Dinamani - கடலூர் - http://www.dinamani.com/all-editions/edition-villupuram/cuddalore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3042523 விழுப்புரம் கடலூர் நெல் பயிரில் இலை சுருட்டுப் புழு தாக்குதலைத் தடுப்பது எப்படி? வேளாண் துறை ஆலோசனை DIN DIN Wednesday, November 21, 2018 02:48 AM +0530 சம்பா நெல் பயிர்களில் இலை சுருட்டுப் புழு தாக்குதலைத் தடுக்க வேளாண் துறை ஆலோசனை வழங்கியது. 
இதுகுறித்து பரங்கிப்பேட்டை வேளாண் உதவி இயக்குநர் ஆர்.விஜயராகவன் தெரிவித்ததாவது: சிதம்பரம், பரங்கிப்பேட்டை, காட்டுமன்னார்கோவில் வட்டங்களில் சம்பா நெல் பயிர்களில் இலை சுருட்டுப் புழு தாக்குதல் அதிகமாகக் காணப்படுகிறது. இந்த நோயின் அறிகுறியாக நெல் பயிர்களின் இலைகள் நீள வாக்கில் மடிக்கப்பட்டிருக்கும். இலைகளின் பச்சை நிற திசுக்களை புழுக்கள் சுரண்டி உண்பதால் இலைகள் வெண்மையாக மாறி காய்ந்துவிடும். தீவிர தாக்குதலின்போது முழு நெல் வயலும் வெண்மை நிறத்தில் காய்ந்ததுபோல் காட்சியளிக்கும். இலைகளில் நீளவாட்டில் சுருட்டுப் புழுக்கள் அதனுள்ளேயே இருந்துவிடும். 
இந்த நோயைக் கட்டுப்படுத்த உரிய அளவில் வேப்பங்கொட்டை சாறு அல்லது வேப்பெண்ணெய்  தெளிக்கலாம். மேலும் ஏக்கருக்கு பெனிட்ரோட்டியான் 50E​C  400 மில்லி அல்லது மானோகுரோட்டோபாஸ் 36SL      400 மில்லி அல்லது பாசலோன் 35E​C  600 மில்லி அல்லது டைகுளோர்வாஸ் 76 % 100 மில்லி ஆகியவற்றில் ஏதேனும் ஒன்றை 200 லிட்டர் தண்ணீரில் கலந்து, கைத்தெளிப்பான் கொண்டு தெளித்து நோயைக் கட்டுப்படுத்த வேண்டும் என அவர் தெரிவித்தார்.
 

]]>
http://www.dinamani.com/all-editions/edition-villupuram/cuddalore/2018/nov/21/நெல்-பயிரில்-இலை-சுருட்டுப்-புழு-தாக்குதலைத்-தடுப்பது-எப்படி-வேளாண்-துறை-ஆலோசனை-3042523.html
3042519 விழுப்புரம் கடலூர் வீரட்டானேஸ்வரர் கோயிலில் பிரதோஷ வழிபாடு DIN DIN Wednesday, November 21, 2018 02:46 AM +0530 பண்ருட்டி, திருவதிகை வீரட்டானேஸ்வரர் கோயிலில் கார்த்திகை மாத பிரதோஷ வழிபாடு செவ்வாய்க்கிழமை மாலை நடைபெற்றது.
பிரதோஷத்தை முன்னிட்டு, காலை 6 மணியளவில் கோ பூஜை நடைபெற்றது. 7 மணியளவில் மூலவர், பரிவார மூர்த்திகளுக்கு சிறப்பு அபிஷேக, ஆராதனை நடைபெற்றது. மாலை 4.30 மணியளவில்  சிவன், அம்பாள், நந்தி தேவனுக்கு மூலிகைத் திரவியங்களால் சிறப்பு அபிஷேக, ஆராதனை நடைபெற்றது. நந்தி தேவர் வெள்ளிக் கவச சிறப்பு அலங்காரத்தில் காட்சியளித்தார். தொடர்ந்து தீபாராதனை நடைபெற்றது. பின்னர், பிரதோஷ நாயகர் ரிஷப வாகனத்தில் உள் புறப்பாடு நடைபெற்றது. திரளான பக்தர்கள் தரிசனம் செய்தனர்.
 

]]>
http://www.dinamani.com/all-editions/edition-villupuram/cuddalore/2018/nov/21/வீரட்டானேஸ்வரர்-கோயிலில்-பிரதோஷ-வழிபாடு-3042519.html
3042517 விழுப்புரம் கடலூர் பைக், நகைகள் திருட்டு:  2 இளைஞர்கள் கைது DIN DIN Wednesday, November 21, 2018 02:45 AM +0530 பைக், நகைகள் திருடியது தொடர்பாக சிதம்பரத்தில் போலீஸார் இருவரைக் கைதுசெய்தனர். அவர்களிடமிருந்து பைக், 12 பவுன் நகைகளை பறிமுதல் செய்தனர்.
சிதம்பரம் தாலுகா காவல் நிலைய ஆய்வாளர் கே.அம்பேத்கர், குற்றப் பிரிவு உதவி ஆய்வாளர் இளங்கோவன் மற்றும் போலீஸார் திங்கள்கிழமை இரவு செட்டிமுட்டு பகுதியில் ரோந்துப் பணியில் ஈடுபட்டனர். அப்போது அந்த வழியாக பைக்கில் வந்த புதுச்சேரி மாரியம்மன் கோயில் தெருவைச் சேர்ந்த முனுசாமி மகன் அரவிந்த் (20), சிதம்பரம் தில்லையம்மன் கோயில் தெருவைச் சேர்ந்த துரியோதனன் மகன் சூரியா என்ற மணிகண்டன் (21) ஆகிய இருவரையும் தடுத்து விசாரணை நடத்தினர். இதில், அவர்கள் வந்தது திருட்டு பைக் எனத் தெரியவந்ததாம்.
இதையடுத்து போலீஸார் அவர்களிடம் தீவிர விசாரணை நடத்தியதில், இருவரும் பல்வேறு இடங்களில் நகைகளை திருடியதும் தெரியவந்ததாம். இருவரிடமும் இருந்து 12 பவுன் நகைகளை போலீஸார் பறிமுதல் செய்தனர். கடந்த 18-ஆம் தேதி இவர்கள் இருவரும் சிதம்பரம் அருகே மணலூர் பேருந்து நிறுத்தத்தில் நிறுத்தப்பட்டிருந்த புதுச்சேரி வில்லியநல்லூர் குளத்துமேட்டுத்தெருவைச் சேர்ந்த  ஷாஜகான் என்பவரது பைக்கை திருடியது போலீஸார் விசாரணையில் தெரியவந்தது. இதுகுறித்து தாலுகா போலீஸார் வழக்குப் பதிந்து இருவரையும் கைது செய்தனர்.

]]>
http://www.dinamani.com/all-editions/edition-villupuram/cuddalore/2018/nov/21/பைக்-நகைகள்-திருட்டு--2-இளைஞர்கள்-கைது-3042517.html
3042515 விழுப்புரம் கடலூர் செயல்வழிக் கற்றல் வகுப்பறைகள் திறப்பு DIN DIN Wednesday, November 21, 2018 02:45 AM +0530 நெய்வேலியில் என்எல்சி இந்தியா நிறுவனத்தின் கட்டுப்பாட்டில் இயங்கும் ஜவஹர் பள்ளிகளில் செயல்வழிக் கற்றல் முறையிலான நவீன வகுப்பறைகள் திறப்பு விழா  செவ்வாய்க்கிழமை நடைபெற்றது. 
என்எல்சி இந்தியா நிறுவனம் சார்பில் நடத்தப்படும் ஜவஹர் பள்ளிகளில், மத்திய, மாநில பாடத் திட்டத்தில் கல்வி கற்பிக்கும் 2 பள்ளிகள் செயல்பட்டு வருகின்றன.  
இந்தப் பள்ளிகளின் இணைப்புப் பள்ளிகள் பல்வேறு வட்டங்களிலும், மந்தாரக்குப்பத்திலும் இயங்கி வருகின்றன. இதன்படி, நெய்வேலி வட்டம் 9-இல் மத்திய பாடத் திட்டத்தின்கீழ் செயல்படும் ஜவகர் மேல்நிலைப் பள்ளியின் இணைப்புப் பள்ளியிலும், வட்டம் 28-இல் மாநிலப் பாடத் திட்டத்தின்கீழ் செயல்படும் ஜவகர் மெட்ரிக் மேல்நிலைப் பள்ளியின் இணைப்புப் பள்ளியிலும் மழலையர் பள்ளிகள் இயங்கி வருகின்றன. 
இந்த இணைப்புப் பள்ளிகளில் செயல்வழிக் கற்றல் முறையில் கல்வி கற்பிக்கும் நவீன வசதிகள் கொண்ட வகுப்பறைகள் சமீபத்தில் அமைக்கப்பட்டன. 
இந்த வகுப்பறைகள் திறப்பு விழா இரண்டு பள்ளி வளாகங்களிலும் நடைபெற்றன. இதில், சிறப்பு விருந்தினராக என்எல்சி இந்தியா நிறுவன மனித வளத் துறை இயக்குநரும், ஜவஹர் கல்விக் கழகப் புரவலருமான ஆர்.விக்ரமன் பங்கேற்று, நவீன வகுப்பறைகளை குத்துவிளக்கேற்றி திறந்து வைத்தார். 
ஜவஹர் கல்விக் கழகச் செயலர் எஸ்.ஞானசம்பந்தம், கல்விக் கழகப் பொறுப்பாளர்கள், பள்ளிகளின் முதல்வர்கள், ஆசிரியர்கள் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/cuddalore/2018/nov/21/செயல்வழிக்-கற்றல்-வகுப்பறைகள்-திறப்பு-3042515.html
3042514 விழுப்புரம் கடலூர் நவ.23-இல் விவசாயிகள்  குறைதீர் கூட்டம் DIN DIN Wednesday, November 21, 2018 02:44 AM +0530 கடலூர் மாவட்ட விவசாயிகள் குறைதீர் கூட்டம் வருகிற 23-ஆம் தேதி (வெள்ளிக்கிழமை) நடைபெற உள்ளது. 
இதுகுறித்து மாவட்ட ஆட்சியர் வெ.அன்புச்செல்வன் வெளியிட்ட செய்திக்குறிப்பு: 
கடலூர் மாவட்ட விவசாயிகளின் குறைகளுக்கு தீர்வு காணும் வகையில் மாவட்ட நிர்வாகம் சார்பில் மாதந்தோறும் குறைக்கேட்பு மற்றும் ஆலோசனைக் கூட்டம் நடத்தப்பட்டு வருகிறது. அதன்படி, நவம்பர் மாதத்துக்கான கூட்டம் வருகிற 23-ஆம் தேதி (வெள்ளிக்கிழமை) காலை 10.30 மணிக்கு மாவட்ட ஆட்சியர் அலுவலக வளாகத்தில் நடைபெறுகிறது.
இந்தக் கூட்டத்தில், மாவட்ட விவசாயிகள் தங்களது வேளாண்மை சார்ந்த குறைகளை கோரிக்கைகளாக வைக்க வாய்ப்பு வழங்கப்படும். கூட்ட அரங்கில் தங்களது கோரிக்கைகளை தெரிவிக்க விரும்பும் விவசாயிகள் காலை 8 மணி முதல் 10.15 மணிக்குள் தங்களது பெயர், கோரிக்கை விவரம் மற்றும் கோரிக்கை வைக்கவுள்ள துறையின் பெயர் ஆகியவற்றை பதிவு செய்துகொள்ள வேண்டும். விவசாயிகள் தங்களது கோரிக்கைகளை மனுவாகவும் வழங்கலாம். 
இந்தக் குறைகளுக்கு சம்பந்தப்பட்ட துறையின் உயர் அலுவலர்கள் உரிய பதில் அளிக்கவும், தொடர் நடவடிக்கை எடுக்கவும் அறிவுறுத்தப்படவுள்ளது. 
எனவே, இந்த வாய்ப்பை கடலூர் மாவட்ட விவசாயிகள் பயன்படுத்திக் கொள்ள வேண்டும் என கேட்டுக் கொள்ளப்படுகிறார்கள் என்று ஆட்சியர் அதில் தெரிவித்துள்ளார்.

]]>
http://www.dinamani.com/all-editions/edition-villupuram/cuddalore/2018/nov/21/நவ23-இல்-விவசாயிகள்--குறைதீர்-கூட்டம்-3042514.html
3042512 விழுப்புரம் கடலூர் கஜா புயல் பாதிப்பு: ரூ.6 லட்சம் மதிப்பில் நிவாரணப் பொருள்கள் வழங்கிய என்எல்சி DIN DIN Wednesday, November 21, 2018 02:44 AM +0530 கஜா புயலால் பாதிக்கப்பட்ட கடலூர் மாவட்ட மக்களுக்கு ரூ.6 லட்சம் மதிப்பில் நிவாரணப் பொருள்களை என்எல்சி இந்தியா நிறுவனம், மாவட்ட ஆட்சியர் அலுவலகத்தில் அண்மையில் வழங்கியது. 
மேலும், நாகை உள்ளிட்ட மாவட்டங்களுக்கு மீட்புப் பணிக்காக தொழிலாளர்கள் அனுப்பி வைக்கப்பட்டனர்.
கஜா புயலால் கடலூர் மாவட்டத்திலும் பாதிப்பு ஏற்பட்டது. புயலால் பாதிக்கப்பட்ட மாவட்ட மக்களுக்கு உதவும் வகையில், என்எல்சி இந்தியா நிறுவனம் தனது சமூக பொறுப்புணர்வுத் திட்டம் மூலம் ரூ.6 லட்சம் மதிப்பில் ரொட்டி, பால் பவுடர், நாப்கின், கொசுவர்த்தி உள்ளிட்ட பொருள்களை மாவட்ட நிர்வாகத்துக்கு அனுப்பி வைத்தது.
இதேபோல, கஜா புயலால் கடுமையாகப் பாதிக்கப்பட்ட நாகப்பட்டினம், வேதாரண்யம், திருவாரூர், மன்னார்குடி, ஒரத்தநாடு, புதுக்கோட்டை, பட்டுக்கோட்டை ஆகிய பகுதிகளில் சாய்ந்த மரங்களை வெட்டி அப்புறப்படுத்துவதற்காக, நெய்வேலியில் இருந்து மரம் வெட்டும் 200 தொழிலாளர்கள், 250 மேற்பார்வையாளர்கள், உதவியாளர்களை என்எல்சி நிறுவனம் திங்கள் கிழமை அனுப்பி வைத்தது.

]]>
http://www.dinamani.com/all-editions/edition-villupuram/cuddalore/2018/nov/21/கஜா-புயல்-பாதிப்பு-ரூ6-லட்சம்-மதிப்பில்-நிவாரணப்-பொருள்கள்-வழங்கிய-என்எல்சி-3042512.html
3042511 விழுப்புரம் கடலூர் இன்று பலத்த மழைக்கு வாய்ப்பு: உணவு, குடிநீரை சேமித்து வைக்க அறிவுறுத்தல் DIN DIN Wednesday, November 21, 2018 02:44 AM +0530 காற்றழுத்தத் தாழ்வு மண்டலத்தால் கடலூர் மாவட்டத்தில் புதன்கிழமை பலத்த மழைக்கு வாய்ப்புள்ளதால், பொதுமக்கள் உணவு, குடிநீரை சேமித்து வைக்க வேண்டுமென மாவட்ட நிர்வாகம் அறிவுறுத்தியது.
வங்கக் கடலில் உருவான கஜா புயல் பெரும் சேதத்தை ஏற்படுத்திச் சென்ற நிலையில், வங்கக் கடலில் புதிதாக காற்றழுத்தத் தாழ்வு நிலை உருவாகியுள்ளது. இது, காற்றழுத்த மண்டலமாக வலுப்பெற்று தமிழகம், புதுவை நோக்கி நகரக்கூடுமென கடலூர் வானிலை மையம் அறிவித்துள்ளது. புதிய காற்றழுத்தத் தாழ்வு மண்டலம் கடலூருக்கு தெற்கே கரையைக் கடக்க வாய்ப்புள்ளது. இதன் காரணமாக புதன்கிழமை(நவ.21) கடலூர், விழுப்புரம், திருவண்ணாமலை மாவட்டங்கள் மற்றும் புதுவை மாநிலத்தில் பலத்த மழை பெய்ய வாய்ப்புள்ளது. 
இந்தப் பகுதிகளில் மணிக்கு 50 முதல் 60 கி.மீ. வேகத்தில் காற்றும் வீசக்கூடும். கடல் மிகவும் கொந்தளிப்புடன் காணப்படும் என்றும் வானிலை மையம் தெரிவித்துள்ளது. இதனால், மீனவர்கள் மேற்கூறிய நாள்களில் கடலுக்குள் செல்ல வேண்டாம் என்றும் தெரிவிக்கப்பட்டுள்ளது.
இந்த நிலையில், காற்றழுத்தத் தாழ்வு மண்டலம் காரணமாக கடலூர் மாவட்டத்தில் செவ்வாய்க்கிழமை பகலில் பரவலாக மழை பெய்தது. வானம் மேகமூட்டத்துடன் காணப்பட்டது. 
செவ்வாய்க்கிழமை காலை 8.30 மணி வரையிலான கடந்த 24 மணி நேரத்தில் மாவட்டத்தில் அதிகபட்சமாக வானமாதேவியில் 25.6 மில்லி மீட்டர் மழை பதிவானது. மற்ற பகுதிகளில் பெய்த மழையளவு விவரம் (மில்லி மீட்டரில்) வருமாறு: குடிதாங்கி 20, கடலூர் 13, காட்டுமன்னார்கோவில் 10, வடக்குத்து 8, லால்பேட்டை 7, பண்ருட்டி 5.2, ஆட்சியர் அலுவலகம், பெலாந்துறை தலா 4.5, அண்ணாமலை நகர், குறிஞ்சிப்பாடி தலா 4, புவனகிரி 3. அதேபோல, குப்பநத்தம், விருத்தாசலம், கீழச்செருவாய், சேத்தியாத்தோப்பு, சிதம்பரம், கொத்தவாச்சேரி பகுதிகளிலும் பரவலாக மழை பதிவானது.
மாவட்ட நிர்வாகம் எச்சரிக்கை: இந்த நிலையில் மாவட்ட ஆட்சியர் வெ.அன்புச்செல்வன் வெளியிட்ட செய்திக்குறிப்பில் தெரிவித்துள்ளதாவது: 
கடலூர் மாவட்டத்தில் நவ. 21-ஆம் தேதி மிக பலத்த மழை பெய்ய வாய்ப்புள்ளதால் பொதுமக்கள் தங்களுக்குத் தேவையான குடிநீர், பால் மற்றும் உணவுப் பொருள்களை தயாராக வைத்திருக்குமாறு மாவட்ட நிர்வாகம் சார்பில் கேட்டுக்கொள்ளப்படுகிறது என அதில் அறிவுறுத்தியுள்ளார்.
 

]]>
http://www.dinamani.com/all-editions/edition-villupuram/cuddalore/2018/nov/21/இன்று-பலத்த-மழைக்கு-வாய்ப்பு-உணவு-குடிநீரை-சேமித்து-வைக்க-அறிவுறுத்தல்-3042511.html
3042510 விழுப்புரம் கடலூர் கஜா புயல் பாதித்த மாவட்டங்களை பேரிடர் பகுதிகளாக அறிவிக்கக் கோரிக்கை DIN DIN Wednesday, November 21, 2018 02:43 AM +0530 கஜா புயலால் பாதிக்கப்பட்ட நாகப்பட்டினம், திருவாரூர், புதுக்கோட்டை, தஞ்சாவூர் மாவட்டங்களை, பேரிடர் பாதித்த மாவட்டங்களாக அறிவிக்க வேண்டும் என அகில இந்திய பிற்படுத்தப்பட்டோர் பேரவை கோரிக்கை விடுத்தது.
பேரவையின் மாநில செயற்குழுக் கூட்டம், புவனகிரி அருகே தம்பிக்குநல்லான்பட்டினத்தில் அண்மையில் நடைபெற்றது. கடலூர் மாவட்டத் தலைவர் காமராசு தலைமை வகித்தார். ஒருங்கிணைந்த கடலூர் மாவட்டச் செயலர் வீரவன்னியவேங்கன் வரவேற்றார். டெல்டா விஜயன், திருமலைராஜன், மூங்கிலடி ரவீந்திரன், அரங்க.பாஸ்கர், கடலூர் ராஜேந்திரன், தியாகவல்லி தனசேகரன், அழகு.செல்வமணி, சந்தோஷ்குமார், பூபாலன் ஆகியோர் முன்னிலை வகித்தனர். அகில இந்திய பிற்படுத்தப்பட்டோர் பேரவை நிறுவன பொதுச் செயலர் வீரவன்னியராஜா சிறப்பு விருந்தினராகக் கலந்துகொண்டு பேசினார்.
கூட்டத்தில், கஜா புயலால் பாதிக்கப்பட்ட நாகப்பட்டினம், திருவாரூர், புதுக்கோட்டை, தஞ்சாவூர் ஆகிய மாவட்டங்களை பேரிடர் மாவட்டங்களாக மத்திய அரசு அறிவிக்க வேண்டும். கடலூர் மாவட்டத்தில் புயலால் பாதிக்கப்பட்ட விவசாயிகளின் விவசாயக் கடனை முற்றிலும் தள்ளுபடி செய்ய வேண்டும். புயலால் பாதிக்கப்பட்ட மாவட்டங்களுக்கு மத்திய அரசு கூடுதலாக நிதி ஒதுக்க வேண்டும். தமிழக அரசு மத்திய அரசிடம் இழப்பீடு பெற குழு அமைத்து பிரதமரைச் சந்திக்க வேண்டும் என்பன உள்ளிட்ட தீர்மானங்களை நிறைவேற்றினர். மாநில இளைஞரணித் தலைவர் ராஜசேகர் நன்றி கூறினார்.

]]>
http://www.dinamani.com/all-editions/edition-villupuram/cuddalore/2018/nov/21/கஜா-புயல்-பாதித்த-மாவட்டங்களை-பேரிடர்-பகுதிகளாக-அறிவிக்கக்-கோரிக்கை-3042510.html
3042508 விழுப்புரம் கடலூர் புயல் பாதிப்பு: மீனவர்களுக்கு நிவாரணம் வழங்கக் கோரிக்கை DIN DIN Wednesday, November 21, 2018 02:43 AM +0530 கஜா புயலால் பாதிக்கப்பட்ட மீனவர்களுக்கு நிவாரணம் வழங்க வேண்டும் என மீனவர் விடுதலை வேங்கைகள் அமைப்பு கோரிக்கை விடுத்தது.
 இதுகுறித்து இந்த அமைப்பின் தமிழ்நாடு - புதுவை மாநில இணைப் பொதுச் செயலர் கோ.வெங்கடேசன் வெளியிட்ட அறிக்கை: கஜா புயலால் தமிழகத்தில் 7 கடற்கரை மாவட்டங்கள் உள்பட 21 மாவட்டங்கள் கடுமையான பாதிப்பைச் சந்தித்துள்ளன. மீன்பிடி படகுகள் பெரும் சேதமடைந்துள்ளன. எனவே, 25 சதவீதத்துக்கு மேல் சேதமடைந்த படகுகளுக்கு அரசே பொறுப்பேற்று புதிய படகு வழங்க வேண்டும். அதற்கு கீழ் சேதமடைந்த படகுகளுக்கு நிவாரணம் வழங்க வேண்டும். 
 புயல் அறிவிப்பு வெளியான நாள் முதல் மீன்பிடித் தொழிலுக்குச் செல்லாததால் மீனவர்களுக்கு நாளொன்றுக்கு ரூ.500 வீதம் நிவாரணமாக வழங்க வேண்டும். 
இதேபோல, விவசாயத் தொழிலாளர்களுக்கும் நிவாரணம் வழங்க வேண்டும். விளை நிலங்களின் பாதிப்புக்கும் முழுமையாக நிவாரணம் வழங்கப்பட வேண்டும் என அந்த அறிக்கையில் வலியுறுத்தினார்.
 

]]>
http://www.dinamani.com/all-editions/edition-villupuram/cuddalore/2018/nov/21/புயல்-பாதிப்பு-மீனவர்களுக்கு-நிவாரணம்-வழங்கக்-கோரிக்கை-3042508.html
3042507 விழுப்புரம் கடலூர் மதுக் கடையை அகற்றக் கோரி ஆட்சியரகத்தில் மனு DIN DIN Wednesday, November 21, 2018 02:43 AM +0530 கோயில் அருகே செயல்படும் டாஸ்மாக் மதுக் கடையை அகற்ற வேண்டுமென பா.ம.க.வினர், கிராம மக்கள் இணைந்து மாவட்ட ஆட்சியரிடம் மனு அளித்தனர்.
குறிஞ்சிப்பாடி அருகே உள்ள கொத்தவாச்சேரி கிராமத்தில் முருகன் கோயில் அருகே டாஸ்மாக் மதுக் கடை செயல்பட்டு வருகிறது. இந்தக் கடையை அகற்ற வேண்டுமென, பாட்டாளி மக்கள் கட்சியின் மாநில துணைப் பொதுச் செயலர் பழ.தாமரைக்கண்ணன் தலைமையில் அந்தக் கிராம மக்கள்  கடலூர் மாவட்ட ஆட்சியரகத்தில் திங்கள்கிழமை அளித்த மனு: 
கொத்தவாச்சேரி கிராமத்தில் கோயில் அருகே இயங்கி வரும் டாஸ்மாக் கடையில் மது அருந்துவோர் அந்த வழியாகச் செல்லும் பெண்கள், மாணவிகளை கேலி, கிண்டல் செய்கின்றனர். கோவில் முன் அமர்ந்தும் மது அருந்துகின்றனர். பின்னர் மதுப் புட்டிகளை ஆங்காங்கே வீசிச் செல்கின்றனர். மேலும், வயல்வெளியில் அமர்ந்து மது அருந்துவதோடு, அங்கேயே பிளாஸ்டிக் குப்பைகளையும் வீசிச் செல்கின்றனர். எனவே, டாஸ்மாக் மதுக் கடையை உடனடியாக அகற்ற வேண்டும் என்று அந்த மனுவில் தெரிவித்துள்ளனர். 
பாமக மாவட்டச் செயலர் சண்.முத்துக்கிருஷ்ணன், இளைஞரணி மாநில நிர்வாகி இள.விஜயவர்மன், மாவட்டத் தலைவர் வாட்டர் மணி, ஒன்றியச் செயலர் பூ.ஜெயராகவன், அமைப்புச் செயலர் வெ.செந்தில்முருகன், ஊர் பிரமுகர்கள் திருமால், வ.ராமலிங்கம் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-villupuram/cuddalore/2018/nov/21/மதுக்-கடையை-அகற்றக்-கோரி-ஆட்சியரகத்தில்-மனு-3042507.html
3042505 விழுப்புரம் கடலூர் கடலூரில் நாளை ஓவியப் போட்டி DIN DIN Wednesday, November 21, 2018 02:42 AM +0530 குழந்தைகள் தினத்தை முன்னிட்டு, கடலூர் அரசு அருங்காட்சியகத்தில் ஓவியப் போட்டிகள் வியாழக்கிழமை (நவ.22) நடைபெற உள்ளன.
இந்தப் போட்டியில், 3, 4-ஆம் வகுப்பு மாணவர்களுக்கு "மலர்கள்' என்றத் தலைப்பிலும், 5, 6-ஆம் வகுப்பு மாணவர்களுக்கு "கிராமம்' என்றத் தலைப்பிலும், 7, 8-ஆம் வகுப்பு மாணவர்களுக்கு "ஜவாஹர்லால் நேரு' என்றத் தலைப்பிலும் போட்டிகள் நடைபெறுகின்றன. போட்டியில் பங்கேற்பவர்களுக்கு ஓவிய அட்டை அருங்காட்சியகத்தில் வழங்கப்படும். வரைபொருள்களை மாணவர்களே கொண்டு வர வேண்டும்.
ஒவ்வொரு பிரிவுக்கும் தனித் தனியாக பரிசுகள் வழங்கப்படும். பரிசளிப்பு விழா வருகிற 23-ஆம் தேதி நடைபெறும். போட்டியில் பங்கேற்பவர்கள் காலை 11 மணிக்கு முன்பாக, போட்டி நடைபெறும் 19, மருத்துவமனை சாலையில் உள்ள அருங்காட்சியகத்தில் இருக்க வேண்டுமென காப்பாட்சியர் செ.ஜெயரத்னா தெரிவித்தார்.
 

]]>
http://www.dinamani.com/all-editions/edition-villupuram/cuddalore/2018/nov/21/கடலூரில்-நாளை-ஓவியப்-போட்டி-3042505.html
3042504 விழுப்புரம் கடலூர் வழக்குகளில் ஆஜராகாமல் தலைமறைவாக இருந்த 3,431 பேர் சிக்கினர் DIN DIN Wednesday, November 21, 2018 02:42 AM +0530 கடலூர் மாவட்டத்தில் கடந்த 4 மாதங்களில், பல்வேறு வழக்குகளில் ஆஜராகாமல் தலைமறைவாக இருந்த 3,431 பேரை காவல் துறையினர்  பிடித்து நீதிமன்றத்தில்  ஆஜர்படுத்தினர்.
காவல் நிலையங்களில் வழக்குகள் பதிவு செய்யப்பட்டு நீதிமன்றத்துக்கு விசாரணைக்குச் செல்லும் பல்வேறு வழக்குகளில் அதன் பிரதிவாதிகள், சாட்சிகள், விசாரணை அதிகாரிகள் ஆகியோர் ஆஜராகாமல் இருக்கும் நிகழ்வுகள் தொடர்கின்றன. இதனால், வழக்கின் விசாரணை முடிக்கப்படாமல் நீண்ட காலமாக முடங்கும் நிலை ஏற்படும். இதைத் தடுக்கும் வகையில், கடலூர் மாவட்ட நீதித் துறை நடுவர்கள், காவல் கண்காணிப்பாளர், காவல் துறை அதிகாரிகள், அரசு வழக்குரைஞர்களின் கலந்தாய்வு கூட்டம் கடலூர் காவல் கண்காணிப்பாளர் அலுவலகத்தில் அண்மையில் நடைபெற்றது. 
இந்தக் கூட்டத்தில் மாவட்டத்தில் உள்ள பல்வேறு நீதிமன்றங்களில் 4,803 பிடியாணைகள் நிறைவேற்றப்படாமல் நிலுவையில் இருந்து வருவதாகவும், இதனால் வழக்குகள் தேக்கமடைந்துள்ளதாகவும் தெரிவிக்கப்பட்டது.  அதனால் நிலுவையில் உள்ள பிடியாணைகளை நிறைவேற்றுவது குறித்து விவாதிக்கப்பட்டு, அதனடிப்படையில் துணைக் காவல் கண்காணிப்பாளர்கள், காவல் ஆய்வாளர்கள் கண்காணிப்பில் மாவட்டம் முழுவதும் உள்ள காவல் நிலையங்களில் தனிப் படைகள் அமைக்கப்பட்டன.
தனிப் படைகள் சிறப்பாகச் செயல்பட்டு கடந்த 4 மாதங்களில் பல்வேறு வழக்குகளில் ஆஜராகாமல் தலைமறைவாக இருந்த 3,431 பேரை பிடித்து, சம்பந்தப்பட்ட நீதிமன்றத்தில் ஆஜர்படுத்தியதாக  கடலூர் மாவட்ட காவல் கண்காணிப்பாளர் அலுவலகம் சார்பில் தகவல் வெளியிட்டுள்ளது. இந்த நடவடிக்கைகளில் சிறப்பாகப் பணியாற்றிய தனிப் படை காவலர்களுக்கு மாவட்ட எஸ்பி  ப.சரவணன் 
வெகுமதி வழங்கினார்.
 

]]>
http://www.dinamani.com/all-editions/edition-villupuram/cuddalore/2018/nov/21/வழக்குகளில்-ஆஜராகாமல்-தலைமறைவாக-இருந்த-3431-பேர்-சிக்கினர்-3042504.html
3042503 விழுப்புரம் கடலூர் மார்க்சிஸ்ட் கம்யூ. பேரவைக் கூட்டம் DIN DIN Wednesday, November 21, 2018 02:41 AM +0530 பண்ருட்டி ஒன்றியம், ராயர்பாளையம் ஊராட்சியில் மார்க்சிஸ்ட் கம்யூனிஸ்ட் கட்சியின் பேரவைக் கூட்டம் அண்மையில் நடைபெற்றது.
கிளைச் செயலர் எம்.மஞ்சுளா தலைமை வகித்தார். மாவட்டச் செயற்குழு உறுப்பினர் 
எஸ்.திருஅரசு உள்ளிட்டோர் கலந்துகொண்டனர். கூட்டத்தில், மாநிலங்களவை எம்பி டி.கே.ரங்கராஜன் தொகுதி மேம்பாட்டு நிதியில் ராயர்பாளையம் ஊராட்சிக்கு 2014-15 ஆம் ஆண்டு ரூ.34 லட்சம் நிதி ஒதுக்கீடு செய்து, சமுதாயக்கூடம், பயணியர் நிழற்குடை, கருமகாரிய மண்டபம் அமைக்கும் பணி நடைபெறுகிறது. இதில் கருமகாரிய மண்டபம் கட்ட இடம் பற்றாக்குறையால் பணி தொடராமல் உள்ளது. இதுகுறித்து அதிகாரிகள் உரிய நடவடிக்கை எடுக்க வேண்டும்.  கோரிக்கைகளை நிறைவேற்றாவிட்டால்  போராட்டம் நடத்துவது என தீர்மானம் நிறை
வேற்றினர்.
 

]]>
http://www.dinamani.com/all-editions/edition-villupuram/cuddalore/2018/nov/21/மார்க்சிஸ்ட்-கம்யூ-பேரவைக்-கூட்டம்-3042503.html
3042502 விழுப்புரம் கடலூர் பெண்களிடம் நகை பறித்தவர் தடுப்புக் காவலில் கைது DIN DIN Wednesday, November 21, 2018 02:41 AM +0530 பெண்களிடம் நகை பறித்தவர் தடுப்புக் காவலில்  கைது செய்யப்பட்டார்.
விழுப்புரம் மாவட்டம், சின்னமடம் பகுதியைச் சேர்ந்த அரிகிருஷ்ணன் மனைவி ஆதிலட்சுமி (55).  இவர் கடந்த செப்டம்பர் மாதம் கடலூர் மாவட்டம், கண்டரக்கோட்டை பேருந்து நிலையத்தில் நின்றுக் கொண்டிருந்தபோது மோட்டார் சைக்கிளில் வந்தவர்கள் கத்தியை காட்டி மிரட்டி அவரது செல்லிடப்பேசியை பறித்துச் சென்றனர். 
அதே நாளில் பண்ருட்டி எல்.என்.புரத்தில் நடந்து சென்ற அதேப் பகுதியைச் சேர்ந்த சிவசங்கர் மனைவி நந்தினி (28) என்பவரிடம் 5 பவுன் நகையை மோட்டார் சைக்கிளில் வந்தவர்கள் பறித்துச் சென்றனர்.
இதுகுறித்து பண்ருட்டி காவல் ஆய்வாளர் ஆரோக்கியராஜ் வழக்குப் பதிவு செய்து விசாரணை மேற்கொண்டு, சென்னை வியாசர்பாடியைச் சேர்ந்த முனியாண்டி மகன் அருண்குமார் (23), நவீன்குமார் ஆகியோரைக் கைது செய்தார். 
இதில் அருண்குமார் மீது சென்னை கொடுங்கையூர், எம்.கே.பி.புரம் காவல் நிலையங்களில் வழங்குகள் நிலுவையில் உள்ளது தெரியவந்தது. இவரது குற்றச் செய்கையைக் கட்டுப்படுத்தும் பொருட்டு அவரை குண்டர் தடுப்புக் காவல் சட்டத்தின் கீழ் கைது செய்திட மாவட்ட ஆட்சியருக்கு காவல் கண்காணிப்பாளர் ப.சரவணன் பரிந்துரைத்தார். 
அதன்பேரில் மாவட்ட ஆட்சியர் வெ.அன்புச்செல்வன் அதற்கான உத்தரவை வெளியிட்டதைத் தொடர்ந்து அருண்குமார் தடுப்புக் காவலில் கைது செய்யப்பட்டு, ஓராண்டுக்கு சிறையில் இருக்கும் வகையில் கடலூர் மத்திய சிறையில் அடைக்கப்பட்டார்.

