலவளம் பாதிக்கப்படுவதாக விவசாயிகள் புகார் DIN DIN Tuesday, August 14, 2018 07:18 AM +0530 பழனியை அடுத்த கொடைக்கானல் மலையடிவாரப் பகுதிகளில் முறைகேடாக செம்மண் அள்ளப்படுவதால் நிலவளம் பாதிக்கப்பட்டு வருவதாக விவசாயிகள் புகார் தெரிவித்துள்ளனர்.
பழனியை அடுத்த கொடைக்கானல் மலையடிவாரப் பகுதிகளான பாலசமுத்திரம், பெரியம்மாபட்டி, பாலாறு, பொருந்தலாறு, ஆயக்குடி பகுதிகளில் நூற்றுக்கணக்கான செங்கல் சூளைகளும், இருபதுக்கும் மேற்பட்ட சேம்பர்களும் உள்ளன. இவற்றில் இருந்து நாள்தோறும் லட்சக்கணக்கான செங்கற்கள் ஈரோடு, திருப்பூர், கோவை, திண்டுக்கல், மதுரை மாவட்டங்களுக்கு செல்கின்றன. இதற்காக சேம்பர்களில் ஆயிரக்கணக்கான யூனிட் செம்மண் முறைகேடாக மலைபோல் குவித்து வைக்கப்பட்டுள்ளன.
 இதனால் விவசாய வளம், நிலத்தடி நீராதாரம் பாதிக்கப்பட்டுள்ளது. இதனைக் கண்டித்து விவசாயிகளும் பல்வேறு போராட்டம் நடத்தியும் எவ்வித நடவடிக்கையும் இல்லை.
கடந்த இரண்டு ஆண்டுகளுக்கு முன், பழனி சார் ஆட்சியராக இருந்த வினீத், மேற்படி சேம்பர்களை ஆய்வு செய்து முறைகேடுகளுக்கு லட்சக்கணக்கில் அபராதம் விதித்தார். அதையடுத்து அவர் அதிரடியாக நீலகிரிக்கு பணியிட மாற்றம் செய்யப்பட்டார். 
இதுவரை சேம்பர் உரிமையாளர்கள் யாரும் அபராதத் தொகையை கட்டவில்லை.  எனவே, பழனி மற்றும் சுற்றுவட்டாரப் பகுதிகளில் ஆக்கிரமிப்பில் உள்ள புறம்போக்கு நிலங்களை கையகப்படுத்தவும், மண் கொள்ளைக்கு முற்றுப்புள்ளி வைக்கவும் மாவட்ட ஆட்சியர் நடவடிக்கை எடுக்க வேண்டும் என விவசாயிகளும், பொதுமக்களும் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/dindigul/2018/aug/14/பழனி-அருகே-முறைகேடாக-அள்ளப்படும்-செம்மண்-நிலவளம்-பாதிக்கப்படுவதாக-விவசாயிகள்-புகார்-2980153.html
2980152 மதுரை திண்டுக்கல் கொடைக்கானல் மலைப் பகுதியில் பூட்டிக் கிடக்கும் கால்நடை மருத்துவமனைகள்: விவசாயிகள் பாதிப்பு DIN DIN Tuesday, August 14, 2018 07:18 AM +0530 கொடைக்கானலில் கால்நடை மருத்துவமனைகள் செயல்படாததால் விவசாயிகள் பெரிதும் பாதிக்கப்பட்டுள்ளனர். இதனால், கால்நடை வளர்ப்பும் குறைந்து வருகிறது.
கொடைக்கானல் பகுதிகளான நாயுடுபுரம், பள்ளங்கி, அட்டுவம்பட்டி, பாம்பார்புரம், வில்பட்டி, பூம்பாறை, கிளாவரை, பெருமாள்மலை உள்ளிட்ட பல்வேறு பகுதிகளில் விவசாயிகள் ஏராளமானோர் வசித்து வருகின்றனர். மேலும், இவர்கள் பசு, உழவு மாடுகள், ஆடு, நாய், கோழி உள்ளிட்ட கால்நடைகளை தங்களது வீட்டில் வளர்த்து வருகின்றனர். மலைப் பகுதிகளில் கால்நடைகளுக்கு சிகிச்சை அளிப்பதற்காக கொடைக்கானல், பாம்பார்புரம், வில்பட்டி, பெருமாள்மலை உள்ளிட்ட இடங்களில் கால்நடை மருத்துவமனைகள் உள்ளன.
இந்த மருத்துவமனைகளில் மொத்தம் 6 கால்நடை மருத்துவர்கள் பணியாற்றி வந்தனர். பின்னர், படிப்படியாக கால்நடை மருத்துவர்களின் எண்ணிக்கை குறைந்து, தற்போது 3 மருத்துவர்கள் மட்டுமே பணியாற்றி வருகின்றனர். 
கால்நடைகளுக்கு உடல்நலக்குறைவு ஏற்பட்டால் கொடைக்கானல் கால்நடை மருத்துவமனைக்கே கொண்டு செல்ல வேண்டிய நிலை உள்ளதாகவும், புறநகர்ப் பகுதிகளான பாம்பார்புரம், நாயுடுபுரம், வில்பட்டி உள்ளிட்ட பல இடங்களில் கால்நடை மருத்துவமனைகள் பல ஆண்டுகளாக பூட்டி கிடப்பதாகவும் விவசாயிகள் குற்றம் சாட்டுகின்றனர். இதனால் கால்நடைகள் வளர்ப்பு ஆர்வம் விவசாயிகளிடம் குறைந்து வருகிறது. கால்நடைகளின் எண்ணிக்கையும் வெகுவாக குறைந்து வருகிறது.
இது குறித்து கால்நடைமருத்துவர் ஒருவர் கூறியதாவது: கொடைக்கானல் மலைப் பகுதிகளில் உள்ள கால்நடை மருத்துவமனைகளில் 6 மருத்துவர்கள், 12 உதவியாளர்கள் தேவை. தற்போது 3 மருத்துவர்களும், 2 உதவியாளர்கள் மட்டுமே பணியில் உள்ளனர். இவர்கள் கொடைக்கானல் கீழ்மலை, மேல்மலைப் பகுதிகளில் உள்ள கால்நடைகளை கண்காணித்து மருத்துவ சிகிச்சை அளித்து வருகின்றனர். இவைத் தவிர வன விலங்குகள் இறந்தால் அவற்றை மருத்துவ பரிசோதனை செய்யும் பணிகளிலும் ஈடுபட வேண்டும். 
இதனால் கொடைக்கானல் பகுதிகளில் உள்ள அனைத்து கால்நடைகளுக்கும் சிகிச்சை அளிக்க இயலவில்லை. எனவே, கொடைக்கானல் பகுதியில் கூடுதலாக கால்நடை மருத்துவர்கள், உதவியாளர்களை நியமிக்க அரசு நடவடிக்கை மேற்கொள்ள வேண்டும் என்றார்.

]]>
http://www.dinamani.com/all-editions/edition-madurai/dindigul/2018/aug/14/கொடைக்கானல்-மலைப்-பகுதியில்-பூட்டிக்-கிடக்கும்-கால்நடை-மருத்துவமனைகள்-விவசாயிகள்-பாதிப்பு-2980152.html
2980151 மதுரை திண்டுக்கல் சொத்து வரி உயர்வைக் கண்டித்து திண்டுக்கல்லில் நடைப்பயண இயக்கம் DIN DIN Tuesday, August 14, 2018 07:17 AM +0530 சொத்து வரி மற்றும் வீட்டு வரி உயர்வைக் கண்டித்து, மார்க்சிஸ்ட் கம்யூனிஸ்ட் கட்சி சார்பில், திண்டுக்கல்லில் திங்கள்கிழமை நடைப்பயண இயக்கம் தொடங்கியது.
        திண்டுக்கல் மாநகராட்சியில் குடியிருப்புக் கட்டடங்களுக்கு 100 சதவீதம், வாடகை குடியிருப்புக் கட்டடங்களுக்கு 50 சதவீதம் என வரி உயர்த்தப்பட்டுள்ளது. 
அதேபோல், குடியிருப்பு அல்லாத கட்டடங்களுக்கு 100 சதவீதம் வரி உயர்வு என மாற்றப்பட்டுள்ளது.
     இந்த வரி உயர்வை திரும்பப் பெறக் கோரி, திண்டுக்கல் மாநகர மார்க்சிஸ்ட் கம்யூனிஸ்ட் கட்சி சார்பில் நடைப்பயண இயக்கம் திங்கள்கிழமை தொடங்கப்பட்டது. 
திண்டுக்கல் மேற்கு மரியநாதபுரம் பகுதியில் தொடங்கிய இந்த நடைப்பயணத்துக்கு, மாவட்டச் செயலர் இரா. சச்சிதானந்தம் தலைமை வகித்தார். நகரச் செயலர் ஆசாத், மாவட்டக் குழு உறுப்பினர் ஜானகி உள்பட பலர் கலந்துகொண்டனர்.
     இந்த நடைப்பயணமானது, குள்ளனம்பட்டி, நாகல் நகர், ஆர்வி.நகர் உள்ளிட்ட பகுதிகளை கடந்து சவேரியார்பாளையத்தில் முடிவடைந்தது. மீண்டும் திருமலைசாமிபுரத்தில் செவ்வாய்க்கிழமை தொடங்கும் நடைப்பயணம், அபிராமி நகர், கோபால் நகர், மணிக்கூண்டு வழியாகச் சென்று காமராஜர்புரத்தில் நிறைவடைகிறது.
 

]]>
http://www.dinamani.com/all-editions/edition-madurai/dindigul/2018/aug/14/சொத்து-வரி-உயர்வைக்-கண்டித்து-திண்டுக்கல்லில்-நடைப்பயண-இயக்கம்-2980151.html
2980150 மதுரை திண்டுக்கல் திமுகவில் எந்தப் பிளவும் இல்லை: ஐ.பெரியசாமி DIN DIN Tuesday, August 14, 2018 07:17 AM +0530 திமுகவில் எந்தம் பிளவும் இல்லை என, அக்கட்சியின் மாநில துணைப் பொதுச் செயலர் ஐ. பெரியசாமி தெரிவித்துள்ளார்.
    கருணாநிதியின் அனைத்து விசுவாசிகளும் தன் பக்கமே உள்ளதாக, முன்னாள் மத்திய அமைச்சர் மு.க. அழகிரி கூறியுள்ளார்.
    இந்நிலையில், திண்டுக்கல்லில் திங்கள்கிழமை நடைபெற்ற மறைந்த கருணாநிதிக்கு அஞ்சலி செலுத்தும் வகையில் நடைபெற்ற அமைதி ஊர்வல நிகழ்ச்சியில் பங்கேற்ற ஐ.பெரியசாமி செய்தியாளர்களிடம் கூறியது:
     தமிழகம் மட்டுமின்றி, உலகத் தமிழர்களுக்கும் தலைவராக இருந்தவர் கருணாநிதி. திமுக எப்போதுமே எஃகு கோட்டையாக இருக்கிறது. அதனை யாராலும் உடைக்க முடியாது. திமுகவில் எந்தப் பிளவும் கிடையாது. 50 ஆண்டு காலம் திமுகவை கட்டிக்காத்த கருணாநிதியின் வழியைப் பின்பற்றி, செயல் தலைவர் மு.க. ஸ்டாலின் கட்சியை வழிநடத்துவார் என்றார்.
 

]]>
http://www.dinamani.com/all-editions/edition-madurai/dindigul/2018/aug/14/திமுகவில்-எந்தப்-பிளவும்-இல்லை-ஐபெரியசாமி-2980150.html
2980149 மதுரை திண்டுக்கல் திண்டுக்கல்  மாநகராட்சியில் அனுமதியில்லாத கட்டடங்களின் எண்ணிக்கை அதிகரிப்பு! அரசுக்கு லட்சக்கணக்கில் வருவாய் இழப்பு DIN DIN Tuesday, August 14, 2018 07:17 AM +0530 திண்டுக்கல் மாநகராட்சியில் அனுமதியின்றி கட்டப்படும் கட்டடங்களின் எண்ணிக்கை அதிகரித்துள்ளது. இதனால், அரசுக்கு லட்சக்கணக்கில் வருவாய் இழப்பு ஏற்பட்டுள்ளது.
 திண்டுக்கல் மாநகராட்சியில் 48 வார்டுகள் உள்ளன. இங்கு புதிய கட்டடம் கட்டுவதற்கு, விண்ணப்பத்துடன், கட்டட வரைபடம், இடத்துக்கான ஆவண நகல், கட்டடத்தின் உத்தேச மதிப்பீடு உள்ளிட்ட விவரங்களைப் பெற்று, மாநகராட்சி சார்பில் ஒப்புதல் வழங்கப்படுகிறது.  
 குடியிருப்புகளை பொருத்தவரை 4ஆயிரம் சதுர அடி வரையிலும், வணிக நோக்கிலான கட்டடங்களுக்கு 2ஆயிரம் சதுர அடி வரையிலும் திண்டுக்கல் மாநகராட்சி சார்பில் ஒப்புதல் வழங்கப்படுகிறது. அதற்கு கூடுதலான சதுரஅடியில் கட்டப்படும் கட்டடங்களுக்கு உள்ளூர் திட்டக் குழுமத்தின் சார்பில் அனுமதி அளிக்கப்படுகிறது.
 வீடுகளுக்கான கட்டட அனுமதி வழங்க, ரூ.15 ஆயிரம் முதல் ரூ.35 ஆயிரம் வரை மாநகராட்சி சார்பில் கட்டணம் வசூலிக்கப்படுகிறது. ஆனால், வரைப்படத்தின்படி வீட்டை சுற்றிலும் இடம் ஒதுக்கப்படவில்லை, சாலைக்கு இடம் ஒதுக்கப்படவில்லை, பூங்காவுக்கு இடமில்லை என பல்வேறு காரணங்களை சொல்லி மாநகராட்சி அலுவலர்கள், ஒப்புதல் வழங்க மறுத்து விடுகின்றனர். 
 இதனால் அதிருப்தி அடையும் கட்டுமானதாரர்கள், மாநகராட்சியின் அனுமதியை பெறாமலேயே கட்டடத்தை கட்டி முடித்துவிடுகின்றனர். அதன் பின்னர், மாநகராட்சி நிர்வாகத்தின் மூலம் நீதிமன்றத்தில் தொடரப்படும் வழக்குகளுக்கு கட்டட உரிமையாளர்கள் அபராதத் தொகை (அதிகபட்சமாக ரூ.2000) மட்டுமே செலுத்தும் நிலை உள்ளது. இதனால், மாநகராட்சிக்கு பல லட்சம் ரூபாய் வருவாய் இழப்பு ஏற்படுவதாக கூறப்படுகிறது. 
இதுதொடர்பாக கட்டுமானப் பொறியாளர் ஒருவர் கூறியது:
 மதுரை, திருச்சி போன்ற பெரிய மாநகராட்சிகளில் 150 சதுர அடியில் கட்டப்படும் கட்டங்களுக்கும் அனுமதி அளிக்கப்படுகிறது. அதனால், மாநகராட்சிக்கும், தமிழக அரசுக்கும் பாதிப்பில்லாமல் வருவாய் கிடைக்கிறது. ஆனால், திண்டுக்கல் மாநகராட்சியில் மட்டுமே பல்வேறு காரணங்களுக்காக ஒப்புதல் மறுக்கப்படுகிறது. குறிப்பாக மனையின் 4 இல் ஒரு பகுதி திறந்தவெளியாக இருக்க வேண்டும் என சொல்வது இன்றைய சூழலுக்கு சாத்தியமில்லை. 
 மாநகராட்சி அலுவலர்களை பொருத்தவரை, தங்களை பாதுகாத்துக் கொள்வதற்காக அனுமதியின்றி கட்டப்படும் கட்டடத்தின் உரிமையாளருக்கு நோட்டீஸ் மட்டும் வழங்குகின்றனர். பின்னர், நீதிமன்ற நடவடிக்கையின்போது அபராதம் விதிக்கப்படுகிறது. அதனைத் தொடர்ந்து அபாரதத்திற்கு பின், மேல் நடவடிக்கைகளை மாநகராட்சி நிர்வாகம் தொடருவதில்லை. அதேபோல் கட்டடத்தின் உரிமையாளரும், நீதிமன்ற அபராதம் மட்டுமின்றி மாநகராட்சி அலுவலரையும் கவனித்துவிட்டு, அனுமதியில்லாத கட்டடத்திலேயே வசிக்க வேண்டிய சூழல் உள்ளது. 
 இதனை தடுக்க, மாநகராட்சியின் அனுமதி இருந்தால் மட்டுமே அந்த கட்டடத்துக்கு வரி வசூலிக்க வேண்டும். அதேபோல், அனுமதி இருந்தால் மட்டுமே மின் இணைப்பு, குடிநீர் இணைப்பு வழங்க வேண்டும். இதன் மூலம் மாநகராட்சி அலுவலர்கள் சுய லாபம் அடைவது தவிர்க்கப்படுவதோடு, பொதுமக்களும் அனுமதி பெற்ற கட்டடத்தில் வசிக்க முடியும் என்றார்.

