Dinamani - மதுரை - http://www.dinamani.com/all-editions/edition-madurai/madurai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3041691 மதுரை மதுரை குட்லாடம்பட்டி அருவியில் நீர்வரத்து அதிகரிப்பு: குளிக்க வனத்துறை தடை DIN DIN Wednesday, November 21, 2018 01:25 PM +0530
மதுரை மாவட்டம் வாடிப்பட்டி அருகே உள்ள குட்லாடம்பட்டி அருவியில் நீர்வரத்து அதிகரித்துள்ளதால், சுற்றுலாப் பயணிகள் குளிப்பதற்குத் தடை விதிக்கப்பட்டுள்ளது.

திண்டுக்கல் மாவட்டம் சிறுமலை வனப்பகுதியில் கனமழை பெய்யும் காலங்களில் குட்லாடம்பட்டி தாடகை நாச்சியம்மன் அருவியில் நீர்வரத்து இருக்கும். குறிப்பாக வடகிழக்கு பருவமழை காலங்களில் அருவியில் நீர்வரத்து இருக்கும் என்பதால், சுற்றுலாப் பயணிகள் குளிப்பதற்கு வனத் துறையினரால் அனுமதி வழங்கப்படும். கடந்த சில வாரங்களாக நீர்வரத்து இருந்ததால் அருவிக்கு, சுற்றுலா பயணிகள் அனுமதிக்கப்பட்டனர்.
இந்நிலையில், கஜா' புயல் காரணமாக வியாழக்கிழமை கனமழை பெய்ததையடுத்து அருவிப் பகுதியில் இருந்த தடுப்பு கம்பிகள் சேதமடைந்துள்ளன. மேலும் அருவியில் அதிகளவில் தண்ணீர் பெருக்கெடுத்து கொட்டுகிறது. இதையடுத்து வனத்துறையினர் குட்லாடம்பட்டி அருவியில் சுற்றுலாப் பயணிகள் குளிப்பதற்குத் தடை விதித்துள்ளனர். இதனால் அருவிக்கு குளிக்க வந்த சுற்றுலா பயணிகள் ஏமாற்றத்துடன் திரும்பிச் சென்றனர்.

 

]]>
http://www.dinamani.com/all-editions/edition-madurai/madurai/2018/nov/19/குட்லாடம்பட்டி-அருவியில்-நீர்வரத்து-அதிகரிப்பு-குளிக்க-வனத்துறை-தடை-3041691.html
3042957 மதுரை மதுரை டாஸ்மாக் ஊழியர்கள் பணி நிரந்தரம் சிஐடியூ மாநாட்டில் தீர்மானம் DIN DIN Wednesday, November 21, 2018 10:23 AM +0530 டாஸ்மாக் ஊழியர்களை பணி நிரந்தரம் செய்ய வேண்டும் என்று சிஐடியூ டாஸ்மாக் ஊழியர் சங்க மாநாட்டில் செவ்வாய்க்கிழமை தீர்மானம் நிறைவேற்றப்பட்டது.
மதுரை மாவட்ட சிஐடியு டாஸ்மாக் ஊழியர் சங்க மாநாடு செவ்வாய்க்கிழமை நடைபெற்றது. மாநாட்டுக்கு மாவட்டத் தலைவர் டி.சிவக்குமார் தலைமை வகித்தார். சிஐடியு மாவட்ட பொருளாளர் இரா.லெனின் தொடக்கி வைத்தார். மாநாட்டில், டாஸ்மாக் கடைகளில் 15 ஆண்டுகளுக்கு மேலாக பணியாற்றி வரும் டாஸ்மாக் ஊழியர்களை பணி நிரந்தரம் செய்திட வேண்டும்.   ஆய்வு என்ற பெயரில் ஊழியர்களை மிரட்டி அதிகாரிகள் பணம் வசூலிப்பதை தடுத்து நிறுத்த அரசு நடவடிக்கை எடுக்க வேண்டும்.  பல மாதங்களாக நிலுவையில் உள்ள எப்டிசி தொகையை நிலுவையுடன் வழங்கிட வேண்டும். பணியின்போது இறந்த ஊழியர்களின் வாரிசுதாரர்களுக்கு வேலை வழங்கிட வேண்டும். ஓய்வு பெறும் ஊழியர்களுக்கு சிறப்பு பணிக்கொடை வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
மாநாட்டில் மாவட்டத் தலைவர் இரா. லெனின்,செயலர் டி.சிவகுமார், பொருளாளர் வி.செந்தில்குமார் உள்ளிட்ட 13 பேர் கொண்ட நிர்வாகக் குழு தேர்வு செய்யப்பட்டது.

]]>
http://www.dinamani.com/all-editions/edition-madurai/madurai/2018/nov/21/டாஸ்மாக்-ஊழியர்கள்-பணி-நிரந்தரம்-சிஐடியூ-மாநாட்டில்-தீர்மானம்-3042957.html
3042956 மதுரை மதுரை வெளிநாட்டில் வேலை வாங்கித் தருவதாக ரூ. 32.5 லட்சம் மோசடி: இருவர் மீது வழக்கு DIN DIN Wednesday, November 21, 2018 10:23 AM +0530 வெளிநாட்டில் வேலை வாங்கித் தருவதாக ரூ. 32.5 லட்சம் மோசடி செய்ததாக இருவர் மீது மதுரை மாவட்ட குற்றப்பிரிவு போலீஸார் திங்கள்கிழமை வழக்குப் பதிவு செய்து விசாரித்து வருகின்றனர்.
நாகப்பட்டினம் மாவட்டம்,  திருமுல்லைவாசல்,  காந்தி நகரைச் சேர்ந்த ராயர் மகன் ரகுராமன். இவர் உள்பட 14 பேரிடம்  ஜப்பானில் வேலை வாங்கித் தருவதாகக் கூறி மதுரை மாவட்டம்  மேலூர் அருகே உள்ள அம்பலகாரன்பட்டியைச் சேர்ந்த கம்பக்குடியான், அவரது நண்பர் திருத்துறைப்பூண்டியைச் சேர்ந்த மரியதாஸ் ஆகியோர் மொத்தமாக ரூ. 32.5 லட்சம் மற்றும் கடவுச்சீட்டுகளைப் பெற்றுக் கொண்டனர்.
பிறகு போலியான நுழைவு இசைவுச் சீட்டுகளையும் வழங்கியுள்ளனர். ஆனால், அவர்கள் கூறியது போல ஜப்பானில் வேலை செய்வதற்கான எந்த உத்தரவும் பெற்றுத் தராமல் தாமதம் செய்து வந்துள்ளனர்.  பணத்தையும் திருப்பித் தர மறுத்ததாகக் கூறப்படுகிறது. 
இது குறித்து ரகுராமன் அளித்த புகாரின்பேரில் மதுரை மாவட்ட குற்றப் பிரிவு போலீஸார் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-madurai/madurai/2018/nov/21/வெளிநாட்டில்-வேலை-வாங்கித்-தருவதாக-ரூ-325-லட்சம்-மோசடி-இருவர்-மீது-வழக்கு-3042956.html
3042955 மதுரை மதுரை திருடு போன 46 செல்லிடப்பேசிகள் உரிமையாளர்களிடம் ஒப்படைப்பு DIN DIN Wednesday, November 21, 2018 10:23 AM +0530 மதுரை ஊரகப் பகுதிகளில் திருடுபோன 46 செல்லிடப்பேசிகள்  உரிமையாளர்களிடம் செவ்வாய்க்கிழமை ஒப்படைக்கப்பட்டது.
மதுரை ஊரகப்பகுதிகளில் செல்லிடப்பேசி திருட்டு மற்றும் வங்கி அதிகாரிகள் போல பேசி வாடிக்கையாளர்களின் ஏடிஎம் ரகசிய எண்களை பெற்று பண மோசடியில் ஈடுபடுவது உள்ளிட்ட சைபர் குற்றங்களை தடுக்க ஊரகக் காவல் கண்காணிப்பாளர் என்.மணிவண்ணன் தலைமையில் கடந்த ஆகஸ்ட் மாதம் சைபர் கிளப் தொடங்கப்பட்டது. இதையடுத்து சைபர் கிளப் போலீஸார் மதுரை ஊரக பகுதிகளில் கடந்த ஆகஸ்ட் மற்றும் செப்டம்பர் மாதங்களில் திருடு போன ரூ.4.97 லட்சம் மதிப்பிலான 46 செல்லிடப்பேசிகளை மீட்டனர். இதே போல பண மோசடிகளில் தொடர்புடைய குற்றவாளிகளை தொழில்நுட்ப உதவியுடன் கைது செய்து அவர்களிடம் இருந்து. ரூ.1.25 லட்சம் மீட்கப்பட்டது. 
இந்நிலையில் மதுரை ஊரகக்காவல் கண்காணிப்பாளர் அலுவலகத்தில் செவ்வாய்க்கிழமை நடந்த நிகழ்ச்சியில் காவல் கண்காணிப்பாளர் என்.மணிவண்ணன் பங்கேற்று, 46 செல்லிடப்பேசிகள் மற்றும் ரூ.1.25 லட்சத்தை உரியவர்களிடம் ஒப்படைத்தார்.
இதில் செல்லிடப்பேசி உரிமையாளர்கள், காவல்துறை அதிகாரிகள் உள்பட பலர் பங்கேற்றனர்.

]]>
http://www.dinamani.com/all-editions/edition-madurai/madurai/2018/nov/21/திருடு-போன-46-செல்லிடப்பேசிகள்-உரிமையாளர்களிடம்-ஒப்படைப்பு-3042955.html
3042954 மதுரை மதுரை இரு தரப்பினரிடையே மோதல்: 5 பேர் கைது DIN DIN Wednesday, November 21, 2018 10:22 AM +0530 மதுரை மாவட்டம், சோழவந்தான் அருகே திங்கள்கிழமை இருதரப்பினரிடையே ஏற்பட்ட மோதலில் 2 பேர் பலத்த காயமடைந்தனர். 9 பேர் மீது வழக்கு பதிவு செய்யப்பட்டு, 5 பேர் கைது செய்யப்பட்டனர். 
மதுரை மாவட்டம், சோழவந்தான் அருகே வயலூர் வைரவநத்தம் கிராமத்தைச் சேர்ந்தவர் ரஞ்சித்குமார் (25). இவருக்கும், இவரது உறவினர் பெண்ணை கிண்டல் செய்தது தொடர்பாக சிந்தாலக்கரை பகுதியைச் சேர்ந்த கார்த்திக் (22) என்பவருக்கும் இடையே முன்விரோதம் இருந்து வந்ததாம்.
இந்நிலையில், திங்கள்கிழமை ரஞ்சித்குமார், தனது நண்பர்களுடன் மது அருந்திக் கொண்டிருந்தாராம். 
அப்போது அங்கு வந்த கார்த்திக் மற்றும் அவரது நண்பர்கள் வந்தனர். அப்போது இருதரப்புக்கும் இடையே மோதல் ஏற்பட்டதாகக் கூறப்படுகிறது. இதில், பலத்த காயமடைந்த ரஞ்சித்குமார், கார்த்திக் இருவரும் மதுரை அரசு மருத்துவமனையில் அனுமதிக்கப்பட்டனர்.
இது தொடர்பாக இருவரும் அளித்த புகாரின்பேரில் இருதரப்பையும் சேர்ந்த 9 பேர் மீது வழக்கு பதிவு செய்த போலீஸார், இதில் 5 பேரை கைது செய்தனர்.

]]>
http://www.dinamani.com/all-editions/edition-madurai/madurai/2018/nov/21/இரு-தரப்பினரிடையே-மோதல்-5-பேர்-கைது-3042954.html
3042953 மதுரை மதுரை ஆதிதிராவிடர்களுக்காக கையகப்படுத்திய நிலத்தை தனிநபர்களுக்கு ஒதுக்கீடு செய்ய இடைக்காலத்தடை DIN DIN Wednesday, November 21, 2018 10:22 AM +0530 மதுரை மாவட்டம் மேலூர் ஆட்டுக்குளத்தில் ஆதிதிராவிடர் நலச்சட்டத்தின் கீழ் கைப்பற்றப்பட்ட நிலத்தை ஆதிதிராவிடர்கள் அல்லாதவர்கள், தனி நபர்களுக்கு ஒதுக்கீடு செய்ய இடைக்கால தடை விதித்து சென்னை உயர்நீதிமன்ற மதுரைக்கிளை செவ்வாய்க்கிழமை உத்தரவிட்டுள்ளது.
மதுரை மேலூர் ஆட்டுகுளத்தைச் சேர்ந்த நாகராஜன்,  சென்னை உயர்நீதிமன்ற மதுரைக்கிளையில் தாக்கல் செய்த மனு: 
மதுரை மாவட்டம் மேலூர் அருகே ஆட்டுக்குளத்தில் ஆதிதிராவிட குடும்பங்களுக்கு வீடு கட்டுவதற்கு நிலம் வழங்குவதற்காக ஆதிதிராவிடர்கள் நலச்சட்டப்படி 9.50 ஏக்கர் நிலம் கையகப்படுத்தப்பட்டது. 
அந்த நிலம் வருவாய் ஆவணங்களில் ஆதிதிராவிடர்கள் நத்தம் என மாற்றம் செய்யப்பட்டது.
அந்த இடத்தில் ஆதிதிராவிடர் குடும்பம்  ஒன்றுக்கு 3 சென்ட் வீதம்  நிலம் வழங்கப்பட்டது.  இதில் ஆதிதிராவிடர்கள் அல்லாதவர்களுக்கும் நிலம் ஒதுக்கீடு செய்யப்பட்டுள்ளது. 
மேலும் சிலருக்கு ஒன்றுக்கு மேற்பட்ட இடமும் வழங்கப்பட்டுள்ளது.
 ஏற்கெனவே சொந்தமாக வீடு உள்ளவர்களுக்கும் இடம் வழங்கப்பட்டுள்ளது. இது ஆதிராவிடர்கள் நலச் சட்டத்துக்கு எதிரானது.
மேலும் கையகப்படுத்திய இடத்தில் ஒதுக்கீடு செய்யப்படாமல் பல இடங்கள் உள்ளன. தவறாக ஒதுக்கீடு பெற்ற பலரது இடங்களும் காலியாகவே உள்ளன. 
இதனால் காலியிடங்களை நிலமற்ற ஆதிதிராவிடர்களுக்கு ஒதுக்கீடு செய்யுமாறு பல மனுக்கள் அனுப்பியும் பலனில்லை.
இந்நிலையில் ஒதுக்கீடு செய்யப்படாத இடங்களை ஆதிதிராவிடர் அல்லாதவர்களுக்கும், தனி நபர்களுக்கும் ஒதுக்கீடு செய்ய அதிகாரிகள் முடிவு செய்துள்ளனர். இதற்காக போலீஸார் உதவியுடன் நில அளவீடு நடைபெற்று வருகிறது.
எனவே ஆட்டுக்குளத்தில் ஆதிதிராவிடர் நலச்சட்டத்தின் கீழ் கைகப்பற்றப்பட்ட நிலத்தை ஆதிதிராவிடர்கள் அல்லாதவர்கள், தனிநபர்களுக்கு ஒதுக்கீடு செய்ய தடை விதித்தும், காலியிடங்களை நிலமற்ற ஆதிதிராவிடர்களுக்கு ஒதுக்கீடு செய்யவும் உத்தரவிட வேண்டும் என்று குறிப்பிட்டிருந்தார்.
இந்த மனு நீதிபதிகள் கே.கே.சசிதரன்,  பி,டி.ஆதிகேசவலு ஆகியோர் அடங்கிய அமர்வு முன்பு செவ்வாய்க்கிழமை விசாரணைக்கு வந்தது. 
மனுவை விசாரித்த நீதிபதிகள் ஆதி திராவிடர்கள் அல்லாதவர்கள், தனி நபர்களுக்கு நிலம் ஒதுக்கீடு செய்ய இடைக்கால தடை விதித்து விசாரணையை நவம்பர் 26ஆம் தேதிக்கு ஒத்தி வைத்து உத்தரவிட்டனர்.
 

]]>
http://www.dinamani.com/all-editions/edition-madurai/madurai/2018/nov/21/ஆதிதிராவிடர்களுக்காக-கையகப்படுத்திய-நிலத்தை-தனிநபர்களுக்கு-ஒதுக்கீடு-செய்ய-இடைக்காலத்தடை-3042953.html
3042952 மதுரை மதுரை சாத்தூரில் அம்மா மக்கள் முன்னேற்றக் கழகம் உண்ணாவிரதம்: உயர்நீதிமன்றம் அனுமதி DIN DIN Wednesday, November 21, 2018 10:22 AM +0530 விருதுநகர் மாவட்டம் சாத்தூரில் அம்மா மக்கள் முன்னேற்றக் கழகம் சார்பில் உண்ணாவிரதம் நடத்த அனுமதி வழங்கி சென்னை உயர்நீதிமன்ற மதுரைக்கிளை செவ்வாய்க்கிழமை உத்தரவிட்டுள்ளது.
அம்மா மக்கள் முன்னேற்றக் கழகத்தின் விருதுநகர் மாவட்ட செயலர் சுப்ரமணியன் சென்னை உயர்நீதிமன்ற மதுரைக் கிளையில் தாக்கல் செய்த மனு:
கடந்த 2016- சட்டப்பேரவை தேர்தலில் சாத்தூர் தொகுதியில் போட்டியிட்டு சட்டப்பேரவை உறுப்பினராக தேர்ந்தெடுக்கப்பட்டு  தற்போது தகுதி நீக்கம் செய்யப்பட்டுள்ளேன். 
2016 தேர்தலின்போது பல்வேறு கோரிக்கைகளை நிறைவேற்றி தருவதாக மக்களுக்கு வாக்குறுதி அளித்தேன். அவற்றை செயல்படுத்த மக்களின் பிரதிநிதியாக இருந்து குரல் கொடுத்து வருகிறேன். தமிழக அரசு செவிசாய்க்கவில்லை.
இதையடுத்து திட்டங்களை நிறைவேற்றித் தர வலியுறுத்தி சாத்தூரில்  நவம்பர் 27 ஆம் தேதி உண்ணாவிரதம் நடத்த அனுமதி கேட்டு காவல்நிலையத்தில் மனு அளித்தேன். 
காவல்நிலையத்தில் இருந்து எந்த பதிலும் அளிக்கவில்லை. எனவே சாத்தூரில் உண்ணாவிரதம் நடத்த அனுமதி அளித்து உத்தரவிட வேண்டும் என்று குறிப்பிட்டிருந்தார். 
இந்த மனு நீதிபதி ஏ.டி.ஜெகதீஷ் சந்திரா முன்பு செவ்வாய்க்கிழமை விசாரணைக்கு வந்தது. மனுவை விசாரித்த நீதிபதி  சாத்தூரில் நவம்பர் 27-இல் அம்மா மக்கள் முன்னேற்ற கழகம் சார்பில் உண்ணாவிரதம்  நடத்த அனுமதி அளித்து உத்தரவிட்டார்.
 

]]>
http://www.dinamani.com/all-editions/edition-madurai/madurai/2018/nov/21/சாத்தூரில்-அம்மா-மக்கள்-முன்னேற்றக்-கழகம்-உண்ணாவிரதம்-உயர்நீதிமன்றம்-அனுமதி-3042952.html
3042951 மதுரை மதுரை அரசுப் பள்ளி மாணவர்களுக்கான மாவட்ட அளவிலான விநாடி - வினா DIN DIN Wednesday, November 21, 2018 10:22 AM +0530 பள்ளிக் கல்வித் துறை சார்பில் அரசுப் பள்ளி மாணவர்களுக்கான மாவட்ட அளவிலான விநாடி வினா போட்டிக்கு வெள்ளி வீதியார் மாநகராட்சி மகளிர் மேல்நிலைப் பள்ளி உள்பட 4  பள்ளிகள் தேர்வாகியுள்ளன.
 அரசுப் பள்ளிகளில் 9 மற்றும் 10-ஆம் வகுப்பு படிக்கும் மாணவர்களுக்கு விநாடி -வினா போட்டி நடத்த அரசு அனுமதி வழங்கியுள்ளது. பள்ளி அளவில் தொடங்கி, கல்வி மாவட்டம்,  வருவாய் மாவட்டம் அளவில் நடத்தி நிறைவாக மாநில அளவிலான போட்டி நடத்தப்படும்.
பாடப்புத்தகத்தைத் தாண்டி தங்களது பொது அறிவை மாணவர்கள் வளர்த்துக் கொள்வது,  தாங்கள் கற்றதை அன்றாட வாழ்வியலோடு தொடர்புபடுத்தி பார்ப்பது, மாறுபட்ட கோணத்தில் சிந்திக்க வைப்பது, குழு மனப்பான்மையை உருவாக்குவது, தனித்திறன்களை மேம்படுத்துவது என்ற நோக்கத்துடன் இப் போட்டி நடத்தப்படுகிறது. இதன்படி, பள்ளிகளில் தேர்வு செய்யப்பட்ட மாணவர்களுக்கான கல்வி மாவட்ட அளவிலான போட்டிகள் செவ்வாய்க்கிழமை நடைபெற்றது. 
 இதில் மதுரை மாநகராட்சி வெள்ளிவீதியார் மகளிர் மேல்நிலைப் பள்ளி (மதுரை கல்வி மாவட்டம்), தனியாமங்கலம் அரசு மேல்நிலைப் பள்ளி (மேலூர்),  திருமங்கலம் அரசு மேல்நிலைப் பள்ளி (திருமங்கலம்), கோவிலாங்குளம் அரசு மேல்நிலைப் பள்ளி (உசிலம்பட்டி) ஆகிய பள்ளிகள் கல்வி மாவட்ட அளவிலான போட்டிகளில் முதலிடம் பெற்று வருவாய் மாவட்ட அளவிலான போட்டிக்குத் தகுதி பெற்றுள்ளன.
வருவாய் மாவட்ட அளவிலான போட்டிகள் நவம்பர் 27 ஆம் தேதி நடைபெறுகிறது.

]]>
http://www.dinamani.com/all-editions/edition-madurai/madurai/2018/nov/21/அரசுப்-பள்ளி-மாணவர்களுக்கான-மாவட்ட-அளவிலான-விநாடி---வினா-3042951.html
3042950 மதுரை மதுரை மாற்றுத் திறனாளிகளுக்கான கபடி ஒய்டபிள்யுசிஏ பள்ளி வெற்றி DIN DIN Wednesday, November 21, 2018 10:21 AM +0530 மாற்றுத் திறனாளிகளுக்கான மாவட்ட அளவிலான கபடி போட்டியில் ஒய்டபிள்யுசிஏ பள்ளி வெற்றி பெற்றது.
 தமிழ்நாடு விளையாட்டு மேம்பாட்டு ஆணையம் சார்பில் மாற்றுத் திறனாளிகளுக்கான மாவட்ட அளவிலான விளையாட்டுப் போட்டிகள், பந்தயத்திடல் எம்ஜிஆர் விளையாட்டரங்கில் செவ்வாய்க்கிழமை நடைபெற்றது. மாவட்ட ஆட்சியர் ச.நடராஜன் தொடங்கி வைத்தார். மாவட்ட விளையாட்டு அலுவலர் கே.ராஜா, மாவட்ட மாற்றுத் திறனாளிகள் நல அலுவலர் பிரம்மநாயகம் உள்ளிட்ட பலர் கலந்து கொண்டனர்.
 காதுகேளாதோர்,  மனநலம் குன்றியோர், உடல் ஊனமுற்றோர், பார்வைக் குறைபாடு உடையோர் என அனைத்து வகை மாற்றுத்திறனாளிகளுக்கும் அவரவருக்குரிய விளையாட்டுப் போட்டிகள் நடத்தப்பட்டன.   
காதுகேளாதோருக்கான ஆடவர் கபடியில் விஸ்வநாதபுரம் ஒய்டபிள்யுசிஏ பள்ளி  வெற்றி பெற்றது. பெண்கள் பிரிவில் லியோனர்டு காதுகேளாதோர் பள்ளி வெற்றி பெற்றது. மனநலம் குன்றியோருக்கான ஆடவர் மற்றும் பெண்கள் எறிபந்து போட்டிகளில் அன்பகம் சிறப்பு பள்ளி வெற்றி பெற்றது. 
சிறப்பு குழந்தைகளுக்கான ஆடவர் வாலிபால் போட்டியில் சுந்தரராஜன்பட்டி ஐஏபி பள்ளியும், பெண்கள் பிரிவில் பரவை புனித ஜோசப் பார்வையற்றோர் பள்ளியும் வெற்றி பெற்றன.  இதுதவிர ஓட்டப்பந்தயம், நின்றநிலை தாண்டுதல் உள்ளிட்ட தனிநபர் பங்கேற்கும் தடகள போட்டிகளும் நடத்தப்பட்டன.
 முதலிடம் பெற்றவர்களுக்கு ரூ.5 ஆயிரம், 2-ஆம் இடம் ரூ.3 ஆயிரம், மூன்றாம் இடம் பெற்றவர்களுக்கு ரூ.2 ஆயிரம் பரிசுத் தொகை வழங்கப்பட்டன.
 

]]>
http://www.dinamani.com/all-editions/edition-madurai/madurai/2018/nov/21/மாற்றுத்-திறனாளிகளுக்கான-கபடி-ஒய்டபிள்யுசிஏ-பள்ளி-வெற்றி-3042950.html
3042949 மதுரை மதுரை நிலையூர் கண்மாய் 7 ஆண்டுகளுக்கு பின் நிரம்பியது: விவசாயிகள் மகிழ்ச்சி DIN DIN Wednesday, November 21, 2018 10:21 AM +0530 மதுரை மாவட்டத்தின் பெரிய கண்மாயான  நிலையூர் கண்மாய் 7 ஆண்டுகளுக்கு பின் நிரம்பி மறுகால் பாய்ந்தது. இதனால் இப்பகுதி விவசாயிகள் மகிழ்ச்சியடைந்தனர்.    
இக் கண்மாய் மூலம் 10 ஆயிரம் ஏக்கருக்கும் அதிகமான நிலங்கள் பாசன வசதி பெறுகின்றன.  கடந்த சில ஆண்டுகளாக பருவமழை குறைந்த காரணத்தால் கண்மாய்களில் தண்ணீர் இல்லாமல் விவசாயம் பாதிக்கப்பட்டது. இந்நிலையில் கடந்த இரு மாதங்களாக பெய்யும் தொடர் மழை காரணமாக திருப்பரங்குன்றம் பகுதியில் உள்ள குறுக்கிட்டான், பானாங்குளம், செவந்திகுளம், சேமட்டான் குளம், ஆரியங்குளம் ஆகிய கண்மாய்கள் நிறைந்தன. இதைத் தொடர்ந்து நிலையூர் கண்மாய்க்கு தண்ணீர் வரத்து காணப்பட்டது. இதையடுத்து சுமார் 7 ஆண்டுகளுக்கு பின் நிலையூர் கண்மாய் நிறைந்து முழுகொள்ளளவை எட்டி மறுகால் பாய்ந்தது. மறுகால் பாயும் தண்ணீரானது திருமங்கலம் பகுதிக்கு செல்கிறது.       
நிலையூர் கண்மாயில் கூடுதலாக தண்ணீர் தேக்க கோரிக்கை: இக் கண்மாயில் கூடுதலாக நீரைச் சேமிக்க வேண்டும் என விவசாயிகள் கோரிக்கை விடுத்துள்ளனர். இதுகுறித்து இப்பகுதியைச் சேர்ந்த விவசாயி வடிவேலன் கூறியது: நிலையூர் கண்மாய்  7 ஆண்டுகளுக்குப் பின் தற்போது நிறைந்துள்ளது. இதன்மூலம் இந்த ஆண்டு இருபோகம் நெல் சாகுபடி செய்ய உள்ளோம். தற்போது கண்மாய் பெருகி மறுகால் செல்கிறது. அதேசமயத்தில் சின்னமடை வழியாக மறுகால் செல்லும் தண்ணீர் ஒத்த ஆலங்குளம், பெரிய ஆலங்குளம் உள்ளிட்ட பகுதிகளுக்கு செல்லாது. பெரியமடை வழியாக செல்லும் தண்ணீரே இந்த ஊர்களுக்கு செல்லும். எனவே கண்மாயில் கூடுதலாக தண்ணீரை சேமிக்க வேண்டும் என்றார்.  
இதுகுறித்து பொதுப்பணித்துறையினர் கூறியது: நிலையூர் கண்மாய் சாத்தையாறு அணையைக் காட்டிலும் 7 மடங்கு பெரியது. இங்கு இயற்கையாகவே மன்னர் காலத்திலிருந்து 3 வழிகளில் தண்ணீர் செல்லும் வகையில் அமைக்கப்பட்டுள்ளது.  
முதற்கட்டமாக சிறிய மடையில் மறுகால் பாயும் வகையிலும், இரண்டாவது, மூன்றாவது கட்டங்களாக பெரிய மடைகளிலும் தண்ணீர் செல்லும். விவசாயிகள் அச்சம் கொள்ளத்தேவையில்லை. தொடர்ந்து மழைநீர் கால்வாயில் வந்து கொண்டிருக்கின்றது. தொடர் மழை காரணமாக அவர்கள் எதிர்பார்க்கும் அளவை தண்ணீர் எட்டும் என்றனர்.
 

]]>
http://www.dinamani.com/all-editions/edition-madurai/madurai/2018/nov/21/நிலையூர்-கண்மாய்-7-ஆண்டுகளுக்கு-பின்-நிரம்பியது-விவசாயிகள்-மகிழ்ச்சி-3042949.html
3042948 மதுரை மதுரை மதுரை மாநகராட்சி சார்பில் நாகைக்கு ரூ. 8 லட்சம் புயல் நிவாரண பொருள்கள் அனுப்பி வைப்பு DIN DIN Wednesday, November 21, 2018 10:21 AM +0530 மதுரை மாநகராட்சி சார்பில், நாகப்பட்டினம் மாவட்டத்தில் கஜா புயலால் பாதிக்கப்பட்டவர்களுக்கு சுமார் ரூ. 8 லட்சம் மதிப்பிலான நிவாரணப் பொருள்கள் செவ்வாய்க்கிழமை அனுப்பி வைக்கப்பட்டன.
கஜா புயல், மழையினால் பாதிக்கப்பட்ட நாகப்பட்டினம் மக்களுக்கு, மதுரை மாநகராட்சி சார்பில், 30 மூடை அரிசி, 175 பிஸ்கட் பண்டல்கள், 2,500 குடிநீர் பாட்டில்கள், 200 போர்வைகள், 200 கைலிகள், 200 துண்டுகள், 200 நைட்டிகள் உள்பட பல்வேறு பொருள்கள் சேகரித்து அனுப்பி வைக்கப்பட்டன. 
இந்நிகழ்ச்சியில் துணை ஆணையர் ப. மணிவண்ணன், உதவி ஆணையர் பிரேம்குமார், உதவி ஆணையர் (கணக்கு) சுரேஷ்குமார், மாமன்ற செயலர் ராஜகோபால் உள்பட  மாநகராட்சி அலுவலர்கள் கலந்துகொண்டனர்.
 

]]>
http://www.dinamani.com/all-editions/edition-madurai/madurai/2018/nov/21/மதுரை-மாநகராட்சி-சார்பில்-நாகைக்கு-ரூ-8-லட்சம்-புயல்-நிவாரண-பொருள்கள்-அனுப்பி-வைப்பு-3042948.html
3042947 மதுரை மதுரை கல்லூரி மாணவியிடம்  நகை பறித்த இளைஞர் கைது DIN DIN Wednesday, November 21, 2018 10:20 AM +0530 திருப்பரங்குன்றத்தை அடுத்த தனக்கன்குளம் அருகே நடந்து சென்ற கல்லூரி மாணவியிடம் நகை பறிக்க முயன்றவரை போலீஸார் செவ்வாய்க்கிழமை கைது செய்தனர். 
தனக்கன்குளம் அரவிந்த் நகரைச் சேர்ந்த கிருஷ்ணன் மகள் கார்த்திகா(19). இவர் தனியார் கல்லூரியில் 3 ஆம் ஆண்டு பி.காம் படிக்கிறார். இவர் செவ்வாய்க்கிழமை கல்லூரி முடிந்து வீட்டுக்கு நடந்து சென்று கொண்டிருந்தார். அப்போது அரவிந்த் நகர் அருகே இளைஞர் ஒருவர் கார்த்திகாவின் கழுத்தில் அணிந்திருந்த 3 பவுன் தங்கச் சங்கிலியைப் பறிக்க முயன்றார். 
 இதையடுத்து அவர் கூச்சலிடவே, அருகில் இருந்தோர் விரட்டிச் சென்று இளைஞரை பிடித்து ஆஸ்டின்பட்டி போலீஸாரிடம் ஒப்படைத்தனர். 
போலீஸாரின் விசாரணையில் இளைஞர் கப்பலூரைச் சேர்ந்த தினேஷ்(29)எனத் தெரிந்த்து. இது குறித்து வழக்குப் பதிவு செய்து தினேஷை போலீஸார் கைது செய்தனர்.

