Dinamani - ராமநாதபுரம் - http://www.dinamani.com/all-editions/edition-madurai/ramanathapuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3022588 மதுரை ராமநாதபுரம் 16 ஆண்டுகளுக்குப் பின் மன்னார் வளைகுடா தீவுகளில்  பவளப்பாறை கண்காணிப்புப் பணி தொடக்கம் DIN DIN Thursday, October 18, 2018 07:28 AM +0530 ராமநாதபுரம் மாவட்டம், மன்னார் வளைகுடா தீவுப்பகுதியில் 16 ஆண்டுகளுக்குப் பின், பவளப்பாறைகள் கண்காணிப்பு மற்றும் சீரமைப்புப் பணிகள் செவ்வாய்க்கிழமை தொடங்கின. 
மன்னார் வளைகுடா பகுதியில் பாம்பன் முதல் தூத்துக்குடி வரையில் 21 தீவுகள் உள்ளன. இப்பகுதியில் கடந்த 2000-02 ஆம் ஆண்டு மத்திய கடல்வள ஆராய்ச்சி நிறுவனம் சார்பில் மன்னார் வளைகுடா கடல் பகுதியில் உள்ள பவளப்பாறைகளை பற்றிய விவரங்களை ஜி.பி.எஸ் கருவி மூலம் கண்டறிந்தனர்.
16 ஆண்டுகளுக்கு பின் மீண்டும் மன்னார் வளைகுடா கடல் பகுதியில் உள்ள பவளப்பாறைகள் ஆய்வுப் பணியை, ஆய்வாளர்கள் மற்றும் வனத்துறையினர் செவ்வாய்க்கிழமை தொடங்கினர்.
முதல் கட்டமாக முயல் தீவுப் பகுதியில் ஏற்கெனவே உள்ள புள்ளிவிவரம் அடிப்படையில் ஜி.பி.எஸ் கருவி மூலம் ஆய்வு செய்தனர். இதில் 50 முதல் 70 சதவீதம் வரையில் பவளப்பாறைகள் வளர்ச்சி அடைந்துள்ளது தெரியவந்தது.  
பவளப்பாறைகள் இல்லாத இடங்களில் சிமென்ட் பலகைகளில் பவளப்பாறைகளை கடலுக்கு அடியில் வைத்து செயற்கையாக பவளப்பாறைகள் உருவாக்கப்பட்டுள்ளன.
 இந்த ஆய்வுப் பணியில் டாக்டர் சண்முகராஜ், வன உயிரின காப்பாளர் து.கோ.அசோக்குமார், உதவி வனக் காப்பாளர் ராஜ்குமார், மண்டபம் உயிரின சரக அலுவலர் சதீஷ் மற்றும் வனச்சரக அலுவலர் கதிரேசன் மற்றும் வனத்துறையினர் கலந்துகொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/18/16-ஆண்டுகளுக்குப்-பின்-மன்னார்-வளைகுடா-தீவுகளில்-பவளப்பாறை-கண்காணிப்புப்-பணி-தொடக்கம்-3022588.html
3022587 மதுரை ராமநாதபுரம் 30 ஆண்டுகளாக மராமத்து செய்யப்படாததால் அழிந்து வரும் ஊருணி DIN DIN Thursday, October 18, 2018 07:28 AM +0530 கமுதி அருகே 30 ஆண்டுகளாக மராமத்து செய்யப்படாததால், குடிநீர் ஊருணி மண் மேடாகி வருவதாக, பொதுமக்கள் கவலை தெரிவிக்கின்றனர்.
அபிராமம், அகத்தாரிருப்பு, நரியன் மற்றும் சுற்றியுள்ள பகுதிகளுக்கு குடிநீர் ஆதாரமாக, அபிராமம்- கமுதி செல்லும் வழியில் கலியுகராமன் ஊருணி அமைந்துள்ளது. இந்த ஊருணியில் மழை நீர்வரத்துக் கால்வாய்கள் மூலம் தண்ணீர் தேக்கப்பட்டும்,  கிணறுகள் அமைத்தும், அப்பகுதியின் குடிநீர் பிரச்னை தீர்க்கப்பட்டு வந்தது.     
ஆனால், இந்த ஊருணி 30 ஆண்டுகளாக மராமத்து செய்யப்படாமல் விடப்பட்டதால், தற்போது மண் மேடாகியுள்ளது. ஊருணியைச் சுற்றிலும் வேலிகள் அமைக்கப்படாததால், கரைகள் ஆக்கிரமிக்கப்பட்டு கட்டடங்களாக உருமாறி, குடிநீர் ஊருணி அழிவில் உள்ளது.     எனவே, இந்த ஊருணியை தூர்வாரி பராமரிக்க மாவட்ட நிர்வாகம் நடவடிக்கை எடுக்கவேண்டும் என, இப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/ramanathapuram/2018/oct/18/30-ஆண்டுகளாக-மராமத்து-செய்யப்படாததால்-அழிந்து-வரும்-ஊருணி-3022587.html
3022564 மதுரை ராமநாதபுரம் திருவாடானை தாலுகாவில் நீர்நிலைகளில் ஆக்கிரமிப்புகளை அகற்ற வலியுறுத்தல் DIN DIN Thursday, October 18, 2018 03:00 AM +0530 திருவாடானை தாலுகாவில் கண்மாய்கள் உள்ளிட்ட நீர்நிலைகளில் உள்ள ஆக்கிரமிப்புகளை அகற்ற வேண்டும் என விவசாயிகள் கோரிக்கை விடுத்துள்ளனர்.
இத்தாலுகாவில் ஆர்.எஸ்.மங்கலம்,  திருவாடானை ஆகிய இரண்டு ஒன்றியங்களும், தமிழகத்தின் 2 ஆவது பெரிய கண்மாயான ஆர்.எஸ்.மங்கலம் கண்மாய் உள்ளிட்ட 500-க்கும் மேற்பட்ட கண்மாய்களும், குளங்களும்  உள்ளன. இத்தாலுகாவில் பொதுப்பணி துறையின் பராமரிப்பின் கீழ் ஏராளமான கண்மாய்கள் உள்ளன. இதில் கண்மாய்களின் மேட்டுப்பகுதிகளை சிலர் ஆக்கிரமித்து விவசாயம் செய்து வருகின்றனர். இவற்றின் மீது கடந்த 4 ஆண்டுகளாக பொதுப்பணி துறை மற்றும் வருவாய்த்துறை அதிகாரிகள் நடவடிக்கை எடுக்காததால் ஆக்கிரமிப்புகள் இன்னும் அதிகரித்து விட்டதாக விவசாயிகள் தெரிவித்துள்ளனர்.
 இந்நிலை நீடித்தால் கண்மாயில் போதிய தண்ணீரை தேக்கி வைக்க முடியாத சூழ்நிலை ஏற்படும் என்றும், இதனால் விவசாயம் கடுமையாக பாதிக்கப்படும் என்றும் அவர்கள் தெரிவித்தனர்.
 இதுகுறித்து இப்பகுதி விவசாயிகள் கூறியது: இங்குள்ள கண்மாய்களில் மட்டுமல்லாது வரத்துக் கால்வாய்கால், நீர்பிடி, ஊருணிகளை ஆக்கிரமித்து பலர் விவசாயம் செய்துள்ளனர். மேலும் கரைப் பகுதிகளில் வீடுகளையும் கட்டி வருகின்றனர்.  இதற்கு சில கிராம நிர்வாக அலுவலர்கள் பட்டாவும் மாற்றி கொடுத்துள்ளனர். திருவாடானையில் சந்தைப்பேட்டை ஊருணி, குண்டூரணி, சூச்சனி கிராமத்தில் உள்ள ஊருணிகள்,  திருவாடானை பெரிய கண்மாய், அத்தாணிகண்மாய், கோனேரிகோட்டை கண்மாய், திருவாடானை தாலுகாவில் உள்ள நீர்நிலை புறம்போக்குகளில் ஆக்கிரமிப்பு அதிக அளவில் உள்ளது. எனவே கண்மாய்களை அளவீடு செய்து ஆக்கிரமிப்புகளை அகற்ற நடவடிக்கை எடுக்க வேண்டும் என்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/18/திருவாடானை-தாலுகாவில்-நீர்நிலைகளில்-ஆக்கிரமிப்புகளை-அகற்ற-வலியுறுத்தல்-3022564.html
3022563 மதுரை ராமநாதபுரம் கல்லூரியில் தேவர் ஜயந்தி விழா சொற்பொழிவு DIN DIN Thursday, October 18, 2018 03:00 AM +0530 கமுதி தேவர் நினைவு கல்லூரியில் தேவர் ஜயந்தி, குருபூஜை விழாவை முன்னிட்டு சொற்பொழிவு மற்றும் பரிசளிப்பு விழா புதன்கிழமை நடைபெற்றது.
கல்லூரி முதல்வர் அருணாசலம் தலைமை வகித்தார். நாட்டுநலப்பணித் திட்ட அலுவலர் தங்கமுத்து முன்னிலை வகித்தார். ஆன்மிகத்தில் முத்துராமலிங்க தேவரின் ஈடுபாடு குறித்து, திருப்புவனம் தன்னம்பிக்கை பேச்சாளர் நாச்சியார் மாணவர்களுக்கு விளக்கினார். இதில், பேச்சு, கட்டுரை, விளையாட்டுப் போட்டிகளில் வெற்றி பெற்றவர்களுக்கு பரிசுகள் வழங்கப்பட்டன. விழாவில், கல்லூரி பேராசிரியர்கள், முதுகுளத்தூர் நிலவள வங்கி செயலாளர் திருப்பதி உள்ளிட்டோர் கலந்து கொண்டனர். முன்னதாக நாட்டு நலப்பணித்திட்ட அலுவலர் பால்பாண்டி வரவேற்றார். கல்லூரியின் உடற்கல்வி இயக்குநர் சிவராமகிருஷ்ணன் நன்றி கூறினார்.


 

]]>
http://www.dinamani.com/all-editions/edition-madurai/ramanathapuram/2018/oct/18/கல்லூரியில்-தேவர்-ஜயந்தி-விழா-சொற்பொழிவு-3022563.html
3022562 மதுரை ராமநாதபுரம் இளைஞர்கள் மதுபோதைக்கு அடிமையாகக் கூடாது: சுகாதாரத்துறை இணை இயக்குநர் பேச்சு DIN DIN Thursday, October 18, 2018 02:59 AM +0530 இளைஞர்கள் மதுபோதைக்கு அடிமையாகக் கூடாது என சுகாதாரத் துறையின்  இணை இயக்குநர் பி.முல்லைக்கொடி பேசினார்.
 தேசிய  தன்னார்வ ரத்ததான நாளை முன்னிட்டு ராமநாதபுரம் தலைமை அரசு மருத்துவமனை ரத்த வங்கி, எய்ட்ஸ் கட்டுப்பாடு மற்றும் தடுப்புச்சங்கம் ஆகியன இணைந்து ரத்ததான முகாமை நடத்தின. இதன் தொடக்க விழாவுக்கு அரசு மருத்துவமனையின் கண்காணிப்பாளர் பி.கே.ஜவஹர்லால் தலைமை வகித்தார். மருத்துவமனை நிலைய மருத்துவ அலுவலர் என்.கருப்புச்சாமி, சேதுபதி அரசினர் கலைக் கல்லூரி முதல்வர் க.மகுதம்மாள், மாவட்ட எய்ட்ஸ் கட்டுப்பாட்டு அலுவலர் பி.குமரகுருபரன் ஆகியோர் முன்னிலை வகித்தனர். 
ரத்த தானத்தின் முக்கியத்துவம் குறித்து முகாம் ஒருங்கிணைப்பாளர் ஆசிரியர் எஸ்.அய்யப்பன் பேசினார். சுகாதாரத்துறை இணை இயக்குநர் டாக்டர்.பி.முல்லைக்கொடி, முகாமை தொடங்கி வைத்து அதிக முறை ரத்ததானம் வழங்கியவர்களுக்கு பாராட்டுச் சான்றிதழ் வழங்கிப் பேசியது:
  கல்விதானத்தை விட உயர்ந்தது ரத்ததானம். ஒருவர் ரத்தம் கொடுத்த 48 மணி நேரத்தில் மீண்டும் ரத்தம் ஊறி விடும். ஒவ்வொருவரும் 3 மாதங்களுக்கு ஒரு முறை ரத்தம் கொடுத்து உதவிடலாம். அதிலும் குறிப்பாக சில ரத்த வகைகள் கிடைப்பது மிகவும் அரிதாக உள்ளது.
இளைஞர்கள் மதுபோதைக்கு அடிமையாகக் கூடாது. மது அருந்துவதால் தான் விபத்துகள் அதிகரிக்கின்றன. குறிப்பாக 20 வயது முதல் 40 வயதுக்கு உள்பட்டவர்களே மதுவுக்கு அடிமையாகி விபத்தில் சிக்குகின்றனர்.இதனால், அவர்களின் குடும்பத்தினரும் பாதிக்கப்படுகின்றனர். குடும்ப நிலைமையை உணர்ந்தாவது மது அருந்துவதை தவிர்த்து விட வேண்டும் என்றார்.
  முகாமில் ராமநாதபுரம் சேதுபதி அரசினர் கலைக்கல்லூரி மாணவர்கள் 46 பேர் தன்னார்வத்துடன் ரத்ததானம் வழங்கினர். அவர்களுக்கு பாராட்டுச் சான்றிதழ்கள் வழங்கப்பட்டன. 
மாவட்ட ரத்த பரிமாற்று அலுவலர் தி.ஞானக்குமார் வரவேற்றார். ரத்த வங்கி அலுவலர் கே.பாத்திமா பதுல் ராணி நன்றி கூறினார்.

]]>
http://www.dinamani.com/all-editions/edition-madurai/ramanathapuram/2018/oct/18/இளைஞர்கள்-மதுபோதைக்கு-அடிமையாகக்-கூடாது-சுகாதாரத்துறை-இணை-இயக்குநர்-பேச்சு-3022562.html
3022561 மதுரை ராமநாதபுரம் பீட்டர்புரத்தில் மழை நீர் சேகரிப்பால் நிரம்பிய ஊருணி DIN DIN Thursday, October 18, 2018 02:58 AM +0530 கமுதி அருகே பீட்டர்புரத்தில் மழைநீர் சேகரிப்பால் ஊருணி நிரம்பியதால் பொதுமக்கள் மகிழ்ச்சியடைந்துள்ளனர்.
 பீட்டர்புரத்தில் கள்ளிக்குளம் செல்லும் சாலையில் ஊருணி உள்ளது. இந்த ஊருணிக்கு பிரதான வரத்து கால்வாய்களிலிருந்து நீர் வரத்து அமைப்பு இல்லை. மாறாக பீட்டர்புரத்திலுள்ள வீடுகள், தெருக்களிலிருந்து மழைநீர் வடிகால் அமைப்பு ஏற்படுத்தப்பட்டுள்ளது. இந்த குழாய்களிலிருந்து வெளியேறும் மழைநீர் நேரடியாக பீட்டர்புரம் ஊருணியில் வந்து தேங்குகிறது.  இதனால் சிறு மழை பெய்தாலும், அந்த மழைநீர் நேரடியாக ஊருணிக்கு வருகிறது. ஊருணியில் சேமிக்கப்பட்ட மழைநீர் புழக்கத்துக்கும், கால்நடைகளுக்கும் பயன்படுத்தப்படுகிறது. ஊருணியில் தண்ணீர் நிரம்பினால், 6 மாதங்கள் வரை, பீட்டர்புரம், அய்யனார்புரம், பேரையூர் காலனி மக்களுக்கு தண்ணீர் தட்டுப்பாடு ஏற்படாது. தற்போது ஊருணி நிரம்பியுள்ளதால், பொதுமக்கள் மகிழ்ச்சியடைந்துள்ளனர்.

]]>
http://www.dinamani.com/all-editions/edition-madurai/ramanathapuram/2018/oct/18/பீட்டர்புரத்தில்-மழை-நீர்-சேகரிப்பால்-நிரம்பிய-ஊருணி-3022561.html
3022560 மதுரை ராமநாதபுரம் பராமரிப்பின்றி பரமக்குடி சிறுவர் பூங்காவை சீரமைக்க பொதுமக்கள் கோரிக்கை DIN DIN Thursday, October 18, 2018 02:58 AM +0530 பரமக்குடி உழவர் சந்தைப் பகுதியில் உள்ள சிறுவர் பூங்கா பராமரிப்பின்றி சேதமடைந்து வருவதால், அதை சீரமைக்க வேண்டும் என, பொதுமக்கள் கோரிக்கை விடுத்துள்ளனர். 
பரமக்குடி நகராட்சிக்குள்பட்ட உழவர் சந்தைப் பகுதியில், நகர் ஊரமைப்புத் துறை நிதியின் கீழ் ரூ.10 லட்சம் மதிப்பீட்டில், பூங்கா அபிவிருத்தித் திட்டத்தில் கடந்த 2012-13 ஆம் ஆண்டில் சிறுவர் பூங்கா அமைக்கப்பட்டது. பரமக்குடி நகர் மற்றும் சுற்றுப்புற கிராம குழந்தைகளுக்கு இப்பூங்கா மிகவும் பயனுள்ளதாக இருந்தது. தொடக்கத்தில், நகராட்சி நிர்வாகத்தின் மேற்பார்வையில் மகளிர் சுய உதவிக் குழுவினரால் பராமரிக்கப்பட்டு வந்த இப்பூங்கா, நாளடைவில் மாவட்ட ஆட்சியரின் உத்தரவின்பேரில் நகராட்சி நிர்வாகமே நிர்வகித்தது.
இப்பூங்காவை முறையாகப் பராமரிக்க ஆண்டுதோறும் நகராட்சி நிர்வாகம் நிதி ஒதுக்குகிறது. மேலும், குழந்தைகளுக்கு நுழைவு கட்டணமாக ரூ. 5 வசூலிக்கப்படுகிறது. ஆனால், சமீபகாலமாக முறையான பராமரிப்பின்றி இங்குள்ள குழந்தைகள் விளையாடும் சறுக்கல், ஊஞ்சல் உள்ளிட்ட உபகரணங்கள் சேதமடைந்துள்ளன. இது குறித்து பெற்றோர்கள் நகராட்சி நிர்வாகத்திடம் புகார் தெரிவித்தும், எந்த நடவடிக்கையும் எடுக்கப்படவில்லை. 
எனவே, பரமக்குடி பகுதி மக்களுக்கு பொழுதுபோக்கு அம்சமாக விளங்கும் இந்தப் பூங்காவை முறையாகப் பராமரித்து மேம்படுத்த, மாவட்ட ஆட்சியர் உரிய நடவடிக்கை எடுக்கவேண்டும் என, பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/ramanathapuram/2018/oct/18/பராமரிப்பின்றி-பரமக்குடி-சிறுவர்-பூங்காவை-சீரமைக்க-பொதுமக்கள்-கோரிக்கை-3022560.html
3022559 மதுரை ராமநாதபுரம் பரமக்குடி பள்ளி மாணவர்கள் மண்டல தடகளப் போட்டிக்குத் தேர்வு DIN DIN Thursday, October 18, 2018 02:57 AM +0530 பரமக்குடி லயன்ஸ் மெட்ரிக்குலேஷன் மேல்நிலைப் பள்ளி மாணவர்கள், கல்வி மாவட்ட அளவில் நடைபெற்ற தடகளப் போட்டியில் முதலிடம் பிடித்து, மண்டலப் போட்டிக்கு தேர்வு பெற்றுள்ளனர். 
 இப்பள்ளியின் 11-ஆம் வகுப்பு மாணவர் பி. தமிழ்பிரபு 1500 மீட்டர் ஓட்டப் போட்டியில் முதலிடமும், 800 மீட்டர் ஓட்டத்தில் 2-ஆம் இடமும் பிடித்தார். இ. கில்பர்ட்இதயன் 400 மீட்டர் தடைதாண்டும் போட்டியில் முதலிடம் பெற்றுள்ளார். 9-ஆம் வகுப்பு மாணவி பி. கயல்விழி 400 மீட்டர் மற்றும் 600 மீட்டர் ஓட்டப் போட்டிகளில் முதலிடம் பிடித்தார். இதன்மூலம், இவர்கள் மண்டலப் போட்டிக்கு தேர்வு பெற்றுள்ளனர். சாதனை படைத்த மாணவர்களையும், பயிற்சியளித்த உடற்கல்வி ஆசிரியர்கள் து. சரவணக்குமார், க. கருப்பையா, ச. புவனேஸ்வரி ஆகியோரை, பள்ளிக் கல்விக் குழுத் தலைவர் ஏ.வி. குமாரசாமி, செயலர் எஸ். பாலசுப்பிரமணியன், பொருளாளர் எம். மனோகரன், பள்ளி முதல்வர் பி. சோபனாதேவி, துணை முதல்வர் ஆர். தனலெட்சுமி மற்றும் கல்விக்குழு நிர்வாகிகள் செவ்வாய்க்கிழமை பாராட்டி கெளரவித்தனர்.

]]>
http://www.dinamani.com/all-editions/edition-madurai/ramanathapuram/2018/oct/18/பரமக்குடி-பள்ளி-மாணவர்கள்-மண்டல-தடகளப்-போட்டிக்குத்-தேர்வு-3022559.html
3022558 மதுரை ராமநாதபுரம் 16 ஆண்டுகளுக்குப் பின் மன்னார் வளைகுடா தீவுகளில்  பவளப்பாறை கண்காணிப்புப் பணி தொடக்கம் DIN DIN Thursday, October 18, 2018 02:56 AM +0530 ராமநாதபுரம் மாவட்டம், மன்னார் வளைகுடா தீவுப்பகுதியில் 16 ஆண்டுகளுக்குப் பின், பவளப்பாறைகள் கண்காணிப்பு மற்றும் சீரமைப்புப் பணிகள் செவ்வாய்க்கிழமை தொடங்கின. 
மன்னார் வளைகுடா பகுதியில் பாம்பன் முதல் தூத்துக்குடி வரையில் 21 தீவுகள் உள்ளன. இப்பகுதியில் கடந்த 2000-02 ஆம் ஆண்டு மத்திய கடல்வள ஆராய்ச்சி நிறுவனம் சார்பில் மன்னார் வளைகுடா கடல் பகுதியில் உள்ள பவளப்பாறைகளை பற்றிய விவரங்களை ஜி.பி.எஸ் கருவி மூலம் கண்டறிந்தனர்.
16 ஆண்டுகளுக்கு பின் மீண்டும் மன்னார் வளைகுடா கடல் பகுதியில் உள்ள பவளப்பாறைகள் ஆய்வுப் பணியை, ஆய்வாளர்கள் மற்றும் வனத்துறையினர் செவ்வாய்க்கிழமை தொடங்கினர்.
முதல் கட்டமாக முயல் தீவுப் பகுதியில் ஏற்கெனவே உள்ள புள்ளிவிவரம் அடிப்படையில் ஜி.பி.எஸ் கருவி மூலம் ஆய்வு செய்தனர். இதில் 50 முதல் 70 சதவீதம் வரையில் பவளப்பாறைகள் வளர்ச்சி அடைந்துள்ளது தெரியவந்தது.  
பவளப்பாறைகள் இல்லாத இடங்களில் சிமென்ட் பலகைகளில் பவளப்பாறைகளை கடலுக்கு அடியில் வைத்து செயற்கையாக பவளப்பாறைகள் உருவாக்கப்பட்டுள்ளன.
 இந்த ஆய்வுப் பணியில் டாக்டர் சண்முகராஜ், வன உயிரின காப்பாளர் து.கோ.அசோக்குமார், உதவி வனக் காப்பாளர் ராஜ்குமார், மண்டபம் உயிரின சரக அலுவலர் சதீஷ் மற்றும் வனச்சரக அலுவலர் கதிரேசன் மற்றும் வனத்துறையினர் கலந்துகொண்டனர்.
 

]]>
http://www.dinamani.com/all-editions/edition-madurai/ramanathapuram/2018/oct/18/16-ஆண்டுகளுக்குப்-பின்-மன்னார்-வளைகுடா-தீவுகளில்-பவளப்பாறை-கண்காணிப்புப்-பணி-தொடக்கம்-3022558.html
3022557 மதுரை ராமநாதபுரம் தீபாவளி பண்டிகை ராமநாதபுரத்தில் அக்.22 முதல் மாநில அளவிலான கைத்தறி கண்காட்சி DIN DIN Thursday, October 18, 2018 02:56 AM +0530 தீபாவளி பண்டிகையை முன்னிட்டு ராமநாதபுரத்தில் மாநில அளவிலான கைத்தறி கண்காட்சி  அக்டோபர் 22 முதல் நவம்பர் 4-ஆம் தேதி வரை நடைபெற உள்ளது.
 இதுகுறித்து பரமக்குடி கைத்தறி மற்றும் துணிநூல்துறை உதவி இயக்குநர் வி.கே.ஆனந்தகுமார் புதன்கிழமை வெளியிட்டுள்ள செய்திக்குறிப்பு:
 ராமநாதபுரம், சிவகங்கை மாவட்டங்களை உள்ளடக்கிய பரமக்குடி சரக கைத்தறி உதவி இயக்குநர் அலுவலகத்தின் கீழ், 86 நெசவாளர் கூட்டுறவு சங்கங்கள் உள்ளன. இதன் மூலம் உற்பத்தி செய்யப்படும் சேலை ரகங்கள் மிகவும் பிரசித்தி பெற்றவை. நுகர்வோர்களிடம் கைத்தறி துணிகளின் மகத்துவத்தை உணரச் செய்து விற்பனையை பெருக்கும் வகையில் ஆண்டுதோறும் மத்திய, மாநில அரசுகளின் நிதி உதவியுடன் மாவட்டம் மற்றும் மாநில அளவிலான கைத்தறி கண்காட்சி நடத்தப்பட்டு வருகிறது.
 கடந்த ஆண்டு நடைபெற்ற கண்காட்சியில் ரூ. 68 லட்சம் மதிப்புள்ள ஜவுளிகள் விற்பனை செய்யப்பட்டன. அதேபோல் இந்த ஆண்டு தீபாவளி பண்டிகையை முன்னிட்டு அக்டோபர் 22 முதல் நவம்பர் 4 ஆம் தேதி வரை ராமநாதபுரம் காதர் டீலக்ஸ் திருமண மண்டபத்தில் கைத்தறி கண்காட்சி நடைபெறவுள்ளது. 
 இக்கண்காட்சியில் ஈரோடு, கரூர் மாவட்டங்களிலிருந்து துண்டு, போர்வைகள், படுக்கை விரிப்புகள் மற்றும் ஜமுக்காளம் ரகங்களும், மதுரை, விருதுநகர், கோவை மற்றும் பரமக்குடியிலிருந்து காட்டன் சேலைகள், பட்டுச் சேலை ரகங்களும், நாகர்கோவில் வேஸ்டி, கடலூர் குறிஞ்சிப்பாடி கைலி ரகங்களும் கண்காட்சி விற்பனைக்கு வரவுள்ளன.
 அனைத்து ரகங்களுக்கும் 30 சதவீதம் தள்ளுபடி வழங்கப்பட உள்ளது. இந்த வாய்ப்பினை பயன்படுத்தி பொதுமக்கள் கைத்தறி துணிகளை வாங்கி கைத்தறி நெசவாளர்களின் வாழ்வில் ஒளியேற்றிட வேண்டும் என அதில் குறிப்பிடப்பட்டுள்ளது.


 

]]>
http://www.dinamani.com/all-editions/edition-madurai/ramanathapuram/2018/oct/18/தீபாவளி-பண்டிகை-ராமநாதபுரத்தில்-அக்22-முதல்-மாநில-அளவிலான-கைத்தறி-கண்காட்சி-3022557.html
3022556 மதுரை ராமநாதபுரம் ராமேசுவரத்தில் தூய்மை இந்தியா திட்ட விழிப்புணர்வு துண்டுப் பிரசுரம் விநியோகம் DIN DIN Thursday, October 18, 2018 02:55 AM +0530 ராமேசுவரம் அரசு மேல்நிலைப்பள்ளி மாணவர்கள் மற்றும் ஆசிரியர்கள் தூய்மை இந்தியா திட்டம் குறித்து பொதுமக்களிடம் துண்டு பிரசுரம் வழங்கும் நிகழ்ச்சி புதன்கிழமை நடைபெற்றது.
 இப்பள்ளி நாட்டு நலப்பணித் திட்டத்தின் 7 நாள்கள் சிறப்பு முகாமை சரஸ்வதி நடுநிலைப்பள்ளியில், சுடுகாட்டான்பட்டி கிராமத் தலைவர் சண்முகசுந்தரம் தொடங்கி வைத்தார். 
இதையடுத்து,  ராமேசுவரம் தீவு முழுவதும் விழிப்புணர்வு துண்டு பிரசுரம் வழங்கும் நிகழ்ச்சியை சீதாராம் தாஸ் பாபா அறக்கட்டளை தலைவர் சீதாராம் தாஸ்பாபா தொடங்கி வைத்தார். ராமேசுவரத்துக்கு பல்வேறு மாநிலங்களில் இருந்து பக்தர்கள் மற்றும் சுற்றுலாப் பயணிகள் வருவதால் தமிழ், ஆங்கிலம், இந்தி ஆகிய மூன்று மொழிகளில் துண்டு பிரசுரம் அச்சிட்டு வழங்கப்பட்டது.  
இந்நிகழ்ச்சியில், கம்பன் கழகத் தலைவர் முரளிதரன், சுழற்சங்கத் தலைவர் கருப்பையா, பொறியாளர் முருகன், சமூக ஆர்வலர் தில்லைபாக்கியம், சரஸ்வதி பள்ளியின் தலைமை ஆசிரியர் மாலாசங்கரி, அரசு ஆண்கள் மேல்நிலைப்பள்ளி ஆசிரியர்கள் தினகரன், பழனிச்சாமி ஆகியோர் கலந்து கொண்டனர். நாட்டுநலப்பணிதிட்ட அலுவலர் ஜெயகாந்தன் நன்றி கூறினார்.
 

