Dinamani - கடலூர் - http://www.dinamani.com/all-editions/edition-villupuram/cuddalore/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2794597 விழுப்புரம் கடலூர் நிதிச் சிக்கலில் இருந்து அண்ணாமலைப் பல்கலை. மீட்கப்படுமா? சிதம்பரம் DIN Monday, October 23, 2017 07:58 AM +0530 சிதம்பரம் அண்ணாமலைப் பல்கலைக்கழக ஆசிரியர்கள், ஊழியர்கள் சங்கக் கூட்டமைப்பினர் திங்கள்கிழமை (அக்.23) முதல் காலவரையற்ற வேலைநிறுத்தப் போராட்டத்தை அறிவித்துள்ள நிலையில், இந்தப் பல்கலைக்கழகம் நிதிச் சிக்கலில் இருந்து தமிழக அரசால் மீட்கப்படுமா என்ற கேள்வி எழுந்துள்ளது.

ராஜா சர் அண்ணாமலை செட்டியாரால் சிதம்பரம் அண்ணாமலைப் பல்கலைக்கழகம் 1929-ஆம் ஆண்டில் தொடங்கப்பட்டது. இந்தப் பல்கலைக்கழகம் 88 ஆண்டுகளைக் கடந்து தற்போது சுமார் ஆயிரம் ஏக்கர் பரப்பில் 10 புலங்கள், 50 துறைகளுடன் இயங்கி வருகிறது. மேலும் 1979-ஆம் ஆண்டு தொலைதூரக் கல்வி சேவையை தொடங்கி நடத்தி வருகிறது. இந்தப் பல்கலைக்கழகத்தில் மொத்தம் 12,500 ஆசிரியர்கள், அலுவலர்கள் பணியாற்றி வருகின்றனர்.  

அண்ணாமலைப் பல்கலைக்கழகத்தில் நிதி நெருக்கடி, முறைகேடுகள் காரணமாக பல்கலைக்கழக ஆசிரியர்கள், ஊழியர்கள் கூட்டமைப்பினர் பல்வேறு போராட்டங்களை நடத்தினர்.

இதன் விளைவாக தமிழக அரசு இந்தப் பல்கலைக்கழகத்தை தனது கட்டுப்பாட்டின் கீழ் கொண்டு வந்து,   பல்கலைக்கழக நிர்வாகியாக ஐஏஎஸ் அதிகாரி ஷிவ்தாஸ் மீனாவை  2013-ஆம் ஆண்டு நியமித்தது. தமிழக சட்டப் பேரவையில் அண்ணாமலைப் பல்கலைக்கழகத்தை அரசின் கட்டுப்பாட்டின் கீழ் கொண்டுவர 1928(1) என்ற சட்டத்தில் திருத்தம் செய்து, 2013-ஆம் ஆண்டில் புதிய சட்ட மசோதா கொண்டுவரப்பட்டது. இதையடுத்து பல்கலைக்கழகத்தில் தமிழக அரசால் நியமிக்கப்பட்ட நிர்வாகி ஷிவ்தாஸ் மீனாவால் பல்வேறு கல்வி, நிதி சீரமைப்புப் பணிகள் மேற்கொள்ளப்பட்டன. 2015-ஆம் ஆண்டு முதல் இந்தப் பல்கலைக்கழக துணைவேந்தராக பேராசிரியர் செ.மணியன் நியமிக்கப்பட்டு பணியாற்றி வருகிறார்.  

பல்கலைக்கழகத்தில் ஏற்பட்டுள்ள கடும் நிதி நெருக்கடியால் ஆசிரியர்கள், ஊழியர்களுக்கு மாதந்தோறும் ஊதியம் வழங்குவதில் சிக்கல் ஏற்பட்டுள்ளது. அரசு பொறுப்பேற்றதிலிருந்து ஆசிரியர்கள், ஊழியர்களுக்கு வழங்கப்படவேண்டிய இதர பணப் பயன்கள், பதவி உயர்வுகள் வழங்கப்படவில்லை.

எனவே, தமிழக அரசு அண்ணாமலைப் பல்கலைக்கழகத்தில் இருந்து 4,722 ஊழியர்கள், ஆசிரியர்களை மாநிலத்தில் பல்வேறு பல்கலைக்கழகங்கள், கல்லூரிகள் மற்றும் அரசு அலுவலகங்களில் காலியாக உள்ள பணியிடங்களுக்கு பணி நிரவல் செய்ய முடிவு செய்தது.

இதன்படி 2,643 பேர் பணி நிரவல் மூலம் மாற்றம் செய்யப்பட்டுள்ளனர். அரசு பொறுப்பேற்றபோது ரூ.50 கோடியாக இருந்த நிதிப் பற்றாக்குறை, தற்போது ரூ.1,500 கோடியாக உயர்ந்துள்ளதால் ஆசிரியர்கள், ஊழியர்களுக்கு ஊதியம் வழங்குவதில் தொடர்ந்து சிக்கல் ஏற்பட்டு வருகிறது.

பல்கலைக்கழக ஆசிரியர்கள், ஊழியர்களுக்கு செப்டம்பர் மாத ஊதியம் வழங்கப்படாததைக் கண்டித்தும், மாதந்தோறும் கடைசி வேளை நாளன்று ஊதியம் வழங்க வேண்டும். நிறுத்தி வைக்கப்பட்டுள்ள பதவி உயர்வுகளை வழங்க வேண்டும்.

பணி நிரவலை குறித்த காலத்தில் விரைந்து முடிக்க வேண்டும். தொகுப்பூதியம் மற்றும் தினக் கூலி ஊழியர்களை பணி நிரந்தரம் செய்ய வேண்டும். ஆசிரியர்கள், ஊழியர்கள், ஓய்வூதியர்களுக்கான நிறுத்தி வைக்கப்பட்டுள்ள பணப் பயன்களை உடனே வழங்க வேண்டும் என்பன உள்ளிட்ட கோரிக்கைகளை வலியுறுத்தி,  கடந்த அக்.5-ஆம் தேதி முதல் உண்ணாவிரதம், உள்ளிருப்புப் போராட்டம், மனிதச் சங்கிலி  உள்ளிட்ட பல்வேறு போராட்டங்களில் கூட்டமைப்பினர் ஈடுபட்டனர்.

இந்த நிலையில் பல்கலை. ஆசிரியர்கள், ஊழியர்களுக்கு செப்டம்பர் மாத ஊதியம் அக்.13-இல் வழங்கப்பட்டது. இருப்பினும், கோரிக்கைகளுக்கு  நிரந்தரத் தீர்வு காண வலியுறுத்தி, பல்கலைக்கழக ஆசிரியர்கள், ஊழியர்கள் கூட்டமைப்பினர் அக்.23-ஆம் தேதி முதல் காலவரையற்ற வேலைநிறுத்தப் போராட்டம் நடத்தப்படும் என அறிவித்தனர். இதையடுத்து, சென்னையில் உயர் கல்வித் துறை அமைச்சர் முன்னிலையில் முத்தரப்பு பேச்சுவார்த்தை அக்.19-ஆம் தேதி நடைபெற்றது. இதில், கோரிக்கைகளை முதல்வரின் கவனத்துக்கு கொண்டுசென்று அக்.30-ஆம் தேதி கோரிக்கைகளை நிறைவேற்றுவது குறித்து அறிவிப்பதாக தெரிவித்தனர். இந்த நிலையில், பல்கலைக்கழக வளாகத்தில் திங்கள்கிழமை (அக்.23) பல்கலைக்கழக ஆசிரியர்கள், ஊழியர்கள், ஓய்வூதியர்கள் சங்கங்களின் கூட்டமைப்பு பொதுக்குழுக் கூட்டம் அதன் ஒருங்கிணைப்பாளர் எஸ்.மனோகரன் தலைமையில் நடைபெற உள்ளது. இந்தக் கூட்டத்தில் போராட்டம் குறித்து முடிவெடுக்கப்படும் எனத் தெரிகிறது.
தீர்வுகள்: அண்ணாமலைப் பல்கலைக்கழகத்தை மீட்டெடுக்க சுமார் ரூ.ஆயிரம் கோடி நிதி தேவை. எனவே, பிரதமர் நரேந்திர மோடியுடன் நல்லிணக்கத்துடன் உள்ள முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் ஆகியோர் அவரை சந்தித்து, இந்தப் பல்கலைக்கழகத்தை மத்திய அரசு பல்கலைக்கழகமாக அறிவிக்க நடவடிக்கை மேற்கொள்ளலாம். அல்லது சிறப்பு நிதி பெறலாம். கடலூர் மாவட்டத்தில் உள்ள மத்திய அரசின் மிகப் பெரிய நிறுவனமாக என்எல்சி இந்தியா நிறுவனத்திடம் நிதி பெற்று பல்கலைக்கழகத்தின் நிதிச் சிக்கலுக்கு தீர்வு காணலாம் என கல்வியாளர்கள் கருத்து தெரிவிக்கின்றனர்.  

பாரம்பரியமிக்க அண்ணாமலைப் பல்கலைக்கழகத்தை நிதிச் சிக்கலில் இருந்து தமிழக அரசு மீட்டெடுக்க வேண்டும் என்பதே கல்வியாளர்களின் கோரிக்கையாக உள்ளது.

 

]]>
http://images.dinamani.com/uploads/user/imagelibrary/2017/1/11/w600X390/annamalai_university.jpg http://www.dinamani.com/all-editions/edition-villupuram/cuddalore/2017/oct/23/நிதிச்-சிக்கலில்-இருந்து-அண்ணாமலைப்-பல்கலை-மீட்கப்படுமா-2794597.html
2794604 விழுப்புரம் கடலூர் கரும்பு நிலுவைத் தொகை தொடர்பாக விரைவில் பேச்சுவார்த்தை: அமைச்சர் எம்.சி.சம்பத் DIN DIN Monday, October 23, 2017 07:00 AM +0530 கரும்பு நிலுவைத் தொகை விநியோகம் தொடர்பாக சர்க்கரை ஆலை நிர்வாகத்தினருடன் அடுத்த வாரம் பேச்சுவார்த்தை நடத்தப்படும் என்றார் தமிழக தொழில் துறை அமைச்சர் எம்.சி.சம்பத்.
 தமிழகம் முழுவதும் தனியார், கூட்டுறவு சர்க்கரை ஆலைகள் விவசாயிகளிடமிருந்து கரும்புகளை  கொள்முதல் செய்கின்றன. இதற்கான கொள்முதல் விலையை மத்திய, மாநில அரசுகள் நிர்ணயம் செய்கின்றன. இதில், மத்திய அரசு நிர்ணயம் செய்த விலையை மட்டுமே கடந்த 4 ஆண்டுகளாக சர்க்கரை ஆலைகள் வழங்கி வருகின்றன. மாநில அரசின் ஆதார விலையான டன்னுக்கு ரூ.165 வழங்கப்படவில்லை. இவ்வாறு வழங்கப்படாத தொகையானது கடலூர் மாவட்டத்துக்கு ரூ.130 கோடியாகவும், தமிழகம் முழுவதும் ரூ.1,285 கோடியாகவும் உள்ளது.
 எனவே, நிலுவைத் தொகையை உடனடியாக வழங்க வலியுறுத்தி விவசாயிகள் சங்கம் சார்பில் அண்மையில் போராட்டம் நடத்தப்பட்டது. இதையடுத்து நடைபெற்ற பேச்சுவார்த்தையில், சர்க்கரை ஆலைகளிடமிருந்து தீபாவளிக்கு முந்தைய நாளுக்குள் நிலுவைத் தொகையில் ஒரு பகுதி பெற்றுத்தரப்படுமென தொழில் துறை அமைச்சர் எம்.சி.சம்பத் உறுதியளித்தார். அதன்பேரில் போராட்டம் ஒத்தி வைக்கப்பட்டது. எனினும், இந்தத் தொகை வழங்கப்படவில்லை. இதனைக் கண்டித்து தீபாவளிக்கு முந்தைய நாளில் கடலூர் மாவட்டத்தில் பல்வேறு பகுதிகளில் விவசாயிகள் தங்களது வீடு, வயல்களில் கறுப்புக்கொடி ஏற்றி போராட்டத்தில் ஈடுபட்டனர்.
 இதுகுறித்து கடலூரில் தமிழக தொழில் துறை அமைச்சர் எம்.சி.சம்பத்திடம் ஞாயிற்றுக்கிழமை செய்தியாளர்கள் கேள்வி எழுப்பினர். அப்போது அவர் கூறியதாவது: தனியார் சர்க்கரை ஆலைகள் கடந்த 4 ஆண்டுகளாக மாநில அரசின் ஆதார விலையை வழங்கவில்லை. இதற்கு முந்தைய 2 ஆண்டுகளாக சர்க்கரை விலை குறைவாக இருந்ததை காரணம் காட்டுகிறார்கள். எனினும், 2015-16, 2016-17 ஆகிய நிதியாண்டுகளில் சர்க்கரை விலை உயர்ந்துள்ளது. எனவே, தீபாவளிக்கு முன்னர் நிலுவைத் தொகையை வழங்க வேண்டுமென வலியுறுத்தினோம். இதுகுறித்து அடுத்த வாரம் அரசின் வேளாண்மைத் துறை செயலர், முதன்மைச் செயலர் உள்ளிட்டோர் பங்கேற்கும் பேச்சுவார்த்தை நடைபெற உள்ளது. அதில் உரிய தீர்வு காணப்படாவிட்டால் சர்க்கரை ஆலைகள் மீது அரசு உரிய நடவடிக்கை எடுக்கும் என்றார்.

]]>
http://www.dinamani.com/all-editions/edition-villupuram/cuddalore/2017/oct/23/கரும்பு-நிலுவைத்-தொகை-தொடர்பாக-விரைவில்-பேச்சுவார்த்தை-அமைச்சர்-எம்சிசம்பத்-2794604.html
2794603 விழுப்புரம் கடலூர் டெங்கு தடுப்பு சிறப்பு கலந்தாய்வு DIN DIN Monday, October 23, 2017 07:00 AM +0530 ராமநத்தத்திலுள்ள காவல் துறையினரின் குடியிருப்பில் டெங்கு தடுப்பு தின சிறப்பு கலந்தாய்வுக் கூட்டம் சனிக்கிழமை நடைபெற்றது.
கூட்டத்துக்கு காவல் ஆய்வாளர் சுதாகர் தலைமை வகித்தார். உதவி ஆய்வாளர்கள் ரவிச்சந்திரன், அன்வர் ஆகியோர் முன்னிலை வகித்தனர். தொழுதூர் ஆரம்ப சுகாதார நிலைய மருத்துவர்கள் கொளஞ்சிநாதன், விவேக், தலைமை சுகாதார ஆய்வாளர் சங்கர் ஆகியோர் பேசினர்.
இதேபோல,  திட்டக்குடி காவலர் குடியிருப்பில் நடைபெற்ற கூட்டத்துக்கு உதவி ஆய்வாளர் சீனிவாசன் தலைமை வகித்தார். அரசு சித்தா மருத்துவர் பெரியசாமி பேசினார். கூட்டத்தில் ஏடிஸ் கொசு உருவாகும் தேவையற்ற பொருள்களை அகற்றுதல் , தண்ணீர் தொட்டிகளை வாரம் ஒருமுறை பிளீச்சிங் செய்யவும், தண்ணீர் தொட்டிகளை மூடிவைக்கவும் வலியுறுத்தப்பட்டது.  அதனைத் தொடர்ந்து காவலர் குடியிருப்புகளில் புகையான் மருந்து அடிக்கப்பட்டது. தொடர்ந்து, காவலர்களுக்கும், அவர்களது குடும்ப உறுப்பினர்களுக்கும் நிலவேம்புக் குடிநீர் வழங்கப்பட்டது.

 

]]>
http://www.dinamani.com/all-editions/edition-villupuram/cuddalore/2017/oct/23/டெங்கு-தடுப்பு-சிறப்பு-கலந்தாய்வு-2794603.html
2794602 விழுப்புரம் கடலூர் தென்பெண்ணையாற்றில் உயர்மட்ட தடுப்பணை கட்ட வலியுறுத்தல் DIN DIN Monday, October 23, 2017 06:59 AM +0530 எனதிரிமங்கலம் - தளவானூர் இடையே தென்பெண்ணையாற்றில் தரைமட்ட தடுப்பணை கட்டும் பணியை மறு ஆய்வு செய்து, உயர்மட்ட தடுப்பணை கட்ட அரசுக்கு பரிந்துரை அனுப்புமாறு மக்கள் பாதுகாப்பு கவசம் அமைப்பினர் ஆட்சியரிடம் கோரிக்கை விடுத்தனர்.
இதுகுறித்து அந்த அமைப்பின் மாவட்ட  ஒருங்கிணைப்பாளர் எஸ்.தஷ்ணாமூர்த்தி கடலூரில் அண்மையில் நடைபெற்ற விவசாயிகள் குறைதீர் கூட்டத்தில் அளித்த மனு: அண்ணாகிராமம் ஒன்றியத்தில் செல்லும் தென்பெண்ணையாற்றின் குறுக்கே உளுத்தாம்பட்டு - தளவானூர் இடையே உயர்மட்ட தடுப்பணை கட்டி, வாலாஜா வாய்க்காலில் தண்ணீரை திருப்பிவிட்டு நிலத்தடி நீரை பாதுகாக்க நடவடிக்கை எடுக்கக் கோரி மக்கள் பாதுகாப்பு கவசம் அமைப்பு சார்பில் வேலூர் மாவட்ட பொதுப்பணித் துறைக்கு கடிதம் அனுப்பப்பட்டது.
இந்த நிலையில், கடந்த 13-ஆம் தேதி வேலூர் மாவட்ட பொதுப்பணித் துறை சார்பில் அனுப்பப்பட்ட பதில் கடிதத்தில், தென்பெண்ணையாற்றில் மணல்  அள்ளப்பட்டுவிட்டதால் உளுத்தாம்பட்டு - தளவானூர் இடையே தடுப்பணை அமைக்க முடியாது என்றும்,  எனதிரிமங்கலம் - தளவானூர் இடையே தரைமட்ட தடுப்பணை அமைத்து, வாலாஜா வாய்க்காலுக்கு  தண்ணீர்விட முடியும் என்றும், இதற்காக பொதுப்பணித் துறை விழுப்புரம்  உள்கோட்டம் மூலமாக  திட்டம்,   வடிவமைப்பு உருவாக்கப்பட்டு வருவதாகவும் அந்த கடிதத்தில் தெரிவிக்கப்பட்டுள்ளது. இது விவசாயிகளுக்கு ஏற்புடையதல்ல.
எனதிரிமங்கலம் - தளவானூர் இடையே தரைமட்ட தடுப்பணை கட்டினால் அரசுப்  பணம் விரையமாவதோடு விவசாயிகளுக்கும் பயன்படாது. ஆற்றில் மணல் முழுவதும் அள்ளப்பட்டு ஆற்றின் மட்டம்  தாழ்வாக உள்ளதால், தரைமட்ட தடுப்பணை கட்டினால் தண்ணீர் கடலில்தான் கலக்கும். எனவே, வாலாஜா வாய்க்காலுக்கு தண்ணீர் செல்லும் அளவுக்கு உயர்மட்ட தடுப்பணை கட்டினால் மட்டுமே  பயன்கிடைக்கும். எனவே,  இந்தப் பிரச்னையில் ஆட்சியர் தலையிட்டு ஆய்வு செய்து, உயர்மட்ட தடுப்பணை  கட்ட  அரசுக்கு பரிந்துரை அனுப்புமாறு அந்த மனுவில் கோரியுள்ளார்.