]]>
http://www.dinamani.com/all-editions/edition-madurai/madurai/2018/nov/21/கல்லூரி-மாணவியிடம்--நகை-பறித்த-இளைஞர்-கைது-3042947.html
3042946 மதுரை மதுரை சோழவந்தானில் நவம்பர் 22 மின்தடை DIN DIN Wednesday, November 21, 2018 10:20 AM +0530 சோழவந்தான் பகுதியில் வியாழக்கிழமை (நவ. 22) மின்தடை ஏற்படும் என அறிவிக்கப்பட்டுள்ளது. 
இதுகுறித்து சமயநல்லூர் செயற்பொறியாளர் வெளியிட்டுள்ள செய்திக்குறிப்பு: சோழவந்தான் துணை மின் நிலையத்தில் வியாழக்கிழமை மாதாந்திர பராமரிப்புப் பணிகள் நடைபெறுவதால் சோழவந்தான், தச்சம்பத்து, திருவேடகம், மேலக்கால், கச்சிராயிருப்பு, நாராயணபுரம், ஊத்துக்குளி, தென்கரை, முள்ளிப்பள்ளம், மன்னாடிமங்கலம், காடுபட்டி, இரும்பாடி, ஆலங்கொட்டாரம், ரிசபம், ராயபுரம், சோழவந்தான் மற்றும் நகரி தொழிற்சாலைகள் உள்ளிட்ட பகுதிகளில் அன்றைய தினம் காலை 9 மணி முதல் பிற்பகல் 2 மணிவரை மின் விநியோகம் தடைபடும் என தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/madurai/2018/nov/21/சோழவந்தானில்-நவம்பர்-22-மின்தடை-3042946.html
3042945 மதுரை மதுரை மனிதக் கழிவுகளை கையால் அகற்றும் பணியை நிறுத்த வேண்டும்: தீண்டாமை ஒழிப்பு முன்னணி மாநாட்டில் தீர்மானம் DIN DIN Wednesday, November 21, 2018 10:20 AM +0530 மனிதக் கழிவுகளை கையால் அகற்றும் பணியை முழுமையாக நிறுத்த வேண்டும் என தமிழ்நாடு தீண்டாமை ஒழிப்பு முன்னணியின் மதுரை மாவட்ட மாநாடு வலியுறுத்தியுள்ளது.
தமிழ்நாடு தீண்டாமை ஒழிப்பு முன்னணியின் மதுரை மாவட்ட 3-ஆவது மாநாடு வாடிப்பட்டியில் செவ்வாய்க்கிழமை நடைபெற்றது. மாவட்டத் தலைவர் எம்.பாலசுப்பிரமணியன் தலைமை வகித்தார். தீண்டாமை ஒழிப்பு முன்னணியின் மாநிலச் செயலர் க.சுவாமிநாதன் தொடக்கி வைத்தார். எழுத்தாளர் ஸ்டாலின் ராஜாங்கம் கருத்துரையாற்றினார். தீண்டாமை ஒழிப்பு முன்னணியின் மாநிலப் பொதுச் செயலர் கே.சாமுவேல்ராஜ் நிறைவுரையாற்றினார். 
மாநாட்டில் கையால் மனிதக்கழிவுகளை அகற்றும் பணியை முழுமையாக நிறுத்த வேண்டும். பாதாள சாக்கடை மரணங்களை தடுக்க இயந்திரங்களைப் பயன்படுத்த வேண்டும். மாவட்டத்தில் உள்ள அரசு ஆதிதிராவிடர் பள்ளிகளில் காலியாக உள்ள ஆசிரியர் பணியிடங்களை உடனடியாக நிரப்ப வேண்டும்,  சாதி மறுப்புத் திருமணம் செய்து கொண்டவர்களுக்குச் சாதி மறுத்தவர்கள் எனச் சான்றிதழ் வழங்கவேண்டும். சாதி மறுப்பு திருமணம் செய்பவர்களுக்கு வழங்கப்படும் உதவித் தொகையை உயர்த்தி வழங்க வேண்டும்.
பஞ்சமி நிலங்களை மீட்டு பயனாளிகளுக்கு வழங்க வேண்டும். மதுரை மாநகராட்சி உள்பட மதுரை மாவட்டத்தில் உள்ள அனைத்து நகராட்சி, பேரூராட்சிகளில் தற்போதுள்ள எஸ்.சி, எஸ்.டி மக்கள் தொகை அடிப்படையில் வார்டுகளை ஒதுக்கீடு செய்யவேண்டும். குறைவான மாணவர்கள் எனக் காரணம் காட்டி அரசுப் பள்ளிகளை மூடுவதைக் கைவிடவேண்டும். சாதி ஆணவப் படுகொலைகளை தடுக்க தனிச்சட்டம் இயற்ற வேண்டும் என்பன தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-madurai/madurai/2018/nov/21/மனிதக்-கழிவுகளை-கையால்-அகற்றும்-பணியை-நிறுத்த-வேண்டும்-தீண்டாமை-ஒழிப்பு-முன்னணி-மாநாட்டில்-தீர்மானம-3042945.html
3042944 மதுரை மதுரை சாலைகளில் குப்பைகளைக் கொட்டிய  கடைகளுக்கு ரூ. 1.34 லட்சம் அபராதம் DIN DIN Wednesday, November 21, 2018 10:20 AM +0530 மதுரை மாநகராட்சிப் பகுதி சாலைகளில் குப்பைகளைக் கொட்டிய கடைகளுக்கு செவ்வாய்க்கிழமை ரூ. 1.34 லட்சம் அபராதம் விதிக்கப்பட்டுள்ளது.
மதுரை மாநகராட்சி ஆணையர் அனீஷ்சேகர் உத்தரவின்படி, நான்கு மண்டலப் பகுதிகளிலும், சுகாதார அலுவலர்கள் தலைமையில், சுகாதார ஆய்வாளர்கள் குழு அமைக்கப்பட்டு, இரவு நேரங்களில் கண்காணிப்புப் பணியில் ஈடுபட்டனர்.  அப்போது, மாநகராட்சிப் பகுதியில் உள்ள சில உணவகங்கள், சில சாலையோர உணவகங்கள் போன்றவை குப்பைகளை சாலைகளில் ஆங்காங்கே கொட்டிச் செல்வது கண்டறிப்பட்டு அபராதம் விதிக்கப்பட்டதுடன், எச்சரிக்கை அறிவிப்பும் அளிக்கப்பட்டது.
அதன்படி மண்டலம் 1- இல் 37 கடைகளுக்கு ரூ.20 ஆயிரத்து 500, மண்டலம் 2- இல்  54 கடைகளுக்கு ரூ.30 ஆயிரத்து 500,  மண்டலம் 3-இல் 24 கடைகளுக்கு ரூ. 35 ஆயிரம், மண்டலம் 4- இல் 39 கடைகளுக்கு ரூ. 48 ஆயிரம் என மொத்தம் 154 கடைகளுக்கு ரூ. 1.34 லட்சம் அபராதம் விதிக்கப்பட்டது.
மேலும், சாலையோர உணவகங்களில் குப்பைக் கூடைகள் வைக்குமாறும், சாலைகளில் ஆங்காங்கே குப்பைகளைக் கொட்டக் கூடாது எனவும் அறிவுறுத்தப்பட்டுள்ளது. மீறுவோர் மீது சட்டப்படி கடும் நடவடிக்கை எடுக்கப்படும் எனவும் தெரிவிக்கப்பட்டுள்ளது.
இப்பணியில் சுகாதார அலுவலர்கள் விஜயகுமார், சிவசுப்பிரமணியன், நாகராஜ், ராஜ்கண்ணன் உள்பட சுகாதார ஆய்வாளர்கள் கலந்துகொண்டனர்.

]]>
http://www.dinamani.com/all-editions/edition-madurai/madurai/2018/nov/21/சாலைகளில்-குப்பைகளைக்-கொட்டிய--கடைகளுக்கு-ரூ-134-லட்சம்-அபராதம்-3042944.html
3042943 மதுரை மதுரை "நிவாரணப் பணிகளில் தமிழக அரசு  துரிதம் காட்ட வேண்டும்' DIN DIN Wednesday, November 21, 2018 10:19 AM +0530 நிவாரணப் பணிகளில் தமிழக அரசு துரிதம் காட்ட வேண்டும் என பாஜக மூத்த தலைவர் இல.கணேசன் தெரிவித்துள்ளார்.
திருப்பரங்குன்றம் கோயிலில் சுவாமி தரிசனம் செய்ய வந்த அவர் செய்தியாளர்களிடம் 
செவ்வாய்க்கிழமை கூறியது:   
கஜா புயலை பொறுத்த அளவில் தமிழக அரசு சிறப்பான 
முன்னெச்சரிக்கை நடவடிக்கை எடுத்திருந்தது. இதனை எதிர் கட்சியினர் பாராட்டினர். பின்பு உடனடியாக  மீட்பு நடவடிக்கையை குறைகூறத் தொடங்கிவிட்டனர். 
புயலால் பாதிக்கப் பட்ட மக்கள் அரசிடம் கோரிக்கை வைக்கலாம் .  வன்முறையில்  ஈடுபடக்கூடாது. அதே சமயம், அரசும் மக்களின் கஷ்டத்தை உணர்ந்து விரைவாக நிவாரணம் அளிக்க வேண்டும்.  தங்குமிடம், உணவு, மருத்துவ வசதி, மின்வசதி உள்ளிட்டவைகளும், பாதிக்கப்பட்டவர்களுக்கு நிதி உதவியையும் உடனடியாக, வங்கிகள் மூலமாக வழங்க வேண்டும். 
மாநில அரசிடமிருந்து அறிக்கை வந்தவுடன், அதனடிப்படையில் மத்திய அரசு நிவாரணம் வழங்கும். தமிழக பாஜக சார்பிலும் பாதிப்பு குறித்து மத்திய அரசுக்கு அறிக்கை அனுப்ப உள்ளோம். 
மதுரையில் காட்டு நாயக்கர் சமுதாயத்தை சேர்ந்தவர்களை மதமாற்றம் செய்யும் முயற்சி நடக்கிறது என அவர்கள் மனு அளித்துள்ளனர். அதனை தடுக்க காவல்துறை நடவடிக்கை எடுக்க வேண்டும் என்றார்.  அவருடன் மாநில துணைத் தலைவர் சு.நாகராஜன், மாநில செயலர் சீனிவாசன், மாவட்ட தலைவர் சுசீந்திரன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-madurai/madurai/2018/nov/21/நிவாரணப்-பணிகளில்-தமிழக-அரசு--துரிதம்-காட்ட-வேண்டும்-3042943.html
3042942 மதுரை மதுரை பெரியாறு பாசனப் பகுதிக்கு தண்ணீர் திறக்கக் கோரி சிவகங்கை மாவட்ட விவசாயிகள் முற்றுகை போராட்டம் DIN DIN Wednesday, November 21, 2018 10:19 AM +0530 சிவகங்கை மாவட்ட பெரியாறு பாசனப் பகுதிக்கு தண்ணீர் திறக்க வலியுறுத்தி முன்னாள் சட்டப் பேரவை உறுப்பினர்கள் தலைமையில் மதுரை பொதுப்பணித் துறை அலுவலகம் முன்பு சிவகங்கை மாவட்ட விவசாயிகள் செவ்வாய்க்கிழமை போராட்டம் நடத்தினர்.
பெரியாறு பாசனத் திட்டத்தில் சிவகங்கை மாவட்டத்தில் 136 கண்மாய்களில் 6,036 ஏக்கர் நிலங்கள் பாசனம் பெறுகின்றன.  பெரியாறு பிரதான கால்வாயில் மேலூரில் இருந்து சிவகங்கை மாவட்டப் பகுதிகளுக்கு தண்ணீர் திறக்கப்படுவது வழக்கம். 
இந்நிலையில்,  பெரியாறு பாசனத் திட்டத்தில் சிவகங்கை மாவட்டப் பகுதிகள் தொடர்ந்து புறக்கணிக்கப்படுவதாகக் கூறி, சிவகங்கை மாவட்ட பெரியாறு பாசன விவசாயிகள் சங்கம் மற்றும் ஒருங்கிணைந்த ஐந்து மாவட்ட பெரியாறு வைகை பாசன விவசாயிகள் சங்கம் பொதுப்பணித் துறை தலைமைப் பொறியாளர் அலுவலக முற்றுகைப் போராட்டத்தை அறிவித்தது.
 இதன்படி,  மதுரை தமுக்கம் மைதானம் பேருந்து நிறுத்தம் அருகில் இருந்து ஊர்வலமாக வந்து,  தல்லாகுளத்தில் உள்ள பொதுப்பணித் துறை அலுவலகத்தை முன்னாள் சட்டப்பேரவை உறுப்பினர்கள் குணசேகரன்,  ஆர்.அண்ணாதுரை ஆகியோர் தலைமையில் 100-க்கும் மேற்பட்ட விவசாயிகள்  செவ்வாய்க்கிழமை முற்றுகையிட்டனர்.
முல்லைப் பெரியாறு அணையில் இருந்து  மேலூர் ஒருபோகப் பகுதிக்கு தண்ணீர் திறக்கும்போது 6-ஆவது கால்வாயில் சிவகங்கை மாவட்டத்துக்கு தண்ணீர் திறக்கப்படும். நிகழ் ஆண்டில் ஆகஸ்ட் 20-ஆம் தேதி தண்ணீர் திறக்கப்பட்ட நிலையில்,  சிவகங்கை பகுதி கால்வாய்க்கு தண்ணீர் வரவில்லை. தொடர்ந்து பல ஆண்டுகளாக இதே நிலை தான் நீடித்து வருகிறது.
நிகழ் ஆண்டில் பெரியாறு அணை  நிர்ணயிக்கப்பட்டுள்ள முழு அளவை இருமுறை அடைந்தபோதும்கூட கடைமடை பகுதியான சிவகங்கைக்கு தண்ணீர் கிடைக்கவில்லை. முறையான திட்டமிடல் இல்லாமல் பொதுப்பணித் துறையினர் செயல்பட்டு வருவதே இதற்கு காரணம் என்று போராட்டத்தில் ஈடுபட்ட விவசாயிகள் அதிருப்தி தெரிவித்தனர். பெரியாறு பாசனத்தில் சிவகங்கை மாவட்டத்தை தொடர்ந்து புறக்கணித்து வருவதாகப் பொதுப்பணித் துறையினருக்கு எதிர்ப்புத் தெரிவித்து கோஷம் எழுப்பினர். 
பின்னர் போராட்டத்தில் ஈடுபட்ட விவசாயிகளை அழைத்துப் பொதுப்பணித்துறை அதிகாரிகள் பேச்சு நடத்தினர். பெரியாறு பாசனத்தின் சிவகங்கை மாவட்டப் பகுதிக்குத் தண்ணீர் திறக்க நடவடிக்கை எடுக்கப்படும் என உறுதி அளிக்கப்பட்டதையடுத்து விவசாயிகள் கலைந்து சென்றனர்.

]]>
http://www.dinamani.com/all-editions/edition-madurai/madurai/2018/nov/21/பெரியாறு-பாசனப்-பகுதிக்கு-தண்ணீர்-திறக்கக்-கோரி-சிவகங்கை-மாவட்ட-விவசாயிகள்-முற்றுகை-போராட்டம்-3042942.html
3042035 மதுரை மதுரை பாஜக நிர்வாகி மீது காவல் ஆணையரிடம் புகார் DIN DIN Tuesday, November 20, 2018 06:24 AM +0530 சமூக வலைதளத்தில் அவதூறாக பதிவிட்ட பாஜக நிர்வாகி மீது நடவடிக்கை எடுக்க வலியுறுத்தி பாப்புலர் பிரண்ட் ஆப் இந்தியா அமைப்பினர், மாநகரக்காவல் ஆணையரிடம் திங்கள்கிழமை புகார் அளித்தனர்.
பாப்புலர் பிரண்ட் ஆப் இந்தியா அமைப்பின் மதுரை மாவட்ட செயலர் இத்ரிஸ் தலைமையிலான நிர்வாகிகள், மதுரை மாநகரக் காவல் ஆணையர் எஸ்.டேவிட்சன் தேவாசீர்வாதத்திடம் புகார் அளித்தனர். அதில் முகநூலில், முகமது நபிகள் தொடர்பாக  சென்னையைச் சேர்ந்த பாஜக நிர்வாகி ஒருவர் தொடர்ந்து அவதூறு பரப்பி வருவதாகவும், அவர் மீது நடவடிக்கை எடுக்க வேண்டும் எனவும் தெரிவித்திருந்தனர். 
மேலும் அந்த முகநூல் பக்கங்களையும் முடக்க வேண்டும் எனவும் தெரிவித்திருந்தனர்.
 

]]>
http://www.dinamani.com/all-editions/edition-madurai/madurai/2018/nov/20/பாஜக-நிர்வாகி-மீது-காவல்-ஆணையரிடம்-புகார்-3042035.html
3042034 மதுரை மதுரை நிலையூர் - கம்பிக்குடி கால்வாயில் மழைநீர்  8 ஆண்டுகளுக்கு பின் கண்மாய்கள் நிறைந்தன DIN DIN Tuesday, November 20, 2018 06:24 AM +0530 திருப்பரங்குன்றம் அருகே உள்ள நிலையூர்-கம்பிக்குடி நீட்டிப்பு கால்வாயில் 8 ஆண்டுகளுக்கு பின் மழைநீர் பெருக்கெடுத்து ஓடுவதால் இப்பகுதியில் உள்ள கண்மாய்கள் நிறைந்து வருகின்றன. இதனால் கிராம மக்கள், விவசாயிகள் மகிழ்ச்சியடைந்துள்ளனர்.
 நிலையூர் கம்பிக்குடி நீட்டிப்பு கால்வாய் மூலம் மதுரை மற்றும் விருதுநகர் மாவட்டங்களுக்கு உள்பட்ட பகுதிகளில் 71 கண்மாய்களுக்கு தண்ணீர் செல்லும். இதில், திருப்பரங்குன்றம் தொகுதிக்கு உள்பட்ட பகுதியில் மட்டும் 21 கண்மாய்கள் உள்ளன. கடந்த மாதம் பெய்த தொடர் மழை காரணமாக திருப்பரங்குன்றம் பகுதியில் உள்ள தென்கால், நிலையூர், பானாங்குளம், குறுக்கிட்டான் உள்ளிட்ட பல்வேறு கண்மாய்கள் நிறைந்துள்ளன.
இந்நிலையில், நிலையூர் நீட்டிப்பு கால்வாயில் அதிகளவில் மழைநீர் பெருக்கெடுத்து ஓடுகிறது. இதனால் 8 ஆண்டுகளுக்குப் பின், தற்போது நிலையூர் கண்மாய் முழுகொள்ளளவை எட்டியுள்ளது.
இதையடுத்து நிலையூர் கம்பிக்குடி நீட்டிப்பு கால்வாய் மூலம் அய்யாபட்டி, தொட்டியபட்டி, வளையபட்டி உள்ளிட்ட 10-க்கும் மேற்பட்ட கண்மாய்கள் நிறைந்து மறுகால் பாய்ந்து வருகிறது. இதனால் இப்பகுதி பொதுமக்கள் மற்றும் விவசாயிகள் மகிழ்ச்சியடைந்துள்ளனர். மேலும் விவசாயப் பணிகளையும் தொடங்கியுள்ளனர். 
தொடர்ந்து மழை பெய்யும் பட்சத்தில் நிலையூர் கம்பிக்குடி நீட்டிப்பு கால்வாய் மூலம் மதுரை மாவட்டத்தில் 51 கண்மாய்கள் உள்பட விருதுநகர் மாவட்டம் வரை சுமார் 71 கண்மாய்களுக்கு அடுத்தடுத்து தண்ணீர் செல்லும் என பொதுப்பணித்துறையினர் தெரிவித்தனர். 

]]>
http://www.dinamani.com/all-editions/edition-madurai/madurai/2018/nov/20/நிலையூர்---கம்பிக்குடி-கால்வாயில்-மழைநீர்--8-ஆண்டுகளுக்கு-பின்-கண்மாய்கள்-நிறைந்தன-3042034.html
3042033 மதுரை மதுரை பைக் மீது கார் மோதியதில் இளைஞர் சாவு DIN DIN Tuesday, November 20, 2018 06:24 AM +0530 ஆஸ்டின்பட்டி அருகே நான்கு வழிச்சாலையில்  இருசக்கர வாகனம் மீது கார் மோதிய விபத்தில் இளைஞர் உயிரிழந்தது குறித்து போலீஸார் விசாரிக்கின்றனர். 
  மதுரை நாகமலை புதுக்கோட்டை பகுதியைச் சேர்ந்தவர் அருண் தமிழரசன். உயர்நீதிமன்ற அரசு வழக்குரைஞர். இவரது மகன் பாலாஸ்ரீஹரி (22). அருண் தமிழரசனின் தம்பி சக்திவேல். இவர் மலேசிய குடியுரிமை பெற்றவர். இவரது மகன் திபின்குமார்(18). இவர் விடுமுறைக்காக மலேசியாவிலிருந்து பெரியப்பா அருண் தமிழரசன் வீட்டுக்கு வந்துள்ளார்.
 இந்நிலையில் பாலாஸ்ரீஹரியும், திபின்குமாரும் ஞாயிற்றுக்கிழமை இரவு இருசக்கர வாகனத்தில் நான்கு வழிச்சாலை பகுதியில் வந்துகொண்டிருந்தனர். தனக்கன்குளம் பிரிவு அருகே வந்தபோது, விருதுநகரில் இருந்து மதுரை நோக்கி வந்த கார், இருசக்கர வாகனம் மீது மோதியது. இதில், இருவரும் பலத்த காயமடைந்தனர். அதையடுத்து சம்பவ இடத்துக்கு வந்த ஆஸ்டின்பட்டி போலீஸார் இருவரையும் மீட்டு, மதுரை அரசு மருத்துவமனைக்கு அனுப்பி வைத்தனர். ஆனால், மருத்துவமனைக்கு செல்லும் வழியிலேயே திபின்குமார் உயிரிழந்தார்.பாலாஸ்ரீஹரி தொடர்ந்து சிகிச்சை பெற்று வருகிறார்.

]]>
http://www.dinamani.com/all-editions/edition-madurai/madurai/2018/nov/20/பைக்-மீது-கார்-மோதியதில்-இளைஞர்-சாவு-3042033.html
3042032 மதுரை மதுரை பன்றிக் காய்ச்சல்: குழந்தை, பெண் சாவு DIN DIN Tuesday, November 20, 2018 06:23 AM +0530 மதுரை அரசு மற்றும் தனியார் மருத்துவமனைகளில் பன்றிக்காய்ச்சலுக்கு சிகிச்சை பெற்று வந்த குழந்தை, பெண் திங்கள்கிழமை உயிரிழந்தனர்.
திண்டுக்கல் மாவட்டம், சாணார்பட்டியைச் சேர்ந்தவர் சுல்தான் பேகம் (28). இவர், கடந்த வாரம் காய்ச்சலால் பாதிக்கப்பட்ட நிலையில் மதுரை அரசு மருத்துவமனையில் சேர்க்கப்பட்டார். 
மருத்துவப் பரிசோதனையில்  சுல்தான் பேகத்துக்கு பன்றிக்காய்ச்சல் பாதிப்பு இருப்பது தெரியவந்தது. இதையடுத்து அவர், தனி வார்டில் சேர்க்கப்பட்டு, சிகிச்சை அளிக்கப்பட்டு வந்தது.  இந்நிலையில் திங்கள்கிழமை அதிகாலையில் சிகிச்சை பலனின்றி சுல்தான் பேகம் உயிரிழந்தார்.
இதேபோல், மதுரை பொன்னகரத்தைச் சேர்ந்த ஜஸ்வித் (2) என்ற ஆண் குழந்தை காய்ச்சலால் பாதிக்கப்பட்டு, மதுரையில் உள்ள தனியார் மருத்துவமனையில் சேர்க்கப்பட்டது. அங்கு பரிசோதனையில் குழந்தைக்கு பன்றிக் காய்ச்சல் இருப்பது தெரியவந்தது. 
இதையடுத்து தீவிர சிகிச்சை அளித்தும் பலனின்றி திங்கள்கிழமை இரவு குழந்தை ஜஸ்வித் இறந்தது.
 மதுரை அரசு மருத்துவமனையில் திங்கள்கிழமை நிலவரப்படி காய்ச்சல் பாதிப்புடன் 65 பேரும், பன்றிக் காய்ச்சல் உறுதி செய்யப்பட்ட 9 பேரும் சிகிச்சை பெற்று வருவதாக மருத்துவமனை நிர்வாகம் தெரிவித்துள்ளது.
 

]]>
http://www.dinamani.com/all-editions/edition-madurai/madurai/2018/nov/20/பன்றிக்-காய்ச்சல்-குழந்தை-பெண்-சாவு-3042032.html
3042031 மதுரை மதுரை சாலை வசதி: பள்ளி மாணவர்கள், பொதுமக்கள் ஆட்சியரிடம் மனு DIN DIN Tuesday, November 20, 2018 06:23 AM +0530 மதுரை மாவட்டம், அரிட்டாபட்டி அருகே வனத்துறை அனுமதி கிடைக்காததால் சாலை சீரமைப்புப் பணிகள் நீண்டகாலமாக கிடப்பில் போடப்பட்டுள்ளதாக பள்ளி மாணவர்கள், அக்கிராம மக்கள்  ஆட்சியரிடம் புகார் தெரிவித்துள்ளனர்.
இதுதொடர்பான கோரிக்கை மனுவை மாவட்ட ஆட்சியர் ச.நடராஜனிடம் திங்கள்கிழமை அவர்கள் அளித்தனர். அதன் விவரம்: அரிட்டாபட்டி முதல் நரசிங்கம்பட்டி வரை தார்ச் சாலையில் அரசுப் பேருந்து உள்ளிட்ட வாகனங்கள் இயக்கப்பட்டு வருகின்றன. இதில், 1.5 கி.மீ. மட்டும் பெருமாள் மலை வழியாகச் செல்கிறது. இச் சாலையில் சீரமைப்புப் பணிகள் நடைபெற்றுவரும் நிலையில் பெருமாள் மலைப் பகுதியில் மட்டும் பணிகள் நடைபெறவில்லை. மேற்படி 1.5 கி.மீ. தொலைவுக்கு நெடுஞ்சாலைத் துறையினர், ரூ.9 லட்சத்தை செலுத்தி வனத்துறையிடம் உரிய அனுமதியைப் பெறவில்லை என கூறுகின்றனர். இதனால் சாலைப் பணி கிடப்பில் போடப்பட்டுள்ளது. எனவே, இதுகுறித்து உரிய நடவடிக்கை எடுக்க வேண்டும் என வலியுறுத்தினர்.
பாசனத்துக்கு தண்ணீர்: திருமங்கலம் அருகே சின்ன உலகாணி கிராமத்தில் சுமார் 800 ஏக்கர் விவசாய நிலங்கள் பாசன வசதி இல்லாமல் உள்ளன. சின்ன உலகாணியில் இருந்து 1 கி. மீ. தொலைவில் உள்ள கொம்பாடி கிராமம், வைகை கால்வாய் பாசனம் பெறுகிறது.
 அங்கிருந்த எங்களது கிராமத்துக்கான கால்வாய் மறைக்கப்பட்டு அழிந்துபோய்விட்டது. ஆகவே, அந்த கால்வாயை மீட்டு பாசன வசதி ஏற்படுத்தித் தரவேண்டும் என சின்ன  உலகாணி கிராமத்தினர் ஆட்சியரிடம் கோரிக்கை மனு அளித்தனர். 
இதேபோல், கூடக்கோவில் பகுதியைச் சேர்ந்த விவசாயிகள், நிலையூர் கால்வாயில் இருந்து கம்பிக்குடி வரை செல்லும் நீட்டிப்பு கால்வாயில் தண்ணீர் திறக்க வேண்டும் எனக் கோரி மனு அளித்தனர்.
ஆக்கிரமிப்புகளை அகற்றக் கோரி: உசிலம்பட்டி வட்டம், கருமாத்தூர் அருகே உள்ள வடக்கம்பட்டி காலனியில் 60 குடும்பத்தினர் வசித்து வருகின்றனர். ஆதிதிராவிடர் நலத்துறையால் வழங்கப்பட்ட இந்த நிலத்துக்கு பத்திரம் மட்டுமே உள்ளது. இந்நிலையில், எங்களது குடியிருப்புகளைச் சுற்றியுள்ள பகுதிகளை ஆக்கிரமித்து வருகின்றனர். ஆகவே, எங்களது நிலங்களுக்கு பட்டா வழங்கவும், ஆக்கிரமிப்புகளை அகற்றவும் நடவடிக்கை எடுக்க வேண்டும் என வடக்கம்பட்டி காலனியைச் சேர்ந்த பொதுமக்கள் மனு அளித்தனர். 
இதேபோல பல்வேறு கோரிக்கைகளை வலியுறுத்தி  திங்கள்கிழமை நடந்த குறைதீர் கூட்டத்தில் ஆட்சியரிடம் 351 மனுக்கள் அளிக்கப்பட்டன. மாற்றுத் திறனாளிகள் நலத்துறை சார்பில் 3 பேருக்கு முதியோர் உதவித் தொகை வழங்குவதற்கான உத்தரவையும், நலிவுற்ற கலைஞர்கள் 22 பேருக்கு உதவித் தொகையையும் ஆட்சியர் ச.நடராஜன் வழங்கினார்.
 

]]>
http://www.dinamani.com/all-editions/edition-madurai/madurai/2018/nov/20/சாலை-வசதி-பள்ளி-மாணவர்கள்-பொதுமக்கள்-ஆட்சியரிடம்-மனு-3042031.html
3042030 மதுரை மதுரை மத்திய அரசு ஊழியரிடம் 15 பவுன் நகைகள் திருட்டு DIN DIN Tuesday, November 20, 2018 06:23 AM +0530 மதுரை ஆரப்பாளையம் பேருந்து நிலையத்தில், மத்திய அரசு ஊழியரிடம் 15 பவுன் நகைகளை மர்ம நபர்கள் திருடிச் சென்றது குறித்து போலீஸார் திங்கள்கிழமை வழக்குப்பதிவு செய்துள்ளனர்.
நீலகிரி மாவட்டம், உதகையில் உள்ள வானிலை ஆராய்ச்சி மையத்தில் பொறியாளராக பணியாற்றி வருபவர் கல்யாணசுந்தரம். இவர், கடந்த மார்ச் மாதம் மதுரை வந்தபோது பேருந்தில் 15 பவுன் நகைப் பையை பேருந்து இருக்கையில் வைத்துள்ளார். பேருந்து புறப்படத் தயாரான போது, கல்யாணசுந்தரம் வைத்திருந்த நகைப் பையை மர்ம நபர்கள் திருடிச்சென்றனர். இது குறித்த புகாரின்பேரில் கரிமேடு போலீஸார் விசாரணை நடத்தி வந்தனர். இந்நிலையில் இப்புகாரின் மீது போலீஸார் திங்கள்கிழமை வழக்குப்பதிவு செய்துள்ளனர்.
 

]]>
http://www.dinamani.com/all-editions/edition-madurai/madurai/2018/nov/20/மத்திய-அரசு-ஊழியரிடம்-15-பவுன்-நகைகள்-திருட்டு-3042030.html
3042029 மதுரை மதுரை விரகனூர், அனுப்பானடி பகுதிகளில் அடிப்படை வசதிகள் மாவட்ட ஆட்சியர், மாநகராட்சி ஆணையர் பதிலளிக்க உத்தரவு DIN DIN Tuesday, November 20, 2018 06:23 AM +0530 மதுரை விரகனூர், அனுப்பானடி பகுதிகளில் அடிப்படை வசதிகளுக்கான நடவடிக்கைகள் தொடர்பாக மதுரை மாவட்ட ஆட்சியர், மாநகராட்சி ஆணையர் ஆகியோர் பதிலளிக்குமாறு சென்னை உயர்நீதிமன்ற மதுரைக்கிளை திங்கள்கிழமை உத்தரவிட்டுள்ளது.
மதுரை தெப்பக்குளம் மாரியம்மன் கோயில் மற்றும் அதனைச் சுற்றி உள்ள விரகனூர், அனுப்பானடி, காமராஜர் சாலை, அண்ணாநகர், பங்கஜம் காலனி ஆகிய பகுதிகளில் குடியிருப்போர் பயன்பெறும் வகையில் பூங்காக்கள், விளையாட்டு மைதானம் எதுவும் இல்லை. மதுரை மீனாட்சி அம்மன் கோயிலுக்கு சொந்தமான தெப்பக்குளம் மாரியம்மன் கோயில் காலி இடங்கள் மற்றும் தெப்பக்குளம் அருகே உள்ள காலி இடங்களில் தற்காலிக கடைகளுக்கு அனுமதி வழங்கப்பட்டுள்ளது. 
தெப்பக்குளம் மாரியம்மன் கோயிலின் இருசக்கர வாகனங்கள் நிறுத்துமிடத்தில் அதிக கட்டணம் வசூலிக்கப்படுகிறது. அதை தடுப்பதற்கு எவ்வித நடவடிக்கையும் எடுக்கப்படவில்லை. மேலும் குடிநீர், கழிப்பறை உள்ளிட்ட அடிப்படை வசதிகளும் இல்லை. இதுகுறித்து நாளிதழில் செய்தி வெளியானதைத் தொடர்ந்து  உயர்நீதிமன்ற மதுரை கிளை தாமாக முன் வந்து பொது நல மனுவாக விசாரணைக்கு ஏற்றுக் கொண்டது.  
இந்த மனு, நீதிபதிகள் கே.கே.சசிதரன், பி.டி.ஆதிகேசவலு ஆகியோர் அடங்கிய அமர்வு முன்பு திங்கள்கிழமை விசாரணைக்கு வந்தது. அப்போது தெப்பகுளம் மாரியம்மன் கோயில் வாகன காப்பகத்தில் கூடுதல் கட்டணம் வசூல் செய்யப்படுவது குறித்தும், விரகனூர், அனுப்பானடி உள்ளிட்ட பகுதிகளில் பூங்கா, குடிநீர், கழிப்பறை உள்ளிட்ட அடிப்படை வசதிகள் தொடர்பாக மேற்கொள்ளப்பட்டுள்ள நடவடிக்கைகள் குறித்து மதுரை மாவட்ட ஆட்சியர்,  மாநகராட்சி ஆணையர், மதுரை மீனாட்சி அம்மன் கோயில் இணை ஆணையர் ஆகியோர் பதிலளிக்குமாறு நீதிபதிகள் உத்தரவிட்டனர். மேலும், இந்த வழக்கு விசாரணையை வரும் 26 ஆம் தேதிக்கு ஒத்தி வைத்தனர்.
 

