Dinamani - தேனி - http://www.dinamani.com/all-editions/edition-madurai/theni/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3007880 மதுரை தேனி கடமலைக்குண்டு அரசு ஆரம்ப சுகாதார நிலையத்துக்கு  நாய்க்கடி சிகிச்சைக்கு வருவோரின் எண்ணிக்கை அதிகரிப்பு DIN DIN Wednesday, September 26, 2018 06:51 AM +0530 கடமலைக்குண்டு அரசு ஆரம்ப சுகாதார நிலையத்தில் நாய்க்கடி சிகிச்சைக்கு வருவோரின் எண்ணிக்கை தொடர்ந்து அதிகரித்து வருவதால், தெரு நாய்களை கட்டுப்படுத்த நடவடிக்கை எடுக்கவேண்டும் என, பொதுமக்கள் கோரிக்கை விடுத்துள்ளனர்.
     தேனி மாவட்டம், கடமலை-மயிலை ஒன்றியத்தில் 18 ஊராட்சிகள் உள்ளன. இந்த ஊராட்சிகளில் 200-க்கும் மேற்பட்ட கிராமங்கள் உள்ளடங்கியுள்ளன. இப்பகுதி மக்களின் நலனுக்காக, கடமலைக்குண்டு மற்றும் வருசநாடு கிராமங்களில் அரசு ஆரம்ப சுகாதார நிலையங்கள் செயல்பட்டு வருகின்றன. 
    மருத்துவ வசதிகள் குறைவாக உள்ள இப்பகுதி மக்கள், ஆரம்ப சுகாதார நிலையத்திலேயே சிகிச்சை பெற்று வருகின்றனர். அதிகமான மக்கள் சிகிச்சைக்கு வந்து செல்வதால், கடமலைக்குண்டு சுகாதார நிலையத்தினை மேம்படுத்தப்பட்ட ஆரம்ப சுகாதார நிலையமாக 24 மணி நேரமும் செயல்படும்படியாக மாற்றப்பட்டுள்ளது.
     இந்நிலையில், கடமலைக்குண்டு அரசு ஆரம்ப சுகாதார நிலையத்துக்கு  சமீபகாலமாக நாய்க்கடி சிகிச்சைக்காக வருவோரின் எண்ணிக்கை தொடர்ந்து அதிகரித்து கொண்டே வருகிறது. ஒரு நாளைக்கு 20-க்கும் மேற்பட்டோர் நாய்க்கடியால் பாதிக்கப்பட்டு சிகிச்சைக்கு வருகின்றனர்.
 காலை முதல் இரவு வரை நாய்க்கடி சிகிச்சைக்கு வருவதால், இதற்கான மருந்தை மருத்துவமனை பணியாளர்கள் எப்போதும் தயார் நிலையில் வைத்திருக்கின்றனர்.
    தேனி மாவட்டத்திலேயே கடமலைக்குண்டு அரசு ஆரம்ப சுகாதார நிலையத்தில்தான் நாய்க்கடி சிகிச்சைக்காக ஏராளமானோர் வருகின்றனர் என்பது குறிப்பிடத்தக்கது.
    எனவே, கடமலை-மயிலை ஒன்றியத்தில் உள்ள அனைத்து ஊராட்சிகளிலும் தெருக்களில் சுற்றித் திரியும் நாய்களை கட்டுப்படுத்த வேண்டும் என, பொதுமக்கள் கோரிக்கை விடுத்தனர். 
 ஆனால், சம்பந்தப்பட்ட ஊராட்சி நிர்வாகத்தினர் இதுவரை எந்த நடவடிக்கையும் எடுக்கவில்லை. இதனால், நாய்க்கடியால் பாதிக்கப்படுவோர் எண்ணிக்கை தொடர்ந்து அதிகரித்துக்கொண்டே வருகிறது. 
     நாய்க்கடியால் பாதிக்கப்பட்டவர்கள் முறையாக சிகிச்சை பெறாவிட்டால், ரேபீஸ் போன்ற கொடிய நோயினால் பாதிக்கப்படும் நிலை உள்ளது. எனவே, கடமலை-மயிலை ஒன்றியத்தில் கிராமங்களில் திரியும் நாய்களை கட்டுப்படுத்த ஊராட்சி ஒன்றிய அதிகாரிகள் நடவடிக்கை எடுக்கவேண்டும் என பொதுமக்கள் மீண்டும் வலியுறுத்துகின்றனர்.


 

]]>
http://www.dinamani.com/all-editions/edition-madurai/theni/2018/sep/26/கடமலைக்குண்டு-அரசு-ஆரம்ப-சுகாதார-நிலையத்துக்கு-நாய்க்கடி-சிகிச்சைக்கு-வருவோரின்-எண்ணிக்கை-அதிகரிப்ப-3007880.html
3007879 மதுரை தேனி கைப்பந்து போட்டி: 7-ஆவது ஆண்டாக கம்பம் கல்லூரி சாம்பியன் DIN DIN Wednesday, September 26, 2018 06:51 AM +0530 தேனி மாவட்டம் கம்பம் ஸ்ரீ ஆதிசுஞ்சனகிரி பெண்கள் கல்லூரியின் கைப்பந்தாட்ட அணியினர் கல்லூரிகளுக்கிடையிலான போட்டிகளில் 7 ஆவது ஆண்டாக சாம்பியன் பட்டம் பெற்றதற்கு திங்கள்கிழமை பாராட்டு விழா  நடைபெற்றது.  
கொடைக்கானல் அன்னை தெரசா பல்கலைக்கழகத்தின் கீழ் இயங்கும் கல்லூரிகளுக்கிடையேயான கைப்பந்தாட்ட போட்டிகள் கடந்த செப். 19 மற்றும் 20 ஆகிய இரண்டு நாள்கள் தேனி நாடார் சரசுவதி கலை மற்றும் அறிவியல் கல்லூரியின் விளையாட்டு மைதானத்தில் நடைபெற்றது. பல்கலைக்கழக உடற்கல்வி ஆசிரியை எம்.ராஜம் தலைமை வகித்தார். 
இப்போட்டிகளில் கம்பம் ஸ்ரீ ஆதிசுஞ்சனகிரி பெண்கள் கல்லூரியின் கைப்பந்தாட்ட அணியினர் முதலிடம் பெற்றதற்கு சுழற்கோப்பையும், கேடயமும் பெற்றனர்.  இந்த அணியினர் தொடர்ந்து ஏழாவது ஆண்டாக வெற்றி பெற்றுள்ளனர் என்பது குறிப்பிடத்தக்கது. 
வெற்றி பெற்ற கைப்பந்தாட்ட அணியினருக்கு கம்பம் ஸ்ரீ ஆதிசுஞ்சனகிரி பெண்கள் கல்லூரி வளாகத்தில் திங்கள்கிழமை பாராட்டு விழா நடைபெற்றது. கல்லூரி செயலாளரும், முன்னாள் சட்டப்பேரவை உறுப்பினருமான என்.ராமகிருஷ்ணன், இணைச் செயலாளர் ரா.வசந்தன், ஆலோசனைக்குழு உறுப்பினர்கள், முதல்வர் ஜி.ரேணுகா, உடற்கல்வி பொறுப்பாளர் எஸ்.சுசிலா, உடற்கல்வி ஆசிரியை ஆர்.சூர்யபிரபா, மற்றும் பேராசிரியைகள், அலுவலர்கள், மாணவியர்கள் வாழ்த்தி பேசினர்.


 

]]>
http://www.dinamani.com/all-editions/edition-madurai/theni/2018/sep/26/கைப்பந்து-போட்டி-7-ஆவது-ஆண்டாக-கம்பம்-கல்லூரி-சாம்பியன்-3007879.html
3007878 மதுரை தேனி கடமலைக்குண்டில் செப்டம்பர் 27 மின்தடை DIN DIN Wednesday, September 26, 2018 06:51 AM +0530 ஆண்டிபட்டி அருகே கடமலைக்குண்டு உப மின்நிலையத்தில் வியாழக்கிழமை மாதாந்திர பராமரிப்புப் பணிகள் நடைபெற உள்ளதால், மின் விநியோகம் நிறுத்தப்படும் என அறிவிக்கப்பட்டுள்ளது.
      எனவே, அன்று காலை 9 மணி முதல் மாலை 5 மணி வரை கடமலைக்குண்டு, வருசநாடு மற்றும் அதனைச் சுற்றியுள்ள பகுதிகளில் மின் விநியோகம் இருக்காது என, பெரியகுளம் கோட்டச் செயற்பொறியாளர் ச. மாறன்மணி தெரிவித்துள்ளார்.
 

]]>
http://www.dinamani.com/all-editions/edition-madurai/theni/2018/sep/26/கடமலைக்குண்டில்-செப்டம்பர்-27-மின்தடை-3007878.html
3007877 மதுரை தேனி தேனியில் மக்கள் குறை தீர்க்கும் நாள் கூட்டம் DIN DIN Wednesday, September 26, 2018 06:50 AM +0530 தேனி மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறை தீர்க்கும் நாள் கூட்டத்தில் மாவட்ட ஆட்சியர் ம.பல்லவி பல்தேவ் மனுக்களை பெற்று விசாரணை நடத்தினார்.
     தேனி மாவட்ட ஆட்சியர் அலுவலக மக்கள் குறைதீர்க்கும் நாள் கூட்டத்தில் பல்வேறு கோரிக்கை மனுக்களை பொதுமக்கள் வழங்கினர். பெறப்பட்ட மனுக்கள் தகுதி வாய்ந்த மனுக்களா என்பதனை உடனடியாக விசாரணை மேற்கொண்டு அவர்களுக்கு எந்தவித காலதாமதமுமின்றி விரைந்து நடவடிக்கை மேற்கொண்டு மனுதாரர்களுக்கு 15 நாள்களுக்குள் பதிலளிக்குமாறும், மேலும் தமிழக முதலமைச்சர் அவர்களின் தனிப்பிரிவு மனுக்கள் மீதும், மக்கள் குறைதீர்க்கும் நாளில் பெறப்பட்ட மனுக்கள், முன்னாள் படைவீரர் குறைதீர்க்கும் நாள் கூட்டம், மகளிர் சுய உதவிக்குழுக்கள் குறைதீர்க்கும் நாள் கூட்டங்களில் பெறப்பட்ட மனுக்கள் மீதும் எடுக்கப்பட்ட நடவடிக்கை குறித்தும் ஆய்வு மேற்கொண்டு, மனுதாரர்களுக்கு உரிய காலத்தில் பதிலளிக்குமாறு துறை அலுவலர்களுக்கு மாவட்ட ஆட்சியர்  ம.பல்லவி பல்தேவ், உத்தரவிட்டார்.
        இக்கூட்டத்தில், மாவட்ட வருவாய் அலுவலர் ச.கந்தசாமி, மாவட்ட ஊரக வளர்ச்சி முகமை திட்ட இயக்குநர் பா.திலகவதி, தனித்துணை ஆட்சியர் து.தங்கவேல், மாவட்ட ஆதிதிராவிடர் மற்றும் பழங்குடியினர் நல அலுவலார் இ.கே.ராமச்சந்திரன், மாவட்ட வழங்கல் அலுவலர் இ.கார்த்திகாயினி உட்பட பலர் கலந்து கொண்டனர்.
 

]]>
http://www.dinamani.com/all-editions/edition-madurai/theni/2018/sep/26/தேனியில்-மக்கள்-குறை-தீர்க்கும்-நாள்-கூட்டம்-3007877.html
3007876 மதுரை தேனி காதலி இறந்த சோகத்தில் காதலன் தற்கொலை DIN DIN Wednesday, September 26, 2018 06:50 AM +0530 தேனி அருகே காதலி தற்கொலை செய்து கொண்டதால், மன வருத்தத்தில் இருந்துவந்த காதலனும் திங்கள்கிழமை தூக்கிட்டுத் தற்கொலை செய்துகொண்டார்.
      அரண்மனைப்புதூரைச் சேர்ந்தவர் செல்வராஜ் மகன் தட்சணாமூர்த்தி (23). இவர், அதே பகுதியைச் சேர்ந்த தனது உறவினரின் மகள் சௌந்தர்யா என்பவரை காதலித்து வந்தாராம். இதற்கு, இவர்களது பெற்றோர்கள் எதிர்ப்பு தெரிவித்ததாகக் கூறப்படுகிறது.
     இந்நிலையில், கடந்த ஆகஸ்ட் மாதம் சிந்தலைச்சேரியில் உள்ள தனது உறவினர் வீட்டில் தங்கியிருந்த சௌந்தர்யா, அங்கு தூக்கிட்டுத் தற்கொலை செய்துகொண்டார். இதனால் மன வருத்தத்தில் இருந்துவந்த  தட்சணாமூர்த்தி, வீட்டில் தனியாக இருந்தபோது தூக்கிட்டுத் தற்கொலை செய்துகொண்டார்.
     இந்த சம்பவம் குறித்து பழனிசெட்டிபட்டி காவல் நிலைய போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-madurai/theni/2018/sep/26/காதலி-இறந்த-சோகத்தில்-காதலன்-தற்கொலை-3007876.html
3007875 மதுரை தேனி தேனி மாவட்டத்தில் 70 இடங்களில் புதிய மின்கம்பங்கள் அமைப்பு DIN DIN Wednesday, September 26, 2018 06:50 AM +0530 தேனி மாவட்டத்தில் மின் வாரியம் சார்பில் 70 இடங்களில் பழுதடைந்த நிலையில் உள்ள மின் கம்பங்களுக்கு பதிலாக புதிய மின் கம்பங்கள் அமைக்கப்பட்டுள்ளன.
மின் வாரியம் சார்பில் பழுதடைந்த நிலையில் உள்ள மின்கம்பங்களை மாற்றி அமைக்கும் திட்டத்தின் கீழ், மாவட்டத்தில் பழுதடைந்த நிலையிலும், போக்குவரத்துக்கு இடையூறாகவும் உள்ள மின்கம்பங்கள் மாற்றியமைக்கப்பட்டுள்ளன. 
கடந்த திங்கள் மற்றும் செவ்வாய்க்கிழமை மாவட்டத்தில் 70 இடங்களில் உள்ள 250 மின்கம்பங்கள் மாற்றப்பட்டு, புதிய மின்கம்பங்கள் அமைக்கப்பட்டுள்ளன.
தேனி துணை மின்நிலையத்திற்கு உள்பட்ட பகுதிகளில் தேனி மின் வாரிய உதவி செயற்பொறியாளர்கள் கணேஷ்குமார், ஜெயச்சந்திரன் ஆகியோர் மேற்பார்வையில் தலா ரூ.6,000 செலவில் 50 புதிய மின்கம்பங்கள் அமைக்கப்பட்டுள்ளன.


 

]]>
http://www.dinamani.com/all-editions/edition-madurai/theni/2018/sep/26/தேனி-மாவட்டத்தில்-70-இடங்களில்-புதிய-மின்கம்பங்கள்-அமைப்பு-3007875.html
3007874 மதுரை தேனி இலங்கைப் போர்: திமுகவின் உண்ணாவிரதம் கபட நாடகம்: துணை முதல்வர் ஓ.பன்னீர்செல்வம் DIN DIN Wednesday, September 26, 2018 06:49 AM +0530 இலங்கையில் நடைபெற்ற போரின்போது, உண்ணாவிரதம் என்ற பெயரில் திமுக கபட நாடகமாடியதாக, தமிழக துணை முதல்வர் ஓ. பன்னீர்செல்வம் குற்றம்சாட்டினார்.
தேனி பங்களாமேடு திடலில், அதிமுக சார்பில் ஈழப் படுகொலைக்கு காரணமான திமுக-காங்கிரஸ் கட்சிகளை போர்க் குற்ற விசாரணைக்கு உள்படுத்தி தண்டிக்க வலியுறுத்தி, கண்டனப் பொதுக் கூட்டம் செவ்வாய்க்கிழமை நடத்தப்பட்டது.
அதிமுக மாவட்டச் செயலர் எஸ்.பி.எம். சையதுகான் தலைமை வகித்தார். தேனி மக்களவை உறுப்பினர் ரா. பார்த்திபன், கம்பம் சட்டப்பேரவை உறுப்பினர் எஸ்.டி.கே.ஜக்கையன், அதிமுக அம்மா பேரவை மாவட்டச் செயலர் ப. ரவீந்திரநாத்குமார், அதிமுக பொதுக்குழு உறுப்பினர் டி.டி. சிவக்குமார், மாவட்ட துணைச் செயலர் எம்.பி.ராமர் ஆகியோர் முன்னிலை வகித்தனர். அதிமுக கொள்கை பரப்புச் செயலர் வைகை செல்வன் பேசினார்.
     பின்னர், துணை முதல்வர் 
ஓ. பன்னீர்செல்வம் பேசியதாவது: வரும் மக்களவை மற்றும் சட்டப்பேரவைத் தேர்தலில் வெற்றி பெறுவதற்காக மு.க. ஸ்டாலின் பல வேஷங்களை போட்டு மக்களை ஏமாற்றி வருகிறார். இலங்கையில் நடைபெற்ற போரின்போது, அந்நாட்டு அரசுக்கும், மத்திய அரசுக்கும் எச்சரிக்கை விடாமல் உண்ணாவிரதம் இருந்து திமுக கபட நாடகமாடியது. இலங்கையில் இனப் படுகொலை நடந்து கொண்டிருந்தபோது, எங்களது மக்களை காப்பாற்றுங்கள் என்று விடுதலைப் புலிகள் தலைவர் பிரபாகரன் வைகோ மூலம் கருணாநிதிக்கு கடிதம் அனுப்பியும், அவர் அதை கண்டுகொள்ளாமல் நிராகரித்தார். 
கருணாநிதியை விமர்சித்து வந்த வைகோ, தற்போது மு.க. ஸ்டாலினை முதல்வராக்குவேன் என்று பேசி வருகிறார்.
    இலங்கையில் நடந்த இனப் படுகொலைக்கு ராஜபட்ச அரசுக்கு உதவியது, மத்தியில் ஆட்சிப் பொறுப்பில் இருந்த காங்கிரஸ் மற்றும் திமுக கட்சிகள்தான் என்றார்.
 

]]>
http://www.dinamani.com/all-editions/edition-madurai/theni/2018/sep/26/இலங்கைப்-போர்-திமுகவின்-உண்ணாவிரதம்-கபட-நாடகம்-துணை-முதல்வர்-ஓபன்னீர்செல்வம்-3007874.html
3007179 மதுரை தேனி சின்னமனூரில் மின்தடை  பொதுமக்கள் சாலை மறியல் DIN DIN Tuesday, September 25, 2018 07:03 AM +0530 தேனி மாவட்டம் சின்னமனூரில் திங்கள்கிழமை அறிவிக்கப்படாத மின்தடையை கண்டித்து பொதுமக்கள் சாலை மறியலில் ஈடுபட்டனர்.
சின்னமனூரில் நகாரட்சி பகுதியில் கடந்த சில நாள்களாக அறிவிக்கப்படாத மின் வெட்டு அமலில் இருந்து வருகிறது. இதனால் பொதுமக்கள் மற்றும் வர்த்தக நிறுவனங்கள் பெரிதும் அவதிக்குள்ளாகி வருகின்றனர்.  இந்நிலையில், ஞாயிற்றுக்கிழமை இரவு முழுவதும், சீப்பாலக்கோட்டை சாலை, முத்தாலம்மன் கோயில், கண்ணாடிமுக்கு உள்ளிட்ட 5 க்கும் மேற்பட்ட வார்டுகளில் முற்றிலுமாக மின் விநியோகம் நிறுத்தப்பட்டது.  
இது சின்னமனூர் மின்வாரியத்திடம்  புகார் தெரிவித்தும்  நடவடிக்கை எடுக்கவில்லையாம். இந்நிலையில் அப்பகுதி பொதுமக்கள்  சீப்பாலக்கோட்டை சாலையில்  மறியிலில்   ஈடுபட்டனர்.  தகவலின் பேரில் சம்பவயிடத்திற்கு வந்த சின்னமனூர் போலீஸார் பொதுமக்களிடம் பேச்சுவார்த்தை நடத்தினர். மின்வாரிய உழியர்கள் மூலமாக உடனடியாக சரிசெய்து மின்சாரம் விநியோகம் செய்ய நடவடிக்கை எடுப்பதாக கூறியதைத் தொடர்ந்து, பொதுமக்கள் சாலை மறியலை கைவிட்டு கலைந்து சென்றனர்.  

]]>
http://www.dinamani.com/all-editions/edition-madurai/theni/2018/sep/25/சின்னமனூரில்-மின்தடை--பொதுமக்கள்-சாலை-மறியல்-3007179.html
3007178 மதுரை தேனி பெரியகுளம் அருகே புதைக்கப்பட்ட  மங்களூர் இளைஞர் சடலம் தோண்டி எடுத்து உறவினரிடம் ஒப்படைப்பு DIN DIN Tuesday, September 25, 2018 07:03 AM +0530 பெரியகுளம் அருகே புதைக்கப்பட்டிருந்த மங்களூர் இளைஞரின் சடலத்தை போலீஸார் திங்கள்கிழமை தோண்டியெடுத்து உறவினர்களிடம்  ஒப்படைத்தனர்.
பெரியகுளத்தில் இருந்து கொடைக்கானல் செல்லும் சாலையில் டம்டம் பாறை அருகே சுமார் 34 வயது மதிக்கத்தக்க இளைஞரின் சடலத்தை கடந்த செப்.17 ஆம் தேதி தேவதானப்பட்டி போலீஸார் கைப்பற்றினர். பின்னர் வழக்குப் பதிந்து பிரேத பரிசோதனை செய்து, தேவதானப்பட்டி பகுதியில் புதைத்தனர். 
இந்த நிலையில் இறந்தவர், கர்நாடக மாநிலம், மங்களூரைச் சேர்ந்த சேக் ஹம்ஷா மகன் முகமது சமீர் (34) என்றும், வெளிநாட்டில் வேலை செய்து வந்ததவர் என்பதும் தெரியவந்தது. கடந்த ஆகஸ்ட் மாதம் விடுமுறைக்கு சொந்த ஊருக்கு வந்த நிலையில் அவரைக் காணவில்லையாம்.  அவருக்கு மனைவி, குழந்தை உள்ளனர்.  இதனையடுத்து பெரியகுளம் அருகே அவரது சடலம் மீட்கப்பட்டது தெரியவந்ததும்,  உறவினர்கள் சம்பவ இடத்திற்கு வந்து இறந்தவர் முகமது சமீர் தான் என்பதை  உறுதிசெய்தனர். 
இந்நிலையில்,  போலீஸார் தேவதானப்பட்டியில் புதைக்கப்பட்ட முகமதுசமீரின் உடலை திங்கள்கிழமை தோண்டியெடுத்து உறவினர்களிடம் ஒப்படைத்தனர். இச்சம்பவம் குறித்து போலீஸார் பல்வேறு கோணங்களில் விசாரித்து வருகின்றனர்.
 

]]>
http://www.dinamani.com/all-editions/edition-madurai/theni/2018/sep/25/பெரியகுளம்-அருகே-புதைக்கப்பட்ட--மங்களூர்-இளைஞர்-சடலம்-தோண்டி-எடுத்து-உறவினரிடம்-ஒப்படைப்பு-3007178.html
3007177 மதுரை தேனி கார் மோதி விவசாயி சாவு DIN DIN Tuesday, September 25, 2018 07:03 AM +0530 பெரியகுளம் அருகே ஞாயிற்றுக்கிழமை இரவு அடையாளம் தெரியாத வாகனம் மோதி விவசாயி இறந்தார்.
கொடைக்கானல் அருகே பூண்டியை சேர்ந்த தாமோதரன் (35). இவர் வடுகபட்டி வெள்ளைப்பூண்டு சந்தைக்கு வந்துள்ளார். ஞாயிற்றுக்கிழமை இரவு பெரியகுளம் சாலையில் நண்பர்கள் பாலகிருஷ்ணன் மற்றும் சக்திவேலுடன் நடந்து சென்றபோது பெரியகுளம் நோக்கி சென்ற கார் மோதியுள்ளது. இதில் பலத்த காயமடைந்த தாமோதரன் மதுரை அரசு மருத்துவமனையில் சேர்க்கப்பட்டிருந்தார். அங்கு அவர் சிகிச்சை பலனின்றி அவர் இறந்தார். இச்சம்பவம் குறித்து தென்கரை போலீஸார் திங்கள்கிழமை வழக்கு பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/sep/25/கார்-மோதி-விவசாயி-சாவு-3007177.html
3007176 மதுரை தேனி இளம்பெண்ணை பலாத்காரம் செய்தவர் கைது DIN DIN Tuesday, September 25, 2018 07:03 AM +0530 தேனி மாவட்டம்  உத்தமபாளையம் அருகே  உள்ள உ.அம்மாபட்டியில் இளம்பெண்ணை கடத்தி மானபங்கம் செய்தவரை போலீஸார் திங்கள்கிழமை  கைது செய்தனர்.
உ.அம்மாபட்டி பேச்சியம்மன் கோயில் தெருவைச் சேர்ந்த 17 வயது இளம் பெண்ணை கடந்த சில நாள்களுக்கு முன் காணவில்லை.  பல இடங்களில் தேடியும் கிடைக்காத நிலையில் உத்தமபாளையம் காவல் நிலையத்தில் பெற்றோர் புகார் தெரிவித்தனர். 
புகாரின் பேரில் போலீஸார் வழக்கு பதிவு செய்து விசாரணை செய்ததில், அதே பகுதியை சேர்ந்த கர்ணன் மகன் அஜித்(21) இளம் பெண்ணை கடத்தி சென்று பலாத்காரம் செய்தது தெரியவந்தது. அஜீத்,  சென்னையில் ஓட்டுநராக வேலை செய்து வருகிறார். போலீஸார் அஜித்தை கைது செய்து சிறையில் அடைத்தனர்.   

]]>
http://www.dinamani.com/all-editions/edition-madurai/theni/2018/sep/25/இளம்பெண்ணை-பலாத்காரம்-செய்தவர்-கைது-3007176.html
3007175 மதுரை தேனி கம்பம், கூடலூர், குமுளி பகுதிகளில் பலத்த மழை: லோயர்கேம்ப் மலைச் சாலையில் மணல் மூட்டைகள் சரிந்தன DIN DIN Tuesday, September 25, 2018 07:02 AM +0530 தேனி மாவட்டம் கம்பம், கூடலூர் மற்றும் குமுளி வட்டார பகுதிகளில் திங்கள்கிழமை பலத்த மழை பெய்தது. லோயர்கேம்ப் - குமுளி  நெடுஞ்சாலையில் மாதா கோவில் அருகே மண் சரிவு ஏற்பட்ட இடத்தில் அடுக்கி வைக்கப்பட்டிருந்த மணல் மூட்டைகள் சரிந்து, மழை வெள்ளத்தில் அடித்துச் செல்லப்பட்டன.  
ஏற்கெனவே கடந்த ஆகஸ்ட் மாதம் பெய்த பலத்த மழையால் லோயர்கேம்ப் - குமுளி மலைச்சாலையில் மூன்று இடங்களில் மண் சரிந்து சுமார் 15 நாள்கள் போக்குவரத்து தடைபட்டு, சரிசெய்யப்பட்டது.  லோயர்கேம்ப் மலைப்பாதையில் மாதா கோயில் அருகே, மண் சரிந்து சாலை துண்டிக்கப்பட்ட இடத்தில் மணல் மூட்டைகள் அடுக்கி வைக்கப்பட்டிருந்தன. இந்நிலையில்,  திங்கள்கிழமை மாலை பெய்த பலத்த மழையால், மணல் மூட்டைகள் சரிந்து,  சாலையின் மறுபுறமும், வெள்ளத்திலும்  இழுத்து செல்லப்பட்டன. 
மலைச்சாலையை ஆய்வு செய்த குமுளி தனிப்பிரிவு காவலர் தகவலின் பேரில் குமுளி போலீஸார் சம்பவ இடத்திற்கு விரைந்து சென்று மலைச்சாலையில் கனரக வாகனங்களை செல்ல விடாமல், இலகு ரக வாகனங்களை மட்டும் அனுமதித்து வருகின்றனர். இரவு மழை தொடரும் என்பதால் சாலை சரிவினால், அசம்பாவிதங்கள் ஏற்படாமல் இருக்க ரோந்து சுற்றி வருகின்றனர். 
கம்பம்: இதே போல் கூடலூர் கம்பம் மற்றும் சுற்று வட்டார பகுதிகளிலும் பலத்த மழையால் சாலையில் மழை நீருடன் கழிவு நீரும் சென்றது. கம்பம்  - குமுளி நெடுஞ்சாலையில் பொதுப்பணித்துறை அலுவலக வளாகம் அருகே புதிய பாலம் கட்டுமான பணிகள் நிறைவடையவில்லை. 
இருபுறமும் தனி நபர்கள்  ஆக்கிரமிப்பு செய்திருப்பதால், ஞாயிறு மற்றும் திங்கள்கிழமை பெய்த பலத்த மழையால், பொதுப்பணித்துறை கட்டடத்தின் மீது மோதி சாலை வழியாக பெருக்கெடுத்து ஓடி, கழிவுநீர் பொதுப்பணித்துறை  வளாகம், சட்டப்பேரவை உறுப்பினர் அலுவலகம், வனச்சரகர் அலுவலக சாலையில் உள்ள வீடுகள், தனியார் மற்றும் மருத்துவமனைக்குள் புகுந்தது. கழிவு நீரில் குப்பை கூளங்கள் சேர்ந்து புகுந்ததால் தண்ணீரை மின் மோட்டார் மூலம் 
அகற்றும் போது, குப்பை கூளத்தை  அகற்றமுடியாமல் பொதுமக்கள் அவதியடைந்தனர்.

]]>
http://www.dinamani.com/all-editions/edition-madurai/theni/2018/sep/25/கம்பம்-கூடலூர்-குமுளி-பகுதிகளில்-பலத்த-மழை-லோயர்கேம்ப்-மலைச்-சாலையில்-மணல்-மூட்டைகள்-சரிந்தன-3007175.html
3007174 மதுரை தேனி ஆட்சியர் அலுவலகத்தில் 2 பேர் தீக்குளிக்க முயற்சி DIN DIN Tuesday, September 25, 2018 07:02 AM +0530 தேனி மாவட்ட ஆட்சியர் அலுவலகத்தில் திங்கள்கிழமை தீக்குளிக்க முயன்ற இளைஞர் மீது போலீஸார் வழக்கு பதிவு செய்தனர். மற்றொரு மூதாட்டியை எச்சரித்து அனுப்பி வைத்தனர். 
போடி அருகே திம்மிநாயக்கன்பட்டியை சேர்ந்தவர் துர்க்கையம்மாள் (70). இவர் இப்பகுதியில் புறம்போக்கு நிலத்தில் விவசாயம் செய்து வருகிறார். இதற்கு இப்பகுதியை சேர்ந்த சிலர் இடையூறு செய்து வந்துள்ளனர். இதுகுறித்து போடி புறநகர் காவல் நிலையத்தில் புகார் செய்தும் நடவடிக்கை எடுக்கவில்லையாம். இதனையடுத்து திங்கள்கிழமை மக்கள் குறை தீர்க்கும் நாள் கூட்டத்திற்கு மூதாட்டி கையில் பெட்ரோல் கேனுடன் வந்தார்.
இதனை கண்ட போலீஸார் அவரிடமிருந்து பெட்ரோல் கேனை பறிமுதல் செய்தனர். மேலும் அவரை எச்சரித்த போலீஸார், அவரது பிரச்னை குறித்து விசாரித்து நடவடிக்கை எடுக்க போடி தாலுகா காவல் நிலைய போலீஸாருக்கு உத்தரவிட்டனர்.
இதேபோல் சின்னமனூர் அருகே ஊத்துப்பட்டியை சேர்ந்தவர் செல்வக்குமார் (40). சின்னமனூர் போலீஸார் பொய் வழக்கு போட்டுள்ளதாகக் கூறி மண்ணெண்ணெய் கேனுடன் வந்த செல்வக்குமார் ஆட்சியர் அலுவலகம் முன் உடம்பில் மண்ணெண்ணெய் ஊற்றி தீ வைக்க முயன்றார். இதனையடுத்து அவரை காப்பாற்றிய போலீஸார் அவர் மீது வழக்கு பதிவு செய்து விசாரித்து வருகின்றனர்.
 

