Dinamani - தேனி - http://www.dinamani.com/all-editions/edition-madurai/theni/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3038323 மதுரை தேனி போடி சமூக ஆர்வலருக்கு தகவல் ஆணையம் விருது DIN DIN Wednesday, November 14, 2018 08:35 AM +0530 தகவல் அறியும் உரிமை சட்டத்தை சிறப்பாக பயன்படுத்தி பயனடைந்த போடியை சேர்ந்த சமூக ஆர்வலருக்குதகவல் ஆணையம் சார்பில் திங்கள் கிழமை சிறந்த பயன்பாட்டாளர் விருது வழங்கப்பட்டது.
தகவல் அறியும் உரிமைச் சட்டத்தின் கீழ் தகவல்களை பெறுபவர்களை ஊக்கப்படுத்தும் விதமாகவும் தகவல்அறியும் உரிமைச்சட்டத்தின்14ஆம் ஆண்டு விழாவைக்கொண்டாடும் விதமாகவும் அண்ணா மேலாண்மை நிலையம் மற்றும் பயிற்சி துறை சார்பில் அதிக அளவில் தகவல்களை பெற்று பயனடைந்தவர்களுக்கு விருது வழங்க ஏற்பாடு செய்யப்பட்டது.
இதற்காக தமிழகம் முழுதும் தேர்வு செய்யப்பட்ட 20 பேருக்கு விருது வழங்கும் நிகழ்ச்சி சென்னையில் உள்ள அண்ணா மேலாண்மை நிலையத்தில் நடைபெற்றது. இதில் போடி அருகே மேலச்சொக்கநாதபுரம் கிராமத்தை சேர்ந்த அழகர்சாமி மகன் ராமகிருஷ்ணனுக்கு தமிழக தகவல் ஆணையத்தின் முதன்மை தலைமை தகவல் ஆணையரும், ஓய்வு பெற்ற ஐ.ஏ.எஸ். அதிகாரியுமான எம்.ஷீலா பிரியா விருது மற்றும் ரொக்க பரிசு வழங்கி வாழ்த்தினார். 
ராமகிருஷ்ணன்அதிக அளவில் பொது மக்கள் நலனுக்காக தகவல் அறியும் உரிமைச் சட்டத்தின் கீழ் மனுக்களை அனுப்பி தகவல்களை பெற்று பயனடைந்தவர். இதன் மூலம் வாரிசு சான்று பெற்றுத் தருதல், பேருந்து கட்டணம் குறைப்பு உள்ளிட்ட பிரச்னைகளுக்கு தீர்வு கண்டுள்ளார். இந்தியன் குரல் அமைப்பின் தென்மண்டல ஒருங்கிணைப்பாளராகவும் சமூக ஆர்வலராகவும் உள்ளார்.
விருது பெற்ற ராமகிருஷ்ணனை இந்தியன் குரல் அமைப்பின் நிர்வாகி சிவராஜ் மற்றும் போடி பகுதியை சேர்ந்த சமூக ஆர்வலர்கள், பொதுமக்கள் பாராட்டியுள்ளனர்.

]]>
http://www.dinamani.com/all-editions/edition-madurai/theni/2018/nov/14/போடி-சமூக-ஆர்வலருக்கு-தகவல்-ஆணையம்-விருது-3038323.html
3038322 மதுரை தேனி போலி மருத்துவர் கைது DIN DIN Wednesday, November 14, 2018 08:35 AM +0530 ஆண்டிபட்டி அருகே கடமலைக்குண்டு கிராமத்தில் உரிய மருத்துவக் கல்வித் தகுதியின்றி நோயாளிகளுக்கு சிகிச்சை அளித்து வந்தவரை செவ்வாய்க்கிழமை போலீஸார் கைது செய்தனர்.
கடமலைக்குண்டுவில் வசிப்பவர் தங்க வணங்காமுடி. இவர், உரிய மருத்துவக் கல்வித் தகுதியின்றி இதே பகுதியில் உள்ள தனியார் மருத்துவமனையில் அலோபதி மருந்து, மாத்திரைகளை பயன்படுத்தி நோயாளிகளுக்கு சிகிச்சை அளித்து வருவதாக புகார் எழுந்தது. இந்தப் புகாரின் அடிப்படையில், மாவட்ட துணை ஆட்சியர் (பயிற்சி) தினேஷ்குமார் கடமலைக்குண்டுவில் உள்ள மருத்துவமனையில் சோதனை நடத்தினார். அப்போது  தங்க வணங்காமுடி உரிய மருத்துவக் கல்வி தகுதியின்றி நோயாளிகளுக்கு சிகிச்சை அளித்து வருவது உறுதி செய்யப்பட்டது. இதையடுத்து துணை ஆட்சியர் உத்தரவின் பேரில், மருத்துவப் பணிகள் இணை இயக்குநர் அளித்த புகாரின் அடிப்படையில், கடமலைக்குண்டு காவல் நிலைய போலீஸார் வழக்குப் பதிந்து தங்க வணங்காமுடியை கைது செய்தனர்.

]]>
http://www.dinamani.com/all-editions/edition-madurai/theni/2018/nov/14/போலி-மருத்துவர்-கைது-3038322.html
3038321 மதுரை தேனி தேர்தல் பணியில்  ஈடுபடும் அலுவலர்கள் பட்டியலை சமர்பிக்க உத்தரவு DIN DIN Wednesday, November 14, 2018 08:35 AM +0530 தேனி மாவட்டத்தில் உள்ள 4 சட்டப் பேரவை தொகுதிகளிலும் தேர்தல் பணியில் ஈடுபடுவதற்கான அலுவலர்கள் விபரப் பட்டியலை சமர்ப்பிக்க தேர்தல் ஆணையம் உத்தரவிட்டுள்ளது.
இது குறித்து மாவட்ட தேர்தல் பிரிவு அலுவலர்கள் கூறியது: மாவட்டத்தில் உள்ள சட்டப் பேரவை தொகுதிகளில், தேர்தல் பணியில் ஈடுபடுவதற்கான அலுவலர்கள் மற்றும் ஆசிரியர்களின் விவரப் பட்டியலை சமர்ப்பிக்க தேர்தல் ஆணையம் உத்தரவிட்டுள்ளது. 
மாவட்டத்தில் அரசுத் துறைகள் வாரியாகவும், பள்ளிக் கல்வித் துறை மூலமும் தேர்தல் பணியில் ஈடுபடுவோரின் விவரப் பட்டியல் தயாரிக்கப்பட்டுள்ளது. இந்தப் பட்டியலை ஒருங்கிணைத்து ஓரிரு நாட்களுக்குள் சமர்ப்பிக்க மாவட்ட நிர்வாகம் சார்பில் அனைத்து அரசுத் துறை அலுவலர்களுக்கும் உத்தரவிடப்பட்டுள்ளது. இந்தப் பட்டியல் விரைவில் மாவட்ட நிர்வாகம் மூலம் மாநில தேர்தல் ஆணையத்திற்கு அனுப்பி வைக்கப்படும் என்றனர்.

]]>
http://www.dinamani.com/all-editions/edition-madurai/theni/2018/nov/14/தேர்தல்-பணியில்-ஈடுபடும்-அலுவலர்கள்-பட்டியலை-சமர்பிக்க-உத்தரவு-3038321.html
3038320 மதுரை தேனி வன்கொடுமை தடுப்புச் சட்டத்தில் 2 பேர் கைது DIN DIN Wednesday, November 14, 2018 08:35 AM +0530 தேனி மாவட்டம் உத்தமபாளையம் அருகே வன்கொடுமை தடுப்புச் சட்டத்தின் கீழ் இருவரை போலீஸார் செவ்வாய்க்கிழமை கைது செய்தனர்.
க.புதுப்பட்டி பகவதியம்மன்கோயில் தெருவை சேர்ந்த முருகன் மகன் முனீஸ்வரன்(26),கூலி வேலை செய்கிறார். அதே பகுதியை சேர்ந்த கார்த்திக், சுந்தரபாண்டி மற்றும் சிலர் சேர்ந்து முனீஸ்வரனை வழிமறித்து தாக்கி காயப்படுத்தினராம்.  சில ஆண்டுகளுக்கு முன்கோயில் திருவிழாவின்போது ஏற்பட்ட மோதலை மனதில் வைத்துதாக்கியதாக, முனீஸ்வரன் உத்தமபாளையம் காவல் நிலையத்தில் புகார் அளித்தார். 
அதன்பேரில் சார்பு ஆய்வாளர் இத்ரிஸ்கான் வன்கொடுமை தடுப்பு சட்டத்தின் கீழ் வழக்கு பதிவு செய்து கார்த்திக் மற்றும் சுந்தரபாண்டியை கைது விசாரித்து வருகின்றனர்.


 

]]>
http://www.dinamani.com/all-editions/edition-madurai/theni/2018/nov/14/வன்கொடுமை-தடுப்புச்-சட்டத்தில்-2-பேர்-கைது-3038320.html
3038319 மதுரை தேனி வரதட்சிணை கொடுமை: ஆயுதப்படை காவலர் உள்பட 2 பேர் மீது வழக்குப்பதிவு DIN DIN Wednesday, November 14, 2018 08:34 AM +0530 தேனி மாவட்டம் கூடலூரில் வரதட்சிணை கேட்டு கொடுமைப்படுத்தியதாக ஆயுதப்படை காவலர் மற்றும் அவரது தந்தை மீது உத்தமபாளையம் மகளிர் போலீஸார் செவ்வாய்க்கிழமை வழக்குப்பதிவு செய்தனர். 
சென்னை ஆயுதப்படை பிரிவில் காவலராக பணிபுரியும் கூடலூர் கண்ணகி நகரை சேர்ந்த சந்திரன் மகன் கணேஷ்குமார் (28). இவருக்கும், அதே ஊர் எம்.ஜி.ஆர். காலனியை சேர்ந்த ராஜா மகள் பெமினா (22) என்பவருக்கும் கடந்த 2014 ஆண்டு பிப்ரவரி மாதம்  திருமணம் நடைபெற்றது. திருமணத்தின் போது பெண் வீட்டார் சார்பில் 22 பவுன் தங்க நகைகள் மற்றும் ரூ.5 லட்சம் மதிப்புள்ள சீர்வரிசைப் பொருள்கள் வழங்கப்பட்டன.  இந்நிலையில் கூடுதலாக 50 பவுன் நகைகள் வேண்டும் என கணவர் மற்றும் மாமனார் கொடுமைப்படுத்தியதாக தேனி மாவட்ட காவல் கண்காணிப்பாளரிடம் பெமினா புகார் கொடுத்துள்ளார். இதனையடுத்து  மாவட்ட காவல் கண்காணிப்பாளர் உத்தரவின் பேரில்,   உத்தமபாளையம் மகளிர் காவல் நிலைய ஆய்வாளர் செந்தாமரை வரதட்சிணை கேட்டு துன்புறுத்தியதாக கணவர் கணேஷ்குமார், அவரது தந்தை சந்திரன் ஆகியோர்  மீது வழக்குப்பதிவு செய்து விசாரித்து வருகிறார்.
 

]]>
http://www.dinamani.com/all-editions/edition-madurai/theni/2018/nov/14/வரதட்சிணை-கொடுமை-ஆயுதப்படை-காவலர்உள்பட-2-பேர்-மீது-வழக்குப்பதிவு-3038319.html
3038318 மதுரை தேனி தேனியில் ஓய்வூதியர்கள் ஆர்ப்பாட்டம் DIN DIN Wednesday, November 14, 2018 08:34 AM +0530 புதிய ஓய்வூதியத் திட்டத்தை ரத்து செய்ய வலியுறுத்தி, தேனியில் தமிழ்நாடு அரசு அனைத்துத் துறை ஓய்வூதியர்கள் சங்கத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
தேனி ஊராட்சி ஒன்றிய அலுவலகம் முன் நடைபெற்ற ஆர்ப்பாட்டத்திற்கு அச்சங்கத்தின் தேனி வட்டாரக் கிளைத் தலைவர் ஆர்.ராமச்சந்திரன் தலைமை வகித்தார். மாவட்டச் செயலர் கே.துரைராஜ், மாவட்டத் துணைத் தலைவர் ஆர்.கோவிந்தராஜ், வட்டாரக் கிளைச் செயலர் பழனிச்சாமி ஆகியோர் முன்னிலை வகித்தார். மாநிலச் செயலர் ஏ.பக்கிரிசாமி ஆர்ப்பாட்டத்தை தொடக்கி வைத்துப் பேசினார்.
இதில், புதிய ஓய்வூதியத் திட்டத்தை அரசு ரத்து செய்ய வேண்டும், மருத்துவக் காப்பீட்டுத் திட்டத்தை அரசே ஏற்று நடத்த வேண்டும், குறைந்தபட்ச ஓய்வூதியம் ரூ.9,000 வழங்க வேண்டும், சத்துணவு, அங்கன்வாடி மைய ஊழியர்கள் மற்றும் ஊராட்சி செயலர்களுக்கு வரையறுக்கப்பட்ட அடிப்படை ஓய்வூதியம் வழங்க வேண்டும், குடும்பப் பாதுகாப்பு நிதியை ரூ.1.50 லட்சமாக உயர்த்தி வழங்க வேண்டும்.
ஓய்வூதியர்களுக்கு ஈமக்கிரியை செலவுகளுக்கு ரூ.25 ஆயிரம் முன்பணம் வழங்க வேண்டும், அரசு ஓய்வூதியர்கள் வருமான வரி செலுத்துவதில் இருந்து விலக்கு அளிக்க வேண்டும் என்பன உள்ளிட்ட கோரிக்கைகளை வலியுறுத்தினர்.
உத்தமபாளையம்: இதே கோரிக்கைகளை வலியுறுத்தி தமிழ்நாடு அரசு அனைத்துத் துறை ஓய்வூதிய தாரர்கள்  சங்கம் சார்பில்  உத்தமபாளையத்தில் நடைபெற்ற ஆர்ப்பாட்டத்திற்கு, வட்டக்கிளைத் தலைவர் சிவமணி தலைமை வகித்தார். மாவட்ட இணைச் செயலாளர் முருகேசன் முன்னிலை வகித்தார். ஆர்ப்பாட்டத்தில், கோரிக்கைகளை வலியுறுத்தி கோஷமிட்டனர். மாவட்ட பொருளாளர் இப்ராஹீம் , வட்டாரத்தலைவர் வெள்ளச்சாமி உள்பட பலர் கலந்து கொண்டனர். 

]]>
http://www.dinamani.com/all-editions/edition-madurai/theni/2018/nov/14/தேனியில்-ஓய்வூதியர்கள்-ஆர்ப்பாட்டம்-3038318.html
3038317 மதுரை தேனி முருகன் கோயில்களில் சூரசம்ஹாரம் DIN DIN Wednesday, November 14, 2018 08:34 AM +0530 போடி சுப்பிரமணியசுவாமி கோயிலில் கந்த சஷ்டி விழா கடந்த 8 ஆம் தேதி தொடங்கியது.
6 ஆம் நாள் விழாவாக செவ்வாய்க்கிழமை காலை முருகப்பெருமான் வேல் வாங்கும் நிகழ்ச்சி நடைபெற்றது.   மாலையில் சுவாமி நகர்வலம் நடைபெற்றது. தொடர்ந்து சூரசம்ஹாரம்  திருவள்ளுவர் சிலை, அரண்மனை, தேர்முட்டி, கஸ்பாமணியர் மண்டபம் ஆகிய இடங்களில் நடைபெற்றது. 
பின்னர் சுப்பிரமணியசுவாமிக்கு மலர்களால் சிறப்பு அலங்காரம் செய்யப்பட்டு சிறப்பு பூஜைகளும் நடைபெற்றன. இரவு உற்சவருக்கு சிறப்பு அபிஷேகம் நடைபெற்றது. நிகழ்ச்சி ஏற்பாடுகளை தக்கார் மு.அண்ணாத்துரை, அர்ச்சகர்கள் விக்னேஷ், சோமாஸ்கந்த குருக்கள் ஆகியோர் செய்திருந்தனர். புதன் கிழமை திருக்கல்யாண நிகழ்ச்சியுடன் கந்த சஷ்டி திருவிழா நிறைவு பெறுகிறது.
பெரியகுளம்:  பெரியகுளம் அறம்வளர்த்த நாயகி உடனுறை ராஜேந்திர சோழீஸ்வரர் திருக்கோயிலில் சூரசம்ஹாரத்தை முன்னிட்டு செவ்வாய்க்கிழமை காலை பாலசுப்பிரமணியர் மற்றும் சுவாமிகளுக்கு சிறப்பு அபிஷேகம் மற்றும் ஆராதனைகள் நடைபெற்றது. மாலை 4.30 மணியளவில் உற்சவர் எழுந்தருளல் நிகழ்ச்சி நடைபெற்றது. பின்னர் வள்ளுவர் சிலை, பெருமாள்கோயில்  மற்றும் யாதவர் தெரு அருகில் சூரனை வதம் செய்யும் நிகழ்ச்சி நடைபெற்றது. பின்னர் வேலுக்கு சிறப்பு அபிஷேகம் மற்றும் ஆராதனைகள் நடைபெற்றது. இந்நிகழ்ச்சிக்கான ஏற்பாடுகளை திருப்பணிக்குழு தலைவர் எல்.சசிதரன், குழு உ றுப்பினர் பி.சி.சிதம்பரசூரியவேலு மற்றும் உறுப்பினர்கள் செய்திருந்தனர். 
தேனி: தேனி, ஸ்ரீகணேசகந்தபெருமாள் கோயிலில் கந்தசஷ்டி விழாவை முன்னிட்டு செவ்வாய்க்கிழமை காலை பால்குடம் எடுக்கும் நிகழ்ச்சி, மாலை 5 மணிக்கு சூரசம்ஹாரம் நிகழ்ச்சி நடைபெற்றது.  புதன்கிழமை (நவ.14) காலை 9.15 மணிக்கு திருக்கல்யாணம் நிகழ்ச்சி நடைபெறுகிறது.
கம்பம்: தேனி மாவட்டம் கம்பம் சுருளி வேலப்பர் கோவில், கம்பராயப்பெருமாள் காசிவிசுவநாத சுவாமி கோயில் வளாகத்தில் உள்ள ஸ்ரீ சுப்பிரமணியசாமி, கூடலூரில் உள்ள சுந்தரவேலவர் ஆகிய கோயில்களில் கந்தர் சஷ்டியை முன்னிட்டு செவ்வாய்க்கிழமை சூரசம்ஹார  திருவிழா நடைபெற்றது.
திண்டுக்கல்: திண்டுக்கல் அடுத்துள்ள திருமலைக்கேணி சுப்பிரமணியசுவாமி கோயிலில் சூரசம்ஹாரம் செவ்வாய்க்கிழமை நடைபெற்றது. கோயிலை வலம் வந்த முருகப் பெருமானுக்கும், அசுரப் படைகளுக்கும் இடையே கிரிவல வீதியில் போர் காட்சி நடைபெற்றது. கோயிலின் தென்மேற்கு மூலையில் கஜமுகாசுரன்,  வடமேற்கு மூலையில் பானுகோபன், வடகிழக்கு மூலையில் சிங்கமுகசுரன் ஆகியோரை  பெருமான் வதம் செய்தார். இறுதியாக கோயிலின் தென்கிழக்கு மூலையில் வேலுடன் வலம் வந்த சுப்பிரமணியசுவாமி, மாமர உருவில் வந்த சூரபந்தமனை வதம் செய்தார். 
அபிராமி அம்மன் திருக்கோயில்: ஞானாம்பிகை உடனமர் காளஹஸ்தீஸ்வர், அபிராமி அம்மன் உடனமர் பத்மகிரீஸ்வரர் திருக்கோயிலில் கந்தசஷ்டி விழாவின் முக்கிய நிகழ்வான சூரசம்ஹாரம் செவ்வாய்க்கிழமை நடைபெற்றது. வேலுடன் வலம் வந்த முருகப்பெருமான், சூரனை வதம் செய்தார். 
கொடைக்கானல்: கொடைக்கானல் அருகே பூம்பாறை குழந்தை வேலப்பர் கோயிலில் கந்தசஷ்டி நிகழ்ச்சியை முன்னிட்டு சுவாமிக்கு சிறப்பு அலங்காரம் செய்யப்பட்டு பல்வேறு அபிஷேகங்கள் நடைபெற்றன.

]]>
http://www.dinamani.com/all-editions/edition-madurai/theni/2018/nov/14/முருகன்-கோயில்களில்-சூரசம்ஹாரம்-3038317.html
3038316 மதுரை தேனி பெரியகுளத்தில் விதிமீறும் ஆட்டோக்களால் விபத்து அபாயம்: நடவடிக்கை எடுக்க கோரிக்கை DIN DIN Wednesday, November 14, 2018 08:34 AM +0530 பெரியகுளம் பகுதியில் விதிமுறைகளை மீறி இயக்கப்படும்  ஆட்டோக்கள் மற்றும் சரக்கு வாகனங்களால் விபத்து ஏற்படுவதாக புகார் எழுந்துள்ளது.
பெரியகுளம் மற்றும் அதனை சுற்றியுள்ள பகுதிகளில்சுமார் 200-க்கு மேற்பட்ட ஆட்டோக்கள் மற்றும் 50-க்கு மேற்பட்ட சரக்குவாகனங்கள்ஆள்களை ஏற்றிச் செல்கின்றன.இந்த வானங்களை ஓட்டுபவர்கள்அதிக லாபம் சம்பாதிக்க வேண்டும் என்ற நோக்கில் விதிமுறைகளை மீறி அதிகளவு ஆள்களை ஏற்றி செல்வதாக புகார் எழுந்துள்ளது. 
இத்தகைய வாகனங்களை பேட்ஜ், 
காக்கி நிற சட்டை அணியாமலும், ஒட்டுநர் உரிமம் எண் இன்றி ஓட்டுவதாகவும் சாலை விதிமுறைகளை மீறி வாகனங்களை 
முந்திச்செல்லுதல்போன்ற பல்வேறு விதிமுறை மீறல்களில் ஈடுபட்டு வருவதாகவும் கூறப்படுகிறது.
இதனால் அடிக்கடி விபத்து ஏற்பட்டு வருவதால் விதிமுறைகளை மீறும் ஆட்டோக்கள் மற்றும் சரக்குவாகனங்கள் மீது காவல்துறையினர் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/nov/14/பெரியகுளத்தில்-விதிமீறும்-ஆட்டோக்களால்-விபத்து-அபாயம்-நடவடிக்கை-எடுக்க-கோரிக்கை-3038316.html
3038315 மதுரை தேனி போடி அருகே பைக்குகள் மோதல் DIN DIN Wednesday, November 14, 2018 08:33 AM +0530 போடி அருகே திங்கள் கிழமை, இரு சக்கர வாகனங்கள் நேருக்கு நேர் மோதிக் கொண்ட விபத்தில் காற்றாலை காவலாளி இறந்தார்.
 போடி அருகே உள்ள வெம்பக்கோட்டை கிராமத்தை சேர்ந்தவர் முத்தனஞ்சி (60).இவர் இப்பகுதியில் அமைக்கப்பட்டுள்ள காற்றாலை ஒன்றில் இரவுக் காவலாளியாக பணிபுரிந்து வந்தார்.
திங்கள்கிழமை மாலை பணிக்கு செல்வதற்காக இதே ஊரை சேர்ந்த குணசேகரன் (48) என்பவரின் இரு சக்கர வாகனத்தில் பின்னால் அமர்ந்து சென்றுள்ளார். அப்போது எதிரில் வந்த மற்றொரு இரு சக்கர வாகனம் மோதியதில் முத்தனஞ்சியும், குணசேகரனும் பலத்த காயமடைந்தனர்.
 இதில் முத்தனஞ்சி சம்பவ இடத்திலேயே இறந்தார். குணசேகரன் பலத்த காயமடைந்தார். மற்றொரு வாகனத்தை ஓட்டி வந்த செல்வேந்திரன் (33) என்பவரும் பலத்த காயமடைந்தார். இருவரும் தேனி க.விலக்கு அரசு மருத்துவக் கல்லூரி மருத்துவமனையில் அனுமதிக்கப்பட்டனர். 
விபத்து குறித்து போடி தாலுகா காவல் நிலைய போலீஸார் வழக்கு பதிவு செய்து விசாரித்து வருகின்றனர்.
 

]]>
http://www.dinamani.com/all-editions/edition-madurai/theni/2018/nov/14/போடி-அருகே-பைக்குகள்-மோதல்-3038315.html
3038314 மதுரை தேனி ஆண்டிபட்டி அருகே  பன்றிக் காய்ச்சலுக்கு  மேலும் ஒரு பெண் சாவு DIN DIN Wednesday, November 14, 2018 08:33 AM +0530 தேனி மாவட்டம்,ஆண்டிபட்டி அருகே கடமலைக்குண்டு கிராமத்தில் பன்றிக் காய்ச்சல் பாதிப்பால் மருத்துவமனையில் அனுமதிக்கப்பட்டிருந்த பெண் திங்கள்கிழமை இரவு சிகிச்சை பலனின்றி உயிரிழந்தார்.
கடமலைக்குண்டுவைச் சேர்ந்தவர் ஓய்வு பெற்ற ராணுவ வீரர் பால்ராஜ். இவரது மனைவி ஜீவா(34). இவர், கடந்த 10 நாள்களுக்கு முன் காய்ச்சல் பாதிப்பால் தேனி அரசு மருத்துவக் கல்லூரி மருத்துவமனையில் அனுமதிக்கப்பட்டார். 
பின்னர், மேல் சிகிச்சைக்கு கடந்த சில நாள்களுக்கு முன் மதுரையில் உள்ள தனியார் மருத்துவமனைக்கு கொண்டு சென்றபோது, அங்கு ஜீவாவிற்கு பன்றிக் காய்ச்சல் அறிகுறி கண்டறியப்பட்டுள்ளது. மருத்துவமனையில் தொடர்ந்து சிகிச்சை பெற்று வந்த ஜீவா, சிகிச்சை பலனின்றி திங்கள்கிழமை இரவு உயிரிழந்தார்.அவரது உடல் கடமலைக்குண்டுவிற்கு கொண்டு வரப்பட்டு செவ்வாய்க்கிழமை அடக்கம் செய்யப்பட்டது. ஜீவாவிற்கு இரண்டு குழந்தைகள் உள்ளனர். 
ஆண்டிபட்டியில் பன்றிக் காய்ச்சல் பாதிக்கப்பட்டு அரசு மருத்துவமனையில் அனுமதிக்கப்பட்டிருந்த மல்லிகா என்பவர் சில நாள்களுக்கு முன் சிகிச்சை 
பலனின்றி உயிரிழந்த நிலையில், தற்போது ஆண்டிபட்டி அருகே பன்றிக் காய்ச்சல் பாதிப்பால் மேலும் ஒரு பெண் உயிரிழந்த சம்பவம் அப் பகுதி பொதுமக்கள் மத்தியில் அச்சத்தை ஏற்படுத்தியுள்ளது.

]]>
http://www.dinamani.com/all-editions/edition-madurai/theni/2018/nov/14/ஆண்டிபட்டி-அருகே--பன்றிக்-காய்ச்சலுக்கு--மேலும்-ஒரு-பெண்-சாவு-3038314.html
3037874 மதுரை தேனி முல்லைப் பெரியாறு அணை பராமரிப்பு பணிகளுக்கு கேரள அரசு தொடர்ந்து இடையூறு DIN DIN Tuesday, November 13, 2018 05:28 AM +0530
முல்லைப் பெரியாறு அணை பராமரிப்பு பணிகளுக்கு கேரள அரசு தொடர்ந்து இடையூறு செய்து வருகிறது என, துணை முதல்வர் ஓ. பன்னீர்செல்வம் தெரிவித்தார்.
தேனியில் திங்கள்கிழமை அவர் செய்தியாளர்களிடையே கூறியதாவது:
தேனி மாவட்டத்தில் அரசு சார்பில் உணவுப் பூங்கா அமைப்பதற்கு 500 ஏக்கர் நிலம் தேர்வு செய்யப்பட உள்ளது. இத் திட்டத்தின் கீழ், மாவட்டத்தில் வேளாண்மை உற்பத்திப் பொருள் பதப்படுத்தும் தொழில், மதிப்புக்கூட்டுப் பொருள் தயாரிப்புத் தொழில் தொடங்கவும், உற்பத்திப் பொருள்களை சந்தைப்படுத்துவதற்கு வாய்ப்பு ஏற்படுத்தித் தரவும் நடவடிக்கை எடுக்கப்படும்.
பெரியகுளம் பகுதியில் மாங்கூழ் தயாரிப்பு தொழில் தொடங்குவதற்கு அரசு சார்பில் தனியாருக்கு 50 சதவிகிதம் மானியம் வழங்கப்படும். போடி-மதுரை அகல ரயில் பாதை திட்டப் பணிகளை துரிதப்படுத்த மத்திய அரசை வலியுறுத்தி வருகிறோம்.
18-ஆம் கால்வாய்க்கு புதிய அரசாணை: தேனி மாவட்டத்தில் 18-ஆம் கால்வாய் திட்டம் போடி பகுதி வழியாக கொட்டகுடி ஆறு வரை நீட்டிக்கப்பட்டு, சோதனை நீரோட்டம் நடத்தப்பட்டுள்ளது. தற்போது, முல்லைப் பெரியாறு அணையிலிருந்து 18-ஆம் கால்வாயில் தண்ணீர் திறக்கும் காலம், தண்ணீரின் அளவு, நீர் பங்கீடு ஆகியன குறித்தும், 58-ஆம் கால்வாய் திட்ட தண்ணீர் பங்கீடு குறித்தும், புதிய நிலையான அரசாணை வெளியிடப்பட உள்ளது.
கேரளம் தொடர்ந்து இடையூறு: பெரியாறு அணை அருகேயுள்ள சிற்றணையை பலப்படுத்துவதற்கு, தமிழக அரசு ரூ.7 கோடி நிதி ஒதுக்கீடு செய்துள்ளது. இந்தப் பணிகளுக்கான கட்டுமானப் பொருள்கள் கேரளத்தில் உள்ள வலக்கடவு வழியாக பெரியாறு அணைப் பகுதிக்கு கொண்டு செல்லப்பட்டுள்ளது. ஆனால், சிற்றணையை பலப்படுத்துதல் மற்றும் பராமரிப்பு பணிக்காக, அப்பகுதியில் உள்ள சில மரங்களை வெட்டுவதற்கு கேரள வனத் துறை அனுமதி மறுப்பதுடன், பணிகளுக்கு இடையூறு செய்து வருகிறது.
முல்லைப் பெரியாறு அணையிலிருந்து தமிழகப் பகுதிக்கு 4 ராட்சதக் குழாய்கள் மற்றும் இரைச்சலாறு மூலம் மொத்தம் 2,300 கன அடி வரை மட்டுமே தண்ணீர் கொண்டு செல்ல முடியும். எனவே, மழைக் காலத்தில் முல்லைப் பெரியாறு அணையில் தேங்கும் உபரிநீரை தமிழகப் பகுதிக்கு முழுமையாகக் கொண்டு சென்று, தென் மாவட்டங்கள் பயன்படுத்திக் கொள்வதற்கு புதிதாகக் கால்வாய் மற்றும் 20 குழாய்கள் அமைத்துக் கொள்ள, மத்திய மற்றும் கேரள அரசுகளிடம் அனுமதி கோரப்பட்டுள்ளது.
தேனி மாவட்டம், வருஷநாடு, கம்பம், போடி மலைப் பகுதிகளில் நிலப்பட்டா வைத்திருப்பவர்கள் அந்த நிலங்களில் விவசாயம் செய்து வருவதில் எவ்வித பிரச்னையும் இல்லை. வன நிலங்களை பாதுகாக்கும் கடமை வனத் துறைக்கு உள்ளது என்றார்.
பேட்டியின்போது, மாவட்ட ஆட்சியர் ம. பல்லவி பல்தேவ், தேனி மக்களவைத் தொகுதி உறுப்பினர் ரா. பார்த்திபன், கம்பம் சட்டப்பேரவை உறுப்பினர் எஸ்.டி.கே. ஜக்கையன் ஆகியோர் உடனிருந்தனர்.