 

]]>
http://www.dinamani.com/all-editions/edition-villupuram/cuddalore/2017/oct/23/தென்பெண்ணையாற்றில்-உயர்மட்ட-தடுப்பணை-கட்ட-வலியுறுத்தல்-2794602.html
2794601 விழுப்புரம் கடலூர் சிவகாமசுந்தரி அம்மன் கோயில் உற்சவம் நவ.3-இல் தொடக்கம் DIN DIN Monday, October 23, 2017 06:59 AM +0530 சிதம்பரம் நடராஜர் கோயிலில் சிவகங்கை குளக்கரையின் மேற்கு கரையில் அமைந்துள்ள சிவகாமசுந்தரி அம்மன் கோயிலில் ஐப்பசி மாத பூரச்சலங்கை உற்சவம் வருகிற நவம்பர் 3-ஆம் தேதி கொடியேற்றத்துடன் தொடங்குகிறது.
 திருக்காமக் கோட்டம் என்றழைக்கப்படும் இந்தக் கோயில் உற்சவத்தை முன்னிட்டு, 2-ஆம் நாளில் (நவ.4) சந்திரபிரபை வாகனத்தில் அம்மன் வீதிஉலா, 3-ஆம் நாளில் பூதகி வாகனம், 4-ஆம் நாளில் சிம்ம வாகனம், 5-ஆம் நாளில் ரிஷப வாகனம், 6-ஆம் நாளில் காமதேனு வாகனம், 7-ஆம் நாளில் கைலாச வாகனம், 8-ஆம் நாளில் குதிரை வாகனங்களில் அம்மன் வீதிஉலா நடைபெறுகிறது.
 விழாவின் 9-ஆம் நாளான நவ.11-ஆம் தேதி (சனிக்கிழமை) திருத்தேர் உற்சவமும், 12-ஆம் தேதி பட்டு வாங்கும் உற்சவமும், தொடர்ந்து பூரச்சலங்கை உற்சவமும்,  13-ஆம் தேதி  காலை தபசு உற்சவமும், இரவில் சிவானந்தநாயகி சமேத சோமாஸ்கந்தர் திருக்கல்யாண உற்சவமும் நடைபெறுகிறது. உற்சவத்தில் இரு வேளைகளிலும் அம்பாள் 4 வீதிகளிலும் உலா வரும் நிகழ்ச்சி நடைபெறும்.
பட்டு வாங்கும் உற்சவம்: நவ.12-ம் தேதி அம்மன் கோயிலில் இருந்து புறப்பட்டு சபை சன்னதியில் உலகப் பரம்பொருள்  நடராஜரிடம் முதன் முதலில் பட்டு (ஆசீர்வாதம்) வாங்கும் நிகழ்வும், தொடர்ந்து 4 பிரகாரங்கள், வீதிகளில் அனைவரும் பட்டு (பாவாடை) சாற்றும் நிகழ்ச்சியும் நடைபெறும். இதில் சுண்டல் நிவேத்தியம் செய்து மக்களுக்கு விநியோகிப்பார்கள் . மறு நாள் திருக்கல்யாண நாளன்று காலை ஸ்ரீசிவானந்தநாயகி அம்மன் தபசுக்கு சென்று மாலையில் கீழவீதி தேரடியில் ஓட்டம் பிடித்து விளையாடும் நிகழ்ச்சியும், மாலை மாற்றல், கன்னூஞ்சல், பூர்வாங்க கலச பூஜை, காப்பு கட்டுதல், சிறப்பு  ஹோமம், திருமாங்கல்ய தாரணம் நடைபெறும். தொடர்ந்து சிவானந்த நாயகி சமேத சோமாஸ்கந்தமூர்த்தி (தம்பதிகளிடம்) ஆசி பெறுதல், மக்களுக்கு ஆசி வழங்குதல், பிரசாதம், அன்னதானம்  வழங்கும் நிகழ்ச்சிகள் நடைபெறும் என உ.வெங்கடேச தீட்சிதர் தெரிவித்தார்.

 

 

]]>
http://www.dinamani.com/all-editions/edition-villupuram/cuddalore/2017/oct/23/சிவகாமசுந்தரி-அம்மன்-கோயில்-உற்சவம்-நவ3-இல்-தொடக்கம்-2794601.html
2794600 விழுப்புரம் கடலூர் வடகிழக்குப் பருவமழையை எதிர்கொள்ள மாவட்ட ஆட்சியர்கள் தலைமையில் குழு: அமைச்சர் ஆர்.பி.உதயகுமார் DIN DIN Monday, October 23, 2017 06:58 AM +0530 தமிழகத்தில் வடகிழக்குப் பருவ மழையை எதிர்கொள்ளும் வகையில் மாவட்ட ஆட்சியர்கள் தலைமையில் குழுக்கள் அமைக்கப்பட்டுள்ளதாக மாநில வருவாய்த் துறை அமைச்சர் ஆர்.பி.உதயகுமார் கூறினார்.
 கடலூர் மாவட்ட ஆட்சியர் அலுவலகக் கூட்டரங்கில் வடகிழக்குப் பருவமழையை முன்னிட்டு மேற்கொள்ள வேண்டிய முன்னெச்சரிக்கை நடவடிக்கைகள் தொடர்பான ஆய்வுக் கூட்டம் ஞாயிற்றுக்கிழமை நடைபெற்றது. இதில், தொழில் துறை அமைச்சர் எம்.சி.சம்பத், வருவாய்த் துறை அமைச்சர் ஆர்.பி.உதயகுமார் ஆகியோர் பங்கேற்று ஆய்வு மேற்கொண்டனர்.
கூட்டத்துக்குப் பின்னர் அமைச்சர் எம்.சி.சம்பத் செய்தியாளர்களிடம் கூறியதாவது: கடலூர் மாவட்டம் கடல் மட்டத்தை விட தாழ்வாக இருப்பதாலும், பல்வேறு மாவட்டங்களின் வடிகாலாக உள்ளதாலும் இங்கு வடகிழக்குப் பருவ மழையை எதிர்கொள்ள கூடுதல் கவனம் செலுத்தப்படுகிறது. தென்பெண்ணையாற்றில் தேவைப்படும் இடங்களில் தடுப்பணைகள் அமைப்பது தொடர்பாக பொதுப்பணித் துறை மூலமாக ஆய்வுசெய்து நடவடிக்கை எடுக்கப்படும் என்றார்.
 அமைச்சர் ஆர்.பி.உதயகுமார் கூறியதாவது: தமிழகம் முழுவதும் 32 மாவட்டங்களிலும் வடகிழக்குப் பருவமழையை எதிர்கொள்ளும் வகையில் மாவட்ட ஆட்சியர்கள் தலைமையில் குழுக்கள் அமைக்கப்பட்டுள்ளன.
மேலும், அமைச்சர்கள், கண்காணிப்பு உயர் அலுவலர்களும் ஆய்வு மேற்கொள்ள வேண்டுமென முதல்வர் அறிவுறுத்தியுள்ளார். இதுதொடர்பாக 13 கடலோர மாவட்டங்களிலும் நேரடி ஆய்வு மேற்கொள்ளப்பட்டு வருகிறது.  
 கடலூர் மாவட்டத்தில் 2015-ஆம் ஆண்டு வடகிழக்குப் பருவமழையால் பாதிக்கப்பட்ட பகுதிகளில் கூடுதல் கவனம் செலுத்தப்பட்டு ஏரி, குளங்களின் கரைகளை பலப்படுத்தும் பணி நடைபெற்று வருகிறது. தமிழகம் முழுவதும் பலவீனமான அரசுக் கட்டடங்கள் ஆய்வு செய்யப்பட்டு வருகின்றன. அந்தக் கட்டடங்களில் இயங்கும் அலுவலகங்களை வேறு இடத்துக்கு மாற்றவும் நடவடிக்கை எடுக்கப்பட்டு வருகிறது என்றார் அவர்.
முன்னதாக, மாவட்ட ஆட்சியர் பிரசாந்த் மு.வடநேரே வரவேற்று, மாவட்டத்தில் நடைபெற்று வரும் பணிகள் குறித்து விளக்கினார்.  
கூட்டத்தில் அரசின் முதன்மைச் செயலர் கே.சத்யகோபால், வருவாய்த் துறை அரசு செயலர் பி.சந்திரமோகன், மாவட்ட எஸ்பி செ.விஜயகுமார், மாவட்ட வருவாய் அலுவலர் கோ.விஜயா, சார்-ஆட்சியர் ஜானிடாம் வர்க்கீஸ், மாவட்ட ஊரக வளர்ச்சி முகமை திட்ட இயக்குநர் பெ.ஆனந்த்ராஜ் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2017/oct/23/வடகிழக்குப்-பருவமழையை-எதிர்கொள்ள-மாவட்ட-ஆட்சியர்கள்-தலைமையில்-குழு-அமைச்சர்-ஆர்பிஉதயகுமார்-2794600.html
2794599 விழுப்புரம் கடலூர் ஊதிய உயர்வை வரவேற்று நன்றி அறிவிப்பு மாநாடு: அனைத்து ஆசிரியர்கள் சங்கம் முடிவு DIN DIN Monday, October 23, 2017 06:58 AM +0530 ஊதிய உயர்வு வழங்கியதற்காக தமிழக அரசுக்கு நன்றி தெரிவிக்கும் வகையில் மாநாடு நடத்த  தமிழ்நாடு அனைத்து ஆசிரியர்கள் முன்னேற்றப் பேரவை முடிவு செய்துள்ளது.
 தமிழக அரசு அண்மையில் அரசு ஊழியர்கள், ஆசிரியர்களுக்கு ஊதிய உயர்வை அறிவித்தது.
இந்த நிலையில், ஊதிய உயர்வு நன்றி அறிவிப்பு மாநாடு நடத்திட தமிழ்நாடு அனைத்து ஆசிரியர்கள் முன்னேற்றப் பேரவை முடிவு செய்துள்ளது. அதுதொடர்பான ஆயத்தக் கூட்டம் கடலூரில் ஞாயிற்றுக்கிழமை நடைபெற்றது .
கூட்டத்துக்கு,  பேரவையின் மாநிலத் தலைவர் பா.ஆரோக்கியதாஸ் தலைமை வகித்து கோரிக்கைகள் குறித்து விளக்க உரையாற்றினார்.
கூட்டத்தில், தொகுப்பூதிய, பகுதிநேர ஆசிரியர்களுக்கு 30 சதவீதம் ஊதிய உயர்வு வழங்கிய அரசுக்கு நன்றி தெரிவிப்பது.
மேலும் நன்றி தெரிவிக்கும் மாநாட்டை வருகிற நவம்பர் 3-ஆவது வாரத்தில் சென்னையில் நடத்துவது என தீர்மானம் நிறைவேற்றப்பட்டது. மேலும், தொகுப்பூதியத்தில் பணிபுரியும் 15 ஆயிரம் பகுதிநேர ஆசிரியர்களுக்கு வாரத்துக்கு 5 நாள்கள் வேலை வழங்கி, மாதம் ரூ.18 ஆயிரம் சிறப்பு காலமுறை ஊதியமாக வழங்க வேண்டும் என்ற கோரிக்கையும் வலியுறுத்தப்பட்டது.
கூட்டத்தில், நிர்வாகிகள் பாக்யராஜ், இளவரசன், பெருமாள், மயூராவேலன், கீதா உள்ளிட்டோர் பங்கேற்றனர். முன்னதாக மாநில ஒருங்கிணைப்பாளர் செந்தில்குமார் வரவேற்றார். இணை ஒருங்கிணைப்பாளர் செ.மாரிமுத்து நன்றி கூறினார்.

]]>
http://www.dinamani.com/all-editions/edition-villupuram/cuddalore/2017/oct/23/ஊதிய-உயர்வை-வரவேற்று-நன்றி-அறிவிப்பு-மாநாடு-அனைத்து-ஆசிரியர்கள்-சங்கம்-முடிவு-2794599.html
2794598 விழுப்புரம் கடலூர் என்எல்சி சுரங்க ஊழியர் முதலுதவி பயிலரங்கம் நிறைவு DIN DIN Monday, October 23, 2017 06:58 AM +0530 என்எல்சி இந்தியா நிறுவன சுரங்க ஊழியர்களுக்கான முதலுதவி குறித்த மூன்று நாள் பயிலரங்கம் வெள்ளிக்கிழமை (அக்.20) தொடங்கி ஞாயிற்றுக்கிழமை வரை
என்எல்சி கற்றல் மற்றும் மேம்பாட்டு பயிற்சி மையத்தில் நடைபெற்றது.
 செயின்ட் ஜான் ஆம்புலன்ஸ் நிறுவனம், என்எல்சி இந்தியா மற்றும் தமிழ்நாடு சுரங்கப் பாதுகாப்பு சங்கம் இணைந்து நடத்திய இந்தப் பயிலரங்கில்,
என்எல்சி சுரங்க ஊழியர்கள் 80 பேர், இதர நிறுவன ஊழியர்கள் 29 பேர் என மொத்தம் 109 சுரங்கப் பணியாளர்களுக்கு முதலுதவி குறித்து பயிற்சி அளிக்கப்பட்டது.
ஞாயிற்றுக்கிழமை நடைபெற்ற பயிலரங்கின் நிறைவு விழாவில் தலைமை விருந்தினராக என்எல்சி இந்தியா நிறுவனத் தலைவர் சரத்குமார் ஆச்சார்யா பங்கேற்றுப் பேசுகையில், தொழிற்சாலைகளில் முதலுதவி பயிற்சி அளிப்பதன் அவசியத்தை எடுத்துரைத்தார்.
பின்னர், பயிலரங்கின்போது நடத்தப்பட்ட போட்டிகளில் வெற்றி பெற்றவர்களுக்கு சரத்குமார் ஆச்சார்யா பரிசுகளை வழங்கி, விழா மலரை வெளியிட்டார்.
நிகழ்ச்சியில், என்எல்சி இந்தியா நிறுவன மின் துறை இயக்குநர் வி.தங்கபாண்டியன், சென்னை மண்டல சுரங்கப் பாதுகாப்பு துணை இயக்குநர் ஷ்யாம் மிஸ்ரா, செயின்ட் ஜான் ஆம்புலன்ஸ் அமைப்பின் நெய்வேலி மையச் செயலரும்,
என்எல்சி இந்தியா மருத்துவமனையின் தலைமை மருத்துவருமான பி.ரவி, அந்த அமைப்பின் தலைவரும், என்எல்சி இந்தியா மருத்துவத் துறையின் முன்னாள் தலைமை மருத்துவருமான
கே.ஜனார்த்தனன், என்எல்சி இந்தியா சுரங்கப் பாதுகாப்புத் துறை தலைமைப் பொது மேலாளர் மோகன்ரெட்டி ஆகியோர் முன்னிலை வகித்தனர்.  செயின்ட் ஜான் ஆம்புலன்ஸ் நெய்வேலி மைய பொருளாளர் வி.சுப்ரமணியன் நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2017/oct/23/என்எல்சி-சுரங்க-ஊழியர்-முதலுதவி-பயிலரங்கம்-நிறைவு-2794598.html
2794596 விழுப்புரம் கடலூர் மாநில மூத்தோர் தடகள போட்டி: வீரர், வீராங்கனைகள் தேர்வு DIN DIN Monday, October 23, 2017 06:57 AM +0530 மாநில மூத்தோர் தடகளப் போட்டிக்கான கடலூர் மாவட்ட வீரர், வீராங்கனைகள் தேர்வுப் போட்டி நெய்வேலி, பாரதி விளையாட்டு அரங்கில் ஞாயிற்றுக்கிழமை நடைபெற்றது.
 36-ஆவது மாநில மூத்தோர் தடகளப் போட்டிகள் வருகிற டிச. 9, 10-ஆம் தேதிகளில் கரூரில் நடைபெற உள்ளது. இதில் கடலூர் மாவட்டம் சார்பில் பங்கேற்கும் வீரர்-வீராங்கனைகள் தேர்வுப் போட்டி நெய்வேலியில் நடைபெற்றது. கடலூர் மாவட்ட மூத்தோர் தடகள சங்கத்தினர் இந்தத் தேர்வை நடத்தினர்.  தொடக்க விழாவுக்கு என்எல்சி இந்தியா விளையாட்டுத் துறை துணை முதன்மை மேலாளர் வீரபத்திரன் தலைமை வகித்தார். மூத்தோர் தடகள சங்க மாவட்டச் செயலர் சுவாமிதாஸ் முன்னிலை வகித்தார். தலைவர் ராஜேந்திரன் வரவேற்றார்.
 இதில், 100 மீ, 200 மீ உள்ளிட்ட ஒட்டப் பந்தயப் பிரிவுக்கும், 5 கி.மீ. நடை போட்டிக்கும், குண்டு, வட்டு, ஈட்டி எறிதல், உயரம், நீளம் தாண்டுதல் உள்ளிட்ட போட்டிகள் நடத்தப்பட்டு, ஒவ்வொரு வயதுக்கேற்ற பிரிவுகளில் தலா 2 வீரர்கள் தேர்வு செய்யப்பட்டனர். இதேபோல வீராங்கனைகளும் பல்வேறு பிரிவுகளில் தேர்வு செய்யப்பட்டனர். முகாமில், 75 வயதுக்கு மேற்பட்ட முதியோர் பலர் ஆர்வமுடன் பங்கேற்றனர்.