]]>
http://www.dinamani.com/all-editions/edition-madurai/theni/2018/sep/25/ஆட்சியர்-அலுவலகத்தில்-2-பேர்-தீக்குளிக்க-முயற்சி-3007174.html
3007173 மதுரை தேனி பெட்ரோல்-டீசல் விலை உயர்வு: தேனியில் ஆட்டோ  ஓட்டுநர்கள் ஆர்ப்பாட்டம் DIN DIN Tuesday, September 25, 2018 07:01 AM +0530 பெட்ரோல் -டீசல் விலை உயர்வை கட்டுப்படுத்த வலியுறுத்தி தேனி -அல்லிநகரத்தில் சிஐடியு தொழிற்சங்கத்தை சேர்ந்த ஆட்டோ ஓட்டுநர்கள் திங்கள்கிழமை ஆர்ப்பாட்டத்தில் ஈடுபட்டனர்.
இதில், ஆட்டோ சங்க கிளைத் தலைவர் பி.கந்தசாமி தலைமை வகித்தார். கிளைச் செயலாளர் ஆர்.வெங்கடேசன், கிளை பொருளாளர் வி.பாலாஜி ஆகியோர் முன்னிலை வகித்தனர். 
ஆர்ப்பாட்டத்தை சிஐடியு தேனி மாவட்டத் தலைவர் சி.முருகன் தொடக்கி வைத்துப்பேசினார். கட்டுமான தொழிலாளர் சங்க மாவட்ட செயலாளர் ஜி.சண்முகம், ஊரக வளர்ச்சி உள்ளாட்சித் துறை ஊழியர் சங்க மாவட்ட செயலாளர் டி.ஜெயபாண்டி ஆகியோர் கோரிக்கைகளை வலியுறுத்திப் பேசினர். 
புதிய மோட்டார் வாகன சட்டத்தை வாபஸ் பெற வேண்டும், அடிக்கடி ஆட்டோ தொழிலாளர்கள் மீது அபராதம் விதிப்பதை காவல்துறையினர் கைவிட வேண்டும் என்பன உள்ளிட்ட கோரிக்கைகள் வலியுறுத்தப்பட்டன.  ஆர்ப்பாட்டத்தை நிறைவு செய்து  சிஐடியு தேனி மாவட்ட செயலாளர் எம்.ராமச்சந்திரன் பேசினார்.

]]>
http://www.dinamani.com/all-editions/edition-madurai/theni/2018/sep/25/பெட்ரோல்-டீசல்-விலை-உயர்வு-தேனியில்-ஆட்டோ--ஓட்டுநர்கள்-ஆர்ப்பாட்டம்-3007173.html
3007172 மதுரை தேனி வருசநாடு அருகே கனமழை: மின்கம்பம் விழுந்து கன்றுக்குட்டி சாவு DIN DIN Tuesday, September 25, 2018 07:01 AM +0530 வருசநாடு அருகே ஞாயிற்றுக்கிழமை இரவு பெய்த கனமழையின்போது மின்கம்பம் ஒரு வீட்டின் மீது விழுந்ததில் கன்றுக்குட்டி உயிரிழந்தது. மேலும் 100 ஆண்டுகள் பழமையான மருதமரமும் வேரோடு சாய்ந்து விழுந்தது.
      தேனி மாவட்டம், ஆண்டிபட்டி தாலுகா பகுதிகளில் ஞாயிற்றுக்கிழமை மாலை முதல் இரவு வரையில் இடி மின்னலுடன் பலத்த மழை பெய்தது. குறிப்பாக மூல வைகை ஆற்றின் நீர்ப்பிடிப்பு பகுதிகளான வருசநாடு, வாலிப்பாறை, காந்திகிராமம், வெள்ளிமலை பகுதிகளில் கனமழை பெய்தது. 
இந்நிலையில், வருசநாடு அருகே உள்ள காந்திகிராமத்தில் இரவு சுமார் 10 மணியளவில் பயங்கர சத்தத்துடன் மின்னல் தாக்கியது. இதில், அந்த கிராமத்தில் குடியிருப்புகளுக்கு மத்தியில் இருந்த ஒரு மின் கம்பம் அடியோடு சாய்ந்து வீட்டின் மேல் விழுந்தது. மின்சாரம் பாய்ந்துகொண்டிருந்த நிலையில்  மின்கம்பம் விழுந்ததைக் கண்ட அந்த பகுதி மக்கள் பயத்தில் அலறினர். 
இதனையடுத்து அப்பகுதியைச் சேர்ந்த பொதுமக்கள் விரைந்து சென்று அருகில் இருந்த மின்மாற்றியில் இருந்து மின்விநியோகத்தை நிறுத்தினர். 
 இதனால், அப்பகுதியில் மின்சாரத்தால் ஏற்பட இருந்த பெரும் விபத்து தவிர்க்கப்பட்டது. இருந்த போதிலும் மின்சாரம் தாக்கியதில் ஒரு வீட்டின் முன்பாக கட்டி வைக்கப்பட்டு இருந்த கன்றுக்குட்டி இறந்தது. மேலும், தொடர்ந்து இடி மின்னல் தாக் கியதில் அந்த கிராமத்தில் இருந்த நூற்றாண்டு கடந்த ஒரு மருதமரம் வேருடன் சாய்ந்து விழுந்தது. 
சுமார் 3 மணிநேரம் நீடித்த இந்த மழையால் அப்பகுதி மக்களிடையே அச்சம் ஏற்பட்டது. தொலைத்தொடர்பு சேவைகள் இல்லாத பகுதி என்பதால், மின் கம்பம் சாய்ந்த செய்தி திங்கள்கிழமை காலையில் தான் தெரிந்தது. 
இதனையடுத்து மின்வாரிய அதிகாரிகள் அங்கு விரைந்து வந்து மின்சார விநியோகத்தை சீரமைக்கும் பணியில் ஈடுபட்டனர்.

]]>
http://www.dinamani.com/all-editions/edition-madurai/theni/2018/sep/25/வருசநாடு-அருகே-கனமழை-மின்கம்பம்-விழுந்து-கன்றுக்குட்டி-சாவு-3007172.html
3007171 மதுரை தேனி தொழிலதிபர் வீட்டில் திருடிய 2 பேர் கைது DIN DIN Tuesday, September 25, 2018 07:01 AM +0530 தேனியில் தொழிலதிபர் வீட்டில் திருடிய 2 பேரை போலீஸார் ஞாயிற்றுக்கிழமை கைது செய்தனர்.
தேனி-கோட்டைக்களம் தெருவில் வசித்து வருபவர் சுப்புரத்தினம் (73). தொழிலதிபர். இவரது மனைவி விஜயலட்சுமி (69). கடந்த ஜூலை மாதம்  சுப்புரத்தினம் வெளியூர் சென்றதால் விஜயலட்சுமி வீட்டை பூட்டிவிட்டு தனது மகள் வீட்டிற்கு சென்றுவிட்டார். மறுநாள் காலையில் வந்து பார்த்தபோது வீட்டின் பூட்டு உடைக்கப்பட்டு பீரோவில் இருந்த 66 பவுன் தங்க நகைகள் மற்றும் வெள்ளிப் பொருட்கள் திருடு போயிருந்தன. இதுகுறித்து தேனி போலீஸார் வழக்குப்பதிவு செய்து தனிப்படை அமைத்து விசாரித்து வந்தனர்.  இந்நிலையில் நகை திருட்டு வழக்கில் தொடர்புடைய வெங்கடாசலபுரத்தை சேர்ந்த கிரி (40), தேனி ஸ்ரீராம் நகரை சேர்ந்த வெங்கடேஷ் (38)ஆகிய 2 பேரை கைது செய்து விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/sep/25/தொழிலதிபர்-வீட்டில்-திருடிய-2-பேர்-கைது-3007171.html
3007170 மதுரை தேனி வடிகால் கட்டுவதற்காக ஆண்டிபட்டி தெருக்களில் ஆக்கிரமிப்புகள் அகற்றம் DIN DIN Tuesday, September 25, 2018 07:00 AM +0530 ஆண்டிபட்டி பேருராட்சி பகுதிகளில் கழிவுநீர் வடிகால் அமைப்பதற்காக தெருக்களில் ஆக்கிரமிப்புக்கள் அகற்றும் பணி திங்கள்கிழமை நடைபெற்றது. 
தேனி மாவட்டம், ஆண்டிப்பட்டி பேரூராட்சியில 18 வார்டுகள் உள்ளன. இங்கு பெரும்பாலான பகுதிகளில் முறையான வடிகால் வசதிகள் இன்றி பொதுமக்கள் அவதியுற்று வந்தனர். இதனையடுத்து அரசின் உத்தரவுப்படி வார்டு பகுதிகளில் வடிகால் அமைக்கும் பணிகள் தீவிரமாக நடைபெற்று வருகின்றன. 
 ஒரு சில இடங்களில் ஆக்கிரமிப்பு காரணமாக வடிகால் அமைக்க முடியாமல் இருந்து வருகிறது. 13 ஆவது வார்டு பகுதியில் உள்ள காளியம்மன்கோவில் தெருவில் பல ஆண்டுகளுக்கு முன்பு கட்டப்பட்ட சாக்கடையை ஆக்கிரமித்து கட்டடங்கள் கட்டிவிட்டதால் கழிவுநீர் தெருக்களில் தேங்கி வந்தது. இதனால், அந்த பகுதியில் கொசுக்கள் உற்பத்தி அதிகமானதுடன், தொற்றுநோய் பரவும் அபாயமும் உருவானது. இதனால் காளியம்மன்கோவில் தெருவில் புதிதாக சாக்கடை வடிகால் கட்ட வேண்டும் என்று பொதுமக்கள் கோரிக்கை விடுத்தனர். 
 இதனையடுத்து அந்த தெருவில் புதிய சாக்கடை வடிகால் கட்டி புதிதாக சாலை அமைக்க பேரூராட்சி நிர்வாகம் நடவடிக்கை எடுத்தது. இதற்காக காளியம்மன்கோவில் தெருவில் ஆக்கிரமிப்புகள் அகற்றும் பணி நடைபெற்றது. பேரூராட்சி செயல் அலுவலர் பாலசுப்பிரமணி, ஆய்வாளர் முருகானந்தம், பொறியாளர் முத்துக்குமார் ஆகியோர் மேற்பார்வையில்,  இயந்திரத்தின் மூலம் ஆக்கிரமிப்புகள் அகற்றப்பட்டன. 
ஆக்கிரமிப்பு அகற்றும் பணி முடிவுற்றவுடன் காளியம்மன்கோவில் தெருவில் சுமார் 500 மீட்டர் தூரம் வடிகால் வசதியுடன் சாலை அமைக்கப்படும் என்று அதிகாரிகள் 
தெரிவித்தனர். பேரூராட்சியின் இந்த நடவடிக்கையால் அப்பகுதி மக்கள் மகிழ்ச்சி அடைந்துள்ளனர்.
 

]]>
http://www.dinamani.com/all-editions/edition-madurai/theni/2018/sep/25/வடிகால்-கட்டுவதற்காக-ஆண்டிபட்டி-தெருக்களில்-ஆக்கிரமிப்புகள்-அகற்றம்-3007170.html
3007169 மதுரை தேனி ஆண்டிபட்டி அருகே "குளமான' சாலை! வாகன  ஓட்டிகள் அவதி DIN DIN Tuesday, September 25, 2018 07:00 AM +0530 ஆண்டிபட்டி அருகே உள்ள ஆசாரிப்பட்டி கிராமத்தில் ஞாயிற்றுக்கிழமை பெய்த மழையினால் சாலையில் தண்ணீர் தேங்கி குளம் போல மாறியதால் வாகன ஓட்டிகள் அவதியுற்று வருகின்றனர். 
தேனி மாவட்டம், ஆண்டிபட்டி அருகே ஆசாரிபட்டி கிராமம் அமைந்துள்ளது.  ஆண்டிபட்டியில் இருந்து ஆசாரிப்பட்டி வழியாக ரோசனபட்டி, பிராதுகாரன்பட்டி வரையில் சாலை உள்ளது. இதில் ஆசாரிபட்டி ஊருக்குள் செல்லும் சாலை பல ஆண்டுகளாக புதுப்பிக்கப்படவில்லை. 
இந்நிலையில் ஞாயிற்றுக்கிழமை ஆண்டிபட்டி மற்றும் சுற்றுவட்டார பகுதிகளில் பரவலாக பலத்த மழை பெய்தது. ஆசாரிபட்டி கிராமத்திலும் பலத்த மழை பெய்தது. போதிய கால்வாய் வசதி இல்லாத ஆசாரிபட்டியில் மழைநீர் சாலையிலும், தெருக்களிலும் கரைபுரண்டு ஓடியது. அரசு உயர்நிலைப்பள்ளி முன்பாக உள்ள சாலையில் தண்ணீர்  தேங்கியது. இதனால் ஆசாரிபட்டி-ரோசனபட்டி சாலை குளம்போல மாறியது. 
  அந்த வழியாக வந்த வாகனங்கள் மிகுந்த சிரமத்துடன் சென்றுவந்தன. குறிப்பாக இருசக்கர வாகனங்களில் வந்தவர்கள் அந்த பகுதியில் தட்டுத்தடுமாறி சென்றனர். சிறிய மழை பெய்தாலும் தண்ணீர் குளம் போல தேங்கும் நிலை பல ஆண்டுகளாக நீடித்து வருகிறது. இதனால் அந்த பகுதி மக்கள் பாதிக்கப்படுவதுடன், பள்ளி 
மாணவ-மாணவிகளும் பெரும் துன்பத்திற்கு ஆளாகி வருகின்றனர். தொடர்ந்து ஒரே இடத்தில் தண்ணீர் தேங்குவதால் கொசுக்கள் உற்பத்தியும் அதிகரித்து தொற்றுநோய்கள் பரவும் அபாயமும் உருவாகியுள்ளது. 
எனவே ஆசாரிபட்டி கிராமத்தில் கழிவுநீர் மற்றும் மழைநீரை கடத்தும் வகையில் போதுமான வடிகால் வசதி செய்து தர மாவட்ட நிர்வாகம் உரிய நடவடிக்கை எடுக்க வேண்டும் என்று பொதுமக்கள் கோரிக்கை விடுத்து வருகின்றனர்.

]]>
http://www.dinamani.com/all-editions/edition-madurai/theni/2018/sep/25/ஆண்டிபட்டி-அருகே-குளமான-சாலை-வாகன--ஓட்டிகள்-அவதி-3007169.html
3006657 மதுரை தேனி தேனி மாவட்டத்தில் அடிப்படை வசதியில்லாத  ஆதி திராவிடர் மாணவர் விடுதிகள் DIN DIN Monday, September 24, 2018 07:31 AM +0530 தேனி மாவட்டத்திலுள்ள ஆதி திராவிடர் மற்றும் பழங்குடியினர் நலத்துறை வசமுள்ள மாணவர் விடுதிகளில் குடிநீர் உள்ளிட்ட அடிப்படை வசதிகளின்றி மாணவ, மாணவியர் அவதிப்படுவதாகப் புகார்கள் எழுகின்றன.
தேனி மாவடத்திலுள்ள பெரும்பான்மையான ஆதி திராவிடர் விடுதிகளில் அண்டை மாநிலமான கேரளத்தில் வாழும் தமிழர்களின் குழந்தைகளே அதிக அளவில் தங்கி கல்வி பயின்று வருகின்றனர். 
அதேபோல், மாவட்டத்தின் பிற பகுதிகளைச் சேர்ந்தவர்களும்  உத்தமபாளையம், க.புதுப்பட்டி, தேவாரம், கோட்டூர் என பல்வேறு  இடங்களிலுள்ள விடுதிகளில் தங்கி பயில்கின்றனர். 
இந்த விடுதியில் தங்கி கல்வி கற்கும் மாணவ, மாணவிகளுக்கு உணவு, குடிநீர் உள்ளிட்ட அனைத்து அடிப்படை வசதிகளும் முறையாகப் பின்பற்றப்படுவதில்லை. மேலும், மாணவ, மாணவியர் தங்கும் அறைகள் மற்றும் விடுதிகள் சுகாதாரமின்றி இருப்பதால், தொற்று நோய் அபாயத்தில் உள்ளனர். 
பல விடுதிகளில் தண்ணீர் வசதி இல்லாததால், மாணவர்கள் திறந்தவெளியை கழிப்பிடமாகப் பயன்படுத்தும் நிலை உள்ளது. 
குடிநீர் உள்ளிட்ட தேவைகளுக்கு மாணவிகள் தெருக் குழாய்களுக்குச் சென்று தண்ணீரை பிடித்து வரவேண்டிய கட்டாயத்தில் உள்ளதால், அவர்களது கல்வி கேள்விக்குறியாகியுள்ளது.
இது குறித்து பாதிக்கப்பட்ட பெற்றோர்கள் தெரிவித்தது: உத்தமபாளையத்தில் செயல்படும் மாணவிகள் தங்கும் விடுதிகளில் பல ஆண்டுகளாக தண்ணீர் வசதியில்லை. மாணவிகள் சமையல் உள்ளிட்ட பல்வேறு பிரச்னைகளுக்கு மாலை நேரங்களில் தெருத் தெருவாகச் சென்று தண்ணீர் சுமந்து வருகின்றனர்.
 கோட்டூரிலுள்ள மாணவிகள் தங்கும் விடுதியில் போதுமான கட்டமைப்பு வசதி இல்லை. இதனால், மாணவிகளின் குளியல் அறை சாலையில் செல்லும் பேருந்திலிருந்து தெரியும் அளவில் உள்ளதால், மாணவிகள் மனவேதனை அடைகின்றனர். 
இது குறித்து ஆசிரியர் ஒருவர் கூறியது: பட்டியல் இனப் பிரிவில் படிக்கும் மாணவர்களுக்கு வழங்கப்படும் உணவு முறைகள் மற்றும் அடிப்படை வசதி என்பது முறையாக இல்லை. மாணவர்கள் தங்களிடம்  புகார் தெரிவிக்கும்போது, ஆசிரியர் என்ற முறையில் சம்பந்தப்பட்ட கண்காணிப்பாளரிடம் தெரிவித்தாலும் எவ்வித பயனும் இல்லை என்றார்.  
எனவே, அரசு தங்கும் விடுதிகளில் மாணவ, மாணவியரின் அடிப்படை வசதிகளை மேம்படுத்தும் வகையில், அதிகாரிகள் அவ்வப்போது ஆய்வு செய்து உரிய நடவடிக்கை எடுக்கவேண்டும் என, மாணவ-மாணவியர் மற்றும் பெற்றோர்கள் வலியுறுத்துகின்றனர்.
 

]]>
http://www.dinamani.com/all-editions/edition-madurai/theni/2018/sep/24/தேனி-மாவட்டத்தில்-அடிப்படை-வசதியில்லாத--ஆதி-திராவிடர்-மாணவர்-விடுதிகள்-3006657.html
3006656 மதுரை தேனி போடியில் வீட்டுக்குள் புகுந்து சமையல் எரிவாயு உருளை திருடியவர் கைது DIN DIN Monday, September 24, 2018 07:31 AM +0530 போடியில் வீடு புகுந்து சமையல் எரிவாயு உருளையை திருடியவர் ஞாயிற்றுக்கிழமை கைது செய்யப்பட்டார்.
 போடி தலைமை தபால் நிலையம் தெருவில் வசிப்பவர் தெய்வம் (64). இவர் பகலில் வீட்டின் கதவை பூட்டாமல்  தூங்கியுள்ளார். அப்போது மர்ம நபர் வீட்டிற்குள் புகுந்து சமையல் அறையில் இருந்த காலி சமையல் எரிவாயு உருளையை திருடிச் சென்றுள்ளார்.
அருகில் இருந்தவர்கள் இதைப் பார்த்து அவரைப் பிடித்து போடி நகர் காவல் நிலையத்தில் ஒப்படைத்தனர்.
விசாரணையில் திருடிய நபர் போடி புதூரைச் சேர்ந்த சாகுல் மகன் அக்கீம் (57) எனத் தெரிந்தது. 
இதையடுத்து தெய்வம் அளித்த புகாரின் பேரில் போடி நகர் போலீஸார் வழக்குப் பதிந்து அக்கீமை கைது செய்து சிறையில் அடைத்தனர்.
 

]]>
http://www.dinamani.com/all-editions/edition-madurai/theni/2018/sep/24/போடியில்-வீட்டுக்குள்-புகுந்து-சமையல்-எரிவாயு-உருளை-திருடியவர்-கைது-3006656.html
3006655 மதுரை தேனி போடியில் சாக்கடை தூர்வாரும் பணி தொடக்கம் DIN DIN Monday, September 24, 2018 07:31 AM +0530 தினமணி செய்தி எதிரொலியாக, போடியில் கழிவுநீர்  கால்வாய்கள் தூர்வாரும் பணி ஞாயிற்றுக்கிழமை நடைபெற்றது.
போடி நகராட்சிப் பகுதியில் காமராசர் சாலை, எஸ்.எஸ்.புரம் உள்ளிட்ட பல்வேறு தெருக்களில் கழிவுநீர் கால்வாய்கள் தூர்வாராததால், சாக்கடை தேங்கி துர்நாற்றம் வீசி நோய் பரவும் அபாயம் நிலவியது.
இது குறித்து தினமணி நாளிதழில் செப்டம்பர் 22 ஆம் தேதி செய்தி வெளியிடப்பட்டது. இதன் எதிரொலியாக, சாக்கடை நீர் தேங்கியுள்ள பகுதிகளில் உடனடியாக தூர்வார நகர்நல அலுவலர் பா. ராகவன் உத்தரவிட்டார். அதன்பேரில், சுகாதார ஆய்வாளர்கள் மணிகண்டன், கோபாலகிருஷ்ணன், மேற்பார்வையாளர் ராமர் மற்றும் சுகாதாரப் பணியாளர்கள் விடுமுறை நாளான ஞாயிற்றுக்கிழமை கால்வாய்களை தூர்வாரும் பணியில் ஈடுபட்டனர். பொக்லைன் மூலம் கால்வாய்கள் தூர்வாரப்பட்டன. இதில், போடி நகர் காவல் நிலையம் முன்புள்ள கால்வாயில் தூர்வாரும் பணி காலை முதல் மாலை வரை நடைபெற்றது. இதேபோல், போடி எஸ்.எஸ்.புரத்திலும் கால்வாய் தூர்வாரப்பட்டு சுண்ணாம்புத் தூள் தெளிக்கப்பட்டது.
மேலும், பாலங்களுக்கு அடியில் மண் மற்றும் குப்பைகளை அகற்ற நவீன இயந்திரம் பயன்படுத்த உள்ளதாகவும், தொடர்ந்து மற்ற தெருக்களிலும் கழிவுநீர் கால்வாய்கள் தூர்வாரும் பணி நடைபெறும் என்றும், நகராட்சி சுகாதார அதிகாரிகள் தெரிவித்தனர்.
 

]]>
http://www.dinamani.com/all-editions/edition-madurai/theni/2018/sep/24/போடியில்-சாக்கடை-தூர்வாரும்-பணி-தொடக்கம்-3006655.html
3006654 மதுரை தேனி சின்னமனூர் அருகே மேகமலை அடிவாரத்தில் கொள்ளைபோகும் கனிம வளங்கள் மு. சந்திரசேகரன் DIN Monday, September 24, 2018 07:31 AM +0530 தேனி மாவட்டம், சின்னமனூர் அருகே மேகமலை அடிவாரத்திலுள்ள குளங்கள், ஓடைகளில் கனிம வளங்கள் கொள்ளையடிக்கப்படுவதை தடுத்து நிறுத்தவேண்டும் என, விவசாயிகளும், சமூக ஆர்வலர்களும் கோரிக்கை விடுத்துள்ளனர்.
மேகமலை,பெருமாள்மலை வனப் பகுதியில் 100-க்கும்  மேற்பட்ட ஓடைகள் உள்ளன. வனப் பகுதியில் பெய்யும் மழை நீர்  ஓடைகள் வழியாகச் சென்று, எரசக்கநாயக்கனூர், வெள்ளையம்மாள்புரம், சின்னஓவுலாபுரம், ஓடைப்பட்டி, காமாட்சிபுரம் என சுற்றியுள்ள 20-க்கும் மேற்பட்ட கிராமங்களிலுள்ள கண்மாய்களில் சேரும்.
எரசக்கநாயக்கனூர் மரிகாட் கண்மாய் 65 ஏக்கர் பரப்பளவில் அமைந்துள்ளது. இதில் தேங்கும் தண்ணீர் மூலமாக நிலத்தடி நீர் மட்டம் உயர்வதோடு, சுற்றியுள்ள கன்னிச்சேர்வைபட்டி, அப்பிபட்டி உள்ளிட்ட 15 கிராமங்களின்   குடிநீர்த் தேவையும் பூர்த்தியாகிறது. 
இதேபோல், சித்திரை கோனார் கண்மாய் உள்ளிட்ட பிற பகுதிகளிலுள்ள 10-க்கும் மேற்பட்ட கண்மாய்கள், நிலத்தடி நீர்மட்டம் உயர்வதற்கு முக்கிய நீராதாரமாக உள்ளன. 
கனிம வளங்கள் கொள்ளை: மேகமலை மற்றும் பெருமாள் மலை  வனப் பகுதியில் ஆண்டுக்கு 6 மாதம் கனமழை பெய்யும். இந்த மழை நீரானது ஓடைகள் வழியாகச் சென்று கண்மாய்களில் தேங்கி விவசாயம் செழித்தது. ஆனால், கடந்த சில ஆண்டுகளாக பருவமழை குறைந்ததால், ஓடைகளில் நீர்வரத்தின்றி வறண்டு  விவசாயம் பாதிக்கப்பட்டது. மேலும்,  ஓடைகள் ஆக்கிரமிக்கப்பட்டு, இரவு பகலாக மணல் கொள்ளை நடைபெற்று வருவதாக, விவசாயிகள் மற்றும் சமூக ஆர்வலர்கள் புகார் தெரிவிக்கின்றனர்.
குளத்தின் கரையை உடைத்து பாதை  அமைப்பு: எரசக்கநாயக்கனூர் சித்தரை கோனார் குளத்தின் ஒரு பகுதியின் கரையை சேதப்படுத்தி, அவ்வழியே டிராக்டர், டிப்பர் லாரிகள் சென்றுவரும் வகையில் குளத்தின் நடுவே பாதை அமைத்துள்ளனர். இந்தப் பாதை வழியாக அங்குள்ள பெரிய மற்றும் சின்ன ஓடைகளில் குவிந்து கிடக்கும் மணல் மற்றும் கரம்பை மண் பல  மாதங்களாக கொள்ளையடிக்கப்பட்டு வருவதாக சமூக ஆர்வலர்கள் தெரிவித்தனர். 
இது குறித்து சமூக ஆர்வலர்கள் மேலும் கூறியதாவது: மேகமலை வனப் பகுதியில் பெய்யும் மழை நீரால், சுற்றியுள்ள ஆயிரக்கணக்கான விவசாய நிலங்கள் பயன்பெற்று,  குடிநீர் தேவையும் பூர்த்தியாகிறது. இங்குள்ள கண்மாய்களில் தேங்கும் மழை நீரால் கால்நடைகள் உள்ளிட்ட அனைத்து ஜீவராசிகளும் பயன்பெற்றன. ஆனால், கடந்த சில ஆண்டுகளாக சட்டவிரோதமாக கனிம வளங்கள் முழுமையாக கொள்ளையடிக்கப்பட்டு வருகின்றன. இது குறித்து வருவாய் துறையினரிடம் புகார் தெரிவித்தும், எந்தவித நிரந்தர நடவடிக்கையும் இல்லை. 
எனவே, எரசக்கநாயக்கனூர் மலை அடிவாரம், பெருமாள் மலை அடிவாரம் ஆகிய பகுதிகளில் கனிம வளங்கள் கொள்ளையடிக்கப்படுவதை தடுத்து நிறுத்தி, விவசாயத்தையும், குடிநீர் ஆதாரத்தையும் பாதுகாக்க மாவட்ட நிர்வாகம் கடும் நடவடிக்கை எடுக்கவேண்டும் என வலியுறுத்துகின்றனர்.
 

]]>
http://www.dinamani.com/all-editions/edition-madurai/theni/2018/sep/24/சின்னமனூர்-அருகே-மேகமலை-அடிவாரத்தில்-கொள்ளைபோகும்-கனிம-வளங்கள்-3006654.html
3006653 மதுரை தேனி டம் டம் பாறை பகுதியில் கொலை செய்யப்பட்டவர் கர்நாடக மாநிலத்தவர் DIN DIN Monday, September 24, 2018 07:30 AM +0530 பெரியகுளம் அருகே கொடைக்கானல் செல்லும் வழியில் டம் டம் பாறை பகுதியில் கொலை செய்யப்பட்டுக் கிடந்தவர் குறித்த அடையாளம் தற்போது தெரியவந்துள்ளது.
       சில நாள்களுக்கு முன் டம் டம் பாறை பகுதியில் வனத் துறையினர் ரோந்து சென்றனர். அப்போது, சுமார் 35 வயது மதிக்கத்தக்கவர் இறந்து கிடந்தார். 
இவரை, யாரோ கொலை செய்து வனப் பகுதியில் வீசிச் சென்றது தெரியவந்தது. அதையடுத்து, தேவதானப்பட்டி போலீஸாருக்கு தகவல் தெரிவிக்கப்பட்டதன்பேரில், போலீஸார் சம்பவ இடத்துக்குச் சென்று சடலத்தைக் கைப்பற்றி விசாரித்து வந்தனர்.
     இந் நிலையில், கொலை செய்யப்பட்டவர் கர்நாடக மாநிலம் மங்களூரைச் சேர்ந்த முகமது அமீர் எனக் கண்டறியப்பட்டுள்ளது. இதை, இவரது உறவினர்கள் உறுதி செய்தனர். 
     இவர் எதற்காக கொலை செய்யப்பட்டார், யார் கொலை செய்தார் என்பது குறித்து போலீஸார் விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/theni/2018/sep/24/டம்-டம்-பாறை-பகுதியில்-கொலை-செய்யப்பட்டவர்-கர்நாடக-மாநிலத்தவர்-3006653.html
3005843 மதுரை தேனி சுருளி அருவியில் இன்று சாரல் விழா: தமிழக துணை முதல்வர், அமைச்சர்கள் பங்கேற்பு DIN DIN Sunday, September 23, 2018 01:01 AM +0530
தேனி மாவட்டம் கம்பம் அருகே உள்ள சுருளி அருவியில் மாவட்ட நிர்வாகம் மற்றும் சுற்றுலாத்துறையும் இணைந்து ஞாயிறு மற்றும் திங்கள்கிழமை ஆகிய இரண்டு நாள்கள் சுருளி சாரல் விழாவை நடத்துகின்றனர். இதில் தமிழக துணை முதல்வர் ஓ.பன்னீர்செல்வம், சுற்றுலாத்துறை அமைச்சர் வெல்லமண்டி என்.நடராஜன், வனத்துறை அமைச்சர் திண்டுக்கல் சி.சீனிவாசன் கலந்து கொள்கின்றனர்.
முதல்நாள் ஞாயிற்றுக்கிழமை காலை 11 மணிக்கு மாவட்ட ஆட்சியர் ம.பல்லவி பல்தேவ் அனைவரையும் வரவேற்று பேசுகிறார். சுற்றுலா பண்பாடு, அற நிலையங்கள் துறை கூடுதல் செயலாளர் அபூர்வ வர்மா, தமிழ்நாடு சுற்றுலா வளர்ச்சிக் கழக ஆணையர் மற்றும் மேலாண்மை இயக்குநர் வெ.பழனிக்குமார் ஆகியோர் திட்ட விளக்க உரையாற்றுகின்றனர். சுற்றுலாத் துறை அமைச்சர் வெல்லமண்டி என்.நடராஜன் தலைமை வகித்து பேசுகிறார். சாரல் விழாவை தொடங்கி வைத்து, அரசு நலத்திட்ட உதவிகளை பயனாளிகளுக்கு, தமிழக துணை முதல்வர் ஓ.பன்னீர்செல்வம் வழங்கி பேசுகிறார்.
பல்துறை பணிவிளக்க கண்காட்சியினை வனத்துறை அமைச்சர் திண்டுக்கல் சி.சீனிவாசன் திறந்து வைத்து பேசுகிறார். விழாவிற்கு தேனி மக்களவை உறுப்பினர் ரா.பார்த்திபன், கம்பம் சட்டப்பேரவை உறுப்பினர் எஸ்.டி.கே.ஜக்கையன் மற்றும் மாவட்ட அனைத்து துறை அதிகாரிகளும் கலந்து கொள்கின்றனர்.
விழாவின் இரண்டாம் நாள் திங்கள் கிழமை மாலை 3 மணிக்கு சுற்றுலா அலுவலர் தி.உமாதேவி அனைவரையும் வரவேற்று பேசுகிறார். தேனி மக்களவை உறுப்பினர் ரா.பார்த்திபன், கம்பம் சட்டப்பேரவை உறுப்பினர் எஸ்.டி.கே.ஜக்கையன் ஆகியோர் முன்னிலை வகித்து பேசுகின்றனர். சிறந்த அரங்குகளுக்கு கேடயம் வழங்கி மாவட்ட ஆட்சித்தலைவர் ம.பல்லவி பல்தேவ் பேசுகிறார். மாவட்ட வன அலுவலர் எஸ்.கௌதம், மேகமலை வன உயிரினக் காப்பாளர் சி.கலாநிதி, காவல் கண்காணிப்பாளர் வீ.பாஸ்கரன், வருவாய் அலுவலர் ச.கந்தசாமி, ஊரக வளர்ச்சி திட்ட இயக்குநர் பா.திலகவதி ஆகியோர் வாழ்த்தி பேசுகின்றனர். இரண்டு நாள் விழாவிலும் கலை நிகழ்ச்சிகள் நடைபெறுகின்றன.