 

]]>
http://www.dinamani.com/all-editions/edition-madurai/theni/2018/nov/13/முல்லைப்-பெரியாறு-அணை-பராமரிப்பு-பணிகளுக்கு-கேரள-அரசு-தொடர்ந்து-இடையூறு-3037874.html
3037612 மதுரை தேனி கேரளம் செல்ல முயன்ற தமிழக விவசாயிகள் சங்கத்தினர் தடுத்து நிறுத்தம் DIN DIN Tuesday, November 13, 2018 01:38 AM +0530
தேனி மாவட்டம், லோயர் கேம்ப்பிலிருந்து திங்கள்கிழமை குமுளி தேக்கடியில் உள்ள தமிழக பொதுப்பணித் துறை அலுவலகத்துக்கு செல்லமுயன்ற ஒருங்கிணைந்த ஐந்து மாவட்ட பெரியாறு, வைகை பாசன விவசாயிகள் சங்கத்தினரை போலீஸார் தடுத்து நிறுத்தியதால் பரபரப்பு ஏற்பட்டது.
லோயர் கேம்ப்பில் உள்ள பென்னிகுயிக் நினைவு மணி மண்டபத்துக்கு வந்த விவசாயிகள் சங்கத்தினர், தலைவர் எஸ்.ஆர். தேவர் தலைமையில் பென்னி குயிக் சிலைக்கு மாலை அணிவித்தனர். பின்னர், எஸ்.ஆர். தேவர் செய்தியாளர்களிடம் தெரிவித்ததாவது:
பெரியாறு அணைக்கு மாற்றாக, கேரள அரசு வண்டிப் பெரியார் மஞ்சுமலையில் புதிய அணை கட்டுவதை தடுத்து நிறுத்த வேண்டும். பெரியாறு அணையின் நீர்ப்பிடிப்பு பகுதிகளை கேரள அரசு தடுத்து உள்ளதை மத்திய அரசு ஆய்வு செய்யவேண்டும். ஆண்டிபட்டி வாலிப்பாறையில் தடுப்பணை கட்ட வேண்டும். கூடலூர் அருகே உள்ள சுரங்கனாறு அருவி நீரை தடுப்பணை கொண்டு சேமிக்க வேண்டும். லோயர் கேம்ப் - மதுரை கூட்டுக் குடிநீர்த் திட்டத்துக்கு இடுக்கி மாவட்ட கல்லாறு தண்ணீரை கொண்டு செல்ல வேண்டும் என்றார்.
பின்னர், நிர்வாகிகள் இ.சலேத்து, எஸ்.ஆர். சக்கரவர்த்தி, ச. அன்வர் உள்பட 25-க்கும் மேற்பட்டோர் லோயர் கேம்ப்பிலிருந்து குமுளி தேக்கடியில் உள்ள தமிழக பொதுப்பணித் துறை அலுவலகத்துக்குச் செல்ல முயன்றனர். அப்போது, காவல் ஆய்வாளர் உலகநாதன் தலைமையில் போலீஸார் அவர்களை தடுத்து நிறுத்தினர்.
இரு மாநிலங்களின் பிரச்னை என்பதால், முறையான அனுமதி பெற்று செல்லவேண்டும் என காவல் ஆய்வாளர் கூறினார். சுமார் அரை மணி நேர வாக்குவாதத்துக்குப் பின்னர், விவசாய சங்கத்தினர் திரும்பிச் சென்றனர். இதனால், அப்பகுதியில் அரை மணி நேரம் போக்குவரத்து பாதிக்கப்பட்டது.

 

]]>
http://www.dinamani.com/all-editions/edition-madurai/theni/2018/nov/13/கேரளம்-செல்ல-முயன்ற-தமிழக-விவசாயிகள்-சங்கத்தினர்-தடுத்து-நிறுத்தம்-3037612.html
3037610 மதுரை தேனி கம்பம், குமுளி பேருந்து நிலையங்களில் 502 கிலோ ரேஷன் அரிசி பறிமுதல் DIN DIN Tuesday, November 13, 2018 01:38 AM +0530
தேனி மாவட்டம், குமுளி மற்றும் கம்பம் பேருந்து நிலையங்களில் இருந்து கேரளத்துக்கு கடத்த முயன்ற 502 கிலோ ரேஷன் அரிசி மூட்டைகளை வருவாய்த் துறை பறக்கும் படை அதிகாரிகள் திங்கள்கிழமை பறிமுதல் செய்தனர்.
தேனி மாவட்ட ஆட்சியர் ம. பல்லவி பல்தேவ் உத்தரவுப்படி, மாவட்ட வருவாய்த் துறை உணவுப் பொருள் கடத்தல் தடுப்பு தனிப்பிரிவு அலுவலர் கா. ஜாஹீர் உசேன், வருவாய் ஆய்வாளர் எஸ். பாலசுப்பிரமணியன் மற்றும் ஊழியர்கள் திங்கள்கிழமை அதிகாலை குமுளிக்கு வந்த பேருந்துகளை சோதனையிட்டனர். அதில், ரேஷன் அரிசி மூட்டைகள் இருந்தது கண்டறியப்பட்டது.
இதேபோல், கம்பம் பேருந்து நிலையத்திலிருந்து கேரளத்துக்குச் செல்லும் பேருந்துகளில் ஏற்றுவதற்காக ரேஷன் அரிசி மூட்டைகள் வைக்கப்பட்டிருப்பதும் தெரியவந்தது.
அவற்றை, தனிப்பிரிவு படையினர் பறிமுதல் செய்து, அரசு கிட்டங்கியில் ஒப்படைத்தனர். மேலும், கேரளத்துக்கு ரேஷன் அரிசி கடத்த முயன்றவர்களை தேடி வருகின்றனர்.

 

]]>
http://www.dinamani.com/all-editions/edition-madurai/theni/2018/nov/13/கம்பம்-குமுளி-பேருந்து-நிலையங்களில்-502-கிலோ-ரேஷன்-அரிசி-பறிமுதல்-3037610.html
3037609 மதுரை தேனி தேனியில் கிராம நிர்வாக அலுவலர்கள் ஆர்ப்பாட்டம் DIN DIN Tuesday, November 13, 2018 01:37 AM +0530
கிராம நிர்வாக அலுவலர்களுக்கு கணினி மற்றும் இணைய தள வசதி வழங்காத நிலையில் இ-அடங்கல் பதிவேற்றப் பணியை மேற்கொள்வதில் சிக்கல் ஏற்பட்டுள்ளது என்று புகார் தெரிவித்து தேனியில் தமிழ்நாடு கிராம நிர்வாக அலுவலர்கள் சங்கம் சார்பில் திங்கள்கிழமை ஆர்ப்பாட்டம் நடைபெற்றது.
தேனி வட்டாட்சியர் அலுவலகம் முன் நடைபெற்ற ஆர்ப்பாட்டத்துக்கு மாநிலச் செயலர்
முருகன் தலைமை வகித்தார். மாவட்டப் பொருளாளர் மதுக்கண்ணன், தேனி வட்டாரச் செயலர் மகேஸ்வரி ஆகியோர் முன்னிலை வகித்தனர்.
கிராம நிர்வாக அலுவலர்களுக்கு கணினி மற்றும் இணைய தள வசதி வழங்காததால் இ-அடங்கல் பதிவேற்றப் பணிகளில் சிக்கல் ஏற்பட்டுள்ளது, சில இடங்களில் மட்டும் கிராம நிர்வாக அலுவலர்களுக்கு ஏற்கெனவே வழங்கப்பட்டுள்ள மடிக் கணினி பயனற்ற நிலையில் உள்ளது, கிராம நிர்வாக அலுவலர்கள் தனியார் கணினி மையங்களில் சொந்த செலவில் இணைய தள சான்று பரிந்துரைகளை மேற்கொள்ளும் நிலை உள்ளது என்று புகார் தெரிவித்தும், கூடுதல் பொறுப்பு வகிக்கும் கிராமங்களுக்கு கூடுதல் பொறுப்பூதியம் வழங்கப்படாது என்ற அரசு உத்தரவிற்கு எதிர்ப்புத் தெரிவித்தும் இந்த ஆர்ப்பாட்டம் நடைபெற்றது.

 

]]>
http://www.dinamani.com/all-editions/edition-madurai/theni/2018/nov/13/தேனியில்-கிராம-நிர்வாக-அலுவலர்கள்-ஆர்ப்பாட்டம்-3037609.html
3037608 மதுரை தேனி கேரளத்துக்கு தொழிலாளர்களை ஏற்றிச் செல்லும் ஜீப்புகளுக்கு அபராதம் : கம்பம்மெட்டு மலைச் சாலையில் வாகனங்களை நிறுத்தி போராட்டம் DIN DIN Tuesday, November 13, 2018 01:37 AM +0530
தேனி மாவட்டத்திலிருந்து கேரளத்துக்கு தொழிலாளர்களை ஏற்றிச் செல்லும் ஜீப்புகளுக்கு அதிக அபராதம் விதிப்பதைக் கண்டித்து, கம்பம்மெட்டு மலைச் சாலையில் ஜீப்புகளை நிறுத்தி அதன் ஓட்டுநர்கள் திங்கள்கிழமை போராட்டம் நடத்தினர்.
தேனி மாவட்டம் கம்பம், கூடலூர், ராயப்பன்பட்டி மற்றும் சுற்றியுள்ள கிராம, நகரப் பகுதிகளிலிருந்து தினந்தோறும் ஆயிரக்கணக்கான ஆண், பெண் தொழிலாளர்கள், 800-க்கும் மேற்பட்ட ஜீப்புகளில் கேரள மாநிலம் இடுக்கி மாவட்டம் குமுளி, சக்குபள்ளம், வண்டன்மேடு, நெடுங்கண்டம், மாலி, கட்டப்பணை உள்ளிட்ட பகுதிகளிலுள்ள ஏலத் தோட்டங்களுக்கு கூலி வேலைக்குச் சென்று திரும்புகின்றனர். தொழிலாளர்கள் வேலைக்குச் சென்று திரும்ப கேரளத் தோட்ட உரிமையாளர்களே ஒப்பந்த முறையில் ஜீப் வாகனங்களை ஏற்பாடு செய்துள்ளனர்.
எனவே, தினமும் காலை, மாலை நேரங்களில் தொழிலாளர்களை ஏற்றிக்கொண்டு கம்பம்மெட்டு மலைச் சாலையில் ஜீப்புகள் அணிவகுத்துச் செல்வதைக் காணலாம்.
மலைச் சாலையில் ஆபத்தான வளைவுகளில் ஜீப்புகள் ஒன்றையொன்று முந்திச் செல்வதும், ஒரு வாகனத்தில் 15 முதல் 20 கூலி தொழிலாளர்களை ஏற்றிச் செல்வதும் வாடிக்கையாக உள்ளது.
இந்நிலையில், சில தினங்களுக்கு முன் உடும்பன்சோலை மோட்டார் வாகனப் போக்குவரத்து அலுவலர் ஜெயேஷ்குமார், கம்பம்மெட்டு, தூக்குபாலம், நெடுங்கண்டம் ஆகிய பகுதிகளில் வாகனச் சோதனை நடத்தினார். அப்போது, அனுமதிக்கப்பட்டுள்ளதை விட அதிகமான ஆள்களை ஏற்றி வந்த பல வாகனங்களுக்கும் 4 நாள்களில் ரூ. 2 லட்சத்துக்கும் மேலாக அபராதம் விதித்தார். மேலும், மோட்டார் வாகனச் சட்டத்தை மீறிய 10 ஓட்டுநர்களின் உரிமங்களையும் ரத்து செய்தார்.
இதைக் கண்டித்து, திங்கள்கிழமை காலை கம்பம்மெட்டு மலைச்சாலை அடிவாரத்தில் அனைத்து வாகனங்களையும் நிறுத்தி, ஓட்டுநர் சங்க ஒருங்கிணைப்பாளர் தேவாரம் பார்த்திபன் தலைமையில் போராட்டம் நடத்தினர். தகவலறிந்த கம்பம் வடக்கு காவல் நிலைய சார்பு-ஆய்வாளர்கள் திவான் மைதீன், கணேசன் உள்பட போலீஸார் சம்பவ இடத்துக்கு வந்து, ஓட்டுநர்களிடம் பேச்சுவார்த்தை நடத்தினர்.
அப்போது, கேரளத்தில் அபராதம் விதித்ததற்கு இங்கு போராட்டம் நடத்துவது சரியல்ல. ஏலத் தோட்ட உரிமையாளர்கள் மூலம் கேரள அரசு வாகனப் போக்குவரத்துத் துறை அதிகாரிகளிடம் பேச்சுவார்த்தை நடத்துங்கள் என்று போலீஸார் கூறினர். அதையடுத்து, ஓட்டுநர்கள் தங்களது போராட்டத்தை கைவிட்டு, வாகனங்களை கேரளத்துக்கு ஓட்டிச் சென்றனர்.

 

]]>
http://www.dinamani.com/all-editions/edition-madurai/theni/2018/nov/13/கேரளத்துக்கு-தொழிலாளர்களை-ஏற்றிச்-செல்லும்-ஜீப்புகளுக்கு-அபராதம்--கம்பம்மெட்டு-மலைச்-சாலையில்-வாகனங-3037608.html
3037606 மதுரை தேனி போடி அருகே சிறப்பு பொருளாதார மையத்துக்கான இடங்களை துணை முதல்வர் ஆய்வு DIN DIN Tuesday, November 13, 2018 01:37 AM +0530
போடி அருகே சிறப்பு பொருளாதார மையம் அமைப்பதற்கான இடங்களை, துணை முதல்வர் ஓ. பன்னீர்செல்வம் திங்கள்கிழமை ஆய்வு செய்தார்.
தேனி மாவட்டம், போடி அருகேயுள்ள சங்கராபுரம் கிராமத்தில் சிறப்பு பொருளாதார மையம் (உணவுப் பூங்கா) அமைக்க ஏற்பாடு செய்யப்பட்டுள்ளது. இங்கு, உணவு பதப்படுத்துதல் உள்ளிட்ட தொழிற்சாலைகள் 5 ஆயிரம் ஏக்கரில் அமைக்க திட்டமிடப்பட்டுள்ளது. இதற்கான நிலம் தேர்வு செய்வதற்காக, இப்பகுதிக்கு துணை முதல்வர் ஓ. பன்னீர்செல்வம் வந்தார். இப்பகுதியில் 3 இடங்களை ஆய்வு செய்த பின்னர், அவர் செய்தியாளர்களிடம் கூறியது:
தேனி மாவட்டம் விவசாயம் சார்ந்த பகுதியாகும். இப்பகுதியில் உற்பத்தி செய்யப்படும் விளைபொருள்களான தென்னை, வாழை, கரும்பு, நெல், திராட்சை உள்ளிட்டவற்றை சந்தைப்படுத்த முடியாததால், அவற்றுக்கு போதிய விலை கிடைப்பதில்லை. இதனைக் கருத்தில்கொண்டு, இப்பகுதியில் சிறப்பு பொருளாதார மையம் அமைக்கப்படும் என மறைந்த முதல்வர் ஜெயலலிதா அறிவித்திருந்தார்.
அதன்படி, இப்பகுதியில் 3 இடங்கள் தேர்வு செய்யப்பட்டுள்ளன. இடம் தேர்வு முடிவடைந்தவுடன், உணவு பதப்படுத்தும் தொழிலில் ஈடுபட்டுள்ள தொழில்முனைவோர்களுடன் ஆலோசனை நடத்தி, இதற்கான திட்ட மதிப்பீடு தயாரிக்கப்பட்டு அரசுக்கு பரிந்துரை செய்யப்படும்.
பெரியகுளம், போடி பகுதியைச் சேர்ந்த விவசாயிகள் மாம்பழக் கூழ் தொழிற்சாலை அமைக்க தனியாகவோ அல்லது குழுவாகவோ வந்தால் 50 சதவீத மானியம் வழங்கப்படும்.
போடி-மதுரை அகல ரயில்பாதை அமைப்பதற்கான பணிகள், ஆண்டிபட்டி வரை சிறு பாலங்கள், ஜல்லிக் கற்கள் பரப்பும் பணி நடைபெற்று வருகிறது என்றார்.
ஆய்வின்போது, தேனி மாவட்ட ஆட்சியர் ம. பல்லவி பல்தேவ், கம்பம் சட்டப்பேரவை உறுப்பினர் எஸ்.டி.கே. ஜக்கையன், உத்தமபாளையம் சார்-ஆட்சியர் ஆர். வைத்தியநாதன், மாவட்டக் காவல் கண்காணிப்பாளர் வீ. பாஸ்கரன், மாவட்ட வருவாய் அலுவலர் ச.கந்தசாமி, மக்களவை முன்னாள் உறுப்பினர் எஸ்.பி.எம். சையதுகான் உள்ளிட்டோர் உடனிருந்தனர்.

 

]]>
http://www.dinamani.com/all-editions/edition-madurai/theni/2018/nov/13/போடி-அருகே-சிறப்பு-பொருளாதார-மையத்துக்கான-இடங்களை-துணை-முதல்வர்-ஆய்வு-3037606.html
3037604 மதுரை தேனி வன உரிமைச் சட்டத்தின் கீழ் நிலப் பட்டா வழங்கக் கோரி விவசாயிகள் ஆர்ப்பாட்டம் DIN DIN Tuesday, November 13, 2018 01:36 AM +0530
தேனி மாவட்ட ஆட்சியர் அலுவலகம் முன்பாக, தமிழ்நாடு விவசாயிகள் சங்கத்தின் வன விவசாயிகள் பாதுகாப்புக் குழு சார்பில், மலை கிராம விவசாயிகளுக்கு வன உரிமைச் சட்டத்தின் கீழ் நில உரிமைப் பட்டா வழங்கக் கோரி திங்கள்கிழமை ஆர்ப்பாட்டம் நடத்தப்பட்டது.
ஆர்ப்பாட்டத்துக்கு, தமிழ்நாடு விவசாயிகள் சங்க மாநிலத் தலைவர் தில்லி பாபு தலைமை வகித்தார். மாநிலக் குழு உறுப்பினர் கே. ராஜப்பன், மாவட்டத் தலைவர் கே. தயாளன், செயலர் டி. கண்ணன் ஆகியோர் முன்னிலை வகித்தனர்.
இதில், தேனி மாவட்டத்துக்குள்பட்ட மலை கிராமங்களில் 3 தலைமுறைகளுக்கும் மேல் வசிக்கும் விவசாயிகளுக்கு வன உரிமைச் சட்டத்தின் கீழ் நில உரிமைப் பட்டா வழங்க வேண்டும். வனத் துறையினரின் நெருக்கடியில் இருந்து மலை கிராம விவசாயிகளை பாதுகாக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனர்.
பின்னர், போடி வடக்குமலை, அகமலை, கொட்டகுடி, வருஷநாடு மலை கிராமங்களைச் சேர்ந்த 300-க்கும் மேற்பட்ட விவசாயிகள், மாவட்ட ஆட்சியர் அலுவலகத்தில் நடைபெற்ற மக்கள் குறைதீர் கூட்டத்தில், மாவட்ட வருவாய் அலுவலர் ச. கந்தசாமியிடம் கோரிக்கை குறித்து தனித்தனியே மனு அளித்தனர்.

 

]]>
http://www.dinamani.com/all-editions/edition-madurai/theni/2018/nov/13/வன-உரிமைச்-சட்டத்தின்-கீழ்-நிலப்-பட்டா-வழங்கக்-கோரி-விவசாயிகள்-ஆர்ப்பாட்டம்-3037604.html
3037603 மதுரை தேனி தேனியில் நாளை (நவ.14) மின் தடை DIN DIN Tuesday, November 13, 2018 01:36 AM +0530
தேனி துணை மின் நிலையத்தில் புதன்கிழமை (நவ.14) மாதாந்திர பராமரிப்புப் பணிகள் நடைபெற உள்ளன. இதனால், அன்றைய தினம் காலை 9.45 மணி முதல் மாலை 4.45 மணி வரை தேனி, பழனிசெட்டிபட்டி, உப்பார்பட்டி, தாடிச்சேரி ஆகிய பகுதிகளில் மின் விநியோகம் நிறுத்தப்படும். தேனி மின் வாரிய செயற்பொறியாளர் சொ.லட்சுமி, இத்தகவலைத் தெரிவித்துள்ளார்.

 

]]>
http://www.dinamani.com/all-editions/edition-madurai/theni/2018/nov/13/தேனியில்-நாளை-நவ14-மின்-தடை-3037603.html
3037602 மதுரை தேனி போக்குவரத்து நெரிசலை குறைக்க ஆக்கிரமிப்புகளை அகற்றக் கோரிக்கை DIN DIN Tuesday, November 13, 2018 01:36 AM +0530
பெரியகுளம் பகுதியில் சாலை ஆக்கிரமிப்புகளால் போக்குவரத்து நெரிசல் அதிகரித்து வருவதாக, பொதுமக்கள் புகார் தெரிவித்துள்ளனர்.
பெரியகுளம் வடகரை முதல் கம்பம் சாலை சுமார் 2 கி.மீ. தொலைவாகும். இதில், வடகரை புதிய பேருந்து நிலையத்திலிருந்து தென்கரை கல்லூரி வரை போக்குவரத்து நெரிசல் அதிகமாக இருந்தது. இதனையடுத்து, சாலையை விரிவாக்கம் செய்யவேண்டும் என பொதுமக்கள் கோரிக்கை விடுத்தனர்.
அதன்படி, ஆக்கிரமிப்புகள் அகற்றப்பட்டு சாலை விரிவாக்கம் செய்யப்பட்டது. ஆனால், சாலை விரிவாக்கப் பகுதியில் உள்ள மின்கம்பங்கள் அகற்றப்படவில்லை. இதனால், சாலையின் இருபுறமும் மீண்டும் ஆக்கிரமிக்கப்பட்டு வருகின்றன. தற்போது, சபரிமலை சீசன் தொடங்கியுள்ளதையொட்டி, தமிழகத்தின் பல்வேறு பகுதிகளிலிருந்தும், ஆந்திரம், கர்நாடகம் உள்ளிட்ட பிற மாநிலங்களிலிருந்தும் ஆயிரக்கணக்கான வாகனங்கள் தினந்தோறும் பெரியகுளம் வழியாகச் செல்கின்றன. இதனால், இப்பகுதியில் கடும் போக்குவரத்து நெரிசல் ஏற்படுகிறது.
அதேபோல், கல்லூரி விலக்குப் பகுதியில் தாமரைக்குளம் சாலை, கல்லூரிச் சாலை மற்றும் பெரியகுளம், தேனி ஆகிய 4 சாலைகளிலும் ஆக்கிரமிப்புகள் அதிகரித்துள்ளன. இதனால், காலை மற்றும் மாலை வேளைகளில் கடும் போக்குவரத்து நெரிசல் ஏற்படுகிறது. எனவே, பெரியகுளம் பகுதியில் ஆக்கிரமிப்புகளை அகற்றி, போக்குவரத்து நெரிசலை குறைக்க மாவட்ட நிர்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-madurai/theni/2018/nov/13/போக்குவரத்து-நெரிசலை-குறைக்க-ஆக்கிரமிப்புகளை-அகற்றக்-கோரிக்கை-3037602.html
3037601 மதுரை தேனி உத்தமபாளையத்தில் கிராம நிர்வாக அலுவலர்கள் கண்டன ஆர்ப்பாட்டம் DIN DIN Tuesday, November 13, 2018 01:36 AM +0530
தேனி மாவட்டம், உத்தமபாளையத்தில் தமிழ்நாடு கிராம நிர்வாக அலுவலர்கள் சங்கம் சார்பில் திங்கள்கிழமை கண்டன ஆர்ப்பாட்டம் நடத்தப்பட்டது.
உத்தமபாளையம் வட்டாட்சியர் அலுவலகம் முன்பாக, உத்தமபாளையம் வருவாய் கோட்ட அளவில், தமிழ்நாடு கிராம நிர்வாக அலுவலர்கள் சங்கத்தினர் நடத்திய இந்த ஆர்ப்பாட்டத்துக்கு, மாவட்டத் தலைவர் கார்த்திக் தலைமை வகித்தார். வட்டாரத் தலைவர்
கள் ராமர், கண்ணன், மகேந்திரன் ஆகியோர் முன்னிலை வகித்தனர்.
இதில், இ-அடங்கல் பணியை நிறுத்த வேண்டும். கூடுதல் பொறுப்பு கிராமங்களுக்கு பொறுப்பூதியம் வழங்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன.
ஆர்ப்பாட்டத்துக்கு, உத்தமபாளையம், போடி வட்டாரத்திலுள்ள கிராம நிர்வாக அலுவலர்கள் பலர் கலந்துகொண்டனர்.

 

]]>
http://www.dinamani.com/all-editions/edition-madurai/theni/2018/nov/13/உத்தமபாளையத்தில்-கிராம-நிர்வாக-அலுவலர்கள்-கண்டன-ஆர்ப்பாட்டம்-3037601.html
3037600 மதுரை தேனி தேனி அரசு மருத்துவமனையில் திறந்தவெளியில் நோயாளிகளின் உறவினர்கள் காத்திருப்பு DIN DIN Tuesday, November 13, 2018 01:35 AM +0530
தேனி அரசு மருத்துவக் கல்லூரி மருத்துவமனையில் சிகிச்சை பெற்று வரும் நோயாளிகளின் உறவினர்கள் போதிய இடவசதி இல்லாததால், திறந்தவெளியில் காத்திருக்கும் நிலை உள்ளது.
தேனி அரசு மருத்துவக் கல்லூரி மருத்துவமனையில் 1,500-க்கும் மேற்பட்டோர் தங்கி சிகிச்சை பெற்று வருகின்றனர். குறிப்பாக, இங்கு பிரசவத்துக்காக அனுமதிக்கப்படுவோரின் எண்ணிக்கை ஒவ்வொரு மாதமும் அதிகரித்து கொண்டே வருகிறது. ஆனால், ஒரு குறிப்பிட்ட நேரம் மட்டுமே பார்வையாளர்களாக உறவினர்களை அனுமதிக்கின்றனர். அதன்பின்னர், உறவினர்கள் அனைவரும் பிரசவ வார்டு கட்டடத்துக்கு முன்பாக திறந்தவெளியில் பல மணி நேரம் காத்திருக்கின்றனர். நோயாளிகளின் உறவினர்கள் தங்கும் வகையில் போதிய வசதிகள் இல்லாததால், அவர்கள் வெயிலிலும், மழையிலும் காத்திருக்க வேண்டிய சூழ்நிலை உள்ளது. இதனால், அவர்கள் அவதிக்குள்ளாகி வருகின்றனர். எனவே, மருத்துவமனை நிர்வாகம் நடவடிக்கை எடுக்கவேண்டும் என, பொதுமக்கள் வலியுறுத்துகின்றனர்.

 

]]>
http://www.dinamani.com/all-editions/edition-madurai/theni/2018/nov/13/தேனி-அரசு-மருத்துவமனையில்-திறந்தவெளியில்-நோயாளிகளின்-உறவினர்கள்-காத்திருப்பு-3037600.html
3037040 மதுரை தேனி குரூப் 2 தேர்வு: தேனி மாவட்டத்தில் 9,041 பேர் எழுதினர் DIN DIN Monday, November 12, 2018 07:13 AM +0530 தேனி மாவட்டத்தில் தமிழ்நாடு அரசு தேர்வாணையம் சார்பில் ஞாயிற்றுக்கிழமை நடைபெற்ற குரூப் 2 தேர்வை 9,041 பேர் எழுதினர்.
மாவட்டத்தில் குரூப் 2 போட்டித் தேர்வு 36 பள்ளி மற்றும் கல்லூரிகளில் உள்ள 47 தேர்வு மையங்களில் நடைபெற்றது. இந்தத் தேர்வை எழுதுவதற்கு மொத்தம் 12,237 பேர் விண்ணப்பித்திருந்தனர். இதில், 9,041 (74 சதவிகிதம்) பேர் மட்டுமே தேர்வு எழுதினர். 3,196 பேர் தேர்வில் பங்கேற்கவில்லை. தேர்வுக் கண்காணிப்புப் பணியில் 47 தணிக்கை அலுவலர்கள், 9 திடீர் தணிக்கை அலுவலர்கள், 8 பறக்கும் படை அலுவலர்கள், 47 தலைமை தேர்வு அறை கண்காணிப்பு அலுவலர்கள் மற்றும் 612 தேர்வு அறை கண்காணிப்பாளர்கள் ஈடுபட்டிருந்தனர். தேர்வு நடைமுறைகள் விடியோவில் பதிவு செய்யப்பட்டு கண்காணிக்கப்பட்டது.தேனி, பழனிசெட்டிபட்டி, முத்துத்தேவன்பட்டி, கோட்டூர் ஆகிய இடங்களில் அமைக்கப்பட்ட தேர்வு மையங்களில் மாவட்ட ஆட்சியர் ம.பல்லவி பல்தேவ் பார்வையிட்டு ஆய்வு செய்தார்.