அனுமதியின்றி 1,050 கட்டடங்கள்
திண்டுக்கல் மாநகராட்சியைப் பொருத்தவரை, கடந்த  2014- 2017 வரையிலான 4 ஆண்டுகளில் 380 கட்டடங்களுக்கு மட்டுமே அனுமதி  வழங்கப்பட்டுள்ளது. இதேகால கட்டத்தில் 430 கட்டடங்களுக்கு, மாநகராட்சி நிர்வாகத்தின் சார்பில் அனுமதி  மறுக்கப்பட்டுள்ளதாக தெரிகிறது. அதே நேரத்தில், மாநகராட்சியின் அனுமதி பெறாமல் கடந்த 4 ஆண்டுகளில் 1,050 கட்டடங்கள் கட்டப்பட்டுள்ளன. 
   இதில், நீதிமன்றத்தில் தொடரப்பட்ட வழக்குகளின் மூலமாக, சுமார் 800 கட்டடங்களின் உரிமையாளர்களுக்கு அபராதம் விதிக்கப்பட்டுள்ளதாக கூறப்படுப்படுகிறது.

]]>
http://www.dinamani.com/all-editions/edition-madurai/dindigul/2018/aug/14/திண்டுக்கல்--மாநகராட்சியில்-அனுமதியில்லாத-கட்டடங்களின்-எண்ணிக்கை-அதிகரிப்பு-அரசுக்கு-லட்சக்கணக்கில்-2980149.html
2980148 மதுரை திண்டுக்கல் பழனியில் தேசிய மாணவர் படை முகாம் நிறைவு DIN DIN Tuesday, August 14, 2018 07:16 AM +0530 பழனியில் ஐநூறுக்கும் மேற்பட்ட மாணவர்கள் பங்கேற்ற குடியரசு தினவிழா அணிவகுப்புக்கான  மாணவ, மாணவியர் முகாம் சனிக்கிழமை நிறைவு பெற்றது. 
 பழனி அருள்மிகு பழனியாண்டவர் கலை மற்றும் பண்பாட்டுக் கல்லூரி வளாகத்தில் தேசிய மாணவர் படை பயிற்சி முகாம் கடந்த 3 ஆம் தேதி தொடங்கியது. பத்து நாள்கள் நடைபெற்ற இம்முகாமில் திருச்சி மண்டலத்துக்கு உள்பட்ட திருச்சி, திண்டுக்கல், தேனி மாவட்டங்களில் இருந்து 550-க்கும் மேற்பட்ட  மாணவ, மாணவிகள் பயிற்சி பெற்றனர். 
 முகாமில் தமிழ்நாடு 14ஆவது அணியின் என்சிசி ராணுவ அதிகாரி லெப்டினன்ட் கர்னல் ஷாஜி, துணை ராணுவ அதிகாரி லெப்டினன்ட் கர்னல் சிங்கராஜ் ஆகியோர் தலைமையில் ஏராளமான ராணுவ வீரர்கள் மாணவர்களுக்கு பல்வேறு பயிற்சிகளை அளித்தனர். துப்பாக்கி சுடுதல், போரின் போது தற்காத்துக் கொள்ளுதல், பிளாஸ்டிக் ஒழிப்பு, மரக்கன்று நடுதல் போன்ற பயிற்சிகள் அளிக்கப்பட்டன.
 மேலும், புதுதில்லியில் நடைபெறும் குடியரசு தினவிழாவில் பங்கேற்கும் பொருட்டு மாணவ, மாணவியர்க்கு சீருடை அணிவகுப்பு, பரதநாட்டியம், நாட்டுப்புறக்கலைகள், இசைக்கருவிகளை வாசித்தல் போன்ற தனித்திறன் பயிற்சிகளும் அளிக்கப்பட்டன.
 சனிக்கிழமை நடைபெற்ற முகாமின் நிறைவு நாள் நிகழ்ச்சியில் போர் ஒத்திகை செய்து காட்டப்பட்டது.  மாலையில் கல்லூரி கருத்தரங்க கூடத்தில் கலை நிகழ்ச்சிகள் நடைபெற்றது. முகாம் ஏற்பாடுகளை பழனியாண்டவர் கல்லூரி என்சிசி அதிகாரி லெப்டினன்ட் பாக்கியராஜ், என்சிசி சுபேதார் மேஜர் சிதம்பரம், ஆயக்குடி ஐடிஓ பள்ளி என்சிசி அலுவலர் சரவணக்குமார் உள்ளிட்டோர் செய்திருந்தனர்.

]]>
http://www.dinamani.com/all-editions/edition-madurai/dindigul/2018/aug/14/பழனியில்-தேசிய-மாணவர்-படை-முகாம்-நிறைவு-2980148.html
2980147 மதுரை திண்டுக்கல் அண்ணா பல்கலைக்கழக மண்டல பூப்பந்தாட்டப் போட்டிகள் DIN DIN Tuesday, August 14, 2018 07:16 AM +0530 அண்ணா பல்கலைக்கழக மண்டல பூப்பந்தாட்டப் போட்டியில், திண்டுக்கல் பிஎஸ்என்ஏ கல்லூரி அணி முதலிடம் பெற்று, பல்கலைக்கழக மண்டலங்களுக்கு இடையிலான போட்டிக்குத் தகுதி பெற்றது.
    அண்ணா பல்கலைக்கழக மண்டல அளவில் பெண்களுக்கான பூப்பந்தாட்டப் போட்டிகள், திண்டுக்கல் தாமரைப்பாடியில் உள்ள தனியார் பொறியியல் கல்லூரியில் திங்கள்கிழமை நடைபெற்றன. இதில், கரூர், திண்டுக்கல், தேனி, விருதுநகர், மதுரை புறநகர் மாவட்டங்களைச் சேர்ந்த 12 அணிகள் கலந்துகொண்டன.      கரூர் குமாரசாமி பொறியியல் கல்லூரி அணியும், திண்டுக்கல் பிஎஸ்என்ஏ பொறியியல் கல்லூரி அணியும் இறுதி ஆட்டத்துக்கு தகுதி பெற்றன. இதில், 35 - 26, 35 - 17 என்ற புள்ளிகளில் வெற்றி பெற்ற பிஎஸ்என்ஏ கல்லூரி அணி முதலிடம் பெற்றது. விருதுநகர் காமராஜர் பொறியியல் கல்லூரி 3ஆவது இடம் பெற்றது.
     முதலிடம் பெற்ற பிஎஸ்என்ஏ கல்லூரி அணி, அண்ணா பல்கலைக்கழக மண்டலங்களுக்கு இடையிலான போட்டிக்கு தகுதிப் பெற்றது.
    போட்டிக்கான ஏற்பாடுகளை, அண்ணா பல்கலைக்கழக உடற்கல்வி இயக்குநர் சதீஷ், அண்ணா பல்கலை. விளையாட்டுகளுக்கான மண்டல செயலர் விஜய் ஆகியோர் செய்திருந்தனர்.
 

]]>
http://www.dinamani.com/all-editions/edition-madurai/dindigul/2018/aug/14/அண்ணா-பல்கலைக்கழக-மண்டல-பூப்பந்தாட்டப்-போட்டிகள்-2980147.html
2980146 மதுரை திண்டுக்கல் ஒட்டன்சத்திரம் காய்கறி சந்தையில் ஆந்திர மாங்காய் விலை உயர்வு DIN DIN Tuesday, August 14, 2018 07:15 AM +0530 ஒட்டன்சத்திரம் காய்கறி சந்தையில் ஆந்திர மாநிலம் நெல்லூர் மாங்காய் கிலோ ரூ. 60-க்கு விற்பனையானது.
    ஆந்திர மாநிலம் நெல்லூர் பகுதியில் பூனஸ் என்ற வகை மாங்காய் அதிக அளவில்  உற்பத்தி செய்யப்படுகிறது. இந்த மாங்காய்கள் தற்போது ஒட்டன்சத்திரம் காய்கறி சந்தைக்கு விற்பனைக்கு வந்துள்ளன. திங்கள்கிழமை ஒரு கிலோ பூனஸ் மாங்காய் ரூ.60-க்கு விற்கப்பட்டது.    அதேபோல், தமிழகத்தில் விளையக்கூடிய கல்லாமை, நீலம் மாங்காய்களின் விலையும் கணிசமாக உயர்ந்தது. இவை,கிலோ ரூ.40 வரை விற்கப்பட்டது. 
    மற்ற காய்கறிகளின் விலை நிலவரம்: தக்காளி 14 கிலோ பெட்டி ரூ.110, செடி முருங்கை ரூ.11, கரும்பு முருங்கை ரூ.8, மர முருங்கை ரூ.6, வெண்டைக்காய் ரூ.22, பாகற்காய் ரூ.18, சுரைக்காய் ரூ.8, பச்சைப் பயறு ரூ.35, பீன்ஸ் ரூ.19, ரிங் பீன்ஸ் ரூ.22, முருங்கை பீன்ஸ் ரூ.33, புஸ் பீன்ஸ் ரூ.34, பெல்ட் அவரை ரூ.18, கறிக்கோழி அவரை ரூ.30, பெல்லி அவரை ரூ.25, நார்த்தை ரூ.40, சாதா அவரை ரூ.13, புடலைக்காய் ரூ.8 என விற்பனையானது.

]]>
http://www.dinamani.com/all-editions/edition-madurai/dindigul/2018/aug/14/ஒட்டன்சத்திரம்-காய்கறி-சந்தையில்-ஆந்திர-மாங்காய்-விலை-உயர்வு-2980146.html
2980145 மதுரை திண்டுக்கல் கருணாநிதிக்கு அமைதி ஊர்வலம்: அதிமுகவினர் பங்கேற்பு DIN DIN Tuesday, August 14, 2018 07:15 AM +0530 மறைந்த திமுக தலைவர் கருணாநிதிக்கு அஞ்சலி செலுத்தும் வகையில், திமுக சார்பில் திண்டுக்கல்லில் ஏற்பாடு செய்யப்பட்டிருந்த அமைதி ஊர்வலத்தில், அதிமுக நிர்வாகிகள் பங்கேற்றது பிற கட்சியினருக்கு ஆச்சரியத்தை ஏற்படுத்தியது.
       திண்டுக்கல் மாவட்ட திமுக சார்பில் திங்கள்கிழமை நடைபெற்ற இந்த அமைதி ஊர்வலத்துக்கு, மாநில துணைப் பொதுச் செயலர் ஐ. பெரியசாமி தலைமை வகித்தார். இதில், திமுகவினர் மட்டுமின்றி, காங்கிரஸ், மதிமுக, கம்யூனிஸ்ட், விடுதலைச் சிறுத்தைகள், திராவிடர் கழகம் உள்ளிட்ட பிற கட்சிகளின் நிர்வாகிகள் மற்றும் தொண்டர்களும் கலந்துகொண்டனர்.
அதிமுக பகுதி செயலர்கள்       இந்த அமைதி ஊர்வலத்தில், அதிமுக பகுதி செயலர்கள் மோகன், சுப்பிரமணி உள்ளிட்டோரும் பங்கேற்றனர். கருணாநிதியின் உடல் நலம் விசாரிப்பு, இறுதி நிகழ்ச்சியில் பங்கேற்பு என அதிமுக மேல்மட்ட தலைவர்கள் மட்டுமே பங்கேற்றிருந்த நிலையில், மாவட்ட அளவில் நடைபெற்ற அமைதி ஊர்வலத்தில் அதிமுக நிர்வாகிகள் பங்கேற்றது, அனைத்து கட்சியினர் மத்தியிலும் ஆச்சரியத்தை ஏற்படுத்தியது.
    திண்டுக்கல் பேருந்து நிலையப் பகுதியில் தொடங்கிய இந்த அமைதி ஊர்வலம், நாகல் நகர், ஆர்எஸ். சாலை, சோலைஹால் சாலை வழியாகச் சென்று மணிக்கூண்டு பகுதியில் நிறைவடைந்தது. 
திமுகவில் எந்தப் பிளவும் இல்லை: ஐ.பெரியசாமி
   கருணாநிதியின் அனைத்து விசுவாசிகளும் தன் பக்கமே உள்ளதாக, முன்னாள் மத்திய அமைச்சர் மு.க. அழகிரி கூறியுள்ளார்.    இந்நிலையில், திண்டுக்கல்லில் திங்கள்கிழமை நடைபெற்ற மறைந்த கருணாநிதிக்கு அஞ்சலி செலுத்தும் வகையில் நடைபெற்ற அமைதி ஊர்வல நிகழ்ச்சியில் பங்கேற்ற ஐ.பெரியசாமி செய்தியாளர்களிடம் கூறியது:
     தமிழகம் மட்டுமின்றி, உலகத் தமிழர்களுக்கும் தலைவராக இருந்தவர் கருணாநிதி. திமுக எப்போதுமே எஃகு கோட்டையாக இருக்கிறது. அதனை யாராலும் உடைக்க முடியாது. திமுகவில் எந்தப் பிளவும் கிடையாது. 50 ஆண்டு காலம் திமுகவை கட்டிக்காத்த கருணாநிதியின் வழியைப் பின்பற்றி, செயல் தலைவர் மு.க. ஸ்டாலின் கட்சியை வழிநடத்துவார் என்றார்.

]]>
http://www.dinamani.com/all-editions/edition-madurai/dindigul/2018/aug/14/கருணாநிதிக்கு-அமைதி-ஊர்வலம்-அதிமுகவினர்-பங்கேற்பு-2980145.html
2979484 மதுரை திண்டுக்கல் கொடைக்கானலுக்கு சுற்றுலாப் பயணிகள் வருகை அதிகரிப்பு DIN DIN Monday, August 13, 2018 06:42 AM +0530 கொடைக்கானலில் கடந்த இரண்டு நாள்களாக சுற்றுலாப் பயணிகள் வருகை அதிகமாகக் காணப்பட்டது.
 கொடைக்கானலில் பொதுவாக ஜூலை, ஆகஸ்ட், செப்டம்பர் மாதங்கள் இரண்டாம் சீசன் காலமாகும். இந்த காலங்களில் கொடைக்கானலுக்கு வடஇந்தியாவிலிருந்து சுற்றுலாப் பயணிகள் வருகை அதிகமாகக் காணப்படும். ஆனால், தொடர் மழை, திமுக தலைவர் கருணாநிதி மறைவு உள்ளிட்ட பல்வேறு காரணங்களால் சுற்றுலாப் பயணிகள் வருகை குறைந்தது. இந்நிலையில் சனி, ஞாயிற்றுக்கிழமைகளில் தமிழகம், வடஇந்தியாவைச் சேர்ந்த சுற்றுலாப் பயணிகள் வருகை சற்று அதிகமாகக் காணப்பட்டது. வெள்ளி நீர்வீழ்ச்சி, பசுமைப் பள்ளத்தாக்கு, பில்லர்ராக், பிரையண்ட் பூங்கா, கோக்கர்ஸ்வாக், குணா குகை, மோயர் பாயிண்ட் உள்ளிட்ட பல்வேறு இடங்களில் ஏராளமான சுற்றுலாப் பயணிகள் காணப்பட்டனர். இதனால் கொடைக்கானல் பகுதி வியாபாரிகளும் மகிழ்ச்சியடைந்தனர். பலத்தகாற்று, சாரல் மழை காரணமாக படகு சவாரி சென்ற சுற்றுலாப் பயணிகள் சற்று சிரமத்துக்குள்ளாகினர்.