 

]]>
http://www.dinamani.com/all-editions/edition-madurai/theni/2018/sep/23/சுருளி-அருவியில்-இன்று-சாரல்-விழா-தமிழக-துணை-முதல்வர்-அமைச்சர்கள்-பங்கேற்பு-3005843.html
3005842 மதுரை தேனி முகநூலில் அவதூறு: தேனியில் இளைஞர் கைது DIN DIN Sunday, September 23, 2018 01:01 AM +0530
தேனி மாவட்டம் கம்பத்தில் பசும்பொன் முத்துராமலிங்க தேவரையும், பா.ஜ.க. தேசிய செயலாளர் ஹெச்.ராஜாவையும் முகநூலில் அவதூறு பரப்பிய இளைஞரை போலீஸார் சனிக்கிழமை கைது செய்தனர்.
தேனி மாவட்டம் கம்பம் புலவர் தெருவைச் சேர்ந்தவர் சையது உசேன்(34). இவர் தனியார் நிறுவனத்தில் வேலைபார்த்து வருகிறார். வெள்ளிக்கிழமை இவர் தனது முகநூலில் பசும்பொன்முத்துராலிங்க தேவரையும், பாரதிய ஜனதா கட்சி தேசிய செயலாளர் ஹெச்.ராஜாவையும் முகநூலில் அவதூறு செய்து புகைப்படத்துடன் பதிவேற்றம் செய்ததாகக் கூறப்படுகிறது.
இதையடுத்து வெள்ளிக்கிழமை இரவு கம்பம் வடக்கு காவல் நிலையத்தை பார்வர்டு பிளாக் கட்சியினர் முற்றுகையிட்டனர். அக்கட்சியின் மாவட்ட செயலாளர் மலைச்சாமி அளித்த புகாரின் பேரில், காவல் துணை கண்காணிப்பாளர் எம்.சீமைச்சாமி தலைமையிலான தனிப்படையினர் தேனியில் சையது உசேனை சனிக்கிழமை கைது செய்தார்.

 

]]>
http://www.dinamani.com/all-editions/edition-madurai/theni/2018/sep/23/முகநூலில்-அவதூறு-தேனியில்-இளைஞர்-கைது-3005842.html
3005786 மதுரை தேனி போடியில் காவல்துறை புகார் பெட்டி: மாவட்டத்தில் முதல் முறையாக அறிமுகம் DIN DIN Sunday, September 23, 2018 12:44 AM +0530
தேனி மாவட்டத்தில் முதல் முறையாக போடியில் காவல்துறை புகார் மற்றும் ஆலோசனை பெட்டி சனிக்கிழமை அமைக்கப்பட்டது.
தேனி மாவட்டத்தில் குற்றங்களை குறைப்பதற்கும், தடுப்பதற்கும் மாவட்ட காவல் கண்காணிப்பாளர் வீ.பாஸ்கரன் பல்வேறு நடவடிக்கைகளை எடுத்து வருகிறார். இதன் ஒரு கட்டமாக கிராமங்கள், நகராட்சி, பேரூராட்சி பகுதிகளில் வார்டுகள் தோறும் ஒரு காவலரை நியமித்து, அக்காவலர் தலைமையில் கிராம மற்றும் வார்டு கண்காணிப்புக் குழுக்களை அமைக்கும் நடவடிக்கை மேற்கொள்ளப்பட்டது.
இதன் தொடர்ச்சியாக பொதுமக்கள் எந்த ஒரு புகார், தகவல் அல்லது ஆலோசனைகளை தெரிவிக்கும் வகையில் காவல்துறை புகார் பெட்டி அமைக்க திட்டமிடப்பட்டது. இதன்படி மாவட்டத்திலேயே முதல் முறையாக போடியில் புகார் பெட்டி அமைக்கும் நிகழ்ச்சி மற்றும் காவல்துறை-பொதுமக்கள் கலந்துரையாடல் நிகழ்ச்சி 33 ஆவது வார்டு பகுதியில் சனிக்கிழமை நடைபெற்றது.
இதற்கு தேனி மாவட்ட காவல் கண்காணிப்பாளர் வீ.பாஸ்கரன் தலைமை வகித்து பேசியது:
காவல்துறை பொதுமக்களுடன் இணக்கமாக பழகும் நோக்கத்தில் பல்வேறு திட்டங்களை செயல்படுத்தி வருகிறது.
இதற்காக வார்டு கண்காணிப்புக் குழுக்கள் அமைக்கப்பட்டு நடவடிக்கை எடுக்கப்பட்டுள்ளது.
இத்திட்டத்தின் மூலம் பொதுமக்கள் எந்த ஒரு தகவலையும், குற்ற நடவடிக்கைகளையும், சந்தேகத்திற்கிடமான சம்பவங்களையும் காவல்துறை கவனத்திற்கு கொண்டு வரலாம். மேலும் காவல்துறையின் 100, 112 ஆகிய இலவச தொலைபேசி எண்கள், காவலன் செயலி உள்ளிட்ட தகவல் தொழில்நுட்ப வசதியின் உதவியுடன் தகவல்களை தெரிவிக்கலாம் என்றார்.
இதில் பங்கேற்ற அப்பகுதி மக்கள் கூறுகையில், இப்பகுதியில் கஞ்சா உள்ளிட்ட போதைப் பொருள்களை மாணவர்களுக்கு சிலர் விற்பனை செய்து வருகின்றனர். அதை தடுக்க வேண்டும் என்றனர். இதுகுறித்து உரிய நடவடிக்கை எடுக்க மாவட்ட காவல் கண்காணிப்பாளர் உத்தரவிட்டார்.
முன்னதாக போடி காவல் துணை கண்காணிப்பாளர் தி.ஈஸ்வரன் வரவேற்றார். போடி நகர் காவல் ஆய்வாளர் பா.சேகர் நன்றி கூறினார்.
பயிற்சி காவல் துணை கண்காணிப்பாளர் வினோத், போடி தாலுகா காவல் ஆய்வாளர்
வெங்கடாசலபதி, போடி நகர் சார்பு ஆய்வாளர்கள் அ.ராஜலிங்கம், விக்னேஷ் பிரபு, 33-வது வார்டு பொறுப்பு காவலர் முத்துச்செல்வம், வார்டு கண்காணிப்புக்குழு உறுப்பினர்கள் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/theni/2018/sep/23/போடியில்-காவல்துறை-புகார்-பெட்டி-மாவட்டத்தில்-முதல்-முறையாக-அறிமுகம்-3005786.html
3005785 மதுரை தேனி தேனியில் அக்.4 இல் மாணவர்களுக்கு கேரம் விளையாட்டுப் போட்டி DIN DIN Sunday, September 23, 2018 12:44 AM +0530
தேனி மாவட்ட விளையாட்டு அரங்கில் விளையாட்டு மேம்பாட்டு ஆணையம் சார்பில் வரும் அக்.4 ஆம் தேதி மாவட்ட அளவில் பள்ளி மாணவ, மாணவிகளுக்கு கேரம் விளையாட்டுப் போட்டி நடைபெற உள்ளது.
இது குறித்து மாவட்ட நிர்வாகம் வெளியிட்டுள்ள அறிவிப்பு:
மாவட்ட அளவில் பள்ளி மாணவ, மாணவிகளுக்கு ஒற்றையர் மற்றும் இரட்டையர் பிரிவில் கேரம் விளையாட்டு போட்டி நடைபெறுகிறது. இளநிலைப் பிரிவு போட்டியில் மழையர் வகுப்பு முதல் 5 வகுப்பு வரை படிக்கும் மாணவ, மாணவிகளும், முதுநிலைப் பிரிவு போட்டியில் 6 ஆம் வகுப்பு முதல் பிளஸ் 2 வரை படிக்கும் மாணவ, மாணவிகளும் பங்கேற்கலாம்.
போட்டியில் கலந்து கொள்ள விரும்புவோர் தங்கது ஆதார் அடையாள எண், புகைப்படம், பள்ளித் தலைமை ஆசிரியரிமிருந்து பெறப்பட்ட வயதுச் சான்றிதழ் ஆகியவற்றுடன் இணைய தள முகவரியில் வரும் அக்.3 ஆம் தேதிக்குள் தங்களது பெயர்களை பதிவு செய்து கொள்ள வேண்டும்.
இணைய தள பதிவு ஒப்புகை சீட்டுடன் அக்.4 ஆம் தேதி காலை 8 மணிக்கு மாவட்ட விளையாட்டு அரங்கில் நடைபெறும் போட்டியில் கலந்து கொள்ளலாம்.
போட்டிகளில் முதல் மூன்று இடங்களை பிடிக்கும் மாணவ, மாணவிகளுக்கு பரிசுத் தொகை மற்றும் சான்றிதழ் வழங்கப்படும் என்று அறிவிக்கப்பட்டுள்ளது.

 

]]>
http://www.dinamani.com/all-editions/edition-madurai/theni/2018/sep/23/தேனியில்-அக்4-இல்-மாணவர்களுக்கு-கேரம்-விளையாட்டுப்-போட்டி-3005785.html
3005783 மதுரை தேனி கம்பம் அருகே பைக்குகள் மோதல் : பெண் சாவு DIN DIN Sunday, September 23, 2018 12:43 AM +0530
தேனி மாவட்டம் கம்பம் கூடலூர் சாலையில் இரு சக்கர வாகனங்கள் மோதிய விபத்தில் பெண் ஒருவர் சனிக்கிழமை உயிரிழந்தார்.
க.புதுப்பட்டி வடக்கு காலனியைச் சேர்ந்தவர் ஜெயக்குமார் (37). இவர் கேரள மாநிலம் இடுக்கி மாவட்டம் சுல்தானிய எஸ்டேட்டில் குடும்பத்துடன் தங்கி கூலி வேலை செய்து வருகிறார். சனிக்கிழமை க.புதுப்பட்டியில் உறவினரின் இறப்பு நிகழ்ச்சியில் கலந்து கொள்வதற்காக தனது மனைவி செல்வியுடன் (30) இரு சக்கர வானத்தில் வந்தார். கம்பம் கூடலூர் நெடுஞ்சாலையில் வரும்போது, இவர்களின் பின்னால் மற்றொரு இரு சக்கர வாகனத்தில் வந்த கூடலூரைச் சேர்ந்த ராஜாமுகமது (47) இவர்களை முந்திச் செல்ல முயன்றார். அப்போது இரண்டு வாகனங்களும் மோதிக் கொண்டன. இதில் தூக்கி வீசப்பட்டு பலத்த காயமடைந்த செல்வியை மீட்டு கம்பம் அரசு மருத்துவமனைக்கு கொண்டு சென்றனர். இதில் வரும் வழியிலேயே அவர் உயிரிழந்து விட்டதாக அவரை பரிசோதித்த மருத்துவர் தெரிவித்தார்.
இது குறித்து கம்பம் தெற்கு காவல் நிலைய சார்பு ஆய்வாளர் முனியம்மாள் வழக்குப் பதிவு செய்து விசாரணை செய்து வருகிறார்.

 

]]>
http://www.dinamani.com/all-editions/edition-madurai/theni/2018/sep/23/கம்பம்-அருகே-பைக்குகள்-மோதல்--பெண்-சாவு-3005783.html
3005781 மதுரை தேனி சின்னமனூர் அருகே கிணற்றில் தவறி விழுந்து சிறுமி சாவு DIN DIN Sunday, September 23, 2018 12:43 AM +0530
தேனி மாவட்டம் சின்னமனூர் அருகே சனிக்கிழமை கிணற்றில் தவறி விழுந்து சிறுமி உயிரிழந்தார்.
கம்பம் 25 ஆவது வார்டு ஆலமரத்தெருவைச் சேர்ந்த செல்வக்குமாருக்கும், வேப்பம்பட்டியை சேர்ந்த ராணிக்கும் 8 ஆண்டுக்கு முன் திருமணம் நடந்தது. இவர்களுக்கு அட்சயா வர்த்தினி (6), அர்ச்சனா(4) ஆகிய 2 பெண்கள் குழந்தைகள் இருந்தனர்.
கணவரிடம் கருத்து வேறுபாடு காரணமாக வேப்பம்பட்டிலுள்ள தாய் வீட்டில் குழந்தைகளுடன் ராணி வசித்து வருகிறார். இந்நிலையில், சனிக்கிழமை ராணியின் தாயார் சுப்புத்தாய், 2 குழந்தைகளையும் அழைத்துக் கொண்டு அருகே உள்ள தோட்டத்திற்கு வேலைக்குச் சென்றார். சிறுமிகள் இருவரும் தோட்டத்தில் விளையாடி கொண்டிருந்த போது, அங்குள்ள கிணற்றில் அர்ச்சனா தவறி விழுந்தார். தகவல் அறிந்த உத்தமபாளையம் தீயணைப்பு படையினர் சம்பவ இடத்துக்கு வந்து அர்ச்சனாவை சடலமாக மீட்டனர். இதையடுத்து அர்ச்சனாவின் உடல் சின்னமனூர் அரசு மருத்துவமனையில் பிரேத பரிசோதனை செய்யப்பட்டு உறவினர்களிடம் ஒப்படைக்கப்பட்டது.
இது குறித்து ஓடைப்பட்டி போலீஸார் வழக்குப் பதிந்து விசாரிக்கின்றனர்.

]]>
http://www.dinamani.com/all-editions/edition-madurai/theni/2018/sep/23/சின்னமனூர்-அருகே-கிணற்றில்-தவறி-விழுந்து-சிறுமி-சாவு-3005781.html
3005779 மதுரை தேனி உத்தமபாளையம் 18 ஆம் கால்வாயில் 15 மூட்டை ரேஷன் அரிசி வீச்சு DIN DIN Sunday, September 23, 2018 12:43 AM +0530
உத்தமபாளையம் அருகே 18 ஆம் கால்வாயில் 15 மூட்டைகள் ரேஷன் அரிசி வீசப்பட்டிருப்பதைப் பார்த்து பொது மக்கள் அதிர்ச்சி அடைந்தனர்.
உத்தமபாளையத்தில் மேற்குத் தொடர்ச்சி மலை அடிவாரத்தில் 18 ஆம் கால்வாய் செல்கிறது. இக்கால்வாயில் தண்ணீர் திறப்பு சனிக்கிழமை முழுமையாக நிறுத்தப்பட்டது.
இந்நிலையில் சனிக்கிழமை அவ்வழியாக சென்ற விவசாயிகள் சிலர், கால்வாயில் 15-க்கும் மேற்பட்ட மூட்டைகள் தனித்தனியாக கிடந்துள்ளதை கண்டுள்ளனர். தண்ணீர் வரத்து இல்லாத நிலையில் கட்டப்பட்ட நிலையில் மூட்டைகள் கிடைப்பதை பார்த்த விவசாயிகள் அச்சமடைந்தனர். பின்னர் , அங்கிருந்த சிலர் மூட்டைகளை அவிழ்த்து சோதனையிட்டனர். அதில் ரேஷன் அரிசி இருப்பது தெரியவந்தது. அப்போது சுமார் 15 க்கும் மேற்பட்ட மூட்டைகளில் தலா 20 கிலோ எடையில் ரேஷன் அரிசி இருப்பது தெரியவந்தது.
இது குறித்து அப்பகுதி விவசாயிகள் கூறுகையில், உத்தமபாளையம், கோம்பை பேரூராட்சியிலுள்ள பெரும்பாலான ரேஷன் கடைகளில் பொதுமக்களுக்கு விலையில்லா அரிசி விநியோகம் செய்வதில்லை.
ஆனால் கேரளத்திற்கு நாள்தோறும் இவ்வழியாக மூட்டை மூட்டையாக ரேஷன் அரிசியை கடத்தி வருகின்றனர். இந்நிலையில், கால்வாயில் ரேஷன் அரிசி மூட்டைகள் வீசப்பட்டதற்கான காரணம் குறித்து தெரியவில்லை. எனவே , உத்தமபாளையம் உணவு கடத்தல் தடுப்பு போலீஸார் தீவிர கண்காணிப்பில் ஈடுபட்டு ரேஷன் அரிசி கடத்தலை தடுக்க வேண்டும் என அவர்கள் வலியுறுத்தினர்.

 

]]>
http://www.dinamani.com/all-editions/edition-madurai/theni/2018/sep/23/உத்தமபாளையம்-18-ஆம்-கால்வாயில்-15-மூட்டை-ரேஷன்-அரிசி-வீச்சு-3005779.html
3005777 மதுரை தேனி மனித நேய ஜனநாயகக் கட்சி மாவட்டச் செயலர் மீது தாக்குதல்: 2 பேர் கைது DIN DIN Sunday, September 23, 2018 12:43 AM +0530
தேனி மாவட்டம் கம்பத்தில் மனித நேய ஜனநாயக கட்சி அலுவலகத்தில் புகுந்து, மாவட்ட செயலாளரை தாக்கி, அலுவலக பொருள்களை சூறையாடிய இரண்டு இளைஞர்களை போலீஸார் சனிக்கிழமை கைது செய்தனர்.
கம்பம் அம்பேத்கர் காலனியைச் சேர்ந்தவர் முகமது ரியாஸ் (34). இவர் மனித நேய ஜனநாயக கட்சியின் தேனி மாவட்ட செயலாளராக உள்ளார். இதே கட்சியைச் சேர்ந்த முகமது அபி வக்காஸ் (23), முகமது ஆசிக் (23), சவுகத் என்ற மன்சூர் அலி ஆகிய மூவரின் நடவடிக்கை கட்சிக்கு விரோதமாக இருந்ததால், கடந்த சில மாதங்களுக்கு முன்பு கட்சியை விட்டு நீக்கியுள்ளனர்.
இதில் ஏற்பட்ட முன்விரோதம் காரணமாக வெள்ளிக்கிழமை இரவு கம்பம்மெட்டு சாலையில் உள்ள அக் கட்சி அலுவலகத்திற்கு 3 பேரும் சென்றுள்ளனர். அங்கிருந்த மாவட்ட செயலாளர் முகமது ரியாஸிடம், தகராறு செய்து தாக்கி, அலுவலகத்தில் இருந்த பொருள்களை உடைத்து சூறையாடியதாகக் கூறப்படுகிறது.
இது குறித்து முகமது ரியாஸ் கம்பம் வடக்கு காவல் நிலையத்தில் புகார் செய்ததன் பேரில் முகமது அபி வக்காஸ் (23), முகமது ஆசிக் (23) இருவரை கைது செய்தனர். சவுகத் என்ற மன்சூர் அலியை தேடி வருகின்றனர்.

 

]]>
http://www.dinamani.com/all-editions/edition-madurai/theni/2018/sep/23/மனித-நேய-ஜனநாயகக்-கட்சி-மாவட்டச்-செயலர்-மீது-தாக்குதல்-2-பேர்-கைது-3005777.html
3005776 மதுரை தேனி ஆட்டோவில் பயணியிடம் செல்லிடப்பேசி பறிப்பு: 4 பேர் கைது DIN DIN Sunday, September 23, 2018 12:42 AM +0530
தேனியில் ஆட்டோவில் பயணம் செய்த இளைஞரிடம் கத்தியைக் காட்டி மிரட்டி, செல்லிடப்பேசியை பறித்துச் சென்றதாக 4 பேரை போலீஸார் வெள்ளிக்கிழமை இரவு கைது செய்தனர்.
தேனி, பங்களாமேடு பகுதியைச் சேர்ந்தவர் முருகேசன் மகன் காசிலிங்கம்(27). இவர், மதுரையில் உள்ள தனியார் நிறுவனத்தில் வேலை செய்து வருகிறார். மதுரையில் இருந்து தேனிக்கு பேருந்து நிலையத்திற்கு வந்த காசிலிங்கம், அங்கிருந்து வீட்டிற்கு நடந்து சென்று கொண்டிருந்தாராம். அப்போது அவ் வழியே ஆட்டோவில் வந்த சிலர், ஆட்டோ பங்களாமேடு வழியாக செல்வதாகவும், ஆட்டோவில் ஏறிக் கொள்ளுமாறும் கூறினார்களாம்.
காசிலிங்கம் ஆட்டோவில் ஏறி அமர்ந்ததும், ஆட்டோவில் இருந்தவர்கள் கத்தியைக் காட்டி மிரட்டி, காசிலிங்கத்திடமிருந்த செல்லிடப்பேசியை பறித்துக் கொண்டு அவரை வழியிலேயே இறக்கி விட்டு, தப்பிச் சென்று விட்டதாக கூறப்படுகிறது.
இது குறித்து காசிலிங்கம் அளித்த புகாரின் பேரில், தேனி போலீஸார் வழக்குப் பதிந்து விசாரணை நடத்தினர். இதில், காசிலிங்கத்திடம் செல்லிடப்பேசியை பறித்ததாக தேனி அல்லிநகரம், வடக்குத் தெருவைச் சேர்ந்த அழகுராஜா(19), முத்துக்குமார்(16), ராஜா(17), தினகரன்(19) ஆகியோரை கைது செய்தனர். மேலும் இதில் தொடர்புடைய ஆட்டோ ஓட்டுநர் உள்ளிட்ட இருவரை போலீஸார் தேடி வருகின்றனர்.

 

]]>
http://www.dinamani.com/all-editions/edition-madurai/theni/2018/sep/23/ஆட்டோவில்-பயணியிடம்-செல்லிடப்பேசி-பறிப்பு-4-பேர்-கைது-3005776.html
3005726 மதுரை தேனி பயிர் காப்பீட்டுத் திட்டத்தில் திராட்சை சாகுபடி சேர்க்கப்படுமா?: விவசாயிகள் எதிர்பார்ப்பு கோ. ராஜன் DIN Sunday, September 23, 2018 12:30 AM +0530
தேனி மாவட்டத்தில் திராட்சை உற்பத்தி மற்றும் விற்பனையில் கடும் ஏற்றத் தாழ்வுகளை சந்தித்து வரும் விவசாயிகள், திராட்சை சாகுபடியை பயிர் காப்பீட்டுத் திட்டத்தில் சேர்க்க வேண்டும் என்று கோரிக்கை விடுத்துள்ளனர்.
தமிழகத்தில் அதிக அளவில் தேனி மாவட்டம், கம்பம் பள்ளத்தாக்கில் 1,500 ஹெக்டேர் பரப்பளவில் திராட்சை சாகுபடி நடைபெற்று வருகிறது. இங்கு ஆண்டுக்கு 22 ஆயிரத்து 500 டன் திராட்சை உற்பத்தி செய்யப்பட்டு, ரூ.150 கோடிக்கு வர்த்தகம் நடைபெறுகிறது. கம்பம் பள்ளத்தாக்கில் நிலவும் தட்ப வெப்ப நிலை, மண் மற்றும் நீரின் தன்மையால் நாட்டில் வேறு எந்த மாநிலத்திலும் இல்லாத வகையில், இங்கு ஆண்டுக்கு 3 முறை திராட்சை அறுவடை நடைபெறுகிறது. விவசாயிகள் சுழற்சி முறையில் அறுவடை பருவத்தை நிர்ணயித்து சாகுபடியில் ஈடுபட்டு வருவதால், மகாராஷ்டிரத்தில் இருந்து திராட்சை வரத்து இல்லாத ஜூலை, ஆகஸ்ட், செப்டம்பர் மாதங்களில் கம்பம் பள்ளத்தாக்கு திராட்சை, சந்தையில் தனியிடம் பிடிக்கும்.
கம்பம் பள்ளத்தாக்கில் உற்பத்தியாகும் திராட்சை திருச்சி, சென்னை, பெங்களூரு, கேரளம் ஆகிய பகுதிகளுக்கு விற்பனைக்கு அனுப்பப் படுகிறது.
நலிவடையும் திராட்சை விவசாயம்: கடந்த சில ஆண்டுகளாக வேலை ஆள்கள் பற்றாக்குறை, உரம் மற்றும் பூச்சிக் கொல்லி மருந்துகளின் விலையேற்றம் ஆகியவற்றால் திராட்சை விவசாயம் நலிவடையத் தொடங்கியுள்ளது. இயற்கை சீற்றம், பருவநிலை மாற்றம் மற்றும் பயிர்களில் ஏற்படும் நோய் தாக்குதலால் திராட்சை மகசூல் பாதித்து, கடும் நஷ்டத்தை சந்திக்கும் விவசாயிகள் திராட்சை விவசாயத்தை கைவிட்டு வருகின்றனர்.
பணப் பயிர் சாகுபடியான திராட்சை விவசாயத்திற்கு அரசு சார்பில் போதிய மானியம் மற்றும் தொழில்நுட்ப உதவிகள் வழங்கப்படுவதில்லை. சொட்டு நீர் பாசனம் திட்டத்தை தவிர வேறு எந்தத் திட்டத்திலும் திராட்சை சாகுபடிக்கு அரசு சார்பில் மானியம் வழங்குவதில்லை. திராட்சை உற்பத்தியில் உரம் மற்றும் பூச்சிக் கொல்லி மருந்துகள் முக்கிய செலவினமாக உள்ளது. ஆனால், திராட்சை பயிருக்கு கூட்டுறவு சங்கங்கள் மூலம் அரசு மானிய விலையில் உரம் மற்றும் பூச்சிக் கொல்லி மருந்துகள் வழங்கப்படுவதில்லை. தனியார் மருந்துக் கடைகளில் அதிக விலை கொடுத்து உரம் மற்றும் பூச்சிக் கொல்லி மருந்துகளை வாங்கி பயன்படுத்த வேண்டியுள்ளது என்று விவசாயிகள் கூறுகின்றனர்.
இந்த நிலையில், தோட்டப் பயிரான திராட்சை சாகுபடியை பிரதமரின் பயிர் காப்பீட்டுத் திட்டத்தில் சேர்க்காததால் விவசாயிகள் மேலும் அதிருப்தியடைந்துள்ளனர்.
இது குறித்து சுருளிப்பட்டி திராட்சை விவசாயிகள் சங்கத் தலைவர் கி.முகுந்தன் கூறியது: திராட்சை விவசாயத்திற்கு பந்தல் அமைப்பு, இளங்கொடி வளர்ப்பு ஆகியவற்றுக்கு அரசு சார்பில் மானியம், பயிர் கடன் வழங்க வேண்டும். தொடக்க கூட்டுறவு வேளாண்மை கடன் சங்கங்கள் மூலம் திராட்சை பயிருக்கு உரம் மற்றும் பூச்சிக் கொல்லி மருந்துகளை மானிய விலையில் வழங்க வேண்டும் என்று பல ஆண்டுகளாக வலியுறுத்தி வருகிறோம்.
தற்போது, அரசு சார்பில் செயல்படுத்தப்பட்டு வரும் பயிர் காப்பீட்டுத் திட்டத்திலும் திராட்சை சாகுபடி சேர்க்கப்படவில்லை. இதனால் இயற்கை சீற்றம், பருவநிலை மாற்றம், நோய் தாக்குதலால் ஏற்படும் மகசூல் பாதிப்பிற்கு இழப்பீடு கிடைக்கும் என்ற குறைந்தபட்ச உத்தரவாதம் கூட இல்லாமல் திராட்சை விவசாயிகள் தவிப்பில் உள்ளனர். திராட்சை விவசாயத்தை பாதுகாப்பதற்கு திராட்சை சாகுபடியை பயிர் காப்பீட்டுத் திட்டத்தில் சேர்க்க மாவட்ட நிர்வாகம் அரசுக்கு பரிந்துரைக்க வேண்டும் என்றார்.

 

]]>
http://www.dinamani.com/all-editions/edition-madurai/theni/2018/sep/23/பயிர்-காப்பீட்டுத்-திட்டத்தில்-திராட்சை-சாகுபடி-சேர்க்கப்படுமா-விவசாயிகள்-எதிர்பார்ப்பு-3005726.html
3005156 மதுரை தேனி சுருளி அருவி பகுதியில் பன்றிகளை அப்புறப்படுத்த கோரிக்கை DIN DIN Saturday, September 22, 2018 01:49 AM +0530 சுருளி அருவி பகுதியில் சாலையில் சுற்றி திரிந்து தொற்று நோய் பரப்பும் பன்றிகளை ஊராட்சி நிர்வாகம் அப்புறப்படுத்த பொதுமக்கள் கோரிக்கை விடுத்துள்ளனர்.
    தேனி மாவட்டம் கம்பம் ஊராட்சி ஒன்றியத்தில் உள்ளது சுருளிப்பட்டி ஊராட்சி. இங்கு  சுருளி அருவி உள்ளதால் ஏராளமான சுற்றுலா பயணிகள் வருகின்றனர். சுருளிப்பட்டி பகுதியில் ஏராளமான பன்றிகள் சுற்றி திரிகின்றன. சாக்கடை மற்றும் திறந்தவெளிக் கழிப்பறை பகுதிகளில் அவை சுற்றி திரிவதால் ஊராட்சி பகுதி மக்களுக்கு தொற்று நோய்களை பரப்பும் அபாயம்  உள்ளது. மேலும் சுருளி அருவிக்கு செல்லும் சுற்றுலா பயணிகளுக்கும் பாதிப்பை ஏற்படுத்தும் அபாயம் உள்ளது. எனவே சுருளிப்பட்டி ஊராட்சி நிர்வாகமும், வட்டார வளர்ச்சி நிர்வாகமும் பன்றிகளை அப்புறப்படுத்தி தொற்று நோய்கள் வராமல் பாதுகாக்க வேண்டும் என பொதுமக்கள், சுற்றுலா பயணிகள் மாவட்ட நிர்வாகத்திற்கு கோரிக்கை வைத்துள்ளனர்.

]]>
http://www.dinamani.com/all-editions/edition-madurai/theni/2018/sep/22/சுருளி-அருவி-பகுதியில்-பன்றிகளை-அப்புறப்படுத்த-கோரிக்கை-3005156.html
3005155 மதுரை தேனி ஏஐடியுசி பிரசார இயக்க விளக்கக் கூட்டம் DIN DIN Saturday, September 22, 2018 01:49 AM +0530 மத்திய, மாநில அரசுகளின் தொழிலாளர் விரோதப் போக்கை கண்டித்து இந்திய கம்யூனிஸ்ட் கட்சி ஏஐடியுசி சார்பில் பிரசார இயக்க விளக்கக் கூட்டம் போடி திருவள்ளுவர் சிலை திடலில் வெள்ளிக்கிழமை நடைபெற்றது. 
இக்கூட்டத்துக்கு கட்சியின் மாவட்டச் செயலாளர் வே.பெத்தாட்சி ஆசாத் தலைமை வகித்தார்.  மாவட்டப் பொதுச் செயலாளர் என்.ரவிமுருகன் முன்னிலை வகித்தார். மாநில துணைச் செயலாளர் மு.வீரபாண்டியன், மாநில செயற்குழு உறுப்பினர் க.சந்தானம், மாநில நிர்வாகக்குழு உறுப்பினர் அழகிரிசாமி உள்ளிட்ட பலர் பேசினர். மாவட்ட நிர்வாகிகள் இளையராஜா, பெருமாள் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-madurai/theni/2018/sep/22/ஏஐடியுசி-பிரசார-இயக்க-விளக்கக்-கூட்டம்-3005155.html
3005154 மதுரை தேனி தேனி மாவட்ட கூடைப்பந்தாட்ட அணிக்கு பெரியகுளத்தில் வீரர்கள் தேர்வு DIN DIN Saturday, September 22, 2018 01:47 AM +0530 தேனி மாவட்ட கூடைப்பந்தாட்ட அணிக்கான வீரர்கள் தேர்வு, பெரியகுளம் பிஎஸ்டி நினைவு விளையாட்டரங்கில் ஞாயிற்றுக்கிழமை (செப்.23) காலை 7 மணிக்கு நடைபெறுகிறது.
தேனி மாவட்ட கூடைப்பந்து கழக தலைவர் பி.சி.சிதம்பர சூரியவேலு வெளியிட்டுள்ள செய்திக்குறிப்பு: 
தமிழ்நாடு கூடைப்பந்து கழகம் நடத்தும் 13 வயதுக்கு உள்பட்டோருக்கான மாவட்டங்களுக்கு இடையேயான போட்டி அக்டோபர் முதல் வாரத்தில் நடைபெற உள்ளது. 
இப்போட்டியில் கலந்து கொள்ளும் தேனி மாவட்டத்தைச் சேர்ந்த வீரர்கள் தேர்வு  ஞாயிற்றுக்கிழமை  காலை 7 மணிக்கு பெரியகுளம் , தென்கரை, கச்சேரி ரோடு பிஎஸ்டி நினைவு விளையாட்டங்கில் நடைபெற உள்ளது.
 இப்போட்டியில் பங்கு பெற விரும்புவோர் 2005 ஜனவரி 1 ஆம் தேதிக்கு பின் பிறந்தவர்களாக இருக்க வேண்டும்.  தேர்வில் கலந்து கொள்ள விரும்புவர்கள் ஆதார் கார்டு, பிறப்புச் சான்றிதழ் மற்றும் இஎம்எஸ் எண்ணுடன் வரவேண்டும் என தெரிவித்துள்ளார்.
 