]]>
http://www.dinamani.com/all-editions/edition-madurai/madurai/2018/nov/20/விரகனூர்-அனுப்பானடி-பகுதிகளில்-அடிப்படை-வசதிகள்மாவட்ட-ஆட்சியர்-மாநகராட்சி-ஆணையர்-பதிலளிக்க-உத்தரவ-3042029.html
3042028 மதுரை மதுரை மதுரை ரயில் நிலையத்தில் ஊழல் தடுப்பு அதிகாரிகள் விசாரணை DIN DIN Tuesday, November 20, 2018 06:22 AM +0530 மதுரை ரயில் நிலையத்தின் சரக்குகள் அனுப்பும் பிரிவில் ஊழல் தடுப்புப் பிரிவு அதிகாரிகள் திங்கள்கிழமை விசாரணை நடத்தினர்.
மதுரை ரயில் நிலையத்தில் இருந்து சரக்குகள் அனுப்பும் பிரிவில் முறைகேடுகள் நடப்பதாகப் பெறப்பட்ட ஊழல் தடுப்புப் பிரிவுக்கு புகார்கள் சென்றன. இதையடுத்து, சென்னையில் இருந்து வந்த அதிகாரிகள் திங்கள்கிழமை ரயில் நிலைய சரக்குகள் அனுப்பும் பிரிவில் விசாரணை நடத்தினர். 
அப்போது, சரக்குகள் பதிவு ஆவணம் உள்ளிட்ட  பல்வேறு ஆவணங்களை அவர்கள் ஆய்வு செய்தனர். இந்த விசாரணை திங்கள்கிழமை நள்ளிரவு வரை நீடித்ததாக ரயில்வே வட்டாரங்கள் தெரிவித்தன.
 

]]>
http://www.dinamani.com/all-editions/edition-madurai/madurai/2018/nov/20/மதுரை-ரயில்-நிலையத்தில்-ஊழல்-தடுப்பு-அதிகாரிகள்-விசாரணை-3042028.html
3042027 மதுரை மதுரை கஜா புயல் சீரமைப்புப் பணி: நாகை, திண்டுக்கல் மாவட்டங்களுக்கு உசிலம்பட்டி மின் ஊழியர்கள் பயணம்   DIN DIN Tuesday, November 20, 2018 06:22 AM +0530 கஜா புயலால் பாதிக்கப்பட்ட நாகை, திண்டுக்கல் மாவட்டங்களில் மின்வாரிய சீரமைப்புப் பணிக்காக உசிலம்பட்டி கோட்டத்தில் இருந்து மின்வாரிய பணியாளர்கள் 97 பேர் திங்கள்கிழமை 
சென்றனர்.
 கஜா புயலால் தமிழகத்தில் பல்வேறு மாவட்டங்களில் பெரும் சேதம் ஏற்பட்டுள்ளது. இதில், மின்வாரிய சேதங்களை சீரமைக்க  உசிலம்பட்டி 
கோட்டத்தில் இருந்து பல்வேறு பகுதிகளுக்கு மின் ஊழியர்கள் சென்றனர்.
 உதவி மின் பொறியாளர் (ஊரகம்) பாலாஜி தலைமையில் 57 பேர் கொண்ட நிரந்தர பணியாளர்கள், அரசுப் பேருந்து மூலம் நாகப்பட்டினம் சென்றனர். உத்தப்பநாயக்கனூர் உதவி மின் பொறியாளர் கிருஷ்ணமூர்த்தி தலைமையில் 40 பேர் கொண்ட ஒப்பந்த பணியாளர்கள் 2 வேன் மூலம் திண்டுக்கல் சென்றனர்.
 ஏற்கனவே வெள்ளிக்கிழமை இரவு உதவி செயற்பொறியாளர், உதவி மின் பொறியாளர் ஆகியோரின் தலைமையில் 80 பேர் கொண்ட ஒப்பந்த பணியாளர்கள் தஞசாவூர், சிவகங்கை மாவட்டங்களுக்கு மின் நிவாரணப் பணிக்கு சென்றனர்.


 

]]>
http://www.dinamani.com/all-editions/edition-madurai/madurai/2018/nov/20/கஜா-புயல்-சீரமைப்புப்-பணி-நாகை-திண்டுக்கல்-மாவட்டங்களுக்கு-உசிலம்பட்டி-மின்-ஊழியர்கள்-பயணம்-3042027.html
3042026 மதுரை மதுரை கூட்டுறவு சங்கத்தில் கடன் மோசடி வழக்குப் பதிவு செய்ய போலீஸாருக்கு நீதிமன்றம் உத்தரவு DIN DIN Tuesday, November 20, 2018 06:21 AM +0530 கொட்டாம்பட்டி அருகே உள்ள பள்ளபட்டி தொடக்க வேளாண். கூட்டுறவு சங்கத்தில் நடைபெற்ற கடன் மோசடி தொடர்பாக போலீஸார் வழக்குப் பதிந்து, விசாரிக்குமாறு மேலூர் நீதித்துறை நடுவர்மன்றம் திங்கள்கிழமை உத்தரவிட்டது.
 குருவார்பட்டியைச் சேர்ந்தவர் மாயழகு (52). பள்ளபட்டி தொடக்க வேளாண். கூட்டுறவு வங்கியில் வி.எஸ்.ராமசாமி தலைவராக இருந்தபோது, மாயழகுவின் பெயரில் ரூ.45 ஆயிரத்து 680 கடன் பெற்று மோசடி நடைபெற்றுள்ளது. இதுகுறித்து கொட்டாம்பட்டி காவல் நிலையத்தில் புகார் அளித்தும் நடவடிக்கை எடுக்கவில்லை. அதைத்தொடர்ந்து, மேலூர் நீதித்துறை நடுவர் மன்றத்தில் மாயழகு வழக்குத் தொடர்ந்தார்.
இந்த வழக்கை விசாரித்த நீதித்துறை நடுவர் பழனிவேலு, மாயழகு புகாரின் மீது மோசடி வழக்குப்பதிந்து, விசாரிக்குமாறு கொட்டாம்பட்டி காவல் ஆய்வாளருக்கு உத்தரவிட்டார். அதன்பேரில், போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/madurai/2018/nov/20/கூட்டுறவு-சங்கத்தில்-கடன்-மோசடி-வழக்குப்-பதிவு-செய்ய-போலீஸாருக்கு-நீதிமன்றம்-உத்தரவு-3042026.html
3042025 மதுரை மதுரை கர்ப்பிணி மர்மச் சாவு DIN DIN Tuesday, November 20, 2018 06:21 AM +0530 மதுரையில் வீட்டில் தனியாக இருந்த கர்ப்பிணி திங்கள்கிழமை மர்மமான முறையில் இறந்தது குறித்து போலீஸார் விசாரித்து வருகின்றனர்.
 மதுரை  காமராஜபுரத்தை சேர்ந்த கார் ஓட்டுநர் ராஜ்குமார் (40). இவரது மனைவி முத்துப்பேச்சி (34). ராஜ்குமார் திங்கள்கிழமை வழக்கம்போல் வேலைக்குச் சென்றுவிட்டாராம். ஏழு மாத கர்ப்பிணியாக இருந்த முத்துப்பேச்சி வீட்டில் தனியாக இருந்துள்ளார். காலையில் இருந்தே வீடு பூட்டி இருந்துள்ளது. 
இந்நிலையில், அவர்களது உறவினர்கள் திங்கள்கிழமை இரவு வீட்டுக்கு வந்து கதவைத் தட்டியுள்ளனர். நீண்டநேரம் ஆகியும் கதவு திறக்கப்படாததால், கதவை உடைத்து உள்ளே சென்று பார்த்தனர். அங்கு முத்துபேச்சி வாயிலிருந்து ரத்தம் வெளியேறிய நிலையில் இறந்து கிடந்துள்ளார். இதையடுத்து, கணவர் ராஜ்குமாரை தொடர்பு கொள்ள முயன்றபோது, அவரது செல்லிடப்பேசி அணைத்து வைக்கப்பட்டிருந்தது. 
இதுபற்றி தகவல் அறிந்த கீரைத்துறை போலீஸார் அங்கு சென்று, முத்துப்பேச்சியின் சடலத்தை மீட்டு பிரேதப் பரிசோதனைக்காக அரசு ராஜாஜி மருத்துவமனைக்கு அனுப்பி வைத்தனர். ராஜ்குமாரைத் தொடர்பு கொள்ள முடியாததால், முத்துப்பேச்சியை கொலை செய்துவிட்டு அவர் தப்பி சென்றிருக்கலாம் என போலீஸார் சந்தேகிக்கின்றனர். 
இதுதொடர்பாக கீரைத்துறை போலீஸார் வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/madurai/2018/nov/20/கர்ப்பிணி-மர்மச்-சாவு-3042025.html
3042024 மதுரை மதுரை மேலூர் அருகே மர்மக் காய்ச்சலுக்கு  பெண் சாவு DIN DIN Tuesday, November 20, 2018 06:20 AM +0530 மேலூர் அருகே மர்மக் காய்ச்சலால் பாதிக்கப்பட்ட பெண், மதுரை அரசு மருத்துவமனையில் சிகிச்சை பலனின்றி ஞாயிற்றுக்கிழமை இரவு உயிரிழந்தார்.
மேலூர் அருகே உள்ள சாளக்கிபட்டி கிராமத்தைச் சேர்ந்தவர் ராஜபாண்டி. இவரது மனைவி வீரசிகாமணி (27). இவர் கடந்த சில நாள்களாக காய்ச்சலால் பாதிக்கப்பட்டு, மேலூரில் உள்ள தனியார் மருத்துவமனையில் சேர்க்கப்பட்டார்.
அங்கு அவரை பரிசோதித்த மருத்துவர்கள், வீரசிகாமணியை மதுரை அரசு மருத்துவமனையில் சேர்க்குமாறு அறிவுறுத்தினர்.
அதன்பேரில், மதுரை அரசு மருத்துவமனையில் சேர்க்கப்பட்ட அவர், அங்கு சிகிச்சை பலனின்றி உயிரிழந்தார். காய்ச்சல் மற்றும் சளி காரணமாக மூச்சுத் திணறல் ஏற்பட்டு வீரசிகாமணி இறந்ததாக மருத்துவர்கள் தெரிவித்ததாக ராஜபாண்டி கூறினார். வீரசிகாமணிக்கு இரு பெண் குழந்தைகள் உள்ளனர். 
மருத்துவ முகாம்: சாளக்கிபட்டி கிராமத்தில் திங்கள்கிழமை மருத்துவ முகாம் நடைபெற்றது. காய்ச்சல் பாதிப்புக்குள்ளானவர்களுக்கு மருந்து, மாத்திரைகள் வழங்கப்பட்டன. கிராமத்தில் தீவிர சுகாதாரப் பணிகளும் மேற்கொள்ளப்பட்டன.

]]>
http://www.dinamani.com/all-editions/edition-madurai/madurai/2018/nov/20/மேலூர்-அருகே-மர்மக்-காய்ச்சலுக்கு--பெண்-சாவு-3042024.html
3042023 மதுரை மதுரை உசிலம்பட்டி சந்தையில் கொத்தவரங்காய் கிலோ ரூ.2க்கு விற்பனை DIN DIN Tuesday, November 20, 2018 06:20 AM +0530 உசிலம்பட்டி சந்தைக்கு கொத்தவரங்காய் வரத்து அதிகரித்துள்ளதால் கிலோ ரூ.2க்கு விற்பனையாகி வருகிறது. இதனால், விவசாயிகள் வேதனையடைந்துள்ளனர்.
உசிலம்பட்டி சுற்று வட்டாரங்களில் உள்ள பல்வேறு கிராமங்களில் கொத்தவரங்காய் அதிக அளவில் பயிரிடப்பட்டுள்ளன. இவற்றை, அப்பகுதி விவசாயிகள் தினமும் உசிலம்பட்டி சந்தைக்கு கொண்டு வந்து ஏல முறையில் விற்பனை செய்கின்றனர். கடந்த சில நாள்களுக்கு முன்,  கிலோ ரூ.12 முதல் 15 வரை விற்ற கொத்தவரங்காய், வரத்து அதிகரிப்பால் தற்போது கிலோ ரூ.2க்கு விற்பனையாகிறது. உசிலம்பட்டி சந்தையிலிருந்து  நாள்தோறும் 20 ஆயிரம் கிலோ கொத்தவரங்காய் மதுரை, திருநெல்வேலி, திருச்சி மற்றும் கேரள மாநிலத்துக்கு அனுப்பப்படும். ஆனால், தற்போது விலை கடுமையாக சரிந்துள்ளதால், பறிப்புக் கூலி கொடுக்க கூட போதுமானதாக இல்லை எனவும், இதே நிலை தொடர்ந்தால் கொத்தவரங்காய்களை ஆடு, மாடுகளுக்கு போடுவது தவிர வேறு வழியில்லை எனவும் விவசாயிகள் கவலை தெரிவித்தனர்.
 

]]>
http://www.dinamani.com/all-editions/edition-madurai/madurai/2018/nov/20/உசிலம்பட்டி-சந்தையில்-கொத்தவரங்காய்-கிலோ-ரூ2க்கு-விற்பனை-3042023.html
3042022 மதுரை மதுரை கண்மாயில் மூழ்கி துப்புரவுத் தொழிலாளி சாவு DIN DIN Tuesday, November 20, 2018 06:20 AM +0530 திருப்பரங்குன்றத்தை அடுத்த தனக்கன்குளம் காமராஜர் நகரைச் சேர்ந்தவர் முத்துசாமி (50). இவர், தனக்கன்குளம் ஊராட்சியில் துப்புரவுத் தொழிலாளியாக பணியாற்றி வந்தார். அதே பகுதியைச் சேர்ந்தவர் சேகர்.
இந்நிலையில், நிலையூர் கண்மாய் பகுதியில் கணேசனுக்கு சொந்தமான வயல் மற்றும் அதன் அருகில் உள்ள குடிசை தண்ணீரில் மூழ்கியதாம். அதையடுத்து, முத்துசாமியும், சேகரும் இணைந்து, கணேசனின் குடிசையில் உள்ள பொருள்களை  எடுத்துவர திங்கள்கிழமை மதியம் கண்மாய்க்குச் சென்றனராம். அப்போது முத்துசாமி எதிர்பாராதவிதமாக தண்ணீரில் மூழ்கி உயிரிழந்தார். சேகர், முத்துச்சாமியின் உடலை சுமந்தபடி கண்மாய் பகுதியில் இருந்து குரல் கொடுத்துள்ளார். உடனடியாக அங்கிருந்தவர்கள் தீயணைப்புத் துறையினருக்கு தகவல் அளித்தனர். அதன்பேரில், மதுரை தீயணைப்பு நிலைய அலுவலர் வெங்கடேசன் தலைமையிலான வீரர்கள் அங்கு சென்று, முத்துசாமியின் சடலத்தையும், தண்ணீரில் தத்தளித்த சேகரையும் மீட்டனர். இதுகுறித்து ஆஸ்டின்பட்டி போலீஸார் வழக்குப்பதிந்து விசாரிக்கின்றனர்.
 

]]>
http://www.dinamani.com/all-editions/edition-madurai/madurai/2018/nov/20/கண்மாயில்-மூழ்கி-துப்புரவுத்-தொழிலாளி-சாவு-3042022.html
3042021 மதுரை மதுரை மீலாது நபி: மதுக்கடைகளுக்கு நாளை விடுமுறை DIN DIN Tuesday, November 20, 2018 06:19 AM +0530 மீலாது நபியையொட்டி மதுரை மாவட்டத்தில் உள்ள மதுக் கடைகளுக்கு புதன்கிழமை (நவ. 21) விடுமுறை அளிக்கப்பட்டுள்ளது என மாவட்ட ஆட்சியர் அறிவித்துள்ளார். அன்றைய தினம் சில்லரை மது விற்பனைக் கடைகள், மனமகிழ் மன்றங்கள், உணவு விடுதியுடன் கூடிய மதுக்கூடங்கள் போன்ற அனைத்து வகை மதுக்கடைகளுக்கும் விடுமுறை அறிவிக்கப்பட்டுள்ளது. 

]]>
http://www.dinamani.com/all-editions/edition-madurai/madurai/2018/nov/20/மீலாது-நபி-மதுக்கடைகளுக்கு-நாளை-விடுமுறை-3042021.html
3042020 மதுரை மதுரை நவ.22-இல் மாற்றுத்திறனாளிகளுக்கான வேலைவாய்ப்பு முகாம் DIN DIN Tuesday, November 20, 2018 06:19 AM +0530 மதுரையில் மாற்றுத் திறனாளிகளுக்கான தனியார் துறை வேலைவாய்ப்பு முகாம் வியாழக்கிழமை (நவ. 22)  நடைபெறுகிறது.
இதுகுறித்து தொழில் மற்றும் செயல் வேலைவாய்ப்பு அலுவலகம் வெளியிட்டுள்ள செய்திக் குறிப்பு: மதுரை தொழில் மற்றும் செயல் வேலைவாய்ப்பு  அலுவலகத்தில் வியாழக்கிழமை மாற்றுத் திறனாளிகளுக்கான சிறப்பு தனியார் வேலைவாய்ப்பு முகாம் நடைபெறுகிறது. இம்முகாமில் பல்வேறு தனியார் நிறுவனங்கள் பங்கேற்று, கல்வித் தகுதிக்கு ஏற்ப மாற்றுத் திறனாளிகளைத் தேர்வு செய்ய உள்ளனர்.
இதில், 35 வயதுக்கு உள்பட்ட  பட்டதாரி மாற்றுத் திறனாளிகள் (கண்பார்வையற்றோர் தவிர) பங்கேற்கலாம். முகாமில் பங்கேற்க விரும்பும் மாற்றுத்திறனாளிகள் தங்களது கல்விச் சான்றிதழ்கள், குடும்ப அட்டை, ஆதார் அட்டையுடன் வியாழக்கிழமை காலை 9 மணிக்கு, மதுரை தொழில் மற்றும் செயல் வேலைவாய்ப்பு  அலுவலகத்துக்கு நேரில் வந்து கலந்துகொள்ளலாம் என அதில் குறிப்பிடப்பட்டுள்ளது.

]]>
http://www.dinamani.com/all-editions/edition-madurai/madurai/2018/nov/20/நவ22-இல்-மாற்றுத்திறனாளிகளுக்கான-வேலைவாய்ப்பு-முகாம்-3042020.html
3042019 மதுரை மதுரை மதுரையில் போக்குவரத்து விதிமீறல்: ரூ.6.30 லட்சம் அபராதம் வசூல் DIN DIN Tuesday, November 20, 2018 06:19 AM +0530 மதுரையில் போக்குவரத்து விதிகளை மீறியதாக 443 வாகனங்களின் உரிமையாளர்களிடம் இருந்து வரி மற்றும் அபராதமாக ரூ.6 லட்சத்து 30 ஆயிரத்து 150 வசூலிக்கப்பட்டது. மேலும், 28 வாகனங்கள் பறிமுதல் செய்யப்பட்டுள்ளன.
 போக்குவரத்துத் துறை மற்றும் காவல் துறை இணைந்து மதுரை மாவட்டத்தில் நவம்பர் 12 முதல் 18-ஆம் தேதி வரை சாலை பாதுகாப்பு விழிப்புணர்வு கூட்டாய்வை நடத்தின. 
இதில் கடந்த 15 ஆம் தேதி வரை 115 வாகனங்களுக்கு சோதனை அறிக்கை வழங்கப்பட்டு அபராதம் மற்றும் வரியாக ரூ.96 ஆயிரத்து 100 வசூலிக்கப்பட்டது. தகுதிச் சான்று இல்லாத, குடிபோதையில் வாகனம் ஓட்டிய குற்றத்துக்காக 6 வாகனங்கள் பறிமுதல் செய்யப்பட்டன. 
தொடர்ந்து ஞாயிற்றுக்கிழமை (அக்.18) வரை கூட்டாய்வு நடத்தப்பட்டதில், ஒட்டுமொத்தமாக 1,520 வாகனங்கள் ஆய்வு செய்யப்பட்டன. பல்வேறு 
விதிமீறல்களுக்காக 443 வாகனங்களுக்கு சோதனை அறிக்கை வழங்கப்பட்டு, அபராதம் மற்றும் வரியாக ரூ.6 லட்சத்து 30 ஆயிரத்து 150 வசூலிக்கப்பட்டுள்ளது. 
வாகனச் சான்று இல்லாதது, குடிபோதையில் வாகனம் ஓட்டியது ஆகியவற்றுக்காக மொத்தம் 28 வாகனங்கள் பறிமுதல் செய்யப்பட்டன.

]]>
http://www.dinamani.com/all-editions/edition-madurai/madurai/2018/nov/20/மதுரையில்-போக்குவரத்து-விதிமீறல்-ரூ630-லட்சம்-அபராதம்-வசூல்-3042019.html
3042018 மதுரை மதுரை மண்டல புற்றுநோய் சிகிச்சை மையம் திறக்க தாமதம்: மின்வாரிய தலைமைப் பொறியாளர் ஆஜராக உத்தரவு DIN DIN Tuesday, November 20, 2018 06:18 AM +0530 மண்டல புற்றுநோய் மையம் தொடர்பாக நீதிமன்ற அவமதிப்பு வழக்கு மீதான விசாரணையில், மதுரை மண்டல மின்வாரிய தலைமை பொறியாளர் நேரில் ஆஜராக உயர்நீதிமன்ற மதுரைக் கிளை உத்தரவிட்டது.
மதுரை பாலரெங்கபுரத்தில் மண்டல புற்றுநோய் மையத்தை திறக்கக்கோரி மதுரையைச் சேர்ந்த ஆனந்தராஜ், சென்னை உயர்நீதிமன்ற மதுரைக் கிளையில் மனு தாக்கல் செய்தார். இந்த மனு ஏற்கெனவே விசாரணைக்கு வந்தபோது, பாலரெங்கபுரத்தில் மண்டல புற்றுநோய் மைய கட்டுமானப் பணிகள் 75 சதவீதம் முடிந்துள்ளது. விரைவில் மையம் திறக்கப்படும் என அரசுத் தரப்பில் தெரிவிக்கப்பட்டது. இதையடுத்து வழக்கு முடித்து வைக்கப்பட்டது. 
 இந்நிலையில் அரசு உறுதியளித்தபடி, மண்டல புற்றுநோய் மையம் திறக்கப்படாததால் தமிழக சுகாதாரத்துறைச் செயலர் ஜெ.ராதாகிருஷ்ணன், மதுரை அரசு ராஜாஜி மருத்துவமனை டீன் டி.மருதுபாண்டியன் ஆகியோர் மீது நீதிமன்ற அவமதிப்பு நடவடிக்கை எடுக்கக்கோரி, ஆனந்தராஜ் உயர்நீதிமன்ற மதுரைக்கிளையில் மனு தாக்கல் செய்தார்.
இந்த மனு நீதிபதிகள் கே.கே.சசிதரன், ஜி.ஆர்.சுவாமிநாதன் ஆகியோர் அடங்கிய அமர்வு முன்பாக திங்கள்கிழமை விசாரணைக்கு வந்தது. விசாரணையின்போது,  மண்டல புற்றுநோய் மையத்துக்கு மின் இணைப்பு வழங்குவதில் தாமதம் ஏற்பட்டு வருவதாக அரசுத்தரப்பில் தெரிவிக்கப்பட்டது. 
இதையடுத்து நீதிபதிகள், மதுரை மண்டல மின்வாரிய தலைமை பொறியாளர் நவம்பர் 27-இல் நேரில் ஆஜராக  உத்தரவிட்டு விசாரணையை  ஒத்திவைத்தனர்.

]]>
http://www.dinamani.com/all-editions/edition-madurai/madurai/2018/nov/20/மண்டல-புற்றுநோய்-சிகிச்சை-மையம்-திறக்க-தாமதம்-மின்வாரிய-தலைமைப்-பொறியாளர்-ஆஜராக-உத்தரவு-3042018.html
3042017 மதுரை மதுரை மதமாற்றம் செய்ய முயற்சி: காட்டுநாயக்கர் சமூகத்தினர் ஆட்சியரிடம் புகார் DIN DIN Tuesday, November 20, 2018 06:18 AM +0530 மதம் மாற்றம் செய்ய முயற்சிப்பதாக மதுரையை அடுத்த  பரவை சத்தியமூர்த்தி நகரைச் சேர்ந்த காட்டுநாயக்கர் சமூகத்தினர் மாவட்ட ஆட்சியரிடம் திங்கள்கிழமை புகார் மனு அளித்தனர்.
இதுகுறித்து சத்தியமூர்த்தி நகர் கிராம தலைவர் ஆர்.அழகர்பாண்டி கூறியது:
பரவை பேரூராட்சிக்கு உள்பட்ட சத்தியமூர்த்தி நகரில் காட்டுநாயக்கர் சமூகத்தைச் சேர்ந்த ஏராளமான குடும்பத்தினர் வசித்து வருகின்றனர். குலதொழிலான அருள்வாக்கு கூறுவதை தற்போதும் செய்து வருகிறோம். எங்களது பகுதியைச் சேர்ந்து ஒரு குடும்பத்தினர், வேறொரு மதத்துக்கு மாறியதாகவும், குழந்தைகளுக்கு இலவசமாக தனிவகுப்புகள் (டியூசன்) நடத்துவதாகவும் கூறினர். 
இந்நிலையில், அக் குடும்பத்தினர் தொண்டு நிறுவனத்தின் பெயரில் எங்களது குழந்தைகளைக் காண்பித்து,  நன்கொடை வசூலித்து வருவது தெரியவந்துள்ளது. மேலும், எங்களது குழந்தைகள் மூலமாக பலரையும் மதமாற்றம் செய்வதற்கு முயற்சி செய்து வருகின்றனர். எனவே, சம்பந்தப்பட்ட நபர்கள் மீது உரிய நடவடிக்கை எடுக்க வேண்டும் எனத் தெரிவித்துள்ளனர்.
 

]]>
http://www.dinamani.com/all-editions/edition-madurai/madurai/2018/nov/20/மதமாற்றம்-செய்ய-முயற்சி-காட்டுநாயக்கர்-சமூகத்தினர்-ஆட்சியரிடம்-புகார்-3042017.html
3042016 மதுரை மதுரை மாநகர காவல் ஆய்வாளர்கள் 10 பேர் இடமாற்றம் DIN DIN Tuesday, November 20, 2018 06:18 AM +0530 மதுரை மாநகர காவல் ஆய்வாளர்கள் 10 பேரை இடமாற்றம் செய்து மாநகரக் காவல் ஆணையர் எஸ்.டேவிட்சன் தேவாசீர்வாதம் திங்கள்கிழமை உத்தரவிட்டுள்ளார்.
மதுரை மாநகர காவல் நிலையங்களில் பணிபுரியும் 10 காவல் ஆய்வாளர்கள் மாநகரக்குள்பட்ட வெவ்வேறு காவல் நிலையங்களுக்கு இடமாற்றம் செய்யப்பட்டுள்ளனர். அதன்படி, சுப்பிரமணியபுரம் ஆய்வாளர் மலைச்சாமி, தெப்பக்குளம் சட்டம்-ஒழுங்கு பிரிவுக்கும், விளக்குத்தூண் குற்றப்பிரிவு ஆய்வாளர் மகேஷ்குமார், நுண்ணறிவு பிரிவுக்கும், தெப்பக்குளம் ஆய்வாளர்  நாகராஜன், விளக்குத்தூண் குற்றப்பிரிவுக்கும் மாற்றப்பட்டுள்ளனர்.
எஸ்.எஸ்.காலனி சட்டம் - ஒழுங்கு ஆய்வாளர் சங்கர்கண்ணன், சுப்பிரமணியபுரம் சட்டம்-ஒழுங்கு பிரிவு, எஸ்.எஸ்.காலனி குற்றப்பிரிவு ஆய்வாளர் அருணாச்சலம், அதே காவல் நிலைய சட்டம்-ஒழுங்கு பிரிவு, கரிமேடு குற்றப்பிரிவு ஆய்வாளர் முருகன், செல்லூர் குற்றப்பிரிவு, செல்லூர் குற்றப்பிரிவு ஆய்வாளர் சுரேஷ், கரிமேடு குற்றப்பிரிவுக்கு மாற்றப்பட்டுள்ளனர்.
திலகர்திடல் சார்பு ஆய்வாளர் அனிதா பதவிஉயர்வு பெற்று திலகர்திடல் சட்டம்-ஒழுங்கு பிரிவுக்கும், அலெக்ஸ்ராஜ் எஸ்.எஸ்.காலனி குற்றப்பிரிவு, சார்பு ஆய்வாளர் லோகேஸ்வரி பதவி உயர்வு பெற்று மீனாட்சியம்மன் கோயில் குற்றப்பிரிவுக்கும் இடமாற்றம் செய்யப்பட்டுள்ளனர். 

]]>
http://www.dinamani.com/all-editions/edition-madurai/madurai/2018/nov/20/மாநகர-காவல்-ஆய்வாளர்கள்-10-பேர்-இடமாற்றம்-3042016.html
3042015 மதுரை மதுரை உசிலை.யில் விவசாயிகளுக்குப் பயிற்சி DIN DIN Tuesday, November 20, 2018 06:17 AM +0530 உசிலம்பட்டியில் அட்மா திட்டத்தின் கீழ் பாரம்பரிய வேளாண்மை திட்டக்குழு விவசாயிகளுக்கு அங்கக சான்றளிப்பு குறித்த பயிற்சி திங்கள்கிழமை நடைபெற்றது.
 மாவட்ட வேளாண் இணை இயக்குநர் அலுவலகத்தில் நடைபெற்ற இப்பயிற்சியில் உசிலம்பட்டி, சேடப்பட்டி, கல்லுப்பட்டி, திருமங்கலம் ஆகிய பகுதிகளில் உள்ள பாரம்பரிய திட்ட 
குழுவிலுள்ள 40 விவசாயிகள் கலந்து கொண்டனர். மத்திய திட்டம் வேளாண்மை துணை இயக்குனர் விஜயலட்சுமி தலைமை வகித்தார். 
அங்கக விதை ஆய்வாளர் நாராயணமூர்த்தி, விதை சான்று உதவி இயக்குனர் முருகேசன், வேளாண்மை அலுவலர் செந்தில்குமார் ஆகியோர் அங்கக சான்றளிப்பு குறித்தும்,  அதனை பெறுவதற்கான வழிமுறைகள் குறித்தும் பேசினர்.
முடிவில், வேளாண்மை உதவி இயக்குனர் தனுஷ்கோடி இயற்கை உரப் பயன்பாடு, கூட்டுப் பண்ணையின் நன்மை ஆகியன குறித்து விளக்கமளித்தார்.

]]>
http://www.dinamani.com/all-editions/edition-madurai/madurai/2018/nov/20/உசிலையில்-விவசாயிகளுக்குப்-பயிற்சி-3042015.html
3042014 மதுரை மதுரை ஆழ்துளைக் கிணறு அமைக்க போலி ரசீது: கொட்டாம்பட்டி ஊராட்சி ஒன்றிய அலுவலகம் மீது ஆட்சியரிடம் புகார் DIN DIN Tuesday, November 20, 2018 06:17 AM +0530 ஆழ்துளைக் கிணறு அமைப்பதற்கான பொருள்கள் வாங்கியதில் போலி ரசீது சமர்ப்பித்து முறைகேடு நடந்துள்ளதாக கொட்டாம்பட்டி ஊராட்சி ஒன்றிய அலுவலகம் மீது மாவட்ட ஆட்சியரிடம் புகார் தெரிவிக்கப்பட்டுள்ளது.
தகவல் பெறும் உரிமைச் சட்டத்தில் பெறப்பட்ட தகவல்கள் அடிப்படையில் முறைகேடு தெரியவந்துள்ளதாக  "உதிரத் துளிகள் மக்கள் சேவை மையம்' அமைப்பின் நிறுவனர் சி.அசாருதீன் இப் புகாரை ஆட்சியரிடம் திங்கள்கிழமை அளித்துள்ளார் இதுகுறித்து அவர் மேலும் கூறியது:
கொட்டாம்பட்டி ஊராட்சி ஒன்றிய அலுவலகத்தில் பொதுநிதி, சட்டப்பேரவை உறுப்பினர் மற்றும் மக்களவை உறுப்பினர் தொகுதி மேம்பாட்டு நிதியில் ஆழ்துளைக் கிணறுகள் அமைக்க பொருள்கள் வாங்கியதில் முறைகேடு நடந்துள்ளது. 2018 ஜனவரி 1 முதல் ஜூன் 28 ஆம் தேதி வரை அமைக்கப்பட்ட ஆழ்துளைக் கிணறுகள் தொடர்பாக தகவல் அறியும் உரிமைச் சட்டத்தின்படி தகவல்களைப் பெற்றிருந்தேன்.
இதில், ரசீது நகல்கள் உள்ளிட்ட 45 பக்கங்கள் கொண்ட பதில் அனுப்பி வைக்கப்பட்டது. அந்த ரசீதுகளை சரிபார்த்தபோது, அவற்றில் பல போலியானவை என்பது தெரியவந்துள்ளது. போலி ரசீது சமர்ப்பித்து முறைகேடு செய்துள்ள ஊராட்சி ஒன்றிய அதிகாரிகள், ஒப்பந்ததாரர்கள் மீது குற்றவியல் நடவடிக்கை எடுக்க வேண்டும் என்றார். 
புகார் மனுவைப் பெற்றுக் கொண்ட ஆட்சியர் ச.நடராஜன், இதுதொடர்பாக  விசாரணை நடத்த உத்தரவிட்டுள்ளார்.