 

]]>
http://www.dinamani.com/all-editions/edition-madurai/theni/2018/nov/12/குரூப்-2-தேர்வு-தேனி-மாவட்டத்தில்-9041-பேர்-எழுதினர்-3037040.html
3037039 மதுரை தேனி அடிப்படை வசதிகள் கோரி ஹைவேவிஸ் மலை கிராம மக்கள் ஆர்ப்பாட்டம் DIN DIN Monday, November 12, 2018 07:12 AM +0530 தேனி மாவட்டம் ஹைவேவிஸ் மலைக் கிராமங்களில் அடிப்படை வசதிகளை நிறைவேற்றக் கோரி, மலைக் கிராம மக்கள் ஞாயிற்றுக்கிழமை ஆர்ப்பாட்டம் நடத்தினர். 
ஹைவேவிஸ் பேரூராட்சியில் 7 மலைக் கிராமங்கள் உள்ளன. இங்குள்ள மக்களில் பெரும்பாலானோர் தேயிலை தோட்டங்களில் கூலி வேலை செய்து வருகின்றனர். இவர்கள் வசிக்கும் வீடுகள் 100 ஆண்டுகள் பழமையானவை. மேலும், இங்கு அரசு மருத்துவமனை எதுவும் இல்லை. இதனால், பெரும்பாலான மக்கள் மருத்துவ சிகிச்சைக்காக 52 கிலோ மீட்டர் தொலைவிலுள்ள சின்னமனூருக்கு வந்து செல்கின்றனர். 
இந்நிலையில், ஹைவேவிஸ் மலைக் கிராமங்களில் ஆரம்ப சுகாதார நிலையம் அமைக்க வேண்டும். இலவச வீட்டுமனை வழங்க வேண்டும்.  அரசு மேல்நிலைப்பள்ளி மாணவ, மாணவிகளுக்கு தங்கும் விடுதி அமைத்துத் தர வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, ஹைவேவிஸ் பேரூராட்சி அலுவலகம் முன் ஞாயிற்றுக்கிழமை ஆர்ப்பாட்டம் நடைபெற்றது. இதில், மலைக்கிராம மக்கள் நலச்சங்கத்தை சேர்ந்த பலர் கலந்து கொண்டனர்.

]]>
http://www.dinamani.com/all-editions/edition-madurai/theni/2018/nov/12/அடிப்படை-வசதிகள்-கோரிஹைவேவிஸ்-மலை-கிராம-மக்கள்-ஆர்ப்பாட்டம்-3037039.html
3037038 மதுரை தேனி கம்பம் பகுதி விவசாயிகளுக்கு தோட்டக்கலை கல்லூரி மாணவிகள் பயிற்சி DIN DIN Monday, November 12, 2018 07:12 AM +0530 தேனி மாவட்டம் கம்பம் வட்டாரத்தில் விவசாயிகளுக்கு திருச்சி மகளிர் தோட்டக்கலை கல்லூரி மாணவிகள், மாமரத்தில் கவாத்து செய்யும் முறை குறித்து சனி, ஞாயிற்றுக்கிழமைகளில் பயிற்சி அளித்தனர்.
 கம்பம் வட்டாரம் காமயகவுண்டன்பட்டி, அணைப்பட்டி, நாராயணத்தேவன்பட்டி, 
குள்ளப்பகவுண்டன்பட்டி, க.புதுப்பட்டி பகுதி விவசாயிகளுக்கு இப்பயிற்சி அளிக்கப்பட்டது.
 தோட்டக்கலை பயிற்சி அனுபவ பாடத் திட்டத்தின் கீழ் இறுதி ஆண்டு மாணவிகளான கிருஷ்ணவேணி, மாலதி, மோகனபூரணி, நந்தினி, நித்யா, பர்வின்பேகம், பிரபாவதி ஆகியோர் விவசாய நிலங்களில் மண் பரிசோதனை, கலந்துரையாடல், பயிர்களை தாக்கும் பூச்சிகள், இயற்கை உரம் தயாரித்தல் ஆகிய பயிற்சிகளை  அளித்தனர். 
 மேலும், மா விவசாயிகளுக்கு, மாமரத்தில் கவாத்து செய்யும் முறை குறித்த பயிற்சி, உத்தமபுரத்தில் விவசாயிகளுக்கு அசோலா உரம் உற்பத்தி மற்றும் பயன்கள் குறித்தும் பயிற்சியளித்தனர். இதில், தோட்டக்கலை உதவி  இயக்குநர் (பொறுப்பு) சந்திரசேகரன், உதவி தோட்டக்கலை அலுவலர்கள் மற்றும் விவசாயிகள் கலந்து கொண்டனர்.

]]>
http://www.dinamani.com/all-editions/edition-madurai/theni/2018/nov/12/கம்பம்-பகுதி-விவசாயிகளுக்கு-தோட்டக்கலை-கல்லூரி-மாணவிகள்-பயிற்சி-3037038.html
3037037 மதுரை தேனி வனவியல் கல்லூரியில்  பசுந்தீவன பற்றாக்குறையால் பரிதவிக்கும் புள்ளிமான்கள் DIN DIN Monday, November 12, 2018 07:11 AM +0530 ஆண்டிபட்டி அருகே வைகை அணை வனவியல் பயிற்சி கல்லூரி வளாகத்தில் பசுந்தீவன பற்றாக்குறை காரணமாக அங்குள்ள புள்ளிமான்கள் உணவு கிடைக்காமல் பரிதவித்து வருவதாக சமூக ஆர்வலர்கள் குற்றம்சாட்டியுள்ளனர்.
வைகை அணை வனவியில் பயிற்சி கல்லூரியில் வனத்துறை பணியாளர்களுக்கு துப்பாக்கி சுடுதல், மலையேற்றம் உள்ளிட்ட பல்வேறு பயிற்சிகள் அளிக்கப்பட்டு வருகின்றன. இக்கல்லூரி சுமார் 300 ஏக்கர் பரப்பளவில் அமைந்துள்ளது. இங்கு நூற்றுக்கணக்கான மான்கள் மற்றும் மயில், முயல் போன்ற விலங்குகள் வளர்க்கப்பட்டு வருகின்றன. கல்லூரி வளாகத்தில் பெரும்பகுதி முள்செடிகள் வளர்ந்துள்ளதால், வன விலங்குகளுக்கு தேவையான பசுந்தீவனங்கள் வளர்வதற்கான வாய்ப்பின்றி உள்ளது.
 இங்குள்ள மான்களுக்கு வனத்துறை சார்பில் பயறு பருப்பு போன்றவை வழங்கப்பட்டு வருகிறது. வனத்துறையினர் வழங்கும் உணவு, மான்களுக்கு போதுமானதாக இல்லை. பொதுவாக மான்கள் இயற்கையாக வளரும் புல் உள்ளிட்ட பசுந்தீவனங்களை மட்டுமே உண்டு வாழும். 
ஆனால், வனவியல் பயிற்சி கல்லூரி வளாகத்தில் போதிய அளவு பசுந்தீவனங்கள் இல்லாததால் மான்கள் உணவு கிடைக்காமல் பரிதவித்து வருகின்றன. இதனால் இங்குள்ள மான்கள் உடல் மெலிந்து பரிதாபமாக உள்ளன. 
எனவே, புள்ளி மான்களுக்கு உணவு கிடைக்கும் வகையில் வைகை அணை வனவியல் பயிற்சி கல்லூரி வளாகத்தில் முள்செடிகளை அகற்றிவிட்டு, பசுந்தீவனங்களை வளர்க்கவும், வனவிலங்குகளை பார்வையிட பொதுமக்களுக்கு அனுமதி வழங்கவும் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/theni/2018/nov/12/வனவியல்-கல்லூரியில்--பசுந்தீவன-பற்றாக்குறையால்-பரிதவிக்கும்-புள்ளிமான்கள்-3037037.html
3037036 மதுரை தேனி அரசு மானியத்தில் நாட்டுக் கோழி வளர்ப்பு: நவ.25-க்குள் விண்ணப்பிக்கலாம் DIN DIN Monday, November 12, 2018 07:11 AM +0530 தேனி மாவட்டத்தில் கிராம ஊராட்சிகளுக்கு உள்பட்ட பகுதிகளில் வசிக்கும் பெண்கள், அரசு மானியத்தில் நாட்டுக் கோழி வளர்ப்புக்கு  நவ.25-ஆம் தேதிக்குள் விண்ணப்பிக்கலாம் என அறிவிக்கப்பட்டுள்ளது.
இது குறித்து மாவட்ட நிர்வாகம் வெளியிட்டுள்ள செய்திக்குறிப்பு:
கிராமப் புறங்களில் வாழும் ஏழைப் பெண்களின் வாழ்வாதாரத்தை மேம்படுத்தும் நோக்கில், அரசு சார்பில் அகில் ரக நாட்டுக் கோழி வளர்ப்புக்கு 100 சதவிகிதம் மானியம் வழங்கப்படுகிறது. இத் திட்டத்தின் கீழ் மாவட்டத்தில் உள்ள 8 ஊராட்சி ஒன்றியங்களிலும் தலா 200 பெண்கள் வீதம் மொத்தம் 1,600 பெண்களுக்கு, 4 வார வயதுடைய தலா 50 நாட்டுக் கோழி குஞ்சுகள் மற்றும் கோழிக் கூடாரம் வழங்கப்பட உள்ளது. இதற்காக அரசு ரூ. 1 கோடியே 3 ஆயிரம் நிதி ஒதுக்கீடு செய்துள்ளது.
இத்திட்டத்தின் கீழ் அரசு மானிய உதவி பெற விரும்பும் பெண்கள் ஊராட்சிக்கு உள்பட்ட பகுதியில் வசிப்பவராகவும், மாநில வாழ்வாதார இயக்கத்தின் மூலம் ஏழ்மை நிலையில் உள்ளவர் என்று கணக்கெடுக்கப்பட்டவராகவும் இருக்க வேண்டும். 
கால்நடை பராமரிப்புத் துறை மூலம் செயல்படுத்தப்படும் விலையில்லா கறவை மாடு மற்றும் வெள்ளாடு வழங்கும் திட்டத்தின் கீழ் பயனடைந்தவராக இருக்கக் கூடாது.
தகுதியுள்ளவர்கள் அந்தந்த பகுதியில் உள்ள அரசு கால்நடை மருந்தகங்களில், கால்நடை உதவி மருத்துவரிடம் வரும் 25-ஆம் தேதிக்குள் விண்ணப்பிக்கலாம் என அதில் கூறப்பட்டுள்ளது.

]]>
http://www.dinamani.com/all-editions/edition-madurai/theni/2018/nov/12/அரசு-மானியத்தில்-நாட்டுக்-கோழி-வளர்ப்பு-நவ25-க்குள்-விண்ணப்பிக்கலாம்-3037036.html
3037035 மதுரை தேனி தேனியில் நீதிபதியிடம் தங்கக் கைக்கடிகாரம் திருட்டு DIN DIN Monday, November 12, 2018 07:11 AM +0530 தேனியில் உறவினர் திருமண நிகழ்ச்சிக்கு வந்திருந்த மதுரை குடும்ப நல நீதிமன்ற நீதிபதியின் தங்கக் கைக் கடிகாரம் திருடு போனதாக காவல் நிலையத்தில் ஞாயிற்றுக்கிழமை புகார் அளிக்கப்பட்டது.
மதுரை அருகே உள்ள நாகமலை புதுக்கோட்டையைச் சேர்ந்தவர் ஜெயலட்சுமி ஜெகதீசன். இவர், மதுரை குடும்ப நல நீதிமன்றத்தில் நீதிபதியாக பணியாற்றி வருகிறார். இந்நிலையில், தேனியில் உள்ள உறவினர் இல்லத் திருமணத்துக்கு ஞாயிற்றுக்கிழமை வந்திருந்தார். 
தேனி, உழவர் சந்தை அருகே உள்ள தனியார் திருமண மண்டபத்தில், அவர் அணிந்திருந்த இரண்டே கால் சவரன் எடையுள்ள தங்க கைக் கடிகாரம்  திருடு போனதாக கூறப்படுகிறது.
 இதுகுறித்து ஜெயலட்சுமி ஜெகதீசன் அளித்த புகாரின் பேரில், தேனி காவல் நிலைய சார்பு ஆய்வாளர் தீபக் வழக்குப் பதிந்து விசாரித்து வருகிறார்.

]]>
http://www.dinamani.com/all-editions/edition-madurai/theni/2018/nov/12/தேனியில்-நீதிபதியிடம்-தங்கக்-கைக்கடிகாரம்-திருட்டு-3037035.html
3037034 மதுரை தேனி மனித நேய ஜனநாயகக் கட்சி ஆலோசனைக் கூட்டம் DIN DIN Monday, November 12, 2018 07:10 AM +0530 தேனி மாவட்டம் கம்பத்தில் மனித நேய ஜனநாயக கட்சி ஆலோசனைக் கூட்டம் ஞாயிற்றுக்கிழமை நடைபெற்றது.
கம்பம் - கம்பம்மெட்டு சாலையில் உள்ள கட்சி அலுவலகத்தில், நடைபெற்ற இக்கூட்டத்தில் மேற்கு மாவட்ட நிர்வாகிகள் கலந்து கொண்டனர். மாநில செயற்குழு உறுப்பினர் கரீம் தலைமை வகித்தார். மாவட்டச் செயலாளர் ரியாஸ் முன்னிலை வகித்தார். துணைச் செயலாளர் கலீல் வரவேற்றார். 
இதில், பாபர் மசூதி வழக்கில் விரைந்து தீர்ப்பு வழங்க கோரி, டிசம்பர் 6 இல் மதுரை விமானநிலையத்தை முற்றுகையிட்டு போராட்டம் நடத்துவது, கம்பத்தில் பரவி வரும் மர்மக் காய்ச்சலைக் கட்டுப்படுத்த வேண்டும், சாக்கடைகளை சுத்தம் செய்வது, குப்பைகளை நகராட்சி நிர்வாகம் உடனுக்குடன் அகற்றுவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/theni/2018/nov/12/மனித-நேய-ஜனநாயகக்-கட்சிஆலோசனைக்-கூட்டம்-3037034.html
3037033 மதுரை தேனி பெண்ணை தாக்கிய காவல் சார்பு ஆய்வாளர் கைது DIN DIN Monday, November 12, 2018 07:10 AM +0530 தேனி மாவட்டம் கம்பத்தில் பெண்ணை தாக்கிய காவல் சிறப்பு சார்பு ஆய்வாளரை கம்பம் வடக்கு போலீஸார் ஞாயிற்றுக்கிழமை கைது செய்தனர்.
கம்பம் கம்பம்மெட்டு காலனியைச் சேர்ந்த பிரகாஷ் மகள் அமுதா (37).  கணவரை பிரிந்த இவருக்கும், சிறப்பு சார்பு ஆய்வாளர் ஜெயக்குமாருக்கும் பழக்கம் ஏற்பட்டு இருவரும் கணவன் - மனைவி போல் வாழ்ந்து வந்ததாகக் கூறப்படுகிறது.
இந்நிலையில், வெள்ளிக்கிழமை இரவு ஜெயக்குமாருக்கும், அமுதாவுக்கும் தகராறு ஏற்பட்டதாம். அப்போது, ஜெயக்குமார் அமுதாவை தாக்கி, மானபங்கப்படுத்தினாராம். 
இது பற்றி கம்பம் வடக்கு காவல் நிலையத்தில் அமுதா சனிக்கிழமை புகார் அளித்தார். அதன்பேரில், சார்பு ஆய்வாளர் ஜெய்கணேஷ் வழக்குப்பதிந்து, ஜெயக்குமாரை ஞாயிற்றுக்கிழமை கைது செய்தார். ஜெயக்குமார் மீது ஏற்கெனவே கடந்த 2015 இல் ஒரு வழக்கு நிலுவையில் இருப்பதாக போலீஸார் தெரிவித்தனர்.

]]>
http://www.dinamani.com/all-editions/edition-madurai/theni/2018/nov/12/பெண்ணை-தாக்கிய-காவல்-சார்பு-ஆய்வாளர்-கைது-3037033.html
3036379 மதுரை தேனி அரசுப் பள்ளியில் பாரம்பரிய பொருள்கள் கண்காட்சி DIN DIN Sunday, November 11, 2018 05:20 AM +0530 தேனி மாவட்டம் சின்னமனூர் அருகே அரசுப் பள்ளியில் பாரம்பரியம், கலாசாரத்தை நினைவு கூறும்பொருள்கள் கண்காட்சி சனிக்கிழமை நடைபெற்றது. 
சின்னமனூர் ஒன்றியத்தை சேர்ந்த முத்தையன்செட்டிபட்டியிலுள்ள அரசு கள்ளர் மேல் நிலைப் பள்ளியில் நடைபெற்ற கண்காட்சியில், தமிழகத்தின் பாரம்பரிய உணவு தானியங்களான கம்பு, சோளம், கேழ்வரகு,மக்காச்சோளம், பழங்கால நாயணங்கள், ஆயுதங்கள், ஓலைச்சுவடி, உணவுப் பாத்திரங்கள், இசைக்கருவிகள்,மண்பாண்டங்கள் தாயாரிக்கும் சக்கரம், மூலிகைகள் என நூற்றுக்கணக்கான பொருள்கள் இடம் பெற்றன. 
இது குறித்து பள்ளி தலைமை ஆசிரியர் செந்தில்குமரன் கூறுகையில், இன்றைய மாணவ,மாணவிகளுக்கு பழமையான பொருள்கள் அதனுடைய பயன்பாடு மற்றும் சிறப்புகளை உணர்த்தும் வகையில் இக்கண்காட்சி நடத்தப்பட்டது. 
மாணவ,மாணவிகளே இந்த பொருள்களை சேகரிப்பதால் அதனுடைய மதிப்பை தெரிந்து கொள்ளமுடிகிறது. இதில், 6 முதல் 12 வகுப்பை சேர்ந்த 130 மாணவ,மாணவிகள் ஆர்வத்துடன் கலந்து கொண்டனர் என்றார்.

]]>
http://www.dinamani.com/all-editions/edition-madurai/theni/2018/nov/11/அரசுப்-பள்ளியில்-பாரம்பரிய-பொருள்கள்-கண்காட்சி-3036379.html
3036377 மதுரை தேனி டெங்கு ஒழிப்பு: போடியில் நகர்நல அலுவலர் ஆய்வு DIN DIN Sunday, November 11, 2018 05:19 AM +0530 போடி நகராட்சியில் சனிக்கிழமை டெங்கு ஒழிப்பு நடவடிக்கைகள் குறித்து ஆய்வு செய்யப்பட்டது.
தேனி மாவட்டத்தில் டெங்கு மற்றும் பன்றிக்காய்ச்சல் பரவாமல் தடுக்க முன்னெச்சரிக்கை நடவடிக்கை எடுக்கப்பட்டு வருகிறது. அதன்படி போடி நகராட்சியில் 33 வார்டுகளில் டெங்கு கொசுப் புழு ஒழிப்பு நடவடிக்கை மேற்கொள்ளப்பட்டுள்ளது. இப்பணிகளை நகராட்சி நகர் நல அலுவலர்  பா.ராகவன் பார்வையிட்டு ஆய்வு செய்தார். வீடு வீடாக சென்று தண்ணீர் தொட்டிகள், குளிர்சாதன பெட்டிகளில் கொசு புழுக்கள் உள்ளனவா என்பது குறித்து ஆய்வு செய்தார். மேலும் அரசு மற்றும் தனியார் வர்த்தகக் கட்டடங்களிலும்  ஆய்வு செய்த அவர், சில கட்டடங்களின் உரிமையாளர்களுக்கு அபராதம் விதித்தும் உத்தரவிட்டார்.
 

]]>
http://www.dinamani.com/all-editions/edition-madurai/theni/2018/nov/11/டெங்கு-ஒழிப்பு-போடியில்-நகர்நல-அலுவலர்-ஆய்வு-3036377.html
3036375 மதுரை தேனி கத்தியைக் காட்டி மிரட்டி பணம் கேட்ட 3 பேர் கைது DIN DIN Sunday, November 11, 2018 05:19 AM +0530 போடியில் வெள்ளிக்கிழமை இரவு மது அருந்த பணம் கேட்டு கத்தியை காட்டி மிரட்டிய 3 பேரை போலீஸார் கைது செய்தனர்.
போடி சந்தை பேட்டை தெருவை சேர்ந்தவர் நாச்சிமுத்து (38). இவர் பழைய பேருந்து நிறுத்தம் அருகே நின்று கொண்டிருந்தபோது, போடி திருமலாபுரம் குப்பழகிரி தோட்டத்தை சேர்ந்த காளிதாஸ் (20), காமேஸ்வரன் (20), முத்துப்பாண்டி (26) ஆகியோர் மது அருந்த பணம் கேட்டு கத்தியை காட்டி மிரட்டியுள்ளனர்.
இதுகுறித்து நாச்சிமுத்து போடி நகர் காவல் நிலையத்தில்அளித்தப்புகாரின் பேரில் போலீஸார் வழக்குப்பதிவு செய்து 3 பேரையும் கைது செய்து சிறையில் அடைத்தனர்.

]]>
http://www.dinamani.com/all-editions/edition-madurai/theni/2018/nov/11/கத்தியைக்-காட்டி-மிரட்டி-பணம்-கேட்ட-3-பேர்-கைது-3036375.html
3036374 மதுரை தேனி பெரியகுளம் அருகே விவசாயிக்கு அரிவாள் வெட்டு DIN DIN Sunday, November 11, 2018 05:19 AM +0530 பெரியகுளம் அருகே விவசாயியை அரிவாளால் வெட்டியவரை போலீஸார் சனிக்கிழமை கைது செய்தனர்.
தேவதானப்பட்டியைச் சேர்ந்த விவசாயி அய்யாவுத்தேவர். இவரை கொடுக்கல், வாங்கல் பிரச்னையில் அதே பகுதியைச் சேர்ந்த ரஞ்சித் (24), அன்னக்கிளி(52), ஜெயவீரன்(31), விமல் (26) ஆகியோர் அரிவாளால் வெட்டி, கொலை மிரட்டல் விடுத்தனர். இதில் காயமடைந்த அய்யாவுத்தேவர் தேவதானப்பட்டி காவல்நிலையத்தில் புகார் அளித்தார். 
அதன்பேரில்  போலீஸார் வழக்குப்பதிவு செய்து விமலை சனிக்கிழமை கைது செய்தனர். மற்ற 3 பேரைத் தேடி வருகின்றனர்.
 

]]>
http://www.dinamani.com/all-editions/edition-madurai/theni/2018/nov/11/பெரியகுளம்-அருகே-விவசாயிக்கு-அரிவாள்-வெட்டு-3036374.html
3036372 மதுரை தேனி பெண் மீது தாக்குதல்: காவல் சார்பு -ஆய்வாளர் மீது வழக்கு DIN DIN Sunday, November 11, 2018 05:18 AM +0530 தேனி மாவட்டம் கம்பத்தில், பெண்ணை தாக்கியதாக சிறப்பு சார்பு -ஆய்வாளர் மீது கம்பம் வடக்கு போலீஸார் சனிக்கிழமை வழக்கு பதிவு செய்தனர்.
கம்பம் கம்பம்மெட்டு காலனியில் குடியிருப்பவர் பிரகாஷ் மகள் அமுதா(37). இவர் கடந்த 2009 ஆம் ஆண்டு கணவருடன் ஏற்பட்ட கருத்து வேறுபாட்டால் பிரிந்து தனியாக வாழ்ந்து வருகிறார். 
இதற்கிடையில் கம்பம் சர்ச் தெருவைச் சேர்ந்த ஜஸ்டின் மகன் ஜெயக்குமார் (50) என்பவருக்கும், அமுதாவுக்கும் பழக்கம் ஏற்பட்டு இருவரும் கணவன், மனைவி போல் வாழ்ந்து வந்தனர். ஜெயக்குமார் பெரியகுளம் வடகரை காவல் நிலையத்தில் சிறப்பு சார்பு ஆய்வாளராக பணியாற்றி வருகிறார். 
ஜெயக்குமார் மது குடித்துவிட்டு வீட்டுக்கு வருவதால் இருவரிடையே அடிக்கடி தகராறுஏற்படுமாம். வெள்ளிக்கிழமை இரவு அமுதாவை ஜெயக்குமார் தகாத வார்தைகளால் திட்டி, தாக்கி மானபங்கப்படுத்தினாராம். 
இது பற்றி அமுதா கம்பம் வடக்கு காவல் நிலையத்தில் புகார் செய்தார். சார்பு ஆய்வாளர் ஜெய்கணேஷ் வழக்குப் பதிவு செய்து விசாரணை நடத்தினார்.
 

]]>
http://www.dinamani.com/all-editions/edition-madurai/theni/2018/nov/11/பெண்-மீது-தாக்குதல்-காவல்-சார்பு--ஆய்வாளர்-மீது-வழக்கு-3036372.html
3036371 மதுரை தேனி பிஎஸ்என்எல் அலுவலகத்தில் பணியாளர் பற்றாக்குறை பொதுமக்கள் அவதி DIN DIN Sunday, November 11, 2018 05:18 AM +0530 தேனி மாவட்டம் உத்தமபாளையம் பி.எஸ்.என்.எல். அலுவலகத்தில் பணியாளர்கள் பற்றாக்குறையால்  வாடிக்கையாளர்கள் பெரிதும் அவதிப்படுவதாக புகார் எழுந்துள்ளது. 
 பல்வேறு சேவைகளுக்காக பணம் செலுத்த செல்லும்போது பணம் வசூல் செய்யபணியாளர்கள் இருப்பதில்லை,வாடிக்கையாளர்கள் பல மணி நேரம் காத்திருந்தும் பணம்செலுத்த முடியாமல் திரும்பச்சென்று அபராதத்துடன் செலுத்த வேண்டிய சூழ்நிலைஏற்படுகிறது, சேவையில் ஏற்படும் குறைகள் மற்றும் சந்தேகங்களை நிவர்த்தி செய்யவும் பணியாளர்கள் இல்லை என்பன போன்ற பல புகார்கள் வாடிக்கையாளர்கள் தரப்பில் கூறப்படுகிறது. 
எனவே, கூடுதல் பணியாளர்கள் மற்றும் கணினிகள் அமைத்து வாடிக்கையாளர்களுக்கு  உரிய சேவையை வழங்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கோரிக்கை விடுத்தனர்.
 

]]>
http://www.dinamani.com/all-editions/edition-madurai/theni/2018/nov/11/பிஎஸ்என்எல்-அலுவலகத்தில்-பணியாளர்-பற்றாக்குறை-பொதுமக்கள்-அவதி-3036371.html
3036370 மதுரை தேனி தேனியில் டெங்கு தடுப்பு  ஆய்வுக் கூட்டம் DIN DIN Sunday, November 11, 2018 05:18 AM +0530 தேனி மாவட்ட ஆட்சியர் அலுவலகத்தில் டெங்கு மற்றும் பன்றிக் காய்ச்சல் தடுப்பு நடவடிக்கைகள் குறித்த ஆய்வுக் கூட்டம் சனிக்கிழமை, மாவட்ட ஆட்சியர் ம.பல்லவி பல்தேவ் தலைமையில் நடைபெற்றது.
இதில், டெங்கு மற்றும் பன்றிக் காய்ச்சல் தடுப்பு நடவடிக்கைகள், கொசு ஒழிப்பு, கை கழுவும் பழக்கம் மற்றும் நோய் தடுப்பு முறைகள் குறித்து நடைபெற்ற விழிப்புணர்வு முகாம்கள், குடிநீர் விநியோகம், துப்புரவுப் பணி, நோய் தடுப்பு கண்காணிப்புப் பணி ஆகியவை குறித்து மாவட்ட துறை அலுவலர்களுடன் ஆய்வு நடைபெற்றது.
இந்தக் கூட்டத்தில் மாவட்ட வருவாய் அலுவலர் ச.கந்தசாமி, ஊரக வளர்ச்சி முகாமை திட்ட இயக்குநர் பா.திலகவதி, மகளிர் திட்ட அலுவலர் கல்யாணசுந்தரம், வருவாய் கோட்டாட்சியர்கள் ஆர்.வைத்தியநாதன், ச.ஜெயப்பிரிதா, ஊராட்சிகள் உதவி இயக்குநர் அபிதா ஹனீப் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/theni/2018/nov/11/தேனியில்-டெங்கு-தடுப்பு--ஆய்வுக்-கூட்டம்-3036370.html
3036369 மதுரை தேனி தேனி மாவட்டத்தில் மானாவாரி பயிர்கள் விளைச்சல் அமோகம் DIN DIN Sunday, November 11, 2018 05:17 AM +0530 தேனி மாவட்டத்தில் போதிய மழை பொழிவால் மானாவாரி பயிர்களில் கூடுதல் விளைச்சல் காணப்பட்டாலும், விலை குறைந்ததால் விவசாயிகள் கவலையில் உள்ளனர்.
மாவட்டத்தில் கூடலூர், கம்பம், க.புதுப்பட்டி, கோம்பை, தேவாரம், போடி ஆகிய மேற்குத் தொடர்ச்சி மலையடிவாரப் பகுதிகளில் 15 ஆயிரம் ஏக்கர் பரப்பளவில் மானாவாரி பயிர் சாகுபடி நடைபெற்று வருகிறது. தென்மேற்கு பருவமழை முன் கூட்டியே தொடங்கியதால், ஆடி மாதம் மானாவாரி நிலங்களில் இரண்டாம் பட்ட பயிர் சாகுபடி தொடங்கியது. 
இதில், எள் சாகுபடி செய்திருந்த நிலங்களில் மாற்றுப் பயிராக கம்பு, சோளம், மக்காச்சோளம் ஆகிய பயிர்களும், அவரை, துவரை, உளுந்து, மொச்சை, குத்துமொச்சை, தட்டான் ஆகியவையும் சாகுபடி செய்யப்பட்டுள்ளன. தென்மேற்கு பருவமழையில் நிலத்தில் போதிய அளவில் ஈரம் தங்கியுள்ளதாலும், தற்போது பனிப் பொழிவு தொடங்கியுள்ளதாலும் இரண்டாம் பட்ட மானாவாரி பயிர் சாகுபடியில் நல்ல விளைச்சல் உள்ளது. 
இந்தப் பயிர்கள் வரும் கார்த்திகை மாதம் அறுவடைக்கு வரும் நிலையில் உள்ளது.  ஆனால், மானாவாரி பயிர்கள் கடந்த ஆண்டை விட விலை குறைந்துள்ளதால் விவசாயிகள் கவலையில் உள்ளனர். உரம், பயிர் பாதுகாப்பு மருந்து, வேலையாட்கள் சம்பளச் செலவு அதிகரித்து வரும் நிலையில், விற்பனை விலை குறைந்து வருவதால் உற்பத்திச் செலவுக்கு ஏற்ப லாபம் கிடைக்கவில்லை என்று விவசாயிகள் கூறுகின்றனர். 
மானாவாரி பயிர்கள் தற்போது விவசாயிகளிடமிருந்து உள்ளூர் வியாபாரிகள் மூலம் மட்டுமே கொள்முதல் செய்யப்படுகிறது. விளைபொருள்களுக்கு உரிய விற்பனை விலை கிடைக்கும் வகையில், வேளாண்மை வணிகத் துறை சார்பில் மானாவாரி பயிர்களை ஒழுங்குமுறை விற்பனை நிலையம் மூலம் இருப்பு வைத்து, சந்தை நிலவரத்திற்கு ஏற்பட விற்பனை செய்வதற்கு வாய்ப்பு ஏற்படுத்தித் தர வேண்டும் என்று விவசாயிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/nov/11/தேனி-மாவட்டத்தில்-மானாவாரி-பயிர்கள்-விளைச்சல்-அமோகம்-3036369.html
3036368 மதுரை தேனி தேனியில் கூட்டுறவு வார விழா: நவ.14-இல் தொடக்கம் DIN DIN Sunday, November 11, 2018 05:17 AM +0530 தேனி மாவட்டத்தில் கூட்டுறவுத்துறை சார்பில், கூட்டுறவு வார விழா நவ.14-ஆம் தேதி தொடங்கி 20-ஆம் தேதி வரை நடைபெறுகிறது.
இதுகுறித்து கூட்டுறவு சங்கங்களின் மண்டல இணைப்பதிவாளர் சிவமுத்துகுமாரசாமி வெளியிட்டுள்ள செய்திக்
குறிப்பு: 
மாவட்டத்தில் கூட்டுறவு வார விழாவை முன்னிட்டு நவ.14-ஆம் தேதி அனைத்து கூட்டுறவு சங்கங்களிலும் கூட்டுறவு கொடியேற்றி, மரக்கன்றுகள் நடும் விழா நடைபெறுகிறது. 
தேனி கூட்டுறவு மேலாண்மை பயிற்சி நிலையத்தில் பள்ளி, கல்லூரி மாணவ, மாணவிகள், கூட்டுறவு மேலாண்மை பயிற்சி நிலைய மாணவ, மாணவிகள் மற்றும் கூட்டுறவு சங்கப் பணியாளர்களுக்கு பேச்சு, கட்டுரை மற்றும் ஓவியப் போட்டி நடைபெறும்.
தேனியில் நவ.15-ஆம் தேதி கூட்டுறவு சங்கச் செயலர்களுக்கு கருத்தரங்கு நடைபெறும். நவ.16-ஆம் தேதி க.விலக்கு அண்ணா கூட்டுறவு நூற்பாலையில் ரத்த தான முகாம், காமயகவுண்டன்பட்டி தொடக்க வேளாண்மை கூட்டுறவு கடன் சங்க அலுவலகத்தில் டெங்கு விழிப்புணர்வு மற்றும் பொது மருத்துவ முகாம், கோடாங்கிபட்டி அருகே பண்ணைத்தோப்பு கிராமத்தில் மருத்துவ முகாம், உத்தமபாளையம் தொடக்க வேளாண்மை கூட்டுறவு கடன் சங்கத்தில் டாம்கோ மற்றும் டாப்செட்கோ கடன் மேளா மற்றும் விழிப்புணர்வு முகாம் நடைபெறும். 
கூட்டுறவு வார விழாவை முன்னிட்டு அனைத்து கூட்டுறவு சங்கங்களிலும் உறுப்பினர் சந்திப்பு மற்றும் கூட்டுறவு விழிப்புணர்வு முகாம் நடைபெறும் என்று தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/theni/2018/nov/11/தேனியில்-கூட்டுறவு-வார-விழா-நவ14-இல்-தொடக்கம்-3036368.html
3036367 மதுரை தேனி தேனியில் மின்சாரம் பாய்ந்து  கோயில் ஊழியர் சாவு DIN DIN Sunday, November 11, 2018 05:17 AM +0530 தேனியில் கோயில் துப்புரவு பணியில் இருந்த ஊழியர் சனிக்கிழமை  மின்சாரம் பாய்ந்து உயிரிழந்தார்.
தேனி அல்லிநகரத்தைச் சேர்ந்தவர் ராமசாமி (83). இவர் தேனி-மதுரைச் சாலையில் உள்ள மீனாட்சி சுந்தரேசுவரர் கோயிலில் வேலை செய்து வந்தார். கோயில் வாசல் பகுதியை துப்புரவு செய்து கொண்டிருந்த ராமசாமி, மின் கம்பத்தில் இருந்த இழுவைக் கம்பியை பிடித்தவாறு பணியில் ஈடுபட்டிருந்தாராம். அப்போது மின்சாரம் பாய்ந்து, அவர் மயங்கி விழுந்ததாக கூறப்படுகிறது. ஆபத்தான நிலையில் தேனி அரசு மருத்துவக்கல்லூரி மருத்துவமனைக்கு கொண்டு செல்லப்பட்ட ராமசாமி வழியிலேயே உயிரிழந்தார். இந்த சம்பவம் குறித்து ராமசாமியின் மகன் பாலகிருஷ்ணன் அளித்தப்புகாரின் பேரில் தேனி காவல் நிலைய போலீஸார் வழக்குப்பதிவு செய்து  விசாரிக்கின்றனர்.

