Dinamani - கடலூர் - http://www.dinamani.com/all-editions/edition-villupuram/cuddalore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2848531 விழுப்புரம் கடலூர் மாணவர்களின் மேம்பாடு கலை, கலாசாரத்திலும் அமைதல் வேண்டும் : தொழில் துறை அமைச்சர் எம்.சி.சம்பத் DIN DIN Sunday, January 21, 2018 04:32 AM +0530 மாணவர்களின் மேம்பாடு கல்வி சார் நிலையில் மட்டுமல்லாது கலை, கலாசாரம் போன்ற இணைச் செயல்பாடுகளிலும் அமைதல் வேண்டும் என தமிழக தொழில் துறை அமைச்சர் எம்.சி.சம்பத் கூறினார்.
கடலூர் திருப்பாதிரிபுலியூர் புனித வளனார் மேல்நிலைப் பள்ளியில், பள்ளிக் கல்வித் துறை சார்பில் மாவட்ட அளவிலான தமிழக பள்ளி கலைத் திருவிழா சனிக்கிழமை நடைபெற்றது. விழாவுக்கு, மாவட்ட ஆட்சியர் பிரசாந்த் மு.வடநேரே தலைமை வகித்தார். மாநில தொழில் துறை அமைச்சர் எம்.சி.சம்பத் நிகழ்ச்சியை தொடக்கி வைத்தார். பின்னர் அவர் பேசியதாவது: பெண்களின் கல்வியை ஊக்குவிப்பதற்காக முன்னாள் முதல்வர் ஜெயலலிதா, விலையில்லா மடிக் கணினி, மிதிவண்டி, சீருடை, பல்வேறு கல்வி உபகரணங்களை வழங்கினார்.
தமிழகம் தொன்றுதொட்டு கலைகளைப் போற்றி வருவதை தமிழ் இலக்கியங்கள் வாயிலாக அறியலாம். தமிழ் மொழியை இயல், இசை, நாடகம் என்னும் முத்தமிழாக்கி போற்றி வருகிறோம். மாணவர்களின் மேம்பாடு என்பது கல்வி சார் நிலையில் மட்டுமல்லாது கலை, கலாசாரம், விளையாட்டு எனப் பல்வேறு கல்வி இணைச் செயல்பாடுகளிலும் அமைதல் வேண்டும். இதைக் கருத்தில்கொண்டு "தமிழக பள்ளிக் கலைத் திருவிழா' என்ற திட்டம் தொடங்கப்பட்டுள்ளது. எனவே, மாணவ, மாணவிகள் கல்வியில் மட்டுமல்லாது அனைத்துத் துறைகளிலும் சிறந்து விளங்க வேண்டும் என்றார்.
பள்ளிக் கலைத் திருவிழாவில் மொழி ஆற்றல், பாரம்பரியம், செவ்வியல், நவீனம், ஆன்மிகம், கலாசாரம், கிராமியம், நாட்டுப்புறம் ஆகிய பல்வேறு பிரிவுகளில் நடைபெற்ற 91 வகையான போட்டிகளில் 500-க்கும் மேற்பட்டோர் பங்கேற்றனர். போட்டிகளில் வெற்றி பெற்ற மாணவ, மாணவிகளுக்கு அமைச்சர் எம்.சி.சம்பத் பரிசு, சான்றிதழ்களை வழங்கினார். மாவட்ட அளவில் வெற்றி பெற்ற மாணவர்கள் மாநில அளவில் நடைபெறும் தமிழக பள்ளிக் கலைத் திருவிழாவில் பங்கேற்க உள்ளனர்.
விழாவில் மாவட்டக் கல்வி அலுவலர் ந.இளங்கோ (விருத்தாச்சலம்), மாவட்ட தொடக்கக் கல்வி அலுவலர் ஆஷா கிறிஸ்டி, வடலூர் ஆசிரியர் பயிற்சி நிறுவன முதல்வர் அன்பழகன், மெட்ரிக் பள்ளிகளின் ஆய்வாளர் க.கோமதி, உதவி மாவட்ட திட்ட ஒருங்கிணைப்பாளர் ப.சுந்தரமூர்த்தி, கடலூர் நகராட்சி முன்னாள் தலைவர் ஆர்.குமரன், முன்னாள் துணைத் தலைவர் ஜி.ஜெ.குமார், முன்னாள் கவுன்சிலர் வ.கந்தன் உள்ளிட்டோர் பங்கேற்றனர்.
முன்னதாக, மாவட்ட முதன்மைக் கல்வி அலுவலர் அ.ராஜேந்திரன் வரவேற்க, கடலூர் மாவட்டக் கல்வி அலுவலர் கோ.சுப்ரமணியன் நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/jan/21/மாணவர்களின்-மேம்பாடு-கலை-கலாசாரத்திலும்-அமைதல்-வேண்டும்--தொழில்-துறை-அமைச்சர்-எம்சிசம்பத்-2848531.html
2848530 விழுப்புரம் கடலூர் தொழிலாளர் நல வாரியத்தில் கோரிக்கை மனுக்கள் தேக்கம்: ஆட்சியரிடம் புகார் DIN DIN Sunday, January 21, 2018 04:32 AM +0530 தொழிலாளர் நல வாரியத்தில் கோரிக்கை மனுக்கள் தேக்கம் தொடர்பாக மாவட்ட ஆட்சியருக்கு புகார் மனு அளிக்கப்பட்டது.
இதுகுறித்து கடலூர் மாவட்ட ஐக்கிய பொது தொழிலாளர்கள் சங்கத்தின் மாவட்டத் தலைவர் டி.குமார் அண்மையில் கடலூர் மாவட்ட ஆட்சியருக்குஅனுப்பியுள்ள மனு: அமைப்பு சாரா தொழிலாளர்களுக்கு சமூகப் பாதுகாப்பு அளிக்கும் வகையில் அரசால் பல்வேறு நல வாரியங்கள் தொடங்கப்பட்டுள்ளன.
நல வாரியங்களில் பதிவு செய்யப்பட்ட தொழிலாளர்களுக்கு பல்வேறு நலத் திட்ட உதவிகள் அளிக்கப்பட்டு வருகிறது.
ஆனால், கடந்த 2 ஆண்டுகளாக தொழிலாளர்களுக்கான நலத் திட்டங்களுக்கு உதவிகள் வழங்குவதற்கான நிதியை அரசு ஒதுக்கீடு செய்யவில்லை. இதனால், கடலூர் மாவட்டத்தில் உள்ள தொழிலாளர் நல அலுவலகத்தில் மட்டும் சுமார் 15 ஆயிரத்துக்கும் அதிகமான அமைப்பு சாரா நலவாரியங்களில் கோரப்பட்ட சலுகைகள் தொடர்பான மனுக்கள் நிலுவையில் உள்ளன. இதனால், அமைப்புசாரா தொழிலாளர்களுக்கு சமூக பாதுகாப்பு அளிக்கும் திட்டம் கேள்விகுறியாகி உள்ளது.
விண்ணப்பங்கள் தேக்க நிலை குறித்து தொழிலாளர் துறை ஆணையர், வாரியத்தின் செயலர்கள் ஆகியோர் அரசுக்கு அறிக்கை சமர்ப்பித்ததாகத் தெரியவில்லை.
எனவே, இதுதொடர்பாக உரிய நடவடிக்கை மேற்கொண்டு, நிதியை பெற்றுத்தர வேண்டுமென அந்த மனுவில் வலியுறுத்தப்பட்டுள்ளது.

 

]]>
http://www.dinamani.com/all-editions/edition-villupuram/cuddalore/2018/jan/21/தொழிலாளர்-நல-வாரியத்தில்-கோரிக்கை-மனுக்கள்-தேக்கம்-ஆட்சியரிடம்-புகார்-2848530.html
2848529 விழுப்புரம் கடலூர் ஹஜ் மானியம் ரத்துக்கு எதிர்ப்பு: காங்கிரஸ் கட்சியினர் ஆர்ப்பாட்டம் DIN DIN Sunday, January 21, 2018 04:32 AM +0530 ஹஜ் மானியம் ரத்துக்கு எதிர்ப்புத் தெரிவித்து, கடலூரில் காங்கிரஸ் கட்சியினர் சனிக்கிழமை ஆர்ப்பாட்டத்தில் ஈடுபட்டனர்.
முஸ்லிம்கள் மேற்கொள்ளும் ஹஜ் புனிதப் பயணத்துக்கான மானியத்தை மத்திய அரசு அண்மையில் ரத்து செய்தது. இந்த நடவடிக்கையைக் கண்டித்து மாநிலம் தழுவிய ஆர்ப்பாட்டம் நடத்தப்படுமென தமிழ்நாடு காங்கிரஸ் கமிட்டி அறிவித்தது. அதன்படி கடலூரில் தலைமைத் தபால் நிலையம் அருகே சனிக்கிழமை காங்கிரஸ் கட்சி சார்பில்
கண்டன ஆர்ப்பாட்டம் நடைபெற்றது. ஆர்ப்பாட்டத்துக்கு மாவட்டத் தலைவர் எம்.ஆர்.ராதாகிருஷ்ணன் தலைமை வகித்தார். வட்டாரத் தலைவர்கள் ரமேஷ்ரெட்டியார், சீத்தாராமன், நகரத் தலைவர்கள் நெல்லிக்குப்பம் திலகர், பண்ருட்டி முருகன், நெய்வேலி குள்ளப்பிள்ளை ஆகியோர் முன்னிலை வகித்தனர். கடலூர் நகரத் தலைவர் என்.குமார் வரவேற்றார். மாநில சொத்துப் பாதுகாப்புக் குழு உறுப்பினர் ஏ.எஸ்.சந்திரசேகரன் சிறப்புரையாற்றினார்.
கர்நாடக மாநில இளைஞர் காங்கிரஸ் பொறுப்பாளர் ரமேஷ், மாவட்ட பொதுச் செயலர்கள் ரவிக்குமார், கிஷோர்குமார், காமராஜ், முருகன், பார்த்திபன், தொழிலாளர் பிரிவு மாவட்டத் தலைவர் டி.ராம்ராஜ், இளைஞர் காங்கிரஸ் நிர்வாகி ஜெ.ராஜேஷ் உள்ளிட்டோர் பங்கேற்றனர்.
ஆர்ப்பாட்டத்தில், மீண்டும் ஹஜ் மானியம் வழங்க வேண்டும், பெட்ரோல், டீசல் விலை உயர்வைக் கட்டுப்படுத்த வேண்டும், பேருந்துக் கட்டண உயர்வை தமிழக அரசு திரும்பப் பெற வேண்டும் என வலியுறுத்தி முழக்கமிட்டனர்.

 

]]>
http://www.dinamani.com/all-editions/edition-villupuram/cuddalore/2018/jan/21/ஹஜ்-மானியம்-ரத்துக்கு-எதிர்ப்பு-காங்கிரஸ்-கட்சியினர்-ஆர்ப்பாட்டம்-2848529.html
2848528 விழுப்புரம் கடலூர் பெண்கள் மீதான வன்கொடுமை தடுப்பு விழிப்புணர்வுப் பேரணி DIN DIN Sunday, January 21, 2018 04:31 AM +0530 கடலூரில் பெண்களுக்கு எதிரான வன்கொடுமைகள் தடுப்பு தொடர்பான விழிப்புணர்வுப் பேரணி சனிக்கிழமை நடைபெற்றது.
கடலூர் மாவட்ட சமூக நலம், சத்துணவுத் திட்டத் துறை சார்பில் தேசிய மகளிர் ஆணைய வெள்ளி விழா ஆண்டு தொடர்பாக பெண்கள் வன்கொடுமை தடுப்பு விழிப்புணர்வுப் பேரணி கடலூரில் சனிக்கிழமை நடைபெற்றது. பேரணியை மாவட்ட ஆட்சியர் பிரசாந்த் மு.வடநேரே கொடியசைத்து தொடக்கி வைத்தார். பின்னர் ஆட்சியர் பேசியதாவது: பெண்கள், முதியோர் மீதான வன்கொடுமைகளை தடுக்கும் பொருட்டு 1992-ஆம் ஆண்டு ஜனவரி 22-ஆம் தேதி தேசிய மகளிர் ஆணையம் அமைக்கப்பட்டது. இந்த ஆணையம் பெண்கள், முதியோர்களுக்கு ஏற்படும் வன்கொடுமைகளை தடுக்கும் வகையில் பலவித சட்டங்களை இயற்றி செயல்படுத்தி வருகிறது.
பணியிடத்தில் பெண்களை பாலியல் வன்கொடுமையிலிருந்து பாதுகாத்திட சட்டம், பெற்றோர், மூத்த குடிமக்கள் பராமரிப்பு மற்றும் நலச் சட்டம், குடும்ப வன்முறையிலிருந்து பெண்களை பாதுகாக்கும் சட்டம், குழந்தை திருமண தடைச் சட்டம், வரதட்சணை தடுப்புச் சட்டம் உள்ளிட்ட சட்டங்கள் அரசால் ஏற்படுத்தப்பட்டுள்ளன. இதுதொடர்பாக விழிப்புணர்வு ஏற்படுத்தவே இந்தப் பேரணி நடைபெறுகிறது. முதுமை என்பது மூத்த தலைமுறையின் அடையாளம். அதனை அன்பால் அரவணைப்பதே இளைய தலைமுறையின் கடமை என்றார் ஆட்சியர்
பேரணியில் அரசு சேவை இல்ல பள்ளி மாணவிகள், அரசு குழந்தைகள் காப்பக மாணவிகள், அங்கன்வாடிப் பணியாளர்கள், மாவட்ட திட்ட அலுவலர்கள், குழந்தைகள் வளர்ச்சித் திட்ட அலுவலர்கள் கலந்து கொண்டனர். பேரணி நகர அரங்கிலிருந்து தொடங்கி சேவை இல்லம் வரை நடைபெற்றது. பேரணியில், ஒருங்கிணைந்த குழந்தைகள் வளர்ச்சித் திட்டத்தின் திட்ட அலுவலர் பி.பழனி, மாவட்ட சமூக நல அலுவலகக் கண்காணிப்பாளர் எஸ்.சிவராமகிருஷ்ணன், செய்தி-மக்கள் தொடர்பு அலுவலர் வை.ரவிச்சந்திரன் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2018/jan/21/பெண்கள்-மீதான-வன்கொடுமை-தடுப்பு-விழிப்புணர்வுப்-பேரணி-2848528.html
2848527 விழுப்புரம் கடலூர் ஓய்வு பெற்ற அலுவலர்கள் சங்கக் கூட்டம் DIN DIN Sunday, January 21, 2018 04:31 AM +0530 தமிழக ஓய்வு பெற்ற அலுவலர்கள் சங்கத்தின் கடலூர் மாவட்ட மாதாந்திர சிறப்புக் கூட்டம் கடலூரில் அண்மையில் நடைபெற்றது.
கூட்டத்துக்கு, மாநிலத் தலைவர் மா.கண்ணன் தலைமை வகித்தார். பொதுச் செயலர் பாபு.சுப்ரமணியன் சென்ற கூட்ட நடவடிக்கையையும், கூடுதல் பொருளாளர் ஆர்.ஜேக்கப் வரவு-செலவு அறிக்கையும் படித்து ஒப்புதல் பெற்றனர். கூட்டத்தில், 8-ஆவது ஊதியக்குழு நிலுவைத் தொகையை வழங்க வேண்டும். ஓய்வூதியர்களுக்கு குடும்ப அடையாள அட்டையை கருவூலத் துறை மூலமாக வழங்க வேண்டும். அரசு மருத்துவமனைகளில் ஆண்டுக்கு ஒருமுறை முழு உடல் பரிசோதனை செய்தல், இலவச பேருந்து பயண அட்டை, மருத்துவப் படியை ரூ.ஆயிரமாக உயர்த்துதல், இறப்பின் போது வழங்கப்படும் நிதியை ரூ.10 ஆயிரமாக உயர்த்துதல்
என்பன உள்ளிட்ட கோரிக்கைகளை வலியுறுத்தி தீர்மானங்கள் நிறைவேற்றப்பட்டன. கூட்டத்தில் நிர்வாகிகள் த.சண்முகசுந்தரம், எம்.தண்டபாணி, எஸ்.ஏ.தாஸ், ஆர்.திருநாராயணன், முருகு.சிவப்பிரகாசம், ஆர்.சஞ்சீவிராயர், ஏ.கலியபெருமாள், ஆர்.தனபால் உள்ளிட்டோர் பங்கேற்றனர். முன்னதாக, மாநில துணைத் தலைவர் எம்.முத்துசாமி வரவேற்க, செயற்குழு உறுப்பினர் பி.குணசேகரன் நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/jan/21/ஓய்வு-பெற்ற-அலுவலர்கள்-சங்கக்-கூட்டம்-2848527.html
2848526 விழுப்புரம் கடலூர் வார்டு மறுவரையறை: ஜன. 23-இல் கருத்துக் கேட்புக் கூட்டம் DIN DIN Sunday, January 21, 2018 04:31 AM +0530 வார்டு மறுவரையறை தொடர்பாக மனு அளித்தவர்களுக்கான கருத்துக்கேட்புக் கூட்டம் மாவட்ட ஆட்சியர் அலுவலகத்தில் வருகிற 23-ஆம் தேதி நடைபெறுகிறது.
உள்ளாட்சித் தேர்தலை முன்னிட்டு 2011-ஆம் ஆண்டு மக்கள்தொகை கணக்கெடுப்பின் அடிப்படையில் நகராட்சி, பேரூராட்சி, ஊராட்சி மன்றங்களின் வார்டுகள் மறுசீரமைப்பு செய்யப்பட்டது. இந்த மறுசீரமைப்புப் பட்டியல் டிசம்பர் 27-ஆம் தேதி வெளியிடப்பட்டு, அதுதொடர்பாக கருத்துக்களை தெரிவிப்பதற்கு ஜன.12-ஆம் தேதி வரையில் வாய்ப்பு வழங்கப்பட்டது. அதன்படி கடலூர் மாவட்டத்தில் சுமார் 900 மனுக்கள் வரப்பெற்றதாக தெரிவிக்கப்பட்ட நிலையில், அவர்களிடம் கருத்துக்கேட்பு கூட்டம் நடத்தப்படுகிறது.
இதுதொடர்பாக மாவட்ட ஆட்சியர் பிரசாந்த் மு.வடநேரே வெளியிட்டசெய்திக்குறிப்பு: மூன்றடுக்கு ஊரக உள்ளாட்சி அமைப்புகள் மற்றும் நகர்ப்புற உள்ளாட்சி அமைப்புகளில் வெளியிடப்பட்டுள்ள வார்டு எல்லை மறுவரையறை வரைவு கருத்துருக்கள் மீது அரசியல் கட்சிகளின் பிரதிநிதிகள், பொதுமக்கள் தங்களுடைய கருத்துக்கள், ஆட்சேபணைகளை எழுத்துப்பூர்வமாக சம்பந்தப்பட்ட அலுவலர்களிடம் தெரிவித்துள்ளனர். இவ்வாறு பெறப்பட்ட கருத்துக்கள், ஆட்சேபணைகள் மீதான மாவட்ட அளவிலான கூட்டம் மாவட்ட ஆட்சியர் அலுவலகத்தில் ஜனவரி 23-ஆம் தேதி நடக்கிறது.
அதன்படி, மாவட்ட ஆட்சியரக கூட்டரங்கில் காலை 10 மணி முதல் நண்பகல் 12 மணி வரை கடலூர், அண்ணாகிராமம், பண்ருட்டி, குறிஞ்சிப்பாடி, கீரப்பாளையம், மேல்புவனகிரி, பரங்கிப்பேட்டை ஊராட்சி ஒன்றியத்தினரும், நண்பகல் 12 மணி முதல் மதியம் 2 மணி வரை காட்டுமன்னார்கோவில், குமராட்சி, விருத்தாசலம், கம்மாபுரம், நல்லூர், மங்களூர் ஊராட்சி ஒன்றியங்களுக்கான கூட்டமும் நடக்கிறது.
மேலும், பொதுமக்கள் குறைதீர் கூட்ட அரங்கில், காலை 10 மணி முதல் நண்பகல் 12 மணி வரை கடலூர், நெல்லிக்குப்பபம், பண்ருட்டி, விருத்தாசலம், சிதம்பரம் ஆகிய நகராட்சிகளுக்கும், நண்பகல் 12 மணி முதல் மதியம் 2 மணி வரை 16 பேரூராட்சிகளுக்குமான கூட்டமும் நடைபெறுகிறது. ஏற்கெனவே குறிப்பிட்ட காலக்கெடுவுக்குள் மனுக்கள் அளித்தவர்கள் தங்களுடைய கருத்துக்களை கூட்டத்தில் நேரில் தெரிவிக்கலாம் என்று அதில் ஆட்சியர் தெரிவித்துள்ளார்.
மேலும் இந்தப் பொருள் தொடர்பான மண்டல அளவிலான கூட்டம் ஜனவரி 24-ஆம் தேதி காலையில் காஞ்சிபுரம் மாவட்டம், மறைமலைநகர் நகராட்சிமன்ற கூட்ட அரங்கத்தில் நடைபெறுகிறது. அங்கும் தங்களது கருத்துக்களை தெரிவிக்கலாம் என்று தெரிவிக்கப்பட்டுள்ளது.

 

]]>
http://www.dinamani.com/all-editions/edition-villupuram/cuddalore/2018/jan/21/வார்டு-மறுவரையறை-ஜன-23-இல்-கருத்துக்-கேட்புக்-கூட்டம்-2848526.html
2848525 விழுப்புரம் கடலூர் போதிய மழையின்மையால் மானாவாரி உளுந்து மகசூல் சரிவு DIN DIN Sunday, January 21, 2018 04:31 AM +0530 போதிய மழையின்மையால், பண்ருட்டி வட்டாரத்தில் மானாவாரி உளுந்து பயிர்களின் மகசூல் குறைந்துள்ளதால் விவசாயிகள் வேதனை அடைந்துள்ளனர்.
பண்ருட்டி வட்டாரத்துக்கு உள்பட்ட காடாம்புலியூர், ஆண்டிக்குப்பம், பணிக்கன்குப்பம், மருங்கூர், முத்தாண்டிக்குப்பம், வல்லம், காட்டுப்பாளையம், பேர்பெரியான்குப்பம் உள்ளிட்ட கிராமப் பகுதிகளில் முந்திரிக் காடுகளுக்கு இடையே கம்பு, கேழ்வரகு, உளுந்து, காராமணி, கொள்ளு உள்ளிட்ட பயறு வகைகள் மானாவாரியாக பயிரிடப்பட்டுள்ளன.
இந்தப் பகுதியில் 15 ஆண்டுகளுக்கும் மேலாக மானாவாரி விவசாயம் கைவிடப்பட்ட நிலையில், கடந்த சில ஆண்டுகளாக மானாவாரியாக மீண்டும் உளுந்து பயிரிடத் தொடங்கினர். நீண்ட இடைவெளிக்குப் பின்னர் விதைக்கப்பட்ட உளுந்துப் பயிர்கள் அபார மகசூல் கண்டது. தொடர்ந்து வந்த காலகட்டத்திலும் எதிர்பார்த்த அளவில் உளுந்து மகசூல் கிடைத்ததால் விவசாயிகள் மகிழ்ச்சி அடைந்தனர்.
கடந்த நவம்பர், டிசம்பர் மாதங்களில் மானாவாரியாக சுமார் 5 ஆயிரம் ஏக்கர் பரப்பளவில் உளுந்து விதைப்பு செய்யப்பட்டது. ஆனால், வடகிழக்குப் பருவ மழையின்போது ஓரளவு மழை பெய்தாலும், தொடர்ந்து வந்த காலத்தில் போதிய மழை இல்லாததால் உளுந்து செடிகள் தற்போது காய்ந்து வருகின்றன. மேலும், உளுந்து செடிகளில் பூஞ்சான் நோய் தாக்குதலும் ஏற்பட்டது. இதனால், 15 சதவீத கூட மகசூல் கிடைக்கவில்லை என விவசாயிகள் வேதனையுடன் கூறுகின்றனர். இதுகுறித்து காடாம்புலியூர் விவசாயி சரவணன் கூறியதாவது: ஒரு கிலோ விதை உளுந்தின் விலை ரூ.80 ஆகும். ஏக்கருக்கு 5 கிலோ தேவை. முதல் பருவத்தில் விதைப்பு செய்த செடிகள் செழித்து வளர்ந்தபோதும் போதிய காய்கள் இல்லை. தற்போது போதிய மழை இல்லாததால் செடிகள் காய்ந்துள்ளன. மேலும், பூஞ்சான் நோய்த் தாக்குதல் காரணமாக மகசூல் கடுமையாகப் பாதிக்கப்பட்டுள்ளது. ஒரு செடிக்கு 4, 5 காய்கள் மட்டுமே காணப்படுகின்றன. இதை அறுவடை செய்ய பெண் கூலித் தொழிலாளிக்கு ரூ.200 ஊதியம், ஒரு வேளை உணவு வழங்க வேண்டும். முன்பு சராசரியாக ஏக்கருக்கு 200 முதல் 300 கிலோ வரை உளுந்து விளைச்சல் கிடைக்கும். ஆனால், தற்போது ஏக்கருக்கு 20 கிலோ கிடைப்பதே அரிதாக உள்ளது. ஒரு கிலோ உளுந்தை ரூ.25 முதல் ரூ.40 வரையிலான குறைந்த விலைக்கே வியாபாரிகள் வாங்குகின்றனர். இதனால், போதிய விலை கிடைக்காது என்பதால், சிலர் பயிர்களை அறுவடை செய்யாமல் அந்த நிலத்தில் கால்நடைகளை மேய்ச்சலுக்கு விட்டுள்ளனர் என்று வேதனையுடன் கூறினார்.
பண்ருட்டி வட்டார வேளாண்மை உதவி இயக்குநர் மோகன்ராஜ் கூறியதாவது: முன் பருவத்தில் விதைப்பு செய்த உளுந்தில் மகசூல் கிடைத்துள்ளது. பின் விதைப்பு செய்த உளுந்து பயிருக்கு போதிய மழை இல்லாததால் செடிகள் காயந்து காணப்படுகின்றன.
பூஞ்சான் தாக்குதல் ஏதும் தென்படவில்லை என்றார் அவர்.

 

]]>
http://www.dinamani.com/all-editions/edition-villupuram/cuddalore/2018/jan/21/போதிய-மழையின்மையால்-மானாவாரி-உளுந்து-மகசூல்-சரிவு-2848525.html
2848524 விழுப்புரம் கடலூர் கிராம அடிப்படை வசதிக்காக நிதி வசூலித்த இளைஞர்கள் ! DIN DIN Sunday, January 21, 2018 04:30 AM +0530 விளாங்காட்டூரில் அடிப்படை வசதி பணிகளை மேற்கொள்ள கிராம இளைஞர்கள் சனிக்கிழமை நிதி வசூலித்ததால் பரபரப்பு ஏற்பட்டது.
விருத்தாசலம் ஊராட்சி ஒன்றியத்துக்கு உள்பட்ட விளாங்காட்டூர் கிராமத்தில், ஊராட்சி நிர்வாகம் போதிய அடிப்படை வசதிகளை மேற்கொள்ளவில்லை எனக் கூறி அந்தக் கிராமத்தைச் சேர்ந்த இளைஞர்கள் சிலர் சனிக்கிழமை வீடுதோறும் சென்று நிதி வசூலித்தனர்.
இதுகுறித்து இளைஞர்கள் கூறியதாவது: எங்களது ஊராட்சிக்குள்பட்ட பகுதியில் குடிநீர் தொட்டி மோட்டார் இணைப்புப் பெட்டி பராமரிப்பின்றி திறந்த நிலையில் காணப்படுகிறது. முறையாக குடிநீரும் விநியோகிக்கப்படுவதில்லை. வாய்க்காலில் கழிவுநீர் தேங்கி நிற்பதால் கொசுத் தொல்லை அதிகமாக உள்ளது. கட்டி முடிக்கப்பட்ட மேல்நிலைக் குடிநீர்த் தொட்டி பயன்பாட்டுக்கு வராமலும் உள்ளது. இந்தக் குறைபாடுகளை ஊராட்சி செயலரிடம் புகாராக தெரிவித்தோம். அவர் பஞ்சாயத்தில் போதிய நிதி இல்லை எனக் கூறி பணிகளை செய்ய மறுக்கிறார். கிராமத்தில் அடிப்படை வசதி பணிகளை மேற்கொள்ள நிதியில்லை எனக் கூறியதால், வீடு வீடாக நாங்களே கையேந்தி, வசூல் செய்து பஞ்சாயத்துக்கு நிதி அளிக்கும் போராட்டத்தை மேற்கொண்டுள்ளோம் என்றனர்.
இதுதொடர்பாக விருத்தாசலம் வட்டார வளர்ச்சி அலுவலர் சீனுவாசன் கூறியதாவது: கிராம மக்களுக்கான குடிநீர்த் தேவைக்காக கட்டப்பட்ட குடிநீர்த் தொட்டி அருகே குளிப்பது, துணிகளை சலவை செய்வது போன்ற செயல்களில் சிலர் ஈடுபட்டு வந்ததைக் கண்டித்தோம். மேலும் தண்ணீரை காலை, மாலை வேளைகளில் மட்டுமே திறந்துவிடுவது போன்ற நடவடிக்கைகளை மேற்கொண்டதால், அங்குள்ள தனி நபர் ஒருவர், சில இளைஞர்களுக்கு தவறான வழிகாட்டுதல் செய்து காழ்ப்புணர்ச்சியின் பேரில் இதுபோன்ற செயல்களில் ஈடுபடுவாதாகத் தெரிவித்தார்.

 