]]>
http://www.dinamani.com/all-editions/edition-madurai/dindigul/2018/aug/13/கொடைக்கானலுக்கு-சுற்றுலாப்-பயணிகள்-வருகை-அதிகரிப்பு-2979484.html
2979483 மதுரை திண்டுக்கல் தேநீர் கடைக்குள் கார் புகுந்தது: 2 பேர் காயம் DIN DIN Monday, August 13, 2018 06:42 AM +0530 ஒட்டன்சத்திரம் அருகே ஞாயிற்றுக்கிழமை தேநீர் கடைக்குள் கார் புகுந்ததில் 2 பேர் காயமடைந்தனர்.
 ஒட்டன்சத்திரத்தை அடுத்த கொசவபட்டியைச் சேர்ந்த பழனிச்சாமி மகன் தினேஷ் (29). இவர், அதே ஊரில் ஒட்டன்சத்திரம்-தாராபுரம் சாலையோரம் தேநீர் கடை வைத்துள்ளார். இந்நிலையில் ஞாயிற்றுக்கிழமை அதிகாலை ஒட்டன்சத்திரத்தில் இருந்து தாராபுரம் நோக்கி சென்ற ஒரு கார் தினேஷின் தேநீர் கடைக்குள் புகுந்தது.
 இதில், அங்கு தேநீர் அருந்திக் கொண்டிருந்த அதே ஊரைச் சேர்ந்த அய்யாவு (45), சின்னான் (65) ஆகியோர் பலத்த காயமடைந்தனர். அவர்களை அருகில் இருந்தவர்கள் மீட்டு ஒட்டன்சத்திரம் அரசு மருத்துவமனையில் சேர்த்தனர். அங்கு முதலுதவிக்கு பிறகு மதுரை அரசு மருத்துவமனையில் சேர்க்கப்பட்டனர். இதுகுறித்து அம்பிளிக்கை போலீஸார் வழக்குப்பதிந்து காரை ஓட்டிவந்த கொல்லிமலை வாலவஞ்சிநாட்டைச் சேர்ந்த கருப்பண் மகன் தினேஷை (29) கைது செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/13/தேநீர்-கடைக்குள்-கார்-புகுந்தது-2-பேர்-காயம்-2979483.html
2979482 மதுரை திண்டுக்கல்   திண்டுக்கல்லில் ஏடிஎம் மையத்தில் தீ விபத்து DIN DIN Monday, August 13, 2018 06:42 AM +0530 திண்டுக்கல்லில் ஏடிஎம் மையத்தில் சனிக்கிழமை ஏற்பட்ட திடீர் தீ விபத்தில், ஏடிஎம் இயந்திரங்கள், பணம் மற்றும் மின்னணு உபகரணங்கள் முழுமையாக சேதமடைந்தன.
திண்டுக்கல் ரவுண்ட் ரோடு பகுதியில் தனியார்   வங்கியின் ஏடிஎம் மையம் அமைந்துள்ளது. இங்கு 2 ஏடிஎம் இயந்திரங்கள் உள்ளன. இந்நிலையில், சனிக்கிழமை நள்ளிரவு இந்த ஏடிஎம்  மையத்தில் திடீர் தீ விபத்து ஏற்பட்டது. இதுகுறித்து தீயணைப்புத் துறையினருக்கு தகவல் தெரிவிக்கப்பட்டது.
அதன்பேரில் சம்பவ இடத்துக்கு சென்ற தீயணைப்புத் துறையினர், சுமார் அரை மணி நேரம் போராடி தீயை முழுமையாக அணைத்தனர். இருப்பினும், 2 ஏடிஎம் இயந்திரங்கள் மற்றும் மின்னணு இயந்திரங்கள் முழுமையாக தீயில் கருகின. ஏடிஎம் இயந்திரத்தில் வைக்கப்பட்டிருந்த பணமும் முழுமையாக சேதமடைந்ததாக கூறப்படுகிறது.
 இதுகுறித்து தகவல் அறிந்த வங்கி அலுவலர்கள் அங்கு வந்து ஆய்வு செய்தனர். ஏடிஎம் இயந்திரத்தில் தனியார் நிறுவனத்தின் மூலம் பணம் வைக்கப்படுவதால், எவ்வளவு தொகை தீயில் சேதமானது என்பது குறித்து உடனடியாக தகவல் தெரியவில்லை. 
சென்னையிலுள்ள அந்நிறுவனத்தின் ஊழியர்கள் வந்த பின்னரே, சேதம் குறித்த முழு விவரம் தெரியவரும் என வங்கி ஊழியர்கள் தெரிவித்தனர்.

]]>
http://www.dinamani.com/all-editions/edition-madurai/dindigul/2018/aug/13/திண்டுக்கல்லில்-ஏடிஎம்-மையத்தில்-தீ-விபத்து-2979482.html
2979481 மதுரை திண்டுக்கல் வங்கியில் போலி நகைகளை அடகு வைத்து ரூ.3.40 லட்சம் மோசடி: கணவன், மனைவி தலைமறைவு DIN DIN Monday, August 13, 2018 06:42 AM +0530 ஒட்டன்சத்திரம் அருகே தனியார் வங்கியில் போலி நகைகளை அடகு வைத்து ரூ.3.40 லட்சம் மோசடி செய்துவிட்டு, தலைமறைவான கணவன், மனைவி மீது சனிக்கிழமை வழக்குப்பதிந்து அவர்களை  போலீஸார் தேடி வருகின்றனர்.
திண்டுக்கல் மாவட்டம் ஒட்டன்சத்திரம் அடுத்துள்ள மார்க்கம்பட்டியில் தனியார் வங்கி உள்ளது. இந்த வங்கியில் நகை மதிப்பீட்டாளராக அழகர்சாமி (45) பணியாற்றி வந்தார். இவர், கடந்த ஆண்டு ஜனவரி மாதம் 3 ஆம் தேதியில் இருந்து பல தடவை தனது மனைவி யமுனா (40) பெயரில் போலி நகைகளை அடகு வைத்து ரூ.3.40 லட்சம் வரை கடன்பெற்று மோசடி செய்துள்ளார். இதற்கிடையே வங்கி அதிகாரிகள் தணிக்கை செய்தபோது அழகர்சாமி மோசடி செய்தது தெரியவந்தது. 
இது குறித்து மார்க்கம்பட்டி கிளை மேலாளர் சுந்தர மௌலீஸ்வரன் இடையகோட்டை காவல் நிலையத்தில் புகார் அளித்தார். ஆனால், போலீஸார் நடவடிக்கை எடுக்க மறுத்ததால் இதுகுறித்து ஒட்டன்சத்திரம் குற்றவியல் நீதிமன்றத்தில் வழக்கு தொடர்ந்தார். பின்னர், நீதிமன்ற உத்தரவின்பேரில் இடையகோட்டை போலீஸார் சனிக்கிழமை வழக்குப்பதிந்து, அழகர்சாமி, யமுனாவை தேடி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/13/வங்கியில்-போலி-நகைகளை-அடகு-வைத்து-ரூ340-லட்சம்-மோசடி-கணவன்-மனைவி-தலைமறைவு-2979481.html
2979480 மதுரை திண்டுக்கல் பழனிக்கு பக்தர்கள் வருகை அதிகரிப்பு DIN DIN Monday, August 13, 2018 06:41 AM +0530 பழனி தண்டாயுதபாணி சுவாமி கோயிலில் விடுமுறை நாளான ஞாயிற்றுக்கிழமை ஏராளமான பக்தர்கள் சுவாமி தரிசனத்துக்காக குவிந்தனர்.
பழனிக் கோயிலில் ஞாயிற்றுக்கிழமை விடுமுறை தினம் என்பதாலும், மதியம் வரை ஆடி அமாவாசை இருந்ததாலும் காலை முதலே பக்தர்கள் அதிக அளவில் வந்திருந்தனர். பராமரிப்புப் பணி காரணமாக ரோப் கார் சேவை நிறுத்தப்பட்டுள்ளது. 
வின்ச் மட்டுமே இயங்கியதால் அங்கு டிக்கெட் பெற நீண்ட வரிசையில் பக்தர்கள் காத்திருந்தனர்.  மலைக்கோயிலில் பக்தர்கள் சுவாமி தரிசனம் செய்ய, சுமார் 2 மணி நேரமானது. இரவு நடைபெற்ற தங்கத்தேர் புறப்பாட்டை ஏராளமான பக்தர்கள் காத்திருந்து தரிசித்தனர். 
 

]]>
http://www.dinamani.com/all-editions/edition-madurai/dindigul/2018/aug/13/பழனிக்கு-பக்தர்கள்-வருகை-அதிகரிப்பு-2979480.html
2979479 மதுரை திண்டுக்கல் கேரள மாநில நிவாரணத்துக்காக செஞ்சிலுவை சங்கத்தினர் பொருள்கள் சேகரிப்பு DIN DIN Monday, August 13, 2018 06:41 AM +0530 கேரள மாநிலத்தில் வெள்ளத்தால் பாதிக்கப்பட்டவர்களுக்கு, நிவாரண உதவிகள் வழங்குவதற்கான பொருள்கள், நிதி சேகரிக்கும் பணியை திண்டுக்கல் மாவட்ட செஞ்சிலுவை சங்கம் செய்து வருகிறது. 
 கேரளத்தில் கன மழை பெய்து வருவதால், இடுக்கி, ஆலப்புழா, எர்ணாகுளம், கோழிக்கோடு உள்ளிட்ட பல்வேறு மாவட்டங்களில் வெள்ளம் மற்றும்  நிலச்சரிவு ஏற்பட்டுள்ளது. இதனால், ஆயிரக்கணக்கான மக்கள் வீடுகளை இழந்துள்ளனர். ஏராளமானோர் நிவாரண முகாம்களில் தங்க வைக்கப்பட்டுள்ளனர். 
அவர்களுக்கு நிவாரண உதவி வழங்குவதற்கு திண்டுக்கல் மாவட்ட செஞ்சிலுவை சங்கம், நிவாரணப் பொருள்களை சேகரித்து அனுப்ப   ஏற்பாடு செய்து வருகிறது.
இதுதொடர்பாக செஞ்சிலுவை சங்கத்தின் துணைத் தலைவர் மு.சரவணன் கூறியது: 
பேரிடரால் பாதிக்கப்பட்டுள்ள கேரள மக்களுக்கு பால்பவுடர், புதிய வேட்டி, சேலை, சட்டை, துண்டு, போர்வை, சமையல் பாத்திரங்கள், ஸ்டவ், குடிநீர் பாட்டில்கள், பிஸ்கட், நாப்கின், பிளீச்சிங் பவுடர், கொசுவர்த்தி, மெழுகுவர்த்தி, கொசுவலை, சோப்பு உள்ளிட்ட பொருள்களை, திண்டுக்கல் மாவட்ட தலைமை மருத்துவமனையில் உள்ள செஞ்சிலுவை சங்க அலுவலகத்தில் பொதுமக்கள் வழங்கலாம் என்றார்.

]]>
http://www.dinamani.com/all-editions/edition-madurai/dindigul/2018/aug/13/கேரள-மாநில-நிவாரணத்துக்காக-செஞ்சிலுவை-சங்கத்தினர்-பொருள்கள்-சேகரிப்பு-2979479.html
2979478 மதுரை திண்டுக்கல் இருசக்கர வாகனம் மீது கார் மோதல்: பிளஸ் 2 மாணவி சாவு DIN DIN Monday, August 13, 2018 06:41 AM +0530 திண்டுக்கல் மாவட்டம், சின்னாளப்பட்டி அருகே இருசக்கர வாகனம் மீது கார் மோதிய விபத்தில், பிளஸ் 2 மாணவி சம்பவ இடத்திலேயே ஞாயிற்றுக்கிழமை உயிரிழந்தார்.
 திண்டுக்கல்லை அடுத்த பித்தளைப்பட்டியைச் சேர்ந்தவர் அருள் ஞானபிரகாசம். இவரது மகள் கேசியாராணி(17). இவர், சீலப்பாடி பகுதியில் உள்ள தனியார் பள்ளியில் பிளஸ் 2 படித்து வந்தார். இந்நிலையில், அனுமந்தராயன்கோட்டையைச் சேர்ந்த உறவினர் அருள் ஞான பாத்திமாவுடன் (37) இருசக்கர வாகனத்தில் ஏ.வெள்ளோடு கிராமத்துக்கு கேசியாராணி ஞாயிற்றுக்கிழமை சென்றுள்ளார்.
 திண்டுக்கல் - மதுரை நான்கு வழிச்சாலையில், ஏ.வெள்ளோடு காபி கடை பிரிவு அருகே சென்றபோது, இருசக்கர வாகனத்தின் மீது மதுரை நோக்கிச் சென்ற கார் மோதி விபத்து ஏற்பட்டது. இதில் பலத்த காயமடைந்த கேசியாராணி, சம்பவ இடத்திலேயே உயிரிழந்தார். அருள்ஞான பாத்திமா, சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டுள்ளார். 
 விபத்தை ஏற்படுத்திய கார், நிற்காமல் வேகமாகச் சென்றுவிட்டதால், அதன் விவரம் தெரியவில்லை. இதுகுறித்து தகவல் அறிந்த அம்பாத்துரை போலீஸார் வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/13/இருசக்கர-வாகனம்-மீது-கார்-மோதல்-பிளஸ்-2-மாணவி-சாவு-2979478.html
2978827 மதுரை திண்டுக்கல் செம்பட்டி அருகே திமுக பிரமுகர் கொலை: 2 மருமகன்கள் சரண் DIN DIN Sunday, August 12, 2018 12:57 AM +0530
செம்பட்டி அருகே திமுக பிரமுகரை வெட்டிக் கொலை செய்து விட்டு, அவரது மருமகன்கள் இருவர் காவல் நிலையத்தில் சனிக்கிழமை சரணடைந்தனர்.
திண்டுக்கல் மாவட்டம், சித்தையன்கோட்டை அடுத்துள்ள நரசிங்கபுரத்தை சேர்ந்தவர் வெ.செல்வம் என்ற செல்வராஜ் (55). ஆத்தூர் ஒன்றிய திமுக பிரதிநிதியாக உள்ளார். மீன் குத்தகை தொழிலிலும் ஈடுபட்டு வந்தார். இவரது அக்காள் மகன் மு.சடையாண்டி(33). கடந்த 3 மாதங்களுக்கு நடைபெற்ற கோயில் திருவிழாவின்போது, சடையாண்டியின் உறவுப் பெண் ஒருவரை செல்வத்தின் மனைவி லட்சுமி கண்டித்தாராம். இதனிடையே அந்த பெண்ணின் நெருங்கிய உறவினர்களான செல்வத்தின் தங்கை மகன்களான நா.ஆதிவீரபாண்டின் மற்றும் ஐயப்பன் ஆகியோர் தாய்மாமன் செல்வம் குடும்பத்தினருடன் தகராறு செய்துள்ளனர். உறவினர்களிடையே ஏற்பட்ட இந்த மோதல், கடந்த 3 மாதங்களாக தொடர்ந்து வந்துள்ளது. இந்நிலையில், சடையாண்டி வீட்டிற்கு தாய்மாமன் செல்வம் சனிக்கிழமை காலை சென்றுள்ளார். அப்போது அங்கு 3 மோட்டார் சைக்களில் வந்த 6 பேர், செல்வத்தை சராமாரியாக வெட்டியுள்ளனர். இதனை தடுக்க வந்த சடையாண்டியையும் வெட்டிவிட்டு தப்பியோடிவிட்டனர்.
இதில் பலத்த காயமடைந்த செல்வம் சம்பவ இடத்திலேயே உயிரிழந்தார். பலத்த காயங்களுடன் மீட்கப்பட்ட சடையாண்டி, திண்டுக்கல் அரசு மருத்துவமனையில் சிகிச்சைக்காக அனுமதிக்கப்பட்டு, பின்னர் தீவிர சிகிச்சைக்காக மதுரை அரசு மருத்துவமனைக்கு பரிந்துரை செய்யப்பட்டார். இதனிடையே, செல்வத்தை வெட்டிக் கொன்றதாக, அவரது தங்கை மகன்களான ஆதிவிரபாண்டியன்(40), ஐயப்பன்(38) உள்பட 3 பேர் செம்பட்டி காவல் நிலையத்தில் சரணடைந்தனர்.