]]>
http://www.dinamani.com/all-editions/edition-madurai/ramanathapuram/2018/oct/18/ராமேசுவரத்தில்-தூய்மை-இந்தியா-திட்ட-விழிப்புணர்வு-துண்டுப்-பிரசுரம்-விநியோகம்-3022556.html
3022555 மதுரை ராமநாதபுரம் திருவாடானையில் வங்கியின் அலைக்கழிப்பால் ஓய்வூதியம் பெற முடியாமல் முதியவர்கள் தவிப்பு DIN DIN Thursday, October 18, 2018 02:55 AM +0530 திருவாடானையில் முதியோர்களுக்கு ஓய்வூதியத் தொகை வழங்காமல், வங்கிகள் அலைக்கழிப்பதாகப் புகார்கள் எழுந்துள்ளன.
திருவாடானை தாலுகாவில், இந்திரா காந்தி ஓய்வூதியத் திட்டம், உழவர் அட்டை ஓய்வூதியத் திட்டம், விதவைகள், கணவனால் கைவிடப்பட்டவர்கள் உள்ளிட்ட பல்வேறு திட்டங்களின் மூலம் சுமார் 20 ஆயிரம் பேருக்கு மேல் ஓய்வூதியம் பெற்று வருகின்றனர்.  இத்திட்டத்தின் மூலம், ஏராளமான முதியோர்கள் பயனடைந்து வருகின்றனர். 
இத்திட்டத்தில் பயனடையும் பெரும்பாலான முதியோர்களுக்கு படிப்பறிவு இல்லாததால், வங்கிகள் ஏடிஎம் அட்டைகளை வழங்கவில்லை. எனவே, வங்கிகளின் சேவை மையங்களுக்குச் சென்று இதற்கென உள்ள இயந்திரத்தில் ரேகையை பதித்து தங்களது பணத்தை பெற்றுச் செல்கின்றனர்.
இந்நிலையில், வங்கி சேவை மையங்களில் ஆதார் எண்ணை இணைக்காதவர்கள் ரேகையை பதிந்து பணம் பெறமுடியவில்லை. இவர்களில் பல முதியோர்கள் ஆதார் அட்டை பெற முடியாமல் தவித்து வருகின்றனர். அதேநேரம், ஆதார் அட்டை வைத்திருக்கும் முதியவர்கள், வங்கிக்குச் சென்று ஆதார் எண்ணை இணைக்கும்படி கூறினால், இது சம்பந்தமான வழக்கு நீதிமன்றத்தில் உள்ளதால், இப்போது இணைக்க முடியாது என அதிகாரிகள் கூறி விரட்டுவதாகத் தெரிவிக்கின்றனர். இதனால், வங்கிக்கும், சேவை மையங்களுக்கும் முதியோர்கள் அலைக்கழிக்கப்படுகின்றனர்.   
இது குறித்து முதியோர் ஓய்வூதியத் திட்டப் பயனாளிகள் கூறியது: 
வயதான காலத்தில் உறவுகள் கை கொடுக்காத நிலையில், அரசு  ஓய்வூதியத் திட்டம் மூலம் ரூ. 1000 கிடைக்கிறது. இப்பணத்தின் மூலம், உணவு மற்றும் மருத்துவச் செலவுக்கு பயன்படுத்தி வருகிறோம். 
இந்நிலையில், ஆதார் எண்ணை இணைக்கவில்லை எனக் கூறி வங்கி அதிகாரிகள் எங்களை அலைக்கழிக்கின்றனர் என்றனர். ஆதார் எண் கட்டாயமில்லை என அரசு கூறி வந்தாலும்,  ஓய்வூதியம் பெறும் ஏழை எளிய முதியோர்களிடம் ஆதார் எண்ணை வங்கிகள் கேட்கின்றன. இதனால், மாதந்தோறும் முதியோர்கள் அலைக்கழிக்கப்படுகின்றனர் என, திருவாடானை ஒன்றிய முன்னாள் கவுன்சிலர் நாகநாதன் கூறினார். 
எனவே, ஆதார் இருப்பவர்களுக்கு உடனடியாக ஆதாரை இணைக்கவும், ஆதார் இல்லாதவர்களுக்கு ஆதார் அட்டையை சமர்ப்பிக்கும் வரை தடையின்றி முதியோர் ஓய்வூதியத் தொகையை வழங்க மாவட்ட நிர்வாகம் நடவடிக்கை எடுக்கவேண்டும் என வலியுறுத்துகின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/18/திருவாடானையில்-வங்கியின்-அலைக்கழிப்பால்-ஓய்வூதியம்-பெற-முடியாமல்-முதியவர்கள்-தவிப்பு-3022555.html
3022554 மதுரை ராமநாதபுரம் பாலித்தீன் ஒழிப்பு, தூய்மைப் பணியில் மண்டபம் பேரூராட்சி அதிகாரிகள் தீவிரம் DIN DIN Thursday, October 18, 2018 02:52 AM +0530 ராமநாதபுரம் மாவட்டம், மண்டபம் பேரூராட்சியில் பாலித்தீன் ஒழிப்பு, தூய்மையே சேவைப் பணிகளில் பேரூராட்சி நிர்வாகத்தினர் தீவிரமாக ஈடுபட்டு வருகின்றனர்.
 மண்டபம் பேரூராட்சியில் 18 வார்டுகள் உள்ளன. இங்கு 20 ஆயிரத்துக்கும் மேற்பட்ட பொதுமக்கள் வசித்து வருகின்றனர். அனைத்துப் பகுதிகளிலும் பிளாஸ்டிக் பயன்பாட்டை ஒழிக்க மாவட்ட ஆட்சியர் உத்தரவிட்டுள்ளர். சிவகங்கை மண்டல பேரூராட்சிகளின் உதவி இயக்குநர் ராஜா அறிவுறுத்தலின் படி மண்டபம் பேரூராட்சி பகுதியில் பலித்தீன் ஒழிப்பு நடவடிக்கையில், பேரூராட்சி செயல் அலுவலர் எஸ்.மஞ்சுநாத் தலைமையில், இளநிலை உதவியாளர் எஸ்.முனியசாமி மற்றும் பணியாளர்கள் தீவிரமாக ஈடுபட்டுள்ளனர். 
 இவர்கள், கடைகள், வீடுகள், வணிக நிறுவனங்கள், பேக்கரி உள்ளிட்ட பல்வேறு இடங்களில் பாலித்தீன் பயன்பாட்டால் ஏற்படும் பாதிப்புகள் குறித்து அறிவுறுத்துவதுடன், துணிப்பையை பயன்படுத்த வேண்டும் என வலியுறுத்தி வருகின்றனர். மேலும், கடைகளில் இருந்த பாலித்தீன் பொருள்களை பறிமுதல் செய்து வருகின்றனர். 
இதுதவிர தனிநபர் கழிப்பறை, தூய்மை இந்தியா திட்டம், தூய்மையே சேவை உள்ளிட்ட பணிகளிலும் பேரூராட்சி நிர்வாகத்தினர் தீவிரம் காட்டி வருகின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/18/பாலித்தீன்-ஒழிப்பு-தூய்மைப்-பணியில்-மண்டபம்-பேரூராட்சி-அதிகாரிகள்-தீவிரம்-3022554.html
3022553 மதுரை ராமநாதபுரம் கமுதி அருகே கிடப்பில் போடப்பட்ட சாலை சீரமைப்புப் பணிகளை  மீண்டும் தொடங்கக் கோரிக்கை DIN DIN Thursday, October 18, 2018 02:52 AM +0530 கமுதி அருகே கிடப்பில் போடப்பட்ட சாலை சீரமைப்பு பணிகளை மீண்டும் தொடங்க வேண்டும் என பொதுமக்கள் கோரிக்கை விடுத்துள்ளனர்.
 கமுதி- முதுகுளத்தூர் செல்லும் சாலையிலிருந்து பிரிந்து 4 கி.மீ. தூரம் செல்லும் பாக்குவெட்டி சாலை சேதமடைந்து போக்குவரத்துக்கு தகுதியற்று இருந்தது. 
இதையடுத்து இதை சீரமைக்க கடந்த 8 மாதங்களுக்கு முன் ரூ.1 கோடியே 6 லட்சம் நிதி ஒதுக்கீடு செய்யபட்டது. இதைத் தொடர்ந்து 3 மாதங்களுக்கு முன் தொடங்கப்பட்ட முதல்கட்ட பணிகள் பின்னர் கிடப்பில் போடப்பட்டன. இதனால் சேதமடைந்த சாலையில் மழைநீர் தேங்கி உருக்குலைந்து, வாகனங்களை இயக்க முடியாமல் வாகன ஓட்டிகள் அவதியடைந்து வருகின்றனர்.
 எனவே மாவட்ட நிர்வாகம் தலையிட்டு கிடப்பில் போடப்பட்டுள்ள பாக்குவெட்டி சாலை சீரமைப்பு பணிகளை மீண்டும் தொடங்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/ramanathapuram/2018/oct/18/கமுதி-அருகே-கிடப்பில்-போடப்பட்ட-சாலை-சீரமைப்புப்-பணிகளை--மீண்டும்-தொடங்கக்-கோரிக்கை-3022553.html
3022101 மதுரை ராமநாதபுரம் கீழக்கரை மகளிர் கல்லூரியில் இலக்கியச் சாரல் விழா DIN DIN Wednesday, October 17, 2018 09:11 AM +0530 கீழக்கரை தாசிம்பீவி அப்துல் காதர் மகளிர் கல்லூரியில் தமிழ்த் துறை சார்பில், இலக்கியச் சாரல் விழா செவ்வாய்க்கிழமை நடத்தப்பட்டது.
கல்லூரி கலையரங்கில் நடந்த இந்த விழாவுக்கு, சீதக்காதி அறக்கட்டளையின் நிர்வாகி குர்ரத் ஜமீலா தலைமை வகித்தார். கல்லூரி முதல்வர் எஸ். சுமையா தாவூத் முன்னிலை வகித்தார். விழாவில், சர்வதேச இஸ்லாமிய சங்கத்தின் தலைவர் அமீர் சுல்தான் கலந்துகொண்டு, கல்லூரி வளர்ச்சிக்காக ரூ.50 ஆயிரம் நிதியுதவி வழங்கினார். பின்னர், இலக்கியத்தில் வாழ்வியல் சிந்தனைகள் என்ற தலைப்பில் பேசினார். சென்னை உயர் நீதிமன்ற வழக்குரைஞர் த. ராமலிங்கம் அறிவியலால் நாம் பெற்றது அதிகமா அல்லது இழந்தது அதிகமா என்ற தலைப்பில் நடைபெற்ற பட்டிமன்றத்துக்கு நடுவராக இருந்து தீர்ப்பு வழங்கினார். தொடர்ந்து, பல்கலைக்கழகங்களுக்கு இடையே நடந்த பல்வேறு போட்டிகளில் வெற்றி பெற்றவர்களுக்குப் பரிசுகள் வழங்கப்பட்டன.
விழாவுக்கான ஏற்பாடுகளை, சீதக்காதி அறக்கட்டளையின் துணைப் பொதுமேலாளர் சேக்தாவூத் தலைமையிலான குழுவினர் செய்திருந்தனர். முன்னதாக, தமிழ் துறைத் தலைவர் வே. அகிலா வரவேற்றார். தமிழ்த் துறைப் பேராசிரியை ரா. விசாலாட்சி நன்றி கூறினார்.

]]>
http://www.dinamani.com/all-editions/edition-madurai/ramanathapuram/2018/oct/17/கீழக்கரை-மகளிர்-கல்லூரியில்-இலக்கியச்-சாரல்-விழா-3022101.html
3022102 மதுரை ராமநாதபுரம் தசரா திருவிழா: கடலாடியிலிருந்து வேடமணிந்த பக்தர்கள் பாதயாத்திரை DIN DIN Wednesday, October 17, 2018 09:11 AM +0530 தசரா திருவிழாவில் பங்கேற்பதற்காக, கடலாடியிலிருந்து பக்தர்கள் பல்வேறு வேடமணிந்து பாதயாத்திரையாக குலசேகரபட்டணத்துக்கு செவ்வாய்க்கிழமை சென்றனர்.
      தூத்துக்குடி மாவட்டம், குலசேகரபட்டணத்தில் அமைந்துள்ள புகழ்பெற்ற முத்தாரம்மன் கோயிலில் ஆண்டுதோறும் நவராத்திரி திருவிழா மற்றும் சூரசம்ஹார நிகழ்ச்சி நடைபெறுகிறது. இத்திருவிழாவில் கலந்துகொள்வதற்காக, பல்வேறு பகுதிகளில் இருந்தும் பக்தர்கள் பலவித வேடங்களை அணிந்து  செல்வது வழக்கம். 
     இந்நிலையில், கடலாடி மற்றும் காரியாண்டி முப்பிடாதி அம்மன் கோயில் தசரா குழுவினர், கடந்த செவ்வாய்க்கிழமை காப்பு கட்டி விரதத்தை தொடங்கினர். இவர்களில் பலர் காளி, சிவன், மாடன்,விநாயகர், முருகன், ஆஞ்சநேயர் என 50-க்கும் மேற்பட்ட கடவுளர்களைப் போன்று வேடமிட்டு பாதயாத்திரையாகச் சென்றனர். இவர்கள், அம்மனுக்குச் செலுத்துவதற்காக, சாயல்குடி, எஸ்.தரைக்குடி, மேலச்செல்வனூர், கடலாடி, புரசங்குளம் என 10-க்கும் மேற்பட்ட கிராமங்களுக்குச் சென்று, அங்குள்ள மக்களிடம் பணமும், நெல், மிளகாய் உள்ளிட்ட  தானியங்களையும் காணிக்கையாகப் பெற்றனர்.
     இது குறித்து பக்தர்கள் கூறியது: உலக நன்மை வேண்டியும், மழை பெய்து விவசாயம் செழிப்பதற்கும், ஆண்டுதோறும் சுமார் 100 கி.மீ. தொலைவிலுள்ள முத்தாரம்மன் கோயிலுக்கு பல்வேறு வேடமணிந்து பாதயாத்திரையாகச் சென்று வருகிறோம் என்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/17/தசரா-திருவிழா-கடலாடியிலிருந்து-வேடமணிந்த-பக்தர்கள்-பாதயாத்திரை-3022102.html
3022109 மதுரை ராமநாதபுரம் பெண்ணை அரிவாளால்  வெட்டிய முதியவர் கைது DIN DIN Wednesday, October 17, 2018 08:56 AM +0530 பரமக்குடி அருகே குடும்பத் தகராறு காரணமாக பெண்ணை அரிவாளால் வெட்டிய முதியவர் செவ்வாய்க்கிழமை கைது செய்யப்பட்டார்.
ராமநாதபுரம் மாவட்டம், பரமக்குடி வட்டம் அரியனேந்தல் கிராமத்தைச் சேர்ந்தவர் ரமேஷ். இவரது மனைவி குணசெல்வி (28). இவருக்கும், அதே ஊரைச் சேர்ந்த இவரது சித்தப்பா சோமு மகன் கடம்பன் (60) என்பவருக்குமிடையே அடிக்கடி தகராறு ஏற்பட்டு வந்துள்ளது.       இந்நிலையில், செவ்வாய்க்கிழமை குணசெல்வியின் வீட்டுக்குச் சென்ற கடம்பன் தகராறில் ஈடுபட்டு, தான் மறைத்து வைத்திருந்த அரிவாளால் அவரை வெட்டி, கொலை மிரட்டல் விடுத்துள்ளார். இதில், பலத்த காயமடைந்த குணசெல்வி, பரமக்குடி அரசு மருத்துவமனையில் சேர்க்கப்பட்டுள்ளார்.
    இது குறித்து பரமக்குடி தாலுகா காவல் நிலையத்தில் குணசெல்வி அளித்த புகாரின்பேரில், போலீஸார் வழக்குப் பதிந்து கடம்பனை கைது செய்தனர்.
 

]]>
http://www.dinamani.com/all-editions/edition-madurai/ramanathapuram/2018/oct/17/பெண்ணை-அரிவாளால்--வெட்டிய-முதியவர்-கைது-3022109.html
3022108 மதுரை ராமநாதபுரம் தானாக பின்னோக்கி வந்த லாரி மோதி ஓட்டுநர் சாவு DIN DIN Wednesday, October 17, 2018 08:56 AM +0530 முதுகுளத்தூரில் நின்றிருந்த டிப்பர் லாரி பின்புறமாக உருண்டு வந்து மோதியதில், அதன் ஓட்டுநர் செவ்வாய்க்கிழமை உயிரிழந்தார்.
     முதுகுளத்தூர் அருகே பூசேரி கிராமத்தைச் சேர்ந்த முத்தையா மகன் சதீஸ்குமார் (28). லாரி ஓட்டுநரான இவர், முதுகுளத்தூர் ஆற்றுப் பாலம் அருகே லாரியில் கிராவல் மண் ஏற்றி வந்துகொண்டிருந்துள்ளார். சாலையின் குறுக்கே தாழ்வாகச் சென்ற மின்கம்பிகளை, லாரியை நிறுத்திவிட்டு கீழே இறங்கி பார்த்துக் கொண்டிருந்தபோது, எதிர்பாராதவிதமாக லாரி பின்னோக்கி வந்து சதீஸ்குமார் மீது மோதியது. இதில், அவர் சம்பவ இடத்திலேயே உயிரிழந்தார்.    இது குறித்து முதுகுளத்தூர் காவல் நிலைய ஆய்வாளர் பெரியசாமி வழக்குப் பதிவு செய்து, லாரியை பறிமுதல் செய்து விசாரித்து வருகிறார்.

]]>
http://www.dinamani.com/all-editions/edition-madurai/ramanathapuram/2018/oct/17/தானாக-பின்னோக்கி-வந்த-லாரி-மோதி-ஓட்டுநர்-சாவு-3022108.html
3022107 மதுரை ராமநாதபுரம் ராமநாதபுரம் அருகே தம்பதியை வழிமறித்து 11 பவுன் நகைகள் பறிப்பு: கணவருக்கு அரிவாள் வெட்டு DIN DIN Wednesday, October 17, 2018 08:56 AM +0530 ராமநாதபுரம் அருகே இரு சக்கர வாகனத்தில் சென்ற தம்பதியரை திங்கள்கிழமை இரவு வழிமறித்த கும்பல், கணவரை அரிவாளால் வெட்டி 11 பவுன் நகைகளை பறித்துச் சென்றுள்ளது.
     ராமநாதபுரம் அருகே அழகன்குளம் பஜனை மடம் தெருவைச் சேர்ந்த மாணிக்கம் என்பவரின் மகன் திருமலை (35) . இவர் தனது மனைவியுடன் இரு சக்கர வாகனத்தில் ராமநாதபுரத்திலிருந்து அழகன்குளத்துக்குச் சென்று கொண்டிருந்துள்ளார். அப்போது, நதிப்பாலம் பகுதியில் நின்றுகொண்டிருந்த 3 பேர், திடீரென வழிமறித்து திருமலையை அரிவாளால் தாக்கியுள்ளனர். இவரது மனைவி அணிந்திருந்த நகைகளை கழற்றித் தராவிட்டால், கொலை செய்துவிடுவதாக மிரட்டி கழுத்தில் அரிவாளை வைத்துள்ளனர். உயிர் பயத்தில், அவர் தான் அணிந்திருந்த நகைகளை கழற்றித் தந்துள்ளார். தாலிச் சங்கிலி, மோதிரம் உள்ளிட்ட மொத்தம் 11 பவுன் நகைகளை பறித்துக்கொண்டு அக்கும்பல் தப்பிவிட்டது.
    இது குறித்து திருமலை அளித்த புகாரின்பேரில், தேவிபட்டினம் போலீஸார் செவ்வாய்க்கிழமை வழக்குப் பதிந்து, குற்றவாளிகளைத் தேடி வருகின்றனர். தாக்குதலில் காயமடைந்த திருமலை, ராமநாதபுரம் அரசு தலைமை மருத்துவமனையில் சேர்க்கப்பட்டு சிகிச்சை பெற்று வருகிறார்.

]]>
http://www.dinamani.com/all-editions/edition-madurai/ramanathapuram/2018/oct/17/ராமநாதபுரம்-அருகே-தம்பதியை-வழிமறித்து-11-பவுன்-நகைகள்-பறிப்பு-கணவருக்கு-அரிவாள்-வெட்டு-3022107.html
3022105 மதுரை ராமநாதபுரம் திருவாடானை அருகே மாமியாரை தாக்கிய  மருமகன் மீது வழக்கு DIN DIN Wednesday, October 17, 2018 08:55 AM +0530 திருவாடானை அருகே ஆண்டிவயல் கிராமத்தைச் சேர்ந்தவர் சின்னப்பொண்ணு. இவரது மகள் சரண்யாவுக்கும், அதே ஊரைச் சேர்ந்த நல்லதம்பி மகன் ராமகிருஷ்ணன் (40)என்பவருக்கும் கடந்த 12 ஆண்டுகளுக்கு முன்பு திருமணம் நடந்துள்ளது. இவர்களுக்கு, 11 வயதில் மகனும், 10 வயதில் மகளும் உள்ளனர்.    இந்நிலையில், கணவன்-மனைவிக்கிடையே ஏற்பட்ட தகராறு காரணமாக, சரண்யா தனது குழந்தைகளுடன் தாயார் வீட்டுக்கு வந்து இருந்துள்ளார். செவ்வாய்க்கிழமை, ராமகிருஷ்ணன் தனது மனைவியை அழைத்துச் செல்வதற்காக மாமியார் வீட்டுக்குச் சென்றுள்ளார். ஆனால், அங்கு இவருக்கும், மாமியார் சின்னப்பொண்ணுக்கும் இடையே தகராறு ஏற்பட்டதில், ராமகிருஷ்ணன் அவரைத் தாக்கியுள்ளார். இதில் காயமடைந்த  சின்னப்பொண்ணு அளித்த புகாரின்பேரில், திருவாடானை போலீஸார் ராமகிருஷ்ணன் மீது  வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/17/திருவாடானை-அருகே-மாமியாரை-தாக்கிய--மருமகன்-மீது-வழக்கு-3022105.html
3022104 மதுரை ராமநாதபுரம் மாநில அளவிலான கைப்பந்துப் போட்டி: ஒட்டன்சத்திரம் கல்லூரி அணி முதலிடம் DIN DIN Wednesday, October 17, 2018 08:55 AM +0530 ராமநாதபுரம் செய்யது அம்மாள் பொறியியல் கல்லூரியில் சனி, ஞாயிற்றுக்கிழமைகளில் நடைபெற்ற பொறியியல் கல்லூரிகளுக்கான மாநில அளவிலான கைப்பந்துப் போட்டியில் ஒட்டன்சத்திரம் கிறிஸ்டியன் கல்லூரி அணி முதலிடம் பெற்றது.
     செய்யது அம்மாள் கல்வி அறக்கட்டளையின் நிறுவனர் டாக்டர்.இ.எம்.அப்துல்லாவின் 17ஆவது நினைவுதினத்தை முன்னிட்டு, இப்போட்டி நடைபெற்றது. மாணவர்,மாணவியர் மற்றும் பேராசிரியர்கள் பங்கேற்ற போட்டிகள் நடைபெற்றன.
          மாணவர் பிரிவில் ஒட்டன்சத்திரம் கிறிஸ்டியன் பொறியியல் கல்லூரி முதல் இடத்தையும், ராமநாதபுரம் செய்யது அம்மாள் பொறியியல் கல்லூரி 2 ஆவது இடத்தையும், கீழக்கரை முகம்மது சதக் பொறியியல் கல்லூரி 3 ஆவது இடத்தையும் பிடித்தன.
       மாணவியர் பிரிவில் கரூர் எம்.குமாரசாமி  பொறியியல் கல்லூரி முதல் இடத்தையும், 2ஆவது இடத்தை மதுரை மங்கையர்க்கரசி பொறியியல் கல்லூரியும், 3ஆவது இடத்தை ராமநாதபுரம் செய்யது அம்மாள் பொறியியல் கல்லூரியும் பிடித்தன.
    பேராசிரியர்களுக்கான பிரிவில் கீழக்கரை முகம்மது சதக் பொறியியல் கல்லூரி முதல் இடத்தையும், ராமநாதபுரம் செய்யது அம்மாள் பொறியியல் கல்லூரி 2ஆவது  இடத்தையும், மதுரை மங்கையர்க்கரசி பொறியியல் கல்லூரி 3 ஆவது இடத்தையும் பெற்றன.
    வெற்றி பெற்ற அணிகளுக்கு செய்யது அம்மாள் அறக்கட்டளையின் நிர்வாக இயக்குநர் டாக்டர். பாபு அப்துல்லா, மாவட்ட கைப்பந்துக்கழகத் தலைவர் ஆ.ரவிச்சந்திர ராமவன்னி, செயலாளர் சோமசுந்தரம், ராமேசுவரம் நாகராஜன் ஆகியோர் பரிசுகளையும்,சுழற்கோப்பைகளையும் வழங்கினர். 
  இதற்கான ஏற்பாடுகளை செய்யது அம்மாள் பொறியியல் கல்லூரியின் உடற்கல்வி இயக்குநர் மகேந்திரன் மற்றும் பேராசிரியர்கள் செய்திருந்தனர்.
 

]]>
http://www.dinamani.com/all-editions/edition-madurai/ramanathapuram/2018/oct/17/மாநில-அளவிலான-கைப்பந்துப்-போட்டி-ஒட்டன்சத்திரம்-கல்லூரி-அணி-முதலிடம்-3022104.html
3022103 மதுரை ராமநாதபுரம் அரசுப் பள்ளியில் தேசிய அளவிலான கடிதப் போட்டி DIN DIN Wednesday, October 17, 2018 08:54 AM +0530 திருவாடானை அருகே நம்புதாளையில் ஊராட்சி ஒன்றியத் துவக்கப் பள்ளியில்,  தொண்டி அஞ்சல் துறை சார்பில் அனைத்துப் பள்ளி மாணவர்களுக்கும் தேசிய அளவிலான கடிதப் போட்டி திங்கள்கிழமை நடத்தப்பட்டது.
     இப் போட்டிக்கு, நம்புதாளை ஊராட்சி ஒன்றிய துவக்கப் பள்ளித் தலைமை ஆசிரியர் ஜான் தாமஸ் தலைமை வகித்தார். அஞ்சல் துறை அலுவலர் சரவணன் முன்னிலை வகித்தார்.       
     நவீன விஞ்ஞான வளர்ச்சியின் காரணமாக மக்களிடம் கடிதம் எழுதும் பழக்கம் முற்றிலுமாக குறைந்துவிட்டது. எனவே, மீண்டும் கடிதம் எழுதும் பழக்கத்தை ஏற்படுத்தும் நோக்கிலும், ஆர்வத்தை அதிகரிக்கும் எண்ணத்திலும், அனைத்துப் பள்ளிகளிலும் என் தாய் நாட்டுக்கு கடிதம் என்ற தலைப்பில், மாணவர்களிடையே போட்டி நடத்தப்பட்டது.
     இப்போட்டியில் பங்கேற்று மாணவர்கள் எழுதிய கடிதங்கள் அனைத்தும், அஞ்சல் துறைக்கு அனுப்பப்பட்டு, தேசிய அளவில் வெற்றி பெறும் கடிதத்துக்கு முதல் பரிசாக ரூ. 25 ஆயிரமும், 2 ஆம் பரிசாக ரூ. 10 ஆயிரமும், 3 ஆவது பரிசாக ரூ. 5 ஆயிரமும் வழங்கப்படுகிறது. இதில், அஞ்சலக ஊழியர்கள் குமார், போஸ் உள்பட பலர் கலந்துகொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/17/அரசுப்-பள்ளியில்-தேசிய-அளவிலான-கடிதப்-போட்டி-3022103.html
3022099 மதுரை ராமநாதபுரம் திருஉத்தரகோசமங்கை வராஹி அம்மன் கோயிலில் துர்காஷ்டமி பூஜை DIN DIN Wednesday, October 17, 2018 08:53 AM +0530 ராமநாதபுரம் மாவட்டம், திருஉத்தரகோசமங்கை வராஹி அம்மன் கோயிலில் நவராத்திரி திருவிழாவின் 7 ஆம் நாளை முன்னிட்டு, துர்காஷ்டமி பூஜை செவ்வாய்க்கிழமை நடைபெற்றது.
இதை முன்னிட்டு, இக்கோயிலில் மூலவர் வராஹி அம்மனுக்கு 16 வகையான சிறப்புஅபிஷேகமும், தீபாராதனைகளும் நடைபெற்றன. பின்னர், துர்க்காஷ்டமி பூஜை நடத்தப்பட்டது. இதில், ஏராளமான பெண்கள் பங்கேற்று, நெய்தீபம் ஏற்றியும், அம்மனுக்கு பச்சை மஞ்சள் அரைத்துக் கொடுத்தும் தங்களது நேர்த்திக்கடன்களை நிறைவேற்றினர். உற்சவர் வராஹி அம்மன் சிறப்பு அலங்காரத்தில் பக்தர்களுக்கு காட்சியளித்தார்.
துர்காஷ்டமி பூஜையில் ராமநாதபுரம் சமஸ்தான திவான் வி. மகேந்திரன், செயல் அலுவலர் எம். ராமு, கோயில் கண்காணிப்பாளர் ஸ்ரீதர் மற்றும் ஏராளமான பக்தர்கள் கலந்துகொண்டனர்.
இதற்கான ஏற்பாடுகளை, கோயில் பூசாரி எஸ். மங்கள சிவாச்சாரியார் மற்றும்  அர்ச்சகர்கள் செய்திருந்தனர்.

]]>
http://www.dinamani.com/all-editions/edition-madurai/ramanathapuram/2018/oct/17/திருஉத்தரகோசமங்கை-வராஹி-அம்மன்-கோயிலில்-துர்காஷ்டமி-பூஜை-3022099.html
3021962 மதுரை ராமநாதபுரம் ராமநாதபுரம் மாவட்ட ஆட்சியர் அலுவலக வளாகத்தில் 2 பேர் வெட்டிக் கொலை: காவல் நிலையத்தில் 5 பேர் சரண் DIN DIN Wednesday, October 17, 2018 07:45 AM +0530 ராமநாதபுரம் மாவட்ட ஆட்சியர் அலுவலக வளாகத்தில், குற்ற வழக்குகளில் தொடர்புடைய இருவரை செவ்வாய்க்கிழமை மாலை 5 பேர் கொண்ட கும்பல் பயங்கர ஆயுதங்களால் தாக்கி கொலை செய்தது. பின்னர், இக்கும்பலைச் சேர்ந்தோர் காவல் நிலையத்தில் சரணடைந்தனர்.
      ராமநாதபுரம் அருகே வாலாந்தரவை கிராமத்தைச் சேர்ந்த சூரப்புலி என்ற சுப்பிரமணியன் மகன் கார்த்திக் (34) மற்றும் ராமநாதபுரம் முத்துராமலிங்க சுவாமி கோயில் தெருவைச் சேர்ந்த தவமணி மகன் விக்கி என்ற குண்டு விக்னேசுவரன் (24). இவர்கள் இருவரும், மாவட்ட ஆட்சியர் அலுவலக வளாகப் பகுதியில் உள்ள கேணிக்கரை காவல் நிலையத்தில் குற்ற வழக்கு ஒன்றுக்காக கையெழுத்திட்டு விட்டு திரும்பிக் கொண்டிருந்தனர். 
    அப்போது காரில் வந்த 5 பேர் கொண்ட கும்பல், அரிவாள், கத்தி உள்ளிட்ட பயங்கர ஆயுதங்களால் அவர்கள் இருவரையும் கொலை செய்துவிட்டு தப்பிவிட்டது. கார்த்திக் ஆட்சியர் அலுவலக வளாகப் பகுதியில் உள்ள தொலைதொடர்புத் துறை அலுவலகம் அருகிலும், விக்னேசுவரன் அதே பகுதியில் உள்ள ராமநாதபுரம் சரக டி.ஐ.ஜி. முகாம் அலுவலகம் அருகிலும் வெட்டுக் காயங்களுடன் இறந்து கிடந்தனர்.
    தகவலறிந்து சம்பவ இடத்துக்குச் சென்ற ராமநாதபுரம் டி.எஸ்.பி. எஸ். நடராஜன், கேணிக்கரை காவல் நிலைய ஆய்வாளர் கலையரசன் மற்றும் போலீஸார் இருவரது சடலங்களையும் மீட்டு, ராமநாதபுரம் தலைமை அரசு மருத்துவமனைக்கு அனுப்பி வைத்தனர். 
    கொலை செய்யப்பட்ட இவர்கள் இருவரும், கடந்த மே மாதம் 20 ஆம் தேதி, ராமநாதபுரம் அருகே வாலாந்தரவை கிராமத்தில் விஜய்(26), பூமிநாதன் (32) ஆகிய இருவரைக் கொலை செய்த வழக்கில் முக்கியக் குற்றவாளிகளாக இருந்துள்ளனர். 
     எனவே, பழிக்குப் பழியாக இருவரும் கொலை செய்யப்பட்டிருக்கலாம் என்ற கோணத்தில், கேணிக்கரை போலீஸார் வழக்குப் பதிவு செய்து விசாரணை நடத்தினர்.
     இதனிடையே, இருவரையும் கொலை செய்த கும்பலைச் சேர்ந்த 5 பேரும், ராமநாதபுரம் மாவட்டம் நயினார்கோவில் காவல் நிலையத்தில் சரணடைந்தனர். விசாரணையில், ராமநாதபுரம் அருகே வாலாந்தரவை கிராமத்தைச் சேர்ந்த சின்னச்சாமி மகன் முருகேசன்(37), ராமசாமி மகன் ரூபன் (25), அன்பழகன் மகன் அர்ஜூன் (25), ராமசாமி மகன் முனியசாமி (26) மற்றும் முனியசாமி மகன் பாஸ்கரன்(40) எனத் தெரியவந்தது.
    கொலை செய்யப்பட்ட கார்த்திக் மீது 36 குற்ற வழக்குகளும், விக்னேசுவரன் மீது கொலை முயற்சி வழக்கு ஒன்று இருப்பதாகவும், போலீஸார் தெரிவித்தனர்.
 