]]>
http://www.dinamani.com/all-editions/edition-madurai/theni/2018/sep/22/தேனி-மாவட்ட-கூடைப்பந்தாட்ட-அணிக்கு-பெரியகுளத்தில்-வீரர்கள்-தேர்வு-3005154.html
3005153 மதுரை தேனி முகநூலில் அவதூறாக பதிவு: இளைஞரை கைது செய்யக்கோரி  கம்பம் காவல் நிலையம் முற்றுகை DIN DIN Saturday, September 22, 2018 01:46 AM +0530 முத்துராமலிங்க தேவரை பற்றி அவதூறாக முகநூலில் பதிவிட்ட இளைஞரை கைது செய்யக்கோரி பார்வர்டு பிளாக் கட்சியினர் கம்பம் காவல் நிலையத்தை வெள்ளிக்கிழமை இரவு முற்றுகையிட்டனர்.
தேனி மாவட்டம் கம்பத்தில் வெள்ளிக்கிழமை இரவு 10 மணிக்கு அகில இந்திய பார்வர்டு பிளாக், தென்னிந்திய பார்வர்டு பிளாக், சீர்மரபினர் நலச்சங்கத்தினர் கம்பம் வடக்கு காவல் நிலையத்தில் 
திரண்டனர். 
பசும்பொன்முத்துராமலிங்கத் தேவரை பற்றி  இளைஞர் ஒருவர் அவதூறாக முக நூலில் வெள்ளிக்கிழமை பதிவு செய்ததை கொண்டு வந்து போலீஸாரிடம் காட்டி, அந்த இளைஞரை கைது செய்ய வலியுறுத்தினர். 
அப்போது காவல் துணை கண்காணிப்பாளர் சீமைச்சாமி, சம்மந்தப்பட்ட இளைஞரை போலீஸார் தேடி வருவதாக கூறினார். 
ஆனாலும் இளைஞரை கைது செய்யும் வரை போராட்டம் தொடரும் என அவர்கள் தெரிவித்துள்ளனர். இதனால் கம்பம் பகுதியில் ஏராளமான போலீஸார் குவிக்கப்பட்டுள்ளனர்.

]]>
http://www.dinamani.com/all-editions/edition-madurai/theni/2018/sep/22/முகநூலில்-அவதூறாக-பதிவு-இளைஞரை-கைது-செய்யக்கோரி-கம்பம்-காவல்-நிலையம்-முற்றுகை-3005153.html
3005152 மதுரை தேனி பெரியகுளத்தில் தாமரைப்பூ கிழங்குகள் சேகரிப்பில் கிராம மக்கள் DIN DIN Saturday, September 22, 2018 01:46 AM +0530 பெரியகுளம் பகுதியில் மருத்துவ குணமுள்ள தாமரைப்பூ கிழங்குகள் சேமிப்பில் கிராம பெண்கள் ஈடுபட்டு வருகின்றனர்.
தேனி மாவட்டம் பெரியகுளம் பகுதியில் கடந்த இரண்டு மாதங்களுக்கு மேலாக போதிய மழை இல்லை. இதனால் பெரும்பாலான குளங்கள் மற்றும் கண்மாய்கள் வறண்டு காணப்படுகின்றன. இதில் தாமரைப்பூ கொடிகள் காய்ந்த நிலையில் உள்ளன.  இந்த கொடியின் அடியில் படர்ந்த நிலையில் கிழங்குகள் உள்ளன. இந்த கிழங்குகள் சர்க்கரை நோய் மற்றும் பல்வேறு நோய்களுக்கு பயன்படுவதாக கூறப்படுகிறது.  இதனை இப்பகுதி மக்கள் உணவாகவும் பயன்படுத்தி வருகின்றனர். 
இதனால் தாமரைப்பூ கிழங்கு அனைவரும் வாங்கி செல்கின்றனர். ஒரு கிலோ தாமரைப்பூக் கிழங்கு ரூ. 100- க்கு விற்பனை செய்யப்படுகிறது. இதனால் பெரியகுளம் மற்றும் அதனைச் சுற்றியுள்ள கிராமப்புற பெண்கள் கிழங்குகள் சேமிப்பில் ஈடுபட்டு வருகின்றனர்.
கள்ளிப்பட்டியை சேர்ந்த ராமாயி கூறியது: போதிய வேலை இல்லை. இதனால் தாமரைப்பூ, நெருஞ்சி முள், கற்றாழை ஆகியவற்றை சேகரித்து விற்பனை செய்து வருகிறோம். இவ்வாறு சேகரிப்பதால் ஒரு நாளைக்கு ரூ. 200 வரை கிடைக்கிறது. தற்போது குளங்கள் வற்றியுள்ளதால் தாமரைப்பூ கிழங்கு கிடைக்கிறது. இதனை வெட்டி எடுத்த விற்பனை செய்து வருகிறோம் என்றார்.  

]]>
http://www.dinamani.com/all-editions/edition-madurai/theni/2018/sep/22/பெரியகுளத்தில்-தாமரைப்பூ-கிழங்குகள்-சேகரிப்பில்-கிராம-மக்கள்-3005152.html
3005151 மதுரை தேனி கம்பத்தில் கஞ்சா விற்ற பெண் உள்பட இருவர் கைது DIN DIN Saturday, September 22, 2018 01:45 AM +0530 கம்பத்தில் கஞ்சா விற்ற பெண் உள்பட 2 பேரை வெள்ளிக்கிழமை கைது செய்த போலீஸார், அவர்களிடம் இருந்து 4 கிலோ கஞ்சாவை பறிமுதல் செய்தனர். 
தேனி மாவட்டம்  கம்பம் மெட்டுச்சாலையில் உள்ள பழைய வருவாய்த்துறை சோதனை சாவடி அருகே கஞ்சா விற்பனை செய்வதாக கம்பம் வடக்கு போலீஸாருக்குத்  தகவல் கிடைத்தது. இதனையடுத்து அப்பகுதியில் போலீஸார் தீவிர ரோந்து பணியில் ஈடுபட்டனர். அப்போது சந்தேகப்படும்படியாக நின்றிருந்த பெண் ஒருவர் வைத்திருந்த  நெகிழிப் பையை  சோதனையிட்டபோது, அதில் 2 கிலோ கஞ்சா இருப்பது தெரியவந்தது. அவரிடம் நடத்திய விசாரணையில், கம்பம் குரங்குமாயன் தெருவைச் சேர்ந்த பாண்டியராஜன் மனைவி லதா (40) என்பது தெரிய வந்தது. மேலும் அதே பகுதியில் நின்றிருந்த மற்றொரு இளைஞரை பிடித்து சோதனையிட்டபோது  அவரிடம் இருந்து 2 கிலோ கஞ்சா  கைப்பற்றப்பட்டது. 
விசாரணையில் அவர், கம்பத்தில் உள்ள கோம்பை சாலையை சேர்ந்த ஈஸ்வரன் மகன் அஜித்குமார் (22) என்பது தெரியவந்தது. இதையடுத்து  கம்பம் வடக்கு போலீஸார் வழக்குப்பதிவு செய்து இருவரையும் கைது செய்து, 4 கிலோ கஞ்சாவை பறிமுதல் செய்தனர்.
 

]]>
http://www.dinamani.com/all-editions/edition-madurai/theni/2018/sep/22/கம்பத்தில்-கஞ்சா-விற்ற-பெண்-உள்பட-இருவர்-கைது-3005151.html
3005150 மதுரை தேனி ஆமணக்கு விதைகளை சாப்பிட்ட  3 சிறுவர்கள் மயக்கம் DIN DIN Saturday, September 22, 2018 01:45 AM +0530 கூடலூர் அருகே ஆமணக்கு விதைகளை சாப்பிட்ட 2  சிறுவர், ஒரு சிறுமி  வெள்ளிக்கிழமை மயக்கமடைந்து அரசு மருத்துவமனையில் சிகிச்சை பெற்று வருகின்றனர்.
தேனி மாவட்டம் கூடலூர் அருகேயுள்ளது கருநாக்கமுத்தன்பட்டி ஊராட்சி. இங்குள்ள மாரியம்மன் கோயில் தெருவைச் சேர்ந்தவர் சுருளி. இவரது மகன்கள் மனோஜ் (15), ஸ்ரீதர் (14), மற்றும் பெருமாள் மகள் மாரியம்மாள்(14). இவர்கள் அனைவரும் 9 ஆம் வகுப்பு படித்து வருகின்றனர். 
வெள்ளிக்கிழமை விளையாடிக்கொண்டிருந்த 3 பேரும்,  தெருவில் காயப்போட்டு வைத்திருந்த ஆமணக்கு விதைகளை நிலக்கடலை என்று நினைத்து சாப்பிட்டு மயங்கி விழுந்தனர். இதைப் பார்த்த அருகில் உள்ளவர்கள் 3 பேரையும் மீட்டு,  கம்பம் அரசு மருத்துவமனையில் சிகிச்சைக்காக சேர்த்தனர். இதுகுறித்து கூடலூர் வடக்கு காவல் நிலைய போலீஸார் விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/sep/22/ஆமணக்கு-விதைகளை-சாப்பிட்ட--3-சிறுவர்கள்-மயக்கம்-3005150.html
3005149 மதுரை தேனி 18 ஆம் கால்வாய் நீட்டிப்பில் தண்ணீர் திறக்க வலியுறுத்தி ஆர்ப்பாட்டம் DIN DIN Saturday, September 22, 2018 01:45 AM +0530 போடி அருகே 18 ஆம் கால்வாய் நீட்டிப்பில் தண்ணீர் திறக்க வலியுறுத்தி விவசாயிகள் வெள்ளிக்கிழமை ஆர்ப்பாட்டத்தில் ஈடுபட்டனர்.
போடி பகுதி விவசாயிகளின் நலன் கருதி 18 ஆம் கால்வாயிலிருந்து புதிதாக கால்வாய் வெட்டப்பட்டு  நீட்டிப்பு கால்வாய் திட்டம் செயல்படுத்தப்பட்டது. 
இந்த கால்வாயில் கடந்த மாதம் 7 நாள்கள் சோதனை ஓட்டமாக தண்ணீர் திறந்து விடப்பட்டது. இந்நிலையில் இக்கால்வாயில் முறையாக தண்ணீர் திறக்க இதுவரை அரசு உத்தரவிடவில்லை. இதனால் இப்பகுதியில் உள்ள பல கண்மாய்களில் தண்ணீரின்றி  விவசாயம் செய்ய முடியாத நிலை உள்ளது.  18 ஆம் கால்வாய் நீட்டிப்பில் தண்ணீர் திறக்க வலியுறுத்தி போடி அருகே ராசிங்காபுரத்தில் விவசாயிகள் ஆர்ப்பாட்டத்தில் ஈடுபட்டனர். 18 ஆம் கால்வாய் நீட்டிப்பு விவசாயிகள் சங்கத்தை சேர்ந்த வாசகர் தலைமையில் நடைபெற்ற ஆர்ப்பாட்டத்தில் 100-க்கும் மேற்பட்ட விவசாயிகள் கலந்து கொண்டு கோரிக்கைகளை வலியுறுத்தி முழக்கமிட்டனர்.
மேலும் தண்ணீர் திறக்க நடவடிக்கை எடுக்காவிட்டால் ஆட்சியர் அலுவலகத்தை முற்றுகையிடும் போராட்டம் நடத்துவோம் என  அவர்கள் தெரிவித்தனர்.
 

]]>
http://www.dinamani.com/all-editions/edition-madurai/theni/2018/sep/22/18-ஆம்-கால்வாய்-நீட்டிப்பில்-தண்ணீர்-திறக்க-வலியுறுத்தி-ஆர்ப்பாட்டம்-3005149.html
3005148 மதுரை தேனி பெட்ரோல், டீசல் விலை உயர்வை ரத்து செய்ய ஆதித்தமிழர் பேரவை வலியுறுத்தல் DIN DIN Saturday, September 22, 2018 01:44 AM +0530 பெட்ரோல் டீசல் விலை உயர்வை ரத்து செய்ய வேண்டும் என போடி அருகே வெள்ளிக்கிழமை நடைபெற்ற ஆதித்தமிழர் பேரவை செயற்குழு கூட்டத்தில் வலியுறுத்தப்பட்டது.
போடி அருகே ரெங்கநாதபுரத்தில் ஆதித்தமிழர் பேரவை மாவட்ட செயற்குழு கூட்டம் மாவட்டச் செயலாளர் இளந்தமிழன் தலைமையில் நடைபெற்றது.  ஒன்றியத் தலைவர் சுருளி, ஒன்றியச் செயலாளர் காட்டுராஜா ஆகியோர் முன்னிலை வகித்தனர். மாவட்டத் தலைவர் தீப்பொறி அரசு, மாவட்ட துணை செயலாளர் விடுதலை வேந்தன், மாவட்ட மாணவரணி செயலாளர் தமிழவன் ஆகியோர் சிறப்புரையாற்றினர். மாநில துணை பொதுச் செயலாளர் வீரபாண்டியன், மாநில தொழிலாளர் பேரவை நிதிச் செயலாளர் நிலக்கணலன் ஆகியோர் சிறப்பு விருந்தினர்களாக பங்கேற்றனர். கூட்டத்தில் அருந்ததியர்களுக்கான உள் இட ஒதுக்கீட்டை 6 சதவீதமாக உயர்த்த வேண்டும்.
போடி ரெங்கநாதபுரத்தில் அருந்ததியர் குடியிருப்பு பகுதியில் சமுதாயக் கூடம் கட்டித் தரவேண்டும். பெட்ரோல் டீசல் விலை உயர்வை ரத்து செய்ய வேண்டும் என்பது உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/theni/2018/sep/22/பெட்ரோல்-டீசல்-விலை-உயர்வை-ரத்து-செய்ய-ஆதித்தமிழர்-பேரவை-வலியுறுத்தல்-3005148.html
3005147 மதுரை தேனி "ஆற்றில் குளிக்கச் செல்வோர் பாதுகாப்புடன் செயல்பட வேண்டும்' DIN DIN Saturday, September 22, 2018 01:44 AM +0530 தேனி மாவட்டத்தில் அணைக்கட்டு மற்றும் நீர் தேக்கங்களுக்குச் செல்வோர், ஆற்றுக்கு குளிக்கச் செல்வோர் விழிப்புணர்வுடனும், பாதுகாப்புடனும் செயல்பட வேண்டும் என்று மாவட்ட காவல் காண்காணிப்பாளர் வீ.பாஸ்கரன் அறிவுறுத்தியுள்ளார்.
இது குறித்து அவர் வெள்ளிக்கிழமை வெளியிட்டுள்ள அறிவிப்பு: உத்தமபாளையம், ராயப்பன்பட்டி, சின்னமனூர், வீரபாண்டி, பழனிசெட்டிபட்டி, தேனி ஆகிய இடங்களில் கடந்த சில மாதங்களில் ஆற்றுப் பகுதியில் இருந்து 13 சடலங்கள் மீட்கப்பட்டுள்ளன. வடவீரநாயக்கன்பட்டி கண்மாய் நீரில் மூழ்கி 3 குழந்தைகளும், கோம்பை புதுக்குளம் கண்மாய் நீரில் மூழ்கி 2 குழந்தைகளும் உயிரிழந்துள்னர். உப்புகோட்டையில் மது போதையில் முல்லையாற்றில் குளித்துக் கொண்டிருந்தவர்கள் தண்ணீர் மூழ்கி பலியாகினர். ஆற்றில் அதிகளவில் நீர்வரத்து உள்ளதால் நீச்சல் தெரிந்தவர்களைக் கூட தண்ணீர் இழுத்துச் செல்ல வாய்ப்பு உள்ளது. அணைக் கட்டுகள் மற்றும் நீர்தேக்கப் பகுதிகளுக்குச் செல்வோர் அதில் இறங்கி குளிக்க முயற்சிக்கக் கூடாது. 
ஆற்றுக்கு குளிப்பதற்கும், துணி துவைக்கவும் செல்வோர் விழிப்புணர்வுடனும், பாதுகாப்புடனும் செயல்பட வேண்டும். பாறைகளில் ஏறி நின்றும், உயரமான இடத்தில் இருந்தும் தண்ணீரில் குதிக்கக் கூடாது. 
மது அருந்திவிட்டு நீர்நிலைகளுக்கு குளிக்கச் செல்லக் கூடாது.பள்ளி மற்றும் கல்லூரி விடுமுறை நாட்களில் பெற்றோர்கள் குழந்தைகளை கண்காணிப்பில் வைத்திருக்க வேண்டும். நீர்நிலைகளுக்கு குளிப்பதற்குச் செல்ல அனுமதிக்கக் கூடாது என்று அறிவிக்கப்பட்டுள்ளது.

]]>
http://www.dinamani.com/all-editions/edition-madurai/theni/2018/sep/22/ஆற்றில்-குளிக்கச்-செல்வோர்-பாதுகாப்புடன்-செயல்பட-வேண்டும்-3005147.html
3005146 மதுரை தேனி போடியில் கழிவுநீர் தேங்கி சுகாதாரக்கேடு: பொதுமக்கள் அவதி DIN DIN Saturday, September 22, 2018 01:43 AM +0530 போடி காவல் நிலையம் உள்பட பல்வேறு பகுதியில் சாக்கடை தூர்வாராததால் கழிவு நீர் தேங்கி சுகாதாரக்கேட்டை ஏற்படுத்தி வருகிறது.
போடி நகராட்சி 10 ஆவது வார்டு எஸ்.எஸ்.புரத்தில்  பேவர் பிளாக் சாலை அமைக்கும் பணிகள் நடைபெற்று வருகிறது. இதனால் இப்பகுதியில் உள்ள தெருக்களில் சாக்கடை சில மாதங்களாக தூர்வாரப்படாமல் உள்ளன. 
 இதனால் சாக்கடையில் குப்பைகளைகளுடன், கழிவுநீர்த் தேங்கி துர்நாற்றமும் வீசுகிறது. மேலும் சாக்கடையில் வால் புழுக்கள் உற்பத்தியாகி, கழிவுநீர் குழாய்கள் வழியாக வீடுகளுக்குள் புகுந்து விடுகின்றன. இதனால் பொதுமக்கள் அவதிக்குள்ளாகியுள்ளனர்.
இதேபோல் நகரின் மையப் பகுதியில்  நகர் காவல் நிலையம், அரசு உதவி பெறும் பள்ளி, நகராட்சி பள்ளி, சுப்பிரமணியசுவாமி கோயில், நகராட்சி வணிக வளாகங்கள் உள்ளிட்டவை அமைந்துள்ளன.
 இதில் போடி நகர் காவல் நிலையம் முன்புறம் உள்ள சாக்கடையில் கழிவுநீர் தேங்கி சுகாதாரக்கேட்டை ஏற்படுத்தி வருகிறது. 
இதனால் போடி நகரில் அனைத்து பகுதியிலும் சாக்கடைகளை தூர்வாரவும், குப்பைகளை அகற்றவும் நகராட்சி நிர்வாகம் நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.

]]>
http://www.dinamani.com/all-editions/edition-madurai/theni/2018/sep/22/போடியில்-கழிவுநீர்-தேங்கி-சுகாதாரக்கேடு-பொதுமக்கள்-அவதி-3005146.html
3005145 மதுரை தேனி தேனி மாவட்ட கால்நடை மருத்துவமனைகளில் பணியாளர்கள் பற்றாக்குறை: விவசாயிகள் அவதி செ.பிரபாகரன் DIN Saturday, September 22, 2018 01:43 AM +0530 தேனி மாவட்டத்தில் கால்நடை மருத்துவமனை மற்றும் மருந்தகங்களில் மருத்துவர், ஆய்வாளர் உள்ளிட்ட பல்வேறு பணியாளர்கள் பற்றாக்குறையால், கால்நடைகளை பராமரிக்க முடியாமல் விவசாயிகள் அவதிக்குள்ளாகி வருகின்றனர்.
தேனி மாவட்டத்தில்  விவசாயிகள் காளை, எருது, பசு, ஆடு, கோழி, நாய் உள்ளிட்ட விலங்குகளை வளர்த்து வருகின்றனர். கேரள மாநில எல்லை அருகே அமைந்துள்ள இப்பகுதியில் கால்நடைகள் அடிக்கடி நோய் தாக்குதலுக்கு ஆளாகின்றன. 
இம்மாவட்டத்தில் பெரியகுளம், போடி, தேனி ஆகிய மூன்று நகராட்சி பகுதிகளில் மட்டும் கால்நடை மருத்துவமனைகள் உள்ளன. கம்பம், கூடலூர், க.புதுப்பட்டி, காமயகவுண்டன்பட்டி, நாராயணத்தேவன்பட்டி உள்ளிட்ட  இதர ஊர்களில் 33 கால்நடை மருந்தகங்கள் அமைந்துள்ளன. தேனி கால்நடை மருத்துவமனையில் மட்டுமே அனைத்து விதமான நோய்களுக்கும் சிகிச்சை அளிக்கும் வசதி உள்ளது. 
கால்நடை மருந்தகங்களில் ஒரு கால்நடை மருத்துவர், கால்நடை ஆய்வாளர், கால்நடை உதவியாளர் பணியில் இருக்க வேண்டும். ஆனால் பல மருந்தகங்களில் மருத்துவர்கள் இல்லாத நிலையே உள்ளது. க.புதுப்பட்டி கால்நடை மருந்தகத்தில், மருத்துவர், கால்நடை ஆய்வாளர், உதவியாளர் என பணியாளர்கள் யாரும் இல்லாத நிலை உள்ளது. ஆண்டிபட்டி வட்டாரப் பகுதிகளிலும் சில கால்நடை மருந்தகங்களில், இதே நிலை நிலவுவதாக விவசாயிகள் கூறினர். இதனால் கால்நடைகளுக்கு தேவையான சிகிச்சைகள் பெறமுடியாமல் கால்நடை வளர்ப்போர் சிரமத்திற்குள்ளாகி வருகின்றனர். 
இம்மாவட்டத்தில் இருந்து அதிகளவில் ஆடு, மாடு, கோழி உள்ளிட்டவைகள் அருகில் உள்ள கேரள மாநிலத்திற்கு கொண்டு செல்லப்படும்.  
இதனால் தமிழக, கேரள எல்லையில் லோயர்கேம்ப், போடி ஆகிய இடங்களில் வெக்கை நோய் தடுப்பு மையங்கள் செயல்பட்டு வந்தன. கேரளாவுக்கு செல்லும் கால்நடைகள் இங்கு பரிசோதிக்கப்படும்.  இந்த மையங்களும்  நீண்ட காலமாக செயல்படாமல் உள்ளது. இதனால் தொற்று நோய்கள் எளிதாக பரவ வாய்ப்புள்ளது. இதனால் தேனி மாவட்ட கால்நடை பராமரிப்புத்துறையினர் கால்நடை மருந்தகங்களில் காலியாக உள்ள கால்நடை மருத்துவர் பணியிடம் உள்ளிட்ட பல்வேறு பணியிடங்களை நிரப்ப நடவடிக்கை எடுக்க வேண்டுமென்று கால்நடை வளர்ப்போர் கோரிக்கை விடுத்துள்ளனர்.
இது பற்றி கால்நடை மற்றும் மலை மாடுகள் வளர்க்கும் விவசாயி ஏ.அஜ்மல்கான் கூறியது: கால்நடைகளுக்கான நோய்களை விவசாயிகள் கண்டறிந்து, சிகிச்சைக்கு மருத்துவமனைக்கு செல்லும் போது, மருத்துவர்கள் இல்லை என்றால் வேதனைக்கு ஆளாகின்றனர். அதனால் போதிய மருத்துவர்களை நியமிக்க நடவடிக்கை எடுக்க வேண்டும் என்றார்.
கால்நடை மருத்துவர் ஒருவர் கூறியது: தேனி மாவட்டத்தின் பல்வேறு மருத்துவமனைகளில் கால்நடை மருத்துவர், ஆய்வாளர், உதவியாளர் பணியிடங்களும் காலியாக உள்ளன. அதனால் மருத்துவர்கள் தொகுப்பூதியத்தில் நியமிக்க அரசு திட்டமிட்டுள்ளது என்றார்.
 

]]>
http://www.dinamani.com/all-editions/edition-madurai/theni/2018/sep/22/தேனி-மாவட்ட-கால்நடை-மருத்துவமனைகளில்-பணியாளர்கள்-பற்றாக்குறை-விவசாயிகள்-அவதி-3005145.html
3005144 மதுரை தேனி வடுகபட்டியில் தூய்மையே சேவை பேரணி DIN DIN Saturday, September 22, 2018 01:43 AM +0530 பெரியகுளம் அருகே உள்ள வடுகபட்டி அரசு மேல்நிலைப்பள்ளியில் தூய்மையே சேவை விழிப்புணர்வு பேரணி வியாழக்கிழமை நடைபெற்றது.
நிகழ்ச்சிக்கு பள்ளி தலைமையாசிரியர் சின்னராஜ் தலைமை வகித்தார். தேனி மாவட்ட பெற்றோர் ஆசிரியர் சங்க துணை தலைவர் இரா.வைகுண்டம் மற்றும் விழுதுகள் இளைஞர் மன்ற துணை செயலாளர் அஜீத்பாண்டி முன்னிலை வகித்தார். மாவட்ட பூச்சி வல்லுநர் சின்னராஜ் சிறப்பு விருந்தினராக கலந்து கொண்டு பேரணி மற்றும் பிளாஸ்டிக் கழிவுகளை அகற்றும் பணியை தொடக்கி வைத்தார். 
பேரணி நகரின் முக்கிய வீதிகள் வழியாக சென்று பள்ளியை வந்தடைந்தது. மேலும் பள்ளி வளாகத்தில் உள்ள பிளாஸ்டிக் கழிவுகள் அகற்றப்பட்டன. வடுகபட்டி பேரூராட்சி செயல் அலுவலர் கனேஷ்  பள்ளி வளாகத்தில் மரக்கன்றுகளை நட்டார்.  
மாணவ, மாணவிகளுக்கு நிலவேம்புக் குடிநீர்  வழங்கப்பட்டது. மேலும் பிளாஸ்டிக் ஒழிப்பது குறித்த உறுதிமொழி ஏற்றனர். நிகழ்ச்சியில் விழுதுகள் இளைஞர் மன்ற இளைஞர்கள், வடுகபட்டி பேரூராட்சி பணியாளர்கள், மேல்மங்கலம் ஆரம்ப சுகாதார நிலைய பணியாளர்கள், ஜூனியர் ரெட்கிராஸ் மற்றும் பள்ளி மாணவ, மாணவிகள் கலந்து கொண்டனர். ஏற்பாடுகளை மேல்மங்கலம் ஆரம்பசு காதார நிலைய ஆய்வாளர் ரெங்கராஜ் மற்றும் நாட்டு நலப்பணித்திட்ட அலுவலர் கௌதம் அசோக்குமார் ஆகியோர் செய்திருந்தனர்.
 

]]>
http://www.dinamani.com/all-editions/edition-madurai/theni/2018/sep/22/வடுகபட்டியில்-தூய்மையே-சேவை-பேரணி-3005144.html
3005143 மதுரை தேனி போடி-உத்தமபாளையம் நெடுஞ்சாலை சீரமைப்பு DIN DIN Saturday, September 22, 2018 01:42 AM +0530 போடி அருகே மாநில நெடுஞ்சாலையை புதுப்பிக்கும் பணி நடைபெற்று வருகிறது.
போடி- உத்தமபாளையம் மாநில நெடுஞ்சாலையில் பி.ரெங்கநாதபுரம், பி.தருமத்துப் பட்டி, சில்லமரத்துப்பட்டி , சிலமலை, ராசிங்காபுரம், சங்கராபுரம், தேவாரம், கோம்பை பகுதிகள் உள்ளன. போடியிலிருந்து உத்தமபாளையம் 35 கிலோ மீட்டர் தொலைவில் உள்ளது. தொடர் மழையால் இந்த சாலையில் ஆங்காங்கே பள்ளங்கள் ஏற்பட்டு சேதமடைந்து காணப்பட்டது. இதனால் ஓட்டுநர்கள் விபத்துகளை சந்தித்ததுடன், வாகனங்களை ஓட்டுவதற்கும் சிரமப்பட்டு வந்தனர்.  
எனவே இச்சாலையை புதுப்பிக்க வேண்டும் என மாநில நெடுஞ்சாலைத்துறைக்கு கோரிக்கை விடப்பட்டது. அதனடிப்படையில் ராசிங்காபுரத்திலிருந்து திம்மிநாயக்கன்பட்டி விலக்கு வரையிலும், நாகலாபுரம் விலக்கு முதல், சங்கராபுரம் வரையிலும், கோணாம்பட்டி விலக்கு முதல் வெம்பக்கோட்டை வரையிலும் தார்ச்சாலை புதுப்பிக்கும் பணி நடைபெற்று வருகிறது. இதனால் ஓட்டுநர்கள் பொதுமக்கள் மகிழ்ச்சி அடைந்துள்ளனர்.
 

]]>
http://www.dinamani.com/all-editions/edition-madurai/theni/2018/sep/22/போடி-உத்தமபாளையம்-நெடுஞ்சாலை-சீரமைப்பு-3005143.html
3005142 மதுரை தேனி 18-ஆம் கால்வாயில் கூடுதல் ஷட்டர் அமைக்க கோரிக்கை DIN DIN Saturday, September 22, 2018 01:42 AM +0530 தேவாரம், தே.மீனாட்சிபுரம் பகுதியில் விவசாயம் மற்றும் கால்நடைகளுக்கு பயன்படும் வகையில் 18-ஆம் கால்வாயில் கூடுதல் ஷட்டர்கள் அமைக்க வேண்டும் என்று விவசாயிகள் கோரிக்கை விடுத்துள்ளனர்.
இதுகுறித்து 18-ஆம் கால்வாய் விவசாயிகள் சங்கத் தலைவர் ப.ராமராஜ் வெள்ளிக்கிழமை கூறியது: முல்லைப் பெரியாற்றில் இருந்து 18-ஆம் கால்வாயில் திறக்கப்படும் தண்ணீர் கோம்பை, தேவாரம், தே.மீனாட்சிபுரம் பகுதிகளுக்குச் செல்கிறது. 
இப்பகுதியில் விவசாயிகள் மற்றும் பொதுமக்கள் பயன்படுத்தும் வகையில் கோம்பை, ஒட்டான்குளத்திற்கு பொதுப் பணித்துறை சார்பில் கூடுதல் ஷட்டர் அமைத்துத் தர வேண்டும். தே.மீனாட்சிபுரம் செம்புலி ஊரணிக்கும், நீட்டிக்கப்பட்ட கால்வாயில் தே.ரங்கநாதபுரம் பொம்மம்மாள் ஊரணிக்கும் புதிய ஷட்டர் அமைக்க  நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-madurai/theni/2018/sep/22/18-ஆம்-கால்வாயில்-கூடுதல்-ஷட்டர்-அமைக்க-கோரிக்கை-3005142.html
3005141 மதுரை தேனி கல்லூரியில் பூச்சிகளின் தாக்கம் குறித்த கருத்தரங்கு DIN DIN Saturday, September 22, 2018 01:42 AM +0530 தேனி மாவட்டம் உத்தமபாளையம் ஹாஜி கருத்த ராவுத்தர் ஹவுதியா கல்லூரியில் பூச்சிகளின் தாக்கம் குறித்த பல்லூயிர் பன் மயம் கருத்தரங்கம் வியாழக்கிழமை நடைபெற்றது. 
      விலங்கியல் துறை சார்பில் நடைபெற்ற  இக்கருத்தரங்கில் கல்லூரியின் ஆட்சி மன்றக்குழு செயலரும் தாளாளருமான தர்வேஷ் முகைதீன் முன்னிலை வகித்தார். கல்லூரி முதல்வர் முகமது மீரான்  துவக்கவுரையாற்றினார். சென்னை மாநகராட்சி பூச்சி தடுப்பு தலைமை அலுவலர் செல்வக்குமார் சிறப்பு விருந்தினராக கலந்துகொண்டு, கால சூழ்நிலையில் பூச்சிகளால் ஏற்படக்கூடிய நோய்த் தாக்கத்தை உயிரின் பன்மயம் எவ்வாறு ஆதிக்கம் செலுத்துகிறது என்ற தலைப்பில்  பேசினார்.   மதுரை காமராசர் பல்கலைக்கழக சுற்றுச்சூழல் துறை தலைவர் கண்ணன் , சென்னை கிறிஸ்துவக் கல்லூரி விலங்கியல் துறை இணைப் பேராசிரியர் சாமுவேல் டென்னிசன் ஆகியோர் மாணவ, மாணவிகளின் ஆராய்ச்சி தொகுப்பை பார்வையிட்டு, சிறந்த தொகுப்பிற்கு  பரிசு வழங்கினர். விலங்கியல்துறை மாணவ, மாணவிகள், கல்லூரி பேராசிரிர்கள் என பலரும் கலந்துகொண்டனர். விலங்கியல்துறை தலைவர் முகமது  மீரான் வரவேற்றார். உதவிப்பேராசிரியர் அரியா பானு நன்றி கூறினார். 
 