 

]]>
http://www.dinamani.com/all-editions/edition-madurai/dindigul/2018/aug/12/செம்பட்டி-அருகே-திமுக-பிரமுகர்-கொலை-2-மருமகன்கள்-சரண்-2978827.html
2978826 மதுரை திண்டுக்கல் பைக் மீது லாரி மோதல்: கூலித் தொழிலாளி சாவு DIN DIN Sunday, August 12, 2018 12:56 AM +0530
திண்டுக்கல் மாவட்டம் நத்தத்தில் இருசக்கர வாகனம் மீது லாரி மோதியதில் கூலித் தொழிலாளி சனிக்கிழமை உயிரிழந்தார்.
நத்தம் மீனாட்சிபுரத்தைச் சேர்ந்தவர் ஜேம்ஸ் எட்வின் ராஜா (48). கூலித் தொழிலாளி. இவர், காய்கறி வாங்குவதற்காக இருசக்கர வாகனத்தில் சென்று கொண்டிருந்தார். அப்போது மூன்றுலாந்தர் பகுதியிலிருந்து திண்டுக்கல் நோக்கி வந்த லாரி, இருசக்கர வாகனத்தின் மீது மோதியதில், ஜேம்ஸ் எட்வின் ராஜா சம்பவ இடத்திலேயே உயிரிழந்தார்.
இதுகுறித்து தகவல் அறிந்த நத்தம் போலீஸார், அங்கு வந்து அவரது சடலத்தை மீட்டு பிரேத பரிசோதனைக்காக நத்தம் அரசு மருத்துவமனைக்கு அனுப்பி வைத்தனர். இதனிடையே பிரேத பரிசோதனை செய்வதற்கு காலதாமதம் செய்வதாகக் கூறி, ஜேம்ஸ் எட்வின் ராஜாவின் உறவினர்கள் திடீர் சாலை மறியலில் ஈடுபட்டனர்.
இதனை அடுத்து, அவர்களுடன் பேச்சுவார்த்தை நடத்திய போலீஸார், உடனடியாக பிரேத பரிசோதனை செய்ய நடவடிக்கை எடுப்பதாக உறுதி அளித்ததைத் தொடர்ந்து மறியல் கைவிடப்பட்டது. சிறிது நேரத்தில் பிரேத பரிசோதனை முடிவடைந்து சடலம் ஒப்படைக்கப்பட்டதை அடுத்து, நத்தம் அரசு மருத்துவமனை முன்பு திரண்டிருந்தவர்கள் கலைந்து சென்றனர்.

 

]]>
http://www.dinamani.com/all-editions/edition-madurai/dindigul/2018/aug/12/பைக்-மீது-லாரி-மோதல்-கூலித்-தொழிலாளி-சாவு-2978826.html
2978825 மதுரை திண்டுக்கல் பொறியியல் கல்லூரியில் தேசிய நூலகர் தினம் DIN DIN Sunday, August 12, 2018 12:56 AM +0530
திண்டுக்கல் எஸ்எஸ்எம் பொறியியல் கல்லூரியில் தேசிய நூலகர் தினம் சனிக்கிழமை கொண்டாடப்பட்டது.
நிகழ்ச்சிக்கு கல்லூரி முதல்வர் எம்.சரவணன் தலைமை வகித்து பேசியதாவது: புத்தகங்கள் வாசிப்பதன் அவசியத்தை, பல்வேறு துறைகளில் சாதித்தவர்களின் வரலாறுகளை வாசிக்கும்போது தான் நாம் தெரிந்து கொள்ள முடியும். நல்ல புத்தகங்களை மிகச் சிறந்த நண்பர்கள் என்பதை வாய்மொழியாக கூறிச் செல்வதைவிட, அவற்றை வாசித்து அனுபவப்பூர்மாக உணரும்போது தான் புத்தகங்கள் நம்மை வளர்ச்சிப் பாதைக்கு அழைத்துச் செல்வதை அறிந்து கொள்ள முடியும் என்றார்.
நிகழ்ச்சியின்போது 2017-18ஆம் ஆண்டில் நூலகத்தை சிறந்த முறையில் பயன்படுத்திய மாணவர்கள் தேர்வு செய்யப்பட்டு சிறந்த நூலக பயன்பாட்டாளர் பரிசு வழங்கப்பட்டது. நிகழ்ச்சியில் கல்லூரியின் வளாக இயக்குநர் ஆர்.சந்திரன், நூலகர் கா.சுதா உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/aug/12/பொறியியல்-கல்லூரியில்-தேசிய-நூலகர்-தினம்-2978825.html
2978824 மதுரை திண்டுக்கல் அஞ்சல் தலை சேகரிப்பு கணக்கு வைத்துள்ள மாணவர்கள் உதவித்தொகை பெற திறனாய்வுத் தேர்வு DIN DIN Sunday, August 12, 2018 12:56 AM +0530  

அஞ்சல் தலை சேகரிப்பு கணக்கு வைத்துள்ள மாணவர்கள், கல்வி உதவித் தொகை பெறுவதற்கான திறனாய்வுத் தேர்வில் பங்கேற்க ஆக.16 ஆம் தேதிக்குள் விண்ணப்பிக்க வேண்டும் என தெரிவிக்கப்பட்டுள்ளது.
இதுதொடர்பாக திண்டுக்கல் முதுநிலை அஞ்சல் கோட்ட கண்காணிப்பாளர் ஜெ.எஸ்.ஜவஹர்ராஜ் சனிக்கிழமை தெரிவித்துள்ளது:
இந்திய அஞ்சல்துறை சார்பில், திண்டுக்கல் மாவட்ட அஞ்சல் அலுவலகத்தில் ரூ.300 செலுத்தி அஞ்சல் தலை சேகரிப்பு கணக்கு தொடங்கிய மாணவர்களுக்கு தீன தயாள் ஸ்பர்ஷ் யோஜனா என்ற கல்வி உதவித் தொகை திட்டம் செயல்படுத்தப்பட்டு வருகிறது.
அதன்படி, அஞ்சல் தலை சேமிப்பு கணக்கு தொடங்கியுள்ள 6 முதல் 9ஆம் வகுப்பு வரையிலுள்ள மாணவர்களுக்கு திறனாய்வு தேர்வு நடத்தப்படுகிறது.
இத்தேர்வில் வெற்றி பெறும் மாணவர்களுக்கு மாதம் ரூ.500 வீதம், ஆண்டுக்கு ரூ.6 ஆயிரம் வரை கல்வி உதவித்தொகை வழங்கப்பட உள்ளது.
இதில் பங்கேற்க விரும்பும் திண்டுக்கல் மாவட்டத்தைச் சேர்ந்த மாணவர்கள் மாவட்ட தலைமை அஞ்சலகத்தில் ரூ.300 செலுத்தி அஞ்சல் தலை சேகரிப்பு கணக்கு தொடங்க வேண்டும். ஏற்கெனவே அஞ்சல் தலை சேகரிப்பு கணக்கு உள்ள மாணவர்களும், பள்ளி அஞ்சல் தலை சேகரிப்புக் குழுவில் உறுப்பினராக உள்ள மாணவர்களும் நேரடியாக தகுதி பெறலாம்.
தகுதியுள்ள மாணவர்கள், கல்வி உதவித் தொகைக்கான விண்ணப்பதை பூர்த்தி செய்து, திண்டுக்கல் தலைமை அஞ்சல் அலுவலகத்தில் ஆக.16 ஆம் தேதிக்குள் விண்ணப்பிக்க வேண்டும். விண்ணப்ப உறையின் மேல் தீன தயாள் ஸ்பர்ஷ் யோஜனா என தலைப்பிட்டு தென் மண்டல அஞ்சல்துறை இயக்குநர், மதுரை- 625002 என்ற முகவரிக்கு அனுப்ப வேண்டும். ஆக.28 ஆம் தேதி திறனாய்வுத் தேர்வு நடைபெறும் எனத் தெரிவித்துள்ளார்.

 

]]>
http://www.dinamani.com/all-editions/edition-madurai/dindigul/2018/aug/12/அஞ்சல்-தலை-சேகரிப்பு-கணக்கு-வைத்துள்ள-மாணவர்கள்-உதவித்தொகை-பெற-திறனாய்வுத்-தேர்வு-2978824.html
2978823 மதுரை திண்டுக்கல் தமிழக கோயில்களில் தங்கக் கோபுர மோசடி: விசாரணைக் குழு அமைக்க வலியுறுத்தல் DIN DIN Sunday, August 12, 2018 12:56 AM +0530
:தமிழக கோயில்களில் தங்கக் கோபுர மோசடி குறித்து ஆய்வு செய்ய தனிக்குழு அமைக்க வேண்டும் என இந்து மக்கள் கட்சி மாநில செயலாளர் இராம.ரவிக்குமார் கோரிக்கை விடுத்துள்ளார்.
திண்டுக்கல் மாவட்டம் பழனியில் அக்கட்சியின் மாவட்ட நிர்வாகிகள் ஆலோசனை கூட்டம் சனிக்கிழமை நடைபெற்றது. கூட்டத்திற்கு கட்சியின் மாநில அமைப்புச் செயலாளர் ரவிபாலன் தலைமை வகித்தார். மாவட்ட செயலாளர் மருதுபாண்டி, ஹரிஹரன் உள்ளிட்ட பலர் வாழ்த்துரை வழங்கினர். கட்சியின் மாநில செயலாளர் இராம.ரவிக்குமார் சிறப்பு அழைப்பாளராக பங்கேற்று தலைமை உரை நிகழ்த்தினார்.
பின்னர் அவர் செய்தியாளர்களிடம் கூறியது: கோயில்களில் சிலை செய்ததில் ஊழல் முறைகேடு வெளியான பிறகும் சம்பந்தப்பட்ட கோயில் அதிகாரிகள் காவல் நிலையங்களில் புகார் செய்யாமல் உள்ளனர். அவர்கள் சம்பந்தப்பட்ட காவல் நிலையங்களில் புகார் செய்ய வேண்டும். தமிழகத்தில் கோயில் தங்க கோபுரங்களிலும் ஊழல் நடைபெற்றுள்ளதாக தெரியவருகிறது. இதுகுறித்து இந்து சமய அறநிலையத்துறை தனிக்குழு அமைத்து விசாரணை நடத்த வேண்டும்.
12 ஆண்டுகளாகியும் பழனி கோயிலில் கும்பாபிஷேகம் நடைபெறவில்லை. பழனி கோயிலில் உள்ள அன்னதானக் கூடத்தை பாதுகாப்பு கருதி கீழே அமைக்க வேண்டும். மலைக்கோயிலில் உள்ள தனியார் உணவகத்தை காலி செய்ய வேண்டும். பஞ்சாமிர்தத்தை திருக்கோயிலே தயாரிப்பது போல பிரசாத ஸ்டாலையும் திருக்கோயிலே நிர்வாகிக்க வேண்டும் என தெரிவித்தார்.

 

]]>
http://www.dinamani.com/all-editions/edition-madurai/dindigul/2018/aug/12/தமிழக-கோயில்களில்-தங்கக்-கோபுர-மோசடி-விசாரணைக்-குழு-அமைக்க-வலியுறுத்தல்-2978823.html
2978822 மதுரை திண்டுக்கல் சாதனைக்கு ஏழ்மை தடையில்லை: கிரிக்கெட் வீரர் லட்சுமிபதி பாலாஜி DIN DIN Sunday, August 12, 2018 12:55 AM +0530
சாதனைக்கு ஏழ்மை தடையில்லை என்பதை உணர்ந்து, தங்களுக்கு பிடித்த விளையாட்டில் ஆர்வத்துடன் பயிற்சி பெற மாணவர்கள் முன் வர வேண்டும் என கிரிக்கெட் வீரர் லட்சுமிபதி பாலாஜி தெரிவித்தார்.
திண்டுக்கல் மாவட்டம் நத்தம் அடுத்து அய்யனார்புரத்தில் உள்ள கள்ளழகர் மெட்ரிக் மேல்நிலைப் பள்ளியில் அமைக்கப்பட்டுள்ள கிரிக்கெட் பயிற்சி மைதான திறப்பு விழா வெள்ளிக்கிழமை நடைபெற்றது. நிகழ்ச்சிக்கு பள்ளித் தாளாளர் கள்ளழகர் விஜய் தலைமை வகித்தார். சிறப்பு அழைப்பாளராக இந்திய கிரிக்கெட் அணியின் முன்னாள் வீரர் லட்சுமிபதி பாலாஜி கலந்து கொண்டார்.
அப்போது அவர் பேசியதாவது: ஏழ்மையான குடும்பத்தில் பிறந்தவர்களால் சாதிக்க முடியாது என்ற மனநிலையை மாணவர்கள் தவிர்க்க வேண்டும். விருப்பமான துறையில் முழு முயற்சியுடன் பயணிக்கும் ஒவ்வொருவராலும் சாதிக்க முடியும். கிராமப்புறங்களிலிருந்து அனைத்து விளையாட்டுகளுக்கும் சிறந்த வீரர்கள் உருவாகி வர வேண்டும். ஒலிம்பிக் போட்டியில் இதுவரை நம்மால் பெரிய அளவில் சாதிக்க முடியவில்லை. அந்த நிலையை மாற்றும் திறன் ஊரகப் பகுதிகளிலிருந்து உருவாகும் வீரர்களிடம் தான் உள்ளது. எனவே, கல்விக்கு அளிக்கும முக்கியத்துவத்தை, ஒவ்வொரு மாணவரும் தங்களுக்கு பிடித்தமான விளையாட்டிற்கும் வழங்கி இளமை முதலே பயிற்சி பெற வேண்டும் என்றார்.
அதனைத் தொடர்ந்து பிளஸ் 2 மற்றும் 10 ஆம் வகுப்பு தேர்வில் சிறப்பிடம் பெற்ற மாணவர்களுக்கும், விளையாட்டு வீரர்களுக்கும் பரிசு வழங்கினார். நிகழ்ச்சியில் பள்ளி முதல்வர் ஜான்பேஸ்கா, திண்டுக்கல் மாவட்ட கிரிக்கெட் சங்க நிர்வாக அலுவலர் மாரிமுத்து உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/dindigul/2018/aug/12/சாதனைக்கு-ஏழ்மை-தடையில்லை-கிரிக்கெட்-வீரர்-லட்சுமிபதி-பாலாஜி-2978822.html
2978116 மதுரை திண்டுக்கல் கொடைக்கானல் அருகே  3 பேருக்கு அரிவாள் வெட்டு DIN DIN Saturday, August 11, 2018 03:21 AM +0530 கொடைக்கானல் அருகே முன்விரோதம் காரணமாக, வெள்ளிக்கிழமை அரிவாளால் தாக்கியதில் 3 பேர் காயமடைந்தனர். 
      கோம்பை பூம்பாறைப் பகுதியைச் சேர்ந்த முருகன் மகன் பாண்டியராஜன் (22). ராணுவத்தில் பணிபுரிந்து வரும் இவர், சமீபத்தில் விடுமுறைக்கு ஊருக்கு வந்துள்ளார்.
     இந் நிலையில், பூம்பாறையிலுள்ள தனது உறவினர் அமுதாவின் தோட்டத்துக்குச் சென்றுள்ளார். 
 அப்போது, பூம்பாறைப் பகுதியைச் சேர்ந்த பஞ்சம்மாளுக்கும், அமுதாவின் மகன் விஜய்க்கும் தோட்டத்தில் பாதை சம்பந்தமான பிரச்னையில் முன்விரோதம் இருந்து வந்துள்ளது. 
     அப்போது, மீண்டும் பஞ்சம்மாவுக்கும், விஜய்க்கும் பிரச்னை ஏற்பட்டுள்ளது. இதை, பாண்டியராஜன் தடுத்ததுடன், பஞ்சம்மாவை கண்டித்துள்ளார். இதைத் தொடர்ந்து, பஞ்சம்மாள், அவரது கணவர் தனபால் மற்றும் உறவினர்களான ஸ்ரீதரன், விக்னேஷ் ஆகியோர் அரிவாள் மற்றும் கம்புகளுடன் விஜய்யையும், அவரது தாயார் அமுதாவையும் தாக்கியுள்ளனர். இதை தடுக்கச் சென்ற பாண்டியராஜனும் தாக்கப்பட்டார். இதில், 3 பேரும் காயமடைந்து, கொடைக்கானல் அரசு மருத்துவமனையில் சேர்க்கப்பட்டனர்.
   இதில் பலத்த காயமடைந்த பாண்டியராஜன், விஜய் ஆகிய இருவரும் மேல் சிகிச்சைக்காக தேனி அரசு மருத்துவக் கல்லூரி மருத்துவமனைக்கு கொண்டு செல்லப்பட்டனர்.
    இது குறித்து பாண்டியராஜன் கொடைக்கானல் காவல் நிலையத்தில் அளித்த புகாரின்பேரில், போலீஸார் வழக்குப் பதிவு செய்து, தலைமறைவாகிவிட்ட பஞ்சம்மாள், தனபால், ஸ்ரீதரன்,விக்னேஷ் ஆகிய 4 பேரையும் தேடி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/11/கொடைக்கானல்-அருகே-3-பேருக்கு-அரிவாள்-வெட்டு-2978116.html
2978115 மதுரை திண்டுக்கல் நிலக்கோட்டை அரசு கல்லூரி முதல்வர் பொறுப்பேற்பு DIN DIN Saturday, August 11, 2018 03:21 AM +0530 நிலக்கோட்டை அரசு மகளிர் கல்லூரியின் முதல்வராக அ. பெத்தாலெட்சுமி புதன்கிழமை பொறுப்பேற்றுக் கொண்டார்.  
     திண்டுக்கல் எம்.வி.முத்தையா அரசு மகளிர் கலைக் கல்லூரியில் 30 ஆண்டுகள் பேராசிரியராகப் பணிபுரிந்த அ. பெத்தாலெட்சுமி, கடந்த மே மாதம் தேனி மாவட்டம் வீரபாண்டி அரசு இருபாலர் கல்லூரியில் முதல்வராக பொறுப்பேற்றார்.  
   அதையடுத்து, திண்டுக்கல் மாவட்டம் நிலக்கோட்டை அரசு மகளிர் கல்லூரியில் காலியாக இருந்த முதல்வர் பதவிக்கு தற்போது பெத்தாலெட்சுமி நியமிக்கப்பட்டுள்ளார். புதிய முதல்வராகப் பொறுப்பேற்றுக் கொண்ட இவருக்கு, துறைத் தலைவர்கள், பேராசிரியர்கள் வாழ்த்து தெரிவித்தனர்.