]]>
http://www.dinamani.com/all-editions/edition-madurai/ramanathapuram/2018/oct/17/ராமநாதபுரம்-மாவட்ட-ஆட்சியர்-அலுவலக-வளாகத்தில்-2-பேர்-வெட்டிக்-கொலை-காவல்-நிலையத்தில்-5-பேர்-சரண்-3021962.html
3021961 மதுரை ராமநாதபுரம் ராமேசுவரம் மீனவர்களை  இலங்கை கடற்படையினர் விரட்டியடிப்பு DIN DIN Wednesday, October 17, 2018 07:45 AM +0530 ராமேசுவரம் மீனவர்கள் மீது இலங்கைக் கடற்படையினர் தாக்குதல் நடத்தியதுடன், வலைகளை அறுத்தெறிந்து விரட்டியடித்ததாக, செவ்வாய்க்கிழமை கரை திரும்பிய மீனவர்கள் தெரிவித்தனர். 
      டீசல் விலை உயர்வு, மானியத்தை உயர்த்தி வழங்கவேண்டும், இலங்கையில் சேதமடைந்துள்ள விசைப் படகுகளுக்கு இழப்பீடு வழங்கவேண்டும் என்பன உள்ளிட்ட 5 அம்ச கோரிக்கைகளை வலியுறுத்தி, ராமநாதபுரம் மாவட்ட மீனவர்கள் கடந்த 3 ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வந்தனர்.
    தொடர்ந்து 12 நாள்கள் நடைபெற்ற இப்போராட்டத்தை முடிவுக்குக் கொண்டு வர மத்திய-மாநில அரசுகள் மீனவர்களிடம் பேச்சுவார்த்தை நடத்தி தீர்வுகாண எவ்வித நடவடிக்கையும் எடுக்கவில்லை. மேலும், தீபாவளி உள்ளிட்ட திருவிழாக்கள் வருவதையொட்டியும், வாழ்வாதாரத்தைக் கருத்தில்கொண்டும் மீனவர்கள் வேலைநிறுத்தப் போராட்டத்தை தற்காலிகமாக வாபஸ் பெற்றனர். 
     இதைத் தொடர்ந்து, திங்கள்கிழமை 400-க்கும் அதிகமான விசைப்படகுகளில் 2 ஆயிரத்துக்கும் மேற்பட்ட மீனவர்கள், மீன்வளத் துறை அனுமதி பெற்று கடலுக்குச் சென்றனர்.
  இவர்கள், செவ்வாய்க்கிழமை அதிகாலை கச்சத்தீவு அருகே மீன்பிடித்துக் கொண்டிருந்தபோது, அப்பகுதியில் 7 ரோந்து கப்பலில் வந்த இலங்கைக் கடற்படையினர் மீனவர்கள் மீது தாக்குதல் நடத்தினர். 
மேலும், 30-க்கும் மேற்பட்ட விசைப்படகுகளில் இருந்த வலைகளை அறுத்தெறிந்து, மீனவர்களை மீன்பிடிக்க விடாமல் விரட்டியடித்தனர்.     உயிரைக் காப்பாற்றிக் கொள்வதற்காக, ஆயிரத்துக்கும் மேற்பட்ட மீனவர்கள் பல ஆயிரம் ரூபாய் நஷ்டத்துடன் செவ்வாய்க்கிழமை கரை திரும்பினர்.

]]>
http://www.dinamani.com/all-editions/edition-madurai/ramanathapuram/2018/oct/17/ராமேசுவரம்-மீனவர்களை--இலங்கை-கடற்படையினர்-விரட்டியடிப்பு-3021961.html
3021960 மதுரை ராமநாதபுரம் தேவர் குருபூஜை முன்னேற்பாடு: பசும்பொன்னில் தென்மண்டல ஐ.ஜி., மாவட்ட ஆட்சியர் ஆய்வு DIN DIN Wednesday, October 17, 2018 07:45 AM +0530 கமுதி பசும்பொன்னில் தேவர் குருபூஜை விழா முன்னேற்பாடுகள் குறித்து, தென்மண்டல ஐ.ஜி. சண்முக ராஜேஸ்வரன், ராமநாதபுரம் மாவட்ட ஆட்சியர் கொ. வீரராகவ ராவ் உள்ளிட்டோர் செவ்வாய்க்கிழமை ஆய்வு செய்தனர். 
     ராமநாதபுரம் மாவட்டம், பசும்பொன்னில் முத்துராமலிங்கத் தேவர் ஜயந்தி விழா அக்டோபர் 28, 29, 30 ஆகிய தேதிகளில் நடைபெறுகிறது. 
அரசு விழாவாகக் கொண்டாடப்படும்  இந்நிகழ்ச்சிக்கு, முதல்வர் எடப்பாடி கே. பழனிசாமி, துணை முதல்வர் ஓ. பன்னீர்செல்வம், திமுக தலைவர் மு.க. ஸ்டாலின் உள்பட மத்திய-மாநில அமைச்சர்கள் பலர் வருகை தரவுள்ளனர். 
     லட்சக்கணக்கான பொதுமக்கள்அஞ்சலி செலுத்த உள்ளதால், இங்கு வருபவர்களுக்கு வி.ஐ.பி. வழித்தடம், பொதுமக்கள் வரும் வழித்தடங்கள், ஹெலிபேடு தளம், கழிப்பறை, கண்காணிப்பு கேமரா அமைப்பது உள்ளிட்ட முன்னேற்பாடு நடவடிக்கைகள் தொடர்பாக ஆய்வு நடத்தப்பட்டது. 
    இதில், தென்மண்டல ஐ.ஜி. சண்முக ராஜேஸ்வரன், ராமநாதபுரம், சிவகங்கை டி.ஐ.ஜி. காமினி, ராமநாதபுரம் மாவட்ட ஆட்சியர் கொ. வீரராகவ ராவ், மாவட்டக் காவல் கண்காணிப்பாளர் ஓம்பிரகாஷ் மீனா, கமுதி உதவிக் காவல் கண்காணிப்பாளர் சண்முகசுந்தரம், மாவட்ட வருவாய் அலுவலர் முத்துமாரி, பரமக்குடி சார்-ஆட்சியர் விஷ்ணுசந்திரன், கமுதி ஊராட்சி ஒன்றிய ஆணையர்கள் தங்கபாண்டியன், வீரராகவன் (கிராம ஊராட்சிகள்), பேரூராட்சி செயல் அலுவலர் இளவரசி, வட்டாட்சியர் முருகேசன் மற்றும் நெடுஞ்சாலை, பொதுப்பணி, மின் வாரியம், சுகாதாரம் உள்ளிட்ட பல்வேறு துறை அதிகாரிகள் பங்கேற்றனர்.
    முன்னதாக, பசும்பொன் தேவர் அறக்கட்டளைத் தலைவர் காந்திமீனாள் வரவேற்றார்.

]]>
http://www.dinamani.com/all-editions/edition-madurai/ramanathapuram/2018/oct/17/தேவர்-குருபூஜை-முன்னேற்பாடு-பசும்பொன்னில்-தென்மண்டல-ஐஜி-மாவட்ட-ஆட்சியர்-ஆய்வு-3021960.html
3021122 மதுரை ராமநாதபுரம் அப்துல் கலாமின் 87-ஆவது பிறந்த நாள்: நினைவிடத்தில் குடும்பத்தினர், ஆட்சியர் மரியாதை DIN DIN Tuesday, October 16, 2018 01:22 AM +0530
முன்னாள் குடியரசுத் தலைவர் அப்துல் கலாமின் 87 ஆவது பிறந்த நாளையொட்டி, ராமேசுவரம் பேய்க்கரும்பில் உள்ள அவரது நினைவிடத்தில் கலாமின் குடும்பத்தினர், மாவட்ட ஆட்சியர் கொ.வீரராகவ ராவ் ஆகியோர் திங்கள்கிழமை மலர் வளையம் வைத்து மரியாதை செலுத்தினர்.
கலாமின் பிறந்தநாளையொட்டி, அவரது நினைவிடம் மின் விளக்குகளால் அலங்கரிக்கப்பட்டது. காலையில் சமாதியில் டி.ஆர்.டி.ஓ அதிகாரிகள், மலர் தூவி மரியாதை செலுத்தினர். அதையடுத்து, கலாமின் சகோதரர் முத்துமீரான் மரைக்காயர் மற்றும் குடும்பத்தினர் மலர் தூவி மரியாதை செலுத்தினர். பின்னர், துவா செய்து அங்கிருந்த பொதுமக்களுக்கு இனிப்பு வழங்கினர்.
அதையடுத்து, ராமநாதபுரம் மாவட்ட ஆட்சியர் கொ.வீரராகவ ராவ் நினைவிடத்தில் மலர் வளையம் வைத்து திங்கள்கிழமை மரியாதை செலுத்தினர். இந்நிகழ்ச்சியில் ராமநாதபுரம் வருவாய் கோட்டாட்சியர் ஆர்.சுமன், கலாமின் குடும்பத்தினர் மற்றும் பள்ளி, மாணவ, மாணவிகள் கலந்துகொண்டனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/அப்துல்-கலாமின்-87-ஆவது-பிறந்த-நாள்-நினைவிடத்தில்-குடும்பத்தினர்-ஆட்சியர்-மரியாதை-3021122.html
3021027 மதுரை ராமநாதபுரம் கபடி வீரர்கள் 9 பேருக்கு வாந்தி, மயக்கம் DIN DIN Tuesday, October 16, 2018 12:54 AM +0530
கடலாடி அருகே உள்ள ஏ.புனவாசல் கிராமத்தைச் சேர்ந்த கபடி வீரர்கள் 9 பேர் வாந்தி, மயக்கம் அடைந்து அரசு மருத்துவமனையில் திங்கள்கிழமை அனுமதிக்கப்பட்டனர்.
ஏ.புனவாசல் கிராமத்தைச் சேர்ந்த ஏகநாதர் அணி கபடி குழு வீரர்கள் பாண்டியராஜன், தினேஷ்குமார், கோபிநாத் , மாயகிருஷ்ணன், தினேஷ், திருப்பதி, பசும்பொன்மூர்த்தி, திருமுருகன், திருகளஞ்சியமூர்த்தி உள்பட 14 பேர் ஞாயிற்றுக்கிழமை இரவு அபிராமம் அருகே உள்ள மீனாட்சிபுரத்தில் கபடி போட்டியில் பங்கேற்றனர். இப்போட்டியில் மாவட்டத்தில் 34 அணிகள் பங்கேற்றதில், ஏ.புனவாசல் கிராமத்தைச் சேர்ந்த ஏகநாதர் அணி முதல் பரிசை வென்றனர். வெற்றிபெற்ற உற்சாகத்தில் அந்த அணி வீரர்கள் அனைவரும் அருகில் உள்ள உணவு விடுதியில் சாப்பிட்டுவிட்டு, ஊருக்கு வந்தனர். இந்நிலையில், உணவு ஒவ்வாமை காரணமாக அவர்களில் 9 பேருக்கு வாந்தி, வயிற்றுப்போக்கு ஏற்பட்டுள்ளது. இதனால் குடும்பத்தினர்கள் உதவியுடன் கடலாடி, முதுகுளத்தூர் அரசு மருத்துவமனைகளில் திங்கள்கிழமை அனுமதிக்கப்பட்டனர்.
இதுகுறித்து அறிந்த கடலாடி வட்டாட்சியர் முத்துலட்சுமி தலைமையிலான வருவாய்த்துறை மற்றும் சுகாதாரத்துறை அதிகாரிகள் கபடி வீரர்களை நேரில் சந்தித்து நலம் விசாரித்தனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/கபடி-வீரர்கள்-9-பேருக்கு-வாந்தி-மயக்கம்-3021027.html
3021026 மதுரை ராமநாதபுரம் தேவர் ஜயந்தி விழா கல்லூரியில் ரத்த தான முகாம் DIN DIN Tuesday, October 16, 2018 12:53 AM +0530
பசும்பொன் முத்துராமலிங்க தேவர் ஜயந்தி விழாவை முன்னிட்டு, கமுதி தேவர் நினைவுக் கல்லூரியில் திங்கள்கிழமை ரத்ததான முகாம் நடைபெற்றது.
இக்கல்லூரி நாட்டு நலப் பணி திட்டம், மதுரை மீனாட்சி மிஷன் மருத்துவமனை, மதுரை லயன்ஸ் கிளப் சார்பில் நடைபெற்ற இந்நிகழ்ச்சிக்கு கல்லூரி முதல்வர் அருணாசலம் தலைமை வகித்தார்.
இதில், கல்லூரி மாணவர்கள் மற்றும் பொதுமக்கள், பேராசிரியர்கள், அலுவலகப் பணியாளர்கள் என 200-க்கும் மேற்பட்டோர் கலந்து கொண்டு ரத்த தானம் செய்தனர்.
முகாமில், மருத்துவர் சங்கீதா, மேலாளர் ரவி, முதுநிலை பேராசிரியர் அழகுமலை, தொழிலதிபர் கே.ராமச்சந்திர பூபதி உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/தேவர்-ஜயந்தி-விழா-கல்லூரியில்-ரத்த-தான-முகாம்-3021026.html
3021025 மதுரை ராமநாதபுரம் மாநில அளவிலான கைப்பந்துப் போட்டி ஒட்டன்சத்திரம் கல்லூரி அணி முதலிடம் DIN DIN Tuesday, October 16, 2018 12:53 AM +0530
ராமநாதபுரம் செய்யது அம்மாள் பொறியியல் கல்லூரியில் சனி, ஞாயிற்றுக்கிழமைகளில் நடைபெற்ற பொறியியல் கல்லூரிகளுக்கான மாநில அளவிலான கைப்பந்துப் போட்டியில் ஒட்டன்சத்திரம் கிறிஸ்டியன் கல்லூரி அணி முதலிடம் பெற்றது.
செய்யது அம்மாள் கல்வி அறக்கட்டளையின் நிறுவனர் டாக்டர்.இ.எம்.அப்துல்லாவின் 17ஆவது நினைவுதினத்தை முன்னிட்டு, இப்போட்டி நடைபெற்றது. மாணவர்,மாணவியர் மற்றும் பேராசிரியர்கள் பங்கேற்ற போட்டிகள் நடைபெற்றன.
மாணவர் பிரிவில் ஒட்டன்சத்திரம் கிறிஸ்டியன் பொறியியல் கல்லூரி முதல் இடத்தையும், ராமநாதபுரம் செய்யது அம்மாள் பொறியியல் கல்லூரி 2 ஆவது இடத்தையும், கீழக்கரை முகம்மது சதக் பொறியியல் கல்லூரி 3 ஆவது இடத்தையும் பிடித்தன.
மாணவியர் பிரிவில் கரூர் எம்.குமாரசாமி பொறியியல் கல்லூரி முதல் இடத்தையும், 2ஆவது இடத்தை மதுரை மங்கையர்க்கரசி பொறியியல் கல்லூரியும், 3ஆவது இடத்தை ராமநாதபுரம் செய்யது அம்மாள் பொறியியல் கல்லூரியும் பிடித்தன.
பேராசிரியர்களுக்கான பிரிவில் கீழக்கரை முகம்மது சதக் பொறியியல் கல்லூரி முதல் இடத்தையும், ராமநாதபுரம் செய்யது அம்மாள் பொறியியல் கல்லூரி 2ஆவது இடத்தையும், மதுரை மங்கையர்க்கரசி பொறியியல் கல்லூரி 3 ஆவது இடத்தையும் பெற்றன.
வெற்றி பெற்ற அணிகளுக்கு செய்யது அம்மாள் அறக்கட்டளையின் நிர்வாக இயக்குநர் டாக்
டர். பாபு அப்துல்லா, மாவட்ட கைப்பந்துக்கழகத் தலைவர் ஆ.ரவிச்சந்திர ராமவன்னி, செயலாளர் சோமசுந்தரம், ராமேசுவரம் நாகராஜன் ஆகியோர் பரிசுகளையும்,சுழற்கோப்பைகளையும் வழங்கினர்.
இதற்கான ஏற்பாடுகளை செய்யது அம்மாள் பொறியியல் கல்லூரியின் உடற்கல்வி இயக்குநர் மகேந்திரன் மற்றும் பேராசிரியர்கள் செய்திருந்தனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/மாநில-அளவிலான-கைப்பந்துப்-போட்டி-ஒட்டன்சத்திரம்-கல்லூரி-அணி-முதலிடம்-3021025.html
3021023 மதுரை ராமநாதபுரம் மகனை தாக்கிய தந்தை கைது DIN DIN Tuesday, October 16, 2018 12:53 AM +0530
நயினார்கோவிலில் மகனை தாக்கிய தந்தையை போலீஸார் திங்கள்கிழமை கைது செய்தனர்.
நயினார்கோவில் தெற்குத் தெருவைச் சேர்ந்தவர் ரெங்கராஜன் (53). இவர் நாகநாத சுவாமி கோயில் முன், தேங்காய்க் கடை வைத்து வியாபாரம் செய்து வருகிறார். ரெங்கராஜன் மகன் முகேஷ் (26), பொறுப்பின்றி நடந்துகொண்டதால் அவரை தந்தை கண்டித்ததாகக் கூறப்படுகிறது. இதனால், அவர்கள் இருவருக்கும் அடிக்கடி தகராறு ஏற்படுமாம்.
இந்நிலையில், திங்கள்கிழமை ஏற்பட்ட தகராறில், முகேஷை, ரெங்கராஜன் தாக்கினாராம். இதில் பலத்த காயமடைந்த முகேஷ், ராமநாதபுரம் அரசு மருத்துவமனையில் அனுமதிக்கப்பட்டார்.
இதுகுறித்து நயினார்கோயில் காவல் நிலையத்தில் முகேஷ் அளித்த புகாரின் பேரில் போலீஸார் வழக்குப்பதிந்து ரெங்கராஜனை கைது செய்தனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/மகனை-தாக்கிய-தந்தை-கைது-3021023.html
3021022 மதுரை ராமநாதபுரம் திருவாடானை அருகே தாய் இறந்ததாக போலி ஆவணம் தயாரித்து நிலம் மோசடி: மகன் உள்பட 4 பேர் மீது வழக்கு DIN DIN Tuesday, October 16, 2018 12:53 AM +0530
திருவாடானை அருகே கடம்பூரில் தாய் உயிரிழந்து விட்டதாக போலி வாரிசு சான்றிதழ் பெற்று பூர்வீகச் சொத்தை விற்பனை செய்த மகன் மற்றும் 3 பேர் மீது போலீஸார் ஞாயிற்றுக்கிழமை இரவு வழக்குப் பதிவு செய்து விசாரித்து வருகின்றனர்.
திருவாடானை அருகே கடம்பூர் கிராமத்தைச் சேர்ந்தவர் துரைராஜ். இவர் கடந்த சில ஆண்டுகளுக்கு முன்பு இறந்து விட்டார். இவருக்கு மனைவி பூச்செண்டு (66) மகன் சிவகுமார் (40) மற்றும் மகள்கள் சித்ராதேவி, ரேணுகா ஆகியோர் உள்ளனர். இந்நிலையில் துரைராஜூ மகன் சிவகுமார் தனது தாய் இறந்து விட்டதாகவும், என்னைத் தவிர வேறு யாரும் வாரிசு இல்லை என திருவாடானை வட்டாட்சியர் அலுவலகத்தில் வாரிசு சான்றிதழ் பெற்று மேலும் போலியான ஆவணங்கள் தயார் செய்து அதே கிராமத்தை சேர்ந்த சிங்காரம் என்பவரது மகன் ரவிச்சந்திரனுக்கு, அதே ஊரைச் சேர்ந்த சிங்காரம் மகன் பால்சாமி, குட்டி உடையார் மகன் காசிராமு ஆகியோர் உதவியுடன் சொத்தை விற்பனை செய்துள்ளனர்.
இது குறித்து சிவகுமாரின் தாய் பூச்செண்டு அளித்தப் புகாரின் பேரில் திருவாடானை காவல் நிலைய ஆய்வாளர் புவனேஷ்வரி, கடம்பூரை சேர்ந்த சிவக்குமார், சிங்காரம் மகன்கள் ரவிச்சந்திரன், பால்சாமி மற்றும் காசிராமு ஆகியோர் மீது வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/16/திருவாடானை-அருகே-தாய்-இறந்ததாக-போலி-ஆவணம்-தயாரித்து-நிலம்-மோசடி-மகன்-உள்பட-4-பேர்-மீது-வழக்கு-3021022.html
3021021 மதுரை ராமநாதபுரம் பாகம்பிரியாள் அம்மன் கோயிலில் நவராத்திரி விழா DIN DIN Tuesday, October 16, 2018 12:52 AM +0530  

திருவாடானை அருகே உள்ள திருவெற்றியூர் பாகம்பிரியாள் அம்மன் சமேத வன்மிகநாதர் கோயிலில் நவராத்திரி விழாவையொட்டி திங்கள்கிழமை கிருஷ்ணலீலை சொற்பொழிவு நடைபெற்றது.
சிவகங்கை தேவஸ்தானம் சமஸ்தானத்துக்கு பாத்தியப்பட்ட இக்கோயிலில் நவராத்திரி விழா கடந்த 10ஆம் தேதி முதல் நடைபெற்று வருகிறது. விழாவையொட்டி பாகம்பிரியாள் அம்மனுக்கு சிறப்பு அபிஷேக, ஆராதனைகள், தினமும் ஒரு அலங்காரம் செய்யப்படுகிறது.
5 ஆம் நாளான ஞாயிற்றுக்கிழமை பரத நாட்டிய நிகழ்ச்சியும், முழுமுதற் கடவுள் என்ற தலைப்பில் சொற்பொழிவும், 6 ஆம் நாளான திங்கள்கிழமை கிருஷ்ண லீலை என்ற தலைப்பில் சொற்பொழிவும் நடைபெற்றது.
7 ஆம் திருநாளான செவ்வாய்க்கிழமை ஆன்மிக வினாடி-வினாவும், புதன்கிழமை இல்லங்களில் இனிப்பவர்கள் ஆடவரா? பூவையரா? என்ற தலைப்பில் பட்டிமன்றமும் நடைபெறுகிறது.
விழாவின் கடைசி நாளான வியாழக்கிழமை ராமனின் வெற்றிக்கு துணை நின்றவர்கள் அயோத்தி தம்பதியரே அரவணைத்த தம்பியரே என்ற தலைப்பில் பட்டிமன்றம் நடைபெறுகிறது.
விழாவுக்கான ஏற்பாடுகளை தேவஸ்தான மேலாளர் இளங்கோ தேவஸ்தான கண்காணிப்பாளர் பரமேஸ்வர பாண்டியன், ஸ்தானிகர் வன்மீகநாத குருக்கள் ஆகியோர் செய்து வருகின்றனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/பாகம்பிரியாள்-அம்மன்-கோயிலில்-நவராத்திரி-விழா-3021021.html
3021020 மதுரை ராமநாதபுரம் மின்னல் தாக்கி பெண் சாவு DIN DIN Tuesday, October 16, 2018 12:52 AM +0530
பரமக்குடியில் மின்னல் தாக்கி, பெண் திங்கள்கிழமை உயிரிழந்தார்.
பரமக்குடியை அடுத்த பார்த்திபனூர் காவல் சரகத்துக்கு உள்பட்ட நெல்மடூர் கிராமத்தைச் சேர்ந்தவர் காளிமுத்து. இவரது மனைவி தேவி (35). இவர், விவசாய வேலைக்காக வயல்காட்டுக்குச் சென்றுள்ளார். அப்போது திடீரென இடியுடன் கூடிய மழை பெய்தது. இந்நிலையில், எதிர்பாராதவிதமாக தேவி மீது மின்னல் தாக்கியது.
இதில், அவர் சம்பவ இடத்திலேயே உடல் கருகி உயிரிழந்தார். இதுகுறித்து காளிமுத்து அளித்த புகாரின்பேரில், போலீஸார் சடலத்தை மீட்டு, பிரேத பரிசோதனைக்காக பரமக்குடி அரசு
மருத்துவனைக்கு அனுப்பி வைத்தனர். பின்னர், இதுகுறித்து வழக்குப் பதிந்து விசாரித்து வருகின்றனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/மின்னல்-தாக்கி-பெண்-சாவு-3021020.html
3021019 மதுரை ராமநாதபுரம் ராமநாதபுரத்தில் வெளிமாவட்ட மீனவர்கள் மீன்பிடிக்க அனுமதிக்கக் கூடாது: நாட்டுப்படகு மீனவர்கள் ஆட்சியரிடம் மனு DIN DIN Tuesday, October 16, 2018 12:52 AM +0530
கன்னியாகுமரி, தூத்துக்குடி மாவட்ட மீனவர்களை ராமநாதபுரம் மாவட்டத்தில் மீன்பிடிக்க அனுமதிக்கக் கூடாது என நாட்டுப்படகு மீனவர்கள் மாவட்ட ஆட்சியர் கொ.வீரராகவராவிடம் திங்கள்கிழமை கோரிக்கை மனு அளித்தனர்.
மாவட்ட ஆட்சியர் அலுவலகத்தில் நடைபெற்ற மக்கள் குறை தீர்க்கும் கூட்டத்தில், தமிழ்நாடு மீன்பிடி தொழிற்சங்க கூட்டமைப்பின் மாவட்ட செயலாளர் எம்.கருணாமூர்த்தி தலைமையில் பாரம்பரிய நாட்டுப்படகு மீனவர்கள் அளித்த மனு:
கடந்த ஆண்டு வெளி மாவட்டங்களைச் சேர்ந்த 90-க்கும் மேற்பட்ட பைபர் படகுகள் ராமநாதபுரத்தில் மீன்வளத்துறை அதிகாரிகளின் துணையோடு மீன்பிடித்தன.
இதனால் வெளிமாவட்ட மீனவர்களுக்கும், ராமநாதபுரம் மாவட்டத்தில் உள்ள உள்ளூர் மீனவர்களுக்கும் சட்டம் ஒழுங்குப் பிரச்னைகள் ஏற்பட்டன. இதேபோல் இந்த ஆண்டும் தூத்துக்குடி, கன்னியாகுமரி மாவட்ட மீனவர்கள் ராமநாதபுரம் மாவட்டத்தில் கடலாடி அருகே கீழமுந்தல், மேலமுந்தல் பகுதி கடற்கரையோரங்களில் இயந்திரம் பொருத்தப்பட்ட பைபர் படகுகளை கொண்டு வந்து வைத்துள்ளனர். இவற்றில் பெரும்பாலான படகுகளுக்கு ராமநாதபுரத்திலும், தூத்துக்குடியிலும், கன்னியாகுமரியிலும் மீன்பிடிக்க அனுமதி வழங்கப்பட்டிருக்கிறது.
ஒரு படகுக்கு ஒரு இடத்தில் மட்டும் தான் மீன்பிடிக்க உரிமம் வழங்கப்பட வேண்டும். ஆனால் இரண்டு அல்லது 3 இடங்களில் மீன்பிடிக்க உரிமம் வழங்கப்பட்டிருப்பது ஆச்சரியமளிக்கிறது. மீன்வளத்துறை அதிகாரிகளின் துணையோடு தான் ராமாதபுரம் மாவட்டத்தில் மீன்பிடிக்க வெளிமாவட்ட மீனவர்கள் முன்வந்திருக்கின்றனர்.
வெளி மாவட்ட மீனவர்கள் ராமநாதபுரத்தில் மீன் பிடித்தால், பாரம்பரிய முறையில் மீன்பிடித்து வரும் நாட்டுப்படகுகளின் மீன்பிடி வலைகளை சேதப்படுத்தி விடுகிறார்கள். இதனால் இரு தரப்பினருக்கும் மோதல் ஏற்படும் சூழ்நிலை ஏற்பட்டுள்ளது. எனவே, வெளி மாவட்ட மீனவர்களை ராமநாதபுரத்தில் மீன்பிடிக்க மாவட்ட ஆட்சியர் அனுமதி அளிக்கக் கூடாது என அதில் குறிப்பிடப்பட்டிருந்தது.
இதுகுறித்து ஆட்சியர் கொ.வீரராகவராவ் கூறுகையில், எக்காரணத்தை கொண்டும் வெளி மாவட்ட மீனவர்களை மீன்பிடிக்க அனுமதிக்க மாட்டோம் எனவும், மீன்வளத்துறை அதிகாரிகள் வெளிமாவட்ட மீனவர்கள் வருகையை கண்காணித்து தடுக்குமாறும் அதிகாரிகளை கேட்டுக் கொண்டார்.

 

]]>
http://www.dinamani.com/all-editions/edition-madurai/ramanathapuram/2018/oct/16/ராமநாதபுரத்தில்-வெளிமாவட்ட-மீனவர்கள்-மீன்பிடிக்க-அனுமதிக்கக்-கூடாது-நாட்டுப்படகு-மீனவர்கள்-ஆட்சியரி-3021019.html
3021018 மதுரை ராமநாதபுரம் மழையால் சாலை, பாலம் சேதம் அதிகாரிகள் ஆய்வு DIN DIN Tuesday, October 16, 2018 12:52 AM +0530
கமுதி அருகே மழையால் சேதமடைந்த சாலை, பாலத்தை வருவாய்த்துறை அதிகாரிகள் திங்கள்கிழமை ஆய்வு செய்தனர்.
கமுதி பகுதியில் கடந்த 4 நாள்களாக பரவலாக மழை பெய்து வருகிறது. பெருநாழி மற்றும் அதன் சுற்று வட்டாரப் பகுதிகளில் சாலையோரம், தரிசு நிலங்கள் வழியாக மழை வெள்ளம் செல்கிறது. இதனால், கண்மாய், ஊருணிகள் நிரம்பி வருகின்றன.
இந்நிலையில், பெருநாழி அருகே உள்ள பாப்புரெட்டியாபட்டியில் மண் அரிப்பு ஏற்பட்டு விபத்து ஏற்படும் வகையில் உள்ள சாலையையும், மாவிலங்கை காளியம்மன் கோயில் பாலத்தில் ஏற்பட்டுள்ள சேதம் ஆகியவற்றை கமுதி ஊராட்சி ஒன்றிய ஆணையாளர்கள் தங்கப்பாண்டியன், வீரராகவன், வருவாய் ஆய்வாளர் ரமேஷ், கிராம நிர்வாக அலுவலர்கள் நேரில் சென்று ஆய்வு செய்தனர். இதேபோல், பெருநாழி கண்மாய், கே.எம்.கோட்டை கண்மாய், உள்ளிட்ட பகுதிகளையும் ஆய்வு செய்து, சேதமடைந்த பகுதிகள் விரைவில் சீரமைக்கப்படும் என அதிகாரிகள் தெரிவித்தனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/மழையால்-சாலை-பாலம்-சேதம்-அதிகாரிகள்-ஆய்வு-3021018.html
3021016 மதுரை ராமநாதபுரம் 1000 ஏக்கர் விளைநிலங்கள் பாதிப்பு உப்பூர் அனல் மின் திட்டத்தை மாற்று இடத்தில் செயல்படுத்த விவசாயிகள் கோரிக்கை DIN DIN Tuesday, October 16, 2018 12:51 AM +0530
ராமநாதபுரம் மாவட்டத்தில் உப்பூர் அனல் மின் திட்டத்தால் 1000 ஏக்கர் விளைநிலங்களும், 90 ஆயிரம் மக்களின் வாழ்வாதாரமும் பாதிக்கப்படும் என்பதால் அத்திட்டத்தை மாற்று இடத்தில் செயல்படுத்தக் கோரி, மாவட்ட ஆட்சியர் கொ.வீரராகவராவிடம் விவசாயிகள் திங்கள்கிழமை மனு அளித்தனர்.
அதைத்தொடர்ந்து அனைத்து விவசாயிகள் சங்கங்களின் ஒருங்கிணைப்புக் குழுத் தலைவர் பி.ஆர்.பாண்டியன் கூறியது:
ராமநாதபுரம் மாவட்டத்தில் ஆர்.எஸ்.மங்கலம் தாலுகா உப்பூரில் அனல் மின் உற்பத்தி நிலையம் அமைக்கப்பட்டு வருகிறது. இத்திட்டமானது ஆர்.எஸ்.மங்கலத்தில் 52 கண்மாய்களின் பாசனத்துக்கு உள்பட்ட நாகனேந்தல், வளமாவூர், மாவிடங்கையேந்தல், திருப்பாலைக்குடி ஆகிய 4 வருவாய் கிராமங்களை உள்ளடக்கிய 32 குக்கிராமங்களைச் சேர்ந்த நஞ்சை நிலம் 930 ஏக்கரிலும், புஞ்சை நிலம் 350 ஏக்கரிலும் அமைக்கப்பட்டு வருகிறது.இந்த விளைநிலங்கள் அனைத்திலும் விவசாயிகள் சாகுபடி செய்து வருகிறார்கள். ராமநாதபுரம் மாவட்டத்திலேயே நெல் அதிகம் விளையும் பகுதியாகவும், புகழ் மிக்கதாகவும் உள்ள விவசாய பகுதியாகும்.
இப்பகுதியில் பெரிய கண்மாய்கள் 5, சிறிய கண்மாய்கள் 2, குடிநீர் ஊருணி 8 ஆகியனவும் உள்ளன. இதை ஆக்கிரமிப்பு செய்தும், இதன் வடிகால் 272 ஏக்கர் பரப்பளவு கொண்ட கால்வாயை விதிமுறைகளை மீறி தடுத்து, அதன் மையத்தில் மின் உற்பத்தி நிலையம் அமைக்கப்படுகிறது.
இதனால் 1000 ஏக்கர் விளைநிலங்களும், சுமார் 90 ஆயிரம் மக்களின் வாழ்வாதாரமும் பாதிக்கும். இத்திட்டமானது தற்போது உயர்நீதிமன்றத்தில் நடந்து வரும் வழக்குக்கு முரணாக அமைக்கப்பட்டு வருகிறது. எனவே மாவட்ட ஆட்சியர் நேரில் ஆய்வு செய்து கட்டுமானப் பணிகளை தடுத்து நிறுத்தி மாற்று இடத்தில் அமைக்க உடனடியாக நடவடிக்கை எடுக்க வேண்டும் என்றார். பேட்டியின்போது அனைத்து விவசாயிகள் சங்க ஒருங்கிணைப்புக்குழு நிர்வாகிகள் உடனிருந்தனர்.