]]>
http://www.dinamani.com/all-editions/edition-villupuram/cuddalore/2018/jan/21/கிராம-அடிப்படை-வசதிக்காக-நிதி-வசூலித்த-இளைஞர்கள்--2848524.html
2848523 விழுப்புரம் கடலூர் இந்தியாவின் மனிதவளக் குறியீடு மேம்பட தனிநபர் மின் நுகர்வு அதிகரிக்க வேண்டும்: மத்திய நிலக்கரித் துறைச் செயலர் DIN DIN Sunday, January 21, 2018 04:30 AM +0530 இந்திய நாட்டின் மனிதவள மேம்பாட்டுக் குறியீடு மேம்பட, தனிநபர் மின் நுகர்வுத் திறன் அதிகரிக்க வேண்டும் என மத்திய நிலக்கரித் துறைச் செயலர் சுசில்குமார் காணொலிக் காட்சி மூலம் பேசினார்.
கடலூர் மாவட்டம், நெய்வேலியில் என்எல்சி இந்தியா நிறுவனம் சார்பில் சுரங்கத் தொழில்நுட்பம், அனல்மின் தொழில்நுட்பம், புதுப்பிக்கவல்ல ஆற்றல் ஆகிய துறைகளின் தேசிய அளவிலான 3 நாள் கருத்தரங்கம் கற்றல் மற்றும் மேம்பாட்டு மையத்தில் சனிக்கிழமை தொடங்கியது.
மத்திய நிலக்கரித் துறை செயலர் சுசில்குமார் தில்லியில் இருந்து காணொலிக் காட்சி மூலம் கருத்தரங்கை தொடக்கி வைத்துப் பேசியதாவது: பாரீஸ் நகரில் நடைபெற்ற சுற்றுச்சூழல் மாநாட்டில் பங்கேற்றுப் பேசிய பிரதமர் நரேந்திர மோடி, இந்தியா 2022-ஆம் ஆண்டுக்குள் 1.75 லட்சம் மெகாவாட் அளவுக்கு புதுபிக்கவல்ல ஆற்றலை தயாரிக்க உள்ளதாக அறிவித்துள்ளார். உற்பத்தி செய்யப்படும் மின் சக்தியை மின் கலன்களில் சேமித்து வைத்து, தேவைக்கேற்ப பயன்படுத்தும் தொழில்நுட்பத்தை மேம்படுத்த வேண்டும். மேலும், இந்த கூடுதல் மின் சக்தியைப் பயன்படுத்தும் வகையில், நமது நாட்டின் தனி நபர் மின் நுகர்வுத் திறனையும் மேம்படுத்த வேண்டும். அப்போதுதான் நமது நாட்டின் மனிதவள மேம்பாட்டுக் குறியீடு அதிகரிக்கும் என்றார்.
இதேபோல, என்எல்சி இந்தியா தலைவர் சரத்குமார் ஆச்சார்யா, காணொலிக் காட்சி மூலம் வழங்கிய வாழ்த்துச் செய்தி: என்எல்சி நிறுவனம் சுமார் 4,500 மெகாவாட் அளவுக்கு பசுமை மின் சக்தியை உற்பத்தி செய்ய உள்ளது. அனல் மின் நிலையங்களில் நைட்ரஜன் மற்றும் கந்தக வாயுக்களைக் கட்டுப்படுத்தும் கருவிகள் பொருத்தப்பட உள்ளன. மேலும், கார்பன் வாயுவை சேகரித்து அதன் மூலம் உரம் தயாரிக்க ஆய்வு மேற்கொள்ளப்பட்டு வருகிறது என்றார்.
கெளரவ விருந்தினராகப் பங்கேற்ற இந்திய நிலக்கரிக் கட்டுப்பாட்டு அதிகாரி அஞ்சனி குமார் பேசியதாவது: பெரும்பாலான நாடுகளில் நிலக்கரி உற்பத்தி அளவு குறைந்து வரும் நிலையில், இந்தியாவில் 2017-ஆம் ஆண்டு 720 கோடி டன் நிலக்கரி வெட்டி எடுக்கப்பட்டுள்ளது. 2020-ஆம் ஆண்டில் நாட்டின் மின் தேவை ஒரு மணிக்கு ஒரு லட்சத்து 42 ஆயிரத்து 300 கோடி யூனிட்டாக இருக்கும். வீட்டு மாடிகளில் சூரிய ஒளி மூலம் மின் சக்தி உற்பத்தி செய்யும் தகடுகளை பொருத்துவதன் மூலம் மணிக்கு 4 ஆயிரம் கோடி யூனிட் மின் உற்பத்தி செய்ய திட்டமிடப்பட்டுள்ளது என்றார் அவர்.
கருத்தரங்க தொடக்க விழாவில் தலைமை விருந்தினராக என்எல்சி இந்தியா நிதித் துறை இயக்குநர் ராகேஷ் குமார் பங்கேற்றார். இயக்குநர்கள் வி.தங்கபாண்டியன், பி.செல்வகுமார் ஆகியோர் கருத்தரங்கின் நோக்கம் குறித்துப் பேசினர். நிறுவன கண்காணிப்புத் துறை தலைமை அதிகாரி டி.வெங்கடசுப்ரமணியன், சுரங்கத் துறை செயல் இயக்குநர் சையத் அப்துல் பதேக் காலித் உள்ளிட்டோர் கலந்து கொண்டனர்.
மத்திய நிலக்கரித் துறை அமைச்சர் பியூஷ் கோயல் அனுப்பிய வாழ்த்துச் செய்தியை இயக்குநர் ஆர்.விக்ரமன் வாசித்தார். மின்னணு மற்றும் புத்தக வடிவிலான விழா மலரை இயக்குநர் ராக்கேஷ் குமார் வெளியிட்டார்.
கருத்தரங்கில் என்எல்சி பொறியாளர்கள், பொதுத் துறை மற்றும் தனியார் நிறுவனங்களின் தொழில்நுட்ப நிபுணர்கள், பேராசிரியர்கள் உள்ளிட்ட சுமார் 500 பேர் பங்கேற்கின்றனர்.
அனல் மின் நிலையங்களின் தலைமைப் பொது மேலாளர் வெங்கடசுப்பையா நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/jan/21/இந்தியாவின்-மனிதவளக்-குறியீடு-மேம்பட-தனிநபர்-மின்-நுகர்வு-அதிகரிக்க-வேண்டும்-மத்திய-நிலக்கரித்-துறை-2848523.html
2848522 விழுப்புரம் கடலூர் "மாணவிகளுக்கு அச்ச உணர்வு கூடாது DIN DIN Sunday, January 21, 2018 04:30 AM +0530 மாணவிகளிடம் அச்ச உணர்வு இருக்கக் கூடாதென கடலூர் அரசுக் கல்லூரி முதல்வர் ப.குமரன் கூறினார்.
கடலூர் தேவனாம்பட்டினத்திலுள்ள அரசுப் பெரியார் கலைக் கல்லூரியில் மாணவிகளுக்கான விழிப்புணர்வு உரை நிகழ்வு வெள்ளிக்கிழமை நடைபெற்றது. ரோடு என்ற தொண்டு நிறுவனம் ஏற்பாடு செய்திருந்த இந்த நிகழ்ச்சிக்கு, கல்லூரி முதல்வர் ப.குமரன் தலைமை வகித்தார். அப்போது அவர் மாணவிகளின் சுதந்திரம், பாதுகாப்பு, தன்சுத்தம் குறித்து பேசியதாவது: ஆண்களுடன் இணைந்து வாழும் இந்தச் சமூகத்தில் பெண்கள் தங்களின் பாதுகாப்பு குறித்து முழு அக்கறை செலுத்த வேண்டும். அதே நேரத்தில், பெண்களுக்கு பல்வேறு சுதந்திரங்கள் வழங்கப்பட்டுள்ளன. அந்த சுதந்திரத்தையும் காத்துக் கொள்ள வேண்டும். கல்லூரி மற்றும் பொது இடங்களில் பெண்களுக்கு எதிரான பாலியல் சீண்டல்கள், ஈவ்-டீசிங் தொடர்பானவற்றை தைரியமாக எதிர்கொண்டு அதனை உரிய அமைப்புகளிடம் புகாராகத் தெரிவிக்க வேண்டும். அப்போது, தான் இதுபோன்ற நிகழ்வுகளை முழுமையாக தடுக்க முடியும்.
எனவே, அச்சஉணர்ச்சியை பெண்கள் குறிப்பாக மாணவிகள் கைவிட வேண்டும். மேலும், தன் சுத்தம் பேணுவதோடு, வீடு, சுற்றுப்புறத்தையும் தூய்மையாக பராமரிக்க வேண்டும் என்றார்.
மேலும், பொருளியல் துறைத் தலைவர் ராமகிருஷ்ணசாந்தி, பேராசிரியர்கள் எஸ்.அருள்ஜோதிசெல்வி ஆகியோர் பேசினர். இதில், மாணவிகள் 200 பேர் பங்கேற்றனர். தொண்டு நிறுவன நிர்வாகி அமிர்தவள்ளி நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/jan/21/மாணவிகளுக்கு-அச்ச-உணர்வு-கூடாது-2848522.html
2848521 விழுப்புரம் கடலூர் என்எல்சி மருத்துவ முகாம் DIN DIN Sunday, January 21, 2018 04:30 AM +0530 குறிஞ்சிப்பாடி வட்டம், வெங்கடாம்பேட்டை கிராமத்தில் என்எல்சி இந்தியா நிறுவனம், புதுச்சேரி பிம்ஸ் மருத்துவமனை இணைந்து சனிக்கிழமை நடத்திய மருத்துவ முகாமை நெய்வேலி எம்எல்ஏ சபா.ராஜேந்திரன் தொடக்கி வைத்தார்.
முகாமில், எலும்பு, கண், குழந்தைகள் நலம், பொது மருத்துவம் உள்ளிட்ட துறைகளைச் சேர்ந்த மருத்துவர்கள் 15 பேர் பங்கேற்று நோயாளிகளுக்கு சிகிச்சை அளித்து, மருத்துவ ஆலோசனைகளை வழங்கினார். முகாமில், 500-க்கும் மேற்பட்ட கிராம மக்கள் கலந்துகொண்டு பயனடைந்தனர். இதில் 89 பேர் மேல் சிகிச்சைக்காக தேர்வு செய்யப்பட்டனர். கண் சிகிச்சைக்கு பின்னர் 49 பேருக்கு கண் கண்ணாடி வழங்கப்பட்டது. முகாமிற்கான ஏற்பாடுகளை என்எல்சி இந்தியா நிறுவனத்தின் சமூகப் பொறுப்புணர்வு திட்டத்தின் கீழ் அதன் ஒருங்கிணைப்பாளர் பாலச்சந்திரன், புதுச்சேரி பிம்ஸ் மருத்துவமனை சார்பில் தயாளன் ஆகியோர் செய்திருந்தனர். இதில், முன்னாள் ஒன்றியச் செயலர் குணசேகரன், பொருளாளர் தண்டபாணி, முன்னாள் ஊராட்சி மன்றத் தலைவர் ஜோதிமணி, ஊராட்சி செயலர்கள் கோவிந்தராஜ், காசிலிங்கம் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2018/jan/21/என்எல்சி-மருத்துவ-முகாம்-2848521.html
2848520 விழுப்புரம் கடலூர் பேருந்துக் கட்டண உயர்வை திரும்பப் பெற நுகர்வோர் கூட்டமைப்பு வலியுறுத்தல் DIN DIN Sunday, January 21, 2018 04:29 AM +0530 அரசுப் பேருந்துகளில் அமல்படுத்தப்பட்டுள்ள கட்டண உயர்வைத் திரும்பப் பெற வேண்டுமென தமிழ்நாடு நுகர்வோர் குழுக்களின் ஒருங்கிணைப்புக் குழு வலியுறுத்தியது.
இந்த அமைப்பின் சிறப்புக் கூட்டம் கடலூரில் மாநிலத் தலைவர் எம்.நிஜாமுதீன் தலைமையில் சனிக்கிழமை நடைபெற்றது.
மாவட்டத் தலைவர் கோவி.கல்விராயர், நிர்வாகிகள் திருநாவுக்கரசு, தி.அருள்செல்வம், ஆ.வைத்தியநாதன், பால்கி உள்ளிட்டோர் முன்னிலை வகித்தனர்.
கூட்டத்தில், தமிழக அரசுப் பேருந்துகளில் கட்டணத்தை நுகர்வோர், தொழில் சங்கங்களின் கருத்துக்களை கேட்டறியாமல் தன்னிச்சையாக உயர்த்தியதற்கு கண்டனம் தெரிவிப்பது.
இந்தக் கட்டண உயர்வானது தனியார் பேருந்து உரிமையாளர்களுக்கு சாதகமாக உள்ளதால், உடனடியாக திரும்பப் பெற வேண்டும். கட்டணத்தை உயர்த்துவதற்கு முன்பாக மக்கள் கருத்துக் கேட்பு கூட்டங்களை நடத்த வேண்டும்.
கடலூரில் மார்ச் 11-ஆம் தேதி நுகர்வோர் மாநில மாநாட்டை நடத்துவது. கடலூர் மாவட்ட நுகர்வோர் நீதிமன்றத்துக்கு அரசுக் கட்டடத்தில் இடம் ஒதுக்கீடு செய்ய வேண்டும்.
அரசின் அனைத்துத் துறைகளிலும் காலாண்டுக் கூட்டங்களை தொடர்ந்து நடத்த வேண்டும்.
வணிகர்களை மிரட்டி வரும் போலி நுகர்வோர் குழுக்கள் மீது நடவடிக்கை எடுத்து அவர்களின் அங்கீகாரத்தை ரத்து செய்ய வேண்டும். நுகர்வோரின் பாதுகாப்பை உறுதிப்படுத்தும் வகையில் நுகர்வோர் பாதுகாப்புச் சட்டம் 2018-இல் திருத்தம் செய்து அமல்படுத்த வேண்டும்.
உணவுப் பாதுகாப்புச் சட்டத்தின் கீழ் வணிக நிறுவனங்களை கட்டாயமாகப் பதிவு செய்திட உரிய நடவடிக்கைகளை மாவட்ட நிர்வாகம் எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் நிர்வாகிகள் பழனி, ராஜேந்திரன், தங்கம், விக்டர் ஜெயராஜ், உமாசெல்வி உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-villupuram/cuddalore/2018/jan/21/பேருந்துக்-கட்டண-உயர்வை-திரும்பப்-பெற-நுகர்வோர்-கூட்டமைப்பு-வலியுறுத்தல்-2848520.html
2848519 விழுப்புரம் கடலூர் தேசிய விளையாட்டுப் போட்டியில் வீரர்கள் மோதல் DIN DIN Sunday, January 21, 2018 04:29 AM +0530 கடலூரில் சனிக்கிழமை நடைபெற்ற தேசிய அளவிலான விளையாட்டுப் போட்டியில் வீரர்கள் மோதிக்கொண்டதால் பரபரப்பு ஏற்பட்டது.
தேசிய மற்றும் தமிழக ஊரக விளையாட்டுச் சங்கம் சார்பில் அகில இந்திய அளவிலான விளையாட்டுப் போட்டிகள் கடலூர் அண்ணா விளையாட்டரங்கில் சனிக்கிழமை திடீரென நடத்தப்பட்டன. இதற்காக, சென்னையிலிருந்து பேருந்துகளில் 13 மாநிலங்களைச் சேர்ந்த 300 வீராங்கனைகள் உள்பட 1,400 பேர் அழைத்து வரப்பட்டனர். இதில், தடகளம், கால்பந்து, கைப் பந்து, கையுந்துப் பந்து, கபடி உள்ளிட்ட போட்டிகள் நடத்தப்படும் என அறிவிக்கப்பட்டது.
அதே நேரத்தில் குடியரசு தின விழா ஒத்திகையில் பங்கேற்பதற்காக 500-க்கும் அதிகமான கடலூர் மாணவ, மாணவிகளும் மைதானத்தில் குவிந்திருந்தனர். தேசிய விளையாட்டுப் போட்டிகளால் இந்த மாணவர்கள் ஒத்திகையில் ஈடுபட முடியாமல் அவதியுள்ளனர். இந்த நிலையில், தேசிய விளையாட்டுப் போட்டியின்போது மைதானத்தில் அரியானா - ராஜஸ்தான் வீரர்கள் இடையே திடீரென மோதல் ஏற்பட்டு, ஒருவரையொருவர் தாக்கிக் கொண்டனர்.
அப்போது, குடியரசு தின ஒத்திகை நிகழ்ச்சியைப் பார்வையிடுவதற்காக வந்திருந்த சார்-ஆட்சியர் ஜானிடாம் வர்கீஸ், மாவட்ட வருவாய் அலுவலர் கோ.விஜயா ஆகியோர் அங்கிருந்த காவலர்களை சம்பவ இடத்துக்கு அனுப்பி வைத்தனர். மைதானத்தில் மோதல் முடிந்த சிறிது நேரத்தில் அலுவலக வாயிலில் வீரர்கள் இரு தரப்பினரும் மீண்டும் மோதிக்கொண்டனர். கூரிய ஆயுதம், அங்கிருந்த இருக்கைகளைக் கொண்டு தாக்க முயன்றனர். இதையடுத்து, காவல் துறையினர் அங்கு விரைந்து வந்து மோதலை தடுத்து அங்கிருந்தவர்களை கலைந்துபோகச் செய்தனர்.
பிரச்னை தீவிரமடைந்ததை அடுத்து, கடலூர் மாவட்ட விளையாட்டு அலுவலர் மா.ராஜா, தமிழக ஊரக விளையாட்டுச் சங்கத்தின் பொதுச் செயலர் ஜி.பி.மகேஷ்பாபு ஆகியோரை விளையாட்டு அலுவலர் அலுவலகத்துக்கு வரவழைத்து அவர்களிடம் சார்-ஆட்சியர் ஜானிடாம் வர்கீஸ் விசாரணை நடத்தினார். தொடர்ந்து, விளையாட்டு அரங்கிலிருந்து வீரர்களைத் தவிர மற்ற அனைவரும் வெளியேற்றும்படி தெரிவிக்கப்பட்டது. மேலும், கூடுதல் போலீஸார் பாதுகாப்புப் பணியில் ஈடுபடுத்தப்பட்டனர்.
அதே நேரத்தில் மற்றொருபுறத்தில் குடியரசு தின நடன ஒத்திகை எந்தவிதமான இடையூறின்றி நடைபெற வேண்டுமெனவும் தெரிவிக்கப்பட்டது. மேலும், ஞாயிற்றுக்கிழமை நடைபெற வேண்டிய தேசியப் போட்டிகளை சனிக்கிழமையோடு முடித்துக் கொள்ள வேண்டுமெனவும் அறிவுறுத்தப்பட்டதை அடுத்து, தொடர்ந்து போட்டிகள் நடைபெற்றன.
இதுகுறித்து தமிழக ஊரக விளையாட்டுச் சங்கத்தின் பொதுச் செயலர் ஜி.பி.மகேஷ்பாபு கூறியதாவது: ஜனவரி 19 முதல் 21-ஆம் தேதி வரை சென்னையில் நடைபெற வேண்டிய இந்தப் போட்டி திடீரென ரத்து செய்யப்பட்டதால், வீரர்களை கடலூருக்கு அழைத்து வந்து போட்டியை நடத்த முடிவு செய்தோம். போட்டியில் வீரர்களுக்கிடையே சண்டைகள் ஏற்படுவது சாதாரண நிகழ்வுதான். அதனை பெரிதுபடுத்த வேண்டியதில்லை என்றார்.
இதுகுறித்து போட்டியில் பங்கேற்ற வீரர் ஒருவரின் தந்தை கூறியதாவது: ஒரு விளையாட்டில் பங்கேற்க ரூ.2,500 வீதம் கட்டணம் வசூலிக்கப்படுகிறது. ஆனால், முறையான உணவு, தங்குமிட வசதி செய்துதரவில்லை. தற்போது தடகளப் போட்டி மட்டும் நடத்தப்படும் எனக் கூறுகிறார்கள். மற்ற விளையாட்டுகளில் பங்கேற்பதற்காகப் பணம் செலுத்தியவர்களுக்கு அந்தத் தொகை திருப்பித் தரப்படுமா என்ற கேள்விக்கு பதில் இல்லை. நபருக்கு ரூ.2,500 வீதம் 1,400 பேரிடமிருந்து ரூ.35 லட்சம் வரை வசூலிக்கப்பட்டுள்ளது. இதுகுறித்து மாவட்ட நிர்வாகமும், தமிழ்நாடு விளையாட்டு மேம்பாட்டு ஆணையமும் உரிய நடவடிக்கை எடுக்க வேண்டும் என்றார்.

 

]]>
http://www.dinamani.com/all-editions/edition-villupuram/cuddalore/2018/jan/21/தேசிய-விளையாட்டுப்-போட்டியில்-வீரர்கள்-மோதல்-2848519.html
2848035 விழுப்புரம் கடலூர் பக்கத்து வீட்டு குடும்பத் தகராறை தடுக்க முயன்றவர் குத்திக் கொலை DIN DIN Saturday, January 20, 2018 10:10 AM +0530 பண்ருட்டி அருகே பக்கத்து வீட்டு குடும்பத் தகராறை தடுக்க முயன்றவர்  வெள்ளிக்கிழமை இரவு குத்திக் கொல்லப்பட்டார். மேலும் 3 பேர் கத்தியால் தாக்கப்பட்டதில் காயமடைந்தனர். 
 கடலூர் மாவட்டம், பண்ருட்டி அருகே உள்ள திருவத்தூர் கிராமத்தைச் சேர்ந்தவர் பெரியண்ணன் (45). இவரது மனைவி பாக்கியலெட்சுமி (37). இவர்கள் இருவருக்கும் குடும்பப் பிரச்னை காரணமாக வெள்ளிக்கிழமை இரவு வாய்த் தகராறு ஏற்பட்டதாம். அப்போது ஆத்திரமடைந்த பெரியண்ணன் கத்தியால் தனது மனைவி பாக்கியலட்சுமியை குத்தியுள்ளார். 
 அவரது அலறல் சத்தம் கேட்டு பக்கத்து வீட்டில் வசிக்கும் ஏழுமலை (50), ராஜசேகர் (27), வெண்ணிலா (31) ஆகியோர் விரைந்து வந்து, பெரியண்ணனை தடுக்க முயன்றனர். ஆனால், இவர்கள் மூவரையும் பெரியண்ணன் கத்தியால் குத்தியுள்ளார். இதில் சம்பவ இடத்திலேயே ஏழுமலை உயிரிழந்தார்.   காயமடைந்த பாக்கியலெட்சுமி உள்ளிட்ட மூவரும் பண்ருட்டி அரசு மருத்துவமனையில் சேர்க்கப்பட்டனர். பின்னர் தீவிர சிகிச்சைக்காக கடலூர் அரசு மருத்துவமனைக்கு கொண்டுசெல்லப்பட்டனர்.  சம்பவம் குறித்து காடாம்புலியூர் போலீஸார் விசாரித்து வருகின்றனர்.

]]>
http://www.dinamani.com/all-editions/edition-villupuram/cuddalore/2018/jan/20/பக்கத்து-வீட்டு-குடும்பத்-தகராறை-தடுக்க-முயன்றவர்-குத்திக்-கொலை-2848035.html
2847996 விழுப்புரம் கடலூர் குடும்பத் தகராறு: தம்பதி தற்கொலை DIN DIN Saturday, January 20, 2018 10:04 AM +0530 19: கடலூர் மாவட்டம், நெய்வேலி அருகே குடும்பத் தகராறு காரணமாக, விஷம் குடித்து தம்பதி தற்கொலை செய்து கொண்டனர்.
நெய்வேலி அருகே உள்ள இந்திரா நகர் ஊராட்சி என்.ஆர். ராஜன் நகரைச் சேர்ந்தவர் முனுசாமி (63). இவரது மனைவி ராணி (53). இவர்களுக்கு இடையே கருத்து வேறுபாடு இருந்ததாகக் கூறப்படுகிறது. இந்த நிலையில், வியாழக்கிழமை இரவு வீட்டில் இருவரும் பூச்சி மருந்து குடித்த நிலையில் உயிரிழந்து கிடந்தனர். தகவலறிந்த நெய்வேலி நகரிய போலீஸார் இருவரின் சடலங்களையும் மீட்டு உடல்கூறாய்வுக்காக குறிஞ்சிப்பாடி அரசு மருத்துவமனைக்கு அனுப்பி வைத்தனர். மேலும், சம்பவம் குறித்து முனுசாமியின் மகன் ரவிச்சந்திரன் அளித்த புகாரின் பேரில் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/cuddalore/2018/jan/20/குடும்பத்-தகராறு-தம்பதி-தற்கொலை-2847996.html
2847994 விழுப்புரம் கடலூர் முதியவர் கொலை: மகன், மருமகள் கைது DIN DIN Saturday, January 20, 2018 10:04 AM +0530 கடலூர் மாவட்டம், சிதம்பரம் அருகே முதியவர் வியாழக்கிழமை இரவு குத்திக் கொல்லப்பட்டார். இதுதொடர்பாக அவரது மகன், மருமகளை போலீஸார் கைது செய்தனர்.
சிதம்பரம் அருகே உள்ள புவனகிரி தாமரைக்குளம் தெருவைச் சேர்ந்தவர் பன்னீர்செல்வம் (65). புவனகிரி கடை வீதியில் முடி திருத்தும் கடை நடத்தி வந்தார். இவரது மகன் பாலமுருகன் (43). இவரது மனைவி தேன்மொழி (32).
தனது தந்தையின் கடையில் பாலமுருகன் வேலை செய்து வந்தார். தந்தை, மகன் இடையே அடிக்கடி தகராறு ஏற்பட்டு வந்ததாகக் கூறப்படுகிறது. பன்னீர்செல்வம் வியாழக்கிழமை இரவு தனது வீட்டில் இருந்தார். அப்போது, அங்கு மதுபோதையில் வந்த பாலமுருகன் கடையை தான் நடத்துவதாக கூறினாராம். இதையடுத்து இருவருக்கும் தகராறு ஏற்பட்டுள்ளது.
அப்போது, பன்னீர்செல்வத்தை பாலமுருகன் பிடித்துக் கொள்ள, தேன்மொழி கத்தியால் மாமனாரின் மார்பில் குத்தினாராம். இதில் மயங்கிய பன்னீர்செல்வத்தை, மற்றொரு மகன் பாபு மீட்டு சிதம்பரம் அரசு மருத்துவமனைக்கு கொண்டு சென்றார். ஆனால், வழியிலேயே அவர் உயிரிழந்தார். சம்பவம் குறித்து புவனகிரி போலீஸார் வழக்குப் பதிந்து பாலமுருகன், அவரது மனைவி தேன்மொழி ஆகியோரை கைது செய்தனர்.

]]>
http://www.dinamani.com/all-editions/edition-villupuram/cuddalore/2018/jan/20/முதியவர்-கொலை-மகன்-மருமகள்-கைது-2847994.html
2847992 விழுப்புரம் கடலூர் சிதம்பரத்தில் வாகனச் சோதனை DIN DIN Saturday, January 20, 2018 10:04 AM +0530 சிதம்பரத்தில் வட்டாரப் போக்குவரத்துத் துறை, நகர காவல் துறையினர் இணைந்து வியாழக்கிழமை இரவு வாகனச் சோதனையில் ஈடுபட்டனர். 
மது போதையில் வாகனம் ஓட்டுபவர்கள் மீது நடவடிக்கை எடுக்க இந்தச் சோதனை நடைபெற்றது. சிதம்பரம் மேலரத வீதி, பேருந்து நிலையம் உள்ளிட்டப் பகுதிகளில் வட்டாரப் போக்குவரத்து ஆய்வாளர் கே.விமலா, நகர காவல் ஆய்வாளர் குமார் மற்றும் போலீஸார் சோதனை மேற்கொண்டனர். இதில், மது போதையில் இரு சக்கர வாகனம் ஓட்டி வந்தவர்களின் இரு வாகனங்களை போலீஸார் பறிமுதல் செய்தனர். மேலும் இதுகுறித்து வழக்குப் பதிவு செய்யப்பட்டுள்ளது. 
சோதனை குறித்து வட்டாரப் போக்குவரத்து ஆய்வாளர் 
கே.விமலா கூறுகையில், இதுபோன்ற சோதனைகள் தொடர்ந்து மேற்கொள்ளப்படும். மது போதையில் வாகனம் ஓட்டுபவர்களின் ஓட்டுநர் உரிமம் ரத்து செய்யப்படும் என்றார்.

]]>
http://www.dinamani.com/all-editions/edition-villupuram/cuddalore/2018/jan/20/சிதம்பரத்தில்-வாகனச்-சோதனை-2847992.html
2847990 விழுப்புரம் கடலூர் தியாகிகள் நினைவு தின ஆர்ப்பாட்டம் DIN DIN Saturday, January 20, 2018 10:03 AM +0530 கடலூரில் தியாகிகள் நினைவு தின ஆர்ப்பாட்டம் வெள்ளிக்கிழமை நடைபெற்றது.
தொழில்சங்க வேலைநிறுத்தத்தை ஆதரித்து விவசாயிகள், விவசாய தொழிலாளர்கள் 1982-ஆம் ஆண்டு ஜனவரி 19-ஆம் தேதி திருமெய்ஞானம் கிராமத்தில் போராட்டத்தில் ஈடுபட்டனர். அப்போது நடத்தப்பட்ட துப்பாக்கிச் சூட்டில் உயிரிழந்த 3 பேரை நினைவுகூரும் வகையில் திருப்பாதிரிபுலியூரில் வெள்ளிக்கிழமை மாலை ஒளிவிளக்கு ஏந்தி ஆர்ப்பாட்டம் நடைபெற்றது. சிஐடியு, ஏஐகேஎஸ், ஏஐஏடபிள்யூயூ ஆகிய தொழில் சங்கங்கள் சார்பில் நடைபெற்ற இந்த ஆர்ப்பாட்டத்துக்கு சிஐடியு மாவட்டத் தலைவர் ஜி.பாஸ்கரன் தலைமை வகித்தார். விவசாயிகள் சங்க மாவட்டத் தலைவர் ஜி.ஆர்.ரவிச்சந்திரன், விவசாய தொழிலாளர்கள் சங்க மாவட்டத் தலைவர் எஸ்.துரைராஜ் ஆகியோர் முன்னிலை வகித்தனர். சிஐடியு மாநில உதவி பொதுச் செயலர் வி.குமார், மாநில இணைச் செயலர் கோ.மாதவன் ஆகியோர் சிறப்புரையாற்றினர். 
சிஐடியு மாநிலச் செயலர் பி.கருப்பையன், விவசாயிகள் சங்க மாவட்ட பொருளாளர் எஸ்.தட்சணாமூர்த்தி, விவசாய தொழிலாளர் சங்க மாவட்டச் செயலர் எம்.பி.தண்டபாணி உள்ளிட்டோர் பங்கேற்றனர். ஆர்ப்பாட்டத்தில், ஒக்கி புயலால் காணாமல்போன மீனவர்களின் குடும்பத்துக்கு தலா ரூ.25 லட்சம் நிவாரணம் வழங்க வேண்டும். காணாமல் போனவர்களுக்கு 7 ஆண்டுகளுக்குப் பின்னரே நிவாரணம் என்ற சட்டத்தை மாற்ற வேண்டும். எம்.எஸ்.சுவாமிநாதன் குழு பரிந்துரைகளின்படி விளைபொருள்களுக்கு லாபகரமான விலை நிர்ணயம் செய்ய வேண்டும். தனியார் சர்க்கரை ஆலைகள் வழங்க வேண்டிய நிலுவைத் தொகையை உடனடியாக வழங்க வேண்டும்.ஏழை, நடுத்தர விவசாயிகளின் கடன்களை தள்ளுபடி செய்ய வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

]]>
http://www.dinamani.com/all-editions/edition-villupuram/cuddalore/2018/jan/20/தியாகிகள்-நினைவு-தின-ஆர்ப்பாட்டம்-2847990.html
2847989 விழுப்புரம் கடலூர் பயிற்சிக் காவலர்களுக்கு துப்பாக்கிச் சுடும் பயிற்சி DIN DIN Saturday, January 20, 2018 10:03 AM +0530 கடலூரில் பயிற்சிக் காவலர்களுக்கு துப்பாக்கிச் சுடும் பயிற்சி அளிக்கப்பட்டது. 
கடலூர் மாவட்ட காவல் துறை கண்காணிப்பாளர் அலுவலகத்தில் தாற்காலிக காவலர் பயிற்சிப் பள்ளி செயல்பட்டு வருகிறது. 
இந்தப் பள்ளியில் 249 பேர் பயிற்சி பெற்று வருகின்றனர். 6 மாதம் பயிற்சியும், ஒரு மாதம் காவல் நிலையங்களிலும் பயிற்சி பெறுவார்கள். 
இதன் ஒரு பகுதியாக ஆயுதப் படை வளாகத்தில் வெள்ளிக்கிழமை பயிற்சிக் காவலர்களுக்கு துப்பாக்கி கையாளும் பயிற்சி வழங்கப்பட்டது. ஆயுதப் படை ஆய்வாளர் கி.சிவசங்கரன் தலைமையில் 4 உதவி ஆய்வாளர்கள் இந்தப் பயிற்சியை அளித்தனர். 
தொடர்ந்து, ஓட்டம், நடைப்பயிற்சி, லத்தியை பயன்படுத்துதல் தொடர்பாகவும் பயிற்சி அளிக்கப்
படுகிறது.

]]>
http://www.dinamani.com/all-editions/edition-villupuram/cuddalore/2018/jan/20/பயிற்சிக்-காவலர்களுக்கு-துப்பாக்கிச்-சுடும்-பயிற்சி-2847989.html
2847987 விழுப்புரம் கடலூர் திருவந்திபுரம் கோயிலில் 83 ஜோடிகளுக்கு திருமணம் DIN DIN Saturday, January 20, 2018 10:03 AM +0530 திருவந்திபுரம் தேவநாதசுவாமி கோயிலில் வெள்ளிக்கிழமை 83 ஜோடிகளுக்கு திருமணம் நடைபெற்றது.
நடுநாட்டுத் திருப்பதிகள் இரண்டில் ஒன்றாக திருவந்திபுரம் தேவநாதசுவாமி கோயில்  விளங்குகிறது. இந்தக் கோயிலில் சுபமுகூர்த்த தினங்களில் திருமண நிகழ்ச்சிகள் நடைபெறுகிறது. 
அதன்படி தை மாத முதலாவது முகூர்த்த தினத்தை முன்னிட்டு வெள்ளிக்கிழமை 83  ஜோடிகளுக்கு திருமணம் நடைபெற்றது. இதனால், கோயில் வளாகம் முழுவதும் புதுமணத் தம்பதிகளாலும், அவர்களின் உறவினர்களாலும் நிரம்பி வழிந்தது. 
புரோகிதர்கள் வேத மந்திரங்கள் முழங்க திருமணத்தை நடத்தி வைத்தனர். ஒரு திருமணம் முடித்து வைக்கப்பட்டு, உடனடியாக அதே இடத்தில் மற்றொரு ஜோடியினருக்கு திருமணம் நடத்தி வைக்கப்பட்டது. மேலும், கோயிலைச் சுற்றியுள்ள திருமண மண்டபங்களில் திருமண நிகழ்ச்சிகள் நடைபெற்றதால் திருவந்திபுரம் முழுவதுமே வெள்ளிக்கிழமை மக்கள் கூட்டத்தால் நிரம்பி வழிந்தது.
இந்த நிலையில், வரும் திங்கள்கிழமை இந்தக் கோயிலில் திருமணம் நடத்துவதற்காக இதுவரை 150 பேர் பதிவு செய்துள்ளதாகக் கோயில் நிர்வாகம் தெரிவித்துள்ளது.

]]>
http://www.dinamani.com/all-editions/edition-villupuram/cuddalore/2018/jan/20/திருவந்திபுரம்-கோயிலில்-83-ஜோடிகளுக்கு-திருமணம்-2847987.html
2847984 விழுப்புரம் கடலூர் கரும்பு நிலுவைத் தொகை கோரி சர்க்கரை ஆலை முற்றுகை DIN DIN Saturday, January 20, 2018 10:03 AM +0530 கரும்புக்கான நிலுவைத் தொகையை வழங்கக் கோரி,  திட்டக்குடி அருகே சர்க்கரை ஆலையை முற்றுகையிட்டு விவசாயிகள் வெள்ளிக்கிழமை போராட்டத்தில் ஈடுபட்டனர்.
திட்டக்குடியை அடுத்துள்ள இறையூரில் அம்பிகா சர்க்கரை ஆலை செயல்பட்டு வருகிறது. சுற்றுவட்டாரக் கிராமங்களில் உள்ள விவசாயிகள் சுமார் 35 ஆயிரம் ஏக்கரில் கரும்பு பயிர் செய்து இந்த ஆலைக்கு அரைவைக்கு அனுப்பி வருகின்றனர். 
கடந்த ஆண்டு அனுப்பி வைக்கப்பட்ட கரும்புக்கான தொகையை இதுவரை ஆலை நிர்வாகம் வழங்கவில்லையாம். இதனால் நிகழாண்டுக்கு ஆலைக்கு கரும்புகளை அனுப்பாமல், வெளி மாவட்டங்களில் உள்ள ஆலைக்கு அனுப்புவதால் மேற்கூறிய ஆலையின் அரைவைக்கு குறைந்த அளவே கரும்புகள் செல்கின்றன. எனவே, முருகன்குடி கிராமத்தைச் சேர்ந்த சிறு, குறு விவசாயிகள் தங்களுக்கு வழங்க வேண்டிய கரும்பு நிலுவைத் தொகையை ஆலை நிர்வாகம் வழங்கினால் மட்டும்தான் கரும்பு அனுப்பப்படும் என தெரிவித்தனர். 
 கிளை அலுவலகத்தில் உள்ள அலுவலர்கள் இந்த ஆண்டு கரும்புகளை வெட்டி ஆலைக்கு அனுப்பிய பிறகே பாக்கித் தொகை வழங்கப்படும் என தெரிவித்ததாகக் கூறப்படுகிறது. 
இதனால் ஆத்திரமடைந்த விவசாயிகள் வெள்ளிக்கிழமை ஆலையின் கிளை அலுவலகத்தை முற்றுகையிட்டனர். 
அலுவலர்கள் உடனடியாக ஆலை நிர்வாகத்திடம் பேசி நடவடிக்கை எடுப்பதாக கூறியதை அடுத்து விவசாயிகள் அங்கிருந்து கலைந்து சென்றனர்.
 

]]>
http://www.dinamani.com/all-editions/edition-villupuram/cuddalore/2018/jan/20/கரும்பு-நிலுவைத்-தொகை-கோரி-சர்க்கரை-ஆலை-முற்றுகை-2847984.html
2847985 விழுப்புரம் கடலூர் கரும்பு நிலுவைத் தொகை கோரி சர்க்கரை ஆலை முற்றுகை DIN DIN Saturday, January 20, 2018 10:03 AM +0530 கரும்புக்கான நிலுவைத் தொகையை வழங்கக் கோரி,  திட்டக்குடி அருகே சர்க்கரை ஆலையை முற்றுகையிட்டு விவசாயிகள் வெள்ளிக்கிழமை போராட்டத்தில் ஈடுபட்டனர்.
திட்டக்குடியை அடுத்துள்ள இறையூரில் அம்பிகா சர்க்கரை ஆலை செயல்பட்டு வருகிறது. சுற்றுவட்டாரக் கிராமங்களில் உள்ள விவசாயிகள் சுமார் 35 ஆயிரம் ஏக்கரில் கரும்பு பயிர் செய்து இந்த ஆலைக்கு அரைவைக்கு அனுப்பி வருகின்றனர். 
கடந்த ஆண்டு அனுப்பி வைக்கப்பட்ட கரும்புக்கான தொகையை இதுவரை ஆலை நிர்வாகம் வழங்கவில்லையாம். இதனால் நிகழாண்டுக்கு ஆலைக்கு கரும்புகளை அனுப்பாமல், வெளி மாவட்டங்களில் உள்ள ஆலைக்கு அனுப்புவதால் மேற்கூறிய ஆலையின் அரைவைக்கு குறைந்த அளவே கரும்புகள் செல்கின்றன. எனவே, முருகன்குடி கிராமத்தைச் சேர்ந்த சிறு, குறு விவசாயிகள் தங்களுக்கு வழங்க வேண்டிய கரும்பு நிலுவைத் தொகையை ஆலை நிர்வாகம் வழங்கினால் மட்டும்தான் கரும்பு அனுப்பப்படும் என தெரிவித்தனர். 
 கிளை அலுவலகத்தில் உள்ள அலுவலர்கள் இந்த ஆண்டு கரும்புகளை வெட்டி ஆலைக்கு அனுப்பிய பிறகே பாக்கித் தொகை வழங்கப்படும் என தெரிவித்ததாகக் கூறப்படுகிறது. 
இதனால் ஆத்திரமடைந்த விவசாயிகள் வெள்ளிக்கிழமை ஆலையின் கிளை அலுவலகத்தை முற்றுகையிட்டனர். 
அலுவலர்கள் உடனடியாக ஆலை நிர்வாகத்திடம் பேசி நடவடிக்கை எடுப்பதாக கூறியதை அடுத்து விவசாயிகள் அங்கிருந்து கலைந்து சென்றனர்.
 

]]>
http://www.dinamani.com/all-editions/edition-villupuram/cuddalore/2018/jan/20/கரும்பு-நிலுவைத்-தொகை-கோரி-சர்க்கரை-ஆலை-முற்றுகை-2847985.html
2847981 விழுப்புரம் கடலூர் கோட்டாட்சியர் முன் பெண் தீக்குளிக்க முயற்சி DIN DIN Saturday, January 20, 2018 10:02 AM +0530 திட்டக்குடி வட்டாட்சியர் அலுவலகத்தில், கோட்டாட்சியர் முன்  பெண் ஒருவர் வெள்ளிக்கிழமை தீக்குளிக்க முயன்றதால் பரபரப்பு ஏற்பட்டது.
பெண்ணாடம் அடுத்துள்ள முருகன்குடியைச் சேர்ந்த திருஞானம் மகள் சங்கீதா.  திருஞானம் தனது மனைவி, மகள்களை விட்டுப் பிரிந்து சென்ற நிலையில், மனநிலை பாதிக்கப்பட்ட தனது தாய் சுமித்ரா பேபியுடன் சங்கீதா வசித்து வருகிறார். இவரது தந்தை வழிச் சொத்துகள் அனைத்துக்கும் ஒரே வாரிசு சங்கீதா தான் என 1995-ஆம் ஆண்டு நீதிமன்றம் உத்தரவு பிறப்பித்ததாகக் கூறப்படுகிறது. 
அதன்படி, தனது பாட்டனார் பெயரில் உள்ள சொத்துகள் அனைத்தையும் தனது பெயருக்கு பட்டா மாற்றிக் கொடுக்கக் கோரி திட்டக்குடி வட்டாட்சியர் அலுவலகத்தில் பல முறை சங்கீதா முயற்சி செய்துள்ளார். ஆனாலும், பட்டா மாற்றித் தரப்படவில்லையாம். 
இந்த நிலையில், வெள்ளிக்கிழமை ஆய்வுப் பணிக்காக விருத்தாசலம் கோட்டாட்சியர் சந்தோஷினி சந்திரா திட்டக்குடி வட்டாட்சியர் அலுவலகத்துக்கு வந்தார். அப்போது, பட்டா மாற்றி தராத வருவாய்த் துறையினரைக் கண்டித்து கோட்டாட்சியர் முன் சங்கீதா தீக்குளிக்க முயன்றார். அப்போது அங்கிருந்த வருவாய்த் துறையினர் அவரை தடுத்து நிறுத்தினர். 
இந்தப் பிரச்னை தொடர்பாக சனிக்கிழமை பேச்சுவார்த்தை நடத்தப்படுமென கோட்டாட்சியர் கூறியதைத் தொடர்ந்து சங்கீதா அங்கிருந்து சென்றார்.