 

]]>
http://www.dinamani.com/all-editions/edition-madurai/madurai/2018/nov/20/ஆழ்துளைக்-கிணறு-அமைக்க-போலி-ரசீது-கொட்டாம்பட்டி-ஊராட்சி-ஒன்றிய-அலுவலகம்-மீது-ஆட்சியரிடம்-புகார்-3042014.html
3042013 மதுரை மதுரை புயலால் பாதிக்கப்பட்டவர்களுக்கு நிவாரணப் பொருள்கள் வழங்கலாம்: ஆட்சியர் வேண்டுகோள் DIN DIN Tuesday, November 20, 2018 06:16 AM +0530 கஜா புயலால் பாதிக்கப்பட்ட மக்களுக்கு நிவாரணப் பொருள்களை வழங்குமாறு பொதுமக்களுக்கு மாவட்ட ஆட்சியர் ச.நடராஜன் வேண்டுகோள் விடுத்துள்ளார்.
இதுகுறித்து திங்கள்கிழமை அவர் வெளியிட்டுள்ள செய்திக்குறிப்பு: தமிழகத்தில் கஜா புயலால் பாதிக்கப்பட்ட பல்வேறு மாவட்டங்களுக்கும் நிவாரணப் பொருள்கள் பெற்று அனுப்பும் வகையில் நிவாரணப் பொருள்கள் பெறும் மையம்,  ஆட்சியர் அலுவலக வளாகத்தில் உள்ள  வருவாய்த் துறை அலுவலர் சங்க கட்டடத்தில் திறக்கப்பட்டுள்ளது. பாதிக்கப்பட்ட பகுதி மக்களுக்கு  உடனடி மற்றும் நீண்ட நாள்கள் பயன்படுத்தும் வகையில் அரிசி, பருப்பு வகைகள், வேஷ்டி, லுங்கி, நைட்டி, துண்டு உள்ளிட்ட ஆடைகள், பெட்ஷீட், போர்வை,  கோதுமை மாவு, ரவை, அரிசி குருணை, பால் பவுடர் உள்ளிட்ட  உணவுப் பொருள்கள், மருந்துப் பொருள்கள், பிஸ்கட், பிரட்,  பற்பசை,  பிரஷ், தேங்காய் எண்ணெய் பாட்டில்கள், கத்தி, மெழுகுவர்த்தி, தீப்பெட்டி, பிளேடு, டெட்டால், பிளீச்சிங் பவுடர், குளோரின் மாத்திரைகள், பிளாஸ்டிக் வாளி, கப், சமையல் பாத்திரங்கள், தட்டு, தம்ளர், நாப்கின், பாலூட்டும் பாட்டில்கள், கொசு வலை, ரப்பர் செருப்புகள் போன்றவற்றை மேற்படி மையத்தில் வழங்கலாம்.  இதுதொடர்பான விவரங்களுக்கு 95971-76061 என்ற எண்ணில் தொடர்பு கொள்ளலாம் என அதில் குறிப்பிடப்பட்டுள்ளது.

]]>
http://www.dinamani.com/all-editions/edition-madurai/madurai/2018/nov/20/புயலால்-பாதிக்கப்பட்டவர்களுக்கு-நிவாரணப்-பொருள்கள்-வழங்கலாம்-ஆட்சியர்-வேண்டுகோள்-3042013.html
3042012 மதுரை மதுரை அரசு அலுவலர்கள் தேசிய ஒருமைப்பாட்டு உறுதிமொழி ஏற்பு DIN DIN Tuesday, November 20, 2018 06:16 AM +0530 மதுரை மாவட்ட ஆட்சியர் ச.நடராஜன் மற்றும் மாநகராட்சி ஆணையர் அனீஷ் சேகர் ஆகியோர் தலைமையில் அரசு அலுவலர்கள் திங்கள்கிழமை தேசிய ஒருமைப்பாட்டு உறுதிமொழி எடுத்துக் கொண்டனர்.
முன்னாள் பிரதமர் இந்திரா காந்தியின் பிறந்த நாளான நவம்பர் 19-ஆம் தேதி, ஆண்டுதோறும் தேசிய ஒருமைப்பாட்டு தினமாக அனுசரிக்கப்படுகிறது. இதையொட்டி, மாவட்ட ஆட்சியர் அலுவலகத்தில் ஆட்சியர் ச.நடராஜன் தலைமையில் மாவட்ட வருவாய் அலுவலர் ரெ.குணாளன், பயிற்சி ஆட்சியர் கே.எம்.பிரவீண்குமார், ஆட்சியரின் நேர்முக உதவியாளர் (பொது) ராஜசேகரன் உள்ளிட்ட அனைத்துத் துறை அலுவலர்கள் உறுதிமொழி எடுத்துக் கொண்டனர்.  மாநகராட்சி அலுவலகத்தில் ஆணையர் அனீஷ்சேகர் தலைமையில் அனைத்துப் பிரிவு அலுவலர்கள் தேசிய ஒருமைப்பாட்டு உறுதிமொழி எடுத்துக் கொண்டனர். துணை ஆணையர் ப.மணிவண்ணன், உதவி ஆணையர் (கணக்கு) சுரேஷ்குமார், மக்கள் தொடர்பு அலுவலர் சித்திரவேல் உள்ளிட்ட அனைத்துப் பிரிவு அலுவலர்கள் உறுதிமொழி எடுத்துக் கொண்டனர்.

]]>
http://www.dinamani.com/all-editions/edition-madurai/madurai/2018/nov/20/அரசு-அலுவலர்கள்-தேசிய-ஒருமைப்பாட்டு-உறுதிமொழி-ஏற்பு-3042012.html
3041690 மதுரை மதுரை சங்க காலத்தில் குஜராத்துக்கும், ஈரோட்டுக்கும் இடையே பெருவழிப் பாதை: தொல்லியல் அறிஞர் சொ.சாந்தலிங்கம் DIN DIN Monday, November 19, 2018 05:16 AM +0530
சங்க காலத்தில் குஜராத்துக்கும், ஈரோட்டுக்கும் இடையே பெருவழிப்பாதை இருந்ததாக தொல்லியல் அறிஞர் சாந்தலிங்கம் தெரிவித்துள்ளார்.
மதுரையில் கருத்துப்பட்டறை சார்பில் தமிழகத்தில் நகரமயமாக்கம் வரலாற்றியலும், தொல்லியலும் என்ற தலைப்பிலான தேசிய கருத்தரங்கம் ஞாயிற்றுக்கிழமை நடைபெற்றது.
இதில் வரலாற்றுப்போக்கில் நகரங்கள் என்ற தலைப்பில் தொல்லியல் அறிஞர் சொ.சாந்தலிங்கம் பேசியது: தமிழகத்தில் பழங்காலத்திலேயே நகர மயமாக்கம் இருந்துள்ளது பல்வேறு ஆய்வுகளில் தெரிய வந்துள்ளது. மேலும் பழங்கால நகரமயமாக்கம் குறித்து சங்க இலக்கியங்களில் கூறப்பட்டுள்ளது.
தற்போதைய கரூர், ஈரோடு பகுதிகள் பழங்காலத்தில் தகடூர் நாடு என்று அழைக்கப்பட்டுள்ளது. மேலும் தகடூர் நாட்டுக்கும், ஆந்திரம், கர்நாடகம் உள்ளிட்ட பல்வேறு பகுதிகளுக்கும் வணிகத் தொடர்பு இருந்து வந்துள்ளது.
2,500 ஆண்டுகளுக்கு முன்பே குஜராத் கட்ச் பகுதிக்கும், தற்போதைய தமிழகத்தில் உள்ள ஈரோடு, காஞ்சிபுரம் பகுதிகளுக்கும் பெருவழிப் பாதை இருந்துள்ளது.
இந்த பெருவழிப்பாதையின் நீட்சி தான் தற்போதைய நான்குவழி மற்றும் 8 வழிச்சாலைகள். இதைத் தவிர்த்து சிறிய நகரங்கள் மற்றும் கிராமங்களை இணைக்கும் வழி என்றழைக்கப்படும் சிறிய இணைப்புச்சாலைகளும் அமைக்கப்பட்டிருந்தன.
சங்க காலத்தில் பழஞ்சியர், மணி கிராமத்தினர் உள்ளிட்ட பல்வேறு வணிக சமூகத்தினர் வசித்துள்ளனர். இவர்கள் வணிகத்துக்காக தொலைதூரங்களுக்கு செல்லும்போது வணிகர்கள் மற்றும் அவர்களது உடைமைகளை பாதுகாக்க வணிகப் படைவீரர்கள் என்றழைக்கப்படும் போர் வீரர்களும் அவர்களுடன் சென்றுள்ளனர்.
அவ்வாறு செல்லும்போது வழியில் ஏற்படும் மோதல் மற்றும் பல்வேறு காரணங்களால் உயிரிழந்த வீரர்களின் நினைவாக நடுகல் நடப்பட்டுள்ளது.
மேலும் வணிக சமூகத்தின் வெளிநாடுகளுக்கு செல்லும் போது அங்கு பௌத்த, சமண, சமய கோயில்களுக்கு பல்வேறு கொடைகளை அளித்துள்ளனர். இதுதொடர்பான ஆதாரங்கள் கல்வெட்டுக் குறிப்புகளில் உள்ளன. தகடூர் நாட்டில் வீர வெள்ளாள பட்டணம், சூரப்பட்டணம் உள்பட பல்வேறு பட்டணங்களும் இருந்துள்ளன. எனவே நகர மயமாக்கம் என்பது 10-ஆம் நூற்றாண்டு முதல் இருந்து வருகிறது. இதன் பின்புலத்தில் நகரமயமாக்கம் குறித்த ஆய்வுகளை மேற்கொண்டால் கூடுதல் தகவல்கள் கிடைக்கும் என்றார்.
முன்னதாக கருத்துப் பட்டறை அமைப்பின் நிர்வாகி பரமன் வரவேற்றார். கருத்தரங்கில் பேராசிரியர் பெ.க.பெரியசாமி ராஜா, தொல்லியல் அறிஞர் ர.பூங்குன்றன், அமெரிக்கன் கல்லூரி பேராசிரியர்கள் ந.கோவிந்தராஜன், ஸ்டாலின் ராஜாங்கம், பேராசிரியை வெ.ஜெயஸ்ரீ, ஆய்வாளர் சுப.குணராஜன், மதுரைக்கல்லூரி பேராசிரியர் ந.ரத்தினக்குமார் உள்பட பலர் பங்கேற்றுப்பேசினர்.

 

]]>
http://www.dinamani.com/all-editions/edition-madurai/madurai/2018/nov/19/சங்க-காலத்தில்-குஜராத்துக்கும்-ஈரோட்டுக்கும்-இடையே-பெருவழிப்-பாதை-தொல்லியல்-அறிஞர்-சொசாந்தலிங்கம்-3041690.html
3041689 மதுரை மதுரை தோப்பூரில் எய்ம்ஸ், பஸ்போர்ட்': அரசு அதிகாரிகள் ஆய்வு DIN DIN Monday, November 19, 2018 05:16 AM +0530
திருப்பரங்குன்றத்தை அடுத்த தோப்பூர் பகுதியில் எய்ம்ஸ் மருத்துவமனை மற்றும் பஸ்போர்ட்' அமைய உள்ள பகுதிகளை மாநகராட்சி ஆணையர், வருவாய்த்துறை, மின்வாரியம், பொதுப்பணித்துறை உள்ளிட்ட அனைத்துத்துறை அதிகாரிகள் சனிக்கிழமை ஆய்வு செய்தனர்.
தோப்பூரை அடுத்த கோ. புதுப்பட்டி கிராமத்தில் 200 ஏக்கர் பரப்பளவில் ரூ. 1,500 கோடி மதிப்பீட்டி ல் எய்ம்ஸ் மருத்துவமனை அமைக்கப்படும் என மத்திய சுகாதாரத்துறை அறிவித்தது.
இதையடுத்து மத்திய கட்டுமானக்குழுவினர் வந்து ஆய்வு செய்தனர். தொடர்ந்து மண் மாதிரிகளை பரிசோதனைக்கு எடுத்துச்சென்றனர்.
மேலும் எய்ம்ஸ் மருத்துவமனை அமைய உள்ள இடத்தில் இருக்கும் மின்கம்பங்கள், மின்மாற்றிகள் உள்ளிட்டவை இடம்மாற்றம் செய்யும் பணிகள் நடைபெற்று வருகின்றன.
இந்நிலையில் மாநகராட்சி ஆணையர் அனீஷ்சேகர் தலைமையில், மாவட்ட வருவாய் அலுவலர் குணாளன், உசிலம்பட்டி கோட்டாட்சியர் முருகேசன், மின்வாரியம், பொதுப்பணித்துறை, தேசிய நெடுஞ்சாலைத்துறை, இந்தியன் ஆயில் கார்ப்பரேசன் (குழாய் பதிப்பு) மேலாளர் ஸ்ரீனிவாசன், மாசுக்கட்டுப்பாடு வாரிய அலுவலர்கள், வட்டாட்சியர் சுரேஷ் உள்ளிட்டோர் எய்ம்ஸ் மருத்துவமனை அமைய உள்ள பகுதியை ஆய்வு செய்தனர்.
மேலும் கரடிபட்டி பகுதியில் பஸ்போர்ட்' அமைப்பது தொடர்பாகவும் தேர்வு செய்யப்பட்ட இடத்தையும் ஆய்வு செய்தனர்.

 

]]>
http://www.dinamani.com/all-editions/edition-madurai/madurai/2018/nov/19/தோப்பூரில்-எய்ம்ஸ்-பஸ்போர்ட்-அரசு-அதிகாரிகள்-ஆய்வு-3041689.html
3041688 மதுரை மதுரை காரில் கடத்திய 2,000 மதுபாட்டில்கள் பறிமுதல் DIN DIN Monday, November 19, 2018 05:16 AM +0530
மதுரையில் காரில் கடத்தி வரப்பட்ட 2,000 மது பாட்டில்களை போலீஸார் பறிமுதல் செய்து தப்பிச்சென்ற இருவரை தேடி வருகின்றனர்.
புதுச்சேரியில் இருந்து மதுரைக்கு காரில் மதுபாட்டில்கள் கடத்தி வருவதாக மாநகர மதுவிலக்கு பிரிவு போலீஸாருக்கு தகவல் கிடைத்தது. அதன்பேரில் சார்பு ஆய்வாளர் விமலா தலைமையில் போலீஸார் அண்ணாநகர் பகுதியில் சனிக்கிழமை நள்ளிரவில் வாகனச்சோதனையில் ஈடுபட்டனர். அப்போது அவ்வழியாக வந்த காரை நிறுத்திய போது, அதில் இருந்த இருவர் தப்பிச் சென்றனர். இதையடுத்து காரை சோதனையிட்டபோது காரில் வெளி மாநிலத்தில் தயாரிக்கப்பட்ட 2,000 மதுபாட்டில்கள் கடத்தப்பட்டது தெரிய வந்தது. இதைத்தொடர்ந்து கார் மற்றும் மதுபாட்டில்களை போலீஸார் கைப்பற்றி தப்பிச்சென்ற இருவரை தேடி வருகின்றனர்.

 

]]>
http://www.dinamani.com/all-editions/edition-madurai/madurai/2018/nov/19/காரில்-கடத்திய-2000-மதுபாட்டில்கள்-பறிமுதல்-3041688.html
3041687 மதுரை மதுரை பன்றிக் காய்ச்சலுக்கு பெண் உள்பட இருவர் சாவு DIN DIN Monday, November 19, 2018 05:16 AM +0530
மதுரையில் தனியார் மற்றும் அரசு மருத்துவமனைகளில் பன்றிக் காய்ச்சலால் பாதிக்கப்பட்டு சிகிச்சை பெற்று வந்த பெண் உள்பட இருவர் சிகிச்சை பலனின்றி ஞாயிற்றுக்கிழமை இறந்தனர்.
திண்டுக்கல் மாவட்டம் பழனி அருகே உள்ள அழகாபுரியை சேர்ந்தவர் குமரேசன் (62). கடந்த வாரம் காய்ச்சலால் பாதிக்கப்பட்டு திண்டுக்கல் அரசு மருத்துவமனையில் சேர்க்கப்பட்டார்.
அங்கிருந்து மதுரை அரசு மருத்துவமனையில் வெள்ளிக்கிழமை சேர்க்கப்பட்ட குமரேசனுக்கு பன்றிக்காய்ச்சல் பாதிப்பு இருப்பது உறுதி செய்யப்பட்டது. இதையடுத்து தனி வார்டில் வைத்து சிகிச்சை அளிக்கப்பட்ட குமரேசன் சிகிச்சை பலனின்றி ஞாயிற்றுக்கிழமை இறந்தார்.
தேனி மாவட்டம் ஆண்டிபட்டி அருகே உள்ள ராயவேலூரை சேர்ந்த சிவபாண்டியன் மனைவி பூங்கோதை(65). சில நாள்களுக்கு முன்பு காய்ச்சலால் பாதிக்கப்பட்ட பூங்கோதை தேனியில் உள்ள தனியார் மருத்துவமனையில் சிகிச்சை பெற்ற நிலையில், மதுரை தனியார் மருத்துவமனைக்கு வெள்ளிக்கிழமை கொண்டு வரப்பட்டார். பரிசோதனையில் பன்றிக்காய்ச்சல் பாதிப்பு இருப்பது உறுதி செய்யப்பட்டதை அடுத்து தீவிர சிகிச்சை அளிக்கப்பட்டும் பலனின்றி ஞாயிற்றுக்கிழமை இறந்தார்.

 

]]>
http://www.dinamani.com/all-editions/edition-madurai/madurai/2018/nov/19/பன்றிக்-காய்ச்சலுக்கு-பெண்-உள்பட-இருவர்-சாவு-3041687.html
3041686 மதுரை மதுரை மாட்டுத்தாவணி பழச்சந்தையில் கடைகள் திறப்பு DIN DIN Monday, November 19, 2018 05:15 AM +0530
மதுரை மாட்டுத்தாவணி பகுதியில் சீர்மிகு நகர் திட்டத்தில் கட்டப்பட்டுள்ள புதிய பழச்சந்தையில் கடைகள் ஞாயிற்றுக்கிழமை திறக்கப்பட்டன.
மதுரையில் சிம்மக்கல், கீழமாசி வீதி, வடக்குமாசி வீதி சந்திப்பு ஆகிய பகுதிகளைச் சுற்றிலும் ஏராளமான பழக்கடைகள் செயல்பட்டு வருகின்றன. இந்த பழக்கடைகளுக்கு வரும் லாரிகளால் இரவு மற்றும் அதிகாலை நேரங்களில் அப்பகுதியில் போக்குவரத்து பாதிப்பு இருந்து வந்தது. அதையடுத்து அங்குள்ள கடைகளை மாட்டுத்தாவணி பகுதிக்கு மாற்ற முடிவு செய்யப்பட்து.
இதன்படி, மதுரை மாநகராட்சியின் சீர்மிகு நகர் திட்டத்தில் மாட்டுத்தாவணி மத்திய காய்கறிச்சந்தை அருகே, பழச்சந்தை கட்டப்பட்டுள்ளது. பழக்கடை உரிமையாளர்கள் பங்களிப்புடன் ரூ.21.7 கோடியில் மொத்தம் 240 கடைகளைக் கொண்ட வளாகம் கட்டி முடிக்கப்பட்டுள்ளது. இந்த பழச்சந்தை கடைகளை சென்னையில் இருந்து காணொலி காட்சியில் அக்டோபர் 31-ஆம் தேதி தமிழக முதல்வர் எடப்பாடி கே.பழனிசாமி தொடங்கி வைத்தார். இந்த வளாகத்தில் பணிகள் அனைத்தும் முழுமையாக முடிவுற்ற நிலையில், கடை உரிமையாளர்கள் பலரும் தங்களது பழக் கடைகளை ஞாயிற்றுக்கிழமை திறந்து வியாபாரத்தைத் தொடங்கினர்.

]]>
http://www.dinamani.com/all-editions/edition-madurai/madurai/2018/nov/19/மாட்டுத்தாவணி-பழச்சந்தையில்-கடைகள்-திறப்பு-3041686.html
3041685 மதுரை மதுரை கஜா புயலால் பாதிக்கப்பட்ட மக்களுக்கு நிவாரண பொருள்கள் வழங்கலாம் DIN DIN Monday, November 19, 2018 05:15 AM +0530  

கஜா' புயலால் பாதிக்கப்பட்ட பகுதி மக்களுக்கு நிவாரணப் பொருள்களை மாநகராட்சி மைய அலுவலகத்தில் வழங்கலாம் என்று மாநகராட்சி ஆணையர் அனீஷ் சேகர் தெரிவித்துள்ளார்.
இதுகுறித்து அவர் வெளியிட்டுள்ள செய்திக்குறிப்பு: கஜா' புயலால் பாதிக்கப்பட்ட நாகப்பட்டினம், திருவாரூர் மாவட்டங்களைச் சேர்ந்த மக்களுக்கு வெள்ள நிவாரணப் பொருள்கள் மதுரை மாநகராட்சி அலுவலகத்தில் இருந்து அனுப்பப்பட்டு வருகிறது.
பாதிக்கப்பட்ட மக்களுக்கு உதவும் வகையில் பொதுமக்கள், தொண்டு நிறுவனங்கள், பள்ளி, கல்லூரிகள், மருத்துவமனைகள் மற்றும் தனியார் நிறுவனங்கள் நிவாரணப் பொருள்களை மாநகராட்சி மைய அலுவலகத்தில் வழங்கலாம் என்றார்.

 

]]>
http://www.dinamani.com/all-editions/edition-madurai/madurai/2018/nov/19/கஜா-புயலால்-பாதிக்கப்பட்ட-மக்களுக்கு-நிவாரண-பொருள்கள்-வழங்கலாம்-3041685.html
3041683 மதுரை மதுரை நாகை மாவட்டத்துக்கு ரூ.10 லட்சம் நிவாரண பொருள்கள் DIN DIN Monday, November 19, 2018 05:15 AM +0530
கஜா' புயலால் பாதிக்கப்பட்டுள்ள நாகபட்டினம் மாவட்டத்துக்கு மதுரை மாநகராட்சி சார்பில் ரூ.10 லட்சம் மதிப்பிலான நிவாரணப் பொருள்கள் ஞாயிற்றுக்கிழமை அனுப்பி வைக்கப்பட்டன.
புயலால் பாதிக்கப்பட்ட நாகப்பட்டினம் மாவட்டத்தைச் சேர்ந்த மக்களுக்கு உதவிடும் வகையில் மதுரை மாநகராட்சி சார்பில் நிவாரணப் பொருள்கள் அனுப்பி வைக்கப்படுகின்றன.
இதன்படி அரிசி, பருப்பு, சர்க்கரை, சமையல் எண்ணெய், குடிநீர் பாட்டில்கள், பால்பவுடர், பிஸ்கட் உள்ளிட்ட உணவுப் பொருள்கள், பிளீச்சிங் பவுடர், நாப்கின் மற்றும் ஆடைகள் என ரூ.10 லட்சம் மதிப்பிலான நிவாரணப் பொருள்கள் ஞாயிற்றுக்கிழமை சேகரிக்கப்பட்டன.
அவற்றை மாநகராட்சி ஆணையர் அனீஷ் சேகர், துணை ஆணையர் ப.மணிவண்ணன் ஆகியோர் அனுப்பி வைத்தனர்.

 

]]>
http://www.dinamani.com/all-editions/edition-madurai/madurai/2018/nov/19/நாகை-மாவட்டத்துக்கு-ரூ10-லட்சம்-நிவாரண-பொருள்கள்-3041683.html
3041682 மதுரை மதுரை சுற்றுச்சூழலை பாதுகாக்க வலியுறுத்தி மாரத்தான் ஓட்டம்: மாணவ, மாணவியர் உள்பட 850 பேர் பங்கேற்பு DIN DIN Monday, November 19, 2018 05:14 AM +0530
மதுரை தியாகராஜர் மேலாண்மை கல்லூரி சார்பில் சுற்றுச்சூழலை பாதுகாக்க வலியுறுத்தி மாரத்தான் ஓட்டம் ஞாயிற்றுக்கிழமை நடைபெற்றது.
மதுரையில் ஓட்டப்பயிற்சியின் முக்கியத்துவத்தை வலியுறுத்தியும், சுற்றுச்சூழலை பாதுகாக்கும் வகையில் விழிப்புணர்வை ஏற்படுத்தும் விதமாக அன்னை பூமியை காப்போம் என்ற முழக்கத்துடனும் தியாகராஜர் மேலாண்மை கல்லூரி சார்பில் மாரத்தான் ஓட்டம் ஞாயிற்றுக்கிழமை நடைபெற்றது.
18 வயதுக்கு உள்பட்ட மற்றும் 18 வயதுக்கு மேற்பட்ட பெண்களுக்கு 3 கிலோ மீட்டர் தூரமும், ஆண்களுக்கு 5 கிலோ மீட்டர் தூரமும் இலக்காக நிர்ணயிக்கப்பட்டிருந்தன. இதையடுத்து மதுரை தெப்பக்குளம் பகுதியில் ஞாயிற்றுக்கிழமை அதிகாலை 5.30 மணிக்கு ஓட்டப்போட்டி தொடங்கியது. மதுரை மாநகர போக்குவரத்து காவல் துணை ஆணையர் அருண் பாலகோபாலன் ஓட்டப் போட்டியை தொடங்கி வைத்தார்.
ஓட்டப்போட்டியில் குழந்தையை சுமந்துகொண்டு 3 கிலோ மீட்டர் தூரம் ஓடிய ஜெயலட்சுமி மற்றும் 5 கிலோ மீட்டர் தூரத்தை ஓடி நிறைவு செய்த 70 வயது ராஜகோபாலன் ஆகியோருக்கு சிறப்பு விருது வழங்கப்பட்டன.
போட்டிக்கு ஏற்பாடு செய்திருந்த மாணவர்களில் ஒருவரான சித்தார்த்தா கிருஷ்ணன் கூறியது: கல்லூரியைச் சேர்ந்த 5 நண்பர்கள் சேர்ந்து ஓட்டக்குழுவை இந்த ஆண்டின் முற்பகுதியில் தொடங்கினோம். தற்போது அந்தக்குழுவில் 36 பேர் இணைந்துள்ளனர். இரண்டு முக்கிய நோக்கங்களுக்காக இந்த போட்டி நடத்தப்பட்டது. முதலாவதாக ஓட்டத்தைப் பற்றியும், சுற்றுச்சூழல் விழிப்புணர்வையும் மக்கள் மத்தியில் ஏற்படுத்த வேண்டும் என்பதற்காகவே நடத்தியுள்ளோம். மேலும் கல்லூரியின் நிறுவனர் மாணிக்கம் ராமசாமியின் பிறந்த நாளான நவம்பர் 20-ஆம் தேதி சுற்றுச்சூழல் பாதுகாப்புக்காக கல்லூரியில் பல நிகழ்ச்சிகளையும் ஏற்பாடு செய்துள்ளோம் என்றார்.
ஓட்டப்போட்டியில் முன்பதிவு செய்திருந்த மாணவி, மாணவியர், இல்லதரசிகள், பணிபுரியும் பெண்கள், இளைஞர்கள் உள்பட 850-க்கும் மேற்பட்டோர் பங்கேற்றனர். ஓட்டப்போட்டியில் ஒவ்வொரு பிரிவிலும் முதல் மூன்று இடங்களை பெற்றவர்களுக்கு பரிசுகள் வழங்கப்பட்டன.

 

]]>
http://www.dinamani.com/all-editions/edition-madurai/madurai/2018/nov/19/சுற்றுச்சூழலை-பாதுகாக்க-வலியுறுத்தி-மாரத்தான்-ஓட்டம்-மாணவ-மாணவியர்-உள்பட-850-பேர்-பங்கேற்பு-3041682.html
3041681 மதுரை மதுரை அரசுப் பேருந்து ரிசர்வ்' தொழிலாளர்களை நிரந்தரம் செய்ய வலியுறுத்தல் DIN DIN Monday, November 19, 2018 05:14 AM +0530
அரசுப் போக்குவரத்துக் கழகங்களில் ரிசர்வ்' ஓட்டுநர், நடத்துனர்களை நிரந்தரம் செய்ய வேண்டும் என அரசுப் போக்குவரத்து மதுரை தொழிலாளர் சங்கம் வலியுறுத்தியுள்ளது.
சங்கத்தின் 45-ஆவது ஆண்டுப் பேரவை மற்றும் வி.பி.சிந்தன் நூற்றாண்டு விழா மதுரையில் சனி, ஞாயிறு இரு நாள்களும் நடைபெற்றது. பேரவைக் கூட்டத்தை சிஐடியு மதுரை மாநகர் மாவட்டச் செயலர் ஆர்.தெய்வராஜ் தொடங்கி வைத்தார். போக்குவரத்து சம்மேளன பொதுச் செயலர் கே.ஆறுமுகநயினார் நிறைவுரையாற்றினார். சம்மேளன துணைத் தலைவர்கள் வி.பிச்சை, ஜி.ராஜேந்திரன், சிஐடியு மாநகர் மாவட்டத் தலைவர் ஆர்.வாசுதேவன் உள்ளிட்ட பலர் கலந்து கொண்டனர். அரசுப் போக்குவரத்துக் கழகங்களில் 7 ஆயிரத்துக்கும் மேற்பட்டோர் ரிசர்வ்' தொழிலாளர்களாகப் பணியாற்றி வருகின்றனர். மதுரை மண்டலத்தில் மட்டும் 11 ரிசர்வ்' நடத்துநர்கள், 183 ரிசர்வ்' ஓட்டுநர்கள், ஆயிரத்து 200 நாள்களுக்கும் மேலாகப் பணியாற்றியுள்ளனர். அவர்களை பணி நிரந்தரம் செய்ய வேண்டும்.
மதுரை மண்டலத்தில் உள்ள 19 பணிமனைகளில் உள்ள கழிவறை, ஓய்வறை ஆகியவற்றை சுகாதாரமாகப் பராமரிக்க வேண்டும். நடத்துநர் இல்லாமல் அரசுப் பேருந்துகளை இயக்கக் கூடாது. மதுரை மண்டலத்தில் இயக்கப்படும் பேருந்துகளில் 70 சதவீதம், 6 ஆண்டுகளுக்கு மேல் ஓடியவை. இவற்றுக்கு மாற்றாக புதிய பேருந்துகளை இயக்க வேண்டும் என்பன உள்ளிட்ட கோரிக்கைகளை வலியுறுத்தி தீர்மானங்கள் நிறைவேற்றப்பட்டன.
பேரவைக் கூட்டத்தில் சங்கத்தின் புதிய தலைவராக பி.எம்.அழகர்சாமி, பொதுச் செயலராக ஏ.கனகசுந்தர், பொருளாளராக எஸ்.அழகர்சாமி மற்றும் துணைப் பொதுச் செயலர்கள் 4 பேர், துணைத் தலைவர்கள் 11 பேர், துணைச் செயலர்கள் 11 பேர் தேர்வு செய்யப்பட்டனர்.

 

]]>
http://www.dinamani.com/all-editions/edition-madurai/madurai/2018/nov/19/அரசுப்-பேருந்து-ரிசர்வ்-தொழிலாளர்களை-நிரந்தரம்-செய்ய-வலியுறுத்தல்-3041681.html
3041680 மதுரை மதுரை மதுரையில் கனரக தொழிற்சாலைகள் தொடங்க வேண்டும்: இந்திய ஜனநாயக வாலிபர் சங்க மாநாட்டில் தீர்மானம் DIN DIN Monday, November 19, 2018 05:14 AM +0530
மதுரையை மையமாகக்கொண்டு கனரக தொழிற்சாலைகள் தொடங்க வேண்டுமென இந்திய ஜனநாயக வாலிபர் சங்கத்தின் மதுரை மாநகர் மாவட்ட மாநாட்டில் தீர்மானம் நிறைவேற்றப்பட்டது.
இந்திய ஜனநாயக வாலிபர் சங்கத்தின் மதுரை மாநகர் மாவட்ட 17-ஆவது மாநாடு சனிக்கிழமை தொடங்கியது. இரண்டாவது நாளாக ஞாயிற்றுக்கிழமை பிரதிநிதிகள் மாநாடு நடைபெற்றது.
மாநிலச் செயலர் எஸ்.பாலா மாநாட்டை தொடங்கி வைத்தார். மாநாட்டை நிறைவு செய்து மாநிலத்தலைவர் எம்.செந்தில் பேசினார்.
மாநாட்டை வாழ்த்தி சிஐடியு மாவட்டச் செயலர் இரா.தெய்வராஜ், மாதர் சங்க மாவட்டச் செயலர் ஆர்.சசிகலா, மாணவர் சங்க மாவட்டச் செயலர் எஸ்.வேல்தேவா, வாலிபர் சங்க புறநகர் மாவட்டச் செயலர் எஸ்.கார்த்திக் ஆகியோர் பேசினர்.
மாநாட்டில் மாநகர் மாவட்டத் தலைவராக பி.கோபிநாத், துணைத் தலைவர்கள் கே.ஜென்னி, எஸ்.சரண், செயலாளர் டி.செல்வராஜ், துணைச் செயலர்கள் ஏ.பாவெல்சிந்தன், கே.கார்த்திக், பொருளாளர் ஜெ.பார்த்தசாரதி உள்ளிட்ட 24 பேர் கொண்ட மாவட்டக்குழு தேர்வு செய்யப்பட்டது.
மாநாட்டில், மதுரை அரசு ராஜாஜி மருத்துவமனைக்கு கூடுதல் மருத்துவர்கள் நியமிக்கவேண்டும். சூப்பர் ஸ்பெஷாலிட்டி' மருத்துவமனையை உடனடியாகத் திறக்க வேண்டும்.
மதுரையை மையமாகக் கொண்டு கனரக தொழிற்சாலைகள் தொடங்க வேண்டும். வைகை ஆறு, கிருதுமால் நதி ஆகியவற்றை தூர்வாரி பராமரிக்க வேண்டும். குழந்தைகள், பெண்கள் மீதான பாலியல் புகார்களை விசாரிக்க சிறப்புக் காவல் கண்காணிப்புப் பிரிவை ஏற்படுத்த வேண்டும். பழங்காநத்தம் பகுதியில் உள்ள ரயில்வே மேம்பாலப் பணிகளை விரைவாக முடிக்கவேண்டும் என்பன உள்ளிட்ட தீர்மானங்கள் நிறைவேற்றப்பட்டன.