]]>
http://www.dinamani.com/all-editions/edition-madurai/theni/2018/nov/11/தேனியில்-மின்சாரம்-பாய்ந்து--கோயில்-ஊழியர்-சாவு-3036367.html
3036366 மதுரை தேனி தேசிய கராத்தே போட்டிக்கு கோம்பை மாணவி தேர்வு DIN DIN Sunday, November 11, 2018 05:16 AM +0530 தேனி மாவட்டம் கோம்பை பள்ளிமாணவி, மாநில அளவிலான கராத்தே போட்டியில் முதலிடம் பெற்று தேசிய அளவில் நடைபெறும் போட்டிக்கு தேர்வாகியுள்ளார். 
 தமிழகம் முழுவதும் உள்ள 32 மாவட்டங்களை சேர்ந்த பள்ளி மாணவ,மாணவிகளுக்கான கராத்தே போட்டிகள் கடந்த நவ.2 மற்றும் 3 ஆம் தேதிகளில் ஈரோட்டில் உள்ள வேளாளர் சிபிஎஸ்இ பள்ளியில் நடைபெற்றது.
 இதில் தேனி மாவட்டத்தின் சார்பில் 18 பள்ளிகளை சேர்ந்த 50 மாணவ, மாணவிகள் கலந்து கொண்டனர். இதில் 14 வயதிற்குட்பட்ட 55கிலோ எடைக்கு குறைவான சண்டை பிரிவில் கோம்பை எஸ்கேஏ பள்ளியைச் சேர்ந்த மாணவி ஏ.ரவீனா முதலிடம் பெற்றார். இதன் மூலம் அவர் தேசிய அளவில் நடைபெறும் போட்டிக்கு தகுதி பெற்றுள்ளார். வெற்றி பெற்ற மாணவிக்கு தேனி மாவட்ட கராத்தே கழகத்தின் தொழில்நுட்ப இயக்குநர் பி.நாகராஜன் பாராட்டி வாழ்த்துக்களை தெரிவித்தார்.

]]>
http://www.dinamani.com/all-editions/edition-madurai/theni/2018/nov/11/தேசிய-கராத்தே-போட்டிக்கு-கோம்பை-மாணவி-தேர்வு-3036366.html
3036364 மதுரை தேனி போடியில் மத்திய அரசைக் கண்டித்து காங்கிரஸார் ஆர்ப்பாட்டம் DIN DIN Sunday, November 11, 2018 05:16 AM +0530 பண மதிப்பிழப்பு நடவடிக்கையால் இந்திய பொருளாதாரம் சீர்குலைந்து விட்டதாகக் கூறி மத்திய அரசை கண்டித்து போடியில் வெள்ளிக்கிழமை காங்கிரஸ் கட்சியினர் ஆர்ப்பாட்டத்தில் ஈடுபட்டனர்.
போடி திருவள்ளுவர் சிலை திடலில் நடைபெற்ற ஆர்ப்பாட்டத்துக்கு காங்கிரஸ் மாவட்டத்தலைவர் எம்.பி.முருகேசன் தலைமை வகித்தார். போடி நகர தலைவர் முசாக் மந்திரி, மாவட்ட துணைத்தலைவர் சன்னாசி, மாநில பொதுக்குழு உறுப்பினர் தர்மர், கவிஞர் பரதன் உள்ளிட்டோர் முன்னிலை வகித்தனர். மாநில இளைஞர் காங்கிரஸ் செயலாளர் நவீன்குமார், வட்டாரத்தலைவர்கள் போடி புருசோத்தமன், உத்தமபாளையம் மைதீன், நகரத்தலைவர்கள் முனியாண்டி (தேனி), போஸ் (கம்பம்), போடி நகர நிர்வாகிகள் காளிமுத்து, கோபால் மற்றும் சார்பு அணி நிர்வாகிகள் உள்ளிட்ட பலர் பங்கேற்று கோரிக்கைகளை வலியுறுத்தி கோஷமிட்டனர்.

]]>
http://www.dinamani.com/all-editions/edition-madurai/theni/2018/nov/11/போடியில்-மத்திய-அரசைக்-கண்டித்து-காங்கிரஸார்-ஆர்ப்பாட்டம்-3036364.html
3036363 மதுரை தேனி டெங்கு கொசு: கம்பத்தில் தங்கும் விடுதிக்கு ரூ.50 ஆயிரம் அபராதம் DIN DIN Sunday, November 11, 2018 05:16 AM +0530 தேனி மாவட்டம் கம்பம் நகராட்சியில் டெங்கு கொசு கண்டறியப்பட்ட தனியார் தங்கும் விடுதிக்கு சனிக்கிழமை ரூ.50ஆயிரம் விதிக்கப்பட்டது.
கம்பம் நகராட்சிக்குட்பட்ட பகுதிகளில் நகராட்சி ஆணையாளர் என்.சங்கரன் மற்றும் சுகாதார அலுவலர் சுருளிநாதன் தலைமையில் காய்ச்சல் கண்காணிப்பு, கொசுப்புழு ஒழிப்பு, புகை மருந்து அடித்தல், அபேட் மருந்து தெளித்தல், குளோரின் கலப்பு போன்ற பணிகள் நடைபெற்று வருகின்றன. 
காந்திநகர், நந்தகோபால்சாமி நகர், தியாகி வெங்கடாசலம் தெரு, காந்திஜி வீதி, வேலப்பர் கோவில் தெரு, பூங்கா சாலை, ஐசக்போதர் தெரு, செக்கடி தெரு, புதுப்பள்ளி வாசல் உள்ளிட்ட பகுதிகளில் கடைகள், வீடுகள், வணிக நிறுவனங்கள், தங்கும் விடுதி, அரசு அலுவலங்கள் , புதிதாக கட்டுமானப் பணிகள் நடந்து வரும் கட்டடங்கள் உள்ளிட்ட இடங்களில் டெங்கு காய்ச்சலை பரப்பும் கொசுப்புழுக்கள் உள்ளதா எனசோதனை செய்து அபராதம் விதிக்கின்றனர். வியாழன் மற்றும் வெள்ளிக்கிழமை ஆகிய 2 நாள்களில்சுமார் 70 ஆயிரம் ரூபாய் அபராதம் விதித்தனர். 
தொடர்ந்து நடத்தப்பட்ட ஆய்வில் கம்பத்தில் உள்ள தனியார் தங்கும் விடுதியில் டெங்கு கொசு கண்டறியப்பட்டதால், அந்த விடுதிக்கு ரூ. 50 ஆயிரம் அபராதம் விதித்தனர்.

]]>
http://www.dinamani.com/all-editions/edition-madurai/theni/2018/nov/11/டெங்கு-கொசு-கம்பத்தில்-தங்கும்-விடுதிக்கு-ரூ50-ஆயிரம்-அபராதம்-3036363.html
3036362 மதுரை தேனி கம்பம் பள்ளத்தாக்கில் 2 ஆம் போக நெல் சாகுபடி பணிகள் தொடக்கம் DIN DIN Sunday, November 11, 2018 05:15 AM +0530 தேனி மாவட்டம் கம்பம் பகுதியில் முதல் போக சாகுபடியில் அறுவடை முடிந்த நிலையில் தற்போது இரண்டாம் போக சாகுபடிக்கான பணிகளை விவசாயிகள் தொடங்கி உள்ளனர்.
தேனி மாவட்டத்தில், முல்லை பெரியாறு பாசனம் மூலம் கம்பம் பள்ளத்தாக்கு பகுதியில், 14 ஆயிரத்து 707 ஏக்கர் நிலப்பரப்பில் இருபோக நெல் விவசாயம் நடைபெற்று வருகிறது. நடப்பாண்டில் முதல் போக பாசனத்திற்காக ஜூன் 17 முதல் தண்ணீர் திறக்கப்பட்டது. இதனைத் தொடர்ந்து நடவுசெய்யப்பட்ட முதல் போக சாகுபடிக்கான நெல் அறுவடை பணிகள் கடந்த சில வாரங்களாக நடைபெற்று வருகின்றன. அறுவடை முடிவடைந்த பகுதியான கம்பம், சுருளிப்பட்டி, நாராயணத்தேவன்பட்டி, கருநாக்கமுத்தன்பட்டி உள்ளிட்ட பகுதிகளில் விவசாயிகள் இரண்டாம்போக சாகுபடிகளுக்காக வயல்வெளிகளை தயார்படுத்தி வருகின்றனர். அறுவடை முடிந்த நிலங்களில் "கேஜ்வீல்' பொருத்தப்பட்ட டிராக்டரை வைத்து பரம்படித்தல் உள்ளிட்ட வேலைகளை செய்து, நாற்றுபாவுவதற்கான ஏற்பாடுகளை செய்து வருகின்றனர்.
இது குறித்து விவசாயி ஒருவர் கூறுகையில், தென் மேற்கு பருவமழையால் முல்லைப்பெரியாறு அணையில் நீர் மட்டம் உயர்ந்ததால் முதல் போக சாகுபடிசிறப்பாக இருந்தது. தற்போது அணையின் நீர்மட்டம் குறைந்து வருகிறது, விவசாயிகள் இரண்டாம் போக சாகுபடியில் கவனமாக இருக்க வேண்டும் என்றார்.
அணை நிலவரம்: சனிக்கிழமை நிலவரப்படி முல்லைப்பெரியாறு அணையின் நீர்மட்டம் 130 அடியாக இருந்தது. நீர் இருப்பு 4697 மில்லியன் கன அடி, நீர்வரத்து விநாடிக்கு, 686 கன அடியாகவும், நீர் வெளியேற்றம் விநாடிக்கு, 1400 கன அடியாகவும் இருந்தது. அணையின் நீர்பிடிப்பு பகுதிகளில் மழை பெய்யவில்லை.
 

]]>
http://www.dinamani.com/all-editions/edition-madurai/theni/2018/nov/11/கம்பம்-பள்ளத்தாக்கில்-2-ஆம்-போக-நெல்-சாகுபடி-பணிகள்-தொடக்கம்-3036362.html
3035760 மதுரை தேனி டெங்கு ஒழிப்பு நடவடிக்கை: கம்பத்தில் தனியார் நிறுவனங்களுக்கு ரூ.90 ஆயிரம் அபராதம் DIN DIN Saturday, November 10, 2018 05:45 AM +0530 தேனி மாவட்டம் கம்பம் பகுதியில் டெங்கு கொசு பரவும் வகையில் தண்ணீர் மற்றும் குப்பைகளை அகற்றாமல் இருந்த 30 தனியார் நிறுவனங்களுக்கு அதிகாரிகள் ரூ.90,000 அபராதம் விதித்தனர்.
கம்பம் ஒன்றியத்தில் உள்ள சுருளிப்பட்டி, நாராயணத்தேவன்பட்டி, கருநாக்கமுத்தன்பட்டி, ஆங்கூர்பாளையம் ஆகிய ஊராட்சிகளில் உத்தமபாளையம் சார் ஆட்சியர் வைத்தியநாதன் தலைமையில் வட்டார வளர்ச்சி அலுவலர்கள் எம்.சேகர், என்.பாஸ்கரன் மற்றும் அலுவலர்கள் ஆய்வு மேற்கொண்டனர். அப்போது வணிகம் மற்றும் சிறு தொழிற்கூடங்களில் டெங்கு கொசு பரப்பும் வகையில் குப்பைகள், தேங்கிய மழை நீர் ஆகியவற்றை அகற்றாமல் இருந்த 10 நிறுவனங்களுக்கு தலா ரூ.3,000 வீதம் ரூ.30,000 அபராதம் விதித்தனர். கம்பம் நகராட்சி ஆணையாளர் ந.சங்கரன், சுகாதார அலுவலர் சுருளிநாதன் ஆகியோர் நகர் பகுதிகளில் ஆய்வு செய்து, கொசுப்புழுக்கள் உற்பத்தியாகும் வகையில் தண்ணீர் தேங்கியிருந்த 20 தனியார் நிறுவனங்களுக்கு தலா ரூ.3,000 வீதம் ரூ.60,000 அபராதம் விதித்தனர்.

]]>
http://www.dinamani.com/all-editions/edition-madurai/theni/2018/nov/10/டெங்கு-ஒழிப்பு-நடவடிக்கை-கம்பத்தில்-தனியார்-நிறுவனங்களுக்கு-ரூ90-ஆயிரம்-அபராதம்-3035760.html
3035759 மதுரை தேனி போடியில் ஸ்டுடியோ உரிமையாளர் கொலை: கட்டடத் தொழிலாளி கைது DIN DIN Saturday, November 10, 2018 05:44 AM +0530 போடியில் ஸ்டுடியோ உரிமையாளர் கொலை வழக்கில் கட்டட தொழிலாளியை போலீஸார் வெள்ளிக்கிழமை கைது செய்தனர்.
 போடி திருமலாபுரம் மாரியம்மன் கோயில் தெருவைச் சேர்ந்தவர் கனகவேல் மகன் செல்வப்பாண்டியன் (45). இவர் திருமலாபுரம் மாரியம்மன் கோயில் பின்புறம் ஸ்டுடியோ நடத்தி வந்தார். இந்நிலையில் வியாழக்கிழமை ஸ்டுடியோவுக்குள் புகுந்த இளைஞர் ஒருவர், செல்வப்பாண்டியனை சரமாரியாக கத்தியால் குத்திவிட்டு தப்பி ஓடிவிட்டார்.  இதையடுத்து போடி அரசு மருத்துவமனையில் சேர்க்கப்பட்டு சிகிச்சை பெற்று வந்த செல்வப்பாண்டியன் சிகிச்சை பலனின்றி உயிரிழந்தார். 
 இதுகுறித்து போடி நகர் காவல் நிலைய போலீஸார் வழக்குப் பதிந்து விசாரித்து வந்தனர். இதனிடையே இதே பகுதியில் வசிக்கும் கோவிந்தராஜ் மகன் கார்த்திக் என்ற கார்த்தீஸ்வரன் (25) என்பவரை போலீஸார் இவ்வழக்கு தொடர்பாக கைது செய்து சிறையில் அடைத்தனர்.
 விசாரணையில், கார்த்தீஸ்வரன் கட்டடத் தொழிலாளி என்பதும், நண்பர்களுடன் மதுகுடித்துவிட்டு இப்பகுதியில் ரகளை செய்து வந்ததும், இதனை செல்வப்பாண்டியன் கண்டித்ததுடன், போலீஸிலும் புகார் தெரிவித்துள்ளதும் தெரியவந்தது. 
இந்த முன் விரோதம் காரணமாக செல்வப்பாண்டியன் கொலை செய்யப்பட்டதாக போலீஸார் தெரிவித்தனர்.
 

]]>
http://www.dinamani.com/all-editions/edition-madurai/theni/2018/nov/10/போடியில்-ஸ்டுடியோ-உரிமையாளர்-கொலை-கட்டடத்-தொழிலாளி-கைது-3035759.html
3035758 மதுரை தேனி சர்ச்சைக்குரிய காட்சிகள் நீக்கம்:  பெரியகுளத்தில் சர்கார் படம் திரையிடப்பட்டது DIN DIN Saturday, November 10, 2018 05:44 AM +0530 சர்ச்சைக்குரிய காட்சிகள் நீக்கப்பட்டதையடுத்து பெரியகுளத்தில் வெள்ளிக்கிழமை சர்கார் திரைப்படம் 2 திரையரங்குகளில் திரையிடப்பட்டது.
 சர்கார் திரைப்படத்தில் சர்ச்சைக்குரிய பதிவுகள் உள்ளதாகக் கூறி அதிமுகவினர் பல்வேறு போராட்டங்களை நடத்தினர். இந்நிலையில் பெரியகுளத்தில் இத்திரைப்படம் இரண்டு திரையரங்குகளில் திரையிடப்பட்டன. 
இதைத் தொடர்ந்து இந்த திரையரங்குகளை அதிமுகவினர் முற்றுகையிட்டு இத்திரைப்படத்தின் பதாகைகளை வியாழக்கிழமை கிழித்து எறிந்தனர்.
இதனால் இத்திரையரங்குகளில் இப்படம் பாதியிலேயே நிறுத்தப்பட்டன. 
இந்நிலையில் சர்ச்சைக்குரிய பதிவுகள் வெள்ளிக்கிழமை நீக்கப்பட்டதாக கூறப்படுகிறது. இதனையடுத்து இந்த 2 திரையரங்குகளில் வெள்ளிக்கிழமை மாலை முதல் சர்கார் திரைப்படம் மீண்டும் திரையிடப்பட்டன.

]]>
http://www.dinamani.com/all-editions/edition-madurai/theni/2018/nov/10/சர்ச்சைக்குரிய-காட்சிகள்-நீக்கம்--பெரியகுளத்தில்-சர்கார்-படம்-திரையிடப்பட்டது-3035758.html
3035757 மதுரை தேனி தேனி மாவட்டத்தில்  இன்று பொது விநியோகத் திட்ட நுகர்வோர் குறைதீர் முகாம் DIN DIN Saturday, November 10, 2018 05:44 AM +0530 தேனி மாவட்டத்தில் உள்ள 5 வட்டாரங்களிலும் சனிக்கிழமை (நவ. 10) காலை 10 மணிக்கு பொது விநியோகத் திட்ட நுகர்வோர் விழிப்புணர்வு மற்றும் குறைதீர் முகாம் நடைபெறுகிறது.
இதுகுறித்து மாவட்ட நிர்வாகம் வெளியிட்டுள்ள அறிவிப்பு: ஆண்டிபட்டி வட்டாரம், போடிதாசன்பட்டியில் மாவட்ட வழங்கல் அலுவலர் இ.கார்த்திகேயினி தலைமையில் இம்முகாம் நடைபெறுகிறது. போடி வட்டாரம் டொம்புச்சேரியில் பிற்பட்டோர் மற்றும் சிறுபான்மையினர் நல அலுவலர் எம்.சாந்தி, பெரியகுளம் வட்டாரம் கெங்குவார்பட்டியில் பெரியகுளம் வருவாய் கோட்டாட்சியர் ச.ஜெயப்பிரிதா, தேனி வட்டாரம் நாகலாபுரத்தில் சமூகப் பாதுகாப்புத் திட்ட தனித் துணை ஆட்சியர் து.தங்கவேல், உத்தமபாளையம் வட்டாரம் லோயர்கேம்பில் உத்தமபாளையம் வருவாய் கோட்டாட்சியர் ஆர்.வைத்தியநாதன் ஆகியோர் தலைமையில் நுகர்வோர் விழிப்புணர்வு மற்றும் குறைதீர் முகாம் நடைபெறுகிறது.
சம்பந்தப்பட்ட பகுதிகளைச் சேர்ந்த பொதுமக்கள், நுகர்வோர் நடவடிக்கை குழுக்கள், தொண்டு நிறுவனங்களின் பிரதிநிதிகள் முகாமில் கலந்து கொண்டு நியாய விலைக் கடைகளின் செயல்பாடு, பொருள் விநியோகத்தில் உள்ள குறைபாடு, குடும்ப அட்டையில் பெயர் சேர்த்தல், நீக்கம், நியாய விலைக் கடை மாற்றம், முகவரி மாற்றம் ஆகியவை குறித்து மனு அளித்து தீர்வு காணலாம் என்று அறிவிக்கப்பட்டுள்ளது.
 

]]>
http://www.dinamani.com/all-editions/edition-madurai/theni/2018/nov/10/தேனி-மாவட்டத்தில்--இன்று-பொது-விநியோகத்-திட்ட-நுகர்வோர்-குறைதீர்-முகாம்-3035757.html
3035756 மதுரை தேனி சர்கார் வெளியான திரையரங்கம் முன் அதிமுகவினர் ஆர்ப்பாட்டம் DIN DIN Saturday, November 10, 2018 05:43 AM +0530 ஆண்டிபட்டியில் சர்கார்  திரைப்படம் திரையிடப்பட்ட திரையரங்கம் முன் அதிமுகவினர் வெள்ளிக்கிழமை ஆர்ப்பாட்டத்தில் ஈடுபட்டனர்.
 நடிகர் விஜய் நடித்த இப்படத்தில் மறைந்த முன்னாள் முதல்வர் ஜெயலலிதாவின் பெயருக்கு களங்கம் ஏற்படுத்தும் விதமாக சித்தரிக்கப்பட்டுள்ளதாகவும், அதிமுக அரசின் இலவச திட்டங்களை தவறாக சித்தரிப்பதாகவும் கூறி ஆண்டிபட்டி ஒன்றியச் செயலர் லோகிராஜன் தலைமையில் அதிமுகவினர் திரையரங்கு முன் ஆர்ப்பாட்டம் நடத்தினர். பின்னர் திரையரங்குக்குள் நுழைய முயன்ற அவர்களை போலீஸார் சமரசம் செய்து அனுப்பி வைத்தனர்.
இந்த ஆர்ப்பாட்டத்தில் பேரூர் அதிமுக செயலர் முத்துவெங்கட்ராமன், மாவட்ட பிரதிநிதி கவிராஜன், எம்.ஜி.ஆர். மன்றச் செயலர் செல்வராஜ், மாவட்ட விவசாய அணி துணைத் தலைவர் வெள்ளைப்பாண்டி, ஊராட்சி அதிமுக செயலர் செல்லமுத்து, ஒன்றிய மீனவரணி கண்ணன், முன்னாள் கவுன்சிலர் அருண்மதி கணேசன் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-madurai/theni/2018/nov/10/சர்கார்-வெளியான-திரையரங்கம்-முன்-அதிமுகவினர்-ஆர்ப்பாட்டம்-3035756.html
3035755 மதுரை தேனி கம்பம் அரசு மருத்துவமனையில் கண் சிகிச்சைப் பிரிவு மீண்டும் தொடக்கம் DIN DIN Saturday, November 10, 2018 05:43 AM +0530 கம்பம் அரசு மருத்துவமனையில் நீண்ட காலமாக செயல்படாமல் இருந்த கண் சிகிச்சைப் பிரிவு மீண்டும் தொடங்கி செயல்பட்டு வருகிறது.
இந்த மருத்துவமனையில் கண் சிகிச்சை மருத்துவர்கள் உள்ள நிலையில், கண் சிகிச்சை அளிக்கும் உதவியாளர் பணியிடம் நிரப்பப்படாமல் இருந்து வந்தது. இதுகுறித்து கம்பம் அரசு மருத்துவமனை நிர்வாகத்தினர், மருத்துவப் பணிகள் இணை இயக்குநருக்கு தகவல் தெரிவித்திருந்தனர். இதனிடையே தற்போது கண் சிகிச்சை பிரிவுக்கு உதவியாளர் ஒருவர் நியமிக்கப்பட்டுள்ளார். இதைத் தொடர்ந்து நீண்ட காலமாக இம்மருத்துவமனை வளாகத்தில் செயல்படாமல் இருந்த கண் சிகிச்சைப் பிரிவு தற்போது செயல்படத் தொடங்கியுள்ளது.
இதுகுறித்து கம்பம் அரசு மருத்துவமனை அலுவலர் பொன்னரசன் கூறியது: கண் சிகிச்சைக்கான சிறப்பு மருத்துவர் பணியிடம் நிரப்பப்படாமல் இருந்தது. தற்போது அந்த மருத்துவரும், கண் சிகிச்சை உதவியாளரும் தற்போது நியமிக்கப்பட்டுள்ளதால் கண் சிகிச்சைப் பிரிவு நவ.1 முதல் செயல்பட்டு வருகிறது என்றார்.
 

]]>
http://www.dinamani.com/all-editions/edition-madurai/theni/2018/nov/10/கம்பம்-அரசு-மருத்துவமனையில்-கண்-சிகிச்சைப்-பிரிவு-மீண்டும்-தொடக்கம்-3035755.html
3035754 மதுரை தேனி போடியில் அரசுப் பேருந்தில் கடத்தி வரப்பட்ட 300 கிலோ ரேஷன் அரிசி பறிமுதல் DIN DIN Saturday, November 10, 2018 05:43 AM +0530 போடியில் வெள்ளிக்கிழமை, அரசுப் பேருந்தில் கடத்தி வரப்பட்ட 300 கிலோ ரேஷன் அரிசியை போலீஸார் பறிமுதல் செய்து விசாரித்து வருகின்றனர்.
 போடியிலிருந்து கேரளாவுக்கு ரேஷன் அரிசி கடத்தப்படுவதாக வந்த தகவலின் பேரில் போடி முந்தல் சோதனைச் சாவடியில் உத்தமபாளையம் உணவுப் பொருள் கடத்தல் தடுப்பு பிரிவு காவல் ஆய்வாளர் பாலமுருகன், வருவாய்த் துறை ஆய்வாளர் பாலசுப்பிரமணி மற்றும் போலீஸார் வாகன சோதனையில் ஈடுபட்டனர். அப்போது அரசுப் பேருந்து ஒன்றை சோதனையிட்டபோது அதில் சில ரேஷன் அரிசி மூட்டைகள் இருந்தது தெரிந்தது. இவற்றை யார் கடத்தி வந்தது என்பது தெரியவில்லை. இதனையடுத்து அவற்றை பறிமுதல் செய்த  போலீஸார் கிட்டங்கிக்கு எடுத்து சென்று ஆய்வு செய்ததில் மொத்தம் 300 கிலோ ரேஷன் அரிசி இருந்தது தெரிந்தது. இதுகுறித்து வழக்குப் பதிவு செய்த போலீஸார் தொடர்ந்து விசாரித்து வருகின்றனர்.
 