]]>
http://www.dinamani.com/all-editions/edition-villupuram/cuddalore/2018/jan/20/கோட்டாட்சியர்-முன்-பெண்-தீக்குளிக்க-முயற்சி-2847981.html
2847979 விழுப்புரம் கடலூர் கரும்பு நிலுவைத் தொகை வழங்குவதில் இழுபறி: குறைதீர் கூட்டத்தில் விவசாயிகள் வாக்குவாதம் DIN DIN Saturday, January 20, 2018 10:02 AM +0530 விவசாயிகள் குறைதீர் கூட்டத்தில், கரும்புக்கான நிலுவைத் தொகையை வழங்கக் கோரி விவசாயிகள் வாக்குவாதத்தில் ஈடுபட்டதை அடுத்து கூட்டம் பாதியில் முடிந்தது.
கடலூர் மாவட்ட விவசாயிகள் குறைதீர் கூட்டம் மாவட்ட ஆட்சியர் அலுவலகத்தில் மாவட்ட ஆட்சியர் பிரசாந்த் மு.வடநேரே தலைமையில் வெள்ளிக்கிழமை நடைபெற்றது. கூட்டம் தொடங்கியதும் விவசாயிகள் தங்களது பகுதிகளின் பிரச்னைகள் தொடர்பாக பேசினர். பெரும்பாலான விவசாயிகள் கரும்பு நிலுவைத் தொகை, பயிர்க் காப்பீட்டுத் தொகை நிலுவை குறித்து எடுத்துரைத்தனர்.
அண்ணாகிராமம் வி.தென்னரசு பேசியதாவது: நெல்லிக்குப்பம் தனியார் சர்க்கரை ஆலை நிர்வாகம்  கரும்பு விவசாயி
களுக்கு வழங்க வேண்டிய மாநில அரசின் ஆதரவு விலையை முழுமையாக தர மறுக்கிறது. சில சங்கங்களுடன் பேச்சுவார்த்தை நடத்தியதாகக் கூறி விவசாயிகளை ஏமாற்றி, அவர்களிடமிருந்து கையெழுத்து பெற்று வருகிறது. எனவே, இந்த நிறுவனம் மீது உரிய நடவடிக்கை எடுத்து, கரும்பு நிலுவைத் தொகையை முழுமையாகப் பெற்றுத் தர வேண்டும் என்றார். 
அப்போது, நெல்லிக்குப்பம் கோதண்டராமன், தனியார் சர்க்கரை ஆலையின் செயல்பாடு குறித்து கடும் அதிருப்தி தெரிவித்தார். மேலும், ஆலை நிர்வாகம் தவறான தகவல்களை வெளியிட்டு வருவதாகவும் கூறினார். இவரது கருத்துக்கு ஆதரவாக தமிழ்நாடு விவசாயிகள் சங்க மாவட்டச் செயலர் கோ.மாதவன் உள்ளிட்ட விவசாயிகள் பலர்  தனியார் சர்க்கரை ஆலை மீது புகார் தெரிவித்ததோடு, விவசாயிகளை ஏமாற்றி டன்னுக்கு ரூ.1,325 வழங்குவதற்குப் பதிலாக ரூ.380 மட்டுமே வழங்குவதாகவும், அதனை விவசாயிகள் பெற்றுக்கொள்வதாகவும் கூறி கையெழுத்து பெற்று வருகின்றனர் என்றனர். 
மேலும், இந்த ஒப்பந்தத்தில் கையெழுத்து இடாதவர்களுக்கு நிலுவைத் தொகை வழங்கப்படுமா என்று கேள்வி எழுப்பி
னர். அதற்கு ஈஐடி பாரி ஆலை நிர்வாகம் சார்பில் அளித்த பதிலில், ஒப்பந்தத்தில் கையெழுத்திட்டால் மட்டுமே நிலுவைத் தொகை வழங்கப்படும் என்று தெரிவிக்கப்பட்டது. இதற்கு, மற்ற விவசாயிகளும் எதிர்ப்புத் தெரிவித்துப் பேசியதால் கூச்சல், குழப்பம் ஏற்பட்டது.
கூட்டத்தில் ஆட்சியர் பதிலளித்துப் பேசியதாவது: கரும்புக்கான நிலுவைத் தொகை வழங்கும் விஷயத்தில் அரசு சில கொள்கை முடிவுகளை அறிவித்துள்ளது. எனினும், நிலுவைத் தொகையைப் பெற்றுத் தர நடவடிக்கை எடுக்கப்படும் என்றார்.
இருப்பினும், விவசாயிகள் தொடர்ந்து குரல் எழுப்பியதால், மற்ற விவசாயிகளிடமிருந்து ஆட்சியர் மனுக்களைப் பெறத் தொடங்கினார். இதனால், பிற விவசாயிகள் பேசுவதற்கு வாய்ப்பு வழங்கப்படாமல் கூட்டம் பாதியில் முடிந்தது. 
முன்னதாக கூட்டத்தில் விவசாயிகள் பேசியதாவது:
தமிழ்நாடு விவசாயிகள் சங்க மாவட்டச் செயலர் கோ.மாதவன்: காவிரியிலிருந்து தண்ணீர் பெற்றுத் தர வேண்டும். வீராணத்தில் தண்ணீர் திறப்பு இல்லாததால் கீழக்கரை, நந்திமங்கலம், கோப்பாடி பகுதிகளில் சுமார் 2 ஆயிரம் ஏக்கரில் பயிர்கள் பாதிக்கப்பட்டுள்ளன.
பாசிமுத்தான் ஓடை பாசன விவசாயிகள் சங்கத் தலைவர் பெ.ரவீந்திரன்: கல்லணையிலிருந்து வீராணம் ஏரிக்கு கிடைக்க வேண்டிய தண்ணீர் முறையாகக் கிடைக்கவில்லை. இதனால் விவசாயம் பாதிக்கப்படுவதால் முறையான தண்ணீரைப் பெற வேண்டும். 
பேரூர் காமராஜ்: அரசுடமையாக்கப்பட்ட வங்கிகள் விவசாயக் கடனை வழங்காமல், நகைக் கடன் மட்டுமே வழங்குகின்றன. திட்டக்குடி வட்டம், கூ.குடிக்காட்டில் நேரடி நெல் கொள்முதல் நிலையம் அமைக்க வேண்டும். 
விருத்தாசலம் சக்திவேல்: வாய்க்கால் ஆக்கிரமிப்புப் பிரச்னைத் தொடர்பாக பேச்சுவார்த்தை நடத்துவதாகக் கூறி வட்டார வளர்ச்சி அலுவலர் மிரட்டி வருகிறார். (இவருக்கு ஆதரவாக மற்ற விவசாயிகளும் குரல் கொடுத்ததோடு, வட்டார வளர்ச்சி அலுவலர் மன்னிப்பு கேட்க வேண்டுமென வலியுறுத்தினர்).
மங்களூர் மணிகண்டன்: மக்காச்சோளம், பருத்திக்கான பயிர்க் காப்பீட்டுத் தொகை இதுவரை கிடைக்கவில்லை.
பயிர் காப்பீட்டுத் தொகை ரூ.12 கோடி வரப்பெற்றது: 
 விவசாயிகளுக்கு பதிலளித்து மாவட்ட ஆட்சியர் பேசியதாவது: 1-12-2016-க்குப் பிறகு பயிர்க் காப்பீட்டுத் திட்டத்தில் சேர்ந்தவர்களுக்கு வழங்க வேண்டிய தொகை ரூ.4 கோடி வரப் பெற்றுள்ளது. 
அதேபோல மக்காச்சோளம், பருத்திக்கான பயிர்க் காப்பீட்டுத் தொகை ரூ.8 கோடி வரப் பெற்றுள்ளது. 
விரைவில் இந்தத் தொகை விவசாயிகளுக்கு வழங்கப்படும். வீராணத்துக்கு தண்ணீர் கேட்டு அரசுக்கு கடிதம் எழுதப்பட்டுள்ளது என்றார். 
 கூட்டத்தில் மாவட்ட வருவாய் அலுவலர் கோ.விஜயா, மாவட்ட வேளாண்மை இணை இயக்குநர் நாட்ராயன், கூட்டுறவு சங்கங்களின் மண்டல இணைப் பதிவாளர் சொ.இளஞ்செல்வி உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/cuddalore/2018/jan/20/கரும்பு-நிலுவைத்-தொகை-வழங்குவதில்-இழுபறி-குறைதீர்-கூட்டத்தில்-விவசாயிகள்-வாக்குவாதம்-2847979.html
2847976 விழுப்புரம் கடலூர் போலி பணியாணை பெற்று அரசுப் போக்குவரத்துக் கழகத்தில் பணி: தொழில்சங்கங்கள் புகார் DIN DIN Saturday, January 20, 2018 10:01 AM +0530 போலி பணியாணை பெற்று அரசுப் போக்குவரத்துக் கழகத்தில் 2 பேர் பணி செய்து வருவதாக பல்வேறு தொழில்சங்கத்தினர் இணைந்து மாவட்ட காவல் கண்காணிப்பாளரிடம் வெள்ளிக்கிழமை புகார் அளித்தனர்.
 கடலூர் போக்குவரத்துக் கழக தொழில்சங்கங்களான தொமுச, சிஐடியு, மதிமுக, தேமுதிக, ஏஎல்எல்எப், ஐஎன்டியூசி உள்ளிட்ட சங்கத்தினர் கடலூர் மாவட்ட காவல் கண்காணிப்பாளரிடம் புகார் மனு அளித்தனர். அந்த மனுவில் தெரிவித்துள்ளதாவது:
கடலூர் மண்டலத்துக்குள்பட்ட பண்ருட்டி, வடலூர் போக்குவரத்துப் பணிமனைகளில் கடந்த அக்டோபர் மாதம் 2 பேர் இளநிலை தொழில்நுட்ப பணியாளராக பணியில் சேர்ந்தனர். அவர்கள், பணி இடமாறுதலில் இங்கு பணிக்கு சேர்ந்ததாகக் குறிப்பிடப்பட்டுள்ளது. ஆனால், மேற்கூறிய இருவரும் நிர்வாகத்தாலும், அரசாலும் விதிக்கப்பட்டுள்ள விதிகள் எதையும் பின்பற்றாமல் முறைகேடாக பணியில் சேர்ந்துள்ளது தெரியவந்துள்ளது.  
எனவே, இதுகுறித்து சம்பந்தப்பட்ட போக்குவரத்துத் துறை அலுவலர்கள் மற்றும் பணியில் சேர்ந்தவர்கள் மீது நடவடிக்கை எடுக்க வேண்டும் என்று அந்த மனுவில் தெரிவித்துள்ளனர்.
இருவர் மீது வழக்குப் பதிவு: இந்த நிலையில், இந்தப் பிரச்னை தொடர்பாக கடலூர் மண்டல போக்குவரத்து உதவி மேலாளர் தேன்மொழி திருப்பாதிரிபுலியூர் காவல் நிலையத்தில் புகார் அளித்துள்ளார். அதில் தருமபுரியிலிருந்து பணியிட மாறுதல் பெற்று வந்ததாக கிருஷ்ணன், செல்வகுமார் ஆகியோர் அளித்த சான்றிதழை ஆய்வு செய்தபோது அவர்கள் போலியான ஆவணங்கள் கொடுத்தது தெரிய வந்துள்ளது.  எனவே, அவர்கள் மீது நடவடிக்கை எடுக்க வேண்டும்.

]]>
http://www.dinamani.com/all-editions/edition-villupuram/cuddalore/2018/jan/20/போலி-பணியாணை-பெற்று-அரசுப்-போக்குவரத்துக்-கழகத்தில்-பணி-தொழில்சங்கங்கள்-புகார்-2847976.html
2847974 விழுப்புரம் கடலூர் தீ விபத்து: எம்எல்ஏ நிவாரணம் DIN DIN Saturday, January 20, 2018 10:01 AM +0530 தீ விபத்தால் பாதிக்கப்பட்ட குடும்பத்துக்கு நெய்வேலி தொகுதி எம்எல்ஏ சபா.ராஜேந்திரன் அரசு நிவாரண உதவியை அண்மையில் வழங்கினார்.

பண்ருட்டி ஒன்றியம், வையாபுரிபட்டிணம் கிராமத்தைச் சேர்ந்தவர் முத்துலிங்கம். இவரது, குடிசை வீடு அண்மையில் ஏற்பட்ட தீ விபத்தில் சேதமடைந்தது. இதுகுறித்து தகவல் அறிந்த எம்எல்ஏ சபா.ராஜேந்திரன், முத்துலிங்கத்தை நேரில் சந்தித்து ஆறுதல் கூறி அரசின் நிவாரண உதவி மற்றும் தனது சொந்த நிதி உதவியை வழங்கினார்.  அப்போது, ஒன்றியச் செயலர் ராதாகிருஷ்ணன், பொதுக் குழு உறுப்பினர் அரி.ராமச்சந்திரன், விவசாய தொழிலாளர் கட்சியின் மாநில பொதுச் செயலர் சுப்பராயலு உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/cuddalore/2018/jan/20/தீ-விபத்து-எம்எல்ஏ-நிவாரணம்-2847974.html
2847972 விழுப்புரம் கடலூர் கடலூரில் தப்பிய கைதி சென்னையில் பிடிபட்டார் DIN DIN Saturday, January 20, 2018 10:00 AM +0530 கடலூர் அரசு மருத்துவமனையில் சிகிச்சை பெற்றபோது தப்பியோடிய கைதியை காவல் துறையினர் வியாழக்கிழமை இரவு சென்னையில் பிடித்தனர்.
சென்னை பெரம்பூர் பகுதியைச் சேர்ந்தவர்கள் பிரேம்குமார் ஜோசப் (25), முகமது சாயித் (27). 
இவர்கள் இருவரையும் நகைப் பறிப்பு வழக்குத் தொடர்பாக புதுச்சேரி மாநிலம், கோட்டக்குப்பம் காவல் துறையினர் கைது செய்தனர். அப்போது, அவர்கள் இருவரும் காயமடைந்திருந்ததால் சிகிச்சைக்காக கடலூர் அரசு மருத்துவமனையில் அனுமதித்திருந்தனர்.  தனி வார்டில் அனுமதிக்கப்பட்டிருந்த நிலையில் புதன்கிழமை மருத்துவமனையிலிருந்து பிரேம்ஜோசப் தப்பியோடினார். இதுகுறித்து கடலூர் புதுநகர் காவல் துறையினர் வழக்குப் பதிவு செய்து விசாரித்து வந்த நிலையில், பணியில் அஜாக்கிரதையாக செயல்பட்டதாகக் கூறி கடலூர் மாவட்ட ஆயுதப் படை காவலர்கள் அங்காளன், தமிழரசன் ஆகியோரை தாற்காலிக பணியிடை நீக்கம் செய்து மாவட்ட காவல் கண்காணிப்பாளர் உத்தரவிட்டார்.
 இந்த நிலையில், பிரேம்குமார் ஜோசப்பை பிடிப்பதற்காக ஆய்வாளர் கி.சரவணன், டெல்டா பிரிவு உதவி ஆய்வாளர் நடராஜன் ஆகியோர் தலைமையில் 2 தனிப் படைகளை மாவட்ட காவல் கண்காணிப்பாளர் 
செ.விஜயகுமார் அமைத்து உத்தரவிட்டார். இந்த நிலையில்,   
பெரம்பூரில் தனது வீட்டில் இருந்த பிரேம்குமாரை டெல்டா பிரிவு போலீஸார் வியாழக்கிழமை நள்ளிரவில் மடக்கிப் பிடித்து கடலூர் புதுநகர் காவல் நிலையத்தில் ஒப்படைத்தனர்.

]]>
http://www.dinamani.com/all-editions/edition-villupuram/cuddalore/2018/jan/20/கடலூரில்-தப்பிய-கைதி-சென்னையில்-பிடிபட்டார்-2847972.html
2847970 விழுப்புரம் கடலூர் பேருந்து மோதியதில் இளைஞர் சாவு DIN DIN Saturday, January 20, 2018 10:00 AM +0530 பண்ருட்டி அருகே வியாழக்கிழமை இரவு பைக் மீது தனியார் பேருந்து மோதியதில் இளைஞர் உயிரிழந்தார்.
விழுப்புரம் மாவட்டம், உளுந்தூர்பேட்டை வட்டம், சோமாசிப்பாளையம் கிராமத்தைச் சேர்ந்தவர் ஏழுமலை. இவரது மகன் பிரகாஷ் (30), பண்ருட்டியில் உள்ள ஒரு கடையில் தையல்காரராகப்  பணிபுரிந்து வந்தார். வியாழக்கிழமை கடலூரில் நடைபெற்ற ஆற்றுத் திருவிழாவில் கலந்துகொண்ட இவர், இரவில் தனது பைக்கில் வீட்டுக்கு புறப்பட்டார். 
பண்ருட்டியை அடுத்துள்ள பக்கிரிப்பாளையம்
அருகேச் சென்றபோது, எதிரே வந்த தனியார் பேருந்து பைக் மீது மோதியது. 
இந்த விபத்தில் பிரகாஷ் சம்பவ இடத்திலேயே  உயிரிழந்தார்.  தகவலறிந்த பண்ருட்டி போலீஸார் சடலத்தைக் கைப்பற்றி உடல்கூறாய்வுக்காக பண்ருட்டி அரசு மருத்துவமனைக்கு அனுப்பி வைத்து, விபத்து குறித்து விசாரித்து வருகின்றனர்.

]]>
http://www.dinamani.com/all-editions/edition-villupuram/cuddalore/2018/jan/20/பேருந்து-மோதியதில்-இளைஞர்-சாவு-2847970.html
2847968 விழுப்புரம் கடலூர் கடலூரில் நாளை நற்றினை இலக்கியக் கூடல் DIN DIN Saturday, January 20, 2018 10:00 AM +0530 கடலூரில் நற்றினை இலக்கியக் கூடல் நிகழ்ச்சி ஞாயிற்றுக்கிழமை நடைபெறுகிறது. 
 கடலூரில் செயல்பட்டு வரும் நற்றினை இலக்கியக் கூடல் அமைப்பானது மாதந்தோறும் சிறப்பு நிகழ்ச்சிகளை நடத்தி வருகிறது. அதன்படி, இந்த மாதத்துக்கான சிறப்பு நிகழ்ச்சி ஞாயிற்றுக்கிழமை ( ஜன.21) காலை 10 மணிக்கு கடலூர் மஞ்சக்குப்பம் அப்துல்காதல் தெருவிலுள்ள விட்டல் பள்ளியில் நடைபெறுகிறது. 
 நிகழ்ச்சியில் எழுத்தாளர் ஜெயமோகன் பங்கேற்று இலக்கியச் சொற்பொழிவு நிகழ்த்துகிறார். மேலும், ஜெயமோகனின் படைப்புலகம் என்ற பெயரில் வாசகர்களுடன் கலந்துரையாடுகிறார் முன்னதாக ஆ.மாதவனின் நாயனம் வாசிப்பு மற்றும் அவருடனான கலந்துரையாடல் நடைபெறுகிறது. எனவே, தமிழ் ஆர்வலர்கள் அனைவரும் இந்த நிகழ்ச்சியில் பங்கேற்க வேண்டும் என்று அமைப்பின் ஒருங்கிணைப்பாளர் பழ.வேல்முருகன் கேட்டுக்கொண்டுள்ளார்.

]]>
http://www.dinamani.com/all-editions/edition-villupuram/cuddalore/2018/jan/20/கடலூரில்-நாளை-நற்றினை-இலக்கியக்-கூடல்-2847968.html
2847962 விழுப்புரம் கடலூர் அரசு உதவித் தொகை கிடைக்காததால் வங்கியை முற்றுகையிட்ட பயனாளிகள் DIN DIN Saturday, January 20, 2018 09:59 AM +0530 அரசு வழங்கும் உதவித் தொகை முறையாகக் கிடைக்காததால் அதிருப்தியடைந்த பயனாளிகள், பண்ருட்டியில் உள்ள வங்கியை வெள்ளிக்கிழமை முற்றுகையிட்டதால் பரபரப்பு ஏற்பட்டது.
பண்ருட்டியில் கும்பகோணம் சாலையில் உள்ள தேசியமயமாக்கப்பட்ட வங்கிக் கிளையின் மூலம், முதியோர் உதவித் தொகை உள்ளிட்ட அரசின் நிதி உதவிகள் பயனாளிகளுக்கு வழங்கப்பட்டு வருகின்றன.  
இந்த வங்கியின் வாடிக்கையாளர் சேவை மையங்கள் பண்ருட்டி நகரம், எல்.என்.புரம், பூங்குணம், மேல்மாம்பட்டு, மணம்தவிழ்ந்தபுத்தூர் ஆகிய கிராமங்களில் செயல்பட்டு வருகின்றன. இந்த மையங்கள் மூலம் அந்தந்தப் பகுதிகளைச் சேர்ந்த  சுமார் 4 ஆயிரம் பயனாளிகள் முதியோர் உதவித் தொகை, மகாத்மா காந்தி தேசிய ஊரக வேலை உறுதித் திட்ட ஊதியம், சமூக நலத் திட்ட உதவித் தொகை, மைக்ரோ கடன், எரிவாயு உருளை மானியம் ஆகியவற்றைப் பெற்று வருகின்றனர். 
இந்த நிலையில், மேற்கூறிய 5 சேவை மையங்கள் மூலம் பயனடைந்து வந்தவர்களில் 700-க்கும் மேற்பட்ட பயனாளிகளுக்கு கடந்த நவம்பர், டிசம்பர் மாதங்களுக்கான பணப் பலன்கள் கிடைக்கவில்லையாம். 
இதனால் பாதிக்கப்பட்டவர்களில் 100-க்கும் மேற்பட்டோர் கும்பகோணம் சாலையில் உள்ள வங்கிக் கிளையை வெள்ளிக்கிழமை முற்றுகையிட்டதால் பரபரப்பு ஏற்பட்டது. 
வாடிக்கையாளர் சேவை மையங்கள் மூலம் அரசு உதவித் தொகை பட்டுவாடா செய்ய உரிய நடவடிக்கை எடுக்கப்படும் என வங்கி நிர்வாகம் உறுதி அளித்ததைத் தொடர்ந்து போராட்டம் கைவிடப்பட்டது. 
இதுகுறித்து வங்கிக் கிளை மேலாளர் டி.தேவதாஸ் கூறியதாவது: பயனாளிகளின் வங்கிக் கணக்கில் ஆதார் எண் பதிவு செய்யப்பட வேண்டும். வங்கியில் பணியாளர்களுக்குப் பற்றாக்குறை உள்ளதால் இந்தப் பணியில் தொய்வு ஏற்பட்டுள்ளது.  இருப்பினும் பணிகளை முடித்து, பயனாளிகளுக்கு பணப் பலன்களை விரைந்து வழங்க உரிய நடவடிக்கை எடுக்கப்படும் என்றார். 
சமூகப் பாதுகாப்புத் திட்ட வட்டாட்சியர் பூபாலச்சந்திரன் கூறியதாவது: 
பயனாளிகளுக்கு வழங்க வேண்டிய முதியோர் உதவித் தொகைக்கான பணம் வங்கிக் கணக்கில் அவ்வப்போது செலுத்தப்பட்டு வருகிறது என்றார்.

]]>
http://www.dinamani.com/all-editions/edition-villupuram/cuddalore/2018/jan/20/அரசு-உதவித்-தொகை-கிடைக்காததால்-வங்கியை-முற்றுகையிட்ட-பயனாளிகள்-2847962.html
2847226 விழுப்புரம் கடலூர் 9 வட்டாட்சியர்கள் பணியிட மாற்றம் கடலூர், DIN Friday, January 19, 2018 09:33 AM +0530 கடலூர் மாவட்டத்தில் 9 வட்டாட்சியர்கள் பணியிட மாற்றம் செய்யப்பட்டனர்.
 இந்த மாவட்டத்தில் உள்ள ஒவ்வொரு வட்டத்திலும் நிர்வாக வசதிக்காக வட்டாட்சியர்கள் நியமிக்கப்படுவார்கள். இவர்களது பதவிக் காலம் ஓராண்டாக நிர்ணயம் செய்யப்பட்டு பணி வழங்கப்படும். அதன்படி பணிக்காலத்தை நிறைவு செய்தவர்களுக்குப் பதிலாக புதியதாக வட்டாட்சியர்கள் நியமிக்கப்பட்டுள்ளனர். அதன்படி, புவனகிரி வட்டாட்சியராக ஸ்ரீமுஷ்ணம் சமூகப் பாதுகாப்புத் திட்ட தனி வட்டாட்சியர் பா.ஹேமாஆனந்தி பொறுப்பேற்கிறார்.
 திட்டக்குடி வட்டாட்சியராக விருத்தாசலம் சமூக பாதுகாப்புத் திட்ட தனி வட்டாட்சியர் ஜெ.ரவிச்சந்திரன், ஸ்ரீமுஷ்ணம் வட்டாட்சியராக விருத்தாசலம் ஆதிதிராவிடர் நலம் தனி வட்டாட்சியர் பெ.சாமிக்கண்ணு, பண்ருட்டி வட்டாட்சியராக கடலூர் சார்-ஆட்சியரின் நேர்முக உதவியாளர் நா.ஜெயக்குமார், குறிஞ்சிப்பாடி வட்டாட்சியராக சிதம்பரம் கோட்ட கலால் அலுவலர் இரா.விஜயா, காட்டுமன்னார்கோவில் வட்டாட்சியராக நெய்வேலி நில எடுப்பு எண்-15 தனி வட்டாட்சியர் எஸ்.சிவகாமசுந்தரி, வேப்பூர் வட்டாட்சியராக விருத்தாசலம் நிலவரித் திட்டம் தனி வட்டாட்சியர் என்.செந்தில்குமார், விருத்தாசலம் வட்டாட்சியராக புவனகிரி சமூகப் பாதுகாப்புத் திட்ட தனி வட்டாட்சியர் ஆர்.ஸ்ரீதரன், சிதம்பரம் வட்டாட்சியராக கடலூர் தேசிய நெடுஞ்சாலை 45-ஏ தனி வட்டாட்சியர் எம்.ஆறுமுகம் ஆகியோர் நியமிக்கப்பட்டுள்ளனர்.
 
 

]]>
http://www.dinamani.com/all-editions/edition-villupuram/cuddalore/2018/jan/19/9-வட்டாட்சியர்கள்-பணியிட-மாற்றம்-2847226.html
2847223 விழுப்புரம் கடலூர் சத்திய ஞான சபையில் பொருத்தப்படும் எல்இடி விளக்குகள் நெய்வேலி DIN Friday, January 19, 2018 09:33 AM +0530 மின் சிக்கனம் கருதி, வடலூர் சத்திய ஞான சபையில் எல்இடி விளக்குகள் பொருத்தும் பணி நடைபெறுகிறது.
 வடலூரில் உள்ள சத்திய ஞான சபையில் 147-ஆவது தைப்பூச ஜோதி தரிசனப் பெருவிழா வருகிற 31-ஆம் தேதி நடைபெற உள்ளது.
 இந்த விழாவையொட்டி, தெய்வ நிலையம் சார்பில் பந்தல், தடுப்புக் கட்டைகள் அமைக்கும் பணி நடைபெற்று வருகின்றன. சத்திய ஞான சபை திடலில் சுமார் 30 மீட்டர் உயரம் கொண்ட உயர் கோபுர மின் விளக்கு உள்ளது. இதில் ஏற்கெனவே பொருத்தப்பட்டிருந்த சோடியம் விளக்குகள் அகற்றப்பட்டு, புதிய எல்இடி விளக்குகள் பொருத்தும் பணியில் ஊழியர்கள் ஈடுபட்டனர்.
 இதுகுறித்து ஊழியர்கள் கூறியதாவது:
 சோடியம் விளக்குகள் ஒவ்வொன்றும் 400 வாட்ஸ் திறன் கொண்டது. சத்திய ஞான சபையில் மொத்தம் 24 சோடியம் மின் விளக்குகள் பொருத்தப்பட்டிருந்தன.
 இந்த விளக்குகளுக்கு மின்சாரம் அதிகம் தேவை என்பதால், கூடுதல் செலவு ஏற்படும். எனவே, மின் சிக்கனம், செலவைக் குறைக்கும் வகையில் சோடியம் மின் விளக்குகளை அகற்றிவிட்டு, 150 வாட்ஸ் அளவு கொண்ட 10 எல்இடி பல்புகள் பொருத்தப்படுகிறது என்றனர்.
 
 

]]>
http://www.dinamani.com/all-editions/edition-villupuram/cuddalore/2018/jan/19/சத்திய-ஞான-சபையில்-பொருத்தப்படும்-எல்இடி-விளக்குகள்-2847223.html
2847220 விழுப்புரம் கடலூர் சிவன், பெருமாள் கோயில்களில் உண்டியல் காணிக்கை ரூ.3.61 லட்சம் நெய்வேலி DIN Friday, January 19, 2018 09:32 AM +0530 திருவதிகையில் உள்ள வீரட்டானேஸ்வரர், சரநாராயணப் பெருமாள் கோயில்களில் வியாழக்கிழமை உண்டியல்கள் திறந்து காணிக்கை எண்ணப்பட்டதில் ரூ.3.61 லட்சம் இருந்தது.
 பண்ருட்டி, திருவதிகையில் அமைந்துள்ள வீரட்டானேஸ்வரர் கோயிலில் உண்டியல் காணிக்கை எண்ணும் பணி வியாழக்கிழமை நடைபெற்றது. செயல் அலுவலர் நாகராஜன், ஆய்வாளர் ஜெயசித்ரா, முன்னாள் அறங்காவலர் சபாபதி செட்டியார் ஆகியோர் முன்னிலையில் உண்டியல் திறக்கப்பட்டு, காணிக்கைகளை எண்ணும் பணியில் தன்னார்வத் தொண்டர்கள் ஈடுபட்டனர். இதில், ரூ.1,94,056 காணிக்கையாகக் கிடைத்தது.
 இதேபோல, திருவதிகை சரநாராயணப் பெருமாள் கோயிலில் உண்டியல் திறந்து எண்ணப்பட்டதில் ரூ.1,67,009 காணிக்கையாகக் கிடைத்தது. மேற்கூறிய இரு கோயில்களிலும் உண்டியல் காணிக்கையாக மொத்தம் ரூ.3,61,065 கிடைத்தது.
 
 
 

]]>
http://www.dinamani.com/all-editions/edition-villupuram/cuddalore/2018/jan/19/சிவன்-பெருமாள்-கோயில்களில்-உண்டியல்-காணிக்கை-ரூ361-லட்சம்-2847220.html
2847216 விழுப்புரம் கடலூர் பாண்டியநாயகர் கோயிலில் ஜன.22-இல் கும்பாபிஷேகம் சிதம்பரம், DIN Friday, January 19, 2018 09:32 AM +0530 சிதம்பரம் ஸ்ரீநடராஜர் கோயில் வளாகத்தில் வடக்கு கோபுரம் அருகே அமைந்துள்ள ஸ்ரீவள்ளி தேவசேனா சமேத ஸ்ரீஷண்முக சுப்ரமண்ய ஸ்வாமி கோயில், சிறிய பாண்டிய நாயகர், ஸ்ரீநவலிங்கம், ரஜத பந்தன கோயில் மஹா கும்பாபிஷேகம் வருகிற 22-ஆம் தேதி நடைபெறுகிறது.
 கும்பாபிஷேகத்தை முன்னிட்டு வெள்ளிக்கிழமை (ஜன.19) மாலை விக்னேஸ்வர பூஜையுடன் முதல் கால யாகசாலை பூஜை தொடங்குகிறது. தொடர்ந்து சனிக்கிழமை இரண்டாம் மற்றும் மூன்றாம் கால யாக பூஜையும், ஞாயிற்றுக்கிழமை 4, 5, 6-ஆவது கால யாக பூஜைகளும் நடைபெறுகின்றன. திங்கள்கிழமை (ஜன.22) யாகசாலை பூஜைகள் முடிவுற்று, கடங்கள் புறப்பட்டு காலை 9.30 மணிக்கு மேல் 10.30 மணிக்குள் மகா கும்பாபிஷேகம் நடைபெறுகிறது. தொடர்ந்து மாலையில் மண்டலாபிஷேகம் தொடக்கமும், இரவில் பஞ்ச மூர்த்திகள் வீதி உலா நிகழ்ச்சியும் நடைபெறுகிறது. விழா ஏற்பாடுகளை கோயில் பொது தீட்சிதர்கள் செய்துள்ளனர்.
 