 

]]>
http://www.dinamani.com/all-editions/edition-madurai/madurai/2018/nov/19/மதுரையில்-கனரக-தொழிற்சாலைகள்-தொடங்க-வேண்டும்-இந்திய-ஜனநாயக-வாலிபர்-சங்க-மாநாட்டில்-தீர்மானம்-3041680.html
3041679 மதுரை மதுரை ஸ்ரீவில்லிபுத்தூருக்கு செல்லும் விளாச்சேரி கார்த்திகை விளக்குகள் DIN DIN Monday, November 19, 2018 05:14 AM +0530
விருதுநகர் மாவட்டம் ஸ்ரீவில்லிபுத்தூரை அடுத்த திருவண்ணாமலையில் உள்ள ஸ்ரீனிவாச பெருமாள் கோயிலுக்கு பெரிய அளவிலான கார்த்திகை விளக்குகள் திருப்பரங்குன்றத்தை அடுத்த விளாச்சேரியில் தயாராகி வருகிறது.
திருப்பரங்குன்றத்தை அடுத்த விளாசேரியில் மண்பாண்டங்கள் செய்யும் பணியில் சுமார் 150 குடும்பத்தினர் உள்ளனர். இவர்கள் தற்போது கார்த்திகை விளக்குகள் தயாரிக்கும் பணியில் உள்ளனர். இங்கு ஸ்ரீவில்லிபுத்தூரை அடுத்த தென்திருப்பதி எனப்படும் திருவண்ணாமலை ஸ்ரீனிவாச பெருமாள் கோயிலுக்கு கார்த்திகை தீபமேற்ற 20 லிட்டர் கொள்ளளவு உள்ள பெரிய அளவிலான 6 களிமண் விளக்குகள் தயாரிக்கும் பணியில் தொழிலாளர்கள் உள்ளனர்.
இதுகுறித்து விளக்கு தயாரிப்பு பணியில் உள்ள தொழிலாளர்கள் கூறியது: கார்த்திகை தீபத்தன்று மலைமேல் விளக்கேற்ற இந்த ஆர்டர்' கொடுத்துள்ளனர். மேலும் மலையில் தீபமேற்ற 1 லிட்டர் கொள்ளளவில் 25 விளக்குகளும், 100 மில்லி லிட்டர் கொள்ளளவில் 3 ஆயிரம் விளக்குகள் இதே கோயிலுக்காக தயாரித்துள்ளோம். தொடர்ந்து கடந்த 15 ஆண்டுகளாக இந்த கோயிலுக்கு விளக்குகள் தயாரித்து அனுப்புகின்றோம் என்றனர்.

 

]]>
http://www.dinamani.com/all-editions/edition-madurai/madurai/2018/nov/19/ஸ்ரீவில்லிபுத்தூருக்கு-செல்லும்-விளாச்சேரி-கார்த்திகை-விளக்குகள்-3041679.html
3041678 மதுரை மதுரை பூட்டிய வீடுகளில் 19 பவுன் நகைகள் திருட்டு DIN DIN Monday, November 19, 2018 05:13 AM +0530
மதுரை மாவட்டம் சமயநல்லூர் மற்றும் கள்ளிக்குடி அருகே பூட்டிய வீடுகளில் 19 பவுன் நகைகளை அடையாளம் தெரியாத நபர்கள் திருடிச்சென்றதாக ஞாயிற்றுக்கிழமை வழக்குப்பதிவு செய்யப்பட்டுள்ளது.
சமயநல்லூர் அருகே உள்ள பரவையைச் சேர்ந்தவர் இளங்கோவன்(66). இவர் தனது மனைவியுடன் சனிக்கிழமை பிற்பகல் மருத்துவமனைக்கு சென்று விட்டு இரவில் வீடு திரும்பியுள்ளார். அப்போது வீட்டின் பூட்டு உடைக்கப்பட்டிருந்தது. இதையடுத்து உள்ளே சென்று பார்த்த போது வீட்டின் பூட்டு உடைக்கப்பட்டு வீட்டில் இருந்த 11 பவுன் நகைகள், வெள்ளிப்பொருள்கள்,செல்லிடப்பேசி ஆகியவற்றைஅடையாளம் தெரியாத நபர்கள் திருடிச்சென்றது தெரியவந்தது.
சம்பவம் தொடர்பாக இளங்கோவன் அளித்தப் புகாரின் பேரில் சமயநல்லூர் போலீஸார் வழக்குப்பதிவு செய்து விசாரித்து வருகின்றனர்.
திருப்பரங்குன்றம்: கள்ளிக்குடி கற்பக நகரைச் சேர்ந்தவர் நாகராஜ் (40). இவர் வில்லூர்அரசு மதுபானக் கடையில் பணிபுரிகிறார். கடந்த இரண்டு நாள்களுக்கு முன் வீட்டைப் பூட்டிவிட்டு குடும்பத்தினருடன் வெளியூர் சென்றுவிட்டாராம். மீண்டும் ஞாயிற்றுக்கிழமை வந்து பார்த்தபோது வீட்டின் கதவு உடைக்கப்பட்டு அலமாரியில் வைக்கப்பட்டிருந்த 8 பவுன் நகையை மர்ம நபர்கள் திருடிச் சென்றது தெரியவந்தது. இதுகுறித்து புகாரின்பேரில் கள்ளிக்குடி போலீஸார் வழக்குப்பதிவு செய்து விசாரிக்கின்றனர்.

 

]]>
http://www.dinamani.com/all-editions/edition-madurai/madurai/2018/nov/19/பூட்டிய-வீடுகளில்-19-பவுன்-நகைகள்-திருட்டு-3041678.html
3041677 மதுரை மதுரை மனைவி தற்கொலை: கணவன், மாமியார் கைது DIN DIN Monday, November 19, 2018 05:13 AM +0530
திருமங்கலத்தில் மனைவியை தற்கொலைக்கு தூண்டிய வழக்கில் கணவன் மற்றும் மாமியாரை போலீஸார் ஞாயிற்றுக்கிழமை கைது செய்தனர்.
திருமங்கலம் பாண்டியன் நகரைச் சேர்ந்தவர் மணிகண்டன். இவரது மனைவி மீனா. இவர்களுக்கு கடந்த 3 ஆண்டுகளுக்கு முன் திருமணம் நடைபெற்றுள்ளது. ஒன்னரை வயதில் பெண் குழந்தை உள்ள நிலையில் கடந்த 19 நாள்களுக்கு முன் மீனாவிற்கு இரண்டாவது பெண் குழந்தை பிறந்த்துள்ளது.
இந்நிலையில் சனிக்கிழமை மணிகண்டன் வீட்டிற்கு வந்த போது வீடு உள்பக்கமாக பூட்டியிருந்ததாம். கதவை உடைத்து பார்த்த போது மீனா தூக்குப்போட்டு தற்கொலை செய்துள்ளார். இதுகுறித்து மீனாவின் தந்தை திருமங்கலம் நகர் போலீஸாரிடம் தனது மகள் இரண்டு பெண் குழந்தை பெற்றதால் அவரது கணவரும், மாமியார் பாக்கியலெட்சுமியும் தனது மகளை துன்புறுத்தினர். அதனால் மனமுடைந்து அவர் தற்கொலை செய்து கொண்டதாக புகார் அளித்துள்ளார். இதுகுறித்து திருமங்கலம் நகர் போலீஸார் வழக்குப்பதிவு செய்து மணிகண்டன் மற்றும் அவரது தாயார் பாக்கியலெட்சுமி ஆகிய இருவரையும் ஞாயிற்றுக்கிழமை கைது செய்தனர்.

 

]]>
http://www.dinamani.com/all-editions/edition-madurai/madurai/2018/nov/19/மனைவி-தற்கொலை-கணவன்-மாமியார்-கைது-3041677.html
3041676 மதுரை மதுரை கஜா' புயல் நிவாரணப் பணிகளைத் தீவிரப்படுத்த தமிழக அரசுக்கு அஇமூமுக வேண்டுகோள் DIN DIN Monday, November 19, 2018 05:13 AM +0530
கஜா' புயல் நிவாரணப் பணிகளைத் தீவிரப்படுத்துமாறு தமிழக அரசை அகில இந்திய மூவேந்தர் முன்னணி கழக நிறுவனர் டாக்டர் ந.சேதுராமன் வலியுறுத்தியுள்ளார்.
இதுகுறித்து அவர் வெளியிட்டுள்ள அறிக்கை: கஜா' புயலால் தமிழகத்தில் பல லட்சம் மக்களின் வாழ்வாதாரம் பாதிக்கப்பட்டுள்ளது. குறிப்பாக வேதாரண்யம், பேராவூரணி, பட்டுக்கோட்டை உள்ளிட்ட பகுதிகளில் பல ஆயிரம் குடும்பங்களின் வருமானத்தை ஒட்டு மொத்தமாக புயல் தகர்த்து பாதிப்புக்கு ஆளாக்கியுள்ளது.
புயல் வீசியபோது காட்டிய அக்கறையைப் போல இருமடங்கு வேகமாக நிவாரணப்பணிகளில் காட்டிய வேண்டிய தருணம் இது. பல கிராமங்களைச் சேர்ந்த மக்கள் அரசு அதிகாரிகள் யாரும் வரவில்லை என கண்ணீர் வடிக்கின்றனர். கஜா' புயலில் இறந்தவர்களின் குடும்பங்களுக்கு ரூ.10 லட்சம் வழங்கப்படும் என அரசு அறிவித்துள்ளது பாராட்டுக்குரியது. அதேநேரம், அந்த நிவாரணத்தொகை விரைவில் கிடைக்க நடவடிக்கை எடுக்க வேண்டும்.
நிவாரணம் வழங்குவதற்கான நடவடிக்கையில் விரைவில் கிராமம் வாரியாக கூட்டம் நடத்த வருவாய்த்துறையினர் ஏற்பாடு செய்ய வேண்டும். பல கிராமங்களில் ஒட்டு மொத்த தென்னை விவசாயம் அழிந்துவிட்டதால், அதை நம்பி வாழ்ந்த விவசாயிகளின் எதிர்கால நலனுக்காக அவசர செயல் திட்டங்களை உருவாக்கி செயல்படுத்த வேண்டும் என்றார்.

 

]]>
http://www.dinamani.com/all-editions/edition-madurai/madurai/2018/nov/19/கஜா-புயல்-நிவாரணப்-பணிகளைத்-தீவிரப்படுத்த-தமிழக-அரசுக்கு-அஇமூமுக-வேண்டுகோள்-3041676.html
3041675 மதுரை மதுரை ராணுவ அதிகாரி பணிக்கான தேர்வு: 608 பேர் எழுதினர் DIN DIN Monday, November 19, 2018 05:13 AM +0530
மத்திய அரசு பணியாளர் தேர்வாணையம் நடத்திய ஒருங்கிணைந்த ராணுவ அதிகாரி பணிக்கான எழுத்துத் தேர்வை மதுரையில் 608 பேர் எழுதினர்.
இத் தேர்வுக்கு மதுரை மையத்துக்கு 1,555 பேர் விண்ணப்பித்து இருந்தனர். மதுரையில் டான் போஸ்கோ பள்ளி, அல்அமீன் மேல்நிலைப் பள்ளி, என்எம்ஆர் சுப்புராமன் பள்ளி, செளராஷ்டிரா பள்ளிகளில் தேர்வு மையங்கள் அமைக்கப்பட்டிருந்தன. தேர்வை 608 எழுதினர். காலை 9 முதல் 11 மணி வரை ஆங்கிலம், பகல் 12 முதல் 2 மணி வரை பொது அறிவு, மாலை 3 முதல் 5 மணி வரை கணிதம் என மூன்று தாள்கள் தேர்வு நடத்தப்பட்டன.
மத்திய அரசு பணியாளர் தேர்வாணைய கூடுதல் செயலர் ஆர்.கே.கத்வால், தேர்வுக்கான பார்வையாளராக நியமிக்கப்பட்டிருந்தார். மாவட்ட ஆட்சியர் ச.நடராஜன், வருவாய் அலுவலர் ரெ.குணாளன் ஆகியோர் தேர்வு மையங்களைப் பார்வையிட்டனர்.

 

]]>
http://www.dinamani.com/all-editions/edition-madurai/madurai/2018/nov/19/ராணுவ-அதிகாரி-பணிக்கான-தேர்வு-608-பேர்-எழுதினர்-3041675.html
3041674 மதுரை மதுரை பெண்ணிடம் 11 பவுன் நகை பறிப்பு DIN DIN Monday, November 19, 2018 05:12 AM +0530
மதுரை அருகே இருசக்கர வாகனத்தில் சென்ற பெண்ணிடம் 11 பவுன் சங்கிலியை அடையாளம் தெரியாத நபர்கள் பறித்து சென்றதாக ஞாயிற்றுக்கிழமை வழக்குப்பதிவு செய்யப்பட்டுள்ளது.
மதுரை மாவட்டம் ஒத்தக்கடை அருகே உள்ள திருமோகூர் காளிகாப்பானைச் சேர்ந்த கண்ணன் மனைவி ரம்யா(30). அரசுத்தேர்வுக்கு தயாராகி வரும் ரம்யா, தேர்வு பயிற்சி மையத்துக்கு சென்று விட்டு சனிக்கிழமை மாலை இருசக்கர வாகனத்தில் வீடு திரும்பியுள்ளார். அப்பகுதியில் உள்ள சொர்ணமீனா நகர் வழியாக சென்றபோது அவரை இருசக்கர வாகனத்தில் பின்தொடர்ந்து வந்த மூவர், ரம்யா கழுத்தில் அணிந்திருந்த 11 பவுன் சங்கிலியை பறித்துக்கொண்டு தப்பிச்சென்றனர்.
சம்பவம் தொடர்பாக ரம்யா அளித்தப்புகாரின்பேரில் ஒத்தக்கடை போலீஸார் வழக்குப்பதிவு செய்து விசாரித்து வருகின்றனர்.

 

]]>
http://www.dinamani.com/all-editions/edition-madurai/madurai/2018/nov/19/பெண்ணிடம்-11-பவுன்-நகை-பறிப்பு-3041674.html
3041673 மதுரை மதுரை வ.உ.சி. நினைவு தினம்: சிலைக்கு மாலை அணிவித்து மரியாதை DIN DIN Monday, November 19, 2018 05:12 AM +0530
சுதந்திரப் போராட்ட வீரர் வ.உ.சிதம்பரனாரின் நினைவு தினத்தையொட்டி மதுரை சிம்மக்கல்லில் உள்ள அவரது சிலைக்கு பல்வேறு அரசியல் கட்சியினர் ஞாயிற்றுக்கிழமை மாலையணிவித்து மரியாதை செலுத்தினர்.
பாஜக சார்பில் தமிழக பாஜக மூத்த தலைவரும், மாநிலங்களவை உறுப்பினருமான இல.கணேசன் மாலை அணிவித்து மரியாதை செலுத்தினார். மாநிலச் செயலர் ஆர்.சீனிவாசன், மாநகர் மாவட்டத் தலைவர் சசிராமன், ஹரிகிருஷ்ணன் உள்ளிட்ட பலர் கலந்து கொண்டனர். காங்கிரஸ் கட்சி சார்பில் அக்கட்சியின் மாநகர் மாவட்டத் தலைவர் கார்த்திகேயன் தலைமையில் அக்கட்சியினர் மாலையணிவித்தனர்.
மதச்சார்பற்ற ஜனதாதளம் சார்பில், கட்சியின் மதுரை புறநகர் மாவட்டத் தலைவர் கே.பாக்கியத்தேவர் தலைமையில், மாநிலப் பொதுச் செயலர் க.ஜான்மோசஸ், அகில இந்திய பொதுக்குழு உறுப்பினர் சண்முகநாதன், மாநிலப் பொதுக்குழு உறுப்பினர் எஸ்.வேலுச்சாமி உள்ளிட்டோர் மாலை அணிவித்து மரியாதை செலுத்தினர்.
தேமுதிக சார்பில் மாநகர் மாவட்டச் செயலர் கவியரசு தலைமையில் அக் கட்சியினர் மாலையணிவித்து மரியாதை செலுத்தினர்.
தென்னிந்திய வெள்ளாளர் உறவின்முறை சங்கம், திருப்புவனம் வெள்ளாளர் சங்கம் உள்ளிட்ட சமூக அமைப்புகளைச் சேர்ந்தவர்கள் மாலை அணிவித்தனர்.

 

]]>
http://www.dinamani.com/all-editions/edition-madurai/madurai/2018/nov/19/வஉசி-நினைவு-தினம்-சிலைக்கு-மாலை-அணிவித்து-மரியாதை-3041673.html
3041215 மதுரை மதுரை தோப்பூரில் எய்ம்ஸ், பஸ்போர்ட்' அதிகாரிகள் ஆய்வு DIN DIN Monday, November 19, 2018 12:26 AM +0530
திருப்பரங்குன்றத்தை அடுத்த தோப்பூர் பகுதியில் எய்ம்ஸ் மருத்துவமனை மற்றும் பஸ்போர்ட்' அமைய உள்ள பகுதிகளை மாநகராட்சி ஆணையர், வருவாய்த்துறை, மின்வாரியம், பொதுப்பணித்துறை உள்ளிட்ட அனைத்துத்துறை அதிகாரிகள் சனிக்கிழமை ஆய்வு செய்தனர்.
தோப்பூரை அடுத்த கோ. புதுப்பட்டி கிராமத்தில் 200 ஏக்கர் பரப்பளவில் ரூ. 1,500 கோடி மதிப்பீட்டி ல் எய்ம்ஸ் மருத்துவமனை அமைக்கப்படும் என மத்திய சுகாதாரத்துறை அறிவித்தது. இதையடுத்து மத்திய கட்டுமானக்குழுவினர் வந்து ஆய்வு செய்தனர். தொடர்ந்து மண் மாதிரிகளை பரிசோதனைக்கு எடுத்துச்சென்றனர். மேலும் எய்ம்ஸ் மருத்துவமனை அமைய உள்ள இடத்தில் இருக்கும் மின்கம்பங்கள், மின்மாற்றிகள் உள்ளிட்டவை இடம்மாற்றம் செய்யும் பணிகள் நடைபெற்று வருகின்றன.
இந்நிலையில் மாநகராட்சி ஆணையர் அனீஷ்சேகர் தலைமை யில், மாவட்ட வருவாய் அலுவலர் குணாளன், உசிலம்பட்டி கோட்டாட்சியர் முருகேசன், மின்வாரியம், பொதுப்பணித்துறை, தேசிய நெடுஞ்சாலைத்துறை, இந்தியன் ஆயில் கார்ப்பரேசன் (குழாய் பதிப்பு) மேலாளர் ஸ்ரீனிவாசன், மாசுக்கட்டுப்பாடு வாரிய அலுவலர்கள், வட்டாட்சியர் சுரேஷ் உள்ளிட்டோர் எய்ம்ஸ் மருத்துவமனை அமைய உள்ள பகுதியை ஆய்வு செய்தனர். மேலும் கரடிபட்டி பகுதியில் பஸ்போர்ட்' அமைப்பது தொடர்பாகவும் தேர்வு செய்யப்பட்ட இடத்தையும் ஆய்வு செய்தனர்.

 

]]>
http://www.dinamani.com/all-editions/edition-madurai/madurai/2018/nov/19/தோப்பூரில்-எய்ம்ஸ்-பஸ்போர்ட்-அதிகாரிகள்-ஆய்வு-3041215.html
3041214 மதுரை மதுரை மனைவி தற்கொலை: கணவர், மாமியார் கைது DIN DIN Monday, November 19, 2018 12:25 AM +0530
திருமங்கலத்தில் மனைவியை தற்கொலைக்கு தூண்டிய வழக்கில் கணவர் மற்றும் மாமியாரை போலீஸார் ஞாயிற்றுக்கிழமை கைது செய்தனர்.
திருமங்கலம் பாண்டியன் நகரைச் சேர்ந்தவர் மணிகண்டன். இவரது மனைவி மீனா. இவர்களுக்கு கடந்த 3 ஆண்டுகளுக்கு முன் திருமணம் நடைபெற்றுள்ளது. ஒன்றரை வயதில் பெண் குழந்தை உள்ள நிலையில் கடந்த 19 நாள்களுக்கு முன் மீனாவிற்கு இரண்டாவது பெண் குழந்தை பிறந்த்துள்ளது. இந்நிலையில் சனிக்கிழமை மணிகண்டன் வீட்டிற்கு வந்த போது வீடு உள்பக்கமாக பூட்டியிருந்ததாம். கதவை உடைத்து பார்த்த போது மீனா தூக்குபோட்டு தற்கொலை செய்துள்ளார். இதுகுறித்து மீனாவின் தந்தை திருமங்கலம் நகர் போலீஸாரிடம் தனது மகள் இரண்டு பெண் குழந்தை பெற்றதால் அவரது கணவரும், மாமியார் பாக்கியலெட்சுமியும் தனது மகளை துன்புறுத்தினர். அதனால் மனமுடைந்து அவர் தற்கொலை செய்து கொண்டதாக புகார் அளித்துள்ளார். இதுகுறித்து திருமங்கலம் நகர் போலீஸார் வழக்குப்பதிவு செய்து மணிகண்டன் மற்றும் அவரது தாயார் பாக்கியலெட்சுமி ஆகிய இருவரையும் ஞாயிற்றுக்கிழமை கைது செய்தனர்.

 

]]>
http://www.dinamani.com/all-editions/edition-madurai/madurai/2018/nov/19/மனைவி-தற்கொலை-கணவர்-மாமியார்-கைது-3041214.html
3040972 மதுரை மதுரை மணிமுத்தாறில் மணல் திருட்டு 6 பேர் கைது: வேன் பறிமுதல் DIN DIN Sunday, November 18, 2018 08:11 AM +0530 மதுரை மாவட்டம், மேலூர் அருகே மலம்பட்டி பகுதியிலுள்ள மணிமுத்தாறில் மணல் திருட்டில் ஈடுபட்ட 6 பேரை கீழவளவு போலீஸார் கைது செய்து, மணல் ஏற்றிய வேனையும் பறிமுதல் செய்தனர்.
  வேன் மூலம் மணிமுத்தாறில் மணல் திருடப்படுவதாகத் தகவல் கிடைத்ததை அடுத்து, கீழவளவு காவல் நிலைய சார்பு-ஆய்வாளர் வீரணன் மற்றும் போலீஸார் அப்பகுதிக்குச் சென்று கண்காணித்தனர். அப்போது,   ஆற்றுக்குள் மணல் திருட்டில் ஈடுபட்டிருந்த அம்மன்கோவில்பட்டியைச் சேர்ந்த ராஜா (52), கம்பர்மலைப்பட்டியைச் சேர்ந்த சேவற்கொடியோன் (42),  கீழவளவைச் சேர்ந்த அழகு (40), சந்திரன் (60), பூமிநாதன் (34) மற்றும் லெட்சுமணன் (60) ஆகிய 6 பேரையும் போலீஸார் கைது செய்து, மணல் ஏற்றிய வேனையும் பறிமுதல் செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/madurai/2018/nov/18/மணிமுத்தாறில்-மணல்-திருட்டு-6-பேர்-கைது-வேன்-பறிமுதல்-3040972.html
3040971 மதுரை மதுரை குயின்மீரா சர்வதேசப் பள்ளியில் குழந்தைகள் தின கலைப் போட்டிகள் DIN DIN Sunday, November 18, 2018 08:11 AM +0530 மதுரை குயின் மீரா சர்வதேச பள்ளியில் குழந்தைகள் தினத்தையொட்டி மழலையர் வகுப்பு மாணவர்களுக்கான பல்வேறு கலைப் போட்டிகள் சனிக்கிழமை நடைபெற்றன.
 மழலையர் வகுப்புகளில் படிக்கும் மாணவ, மாணவியரின் பல்வேறு திறன்களை வெளிப்படுத்தும் வகையில் குயின் மீரா சர்வதேச பள்ளியில் 2015 முதல் தி லிட்டில் எம்பரர் என்ற கலைப் போட்டிகள் நடத்தப்பட்டு வருகின்றன. நான்காவது ஆண்டாக,  சனிக்கிழமை நடைபெற்ற இந்த நிகழ்வில் மதுரை, தேனி, திண்டுக்கல், சிவகங்கை மாவட்டங்களில் இருந்து 115 பள்ளிகளைச் சேர்ந்த மழலையர் வகுப்பு  மாணவர்கள் சுமார் 1500 பேர் கலந்து கொண்டனர். 
  நவீன ஆடை அணிவகுப்பு, குழு நடனம், ஓவியம் உள்ளிட்ட பல்வேறு தலைப்புகளில் 9 போட்டிகள் நடத்தப்பட்டன. 3 வயதுக்கு உட்பட்டவர்கள், 3 முதல் 4 வயது உடையோர், 4 முதல் 5 வயது உடையோர் என மூன்று பிரிவுகளாகப் போட்டிகள் நடத்தப்பட்டன.
   ஒட்டுமொத்த போட்டிகளில் தேனி வேலம்மாள் போதி வளாக சிபிஎஸ்இ பள்ளி முதலிடத்தைப் பெற்றது.  மதுரை பிரின்ஸ் நர்சரி பள்ளி மற்றும் விரகனூர் வேலம்மாள் வித்யாலயா பள்ளி இரண்டாம் இடத்தைப் பெற்றன.  ஓம் சாதனா பள்ளி,  அனுப்பானடி வேலம்மாள் பள்ளி, செயின்ட் மைக்கேல் பள்ளி ஆகிய 3 பள்ளிகளும் மூன்றாம் இடத்தைப் பகிர்ந்து கொண்டன.
  முதல் பரிசாக ரூ.25 ஆயிரம், 2-ஆம் பரிசாக ரூ.15 ஆயிரம், 3-ஆம் பரிசாக ரூ.10 ஆயிரம் மற்றும் கோப்பை வழங்கப்பட்டது.  தனிப் போட்டிகளில் முதல் மூன்று இடங்களைப் பெற்ற மாணவர்களுக்கு பதக்கம் மற்றும் சான்றிதழ்கள் வழங்கப்பட்டன.
  தி நியூ இந்தியன் எக்ஸ்பிரஸ் குழுமத்தின் வர்த்தகப் பிரிவு முதுநிலை துணைத் தலைவர் ஜெ. விக்னேஷ்குமார், போட்டிகளில் வெற்றி பெற்ற மாணவர்களுக்குப் பரிசுகளை வழங்கினார்.
 பள்ளி தாளாளர் சி. சந்திரன், இயக்குநர் அபிநாத் சந்திரன், பள்ளி முதல்வர் சுஜாதா குப்தன் உள்ளிட்ட பலர் கலந்து கொண்டனர். 

]]>
http://www.dinamani.com/all-editions/edition-madurai/madurai/2018/nov/18/குயின்மீரா-சர்வதேசப்-பள்ளியில்-குழந்தைகள்-தின-கலைப்-போட்டிகள்-3040971.html
3040970 மதுரை மதுரை மின் திருட்டு: ரூ.61 ஆயிரம் அபராதம் DIN DIN Sunday, November 18, 2018 08:10 AM +0530 மின்சாரத்தை தவறான வீதப் பட்டியலில் பயன்படுத்திய மின்நுகர்வோருக்கு ரூ. 61 ஆயிரம் அபராதம் விதிக்கப்பட்டது.
      மதுரை பெருநகர் மின்பகிர்மான வட்டம் வடக்கு செயற்பொறியாளர் ஜீ. மலர்விழி தலைமையில், கோ.புதூர் மின்பிரிவு அலுவலகத்துக்குள்பட்ட மின் இணைப்புகள் ஆய்வு செய்யப்பட்டன. வடக்கு கோட்டத்துக்குள்பட்ட 12 மின்பொறியாளர்கள் அடங்கிய குழுவினர், 358 மின் இணைப்புகளை ஆய்வு செய்தனர். இதில், தவறான வீதப் பட்டியலில் மின்சாரத்தைப் பயன்படுத்திய நுகர்வோருக்கு ரூ. 61,487 அபராதம் விதிக்கப்பட்டது.

]]>
http://www.dinamani.com/all-editions/edition-madurai/madurai/2018/nov/18/மின்-திருட்டு-ரூ61-ஆயிரம்-அபராதம்-3040970.html
3040969 மதுரை மதுரை "கஜா' புயல்: பயிர் சேதங்களை கணக்கிடும் பணி தீவிரம்: ஆட்சியர் ஆய்வு DIN DIN Sunday, November 18, 2018 08:10 AM +0530 கஜா புயல் காரணமாக, மதுரை மாவட்டத்தில் ஏற்பட்ட பயிர் சேதங்கள் குறித்து வருவாய் மற்றும் வேளாண் துறையினர் கணக்கெடுக்கும் பணியில் ஈடுபட்டு வருகின்றனர். சேதமடைந்த பகுதிகளை ஆட்சியர் சனிக்கிழமை ஆய்வு செய்தார்.
      மதுரை மாவட்டத்தில் வெள்ளிக்கிழமை அதிகாலை முதல் பலத்த காற்றுடன் மழை பெய்தது. இதனால், பெரும்பாலான இடங்களில் மரங்கள்  வேரோடு சாய்ந்து விழுந்தன. 
மின்கம்பங்களும் சாய்ந்தன. மாவட்டத்தின் பல்வேறு பகுதிகளிலும் குடிசைகள் சேதமடைந்தன.
    இதையடுத்து, மதுரை மாநகராட்சி, வருவாய், பொதுப்பணி, மின்வாரியம், நெடுஞ்சாலைத் துறை, தீயணைப்புப் படையினர் மீட்பு மற்றும் சீரமைப்பு பணிகளைத் தீவிரப்படுத்தினர். பெரும்பாலான இடங்களில் சாலையின் குறுக்கே விழுந்த மரங்கள் உடனுக்குடன் அப்புறப்படுத்தப்பட்டன.  அதேபோல், சாய்ந்த மின்கம்பங்கள் சரிசெய்யப்பட்டு, மின்விநியோகம் சீர்படுத்தப்பட்டது.
    மாவட்டத்தில் வாடிப்பட்டி,  அலங்காநல்லூர், மேலூர், கொட்டாம்பட்டி ஆகிய பகுதிகளில் பயிர்கள் கடுமையாகச் சேதமடைந்துள்ளன. குறிப்பாக, வாடிப்பட்டி மற்றும் அலங்காநல்லூர் பகுதிகளில் அறுவடைக்குத் தயாராக இருந்த நெற்பயிர்கள் மற்றும் வாழை உள்ளிட்ட தோட்டப் பயிர்களும் சேதமடைந்தன. மேலூர், கொட்டாம்பட்டி பகுதிகளில் தொடர் மழையால்  நெல், கரும்பு பயிர்கள் சேதமடைந்துள்ளன.
    மதுரை மாவட்டத்தில் பயிர் சேதம் சுமார் 300 ஏக்கருக்குள் இருக்கும் என்றும், இருப்பினும்  ஆய்வு முடிந்த பிறகே முழுமையான விவரம் தெரியவரும் என்றும் அதிகாரிகள் கூறினர்.
    மேலூர், கொட்டாம்பட்டி பகுதிகளைப் பொருத்தவரை நெல், செங்கரும்பு அதிகளவில் சேதமடைந்துள்ளன. இப் பகுதியில் நெற் பயிர்கள் பால் பிடிக்கும் பருவத்தில் உள்ளன. 
இதனால், மழை நின்றவுடன் மீண்டும் முளைத்துவிடும் என்பதால் பாதிப்பு இருக்காது.  கீழையூர், கீழவளவு பகுதிகளில் செங்கரும்புகள் சாய்ந்துள்ளன. அவற்றை சேர்த்து நிறுத்திக் கட்டினால்,  சேதம் இருக்காது. முறிந்த கரும்புகள்தான் விவசாயிகளுக்குப் பாதிப்பாக இருக்கும்.
    பயிர் சேதம் குறித்து தீவிர ஆய்வு செய்யப்பட்டு வருகிறது. சேத மதிப்பீடு கணக்கிடப்பட்டு, விவசாயிகளுக்கு உரிய இழப்பீடு கிடைக்க பரிந்துரை செய்யப்படும் என, வேளாண் அலுவலர்கள் தெரிவித்தனர். 
    வாடிப்பட்டி வட்டம் மேட்டுநீரேத்தான், மேலூர் அருகே உள்ள அ.வள்ளாலபட்டி, புலிப்பட்டி, கொட்டாம்பட்டி அருகே உள்ள எட்டிமங்கலம் உள்ளிட்ட பகுதிகளில் மழையால் சேதமடைந்த விவசாய நிலங்களை மாவட்ட ஆட்சியர் ச. நடராஜன் சனிக்கிழமை பார்வையிட்டார். வேளாண் இணை இயக்குநர் குமாரவடிவேல் உள்ளிட்டோர் உடன் சென்றிருந்தனர்.
    பின்னர், மழை பாதிப்பு குறித்து ஆட்சியர் கூறியது: 
 கஜா புயலால் ஏற்பட்ட மழை காரணமாக, மதுரை மாவட்டத்தில் பெரிய பாதிப்புகள் இல்லை. ஆங்காங்கே மரங்கள், மின்கம்பங்கள் சாய்ந்தன. அவை உடனடியாக அப்புறப்படுத்தப்பட்டன. 
    மாவட்டத்தின் பல்வேறு பகுதிகளிலும் 28 குடிசை வீடுகள் பகுதி அளவிலும், 20 குடிசை வீடுகள் முழுமையாகவும் சேதமடைந்துள்ளன. 
அவற்றுக்கு உரிய நிவாரணத் தொகை உடனடியாக வழங்குவதற்கு நடவடிக்கை எடுக்கப்பட்டு வருகிறது என்றார். 