]]>
http://www.dinamani.com/all-editions/edition-villupuram/cuddalore/2018/nov/21/பெண்களிடம்-நகை-பறித்தவர்-தடுப்புக்-காவலில்-கைது-3042502.html
3042501 விழுப்புரம் கடலூர் மீன் வளர்ப்போருக்கு மானிய விலையில் மீன் குஞ்சுகள், தீவனம்: மாவட்ட ஆட்சியர் தகவல் DIN DIN Wednesday, November 21, 2018 02:41 AM +0530 மீன்கள் வளர்ப்போருக்கு மானிய விலையில் மீன் குஞ்சுகள், தீவனம் வழங்க நடவடிக்கை எடுக்கப்படும் என மாவட்ட ஆட்சியர் வெ.அன்புச்செல்வன் கூறினார்.
 கடலூர் மாவட்ட ஆட்சியர் அலுவலகக் கூட்டரங்கில் மீன்வளத் துறை சார்பில் மீன்வளர்ப்போர் மேம்பாட்டு முகமையின் மேலாண்மைக் குழு கூட்டம், மாவட்ட ஆட்சியர் வெ.அன்புச்செல்வன் தலைமையில் செவ்வாய்க்கிழமை  நடைபெற்றது. கூட்டத்தில் ஆட்சியர் பேசியதாவது: முகமையின் செயல்பாட்டை மேம்படுத்தவும், உறுப்பினர் சேர்க்கையை விரைவுப்படுத்தவும் துறை அலுவலர்கள் கூடுதலாக பாடுபட வேண்டும். 
மீன்வளர்ப்போர் மேம்பாட்டு முகமைக்கு என மீன்குஞ்சு வளர்ப்பு பண்ணை அமைப்பதற்குத் தேவையான நடவடிக்கைகள் எடுக்கப்படும்.
 முகமையின் உறுப்பினர் சேர்க்கைக் கட்டணம் சேவை வரிகளை ரூ.600-லிருந்து ரூ.ஆயிரமாக உயர்த்திட ஆலோசனைகள் பெறப்பட்டுள்ளன. தனியார் மீன்வளர்ப்போருக்கு  மானிய அடிப்படையில் மீன் குஞ்சுகள், மீன் தீவனங்களை மீன் வளர்ப்போர் மேம்பாட்டு முகமை மூலம் வழங்க நடவடிக்கை எடுக்கப்படும் என்றார் ஆட்சியர்.
 கூட்டத்தில் மாவட்ட வருவாய் அலுவலர் ஆர்.ராஜகிருபாகரன், வேளாண்மை இணை இயக்குநர் சி.அண்ணாதுரை, மீன்வளத் துறை துணை இயக்குநர் என்.ரேனுகா, உதவி இயக்குநர் சுப்ரமணியன், ஊராட்சிகள் உதவி இயக்குநர் ஆனந்தன், மீன் இறால் வளர்க்கும் முன்னோடி விவசாயிகள் கலந்து கொண்டனர்.

]]>
http://www.dinamani.com/all-editions/edition-villupuram/cuddalore/2018/nov/21/மீன்-வளர்ப்போருக்கு-மானிய-விலையில்-மீன்-குஞ்சுகள்-தீவனம்-மாவட்ட-ஆட்சியர்-தகவல்-3042501.html
3042499 விழுப்புரம் கடலூர் அண்ணாமலைப் பல்கலை.யில்  பேராசிரியர்களுக்கு பயிற்சி DIN DIN Wednesday, November 21, 2018 02:40 AM +0530 சிதம்பரம் அண்ணாமலைப் பல்கலைக்கழக பொறியியல் புலத்தில் கணினி பொறியியல் துறை சார்பில், "சைபர் செக்யூரிட்டி' என்ற தலைப்பில் பொறியியல் கல்லூரி பேராசிரியர்களுக்கான 2 வார குறுகிய கால பயிற்சித் திட்ட முகாம் திங்கள்கிழமை தொடங்கியது.
ஏ.ஐ.சி.டி.இ. மற்றும் ஐ.எஸ்.டி.இ. அனுமதியுடன்  நடைபெறும் இந்த முகாமுக்கான தொடக்க விழா பல்கலைக்கழக ஜி.ஜே.ஆர். அரங்கில் நடைபெற்றது. துறைத் தலைவர் மற்றும் பயிற்சி இயக்குநர் பி.அருணா வரவேற்றார். விழாவுக்கு பொறியியல் புலமுதல்வர்  சி.அந்தோணி ஜெயசேகர் தலைமை வகித்து, பயிற்சியை தொடக்கி வைத்துப் பேசினார். 
சென்னை க்ளோசைஸ் தொழில்நுட்ப தீர்வுகள் என்ற தனியார் நிறுவன நிறுவனர் ஸ்ரீனிவாசன் தானுகிருஷ்ணன் சிறப்பு விருந்தினராகப் பங்கேற்று, சமீபத்திய பாதுகாப்பு நுட்பங்கள், இணைய பாதுகாப்பு அச்சுறுத்தல்கள் குறித்து சிறப்புரையாற்றினார். பயிற்சி ஒருங்கிணைப்பாளர் பி.சுதாகர் பயிற்சித் திட்டங்கள் குறித்து விவரித்தார். பயிற்சியின் மற்றொரு ஒருங்கிணைப்பாளர் ஆர். அருண்குமார் நன்றி கூறினார். பயிற்சி முகாமில் தமிழகத்தின் பல்வேறு கல்லூரிகளின் ஆசிரியர்கள் பங்கேற்றுள்ளனர். இந்தப் பயிற்சி வருகிற டிச.2-ஆம் தேதி வரை நடைபெறுகிறது.

]]>
http://www.dinamani.com/all-editions/edition-villupuram/cuddalore/2018/nov/21/அண்ணாமலைப்-பல்கலையில்--பேராசிரியர்களுக்கு-பயிற்சி-3042499.html
3042497 விழுப்புரம் கடலூர் மணல் கடத்தல் வழக்கு: லாரி உரிமையாளருக்கு  3 ஆண்டு சிறை DIN DIN Wednesday, November 21, 2018 02:40 AM +0530 மணல் கடத்தல் வழக்கில் லாரி உரிமையாளருக்கு 3 ஆண்டுகள் சிறைத் தண்டனை விதித்து சிதம்பரம் நீதிமன்றம் திங்கள்கிழமை தீர்ப்பளித்தது. 
 சிதம்பரம் அருகே உள்ள மேலமூங்கிலடி கிராமத்தைச் சேர்ந்தவர் பாண்டியன் என்ற வீரபாண்டியன் (57). இவர் கடந்த 22.3.2005 அன்று தனது டிப்பர் லாரியில் மேலமூங்கிலடி கிராமத்தில் உள்ள வெள்ளாற்றிலிருந்து அரசு அனுமதியின்றி மணல் ஏற்றிக்கொண்டு வந்தபோது, சிதம்பரத்தில் தாலுகா போலீஸார் அவரை கைது செய்து லாரியை பறிமுதல் செய்தனர். 
 இந்த வழக்கு விசாரணை சிதம்பரம்  நீதிமன்றத்தில் நடைபெற்று வந்தது. வழக்கை விசாரித்த நீதிபதி பார்த்திபன், வீரபாண்டியனுக்கு 3 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து தீர்ப்பளித்தார். இந்த வழக்கில் அரசு வழக்குரைஞர்  செந்தில்வடிவு ஆஜராகி வாதாடினார்.


 

]]>
http://www.dinamani.com/all-editions/edition-villupuram/cuddalore/2018/nov/21/மணல்-கடத்தல்-வழக்கு-லாரி-உரிமையாளருக்கு-3-ஆண்டு-சிறை-3042497.html
3042496 விழுப்புரம் கடலூர் கரும்பு நிலுவைத் தொகை ரூ.1,400 கோடியை வட்டியுடன் வழங்க வேண்டும்: கரும்பு விவசாயிகள் மாநில மாநாட்டில் வலியுறுத்தல் DIN DIN Wednesday, November 21, 2018 02:40 AM +0530 கரும்பு விவசாயிகளுக்கு ஆலைகள் வழங்க வேண்டிய ரூ.1,400 கோடி நிலுவைத் தொகையை வட்டியுடன் வழங்க வேண்டுமென தனியார் சர்க்கரை ஆலைகளின் கரும்பு விவசாயிகள் சங்க மாநில மாநாட்டில் வலியுறுத்தப்பட்டது.
இந்தச் சங்கத்தின் மாநில மாநாடு, கடலூர் அருகே உள்ள நெல்லிக்குப்பத்தில் செவ்வாய்க்கிழமை நடைபெற்றது. மாநாட்டையொட்டி நடைபெற்ற பேரணியை சங்கத்தின் அகில இந்திய ஒருங்கிணைப்புக் குழு அமைப்பாளர் என்.கே.சுக்லா தொடக்கிவைத்தார். 
பின்னர் நடைபெற்ற மாநாட்டுக்கு தமிழ்நாடு கரும்பு விவசாயிகள் சங்கத்தின் மாநில துணைத் தலைவர் செ.நல்லாக்கவுண்டர் தலைமை வகித்தார். இஐடி பாரி ஆலை கரும்பு விவசாயிகள் சங்கச் செயலர் ஆர்.தென்னரசு வரவேற்றார். 
மாநாட்டைத் தொடக்கி வைத்து என்.கே.சுக்லா சிறப்புரையாற்றினார். அவர் பேசியதாவது:
கரும்புக்கு டன்னுக்கு ரூ.20 வீதம் விலை உயர்த்திய மத்திய அரசு, பிழிதிறனை 10 சதவீதம் என உயர்த்தி விவசாயிகளை வஞ்சித்துள்ளது. நாடு முழுவதும் உள்ள சர்க்கரை ஆலைகளிடமிருந்து விவசாயிகளுக்கு ரூ.20 ஆயிரம் கோடி பாக்கி உள்ளது. உள்நாட்டு சர்க்கரை உற்பத்தித் தொழில் பாதுகாக்கப்பட வேண்டும். விளைபொருள்களுக்கு எம்.எஸ்.சுவாமிநாதன் குழு பரிந்துரைப்படி குறைந்தபட்ச ஆதரவு விலை நிர்ணயிக்கப்பட வேண்டும் என்றார் அவர்.
சங்கத்தின் மாநில பொதுச் செயலர் டி.ரவீந்திரன் மாநாட்டு அறிக்கையை சமர்ப்பித்தார். மாநிலப் பொருளாளர் சின்னப்பா தீர்மானங்களை முன்மொழிந்தார். மாநாட்டை வாழ்த்தி தமிழ்நாடு விவசாயிகள் சங்க மாவட்ட தலைவர் ஜி.ஆர்.ரவிச்சந்திரன், மாவட்டச் செயலர் கோ.மாதவன், மாவட்டப் பொருளாளர் எஸ்.தட்சிணாமூர்த்தி உள்ளிட்டோர் பேசினர். நிர்வாகி எம்.மணி நன்றி கூறினார்.
மாநாட்டில், 2013-14 முதல் 2016-17-ஆம் ஆண்டு வரை மாநில அரசு அறிவித்த கரும்பு பரிந்துரை விலையை தனியார் சர்க்கரை ஆலைகள் விவசாயிகளுக்கு வழங்கவில்லை. நான்காண்டு நிலுவைத் தொகை ரூ.1,220 கோடி மற்றும் மத்திய அரசு அறிவித்த விலையில் பாக்கித் தொகை ரூ.150 கோடி உள்பட மொத்தம் வழங்க வேண்டிய ரூ.1,400 கோடியை வட்டியுடன் அரசு பெற்றுத் தர வேண்டும். கரும்பு டன்னுக்கு ரூ.4,000 என்ற விலையை மத்திய, மாநில அரசுகள் அறிவித்து வழங்க வேண்டும்.
மாநில அரசு நிறைவேற்றியுள்ள வருவாய்ப் பங்கீட்டு சட்டத்தை ரத்து செய்ய வேண்டும். கஜா புயலால் பாதிக்கப்பட்ட விவசாயிகள், பொதுமக்களுக்கு உரிய இழப்பீட்டை வழங்கி, போர்க்கால அடிப்படையில் சீரமைப்புப் பணிகளை மேற்கொள்ள வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-villupuram/cuddalore/2018/nov/21/கரும்பு-நிலுவைத்-தொகை-ரூ1400-கோடியை-வட்டியுடன்-வழங்க-வேண்டும்-கரும்பு-விவசாயிகள்-மாநில-மாநாட்டில்-3042496.html
3042495 விழுப்புரம் கடலூர் கடலில் மூழ்கிய படகு: 5 மீனவர்கள் தப்பினர் DIN DIN Wednesday, November 21, 2018 02:39 AM +0530 கடலூர் அருகே நடுக் கடலில் அலைகளின் சீற்றத்தால் மீன்பிடிப் படகு கடலில் மூழ்கியது. அதிலிருந்த 5 மீனவர்களும் மீட்கப்பட்டனர்.
கடலூர் அருகே உள்ள தாழங்குடா மீனவக் கிராமத்தைச் சேர்ந்தவர் மாசிலாமணி (40). இவர் திங்கள்கிழமை மாலை தனக்குச் சொந்தமான பைபர் படகில் மீன்பிடிக்க கடலுக்குச் சென்றார். இவருடன் தாழங்குடாவைச் சேர்ந்த மீனவர்கள் பாரதி (37), பிரகலாதன் (33), கலைச்செல்வன் (23), பார்த்தசாரதி (24 ) ஆகியோரும் உடன் சென்றனர். வஞ்சிரம் மீன் பிடிப்பதற்காக பிரத்யேகமாக வடிவமைக்கப்பட்ட இந்தப் படகு 2 என்ஜின்கள் கொண்டது. சுமார் ரூ.3 லட்சம் மதிப்புள்ள கட்டுவலைகளும் படகில் இருந்தனவாம். கரையிலிருந்து சுமார் 20 நாட்டிக்கல் மைல் தொலைவில் நிலவொளியில் மட்டுமே வஞ்சிரம் மீன் கிடைக்கும் என்பதால் அந்தப் பகுதியில் காத்திருந்தனர்.
அப்போது திடீரென கடல் சீற்றம் ஏற்பட்டது. பேரலைகள் எழும்பியதல் பைபர் படகு தாக்குபிடிக்க முடியவில்லை. தொடர் அலைகளால் படகுக்குள் நீர் புகுந்து மூழ்கத் தொடங்கியது. இதையடுத்து, அதிலிருந்த மீனவர்கள் உயிர் காக்கும் உடையை அணிந்துகொண்டு கடலில் குதித்தனர். அப்போது, படகிலிருந்த ஒளிரும் விளக்கை எடுத்து உதவி கோரும் வகையில் மாசிலாமணி சமிக்ஞை அனுப்பினார்.
இதைப் பார்த்த அதே பகுதியில் விசைப் படகில் மீன்பிடித்துக் கொண்டிருந்த மீனவர்கள், விரைந்து வந்து மாசிலாமணி உள்பட 5 பேரையும் மீட்டனர். பின்னர், அவர்கள் செவ்வாய்க்கிழமை காலை கரை திரும்பினர்.

]]>
http://www.dinamani.com/all-editions/edition-villupuram/cuddalore/2018/nov/21/கடலில்-மூழ்கிய-படகு-5-மீனவர்கள்-தப்பினர்-3042495.html
3042103 விழுப்புரம் கடலூர் வீரட்டானேஸ்வரர் கோயிலில் கார்த்திகை மாத முதல் சோமவார விழா DIN DIN Tuesday, November 20, 2018 07:17 AM +0530 பண்ருட்டி, திருவதிகை வீரட்டானேஸ்வரர் கோயிலில் கார்த்திகை மாத முதல் சோமவார விழா திங்கள்கிழமை நடைபெற்றது.
இந்தக் கோயிலில் ஆண்டுதோறும் கார்த்திகை மாதம் சோமவார வழிபாடு சிறப்பாக நடைபெறுவது வழக்கம். அதன்படி, நிகழாண்டுக்கான கார்த்திகை மாத முதல் சோமவார விழா திங்கள்கிழமை நடைபெற்றது. விழாவை முன்னிட்டு, காலை 11 மணியளவில் பஞ்ச மூர்த்திகளுக்கு சிறப்பு அபிஷேக, ஆராதனை நடைபெற்றது. பிற்பகல் 3 மணியளவில் வீரட்டானேஸ்வரருக்கு 1,008 சங்காபிஷேகம் நடைபெற்றது.  தொடர்ந்து மாலை 6 மணிக்கு வீரட்டானேஸ்வரர் நாகாபரத்துடன் புஷ்ப அலங்காரத்திலும், பெரியநாயகி அம்பாள் வெள்ளி அங்கியுடன் புஷ்ப அலங்காரத்திலும் காட்சியளித்தனர். இரவு 8 மணியளவில் சோட சோபசார தீபாராதனை நடைபெற்றது. பின்னர், பெரியநாயகி சமேத வீரட்டானேஸ்வரர் வெள்ளி ரிஷப வாகனத்தில் சிறப்பு அலங்காரத்தில் மாட வீதியில் வலம் வந்தார். திரளான பக்தர்கள் தரிசனம் செய்தனர். விழாவுக்கான ஏற்பாடுகளை கோயில் நிர்வாகத்தினர் செய்திருந்தனர்.


 

]]>
http://www.dinamani.com/all-editions/edition-villupuram/cuddalore/2018/nov/20/வீரட்டானேஸ்வரர்-கோயிலில்-கார்த்திகை-மாத-முதல்-சோமவார-விழா-3042103.html
3042102 விழுப்புரம் கடலூர் மாட்டு வண்டிகளில் மணல் அள்ள அனுமதி கோரி கட்டடத் தொழிலாளர்கள் ஆர்ப்பாட்டம் DIN DIN Tuesday, November 20, 2018 07:16 AM +0530 மாட்டு வண்டிகளில் மணல் அள்ள அனுமதி வழங்கக் கோரி, பண்ருட்டியில் அனைத்துக் கட்டடத் தொழிலாளர்கள் சங்கம் சார்பில் திங்கள்கிழமை பேரணி, ஆர்ப்பாட்டம் நடைபெற்றது.
முன்னதாக, பண்ருட்டி நகர்மன்ற அலுவலகத்தில் இருந்து பேரணி தொடங்கியது. பேரணியை கட்டட தொழிலாளர்கள் மத்திய சங்கத் தலைவர் பொன்குமார்  தொடக்கி வைத்தார். பேரணியில் 200-க்கும் மேற்பட்டோர் கலந்து கொண்டனர். முக்கிய வீதிகள் வழியாகச் சென்ற பேரணி, வட்டாட்சியர் அலுவலக வளாகம் அருகே முடிவடைந்தது. 
இதையடுத்து, அங்கு நடைபெற்ற கண்டன ஆர்ப்பாட்டத்துக்கு தமிழ்நாடு கட்டடத் தொழிலாளர்கள் மத்திய சங்க பொதுச் செயலர் வி.சுப்பராயலு தலைமை வகித்தார். 
பண்ருட்டி கட்டட பொறியாளர்கள் சங்கத் தலைவர் கே.வேணுகோபால், கடலூர் மாவட்ட கட்டட பொறியாளர்கள் சங்கச் செயலர் எஸ்.அருள்பிரகாஷ், பண்ருட்டி கட்டட வரைவாளர்கள் சங்கத் தலைவர் எஸ்.முருகசாமி ஆகியோர் முன்னிலை வகித்தனர். 
ஆர்ப்பாட்டத்தில், மணல் விலை உயர்வைக் கட்டுப்படுத்தி தட்டுப்பாடின்றி மணல் கிடைக்க நடவடிக்கை எடுக்க வேண்டும், மாட்டு வண்டிகளில் மணல் எடுக்க அனுமதி வழங்க வேண்டும், கட்டுமான தொழிலாளர்கள் நலவாரியப் பணிகளை முறைப்படுத்த வேண்டும் என தமிழக அரசை வலியுறுத்தி முழக்கமிட்டனர். ஆர்ப்பாட்டத்தில், மத்திய சங்கத் தலைவர் பொன்குமார் பேசியதாவது: விவசாயத் தொழில் முடங்கியுள்ள நிலையில், அதை சார்ந்த தொழிலாளர்களுக்கு வேலை வழங்கியது கட்டுமானத் துறைதான். மணல் தட்டுப்பாட்டால் கட்டுமானத் தொழிலும் தற்போது முடங்கியுள்ளது. 6 ஆண்டு காலமாக மணல் பிரச்னை தொடர்கிறது. தமிழகத்தில் மணல் படுகை உள்ள இடங்களில் முறையாக 3 அடி ஆழத்துக்கு மணல் எடுக்க அனுமதித்து, நியாயமாக விலை நிர்ணயித்தால் மணல் தட்டுப்பாடு ஏற்பட வாய்ப்பில்லை. மாட்டு வண்டிகளில் மணல் எடுக்க அனுமதி வழங்க வேண்டும் என்றார் அவர்.
ஆர்ப்பாட்டத்தில், திமுக நகரச் செயலர் ராஜேந்திரன், முன்னாள் கவுன்சிலர் கிருஷ்ணமூர்த்தி, கட்டட சங்க மாவட்டத் தலைவர் வி.சந்திரன், ஏஐடியூசி மாவட்டச் செயலர் டி.கே.பன்னீர்செல்வம், மாட்டு வண்டித் தொழிலாளர்கள் சங்கத் தலைவர் கே.நாகலிங்கம், சிமென்ட் மற்றும் கம்பி விற்பனையாளர் சங்கத் தலைவர் ராஜாசுவாமிநாதன் உள்ளிட்டோர் கலந்துகொண்டனர். ஆர்ப்பாட்ட முடிவில் வட்டாட்சியர் எம்.ஆறுமுகத்தை சந்தித்து கோரிக்கை மனு அளித்தனர். 
அப்போது, மாட்டு வண்டிகளுக்கு மணல் குவாரி அமைக்க உரிய நடவடிக்கை எடுக்க வேண்டும் என கோரிக்கை விடுத்தனர்.

]]>
http://www.dinamani.com/all-editions/edition-villupuram/cuddalore/2018/nov/20/மாட்டு-வண்டிகளில்-மணல்-அள்ள-அனுமதி-கோரி-கட்டடத்-தொழிலாளர்கள்-ஆர்ப்பாட்டம்-3042102.html
3042101 விழுப்புரம் கடலூர் கூட்டுப் பண்ணையம் அமைத்து வேளாண்மை செய்யும் விவசாயிகள்! DIN DIN Tuesday, November 20, 2018 07:16 AM +0530 கடலூர் மாவட்டத்தில் கூட்டுப் பண்ணையம் அமைத்து விவசாயிகள் வேளாண்மை செய்து வருகின்றனர்.
விவசாயிகளின் விளைபொருள்களுக்கு உரிய விலை கிடைத்திடவும், விவசாயத்தை லாபகரமான தொழிலாக்கவும் தமிழக அரசு பல்வேறு நடவடிக்கைகளை மேற்கொண்டு வருகிறது. அதன் ஒருபகுதியாக, பல்வேறு விவசாய அமைப்புகள் ஒன்றிணைந்து வேளாண்மை நிறுவனம் அமைத்து உற்பத்தி செய்யும் பொருளுக்கு விலை நிர்ணயம் செய்திடும் வகையில் திட்டம் உருவாக்கப்பட்டுள்ளது.
இதன் ஒருபகுதியாக, கூட்டுப் பண்ணையம் என்ற திட்டத்தில் மாவட்டத்தில் 2017-18-ஆம் ஆண்டில் வேளாண்மைத் துறை சார்பில் 55 உழவர் உற்பத்தியாளர் குழுக்களும், தோட்டக்கலை துறை சார்பில் 25 உழவர் உற்பத்தியாளர் குழுக்களும் மொத்தம் 80 வருவாய் கிராமங்களுக்கு தலா 100 பேர் கொண்ட உழவர் உற்பத்தியாளர் குழுக்களும் அமைக்கப்பட்டுள்ளன.  ஒவ்வொரு வருவாய் கிராமத்திலும் 20 விவசாயிகள் அடங்கிய உழவர் ஆர்வலர் குழுவும், 5 உழவர் ஆர்வலர் குழுக்களும் சேர்ந்து அடுத்தக்கட்ட நிகழ்வாக 100 பேர் கொண்ட உழவர் உற்பத்தியாளர் குழுவும் உருவாக்கப்படும். அதன்படி, கடலூர் வட்டாரத்தில் 2017-18-ஆம் ஆண்டில் பில்லாலி, சேடப்பாளையம், மதலப்பட்டு மற்றும் தூக்கனாம்பாக்கம் ஆகிய 4 வருவாய் கிராமங்களில் உழவர் உற்பத்தியாளர் குழுக்கள் அமைத்து செயல்பட்டு வருகின்றன. 
இவை ஒவ்வொன்றுக்கும் தலா ரூ.5 லட்சம் மூல ஆதார நிதியாக வழங்கப்பட்டு, அதனடிப்படையில் டிராக்டர், பவர்டில்லர், நெல் நடவு இயந்திரங்கள், ரோட்டாவேட்டர்கள் மற்றும் நெல் நாற்று தட்டுகள் வழங்கப்பட்டுள்ளன.
இதுகுறித்து பில்லாலி உழவர் ஆர்வலர் குழுத் தலைவர் கே.ஜெயராமன் கூறியதாவது:  
பில்லாலி உழவர் ஆர்வலர் குழு மூலமாக நெல் நடவு இயந்திரம் வாங்கப்பட்டுள்ளது. இதை விவசாயிகளுக்கு குறைந்த வாடகைக்கு அளிப்பதால் அவர்களுக்கு செலவு குறைகிறது.  இதனால் ஏக்கருக்கு ரூ.800 முதல் ரூ.900 வரை மிச்சப்படுகிறது. 
இதேபோல, தங்களது கிராமத்தில் நெல் சாகுபடிக்குத் தேவையான விதை, உரம் மற்றும் பூச்சி மருந்துகளை மொத்தமாக குழு மூலம் கொள்முதல் செய்வதாலும் கணிசமான தொகை சேமிப்பு அடைவதாக அவர் கூறினார்.  இந்தப் பணியை கடலூர் வேளாண்மை உதவி இயக்குநர் சு.பூவராகன் நேரில் பார்வையிட்டு ஆலோசனை வழங்கினார்.

]]>
http://www.dinamani.com/all-editions/edition-villupuram/cuddalore/2018/nov/20/கூட்டுப்-பண்ணையம்-அமைத்து-வேளாண்மை-செய்யும்-விவசாயிகள்-3042101.html
3042100 விழுப்புரம் கடலூர் பகுதி நேர சிறப்பாசிரியர்களுக்கு ஊதிய உயர்வு வழங்கக் கோரிக்கை DIN DIN Tuesday, November 20, 2018 07:16 AM +0530 பகுதி நேர சிறப்பாசிரியர்களுக்கு ஊதிய உயர்வு வழங்கக் கோரி சங்கக் கூட்டத்தில் தீர்மானம் நிறைவேற்றப்பட்டது. 
தமிழ்நாடு அரசு பகுதி நேர சிறப்பாசிரியர் சங்க ஆலோசனைக் கூட்டம் கடலூரில்  ஞாயிற்றுக்கிழமை நடைபெற்றது. கூட்டத்துக்கு, மாவட்டச் செயலர் பாலகிருஷ்ணன் தலைமை வகித்தார். 
மாநில மற்றும் மாவட்ட நிர்வாகிகள் செந்தமிழ்செல்வன், பரமசிவம் உள்ளிட்டோர்  முன்னிலை வகித்தனர். மாவட்ட துணைச் செயலர் கிருஷ்ணமூர்த்தி வரவேற்றார். மாநிலத் தலைவர் ரமேஷ் சிறப்புரையாற்றினார்.  
கூட்டத்தில், அனைவருக்கும் கல்வித் திட்டத்தின்கீழ் பணி நியமனம் செய்யப்பட்ட 16, 548 பகுதி நேர சிறப்பாசிரியர்களுக்கு பணிப் பாதுகாப்பு வழங்க வேண்டும். பணியாற்றும் அனைவருக்கும் அரசு தொழில்நுட்ப ஆசிரியர் பயிற்சியை அரசு வழங்க வேண்டும். கடந்த 10 ஆண்டுகளுக்கும் மேலாக நிறுத்தி வைக்கப்பட்டுள்ள அரசு தொழில்நுட்பத் தேர்வை உடனடியாக நடத்த அறிவிப்பு வெளியிடுவதோடு, பயிற்சி முடிக்கும் நிலையில் பணியில் சேர்ந்து பள்ளிகளில் பணியாற்றிவரும் பகுதி நேர சிறப்பாசிரியர்களை தகுதியுடையவர்களாக கருத்தில் கொள்ள வேண்டும். 
பகுதி நேர சிறப்பாசிரியர்களின் ஊதியத்தை  ரூ.7,700-லிருந்து ரூ.10 ஆயிரமாக உயர்த்தி வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

]]>
http://www.dinamani.com/all-editions/edition-villupuram/cuddalore/2018/nov/20/பகுதி-நேர-சிறப்பாசிரியர்களுக்கு-ஊதிய-உயர்வு-வழங்கக்-கோரிக்கை-3042100.html
3042099 விழுப்புரம் கடலூர் குடிநீர்த் தட்டுப்பாடு: பேரூராட்சி அலுவலகம் முற்றுகை DIN DIN Tuesday, November 20, 2018 07:13 AM +0530 பெண்ணாடம் பேரூராட்சி அலுவலகத்தை பொதுமக்கள் திங்கள்கிழமை முற்றுகையிட்டனர்.
இந்தப் பேரூராட்சியில், 14-ஆவது வார்டில் கடந்த 5 மாதங்களாக முறையாக குடிநீர் விநியோகம் செய்யப்படவில்லையாம். இதைக் கண்டித்து, அந்தப் பகுதி பெண்கள் காலிக் குடங்களுடன் பேரூராட்சி அலுவலகத்தை முற்றுகையிட்டனர்.
 இதையடுத்து, பேரூராட்சி நிர்வாகம் சார்பில் குடிநீர்த் தட்டுப்பாடு விரைவில் சரி செய்யப்படுமென உறுதி அளிக்கப்பட்டதால் பொதுமக்கள் கலைந்து சென்றனர்.

]]>
http://www.dinamani.com/all-editions/edition-villupuram/cuddalore/2018/nov/20/குடிநீர்த்-தட்டுப்பாடு-பேரூராட்சி-அலுவலகம்-முற்றுகை-3042099.html
3042098 விழுப்புரம் கடலூர் இந்திரா காந்தி பிறந்த நாள் விழா DIN DIN Tuesday, November 20, 2018 07:13 AM +0530 முன்னாள் பிரதமர் இந்திரா காந்தி பிறந்த நாள் விழா கடலூரில் பல்வேறு அமைப்புகள் சார்பில் திங்கள்கிழமை கொண்டாடப்பட்டது.
கடலூர் மாவட்ட இளைஞர் காங்கிரஸ் சார்பில் கடலூரில் அந்தப் பிரிவின் மாவட்டத் தலைவர் கே.கலையரசன் தலைமையில் நடைபெற்ற விழாவில், அகில இந்திய காங்கிரஸ் கமிட்டி உறுப்பினர் ஏ.எஸ்.சந்திரசேகரன் சிறப்பு அழைப்பாளராகப் பங்கேற்று இந்திரா காந்தியின் உருவப் படத்துக்கு மாலை அணிவித்து மரியாதை செலுத்தினார். ஓபிசி பிரிவு மாவட்டத் தலைவர் டி.ராமராஜ், சிறுபான்மைப் பிரிவு மாவட்டத் தலைவர் ரஹீம், மகளிரணி மாவட்டத் தலைவி கே.கலைச்செல்வி, மீனவர் பிரிவு மாவட்டத் தலைவர் கார்த்திகேயன், எஸ்சி, எஸ்டி பிரிவு மாவட்டத் தலைவர் ஆனந்தன் ஆகியோர் முன்னிலை வகித்தனர். வட்டாரத் தலைவர்கள் அன்பழகன், ராஜாராமன் உள்ளிட்டோர் பங்கேற்றனர். இளைஞர் பிரிவு மாவட்ட துணைத் தலைவர் தீனதயாளன் வரவேற்க, தொகுதிச் செயலர் விக்கி நன்றி கூறினார்.
கடலூர் மாவட்ட பாரதிதாசன் இலக்கிய மன்றம் சார்பில் கடலூரில் நடைபெற்ற இந்திரா காந்தி பிறந்த நாள் விழாவுக்கு மன்றத் தலைவர் கவிஞர் கடல்நாகராஜன் தலைமை வகித்தார். ஆசிரியை மாலதி வரவேற்றார். துர்கா தனிப் பயிற்சி கல்லூரி முதல்வர் செந்தில்முருகன், இந்திராகாந்தி உருவப் படத்துக்கு மலர்தூவி மரியாதை செலுத்தினார். போட்டிகளில் வென்ற மாணவ, மாணவிகளுக்கு பேராசிரியர்  சங்கீதா பரிசுகளை வழங்கினார். மன்ற பொருளாளர் பாஸ்கரன் நன்றி கூறினார்.
நெய்வேலி: இதேபோல, நெய்வேலியில் காங்கிரஸ் கட்சி சார்பில் இந்திரா காந்தி பிறந்த நாள் விழா கொண்டாடப்பட்டது.
நகரத் தலைவர் குள்ளப்பிள்ளை தலைமை வகித்தார். நிர்வாகிகள் குமார், இளங்கோவன், ஐஎன்டியுசி சுகுமார், மரியத்துவான் ஆகியோர் முன்னிலை வகித்தனர். சிறப்பு அழைப்பாளர்களாக கடலூர் மாவட்டத் தலைவர் எம்.ஆர்.ராதாகிருஷ்ணன், மாநில பொதுக்குழு உறுப்பினர் ஏ.எஸ்.இளஞ்செழியன் ஆகியோர் பங்கேற்று, என்எல்சி பொது மருத்துவமனை வளாகம் அருகே உள்ள இந்திரா காந்தி சிலைக்கு மாலை அணிவித்து மரியாதை செலுத்தினர்.
புதுப்பேட்டை: பண்ருட்டி அருகே உள்ள புதுப்பேட்டையில் நடைபெற்ற விழாவுக்கு, நகரத் தலைவர் ஆர்.நடராஜன் தலைமை வகித்தார். தமிழ்நாடு காங்கிரஸ் கமிட்டி பொதுக்குழு உறுப்பினர் ஏ.எஸ்.இளஞ்செழியன் இந்திரா காந்தி சிலைக்கு மாலை அணிவித்து மரியாதை செலுத்தி பொதுமக்களுக்கு இனிப்பு வழங்கினார். 
இளைஞர் காங்கிரஸ் தலைவர் டி.விஜய்,  முன்னாள் நகரத் தலைவர் மணி, மாவட்டச் செயலர் கிருஷ்ணமூர்த்தி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2018/nov/20/இந்திரா-காந்தி-பிறந்த-நாள்-விழா-3042098.html
3042097 விழுப்புரம் கடலூர் என்.எல்.சி.க்கு நிலம் கையகம்: ஆட்சியரிடம் மனு DIN DIN Tuesday, November 20, 2018 07:13 AM +0530 என்எல்சி சுரங்கம்-1 விரிவாக்கத்துக்கு நிலம் கையகப்படுத்தும் நடவடிக்கையை  மத்திய அரசின் புதிய சட்டத்துக்கு உள்பட்டு மேற்கொள்ள வேண்டும் என பல்வேறு கிராம மக்கள் மாவட்ட ஆட்சியரிடம் மனு அளித்தனர்.
கடலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற பொதுமக்கள் குறைதீர் நாள் கூட்டத்தில் அவர்கள் அளித்த மனு:  
நெய்வேலி அருகே வடக்கு வெள்ளூர், வானதிபுரம், அகிலாண்டபுரம், அம்மேரி உள்ளிட்ட 16 கிராமங்களில் என்எல்சி சுரங்கம்-1 விரிவாக்கத்துக்கு நிலத்தை கையகப்படுத்த அரசு அறிவிப்பு வெளியிட்டுள்ளது. இந்த அறிவிப்பானது தமிழ்நாடு அரசின் நிலம் கையகப்படுத்தும் சட்ட விதிகளுக்குள்பட்டது என்று கூறப்படுகிறது. இந்தச் சட்டம் மூலம் நிலம் கையகப்படுத்தப்பட்டால் எங்களுக்கு (கிராம மக்களுக்கு) குறைந்த தொகை மட்டுமே கிடைக்கும். 
வேலைவாய்ப்போ, வாழ்வாதாரமோ கிடைக்காது. ஆனால், மத்திய அரசின் நிலம் கையகப்படுத்தும் புதிய சட்டத்தில் வேலைவாய்ப்பு, மாற்றுக் குடியிருப்பு போன்ற பல்வேறு சலுகைகள் உள்ளன. 
எனவே, எங்களது நிலத்தை மத்திய அரசின் புதிய சட்டத்துக்கு உள்பட்டு கையகப்படுத்த வேண்டும் என கிராம மக்கள் அந்த மனுவில் தெரிவித்துள்ளனர்.
 