 

]]>
http://www.dinamani.com/all-editions/edition-villupuram/cuddalore/2018/jan/19/பாண்டியநாயகர்-கோயிலில்-ஜன22-இல்-கும்பாபிஷேகம்-2847216.html
2847211 விழுப்புரம் கடலூர் சாலையோரம் கிடந்த பெண் குழந்தை மீட்பு  நெய்வேலி DIN Friday, January 19, 2018 09:31 AM +0530 பண்ருட்டியில் சாலையோரம் கிடந்த பச்சிளம் பெண் குழந்தை வியாழக்கிழமை மீட்கப்பட்டது.
 பண்ருட்டி பேருந்து நிலையம் அருகே உள்ள இந்திரா காந்தி சாலையின் ஓரத்தில் வியாழக்கிழமை அதிகாலை சுமார் 5 மணியளவில் பச்சிளம் குழந்தையின் அழுகை சத்தம் கேட்டது. இதையடுத்து, அந்தப் பகுதியினர் சென்று பார்த்ததில், பிறந்து சில வாரங்களே ஆன பெண் குழந்தை கேட்பாரற்றுக் கிடந்ததைப் பார்த்து அதிர்ச்சியடைந்தனர். இந்தக் குழந்தையை விட்டுச் சென்றது யார் எனத் தெரியவில்லை.
 குழந்தையை திருவதிகையைச் சேர்ந்த கீரை வியாபாரி லட்சுமி என்பவர் மீட்டு, பண்ருட்டி அரசு மருத்துவமனையில் ஒப்படைத்தார். மருத்துவர்கள் அந்தக் குழந்தையைப் பரிசோதித்ததில் ஆரோக்கியமாக இருப்பது தெரியவந்தது. இதையடுத்து, கடலூர் அரசு குழந்தைகள் காப்பகத்தைச் சேர்ந்த முகுந்தனிடம், அரசு மருத்துவமனை மருத்துவர்கள் அரவிந்த், ஜெயச்சந்திரன் ஆகியோர் குழந்தையை ஒப்படைத்தனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/19/சாலையோரம்-கிடந்த-பெண்-குழந்தை-மீட்பு-2847211.html
2847212 விழுப்புரம் கடலூர் சாலையோரம் கிடந்த பெண் குழந்தை மீட்பு  நெய்வேலி DIN Friday, January 19, 2018 09:31 AM +0530 பண்ருட்டியில் சாலையோரம் கிடந்த பச்சிளம் பெண் குழந்தை வியாழக்கிழமை மீட்கப்பட்டது.
 பண்ருட்டி பேருந்து நிலையம் அருகே உள்ள இந்திரா காந்தி சாலையின் ஓரத்தில் வியாழக்கிழமை அதிகாலை சுமார் 5 மணியளவில் பச்சிளம் குழந்தையின் அழுகை சத்தம் கேட்டது. இதையடுத்து, அந்தப் பகுதியினர் சென்று பார்த்ததில், பிறந்து சில வாரங்களே ஆன பெண் குழந்தை கேட்பாரற்றுக் கிடந்ததைப் பார்த்து அதிர்ச்சியடைந்தனர். இந்தக் குழந்தையை விட்டுச் சென்றது யார் எனத் தெரியவில்லை.
 குழந்தையை திருவதிகையைச் சேர்ந்த கீரை வியாபாரி லட்சுமி என்பவர் மீட்டு, பண்ருட்டி அரசு மருத்துவமனையில் ஒப்படைத்தார். மருத்துவர்கள் அந்தக் குழந்தையைப் பரிசோதித்ததில் ஆரோக்கியமாக இருப்பது தெரியவந்தது. இதையடுத்து, கடலூர் அரசு குழந்தைகள் காப்பகத்தைச் சேர்ந்த முகுந்தனிடம், அரசு மருத்துவமனை மருத்துவர்கள் அரவிந்த், ஜெயச்சந்திரன் ஆகியோர் குழந்தையை ஒப்படைத்தனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/19/சாலையோரம்-கிடந்த-பெண்-குழந்தை-மீட்பு-2847212.html
2847208 விழுப்புரம் கடலூர் ஜல்லிக்கட்டு வெற்றி விழா  நெய்வேலி, DIN Friday, January 19, 2018 09:30 AM +0530 வடலூரில் தைப் புரட்சி என்ற பெயரில் ஜல்லிக்கட்டு வெற்றி விழா விழிப்புணர்வுக் கொண்டாட்டம் பேருந்து நிலையம் அருகே வியாழக்கிழமை நடைபெற்றது.
 வடலூர் பெலிக்ஸ் உடல்பயிற்சி மையம், கடலூர் மாவட்ட மக்கள் பாதை அமைப்பு இணைந்து நடத்திய இந்த விழாவில், சிலம்பாட்டம் நடத்தி, பறை இசை வாசிக்கப்பட்டது. நாட்டு மாடுகள், ஆடுகள், நாய்கள் ஆகியவற்றுடன் ஊர்வலமாகச் சென்றனர்.
 நிகழ்ச்சிக்கு பெலிக்ஸ் குழுமத் தலைவர் பெலிக்ஸ் தலைமை வகித்தார். கடலூர் மக்கள் பாதை அமைப்பின் மாவட்ட கூடுதல் ஒருங்கிணைப்பாளர் ஜெ.எஸ்.புஷ்பராஜ் முன்னிலை வகித்தார்.
 நெய்வேலி கல்வியியல் கல்லூரித் தாளாளர் அர்ஜுன், வடலூர் நுகர்வோர் அமைப்புத் தலைவர் கோவி கல்விராயர், டிஎம்எல்டி கல்லூரி வேல்முருகன், மருத்துவர் அருண்மொழி, நர்பவி பள்ளித் தாளாளர் காயத்திரி தேவி, வடலூர் அன்பு, மக்கள் பாதை பொறுப்பாளர் கேசவ பெருமாள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/jan/19/ஜல்லிக்கட்டு-வெற்றி-விழா-2847208.html
2847205 விழுப்புரம் கடலூர் வார்டு மறுசீரமைப்பு விவகாரம்: 900 மனுக்கள் அளிப்பு  நமது நிருபர், கடலூர், DIN Friday, January 19, 2018 09:30 AM +0530 கடலூர் மாவட்டத்தில் வார்டு எல்லைகள் மாற்றி அமைக்கப்பட்டது தொடர்பாக, பொதுமக்கள் தங்களது கருத்தை தெரிவிக்கும் வகையில் 900 மனுக்களை அளித்துள்ளனர்.
 தமிழகத்தில் உள்ளாட்சி அமைப்புகளுக்கான தேர்தல் விரைவில் நடத்தப்பட வாய்ப்புள்ளதாகக் கூறப்படுகிறது. இதையொட்டி, உள்ளாட்சி அமைப்புகளின் வார்டுகள் மறுவரையறை செய்யப்பட்டு, புதிய எல்லைகளுடன் வார்டுகள் மறுவரையறை செய்யப்பட்ட பட்டியல் அண்மையில் வெளியிடப்பட்டது. இந்த மறுவரையறையானது 2011-ஆம் ஆண்டு மக்கள் தொகை கணக்கெடுப்பின்படி அமைக்கப்பட்டுள்ளது.
 கடலூர் நகராட்சியைப் பொறுத்தவரை மக்கள் தொகையின் அடிப்படையில் வார்டுக்கு சுமார் 3,400 வாக்காளர்கள் இருக்கும் வகையில் ஒரு வார்டின் எல்லை விரிவாக்கம் செய்யப்பட்டுள்ளது. இதனால், பல வார்டுகளின் எல்லைகள் மாற்றி அமைக்கப்பட்டுள்ளன. இதேபோல பேரூராட்சிகள், ஊராட்சிகளின் வார்டுகளின் எல்லைகள் மாற்றி அமைக்கப்பட்டுள்ளன.
 வார்டு எல்லைகள் மாற்றி அமைக்கப்பட்டது தொடர்பாக பொதுமக்கள் தங்களது கருத்தை தெரிவிக்கலாம் என்று தேர்தல் ஆணையத்தால் அறிவிக்கப்பட்டு, அதற்கான காலவரையறை நீட்டிக்கப்பட்டு வந்து ஜனவரி 17-ஆம் தேதியுடன் அவகாசம் முடிவடைந்தது.
 இதன்படி கடலூர் மாவட்டத்தில் மொத்தம் உள்ள 683 ஊராட்சிகளில் 5,040 வார்டுகளும், 5 நகராட்சிகளில் 374 வார்டுகளும், 16 பேரூராட்சிகளில் 252 வார்டுகளும் உள்ளன. மேலும், 13 ஊராட்சி ஒன்றியங்களில் 287 வார்டுகளும், மாவட்ட ஊராட்சி வார்டுகள் 29 என மொத்தமாக 5,982 வார்டுகள் உள்ளன.
 வார்டுகள் மறுவரையறை தொடர்பாக மாவட்டத்திலிருந்து இதுவரை சுமார் 900 மனுக்கள் அளிக்கப்பட்டுள்ளதாக தேர்தல் பிரிவு வட்டாரங்கள் தகவல் தெரிவித்துள்ளன. இதில், ஊராட்சி மன்றம் அளவில் 400 மனுக்களும், நகராட்சி, பேரூராட்சிகள் அளவில் 500 மனுக்களும் வரப் பெற்றுள்ளன. இந்த மனுக்கள் தொகுக்கப்பட்டு மாநிலத் தேர்தல் ஆணையத்துக்கு அனுப்பி வைக்கப்படும். அதனடிப்படையில் குழுக்கள் அமைத்து அந்தக் குழுவினர் வார்டுகள் வாரியாக ஆய்வு செய்வார்கள். மனுவில் குறிப்பிடப்பட்டுள்ள காரணங்கள் ஏற்றுக்கொள்ளக் கூடியதாக இருப்பின், வார்டு எல்லைகள் மாற்றி அமைப்பது தொடர்பாகவும் ஆலோசிக்கப்படும் என்று அந்த வட்டாரங்கள் தெரிவித்துள்ளன.
 கடலூர் நகராட்சியில் பெரும்பாலான வார்டுகளின் எல்லைகள் மாற்றி அமைக்கப்பட்டுள்ளதால், கவுன்சிலர்களாக இருந்த அதிமுக, திமுக, பாமகவினரும் தனித் தனியாக மறுசீரமைப்பு கோரி மனு அளித்துள்ளது குறிப்பிடத்தக்கது. இதே நிலையே மாவட்டம் முழுவதும் நீடிக்கிறது.
 

]]>
http://www.dinamani.com/all-editions/edition-villupuram/cuddalore/2018/jan/19/வார்டு-மறுசீரமைப்பு-விவகாரம்-900-மனுக்கள்-அளிப்பு-2847205.html
2847201 விழுப்புரம் கடலூர் ஜன.31-இல் தைப்பூசத் திருவிழா: உள்ளூர் விடுமுறை அறிவிப்பு  கடலூர், DIN Friday, January 19, 2018 09:29 AM +0530 வடலூர் வள்ளலார் தெய்வ நிலையத்தில் கொண்டாடப்படும் தைப்பூசத் திருவிழாவையொட்டி, வருகிற 31-ஆம் தேதி உள்ளூர் விடுமுறை அறிவிக்கப்பட்டுள்ளது.
 இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: குறிஞ்சிப்பாடி வட்டம், வடலூர் திருஅருள்பிரகாச வள்ளலார் தெய்வ நிலையத்தில் தைப்பூச ஜோதி தரிசனப் பெருவிழா ஜனவரி 31-ஆம் தேதி (புதன்கிழமை) நடைபெறுகிறது. அன்று கடலூர் மாவட்டத்திலுள்ள தமிழ்நாடு அரசு அலுவலகங்களுக்கும், கல்வி நிலையங்களுக்கும் உள்ளூர் விடுமுறை அறிவிக்கப்படுகிறது. இந்த விடுமுறையை ஈடுசெய்யும் வகையில், பிப்ரவரி 17-ஆம் தேதி (சனிக்கிழமை) வேலை நாளாக அறிவிக்கப்படுகிறது என்று அதில் ஆட்சியர் தெரிவித்துள்ளார்.
 
 

]]>
http://www.dinamani.com/all-editions/edition-villupuram/cuddalore/2018/jan/19/ஜன31-இல்-தைப்பூசத்-திருவிழா-உள்ளூர்-விடுமுறை-அறிவிப்பு-2847201.html
2847198 விழுப்புரம் கடலூர் வரதராஜப் பெருமாள் கோயிலில் திருக்கல்யாணம்  நெய்வேலி, DIN Friday, January 19, 2018 09:28 AM +0530 பண்ருட்டி வரதராஜப் பெருமாள் கோயிலில் வியாழக்கிழமை இரவு திருக்கல்யாண உற்சவம் நடைபெற்றது.
 பண்ருட்டி, காந்தி சாலையில் பிரசித்தி பெற்ற வரதராஜப் பெருமாள் கோயில் அமைந்துள்ளது. இந்தக் கோயிலில் ஒவ்வோர் மாதமும் திருவோண நட்சத்திரத்தன்று உலக நன்மை வேண்டி திருக்கல்யாண உற்சவம் நடத்தப்பட்டு வருகிறது.
 அதன்படி, தை மாதம் திருவோண நட்சத்திரத்தையொட்டி, திருக்கல்யாண உற்சவம் வியாழக்கிழமை இரவு நடைபெற்றது. இதையொட்டி சிறப்பு திருமஞ்சணம் நடைபெற்றது. தொடர்ந்து ஸ்ரீதேவி, பூதேவி சமேதராய் வரதராஜப் பெருமாள் திருமணக் கோலத்தில் பக்தர்களுக்குக் காட்சி அளித்தார்.
 திருகல்யாண வைபவத்தில் பண்ருட்டி எம்எல்ஏ சத்யா பன்னீர்செல்வம், நகர்மன்ற முன்னாள் தலைவர் ம.ப.பன்னீர்செல்வம் உள்ளிட்டோர் கலந்துகொண்டு வழிபட்டனர்.
 

]]>
http://www.dinamani.com/all-editions/edition-villupuram/cuddalore/2018/jan/19/வரதராஜப்-பெருமாள்-கோயிலில்-திருக்கல்யாணம்-2847198.html
2847196 விழுப்புரம் கடலூர் ஆற்றுத் திருவிழா கோலாகலம்  கடலூர்/நெய்வேலி, DIN Friday, January 19, 2018 09:28 AM +0530 கடலூர் உள்ளிட்ட இடங்களில் வியாழக்கிழமை நடைபெற்ற ஆற்றுத் திருவிழாவில் ஆயிரக்கணக்கானோர் பங்கேற்று, தீர்த்தவாரிக்கு வந்த உற்சவர்களை தரிசித்தனர்.
 கெடிலம், தென்பெண்ணை ஆகிய ஆறுகளின் கரைகளில் உள்ள கோயில்களில் குடிக்கொண்டிருக்கும் உற்சவர்கள் தை மாதம் 5-ஆம் தேதியன்று நதியில் தீர்த்தமாடும் ஆற்றுத் திருவிழா வெகு விமரிசையாகக் கொண்டாடப்படும். அதன்படி, வியாழக்கிழமை கடலூர் தென்பெண்ணையாற்றில் ஆற்றுத் திருவிழா கொண்டாட்டம் களைகட்டியது.
 ஆற்றின் இரு கரைகளிலும் உள்ள ஊர்களில் அமைந்துள்ள கோயில்களின் உற்சவர்கள் பல்வேறு வாகனங்கள் மூலமாக ஆற்றில் எழுந்தருளினர். பின்னர், தென்பெண்ணையாற்றில் உற்சவ மூர்த்திகள், பரிவார தெய்வங்களின் தீர்த்தவாரி நடைபெற்றது. அதனைத் தொடர்ந்து அலங்கரிக்கப்பட்ட வாகனத்தில் சுவாமிகள் சிறப்பு அலங்காரத்தில் பக்தர்களுக்கு காட்சியளித்தனர். சுமார் 50 ஊர்களிலிருந்து வந்திருந்த உற்சவர்கள் தென்பெண்ணையாற்றில் வரிசையாக நிறுத்தி வைக்கப்பட்டிருந்ததால் அந்தப் பகுதியே விழாக் கோலம் பூண்டிருந்தது. அதிகமான உற்சவர்களை தரிசிக்கும் வாய்ப்பு ஒரே இடத்தில் கிடைத்ததால் சுற்றுவட்டாரப் பகுதிகளைச் சேர்ந்த பொதுமக்கள் காலை முதலே ஆற்றில் குவிந்தனர். ஒவ்வோர் உற்சவருக்கும் கற்பூரம் ஏற்றியும், தேங்காய் உடைத்தும் வழிபாடு நடத்தினர். மாலையில் உற்சவர்களுக்கு சிறப்புப் பூஜை நடத்தப்பட்டு ஊர்திரும்பினர்.
 பெரியகங்கணாங்குப்பம் ஏழுகரக மாரியம்மன் பிஸ்கெட் பாக்கெட்டுகளால் செய்யப்பட்ட அலங்காரத்திலும், புதுச்சேரி மாநிலம், வண்ணாங்குளம் முத்துமாரியம்மன் காய்கறி அலங்காரத்திலும் காட்சியளித்தனர். இதேபோல, பெரியகாட்டுப்பாளையம், சிங்கிரிகுடி, குமந்தான்மேடு, நாகப்பனூர், உச்சிமேடு, வில்வநகர், நாணமேடு, குண்டுஉப்பலவாடி, தாழங்குடா மற்றும் புதுச்சேரி மாநிலம் நாகப்பனூர், சின்னஆராய்ச்சிக்குப்பம், கிருமாம்பாக்கம், கன்னியக்கோயில், மூர்த்திக்குப்பம் உள்ளிட்ட பகுதிகளைச் சேர்ந்த அம்மன் கோயில் உற்சவர்கள் நிகழ்வில் பங்கேற்றனர்.
 விழாவை முன்னிட்டு நூற்றுக்கணக்கான தரைக் கடைகள் அமைக்கப்பட்டிருந்தன. விழாவில் பங்கேற்க திரளானோர் குவிந்ததால் ஆல்பேட்டை, மஞ்சக்குப்பம் பகுதிகளில் போக்குவரத்து நெரிசல் ஏற்பட்டு, மாற்றுப் பாதையில் வாகனங்கள் திருப்பி விடப்பட்டன.
 பண்ருட்டி: இதேபோல, பண்ருட்டி கெடிலம் ஆறு, கண்டரக்கோட்டை தென்பெண்ணை ஆற்றில் ஆற்றுத் திருவிழா சிறப்பாக நடைபெற்றது. இதையொட்டி, சுற்றுவட்டாரக் கோயில்களில் இருந்து உற்சவ மூர்த்திகள் சிறப்பு அலங்காரத்தில் தீர்த்தவாரிக்கு ஆற்றங்கரையில் எழுந்தருளினர். அங்கு உற்சவ மூர்த்திகளுக்கு தீர்த்தவாரியும், சிறப்பு ஆராதனையும் நடைபெற்றது.
 ஆயிரக்கணக்கான பக்தர்கள் புனித நீராடி உற்சவ மூர்த்கிகளை தரிசனம் செய்தனர்.
 ஆற்றுத் திருவிழாவை முன்னிட்டு அழகு சாதனப் பொருள்கள், விளையாட்டு பொம்மைகள், பாத்திரம், தின்பண்டங்கள் விற்பனைக்கு ஏராளமான தாற்காலிக கடைகள் அமைக்கப்பட்டிருந்தன. குழந்தைகளை மகிழ்விக்கும் வகையில் ராட்டினம் உள்ளிட்ட பொழுதுபோக்கு அம்சங்களும் இடம்பெற்றிருந்தன. ஆற்றுத் திருவிழாவுக்கு உரித்தான பன்னீர்கரும்பு, சிறுவள்ளிக் கிழங்கு விற்பனை மும்முரமாக நடைபெற்றது.
 விழாவில் பங்கேற்க திரளானோர் குவிந்ததால் பண்ருட்டி கெடிலம் ஆற்றுப் பாலம், கண்டரக்கோட்டை தென்பெண்ணை ஆற்றுப் பாலத்தில் போக்குவரத்து நெரிசல் ஏற்பட்டது. திருட்டு, வழிப்பறி உள்ளிட்ட குற்றங்களைத் தடுக்கும் வகையில் 100-க்கும் மேற்பட்ட போலீஸார் பாதுகாப்புப் பணியில் ஈடுபடுத்தப்பட்டனர். முக்கிய இடங்களில் போலீஸார் கண்காணிப்புக் கோபுரங்களை அமைத்து கண்காணித்தனர்.
 
 

]]>
http://www.dinamani.com/all-editions/edition-villupuram/cuddalore/2018/jan/19/ஆற்றுத்-திருவிழா-கோலாகலம்-2847196.html
2847149 விழுப்புரம் கடலூர் நாளைய மின் தடை DIN DIN Friday, January 19, 2018 08:58 AM +0530 கடலூர்
 நேரம்: காலை 9 மணி முதல் மாலை 5.30 மணி வரை.
 இடங்கள்: கடலூர் புதுநகர், பாரதிசாலை, செம்மண்டலம், கோண்டூர், சாவடி, நெல்லிக்குப்பம், நத்தப்பட்டு, குமாரபுரம், கங்கணாங்குப்பம், வரக்கால்பட்டு, ராமாபுரம், பில்லாலி, அழகியநத்தம், திருவந்திபுரம், எஸ்.புதூர், அருங்குணம், நத்தம், திருமானிக்குழி, சுந்தரவாண்டி, பெத்தாங்குப்பம் மற்றும் சுற்றுவட்டாரப்
 பகுதிகள்.
 பண்ருட்டி (மேலப்பாளையம்)
 நேரம்: காலை 9 மணி முதல் மாலை 5 மணி வரை.
 இடங்கள்: பண்ருட்டி நகரம் முழுவதும், திருவதிகை, ஆ.ஆண்டிக்குப்பம், இருளங்குப்பம், சீரங்குப்பம், தி.ராஜாப்பாளையம், வீட்டு வசதி வாரியக் குடியிருப்பு, எல்.என்.புரம், கந்தன்பாளையம், வஉசி நகர், சாமியார் தர்கா, அ.ப.சிவராமன் நகர்.
 

]]>
http://www.dinamani.com/all-editions/edition-villupuram/cuddalore/2018/jan/19/நாளைய-மின்-தடை-2847149.html
2847147 விழுப்புரம் கடலூர் தீ விபத்தில் 3 வீடுகள் சேதம்  கடலூர், DIN Friday, January 19, 2018 08:57 AM +0530 திட்டக்குடி அருகே தீ விபத்தில் 3 வீடுகள் எரிந்து சேதமடைந்தன.
 திட்டக்குடி அருகே உள்ள ஈ.கீரனூர் கிராமத்தைச் சேர்ந்தவர் குணசேகரன். திட்டக்குடி பேரூராட்சி அலுவலகத்தில் பணிபுரிந்து வருகிறார். புதன்கிழமை இரவில் தனது கூரை வீட்டில் தூங்கிக் கொண்டிருந்தார். தீடீரென இவரது வீடு தீப்பற்றி எரிவதைப் பார்த்து அருகில் உள்ளவர்கள் கூச்சலிட்டனர். உடனடியாக குணசேகரன் வெளியே வந்து அப்பகுதியினருடன் இணைந்து தீயை அணைக்க முயற்சித்தார். ஆனால் தீ அருகிலிருந்த வீராசாமி, குழந்தைவேல் ஆகியோரது வீடுகளிலும் பரவியது. 3 வீடுகளும் முழுவதுமாக தீயில் எரிந்து சேதமடைந்தன.
 வீராசாமியின் வீட்டின் பின்புறம் கட்டியிருந்த பாசு தீயில் சிக்கி காயமடைந்தது.
 மேலும் வீட்டில் இருந்த பொருள்கள், பள்ளி சான்றுகள் உள்ளிட்டவை முழுமையாக சேதமடைந்தன. தகவலறிந்த திட்டக்குடி தீயணைப்புத் துறையினர் விரைந்து வந்து தீயை அணைத்து பசுவை மீட்டனர்.
 இந்த தீ விபத்தில் சுமார் ரூ.7 லட்சம் மதிப்பிலான பொருள்கள் சேதமடைந்ததாகக் கூறப்படுகிறது. வியாழக்கிழமை சம்பவ இடத்துக்கு வந்த திட்டக்குடி வட்டாட்சியர் சிவகுமார் பாதிக்கப்பட்ட குடும்பத்தினருக்கு நிவாரணப் பொருள்கள், ரூ.5 ஆயிரம் வழங்கினார். சம்பவம் குறித்து, ராமநத்தம் காவல் துறையினர் வழக்குப் பதிந்து விசாரணை செய்து வருகின்றனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/19/தீ-விபத்தில்-3-வீடுகள்-சேதம்-2847147.html
2847145 விழுப்புரம் கடலூர் முன்விரோத மோதல்: 3 பேர் கைது  சிதம்பரம், DIN Friday, January 19, 2018 08:57 AM +0530 சிதம்பரம் அருகே முன்விரோத மோதல் தொடர்பாக 3 பேரை போலீஸார் கைது செய்தனர்.
 சிதம்பரம் அருகே உள்ள அகரநல்லூர் வையூர் கிராமத்தைச் சேர்ந்தவர் அன்பழகன்(42). இவருக்கும், அதே பகுதியைச் சேர்ந்த பரமசிவம் (45) என்பவருக்கும் இடையே கடந்த 6 மாதங்களுக்கு முன்பு ஏற்பட்ட பிரச்னை தொடர்பாக முன்விரோதம் இருந்ததாம். இந்த நிலையில் பரமசிவம், அவரது மகன் நிஷாத் (25), ராமு மகன் அருள் (35) ஆகியோர் சேர்த்து புதன்கிழமை அன்பழகனை ஆபாச வார்த்தைகளால் திட்டி, அரிவாள்மனையால் அவரது தலையில் வெட்டி கொலை மிரட்டல் விடுத்ததாகக் கூறப்படுகிறது.
 இதனால் ஆத்திரமடைந்த அன்பழகன், எதிர் தரப்பைச் சேர்ந்த ஒருவரின் மனைவியிடம் தகாத முறையில் நடக்க முயன்றாராம். தலையில் காயமடைந்த அன்பழகன் சிதம்பரம் அரசு மருத்துவமனையில் சிகிச்சை பெற்று வருகிறார்.
 சம்பவங்கள் குறித்து இரு தரப்பினரும் அளித்த புகாரின் பேரில் அண்ணாமலைநகர் போலீஸார் வழக்குப் பதிவு செய்து பரமசிவம், நிஷாத், அருள் ஆகிய மூன்று பேரையும் கைது செய்தனர்.
 மேலும் அன்பழகன் மீதும் வழக்கு பதிவு செய்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-villupuram/cuddalore/2018/jan/19/முன்விரோத-மோதல்-3-பேர்-கைது-2847145.html
2847144 விழுப்புரம் கடலூர் ரயில் பாதையில் பெண் சடலம்  கடலூர், DIN Friday, January 19, 2018 08:56 AM +0530 பெண்ணாடத்தில் ரயில் பாதையில் கிடந்த பெண் சடலத்தை போலீஸார் மீட்டு விசாரித்து வருகின்றனர்.
 சென்னை - மதுரை இடையிலான ரயில் மார்க்கத்தில் உள்ளது பெண்ணாடம் ரயில் நிலையம். இந்த ரயில் நிலையம் அருகே தண்டவாளத்தில் வியாழக்கிழமை அடையாளம் தெரியாத 40 வயது மதிக்கத்தக்க பெண் சடலம் கிடப்பதாக விருத்தாசலம் ரயில்வே போலீஸாருக்குத் தகவல் கிடைத்தது. இதனையடுத்து காவல் துறையினர் சம்பவ இடத்துக்குச் சென்று சடலத்தை மீட்டு உடல் கூறாய்வுக்காக விருத்தாசலம் அரசு மருத்துவமனைக்கு அனுப்பி வைத்தனர்.
 தலையில் அடிப்பட்ட நிலையில் சடலமாக மீட்கப்பட்ட பெண் யார், எந்த ஊரைச் சேர்ந்தவர் என்ற விவரம் தெரியவில்லை. அவர் தற்கொலை செய்து கொண்டாரா, அல்லது யாரேனும் கொலை செய்து தண்டவாளத்தில் சடலத்தை வீசிச் சென்றனரா என்ற கோணத்தில் போலீஸார் விசாரணை செய்து வருகின்றனர்.
 
 

]]>
http://www.dinamani.com/all-editions/edition-villupuram/cuddalore/2018/jan/19/ரயில்-பாதையில்-பெண்-சடலம்-2847144.html
2847142 விழுப்புரம் கடலூர் தடுப்புக் காவல் சட்டத்தில் இளைஞர் கைது  கடலூர், DIN Friday, January 19, 2018 08:56 AM +0530 தொடர் வாகனத் திருட்டில் ஈடுபட்டதாக இளைஞர் ஒருவரை தடுப்புக் காவல் சட்டத்தின் கீழ் காவல் துறையினர் வியாழக்கிழமை கைது செய்தனர்.
 திட்டக்குடி பெரியார் நகரைச் சேர்ந்த மூர்த்தி மகன் செந்தில் (35). இவர், கடந்த 27-ஆம் தேதி பெண்ணாடத்தைச் சேர்ந்தவரிடம் கத்தியைக் காட்டி மிரட்டி பணம் பறித்தாராம். அப்போது அந்தப் பகுதியில் ரோந்துப் பணியில் ஈடுபட்டிருந்த காவலர்கள் செந்திலைப் பிடிக்க முயன்றனர். அப்போது காவலர் அழகுராஜாவை கத்தியால் தாக்க முயன்றுள்ளார். இதுதொடர்பாக பெண்ணாடம் காவல் ஆய்வாளர் ராஜா வழக்குப் பதிவு செய்து செந்திலை கைது செய்தார்.
 செந்தில் குறித்து விசாரணை மேற்கொண்டதில் இவர் மீது திட்டகுடி காவல் நிலையத்தில் பதிவேடு உள்ளது எனவும், இருசக்கர வாகனங்கள் திருட்டில் தொடர்புடையவர் என்பதும் தெரியவந்தது. இதனையடுத்து இவரிடமிருந்து 6 இருசக்கர வாகனங்கள் பறிமுதல் செய்யப்பட்டன.
 எனவே, இவரது குற்ற செய்கையை கட்டுப்படுத்தும் பொருட்டு குண்டர் தடுப்புக் காவல் சட்டத்தின் கீழ் கைதுசெய்திட வேண்டுமென கடலூர் மாவட்ட ஆட்சியருக்கு காவல் கண்காணிப்பாளர் செ.விஜயகுமார் பரிந்துரைத்தார். இந்தப் பரிந்துரையின் பேரில் செந்திலை ஓராண்டுக்கு சிறையில் அடைக்கும் வகையில் குண்டர் தடுப்புக் காவல் சட்டத்தின் கீழ் கைது செய்திட மாவட்ட ஆட்சியர் பிரசாந்த் மு.வடநேரே உத்தரவிட்டார். இதனையடுத்து, செந்தில் கைது செய்யப்பட்டு, கடலூர் மத்திய சிறையில் அடைக்கப்பட்டார்.
 
 

]]>
http://www.dinamani.com/all-editions/edition-villupuram/cuddalore/2018/jan/19/தடுப்புக்-காவல்-சட்டத்தில்-இளைஞர்-கைது-2847142.html
2847140 விழுப்புரம் கடலூர் காவல் துறையின் தாக்குதலுக்கு எதிர்ப்பு: மார்க்சிஸ்ட் கம்யூனிஸ்ட் ஆர்ப்பாட்டம்    கடலூர்/நெய்வேலி, DIN Friday, January 19, 2018 08:56 AM +0530 மார்க்சிஸ்ட் கம்யூனிஸ்ட் கட்சியின் சிவகங்கை மாவட்டச் செயலர் மு.கந்தசாமி மீது தாக்குதல் நடத்திய திருப்புவனம் காவல் துறையினரைக் கண்டித்தும், தாக்குதல் நடத்தியவர்கள் மீது நடவடிக்கை எடுக்க வலியுறுத்தியும் அந்தக் கட்சி சார்பில் கடலூரில் வியாழக்கிழமை ஆர்ப்பாட்டம் நடைபெற்றது.
 ஆர்ப்பாட்டத்துக்கு கட்சியின் நகரச் செயலர் பி.அமர்நாத் தலைமை வகித்தார். மாவட்டச் செயலர் டி.ஆறுமுகம், மாவட்ட செயற்குழு உறுப்பினர்கள் கோ.மாதவன், மு.மருதவாணன், பி.கருப்பையன், மாவட்டக்குழு உறுப்பினர் ஜெ.ராஜேஷ்கண்ணன், தட்சிணாமூர்த்தி, ஆர்.ஆளவந்தார், பாஸ்கரன் ஆகியோர் சிறப்புரையாற்றினர். மாவட்டச் செயலர் மீது தாக்குதல் நடத்தியவர்கள் மீது உடனடியாக நடவடிக்கை எடுக்க வேண்டும் என வலியுறுத்தி கோஷம் எழுப்பினர்.
 பண்ருட்டி: இதே கோரிக்கையை வலியுறுத்தி, பண்ருட்டி பேருந்து நிலையம் அருகே நடைபெற்ற ஆர்ப்பாட்டத்துக்கு, நகரச் செயலர் த.உத்தராபதி தலைமை வகித்தார். மாவட்டச் செயற்குழு உறுப்பினர் உதயகுமார், விவசாய தொழிலாளர் சங்க மாவட்டத் தலைவர் துரைராஜ் ஆகியோர் கண்டன உரை நிகழ்த்தினர். மாவட்டக்குழு உறுப்பினர் கிருஷ்ணன், ஒன்றியச் செயலர்கள் தனபால் (பண்ருட்டி), லோகநாதன் (அண்ணாகிராமம்), ஜெயபாண்டியன் (நெல்லிக்குப்பம்) உள்ளிட்டோர் பங்கேற்றனர்.
 நெய்வேலி: நெய்வேலி, மத்தியப் பேருந்து நிலையம் அருகே நடைபெற்ற ஆர்ப்பாட்டத்துக்கு நகரச் செயலர் பாலமுருகன் தலைமை வகித்தார். மாவட்டச் செயற்குழு உறுப்பினர் திருஅரசு கண்டன உரை நிகழ்த்தினார். நகரக் குழு உறுப்பினர்கள் ராமமூர்த்தி, அன்பழகன், திருவேங்கடம், கார்த்தி, சிஐடியு தலைவர் வேல்முருகன், செயலர் ஜெயராமன், பொருளாளர் சீனுவாசன், அலுவலகச் செயலர் குப்புசாமி உள்ளிட்டோர் கலந்து கொண்டனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/19/காவல்-துறையின்-தாக்குதலுக்கு-எதிர்ப்பு-மார்க்சிஸ்ட்-கம்யூனிஸ்ட்-ஆர்ப்பாட்டம்-2847140.html
2846648 விழுப்புரம் கடலூர் பண்ருட்டி அருகே தனியார் பள்ளிக்கு வெடிகுண்டு மிரட்டல்  நெய்வேலி, DIN Thursday, January 18, 2018 09:23 AM +0530 பண்ருட்டி அருகே இயங்கி வரும் தனியார் மெட்ரிக் மேல்நிலைப் பள்ளிக்கு புதன்கிழமை வெடிகுண்டு மிரட்டல் வந்ததையடுத்து, மோப்ப நாயின் உதவியுடன் போலீஸார் தீவிர சோதனை மேற்கொண்டனர்.
 கடலூர் மாவட்டம், பண்ருட்டி ஒன்றியத்துக்கு உள்பட்ட கொள்ளுக்காரன்குட்டை கிராமத்தில் தனியார் மெட்ரிக் மேல்நிலைப் பள்ளி இயங்கி வருகிறது. இந்தப் பள்ளியில் சுற்று வட்ட கிராமங்களைச் சேர்ந்த சுமார் 1,700-க்கும் மேற்பட்ட மாணவ-மாணவிகள் படித்து வருகின்றனர்.
 பொங்கல் விடுமுறையைத் தொடர்ந்து, புதன்கிழமை பள்ளி திறக்கப்பட்டது. காலை பள்ளி நிர்வாக அலுவலகத்தில் உள்ள செல்லிடப்பேசிக்கு வந்த குறுஞ்செய்தியில் பள்ளியில் வெடிகுண்டு வைக்கப்பட்டுள்ளதாக குறிப்பிட்டிருந்தது.
 இதுகுறித்து, பள்ளி நிர்வாகத்தினர் காவல் கட்டுப்பாட்டு அறைக்குத் தகவல் அளித்தனர். கடலூரில் இருந்து வெடிகுண்டு தடுப்புப் பிரிவு போலீஸார் மோப்ப நாய் சிம்பாவுடன் பள்ளிக்கு விரைந்து வந்து சோதனை நடத்தினர். முத்தாண்டிக்குப்பம் காவல் ஆய்வாளர் குமரைய்யா தலைமையில் போலீஸார் தீவிர விசாரணை மேற்கொண்டனர்.
 பள்ளியில் உள்ள அனைத்து இடங்களிலும் தீவிர சோதனை நடத்தப்பட்டது.
 பள்ளியில் வெடிகுண்டு வைக்கப்பட்டுள்ளதாக வந்த செய்தி காட்டுத் தீ போல் பரவியது.
 இதனால், அதிர்ச்சியடைந்த மாணவர்களின் பெற்றோர்கள் பள்ளி வளாகத்தின் எதிரே திரண்டனர். வெடிகுண்டு சோதனை சுமார் 2 மணி நேரத்துக்கும் மேல் நீடித்ததால், பள்ளிக்கு விடுமுறை அளிக்கப்பட்டது.
 நீண்ட நேர சோதனையில் வெடிகுண்டு எதுவும் சிக்கவில்லை. வெடிகுண்டு மிரட்டல் வெறும் புரளி என்பது தெரிய வந்தது.
 மேலும், செல்லிடப்பேசியில் வெடிகுண்டு மிரட்டல் விடுத்தது 9-ஆம் வகுப்பு மாணவர் எனத் தெரிய வந்தது. இதுகுறித்து காடாம்புலியூர் போலீஸார் விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/cuddalore/2018/jan/18/பண்ருட்டி-அருகே-தனியார்-பள்ளிக்கு-வெடிகுண்டு-மிரட்டல்-2846648.html
2846604 விழுப்புரம் கடலூர் வெலிங்டன் நீர்த்தேக்க சீரமைப்புப் பணியில் ஐஐடி நிபுணர்கள்  கடலூர், DIN Thursday, January 18, 2018 08:46 AM +0530 திட்டக்குடி அருகே உள்ள வெலிங்டன் நீர்த் தேக்கத்தின் கரையில் ஏற்பட்டுள்ள விரிசலைச் சரிசெய்ய சென்னை ஐஐடி நிபுணர்கள் குழுவின் உதவி கோரப்பட்டது.
 திட்டக்குடியை அடுத்த கீழச்செருவாயில் உள்ள வெலிங்டன் நீர்த் தேக்கம் மூலம் திட்டக்குடி, விருத்தாசலம் சுற்று வட்டத்தில் சுமார் 24 ஆயிரம் ஏக்கர்கள் பாசன வசதி பெற்று வருகின்றன.
 ஏரியின் 14 துணை ஏரிகள் மூலம் கூடுதலாக 14 ஆயிரம் ஏக்கர்கள் பாசன வசதியைப் பெற்று வருகின்றன. இதில், 30 அடி வரையில் தண்ணீரைத் தேக்க முடியும்.
 இந்த நீர்த் தேக்கமானது 2016 -ஆம் ஆண்டில் ரூ. 6.41 கோடியில் கரை புனரமைப்பு - மேம்பாட்டுத் திட்டத்தின் கீழ், கரை புனரமைக்கப்பட்டது.
 மேலும், கரையின் இருபுறமும் சுற்றுச் சுவர் அமைக்கப்பட்டு, கரையில் பொழியும் மழைநீர் வடிவதற்காக வடிகால், கரையின் மேல் பகுதியில் தார்சாலை ஆகியவை அமைக்கப்பட்டன.
 இந்த நிலையில், கடந்த டிசம்பர் 4 -ஆம் தேதி வெலிங்டன் கோனகரையில் சுமார் 50 மீட்டர் அளவுக்கு கரையின் ஒருபகுதி திடீரென உள் வாங்கியது.
 சில நாள்களில் கரையின் மேல் பகுதியில் அமைக்கப்பட்ட தார்சாலையிலும் விரிசல் ஏற்பட்டது. இதனைத் தொடர்ந்து, மாவட்ட ஆட்சியர் பிரசாந்த் மு.வடரேநே நீர்த் தேக்கத்துக்குச் சென்று பார்வையிட்டதோடு, அதனை சீரமைக்கும் பணிக்கும் உத்தரவிட்டார்.
 தொடர்ந்து, கரையைச் சீரமைக்கும் பணிக்காக சென்னை ஐஐடி (ஐய்க்ண்ஹய் ஐய்ள்ற்ண்ற்ன்ற்ங் ர்ச் பங்ஸ்ரீட்ய்ர்ப்ர்ஞ்ஹ்) நிபுணர்கள் குழுவின் உதவியைப் பொதுப் பணித் துறை கோரியது.
 அதன்படி, கடந்த சில நாள்களுக்கு முன்னர் ஐஐடி நிபுணர் குழுவினர் வெலிங்டன் நீர்த் தேக்கத்துக்கு சென்று பார்வையிட்டனர். மேலும், மண் மாதிரிகள் சேகரிக்கப்பட்டு ஆய்வுக்கு உள்படுத்தப்பட்டது.
 மண்ணின் தரத்தை அறிந்து அங்கு என்ன மாதிரியான கட்டுமானப் பணியை மேற்கொள்ளலாம் என்று நிபுணர் குழுவினர் அறிக்கை அளிப்பார்கள் என்றும், அந்த அறிக்கையின் அடிப்படையில் திட்ட மதிப்பீடு செய்து தமிழக அரசுக்கு அனுப்பி வைக்கப்படும் என்றும் பொதுப் பணித் துறை அதிகாரிகள் தெரிவி
 த்தனர்.
 அரசிடமிருந்து தேவையான நிதி கிடைக்கப் பெற்றவுடன் நீர்த் தேக்கத்தை சீரமைக்கும் பணி தொடங்கும் என்றும் அவர்கள் தெரிவித்தனர்.
 