]]>
http://www.dinamani.com/all-editions/edition-madurai/theni/2018/sep/22/கல்லூரியில்-பூச்சிகளின்-தாக்கம்-குறித்த-கருத்தரங்கு-3005141.html
3005140 மதுரை தேனி சீப்பலாக்கோட்டையில் பள்ளிக் கட்டடம் சேதம்: மரத்தடியே வகுப்பறை! DIN DIN Saturday, September 22, 2018 01:41 AM +0530 தேனி மாவட்டம் சின்னமனூர் அருகே உள்ள சீப்பலாக்கோட்டை அரசு உயர்நிலைப் பள்ளி கட்டடம் சேதமடைந்ததால் மரத்தடியில் மாணவர்களுக்கு பாடம் நடத்தப்படுகிறது.
   சீப்பலாக்கோட்டை ஊராட்சியில்  5 ஆயிரத்திற்கு மேற்பட்ட பொதுமக்கள் வசிக்கின்றனர். விவசாயமே முக்கியத் தொழிலாக நடைபெறுகிறது. 
இப்பகுதி மாணவ,மாணவிகள் கல்வி கற்கும் வகையில் 1952 ஆம் ஆண்டு முதல் அரசுப் பள்ளி இயங்கி வருகிறது.  ஆரம்பத்தில் துவக்கப்பள்ளியாக இருந்த இப்பள்ளி உயர்நிலைப் பள்ளியாக வளர்ந்துள்ளது.  தற்போது இப்பள்ளியில் 300க்கும் மேற்பட்ட மாணவ, மாணவிகள் பயின்று வருகின்றனர். 
கடந்த  2010 ஆம் ஆண்டு பழைய கட்டடத்தை ரூ. 15 லட்சத்தில் சீரமைத்தனர். கட்டட சுவர்களில் விரிசல் ஏற்பட்டதால் வகுப்பறைகள் மூடப்பட்டு  மரத்தடியில் திறந்த வெளியில் மாணவர்கள் கல்வி கற்று வருகின்றனர். 4 வகுப்பறைகள் கடந்த 3 மாதங்களாக  மூடியே இருப்பதால் மாணவர்கள் கல்வி கற்பதில் சிக்கல் ஏற்பட்டுள்ளது.  இது குறித்து மாவட்ட கல்வி அலுவலர்கள் மற்றும்  தமிழக கல்வி துறைக்கு புகார் தெரிவித்து எவ்வித நடவடிக்கையும் இல்லையாம். இதனால் மாணவர்களின் கல்வி கேள்விக்குறியாகும் சூழ்நிலை இருப்பதாக பெற்றோர் கவலை  தெரிவித்தனர். 

]]>
http://www.dinamani.com/all-editions/edition-madurai/theni/2018/sep/22/சீப்பலாக்கோட்டையில்-பள்ளிக்-கட்டடம்-சேதம்-மரத்தடியே-வகுப்பறை-3005140.html
3004697 மதுரை தேனி சாக்கலூத்துமெட்டு சாலை திட்ட ஆய்வுக்கு அரசு அனுமதி: ஆட்சியர் தகவல் DIN DIN Friday, September 21, 2018 07:28 AM +0530 தேனி மாவட்டத்தில் தமிழக-கேரள இணைப்புச் சாலையான சாக்கலூத்துமெட்டு சாலை திட்டத்தை செயல்படுத்துவதற்கு நெடுஞ்சாலைத் துறை மூலம் ஆய்வு செய்ய அரசு அனுமதி வழங்கியுள்ளது என்று வியாழக்கிழமை மாவட்ட ஆட்சியர் ம.பல்லவி பல்தேவ் கூறினார்.
உத்தமபாளையம், கோம்பை, தேவாரம், போடி ஆகிய பகுதிகளில் இருந்து கேரளத்தில் உள்ள உடும்பஞ்சோலை, வண்டிப்பெரியாறு, பீர்மேடு, மூணாறு பகுதிகளுக்குச் சென்று வர தேவாரம் அருகே டி.மேட்டுப்பட்டியில் இருந்து சாக்கலூத்துமெட்டு வழியாக பாதை வசதி உள்ளது. டி.மேட்டுப்பட்டி-சாக்கலூத்துமெட்டு ஆகியவற்றுக்கு இடையே 11 கி.மீ., தூரம் தார்ச் சாலை அமைக்க கடந்த 1981-ஆம் ஆண்டு அதிமுக ஆட்சியில் அடிக்கல் நாட்டப்பட்டது. 
இந்தச் சாலை மூலம் தேவாரம் பகுதியில் இருந்து 60 கி.மீ., தூரம் பயணம் செய்து கேரளப் பகுதிக்குச் சென்று வருவோர், 11 கி.மீ., தூரத்திலேயே கேரளத்திற்குச் சென்று வரலாம்.  ஆனால், நெடுஞ்சாலை மற்றும் கிராமச் சாலைகள் துறை சார்பில் டி.மேட்டுப்பட்டியில் இருந்து சாக்கலூத்துமெட்டுக்குச் செல்வதற்கு 6 கி.மீ., தூரம் மட்டும் தார்ச் சாலை அமைக்கப்பட்ட நிலையில், வனத் துறை கட்டுப்பாட்டில் உள்ள பகுதியில் 5 கி.மீ.,தூரம் வரை தார்ச் சாலை அமைக்க வனத் துறை அனுமதி மறுத்தது. இதனால், சாக்கலூத்துமெட்டு இணைப்புச் சாலை பணிகள் தொடங்கிய நிலையிலேயே நிறுத்தி வைக்கப்பட்டன.
இந்த நிலையில், தற்போது சாக்கலூத்து மெட்டு சாலை திட்டத்தை செயல்படுத்துவதற்கு ஆய்வு செய்ய அரசாணை பிறப்பிக்கப்பட்டுள்ளது என்று ஆட்சியர் கூறினார். இது குறித்து அவர் மேலும் கூறுகையில், சாக்கலூத்துமெட்டு சாலை திட்டத்தை செயல்படுத்துவதற்கு மாநில நெடுஞ்சாலைத் துறை மூலம் ஆய்வு செய்ய அரசாணை பிறப்பிக்கப்பட்டு, அதற்காக நிதி ஒதுக்கீடு செய்யப்பட்டுள்ளது. 
இந்த அரசாணையின் அடிப்படையில், நெடுஞ்சாலைத் துறை மூலம் வனத் துறையிடம் முறையாக ஒப்புதல் பெற்று ஆய்வுப் பணிகள் விரைவில் தொடங்கும் என்றார்.

]]>
http://www.dinamani.com/all-editions/edition-madurai/theni/2018/sep/21/சாக்கலூத்துமெட்டு-சாலை-திட்டஆய்வுக்கு-அரசு-அனுமதி-ஆட்சியர்-தகவல்-3004697.html
3004696 மதுரை தேனி 18-ஆம் கால்வாயில் பாசன நீர் நிறுத்தம்: விவசாயிகள் அதிருப்தி DIN DIN Friday, September 21, 2018 07:28 AM +0530 தேனி மாவட்டம் 18-ஆம் கால்வாயில் கடந்த ஒரு மாதமாக திறக்கப்பட்ட தண்ணீர் வியாழக்கிழமை திடீரென  நிறுத்தப்பட்டதால் விவசாயிகள் அதிருப்தி அடைந்தனர். 
 தென்மேற்கு பருவமழை பரவலாக பெய்த காரணத்தால் முல்லைப் பெரியாற்றிலிருந்து கடந்த ஆக. 22 ஆம் துணை முதல்வர் ஓ.பன்னீர் செல்வம் தண்ணீர் திறந்து வைத்தார்.  
உத்தமபாளையம் வட்டத்திற்கு உள்பட்ட க.புதுப்பட்டி, அனுமந்தன்பட்டி, கோம்பை, பண்ணைப்புரம்,கிருஷ்ணன் பட்டி, வெப்பக்கோட்டை, பொட்டிப்புரம் வரையிலுள்ள  44 குளங்கள் மூலமாக  4,614 ஏக்கர் பாசன வசதி கிடைக்க தண்ணீர் திறந்து விடப்பட்டது. 
இந்நிலையில், வியழாக்கிழமை லோயர் கேம்ப் தலை மதகிலிருந்து திறக்கப்பட்ட தண்ணீர் நிறுத்தப்பட்டது. இதனைஅடுத்து, உத்தமபாளையம் வட்டாரத்திலுள்ள சில குளங்களை தவிர பெரும்பான்மையான குளங்களுக்கு தண்ணீர் செல்லவில்லை.  இதனால் விவசாயிகள் அதிருப்தி அடைந்தனர்.
இது குறித்து விவசாயிகள் கூறுகையில், கடந்த 30 நாள்களாக திறக்கப்பட்ட பாசன நீரில் கம்பம் தொகுதிக்கு உள்பட்ட குளங்கள் மட்டும் நிறம்பியுள்ளன. பிற பகுதிகளுக்கு தண்ணீர் செல்லவில்லை என தெரிவித்தனர். இதனால்  தண்ணீர் செல்லாத குளங்களுக்கு தண்ணீர் கிடைக்க  நடவடிக்கை எடுக்க வேண்டும் என தெரிவித்தனர்.

]]>
http://www.dinamani.com/all-editions/edition-madurai/theni/2018/sep/21/18-ஆம்-கால்வாயில்-பாசன-நீர்-நிறுத்தம்-விவசாயிகள்-அதிருப்தி-3004696.html
3004695 மதுரை தேனி விநாயகர் சதுர்த்தி விழாவில் மோதல்: 3 பேர் கைது DIN DIN Friday, September 21, 2018 07:28 AM +0530 போடியில் விநாயகர் சதுர்த்தியின்போது இளைஞரை தாக்கி கொலை மிரட்டல் விடுத்த 3 பேரை போலீஸார் வியாழக்கிழமை கைது செய்தனர்.
போடியில் கடந்த 14 ஆம் தேதி விநாயகர்  சிலைகள் ஊர்வலத்தின்போது ஒலிபெருக்கியில் குத்துப்பாட்டு போடச் சொல்லி சிலர் தகராறு செய்தனர். இதனை போடி வினோபாஜி காலனியை சேர்ந்த செல்வராஜ் மகன் சீனிவாசன் (32) தட்டிக் கேட்டுள்ளார். இதனையடுத்து இப்பகுதியை சேர்ந்த மாரி (15), அணீஸ் (20), மகாவிஷ்ணு (19), ரஞ்சித் (22), லோகேஷ் (22), ஜெகன் (17) மற்றும் சிலர் சேர்ந்து சீனிவாசனையும் அவரது தம்பி மருதுபாண்டியையும் தாக்கினராம்.  இதில் இருவரும் காயமடைந்தனர். சீனிவாசன் தேனி அரசு மருத்துவக் கல்லூரி மருத்துவமனையில் சேர்க்கப்பட்டார். 
அவர் வியாழன்கிழமை போடி நகர் காவல் நிலையத்தில் புகார் செய்தார். 
அதன் பேரில் போலீஸார் வழக்கு பதிவு செய்து அணீஸ், மகாவிஷ்ணு, லோகேஷ் ஆகிய 3 பேரையும் கைது செய்தனர். மற்றவர்களை தேடி வருகின்றனர்.

]]>
http://www.dinamani.com/all-editions/edition-madurai/theni/2018/sep/21/விநாயகர்-சதுர்த்தி-விழாவில்-மோதல்-3-பேர்-கைது-3004695.html
3004694 மதுரை தேனி கால்வாய்களை சீரமைக்காததால் 17 கண்மாய்களுக்கு தண்ணீர் வருவதில் சிக்கல்: தேனி குறைதீர் கூட்டத்தில்  விவசாயிகள் புகார் DIN DIN Friday, September 21, 2018 07:28 AM +0530 பி.டி.ராஜன் கால்வாய் மற்றும் தந்தை பெரியார் கால்வாய்களில் தண்ணீர் திறக்கப்பட்டு 30 நாள்களுக்கு மேல் ஆகியும், கால்வாய்களை சீரமைக்காததால் சின்னமனூர், தேனி ஒன்றியத்தில் உள்ள 17 கண்மாய்களுக்கு தண்ணீர் சென்றடைவதில் சிக்கல் ஏற்பட்டுள்ளது என விவசாயிகள் புகார் தெரிவித்துள்ளனர்.
தேனி மாவட்ட ஆட்சியர் அலுவலகத்தில் வியாழக்கிழமை வேளாண்மைத் துறை சார்பில் விவசாயிகள் குறைதீர் கூட்டம் ஆட்சியர் ம.பல்லவி பல்தேவ் தலைமையில் நடைபெற்றது. இந்தக் கூட்டத்தில் கலந்து கொண்ட விவசாயிகள் பேசியது: 
கடந்த ஆக.22-ஆம் தேதி முல்லைப் பெரியாறு அணையில் இருந்து பி.டி.ராஜன் மற்றும் தந்தை பெரியாறு கால்வாய்களில் தண்ணீர் திறக்கப்பட்டது. பொதுப் பணித் துறையினர் கால்வாய்களில் தண்ணீர் திறப்பை முறைப்படுத்தாததாலும், கால்வாய்களை தூர்வாரி சீரமைக்காததாலும், கால்வாயில் தண்ணீர் திறந்து 30 நாள்களுக்கு மேல் ஆகியும் கண்மாய்களுக்கு தண்ணீர் சென்றடையவில்லை.
சின்னமனூர் அருகே தனியார் பயன்பாட்டிற்காக கால்வாயின் குறுக்கே குழாய்கள் அமைக்கப்பட்டுள்ளதால், தண்ணீர் கடந்து செல்ல முடியவில்லை. சிலையம்பட்டி அருகே 14-வது மடையில் மதகு இல்லாததால் தண்ணீர் அதிக அளவில் வெளியேறி வீணாகிறது. கால்வாயின் குறுக்கே பல்வேறு இடங்களில் காற்றாலை அமைப்பதற்கு உபகரணங்கள் கொண்டு செல்வதற்காக பாதை ஏற்படுத்தியுள்ளதால் கால்வாயில் அடைப்பு ஏற்பட்டுள்ளது.
பி.டி.ராஜன் மற்றும் தந்தைப் பெரியார் கால்வாய்களின் நீர் வழித் தடத்தை ஆய்வு செய்து, கடை மடை கண்மாய்கள் வரை தண்ணீர் சென்றடைவதை உறுதி செய்ய வேண்டும்.
பாலகிருஷ்ணாபுரம் கிளை கால்வாய் திட்டத்தை செயல்படுத்த வேண்டும். பி.டி.ராஜன் கால்வாய் மற்றும் பாலகிருஷ்ணாபுரம் கண்மாய் கிளை கால்வாய் ஆகியவற்றை புணரமைக்க ரூ.12 கோடி மதிப்பீடு செய்யப்பட்டு, திட்டப் பணிகள் தொடங்காமல் உள்ளது. இத் திட்டத்தை செயல்படுத்துவதற்கு ஒதுக்க மாவட்ட நிர்வாகம் அரசை வலியுறுத்த வேண்டும்.சண்முக நதி நீர் தேக்கத்தில் இருந்து பாசனத்திற்கு தண்ணீர் திறக்க வேண்டும்.     
பயிர் காப்பீட்டுத் திட்டத்தில் உள்ள குளறுபடிகளை களைய வேண்டும். கம்பம் மேற்கு வனச் சரகத்தில் மலை மாடுகளுக்கு மேய்ச்சல் அனுமதி வழங்க வேண்டும் என்றனர்.
இதற்கு பதிலளித்து ஆட்சியர் பேசுகையில், பி.டி.ராஜன் கால்வாய் மற்றும் தந்தை பெரியார் கால்வாய்களை பொதுப் பணித்துறை அதிகாரிகள் ஆய்வு செய்து, நீர் வழிப் பாதையில் உள்ள அடைப்பு மற்றும் உடைப்புகளை சீரமைக்க வேண்டும். துணைக் கால்வாய் மற்றும் கால்வாய் புனரமைப்பு திட்டத்திற்கு அரசிடமிருந்து நிதி ஒதுக்கீடு பெறுவதற்கு நடவடிக்கை எடுக்கப்படும் என்றார்.
மதுரைக்கு குழாய் மூலம் தண்ணீர் கொண்டு செல்ல எதிர்ப்பு: இந்தக் கூட்டத்தில், லோயர்கேம்ப் முல்லைப் பெரியாற்றில் இருந்து மதுரைக்கு குழாய் மூலம் குடிநீர் கொண்டு செல்லும் திட்டத்திற்கு விவசாயிகள் எதிர்ப்பு தெரிவித்தனர்.  இத் திட்டத்திற்கு பதிலாக வைகை அணையில் 980 மில்லியன் கன அடி வரை தேங்கியுள்ள மண்ணை அகற்றி, அணையில் முழு கொள்ளளவிற்கு தண்ணீர் தேக்க நடவடிக்கை எடுக்க வேண்டும் என்று விவசாயிகள் வலியுறுத்தினர்.

]]>
http://www.dinamani.com/all-editions/edition-madurai/theni/2018/sep/21/கால்வாய்களை-சீரமைக்காததால்-17-கண்மாய்களுக்கு-தண்ணீர்-வருவதில்-சிக்கல்-தேனி-குறைதீர்-கூட்டத்தில்--வி-3004694.html
3004693 மதுரை தேனி காதலிக்க மறுத்த பெண்ணை மிரட்டியவர் கைது DIN DIN Friday, September 21, 2018 07:27 AM +0530 தேனி அல்லிநகரத்தில் காதலிக்க மறுத்த பெண்ணின் புகைப்படத்தை சமூக வலைதளத்தில் வெளியிடப்போவதாக மிரட்டிய இளைஞரை புதன்கிழமை இரவு போலீஸார் கைது செய்தனர்.
தேனி அல்லிநகரம், பாண்டியன் நகரைச் சேர்ந்தவர் 20 வயது பெண்ணை, தேனி பொம்மையகவுண்டன்பட்டியைச் சேர்ந்த வீராச்சாமி மகன் நாகராஜ் (22) என்பவர் ஒரு தலையாகக் காதலித்து வந்தாராம். தன்னை காதலிக்குமாறு நாகராஜ், அப்பெண்ணிடம் கேட்டதற்கு அவர் மறுத்து விட்டதாக கூறப்படுகிறது. இதனால், தனது புகைப்படத்தை சமூக வலைதளத்தில் வெளியிடப் போவதாக நாகராஜ் தன்னை மிரட்டுவதாக அல்லிநகரம் காவல் நிலையத்தில் அப்பெண் புகார் அளித்தார். இந்தப் புகாரின் அடிப்படையில் போலீஸார் வழக்குப் பதிந்து நாகராஜை கைது செய்தனர்.

]]>
http://www.dinamani.com/all-editions/edition-madurai/theni/2018/sep/21/காதலிக்க-மறுத்த-பெண்ணை-மிரட்டியவர்-கைது-3004693.html
3004692 மதுரை தேனி ஓடையில் மணல் திருட்டு: 4 பேர் கைது DIN DIN Friday, September 21, 2018 07:27 AM +0530 ஆண்டிபட்டி அருகே ஓடையில் சட்ட விரோதமாக 60 மூட்டைகளில் மணல் திருடிய 4 பேரை போலீஸார் வியாழக்கிழமை கைது செய்தனர்.
தேனி நில அபகரிப்பு பிரிவு ஆய்வாளர் பிச்சை பாண்டி தலைமையில் போலீஸார் ஆண்டிபட்டி அருகே உள்ள டி.சுப்புலாபுரம் ஓடை பகுதிகளில் ரோந்து சென்றனர். அங்கு 60 மூட்டைகளில் மணல் திருடிக் கொண்டிருந்த டி.சுப்புலாபுரத்தை சேர்ந்த தங்கமுத்து (37), காசிராஜன் (45), ஜெயக்குமார் (36), ராமசாமி (20) ஆகிய 4 பேரை போலீஸார் சுற்றி வளைத்துப் பிடித்தனர். அவர்கள் மணல் கடத்தலுக்கு பயன்படுத்திய டிராக்டரையும் பறிமுதல் செய்தனர். மேலும் இது குறித்து வழக்குப்பதிவு செய்த ஆண்டிபட்டி போலீஸார் 4 பேரை கைது செய்தனர்.

]]>
http://www.dinamani.com/all-editions/edition-madurai/theni/2018/sep/21/ஓடையில்-மணல்-திருட்டு-4-பேர்-கைது-3004692.html
3004691 மதுரை தேனி காலமுறை ஊதியம் கோரி சத்துணவு ஊழியர்கள் போராட்டம் DIN DIN Friday, September 21, 2018 07:27 AM +0530 காலமுறை  ஊதியம் வழங்கக் கோரி தேனியில் வியாழக்கிழமை சத்துணவு ஊழியர்கள் பேரணி நடத்தினர். திண்டுக்கல்லில் ஆர்ப்பாட்டம் செய்தனர்.
தமிழ்நாடு சத்துணவு ஊழியர்கள் சங்கம் சார்பில் தேனி ஊராட்சி ஒன்றிய அலுவலகம் முன்பிருந்து தொடங்கிய பேரணிக்கு  சங்கத்தின் மாவட்டத் தலைவர் எஸ்.நிழவழகன் தலைமை வகித்தார். இந்திய தொழிற் சங்க மைய மாவட்டத் தலைவர் சி.முருகன் ஊர்வலத்தை தொடங்கி வைத்தார். மாவட்டச் செயலர் எம்.ஜெயபாண்டி முன்னிலை வகித்தார்.   
சத்துணவுத் திட்டத்தில் தொகுப்பூதியம், மதிப்பூதியம் மற்றும் சிறப்பு காலமுறை ஊதிய முறையில் பணியாற்றி வரும் ஊழியர்களுக்கு காலமுறை ஊதியம் வழங்க வேண்டும், குடும்ப பாதுகாப்புடன் கூடிய ஓய்வூதியம், ஓய்வு பெறும் சத்துணவு ஊழியருக்கு ரூ.5 லட்சம், சமையலர் மற்றும் உதவியாளருக்கு தலா ரூ.3 லட்சம் பணப் பயன் வழங்க வேண்டும், பெண் ஊழியர்களுக்கு 9 மாதம் மகப்பேறு விடுப்பு வழங்க வேண்டும் என்ற கோரிக்கையை வலியுறுத்தி தேனி பாரத ஸ்டேட் வங்கித் திடல் வரை ஊர்வலம் நடைபெற்றது.
திண்டுக்கல்: இதே கோரிக்கைளை வலியுறுத்தி திண்டுக்கல்லில் சத்துணவு ஊழியர்கள் ஆர்ப்பாட்டத்தில் ஈடுபட்டனர். திண்டுக்கல் ஊராட்சி ஒன்றிய அலுவலகம் அருகே நடைபெற்ற ஆர்ப்பாட்டத்திற்கு, சத்துணவு ஊழியர் சங்கத்தின் மாவட்டத் தலைவர் பி.எம்.ராமு தலைமை வகித்தார். ஆர்ப்பாட்டத்தில் அரசு ஊழியர் சங்கத்தினர், வருவாய்த்துறை அலுவலர் சங்கத்தைச் சேர்ந்த நிர்வாகிகளும் கலந்து கொண்டனர்.

]]>
http://www.dinamani.com/all-editions/edition-madurai/theni/2018/sep/21/காலமுறை-ஊதியம்-கோரி-சத்துணவு-ஊழியர்கள்-போராட்டம்-3004691.html
3004690 மதுரை தேனி ஆட்டோ ஓட்டுநர் தற்கொலை முயற்சி: காவல்துறையினர் தாக்கியதாக புகார் DIN DIN Friday, September 21, 2018 07:26 AM +0530 தேனி மாவட்டம் ஆண்டிபட்டி அருகே வாகன சோதனையின்போது 
காவல்துறையினர் தாக்கியதால் ஆட்டோ ஓட்டுநர் வியாழக்கிழமை தற்கொலைக்கு முயன்றார்.
ஆண்டிபட்டி அருகே உள்ள முத்தனம்பட்டியை சேர்ந்த தர்மர் மகன் இளையராஜா(28). ஆட்டோ ஓட்டுநர். ஆண்டிபட்டி அருகே உள்ள சிட்கோ தொழிற்பேட்டையிலிருந்து புதன்கிழமை இரவு பணி முடித்தவர்களை ஏற்றிகொண்டு சென்றபோது ஆண்டிபட்டி எம்ஜிஆர் சிலை அருகே வாகனச் சோதனையில் ஈடுபட்டிருந்த காவல்துறையினர் ஆட்டோவை வழிமறித்து சோதனை நடத்தினர். அப்போது உரிய ஆவணங்களை காட்டியும் இளையராஜாவை ஆட்டோவிலிருந்த அவரது உறவினர்கள் முன்பாக போலீஸார் தாக்கியதாக கூறப்படுகிறது. 
இதையடுத்து வீட்டிற்கு வந்த இளையராஜா தூக்கிட்டுத் தற்கொலைக்கு முயன்றார். குடும்பத்தினர் அவரை மீட்டு தேனி அரசு மருத்துவக் கல்லூரி மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. இச்சம்பவம் குறித்து தகவலறிந்து மருத்துவமனை முன்பு ஆட்டோ ஓட்டுநர்கள் கூடினர். 
 அப்போது ஆட்டோ சங்கத் தலைவர் விநாயகர் கூறியதாவது:
  இளையராஜாவை தாக்கிய காவல்துறையினர் மீது உடனடியாக நடவடிக்கை எடுக்க வேண்டும். கடந்தாண்டு இதே போன்று நடைபெற்ற ஆட்டோ ஓட்டுநர் மீதான தாக்குதல் சம்பவத்திற்கு இதுவரை எவ்வித நடவடிக்கையும் எடுக்கப்படவில்லை. 
இப்புகார்கள் மீது காவல் துறையினர் விரைந்து நடவடிக்கை எடுக்கவில்லை என்றால்  தேனி மாவட்ட அளவில் ஆட்டோ ஓட்டுநர்கள் காவல்துறையை கண்டித்து போராட்டத்தில் ஈடுபடுவோம் என்று கூறினார். 
 இச்சம்பவம் குறித்து ஆண்டிபட்டி காவல்துறை துணை கண்காணிப்பாளர் மற்றும் மாவட்ட காவல் கண்காணிப்பாளரிடம் ஆட்டோ ஓட்டுநர்கள் புகார் அளித்துள்ளனர்.

]]>
http://www.dinamani.com/all-editions/edition-madurai/theni/2018/sep/21/ஆட்டோ-ஓட்டுநர்-தற்கொலை-முயற்சி-காவல்துறையினர்-தாக்கியதாக-புகார்-3004690.html
3004689 மதுரை தேனி ஆசிய யோகா போட்டி தேனி பள்ளி மாணவர்கள் சாதனை DIN DIN Friday, September 21, 2018 07:26 AM +0530 தேனி மாவட்டத்தைச் சேர்ந்த மாணவ, மாணவிகள் தாய்லாந்தில் நடைபெற்ற ஆசிய அளவிலான யோகா போட்டியில் வெற்றி பெற்றனர்.
 தாய்லாந்து தலைநகர் பாங்காங்கில் கடந்த செப். 2-ஆம் தேதி நடைபெற்ற இப்போட்டியில் தமிழகத்தைச் சேர்ந்த 51 பேர் கொண்ட குழு கலந்து கொண்டது. இந்தக் குழுவில், தேனி மாவட்டத்தில் இருந்து ரிஷி யோகா அறக்கட்டளை மேலாண்மை அறங்காவலர் ராஜேந்திரன், மாவட்ட பயிற்சியாளர் ரவிராம் ஆகியோர் மூலம், கம்பத்தைச் சேர்ந்த 12 மாணவ, மாணவிகள் பங்கேற்றனர்.
இதில், அதிக நேரம் ஆசனத்தில் இருக்கும் போட்டிப் பிரிவில் க.புதுப்பட்டி பேர்லேன்ட் பள்ளியைச் சேர்ந்த எஸ்.எல்.சிரேகா, பி.தாக்ஷாஸ்ரீ ஆகியோர் முதலிடம் பெற்றனர். பொதுப் பிரிவில் கம்பம் நாகமணியம்மாள் மெட்ரிக் பள்ளி மாணவர் பி.விக்னேஷ் 3-ஆம் இடமும், மாணவி ஜெ.ரூபிகா 4-ம் இடமும் வென்றனர். 
சிறப்பு பிரிவில் கம்பம் ராம் ஜெயம் மெட்ரிக் பள்ளி மாணவர் எஸ்.சாந்தகுமார் 3-ஆம் இடமும், தேனி லிட்டில் கிங்டம் பள்ளி மாணவர் ஜித்துநேசன், அக்யநேசன் ஆகியோர் 6-ஆம் இடமும் பெற்றனர்.  
வெற்றி பெற்ற மாணவ, மாணவிகள் மற்றும் பயிற்சியாளர்களுக்கு புதன்கிழமை மாவட்ட காவல் கண்காணிப்பாளர் வீ.பாஸ்கரன் பாராட்டு தெரிவித்து, நினைவுப் பரிசுகளை வழங்கினார்.