]]>
http://www.dinamani.com/all-editions/edition-villupuram/cuddalore/2018/nov/20/என்எல்சிக்கு-நிலம்-கையகம்-ஆட்சியரிடம்-மனு-3042097.html
3042096 விழுப்புரம் கடலூர் தலையில் அம்மிக்கல்லை போட்டு பெண் கொலை: தொழிலாளி கைது DIN DIN Tuesday, November 20, 2018 07:12 AM +0530 கடலூரில் தலையில் அம்மிக்கல்லைப் போட்டு பெண் கொல்லப்பட்டார். இதுதொடர்பாக அவருடன் பழகி வந்த தொழிலாளி திங்கள்கிழமை கைது செய்யப்பட்டார்.
தஞ்சை மாவட்டம், கீழவாசல் பகுதியைச் சேர்ந்த வெள்ளைச்சாமி மனைவி தனலட்சுமி (42). கடந்த 8 ஆண்டுகளுக்கு முன்பு வெள்ளைச்சாமி உயிரிழந்தார். இந்த நிலையில், தனலட்சுமி கடலூரில் தங்கியிருந்து கூலி வேலை செய்து வந்தார். அப்போது, கடலூர் முதுநகர் குட்டக்காரத் தெருவைச் சேர்ந்த பெயின்டர் சி.சரவணனுடன் (42) பழக்கம் ஏற்பட்டது. இதனால், அவர் தனலட்சுமியை கடலூர் கூத்தப்பாக்கம் பாரதியார் நகரில் குடியிருக்க வைத்தார்.
இவர்கள் இருவருக்கும் ஞாயிற்றுக்கிழமை இரவு தகராறு ஏற்பட்டது. இந்த நிலையில், திங்கள்கிழமை அம்மிக்கல்லால் தலையில் தாக்கப்பட்ட நிலையில் தனலட்சுமி உயிரிழந்து கிடந்தார். இதுகுறித்து அந்தப் பகுதியினர் அளித்த தகவலின் பேரில், திருப்பாதிரிபுலியூர் காவல் நிலைய ஆய்வாளர் (பொ) த.ச.சரவணன் மற்றும் போலீஸார் நிகழ்விடத்துக்கு வந்து விசாரணை நடத்தினர். பின்னர், சடலத்தைக் கைப்பற்றி உடல்கூறாய்வுக்காக கடலூர் அரசு தலைமை மருத்துவமனைக்கு  அனுப்பி வைத்தனர். போலீஸார் நடத்திய விசாரணையில், தனலட்சுமியின் நடத்தையில் சரவணன் சந்தேகம் அடைந்ததும், இதுதொடர்பாக ஏற்பட்ட தகராறில் தனலட்சுமியின் தலையில் அம்மிக்கல்லைப் போட்டு கொலை செய்ததும் தெரிய வந்ததாம். சம்பவம் குறித்து போலீஸார் வழக்குப் பதிந்து சரவணனை கைது செய்தனர்.


 

]]>
http://www.dinamani.com/all-editions/edition-villupuram/cuddalore/2018/nov/20/தலையில்-அம்மிக்கல்லை-போட்டு-பெண்-கொலை-தொழிலாளி-கைது-3042096.html
3042095 விழுப்புரம் கடலூர் கஜா புயல் பாதித்த மாவட்டங்களுக்கு ரூ.13 லட்சத்தில் நிவாரணப் பொருள்கள்: கடலூரிலிருந்து அனுப்பி வைப்பு DIN DIN Tuesday, November 20, 2018 07:12 AM +0530 கஜா புயலால் பாதிக்கப்பட்ட நாகை, திருவாரூர், தஞ்சாவூர் மாவட்டங்களுக்கு ரூ.13 லட்சம் மதிப்பிலான நிவாரணப் பொருள்கள் கடலூரிலிருந்து திங்கள்கிழமை அனுப்பி வைக்கப்பட்டன.
 கடலூர் மாவட்ட நிர்வாகம் சார்பில் இந்த நிவாரணப் பொருள்கள் சேகரிக்கப்பட்டன. முதல்கட்டமாக ரூ.13 லட்சம் மதிப்பிலான நிவாரணப் பொருள்களை  நாகை, திருவாரூர், தஞ்சாவூர் மாவட்டங்களுக்கு அனுப்பி வைக்கும் நிகழ்வு கடலூர் மாவட்ட வளர்ச்சி மன்ற கூடத்தில் திங்கள்கிழமை மாலையில் நடைபெற்றது. மாவட்ட ஆட்சியர் வெ.அன்புச்செல்வன் நிவாரணப் பொருள்களை லாரிகளில் அனுப்பி வைத்தார்.
 பின்னர் அவர் கூறியதாவது: கஜா புயலால் பாதிப்புக்குள்ளான மாவட்டங்களில் அரசு சார்பில் முழு வீச்சில் நிவாரணப் பணிகள் நடைபெற்று வருகின்றன. கடலூர் மாவட்டத்தில் தனியார் தொழில் நிறுவனங்கள், தன்னார்வ தொண்டு நிறுவனங்கள், வர்த்தக நிறுவனங்கள் ஆகியவை இணைந்து ரூ.13 லட்சம் மதிப்பில் போர்வைகள், பிஸ்கட், பிரட், மெழுகுவத்தி, தலையணை, பால் பவுடர், கொசுவத்திச் சுருள், ரவை, டார்ச் லைட்,  தண்ணீர் பாட்டில், புடவைகள், துண்டுகள், சேமியா, பால் உள்பட மொத்தம் 48,871 பொருள்களை அளித்தன. 
 இந்தப் பொருள்கள் புயலால் பாதிக்கப்பட்ட பகுதிகளுக்கு அனுப்பி வைக்கப்படுகின்றன. 
இதுதரவி கூடுதலாக, நிவாரணப் பொருள்கள் சேகரிக்கப்பட்டு பாதிக்கப்பட்ட பகுதிகளுக்கு உடனடியாக அனுப்பி வைக்கப்படும் என்றார் அவர். 
மேலும், பொதுமக்கள், தனியார் தொழில் நிறுவனங்கள், தன்னார்வ தொண்டு நிறுவனங்கள், வர்த்தக நிறுவனங்கள் 
ஆகியோர் தாராளமாக நிவாரணப் பொருள்களை வழங்க வேண்டும் என்றும் கேட்டுக்கொண்டார்.
 கடலூர் சார்-ஆட்சியர் கே.எம்.சரயூ, மாவட்ட ஆட்சியரின் நேர்முக உதவியாளர் (பொது) ச.சந்தோஷினி சந்திரா, வட்டாட்சியர் நா.ஜெயக்குமார் ஆகியோர் உடனிருந்தனர்.
 

]]>
http://www.dinamani.com/all-editions/edition-villupuram/cuddalore/2018/nov/20/கஜா-புயல்-பாதித்த-மாவட்டங்களுக்கு-ரூ13-லட்சத்தில்-நிவாரணப்-பொருள்கள்-கடலூரிலிருந்து-அனுப்பி-வைப்பு-3042095.html
3042094 விழுப்புரம் கடலூர் குடும்பத் தகராறில் கத்தியால் குத்தப்பட்ட பெண் சாவு DIN DIN Tuesday, November 20, 2018 07:12 AM +0530 காட்டுமன்னார்கோவில் அருகே குடும்பத் தகராறில் மைத்துனரால் கத்தியால் குத்தப்பட்ட பெண் மருத்துவமனையில் உயிரிழந்தார்.
காட்டுமன்னார்கோவில் அருகே உள்ள ஈச்சம்பூண்டி கிராமத்தைச் சேர்ந்தவர் தவசீலன். இவரது தம்பி சதாசிவம். இவருக்கும், தவசீலன் மனைவி வெற்றிச்செல்வி (46) என்பவருக்கும்  குடும்பப் பிரச்னை காரணமாக முன்விரோதம் இருந்ததாம். இந்த நிலையில் கடந்த 11-ஆம் தேதி வெற்றிச்செல்வி தனது வீட்டின் முன் நின்றுகொண்டிருந்தார். அப்போது அங்குவந்த சதாசிவம் வெற்றிச்செல்வியை அவதூறாகப் பேசியதால் இருவருக்கும் வாய்த் தகராறு ஏற்பட்டது. 
அப்போது ஆத்திரமடைந்த சதாசிவம் கத்தியால் குத்தியதில் பலத்த காயமடைந்த வெற்றிச்செல்வி, காட்டுமன்னார்கோவில் அரசு மருத்துவமனையில் சேர்க்கப்பட்டார். பின்னர் தீவிர சிகிச்சைக்காக சிதம்பரம் ராஜா முத்தையா மருத்துவக் கல்லூரி மருத்துவமனையில் சேர்க்கப்பட்டவர், அங்கு சனிக்கிழமை இரவு உயிரிழந்தார். இதுகுறித்து அவரது மகன் கிருபாநிதி அளித்த புகாரின்பேரில் காட்டுமன்னார்கோவில் காவல் ஆய்வாளர் ஷியாம் சுந்தர் கொலை வழக்காகப் பதிவு செய்தார். போலீஸார் சதாசிவத்தை தேடி வருகின்றனர்.
 

]]>
http://www.dinamani.com/all-editions/edition-villupuram/cuddalore/2018/nov/20/குடும்பத்-தகராறில்-கத்தியால்-குத்தப்பட்ட-பெண்-சாவு-3042094.html
3042093 விழுப்புரம் கடலூர் பொதுமக்கள் குறைதீர் கூட்டம் DIN DIN Tuesday, November 20, 2018 07:12 AM +0530 கடலூர் மாவட்ட ஆட்சியரகத்தில் பொதுமக்கள் குறைதீர் நாள் கூட்டம், மாவட்ட வருவாய் அலுவலர் ஆர்.ராஜகிருபாகரன் தலைமையில் திங்கள்கிழமை நடைபெற்றது. 
கூட்டத்தில் தனிநபர், பொதுப் பிரச்னைகள் தொடர்பாக 276 மனுக்கள் அளிக்கப்பட்டன.  கூட்டத்தில், புவனகிரி வட்டத்தைச் சேர்ந்த ஆ.பக்கிரிசாமி என்ற மாற்றுத் திறனாளி, தனக்கு மாதாந்திர உதவித் தொகை கோரி மனு அளித்தார். இந்த மனுவின் மீது உடனடியாக நடவடிக்கை மேற்கொண்ட மாவட்ட வருவாய் அலுவலர், அவருக்கு வருவாய்த் துறை மூலமாக மாதம் ரூ.ஆயிரம் உதவித் தொகை  வழங்குவதற்கான ஆணையை வழங்கினார். 
அதேபோல, மாற்றுத் திறனாளிகள் நல வாரியத்திலிருந்து மாற்றுத் திறனாளியின் மகளுக்கு கல்வி உதவித் தொகை வழங்கும் திட்டத்தின்கீழ் அளிக்கப்பட்ட மனுவின் மீதும் உடனடி நடவடிக்கை மேற்கொண்டு, விருத்தாசலம் வட்டத்தை சேர்ந்த இ.அமுதா என்பவருக்கு ரூ.1,500 உதவித் தொகைக்கான காசோலையை வழங்கினார்.

]]>
http://www.dinamani.com/all-editions/edition-villupuram/cuddalore/2018/nov/20/பொதுமக்கள்-குறைதீர்-கூட்டம்-3042093.html
3042092 விழுப்புரம் கடலூர் ஆட்சியரகத்தில் தீக்குளிக்க முயன்ற கட்டட மேற்பார்வையாளர் DIN DIN Tuesday, November 20, 2018 07:11 AM +0530 கடலூர் மாவட்ட ஆட்சியரகத்தில் கட்டட மேற்பார்வையாளர் திங்கள்கிழமை தீக்குளிக்க முயன்றதால் பரபரப்பு ஏற்பட்டது. 
இந்த அலுவலகத்தில் பொதுமக்கள் குறைதீர் நாள் கூட்டம் திங்கள்கிழமை நடைபெற்றது. கூட்டத்தில் மனு அளிக்க வந்த விருத்தாசலம் வட்டம், புதுப்பேட்டை அண்ணா வீதியைச் சேர்ந்த கட்டட மேற்பார்வையாளர் மா.ராஜாராம் (49) என்பவர், திடீரென தனது உடலில் மண்ணெண்ணெய் ஊற்றி தீக்குளிக்க முயன்றார். உரிய நேரத்தில் போலீஸார் அவரை தடுத்து காப்பாற்றினர். அவரிடம் கடலூர் புதுநகர் போலீஸார்  விசாரணை நடத்தினர். 
அப்போது ராஜாராம் கூறியதாவது: கோட்டிமுனை கிராமத்தில் ஒருவரது தாயாருக்கு நினைவு மண்டபம் கட்டியதில் ரூ.3.60 லட்சம் வரை பாக்கி வைத்துள்ளார். அவரிடம் பலமுறை கேட்டும் பணம் தர மறுத்துவிட்டார். இதனால், எனக்கு கடன் கொடுத்தவர்கள் அளித்த நெருக்கடியை சமாளிக்க முடியவில்லை. இதுகுறித்து, காவல் துறை, நீதிமன்றத்தில் மனு அளித்தும் உரிய நடவடிக்கை எடுக்கப்படாததால் தீக்குளிக்கும் முயற்சியில் ஈடுபட்டதாக அவர் தெரிவித்தார்.
 

]]>
http://www.dinamani.com/all-editions/edition-villupuram/cuddalore/2018/nov/20/ஆட்சியரகத்தில்-தீக்குளிக்க-முயன்ற-கட்டட-மேற்பார்வையாளர்-3042092.html
3042091 விழுப்புரம் கடலூர் கொத்தடிமை முறையிலிருந்து மீட்கக் கோரி ஆட்சியரகத்தில் மனு DIN DIN Tuesday, November 20, 2018 07:11 AM +0530 கொத்தடிமை முறையிலிருந்து தங்களை மீட்கக் கோரி தொழிலாளி ஒருவர் குடும்பத்தினருடன் மாவட்ட ஆட்சியரகத்தில் திங்கள்கிழமை மனு அளித்தார்.
கடலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற பொதுமக்கள் குறைதீர் நாள் கூட்டத்தில், பண்ருட்டி அருகே உள்ள தட்டாம்பாளையம், சூரக்குப்பத்தைச் சேர்ந்த கரும்பு வெட்டும் தொழிலாளி ந.பரமசிவம் (57), அவரது மனைவி அஞ்சாலாட்சி (52), மகள் சுமதி (36), மருமகன் விஜயகுமார் (42) ஆகியோர் அளித்த மனு: 
கடந்த 4 ஆண்டுகளுக்கு முன்பு அதே பகுதியைச் சேர்ந்த சங்கர் என்பவரிடம் ரூ.ஒரு லட்சம் கடன் பெற்றுக்கொண்டு கரும்பு வெட்டும் வேலைக்குச் சேர்ந்தோம். அவர் எங்களை தஞ்சாவூர், மதுரை, சிவகாசி, அறந்தாங்கி, திருப்பனந்தால், ஆந்திரம் ஆகிய பகுதிகளுக்கு அழைத்துச் சென்று கரும்பு வெட்ட வைத்தார். ஒரு டன் வெட்டினால் ரூ.650 கூலி. எங்கள் குடும்பத்தினர் நாளொன்றுக்கு 3 முதல் 3.5 டன் வரை கரும்புகளை வெட்டுவோம். ஆனால் 4 ஆண்டுகளாக அவர் கூலி ஏதும் கொடுத்ததில்லை. ரூ.ஒரு லட்சம் கடனாக பெற்றதை சுட்டிக்காட்டிகூலி வழங்காமல் உணவு மட்டும் அளித்து வேலை வாங்கி வந்தார். கடந்த 4 ஆண்டுகளாக கொத்தடிமையாக எங்களது குடும்பம் பல்வேறு சிரமங்களை அனுபவித்தது. கடந்த 2 மாதங்களுக்கு முன்புதான் சொந்த ஊருக்கு வந்தோம். இந்த நிலையில், மீண்டும் உள்ளூரில் கரும்பு வெட்டும் வேலை செய்ய வேண்டுமென சங்கர் மிரட்டுகிறார். எனவே, கொத்தடிமை முறையிலிருந்து எங்களை விடுவித்து, சுதந்திரமாக வாழ வழி செய்ய வேண்டும் என்று அந்த மனுவில் குறிப்பிடப்பட்டிருந்தது. 
மனு மீது கடலூர் சார்-ஆட்சியர் விசாரணைக்கு உத்தரவிடப்பட்டுள்ளது.

]]>
http://www.dinamani.com/all-editions/edition-villupuram/cuddalore/2018/nov/20/கொத்தடிமை-முறையிலிருந்து-மீட்கக்-கோரி-ஆட்சியரகத்தில்-மனு-3042091.html
3042090 விழுப்புரம் கடலூர் ஆணவப் படுகொலை: வி.சி.க. போராட்டம் DIN DIN Tuesday, November 20, 2018 07:11 AM +0530 கிருஷ்ணகிரி மாவட்டம், ஓசூரைச் சேர்ந்த நந்தீஷ்- சுவாதி காதல் ஜோடியினர் ஆணவப் படுகொலை செய்யப்பட்டதைக் கண்டித்து, கடலூர் வடக்கு ஒன்றிய விடுதலைச்சிறுத்தைகள் கட்சி சார்பில் ரெட்டிச்சாவடியில் திங்கள்கிழமை   ஆர்ப்பாட்டம் நடைபெற்றது.
ஆர்ப்பாட்டத்துக்கு ஒன்றிய செயலர் ராமச்சந்திரன் தலைமை வகித்தார். மாவட்ட அமைப்பாளர் ச.மாரிமுத்து, நிர்வாகிகள் வீர.அறிவொளி, பூரா.பாலமுருகன், சு.சம்பத், கோ.பன்னீர்செல்வம் உள்பட பலர் கலந்து கொண்டனர்.
இதே கோரிக்கையை வலியுறுத்தி, குறிஞ்சிப்பாடி பேருந்து நிலையம் அருகே நடைபெற்ற ஆர்ப்பாட்டத்துக்கு, விசிக குறிஞ்சிப்பாடி சட்டப் பேரவை தொகுதிச் செயலர் ஜெயக்குமார் தலைமை வகித்தார். நகரச் செயலர் பாலமுருகன் வரவேற்றார். 
ஒன்றியச் செயலர் ச.ம.குரு, தொகுதி துணைச் செயலர்கள் சிற்றரசு, கோபால் ஆகியோர் முன்னிலை வகித்தனர். கடலூர் நாடாளுமன்றத் தொகுதிச் செயலர் பா.தாமரைச்செல்வன் சிறப்பு அழைப்பாளராகக் கலந்துகொண்டு கண்டன உரை நிகழ்த்தினார். கடலூர் கிழக்கு மாவட்டச் செயலர் முல்லைவேந்தன், மேற்கு மாவட்ட முன்னாள் செயலர் தயா.தமிழன்பன், மாநில நிர்வாகிகள் ஜான்சன், சுந்தர், ஒன்றியச் செயலர்கள் சிவசக்தி, இளையராஜா உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/cuddalore/2018/nov/20/ஆணவப்-படுகொலை-விசிக-போராட்டம்-3042090.html
3042089 விழுப்புரம் கடலூர் டெங்கு, பன்றிக் காய்ச்சலை தடுக்கக் கோரி இந்திய கம்யூனிஸ்ட் கட்சியினர் ஆர்ப்பாட்டம் DIN DIN Tuesday, November 20, 2018 07:10 AM +0530 பருவகால நோய் ஒழிப்புச் சட்டத்தின் கீழ் டெங்கு, பன்றிக் காய்ச்சலை சேர்க்க வேண்டும் என வலியுறுத்தி, கடலூரில் இந்திய கம்யூனிஸ்ட் கட்சியினர் திங்கள்கிழமை ஆர்ப்பாட்டத்தில் ஈடுபட்டனர்.
தமிழகத்தில் டெங்கு, பன்றிக்காய்ச்சல் நோய்கள் ஆண்டுதோறும் பெரும் பாதிப்புகளை ஏற்படுத்தி வருகின்றன. எனவே, இதுபோன்ற நோய்களை முற்றிலும் கட்டுப்படுத்தும் வகையில் நடவடிக்கை எடுக்க வேண்டும், பருவகால நோய் ஒழிப்புச் சட்டத்தின் கீழ் டெங்கு, பன்றிக் காய்ச்சலை சேர்க்க வேண்டும். 
அதன்மூலமாக கூடுதல் நிதியைப் பெற்று நோய் தடுப்பை நடைமுறைப்படுத்த வேண்டும். புயல், பலத்த மழை, பெருவெள்ளம் போன்ற இயற்கை சீற்றங்களால் தொடர்ந்து பாதிக்கப்படும் கடலூர் மாவட்டத்தை பேரிடர் மாவட்டமாக அறிவிக்க வேண்டும் ஆகிய கோரிக்கைகளை வலியுறுத்தி இந்த ஆர்ப்பாட்டம் நடைபெற்றது. 
இந்திய கம்யூனிஸ்ட் கட்சியினர் (எம்.சேகர் பிரிவு) சார்பில் நடைபெற்ற இந்த ஆர்ப்பாட்டத்துக்கு வட்டச் செயலர் ப.ஜெகரட்சகன் தலைமை வகித்தார். நகரச் செயலர் ஜி.மணிவண்ணன் வரவேற்றார். மாவட்டச் செயலர் எம்.சேகர் கோரிக்கைகளை வலியுறுத்தி உரை நிகழ்த்தினார். 
 விடுதலைச் சிறுத்தைகள் கட்சியின் மாநில அமைப்புச் செயலர் தி.ச.திருமார்பன், சட்டப் பேரவை தொகுதிச் செயலர் மு.அறிவுடைநம்பி, பொதுநல இயக்கங்களின் கூட்டமைப்பு ஒருங்கிணைப்பாளர் சி.குமார், தமிழ்நாடு மீனவர் பேரவை மாவட்டத் தலைவர் எம்.சுப்புராயன் ஆகியோர் வாழ்த்திப் பேசினர். 
இந்திய கம்யூனிஸ்ட் கட்சியின் மாவட்ட பொருளாளர் சி.கலியமூர்த்தி, மாநில நிர்வாகக் குழு உறுப்பினர்கள் ஆர்.சுப்பிரமணியன், ஆர்.சக்திவேல், ஏ.ராஜு உள்பட பலர் கலந்து 
கொண்டனர்.
 

]]>
http://www.dinamani.com/all-editions/edition-villupuram/cuddalore/2018/nov/20/டெங்கு-பன்றிக்-காய்ச்சலை-தடுக்கக்-கோரி-இந்திய-கம்யூனிஸ்ட்-கட்சியினர்-ஆர்ப்பாட்டம்-3042089.html
3041331 விழுப்புரம் கடலூர் ஜாக்டோ - ஜியோ போராட்டத்தில் பங்கேற்போம்: அரசுப் பணியாளர்கள் சங்கம் அறிவிப்பு DIN DIN Monday, November 19, 2018 01:35 AM +0530
கோரிக்கைகளை வலியுறுத்தி, ஜாக்டோ-ஜியோ கூட்டமைப்பு சார்பில் நடைபெறும் வேலைநிறுத்தப் போராட்டத்தில் தமிழ்நாடு அரசுப் பணியாளர்கள் சங்கம் பங்கேற்கும் என அதன் மாநிலத் தலைவர் உ.மா.செல்வராஜ் அறிவித்தார்.
கடலூரில் அந்தச் சங்கத்தின் மாவட்ட பொதுக்குழு கூட்டம் ஞாயிற்றுக்கிழமை நடைபெற்றது. கூட்டத்துக்கு, மாவட்டச் செயலர் ஆ.செல்வநாதன் தலைமை வகித்தார். மாநிலத் தலைவர் உ.மா.செல்வராஜ், மாநில பொதுச் செயலர் க.அறவாழி, மாநில பிரசார செயலர் என்.சுந்தர்ராஜா, ஜாஸ்மின் சங்கத்தின் மாநிலத் தலைவர் எம்.ஆர்.சிங்காரம், தமிழ்நாடு ஊரக வளர்ச்சி மற்றும் ஊராட்சி ஒன்றிய மேல்நிலை அலுவலர்கள் சங்கத்தின் மாநிலப் பொதுச் செயலர் ஆர்.ராம்குமார் ஆகியோர் கோரிக்கைகளை வலியுறுத்திப் பேசினர்.
கூட்டத்துக்குப் பிறகு உ.மா.செல்வராஜ் செய்தியாளர்களிடம் கூறிதாவது:
பழைய ஓய்வூதியத் திட்டத்தை மீண்டும் அமல்படுத்த வேண்டும், 7-ஆவது ஊதியக் குழு அறிக்கையில் அரசுப் பணியாளர்கள், ஆசிரியர்கள், ஆய்வக உதவியாளர்கள், களப் பணியாளர்கள், அமைச்சுப் பணியாளர்களின் ஊதிய முரண்பாடுகளை சரிசெய்ய வேண்டும் என்பன உள்ளிட்ட கோரிக்கைகளை வலியுறுத்தி, ஜாக்டோ-ஜியோ கூட்டமைப்பு வருகிற டிச.4-ஆம் தேதி முதல் காலவரையற்ற வேலைநிறுத்தப் போராட்டத்தை அறிவித்துள்ளது. இந்தக் கூட்டமைப்புடன் அரசுப் பணியாளர் சங்கம் இணைந்து காலவரையற்ற வேலைநிறுத்தப் போராட்டத்தில் பங்கேற்கிறது.
இதையொட்டி, சங்கம் சார்பில் வருகிற 25-ஆம் தேதி மாவட்ட தலைநகரங்களில் வேலைநிறுத்த ஆயத்த மாநாடு நடைபெறும். நவ.25 முதல் 30-ஆம் தேதி வரை அரசுப் பணியாளர்கள், ஆசிரியர்கள் சந்திப்பு நிகழ்ச்சியும், 30-ஆம் தேதி மாவட்ட தலைநகரங்களில் பெருந்திரள் ஆர்ப்பாட்டமும் நடைபெற உள்ளது என்றார் அவர். முன்னதாக, மாவட்ட அமைப்புச் செயலர் ஜி.ராஜமோகன் வரவேற்றார்.

 

]]>
http://www.dinamani.com/all-editions/edition-villupuram/cuddalore/2018/nov/19/ஜாக்டோ---ஜியோ-போராட்டத்தில்-பங்கேற்போம்-அரசுப்-பணியாளர்கள்-சங்கம்-அறிவிப்பு-3041331.html
3041330 விழுப்புரம் கடலூர் விருத்தாசலம் அரசுக் கல்லூரியில் முன்னாள் மாணவர்கள் கூட்டம் DIN DIN Monday, November 19, 2018 01:34 AM +0530
விருத்தாசலம் திரு.கொளஞ்சியப்பர் அரசுக் கல்லூரியின் முன்னாள் மாணவர்கள் ஆலோசனைக் கூட்டம் கல்லூரி வளாகத்தில் ஞாயிற்றுக்கிழமை நடைபெற்றது.
வழக்குரைஞர் பூமாலை.
குமாரசாமி தலைமையில் நடைபெற்ற இந்தக் கூட்டத்தில், கல்லூரியில் பயின்ற முன்னாள் மாணவர்களின் அமைப்பை தொடங்குவது, துறை வாரியாக நிர்வாகக் குழு அமைத்தல், துறை வாரியாக முன்னாள் மாணவர்கள் சந்திப்பு நிகழ்ச்சி நடத்துவது குறித்து ஆலோசிக்கப்பட்டது. இதையடுத்து,
திரு.கொளஞ்சியப்பர் அரசு கல்லூரி முன்னாள் மாணவர்கள் கூட்டமைப்பு என்ற பெயரில் புதிய அமைப்பு தொடங்கப்பட்டது. இந்த அமைப்புக்கு சிறப்பு தலைவராக பூமாலை.குமாரசாமி தேர்ந்தெடுக்கப்பட்டார்.
கூட்டமைப்பின் தலைவராக எழுத்தாளர் சுந்தர பாண்டியன், துணைத் தலைவராக புஷ்பதேவன், செயலராக கரு.காசிவிசுவநாதன், இணைச் செயலராக ஜெயப்பிரகாஷ், துணைச் செயலர்களாக செல்வி, செல்வமணி, பொருளாளராக ஜாகிர்உசேன் ஆகியோரும், நிர்வாகக் குழு உறுப்பினர்களாக ஜெமினி ரங்கப்பிள்ளை, வேப்பூர் ரவி, கே.ஆர்.விஸ்வநாதன், அப்துல்லா, மாய.மணிகண்டன், குபேரமணி, குமரகுரு மற்றும் செல்லதுரை, சிம்லாசங்கர், மணிமாறன், கணேஷ்குமார் ஆகியோரும் தேர்ந்தெடுக்கப்பட்டனர்.

 

]]>
http://www.dinamani.com/all-editions/edition-villupuram/cuddalore/2018/nov/19/விருத்தாசலம்-அரசுக்-கல்லூரியில்-முன்னாள்-மாணவர்கள்-கூட்டம்-3041330.html
3041329 விழுப்புரம் கடலூர் வீடுகளில் உருவாகும் குப்பையை குறைக்க வேண்டும்' DIN DIN Monday, November 19, 2018 01:34 AM +0530
வீடுகளில் உருவாகும் குப்பைகளின் அளவைக் குறைக்க வேண்டுமென விருத்தாசலம் சார்-ஆட்சியர் எம்.எஸ்.பிரசாந்த் கேட்டுக்கொண்டார்.
புதுவையில் உள்ள மத்திய அரசின் மக்கள் தொடர்பு கள அலுவலகமும், விருத்தாசலம் நகராட்சியும் இணைந்து அரசு பெண்கள் மேல்நிலைப் பள்ளியில் மகளிர் மற்றும் மாணவிகளுக்கான தூய்மை இந்தியா விழிப்புணர்வு நிகழ்ச்சியை அண்மையில் நடத்தின. பள்ளி தலைமையாசிரியை இரா.சுகந்தி தலைமை வகித்தார். நகராட்சிப் பொறியாளர் பி.பாண்டு, நகராட்சி சுகாதார அலுவலர் பெ.குமார் ஆகியோர் முன்னிலை வகித்தனர்.
மக்கள்-தொடர்பு
கள அலுவலக உதவி இயக்குநர் தி.சிவக்குமார் நோக்கவுரை ஆற்றினார். கடலூர் துணை ஆட்சியர் சா.வைத்தியநாதன் பங்கேற்று, தமிழக அரசு கொண்டு வந்துள்ள பிளாஸ்டிக் பொருள் மீதான தடை விதிகள் குறித்து மாணவிகளுக்கு எடுத்துரைத்தார். நகர ஆரம்ப சுகாதார நிலைய மருத்துவ அலுவலர் ரமா தூய்மையின் முக்கியத்துவம் குறித்தும், டெங்கு தடுப்பு நடவடிக்கைகள் குறித்தும் உரையாற்றினார்.
விவாதம், விநாடி-வினா போட்டிகளில் வெற்றி பெற்ற மாணவிகளுக்கு விருத்தாசலம் சார்-ஆட்சியர் எம்.எஸ்.பிரசாந்த் பரிசு வழங்கினார். அப்போது அவர் பேசியதாவது: குப்பையின் அளவு அதிகரிக்க, அதிகரிக்க அதை அகற்றி அப்புறப்படுத்துவதற்கான ஊழியர்களும் அதிகளவில் தேவைப்படுகின்றனர்.
இன்றைய வாழ்க்கை முறை நம் வீடுகளில் குப்பையின் அளவை அதிகரிப்பதாக உள்ளது. ஒரு முறை மட்டுமே பயன்படுத்தி வீசப்படும் பிளாஸ்டிக் உள்ளிட்ட பல்வேறு பொருள்களால் வீடுகளில் குப்பை அளவு அதிகரிக்கிறது. எனவே, மறுபயன்பாடு- மறுசுழற்சி என்பதை மாணவிகள் பழக்கப்படுத்திக் கொண்டால் தூய்மை என்பது அவர்களின் வாழ்க்கையில் ஓர் அங்கமாகிவிடும் என்றார் அவர்.
தொடர்ந்து, அனைத்து மாணவிகளும் தூய்மை இந்தியா உறுதி மொழி எடுத்துக் கொண்டனர். முன்னதாக, மாணவிகள் பங்கேற்ற விழிப்புணர்வு ஊர்வலமும் நடைபெற்றது. நிகழ்ச்சியில் பங்கேற்றவர்களுக்கு விழிப்புணர்வு வாசகங்கள் அடங்கிய துணிப்பைகள் வழங்கப்பட்டன. முன்னதாக மக்கள்-தொடர்பு கள உதவியாளர் மு.தியாகராஜன் வரவேற்க, நகராட்சியின் தூய்மை இந்தியா மேற்பார்வையாளர் கா.மணிமாறன் நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/nov/19/வீடுகளில்-உருவாகும்-குப்பையை-குறைக்க-வேண்டும்-3041329.html
3041328 விழுப்புரம் கடலூர் வாய்க்கால் ஓரம் கிடந்த பெண் குழந்தை சடலம் DIN DIN Monday, November 19, 2018 01:34 AM +0530
கடலூர் மாவட்டம், சிதம்பரம் அருகே வாய்க்கால் ஓரத்தில் கிடந்த பெண் குழந்தை சடலம் ஞாயிற்றுக்கிழமை மீட்கப்பட்டது.
சிதம்பரம் அருகே செட்டிமுட்டு கான்சாகிப் வாய்க்கால் ஓரத்தில், சுமார் 7 மாத பெண் குழந்தை சடலம் ஞாயிற்றுக்கிழமை காலையில் கிடந்தது. இதுகுறித்து அந்தப் பகுதியினர் அளித்த தகவலின் பேரில், கிராம நிர்வாக அலுவலர் கோடீஸ்வரி சிதம்பரம் தாலுகா காவல் நிலையத்தில் புகார் அளித்தார். இதையடுத்து, உதவி ஆய்வாளர் ராஜ்மோகன் குழந்தையின் சடலத்தை மீட்டு பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தார். குழந்தை யாருக்குச் சொந்தமானது, உயிரிழந்ததற்கான காரணம் குறித்து போலீஸார் விசாரித்து வருகின்றனர்.