]]>
http://www.dinamani.com/all-editions/edition-madurai/dindigul/2018/aug/11/நிலக்கோட்டை-அரசு-கல்லூரி-முதல்வர்-பொறுப்பேற்பு-2978115.html
2978114 மதுரை திண்டுக்கல் ஆயக்குடியில் அனைத்துக் கட்சியினர் மௌன ஊர்வலம் DIN DIN Saturday, August 11, 2018 03:18 AM +0530 திமுக தலைவர் கருணாநிதி மறைவையொட்டி, பழனியை அடுத்த  ஆயக்குடியில் அனைத்துக் கட்சியினர் பங்கேற்ற மௌன ஊர்வலம் வெள்ளிக்கிழமை நடைபெற்றது.
      திமுக தலைவர் கருணாநிதி மறைவையொட்டி,  தமிழகம் முழுவதும் திமுக உள்ளிட்ட அனைத்துக் கட்சியினரும் அஞ்சலி செலுத்தி வருகின்றனர். அதன்படி, வெள்ளிக்கிழமை பழனியை அடுத்த ஆயக்குடியில் திமுக, காங்கிரஸ், மார்க்சிஸ்ட் கம்யூனிஸ்ட், மதிமுக, தேமுதிக, அம்மா மக்கள் முன்னேற்றக் கழகம் உள்ளிட்ட பல்வேறு அரசியல் கட்சியினர் பங்கேற்ற மௌன ஊர்வலம் நடைபெற்றது.
    சந்தைப்பேட்டை முன்பாக தொடங்கிய இந்த ஊர்வலமானது, பேரூராட்சியின் முக்கிய பகுதிகள் வழியே சென்று பழைய காவல் நிலையம் அருகே நிறைவடைந்ததது. ஊர்வலத்தில், திமுக பேரூர் செயலர் கார்த்திகேயன், முன்னாள் பேரூராட்சி துணைத் தலைவர் சிவஞானம், காங்கிரஸ் மேற்கு மாவட்டச் செயலர் சுந்தரம், மதிமுக நிர்வாகி செல்வம் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-madurai/dindigul/2018/aug/11/ஆயக்குடியில்-அனைத்துக்-கட்சியினர்-மௌன-ஊர்வலம்-2978114.html
2978113 மதுரை திண்டுக்கல் அண்ணா பல்கலைக்கழக மண்டல பூப்பந்தாட்டப் போட்டிகள்: பிஎஸ்என்ஏ கல்லூரி அணி முதலிடம் DIN DIN Saturday, August 11, 2018 03:17 AM +0530 அண்ணா பல்கலைக்கழக மண்டல பூப்பந்தாட்டப் போட்டியில் திண்டுக்கல் பிஎஸ்என்ஏ கல்லூரி அணி முதலிடம் பெற்று, பல்கலைக்கழக மண்டலங்களுக்கு இடையிலான போட்டிக்கு வெள்ளிக்கிழமை தகுதி பெற்றது.
   அண்ணா பல்கலைக்கழக மண்டல (17) அளவிலான ஆண்களுக்கான பூப்பந்தாட்டப் போட்டிகள், திண்டுக்கல் அண்ணா பல்கலைக்கழகக் கல்லூரியில் வெள்ளிக்கிழமை நடைபெற்றன. 
     இதில், கரூர், திண்டுக்கல், தேனி, விருதுநகர், மதுரை புறநகர் மாவட்டங்களைச் சேர்ந்த 12 அணிகள் கலந்துகொண்டன. 
   இறுதி ஆட்டத்தில், திண்டுக்கல் அண்ணா பல்கலைக்கழக பொறியியல் கல்லூரி அணியும், திண்டுக்கல் பிஎஸ்என்ஏ பொறியியல் கல்லூரி அணியும் மோதின. 
    அதில், முதல் செட்டில் 35 - 21 என்ற புள்ளிகளிலும்,  2ஆவது செட்டில் 35 - 33 புள்ளிகளிலும் பிஎஸ்என்ஏ கல்லூரி அணி வென்று முதலிடம் பிடித்தது. விருதுநகர் காமராஜர் கல்லூரி அணி 3-ஆம் இடம் பெற்றது.
   இதன்மூலம், முதலிடம் பெற்ற பிஎஸ்என்ஏ கல்லூரி அணி, அண்ணா பல்கலைக்கழக மண்டலங்களுக்கு இடையிலான போட்டிக்கு தகுதி பெற்றது. வெற்றி பெற்ற அந்த அணியினருக்கு, அண்ணா பல்கலைக்கழக டீன் சுதா பரிசு வழங்கினார். 
    போட்டிக்கான ஏற்பாடுகளை, அண்ணா பல்கலைக்கழக உடற்கல்வி இயக்குநர் சதீஷ், அண்ணா பல்கலை.
  விளையாட்டுகளுக்கான மண்டல செயலர் விஜய் ஆகியோர் செய்திருந்தனர்.
 

]]>
http://www.dinamani.com/all-editions/edition-madurai/dindigul/2018/aug/11/அண்ணா-பல்கலைக்கழக-மண்டல-பூப்பந்தாட்டப்-போட்டிகள்-பிஎஸ்என்ஏ-கல்லூரி-அணி-முதலிடம்-2978113.html
2978112 மதுரை திண்டுக்கல் மஞ்சநாயக்கன்பட்டி உச்சிகாளியம்மன்  கோயிலில் 1,500 பால்குட ஊர்வலம் DIN DIN Saturday, August 11, 2018 03:17 AM +0530 திண்டுக்கல் மாவட்டம், பழனியை அடுத்த மஞ்சநாயக்கன்பட்டியில் அமைந்துள்ள உச்சிகாளியம்மன் கோயில் ஆடித் திருவிழாவை முன்னிட்டு, 1,500 பால்குட ஊர்வலம் வெள்ளிக்கிழமை நடைபெற்றது.
     பிரசித்தி பெற்ற இக்கோயிலில் ஆண்டுதோறும் ஆடி மாதக் கடைசி வெள்ளிக்கிழமையன்று பல்லாயிரக்கணக்கான பக்தர்கள் ஒன்றுகூடி திருவிழாவை கொண்டாடுவது வழக்கம். அதன்படி, வெள்ளிக்கிழமை இக்கோயிலில் 12 ஆவது ஆண்டாக 1,500 பால்குட ஊர்வலம் நடைபெற்றது.  இந்த ஊர்வலத்தை, கூனம்பட்டி ஆதீனம் நடராஜ சுவாமிகள், புலவர் சின்னச்சாமி உள்ளிட்டோர் தொடக்கி வைத்தனர்.
    வேணுகோபால சுவாமி கோயிலில் தொடங்கிய இந்த ஊர்வலமானது, ஊரின் முக்கிய பகுதிகளின் வழியே சென்று உச்சிகாளியம்மன் கோயிலை அடைந்தது.  ஊர்வலத்தில், மஞ்சநாயக்கன்பட்டி, வீரக்காவலசையைச் சேர்ந்த  ஆயிரக்கணக்கான ஆண்களும், பெண்களும் பால்குடங்களுடன் ஓம் சக்தி, பராசக்தி என கோஷங்கள் எழுப்பியவாறு சென்றனர்.     ஊர்வலம் கோயிலை வந்தடைந்ததும், உச்சிக்காலத்தின்போது அம்மனுக்கு அபிஷேகம் நடத்தப்பட்டு, பக்தர்களுக்கு அன்னதானம் வழங்கப்பட்டது. இதற்கான ஏற்பாடுகளை, விழாக் குழுவினர் செய்திருந்தனர்.

]]>
http://www.dinamani.com/all-editions/edition-madurai/dindigul/2018/aug/11/மஞ்சநாயக்கன்பட்டி-உச்சிகாளியம்மன்-கோயிலில்-1500-பால்குட-ஊர்வலம்-2978112.html
2978111 மதுரை திண்டுக்கல் கூட்டுறவு சங்கத் தேர்தலில் தேர்வான திமுக உறுப்பினர்கள் 7 பேர் திடீர் ராஜிநாமா DIN DIN Saturday, August 11, 2018 03:17 AM +0530 மறைந்த திமுக தலைவர் கருணாநிதிக்கு மெரீனாவில் இடம் ஒதுக்க மறுத்த தமிழக அரசைக் கண்டித்து, திண்டுக்கல் மாவட்டத்தில் கூட்டுறவு சங்கத் தேர்தலில் தேர்வான திமுக உறுப்பினர்கள் 7 பேர், வெள்ளிக்கிழமை திடீரென  ராஜிநாமா செய்துள்ளது பரபரப்பை ஏற்படுத்தியுள்ளது.
      வத்தலகுண்டு அடுத்துள்ள சேவுகம்பட்டி தொடக்கக் கூட்டுறவு வேளாண்மை சங்கத் தேர்தல் 4 மாதங்களுக்கு முன் நடைபெற்றது. இதில் தேர்ந்தெடுக்கப்பட்ட 11 உறுப்பினர்களுக்கான பட்டியல் வியாழக்கிழமை ஒட்டப்பட்டுள்ளது. அதனைத் தொடர்ந்து, தலைவர் மற்றும் துணைத் தலைவர் தேர்தல் வெள்ளிக்கிழமை நடைபெற்றது.
    இந்நிலையில், தேர்ந்தெடுக்கப்பட்ட திமுக உறுப்பினர்களான மாசிலா பெலிக்ஸ், கணேசன், வள்ளிமயில், வள்ளியம்மாள் ஆகிய 4 பேரும், கூட்டுறவு வங்கியின் செயலர் முருகனை சந்தித்து, தங்களது உறுப்பினர் பதவியை ராஜிநாமா செய்வதற்கான கடிதத்தை வழங்கியுள்ளனர்.
    அந்த கடிதத்தில், மறைந்த முன்னாள் முதல்வர் கருணாநிதிக்கு சென்னை மெரீனா கடற்கரையில் இடம் ஒதுக்க மறுத்த தமிழக அரசுக்கு எதிர்ப்பு தெரிவித்து ராஜிநாமா செய்வதாகக் குறிப்பிட்டுள்ளனர். அப்போது, திமுக நிர்வாகிகள் தங்கராஜ், கர்ணன் ஆகியோர் உடனிருந்தனர்.
 விருவீடு பகுதியில் 3 பேர் ராஜிநாமா      இதேபோல், வத்தலகுண்டு அடுத்துள்ள விருவீடு தொடக்க வேளாண்மைக் கூட்டுறவு கடன் சங்கத்தில் தேர்ந்தெடுக்கப்பட்ட திமுக உறுப்பினர்கள் விசுவநாதன், முத்து, ராஜம் ஆகியோர், சங்க செயலர் செந்தில்வேலிடம் ராஜிநாமா கடிதத்தை வெள்ளிக்கிழமை அளித்தனர். இவர்கள் மூவரும், அதே பிரச்னையை காரணமாகக் குறிப்பிட்டுள்ளனர். ராஜிநாமா கடிதம் வழங்கியபோது, திமுக ஒன்றியச் செயலர் முருகன், ஊராட்சி செயலர் ராமசாமி ஆகியோர் உடனிருந்தனர்.     இதைத் தொடர்ந்து, மாவட்டத்தின் பல்வேறு பகுதிகளிலும் திமுக உறுப்பினர்கள் ராஜிநாமா செய்ய திட்டமிட்டுள்ளதாகக் கூறப்படுகிறது.

]]>
http://www.dinamani.com/all-editions/edition-madurai/dindigul/2018/aug/11/கூட்டுறவு-சங்கத்-தேர்தலில்-தேர்வான-திமுக-உறுப்பினர்கள்-7-பேர்-திடீர்-ராஜிநாமா-2978111.html
2978110 மதுரை திண்டுக்கல் பெண்ணைக் கொன்று முதியவர் தற்கொலை DIN DIN Saturday, August 11, 2018 03:16 AM +0530 திண்டுக்கல் மாவட்டம் வேடந்தூர் அருகே பெண்ணை கொலை செய்துவிட்டு, முதியவர் வெள்ளிக்கிழமை தற்கொலை செய்துகொண்டார்.
     வேடசந்தூர் காஜா நகரைச் சேர்ந்த விவசாயி பொன்னுச்சாமி (65). இவரது மனைவி பாப்பாத்தி. இவர்களுக்கு 2 மகன்கள், 2 மகள்கள் உள்ளனர். அனைவருக்கும் திருமணமாகிவிட்டது. 
     இந்நிலையில், பொன்னுச்சாமிக்கும், வெள்ளையகவுண்டனூர் பகுதியைச் சேர்ந்த சங்கர் மனைவி ஈஸ்வரி (55) என்ற பெண்ணுக்கும் தொடர்பு ஏற்பட்டுள்ளது. இவர்கள் இருவரும் தனி வீட்டில் வசித்து வந்துள்ளனர். வியாழக்கிழமை, இவர்கள் இருவருக்கும் இடையே தகராறு ஏற்பட்டுள்ளது. இதில், ஆத்திரமடைந்த பொன்னுச்சாமி கல்லால் தாக்கி ஈஸ்வரியை கொலை செய்துள்ளார். 
   பின்னர், காஜா நகரில் உள்ள தனது வீட்டுக்குச் சென்ற பொன்னுச்சாமி, தூக்கிட்டுத் தற்கொலை செய்துகொண்டார்.    இது குறித்து தகவலறிந்த வேடசந்தூர் போலீஸார் சம்பவ இடத்துக்குச் சென்று இருவரது சடலங்களையும் கைப்பற்றி, வேடசந்தூர் அரசு மருத்துவமனைக்கு அனுப்பி வைத்து, விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/11/பெண்ணைக்-கொன்று-முதியவர்-தற்கொலை-2978110.html
2978109 மதுரை திண்டுக்கல் ஆடித் திருவிழா: பழனி பெரியநாயகி அம்மன் கோயிலில் வெள்ளித் தேர் புறப்பாடு DIN DIN Saturday, August 11, 2018 03:16 AM +0530 பழனி பெரியநாயகியம்மன் கோயிலில் ஆடித் திருவிழா மற்றும் லட்சார்ச்சனை வெள்ளிக்கிழமையுடன் நிறைவு பெற்றதை முன்னிட்டு, பெரியநாயகியம்மன் வெள்ளித் தேரில் வீதி உலா எழுந்தருளினார். 
     பழனி தண்டாயுதபாணி சுவாமி கோயிலின் முக்கிய உபகோயிலான பெரியநாயகிஅம்மன் கோயிலில் ஆடித் திருவிழா கடந்த ஜூலை 17 ஆம் தேதி சிறப்பு பூஜைகளுடன் தொடங்கியது. விழாவை முன்னிட்டு, தினமும் அம்மனுக்கு நூறாயிரம் மலர்கள் தூவி, ஆடி லட்சார்ச்சனை வேள்விகள் நடைபெற்றன. ஆடி வெள்ளிதோறும் அம்மனுக்கு மகாலட்சுமி அலங்காரம், மீனாட்சி அலங்காரம், சந்தனக்காப்பு அலங்காரம் நடத்தப்பட்டது.
     நிறைவு நாளான வெள்ளிக்கிழமை (ஆக.10) ஆடி லட்சார்ச்சனை பூர்த்தியடைந்ததை முன்னிட்டு, 108 கலசங்கள் வைக்கப்பட்டு லலிதா சகஸ்ரநாம ஹோமம், சுமங்கலி பூஜை, கன்யாபூஜை, வடுகபூஜை ஆகியன நடைபெற்றன. கோயில் யானை கஸ்தூரிக்கு மாலை அணிவிக்கப்பட்டு, கஜ பூஜை நடத்தப்பட்டது. பின்னர், கலசங்கள் கோயிலை வலம் வரச் செய்யப்பட்டு, அம்மனுக்கு கலசாபிஷேகம் நடைபெற்றது. சாயரட்சையில் அம்மனுக்கு சோடஷ அபிஷேகம், சோடஷ உபசாரம் செய்யப்பட்டு, மகா அபிஷேகமும், தங்கக் கவச அலங்காரமும் செய்யப்பட்டது.
      இரவு 8.30 மணியளவில் வெள்ளித் தேரில் அம்மன் எழுந்தருளி,  ரத வீதி உலா வந்தார். வண்ண மின் விளக்குகளால் அலங்கரிக்கப்பட்ட வெள்ளித் தேரில்  பெரியநாயகி அம்மனுக்கு நகைகள், மலர்கள், பட்டாடை அணிவிக்கப்பட்டு, சிறப்பு அலங்காரத்தில் பக்தர்களுக்கு அருள்பாலித்தார். 
     பக்தர்கள் வடம் பிடித்து இழுக்க, தேர் 4 ரத வீதிகளில் உலா வந்து நிலைய அடைந்ததும், பக்தர்கள் கைதட்டி கரகோஷம் எழுப்பினர்.
    வெள்ளித் தேரோட்ட நிகழ்ச்சியில், பழனி கோயில் இணை ஆணையர் செல்வராஜ், கண்காணிப்பாளர் முருகேசன், கான்ட்ராக்டர் நேரு மற்றும் கோயில் அதிகாரிகளும், அலுவலர்களும் என ஏராளமானோர் பங்கேற்றனர்.