]]>
http://www.dinamani.com/all-editions/edition-madurai/madurai/2018/nov/18/கஜா-புயல்-பயிர்-சேதங்களை-கணக்கிடும்-பணி-தீவிரம்-ஆட்சியர்-ஆய்வு-3040969.html
3040968 மதுரை மதுரை மாவட்ட அளவிலான நீச்சல் போட்டி: ஜெயின் வித்யாலயா பள்ளி சாம்பியன் DIN DIN Sunday, November 18, 2018 08:10 AM +0530 மதுரையில் நடைபெற்ற மாவட்ட அளவிலான நீச்சல் போட்டியில் எஸ்.டி.எச்.ஜெயின் வித்யாலயா பள்ளி ஒட்டுமொத்த சாம்பியன் பட்டத்தை வென்றது.
மதுரை மாவட்ட நீச்சல் கழகம் சார்பில், மாவட்ட அளவில் பள்ளி மாணவர்களுக்கான நீச்சல் போட்டி ரேஸ்கோர்ஸ் எம்ஜிஆர் விளையாட்டரங்கில் உள்ள நீச்சல் குளத்தில் வெள்ளிக்கிழமை நடத்தப்பட்டது. 
இதில், மதுரை மாவட்டத்தின் பல்வேறு பள்ளிகளைச் சேர்ந்த 100-க்கும் மேற்பட்ட மாணவர்கள் கலந்துகொண்டனர். போட்டிகள் 7 பிரிவுகளாக நடத்தப்பட்டன. இதில், அதிக புள்ளிகளை பெற்ற எஸ்.டி.எச். ஜெயின் வித்யாலயா பள்ளி முதலிடத்தைப் பெற்றது. மகாத்மா மாண்டிசோரி பள்ளி, வேலம்மாள் வித்யாலயா,  லெட்சுமி மெட்ரிக். மேல்நிலைப் பள்ளி,  சிஇஓஏ பள்ளி ஆகியன முறையே 2 முதல் 5-ஆவது இடத்தைப் பெற்றன.
போட்டிகளில் வெற்றி பெற்றவர்களுக்கும்,  ஒட்டுமொத்த அணிக்கான இடங்களைப் பிடித்தவர்களுக்கும், மதுரை காமராஜர் பல்கலைக்கழக உடற்கல்வி இயக்குநர் சந்திரசேகர் பரிசுகளை வழங்கினார். அரிமா சங்க மாவட்ட ஆளுநர் பாரி பரமேஸ்வரன்,  மாவட்ட விளையாட்டு அலுவலர் கே. ராஜா,  மதுரை மாவட்ட நீச்சல் கழகச் செயலர் கண்ணன் உள்ளிட்டோர் பங்கேற்றனர். 
 

]]>
http://www.dinamani.com/all-editions/edition-madurai/madurai/2018/nov/18/மாவட்ட-அளவிலான-நீச்சல்-போட்டி-ஜெயின்-வித்யாலயா-பள்ளி-சாம்பியன்-3040968.html
3040967 மதுரை மதுரை கிணற்றில் குளிக்கச் சென்ற பள்ளி மாணவர் சாவு DIN DIN Sunday, November 18, 2018 08:09 AM +0530 உசிலம்பட்டி அருகே கிணற்றில் குளிக்கச் சென்ற பள்ளி மாணவர் வெள்ளிக்கிழமை உயிரிழந்தார்.
தொட்டப்பநாயக்கனூரைச் சேர்ந்த கருப்பசாமி மகன் கவிராஜா (14). இவர், அதே ஊரில் 9 ஆம் வகுப்பு படித்து வந்தார். இவர், வெள்ளிக்கிழமை மாலை தனது நண்பர்களுடன் சேர்ந்து கிணற்றில் குளிக்கச் சென்றுள்ளார்.  குளித்து முடித்துவிட்டு நண்பர்கள் அனைவரும் தங்களது வீடுகளுக்குச் சென்றுவிட்ட போதும், கவிராஜா மட்டும் தனியாக குளித்துள்ளார்.  அதன்பின்னர், நீண்ட நேரமாகியும் கவிராஜா வீட்டுக்கு வராததால்,  பெற்றோர்கள் அவரைத் தேடியுள்ளனர். அப்போது, கிணற்றின் முன்பாக அவர் அணிந்திருந்த சட்டை கிடந்துள்ளதைப் பார்த்து, போலீஸாருக்கு தகவல் தெரிவித்துள்ளனர். 
பின்னர், உசிலம்பட்டி தீயணைப்புப் படையினர் உதவியுடன் கிணற்றில் கவிராஜாவை தேடியுள்ளனர். அப்போது, கவிராஜாவை சடலமாக மீட்டனர். மாணவரின் சடலத்தை, உசிலம்பட்டி அரசு மருத்துவமனைக்கு அனுப்பி வைத்தனர். இது குறித்து உசிலம்பட்டி தாலுகா போலீஸார் வழக்குப் பதிந்து விசாரிக்கின்றனர்.
 

]]>
http://www.dinamani.com/all-editions/edition-madurai/madurai/2018/nov/18/கிணற்றில்-குளிக்கச்-சென்ற-பள்ளி-மாணவர்-சாவு-3040967.html
3040963 மதுரை மதுரை அழகர்கோவில் உண்டியல் காணிக்கை வருமானம் ரூ.21 லட்சம் DIN DIN Sunday, November 18, 2018 08:07 AM +0530 அழகர்கோவில் உண்டியல்கள் சனிக்கிழமை திறந்து எண்ணப்பட்டதில், ரூ.21 லட்சம் காணிக்கை வருமானம் கிடைத்துள்ளது.
உண்டியல்கள், கோயில் நிர்வாக அதிகாரி மாரிமுத்து, உதவி அலுவலர் சிவலிங்கம் மற்றும் அலுவலர்கள் முன்னிலையில் திறந்து எண்ணப்பட்டதில், ரொக்கம் ரூ. 20,94,566, தங்கம் 10 கிராம், வெள்ளி 421 கிராம் மற்றும் வெளிநாட்டு பணமும் காணிக்கையாக வரப்பெற்றன. 
விரதத்தை தொடங்கிய ஐயப்ப பக்தர்கள்: கார்த்திகை மாதப் பிறப்பையொட்டி ஏராளமான ஐயப்ப பக்தர்கள் நூபுரகங்கை தீர்த்தத்தில் புனித நீராடி, ராக்காயி அம்மனை வழிபட்டனர். சோலைமலை முருகன்கோயிலில் சிறப்பு பூஜைகள் செய்து, துளசி மணிமாலையணிந்து விரதத்தை தொடங்கினர். கள்ளழகர் கோயில் பதினெட்டாம்படி கருப்பண சுவாமி கோயிலிலும் பூஜைகள் செய்து வழிபட்டனர்.

]]>
http://www.dinamani.com/all-editions/edition-madurai/madurai/2018/nov/18/அழகர்கோவில்-உண்டியல்-காணிக்கை-வருமானம்-ரூ21-லட்சம்-3040963.html
3040962 மதுரை மதுரை மதுரையில் வி.பி.சிந்தன் நூற்றாண்டு விழா கருத்தரங்கம் DIN DIN Sunday, November 18, 2018 08:07 AM +0530 அரசுப் போக்குவரத்துக் கழக தொழிலாளர் சங்கத்தின் 45-ஆவது ஆண்டு பேரவைக் கூட்டம் மற்றும் மார்க்சிஸ்ட் கம்யூனிஸ்ட் கட்சியின் மறைந்த மூத்த தலைவர் வி.பி.சிந்தன் நூற்றாண்டு விழா கருத்தரங்கம் சனிக்கிழமை தொடங்கியது.
தோழர் வி.பி.சி-யும்  தமிழக தொழிற்சங்க இயக்கமும்  என்ற தலைப்பில் சிஐடியு மாநிலத் தலைவர் ஏ. செளந்தரராஜன், சமஉரிமையில் சமரசமில்லை என்ற தலைப்பில் அனைத்திந்திய ஜனநாயக மாதர் சங்க மாநில துணைத் தலைவர் கே.பாலபாரதி ஆகியோர் பேசினர்.
கடந்த ஆண்டு 10 மற்றும் 12 ஆம் வகுப்பு பொதுத் தேர்வுகளில் தேர்ச்சி பெற்ற போக்குவரத்துக் கழக தொழிலாளர்களின் குடும்பங்களைச் சேர்ந்த மாணவ, மாணவியருக்கு பரிசுகளை, போக்குவரத்துத் தொழிலாளர் சம்மேளன பொதுச் செயலர் கே. ஆறுமுகநயினார், துணைத் தலைவர் வி. பிச்சை, துணைத் தலைவர் ஜி. ராஜேந்திரன் ஆகியோர் வழங்கினர்.
மார்க்சிஸ்ட் கம்யூனிஸ்ட் கட்சியின் மதுரை மாநகர் மாவட்டச் செயலர் இரா.விஜயராஜன், புறநகர் மாவட்டச் செயலர் சி. ராமகிருஷ்ணன், சிஐடியு மதுரை மாநகர் மாவட்டத் தலைவர் ஆர். வாசுதேவன் உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-madurai/madurai/2018/nov/18/மதுரையில்-விபிசிந்தன்-நூற்றாண்டு-விழா-கருத்தரங்கம்-3040962.html
3040961 மதுரை மதுரை ஜப்பானிய தொழில் நிறுவனங்களுடன் தியாகராஜர் பொறியியல் கல்லூரி புரிந்துணர்வு ஒப்பந்தம் DIN DIN Sunday, November 18, 2018 08:07 AM +0530 திருப்பரங்குன்றம் தியாகராஜர் பொறியியல் கல்லூரி, ஜப்பானிய தொழில் நிறுவனங்களுடன் தொழிலகங்களில் நவீன தொழில்நுட்பம் தொடர்பாக வெள்ளிக்கிழமை புரிந்துணர்வு ஒப்பந்தம் மேற்கொண்டது.
ஜப்பான் நாட்டிலுள்ளஇண்டஸ்ட்ரீஸ் ஹிரானா மற்றும் ஆல்பா டிகேஜி ஆகிய நிறுவனங்களுடன் மேற்கொள்ளப்பட்ட புரிந்துணர்வு ஒப்பந்த நிகழ்ச்சிக்கு, தியாகராஜர் பொறியியல் கல்லூரித் தாளாளர் கருமுத்து தி. கண்ணன் தலைமை வகித்தார். 
ஜப்பான் ஹிரானா நிறுவனத் தலைவர் டோஷியூகி ஹிரானா, ஆல்பா டிகேஜி நிறுவனத் தலைவர் தகாகி, தியாகராஜர் மில்ஸ் நிர்வாக இயக்குநர் ஹரி தியாகராஜன், கல்லூரியின் முன்னாள் மாணவரும், ஆல்பா டிகேஜி சொல்யூஷன் தலைவருமான தனபாண்டியன் ஆகியோர் பங்கேற்றனர்.  தொடர்ந்து, கல்லூரி வளாகத்தில் புதிதாக 2 ஆய்வகங்களும் திறக்கப்பட்டன.
இதன் மூலம், மாணவர்கள், ஆராய்ச்சி மாணவர்கள், பேராசிரியர்கள் ஜப்பானிய தொழில்நுட்ப வல்லுநர்களுடன் இணைந்து, ஜப்பானில் பணியாற்றவும், ஜாப்பானிய தொழில்நுட்ப வல்லுநர்கள் கல்லூரிக்கு வந்து தொழில்கூடங்களில் புதிய தொழில்நுட்பங்களையும், ஏற்கெனவே உள்ள தொழில்நுட்பங்களை மேம்படுத்துவதற்காகவும் ஆராய்ச்சி மேற்கொள்வர். மேலும், படிப்பு முடிந்தவுடன் மாணவர்களுக்கு நல்ல வேலைவாய்ப்பும் அமையும் என, ஆல்பா டிகேஜி சொல்யூஷன் தலைவர் தனபாண்டியன் தெரிவித்தார். முன்னதாக, கல்லூரி முதல்வர் வி. அபய்குமார் வரவேற்றார்.
 

]]>
http://www.dinamani.com/all-editions/edition-madurai/madurai/2018/nov/18/ஜப்பானிய-தொழில்-நிறுவனங்களுடன்-தியாகராஜர்-பொறியியல்-கல்லூரி-புரிந்துணர்வு-ஒப்பந்தம்-3040961.html
3040960 மதுரை மதுரை மதுரையில் பிளாஸ்டிக் பொருள்கள், திடக்கழிவு மேலாண்மை விழிப்புணர்வுக் கண்காட்சி DIN DIN Sunday, November 18, 2018 08:06 AM +0530 மதுரை மாநகராட்சி சார்பில், பிளாஸ்டிக் பொருள்கள், திடக்கழிவு மேலாண்மை குறித்த 2 நாள் விழிப்புணர்வுக் கண்காட்சி சனிக்கிழமை தொடங்கியது.
2019 ஜனவரி முதல் ஒருமுறை பயன்படுத்தக்கூடிய பிளாஸ்டிக் பொருள்களுக்கு, தமிழக அரசு தடை விதித்துள்ளது. இதையொட்டி, மதுரை மாநகராட்சி சார்பில் நடைபெறும் பிளாஸ்டிக் உபயோகப் பொருள்கள் மற்றும் திடக்கழிவு மேலாண்மை குறித்த 2 நாள் விழிப்புணர்வுக் கண்காட்சி தமுக்கம் மைதானத்தில் தொடங்கியது. 
கண்காட்சியை, மாவட்ட ஆட்சியர் ச. நடராஜன் திறந்து வைத்தார். மதுரை மாநகராட்சி ஆணையர் அனீஷ்சேகர் தலைமை வகித்தார்.
கண்காட்சியில், பிளாஸ்டிக் பொருள்களுக்கு மாற்றான பொருள்கள், திடக்கழிவுகளை  கையாளுதல் குறித்து விளக்கம் அளிக்கும் வகையில் 63 அரங்குகள் அமைக்கப்பட்டுள்ளன. 
இதேபோல், பிளாஸ்டிக் மாற்று பொருள்களான சணல் பைகள், துணிப்பைகள், பேப்பர் பைகள், மூங்கில் கூடைகள், பாக்கு மட்டை தட்டுகள், சோளமாவு, மரவள்ளிக் கிழங்கு மாவிலிருந்து தயாரிக்கப்பட்ட பைகள், பேப்பரில் தயாரிக்கப்பட்ட பேனா, மரப் பொருள்கள், குப்பையிலிருந்து பயோ-கேஸ் தயாரிக்கும் உபகரணங்கள் உள்ளிட்ட பல்வேறு பொருள்கள் விற்பனைக்கு வைக்கப்பட்டிருந்தன.
இக் கண்காட்சியானது, ஞாயிற்றுக்கிழமை (நவ.18) இரவு 7 மணியுடன் நிறைவடைகிறது.
நிகழ்ச்சியில், துணை ஆணையர் ப. மணிவண்ணன், உதவி ஆணையர்கள் பழனிச்சாமி, பிரேம்குமார், நர்மதாதேவி, முருகேசபாண்டியன், செயற்பொறியாளர்கள் ராஜேந்திரன், சேகர், ராமசாமி, உதவி நகர்நல அலுவலர் சரோஜா, கல்வி அலுவலர் ராஜேந்திரன், சுகாதார அலுவலர்கள் சிவசுப்பிரமணியன், ராஜ்கண்ணன், சுகாதார ஆய்வாளர் இளையராஜா உள்ளிட்ட பலர் கலந்துகொண்டனர்.

]]>
http://www.dinamani.com/all-editions/edition-madurai/madurai/2018/nov/18/மதுரையில்-பிளாஸ்டிக்-பொருள்கள்-திடக்கழிவு-மேலாண்மை-விழிப்புணர்வுக்-கண்காட்சி-3040960.html
3040959 மதுரை மதுரை கார்த்திகை திருவிழா: தயார் நிலையில் தீபமேற்றும் தாமிரக் கொப்பரை DIN DIN Sunday, November 18, 2018 08:06 AM +0530 திருப்பரங்குன்றம் சுப்பிரமணிய சுவாமி கோயிலில் கார்த்திகை தீபத் திருவிழாவை முன்னிட்டு, தீபம் ஏற்றப்படும் தாமிர கொப்பரைக்கு சனிக்கிழமை சிறப்பு பூஜை செய்யப்பட்டது.
திருப்பரங்குன்றம் சுப்பிரமணிய சுவாமி கோயிலில் கடந்த 15 ஆம் தேதி கார்த்திகை தீபத் திருவிழா கொடியேற்றத்துடன் தொடங்கியது. விழாவின் முக்கிய நிகழ்ச்சியாக நவம்பர் 22 ஆம் தேதி பட்டாபிஷேகம் நடைபெறுகிறது. அதைத் தொடர்ந்து, நவம்பர் 23 ஆம் தேதி  மாலை மலைமேல் மகாதீபம் ஏற்றப்படுகிறது. இதற்காக, நாலரை அடி உயரம், இரண்டரை அடி அகலம் கொண்ட  தாமிரக் கொப்பரை தயார் செய்யப்பட்டது. இதில், தீபத் திருநாளன்று 300 கிலோ நெய் ஊற்றப்பட்டு, 150 மீட்டர்  காடா துணியை திரியாக்கி, 5 கிலோ சூடம் மூலம் தீபம் ஏற்றப்படும். இந்த தீபமானது 3 நாள்களுக்கு தொடர்ந்து எரியும். இதற்கான ஏற்பாடுகளை, திருவண்ணாமலையிலிருந்து வரும் நிபுணர் குழுவினர் செய்யவுள்ளனர்.
கோயில் சார்பில், தாமிரக் கொப்பரைக்கு சனிக்கிழமை கம்பத்தடி மண்டபத்தில் வைத்து சிறப்பு பூஜை செய்யப்பட்டு அலங்கரிக்கப்பட்டது. விழா ஏற்பாடுகளை, கோயில் நிர்வாகம் செய்துவருகிறது.

]]>
http://www.dinamani.com/all-editions/edition-madurai/madurai/2018/nov/18/கார்த்திகை-திருவிழா-தயார்-நிலையில்-தீபமேற்றும்-தாமிரக்-கொப்பரை-3040959.html
3040958 மதுரை மதுரை உசிலை அருகே முருங்கை மரங்கள் முறிந்து சேதம்: விவசாயிகள் கவலை DIN DIN Sunday, November 18, 2018 08:06 AM +0530 கஜா புயல் காரணமாக, உசிலம்பட்டி பகுதிகளில் வெள்ளிக்கிழமை வீசிய பலத்த காற்றுக்கு 5 ஏக்கர் அளவிலான முருங்கை மரங்கள் முறிந்து விழுந்து சேதமடைந்தன.
     மதுரை மாவட்டம், உசிலம்பட்டி அருகே செல்லம்பட்டி ஒன்றியத்துக்குள்பட்ட பானாமூப்பன்பட்டி, போலக்காபட்டி, கரட்டுப்பட்டி உள்ளிட்ட இடங்களில் 5 ஏக்கருக்கும் மேலாக முருங்கை மரங்கள் கடந்த 2 ஆண்டுகளாக வளர்க்கப்பட்டு வந்தன. இதன்மூலம் நல்ல வருமானம் கிடைத்து வந்தது. தற்போது, பூப்பூத்து காய் வரும் பருவத்தில், ஏராளமான முருங்கை மரங்கள் ஒடிந்து விழுந்து, விவசாயிகளுக்கு பெரும் சேதத்தை விளைவித்துள்ளது. இதனால், விவசாயிகள் கவலையில் உள்ளனர். 
     மேலும், இப்பகுதியிலுள்ள மின்கம்பங்கள், வேப்ப மரங்கள் ஒடிந்து விழுந்தன. 
    பானாமூப்பன்பட்டியைச் சேர்ந்த சின்னன் என்பவர் தோட்டத்தில் 60 மரங்கள் ஒடிந்து விழுந்துள்ளன. இதேபோன்று, போலக்காபட்டியைச் சேர்ந்த  ஜெயசீலன் என்பவர் தோட்டத்தில் 3 ஏக்கரில் சுமார் 300 முருங்கை மரங்களில் காய் காய்த்து வளரும் பருவத்திலிருந்த 200 மரங்கள் ஒடிந்து விழுந்துள்ளன.   கரட்டுப்பட்டியைச் சேர்ந்த கோவிந்தன் தோட்டத்தில் 4 ஏக்கரில் 250 முருங்கை மரங்கள் ஒடிந்துள்ளன. இதே ஊரைச் சேர்ந்த கணேசன் தோட்டத்தில் ரூ. 25 ஆயிரம் மதிப்பிலான முருங்கை மரங்கள் சாய்ந்து விழுந்து சேதமடைந்துள்ளன. 
    இது குறித்து அப்பகுதி விவசாயிகள் கூறியது: ஏற்கெனவே தண்ணீர் இல்லாத வறட்சியான பகுதியில் அதிக தொகை செலவிட்டு சிறு அளவில் விவசாயம் செய்து வருகிறோம். இந்நிலையில், இப்புயலால் மரங்கள் அனைத்தும் முறிந்து விழுந்ததால், நஷ்டமடைந்துள்ளோம். எனவே, எங்களுக்கு தமிழக அரசு உதவவேண்டும் எனக் கோரிக்கை விடுத்தனர். 
 

]]>
http://www.dinamani.com/all-editions/edition-madurai/madurai/2018/nov/18/உசிலை-அருகே-முருங்கை-மரங்கள்-முறிந்து-சேதம்-விவசாயிகள்-கவலை-3040958.html
3040347 மதுரை மதுரை திருநகரில் மரம் விழுந்து போக்குவரத்து பாதிப்பு DIN DIN Saturday, November 17, 2018 08:02 AM +0530 மதுரை திருநகர் பகுதியில் தொடர்மழை காரணமாக அப்பகுதியில் மரம் விழுந்து போக்குவரத்து பாதிக்கப்பட்டது. மேலும் மின் இணைப்பு துண்டிக்கப்பட்டது. 
கஜா புயல் காரணமாக மதுரை திருநகர், திருப்பரங்குன்றம், அவனியாபுரம் உள்ளிட்ட பகுதிகளில் நள்ளிரவு முதல் மாலை வரை மழை பெய்து வந்தது. திருநகர் மீனாட்சி தெருப்பகுதியில் உள்ள வேப்ப மரம் வேருடன் சாலையில் சாய்ந்தது. இதனால் அப்பகுதி வழியாக சென்ற மின் கம்பிளும் அறுந்து விழுந்தன. மரம் விழுந்ததால் அப்பகுதியில் போக்குவரத்து பாதிக்கப்பட்டதுடன் மின் இணைப்பும் துண்டிக்கப்பட்டது. 
உடனடியாக மாநகராட்சி உதவிப் பொறியாளர் முருகன் தலைமையிலான மாநகராட்சி பணியாளர்கள் வந்து மரத்தை அகற்றினர். மேலும் மின்வாரியத் துறையினர் கொட்டும் மழையில் மின் இணைப்பை சரிசெய்தனர்.

]]>
http://www.dinamani.com/all-editions/edition-madurai/madurai/2018/nov/17/திருநகரில்-மரம்-விழுந்து-போக்குவரத்து-பாதிப்பு-3040347.html
3040346 மதுரை மதுரை திருப்பரங்குன்றம் கண்மாய்களை 24 மணி நேரமும் கண்காணிக்க உத்தரவு DIN DIN Saturday, November 17, 2018 08:02 AM +0530 திருப்பரங்குன்றத்தில் கண்மாய்களை கிராம நிர்வாக அலுவலர்கள் 24 மணி நேரமும் கண்காணித்து இடர்பாடுகள் ஏற்பட்டால் உடனுக்குடன் தகவல் தெரிவிக்க உத்தரவிடப்பட்டுள்ளது. 
மாவட்ட கண்காணிப்பு அலுவலரும் அரசு முதன்மைச் செயலருமான தர்மேந்திர பிரதாப் யாதவ், மாவட்ட ஆட்சியர் எஸ்.நடராஜன், மாநகராட்சி ஆணையர் அனீஸ் சேகர் ஆகியோர்  சனிக்கிழமை தென்கால் மற்றும் நிலையூர் கண்மாய்களின் கரைகளைஆய்வு செய்தனர். அப்போது, கண்மாய்களை 24 மணி நேரமும் கண்காணிக்கும் படி அதிகாரிகளை கண்காணிப்பு  அலுவலர்அறிவுறுத்தினார்.
 பொதுப்பணித்துறை உதவி செயற்பொறியாளர் சுப்பிரமணியன், உதவி பொறியாளர் மோகன்குமார், திருப்பரங்குன்றம் வட்டாட்சியர் சுரேஷ், வட்டார வளர்ச்சி அலுவலர்கள் சோனா பாய், முருகன் உள்ளிட்ட அதிகாரிகள் உடனிருந்தனர். 
இதையடுத்து திருப்பரங்குன்றம் தாலுகாவிற்கு உள்பட்ட தென்கால், மாடக்குளம், நிலையூர் கண்மாய் உள்ளிட்ட  கண்மாய்களை அந்தந்த பகுதி கிராம நிர்வாக அலுவலர்கள் 24 மணி நேரமும் கண்காணித்து இடர்பாடுகள் ஏற்பட்டால் உடனுக்குடன் பொதுப் பணித்துறையினர் மற்றும் ஊராட்சி ஒன்றிய ஆணையாளர்களிடம் தகவல் தெரிவிக்க வேண்டும் என திருப்பரங்குன்றம் வட்டாட்சியர் உத்தரவிட்டுள்ளார்.
 

]]>
http://www.dinamani.com/all-editions/edition-madurai/madurai/2018/nov/17/திருப்பரங்குன்றம்-கண்மாய்களை-24-மணி-நேரமும்-கண்காணிக்க-உத்தரவு-3040346.html
3040345 மதுரை மதுரை இயற்கை வள பாதுகாப்பு நாளை விழிப்புணர்வு ஓட்டப் பந்தயம் DIN DIN Saturday, November 17, 2018 08:02 AM +0530 இயற்கை வளத்தை பாதுகாக்க வலியுறுத்தி மதுரையில்  ஞாயிற்றுக்கிழமை (நவ. 18) விழிப்புணர்வு ஓட்டப்பந்தயம் நடைபெற உள்ளது. 
  தியாகராஜர் மேலாண்மைக் கல்லூரி சார்பில்  பள்ளி மாணவர்கள் மற்றும் 18 வயதுக்கு மேற்பட்டவர்கள் என இரு பிரிவுகளின் கீழ் இந்தப் போட்டி நடைபெற உள்ளது.
 போட்டிகளை மாநகர காவல் துணை ஆணையர் அருண் பாலகோபாலன், தமிழ்நாடு தொழில் வர்த்தக சங்கத் தலைவர் என்.ஜெகதீசன், மடீட்சியா தலைவர் கே.பி.முருகன், தியாகராஜர் மேலாண்மைக் கல்லூரித் தலைவர் வள்ளி ராமசாமி உள்ளிட்டோர் தொடக்கி வைக்க உள்ளனர்.
   தெப்பக்குளத்தில் உள்ள தியாகராஜர் மாதிரி மேல்நிலைப்பள்ளியில் தொடங்கி,  ஹானா ஜோசப் மருத்துவமனை வளாகத்தில் பந்தயம் 
நிறைவடைய உள்ளது. மூன்று மற்றும் ஐந்து கிமீ என இரு பிரிவுகளில் நடைபெறும் இப்போட்டியில் ஆண், பெண் இருபாலரும் பங்கேற்கலாம். வெற்றி பெறுபவர்களுக்கு சிறப்பு பரிசுகள் அளிக்கப்படும்.
 போட்டிகளில் பங்கேற்க b‌i‌t.‌l‌y/​T​S​M​R​U​N2018  என்ற இணையதளம் மூலமாகவும், 9688633003, 9488574158 என்ற எண்களிலும் தொடர்பு கொண்டு முன்பதிவு செய்யலாம்.
 

]]>
http://www.dinamani.com/all-editions/edition-madurai/madurai/2018/nov/17/இயற்கை-வள-பாதுகாப்பு-நாளை-விழிப்புணர்வு-ஓட்டப்-பந்தயம்-3040345.html
3040344 மதுரை மதுரை மேலூரில் சூறாவளி: 12 வீடுகள், 45 ஏக்கரில் பயிர்கள் சேதம் DIN DIN Saturday, November 17, 2018 08:01 AM +0530 மதுரை மாவட்டம் மேலூர் சுற்றுவட்டாரத்தில் வெள்ளிக்கிழமை அதிகாலை முதல் சூறாவளி காற்றுடன் மழை பெய்தது.  
 178 இடங்களில் மரங்கள் மற்றும் மரக்கிளைகள் முறிந்து விழுந்தன. அவை உடனடியாக அகற்றப்பட்டன. கொட்டாம்பட்டி, மேலூர் ஊராட்சி ஒன்றியங்களில் 12 வீடுகள் சேதமடைந்தன. 117 இடங்களில் மின் கம்பங்கள் முறிந்தும், பெயர்ந்தும் விழுந்தன. 
கிளைகள் விழுந்ததில் பல இடங்களில் மின் கம்பிகள் அறுந்து சேதமடைந்தன. இவைகளை மின்வாரியத்தினர் கொட்டும் மழையில் விரைந்து சீரமைத்தனர். சருகுவலையப்பட்டி, அ.வல்லாளபட்டி. அரிட்டாபட்டி, எட்டிமங்கலம், கீழவளவு பகுதிகளில் 45 ஏக்கர் பரப்பளவில் செங்கரும்பு,வாழை, மற்றும் நெல்பயிர் சேதம் அடைந்துள்ளன. 
இவற்றை வருவாய்த்துறையினர் மதிப்பிட்டு வருகின்றனர். கொட்டாம்பட்டி பாலாற்றில் நீண்டகாலத்துக்குப் பின்னர் மழை நீர் பெருக்கெடுத்து பாய்ந்தது. 
பாதிக்கப்பட்ட பகுதிகளை மேலூர் வருவாய்க் கோட்டாட்சியர் ஆ.சிவகாமி மற்றும் வட்டாட்சியர் சரவணன் ஆகியோர் பார்வையிட்டு மேற்கண்ட தகவல்களை தெரிவித்தனர்.

]]>
http://www.dinamani.com/all-editions/edition-madurai/madurai/2018/nov/17/மேலூரில்-சூறாவளி-12-வீடுகள்-45-ஏக்கரில்-பயிர்கள்-சேதம்-3040344.html
3040343 மதுரை மதுரை கொள்முதலுக்கு வந்த நெல் மழையில் நனைந்து சேதம்: விவசாயிகள் வேதனை DIN DIN Saturday, November 17, 2018 08:01 AM +0530 நுகர்பொருள் வாணிபக் கழகத்தால் கொள்முதல் செய்வதற்காக கொண்டுவரப்பட்ட நெல், மழையில் நனைந்து சேதமடைந்ததால் விவசாயிகள் வேதனை அடைந்துள்ளனர்.
மதுரை மாவட்டத்தின் இருபோக நெல் சாகுபடி பகுதிகளான வாடிப்பட்டி, மதுரை வடக்கு, மதுரை கிழக்கு வட்டங்களில் முதல்போக அறுவடை முடிந்துவிட்டது. விவசாயிகள் தொடர்ந்து கோரிக்கை வைத்த நிலையில், மிகவும் தாமதமாக நுகர்பொருள் வாணிபக் கழகத்தால் நேரடி நெல் கொள்முதல் நிலையங்கள் திறக்கப்பட்டன.
மேற்குறிப்பிட்ட 3 வட்டங்களுக்கும் 12 இடங்களில் நெல் கொள்முதல் நிலையங்கள் திறக்கப்பட்டு கடந்த சில நாள்களாக, விவசாயிகளிடம் கொள்முதல் செய்யப்பட்டு வருகிறது. 
இந்நிலையில், வியாழக்கிழமை இரவு முதல் பெய்த மழையில் கொள்முதலுக்கு கொண்டு வரப்பட்ட நெல் மற்றும் கொள்முதல் செய்யப்பட்ட நெல் மூட்டைகளும் மழையில் நனைந்தன. மாவட்டம் முழுவதும் வெள்ளிக்கிழமை பிற்பகல் வரை தொடர்ந்து மழை பெய்ததால், தார் பாய்களைப் போட்டு முழுமையாக பாதுகாக்க முடியவில்லை. இதுஒருபுறம் இருக்க, அறுவடைக்குத் தயாராக இருந்த நெற்பயிர்கள், பலத்த காற்றுடன் பெய்த தொடர் மழையால் வாடிபட்டி பகுதியில் நெற் பயிர்கள் சாய்ந்து விழுந்தன. 
இதுகுறித்து வாடிப்பட்டி பகுதியைச் சேர்ந்த விவசாயி சீதாராமன் கூறியது: மழை தொடங்கிவிட்டால் அறுவடை செய்த நெல்லைப் பாதுகாக்க முடியாது என்பதால், விரைவில் கொள்முதல் நிலையங்களைத் தொடங்க வேண்டும் என வலியுறுத்தினோம். இருப்பினும் மிகவும் தாமதமாகவே நெல்கொள்முதல் நிலையங்களை நுகர்பொருள் வாணிபக் கழகத்தினர் தொடங்கினர். 
 வாடிப்பட்டி அருகே உள்ள போடிநாயக்கன்பட்டி, மேட்டுநீரேத்தான் மையங்களில் வியாழக்கிழமை வரை கொள்முதல் செய்யப்பட்டது. இவற்றைநுகர்பொருள் வாணிபக் கழக கிட்டங்கிகளுக்கு எடுத்துச் செல்லாததால் மழையில் நனைந்துவிட்டன. ஏற்கெனவே கொள்முதல் செய்திருந்தாலும், ஈரப்பதம் அதிகமாக இருப்பதாகக் கூறி நுகர்பொருள் வாணிபக் கழகத்தினர் தவிர்த்துவிடுவார்களோ என்ற அச்சம் உள்ளது. அதேபோல, கொள்முதலுக்கு கொண்டு வந்த நெல்லும் நனைந்துவிட்டது. ஆகவே, விவசாயிகளுக்குப் பாதிப்பு இல்லாத வகையில் நெல் கொள்முதல் செய்ய உரிய நடவடிக்கை எடுக்க வேண்டும் என்றார்.
 