 

]]>
http://www.dinamani.com/all-editions/edition-villupuram/cuddalore/2018/nov/19/வாய்க்கால்-ஓரம்-கிடந்த-பெண்-குழந்தை-சடலம்-3041328.html
3041327 விழுப்புரம் கடலூர் விடுதலைச் சிறுத்தைகள் கட்சியினர் ஆர்ப்பாட்டம் DIN DIN Monday, November 19, 2018 01:34 AM +0530
கடலூர் தெற்கு மாவட்ட விடுதலைச் சிறுத்தைகள் கட்சி சார்பில் சிதம்பரத்தில்காந்தி சிலை அருகே ஞாயிற்றுக்கிழமை கண்டன ஆர்ப்பாட்டம் நடைபெற்றது.
காதல் திருமணம் செய்துகொண்ட கிருஷ்ணகிரி மாவட்டத்தைச் சேர்ந்த சுவாதி - நந்தீஷ் ஆகியோரது படுகொலையைக் கண்டித்தும், இதுகுறித்து காவல் துறை உரிய நடவடிக்கை எடுத்து, சம்பவத்தில் தொடர்புடையோரை கைது செய்ய வலியுறுத்தியும் இந்த ஆர்ப்பாட்டம் நடைபெற்றது.
ஆர்ப்பாட்டத்துக்கு கட்சியின் மாவட்டச் செயலர் பால.அறவாழி தலைமை வகித்தார். செய்தி தொடர்பாளர் பெரு.திருவரசு முன்னிலை வகித்தார். கட்சி
நிர்வாகிகள் செல்வமணி, கோவி.பாவாணன், குறிஞ்சிவளவன், ஆதிமூலம், கமல்ராசு, இளம்வழுதி, ராஜேஷ், வெற்றிவேந்தன், இன்பவளவன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-villupuram/cuddalore/2018/nov/19/விடுதலைச்-சிறுத்தைகள்-கட்சியினர்-ஆர்ப்பாட்டம்-3041327.html
3041326 விழுப்புரம் கடலூர் பொது வேலைநிறுத்தம்: தொழில் சங்கத்தினர் ஆலோசனை DIN DIN Monday, November 19, 2018 01:33 AM +0530
பொது வேலைநிறுத்தம் தொடர்பாக, கடலூர் மாவட்ட அனைத்து தொழில்சங்கங்களின் ஆலோசனைக் கூட்டம் கடலூரில் உள்ள சிஐடியூ மாவட்டக் குழு அலுவலகத்தில் ஞாயிற்றுக்கிழமை நடைபெற்றது.
சிஐடியூ மாவட்டத் தலைவர் ஜி.பாஸ்கரன் தலைமையில் நடைபெற்ற இந்தக் கூட்டத்தில், விலைவாசி உயர்வைக் கட்டுப்படுத்துதல், வேலைவாய்ப்பை உருவாக்குதல், தொழிலாளர் சட்டங்களை முதலாளிகளுக்கு ஆதரவாக திருத்துவதை கைவிடுதல், பொதுத் துறை பங்கு விற்பனையைக் கைவிடுதல், சமவேலைக்கு சம ஊதியம் வழங்கிட வேண்டும் என்பன உள்ளிட்ட கோரிக்கைகளை முன்வைத்து, 2019-ஆம் ஆண்டு ஜன.8, 9 ஆகிய தேதிகளில் நடைபெறவுள்ள அகில இந்திய பொது வேலைநிறுத்தத்தை கடலூர் மாவட்டத்தில் வெற்றி பெறச் செய்வது.
வேலைநிறுத்த கோரிக்கைகளை விளக்கி நவ.29-ஆம் தேதி கடலூரில் கருத்தரங்கம் நடத்துவது. டிச.7 முதல் ஜன.7-ஆம் தேதி வரை ஆலை வாயில்கூட்டங்கள், தெருமுனைக்கூட்டங்கள் நடத்துவது. டிச.17 முதல் 23-ஆம் தேதிக்குள் நிறுவனங்களுக்கு வேலைநிறுத்த நோட்டீஸ் அளிப்பது. அகில இந்திய பொது வேலைநிறுத்தம் நடைபெறும் ஜன.8, 9-ஆம் தேதிகளில் மாவட்டம் முழுவதும் மறியல் போராட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் சிஐடியூ மாவட்டச்செயலர் பி.கருப்பையன், தொமுச மாவட்ட கவுன்சில் செயலர் மு.சு.பொன்முடி, ஐஎன்டியூசி மாவட்ட கவுன்சில் பொதுச் செயலர் எஸ்.ஜி.சுகுமார், மாவட்டச் செயலர் ஐ.முருகன், ஏஐடியூசி மாவட்ட செயலர் பி.துரை, ஏஐயூடியூசி மாவட்டக்குழு பி.பாபு, எச். எம்.எஸ் மாவட்ட செயலர் சரவணன் ஆகியோர் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2018/nov/19/பொது-வேலைநிறுத்தம்-தொழில்-சங்கத்தினர்-ஆலோசனை-3041326.html
3041325 விழுப்புரம் கடலூர் கூட்டுறவு சங்கங்கள் தாராளமாகக் கடன் வழங்க வேண்டும்: அமைச்சர் எம்.சி.சம்பத் DIN DIN Monday, November 19, 2018 01:33 AM +0530
கூட்டுறவு கடன் சங்கங்கள் தாராளமாகக் கடன் வழங்க வேண்டுமென மாநில தொழில் துறை அமைச்சர் எம்.சி.சம்பத் கூறினார்.
கடலூர் மாவட்ட கூட்டுறவுத் துறை சார்பில் 65-ஆவது அனைத்திந்திய கூட்டுறவு வார விழா கடலூரில் ஞாயிற்றுக்கிழமை நடைபெற்றது.
விழாவுக்கு மாவட்ட ஆட்சியர் வெ.அன்புச்செல்வன் தலைமை வகித்தார். தமிழக தொழில் துறை அமைச்சர் எம்.சி.சம்பத் சிறப்பு அழைப்பாளராகப் பங்கேற்று தனி நபர்கள், சுய உதவிக் குழுவினர் மற்றும் நிறுவனத்தினர் 244 பேருக்கு ரூ.3.08 கோடி மதிப்பிலான கடனுதவிகளை வழங்கினார்.
மேலும், கூட்டுறவு வார விழாவை முன்னிட்டு பள்ளி, கல்லூரிகளில் நடைபெற்ற பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசுகள், சிறந்த கூட்டுறவுச் சங்கங்களுக்கு கேடயங்களை வழங்கினார். பின்னர் அமைச்சர் பேசியதாவது: கடலூர் மாவட்டத்தில் 285 கூட்டுறவுச் சங்கங்கள் அனைத்துத் தரப்பினருக்கும் சேவையாற்றி வருகின்றன. 2018-19-ஆம் ஆண்டில் 37,153 விவசாய உறுப்பினர்களுக்கு ரூ.200.91 கோடி கடன் வழங்கப்பட்டுள்ளது. இது கடந்த ஆண்டைவிட ரூ.65 கோடி கூடுதலாகும்.
இதேபோல ரூ.8.16 கோடி முதலீட்டுக் கடன், ரூ.210.85 கோடி நகைக் கடன், ரூ.6.05 கோடி சுய உதவிக்குழு கடன், சிறுவணிகக் கடன், மாற்றுத் திறனாளிகள் கடன், டாப்செட்கோ கடன், டாம்கோ கடன் உள்ளிட்ட கடன்கள் வழங்கப்படுகின்றன.
தமிழ்நாடு கூட்டுறவு விற்பனை இணையம் மூலமாக புதிய பெட்ரோல் நிலையம் அமைக்கும் பணி நடைபெற்று வருகிறது. கூட்டுறவுச் சங்கங்கள் வழங்கும் கடன்களை அதிகரிக்க வேண்டும். அப்போதுதான் கடன் பெற்று பயன்பெறுவோரின் எண்ணிக்கையும் அதிகரித்து, பொருளாதார வளர்ச்சி பெற முடியும்.
கூட்டுறவுச் சங்கத்தில் ஜனநாயக முறையில் தேர்தல் நடத்தியவர் முன்னாள் முதல்வர் ஜெயலலிதா.
அவர்தான் கூட்டுறவு சங்கத் தேர்தலை நடத்திட ஆணையம் அமைத்தவர். கூட்டுறவுச் சங்கத் தலைவர்கள் சிறப்பாகப் பணியாற்றினால்தான் சங்கம் வளர்ச்சி அடையும். அதன் மூலமாக விவசாயிகள், கிராமப்புற தொழிலாளர்கள் அனைவரும் வளர்ச்சி பெறுவார்கள். எனவே, தங்களது பொறுப்பை கூட்டுறவாளர்கள் உணர்ந்து செயல்பட வேண்டும் என்றார் அமைச்சர்.
முன்னதாக மண்டல இணைப் பதிவாளர் சொ.இளஞ்செல்வி வரவேற்றார். மாவட்ட மத்திய கூட்டுறவு வங்கி மேலாண்மை இயக்குநர் வ.சி.கோமதி திட்ட விளக்கவுரையாற்றினார்.
மாவட்ட மத்திய கூட்டுறவு வங்கி முன்னாள் தலைவர் பி.ரவிச்சந்திரன், கூட்டுறவு ஒன்றிய முன்னாள் தலைவர் ரா.வெ.பெருமாள்ராஜா, கடலூர் நகராட்சி முன்னாள் தலைவர் ஆர்.குமரன், முன்னாள் துணைத் தலைவர் ஜி.ஜெ.குமார், முன்னாள் கவுன்சிலர் வ.கந்தன், நிர்வாகி கே.ஆர்.பாலகிருஷ்ணன், கூட்டுறவு ஒன்றிய மேலாண்மை இயக்குநர் த.தனராஜா உள்ளிட்டோர் பங்கேற்றனர். துணைப் பதிவாளர் பா.வெங்கடாசலபதி நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2018/nov/19/கூட்டுறவு-சங்கங்கள்-தாராளமாகக்-கடன்-வழங்க-வேண்டும்-அமைச்சர்-எம்சிசம்பத்-3041325.html
3041324 விழுப்புரம் கடலூர் 2 கோயில்களில் உண்டியல் திருட்டு DIN DIN Monday, November 19, 2018 01:33 AM +0530
திட்டக்குடி அருகே 2 கோயில்களில் உண்டியல்களை உடைத்து காணிக்கை பணம், அம்மன் கழுத்திலிருந்த நகையை திருடியவர்களை போலீஸார் தேடி வருகின்றனர்.
திட்டக்குடி அருகே உள்ள மேல ஆதனூர் கிராமத்தில் மாரியம்மன் கோயில் அமைந்துள்ளது.
இந்தக் கோயிலில் கடந்த அக்.22-ஆம் தேதி குடமுழுக்கு நடைபெற்றது. இந்த நிலையில், சனிக்கிழமை இரவு கோயில் நடை பூட்டப்பட்ட நிலையில், ஞாயிற்றுக்கிழமை கோயிலை திறக்க அதன் பூசாரி வந்தார்.
அப்போது, கோயில் உண்டியல் மற்றும் அருகேயிருந்த அய்யனார் கோயில் உண்டியல் திருடுபோனது தெரியவந்தது. மேலும், திருடப்பட்ட உண்டியல்கள் அருகே வயல்வெளியில் வைத்து உடைக்கப்பட்டு காணிக்கை பணம் திருடுபோயிருந்தது.
மாரியம்மன் கழுத்தில் கிடந்த அரை பவுன் தாலியையும் மர்ம நபர்கள் திருடிச் சென்றது தெரிந்தது. இதுகுறித்த புகாரின் பேரில் ராமநத்தம் போலீஸார் விசாரித்து வருகின்றனர்.

 

]]>
http://www.dinamani.com/all-editions/edition-villupuram/cuddalore/2018/nov/19/2-கோயில்களில்-உண்டியல்-திருட்டு-3041324.html
3041323 விழுப்புரம் கடலூர் புயல் பாதிப்பு சீரமைப்புப் பணியின் போதுமின் கம்பம் உடைந்து மின் ஊழியர் சாவு: உறவினர்கள் போராட்டம் DIN DIN Monday, November 19, 2018 01:33 AM +0530
கடலூர் மாவட்டம், காட்டுமன்னார்கோவிலில் கஜா புயல் பாதிப்பு சீரமைப்புப் பணியின்போது, மின் கம்பம் உடைந்து விழுந்ததில் மின் வாரிய ஒப்பந்த ஊழியர் உயிரிழந்தார். அவரது சடலத்தை வாங்க மறுத்து உறவினர்கள், மார்க்சிஸ்ட் கம்யூனிஸ்ட் கட்சியினர் சனிக்கிழமை இரவு முழுவதும் தொடர் போராட்டத்தில் ஈடுபட்டனர்.
காட்டுமன்னார்கோவில் அருகே உள்ள கீழகடம்பூர் கிராமத்தைச் சேர்ந்தவர் சோமசுந்தரம் (50). காட்டுமன்னார்கோவில் துணை மின் நிலையத்தில் ஒப்பந்த ஊழியராக கடந்த 15 ஆண்டுகளாக பணியாற்றி வந்தார். கஜா புயலால் அந்தப் பகுதியில் உள்ள ஜெயராம் நகரில் மின் கம்பங்களில் தாழ்ந்த நிலையில் தொங்கிய மின் கம்பிகளை சரிசெய்யும் பணியில் கடந்த சனிக்கிழமை சோமசுந்தரம் ஈடுபட்டார்.
அப்போது அவர் மின் கம்பத்தில் ஏறி நின்றபடி மின் கம்பியை இழுத்த போது, அந்த மின் கம்பம் திடீரென உடைந்து விழுந்ததில், அவர் கீழே விழுந்து பலத்த காயமடைந்தார். அவரை சக ஊழியர்கள் மீட்டு காட்டுமன்னார்
கோவில் அரசு மருத்துவமனையில் சேர்த்தனர். எனினும், சோமசுந்தரம் உயிரிழந்தார்.
இதுகுறித்து தகவலறிந்த அவரது உறவினர்கள், விவசாயத் தொழிலாளர்கள் சங்க மாவட்டச் செயலர் பிரகாஷ், மார்க்சிஸ்ட் கம்யூனிஸ்ட் கட்சியின் வட்டச் செயலர் இளங்கோவன், சிஐடியூ தொழில்சங்கத்தினர் மருத்துவமனையை முற்றுகையிட்டு ஆர்ப்பாட்டத்தில் ஈடுபட்டனர்.
தரமற்ற மின் கம்பங்களை கொள்முதல் செய்ததால் இந்த விபத்து நிகழ்ந்துள்ளது. எனவே, உயிரிழந்த மின் ஊழியரின் குடும்பத்துக்கு ரூ.20 லட்சம் இழப்பீடு, அவரது குடும்பத்தில் ஒருவருக்கு மின் துறையில் பணி, ஈமச் சடங்கு நிதி வழங்க வேண்டும் என வலியுறுத்தி சடலத்தை வாங்க மறுத்து போராட்டத்தில் ஈடுபட்டனர். ஆனால், இந்தக் கோரிக்கைகளை அதிகாரிகள் பரிசீலிக்கவில்லை.
இருப்பினும், போராட்டக் குழுவினர் சனிக்கிழமை இரவு முழுவதும் மருத்துவமனை முன் அமர்ந்து தொடர் போராட்டத்தில் ஈடுபட்டனர். ஞாயிற்றுக்கிழமை மதியம் வரை போராட்டம் தொடர்ந்தது.
காட்டுமன்னார்கோவில் வட்டாட்சியர் சிவகாமசுந்தரி தலைமையில் மருத்துவமனை வளாகத்தில் அமைதிப் பேச்சுவார்த்தை நடைபெற்றது. இதில், சிதம்பரம் கோட்ட மின் துறை செயற்பொறியாளர் சுந்தரம், சிஐடியூ (மின் துறை) மாநிலச் செயலர் பழனிவேல், கரும்பு விவசாயிகள் சங்கத் தலைவர் ஆதிமூலம் மற்றும் மார்க்சிஸ்ட் கம்யூனிஸ்ட் கட்சியினர், உயிரிழந்த ஊழியரின் உறவினர்கள் பங்கேற்றனர்.
பேச்சுவார்த்தை முடிவில், உயிரிழந்த ஊழியரின் குடும்பத்துக்கு ரூ.20 லட்சம் நிவாரணம், அவரது குடும்பத்தில் ஒருவருக்கு மின் வாரியத்தில் பணி வழங்குவது குறித்து அரசுக்கு பரிந்துரை அனுப்ப முடிவு செய்யப்பட்டது. மேலும், ஈமச் சடங்கு நிதியாக ரூ.25 ஆயிரம் வழங்கப்பட்டது. இதையடுத்து போராட்டம் கைவிடப்பட்டது. ஊழியரின் சடலத்தை உறவினர்கள் பெற்றுச் சென்றனர்.

 

]]>
http://www.dinamani.com/all-editions/edition-villupuram/cuddalore/2018/nov/19/புயல்-பாதிப்பு-சீரமைப்புப்-பணியின்-போதுமின்-கம்பம்-உடைந்து-மின்-ஊழியர்-சாவு-உறவினர்கள்-போராட்டம்-3041323.html
3041322 விழுப்புரம் கடலூர் வீரட்டானேஸ்வரர் கோயிலில் இன்று சோமவார விழா DIN DIN Monday, November 19, 2018 01:32 AM +0530
பண்ருட்டி, திருவதிகை வீரட்டானேஸ்வரர் கோயிலில் கார்த்திகை மாத முதல் சோமவார விழா திங்கள்கிழமை நடைபெற உள்ளது.
பிரசித்திபெற்ற இந்தக் கோயிலில் ஆண்டுதோறும் கார்த்திகை மாதம் சோமவார வழிபாடு சிறப்பாக நடைபெறுவது வழக்கம். அதன்படி, நிகழாண்டு கார்த்திகை மாத முதல் சோமவார விழா திங்கள்கிழமை நடைபெற உள்ளது. இதனை முன்னிட்டு, காலை 11 மணியளவில் பஞ்ச மூர்த்திகளுக்கு சிறப்பு அபிஷேக, ஆராதனையும், பிற்பகல் 2 மணிக்கு 1,008 சங்காபிஷேகமும் நடைபெற உள்ளது.
தொடர்ந்து மாலை 6 மணிக்கு சிறப்பு மேளக் கச்சேரியும், இரவு 8 மணிக்கு வீரட்டானேஸ்வரர், பெரியநாயகி அம்பாள் வெள்ளி ரிஷப வாகனத்தில் மாட வீதி உலாவும் நடைபெற உள்ளது. இதற்கான ஏற்பாடுகளை கோயில் நிர்வாகத்தினர் செய்துள்ளனர்.

 

]]>
http://www.dinamani.com/all-editions/edition-villupuram/cuddalore/2018/nov/19/வீரட்டானேஸ்வரர்-கோயிலில்-இன்று-சோமவார-விழா-3041322.html
3041321 விழுப்புரம் கடலூர் திருத்துறையூர் கோயிலில் உழவாரப் பணி DIN DIN Monday, November 19, 2018 01:32 AM +0530
சிதம்பரம் அப்பர் உழவாரப் பணி மன்றம் சார்பில், பண்ருட்டி அருகே திருத்துறையூர் கிராமத்தில் அமைந்துள்ள ஸ்ரீசிவலோகநாயகி சமேத ஸ்ரீசிஷ்ட குருநாதேஸ்வரர் கோயிலில் உழவாரப் பணி ஞாயிற்றுக்கிழமை நடைபெற்றது.
மன்ற நிர்வாகிகள் என்.காளிதாஸ், ஜோதி மகாலிங்கம், முத்தையன், கண்ணன், நளினி, நடராஜன், கலியமூர்த்தி, ராமச்சந்திரன் உள்ளிட்ட 60-க்கும் மேற்பட்ட சிவத் தொண்டர்கள் நிகழ்வில் பங்கேற்று, கோயில் வளாகத்தில் உள்ள செடி, கொடிகள் முள்புதர்களை அகற்றினர். கோயில் வளாகத்தையும், சந்நிதிகளையும் நீரினால் கழுவி சுத்தம் செய்தனர்.
உழவாரப் பணியை முன்னிட்டு கோயிலில் சிவபூஜை, திருமுறைகள் முற்றோதல் நிகழ்ச்சி, சிறப்பு அபிஷேக, ஆராதனை நடைபெற்றது. உழவாரப் பணிக்கான ஏற்பாடுகளை மன்றச் செயலர் வீ.சந்திரசேகரன் செய்திருந்தார்.

 

]]>
http://www.dinamani.com/all-editions/edition-villupuram/cuddalore/2018/nov/19/திருத்துறையூர்-கோயிலில்-உழவாரப்-பணி-3041321.html
3041320 விழுப்புரம் கடலூர் கடற்கரையில் காவல் துறை இசைக் குழுவினரின் நிகழ்ச்சி: எஸ்.பி. பார்வையிட்டார் DIN DIN Monday, November 19, 2018 01:32 AM +0530
கடலூர் வெள்ளிக் கடற்கரையில் காவல் துறை இசைக் குழுவினரின் இசை நிகழ்ச்சி ஞாயிற்றுக்கிழமை நடைபெற்றது. இதை மாவட்ட எஸ்பி ப.சரவணன் பார்வையிட்டார்.
காவல் துறையில் பணியாற்றும் இசைக் கலைஞர்களைக் கொண்டு போலீஸ் பேண்டு இசைக் குழு' அமைக்கப்பட்டுள்ளது. இந்தக் குழுவினர் சுதந்திர தினம், குடியரசு தினம் போன்ற நிகழ்வுகளில் நடைபெறும் அணிவகுப்பு மரியாதைகளின்போது தேசிய கீதம் இசைத்தபடி அணிவகுத்துச் செல்வார்கள். இந்த இசைக் குழுவினர் மற்ற நாள்களில் காவல் துறை பணிகளில் ஈடுபடுவர்.
இந்த நிலையில், மாவட்ட காவல் கண்காணிப்பாளர் ப.சரவணன், இந்தக் குழுவினரை சனி, ஞாயிற்றுக் கிழமைகளில் தேவனாம்பட்டினம் வெள்ளிக் கடற்கரையில் மாலை வேளையில் இசை நிகழ்ச்சி நடத்த உத்தரவிட்டார். அதன்படி, கடந்த சில வாரங்களாக இசை நிகழ்ச்சி நடைபெற்று வருகிறது. கஜா புயலின் தாக்கத்தால் சனிக்கிழமை நடைபெறாத இந்த இசை நிகழ்ச்சி ஞாயிற்றுக்கிழமை நடைபெற்றது. மாவட்ட காவல் கண்காணிப்பாளர் ப.சரவணன் இசை நிகழ்ச்சி நடைபெறும் இடத்துக்கு நேரில் சென்று அதனைப் பார்வையிட்டார். தொடர்ந்து, தேவனாம்பட்டினம் கடற்கரையில் உள்ள புறக்காவல் நிலையத்தை ஆய்வு செய்தார். அப்போது, கஜா புயலுக்கு பெயர்ந்து விழுந்த மதில்சுவரை பார்வையிட்டார்.

 

]]>
http://www.dinamani.com/all-editions/edition-villupuram/cuddalore/2018/nov/19/கடற்கரையில்-காவல்-துறை-இசைக்-குழுவினரின்-நிகழ்ச்சி-எஸ்பி-பார்வையிட்டார்-3041320.html
3041319 விழுப்புரம் கடலூர் புயலிலும் களையிழக்காத புத்தகக் கண்காட்சி!: மாணவர்கள், பொதுமக்கள் ஆர்வம் DIN DIN Monday, November 19, 2018 01:32 AM +0530
கடலூரில் நடைபெறும் புத்தகக் கண்காட்சி கஜா புயலிலும் களையிழக்காமல் மக்களின் ஆதரவுடன் நடைபெற்று வருகிறது.
கடலூர் மாவட்ட நிர்வாகம், இந்திய மருத்துவர் சங்கம், நம்ம கடலூர், கடலூர் சிறகுகள், அரிமா, ரோட்டரி சங்கம் ஆகிய அமைப்புகள் சார்பில் கடலூர் நகர அரங்கில் 2-ஆம் ஆண்டு தேசிய குழந்தைகள் புத்தகத் திருவிழா கடந்த 14-ஆம் தேதி தொடங்கியது. ஒரு லட்சம் புத்தகம், ஒரு லட்சம் குழந்தைகள்' என்ற வாசகத்துடன் நடைபெற்று வரும் இந்தப் புத்தகத் திருவிழாவில் இந்திய அளவிலான புத்தக பதிப்பகத்தார் முதல் மாநில அளவிலான பதிப்பகத்தார் வரை பங்கேற்று தங்களது படைப்புகளை காட்சி மற்றும் விற்பனைக்கு வைத்துள்ளனர்.
புத்தகத் திருவிழாவில், மாணவர்களுக்கான தனித் திறன் போட்டிகள், புத்தக வெளியீடு, கோளரங்கம், குழந்தைகள் திரைப்பட விழா, கலை நிகழ்ச்சிகள், குழந்தை எழுத்தாளர்கள், பல்வேறு அறிஞர்களின் சிறப்புரை உள்ளிட்ட பல்வேறு நிகழ்ச்சிகளும் இடம் பெற்றுள்ளன. மேலும், பல்வேறு விளையாட்டு உபகரணங்கள், உணவுப் பொருள்கள் விற்பனையும் கண்காட்சிக்கு கூடுதல் வலுசேர்த்து வருகிறது.
புத்தகக் கண்காட்சி தொடங்கிய நாளிலேயே கஜா புயலின் எச்சரிக்கையும் அறிவிக்கப்பட்டு நடவடிக்கைகள் தொடங்கிவிட்டன. தொடர்ந்து, 15, 16-ஆம் தேதிகளில் பள்ளிகளுக்கு விடுமுறை அளிக்கப்பட்ட நிலையில், சனி, ஞாயிற்றுக்கிழமையும் விடுமுறையாக அமைந்துவிட்டது. கண்காட்சியில் தொடங்கிய முதல் 5 நாள்களில், 4 நாள்கள் விடுமுறையாக அமைந்து விட்டபோதிலும் இந்தக் கண்காட்சிக்கு மாணவர்கள், பொதுமக்களின் வருகை குறையவில்லையென்றார் கண்காட்சி ஒருங்கிணைப்பாளர் என்.ஜனார்த்தனன்.
கண்காட்சியில் அரங்கு அமைத்துள்ள ராஜபாளையம் அன்னை ஆர் வெளியீட்டாளர் பா.ராஜபாண்டியன் கூறியதாவது: 2-ஆவது ஆண்டாக புத்தகத் திருவிழாவில் பங்கேற்கிறோம். கடந்த ஆண்டில் அதிகமான வரவேற்பு இருந்தது. தற்போது புயல் எச்சரிக்கையால் யாரும் அரங்கிற்கு வரமாட்டார்கள் என்றே எதிர்பார்த்திருந்தேன். ஆனால், பொதுமக்கள் தங்களது குழந்தைகளை கண்காட்சிக்கு திரளாக அழைத்து வந்திருந்தது ஆச்சரியத்தை ஏற்படுத்தியது. இந்தப் பகுதியினர் பல்வேறு இயற்கை இடர்பாடுகளை சந்தித்து வருவதால் அதிலிருந்து விரைவாக மீளும் திறனையும் பெற்றிருப்பது வியப்பளிக்கிறது. எனவே, பள்ளி திறந்த உடன் அதிகமானவர்கள் வருவார்கள் என்று எதிர்பார்ப்பதாக கூறினார்.
பல்வேறு வகையான புத்தகங்கள் கண்காட்சியில் இடம்பெற்றுள்ள போதிலும் பாடங்கள் தொடர்பான புத்தகங்களுக்கு அதிக வரவேற்பு இருப்பதாக அரங்கு அமைத்திருப்பவர்கள் தெரிவித்தனர்.
இந்தக் கண்காட்சியில் அறிவுசார் அங்காடியில் மாணவர்களின் அறிவியல் கண்டுபிடிப்புகளுக்குத் தேவையான அனைத்து உதிரிபாகங்களும் கிடைப்பது கூடுதல் சிறப்பு. எனவே, அனைத்து மாணவ, மாணவிகளும், பொதுமக்களும் இந்தக் கண்காட்சியை காண்பது அவசியம். கண்காட்சி வருகிற 21-ஆம் தேதி வரை நடைபெறுகிறது.

 

]]>
http://www.dinamani.com/all-editions/edition-villupuram/cuddalore/2018/nov/19/புயலிலும்-களையிழக்காத-புத்தகக்-கண்காட்சி-மாணவர்கள்-பொதுமக்கள்-ஆர்வம்-3041319.html
3041318 விழுப்புரம் கடலூர் கஜா புயல்: ஏ.புதூரில் 40 வீடுகள் சேதம் DIN DIN Monday, November 19, 2018 01:31 AM +0530
கஜா புயலால் ஏ.புதூர் கிராமத்தில் சுமார் 40 வீடுகள் பகுதியளவு சேதமடைந்தது தெரியவந்துள்ளது.
கஜா புயல் நாகை அருகே வெள்ளிக்கிழமை கரையைக் கடந்த நிலையில், பண்ருட்டி ஒன்றியத்துக்கு உள்பட்ட வேகாக்கொல்லை, சிறுதொண்டமாதேவி, எஸ்.புதுகுப்பம், ஏ.புதூர் பகுதிகளில் பாதிப்புகளை ஏற்படுத்தியுள்ளது. இந்தப் பகுதியில் புயலால் சுமார் 100 ஹெக்டேர் பரப்பளவில் முந்திரி, பலா, வாழை உள்ளிட்ட மரங்கள் சேதமடைந்தன. சேத விவரங்களை கணக்கெடுக்கும் பணியில் தோட்டக்கலை மற்றும் வருவாய்த் துறையினர் ஈடுபட்டுள்ளர். மேலும், இந்தப்பகுதியில் புயலால் ஏராளமான வீடுகளும் சேதமடைந்துள்ளன.
குறிப்பாக, பண்ருட்டி ஒன்றியம், அரசடிக்குப்பம் ஊராட்சி, ஏ.புதூர் கிராமத்தில் கூரை வீடுகள் அதிகளவில் சேதமடைந்தன. இதனால் பாதிக்கப்பட்ட மக்கள் கூரை வீட்டின் மேல் பகுதியில் தார்ப் பாய்களை கட்டி வசித்து வருகின்றனர். தானே புயல் கடந்து சென்ற தடத்திலேயே கஜா புயலும் பாதிப்பை ஏற்படுத்தியுள்ளதாக அந்தப் பகுதியினர் தெரிவித்தனர்.
புயலால் பாதிக்கப்பட்ட பகுதிகளை நெய்வேலி எம்எல்ஏ
சபா.ராஜேந்திரன், வட்டாட்சியர் எம்.ஆறுமுகம், மண்டல துணை வட்டாட்சியர் சிவராமன், மருங்கூர் குறுவட்ட வருவாய் ஆய்வாளர் ராஜலிங்கம் ஆகியோர் சனிக்கிழமை நேரில் பார்வையிட்டு ஆய்வு செய்தனர். இதுகுறித்து வட்டாட்சியர் எம்.ஆறுமுகம் கூறியதாவது: இந்தப் பகுதியில் புயலால் சுமார் 40-க்கும் மேற்பட்ட வீடுகள் பகுதியளவில் சேதமடைந்துள்ளன. இதுகுறித்து கணக்கெடுக்கும் பணியில் வருவாய்த் துறை, வேளாண்மைத் துறை மற்றும் தோட்டக்கலைத் துறையினர் ஈடுபட்டுள்ளனர். சேதமடைந்த வீடுகளுக்கு அரசு நிவாரண உதவி பெற்றுத் தர நடவடிக்கை எடுக்கப்படும் என்றார் அவர்.

 

]]>
http://www.dinamani.com/all-editions/edition-villupuram/cuddalore/2018/nov/19/கஜா-புயல்-ஏபுதூரில்-40-வீடுகள்-சேதம்-3041318.html
3040740 விழுப்புரம் கடலூர் தடுப்புக் காவலில் சாராய வியாபாரி  கைது DIN DIN Sunday, November 18, 2018 02:07 AM +0530 தடுப்புக் காவலில் சாராய வியாபாரி  கைது செய்யப்பட்டார்.
கடலூர் புதுநகர் காவல் நிலைய போலீஸார் கடந்த அக்.31-ஆம் தேதி புதுப்பாளையம் பகுதியில்  ஆய்வு செய்தனர். அப்போது, பா.சரவணன் (47)  என்பவரது வீட்டின் தோட்டத்தின் பின்புறம் மறைத்து வைத்திருந்த 120 லிட்டர் சாராயத்தை பறிமுதல் செய்தனர். தொடர்ந்து அவர் மீது நடத்தப்பட்ட விசாரணையில், கடலூர் புதுநகர் காவல் நிலையம், கடலூர் மதுவிலக்கு அமல்பிரிவில் 17 சாராய வழக்குகள் நிலுவையில் இருப்பது தெரியவந்தது. மேலும் கடலூர் புதுநகர் காவல் நிலையத்தில் மதுவிலக்கு போக்கிரி பதிவேடும் பராமரிக்கப்பட்டு வருகிறது.
இவரது குற்ற செய்கையைக் கட்டுப்படுத்தும் பொருட்டு குண்டர் தடுப்புக் காவல் சட்டத்தில் கைது செய்ய வேண்டுமென மாவட்ட ஆட்சியருக்கு காவல் கண்காணிப்பாளர் ப.சரவணன் பரிந்துரைத்தார். அதன்பேரில் மாவட்ட ஆட்சியர் வெ.அன்புச்செல்வன் அதற்கான உத்தரவைப் பிறப்பித்ததை தொடர்ந்து ஓராண்டு காலம் சிறையில் அடைக்கும் வகையில் பா.சரவணன்  தடுப்புக் காவலில் கைதுசெய்யப்பட்டார்.
 

]]>
http://www.dinamani.com/all-editions/edition-villupuram/cuddalore/2018/nov/18/தடுப்புக்-காவலில்-சாராய-வியாபாரி--கைது-3040740.html
3040739 விழுப்புரம் கடலூர் வணிக நிறுவனங்கள்: தமிழில் பெயர்ப் பலகை அமைக்க ஆட்சியர் அறிவுறுத்தல் DIN DIN Sunday, November 18, 2018 02:07 AM +0530 வணிக நிறுவனங்களில் தமிழிலேயே பெயர்ப் பலகை அமைக்கப்பட வேண்டும் என மாவட்ட ஆட்சியர் வெ.அன்புச்செல்வன் அறிவுறுத்தினார். 
இதுகுறித்து அவர் வெளியிட்ட செய்திக்குறிப்பில் கூறியிருப்பதாவது: கடலர் மாவட்டத்திலுள்ள கடைகள், தொழில்சாலைகள், உணவகங்கள் உள்ளிட்ட அனைத்து வகையிலான வணிக நிறுவனங்களின், பெயர்ப் பலகைகளில் நிறுவனத்தின் பெயர் கட்டாயமாக முதலில் தமிழிலும் அதற்கடுத்து தேவைப்பட்டால் ஆங்கிலம் மற்றும் பிறமொழிகளிலும் இடம் பெறுமாறு அமைத்திடுதல் வேண்டும்.  
மேலும் எழுத்துக்களின் அளவு தமிழ், ஆங்கிலம், பிறமொழி ஆகியவை முறையே 5:3:2 என்ற விகிதத்தில் அமைதல் வேண்டும். 
தமிழ் மற்றும் ஆங்கிலம் மட்டும் பயன்படுத்தும் நேர்வில் முறையே 5:3 என்ற விகிதத்தில் அமைதல் வேண்டும்.  
இதுதொடர்பாக அரசு வெளியிட்டுள்ள அரசாணையை செயல்படுத்துவதற்கு சென்னை உயர்நீதிமன்ற மதுரை கிளையும்  ஆணையிட்டுள்ளது.
 எனவே, வணிக நிறுவனங்களில் பெயர்ப் பலகைகளை அமைத்திடுவதற்கு, கடலூர் மாவட்டத்திலுள்ள கடைகள், தொழில்சாலைகள், உணவகங்கள் உள்ளிட்ட அனைத்து வகை வணிக நிறுவனங்களும் நடவடிக்கை மேற்கொள்ளுதல் வேண்டும். 
பெயர்ப் பலகைகள் உரிய முறையில் உள்ளனவா? என தமிழ் வளர்ச்சித் துறை அலுவலர்கள், தொழிலாளர் நலத் துறை அலுவலர்கள் ஆய்வு மேற்கொள்வார்கள். 
விதிமுறைப்படி பெயர்ப் பலகை அமைத்திடாத நிறுவனங்களுக்குத் தண்டத்தொகை விதிக்கப்பெறும்.  எனவே, தமிழ் வளர்ச்சிக்கு அரசின் பங்களிப்பு மட்டுமின்றி, வணிகர்களும் தங்களின் பங்களிப்பை அளிக்கும் விதமாக உடனடியாக பெயர்ப் பலகைகளை தமிழில் அமைத்திட, கடலூர் மாவட்டத்திலுள்ள அனைத்து வணிக நிறுவனங்களும் நடவடிக்கை மேற்கொள்ள வேண்டும் என ஆட்சியர் அதில் தெரிவித்துள்ளார்.

]]>
http://www.dinamani.com/all-editions/edition-villupuram/cuddalore/2018/nov/18/வணிக-நிறுவனங்கள்-தமிழில்-பெயர்ப்-பலகை-அமைக்க-ஆட்சியர்-அறிவுறுத்தல்-3040739.html
3040738 விழுப்புரம் கடலூர் புயல் நிவாரண மருத்துவ முகாம் DIN DIN Sunday, November 18, 2018 02:06 AM +0530 கஜா புயலைத் தொடர்ந்து, குறிஞ்சிப்பாடி ஒன்றியத்துக்கு உள்பட்ட கடற்கரையோர ஊராட்சிகளில் மருத்துவ முகாம் சனிக்கிழமை நடைபெற்றது.
வங்கக் கடலில் உருவான கஜா புயல், வெள்ளிக்கிழமை அதிகாலை நாகை அருகே கரையைக் கடந்தது. இந்த புயல் காரணமாக கடலூர் மாவட்டத்தின் பலத்த காற்றுடன் மழை பெய்தது. இதனால் பல இடங்களில் மரங்கள், மின் கம்பங்கள் சாய்ந்தன. குறிப்பாக, கடலோர கிராமங்களில் பாதிப்புகள் ஏற்பட்டன. 
இந்த நிலையில் புயல், மழையால் நோய் தொற்று பரவாமல் தடுக்கும் வகையில், குறிஞ்சிப்பாடி ஒன்றியத்துக்கு உள்பட்ட கடற்கரையோர ஊராட்சிகளான சிறுபாளையூர், தியாகவல்லி, காயல்பட்டு, ஆதிநாராயணபுரம், ஆண்டார்முள்ளிப்பள்ளம், திருச்சபுரம், ஆலப்பாக்கம் உள்ளிட்ட ஊராட்சிகளில் புயல் நிவாரண மருத்துவ முகாம்கள் நடைபெற்றன. இந்த கிராம மக்களுக்கு மருத்துவக் குழுவினர் சிகிச்சை அளித்தனர்.
 

]]>
http://www.dinamani.com/all-editions/edition-villupuram/cuddalore/2018/nov/18/புயல்-நிவாரண-மருத்துவ-முகாம்-3040738.html
3040737 விழுப்புரம் கடலூர் கஜா புயல் மீட்புப் பணி: 3 மாவட்டங்களுக்கு பொருள்கள் அனுப்பிவைப்பு DIN DIN Sunday, November 18, 2018 02:06 AM +0530 கஜா புயல் மீட்புப் பணிக்காக கடலூர் மாவட்டத்திலிருந்து நாகை உள்ளிட்ட 3 மாவட்டங்களுக்கு மீட்புப் பொருள்கள் அனுப்பி வைக்கப்பட்டன.
வங்கக் கடலில் உருவான கஜா புயல் வெள்ளிக்கிழமை அதிகாலை நாகப்பட்டினம் மாவட்டம், வேதாரண்யத்தில் கரையைக் கடந்தது. இந்தப் புயல் முதலில் கடலூர் மாவட்டத்தில் கரையைக் கடக்கும் என எதிர்பார்க்கப்பட்டதால் மாவட்டத்தில் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டிருந்தன. ஆனால், புயலானது வேதாரண்யம் சென்றதால் மாவட்டத்தில் பெருமளவு பாதிப்பு தவிர்க்கப்பட்டது.
இதனைத் தொடர்ந்து பாதிப்புக்குள்ளான நாகப்பட்டினம், திருவாரூர், தஞ்சாவூர் மாவட்டங்களுக்கு கடலூர் மாவட்டத்திலிருந்து தேவையான மீட்பு பொருள்கள் அனுப்பி வைக்கப்பட்டுள்ளதாக மாவட்ட ஆட்சியர் வெ.அன்புச்செல்வன் கூறினார். அதன்படி, நாகப்பட்டினம், திருவாரூர் மாவட்டங்களுக்கு மரங்கள் அறுக்கும் தலா 25 இயந்திரங்கள், டீசல் ஜெனரேட்டர் ஆகியவை அனுப்பி வைக்கப்பட்டுள்ளது. தஞ்சாவூர் மாவட்டத்துக்கு மரம் அறுக்கும் 25 இயந்திரங்கள் அனுப்பப்பட்டுள்ளன. அதே நேரத்தில், கடலூர் மாவட்ட புயல் பணிக்காக வந்திருந்த 78 தேசிய பேரிடர் மீட்புப் படையினர், 2 கம்பெனியைக் கொண்ட 60 கமாண்டோ வீரர்கள், தேசிய பேரிடர் மீட்புப் பயிற்சி பெற்றிருந்த 117 தமிழ்நாடு பேரிடர் மீட்புப் படையினர் ஆகியோரும் புயலால் பாதிக்கப்பட்ட மாவட்டங்களுக்கு அனுப்பி வைக்கப்பட்டனர். தேவைப்படும் பட்சத்தில் அரசு கோரினால் கடலூர் மாவட்டத்திலிருந்து பணியாளர்களும் அனுப்பி வைக்கப்படுவார்கள் என்று ஆட்சியர் தெரிவித்தார்.