]]>
http://www.dinamani.com/all-editions/edition-villupuram/cuddalore/2017/oct/23/மாநில-மூத்தோர்-தடகள-போட்டி-வீரர்-வீராங்கனைகள்-தேர்வு-2794596.html
2794595 விழுப்புரம் கடலூர் மணல் கடத்தல்: 15 மாட்டு வண்டிகள் பறிமுதல் DIN DIN Monday, October 23, 2017 06:57 AM +0530 மணல் கடத்தல் தொடர்பாக 15 மாட்டு வண்டிகள் பறிமுதல் செய்யப்பட்டன.
 திட்டக்குடியை அடுத்துள்ளது செம்பேரி கிராமம். இந்தக் கிராமத்தில் உள்ள வெள்ளாற்றில் உரிய அனுமதியின்றி மணல் அள்ளப்பட்டு வருவதாக அப்பகுதியினர் அடிக்கடி புகார் தெரிவித்து வருகின்றனர். மேலும், இதுதொடர்பாக நடவடிக்கை எடுத்து மணல் கடத்தலை தடுக்க வேண்டுமென பல்வேறு போராட்டங்களிலும் ஈடுபட்டுள்ளனர்.
இந்நிலையில், ஞாயிற்றுக்கிழமை அதிகாலையில் உரிய அனுமதியில்லாமல் வெள்ளாற்றில் மாட்டு வண்டிகள் மூலமாக மணல் அள்ளப்பட்டு வருவதாக அப்பகுதியினர் பெண்ணாடம் காவல் நிலையத்துக்கு தகவல் அளித்தனர்.
அதன்பேரில் சம்பவ இடத்திற்கு வந்த காவல் துறையினர்,ஆற்றுக்குள் மணல் அள்ளிக் கொண்டிருந்த 15 மாட்டு வண்டிகளை பறிமுதல் செய்தனர்.
மேலும், மாட்டு வண்டியின் உரிமையாளரிடமும் விசாரணை செய்து வருகின்றனர்.

 

]]>
http://www.dinamani.com/all-editions/edition-villupuram/cuddalore/2017/oct/23/மணல்-கடத்தல்-15-மாட்டு-வண்டிகள்-பறிமுதல்-2794595.html
2794594 விழுப்புரம் கடலூர் வாக்காளர் சேர்ப்பு சிறப்பு முகாம் DIN DIN Monday, October 23, 2017 06:56 AM +0530 கடலூர் மாவட்டத்தில் வாக்காளர் சேர்க்கை சிறப்பு முகாம் ஞாயிற்றுக்கிழமை நடைபெற்றது.
 இந்திய தேர்தல் ஆணையத்தின் உத்தரவுப்படி 2-ஆவது கட்ட வாக்காளர் சேர்க்கை சிறப்பு முகாம் ஞாயிற்றுக்கிழமை நடைபெற்றது. பண்ருட்டி சட்டப் பேரவைத் தொகுதியில் உள்ள 251 வாக்குச் சாவடிகளிலும்,  நெய்வேலி சட்டப் பேரவைத் தொகுதியில் உள்ள 226 வாக்குச் சாவடி மையங்களிலும் வாக்காளர் சேர்க்கை, பெயர்  நீக்கம், திருத்தம்  உள்ளிட்ட பணிகள் மேற்கொள்ளப்பட்டன.
 பண்ருட்டி தொகுதியில் வாக்காளர் சேர்க்கைக்கு 276, நீக்கலுக்கு 29, திருத்தம் 19, இடமாற்றத்துக்கு 20 விண்ணப்பங்கள் பெறப்பட்டன. இதேபோல, நெய்வேலி தொகுதியில் சேர்க்கைக்கு 275, நீக்கலுக்கு 15, திருத்தம் 47, இடமாற்றத்துக்கு 53 விண்ணப்பங்கள் பெறப்பட்டன.
 பண்ருட்டி பகுதியில் நடைபெற்ற சிறப்பு முகாமை வட்டாட்சியர் விஜய்ஆனந்த் நேரில் ஆய்வு செய்தார். தேர்தல் துணை வட்டாட்சியர் ஏ.உதயகுமார், வருவாய் ஆய்வாளர் சேகர் உள்ளிட்டோர் உடனிருந்தனர்.
 நெய்வேலி தொகுதிக்குள்பட்ட நகரியப் பகுதியில் உள்ள 25 பள்ளிகளில் வாக்குச் சாவடி மையங்கள் அமைக்கப்பட்டுள்ளன. இந்தப் பகுதியில் பணிகளை மேற்கொள்வதற்காக என்எல்சி இந்தியா நிறுவன ஊழியர்கள் சமூக நோக்குடன் வாக்குச் சாவடி நிலை அலுவலர்களாக பணிபுரிகின்றனர்.
 ஞாயிற்றுக்கிழமை நடந்த சிறப்பு முகாமை என்எல்சி கல்வி, சமூக பொறுப்புணர்வு துறைகளின் முதன்மை பொதுமேலாளர் ஆர்.மோகன் ஆய்வு செய்தார். அவர், 26-ஆவது வட்ட என்எல்சி பள்ளியில் நடைபெற்ற முகாமை நேரில் பார்வையிட்டு, ஆய்வு செய்தார்.  அப்போது புதிய வாக்காளர்களுக்கான படிவத்தையும் வழங்கினார் . ஆய்வின் போது கல்வித் துறை முதன்மை மேலாளர் செந்தில்குமார் உடனிருந்தார்.
 இதேபோல மாவட்டத்தின் அனைத்துப் பகுதிகளிலும் வாக்காளர் சிறப்பு முகாம் நடைபெற்றது.

 

]]>
http://www.dinamani.com/all-editions/edition-villupuram/cuddalore/2017/oct/23/வாக்காளர்-சேர்ப்பு-சிறப்பு-முகாம்-2794594.html
2794593 விழுப்புரம் கடலூர் டெங்கு கொசுப் புழு ஒழிப்புப் பணி ஆய்வு DIN DIN Monday, October 23, 2017 06:56 AM +0530 கடலூரில் டெங்கு கொசுப்புழு ஒழிப்புப் பணியை ஆட்சியர் பிரசாந்த் மு.வடநேரே ஞாயிற்றுக்கிழமை  ஆய்வு செய்தார்.
 கடலூர் மாவட்டத்தில் டெங்கு காய்ச்சல் பரவாமல் தடுப்பதற்காக ஏடிஸ் கொசுப்புழு உற்பத்தியாகும் இடத்தை கண்டறியும் வகையில் உபயோகமற்ற பொருள்களை அப்புறப்படுத்த வேண்டுமென ஆட்சியர் வலியுறுத்தி வருகிறார். மேலும், இந்தப் பணியில் அனைத்து அரசுத் துறை அலுவலர்கள், தன்னார்வ தொண்டு நிறுவனத்தினர் ஈடுபட வேண்டுமென வேண்டுகோள் விடுத்துள்ளார். இந்த நிலையில், மாவட்ட ஆட்சியர் பிரசாந்த் மு.வடநேரே தினமும் ஒவ்வொரு பகுதியாகச் சென்று வீடு, வீடாக ஆய்வு நடத்தி கொசுப்புழு உற்பத்தியாகக் கூடிய பொருள்களை அப்புறப்படுத்துவதோடு விழிப்புணர்வும் ஏற்படுத்தி வருகிறார்.
 அதன்படி, ஞாயிற்றுக்கிழமை காலையில் கடலூர் முதுநர் மோகன்சிங் தெருவில் உள்ள வீடுகளில் உபயோகமற்ற பொருளான தேங்காய் மட்டைகளை கண்டறிந்து உடனடியாக அப்புறப்படுத்த வீட்டின் உரிமையாளருக்கு அறிவுறுத்தினார். மேலும்,  அப்பகுதியில் இருந்த விநாயகர் கோயிலில் உபயோகமற்ற பொருள்களில் தேங்கியிருந்த நீரில் கொசுக்கள் இருப்பததை கண்டறிந்து அவற்றினை உடனடியாக அப்புறப்படுத்த அர்ச்சகருக்கு அறிவுறுத்தினார்.
 பின்னர், அப்பகுதியில் உள்ள வடிகால் வாய்க்காலினை தூர்வாரி தங்கு தடையின்றி கழிவு நீர் செல்வதற்கு ஏற்பாடு செய்யவேண்டுமென நகராட்சி ஆணையருக்கு உத்தரவிட்டார். டெங்கு காய்ச்சல் பரவாமல் தடுப்பதற்காக ஏடிஸ் கொசுப்புழு இருக்குமிடத்தை கண்டறியும் வகையில் உபயோகமற்ற பொருள்களை அப்புறப்படுத்தவேண்டுமென பொதுமக்களிடம் கேட்டுக்கொண்டார்.
ஆய்வின்போது நகராட்சி ஆணையர் முஜிபுர் ரஹ்மான், வட்டார சுகாதார மேற்பார்வையாளர் சிவப்பிரகாசம், ஆய்வாளர்கள் தாமோதரன், பெருமாள் ஆகியோர் உடனிருந்தனர்.

 

]]>
http://www.dinamani.com/all-editions/edition-villupuram/cuddalore/2017/oct/23/டெங்கு-கொசுப்-புழு-ஒழிப்புப்-பணி-ஆய்வு-2794593.html
2794592 விழுப்புரம் கடலூர் 11 பொறியியல் மாணவர்களுக்கு இளம் சாதனையாளர் விருது DIN DIN Monday, October 23, 2017 06:56 AM +0530 கடலூர் சி.கே.பொறியியல் கல்லூரி மாணவர்கள் 11 பேர் இளம் சாதனையாளர் விருது பெற்றனர்.
 தமிழகம் முழுவதும் உள்ள பொறியியல் கல்லூரிகளிலிருந்து சிறந்த அறிவியல் படைப்புகளை வெளியிடும் மாணவர்களுக்கு, முன்னாள் குடியரசுத் தலைவர் அப்துல்கலாம் நினைவாக இளம் சாதனையாளர் விருது வழங்கப்பட்டு வருகிறது. அதன்படி நிகழாண்டில் இந்த விருதுக்கான தேர்வுப் போட்டியில், 200 கல்லூரிகளிலிருந்து 1,072 செய்முறை சாதனங்கள் பங்கேற்றன. 6 கட்டங்களாக நடைபெற்ற தேர்வுகளில் அரையிறுதி தேர்வில் 570 செய்முறைகள் தேர்வு பெற்றன. இறுதித் தேர்வு சென்னையில் கடந்த 15-ஆம் தேதி நடத்தப்பட்டு 64 பேருக்கு இளம் சாதனையாளர் விருது வழங்கப்பட்டது. இவர்களில், 11 பேர் கடலூர் சி.கே.பொறியியல் கல்லூரி மாணவர்களாவர். இவர்களில் 8 பேர் இயந்திரவியல் துறை, 3 பேர் மின்னியல் துறையையும் சேர்ந்தவர்களாவர் என்று கல்லூரி நிர்வாகம் வெளியிட்ட செய்திக்குறிப்பில் தெரிவிக்கப்பட்டுள்ளது.  விருது பெற்ற மாணவ, மாணவிகளுக்கு கல்விக் குழுமத்தின் நிறுவனர் சி.கே.ரங்கநாதன், இயக்குநர் டி.சந்திரசேகரன், கல்லூரி முதல்வர் அருண் வி.பர்வதே மற்றும் பேராசிரியர்கள், மாணவ, மாணவிகள் பாராட்டு தெரிவித்தனர். கடந்த முறை 2 பேர் இந்த விருதைப் பெற்றதாகவும் தெரிவிக்கப்பட்டுள்ளது.

 

]]>
http://www.dinamani.com/all-editions/edition-villupuram/cuddalore/2017/oct/23/11-பொறியியல்-மாணவர்களுக்கு-இளம்-சாதனையாளர்-விருது-2794592.html
2794591 விழுப்புரம் கடலூர் தனியார் துறைகளிலும் இடஒதுக்கீடு வழங்க வேண்டும்: கி.வீரமணி DIN DIN Monday, October 23, 2017 06:55 AM +0530 தனியார் துறைகளில் இடஒதுக்கீடு கோரி திராவிடர் கழகம் போராடும் என்றார் அதன் தலைவர் கி.வீரமணி.
கடலூர் மாவட்ட திராவிடர் கழகம் சார்பில் பெரியாரின் 139-ஆவது பிறந்த நாள் விழா பொதுக்கூட்டம் கடலூர் திருப்பாதிரிபுலியூரில் சனிக்கிழமை இரவு நடைபெற்றது. கூட்டத்துக்கு, மாவட்டத் தலைவர் தென்.சிவக்குமார் தலைமை வகித்தார். கூட்டத்தில் தி.க. தலைவர் கி.வீரமணி பங்கேற்றுப் பேசியதாவது: கடவுள் இல்லை என்பது பெரியாரின் கொள்கையாக இருந்தாலும், கோயிலுக்குள் செல்லும் மக்கள் ஏன் கருவறைக்குள் செல்ல முடியாது என்று கேள்வி எழுப்பினார். அதனைத் தொடர்ந்து திமுக ஆட்சியின்போது அனைத்துச் சாதியினரும் அர்ச்சகராகலாம் என்ற சட்டத் திருத்தம் கொண்டுவரப்பட்டது. ஆனாலும், தமிழகத்தில் இந்தச் சட்டத்தை நிறைவேற்ற முடியவில்லை. சரியான ஆட்சி, கொள்கை ரீதியான ஆட்சி இருந்திருந்தால் இது நடந்திருக்கும். எனவே தமிழகத்தில் ஆட்சி மாற்றம் வர வேண்டும்.
 தற்போது அரசுத் துறைகள் தனியார் மயமாக்கப்பட்டு வருவதால் வேலைவாய்ப்பு குறைந்து வருகிறது. எனவே, தனியார் துறையிலும் இடஒதுக்கீடு வழங்கப்பட வேண்டுமென வலியுறுத்தி வருகிறோம். எங்களது அடுத்தக்கட்ட போராட்டம் இதனை வலியுறுத்தியே இருக்கும். திரைப்படத் துறையிலிருந்து அரசியலுக்கு வந்து வெற்றி பெற்றவர்கள், தங்களது செல்வாக்கினால் மட்டுமல்லாமல், அவர்கள் திராவிடக் கொள்கைகளை பேசியதாலேயே வெற்றி பெற்றனர் என்றார்.
முன்னாள் அமைச்சர் எம்.ஆர்.கே.பன்னீர்செல்வம், திமுக தேர்தல் பணிக்குழு செயலர் இள.புகழேந்தி, காங்கிரஸ் சொத்து மீட்புக்குழு உறுப்பினர் ஏ.எஸ்.சந்திரசேகரன், விடுதலைச்சிறுத்தைகள் கட்சியின் கடலூர் நாடாளுமன்ற தொகுதிச் செயலர் பா.தாமரைச்செல்வன் ஆகியோர் பேசினர்.  தி.க. துணைத் தலைவர் கலி.பூங்குன்றன், பொதுச் செயலர் துரை.சந்திரசேகரன், இளைஞரணிச் செயலர் த.சீ.இளந்திரையன், மாவட்டச் செயலர்கள் அன்பு.சித்தார்த்தன், முத்து.கதிரவன் உள்ளிட்டோர் பங்கேற்றனர். முன்னதாக மாவட்டச் செயலர் நா.தாமோதரன் வரவேற்க, நகர தலைவர் க.எழிலேந்தி நன்றி
கூறினார்.