 

]]>
http://www.dinamani.com/all-editions/edition-madurai/ramanathapuram/2018/oct/16/1000-ஏக்கர்-விளைநிலங்கள்-பாதிப்பு-உப்பூர்-அனல்-மின்-திட்டத்தை-மாற்று-இடத்தில்-செயல்படுத்த-விவசாயிகள்-3021016.html
3021015 மதுரை ராமநாதபுரம் முத்துராமலிங்க தேவரை அவமதித்த இளைஞரை கைது செய்ய வலியுறுத்தி 2ஆவது நாளாக போராட்டம் DIN DIN Tuesday, October 16, 2018 12:51 AM +0530
பசும்பொன் முத்துராமலிங்க தேவர் பற்றி கட்செவி அஞ்சலில் அவதூறாக விடியோ பதிவிட்ட இளைஞரை கைது செய்ய வலியுறுத்தி, கமுதி பகுதியில் திங்கள்கிழமை இரண்டாவது நாளாக சாலை மறியல் போராட்டம் நடைபெற்றது.
முதுகுளத்தூர் அருகே உள்ள சடையனேரி கிராமத்தைச் சேர்ந்த சண்முகவேல் மகன் சரத் (30). இவர் பசும்பொன் முத்துராமலிங்க தேவர் பற்றி கட்செவி அஞ்சலில் அவதூறாக விடியோ பதிவிட்டதாகக் கூறப்படுகிறது.
இந்நிலையில், சமூகத்தில் மோதல்களை உருவாக்கும் சரத்தை கைது செய்ய வலியுறுத்தி, கமுதி கோட்டைமேடு பசும்பொன் முத்துராமலிங்கத் தேவர் நினைவுக் கல்லூரி மாணவர்கள், திங்கள்கிழமை வகுப்புகளை புறக்கணித்து கமுதி-முதுகுளத்தூர் சாலையில் மறியலில் ஈடுபட்டனர்.
இதனால் அப்பகுதியில் அரை மணி நேரத்துக்கும் மேலாக போக்குவரத்து பாதிக்கப்பட்டது. இதையடுத்து அங்கு வந்த கமுதி வட்டாட்சியர் க. முருகேசன், துணை காவல் கண்காணிப்பாளர் சண்முகசுந்தரம் உள்ளிட்டோர் பேச்சுவார்த்தை நடத்தினர். அதைத்தொடர்ந்து, மாணவர்கள் கலைந்து சென்றனர். இதேபோல் கமுதியை அடுத்த செய்யாமங்களம் கிராமத்தைச் சேர்ந்த சுமார் 200-க்கும் மேற்பட்டோர் சாலை மறியலில் ஈடுபட்டனர். அங்கு சென்ற கமுதி துணை காவல் கண்காணிப்பாளர் மற்றும் அபிராமம் காவல் ஆய்வாளர் ஜான்சிராணி உள்ளிட்டோர் பேச்சுவார்த்தை நடத்தினர்.
அதைத்தொடர்ந்து பொதுமக்கள் கலைந்து சென்றனர். இந்நிலையில், கடலாடி போலீஸார் சென்னை சென்று அங்கிருந்த சரத்தை கைது செய்து அழைத்து வந்தனர். முன்னதாக இதே கோரிக்கைகளை வலியுறுத்தி கமுதி, முதுகுளத்தூர் பகுதியில் ஞாயிற்றுக்கிழமை போராட்டம் நடைபெற்றது குறிப்பிடத்தக்கது.

 

]]>
http://www.dinamani.com/all-editions/edition-madurai/ramanathapuram/2018/oct/16/முத்துராமலிங்க-தேவரை-அவமதித்த-இளைஞரை-கைது-செய்ய-வலியுறுத்தி-2ஆவது-நாளாக-போராட்டம்-3021015.html
3020558 மதுரை ராமநாதபுரம் ஊருணியில் மூழ்கிய  கல்லூரி மாணவர் சாவு DIN DIN Monday, October 15, 2018 07:31 AM +0530 ராமநாதபுரம் அருகே உள்ள புதுமடத்தில் ஊருணியில் மூழ்கிய கல்லூரி மாணவர் உயிரிழந்தது குறித்து போலீஸார் ஞாயிற்றுக்கிழமை வழக்குப்பதிந்து, விசாரிக்கின்றனர்.
 ராமநாதபுரம் வெளிப்பட்டிணம் பகுதியைச் சேர்ந்த முகம்மது அலி மகன் முகம்மது அஸ்வின் (22). இவர், புல்லங்குடியில் உள்ள ஒரு தனியார் கல்லூரியில் பி.காம் 2 ஆம் ஆண்டு படித்து வந்தார். 
இந்நிலையில், சம்பவத்தன்று, முகம்மது அஸ்வின், ராமநாதபுரம் அருகே புதுமடத்தில் கைப்பந்துப் போட்டியில் பங்கேற்க நண்பர்களுடன் சென்றார்.
 போட்டி முடிந்து அங்குள்ள ஊருணியில் அவர்கள் குளிக்க சென்றனர். அப்போது, எதிர்பாராதவிதமாக முகம்மது அஸ்வின் நீரில் மூழ்கினார். 
அவரை நண்பர்கள் மீட்டு, உச்சிப்புளி அரசு ஆரம்ப சுகாதார நிலையத்துக்கு கொண்டு சென்றனர். 
அங்கு முகம்மது அஸ்வினை பரிசோதித்த மருத்துவர்கள், அவர் ஏற்கெனவே இறந்துவிட்டதாக தெரிவித்தனர். இதுகுறித்து உச்சிப்புளி போலீஸார் வழக்குப்பதிந்து, விசாரித்து வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/15/ஊருணியில்-மூழ்கிய--கல்லூரி-மாணவர்-சாவு-3020558.html
3020557 மதுரை ராமநாதபுரம் முத்துராமலிங்க தேவருக்கு அவமதிப்பு: இளைஞரை கைது செய்ய வலியுறுத்தி போராட்டம் DIN DIN Monday, October 15, 2018 07:31 AM +0530 பசும்பொன் முத்துராமலிங்க தேவரை பற்றி கட்செவி அஞ்சலில் அவதூறாக பேசிய இளைஞரை கைது செய்ய வலியுறுத்தி, முதுகுளத்தூர், கமுதி பகுதிகளில் அச்சமுதாயத்தினர் ஞாயிற்றுக்கிழமை போராட்டத்தில் ஈடுபட்டனர்.
 முதுகுளத்தூர் அருகே உள்ள சடையனேரி கிராமத்தைச் சேர்ந்த சண்முகவேல் மகன் சரத் (30). இவர் கட்செவி அஞ்சலில் முத்துராமலிங்கத் தேவரை பற்றி அவதூறாக பேசி பதிவு வெளியிட்டதாகக் கூறப்படுகிறது.
 இதனைக் கண்டித்து, முதுகுளத்தூர் ஆப்பநாடு சங்கத் தலைவர் மயில் மணிபாண்டியன் தலைமையில், முன்னாள் சங்க தலைவர் தூவல் ராமசாமி முன்னிலையில் முதுகுளத்தூர் பேருந்து நிலையம் அருகில் உள்ள தேவர் சிலை முன், அமர்ந்து அச்சமுதாய மக்கள் தர்னா போராட்டத்தில் ஈடுபட்டனர்.
 அவர்களிடம் ஏ.டி.எஸ்.பி. வெள்ளத்துரை, டி.எஸ்.பிக்கள்பாஸ்கரன் (பரமக்குடி), சண்முகசுந்தரம் (கமுதி), உதயசூரியன் (முதுகுளத்தூர்) ஆகியோர் பேச்சுவார்த்தை நடத்தினர். ஆனால், சம்பந்தப்பட்ட இளைஞரை கைது செய்தால் மட்டுமே போராட்டத்தை கைவிடுவோம் என அவர்கள் தெரிவித்தனர்.
 இந்நிலையில், ஞாயிற்றுக்கிழமை மாலை 6 மணி அளவில் சென்னையில் சரத்தை அங்குள்ள போலீஸார் கைது செய்ததாக போலீஸார் தரப்பில் தெரிவிக்கப்பட்டது. இதனை அறிந்த பின்னர், போராட்டத்தில் ஈடுபட்டவர்கள் கலைந்து சென்றனர்.
கமுதியில்: முத்துராமலிங்கதேவர் குறித்து அவதூறாக பேசிய இளைஞரை கைது செய்ய வலியுறுத்தி, கமுதியில் பார்வர்டு பிளாக், சமுதாய அமைப்பினர் ஞாயிற்றுக்கிழமை சாலை மறியல், கடையடைப்பு போராட்டத்தில் ஈடுபட்டனர்.
 கமுதி பேருந்து நிலையத்தில் பார்வர்டு பிளாக் கட்சி, கமுதி மறவர் சங்கம், பொதுமக்கள் உள்பட 200-க்கும் மேற்பட்டோர் சாலை மறியலில் ஈடுபட்டனர். மேலும், வியாபாரிகள் கடையடைப்பு செய்தனர். 
இதனால், இப்பகுதியில் பதற்றம் ஏற்பட்டது. அதையடுத்து, ஏ.டி.எஸ்.பி. வெள்ளத்துரை தலைமையிலான போலீஸார், கமுதி வட்டாட்சியர் முருகேசன் ஆகியோர் போராட்டத்தில் ஈடுபட்டவர்களிடம் பேச்சுவார்த்தை நடத்தினர். அதைத்தொடர்ந்து மறியல் கைவிடப்பட்டது. இப்போராட்டம் காரணமாக அப்பகுதியில் போக்குவரத்து தடைபட்டது.
 

]]>
http://www.dinamani.com/all-editions/edition-madurai/ramanathapuram/2018/oct/15/முத்துராமலிங்க-தேவருக்கு-அவமதிப்பு-இளைஞரை-கைது-செய்ய-வலியுறுத்தி-போராட்டம்-3020557.html
3020556 மதுரை ராமநாதபுரம் கமுதி அருகே ஆண்கள் மட்டும் பங்கேற்ற விநோத திருவிழா DIN DIN Monday, October 15, 2018 07:31 AM +0530 கமுதி அருகே உள்ள முதல்நாடு கிராமத்தில், பெண் தெய்வத்தை ஆண்கள் மட்டும் வழிபடும் விநோத திருவிழா ஞாயிற்றுக்கிழமை நடைபெற்றது. 
 இக்கிராம கண்மாய் கரையில் உள்ள எல்லைப்பிடாரி அம்மன் பீடத்தில், புரட்டாசி மாதத்தில் ஆண்கள் மட்டும் பங்குபெறும் விநோத திருவிழா ஆண்டுதோறும் நடைபெறும். இதற்காக அப்பகுதியில் கிராம மக்கள் சார்பில் ஒருவாரத்துக்கு  பெண்கள் இக்கோயில் இருக்கும் பகுதியில் அனுமதிக்கப்படுவதில்லை.  
 இத்திருவிழாவை முன்னிட்டு சனிக்கிழமை இரவு 150-க்கும் மேற்பட்ட ஆண்கள் ஒன்று கூடி, பீடம் அமைத்து, கைக்குத்தல் பச்சரிசி சாதம் செய்து, 50 செம்மறி கிடாய்கள் பலியிட்டு, சாதம் உருண்டைகளாக உருட்டப்பட்டு எல்லை பிடாரி அம்மனுக்கு படையலிட்டனர். பின்னர்  அம்மன் பீடத்துக்கு ஞாயிற்றுக்கிழமை காலை சிறப்பு பூஜை நடைபெற்றது. அம்மனுக்கு படைக்கப்பட்ட சாத உருண்டைகளை வழிபாட்டுக்கு சென்ற ஆண்களுக்கு பனை ஓலையில் பறிமாறப்பட்டது. சாத உருண்டைகள் மீதமிருந்தால் அதனை அருகே குழி தோண்டி புதைத்து செல்வது வழக்கம். 1 வயது முதல் வயதானவர்கள் வரை ஆண்கள் மட்டுமே கலந்து கொள்ளும் இந்த திருவிழாவுக்கு கமுதி மற்றும் அதன் சுற்றுவட்டார பகுதிகளில் இருந்து 2 ஆயிரத்துக்கும் மேற்பட்ட ஆண்கள் கலந்து கொண்டு எல்லைப்பிடாரி அம்மனை வழிபட்டனர்.
 

]]>
http://www.dinamani.com/all-editions/edition-madurai/ramanathapuram/2018/oct/15/கமுதி-அருகே-ஆண்கள்-மட்டும்-பங்கேற்ற-விநோத-திருவிழா-3020556.html
3020555 மதுரை ராமநாதபுரம் தே பிரித்தோ மேல்நிலைப்பள்ளி பவள விழா DIN DIN Monday, October 15, 2018 07:30 AM +0530 தேவகோட்டை அருகே உள்ள ராம்நகர் தே பிரித்தோ மேல்நிலைப்பள்ளியின் 75 ஆம் ஆண்டு விழாவில், "பவளங்கள் 75' என்ற நூலை முன்னாள் நீதிபதி முருகேசன் வெளியிட்டார்.
இப்பள்ளியின் பவள விழா கடந்த 12, 13, 14 ஆகிய தேதிகளில் நடைபெற்றது. சனிக்கிழமை நடைபெற்ற விழாவுக்கு புதுதில்லி முன்னாள் தலைமை நீதிபதியும் தற்போதைய தேசிய மனித உரிமை ஆணைய உறுப்பினருமான முருகேசன் தலைமை வகித்தார். 
ஏசு சபை சென்னை மறைப்பணித்தளம் அதிபர் செபமாலை ராஜா, பள்ளியின் அதிபர் ஜோசப் கென்னடி, தாளாளர் லூர்துசாமி உள்ளிட்டோர் முன்னிலை வகித்தனர்.
 பள்ளியின் ஆண்டறிக்கையை தலைமை ஆசிரியர் ஆரோக்கியசாமி, உதவி தலைமை ஆசிரியர் இருதய வனரகம் ஆகியோர் வாசித்தனர். பவள விழா நூலை முன்னாள் நீதிபதி முருகேசன் வெளியிட, முனைவர் இளையராஜா பெற்றுக்கொண்டார். 
மேலும், பல்வேறு துறைகளிலும் சாதனைப் படைத்த  மாணவர்களுக்கு பரிசுகள் வழங்கப்பட்டன.  
அதைத்தொடர்ந்து, முன்னாள், இன்னாள் மாணவர்கள் கலந்துரையாடல் நிகழ்ச்சி நடைபெற்றது. 
இதில், தூய மைக்கேல் கல்வி நிறுவனத் தலைவர் ஸ்டாலின், திரைப்பட இயக்குனர் எஸ்.பி.முத்துராமன், பட்டிமன்ற பேச்சாளர் தேவகோட்டை ராமநாதன் ஆகியோர் உள்ளிட்டோர் பங்கேற்று பேசினர்.
 நிறைவு விழாவில் நீதியரசர் ஆபிரகாம் லிங்கன், வருமான வரித்துறை ஆணையர் கிருஷ்துராஜ், முன்னாள் நகர்மன்ற தலைவர் வேலுசாமி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-madurai/ramanathapuram/2018/oct/15/தே-பிரித்தோ-மேல்நிலைப்பள்ளி-பவள-விழா-3020555.html
3020554 மதுரை ராமநாதபுரம் வேலை நிறுத்த போராட்டம் வாபஸ்: 11 நாள்களுக்கு பிறகு மீனவர்கள் கடலுக்கு சென்றனர் DIN DIN Monday, October 15, 2018 07:30 AM +0530 வேலை நிறுத்த போராட்டத்தை வாபஸ் பெற்றதை தொடர்ந்து, 11 நாள்களுக்குப் பிறகு பாம்பன் மீனவர்கள் நூற்றுக்கும் மேற்பட்ட விசைப்படகுகளில் ஞாயிற்றுக்கிழமை மீன்பிடிக்க கடலுக்கு சென்றனர்.
 இலங்கையில் உள்ள தமிழக மீனவர்களின் விசைப்படகுகளை மீட்க வேண்டும். டீசல் விலையை குறைக்க வேண்டும். மானிய டீசலை உயர்த்தி வழங்கிட வேண்டும் என்பன உள்ளிட்ட 5 அம்ச கோரிக்கைகளை வலியுறுத்தி, கடந்த 3 ஆம் தேதி முதல் ராமேசுவரத்தில் மீனவர்கள் காலவரையற்ற வேலை நிறுத்த போராட்டத்தை தொடங்கினர்.  11 நாள்களாக நடைபெற்ற இப்போராட்டம் சனிக்கிழமை வாபஸ் பெறப்பட்டது. அதைத்தொடர்ந்து, பாம்பன் பகுதியில் இருந்து நூற்றுக்கும் மேற்பட்ட விசைப்படகுகளில் 700-க்கும் மேற்பட்ட மீனவர்கள் மீன்வளத்துறை அனுமதி பெற்று, ஞாயிற்றுக்கிழமை மீன்பிடிக்க கடலுக்குள் சென்றனர். 
இதேபோல் ராமேசுவரம், மண்டபம் மீனவர்கள் திங்கள்கிழமை காலையில் மீன்பிடிக்க செல்கின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/15/வேலை-நிறுத்த-போராட்டம்-வாபஸ்-11-நாள்களுக்கு-பிறகு-மீனவர்கள்-கடலுக்கு-சென்றனர்-3020554.html
3020553 மதுரை ராமநாதபுரம் விபத்தில் தொழிலாளி சாவு;  இரு பெண் போலீஸார் காயம் DIN DIN Monday, October 15, 2018 07:30 AM +0530 பரமக்குடி அருகே ஞாயிற்றுக்கிழமை இருசக்கர வாகனங்கள் மோதிக்கொண்ட விபத்தில் கட்டடத் தொழிலாளி உயிரிழந்தார். மேலும், இரு பெண் போலீஸார் காயமடைந்தனர்.
மதுரை - மண்டபம் தேசிய நெடுஞ்சாலையில் உள்ள கொளுவூர் கிராமத்தைச் சேர்ந்தவர் மனோகரன் (52). கட்டட தொழிலாளியான இவர், தனது இருசக்கர வாகனத்தில் நெம்மேனி கிராமத்திலிருந்து பரமக்குடிக்கு வந்து கொண்டிருந்தார். அப்போது பின்னால் மற்றொரு இருசக்கர வாகனத்தில் ராமநாதபுரம் ஆயுதப்படைப்பிரிவில் காவலர்களாக பணிபுரியும் சிவரஞ்சனி (26), ஹேமலதா (24) ஆகிய இருவரும் வந்துகொண்டிருந்தனர்.
இந்நிலையில் திடீரென முன்னால் சென்று கொண்டிருந்த மனோகரனின் இருசக்கர வாகனம் மீது பெண் போலீஸார் சென்ற இருசக்கர வாகனம் மோதியது. இதில், நிலை தடுமாறி கீழே விழுந்து, பலத்த காயமடைந்த மனோகரன், சம்பவ  இடத்திலேயே உயிரிழந்தார். மேலும், காயமடைந்த சிவரஞ்சனி, ஹேமலதா ஆகிய இருவரும் ராமநாதபுரம் தலைமை அரசு மருத்துவமனையில் அனுமதிக்கப்பட்டனர். இந்த விபத்து குறித்து, பரமக்குடி தாலுகா போலீஸார் வழக்குப்பதிந்து, விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/15/விபத்தில்-தொழிலாளி-சாவு--இரு-பெண்-போலீஸார்-காயம்-3020553.html
3020552 மதுரை ராமநாதபுரம் வேளாண் கூட்டுறவு சங்க புதிய கட்டடம் திறப்பு DIN DIN Monday, October 15, 2018 07:29 AM +0530 திருவாடானை அருகே எஸ்.பி. பட்டினத்தில்,  என்.என். 554 வட்டாணம் தொடக்க வேளாண்மை கூட்டுறவு கடன் சங்க புதிய கட்டடத்தை தகவல் தொழில்நுட்பத்துறை அமைச்சர் மு. மணிகண்டன் சனிக்கிழமை திறந்து வைத்தார்.
விழாவுக்கு வேளாண் கூட்டுறவு சங்கத் தலைவர் ஹைதர் அலி தலைமை வகித்தார். மாவட்ட ஆட்சியர் வீரராகவ ராவ், கூட்டுறவு சங்க மண்டல இணைப்பதிவாளர் முருகேசன், வட்டாட்சியர் சாந்தி, வட்டார வளர்ச்சி அலுவலர் ராஜேந்திரன், முன்னாள் மாவட்ட செயலாளர் ஆணிமுத்து, வேளாண் கூட்டுறவு கடன் சங்க துணைத் தலைவர் பாண்டி, நிர்வாகக் குழு உறுப்பினர்கள் ராமசுப்பிரமணியன், சர்புதீன், செல்லம்மாள், வண்டதோரி, காந்தி, ராஜன், சிந்தாமணி, ராமு, செல்வராணி உள்ளிட்டோர் கலந்து கொண்டனர்.
வேளாண் கூட்டுறவு கடன் சங்க செயலாளர் குமார் நன்றி கூறினார். இதேபோல் ஆர்.எஸ்.மங்கலம், ஆனந்தூர், அஞ்சுகோட்டை ஆகிய இடங்களில் உள்ள தொடக்க வேளாண் கூட்டுறவு கடன் சங்கங்களுக்கும் புதிய கட்டடம் திறந்துவைக்கப்பட்டது.

]]>
http://www.dinamani.com/all-editions/edition-madurai/ramanathapuram/2018/oct/15/வேளாண்-கூட்டுறவு-சங்க-புதிய-கட்டடம்-திறப்பு-3020552.html
3020551 மதுரை ராமநாதபுரம் முதுகுளத்தூரில் ஐயப்ப பக்தர்கள் பேரணி DIN DIN Monday, October 15, 2018 07:29 AM +0530 முதுகுளத்தூர், கடலாடி பகுதிகளில் ஐயப்ப பக்தர்கள் ஞாயிற்றுக்கிழமை பேரணி சென்றனர்.
சபரிமலை ஐயப்பன் கோயிலில் அனைத்து வயது பெண்களையும் அனுமதிக்கலாம் என்று உச்சநீதிமன்றம் தீர்ப்பளித்தது. அதனை மறு பரிசீலனை செய்ய வலியுறுத்தி, முதுகுளத்தூர் ஐயப்ப பக்தர்கள் குழு குருசாமி அ.திருமால் தலைமையில் பக்தர்கள், அவர்களது குடும்பத்தினர், பொதுமக்கள் பேரணி சென்றனர்.  இப்பேரணியானது முதுகுளத்தூர் சுப்பிரமணியர் கோயிலில் தொடங்கி, ஊராட்சி ஒன்றிய அலுவலகம் வரை சென்று பேருந்து நிலையத்தில் நிறைவு பெற்றது. பேரணியின்போது, கோரிக்கையை வலியுறுத்தி பதாகைகளை ஏந்தியும், ஐயப்ப சரணமும், பஜனை பாடல்களும் பாடிச் சென்றனர்.

]]>
http://www.dinamani.com/all-editions/edition-madurai/ramanathapuram/2018/oct/15/முதுகுளத்தூரில்-ஐயப்ப-பக்தர்கள்-பேரணி-3020551.html
3020550 மதுரை ராமநாதபுரம் பசுமை ராமேசுவரம் விழிப்புணர்வு மனிதச் சங்கிலி DIN DIN Monday, October 15, 2018 07:29 AM +0530 ராமேசுவரம் தீவு வளர்ச்சிக்குழு, பசுமை ராமேசுவரம் சார்பில் விழிப்புணர்வு மனித சங்கிலி மற்றும் கலை நிகழ்ச்சிகள் ஞாயிற்றுக்கிழமை நடைபெற்றன. 
இந்நிகழ்ச்சிக்கு மாவட்ட ஆட்சியர் கொ.வீரராகவராவ் தலைமை வகித்தார். மத்திய இணை அமைச்சர் பொன். ராதாகிருஷ்ணன் பங்கேற்று, முன்னாள் குடியரசுத் தலைவர் ஏ.பி.ஜே.அப்துல்கலாம் சமாதியில் மலர் தூவி அஞ்சலி செலுத்தினார். மாவட்ட ஊரக வளர்ச்சி முகமை திட்ட இயக்குநர் த.ஹெட்சி லீமா அமாலினி, ஆட்சியரின் நேர்முக உதவியாளர் (வளர்ச்சி) நாகேஸ்வரன், ஊராட்சிகளின் உதவி இயக்குநர் ஆ.செல்லத்துரை, அதிகாரிகள், தொண்டு நிறுவனத்தினர், மாணவ,மாணவிகள் கலந்து கொண்டனர். 
அதைத்தொடர்ந்து, தனியார் திருமண மண்டபத்தில் நடைபெற்ற நிகழச்சியில் தகவல் தொழில்நுட்பத்துறை அமைச்சர் எம்.மணிகண்டன் பங்கேற்று, ராமேசுவரத்தின் பெருமைகளை பறைசாற்றும் "இலக்கியத்தில் ராமேசுவரம்' என்ற தலைப்பிலும், "ராமேசுவரம் தீர்த்தங்களின் சிறப்புகள்' என்ற தலைப்பிலும் தீவு வளர்ச்சிக் குழு சார்பில் தயார் செய்யப்பட்ட இரண்டு புத்தகங்களையும், "மனித சங்கிலியின் சிறப்புகள்" என்ற தலைப்பிலான புத்தகங்களையும் வெளியிட்டார். 
நிகழ்ச்சியில், அமைச்சர் எம்.மணிகண்டன் பேசியதாவது: இறால் பண்ணையை அகற்றி ராமேசுவரத்தின் தூய்மையை பாதுகாக்க, சுகாதாரத்தை மேம்படுத்த நடவடிக்கை மேற்கொள்ளப்பட்டுள்ளது. ராமேசுவரம் பகுதியில் இறால் பண்ணைகளை முற்றிலுமாக அகற்றிட உத்தரவிடப்பட்டுள்ளது. மாவட்டத்தில் புதிய அரசு மருத்துவக் கல்லூரி அமைக்கவும், உச்சிப்புளியில் பயணிகள் விமான நிலையமாக விரிவாக்கம் செய்திட வேண்டியும் பிரதமரிடம், தமிழக முதல்வர் கோரிக்கை விடுத்துள்ளார். 
இலங்கையில் சேதமடைந்துள்ள அனைத்து விசைப்படகுகளுக்கும் மத்திய அரசு இழப்பீடு வழங்கிட வேண்டும். இலங்கை கடற்படையினரால் சிறைபிடித்து விடுவிக்கப்படாமல் உள்ள 184 தமிழக விசைப்படகுகளில் 90 சதவீத படகுகள் சேதமடைந்து விட்டன. 
அப்படகுகளுக்கு மத்திய அரசு உரிய இழப்பீடு வழங்கிட வேண்டும் என்றார். 
இந்நிகழ்ச்சியில் நகராட்சி நிர்வாகம் மதுரை மண்டல  அலுவலர் ஜனாகி, ராமேசுவரம் நகராட்சி ஆணையர் வீரமுத்துக்குமார், மண்டபம் ஊராட்சி ஒன்றிய வட்டார வளர்ச்சி அலுவலர் ராஜா, ஊராட்சி செயலர்கள் கதிரேசன், விஸ்வநாதன், புல்லாணிக்குமார் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/15/பசுமை-ராமேசுவரம்-விழிப்புணர்வு-மனிதச்-சங்கிலி-3020550.html
3020549 மதுரை ராமநாதபுரம் ராமேசுவரத்தில் அக்டோபர் 15 மின்தடை DIN DIN Monday, October 15, 2018 07:28 AM +0530 ராமேசுவரம் பகுதிகளில் திங்கள்கிழமை (அக்.15) மின் தடை ஏற்படும் என அறிவிக்கப்பட்டுள்ளது.
இதுதொடர்பாக மின்வாரிய உதவி செயற்பொறியாளர் எம்.சந்திரசூடன் வெளியிட்டுள்ள செய்திக்குறிப்பு:  மண்டபம் உப மின்நிலையத்தில் மாதாந்திர பரமரிப்புப் பணி காரணமாக, ராமேசுவரம், பாம்பன், தங்கச்சிமடம், மண்டபம், சுந்தரமுடையான், வேதாளை, மரைக்காயர்பட்டணம் உள்ளிட்ட பகுதிகளில் திங்கள்கிழமை (அக். 15) காலை 9.45 மணி முதல் மாலை 4.45 மணி வரை மின் தடை ஏற்படும் என அதில் குறிப்பிடப்பட்டுள்ளது.