 

]]>
http://www.dinamani.com/all-editions/edition-villupuram/cuddalore/2018/jan/18/வெலிங்டன்-நீர்த்தேக்க-சீரமைப்புப்-பணியில்-ஐஐடி-நிபுணர்கள்-2846604.html
2846602 விழுப்புரம் கடலூர் மணிலா பயிரில் பூச்சிக் கட்டுப்பாடு மேலாண்மை நெய்வேலி, DIN Thursday, January 18, 2018 08:46 AM +0530 குறிஞ்சிப்பாடி வட்டாரத்தில் பயிரிடப்பட்டுள்ள மணிலா பயிரில் பூச்சித் தாக்குதலைக் கட்டுப்படுத்தும் வழிமுறைகள் குறித்து வேளாண்மை உதவி இயக்குநர் ப.சின்னக்கண்ணு ஆலோசனை வழங்கினார்.
இதுகுறித்து அவர் வெளியிட்ட செய்திக் குறிப்பு: மணிலா பயிரில் சாறு உரிஞ்சும் பூச்சிகள், இலையை உண்ணும் பூச்சிகள் காய்கள், வேர்களைத் தாக்கி சேதம் விளைவிக்கின்றன.
சாறு உறிஞ்சும் பூச்சிகள்: இலைப் பேன், பச்சைத் தத்துப் பூச்சி, அசுவினி போன்ற சாறை உறிஞ்சி சேதம் விளைவிக்கக் கூடிய பூச்சிகளின் தாக்குதலால் இலைகள் வளர்ச்சி குன்றியும், மஞ்சள் நிறமாக மாறியும், சுருங்கியும் காணப்படும்.
இலைகளை உண்ணும் பூச்சிகள்: சுருள் பூச்சிகள், புழு பருவத்தின் ஆரம்பத்தில் இலையின் நடு நரம்பில் துளையிட்டு அதனுள் வாழும்.
பின்னர், வளர வளர இலைகளைச் சுருட்டி அதனுள் இருந்து கொண்டு பச்சையத்தை சுரண்டி உண்டு சேதம் விளைவிக்கின்றன.
புரோட்டீனியா: மணிலாவை தாக்கும் பூச்சிகளில் முக்கியமானது புரோடீனியா. இந்தப் புழு இலைகளை முழுவதுமாகக் கடித்து உண்ணும். பகலில் மண்ணுக்குள் பதுங்கி வாழும். இரவில் வெளியில் வந்து இலைகளை உண்டு பெருத்த சேதத்தை விளைவிக்கும்.

வேர்களைத் தாக்கும் பூச்சிகள்: வெள்ளைப் புழுகள் மணிலாவின் வேர்களைத் தாக்கி சேதத்தை ஏற்பத்தும்.
ஒருங்கிணைந்த பயிர்ப் பாதுகாப்பு முறைகள்: வேப்பங்கொட்டை சாறுடன், 100 கிராம் காதி சோப் கரைசலைக் கலந்து கை தொளிப்பானால் செடிகளின் மீது தெளிக்க வேண்டும். விளக்குப் பொறிகள், இனக் கவர்ச்சி பொறிகள் வைத்து தாய் அந்துப் பூச்சிகளை கவர்ந்து அழிக்கலாம்.
சாறு உறிஞ்சும் பூச்சிகளின் பாதிப்பு இருந்தால், ஒட்டு பொறியை ஏக்கருக்கு 12 இடங்களில் வைத்து கட்டுப்படுத்தலாம். பயிர் சுழற்சி முறையைக் கடைப்பிடித்தால், தொடர்ந்து பூச்சிகள் நிலத்தில் இல்லாமல் தவிர்க்கலாம். புரோடீனியா தாக்குதல் அதிகம் உள்ள பகுதிகளில் நச்சுயுரி கரைசளில்
ஒரு கிலோ வெல்லத்தைக் கரைத்து அதனுடன் காதி சோப் 100 கிராம் கலந்து செடிகளில் நனையும்படி தெளிக்க வேண்டும்.
ரசாயன பூச்சிக் கொல்லிகள்: சாறு உறிஞ்சும் பூச்சிகளைக் கட்டுபடுத்த ஏக்கருக்கு மானோகுரோட்டோபாஸ் 300 மி.லி. அல்லது குளோர்பைரிபாஸ் 300 மி.லி. அல்லது டைகுளோர்வாஸ் 250 மி.லி. என்ற அளவிலும் புரோடீனியா இளம் புழுக்களாக இருந்தால், ஏக்கருக்கு டைக்குளோர்வாஸ் 300 மி.லி., வளர்ந்த புழுக்களாக இருந்தால் 400 மி.லி. என்ற அளவிலும் தெளித்துக் கட்டுபடுத்தலாம் என அந்தச் செய்திக் குறிப்பில் தெரிவிக்கப்பட்டுள்ளது.
 

]]>
http://images.dinamani.com/uploads/user/imagelibrary/2018/1/18/w600X390/insects.jpg http://www.dinamani.com/all-editions/edition-villupuram/cuddalore/2018/jan/18/மணிலா-பயிரில்-பூச்சிக்-கட்டுப்பாடு-மேலாண்மை-2846602.html
2846589 விழுப்புரம் கடலூர் அண்ணாமலைப் பல்கலை.யில் பொங்கல் விழா  சிதம்பரம், DIN Thursday, January 18, 2018 08:41 AM +0530 சிதம்பரம் அண்ணாமலைப் பல்கலைக்கழக மேலாண்மைத் துறையில் பொங்கல் விழா அண்மையில் கொண்டாடப்பட்டது.
 பல்கலைக்கழக மேலாண்மைத் துறை மாணவர்கள் பொங்கலிட்டு படைத்து, விழாவைக் கொண்டாடினர்.
 தொடர்ந்து, மாணவ, மாணவிகளின் கிராமியக் கலை நிகழ்ச்சிகள் நடைபெற்றன. விழாவில், பல்கலைக்கழகத்தின் துணைவேந்தர் செ. மணியன், பதிவாளர் கே.ஆறுமுகம், மொழிப் புல முதல்வர் வி.திருவள்ளுவன், துறைத் தலைவர் சி.சமுத்ரராஜ்குமார், பேராசிரியர்கள், ஊழியர்கள், மாணவர்கள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/jan/18/அண்ணாமலைப்-பல்கலையில்-பொங்கல்-விழா-2846589.html
2846587 விழுப்புரம் கடலூர் 6 மாதங்களில் பெட்ரோல் விலை: லிட்டருக்கு ரூ. 10.18 உயர்வு  கடலூர், DIN Thursday, January 18, 2018 08:41 AM +0530 தமிழகத்தில் கடந்த ஆறு மாதங்களில் பெட்ரோலின் விலை லிட்டருக்கு ரூ. 10.18 உயர்ந்துள்ளதாக பெட்ரோலிய வணிகர்கள் சங்கத்தின் தலைவர் கே.பி.முரளி கூறினார்.

இதுகுறித்து அவர் மேலும் கூறியதாவது: பெட்ரோல், டீசல் விலையை எண்ணெய் நிறுவனங்களே நிர்ணயித்துக் கொள்ளலாம் என்று மத்திய அரசு அறிவித்ததைத் தொடர்ந்து பெட்ரோலியப் பொருள்களின் விலை கடந்த ஜூன் மாதம் முதல் நாள்தோறும் உயர்ந்து வருகிறது.

கடந்த 6 மாதத்தில் லிட்டருக்கு ரூ. 10.18 வரையில் விலை உயர்ந்துள்ளதாக தெரிவிக்கப்பட்டுள்ளது. பெட்ரோல், டீசல் விலை நிர்ணயத்தில் வெளிப்படைத் தன்மை அறவே இல்லை. எண்ணெய் நிறுவனங்கள் தெரிவிக்கும் தகவல்கள் முன்னுக்குப்பின் முரணாக உள்ளன. பொதுமக்களுக்கும், எண்ணைய் விற்பனை முகவர்களுக்கும் இந்த விலையேற்றம் குறித்து வெளிப்படையாகக் கூற மறுக்கிறார்கள்.

நாள்தோறும் விலையை நிர்ணயிப்பது பொதுமக்களுக்கு பயனுள்ளதாக இருக்கும் எனத் தெரிவித்த மத்திய அரசு, இதுகுறித்து பொதுமக்களிடம் கேட்டறிய வேண்டும். பாகிஸ்தான், இலங்கை, மலேசியா, இந்தோனேசியா ஆகிய நாடுகளில் பெட்ரோல், டீசல் விலை குறைவாக உள்ளது. குறிப்பாக, மலேசியாவில் லிட்டர் பெட்ரோலின் விலை ரூ. 39-ஆக உள்ளது. இந்தியாவில் மட்டுமே கூடுதல் விலைக்கு விற்கப்படுகிறது.

கடந்த 2013-14 ஆம் ஆண்டில் கச்சா எண்ணெய்யின் விலை பீப்பாய்க்கு 105 டாலராக இருந்தது. அப்போதுகூட பெட்ரோலின் விலை இந்த அளவுக்கு விற்பனை செய்யப்படவில்லை.

தற்போதைய வரலாறு காணாத விலை ஏற்றத்துக்கு எண்ணெய் நிறுவனங்களும், மத்திய அரசும் உரிய விளக்கமளிக்க வேண்டும்.

இந்தப் பொருள்களை ஜி.எஸ்.டி. வரி விதிப்பின் கீழ் கொண்டு வருவதுடன், அவற்றுக்கு விலைக் கட்டுப்பாட்டையும் கொண்டு வர வேண்டும் என்றார் அவர். கடந்த ஜூலை 1 -ஆம் தேதி நிலவரப்படி, சென்னையில் ஒரு லிட்டர் பெட்ரோலின் விலை ரூ. 65.46 ஆக இருந்தது. தற்போது ரூ. 75.64 ஆக உள்ளது. அதேபோல, டீசலின் விலை லிட்டருக்கு ரூ. 56 ஆக இருந்தது.

தற்போது ரூ. 65.92-க்கு விற்பனை செய்யப்படுவது குறிப்பிடத்தக்கது.
 
 

]]>
http://images.dinamani.com/uploads/user/imagelibrary/2017/1/1/w600X390/petrol.jpeg http://www.dinamani.com/all-editions/edition-villupuram/cuddalore/2018/jan/18/6-மாதங்களில்-பெட்ரோல்-விலை-லிட்டருக்கு-ரூ-1018-உயர்வு-2846587.html
2846570 விழுப்புரம் கடலூர் பொறுப்பேற்பு  கடலூர், DIN Thursday, January 18, 2018 08:34 AM +0530 விருத்தாசலத்தை அடுத்த மங்கலம்பேட்டை பேரூராட்சியின் செயல் அலுவலராக மா.முருகன் புதன்கிழமை பொறுப்பேற்றுக் கொண்டார்.
 இவர், தொரப்பாடி பேரூராட்சியின் செயல் அலுவலராகப் பணியாற்றி பணி மாறுதல் பெற்றார்.
 அதேபோல, மங்கலம்பேட்டை பேரூராட்சிச் செயல் அலுவலராக இருந்த தி.அருள்குமார் தொரப்பாடி பேரூராட்சியின் செயல் அலுவலராகப் பணி மாறுதல் பெற்றுச் சென்றார்.
 
 

]]>
http://www.dinamani.com/all-editions/edition-villupuram/cuddalore/2018/jan/18/பொறுப்பேற்பு-2846570.html
2846568 விழுப்புரம் கடலூர் கடலூர் மாவட்டத்தில் 6.65 லட்சம் பேருக்கு வேட்டி- சேலை விநியோகம்: ஆட்சியர் தகவல்  கடலூர், DIN Thursday, January 18, 2018 08:34 AM +0530 கடலூர் மாவட்டத்தில் 6.65 லட்சம் பேருக்கு இலவச வேட்டி- சேலைகள் வழங்கப்பட்டுள்ளதாக மாவட்ட ஆட்சியர் பிரசாந்த் மு.வடநேரே தெரிவித்தார்.
 இதுகுறித்து புதன்கிழமை அவர் வெளியிட்ட செய்திக் குறிப்பு: பொங்கல் திருநாளை ஏழை, எளிய மக்களும் சீரும், சிறப்போடு கொண்டாடும் வகையில், தமிழக அரசால் பச்சரிசி, சர்க்கரை, முந்திரி, திராட்சை, ஏலக்காய், இரண்டு அடி கரும்புத் துண்டு ஆகியவை அடங்கிய பொங்கல் பரிசுத் தொகுப்பு வழங்கப்படுகிறது.
 அதன்படி, மாவட்டத்தில் அரிசி பெறும் குடும்ப அட்டைகள், ஏஏஒய் குடும்ப அட்டைகள் 6,63,239, காவலர் குடும்ப அட்டைகள் 1,519, இலங்கை தமிழர் குடும்ப அட்டைகள் 434 என மொத்தம் 6,65,192 குடும்ப அட்டைதாரர்களுக்கு பொங்கல் பரிசு தொகுப்பு வழங்கப்பட்டுள்ளன.
 அதேபோல, மாவட்டத்திலுள்ள 6,65,192 குடும்ப அட்டைதாரர்களுக்கும் இலவச வேட்டி - சேலைகளும் வழங்கப்பட்டுள்ளதாக மாவட்ட ஆட்சியர் பிரசாந்த் மு.வடநேரே தெரிவித்தார்.

]]>
http://www.dinamani.com/all-editions/edition-villupuram/cuddalore/2018/jan/18/கடலூர்-மாவட்டத்தில்-665-லட்சம்-பேருக்கு-வேட்டி--சேலை-விநியோகம்-ஆட்சியர்-தகவல்-2846568.html
2846566 விழுப்புரம் கடலூர் ஜனவரி 28 -இல் போலியோ தடுப்பு சொட்டு மருந்து முகாம்  கடலூர், DIN Thursday, January 18, 2018 08:33 AM +0530 தமிழகம் முழுவதும் ஜனவரி 28 -ஆம் தேதி, போலியோ தடுப்பு சொட்டு மருந்து முகாம் (முதல் தவணை) நடைபெற உள்ளது.
 இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக் குறிப்பு: கடலூர் மாவட்டத்தில் ஜனவரி 28 -ஆம் தேதி முதல் கட்டமாக போலியோ சொட்டு மருந்து வழங்கப்பட உள்ளது.
 தற்போது 23 -ஆவது முறையாக தமிழ்நாட்டில் பிறந்தது முதல் 5 வயதுள்ள குழந்தைகளுக்கு போலியோ தடுப்பு சொட்டு மருந்து வழங்கப்பட உள்ளது.
 கடலூர் மாவட்டத்தில் 1998- ஆம் ஆண்டுக்குப் பிறகு போலியோ பாதிப்பால் எந்த ஒரு குழந்தையும் பாதிக்கப்படவில்லை. எனினும், போலியோ வைரஸ் தாக்கம் இனியும் தமிழகத்தில் அறவே வரக் கூடாது என்ற நோக்கத்தின்படி, ஜனவரி 28 -ஆம் தேதியும், மார்ச் 11 -ஆம் தேதியும் (ஞாயிற்றுக்கிழமைகளில்) போலியோ சொட்டு மருந்து வழங்கப்பட உள்ளது.
 இந்தப் பணிகளுக்காக நகர்புறம், கிராமப்புறங்களில் உள்ள அரசு மருத்துவமனைகள், ஆரம்ப சுகாதார நிலையங்கள், பள்ளிக் கூடங்கள், சத்துணவு மையங்கள், அங்கன்வாடி மையங்கள், நகர்புற ஆரம்ப சுகாதார நிலையங்களில் 1,611 மையங்கள் அமைக்கப்பட்டுள்ளன.
 மாவட்டத்தில் ஐந்து வயதுக்கு உள்பட்ட 2.51 லட்சம் குழந்தைகளுக்கு போலியோ சொட்டு மருந்து கொடுக்கப்பட உள்ளது. இந்தப் பணிகளில் சுகாதாரத் துறையுடன் இணைந்து மருத்துவத் துறை, பள்ளிக் கல்வித் துறை, ஊட்டச்சத்து துறை, சமூக நலத் துறை, வருவாய்த் துறை, இந்திய மருத்துவக் கழகம், இந்திய குழந்தைகள் நல மருத்துவக் கழகம் ஆகியவை பங்கேற்றுச் செயல்பட உள்ளன. மேலும், அரசு சாரா தன்னார்வத் தொண்டு நிறுவனங்கள், ரோட்டரி சங்கங்களும் இணைந்து பணியாற்ற உள்ளன.
 முகாம் ஒன்றுக்கு 4 நபர்கள் வீதம் 6,444 பணியாளர்களும், மேற்பார்வையிட 209 மேற்பார்வையாளர்களும், மாவட்ட அளவில் 52 சிறப்பு குழுக்களும் அமைக்கப்பட்டுள்ளன. விடுபடும் குழந்தைகளைக் கருத்தில் கொண்டு இரு நாள்களுக்கு வீடு, வீடாகச் சென்று ஆய்வு செய்து போலியோ சொட்டு மருந்து வழங்கவும் ஏற்பாடு செய்யப்பட்டுள்ளதாக ஆட்சியர் வெளியிட்ட செய்திக் குறிப்பில் தெரிவிக்கப்பட்டுள்ளது.
 
 

]]>
http://www.dinamani.com/all-editions/edition-villupuram/cuddalore/2018/jan/18/ஜனவரி-28--இல்-போலியோ-தடுப்பு-சொட்டு-மருந்து-முகாம்-2846566.html
2846564 விழுப்புரம் கடலூர் பண்ருட்டி அருகே தனியார் பள்ளிக்கு வெடிகுண்டு மிரட்டல்  நெய்வேலி, DIN Thursday, January 18, 2018 08:33 AM +0530 பண்ருட்டி அருகே இயங்கி வரும் தனியார் மெட்ரிக் மேல்நிலைப் பள்ளிக்கு புதன்கிழமை வெடிகுண்டு மிரட்டல் வந்ததையடுத்து, மோப்ப நாயின் உதவியுடன் போலீஸார் தீவிர சோதனை மேற்கொண்டனர்.
 கடலூர் மாவட்டம், பண்ருட்டி ஒன்றியத்துக்கு உள்பட்ட கொள்ளுக்காரன்குட்டை கிராமத்தில் தனியார் மெட்ரிக் மேல்நிலைப் பள்ளி இயங்கி வருகிறது. இந்தப் பள்ளியில் சுற்று வட்ட கிராமங்களைச் சேர்ந்த சுமார் 1,700-க்கும் மேற்பட்ட மாணவ-மாணவிகள் படித்து வருகின்றனர்.
 பொங்கல் விடுமுறையைத் தொடர்ந்து, புதன்கிழமை பள்ளி திறக்கப்பட்டது. காலை பள்ளி நிர்வாக அலுவலகத்தில் உள்ள செல்லிடப்பேசிக்கு வந்த குறுஞ்செய்தியில் பள்ளியில் வெடிகுண்டு வைக்கப்பட்டுள்ளதாக குறிப்பிட்டிருந்தது.
 இதுகுறித்து, பள்ளி நிர்வாகத்தினர் காவல் கட்டுப்பாட்டு அறைக்குத் தகவல் அளித்தனர். கடலூரில் இருந்து வெடிகுண்டு தடுப்புப் பிரிவு போலீஸார் மோப்ப நாய் சிம்பாவுடன் பள்ளிக்கு விரைந்து வந்து சோதனை நடத்தினர். முத்தாண்டிக்குப்பம் காவல் ஆய்வாளர் குமரைய்யா தலைமையில் போலீஸார் தீவிர விசாரணை மேற்கொண்டனர்.
 பள்ளியில் உள்ள அனைத்து இடங்களிலும் தீவிர சோதனை நடத்தப்பட்டது.
 பள்ளியில் வெடிகுண்டு வைக்கப்பட்டுள்ளதாக வந்த செய்தி காட்டுத் தீ போல் பரவியது.
 இதனால், அதிர்ச்சியடைந்த மாணவர்களின் பெற்றோர்கள் பள்ளி வளாகத்தின் எதிரே திரண்டனர். வெடிகுண்டு சோதனை சுமார் 2 மணி நேரத்துக்கும் மேல் நீடித்ததால், பள்ளிக்கு விடுமுறை அளிக்கப்பட்டது.
 நீண்ட நேர சோதனையில் வெடிகுண்டு எதுவும் சிக்கவில்லை. வெடிகுண்டு மிரட்டல் வெறும் புரளி என்பது தெரிய வந்தது.
 மேலும், செல்லிடப்பேசியில் வெடிகுண்டு மிரட்டல் விடுத்தது 9-ஆம் வகுப்பு மாணவர் எனத் தெரிய வந்தது. இதுகுறித்து காடாம்புலியூர் போலீஸார் விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/cuddalore/2018/jan/18/பண்ருட்டி-அருகே-தனியார்-பள்ளிக்கு-வெடிகுண்டு-மிரட்டல்-2846564.html
2846563 விழுப்புரம் கடலூர் பிரித்தியங்கரா சன்னதியில் நிகும்பலா யாகம்  நெய்வேலி, DIN Thursday, January 18, 2018 08:33 AM +0530 நெய்வேலி 20-ஆவது வட்டம், மாரியம்மன் கோயிலில் அமைந்துள்ள பிரித்தியங்கரா சன்னதியில் செவ்வாய்க்கிழமை தை அமாவாசையை முன்னிட்டு, சிறப்பு நிகும்பலா யாகம் நடைபெற்றது.
 150 ஆண்டுகளுக்கு ஒரு முறை தை மாதத்தில் காணும் பொங்கல் தினத்தில் வரும் அமாவாசை முக்கியத்துவம் வாய்ந்ததாகும். அன்றைய தினம் மிளகாய் வற்றலை யாக குண்டத்தில் இடுவதன் மூலம் காரியத் தடைகள் விலகும் என்பது ஐதீகம். அதன்படி, பிரித்தியங்கரா சன்னதியில் நிகும்பலா யாகம் நடைபெற்றது.
 உலக நன்மை, இயற்கை சீற்றங்களில் இருந்து மனித குலத்தைப் பாதுகாத்தல், விவசாயம் செழித்தல் ஆகியவற்றை நோக்கமாகக் கொண்டு இந்த யாகம் நடைபெற்றது. தொடர்ந்து, பிரித்தியங்கரா தேவிக்குப சிறப்பு அபிஷேகம், ஆராதனைகள் நடைபெற்றன. இதில், திரளான பக்தர்கள் கலந்து கொண்டனர்.
 
 

]]>
http://www.dinamani.com/all-editions/edition-villupuram/cuddalore/2018/jan/18/பிரித்தியங்கரா-சன்னதியில்-நிகும்பலா-யாகம்-2846563.html
2846561 விழுப்புரம் கடலூர் குடியரசு தின விழா முன்னேற்பாடு பணிகள்: ஆட்சியர் தலைமையில் ஆலோசனை  கடலூர், DIN Thursday, January 18, 2018 08:32 AM +0530 குடியரசு தின விழா முன்னேற்பாடு பணிகள் தொடர்பாக மாவட்ட ஆட்சியர் பிரசாந்த் மு.வடநேரே தலைமையில் அதிகாரிகள் பங்கேற்ற ஆலோசனைக் கூட்டம் புதன்கிழமை நடைபெற்றது.
 ஜனவரி 26- ஆம் தேதி இந்திய குடியரசு தின விழா கடலூர் அண்ணா விளையாட்டு மைதானத்தில் மாவட்ட நிர்வாகம் சார்பில் கொண்டாடப்பட உள்ளது.
 இதனை முன்னிட்டு, கடலூர் மாவட்ட ஆட்சியர் அலுவலகக் கூட்டரங்கில் முன்னேற்பாடு பணிகள் குறித்து அனைத்துத் துறை அலுவலர்களுக்கான ஆலோசனைக் கூட்டம் மாவட்ட ஆட்சியர் பிரசாந்த் மு.வடநேரே தலைமையில் புதன்கிழமை நடைபெற்றது. கூட்டத்தில் கொடிக் கம்பத்தைத் தயார் செய்தல், காவல் துறை அணி வகுப்புக்கு ஏற்பாடு செய்தல், விழா மைதானத்துக்கு வரும் பொதுமக்களை உரிய இடத்தில் அமர வைத்தல், வாகனங்களை ஒழுங்குபடுத்துதல், குடிநீர் வசதி, சுகாதாரப் பணிகளை மேற்கொள்ளுதல், விழா மேடை அமைத்தல்,
 தீயணைப்பு வாகனங்களைத் தயார் நிலையில் வைத்திருத்தல் உள்ளிட்டவை குறித்து விளக்கப்பட்டன.
 மாவட்ட வருவாய் அலுவலர் கோ.விஜயா, சார்ஆட்சியர் ஜானிடாம் வர்க்கீஸ், மாவட்ட ஊரக வளர்ச்சி முகமைத் திட்ட இயக்குநர் பெ.ஆனந்த்ராஜ், முதன்மைக் கல்வி அலுவலர் அ.ராஜேந்திரன், மாவட்ட வழங்கல் அலுவலர் தினேஷ், வட்டாட்சியர்கள் ப.பாலமுருகன், பலராமன் உள்பட பல்வேறு அரசுத் துறை அதிகாரிகள், அலுவலர்கள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/jan/18/குடியரசு-தின-விழா-முன்னேற்பாடு-பணிகள்-ஆட்சியர்-தலைமையில்-ஆலோசனை-2846561.html
2846021 விழுப்புரம் கடலூர் காணும் பொங்கல்: வெள்ளிக் கடற்கரையில் மக்கள் கூட்டம்  கடலூர், DIN Wednesday, January 17, 2018 09:30 AM +0530 காணும் பொங்கல் விழாவையொட்டி, கடலூர் மாவட்டத்தில் உள்ள சுற்றுலாத் தலங்களில் செவ்வாய்க்கிழமை மக்கள் கூட்டம் அலைமோதியது.
 கடந்த ஜனவரி 13-ஆம் தேதி போகியுடன் தொடங்கிய பொங்கல் விழா, செவ்வாய்க்கிழமை காணும் பொங்கலாகக் கொண்டாடப்பட்டது. இந்த நாளில் பொதுமக்கள் பல்வேறு பகுதிகளுக்கு குடும்பத்துடன் சுற்றுலா செல்வது சிறப்பாகும். அதன்படி செவ்வாய்க்கிழமை காலையில் சுற்றுலாத் தலங்களுக்கு பொதுமக்கள் வருகை தரத் தொடங்கினர். இந்த எண்ணிக்கை நேரம் செல்லச்செல்ல அதிகரித்தது. குறிப்பாக மாலையில் அதிகமானோர் கடலூர் தேவனாம்பட்டினம், தாழங்குடா உள்ளிட்ட கடற்கரை கிராமங்களில் குவிந்தனர்.
 அதேபோல, கடலூரில் உள்ள பூங்காக்களிலும், திரையரங்குகளிலும் திரளானோர் குவிந்தனர். மேலும், திருப்பாதிரிபுலியூர், திருவந்திபுரம், விருத்தாசலம், பண்ருட்டி, திட்டக்குடி உள்ளிட்ட பகுதிகளில் உள்ள முக்கியக் கோயில்களிலும் பக்தர்கள் திரளானோர் தரிசனம் செய்தனர்.
 மாவட்டத்திலுள்ள ஏரிகள், நீர்த் தேக்கங்களுக்கும் மக்கள் சென்று பொழுதைக் கழித்தனர்.
 பொதுமக்கள் தாங்கள் கொண்டு சென்ற உணவு வகைகளை குடும்பத்துடன் பகிர்ந்து உண்டதோடு, கரும்பு, தின்பண்டங்களையும் உண்டு மகிழ்ந்தனர். கடற்கரையில் பல்வேறு விளையாட்டுகளை விளையாடி மகிழ்ச்சியோடு பொழுதைக் கழித்தனர். சுற்றுலாத் தலங்களில் அதிகமான மக்கள் குவிந்ததால் ஏதேனும் பிரச்னைகள் ஏற்படாமல் தடுக்கும் வகையில் பாதுகாப்பு பலப்படுத்தப்பட்டிருந்தது. கடலில் குளிப்பதற்கு அனுமதி மறுக்கப்பட்டது.
 காணும் பொங்கலை முன்னிட்டு பெரும்பாலான உணவகங்கள், டீக் கடைகள், வணிக நிறுவனங்களுக்கு விடுப்பு அளிக்கப்பட்டிருந்தது.
 
 

]]>
http://www.dinamani.com/all-editions/edition-villupuram/cuddalore/2018/jan/17/காணும்-பொங்கல்-வெள்ளிக்-கடற்கரையில்-மக்கள்-கூட்டம்-2846021.html
2846020 விழுப்புரம் கடலூர் வடலூர் சத்ய ஞான சபையில் ஜன.31-இல் தைப்பூச திருவிழா  நெய்வேலி, DIN Wednesday, January 17, 2018 09:30 AM +0530 வடலூரில் வள்ளலார் நிறுவிய சத்ய ஞான சபையில் வருகிற 31-ஆம் தேதி தைப்பூச திருவிழா நடைபெற உள்ளது. விழாவுக்கான ஏற்பாடுகள் தீவிரமாக நடைபெற்று வருகின்றன.
 வள்ளலார் என்றழைக்கப்படும் ராமலிங்க அடிகளார் நிறுவிய சத்ய ஞான சபை வடலூரில் அமைந்துள்ளது. ஆண்டுதோறும் இங்கு தைப்பூச ஜோதி தரிசன விழா விமரிசையாக நடைபெறுவது வழக்கம். நிகழாண்டுக்கான 147-ஆவது தைப்பூச ஜோதி தரிசன விழாவை முன்னிட்டு, வருகிற ஜனவரி 23 முதல் 25-ஆம் தேதி வரை தரும சாலையில் மகாமந்திரம் ஓதுதல் நிகழ்ச்சியும், 26 முதல் 29-ஆம் தேதி வரை ஞான சபையில் திருஅருள்பா முற்றோதல் நிகழ்ச்சியும், 30-ஆம் தேதி (செவ்வாய்க்கிழமை) கொடியேற்றமும் நடைபெற உள்ளது.
 தொடர்ந்து, 31-ஆம் தேதி (புதன்கிழமை) விழாவின் முக்கிய நிகழ்வாக காலை 6 மணி, 10 மணி, மதியம் 1 மணி, இரவு 7 மணி, 10 மணி, வியாழக்கிழமை (பிப்.1) காலை 5.30 ஆக ஆறு காலங்கள் ஏழு திரைகள் நீக்கி ஜோதி தரிசனம் காண்பிக்கப்படும்.
 ஜோதி தரிசனத்தை காண தமிழகம் மட்டுமின்றி வெளி மாநிலம், வெளி நாடுகளில் இருந்தும் ஆயிரக்கணக்கான பக்தர்கள் வருகை தருவர். விழாவில் திருஅருள்பா கருத்தரங்கம், சொற்பொழிவுகள் நடத்தப்படும்.
 சித்தி வளாகத்தில் தைப்பூசம்: வள்ளலார் சித்தி பெற்ற மேட்டுக்குப்பம் சித்தி வளாகத் திருமாளிகையில் ஜன.30-ஆம் தேதி கொடியேற்றமும், 31-ஆம் தேதி தைப்பூசமும், பிப்.2-ஆம் தேதி சித்தி வளாகத் திருஅறை தரிசனமும் நடைபெற உள்ளது.
 தைப்பூச விழாவை முன்னிட்டு பக்தர்களுக்கான அடிப்படை வசதிகள், பாதுகாப்பு ஏற்பாடுகளை வள்ளலார் தெய்வ நிலைய நிர்வாகம் செய்து வருகிறது. இந்தப் பணிகளை குறிஞ்சிப்பாடி வட்டாட்சியர் ஜான்சிராணி, வடலூர் காவல் ஆய்வாளர் ஏழுமலை, இந்து சமய அறநிலையத் துறை உதவி ஆணையர் கி.ரேணுகாதேவி, கோயில் நிர்வாக அதிகாரி ஆர்.கருணாகரன் ஆகியோர் அண்மையில் ஆய்வு செய்தனர்.

]]>
http://www.dinamani.com/all-editions/edition-villupuram/cuddalore/2018/jan/17/வடலூர்-சத்ய-ஞான-சபையில்-ஜன31-இல்-தைப்பூச-திருவிழா-2846020.html
2846003 விழுப்புரம் கடலூர் மேம்பாலத்துக்கு தியாகி ராஜேந்திரன் பெயர் அறிவிப்புக்கு வரவேற்பு  சிதம்பரம் DIN Wednesday, January 17, 2018 08:57 AM +0530 சிதம்பரம் ரயில்வே மேம்பாலத்துக்கு மொழிப்போர் தியாகி ராசேந்திரன் பெயர் சூட்டப்படும் என்ற தமிழக அரசின் அறிவிப்புக்கு தமிழ்த் தேசியப் பேரியக்கம் வரவேற்பு தெரிவித்துள்ளது.
 இதுகுறித்து அந்த அமைப்பின் பொதுச் செயலர் கி.வெங்கட்ராமன் வெளியிட்ட அறிக்கை: சிதம்பரம் ரயில்வே மேம்பாலத்துக்கு மொழிப்போர் தியாகி ராசேந்திரன் பெயர் சூட்டப்பட வேண்டும் என கடந்த 10 ஆண்டுகளுக்கும் மேலாக தமிழ்த் தேசியப் பேரியக்கத்தினர், சிதம்பரம் தமிழ்க் காப்பணி அமைப்பினர் உள்ளிட்ட பல தமிழ் உணர்வாளர்களும் வலியுறுத்தி வந்தோம். மத்திய அரசின் இந்தித் திணிப்பை எதிர்த்து 1965-ஆம் ஆண்டில் நடைபெற்ற தமிழ் மொழிக் காப்புப் போராட்டத்தில், தற்போது மேம்பாலம் அமைந்துள்ள பகுதிக்கு அருகில்தான் மாணவர் தியாகி ராசேந்திரன் துப்பாக்கிச் சூட்டில் உயிரிழந்தார்.
 எனவே, அந்த இடத்தில் அமைந்துள்ள தொடர் வண்டி மேம்பாலத்துக்கும், இதையொட்டியுள்ள சிவபுரி சாலைக்கும் மொழிப்போர் தியாகி ராசேந்திரன் பெயரைச் சூட்ட வேண்டும் என்று தொடர் போராட்டங்களும், இயக்கங்களும் நடத்தி வந்தோம்.
 இந்த நிலையில், காட்டுமன்னார்கோவில் தொகுதி எம்எல்ஏ நாக.முருகுமாறன் சிதம்பரம் ரயில்வே மேம்பாலத்துக்கு தியாகி ராசேந்திரன் பெயரைச் சூட்ட வேண்டுமென்று சட்டப் பேரவையில் அண்மையில் வேண்டுகோள் விடுத்தார். இதை உடனடியாக ஏற்ற முதல்வர் எடப்பாடி பழனிசாமி, சிதம்பரம் ரயில்வே மேம்பாலத்துக்கு மொழிப்போர் தியாகி ராசேந்திரன் பெயரைச் சூட்டுவதற்கான அறிவிப்பை வெளியிட்டார். இதற்கான முயற்சியை மேற்கொண்ட எம்எல்ஏ நாக.முருகுமாறனுக்கும், கோரிக்கையை ஏற்ற முதல்வருக்கும் நன்றியையும், பாராட்டுகளையும் தெரிவித்துக் கொள்கிறேன்.
 எனவே, வருகிற மொழிப்போர் தியாகிகள் வீரவணக்க நாளுக்கு முன்னதாக இந்த மேம்பாலத்துக்கு தியாகி ராசேந்திரன் பெயரைச் சூட்ட நடவடிக்கை மேற்கொள்ளுமாறு கேட்டுக்கொள்கிறேன். மேலும், வரலாற்றுச் சிறப்புமிக்க 1938 மற்றும் 1965 மொழிப் போராட்டங்களின் வரலாற்றை பள்ளி, கல்லூரி பாடப் புத்தகங்களில் இடம்பெறச் செய்ய வேண்டுமென்றும் தமிழ்நாடு அரசைக் கேட்டுக் கொள்கிறேன் என அதில் தெரிவித்துள்ளார்.
 