 

]]>
http://www.dinamani.com/all-editions/edition-villupuram/cuddalore/2017/oct/23/தனியார்-துறைகளிலும்-இடஒதுக்கீடு-வழங்க-வேண்டும்-கிவீரமணி-2794591.html
2794590 விழுப்புரம் கடலூர் பசுமைக் கடலூர் திட்டத்தில் மரக் கன்றுகள் நடும் விழா DIN DIN Monday, October 23, 2017 06:55 AM +0530 பசுமைக் கடலூர் திட்டத்தில் மரக் கன்றுகள் நடும் விழா ஞாயிற்றுக்கிழமை நடைபெற்றது.
 கடலூர் மாவட்டத்தை பசுமையாக்கும் முயற்சியில் மாவட்ட நிர்வாகத்தின் ஒத்துழைப்புடன் பசுமைக் கடலூர் திட்டம் தொடங்கப்பட்டுள்ளது. இந்தத் திட்டத்தின் கீழ் கடலூரில் பல்வேறு பகுதிகளில் மரக்கன்றுகள் நடப்பட்டு வருகின்றன. அதன்படி ஞாயிற்றுக்கிழமை கடலூரிலுள்ள குறிஞ்சி நகர், பொதிகை நகரில் குடியிருப்போர் நலச் சங்கங்கள் சார்பில் மரக் கன்றுகள் நடும் நிகழ்ச்சி நடைபெற்றது. மாவட்ட ஆட்சியர் பிரசாந்த் மு.வடநேரே தலைமையில், தமிழக தொழில் துறை அமைச்சர் எம்.சி.சம்பத் மரக் கன்றுகளை நட்டு வைத்து பணிகளை தொடக்கி வைத்தார். இந்த இரு நகரங்களிலும் 150 மரக்கன்றுகள் நடப்பட்டு கூண்டு அமைக்கப்பட்டது. மேலும், மரக்கன்றுகளை பராமரிக்கவும் தகுந்த ஏற்பாடு செய்யப்பட்டது.
 நிகழ்ச்சியில் நகராட்சி முன்னாள் தலைவர் ஆர்.குமரன், முன்னாள் துணைத் தலைவர் ஜி.ஜெ.குமார், முன்னாள் கவுன்சிலர்கள் வ.கந்தன், தமிழ்ச்செல்வன், ஜெ.அன்பு, தமிழ்நாடு நுகர்வோர் கூட்டமைப்பு பொதுச் செயலர் எம்.நிஜாமுதீன், அனைத்து குடியிருப்போர் சங்கங்களின் கூட்டமைப்பு பொதுச் செயலர் எம்.மருதவாணன், தலைவர் பி.வெங்கடேசன், சுற்றுச்சூழல் ஆர்வலர் தி.அருள்செல்வம், ஓய்வுபெற்ற வன அலுவலர் சாய்ராம் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-villupuram/cuddalore/2017/oct/23/பசுமைக்-கடலூர்-திட்டத்தில்-மரக்-கன்றுகள்-நடும்-விழா-2794590.html
2794589 விழுப்புரம் கடலூர் விளையாட்டு மைதானத்தில் நடைப்பயிற்சிக்குக் கட்டணம்: பொதுநல அமைப்பினர் ஆர்ப்பாட்டம் DIN DIN Monday, October 23, 2017 06:55 AM +0530 கடலூர் விளையாட்டு மைதானத்தில் நடைப்பயிற்சிக்கு செல்வோரிடம் கட்டணம் வசூலிக்கும் திட்டத்துக்கு எதிர்ப்புத் தெரிவித்து, அனைத்து பொதுநல அமைப்பினர் ஞாயிற்றுக்கிழமை ஆர்ப்பாட்டத்தில் ஈடுபட்டனர்.
தமிழகம் முழுவதும் விளையாட்டு மைதானத்தில் நடைப்பயிற்சி மேற்கொள்வார் மாதந்தோறும் ரூ.250 கட்டணமாகச் செலுத்த வேண்டும் என்று விளையாட்டு மேம்பாட்டு ஆணையம் வலியுறுத்தி உள்ளது. இந்தத் திட்டம் விரைவில் செயல்பாட்டுக்கு வரவுள்ள நிலையில், இதனை ரத்து செய்ய வேண்டும் என்ற கோரிக்கையை வலியுறுத்தி கடலூர் அனைத்து பொதுநல இயக்கங்களின் கூட்டமைப்பினர் கடலூர் அண்ணா விளையாட்டரங்கம் முன் ஞாயிற்றுக்கிழமை கண்டன ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு கூட்டமைப்பின் ஒருங்கிணைப்பாளர் சி.குமார் தலைமை வகித்தார். இணை ஒருங்கிணைப்பாளர்கள் எம்.குருராமலிங்கம், எம்.சுப்புராயன், கே.ரவி, கே.சிவாஜிகணேசன் ஆகியோர் முன்னிலை வகித்தனர்.
திமுக தேர்தல் பணிக்குழு பொறுப்பாளர் இள.புகழேந்தி, கூட்டமைப்பு சட்ட ஆலோசகர் தி.ச.திருமார்பன், பல்வேறு சங்கங்களின் நிர்வாகிகள் எம்.சண்முகம்,  எம்.கார்த்திகேயன், எஸ்.சையதுமுஸ்தபா, சிவ.ரவிச்சந்திரன், ஆர்.ராஜசேகர், கோ.மாதவன் உள்ளிட்டோர் பங்கேற்று பேசினர்.
ஆர்ப்பாட்டத்தில், விளையாட்டு மைதானத்தில் நடைப்பயிற்சி மேற்கொள்வோரிடம் ரூ.250 கட்டணம் வசூலிக்கும் திட்டத்தை ரத்து செய்ய வேண்டும். கடலூரிலுள்ள காமராஜர் பூங்காவை  சீரமைத்து பொதுமக்கள் நடைப்பயிற்சி மேற்கொள்ளும் வகையில் திறந்து விட வேண்டும் ஆகிய கோரிக்கையை வலியுறுத்தி கையில் கருப்புக்கொடி ஏந்தி முழக்கமிட்டனர்.

 

 

]]>
http://www.dinamani.com/all-editions/edition-villupuram/cuddalore/2017/oct/23/விளையாட்டு-மைதானத்தில்-நடைப்பயிற்சிக்குக்-கட்டணம்-பொதுநல-அமைப்பினர்-ஆர்ப்பாட்டம்-2794589.html
2794138 விழுப்புரம் கடலூர் காவலர் வீரவணக்க நாள் கடைப்பிடிப்பு DIN DIN Sunday, October 22, 2017 07:16 AM +0530 காவலர் வீரவணக்க நாளை முன்னிட்டு, மறைந்த காவலர்களுக்கு மாவட்ட எஸ்பி செ.விஜயகுமார் மலர் வளையம் வைத்து சனிக்கிழமை அஞ்சலி செலுத்தினார்.
லடாக் பகுதியில் சீன ராணுவம் 1959-ஆம் ஆண்டில் நடத்திய திடீர் தாக்குதலில் 10 மத்திய பாதுகாப்புப் படை காவலர்கள் வீரமரணம் அடைந்தனர். இதனை நினைவுகூரும் வகையில் ஒவ்வொரு ஆண்டும் காவலர் வீர வணக்க நாள் கடைப்பிடிக்கப்பட்டு வருகிறது.
நாடு முழுவதும்  கடந்த ஆகஸ்ட் மாதம் வரையிலான ஓராண்டில் தமிழகத்தைச் சேர்ந்த 2 பேர் உள்பட 370 காவலர்கள் பல்வேறு சம்பவங்களில் வீரமரணம் அடைந்துள்ளனர். அவர்களுக்கு மரியாதை செலுத்தும் வகையில் கடலூர் மாவட்ட காவல் கண்காணிப்பாளர் அலுவலகத்தில் சனிக்கிழமை காவலர் வீர வணக்க நாள் கடைப்பிடிக்கப்பட்டது. அங்குள்ள நினைவுத் தூணில் மாவட்ட காவல் கண்காணிப்பாளர் செ.விஜயக்குமார் மலர் வளையம் வைத்து அஞ்சலி செலுத்தினார். முன்னதாக, காவலர்களின் அணிவகுப்பு மரியாதை நடத்தப்பட்டது. அப்போது, 22 காவலர்கள் 3 முறை வானத்தை நோக்கி துப்பாக்கியால் சுட்டு அஞ்சலி செலுத்தினர்.
நிகழ்ச்சியில் கூடுதல் காவல் கண்காணிப்பாளர் ஆர்.வேதரத்தினம், மத்திய சிறைக் கண்காணிப்பாளர் த.பழனி, மாவட்ட தீயணைப்பு அலுவலர் மகாலிங்கம், ஊர்க்காவல் படை வட்டார தளபதி ஆர்.சுரேந்திரகுமார், காவல் துணைக் கண்காணிப்பாளர் க.நரசிம்மன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-villupuram/cuddalore/2017/oct/22/காவலர்-வீரவணக்க-நாள்-கடைப்பிடிப்பு-2794138.html
2794137 விழுப்புரம் கடலூர் மேலிருப்பு ஊராட்சியில் தேங்கிய மழைநீர் DIN DIN Sunday, October 22, 2017 07:16 AM +0530 மேலிருப்பு ஊராட்சியில் தேங்கி நிற்கும் மழை நீரால் சுகாதாரச் சீர்கேடு ஏற்பட்டுள்ளது.

பண்ருட்டி ஒன்றியத்துக்கு உள்பட்ட மேலிருப்பு ஊராட்சியில் சுமார் 3 ஆயிரத்துக்கும் மேற்பட்டோர் வசித்து வருகின்றனர். இங்குள்ள தெற்குத் தெருவில் அமைக்கப்பட்டிருந்த சிமென்ட் சாலை 2015-ஆம் ஆண்டு ஏற்பட்ட  பலத்த மழையால் சேதம் அடைந்தது. இதையடுத்து இப்பகுதி மக்கள் தங்களது வீட்டு வாசல் முன் மண்ணை கொட்டி மேடாக்கிக் கொண்டனர்.
இதனால் வடிகால் அடைபட்டு மழைநீர் செல்ல வழியின்றி தெருவில் தேங்கிக் கிடப்பதால் சுகாதாரச் சீர்கேடு ஏற்பட்டுள்ளது. மழை நீரை கடந்து செல்லும் கிராம மக்கள், மாணவர்கள், வாகன ஓட்டிகள் அவதிக்குள்ளாகின்றனர்.
இதுகுறித்து மேலிருப்பு கிராமத்தைச் சேர்ந்த தமிழ்நாடு விவசாயிகள் சங்க வட்டச் செயலர் ஆர்.மதியழகன் கூறியதாவது:
தெற்கு தெரு சாலையில் பல நாள்களாக மழை நீர் தேங்கியுள்ளது. இங்கு உரிய வடிகால் வசதி இல்லை. மழைநீர் தேங்கியுள்ளதால் கொசுக்கள் உற்பத்தி அதிகரித்து நோய் பரவும் சூழல் ஏற்பட்டுள்ளது. தேங்கியுள்ள தண்ணீரின் மையப் பகுதியில் பள்ளம் ஏற்பட்டுள்ளது. இதில் விழுந்து பலர் காயமடைந்துள்ளனர். இதுகுறித்து மாவட்ட நிர்வாகம் உரிய நடவடிக்கை எடுத்து, சுகாதாரப் பணிகளை மேற்கொள்ள வேண்டும் என்றார்.

]]>
http://www.dinamani.com/all-editions/edition-villupuram/cuddalore/2017/oct/22/மேலிருப்பு-ஊராட்சியில்-தேங்கிய-மழைநீர்-2794137.html
2794136 விழுப்புரம் கடலூர் கொமந்தான்மேடு தடுப்பணையில் குவியும் மக்கள் DIN DIN Sunday, October 22, 2017 07:15 AM +0530 கடலூர் தென்பெண்ணையாற்றில் தண்ணீர் செல்வதால் அதனை ரசிக்க  கொமந்தான்மேடு தடுப்பணைக்கு திரளானோர் வந்து செல்கின்றனர். பலர் இங்கு தங்களது வாகனங்களை கழுவி சுத்தம் செய்கின்றனர்.
கர்நாடக மாநிலத்தில் உற்பத்தியாகி கடலூர் மாவட்டம், தாழங்குடாவில் வங்காள விரிகுடாவில் கலக்கிறது தென்பெண்ணையாறு. இந்த ஆற்றின் நீர்பிடிப்புப் பகுதிகளில் கடந்த சில வாரங்களாக பெய்த மழையால் ஆற்றில் கட்டப்பட்டிருந்த கிருஷ்ணகிரி அணை, சாத்தனூர் அணை ஆகியவை முழுக் கொள்ளவை எட்டின.
இதனைத் தொடர்ந்து திருவண்ணாமலை மாவட்டம், சாத்தனூர் அணையிலிருந்து திறந்து விடப்பட்ட தண்ணீர் கடந்த வாரம் கடலூர் மாவட்டத்தை அடைந்தது. இதனால், கடலூர் மாவட்ட ஆட்சியரகம் எதிரில் உள்ள தடுப்பணை நிரம்பி தண்ணீர் வெள்ளமாகச் சென்றது. எனவே, அப்பகுதியில் போக்குவரத்துக்கு தடை விதிக்கப்பட்டிருந்தது. தற்போது மழையளவு குறைந்ததால் தண்ணீர் வரத்து குறைந்து, அணையில் இருந்து வெளியேற்றப்படும் நீரின் அளவும் குறைந்துள்ளது.
இதனால், ஆற்றில் வெள்ளப்போக்கு குறைந்ததால் ஆட்சியரகம் எதிரே உள்ள தடுப்பணையை தொட்டவாறு தண்ணீர் நிற்கிறது. இதனை காணவும், ஆற்று நீரில் குளிப்பதற்காகவும் திரளானோர் இங்கு வந்துச் செல்கின்றனர்.
மேலும், தங்களது வாகனங்களை கழுவி சுத்தம் செய்யும் பணியிலும், மீன்பிடி பணியிலும் சிலர் ஈடுபடுகின்றனர். இதனால் கொமந்தான்மேடு தடுப்பணை தற்போது திடீர் சுற்றுலாத் தலமாக மாறி உள்ளது. எனினும், அப்பகுதியில் பாதுகாப்புக்காக காவல் துறையினர் தொடர்ந்து கண்காணிப்புப் பணியில் ஈடுபட்டு வருகின்றனர்.

 