]]>
http://www.dinamani.com/all-editions/edition-madurai/dindigul/2018/aug/11/ஆடித்-திருவிழா-பழனி-பெரியநாயகி-அம்மன்-கோயிலில்-வெள்ளித்-தேர்-புறப்பாடு-2978109.html
2978108 மதுரை திண்டுக்கல் மனை வரன்முறைப்படுத்துவதற்கான  கட்டணம் குறைவதற்கு வாய்ப்பில்லை: திண்டுக்கல் மாநகராட்சி ஆணையர் DIN DIN Saturday, August 11, 2018 03:15 AM +0530 திண்டுக்கல் மாநகராட்சி பகுதிக்கான மனை வரன்முறைப்படுத்துவதற்கான கட்டணம் குறைவதற்கு வாய்ப்பில்லை என்பதால், நிர்ணயிக்கப்பட்ட காலக்கெடுவுக்குள் பொதுமக்கள் மனைகளை முறைப்படுத்திக் கொள்ளவேண்டும் என, ஆணையர் ந. மனோகரன் அறிவுறுத்தியுள்ளார்.
        திண்டுக்கல் மாநகராட்சியில் அனுமதியற்ற மனைகள் மற்றும் மனைப் பிரிவுகளை முறைப்படுத்துவதற்கான விழிப்புணர்வு மற்றும் ஆலோசனைக் கூட்டம் வெள்ளிக்கிழமை நடைபெற்றது. கூட்டத்துக்கு, மாநகராட்சி ஆணையர் ந. மனோகரன் தலைமை வகித்தார். மாநகர அமைப்பு அலுவலர் (பொறுப்பு) சுவாமிநாதன் முன்னிலை வகித்தார். இதில், ரியல் எஸ்டேட் உரிமையாளர்கள், குடியிருப்போர் நலச் சங்கத்தினர், மாநகராட்சி அலுவலர்கள் மற்றும் முன்னாள் மாமன்ற உறுப்பினர்கள் சிலரும் கலந்துகொண்டனர்.
    கூட்டத்தின்போது, கடந்த 1980 ஆம் ஆண்டுக்குப் பிறகும், 2016 அக்டோபர் 20 ஆம் தேதிக்கு முன்னதாகவும் பத்திரப்பதிவு செய்யப்பட்ட மனைகளை, நவம்பர் 3ஆம் தேதிக்குள் வரன்முறைப்படுத்திக் கொள்ளவேண்டும் எனத் தெரிவிக்கப்பட்டது. 
     அப்போது, ரியல் எஸ்டேட் உரிமையாளர்கள், மனைகளை முறைப்படுத்துவதற்கான கட்டணத்தை குறைக்க வேண்டும். ஒரு சதுர அடி நிலத்துக்கான விலையில், சென்னை மாநகராட்சி மற்றும் திண்டுக்கல் மாநகராட்சி பகுதியில் அதிக வேறுபாடு 
உள்ளது. திண்டுக்கல் மாநகராட்சியில் தற்போது நிர்ணயிக்கப்பட்டிருக்கும் கட்டணம் அதிகமாக உள்ளது. அதனை குறைப்பதற்கு தமிழக அரசு நடவடிக்கை மேற்கொண்டால் மட்டுமே, அனைத்து மனைகளையும் முறைப்பபடுத்த முடியும் எனத் தெரிவித்தனர்.
   இதற்கு ஆணையர் மனோகரன், இது குறித்து ஏற்கெனவே தமிழக அரசிடம் வலியுறுத்தியுள்ளோம். ஆனால், மாநகராட்சி என்ற நிலையில் அனைத்துப் பகுதிகளுக்கும் ஒரே மாதிரியான கட்டணம் மட்டுமே இருக்கவேண்டும் என அரசுத் தரப்பில் தெரிவிக்கப்பட்டுள்ளது. அதனால், அரசுத் தரப்பில் விதிக்கப்பட்டுள்ள காலக் கெடுவுக்குள் பொதுமக்கள் மனைகளை முறைப்படுத்துவதற்கு முன் வரவேண்டும் என்றார்.    திண்டுக்கல் மாநகராட்சியை பொருத்தவரை, மொத்தமுள்ள 2,230 மனைகளில், 849 மனைகள் ரூ. 2 கட்டணத்தில் முறைப்படுத்தப்பட்டுள்ளது. இதற்கான கட்டணம் உயர்த்தப்பட்ட பின்னர், 134 மனைகளின் உரிமையாளர்கள் மட்டுமே முறைப்படுத்தியுள்ளனர் என்பது குறிப்பிடத்தக்கது.
 

]]>
http://www.dinamani.com/all-editions/edition-madurai/dindigul/2018/aug/11/மனை-வரன்முறைப்படுத்துவதற்கான-கட்டணம்-குறைவதற்கு-வாய்ப்பில்லை-திண்டுக்கல்-மாநகராட்சி-ஆணையர்-2978108.html
2978107 மதுரை திண்டுக்கல் மகாலட்சுமி அம்மன் கோயில் ஆடித் திருவிழா: பக்தர்கள் தலையில் தேங்காய் உடைக்கும் நிகழ்ச்சி DIN DIN Saturday, August 11, 2018 03:15 AM +0530 திண்டுக்கல் மாவட்டம், பழனியை அடுத்த பெரியகலையமுத்தூர் மகாலட்சுமி அம்மன் கோயிலில் வெள்ளிக்கிழமை பக்தர்கள் தலையில் தேங்காய் உடைக்கும் நிகழ்ச்சி நடைபெற்றது.
     ஆண்டுதோறும் இக்கோயிலில் ஆடித் திருவிழாவை முன்னிட்டு, பக்தர்கள் தலையில் தேங்காய் உடைக்கும் நிகழ்ச்சி நடைபெறுவது வழக்கம். அதன்படி இந்தாண்டு விழாவில், வியாழக்கிழமை மகாலட்சுமி அம்மன் அலங்காரப் பூத்தேரில் பவனி வருதல் மற்றும் ஆற்றுக்கு எழுந்தருளல் உள்ளிட்ட நிகழ்ச்சிகள் நடைபெற்றன.  
    வெள்ளிக்கிழமை காலை, ஊத்துப்பட்டி சேர்வையாட்டம், கரகாட்டம், கதம்ப நிகழ்ச்சி மற்றும் வாணவேடிக்கை போன்றவற்றைத் தொடர்ந்து, பக்தர்கள் தலையில் தேங்காய் உடைக்கும் நிகழ்ச்சி நடைபெற்றது. இதில், சீரான இசையில் ஆடு முட்டுதல் உள்ளிட்ட பல்வேறு வகையான சேர்வையாட்டம் பக்தர்களை கவர்ந்தது.  
     காலையில், கோயில் வளாகம் முன்பு தேங்காய் உடைக்கும் நேர்ச்சைக்காக ஆண்கள், பெண்கள் என ஏராளமானோர் வரிசையாக அமரவைக்கப்பட்டு, தலையில் விபூதி போடுதல் நடைபெற்றது. கோயில் பூசாரி பெருமாள் அம்மனுக்கு சிறப்பு பூஜைகள் செய்து, நெய் விளக்கை கம்பத்தில் ஏற்றினார். பின்னர், கம்பத்தடியில் வைக்கப்பட்டிருந்த பாதக்கொரடு மற்றும் கலசத்துக்கு தீபாராதனை காட்டப்பட்டது. அதையடுத்து, பூசாரி பெருமாள் அருள் வந்து கம்பளத்தில் வைக்கப்பட்டிருந்த தேங்காய்களை எடுத்து, பக்தர்கள் தலையில் வரிசையாக உடைத்தார்.  அப்போது, சேர்வையாட்டத்துடன் தீப்பந்தம் முழக்கி, பக்தர்கள் கோவிந்தா, கோவிந்தா என்று கோஷங்கள் எழுப்பினர்.  
    தொடர்ந்து, பூசாரி பாதக்கொறடு அணிந்தும், சாட்டை வீசியும் பக்தர்களுக்கு அருளாசி வழங்கினார். 
   விழா ஏற்பாடுகளை, பெரியதனக்காரர் ராமசாமி தலைமையில் விழாக் குழுவினர் செய்திருந்தனர்.
 

]]>
http://www.dinamani.com/all-editions/edition-madurai/dindigul/2018/aug/11/மகாலட்சுமி-அம்மன்-கோயில்-ஆடித்-திருவிழாபக்தர்கள்-தலையில்-தேங்காய்-உடைக்கும்-நிகழ்ச்சி-2978107.html
2978106 மதுரை திண்டுக்கல் நிலக்கோட்டை வட்டாரத்தில் ஆக.17 முதல் கிராம விளையாட்டுப் போட்டிகள் DIN DIN Saturday, August 11, 2018 03:15 AM +0530 நிலக்கோட்டை வட்டாரத்துக்குள்பட்ட 23 ஊராட்சிகளில் ஆகஸ்ட் 17 முதல் 21ஆம் தேதி வரை, கிராம விளையாட்டுப் போட்டிகள் நடைபெறுகின்றன.
     இது குறித்து திண்டுக்கல் மாவட்ட விளையாட்டு அலுவலர் செ. சௌந்தரராஜன் வெள்ளிக்கிழமை தெரிவித்துள்ளதாவது: கடந்த 2016-17ஆம் ஆண்டுக்கான கிராம ஊராட்சி விளையாட்டுப் போட்டிகள் தமிழகம்  முழுவதும் நடைபெறவுள்ளன. அதன்படி, திண்டுக்கல் மாவட்டத்தில் உள்ள 306 கிராம ஊராட்சிகளிலும், கிராம விளையாட்டுப் போட்டிகள் நடத்துவதற்கு ஏற்பாடு செய்யப்பட்டுள்ளது.     முதல் கட்டமாக, நிலக்கோட்டை ஊராட்சி ஒன்றியத்துக்குள்பட்ட 23 ஊராட்சிகளில் இப் போட்டிகள் நடைபெற உள்ளன.
     போட்டி நடைபெறும் கிராமங்கள் விவரம்: ஆகஸ்ட் 17ஆம் தேதி எத்திலோடு, ஜம்புதுரைக்கோட்டை, கோடாங்கிநாயக்கன்பட்டி, குல்லி செட்டிப்பட்டி, நூத்துலாபுரம். ஆகஸ்ட் 18 ஆம் தேதி குல்லலக்குண்டு, கோட்டூர், எஸ்.மேட்டுப்பட்டி, சித்தர்கள் நத்தம், நரியூத்து. 
     ஆகஸ்ட் 20 ஆம் தேதி கூவனூத்து, மாலையக்கவுண்டன்பட்டி, மட்டப்பாறை, முசுவனூத்து, நக்கலூத்து, பச்சமலையான்கோட்டை, பள்ளப்பட்டி. ஆகஸ்ட் 21ஆம் தேதி பிள்ளையார்நத்தம், ராமராஜபுரம், சிலுக்குவார்பட்டி, சிவஞானபுரம், வீலிநாயக்கன்பட்டி, விளாம்பட்டி ஆகிய கிராமங்களிலும் விளையாட்டுப் போட்டிகள் நடைபெறும். 
   இதில், அந்தந்த கிராமத்தைச் சேர்ந்த இளைஞர்கள் திரளாகக் கலந்துகொள்ள வேண்டும் எனக் கேட்டுக்கொண்டுள்ளார்.

]]>
http://www.dinamani.com/all-editions/edition-madurai/dindigul/2018/aug/11/நிலக்கோட்டை-வட்டாரத்தில்-ஆக17-முதல்கிராம-விளையாட்டுப்-போட்டிகள்-2978106.html
2978105 மதுரை திண்டுக்கல் ஒட்டன்சத்திரம் நகராட்சிப் பகுதியில் மனைகளை முறைப்படுத்த சிறப்பு முகாம் DIN DIN Saturday, August 11, 2018 03:14 AM +0530 ஒட்டன்சத்திரம் நகராட்சி அலுவலகத்தில் மனைகளை முறைப்படுத்த சிறப்பு முகாம் வெள்ளிக்கிழமை நடைபெற்றது.
      திண்டுக்கல் மாவட்டம், ஒட்டன்சத்திரம் நகராட்சிப் பகுதியில் மனைப் பிரிவுகளில் அனுமதியின்றி கட்டடம் கட்டியுள்ளவர்கள், மனையிடம் வாங்கியுள்ளவர்கள் அவற்றை முறைப்படுத்திக்கொள்ள நகர் ஊரமைப்பு துறை ஒப்புதல் வழங்கியுள்ளது. 
  அதன்பேரில், ஒட்டன்சத்திரம் நகராட்சியில் ஒவ்வொரு வெள்ளிக்கிழமையும் (30.9.2018 வரை) சிறப்பு முகாம் நடைபெறுகிறது.
          இதில், தங்களது மனைகளை முறைப்படுத்திக்கொள்ள நகராட்சி சார்பில் பொதுமக்களுக்கும், அனுமதியற்ற மனைப் பிரிவுகளின் மனையிட உரிமையாளர்களுக்கும் அறிவுறுத்தப்பட்டது. வெள்ளிக்கிழமை நடைபெற்ற சிறப்பு முகாமில் 10-க்கும் மேற்பட்டோர் தங்களது மனைகளை முறைப்படுத்திக்கொள்ள மனு அளித்தனர்.
    மேலும், அரசால் நிர்ணயிக்கப்பட்ட காலக்கெடுவுக்குள் மனையிடங்களை முறைப்படுத்திக் கொள்ளவேண்டும் என்றும், தவறும்பட்சத்தில் நகராட்சி சட்ட விதிகளின்படி நடவடிக்கை எடுக்கப்படும் என்றும், நகராட்சி ஆணையர் எம். இளவரசன் தெரிவித்துள்ளார்.
 