]]>
http://www.dinamani.com/all-editions/edition-madurai/theni/2018/nov/10/போடியில்-அரசுப்-பேருந்தில்-கடத்தி-வரப்பட்ட-300-கிலோ-ரேஷன்-அரிசி-பறிமுதல்-3035754.html
3035753 மதுரை தேனி பெரியகுளம் ஆதரவற்றோர் அரசு மனநலகாப்பகத்தில் அடிப்படை வசதிகள் செய்து தரக் கோரிக்கை DIN DIN Saturday, November 10, 2018 05:42 AM +0530 தேனி மாவட்டம் பெரியகுளத்தில் செயல்பட்டு வரும் ஆதரவற்றோர்  அரசு மனநலகாப்பகத்தில் அடிப்படை வசதிகள் செய்து தர வேண்டும் என சமூக ஆர்வலர்கள் கோரிக்கை விடுத்துள்ளனர்.
பெரியகுளத்தில் உள்ள மாவட்ட தலைமை அரசு மருத்துவமனை வளாகத்தில் கடந்த ஆகஸ்ட் 28 ஆம் தேதி இந்த மனநல காப்பகம் செயல்பட தொடங்கியது. இங்கு 25 நோயாளிகள் சிகிச்சை பெற்று வருகின்றனர். இந்த மையத்தின் கட்டுப்பாட்டில் மதுரை,  ராமநாதபுரம், விருதுநகர், திண்டுக்கல் மற்றும் தேனி மாவட்டங்கள் உள்ளன. 
இப்பகுதிகளில் உள்ள மனநோயாளிகளுக்கு இந்த மையத்தில் மட்டுமே சிகிச்சையளிக்க முடியும். இந்நிலையில் இம்மையத்தில் போதிய அடிப்படை வசதி இல்லை. சுமார் 30 பேர் மட்டுமே தங்க வைக்கும் அளவுக்கு வசதி உள்ளது. 
எனவே இந்த மையத்தில் கூடுதல் நோயாளிகள் தங்கும் அளவுக்கு கட்டட வசதி செய்து தர நடவடிக்கை எடுக்க வேண்டும். மேலும் இம்மையத்தில் 2 மருத்துவர்கள், 5 செவிலியர்கள் மற்றும் ஒரு காவல் பணியாளர்களே உள்ளனர்.
 மனநோயாளிகளை கண்காணிக்கும் மற்றும் கையாளும் வகையில் 20 செவிலியர்கள், 6 சமூகப்பணியாளர்கள், 2 பல்நோக்கு பணியாளர்கள் மற்றும் கூடுதல் காவல் பணியாளர்களை நியமிக்க வேண்டும். அத்துடன் நோயாளிகளை அழைத்துச் செல்ல வாகனங்கள் வசதியையும் அரசு ஏற்படுத்த வேண்டும்.
சிசிடிவி வசதி: மையத்தில் இணையதள வசதியுடன் கூடிய சிசிடிவி கேமராக்களை பொருத்த வேண்டும். நோயாளிகளை மையத்துக்கு தத்தெடுக்கும் போது புதிய உடைகள் மற்றும் போதிய நிதி இல்லாததால் இந்த மையத்தினர் தனியார் உதவியை நாடி வருகின்றனர். 
எனவே நோயாளிகளுக்கு உணவு மற்றும் உடை வழங்குவதற்கு அரசு நடவடிக்கை எடுக்க வேண்டும்.
இதுகுறித்து சமூக ஆர்வலர் ம.ஆறுமுகம் கூறியதாவது: குழந்தையுடன் சாலையில் திரிந்த பெண்ணை இந்த மையத்தில் சேர்த்து ஒரு மாதத்துக்கு மேலாக சிகிச்சையளிக்கப்பட்டு அவரது குடும்பத்தினரிடம் ஒப்படைக்கப்பட்டது மகிழ்ச்சியளிக்கிறது. 
ஆனால் இந்த மையத்துக்கு 50 படுக்கை வசதி கொண்ட இயற்கை சூழலுடன் கட்டடத்தை அரசு ஒதுக்கீடு செய்ய வேண்டும். அதே போல் அடிப்படை வசதிகளை மேம்படுத்த வேண்டும் என்றார்.

]]>
http://www.dinamani.com/all-editions/edition-madurai/theni/2018/nov/10/பெரியகுளம்-ஆதரவற்றோர்-அரசு-மனநலகாப்பகத்தில்-அடிப்படை-வசதிகள்-செய்து-தரக்-கோரிக்கை-3035753.html
3035752 மதுரை தேனி கம்பம் பள்ளத்தாக்குப் பகுதியில் அதிக இடவசதியுடன் நெல் சேமிப்பு கிட்டங்கி அமைக்கக் கோரிக்கை DIN DIN Saturday, November 10, 2018 05:42 AM +0530 தேனி மாவட்டம் கம்பம் பள்ளத்தாக்குப் பகுதியில் அதிக இட வசதியுடன் நெல் சேமிப்பு கிட்டங்கி அமைக்க வேண்டும் என விவசாயிகள் கோரிக்கை விடுத்துள்ளனர்.
 உத்தமபாளையம், சின்னமனூர் பகுதிகளில் முதல் போக நெல் சாகுபடிக்கான அறுவடை பணிகள் தீவிரமாக நடைபெற்று வருகின்றன. இந்நிலையில் அவ்வழியாக செல்லும் திண்டுக்கல்- குமுளி தேசிய நெடுஞ்சாலையோரங்களில் அறுவடை செய்த நெல்மணிகளை குவித்து வைக்கின்றனர். கேரளம் மற்றும் தமிழகத்துக்கிடையே போக்குவரத்துக்கு முக்கிய சாலையாக  இது இருப்பதால் இச்சாலைப் பகுதியில் உலர்த்தப்படும் நெல் மணிகளால் இடையூறுகள் ஏற்பட்டு அடிக்கடசி விபத்துகள் ஏற்படுவதாக பொதுமக்கள் புகார்  தெரிவித்துள்ளனர்.
 இதுகுறித்து விவசாயிகள் கூறியதாவது: அவ்வப்போது மழை பெய்து வருவதால் அறுவடை செய்த நெல்லை  சேமித்து வைக்கமுடியாத நிலை ஏற்பட்டுள்ளது. இங்குள்ள தனியாருக்கு சொந்தமான இடத்திலுள்ள நெல் சேமிப்பு கிடங்கில் போதுமான இடவசதி இல்லை. தவிர மழைக் காலமாதலால் வயல்களில் தண்ணீர் தேங்கியுள்ளதால் அறுவடை செய்த நெல்மணிகளை நெடுஞ்சாலையில் வைத்து மூட்டைகளாக கட்ட வேண்டிய சூழ்நிலை ஏற்பட்டுள்ளது.
 எனவே, தமிழக அரசு கம்பம் பள்ளத்தாக்குப் பகுதியில் அதிக இடவசதியுடன் நெல் சேமிப்பு கிட்டங்கி அமைத்தும், மழைக் காலங்களில் நெல் மணிகளை உலர்த்த மண் களங்களை சிமென்ட் களங்களாக மாற்றியமைக்க நடவடிக்கை எடுக்க வேண்டும் என்றனர்.
 

]]>
http://www.dinamani.com/all-editions/edition-madurai/theni/2018/nov/10/கம்பம்-பள்ளத்தாக்குப்-பகுதியில்-அதிக-இடவசதியுடன்-நெல்-சேமிப்பு-கிட்டங்கி-அமைக்கக்-கோரிக்கை-3035752.html
3035143 மதுரை தேனி அம்பேத்கர் சிலை அவமதிப்பு: 20 பேர் மீது வழக்குப் பதிவு DIN DIN Friday, November 9, 2018 04:20 AM +0530 பெரியகுளம் அருகே அம்பேத்கர் சிலை அவமதித்தது தொடர்பாக 20 பேர் மீது ஜெயமங்கலம் போலீஸார் வியாழக்கிழமை வழக்குப் பதிந்தனர்.
பெரியகுளம் அருகே மருகால்பட்டியில் கல்லலான அம்பேத்கார் சிலை உள்ளது. இந்நிலையில் குள்ளப்புரத்தை சேர்ந்த வையாபுரி உள்பட 20 பேர் மருகால்பட்டியில் கடந்த புதன்கிழமை தகராறில் ஈடுபட்டனராம். 
இதைத் தொடர்ந்து வியாழக்கிழமை அம்பேத்கர் சிலையின் மூக்கு பகுதி சேதமடைந்த நிலையில்  இருந்துள்ளது. இது குறித்து அப்பகுதியினர் ஜெயமங்கலம் 
காவல் நிலையத்தில் புகார் செய்துள்ளனர். இதன் பேரில் குள்ளப்புரத்தைச் சேர்ந்த 20 பேர் மீது போலீஸார் வழக்குப் பதிந்து விசாரித்து வருகின்றனர். 
இந்நிலையில் சிலையைச் சேதப்படுத்தியவர்களை உடனடியாகக் கைது செய்யக் கோரி மருகால்பட்டி பகுதி கிராம மக்கள் அப்பகுதியில் சாலை மறியலில் ஈடுபட்டனர். இவர்களுடன் போலீஸார் பேச்சுவார்த்தை நடத்தி பிரச்னையில் ஈடுபட்டவர்கள் மீது தகுந்த நடவடிக்கை எடுக்கப்படும் என உறுதி அளித்ததைத் தொடர்ந்து மறியலைக் கைவிட்டு கிராம மக்கள் கலைந்து சென்றனர்.
 

]]>
http://www.dinamani.com/all-editions/edition-madurai/theni/2018/nov/09/அம்பேத்கர்-சிலை-அவமதிப்பு-20-பேர்-மீது-வழக்குப்-பதிவு-3035143.html
3035142 மதுரை தேனி உத்தமபாளையம் அருகே பைக் மீது சரக்கு வாகனம் மோதி 2 பேர் சாவு DIN DIN Friday, November 9, 2018 04:20 AM +0530 தேனி மாவட்டம் உத்தமபாளையம் அருகே புதன்கிழமை இரவு இரு சக்கர வாகனத்தின் மீது சரக்கு வாகனம் மோதியதில்  2 பேர் உயிரிழந்தனர்.
கம்பம்-புதுப்பட்டியை சேர்ந்த சுருளிவேல் மகன் சூர்யா, இதே பகுதி பள்ளிவாசல்  தெருவைச் சேர்ந்த அப்பாஸ் மந்திரி மகன் சுருளி மஸ்தான்(32) மற்றும் விகாரி சிக்கந்தர் மகன் காதர் மைதீன்(30) ஆகிய 3 பேரும் இரு சக்கர வாகனத்தில் உத்தமபாளையம் நோக்கி சென்றனர். 
அப்போது, காக்கில் சிக்கையன்பட்டி அருகே முன்னால் சென்ற காரை முந்திச் செல்ல முயன்றனர். அப்போது எதிரே வந்த சரக்கு வாகனம் இவர்கள் சென்ற இரு சக்கர வாகனத்தின் மீது மோதியது. இதில், காதர் மைதீன் சம்பவ இடத்திலேயே உயிரிழந்தார். சுருளி மஸ்தான் உத்தமபாளையம் அரசு மருத்துவமனைக்கு கொண்டு செல்லும் வழியில் இறந்தார்.   பலத்த காயமடைந்த சூர்யா உத்தமபாளையம் அரசு மருத்துவமனையில் சிகிச்சை பெற்று வருகிறார். 
உறவினர்கள் மறியல்: இதைத் தொடர்ந்து இளைஞர்களின் உறவிர்கள் காக்கில் சிக்கையன்பட்டி மற்றும் உத்தமபாளையத்தில் நள்ளிரவில் மறியலில் ஈடுபட்டனர். உத்தமபாளையம் காவல் துணைக் கண்காணிப்பாளர் சீமைச்சாமி உள்ளிட்ட போலீஸார் சாலை மறியல் செய்தவர்களிடம் உரிய நடவடிக்கை எடுப்பதாக கூறி  சமரசம் செய்தனர். மேலும் சம்பவ இடத்தை மாவட்ட காவல் கண்காணிப்பாளர் பாஸ்கரன் பார்வையிட்டார்.
இதனை அடுத்து உத்தமபாளையம் போலீஸார் வழக்குப் பதிவு செய்து, சரக்கு வாகன ஓட்டுநரான கூடலூரை சேர்ந்த  உதயன் மகன் தங்க காமனை(29) கைது செய்தனர். இறந்தவர்களின் சடலங்கள்  பிரேத பரிசோதனைக்குப் பிறகு உறவிர்களிடம் வியாழக்கிழமை ஒப்படைக்கப்பட்டது.

]]>
http://www.dinamani.com/all-editions/edition-madurai/theni/2018/nov/09/உத்தமபாளையம்-அருகே-பைக்-மீது-சரக்கு-வாகனம்-மோதி-2-பேர்-சாவு-3035142.html
3035140 மதுரை தேனி தேனி, பெரியகுளத்தில் "சர்கார்' திரைப்படத்துக்கு எதிர்ப்பு  பதாகைகள் கிழிப்பு; திரையிடல் பாதியில் நிறுத்தம் DIN DIN Friday, November 9, 2018 04:19 AM +0530 தேனி, பெரியகுளத்தில் சர்கார் திரைப்படத்துக்கு எதிர்ப்பு தெரிவித்து அதிமுகவினர் பதாகைகளை கிழித்து எதிர்ப்பு தெரிவித்ததால் திரையிடல் பாதியிலேயே நிறுத்தப்பட்டது. 
பெரியகுளத்தில் சர்கார் திரைப்படம் 2 திரையரங்குகளில் தீபாவளியன்று திரையிடப்பட்டது. இப்படத்துக்கு எதிர்ப்புத் தெரிவித்து தமிழகமெங்கும் அதிமுகவினர் பேராட்டத்தில் ஈடுபட்டு வருகின்றனர். 
இந்நிலையில் வியாழக்கிழமை மாலை சர்கார் திரையிடப்பட்டிருந்த திரையரங்கம் முன் அதிமுகவினர் சுமார் 50 க்கு மேற்பட்டோர் முற்றுகையிட்டனர். இதனால் திரைப்படம் பாதியிலேயே நிறுத்தப்பட்டது. மேலும் திரையரங்கம் முன் வைக்கப்பட்டிருந்த பதாகைகள் கிழிக்கப்பட்டன.  அதே போல் மற்றொரு திரையரங்கில் அதிமுகவினர் எதிர்ப்பு தெரிவித்தையடுத்து அங்கும் மாலை காட்சி ரத்து செய்யப்பட்டது.
தேனியில்... சர்கார் திரைப்படம் 3 திரையரங்குகளில் திரையிடப்பட்டிருந்தது. இந்த திரைப்படத்தில் சர்ச்சைக்குரிய காட்சிகள் இடம் பெற்றுள்ளதாக எதிர்ப்புத் தெரிவித்து, பல்வேறு இடங்களில் அதிமுக வினர் பதாகை கிழிப்பு மற்றும் திரையரங்கு முற்றுகையில் ஈடுபட்ட சம்பவத்தை அடுத்து, ரசிகர் மன்றத்தினர் வைத்திருந்த பதாகைகள் காவல் துறை உத்தரவின் பேரில் அகற்றப்பட்டன.
மேலும் இத்திரைப்படத்துக்கு எதிர்ப்பு தெரிவித்து திரையரங்குகள் முன் அதிமுக வினர் குவிந்ததால், 3 திரையரங்குகளிலும் இரவு 10 மணி காட்சி ரத்து செய்யப்பட்டது.
கொடைக்கானலில் ரசிகர்கள் ரகளை: கொடைக்கானலில் பெர்ன்ஹில்சாலையிலுள்ள திரையரங்கில் தீபாவளியன்று சர்கார் திரைப்படம் வெளியிடப்பட்டது. இரவு 10-மணி காட்சியில் அதிகமான கூட்டம் காணப்பட்டது. 
இதனைத் தொடர்ந்து போலீஸார் பாதுகாப்பு பணியில் ஈடுபட்டிருந்தனர். அப்போது அங்கு வந்த ரசிகர்கள் சிலர் குடிபோதையில் பொது மக்களிடம் தகராறில் ஈடுபட்டனர். இதனைத் தொடர்ந்து பாதுகாப்புப் பணியில் ஈடுபட்டிருந்த காவலர்கள் அவர்களை கண்டித்தனர். 
இதில் காவல் துறையினருக்கும், ரசிகர்களுக்கும் இடையே பிரச்னை ஏற்பட்டது. இதில் ரசிகர்கள் தாக்கியதில் காவலர் உள்ளிட்ட 5 பேர் காயமடைந்தனர். இதனைத் தொடர்ந்து திரையரங்க மேலாளர் ஜெயபிரகாஷ் அளித்த புகாரின் பேரில் போலீஸார் வழக்குப் பதிவு செய்து  பெருமாள்மலையைச் சேர்ந்த பாண்டி மகன் விக்னேஷ்(22), கணேசன் மகன் அஜித்குமார்(21), மதுரை மாவட்டம் உசிலம்பட்டியைச் சேர்ந்த பழனிச்சாமி மகன் நாராயணன்(25), திருநெல்வேலி மாவட்டம் சிவகிரி பகுதி காமராஜர் கீழ்த் தெருவைச் சேர்ந்த ராஜா மகன் ராபர்ட்ஜேபஷ்(23) ஆகிய 4 பேரை கைது செய்தனர்.

]]>
http://www.dinamani.com/all-editions/edition-madurai/theni/2018/nov/09/தேனி-பெரியகுளத்தில்-சர்கார்-திரைப்படத்துக்கு-எதிர்ப்பு-பதாகைகள்-கிழிப்பு-திரையிடல்-பாதியில்-நிற-3035140.html
3035139 மதுரை தேனி குடிபோதையில் தகராறு: 3 இளைஞர்கள் கைது DIN DIN Friday, November 9, 2018 04:18 AM +0530 தேனி மாவட்டம் ஆண்டிபட்டியில் குடி போதையில் தகராறில் ஈடுபட்ட 3 இளைஞர்களை போலீஸார் வியாழக்கிழமை கைது செய்தனர்.
ஆண்டிபட்டி அருகே உள்ள சக்கம்பட்டி சுப்பிரமணிகோயில் தெருவை சேர்ந்தவர் திருப்பதி(40). கூலித்தொழிலாளி. இவர் அப் பகுதியில் நடந்து சென்ற போது அதே பகுதியை சேர்ந்த 3 இளைஞர்கள் மது குடித்துவிட்டு  தகராறில் ஈடுபட்டனர். இதனை கண்டித்த திருப்பதியை 3 பேரும் தாக்கியதாகக் கூறப்படுகிறது. இது குறித்து திருப்பதி ஆண்டிபட்டி காவல் நிலையத்தில் அளித்தப்  புகாரின் பேரில் வழக்குப் பதிவு செய்த போலீஸார், தகராறில் ஈடுபட்டதாக அதே பகுதியை சேர்ந்த காளிதாஸ்(24), சுந்தரம்(26), கணேசன்(26) ஆகிய 3 பேரைகைது செய்தனர்.
 

]]>
http://www.dinamani.com/all-editions/edition-madurai/theni/2018/nov/09/குடிபோதையில்-தகராறு-3-இளைஞர்கள்-கைது-3035139.html
3035138 மதுரை தேனி போடியில் ஸ்டுடியோ உரிமையாளர் கத்தியால் குத்திக் கொலை DIN DIN Friday, November 9, 2018 04:17 AM +0530 போடியில் வியாழக்கிழமை  ஸ்டுடியோ உரிமையாளர் கத்தியால் குத்தி கொலை செய்யப்பட்டார்.
போடி திருமலாபுரத்தை சேர்ந்தவர் கனகவேல் மகன் செல்வப்பாண்டியன் (45). இவர் திருமலாபுரம் மாரியம்மன் கோயில் பின்புறம் ஸ்டுடியோ நடத்தி வருகிறார். 
இவருக்கும் இப்பகுதியை சேர்ந்த கார்த்திக் என்பவருக்கும் முன் விரோதம் இருந்துள்ளது. சில தினங்களுக்கு முன் செல்வபாண்டியன் கடைக்கு சென்று கார்த்திக் தகராறு செய்துள்ளார்.
இந்நிலையில் வியாழக்கிழமை மாலை செல்வபாண்டியன் ஸ்டுடியோவில் இருந்துள்ளார். அப்போது திடீரென செல்வபாண்டியனின் அலறல் சத்தம் கேட்டுள்ளது.  அங்கிருந்தவர்கள் ஸ்டுடியோவிற்குள் சென்று பார்த்தபோது பல இடங்களில் கத்தியால் குத்தப்பட்டு ரத்த வெள்ளத்தில் செல்வபாண்டியன் கிடந்தார்.
     அவரை மீட்டு போடி அரசு மருத்துவமனையில் அனுமதித்தனர். அங்கு அவர் வியாழக்கிழமை உயிரிழந்தார். இதுகுறித்து போடி நகர் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/theni/2018/nov/09/போடியில்-ஸ்டுடியோ-உரிமையாளர்-கத்தியால்-குத்திக்-கொலை-3035138.html
3035137 மதுரை தேனி பிளக்ஸ் பேனர் வைக்க அனுமதி மறுப்பு: ஆண்டிபட்டியில் அ.ம.மு.கவினர் மறியல் DIN DIN Friday, November 9, 2018 04:17 AM +0530 தேனி மாவட்டம், ஆண்டிபட்டியில் பதாகைகள் (பிளக்ஸ் பேனர்) வைக்க போலீஸார் அனுமதி தர மறுத்ததால் அம்மா மக்கள் முன்னேற்றக் கழகத்தினர் தேனி -மதுரை நெடுஞ்சாலையில் 
வியாழக்கிழமை மறியலில் ஈடுபட்டனர்.
ஆண்டிபட்டி தொகுதியில் தமிழக அரசு வளர்ச்சிப் பணிகளை செய்யவில்லை எனக் கூறி, அம்மா மக்கள் முன்னேற்றக் கழகத்தின் சார்பில் அக் கட்சியின் கொள்கை பரப்பு செயலாளர் தங்க. தமிழ்ச்செல்வன் தலைமையில் உண்ணாவிரத போராட்டம் வருகிற 10 ஆம் தேதி அறிவிக்கப்பட்டுள்ளது. 
இதனையடுத்து உண்ணாவிரத போராட்டத்துக்கான ஏற்பாடுகள் தீவிரமாக நடைபெற்று வருகின்றன. இந்த உண்ணாவிரத போராட்டத்துக்காக அமமுக நிர்வாகிகள்சார்பில் பதாகைகள் வைக்கப்பட்டு வருகின்றன. இதற்கிடையே அதிமுக சார்பில் வருகிற 11 ஆம் தேதி ஆண்டிப்பட்டியில் ஊழியர்கள் கூட்டம் நடத்தப்படுவதாக அறிவிக்கப்பட்டது. 
அதிமுகவினரும் ஊழியர் கூட்டத்துக்கு  பேனர்கள் வைக்க முன்வந்ததால் இரு தரப்பினருக்கிடையே பிரச்னை ஏற்பட்டது. இதில் போலீஸார் தலையிட்டு ஆண்டிபட்டியில் ஒருபகுதியில் அமமுகவினரும், மற்றொரு பகுதியில் அதிமுகவினரும் பேனர்கள் வைத்துக் கொள்ள அறிவுறுத்தினர். இதில் சுமூக உறவு ஏற்படுவில்லை. 
இந்நிலையில் அமமுகவினரின் ஏற்பாடுகளை பார்வையிடுவதற்காக ஆண்டிபட்டி வந்த தங்க. தமிழ்ச்செல்வன் தங்களுக்குஅனுமதி மறுக்கப்படுவதாகக் கூறி திடீரென எம்.ஜி.ஆர். சிலை அருகே தேனி- மதுரை தேசிய நெடுஞ்சாலையில் அமர்ந்து மறியல் போராட்டத்தில் ஈடுபட்டார். இதனையடுத்து அங்கு வந்த போலீஸார் அவருடன் பேச்சுவார்த்தையில் ஈடுபட்டனர். ஆனால் அமமுகவினர் மறியலைக் கைவிட மறுத்துவிட்டனர். 
இதையடுத்து ஆண்டிபட்டி காவல் துணை கண்காணிப்பாளர் சீனவாசன் விரைந்து வந்து, அவரிடம் பேச்சு வார்த்தையில் ஈடுபட்டார். இதன் பிறகு மறியல் கைவிடப்பட்டது. பின்னர் காவல் நிலையத்தில் நடைபெற்ற பேச்சுவார்த்தையில், தங்க.தமிழ்ச் செல்வன் தரப்பில் இருந்து புகார் கொடுத்தால் உரிய நடவடிக்கை எடுப்பதாக  போலீஸார் தெரிவித்தனர். 
இதனைத் தொடர்ந்து போலீஸாரிடம் அமமுக சார்பில் புகார் அளிக்கப்பட்டது.
பின்னர் தங்க.தமிழ்ச்செல்வன் செய்தியாளர்களிடம் கூறியதாவது,
தொகுதி மக்களுக்கு எந்தவிதமான வளர்ச்சிப் பணிகளையும் மேற்கொள்ளாத தமிழக அரசை கண்டித்து, நாங்கள் நீதிமன்றத்தில் அனுமதி பெற்று வருகிற நவ. 10 ஆம் தேதி உண்ணாவிரத போராட்டம் நடத்துகிறோம். அதே நேரம் எங்கள் உண்ணாவிரதத்தில் குழப்பம் ஏற்படுத்த வேண்டும் என்று எண்ணிய அதிமுகவினர் 11 ஆம் தேதி ஊழியர் கூட்டம் நடத்துவதாக அறிவித்து, அவர்களும் பதாகைகள் வைக்கின்றனர். 
காவல்துறை ஒரு தலை பட்சமாக செயல்படுகிறது. அதிமுகவினர் 12 ஆம் தேதிக்கு பின்னர் கூட்டத்தை நடத்திக் கொள்ளலாம். எங்கள் உண்ணாவிரதம் முடியும் வரையில் அவர்களின் பதாகைகளை அகற்றிக் கொள்ள வேண்டும். 
மீறினால் ஆண்டிபட்டி நகரில் பெரிய அளவில் போராட்டங்கள் நடைபெறும் என்றார்.
 

]]>
http://www.dinamani.com/all-editions/edition-madurai/theni/2018/nov/09/பிளக்ஸ்-பேனர்-வைக்க-அனுமதி-மறுப்பு-ஆண்டிபட்டியில்-அமமுகவினர்-மறியல்-3035137.html
3035135 மதுரை தேனி போடியில் ஏ.டி.எம். இயந்திரத்தை உடைத்து திருட முயன்றவர் கைது DIN DIN Friday, November 9, 2018 04:16 AM +0530 போடியில் வியாழக்கிழமை ஏ.டி.எம். இயந்திரத்தை உடைத்து திருட முயன்ற இளைஞரை போலீஸார் கைது செய்தனர்.
போடி சுப்பன் செட்டி பஜார் ஜீவன் தியேட்டர் அருகே பாரத ஸ்டேட் வங்கிக்கு சொந்தமான ஏ.டி.எம். மையம் செயல்பட்டு வருகிறது. இத் தெருவில் இரு பக்கமும் 100-க்கும் மேற்பட்ட கடைகள் உள்ளன. புதன் கிழமை இரவு அனைத்துக் கடைகளும் பூட்டப்பட்டிருந்தன. இதனால் இத்தெரு இருளில் மூழ்கியிருந்தது. ஏ.டி.எம். மையத்தில் மட்டும் மின் விளக்கு எரிந்து கொண்டிருந்தது.
இந்நிலையில் வியாழக்கிழமை அதிகாலை அப்பகுதியில் ரோந்து வந்த போலீஸார் ஏ.டி.எம். மையத்தில் மின் விளக்கு எரியாததைக் கண்டு அங்கு சென்று பார்த்தனர். அப்போது ஏ.டி.எம் இயந்திரத்தின் மேற்பகுதி உடைக்கப்பட்டிருந்தது தெரிந்தது. இதனையடுத்து ரோந்து போலீஸார் போடி நகர் காவல் நிலையத்துக்கு தகவல் தெரிவித்தனர்.
அதன் பேரில் போடி நகர் 
காவல் நிலைய ஆய்வாளர்கள் சேகர், காயத்ரி, சார்பு ஆய்வாளர்கள் ராஜலிங்கம், விக்னேஷ் பிரபு, நடராஜன் ஆகியோர் சம்பவ இடத்திற்கு வந்து பார்வையிட்டனர். பின்னர் வங்கி நிர்வாகத்திற்கு தகவல் அளித்தனர். மேலும் சம்பவ இடத்தை போடி காவல் துணை கண்காணிப்பாளர் தி.ஈஸ்வரன் பார்வையிட்டார். இதைத் தொடர்ந்து குற்றவாளிகளை பிடிக்க தனிப்படை அமைத்தார். 
விசாரணையில் ஏ.டி.எம் மையம் அருகே இருந்த தியேட்டரில் நள்ளிரவு காட்சி முடிந்த பின் கற்களால் ஏ.டி.எம். இயந்திரத்தை உடைத்து திருட முயன்றது  தெரிந்தது. இதனையடுத்து போலீஸார் அங்கு பொருத்தப்பட்டிருந்த கண்காணிப்பு கேமரா காட்சிகளை வைத்து திருடிய நபர் போடி சூரியா நகர் புதுக்காலனியை சேர்ந்த கிருஷ்ணன் மகன் மகேஷ்கண்ணன் (34) என்பதை கண்டறிந்தனர்.
இதைத் தொடர்ந்து மகேஷ்கண்ணனை போலீஸார் கைது செய்தனர். ஏ.டி.எம். இயந்திரத்தை உடைக்க முடியாததால் அதில் இருந்த ரூ.19 லட்சத்து 74 ஆயிரம் பணம்  தப்பியது.

]]>
http://www.dinamani.com/all-editions/edition-madurai/theni/2018/nov/09/போடியில்-ஏடிஎம்-இயந்திரத்தை-உடைத்து-திருட-முயன்றவர்-கைது-3035135.html
3035133 மதுரை தேனி தேவாரத்தில் நவம்பர்  10 மின் தடை DIN DIN Friday, November 9, 2018 04:15 AM +0530 தேவாரம் பகுதியில்  சனிக்கிழமை (நவ. 10) மின் தடை ஏற்படும் என அறிவிக்கப்பட்டுள்ளது.
தேவாரம் துணை மின் நிலையத்தில் சனிக்கிழமை மாதாந்திர பராமரிப்புப் பணிகள் நடைபெற உள்ளன.
எனவே, அன்றைய தினம் காலை 9.45 மணி முதல் பிற்பகல் 4.45 மணி வரை தேவாரம், மீனாட்சிபுரம், மூனாண்டிபட்டி, போ.ரங்கநாதபுரம், லட்சுமிநாயக்கன்பட்டி, தே.சிந்தலைச்சேரி, பொம்மிநாயக்கன்பட்டி, தம்மிநாயக்கன்பட்டி, தே.சொக்கலிங்கபுரம், செல்லாயிபுரம், மேட்டுப்பட்டி, கிருஷ்ணம்பட்டி, ஓவுலாபுரம் ஆகிய பகுதிகளில் மின் விநியோகம் நிறுத்தப்படும் என்று தேனி மின் வாரிய செயற்பொறியாளர் சொ.லட்சுமி தெரிவித்துள்ளார்.