]]>
http://www.dinamani.com/all-editions/edition-villupuram/cuddalore/2017/oct/22/கொமந்தான்மேடு-தடுப்பணையில்-குவியும்-மக்கள்-2794136.html
2794135 விழுப்புரம் கடலூர் பயிர்க் காப்பீடு தொகை: ஏமாற்றத்தில் விவசாயிகள் ஜி. சுந்தரராஜன் DIN Sunday, October 22, 2017 07:15 AM +0530 கடலூர் மாவட்ட விவசாயிகளுக்கு 2016-17-ஆம் ஆண்டுக்கான பயிர்க் காப்பீட்டுத் தொகை முழுமையாகக் கிடைக்காததால் அவர்கள் ஏமாற்றம் அடைந்துள்ளனர்.
காவிரி டெல்டாவின் கடைமடைப் பகுதிகளை உள்ளடக்கிய கடலூர் மாவட்டத்தில் சீரற்ற பருவ நிலையால் கடந்த சில ஆண்டுகளாக விவசாயப் பணிகள் பாதிக்கப்பட்டுள்ளன. இதில் புதிய பயிர்க் காப்பீட்டு திட்டத்தில் காப்பீடு செய்த விவசாயிகள் உரிய தொகை கிடைக்காமல் பரிதவித்து வருகின்றனர்.
இதுகுறித்து பாசிமுத்தான் ஓடை பாசன விவசாயிகள் சங்கத் தலைவர் பெ.ரவீந்திரன் கூறியதாவது:
கடந்த ஆண்டு அறிமுகப்படுத்தப்பட்ட புதிய பயிர்க் காப்பீட்டு திட்டத்தில் சாகுபடி பயிர்களுக்கு நிர்ணயிக்கப்பட்ட பயிர்க் கடன் அளவே மகசூல் இழப்பு தொகையாக அறிவிக்கப்பட்டது.
இந்தத் திட்டத்தில் பயிர்களுக்கு நிர்ணயிக்கப்பட்டுள்ள இழப்பீட்டுத் தொகை கூடுதலாக உள்ளதால் நிவாரணத் தொகையும்  கூடுதலாக கிடைக்க வாய்ப்பு உள்ளது. சென்னை நீங்கலாக தமிழகத்திலுள்ள 31 மாவட்டங்களில் கடந்த காலங்களில் தேசிய பயிர்க் காப்பீட்டு நிறுவனம் மூலம் மட்டுமே செயல்படுத்தப்பட்டு வந்த  பயிர்க் காப்பீட்டு திட்டம், புதிய வழிகாட்டுதலின்படி தனியார் நிறுவனங்களை உள்ளடக்கி தற்போது செயல்படுத்தப்பட்டு வருகிறது.
இந்தத் திட்டத்தில், ராமநாதபுரம், திருவாரூர், நாமக்கல், திருச்சி, மதுரை,  கன்னியாகுமரி, திண்டுக்கல், கரூர், ஈரோடு, அரியலூர், பெரம்பலூர் ஆகிய மாவட்டங்களை வேளாண் காப்பீட்டு நிறுவனம் 3 ஆண்டுகளுக்கு ஒப்பந்தம் செய்துள்ளது. கடலூர், சிவகங்கை, திருவண்ணாமலை, நெல்லை, சேலம், நீலகிரி, கோவை, காஞ்சிபுரம், திருவள்ளூர், திருப்பூர் ஆகிய மாவட்டங்களை ஒரு தனியார் காப்பீட்டு நிறுவனம் இரு ஆண்டுகளுக்கும், மற்றொரு தனியார் காப்பீட்டு நிறுவனம் ஓர் ஆண்டுக்கும் ஒப்பந்தம் செய்துள்ளன. புதுக்கோட்டை, நாகப்
பட்டினம், தூத்துக்குடி, தஞ்சாவூர், விருதுநகர், தேனி, கிருஷ்ணகிரி, தருமபுரி, விழுப்புரம், வேலூர் ஆகிய மாவட்டங்களை மத்திய அரசின் பொதுத்துறை காப்பீட்டு நிறுவனம் 2 ஆண்டுகளுக்கு ஒப்பந்தம் செய்துள்ளது.
ஒப்பந்தம் செய்துள்ள 4 நிறுவனங்களில் வேளாண் காப்பீட்டு நிறுவனம் மத்திய அரசின் கட்டுப்பாட்டில் செயல்படும் நிறுவனமாகும். ஆனால், இரு தனியார் காப்பீட்டு நிறு
வனங்கள், மத்திய அரசின் பொதுத் துறை காப்பீட்டு நிறுவனம் ஆகிய நிறுவனங்களால் விவசாயிகளுக்கு நன்மை கிடைக்காது என்பதை முன்கூட்டியே எச்சரித்தும் விவசாயிகளின் கோரிக்கையை ஏற்காமல் அந்த 3 நிறுவனங்களுக்கு மத்திய அரசு அனுமதி அளித்தது. இதனால் தமிழகத்தில் 20 மாவட்ட விவசாயிகளுக்கு பயிர்க் காப்பீடு திட்டத்தில் இழப்பீடு கிடைக்காத நிலை நீடிக்கிறது.
மத்திய அரசின் கட்டுப்பாட்டில் செயல்படும் தேசிய வேளாண் காப்பீட்டு நிறுவனம், தான் சேவை செய்யும் 11 மாவட்டங்களில் நெல் பயிருக்கு மட்டும் இழப்பீட்டுத் தொகையாக ரூ.882 கோடி அறிவித்து அந்தந்த மாவட்ட விவசாயிகளின் வங்கிக் கணக்கில் வரவு வைக்கும் பணியை முடித்து மற்ற பயிர்களுக்கான இழப்பீட்டுத் தொகையை நிர்ணயிக்கும் பணியில் ஈடுபட்டுள்ளது. புதிய திட்டத்தில் உள்ள வழிகாட்டுதலின்படி அரசு அறிவிப்பு செய்த தினத்திலிருந்து 90 நாள்களுக்குள் வழங்கப்பட வேண்டிய இழப்பீட்டுத் தொகையை இது வரை முழுமையாக வழங்காதது ஏமாற்றமளிக்கிறது.
2016-ஆம் ஆண்டு தமிழகம் முழுவதும் பருவ மழை குறைந்ததாலும், டெல்டா பாசனப் பகுதிகளில் காவிரி நீர் கிடைக்காததாலும், வறட்சியாலும் பயிர்களை காப்பாற்ற முடியாமல் விவசாயிகள் பலர் மன உளைச்சலில் மாரடைப்பாலும், தற்கொலை செய்துகொண்டும் இறந்தனர். இந்த நிலையில், பயிர்க் காப்பீட்டுத் தொகை இதுவரை கிடைக்காமல் விரக்தியில் உள்ளார்கள்.
கடந்த ஆண்டு நிலவிய கடும் வறட்சியால் பாதிக்கப்பட்ட விளை நிலங்களை அட்சரேகை, தீர்க்க ரேகை அளவீடுகளுடன் துல்லியமாக படம் பிடித்து, தேசிய செய்தி பரிமாற்று மையத்தின் மாவட்ட அலுவலகங்கள் மூலம் மத்திய அரசுக்கு  வறட்சி குறித்த தகவலை தெரிவித்து, அதனடிப்படையில் வறட்சி நிவாரணமாக 1,800 கோடி ரூபாய் காப்பீட்டு நிறுவனங்கள் வசம் ஒப்படைத்தும் விவசாயிகளுக்கு இழப்பீடு சென்றடைய வில்லை.
வறட்சி தொடர்பான கணக்கெடுப்புப் பணியை பாரபட்சமின்றி செய்திருந்தால் அனைத்து விவசாயிகளுக்கும் நிவாரணமும், பயிர் மகசூல் இழப்பீட்டுத் தொகையும் முழுமையாக கிடைக்கச் செய்திருக்க முடியும். கடலூர் மாவட்டம் முழுவதும் வறட்சியால் பாதிக்கப்பட்ட நிலையில், ஆழ்துளைக் கிணறுகளின் எண்ணிக்கை அடிப்படையில் மகசூல் அறுவடை பரிசோதனையில் விளைச்சல் நன்றாக உள்ளது என்ற புள்ளியியல் துறையின் அறிக்கையால்  இழப்பீடு இல்லை என விவசாயிகள் ஏமாற்றப்பட்டுள்ளனர்.
கடலூர் மாவட்டத்தில் தனியார் காப்பீட்டு நிறுவனம் மூலம் செயல்படுத்தப்படும் புதிய பயிர்க் காப்பீட்டுத் திட்டத்தில் ஒரு லட்சத்து 63 ஆயிரத்து 914 ஏக்கர் விளைநிலங்களுக்கு 71 ஆயிரத்து 241 விவசாயிகள் ரூ.5 கோடியே 79 லட்சம் பிரீமியம் செலுத்தி  இணைந்துள்ளார்கள். இதனால் ரூ.383 கோடி ரூபாக்கு இழப்பீடு கிடைக்கக் கூடிய வாய்ப்பு ஏற்படுத்தப்பட்டது.
இதில் நெல் சாகுபடி செய்யும் விவசாயிகள் மட்டுமே 60 ஆயிரம் பேர். அதில் 42 ஆயிரம் விவசாயிகளுக்கு மட்டுமே இழப்பீடு கிடைக்கும் என்ற நிலையில், 23 ஆயிரம் விவசாயிகளுக்கு தற்போது 83 கோடி ரூபாய் இழப்பீடு வழங்கப்பட்டதாகவும், எஞ்சியவர்களுக்கு 10 தினங்களில் வழங்கப்படும் எனவும் தனியார் காப்பீட்டு நிறுவனம் மூலம் அறிவிப்பு செய்யப்பட்டுள்ளது.
மேலும் கிராம வாரியாக வழங்கப்பட்ட இழப்பீட்டின் சதவிகித விவரம் இல்லை. ஒரே கிராமத்தில் விவசாயிகளுக்கு வழங்கப்பட்ட இழப்பீட்டு தொகையில் சில விவசாயிகளுக்கு முழு தொகையும் சில விவசாயிகளுக்கு குறைவாகவும் வழங்கப்பட்டுள்ளது. கடன் பெறாத பெரிய விவசாயிகள் பிரீமியம் செலுத்திய முழு நிலத்தின் பரப்பளவுக்கும் இழப்பீடு கிடைக்காமல், குறைந்த அளவிலான பரப்பளவுக்கு மட்டுமே இழப்பீடு வழங்கப்பட்டுள்ளது.  
இது போன்ற குறைகளை கண்டறிந்து குறைவாக இழப்பீடு பெற்ற விவசாயிகளுக்கும் முழு தொகை கிடைக்க நடவடிக்கை எடுக்க வேண்டும்.
நெல் பயிருக்கு மட்டுமே இவ்வளவு காலதாமதம் ஏற்பட்டுள்ள நிலையில், மற்ற சாகுபடி பயிர்களுக்கு இழப்பீடு எப்போது கிடைக்கும் என்பது கேள்விக்குறியாக உள்ளது.
எனவே, விவசாயிகளுக்கு உரிய காலத்தில் பயிர்க் காப்பீட்டுக்கான இழப்பீட்டுத் தொகையை வழங்காத தனியார் நிறுவனங்களின் ஒப்பந்தங்களை ரத்து செய்து, மத்திய அரசின் கட்டுப்பாட்டில் செயல்படும் வேளாண் காப்பீட்டு நிறுவனத்திடம் ஒப்படைத்தால் மட்டுமே  தமிழக விவசாயிகளை காப்பாற்ற முடியும் என்றார் அவர்.

 

]]>
http://www.dinamani.com/all-editions/edition-villupuram/cuddalore/2017/oct/22/பயிர்க்-காப்பீடு-தொகை-ஏமாற்றத்தில்-விவசாயிகள்-2794135.html
2794134 விழுப்புரம் கடலூர் அதிமுக பொதுக்கூட்டம் DIN DIN Sunday, October 22, 2017 07:14 AM +0530 காட்டுமன்னார்கோவில் சீரணி அரங்கில் கடலூர் மேற்கு மாவட்ட அதிமுக (அம்மா அணி) சார்பில் கட்சியின் 46-ஆம் ஆண்டு தொடக்க விழா பொதுக்கூட்டம் வெள்ளிக்கிழமை நடைபெற்றது.
 கூட்டத்துக்கு மேற்கு மாவட்டச் செயலர் கே.எஸ்.கே.பாலமுருகன் தலைமை வகித்தார். காட்டுமன்னார்கோவில் ஒன்றியச் செயலர் விவேகானந்தன் வரவேற்றார். சிதம்பரம் நகரச் செயலர் தோப்பு கே.சுந்தர், குமராட்சி, ஸ்ரீமுஷ்ணம் ஒன்றியச் செயலர்கள்
பாச.மில்லர், செல்வராஜ் ஆகியோர் முன்னிலை வகித்தனர்.
 சிறப்பு அழைப்பாளர்களாக மாநில இலக்கிய அணிச் செயலர் டேவிட் அண்ணாதுரை, தலைமைக் கழகப் பேச்சாளர் காவேரி ஆகியோர் பங்கேற்று பேசினார்.  மாவட்ட அவைத் தலைவர் கலையரசன், இணைச் செயலர் இந்திராணி, துணைச் செயலர்கள்  
விஜயலெட்சுமி, நாராயணமூர்த்தி, பொருளாளர், சுரேஷ்பாபு, அப்பாதுரை, முத்துபாண்டியன், வெற்றிவேல், மருத்துவ அணி ராஜசேகர் உள்ளிட்டோர் பங்கேற்றனர்.  முடிவில் நகரச் செயலர் கோகுல
கிருஷ்ணன் நன்றி  கூறினார்.

 

]]>
http://www.dinamani.com/all-editions/edition-villupuram/cuddalore/2017/oct/22/அதிமுக-பொதுக்கூட்டம்-2794134.html
2794133 விழுப்புரம் கடலூர் வேளாண் திட்டப் பணிகள்: கூடுதல் இயக்குநர் ஆய்வு DIN DIN Sunday, October 22, 2017 07:14 AM +0530 அண்ணாகிராமம் வட்டாரத்தில் வேளாண்மைத் துறை சார்பில் செயல்படுத்தப்படும் பல்வேறு திட்டப் பணிகள் குறித்து சென்னை வேளாண்மை கூடுதல் இயக்குநர் (பணி மேலாண்மை) செந்தாமரை அண்மையில் ஆய்வு செய்தார்.
 நீடித்த நிலையான கரும்பு சாகுபடி திட்டத்தின்கீழ் எம்.புதுப்பாளையம் கிராமத்தில் பாலசுப்பிரமணியன் என்பவரது வயலில் வேளாண்மைத் துறை, நெல்லிக்குப்பம் ஈஐடி பாரி நிறுவனம் ஒருங்கிணைந்து அமைத்த நிழல்வலை கூடத்தை கூடுதல் இயக்குநர் ஆய்வு செய்தார்.
அப்போது, ஈஐடி பாரி நிறுவன அலுவலர் ஸ்ரீதர் வேளாண் பணிகள் குறித்து செயல் விளக்கம் அளித்தார்.
 மேலும், கந்தசாமி என்பவரின் கரும்பு வயலில் அமைக்கப்பட்டுள்ள சொட்டுநீர் பாசன அமைப்பையும் கூடுதல் இயக்குநர்  ஆய்வு செய்தார்.
அப்போது, கடலூர் வேளாண்மை துணை இயக்குநர் கனகசபை, சம்பத்குமார், வேளாண்மை உதவி இயக்குநர் மல்லிகா, வேளாண்மை அலுவலர் சுரேஷ் உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/cuddalore/2017/oct/22/வேளாண்-திட்டப்-பணிகள்-கூடுதல்-இயக்குநர்-ஆய்வு-2794133.html
2794132 விழுப்புரம் கடலூர் கழிவுநீர் குழாய் புதைக்க எதிர்ப்பு: பொதுமக்கள் போராட்டம் DIN DIN Sunday, October 22, 2017 07:14 AM +0530 மேல்பட்டாம்பாக்கத்தில் குட்டையிலிருக்கும் கழிவு நீரை வெளியேற்ற குழாய் புதைக்கும் பணிக்கு எதிர்ப்புத் தெரிவித்து பொதுமக்கள் சனிக்கிழமை போராட்டத்தில் ஈடுபட்டனர்.
 மேல்பட்டாம்பாக்கம் பேரூராட்சியில் கரையான்குட்டை அமைந்துள்ளது. இந்தக் குட்டையில் கழிவுநீர் தேங்குவதால் சுகாதாரச் சீர்கேடு நிலவுகிறது. அண்மையில் பேரூராட்சிப் பகுதியில் ஆய்வு மேற்கொண்ட மாவட்ட ஆட்சியர் பிரசாந்த்
மு.வடநேரே, இந்தக் குட்டையை பார்வையிட்டு அதில் தேங்கியுள்ள கழிவு நீரை குழாய் மூலம் வெளியேற்றுமாறு அதிகாரிகளுக்கு உத்தரவிட்டாராம்.
  இதையடுத்து, பேரூராட்சி நிர்வாகம் ரூ.36 லட்சம் செலவில் 2.5 கி.மீ. தொலைவுக்கு குழாய் அமைத்து கழிவுநீரைவெளியேற்றுவதற்கான பணிகளை மேற்கொண்டு வருகிறது. இதற்காக நத்தமேடு, புதுக்குப்பம், லட்சுமிபுரம் பகுதிகளில் அமைத்துள்ள சிமென்ட் சாலையை உடைத்து அதன் நடுவே குழாய் பதிக்கும்  பணி  நடைபெற்று வருகிறது. இதற்கு எதிர்ப்பு தெரிவித்த அந்தப் பகுதி மக்கள் முன்னாள் கவுன்சிலர் லட்சுமி தலைமையில் சனிக்கிழமை போராட்டத்தில் ஈடுபட்டனர். கழிவு நீரை சுத்தம் செய்து மாற்று வழியில் கொண்டு செல்ல வேண்டும் என வலியுறுத்தினர்.
 பின்னர், பேரூராட்சி அலுவலகத்துக்குச் சென்றவர்கள், செயல் அலுவலர் குமாரை முற்றுகையிட்டனர். பின்னர்  ஆர்ப்பாட்டத்தில் ஈடுபட்டனர்.
அப்போது  செயல் அலுவலர் கூறுகையில், ஆட்சியரது உத்தரவின்பேரிலேயே இந்தப் பணி நடைபெற்று வருவதாகவும்,  இதுகுறித்து ஆட்சியரை சந்தித்து முறையிடும்படியும் தெரிவித்தார்.  தொடர்ந்து பொதுமக்கள் கடலூர் சாலையில் மறியலில் ஈடுபட முயன்றனர்.  
தகவல் அறிந்து சம்பவ இடத்துக்கு வந்த போலீஸார் பேச்சுவார்த்தை நடத்தி பொதுமக்களை கலைந்துபோகச் செய்தனர்.  கோரிக்கை தொடர்பாக திங்கள்கிழமை மாவட்ட ஆட்சியரை சந்தித்து முறையிட உள்ளதாக பொதுமக்கள் தரப்பில் தெரிவிக்கப்பட்டது.

 

]]>
http://www.dinamani.com/all-editions/edition-villupuram/cuddalore/2017/oct/22/கழிவுநீர்-குழாய்-புதைக்க-எதிர்ப்பு-பொதுமக்கள்-போராட்டம்-2794132.html
2794131 விழுப்புரம் கடலூர் கொசுப்புழு ஒழிப்புப் பணி ஆய்வு DIN DIN Sunday, October 22, 2017 07:14 AM +0530 குறிஞ்சிப்பாடி பகுதிகளில் கொசுப் புழு ஒழிப்புப் பணியை மாவட்ட ஆட்சியர் பிரசாந்த் மு.வடநேரே சனிக்கிழமை ஆய்வு செய்தார்.
 கடலூர் மாவட்டத்தில் டெங்கு காய்ச்சல் பரவுவதை தடுக்க தூய்மைப் பணி நடைபெற்று வருகிறது. குறிஞ்சிப்பாடி ஊராட்சி ஒன்றியம், ஆலப்பாக்கம் ஊராட்சி கம்பளிமேடு, புலியூர் ஊராட்சி வசனாங்குப்பம், விருப்பாச்சி பொட்டவெளி மற்றும் குறிஞ்சிப்பாடி பேரூராட்சி 5-ஆவது வார்டு ஆகிய பகுதிகளில் வீடு, வீடாகச் சென்று டெங்கு கொசுப் புழு உற்பத்தியாகும் இடங்களை கண்டறிந்து அவற்றை தூய்மைப்படுத்தும் பணியை மாவட்ட ஆட்சியர் பிரசாந்த் மு.வடநேரே ஆய்வு செய்தார்.
அப்போது பொதுமக்களிடம் அவர் கூறியதாவது: வீடு மற்றும் அதன் சுற்றுவட்டாரப் பகுதிகளில் கிடக்கும் உபயோகமற்ற பொருள்களில் மழைநீர் தேங்காவண்ணம் அவற்றை உடனடியாக அப்புறப்படுத்த வேண்டும். சுகாதாரமான குடிநீரில் கொசுக்கள் அதிகளவில் உற்பத்தியாக வாய்ப்புள்ளதால் அதனை நன்றாக மூடி வைக்க வேண்டும். பிளாஸ்டிக் கழிவுகள், குப்பைகளை பொது இடங்களில் வீசாமல் குப்பைத்தொட்டிகளில் போடவேண்டும். கொசுக்கள் உற்பத்தியாகும் காரணிகளான உபயோகமற்ற டயர்கள், பெயிண்ட் டப்பாக்கள், பிளாஸ்டிக் பொருள்கள், தேங்காய் சிரட்டைகள் போன்றவற்றை வியாழக்கிழமைதோறும் அப்புறப்படுத்த வேண்டுமென ஆட்சியர் கேட்டுக்கொண்டார்.
 ஆய்வின்போது குறிஞ்சிப்பாடி வட்டாட்சியர் ஜெ.ஜான்சிராணி, வட்டார வளர்ச்சி அலுவலர் அசோக் பாபு, பேரூராட்சி செயல் அலுவலர் டி.சக்கரவர்த்தி உள்ளிட்ட அலுவலர்கள் உடனிருந்தனர்.