 
 

]]>
http://www.dinamani.com/all-editions/edition-villupuram/cuddalore/2018/jan/17/மேம்பாலத்துக்கு-தியாகி-ராஜேந்திரன்-பெயர்-அறிவிப்புக்கு-வரவேற்பு-2846003.html
2846001 விழுப்புரம் கடலூர் தில்லைக் காளிக்கு மகாபிஷேகம் சிதம்பரம் DIN Wednesday, January 17, 2018 08:56 AM +0530 சிதம்பரம் எல்லையில் வீற்றுள்ள பிரசித்தி பெற்ற தில்லைக் காளியம்மன் கோயிலில் தை மாத அமாவாசையையொட்டி, தில்லைக்காளிக்கு மகாபிஷேகம், 201-ஆவது சிறப்பு அர்த்தசாம பூஜை செவ்வாய்க்கிழமை இரவு நடைபெற்றது.
 அமாவாசை, பௌர்ணமி, அஷ்டமி, செவ்வாய்க்கிழமை, வெள்ளிக்கிழமை, ஞாயிற்றுக்கிழமைகளில் ராகு காலத்தில் தீபம் ஏற்றி காளியை வழிபட்டால் தீராத கடன், பகைவர்கள் தொந்தரவு, பூர்வ ஜென்ம சாப தோஷங்கள் தீரும் என நம்பப்படுகிறது.
 தை மாத அமாவாசையை முன்னிட்டு செவ்வாய்க்கிழமை இரவு கோயில் வளாகத்தில் உள்ள ஸ்ரீவிநாயகர், ஸ்ரீபிரம்மசாமுண்டி சந்நிதிகளில் நெய் தீப ஆராதனை மற்றும் வழிபாடு நடைபெற்றது. பின்னர் தில்லைக்காளியம்மனுக்கு குடம், குடமாக நல்லெண்ணெய் அபிஷேகமும், தைலக்காப்பு, குங்குமக் காப்பு ஆகியவை செய்யப்பட்டு, வாசனை திரவியம், வெட்டிவேர், விலாமிச்சு வேர்களால் சிறப்பு அலங்காரமும் செய்யப்பட்டது. திரளான பக்தர்கள் மகாபிஷேகத்தை தரிசித்தனர்.
 சிறப்பு பூஜைக்கான ஏற்பாடுகளை அமாவாசை அர்த்தசாம அபிஷேக மண்டலி நிர்வாகி எஸ்.வைத்தியநாதன் மற்றும் பக்தர்கள் செய்திருந்தனர்.
 
 

]]>
http://www.dinamani.com/all-editions/edition-villupuram/cuddalore/2018/jan/17/தில்லைக்-காளிக்கு-மகாபிஷேகம்-2846001.html
2845999 விழுப்புரம் கடலூர் கடலூரில் பாரம்பரிய விளையாட்டுத் திருவிழா  கடலூர், DIN Wednesday, January 17, 2018 08:56 AM +0530 கடலூரில் பாரம்பரிய விளையாட்டுத் திருவிழா செவ்வாய்க்கிழமை நடைபெற்றது.
 பொங்கல் பண்டிகையை முன்னிட்டு, பாரம்பரிய விளையாட்டுகளை மக்களிடம் கொண்டு செல்லும் முயற்சியாக நம்ம கடலூர் அமைப்பு சார்பில் கடலூரில் செவ்வாய்க்கிழமை பாரம்பரிய விளையாட்டுத் திருவிழா நடத்தப்பட்டது. கடலூர் அண்ணா விளையாட்டரங்கில் தொடங்கிய இந்தப் போட்டிகளுக்கு அமைப்பின் தலைவர் எம்.அருமைசெல்வம் தலைமை வகித்தார்.
 தமிழக தொழில் துறை அமைச்சர் எம்.சி.சம்பத் சிறப்பு அழைப்பாளராகப் பங்கேற்று போட்டிகளை தொடக்கி வைத்துப் பார்வையிட்டார்.
 முன்னதாக, விளையாட்டரங்கில் காணும் பொங்கலை முன்னிட்டு சமத்துவப் பொங்கலிடப்பட்டது. பின்னர், மாட்டு வண்டிகள் ஊர்வலம் நடத்தப்பட்டது. அதனைத் தொடர்ந்து கோலப் போட்டி, சாக்கு ஓட்டம், மெதுவாக சைக்கிள் ஓட்டும் பந்தயம், கோலி குண்டு, பம்பரம், பட்டம் விடுதல், கில்லி, பரமபதம், பல்லாங்குழி, கபடி, கோ-கோ, கையுந்துப் பந்து, மல்லர் கம்பம், கயிறு இழுத்தல், உரியடித்தல், சிலம்பம் உள்ளிட்ட போட்டிகள் நடத்தப்பட்டன. திருமணமாகாத இளைஞர்கள் தங்களது உடல் வலுவை பரிசோதிக்கும் வகையில் இளவட்டக் கல் தூக்கும் போட்டி நடைபெற்றது. முன்பதிவு செய்தவர்கள் மட்டுமே போட்டியில் பங்கேற்க அனுமதிக்கப்பட்டனர். இதில் வெற்றி பெற்றவர்களுக்கு பரிசு வழங்கப்பட்டது. மாலையில், கலை நிகழ்ச்சிகள் நடத்தப்பட்டன. மாணவ, மாணவிகள் ஆடல், பாடல், பலகுரல் உள்ளிட்ட தனித் திறமைகளை வெளிப்படுத்தினர். மேலும், கால்நடை பல்கலைக்கழகம் சார்பில் இந்திய நாட்டு மாடுகள், கோழிகள், வாழ்த்துகள், நாய் கண்காட்சியும், பழங்கால பொருள்கள் கண்காட்சியும் நடைபெற்றது.
 மூன்றாம் ஆண்டாக நடைபெறும் இந்த விளையாட்டுத் திருவிழாவானது காணும் பொங்கலுக்கு ஏற்ற பொழுதுபோக்காக அமைந்ததோடு, பாரம்பரிய விளையாட்டுகளை காணவும், விளையாடவும் வாய்ப்பாக அமைந்ததாக பொதுமக்கள் தெரிவித்தனர்.
 விழாவில், மாவட்ட ஆட்சியர் பிரசாந்த் மு.வடநேரே, கடலூர் நகராட்சி முன்னாள் தலைவர் ஆர்.குமரன், முன்னாள் துணைத் தலைவர் ஜி.ஜெ.குமார், முன்னாள் கவுன்சிலர் வ.கந்தன், மாவட்ட விளையாட்டு அலுவலர் மா.ராஜா உள்ளிட்டோர் பங்கேற்றனர்.
 
 

]]>
http://www.dinamani.com/all-editions/edition-villupuram/cuddalore/2018/jan/17/கடலூரில்-பாரம்பரிய-விளையாட்டுத்-திருவிழா-2845999.html
2845995 விழுப்புரம் கடலூர் சிதம்பரம் தச தீர்த்தங்களில் தீர்த்தவாரி உற்சவம்  சிதம்பரம், DIN Wednesday, January 17, 2018 08:55 AM +0530 தை அமாவாசையையொட்டி, சிதம்பரம் ஸ்ரீ நடராஜர் கோயிலில் தச தீர்த்தங்களில் தீர்த்தவாரி உற்சவம் செவ்வாய்க்கிழமை விமரிசையாக நடைபெற்றது.
 சிவகங்கை (கோயிலினுள்), கிள்ளை (கடற்கரை), புலிமடு (சக்தி நகர் அம்மாபேட்டை), வியாக்ர தீர்த்தம் (இளமையாக்கினார் கோயில்), அனந்த தீர்த்தம் (அனந்தீஸ்வரன் கோயில்), நாகச்சேரி தீர்த்தம் (நாகச்சேரி குளம்), பிரம்ம தீர்த்தம் (சிங்காரத்தோப்பு), சிவப்ரியை தீர்த்தம் (தில்லையம்மன் கோயில்), திருப்பாற்கடல் தீர்த்தம் (பர்ணசாலை), பரமானந்தக் கூடம் (சித்சபை அருகே உள்ள ஸ்ரீ நடராஜர் அபிஷேக தீர்த்தக் கிணறு) ஆகிய தச தீர்த்தங்களில் தீர்த்தவாரி உற்சவம் நடைபெற்றது.
 தீர்த்தவாரி உற்சவத்தை முன்னிட்டு செவ்வாய்க்கிழமை காலை ஸ்ரீசிவகாமசுந்தரி சமேத ஸ்ரீசந்திரசேகரர் (ஸ்ரீநடராஜர்) கோயிலில் இருந்து புறப்பட்டு தச தீர்த்தகங்களுக்குச் சென்றார். தச தீர்த்தங்களில் ஸ்ரீநடராஜப் பெருமான் முன்னிலையில் சுவாமியின் பிரதிநிதியான அஸ்திரராஜர் நீரில் மூழ்கி தீர்த்தவாரி காட்சியளித்தார். திரளான பக்தர்கள் தீர்த்தவாரி உற்சவத்தை தரிசித்தனர். ஏற்பாடுகளை நடராஜர் கோயில் பொது தீட்சிதர்கள் செய்திருந்தனர்.
 
 

]]>
http://www.dinamani.com/all-editions/edition-villupuram/cuddalore/2018/jan/17/சிதம்பரம்-தச-தீர்த்தங்களில்-தீர்த்தவாரி-உற்சவம்-2845995.html
2845988 விழுப்புரம் கடலூர் ஜன.24-இல் எரிவாயு நுகர்வோர் குறைதீர் கூட்டம்  கடலூர் DIN Wednesday, January 17, 2018 08:53 AM +0530 கடலூர் மாவட்ட எரிவாயு நுகர்வோர் குறைதீர் கூட்டம் வருகிற 24-ஆம் தேதி நடைபெற உள்ளது.
 இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: கடலூர் மாவட்டத்திலுள்ள எரிவாயு முகவர்கள், எண்ணெய் நிறுவன மேலாளர்கள், தொழிலாளர் நல ஆய்வாளர், கடலூர் குடிமைப் பொருள் வழங்கல் மற்றும் குற்றப் புலனாய்வுத் துறை காவல் ஆய்வாளர்களுடன் எரிவாயு நுகர்வோர் பங்கேற்கும் குறைதீர் கூட்டம் ஜனவரி 24-ஆம் தேதி நடைபெறுகிறது. மாவட்ட ஆட்சியர் அலுவலகத்தில் அன்று மாலை 4 மணிக்கு இந்தக் கூட்டம் நடைபெறும் என்று அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/cuddalore/2018/jan/17/ஜன24-இல்-எரிவாயு-நுகர்வோர்-குறைதீர்-கூட்டம்-2845988.html
2845985 விழுப்புரம் கடலூர் நடராஜர் கோயிலில் கிராமியக் கலை நிகழ்ச்சி  சிதம்பரம், DIN Wednesday, January 17, 2018 08:53 AM +0530 காணும் பொங்கலையொட்டி, கடலூர் மாவட்டம், சிதம்பரம் ஸ்ரீநடராஜர் கோயிலில் செவ்வாய்க்கிழமை கிராமியக் கலை நிகழ்ச்சிகள், விளையாட்டுப் போட்டிகள் நடைபெற்றன.
 இந்த நிகழ்ச்சியில் கோயில் வளாகத்தில் பெண்கள் பங்கேற்ற கோலாட்டம், கும்மியடித்தல் போன்ற கலை நிகழ்ச்சிகளும், இளைஞர்கள் பங்கேற்ற சிலம்பாட்டமும் நடைபெற்றன.
 மேலும், கபடி, கோ-கோ, இளவட்ட கல் தூக்குதல் உள்ளிட்ட பல்வேறு கிராமிய விளையாட்டுப் போட்டிகளும் நடைபெற்றன.
 இதனால் கோயில் வளாகம் விழாக் கோலம் பூண்டது.
 கலை நிகழ்ச்சிகளை ஆயிரக்கணக்கானோர் கண்டு ரசித்தனர். சிதம்பரம் நகர போலீஸார் பாதுகாப்பு ஏற்பாடுகளை செய்திருந்தனர்.
 பிச்சாவரத்தில் அலைமோதிய கூட்டம்: காணும் பொங்கலையொட்டி, சிதம்பரத்தை அருகே சுரபுண்ணைக் காடுகள் அடங்கிய பிச்சாவரத்தில் படகு சவாரி செய்ய சுற்றுலாப் பயணிகள் அதிகளவில் குவிந்ததால் கூட்டம் அலைமோதியது.
 
 

]]>
http://www.dinamani.com/all-editions/edition-villupuram/cuddalore/2018/jan/17/நடராஜர்-கோயிலில்-கிராமியக்-கலை-நிகழ்ச்சி-2845985.html
2845983 விழுப்புரம் கடலூர் தை அமாவாசை: சரநாராயணப் பெருமாள் கோயிலில் சிறப்பு வழிபாடு  நெய்வேலி DIN Wednesday, January 17, 2018 08:52 AM +0530 தை மாத அமாவாசையையொட்டி, திருவதிகை சரநாராயணப் பெருமாள் கோயிலில் செவ்வாய்க்கிழமை சிறப்பு வழிபாடு நடைபெற்றது.
 இந்தக் கோயிலில் ஒவ்வோர் மாதமும் அமாவாசை வழிபாடு சிறப்பாக நடைபெறுவது வழக்கம். அதன்படி, தை மாத அமாவாசை சிறப்பு வழிபாடு செவ்வாய்க்கிழமை விமரிசையாக நடைபெற்றது. இதையொட்டி, மூலவர் சரநாராயணப் பெருமாள் பழப் பந்தலில் வேணுகோபாலனாக (புல்லாங்குழல் கண்ணனாக) பக்தர்களுக்குக் காட்சி அளித்தார்.
 இதற்காக சென்னை, பெங்களூரு உள்ளிட்ட நகரங்களில் இருந்து ஏராளமான பழ வகைகள் வரவழைக்கப்பட்டன. அவற்றைக்கொண்டு கருவறை மண்டபத்தில் பழப் பந்தல் அமைக்கப்பட்டிருந்தது. உற்சவர் சரநாராயணப் பெருமாள் ஸ்ரீதேவி, பூமிதேவி தாயாருடன் சிறப்பு அலங்காரத்தில் கண்ணாடி அறையில் எழுந்தருளி சேவை சாதித்தார். இதற்கான ஏற்பாடுகளை கோயில் பட்டாச்சாரியார் ஸ்ரீராமன் தலைமையில் பட்டாச்சாரியார்கள் செய்திருந்தனர். ஆயிரக்கணக்கான பக்தர்கள் நீண்ட வரிசையில் காத்திருந்து சாமி தரிசனம் செய்தனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/17/தை-அமாவாசை-சரநாராயணப்-பெருமாள்-கோயிலில்-சிறப்பு-வழிபாடு-2845983.html
2845978 விழுப்புரம் கடலூர் காணும் பொங்கல்: வெள்ளிக் கடற்கரையில் மக்கள் கூட்டம்  கடலூர், DIN Wednesday, January 17, 2018 08:52 AM +0530 காணும் பொங்கல் விழாவையொட்டி, கடலூர் மாவட்டத்தில் உள்ள சுற்றுலாத் தலங்களில் செவ்வாய்க்கிழமை மக்கள் கூட்டம் அலைமோதியது.
 கடந்த ஜனவரி 13-ஆம் தேதி போகியுடன் தொடங்கிய பொங்கல் விழா, செவ்வாய்க்கிழமை காணும் பொங்கலாகக் கொண்டாடப்பட்டது. இந்த நாளில் பொதுமக்கள் பல்வேறு பகுதிகளுக்கு குடும்பத்துடன் சுற்றுலா செல்வது சிறப்பாகும். அதன்படி செவ்வாய்க்கிழமை காலையில் சுற்றுலாத் தலங்களுக்கு பொதுமக்கள் வருகை தரத் தொடங்கினர். இந்த எண்ணிக்கை நேரம் செல்லச்செல்ல அதிகரித்தது. குறிப்பாக மாலையில் அதிகமானோர் கடலூர் தேவனாம்பட்டினம், தாழங்குடா உள்ளிட்ட கடற்கரை கிராமங்களில் குவிந்தனர்.
 அதேபோல, கடலூரில் உள்ள பூங்காக்களிலும், திரையரங்குகளிலும் திரளானோர் குவிந்தனர். மேலும், திருப்பாதிரிபுலியூர், திருவந்திபுரம், விருத்தாசலம், பண்ருட்டி, திட்டக்குடி உள்ளிட்ட பகுதிகளில் உள்ள முக்கியக் கோயில்களிலும் பக்தர்கள் திரளானோர் தரிசனம் செய்தனர்.
 மாவட்டத்திலுள்ள ஏரிகள், நீர்த் தேக்கங்களுக்கும் மக்கள் சென்று பொழுதைக் கழித்தனர்.
 பொதுமக்கள் தாங்கள் கொண்டு சென்ற உணவு வகைகளை குடும்பத்துடன் பகிர்ந்து உண்டதோடு, கரும்பு, தின்பண்டங்களையும் உண்டு மகிழ்ந்தனர். கடற்கரையில் பல்வேறு விளையாட்டுகளை விளையாடி மகிழ்ச்சியோடு பொழுதைக் கழித்தனர். சுற்றுலாத் தலங்களில் அதிகமான மக்கள் குவிந்ததால் ஏதேனும் பிரச்னைகள் ஏற்படாமல் தடுக்கும் வகையில் பாதுகாப்பு பலப்படுத்தப்பட்டிருந்தது. கடலில் குளிப்பதற்கு அனுமதி மறுக்கப்பட்டது.
 காணும் பொங்கலை முன்னிட்டு பெரும்பாலான உணவகங்கள், டீக் கடைகள், வணிக நிறுவனங்களுக்கு விடுப்பு அளிக்கப்பட்டிருந்தது.
 
 

]]>
http://www.dinamani.com/all-editions/edition-villupuram/cuddalore/2018/jan/17/காணும்-பொங்கல்-வெள்ளிக்-கடற்கரையில்-மக்கள்-கூட்டம்-2845978.html
2845943 விழுப்புரம் கடலூர் இளைஞர் தீக்குளிக்க முயற்சி  கடலூர், DIN Wednesday, January 17, 2018 08:45 AM +0530 திட்டக்குடி அருகே பொங்கல் விளையாட்டுப் போட்டிக்கு அனுமதி மறுக்கப்பட்டதைக் கண்டித்து, இளைஞர் தீக்குளிக்க முயன்றதால் பரபரப்பு ஏற்பட்டது.
 திட்டக்குடி அருகே உள்ளது தர்மகுடிக்காடு கிராமம். இந்தக் கிராமத்தில் பொங்கல் பண்டிகையை முன்னிட்டு விளையாட்டுப் போட்டிகள் நடத்திட அந்தக் கிராமத்தைச் சேர்ந்த அருந்ததியர் இன இளைஞர்கள் ஏற்பாடு செய்திருந்தனர். அதேக் கிராமத்தில் உள்ள இந்து சமய அறநிலையத் துறைக்குச் சொந்தமான கோயில் இடத்தில் விழா நடத்துவதற்கு காவல் துறையில் அனுமதி பெற்றிருந்தனர். திங்கள்கிழமை மாலை போட்டிகள் நடைபெற வேண்டிய நேரத்தில் மற்றொரு தரப்பினர் எதிர்ப்புத் தெரிவிப்பதால் அனுமதி மறுக்கப்படுவதாக காவல் துறையினர் தெரிவித்துள்ளனர்.
 சிறுவர், சிறுமியருக்கான பொங்கல் விளையாட்டுப் போட்டிகள் மட்டுமே நடத்தப்படுவதால் அனுமதி வழங்க வேண்டுமென அப்பகுதியினர் காவல் துறை துணை கண்காணிப்பாளரை சந்தித்து முறையிட்டும் அனுமதி மறுக்கப்பட்டது. இதனால், விழாவுக்கு ஏற்பாடு செய்திருந்த ஆதித் தமிழர் பேரவை (மேற்கு) மாவட்ட செயலர் திட்டக்குடி ராஜா (32) திங்கள்கிழமை நள்ளிரவில் திடீரென ராமநத்தம்-விருத்தாசலம் சாலைக்குச் சென்றார். அங்கு தனது உடலில் பெட்ரோல் ஊற்றி தீ வைக்க முற்பட்டார். உடனடியாக ஊர் மக்கள் அவரைத் தடுத்து மீட்டனர். இதனையடுத்து, நள்ளிரவு சுமார் ஒரு மணியளவில் திட்டக்குடி வட்டாட்சியர் சிவக்குமார், ராஜாவை சந்தித்து பேச்சுவார்த்தை நடத்தினார். பேச்சுவார்த்தையில் உடன்பாடு ஏற்பட்டதைத் தொடர்ந்து அடுத்து நடத்துவதாக இருந்த போராட்டத்தை விலக்கிக் கொண்டனர். அதனைத் தொடர்ந்து கோயில் மைதானத்தில் செவ்வாய்க்கிழமை விளையாட்டுப் போட்டிகள் நடத்தப்பட்டன.
 

]]>
http://www.dinamani.com/all-editions/edition-villupuram/cuddalore/2018/jan/17/இளைஞர்-தீக்குளிக்க-முயற்சி-2845943.html
2845942 விழுப்புரம் கடலூர் திருவள்ளுவர் தின விழா  நெய்வேலி, DIN Wednesday, January 17, 2018 08:45 AM +0530 நெய்வேலியில் திராவிடர் இயக்கத் தமிழர் பேரவை, பண்ணுருட்டி செந்தமிழ்ச் சங்கம் சார்பில் திருவள்ளுவர் தினம் திங்கள்கிழமை கொண்டாடப்பட்டது.
 நெய்வேலி முதலாவது அனல்மின் நிலையம் எதிரே உள்ள திருவள்ளுவர் சிலைக்கு, திராவிடர் இயக்கத் தமிழர் பேரவை சார்பில் மாவட்டச் செயலர் முரளி தலைமையில், மாவட்டத் தலைவர் முகிலன், மாவட்ட துணைத் தலைவர் அருணாச்சலம், நகரத் தலைவர் பெரியசாமி உள்ளிட்டோர் மாலை அணிவித்து மரியாதை செலுத்தினர். அப்போது, என்எல்சி இந்தியா நிறுவனம் சார்பில் திருவள்ளுவருக்கு முழு உருவ வெண்கலச் சிலை அமைக்க வேண்டும் என வலியுறுத்தினர்.
 பண்ணுருட்டி செந்தமிழ்ச் சங்கத்தினர், பண்ருட்டி அரசு மேல்நிலைப் பள்ளி வளாகத்தில் உள்ள திருவள்ளுவர் சிலைக்கு மாலை அணிவித்து மரியாதை செலுத்தினர்.கெüரவத் தலைவர் எஸ்.வைரக்கண்ணு தலைமை வகித்து மாலை அணிவித்தார்.
 காப்பாளர் புலவர் ரா.சஞ்சீவிராயர், தலைவர் சுந்தர.பழனியப்பன், பொருளாளர் ஆ.ராசா மற்றும் சங்க நிர்வாகிகள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/jan/17/திருவள்ளுவர்-தின-விழா-2845942.html
2845941 விழுப்புரம் கடலூர் இருஜோடி கண்கள் தானம்  சிதம்பரம், DIN Wednesday, January 17, 2018 08:45 AM +0530 சிதம்பரம் அருகே உள்ள சி.மேலவன்னியூரைச் சேர்ந்த நடராஜன் (79), வடலூர் பார்வதிபுரத்தைச் சேர்ந்த திருபுரசுந்தரி (86) ஆகியோர் காலமானார்கள். இவர்களது இரு ஜோடி கண்கள் சிதம்பரம் தன்னார்வ ரத்த தானக் கழகம் சார்பில் தானமாகப் பெறப்பட்டு புதுச்சேரி அரவிந்த் கண் மருத்துவமனைக்கு அனுப்பி வைக்கப்பட்டன.
 இதற்கான ஏற்பாடுகளை ரத்த தானக் கழகத் தலைவர் எஸ்.ராமச்சந்திரன், உறுப்பினர்கள் அருண்குமார், மணிவேலன், ஒய்.ராஜா, சிதம்பரம் நகர கார்காத்தார் சங்க நிர்வாகி சண்முகசுந்கரம், திராவிடர் கழக மாநில பொதுச் செயலர் துரை.சந்திரசேகரன், நகரத் தலைவர் புலவர் ராவணன், குணசேகரன் ஆகியோர் செய்தனர்.
 
 

]]>
http://www.dinamani.com/all-editions/edition-villupuram/cuddalore/2018/jan/17/இருஜோடி-கண்கள்-தானம்-2845941.html
2845940 விழுப்புரம் கடலூர் மாவட்ட இறகுப் பந்துப் போட்டி  நெய்வேலி, DIN Wednesday, January 17, 2018 08:44 AM +0530 கடலூர் மாவட்ட அளவிலான இறகுப் பந்துப் போட்டி, பண்ருட்டி லட்சுமிபதி நகரில் உள்ள உள் விளையாட்டு அரங்கில் திங்கள்கிழமை நடைபெற்றது.
 ரத்னா இறகுப் பந்துக் கழகம் சார்பில் நடத்தப்பட்ட இந்தப் போட்டியை தொழிலதிபர் சி.மாயகிருஷ்ணன் தலைமை வகித்து தொடக்கி வைத்தார். தமிழ்நாடு மாநில முந்திரி ஏற்றுமதியாளர்கள் சங்க மாநிலச் செயலர் ராமகிருஷ்ணன், மாநில பொருளாளர் ஆர்.செல்வமணி, தொழிலதிபர்கள் எஸ்.வி.அருள், ராஜ்மோகன், திருவள்ளுவர் பள்ளி நிர்வாகி கோபிநாத் ஆகியோர் சிறப்பு விருந்தினர்களாகக் கலந்து கொண்டு போட்டிக்கான அணிகளை குலுக்கல் முறையில் தேர்வு செய்தனர். 30 வயதுக்கு உள்பட்டோர் மற்றும் மேற்பட்டோர் என இரு பிரிவுகளாக போட்டிகள் நடத்தப்பட்டன.
 திங்கள்கிழமை இரவு பரிசளிப்பு விழா நடைபெற்றது. விழாவில், போட்டியில் வெற்றி பெற்றவர்கள் மற்றும் பங்கேற்றவர்களுக்கு முக்கியஸ்தர்கள் பரிசுகளை வழங்கிப் (படம்) பாராட்டினர் .
 

]]>
http://www.dinamani.com/all-editions/edition-villupuram/cuddalore/2018/jan/17/மாவட்ட-இறகுப்-பந்துப்-போட்டி-2845940.html
2845939 விழுப்புரம் கடலூர் இந்திய கம்யூனிஸ்ட் கிளை மாநாடு  கடலூர், DIN Wednesday, January 17, 2018 08:44 AM +0530 இந்திய கம்யூனிஸ்ட் கட்சியின் கடலூர் 12-ஆவது நகர கிளை மாநாடு திருப்பாதிரிபுலியூரில் நிர்வாகி ஜி.துரைராஜ் தலைமையில் அண்மையில் நடைபெற்றது.
 மாநாட்டுக் கொடியை என்எப்டிஇ ஒப்பந்தத் தொழிலாளர் சங்கத்தின் மாநிலத் தலைவர் எஸ்.தமிழ்மணி ஏற்றி வைத்தார். மாவட்ட துணைச் செயலர் வி.குளோப் இன்றைய அரசியல் நிலவரம் குறித்த விளக்க உரை நிகழ்த்தினார். மாநில நிர்வாகக்குழு உறுப்பினர் டி.மணிவாசகம், மாவட்ட நிர்வாகக்குழு உறுப்பினர் பி.துரை ஆகியோர் வாழ்த்திப் பேசினர்.
 மாநாட்டில், கடலூர் நகரில் புதை சாக்கடை கழிவுநீர் வீட்டுகளுக்குள் புகுவதும், சாலையில் பெருக்கெடுத்து ஓடுவதுமாக உள்ளது. இதனை நகராட்சி நிர்வாகம் உடனடியாக சரிசெய்ய வேண்டும். கெடிலம் ஆற்றில் நெல்லிக்குப்பத்திலுள்ள தனியார் சர்க்கரை ஆலையின் கழிவுநீர் கலப்பதால் நிலத்தடி நீர் மாசுப்பட்டு குடிநீருக்கு பாதிப்பு ஏற்படுகிறது. இதன்மீது மாசுக் கட்டுப்பாட்டு வாரியம் நடவடிக்கை எடுக்க வேண்டும். கடலூரில் முக்கிய சாலைகள் குண்டும், குழியுமாக உள்ளதால் பொதுமக்கள் கடும் துயரத்தை சந்தித்து வருகிறார்கள். எனவே, சம்பந்தப்பட்ட துறையினர் தலையிட்டு நடவடிக்கை எடுக்க வேண்டும். சாலையோர வியாபாரிகளை பாதுகாக்கும் சாலையோர வியாபாரிகள் வாழ்வாதார பாதுகாப்பு ஒழுங்குமுறை சட்டத்தை கடலூர் நகராட்சி செயல்படுத்த வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 மாநாட்டில் நகரச் செயலாளராக மீண்டும் கே.அரிகிருஷ்ணனும், பொருளாளராக டி.நாகராஜ் தேர்வு செய்யப்பட்டனர்.
 

]]>
http://www.dinamani.com/all-editions/edition-villupuram/cuddalore/2018/jan/17/இந்திய-கம்யூனிஸ்ட்-கிளை-மாநாடு-2845939.html
2845938 விழுப்புரம் கடலூர் சத்ய ஞான சபையில் ஜன.31-இல் தைப்பூச திருவிழா  நெய்வேலி, DIN Wednesday, January 17, 2018 08:44 AM +0530 வடலூரில் வள்ளலார் நிறுவிய சத்ய ஞான சபையில் வருகிற 31-ஆம் தேதி தைப்பூச திருவிழா நடைபெற உள்ளது. விழாவுக்கான ஏற்பாடுகள் தீவிரமாக நடைபெற்று வருகின்றன.
 வள்ளலார் என்றழைக்கப்படும் ராமலிங்க அடிகளார் நிறுவிய சத்ய ஞான சபை வடலூரில் அமைந்துள்ளது. ஆண்டுதோறும் இங்கு தைப்பூச ஜோதி தரிசன விழா விமரிசையாக நடைபெறுவது வழக்கம். நிகழாண்டுக்கான 147-ஆவது தைப்பூச ஜோதி தரிசன விழாவை முன்னிட்டு, வருகிற ஜனவரி 23 முதல் 25-ஆம் தேதி வரை தரும சாலையில் மகாமந்திரம் ஓதுதல் நிகழ்ச்சியும், 26 முதல் 29-ஆம் தேதி வரை ஞான சபையில் திருஅருள்பா முற்றோதல் நிகழ்ச்சியும், 30-ஆம் தேதி (செவ்வாய்க்கிழமை) கொடியேற்றமும் நடைபெற உள்ளது.
 தொடர்ந்து, 31-ஆம் தேதி (புதன்கிழமை) விழாவின் முக்கிய நிகழ்வாக காலை 6 மணி, 10 மணி, மதியம் 1 மணி, இரவு 7 மணி, 10 மணி, வியாழக்கிழமை (பிப்.1) காலை 5.30 ஆக ஆறு காலங்கள் ஏழு திரைகள் நீக்கி ஜோதி தரிசனம் காண்பிக்கப்படும்.
 ஜோதி தரிசனத்தை காண தமிழகம் மட்டுமின்றி வெளி மாநிலம், வெளி நாடுகளில் இருந்தும் ஆயிரக்கணக்கான பக்தர்கள் வருகை தருவர். விழாவில் திருஅருள்பா கருத்தரங்கம், சொற்பொழிவுகள் நடத்தப்படும்.
 சித்தி வளாகத்தில் தைப்பூசம்: வள்ளலார் சித்தி பெற்ற மேட்டுக்குப்பம் சித்தி வளாகத் திருமாளிகையில் ஜன.30-ஆம் தேதி கொடியேற்றமும், 31-ஆம் தேதி தைப்பூசமும், பிப்.2-ஆம் தேதி சித்தி வளாகத் திருஅறை தரிசனமும் நடைபெற உள்ளது.
 தைப்பூச விழாவை முன்னிட்டு பக்தர்களுக்கான அடிப்படை வசதிகள், பாதுகாப்பு ஏற்பாடுகளை வள்ளலார் தெய்வ நிலைய நிர்வாகம் செய்து வருகிறது. இந்தப் பணிகளை குறிஞ்சிப்பாடி வட்டாட்சியர் ஜான்சிராணி, வடலூர் காவல் ஆய்வாளர் ஏழுமலை, இந்து சமய அறநிலையத் துறை உதவி ஆணையர் கி.ரேணுகாதேவி, கோயில் நிர்வாக அதிகாரி ஆர்.கருணாகரன் ஆகியோர் அண்மையில் ஆய்வு செய்தனர்.
 

]]>
http://www.dinamani.com/all-editions/edition-villupuram/cuddalore/2018/jan/17/சத்ய-ஞான-சபையில்-ஜன31-இல்-தைப்பூச-திருவிழா-2845938.html
2845927 விழுப்புரம் கடலூர் இரு தரப்பினர் மோதல்: வாகனங்கள் சேதம்  கடலூர், DIN Wednesday, January 17, 2018 08:39 AM +0530 கடலூரில் இரு தரப்பினரிடையே செவ்வாய்க்கிழமை ஏற்பட்ட மோதலில் 10-க்கும் மேற்பட்ட வாகனங்கள் சேதமடைந்தன.
 கடலூர் முதுநகர் பகுதியில் உள்ளது ஏணிகாரத்தோட்டம். செவ்வாய்க்கிழமை மாலையில் அங்குள்ள கோயிலில் இளைஞர்கள் சிலர் அமர்ந்து பேசிக்கொண்டிருந்தனராம். அப்போது, அந்தப் பகுதியை கடந்துச் சென்ற மற்றொரு தரப்பைச் சேர்ந்த இளைஞர்களுக்கும், இவர்களுக்கும் இடையே வாய்த்தகராறு ஏற்பட்டுள்ளது.
 இதையடுத்து, ஒருதரப்பினர் தங்களது பகுதிக்குச் சென்று அங்கிருந்தவர்களை அழைத்து வந்தனர். அவர்கள் கோயிலின் அருகே உள்ள வீடுகளில் நிறுத்தி வைக்கப்பட்டிருந்த இரு சக்கர வாகனங்கள், கார் உள்பட சுமார் 10-க்கும் மேற்பட்ட வாகனங்களை சேதப்படுத்தி விட்டு தப்பியோடினர். இதனையடுத்து பாதிக்கப்பட்ட மக்கள் கோயிலின் முன்பு கூடி தர்னாவில் ஈடுபட்டனர். சம்பவ இடத்துக்கு வந்த கடலூர் முதுநகர், புதுநகர் காவல் துறையினர் பொதுமக்களிடம் பேச்சுவார்த்தை நடத்தினர். அப்போது, அவர்களுக்குள் வாக்குவாதம் ஏற்பட்டது. தாக்கியவர்கள் மீது உரிய நடவடிக்கை எடுக்கப்படுமென தெரிவித்ததைத் தொடர்ந்து தர்னாவை கைவிட்டனர்.
 இதனையடுத்து அந்தப் பகுதியில் மீண்டும் மோதல் ஏற்படுவதைத் தவிர்க்கும் வகையில் காவல் துறையினர் பாதுகாப்புக்காக நிறுத்தி வைக்கப்பட்டனர்.
 