]]>
http://www.dinamani.com/all-editions/edition-madurai/dindigul/2018/aug/11/ஒட்டன்சத்திரம்-நகராட்சிப்-பகுதியில்-மனைகளை-முறைப்படுத்த-சிறப்பு-முகாம்-2978105.html
2978104 மதுரை திண்டுக்கல் தலைமை ஆசிரியர்-வட்டாரக்கல்வி அலுவலர் மோதல் நீடிப்பு: ஆர்.கோம்பை பள்ளி மாணவர்கள் பாதிப்பு DIN DIN Saturday, August 11, 2018 03:14 AM +0530 ஆர்.கோம்பை ஊராட்சி ஒன்றிய தொடக்கப் பள்ளி தலைமையாசிரியருக்கும், வட்டாரக் கல்வி அலுவலருக்கும் இடையேயான பிரச்னையால், கடந்த 15 நாள்களுக்கும் மேலாக பள்ளி செயல்படுவதில் இழுபறி நீடித்து வருகிறது.
      திண்டுக்கல் மாவட்டம், கோவிலூர் அடுத்துள்ள ஆர்.கோம்பை கிராமத்தில் உள்ள ஊராட்சி ஒன்றிய நடுநிலைப் பள்ளியின் தலைமையாசிரியர் மோகன்தாஸ் என்பவருக்கும், குஜிலியம்பாறை வட்டாரக் கல்வி அலுவலர் அருண்குமார் என்பவருக்கும் இடையே கருத்து மோதல் ஏற்பட்டுள்ளது.
     இதனிடையே, இருவரையும் பணியிட மாற்றம் செய்யவேண்டும் என ஒரு தரப்பினரும், தலைமையாசிரியரை பணியிட மாற்றம் செய்யக்கூடாது என மற்றொரு தரப்பினரும் மாவட்ட முதன்மைக் கல்வி அலுவலகத்திலும், மாவட்ட ஆட்சியர் அலுவலகத்திலும் மனு அளித்துள்ளனர்.     இந்நிலையில், வியாழக்கிழமை பள்ளிக்குச் சென்ற 3 மாணவர்களை ஆசிரியர் அடித்ததாகக் கூறப்படுகிறது. இதனால் அதிருப்தி அடைந்த பெற்றோர், தலைமையாசிரியரின் தூண்டுதலின்பேரிலேயே மாணவர்கள் தாக்கப்பட்டதாகக் கூறி, எரியோடு காவல் நிலையத்தில் வெள்ளிக்கிழமை புகார் அளித்துள்ளனர்.     இதன் காரணமாக, வெள்ளிக்கிழமை மாணவர்கள் பள்ளிக்குச் செல்லாமல், அருகிலுள்ள கோயில் வளாகத்தில் காத்திருந்தனர். அதையடுத்து, காவல் நிலையத்தில் புகார் அளிக்கப்பட்டுள்ளதன் அடிப்படையில் நடவடிக்கை எடுப்பார்கள் என, அப்பகுதியினர் சிலர் மாணவர்களை சமாதானப்படுத்தி பள்ளிக்கு அனுப்பி வைத்தனர்.      தலைமையாசிரியர் விவகாரத்தால், கடந்த 15 நாள்களுக்கும் மேலாக ஆர்.கோம்பை பள்ளியில் தொடர்ந்து பல்வேறு புகார்கள் எழுந்துள்ளன. இந்த பள்ளியை அமைதியான முறையில் நடத்துவதற்கான ஏற்பாடுகளை, கல்வித் துறை அலுவலர்கள் துரிதமாக மேற்கொள்ள வேண்டும் என,  அப்பகுதி மக்கள் வலியுறுத்துகின்றனர்.

]]>
http://www.dinamani.com/all-editions/edition-madurai/dindigul/2018/aug/11/தலைமை-ஆசிரியர்-வட்டாரக்கல்வி-அலுவலர்-மோதல்-நீடிப்பு-ஆர்கோம்பை-பள்ளி-மாணவர்கள்-பாதிப்பு-2978104.html
2977447 மதுரை திண்டுக்கல் பழனி, ஒட்டன்சத்திரத்தில் மொட்டையடித்து திமுக தொண்டர்கள் அஞ்சலி DIN DIN Friday, August 10, 2018 06:31 AM +0530 பழனி, ஒட்டன்சத்திரம் பகுதியில் மறைந்த முன்னாள் முதல்வர் கருணாநிதிக்கு, திமுக தொண்டர்கள் வியாழக்கிழமை மொட்டையடித்து அஞ்சலி செலுத்தினர்.
 தமிழக முன்னாள் முதல்வரும், திமுக தலைவருமான மு.கருணாநிதி மறைவையொட்டி ஒட்டன்சத்திரம் அருகே கள்ளிமந்தையத்தில் முன்னாள் ஊராட்சி மன்ற தலைவர் பி.சி.தங்கம் மற்றும் ஊராட்சி செயலர் கோதண்டராமன் தலைமையில் திமுக தொண்டர்கள் 36 பேர் மொட்டையடித்தனர். அதன் பின்னர் கள்ளிமந்தையம் பேருந்து நிலையம் அருகே வைக்கப்பட்டிருந்த கருணாநிதி உருவப் படத்திற்கு மலர் தூவி அஞ்சலி செலுத்தினர். அதேபோல தங்கச்சியம்மாபட்டியில் முன்னாள் ஊராட்சி மன்றத்தலைவர் முருகானந்தம் தலைமையில் 10 பேரும், கே.அத்திக்கோம்பையில் முன்னாள் ஒன்றியக் கவுன்சிலர் பொன்னன் தலைமையில் 11 பேரும் மொட்டையடித்து கருணாநிதி படத்திற்கு மலர் தூவி அஞ்சலி செலுத்தினர்.
பழனி : பழனியை அடுத்த பாலசமுத்திரத்தை சேர்ந்த 25 திமுக தொண்டர்கள் பழனி சண்முகநதியில் கருணாநிதிக்கு அஞ்சலி செலுத்தும் விதமாக மொட்டையடித்துக் கொண்டனர். முன்னதாக மொட்டையடிக்கும் இடத்தில் கருணாநிதியின் உருவப்படத்தை வைத்து மாலை அணிவித்து கண்ணீர் அஞ்சலி செலுத்தினர்.

]]>
http://www.dinamani.com/all-editions/edition-madurai/dindigul/2018/aug/10/பழனி-ஒட்டன்சத்திரத்தில்-மொட்டையடித்து-திமுக-தொண்டர்கள்-அஞ்சலி-2977447.html
2977446 மதுரை திண்டுக்கல் தாமிரபரணி புஷ்கர விழாவுக்கு கூடுதல் பாதுகாப்பு ஏற்பாடுகள் செய்ய வேண்டும்: அகில பாரதிய துறவியர்கள் சங்க மாநிலச் செயலாளர் சுவாமி ராமானந்தா DIN DIN Friday, August 10, 2018 06:30 AM +0530 திருநெல்வேலி மாவட்டத்தில் அக்டோபர் 11 முதல் 22 ஆம் தேதி வரை நடைபெறவுள்ள தாமிரபரணி மஹாபுஷ்கர விழாவுக்கு தமிழக அரசு கூடுதல் பாதுகாப்பு ஏற்பாடுகளை செய்து தர வேண்டும் என அகில பாரதிய துறவியர்கள் சங்க செயலாளர் சுவாமி ராமானந்தா கோரிக்கை விடுத்துள்ளார். 
திருநெல்வேலி மாவட்டம் தாமிரபரணி நதியில் புஷ்க விழா வரை பாபநாசம், திருநெல்வேலி, முக்கூடல் உள்ளிட்ட 149 புனிதப் படித்துறைகளில்  கொண்டாடப்பட உள்ளது.  அக்டோபர் 11 ஆம் தேதி பாபநாசத்தில் அகில பாரதத் துறவியர்கள் சங்கமமும், அக்டோபர் 12 ஆம் தேதி திருநெல்வேலியில் ஆன்மிக கலாச்சார ஊர்வலமும் நடைபெறவுள்ளது.  
இதை முன்னிட்டு பழனி மெய்த்தவம் பொற்சபையில் வியாழக்கிழமை துறவியர்கள் பங்கேற்ற கலந்தாலோசனைக் கூட்டம் நடைபெற்றது.    கூட்டத்துக்கு தாமிரபரணி புஷ்கரம் துறவியர் மாநாட்டின் பொறுப்பாளர் மெய்த்தவம் அடிகள் தலைமை வகித்தார்.  புரவலர்கள் தமிழன்னை அறக்கட்டளை தமிழரசன், கந்தவிலாஸ் பாஸ்கரன் உள்ளிட்டோர் முன்னிலை வகித்தனர்.  சித்த வைத்தியர் சங்க பொருளாளர் ராஜம்மாள் வாழ்த்துரை வழங்கினார்.  
தாமிரபரணி மஹா புஷ்கரம் விழாக்குழு தலைவரும், அகில பாரதிய துறவியர்கள் சங்க செயலாளருமான சுவாமி ராமானந்தா சிறப்புரை நிகழ்த்தினார்.  அப்போது அவர் கூறியது:  தாமிரபரணி மஹா புஷ்கரத்துக்கு இந்தியாவின் பல்வேறு பகுதிகளில் இருந்தும் துறவியர்கள், சாதுக்கள், பல்வேறு மதங்களை சேர்ந்த முக்கிய பிரமுகர்கள் வந்து  நீராடவுள்ளனர்.  பொதுமக்கள் லட்சக்கணக்கில் வருவர்.  149 படித்துறைகளிலும் நாள்தோறும் சிறப்பு ஆரத்தி, பூஜைகள் நடைபெறவுள்ளது.  துறவியர் மாநாடு, சதுர்வேத பாராயணம், திருவாசகம் முற்றோதல், நாலாயிர திவ்யபிரபந்தப் பாராயணம், லலிதா சஹஸ்ரநாமம், விஷ்ணு சஹஸ்ர நாமம், அகில திரட்டு, திருவருட்பா என தினமும் நடைபெறவுள்ளது.   
முதல்நாள் நிகழ்ச்சியை தமிழக ஆளுநர் பன்வாரிலால் புரோஹித் தொடங்கி வைக்கவுள்ளார்.  விஷ்வ ஹிந்து பரிஷத் அகில உலக தலைவர் விஷ்ணு சதாசிவ் கோக் உள்ளிட்ட ஏராளமானோர் வருகை புரிகின்றனர்.   தாமிரபரணி நதியின் நீரோட்டம் மற்ற நதிகளுடன் ஒப்பிடுகையில் மாறுபட்டது.  
திடீரென நீரோட்டம் மாறும்.  பல இடங்களில் சுழல்கள், மண்குழிகள், புதைகுழிகள் உள்ளன.  ஆகவே, தமிழக அரசு புஷ்கரம் நடைபெறும் இடங்களில் மருத்துவ முகாம்கள், போலீஸார், தீயணைப்பு மற்றும் மீட்பு வாகனங்கள் போன்ற கூடுதல் பாதுகாப்பு ஏற்பாடுகளை செய்து தரவேண்டும் என்றார்.
 

]]>
http://www.dinamani.com/all-editions/edition-madurai/dindigul/2018/aug/10/தாமிரபரணி-புஷ்கர-விழாவுக்கு-கூடுதல்-பாதுகாப்பு-ஏற்பாடுகள்-செய்ய-வேண்டும்-அகில-பாரதிய-துறவியர்கள்-சங-2977446.html
2977445 மதுரை திண்டுக்கல் கொடைக்கானல் அருகே காட்டு யானைகள் அட்டகாசம்: பொதுமக்கள் அச்சம் DIN DIN Friday, August 10, 2018 06:30 AM +0530 கொடைக்கானல் அருகே விவசாய நிலங்களில் காட்டு யானைகள் புகுந்து பயிர்களை சேதப்படுத்துவதாலும் அப்பகுதி யிலேயே முகாமிட்டுள் ளதாலும் பொதுமக்கள் அச்சமடைந்துள்ளனர்.
கொடைக்கானல் பகுதிகளான பேத்துப்பாறை, உப்புப்பாறை மெத்து, பி.எல்.செட்,பள்ளங்கி, கோம்பை, வடகவுஞ்சி, அஞ்சுரான்மந்தை, பெரும்பாறை, பெருங்கானல் உள்ளிட்ட பல்வேறு பகுதிகளில் யானைகள் நடமாட்டம் அதிகரித்துள்ளன. இந்த யானைகள்  வாழை, காபி, பலா, அவக்கோடா உள்ளிட்ட பயிர்களை சேதப்படுத்தி வருகின்றன. மேலும் அருகிலுள்ள குடியிருப்பு பகுதிகளுக்குள் புகுந்து வீடுகள் மற்றும் குடிசைகளை சேதப்படுத்தி வருகின்றன.
இந்நிலையில் கடந்த ஒரு வாரத்திற்கு முன் அஞ்சுரான் மந்தைப் பகுதியில் தங்களது தோட்டத்திற்கு சென்ற 2 பெண்கள் உள்ளிட்ட 3 பேரை காட்டு யானைகள் தாக்கியது. இதில்  பலத்த காயமடைந்த நிலையில் 3 பேரும் மருத்துவமனையில் சிகிச்சை பெற்று வருகின்றனர். இதனைத் தொடர்ந்து கடந்த 2 நாட்களாக  பேத்துப்பாறை, உப்புப்பாறை மெத்து ஆகிய பகுதிகளில் காட்டு யானைகள் முகாமிட்டுள்ளன. இதனால் அப்பகுதி மக்கள் வீட்டுக்கு வெளியே வர முடியாமல் முடங்கி கிடக்கின்றனர். 
இதுகுறித்து அப் பகுதியைச் சேர்ந்த பொதுமக்கள் வனத்துறையினருக்கு தகவல் கொடுத்தனர். உடனே வனத்துறையினர் சம்பவ இடத்திற்குச் சென்று வியாழக்கிழமை அதிகாலை முதல் காட்டு யானைகளை விரட்டும் பணியில் ஈடுபட்டனர். 
இவர்களுடன் சேர்ந்து அப் பகுதியைச் சேர்ந்த 50-க்கும் மேற்பட்ட பொதுமக்களும் சேர்ந்து சத்தம் எழுப்பியும், வெடி வெடித்தும் யானைகளை வனப்பகுதிக்குள் விரட்டும் பணியில் ஈடுபட்டனர்.
இதுகுறித்து வனச்சரகர் ஆனந்த்  வியாழக்கிழமை கூறியது: கொடைக்கானல் வனப் பகுதியிலிருந்து உணவைத் தேடி காட்டு யானைகள் விவசாய நிலங்களுக்குள் வரத் தொடங்கியுள்ளன. இரவு நேரங்களில் பொது மக்கள் யாரும் வெளியில் வர வேண்டாம்.  
வன விலங்குகள் நடமாட்டம் இருந்தால் உடனடியாக வனத்துறையினருக்கு தகவல் தெரிவிக்க வேண்டும். தற்போது கண்காணிப்புக் குழுவினர் வனப் பகுதியையொட்டியுள்ள பகுதிகளில் முகாமிட்டு யானைகள் நடமாட்டத்தைக் கண்காணித்து வருகின்றனர் என்றார்.
 