 

]]>
http://www.dinamani.com/all-editions/edition-villupuram/cuddalore/2017/oct/22/கொசுப்புழு-ஒழிப்புப்-பணி-ஆய்வு-2794131.html
2794130 விழுப்புரம் கடலூர் ரூ.2 லட்சம் மோசடி: எஸ்.பி.யிடம் புகார் DIN DIN Sunday, October 22, 2017 07:13 AM +0530 வெளிநாட்டில் வேலை வாங்கித் தருவதாக ரூ.2 லட்சம் மோசடி செய்ததாக எஸ்பியிடம் புகார் அளிக்கப்பட்டது.
 கடலூர் வட்டம், டி.புதூரைச் சேர்ந்தவர் டி.குணசேகரன் (32). ஐடிஐ பிட்டர் படிப்பு படித்துள்ளார். இவர் சனிக்கிழமை மாவட்ட காவல் கண்காணிப்பாளர் அலுவலகத்தில் மனு அளித்தார். அதில் கூறியிருப்பதாவது: கடலூர் அருகே உள்ள சோணங்குப்பத்தைச் சேர்ந்தவர், வெளிநாடுகளுக்கு வேலைக்கு அனுப்பும் முகவராக செயல்பட்டு வந்தார். இவர்  உறவினர் மூலமாக எனக்கு அறிமுகமானார். நியூசிலாந்து நாட்டில் தனியார் நிறுவனத்தில் வேலைக்கு அனுப்பி வைப்பதாக கடந்த மே மாதம் கூறினார். அதன்படி 3 தவணைகளாக அவரிடம் ரூ.2 லட்சம் பணம் கொடுத்தேன். ஆனால், பணத்தை வாங்கிக் கொண்டு இதுவரையில் வேலைக்கு என்னை அவர் அனுப்பி வைக்கவில்லை.
  இதுகுறித்து அவரிடம் கேட்டபோது, ஆகஸ்ட் மாதம் 22-ஆம் தேதி வெளிநாடு அனுப்பி வைப்பதாக கூறினார். அதன்பிறகு அவரை தொலைபேசியிலும், நேரடியாகவும் தொடர்புகொள்ள முடியவில்லை. அவரது உறவினர்களும் தற்போது பதிலளிக்க மறுத்து வருகின்றனர். எனவே, வேலை வாங்கித்தருவதாக ரூ.2 லட்சம் மோசடி செய்தவர் மீது உரிய நடவடிக்கை எடுக்க வேண்டுமென அந்த மனுவில் கோரியுள்ளார்.

 

]]>
http://www.dinamani.com/all-editions/edition-villupuram/cuddalore/2017/oct/22/ரூ2-லட்சம்-மோசடி-எஸ்பியிடம்-புகார்-2794130.html
2794129 விழுப்புரம் கடலூர் போக்குவரத்து தொழிலாளர்கள் ஆர்ப்பாட்டம் DIN DIN Sunday, October 22, 2017 07:13 AM +0530 திட்டக்குடி அரசு போக்குவரத்துப் பணிமனையில் தொழிலாளர்கள் சனிக்கிழமை அதிகாலையில் ஆர்ப்பாட்டத்தில் ஈடுபட்டனர்.
 நாகப்பட்டினம் மாவட்டம், பொறையாரில் உள்ள அரசு போக்குவரத்துக் கழக பணிமனையின் கட்டடம் வியாழக்கிழமை இடிந்து விழுந்ததில் ஊழியர்கள் 8 பேர் உயிரிழந்தனர். இந்த நிலையில் திட்டக்குடியில் இயங்கும் அரசு போக்குவரத்துப் பணிமனையும் முறையாக பராமரிக்கப்படாமல் பழுதடைந்த நிலையில் உள்ளதாம். இந்த கட்டடத்தையும், பணிமனை வளாகம், பணியாளர்கள் ஓய்வறை, பணிமனைக்குள் செல்லும் சாலை ஆகியவற்றை போர்க்கால அடிப்படையில் சீரமைக்க வேண்டும் என்ற கோரிக்கையை வலியுறுத்தி, போக்குவரத்து தொழிலாளர்கள் சனிக்கிழமை அதிகாலை 4 மணிமுதல் 5 மணி வரை பேருந்துகளை இயக்காமல் பணிமனை நுழைவுவாயிலில் கண்டன ஆர்ப்பாட்டத்தில் ஈடுபட்டனர்.
 இதனையடுத்து பணிமனை அலுவலர்கள் நடத்திய பேச்சுவார்த்தையில் உடன்பாடு ஏற்பட்டதைத் தொடர்ந்து போராட்டத்தை கைவிட்டு பேருந்துகளை இயக்கினர். இதனால் திட்டக்குடி பணிமனையிலிருந்து இயக்கப்பட வேண்டிய பேருந்துகள் சுமார்  ஒரு மணிநேரம் இயக்கப்படவில்லை.
மேலும், போராட்டத்தின்போது, பொறையாரில் உயிரிழந்த தொழிலாளிகளின் குடும்பங்களுக்கு உரிய நிவாரணம் வழங்க வேண்டும், அவர்களது வாரிசுகளுக்கு அரசு வேலை வழங்க வேண்டும் என்ற கோரிக்கைகளையும் வலியுறுத்தினர்.

]]>
http://www.dinamani.com/all-editions/edition-villupuram/cuddalore/2017/oct/22/போக்குவரத்து-தொழிலாளர்கள்-ஆர்ப்பாட்டம்-2794129.html
2793721 விழுப்புரம் கடலூர் அனைத்து சாதியினரும் அர்ச்சகராகும் சட்டத்தை வலியுறுத்தி விரைவில் சிறை நிரப்பும் போராட்டம் DIN DIN Sunday, October 22, 2017 01:13 AM +0530 அனைத்துச் சாதியினரும் அர்ச்சகராகும் சட்டத்தை தமிழகத்தில் அமல்படுத்த வலியுறுத்தி விரைவில் சிறை நிரப்பும் போராட்டம் நடத்தப்படும் என்று திராவிடர் கழகத் தலைவர் கி.வீரமணி தெரிவித்தார்.
கடலூரில் திராவிடர் கழகப் பொதுக்குழுக் கூட்டம் சனிக்கிழமை நடைபெற்றது. இதில் பங்கேற்ற கி.வீரமணி செய்தியாளர்களிடம் கூறியதாவது: அனைத்துச் சாதியினரும் அர்ச்சகர் ஆக்கப்பட வேண்டும் என்பது பெரியாரின் எண்ணம். இதனை கொள்கை ரீதியாக எம்ஜிஆர், ஜெயலலிதா ஆகியோரும் ஏற்றுக்கொண்டனர். திமுக ஆட்சியில் 206 பேருக்கு அர்ச்சகர் பயிற்சி அளிக்கப்பட்டது.
அண்மையில், கேரளத்தில் தாழ்த்தப்பட்ட, பிற்படுத்தப்பட்ட பிரிவைச் சேர்ந்த 36 பேர் அர்ச்சகர்களாக நியமிக்கப்பட்டனர். எனவே, தமிழகத்திலும் இந்தச் சட்டத்தை அரசு அமல்படுத்த வேண்டும். இதனை வலியுறுத்தி விரைவில் சிறை நிரப்பும் போராட்டம் நடத்தப்படும்.  தமிழகத்தில் எந்த நேரத்திலும் தேர்தல் வரக்கூடிய சூழல் உள்ளது. இந்த நிலையில், சினிமா கவர்ச்சியை முதலீடாகக் கொண்டு அரசியலில் நுழைபவர்களிடம் மக்கள் எச்சரிக்கையாக இருக்க வேண்டும் என்றார் கி.வீரமணி.
முன்னதாக, தி.க. பொதுக்குழுக் கூட்டம் செயல் அவைத் தலைவர் சு.அறிவுக்கரசு தலைமையில் நடைபெற்றது. இதில், தி.க. தலைவர் கி.வீரமணி, துணைத் தலைவர் கலி.பூங்குன்றன், பொதுச் செயலர்கள் துரை.சந்திரசேகரன், வீ.அன்புராஜ், திமுக தேர்தல் பணிக்குழுச் செயலர் இள.புகழேந்தி உள்ளிட்டோர் பேசினர்.
சிதம்பரம் அண்ணாமலைப் பல்கலைக்கழகத்தின் பாடத் திட்டத்திலிருந்து ஜோதிடத்தை விலக்க வேண்டும். தனியார் துறையில் இடஒதுக்கீடு வழங்க வேண்டும். நீட் தேர்வை  முழுமையாக ரத்து செய்ய வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 கூட்டத்தில், மண்டலத் தலைவர்கள் அரங்க.பன்னீர்செல்வம், கா.மு.தாஸ், மண்டலச் செயலர் சொ.தண்டபாணி, மாநில இளைஞரணிச் செயலர் த.சீ.இளந்திரையன், புதுவை மாநிலத் தலைவர் சிவ.வீரமணி உள்ளிட்டோர் பங்கேற்றனர். கடலூர் மாவட்டத் தலைவர் தென்.சிவக்குமார் வரவேற்றார். மாவட்டச் செயலர் நா.தாமோதரன் நன்றிகூறினார்.

]]>
http://www.dinamani.com/all-editions/edition-villupuram/cuddalore/2017/oct/22/அனைத்து-சாதியினரும்-அர்ச்சகராகும்-சட்டத்தை-வலியுறுத்தி-விரைவில்-சிறை-நிரப்பும்-போராட்டம்-2793721.html
2793499 விழுப்புரம் கடலூர் நடிகர்கள் ஊழலை விமர்சிக்க மட்டுமே செய்கிறார்கள்: தமிழிசை சௌந்தரராஜன்  கடலூர், DIN Saturday, October 21, 2017 09:22 AM +0530 நடிகர்கள் ஊழலை விமர்சிக்க மட்டுமே செய்வதாக பாரதிய ஜனதா கட்சியின் மாநிலத் தலைவர் தமிழிசை சௌந்தரராஜன் கூறினார்.
 தமிழக பாஜக முன்னாள் மாநிலத் தலைவர் டாக்டர் கிருபாநிதி கடலூரில் வியாழக்கிழமை காலமானார். அவரது உடலுக்கு தமிழிசை செளந்தரராஜன் வெள்ளிக்கிழமை மலர் வளையம் வைத்து அஞ்சலி செலுத்தினார். பின்னர் அவர் செய்தியாளர்களிடம் கூறியதாவது:
 தமிழகத்தில் குடிசை மாற்று வாரியம், வீட்டு வசதி வாரியம் ஆகியவை கட்டிய வீடுகள், அரசு கட்டடங்கள் பல இடங்களில் இடிந்து விழும் நிலையில் உள்ளன. இந்தக் கட்டடங்கள் இடிந்து உயிரிழப்புகள் ஏற்படும் முன்பாக அவற்றை ஆய்வு செய்து, பாதுகாப்பற்ற கட்டடங்களை இடித்து அகற்ற வேண்டும். கமிஷன், லஞ்சம் காரணமாக தரம் குறைவாக கட்டடங்கள் கட்டப்பட்டுள்ளன. இதற்கு திமுக, அதிமுக கட்சிகள் பொறுப்பேற்க வேண்டும்.
 நடிகர்கள் ஊழலை விமர்சிக்க மட்டுமே செய்கிறார்கள். நாங்களோ ஊழலுக்கு எதிராகச் செயல்படுகிறோம். ஊழல் செய்துவந்த கட்சியை அப்புறப்படுத்திவிட்டு ஊழலே இல்லாமல் ஆட்சி நடத்தி வருகிறோம். பிரபலங்கள் பேசும் கருத்துகள் பிரபலமாகிவிடுகின்றன. இதனால், அவர்கள் கவனத்துடன் பேச வேண்டும். அரசின் நல்ல திட்டங்களை கொச்சைப்படுத்தக் கூடாது. இது மக்கள் மத்தியில் தவறான புரிதலை ஏற்படுத்திவிடும்.
 நடிகர் விஜய் கலையை சேவையாகக் கருதி, 5 ரூபாய் டிக்கெட் கட்டணத்தில் மக்கள் திரைப்படம் பார்க்கும் வகையில், திரைப்படங்களில் நடிப்பாரா? முறைகேடுகளின்றி முதல் நாளே
 ரூ. 33 கோடிக்கு திரைப்பட வசூல் நடந்ததா? மக்கள் கை தட்டுவதால் அந்தக் கருத்து அவர்களால் ஏற்றுக்கொள்ளப்படுகிறது என்று அர்த்தமல்ல. பிடிக்காவிட்டாலும் கை தட்டுவார்கள். மெர்சல் திரைப்படத்தில் மருத்துவர்களை இழிவுபடுத்தும் வகையில் அமைந்துள்ள காட்சிகளை நீக்க வேண்டும்.
 கடந்த 50 ஆண்டுகளாக பேசாத கமல்ஹாசன் தற்போது விளம்பரத்துக்காகப் பேசுகிறார். திரைப்பட வாய்ப்புகள் இருந்த நிலையில் அவர் நாட்டைப் பற்றி கவலைப்பட்டதில்லை. சுட்டுரை, முகநூலில் அரசியல் நடத்திவிட முடியாது. நிலவேம்பு பற்றி கருத்து தெரிவித்த கமல் தற்போது மாற்றுக் கருத்தை தெரிவிக்கிறார்.
 நாட்டுக்கு நல்ல திட்டங்களை கொண்டு வருவது திரைப்படங்கள் அல்ல. நடிகர்கள் உள்நோக்கத்தோடு விமர்சிக்கிறார்கள். ஜிஎஸ்டி கவுன்சில் ஒவ்வொரு மாதமும் கூட்டப்பட்டு, வரி விதிப்பில் குறைபாடுகள் இருப்பின் அவை களையப்படுகிறது. ஜிஎஸ்டி வரி மூலம் நல்ல பொருள்களை வாங்க முடிகிறது. மருத்துவம், கல்வி ஆகியவை வியாபாரமாக்கப்படுவது தடுக்கப்படுகிறது. ஜிஎஸ்டியால் நாட்டில் பொருளாதார புரட்சி நடந்து வருகிறது. 25 சதவீதம் குறைந்த விலையில் மருந்துகள் விற்கப்படுகின்றன. இதேபோல, பண மதிப்பிழப்பு நடவடிக்கையை ஆய்வு செய்த பிரபல நிறுவனங்கள் அதற்கு பாராட்டு தெரிவித்துள்ளன.
 இந்தத் திட்டங்கள் மூலம் நாட்டில் மது அருந்துவது, திருடுவது குறைந்துள்ளது. சேமிப்பு அதிகரித்துள்ளது.
 ஒரு திரைப்படத்தில், காங்கிரஸ் தலைவர் சோனியா காந்தியை இழிவுபடுத்தியதாகக் கூறி அந்தக் காட்சியை நீக்க வலியுறுத்தி அந்தக் கட்சியின் மாநிலத் தலைவர் திருநாவுக்கரசர் போராட்டம் நடத்தினார். அவர்கள் கூறினால் கருத்து சுதந்திரம். அதுவே நாங்கள் கூறினால் கருத்து சுதந்திரத்தைப் பறிப்பதாகக் கூறுகிறார்கள் என்றார் தமிழிசை சௌந்தரராஜன்.
 பேட்டியின் போது, கட்சியின் மாநில நிர்வாகி ராஜரத்தினம் உடனிருந்தார்.
 
 

]]>
http://www.dinamani.com/all-editions/edition-villupuram/cuddalore/2017/oct/21/நடிகர்கள்-ஊழலை-விமர்சிக்க-மட்டுமே-செய்கிறார்கள்-தமிழிசை-சௌந்தரராஜன்-2793499.html
2793498 விழுப்புரம் கடலூர் பாசனத்துக்காக தண்ணீர் திறக்கக் கோரி சிதம்பரம் அருகே விவசாயிகள் சாலை மறியல்  சிதம்பரம், DIN Saturday, October 21, 2017 09:22 AM +0530 பாசனத்துக்காக வடக்கு ராஜன் வாய்க்காலில் தண்ணீர் திறக்கக் கோரி, குமராட்சியில் விவசாயிகள் வெள்ளிக்கிழமை சாலை மறியலில் ஈடுபட்டனர். இதில் பங்கேற்ற 42 பேரை போலீஸார் கைது செய்தனர்.
 கடலூர் மாவட்டம், சிதம்பரம் அருகேயுள்ள குமராட்சி பகுதியில் உள்ள சுமார் 25 கிராமங்களைச் சேர்ந்த விவசாயிகள், கீழணையில் தேக்கப்பட்டு வடக்கு ராஜன் வாய்க்கால் வழியாக வரும் தண்ணீரை பயன்படுத்தி விவசாயம் செய்து வருகின்றனர். கடலூர் மாவட்டத்தில் காட்டுமன்னார்கோவில், குமராட்சி ஆகிய பகுதிகள் காவிரி டெல்டாவின் கடைமடை பகுதிகளாகும்.
 கல்லணையிலிருந்து திறக்கப்படும் தண்ணீரின் ஒரு பகுதி கொள்ளிடம் ஆற்றின் வழியாக தஞ்சை மாவட்டம், கீழணையில் தேக்கப்படுகிறது. இந்த தண்ணீரை கடலூர் மாவட்ட விவசாயிகள் வடவாறு, வடக்கு ராஜன் வாய்க்கால், வீராணம் ஏரி ஆகியவற்றின் மூலமாகப் பெற்று சுமார் ஒரு லட்சம் ஏக்கர் விளைநிலங்களில் பாசனம் செய்கின்றனர்.
 நிகழ் ஆண்டு மேட்டூர் அணையில் கணிசமான அளவில் தண்ணீர் தேக்கப்பட்டுள்ளது. இதனால், விவசாயத்துக்கு தண்ணீர் தட்டுப்பாடு ஏற்படாது என்ற மகிழ்ச்சியில் விவசாயிகள் தங்களது பணிகளை தொடங்கும் நிலையில் இருந்தனர். இதற்கேற்ப மேட்டூர் அணையிலிருந்து பாசனத்துக்காக செப்டம்பர் 25-ஆம் தேதி தண்ணீர் திறக்கப்பட்டது. தொடர்ந்து, கல்லணையிலிருந்து காவிரி ஆற்றிலும், கொள்ளிடம் ஆற்றில் விநாடிக்கு 1,200 கன அடி வீதம் அக்டோபர் 2-ஆம் தேதியும் தண்ணீர் திறக்கப்பட்டது. கீழணையிலிருந்து வடவாற்றில் மட்டும் கடந்த 17-ஆம் தேதி வீராணம் ஏரிக்கு தண்ணீர் திறக்கப்பட்டது. ஆனால், வடக்கு ராஜன் வாய்க்காலில் தண்ணீர் திறக்கப்படவில்லை. இதனால், சுமார் 32 ஆயிரம் ஏக்கரில் விவசாயப் பணிகள் கேள்விக்குறியானது.
 இதனால், ஆத்திரமடைந்த விவசாயிகள், கீழணை கொள்ளிடம் பாசன விவசாயிகள் சங்கத் தலைவர் பி.விநாயகமூர்த்தி தலைமையில் வெள்ளிக்கிழமை காலை 11 மணியளவில் குமராட்சி பேருந்து நிறுத்தம் அருகே திருச்சி - சிதம்பரம் தேசிய நெடுஞ்சாலையில் மறியலில் ஈடுபட்டனர்.
 தகவலறிந்து சம்பவ இடத்துக்கு வந்த சேத்தியாத்தோப்பு டிஎஸ்பி அருள் சந்தோஷ முத்து விவசாயிகளிடம் பேச்சுவார்த்தை நடத்தினார். ஆனால், இதில் உடன்பாடு ஏற்படாததால் விவசாயிகளின் போராட்டம் தொடர்ந்தது.
 பின்னர், பொதுப் பணித் துறை பொறியாளர் ரமேஷ் சம்பவ இடத்துக்கு வந்து விவசாயிகளிடம் பேச்சுவார்த்தை நடத்தினார். கோரிக்கைகளை மாவட்ட ஆட்சியரிடம் தெரிவித்து தண்ணீர் திறக்க உரிய நடவடிக்கை எடுக்கப்படும் எனக் கூறினார். இருப்பினும், விவசாயிகள் மறியலை கைவிட வில்லை. இதையடுத்து, போலீஸார் விவசாயிகளை குண்டுக் கட்டாக தூக்கிச் சென்று கைதுசெய்து வேனில் ஏற்றி அப்புறப்படுத்தி, அந்தப் பகுதியில் உள்ள திருமண மண்டபத்தில் தங்க வைத்தனர்.
 மறியலில் பங்கேற்ற விவசாயிகள் கே.ஆர்.ஜி.தமிழ்வாணன், கென்னடி, லட்சுமிகாந்தன், செல்வகுமார், ராமச்சந்திரன், மதிவாணன், விஸ்வநாதன், சங்கர், ராஜாராமன் உள்ளிட்ட 42 பேர் கைது செய்யப்பட்டனர்.
 சுமார் 2 மணி நேரம் நடைபெற்ற மறியலால் திருச்சி-சிதம்பரம் நெடுஞ்சாலையில் வாகனப் போக்குவரத்து பாதிக்கப்பட்டது.
 