]]>
http://www.dinamani.com/all-editions/edition-madurai/theni/2018/nov/09/தேவாரத்தில்-நவம்பர்--10-மின்-தடை-3035133.html
3035129 மதுரை தேனி போடியில் சண்டையை விலக்க வந்தவரை தாக்கிய 5 பேர் கைது DIN DIN Friday, November 9, 2018 04:12 AM +0530 போடியில் சண்டையை விலக்க வந்தவரை தாக்கிக் கொலை மிரட்டல் விடுத்த 5 பேரை போலீஸார்  வியாழக்கிழமை கைது செய்தனர்.
போடி குப்பிநாயக்கன்பட்டி காமராஜர் தெருவை சேர்ந்தவர் கோவிந்தராஜ் மகன் சுதர்சன் (28). இவர் வீட்டுக்கு அடுத்த தெருவில் வசிக்கும் திலீப் என்பவருடன் சிலர் தகராறு செய்தனர். இதனையடுத்து அவர்களை சமரசம் செய்ய சுதர்சன் சென்றுள்ளார். அப்போது தகராறில் ஈடுபட்டவர்கள் சுதர்சனை கம்பி மற்றும் கற்களால் தாக்கி கொலை மிரட்டல் விடுத்ததாகக் கூறப்படுகிறது.
இதில் பலத்த காயமடைந்த சுதர்சன் போடி அரசு மருத்துவமனையில் சேர்க்கப்பட்டார். அவரது புகாரின் பேரில் போடி நகர் காவல் நிலைய போலீஸார் வழக்குப் பதிந்து போடி குப்பிநாயக்கன்பட்டி பிள்ளையார் கோயில் தெருவைச் சேர்ந்த முருகவேல் (57), இவரது மகன் கிரிவண்ணன் (23), அஜ்மல்சுகைப் (25), ஹர்சத் அன்வர் (25), முகமது ராபித் (25) ஆகியோரை கைது செய்தனர்.
 

]]>
http://www.dinamani.com/all-editions/edition-madurai/theni/2018/nov/09/போடியில்-சண்டையை-விலக்க-வந்தவரை-தாக்கிய-5-பேர்-கைது-3035129.html
3035125 மதுரை தேனி போடியில் கஞ்சா வைத்திருந்தவர் கைது DIN DIN Friday, November 9, 2018 04:11 AM +0530 போடியில் கஞ்சா வைத்திருந்தவரை போலீஸார் வியாழக்கிழமை கைது செய்தனர்.
போடி பெரியாண்டவர் கோயில் பகுதியில் போடி நகர் காவல் நிலைய சார்பு ஆய்வாளர் விக்னேஷ் பிரபு மற்றும் போலீஸார் ரோந்து சென்றனர். அப்போது அங்கு சந்தேகத்திற்கிடமான முறையில் நின்றிருந்த போடி குலாலர்பாளையத்தை சேர்ந்த பாண்டி (58) என்பவரிடம் சோதனை செய்ததில் அவரிடம் 250 கிராம் கஞ்சா வைத்திருந்தது தெரிந்தது.
இதனையடுத்து அவர் மீது வழக்குப் பதிவு செய்த போலீஸார் பாண்டியை கைது செய்து அவரிடம் இருந்து கஞ்சாவைப் பறிமுதல் செய்தனர்.
 

]]>
http://www.dinamani.com/all-editions/edition-madurai/theni/2018/nov/09/போடியில்-கஞ்சா-வைத்திருந்தவர்-கைது-3035125.html
3034467 மதுரை தேனி தீபாவளி விடுமுறை சோத்துப்பாறை அணை, கும்பக்கரை அருவிக்கு சுற்றுலாப் பயணிகள் வருகை அதிகரிப்பு DIN DIN Thursday, November 8, 2018 01:16 AM +0530
தீபாவளி விடுமுறையையொட்டி சோத்துப்பாறை அணை, கும்பக்கரை அருவியில் புதன்கிழமை சுற்றுலாப் பயணிகளின் வருகை அதிகமாகக் காணப்பட்டது.
தீபாவளி பண்டிகை விடுமுறையையொட்டி, பெரும்பாலானோர் தங்களது குடும்பத்தினர், உறவினர்களுடன் சுற்றுலாதலங்களுக்கு சென்று வருகின்றனர். அதன்படி, பெரியகுளம் அருகே 10 கி.மீ தூரத்தில் உள்ள சோத்துப்பாறை அணைக்கு புதன்கிழமை ஏராளமான சுற்றுலாப் பயணிகள் வந்திருந்தனர்.
இதேபோல் கும்பக்கரை அருவியில் புதன்கிழமை காலை 8 மணி முதல் சுற்றுலாப் பயணிகள் அனுமதிக்கப்பட்டனர். தேனி மாவட்டம் மட்டுமல்லாது தமிழகத்தின் பல்வேறு பகுதிகளில் இருந்தும் ஏராளமானோர் வந்திருந்து அருவியில் குளித்து மகிழ்ந்தனர்.
மேலும், அகமலை செல்லும் வழியில் உள்ள தலசியாறு மற்றும் பல்வேறு பகுதிகளில் சுற்றுலாப் பயணிகளின் கூட்டம் காணப்பட்டது.

 

]]>
http://www.dinamani.com/all-editions/edition-madurai/theni/2018/nov/08/தீபாவளி-விடுமுறை-சோத்துப்பாறை-அணை-கும்பக்கரை-அருவிக்கு-சுற்றுலாப்-பயணிகள்-வருகை-அதிகரிப்பு-3034467.html
3034466 மதுரை தேனி ஆண்டிபட்டி அருகே வனத்துறை முட்டுக்கட்டையால் சாலைப் பணி முடக்கம் DIN DIN Thursday, November 8, 2018 01:16 AM +0530
ஆண்டிபட்டி அருகே வனத்துறை முட்டுக்கட்டையால் பல ஆண்டுகளாக சாலைப் பணி முடங்கியுள்ளதால் கிராம மக்கள் அவதிக்குள்ளாகி வருகின்றனர்.
தேனி மாவட்டம், ஆண்டிபட்டி ஊராட்சி ஒன்றியம், டி.சுப்புலாபுரம் அருகே டி.புதூர் கிராமம் உள்ளது. இங்கு நூற்றுக்கணக்கான குடும்பத்தினர் வசித்து வருகின்றனர். இக்கிராம மாணவர்கள் 50-க்கும் மேற்பட்டோர் டி.சுப்புலாபுரத்தில் உள்ள பள்ளிக்கு சென்று பயின்று வருகின்றனர்.
டி.சுப்புலாபுரம் - டி. புதூர் இடையே 2 கி.மீ. தூரத்துக்கு கடந்த சில ஆண்டுகளுக்கு முன், சாலை அமைக்க நிதி ஒதுக்கப்பட்டது. ஆனால், இதில் சுமார் 800 மீ. தூரம் வனத்துறைக்கு சொந்தமான இடத்தில் வருவதாக கூறி, அப்பகுதியில் சாலை அமைக்க வனத்துறையினர் தடைவிதித்தனர்.
இதனால் 800 மீட்டர் தவிர மற்ற இடங்களில் சாலை அமைக்கப்பட்டுள்ளது. ஆனால் இடைப்பட்ட இந்த இடத்தில் சாலை அமைக்கப்படாததால் பல ஆண்டுகளாக இந்த சாலை முழுமையடையாமல் உள்ளது.
அரசு ஆரம்ப சுகாதார நிலையம், வங்கி, பள்ளிக்கூடம், ரேசன் கடை உள்ளிட்ட அனைத்து வசதிகளுக்கும் இப்பகுதி மக்கள் டி.சுப்புலாபுரம் வரவேண்டியுள்ளது. சாலை முழுமையாக அமைக்கப்படாததால் டி.புதூர் கிராமத்துக்கு பேருந்துகளும் இயக்கப்படவில்லை. சாலை அமைக்கப்படாத பகுதிகளில் மழைக்காலத்தில் சேறும் சகதியுமாக மாறிவிடுகிறது.
எனவே டி.சுப்புலாபுரம் - டி.புதூர் இடையே வனத்துறையால் முழுமைபெறாமல் இருக்கும் சாலையை புதுப்பிக்க மாவட்ட நிர்வாகம் உரிய நடவடிக்கை எடுக்க வேண்டும் என இப்பகுதி மக்கள் கோரிக்கை
விடுத்துள்ளனர்.

 

]]>
http://www.dinamani.com/all-editions/edition-madurai/theni/2018/nov/08/ஆண்டிபட்டி-அருகே-வனத்துறை-முட்டுக்கட்டையால்-சாலைப்-பணி-முடக்கம்-3034466.html
3034465 மதுரை தேனி தொழிலாளர் நலத்துறை சார்பில் ரூ.47.98 கோடி நலத்திட்ட உதவி வழங்கல் DIN DIN Thursday, November 8, 2018 01:16 AM +0530
தேனி மாவட்டத்தில் தொழிலாளர் நலத்துறையின் கீழ் கடந்த 7 ஆண்டுகளில் 1,81,501 பயனாளிகளுக்கு ரூ. 47.98 கோடி நலத்திட்ட உதவி வழங்கப்பட்டுள்ளதாக மாவட்ட ஆட்சியர் ம.பல்லவி பல்தேவ் தெரிவித்துள்ளார்.
இதுதொடர்பாக புதன்கிழமை அவர் வெளியிட்டுள்ள செய்திக்குறிப்பு:
தொழிலாளர் நலத்துறையின் கீழ் செயல்படும் 17 தொழிலாளர்கள் நல வாரியத்தின் கீழ் உறுப்பினர்களாக சேரும் தொழிலாளர்களுக்கு கல்வி உதவித்தொகை, திருமண உதவித்தொகை, கண்கண்ணாடி உதவித்தொகை, இயற்கை மரண உதவித்தொகை என பல்வேறு உதவித்தொகை வழங்கப்பட்டு வருகிறது.
மாவட்டத்தில் தொழிலாளர் நலத்துறையின் கீழ் கடந்த 11.5.2011 முதல் 30.9.2018 வரை 1,72,207 தொழிலாளர்களின் குழந்தைகளுக்கு கல்வி உதவித்தொகையாக ரூ.33.50 லட்சம், 1914 தொழிலாளர்களுக்கு திருமண உதவித்தொகையாக ரூ.67.01 லட்சம் மற்றும் பல்வேறு உதவித்தொகை என 7 ஆண்டுகளில் மொத்தம் 1,81,501 பயனாளிகளுக்கு ரூ.47.98 கோடி மதிப்பிலான நலத்திட்ட உதவி வழங்கப்பட்டுள்ளது என அதில் கூறப்பட்டுள்ளது.

 

]]>
http://www.dinamani.com/all-editions/edition-madurai/theni/2018/nov/08/தொழிலாளர்-நலத்துறை-சார்பில்-ரூ4798-கோடி-நலத்திட்ட-உதவி-வழங்கல்-3034465.html
3034455 மதுரை தேனி வைகை அணையிலிருந்து 58 கிராம கால்வாயில் தண்ணீர் திறப்பு: 3 மாவட்ட விவசாயிகள் மகிழ்ச்சி DIN DIN Thursday, November 8, 2018 01:12 AM +0530
ஆண்டிபட்டி அருகே வைகை அணையிலிருந்து 58 கிராம கால்வாயில் இரண்டாவது முறையாக சோதனை ஓட்டத்துக்காக புதன்கிழமை மாலை தண்ணீர் திறக்கப்பட்டது. இதனால் தேனி, திண்டுக்கல், மதுரை மாவட்ட விவசாயிகள் மகிழ்ச்சியடைந்துள்ளனர்.
தென்மேற்கு பருவமழை மற்றும் கேரளத்தில் பெய்த கனமழை காரணமாக வைகை அணை கடந்த ஆகஸ்ட் மாதம் 69 அடியை எட்டியது. அப்போது அணையிலிருந்து 58 கிராம கால்வாயில் சோதனை ஓட்டத்துக்காக கடந்த ஆக.23 ஆம் தேதி 100 கன அடி வீதம் தண்ணீர் திறக்கப்பட்டது. வைகை அணை நீர்மட்டம் குறைந்ததைத் தொடர்ந்து, தண்ணீர் நிறுத்தப்பட்டது.
இந்நிலையில், தொடர் மழை காரணமாக இந்த ஆண்டு இரண்டாவது முறையாக வைகை அணை முழுக் கொள்ளளவை எட்டியது.
அதையடுத்து, 58 கிராம கால்வாயில் மீண்டும் சோதனை ஓட்டத்துக்கு தண்ணீர் திறக்க வேண்டும் என தேனி, திண்டுக்கல், மதுரை மாவட்ட விவசாயிகள் கோரிக்கை விடுத்தனர். இந்நிலையில் புதன்கிழமை மாலை வைகை அணையிலிருந்து 58 கிராம கால்வாயில் சோதனை ஓட்டத்துக்காக வினாடிக்கு 100 கன அடி வீதம் தண்ணீர் திறக்கப்பட்டது. இதனால் 3 மாவட்ட விவசாயிகளும், பொதுமக்களும் மகிழ்ச்சியடைந்துள்ளனர்.
கால்வாயில் திறக்கப்படும் தண்ணீரின் அளவு படிப்படியாக வினாடிக்கு 300 கன அடி வரை அதிகரிக்கப்படும் என பொதுப்பணித் துறையினர் தெரிவித்தனர்.

 

]]>
http://www.dinamani.com/all-editions/edition-madurai/theni/2018/nov/08/வைகை-அணையிலிருந்து-58-கிராம-கால்வாயில்-தண்ணீர்-திறப்பு-3-மாவட்ட-விவசாயிகள்-மகிழ்ச்சி-3034455.html
3034454 மதுரை தேனி தேனி மாவட்டத்தில் விதி மீறி பட்டாசு வெடித்த 9 பேர் மீது வழக்கு DIN DIN Thursday, November 8, 2018 01:11 AM +0530
தேனி மாவட்டத்தில் தடை செய்யப்பட்ட நேரத்தில் பட்டாசு வெடித்ததாக 9 பேர் மீது போலீஸார் செவ்வாய்க்கிழமை வழக்குப்பதிவு செய்துள்ளனர்.
தீபாவளி அன்று தமிழகத்தில் காலை 6 முதல் 7 மணி வரையும், இரவு 7 முதல் 8 மணி வரை மட்டுமே பட்டாசு வெடிக்க வேண்டும் என அரசு அறிவித்திருந்தது. இந்நிலையில், தேனி மாவட்டத்தில் இந்த நேரக்கட்டுப்பாட்டை மீறி பட்டாசு வெடித்த 9 பேர் மீது போலீஸார் வழக்குப்பதிவு செய்துள்ளனர். அதன்படி போடி கீழத்தெருவைச் சேர்ந்த முருகேசன் (25) , போடி புதூரைச் சேர்ந்த பாண்டியன் (41), அதே பகுதியை சேர்ந்த மணிகண்டன் (35), பெரியகுளம் அருகே கெங்குவார்பட்டியில் முத்துச்சாமி (34), சண்முகராஜா (23), தேவதானப்பட்டி தங்கப்பாண்டி (30), அதே பகுதியைச் சேர்ந்த முத்தையா(25), பாண்டி (23), சிவா (30) ஆகியோர் மீது அப்பகுதி போலீஸார் வழக்குப்பதிந்து விசாரித்து வருகின்றனர்.

 

]]>
http://www.dinamani.com/all-editions/edition-madurai/theni/2018/nov/08/தேனி-மாவட்டத்தில்-விதி-மீறி-பட்டாசு-வெடித்த-9-பேர்-மீது-வழக்கு-3034454.html
3034453 மதுரை தேனி கம்பத்தில் இரட்டை மாட்டுவண்டி எல்கை பந்தயம் DIN DIN Thursday, November 8, 2018 01:11 AM +0530
தேனி மாவட்டம் கம்பத்தில் பகவதியம்மன் கோயில் திருவிழாவை முன்னிட்டு, இரட்டை மாட்டு வண்டி எல்கை பந்தயம் புதன்கிழமை நடைபெற்றது.
கம்பம் காமு குல ஒக்கலிகர் (காப்பிலிய) சமுதாயத்தினர் சார்பில் 59 ஆம் ஆண்டாக கம்பம் - குமுளிச் சாலையில் இப்பந்தயம் நடைபெற்றது. நிகழ்ச்சிக்கு நாட்டாமை காந்தவன் தலைமை வகித்தார். முன்னாள் சட்டப்பேரவை உறுப்பினர் என்.ராமகிருஷ்ணன் பந்தயத்தை தொடங்கி வைத்தார்.
இதில், உள்ளூர் மற்றும் வெளி மாவட்டங்களில் இருந்தும் ஏராளமான மாடுகளுடன் உரிமையாளர்கள் கலந்து கொண்டனர். பெரிய மாடு, நடுமாடு, கரிச்சான் மாடு, தட்டான்சிட்டு, பூஞ்சிட்டு, தேன்சிட்டு, புள்ளிமான்சிட்டு என ஏழு வகையாக போட்டிகள் நடத்தப்பட்டன. இதில் 125 ஜோடி மாடுகள் கலந்து கொண்டன.
அவற்றை கம்பம் கால்நடை மருத்துவர் காமேஷ்கண்ணன் தலைமையிலான மருத்துவக் குழுவினர் பரிசோதித்தனர். கம்பம் ஊராட்சி ஒன்றிய அலுவலகம் அருகில் தொடங்கிய போட்டியில், மாடுகளின் வயது, பிரிவுகளை வைத்து போட்டி தொலைவு நிர்ணயிக்கப்பட்டது. வெற்றிபெற்ற மாடுகளுக்கு ரொக்கப் பரிசுகள் வழங்கப்பட்டன. உத்தமபாளையம் காவல் துணை கண்காணிப்பாளர் சீமைச்சாமி, தெற்கு காவல் நிலைய ஆய்வாளர் சுப்புலட்சுமி தலைமையிலான போலீஸார் பாதுகாப்புப் பணியில் ஈடுபட்டனர்.

 

]]>
http://www.dinamani.com/all-editions/edition-madurai/theni/2018/nov/08/கம்பத்தில்-இரட்டை-மாட்டுவண்டி-எல்கை-பந்தயம்-3034453.html
3034016 மதுரை தேனி போடி அருகே மலைவாழ் மக்களுக்கு இலவச வேட்டி- சேலை DIN DIN Tuesday, November 6, 2018 06:50 AM +0530 போடி அருகே மலைவாழ் மக்களுக்கு தீபாவளி பண்டிகையையொட்டி லயன்ஸ் சங்கம் சார்பில் இலவச வேட்டி, சேலை திங்கள்கிழமை வழங்கப்பட்டது.
 போடி அணைக்கரைப்பட்டி ஊராட்சிக்குள்பட்ட சிரைக்காடு கிராமத்தில் மலைவாழ் பழங்குடியின மக்கள் வசித்து வருகின்றனர். 
இவர்களுக்கு போடி ஏலக்காய் நகர் லயன்ஸ் சங்கம் சார்பில் தீபாவளி பண்டிகையை முன்னிட்டு இலவச வேட்டி சேலை வழங்கும் நிகழ்ச்சி சங்க தலைவர் குறிஞ்சி மணி தலைமையில் நடைபெற்றது. கிராமத் தலைவர் தனலட்சுமி, முன்னாள் தலைவர் ராஜூ, பொருளாளர் ராஜேந்திரபிரபு ஆகியோர் முன்னிலை வகித்தனர்.
 நிகழ்ச்சியில் 40 குடும்பத்தினருக்கு இலவச, வேட்டி சேலை, குளிர்கால  ஆடைகள் உள்ளிட்டவை வழங்கப்பட்டன.

]]>
http://www.dinamani.com/all-editions/edition-madurai/theni/2018/nov/06/போடி-அருகே-மலைவாழ்-மக்களுக்கு-இலவச-வேட்டி--சேலை-3034016.html
3034015 மதுரை தேனி பெரியகுளம் அரசு ஆதரவற்ற மனநோயாளிகள் காப்பகத்தில் தீபாவளி கொண்டாட்டம் DIN DIN Tuesday, November 6, 2018 06:50 AM +0530 பெரியகுளம் அரசு ஆதரவற்ற மனநோயாளிகள் காப்பகத்தில் திங்கள்கிழமை தீபாவளி கொண்டாடப்பட்டது.
விழாவுக்கு இணை இயக்குநர் (சுகாதாரம்) சரஸ்வதி தலைமை வகித்தார். துணை இயக்குநர் (பொது சுகாதாரம்) வரதராஜன் முன்னிலை வகித்தார். புத்தாடை மற்றும் இனிப்புகள் நோயாளிகளுக்கு வழங்கப்பட்டன. சிசிச்சை பெறும் நோயாளிகளின் சார்பில் கலைநிகழ்ச்சிகள் நடைபெற்றன. மேலும் கடந்த ஒரு மாதத்துக்கும் மேல் சிகிச்சை பெற்று நலம் பெற்ற பெண் அவரது குடும்பத்தினரிடம் ஒப்படைக்கப்பட்டார்.
இந்நிகழ்ச்சியில் மாவட்ட தலைமை அரசு மருத்துவமனை கண்காணிப்பாளர் குமார் உள்ளிட்ட பலர் கலந்து கொண்டனர். முன்னதாக மாவட்ட மன நல சிகிச்சை மருத்துவர் ரவிக்குமார் வரவேற்றார். பெரியகுளம் மனநல காப்பக மருத்துவர் ராஜேந்திரன் நன்றி கூறினார். இந்நிகழ்ச்சிக்கான ஏற்பாடுகளை மனநல காப்பக செவிலியர்கள் செய்திருந்தனர்.

]]>
http://www.dinamani.com/all-editions/edition-madurai/theni/2018/nov/06/பெரியகுளம்-அரசு-ஆதரவற்ற-மனநோயாளிகள்-காப்பகத்தில்-தீபாவளி-கொண்டாட்டம்-3034015.html
3034014 மதுரை தேனி பெரியகுளம் கடை வீதியில் மக்கள் கூட்டம்  அடிக்கடி மின்தடையால் அவதி DIN DIN Tuesday, November 6, 2018 06:49 AM +0530 பெரியகுளம் கடை வீதியில் தீபாவளியையொட்டி திங்கள்கிழமை காலை முதல் மக்கள் கூட்டம் அதிகரித்து காணப்பட்டது. இந்நிலையில் காலையில் இருந்து இரவு வரை அடிக்கடி ஏற்பட்ட மின்தடையால் பொதுமக்களும், வியாபாரிகளும் பாதிக்கப்பட்டனர்.
இக்கடை வீதிகளில் காலையில் இருந்தே பொது மக்கள் கூடத் தொடங்கினர். அதே போல் பெரும்பாலான வீடுகளில் தீபாவளிக்காக பலகாரங்கள் செய்ய மிக்ஸி மற்றும் கிரைண்டர்களில் மாவுகளை தயார் செய்து கொண்டு இருந்தனர்.
இந்நிலையில் காலையில் இருந்து இரவு வரை சுமார் 10-க்கும் மேற்பட்ட முறை மின்தடை ஏற்பட்டது. இதனால் பொதுமக்கள் மிகவும் அவதியடைந்தனர். மேலும் கடைவீதியில் பெரும்பாலான கடைகள் மின்விளக்கு இல்லாமல் இருளில் மூழ்கின. இதுகுறித்து மின்வாரியத்தினரிடம் கேட்டபோது சரியான விளக்கம் தரப்பட வில்லை.

]]>
http://www.dinamani.com/all-editions/edition-madurai/theni/2018/nov/06/பெரியகுளம்-கடை-வீதியில்-மக்கள்-கூட்டம்--அடிக்கடி-மின்தடையால்-அவதி-3034014.html
3034013 மதுரை தேனி பெரியகுளத்தில் கோயில் பூட்டை உடைத்து பொருள்கள் திருட்டு DIN DIN Tuesday, November 6, 2018 06:49 AM +0530 பெரியகுளம் அருகே கோயில் பூட்டை உடைத்து ஞாயிற்றுக்கிழமை இரவு பொருள்கள் திருடப்பட்டன. 
கும்பக்கரை செல்லும் வழியில் உள்ளது பாண்டி கோயில். இதன் பூசாரி காமுத்துரை பாண்டி ஞாயிற்றுக்கிழமை இரவு கோயிலை பூட்டி விட்டு திங்கள்கிழமை காலை கோயிலை திறக்க வந்துள்ளார். அப்போது கோயிலின் பூட்டு உடைக்கப்பட்டு அங்கிருந்த ரூ.10,000 மதிப்புள்ள பூஜை பொருள்களை மர்ம நபர்கள் திருடி சென்றிருந்தனர். இச்சம்பவம் குறித்து அவர் பெரியகுளம் காவல்நிலையத்தில் திங்கள்கிழமை அளித்த புகாரின் பேரில் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/nov/06/பெரியகுளத்தில்-கோயில்-பூட்டை-உடைத்து-பொருள்கள்-திருட்டு-3034013.html
3034012 மதுரை தேனி தேனி அருகே பைக் மீது கார் மோதி விவசாயி சாவு DIN DIN Tuesday, November 6, 2018 06:49 AM +0530 தேனி அருகே கோட்டூரில் ஞாயிற்றுக்கிழமை இரவு மோட்டார் சைக்கிள் மீது கார் மோதி விவசாயி உயிரிழந்தார்.
சின்னமனூர், வடக்குத் தெருவைச் சேர்ந்தவர் சீனி மகன் தர்மர் (48). விவசாயி. இவரும், அதே ஊரைச் சேர்ந்த சங்கிலி மகன் சூரியலிங்கநாதன் (35) என்பவரும் மோட்டார் சைக்கிளில் கூழையனூருக்குச் சென்று விட்டு, கோட்டூர் வழியாக சின்னமனூருக்கு திரும்பிச் சென்று கொண்டிருந்தனர். மோட்டார் சைக்கிளை தர்மர் ஓட்டிச் சென்றுள்ளார். 
அப்போது தேனி- கம்பம் சாலையில் எதிரே சின்னமனூரைச் சேர்ந்த குருநாதன் மகன் இருளப்பன் (35) என்பவர் ஓட்டி வந்த கார், மோட்டார் சைக்கிள் மீது மோதியது. இதில், மோட்டார் சைக்கிளில் சென்ற தர்மர், சூரியலிங்கநாதன் ஆகியோர் பலத்த காயமடைந்து சின்னமனூர் அரசு மருத்துவமனைக்கு கொண்டு செல்லப்பட்டனர். அங்கு சிசிச்சை பலனின்றி தர்மர் உயிரிழந்தார். சூரியலிங்கநாதன் மேல் சிகிச்சைக்காக தேனி அரசு மருத்துவக் கல்லூரி மருத்துவமனையில் அனுமதிக்கப்பட்டார்.
இவ்விபத்து குறித்து வீரபாண்டி காவல் நிலைய போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-madurai/theni/2018/nov/06/தேனி-அருகே-பைக்-மீது-கார்-மோதி-விவசாயி-சாவு-3034012.html
3034011 மதுரை தேனி கடமலைக்குண்டு பகுதிகளில் சாலையோர ஆக்கிரமிப்புகளை அகற்றக் கோரிக்கை DIN DIN Tuesday, November 6, 2018 06:48 AM +0530 கடமலைக்குண்டு பகுதிகளில் சாலையோர ஆக்கிரமிப்புகளால் போக்குவரத்து நெரிசல் ஏற்பட்டு வருவதால் அவற்றை அகற்ற பொதுமக்கள் கோரிக்கை விடுத்துள்ளனர்.
  கடமலைக்குண்டுவை சுற்றி 150-க்கும் மேற்பட்ட மலை கிராமங்கள் உள்ளன. இங்கு வாழும் மக்கள் அன்றாட தேவைகளுக்காக தினமும் கடமலைக்குண்டு பகுதிக்கு வந்து செல்கின்றனர். தேனி- வருசநாடு சாலையில் உள்ள இப்பகுதிகளில் ஊருக்குள் செல்லும் சாலைகள் ஆக்கிரமிப்பின் பிடியில் சிக்கி  மிகவும் குறுகலாக காணப்படுகின்றன. 
இதனால் பெரும்பாலான நேரங்களில் போக்குவரத்து நெரிசல் ஏற்பட்டு வருகிறது. எனவே இந்த ஆக்கிரமிப்புகளை அகற்ற பொதுமக்கள் தொடர்ந்து கோரிக்கை விடுத்து வந்தனர். 
இதனையடுத்து கடந்த சில தினங்களாக வருவாய்த் துறை மற்றும் நெடுஞ்சாலைத்துறையினர் இப்பகுதிகளில் ஆக்கிரமிப்பு அகற்றுவது சம்பந்தமாக ஆய்வு பணி மேற்கொண்டனர். ஆனால் இப்பணி பாதியில் நிறுத்தப்பட்டது. 
எனவே உடனடியாக மாவட்ட நிர்வாகம் விரைந்து நடவடிக்கை எடுத்து பாதியில் நிறுத்தப்பட்ட ஆய்வுப் பணிகளை மீண்டும் தொடங்கி ஆக்கிரமிப்புகளை அகற்ற வேண்டும் என்றும்,  இருபுறமும் கழிவுநீர் வாய்க்கால் அமைத்து தர வேண்டுமெனவும் பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/nov/06/கடமலைக்குண்டு-பகுதிகளில்-சாலையோர-ஆக்கிரமிப்புகளை-அகற்றக்-கோரிக்கை-3034011.html
3034010 மதுரை தேனி சின்னமனூர் அரசு மருத்துவமனையில் மருத்துவர்கள் பற்றாக்குறை: நோயாளிகள் அவதி DIN DIN Tuesday, November 6, 2018 06:48 AM +0530 தேனி மாவட்டம் சின்னமனூர்அரசு மருத்துவமனையில் மருத்துவர்கள் பற்றாக்குறை காரணமாக நோயாளிகள் அவதிப்படுவதாக புகார் எழுந்துள்ளது. 
சின்னமனூர் நகராட்சியில் கடந்த 60 ஆண்டுக்கு மேலாக அரசு மருத்துவமனை இயங்கி வருகிறது. இந்த மருத்துவமனைக்கு குச்சனூர், மார்க்கையன்கோட்டை, சிந்தலைச்சேரி, ஓடைப்பட்டி, ஹைவேவிஸ் மலைக் கிராமங்கள் உள்பட 20-க்கு மேற்பட்ட கிராம மக்கள் பயன் பெற்று வருகின்றனர். 
மேலும் இந்த மருத்துவமனையில் எக்ஸ்ரே, ஸ்கேன்,  ரத்த  பரிசோதனை என அனைத்து நவீன மருத்துவ சாதனங்களுடன் 40 படுக்கை  வசதியுடன் கொண்ட  உள்நோயாளிகள் பிரிவு செயல்படுகிறது. வழக்கமான  நாள்களில் வெளிநோயாளிகள் பிரிவில் 800 பேர் வரை வந்து செல்கின்றனர். ஆனால் கடந்த சில நாள்களாக சின்னமனூர் மற்றும் அதனை சுற்றியுள்ள பகுதியில் காய்ச்சல் அதிகளவில் பரவி வருவதால் நோயாளிகளின் எண்ணிக்கை 1,500 ஆக  அதிகரித்துள்ளது. இது தவிர உள்நோயாளிகள் பிரிவிலும் நூற்றுக் கணக்கானோர் அனுமதிக்கப்பட்டுள்ளனர். இந் நிலையில் இட வசதியின்றியும், மருந்துப் பொருள்கள் பற்றாக்குறை காரணமாகவும் நோயாளிகள் அவதிப்படுவதாக புகார் எழுந்துள்ளது.
மருத்துவர்கள் பற்றாக்குறை: 15 மருத்துவர்கள் பணியில் இருக்க வேண்டிய இம்மருத்துவமனையில் தற்போது  தலைமை மருத்துவர்  உள்பட 5 பேர் மட்டுமே பணியில் உள்ளனர்.  மேலும் போதுமான பணியாளர்கள் இல்லாத நிலையில் நோயாளிகளுக்கு தேவையான மருந்து, மாத்திரைகள் முறையாக வழங்குவதில்லை. மருத்துவமனை வளாகத்தில் போதுமான அடிப்படை வசதிகளும் இல்லை என இப்பகுதி மக்கள் புகார் தெரிவிக்கின்றனர். மேலும் இரவு நேரங்களில் மருத்துவர்கள் இல்லாத நிலையில் சிகிச்சைக்காக வரும் நோயாளிகள் மிகவும் பாதிக்கப்படுகின்றனர்.
இது குறித்து பொதுமக்கள் கூறுகையில், சின்னமனூர் அரசு மருத்துவமனையை நம்பி பல கிராமங்கள் உள்ளன. ஆனால் முறையான சிகிச்சை, மருத்துவர்கள் பற்றாக்குறை காரணமாக தனியார் மருத்துவமனையை நாடவேண்டியுள்ளது. 
பிரசவம் மற்றும் விபத்துகளில் சிக்கிக் கொண்டவர்கள்  அவசர சிகிச்சைக்காக  கொண்டு வந்தால் மேல் சிகிச்சை எனக்கூறி 40 கிலோ மீட்டர் தொலைவிலுள்ள தேனி க.விலக்கு அரசு மருத்துவக் கல்லூரி மருத்துவமனைக்கு அனுப்பி விடுகின்றனர்.  இதனால்  ஆம்புலன்ஸில்  செல்லும் பலர் வழியிலே இறந்து போகும் சூழ்நிலை  ஏற்படுகிறது. 
 எனவே,  அனைத்து வசதிகள் உள்ள சின்னமனூர் அரசு மருத்துவமனையில் போதிய மருத்துவர்கள் நியமித்து  நோயாளிகளுக்கு 24 மணி நேரமும்  தரமான மருத்துவ வசதி  செய்து தர  வேண்டும் என பொதுமக்கள் கோரிக்கை விடுத்தனர்.
 