]]>
http://www.dinamani.com/all-editions/edition-villupuram/cuddalore/2018/nov/18/கஜா-புயல்-மீட்புப்-பணி-3-மாவட்டங்களுக்கு-பொருள்கள்-அனுப்பிவைப்பு-3040737.html
3040736 விழுப்புரம் கடலூர் நடிகர்களின் கட்சியால் எந்த விளைவும் ஏற்படாது: பொன்.ராதாகிருஷ்ணன் DIN DIN Sunday, November 18, 2018 02:06 AM +0530 தமிழகத்தில் நடிகர்களின் கட்சியால் எந்த விளைவும் ஏற்படாது என்று மத்திய கப்பல் போக்குவரத்துத் துறை இணை அமைச்சர் பொன்.ராதாகிருஷ்ணன் கூறினார்.
கடலூர் மாவட்டம், சிதம்பரத்தில் சனிக்கிழமை அவர் செய்தியாளர்களிடம் கூறியதாவது: "கஜா' புயல் அறிவிப்பைத் தொடர்ந்து தமிழக அரசு மேற்கொண்ட முன்னெச்சரிக்கை நடவடிக்கைகளால் பேரழிவு தடுக்கப்பட்டுள்ளது. இதற்காக தமிழக முதல்வர் அனைத்து அமைச்சர்களையும், மூத்த அதிகாரிகளையும் களத்தில் இறக்கி தக்க நடவடிக்கைகளை மேற்கொண்டதை பாராட்டுகிறேன்.
தமிழகத்தில் நடிகர்களின் கட்சியால் எந்த விளைவும் ஏற்படாது. ஆனால், சில கட்சிகள், குறிப்பாக கழகங்கள் விரைவில் காணாமல்போகும். அதுவும் நடிகர்கள் கட்சி தொடங்கியதால் அல்லாமல், அந்தந்தக் கட்சிகளின் நிலைப்பாட்டால் காணாமல் போகும். நடிகர் ரஜினிகாந்த் மக்கள் மத்தியில் உண்மையிலேயே செல்வாக்கு பெற்ற மனிதராக உள்ளார். அவரை பாஜகவுக்கு வருமாறு அழைத்துள்ளோம். வருகிற மக்களவைத் தேர்தலில் பாஜக அணி அதிக இடங்களைக் கைப்பற்றும். 
வாஜ்பாய் அரசுக்குப் பிறகு மத்தியில் 10 ஆண்டுகளாக ஆட்சி செய்த காங்கிரஸ் கட்சி தமிழகத்தில் எந்த ஒரு திட்டத்தையும் செயல்படுத்தவில்லை. தற்போதைய மத்திய பாஜக ஆட்சியில் தமிழகத்தில் சாலை மேம்பாட்டு திட்டத்துக்கு நிதி ஒதுக்கப்பட்டுள்ளது. இந்தியாவில் உள்ள 12 பெரிய துறைமுகங்களில் தமிழகத்தில் 3 துறைமுகங்கள் உள்ளன. தற்போது, புதிதாக தொடங்கப்படும் 4 துறைமுகங்களில் ஒன்று கன்னியாகுமரியில் ரூ.28 ஆயிரம் கோடியில் அமையவுள்ளது. மேலும், பாதுகாப்புத் துறை மூலம் தொடங்கப்படும் தளவாடங்கள் தயாரிக்கும் 2 ஆலைகளில் ஒன்று தமிழகத்தில் அமையவுள்ளது. ரூ.1,800 கோடியில் கன்னியாகுமரி - தூத்துக்குடி இடையே கிழக்கு கடற்கரைச் சாலைப் பணி நடைபெற்று வருகிறது என்றார் அமைச்சர் பொன்.ராதாகிருஷ்ணன்
"பாஜகவை பாம்பின் நஞ்சு உள்ள கட்சி' என தொல்.திருமாவளவன் விமர்சித்தது குறித்து, அமைச்சரிடம் செய்தியாளர்கள் கேட்டபோது, அதற்கு அவர் கூறிய பதில்: திருமாவளவனின் கட்சி பாஜகவுடன் கூட்டணி வைத்து போட்டியிட்ட கட்சி. முன்னாள் பிரதமர் வாஜ்பாய் இறந்தபோது, அன்றைய தினம் தனது பிறந்தநாளைக் கூட கொண்டாடாமல் புதுதில்லிக்கு வந்து அவரது இறுதிச் சடங்கில் பங்கேற்று அஞ்சலி செலுத்திய இரு தலைவர்களில் ஒருவர் அவர். வாஜ்பாய் ஒரு மாமனிதர் என்று கூறினார். எந்தச் சிந்தனையில் தற்போது இந்தக் கருத்தை கூறினார் எனத் தெரியவில்லை. சர்தார் வல்லபபாய் படேலுக்கு சிலை வைத்தது குறித்தும் திருமாவளவன் விமர்சித்துள்ளார். விடுதலைக்குப் பிந்தைய 3 ஆண்டுகளில் 600 சமஸ்தானங்களை இணைத்து நாட்டை உருவாக்கிய இரும்பு மனிதர் படேல். அவருக்கு பிரம்மாண்ட சிலை வைத்ததில் தவறு இல்லை என்றார் அமைச்சர் பொன்.ராதாகிருஷ்ணன்.
மாநில பிரசார அணிச் செயலர் வே.ராஜரத்தினம், மாவட்டத் தலைவர் தாமரை மணிகண்டன், கோட்ட பொறுப்பாளர் சுகுமாறன், மாவட்ட துணைத் தலைவர் ஆர்.திருமாறன், நகரத் தலைவர் கனகசபை, ஆடிட்டர் பாலசுப்பிரமணியன், கோபிநாத், தில்லைசீனு ஆகியோர் உடனிருந்தனர்.

]]>
http://www.dinamani.com/all-editions/edition-villupuram/cuddalore/2018/nov/18/நடிகர்களின்-கட்சியால்-எந்த-விளைவும்-ஏற்படாது-பொன்ராதாகிருஷ்ணன்-3040736.html
3040735 விழுப்புரம் கடலூர் கூட்டுறவு வார விழா: 124 பேர் ரத்த தானம் DIN DIN Sunday, November 18, 2018 02:05 AM +0530 கூட்டுறவு வார விழாவையொட்டி 3 இடங்களில் ரத்த தான முகாம்கள் நடைபெற்றன.
கடலூர் மாவட்ட கூட்டுறவுத் துறை மூலமாக 65- ஆவது அனைத்திந்திய கூட்டுறவு வார விழா ஞாயிற்றுக்கிழமை மாலை 3.30 மணிக்கு தொடங்கி நடைபெறுகிறது. நிகழ்ச்சிக்கு மாவட்ட ஆட்சியர் வெ.அன்புச்செல்வன் தலைமை வகிக்கிறார். தொழில் துறை அமைச்சர் எம்.சி.சம்பத் அரசு நலத் திட்ட உதவிகளை வழங்கி சிறப்புரையாற்றுகிறார். இந்த விழாவை முன்னிட்டு அண்மையில் கூட்டுறவு சங்க கொடியேற்ற நிகழ்வு நடைபெற்றது. அதனைத் தொடர்ந்து சனிக்கிழமை கடலூரில் மாவட்ட மத்திய கூட்டுறவு வங்கி வளாகம், சிதம்பரம், விருத்தாசலத்தில் அரசு மருத்துவமனைகளில் ரத்த தானம் முகாம் நடைபெற்றது.
கடலூரில் நடைபெற்ற முகாமை கூட்டுறவுச் சங்கங்களின் மண்டல இணைப் பதிவாளர் சொ.இளஞ்செல்வி தலைமை வகித்து தொடக்கி வைத்தார். மாவட்ட மத்திய கூட்டுறவு வங்கியின் மேலாண்மை இயக்குநர் வ.சி.கோமதி முன்னிலை வகித்தார். அரசு ரத்த வங்கி மருத்துவ அலுவலர் சாய்லீலா தலைமையிலான மருத்துவக் குழுவினர் முகாமுக்கான ஏற்பாடுகளை செய்தனர்.
சிதம்பரம் அரசு மருத்துவமனையில் துணைப் பதிவாளர் பா.வெங்கடாஜலபதி தலைமையிலும், விருத்தாசலம் அரசு மருத்துவமனையில் துணைப் பதிவாளர் மு.ஜெகத்ரட்சகன் தலைமையிலும் ரத்த தான முகாம்கள் நடைபெற்றன. மூன்று முகாம்களிலும் மொத்தம் 124 பேர் ரத்த தானம் அளித்தனர். நிகழ்வுகளில் மத்திய கூட்டுறவு வங்கிப் பொதுமேலாளர் எஸ்.ஜானகிராமன், கண்காணிப்பாளர்கள் குமரகுரு, வடிவேல், ராஜமுத்து, வீரப்பன், கூட்டுறவு ஒன்றிய மேலாண்மை இயக்குநர் த.தனராஜா மற்றும் கூட்டுறவுத் துறையினர், நிர்வாகக்குழு உறுப்பினர்கள், சங்கச் செயலாளர்கள் பங்கேற்றனர்.
 

]]>
http://www.dinamani.com/all-editions/edition-villupuram/cuddalore/2018/nov/18/கூட்டுறவு-வார-விழா-124-பேர்-ரத்த-தானம்-3040735.html
3040734 விழுப்புரம் கடலூர் புயல் பாதிப்பை ஆய்வு செய்திட குழு அமைப்பு: மாவட்ட ஆட்சியர் DIN DIN Sunday, November 18, 2018 02:05 AM +0530 கடலூர் மாவட்டத்தில் கஜா புயல் பாதிப்பை ஆய்வு செய்திட குழு அமைக்கப்பட்டுள்ளதாக மாவட்ட ஆட்சியர்  வெ.அன்புச்செல்வன் கூறினார்.
 வங்கக் கடலில் உருவான கஜா புயல் வெள்ளிக்கிழமை கரையைக் கடந்தது. இந்தப் புயலால் கடலூர் மாவட்டத்தில் பல்வேறு இடங்களில் கரும்பு பயிர், முந்திரி, பலா, தேக்கு மரங்கள் சாய்ந்தன. இதுதொடர்பாக மாவட்ட ஆட்சியர் வெ.அன்புச்செல்வன் கூறியதாவது: 
 கஜா புயல் கடலூர் மாவட்டத்தில் கரையைக் கடந்தபோது அதிகபட்சமாக மணிக்கு 60-70 கி.மீ. வேகத்தில் காற்று வீசியது. அப்போது, மழையும் பெய்தது. 
புயலால் பல இடங்களில் மரங்கள் வேரோடு சாய்ந்தன. அதன்படி, நெடுஞ்சாலைப் பகுதியில் சாய்ந்த மரங்கள் உடனடியாக அப்புறப்படுத்தப்பட்டன. மாவட்டத்தில் குடிசை, ஓட்டு வீடுகள் பகுதியாக 93, முழுவதுமாக 17-ம் சேதமடைந்தன. பசு, எருமை 7, கன்றுக்குட்டி 3, செம்மறியாடு 10 இறந்துள்ளன. 
115 மின்கம்பங்கள் சாய்ந்த நிலையில் அந்தக் கம்பங்கள் உடனடியாக அப்புறப்படுத்தப்பட்டு மீண்டும் மின் இணைப்பு வழங்க நடவடிக்கை எடுக்கப்பட்டுள்ளது.  குறிஞ்சிப்பாடியில் வாழைப் பயிர்கள் சேதமாகியுள்ளதாக தகவல் கிடைத்துள்ளது. 
அதேபோல மற்ற பகுதிகளிலும் வேளாண் பயிர்கள் சேதமடைந்துள்ளதாக புகார்கள் வந்துள்ளன. 
எனவே, புயல் சேதம் குறித்து கணக்கெடுப்பு நடத்திட வேளாண்மைத் துறை, தோட்டக்கலைத் துறை, வருவாய்த் துறையினர் கொண்ட குழு அமைக்கப்பட்டுள்ளது. இந்தக் குழுவினர் பாதிப்புகளை ஆய்வு செய்து அறிக்கை சமர்ப்பித்த பின்னர் தேவையான நிவாரண உதவிகள் அளிக்கப்படும்.
 மாவட்டத்தில் காவல் துறை, வருவாய்த் துறை உள்பட அனைத்துத் துறையினரும் புயல் முன்னெச்சரிக்கைப் பணியில் சிறப்பாகச் செயல்பட்டனர். இதனால், உயிரிழப்புகள் பெரும்பாலும் தவிர்க்கப்பட்டதோடு, சீரமைப்பு பணிகளும் விரைவாக செய்து முடிக்கப்பட்டன. ஏற்கெனவே, பல்வேறு இயற்கை இடர்பாடுகளை ஊழியர்கள் எதிர்கொண்டதால் அதன் அனுபவம் மூலமாக இந்த பிரச்னையை எளிதாகக் கையாண்டார்கள் என்றார் ஆட்சியர்.

]]>
http://www.dinamani.com/all-editions/edition-villupuram/cuddalore/2018/nov/18/புயல்-பாதிப்பை-ஆய்வு-செய்திட-குழு-அமைப்பு-மாவட்ட-ஆட்சியர்-3040734.html
3040733 விழுப்புரம் கடலூர் தொழிலுக்கு திரும்பிய மீனவர்கள் DIN DIN Sunday, November 18, 2018 02:05 AM +0530 கஜா புயலுக்குப் பின்னர் மீனவர்கள் சனிக்கிழமை கடலுக்குச் சென்றனர்.
வங்கக் கடலில் உருவான கஜா புயல் வெள்ளிக்கிழமை அதிகாலை கரையைக் கடந்த நிலையில், அதன் தாக்கம் கடலூர் மாவட்டத்தில் பரவலாகக் காணப்பட்டது. இந்தப் புயல் கடந்த  10-ஆம் தேதி உருவான நிலையில், கடலூர் துறைமுகத்தில் முதலாம் எண் புயல் எச்சரிக்கைக் கூண்டும், மறுநாளில் 2-ஆம் எண் கூண்டும் ஏற்றப்பட்டது. பின்னர்,  14-ஆம் தேதி காலையில் 3-ஆம் எண் புயல் எச்சரிக்கைக் கூண்டு ஏற்றப்பட்டு, அன்று மதியமே 9-ஆம் எண் கூண்டாக ஏற்றப்பட்டது. இதனால், மீனவர்களுக்கு தொடர்ந்து எச்சரிக்கை விடப்பட்டு கடலுக்குள் செல்ல வேண்டாம் என்று அறிவுறுத்தப்பட்டது. 
தற்போது புயல் கரையைக் கடந்த நிலையில் மீனவர்கள் மீன்பிடிப்பதற்காக கடலுக்குள் செல்ல ஆயத்தமாயினர். இதனைத் தொடர்ந்து கடலூர் மாவட்டத்தில் உள்ள 49 மீன்பிடி கிராமங்களிலிருந்து 2,181 பதிவு செய்யப்பட்ட இயந்திரம் பொருத்தப்பட்ட நாட்டுப் படகுகளும், 520 பதிவு செய்யப்படாத இயந்திரம் பொருத்தப்பட்ட நாட்டுப் படகுகளும், 1,073 பதிவு செய்யப்பட்ட கண்ணாத்தோணிகளும், 665 பதிவு செய்யப்படாத கண்ணாத்தோணிகளும் சனிக்கிழமை காலையில் மீன்பிடிப்பதற்காக கடலுக்குள் சென்றன.
அதே நேரத்தில், ஆழ்கடலுக்குச் சென்று சுமார் 7 நாள்கள் முதல் 15 நாள்கள் வரை தங்கியிருந்து மீன்பிடிக்கும் 245 பதிவு செய்யப்பட்ட விசைப் படகுகளுக்கும், 187 பதிவு செய்யப்படாத விசைப் படகுகளுக்கும் தேவையான ஐய் உள்ளிட்ட பொருள்களை சேகரிக்கும் பணியில் மீனவர்கள் ஈடுபட்டனர். இதுகுறித்து சிங்காரத்தோப்பைச் சேர்ந்த மீனவர் ஆ.கோதண்டபாணி கூறியதாவது: புயலுக்குப் பின்னர் 8 மீனவர்களுடன் ஆழ்கடலுக்கு மீன்பிடிப்பதற்கு படகில் செல்லும் வகையில் தேவையான ஐஸ் கட்டிகள், உணவு தயாரிப்பதற்கான மளிகைப் பொருட்கள், சமையல் எரிவாயு, தண்ணீர், டீசல் ஆகியவற்றை சேகரித்துள்ளோம். 
இரவு நேரத்தில் மீன்பிடி படகுடன் புறப்பட்டுச் செல்வோம். புயலுக்குப் பின்னர் மீன் கிடைப்பதற்காக வாய்ப்பு அதிகம் என்பதால் ஆவலுடன் காத்திருக்கிறோம் என்றார் அவர்.

]]>
http://www.dinamani.com/all-editions/edition-villupuram/cuddalore/2018/nov/18/தொழிலுக்கு-திரும்பிய-மீனவர்கள்-3040733.html
3040732 விழுப்புரம் கடலூர் கஜா புயல்: 100 ஹெக்டேரில் முந்திரி, பலா மரங்கள் சேதம் DIN DIN Sunday, November 18, 2018 02:04 AM +0530 கஜா புயலால் பண்ருட்டி பகுதியில் சுமார் 100 ஹெக்டேர் பரப்பளவில் முந்திரி, பலா மரங்கள் சேதமடைந்தது தெரிய வந்துள்ளது.
கஜா புயல் கரையைக் கடந்துவிட்ட நிலையில்,  பண்ருட்டி ஒன்றியப் பகுதியில் அதனால் ஏற்பட்ட பாதிப்புகள் தற்போது வெளியாகியுள்ளன. இந்த ஒன்றியத்தில், எஸ்.புதுக்குப்பம், அரசடிக்குப்பம் ஊராட்சி சிறுதொண்டமாதேவி, எஸ்.புதூர் ஆகிய பகுதிகளில் கஜா புயல் பாதிப்புகளை ஏற்படுத்தியுள்ளது. இந்தப் பகுதிகளில் முந்திரிக் காடுகளுக்கு இடையே சுமார் 10 கி.மீ. தொலைவுக்கு 500மீ அகலத்தில் புயல் (சுழல்காற்று) வீசியதில் முந்திரி, பலா, வாழை மரங்கள் முறிந்தும், வேரோடு பெயர்ந்தும் விழுந்தன. மேலும், மரவள்ளி, உளுந்து, கரும்பு பயிர்களும் சேதமடைந்துள்ளன. பிற பகுதிகளில் பெரிய அளவில் பயிர்ச் சேதம் ஏற்படாத நிலையில், குறிப்பிட்ட பகுதியில், குறிப்பிட்ட அளவில் சேதம் ஏற்பட்டுள்ளது.   இதுகுறித்து விவசாயிகள் கூறியதாவது: வெள்ளிக்கிழமை நாங்கள் முந்திரி தோப்புக்குள் சென்று பார்த்தபோது அளவீடு வைத்து அழித்ததுபோல முந்திரி, பலா மரங்கள் முறிந்தும், வேரோடு சாய்ந்தும் கிடந்ததைக் கண்டு அதிர்ச்சியடைந்தோம். தானே புயலுக்குப் பின்னர் சமீபத்தில்தான் முந்திரி, பலா மரங்கள் பலன் கொடுக்க தொடங்கின. இந்த நிலையில், தற்போது ஏற்பட்ட பாதிப்பு மிகுந்த வேதனை அளிக்கிறது. இனிமேல் மரங்களை  நட்டு பலன் பெற குறைந்தது 4 ஆண்டுகளாகும் என வேதனையுடன் தெரிவித்தனர்.
எம்எல்ஏ ஆய்வு: கஜா புயலால் பாதிக்கப்பட்ட விவசாய நிலங்களை நெய்வேலி தொகுதி எம்எல்ஏ சபா.ராஜேந்திரன் அதிகாரிகளுடன் ஆய்வு செய்தார். கடலூர் தோட்டக்கலைத் துறை துணை இயக்குநர் ராசாமணி, பண்ருட்டி தோட்டக்கலைத் துறை அலுவலர் லஷ்மிதேவி, பண்ருட்டி வேளாண் துறை அதிகாரி சங்கரநாராயணன், ஆனந்தன், வருவாய் ஆய்வாளர்கள் ராஜலிங்கம், சேகர், கிராம நிர்வாக அலுவலர்கள் பழனிச்சாமி, வெங்கடேசன் ஆகியோருடன் சென்று எம்எல்ஏ ஆய்வு செய்தார். பின்னர், அவர் கூறியதாவது: 
 இந்தப் பகுதியில் மோசமான பாதிப்பை கஜா புயல் ஏற்படுத்தியுள்ளது. எனவே, இதுகுறித்து மாவட்ட நிர்வாகம் உடனடியாக ஆய்வு செய்து, பாதிக்கப்பட்ட  விவசாயிகளுக்கு  நிவாரணம் வழங்க வேண்டும் என்றார். 
 ஆய்வின்போது திமுக நிர்வாகிகள் ஒன்றிய அவைத் தலைவர் ராஜா, பண்ருட்டி வடக்கு ஒன்றியச் செயலர் ராதாகிருஷ்ணன், குறிஞ்சிப்பாடி முன்னாள் ஒன்றியச் செயலர் குணசேகரன், ஊராட்சி செயலர்கள் நடராஜன், தஷ்ணாமூர்த்தி, உத்திரகுமார், முன்னாள் ஊராட்சி மன்றத் தலைவர் ஜெகநாதன் ஆகியோர் உடனிருந்தனர்.

]]>
http://www.dinamani.com/all-editions/edition-villupuram/cuddalore/2018/nov/18/கஜா-புயல்-100-ஹெக்டேரில்-முந்திரி-பலா-மரங்கள்-சேதம்-3040732.html
3040731 விழுப்புரம் கடலூர் பண்ருட்டியில் வாகனம் நிறுத்துவதை முறைப்படுத்த காவல் துறை நடவடிக்கை DIN DIN Sunday, November 18, 2018 02:04 AM +0530 பண்ருட்டியில் முக்கிய சாலைகளில் வாகனங்கள் நிறுத்துவதை முறைப்படுத்தும் வகையில், குறியீட்டு கயிறு அமைக்கும் பணியில் போக்குவரத்து காவல் துறையினர் சனிக்கிழமை ஈடுபட்டனர். 
 பண்ருட்டி நகரின் முக்கிய சாலை ஓரங்களில் வாகனங்கள் அதிகளவில் நிறுத்தப்படுகின்றன. இதனால், போக்குவரத்து நெரிசல் ஏற்படுவதுடன், விபத்துகளும் நிகழ்கின்றன. கடலூர் சாலை, கும்பகோணம் சாலை, ராஜாஜி சாலைகளில் இடையூறாக நிறுத்தப்படும் வாகனங்களால் பாதசாரிகள், வாகன ஓட்டிகள் பெரிதும் சிரமப்பட்டு வந்தனர். எனவே, போக்குவரத்துக்கு இடையூறாக  உள்ள ஆக்கிரமிப்புக் கடைகளையும், நிறுத்தப்படும் வாகனங்களையும் அப்புறப்படுத்த போலீஸார் நடவடிக்கை எடுக்க வேண்டும் என்று பொதுமக்கள் கோரிக்கை விடுத்தனர். 
 இந்த நிலையில், கடலூர் சாலை, ராஜாஜி சாலை, கும்பகோணம் சாலையில் போக்குவரத்தை சீர் செய்யும் வகையிலும், வாகனங்கள் நிறுத்துவதை முறைப்படுத்தவும் போக்குவரத்து காவல் துறையினர்
முதல் கட்டமாக சாலை ஓரத்தில் கயிறு மூலம் குறியீடு செய்யும் பணியில் ஈடுபட்டனர். மேலும், குறிப்பிட்ட இடத்தில் மட்டும் வாகனங்கள் நிறுத்த வேண்டும் என தெரிவித்தனர். கயிறு எல்லை கோட்டை தாண்டி நிறுத்தப்படும் வாகனங்களை பறிமுதல் செய்வதுடன், உரிமையாளர் மீது வழகுப் பதிவு செய்யப்படும் என போக்குவரத்துப் போலீஸார் தெரிவித்தனர்.

]]>
http://www.dinamani.com/all-editions/edition-villupuram/cuddalore/2018/nov/18/பண்ருட்டியில்-வாகனம்-நிறுத்துவதை-முறைப்படுத்த-காவல்-துறை-நடவடிக்கை-3040731.html
3040730 விழுப்புரம் கடலூர் பணம், நகை மோசடி:  மருந்து விநியோகஸ்தர் மீது வழக்கு DIN DIN Sunday, November 18, 2018 02:04 AM +0530 பணம், நகை மோசடி செய்ததாக மருந்து விநியோகஸ்தர் மீது பண்ருட்டி போலீஸார் வழக்குப் பதிவு செய்தனர். 
பண்ருட்டி, லிங்க் ரோட்டில் மருந்துக் கடை நடத்தி வருபவர் எம்.முஹம்மத் ஷர்புதீன் (45). இவர், பண்ருட்டி ஒன்றியம், எல்.என்.புரம் ஊராட்சி, டிஆர்வி நகரில் வசிக்கும் மருந்து விநியோகஸ்தர்
மன்சூர் அலிபேக் என்பவரிடம், 4.6.2015 அன்று ரூ.1,50,000 ரொக்கமும், 49 கிராம் தங்க நகைகளைக் கொடுத்து  மருந்து வாங்கினாராம். இதற்கு, 4.6.2015 முதல் 16.11.2018 அன்று வரை ரூ.1,20,000-க்கு மட்டுமே மன்சூர் அலிபேக் மருந்து விநியோகம் செய்தாராம். மீதி ரூ.30 ஆயிரம் பணம், 49 கிராம் தங்க நகைகளை தரவில்லையாம். 
இதுதொடர்பாக மாவட்ட காவல் கண்காணிப்பாளரிடம் அளித்த புகார் மனுவின் மீது 6.9.2018 அன்று விசாரணை நடத்தியதில், 6.11.2018-க்குள் மீதிப் பணத்தையும், நகைகளையும் தருவதாக மன்சூர் அலிபேக் எழுதிக் கொடுத்தாராம். இந்த நிலையில், இதுநாள் வரையில் பணம், நகையை திருப்பித் தராததால், முஹம்மத் ஷர்புதீன் அளித்த புகாரின் பேரில் பண்ருட்டி போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-villupuram/cuddalore/2018/nov/18/பணம்-நகை-மோசடி--மருந்து-விநியோகஸ்தர்-மீது-வழக்கு-3040730.html
3040729 விழுப்புரம் கடலூர் காசநோயாளிகளுக்கு ஊட்டச்சத்து பொருள்கள் விநியோகம் DIN DIN Sunday, November 18, 2018 02:04 AM +0530 சிதம்பரம் சென்ட்ரல் ரோட்டரி சங்கம் சார்பில், காசநோயால் பாதிக்கப்பட்டு சிதம்பரம் காமராஜர் அரசு பொது மருத்துவமனையில் சிகிச்சை பெற்றுவரும் 20 பேருக்கு ஊட்டச்சத்து பொருள்கள் வழங்கப்பட்டன. 
இந்தச் சங்கம் சார்பில் காச நோயாளிகளுக்கு கடந்த 3 மாதங்களாக ஊட்டச்சத்து பொருள்கள் வழங்கப்பட்ட நிலையில், 4-ஆவது மாதமாக தற்போது அரிசி, காராமணிப் பயிறு, முந்திரி, திராட்சை, கொண்டக்கடலை, சத்து மாவு, எண்ணெய் உள்ளிட்ட பொருள்கள் வழங்கப்பட்டன. நிகழ்ச்சியில் சங்கத் தலைவர் எம்.தீபக்குமார், மருத்துவமனை தலைமை மருத்துவர் பி. தமிழரசன், மருத்துவர்கள் ராஜ்மூர்த்தி, பிரவீன்குமார், சங்க உறுப்பினர்கள் ராம.எஸ்டி.சுப்பையா,  ஏ.அஷ்ரப் அலி, ஏ.முகம்மது இப்ராஹிம், அக்ரி பன்னீர்செல்வம், கிரிடு நடனசபாபதி, வி.ரவி, சரவணன், ஜி.பன்னீர்செல்வம், சிவசங்கரன் உள்ளிட்டோர் பங்கேற்றனர். இந்த ஊட்டச்சத்து பொருள்கள் நோயாளிகளுக்கு 6 மாதங்களுக்கு பிரதி மாதம் 15-ஆம் தேதி தொடர்ந்து வழங்கப்படும் எனவும், இதற்கான திட்ட செலவு மதிப்பு ரூ.75,000 எனவும்  சங்கத்தினர் தெரிவித்தனர்.
 

]]>
http://www.dinamani.com/all-editions/edition-villupuram/cuddalore/2018/nov/18/காசநோயாளிகளுக்கு-ஊட்டச்சத்து-பொருள்கள்-விநியோகம்-3040729.html
3040728 விழுப்புரம் கடலூர் வடக்குத்து ஊராட்சியில் குடிநீர்த் தட்டுப்பாடு: ஆழ்துளைக் கிணறு பயன்பாட்டுக்கு வருமா?  DIN DIN Sunday, November 18, 2018 02:03 AM +0530 வடக்குத்து ஊராட்சியில் குடிநீர்த் தட்டுப்பாடு நிலவும் சூழலில், ரூ.8 லட்சம் செலவில் அமைக்கப்பட்ட ஆழ்துளைக் கிணற்றை பயன்பாட்டுக்கு  கொண்டுவர வேண்டும் என பொதுமக்கள் கோரிக்கை விடுத்தனர்.
 குறிஞ்சிப்பாடி ஒன்றியத்துக்கு உள்பட்டது வடக்குத்து ஊராட்சி. நெய்வேலி நகரியம் அருகே இந்த ஊராட்சி அமைந்துள்ளது. இங்குள்ள 60-க்கும் மேற்பட்ட நகர் பிரிவுகள், 5 குக்கிராமங்களில் சுமார் 30 ஆயிரத்துக்கும் மேற்பட்டோர் வசித்து வருகின்றனர்.  இவர்களுக்கு தேவையான குடிநீரை ஊராட்சி நிர்வாகம் பல்வேறு பகுதிகளில் அமைக்கப்பட்ட ஆழ்துளைக் கிணறுகள் மூலம் வழங்கி வந்தாலும், குடிநீர்த் தட்டுப்பாடு தொடர்கிறது.
 குடிநீர் பிரச்னையை தீர்க்க வேண்டி, மன்னன் நகரில் பூங்காவுக்கு ஒதுக்கப்பட்ட இடத்தில் 
ஆழ்துளைக் கிணறு அமைக்கப்பட்டது. ஆனால், இந்தக் கிணறு பயன்பாடின்றி உள்ளது. எனவே, ஆழ்துளைக் கிணற்றில் மின்மோட்டார் பொருத்தி குடிநீர் வசதி செய்துதர வேண்டும் என பொதுமக்கள் கோரிக்கை விடுத்தனர்.
 இதுகுறித்து முன்னாள் ஊராட்சி மன்றத் தலைவர் கோ.ஜெகன் கூறியதாவது: வடக்குத்து ஊராட்சியில் 2004-05-ஆம் ஆண்டு அப்போதைய மக்கள் தொகைக்கு ஏற்ப கூட்டுக் குடிநீர்த் திட்டத்தின் கீழ் பி.டி.ஆர். நகரில், 30 ஆயிரம் லிட்டர் கொள்ளளவு கொண்ட தரைமட்டத் தொட்டி கட்டப்பட்டு, 8 நகர் பிரிவுகளுக்கு குடிநீர் வழங்கப்பட்டது. தற்போது மக்கள் தொகை அதிகரித்துள்ளதால் குடிநீர் பற்றாக்குறை ஏற்பட்டுள்ளது. இதைப் போக்குவதற்காக மன்னன் நகர் பூங்கா இடத்தில் ரூ.8 லட்சம் செலவில், சுமார் 600 அடி ஆழத்துக்கு ஆழ்துளைக் கிணறு அமைக்கப்பட்டது. மேலும், மோட்டார் கொட்டகையும் அமைக்கப்பட்டது. ஆனால், 
ஆழ்துளைக் கிணற்றில் மின் மோட்டார் பொருத்தி குடிநீர் வழங்க நடவடிக்கை எடுக்கவில்லை. புதிய ஆழ்துளைக் கிணறை பயன்பாட்டுக்கு கொண்டு வந்தால் மன்னன் நகர், பெரியசாமி நகர் விரிவு, பிடிஆர் நகர் விரிவு பகுதிகளில் வசிக்கும் 350-க்கும் மேற்பட்ட குடும்பத்தினர் பயனடைவர் என்றார் அவர்.
 இதுகுறித்து குறிஞ்சிப்பாடி ஊராட்சி ஒன்றிய அலுவலகத்தில் கேட்டபோது, ஆழ்துளைக் கிணற்றில் மின்மோட்டார் பொருத்தி குடிநீர் வசதி செய்துதர விரைவில் நடவடிக்கை எடுக்கப்படும் என்று தெரிவித்தனர்.