]]>
http://www.dinamani.com/all-editions/edition-villupuram/cuddalore/2017/oct/21/பாசனத்துக்காக-தண்ணீர்-திறக்கக்-கோரி-சிதம்பரம்-அருகே-விவசாயிகள்-சாலை-மறியல்-2793498.html
2793485 விழுப்புரம் கடலூர் பயிர்க் காப்பீடு: நடராஜப் பெருமானிடம் முறையிட விவசாயிகள் முடிவு  சிதம்பரம், DIN Saturday, October 21, 2017 08:54 AM +0530 கடலூர் மாவட்ட விவசாயிகளுக்கு பயிர்க் காப்பீட்டுத் தொகை வழங்கப்படாததால், பாத யாத்திரையாகச் சென்று சிதம்பரம் நடராஜப் பெருமானிடம் மனு அளித்து முறையிட விவசாயிகள் முடிவு செய்துள்ளனர்.
 கடலூர் மாவட்டத்தில் காவிரி டெல்டாவின் கடை மடை பகுதிகளான சிதம்பரம், காட்டுமன்னார்கோவில் வட்டங்களைச் சேர்ந்த விவசாயிகளுக்கு 2016-17-ஆம் ஆண்டுக்கான பயிர்க் காப்பீட்டுத் தொகை வழங்கப்படவில்லை. இதுகுறித்து தமிழக அரசிடமும், மாவட்ட நிர்வாகத்திடமும் முறையிட்டும் தொகை வழங்கப்படவில்லை என விவசாயிகள் கூறுகின்றனர்.
 எனவே, காட்டுமன்னார்கோவிலில் இருந்து திங்கள்கிழமை (அக்.23) காலை 9 மணிக்கு விவசாயிகள் பாத யாத்திரையாகப் புறப்பட்டு சிதம்பரம் நடராஜர் கோயிலுக்குச் சென்று அங்கு நடராஜப் பெருமானிடம் மனு அளித்து முறையிட்டு பிரார்த்தனை செய்யப்போவதாக காவிரி டெல்டா பாசன விவசாய சங்கங்களின் கூட்டமைப்பு தலைவர் கே.வி.இளங்கீரன் தெரிவித்தார்.
 

]]>
http://www.dinamani.com/all-editions/edition-villupuram/cuddalore/2017/oct/21/பயிர்க்-காப்பீடு-நடராஜப்-பெருமானிடம்-முறையிட-விவசாயிகள்-முடிவு-2793485.html
2793484 விழுப்புரம் கடலூர் ரஜினி, கமல் போன்ற திரைப்பட நடிகர்கள் அரசியலில் ஈடுபடக் கூடாது: பிற்படுத்தப்பட்டோர் பேரவை வலியுறுத்தல்  நெய்வேலி, DIN Saturday, October 21, 2017 08:54 AM +0530 ரஜினி, கமல் போன்ற திரைப்பட நடிகர்கள் அரசியலில் ஈடுபடக் கூடாது என அகில இந்திய இதர பிற்படுத்தப்பட்டோர் பேரவையின் பொதுச் செயலர் வீர.வன்னியராஜா தெரிவித்தார்.

இது குறித்து அவர் வெளியிட்ட அறிக்கை: ஜனநாயக நாட்டில் யார் வேண்டுமானாலும் அரசியலுக்கு வரலாம். அதை மறுப்பதற்கு யாருக்கும் உரிமையில்லை.

ஆனால், தமிழகத்தில் தற்போது ஏற்பட்டுள்ள அரசியல் வெற்றிடத்தை நிரப்ப, மேற்கொண்ட நடிகர்களால் முடியாது. காரணம், இவர்கள் தமிழக மக்களின் நலனுக்கு களத்தில் நின்று போராடியதில்லை. ரஜினிகாந்த், கமல் இருவருமே 60 வயதைக் கடந்துவிட்டதால், திரை உலகில் இனிமேல் தம்மால் ஜொலிக்க முடியாது என்ற காரணத்தால், தற்போது அரசியல் சதுரங்கத்தில் இறங்க முயற்சிக்கிறார்கள்.

தமிழக மக்கள் பிரச்னைகளில் குறிப்பாக காவிரி, பாலாறு, பெரியாறு அணை, மீத்தேன் திட்டம், கூடங்குளம், ஜல்லிக்கட்டு, விவசாயம், நீட் தேர்வு, டெங்கு போன்ற பிரச்னைகளுக்கு குரல் கொடுக்கக் கூட முன்வரவில்லை.
 இவர்கள் தேவையற்ற கருத்துகளை இனி கூற வேண்டாம் என அந்த அறிக்கையில் தெரிவித்துள்ளார்.
 

]]>
http://images.dinamani.com/uploads/user/imagelibrary/2017/4/27/w600X390/rajini_kamal1.jpg http://www.dinamani.com/all-editions/edition-villupuram/cuddalore/2017/oct/21/ரஜினி-கமல்-போன்ற-திரைப்பட-நடிகர்கள்-அரசியலில்-ஈடுபடக்-கூடாது-பிற்படுத்தப்பட்டோர்-பேரவை-வலியுறுத்தல-2793484.html
2793483 விழுப்புரம் கடலூர் வாக்காளர் பட்டியலில் பெயர் சேர்ப்பு: இன்று சிறப்பு கிராம சபைக் கூட்டம்  கடலூர், DIN Saturday, October 21, 2017 08:52 AM +0530 வாக்காளர் பட்டியலில் பெயர் சேர்ப்பு தொடர்பாக சனிக்கிழமை சிறப்பு கிராம சபைக் கூட்டங்கள் நடைபெற உள்ளன.
 இதுதொடர்பாக மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: 2018-ஆம் ஆண்டு ஜனவரி 1-ஆம் தேதியை தகுதி நாளாகக் கொண்டு வாக்காளர் பட்டியலில் பெயர் சேர்த்திட இந்திய தேர்தல் ஆணையம் அறிவுறுத்தியுள்ளது. அதன்படி சிறப்பு சுருக்க முறைத் திருத்தம் செய்யப்பட்ட வாக்காளர் பட்டியல் கடலூர் மாவட்டத்தில் கடந்த 3-ஆம் தேதி வெளியிடப்பட்டது. இந்தப் பட்டியல் அனைத்து வாக்காளர் பதிவு அலுவலர், வருவாய்க் கோட்டாட்சியர் அலுவலகங்கள், அனைத்து உதவி வாக்காளர் பதிவு அலுவலர், வருவாய் வட்டாட்சியர் அலுவலகங்களில் பொதுமக்களின் பார்வைக்காக வைக்கப்பட்டுள்ளன. வாக்காளர்கள் அனைவரும் அவர்களது பெயர்கள் வாக்காளர் பட்டியலில் உள்ளதா என்பதை உறுதிப்படுத்திக் கொள்ள வேண்டும்.
 குறிப்பாக வாக்காளர்களின் புகைப்படங்கள் தெளிவற்றதாகவும், கருப்பு, வெள்ளையாக உள்ள இனங்களை வண்ணப் புகைப்படமாக மாற்றியமைத்திட 2 வண்ணப் புகைப்படங்களுடன் வாக்குச் சாவடி அலுவலர்கள் மூலம் விண்ணப்பித்துக்கொள்ளலாம். இது தொடர்பாக, சனிக்கிழமை அனைத்து கிராம ஊராட்சிப் பகுதிகளிலும் சிறப்பு கிராம சபைக் கூட்டம் நடத்திடவும், நகர்ப்புற பகுதிகளில் குடியிருப்போர் நலச் சங்கங்களின் சிறப்புக் கூட்டம் நடத்திடவும் வேண்டும். ஞாயிற்றுக்கிழமை கடலூர் மாவட்டத்திலுள்ள அனைத்து வாக்குச்சாவடி மையங்களிலும் சிறப்பு முகாம் நடத்தப்படும். இதனை பொதுமக்கள் பயன்படுத்திக் கொள்ள வேண்டும் என்று அதில் ஆட்சியர் தெரிவித்துள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/21/வாக்காளர்-பட்டியலில்-பெயர்-சேர்ப்பு-இன்று-சிறப்பு-கிராம-சபைக்-கூட்டம்-2793483.html
2793482 விழுப்புரம் கடலூர் வீரட்டானேஸ்வரர் கோயிலில் கந்தசஷ்டி விழா தொடக்கம்  நெய்வேலி, DIN Saturday, October 21, 2017 08:52 AM +0530 திருவதிகை வீரட்டானேஸ்வரர் கோயிலில் கந்தசஷ்டி விழா வெள்ளிக்கிழமை தொடங்கியது.
 பண்ருட்டி அருகே திருவதிகையில் அமைந்துள்ள பிரசித்தி பெற்ற பெரியநாயகி உடனுறை வீரட்டானேஸ்வரர் கோயிலில் தனி சந்நிதியில் அருள்பாலித்து வரும் முருகப் பெருமான் அருணகிரிநாதரால் பாடப்பட்டவர். ஆண்டுதோறும் இந்தக் கோயிலில் கந்த சஷ்டி விழா சிறப்பாக நடைபெறுவது வழக்கம். அதன்படி, இந்த ஆண்டுக்கான கந்த சஷ்டி விழா வெள்ளிக்கிழமை தொடங்கியது.
 இதையொட்டி, காலையில் முருகப் பெருமானுக்கு சிறப்பு அபிஷேக, ஆராதனை நடத்தப்பட்டது. பின்னர், சிறப்பு அலங்காரத்தில் பக்தர்களுக்கு காட்சி அளித்தார். வருகிற 25-ஆம் தேதி சூரசம்ஹாரமும், 26-ஆம் தேதி திருக்கல்யாண உற்சவமும் நடைபெற உள்ளது.
 இதேபோல, திருத்துறையூரில் உள்ள சிஷ்டகுருநாதர் கோயிலிலும் கந்த சஷ்டி விழா தொடங்கியது.
 

]]>
http://www.dinamani.com/all-editions/edition-villupuram/cuddalore/2017/oct/21/வீரட்டானேஸ்வரர்-கோயிலில்-கந்தசஷ்டி-விழா-தொடக்கம்-2793482.html
2793481 விழுப்புரம் கடலூர் டெங்கு கொசுப்புழு ஒழிப்பில் அலட்சியம்:  125 நிறுவனங்களுக்கு நோட்டீஸ்  கடலூர், DIN Saturday, October 21, 2017 08:52 AM +0530 டெங்கு கொசுப்புழு ஒழிப்பில் அலட்சியமாக செயல்பட்டதாக 125 நிறுவனங்களுக்கு நோட்டீஸ் வழங்கப்பட்டுள்ளது.
 தமிழகம் முழுவதும் டெங்கு காய்ச்சல் பரவி வருவதை முன்னிட்டு கடலூர் மாவட்ட நிர்வாகம் பல்வேறு முன்னெச்சரிக்கை நடவடிக்கைகளில் ஈடுபட்டு வருகிறது.
 ஒவ்வொரு வியாழக்கிழமையும் அனைத்து குடியிருப்புகள், வணிக நிறுவனங்கள், அரசு நிறுவனங்களில் தூய்மைப் பணி மேற்கொண்டு கொசுப்புழு உற்பத்தியாவதை தடுக்க வேண்டுமென தமிழக அரசு உத்தரவிட்டுள்ளது.
 இதன்படி கடலூர் மாவட்டத்தில் தூய்மைப் பணி மேற்கொள்ளப்படுகிறதா என்பதை மாவட்ட ஆட்சியர் ஆய்வு செய்து வருகிறார்.
 இந்த நிலையில் கடந்த 3 வாரங்களாக நடைபெறும் இந்தப் பணியில் அலட்சியமாக செயல்பட்டதாக 125 நிறுவனங்களுக்கு விளக்கம் கேட்டு நோட்டீஸ் விநியோகித்துள்ளதாக சுகாதாரப் பணிகள் துணை இயக்குநர் கே.ஆர்.ஜவஹர்லால் தெரிவித்தார்.
 இதில், கடலூர் திருப்பாதிரிபுலியூரில் செயல்பட்டு வரும் சார்-பதிவாளர் அலுவலகம், குடிமைப் பொருள் குற்றப் புலனாய்வு அலுவலகம், ரயில்வே நிலையம் ஆகியவற்றில் கொசுப்புழு ஒழிப்பில் கவனம் செலுத்தாமல், கொசுப்புழு உருவாக்கத்துக்கான காரணிகள் இருந்ததால் நோட்டீஸ் வழங்கப்பட்டுள்ளதாகக் கூறினார்.
 இந்தநிலையில், காட்டுமன்னார்கோவில் வட்டம், திருநாரையூர் கிராம நிர்வாக அலுவலராக பணியாற்றி வரும் உதயகுமார் (33) டெங்கு காய்ச்சல் அறிகுறிகளுடன் கடலூர் மருத்துவமனையில் சேர்க்கப்பட்டுள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/21/டெங்கு-கொசுப்புழு-ஒழிப்பில்-அலட்சியம்--125-நிறுவனங்களுக்கு-நோட்டீஸ்-2793481.html
2793480 விழுப்புரம் கடலூர் கடற்கரைப் போட்டிகள் தொடக்கம்  கடலூர், DIN Saturday, October 21, 2017 08:51 AM +0530 கடலூர் மாவட்ட அளவிலான கடற்கரைப் போட்டிகள் கடலூரில் வெள்ளிக்கிழமை தொடங்கின.
 கடலூர் மாவட்ட விளையாட்டு மேம்பாட்டு ஆணையம் சார்பில் மாவட்ட அளவிலான கடற்கரை விளையாட்டுப் போட்டிகள் தேவனாம்பட்டினம் வெள்ளிக் கடற்கரையில் வெள்ளிக்கிழமை நடைபெற்றன. பொதுப் போட்டியாக கடற்கரை கையுந்துப் பந்து, கபடி போட்டிகள் ஆண்கள், பெண்களுக்கு தனித் தனியாக நடத்தப்பட்டன. போட்டியை மாவட்ட காவல் கண்காணிப்பாளர் செ.விஜயகுமார் தொடக்கி வைத்தார். இதில் மாவட்டத்தின் பல்வேறு பகுதிகளிலிருந்தும் 450-க்கும் மேற்பட்ட மாணவ, மாணவிகள் பங்கேற்று விளையாடினர். ஒவ்வொரு போட்டியிலும் முதல் 3 இடங்களைப் பிடித்த அணிக்கு முறையே ரூ.500, ரூ.350, ரூ.200 பரிசுத்தொகையாக வழங்கப்பட்டது. பரிசுகளை மாவட்ட விளையாட்டு அலுவலர் மா.ராஜா வழங்கினார். இதில், சிறப்பான முறையில் செயல்பட்ட ஆண்கள், பெண்கள் கபடி அணிக்கு தலா 6 பேரும், கையுந்துப் பந்து போட்டியில் தலா 2 பேரும் மாநிலப் போட்டிக்கு தேர்வாகினர். அதேபோல சனிக்கிழமை கடற்கரை கால்பந்து போட்டிகள் நடத்தப்படுகின்றன.
 இதில் தலா 3 பேர் தேர்வு செய்யப்படுவார்கள் என்று தெரிவிக்கப்பட்டுள்ளது. நிகழ்ச்சியில் காவல் துறை துணை கண்காணிப்பாளர் க.நரசிம்மன், ஆய்வாளர் சரவணன் மற்றும் விளையாட்டு பயிற்சியாளர்கள் பங்கேற்றனர்.
 