]]>
http://www.dinamani.com/all-editions/edition-villupuram/cuddalore/2018/jan/17/இரு-தரப்பினர்-மோதல்-வாகனங்கள்-சேதம்-2845927.html
2845925 விழுப்புரம் கடலூர் அமைப்பு சாரா தொழிலாளர்களுக்கு ரூ.3.50 கோடி நிலுவைத் தொகை  கடலூர், DIN Wednesday, January 17, 2018 08:39 AM +0530 அமைப்பு சாரா தொழிலாளர்களுக்கான நிலுவைத் தொகை ரூ.3.50 கோடியை வழங்க வேண்டுமென தமிழக முதல்வரிடம் கோரிக்கை மனு அளிக்கப்பட்டது.
 இதுகுறித்து கடலூர் மாவட்ட அனைத்து கட்டுமானம் மற்றும் அமைப்புச் சாரா தொழில் சங்கங்களின் பிரதிநிதிகள் அண்மையில் தமிழக முதல்வரை சந்தித்து கோரிக்கை மனு அளித்தனர். அந்த மனுவில் தெரிவித்துள்ளதாவது: தமிழ்நாடு உடலுழைப்புத் தொழிலாளர்கள் நல வாரியம் மற்றும் 15 நல வாரியங்களில் பதிவு பெற்ற உடலுழைப்புத் தொழிலாளர்களுக்கு கல்வி, மகப்பேறு, திருமணம், ஓய்வூதியம், இயற்கை மரணம், ஈமச் சடங்கு நிதி, விபத்து மரணம், கண் கண்ணாடி உதவித்தொகை வேண்டி வாரியங்களில் மனு செய்துள்ளதற்கு 2015-ஆம் ஆண்டு முதல் எந்த உதவித் தொகையும் வழங்கப்படவில்லை. அதேபோல பல்வேறு நல வாரியங்கள் மூலமாக வழங்கப்பட வேண்டிய கல்வி உதவித் தொகையும் நிறுத்தி வைக்கப்பட்டுள்ளது. இந்தத் தொகை இதுவரை கடலூர் மாவட்டத்தில் ரூ.3.50 கோடி வழங்கப்பட வேண்டி உள்ளது. இந்த நிலுவைத் தொகையை விரைவில் விடுவிக்க வேண்டும்.
 நல வாரியங்களில் பதிவு செய்துள்ளவர்களுக்கு திருமண உதவித் தொகையாக ரூ.18 ஆயிரம் வழங்க வேண்டும். கட்டுமானம் மற்றும் அமைப்பு சாரா தொழிலாளர் அலுவலகத்தில் வயதுக்கான சான்றாக ஆதார் அட்டை கொடுக்கலாம் என்று அரசாணை பிறப்பிக்க வேண்டும் என்பன உள்ளிட்ட கோரிக்கைகள் மனுவில் வலியுறுத்தப்பட்டன.
 மனுவை தொழில் சங்கப் பேரவை விஜயகுமார், தொமுச நிர்வாகி எத்திராஜ், ஐஎன்டியூசி பலராமன், விடுதலைச் சிறுத்தைகள் கட்சி நிர்வாகி கலியபெருமாள், தமிழ் மாநில கட்டட தொழிலாளர்கள் சங்கம் குமார், அஞ்சாபுலி உள்ளிட்டோர் அளித்தனர்.
 

]]>
http://www.dinamani.com/all-editions/edition-villupuram/cuddalore/2018/jan/17/அமைப்பு-சாரா-தொழிலாளர்களுக்கு-ரூ350-கோடி-நிலுவைத்-தொகை-2845925.html
2845924 விழுப்புரம் கடலூர் நாளை ஆற்றுத் திருவிழா: தென்பெண்ணை ஆற்றில் சீரமைப்புப் பணி  கடலூர், DIN Wednesday, January 17, 2018 08:38 AM +0530 ஆற்றுத் திருவிழா வியாழக்கிழமை நடைபெறுவதையொட்டி, கடலூர் தென்பெண்ணையாற்றில் சீரமைப்புப் பணி நடைபெற்றது.
 ஆண்டுதோறும் தை மாதம் 5-ஆம் தேதியை ஆற்றுத் திருவிழாவாக கெடிலம், தென்பெண்ணையாற்றின் கரைகளில் மக்கள் கொண்டாடுவது வழக்கம். இந்த நாளில் அந்தந்தப் பகுதியைச் சேர்ந்த கோயில்களில் உள்ள உற்சவர்கள் ஊர்வலமாக கொண்டு வரப்பட்டு நீர் நிலைகளில் தீர்த்தமாடி அதன் கரைகளில் எழுந்தருள்வார்கள். பக்தர்களுக்கு சேவையளித்தப் பின்னர் மீண்டும் கோயில்களுக்கு திரும்புவார்கள்.
 அதன்படி கடலூர் தென்பெண்ணையாற்றில் ஜன.18-ஆம் தேதி ஆற்றுத் திருவிழா நடைபெற உள்ளது. இந்த விழாவில் கடலூர் புதுநகரம், முதுநகர், மஞ்சக்குப்பம், குண்டு உப்பலவாடி, உண்ணாமலை செட்டிச்சாவடி, செல்லங்குப்பம், பெரியகங்கணாங்குப்பம், சின்னகங்கணாங்குப்பம், ரெட்டிச்சாவடி, புதுவை மாநிலத்திலுள்ள கன்னிகோயில், பரிக்கல்மேடு உள்பட 50-க்கும் மேற்பட்ட கோயில்களின் உற்சவர்கள் பல்லக்கில் தென்பெண்ணையாற்றில் எழுந்தருள்வார்கள்.
 பின்னர், ஆற்றில் தீர்த்தவாரி நடத்தி சிறப்பு அலங்காரத்துடன் ஆற்றின் கரையில் ஒதுக்கப்பட்ட இடத்தில் பல்லக்கில் நிலைநிறுத்தப்படுவார்கள். ஏராளமான கோயில்களின் உற்சவர்களை ஒரே நேரத்தில் பார்த்து தரிசிக்கலாம் என்பதாலும், சிறப்பு பூஜைகள் நடைபெறுவதாலும் மாவட்டத்தின் பல்வேறு பகுதிகளிலிருந்தும், புதுவை மாநிலத்திலிருந்தும் ஏராளமானவர்கள் இந்த விழாவில் பங்கேற்பார்கள்.
 இதனை முன்னிட்டு தென்பெண்ணையாற்றை சீரமைக்கும் பணியில் கடந்த சில நாள்களாக கடலூர் நகராட்சி நிர்வாகத்தினர் ஈடுபட்டு வருகின்றனர். சுவாமிகள் நிலை நிறுத்தப்படும் இடத்தில் முள் செடிகளை அகற்றி அதனை சீர்படுத்தினர். பின்னர், சரளை மணல் கொண்டு புதியதாக பாதை அமைத்ததோடு, குடிநீர் வழங்கவும் ஏற்பாடுகள் செய்தனர்.
 மஞ்சக்குப்பம் பெண்ணையாறு தெரு வழியாக ஆற்றுக்குள் செல்லும் உற்சவர்கள், பழைய பாலத்தின் அடிப்பகுதி வழியாக ஆல்பேட்டையில் வெளியேறும் வகையில் ஏற்பாடுகள் செய்யப்பட்டுள்ளன.
 

]]>
http://www.dinamani.com/all-editions/edition-villupuram/cuddalore/2018/jan/17/நாளை-ஆற்றுத்-திருவிழா-தென்பெண்ணை-ஆற்றில்-சீரமைப்புப்-பணி-2845924.html
2845339 விழுப்புரம் கடலூர் நெல்லிக்குப்பம் நகராட்சி மருத்துவமனையில் இரவு நேர மருத்துவரை நியமிக்கக் கோரிக்கை  நெய்வேலி, DIN Tuesday, January 16, 2018 09:47 AM +0530 நெல்லிக்குப்பம் நகராட்சி மருத்துவமனையில் இரவு நேர மருத்துவரை நியமிக்க வேண்டுமென நுகர்வோர் சங்கம் கோரிக்கை விடுத்தது.
 நெல்லிக்குப்பம் நுகர்வோர் மற்றும் சுற்றுச்சூழல், கல்வி விழிப்புணர்வு சங்கக் கூட்டம், சங்க அலுவலக வளாகத்தில் அண்மையில் நடைபெற்றது.
 சங்கப் பொருளாளர் தாமோதரன் தலைமையில் நடைபெற்ற இந்தக் கூட்டத்தில், புதிய செயலராக ரவிக்குமார், துணைச் செயலராக ஹசன்அலி ஆகியோர் தேர்வு செய்யப்பட்டனர். இவர்களுக்கு சங்கத் தலைவர் குமரவேல் பதவிப்பிரமாணம் செய்து
 வைத்தார்.
 கூட்டத்தில், நெல்லிக்குப்பம் சட்டப் பேரவைத் தொகுதி, பண்ருட்டி சட்டப் பேரவைத் தொகுதியுடன் இணைக்கப்பட்ட பின்னர் நெல்லிக்குப்பம் நகராட்சி தனித்து விடப்பட்டதாகவே உள்ளது. எனவே, நெல்லிக்குப்பம் நகரை தனித் தாலுகாவாக மாற்றி மக்களின் தேவைகளைப் பூர்த்தி செய்ய வேண்டும்.
 நெல்லிக்குப்பம் நகராட்சி மருத்துவமனையில் இரவு நேர மருத்துவரை நியமிக்கவும், கழிப்பறை கட்டவும் உரிய நடவடிக்கை எடுக்க வேண்டும் என்பன உள்ளிட்ட தீர்மானங்களை நிறைவேற்றினர்.
 சங்கத் துணைத் தலைவர் தென்னரசு நன்றி கூறினார்.
 
 

]]>
http://www.dinamani.com/all-editions/edition-villupuram/cuddalore/2018/jan/16/நெல்லிக்குப்பம்-நகராட்சி-மருத்துவமனையில்-இரவு-நேர-மருத்துவரை-நியமிக்கக்-கோரிக்கை-2845339.html
2845336 விழுப்புரம் கடலூர் ஜன.20-இல் பொது விநியோகத் திட்ட குறைதீர் கூட்டம்    கடலூர், DIN Tuesday, January 16, 2018 09:47 AM +0530 கடலூர் மாவட்டத்தில் பொது விநியோகத் திட்ட குறைதீர் கூட்டம் வட்டம் வாரியாக வருகிற 20-ஆம் தேதி நடைபெறுகிறது.
 இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: கடலூர் மாவட்டத்தில் வருகிற 20-ஆம் தேதி பொது விநியோகத் திட்ட குறைதீர் கூட்டம் நடைபெறுகிறது. இந்தக் கூட்டமானது வட்டம் தோறும் நடத்தப்படுகிறது. அதன்படி கடலூர் வட்டம் நாகப்பனூர், பண்ருட்டி வட்டம் பூண்டி, குறிஞ்சிப்பாடி வட்டம் மருவாய், சிதம்பரம் வட்டம் வசப்பத்தூர், காட்டுமன்னார்கோவில் வட்டம் உடையார்குடி, புவனகிரி வட்டம் வண்டுராயன்பட்டு, விருத்தாசலம் வட்டம் சித்தேரிக்குப்பம், திட்டக்குடி வட்டம் மதுரவல்லி, வேப்பூர் வட்டம் வேப்பூர், திருமுட்டம் வட்டம் நகரப்பாடி ஆகிய இடங்களில் இந்தக் கூட்டம் நடைபெறுகிறது.
 இதில், மேற்கூறிய கிராமங்களுக்கு உள்பட்ட பொதுமக்கள் பங்கேற்று தங்களது குடும்ப அட்டைகளில் பெயர் சேர்த்தல், திருத்தம், நீக்கம், முகவரி மாற்றம், வயது திருத்தம், பொது விநியோகம் தொடர்பான இதர கோரிக்கைகள் குறித்து விண்ணப்பங்களை அளிக்கலாம்.
 இந்தக் குறைபாடுகள் உடனடியாக தீர்த்து வைக்கப்படும். எனவே, இந்த முகாமை பொதுமக்கள் பயன்படுத்திக்கொள்ள வேண்டும் என்று ஆட்சியர் அதில் தெரிவித்துள்ளார்.
 

]]>
http://www.dinamani.com/all-editions/edition-villupuram/cuddalore/2018/jan/16/ஜன20-இல்-பொது-விநியோகத்-திட்ட-குறைதீர்-கூட்டம்-2845336.html
2845332 விழுப்புரம் கடலூர் மாணவர்களுக்கு பயிற்சி  கடலூர், DIN Tuesday, January 16, 2018 09:46 AM +0530 கடலூர் தேவனாம்பட்டினத்திலுள்ள அரசு பெரியார் கலைக் கல்லூரியில் மூன்றாமாண்டு பயிலும் மாணவர்களுக்கு, வேலைவாய்ப்புப் பயிற்சிக்கான திறன் அடிப்படையிலான பயிற்சி வகுப்பு அண்மையில் நடைபெற்றது.
 சென்னையிலுள்ள இந்திய தொழில் கூட்டமைப்பு சார்பில் நடத்தப்பட்ட இந்த பயிற்சி முகாமில் 250 மாணவர்கள் பங்கேற்றனர். முகாமிற்கு, கல்லூரி முதல்வர் ப.குமரன் தலைமை வகித்தார். சார்-ஆட்சியர் ஜானிடாம் வர்கீஸ் சிறப்பு விருந்தினராகப் பங்கேற்று மாணவர்களை வாழ்த்திப் பேசினார்.
 இயற்பியல் துறைத் தலைவர் அன்பரசி, தூய்மை பாரத இயக்க மாவட்ட ஒருங்கிணைப்பாளர் ரா.ச.வேலுமணி ஆகியோர் சிறப்புரை நிகழ்த்தினர். இந்திய தொழில் கூட்டமைப்பு சார்பில் சைமன்ஜோஸ்வா, அர்ச்சனா ஆகியோர் பயிற்சி அளித்தனர்.
 
 
 

]]>
http://www.dinamani.com/all-editions/edition-villupuram/cuddalore/2018/jan/16/மாணவர்களுக்கு-பயிற்சி-2845332.html
2845329 விழுப்புரம் கடலூர் மாற்றுத் திறனாளிகளுக்கு 3 சக்கர சைக்கிள் வழங்கக் கோரிக்கை  கடலூர், DIN Tuesday, January 16, 2018 09:46 AM +0530 மாற்றுத் திறனாளிகளுக்கு 3 சக்கர சைக்கிள் வழங்க வேண்டுமென மாவட்ட ஆட்சியரிடம் கோரிக்கை மனு அளிக்கப்பட்டது.
 இதுகுறித்து கடலூர் மாவட்ட மாற்றுத் திறனாளிகளின் லட்சிய முன்னேற்ற சங்கத் தலைவர் சி.கே.சந்தோஷ், பொதுச் செயலர் பொன்.சண்முகம், பொருளாளர் ஆர்.தட்சிணாமூர்த்தி ஆகியோர் மாவட்ட ஆட்சியரிடம் அளித்த மனு:
 இரு கால்களும் முடியாத மாற்றுத் திறனாளிகள் அன்றாடம் பயன்படுத்தும் 3 சக்கர சைக்கிள்கள் கடந்த இரு ஆண்டுகளாக வழங்கப்படுவதில்லை.
 இதனால், மாற்றுத் திறனாளிகள் தொழில் செய்ய சென்று வரமுடியவில்லை.
 கடலூர் மாவட்டத்தில் கால் முடியாதவர்கள் அதிகமானோர் உள்ளதால் அவர்களுக்கு உடனடியாக 3 சக்கர சைக்கிள் வழங்கிட நடவடிக்கை எடுக்க வேண்டும்.
 படித்த மாற்றுத் திறனாளிகளுக்கு 3 மாதங்களுக்கு ஒருமுறை உதவித்தொகை வழங்கிட அரசு வெளியிட்டுள்ள ஆணையை செயல்படுத்த வேண்டும்.
 மாற்றுத் திறனாளிகளுக்கு வழங்கப்படும் மாதாந்திர உதவித் தொகை ரூ.ஆயிரத்தை, 80 சதவீதத்துக்கு மேல் ஊனம் உள்ளவர்களுக்கு ரூ.1,500 ஆக உயர்த்தி வழங்க வேண்டும் என மனுவில் வலியுறுத்தப்பட்டது.
 

]]>
http://www.dinamani.com/all-editions/edition-villupuram/cuddalore/2018/jan/16/மாற்றுத்-திறனாளிகளுக்கு-3-சக்கர-சைக்கிள்-வழங்கக்-கோரிக்கை-2845329.html
2845325 விழுப்புரம் கடலூர் ஜன.19-இல் விவசாயிகள் குறைதீர் கூட்டம்  கடலூர், DIN Tuesday, January 16, 2018 09:45 AM +0530 கடலூர் மாவட்ட விவசாயிகள் குறைதீர் கூட்டம் வருகிற 19-ஆம் தேதி கடலூரில் நடைபெறுகிறது.
 இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: கடலூர் மாவட்ட விவசாயிகளுக்கான மாதாந்திர குறைதீர் கூட்டம் வருகிற 19-ஆம் தேதி (வெள்ளிக்கிழமை) மாவட்ட ஆட்சியர் அலுவலகத்தில் நடைபெறுகிறது.
 காலை 10.30 மணி முதல் நடைபெறும் இந்தக் கூட்டத்தில் விவசாயிகள் தங்களது குறைகளை பேசுவதற்கு வாய்ப்பு வழங்கப்படும்.
 எனவே, விருப்பமுள்ள விவசாயிகள் தங்களது பெயர்களை முன்பதிவு செய்து கொள்ள வேண்டும். மேலும், இந்தக் கூட்டத்தில் கோரிக்கைகள் தொடர்பாக அளிக்கப்படும் புகார்களுக்கு அடுத்தக் கூட்டத்தில் பதில் அளிக்கப்படும்.
 பேச வாய்ப்பு கிடைக்காதவர்கள் மனுக்கள் அளிக்கவும் ஏற்பாடு செய்யப்பட்டுள்ளது. எனவே, இந்தக் கூட்டத்தை விவசாயிகள் பயன்படுத்திக் கொள்ள வேண்டுமென ஆட்சியர் அதில் கேட்டுக்கொண்டுள்ளார்.
 
 
 
 

]]>
http://www.dinamani.com/all-editions/edition-villupuram/cuddalore/2018/jan/16/ஜன19-இல்-விவசாயிகள்-குறைதீர்-கூட்டம்-2845325.html
2845324 விழுப்புரம் கடலூர்  பொங்கல் விழா கொண்டாட்டம்  கடலூர்/சிதம்பரம்/நெய்வேலி, DIN Tuesday, January 16, 2018 09:44 AM +0530 கடலூர் மாவட்டத்தில் தமிழர் திருநாளாம் பொங்கல் விழா ஞாயிற்றுக்கிழமை பொதுமக்கள், பல்வேறு அமைப்பினரால் உற்சாகமாகக் கொண்டாடப்பட்டது.
 கடலூரில் விடுதலைச் சிறுத்தைகள் கட்சி சார்பில் ஆற்றங்கரை வீதியில் சமத்துவப் பொங்கல் விழா நடைபெற்றது. கட்சியின் கடலூர் நாடாளுமன்ற தொகுதிச் செயலர் பா.தாமரைச்செல்வன் தலைமையில் பொங்கலிட்டு அனைவருக்கும் வழங்கப்பட்டது.
 பூவிழுந்தநல்லூர்: காட்டுமன்னார்கோவில் அருகே உள்ள பூவிழுந்தநல்லூர் கிராமத்தில் 33-ஆம் ஆண்டு பொங்கல் விழா ஞாயிற்றுக்கிழமை நடைபெற்றது. இந்தக் கிராமத்தில் ஒவ்வோர் ஆண்டும் சென்னை ராதா இன்ஜினியரிங் ஒர்க்ஸ் நிறுவனம் சார்பில் பொங்கல் விழா நடைபெற்று வருகிறது. இந்த ஆண்டு விழாவையொட்டி, இயற்கையை வலுப்படுத்துதல், புவி வெப்பமயமாதலை தடுத்தல் மற்றும் இயற்கை விவசாயத்தை வலியுறுத்தி சாலையோரங்களில் சுமார் 200 மரக் கன்றுகள் நடும் நிகழ்ச்சியை தொழிலதிபர் எஸ்.வெங்கடேசன்பிள்ளை தொடக்கி வைத்தார்.
 தொடர்ந்து, திங்கள்கிழமை நடைபெற்ற விழாவில் கிராம மக்கள் 540 குடும்பங்களை சேர்ந்தோருக்கு போர்வை, சுமார் ஆயிரம் பேருக்கு நிதியுதவி, போட்டிகளில் வென்ற 20 பேருக்கு ஒரு கிராம் தங்கக் காசு, 10 பேருக்கு 2 கிராம் தங்கக் காசுகளை எஸ்.வெங்கடேசன், வழங்கினார். நிகழ்ச்சியில் அவரது துணைவியார் வி.ஞானாம்பிகை, தலைமை அதிகாரி ராதாசெல்வி, நிர்வாக இயக்குநர் ஆர்.செந்தில்குமார், இயக்குநர் ஆர்.ராமு, கிராமத் தலைவர் ஆர்.பத்மநாபன், முன்னாள் ஊராட்சி மன்றத் தலைவர் பி.திரிபுரசுந்தரி, ஆசிரியர் ஞானம் உள்ளிட்டோர் பங்கேற்றனர்.
 காடாம்புலியூர்: பண்ருட்டி தெற்கு ஒன்றிய திமுக சார்பில், தமிழர் திருநாள் விழா, கட்சியின் பொது உறுப்பினர்கள் கூட்டம் காடாம்புலியூரில் அண்மையில் நடைபெற்றது.
 நிகழ்ச்சிக்கு, ஒன்றியச் செயலரும், நெய்வேலி சட்டப் பேரவைத் தொகுதி உறுப்பினருமான சபா.ராஜேந்திரன் தலைமை வகித்து சிறப்புரையாற்றினார்.
 பின்னர், கட்சி உறுப்பினர்களுக்கு ஆடைகள், பரிசுப் பொருள்களை வழங்கிப் பேசினார்.
 முன்னதாக, அவைத் தலைவர் ராஜா வரவேற்றார். மாவட்ட விவசாய அணி அமைப்பாளர் ஞானமணி முன்னிலை வகித்தார். பண்ருட்டி வடக்கு ஒன்றியச் செயலர் ராதாகிருஷ்ணன், மாவட்ட பிரதிநிதி லட்சுமிநாராயணன், ஒன்றிய துணைச் செயலர்கள் செல்வக்குமார், சுமதி நந்தகோபால், ஏழுமலை உள்ளிட்டோர் கலந்து கொண்டனர்.
 பெரியாக்குறிச்சி: நெய்வேலி பவர் சிட்டி அரிமா சங்கம், நியூலைட் அறக்கட்டளையினர் இணைந்து நெய்வேலி, பெரியாக்குறிச்சியில் உள்ள நரிக்குறவர் குடிசைப் பகுதியில் திங்கள்கிழமை சமத்துவப் பொங்கலிட்டனர். விழாவுக்கு, சங்கத் தலைவர் அன்வர்தீன் தலைமை வகித்தார். அரிமா சங்க மாவட்டத் தலைவர் லட்சுமிநாராயணன், செயலர் ராஜா, தாஸ் ஆகியோர் முன்னிலை வகித்தனர். நிகழ்வில், பல்வேறு கிராமியப் போட்டிகள் நடத்தப்பட்டன.
 சிறப்பு விருந்தினர்களாகக் கலந்துகொண்ட அரிமா சங்க மாவட்டத் தலைவர்
 ராஜமாரியப்பன், மந்தாரக்குப்பம் காவல் ஆய்வாளர் கமலஹாசன் ஆகியோர் போட்டிகளில் வெற்றி பெற்றவர்களுக்கு பரிசுகளை வழங்கினர். சகாயராஜ், ரியாஸ் ரகுமான், ரகு ஆகியோர் ஏற்பாடுகளை செய்திருந்தனர். சுந்தர ராமானுஜம் நன்றி கூறினார்.

]]>
http://www.dinamani.com/all-editions/edition-villupuram/cuddalore/2018/jan/16/பொங்கல்-விழா-கொண்டாட்டம்-2845324.html
2845321 விழுப்புரம் கடலூர் சிறப்பு அலங்காரத்தில் திருவூடல் நந்திபெருமான்  நெய்வேலி, DIN Tuesday, January 16, 2018 09:43 AM +0530 மாட்டுப் பொங்கலையொட்டி, திருவதிகை வீரட்டானேஸ்வரர் கோயிலில் திருவூடல் நந்தி சிறப்பு அலங்காரத்தில் திங்கள்கிழமை காட்சியளித்தார்.
 மாட்டுப் பொங்கலையொட்டி இந்தக் கோயிலில் நந்தி பெருமானுக்கு சிறப்பு அபிஷேக, ஆராதனை நடைபெற்றது. பின்னர், பூ, பழ வகைகள், காய்கறிகள், பட்சனங்களால் சிறப்பு அலங்காரம் செய்யப்பட்டு காட்சியளித்தார். சிறப்பு அலங்காரத்துக்கு தேவையான பொருள்களை பக்தர்கள் வழங்கினர்.
 இந்து சமுதாய ஆன்மிக அறக்கட்டளைச் செயலர் சி.ராஜேந்திரன், தலைவர் வாசவி கணேசன், துணைத் தலைவர்கள் கே.என்.சி.மோகனகிருஷ்ணன், எஸ்.வி.வைரக்கண்ணு, ஆர்.சந்திரசேகர், பொருளாளர் மதன்சந்த் மற்றும் திரளான பக்தர்கள் கலந்து கொண்டனர். முன்னதாக, ஞாயிற்றுக்கிழமை இந்தக் கோயிலில் தை மாத பிரதோஷ வழிபாடு நடைபெற்றது. பரிவார மூர்த்திகளுக்கு சிறப்பு அபிஷேகம் நடைபெற்றது. மாலையில் சிவன், அம்பாள், நந்தி தேவனுக்கு மூலிகை திரவியங்களால் சிறப்பு அபிஷேக, ஆராதனை நடைபெற்றது.
 நந்திதேவர் வெள்ளி கவசம் அணிந்து சிறப்பு அலங்காரத்தில் காட்சியளித்தார். தொடர்ந்து வீரட்டானேஸ்வரர், அம்மாள் ரிஷப வாகனத்தில் உள்புறப்பாடு நடைபெற்றது. திரளான பக்தர்கள் கலந்து கொண்டு தரிசனம் செய்தனர்.
 இதேபோல, புதுப்பேட்டை, செம்மேடு காசிவிஸ்வநாதர் கோயில், பண்ருட்டி சோமேஸ்வரர், குணபரீஸ்வரர், திருத்துறையூர் சிஷ்டகுருநாதர், வீரப்பெருமாநல்லூர் வியகரபுரீஸ்வரர், திருவாமூர் பசுபதீஸ்வரர், வேகாக்கொல்லை களப்பாலீஸ்வரர், பேர்பெரியான்குப்பம் அனந்தபுரீஸ்வரர் ஆகிய கோயில்களிலும் பிரதோஷ வழிபாடு நடைபெற்றது.

]]>
http://www.dinamani.com/all-editions/edition-villupuram/cuddalore/2018/jan/16/சிறப்பு-அலங்காரத்தில்-திருவூடல்-நந்திபெருமான்-2845321.html
2845317 விழுப்புரம் கடலூர் திருவந்திபுரத்தில் மஞ்சு விரட்டு: தேவநாதசுவாமி மாடு விரட்டினார்    கடலூர், DIN Tuesday, January 16, 2018 09:42 AM +0530 திருவந்திபுரம் கெடிலம் ஆற்றில் திங்கள்கிழமை நடைபெற்ற மஞ்சுவிரட்டு நிகழ்ச்சியில் தேவநாதசுவாமி பங்கேற்று மாடுகளை விரட்டும் உற்சவம் நடைபெற்றது.
 பொங்கல் பண்டிகையின் 2-ஆம் நாள் விழாவாக மாட்டுப் பொங்கல் கொண்டாடப்படுகிறது.
 இந்த விழாவை மனிதர்கள் மட்டுமன்றி, கடவுளும் கொண்டாடுவார் என்பதற்குச் சான்றாக, கடலூர் அருகே உள்ள நடுநாட்டுத் திருப்பதிகள் இரண்டில் ஒன்றான திருவந்திபுரம் தேவநாதசுவாமி கோயிலில் ஆண்டுதோறும் சிறப்பு நிகழ்வு நடைபெறும்.
 அதன்படி, மாட்டுப் பொங்கல் நாளான திங்கள்கிழமை பாரம்பரிய முறைப்படி மஞ்சு விரட்டு எனப்படும் மாடு மிரட்டல் நிகழ்ச்சி நடைபெற்றது.
 இதையொட்டி, அன்று மாலையில் வெள்ளிக் குதிரை வாகனத்தில் தேவநாதசுவாமி பெருமாள் சிறப்பு அலங்காரத்தில் எழுந்தருளினார். வேத மந்திரங்கள் முழங்கிட திருவந்திபுரம் கெடிலம் ஆற்றுக்குள் சுவாமி வெள்ளிக் குதிரை வாகனத்தில் சென்றார். அப்போது, திருவந்திபுரம், தொட்டி, பில்லாலி, சாலைக்கரை உள்ளிட்ட சுற்றுவட்டார கிராமங்களில் ஏற்கெனவே மாட்டுப் பொங்கலிட்டவர்கள் தங்களது மாடுகளை அலங்கரித்து ஆற்றுக்குள் ஓட்டி வந்திருந்தனர். அப்போது, மாடுகள் முன்பாக தேவநாதசுவாமி எழுந்தருள சிறப்பு தீபாராதனை நடைபெற்றது. இதையடுத்து, தேவநாத சுவாமி மாடுகளை விரட்டிப் பிடிக்கும் நிகழ்வு நடத்தப்பட்டது.
 அதற்காக மேளதாளங்கள் முழங்கிட வெள்ளிக் குதிரையிலிருந்து சுவாமி மாடுகளை பிடிப்பதற்காக, மாடுகளை நோக்கி பல்லக்கு வேகமாக நகர்த்தி கொண்டு செல்லப்பட்டது. அப்போது, கூடியிருந்தவர்கள் மாடுகளை விரட்டிப் பிடிக்கும் மஞ்சுவிரட்டு நடைபெற்றது. இளைஞர்கள் தங்களது வீரத்தை வெளிப்படுத்தும் வகையில் மாடுகளை துரத்திப் பிடித்தனர். இதற்காக, சில மாடுகளின் கொம்புகளில் கரும்பு, துணி ஆகியவை கட்டப்பட்டிருந்தன.
 பின்னர், தேவநாதசுவாமி வீதி உலா சென்றார். அப்போது, பொதுமக்கள் தேங்காய் உடைத்து வழிபாடு நடத்தினர். அதனைத் தொடர்ந்து சுவாமி கோயிலில் எழுந்தருள சிறப்புப் பூஜைகள் நடத்தப்பட்டன.
 இந்த நிகழ்வுகளில் திரளான பக்தர்கள் பங்கேற்றனர்.

]]>
http://www.dinamani.com/all-editions/edition-villupuram/cuddalore/2018/jan/16/திருவந்திபுரத்தில்-மஞ்சு-விரட்டு-தேவநாதசுவாமி-மாடு-விரட்டினார்-2845317.html
2845259 விழுப்புரம் கடலூர் மின்சாரம் பாய்ந்ததில் தொழிலாளி சாவு  கடலூர், DIN Tuesday, January 16, 2018 09:30 AM +0530 மின்சாரம் பாய்ந்ததில் பாதிக்கப்பட்ட கட்டடத் தொழிலாளி திங்கள்கிழமை உயிரிழந்தார்.
 கடலூர் அருகே உள்ள கோண்டூர் சுப்புலட்சுமி நகரைச் சேர்ந்தவர் பெ.சுந்தரம் (43). கட்டடத் தொழிலாளி. இவர், கடந்த 10-ஆம் தேதி அதேப் பகுதியில் புதிய வீடு கட்டுமானப் பணியில் ஈடுபட்டிருந்தார். அப்போது, அவரது கை வீட்டின் மேல்பகுதியில் சென்ற உயரழுத்த மின்கம்பியில் பட்டுள்ளது. இதில், மின்சாரம் பாய்ந்ததால் தூக்கி வீசப்பட்டவர் பலத்த காயமடைந்து புதுச்சேரி ஜிப்மர் மருத்துவமனையில் அனுமதிக்கப்பட்டார். எனினும் அங்கு திங்கள்கிழமை உயிரிழந்தார்.
 இதுகுறித்து நெல்லிக்குப்பம் காவல் துறையினர் வழக்குப் பதிவு செய்து விசாரித்து வருகின்றனர்.
 
 

]]>
http://www.dinamani.com/all-editions/edition-villupuram/cuddalore/2018/jan/16/மின்சாரம்-பாய்ந்ததில்-தொழிலாளி-சாவு-2845259.html
2845256 விழுப்புரம் கடலூர் நெல் பயிரில் பூச்சித் தாக்குதல் மேலாண்மை  நெய்வேலி, DIN Tuesday, January 16, 2018 09:30 AM +0530 குறிஞ்சிப்பாடி வட்டாரத்தில் நெல் பயிரில் இலைச் சுருட்டுப் புழு, தண்டுத் துளைப்பான் தாக்குதலைக் கட்டுப்படுத்துவது குறித்து வேளாண் துறையினர் ஆலோசனை தெரிவித்தனர்.
 இதுதொடர்பாக குறிஞ்சிப்பாடி வேளாண் உதவி இயக்குநர் ப.சின்னக்கண்ணு வெளியிட்டசெய்திக் குறிப்பு:
 குறிஞ்சிப்பாடி வட்டாரத்தில் 5,824 ஹெக்டர் பரப்பளவில் சம்பா நெல் பயிர் சாகுபடி செய்யப்பட்டுள்ளது. நெல் பயிரில் இலைச் சுருட்டுப் புழு, தண்டுத் துளைப்பான் தாக்குதல் சில இடங்களில் காணப்படுகின்றன.
 இலைச் சுருட்டுப் புழு தாக்குதலால் இலைகள் நீளவாக்கில் மடிந்து புழுக்கள் அதனுள்ளே இருக்கும். புழுக்கள் இலைகளின் பச்சையங்களைச் சுரண்டுவதால் வெள்ளையாக மாறிக் காய்ந்திருக்கும். அதிக தாக்குதலின் போது, நெல் வயல் முழுவதும் வெள்ளையாக காய்ந்தது போலக் காணப்படும். தழை பருவத்தில் 10 சதவீதமும், பூக்கும் பருவத்தில் 5 சதவீதமும் இலையில் சேதம் ஏற்பட்டிருந்தால், கட்டுப்பாடு முறைகளை மேற்கொள்ள வேண்டும்.
 அதேபோல, தண்டுத் துளைப்பான் காரணமாக இலையின் நுணியில் பழுப்பு நிற முட்டைகள் காணப்படும். தழைப் பருவத்தில் புழுக்கள் தண்டுகளில் நுழைந்து உட்கொள்வதால் அதன் நடுபகுதி காய்ந்துவிடும். வளர்ச்சி அடைந்த பருவத்தில் முழு தானிய கதிரும் காய்ந்து வெண்கதிர் அறிகுறி ஏற்படும். பழுப்பு நிற அந்துப் பூச்சிகள் வயலில் காணப்படும். 25 சதவீதம் குருத்து காய்தல் அல்லது ஒரு சதுர மீட்டருக்கு 2 முட்டைக் குவியல் இருந்தால் கட்டுப்பாட்டு முறைகளை மேற்கொள்ள வேண்டும்.
 கட்டுப்படுத்தும் முறைகள்...
 தேவைக்கு அதிகமாக உரங்கள் இடுவதைத் தவிர்க்க வேண்டும். வரப்புகளைச் சீராக்கி வைத்தல், புல் இனங்களை நீக்க வேண்டும். வேப்பங்கொட்டைச் சாறு 5 சதவீதம் (25 கிலோ/ஏக்கர் என்ற அளவில் தண்ணீரில் ஊறவைத்து வடிகட்டுதல்) அல்லது வேப்ப எண்ணெய் 0.03 சதவீதம் அல்லது ரசாயன பூச்சிக் கொல்லிகளான குளோர்பைரிபாஸ் 1,250 மி.லி /ஹெக்டர் அல்லது கார்டாப்ஹைட்ரோ குளோரைடு
 50 மி.லி ஒரு கிலோ/ஹெக்டர் என்ற அளவில் தெளித்துக் கட்டுப்படுத்தலாம்.
 பூச்சிக் கொல்லி மருந்தைத் தெளிக்கும் போது, சரியான மருந்துகளைச் சரியான அளவில் தெளித்தல் வேண்டும். காலை 10 மணிக்குள்ளும், மாலை 4 மணிக்கு மேலும் தெளித்தல் வேண்டும். மருந்துடன் பரிந்துரைக்கப்பட்ட அளவு தண்ணீரைக் கலந்து தெளிக்க வேண்டும்.
 மருந்து தெளிப்பவர் கையுறை, காலுறை, மூக்கு- வாய் கவசம் அணிந்து தெளித்தல் வேண்டும்.
 காற்று வீசும் திசையிலேயே தெளித்தல், தரமற்ற, தடை செய்யப்பட்ட பூச்சிக் கொல்லி மருந்துகளைத் தவிர்த்தல், கைத்தெளிப்பான் எனில், 16 டேங்க் அளவிலும், விதைத் தெளிப்பான் எனில், 10 டேங்க் என்ற அளவிலும் தெளிக்க வேண்டும்.
 மனிதர்களுக்கும், கால்நடைகளுக்கும் பாதிப்பு ஏற்படாமல் பாதுகாப்பாக பூச்சிக் கொல்லி மருந்துகளை விவசாயிகள் பயன்படுத்த வேண்டும் என அந்தச் செய்திக் குறிப்பில் தெரிவிக்கப்பட்டுள்ளது.
 