]]>
http://www.dinamani.com/all-editions/edition-madurai/ramanathapuram/2018/oct/15/ராமேசுவரத்தில்-அக்டோபர்-15-மின்தடை-3020549.html
3020548 மதுரை ராமநாதபுரம் பேரிடர் மேலாண்மை விழிப்புணர்வுப் பேரணி DIN DIN Monday, October 15, 2018 07:28 AM +0530 கமுதியில் தனியார் பள்ளியில் தமிழக அரசின் பேரிடர் மேலாண்மை   குறித்த விழிப்புணர்வு பேரணி சனிக்கிழமை நடைபெற்றது. 
கமுதி க்ஷத்திரிய நாடார் ஆண்கள் மேல்நிலைப் பள்ளியில் நடைபெற்ற இப் பேரணிக்கு வட்டாட்சியர் க.முருகேசன் தலைமை வகித்தார்.  பள்ளியின் செயலர் சிவமுருகன் முன்னிலை வகித்தார். பள்ளியில் இருந்து தொடங்கி, நாடார் பஜார், சந்தை பேட்டை, முஸ்லிம் பஜார், செட்டியார் பஜார் வழியாக பேருந்து நிலையம்  வந்து மீண்டும் பள்ளியில் சென்று பேரணி நிறைவு பெற்றது. 
பின்னர் பள்ளி வளாகத்தில் நடைபெற்ற  பேரிடர் மேலாண்மை மற்றும் இயற்கை சீற்றத்தின் போது, பொது மக்களை எப்படி மீட்பது என்பது குறித்து மாணவர்களுக்கு கமுதி தீயணைப்பு நிலைய அலுவலர் த.தர்மலிங்கம் மற்றும் வீரர்கள் செயல்முறை விளக்கம் அளித்தனர்.  
இதில் மண்டல  துணை வட்டாட்சியர் தென்னரசு, கமுதி பேரூராட்சி செயல் அலுவலர் ரா.இளவரசி, முதுநிலை வருவாய் ஆய்வாளர் முத்துராமலிங்கம், கமுதி கிழக்கு வருவாய் ஆய்வாளர் முருகானந்தம், கிராம நிர்வாக அலுவலர் செய்யது, கிராம நிர்வாக உதவியாளர் வேல்முருகன் மற்றும் ஆசிரியர்கள், வருவாய்த்துறையினர்,  தீயணைப்புத் துறையினர் உள்ளிட்டோர் கலந்து கொண்டார்கள்.
முதுகுளத்தூரில்: சாயல்குடியில் பேரிடர் மேலாண்மை விழிப்புணர்வு ஊர்வலம் சனிக்கிழமை நடைபெற்றது.
இதற்கு கடலாடி வட்டாட்சியர் முத்துலெட்சுமி தலைமை வகித்தார். கடலாடி வட்டார மருத்துவ அலுவலர் டாக்டர் சரவணன் தொடக்கி வைத்தார். சாயல்குடி காவல் ஆய்வாளர் ஜோக்கிம் ஜெரி,  மண்டலத் துணை வட்டாட்சியர்கள் ஆர்.செந்தில்வேல்முருகன், எம்.சாந்தி, அரசு ஆண்கள் மேல்நிலைப்பள்ளி உதவி தலைமையாசிரியர் எஸ்.ராஜ்குமார், அரசு பெண்கள் மேல்நிலைப் பள்ளி நாட்டு  நலப் பணித் திட்ட  ஒருங்கிணைப்பாளர் இ.ஜெயபிரபா ஆகியோர் முன்னிலை வகித்தனர்.
இதில் சாயல்குடி அரசு ஆண்கள் மற்றும் பெண்கள் மேல்நிலைப் பள்ளி நாட்டு நலப்பணித் திட்ட மாணவ, மாணவியர்கள்  கலந்து கொண்டனர். முன்னதாக சாயல்குடி தீயணைப்பு நிலைய அலுவலர் இ.சார்லஸ் தலைமையில் தீயணைப்பு வீரர்கள் பேரிடர் தடுப்பு ஒத்திகைகளை செய்து காண்பித்தனர். நிகழ்ச்சிக்கான ஏற்பாடுகளை வருவாய் ஆய்வாளர் வி.பிரசாத், கிராம நிர்வாக அலுவலர் கா.ஜெயக்கொடி ஆகியோர் செய்திருந்தனர்.
திருவாடானையில்: திருவாடானையில் வருவாய் பேரிடர் மேலாண்மை மற்றும் துயர் தடுக்கும் துறை  சார்பில் சர்வதேச பேரழிவு தடுப்பு தினத்தை முன்னிட்டு பள்ளி மாணவ, மாணவிகளின் விழிப்புணர்வு பேரணி சனிக்கிழமை நடைபெற்றது.
இதில்  திருவாடானை வட்டாட்சியர் சாந்தி பேரணியை கொடியசைத்து தொடங்கி வைத்தார். பேரணி பெண்கள் அரசு உயர் நிலைப்பள்ளியில் இருந்து புறப்பட்டு நான்கு ரத வீதிகள் வழியாக வலம் வந்து பேருந்து நிலையத்தை அடைந்தன. 
இதில் சமூக நலத்துறை தனி வட்டாட்சியர் கணேசன், திருவாடானை காவல்துறை ஆய்வாளர் புவனேஸ்வரி மற்றும்  மண்டல துணை வட்டாட்சியர்கள், வருவாய் ஆய்வாளர்கள், கிராம நிர்வாக அலுவலர்கள் மற்றும் பலர் கலந்து கொண்டனர்.
திருவாடானை பாரதி நகரில் உள்ள அரசு பெண்கள் மேல்நிலைப் பள்ளியில் தீயணைப்பு மற்றும் மீட்பு படையினர் சனிக்கிழமை மாலை, பேரிடர் விழிப்புணர்வு செயல் விளக்கம் அளித்தனர்.
இந்நிகழ்ச்சியில், தீயணைப்பு நிலைய அலுவலர் (பொறுப்பு) ரவிச்சந்திரன் தலைமையில் தீயணைப்பு வீரர்கள் கலந்து கொண்டு, சிலிண்டரில் திடீரென தீப்பிடித்தால் அதனை எவ்வாறு அணைப்பது, மேற்கொள்ள வேண்டிய முன்னெச்சரிக்கை நடவடிக்கை குறித்து பள்ளி மாணவிகளுக்கு விளக்கமளித்தனர்.
திருப்பத்தூரில்: திருப்பத்தூரில் வருவாய்த்துறை சார்பில் மழை, வெள்ள காலங்களிலும் மற்றும் தீ விபத்துகளின் போதும் பேரிடர்களிலிருந்து பொதுமக்கள், தங்களை காத்துக்கொள்வது குறித்து தீயணைப்புத் துறையினர் மூலம் செயல் விளக்கப் பயிற்சி அளிக்கப்பட்டது. 
பேருந்து நிலையத்தில் நடைபெற்ற இந்நிகழ்ச்சியினை வட்டாட்சியர் தங்கமணி தொடங்கி வைத்தார். இதில், மழை, வெள்ள கால பாதுகாப்பு, தீபாவளிப் பண்டிகையின்போது பட்டாசுகளை கையாளும் முறை போன்றவை குறித்து தீயணைப்புத் துறையினர் விளக்கமளித்தனர். தலைமை தீயணைப்பாளர் சேகர், இயற்கை இடர்பாடுகளிலிருந்து பொதுமக்கள் தங்களைக் காத்துக் கொள்வது எவ்வாறு என்பது குறித்து விளக்கம் அளித்தார். மேலும் பொதுமக்களுக்கு துண்டு பிரசுரம் மூலம் பேரிடர் குறித்து, விளக்கம் அளிக்கப்பட்டது. 
இந்நிகழ்ச்சியில் திருப்பத்தூர் பேரூராட்சி செயல் அலுவலர் முருகன், துப்புரவு ஆய்வாளர் தங்கதுரை, வருவாய் ஆய்வாளர் பழனிக்குமார், கிராம நிர்வாக அலுவலர் மணிகண்டன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/15/பேரிடர்-மேலாண்மை-விழிப்புணர்வுப்-பேரணி-3020548.html
3020547 மதுரை ராமநாதபுரம் ராமநாதபுரத்தில் 7 குழந்தை தொழிலாளர்கள் மீட்பு DIN DIN Monday, October 15, 2018 07:27 AM +0530 ராமநாதபுரத்தில் உள்ள பல்வேறு வர்த்தக நிறுவனங்களில் பணிபுரிந்து வந்த குழந்தை தொழிலாளர்கள் 7 பேர் மீட்கப்பட்டுள்ளதாக தொழிலாளர் நல உதவி ஆணையர் பா.சங்கர் ஞாயிற்றுக்கிழமை தெரிவித்தார்.
இது குறித்து அவர் மேலும் கூறியது:  ராமநாதபுரம் நகர்ப் பகுதிகளில் உள்ள கடைகள், நிறுவனங்களில் சனி, ஞாயிறுக்கிழமைகளில் கூட்டாய்வு செய்யப்பட்டது. சைல்டுலைன் ஒருங்கிணைப்பாளர்கள் ஆனந்தராஜ், சின்னப்பன், மாவட்ட குழந்தைகள் பாதுகாப்பு அலகு சமூகப்பணியாளர் மகேஸ்வரன், ஆள் கடத்தல் தடுப்புப் பிரிவு காவலர்கள் கேசவன், கார்த்திகா ஆகியோருடன் தொழிலாளர் உதவி ஆய்வாளர்கள் க.மனோகர், மு.கலாவதி ஆகியோர் இந்த ஆய்வை மேற்கொண்டனர்.
இதில், 6 கடைகள் மற்றும் நிறுவனங்களில் 18 வயதுக்கு உள்பட்ட குழந்தை தொழிலாளர்கள் 7 பேர் பணி அமர்த்தப்பட்டிருந்தது கண்டுபிடிக்கப்பட்டது. அதையடுத்து, சம்பந்தப்பட்ட கடை உரிமையாளர்கள் மீது நடவடிக்கை எடுக்கப்பட்டுள்ளது. குழந்தை தொழிலாளர் தொடர்பான ஆய்வுகள் தொடர்ச்சியாக நடைபெறும். 18 வயதுக்கு உள்பட்ட குழந்தைகளை பணியில் ஈடுபடுத்தினால் கடுமையான நடவடிக்கை எடுக்கப்படும். எனவே, யாரும் குழந்தைகளை பணியில் ஈடுபடுத்த வேண்டாம் என்றார்.
 

]]>
http://www.dinamani.com/all-editions/edition-madurai/ramanathapuram/2018/oct/15/ராமநாதபுரத்தில்-7-குழந்தை-தொழிலாளர்கள்-மீட்பு-3020547.html
3020546 மதுரை ராமநாதபுரம் அக்.24 முதல் சணல் பொருள்கள் தயாரிப்பு இலவச பயிற்சி DIN DIN Monday, October 15, 2018 07:27 AM +0530 ராமநாதபுரம் இந்தியன் ஓவர்சீஸ் வங்கியின் கிராமிய சுய வேலைவாய்ப்புப் பயிற்சி மையத்தில் சணல் பொருள்கள் தயாரிக்கும் பயிற்சியும், மோட்டார் ரீவைண்டிங் தொழில்நுட்ப பயிற்சியும் இலவசமாக அளிக்கப்படவுள்ளது.
இதுதொடர்பாக அந்த மையத்தின் இயக்குநர் ஆர்.ஷியாமளாநாதன்  ஞாயிற்றுக்கிழமை கூறியது:ராமநாதபுரம் மாவட்ட முன்னோடி வங்கியான இந்தியன் ஓவர்சீஸ் வங்கி சார்பில் கிராமிய சுய வேலைவாய்ப்புப் பயிற்சி மையம் செயல்பட்டு வருகிறது. 
இங்கு வரும் 24 ஆம் தேதி (புதன்கிழமை) முதல் சணல் பொருள்கள் தயாரிப்புப் பயிற்சியும், மோட்டார் ரீவைண்டிங் தொழில்நுட்ப பயிற்சியும் இலவசமாக கற்றுத்தரப்படவுள்ளது.
 இரு பயிற்சிகளுக்கும் 19 வயது முதல் 45 வயது வரையும், கல்வித்தகுதியாக 5 ஆம் வகுப்பு முதல் 12 ஆம் வகுப்பு வரையும் பயின்றவர்களாக இருக்க வேண்டும்.  பயிற்சியின்போது மதிய உணவும், காலை, மாலை இரு வேளையும் தேநீர் ஆகியனவும், பயிற்சியை முடித்த பின்னர் அதற்கான சான்றிதழும் இலவசமாக வழங்கப்படும். 
பயிற்சி தினமும் காலை 9.30 மணிக்கு தொடங்கி, மாலை 5.30 மணி வரை நடைபெறும். சணல் பொருள்கள் தயாரிப்புப் பயிற்சி 13 நாள்களும், மோட்டார் ரீவைண்டிங் பயிற்சி ஒரு மாதமும் நடைபெறவுள்ளது. மோட்டார் ரீவைண்டிங் பயிற்சியின் போது பயிற்சிக்கு தேவையான அனைத்து உபகரணங்களும் இலவசமாக வழங்கப்படும். 
ராமநாதபுரம் மாவட்டத்தில் உள்ளவர்கள் மட்டுமே இப்பயிற்சியில் கலந்து கொள்ள முடியும்.  முன்பதிவு செய்வோர், கிராமப்புற இளைஞர்கள் முன்னுரிமை அடிப்படையில் பயிற்சியில் சேர்த்துக் கொள்ளப்படுவார்கள்.  
பயிற்சியின்போது சுயதொழில் தொடங்கி சாதனை புரிந்த தொழிலதிபர்களின் வாழ்க்கை வரலாறுகள், தன்னம்பிக்கையாக செயல்படுவதற்கான வழிகாட்டுதல்கள், வங்கிக் கடனுதவி திட்டங்கள், மத்திய - மாநில அரசுகள் வழங்கும் சுயதொழில் முனைவோர்க்கான அரசு நலத்திட்டங்கள் ஆகியன குறித்தும் விவரிக்கப்படும்.
பயிற்சியில் சேர விரும்புவோர் இந்தியன் ஓவர்சீஸ் வங்கி கிராமிய சுயவேலைவாய்ப்பு பயிற்சி மையம், அம்மா உணவகம்  எதிரில், பூமாலை வணிக வளாகம், புதிய பேருந்து நிலையம் அருகில், ராமநாதபுரம் என்ற முகவரியில் நேரிலோ அல்லது 04567-221612 என்ற தொலைபேசி எண்ணிலோ தொடர்பு கொள்ளலாம் என்றார்.
பேட்டியின்போது பயிற்சி மைய விரிவுரையாளர் ராமலெட்சுமி உடனிருந்தார்.

]]>
http://www.dinamani.com/all-editions/edition-madurai/ramanathapuram/2018/oct/15/அக்24-முதல்-சணல்-பொருள்கள்-தயாரிப்பு-இலவச-பயிற்சி-3020546.html
3020545 மதுரை ராமநாதபுரம் ராமநாதபுரத்திலிருந்து 12 புதிய அரசுப் பேருந்துகள் இயக்கம்: அமைச்சர் மணிகண்டன் தொடங்கி வைத்தார் DIN DIN Monday, October 15, 2018 07:27 AM +0530 ராமநாதபுரம் புதிய பேருந்து நிலையத்திலிருந்து பல்வேறு வழித்தடங்களில் 12 புதிய அரசுப் பேருந்துகளை தமிழக தகவல் தொழில்நுட்பத்துறை அமைச்சர் மு.மணிகண்டன் ஞாயிற்றுக்கிழமை கொடியசைத்து தொடங்கி வைத்தார்.
முதல்வர் எடப்பாடி கே.பழனிசாமி, கடந்த 10 ஆம் தேதி அன்று, 471 புதிய அரசுப் பேருந்துகளை மக்களுக்கு அர்ப்பணித்து வைத்தார். இதில் கும்பகோணம் கோட்டத்தில் காரைக்குடி மண்டலத்துக்கு மட்டும் 19 புதிய பேருந்துகள் வழங்கப்பட்டன.
அவற்றில், ராமநாதபுரம் மாவட்டத்துக்கு, 12 புதிய பேருந்துகள் ஒதுக்கப்பட்டு பல்வேறு வழித்தடங்களில் அவற்றை இயக்கி வைப்பதற்கான விழா நடைபெற்றது. 
ராமநாதபுரம் புதிய பேருந்து நிலையத்தில் நடைபெற்ற இவ்விழாவுக்கு மாவட்ட ஆட்சியர் கொ.வீரராகவராவ் தலைமை வகித்தார். அமைச்சர் மு.மணிகண்டன் 12 புதிய பேருந்துகளையும் கொடியசைத்து தொடங்கி வைத்தார். 
விழாவில் அரசுப் போக்குவரத்துக் கழக கும்பகோணம் கோட்ட பொதுமேலாளர் கோமதி செல்வக்குமார், கோட்ட மேலாளர் சரவணன், கிளை மேலாளர்கள் பத்மகுமார், தெய்வேந்திரன், பாலமுருகன், தமிழ்மாறன், ரவி, இருளப்பன் ஆகியோர் உள்பட பலர் கலந்து கொண்டனர்.
 ராமநாதபுரத்திலிருந்து மதுரைக்கு 3 பேருந்துகள், ராமேசுவரத்திலிருந்து மதுரைக்கு இரு பேருந்துகள் மற்றும் ராமாதபுரத்திலிருந்து திருப்பூர்,கோவை, மதுரை, சிதம்பரம், குமுளி, ஈரோடு ஆகிய ஊர்களுக்கு செல்லும் வகையில் தலா ஒரு புதிய பேருந்துகள் ஞாயிற்றுக்கிழமை முதல் இயக்கப்பட்டன.

]]>
http://www.dinamani.com/all-editions/edition-madurai/ramanathapuram/2018/oct/15/ராமநாதபுரத்திலிருந்து-12-புதிய-அரசுப்-பேருந்துகள்-இயக்கம்-அமைச்சர்-மணிகண்டன்-தொடங்கி-வைத்தார்-3020545.html
3020135 மதுரை ராமநாதபுரம் முதல்வர் பதவி விலக தேவையில்லை: பழ.நெடுமாறன் DIN DIN Sunday, October 14, 2018 09:53 AM +0530 நெடுஞ்சாலைத் துறை டெண்டர் முறைகேடு வழக்கை சிபிஐ விசாரணைக்கு மாற்றி நீதிமன்றம் உத்தரவிட்டிருப்பதால் முதல்வர் எடப்பாடி பழனிசாமி பதவி விலகத் தேவையில்லை என தமிழர் தேசிய முன்னணி தலைவர் பழ.நெடுமாறன் தெரிவித்தார்.
  ராமநாதபுரத்தில் செய்தியாளர்களுக்கு அவர் அளித்த பேட்டி:
 இலங்கை அரசால் சிறைபிடித்து வைக்கப்பட்டிருந்த 150-க்கும் மேற்பட்ட படகுகள் சேதமடைந்து விட்டன. இதற்காக தமிழக மீனவர்களின் படகுகளுக்கு இலங்கை அரசு தகுந்த நஷ்டஈடு வழங்கிட வேண்டும். இல்லையேல் இந்திய அரசு உரிய இழப்பீடு வழங்கிட வேண்டும். இலங்கையில் தமிழர்கள் மீதான தாக்குதல் அதிகரித்துக் கொண்டே தான் இருக்கிறது. தமிழர்களின் வாழ்வாதாரம் இலங்கையில் வெகுவாகப் பாதிக்கப்படுவதால் மக்கள் போராட்டங்களில் ஈடுபட்டு வருகின்றனர்.
 சபரிமலை கோயிலில் மட்டும்தான் பெண்கள் நுழைய தடை இருக்கிறது. மற்ற ஐயப்பன் கோயில்களில் இத்தடை இல்லை. இறைவனை வழிபடும் உரிமையை  யாரும் மறுக்கக் கூடாது. 
 முதல்வர் எடப்பாடி கே. பழனிசாமி  மீது சி.பி.ஐ. விசாரணை வேண்டும் என்று திமுக சார்பில் உச்சநீதிமன்றத்தில் வழக்கு தொடுக்கப்பட்டுள்ளது. 
மாநில சுயாட்சி வேண்டும் எனக் கூறும் திமுக, மத்திய அரசின் சி.பி.ஐ. விசாரணை வேண்டும் எனக் கேட்பதே அக் கோரிக்கைக்கு எதிரானது. உயர்நீதிமன்றம் உத்தரவிட்டாலும் சி.பி.ஐ. விசாரணை நடத்தலாம். இதற்காக யாரும் பதவி விலகத் தேவையில்லை. நீதிமன்றம் விசாரணைக்கு உத்தரவிட்டுள்ளதே  தவிர குற்றச்சாட்டுக்கு தண்டனை விதிக்கவில்லை. எனவே தமிழக முதல்வர் பதவி விலகத் தேவையில்லை.
 தமிழகத்தில் பல்கலைக்கழகங்களில் துணைவேந்தர் நியமனங்கள், மாணவர் சேர்க்கை ஆகியனவற்றில் முறைகேடுகள் நடந்திருக்கின்றன. உயர்கல்வித் துறையில் ஊழல்  மலிந்திருக்கிறது. 
இந்த ஊழலை ஒழிக்க உயர்நீதிமன்ற நீதிபதி தலைமையில் ஆணையம் அமைக்கப்பட்டு அறிக்கை அளிக்கப்பட வேண்டும். தமிழகத்தில் எழுத்துரிமை, கருத்துரிமை, பேச்சுரிமை ஆகியன முற்றிலுமாக பாதிக்கப்பட்டுள்ளது  என்றார்.

]]>
http://www.dinamani.com/all-editions/edition-madurai/ramanathapuram/2018/oct/14/முதல்வர்-பதவி-விலக-தேவையில்லை-பழநெடுமாறன்-3020135.html
3020134 மதுரை ராமநாதபுரம் ராமேசுவரம் மீனவர்கள் வேலைநிறுத்தம் வாபஸ் DIN DIN Sunday, October 14, 2018 09:53 AM +0530 ராமேசுவரம் மீனவர்களின் காலவரையற்ற வேலை நிறுத்தப் போராட்டத்தை சனிக்கிழமை முதல் வாபஸ் பெறுவதாகவும், வரும் அக். 15 ஆம் தேதி முதல் மீண்டும் கடலுக்குள் மீன்பிடிக்க செல்ல உள்ளதாகவும் மீனவ சங்கத் தலைவர் தேவதாஸ் தெரிவித்தார். 
இது குறித்து அவர் சனிக்கிழமை மேலும் கூறியதாவது,
இலங்கையில் உள்ள தமிழக மீனவர்களின் விசைப்படகுகளை விடுவிக்கவும், சேதமடைந்துள்ள படகுகளுக்கு இழப்பீடு வழங்க வலியுறுத்தியும், டீசல் விலையை குறைக்கவும், மானிய டீசல் அளவை உயர்த்தி வழங்கவும், தமிழக மீனவர்களுக்கு எதிராக இலங்கை அரசு கொண்டுவந்துள்ள மீன்பிடி ஒழுங்குமுறை சட்டத்தை ரத்து செய்ய மத்திய, மாநில அரசுகள் நடவடிக்கை எடுக்க வலியுறுத்தியும் கடந்த அக். 3 ஆம் தேதி முதல் காலவரையற்ற வேலை நிறுத்தப் போராட்டத்தை ராமேசுவரம் மீனவர்கள் தொடங்கினர். கடந்த 10 நாள்களாக நடைபெற்று வந்த இந்த போராட்டத்தால் சுமார் ரூ.10 கோடி மதிப்பிலான மீன்பிடி வர்த்தகம் பாதிப்படைந்தது. 
இந்நிலையில்,தீபாவளி உள்ளிட்ட பண்டிகைகள் வர உள்ளதால், மீனவர்களின் வாழ்வாதாரத்தை கருத்தில் கொண்டு சனிக்கிழமை (அக்.13) முதல் வேலை நிறுத்தப் போராட்டத்தை வாபஸ் பெற முடிவு செய்யப்பட்டுள்ளது.  இதையடுத்து வருகிற திங்கள்கிழமை (அக்.15) முதல் அனுமதி பெற்று மீண்டும் கடலுக்கு மீன் பிடிக்கச் செல்ல முடிவு செய்யப்பட்டுள்ளது என்றார்.
 

]]>
http://www.dinamani.com/all-editions/edition-madurai/ramanathapuram/2018/oct/14/ராமேசுவரம்-மீனவர்கள்-வேலைநிறுத்தம்-வாபஸ்-3020134.html
3019814 மதுரை ராமநாதபுரம் பிள்ளையார்குளத்தில் கந்தூரி விழா DIN DIN Sunday, October 14, 2018 02:23 AM +0530 சாயல்குடி அருகே பிள்ளையார்குளத்தில் அரக்காசு அம்மா தர்காவில் கந்தூரி விழா சனிக்கிழமை நடைபெற்றது. 
இவ் விழா கடந்த அக். 3 ஆம் தேதி கொடியேற்றத்துடன் தொடங்கியது. இதைத் தொடர்ந்து சனிக்கிழமை நேர்த்தி கடனாக கிடாக்கள், சேவல்கள் பலியிடும் நிகழ்ச்சி நடைபெற்றது. அரக்காசு அம்மா தர்காவின் மக்பராவில் புனித சந்தனம் பூசி, பிறை வடிவ பச்சைப் போர்வை போர்த்தப்பட்டு மல்லிகை சரங்களால் அலங்கரிக்கப்பட்டது.இதையொட்டி பொது அன்னதானம் வழங்கப்பட்டது. சாயல்குடி, கடலாடி பகுதியில் உள்ள சுற்றுவட்டார கிராமங்களில் இருந்து ஏராளமான முஸ்லிம்களும் பிற மதத்தினரும் இதில் கலந்து கொண்டனர் .
இது குறித்து விழாக் கமிட்டியினர் கூறுகையில், ஆண்டுதோறும் புரட்டாசி வளர்பிறையில் அப்பகுதியில் உள்ள அனைத்து சமுதாய மக்களும், சாதி, மத பேதமின்றி இவ்விழாவை மத நல்லிணக்க விழாவாக கொண்டாடிவருகிறோம் என்றனர்.

 

 

]]>
http://www.dinamani.com/all-editions/edition-madurai/ramanathapuram/2018/oct/14/பிள்ளையார்குளத்தில்-கந்தூரி-விழா-3019814.html
3019796 மதுரை ராமநாதபுரம் உஜ்ஜைனி மகாகாளியம்மன் கோயிலில் திருவிளக்கு பூஜை DIN DIN Sunday, October 14, 2018 01:48 AM +0530 ராமேசுவரத்தில் உஜ்ஜைனி மகாகாளியம்மன் கோயிலில் 43 ஆம் ஆண்டு நவராத்திரி திருவிழாவை முன்னிட்டு 508 திருவிளக்கு பூஜை வெள்ளிக்கிழமை நடைபெற்றது.
ராமேசுவரம் அக்னி தீர்த்தக் கரையில் உள்ள இக் கோயிலில் 43 ஆம் ஆண்டு நவராத்திரி திருவிழா காப்புக் கட்டுடன் தொடங்கியது. நாள் தோறும் சிறப்பு அலங்காரம் செய்யப்பட்டு சிறப்பு பூஜைகள் நடைபெற்று வருகிறது. 
இதன் ஒரு பகுதியாக வெள்ளிக்கிழமை 508 திருவிளக்கு பூஜை நடைபெற்றது. இதில் பல்வேறு பகுதிகளில் இருந்து வந்த பெண்கள்  கலந்துகொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/14/உஜ்ஜைனி-மகாகாளியம்மன்-கோயிலில்-திருவிளக்கு-பூஜை-3019796.html
3019794 மதுரை ராமநாதபுரம் மீனவர்களை பாதுகாக்க மத்தியில்  தனி அமைச்சகம் அமைக்க வேண்டும்: தமிழ்நாடு மீன்பிடி தொழிற்சங்க கூட்டமைப்பு வலியுறுத்தல் DIN DIN Sunday, October 14, 2018 01:47 AM +0530 மீனவர்களை பாதுகாக்க மத்தியில் தனி அமைச்சகம் அமைக்க வேண்டும் என தமிழ்நாடு மீன்பிடி தொழிற்சங்க கூட்டமைப்பு வலியுறுத்தியுள்ளது.
ராமநாதபுரம் மாவட்டம் ராமேசுவரத்தில் தமிழ்நாடு மீன்பிடி தொழிற் சங்க கூட்டமைப்பு (சிஐடியூ) மாநில நிர்வாகிகள் கூட்டம் சனிக்கிழமை தனியார் மகாலில் நடைபெற்றது.  மாநிலத் தலைவர் ஜி.செலஸ்டின் தலைமை வகித்தார். மாநில நிர்வாகிகள் எஸ்.அந்தோணி கே.எம்.லிங்கம், எஸ்.சுப்பிரமணியன், இரா.லோகநாதன், மாவட்ட செயலாளர் எம்.கருணாமூர்த்தி  முன்னிலை வகித்தனர். மாநில பொதுச் செயலாளர் சி.ஆர்.செந்தில்வேல் கலந்து கொண்டு பேசினார். 
இந்த கூட்டத்தில்,  புயல் வெள்ளம் போன்ற இயற்கை சீற்றங்கள் வந்தால் உடனடியாக மீனவர்களையும், கடலோர பகுதிகளில் வாழும் மக்களையும்  காப்பாற்ற எவ்வித தகவல் தொழில்நுட்ப கட்டமைப்புகளையும் மேம்படுத்தவில்லை. 
போர்க்கால அடிப்படையில் முன்தயாரிப்பு நடவடிக்கைகளை அரசு எடுக்க வேண்டும். டீசல் விலை உயர்வால் மீன்பிடி தொழில் கடும் நெருக்கடியை சந்தித்து வருகிறது. அனைத்து மீன்பிடி படகுகளுக்கும் மானிய விலையில் டீசல் வழங்க வேண்டும். நாட்டின் மொத்த உள்நாட்டு உற்பத்தியில் அதிகமாக பங்களிப்பு செய்யும் மீன்பிடி தொழிலை சரியான முறையில் மேலாண்மை செய்ய மத்தியில் தனி அமைச்சகம் அமைக்க வேண்டும். 
இலங்கை அரசு தற்போது கொண்டு வந்துள்ள வெளிநாட்டு மீன்பிடி படகுகளை ஒழுங்குபடுத்தும் சட்டத்தின் மூலம் தமிழக மீனவர்கள் பாதிக்கப்படும் நிலை உள்ளது. எனவே இலங்கையுடன் மத்திய அரசு பேச்சு வார்த்தை நடத்தி இந்தச் சட்டத்திலிருந்து தமிழக மீனவர்களை பாதுகாக்க வேண்டும். 
உள்நாட்டு நீர் நிலைகளில் மீன்பிடிக்கும் உரிமையை தனியாருக்கு  கொடுக்காமல் அதை உள்நாட்டு மீனவர் கூட்டுறவு சங்கங்களுக்கு வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
இக் கூட்டத்தில் சிஐடியூ நிர்வாகிகள் என். பி.செந்தில், என். ஜே.மோகன்தாஸ், ப. வடகொரியா, ஆர். பூமாரி,  எம். செந்தில், ஜி.பாண்டி, கே.ராமர், எம். பிச்சை, என்.மாரி உள்ளிட்டோர் கலந்து கொண்டனர்.


 

]]>
http://www.dinamani.com/all-editions/edition-madurai/ramanathapuram/2018/oct/14/மீனவர்களை-பாதுகாக்க-மத்தியில்--தனி-அமைச்சகம்-அமைக்க-வேண்டும்-தமிழ்நாடு-மீன்பிடி-தொழிற்சங்க-கூட்டமைப-3019794.html
3019793 மதுரை ராமநாதபுரம் ராமநாதபுரத்தில் புனித ஜெபமாலை அன்னை ஆலய தேர்பவனி DIN DIN Sunday, October 14, 2018 01:46 AM +0530 ராமநாதபுரத்தில் புனித ஜெபமாலை அன்னை ஆலயத் திருவிழாவையொட்டி சனிக்கிழமை சிறப்புத் திருப்பலியும், தேர் பவனியும் நடைபெற்றது.
இந்த ஆலயத் திருவிழா கடந்த அக். 5 ஆம் தேதி  கொடியேற்றத்துடன் தொடங்கியது.விழாவையொட்டி தினசரி நவநாள் திருப்பலியும்,  இரவு ஆலய வளாகத்தில் பல்வேறு தலைப்புகளில் மையச்சிந்தனை நிகழ்வுகளும் நடைபெற்றன. 
விழாவினைத் தொடர்ந்து 9ஆம் நாள் நிகழ்வாக திருவிழா சிறப்புத் திருப்பலி சனிக்கிழமை நடைபெற்றது. இதற்கு சிவகங்கை மறைமாவட்ட ஆயர் ஜெ.சூசைமாணிக்கம் தலைமை வகித்தார். பங்குத்தந்தை என்.அருள் ஆனந்த், உதவிப் பங்குத்தந்தை ஏ.ஜேசுரட்சகர் ஆகியோர் முன்னிலை வகித்தனர்.
 பின்னர் ஆலய வளாகத்திலிருந்து மின்விளக்குகளால் அலங்கரிக்கப்பட்ட தேர் பவனி நடைபெற்றது. தேரில் புனித ஜெபமாலை அன்னை சிறப்பு அலங்காரத்தில் பவனி வந்தார். அப்போது கிறிஸ்தவர்கள் ஜெபமாலை ஜெபித்துத் சென்றனர். 
இந்த தேர்பவனியில் திருஇருதய அருள்சகோதரர்கள், அமலவை கன்னியர், பங்குப் பேரவையினர், அன்பியங்கள், பங்கு இறைமக்கள் கலந்து கொண்டனர். தேர்பவனியின் போது வாண வேடிக்கைகள் நடைபெற்றன. இவ்விழாவையொட்டி ராமநாதபுரம் எஸ்.பி.ஓம்பிரகாஷ் மீனா உத்தரவின் பேரில் அப்பகுதியில் பலத்த போலீஸ் பாதுகாப்பு போடப்பட்டிருந்தது.
 