]]>
http://www.dinamani.com/all-editions/edition-villupuram/cuddalore/2018/nov/18/வடக்குத்து-ஊராட்சியில்-குடிநீர்த்-தட்டுப்பாடு-ஆழ்துளைக்-கிணறு-பயன்பாட்டுக்கு-வருமா-3040728.html
3040727 விழுப்புரம் கடலூர் ஓய்வூதியர்கள் சங்கத்தினர் ஆர்ப்பாட்டம் DIN DIN Sunday, November 18, 2018 02:03 AM +0530 தமிழ்நாடு அரசு அனைத்துத் துறை ஓய்வூதியர்கள் சங்கத்தினர் அண்மையில் ஆர்ப்பாட்டத்தில் ஈடுபட்டனர்.
 புதிய ஓய்வூதியத் திட்டத்தை ரத்து செய்து பழைய ஓய்வூதியத் திட்டத்தை செயல்படுத்த வேண்டும். மருத்துவ காப்பீட்டு திட்டத்தை அரசே ஏற்று நடத்தவும், மத்திய அரசைப்போல் அனைவருக்கும் குறைந்த பட்ச ஓய்வூதியமாக ரூ.9 ஆயிரம் வழங்கிட வேண்டும். ஓய்வுபெற்ற சத்துணவு, அங்கன்வாடி, கிராம ஊழியர்கள், ஊராட்சி செயலர்கள், கிராம அலுவலர்கள் ஆகியோருக்கு வரையறுக்கப்பட்ட ஓய்வூதியம் வழங்கிட வேண்டும். ஓய்வூதியர்கள் அனைவருக்கும் வருமான வரி செலுத்துவதிலிருந்து விலக்கு அளித்திட வேண்டும் உள்ளிட்ட பல்வேறு கோரிக்கைகளை வலியுறுத்தி தமிழ்நாடு அரசு அனைத்துத்துறை ஓய்வூதியர் சங்கத்தினர் மாவட்டம் முழுவதும் அண்மையில் ஆர்ப்பாட்டத்தில் ஈடுபட்டனர்.
கடலூர், பண்ருட்டி, குறிஞ்சிப்பாடி வட்டங்கள் சார்பில் கடலூரில் நடைபெற்ற ஆர்ப்பாட்டத்திற்கு கடலூர் வட்டத் தலைவர் அரங்க.ராமானுஜம் தலைமை தாங்கினார். மாநில செயலாளர்கள் தி.புருஷோத்தமன், எஸ்.ஆறுமுகம் ஆகியோர் சிறப்புரையாற்றினர். 
விருத்தாசலம், வேப்பூர், திட்டக்குடி வட்டங்கள் சார்பில் திட்டக்குடியில் நடைபெற்ற ஆர்ப்பாட்டத்திற்கு வட்டத்தலைவர் பன்னீர்செல்வம் தலைமை தாங்கினார். மாநில செயலர் ஜீவானந்தம் சிறப்புரையாற்றினார். மாவட்ட தலைவர் வீராசாமி, மாவட்ட செயலர் கேசவன், பொருளாளர் கண்ணன், மாநில செயற்குழு உறுப்பினர் கோவிந்தராஜ் கோரிக்கை விளக்க உரையாற்றினர்.  வட்ட நிர்வாகிகள் உட்பட பலர் கலந்து கொண்டனர். திட்டக்குடி வட்ட பொருளாளர் கிருஷ்ணசாமி நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2018/nov/18/ஓய்வூதியர்கள்-சங்கத்தினர்-ஆர்ப்பாட்டம்-3040727.html
3040722 விழுப்புரம் கடலூர் குறைந்த எடையுடன் பிறக்கும் குழந்தைகளுக்கு விழித்திரை பாதிப்பு அபாயம்: மாவட்ட ஆட்சியர் DIN DIN Sunday, November 18, 2018 01:39 AM +0530 ஆயிரத்து 700 கிராமுக்கு குறைந்த எடையுடன் பிறக்கும் குழந்தைகளுக்கு விழித்திரை பாதிப்பு அபாயம் உள்ளதாக மாவட்ட ஆட்சியர் வெ.அன்புச்செல்வன் கூறினார்.
 கடலூர் மாவட்ட பார்வையிழப்பு தடுப்புச் சங்கம் சார்பில், குறைமாத, எடைகுறைவு பச்சிளம் குழந்தைகளுக்கு ஏற்படும் விழித்திரை பாதிப்பு குறித்த அரசு கண் மருத்துவர்களுக்கான பயிலரங்கம் நடைபெற்றது. கடலூரில் உள்ள இந்திய மருத்துவர்கள் சங்கக் கூட்டரங்கத்தில் நடைபெற்ற இந்த நிகழ்ச்சியை  மாவட்ட ஆட்சியர் வெ.அன்புச்செல்வன் தொடக்கி வைத்தார். அப்போது அவர் பேசியதாவது: 
 பச்சிளங்குழந்தை தீவிர சிகிச்சை பராமரிப்பினால் நமது நாட்டில் குறை பிரசவத்தில் பிறக்கும் குழந்தைகளின் இறப்பு விகிதம் குறைந்துள்ளது. 2008-ஆம் ஆண்டில், ஒரு வயதுக்குள்பட்ட குழந்தைகளின் இறப்பு விகிதம் இந்தியாவில் ஆயிரத்துக்கு 34 என்ற விகிதத்தில் இருந்தது. ஆனால், தமிழ்நாட்டில் இந்த விகிதம் 17 ஆகவும், கடலூர் மாவட்டத்தில் 10.9 ஆகவும் இருந்தது. தற்போது, தேசிய இலக்கு 10 என நிர்ணயிக்கப்பட்டுள்ளது. 
 நமது மாநிலம் மற்றும் மாவட்டத்தில் 1,700 கிராம்களுக்கு குறைவாகப் பிறக்கும் குழந்தைகள் பச்சிளம் குழந்தை தீவிர சிகிச்சை பிரிவு மூலம் காப்பாற்றப்படுகின்றனர். ஆனால் அந்தக் குழந்தைகளுக்கு பல்வேறு உடல் உறுப்புகளில் வளர்ச்சி குறைபாடு ஏற்படுகிறது. அதன்படி, விழித்திரைக்கான ரத்த ஓட்டம் முழுமை பெறாததால் பார்வை இழப்பு ஏற்படுகிறது. இதனை தக்க தருணத்தில் கண்டறிந்து உரிய சிகிச்சை செய்து கொண்டால் கண் பார்வையை காப்பாற்றலாம். 
 இந்தியாவில் மொத்தம் 38 சதவீதம் குழந்தைகள் 1,700 கிராமுக்கும் குறைந்த எடையுடன் பிறக்கின்றன. அதில் 20 சதவீத குழந்தைகளுக்கு விழித்திரை ரத்த ஓட்ட பாதிப்பு ஏற்பட வாய்ப்புள்ளது. கடலூரில் 2017-18-ஆம் ஆண்டில் 2,100 குழந்தைகள் 1,700 கிராமுக்கு குறைவானவையாகவும், அதில் 400 குழந்தைகளுக்கு விழித்திரை பாதிப்பு ஏற்படும் சூழலும் உள்ளது. 
 மாவட்டத்தில் கடலூர் அரசு தலைமை மருத்துவமனை, சிதம்பரம், விருத்தாசலம் அரசு மருத்துவமனைகள், சிதம்பரம் ராஜா முத்தையா மருத்துவக் கல்லூரி மருத்துவமனைகளில் பச்சிளம் குழந்தைகள் தீவிர சிகிச்சை பிரிவு செயல்படுகிறது. மாவட்டத்தில் 2016-ஆம் ஆண்டில் பச்சிளம் குழந்தைப் பிரிவில் அனுமதிக்கப்பட்ட 1,106 பேரில் 142 பேர் தீவிர பிரிவில் சேர்க்கப்பட்டனர். இதேபோல,  2017- ஆம் ஆண்டில் அனுமதிக்கப்பட்ட 1,790 பேரில் 135 பேரும், 2018-ஆம் ஆண்டில் அனுமதிக்கப்பட்ட 806 பேரில் 173 பேரும் பச்சிளம் குழந்தைகள் தீவிர பிரிவில் சேர்க்கப்பட்டனர். இதில், 7 பேர் விழித்திரை பாதிப்புக்கான சிகிச்சைக்கு பரிந்துரைக்கப்பட்டுள்ளனர் என்றார் அவர்.
 நிகழ்ச்சியில் சென்னை மருத்துவம் மற்றும் ஊரக நலப் பணிகள் இயக்குநர் ருக்மணி,  உதவி இயக்குநர் மாதவி,  சென்னை தமிழ்நாடு மாநில பார்வையிழப்பு தடுப்புச் சங்க திட்ட இயக்குநர் சந்திரகுமார், இணை இயக்குநர் (மருத்துவம்) கலா, மாவட்ட சுகாதார திட்ட அலுவலர் ஆ.நெ.பரிமேலழகர், பார்வை இழப்பு தடுப்புச் சங்க மாவட்ட திட்ட மேலாளர் அஷோக் பாஸ்கர், அரசு மருத்துவமனை செவிலியர்கள், ஊழியர்கள் கலந்துக் கொண்டனர்.

]]>
http://www.dinamani.com/all-editions/edition-villupuram/cuddalore/2018/nov/18/குறைந்த-எடையுடன்-பிறக்கும்-குழந்தைகளுக்கு-விழித்திரை-பாதிப்பு-அபாயம்-மாவட்ட-ஆட்சியர்-3040722.html
3040396 விழுப்புரம் கடலூர் கஜா புயலுக்கு கடலூர், திருவண்ணாமலை மாவட்டங்களில் 4 பேர் சாவு கடலூர்/நெய்வேலி, DIN Saturday, November 17, 2018 08:34 AM +0530 கடலூர், திருவண்ணாமலை மாவட்டங்களில் கஜா புயலுக்கு 4 பேர் உயிரிழந்தனர்.
வங்கக் கடலில் உருவான கஜா புயல் வெள்ளிக்கிழமை அதிகாலை வேதாரண்யம் அருகே கரையைக் கடந்தது. இதன் காரணமாக கடலூர் மாவட்டத்தில் பலத்த காற்றுடன் மழை பெய்தது. புயல் காரணமாக மாவட்டத்தில் வெவ்வேறு சம்பவங்களில் 3 பேர் உயிரிழந்தனர். அதுகுறித்த விவரம்:
வேப்பூர் வட்டம், மேமாத்தூர் கிராமத்தைச் சேர்ந்தவர் நா.ராமச்சந்திரன் (41). இவரது மனைவி அய்யம்மாள் (36). இவர்களுக்கு 2 பெண், ஒரு ஆண் குழந்தைகள் உள்ளனர். குடும்பத்தினர் அனைவரும் வியாழக்கிழமை இரவு வீட்டில் தூங்கிக் கொண்டிருந்தனர். அப்போது, மழைக்கு தாக்குப்பிடிக்காமல் வீட்டுச் சுவர் இடிந்து விழுந்ததில் அய்யம்மாள் உடல் நசுங்கி நிகழ்விடத்திலேயே உயிரிழந்தார். ராமச்சந்திரன் பலத்த காயமடைந்த நிலையில் மீட்கப்பட்டு விருத்தாசலம் அரசு மருத்துவமனையில் அனுமதிக்கப்பட்டார். இந்தச் சம்பவத்தில் குழந்தைகள் 3 பேரும் காயமின்றி தப்பினர்.
இதேபோல, குறிஞ்சிப்பாடி வடக்கு பகுதியைச் சேர்ந்தவர் ஆ.ஆனந்தன் (40). இவர் வியாழக்கிழமை மழை பெய்து கொண்டிருந்தபோது வீட்டின் அருகே மழைநீர் தேங்காமலிருக்கும் வகையில் பணியில் ஈடுபட்டார். அப்போது, வீட்டின் முன் அறுந்து கிடந்த மின்கம்பி உரசியதில் அவர் மின்சாரம் பாய்ந்து நிகழ்விடத்திலேயே உயிரிழந்தார். இவருக்கு, சுந்தரி (30) என்ற மனைவியும், சூர்யா (10) என்ற மகனும், அனுஷ்கா (8) என்ற மகளும் உள்ளனர்.
பண்ருட்டி வட்டம், நடுக்குப்பத்தைச் சேர்ந்த சக்கரவர்த்தி மகன் ரங்கநாதன் (38). என்எல்சி நிறுவனத்தில் ஒப்பந்தத் தொழிலாளியாகப் பணியாற்றி வந்தார். இவர் பணிக்காக வியாழக்கிழமை இரவு மோட்டார் சைக்கிளில் குள்ளஞ்சாவடி-காட்டுக்கூடலூர் சாலையில் சென்றுகொண்டிருந்தார். அப்போது மரம் முறிந்து விழுந்ததில் காயமடைந்த ரங்கநாதன் மருங்கூர் அரசு ஆரம்ப சுகாதார நிலையத்துக்கு கொண்டுசெல்லப்பட்டார். எனினும், அவர் உயிரிழந்தார். இவருக்கு மலர் (34) என்ற மனைவியும், சாரதி (15) என்ற மகனும் உள்ளனர். இந்தச் சம்பவங்கள் குறித்து காவல் துறையினர் வழக்குப் பதிவு செய்து விசாரணை நடத்தி வருகின்றனர்.
செய்யாறு: திருவண்ணாமலை மாவட்டத்தில் புயல் மழையால் வீட்டின் சுவர் இடிந்து விழுந்ததில் சிறுமி பலியானார். செய்யாறு அருகே உள்ள வடமணப்பாக்கம் கிராமத்தைச் சேர்ந்தவர் துளசி (42). சமையல் தொழிலாளி. இவர், மனைவி லட்சுமி (37), மகள்கள் பிரியதர்ஷினி (15), பிரியாமணி (7), தமிழ்பிரியா ஆகியோருடன் வியாழக்கிழமை இரவு குடிசை வீட்டில் தூங்கிக் கொண்டிருந்தார். இரவு முழுவதும் தொடர்ந்து மழை பெய்ததால் வெள்ளிக்கிழமை அதிகாலை வீட்டின் மண் சுவர் திடீரென இடிந்து விழுந்தது. இதில் சிறுமி பிரியாமணி நிகழ்விடத்திலேயே உயிரிழந்தார். துளசி உள்ளிட்ட 4 பேரும் பலத்த காயமடைந்து, செய்யாறு அரசு மாவட்ட தலைமை மருத்துவமனையில் சேர்க்கப்பட்டனர். இவர்களில் துளசி தீவிர சிகிச்சைக்காக செங்கல்பட்டு அரசு மருத்துவக் கல்லூரி மருத்துவமனையில் அனுமதிக்கப்பட்டார். சம்பவம் குறித்து மோரணம் போலீஸார் வழக்குப் பதிந்து விசாரணை மேற்கொண்டுள்ளனர். இதுகுறித்து தகவலறிந்த செய்யாறு தொகுதி எம்எல்ஏ தூசி கே.மோகன், மருத்துவமனைக்கு நேரில் சென்று பாதிக்கப்பட்ட குடும்பத்தினருக்கு ரூ.10 ஆயிரம் நிதியுதவி வழங்கி ஆறுதல் கூறினார்.














 

]]>
http://www.dinamani.com/all-editions/edition-villupuram/cuddalore/2018/nov/17/கஜா-புயலுக்கு-கடலூர்-திருவண்ணாமலை-மாவட்டங்களில்-4-பேர்-சாவு-3040396.html
3039849 விழுப்புரம் கடலூர் பன்றிக் காய்ச்சலுக்கு பெண் சாவு? DIN DIN Friday, November 16, 2018 09:48 AM +0530 விருத்தாசலத்தைச் சேர்ந்த பெண் காய்ச்சலால் உயிரிழந்தார். இவர் பன்றிக் காய்ச்சலால் இறந்ததாகக் கூறப்படுகிறது.
 கடலூர் மாவட்டம், விருத்தாசலம் எம்.ஆர்.கே. நகரைச் சேர்ந்த முத்துசாமி மனைவி ராணி (47). இவருக்கு கடந்த 2 வாரங்களுக்கு முன் காய்ச்சல் ஏற்பட்டது.
 இதையடுத்து திட்டக்குடி அரசு மருத்துவமனையில் சிகிச்சைப் பெற்றுவந்த அவர், பின்னர் பெரம்பலூரில் உள்ள தனியார் மருத்துவமனையில் சேர்க்கப்பட்டு சிகிச்சைப் பெற்று வந்தார். காய்ச்சல் குணமாகாத நிலையில் திருச்சி அரசு பொது மருத்துவனையில் அனுமதிக்கப்பட்டார். அங்கு மருத்துவப் பரிசோதனை செய்ததில் அவருக்கு பன்றிக் காய்ச்சல் இருப்பது தெரியவந்ததாம்.
 அவருக்கு அங்கு சிகிச்சை அளிக்கப்பட்டு வந்த நிலையில், வியாழக்கிழமை உயிரிழந்தார்.
 இதனையடுத்து அவரது சடலம் பலத்தப் பாதுகாப்புடன் சொந்த ஊருக்கு கொண்டுவரப்பட்டு, சில மணிகளில் மயானத்துக்கு கொண்டு செல்லப்பட்டது. இதுகுறித்து சுகாதாரத் துறையினரிடம் கேட்டபோது, ராணி இறப்பு குறித்த மருத்துவ அறிக்கை கிடைக்கப்பெறவில்லை எனவும், அதன்பிறகே விளக்கம் அளிக்க முடியுமெனவும் தெரிவித்தனர்.
 

]]>
http://www.dinamani.com/all-editions/edition-villupuram/cuddalore/2018/nov/16/பன்றிக்-காய்ச்சலுக்கு-பெண்-சாவு-3039849.html
3039847 விழுப்புரம் கடலூர் ரூ.ஆயிரம் லஞ்சம் பெற்ற வழக்கு: நில அளவையருக்கு 7 ஆண்டுகள் சிறை DIN DIN Friday, November 16, 2018 09:48 AM +0530 நிலம் அளவீடு செய்ய ரூ.ஆயிரம் லஞ்சம் பெற்ற வழக்கில், நில அளவையருக்கு 7 ஆண்டுகள் சிறைத் தண்டனை விதித்து கடலூர் நீதிமன்றம் வியாழக்கிழமை தீர்ப்பளித்தது.
 கடலூர் மாவட்டம், விருத்தாசலம் அருகே உள்ள விஜயமாநகரம் பகுதியைச் சேர்ந்தவர் குமரேசன் (40). இவர் தனது நிலத்தை அளவீடு செய்து கொடுப்பதற்காக விருத்தாசலம் வட்டாட்சியர் அலுவலகத்தில் கடந்த 2010-ஆம் ஆண்டு விண்ணப்பித்தார். அந்த அலுவலகத்தில் நிலஅளவையராக பணிபுரிந்து வந்த விருத்தாசலம், திருவள்ளுவர் நகரைச் சேர்ந்த நா.செல்வராஜ் (58), நிலத்தை அளவீடு செய்து தர ரூ.ஆயிரம் லஞ்சமாக பெற்றாராம். இதுதொடர்பாக, மாவட்ட ஊழல் தடுப்பு, விழிப்புணர்வு போலீஸார் செல்வராஜை கைது செய்தனர்.
 இந்த வழக்கு மீதான விசாரணை கடலூரில் உள்ள தலைமைக் குற்றவியல் நீதிமன்றத்தில் நடைபெற்று வந்தது. இறுதிக்கட்ட விசாரணை முடிந்து மாவட்ட குற்றவியல் நீதிபதி ஏ.எஸ்.ரவி வியாழக்கிழமை தீர்ப்பளித்தார். அதில், செல்வராஜுக்கு 7 ஆண்டுகள் சிறை தண்டனையும், ரூ.20 ஆயிரம் அபராதமும் விதித்து உத்தரவிட்டார். அபராதத் தொகையைக் கட்டத் தவறினால் மேலும் ஓராண்டு சிறை தண்டனை அனுபவிக்க வேண்டும் எனவும் உத்தரவிட்டார். இதையடுத்து செல்வராஜ் கடலூர் மத்திய சிறையில் அடைக்கப்பட்டார். இவர் அண்மையில் பணி ஓய்வு பெற்றார்.
 
 

]]>
http://www.dinamani.com/all-editions/edition-villupuram/cuddalore/2018/nov/16/ரூஆயிரம்-லஞ்சம்-பெற்ற-வழக்கு-நில-அளவையருக்கு-7-ஆண்டுகள்-சிறை-3039847.html
3039799 விழுப்புரம் கடலூர் சிதம்பரம் பகுதியில் கண்காணிப்பு அலுவலர் ஆய்வு DIN DIN Friday, November 16, 2018 09:38 AM +0530 கஜா புயல் தொடர்பாக, சிதம்பரம் அருகே உள்ள திட்டுக்காட்டூர் உள்ளிட்ட பகுதிகளை கடலூர் மாவட்ட கண்காணிப்பு அலுவலரும், வேளாண்மை உற்பத்தி ஆணையருமான ககன்தீப் சிங் பேடி ஆய்வு செய்தார்.
 சிதம்பரம் வட்டம், திட்டுக்காட்டூர், கீழகுண்டலபாடி பகுதிகளில் உள்ள புயல் பாதுகாப்பு மையங்களை பார்வையிட்டு ஆய்வு செய்தவர், அங்கு உணவு தயாரிப்பதற்காக வைக்கப்பட்டுள்ள அரிசி, பருப்பு, காய்கறிகள் தயார் நிலையில் இருப்பதை பார்வையிட்டார்.
 பின்னர், அக்கரை ஜெயங்கொண்டப்பட்டினம் பகுதியில் உள்ள புயல் பாதுகாப்பு மையத்தை பார்வையிட்டு ஆய்வு செய்தார். இதையடுத்து பரங்கிப்பேட்டை அருகே முடசல்ஓடை கடற்கரையோர பகுதியில் படகுகள் கயிறுகளால் கட்டப்பட்டு பாதுகாப்பாக நிறுத்தப்பட்டுள்ளதை பார்வையிட்டு, மீன் வலைகளை அருகேயுள்ள மீன்வலை பழுது நீக்கும் இடத்தில் பாதுகாப்பாக வைக்க வேண்டும் என மீனவர்களை கேட்டுக் கொண்டார். மேலும் பரங்கிப்பேட்டையில் உள்ள நெடுஞ்சாலைத் துறை அலுவலகத்தில் தயார் நிலையில் வைக்கப்பட்டுள்ள மரம் அறுக்கும் இயந்திரங்களை பார்வையிட்டார்.
 ஆய்வின்போது மாவட்ட ஆட்சியர் வெ.அன்புச்செல்வன், மாவட்ட காவல் கண்காணிப்பாளர் பா.சரவணன், மாவட்ட வருவாய் அலுவலர் ஆர்.ராஜகிருபாகரன், சர்க்கரை ஆலை மாவட்ட வருவாய் அலுவலர் மணிமேகலை, சிதம்பரம் உதவி ஆட்சியர் விசுமகாஜன், மாவட்ட ஊரக வளர்ச்சி முகமை திட்ட இயக்குநர் மகேந்திரன், சிதம்பரம் டிஎஸ்பி பாண்டியன், மாவட்ட பிற்படுத்தப்பட்டோர் நல அலுவலர் சண்முகசுந்தரம், மக்கள்-தொடர்பு அலுவலர் வை.ரவிச்சந்திரன் ஆகியோர் உடனிருந்தனர்.
 

]]>
http://www.dinamani.com/all-editions/edition-villupuram/cuddalore/2018/nov/16/சிதம்பரம்-பகுதியில்-கண்காணிப்பு-அலுவலர்-ஆய்வு-3039799.html
3039798 விழுப்புரம் கடலூர் என்எல்சி சுரங்கத்தில் பாதுகாப்பு பணிகள் DIN DIN Friday, November 16, 2018 09:38 AM +0530 கஜா புயல் காரணமாக, நெய்வேலியில் உள்ள நிலக்கரிச் சுரங்கங்களை பாதுகாக்கும் பணியில் என்எல்சி இந்தியா நிறுவனம் தீவிரம் காட்டியுள்ளது.
 இந்தியாவின் மிகப் பெரிய பொதுத் துறை நிறுவனமான என்எல்சி இந்தியா நிறுவனம், கடலூர் மாவட்டம், நெய்வேலியில் இயங்கி வருகிறது. இங்குள்ள 3 சுரங்கங்களில் இருந்து ஆண்டுக்கு 2.85 கோடி டன் பழுப்பு நிலக்கரி வெட்டி எடுக்கப்படுகிறது. இந்த 3 சுரங்கங்களும் திறந்த வெளி சுரங்கங்கள் என்பது குறிப்பிடத்தக்கது.
 தற்போது, வங்கக் கடலில் உருவாகியுள்ள கஜா புயலால் கடலூர் உள்ளிட்ட இடங்களில் பலத்த மழை பெய்யக்கூடும் என வானிலை ஆய்வு மையம் தெரிவித்துள்ளது. பெருமழையின் காரணமாக சுரங்கங்களில் மழை நீர் புகாத வண்ணம் பாதுகாக்கும் வகையிலும், மின் உற்பத்தியில் பாதிப்பு ஏற்படாமல் இருக்கவும், என்எல்சி இந்தியா நிறுவனம் சுரங்கத்தின் உள் மற்றும் வெளியே உள்ள வாய்க்கால்களை தூர்வாரி, கரைகளை பலப்படுத்தி உள்ளதாம். மேலும், நகர நிர்வாகத்தின் மூலம் கட்டுப்பாட்டு அறை திறக்கப்பட்டுள்ளது.
 மீட்புக் குழுவினர் தயார் நிலையில் உள்ளனர்.

]]>
http://www.dinamani.com/all-editions/edition-villupuram/cuddalore/2018/nov/16/என்எல்சி-சுரங்கத்தில்-பாதுகாப்பு-பணிகள்-3039798.html
3039795 விழுப்புரம் கடலூர் நகராட்சி துப்புரவு மேற்பார்வையாளர் பணியிடை நீக்கம் DIN DIN Friday, November 16, 2018 09:37 AM +0530 கடலூர் நகராட்சி துப்புரவு மேற்பார்வையாளர் பணியிடை நீக்கம் செய்யப்பட்டார்.
 இந்த நகராட்சிக்குள்பட்ட ஸ்ரீபத்மாவதி நகரில் சாலையிலேயே கழிவுநீர் தேங்கியுள்ளது. இதுதொடர்பாக, புதன்கிழமை கஜா புயல் முன்னெச்சரிக்கை ஆய்வுப் பணியில் ஈடுபட்டிருந்த அரசின் முதன்மைச் செயலர் ககன்தீப்சிங் பேடியின் காரை வழிமறித்து நகரின் நிர்வாகிகள் புகார் அளித்தனர். மேலும், குறிப்பிட்ட பகுதிக்கு அவரை அழைத்துச் சென்று நிலையை விளக்கினார். இதனையடுத்து, இதுதொடர்பாக உரிய விசாரணை நடத்தி பிரச்னையை சரிசெய்வதோடு, இதற்கு காரணமானவர்கள் மீது நடவடிக்கை எடுக்கவும் உத்தரவிட்டார். இதன்படி அந்தப் பகுதிக்கு பொறுப்பான சுகாதார மேற்பார்வையாளர் செல்வத்தை பணியிடை நீக்கம் செய்து கடலூர் நகராட்சி ஆணையர் (பொ) பாலு வியாழக்கிழமை உத்தரவிட்டார்.
 புதிய ஆணையர்: இந்த நிலையில், கடலூர் நகராட்சியின் புதிய ஆணையராக மதிவாணன் வியாழக்கிழமை பொறுப்பேற்றார். இவர், ஆவடி நகராட்சியிலிருந்து இடமாறுதலில் கடலூர் வந்துள்ளார். அதே நேரத்தில் நகராட்சியின் பொறியாளர் ராமசாமிக்கு ஊர் குறிப்பிடாமல் கடலூரிலிருந்து பணியிட மாறுதல் அளிக்கப்பட்டுள்ளது.
 
 
 

]]>
http://www.dinamani.com/all-editions/edition-villupuram/cuddalore/2018/nov/16/நகராட்சி-துப்புரவு-மேற்பார்வையாளர்-பணியிடை-நீக்கம்-3039795.html
3039794 விழுப்புரம் கடலூர் புயல் தாக்கத்தை தெரிவிக்க கட்செவி அஞ்சல் எண் DIN DIN Friday, November 16, 2018 09:37 AM +0530 கஜா புயலின் தாக்கத்தை தெரிவிக்க மாவட்ட நிர்வாகத்தால் கட்செவி அஞ்சல் (வாட்ஸ்-அப்) எண் வெளியிடப்பட்டுள்ளது.
 கஜா புயல் கரையைக் கடக்கும்போது ஏற்படும் இயற்கை பாதிப்புகளை பொதுமக்கள் மாவட்ட நிர்வாகத்தின் கவனத்துக்கு உடனடியாக எடுத்துச் செல்லும் வகையில் கட்செவி அஞ்சல் எண் அறிவிக்க வேண்டுமென கோரிக்கை விடுக்கப்பட்டது. இதனைத் தொடர்ந்து கட்செவி அஞ்சல் எண்ணை மாவட்ட நிர்வாகம் வியாழக்கிழமை அறிவித்துள்ளது.
 அதன்படி, பொதுமக்கள் 73057 15721 என்ற எண்ணிஸ் கஜா புயலால் ஏற்படும் இயற்கை இடர்பாடுகள் தொடர்பான தகவல்களை பதிவு செய்யலாம் என்று மாவட்ட ஆட்சியர் வெ.அன்புச்செல்வன் தகவல் தெரிவித்தார். மேலும், 1077 என்ற இலவச தொலைபேசி அழைப்பிலும், 04142- 220700, 221113, 233933, 221383 என்ற தொலைபேசி எண்களிலும் மாவட்ட ஆட்சியர் அலுவலகத்தில் அமைக்கப்பட்டுள்ள அவசர கால கட்டுப்பாட்டு அறையில் பேரிடர் சம்பந்தமான தகவலைத் தெரிவிக்கலாம் என்று ஏற்கெனவே அறிவிக்கப்பட்டிருந்தது குறிப்பிடத்தக்கது.

]]>
http://www.dinamani.com/all-editions/edition-villupuram/cuddalore/2018/nov/16/புயல்-தாக்கத்தை-தெரிவிக்க-கட்செவி-அஞ்சல்-எண்-3039794.html
3039791 விழுப்புரம் கடலூர் புயல் பாதுகாப்பு முகாம்களில் ஆய்வு DIN DIN Friday, November 16, 2018 09:37 AM +0530 கஜா புயல் காரணமாக, சிதம்பரத்தில் அமைக்கப்பட்டுள்ள புயல் பாதுகாப்பு முகாம்களை மாவட்டக் கல்வி அலுவலர் சுவாமிமுத்தழகன் வியாழக்கிழமை ஆய்வு செய்தார்.
 கஜா புயலால் பாதிப்பு ஏற்பட்டால் பொதுமக்களை தங்க வைப்பதற்காக சிதம்பரம் பகுதியில் உள்ள அரசுப் பள்ளிகளில் புயல் பாதுகாப்பு தற்காலிக முகாம்கள் அமைக்கப்பட்டுள்ளன.
 இந்த முகாம்களை மாவட்டக் கல்வி அலுவலர் சுவாமிமுத்தழகன் வியாழக்கிழமை நேரில் பார்வையிட்டு ஆய்வு செய்தார்.
 அப்போது மக்களுக்குத் தேவையான குடிநீர், உணவு, மின்சாரம், கழிவறை உள்ளிட்ட அடிப்படை வசதிகள் உள்ளதா என பார்வையிட்டார். சிதம்பரம் அரசு மகளிர் பெண்கள் மேல்நிலைப் பள்ளி, ராமசாமி செட்டியார் மேல்நிலைப் பள்ளி, ராமகிருஷ்ணா வித்யாலயா உள்பட 5 நகராட்சி பள்ளிகளில் ஆய்வு செய்து அடிப்படை வசதிகளைப் பார்வையிட்டார்.
 அப்போது, மாவட்ட கல்வி அலுவலரின் நேர்முக உதவியாளர் சத்தியசீலன், வட்டாரக் கல்வி அலுவலர்கள் கந்தசாமி, நடராஜன், ராஜசேகர், ஜான்சன், மணிவாசகம், அரசு மகளிர் பெண்கள் மேல்நிலைப் பள்ளி தலைமை ஆசிரியர் சீதா, சிவபுரி அரசு உயர்நிலைப் பள்ளி தலைமை ஆசிரியர் குமரவேல், பூவாலை அரசு உயர்நிலைப் பள்ளி தலைமை ஆசிரியர் தியாகராஜன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-villupuram/cuddalore/2018/nov/16/புயல்-பாதுகாப்பு-முகாம்களில்-ஆய்வு-3039791.html
3039790 விழுப்புரம் கடலூர் 1,400 புதிய மின் கம்பங்கள் தயார்! DIN DIN Friday, November 16, 2018 09:36 AM +0530 புயல் பாதித்தால் உடனடியாக நடவடிக்கை மேற்கொள்ளும் வகையில், கடலூர் மாவட்டத்துக்கு 1,400 புதிய மின் கம்பங்கள் வரவழைக்கப்பட்டுள்ளன.
 கஜா புயல் கரையைக் கடக்கும் போது மணிக்கு 90 முதல் 100 கி.மீ. வேகத்தில் காற்று வீசக் கூடுமென இந்திய வானிலை மையம் அறிவித்தது. கஜா புயல் தாக்கும் எல்லைக்குள் கடலூர் மாவட்டமும் இருந்து வந்ததால் மாவட்ட நிர்வாகம் பல்வேறு முன்னெச்சரிக்கை நடவடிக்கைகளை மேற்கொண்டது. அதில், கூடுதலாக மின் கம்பங்களை வரவழைத்து இருப்பு வைத்துள்ளது.
 ஏனெனில், புயல் தாக்கத்தில் அதிகமாக பாதிக்கப்படுவது மரங்களும், மின்சார கம்பங்களும்தான்.
 மின் கம்பங்கள் சரிந்து விழுவது, உடைந்து விழுவது போன்றவற்றால் மின்சாரம் துண்டிக்கப்படும் நிலை உருவாகும். தற்போது அனைத்துப் பணிகளுக்கும் மின்சாரம் மிகவும் இன்றியமையாதது என்ற நிலை உருவாகியுள்ளதால், மின்சாரத்தை உடனடியாக வழங்க வேண்டியதே மாவட்ட நிர்வாகத்தின் தலையாயப் பிரச்னையாகும்.
 இதனை சரிசெய்யும் வகையில் முன்கூட்டியே மின்கம்பங்கள் வரவழைக்கப்பட்டுள்ளன.
 இதுகுறித்து தமிழ்நாடு மின்சார உற்பத்தி மற்றும் பகிர்மானக் கழகத்தின் கடலூர் கோட்ட மேற்பார்வைப் பொறியாளர் எஸ்.சத்தியநாராயணா கூறியதாவது: புயல் தாக்குதலுக்கு உள்ளாகும் மின் கம்பங்களை உடனடியாக மாற்றி, புதிய கம்பங்களை நடும் பணிக்கு மின்சார வாரியம் தயாராக உள்ளது. இதற்காக, இதுவரை 1,400 புதிய மின்கம்பங்கள் வரவழைக்கப்பட்டு பல்வேறு பகுதிகளில் இருப்பு வைக்கப்பட்டுள்ளன.
 புயல் கரையைக் கடக்கும் பகுதி, சேதத்தைப் பொறுத்து கூடுதலாக ஆயிரம் மின்கம்பங்கள் வரவழைக்கப்படும். மேலும், கூடுதல் பணியாளர்கள் தேவைப்பட்டால் அருகிலுள்ள மாவட்டங்களிலிருந்து உடனடியாக வரவழைக்க தேவையான உத்தரவுகள் பெறப்பட்டுள்ளது.
 கடலூர் மாவட்டத்தைப் பொறுத்தவரை 28 உள்கோட்டங்களிலும் தலா 15 பேர் கொண்ட குழுக்கள் அமைக்கப்பட்டுள்ளன. இந்தக் குழுவினர் காற்றின் வேகத்தைப் பொறுத்து அந்தந்தப் பகுதிகளில் மின்விநியோகத்தை நிறுத்தி வைப்பது, மின்விநியோகம் வழங்குவது போன்ற பணிகளை மேற்கொள்வார்கள். மேலும், மின் பாதைகளையும் கண்காணிப்பார்கள் என்றார் அவர்.
 

]]>
http://www.dinamani.com/all-editions/edition-villupuram/cuddalore/2018/nov/16/1400-புதிய-மின்-கம்பங்கள்-தயார்-3039790.html
3039788 விழுப்புரம் கடலூர் கஜா புயல்: நெருக்கடி நிலையால் மக்கள் தவிப்பு DIN DIN Friday, November 16, 2018 09:36 AM +0530 கஜா புயலால் திடீர் நெருக்கடி நிலைக்கு கடலூர் நகரம் தள்ளப்பட்டதால் பொதுமக்கள் அவதிப்பட்டனர்.
 வங்கக் கடலில் உருவான கஜா புயல் வியாழக்கிழமை (நவ.15) மாலை கரையைக் கடக்கும் என்று கூறப்பட்ட நிலையில், கடலூர் மாவட்ட நிர்வாகம் பல்வேறு நடவடிக்கைகளை மேற்கொண்டது. புயல் முன்னெச்சரிக்கை தொடர்பாக வெளியிட்ட அறிவிப்பால் திடீர் நெருக்கடி நிலைக்கு கடலூர் நகர மக்கள் தள்ளப்பட்டனர். குறிப்பாக, கஜா புயல் கரையைக் கடக்கும்போது பலத்த காற்றுடன் கூடிய மழை பெய்யுமென தெரிவிக்கப்பட்டது. ஆனால், கடலூரில் காலை 10 மணிக்கு மிதமான அளவில் பெய்த மழை, அதன்பின்னர் பிற்பகல் 2 மணியளவில் சிறிது நேரம் பெய்தது. பின்னர் மாலை 4 மணிக்கு மழை பெய்தது. மற்ற நேரங்களில் வெயில் அடித்ததோடு, திடீரென மேக மூட்டமாகவும் காணப்பட்டது. இவ்வாறு மழை விட்டு, விட்டு சிறிது நேரம் மட்டுமே பெய்து வந்தது. ஆனால், மாவட்ட நிர்வாகத்திடமிருந்து அறிவிப்புகள் தொடர்ந்து வந்தவண்ணம் இருந்தன.
 அதாவது, தனியார் நிறுவனங்களில் வேலை பார்ப்பவர்களை அந்தந்த நிறுவனங்கள் மாலை 4 மணிக்குள் வீட்டுக்கு அனுப்பி வைக்க வேண்டுமென தெரிவித்தது. இதன்படி, கடலூர் நகரில் உள்ள பெரும்பாலான நிறுவனங்கள் மாலையில் கடைகளுக்கு விடுமுறை அறிவித்து தங்களது ஊழியர்களை வீட்டுக்கு அனுப்பி வைத்தன. அதே நேரத்தில், புயல் எச்சரிக்கை விடப்பட்டுள்ள மாவட்டங்களில் போக்குவரத்து சேவை நிறுத்தம் செய்யப்படுவதாகவும் ஊடகங்களில் தகவல் வெளியானது. இதையடுத்து சிறிது நேரத்தில் கடலூர் - புதுச்சேரி வழித்தட போக்குவரத்தில் தனியார் பேருந்து சேவை முற்றிலுமாக நிறுத்தப்பட்டது. மேலும், கடலூரிலிருந்து மற்ற ஊர்களுக்குச் செல்லும் தனியார் பேருந்துகளும், ஒருசில அரசுப் பேருந்துகளும் சேவையை நிறுத்திக் கொண்டன. இதனால், அலுவலகத்திலிருந்து வெளியே வந்தவர்கள் தங்களது வீடுகளுக்குச் செல்ல முடியாமல் பேருந்து நிலையத்திலேயே காத்திருந்து தவித்தனர்.
 ஏற்கெனவே, பள்ளி, கல்லூரிகளுக்கு விடுமுறை விடப்பட்டதாலும், மாலையில் தனியார் வணிக நிறுவனங்கள் அடைக்கப்பட்டதாலும் சாலைகள் வெறிச்சோடின. பெரும்பாலான மருந்துக் கடைகள், மளிகைக் கடைகள் மூடப்பட்டன. இதனால், பொதுமக்கள் நெருக்கடிக்குள்ளாகினர்.
 

]]>
http://www.dinamani.com/all-editions/edition-villupuram/cuddalore/2018/nov/16/கஜா-புயல்-நெருக்கடி-நிலையால்-மக்கள்-தவிப்பு-3039788.html
3039758 விழுப்புரம் கடலூர் நாளைய மின் தடை DIN DIN Friday, November 16, 2018 09:32 AM +0530 பண்ருட்டி (மேலப்பாளையம்)
 நேரம்: காலை 9 மணி முதல் மாலை 5 மணி வரை.
 இடங்கள்: பண்ருட்டி நகரம் முழுவதும், திருவதிகை, ஆ.ஆண்டிக்குப்பம், இருளங்குப்பம், சீரங்குப்பம், தி.ராஜாப்பாளையம், வீட்டு வசதி வாரியக் குடியிருப்பு, எல்.என்.புரம், கந்தன்பாளையம், வஉசி நகர், சாமியார் தர்கா, அ.ப.சிவராமன் நகர், பணிக்கன்குப்பம், மாளிகம்பட்டு, பிள்ளையார்குப்பம், தாழம்பட்டு, செம்மேடு.
 