]]>
http://www.dinamani.com/all-editions/edition-madurai/theni/2018/sep/21/ஆசிய-யோகா-போட்டி-தேனி-பள்ளி-மாணவர்கள்-சாதனை-3004689.html
3004688 மதுரை தேனி ஆண்டிபட்டியில் அறிவிக்கப்படாத மின்வெட்டு: விசைத்தறி தொழிலாளர்கள் பாதிப்பு DIN DIN Friday, September 21, 2018 07:25 AM +0530 ஆண்டிபட்டி சுற்று வட்டாரங்களில் தினந்தோறும் அறிவிக்கப்படாத மின்வெட்டு ஏற்பட்டு வருவதால் விசைத்தறி தொழிலாளர்கள், சிறு வியாபாரிகள் மிகவும் பாதிக்கப்பட்டுள்ளனர்.
தேனி மாவட்டம் ஆண்டிபட்டி அருகே உள்ள சக்கம்பட்டி, டி.சுப்புலாபுரம் உள்ளிட்ட பகுதிகளில் 3 ஆயிரத்திற்கும் மேற்பட்ட விசைத்தறிகளில்  4 ஆயிரத்திற்கும் மேற்பட்ட தொழிலாளர்கள் வேலை செய்து வருகின்றனர். இவர்கள் சரியான  கூலி கிடைக்காமல் குடும்பத்துடன் மிகவும் அவதியுற்று வருகின்றனர்.  
இந்நிலையில் கடந்த சில நாள்களாக ஆண்டிபட்டி பகுதிகளில் நாள்தோறும் அறிவிக்கப்படாத மின்வெட்டு ஏற்பட்டு வருகிறது. இதனால் விசைத்தறி தொழிலாளர்கள் மிகவும் பாதிப்படைந்துள்ளனர். தற்போது பண்டிகை காலம் என்பதால் அதிக வேலைகள் வருகின்ற சூழ்நிலையில் அறிவிக்கப்படாத மின்வெட்டால் தொழிலாளர்கள் வருமான இழப்பை சந்தித்து வருகின்றனர். இது குறித்து புகார் அளித்தபோதும் மின் வாரியம் சரிவர பதிலளிப்பதில்லையாம். எனவே விசைத்தறி மற்றும் கூலித் தொழிலாளர்களின் நலனை கருத்தில் கொண்டு சீரான மின்சாரம் வழங்க மாவட்ட நிர்வாகம் நடவடிக்கை எடுக்க வேண்டும் என பொதுமக்களும், சமூக ஆர்வலர்களும் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/sep/21/ஆண்டிபட்டியில்-அறிவிக்கப்படாத-மின்வெட்டு-விசைத்தறி-தொழிலாளர்கள்-பாதிப்பு-3004688.html
3004687 மதுரை தேனி உப்புத்துறை கிராமத்தில் மக்கள் தொடர்பு முகாம் DIN DIN Friday, September 21, 2018 07:25 AM +0530 ஆண்டிபட்டி அருகே உப்புத்துறை  கிராமத்தில் புதன்கிழமை நடைபெற்ற மக்கள் தொடர்பு முகாமில் ரூ.12 லட்சம் மதிப்பிலான நலத்திட்ட உதவிகளை மாவட்ட ஆட்சியர் ம.பல்லவி பல்தேவ் வழங்கினார்.  
இந்த முகாமுக்கு தலைமை வகித்த ஆட்சியர், 24 பேருக்கு ரூ. 7 லட்சம் மதிப்பிலான வீட்டுமனைப்பட்டாக்களும்,  29 பேருக்கு  ரூ.3 லட்சத்து 48 ஆயிரம்  மதிப்பிலான மாதாந்திர உதவித்தொகை பெறுவதற்கான ஆணைகளையும் வழங்கினார். ஈமச்சடங்கு மற்றும் இயற்கை மரணம் உதவித்தொகை வழங்கும் திட்டத்தின் கீழ் தலா ரூ.17 ஆயிரம் வீதம் 7 பேருக்கு ரூ.1லட்சத்து 19 ஆயிரம் மதிப்பிலான உதவித்தொகை, வேளாண் இடுபொருள்கள் வழங்கும் திட்டத்தின் கீழ் 
80 பேருக்கு ரூ.11 லட்சத்து 87 ஆயிரம் மதிப்பிலான நலத்திட்ட உதவிகளையும் அவர் வழங்கினார். 
முகாமில் பெரியகுளம் வருவாய் கோட்டாட்சியர் ஜெயபிரீதா, ஆண்டிபட்டி வட்டாட்சியர் அர்ச்சுனன், வட்டார வளர்ச்சி அலுவலர்கள் சரவணன், திருப்பதிவாசன் உள்பட பலர் கலந்து கொண்டனர்.

]]>
http://www.dinamani.com/all-editions/edition-madurai/theni/2018/sep/21/உப்புத்துறை-கிராமத்தில்மக்கள்-தொடர்பு-முகாம்-3004687.html
3004686 மதுரை தேனி 18-ஆம் கால்வாய்த் திட்டத்தில் 10 ஆண்டுகளாக உத்தமபாளையம் கண்மாய்கள் புறக்கணிப்பு: விவசாயிகள் புகார் DIN DIN Friday, September 21, 2018 07:24 AM +0530 18-ஆம் கால்வாய் பாசனத் திட்டத்தில் உத்தமபாளையம் பேரூராட்சி பகுதியிலுள்ள குளங்கள் 10 ஆண்டுகளாக புறக்கணிக்கப்பட்டு வருவதாக  விவசாயிகள் தெரிவித்தனர்.
லோயர்கேம்ப், கம்பம், கூடலூர், க.புதுப்பட்டி, அனுமந்தன் பட்டி, உத்தமபாளையம், கோம்பை, பண்ணைப்புரம், தேவாரம் கிருஷ்ணன்பட்டி, வெம்பக்கோட்டை, திம்மநாயக்கன்பட்டி வரையிலுள்ள விவசாய நிலங்கள் பயன்பெறும் வகையில் 18 ஆம் கால்வாய் திட்டம் நிறைவேற்றப்பட்டது. தற்போது கூடுதல் நிதி ஒதுக்கீடு செய்து போடி வரையில் இத்திட்டம் நீட்டிக்கப்பட்டுள்ளது. 
இந்த 18-ஆம் கால்வாய் திட்டத்தின் மூலம் கம்பம், கூடலூர், போடி என 3 நகராட்சிகளும், அனுமந்தன்பட்டி , க.புதுப்பட்டி, உத்தமபாளையம், கோம்பை, பண்ணைப்புரம் , தேவாரம் என 7 பேரூராட்சிகளும், 21 ஊராட்சிப் பகுதிகளும் பயன்பெறுகின்றன. ஆனால், உத்தமபாளையம் பேரூராட்சியிலுள்ள 5 குளங்கள் இத்திட்டத்தில் இணைக்காமல் புறக்கணிக்கப்பட்டன. எனவே கடந்த 10 ஆண்டுகளுக்கும் மேலாக தண்ணீர் நிரப்பப்படாமல் உள்ள உத்தமபாளையம் பகுதியிலுள்ள 5.70 ஏக்கர் பரப்பளவிலுள்ள வாரணாசி  உள்பட 5க்கு மேற்பட்ட குளங்களில் தண்ணீர்  தேக்க  நடவடிக்கை எடுக்க வேண்டும் என விவசாயிகள் வலியுறுத்தி வருகின்றனர். 
இதுகுறித்து உத்தமபாளையம் பகுதி மானாவாரி விவசாயிகள் கூறியதாவது: 18 ஆம் கால்வாய்  மூலம் 44 குளங்கள் பயன்பெறுகின்றன. ஆனால்  உத்தமபாளையத்திலுள்ள குளங்கள் மட்டும் பயன் பெறவில்லை. பலமுறை கோரிக்கை விடுத்தும் எவ்வித பயனும் இல்லாத நிலையில் கடந்த 10 ஆண்டுகளாக தொடர்ந்து போராடி வருகிறோம். எனவே,  மாவட்ட நிர்வாகம்  உத்தமபாளையம் பகுதி விவசாயிகளுக்கு 18-ஆம் கால்வாய் பாசன நீர் கிடைக்க நடவடிக்கை எடுக்க வேண்டும் என்றனர்.
 

]]>
http://www.dinamani.com/all-editions/edition-madurai/theni/2018/sep/21/18-ஆம்-கால்வாய்த்-திட்டத்தில்-10-ஆண்டுகளாகஉத்தமபாளையம்-கண்மாய்கள்-புறக்கணிப்பு-விவசாயிகள்-புகார்-3004686.html
3003763 மதுரை தேனி சுருளி அருவியில் சாரல் விழா பராமரிப்பு பணிகள் தீவிரம் DIN DIN Thursday, September 20, 2018 02:05 AM +0530 தேனி மாவட்டம் சுருளி அருவியில் செப்.23, 24 ஆகிய தேதிகளில் நடைபெற உள்ள சாரல் விழாவையொட்டி பராமரிப்பு பணிகள் நடைபெற்று வருகின்றன.
  இந்த அருவிப் பகுதியில் கடந்த ஆகஸ்ட் மாதம் பெய்த பலத்த மழை மற்றும் வெள்ளத்தால் சேதமடைந்த கழிப்பறைகள், படிக்கட்டுகள் மற்றும் இருக்கைகள் ஆகியவற்றை மேகமலை வன உயிரின சரணாலயத்தினர் சீரமைத்து வருகின்றனர். மேலும் ஊரக வளர்ச்சித்துறை நிர்வாகத்தின் கீழ் உள்ள பயணியர் தங்கும் விடுதியை, வட்டார வளர்ச்சி அலுவலர்கள், ஊழியர்கள் உதவியுடன் சீரமைக்கின்றனர். நெடுஞ்சாலைத்துறையினர் சுருளி அருவிக்கு செல்லும் சாலையை "பேட்ஜ் ஒர்க்' செய்து வருகின்றனர். தேனி மாவட்ட நிர்வாகம் சார்பில், மேடை, பந்தல், கண்காட்சி அமைப்பதற்கான பணிகள் நடைபெற்று வருகின்றன. இதற்கிடையே வெள்ளத்தால் சேதமடைந்த தடுப்புக் கம்பிகள் அருவிப் பகுதியில் சீரமைக்கப்பட வில்லை. இதுகுறித்து வனத்துறை அலுவலர் ஒருவர் கூறும் போது, தொடர்ந்து, நீர்வரத்து உள்ளதால் அங்கு வேலை செய்ய முடியவில்லை. நீர்வரத்து குறைந்ததும், தடுப்புக் கம்பிகள் சீரமைக்கப்படும் என்றார்.
 இதனிடையே இரண்டு நாள்கள் நடைபெற உள்ள சுருளி அருவி சாரல் விழாவையொட்டி அங்கு, கட்டண வசூலை மாவட்ட நிர்வாகம் ரத்து செய்ய வேண்டும் என சுற்றுலாப் பயணிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/sep/20/சுருளி-அருவியில்-சாரல்-விழா-பராமரிப்பு-பணிகள்-தீவிரம்-3003763.html
3003762 மதுரை தேனி மார்க்கையன்கோட்டையில் ஆக்கிரமிப்புகள் அகற்றம்  DIN DIN Thursday, September 20, 2018 02:05 AM +0530 மார்க்கையன்கோட்டை பேரூராட்சியில் புதன்கிழமை நெடுஞ்சாலை துறையினர் ஆக்கிரமிப்பு அகற்றும் பணியில் ஈடுபட்டனர். அப்போது பாரபட்சத்துடன் ஆக்கிரமிப்பு அகற்றப்பட்டதாக பொதுமக்கள் புகார் தெரிவித்தனர்.
இப்பேரூராட்சி வழியாக போடி, குச்சனூர் ,உத்தமபாளையம் மற்றும் சின்னமனூர் பகுதிகளுக்கு செல்லும் நெடுஞ்சாலை அமைந்துள்ளது. இப்பகுதியில் ஆக்கிரமிப்புகள் அதிகரித்திருப்பதாக வந்த புகாரின் பேரில் புதன்கிழமை போடிசெல்லும் வழித்தடத்தில் ஆக்கிரமிப்புகள் அகற்றப்பட்டன.  இதில் 10-க்கும் மேற்பட்ட வீடுகள் பொக்லையன் இயந்திரம் மூலம் இடிக்கப்பட்டன. மேலும் கால்வாயை மறைத்து கட்டப்பட்ட கட்டடங்களும் அகற்றப்பட்டன.
ஆக்கிரமிப்பு அகற்றத்தில் பாரபட்சம்: பேரூராட்சியின் பேருந்து நிறுத்தம், உத்தமபாளையம் மற்றும் சின்னமனூர் வழித்தட சாலைகளில் உள்ள ஆக்கிரமிப்புகள் போக்குவரத்துக்கு இடையூறாக இருந்தும் அவற்றை அகற்ற முன்வரவில்லை. ஆனால் ஊருக்கு  ஒதுக்குப்புறமான பகுதியில் சாலையோர ஆக்கிரமிப்புகளை மட்டும் அகற்றி இருப்பது பாரபட்சம் என பொதுமக்கள் புகார் தெரிவித்தனர். எனவே, பாரபட்சமின்றி  மார்க்கையன்கோட்டை பேரூராட்சி வழியாக செல்லும் நெடுஞ்சாலையிலுள்ள ஆக்கிரமிப்புகள் அனைத்தையும் முழுமையாக அகற்ற வேண்டும் என அவர்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/sep/20/மார்க்கையன்கோட்டையில்-ஆக்கிரமிப்புகள்-அகற்றம்-3003762.html
3003761 மதுரை தேனி குழந்தைகள் பாதுகாப்பு அலுவலர்களிடம் ஆதரவற்ற குழந்தை ஒப்படைப்பு DIN DIN Thursday, September 20, 2018 02:04 AM +0530 தேனி அரசு மருத்துவக் கல்லூரி மருத்துவமனை வளாகத்தில் ஆதரவற்ற 6 மாத ஆண் குழந்தை சிகிச்சைக்குப் பின், மாவட்ட குழந்தைகள் நல பாதுகாப்பு அலுவலர்களிடம் புதன்கிழமை ஒப்படைக்கப்பட்டது.
 கடந்த ஜூலை 11 ஆம் தேதி இக்குழந்தை ஆதரவற்று கிடந்ததைக் கண்டு இம்மருத்துவமனை செவிலியர்கள் மற்றும் பணியாளர்கள் மீட்டனர். இதையடுத்து இம்மருத்துவக் கல்லூரி மருத்துவமனை முன்னாள் முதல்வர் திருநாவுக்கரசு உத்தரவின் பேரில் அக்குழந்தை, தமிழக அரசின் தொட்டில் குழந்தைகள் வளர்ப்புத் திட்டத்தில் சேர்க்கப்பட்டது. பின்னர் குழந்தைகள் தீவிர சிகிச்சைப் பிரிவில் அக்குழந்தை பராமரிக்கப்பட்டது. 
அப்போது இக்குழந்தை மனவளர்ச்சி குன்றியிருப்பதை மருத்துவர்கள் கண்டறிந்தனர். அதன்பின்னர் அந்த குழந்தைக்கு தொடர் சிகிச்சை அளிக்கப்பட்டு உடல்நிலையிலும், மனவளர்ச்சியிலும் முன்னேற்றம் ஏற்பட்டது.
இதனையடுத்து தேனி அரசு மருத்துவக் கல்லூரி மருத்துவமனை முதல்வர் இளங்கோவன், குழந்தைகள் நல மருத்துவர் செல்வக்குமார், இணைப் பேராசிரியர் சிவக்குமரன் மற்றும் செவிலியர்கள், பணியாளர்கள் முன்னிலையில் அந்த குழந்தை மாவட்ட குழந்தைகள் நல பாதுகாப்புத்துறை அலுவலர்களிடம் ஒப்படைக்கப்பட்டது.  

]]>
http://www.dinamani.com/all-editions/edition-madurai/theni/2018/sep/20/குழந்தைகள்-பாதுகாப்பு-அலுவலர்களிடம்-ஆதரவற்ற-குழந்தை-ஒப்படைப்பு-3003761.html
3003760 மதுரை தேனி தேனி மாவட்டத்தில் குற்றச் சம்பவங்கள் குறித்து தகவல் தெரிவிக்க புதிய வசதி: ஆட்சியர் DIN DIN Thursday, September 20, 2018 02:04 AM +0530 தேனி மாவட்டத்தில் குற்றச்சம்பவங்கள் குறித்து பொதுமக்கள் தகவல் தெரிவிக்க செல்லிடப்பேசி, கட்செவி அஞ்சலில் புதிய செயலி அறிமுகப்படுத்தப்பட்டுள்ளது என மாவட்ட ஆட்சியர் ம.பல்லவி பல்தேவ் தெரிவித்துள்ளார்.
இதுகுறித்து புதன்கிழமை அவர் வெளியிட்டுள்ள அறிவிப்பு: 
மாவட்டத்தில் அரசு புறம் போக்கு நிலம் மற்றும் நீர் நிலைகளில் அனுமதியின்றி வண்டல் மண், களி மண், கிராவல் போன்ற கனிமங்களை சட்ட விரோதமாக அள்ளுவது, நியாய விலைக் கடைகளில் விநியோகம் செய்யப்பட்டும் அரிசி, மண்ணெண்ணெய், பாமாயில், சர்க்கரை, பருப்பு ஆகியவற்றை கடத்திச் சென்று கள்ளச் சந்தையில் விற்பது, அரசு மதுக்கடைகளில் அனுமதிக்கப்பட்ட எண்ணிக்கைக்கும் அதிகமாக மது பாட்டில்களை விற்பனை செய்வது, உரிமம் இல்லாமல் செயல்படும் மதுக் கூடம், பொது இடங்களில் மது அருந்துதல், மதுக் கடைகளை அனுமதிக்கப்பட்ட நேரத்திற்கு முன்பும், பின்னரும் திறப்பது, போதைப் பொருள் விற்பனை ஆகிய குற்றச் சம்பங்கள் நடைபெறுவது குறித்து பொதுமக்கள் மாவட்ட நிர்வாகத்துக்கு தகவல் தெரிவிக்க புதிய வசதி செய்யப்பட்டுள்ளது.
குற்றச் சம்பவங்கள் நடைபெறுவதை பொதுமக்கள் குறுந்தகவலாகவோ, புகைப்படம் எடுத்தோ செல்லிடபேசி எண்: 94877 71077-ல் கட்செவி அஞ்சல் மூலம் அனுப்பலாம். இந்த செல்லிடப்பேசி எண்ணில் கைசாலா என்ற பிரத்யோக செயலி வசதியும் செய்யப்பட்டுள்ளது. இந்த செயலியில் புகைப்படத்துடன் தகவல் தெரிவித்தால், சம்பவம் நடைபெறும் இடம் மற்றும் நேரம் குறித்து தெரிந்து கொண்டு துரிதமாக நடவடிக்கை எடுக்க வாய்ப்பு உள்ளது.
செல்லிடப்பேசியில் கட்செவி அஞ்சல் மூலம் பெறப்படும் தகவல் மற்றும் புகார்களை கண்காணித்து நடவடிக்கை எடுக்க வட்டார அளவில் சுழற்சி முறையில் 24 மணி நேரமும் செயல்படும் அலுவலர் குழு அமைக்கப்பட்டுள்ளது. பொதுமக்கள் இந்த புதிய வசதியை பயன்படுத்தி, குற்றச்சம்பவங்களை நடைபெறுவதை தடுக்க மாவட்ட நிர்வாகத்துக்கு தகவல் அளிக்கலாம் என்று அதில் தெரிவிக்கப்பட்டுள்ளது.


 

]]>
http://www.dinamani.com/all-editions/edition-madurai/theni/2018/sep/20/தேனி-மாவட்டத்தில்-குற்றச்-சம்பவங்கள்-குறித்து-தகவல்தெரிவிக்க-புதிய-வசதி-ஆட்சியர்-3003760.html
3003759 மதுரை தேனி முதலீட்டு  தொகையை திரும்ப வழங்க வலியுறுத்தி ஆர்ப்பாட்டம் DIN DIN Thursday, September 20, 2018 02:04 AM +0530 தேனியில் பி.ஏ.சி.எல்., நிதி நிறுவனத்தில் பொதுமக்களின் பல கோடி ரூபாய் முதலீட்டு தொகையை உச்ச நீதிமன்ற உத்தரவின்படி சம்மந்தப்பட்டவர்களுக்கு திரும்ப வழங்க வலியுறுத்தி புதன்கிழமை ஊழலுக்கு எதிரான இயக்கத்தினர் ஆர்ப்பாட்டம் 
நடத்தினர்.
தேனி, பங்களாமேடு திடலில் நடைபெற்ற ஆர்ப்பாட்டத்துக்கு அந்த அமைப்பின் நிறுவனர் தலைவர் ஆர்.சையது பஷீர் தலைமை வகித்தார். 
களப் பணியாளர்கள் தேனி முத்துக்கிருஷ்ணன், திண்டுக்கல் ருக்குமணி, புதுக்கோட்டை பா.மாலினி ஆகியோர் முன்னிலை வகித்தனர். இதில் பி.ஏ.சி.எல்., நிதி நிறுவனத்தில் பொதுமக்கள் முதலீடு செய்த பணத்தை உச்சநீதிமன்ற 
உத்தரவின்படி சம்மந்தப்பட்டவர்களுக்கு உடனடியாக திரும்ப வழங்க வேண்டும். பி.ஏ.சி.எல்., நிதி நிறுவனத்தின் சொத்து மதிப்பை வெளியிட வேண்டும் ஆகிய கோரிக்கைளை வலியுறுத்தினர்.

]]>
http://www.dinamani.com/all-editions/edition-madurai/theni/2018/sep/20/முதலீட்டு--தொகையை-திரும்ப-வழங்க-வலியுறுத்தி-ஆர்ப்பாட்டம்-3003759.html
3003758 மதுரை தேனி முன்விரோதம்: இளைஞரை தாக்கியவர் கைது DIN DIN Thursday, September 20, 2018 02:04 AM +0530 பெரியகுளம் அருகே முன்விரோதம் காரணமாக இளைஞரை தாக்கியவரை போலீஸார் புதன்கிழமை கைது செய்தனர்.
பெரியகுளம் அருகே உள்ள சரத்துப்பட்டியைச் சேர்ந்தவர் பழனிச்சாமி (47). இவரது உறவினர்கள் ராமர், வீரமணி ஆகியோருக்கும், கண்ணனுக்கும் முன்விரோதம் இருந்துள்ளது. இந்நிலையில் பழனிசாமி, புதன்கிழமை பெரியகுளத்துக்கு வந்துள்ளார். அப்போது டி.கள்ளிப்பட்டி அருகே சென்றபோது கண்ணன், செல்வம், சுரேஷ், சக்திவேல் உள்பட 6 பேர் சேர்ந்து, பழனிசாமியை தாக்கியுள்ளனர். அதனை விலக்க வந்த அஜீத் என்பவரையும் தாக்கியுள்ளனர். இதில் காயமடைந்த பழனிசாமி பெரியகுளம் அரசு மருத்துவமனையில் அனுமதிக்கப்பட்டார்.
இச்சம்பவம் குறித்து தென்கரை போலீஸார் வழக்குப்பதிந்து சக்திவேலை கைது செய்து விசாரித்து வருகின்றனர். மேலும் ஐந்து பேரை தேடி வருகின்றனர்.
 

]]>
http://www.dinamani.com/all-editions/edition-madurai/theni/2018/sep/20/முன்விரோதம்-இளைஞரை-தாக்கியவர்-கைது-3003758.html
3003757 மதுரை தேனி உத்தமபாளையத்தில் செப்.30-இல் தனியார் துறை வேலை வாய்ப்பு முகாம் DIN DIN Thursday, September 20, 2018 02:03 AM +0530 உத்தமபாளையம், ஹாஜி கருத்தராவுத்தர் ஹெளதியா கல்லூரியில் மாவட்ட வேலை வாய்ப்பு அலுவலகம், மாவட்ட நிர்வாகம் மற்றும் கல்லூரி நிர்வாகம் சார்பில் வரும் செப்.30-ஆம் தேதி காலை 9 மணிக்கு தனியார் துறை வேலை வாய்ப்பு முகாம் நடைபெறுகிறது.
இதுகுறித்து மாவட்ட ஆட்சியர் ம.பல்லவி பல்தேவ் வெளியிட்டுள்ள அறிவிப்பு: இந்த தனியார் துறை வேலை வாய்ப்பு முகாமில் பல்வேறு தனியார் நிறுவனங்கள் பங்கேற்று பணியாளர்களை தேர்வு செய்ய உள்ளன. இம்முகாமில் 8-ஆம் வகுப்பு தேர்ச்சி, தொழில் பயிற்சி படிப்பு, பட்டயப் படிப்பு, பட்டப் படிப்பு, செவிலியர் பயிற்சி படிப்பு, தையல் பயிற்சி மற்றும் பொறியியல் பட்டப் படிப்பு படித்தவர்கள் கலந்து கொண்டு வேலை வாய்ப்பு பெறலாம் என்று தெரிவித்துள்ளார்.
 

]]>
http://www.dinamani.com/all-editions/edition-madurai/theni/2018/sep/20/உத்தமபாளையத்தில்-செப்30-இல்-தனியார்-துறை-வேலை-வாய்ப்பு-முகாம்-3003757.html
3003756 மதுரை தேனி ஆண்டிபட்டி அருகே  அடிப்படை வசதிகள் செய்து தர கிராம மக்கள் கோரிக்கை DIN DIN Thursday, September 20, 2018 02:03 AM +0530 தேனி மாவட்டம், ஆண்டிபட்டி அருகே சாலை, கழிவுநீர்  கால்வாய் உள்ளிட்ட அடிப்படை வசதிகளை செய்து தர வேண்டும் என மாவட்ட நிர்வாகத்துக்கு கிராம மக்கள் கோரிக்கை விடுத்துள்ளனர்.
ஆண்டிபட்டி அருகே உள்ள ரெங்கசமுத்திரம் ஊராட்சிக்கு உள்பட்ட ஸ்ரீ ரெங்கபுரம் கிராமத்தில் 200-க்கும் மேற்பட்ட குடும்பத்தினர் வசித்து வருகின்றனர். இப்பகுதியில் விவசாயமே பிரதான தொழிலாக உள்ளது. இக்கிராமத்தில் மின் விளக்குகள் சரிவர அமைக்கப்படவில்லை. ஏற்கெனவே உள்ள மின் விளக்குகள் பராமரிப்பின்றி பழுதடைந்துள்ளது. இதனால், இரவு நேரங்களில் குழந்தைகள், பெண்கள் வெளியில் செல்ல அச்சப்படுகின்றனர்.
தெருக்களில் கழிவு நீர் கால்வாய் போதிய அளவில் அமைக்காததால் சுகாதாரச் சீர்கேடு ஏற்பட்டுள்ளது. குடிநீர் குழாய்களிலும் உடைப்பு ஏற்பட்டு தண்ணீர் வீணாகிறது. மேலும், குடிநீர் விநியோகமும் தடைபட்டுள்ளது.
ஸ்ரீரெங்கபுரம் கிராமத்திலிருந்து ஜம்புலிபுத்தூர் செல்லும் இணைப்புச் சாலையை விவசாயிகள் அதிக அளவில் பயன்படுத்தி வருகின்றனர்.
இப்பகுதியில் விளையும் விளை பொருள்களை இந்த வழியேதான் வாகனங்கள் மூலம் ஆண்டிபட்டிக்கு கொண்டு சென்று விற்பனை செய்து வருகின்றனர். கடந்த சில ஆண்டுகளாக இச்சாலை மிகவும் சேதமடைந்துள்ளது. இதனால் விவசாயிகள், கிராம மக்கள் பாதிப்புக்குள்ளாகியுள்ளனர். 
ஊராட்சி நிர்வாகம் குப்பைகளை அகற்றுவதிலும் பாராமுகமாக உள்ளது. இதுபோன்ற குறைகளை தீர்க்க வலியுறுத்தி, ஊராட்சி அலுவலர், ஒன்றிய அலுவலகங்களில் புகார் அளித்தும் எவ்வித நடவடிகையும் மேற்கொள்ளப்படவில்லை. 
எனவே, அடிப்படை வசதிகளை நிறைவேற்ற மாவட்ட நிர்வாகம் நடவடிக்கை எடுக்க வேண்டும் என பொதுமக்களும், விவசாயிகளும் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/theni/2018/sep/20/ஆண்டிபட்டி-அருகே--அடிப்படை-வசதிகள்-செய்து-தர-கிராம-மக்கள்-கோரிக்கை-3003756.html
3003755 மதுரை தேனி கல்லூரி மாணவர்களுக்கு இளைஞர் நாடாளுமன்ற நிகழ்ச்சி DIN DIN Thursday, September 20, 2018 02:03 AM +0530 ஆண்டிபட்டியில் காமராஜர் பல்கலை. கல்லூரியில் என்.எஸ்.எஸ். சார்பில் இளைஞர் பாராளுமன்ற நிகழ்ச்சி கல்லூரி அரங்கில் புதன்கிழமை நடைபெற்றது.
நிகழ்ச்சிக்கு காமராஜர் பல்கலை. கல்லூரி முதல்வர் சுரேஷ் தலைமை வகித்தார். இளைஞர் பாராளுமன்ற நிகழ்ச்சி ஒருங்கிணைப்பாளர் கதலிநரசிங்கப்பெருமாள் அறிமுகவுரையாற்றினார். என்.எஸ்.எஸ். ஒருங்கிணைப்பாளர் பாண்டி,  கணினி பயன்பாட்டியல் துறை திட்ட அலுவலர் மகாலட்சுமி, பொருளாதாரத் துறை திட்ட அலுவலர் ஜெயக்குமார் ஆகியோர் வாழ்த்திப் பேசினர். பாலியல் வன்முறை, அரசு மீதான நம்பிக்கையில்லா தீர்மானம், அரசின் கல்வி கொள்கை மாற்றம் ஆகிய தலைப்புகளில் நாடாளுமன்ற விவாதம் நடந்தது. இதில் மாதிரி இரங்கல் தீர்மானமும் நிறைவேற்றப்பட்டது. தேனி மேரிமாதா கல்லூரி, நாடார் சரசுவதி கல்லூரி, காமராஜர் பல்கலை. கோட்டூர், ஆண்டிபட்டி உறுப்புக் கல்லூரிகள், வீரபாண்டி கலை அறிவியல் கல்லூரி, பெரியகுளம் ஜெயராஜ் அன்னபாக்கியம் கல்லூரி, உத்தமபாளையம் கருத்தராவுத்தர் கல்லூரிகளைச் சேர்ந்த 100-க்கும் மேற்பட்ட மாணவ, மாணவிகள் நிகழ்ச்சியில் கலந்து கொண்டனர்.
 

]]>
http://www.dinamani.com/all-editions/edition-madurai/theni/2018/sep/20/கல்லூரி-மாணவர்களுக்கு-இளைஞர்-நாடாளுமன்ற-நிகழ்ச்சி-3003755.html
3003754 மதுரை தேனி வழக்குரைஞரிடம் ரூ.7.21 லட்சம் மோசடி செய்தவர் கைது DIN DIN Thursday, September 20, 2018 02:02 AM +0530 தேனி மாவட்டம், கம்பம் அருகே வழக்குரைஞரிடம்  ரூ.7.21 லட்சம் பெற்றுக் கொண்டு மோசடி செய்ததாக, கோவையைச் சேர்ந்த மருந்துவ உபகரணங்கள் விற்பனையாளரை செவ்வாய்க்கிழமை போலீஸார் கைது செய்தனர்.
 கம்பம் அருகே உள்ள சாமாண்டிபுரத்தைச் சேர்ந்தவர் வழக்குரைஞர் ரகு. இவரிடம் கோவை, கே.கே.நகர், சாய்பாபா காலனியைச் சேர்ந்த மருத்துவ உபகரணம் விற்பனையாளர் வெற்றிவேல் (44), அவரது மனைவி கலைவாணி(40) ஆகியோர் மருத்துவ உபகரணங்கள் விற்பனைத் தொழிலில் நல்ல லாபம் கிடைத்து வருவதாகக் கூறி, இந்தத் தொழிலில் முதலீடு செய்வதற்காக ரகுவிடமிருந்து கடந்த 2016-ஆம் ஆண்டு பல்வேறு தவணைகளில் மொத்தம் ரூ.7.21 லட்சம் பெற்றுக் கொண்டதாக கூறப்படுகிறது.
பின்னர், சில நாள்களில் இந்த முதலீட்டுக்கு லாபத் தொகையாக ரூ.27,315-ஐ ரகுவுக்கு வெற்றிவேல், கலைவாணி ஆகியோர் கொடுத்துள்ளனர். அதற்குப் பிறகு தனக்கு லாபத் தொகையும், முதலீடு செய்த தொகையையும் தராமல் வெற்றிவேல், கலைவாணி ஆகியோர் மோசடி செய்து விட்டதாக மாவட்ட காவல் கண்காணிப்பாளர் வீ.பாஸ்கரனிடம், ரகு புகார் அளித்தார். மாவட்ட காவல் காண்காணிப்பாளர் உத்தரவின் பேரில், இந்த புகாரின் மீது மாவட்ட குற்றத் தடுப்பு பிரிவு காவல் சார்பு ஆய்வாளர் செல்வக்குமார் வழக்குப்பதிந்து வெற்றிவேலை கைது செய்தனர். தலைமறைவாக உள்ள கலைவாணியை தேடி வருகின்றனர்.
 