]]>
http://www.dinamani.com/all-editions/edition-madurai/ramanathapuram/2018/oct/14/ராமநாதபுரத்தில்-புனித-ஜெபமாலை-அன்னை-ஆலய-தேர்பவனி-3019793.html
3019791 மதுரை ராமநாதபுரம் மோர்ப்பண்ணை கிராமத்தில்  சிறப்பு கிராம சபைக் கூட்டம்  DIN DIN Sunday, October 14, 2018 01:46 AM +0530 திருவாடானை அருகே மோர்ப்பண்ணை கிராமத்தில் சிறப்பு கிராம சபை கூட்டம் மாவட்ட ஆட்சியர் கொ. வீரராகவராவ்  தலைமையில் சனிக்கிழமை நடைபெற்றது.
இதற்கு கிராம தலைவர் துரை பாலன் செயலாளர் ராஜேஸ்வரன், பொருளாளர் ராஜா ஆகியோர் முன்னிலை வகித்தனர். இக் கூட்டத்தில் 2018 ஆம் ஆண்டுக்கான வரைவு வாக்காளர் பட்டியல் வெளியிடப்பப்பட்டது. அதனை தொடர்ந்து கிராம மக்கள் மாவட்ட ஆட்சியரிடம் கோரிக்கை மனுக்களை அளித்தனர். 
அதில் இக்கிராமத்தில் சுமார் 500 குடும்பங்கள் வசித்து வருகின்றோம். இப்பகுதி மக்கள் அனைவரும் மீன் பிடி தொழில் செய்து வருகின்றோம். இப்பகுதியில் அடிப்படை தேவையான குடிநீருக்கு மிகுந்த தட்டுப்பாடு நிலவி வருகிறது. இதனால் தண்ணீர் கிடைக்காமல் அவதிப்பட்டு வருகிறோம். தற்போது காவிரி கூட்டுக் குடிநீர் திட்டம் மூலம் ஆர்.எஸ்.மங்கலத்தில் ஆழ்துளை கிணறு அமைத்து அதிலிருந்து குழாய் மூலம் தண்ணீர் விநியோகம் செய்யப்பட்டு வருகிறது. கோடை காலத்தில் இப்பகுதி மக்களுக்கு இது போதுமானதாக இல்லை. இந்நிலையில் சம்பந்தப்பட்ட துறையினர் இப்பகுதியில் சுமார் 1,500 அடி ஆழத்தில் நல்ல தண்ணீர் கிடைக்கும் என சான்று அளித்துள்ளனர். எனவே இப்பகுதியில் ஆழ்துளை கிணறு அமைத்து குடிநீர் தட்டுப்பாட்டை போக்க நடவடிக்கை எடுக்க வேண்டும் என அதில் தெரிவித்திருந்தனர்.
இக்கூட்டத்தில் வருவாய் துறை அதிகாரிகள்,  கிராம பொது மக்கள்உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-madurai/ramanathapuram/2018/oct/14/மோர்ப்பண்ணை-கிராமத்தில்--சிறப்பு-கிராம-சபைக்-கூட்டம்-3019791.html
3019790 மதுரை ராமநாதபுரம் பரமக்குடி தேசிய நெடுஞ்சாலையில் ஆக்கிரமிப்புகள் அகற்றம் DIN DIN Sunday, October 14, 2018 01:45 AM +0530 ராமநாதபுரம் மாவட்டம் பரமக்குடியில் மதுரை- ராமேசுவரம் தேசிய நெடுஞ்சாலையின் இருபுறமும் உள்ள ஆக்கிரமிப்புகளை அகற்றும் பணியில் காவல்துறை, நகராட்சி மற்றும் வருவாய்த்துறை அதிகாரிகள் வெள்ளிக்கிழமை ஈடுபட்டனர்.
 நகர் பகுதியில் செல்லும் இந்த தேசிய நெடுஞ்சாலையின் இருபுறமும் ஓட்டப்பாலம் பகுதியிலிருந்து கிழக்கே பொதுப்பணித்துறை அலுவலகம் வரை வணிக நிறுவனங்கள், உணவகங்கள், பேக்கரி டீக்கடைகள், பூக்கடை மற்றும் தெருவோர பழக்கடை ஆகியவை நடைபாதைகளை ஆக்கிரமித்திருந்தன. இதனால் இச்சாலையில் போக்குவரத்து நெரிசல் ஏற்பட்டு அடிக்கடி விபத்துகள் ஏற்பட்டு வந்தன. எனவே இந்த ஆக்கிரமிப்புகளை அகற்றக் கோரி மாவட்ட ஆட்சியர் மற்றும் சார் ஆட்சியருக்கு பொதுமக்கள் புகார் அளித்தனர்.
இதன் பேரில் பரமக்குடி சார் ஆட்சியர் பி.விஷ்ணுசந்திரன் தலைமையில், காவல் துணைக் கண்காணிப்பாளர் சதீஸ்குமார், வட்டாட்சியர் என்.பரமசிவம், நகராட்சி ஆணையர் (பொறுப்பு) எஸ்.வரதராஜன் ஆகியோர் தேசிய நெடுஞ்சாலையின் இருபுறமும் இருந்த ஆக்கிரமிப்புகளை அகற்றும் பணியில் ஈடுபட்டனர். இதில் ஐந்துமுனை சந்திப்பில் தொடங்கி கிழக்குப்பகுதி பொதுப்பணித்துறை அலுவலகம் வரை உள்ள ஆக்கிரமிப்புகள் அகற்றப்பட்டன. இதையடுத்து சம்பந்தப்பட்ட அதிகாரிகள்,  மீண்டும் இந்த ஆக்கிரமிப்புகள் ஏற்படாதவாறு கண்காணித்து நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/ramanathapuram/2018/oct/14/பரமக்குடி-தேசிய-நெடுஞ்சாலையில்-ஆக்கிரமிப்புகள்-அகற்றம்-3019790.html
3019789 மதுரை ராமநாதபுரம் மீன்வளர்ப்பில் ஆர்வம் உள்ளவர்கள் அரசு மானியம் பெற விண்ணப்பிக்கலாம்: ராமநாதபுரம் ஆட்சியர் DIN DIN Sunday, October 14, 2018 01:45 AM +0530 நன்னீர் மீன்வளர்ப்பு, உவர்நீரில் இறால் மீன் வளர்ப்பு ஆகியனவற்றில் ஆர்வமுள்ளவர்கள் அரசு மானியம் பெறுவதற்காக விண்ணப்பிக்கலாம் என ராமநாதபுரம் மாவட்ட ஆட்சியர் கொ.வீரராகவராவ் தெரிவித்துள்ளார்.
இதுதொடர்பாக அவர் வெள்ளிக்கிழமை வெளியிட்ட செய்திக்குறிப்பு:  மத்திய ,மாநில அரசுகள் நீலப்புரட்சி திட்டத்தின் கீழ் புதிய மீன் பண்ணைக் குளங்கள், குட்டைகள் அமைத்தல், ஒரு ஹெக்டேர் மீன்வளர்ப்பு குளம் அமைத்திட ஆகும் செலவினத் தொகை ரூ.7 லட்சத்தில் அதிகபட்சமாக ரூ.2.80 லட்சம் மானியமாக வழங்கப்படும். 
ஏற்கனவே உள்ள மீன்வளர்ப்பு குளங்கள், தொட்டிகளை சீரமைத்தல், புதுப்பித்தல் ஆகியனவற்றுக்கு ஒரு ஹெக்டேருக்கு ஆகும் செலவினத்தொகை ரூ.3.50லட்சமாகும்.
 இதில் ரூ.1.40லட்சம் மானியமாக வழங்கப்படும். நன்னீர் மீன்வளர்ப்பு இடுபொருட்கள் வாங்க ஆகும் செலவினங்களுக்கு ஒரு ஹெக்டேருக்கு ஆகும் செலவு ரூ.1.50லட்சத்தில் மானியமாக ரூ.60 ஆயிரம் வழங்கப்படும். பயனாளிகள் முன்னுரிமை அடிப்படையில் தேர்வு செய்யப்படுவர்.
விருப்பமுள்ள விவசாயிகள் மீன்வளர்ப்பில் ஆர்வம் உள்ளவர்கள் 30 தினங்களுக்குள் மீன்வளத்துறை உதவி இயக்குநர்(வடக்கு)அலுவலகத்தில் விண்ணப்பிக்கலாம். மேலும் விபரங்களுக்கு மீன்வளத்துறை உதவி இயக்குநர் (வடக்கு) ஒருங்கிணைந்த மீன்வளத்துறை அலுவலக வளாகம், ஆட்சியர் அலுவலக வளாகம், ராமநாதபுரம் என்ற முகவரியிலும், தொலைபேசி எண்-04567-230355 என்ற எண்ணிலும் விவரங்களை கேட்டுத் தெரிந்து கொள்ளலாம் என தெரிவிக்கப்பட்டுள்ளது.
 

]]>
http://www.dinamani.com/all-editions/edition-madurai/ramanathapuram/2018/oct/14/மீன்வளர்ப்பில்-ஆர்வம்-உள்ளவர்கள்-அரசு-மானியம்-பெற-விண்ணப்பிக்கலாம்-ராமநாதபுரம்-ஆட்சியர்-3019789.html
3019787 மதுரை ராமநாதபுரம் கமுதியில் காட்சிப் பொருளான மின்கம்பங்களைஅகற்றக் கோரிக்கை DIN DIN Sunday, October 14, 2018 01:45 AM +0530 கமுதி பகுதியில் பயன்பாடின்றி உள்ள மின்கம்பங்களை அகற்ற பொதுமக்கள் கோரிக்கை விடுத்துள்ளனர்.
கமுதி அருகே  கே.வேப்பங்குளம் விலக்கு சாலையிலிருந்து குண்டுகுளம், வண்ணாங்குளம் உள்ளிட்ட 20-க்கும் மேற்பட்ட கிராமங்களுக்கு மின் இணைப்புகள் வழங்கப்பட்டன.  இதற்காக இந்த இவ்வழித்தடத்தில், சாலையோரத்தில் மின் கம்பங்கள் அமைக்கபட்டது. அப்பகுதியில் பொதுமக்களின் நீண்ட நாள் கோரிக்கையை ஏற்று குண்டுகுளம் அருகே புதிய மின்மாற்றி அமைக்கப்பட்டது. இந்த மின்மாற்றி மூலம் பக்கத்து கிராமங்களுக்கு மின்சாரம் வழங்கப்படுகிறது.
இதனையடுத்து கமுதியிலிருந்து அமைக்கப்பட்ட  மின்கம்பங்கள் வழியாக மின்சாரம் நிறுத்தப்பட்டு, மின்வயர்களும் அகற்றப்பட்டன. இங்கு மின்கம்பங்கள் மட்டும் காட்சி பொருளாக உள்ளன.  எனவே இங்குள்ள மின் கம்பங்களை அகற்றி, சேதமடைந்த மின்கம்பங்களுக்கு பதிலாக மாற்றி அமைக்க மின்வாரியம் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர். 
 

]]>
http://www.dinamani.com/all-editions/edition-madurai/ramanathapuram/2018/oct/14/கமுதியில்-காட்சிப்-பொருளான-மின்கம்பங்களைஅகற்றக்-கோரிக்கை-3019787.html
3019786 மதுரை ராமநாதபுரம் சாலை சேதம் பொதுமக்கள் அவதி DIN DIN Sunday, October 14, 2018 01:44 AM +0530 திருவாடானையில் இருந்து அஞ்சுகோட்டை, தினைகாத்தான்வயல், நாச்சியேந்தல், நெய்வயல், அதங்குடி விலக்கு சாலை வழியாக தேவகோட்டைக்கு பள்ளி, கல்லூரிகளுக்கு மாணவ, மாணவிகள்  சென்று வருகின்றனர்.
 இதில் நாச்சியேந்தல் கிராமத்தில் இருந்து நெய்வயல் வழியாக அதங்குடி விலக்கு சாலை வரை சுமார் 5 கிலோ மீட்டர் தொலைவுக்கு தார்ச் சாலை அமைக்கப்பட்டிருந்தது.  தற்போது பராமரிப்பின்றி இந்த சாலை சேதமடைந்து குண்டும் குழியுமாக மாறி உள்ளதால் இருசக்கர, நான்கு சக்கர வாகன ஓட்டிகள் அவதிப்படுகின்றனர். சாலையை சீரமைக்கக் கோரி இப்பகுதி மக்கள் சம்பந்தப்பட்ட துறையினருக்கு பலமுறை புகார் தெரிவித்தும் எந்த வித நடவடிக்கையும் எடுக்கப்படவில்லை.  எனவே மாவட்ட நிர்வாகம் தனிக் கவனம் செலுத்தி இச்சாலையை சீர்படுத்த வேண்டும் என இப்பகுதி மக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/ramanathapuram/2018/oct/14/சாலை-சேதம்-பொதுமக்கள்-அவதி-3019786.html
3019775 மதுரை ராமநாதபுரம் கமுதி அருகே வரத்து  கால்வாய் ஆக்கிரமிப்பு  பொதுமக்கள் புகார் DIN DIN Sunday, October 14, 2018 01:34 AM +0530 கமுதி பகுதியில் வரத்து கால்வாய் ஆக்கிரமிக்கப்பட்டு அழிக்கப் பட்டு வருவதாக சமூக ஆர்வலர்கள் புகார் தெரிவிக்கின்றனர்.
கமுதி அருகே கல்லுப்பட்டி பகுதியில் இருந்து மழை நீர்,  குண்டாற்றிக்கு வரும் வகையில் வரத்து கால்வாய் இருந்தது. ஆனால் அந்த வரத்து கால்வாயை ஆக்கிரமித்து வீடுகள் கட்டப்பட்டுள்ளன.
இதனால் சிறு மழை பெய்தாலே விவசாய நிலங்களில் தண்ணீர் தேங்குகிறது. எனவே கல்லுப்பட்டி சாலையிலிருந்து ஒற்றைக்கண் பாலம் வரை உள்ள கால்வாய் ஆக்கிரமிப்புகளை அகற்ற மாவட்ட நிர்வாகம் நடவடிக்கை எடுக்க வேண்டும் என சமூக ஆர்வலர்கள் கோரிக்கை வைத்துள்ளனர்.
 

]]>
http://www.dinamani.com/all-editions/edition-madurai/ramanathapuram/2018/oct/14/கமுதி-அருகே-வரத்து--கால்வாய்-ஆக்கிரமிப்பு--பொதுமக்கள்-புகார்-3019775.html
3019774 மதுரை ராமநாதபுரம் முத்தாலம்மன் கோயிலுக்கு தங்க முலாம் பாவாடை அன்பளிப்பு DIN DIN Sunday, October 14, 2018 01:32 AM +0530 ராமநாதபுரம் முத்தாலம்மன் கோயிலில் உள்ள அம்மனுக்கு தங்க முலாம் பூசப்பட்டபாவாடையை வழங்கும் நிகழ்ச்சி வெள்ளிக்கிழமை நடைபெற்றது.
முத்தாலம்மன் மகளிர் மன்றத்தின் தலைவி உஷா சுப்பிரமணியன், செயலாளர் கீதா ரகுநாத் மற்றும் உறுப்பினர்கள் முத்தாலம்மனுக்கு தங்க முலாம் பூசப்பட்ட தங்கப்பாவாடை, தங்க கிரீடம், தங்கச் சட்டை  ஆகியனவற்றை  அன்பளிப்பாக வழங்கினர். 
இதனை ராமநாதபுரம் ஆயிரவைசிய மகாஜன சபையின் தலைவர் பா.மோகன், பொருளாளர் பி.ஜானகிராமன், கோயில் நிர்வாக அறங்காவலர் எஸ்.ஜெயக்குமார் ஆகியோர் பெற்றுக்கொண்டனர். நவராத்திரியை  முன்னிட்டு  ஆலய வளாகத்தில்  பரமக்குடி ஜனனி மன்ற குழுவினரின் பல்வேறு கலைநிகழ்ச்சிகள் நடைபெற்றன.  
 

]]>
http://www.dinamani.com/all-editions/edition-madurai/ramanathapuram/2018/oct/14/முத்தாலம்மன்-கோயிலுக்கு-தங்க-முலாம்-பாவாடை-அன்பளிப்பு-3019774.html
3019767 மதுரை ராமநாதபுரம் ராமேசுவரத்தில் இந்து முன்னணி ஆர்ப்பாட்டம் DIN DIN Sunday, October 14, 2018 01:28 AM +0530 சபரிமலை ஐயப்பன் கோயிலுக்குச் செல்ல பெண்களை அனுமதிக்கலாம் என்ற உச்ச நீதிமன்ற உத்தரவை மறுபரிசீலனை செய்யக் கோரி இந்து முன்னணியினர் சனிக்கிழமை ராமேசுவரத்தில் ஆர்ப்பாட்டத்தில் ஈடுபட்டனர்.
என்.எஸ்.கே. வீதியில் நடைபெற்ற இந்த ஆர்ப்பாட்டத்துக்கு நிர்வாகி ராஜா சந்திரசேகரன் தலைமை வகித்தார்.  மாவட்ட பொதுச் செயலாளர் ராமமூர்த்தி, மாவட்ட துணைத் தலைவர் சரவணன், மாவட்ட துணைச் செயலாளர் ராஜகருப்பன், நகர் தலைவர் நம்புவேல் உள்ளிட்டோர் கலந்து கொண்டனர். 

]]>
http://www.dinamani.com/all-editions/edition-madurai/ramanathapuram/2018/oct/14/ராமேசுவரத்தில்-இந்து-முன்னணி-ஆர்ப்பாட்டம்-3019767.html
3019763 மதுரை ராமநாதபுரம் அறுந்து கிடந்த மின் கம்பியை மிதித்த பெண் சாவு DIN DIN Sunday, October 14, 2018 01:26 AM +0530 ராமநாதபுரம் மாவட்டம் சிக்கல் அருகே அறுந்து கிடந்த மின் கம்பியை மிதித்ததில் மின்சாரம் பாய்ந்து பெண் சனிக்கிழமை உயிரிழந்தார்.
கடலாடி வட்டம் சிக்கல் அருகே பி. கீரந்தை கிராமத்தில் வசிப்பவர் நாராயணன். இவருடைய  மனைவி லட்சுமி (57). இவர் வீட்டின் அருகே வேலை செய்து கொண்டிருந்தார். அங்கே பழுதான உயரழுத்த மின் கம்பி அருகே அறுந்து கிடந்துள்ளது. அதனை அறியாமல் மின் கம்பியை மிதித்ததில் அவர் மீது  மின்சாரம் பாய்ந்து  சம்பவ இடத்திலேயே லட்சுமி உயிரிழந்தார். தகவல் அறிந்த போலீஸார் அவரது சடலத்தை மீட்டு பரிசோதனைக்காக கீழக்கரை அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து கடலாடி துணை வட்டாட்சியர் செந்தில்வேல்முருகன் விசாரணை நடத்தினார்.
இது குறித்து சிக்கல் போலீஸார் வழக்குப் பதிந்து விசாரணை  நடத்தி வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/14/அறுந்து-கிடந்த-மின்-கம்பியை-மிதித்த-பெண்-சாவு-3019763.html
3019762 மதுரை ராமநாதபுரம் பூப்பந்தாட்டப் போட்டியில் 2 ஆவது பரிசு: நம்புதாளை  பள்ளி மாணவர்களுக்கு பாராட்டு DIN DIN Sunday, October 14, 2018 01:26 AM +0530 மாவட்ட அளவில் நடைபெற்ற பூப்பந்தாட்ட போட்டியில் இரண்டாம் பரிசு பெற்ற  நம்புதாளை அரசு உயர் நிலைப்பள்ளி மாணவர்களை ஆசிரியர்கள் பாராட்டினர்.
திருவாடானை அருகே நம்புதாளையில் அரசு உயர்நிலைப் பள்ளி உள்ளது. இந்த பள்ளியில் 200க்கும் மேற்பட்ட மாணவ மாணவிகள் கல்வி பயின்று வருகின்றனர். ராமநாதபுரத்தில் வியாழக்கிழமை நடைபெற்ற மாவட்ட அளவிலான பூப்பந்தாட்ட போட்டியில் 30-க்கும் மேற்பட்ட பள்ளிகள் கலந்து கொண்டன. 
இந்த போட்டியில் நம்புதாளை அரசு உயர்நிலைப் பள்ளி மாணவர்கள் பங்கேற்று, மாவட்ட அளவில் இரண்டாம் பரிசை பெற்றனர். அவர்களுக்கு நம்புதாளை அரசு உயர்நிலைப்பள்ளியில்  தலைமை ஆசிரியர் ஆத்மநாபன் தலைமையில் வெள்ளிக்கிழமை பாரட்டு விழா நடைபெற்றது. இவ்விழாவிற்கு உடற்கல்வி ஆசிரியர் வின்சென்ட் சேவியர், பெற்றோர் ஆசிரிய கழக தலைவர் செய்து யூசுப் ஆகியோர் முன்னிலை வகித்தனர்.

]]>
http://www.dinamani.com/all-editions/edition-madurai/ramanathapuram/2018/oct/14/பூப்பந்தாட்டப்-போட்டியில்-2-ஆவது-பரிசு-நம்புதாளை--பள்ளி-மாணவர்களுக்கு-பாராட்டு-3019762.html
3019761 மதுரை ராமநாதபுரம் ராமநாதபுரத்தில் ஆசிரியருக்கு அரிவாள் வெட்டு DIN DIN Sunday, October 14, 2018 01:25 AM +0530 ராமநாதபுரத்தில் தனியார் கேட்டரிங் கல்லூரி ஆசிரியர் அரிவாளால் வெட்டப்பட்டதாக கேணிக்கரை போலீஸார் சனிக்கிழமை வழக்குப் பதிந்தனர்.
ராமநாதபுரம் தாயுமானவர் சுவாமி கோயில் தெருவில் வசித்து வரும் துரைக்கண்ணு மகன் ராஜசேகர்(45). இவர் தனியார்  கேட்டரிங்  கல்லூரியில்  ஆசிரியராக  பணிபுரிந்து  வருகிறார். இந்நிலையில் சனிக்கிழமை ராஜசேகர் அரிவாளால் வெட்டப்பட்ட நிலையில், அவரது வீட்டுக்கு அருகில் இருந்த கடைக்குள் அடைத்து வைக்கப்பட்டிருந்ததாக கூறப்படுகிறது. கடைக்குள் இருந்து இவரது அலறல் சத்தம் கேட்டு, அருகிலிருந்தவர்கள்  கதவைத்  திறந்து  பார்த்தனர். அப்போது அங்கு இவர் பலத்த காயத்துடன் கிடந்தது தெரியவந்தது. இதையடுத்து அவரை மீட்டு ராமநாதபுரம் தலைமை அரசு மருத்துவமனையில் சிகிச்சைக்காக அனுமதித்தனர். பின்னர் மேல் சிகிச்சைக்காக மதுரை தனியார் மருத்துவமனைக்கு கொண்டு செல்லப்பட்டார். 
இச்சம்பவம் குறித்து கேணிக்கரை போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/14/ராமநாதபுரத்தில்-ஆசிரியருக்கு-அரிவாள்-வெட்டு-3019761.html
3019760 மதுரை ராமநாதபுரம் பரமக்குடி செந்திலாண்டவர் கோயிலில் மண்டல பூஜை DIN DIN Sunday, October 14, 2018 01:25 AM +0530 ராமநாதபுரம் மாவட்டம்  பரமக்குடி முத்தாலம்மன் கோயில் படித்துறைத் தெருவில் அமைந்துள்ள  சக்திக்குமரன்  செந்திலாண்டவர்  ஆலயத்தில்  நடந்த    மகா கும்பாபிஷேகத்தைத் தொடர்ந்து சனிக்கிழமை மண்டல பூஜை நிகழ்ச்சிகள் தொடங்கின.
இக் கோயிலில் கடந்த ஆகஸ்ட்  29 ஆம் தேதி மகா கும்பாபிஷேகம் நடந்தது. இதன் தொடர்ச்சியாக மண்டல பூஜை விழா சனிக்கிழமை தொடங்கியது. விழாவை முன்னிட்டு அனுக்கை பூஜை, விக்னேசுவர பூஜை, 108 கலச பூஜை  ஆகியன நடந்தன. 
இதைத் தொடர்ந்து ஞாயிற்றுக்கிழமை  முருகப்பெருமானுக்கு 108 சங்காபிஷேகமும், கும்ப கலச அபிஷேகமும்,சிறப்பு தீபாராதனைகளும் நடைபெறுகிறது. யாகசாலை பூஜைகளை மேலக்கொடுமலூர் குமரய்யா கோயில் பூஜகர்கள் என்.நவநீதக்குருக்கள், மு.ஸ்ரீதர்க்குருக்கள் ஆகியோர் நடத்தினர். 
மண்டல பூஜைக்கான ஏற்பாடுகளை கோயில் நிர்வாக அறங்காவலர் சுப.இலக்குமணன் தலைமையில் அறங்காவலர் குழுவினர், செந்திலாண்டவர் மிதிவண்டிப் பயணக் குழுவினர் ஆகியோர் செய்திருந்தனர்.

]]>
http://www.dinamani.com/all-editions/edition-madurai/ramanathapuram/2018/oct/14/பரமக்குடி-செந்திலாண்டவர்-கோயிலில்-மண்டல-பூஜை-3019760.html
3019759 மதுரை ராமநாதபுரம் புரட்டாசி கடைசி சனி விழா: பெருமாள் கோயில்களில் பக்தர்கள் வழிபாடு DIN DIN Sunday, October 14, 2018 01:24 AM +0530 புரட்டாசி கடைசி சனிக்கிழமையை முன்னிட்டு ராமநாதபுரம், மானாமதுரை உள்ளிட்ட பகுதிகளில் உள்ள பெருமாள் கோயில்களில் ஆயிரக்கணக்கான பக்தர்கள் சுவாமி தரிசனம் செய்தனர்.
ராமநாதபுரம் அருகேயுள்ள சக்கரவாளநல்லூரில் பெருந்தேவி நாயிகா சமேத ஆதிகேசவப் பெருமாள் கோயிலில் புரட்டாசி மாத கடைசி சனிக்கிழமையை முன்னிட்டு பெருமாளுக்கு சிறப்பு அபிஷேகமும், தீபாராதனைகளும் நடந்தன. பெருமாள் திருப்பதி அலங்காரத்தில் பக்தர்களுக்கு காட்சியளித்தார். இதில் ஏராளமான பக்தர்கள் சுவாமி தரிசனம் செய்தனர். 
ராமேசுவரம்: ராமேசுவரம் ராமநாதசுவாமி கோயிலில் புரட்டாசி கடைசி சனிக்கிழமையையொட்டி தங்க கருட வாகனத்தில் ராமர், சீதை,லெட்சுமணன் மற்றும் அனுமனுக்கு சிறப்பு பூஜைகள் செய்யப்பட்டன. இதனைத்தொடர்ந்து, ராமநாதசுவாமி கோயில் பேஸ்கார்கள் அண்ணாத்துரை, கலைச்செல்வன் தலைமையில் தனுஷ்கோடிக்கு செல்லும் வழியில் உள்ள கோதண்டராமர் ஆலயத்தில் எழுந்தருளும் நிகழ்ச்சி நடைபெற்றது.  காலையில் ராமநாதசுவாமி கோயிலில் புறப்பட்ட சுவாமி மாலையில் மீண்டும் கோயிலுக்கு திரும்பியது. இந்த நிகழ்ச்சியில் பக்தர்கள் ஏராளமானோர் கலந்துகொண்டனர்.
மானாமதுரை:  மானாமதுரை வீரழகர் கோயிலில் அதிகாலை நடைதிறக்கப்பட்டு மூலவர் சுந்தரராஜப் பெருமாளுக்கும், சௌந்திரவல்லித் தாயாருக்கும் திருமஞ்சனம் நடைபெற்று வெள்ளிக்கவசம் அலங்காரம் செய்யப்பட்டது. அதன்பின் உற்சவருக்கு திருமஞ்சனம் நடத்தப்பட்டு சுவாமி ஸ்ரீ தேவி பூதேவி சமேதமராய் கோயில் மண்டபத்தில் அலங்காரத்தில் எழுந்தருளினார்.  இதனைத்தொடர்ந்து இக்கோயிலில் உள்ள வீர ஆஞ்சநேயருக்கு அபிஷேகம் நடத்தப்பட்டது.  திரளான பக்தர்கள் கோயிலுக்கு வந்து சுவாமி தரிசனம் செய்தனர். 
புரட்சியார் பேட்டையில் அமைந்துள்ள தியாக விநோதப் பெருமாள் கோயிலில் மூலவருக்கும் உற்சவருக்கும் அபிஷேகம் நடத்தப்பட்டு பெருமாள் சிறப்பு அலங்காரத்தில் எழுந்தருளி அருள்பாலித்தார். மேட்டுத்தெரு பகுதியில் அமைந்துள்ள அப்பன் ஸ்ரீனிவாசப் பெருமாள் கோயிலிலும் பெருமாளுக்கு சிறப்பு பூஜைகள் நடத்தப்பட்டன. 
மேலும்  பூர்ண சக்கர விநாயகர் கோயிலில் உள்ள ஆஞ்சநேயர் சன்னதி, வைகை ஆற்றுப்பாலம் அருகேயுள்ள ஜெயவீர ஆஞ்சநேயர் கோயில், பிருந்தாவனம் தெரு ஆஞ்சநேயர் கோயில்களில் சுவாமிக்கு அபிஷேகம் நடத்தி வடை மாலை அலங்காரம் செய்யப்பட்டு சிறப்பு பூஜைகள் நடந்தன. 
மானாமதுரை அருகே வேம்பத்தூர் கிராமத்திலுள்ள பூமிநீளா பெருமாள் கோயிலில் மூலவருக்கும், உற்சவருக்கும் ஆஞ்சநேயர் சுவாமிக்கும் அபிஷேகம் நடத்தி சிறப்பு அலங்காரம் செய்து பூஜைகள், தீபாராதனைகள் நடைபெற்றன. 

]]>
http://www.dinamani.com/all-editions/edition-madurai/ramanathapuram/2018/oct/14/புரட்டாசி-கடைசி-சனி-விழா-பெருமாள்-கோயில்களில்-பக்தர்கள்-வழிபாடு-3019759.html
3019305 மதுரை ராமநாதபுரம் மேல்நிலை குடிநீர்த்தொட்டி சேதம் கிராம மக்கள் அச்சம் DIN DIN Saturday, October 13, 2018 08:06 AM +0530 முதுகுளத்தூர் அருகே தட்டனேந்தல் கிராமத்தில் மேல்நிலை நீர்த்தேக்கத்  தொட்டி சேதமடைந்து இடிந்து விழும் நிலையில் உள்ளதால் கிராம மக்கள் அச்சத்தில் உள்ளனர்.
முதுகுளத்தூர் வட்டம் விளங்குளத்தூர் ஊராட்சிக்குட்பட்ட தட்டனேந்தல் கிராமத்தில் 1992 ஆம் ஆண்டு ரூ.3 லட்சம் மதிப்பில் மேல்நிலை நீர்த்தேக்கத் தொட்டி கட்டப்பட்டது. 30 ஆயிரம் லிட்டர் கொள்ளளவு கொண்ட இத்தொட்டியை கடந்த 2013-2014 ஆம் ஆண்டில் ஊராட்சி நிதியில் மராமத்து செய்துள்ளனர். இத்தொட்டி தற்போது சேதமடைந்து இடிந்து விழும் நிலையில் உள்ளது. எப்போது விழுமோ என கிராம மக்கள் அச்சத்துடன் செல்கின்றனர்.  ஊரின் பிரதான சாலையில் அமைந்துள்ள தொட்டியை இடித்துவிட்டு புதிய தொட்டி கட்டுமாறு கிராமத்தினர் கோரிக்கை விடுத்துள்ளனர்.  இது தொடர்பாக அதிகாரிகளிடம் பலமுறை மனு வழங்கியும் இதுவரை எந்த நடவடிக்கையும் எடுக்கவில்லை. எனவே கிராம மக்கள் நலன் கருதி அதிகாரிகள் நடவடிக்கை எடுக்க வேண்டும்.
 

]]>
http://www.dinamani.com/all-editions/edition-madurai/ramanathapuram/2018/oct/13/மேல்நிலை-குடிநீர்த்தொட்டி-சேதம்கிராம-மக்கள்-அச்சம்-3019305.html
3019304 மதுரை ராமநாதபுரம் உலக பெண் குழந்தைகள் தின சிறப்பு முகாம் DIN DIN Saturday, October 13, 2018 08:06 AM +0530 கமுதியில் ஒருங்கிணைந்த குழந்தைகள் வளர்ச்சி பணி திட்டத்தின் சார்பில் உலக பெண் குழந்தைகள் தின சிறப்பு முகாம் வியாழக்கிழமை நடைபெற்றது.  
கமுதி ஊராட்சி ஒன்றிய அலுவலக வளாகத்தில் மாவட்ட திட்ட இயக்குநர் கெட்சி லீமா அமாலினி தலைமையில், மாவட்ட குழந்தைகள் வளர்ச்சி பணி திட்ட அலுவலர் கிருஷ்ணவேணி, கமுதி ஊராட்சி ஒன்றிய ஆணையாளர்கள் தங்கப்பாண்டியன், வீரராகவன், வட்டார குழந்தைகள் வளர்ச்சிப் பணிகள் திட்ட அலுவலர் ரெத்தினகுமாரி ஆகியோரது முன்னிலையில் இம்முகாம் நடைபெற்றது. 
இந்நிகழ்ச்சியில் கடந்த செப்டம்பர் முதல் அக்டோபர் வரை இலவசமாக தையல், வாழ்க்கை கல்வி, சுகாதாரம் உள்ளிட்ட பயிற்சிகள் வழங்கப்பட்ட 11 வயது முதல் 18 வயதான 30 பெண்களுக்கு   சான்றிதழ்கள் வழங்கப்பட்டன. முகாமில் கமுதியை சுற்றியுள்ள பகுதிகளில் இருந்து 500 க்கும் மேற்பட்ட பெண்கள், சத்துணவு பணியாளர்கள், குழந்தைகள் பங்கேற்றனர். வட்டார மேற்பார்வையாளர் எலிசபெத் ராணி நன்றி கூறினார்.