]]>
http://www.dinamani.com/all-editions/edition-madurai/theni/2018/nov/06/சின்னமனூர்-அரசு-மருத்துவமனையில்-மருத்துவர்கள்-பற்றாக்குறை-நோயாளிகள்-அவதி-3034010.html
3033374 மதுரை தேனி எய்ட்ஸ் விழிப்புணர்வு மீம்ஸ் உருவாக்கும் போட்டி DIN DIN Monday, November 5, 2018 01:46 AM +0530 தமிழ்நாடு மாநில எய்ட்ஸ் கட்டுப்பாடு சங்கம் சார்பில், கல்லூரி மற்றும் பல்கலை கழக மாணவ, மாணவிகளுக்கு எய்ட்ஸ் விழிப்புணர்வு மீம்ஸ் உருவாக்கும் போட்டி நடைபெற உள்ளது.
   இது குறித்து தேனி மாவட்ட ஆட்சியர் ம.பல்லவி பல்தேவ் வெளியிட்டுள்ள அறிவிப்பு: 
    இப் போட்டிக்கு எச்.ஐ.வி., மற்றும் எய்ட்ஸ் விழிப்புணர்வு, நோய் தொற்றுள்ள மக்களின் ஆரோக்கியம், மருத்துவம் மற்றும் பாதுகாப்பு, நோய் தொற்று உள்ளவர்களை புறக்கணிக்காமல் இருத்தல், அரவணைத்தல், ரத்ததானம், பால்வினை நோய் ஆகியவை குறித்து மீம்ஸ் உருவாக்கலாம்.
 மீம்ஸ் உருவாக்கத்தில்  போட்டிக்கு தொடர்பு இல்லாத விஷயங்கள், திரைப்பட நடிகர்களின் படம், அரசியல் கட்சிகளின் கொடி மற்றும் சின்னம், விலங்குகள் படம், ஆபாச படம் மற்றும் கருத்துக்கள், திரைப்பட வசனங்கள் ஆகியவை இடம் பெறக் கூடாது என்ற விதிமுறைகள் வகுக்கப்பட்டுள்ளன. 
  போட்டியில் கலந்து கொள்ள விரும்புவோர் தங்களது புகைப்படத்துடன் a‌m‌e‌m‌e‌d​a‌y.‌t‌n‌s​a​c‌s.@‌g‌m​a‌i‌l.​c‌o‌m என்ற மின்னஞ்சல் முகவரிக்கு நவ.25-ம் தேதிக்குள் மீம்ஸ் அனுப்பலாம். இது குறித்த விவரத்தை மாவட்ட எய்ட்ஸ் கட்டுப்பாட்டு அலகு அலுவலகத்தில் நேரில் தொடர்பு கொண்டு தெரிந்து கொள்ளலாம் என்று அறிவிக்கப்பட்டுள்ளது.

]]>
http://www.dinamani.com/all-editions/edition-madurai/theni/2018/nov/05/எய்ட்ஸ்-விழிப்புணர்வு-மீம்ஸ்-உருவாக்கும்-போட்டி-3033374.html
3033371 மதுரை தேனி நீர்ப்பிடிப்பு பகுதிகளில் மழை குறைந்ததால் முல்லைப் பெரியாறு அணையின் நீர்மட்டம் சரிவு DIN DIN Monday, November 5, 2018 01:45 AM +0530 முல்லைப் பெரியாறு அணையின் நீர்ப்பிடிப்பு பகுதிகளில் மழை குறைந்ததால் அணையின் நீர்மட்டம் சரியத் தொடங்கியுள்ளது.  
தென் மேற்கு பருவமழை   தற்போது ஓய்ந்துள்ள நிலையில் , வடகிழக்கு பருவமழை தமிழகத்தின் கடலோர மாவட்டங்களில் தொடங்கி உள்ளது. இந்நிலையில் கடந்த ஆகஸ்டு, செப்டம்பர் மாதங்களில் தென் மேற்கு பருவமழை அதிக அளவு பெய்ததால், முல்லைப் பெரியாறு அணைக்கு அதிக நீர்வரத்து ஏற்பட்டு நீர்மட்டம் 142 அடிக்கும் மேலே உயர்ந்தது. 
தற்போது தென் மேற்கு பருவ மழை முடிவுற்றதால் நீர்ப்பிடிப்பு  பகுதிகளில் மழை பெய்யும் அளவு குறைந்துள்ளது. இதனால் முல்லைப்  பெரியாறு அணையின் நீர்மட்டம் சரியத் தொடங்கியுள்ளது. இதையடுத்து ஞாயிற்றுக்கிழமை நிலவரப்படி அணையின் நீர்மட்டம் 132.35 அடியாக இருந்தது. நீர்ப்பிடிப்பு பகுதிகளில் மழை பெய்யவில்லை. அதே நேரத்தில் கேரள எல்லைகளின் ஒரு சில பகுதிகளிலும், தேக்கடி ஏரி உள்ளிட்ட பகுதிகளில் பரவலாக மழை பெய்து வருகிறது. இதனால் பெரியாற்றின் துணை ஆறுகளில் காணப்படும் நீர் வரத்து காரணமாக அணைக்கு ஞாயிற்றுக்கிழமை நீர்வரத்து விநாடிக்கு 1,776 கன அடியாக இருந்தது. நீர் வெளியேற்றம் விநாடிக்கு 1,930 கன அடியாக இருந்தது.   
நீர்மட்ட விவரம்: முல்லைப்  பெரியாறு அணையில் சனிக்கிழமை நிலவரப்படி நீர்வரத்து 979 கன அடியாகவும், வெளியேற்றம் 1,960 கன அடியாகவும் இருந்தது. மேலும் அணையின் நீர்மட்டம் 132.40 அடியாக காணப்பட்டது.
இந்நிலையில் ஞாயிற்றுக்கிழமை நிலவரப்படி நீர்மட்டம் 132.35 அடியாக காணப்பட்டது. அணைக்கு விநாடிக்கு 1,776 கன அடி தண்ணீர் வந்தது. அணையிலிருந்து விநாடிக்கு 1,930 கன அடி தண்ணீர் வெளியேற்றப்பட்டது. நீர்ப்பிடிப்பு பகுதிகளில்  மழை,  பெய்யவில்லை, அதே நேரத்தில் தேக்கடி ஏரி பகுதியில் 3.6 மில்லி மீட்டர் மழை பெய்தது. தேனி மாவட்டம் கூடலூரில் 2.6 மி.மீ., உத்தமபாளையத்தில் 4.1 மி.மீ., வீரபாண்டியில் 8.4 மி.மீ., மழை பெய்தது. முல்லைப் பெரியாற்றின் துணை ஆறுகளில் நீர்வரத்து வருவதால், முல்லைப் பெரியாற்றில் அதிக அளவு தண்ணீர் செல்கிறது.
 

]]>
http://www.dinamani.com/all-editions/edition-madurai/theni/2018/nov/05/நீர்ப்பிடிப்பு-பகுதிகளில்-மழை-குறைந்ததால்-முல்லைப்-பெரியாறு-அணையின்-நீர்மட்டம்-சரிவு-3033371.html
3033369 மதுரை தேனி போடியில் பெண்ணை தாக்கியவர் கைது DIN DIN Monday, November 5, 2018 01:45 AM +0530 போடியில்  பெண்ணை தாக்கியவரை போலீஸார் சனிக்கிழமை இரவு கைது செய்தனர்.
     போடி குப்பிநாயக்கன்பட்டி காளியம்மன் கோவில் தெருவை சேர்ந்தவர் பொன்னம்மாள் (70). இவரது வீட்டில் மல்லிங்கேஸ்வரன் (42) என்பவர் குடும்பத்துடன் குடியிருந்து வருகின்றார். இந்நிலையில் மல்லிங்கேஸ்வரன் குழந்தைகள் வீட்டில் இருந்த குடிநீர் குழாயை திருகி விளையாடியுள்ளனர். இதனை பொன்னம்மாள் கண்டித்துள்ளார். இதில் ஏற்பட்ட பிரச்னையில் மல்லிங்கேஸ்வரன் பொன்னம்மாளை தாக்கி கொலை மிரட்டல் விடுத்ததாகக் கூறப்படுகிறது.
     இதில் பொன்னம்மாள் காயமடைந்தார். இது குறித்து  பொன்னம்மாள் கொடுத்த புகாரின் பேரில் போடி நகர் காவல் நிலைய போலீஸார்  பெண்கள் மீதான வன்கொடுமை தடுப்பு சட்டத்தின் கீழ் வழக்குப் பதிவு செய்து மல்லிங்கேஸ்வரனை கைது செய்து சிறையில் அடைத்தனர்.

]]>
http://www.dinamani.com/all-editions/edition-madurai/theni/2018/nov/05/போடியில்-பெண்ணை-தாக்கியவர்-கைது-3033369.html
3033368 மதுரை தேனி ஆண்டிபட்டி மக்களுக்கு துரோகம் செய்தவர் தங்க.தமிழ்ச்செல்வன்: ஓ.பி.ரவீந்திரநாத்குமார் குற்றச்சாட்டு DIN DIN Monday, November 5, 2018 01:44 AM +0530 ஆண்டிபட்டி தொகுதி மக்களுக்கு தங்க.தமிழ்ச்செல்வன் துரோகம் செய்து விட்டதாக அ.தி.மு.க தேனி மாவட்ட ஜெ.பேரவை செயலாளர் ஓ.பி.ரவீந்திரநாத் குமார் பேசினார்.
ஆண்டிபட்டியில் அதிமுக 47ஆவது ஆண்டு தொடக்க விழா பொதுக் கூட்டம் எம்.ஜி.ஆர் சிலை அருகே சனிக்கிழமை இரவு நடைபெற்றது. கூட்டத்துக்கு அ.தி.மு.க ஒன்றிய செயலாளர் ஏ.லோகிராஜன் தலைமை வகித்தார். மாவட்ட செயலாளர் சையதுகான், தேனி மக்களவை உறுப்பினர் பார்த்திபன் ஆகியோர் முன்னிலை வகித்தனர். கூட்டத்தில் கலந்து கொண்ட துணை முதல்வர் ஓ.பன்னீர்செல்வத்தின் மகனும், தேனி மாவட்ட ஜெ. பேரவை செயலாளருமான ஓ.பி.ரவீந்திரநாத் குமார்  பேசியது:
தி.மு.கவில் இருந்து அ.தி.மு.க பிரிவதற்கு முன்பாக பெரிய செல்வந்தர்கள் மட்டுமே சட்டப் பேரவை உறுப்பினர்கள், நாடாளுமன்ற உறுப்பினர்கள் போன்ற பதவிகளுக்கு வர முடியும் என்ற நிலை இருந்து வந்தது. அதிமுகவை தொடங்கிய பின் முன்னாள் முதல்வர் எம்.ஜி.ஆர் அதை மாற்றினார்.
 அவர் வந்த பின்னர்  சாமானியர்கள் கூட கட்சியிலும், ஆட்சியிலும் பெரிய பதவிகளுக்கு வரலாம் என்பதை மாற்றிக் காட்டினார். அந்த வழக்கத்தை தான் ஜெயலலிதாவும் பின்பற்றினார். இப்போது எங்களை குறை கூறும் தினகரன், தனது சொந்த செல்வாக்கில் முன்னேறவில்லை.
 ஜெயலலிதா மற்றும் இரட்டை இலை என்ற இரண்டு மாபெரும் சக்தியினாலேயே மக்களிடம் அறிமுகமானார். கடந்த 10 ஆண்டுகளாக அவர் எங்கே இருந்தார்? அவரோடு கூட்டு சேர்ந்த தங்க. தமிழ்ச்செல்வன், அவரை நம்பி வாக்களித்த ஆண்டிபட்டி தொகுதி மக்களுக்கு பெரும் துரோகத்தை செய்து விட்டார். இதற்காக அவருக்கு மக்கள் தகுந்த பதிலடி அளிப்பார்கள் என்றார்.
இந்த பொதுக் கூட்டத்தில் அ.தி.மு.க மாவட்ட துணை செயலாளர் முருக்கோடை ராமர், மாவட்ட பிரதிநிதி  கவியரசன், ஆண்டிபட்டி முன்னாள் நகர செயலாளர் ராமச்சந்திரன் ஆகியோர் உள்பட பலர் கலந்து கொண்டனர். 
பேரூர் செயலாளர் முத்து வெங்கடராமன் நன்றி கூறினார்.

]]>
http://www.dinamani.com/all-editions/edition-madurai/theni/2018/nov/05/ஆண்டிபட்டி-மக்களுக்கு-துரோகம்-செய்தவர்-தங்கதமிழ்ச்செல்வன்-ஓபிரவீந்திரநாத்குமார்-குற்றச்சாட்டு-3033368.html
3033366 மதுரை தேனி வருசநாடு அருகே பேருந்து வசதி செய்துதர மலைக்கிராம மக்கள் கோரிக்கை DIN DIN Monday, November 5, 2018 01:44 AM +0530 தேனி மாவட்டம் வருசநாடு அருகே தெய்வேந்திரபுரம் மலைக்கிராமத்துக்கு பேருந்து வசதி செய்து தர அப்பகுதி மக்கள் கோரிக்கை விடுத்துள்ளனர்.
தெய்வேந்திரபுரம் மலைக் கிராம மக்கள்  அன்றாட தேவைகளுக்காக ஆண்டிபட்டி மற்றும் தேனிக்கு செல்ல வேண்டிய நிலை உள்ளது. இக் கிராமத்திலிருந்து 8 கிலோமீட்டர் தொலைவில் உள்ள கிராம நிர்வாக அலுவலகம், காவல்நிலையம், மருத்துவமனை, அரசு அலுவலகம், கால்நடை மருத்துவமனை மற்றும் பள்ளி, கல்லூரியில் பயிலும் மாணவ, மாணவிகள் ஊழியர்கள் தினந்தோறும் மிதிவண்டி, ஆட்டோவில் சென்று வருகின்றனர். மேலும் மழைக் காலங்களில் மிகுந்த சிரமத்திற்குள்ளாகி வருகின்றனர். பேருந்து வசதி வேண்டி பல ஆண்டுகளாக கிராம மக்கள் மனுக்கள் அளித்தும் எந்த பயனும் இல்லை என்றனர் அப்பகுதி பொதுமக்கள்.
 இதுகுறித்து அக்கிராமத்தினர் கூறுகையில், கடந்த 60 ஆண்டு காலமாக எங்கள் கிராம மக்கள் தெய்வேந்திரபுரத்திலிருந்து குமணன் தொழு கிராமம் வரை ஒவ்வொரு நாளும் நடந்தே வந்து பேருந்துகளில் ஏறிச் செல்லும் நிலை உள்ளது. சில நேரங்களில் பேருந்துகளில் பயணம் செய்ய முடியாமல் நடந்தே செல்லும் அவலநிலை உள்ளதாக தெரிவித்தனர். 
 எனவே மாவட்ட நிர்வாகம் உடனடியாக உரிய நடவடிக்கை எடுத்து பேருந்து வசதி செய்து தர வேண்டும் என பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/nov/05/வருசநாடு-அருகே-பேருந்து-வசதி-செய்துதர-மலைக்கிராம-மக்கள்-கோரிக்கை-3033366.html
3033364 மதுரை தேனி சுற்றுலாப்பயணிகள் வருகை குறைவு: வெறிச்சோடிய சுருளி அருவி! DIN DIN Monday, November 5, 2018 01:43 AM +0530 தேனி மாவட்டம் சுருளி அருவிக்கு தீபாவளி பண்டிகையை முன்னிட்டு சுற்றுலா பயணிகள்  வருகை குறைந்ததால் ஞாயிற்றுக்கிழமை வெறிச்சோடி காணப்பட்டது.
   கம்பம் அருகே உள்ள சுருளி அருவிக்கு ஆண்டு முழுவதும் சுற்றுலாப் பயணிகள், பக்தர்கள் வருகை அதிகம் காணப்படும். குறிப்பாக சனி, ஞாயிற்றுக்கிழமைகள் மற்றும் அரசு விடுமுறை நாள்களில் சுற்றுலாப் பயணிகள் கூட்டம் கூட்டமாக வந்து அருவியில் குளித்து செல்வர்.
  வரும் 6 ஆம் தேதி (செவ்வாய்க்கிழமை) தீபாவளிப் பண்டிகை வருவதால் ஞாயிற்றுக்கிழமை சுருளி அருவிக்கு சுற்றுலாப் பயணிகள் வருகை குறைந்தே காணப்பட்டது. பக்தர்களும் அதிக அளவில் வரவில்லை. இது பற்றி வனச்சரணாலய ஊழியர் ஒருவர் கூறியதாவது: பண்டிகை காலம் என்பதால், பொருள்கள் வாங்குவதற்கே மக்களுக்கு நேரம் சரியாக இருக்கும். எனவே சுற்றுலாப் பயணிகள் வரத்து இங்கு குறைவாக உள்ளது. அதே நேரத்தில் தீபாவளி பண்டிகை  முடிந்து அடுத்து வரும் விடுமுறை நாள்களில் அதிக அளவில் கூட்டம் காணப்படும் என்றார்.

]]>
http://www.dinamani.com/all-editions/edition-madurai/theni/2018/nov/05/சுற்றுலாப்பயணிகள்-வருகை-குறைவு-வெறிச்சோடிய-சுருளி-அருவி-3033364.html
3033363 மதுரை தேனி மதுபானம் விற்றவர் கைது DIN DIN Monday, November 5, 2018 01:43 AM +0530 பெரியகுளம் அருகே மதுபானம் விற்றவரை போலீஸார் ஞாயிற்றுக்கிழமை கைது செய்தனர்.
பெரியகுளம் அருகே எ.புதுப்பட்டி பகுதியில் தேவதானப்பட்டி போலீஸார் ஞாயிற்றுக்கிழமை ரோந்து பணியில் ஈடுபட்டு இருந்தனர்.
 அப்போது அதே பகுதியை சேர்ந்த முருகன் (43) என்பவர் பெட்டிக்கடையில் அனுமதியின்றி மதுபாட்டில்கள் விற்பனை செய்துள்ளார். இதனையடுத்து போலீஸார் வழக்குப் பதிந்து அவரை கைது செய்தனர்.

]]>
http://www.dinamani.com/all-editions/edition-madurai/theni/2018/nov/05/மதுபானம்-விற்றவர்-கைது-3033363.html
3033362 மதுரை தேனி கிணற்றில் தவறி விழுந்து காட்டு மாடு சாவு DIN DIN Monday, November 5, 2018 01:43 AM +0530 ஆண்டிபட்டி அருகே  கிணற்றில் தவறி விழுந்து காட்டு மாடு ஞாயிற்றுக்கிழமை  உயிரிழந்தது.
கண்டமனூர் அருகே ராமலிங்காபுரத்தைச் சேர்ந்தவர் கருப்பணன் (56). இவருக்கு சொந்தமான தோட்டம் மலையடிவாரத்தில் உள்ளது. ஞாயிற்றுக்கிழமை மலையிலிருந்து தண்ணீர் தேடி காட்டு மாடு ஒன்று விளைநிலப்பகுதிக்கு வந்தது. அப்போது அங்கு கட்டி வைத்திருந்த பசு மாட்டை காட்டுமாடு தாக்கியது. இதில் பசுமாடு படுகாயமடைந்தது. இதனை கண்ட அப்பகுதியினர் காட்டு மாட்டை விரட்டினர். மேலும் அங்கிருந்து நாய்களும் சேர்ந்து துரத்தின. இதில் மிரண்டு ஓடிய காட்டுமாடு தண்ணீர் இல்லாத 100 அடி ஆழ கிணற்றில் தவறி விழுந்து உயிரிழந்தது. 
இது குறித்து கண்டமனூர் வனத்துறைக்கு தகவல் அளித்தனர். விரைந்து வந்த வனத்துறையினர் மாட்டின் உடலை மீட்டு கால்நடை மருத்துவர்கள் பரிசோதனைக்குப் பின் வனப்பகுதியில் புதைத்தனர். 
இறந்த காட்டு மாடுக்கு 5 வயது இருக்கலாம் என்றும் 100 கிலோவிற்கு மேல் எடை கொண்டதாக இருக்கும் எனவும் வனத்துறையினர் தெரிவித்தனர்.

]]>
http://www.dinamani.com/all-editions/edition-madurai/theni/2018/nov/05/கிணற்றில்-தவறி-விழுந்து-காட்டு-மாடு-சாவு-3033362.html
3033360 மதுரை தேனி வேலைவாங்கித் தருவதாக ரூ.3 லட்சம் மோசடி:  2 பேர் மீது புகார் DIN DIN Monday, November 5, 2018 01:43 AM +0530 வேலை வாங்கித் தருவதாக கூறி ரூ.3 லட்சம் மோசடி செய்ததாக 2 பேர் மீது பெரியகுளம் காவல் நிலையத்தில் ஞாயிற்றுக்கிழமை புகார் செய்யப்பட்டுள்ளது.
பெரியகுளத்தை சேர்ந்தவர் குபேந்திரன் (42). இவரிடம் அரசு போக்குவரத்துக் கழகத்தில் ஓட்டுநர் வேலை வாங்கித் தருவதாகக் கூறி உத்தமபாளையத்தை சேர்ந்த சேகர் மற்றும் தஞ்சாவூரை சேர்ந்த ரகுநாதன் ஆகியோர் ரூ.3 லட்சத்தை பெற்றுக் கொண்டு வேலை வாங்கித் தராமல் காலம் தாழ்த்தி வந்ததாகக் கூறப்படுகிறது.  இது குறித்து குபேந்திரன் கேட்டபோது 2 பேரும் கொலை மிரட்டல் விடுத்தனராம். 
இது குறித்து குபேந்திரன் பெரியகுளம் காவல் நிலையத்தில் புகார் செய்துள்ளார். அதன் பேரில் போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-madurai/theni/2018/nov/05/வேலைவாங்கித்-தருவதாக-ரூ3-லட்சம்-மோசடி--2-பேர்-மீது-புகார்-3033360.html
3032896 மதுரை தேனி நகைக்கடன் மோசடி விவகாரம் ஆண்டிபட்டி அருகே கூட்டுறவு வங்கி பணிகள் முடக்கம் DIN DIN Sunday, November 4, 2018 01:04 AM +0530
தேனி மாவட்டம் ஆண்டிபட்டி அருகே தொடக்க வேளாண்மை கூட்டுறவு வங்கியில் முறைகேடு தொடர்பான விசாரணையில் தொய்வு ஏற்பட்டதால் அவ்வங்கியின் பணிகள் முடங்கியுள்ளதாக புகார் எழுந்துள்ளது.
ஆண்டிபட்டி அருகே உள்ள கதிர்நரசிங்கபுரம் கிராமத்தில் தொடக்க வேளாண்மை கூட்டுறவு வங்கி உள்ளது. இந்த வங்கியில் 15 கிராமங்களை சேர்ந்த விவசாயிகள், பொதுமக்கள் கணக்கு வைத்துள்ளனர்.
கடந்த சில மாதங்களுக்கு முன்பு வங்கியில் நகைக்கடன் வட்டி வசூலித்ததில் முறைகேடு நடந்திருப்பதாக புகார் எழுந்தது. இதனையடுத்து கடந்த செப்டம்பர் 26 ஆம் தேதி கூட்டுறவு துணைப்பதிவாளர் தலைமையில் 15 பேர் கொண்ட குழு வங்கி கணக்குகளை மூன்று நாள்கள் தொடர்ந்து ஆய்வு செய்தனர்.
பின்னர் வங்கியிலிருந்து முக்கிய ஆவணங்கள், பதிவேடுகளை எடுத்து சென்றுவிட்டனர். அதன்பிறகு எந்த முன்னேற்றமும் இல்லாத நிலையில் கடந்த இரண்டு மாதங்களாக வங்கியின் சேவை முடங்கி உள்ளது.
நகைகளை அடகு வைத்த மக்கள் அதனை திருப்ப முடியாமல் மிகுந்த சிரமப்பட்டு வருவதாகவும், வங்கி பணியாளர்களுக்கு 2 மாதங்களாக சம்பளம் வழங்கப்படவில்லை என்றும் பணியாளர்கள் குற்றம் சாட்டுகின்றனர்.
இதுகுறித்து அக்கூட்டுறவு வங்கியின் உறுப்பினர்கள் கூறியதாவது:
வங்கியில் கடந்த முறை நிர்வாகத்தில் இருந்தவர்கள், வங்கியில் அடமானம் வைத்த நகைகளின் வட்டி கணக்கில் ரூ. 30 லட்சம் வரையில் முறைகேடு செய்துள்ளனர். வங்கியில் அடகு வைத்து, திருப்பாத நகைகளை பொதுமக்கள் முன்னிலையில் ஏலம் விட வேண்டும். அவ்வாறு செய்யாமல் தலைவர் மற்றும் செயலாளர் சேர்ந்து யாருக்கும் தெரியாமல் திருப்பாத நகைகளை விற்று விட்டனர்.
இதில் நகைகளுக்கான வட்டி மதிப்பை குறைத்து கணக்கு காட்டி உள்ளனர். இதனால் வங்கிக்கு ரூ. 30 லட்சம் வரை இழப்பு ஏற்பட்டுள்ளது. ஆய்வு செய்த அதிகாரிகள் வங்கியின் ஆவணங்களை கொண்டு சென்றதால், தற்போது நகைக்கடன் பெறுவதில் சிக்கல் ஏற்பட்டுள்ளது. ஏற்கெனவே அடகு வைத்த நகைகளை பணம் செலுத்தியும் திருப்ப முடியவில்லை. வங்கியின் செயல்பாடுகள் முற்றிலும் முடங்கி கிடக்கிறது என்று தெரிவித்தனர். வங்கியை விரைவாக செயல்பாட்டிற்கு கொண்டு வர கூட்டுறவுத்துறை உயர் அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

 

]]>
http://www.dinamani.com/all-editions/edition-madurai/theni/2018/nov/04/நகைக்கடன்-மோசடி-விவகாரம்-ஆண்டிபட்டி-அருகே-கூட்டுறவு-வங்கி-பணிகள்-முடக்கம்-3032896.html
3032895 மதுரை தேனி தீபாவளி: இரு சக்கர வாகனங்களில் காவலர்கள் ரோந்து: போடியில் தொடக்கம் DIN DIN Sunday, November 4, 2018 01:03 AM +0530
தீபாவளியை முன்னிட்டு போடியில் சைரன் ஒலியுடன் இரு சக்கர வாகனங்களில்போலீஸார் ரோந்து செல்வதைமாவட்ட காவல் கண்காணிப்பாளர் வீ.பாஸ்கரன்சனிக்கிழமைதொடக்கி வைத்தார்.
தேனி மாவட்டத்தில் குற்றங்களை குறைப்பதற்காக பல்வேறு நடவடிக்கைகளை காவல் கண்காணிப்பாளர் எடுத்து வருகிறார். ஏற்கெனவே புகார் பெட்டி வைக்கும் திட்டம் போடியில் தொடங்கப்பட்டு வரவேற்பை பெற்றது.
தற்போது தீபாவளி பண்டிகை நெருங்கிவிட்டதையடுத்து பொதுமக்களுக்கு கூடுதல் பாதுகாப்பு வழங்குவதற்காக இரு சக்கரவாகனரோந்துபணியை தொடங்க காவல் கண்காணிப்பாளர் திட்டமிட்டார்.
போடி காவல் உள் கோட்டத்தில்உள்ளபோடி நகர், போடி தாலுகா, குரங்கணி, தேவாரம், கோம்பை, சின்னமனூர், ஹைவேவிஸ் ஆகிய 7 காவல் நிலையங்களுக்குட்பட்ட பகுதிகளில் சைரன் ஒலி எழுப்பியபடி காவல் சார்பு-ஆய்வாளர்கள், தலைமை காவலர்கள், காவலர்கள் ரோந்து செல்ல ஏற்பாடு செய்யப்பட்டது. இதற்காக 60 இரு சக்கர வாகனங்கள் தேர்வு செய்யப்பட்டு அதில் சைரன் ஒலி எழுப்பும் கருவிகள்பொருத்தப்பட்டன. இதற்கான பணிகள் போடி ஜ.கா.நி. மேல்நிலைப் பள்ளி மைதானத்தில் நடைபெற்றது. இதில் காவல் கண்காணிப்பாளர் கலந்து கொண்டு சைரன் ஒலி எழுப்பும் கருவிகளை ஆய்வு செய்தார். பின்னர் ரோந்து பணியையும் கொடியசைத்து தொடங்கி வைத்தார்.
பின்னர் அவர் காவல் நிலைய குற்றப்பிரிவுகளில் சிறப்பாக பணி புரிந்த மற்றும் கட்செவி அஞ்சல் மூலம் சம்மன்களை அனுப்பி வழக்குகளை வேகமாக முடித்த காவலர்களானசின்னமனூர் மாரிச்செல்வம், அழகுசுந்தரம், கோம்பை காவல் நிலைய காவலர்கள் ஜான்சன், சிவக்குமார் ஆகியோருக்கு பரிசு வழங்கி பாராட்டினார்.
நிகழ்ச்சியில் போடி டி.எஸ்.பி. தி.ஈஸ்வரன், காவல் ஆய்வாளர்கள் போடி நகர் சேகர், காயத்ரி, தாலுகா வெங்கடாசலபதி, சின்னமனூர் இமானுவேல் ராஜ்குமார், தேவாரம் ஆனந்தன், போக்குவரத்து பிரிவு மகான் ரத்தினாசலம் மற்றும் சார்பு ஆய்வாளர்கள், தலைமை காவலர்கள் பங்கேற்றனர்.