]]>
http://www.dinamani.com/all-editions/edition-madurai/dindigul/2018/aug/10/கொடைக்கானல்-அருகே-காட்டு-யானைகள்-அட்டகாசம்-பொதுமக்கள்-அச்சம்-2977445.html
2977444 மதுரை திண்டுக்கல் கருணாநிதி மறைவால் அதிர்ச்சி: மாரடைப்பால் தொண்டர் சாவு DIN DIN Friday, August 10, 2018 06:30 AM +0530 பழனி அருகே முன்னாள் முதல்வர் கருணாநிதியின் இறுதி ஊர்வலத்தை பார்த்துக் கொண்டிருந்த திமுக தொண்டர் மாரடைப்பால் உயிரிழந்தார்.
பழனியை அடுத்த பாப்பம்பட்டியை சேர்ந்தவர் பழனிச்சாமி மகன் கருப்புச்சாமி(58).  இவருக்கு திருமணமாகி இரண்டு மகன்கள், ஒரு மகள் உள்ளனர்.  அனைவருக்கும் திருமணமாகி விட்டது.  கருப்புச்சாமி திமுக வார்டு கிளைச்செயலாளராக உள்ளார்.   கடந்த செவ்வாய்க்கிழமை திமுக தலைவர் கருணாநிதி மறைவைத் தொடர்ந்து கவலையில் இருந்துள்ளார்.  புதன்கிழமை மாலை கருணாநிதியின் இறுதி ஊர்வலத்தை தொலைக்காட்சியில் பார்த்துக்கொண்டிருந்த போது திடீரென மாரடைப்பு ஏற்பட்டுள்ளது.  
பழனியில் முதலுதவி சிகிச்சை வழங்கி விட்டு, ஒட்டன்சத்திரம் தனியார் மருத்துவமனைக்கு கொண்டு சென்றனர். அங்கு சிகிச்சை பலனின்றி வியாழக்கிழமை அவர் இறந்தார்.  
இதுகுறித்து பழனி தாலுகா போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/dindigul/2018/aug/10/கருணாநிதி-மறைவால்-அதிர்ச்சி-மாரடைப்பால்-தொண்டர்-சாவு-2977444.html
2977443 மதுரை திண்டுக்கல் நெகிழிப் பயன்பாடு குறைகிறது: வாழை இலைகளுக்கு கிராக்கி DIN DIN Friday, August 10, 2018 06:29 AM +0530 தமிழகத்தில் நெகிழித் தாள்கள் பயன்பாடு குறைந்து வரும் நிலையில்,  ஆடி மாதத்திலும் வாழை இலைகளுக்கு அதிக விலை கிடைப்பதால் விவசாயிகள் மகிழ்ச்சி அடைந்துள்ளனர்.
திண்டுக்கல் மாவட்டம் வத்தலகுண்டு பகுதியில் வாழை இலை தினசரி சந்தை செயல்பட்டு வருகிறது. தேனி, திண்டுக்கல் மாவட்டங்களில் உள்ள வைகை பாசனப் பகுதிகளான குள்ளப்புரம், மருகால்பட்டி, அணைக்கரப்பட்டி, ஏ.வாடிப்பட்டி, பழைய வத்தலகுண்டு, அய்யங்கோவில்பட்டி, விராலிப்பட்டி உள்ளிட்ட பகுதிகளிலிருந்து வாழை இலைகள் இந்த சந்தைக்கு விற்பனைக்காக கொண்டு வரப்படுகின்றன. சென்னை, பெங்களூரு பகுதிகளுக்கு லாரிகள் மூலம் இலைக்கட்டுகள் அனுப்பி வைக்கப்படுகின்றன. நாள்தோறும் தலா 200 இலைகள் கொண்ட 1000 கட்டுகள் வெளியிடங்களுக்கு அனுப்பி வைக்கப்படுகின்றன.
பொதுவாக ஆடி மாதம் முகூர்த்த நாள்கள் கிடையாது என்பதால், வாழை இலைகளுக்கான தேவை இருக்காது. இதனால், ஆடி மாதத்தில் இலைக் கட்டுகளுக்கு போதிய விலையும் கிடைக்காது. ஆனால், நிகழாண்டில் வழக்கத்திற்கு மாறாக 200 இலைகள் கொண்ட ஒரு கட்டு ரூ.700 வரை விற்பனையாகிறது. இதனால் விவசாயிகள் மட்டுமின்றி வியாபாரிகள் மத்தியிலும் மகிழ்ச்சியை ஏற்படுத்தியுள்ளது. 
தமிழகத்தில் அடுத்தாண்டு முதல் நெகிழித் தாள்களுக்கு தடை விதிக்கப்பட உள்ளதாக அரசு அறிவித்துள்ளது. இந்நிலையில் பல்வேறு நகரங்களில் நெகிழிப் பயன்பாட்டுக்கு படிப்படியாக தடை விதிக்கப்பட்டு வருகிறது. 
நெகிழி பயன்படுத்துபவர்களுக்கு சில நகரங்களில் அபராதமும் விதிக்கப்படுகிறது. இதனால் நெகிழிப் பயன்பாடு குறைந்து, உணவகங்களில் வாழை இலைகளின் தேவையை அதிகரித்திருப்பதாக கூறப்படுகிறது. 
இதுதொடர்பாக வாழை இலை வியாபாரி  எஸ்.மகேந்திரன் வியாழக்கிழமை கூறியது:
ஆடி மாதத்தில் 200 இலைகள் கொண்ட கட்டு ரூ.300 வரை மட்டுமே விற்பனை செய்யப்படுவது வழக்கம். ஆனால், இந்த முறை ரூ.700க்கு விற்பனை செய்யப்படுகிறது. தண்ணீர் பற்றாக்குறை, ஆடிக்காற்று போன்ற காரணங்கள் இருந்தாலும், இலைகளின் வரத்தில் பெரிய அளவில் மாற்றமில்லை. 
ஆனாலும், வழக்கத்திற்கு மாறாக இலைகளுக்கான வரவேற்பு அதிகரித்துள்ளது. நெகிழித்தாள்கள் பயன்பாடு குறைந்து வரும் நிலையில்  இந்த மாற்றம் நிகழ்ந்துள்ளது. ஆவணி மாதத்தில் சுப நிகழ்ச்சிகள் அதிகம் நடைபெறும்போது, இலைகளுக்கான தேவை மேலும் அதிகரிக்கும். அப்போது, வாழை இலைகளின் விலை மேலும் அதிகரிக்க வாய்ப்புள்ளது. 
நெகிழிப் பயன்பாடு குறைந்து வருவதால், வாழை இலை சாகுபடி செய்யும் விவசாயிகளுக்கும், தொழிலாளர்களுக்கும் புதிய நம்பிக்கை  ஏற்பட்டுள்ளது என்றார். 

]]>
http://www.dinamani.com/all-editions/edition-madurai/dindigul/2018/aug/10/நெகிழிப்-பயன்பாடு-குறைகிறது-வாழை-இலைகளுக்கு-கிராக்கி-2977443.html
2977442 மதுரை திண்டுக்கல் கொலை வழக்கில் கைதான 4 பேர் குண்டர் தடுப்புச் சட்டத்தில் கைது DIN DIN Friday, August 10, 2018 06:29 AM +0530 பழனியில் கொலை வழக்கில் கைதான 3 சகோதரர் உள்ளிட்ட 4 பேரை குண்டர் தடுப்புச் சட்டத்தின் கீழ் கைது செய்வதற்கு மாவட்ட ஆட்சியர் வினய் உத்தரவிட்டுள்ளார்.
திண்டுக்கல் மாவட்டம், பழனியைச் சேர்ந்த செந்தில்குமார் என்ற விவேகானந்தன் என்பவர் கடந்த ஜூன் 6 ஆம் தேதி வெட்டிக் கொலை செய்யப்பட்டார். இந்த கொலை வழக்கில், பழனி அடிவாரம் பகுதியைச் சேர்ந்த சேதுபதி என்பவரது மகன்கள்  பூபாலகிருஷ்ணன்(29), பாலகிருஷ்ணன்(29) மற்றும் கோபிநாத் துர்கா(34), சித்தி விநாயகர் கோயில் தெருவைச் சேர்ந்த ஞா.சௌந்தரபாண்டி(33) ஆகியோர் பழனி நகர போலீஸாரால் கைது செய்யப்பட்டு சிறையில் அடைக்கப்பட்டனர்.
இந்நிலையில் கைதான 4 பேரையும்  குண்டர் தடுப்புச் சட்டத்தின் கீழ் சிறையில் அடைக்க மாவட்ட காவல் கண்காணிப்பாளர் இரா.சக்திவேல் பரிந்துரை செய்துள்ளார். அதனை ஏற்று, மாவட்ட ஆட்சியர் டி.ஜி.வினய் அதற்கான உத்தரவினை வியாழக்கிழமை பிறப்பித்துள்ளார்.

]]>
http://www.dinamani.com/all-editions/edition-madurai/dindigul/2018/aug/10/கொலை-வழக்கில்-கைதான-4-பேர்-குண்டர்-தடுப்புச்-சட்டத்தில்-கைது-2977442.html
2977441 மதுரை திண்டுக்கல் வடமதுரை அருகே குடும்பத் தகராறு: கணவன், மனைவி தீக்குளிப்பு DIN DIN Friday, August 10, 2018 06:29 AM +0530 வடமதுரை அருகே குடும்பத் தகராறில், மண்ணெண்ணெய் ஊற்றி தீக்குளித்த சம்பவத்தில்  கணவன், மனைவி மற்றும் 3 வயது குழந்தை ஆகியோர் தீக்காயமடைந்து மருத்துவமனையில் வியாழக்கிழமை அனுமதிக்கப்பட்டுள்ளனர்.
 திண்டுக்கல் மாவட்டம், வடமதுரை அடுத்துள்ள செங்குளத்துப்பட்டியைச் சேர்ந்தவர் காளீஸ்வரன் (25). லாரிகளில் சுமை தூக்கும் தொழிலாளியாக இருந்து வருகிறார். இவரது மனைவி நாகஜோதி (24). சென்னையை அடுத்துள்ள கும்மிடிபூண்டியைச் சேர்ந்தவர். 
கடந்த 7 ஆண்டுகளுக்கு முன்பு இவர்களுக்கு திருமணம் நடந்துள்ளது. நிஷாந்த்(5), நந்தகுமார்(3) என 2 குழந்தைகள் உள்ளனர்.  இந்நிலையில், கணவன், மனைவி இடையே வியாழக்கிழமை தகராறு ஏற்பட்டுள்ளது. அப்போது அதிருப்தி அடைந்த நாகஜோதி, வீட்டிலிருந்த மண்ணெண்ணெய்யை உடலில் ஊற்றி தீக்குளித்துள்ளார். இதனால் அதிர்ச்சி அடைந்த காளீஸ்வரனும் தீக்குளித்துள்ளார். 
அந்த நேரத்தில் வீட்டிலிருந்த  குழந்தை நத்தகுமாருக்கும் லேசான தீக்காயங்கள் ஏற்பட்டுள்ளன. இதனை அடுத்து, பலத்த காயமடைந்த நாகஜோதி, காளீஸ்வரன்,  குழந்தை நந்தகுமார் ஆகிய மூவரும் சிகிச்சைக்காக திண்டுக்கல் அரசு மருத்துவமனையில் அனுமதிக்கப்பட்டனர். இந்த சம்பவம் நடந்த போது வெளியில் சென்றிருந்ததால், சிறுவன் நிஷாந்த் மட்டும் தப்பினார்.   நாகஜோதிக்கு 90 சதவீதமும், காளீஸ்வரனுக்கு 65 சதவீதமும் தீக்காயம் ஏற்பட்டுள்ளது. இதுகுறித்து வடமதுரை போலீஸார் வழக்குப்பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/dindigul/2018/aug/10/வடமதுரை-அருகே-குடும்பத்-தகராறு-கணவன்-மனைவி-தீக்குளிப்பு-2977441.html
2977440 மதுரை திண்டுக்கல் ஒட்டன்சத்திரம் ஒன்றிய அலுவலகம் முற்றுகை DIN DIN Friday, August 10, 2018 06:28 AM +0530 குடிநீர்  விநியோகம் செய்ய வலியுறுத்தி காலிக்குடங்களுடன் பொதுமக்கள் ஒட்டன்சத்திரம் ஊராட்சி ஒன்றிய அலுவலகத்தை வியாழக்கிழமை முற்றுகையிட்டனர்.
ஒட்டன்சத்திரம் ஊராட்சி ஒன்றியத்திற்கு உட்பட்ட அம்பிளிக்கை ஊராட்சியில் பூலாம்பட்டி கிராமம் உள்ளது. இந்த ஊராட்சிக்கு சடையன்குளத்தில் ஆழ்குழாய் அமைத்து ஊராட்சி முழுவதும் குடிநீர் விநியோகிக்கப்படுகிறது. இந்நிலையில் கடந்த 2 மாதமாக பூலாம்பட்டிக்கு செல்லும் குடிநீர் குழாயை நல்லூர்பட்டி கிராம மக்கள் அடைத்து விட்டார்களாம். இதனால் பூலாம்பட்டி மக்கள் குடிநீர் இன்றி தவிர்த்து வந்தனர். இதுகுறித்து அதிகாரிகளிடம் பலமுறை புகார் தெரிவித்தும் எந்தவித நடவடிக்கையும் எடுக்கவில்லையாம்.
இதனால் வியாழக்கிழமை  100-க்கும் மேற்பட்ட பொதுமக்கள் காலிக்குடங்களுடன் ஒட்டன்சத்திரம் ஊராட்சி ஒன்றிய அலுவலகத்தை முற்றுகையிட்டனர். இதுகுறித்து தகவல் அறிந்த ஒட்டன்சத்திரம் ஊராட்சி ஒன்றிய வட்டார வளர்ச்சி அலுவலர் ஜாகீர்உசேன் மற்றும் போலீஸார் முற்றுகையிட்ட பொதுமக்களிடம் பேச்சு வார்த்தை நடத்தினர். அதில் உடனடியாக குடிநீர் கிடைக்க ஏற்பாடு செய்வதாக அதிகாரிகள் உறுதியளித்தனர். அதன் பேரில் அவர்கள் கலைத்து சென்றனர்.

]]>
http://www.dinamani.com/all-editions/edition-madurai/dindigul/2018/aug/10/ஒட்டன்சத்திரம்-ஒன்றிய-அலுவலகம்-முற்றுகை-2977440.html
2977439 மதுரை திண்டுக்கல் திண்டுக்கல் மாவட்டத்தில் 4 பள்ளிகள் நிலை உயர்வு DIN DIN Friday, August 10, 2018 06:28 AM +0530 திண்டுக்கல் மாவட்டத்தில், 2 நடுநிலைப் பள்ளிகள் உயர்நிலைப் பள்ளிகளாகவும், 2 உயர்நிலைப் பள்ளிகள் மேல்நிலைப் பள்ளிகளாகவும் நிலை உயர்த்தப்பட்டுள்ளன. 
 தமிழகத்தில் 100 நடுநிலைப் பள்ளிகளை உயர்நிலைப் பள்ளிகளாகவும், 100 உயர்நிலைப் பள்ளிகளை மேல்நிலைப் பள்ளிகளாகவும் நிலை உயர்த்தி தமிழக அரசு வியாழக்கிழமை உத்தரவிட்டுள்ளது. 
அதன்படி, திண்டுக்கல் மாவட்டம், பழனி கல்வி மாவட்டத்திலுள்ள கொக்கரக்கல் வலசு உயர்நிலைப் பள்ளியும், வேடசந்தூர் கல்வி மாவட்டம் எரியோடு அடுத்துள்ள நாகையக்கோட்டை உயர்நிலைப் பள்ளியும், மேல்நிலைப் பள்ளிகளாக நிலை உயர்த்தப்பட்டுள்ளன.
அதேபோல், திண்டுக்கல் கல்வி மாவட்டத்திலுள்ள நல்லாம்பட்டி ஊராட்சி ஒன்றிய நடுநிலைப் பள்ளியும், வேடசந்தூர் கல்வி மாவட்டத்திலுள்ள வி.குருந்தம்பட்டி ஊராட்சி ஒன்றிய நடுநிலைப் பள்ளியும் உயர்நிலைப் பள்ளிகளாக நிலை உயர்த்தப்பட்டுள்ளன.
 கொடைக்கானல் வட்டாரத்தில் வடகவுஞ்சி மலை கிராம மாணவர்களும், நத்தம் அடுத்துள்ள சேர்வீடு பகுதியைச் சேர்ந்த மாணவர்களும், தங்கள் பள்ளி உயர்நிலைப் பள்ளியாக நிலை உயர்த்தப்படும் என எதிர்ப்பார்த்திருந்தனர். 
இந்நிலையில், அந்த பள்ளிகள் நிலை உயர்த்தப்பட்ட பள்ளிகள் பட்டியலில் இடம் பெறதாததால் மாணவர்களும், பெற்றோரும் அதிருப்தி அடைந்துள்ளனர்.

]]>
http://www.dinamani.com/all-editions/edition-madurai/dindigul/2018/aug/10/திண்டுக்கல்-மாவட்டத்தில்-4-பள்ளிகள்-நிலை-உயர்வு-2977439.html
2977034 மதுரை திண்டுக்கல் பெண்ணுக்கு வரதட்சிணை கொடுமை: கணவர் உள்பட 3 பேர் மீது வழக்கு DIN DIN Thursday, August 9, 2018 07:13 AM +0530 செம்பட்டி அருகே பெண்ணை வரதட்சிணை கேட்டு கொடுமை செய்ததாக கணவர், மாமனார், மாமியார் மீது அனைத்து மகளிர் போலீஸார் வழக்குப்பதிந்துள்ளனர்.
 திண்டுக்கல் மாவட்டம் செம்பட்டி அடுத்துள்ள சித்தையன்கோட்டை நெல்லூரைச் சேர்ந்த சின்னமுருகன் மகன் பாண்டி (28). இவருக்கும், நரசிங்கபுரத்தைச் சேர்ந்த பிரவீனாவுக்கும் (19), கடந்த 2015-ம் ஆண்டு திருமணம் நடத்துள்ளது.
 திருமணத்தின் போது வரதட்சணையாக ரூ.1லட்சம் பணமும், 7 பவுன் நகையும் சீர்வரிசை கொடுத்துள்ளனர். இந்நிலையில் மேலும் ரூ.1 லட்சம் பணமும், 3 பவுன் நகையும் கேட்டு கணவர் மற்றும் அவரது குடும்பத்தினர் கொடுமைப்படுத்தியதாகக் கூறப்படுகிறது.
 இதுகுறித்து ஒட்டன்சத்திரம் அனைத்து மகளிர் காவல் நிலையத்தில் பிரவீனா திங்கள்கிழமை புகார் அளித்தார். அதன்பேரில், அவரது கணவர் பாண்டி, மாமனார் சின்னமுருகன் (50), மாமியார் மாயக்காள் (45) ஆகியோர் மீது போலீஸார் வழக்குப்பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/dindigul/2018/aug/09/பெண்ணுக்கு-வரதட்சிணை-கொடுமை-கணவர்-உள்பட-3-பேர்-மீது-வழக்கு-2977034.html