]]>
http://www.dinamani.com/all-editions/edition-madurai/theni/2018/sep/20/வழக்குரைஞரிடம்-ரூ721-லட்சம்-மோசடி-செய்தவர்-கைது-3003754.html
3003753 மதுரை தேனி தேனி மாவட்டத்தில் பட்டாசுக் கடை உரிமம் பெற செப். 28-க்குள் விண்ணப்பிக்கலாம் DIN DIN Thursday, September 20, 2018 02:02 AM +0530 தேனி மாவட்டத்தில் பட்டாசு சில்லரை விற்பனை கடைகளுக்கு தற்காலிக உரிமம் பெற செப்.28-ஆம் தேதிக்குள் விண்ணப்பிக்கலாம் என்று அறிவிக்கப்பட்டுள்ளது.
இதுகுறித்து மாவட்ட நிர்வாகம் வெளியிட்டுள்ள
அறிவிப்பு: மாவட்டத்தில் தீபாவளி பண்டிகையையொட்டி உரிமம் பெற்றுள்ளவர்கள்மட்டுமே பட்டாசுக் கடை வைத்து விற்பனை செய்யலாம். ஏற்கெனவே நிரந்தர உரிமம் பெற்றிருப்பவர்கள், சம்பந்தப்பட்ட வருவாய் கோட்டாட்சியரை தொடர்பு கொண்டு தங்களது உரிமத்தை புதுப்பித்துக் கொள்ள வேண்டும்.
 தீபாவளி பண்டிகையை முன்னிட்டு பட்டாசு விற்பனை செய்வதற்கு தற்காலிக உரிமம் பெற, விண்ணப்பப் படிவத்துடன் உரிய ஆவணங்கள், கூர்ந்தாய்வுக் கட்டணம், உரிமக் கட்டணம் செலுத்தியதற்கான விவரம் ஆகியவற்றை இணைத்து செப்.28-ஆம் தேதிக்குள் மாவட்ட ஆட்சியர் அலுவலகத்தில் சமர்ப்பிக்க வேண்டும். தகுதியுள்ள விண்ணப்பதாரர்கள் தீபாவளிக்கு முன்னதாகவே தங்களது விற்பனையை தொடங்குவதற்கு வாய்ப்பாக, வரும் அக். 20-ஆம் தேதிக்குள் உரிமம் வழங்க நடவடிக்கை எடுக்கப்படும் என அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/theni/2018/sep/20/தேனி-மாவட்டத்தில்-பட்டாசுக்-கடை-உரிமம்-பெற-செப்-28-க்குள்-விண்ணப்பிக்கலாம்-3003753.html
3003134 மதுரை தேனி "டம் டம்' பாறை பகுதியில் இளைஞரின் சடலம் மீட்பு DIN DIN Wednesday, September 19, 2018 06:06 AM +0530 பெரியகுளம் அருகே உள்ள டம் டம் பாறை பகுதியில் கழுத்து அறுபட்ட நிலையில் இளைஞரின் சடலத்தை போலீஸார் செவ்வாய்க்கிழமை மீட்டனர்.
தேவதானப்பட்டி சரக வனக்காப்பாளர் சுரேஷ், செவ்வாய்க்கிழமை டம்டம் பாறை அருகே உள்ள பட்டறை பாறை பகுதியில் ரோந்துப் பணியில் ஈடுபட்டிருந்தார். அப்போது ரத்தக் கறை இருந்ததை கண்டறிந்தார். பின்னர், வனப்பகுதியில் தீவிரமாக ஆய்வு செய்தபோது, சுமார் 35 வயது மதிக்கத்தக்க ஆண் சடலம் கழுத்து அறுபட்டவாறு அழுகிய நிலையில் கிடந்துள்ளது. அதையடுத்து, தேவதானப்பட்டி காவல் நிலையத்தில் சுரேஷ் புகார் செய்தார். அதன்பேரில் போலீஸார் வழக்குப்பதிந்து, சடலத்தை மீட்டனர். மேலும், அவர் யார், எந்த ஊரைச் சேர்ந்தவர் என்பது குறித்து போலீஸார் விசாரித்து 
வருகின்றனர்.

]]>
http://www.dinamani.com/all-editions/edition-madurai/theni/2018/sep/19/டம்-டம்-பாறை-பகுதியில்-இளைஞரின்-சடலம்-மீட்பு-3003134.html
3003133 மதுரை தேனி தேனி மாவட்டத்தில் நிலத் தகராறு தீர்வாயம்: 26 மனுக்களுக்கு தீர்வு DIN DIN Wednesday, September 19, 2018 06:05 AM +0530 தமிழகத்தில் முதன்முதலாக தேனியில், நிலத் தகராறுகள் குறித்த தீர்வாயம் செவ்வாய்க்கிழமை நடைபெற்றது. 
 வருவாய் நிர்வாகம், பேரிடர் மேலாண்மை துறை, சட்டப் பணிகள் ஆணைக் குழு, காவல் துறை ஆகியன சார்பில் நடைபெற்ற இந்நிகழ்ச்சிக்கு மாவட்ட ஆட்சியர் ம.பல்லவி பல்தேவ் தலைமை வகித்தார்.
தேனி வட்டாட்சியர் அலுவலகத்தில் தீர்வாயத்தை தொடங்கி வைத்து மாவட்ட முதன்மை நீதிபதி  எஸ்.செந்தில் குமரேசன் பேசியது: 
 நில உரிமையாளர்களிடையே ஏற்படும் சிறு நிலத் தகராறுகள் குறித்து தனித் தனியாக ஆய்வு செய்து தீர்வு காண்பதில் ஏற்படும் காலதாமதத்தை தவிர்க்கவும், நில உரிமையாளர்களிடையே ஏற்படும் பிரச்னைகளை சட்ட ரீதியிலும், அரசாணைகளின் அடிப்படையிலும் தீர்வு கண்டு ஆணைகள் பிறப்பிப்பதற்கும் வருவாய் நிர்வாகம், பேரிடர் மேலாண்மைத் துறை, சட்டப் பணிகள் ஆணையம், காவல் துறை ஆகியவற்றின் சார்பில் தமிழகத்தில் முதன்முதலாக தேனி மாவட்டத்தில் சிறு நிலத் தகராறுகள் தீர்வாயம் தொடங்கப்பட்டுள்ளது என்றார்.
 மாவட்ட ஆட்சியர் பேசியது: மாவட்டத்தில் உள்ள அனைத்து வட்டாட்சியர் அலுவலகங்களிலும் செவ்வாய்க்கிழமைதோறும் சிறு நிலத் தகாராறு தீர்வாயம் நடைபெறும். இதில் வட்டாட்சியர், மண்டல துணை வட்டாட்சியர், வருவாய் ஆய்வாளர், கிராம நிர்வாக அலுவலர், நில அளவை துறையினர், உள்ளாட்சி அமைப்பு பிரதிநிதிகள், சட்ட ஆலோசனை மன்ற பிரதிநிதிகள் பங்கேற்பர். நில அளவீடு, பாதை தொடர்பான பிரச்னைகள், கிராமக் கணக்கில் ஏற்பட்டுள்ள மாறுபாடுகளால் உருவான தகராறுகள், பட்டா நிலங்களில் அனுபவத்தில் ஏற்படும் பரப்பளவு பிரச்னைகள், நீதிமன்றத்தில் நிலப் பிரச்னை தொடர்பாக நிலுவையில் உள்ள வழக்குகள் போன்றவை மீது தீர்வு காணப்படும் என்றார்.
மாவட்ட குற்றவியல் நீதிபதி எம்.இளங்கோவன், சார்பு நீதிபதி வி.எஸ்.குமரேசன், மாவட்ட காவல் கண்காணிப்பாளர் வீ.பாஸ்கரன், மாவட்ட வருவாய் அலுவலர் ச.கந்தசாமி, தேனி வட்டாட்சியர் சத்தியபாமா உள்ளிட்டோர் கலந்து கொண்டனர்.
26 மனுக்கள் மீது தீர்வு: தீர்வாயம் தொடங்கிய முதல் நாளான செவ்வாய்க்கிழமை 5 வட்டாட்சியர் அலுவலகங்களிலும் மொத்தம் 86 மனுக்கள் பெறப்பட்டு, 26 மனுக்கள் மீது உடனடி தீர்வு காணப்பட்டது.
தேனி வட்டாட்சியர் அலுவலகத்தில் 40 மனுக்கள் பெறப்பட்டு ஒரு மனுவின் மீதும், பெரியகுளம் வட்டாட்சியர் அலுவலகத்தில் 5 மனுக்கள் பெறப்பட்டு ஒரு மனு மீதும், போடி வட்டாட்சியர் அலுவலகத்தில் 19 மனுகள் பெறப்பட்டு 8 மனுக்கள் மீதும், உத்தமபாளையம் வட்டாட்சியர் அலுவலகத்தில் 12 மனுக்கள் பெறப்பட்டு 9 மனுக்கள் மீதும் தீர்வு காணப்பட்டது.

]]>
http://www.dinamani.com/all-editions/edition-madurai/theni/2018/sep/19/தேனி-மாவட்டத்தில்-நிலத்-தகராறு-தீர்வாயம்-26-மனுக்களுக்கு-தீர்வு-3003133.html
3003132 மதுரை தேனி பேருந்தில் பெண் மீது தாக்குதல்: இளைஞர் கைது DIN DIN Wednesday, September 19, 2018 06:05 AM +0530 கம்பம் அருகே பேருந்தில் ஆபாசமாக பேசியதை தட்டிக்கேட்ட பெண்ணை தாக்கிய இளைஞரை போலீஸார் செவ்வாய்க்கிழமை கைது செய்தனர்.
தேனி மாவட்டம் கூடலூர் கருணாநிதி காலனியைச் சேர்ந்தவர் சிலம்பரசன். இவரது மனைவி இந்திரா (24). இருவரும் திங்கள்கிழமை அரசுப் பேருந்தில் கூடலூரில் இருந்து குமுளிக்கு சென்றனர். அப்போது பேருந்தில் பயணம் செய்த லோயர்கேம்ப்பைச் சேர்ந்த அழகுதங்கம் (35), பேருந்தை நிறுத்துமாறு ஓட்டுநரிடம் கேட்டுள்ளார். 
 அதற்கு ஓட்டுநர் நிறுத்தத்தில் மட்டும்தான் பேருந்து நிற்கும், என்று கூறினாராம். இதனால், ஆத்திரமடைந்த அழகுதங்கம் ஆபாசமாக பேசினாராம். அப்போது, இந்திரா, பெண்கள் இருக்கும் இடத்தில் ஏன் இப்படி ஆபாசமாக பேசுகிறீர்கள் என்று தட்டி கேட்டுள்ளார். 
அப்போது பேருந்து நிறுத்தம் வரவே, அழகுதங்கம் மற்றும் அவரது உறவினர்கள் ஜெயக்குமார், வினோத்குமார் ஆகிய மூவரும் சேர்ந்து இந்திராவையும், அவரது கணவரையும் தாக்கினராம். இதுகுறித்து, இந்திரா குமுளி காவல் நிலையத்தில் புகார் அளித்தார். புகாரின்பேரில் சார்பு 
ஆய்வாளர் அல்போன்ஸ்ராஜா வழக்குப்பதிந்து, அழகுதங்கத்தை கைது செய்தனர். தப்பி ஓடிய இரண்டு பேரை தேடிவருகின்றனர்.

]]>
http://www.dinamani.com/all-editions/edition-madurai/theni/2018/sep/19/பேருந்தில்-பெண்-மீது-தாக்குதல்-இளைஞர்-கைது-3003132.html
3003131 மதுரை தேனி பெண் கொலை வழக்கில் மாட்டுத்தரகர் கைது DIN DIN Wednesday, September 19, 2018 06:05 AM +0530 போடி அருகே இளம்பெண்ணை கத்தியால் குத்தி கொலை செய்த சம்பவத்தில் மாட்டுத் தரகரை போலீஸார் செவ்வாய்க்கிழமை கைது செய்தனர்.
தேனி மாவட்டம் கீழக்கூடலூர் ஆர்.எஸ். பள்ளி தெருவை சேர்ந்தவர் கண்ணன். இவரது மனைவி முருகேஸ்வரி (30). இவர்,  போடி அரசு பொறியியல் கல்லூரி மாணவர் விடுதி அருகே தனியார் தோட்டத்தில், கத்திக்குத்து காயங்களுடன் கொலை செய்யப்பட்டு கிடந்தார்.
முருகேஸ்வரியின் கணவர் இறந்து விட்ட நிலையில், போடி தருமத்துப்பட்டிக்கு முருகேஸ்வரி வந்தது எப்படி, அவரை கொலை செய்தது யார் என்பது குறித்து, போடி தாலுகா போலீஸார் வழக்குப்பதிந்து விசாரித்தனர்.
இதில், முருகேஸ்வரியின் சடலம் அருகே கிடந்த துண்டு சீட்டில் செல்லிடப்பேசி எண் கிடந்தது. அதனை வைத்து போலீஸார் விசாரணை மேற்கொண்டனர். அந்த எண்ணில் தொடர்பு கொண்டபோது, அவர் போடி சிலமலை கிராமத்தைச் சேர்ந்த ராசு மகன் முருகனை (50) என்பதும் முருகேஸ்வரியை அவர் தான் கொலை செய்தார் என்பதும் தெரியவந்தது. அதையடுத்து அவர் கைது செய்யப்பட்டார்.
இதுதொடர்பாக போலீஸார் தரப்பில் கூறப்படுவதாவது:
முருகனுக்கும், முருகேஸ்வரிக்கும் கடன் விவகாரம் தொடர்பாக முன்விரோதம் இருந்துள்ளது. இதன் காரணமாகவே, அவரை போடி தருமத்துப்பட்டிக்கு வரவழைத்து அங்கு கத்தியால் குத்தி முருகேஸ்வரியை கொலை செய்துள்ளார் என்றனர். கைது செய்யப்பட்ட, முருகனை போலீஸார் நீதிமன்றத்தில் ஆஜர்படுத்தி சிறையில் அடைத்தனர்.

]]>
http://www.dinamani.com/all-editions/edition-madurai/theni/2018/sep/19/பெண்-கொலை-வழக்கில்-மாட்டுத்தரகர்-கைது-3003131.html
3003130 மதுரை தேனி தேனி அருகே  வீட்டில் புகையிலைப் பொருள்களை பதுக்கியவர் கைது DIN DIN Wednesday, September 19, 2018 06:04 AM +0530 தேனி அருகே வடபுதுப்பட்டியில் அரசால் தடை செய்யப்பட்ட புகையிலைப் பொருள்களை வீட்டில் பதுக்கி வைத்திருந்தவரை போலீஸார் செவ்வாய்க்கிழமை கைது செய்தனர்.
வடபுதுப்பட்டியில் உள்ள வீட்டில் பதுக்கி வைக்கப்பட்டிருந்த ரூ.5 லட்சம் மதிப்பிலான தடை செய்யப்பட்ட புகையிலை பொருள்களை மாவட்ட உணவுப் பாதுகாப்பு துறை அலுவலர்கள் பறிமுதல் செய்தனர். இது குறித்து அல்லிநகரம் காவல் நிலையத்தில் வழக்குப் பதிவு செய்யப்பட்டது.
இந்நிலையில், வடபுதுப்பட்டியில் வீட்டை வாடகைக்கு எடுத்து புகையிலைப் பொருள்களை பதுக்கி வைத்திருந்ததாக, தேனியைச் சேர்ந்த நவரத்தினவேல் என்பவரது கடையில் வேலை செய்து வரும் தேனி அல்லிநகரம் அழகர்சாமி காலனியைச் சேர்ந்த பால்ராஜ் (26) என்பவரை போலீஸார் கைது செய்து விசாரிக்கின்றனர்.

]]>
http://www.dinamani.com/all-editions/edition-madurai/theni/2018/sep/19/தேனி-அருகே--வீட்டில்-புகையிலைப்-பொருள்களை-பதுக்கியவர்-கைது-3003130.html
3003129 மதுரை தேனி சகோதரியை பெண் பார்க்க வந்தவரை கொலை செய்தவருக்கு ஆயுள் தண்டனை DIN DIN Wednesday, September 19, 2018 06:04 AM +0530 கம்பத்தில் சகோதரியை பெண் பார்த்து நிச்சயம் செய்ய வந்திருந்தவரை கத்தியால் குத்திக் கொலை செய்த இளைஞருக்கு ஆயுள் தண்டனை விதித்து செவ்வாய்க்கிழமை மாவட்ட கூடுதல் அமர்வு நீதிமன்றம் தீர்ப்பளித்தது.
கம்பம், உத்தமபுரம் நேதாஜி நகரைச் சேர்ந்தவர் மகேந்திரன். இவரது மகளை கடந்த 2012 ஆம் ஆண்டு, டிசம்பர் 16-ஆம் தேதி பெரியகுளம் அருகே உள்ள ஜல்லிப்பட்டி அழகுசாமி மகன் சரவணன் (29), பெண் பார்த்து நிச்சயிக்க குடும்பத்துடன் மகேந்திரன் வீட்டுக்கு வந்திருந்தார். 
 மகேந்திரனின் மகன் ஜெயபாண்டி(29), தனது சகோதரியை சரவணனுக்கு திருமணம் செய்து 
வைக்க விருப்பம் இல்லாமல் இருந்துள்ளார். இந்நிலையில், பெண் பார்க்க வந்திருந்த சரவணனை தனது வீட்டில் வைத்து ஜெயபாண்டி கத்தியால் குத்தி கொலை செய்ததாகவும், சரவணனின் குடும்பத்தினரையும் கொலை செய்து விடுவதாகவும் மிரட்டியதாகக் கூறப்படுகிறது. 
 இச்சம்பவம் குறித்து கம்பம் வடக்கு காவல் நிலைய போலீஸார் வழக்குப்பதிந்து, தலைமறைவாக இருந்த ஜெயபாண்டியை கைது செய்தனர். இந்த வழக்கு விசாரணை, தேனி மாவட்ட கூடுதல் அமர்வு நீதிமன்றத்தில் நடந்து வந்தது. வழக்கை விசாரித்த நீதிபதி சீனிவாசன், சரவணனை கொலை செய்ததற்காக ஆயுள் தண்டனையும், அவரது குடும்பத்தினரை மிரட்டியதற்காக 2 ஆண்டுகள் சிறை தண்டனையும் விதித்து, இந்த தண்டனைகளை ஜெயபாண்டி ஏக காலத்தில் அனுபவிக்க வேண்டும் என்றும் தீர்ப்பளித்தார்.
 

]]>
http://www.dinamani.com/all-editions/edition-madurai/theni/2018/sep/19/சகோதரியை-பெண்-பார்க்க-வந்தவரை-கொலை-செய்தவருக்கு-ஆயுள்-தண்டனை-3003129.html
3003128 மதுரை தேனி தமிழக அரசை கண்டித்து திமுக ஆர்ப்பாட்டம் DIN DIN Wednesday, September 19, 2018 06:03 AM +0530 திண்டுக்கல், தேனி மாவட்ட திமுக சார்பில் தமிழக அரசின் ஊழல் முறைகேடுகளை கண்டித்து செவ்வாய்க்கிழமை ஆர்ப்பாட்டம் நடைபெற்றது.
திண்டுக்கல் மணிக்கூண்டு பகுதியில் நடைபெற்ற ஆர்ப்பாட்டத்துக்கு கட்சியின் மாவட்ட செயலர்கள் அர.சக்கரபாணி, பெ.செந்தில்குமார் ஆகியோர் தலைமை வகித்தனர். ஆர்ப்பாட்டத்தின்போது அர.சக்கரபாணி எம்எல்ஏ பேசியதாவது: 
இனி இதுபோன்ற முறைகேடுகளை யாராலும் செய்ய முடியாது என்ற அளவுக்கு அதிமுக அரசு செயல்பட்டுக் கொண்டிருக்கிறது. அரசின் நிர்வாக சீர்க்கேட்டினால், பொதுமக்களின் பாதுகாப்பு கேள்விக்குறியாகியுள்ளது. 
பொதுப்பணித்துறை மற்றும் குடிமராமத்துப்பணிகளிலும் முறைகேடு நடந்துள்ளதால், 
நீராதாரங்கள் பாதிக்கப்பட்டுள்ளன. ஆளுங்கட்சியினர் மட்டுமின்றி அரசு அதிகாரிகளும் முறைகேடுகளில் சிக்கியுள்ளனர் என்றார்.
ஆர்ப்பாட்டத்தில் நத்தம் எம்எல்ஏ எம்.ஏ.ஆண்டி அம்பலம், சட்டப்பேரவை முன்னாள் துணைத் தலைவர் எஸ்.காந்திராஜன் உள்ளிட்ட பலர் கலந்து கொண்டனர்.
தேனியில்: தேனி, பங்களாமேடு திடலில் திமுக சார்பில் நடைபெற்ற கண்டன ஆர்ப்பாட்டத்துக்கு அக்கட்சியின் மாவட்ட பொறுப்பாளர் நா.ராமகிருஷ்ணன் தலைமை வகித்தார். விவசாயத் தொழிலாளர்கள் அணி மாநிலத் தலைவர் எல்.மூக்கையா, முன்னாள் எம்.பி. பெ.செல்வேந்திரன், முன்னாள் எம்எல்ஏக்கள் ஆண்டிபட்டி ஆசையன், போடி எஸ்.லட்சுமணன் ஆகியோர் முன்னிலை வகித்தனர்.
இதில், தமிழக அரசின் ஊழல் முறைகேடுகளை கண்டித்தும், அதில் தொடர்புடைய அமைச்சர் மற்றும் அதிகாரிகள் பதவியை 
ராஜினாமா செய்ய வலியுறுத்தியும், ரஃபேல் போர் விமான ஊழலில் ஈடுபட்டதாக மத்திய அரசை கண்டித்தும் ஆர்ப்பாட்டம் நடைபெற்றது. தேனி நகர திமுக பொறுப்பாளர் முருகேசன் நன்றி கூறினார்.

]]>
http://www.dinamani.com/all-editions/edition-madurai/theni/2018/sep/19/தமிழக-அரசை-கண்டித்து-திமுக-ஆர்ப்பாட்டம்-3003128.html
3003127 மதுரை தேனி ராயப்பன்பட்டி அருகே  சிறுமிக்கு பாலியல் தொல்லை இருவர் கைது DIN DIN Wednesday, September 19, 2018 06:02 AM +0530 தேனி மாவட்டம் ராயப்பன்பட்டி அருகே 5 வயது சிறுமிக்கு பாலியல் தொல்லை கொடுத்ததாக இருவரை போலீஸார் செவ்வாய்க்கிழமை கைது செய்தனர்.
தேனி மாவட்டம் ராயப்பன்பட்டி அருகே உள்ள ஆனைமலையன்பட்டி டி.இ.எல்.சி. சர்ச் தெருவைச் சேர்ந்த 5 வயது சிறுமி செவ்வாய்க்கிழமை தனது வீட்டருகே விளையாடிக்கொண்டிருந்தார். அப்போது, இதே தெருவைச் சேர்ந்த ஜீவமணி (50), ராசு (68) ஆகிய இருவரும் சிறுமியை அவர்களது வீட்டுக்குள் அழைத்துச் சென்று பாலியல் தொல்லை கொடுத்தனராம். இதனால் அதிர்ச்சியடைந்த சிறுமி இதுகுறித்து தனது தாயாரிடம் கூறியுள்ளார். 
இதையடுத்து சிறுமியின் தந்தை ராயப்பன் பட்டி காவல் நிலையத்தில் அளித்தப் புகாரின்பேரில் போலீஸார் வழக்குப் பதிந்து ஜீவமணி, ராசு இருவரையும் கைது செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/theni/2018/sep/19/ராயப்பன்பட்டி-அருகே--சிறுமிக்கு-பாலியல்-தொல்லை-இருவர்-கைது-3003127.html
3003126 மதுரை தேனி போடியில் பாஜக சார்பில்  பிரதமர்  பிறந்தநாள் விழா DIN DIN Wednesday, September 19, 2018 06:02 AM +0530 தேனி மாவட்டம், போடியில் பிரதமர் நரேந்திரமோடியின் பிறந்தநாளையொட்டி, செவ்வாய்க்கிழமை மரக்கன்றுகள் நடப்பட்டன.
போடி மேலச்சொக்கநாதபுரம் பேரூராட்சி கிருஷ்ணா நகரில் நடைபெற்ற இந்நிகழ்ச்சிக்கு பாஜக மாவட்ட விவசாய அணி தலைவர் அனுராஜா தலைமைவகித்தார். மாவட்ட செயலாளர் சிங்கராஜா, போடி தொகுதி வழக்குரைஞர்கள் அணி தலைவர் ஏ.முருகன் ஆகியோர் முன்னிலை வகித்தனர். இதில், கிருஷ்ணா நகர் முழுவதும் 500 மா, புளி, பலா மரக்கன்றுகள் நடப்பட்டன. 
அதைத்தொடர்ந்து, பொதுமக்களுக்கு இனிப்புகள் வழங்கப்பட்டன. மாவட்ட பிரசார அணித் தலைவர் நாகராஜன், மத்திய அரசின் திட்டங்களை விளக்கிப் பேசினார். 
இதில், பாஜக நகர, ஒன்றிய நிர்வாகிகள் உள்பட பலர் பங்கேற்றனர். இதேபோல் அரசு மருத்துவமனையில் நோயாளிகளுக்கு பழம், பிஸ்கட் உள்ளிட்ட நலஉதவிகள் வழங்கப்பட்டன. 
இதில், போடி பாஜக நகர தலைவர் தண்டபாணி தலைமையிலான நிர்வாகிகள் கலந்து கொண்டனர்.
 

]]>
http://www.dinamani.com/all-editions/edition-madurai/theni/2018/sep/19/போடியில்-பாஜக-சார்பில்--பிரதமர்--பிறந்தநாள்-விழா-3003126.html
3003125 மதுரை தேனி ஆண்டிபட்டியில் நிலத் தகராறுகள் தீர்வாயம் DIN DIN Wednesday, September 19, 2018 06:01 AM +0530 ஆண்டிபட்டி வட்டாட்சியர் அலுவலகத்தில் வட்ட அளவிலான நிலத்தகராறுகள் தீர்வாயம் செவ்வாய்க்கிழமை நடைபெற்றது.
நில உரிமையாளர்களுக்கு இடையே ஏற்படும் நிலத்தகராறு தொடர்பாக அதிக அளவில் மனுக்கள் வருவாய் கோட்டாட்சியர், மாவட்ட வருவாய் அலுவலர், மாவட்ட ஆட்சியர் அலுவலகங்களுக்கு வருகின்றன.
அந்த மனுக்களை தனித்தனியாக ஆய்வு செய்து, சம்பந்தப்பட்ட அலுவலகங்களுக்கு அனுப்பி தீர்வு காண்பதில் ஏற்படும் காலதாமதத்தை தவிர்ப்பதற்காகவும், நில உரிமையாளர்களுக்கு இடையே உள்ள பிரச்னைகளை சட்டரீதியாக மற்றும் அரசு ஆணையின்படி உரியவாறு தேர்வு செய்து விரைவில் ஆணை வழங்கவும் முடிவு செய்யப்பட்டது. 
அதன்படி, தேனி மாவட்டத்தில் ஆண்டிபட்டி வட்டாட்சியர் அலுவலகத்தில் முதல் முறையாக குறுவட்ட அளவிலான நிலத்தகராறு தீர்வாயம் செவ்வாய்க்கிழமை நடைபெற்றது. 
இந்நிகழ்ச்சிக்கு மாவட்ட சமூக பாதுகாப்புத் திட்ட தனித்துணை ஆட்சியர் தங்கவேல் தலைமை வகித்தார். ஆண்டிபட்டி வட்டாட்சியர் அர்ச்சுணன் முன்னிலை வகித்தார். 
இதில் 9 மனுக்கள் விசாரிக்கப்பட்டு 2 மனுக்கள் தீர்வு காணப்பட்டது. ஆண்டிபட்டி வட்ட சட்டப் பணிகள் குழு சார்பில் வழக்குரைஞர் தாமோதரன், குமார், மண்டல துணை வட்டாட்சியர், வருவாய் ஆய்வாளர்கள் மற்றும்  கிராம  நிர்வாக அலுவலர்கள், நில அளவையர் உள்ளிட்ட பல்வேறு அலுவலர்கள் கலந்து கொண்டனர்.

]]>
http://www.dinamani.com/all-editions/edition-madurai/theni/2018/sep/19/ஆண்டிபட்டியில்-நிலத்-தகராறுகள்-தீர்வாயம்-3003125.html
3003124 மதுரை தேனி அரசு மேல்நிலைப் பள்ளியில் நூல் வாசிப்பு திறன் முகாம் DIN DIN Wednesday, September 19, 2018 06:01 AM +0530 பெரியகுளம் அருகே உள்ள சில்வார்பட்டி அரசு மேல்நிலைப்பள்ளியில் மாணவ, மாணவிகளுக்கு நூல் வாசிப்புத் திறன் முகாம் செவ்வாய்க்கிழமை நடைபெற்றது.
முகாமுக்கு பள்ளி தலைமையாசிரியர் மோகன் தலைமை வகித்தார். பெரியகுளம் - தென்கரை கிளை நூலகர் மற்றும் 
சில்வார்பட்டி கிளை நூலக பொறுப்பாளர் சவடமுத்து சிறப்பு விருந்தினராக கலந்து கொண்டு நூல் வாசிப்பது குறித்தும், விடுமுறை காலங்களில் நூல்களை படித்து பயன்பெறுவது குறித்தும் விளக்கிப் பேசினார். மேலும் மாணவ, மாணவிகளுக்கு புத்தகங்களை பரிசாக வழங்கினார்.
 அதைத்தொடர்ந்து, நூலகத்துக்கு உறுப்பினர்கள் சேர்க்கை நடைபெற்றது. இந்நிகழ்ச்சியில் கீழ வடகரை கிளை நூலக பொறுப்பாளர் ராஜகோபால் கலந்து கொண்டார்.  
பள்ளி நூலகப் பொறுப்பாசிரியர் மகேஸ்வரி நன்றி கூறினார்.

]]>
http://www.dinamani.com/all-editions/edition-madurai/theni/2018/sep/19/அரசு-மேல்நிலைப்-பள்ளியில்-நூல்-வாசிப்பு-திறன்-முகாம்-3003124.html
3003123 மதுரை தேனி மூல வைகை ஆற்றில் மணல் கொள்ளை குடிநீர் தட்டுப்பாடு ஏற்படும் அபாயம் DIN DIN Wednesday, September 19, 2018 06:00 AM +0530 ஆண்டிபட்டி அருகே மூல வைகை ஆற்றில் அதிகரித்து வரும் மணல் கொள்ளையால் நிலத்தடி நீர்மட்டம் பாதிக்கப்பட்டு, கடும் குடிநீர் தட்டுப்பாடு உருவாகும் அபாயம் ஏற்பட்டுள்ளது. 
ஆண்டிபட்டி தாலுகாவில் வருசநாடு அருகே மூலவைகை ஆறு உள்ளது. தங்கம்மாள்புரம், மூலக்கடை, மயிலாடும்பாறை, கடமலைக்குண்டு, கண்டமனூர் உள்ளிட்ட பல்வேறு கிராமங்களுக்கு நீர் ஆதாரமாக இந்த ஆறு உள்ளது.
வைகை ஆற்றில் அமைக்கப்பட்டுள்ள உறை கிணறுகள் மூலம் கடமலை மயிலை ஒன்றியத்தில் உள்ள பல்வேறு ஊராட்சிகளுக்கு கூட்டுக்குடிநீர் திட்டத்தின் மூலம் குடிநீர் விநியோகிக்கப்படுகிறது. இந்நிலையில் மூலவைகை ஆற்றில் பலஆண்டுகளாக மணல் கொள்ளை நடைபெற்று வருகிறது. 
மாட்டுவண்டிகள், டிராக்டர்கள் மூலம் மணல் திருட்டு அதிக அளவில் நடைபெறுகிறது. போலீஸாரும், கனிமவளத்துறையினரும் அவ்வப்போது நடவடிக்கை எடுத்தாலும், மணல் கொள்ளையை முழுமையாக கட்டுப்படுத்த முடியவில்லை. 
இதனால் ஆற்றில் நீர்வரத்து நின்றுவிட்டால் உறைகிணறுகளில் நீர் சுரப்பது உடனடியாக நின்றுவிடுகிறது. இந்நிலையில் மூலவைகை ஆற்றில் வருசநாடு, மயிலாடும்பாறை, கடமலைக்குண்டு, மூலக்கடை, கண்டமனூர் ஆற்றுப் படுகையில் ஆங்காங்கே மணல் அள்ளப்படுகிறது. இதனால் அப்பகுதியில் உள்ள விவசாயிகள் கடுமையாக பாதிக்கப்பட்டுள்ளனர். இதுகுறித்து போலீஸார் மற்றும் வருவாய்த்துறையினருக்கு பலமுறை புகார் அளித்தும் இதுவரையில் எவ்வித நடவடிக்கையும் எடுக்கவில்லை.
 இதுதொடர்பாக சமூக ஆர்வலர்கள் கூறியது:
ஆற்றில் தினமும் இரவு நேரங்களில் இயந்திரங்களின் மூலம்  மணல் கடத்தல் நடைபெற்று வருகிறது. இதுகுறித்து அதிகாரிகளுக்கு தகவல் தெரிவித்தும் பயனில்லை. 
இதனால், இப்பகுதியில் நிலத்தடி நீர்மட்டம் அதலபாதாளத்துக்கு சென்றுவிட்டது. மேலும், கூட்டுக்குடிநீர் திட்ட பகுதிகளில் வருங்காலத்தில் குடிநீர் பற்றாக்குறை ஏற்படும் அபாயம் உள்ளது என்றார். 
எனவே நிலத்தடி நீரை பாதுகாத்திட மணல் கொள்ளையை தடுக்க மாவட்ட நிர்வாகம் உரிய நடவடிக்கை எடுக்க வேண்டும் என பொதுமக்களும், சமூக ஆர்வலர்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/theni/2018/sep/19/மூல-வைகை-ஆற்றில்-மணல்-கொள்ளை-குடிநீர்-தட்டுப்பாடு-ஏற்படும்-அபாயம்-3003123.html
3002424 மதுரை தேனி சொத்து தகராறில் பெண் தீக்குளித்து சாவு DIN DIN Tuesday, September 18, 2018 06:24 AM +0530 போடி அருகே சொத்து தகராறின்போது தீக்குளித்த பெண் திங்கள்கிழமை உயிரிழந்தார்.     
போடி அருகே உள்ள முத்தையன்செட்டிபட்டி கிராமத்தை சேர்ந்தவர் பரசுராம். அரசுப் பேருந்து ஓட்டுநரான இவரது மனைவி தனலட்சுமி (37).  பரசுராமுக்கும் அவரது சகோதரர்களுக்கும் இடையே சொத்து பிரிப்பு  தொடர்பாக பிரச்னை இருந்து வந்துள்ளது. இப்பிரச்னை குறித்து ஞாயிற்றுக்கிழமை மீண்டும் தகராறு ஏற்பட்டுள்ளது.
 இதில் கோபமடைந்த தனலட்சுமி திடீரென வீட்டிலிருந்த மண்ணெண்ணையை எடுத்து தன் உடலில் ஊற்றி தீ வைத்துக்கொண்டாராம்.  பலத்த தீக்காயங்களுடன் தேனி க.விலக்கு அரசு மருத்துவக் கல்லூரி மருத்துவமனையில் அனுமதிக்கப்பட்ட அவர் திங்கள் கிழமை இறந்தார்.
இது குறித்து தனலட்சுமியின் அண்ணன் முத்துக்குமார் கொடுத்த புகாரின் பேரில் போடி தாலுகா காவல் நிலைய போலீஸார் வழக்குப் பதிவு செய்து விசாரித்து வருகிகின்றனர்.