]]>
http://www.dinamani.com/all-editions/edition-villupuram/cuddalore/2018/nov/16/நாளைய-மின்-தடை-3039758.html
3039756 விழுப்புரம் கடலூர் மருத்துவமனை பணியாளர்கள் ஆர்ப்பாட்டம் DIN DIN Friday, November 16, 2018 09:31 AM +0530 கோரிக்கைகளை வலியுறுத்தி, தமிழ்நாடு பல்நோக்கு மருத்துவமனை பணியாளர்கள் சங்கத்தினர் கடலூரில் வியாழக்கிழமை ஆர்ப்பாட்டத்தில் ஈடுபட்டனர்.
 அனுமதிக்கப்பட்ட நிரந்தர பணியிடங்களில் தற்காலிகமாக பணி நியமனம் செய்யப்பட்டு 2 ஆண்டுகள் பணி முடித்த அனைத்து பல்நோக்கு மருத்துவமனைப் பணியாளர்களையும் பணி நிரந்தரம் செய்ய வேண்டும். தற்போது வழங்கப்பட்டு வரும் தினக் கூலி அடிப்படையிலான தொகுப்பூதியத்தை மாதந்தோறும் 5-ஆம் தேதிக்குள் கிடைக்க நடவடிக்கை எடுக்க வேண்டும்.
 நகர்ப்புற ஆரம்ப சுகாதார நிலையங்களில் பணிபுரியும் பணியாளர்களுக்கு தினக்கூலி அடிப்படையில் ஊதியம் வழங்க வேண்டும்.
 பல்நோக்கு மருத்துவமனைப் பணியாளர்களுக்கு இடமாறுதலுக்கான கலந்தாய்வு நடத்தப்பட வேண்டும் என்பன உள்ளிட்ட கோரிக்கைகளை வலியுறுத்தி, தமிழ்நாடு பல்நோக்கு மருத்துவமனை பணியாளர் சங்கத்தினர் கடலூரில் வியாழக்கிழமை ஆர்ப்பாட்டத்தில் ஈடுபட்டனர்.
 கடலூரில் உள்ள சுகாதாரப் பணிகள் துணை இயக்குநர் அலுவலகத்தில் நடைபெற்ற இந்த ஆர்ப்பாட்டத்துக்கு, தமிழ்நாடு அரசுப் பணியாளர்கள் சங்கத்தின் மாவட்ட செயலர் ஆ.செல்வநாதன் தலைமை வகித்தார். பல்நோக்கு மருத்துவமனைப் பணியாளர்கள் சங்க மாநில துணைச் செயலர் க.மணிமாறன், நிர்வாகி கே.ரவி ஆகியோர் கருத்துரையும், தமிழ்நாடு அரசுப் பணியாளர்கள் சங்க மாநில பிரசார செயலர் ந.சுந்தர்ராஜா, துணைத் தலைவர் பெ.நல்லதம்பி, தமிழ்நாடு ஊரக வளர்ச்சி உயர்நிலை அலுவலர் சங்க மாநிலத் தலைவர் ஆர்.ராம்குமார் ஆகியோர் சிறப்புரையாற்றினர்.
 சங்க நிர்வாகிகள் க.நரசிம்மன், மு.முரளிதரன், கே.குமரவேல் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-villupuram/cuddalore/2018/nov/16/மருத்துவமனை-பணியாளர்கள்-ஆர்ப்பாட்டம்-3039756.html
3039755 விழுப்புரம் கடலூர் பெட்ரோல் விலையை ஜிஎஸ்டி வரம்பில் கொண்டுவரக் கோரிக்கை DIN DIN Friday, November 16, 2018 09:31 AM +0530 பெட்ரோல், டீசல் விலையை ஜிஎஸ்டி வரம்புக்குள் கொண்டுவர வேண்டும் என இந்து மக்கள் கட்சி வலியுறுத்தியது.
 இந்தக் கட்சியின் பண்ருட்டி, அண்ணாகிராமம் ஒன்றிய நிர்வாகிகள் ஆலோசனைக் கூட்டம், புதுப்பேட்டை காசிவிஸ்வநாதர் கோயில் வளாகத்தில் அண்மையில் நடைபெற்றது. அண்ணாகிராமம் ஒன்றியத் தலைவர் க.வீராசாமி தலைமை வகித்தார். பண்ருட்டி ஒன்றியத் தலைவர் எஸ்.லட்சுமணன், நகரச் செயலர் கண்மணி, இளைஞரணித் தலைவர் கோகுல் முன்னிலை வகித்தனர்.
 மாவட்ட இளைஞரணித் தலைவர் ஜெ.சத்தியராஜ் வரவேற்றார். புதுவை மாநிலத் தலைவர் கி.மஞ்சினி, கடலூர் மாவட்டத் தலைவர் ஆர்.எஸ்.தேவா, பொதுச் செயலர் ஆர்.சரவணன், செயலர் சத்தியமூர்த்தி ஆகியோர் சிறப்பு விருந்தினர்களாகக் கலந்துகொண்டு பேசினர். மாவட்ட, ஒன்றிய, நகர நிர்வாகிகள் பலர் கலந்துகொண்டனர்.
 கூட்டத்தில், முஷ்ணம் அடுத்துள்ள பாளையங்கோட்டை மேல்பாதி கிராமத்தில் உள்ள சிவன் கோயிலில், கார்த்திகை தீபத் தன்று இந்த மக்கள் கட்சித் தலைவர் அர்ஜுன் சம்பத் தலைமையில் தீபம் ஏற்றி வழிபடுவது. பெட்ரோல், டீசல் விலையை ஜிஎஸ்டி வரம்புக்குள் கொண்டு வரவேண்டும். எனதிரிமங்கலம் மணல் குவாரியை நிறுத்த அரசு நடவடிக்கை எடுக்க வேண்டும்.
 டெங்கு, பற்றி காய்ச்சல் பரவாமல் தடுக்க நகரம், ஒன்றியப் பகுதிகளில் கொசு மருந்து அடிக்க வேண்டும் ஆகிய தீர்மானங்களை நிறைவேற்றினர். மணப்பாக்கம் கிளைச் செயலர் சரவணன் நன்றி கூறினார்.

]]>
http://www.dinamani.com/all-editions/edition-villupuram/cuddalore/2018/nov/16/பெட்ரோல்-விலையை-ஜிஎஸ்டி-வரம்பில்-கொண்டுவரக்-கோரிக்கை-3039755.html
3039752 விழுப்புரம் கடலூர் குடிநீர் பிரச்னை: பொதுமக்கள் மறியல் DIN DIN Friday, November 16, 2018 09:31 AM +0530 குடிநீர் பிரச்னையைக் கண்டித்து, திட்டக்குடி அருகே பொதுமக்கள் வியாழக்கிழமை சாலை மறியலில் ஈடுபட்டனர்.
 திட்டக்குடி அருகே உள்ள ஆதமங்கலம் ஊராட்சிக்கு உள்பட்டது சாத்தநத்தம் கிராமம். இந்தக் கிராமத்தின் தெற்கு காலனி பகுதியில் சுமார் 1,500-க்கும் மேற்பட்டோர் வசித்து வருகின்றனர். கடந்த ஓராண்டாக இந்தப் பகுதிக்கு முறையாக குடிநீர் வழங்கப்படவில்லையாம். தட்டுப்பாடான நிலையிலேயே குடிநீர் வழங்கப்பட்டு வருவதால் பொதுமக்கள் உப்பு நீரையே பயன்படுத்தி வருகின்றனராம்.
 இதுகுறித்து ஊராட்சி மற்றும் ஊராட்சி ஒன்றிய அலுவலகங்களில் பலமுறை புகார் அளித்தும் எவ்வித நடவடிக்கையும் எடுக்கப்படவில்லையாம். இதனால், வெறுப்புற்ற பொதுமக்கள் வியாழக்கிழமை ஆவினங்குடி- நாவலூர் சாலையில் காலிக் குடங்களுடன் மறியலில் ஈடுபட்டனர்.
 பேச்சுவார்த்தைக்கு வந்த ஊராட்சி செயலரிடம் பொதுமக்கள் வாக்குவாதத்தில் ஈடுபட்டனர்.
 பின்னர், உரிய நடவடிக்கை எடுக்கப்படுமென அளித்த உறுதியை ஏற்று பொதுமக்கள் கலைந்துச் சென்றனர். மறியலால் அந்தப் பகுதியில் சுமார் ஒரு மணி நேரம் போக்குவரத்து பாதிப்பு ஏற்பட்டது.

]]>
http://www.dinamani.com/all-editions/edition-villupuram/cuddalore/2018/nov/16/குடிநீர்-பிரச்னை-பொதுமக்கள்-மறியல்-3039752.html
3039743 விழுப்புரம் கடலூர் குழந்தைகள் தின விழா DIN DIN Friday, November 16, 2018 09:27 AM +0530 கடலூர் துறைமுகம் தூய.தாவீது மேல்நிலைப் பள்ளியில் குழந்தைகள் தின விழா பள்ளி தாளாளர் இசட்.ஞானக்கண் செல்லப்பா தலைமையில் புதன்கிழமை நடைபெற்றது.
 நேருவின் வாழ்க்கை வரலாறு குறித்து தாளாளர் சிறப்புரையாற்றியதோடு, போட்டிகளில் வெற்றி பெற்ற மாணவர்களுக்கு பரிசு வழங்கினார். ஆசிரியர்கள் என்.கங்காதேவி, டி.லியோ ஆகியோர் வாழ்த்திப் பேசினர். உதவித் தலைமை ஆசிரியர் எஸ்.சாலமோன்ஈஸ்டர் ராஜ், ஆசிரியர்கள் ஜெ.சாம்பாபு, ஷர்மிளா ரத்தினகுமாரி, எல்.பிரேமலதா, புஷ்பராஜ், எஸ்.ஜான்சன், உடல்கல்வி இயக்குநர் பால்சாமுவேல் உள்ளிட்டோர் பங்கேற்றனர். முன்னதாக உதவி தலைமை ஆசிரியை ஏ.பிளாரன்ஸ் வளர்மதி வரவேற்க, ஆசிரிய சங்கச் செயலர் வி.தாலஸ் சாலமோன்ராஜ் நன்றி கூறினார். மாணவ, மாணவிகளின் கலைநிகழ்ச்சிகளும் நடைபெற்றது.
 விஎன்பி அறக்கட்டளை சார்பில் குழந்தைகள் தின விழா கடலூர் மஞ்சக்குப்பத்தில் உள்ள நகராட்சி தொடக்கப் பள்ளியில் அறக்கட்டளைத் தலைவர் பி.அருண்மொழித்தேவன் தலைமையில் நடைபெற்றது. நேருவின் உருவப் படத்திற்கு மாலை அணிவித்து மரியாதை செலுத்தினார். இயற்கை இளையோர் மன்றத் தலைவர் இரா.சண்முகம் உரையாற்றினார். பள்ளிக்கு மாணவ, மாணவிகள் அமரும் நாற்காலிகள், எழுதுபொருள்கள் வழங்கப்பட்டன.
 முன்னதாக, பள்ளி தலைமை ஆசிரியர் கீதா வரவேற்க, உதவி தலைமை ஆசிரியர் வினயா நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2018/nov/16/குழந்தைகள்-தின-விழா-3039743.html
3039741 விழுப்புரம் கடலூர் முதியோர் இல்லத்தில் உலக நீரிழிவு தினம் DIN DIN Friday, November 16, 2018 09:27 AM +0530 சிதம்பரம் அண்ணாமலைப் பல்கலைக்கழக ராணி மெய்யம்மை செவிலியர் கல்லூரியின் நாட்டு நலப் பணித் திட்டம் அங்கம் - 32 சார்பில், அன்பகம் முதியோர் இல்லத்தில் உலக நீரிழிவு தினம் புதன்கிழமை கடைப்பிடிக்கப்பட்டது.
 நிகழ்ச்சியை ராணி மெய்யம்மை செவிலியர் கல்லூரி முதல்வர் டி.கரோலின் ராஜ்குமார் தொடக்கி வைத்தார். நாட்டு நலப் பணித் திட்ட ஒருங்கிணைப்பாளர் பி.செüந்தரபாண்டியன், முதியோர் இல்ல நிர்வாகி சுகுமாரன் ஆகியோர் முன்னிலை வகித்தனர். நிகழ்ச்சியில் ராணி மெய்யம்மை செவிலியர் கல்லூரியின் நாட்டு நலப் பணித் திட்ட மாணவர்கள், குழுக்களாகப் பிரிந்து முதியோர்களுக்கு கண், பாதம் மற்றும் ரத்த சர்க்கரை அளவை பரிசோதனை செய்தனர். இந்த நிகழ்ச்சியின் மூலம் சுமார் 40 முதியோர்கள் பயன்பெற்றனர். நிகழ்ச்சிக்கான ஏற்பாடுகளை நாட்டு நலப் பணித் திட்ட அலுவலர் ந. காயத்ரி செய்திருந்தார்.

]]>
http://www.dinamani.com/all-editions/edition-villupuram/cuddalore/2018/nov/16/முதியோர்-இல்லத்தில்-உலக-நீரிழிவு-தினம்-3039741.html
3039738 விழுப்புரம் கடலூர் வேன்- லாரி மோதல்: 18 பேர் காயம் DIN DIN Friday, November 16, 2018 09:27 AM +0530 கடலூர் அருகே வேன் மீது லாரி மோதிய விபத்தில் 18 பேர் வியாழக்கிழமை காயமடைந்தனர்.
 கடலூர் அருகே உள்ள நெல்லிக்குப்பம் புதிய தெருவைச் சேர்ந்த சுமார் 25 பேர் புதுச்சேரியில் நிகழ்ந்த துக்க நிகழ்ச்சியில் பங்கேற்பதற்காக வேனில் வியாழக்கிழமை புறப்பட்டுச் சென்றனர். வேனை அதேப் பகுதியைச் சேர்ந்த சாமிநாதன் மகன் சிலம்பரசன் (29) என்பவர் ஓட்டிச் சென்றார். வான்பாக்கம் பகுதியில் வேன் சென்றபோது எதிரே வந்த லாரி வேன் மீது மோதியது. இதில், சிலம்பரசனின் இருகால்களிலும் பலத்த காயம் ஏற்பட்டது.
 மேலும், வேனில் பயணம் செய்த ஏ.பஞ்சாட்சரம் (45), பேரன்பு மனைவி ஜெயா (46), ராஜேந்திரன் மனைவி பட்டுரோஜா (50), சராங்கம் மனைவி சந்திரலேகா (35) உள்பட 18 பேர் காயமடைந்தனர். இவர்கள் அனைவரும் மீட்கப்பட்டு கடலூர் அரசு மருத்துவமனையில் அனுமதிக்கப்பட்டனர். இதுகுறித்து நெல்லிக்குப்பம் போலீஸார் விசாரணை நடத்தி வருகின்றனர்.
 
 

]]>
http://www.dinamani.com/all-editions/edition-villupuram/cuddalore/2018/nov/16/வேன்--லாரி-மோதல்-18-பேர்-காயம்-3039738.html
3039736 விழுப்புரம் கடலூர் குழந்தைகள் புத்தக திருவிழாவில் கோளரங்கம்: எஸ்.பி. திறந்து வைத்தார் DIN DIN Friday, November 16, 2018 09:26 AM +0530 கடலூரில் தேசிய குழந்தைகள் புத்தகத் திருவிழாவின் 2-ஆம் நாள் நிகழ்ச்சியாக கோளரங்கை மாவட்ட எஸ்பி ப.சரவணன் வியாழக்கிழமை திறந்து வைத்தார்.
 கடலூர் மாவட்ட நிர்வாகம், பல்வேறு சமூக அமைப்புகள் இணைந்து கடலூர் நகர அரங்கில் தேசிய குழந்தைகள் புத்தகத் திருவிழாவை நடத்தி வருகின்றன. புத்தக திருவிழாவின் 2-ஆம் நாள் நிகழ்ச்சியாக குழந்தைகள் திரைப்பட விழா, கோளரங்கம் தொடக்க நிகழ்ச்சி வியாழக்கிழமை நடைபெற்றது. அரங்குகளை மாவட்ட காவல்துறை கண்காணிப்பாளர் ப.சரவணன் திறந்து வைத்தார். அதனைத் தொடர்ந்து மாணவர்கள் மத்தியில் அவர் பேசியதாவது: சிறு வயதில் பாடப் புத்தகங்களைத் தாண்டி நிறைய நூல்களைப் படிக்க வேண்டும். அது ஒரு மனிதனை மாமனிதனாக்குகிறது என்றார்.
 தமிழ்நாடு அறிவியல் இயக்க நிர்வாகிகள் உதயேந்திரன், ஜெகவீரபாண்டியன், விக்டர் ஜெயசீலன் உள்பட பலர் கலந்து கொண்டனர். இதனை தொடர்ந்து மாணவர்களுக்கான பல்வேறு கலை போட்டிகள் நடத்தப்பட்டு பரிசுகள் வழங்கப்பட்டன. மாவட்டம் முழுவதும் பள்ளி, கல்லூரிகளுக்கு விடுமுறை அறிவிக்கப்பட்டாலும், கஜா புயல் எச்சரிக்கையையும் தாண்டி திரளான மாணவர்கள், ஆசிரியர்கள், மாணவர்களின் பெற்றோர்கள் பெருமளவில் கலந்து கொண்டனர். நிகழ்ச்சியில் ஒருங்கிணைப்புக் குழு சார்பில் சண்முகராஜா வரவேற்க, நெல்சன் நன்றி கூறினார்.
 புத்தகத் திருவிழா வருகிற 21-ஆம் தேதி வரை காலை 9 மணி முதல் மாலை 6.30 மணி வரை நடைபெறுகிறது.
 புத்தகத் திருவிழாவில் இன்று: புத்தகத் திருவிழாவில் வெள்ளிக்கிழமை காலையில் மாணவர்களுக்கான கட்டுரை, கதை, கவிதை, கடிதம் எழுதும் போட்டிகளும், மாலையில், குழந்தைகளுக்கான பேன்சி டிரஸ் போட்டியும் நடைபெறுகிறது. தொடர்ந்து கடலூர் சார்-ஆட்சியர் கே.எம்.சரயூ, திருநெல்வேலி மருத்துவக் கல்லூரி மன நலத் துறைத் தலைவர் ஜி.ராமானுஜம் ஆகியோர் சிறப்புரையாற்றுகின்றனர்.
 
 

]]>
http://www.dinamani.com/all-editions/edition-villupuram/cuddalore/2018/nov/16/குழந்தைகள்-புத்தக-திருவிழாவில்-கோளரங்கம்-எஸ்பி-திறந்து-வைத்தார்-3039736.html
3039734 விழுப்புரம் கடலூர் கஜா புயல்: இரவில் இயங்கிய அரசு அலுவலகங்கள்! DIN DIN Friday, November 16, 2018 09:26 AM +0530 கஜா புயல் காரணமாக, கடலூர் மாவட்டத்தில் அரசு அலுவலகங்கள் வியாழக்கிழமை இரவிலும் இயங்கின.
 கடலூர் மாவட்ட ஆட்சியர் அலுவலகக் கூட்டரங்கில் கஜா புயல் தொடர்பாக முன்னெச்சரிக்கை நடவடிக்கைகள் குறித்த அனைத்துத் துறை அலுவலர்களுக்கான ஆய்வுக்கூட்டம் வியாழக்கிழமை நடைபெற்றது. கடலூர் மாவட்ட கண்காணிப்பு அலுவலரும், அரசு முதன்மைச் செயலருமான ககன்தீப் சிங் பேடி, மாவட்ட ஆட்சியர் வெ.அன்புச்செல்வன் ஆகியோர் முன்னிலையில் தொழில்துறை அமைச்சர் எம்.சி.சம்பத் தலைமையில் கூட்டம் நடைபெற்றது.
 கூட்டத்தில் அமைச்சர் எம்.சி.சம்பத் பேசியதாவது: கடலூர் மாவட்டத்தில் கஜா புயல் தாக்கத்தால் மனித, கால்நடை உயிரிழப்புகள் இல்லை என்ற நிலையை அடையும் வகையில் ஊழியர்கள் பாடுபட வேண்டும். சுனாமி, பெருமழை போன்றவற்றை சந்தித்த அனுபவம் கொண்ட கடலூர் மாவட்ட அரசு ஊழியர்கள் இதனையும் தங்களது அனுபவத்தின் வாயிலாக எதிர்கொண்டு சமாளிக்க வேண்டும் என்றார் அவர்.
 ககன்தீப் சிங் பேடி பேசுகையில், புயல் இரவு நேரத்தில் கரையைக் கடக்குமென தெரிவிக்கப்பட்டுள்ளதால் பொதுமக்களுக்கு அரசு அலுவலர்களின் தேவை இரவு நேரத்தில்தான் இருக்கும். எனவே, மாவட்டத்திலுள்ள அனைத்து அரசு அலுவலகங்களும் வியாழக்கிழமை இரவு செயல்பட வேண்டும் என்று கூறினார்.
 கூட்டத்தில் மாவட்ட காவல் கண்காணிப்பாளர் ப.சரவணன், மாவட்ட வருவாய் அலுவலர் ஆர்.ராஜகிருபாகரன், சார்-ஆட்சியர்கள் கே.எம்.சரயூ, எம்.எஸ்.பிரசாந்த், மாவட்ட ஊரக வளர்ச்சி முகமை திட்ட இயக்குநர் மகேந்திரன், மாவட்ட ஆட்சியரின் நேர்முக உதவியாளர் (பொது) ச.சந்தோஷினி சந்திரா மற்றும் அனைத்துத்துறை அலுவலர்கள் கலந்து கொண்டனர்.
 இரவில் இயங்கிய அரசு
 அலுவலகங்கள்: ககன்தீப் சிங் பேடி உத்தரவின்படி கடலூர் நகரில் நகராட்சி, வட்டாட்சியர் அலுவலகம் உள்பட பெரும்பாலான அலுவலகங்கள் வியாழக்கிழமை இரவு செயல்பட்டன.
 

]]>
http://www.dinamani.com/all-editions/edition-villupuram/cuddalore/2018/nov/16/கஜா-புயல்-இரவில்-இயங்கிய-அரசு-அலுவலகங்கள்-3039734.html
3039135 விழுப்புரம் கடலூர் மரக் கன்றுகள் நடும் விழா DIN DIN Thursday, November 15, 2018 08:55 AM +0530 சிதம்பரம் ரோட்டரி சங்கம் சார்பில் ராமசாமி செட்டியார் நகர மேல்நிலைப் பள்ளி வளாகத்தில் மரக் கன்றுகள் நடும் விழா அண்மையில் நடைபெற்றது.
விழாவுக்கு ரோட்டரி சங்கத் தலைவர் வி.செல்வநாராயணன் தலைமை வகித்தார்.  தலைமையாசிரியர் கே.செல்வக்குமார் முன்னிலை வகித்தார். ரோட்டரி மாவட்ட முன்னாள் ஆளுநர் எஸ். அருள்மொழிச்செல்வன் மரக் கன்று நட்டு திட்டத்தை தொடக்கி வைத்தார்.  விழாவில் ரோட்டரி சங்கச் செயலர் ஆர்.ராஜசேகரன், முன்னாள் துணை ஆளுநர் கே.ஜி.நடராஜன், உறுப்பினர்கள் என்.என். பாபு, சி.சந்திரசேகரன் ஆகியோர் பங்கேற்றனர். 
நிகழ்ச்சியில், பள்ளி வளாகம், விளையாட்டு மைதானம் உள்ளிட்ட பகுதிகளில் நடுவதற்கு பள்ளியின் தேசிய பசுமைப்படை, நாட்டு நலப்பணித்திட்டம், சாரணர் படை, இளம்செஞ்சிலுவை சங்கத்தைச் சேர்ந்த மாணவர்கள் மூலம் சுமார் 300 மரக்கன்றுகள் வழங்கப்பட்டன.  
ஏற்பாடுகளை உதவித் தலைமையாசிரியர் ஆர்.ரவிசங்கர், தேசிய பசுமைப் படை அமைப்பாளர் எஸ்.இளங்கோ, நாட்டு நலப் பணித் திட்ட அலுவலர் ஜெ.ஜெயராமன், சாரணர் அமைப்பு அதி காரி என்.வேலாயுதம், இளம் செஞ்சிலுவை சங்க அதிகாரி என்.ரத்தின சபாபதி, ஆசிரியர் ஜனார்த்தனன் ஆகியோர் செய்திருந்தனர்.

]]>
http://www.dinamani.com/all-editions/edition-villupuram/cuddalore/2018/nov/15/மரக்-கன்றுகள்-நடும்-விழா-3039135.html
3039132 விழுப்புரம் கடலூர் பள்ளிகளில் குழந்தைகள் தின விழா DIN DIN Thursday, November 15, 2018 08:54 AM +0530 கடலூர் மாவட்டத்தில் உள்ள பள்ளிகளில் குழந்தைகள் தின விழா புதன்கிழமை கொண்டாடப்பட்டது.
இந்தியாவின் முதல் பிரதமரான ஜவாஹர்லால் நேருவின் பிறந்த நாள் விழா குழந்தைகள் தின விழாவாகக் கொண்டாடப்பட்டு வருகிறது. அதன்படி, புதன்கிழமை மாவட்டத்தில் பல்வேறு பள்ளிகளிலும் குழந்தைகள் தின விழா கொண்டாடப்பட்டது. விருத்தாசலத்திலுள்ள ஜெயப்பிரியா வித்யாலயா மெட்ரிக் மேல்நிலைப் பள்ளியில், தாளாளர் சி.ஆர்.ஜெயசங்கர் தலைமையில் விழா நடைபெற்றது. பள்ளி முதல்வர் ஏ.முருகன் முன்னிலை வகித்து சிறப்புரை ஆற்றினார். துணை முதல்வர் ராஜகயல்விழி நேரு பற்றி உரையாற்றினார்.  
கடலூர் மாவட்ட பாரதிதாசன் இலக்கிய மன்றம் சார்பில் கடலூர் நகராட்சி  நடுநிலைப் பள்ளியில் குழந்தைகள் தின விழா நடைபெற்றது. பள்ளி தலைமை ஆசிரியர் கீதா தலைமை வகித்தார். ஆசிரியர் வினயா வரவேற்றார். எழுத்தாளர் தில்லை ராஜேந்திரன், நேரு உருவப் படத்துக்கு மலரஞ்சலி செலுத்தி வாழ்த்துரை வழங்கினார். மன்றத் தலைவர் கவிஞர் கடல்.நாகராஜன் சிறப்பு விருந்தினராகக் கலந்துகொண்டு, போட்டிகளில் வெற்றி பெற்ற மாணவ, மாணவிகளுக்கு பரிசு வழங்கி சிறப்புரையாற்றினார். 
சிதம்பரம்: சிதம்பரம் வீனஸ் குழுமப் பள்ளிகள் சார்பில் குழந்தைகள் தின விழா புதன்கிழமை  நடைபெற்றது. 
 பள்ளித் தாளாளர் வீனஸ் எஸ்.குமார் முன்னிலை வகித்தார். பள்ளி முதல்வர் ரூபியாள்ராணி தலைமை வகித்தார். விழாவில் நேரு உருவப் படத்துக்கு பள்ளிக் கல்வி அலுவலர் ஜி.மகேஷ்சுந்தர், ஆசிரியர்கள் இந்திராகாந்தி, கலாதரன் மற்றும் மாணவ பிரதிநிதிகள் மலர் தூவி அஞ்சலி செலுத்தினர். பின்னர் மாணவ, மாணவிகளின் கலை நிகழ்ச்சிகள் நடைபெற்றன. கலைநிகழ்ச்சியில் பங்கேற்ற மாணவ, மாணவிகளுக்கு பரிசு, சான்றிதழ் வழங்கப்பட்டது. ஆசிரியை பாண்டிதேவி நன்றி கூறினார்.
 சிதம்பரம் ராமகிருஷ்ணா வித்தியாசாலா தொடக்கப் பள்ளியில், காஸ்மோபாலிட்டன் அரிமா சங்கத் தலைவர் எம்.ராஜசேகர் தலைமையில் குழந்தைகள் தின விழா நடைபெற்றது. தலைமை ஆசிரியை எஸ்.அமுதவாணி முன்னிலை வகித்தார். ஆசிரியை வி.சாயிபிரியா வரவேற்றார். அரிமா மாவட்டத் தலைவர் லலித்மேத்தா கலை நிகழ்ச்சிகளில் பங்கேற்ற மாணவ, மாணவிகளுக்கு பரிசுகளை வழங்கி சிறப்புரையாற்றினார். அரிமா சங்கச் செயலர் சங்கர் நன்றி கூறினார்.
வடலூர்: வடலூர் வள்ளலார் குருகுலம் மேல்நிலைப் பள்ளியில் நடைபெற்ற குழந்தைகள் தின விழாவுக்கு, ஓபிஆர் கல்வி நிறுவனங்களின் தாளாளர் ரா.செல்வராஜ் தலைமை வகித்து, நேரு உருவப் படத்துக் மலர் தூவி அஞ்சலி செலுத்தினார். போட்டிகளில் வென்ற மாணவர்களுக்கு பரிசுகளை வழங்கினார். நிகழ்ச்சியில், பள்ளி தலைமையாசிரியர் ராஜேந்திரன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/cuddalore/2018/nov/15/பள்ளிகளில்-குழந்தைகள்-தின-விழா-3039132.html
3039131 விழுப்புரம் கடலூர் முகத்துவாரத்தை தூர்வாரும் பணி தீவிரம் DIN DIN Thursday, November 15, 2018 08:54 AM +0530 கடலூரில் ஆறுகள் கடலில் கலக்கும் முகத்துவாரத்தை தூர்வாரும் பணியில் பொதுப் பணித் துறையினர் புதன்கிழமை ஈடுபட்டனர்.
 கஜா புயலை முன்னிட்டு கடலூர் மாவட்டத்தில் பரவலாக மழை பெய்யுமென எதிர்பார்க்கப்படுகிறது. இந்த மழையால் தேங்கும் தண்ணீர் பெரும்பாலும் கெடிலம், தென்பெண்ணையாறுகளில் வடிக்கப்பட்டு கடலில் கலக்க வைக்கப்படுகிறது. தற்போது முன்னெச்சரிக்கை நடவடிக்கையாக முகத்துவாரத்தை தூர்வாரும் பணியில் பொதுப் பணித் துறையினர் புதன்கிழமை ஈடுபட்டனர். தேவனாம்பட்டினம், தாழங்குடா பகுதிகளில் உள்ள முகத்துவாரத்தை கடலில் இணைக்கும் வகையில் தூர்வாரினர்.
மீன்பிடிப் படகுகள் நிறுத்தம்: கடலூர் மாவட்டத்தில் 49 மீனவக் கிராமங்கள் உள்ளன. இந்தக் கிராமங்களிலிருந்து தினமும் சுமார் 4 ஆயிரம் சிறிய, பெரிய அளவிலான படகுகளில் மீனவர்கள் மீன்பிடிக்கச் செல்வது வழக்கம். 
புயல் எச்சரிக்கை காரணமாக கடந்த சில நாள்களாக மீனவர்கள்  கடலுக்குள் செல்லவில்லை.  கடலானது புதன்கிழமை வழக்கத்துக்கு மாறாக அதிக சீற்றத்துடன் காணப்பட்டது.

]]>
http://www.dinamani.com/all-editions/edition-villupuram/cuddalore/2018/nov/15/முகத்துவாரத்தை-தூர்வாரும்-பணி-தீவிரம்-3039131.html
3039129 விழுப்புரம் கடலூர் வாலிபர் சங்கத்தினர் ஆர்ப்பாட்டம் DIN DIN Thursday, November 15, 2018 08:54 AM +0530 குறிஞ்சிப்பாடி அரசு மருத்துவமனையில் போதிய அளவில் மருத்துவர்களை நியமிக்கக் கோரி, இந்திய ஜனநாயக வாலிபர் சங்கம், அனைத்திந்திய 
ஜனநாயக மாதர் சங்கத்தினர் அரசு மருத்துவமனை முன் புதன்கிழமை ஆர்ப்பாட்டத்தில் ஈடுபட்டனர். 
ஆர்ப்பாட்டத்துக்கு வாலிபர் சங்க ஒன்றிய துணைத் தலைவர் கே.சேகர் தலைமை வகித்தார். பாபு, பார்த்திபன், அன்பழகன், சேகர், அஞ்சு, ரகு ஆகியோர் முன்னிலை வகித்தனர். மாவட்டச் செயலர் கிருஷ்ணன், மாதர் சங்க மாவட்ட துணைத் தலைவர் சிவகாமி, வாலிபர் சங்க ஒன்றியச் செயலர் சுரேஷ், ராஜேஷ், வீரமணி, தண்டபாணி ஆகியோர் கண்டன உரையாற்றினர்.
ஆர்ப்பாட்டத்தில், குறிஞ்சிப்பாடி அரசு மருத்துவமனையில் போதிய எண்ணிக்கையில் மருத்துவர்களை நியமிக்க வேண்டும்.செவிலியர்களை அதிகப்படுத்த வேண்டும். எக்ஸ்ரே, சி.டி. ஸ்கேன் போன்ற நவீன கருவிகளை ஏற்படுத்திட வேண்டும். நோயாளிகளுக்கு சுகாதாரமான குடிநீர், உணவு வழங்க வேண்டும். மருத்துவமனைக்கு வரும் நோயாளிகளுக்கு மன உளைச்சலை ஏற்படுத்தும் ஊழியர்கள் மீது நடவடிக்கை எடுக்க வேண்டும். கறிப்பறைகளை தூய்மைப்படுத்த வேண்டும் என வலியுறுத்தி முழக்கமிட்டனர்.
 

]]>
http://www.dinamani.com/all-editions/edition-villupuram/cuddalore/2018/nov/15/வாலிபர்-சங்கத்தினர்-ஆர்ப்பாட்டம்-3039129.html
3039127 விழுப்புரம் கடலூர் 428 பேருக்கு டெங்கு பாதிப்பு: ஆட்சியர் DIN DIN Thursday, November 15, 2018 08:53 AM +0530 கடலூர் மாவட்டத்தில் 428 பேர் டெங்கு காய்ச்சலால் பாதிக்கப்பட்டுள்ளதாக மாவட்ட ஆட்சியர் வெ.அன்புச்செல்வன் கூறினார்.
 கடலூர் அரசு தலைமை மருத்துவமனை கூட்டரங்கில் டெங்கு, பன்றிக் காய்ச்சல் குறித்து மருத்துவ அலுவலர்களுக்கான ஒருங்கிணைந்த புத்தாக்க பயிற்சி முகாம் செவ்வாய்க்கிழமை நடைபெற்றது. மாவட்ட ஆட்சியர் வெ.அன்புச்செல்வன் முகாமை தொடங்கி வைத்தார். அவர் பேசியதாவது: மாவட்டத்தில் டெங்கு காய்ச்சலால் 428 பேர் பாதிக்கப்பட்டுள்ளனர். இவர்களில் 224 பேர் ஊரக பகுதிகளையும், 22 பேர் பேரூராட்சி பகுதிகளையும், 182 பேர் நகராட்சி பகுதிகளையும் சார்ந்தவர்கள். இதேபோன்று 90 நபர்களுக்கு பன்றிக்காய்ச்சல் நோய் பாதிப்பு ஏற்பட்டுள்ளது. இதில், ஊரக பகுதிகளில் 42 பேரும், பேரூராட்சி பகுதிகளில் 11 பேரும், நகராட்சி பகுதிகளில் 37 பேரும் அடங்குவர். இவர்களுக்கு, அரசு மற்றும் தனியார் மருத்துவமனை மூலம் சிறப்பு சிகிச்சை வழங்கப்பட்டதில் இக்காய்ச்சல்கள் கட்டுப்பாட்டுக்குள் உள்ளது என்றார் அவர்.
 நிகழ்ச்சியில் இணை இயக்குநர் (மருத்துவம்) கலா, துணை இயக்குநர் (சுகாதாரம்) கீதா, சென்னை மருத்துவக் கல்லூரி பேராசிரியர் எஸ்.ரகுநந்தனன் உள்ளிட்டோர் கலந்து கொண்டனர்.