 

]]>
http://www.dinamani.com/all-editions/edition-madurai/theni/2018/nov/04/தீபாவளி-இரு-சக்கர-வாகனங்களில்-காவலர்கள்-ரோந்து-போடியில்-தொடக்கம்-3032895.html
3032894 மதுரை தேனி ஆண்டிபட்டியில் அமமுக ஆலோசனைக் கூட்டம் DIN DIN Sunday, November 4, 2018 01:03 AM +0530
வரும் 10 ஆம் தேதி அம்மா மக்கள் முன்னேற்ற கழகம் சார்பில் உண்ணாவிரத போராட்டம் நடைபெற உள்ளதை முன்னிட்டு தேனியில் அக்கட்சியினர் சனிக்கிழமை ஆலோசனைக் கூட்டம் நடத்தினர்.
இந்த கூட்டத்தில் அக்கட்சியின் கொள்கை பரப்புச் செயலாளர் தங்கதமிழ்செல்வன் பேசியதாவது: ஆண்டிபட்டி தொகுதியில் விவசாயிகளின் நீண்ட கால கோரிக்கையான திப்பரவு அணைத்திட்டம் செயல்படுத்தப்படவில்லை. ஆண்டிபட்டி தொகுதிக்குட்பட்ட குமுளியில் பேருந்து நிலையம் அமைக்க ரூ. 3 கோடியில் திட்ட மதிப்பீடு செய்து அனுப்பியும், எனது தொகுதி என்பதால் நிதி ஒதுக்காமல் கிடப்பில் போட்டு விட்டனர்.
தொகுதியில் பல கிராமங்களில் போதுமான குடிநீர் வசதி, வடிகால் வசதி இல்லை. இவைகளை முன் வைத்து வரும் 10 ஆம் தேதி அமமுக சார்பில் உண்ணாவிரத போராட்டம் நடத்தப்பட உள்ளது. இப்போராட்டத்தில் அமமுக துணை பொதுச்செயலாளர் தினகரனும் பங்கேற்பார். தகுதி நீக்கம் செய்யப்பட்ட 18 எம்.எல்.ஏ.,க்களின் தொகுதிகள் உள்பட 20 தொகுதிகளுக்கு இடைத்தேர்தல் வர உள்ளது. அதில், மக்கள் செல்வாக்குடன் 20 தொகுதிகளிலும் அமமுக வெற்றி பெறும். அமமுக துணைப் பொதுச்செயலாளர் மற்றும் நிர்வாகிகளுடன் கருத்து வேறுபாடு ஏதும் இல்லை என்றார்.
இந்த கூட்டத்தில் தகுதி நீக்கம் செய்யப்பட்ட பெரியகுளம் சட்டப்பேரவை உறுப்பினர் கதிர்காமு, ஆண்டிபட்டி ஒன்றிய செயலாளர் ஜெயக்குமார் மற்றும் கட்சி நிர்வாகிகள் பலர் கலந்து கொண்டனர்.

 

]]>
http://www.dinamani.com/all-editions/edition-madurai/theni/2018/nov/04/ஆண்டிபட்டியில்-அமமுக-ஆலோசனைக்-கூட்டம்-3032894.html
3032893 மதுரை தேனி லாரி மீது பைக் மோதி சிறுவன் சாவு DIN DIN Sunday, November 4, 2018 01:03 AM +0530
பெரியகுளம் அருகே லாரி மீது மோட்டார் சைக்கிள் மோதியதில் சிறுவன் உயிரிழந்தார்.
பெரியகுளம் அருகேயுள்ள டி.கள்ளிப்பட்டியைச் சேர்ந்தவர் ராகவன் (30). இவர் தனது சகோதரியின் 2 வயது மகன் மித்ரனுடன் இரு சக்கர வாகனத்தில் பெரியகுளத்துக்கு சென்று விட்டு திரும்பி வந்து கொண்டிருந்தார். கல்லூரி விலக்கு பகுதியில் முன்னால் சென்ற லாரியின் பின்பகுதியில் மோதி விபத்து ஏற்பட்டுள்ளது. இதில் சிறுவன் மித்ரன் சம்பவ இடத்தில் உயிரிழந்தார்.
மேலும் ராகவன் தலையில் பலத்த காயத்துடன் தேனி அரசு மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டார். இது குறித்து தென்கரை போலீஸார் விசாரிக்கின்றனர்.

 

]]>
http://www.dinamani.com/all-editions/edition-madurai/theni/2018/nov/04/லாரி-மீது-பைக்-மோதி-சிறுவன்-சாவு-3032893.html
3032892 மதுரை தேனி தீபாவளி கூட்டத்தில் திருட்டு பொதுமக்களுக்கு போலீஸார் அறிவுரை DIN DIN Sunday, November 4, 2018 01:02 AM +0530
பெரியகுளம் பகுதியில் தீபாவளி கூட்டத்தை பயன்படுத்தி மர்ம நபர்கள் திருட்டு சம்பவங்களில் ஈடுபடுவதால் எச்சரிக்கையாக செல்லும்படி பொதுமக்களை போலீஸார் அறிவுறுத்தினர்.
தீபாவளியை முன்னிட்டு பெரியகுளம் மற்றும் வடகரை பகுதிகளில் உள்ள கடைகளில் தீபாவளிக்கு ஜவுளிகள் மற்றும் பொருள்கள் வாங்கும் பெண்கள் மற்றும் இளைஞர்கள் கூட்டம் அதிகளவு உள்ளது. இதனை பயன்படுத்தி திருடர்கள் கைவரிசை காட்டி வருவதாக கூறப்படுகிறது. கடந்த வியாழக்கிழமை சுந்திரவீதியில் சாலையில் செல்லிடப்பேசியில் பேசியபடி நடந்து சென்ற இளைஞரிடம் இரு சக்கரவாகனத்தில் வந்த இளைஞர்கள் இருவர் செல்லிடப்பேசியை பறித்துச் சென்றுள்ளனர்.
அதே போல் வெள்ளிக்கிழமை இரவு வடகரை, விஆர்பி நாயுடு தெருவில் நடந்து சென்ற இளைஞரிடம் அவரசமாக பேச வேண்டும் என கூறி செல்லிடப்பேசியை பறித்துக்கொண்டு இருவர் இருசக்கரவாகனத்தில் தப்பி சென்றுள்ளனர்.
இதனையடுத்து பெரியகுளம் பகுதியில் கடைவீதில் தற்காலிகமாக புறக்காவல் நிலையம் அமைக்கப்பட்டு கண்காணிக்கப்பட்டு வருகிறது.
இது குறித்து போலீஸார் தெரிவித்ததாவது: பொருள்கள் வாங்க செல்லும் பெண்கள் கவனமாக செல்ல வேண்டும். மேலும் ஏதேனும் திருட்டு நடைபெற்றால் கடைவீதியில் அமைக்கப்பட்டுள்ள புறக்காவல் நிலையத்தில் தெரிவியுங்கள். மேலும் இருசக்கரவாகனத்தில் காவலர்கள் கண்காணிப்பு பணியில் காலை முதல் இரவு வரை ஈடுபட்டு வருகின்றனர் என்றனர்.

 

]]>
http://www.dinamani.com/all-editions/edition-madurai/theni/2018/nov/04/தீபாவளி-கூட்டத்தில்-திருட்டு-பொதுமக்களுக்கு-போலீஸார்-அறிவுரை-3032892.html
3032891 மதுரை தேனி அண்ணா விருது பெற நவ.30-க்குள் விண்ணப்பிக்கலாம் DIN DIN Sunday, November 4, 2018 01:02 AM +0530
தேனி மாவட்டத்தில் வீர, தீர செயல்கள் புரிந்தோர் அரசு சார்பில் வழங்கப்படும் அண்ணா விருது பெற நவ.30-ஆம் தேதிக்குள் விண்ணப்பிக்கலாம் என்று அறிவிக்கப்பட்டுள்ளது.
இதுகுறித்து சனிக்கிழமை தேனி மாவட்ட நிர்வாகம் வெளியிட்டுள்ள செய்திக்குறிப்பு: தமிழக அரசு சார்பில் குடியரசு தின விழாவின் போது வீர, தீர செயல்கள் புரிந்தோருக்கு அண்ணா விருது வழங்கப்படுகிறது. விருது பெறுபவர்களுக்கு ரூ. 1 லட்சம் பரிசு, பதக்கம் மற்றும் சான்றிதழ் வழங்கப்படும். இந்த விருது பெறுவதற்கு வயது உச்சவரம்பு இல்லை. தகுதியுள்ளவர்கள் உரிய சான்று மற்றும் ஆவணங்களுடன் நவ.30-ஆம் தேதிக்குள் மாவட்ட ஆட்சியர், ஆட்சியர் அலுவலகம், தேனி-625531 என்ற முகவரிக்கு விண்ணப்பிக்கலாம் என்று அதில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-madurai/theni/2018/nov/04/அண்ணா-விருது-பெற-நவ30-க்குள்-விண்ணப்பிக்கலாம்-3032891.html
3032890 மதுரை தேனி மின்னல் பாய்ந்து பெண் சாவுஒட்டன் DIN DIN Sunday, November 4, 2018 01:02 AM +0530
ஒட்டன்சத்திரம் அருகே சனிக்கிழமை மின்னல் பாய்ந்ததில் பெண் உயிரிழந்தார்.
ஒட்டன்சத்திரம் அடுத்துள்ள இடையகோட்டை கருமசா நாயக்கனூரை சேர்ந்த வையப்பன் மனைவி விஜயா (45). இவர் சனிக்கிழமை இடையகோட்டை கல்லுப்பட்டியில் நடைபெற்ற 100 நாள் வேலைக்கு சென்று வீட்டு வீடு திரும்பிக்கொண்டிருந்தார். அப்போது மின்னல் பாய்ந்ததில் அவர் சம்பவ இடத்திலேயே உயிரிழந்தார்.
அதே போல ஜோகிப்பட்டி ஊராட்சி புல்லாக்கவுண்டனூரைச் சேர்ந்த ராமசாமி என்பவரின் கன்றுக்குட்டி மின்னல் பாய்ந்ததில் உயிரிழந்தது. இது குறித்து ஒட்டன்சத்திரம் வட்டாட்சியர் ஆ.லீனா ரெஜினா விசாரணை நடத்தி வருகிறார்.

 

]]>
http://www.dinamani.com/all-editions/edition-madurai/theni/2018/nov/04/மின்னல்-பாய்ந்து-பெண்-சாவுஒட்டன்-3032890.html
3032889 மதுரை தேனி தமிழக எல்லையில் கேரள கழிவுகளைக் கொட்டிய இருவர் கைது DIN DIN Sunday, November 4, 2018 01:02 AM +0530
தேனி மாவட்டம், லோயர்கேம்ப் குமுளி மலைப்பாதையில் கேரள மாநில கழிவுகளை கொட்டிய இருவரை குமுளி போலீஸார் சனிக்கிழமை கைது செய்தனர்.
தேனி மாவட்டம் தமிழக - கேரள எல்லையில் உள்ள லோயர்கேம்ப் குமுளி மலைப்பாதையில் வெள்ளிக்கிழமை இரவு இரண்டு பேர் இருசக்கர வாகனத்தில் வந்தனர். இரைச்சல்பாலம் வளைவு கீழ்ப்புறம் வனப்பகுதிக்குள் இரண்டு கருப்பு நிற பையை போட்டுவிட்டு திரும்ப செல்ல முயன்றனர். அப்போது ரோந்து பணியில் ஈடுபட்டிருந்த குமுளி காவல் சார்பு ஆய்வாளர் அல்போன்ஸ் ராஜா மற்றும் போலீஸார் அவர்களை மடக்கிப் பிடித்து விசாரித்தனர்.
இதில், அவர்கள் இருவரும் குமுளியைச் சேர்ந்த வர்க்கீஸ் (52), அவரது உதவியாளர் ஜம்மு - காஷ்மீர் மாநிலம் ஸ்ரீநகரைச் சேர்ந்த லமீம்மெகராஜ்பாட் (20) என்பதும் தெரியவந்தது. மேலும், கேரளத்திலிருந்து இறைச்சிக் கழிவு உள்ளிட்ட பல்வேறு கழிவுகளை கொட்டியதாக ஒப்புக்கொண்டனர். அதையடுத்து போலீஸார் இருவரையும் சனிக்கிழமை கைது செய்தனர்.

 

]]>
http://www.dinamani.com/all-editions/edition-madurai/theni/2018/nov/04/தமிழக-எல்லையில்-கேரள-கழிவுகளைக்-கொட்டிய-இருவர்-கைது-3032889.html
3032888 மதுரை தேனி ஊர்களின் பெயர்களை தமிழில் மாற்ற மனு அளிக்கலாம் DIN DIN Sunday, November 4, 2018 01:01 AM +0530
தேனி மாவட்டத்தில் ஆங்கில உச்சரிப்பில் உள்ள ஊர்களின் பெயரை, தமிழில் மாற்றம் செய்வதற்கு நவ.12-ஆம் தேதிக்குள் மனு அளிக்கலாம் என அறிவிக்கப்பட்டுள்ளது.
இது குறித்து மாவட்ட நிர்வாகம் சனிக்கிழமை வெளியிட்டுள்ள அறிவிப்பு: தமிழ் ஆட்சி மொழி, பண்பாடு மற்றும் தொல்லியல் துறை சார்பில், தமிழகத்தில் ஆங்கில உச்சரிப்பில் உள்ள ஊர்களின் பெயர்களை தமிழில் மாற்றுவதற்கு முடிவு செய்யப்பட்டுள்ளது. மாவட்ட ஆட்சியர் தலைமையில் உயர்நிலைக் குழு அமைத்து, ஆவணங்கள் மற்றும் பொதுமக்கள் கோரிக்கைகளின் அடிப்படையில் இதற்கான நடவடிக்கைகளை மேற்கொள்ள அரசு உத்தரவிட்டுள்ளது. எனவே, மாவட்டத்தில் ஆங்கில உச்சரிப்பில் உள்ள ஊர்களின் பெயரை தமிழில் மாற்றம் செய்வதற்கு தமிழ் வளர்ச்சித் துறை உதவி இயக்குநர், மாவட்ட ஆட்சியர் அலுவலகம், தேனி என்ற முகவரிக்கு நேரிலோ, தபால் மூலமோ வரும் 12-ஆம் தேதிக்குள் பொதுமக்கள் மனு அளிக்கலாம் என அதில் குறிப்பிடப்பட்டுள்ளது.

 

]]>
http://www.dinamani.com/all-editions/edition-madurai/theni/2018/nov/04/ஊர்களின்-பெயர்களை-தமிழில்-மாற்ற-மனு-அளிக்கலாம்-3032888.html
3032460 மதுரை தேனி சத்துணவு ஊழியர்களுக்கு ஆதரவாக அரசு ஊழியர்கள் ஆர்ப்பாட்டம் DIN DIN Saturday, November 3, 2018 08:13 AM +0530 தேனி மாவட்டத்தில் சத்துணவு ஊழியர்களின் போராட்டத்தை ஆதரித்து தமிழ்நாடு அரசு ஊழியர்கள் சங்கம் சார்பில் 6 இடங்களில் வெள்ளிக்கிழமை ஆர்ப்பாட்டம் நடைபெற்றது.
தமிழ்நாடு சத்துணவு ஊழியர்கள் சங்கம் சார்பில் சத்துணவு ஊழியர்களுக்கு காலமுறை ஊதியம் வழங்க வேண்டும். 
குடும்பப் பாதுகாப்புடன் கூடிய ஓய்வூதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி தொடர் போராட்டம் நடத்தப்பட்டு வருகிறது.
இந்நிலையில், சத்துணவு ஊழியர்களின் போராட்டத்தை ஆதரித்து தமிழ்நாடு அரசு ஊழியர்கள் சங்கம் சார்பில் 6 இடங்களில் ஆர்ப்பாட்டம் நடைபெற்றது. 
தேனி ஊராட்சி ஒன்றிய அலுவலகம் முன் நடைபெற்ற ஆர்ப்பாட்டத்திற்கு அரசு ஊழியர்கள் சங்க மாவட்ட இணைச் செயலர் ஜானகி தலைமை வகித்தார். 
ஆண்டிபட்டி ஊராட்சி ஒன்றிய அலுவலகம் முன் மாவட்ட துணைத் தலைவர் வரதராஜன், மயிலாடும்பாறை ஊராட்சி ஒன்றிய அலுவலகம் முன் மாவட்டத் துணைத் தலைவர் நிலவழகன், சின்னமனூர் ஊராட்சி ஒன்றிய அலுவலகம் முன் மாவட்ட இணைச் செயலர் ரவிச்சந்திரன், போடி ஊராட்சி ஒன்றிய அலுவலகம் முன் மாவட்டத் தலைவர் ஞான.திருப்பதி, பெரியகுளம் வட்டாட்சியர் அலுவலகம் முன் மாவட்டச் செயலர் முகமது அலி ஜின்னா ஆகியோர் தலைமையில் ஆர்ப்பாட்டம் நடைபெற்றது.
இதில், சத்துணவு மற்றும் அங்கன்வாடி மைய ஊழியர்களின் கோரிக்கைகளை நிறைவேற்ற அரசை வலியுறுத்தி அரசு ஊழியர்கள் சங்க நிர்வாகிகள் பேசினர்.

]]>
http://www.dinamani.com/all-editions/edition-madurai/theni/2018/nov/03/சத்துணவு-ஊழியர்களுக்கு-ஆதரவாக-அரசு-ஊழியர்கள்-ஆர்ப்பாட்டம்-3032460.html
3032459 மதுரை தேனி செங்கல் சூளை உரிமம் பெற நவ.15-க்குள் விண்ணப்பிக்கலாம் DIN DIN Saturday, November 3, 2018 08:12 AM +0530 தேனி மாவட்டத்தில் செங்கல் சூளை மற்றும் சேம்பர் நடத்துவதற்கு உரிமம் பெற நவ.15-ஆம் தேதிக்குள் விண்ணப்பிக்கலாம் என்று அறிவிக்கப்பட்டுள்ளது.
இதுகுறித்து மாவட்ட நிர்வாகம் வெளியிட்டுள்ள அறிவிப்பு: மாவட்டத்தில் செங்கல் சூளை மற்றும் சேம்பர் தொழிலில் ஈடுபடுபவர்கள் கனிம வளத்துறையில் தமிழ்நாடு சிறு கனிம சலுகை விதியின்படி பதிவு செய்து உரிமம் பெற வேண்டும். செங்கல் சூளை பயன்பாட்டிற்கு முறையாக அனுமதி பெற்று மண் அள்ள வேண்டும். செங்கல் சூளைகளை பதிவு செய்து உரிமம் பெறுவதற்கு அது அமைந்துள்ள இடத்தின் வரைபட நகல், சிட்டா, அடங்கல், அ-பதிவேடு ஆகியவற்றுடன் 3 ஆண்டுகளுக்கான பதிவுக் கட்டணமாக செங்கல் சூளைக்கு ரூ.300, சேம்பருக்கு ரூ.3,000 செலுத்தியும், மண் எடுப்பதற்கு அனுமதி பெற மண் எடுக்க உத்தேசித்துள்ள இடத்தின் வரைபட நகல், சிட்டா, அடங்கல், அ-பதிவேடு ஆகியவற்றுடன் விண்ணப்பக் கட்டணமாக ரூ.1,000, செங்கல் சூளைக்கு  ரூ.12 ஆயிரம், சேம்பருக்கு ரூ.75 ஆயிரம் செலுத்தி மாவட்ட புவியியல் மற்றும் சுரங்கத் துறை உதவி இயக்குநர் அலுவலகத்தில் நவ.15-ஆம் தேதிக்குள் விண்ணப்பிக்கலாம்.
செங்கல் சூளை மற்றும் சேம்பர்களுக்கு அரசு அனுமதி பெற்று செயல்படும் குவாரிகளில் இருந்து மண்ணை விலை கொடுத்து வாங்கிப் பயன்படுத்தும் செங்கல் சூளை மற்றும் சேம்பர் உரிமையாளர்கள், மண் கொண்டு வருவதற்கு வழங்கப்பட்ட நடைச் சீட்டை பாதுகாப்பாக வைத்திருக்க வேண்டும் என்று அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/theni/2018/nov/03/செங்கல்-சூளை-உரிமம்-பெற-நவ15-க்குள்-விண்ணப்பிக்கலாம்-3032459.html
3032458 மதுரை தேனி பேரூராட்சிகள் உதவி இயக்குநர் அலுவலகத்தில் லஞ்ச ஒழிப்பு சோதனை DIN DIN Saturday, November 3, 2018 08:12 AM +0530 தேனி பேரூராட்சிகள் உதவி இயக்குநர் அலுவலகத்தில்  லஞ்ச ஒழிப்பு பிரிவு போலீஸார் வெள்ளிக்கிழமை நடத்திய சோதனையில், கணக்கில் வராத பணம் ரூ.80,200-ஐ பறிமுதல் செய்தனர்.
பழனிசெட்டிபட்டியில் செயல்பட்டு வரும் தேனி மாவட்ட பேரூராட்சிகள் உதவி இயக்குநர் அலுவலகத்தில், தேனி லஞ்ச ஒழிப்பு பிரிவு காவல் ஆய்வாளர் சுந்தர்ராஜ் தலைமையில் 6 பேர் கொண்ட அலுவலர்கள் குழுவினர் சோதனை நடத்தினர்.
 அப்போது அலுவலகத்தில் உள்ள ஆவணங்களை சோதனையிட்ட லஞ்ச ஒழிப்பு பிரிவு போலீஸார், அலுவலக பணியாளர்களிடம் தனித்தனியே விசாரணை நடத்தினர். 
மாலை 6.30 மணி முதல் இரவு 9 வரை சோதனை நடைபெற்றது. இதில், கணக்கில் வராத பணம் ரூ.80,200 கைப்பற்றப்பட்டு, பறிமுதல் செய்யப்பட்டது. இச்சோதனை நடைபெற்ற போது பேரூராட்சிகள் உதவி இயக்குநர் சேதுராமன் அலுவலகத்தில் இருந்தார்.

]]>
http://www.dinamani.com/all-editions/edition-madurai/theni/2018/nov/03/பேரூராட்சிகள்-உதவி-இயக்குநர்-அலுவலகத்தில்-லஞ்ச-ஒழிப்பு-சோதனை-3032458.html
3032456 மதுரை தேனி போடியில் மதுவிலக்கு விழிப்புணர்வு முகாம் DIN DIN Saturday, November 3, 2018 08:12 AM +0530 உத்தமபாளையம் மதுவிலக்கு காவல்துறை சார்பில், போடி திருமலாபுரம் நாடார் மேல்நிலைப் பள்ளியில் மதுவிலக்கு விழிப்புணர்வு முகாம் வெள்ளிக்கிழமை நடைபெற்றது.
இதற்கு தலைமையாசிரியர் பிருதிவிராஜ் தலைமை வகித்தார். மதுவிலக்கு காவல்துறை ஆய்வாளர் கருப்பையா பங்கேற்று மதுவினால் ஏற்படும் தீமைகள் குறித்தும், மதுவிலக்கின் அவசியம் குறித்தும் விளக்கினார். மேலும் பள்ளி மாணவர்களுக்கு மதுவிலக்கு தொடர்பாக பேச்சு, கட்டுரை, ஓவியப் போட்டிகள் நடத்தப்பட்டு பரிசுகள் வழங்கப்பட்டன. நிகழ்ச்சியில் உதவித் தலைமையாசிரியர் செந்தில், ஆசிரியர்கள் பழனிச்சாமி, காவலர் அன்பு உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/theni/2018/nov/03/போடியில்-மதுவிலக்கு-விழிப்புணர்வு-முகாம்-3032456.html
3032322 மதுரை தேனி டொம்புச்சேரியில் நவ.14 இல் மக்கள் தொடர்பு முகாம் DIN DIN Saturday, November 3, 2018 03:01 AM +0530 போடி வட்டாரம், டொம்புச்சேரியில் நவ.14 ஆம் தேதி (புதன்கிழமை) காலை 10.30 மணிக்கு மாவட்ட நிர்வாகம் சார்பில் மக்கள் தொடர்பு முகாம் நடைபெற உள்ளது.
       மாவட்ட ஆட்சியர் ம.பல்லவிபல்தேவ் தலைமையில் நடைபெறும் முகாமில், பொதுமக்கள் கலந்து கொண்டு அரசு நலத் திட்ட உதவி, பட்டா மாறுதல், புதிய குடும்ப அட்டை, குடும்ப அட்டை திருத்தப் பதிவு, அடிப்படை வசதிகள் மற்றும் பொதுப் பிரச்னைகள் குறித்து மனு அளித்து தீர்வு காணலாம். முகாம் நடைபெறும் நாளில் தீர்வு காண்பதற்கு வாய்ப்பாக, பொதுமக்கள் தங்களது கோரிக்கை மனுக்களை முன்கூட்டியே போடி வட்டாட்சியரிடம் அளிக்கலாம் என்று மாவட்ட நிர்வாகம் அறிவித்துள்ளது.
 

]]>
http://www.dinamani.com/all-editions/edition-madurai/theni/2018/nov/03/டொம்புச்சேரியில்-நவ14-இல்-மக்கள்-தொடர்பு-முகாம்-3032322.html
3032321 மதுரை தேனி கம்பம்-குமுளி நெடுஞ்சாலையில் புதிய பாலம் திறப்பு DIN DIN Saturday, November 3, 2018 03:01 AM +0530 தேனி மாவட்டம்  கம்பம் - குமுளி தேசிய நெடுஞ்சாலையில் ரூ.38 லட்சம் மதிப்பீட்டில் கட்டி முடிக்கப்பட்ட புதிய பாலத்தினை பொதுமக்களின் பயன்பாட்டிற்காக கம்பம் சட்டப்பேரவை உறுப்பினர் எஸ்.டி.கே. ஜக்கையன் வியாழக்கிழமை திறந்து வைத்தார்.
    கம்பம் குமுளி தேசிய நெடுஞ்சாலையில் பொதுப்பணித்துறை அலுவலக வளாகம் அருகே உள்ள தரைப்பாலம் குப்பை மற்றும் மண் மேவியதால் மழைக்காலங்களில் கழிவு நீர் செல்ல வழியில்லாமல் சாலையில் பெருக்கெடுத்து ஓடியது. இதனால் பொதுமக்கள் மற்றும் வாகன ஓட்டிகள் பெரிதும் அவதியடைந்து வந்தனர். இதையடுத்து நெடுஞ்சாலைத்துறை சார்பில் கடந்த ஆகஸ்ட் மாதம் சாலை கட்டமைப்பு திட்டத்தின் கீழ் பழைய தரைப்பாலத்தை அகற்றிவிட்டு  38 லட்ச ரூபாய் மதிப்பீட்டில் 16 மீட்டர் அகலத்தில் புதிய பாலம்  கட்டுமான பணிகள் நடைபெற்று வந்தன. 
     இதனால் கம்பம்- குமுளி மார்க்கமாக சென்ற வாகனங்கள் மாற்றுப்பாதையில் திருப்பி விடப்பட்டன. கடந்த வாரம் பாலம் கட்டுமான பணிகள் முடிவடைந்த நிலையில் பாலத்தின் மேல்புறம் தார் சாலை அமைக்கப்பட்டது. இதை பொதுமக்களின் பயன்பாட்டிற்காக சட்டப் பேரவை உறுப்பினர் எஸ்.டி.கே.ஜக்கையன் வியாழக்கிழமை  திறந்து வைத்தார். இந்த நிகழ்வில், மாவட்ட மாணவரணி செயலாளர் கே.ஜ.பாலமணிமார்பன், அப்துல்ஆசிக் உள்ளிட்டோர் கலந்துகொண்டனர்.


 

]]>
http://www.dinamani.com/all-editions/edition-madurai/theni/2018/nov/03/கம்பம்-குமுளி-நெடுஞ்சாலையில்-புதிய-பாலம்-திறப்பு-3032321.html
3032320 மதுரை தேனி ஆண்டிபட்டியில் குப்பைகள் எரிப்பு: புகைமண்டலத்தால் பொதுமக்களுக்கு மூச்சுத் திணறல் DIN DIN Saturday, November 3, 2018 03:00 AM +0530 ஆண்டிபட்டி அருகே நெடுஞ்சாலையோரம் உள்ள குப்பைக் கிடங்கில் குப்பைகளை தீ வைத்து எரிப்பதால் ஏற்படும் புகை மண்டலத்தால் பொதுமக்கள் மூச்சுத் திணறலாலும், வாகன ஓட்டிகள் விபத்துகளில் சிக்கும் அபாயமும் ஏற்பட்டுள்ளது.
திருமலாபுரம் ஊராட்சிக்குள்பட்ட சிலோன் காலனியில் 200-க்கும் மேற்பட்ட குடும்பத்தினர் வசித்து வருகின்றனர். இப்பகுதியில் சேறும் குப்பைகள் ஊராட்சி நிர்வாகத்தின் மூலம் அகற்றப்பட்டு தேனி - மதுரை நெடுஞ்சாலையோரமாக கொட்டப்பட்டு தீ வைத்து எரிக்கப்படுகிறது. இதனால் அப்பகுதியில் ஏற்படும் புகைமண்டலத்தால் சாலையில் செல்லும் வாகன ஓட்டிகளுக்கு கண்எரிச்சல் ஏற்படுவதுடன் விபத்துகளிலும் சிக்கிக் கொள்கின்றனர்.மேலும் இப்புகை மண்டலத்தால் அருகில் வசிக்கும் மக்கள் மூச்சு திணறல், கண்எரிச்சல்  போன்ற பாதிப்புகளுக்குள்ளாகின்றனர்.
இதுகுறித்து ஊராட்சி நிர்வாகத்திடம் பலமுறை புகார் அளித்தும் எவ்வித பலனும் இல்லை என சமூக ஆர்வலர்கள் புகார் தெரிவிக்கின்றனர். எனவே குப்பைகளை சாலையோரம் கொட்டாமல் வேறு இடங்களுக்கு கொண்டு சென்று அப்புறப்படுத்த வேண்டும் என அப்பகுதி மக்கள் கோரிக்கை விடுத்துள்ளனர்.


 

]]>
http://www.dinamani.com/all-editions/edition-madurai/theni/2018/nov/03/ஆண்டிபட்டியில்-குப்பைகள்-எரிப்பு-புகைமண்டலத்தால்-பொதுமக்களுக்கு-மூச்சுத்-திணறல்-3032320.html