]]>
http://www.dinamani.com/all-editions/edition-madurai/ramanathapuram/2018/oct/13/உலக-பெண்-குழந்தைகள்-தின-சிறப்பு-முகாம்-3019304.html
3019303 மதுரை ராமநாதபுரம் சேதுபதி மன்னர்களின்  கோட்டைகள் புகைப்படக் கண்காட்சி  DIN DIN Saturday, October 13, 2018 08:05 AM +0530 ராமநாதபுரம் அருகே திருப்புல்லாணியில் உள்ள சுரேஷ் சுதா அழகன் நினைவு அரசு மேல்நிலைப் பள்ளியில் சேதுபதி மன்னர்கள் காலத்தில் கட்டப்பட்ட கோட்டைகளின் புகைப்பட கண்காட்சி வியாழக்கிழமை நடைபெற்றது.
கண்காட்சியை பள்ளியின் தொன்மைப் பாதுகாப்பு மன்ற பொறுப்பாசிரியர் வே.ராஜகுரு திறந்து வைத்தார். 
இதில் செங்கமடை, ஆறுமுகக்கோட்டை, கமுதி, ராமநாதபுரம் கோட்டை, திருமயம், திருப்புல்லாணி ஆகிய  ஊர்களில் உள்ள சேதுபதி மன்னர்களால் கட்டப்பட்ட கோட்டைகளின் புகைப்படங்கள், வரலாற்று குறிப்புகள் இடம் பெற்றிருந்தன. 
கோட்டைகள் பற்றிய தகவல்களை பார்வையாளர்களுக்கு பள்ளி மாணவ, மாணவியர் எடுத்துக் கூறினர்.  மாணவி வி.டோனிகா நன்றி கூறினார். ஏற்பாடுகளை பள்ளி ஆசிரியர்கள் செய்திருந்தனர்.

]]>
http://www.dinamani.com/all-editions/edition-madurai/ramanathapuram/2018/oct/13/சேதுபதி-மன்னர்களின்--கோட்டைகள்-புகைப்படக்-கண்காட்சி-3019303.html
3019302 மதுரை ராமநாதபுரம் பரமக்குடி கல்வி மாவட்ட  தடகளப் போட்டிகள் DIN DIN Saturday, October 13, 2018 08:05 AM +0530 பரமக்குடி ஆர்.எஸ். அரசு ஆண்கள் மேல்நிலைப் பள்ளி விளையாட்டு மைதானத்தில் கல்வி மாவட்ட அளவிலான தடகளப் போட்டிகள் வியாழக்கிழமை நடைபெற்றன.
 ராமநாதபுரம் மாவட்ட முதன்மைக் கல்வி அலுவலர் ஆர்.முருகன் ஆலோசனையின் பேரில் நயினார்கோவில் அரசு மேல்நிலைப் பள்ளி சார்பில் புதன், வியாழன் ஆகிய இரு நாள்கள் இப்போட்டிகள் நடத்தப்பட்டன. 
போட்டியை அப்பள்ளியின் தலைமையாசிரியை அமுதா தலைமையேற்று துவக்கி வைத்தார். அரசு ஆண்கள் மேல்நிலைப் பள்ளி தலைமையாசிரியர் பாரதிராஜா, எமனேசுவரம் அரசு மேல்நிலைப் பள்ளி உடற்கல்வி இயக்குநர் ராஜசேகர் ஆகியோர் முன்னிலை  வகித்தனர். 
நயினார்கோவில் பள்ளி உடற்கல்வி இயக்குநர் மகேஷ்ராணி வரவேற்றார்.  
நீளம் தாண்டுதல், உயரம் தாண்டுதல், குண்டு எறிதல், வட்டு எறிதல், 100 மீட்டர் மூதல் 3 ஆயிரம் மீட்டர் வரையிலான ஓட்டப்போட்டிகள், தடை தாண்டுதல், தொடர் ஓட்டம் ஆகிய போட்டிகள் 14, 17 மற்றும் 19 வயதுக்குள்பட்ட பிரிவுகளின் கீழ் நடைபெற்றன. 
இதில் கல்வி மாவட்டத்தில் உள்ள 44 பள்ளிகளைச் சேர்ந்த 250 மாணவர்களும், 217 மாணவிகளும் கலந்துகொண்டனர். போட்டிகளில் வெற்றிபெற்ற மாணவ-மாணவிகளுக்கு மாவட்ட உடற்கல்வி ஆய்வாளர் கே.வசந்தி சான்றிதழ்கள் வழங்கி பாராட்டினார். 
 

]]>
http://www.dinamani.com/all-editions/edition-madurai/ramanathapuram/2018/oct/13/பரமக்குடி-கல்வி-மாவட்ட--தடகளப்-போட்டிகள்-3019302.html
3019301 மதுரை ராமநாதபுரம் மலட்டாறு வரத்துக் கால்வாய் பாலத்தை சீரமைக்கக் கோரிக்கை DIN DIN Saturday, October 13, 2018 08:05 AM +0530 கமுதி அருகே வரத்து கால்வாய் பாலம் சேதமடைந்துள்ளதால் மழைநீர் கண்மாய்களுக்கு செல்வதில் சிக்கல் ஏற்பட்டுள்ளது. எனவே அதை சீரமைக்க கோரிக்கை விடுக்கப்பட்டுள்ளது
   கமுதி அருகே பாக்குவெட்டி பாலத்திலிருந்து ஆனையூர் விலக்கு  சாலை வழியாக கிடாத்திருக்கை, கொண்டுலாவி, இலந்தைகுளம், கள்ளிக்குளம் ஆகிய கிராமங்களுக்கு சாலையின் குறுக்கே அமைக்கப்பட்டுள்ள பாலம் வழியாக மழை நீர் செல்லும் மலட்டாறு வரத்து கால்வாய் பல ஆண்டுகளாக மராமத்து செய்யப்படாமல் தூர்ந்து, சீமைக் கருவேல மரங்கள் அடர்ந்து வளர்ந்து புதர்மண்டி, காடு போல் காட்சியளிக்கிறது. 
இதனால் சாலையின் குறுக்கே அமைக்கப்பட்டுள்ள மலட்டாறு வரத்து கால்வாய் பாலத்தில் விரிசல் ஏற்பட்டு இடிந்து விழும் நிலையில் உள்ளது. இந்த பாலத்தின் கட்டுமானம் இடிந்து விழுந்தால் விபத்து ஏற்படுவதோடு, போக்குவரத்து பாதிக்கப்பட்டு மழை காலங்களில் கண்மாய்களுக்கு தண்ணீர் செல்வதில் தடை ஏற்படும். 
எனவே மாவட்ட நிர்வாகம் தலையிட்டு  சேதமடைந்து இடிந்து விழும் வரத்து கால்வாய் பாலத்தை சீரமைக்க நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.

]]>
http://www.dinamani.com/all-editions/edition-madurai/ramanathapuram/2018/oct/13/மலட்டாறு-வரத்துக்-கால்வாய்பாலத்தை-சீரமைக்கக்-கோரிக்கை-3019301.html
3019300 மதுரை ராமநாதபுரம் வல்லந்தை கூட்டுக் குடிநீர் திட்டம் முடக்கம் DIN DIN Saturday, October 13, 2018 08:04 AM +0530 கமுதி அருகே கூட்டு குடிநீர் திட்டம் செயல்படாமல் முடக்கப்படுள்ளதால் குடிநீரின்றி 10- க்கும் மேற்பட்ட கிராம மக்கள் தவித்து வருகின்றனர்.
கமுதி அருகே எழுவனூர், கல்லத்திகுளம், மீட்டாங்குளம், இ.நெடுங்குளம், சிலிப்பி, பிரப்பனார்பட்டி, பூலாங்குளம், கூடலூரணி, இலந்தைகுளம், போத்தநதி, கூடக்குளம், பள்ளிமூட்டை, புத்துருத்தி, வலையமணக்குளம், காக்குடி, கீழநரியன், தீர்த்தான்அச்சங்குளம், கீழக்காக்காகுளம் உள்பட 10-க்கும் மேற்பட்ட கிராமங்களுக்கு வல்லந்தை கூட்டுக் குடிநீர் திட்ட நீரேற்றும் நிலையத்திலிருந்து குழாய் வழியாக குடிநீர் விநியோகம் செய்யப்படுகிறது.   கடந்த ஒன்றரை ஆண்டுகளாக இத் திட்டம் முடக்கப்பட்டதால், 10 கிராமங்களுக்கு குடிநீர் விநியோகம் இல்லாமல், விவசாயத்திற்கு பயன்படுத்தும் உவர்ப்பு நீரை பயன்படுத்தும் அவலம் ஏற்பட்டுள்ளது.   
இதனால் டேங்கர் லாரிகளுக்காக பொதுமக்கள், காலி குடங்களுடன் காத்திருக்கும் அவலம் உள்ளது. எனவே மாவட்ட நிர்வாகம் தலையிட்டு வல்லந்தை நீரேற்றும் நிலையத்தை பயன்பாட்டுக்கு கொண்டுவந்து ராட்சத தொட்டி, சேதமடைந்த இயந்திரங்களை சீரமைத்து கிராம மக்களின் குடிநீர் தேவையை பூர்த்தி செய்ய நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.
 

]]>
http://www.dinamani.com/all-editions/edition-madurai/ramanathapuram/2018/oct/13/வல்லந்தை-கூட்டுக்-குடிநீர்-திட்டம்-முடக்கம்-3019300.html
3019299 மதுரை ராமநாதபுரம் திறன் மேம்பாட்டு பயிற்சிக்கு விண்ணப்பிக்கலாம் DIN DIN Saturday, October 13, 2018 08:04 AM +0530 திறன் மேம்பாட்டு பயிற்சி பெற விரும்புவோர்  விண்ணப்பிக்கலாம் என முதுகுளத்தூரில் நடைபெற்ற ஆள்சேர்ப்பு முகாமில் தெரிவிக்கப்பட்டது.
முதுகுளத்தூர் ஊராட்சி ஒன்றிய அலுவலகத்தில் தமிழ்நாடு வேலை வாய்ப்பு மற்றும் பயிற்சித்துறை திறன் மேம்பாட்டு பயிற்சிக்கான ஆள் சேர்ப்பு முகாம் வியாழக்கிழமை நடைபெற்றது.  இம்முகாமிற்கு மாவட்ட வேலை வாய்ப்பு அலுவலர் சீனிவாசன் தலைமை வகித்தார். ஆணையாளர் கணேஷ் பாபு, வட்டார வளர்ச்சி அலுவலர் சாவித்ரி, இளநிலை வேலை வாய்ப்பு அலுவலர் முத்துமருது ஆகியோர் முன்னிலை வகித்தனர். 
நிகழ்ச்சியில் திறன் மேம்பாட்டு கழகம் வழங்கும் பயிற்சி நிர்வாகி குமாரசாமி கூறியது:  33-க்கும் மேற்பட்ட முன்னணி தொழில் நிறுவனங்களில் திறன் பயிற்சி இலவசமாக அளிக்கப்படுகிறது. 5 ஆம் வகுப்பு முதல் பட்டப்படிப்பு முடித்தவர்கள் வரை நிலைக்கு ஏற்றவாறு வேலை வாய்ப்பும்,  பயிற்சி பெறும் இளைஞர்களுக்கு போக்குவரத்து நிதி உதவியாக நாள் ஒன்றுக்கு ரூ.100 ம் வழங்கப்படுகிறது. பயிற்சியில் சேர்வதற்கான தகவல் மற்றும் விண்ணப்பங்களை மாவட்ட வேலைவாய்ப்பு அலுவலகங்கள் மற்றும் அருகில் உள்ள அரசு தொழில்பயிற்சி நிலையங்களையும் தொடர்பு கொள்ளலாம்.
வாரந்தோறும் வெள்ளிக்கிழமை பெண்களுக்கு மட்டும் தனியார் வேலை வாய்ப்பு முகாம் நடத்தப்படுகிறது. இதில் பெண்கள் கலந்துகொண்டு பயன் பெறலாம் என்றார்.  இளநிலை வேலை வாய்ப்பு அலுவலர் சுந்தரலிங்கம் நன்றி கூறினார்.

]]>
http://www.dinamani.com/all-editions/edition-madurai/ramanathapuram/2018/oct/13/திறன்-மேம்பாட்டு-பயிற்சிக்கு-விண்ணப்பிக்கலாம்-3019299.html
3019298 மதுரை ராமநாதபுரம் ராமநாதபுரத்தில் இன்று சிறப்பு கிராமசபைக் கூட்டம் DIN DIN Saturday, October 13, 2018 08:03 AM +0530 ராமநாதபுரம் மாவட்டத்தில் உள்ள அனைத்து ஊராட்சிகளிலும் சனிக்கிழமை (அக்.13) வாக்காளர் பட்டியல் குறித்த சிறப்பு கிராமசபைக் கூட்டம் நடைபெற உள்ளது.
இதுதொடர்பாக மாவட்ட நிர்வாகம்  வெள்ளிக்கிழமை வெளி யிட்டுள்ள           செய்திக் குறிப்பு: ராமநாதபுரம் மாவட்டத்தில் உள்ள அனைத்து ஊராட்சிகளிலும்  சனிக்கிழமை கிராமசபைக் கூட்டம் நடைபெறுகிறது. இக்கூட்டத்தில் வாக்காளர் பட்டியல் குறித்த விவரங்கள் பொதுமக்களுக்கு வாசித்துக் காட்டப்படும். இளம் வாக்காளர்கள் மற்றும் விடுபட்ட வாக்காளர்களை சேர்க்கவும்,  வாக்காளர் பட்டியலில் திருத்தங்கள் மற்றும் நீக்கம் செய்யவும்  ஞாயிற்றுக்கிழமை அனைத்து வாக்குச்சாவடிகளிலும் சிறப்பு முகாம் நடைபெறுகிறது. இவ்விரு நிகழ்வுகளையும் பொதுமக்கள் அனைவரும் பயன்படுத்திக் கொள்ள வேண்டும் என செய்திக்குறிப்பில் தெரிவிக்கப்பட்டுள்ளது.

]]>
http://www.dinamani.com/all-editions/edition-madurai/ramanathapuram/2018/oct/13/ராமநாதபுரத்தில்-இன்று-சிறப்பு-கிராமசபைக்-கூட்டம்-3019298.html
3019297 மதுரை ராமநாதபுரம் மந்தை பிடாரி அம்மன் கோயில் புரட்டாசி பொங்கல் விழா DIN DIN Saturday, October 13, 2018 08:03 AM +0530 முதுகுளத்தூர் மந்தைபிடாரி அம்மன் கோயில் புரட்டாசி பொங்கல் விழா வெள்ளிக்கிழமை நடைபெற்றது.
இந்நிகழ்ச்சியைத் தொடர்ந்து காலையில் பெண்கள் பொங்கல் வைத்து, மாவிளக்கு எடுத்து தங்களது நேர்த்திக்கடனை செலுத்தினர். பின்னர் அம்மனுக்கு சிறப்பு அபிஷேகங்கள், பல்வேறு பூஜைகள் மற்றும் தீபாராதனைகள் நடைபெற்றன. 
மாலையில் கந்தசாமிபுரத்தில் இருந்து தேரிருவேலி முனை சாலை வழியாக பேருந்து நிலையத்தில் அமைந்துள்ள  சுந்தரலிங்கனார் முழு உருவச்சிலைக்கு பெண்கள் ஊர்வலமாகச் சென்று மாலை அணிவித்து மரியாதை செலுத்தினர். 

]]>
http://www.dinamani.com/all-editions/edition-madurai/ramanathapuram/2018/oct/13/மந்தை-பிடாரி-அம்மன்-கோயில்புரட்டாசி-பொங்கல்-விழா-3019297.html
3019296 மதுரை ராமநாதபுரம் அதிமுக பிரமுகருக்கு அரிவாள் வெட்டு DIN DIN Saturday, October 13, 2018 08:03 AM +0530 ராமநாதபுரம் மாவட்டம் சாயல்குடியில் வெள்ளிக்கிழமை அதிமுக பிரமுகரை அரிவாளால் வெட்டி விட்டு மர்ம நபர்கள் தப்பியோடிவிட்டனர்.
சாயல்குடி அருகே பெரியகுளம் கிராமத்தைச் சேர்ந்தவர் எம்.பி. பாண்டியன். அதிமுக பிரமுகர். இவர் சாயல்குடி பிரதான கடைத் தெருவில்  இருசக்கர வாகன விற்பனை ஏஜென்சி நடத்தி வருகிறார். இந்நிலையில் வெள்ளிக்கிழமை மாலையில் கடையில் இருந்த பாண்டியனை மர்ம நபர்கள் அரிவாளால் வெட்டி விட்டு தப்பியோடி விட்டனர். இதில் காயமடைந்த அவரை, அருகில் இருந்தவர்கள் மீட்டு சாயல்குடி அரசு மருத்துவமனைக்கு கொண்டு சென்று, பின் மேல்சிகிச்சைக்காக ராமநாதபுரம் அரசு மருத்துவமனைக்கு கொண்டு சென்றனர். இதுகுறித்து சாயல்குடி காவல் ஆய்வாளர்  ஜோக்கிம் ஜெரி தலைமையிலான போலீஸார் விசாரித்து வருகின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/13/அதிமுக-பிரமுகருக்கு-அரிவாள்-வெட்டு-3019296.html
3019295 மதுரை ராமநாதபுரம் கமுதி அருகே ஆட்டோ மோதிய விபத்தில் விவசாயி சாவு DIN DIN Saturday, October 13, 2018 08:02 AM +0530 கமுதி அருகே இருசக்கர வாகனம் மீது ஆட்டோ மோதிய விபத்தில் வெள்ளிக்கிழமை விவசாயி பலியானர்.
கமுதி அருகே டி.எம்.கோட்டையை சேர்ந்த விவசாயி சோலைராஜ்  (68). இவர் தனது உறவினருமான இருளப்பராஜ் உடன் இருசக்கர வாகனத்தில் பெருநாழி சென்றுவிட்டு வீடு திரும்பினர். 
அப்போது சாயல்குடி அருகே தனியார் பள்ளியைச் சேர்ந்த பயணிகள் ஆட்டோ இருசக்கர வாகனம் மீது மோதியது. இதில் சம்பவ இடத்திலேயே விவசாயி சோலைராஜ் உயிரிழந்தார். 
மற்றொரு விவசாயி இருளப்பராஜ் காயமடைந்து, அருப்புக்கோட்டை அரசு மருத்துவமனையில் சிகிச்சைக்காக அனுமதிக்கபட்டுள்ளார். 
இந்த விபத்து குறித்து பெருநாழி போலீஸார் வழக்குப்பதிந்து விசாரித்து வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/13/கமுதி-அருகே-ஆட்டோ-மோதியவிபத்தில்-விவசாயி-சாவு-3019295.html
3019294 மதுரை ராமநாதபுரம் முதுகுளத்தூரில் பள்ளி மாணவி விஷம் குடித்து தற்கொலை முயற்சி DIN DIN Saturday, October 13, 2018 08:02 AM +0530 முதுகுளத்தூரில் தனியார் பள்ளி மாணவி வெள்ளிக்கிழமை விஷம் குடித்து தற்கொலைக்கு முயற்சி செய்தார்.
ராமநாதபுரம் மாவட்டம் முதுகுளத்தூர் அருகே எம்.சாலை கிராமத்தை சேர்ந்த 17 வயது மாணவி.  இவர் தேரிருவேலியில் உள்ள தனியார் பள்ளியில் 11ஆம் வகுப்பு படித்து வருகிறார். 
மன அழுத்தத்தில் இருந்த மாணவி, பள்ளியின் மதிய உணவு இடைவேளை நேரத்தில் விஷம் குடித்தாக தன்னுடன் பயி லும் சக மாணவிகளிடம் கூறிவிட்டு வகுப்பறைக்குள் மயங்கி விழுந்துள்ளார். மயக்கமடைந்த நிலையில் 
இருந்த அவரை, ஆசிரியர்கள் முதுகுளத்தூர் அரசு மருத்துவமனையில் சிகிச்சைகாக சேர்த்தனர்.  பின்னர் மாணவியின் பெற்றோர் மேல் சிகிச்சைகாக, அவரை ராமநாதபுரம் அரசு மருத்துவமனைக்கு சிகிச்சைக்கு கொண்டு சென்றனர். 

]]>
http://www.dinamani.com/all-editions/edition-madurai/ramanathapuram/2018/oct/13/முதுகுளத்தூரில்-பள்ளி-மாணவி-விஷம்-குடித்து-தற்கொலை-முயற்சி-3019294.html
3019293 மதுரை ராமநாதபுரம் நான்கு நகரங்களுக்கு எச்.டி.கேபிள் சேவை விரிவாக்கம் DIN DIN Saturday, October 13, 2018 08:02 AM +0530 நான்கு நகரங்களுக்கு உயர்தர தொழில்நுட்ப (எச்.டி.) கேபிள் தொலைக்காட்சி சேவை விரிவாக்கம் செய்யப்படும் என்று தமிழக அரசு அறிவித்துள்ளது.
   இது குறித்து அரசு கேபிள் தொலைக்காட்சி நிறுவனம் வியாழக்கிழமை வெளியிட்ட அறிவிப்பு:-அரசு கேபிள் தொலைக்காட்சி நிறுவனம் சார்பில், சென்னை, கோவை, சேலம், மதுரை, திருச்சி ஆகிய ஐந்து நகரங்களில் உயர்தர தொழில்நுட்பத்துடன் கூடிய கேபிள் தொலைக்காட்சி சேவை வழங்கப்பட்டு வருகிறது.
இப்போது, தஞ்சாவூர், கிருஷ்ணகிரி, காரைக்குடி, ராமநாதபுரம் ஆகிய 4 பகுதிகளுக்கு விரிவுபடுத்தப்பட்டுள்ளது. எச்.டி. ஒளிபரப்பில் 380 சாதாரண வகை சேனல்களும், 45 உயர்தர தொழில்நுட்பச் சேனல்களும் சேர்த்து மொத்தம் 425  சேனல்கள் அளிக்கப்படும்.
   எச்.டி. சேனல்களுக்கான மாதக் கட்டணம் ரூ.225 ஆகும். இதனுடன் ஜி.எஸ்.டி. கட்டணமும் உண்டு. எச்.டி., ஒளிபரப்பு சேவையைப் பெற விரும்புவோர் தங்கள் பகுதியில் உள்ள உள்ளூர் கேபிள் ஆப்பரேட்டரை அணுகி ரூ.500 செலுத்தி எச்.டி. செட்டாப் பாக்ஸ்களை பெற்றுக் கொள்ளலாம் என்று அரசு கேபிள் தொலைக்காட்சி நிறுவனம் அறிவித்துள்ளது.
 

]]>
http://www.dinamani.com/all-editions/edition-madurai/ramanathapuram/2018/oct/13/நான்கு-நகரங்களுக்கு-எச்டிகேபிள்-சேவை-விரிவாக்கம்-3019293.html
3019292 மதுரை ராமநாதபுரம் ராமநாதபுரம் மாவட்ட  ரஜினி மக்கள் மன்ற செயலர் நியமனம் DIN DIN Saturday, October 13, 2018 08:01 AM +0530 ராமநாதபுரம் மாவட்டத்தில் ரஜினி மக்கள் மன்றத்தின் புதிய மாவட்டச் செயலாளராக  கே.செந்தில் செல்வானந்த்  நியமிக்கப்பட்டுள்ளார். அவருக்கு  மக்கள் மன்ற நிர்வாகிகள் உள்பட பலர் வாழ்த்து தெரிவித்தனர்.

]]>
http://www.dinamani.com/all-editions/edition-madurai/ramanathapuram/2018/oct/13/ராமநாதபுரம்-மாவட்ட-ரஜினி-மக்கள்-மன்ற-செயலர்-நியமனம்-3019292.html
3019291 மதுரை ராமநாதபுரம் பாஜக பூத் கமிட்டி கூட்டம் DIN DIN Saturday, October 13, 2018 08:01 AM +0530 ராமநாதபுரம் சட்டப்பேரவைத் தொகுதிக்கான பாஜக பூத் கமிட்டி கூட்டம் வெள்ளிக்கிழமை ராமேசுவரத்தில் நடைபெற்றது. 
இந்த கூட்டத்திற்கு சட்ட மன்ற தொகுதி பொறுப்பாளர் கார்மேகம் தலைமை வகித்தார். மாவட்ட பொதுச்செயலாளர் குமார் முன்னிலை வகித்தார். சிறப்பு அழைப்பாளராக ஆகில பாரத விவசாய அணி செயற்றுகுழு உறுப்பினர் திருமலைச்சாமி, மாநில துணைத்தலைவர் சுப.நாகராஜன், ராமநாதன் உள்ளிட்ட நிர்வாகிகள் கலந்துகொண்டனர்.  
 

]]>
http://www.dinamani.com/all-editions/edition-madurai/ramanathapuram/2018/oct/13/பாஜக-பூத்-கமிட்டி-கூட்டம்-3019291.html
3019290 மதுரை ராமநாதபுரம் தூய்மை இந்தியா திட்ட விழிப்புணர்வு: முதுகுளத்தூர் வட்டார வளர்ச்சி அலுவலருக்கு ஆட்சியர் பாராட்டு DIN DIN Saturday, October 13, 2018 08:01 AM +0530 தூய்மை இந்தியா திட்டம் குறித்து சிறப்பாக விழிப்புணர்வு ஏற்படுத்தியதற்காக முதுகுளத்தூர் வட்டார வளர்ச்சி அலுவலருக்கு  மாவட்ட ஆட்சியர் கொ. வீரராகவராவ் பாராட்டு சான்றிதழ் மற்றும் கேடயம் வழங்கினார்.
 ராமநாதபுரம் மாவட்டத்தில் சிறப்பாக பணியாற்றிய அரசு அலுவலர்களை ஊக்குவிக்கும் வகையில் மாவட்ட ஆட்சியர் அலுவலகத்தில் புதன்கிழமை  ஆட்சியர் வீரராகவராவ் தலைமையில் பாராட்டு விழா நடைபெற்றது. 
இதில், முதுகுளத்தூர் ஒன்றியத்துக்கு உள்பட்ட 48 ஊராட்சிகளில்  உள்ள அனைத்து கிராமங்களிலும் தூய்மை இந்தியா திட்டப் பணிகள் குறித்த விழிப்புணர்வு ஏற்படுத்தியதற்காக முதுகுளத்தூர் வட்டார வளர்ச்சி அலுவலர் (ஊராட்சி) சாவித்ரியை மாவட்ட ஆட்சியர் வீரராகவராவ் பாராட்டி சான்றிதழ் மற்றும் கேடயம் வழங்கினார். 
நிகழ்ச்சியில் திட்ட இயக்குநர் கென்சிலீமா அமாலினி மற்றும் ஊராட்சி ஒன்றிய அலுவலர்கள் கலந்து கொண்டனர்.
 

]]>
http://www.dinamani.com/all-editions/edition-madurai/ramanathapuram/2018/oct/13/தூய்மை-இந்தியா-திட்ட-விழிப்புணர்வு-முதுகுளத்தூர்-வட்டார-வளர்ச்சி-அலுவலருக்கு-ஆட்சியர்-பாராட்டு-3019290.html
3018624 மதுரை ராமநாதபுரம் ராமநாதபுரம், சிவகங்கை மாவட்டங்களில் கோயில்களில் நவராத்திரி திருவிழா தொடக்கம் DIN DIN Friday, October 12, 2018 06:53 AM +0530 ராமநாதபுரம், சிவகங்கை மாவட்டங்களில் உள்ள  கோயில்களில் நவராத்திரி திருவிழா புதன்கிழமை தொடங்கியது.
ராமநாதபுரம் ஸ்ரீமுத்தாலம்மன் கோயிலில்... நவராத்திரி திருவிழா புதன்கிழமை காலையில் காப்புக்கட்டுதல் உற்சவத்துடன் தொடங்கியது. ஆலய வளாகத்தில் உள்ள தர்மதாவள விநாயகர் கோயில் மண்டபத்தில் கொலு பொம்மைகள் காட்சிக்கு வைக்கப்பட்டிருந்தன. 2  ஆவது நாளாக வியாழக்கிழமை முத்தாலம்மன் துர்க்கை அலங்காரத்தில் பக்தர்களுக்கு காட்சியளித்தார். இரவு பரமக்குடி ஜனனி மன்ற குழுவினரின் கதம்ப கலை நிகழ்ச்சிகள் நடைபெற்றன. வரும் 19 ஆம் தேதி மகிசாசூர மர்த்தினி அலங்காரத்தில் அம்மன் மகர்நோன்பு பொட்டலில் வன்னிகாசூரனை வதம் செய்யும் நிகழ்ச்சி நடைபெறுகிறது.
சௌபாக்கிய நாயகி சமேத ஆதிரெத்தினேசுவரர் கோயில்..நவராத்திரி விழா புதன்கிழமை காப்புக் கட்டுதல் உற்சவத்துடன் தொடங்கியது. இவ் விழா வரும் 19 ஆம் தேதியுடன்  நிறைவு  பெறுகிறது. ஆலயத்தில்  தினசரி  இரவு பல்வேறு கலைநிகழ்ச்சிகள் நடைபெறுகின்றன.19 ஆம் தேதி ஆலயத்திலிருந்து முருகப்பெருமான் மயில் வாகனத்தில் புறப்பாடாகி மகர்நோன்பு பொட்டலில் வன்னிகாசூரனை வதம் செய்யும் நிகழ்ச்சி நடைபெறுகிறது.விழாவிற்கான ஏற்பாடுகளை ராமநாதபுரம் ஆயிரவைசிய மகாஜன சபையின் தலைவர் பா.மோகன், கோயில் நிர்வாக அறங்காவலர் எஸ்.ஜெயக்குமார் மற்றும் நவராத்திரி விழாக்குழுவினரும் செய்து வருகின்றனர்.
ராஜராஜேஸ்வரி அம்மன் கோயிலில்...  நவராத்திரிக் கலைத் திருவிழா கடந்த 9 ஆம் தேதி மூலவருக்கு சிறப்பு அபிஷேகத்துடன் தொடங்கியது.கோவை காமாட்சிபுரி ஆதீனம் ஸ்ரீசிவலிங்கேசுவர சுவாமிகள் விழாவை தொடங்கி வைத்தார். அக். 10, 11 ஆகிய தேதிகளில் அரண்மனை வளாகத்தில் திருவிளக்கு பூஜை நடைபெற்றது. 
தினசரி அரண்மனை வளாகத்தில் இலக்கியச் சொற்பொழிவுகள், பட்டிமன்றங்கள் உள்ளிட்ட கலைநிகழ்ச்சிகள் நடைபெற உள்ளன. வரும் 19 ஆம் தேதி அம்மன் தங்கச்சிங்க வாகனத்தில் மகிசாசூர மர்த்தினி அலங்காரத்தில் மகர்நோன்பு பொட்டலுக்கு எழுந்தருளும் போது ராமநாதபுரம் நகரில் உள்ள 15- க்கும் மேற்பட்ட கோயிலைச் சேர்ந்த தெய்வங்களும் வெவ்வேறு வாகனங்களில் அலங்காரமாகி வீதியுலா வந்து வன்னிகாசூரனை வதம் செய்யும்  நிகழ்ச்சி நடைபெறுகிறது. 
ராமநாதபுரம் ராணி ஆர்.பி.கே.ராஜேஸ்வரி நாச்சியார் தலைமையில் கோயில் சமஸ்தானத்தின் நிர்வாக செயலாளர் கே.பழனிவேல்பாண்டியன், செயல் அலுவலர் எம்.ராமு ஆகியோர் விழாவிற்கான ஏற்பாடுகளை செய்து வருகின்றனர்.
ராமேசுவரம்: ராமேசுவரம் ராமநாதசுவாமி திருக்கோயில் பர்வதவர்த்தினி அம்பாளுக்கு நவராத்திரி திருவிழா புதன்கிழமை காப்பு கட்டுடன் தொடங்கியது. அம்பாள் சன்னத்தியில் உள்ள கொலு மண்டபத்தில் ஏராள பொம்மைகள் வைக்கப்பட்டு நவராத்திரி கொலு தொடங்கியது. புதன்கிழமை முதல் நாளான்று அன்னபூரணி அலங்காரத்தில் பக்தர்களுக்கு அம்மன் அருள்பாலித்தார்.  இதனையடுத்து, அக்னி தீர்த்தக்கரையில் உள்ள உஜ்ஜையினி அம்பாள் கோயிலில் நவராத்திரி திருவிழா காப்பு கட்டுடன் தொடங்கியது. இதே போன்று பத்திரகாளியம்மள், நம்புநாயகி அம்மன், தூக்கையம்மன், முத்துமாரியம்மன், என்ஸ்.கே. வீதியில் உள்ள ஸ்ரீதர்ம முனீஸ்வரர் ஆலயம் உள்ளிட்ட கோயில்களில் திருவிழா தொடங்கியது. நாள்தோறும் அம்பாளுக்கு சிறப்பு அலங்காரம் செய்து பூஜைகள் நடைபெறுகின்றன.
மானாமதுரை: சிவகங்கை மாவட்டம் மானாமதுரை, திருப்புவனம், இளையான்குடி ஆகிய பகுதிகளிலுள்ள கோயில்களில் நவராத்திரி விழா புதன்கிழமை தொடங்கியது.
மானாமதுரை புரட்சியார்பேட்டையில் அமைந்துள்ள தியாக விநோதப் பெருமாள் கோயிலில் நவராத்திரி விழாவை முன்னிட்டு கோயில் முன் மண்டபத்தில் கொலு அலங்காரம் செய்து வைக்கப்பட்டுள்ளது. அதன்பின் உற்சவர் பெருமாள் ஸ்ரீதேவி பூதேவி சமேதமாய் எழுந்தருளி வீதி உலா வந்தார். 
வேதியரேந்தல் விலக்கு பகுதியில் உள்ள மகா பஞ்சமுக பிரத்யங்கிரா தேவி கோயிலில் யாகசாலை மண்டபத்தில் கொலு அலங்காரம் செய்து வைக்கப்பட்டுள்ளது. மேலும் மானாமதுரை பகுதியில் அமைந்துள்ள பல்வேறு கோயிலிகளிலும் நவராத்திரி விழா தொடங்கியுள்ளது.
திருப்புவனம் புஷ்பவனேஸ்வரர் சமேத சௌந்திரநாயகி அம்மன் கோயிலில் நடைபெற்று வரும் நவராத்திரி விழாவில் தினமும் உற்சவர் சௌந்திரநாயகி அம்மன் பல அலங்காரங்களில் எழுந்தருளுகிறார்.
நரிக்குடி விலக்கு பகுதியில் அமைந்துள்ள மணிமந்திர விநாயகர் கோயிலில் கொலு அலங்காரம் வைக்கப்பட்டுள்ளது. இதைத் தொடர்ந்து விழா நாள்களில் தினமும்  இரவு வெவ்வேறு அலங்காரங்களில் விநாயகர் எழுந்தருள்கிறார்.
இதே போன்று இளையான்குடி பகுதியில் அமைந்துள்ள தாயமங்கலம் முத்துமாரியம்மன் கோயில், இளையான்குடி வாள்மேல் நடந்த அம்மன் கோயில்களிலும் நவராத்திரி விழா தொடங்கியது. இதை முன்னிட்டு ஏராளமான பக்தர்கள் கோயிலுக்கு வந்து கொலுவை பார்வையிட்டு சுவாமி தரிசனம் செய்து வருகின்றனர்.
 