 

]]>
http://www.dinamani.com/all-editions/edition-villupuram/cuddalore/2018/jan/16/நெல்-பயிரில்-பூச்சித்-தாக்குதல்-மேலாண்மை-2845256.html
2845254 விழுப்புரம் கடலூர் பைக்குகள் மோதல்: ஆட்டோ ஓட்டுநர் சாவு    கடலூர், DIN Tuesday, January 16, 2018 09:29 AM +0530 பைக்குகள் மோதிக்கொண்ட விபத்தில் ஆட்டோ ஓட்டுநர் ஞாயிற்றுக்கிழமை உயிரிழந்தார்.
 விருத்தாசலம் அருகே உள்ள வேட்டக்குடியைச் சேர்ந்த முருகேசன் மகன் பிரகாஷ் (23). சென்னையில் ஆட்டோ ஓட்டி வந்தார். பொங்கல் பண்டிகையை கொண்டாடுவதற்காக
 சொந்த ஊருக்கு வந்திருந்தார். இந்த நிலையில், ஞாயிற்றுக்கிழமை பெரம்பலூர் மாவட்டம், கீழக்கரம்பலூரைச் சேர்ந்த உறவினரான நல்லப்பன் மகன் துரைமூர்த்தி (24) என்பவருடன் மோட்டார் சைக்கிளில் விருத்தாசலம் நோக்கிச் சென்றுக் கொண்டிருந்தார். பள்ளிப்பட்டு அருகே சென்றபோது எதிரே வந்த மற்றொரு மோட்டார் சைக்கிளுடன் மோதிக்கொண்டனர்.
 இதில், பலத்த காயமுற்ற பிரகாஷ் சம்பவ இடத்திலேயே உயிரிழந்தார். காயமடைந்த துரைமூர்த்தி உளுந்தூர்பேட்டை அரசு மருத்துவமனையில் அனுமதிக்கப்பட்டார். விபத்து குறித்து மங்கலம்பேட்டை காவல் துறையினர் திங்கள்கிழமை வழக்குப் பதிவு செய்து விசாரித்து வருகின்றனர்.
 
 

]]>
http://www.dinamani.com/all-editions/edition-villupuram/cuddalore/2018/jan/16/பைக்குகள்-மோதல்-ஆட்டோ-ஓட்டுநர்-சாவு-2845254.html
2845252 விழுப்புரம் கடலூர் மின்னணு சீட்டு பயிற்சி வகுப்பு  நெய்வேலி, DIN Tuesday, January 16, 2018 09:29 AM +0530 மின்னணு சீட்டு (இ-வே பில்) தொடர்பான பயிற்சி வகுப்பு பண்ருட்டியில் உள்ள வணிக வரி அலுவலக கூட்டரங்கில் அண்மையில் நடைபெற்றது.
 சரக்கு மற்றும் சேவை வரிச் சட்டம் 2017-இன் கீழ் மின்னணு சீட்டு முறை வருகிற பிப்.1-ஆம் தேதி முதல் கட்டாயமாக்கப்பட்டுள்ளது. இதன்படி, ரூ.50 ஆயிரத்துக்கும் மேல் மதிப்புள்ள பொருள்களை, 10 கி.மீ. தொலைவுக்கு அப்பால் உள் மற்றும் வெளி மாநிலத்துக்கு கொண்டு செல்லும்போது மின் வழிச் சீட்டுடன் செல்ல வேண்டும் என தமிழக அரசு அறிவித்துள்ளது.
 இதுதொடர்பாக நடைபெற்ற இந்தப் பயிற்சி வகுப்பில், உதவி ஆணையர் (மாநில வரி) பண்ருட்டி நகரம் ச.செல்வகணபதி, மாநில வரி அலுவலர் (ஊரகம்) க.பாரி, மாநில வரி அலுவலர்கள் (செயலாக்கம்) வி.முருகன், எஸ்.வைதேகி, துணை மாநில வரி அலுவலர்கள் என்.ஜனார்த்தனன் ஆகியோர் கலந்துகொண்டு விளக்கம் அளித்தனர். மேலும், மின் வழிச் சீட்டை உருவாக்குதல் குறித்து செயல்முறை விளக்கம் அளிக்கப்பட்டது. அப்போது, மின் வழிச் சீட்டு நடைமுறையானது சோதனை அடிப்படையில் ஜன.16-ஆம் தேதி முதல் அமுல்படுத்தப்பட உள்ளதாக தெரிவித்தனர்.
 பயிற்சியில், தமிழ்நாடு வணிகர் சங்கங்களின் பேரமைப்பு மாவட்டச் செயலர் வி.வீரப்பன் உள்ளிட்ட பல்வேறு சங்கங்களின் பிரதிநிதிகள், வணிகர்கள், பட்டயக் கணக்கர்கள், வரி ஆலோசகர்கள், கணக்காளர்கள், சரக்கு வாகன உரிமையாளர்கள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/jan/16/மின்னணு-சீட்டு-பயிற்சி-வகுப்பு-2845252.html
2845249 விழுப்புரம் கடலூர் சாலையைச் சீரமைக்கக் கோரிக்கை  நெய்வேலி DIN Tuesday, January 16, 2018 09:29 AM +0530 கண்டரக்கோட்டை முதல் வடலூர் வரை குண்டும் குழியுமாக உள்ள சென்னை - கும்பகோணம் தேசிய நெடுஞ்சாலையைச் சீரமைக்க வேண்டும் என வாகன ஓட்டிகள் கோரிக்கை விடுத்தனர்.
 விக்கிரவாண்டி - கும்பகோணம் - தஞ்சாவூர் வரையில் உள்ள 160 கி.மீ. தொலைவுள்ள விகேடி சாலையை மேம்படுத்த தேசிய நெடுஞ்சாலை ஆணையத்திடம் ஒப்படைக்கப்பட்டது. பல ஆண்டுகளாகக் கிடப்பில் போடப்பட்டிருந்த இந்தப் பணி தற்போது தொடங்கப்பட்டுள்ளது.
 இந்தச் சாலையில் நாள்தோறும் நூற்றுக் கணக்கான வாகனங்கள் சென்று வருகின்றன. மேலும், மணல் ஏற்றிச் செல்லும் வாகனங்களும், கனரக வாகனங்களும் சென்று வருவதாலும், மழை நீர் தேங்ககியதாலும் சாலை முற்றிலுமாகச் சேதமடைந்து குண்டும் குழியுமாகக் காட்சியளிக்கிறது.
 மோசமான நிலையில் உள்ள இந்தச் சாலையில் செல்லும் வாகனங்கள் பழுதடைகின்றன. இரு சக்கர வாகனத்தில் செல்வோர் விபத்துக்குள்ளாகின்றனர். எனவே, பயணிகள், வாகன ஓட்டிகளின் நலன் கருதி, சாலையை விரைந்து சீரமைக்க வேண்டும் என கோரிக்கை விடுத்துள்ளனர்.

]]>
http://www.dinamani.com/all-editions/edition-villupuram/cuddalore/2018/jan/16/சாலையைச்-சீரமைக்கக்-கோரிக்கை-2845249.html
2845222 விழுப்புரம் கடலூர் திருவள்ளுவர் தினம் கொண்டாட்டம்  கடலூர், DIN Tuesday, January 16, 2018 08:58 AM +0530 கடலூரில் பல்வேறு அமைப்புகள் சார்பில் திருவள்ளுவர் தினம் திங்கள்கிழமை கொண்டாடப்பட்டது.
 கடலூர் மாவட்ட உலகத் திருக்குறள் பேரவை சார்பில், கடலூர் திருப்பாதிரிபுலியூரில் உள்ள பாடலீஸ்வரர் மேல்நிலைப் பள்ளியில் திருவள்ளுவர் தினம் கொண்டாடப்பட்டது. நிகழ்ச்சிக்கு பேரவைச் செயலர் பார்.ஜெயச்சந்திரன் தலைமை வகித்தார். பாவலர் கதிர் முத்தையன் சிறப்பு அழைப்பாளராகப் பங்கேற்று திருவள்ளுவரின் உருவப் படத்துக்கு மாலை அணிவித்து மரியாதை செலுத்தியதோடு, திருக்குறளில் வாழ்க்கைத் துணை நலம் என்ற தலைப்பில் பேசினார்.
 நிகழ்ச்சியில் ஓவியர் ரமேசு, வாசகர் வட்டத் தலைவர் தங்க.சுதர்சனம், வழக்குரைஞர்கள் தி.ச.திருமார்பன், லட்சுமி சண்முகப்பிரியா உள்ளிட்டோர் பங்கேற்றனர்.
 முன்னதாக பேரவை இணைச் செயலர் கவி.மனோ வரவேற்க, கலியபெருமாள் நன்றி கூறினார். பேரவைத் தலைவர் சந்தான சுகிர்தராசு, பொருளாளர் ச.க.துளசிதாஸ் ஆகியோர் ஏற்பாடுகளை செய்திருந்தனர்.
 தமிழ்நாடு மீனவர் பேரவை சார்பில் கடலூர் முதுநகரில் உள்ள திருவள்ளுவர் சிலைக்கு மாலை அணிவித்து மரியாதை செலுத்தப்பட்டது. பேரவைத் தலைவர்
 எம்.சுப்புராயன் தலைமையில், இளைஞரணித் தலைவர் ஐ.மாணிக்கம், மாவட்ட இணைச் செயலர் சி.பழனிவேல், நகரச் செயலர் பி.ஆனந்தகுமார், நிர்வாகிகள் சி.வீரமுத்து, பி.ராஜேந்திரன், காரை செல்வம், கே.எழிலரசன், ராஜா உள்ளிட்டோர் பங்கேற்று மரியாதை செலுத்தினர். இதேபோல, மாவட்டத்தின் பல்வேறு பகுதிகளிலும் திருவள்ளுவர் தினம் கொண்டாடப்பட்டது.
 

]]>
http://www.dinamani.com/all-editions/edition-villupuram/cuddalore/2018/jan/16/திருவள்ளுவர்-தினம்-கொண்டாட்டம்-2845222.html
2845221 விழுப்புரம் கடலூர் பரிசுக் குலுக்கல் நடத்தும் நிறுவனங்கள் மீது நடவடிக்கை: ஆட்சியர்  கடலூர், DIN Tuesday, January 16, 2018 08:58 AM +0530 பரிசுக் குலுக்கல் நடத்தும் வணிக நிறுவனங்கள் மீது நடவடிக்கை எடுக்கப்படுமென மாவட்ட ஆட்சியர் பிரசாந்த் மு.வடநேரே எச்சரித்தார்.
 இதுகுறித்து அவர் வெளியிட்ட செய்திக் குறிப்பு: வணிக நிறுவனங்களில் சிலர் சட்ட விரோதமாக தங்களது வணிகத்தைப் பெருக்கிக் கொள்ளும் நோக்குடன் பண்டிகை, விழாக் காலங்களை முன்னிட்டு, பரிசுக் குலுக்கல் திட்டங்களை நடத்தி வருகின்றனர். அவ்வாறு நடத்தும் வணிகர்கள் தங்களது பொருள்களின் விலையைக் கூட்டி விற்பனை செய்தல், தரமற்ற, கலப்படப் பொருள்களை விற்பனை செய்தல், அளவுக் குறைப்பு செய்தல், பழைய இருப்புப் பொருள்களை விற்பனை செய்தல் ஆகிய நேர்மையற்ற மற்றும் போலியான விளம்பரங்களின் மூலம் பொருள்களை வாங்கும் நுகர்வோர்கள் ஏமாற்றப்படுகின்றனர்.
 எனவே, அனைத்து வணிக நிறுவனங்கள், மனைப் பிரிவு அமைப்பாளர்கள் ஆகியோர் தங்களின் சுய லாபத்துக்காக சட்டத்துக்குப் புறம்பாக நுகர்வோர்களின் ஆவலைத் தூண்டும் வகையில் பரிசுக் குலுக்கல் திட்டங்களை நடத்துவதைத் தவிர்க்க வேண்டும். இதனை மீறும் நிறுவனங்கள் மீது காவல் துறை மூலம் நடவடிக்கை மேற்கொள்ளப்படும்.
 பொதுமக்களும் இதுபோன்ற மலிவான விளம்பரங்களை நம்பி ஏமாறாமல் விழிப்புணர்வுடன் இருக்க வேண்டும் என்று அந்தச் செய்திக் குறிப்பில் ஆட்சியர் கேட்டுக் கொண்டுள்ளார்.
 

]]>
http://www.dinamani.com/all-editions/edition-villupuram/cuddalore/2018/jan/16/பரிசுக்-குலுக்கல்-நடத்தும்-நிறுவனங்கள்-மீது-நடவடிக்கை-ஆட்சியர்-2845221.html
2845220 விழுப்புரம் கடலூர் மதுக் கடத்தல்: 51 பேர் கைது  கடலூர், DIN Tuesday, January 16, 2018 08:57 AM +0530 மதுக் கடத்தல், பதுக்கல் தொடர்பாக மாவட்டத்தில் பல்வேறு பகுதிகளில் 51 பேர் கைது செய்யப்பட்டனர்.
 திருவள்ளுவர் தினமான திங்கள்கிழமை (ஜன.15) கடலூர் மாவட்டத்தில் மது விற்பனைக்கு தடை விதிக்கப்பட்டு டாஸ்மாக் மதுபானக் கடைகளுக்கு விடுமுறை அறிவிக்கப்பட்டிருந்தது. இந்த சந்தர்ப்பத்தைப் பயன்படுத்தி கூடுதல் விலைக்கு மது வினை விற்பனை செய்வதற்காக சிலர் புதுச்சேரியிலிருந்து மதுவை கடத்தி வருவதாகவும், சிலர் ஏற்கெனவே மதுவை வாங்கி பதுக்கி வைத்திருப்பதாகவும் மதுவிலக்கு அமலாக்கப் பிரிவு காவல் துறையினருக்கு தகவல் கிடைத்தது.
 அதனடிப்படையில் மாவட்டத்திலுள்ள 9 மதுவிலக்கு பிரிவு சோதனைச் சாவடிகளிலும் கண்காணிப்பு தீவிரப்படுத்தப்பட்டது. இதில், புதுச்சேரியிலிருந்து மது கடத்தி வந்த 12 பேர் ஞாயிறு, திங்கள்கிழமைகளில் கைது செய்யப்பட்டு மதுபானங்கள் பறிமுதல் செய்யப்பட்டன.
 இதேபோல மாவட்டத்தின் பல்வேறு பகுதிகளில் கூடுதல் விலைக்கு விற்பதற்காக மதுவை பதுக்கி வைத்திருந்ததாகக் கூறி 39 பேர் கைது செய்யப்பட்டனர்.
 

]]>
http://www.dinamani.com/all-editions/edition-villupuram/cuddalore/2018/jan/16/மதுக்-கடத்தல்-51-பேர்-கைது-2845220.html
2845219 விழுப்புரம் கடலூர் கிராமங்களில் களைகட்டிய மாட்டுப் பொங்கல்  கடலூர், DIN Tuesday, January 16, 2018 08:57 AM +0530 கடலூர் மாவட்டத்தில் உள்ள கிராமப் பகுதிகளில் மாட்டுப் பொங்கல் விழா திங்கள்கிழமை உற்சாகத்துடன் கொண்டாடப்பட்டது.
 இயற்கை அன்னைக்கு நன்றி தெரிவிக்கும் வகையில் பொங்கல் விழா கொண்டாடப்பட்டு வருகிறது. அனைத்துக்கும் முதன்மையாக விளங்கும் சூரியனுக்கு நன்றி தெரிவிக்கும் வகையில் பொங்கல் விழாவும், அதற்கு அடுத்த நாளில், உழுவுத் தொழிலுக்கும், மனிதனின் அன்றாடத் தேவைகளுக்கும் உறுதுணையாக இருந்து வரும் கால்நடைகளுக்கு நன்றித் தெரிவிக்கும் வகையில் மாட்டுப் பொங்கலும் கொண்டாடப்படுகிறது. அதன்படி திங்கள்கிழமை மாவட்டத்திலுள்ள அனைத்து கிராமங்களிலும் மாட்டுப் பொங்கல் விழா உற்சாகத்துடன் கொண்டாடப்பட்டது.
 பொதுமக்கள் காலையில் தங்களது கால்நடைகளை நீர் நிலைகளில் குளிப்பாட்டினர். அதற்கான வசதி இல்லாதவர்கள் வீடுகளில் மாடுகளை கழுவி சுத்தம் செய்தனர். பின்னர், அதற்கு மாலைகள் இட்டு மரியாதை செலுத்தினர். மாலையில், தங்களது வீடுகளின் முன்பாக பொங்கலிட்டு அதனை கால்நடைகளுக்கு படையலிட்டு வணங்கினர்.
 அதனைத் தொடர்ந்து ஊருக்குப் பொதுவான மந்தைகள், கோயில்களில் தங்களது கால்நடைகள், வீடுகளில் தயாரிக்கப்பட்ட பொங்கல், பூஜைப் பொருள்களுடன் கூடினர். ஒவ்வொருவரும் பொதுவான பகுதியில் படையலிட்டனர். கோயில் பூசாரி அல்லது ஊர் முக்கியப் பிரமுகர் பூஜை செய்த பின்னர் பொங்கலை கால்நடைகளுக்கு உணவாக அளித்தனர். அதனைத் தொடர்ந்து தங்களது கால்நடைகளை அப்பகுதியில் அவிழ்த்துவிட்டு அதனை மற்றவர்களைக் கொண்டு பிடிக்க வைக்கும் நிகழ்ச்சியை சில பகுதிகளில் நடத்தினர்.
 மற்ற பகுதிகளில் பொதுப் படையல் நிகழ்ச்சி முடிந்த பின்னர் கால்நடைகளுடன் ஊருக்குள் ஊர்வலமாகச் சென்று அவரவர் வீடுகளுக்குத் திரும்பினர். அதனைத் தொடர்ந்து அலங்கரிக்கப்பட்டு மாட்டு வண்டிகளில் குழந்தைகளை ஏற்றிக் கொண்டு தெருக்களை சுற்றி வந்தனர்.
 பின்னர் பல்வேறு கிராமங்களில் விளையாட்டுப் போட்டிகள், கலை நிகழ்ச்சிகள் நடத்தப்பட்டு உற்சாகத்துடன் மாட்டுப்பொங்கலை கிராமங்களில் மக்கள் கொண்டாடினர். நகரப் பகுதியில் உள்ளவர்கள் மாடுகளை குளிப்பாட்டி காலையில் பொங்கலிட்டு கால்நடைகளுக்கு அதனை உணவாக அளித்து வழிபாடு நடத்தினர். இவ்வாறு கிராமம், நகரங்களில் மாட்டுப் பொங்கல் உற்சாகத்துடன் கொண்டாடப்பட்டது.
 
 

]]>
http://www.dinamani.com/all-editions/edition-villupuram/cuddalore/2018/jan/16/கிராமங்களில்-களைகட்டிய-மாட்டுப்-பொங்கல்-2845219.html
2845216 விழுப்புரம் கடலூர் முன்னாள் படைவீரர் பதிவேடுகள் கணினி மயம் கடலூர், DIN Tuesday, January 16, 2018 08:33 AM +0530 முன்னாள் படைவீரர் பதிவேடுகள் கணினி மயமாக்கப்படுவதால் விவரங்களைத் தெரிவிக்குமாறு கோரப்பட்டுள்ளது.
இதுகுறித்து முன்னாள் படைவீரர் நலன் உதவி இயக்குநர் அலுவலகம் வெளியிட்ட செய்திக் குறிப்பு: கடலூர் மாவட்ட முன்னாள் படைவீரர் நல அலுவலகத்தில் 2015 ஆம் ஆண்டுக்கு மேல் பதிவு செய்துள்ள முன்னாள் படைவீரர்கள், விதவைகள்றம் செய்து அதன் விவரத்தை மாவட்ட முன்னாள் படைவீரர் நல அலுவலகத்துக்கு நகலுடன் சமர்ப்பிக்க வேண்டும். அவ்வாறு பதிவு செய்ய இயலாதவர்கள் உரிய ஆவணங்களுடன் அலுவலகத்துக்குச் சென்றால், பதிவு செய்வது தொடர்பாக தகுந்த ஆலோசனைகள் வழங்கப்படும். 
மேலும் விவரங்களுக்கு அலுவலகத்தை 04142 } 294732 என்ற தொலைபேசி எண் ஆகியோரின் பதிவுகள் கணினிமயமாக்கப்பட உள்ளது. எனவே, தங்களுடைய படைப்பணி விவரங்கள், ஓய்வூதிய ஒப்பளிப்பு ஆணை எண், ஆதார் எண், வங்கிக்கணக்கு, ஐஎப்எஸ்சி கோடு எண், புகைப்படம், படைவிலகல் சான்று, ஓய்வுதிய ஒப்பளிப்பு ஆணை ஆகியவற்றை www.esmwel.tn.gov.in என்ற இணையதளத்தில் பதிவேற்ணில் தொடர்புக் கொள்ளலாம் என்று தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/cuddalore/2018/jan/16/முன்னாள்-படைவீரர்-பதிவேடுகள்-கணினி-மயம்-2845216.html
2844429 விழுப்புரம் கடலூர் பண்ருட்டி அருகே ஆசிரியர் கொன்று புதைப்பு: 4 பேர் கைது DIN DIN Sunday, January 14, 2018 12:45 AM +0530 நெய்வேலியில் பள்ளி உடற்கல்வி ஆசிரியரை கொன்று கெடிலம் ஆற்றில் புதைத்த சம்பவம் தொடர்பாக 4 பேரை போலீஸார் வெள்ளிக்கிழமை இரவு கைது செய்தனர்.
கடலூர் மாவட்டம், நெய்வேலி, 10-ஆவது வட்டத்தைச் சேர்ந்த ஏழுமலையின் மகன் சதீஷ்குமார் (27). இவர், 9-ஆவது வட்டத்தில் உள்ள ஒரு பள்ளியில் உடற்கல்வி ஆசிரியராகப் பணியாற்றி வந்தார்.
இந்த நிலையில், கடந்த 9-ஆம் தேதி பள்ளிக்குச் சென்றவர் வீடு திரும்பவில்லை. இதுகுறித்து சதீஷ்குமாரின் தந்தை ஏழுமலை நெய்வேலி நகரிய காவல் நிலையத்தில் புகார் அளித்தார். போலீஸார் விசாரணையில், சதீஷ்குமாருக்கும், அதே பள்ளியில் பணியாற்றி வந்த பண்ருட்டி ஒன்றியம், கீழக்குப்பம் கிராமத்தைச் சேர்ந்த ஆசிரியை ஒருவருக்கும் (24) தகாத உறவு இருந்து வந்தது தெரிய வந்தது.
இதுதொடர்பாக, அந்த ஆசிரியையின் கணவர் ஞானப்பிரகாசத்திடம் போலீஸார் தீவிர விசாரணை நடத்தினர். இதில், தனது மனைவியுடனான உறவைத் தவிர்க்கும்படி பலமுறை கூறியும் கேட்காததால், நண்பர்களுடன் சேர்ந்து சதீஷ்குமாரை கொன்று, பண்ருட்டி அருகே உள்ள ஏரிப்பாளையம் கெடிலம் ஆற்றில் புதைத்ததாக ஞானப்பிரகாசம் தெரிவித்தார்.
இதையடுத்து, சனிக்கிழமை காவல் துணைக் கண்காணிப்பாளர்கள் வெங்கடேசன் (நெய்வேலி), சுந்தரவடிவேலு (பண்ருட்டி), காவல் ஆய்வாளர்கள், பண்ருட்டி வட்டாட்சியர் விஜய்ஆனந்த் உள்ளிட்டோர் சம்பவ இடத்துக்கு விரைந்தனர். அங்கு, ஆற்றில் புதைக்கப்பட்ட சதீஷ்குமாரின் சடலத்தைத் தோண்டி எடுத்து, புதுச்சேரி பிம்ஸ் மருத்துவமனை மருத்துவக் குழுவினர் மூலம் பிரேத பரிசோதனை செய்யப்பட்டது. பின்னர், சதீஷ்குமாரின் சடலம் அவரது தந்தை ஏழுமலையிடம் ஒப்படைக்கப்பட்டது.
சதீஷ்குமார் கொலை வழக்கில் தொடர்புடைய ஞானப்பிரகாசத்தின் நண்பர்களான நெய்வேலி, 21-ஆவது வட்டத்தைச் சேர்ந்த ராஜேந்திரன் மகன் ரஞ்சித் (31), பிரபாகரன் மகன் சபரீஷ் (32), 28-ஆவது வட்டத்தைச் சேர்ந்த ராஜேந்திரன் மகன் சேட்டு ஆகியோரை போலீஸார் கைது செய்து, விசாரித்து வருகின்றனர்.

 

]]>
http://www.dinamani.com/all-editions/edition-villupuram/cuddalore/2018/jan/14/பண்ருட்டி-அருகே-ஆசிரியர்-கொன்று-புதைப்பு-4-பேர்-கைது-2844429.html
2844360 விழுப்புரம் கடலூர் பள்ளி, கல்லூரிகளில் பொங்கல் விழா DIN DIN Sunday, January 14, 2018 12:29 AM +0530 நெய்வேலி, குறிஞ்சிப்பாடியில் உள்ள பள்ளி, கல்லூரிகளில் சமத்துவப் பொங்கல் விழா வெள்ளிக்கிழமை கொண்டாடப்பட்டது.
நெய்வேலி ஜவஹர் கலை - அறிவியல் கல்லூரியில் அனைத்துத் துறை மாணவர்கள் கல்லூரி வளாகத்தில் உள்ள திருவள்ளுவர் சிலை முன் சமத்துவ பொங்கலிட்டுக் கொண்டாடினர்.
கல்லூரியின் பொருளாளர் வீ.சந்திரசேகரன், ஜவஹர் கல்விக் கழகத்தின் செயலர் ஆர்.ரவிசந்திரன், என்எல்சி இந்தியா நிறுவனத்தின் துணைப் பொது மேலாளர் செல்வன், கல்லூரிச் செயலர் விநாயகமூர்த்தி, துணைச் செயலர் மதிவாணன், ஜவஹர் பள்ளியின் துணைச் செயலர் ஞானசம்பந்தன், பள்ளி முதல்வர்கள் மதியசோதா, மருதாத்தாள், கல்லூரி முதல்வர் வெ.தி.சந்திரசேகரன், துறைத் தலைவர்கள், பேராசிரியர்கள், அலுவலக ஊழியர்கள் கலந்து கொண்டனர்.
விழாவில், மாணவ - மாணவிகளின் சிலம்பாட்டம், கோலாட்டம், கரகாட்டம், ஒயிலாட்டம், கும்மி, தப்பாட்டம், கோலப்போட்டி, உரி அடித்தல் உள்ளிட்ட பல்வேறு போட்டிகள் நடைபெற்றன. இவற்றில் வெற்றி பெற்றவர்களுக்கு பரிசுகள் வழங்கப்பட்டன.
குறிஞ்சிப்பாடியில் உள்ள திருவள்ளுவர் ஆசிரியர் கல்வியியல், கலை - அறிவியல் கல்லூரியில் சமத்துவப் பொங்கல் விழா நடைபெற்றது.
கல்லூரி நிர்வாகக் குழுத் தலைவர் ஆர்.சட்டநாதன், பொருளாளர் டி.ராமலிங்கம், செயலர்
டி.ராஜாமணி, ஆலோசகர் ஏ.ஆசைத்தம்பி, கல்வியியல் கல்லூரி முதல்வர் ஆர்.மலர்ஒளி, கலை - அறிவியல் கல்லூரி முதல்வர் பி.கதிர்வேலு, துணை முதல்வர் கே.சிவசங்கரன், பேராசிரியர்கள், அலுவலக ஊழியர்கள், மாணவர்கள் உள்பட பலர் கலந்து கொண்டு பொங்கலிட்டு வழிபட்டனர்.
பண்ருட்டி சாரதா விதாலய மெட்ரிக். பள்ளி வளாகத்தில் சமத்துவப் பொங்கல் விழா சிறப்பாகக் கொண்டாடப்பட்டது. விழாவுக்கான ஏற்பாடுகளை ஆசிரியர்கள் செய்திருந்தனர்.
பள்ளி ஆசிரியர்கள், மாணவர்கள், பெற்றோர்கள் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2018/jan/14/பள்ளி-கல்லூரிகளில்-பொங்கல்-விழா-2844360.html
2844359 விழுப்புரம் கடலூர் காவலர்கள் குடியிருப்பில் பொங்கல் விழா... DIN DIN Sunday, January 14, 2018 12:28 AM +0530 கடலூர் நகரில் காவல் துறையினர் வசிக்கும் காவலர் குடியிருப்புகளில் பொங்கல் விழா கொண்டாடப்பட்டது.
கடலூர் புதுநகர், முதுநகர், திருப்பாதிரிபுலியூர், தேவனாம்பட்டினம், மாவட்டக் காவல் கண்காணிப்பாளர் அலுவலகம் ஆகிய இடங்களில் பணியாற்றும் காவலர்களின் குடும்பத்தினர் வசிக்கும் காவலர் குடியிருப்புப் பகுதிகளில் பொங்கல் விழாவைக் கொண்டாடும் வகையில், கடந்த 3 நாள்களாகப் பல்வேறு நிகழ்ச்சிகள் நடத்தப்பட்டன.
தொடர்ந்து, வெள்ளிக்கிழமை புதுநகர் காவலர் குடியிருப்பில் பொங்கல் வைத்துக் கொண்டாடப்பட்டது. தொடர்ந்து, கோலப் போட்டி நடத்தப்பட்டது. இந்த நிகழ்ச்சியில் மாவட்டக் காவல் கண்காணிப்பாளர் செ.விஜயகுமார் பங்கேற்று காவலர் குடும்பத்தினருடன் பொங்கலைக் கொண்டாடினார்.
இதனைத் தொடர்ந்து, சனிக்கிழமை ஆயுதப்படை வளாகத்தில் ஆண்கள், பெண்களுக்கான கபடி போட்டி, கயிறு இழுத்தல், குண்டு எறிதல், இசை நாற்காலி ஆகிய போட்டிகள் நடத்தப்பட்டன. அதேபோல, எல்கேஜி முதல் 9 -ஆம் வகுப்பு வரையில் படிக்கும் மாணவ, மாணவிகளுக்கான ஓட்டப் பந்தயம், உறியடித்தல், ஓவியப் போட்டி, இசை நாற்காலி உள்ளிட்ட போட்டிகள் நடத்தப்பட்டன.
போட்டிகளில் வெற்றி பெற்றவர்களுக்கு சனிக்கிழமை நடைபெற்ற விழாவில் காவல் உதவிக் கண்காணிப்பாளர் என்.எஸ்.நிஷா, கூடுதல் கண்காணிப்பாளர் ஆர்.வேதரத்தினம் ஆகியோர் பரிசுகளை வழங்கிப் பாராட்டினர். ஆய்வாளர்கள் கி.சரவணன், சிவசங்கரன், பாண்டிச்செல்வி ஆகியோர் உடனிருந்தனர்.

 

]]>
http://www.dinamani.com/all-editions/edition-villupuram/cuddalore/2018/jan/14/காவலர்கள்-குடியிருப்பில்-பொங்கல்-விழா-2844359.html
2844357 விழுப்புரம் கடலூர் ஜனவரி 24-இல் மகளிர் திட்ட பொருள்கள் கண்காட்சி DIN DIN Sunday, January 14, 2018 12:28 AM +0530 கடலூர் மாவட்ட மகளிர் திட்டம் சார்பில் பொருள்கள் கண்காட்சி கடலூரில் வருகிற 24 - ஆம் தேதி நடைபெறுகிறது.
தமிழக அரசு மாவட்ட மகளிர் திட்டத்தின் சார்பாக, மகளிர் முன்னேற்றத்துக்காகவும், நிலைத்த நீடித்த வாழ்வாதாரத்துக்காகவும் பல்வேறு நடவடிக்கைகள் மேற்கொண்டு வருகிறது. அதன் ஒருபகுதியாக மகளிர் சுய உதவிக் குழுக்களின் பொருள்களை விற்பனை செய்வதற்காகவும், அவர்களால் தாயாரிக்கப்படும் தரமான பொருள்களை அடையாளபடுத்தும் விதமாகவும் மாவட்ட பொருள்காட்சி நடத்தப்படுகிறது.
இந்தப் பொருள்காட்சி கடலூரில் நெல்லிக்குப்பம் சாலையில் பிஎஸ்என்எல் அலுவலகம் எதிரே உள்ள பூமாலை வணிக வளாகத்தில் ஜனவரி 24 -ஆம் தேதி முதல் பிப்ரவரி 4 -ஆம் தேதி வரை நடைபெறவுள்ளது.
பொருள்காட்சியில் கடலூர் மாவட்ட மகளிர் சுய உதவிக் குழுக்கள் தங்களது தயாரிப்புப் பொருள்களுடன் கலந்து கொள்ள உள்ளனர்.

 

]]>
http://www.dinamani.com/all-editions/edition-villupuram/cuddalore/2018/jan/14/ஜனவரி-24-இல்-மகளிர்-திட்ட-பொருள்கள்-கண்காட்சி-2844357.html
2844356 விழுப்புரம் கடலூர் கேப்பர் மலையில் புதிய மின் கோபுரப் பாதை DIN DIN Sunday, January 14, 2018 12:28 AM +0530 கேப்பர் மலையில் புதிதாக மின் கோபுரப் பாதை அமைக்கப்பட்டது.
கடலூர் அருகிலுள்ள கேப்பர் மலையில் 230 கி.வோ. தானியங்கி துணை மின் நிலையம் செயல்பட்டு வருகிறது.
தற்போது விழுப்புரம், உளுந்தூர்பேட்டை துணை மின் நிலையங்களை கேப்பர்மலையுடன் இணைக்கும் வகையில்
ரூ. 35 கோடியில் 34 கி.மீ. தொலைவுக்கு புதிதாக மின் கோபுரம் அமைக்கும் பணிகள் நடைபெற்று வந்தது.
இந்தப் பணிகள் முடிவுற்ற நிலையில், வெள்ளிக்கிழமை மூன்று துணை மின் நிலையங்களும் இணைக்கப்பட்டன.

 

]]>
http://www.dinamani.com/all-editions/edition-villupuram/cuddalore/2018/jan/14/கேப்பர்-மலையில்-புதிய-மின்-கோபுரப்-பாதை-2844356.html