]]>
http://www.dinamani.com/all-editions/edition-madurai/madurai/2018/nov/17/கொள்முதலுக்கு-வந்த-நெல்-மழையில்-நனைந்து-சேதம்-விவசாயிகள்-வேதனை-3040343.html
3040342 மதுரை மதுரை உசிலம்பட்டியில் 3 வீடுகள் இடிந்து சேதம் DIN DIN Saturday, November 17, 2018 08:00 AM +0530 உசிலம்பட்டி பகுதிகளில் வெள்ளிக்கிழமை பலத்த காற்று வீசியதில் 3 வீடுகள் இடிந்து விழுந்தன. மேலும் பல இடங்களில் மரங்கள் சாயந்து விழுந்தன.
கஜா புயல் வெள்ளிக்கிழமை காலை கரையைக் கடந்தபோது உசிலம்பட்டி பகுதியில் பலத்த காற்றுடன் மழை பெய்தது. உசிலம்பட்டி-மதுரை பிரதான சாலையில் உள்ள கொங்கப்பட்டி அருகே வேப்பமரம், வேருடன் சாய்ந்து விழுந்தது.
உசிலம்பட்டி அருகே கல்கொண்டம்பட்டியைச் சேர்ந்த மாரியம்மாள் மற்றும் மொக்கராஜ் ஆகியோரது மண் சுவரிலான ஓட்டு வீடுகள் இடிந்து விழுந்தன. கீழப்பெருமாள்பட்டியில் நல்லதம்பி என்பவரது வீடும், இடிந்து விழுந்தது. 
மேலும் பாப்பாபட்டி அருகே சின்னகுறவகுடி சாலையில் இரண்டு உசிலை மரங்கள் வேருடன் சாய்ந்தன. இத்தகவலறிந்த உசிலம்பட்டி வட்டாட்சியர் நவநீதகிருஷ்ணன் மற்றும் வருவாய்த்துறையினர் சென்று இடிந்து விழுந்த வீடுகளை பார்வையிட்டு  அவற்றின் உரிமையாளர்களுக்கு நிவராணத்தொகைகளை உடனடியாக வழங்கினர். 
போக்குவரத்துக்கு இடையூறாக விழுந்த மரங்களை உடனடியாக தீயணைப்பு மற்றும் நெடுஞ்சாலைத்துறையினர் அகற்றி போக்குவரத்தை சரி செய்தனர்.

]]>
http://www.dinamani.com/all-editions/edition-madurai/madurai/2018/nov/17/உசிலம்பட்டியில்-3-வீடுகள்-இடிந்து-சேதம்-3040342.html
3040341 மதுரை மதுரை "கஜா' புயல், மழை எதிரொலி: மதுரை மாவட்டத்தில் பலத்த காற்றுடன் மழை: மரங்கள் சாய்ந்தன; குடிசைகள் சேதம் DIN DIN Saturday, November 17, 2018 08:00 AM +0530 மதுரை மாவட்டத்தில்வெள்ளிக்கிழமை பலத்த காற்றுடன் பெய்த மழையில் பல இடங்களில் மரங்கள் சாய்ந்து விழுந்தன. பல்வேறு பகுதிகளிலும் வீடுகள் இடிந்து சேதமடைந்தன.
கஜா புயல் காரணமாக, வியாழக்கிழமை இரவில் இருந்தே மாவட்டத்தில் மழை பெய்யத் தொடங்கியது. விடிய, விடிய மழை பெய்த நிலையில், வெள்ளிக்கிழமை அதிகாலையில் இருந்து பலத்த காற்றுடன் பலத்த மழை பெய்தது. இதனால் மதுரை மாவட்டத்தில் உள்ள பள்ளி, கல்லூரிகளுக்கு விடுமுறை அறிவிக்கப்பட்டது. 
சாலைகளில் வெள்ளம்...: பல மணிநேரம் தொடர்ந்து பெய்த மழையால் நகரின் பல்வேறு இடங்களிலும் சாலைகளில் மழைநீர் குளம்போலத் தேங்கி நின்றது. மாசி வீதிகள், பெரியார் நிலையம், புறவழிச்சாலை, பிபி குளம் உள்ளிட்ட பல்வேறு பகுதிகளிலும் மழைநீர் தேங்கி நின்றதால் போக்குவரத்து நெரிசல் ஏற்பட்டது.மழை தொடர்ந்து கொண்டே இருந்ததால், சாலைகளில் நீண்டநேரம் தண்ணீர் தேங்கி நின்றது. சில இடங்களில் மாநகராட்சியினர் தண்ணீரை, வடிகால்களில் வெளியேற்றினர்.
சாய்ந்த மரங்கள்-குடிசைகள் சேதம்...: பலத்த காற்றுடன் மழை பெய்த காரணத்தால் பல்வேறு இடங்களிலும் மரங்கள் வேரோடு சாய்ந்தன. மதுரையை அடுத்த துவரிமான் பகுதியில் சாலையோரம் இருந்த பெரிய மரம் சாய்ந்து சாலையில் விழுந்தது. இதனால் அப் பகுதியில் போக்குவரத்து பாதிக்கப்பட்டது. மீட்புக் குழுவினர் அப் பகுதிக்கு விரைந்து சென்று, சாலையில் விழுந்த மரத்தை அப்புறப்படுத்தினர். 
மதுரை மணி நகரம் பகுதியில் மரம் சாய்ந்ததில் வீட்டின்முன் நிறுத்தப்பட்டிருந்த கார் சேதமடைந்தது. மதுரையை அடுத்த மேலமாத்தூர், கீழமாத்தூர், துவரிமான், கோச்சடை மற்றும் மாநகரின் பல்வேறு பகுதிகளிலும் காற்றில் சாய்ந்த மரங்களை தீயணைப்புத் துறையினர், மாநகராட்சி ஊழியர்கள் உடனுக்குடன் சென்று அப்புறப்படுத்தினர்.
 திருமங்கலம் வட்டம் மேல உரப்பனூர், சூரிக்காம்பட்டி, மேலூர் அருகே அழகாபுரி, உசிலம்பட்டி அருகே உள்ள சக்கரப்பநாயக்கனூர், மதுரை அருகே உள்ள கள்ளந்திரி, தொண்டமான்பட்டி ஆகிய இடங்களில் பலத்த காற்றுடன் பெய்த மழையில், குடிசைகள் சேதமடைந்தன.
அமைச்சர்-அதிகாரிகள் ஆய்வு...: மழையால் மரங்கள் விழுந்த பகுதிகளை கூட்டுறவுத் துறை அமைச்சர் செல்லூர் கே.ராஜூ நேரில் பார்வையிட்டு, அப்புறப்படுத்தும் பணிகளைத் துரிதப்படுத்தினார். தொடர்மழையால் நீர்நிலைகளுக்கு நீர்வரத்து வரத் தொடங்கியது. 
மதுரை மாவட்டத்துக்கான கண்காணிப்பு அலுவலரும், அரசு முதன்மைச் செயலருமான தர்மேந்திர பிரதாப் யாதவ், மாவட்ட ஆட்சியர் ச.நடராஜன், மாநகராட்சி ஆணையர் அனீஷ் சேகர் ஆகியோர் திருப்பரங்குன்றம் தென்கால் கண்மாய் மற்றும் மழை பாதிப்பு ஏற்பட வாய்ப்பு இருந்த பகுதிகளையும் பார்வையிட்டு முன்னேற்பாடுகளைத் துரிதப்படுத்தினர். 
மின் கம்பங்கள் சேதம்-மின்சாரம் துண்டிப்பு...: பலத்த காற்றுடன் மழை பெய்த காரணத்தால் மதுரையில் பல்வேறு இடங்களிலும் மின் கம்பங்கள் சேதமடைந்தன. அவற்றை சீரமைக்கும் பணிகளை மின்வாரியத்தினர் மேற்கொண்டனர். மேலும், காற்று தீவிரமடைந்த காரணத்தால் வெள்ளிக்கிழமை பகலில் பல மணி நேரம் மின்விநியோகம் தடை செய்யப்பட்டது. 


207.20 மி.மீ. மழை பதிவு
மதுரை மாவட்டத்தில் வெள்ளிக்கிழமை காலை 8.30 மணியுடன் முடிந்த 24 மணி நேரத்தில் பெய்த மழையளவு விவரம் (மில்லிமீட்டரில்):சிட்டம்பட்டி - 13.4, கள்ளந்திரி -16.2, தனியாமங்கலம் - 13, மேலூர் -6.2, வாடிப்பட்டி-9.5, திருமங்கலம் - 9.6, உசிலம்பட்டி -10.2, மதுரை தெற்கு -16.3, விரகனூர்-15, தல்லாகுளம் -6, மதுரை விமான நிலையம் - 6.5, இடையபட்டி-17, புலிப்பட்டி -12.6, சோழவந்தான்-14.2, மேட்டுப்பட்டி-10.2, குப்பனாம்பட்டி-5, கள்ளிக்குடி-8.2, பேரையூர்-9, ஆண்டிபட்டி-8.8.
 

]]>
http://www.dinamani.com/all-editions/edition-madurai/madurai/2018/nov/17/கஜா-புயல்-மழை-எதிரொலி-மதுரை-மாவட்டத்தில்-பலத்த-காற்றுடன்-மழை-மரங்கள்-சாய்ந்தன-குடிசைகள்-சேதம்-3040341.html
3040340 மதுரை மதுரை மதுரை அரசு மருத்துவமனையில் "பெட் ஸ்கேன்'  ஒப்பந்த ஆவணங்களை தாக்கல் செய்ய உத்தரவு DIN DIN Saturday, November 17, 2018 07:59 AM +0530 மதுரை அரசு ராஜாஜி மருத்துவமனையில் "பெட் ஸ்கேன்' அமைப்பது தொடர்பான ஒப்பந்த ஆவணங்களைத் தாக்கல் செய்ய சுகாதாரத்துறை முதன்மைச் செயலருக்கு சென்னை உயர்நீதிமன்ற மதுரைக் கிளை வெள்ளிக்கிழமை உத்தரவிட்டது.
மதுரை அரசு ராஜாஜி மருத்துவமனையில் பெட் ஸ்கேன் வசதி அமைக்கக்கோரி மதுரை ஆண்டாள்புரத்தைச் சேர்ந்த கார்த்தி சென்னை உயர்நீதிமன்ற மதுரைக் கிளையில் வழக்குத் தொடர்ந்தார். இந்த வழக்கை விசாரித்த நீதிமன்றம் பெட் ஸ்கேன் வசதியை மதுரை அரசு ராஜாஜி மருத்துவமனையில் உடனே அமைக்க கடந்த 2017 ஆம் ஆண்டு ஜனவரியில் உத்தரவிட்டது.  இந்த உத்தரவு அமல்படுத்தப்படாத நிலையில், நீதிமன்ற உத்தரவைச் செயல்படுத்தாத அதிகாரிகள் மீது நீதிமன்ற அவமதிப்பு நடவடிக்கை கோரி கார்த்தி மற்றொரு மனு தாக்கல் செய்திருந்தார்.
 இவ்வழக்கு ஏற்கெனவே விசாரணைக்கு வந்தபோது, மதுரை அரசு ராஜாஜி மருத்துவமனையில் பெட் ஸ்கேன் மையங்கள் அமைப்பதற்கான ஒப்பந்தம் சாத்தூரில் உள்ள தனியார் மருத்துவமனைக்கு வழங்கப்பட்டிருப்பதாக மதுரை அரசு ராஜாஜி மருத்துவமனை டீன் தரப்பில் தெரிவிக்கப்பட்டிருந்தது.
 இந்நிலையில்,இந்த வழக்கு நீதிபதிகள் கே.கே.சசிதரன், பி.டி.ஆதிகேசவலுஆகியோர்அடங்கிய அமர்வு முன்பு வெள்ளிக்கிழமை விசாரணைக்கு வந்தது. அப்போது,மதுரை அரசு ராஜாஜி மருத்துவமனையில் பெட் ஸ்கேன் அமைப்பதற்கான ஒப்பந்தங்கள் வழங்கப்பட்டது தொடர்பான ஆவணங்களைத் தாக்கல் செய்ய சுகாதாரத்துறை முதன்மைச் செயலருக்கு உத்தரவிட்டு விசாரணையை நவ.28 ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-madurai/madurai/2018/nov/17/மதுரை-அரசு-மருத்துவமனையில்-பெட்-ஸ்கேன்--ஒப்பந்த-ஆவணங்களை-தாக்கல்-செய்ய-உத்தரவு-3040340.html
3040339 மதுரை மதுரை அவனியாபுரத்தில் சுகாதாரச் சீர்கேடு மாநகராட்சி அலுவலகம் முற்றுகை DIN DIN Saturday, November 17, 2018 07:59 AM +0530 அவனியாபுரம் வ.உ.சி தெருப்பகுதி பகுதி சுகாதாரமின்றி இருப்பதாகக்கூறி அப்பகுதி பொதுமக்கள் வெள்ளிக்கிழமை மாநகராட்சி அலுவலகத்தை முற்றுகையிட்டனர். 
    மதுரை மாநகராட்சி 59 ஆவது வார்டுக்கு உள்பட்ட வ.உ.சி தெருப்பகுதியில் சாலை மற்றும் வீடுகளுக்குள் கழிவுநீர் செல்கின்றதாம். இதனால் அப்பகுதியில் சுகாதார சீர்கோடு அடைந்து, காய்ச்சல் உள்ளிட்ட தொற்றுநோய் பரவிவருகிறது. இதுகுறித்து அப்பகுதியினர் மாநகராட்சி அதிகாரிகளிடம் கடந்த சில நாள்களுக்கு முன் புகார் அளித்தும் எந்த நடவடிக்கையும் எடுக்காததைக் கண்டித்து அப்பகுதியினர் 30-க்கும் மேற்பட்டோர் அவனியாபுரம் மாநகராட்சி அலுவலகத்தை முற்றுகையிட்டு ஆர்ப்பாட்டம் செய்தனர். 
     உடனடியாக அங்கு வந்த அவனியாபுரம் போலீஸார் மற்றும் மாநகராட்சி அதிகாரிகள், உடனடியாக நடவடிக்கை எடுப்பதாக உறுதியளித்ததன்பேரில் பொதுமக்கள் கலைந்துசென்றனர்.

]]>
http://www.dinamani.com/all-editions/edition-madurai/madurai/2018/nov/17/அவனியாபுரத்தில்-சுகாதாரச்-சீர்கேடு-மாநகராட்சி-அலுவலகம்-முற்றுகை-3040339.html
3040338 மதுரை மதுரை மதுரையில் நவ.22 முதல் 24 வரை மாநில அளவிலான அறிவியல் கண்காட்சி DIN DIN Saturday, November 17, 2018 07:59 AM +0530 பள்ளிக் கல்வித் துறை சார்பில் மாநில அளவிலான 46-ஆவது அறிவியல் கண்காட்சி மதுரை ஓ.சி.பி.எம். மேல்நிலைப் பள்ளியில் நவம்பர் 22 முதல் 24 ஆம் தேதி வரை நடைபெறுகிறது.
   இக்கண்காட்சி முன்னேற்பாடுகள் குறித்த ஆய்வுக் கூட்டம் வெள்ளிக்கிழமை நடைபெற்றது. இதில் பங்கேற்ற இடைநிலைக் கல்வி இணை இயக்குநர் ச.கோபிதாஸ், கண்காட்சி தொடர்பாக மேற்கொள்ள வேண்டிய பணிகளை அலுவலர்களுக்கு விளக்கினார். முதன்மைக் கல்வி அலுவலர் (பொறுப்பு) கி.அமுதா, மாவட்டக் கல்வி அலுவலர்கள் எஸ்.முருகேசன், ஏ.மீனாவதி, எம்.கஸ்தூரி, முதன்மைக் கல்வி அலுவலரின் நேர்முக உதவியாளர் எஸ்.சின்னதுரை உள்ளிட்டோர் பங்கேற்றனர்.
 கண்காட்சி தொடர்பான பணிகளைக் கவனிப்பதற்காக 19 குழுக்கள் அமைக்கப்பட்டன. ஒவ்வொரு குழுவும் மேற்கொள்ள வேண்டிய பணிகள் குறித்து அதில் இடம்பெற்றுள்ள தலைமை ஆசிரியர்கள் மற்றும் ஆசிரியர்களுக்கு அறிவுரை வழங்கப்பட்டது. தமிழகம் முழுவதும் இருந்து கண்காட்சியில் பங்கேற்க வரும் மாணவர்கள், அவர்களை அழைத்து வரும் ஆசிரியர்களுக்கு தங்குமிடம் உள்ளிட்ட வசதிகளை செய்து கொடுப்பது தொடர்பாக அறிவுரை வழங்கப்பட்டது.
 இந்த கண்காட்சியை பள்ளிக் கல்வித் துறை அமைச்சர் கே.ஏ.செங்கோட்டையன் தொடங்கி வைக்கிறார். தமிழக அமைச்சர்கள் செல்லூர் கே.ராஜூ, ஆர்.பி.உதயகுமார் உள்ளிட்ட பலர் பங்கேற்கின்றனர்.

]]>
http://www.dinamani.com/all-editions/edition-madurai/madurai/2018/nov/17/மதுரையில்-நவ22-முதல்-24-வரை-மாநில-அளவிலான-அறிவியல்-கண்காட்சி-3040338.html
3040337 மதுரை மதுரை தடுப்பணைகளை பாதுகாக்க கோரி மனு: தலைமைச்செயலர் பதிலளிக்க உத்தரவு DIN DIN Saturday, November 17, 2018 07:58 AM +0530 தமிழகத்தில் ஆறுகளின் குறுக்கே கட்டப்பட்டுள்ள தடுப்பு அணைகளைப் பராமரிக்கக்கோரும் மனுவுக்கு தமிழக அரசு பதிலளிக்கச் சென்னை உயர்நீதிமன்ற மதுரைக் கிளை வெள்ளிக்கிழமை உத்தரவிட்டது.
      திருச்சி தொட்டியம் வட்ட நீர்ப்பாசன விவசாயம் மற்றும் வாழை சாகுபடியாளர் சங்கச் செயலர் பி.ரங்கசாமிதாக்கல் செய்த மனுவில்,
    திருச்சி மாவட்டத்தில் திருப்பராய்த்துறையில் கொள்ளிடம் ஆற்றின் குறுக்கே 1836 இல் முக்கொம்பு தடுப்பு அணை கட்டப்பட்டது. இந்த அணையால் தஞ்சை, திருச்சி மாவட்ட விவசாயிகள் பயனடைந்து வந்தனர். இந்த அணையின் பராமரிப்பு பணிகள் 1965 இல் நடைபெற்றது. அதன் பின்னர் இந்த அணை பராமரிக்கப்படவில்லை. அணையின் அருகே மணல் எடுக்க அரசு அனுமதி வழங்கியது. மணல் அள்ள உரிமம் பெற்றவர்கள் அனுமதிக்கப்பட்ட அளவைக் காட்டிலும் அதிகமாக மணல் அள்ளி பெரும் சேதத்தை ஏற்படுத்தினர். இதனால் 182 ஆண்டுகள் பழமையான முக்கொம்பு அணை சமீபத்தில் உடைந்தது.
 ஆறுகளின் குறுக்கே கட்டப்பட்டுள்ள அணைகள், தடுப்பு அணைகள் உள்ளிட்டவை முறையாகப் பராமரிக்க வேண்டியது அரசின் கடமையாகும். எனவே முக்கொம்பு அணை பராமரிப்பு பணி தொடர்பாக அறிக்கை தாக்கல் செய்யவும், தமிழகத்தில் காவிரி, வைகை, தாமிரவருணி,பாலாறு, தென்பெண்ணை உள்பட அனைத்து ஆறுகளின் குறுக்கே கட்டப்பட்டுள்ள அணைகள், தடுப்பு அணைகள் உள்ளிட்டவற்றை பாதுகாக்க நடவடிக்கை எடுக்கவும் உத்தரவிட வேண்டும் என்று குறிப்பிட்டிருந்தார்.
 இந்த மனு நீதிபதிகள் கே.கே.சசிதரன், பி.டி.ஆதிகேசவலுஆகியோர்அடங்கிய அமர்வு முன்பு வெள்ளிக்கிழமை விசாரணைக்கு வந்தது. மனுவை விசாரித்த நீதிபதிகள், தமிழக அரசின் தலைமைச் செயலர், திருச்சி மாவட்ட ஆட்சியர் ஆகியோர் மனுவுக்கு பதிலளிக்க உத்தரவிட்டு விசாரணையை டிச. 3 ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-madurai/madurai/2018/nov/17/தடுப்பணைகளை-பாதுகாக்க-கோரி-மனு-தலைமைச்செயலர்-பதிலளிக்க-உத்தரவு-3040337.html
3040336 மதுரை மதுரை தாழ்த்தப்பட்டோர் ஆணைய துணை தலைவர் நவ.22 இல் மதுரை வருகை DIN DIN Saturday, November 17, 2018 07:57 AM +0530 தேசிய தாழ்த்தப்பட்டோர் ஆணையத் துணைத் தலைவர் எல்.முருகன், மதுரை மாவட்ட ஆட்சியர் அலுவலகத்தில் நவம்பர் 22-ஆம் தேதி காலை 10.3 0 மணி முதல் மாலை 5 மணி வரை மனுக்கள் பெறுகிறார்.
மதுரை மாவட்டத்தைச் சேர்ந்த தாழ்த்தப்பட்ட சமூகத்தினர் தங்களது கோரிக்கை மனுக்களை, தாழ்த்தப்பட்டோர் ஆணையத் துணைத் தலைவரிடம் நேரில் அளிக்கலாம் என்று மாவட்ட ஆட்சியர் ச.நடராஜன் தெரிவித்துள்ளார்.

]]>
http://www.dinamani.com/all-editions/edition-madurai/madurai/2018/nov/17/தாழ்த்தப்பட்டோர்-ஆணைய-துணை-தலைவர்-நவ22-இல்-மதுரை-வருகை-3040336.html
3040335 மதுரை மதுரை 11 அணைகளைத் தூர்வார எடுக்கப்பட்ட நடவடிக்கை: பொதுப்பணித்துறை அறிக்கை தாக்கல் செய்ய  உத்தரவு DIN DIN Saturday, November 17, 2018 07:57 AM +0530 தமிழகத்தில் 11அணைகளைத் தூர்வார மேற்கொள்ளப்பட்ட நடவடிக்கைகள் குறித்து பொதுப்பணித்துறையின் தலைமைப் பொறியாளர் அறிக்கை தாக்கல் செய்ய சென்னை உயர்நீதிமன்ற மதுரைக் கிளை வெள்ளிக்கிழமை உத்தரவிட்டது.
 மதுரையைச் சேர்ந்த கே.கே.ரமேஷ் தாக்கல் செய்த மனு:
   ஆழியாறு, அமராவதி,பவானிசாகர், கல்லணை, கொடிவேரி, கிருஷ்ணகிரி, மேட்டூர், பாபநாசம், பேச்சிப்பாறை, பெருஞ்சாணி, சாத்தனூர் ஆகிய அணைகளில் 10 முதல் 20 அடிவரை மணல், சகதி, களிமண் தேங்கியுள்ளது. இதனால் தண்ணீர் தேங்கும் பரப்பு குறைந்து தண்ணீர் வீணாகும் நிலை உருவாகியுள்ளது. நிலத்தடி நீரின் அளவு குறைந்துள்ளதால் அணைகள் மற்றும் ஆற்றுப்படுகை அருகே வசிப்போரும் குடிநீரை விலைக்கு வாங்கும் நிலையில் உள்ளனர். விவசாயத்துக்கு தண்ணீர் இன்றி விவசாயிகள் தற்கொலை செய்துகொள்கின்றனர். 
எனவே மேற்குறிப்பிட்ட 11அணைகளையும் போர்க்கால அடிப்படையில் தூர்வார உரிய நடவடிக்கை எடுக்க உத்தரவிட வேண்டும் என்று குறிப்பிட்டிருந்தார். 
இதேபோல பேச்சிப்பாறை, பெருஞ்சாணி அணைகளை தூர்வார உத்தரவிடக் கோரி குமரி மகா சபை தரப்பில்வழக்கு தொடரப்பட்டிருந்தது. 
 இந்த மனுக்கள் நீதிபதிகள் கே.கே.சசிதரன், பி.டி.ஆதிகேசவலு ஆகியோர்அடங்கிய அமர்வு முன்பு வெள்ளிக்கிழமை விசாரணைக்கு வந்தது. 
மனுக்களை விசாரித்த நீதிபதிகள், மனுதாரர்கள் குறிப்பிட்டுள்ள 11 அணைகளைத் தூர்வார எடுக்கப்பட்ட நடவடிக்கைகள் குறித்து பொதுப்பணித்துறை தலைமைப் பொறியாளர் அறிக்கை தாக்கல் செய்ய உத்தரவிட்டு விசாரணையை டிச.10 ஆம் தேதிக்கு ஒத்திவைத்தனர்.

]]>
http://www.dinamani.com/all-editions/edition-madurai/madurai/2018/nov/17/11-அணைகளைத்-தூர்வார-எடுக்கப்பட்ட-நடவடிக்கை-பொதுப்பணித்துறை-அறிக்கை-தாக்கல்-செய்ய--உத்தரவு-3040335.html
3040334 மதுரை மதுரை ஆம்புலன்ஸ் ஓட்டுநரை தாக்கியவர் கைது DIN DIN Saturday, November 17, 2018 07:56 AM +0530 திருப்பரங்குன்றத்தை அடுத்த விளாச்சேரியில் பணியில் இருந்த 108 ஆம்புலன்ஸ் ஓட்டுநரைத்தாக்கியவரை போலீஸார் வெள்ளிக்கிழமை கைது செய்தனர். 
மதுரை மாடக்குளத்தைச்சேர்ந்தவர் மாணிக்கராஜா(31). 108 ஆம்புலன்ஸ் வாகன ஓட்டுநராக உள்ளார். இவர் வியாழக்கிழமை மாலை விளாச்சேரியில் மூச்சுத்திணறலால் பாதிக்கப்பட்ட சுப்பிரமணி என்பவரை வண்டியில் ஏற்றி வரும்போது விளாச்சேரியைச் சேர்ந்த ஒருவர் வழிமறித்து தாக்கினாராம். 
இதுகுறித்த புகாரின்பேரில் ஆஸ்டின்பட்டி போலீஸார் வழக்குப்பதிவு செய்து விளாச்சேரியைச் சேர்ந்த முத்து(41) என்பவரை கைது செய்தனர். 
வழிப்பறி செய்த இளைஞர் கைது: திருப்பரங்குன்றத்தை அடுத்த ஆஸ்டிபட்டியைச் சேர்ந்தவர் ரவி(49). இவர் வியாழக்கிழமை பெருங்குடி விமான நிலையச் சாலையில் இருசக்கர வாகனத்தில் சென்று கொண்டிருந்தபோது இளைஞர் ஒருவர் வழிமறித்து மிரட்டி ரூ.5 ஆயிரத்தை பறித்துக்கொண்டு தப்பி ஓடிவிட்டாராம். இதுகுறித்த புகாரின்பேரில் பெருங்குடி போலீஸார் வழக்குப்பதிவு செய்து திருமங்கலத்தைச் சேர்ந்த மோகன்(28)என்பவரை வெள்ளிக்கிழமை கைது செய்தனர்.
 

]]>
http://www.dinamani.com/all-editions/edition-madurai/madurai/2018/nov/17/ஆம்புலன்ஸ்-ஓட்டுநரை-தாக்கியவர்-கைது-3040334.html
3039908 மதுரை மதுரை இலங்கை சிறையிலிருந்து ராமநாதபுரம்,  புதுக்கோட்டை மாவட்ட மீனவர்கள் 22 பேர் விடுதலை DIN DIN Friday, November 16, 2018 10:02 AM +0530 இலங்கை சிறையிலிருந்து விடுதலை செய்யப்பட்ட புதுக்கோட்டை, ராமநாதபுரம் மாவட்டங்களைச் சேர்ந்த 22 மீனவர்கள் விமானம் மூலம் வியாழக்கிழமை மதுரைக்கு வந்து சேர்ந்தனர்.
 இலங்கை அரசால் விடுவிக்கப்பட்ட 22 மீனவர்களை மீன்வளத்துறை (மண்டபம்) உதவி இயக்குநர் கோபிநாத் தலைமையிலான குழுவினர் இலங்கையிலிருந்து விமானம் மூலம் மதுரை அழைத்து  வந்தனர். இதில் புதுக்கோட்டை மாவட்டம் ஜெகதாபட்டினம் பகுதியைச் சேர்ந்த ராஜா, ராஜாராமன், பாலையா, லட்சுமணன், மாரிமுத்து, பசீர், அருள், சுப்பிரமணியன், செல்வம், நாகராஜன், ராமன் ஆகிய 11 மீனவர்களும் வேன் மூலமாக புதுக்கோட்டைக்கு சென்றனர்.
ராமநாதபுரம் மாவட்டத்தைச் சேர்ந்த ராமேசுவரம், மண்டபம் பகுதிகளைச் சேர்ந்த முருகன், கோபால், உளராபாண்டி, அலங்காரம், ராஜபாண்டி, ராபின்சன், முத்துக்குமார், ஜெயசீலன், ராஜாராமன், பாலகுமார், அருள் ஆகிய 11 மீனவர்களும் வேன் மூலம் ராமநாதபுரம் வந்தடைந்தனர்.
இதைத் தொடர்ந்து ராமநாதபுரம் மாவட்ட மீனவர்கள் 11 பேரும் மாவட்ட ஆட்சியர் அலுவலகத்தில் ஆட்சியர் கொ.வீரராகவராவை சந்தித்து நன்றி தெரிவித்தனர். இதனைத்தொடர்ந்து மீனவர்கள் 11 பேரும் சொந்த ஊருக்கு அனுப்பி வைக்கப்பட்டனர்.
அப்போது மீன்வளத்துறை கூடுதல் இயக்குநர் ஜானி.டோம்வர்கீஸ், துணை இயக்குநர் இ.காத்தவராயன் ஆகியோர் உடனிருந்தனர்.
இதுகுறித்து மீனவர் செல்வம் கூறியது: நாங்கள் சென்ற படகு தொழில்நுட்பக் கோளாறு காரணமாக கடலில் நின்றது. அப்போது காற்றின் வேகம் அதிகமானதால் எங்கள் படகு இலங்கை எல்லைக்குள் சென்றுவிட்டது. அப்போது அங்கு வந்த இலங்கை கடற்படையினர் எங்களை கைது செய்தனர். மேலும் மீனவர்கள் அனைவரையும் அடித்து மிகவும் துன்புறுத்தினர். வலைகளையும் அறுத்து கடலில் எறிந்தனர். மேலும் படகுகளையும் சேதப்படுத்தினர் என்றார்.  
ஜெகதாபட்டினம் மீனவர் சங்கத் தலைவர் செல்லத்துரை கூறியது: மீனவர்களின் வாழ்வாதாரம் மிகவும் மோசமான நிலையில் உள்ளது. மீனவர்களை மட்டும் விடுவித்ததோடு, படகுகளையும் 
விடுவிக்க வேண்டும். ஒவ்வொரு படகின் விலையும் ரூ.10 லட்சம் முதல் ரூ.20 லட்சம் வரை இருக்கும். மீனவர்கள் கடன்வாங்கி படகுகளை வாங்குகின்றனர். அவற்றை பறிமுதல் செய்வதால் மீனவர்கள் தற்கொலை செய்துகொள்ளும் நிலை ஏற்படுகிறது. மீனவர் பிரச்னைக்கு மத்திய, மாநில அரசுகள் நிரந்தர தீர்வு காணவேண்டும் என்றார்.

]]>
http://www.dinamani.com/all-editions/edition-madurai/madurai/2018/nov/16/இலங்கை-சிறையிலிருந்து-ராமநாதபுரம்--புதுக்கோட்டை-மாவட்ட-மீனவர்கள்-22-பேர்-விடுதலை-3039908.html
3039907 மதுரை மதுரை உணவுப் பொருள் முழுமையாகக் கிடைப்பதை உறுதி செய்ய வழங்கல் துறையினருக்கு உத்தரவு DIN DIN Friday, November 16, 2018 10:01 AM +0530 குடும்ப அட்டைதாரர்களுக்கு பொதுவிநியோகத் திட்ட பொருள்கள் முழுமையாகக் கிடைப்பதை உறுதி செய்ய வேண்டும் என வழங்கல் துறையினருக்கு உணவு ஆணையத் தலைவர் உ.வாசுகி அறிவுறுத்தினார்.
 உணவு ஆணையத் தலைவர் உ.வாசுகி மதுரையில் வியாழக்கிழமை ஆய்வு மேற்கொண்டார். வில்லாபுரத்தில் கூட்டுறவு சங்க நியாய விலைக்கடை, திருமங்கலத்தில் மின்வாரிய ஊழியர் கூட்டுறவு சங்க நியாய விலைக்கடை, மதுரை மேற்கு சரகத்தில் பொன்னகரத்தில் உள்ள மதுரா கோட்ஸ் கூட்டுறவு பண்டகசாலை ஆகிய கடைகளில் தணிக்கை செய்தார்.  முன்னுரிமை உள்ள குடும்ப அட்டைதாரர்களுக்கு (பி.எச்.எச்) நிர்ணயிக்கப்பட்ட  அளவில் அரிசி வழங்கப்படுகிறதா என்பதை விற்பனையாளர்களிடமும், குடும்ப அட்டைதாரர்களிடம் கேட்டறிந்தார்.  பின்னர் மாவட்ட ஆட்சியர் அலுவலகத்தில்  நடைபெற்ற ஆய்வுக் கூட்டத்தில்  அவர் பங்கேற்று பேசியது: மின்னணு அட்டை கிடைக்காதது,  குடும்ப அட்டைக்கு முழுமையாகப் பொருள்கள் வழங்குவதில்லை இவை இரண்டும் தான் குடும்ப அட்டைதாரர்கள் தரப்பில் வரக்கூடிய புகார்களாகும். இதில் வழங்கல் அலுவலர்கள் உரிய கவனம் செலுத்த வேண்டும். உணவுப் பாதுகாப்புச் சட்டத்தின்படி, பொதுமக்களுக்கு நிர்ணயிக்கப்பட்ட அளவு அத்தியாவசியப் பொருள்கள் கிடைப்பதை உறுதி செய்ய வேண்டும் என்றார். மாவட்ட ஆட்சியர் ச. நடராஜன்,  வருவாய் அலுவலர் ரெ.குணாளன், மாவட்ட வழங்கல் அலுவலர் முருகேஸ்வரி,  ஆட்சியரின் நேர்முக உதவியாளர் (பொது) ராஜசேகரன்,  கோட்டாட்சியர்கள், வட்ட வழங்கல் அலுவலர்கள், குடிமைப் பொருள் வட்டாட்சியர்கள் கலந்து கொண்டனர்.