 

]]>
http://www.dinamani.com/all-editions/edition-madurai/theni/2018/sep/18/சொத்து-தகராறில்-பெண்-தீக்குளித்து-சாவு-3002424.html
3002423 மதுரை தேனி தேனி அருகே வீட்டில் பதுக்கி வைத்திருந்த ரூ.5 லட்சம் புகையிலை பொருள்கள் பறிமுதல் DIN DIN Tuesday, September 18, 2018 06:24 AM +0530 தேனி அருகே  வடபுதுப்பட்டியில் வீட்டில் பதுக்கி வைத்திருந்த ரூ.5 லட்சம் மதிப்பிலான தடை செய்யப்பட்ட புகையிலை பொருள்கள் திங்கள்கிழமை மாவட்ட உணவு பாதுகாப்பு துறையினர் பறிமுதல் செய்தனர்.
வடபுதுப்பட்டி பகுதியில் அரசால் தடை செய்யப்பட்ட புகையிலை பொருள்களை சிலர் பதுக்கி வைத்து விற்பனை செய்வதாக மாவட்ட உணவு பாதுகாப்பு அலுவலர் சுகுணாவிற்கு தகவல் கிடைத்துள்ளது. இதன் அடிப்படையில், உணவு பாதுகாப்புத் துறை அலுவலர்கள் மற்றும் அல்லிநகரம் காவல் நிலைய போலீஸார் வடபுதுப்பட்டியில் உள்ள சில வீடுகளில் சோதனை நடத்தினர்.
இதில், வடபுதுப்பட்டியைச் சேர்ந்த சித்தன் என்பவருக்குச் சொந்தமான வீட்டில் ரூ.5 லட்சம் மதிப்பிலான தடை செய்யப்பட்ட புகையிலை பொருள்கள் பதுக்கி வைத்திருப்பது தெரியவந்துள்ளது. சித்தன் தனது வீட்டை வாடகைக்கு விட்டிருப்பதும், வீட்டை வாடகைக்கு எடுத்தவர்கள் அங்கு புகையிலை பொருள்களை பதுக்கி வைத்திருந்ததும் விசாரணையில் தெரியவந்துள்ளது. வீட்டில் பதுக்கி வைத்திருந்த புகையிலை பொருள்களை உணவு பாதுகாப்பு அலுவலர்கள் பறிமுதல் செய்து, புகையிலை பொருள்களை பதுக்கி வைத்திருந்தவர்கள் குறித்து விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/sep/18/தேனி-அருகே-வீட்டில்-பதுக்கி-வைத்திருந்த-ரூ5-லட்சம்-புகையிலை-பொருள்கள்-பறிமுதல்-3002423.html
3002422 மதுரை தேனி சாலை விபத்தில் லாரி ஓட்டுநர் சாவு DIN DIN Tuesday, September 18, 2018 06:23 AM +0530 பல்லடத்தில் அடையாளம் தெரியாத வாகனம் மோதியதில் லாரி ஓட்டுநர் ஞாயிற்றுக்கிழமை உயிரிழந்தார். 
தேனியைச் சேர்ந்தவர் அழகர்சாமி (45). லாரி ஓட்டுநர். கிருஷ்ணன் (38). கிளீனர். இருவரும் சென்னையில் இருந்து பாரம் ஏற்றிக் கொண்டு கோவையை நோக்கி வந்துள்ளனர். 
திருப்பூர் மாவட்டம், பல்லடம் அருகே, செட்டிபாளையம் சாலையில் உள்ள உணவு விடுதியில் ஞாயிற்றுக்கிழமை இரவு இருவரும் சாப்பிட்டுள்ளனர். 
அதன்பின், அழகர்சாமி செல்லிடப்பேசியில் பேசிக்கொண்டே சாலையைக் கடக்க முயன்றுள்ளார். அப்போது அந்த வழியாகச் சென்ற அடையாளம் தெரியாத வாகனம் மோதியதில் அழகர்சாமி சம்பவ இடத்திலேயே உயிரிழந்தார். காயமடைந்த கிருஷ்ணன் பல்லடம் அரசு மருத்துவமனையில் அனுமதிக்கப்பட்டுள்ளார். 
இதுகுறித்து, பல்லடம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-madurai/theni/2018/sep/18/சாலை-விபத்தில்-லாரி-ஓட்டுநர்-சாவு-3002422.html
3002421 மதுரை தேனி "கண்ணகி கோயிலை தமிழக அரசே புனரமைக்க வலியுறுத்தல்' DIN DIN Tuesday, September 18, 2018 06:23 AM +0530 மங்கலதேவி கண்ணகி கோயிலை புனரமைப்பு செய்து தொடர் வழிபாடுகளை நடத்த தமிழக அரசு நடவடிக்கை எடுக்க வேண்டும் என்று இந்து ஆலய பாதுகாப்புக்குழு மாநிலத் தலைவர் தெய்வபிரகாஷ் கூறினார்.
தேனி மாவட்டம் லோயர்கேம்ப் அருகே உள்ள பளியன்குடியிலிருந்து கண்ணகி கோயிலுக்கு செல்லும் வனப்பகுதி சாலையை பார்வையிட தெய்வபிரகாஷ் திங்கள்கிழமை  பளியன்குடிக்கு வந்தார். அப்போது குமுளி போலீஸார் அவரிடம், வனப்பகுதியில் அனுமதியின்றி செல்லக்கூடாது, மீறி சென்றால் கைது செய்வோம் என்று கூறவே, சாலை ஆய்வை ரத்து செய்தார். 
பின்னர் செய்தியாளர்களிடம் அவர் கூறியது: தேனி மாவட்டம் லோயர்கேம்ப் பளியன்குடியில் இருந்து கண்ணகி கோயிலுக்கு 6 கிலோமீட்டர் தொலைவில் 12 அடி அகல சாலை வசதி இருந்துள்ளது. 
காலப்போக்கில் இந்த சாலை வசதி மறைக்கப்பட்டுவிட்டது, இந்த சாலையை மீண்டும் அமைக்க வேண்டும், கோயில் புனரமைப்பை தமிழக அரசே ஏற்று செய்ய வேண்டும், அதற்கு இந்து ஆலய பாதுகாப்புக்குழு முயற்சி எடுக்கும் என்றார்.
அவருடன்  குழுவின் மாநில அமைப்பாளர் சுடலைமணி, மாவட்ட செயலாளர் தி.பா. ராஜகுருபாண்டியன், துணைத்தலைவர் கே.பி.முத்தையா, உள்ளிட்ட நிர்வாகிகள் கலந்து கொண்டனர்.
 

]]>
http://www.dinamani.com/all-editions/edition-madurai/theni/2018/sep/18/கண்ணகி-கோயிலை-தமிழக-அரசே-புனரமைக்க-வலியுறுத்தல்-3002421.html
3002420 மதுரை தேனி உத்தமபாளையம் அருகே ஓடைகள் ஆக்கிரமிப்பால் கண்மாய்களுக்கு நீர்வரத்து நிறுத்தம்: விவசாயிகள் வேதனை DIN DIN Tuesday, September 18, 2018 06:23 AM +0530 தேனி மாவட்டம் உத்தமபாளையம் அருகே உ.அம்மாபட்டியில் ஓடைகள்  ஆக்கிரமிப்பில் சிக்கியுள்ளதால் கண்மாய்கள் நீர்வரத்தின்றி வறண்டு,  விவசாயம் மற்றும் கால்நடைகள் பாதிக்கப்படுவதாக விவசாயிகள் புகார் தெரிவித்தனர். 
கம்பம் பள்ளத்தாக்கு பகுதியில் மேற்குத்தொடர்ச்சி மலை அடிவாரத்திலிருந்து ஓடைகள் வழியாக  மழை நீர் சென்று அந்தந்த பகுதியிலுள்ள குளங்களில் தேங்கி நிற்கும். 
அதன் மூலம் குளங்களை சுற்றியுள்ள விவசாய விளை நிலங்களிலுள்ள கிணறு மற்றும் ஆழ்துளைக் கிணறுகளில்  நிலத்தடி நீர் மட்டம் உயர்ந்து விவசாயப் பணிகள் நடைபெறும். 
மேலும் மேய்ச்சலுக்குச் செல்லும்    கால்நடைகளுக்கு  முக்கிய குடிநீர் ஆதாரமாகவும் இருக்கும்.
இந்நிலையில், உத்தமபாளையம் அடுத்த  உ.அம்மாபட்டி அருகே உள்ள சாலை மலையிலிருந்து செல்லும் ஓடைகள் மற்றும் குளங்கள்  ஆக்கிரமிக்கப்பட்டுள்ளதால், ஓடைகள் வழியாக வழிந்தோடும் மழை நீர் அங்குள்ள சாலக்கரையான், சடையன் குளம் உள்ளிட்ட 5-க்கு மேற்பட்ட குளங்களில் தண்ணீர் தேங்கவில்லை.
இந்தாண்டு  ஓரளவிற்கு பருவமழை கை கொடுத்த நிலையிலும்  நீர் நிலைகள்ஆக்கிரமிப்பு காரணமாக  கிடைத்த நீரையும் சேமித்து வைக்க முடியாத சூழ்நிலை ஏற்பட்டதாக   விவசாயிகள் புகார் தெரிவித்தனர்.  
இது குறித்து விவசாயிகள் கூறியது: குளங்கள் ஆக்கிரமிப்பில் சிக்கி உள்ளதால் அவை தண்ணீரின்றி வறண்டு உள்ளன. இதனால் நிலத்தடி நீர் மட்டம் குறைந்து விவசாயம் பாதிக்கும் நிலை ஏற்பட்டுள்ளது.   
 எனவே, அம்மாபட்டி பகுதியில் ஆக்கிரமிப்பில் சிக்கியுள்ள ஓடைகள், கண்மாய்கள் மற்றும் குளங்களை  மீட்டு நீர் வள ஆதாரத்தை பெருக்க நடவடிக்கை எடுக்க வேண்டும் என மாவட்ட நிர்வாகத்திற்கு  விவசாயிகள் கோரிக்கை விடுத்தனர்.

]]>
http://www.dinamani.com/all-editions/edition-madurai/theni/2018/sep/18/உத்தமபாளையம்-அருகே-ஓடைகள்-ஆக்கிரமிப்பால்-கண்மாய்களுக்கு-நீர்வரத்து-நிறுத்தம்-விவசாயிகள்-வேதனை-3002420.html
3002419 மதுரை தேனி பெரியார் சிலை அவமதிப்பு: போடியில் விடுதலை சிறுத்தைகள் கட்சியினர் ஆர்ப்பாட்டம் DIN DIN Tuesday, September 18, 2018 06:22 AM +0530 பெரியார் சிலைக்கு அவமதிப்பு செய்ததைக் கண்டித்தும், எச்.ராஜா மீது நடவடிக்கை எடுக்க வலியுறுத்தியும் போடியில் திங்கள் கிழமை இரவு விடுதலை சிறுத்தைகள் கட்சியினர் ஆர்ப்பாட்டத்தில் ஈடுபட்டனர்.
பாரதீய ஜனதா கட்சியின் தேசிய செயலர் எச்.ராஜா நீதிமன்றத்தையும், காவல்துறையையும் அவதூறாக பேசிய சம்பவம் சமூக வலைதளங்களில் பரவியது. அதனைத் தொடர்ந்து பெரியார் சிலைக்கு அவமதிப்பு நடைபெற்றது. 
இந்த இரண்டு சம்பவங்களைக் கண்டித்தும், பெரியார் சிலைக்கு அவமரியாதை செய்தவர் மீது நடவடிக்கை எடுக்க வலியுறுத்தியும், எச்.ராஜாவை கைது செய்து நடவடிக்கை எடுக்க வலியுறுத்தியும் போடியில் விடுதலை சிறுத்தைகள் கட்சியினர் ஆர்ப்பாட்டத்தில் ஈடுபட்டனர். 
இதில் கட்சியின் ஒன்றிய செயலாளர் நிவாஸ்கான் தலைமை வகித்தார். தேனி மாவட்ட வழக்குரைஞர்கள் அணி தலைவர் ராமச்சந்திரன், மற்றும் ஒன்றிய நிர்வாகிகள் லட்சுமணன்,  புரோஸ்கான், ரமேஷ் உள்ளிட்ட பலர் பங்கேற்று, பெரியார் உருவப் படத்திற்கு மாலை அணிவித்து மரியாதை செலுத்தி, ஆர்ப்பாட்டத்தில் ஈடுபட்டு கோஷமிட்டனர்.


 

]]>
http://www.dinamani.com/all-editions/edition-madurai/theni/2018/sep/18/பெரியார்-சிலை-அவமதிப்பு-போடியில்விடுதலை-சிறுத்தைகள்-கட்சியினர்-ஆர்ப்பாட்டம்-3002419.html
3002418 மதுரை தேனி மக்கள் குறைதீர் கூட்டத்தில் 419 பேர் மனு DIN DIN Tuesday, September 18, 2018 06:22 AM +0530 தேனி மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர் கூட்டத்தில் மொத்தம் 419 பேர் மனு அளித்தனர்.
மாவட்ட ஆட்சியர் ம.பல்லவி பல்தேவ் தலைமையில் நடைபெற்ற கூட்டத்திற்கு, மாவட்ட வருவாய் அலுவலர் ச.கந்தசாமி, ஊரக வளர்ச்சி முகமை திட்ட இயக்குநர் பா.திலகவதி ஆகியோர் முன்னிலை வகித்தனர்.
இதில் அரசு நலத் திட்ட உதவி, இலவச வீட்டுமனை பட்டா, பட்டா மாறுதல், தொழில் உபகரணங்கள், மாற்றுத் திறனாளிகள் அடையாள அட்டை உள்ளிட்ட கோரிக்கைகள் குறித்து மொத்தம் 419 பேர் மனு அளித்தனர்.
இந்த மனுக்களை சம்மந்தப்பட்ட துறை அலுவலர்களுக்கு பரிந்துரை செய்த ஆட்சியர், மனுக்கள் மீது மேற்கொள்ளப்பட்ட நடவடிக்கை குறித்து மனுதாருக்கு 15 நாட்களுக்குள் தெரிவிக்க வேண்டும் என்று அலுவலர்களுக்கு உத்தரவிட்டார்.

]]>
http://www.dinamani.com/all-editions/edition-madurai/theni/2018/sep/18/மக்கள்-குறைதீர்-கூட்டத்தில்-419-பேர்-மனு-3002418.html
3002417 மதுரை தேனி ஆண்டிபட்டியில் செப்டம்பர் 19 மின்தடை DIN DIN Tuesday, September 18, 2018 06:21 AM +0530 தேனி மாவட்டம் ஆண்டிபட்டி துனை மின் நிலையத்தில்  மாதாந்திர பராமரிப்பு பணிக்காக புதன்கிழமை (செப்.19) காலை 9 மணி முதல் மாலை 5 மணி வரை  ஆண்டிபட்டி, பாலகோம்பை, ஏத்தக்கோயில் மற்றும்  அதனை சுற்றியுள்ள பகுதிகளில்  மின் விநியோகம் நிறுத்தப்படும். பெரியகுளம் மின்பகிர்மான கோட்ட செயற்பொறியாளர் ச.மாறன்மணி, இதனைத் தெரிவித்துள்ளார்.
 

]]>
http://www.dinamani.com/all-editions/edition-madurai/theni/2018/sep/18/ஆண்டிபட்டியில்-செப்டம்பர்-19-மின்தடை-3002417.html
3002416 மதுரை தேனி கட்டட தொழிலாளர்கள் ஆர்ப்பாட்டம் DIN DIN Tuesday, September 18, 2018 06:21 AM +0530 கட்டுமானத் தொழிலுக்கு மணல் தட்டுப்பாட்டை நீக்க வேண்டும் என்பன உள்ளிட்ட கோரிக்கைகளை வலியுறுத்தி தேனியில் தமிழ் மாநில கட்டட தொழிலாளர்கள் சங்கத்தினர்திங்கள்கிழமை, ஆர்ப்பாட்டத்தில் ஈடுபட்டனர்.
தேனி, பங்களாமேடு திடலில் நடைபெற்ற ஆர்ப்பாட்டத்திற்கு சங்கத்தின் மாவட்ட பொருளாளர் ராமகிருஷ்ணன் தலைமை வகித்தார். மாவட்டத் தலைவர் முத்துக்கிருஷ்ணன், செயலர் பிச்சைமணி ஆகியோர் முன்னிலை வகித்தனர். இதில், கட்டுமானத் தொழில் தடையின்றி நடைபெறுவதற்கு அரசு மணல் தட்டுப்பாட்டை நீக்க வேண்டும், கட்டுமானப் பொருள்களின் விலையை குறைக்க வேண்டும், கட்டட தொழிலாளிகளுக்கு நல வாரிய உதவிகளை உரிய  காலத்திற்குள் வழங்க வேண்டும் என  கோரிக்கைகளை வலியுறுத்தி கோஷமிட்டனர்.

]]>
http://www.dinamani.com/all-editions/edition-madurai/theni/2018/sep/18/கட்டட-தொழிலாளர்கள்-ஆர்ப்பாட்டம்-3002416.html
3002415 மதுரை தேனி தேவதானப்பட்டியில் கழிப்பறை கோரி பொதுமக்கள் மனு DIN DIN Tuesday, September 18, 2018 06:21 AM +0530 தேவதானப்பட்டி பேரூராட்சி, 1-ஆவது துப்புரவு தொழிலாளர்கள் காலனியில் பொது மற்றும் தனிநபர் கழிப்பறை அமைத்துத் தரக்கோரி பொதுமக்கள் சார்பில் திங்கள்கிழமை மாவட்ட ஆட்சியர் ம.பல்லவி பல்தேவிடம் மனு அளிக்கப்பட்டுள்ளது.
தேனி மாவட்ட ஆட்சியர் அலுவலகத்தில் நடைபெற்ற மக்கள் குறைதீர் கூட்டத்தில் வன வேங்கைகள் அமைப்பின் மாநில துணைச் செயலர் ப.உலகநாதன் தலைமையில் கிரா மக்கள்  அளித்த மனு விபரம்:  தேவதானப்பட்டி, 1-ஆவது வார்டு, துப்புரவு தொழிலாளர்கள் காலனியில் பழங்குடி குறவர் இனத்தைச் சேர்ந்த 50 குடும்பங்கள் வசித்து வருகிறோம். 
துப்புரவு தொழிலாளர்கள் காலனிக்கு பேரூராட்சி நிர்வாகம் சார்பில் சாலை, தெருவிளக்கு, சாக்கடை போன்ற அடிப்படை வசதிகள் செய்துதரப்படவில்லை. 
கடந்த 2006-ஆம் முழு சுகாதார இயக்கத் திட்டம் சார்பில் கட்டப்பட்ட பெண்கள் பொது சுகாதார வளாகம் பயன்பாடின்றி உள்ளது. அரசு மானியத்தில் தனி நபர் இல்லக் கழிப்பறை திட்டம் செயல்படுத்தப்படவில்லை. இதனால், திறந்த வெளிகள், சாலையோரப் பகுதிகளில் கழிப்பிடமாக பயன்படுத்தப்பட்டு வருகிறது. தேவதானப்பட்டி பேரூராட்சி, 1-வது வார்டு துப்புரவு காலனியில் அடிப்படை வசதிகள் செய்து தரவும், பொதுச் சுகாதார வளாகம் அமைத்துத் தரவும், தனி நபர் இல்லக் கழிப்பறை மானியம் திட்டத்தை செயல்படுத்தவும் மாவட்ட நிர்வாகம் நடவடிக்கை எடுக்க வேண்டும் என்று மனுவில் தெரிவித்திருந்தனர்.
முன்னதாக, மாவட்ட ஆட்சியர் அலுவலகம் முன் வன வேங்கைகள் அமைப்பின் சார்பில் கோரிக்கையை வலியுறுத்தி பொதுமக்கள் ஆர்ப்பாட்டத்தில் ஈடுபட்டனர்.

]]>
http://www.dinamani.com/all-editions/edition-madurai/theni/2018/sep/18/தேவதானப்பட்டியில்-கழிப்பறை-கோரி-பொதுமக்கள்-மனு-3002415.html
3002414 மதுரை தேனி தேனியில் பி.எஸ்.என்.எல். ஒப்பந்த ஊழியர்கள் காத்திருப்பு போராட்டம் DIN DIN Tuesday, September 18, 2018 06:20 AM +0530 தேனியில் தமிழ்நாடு தொலைதொடர்பு ஒப்பந்த ஊழியர்கள் சங்கம் சார்பில், பி.எஸ்.என்.எல்., ஒப்பந்த ஊழியர்கள் கடந்த 3 மாத சம்பள நிலுவை வழங்க வலியுறுத்தி திங்கள்கிழமை காத்திருக்கும் போராட்டத்தில் ஈடுபட்டனர்.
தேனி, பி.எஸ்.என்.எஸ்.அலுவலகத்தில் மாநில அமைப்புச் செயலர் ஆர்.சந்திரசேகரன் போராட்டத்தை தொடங்கி வைத்தார். 
மாவட்டத் தலைவர் ஸ்ரீநிவாசன், துணைத் தலைவர் முனியாண்டி, கிளை செயலர் கார்த்திகேயன், நிர்வாகிகள் முத்துரத்தினம், பால்ராஜ் ஆகியோர் முன்னிலை வகித்தனர்.
பி.எஸ்.என்.எல்., ஒப்பந்த ஊழியர்களுக்கு கடந்த ஜூன், ஜூலை மற்றும் ஆகஸ்ட் மாதங்களுக்கான சம்பள நிலுவையை உடனடியாக வழங்க வேண்டும் என்று வலியுறுத்தினர். கோரிக்கையை வலியுறுத்தி காத்திருப்பு போராட்டம் இரவு வரை நீடித்தது.

]]>
http://www.dinamani.com/all-editions/edition-madurai/theni/2018/sep/18/தேனியில்-பிஎஸ்என்எல்ஒப்பந்த-ஊழியர்கள்-காத்திருப்பு-போராட்டம்-3002414.html
3002413 மதுரை தேனி அரசு விடுதி காப்பாளர் பணியிட மாற்றத்திற்கு மாணவர்கள் எதிர்ப்பு DIN DIN Tuesday, September 18, 2018 06:20 AM +0530 அரசு விடுதி காப்பாளர் பணியிட மாற்றம் செய்யப்பட்டதை எதிர்த்து திங்கள்கிழமை, விடுதி மாணவர்கள் தேனி மாவட்ட ஆட்சியர் அலுவலகத்தில் மனு அளித்தனர்.
தேனி மாவட்டம் முத்துத்தேவன்பட்டியில் பிற்படுத்தப்பட்டோர் நலத் துறை சார்பில் அரசு கல்லூரி மாணவர் விடுதி செயல்பட்டு வருகிறது. இந்த விடுதியில் 70-க்கும் மேற்பட்ட மாணவர்கள் தங்கிப்படித்து வருகின்றனர். இந்த நிலையில், விடுதி காப்பாளராக பணியாற்றிய பி.அழகுராஜா என்பவர் பணியிட மாற்றம் செய்யப்பட்டுவிட்டதாகக் கூறப்படுகிறது. இந்நிலையில் பணியிட மாற்ற உத்தரவை ரத்து செய்துக் கோரி மனு அளிக்க, விடுதி மாணவர்கள் 50-க்கும் மேற்பட்டோர் ஆட்சியர் அலுவலகத்திற்கு வந்திருந்தனர். அங்கு மாவட்ட பிற்படுத்தப்பட்டோர் நல அலுவலர் மு.சாந்தியிடம் கோரிக்கை குறித்து மனு அளித்தனர்.  
'விடுதி காப்பாளராக பணியாற்றிய அழகுராஜாவை மீண்டும் அதே விடுதிக்கு காப்பாளராக நியமிக்க வேண்டும் என்று மாணவர்கள் வலியுறுத்தினர்.

]]>
http://www.dinamani.com/all-editions/edition-madurai/theni/2018/sep/18/அரசு-விடுதி-காப்பாளர்பணியிட-மாற்றத்திற்கு-மாணவர்கள்-எதிர்ப்பு-3002413.html
3002412 மதுரை தேனி ஓரினச்சேர்க்கை தீர்ப்பை மறு ஆய்வு செய்யக் கோரிக்கை DIN DIN Tuesday, September 18, 2018 06:20 AM +0530 ஓரினச்சேர்க்கை தீர்ப்பை மறு ஆய்வு செய்ய உச்சநீதி மன்றத்திற்கும், மத்திய அரசுக்கும் கோரிக்கை விடுத்து தேனியில் இந்திய யூனியன் முஸ்லிம் லீக் கூட்டத்தில் தீர்மானம் நிறைவேற்றப்பட்டது.
அக்கட்சியின் மாவட்ட பொதுக்குழு கூட்டம் கம்பத்தில் உள்ள மாவட்ட அலுவலகத்தில் நடைபெற்றது. மாவட்டத் தலைவர் எம்.ஷாகுல்ஹமீது தலைமை வகித்தார். ஹாருன்ரசீது, எம்.எஸ். மீரான்மைதீன் முன்னிலை வகித்தனர். ஓரினச் சேர்க்கை தொடர்பான தீர்ப்பை மறு ஆய்வு செய்ய உச்சநீதி மன்றத்தையும், மத்திய அரசையும் கேட்டுக்கொள்ளும் தீர்மானம் நிறைவேற்றப்பட்டது.  மாவட்டச் செயலாளராக ஐ.சர்புதீன் தேர்வு செய்யப்பட்டார்.  எஸ்.டி.யூ. மாவட்டத் தலைவர் என்.சதக்கத்துல்லா வரவேற்றார். மாவட்ட இளைஞர் அணிச் செயலாளர் நூர்முகமது நன்றி கூறினார்.
 

]]>
http://www.dinamani.com/all-editions/edition-madurai/theni/2018/sep/18/ஓரினச்சேர்க்கை-தீர்ப்பை-மறு-ஆய்வு-செய்யக்-கோரிக்கை-3002412.html
3002411 மதுரை தேனி கம்பம் கல்லூரி மாணவிக்கு பாராட்டு DIN DIN Tuesday, September 18, 2018 06:20 AM +0530 பாரதிதாசன் பாடல்கள் ஒப்பித்தல் போட்டியில் மாநில அளவில் 2 ஆம் இடம் பெற்ற கம்பம்  ஸ்ரீ ஆதிசுஞ்சனகிரி பெண்கள் கல்லூரி மாணவி ஜெ.சினேகாவுக்கு திங்கள்கிழமை அக்கல்லூரியில் பாராட்டு விழா நடைபெற்றது.
அண்ணா பிறந்த நாளை முன்னிட்டு திமுக சார்பில் தேனி மாவட்ட அளவில் நடைபெற்ற போட்டியில் மாணவி சினேகா முதல் பரிசு பெற்றார்.மாணவிகள் ராஜலட்சுமி, சன்மதி ஆறுதல் பரிசு பெற்றனர். பின்னர் சென்னையில் நடைபெற்ற  மாநில அளவிலான போட்டியில் சினேகா இரண்டாம் இடம் பெற்றார். 
தி.மு.க. தலைவர் மு.க. ஸ்டாலின், மாணவி சினேகாவுக்கு சான்றிதழ் மற்றும் ரொக்க பரிசு ரூ.10 ஆயிரம் வழங்கினார். மாணவிக்கு கல்லூரி வளாகத்தில் திங்கள்கிழமை பாராட்டு விழா நடைபெற்றது. 
கல்லூரிச் செயலாளரும், முன்னாள் சட்டப்பேரவை உறுப்பினருமான என்.ராமகிருஷ்ணன், இணைச் செயலாளர் ரா.வசந்தன், முதல்வர் ஜி.ரேணுகா,  கல்லூரி ஆலோசனைக்குழு உறுப்பினர்கள், பேராசிரியைகள் பாராட்டி வாழ்த்து தெரிவித்தனர்.

]]>
http://www.dinamani.com/all-editions/edition-madurai/theni/2018/sep/18/கம்பம்-கல்லூரி-மாணவிக்கு-பாராட்டு-3002411.html
3002410 மதுரை தேனி போடி அருகே பெண் கத்தியால் குத்திக் கொலை DIN DIN Tuesday, September 18, 2018 06:19 AM +0530 போடி அருகே திங்கள்கிழமை பெண் கத்தியால் குத்தி கொலை செய்யப்பட்டார். 
தேனி மாவட்டம் கீழக்கூடலூர் ஆர்.எஸ். பள்ளி தெருவை சேர்ந்த கண்ணன் மனைவி முருகேஸ்வரி (30). இவர்களுக்கு இரண்டு பெண் குழந்தைகள் உள்ளனர். கண்ணன் இறந்து விட்டார்.  முருகேஸ்வரி குழந்தைகளுடன் கீழக்கூடலூரில் வசித்து வந்தார். 
இந்நிலையில் திங்கள்கிழமை போடி தருமத்துப்பட்டி அருகே அரசு பொறியியல் கல்லூரி விடுதி  பின்பக்கம் தனியார் தோட்டம் ஒன்றில் கத்திக்குத்து காயங்களுடன் முருகேஸ்வரியின்  சடலம்  கிடந்தது.  
தகவலறிந்து போடி தாலுகா காவல் நிலைய ஆய்வாளர் வெங்கடாசலபதி, சார்பு- ஆய்வாளர் மகேஸ்வரி மற்றும் போலீஸார் சென்று சடலத்தை கைப்பற்றி விசாரணை நடத்தினர்.
மேலச்சொக்கநாதபுரம் கிராம நிர்வாக அலுவலர் ராஜாமணி அளித்தப் புகாரின் பேரில் போலீஸார் வழக்குப்பதிந்து, முருகேஸ்வரியை கொலை செய்தது யார், அவர் ஏன் போடி தருமத்துப்பட்டிக்கு வந்தார், கள்ளக்காதல் தகராறில் கொலை செய்யப்பட்டாரா என்பது குறித்து விசாரித்து வருகின்றனர்.
சம்பவ இடத்திற்கு தேனி மாவட்ட காவல் கண்காணிப்பாளர் வீ.பாஸ்கரன் நேரில் வந்து பார்வையிட்டு விசாரணை நடத்தினார். கைரேகை தடயவியல் நிபுணர்கள் மோப்ப நாயுடன் சம்பவ இடத்திற்கு வந்து தடயங்களை சேகரித்து விசாரித்து வருகின்றனர்.

]]>
http://www.dinamani.com/all-editions/edition-madurai/theni/2018/sep/18/போடி-அருகே-பெண்-கத்தியால்-குத்திக்-கொலை-3002410.html