]]>
http://www.dinamani.com/all-editions/edition-madurai/ramanathapuram/2018/oct/12/ராமநாதபுரம்-சிவகங்கை-மாவட்டங்களில்-கோயில்களில்-நவராத்திரி-திருவிழா-தொடக்கம்-3018624.html
3018623 மதுரை ராமநாதபுரம் ராமேசுவரத்தில் அறிவிக்கப்படாத  மின் தடையால் பொதுமக்கள் அவதி DIN DIN Friday, October 12, 2018 06:52 AM +0530 ராமேசுவரத்தில் அறிவிக்கப்படாத மின் தடை தொடருவதால் பொதுமக்கள், வணிகர்கள்  அவதிப்படுகின்றனர். 
   ராமேசுவரத்தில்  இரவு, பகல் என அடிக்கடி  மின் தடை  ஏற்படுகிறது. இதனால் பொதுமக்களும் சுற்றுலா பயணிகளும் மிகுந்த சிரமத்திற்கு ஆளாகி வருகின்றனர். மின்சார பயன்பாடு பொருள்களை பயன்படுத்த முடியாத நிலையில் பல்வேறு பணிகள் பாதிக்கப்படுகிறது. மாவட்ட நிர்வாகம் சுற்றுலா பகுதியான ராமேசுவரத்திற்கு முக்கியத்துவம் வழங்கி மின்சார தட்டுப்பாட்டை போக்கிட வேண்டும்  என பொதுமக்கள் கோரிக்கை விடுத்தனர்.
 

]]>
http://www.dinamani.com/all-editions/edition-madurai/ramanathapuram/2018/oct/12/ராமேசுவரத்தில்-அறிவிக்கப்படாத-மின்-தடையால்-பொதுமக்கள்-அவதி-3018623.html
3018622 மதுரை ராமநாதபுரம் பள்ளிக்கு சுற்றுச்சுவர் கட்ட கோரிக்கை DIN DIN Friday, October 12, 2018 06:52 AM +0530 கமுதி அருகே புதுக்கோட்டையில் உள்ள அரசு நடுநிலைபள்ளியில் 120 க்கும் மேற்பட்ட மாணவர்கள் படித்து வருகின்றனர். இப்பள்ளி கமுதி-சாயல்குடி பிராதான சாலை ஓரத்தில் அமைந்துள்ளது. இதனால் மாணவர்கள் பள்ளி சென்று, திரும்பும்போதும், விளையாட்டு நேரத்தில் பள்ளி அருகே விளையாடும்போதும் இவ்வழியாக இயக்கபடும் வாகனங்களால் விபத்து அபாயத்தில் சிக்கும் நிலை உள்ளது. 
எனவே மாணவர்களின் நலன்கருதி, பள்ளியில் சுற்றுசுவர் அமைக்க மாவட்ட நிர்வாகம் நடவடிக்கை எடுக்கவேண்டும் என அப்பகுதி மாணவர்களின் பெற்றோர்கள் கோரிக்கை வைத்துள்ளனர். 
 

]]>
http://www.dinamani.com/all-editions/edition-madurai/ramanathapuram/2018/oct/12/பள்ளிக்கு-சுற்றுச்சுவர்-கட்ட-கோரிக்கை-3018622.html
3018621 மதுரை ராமநாதபுரம் ராமநாதபுரத்தில் மின்சாரம் பாய்ந்து எலக்ட்ரீசியன் சாவு DIN DIN Friday, October 12, 2018 06:52 AM +0530 ராமநாதபுரம் வசந்த நகர் பகுதியில் வியாழக்கிழமை மின்சாரம் பாய்ந்து எலக்ட்ரீசியன் உயிரிழந்தார்.
ராமநாதபுரம் வசந்த நகர் 6 ஆவது தெருவில் வசித்து வரும் ரெத்தினம் மகன் நாகேந்திரன்(47) ,  எலக்ட்ரீசியன்.  அதே வசந்த நகர் கிழக்குத்தெரு பகுதியில் வசிக்கும் சண்முகசுந்தரம் மனைவி பானுமதி என்பவரது வீட்டின் மாடியில் கட்டட வேலை செய்து கொண்டிருந்த போது அங்கு பணியில் ஈடுபட்டிருந்த நாகேந்திரன் மின்சாரம் பாய்ந்து உயிரிழந்தார்.
இச்சம்பவம் தொடர்பாக  கேணிக்கரை போலீஸார் வழக்குப்பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-madurai/ramanathapuram/2018/oct/12/ராமநாதபுரத்தில்-மின்சாரம்-பாய்ந்து-எலக்ட்ரீசியன்-சாவு-3018621.html
3018620 மதுரை ராமநாதபுரம் ராமநாதபுரத்தில் புத்தக திருவிழா நடத்தக் கோரிக்கை DIN DIN Friday, October 12, 2018 06:51 AM +0530 ராமநாதபுரம் மாவட்ட நிர்வாகத்தின் சார்பில் மீண்டும் புத்தகத் திருவிழா நடத்தப்பட வேண்டும் என இந்தியாவிற்கான மக்கள் இயக்கம் என்ற அமைப்பின் சார்பில் புதன்கிழமை தீர்மானம் நிறைவேற்றப்பட்டது.
   ஆயுள் காப்பீட்டுக்  கழகத்தில் பணிபுரியக் கூடிய ஊழியர்கள் மக்கள் பிரச்னைகளில் தலையிட்டு தீர்வு காண்பதற்காக இந்தியாவிற்கான மக்கள் இயக்கம் என்ற அமைப்பு உருவாக்கப்பட்டுள்ளது. இந்த அமைப்பின் தலைவராக மாவட்ட வர்த்தக சங்க தலைவர் பா.ஜெகதீசனும்,செயலாளராக ஆயுள் காப்பீட்டுக்கழக  ஊழியர் சங்க செயலாளர் டி.முத்துப்பாண்டியும் தேர்வு செய்யப்பட்டுள்ளனர். 
 இந்த அமைப்பின் கூட்டம் ராமநாதபுரம் ஆயிரவைசிய அரிசிக்கடை வியாபாரிகள் சங்க மகாலில் நடைபெற்றது.
கூட்டத்துக்கு மாவட்ட வர்த்தக ச் சங்கத்தின் தலைவர் பா.ஜெகதீசன் தலைமை வகித்து பேச்சுப்போட்டியில் வெற்றி பெற்றவர்களுக்கு பரிசுகள் வழங்கி பேசினார். காப்பீட்டுக் கழக ஊழியர் சங்க மதுரைக்கோட்ட இணை செயலாளர் ச.தணிகைராஜ் முன்னிலை வகித்தார். இக்கூட்டத்தில் ராமநாதபுரம் சுவார்ட்ஸ் மேல்நிலைப்பள்ளி உதவித் தலைமை ஆசிரியர் வில்லியம் ஜோதி துரைராஜ்,வள்ளலார் அறநிலையத்தின் நிர்வாகி மகுடதீபன் ஆகியோர் மதநல்லிணக்க உரை நிகழ்த்தினர். 
   தமிழ்நாடு முற்போக்கு எழுத்தாளர்கள் மற்றும் கலைஞர்கள் சங்க மாவட்ட செயலாளர் அ.ந.சாந்தாராம் தீர்மானங்களை முன்மொழிந்து பேசினார். இக்கூட்டத்தில்  ராமநாதபுரத்தில் மாவட்ட நிர்வாகம் மீண்டும் புத்தகத் திருவிழாவை நடத்த வேண்டும், மத நல்லிணக்கம் மற்றும் மக்கள் ஒற்றுமைக்காக பாடுபடுவது என தீர்மானம் 
நிறைவேற்றப்பட்டது. மக்கள் இயக்க செயலாளர் தி.முத்துப்பாண்டி வரவேற்றார். நிறைவாக ஆயுள் காப்பீட்டுக் கழக பரமக்குடி கிளை தலைவர் எஸ்.ரவிச்சந்திரன் நன்றி கூறினார்.
 

]]>
http://www.dinamani.com/all-editions/edition-madurai/ramanathapuram/2018/oct/12/ராமநாதபுரத்தில்-புத்தக-திருவிழா-நடத்தக்-கோரிக்கை-3018620.html
3018619 மதுரை ராமநாதபுரம் கடலாடி முத்தாலம்மன் கோயிலில் முளைப்பாரி திருவிழா DIN DIN Friday, October 12, 2018 06:51 AM +0530 ராமநாதபுரம் மாவட்டம்  கடலாடி முத்தாலம்மன் கோயிலில் முளைக்கொட்டு திருவிழா வியாழக்கிழமை நடைபெற்றது.
கடலாடியில் உள்ள முத்தாலம்மன் கோயில் முளைக் கொட்டு திருவிழாவில் ஞாயிற்றுக்கிழமை மாலை அம்மனுக்கு காப்பு கட்டுதல் நிகழ்ச்சியுடன் விழா தொடங்கியது. அதனை தொடர்ந்து தினமும் கணபதி ஹோமம், விசேஷ பூஜைகள், பாலாபிஷேகம் உள்ளிட்ட பல்வேறு சிறப்பு பூஜைகள் நடைபெற்றன. பொது மக்களுக்கு அன்னதானமும் நடைபெற்றது. கிராமத்தினர் அனைவரும் கடந்த 10 நாள்களுக்கும் மேலாக விரதமிருந்து வளர்த்த முளைப்பாரியை மேள தாளங்கள் முழங்க வாண வேடிக்கையுடன் முக்கிய வீதிகளின் வழியாக ஊர்வலமாக எடுத்துச் சென்று பின் நீரில் கரைத்தனர். இதில் ஏராளமான பக்தர்கள் கலந்துகொண்டு அம்மனை வழிபட்டனர். முளைப்பாரிக்கு  முன்னதாக அம்மனுக்கு பால்குடம் , பூங்கரகம் எடுத்து தங்களது நேர்த்திக்கடனை பக்தர்கள் செலுத்தினர். விழாவிற்கான ஏற்பாடுகளை விழாக் கமிட்டியினர் செய்திருந்தனர்.
 

]]>
http://www.dinamani.com/all-editions/edition-madurai/ramanathapuram/2018/oct/12/கடலாடி-முத்தாலம்மன்-கோயிலில்-முளைப்பாரி-திருவிழா-3018619.html
3018618 மதுரை ராமநாதபுரம் கல்வி மாவட்ட தடகளம்: கமுதி பள்ளி முதலிடம் DIN DIN Friday, October 12, 2018 06:50 AM +0530 பரமக்குடி கல்வி மாவட்ட அளவிலான தடகள போட்டியில் கமுதி பள்ளி முதலிடம் பெற்றது.
ராமநாதபுரம் மாவட்டம் பரமக்குடி கல்வி மாவட்ட அளவிலான தடகள போட்டி பரமக்குடி ஆர்.எஸ்.மேல்நிலைப் பள்ளியில் செவ்வாய்க்கிழமை தொடங்கி தொடர்ந்து 2 நாள்கள் நடைபெற்றது. இப்போட்டியில்  65 பள்ளிகள் பங்கேற்றன. ஓட்டப்பந்தயம், நீளம் தாண்டுதல், குண்டு எறிதல், வட்டு எறிதல், தொடர் ஓட்டம், கம்பு ஊன்றி தாண்டுதல் உள்ளிட்ட பல்வேறு போட்டிகள் நடைபெற்றன. 
இப்போட்டிகளில்  கமுதி ஷத்திரிய நாடார் ஆண்கள் மேல்நிலைப் பள்ளி சார்பாக கலந்துகொண்ட 22 மாணவர்கள் ஒட்டுமொத்த சாம்பியன் பட்டத்தை பெற்றனர். இதன்மூலம் இப்பள்ளி நேரடியாக மண்டல அளவிலான போட்டிக்கு தகுதி பெற்றுள்ளது. முதலிடம் பிடித்த மாணவர்கள் மற்றும் உறுதுணையாக இருந்த உடற்கல்வி ஆசிரியர்கள் பன்னீர் செல்வம், வீரவேல்முருகன் ஆகியோரை பள்ளி நிர்வாகிகள்,  ஆசிரியர்கள் பாராட்டினர்.
 

]]>
http://www.dinamani.com/all-editions/edition-madurai/ramanathapuram/2018/oct/12/கல்வி-மாவட்ட-தடகளம்-கமுதி-பள்ளி-முதலிடம்-3018618.html
3018616 மதுரை ராமநாதபுரம் தொடக்கப் பள்ளியில் அறிவியல் கண்காட்சி DIN DIN Friday, October 12, 2018 06:34 AM +0530 திருவாடனை அருகே கடம்பனேந்தல் கிராமத்தில் உள்ள ஊராட்சி ஒன்றிய தொடக்கப்பள்ளியில் வியாழக்கிழமை அறிவியல் கண்காட்சி நடைபெற்றது.
கண்காட்சிக்கு பள்ளி மேலாண்மைக் குழுத் தலைவி மாலா தலைமை வகித்தார். பள்ளி தலைமை ஆசிரியர் பிரமிளா, பெற்றோர் ஆசிரியர் கழகத் தலைவர் ராமு ஆகியோர் முன்னிலை வகித்தனர். இதில், 1 ஆம் வகுப்பு முதல் 5 ஆம் வகுப்பு வரை உள்ள பள்ளி மாணவ,  மாணவிகளின் நீர் மேலாண்மை, சூரிய ஒளி பயன்பாடு, புவிவெப்பமடைதல், சுற்றுப்புற சுகாதாரம், மழைநீர் சேகரிப்பு ஆகியவற்றை மையப்படுத்தி படைப்புகளை காட்சிக்கு வைத்திருந்தனர்.
இதனை சுற்றுவட்டாரத்தில் உள்ள பள்ளி மாணவ மாணவிகள் மற்றும்  பெற்றோர்கள் பொதுமக்கள் ஏராளமானோர் பார்வையிட்டனர். ஆசிரியர் சகாய கில்டா நன்றி தெரிவித்தார்.

]]>
http://www.dinamani.com/all-editions/edition-madurai/ramanathapuram/2018/oct/12/தொடக்கப்-பள்ளியில்-அறிவியல்-கண்காட்சி-3018616.html
3018615 மதுரை ராமநாதபுரம் ராமநாதபுரம் அரசு மருத்துவமனையில் கழிவுநீர் தேங்கி சுகாதாரக்கேடு: நகராட்சி மீது  புகார் DIN DIN Friday, October 12, 2018 06:34 AM +0530 ராமநாதபுரம் தலைமை அரசு மருத்துவமனையில் கழிவுநீர் தேங்கி சுகாதார சீர்கேடு ஏற்படுத்துவதோடு இருபாலரும் ஒரே கழிப்பறையை பயன்படுத்தும் அவல நிலை ஏற்பட்டுள்ளதாக புகார் எழுந்துள்ளது.
ராமநாதபுரம் தலைமை அரசு மருத்துவமனையில் உள்ள ரத்த பரிசோதனைக்கூடம் அருகில் ஆண்களுக்கும், பெண்களுக்கும் தனித்தனி கழிப்பறைகள் உள்ளன. வெளிநோயாளிகள் மற்றும் ரத்த பரிசோதனைக் கூடத்தில் சிறுநீர் பரிசோதிக்க வருவோர் என இரு பாலருக்கும் தனித்தனியாக கழிப்பறைகள் உள்ளன. 
இதில் ஆண்களுக்கான கழிப்பறை உள்ள பகுதியில் கழிவுநீர் தேங்கி துர்நாற்றம் வீசுவதால் அங்கு யாரும் செல்வதில்லை. மாறாக பெண்கள் கழிப்பறையில் ஆள் இல்லாத சமயத்தில் ஆண்கள் சென்று வருகின்றனர். பெண்கள் யாரும் உள்ளே இருப்பார்களோ என்று நினைத்து ஆண்கள் பலரும் வெளியில் நீண்ட நேரம் காத்திருந்து விட்டு ஆள் இல்லை எனத் தெரிந்த பிறகே  பெண்கள் கழிப்பறைக்கு சென்று திரும்புகின்றனர். 
ஆண்கள் கழிப்பறையிலிருந்து வெளியேறிய கழிவுநீரானது அரசு தலைமை மருத்துவமனைக்கு முன்புறத்திலேயே குளம் போல் தேங்கி துர்நாற்றம் வீசுகிறது. கழிவுநீர் தேங்கியுள்ள பகுதிக்கு அருகில் வெளிநோயாளிகள் பெயர் பதிவு செய்யும் கூடம் உள்ளது. அங்கு நிற்கவே முடியாத அளவுக்கு துர்நாற்றம் வீசுகிறது. 
கழிவுநீர் குளம் போல் தேங்கி நின்று 15 நாள்களுக்கு மேலாகியும் மருத்துவமனை நிர்வாகம் அதை சுத்தப்படுத்தும் பணியை செய்யவே இல்லை என பொதுமக்கள் பலரும் குற்றம் சுமத்துகின்றனர். இம்மருத்துவமனையின் ரத்த பரிசோதனைக் கூடத்திற்கு தினசரி சுமார் 50 முதல் 70 பேர் சிறுநீர் பரிசோதனைக்காக மருத்துவர்களால் பரிந்துரைக்கப்படுகின்றனர். இவர்கள் அனைவருக்கும் ஒரே கழிப்பறையே தற்சமயம் பயன்பாட்டில் இருப்பதால் நேரம் வீணாவதாக அவர்கள் புகார் தெரிவிக்கின்றனர்.
இது குறித்து அரசு தலைமை மருத்துவமனையின் நிர்வாகி ஒருவர் கூறியது:
மருத்துவமனை வளாகத்திற்குள் பல இடங்களில் கழிப்பறை வசதிகள் உள்ளன. ஆனால் சிறுநீர் பரிசோதிக்க வருவோர் ரத்த பரிசோதனைக் கூடத்துக்கு அருகில் உள்ள கழிப்பறையை மட்டும் பயன்படுத்துகின்றனர். ஆண்கள் கழிப்பறையிலிருந்து கழிவுநீரை வெளியேற்றுவதற்காக பதிக்கப்பட்ட குழாய்கள்  சற்று உயரமாக பதிக்கப்பட்டு விட்டதால் கழிவுநீர் வெளியேற முடியாமல் தேங்கி நிற்கிறது. ஏற்கெனவே பதிக்கப்பட்ட குழாய்களை தோண்டி எடுத்து கழிவுநீர் வேகமாக செல்லும் வகையில் தாழ்வாக  பதிக்கும் பணிகள் நடந்து வருகின்றன. ஒரிரு நாளில் பணிகள் முடிவடைந்து விடும். 
பின்னர் ஆண்கள் கழிப்பறையும் பயன்பாட்டுக்கு வந்து விடும். ராமநாதபுரம் தலைமை அரசு மருத்துவமனை வளாகத்துக்குள் பாதாளச் சாக்கடைத் திட்டம் செயல்பாட்டில் உள்ளது. பாதாள சாக்கடைத் திட்ட குழாய்களில் அடைப்பு ஏற்பட்டால் நகராட்சி நிர்வாகம் தான் துப்புரவு செய்து கொடுக்க வேண்டும்.
 இது குறித்து நகராட்சி அதிகாரிகளிடம் தொடர்பு கொண்டு அடைப்புகளை சரி செய்து கொடுக்குமாறு  பலமுறை  தொலைபேசியில் தொடர்பு கொண்டாலும் தொலைபேசியை எடுப்பதே இல்லை. நகராட்சி நிர்வாகம் உடனுக்குடன் பாதாள சாக்கடை அடைப்புகளை சரி செய்து கொடுக்க முன்வந்தால் மட்டுமே அரசு மருத்துவமனையை சுத்தமாக வைத்துக் கொள்ள முடியும் என்றார்.
 

]]>
http://www.dinamani.com/all-editions/edition-madurai/ramanathapuram/2018/oct/12/ராமநாதபுரம்-அரசு-மருத்துவமனையில்-கழிவுநீர்-தேங்கி-சுகாதாரக்கேடு-நகராட்சி-மீது--புகார்-3018615.html
3018614 மதுரை ராமநாதபுரம் தீண்டாமை ஒழிப்பு தாலுகா மாநாடு DIN DIN Friday, October 12, 2018 06:33 AM +0530 திருவாடானையில் தீண்டாமை ஒழிப்பு முன்னணி அமைப்பின் சார்பில் தீண்டாமை ஒழிப்பு தாலுகா மாநாடு நடைபெற்றது.
சீனிவாசராவ் நினைவகத்தில் வியாழக்கிழமை நடைபெற்ற மாநாட்டில் முன்னணியின் அமைப்பாளர் பூபாலன் தலைமை வகித்தார். மாவட்ட செயலாளர் கலையரசன் மாவட்ட துணை செயலாளர் செந்தில்வேல் ஆகியோர் முன்னிலை வகித்து சிறப்புரையாற்றினர். 
மாநாட்டில் பல்வேறு கட்சிகளைச் சேர்ந்த பிரமுகர்கள், தொண்டர்கள் மற்றும் பொதுமக்கள் ஏராளமானோர் கலந்து கொண்டனர்.
 

]]>
http://www.dinamani.com/all-editions/edition-madurai/ramanathapuram/2018/oct/12/தீண்டாமை-ஒழிப்பு-தாலுகா-மாநாடு-3018614.html
3018613 மதுரை ராமநாதபுரம் இளம் பெண்களுக்கு இருமுடி கட்ட மாட்டோம்  ஐயப்ப பக்தர்கள் கூட்டத்தில் முடிவு DIN DIN Friday, October 12, 2018 06:33 AM +0530 தங்கச்சிமடத்தில் புதன்கிழமை நடைபெற்ற ஐயப்ப பக்தர்களின் குருசாமிகளின் கூட்டத்தில், இளம் பெண்களுக்கு இருமுடி கட்ட மாட்டோம் என தீர்மானம் நிறைவேற்றப்பட்டது. 
இக்கூட்டத்துக்கு சிவா ஐயப்ப பக்தர்கள் மன்ற குருசாமி எஸ்.பி.ராஜேந்திரன் தலைமை வகித்தார். தங்கச்சிமடம், பாம்பன் பகுதிகளில் இருந்து வந்த பல்வேறு ஐயப்ப பக்தர்கள் குழுவின் குருசாமிகள் ராமமூர்த்தி, பாலசந்திரன், தில்லைபாக்கியம் உள்ளிட்டோர் முன்னிலை வகித்தனர். சபரி மலையில் பாரம்பரிய வழிபாட்டு முறையை பாதுகாக்க வேண்டும். 
பெண்களும் வழிபடலாம் என்று உச்ச நீதிமன்றம் அளித்த தீர்ப்பை மறு பரிசீலனை செய்ய வேண்டும். 10 வயது முதல் 50 வயதுக்கு உள்பட்ட பெண்களுக்கு இருமுடி கட்டுவதில்லை. 
சபரிமலையின் பாரம்பரிய வழிபாட்டு முறையை பாதுகாக்க வலியுறுத்தி ராமேசுவரம் ராமநாதசுவாமி கோயிலின் நான்கு ரத வீதிகளின் வழியாக நவம்பர் 3 ஆம் தேதி அமைதி பேரணி நடத்தப்படும் என்பன உள்ளிட்ட தீர்மானங்கள் நிறைவேற்றப்பட்டன. 
ராமேசுவரம் தர்மலிங்கசாமி ஐயப்ப பக்தர்கள் மன்ற குருசாமி த.கோபி நன்றி கூறினார்.  

]]>
http://www.dinamani.com/all-editions/edition-madurai/ramanathapuram/2018/oct/12/இளம்-பெண்களுக்கு-இருமுடி-கட்ட-மாட்டோம்-ஐயப்ப-பக்தர்கள்-கூட்டத்தில்-முடிவு-3018613.html
3018612 மதுரை ராமநாதபுரம் சாயல்குடியில் பாஜக பூத் கமிட்டி பொறுப்பாளர்கள் கூட்டம் DIN DIN Friday, October 12, 2018 06:32 AM +0530 சாயல்குடியில் முதுகுளத்தூர் சட்டப்பேரவைத் தொகுதி பாஜக பூத் கமிட்டி பொறுப்பாளர்கள்  கூட்டம் வியாழக்கிழமை நடைபெற்றது. 
இக்கூட்டத்திற்கு தொகுதி பொறுப்பாளர் முருகேசன் தலைமை  வகித்தார்.நகர் தலைவர் வீ.சத்தியமூர்த்தி, மாநில துணைத்தலைவர் சுப.நாகராஜன், கோட்டப்பொறுப்பாளர் சண்முகராஜா, இணை பொறுப்பாளர் ராஜேந்திரன்ஆகியோர் முன்னிலை வகித்தனர். மாநில துணைத்தலைவர்கள் திருமலைச்சாமி,  ராமநாதன் சிறப்புரையாற்றினர். மாவட்ட பொருளாளர் சுந்தரமுருகன், மாவட்ட செயலாளர்கள் ராமசாமி, மணிமேகலை, ஒன்றிய பொறுப்பாளர்கள் கோபாலகிருஷ்ணன், ரவிச்சந்திரன், ஒன்றிய தலைவர்கள் முருகேசன் (கடலாடி), முருகேசன்( கமுதி), முருகேசன் ( முதுகுளத்தூர்), மாவட்ட எஸ்.சி. அணி தலைவர் வாசுசேகர், மாவட்ட சிறுபான்மை அணி தலைவர் நூர்முகமது, நகர் துணைத் தலைவர் மாரிக்கண்ணன் உட்பட பலர் பங்கேற்றனர். சாயல்குடி நகர் தலைவர் வீ.சத்தியமூர்த்தி நன்றி கூறினார்.

]]>
http://www.dinamani.com/all-editions/edition-madurai/ramanathapuram/2018/oct/12/சாயல்குடியில்-பாஜக-பூத்-கமிட்டிபொறுப்பாளர்கள்-கூட்டம்-3018612.html
3018611 மதுரை ராமநாதபுரம் கைத்தறி நெசவாளர்களுக்கு மானிய நிலுவை தொகை வழங்கக் கோரிக்கை DIN DIN Friday, October 12, 2018 06:32 AM +0530 கைத்தறி நெசவாளர் கூட்டுறவு சங்கங்களுக்கான தள்ளுபடி மானிய நிலுவைத் தொகையை உடனடியாக வழங்க வேண்டும் என  பாரதிய மஸ்தூர் சங்கம் வலியுறுத்தியுள்ளது. 
பரமக்குடியில் சங்க அலுவலகத்தில் புதன்கிழமை நடைபெற்ற செயற்குழு கூட்டத்தில்  சங்கத் தலைவர் பி.ஆர்.காசிவிஸ்வநாதன் தலைமை வகித்தார். செயலாளர் எம்.கே.ராம்தாஸ் முன்னிலை வகித்தார். மாநில பொதுச்செயலாளர் ஆர்.சந்திரசேகர் சிறப்பு அழைப்பாளராகக் கலந்துகொண்டு ஆலோசனைகள் வழங்கினார். 
கூட்டத்தில் கைத்தறி நெசவாளர்களுக்கான மருத்துவ காப்பீடு திட்டம் செயல்படாமல் உள்ளதை உடனடியாக மத்திய, மாநில அரசுகள் செயல்படுத்த வேண்டும்.  கைத்தறி நெசவாளர் கூட்டுறவு சங்கங்களுக்கு வரவேண்டிய தள்ளுபடி மானிய நிலுவைத் தொகையினை வழங்க வேண்டும். கைத்தறி நெசவாளர்களின் வாழ்வாதாரத்தை பாதுகாக்கும் வகையில் ஒதுக்கப்பட்ட கைத்தறி ரகத்தை மத்திய அரசின் நிறுவனமான விசைத்தறி வளர்ச்சி துறையினர் விசைத்தறியில் பயன்படுத்துவதற்கு அனுமதிப்பதும், ஊக்கப்படுத்துவம் கண்டிக்கத்தக்கது.  
 மாஸ்டர் வீவர்களிடம் நெசவு செய்யும் கைத்தறி நெசவாளர்களுக்கு தற்போது வழங்கப்படும் ஊதியத்திலிருந்து 30 சதவீதம் சேர்த்து வழங்க வேண்டும். அரசு நடத்தும் கோஆப்டெக்ஸ் நிறுவனம் விசைத்தறியில் உற்பத்தி செய்யப்படும் சேலைகளை கைத்தறி ரக சேலைகள் என விற்பனை செய்வதை நிறுத்த வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-madurai/ramanathapuram/2018/oct/12/கைத்தறி-நெசவாளர்களுக்கு-மானிய-நிலுவை-தொகை-வழங்கக்-கோரிக்கை-3018611.html