]]>
http://www.dinamani.com/all-editions/edition-madurai/madurai/2018/nov/16/உணவுப்-பொருள்-முழுமையாகக்-கிடைப்பதைஉறுதி-செய்ய-வழங்கல்-துறையினருக்கு-உத்தரவு-3039907.html
3039906 மதுரை மதுரை வைகை அணையிலிருந்து தண்ணீர் திறப்பு: ஆறு, கால்வாய்களில் குளிக்க வேண்டாம்: ஆட்சியர் எச்சரிக்கை DIN DIN Friday, November 16, 2018 10:01 AM +0530 வைகை அணையில் இருந்து பாசனத்துக்குத் தண்ணீர் திறந்துவிடப்பட்டுள்ளதால் பொதுமக்கள் பாதுகாப்பாக இருக்குமாறு மாவட்ட ஆட்சியர் ச.நடராஜன் அறிவுறுத்தியுள்ளார்.
 இதுகுறித்து அவர் வெளியிட்டுள்ள செய்திக்குறிப்பு: மதுரை, ராமநாதபுரம், சிவகங்கை மாவட்டங்களில் உள்ள வைகை பூர்வீகப் பாசனப் பகுதிகளில் உள்ள கண்மாய்களுக்கு புதன்கிழமையில் (நவ.14) இருந்து தண்ணீர் திறக்கப்பட்டுள்ளது. 
 வைகை ஆற்றின் கரையோரம் தாழ்வான பகுதிகளில் வசிக்கும் பொதுமக்கள் மேடான பகுதிகளுக்குச் சென்று பாதுகாப்பாக இருக்க வேண்டும். மேலும் ஆறு மற்றும் கால்வாயில் இறங்கி குளித்தல், நீந்துதல், மீன்பிடித்தல், கால்நடைகளைக் குளிப்பாட்டுதல், வாகனங்களைக் கழுவுதல் போன்ற நடவடிக்கைகளில் ஈடுபடக் கூடாது. பாதுகாப்பற்ற முறையில் புகைப்படங்கள் மற்றும் சுயபடங்கள் எடுப்பதைத் தவிர்க்க வேண்டும் என்று ஆட்சியர் கேட்டுக் கொண்டுள்ளார்.
 

]]>
http://www.dinamani.com/all-editions/edition-madurai/madurai/2018/nov/16/வைகை-அணையிலிருந்து-தண்ணீர்-திறப்பு-ஆறு-கால்வாய்களில்-குளிக்க-வேண்டாம்-ஆட்சியர்-எச்சரிக்கை-3039906.html
3039905 மதுரை மதுரை ஆம்புலன்ஸ் ஓட்டுநரை தாக்கியவர் மீது வழக்கு DIN DIN Friday, November 16, 2018 10:01 AM +0530 திருப்பரங்குன்றத்தை அடுத்த ஆஸ்டின்பட்டியில் ஆம்புலன்ஸ் ஓட்டுநரை தாக்கியவர் மீது  போலீஸார் வழக்குப்பதிவு செய்து  விசாரிக்கின்றனர். 
மதுரை மாடகுளத்தைச்  சேர்ந்த முத்துப்பாண்டி மகன் மாணிக்கராஜ்  (33). இவர் 108 ஆம்புலன்ஸ் வாகனத்தில் ஓட்டுநராக பணிபுரிகிறார். இந்நிலையில் விளாச்சேரி மந்தைத்திடலில் சுப்பிரமணி என்பவர் மூச்சுத்திணறல் காரணமாக மயங்கி விழுந்துவிட்டாராம். 
அவரை  ஆம்புலஸ் மூலம் மீட்டு மருத்துவமனைக்கு புறப்பட்டபோது, அப்பகுதியைச் சேர்ந்த ஒருவர் குடிபோதையில் தகறாறில் ஈடுபட்டு மாணிக்கராஜை  தாக்கினாராம். 
இதுதொடர்பா மாணிக்கராஜ் அளித்த புகாரின் பேரில் ஆஸ்டின்பட்டி  போலீஸார் வழக்குப்பதிவு செய்து விசாரிக்கின்றனர்.
 

]]>
http://www.dinamani.com/all-editions/edition-madurai/madurai/2018/nov/16/ஆம்புலன்ஸ்-ஓட்டுநரை-தாக்கியவர்-மீது-வழக்கு-3039905.html
3039904 மதுரை மதுரை மதுரை ரயில் நிலையத்துக்கு வெடிகுண்டு மிரட்டல் DIN DIN Friday, November 16, 2018 10:00 AM +0530 மதுரை ரயில் நிலையத்துக்கு வியாழக்கிழமை வெடிகுண்டு மிரட்டல் விடுக்கப்பட்டதையடுத்து போலீஸார் தீவிர சோதனையில் ஈடுபட்டனர்.
 மதுரை மாநகர காவல் ஆணையர் அலுவலகத்தில் உள்ள கட்டுப்பாட்டு அறைக்கு வியாழக்கிழமை இரவு மர்மநபர்கள் அழைப்பு விடுத்து, மதுரை விமான நிலையத்திலும், ரயில் நிலையத்திலும் வெடிகுண்டு வைக்கப்பட்டிருப்பதாக மிரட்டல் விடுத்தனர். இதையடுத்து ரயில்வே பாதுகாப்பு படையினருக்கு தகவல் தெரிவிக்கப்பட்டு வெடிகுண்டு செயலிழக்கச் செய்யும் சிறப்புப் பிரிவினர் ரயில் நிலையம் விரைந்தனர். இதையடுத்து மதுரை ரயில் நிலையத்தில் மோப்ப நாய் உதவியுடன் சரக்கு ஏற்றும் பிரிவு, காத்திருப்பு அறை, பயணச்சீட்டு மையம், மருத்துவமனை வளாகம், ரயில்வே பணிமனை, வாகன நிறுத்தங்கள் உள்ளிட்ட இடங்களில் போலீஸார் சோதனை நடத்தினர். ஒரு மணி நேரத்துக்கும் மேல் நடைபெற்ற சோதனையில் எதுவும் கைப்பற்றப்படவில்லை.
இதுதொடர்பாக ரயில்வே பாதுகாப்பு படையினர் கூறியதாவது:  மதுரை ரயில் நிலையத்தின் பிரதான நுழைவு வாயில், மேற்கு நுழைவு வாயில் உள்ளிட்ட அனைத்து இடங்களில் பாதுகாப்பு படையினர் மூலம் சோதனை நடத்தப்பட்டது. பாண்டியன் ரயில் உள்ளிட்ட முக்கிய ரயில்களிலும் சோதனை நடத்தப்பட்டது. பயணிகளின் உடமைகள் ஸ்கேனர் கருவிகள் மூலம் சோதனையிடப்பட்டது. ஆனால் வெடிகுண்டுகள் எதுவும் கைப்பற்றப்படவில்லை என்றனர். போலீஸார் நடத்திய சோதனையின் மூலம் சுமார் ஒரு மணி நேரத்துக்கும் மேலாக ரயில் நிலையத்தில் பரபரப்பு நிலவியது.
 

]]>
http://www.dinamani.com/all-editions/edition-madurai/madurai/2018/nov/16/மதுரை-ரயில்-நிலையத்துக்கு-வெடிகுண்டு-மிரட்டல்-3039904.html
3039903 மதுரை மதுரை சிறுபான்மையினர் நலத்துறையின் உதவிகள் பெற  முஸ்லிம் மகளிர் விண்ணப்பிக்கலாம் DIN DIN Friday, November 16, 2018 10:00 AM +0530 சிறுபான்மையினர் நலத்துறையின் நலத் திட்டங்களைப் பெற முஸ்லிம் மகளிர் விண்ணப்பிக்கலாம் என்று அறிவிக்கப்பட்டுள்ளது.
இதுகுறித்து மதுரை மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் க.விஜயா வெளியிட்டுள்ள செய்திக்குறிப்பு:  
தமிழக அரசின் சிறுபான்மையினர் நலத்துறை மூலமாக 
முஸ்லிம் மகளிர் உதவும் சங்கம் செயல்பட்டு வருகிறது. இச்சங்கத்தின் மூலம் இஸ்லாமிய மகளிருக்கு நலத்திட்டங்கள் வழங்க மனுக்கள் பெறப்படுகின்றன.  நவம்பர் 30 ஆம் தேதிக்குள் விண்ணப்பங்களைச் சமர்ப்பிக்க வேண்டும்.
விண்ணப்பதாரர் 18-லிருந்து 45 வயதுக்கு உள்பட்ட முஸ்லிம் மகளிராக இருக்க வேண்டும். விதவையருக்கு முன்னுரிமை உண்டு. பிற்படுத்தப்பட்டார் திட்டத்தின்கீழ் தையல் இயந்திரம் போன்ற உதவிகளை ஏற்கெனவே பெற்றிருக்கக் கூடாது.
 ஆண்டு வருமானம் கிராமப்புறமாக இருந்தால் ரூ.72 ஆயிரம், நகர்ப்புறமாக இருந்தால் ரூ.98 ஆயிரத்துக்கு மிகாமல் இருக்க வேண்டும்.  அரசு அங்கீகாரம் பெற்ற நிறுவனம் மூலம் தையல் பயின்ற சான்று, சாதிச்சான்று, ரூ.10-க்கு அஞ்சல் வில்லை ஒட்டிய தாளில் சுய விவரம் ஆகியவற்றை இணைத்து விண்ணப்பிக்க வேண்டும்.
 தொழில் செய்வதற்கு ஏற்ற வகையில் தையல் இயந்திரம், கிரைண்டர், மிக்ஸி, மருத்துவ உதவி காப்பீடு, திருமண உதவி, சிஎப்எல் விளக்கு அமைத்தல் வசதி, சிறுவாகனம் மற்றும் தொழில் கருவிகள், ஊனமுற்றோருக்கு மூன்று சக்கர வாகனம், பாய் நெய்தல்,  சுயஉதவிக் குழு கடனுதவி உள்ளிட்ட அரசு உதவிகள் பெற்றுத் தரப்படும் எனத் தெரிவித்துள்ளார்.
 

]]>
http://www.dinamani.com/all-editions/edition-madurai/madurai/2018/nov/16/சிறுபான்மையினர்-நலத்துறையின்-உதவிகள்-பெற-முஸ்லிம்-மகளிர்-விண்ணப்பிக்கலாம்-3039903.html
3039058 மதுரை மதுரை மதுரை மாவட்டத்தில் 2 ஆம் போக சாகுபடிக்கு தயாராகும் விவசாயிகள்: பாசன நீர் இருப்பு குறித்து ஆலோசிக்க வேண்டுகோள் DIN DIN Thursday, November 15, 2018 08:09 AM +0530 மதுரை மாவட்டத்தின் இருபோக பாசனப் பகுதிகளில் இரண்டாவது போக நெல் சாகுபடிக்கு விவசாயிகள் தயாராகி வருகின்றனர்.
பெரியாறு பாசனத் திட்டத்தில் மதுரை மாவட்டத்தில் இருபோகம் நெல் விவசாயம் செய்யப்படுகிறது. இருபோக பாசனப் பகுதிகளான மதுரை வடக்கு, மதுரை கிழக்கு, வாடிப்பட்டி ஆகிய வட்டங்களில் 45 ஆயிரம் ஏக்கரிலும், ஒருபோக பாசனப் பகுதிகளான மேலூர், திருமங்கலம் வட்டங்களில் ஒரு லட்சம் ஏக்கரிலும் நெல் சாகுபடி நடைபெறும். இருபோக சாகுபடி பகுதியின் முதலாவது போகத்துக்கு ஜூன் மாதத்திலும், ஒரு போக சாகுபடி பகுதிக்கு செப்டம்பரிலும் பெரியாறு அணையில் இருந்து தண்ணீர் திறக்கப்படும். 
ஒருபோக சாகுபடி பகுதிக்கு 120 நாள்கள் தண்ணீர் வழங்கப்பட்ட பிறகு, இருபோக பகுதியின் 2-ஆவது போகத்துக்குத் தண்ணீர் திறக்கப்படும்.
 பல ஆண்டுகளுக்குப் பிறகு நிகழ் ஆண்டில் முதல்போகத்துக்கு ஜூன் மாதத்தில் தண்ணீர் திறக்கப்பட்டது. இதில் வாடிப்பட்டி, மதுரை கிழக்கு, மதுரை வடக்கு வட்டங்கள் நெல் சாகுபடி செய்யப்பட்டு 60 சதவீதத்துக்கு மேல் அறுவடை முடிந்துவிட்டது.
தற்போதுஒருபோகசாகுபடிபகுதிக்கு தற்போது தண்ணீர் திறக்கப்பட்டு, நெல் சாகுபடிக்கான பணிகள் தீவிரப்படுத்தப்பட்டு வருகிறது.  இந்நிலையில் இரு போக சாகுபடி பகுதியில்முதல்போக அறுவடை முடிந்த நிலையில், 2-ஆவது போகத்துக்கான ஆரம்பகட்ட பணிகளை விவசாயிகள் தொடங்கியுள்ளனர். குறிப்பாக, வாடிப்பட்டி வட்டத்தில் சோழவந்தான், மண்ணாடிமங்கலம், முள்ளிப்பள்ளம், தென்கரை உள்ளிட்ட பகுதிகளில் பல விவசாயிகள் விதைப்பு பணியை முடித்துவிட்டனர். சில பகுதிகளில் உழவு நடைபெற்று வருகிறது. இப் பகுதியில் இருக்கும் நீர்நிலைகளிலும், கிணறுகளிலும் நீர்இருப்பு நல்ல நிலையில் இருப்பதால் விவசாயிகள் 2-ஆவது போக நெல் சாகுபடி பணிகளைத் தீவிரப்படுத்தி வருகின்றனர். 
இருப்பினும் வாடிப்பட்டி வட்டத்தின் சில பகுதிகள், மதுரை வடக்கு மற்றும் மதுரை கிழக்கு வட்டத்தில் இருக்கும் இருபோக பகுதிகள் பெரியாறு கால்வாயில் நேரடிப் பாசனம் பெறுபவையாக இருக்கின்றன. ஆகவே, பெரியாறு அணையில்நீர் இருப்புநிலவரத்தை வைத்தே இரண்டாம் போக பணிகளை விவசாயிகள் தொடங்க முடியும்.
 தற்போது ஒருபோக பகுதிக்கும், பூர்வீக பாசனப் பகுதிகளுக்கும் தண்ணீர் திறக்கப்படும் நிலையில், இரண்டாவது போகத்துக்கு எப்போது தண்ணீர் திறக்கப்படும் என்பது இருபோக பகுதி விவசாயிகளின் கேள்வியாக இருக்கிறது.
இரண்டாவது போக சாகுபடி தொடர்பாக, அணைகளின் நீர்இருப்பு தொடர்பாகவும், நெல் சாகுபடி பணிகளைத் தொடங்குவது குறித்தும் தெளிவுபடுத்த விவசாயிகள், பொதுப்பணித் துறையினர் பங்கேற்கும் ஆலோசனைக் கூட்டத்தை நடத்துமாறு பெரியாறு பாசன விவசாயிகள் மாவட்ட ஆட்சியருக்கு கோரிக்கை விடுத்துள்ளனர்.

பெரியாறு அணை நீர் இருப்பு குறைக்கப்படுகிறதா?
பெரியாறு பாசனத் திட்டத்தில் தண்ணீர் திறப்பதில் பொதுப்பணித் துறையினர் தொடர்ந்து விதிகளை மீறி வருவதாக விவசாயிகள் புகார் தெரிவித்துள்ளனர்.
 இதுகுறித்து மதுரை மாவட்ட ஆட்சியரிடம் புதன்கிழமை அளித்த மனு: பெரியாறு பாசனத் திட்டத்தில் தண்ணீர் திறப்பதில் தொடர்ந்து முரண்பாடான தகவல்களை அரசுக்குத் தொடர்ந்து பொதுப்பணித் துறையினர் அனுப்பி வருகின்றனர்.
பெரியாறு அணையில் இருந்து அதிகளவு தண்ணீரை வைகை அணைக்கு கொண்டு வந்து, வைகை அணையில் உபரி நீர் இருப்பதாகக் கணக்கு காட்டி வருகின்றனர். பெரியாறு அணையின் நீர்மட்டத்தை தொடர்ந்து குறைத்து வருவதால், அந்த அணையை நம்பியுள்ள பாசனப் பகுதிகளின் விவசாயம் பாதிக்கப்படுகிறது. இது குறித்து உரிய விசாரணை நடத்தி நடவடிக்கை எடுக்க வேண்டும் என்றனர்.

]]>
http://www.dinamani.com/all-editions/edition-madurai/madurai/2018/nov/15/மதுரை-மாவட்டத்தில்-2-ஆம்-போக-சாகுபடிக்கு-தயாராகும்-விவசாயிகள்-பாசன-நீர்-இருப்பு-குறித்து-ஆலோசிக்க-வ-3039058.html
3039057 மதுரை மதுரை மதுபானக் கடையில் ரூ.1.50 லட்சம் திருட்டு DIN DIN Thursday, November 15, 2018 08:09 AM +0530 மதுரையில் ஞாயிற்றுக்கிழமை இரவு மதுபானக்கடை பூட்டை உடைத்து ரூ.1.50 லட்சம் மற்றும் மது பாட்டில்களை மர்ம நபர்கள் திருடிச்சென்றுள்ளனர்.
   மதுரை கூடல்புதூர் பகுதியில் மதுபானக்கடை இயங்கி வருகிறது. இங்கு கடந்த ஞாயிற்றுக்கிழமை இரவு விற்பனை முடிந்த நிலையில் ஊழியர்கள் கடையை அடைத்து விட்டுச்சென்றனர். திங்கள்கிழமை காலை கடையை திறக்கச்சென்றபோது கடையின் பூட்டு உடைக்கப்பட்டிருந்தது. 
இதையடுத்து கடை ஊழியர்கள் உள்ளே சென்று பார்த்தபோது பணப்பெட்டி உடைக்கப்பட்டு அதில் இருந்த ரூ.1.50 லட்சம் மற்றும் 64 மதுபாட்டில்களை அடையாளம் தெரியாத நபர்கள் திருடிச்சென்றது தெரிய வந்தது. இதையடுத்து கடையின் மேற்பார்வையாளர் செல்வராஜ்(44) கூடல்புதூர் காவல் நிலையத்தில் புகார் அளித்தார். அதன்பேரில் விசாரணை நடத்தி வந்த போலீஸார் புதன்கிழமை வழக்குப்பதிவு செய்தனர்.


 

]]>
http://www.dinamani.com/all-editions/edition-madurai/madurai/2018/nov/15/மதுபானக்-கடையில்-ரூ150-லட்சம்-திருட்டு-3039057.html
3039056 மதுரை மதுரை நாளை அம்மா திட்ட முகாம் நடைபெறும் கிராமங்கள் DIN DIN Thursday, November 15, 2018 08:08 AM +0530 மதுரை மாவட்டத்தில் அனைத்து வட்டங்களிலும் தேர்வு செய்யப்பட்ட கிராமங்களில் வெள்ளிக்கிழமை (நவ. 16) அம்மா திட்ட முகாம் காலை 10 மணி முதல் மாலை 5 மணி வரை நடைபெறும் என்று மாவட்ட ஆட்சியர் ச.நடராஜன் தெரிவித்துள்ளார்.
முகாம் நடைபெறும் கிராமங்கள்:  கள்ளிக்குடி - எஸ்.வெள்ளாகுளம், மேலூர் - கிழவிகுளம், உசிலம்பட்டி - புல்லனேரி, மதுரை கிழக்கு - புதுப்பட்டி, வாடிப்பட்டி - முள்ளிப்பள்ளம், திருமங்கலம் - பழக்கா புதுப்பட்டி, மதுரை வடக்கு - பேச்சிகுளம், பேரையூர் - மங்களரேவு, மதுரை தெற்கு - புளியங்குளம், திருப்பரங்குன்றம் - தனக்கன்குளம்.
 

]]>
http://www.dinamani.com/all-editions/edition-madurai/madurai/2018/nov/15/நாளை-அம்மா-திட்ட-முகாம்-நடைபெறும்-கிராமங்கள்-3039056.html
3039055 மதுரை மதுரை ரயில் நிலையத்தில் பன்றிக் காய்ச்சல் நோய் தடுப்பு நடவடிக்கைகள் DIN DIN Thursday, November 15, 2018 08:08 AM +0530 மதுரை ரயில் நிலையத்தில் பன்றிக் காய்ச்சல் நோய் தடுப்பு நடவடிக்கைகள் செவ்வாய்க்கிழமை மேற்கொள்ளப்பட்டன.
 பன்றிக் காய்ச்சல் பரவுவதைத் தடுக்கும் வகையில் மதுரை மாநகராட்சியின் சுகாதாரப் பிரிவு அதிகாரிகள் மற்றும் ஊழியர்கள் உதவியுடன் மதுரை ரயில் நிலையத்தில் பன்றிக் காய்ச்சல் தடுப்பு மருந்துகள் தெளிக்கும் பணிகள் செவ்வாய்க்கிழமை நடைபெற்றது. இதன்படி மதுரை ரயில் நிலையத்தின் பயணிகள் காத்திருப்பு அறை, பயணச்சீட்டு பதிவு மையங்கள், நடைமேடைகள், உணவகங்கள், கழிப்பறை உள்ளிட்ட இடங்களில் பன்றிக் காய்ச்சல் தடுப்பு மருந்துகள் தெளிக்கப்பட்டன.
 மாநகராட்சி சுகாதார அதிகாரி சரோஜா, ரயில் நிலைய இயக்குநர் போயா ராகவேந்திர குமார், ரயில்வே சுகாதார அதிகாரி பாலசுப்பிரமணியன் ஆகியோர் நோய் தடுப்பு நடவடிக்கைகளை மேற்பார்வையிட்டனர்.


 

]]>
http://www.dinamani.com/all-editions/edition-madurai/madurai/2018/nov/15/ரயில்-நிலையத்தில்-பன்றிக்-காய்ச்சல்-நோய்-தடுப்பு-நடவடிக்கைகள்-3039055.html
3039054 மதுரை மதுரை சிறந்த அறிவியல் ஆசிரியர் விருதுக்கு விண்ணப்பிக்கலாம் DIN DIN Thursday, November 15, 2018 08:07 AM +0530 மதுரை மாவட்டத்தில் மாநில அளவிலான சிறந்த அறிவியல் ஆசிரியர்களுக்கான விருதுக்கு விண்ணப்பிப்பவர்களுக்கு மட்டுமே தகுதி அடிப்படையில் பரிந்துரைக்கப்படும் என முதன்மைக் கல்வி அலுவலக அதிகாரிகள் தெரிவித்தனர்.
   தமிழக அரசின் அறிவியல் நகரம் சார்பில் மாவட்ட அளவில் சிறந்த அறிவியல் ஆசிரியர்களுக்கான 2018 ஆம் ஆண்டுக்கான விருதுகள் வழங்கப்படவுள்ளன. அதனடிப்படையில் மதுரை மாவட்டத்தில் இயற்பியல், கணிதம், வேதியியல், உயிரியல், கணினி அறிவியல், புவியியல் ஆகிய பாடங்களில் சிறந்து விளங்கும் ஆசிரியர்கள் மாநில கல்வித்துறையின் இணையதளம் வாயிலாக விண்ணப்பிக்கலாம்.
 மதுரை மாவட்டத்தில் பாடவாரியாக மொத்தம் 5 ஆசிரியர்களுக்கு சிறந்த அறிவியல் ஆசிரியர் விருதுகள் வழங்கப்படவுள்ளன. விருதுகள் ரூ.25 ஆயிரம் ரொக்கம், பாராட்டுச்சான்று என வழங்கப்படவுள்ளன. ஆகவே தகுதிவாய்ந்த ஆசிரியர்கள் கல்வித்துறையின் இணையதளத்தில் நேரடியாகவே விண்ணப்பிக்கலாம்.
 விண்ணப்பங்கள் அடிப்படையில் பெயர்கள் மதுரை மாவட்ட முதன்மைக்கல்வி அலுவலகத்துக்கு அனுப்பிவைக்கப்படும் நிலையில், தகுதி அடிப்படையில் அலுவலகம் சார்பில் பரிந்துரைக்கப்படும். விண்ணப்பித்தவர்களுக்கு மட்டுமே பரிந்துரைக்க இயலும் என்பதால் தகுதி வாய்ந்தவர்கள் விண்ணப்பிக்கலாம் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/madurai/2018/nov/15/சிறந்த-அறிவியல்-ஆசிரியர்-விருதுக்கு-விண்ணப்பிக்கலாம்-3039054.html
3039053 மதுரை மதுரை மதுரையில் பிறந்த நாள் கொண்டாட்டம்  தகவல் கசிந்ததால் ரௌடிகள் தப்பினர் DIN DIN Thursday, November 15, 2018 08:07 AM +0530 மதுரையில் போலீஸார் சோதனையிடுவது முன்கூட்டியே தெரிய வந்ததால்  பிறந்த நாள் கொண்டாட்டத்தில் இருந்த முக்கிய ரெளடிகள் தப்பிச் சென்றதாக தகவல்கள் வெளியாகியுள்ளது. 
   மதுரை விளாங்குடி அருகே உள்ள தனியார் மதுபானக்கூடத்தில் அரசியல் பிரமுகர் ஒருவருக்கு பிறந்த நாள் கொண்டாட்டம் செவ்வாய்க்கிழமை நடைபெற்றது. இந்தக் கொண்டாட்டத்தில்  பல்வேறு கொலை வழக்குகளில் தேடப்பட்டு வரும் முக்கிய ரௌடிகள் பங்கேற்பதாக போலீஸாருக்கு தகவல்  கிடைத்தது. அதன்பேரில் அதிரடிப்படை போலீஸார் உள்பட  50-க்கும் மேற்பட்ட போலீஸார், மதுபான கூடத்தை செவ்வாய்க்கிழமை இரவு சுற்றி வளைத்தனர்.
   இதில் 14 ரௌடிகள் பிடிபட மற்றவர்கள் தப்பிச்சென்றனர். பிடிபட்ட 14 பேரையும் செல்லூர் காவல்நிலையத்துக்கு கொண்டு வந்த போலீஸார் அவர்களிடம் விசாரணை நடத்தி, நன்னடத்தை பத்திரம் பெற்றுக்கொண்டு எச்சரித்து அனுப்பினர். 
 போலீஸார் சோதனையிட வரும் தகவல் முன்கூட்டியே கசிந்ததால் பிறந்த நாள் கொண்டாட்டத்தில் இருந்த பல முக்கிய ரௌடிகள், கூலிப்படையாக செயல்படும் பலர் போலீஸாரிடம் சிக்காமல் தப்பிச்சென்று விட்டனர். இதுகுறித்து சோதனையில் பங்கேற்ற போலீஸார் கூறியது: 
  ரௌடிகள் அனைவரையும் கூண்டோடு பிடிப்பதற்காக திட்டமிட்டு சோதனையில் ஈடுபட்டோம். ஆனால் சோதனைக்கு செல்லும் தகவல் முன்கூட்டியே ரௌடிகளுக்கு தெரிந்து விட்டது. இதனால் சோதனைக்கு சென்றபோது நாங்கள் தேடிய பல ரௌடிகள் அங்கு இல்லை. அவர்கள் அங்கிருந்து தப்பிச்சென்றுவிட்டனர். பிடிபட்டவர்களும் பிரபல ரௌடிகள் இல்லை. எனவே அவர்கள் எச்சரித்து விடுவிக்கப்பட்டுள்ளனர்  என்றனர்.


 

]]>
http://www.dinamani.com/all-editions/edition-madurai/madurai/2018/nov/15/மதுரையில்-பிறந்த-நாள்-கொண்டாட்டம்--தகவல்-கசிந்ததால்-ரௌடிகள்-தப்பினர்-3039053.html
3039052 மதுரை மதுரை திருப்பரங்குன்றத்தில் கந்தசஷ்டி தேரோட்டம் DIN DIN Thursday, November 15, 2018 08:07 AM +0530 திருப்பரங்குன்றம் சுப்பிரமணிய சுவாமி கோயிலில் கந்தசஷ்டி நிறைவு நாள் நிகழ்ச்சியாக சிறிய சட்டத் தேரோட்டம் புதன்கிழமை நடைபெற்றது. 
     இக்கோயிலில் கந்தசஷ்டி விழா கடந்த 8 ஆம் தேதி காப்புக் கட்டுதலுடன் தொடங்கியது. விழாவின் முக்கிய நிகழ்ச்சியான சூரசம்ஹார லீலை செவ்வாய்க்கிழமை சன்னதி தெருவில் உள்ள சொக்கநாதர் கோயில் முன்பு நடைபெற்றது. தொடர்ந்து சுவாமி தெய்வானை மாலை மாற்றும் நிகழ்ச்சி நடைபெற்றது. 
        விழாவின் நிறைவு நாளான புதன்கிழமை உற்சவர் சன்னதியில் சுப்பிரமணிய சுவாமி தெய்வானைக்கு பால், பன்னீர், இளநீர் உள்ளிட்ட 16 வகை அபிஷேகம் செய்யப்பட்டது. பின்புசிறப்பு அலங்காரத்தில் தங்கமயில் வாகனத்தில், கோயில் வாசல் முன்பு உள்ள சிறிய சட்டத்தேரில் சுவாமி எழுந்தருளினார். 
   அங்கு காப்புகட்டி விரதமிருந்த பெண் பக்தர்கள் வடம்பிடித்து தேரை இழுத்தனர்.  தேர் ரத வீதி, கிரிவலப்பாதை வழியாக வந்தது. பிற்பகல் 3 மணியளவில் மூலவர் சுப்பிரமணி சுவாமி தங்க கவச அலங்காரத்தில் பக்தர்களுக்கு அருள்பாலித்தார். தொடர்ந்து 108 படி தயிர் சாதத்தில் பாவாடை தரிசனம் நடைபெற்றது.
கார்த்திகை தீபத் திருவிழா: திருப்பரங்குன்றம் கோயிலில் கார்த்திகை தீபத்திருவிழாவிற்கான கொடியேற்றம் வியாழக்கிழமை காலை 10.45 மணிக்கு நடைபெறுகிறது.
 

]]>
http://www.dinamani.com/all-editions/edition-madurai/madurai/2018/nov/15/திருப்பரங்குன்றத்தில்-கந்தசஷ்டி-தேரோட்டம்-3039052.html
3039051 மதுரை மதுரை கிரானைட் முறைகேடு  44 வழக்குகள் ஒத்திவைப்பு DIN DIN Thursday, November 15, 2018 08:06 AM +0530 கிரானைட் முறைகேடு தொடர்பான  44 வழக்குகள் மீதான விசாரணையை டிசம்பர் மற்றும் ஜனவரி மாதங்களுக்கு மேலூர் நீதித்துறை நடுவர்மன்றம் புதன்கிழமை ஒத்திவைத்தது.
  மதுரை மாவட்டத்தில் சட்டவிரோதமாக வெட்டியெடுக்கப்பட்ட கிரானைட் கற்களை கையகப்படுத்த அனுமதிகோரி மதுரை மாவட்ட முன்னாள் ஆட்சியரால் மேலூர் நீதித்துறை நடுவர் மன்றத்தில் 178 வழக்குகள் தொடரப்பட்டன.
இவற்றில் பிஆர்பி நிறுவனங்கள் மீதான 39 வழக்குகள் புதன்கிழமை நீதித்துறை நடுவர் பழனிவேலு முன்பு விசாரணைக்கு வந்தன. பிஆர்பி நிறுவனம் கீழவளவு பகுதியில் பதுக்கிவைத்துள்ள கிரானைட் கற்கள் தொடர்பாக கிராம நிர்வாக அலுவலர் அழகுபாண்டி சாட்சியமளித்தார். 
இதையடுத்து, மேற்கண்ட 39 வழக்குகளில் 11 வழக்குகள் விசாரணையை டிசம்பர் 19-ஆம் தேதிக்கும், மீதமுள்ள 28 வழக்குகள் மீதான விசாரணையை 2019 ஜனவரி 2-ஆம் தேதிக்கும் நீதித்துறை நடுவர் ஒத்திவைத்தார். 
மேலும் கிரானைட் முறைகேடு தொடர்பான 5 குற்றவழக்குகள் டிச.19 ஆம் தேதிக்கு ஒத்திவைக்கப்பட்டன.

]]>
http://www.dinamani.com/all-editions/edition-madurai/madurai/2018/nov/15/கிரானைட்-முறைகேடு--44-வழக்குகள்-ஒத்திவைப்பு-3039051.html