 

]]>
http://www.dinamani.com/all-editions/edition-villupuram/cuddalore/2018/nov/15/428-பேருக்கு-டெங்கு-பாதிப்பு-ஆட்சியர்-3039127.html
3039125 விழுப்புரம் கடலூர் புயல் பாதுகாப்பு ஆலோசனைக் கூட்டம் DIN DIN Thursday, November 15, 2018 08:53 AM +0530 குறிஞ்சிப்பாடி ஊராட்சி ஒன்றிய அலுவலகத்தில், புயல் பாதுகாப்பு முன்னெச்சரிக்கை நடவடிக்கை குறித்த கலந்தாய்வுக் கூட்டம் புதன்கிழமை நடைபெற்றது.
கூட்டத்துக்கு மாவட்ட வருவாய் அலுவலர் (நில எடுப்பு) மங்களம் தலைமை வகித்தார். மாவட்ட வழங்கல் அலுவலர் வெற்றிவேல், தமிழ்நாடு கேபிள் டிவி வட்டாட்சியர் சிவா, குறிஞ்சிப்பாடி வட்டாட்சியர் விஜயா, தனி வட்டாட்சியர் தமிழ்ச்செல்வி, வசந்தி, குறிஞ்சிப்பாடி ஊராட்சி ஒன்றிய அலுவலர் சாரதி ஆகியோர் கலந்துகொண்டனர். 
கூட்டத்தில், புயல், மழையால் வெள்ளப் பாதிப்பு ஏற்பட்டால் மேற்கொள்ள வேண்டிய  பணிகள் குறித்து அனைத்துத் துறை  அலுவலர்களிடம் கலந்தாலோசிக்கப்பட்டது.
 

]]>
http://www.dinamani.com/all-editions/edition-villupuram/cuddalore/2018/nov/15/புயல்-பாதுகாப்பு-ஆலோசனைக்-கூட்டம்-3039125.html
3039123 விழுப்புரம் கடலூர் சிதம்பரம் அருகே கிடப்பில் போடப்பட்ட குடிநீர்த் தொட்டி கட்டுமானப் பணி!நமது நிருபர் DIN DIN Thursday, November 15, 2018 08:53 AM +0530 சிதம்பரம் அருகே உள்ள உசுப்பூர் ஊராட்சியில் குடிநீர்த் தொட்டி கட்டுமானப் பணி முழுமை பெறாத நிலையில், சுமார் இரண்டு ஆண்டுகளாகக் கிடப்பில் போடப்பட்டுள்ளது.

இந்த ஊராட்சிக்கு உள்பட்ட ராஜேந்திரா கார்டன் அருகே குடிநீர் தேக்கத் தொட்டி கட்டுமானப் பணி தொடங்கி நடைபெற்று வந்தது. இந்தப் பணிகள் பாதி நிறைவடைந்த நிலையில் திடீரென கிடப்பில் போடப்பட்டது. அதன்பிறகு கடந்த 2 ஆண்டுகளாக பணிகள் ஏதும் நடைபெறவில்லை என அந்தப் பகுதி மக்கள் தெரிவிக்கின்றனர். குடிநீர் தேக்க தொட்டிக்கு ஆழ்துளைக் கிணறு அமைக்க வந்த வாகனம் சுமார் ஓராண்டு காலமாக அந்தப் பகுதியிலேயே நிறுத்தி வைக்கப்பட்டுள்ளது.

இந்த வாகனத்திலிருந்த பைப்புகள் உள்ளிட்ட சாதனங்களை சமூக விரோதிகள் சிறிது, சிறிதாக திருடிச் சென்றுவிட்டனர். நீர்த்தேக்க தொட்டியில் அமைக்கப்பட்டிருந்த இரும்புக் குழாயையும் அகற்றிவிட்டனர். ஆழ்துளை கிணறு அமைக்க வந்த தனியார் வாகனம் சுமார் ஓராண்டு காலமாக அதே இடத்தில் நிற்பது பல்வேறு சந்தேகங்களை ஏற்படுத்துகிறது. 

இதுகுறித்து சம்பந்தப்பட்ட வட்டார வளர்ச்சி அலுவலரிடம் கேட்டபோது உரிய பதில் கிடைக்கவில்லை. குடிநீர் தொட்டி பணிகள் நிறைவடையாததால்  மாரியப்பா நகர், வையாபுரி கார்டன், ராஜேந்திரா கார்டன், ஆட்டோ நகர், விஜய் கிரைன் கார்டன் உள்ளிட்ட பகுதிகளில் குடியிருப்புகளுக்கு போதுமான அளவில் குடிநீர் கிடைப்பதில்லை. வாரத்துக்கு ஒருமுறைதான் குடிநீர் விநியோகம் நடைபெறுவதாக பொதுமக்கள் கூறுகின்றனர். இந்த தண்ணீர் விநியோகமும் ராஜேந்திரா கார்டனில் உள்ள சிறிய நீர்த்தேக்க தொட்டி மூலமே வழங்கப்படுகிறது. 

மக்களின் கோரிக்கையை ஏற்று நீர்த் தேக்க தொட்டி கட்டும் பணியை தொடங்கிய உசுப்பூர் ஊராட்சி நிர்வாகம், என்ன காரணத்தினாலோ பணியை பாதியில் கிடப்பில் போட்டுவிட்டது. இதனால் பொதுமக்கள் குடிநீர்த் தட்டுப்பாட்டால் தொடர்ந்து அவதிப்படுகின்றனர். 

இந்த குடிநீர்த் தொட்டி சிதம்பரம் - கவரப்பட்டு சாலையில் உள்ள அண்ணாமலைநகர் துணை மின் நிலையம் அருகே பிரதான சாலைப் பகுதியில் அமைக்கப்பட்டுள்ளது.  மக்களின் வரிப் பணத்தில் கட்டப்பட்ட குடிநீர்த்  தொட்டியை கிடப்பில் போடுவது ஏற்கத்தக்கதல்ல. 

எனவே, பணிகளை முழுமையாக முடித்து குடிநீர் தொட்டியை பயன்பாட்டுக்கு கொண்டுவர வேண்டும். இதுதொடர்பாக கடலூர் மாவட்ட ஆட்சியர், சிதம்பரம் சார்-ஆட்சியர், குமராட்சி வட்டார வளர்ச்சி அலுவலர்  ஆகியோர் உரிய நடவடிக்கை எடுக்க வேண்டும் என்பதே இந்தப் பகுதி மக்களின் கோரிக்கை.

]]>
http://www.dinamani.com/all-editions/edition-villupuram/cuddalore/2018/nov/15/சிதம்பரம்-அருகே-கிடப்பில்-போடப்பட்ட-குடிநீர்த்-தொட்டி-கட்டுமானப்-பணிநமது-நிருபர்-3039123.html
3039121 விழுப்புரம் கடலூர் கஜா புயல்: சிதம்பரத்தில் அதிகாரிகள் ஆய்வு DIN DIN Thursday, November 15, 2018 08:52 AM +0530 கஜா புயல் முன்னெச்சரிக்கை நடவடிக்கைகள் குறித்து சிதம்பரம் 
நகர்மன்ற அலுவலகத்தில் அனைத்துத் துறை அதிகாரிகள் பங்கேற்ற ஆய்வுக் கூட்டம் புதன்கிழமை நடைபெற்றது.
கூட்டத்துக்கு மாவட்ட வருவாய் அலுவலர் செல்வராஜ் தலைமை வகித்தார். நகராட்சி ஆணையர் சுரேந்திரஷா முன்னிலை வகித்தார். கூட்டத்தில் மேலாளர் நந்தகுமார், பொறியாளர் மகாதேவன், ஸ்ரீமுஷ்ணம் சமூகப் பாதுகாப்புத் திட்ட தனி வட்டாட்சியர் புகழேந்தி, பொதுப் பணித் துறை உதவி பொறியாளர் சண்முகம், நகராட்சி மின் கண்காணிப்பாளர் சலீம், மின் துறை உதவி பொறியாளர் கார்த்தி,தேசிய நெடுஞ்சாலை துறை உதவி பொறியாளர் வினோத் வெங்கடேஷ், சிதம்பரம் வருவாய் ஆய்வாளர் அகிலன், கிராம நிர்வாக அலுவலர் பாலமுருகன், தீயணைப்பு மீட்புத் துறையினர் உள்ளிட்ட பல்வேறு துறைகளைச் சேர்ந்த அதிகாரிகள் பங்கேற்றனர்.
கூட்டத்தில் எடுக்கப்பட்ட முடிவுகள் குறித்து நகராட்சி ஆணையர் சுரேந்திரஷா கூறியதாவது: சிதம்பரத்தில் புயல் முன்னெச்சரிக்கை மற்றும் பாதுகாப்பு குறித்து கண்காணிக்க தலா 5 பேர் கொண்ட 3 குழுக்கள் நியமிக்கப்பட்டுள்ளன. நகராட்சியில் உள்ள 33 வார்டுகளையும் இவர்கள் கண்காணித்து நடவடிக்கை மேற்கொள்வார்கள். சிதம்பரம் நகரில் பொது மக்களை தங்க வைக்க 9 புயல் பாதுகாப்பு தற்காலிக முகாம்கள் அமைக்கப்பட்டுள்ளன. 
 அங்கு உணவு, குடிநீர், கழிப்பறை, ஜெனரேட்டர் உள்ளிட்ட வசதிகள் செய்யப்பட்டுள்ளன. சிதம்பரம் நகரின் மக்கள்தொகை 62,153 பேர். இவர்கள் அனைவருக்கும் தடையின்றி குடிநீர் வழங்க நடவடிக்கை மேற்கொள்ளப்பட்டுள்ளது. இதுதவிர, பொதுப் பணித் துறை சார்பில் 5 பேர் கொண்ட குழுவினர், தீயணைப்பு மீட்புத் துறை குழுவினர் அமைக்கப்பட்டுள்ளனர். மேலும் மரம் அறுக்கும் இயந்திரங்கள், மண் மூட்டைகள், சவுக்கு கட்டைகள், படகுகள் உள்ளிட்டவை தயார் நிலையில் வைக்கப்பட்டுள்ளன. 
 நகரில் உள்ள 25 நியாயவிலைக் கடைகளிலும் அரிசி, பருப்பு உள்ளிட்ட அத்தியாவசியப் பொருள்கள் தயார் நிலையில் வைக்கப்பட்டுள்ளன. ஆவின் பாலகம் 24 மணி நேரமும் இயங்க நடவடிக்கை மேற்கொள்ளப்பட்டுள்ளது. புயல் பாதிப்பு குறித்து 04144- 222231 என்ற தொலைபேசியில் எண்ணில் பொதுமக்கள் தகவல் தெரிவிக்கலாம் என்றார் அவர்.

]]>
http://www.dinamani.com/all-editions/edition-villupuram/cuddalore/2018/nov/15/கஜா-புயல்-சிதம்பரத்தில்-அதிகாரிகள்-ஆய்வு-3039121.html
3039118 விழுப்புரம் கடலூர் புயலை எதிர்கொள்ள என்ன செய்ய வேண்டும்? DIN DIN Thursday, November 15, 2018 08:52 AM +0530 புயலை எதிர்கொள்ள பொதுமக்கள் என்ன செய்ய வேண்டும் என்பது குறித்து விளக்கம் அளிக்கப்பட்டுள்ளது.
இதுகுறித்து கடலூர் மாவட்ட நிர்வாகம், வானிலை மைய முன்னோடிகள் கூறியதாவது: கஜா புயல் கரையைக் கடப்பதாக அறிவிக்கப்படும் நேரத்தில் பொதுமக்கள் வீடுகளை விட்டு வெளியே வரக் கூடாது. வீட்டின் ஜன்னல்களை முழுமையாக சாத்தி வைத்திருக்க வேண்டும். உயரமான கட்டடங்களில் தனியாக நிற்பது, புயலின்போது சுயபடம் (செல்பி) எடுப்பதை தவிர்க்க வேண்டும். பாலம், உயரமான பகுதிகளில் நடந்து செல்லவோ, வாகனங்களில் செல்வதையோ தவிர்க்க வேண்டும். 
புயல் கரையைக் கடக்கும் நேரத்தில் மின்சாரம் தடை செய்யப்படும். எனவே, மின்சாரத்தால் மேற்கொள்ளப்படும் பணிகளை முன்னரே திட்டமிட்டு செய்து முடிக்க வேண்டும். புயலால் மரங்கள் பாதிக்கப்படும் என்பதால் மரத்தின் கிளைகளை முன்னரே வெட்டி அகற்ற வேண்டும். புயல் கரையைக் கடந்த பின்னர் பாதிப்புகள் ஏற்படுவதற்கான வாய்ப்புகள் அதிகம். அப்போது மரங்கள், மின்கம்பங்கள் சாலையில் விழுந்தால் போக்குவரத்தும், மின்சார விநியோகமும் கடுமையாக பாதிக்கப்படும். எனவே, குடிநீர், உணவு உள்ளிட்டவைகளை முன்னரே தயார் செய்து வைத்திருக்க வேண்டும். 
பால், காய்கறி, மளிகை உள்ளிட்ட அத்தியாவசியப் பொருள்களை தேவைக்கேற்ப இருப்பு வைத்திருப்பதோடு, மெழுகுவர்த்தி, மண்ணெண்ணெயில் எரியும் விளக்குகள், பேட்டரியால் இயங்கும் விளக்குகளை தயாராக வைத்திருக்க வேண்டும். வீட்டின் மாடிகளில் பிளாஸ்டிக்கால் ஆன தண்ணீர் தொட்டிகள் வைத்திருந்தால் அவை காற்றின் வேகத்துக்கு ஈடுகொடுக்க முடியாமல் கீழே விழும் வாய்ப்புள்ளது. எனவே, அவற்றில் தண்ணீர் நிரப்பியோ அல்லது பாதுகாப்பான இடத்தில் கீழே இறக்கியோ வைத்திருக்கலாம். மரத்தின் கீழ் ஒதுக்குவதை தவிர்க்க வேண்டும். கால்நடைகளை பாதுகாப்பான இடத்தில் பராமரிக்க வேண்டும். மரத்தின் கீழ், மின்கம்பங்களில் கால்நடைகளை கட்டுவதை தவிர்க்க வேண்டும் என்று தெரிவித்தனர்.

]]>
http://www.dinamani.com/all-editions/edition-villupuram/cuddalore/2018/nov/15/புயலை-எதிர்கொள்ள-என்ன-செய்ய-வேண்டும்-3039118.html
3039116 விழுப்புரம் கடலூர் சார்-ஆட்சியர் அலுவலகத்தை மாட்டு வண்டித் தொழிலாளர்கள் முற்றுகை DIN DIN Thursday, November 15, 2018 08:52 AM +0530 மணல் குவாரி திறக்கக் கோரி, கடலூர் சார்-ஆட்சியர் அலுவலகத்தை மாட்டு வண்டித் தொழிலாளர்கள் புதன்கிழமை முற்றுகையிட்டனர்.
கடலூர் வட்டத்தைச் சேர்ந்த மாட்டு வண்டித் தொழிலாளர்களுக்கு வானமாதேவி, விலங்கல்பட்டு, வான்பாக்கம் ஆகிய பகுதிகளில் மணல் குவாரி அமைக்க வேண்டும். மாட்டு வண்டித் தொழிலாளர்கள் மீது காவல்துறையினர் நடவடிக்கை எடுப்பதை கைவிட வேண்டும். இதுவரை பறிமுதல் செய்யப்பட்ட மாட்டு வண்டிகளை விடுவித்து, அவர்கள் மீதான வழக்குகளை திரும்பப்பெற வேண்டும். மாட்டு வண்டித் தொழிலை திருட்டுத் தொழிலாக சித்தரிப்பதை கைவிட வேண்டும் என்பன உள்ளிட்டக் கோரிக்கைகளை வலியுறுத்தி, கடலூரில் சார்-ஆட்சியர் அலுவலகத்தை முற்றுகையிடும் போராட்டத்தை கடலூர் மாவட்ட மாட்டு வண்டித் தொழிலாளர் சங்கம் (சிஐடியூ) அறிவித்தது.
அதன்படி புதன்கிழமை ஒன்றியச் செயலர் ஜெ.விஸ்வநாதன் தலைமையில் நிர்வாகிகள் சார்-ஆட்சியர் அலுவலகத்தை முற்றுகையிட்டனர். இதையடுத்து, சிஐடியூ மாவட்டச் செயலர் 
பி.கருப்பையன், மாவட்டத் தலைவர் ஜி.பாஸ்கரன், மாட்டு வண்டித் தொழிலாளர்கள் சங்க மாவட்டச் செயலர் வி.திருமுருகன் உள்ளிட்டோர் சார்-ஆட்சியரின் நேர்முக உதவியாளரை சந்தித்து பேச்சுவார்த்தை நடத்தினர். அதில், தற்போது புயல் முன்னெச்சரிக்கைப் பணிகளில் மாவட்ட நிர்வாகம் ஈடுபட்டு வருவதால் இந்தப் பிரச்னைக்கு அடுத்த 10 நாள்களில் தீர்வு காண்பது. தற்போது மாவட்ட நிர்வாகத்தால் கூடுதலாக 5 குவாரிகளுக்கு அனுமதி கேட்டு கருத்துரு அனுப்பி வைக்கப்பட்டுள்ளது என்றும் தெரிவிக்கப்பட்டது. இதனையேற்று சங்கத்தினர் தங்களது போராட்டத்தை விலக்கிக் கொண்டதோடு, 15 நாள் காலக்கெடு விதித்தனர்.
போராட்டத்தில் சிஐடியூ நிர்வாகிகள் வி.கிருஷ்ணமூர்த்தி, ஆர்.ஆளவந்தார், வி.சுப்புராயன், மாட்டு வண்டித் தொழிலாளர்கள் சங்கத்தினர் வி.சுப்ரமணியன், வி.செல்வராஜ் உள்ளிட்டோர் பங்கேற்றனர். நகரச் செயலர் 
பி.பரணி நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2018/nov/15/சார்-ஆட்சியர்-அலுவலகத்தை-மாட்டு-வண்டித்-தொழிலாளர்கள்-முற்றுகை-3039116.html
3039114 விழுப்புரம் கடலூர் பல்கலை.யில் தேசியக் கருத்தரங்கம் DIN DIN Thursday, November 15, 2018 08:51 AM +0530 சிதம்பரம் அண்ணாமலைப் பல்கலைக்கழக தகவல் தொழில்நுட்பவியல் துறையில், "கணினி மற்றும் தகவல் தொழில்நுட்பவியல் முன்னேற்றம்' என்ற தலைப்பில் இரண்டு நாள் தேசிய கருத்தரங்கம் செவ்வாய்க்கிழமை (நவ.13) தொடங்கி நடைபெற்றது. 
கருத்தரங்க தொடக்க நிகழ்வுக்கு, பொறியியல் புல முதல்வர் செ.அந்தோணி ஜெயசேகர் தலைமை வகித்தார். அவர் பேசுகையில், தகவல் தொழில்நுட்பத் துறையின் முன்னேற்றம் குறித்து விளக்கிக் கூறினார். 
 சிறப்பு விருந்தினராக சென்னையிலுள்ள "பில்வாக் டெக்நோ மேனேஜ்மென்ட்' தனியார் நிறுவன இயக்குநர் கே.பாஸ்கரன் பங்கேற்று பேசினார். முன்னதாக  தகவல் தொழில்நுட்பவியல் துறைத்  தலைவர் வை.ஸ்ரீனிவாசன் வரவேற்றார். விழா ஒருங்கிணைப்பாளர் இணைப் பேராசிரியர் க.செல்வக்குமார் கருத்தரங்கு பற்றி விளக்கமளித்தார். முனைவர் தெ.சுரேஷ் நன்றி கூறினார்.

]]>
http://www.dinamani.com/all-editions/edition-villupuram/cuddalore/2018/nov/15/பல்கலையில்-தேசியக்-கருத்தரங்கம்-3039114.html
3039112 விழுப்புரம் கடலூர் மாணவியை கடத்தி கட்டாயத் திருமணம்: பள்ளி ஆசிரியருக்கு ஆயுள் சிறை DIN DIN Thursday, November 15, 2018 08:51 AM +0530 பள்ளி மாணவியைக் கடத்தி கட்டாயத் திருமணம் செய்த ஆசிரியருக்கு ஆயுள் சிறைத் தண்டனை விதித்து கடலூர் நீதிமன்றம் புதன்கிழமை தீர்ப்பளித்தது. 
கடலூர் மாவட்டம், பண்ருட்டி அருகே உள்ள திருவாமூரைச் சேர்ந்த கோபாலகிருஷ்ணன் மகன் ராஜிவ்காந்தி (33). திருமணமான இவர் பண்ருட்டியில் உள்ள தனியார் பள்ளியில் கணித ஆசிரியராகப் பணிபுரிந்து வந்தார். இவர் கடந்த 2016-ஆம் ஆண்டு அதே பள்ளியில் 9-ஆம் வகுப்பு படித்த 13 வயது மாணவியை வழிமறித்து, தன்னுடன் பைக்கில் வருமாறு வற்புறுத்தினார். தன்னுடன் வரவில்லை என்றால் மாணவியின் தம்பி, தங்கையை கொன்றுவிடுவதாக மிரட்டினாராம். இதையடுத்து அந்த மாணவியை ஆசிரியர் பைக்கில் திருப்பதிக்கு கடத்திச் சென்று அங்கு கோயிலின் முன்பாக கட்டாய தாலி கட்டினார். பின்னர் அவரை பாலியல் வன்கொடுமை செய்தார்.
இந்த வழக்கு விசாரணை கடலூர் மாவட்ட மகளிர் நீதிமன்றத்தில் நீதிபதி டி.லிங்கேஸ்வரன் முன்னிலையில் நடைபெற்று வந்தது. வழக்கில் புதன்கிழமை தீர்ப்பளித்த நீதிபதி, ஆசிரியர் ராஜிவ்காந்திக்கு ஆயுள் சிறை தண்டனையும், ரூ.ஒரு லட்சம் அபராதமும் விதித்தார். 
அபராதத் தொகையை கட்டத் தவறினால் மேலும் 2 ஆண்டுகள் சிறை தண்டனை அனுபவிக்க உத்தரவிட்டார். இதனையடுத்து ராஜிவ்காந்தி  கடலூர் மத்திய சிறையில் அடைக்கப்பட்டதாக அரசு வழக்குரைஞர் க.செல்வப்பிரியா கூறினார்.
 

]]>
http://www.dinamani.com/all-editions/edition-villupuram/cuddalore/2018/nov/15/மாணவியை-கடத்தி-கட்டாயத்-திருமணம்-பள்ளி-ஆசிரியருக்கு-ஆயுள்-சிறை-3039112.html
3038458 விழுப்புரம் கடலூர் திமுக சார்பில் மருத்துவ முகாம் DIN DIN Wednesday, November 14, 2018 09:41 AM +0530 சிதம்பரம் நகர திமுக சார்பில் இலவச மருத்துவ முகாம், நிலவேம்புக் குடிநீர் வழங்கும் நிகழ்ச்சி சிதம்பரத்தில் திங்கள்கிழமை நடைபெற்றது.
 கட்சியின் நகரச் செயலர் கே.ஆர்.செந்தில்குமார் தலைமை வகித்து முகாமை தொடக்கி வைத்தார் (படம்). முகாமில் மருத்துவர்கள் கடலூர் மாவட்ட மருத்துவ அணி அமைப்பாளர் கமலகண்ணன்,  மாவட்ட மருத்துவரணி துணை அமைப்பாளர்கள் ஜி.கார்த்திகேயன், கிருஷ்ணராஜ், சித்தார்த், ஹமீது, கலிபா, ஆனந்தகுமார், கார்த்திக் ஆகியோர் பங்கேற்று சிறுவர்கள் உள்பட மொத்தம் 237 பயனாளிகளுக்கு மருத்துவப் பரிசோதனை செய்து இலவச மருந்து, மாத்திரைகளை வழங்கினர். பொதுமக்களுக்கு நிலவேம்புக் குடிநீர் வழங்கப்பட்டது.
 நிகழ்ச்சியில் நகர அவைத் தலைவர் தென்னவன் எஸ்.கே.ஆறுமுகம், புவனகிரி ஒன்றியச் செயலர் மனோகரன், பொதுக்குழு உறுப்பினர்கள் ச.ஜேம்ஸ் விஜயராகவன், ராஜேந்திரகுமார், மாவட்ட பிரதிநிதிகள் ரா.வெங்கடேசன், வி.என்.ஆர்.கிருஷ்ணமூர்த்தி, நகர துணைச் செயலர்கள் சி.பன்னீர்செல்வம், பா.பாலசுப்பிரமணியன், மாவட்ட இளைஞரணி துணை அமைப்பாளர்கள் அப்பு சத்தியநாராயணன், மாவட்ட பொறியாளர் அணி அமைப்பாளர் அப்பு.சந்திரசேகரன், 
மாவட்ட விவசாய அணி துணை அமைப்பாளர்கள் வி.பி.பாலு உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/cuddalore/2018/nov/14/திமுக-சார்பில்-மருத்துவ-முகாம்-3038458.html
3038456 விழுப்புரம் கடலூர் மாட்டு வண்டித் தொழிலாளர்கள் ஆர்ப்பாட்டம் DIN DIN Wednesday, November 14, 2018 09:41 AM +0530 விருத்தாசலத்தில் மணல் குவாரி திறக்கக் கோரி, ஜீவா மாட்டு வண்டித் தொழிலாளர்கள் சங்கத்தினர் செவ்வாய்க்கிழமை  ஆர்ப்பாட்டத்தில் ஈடுபட்டனர்.
 விருத்தாசலம் மற்றும் சுற்றுவட்டாரப் பகுதிகளில் உள்ள மாட்டு வண்டித் தொழிலாளர்களின் வாழ்வாதாரத்தைப் பாதுகாத்திட மாட்டு வண்டிக்கான மணல் குவாரியை திறக்க வேண்டும் என்ற கோரிக்கையை வலியுறுத்தி, விருத்தாசலம் கோட்டாட்சியர் அலுவலகம் முன் ஜீவா மாட்டு வண்டித் தொழிலாளர்கள் சங்கத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு சங்கத்தின் வட்டத் தலைவர் 
ஆர்.ஜனார்த்தனன் தலைமை வகித்தார். மாவட்ட துணைச் செயலர் வி.குளோப் உள்ளிட்டோர் பங்கேற்றனர். ஆர்ப்பாட்டத்தில் விருத்தாசலம் மணிமுத்தாற்றுப் பகுதிகளான தொட்டிக்குப்பம், சின்னப்பரூர், பரவளூர் ஆகிய இடங்களில் அரசு மணல் குவாரி திறக்கக் கோரி முழக்கங்களை எழுப்பினர். பின்பு, விருத்தாசலம் வருவாய் கோட்டாட்சியரும், சார் ஆட்சியருமான எம்.எஸ்.பிரசாந்த்திடம் மனு அளித்தனர். 
 மணல் குவாரி திறக்க சார்-ஆட்சியர் உரிய நடவடிக்கை எடுப்பதாக உறுதி அளித்ததாகவும், குவாரி திறக்காவிட்டால் அனைத்து மாட்டு வண்டித் தொழிலாளர்களையும் திரட்டி மாட்டு வண்டிகளுடன் வந்து காத்திருப்புப் போராட்டம் நடத்துவோம் என்றும் சங்கத்தினர் தெரிவித்தனர்.
 

]]>
http://www.dinamani.com/all-editions/edition-villupuram/cuddalore/2018/nov/14/மாட்டு-வண்டித்-தொழிலாளர்கள்-ஆர்ப்பாட்டம்-3038456.html
3038453 விழுப்புரம் கடலூர் கொள்ளிடம் தடுப்பணைக் குழு ஆலோசனை DIN DIN Wednesday, November 14, 2018 09:40 AM +0530 சிதம்பரத்தில் கொள்ளிடம் தடுப்பணைக் குழு, வர்த்தக சங்கம் சார்பில் ஆலோசனைக் கூட்டம் செவ்வாய்க்கிழமை நடைபெற்றது. 
வர்த்தக சங்கத் தலைவர் சதீஷ்குமார் தலைமை வகித்தார். கொள்ளிடம் தடுப்புக் குழு மூத்த ஒருங்கிணைப்பாளர் செங்குட்டுவன், வர்த்தக சங்கச் செயலர் முருகப்பன் ஆகியோர் முன்னிலை வகித்தனர். கூட்டத்தில் சிறப்பு அழைப்பாளராக ஒருங்கிணைப்பாளர் ஜெக.சண்முகம் பங்கேற்றார். அவர் பேசியதாவது: கடலூர் மாவட்டத்தில் கொள்ளிடத்தில் உள்ள பெராம்பட்டு, நாகை மாவட்டம் சந்ததோப்பு இடையே தடுப்பணை கட்ட வேண்டும் என பல்வேறு போராட்டங்கள் நடத்தினோம். இதுகுறித்து கடந்த 3.4.2018 அன்று சிதம்பரம் கோட்டாட்சியர் தலைமையில் சமாதானக் கூட்டம் நடைபெற்றது. அதில் 90 நாள்களில் தடுப்பணை கட்ட உரிய நடவடிக்கை எடுப்பதாக  அதிகாரிகள் தெரிவித்தனர். ஆனால், இதுவரை எந்த நடவடிக்கையும் அரசு எடுக்கவில்லை. 
 எனவே,  வருகிற 25-ஆம் தேதி சிதம்பரம் அண்ணாமலைப் பல்கலைக்கழக நிகழ்ச்சியில் பங்கேற்க வரும் தமிழக ஆளுநர் பன்வாரிலால் புரோஹித்திடம், உப்பு நீர் குடங்களுடன் சென்று மனு அளித்து வரவேற்பது என முடிவு செய்துள்ளோம். மேலும், சிதம்பரம் ரயில் நிலையத்தில் புவனேஸ்வரர் 
எக்ஸ்பிரஸ், அந்தியோதயா ரயில்கள் நின்று செல்லாததைக் கண்டித்து ரயில் மறியல் போராட்டம் நடத்த உள்ளோம் என்றார் அவர். கூட்டத்தில் நிர்வாகிகள் தீபக்குமார், சிவராமகிருஷ்ணன் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-villupuram/cuddalore/2018/nov/14/கொள்ளிடம்-தடுப்பணைக்-குழு-ஆலோசனை-3038453.html
3038451 விழுப்புரம் கடலூர் பிச்சாவரம் சுற்றுலா மையத்தில் படகுப் போக்குவரத்து நிறுத்தம் DIN DIN Wednesday, November 14, 2018 09:40 AM +0530 கஜா புயலையொட்டி, பிச்சாவரம் சுற்றுலா மையத்தில் படகுப் போக்குவரத்து புதன், வியாழக்கிழமைகளில் ( நவ.14,15) நிறுத்தப்படுவதாக வனத் துறையினர் தெரிவித்தனர்.
 வங்கக் கடலில் மையம் கொண்டுள்ள கஜா புயல் வியாழக்கிழமை (நவ.15) கடலூர் - பாம்பன் இடையே கரையைக் கடக்க வாய்ப்புள்ளதாக அறிவிக்கப்பட்டுள்ளது. இதனால், கடலூர் மாவட்டத்தில் பலத்த மழை பெய்வதுடன், மணிக்கு 100 கி.மீ. வேகத்தில் சூறாவளிக் காற்றும் வீசக் கூடும் என வானிலை மையம் எச்சரித்துள்ளது. இதையொட்டி, சிதம்பரம் அருகே பிச்சாவரம் சுந்தரவனக் காடுகள் சுற்றுலா மையத்தில் படகுப் போக்குவரத்து நிறுத்தப்படுவதாக அறிவிக்கப்பட்டுள்ளது. 
 இதுகுறித்து வனச் சரக அலுவலர் எம்.வெங்கடேசன் கூறியதாவது: சுற்றுலாப் பயணிகளின் பாதுகாப்பு கருதி பிச்சாவரம் சுந்தரவனப் பகுதியில் பழங்குடியின மக்கள் மற்றும் தமிழ்நாடு சுற்றுலா வளர்ச்சிக் கழகம் மூலம் இயக்கப்படும் சுற்றுலாப் படகு போக்குவரத்து புதன், வியாழக்கிழமைகளில் ( நவ.14,15) நிறுத்தப்படுகிறது. மேலும், வனச் சரகம் சார்பில் பேரிடர் கால மீட்புப் பணிக்காக 
படகுகளும், போதிய பணியாளர்களும் தயார் நிலையில் உள்ளனர் என்றார் அவர்.

]]>
http://www.dinamani.com/all-editions/edition-villupuram/cuddalore/2018/nov/14/பிச்சாவரம்-சுற்றுலா-மையத்தில்-படகுப்-போக்குவரத்து-நிறுத்தம்-3038451.html
3038449 விழுப்புரம் கடலூர் புயல் முன்னெச்சரிக்கை நடவடிக்கை: சிதம்பரம் எம்எல்ஏ ஆய்வு DIN DIN Wednesday, November 14, 2018 09:40 AM +0530 கஜா புயல் முன்னெச்சரிக்கை நடவடிக்கைகள் குறித்து சிதம்பரம் தொகுதி 
எம்எல்ஏ கே.ஏ.பாண்டியன், சார்-ஆட்சியர் விசுமகாஜன் ஆகியோர் செவ்வாய்க்கிழமை ஆய்வு மேற்கொண்டனர்.
 இவர்கள் இருவரும் அதிகாரிகளுடன் சிதம்பரம் தொகுதிக்குள்பட்ட கிள்ளை, முழுக்குதுறை, பரங்கிப்பேட்டை, சாமியார்பேட்டை, புதுப்பேட்டை, புதுக்குப்பம் பகுதிகளில் ஆய்வு மேற்கொண்டு முன்னெச்சரிக்கை நடவடிக்கைகளை துரிதப்படுத்தினர். பின்னர் கே.ஏ.பாண்டியன் எம்எல்ஏ செய்தியாளர்களிடம் கூறியதாவது:  
கஜா புயலையொட்டி, கடலூர் மாவட்ட நிர்வாகம் அனைத்து முன்னெச்சரிக்கை நடவடிக்கைகளையும் மேற்கொண்டு வருகிறது. பேரிடர் காலங்களில் அதிகம்  பாதிக்கப்படும் பரங்கிப்பேட்டை, குமராட்சி ஒன்றியப் பகுதிகள், கடற்கரை கிராமங்களில் செய்யப்பட்டுள்ள முன்னெச்சரிக்கை பணிகளை சார்- ஆட்சியருடன் ஆய்வு செய்தேன். இதில் புயல் பாதுகாப்பு மையங்களைப் பார்வையிட்டு குடிநீர் உள்ளிட்ட அடிப்படை வசதிகள் குறித்து ஆய்வு செய்துள்ளேன். நோய் பரவாமல் தடுக்க மருத்துவக் குழுக்கள் தயாராக உள்ளன என்றார் அவர். 
ஆய்வின்போது முன்னாள் அமைச்சர் செல்வி ராமஜெயம், மாவட்ட வருவாய் அதிகாரி மணிமேகலை, முன்னாள் ஒன்றியக் குழுத் தலைவர் அசோகன், கிள்ளை நகர கழகச் செயலர் 
விஜயன், எம்ஜிஆர் மன்றச் செயலர் வீரபாண்டியன், செல்வம், சிதம்பரம் வருவாய் வட்டாட்சியர் தமிழ்செல்வன், புவனகிரி 
வருவாய் வட்டாட்சியர் ஹேமா, பரங்கிப்பேட்டை வட்டார வளர்ச்சி அலுவலர்கள் செல்வராஜ், தங்கம், பொறியாளர் 
சந்தான கிருஷ்ணன் ஆகயோர் உடனிருந்தனர்.

]]>
http://www.dinamani.com/all-editions/edition-villupuram/cuddalore/2018/nov/14/புயல்-முன்னெச்சரிக்கை-நடவடிக்கை-சிதம்பரம்-எம்எல்ஏ-ஆய்வு-3038449.html
3038446 விழுப்புரம் கடலூர் மதுக் கடையை எதிர்த்து போராட்டம் DIN DIN Wednesday, November 14, 2018 09:39 AM +0530 விருத்தாசலம் அருகே மதுக் கடையை எதிர்த்து பெண்கள் செவ்வாய்க்கிழமை போராட்டத்தில் ஈடுபட்டனர். 
விருத்தாசலம் அருகே உள்ளது முகாசபரூர் கிராமம். 
இந்தக் கிராமத்தில் கடந்த 7 மாதங்களுக்கு முன்பு டாஸ்மாக் மதுக் கடை திறக்கப்பட்டது. கடை திறக்கும்போதே அப்பகுதி 
மக்கள் எதிர்ப்புத் தெரிவித்த நிலையில், உரக்கடை வைப்பதாகக் கூறி, பின்னர் டாஸ்மாக் கடையை திறந்தனராம். இந்த நிலையில் டாஸ்மாக் கடைக்கு வரும் மதுப் பிரியர்கள், கிராமச் சாலை ஓரத்தில் மது அருந்திவிட்டு, சாலை வழியாக செல்லும் பெண்களையும், மாணவிகளையும் கிண்டல் செய்துவருவதாகக் கூறப்படுகிறது. 
 இதுகுறித்து அப்பகுதி மக்கள் அவ்வப்போது எதிர்ப்புத் தெரிவித்தபோதும், வருவாய் துறையினர் எவ்வித நடவடிக்கையும் எடுக்கவில்லையாம். இதையடுத்து அந்தப் பகுதியைச் சேர்ந்த பெண்கள் செவ்வாய்க்கிழமை மதுக்கடை முன் அமர்ந்து ஆர்ப்பாட்டத்தில் ஈடுபட்டனர். தகவலறிந்த மங்கலம்பேட்டை போலீஸார், போராட்டத்தில் ஈடுபட்ட பெண்களிடம் சமரசம் பேசி கலைந்து போகச் செய்தனர்.

]]>
http://www.dinamani.com/all-editions/edition-villupuram/cuddalore/2018/nov/14/மதுக்-கடையை-எதிர்த்து-போராட்டம்-3038446.html