 

]]>
http://www.dinamani.com/all-editions/edition-villupuram/cuddalore/2017/oct/21/கடற்கரைப்-போட்டிகள்-தொடக்கம்-2793480.html
2793479 விழுப்புரம் கடலூர் 5.83 லட்சம் மாணவர்களுக்கு இலவச பேருந்து பயண அட்டை  கடலூர், DIN Saturday, October 21, 2017 08:51 AM +0530 கடலூர் மாவட்டத்தில் 5.83 லட்சம் மாணவர்களுக்கு இலவச பேருந்து பயண அட்டைகள் வழங்கப்பட்டுள்ளதாக மாவட்ட ஆட்சியர் பிரசாந்த் மு.வடநேரே தெரிவித்தார்.
 இதுகுறித்து அவர் வெளியிட்ட செய்திக்குறிப்பு: கடலூர் மாவட்டத்தில் உள்ள அரசு, நிதி உதவி பெறும் பள்ளிகள், தொழில் பயிற்சி நிலையம், பாலிடெக்னிக் கல்லூரிகளில் பயிலும் மாணவ, மாணவிகளுக்கு அரசுப் பேருந்துகளில் பயணிக்க இலவச பேருந்து பயண அட்டை வழங்கப்படுகிறது. இவர்கள் 30 கி.மீட்டருக்கு மிகாமல் பயணிக்கும் வகையில் இந்த அட்டைகள் வழங்கப்படும். இதனை பள்ளி மாணவ, மாணவிகள் ஒவ்வொரு கல்வியாண்டிலும் ஜூன் முதல் மே மாதம் வரை பயன்படுத்திக் கொள்ளலாம்.
 அதன்படி கடந்த 2011-ஆம் ஆண்டு முதல் மாவட்டத்தில் உள்ள மாணவ, மாணவிகளுக்கு இலவச பேருந்து பயண அட்டைகள் அரசுப் போக்குவரத்து அலுவலகம் மூலம் வழங்கப்பட்டு வருகிறது. முதலாமாண்டில் (2011-12) 80,960 பயண அட்டைகள் வழங்கப்பட்ட நிலையில், தற்போதைய கல்வியாண்டில் 72,401 பயண அட்டைகள் வழங்கப்பட்டுள்ளன. மேலும் மொத்தமாக மாவட்டத்தில் இதுவரை 5,83,083 மாணவ, மாணவிகள் இந்த அட்டையைப் பெற்று பயனடைந்துள்ளனர் என்று ஆட்சியர் அதில் தெரிவித்துள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/21/583-லட்சம்-மாணவர்களுக்கு-இலவச-பேருந்து-பயண-அட்டை-2793479.html
2793478 விழுப்புரம் கடலூர் பெண்ணையாற்றில் தடுப்பணைகள்: குறைதீர் கூட்டத்தில் விவசாயிகள் வலியுறுத்தல்  கடலூர், DIN Saturday, October 21, 2017 08:51 AM +0530 பெண்ணையாற்றில் வரும் நீர் கடலில் கலந்து வீணாவதை தடுக்க தடுப்பணைகள் கட்டப்பட வேண்டும் என குறைதீர் கூட்டத்தில் விவசாயிகள் வலியுறுத்தினர்.
 கடலூர் மாவட்ட ஆட்சியர் அலுவலகத்தில் விவசாயிகள் குறைதீர் கூட்டம், ஆட்சியர் பிரசாந்த் மு. வடநேரே தலைமையில் வெள்ளிக்கிழமை நடைபெற்றது. கூட்டத்தில், மாவட்ட வருவாய் அலுவலர் கோ.விஜயா, வேளாண் துறை இணை இயக்குநர் நாட்ராயன், கூட்டுறவுத் துறை இணைப் பதிவாளர் செ.இளஞ்செல்வி, நபார்டு வங்கி உதவிப் பொது மேலாளர் சங்கர் மற்றும் பல்வேறு துறைகளின் அலுவலர்கள், விவசாயிகள், விவசாய சங்க நிர்வாகிகள் பங்கேற்றனர். கூட்டத்தில் விவசாயிகள் தங்களது கோரிக்கைகளை முன் வைத்துப் பேசியதாவது:
 காவாலக்குடி முருகானந்தன்: இலவச மின் இணைப்புக்கு மாநில அளவிலான முன்னுரிமை முறை பின்பற்றப்படுவதை கைவிட்டு, பழைய முறையான மாவட்ட அளவிலான முன்னுரிமையை அமல்படுத்த வேண்டும். தொடக்க வேளாண்மை கூட்டுறவு சங்கத்தில் இயற்கை உரம் வழங்க வேண்டும். இல்லையெனில் உரத்தை வெளியே வாங்கிக்கொள்வதற்கு வசதியாக அதற்கு உரிய பணத்தை வழங்க வேண்டும்.
 விவசாய சங்கங்களின் கூட்டு இயக்கம் பி.ரவீந்திரன்: மேட்டூர் அணை தாமதமாக திறக்கப்பட்டுள்ள நிலையில் கீழணையிலிருந்து கடலூர் மாவட்டத்துக்கு தண்ணீர் திறக்கப்படவில்லை. திருச்சி மண்டல பொதுப்பணித் துறையினரால் கடலூர் மாவட்ட டெல்டா பாசன விவசாயிகள் வஞ்சிக்கப்படுகிறார்கள். எனவே மாவட்ட நிர்வாகம் உடனடியாக நடவடிக்கை எடுக்க வேண்டும். கூடுதலாக தண்ணீர் பெற்று வழங்க வேண்டும்.
 கடலூர் மாவட்டத்தில் 2015-16-ஆம் ஆண்டுக்கு 10 பணிகள் தேர்வு செய்து ரூ.95 லட்சத்தில் பணிகள் தொடங்கப்பட்டன. 2016-17- ஆம் ஆண்டுக்கு 87 பணிகள் தேர்வு செய்யப்பட்டு ரூ.3.5 கோடி நிதி ஒதுக்கீடு செய்யப்பட்டது. தற்போது அந்தப் பணிகளின் நிலை என்ன என்பதை தெரிவிக்க வேண்டும். மாவட்டத்தில் நீர்வள நிலவள திட்டத்தின் கீழ் ரூ.87 கோடி ஒதுக்கீடு செய்து ஒப்பந்ததாரர்களும் நியமிக்கப்பட்டனர். வீராணம் ஏரி தூர் வார ரூ.40 கோடி, நிரந்தர வெள்ள தடுப்புப் பணிகளுக்கு ரூ.140 கோடி என கடலூர் மாவட்ட வளர்ச்சிக்கு பல நூறு கோடிகள் செலவிட்டும் விவசாயிகள் பயனடையவில்லை. பொதுப்பணித் துறை செயல்பாடுகளில் வெளிப்படைத்தன்மை வேண்டும். கொள்ளிடத்தில் கடல் நீர் உள்புகுவதை தடுக்க நடவடிக்கை எடுக்க வேண்டும்.
 அகரம் ஆலம்பாடி வேல்முருகன்: கூட்டுறவு பயிர்க் கடனை புதுப்பித்துத்தர வேண்டும். உளுந்து பயிருக்கு பயிர் காப்பீடு வழங்க வேண்டும். நெல் பயிர் காப்பீடு வழங்கியது தொடர்பான அனைத்து விவரங்களையும் இணையதளத்தில் வெளியிட வேண்டும். அரியகோஷ்டி வாய்க்காலில் தண்ணீரை திறந்துவிட வேண்டும். காடாம்புலியூர்-சேத்தியாதோப்பு சாலையை சீரமைத்து தர வேண்டும்.
 விவசாயிகள் சங்க மாவட்டத் தலைவர் கோ.மாதவன்: தண்ணீருக்காக விவசாயிகள் ஏங்கியிருக்கும் நிலையில் கர்நாடகத்தில் பெய்த உபரி நீர் முழுவதும் கடலூர் பெண்ணையாற்றின் வழியாக கடலில் வீணாகியது. வருங்காலங்களில் தண்ணீர் இதுபோல வீணாகாமல் தடுக்க பெண்ணையாற்றில் தடுப்பணைகள் கட்ட வேண்டும்.
 சிதம்பரம், புவனகிரி, காட்டுமன்னார்கோவில் பகுதிகளில் சம்பா சாகுபடிக்கு வீராணத்திலிருந்தும் கீழணை வடக்கு ராஜன் வாய்க்காலில் இருந்தும் தண்ணீரை திறந்து விட வேண்டும்.
 சேத்தியாத்தோப்பு பகுதியில் பாசனத்துக்கு என்எல்சி தண்ணீரை முழுமையாக திறந்துவிட வேண்டும். சேத்தியாத்தோப்பு அணைக்கட்டு பாசனத்தின் முக்கிய வாய்க்கால்களான முரட்டு வாய்க்கால், மானம் பார்த்த வாய்க்கால், அரியகோஷ்டி வாய்க்கால் ஆகியவற்றில் ஆகாய தாமரைகளை அகற்றி தூர் வார வேண்டும்.
 வறட்சியால் பாதிக்கப்பட்ட சிதம்பரம், காட்டுமன்னார்கோவில் தாலுகாவில் உள்ள அனைத்து விவசாயிகளுக்கும் புதிய கடன் வழங்க வேண்டும். பயிர் காப்பீட்டு நிலுவைத் தொகையை குளறுபடி இல்லாமல் வழங்க வேண்டும்.
 முந்திரி விவசாயிகளுக்கு இடுபொருள் மானியத்தை உடனே வழங்க வேண்டும். கரும்பு விவசாயிகளுக்கு ரூ.300 கோடி நிலுவைத் தொகை பாக்கி உள்ளது. மத்திய, மாநில அரசுகளின் கரும்பு ஆதார விலையை பெற்றுத்தர வேண்டும். இந்தத் தொகை வழங்கப்படாததால் கரும்பு விவசாயிகள் கடலூர் மாவட்டத்தின் பல இடங்களில் கருப்பு தீபாவளி கடைப்பிடிக்கும் நிலை ஏற்பட்டது.
 விருத்தாசலம் குப்புசாமி: விருத்தாசலம் ஒழுங்குமுறை விற்பனைக் கூடத்தில் மூட்டைக்கு பத்து ரூபாய் வசூலிக்கப்படுகிறது. கொள்முதல் செய்வதற்கு வெளி மாவட்ட விவசாயிகளை அனுமதிக்காமல் உள்ளூர் வியாபாரிகளே அடிமாட்டு விலைக்கு கொள்முதல் செய்வதால் விவசாயிகள் கடுமையாக நஷ்டம் அடைந்து வருகின்றனர்.
 சாத்துக்கூடல் சக்திவேல்: கரும்புக்கான நிலுவைத் தொகையை வழங்காமல் சர்க்கரை ஆலை நிர்வாகத்தினர் விவசாயிகளை ஏமாற்றி வருகிறார்கள். விவசாயிகளுக்குரிய தொகையை பெற்றுத்தர வேண்டும்.
 இவ்வாறு விவசாயிகள் பலர் தங்களது கோரிக்கைகளை வலியுறுத்தி பேசினர். அவற்றின் மீது நடவடிக்கை எடுக்குமாறு சம்பந்தப்பட்ட துறை அதிகாரிகளுக்கு ஆட்சியர் அறிவுறுத்தினார். ஆலை நிர்வாகம், கரும்பு விவசாயிகள் என இரு தரப்பையும் அழைத்து பேசுமாறு கூட்டுறவுத் துறை இணைப் பதிவாளர் இளஞ்செல்விக்கு உத்தரவிட்டார்.
 
 
 
 

]]>
http://www.dinamani.com/all-editions/edition-villupuram/cuddalore/2017/oct/21/பெண்ணையாற்றில்-தடுப்பணைகள்-குறைதீர்-கூட்டத்தில்-விவசாயிகள்-வலியுறுத்தல்-2793478.html
2793464 விழுப்புரம் கடலூர் ஏடிஸ் கொசுப் புழு ஒழிப்புப் பணி: ஆட்சியர் ஆய்வு  கடலூர், DIN Saturday, October 21, 2017 08:44 AM +0530 கடலூர் நகராட்சிக்குள்பட்ட பகுதிகளில் ஏடிஸ் கொசுப்புழு ஒழிப்புப் பணியை மாவட்ட ஆட்சியர் பிரசாந்த் மு.வடநேரே வெள்ளிக்கிழமை ஆய்வு செய்தார்.
 கடலூர் நகராட்சிக்குள்பட்ட வண்ணாரப்பாளையம், புதுப்பாளையம் மற்றும் கோண்டூர் ஊராட்சி ஆகிய பகுதிகளில் டெங்கு காய்ச்சல் பரவாமல் தடுப்பதற்காக ஏடிஸ் கொசுப்புழு இருக்குமிடத்தை கண்டறியும் வகையில் உபயோகமற்ற பொருள்களை மாவட்ட ஆட்சியர் பிரசாந்த் மு.வடநேரே வெள்ளிக்கிழமை வீடு, வீடாகச் சென்று அப்புறப்படுத்தி நேரில் பார்வையிட்டு ஆய்வு செய்தார்.
 ஆய்வின்போது ஆட்சியர் கூறியதாவது: தமிழக முதல்வரின் ஆணைக்கிணங்க கடலூர் மாவட்டத்தில் டெங்கு காய்ச்சல் பரவாமல் தடுப்பதற்காக ஏடிஸ் கொசுப்புழு இருக்குமிடத்தை கண்டறியும் வகையில் உபயோகமற்ற பொருள்களான டயர், டீ கப் மற்றும் தண்ணீர் பாட்டில், தெர்மாகோல் ஆகியவற்றை அப்புறப்படுத்த வேண்டும் என பொதுமக்களிடையே விழிப்புணர்வு ஏற்படுத்தும் வகையில் வீடு, வீடாகச் சென்று கள ஆய்வுப்பணி மேற்கொள்ளப்பட்டு வருகிறது. பொதுமக்கள் அனைவரும் தங்களுக்கு காய்ச்சலுக்கான அறிகுறி ஏற்பட்டால் உடனடியாக அருகில் உள்ள ஆரம்ப சுகாதார நிலையம், அரசு பொது மருத்துவமனைக்கு சென்று உரிய பரிசோதனை செய்து சிகிச்சை பெற வேண்டும்.
 கடந்த 5 நாள்களாக பல்வேறு பகுதிகளில் நேரில் பார்வையிட்டு ஆய்வு செய்த வகையில் 50-க்கும் மேற்பட்ட வீடுகளில் உபயோகமற்ற பொருள்களை அப்புறப்படுத்த நடவடிக்கை மேற்கொள்ளப்பட்டுள்ளது. கடலூர் மாவட்டத்தைப் பொறுத்தவரை டெங்கு காய்ச்சல் கட்டுப்படுத்தப்பட்ட நிலை இருப்பினும், மேலும் இந்தக் கொசுப்புழுக்களால் டெங்கு காய்ச்சல் ஏற்படா வண்ணம் தடுக்க தீவிர நடவடிக்கை மேற்கொள்ளப்பட்டு வருகிறது.
 மாவட்டத்தில் டெங்கு காய்ச்சலுக்கான அறிகுறி கண்டறிந்து உடனடியாக மருத்துவமனைக்குச் சென்று உரிய பரிசோதனை மற்றும் சிகிச்சை அளிக்கப்பட்டதில் 250 பேர் குணமடைந்துள்ளனர்.
 எனவே, பொதுமக்கள் அனைவரும் சுகாதாரத் துறை களப் பணியாளர்கள், மருத்துவர்கள் ஆகியோர் வீடு, வீடாக வரப்பெற்று டெங்கு காய்ச்சல் பரவாமல் தடுப்பதற்காக உபயோகமற்ற பொருள்களை அப்புறப்படுத்துமாறு தெரிவித்தால் அவர்களுக்கு முழு ஒத்துழைப்பு அளிக்க வேண்டும் என கேட்டுக்கொள்கிறேன் என்றார் ஆட்சியர்.
 ஆய்வின்போது நகராட்சி ஆணையர் முஜிபுர் ரஹ்மான், கடலூர் வட்டார வளர்ச்சி அலுவலர்கள் குர்ஷித் பேகம், சாரதி வட்டார மருத்துவ அலுவலர் ராஜகணபதி, சுகாதார மேற்பார்வையாளர் சிவப்பிரகாசம் மற்றும் பலர் உடனிருந்தனர்.
 
 
 
 

]]>
http://www.dinamani.com/all-editions/edition-villupuram/cuddalore/2017/oct/21/ஏடிஸ்-கொசுப்-புழு-ஒழிப்புப்-பணி-ஆட்சியர்-ஆய்வு-2793464.html
2793463 விழுப்புரம் கடலூர் கண் தானம்  சிதம்பரம், DIN Saturday, October 21, 2017 08:44 AM +0530 விருத்தாசலத்தைச் சேர்ந்த டி.அசோக்குமார் (48) அண்மையில் காலமானார். இவரது கண்கள் சிதம்பரம் தன்னார்வ ரத்த தானக் கழகம், விஷ்வா அறக்கட்டளை சார்பில் தானமாகப் பெறப்பட்டு புதுச்சேரி அரவிந்த் கண் மருத்துவமனைக்கு அனுப்பி வைக்கப்பட்டன.
 இதற்கான ஏற்பாடுகளை ரத்த தானக் கழகத் தலைவர் எஸ்.ராமச்சந்திரன், நிர்வாகிகள் ராதாகிருஷ்ணன், சக்கரபாணி, பெண்ணாடம் விஷ்வா அறக்கட்டளை நிறுவனர் குணசேகரன் ஆகியோர் செய்தனர்.
 

]]>
http://www.dinamani.com/all-editions/edition-villupuram/cuddalore/2017/oct/21/கண்-தானம்-2793463.html
2793462 விழுப்புரம் கடலூர் வெள்ளாற்றில் தடுப்பணைகள்:  பொதுமக்கள் எதிர்பார்ப்பு  கடலூர், DIN Saturday, October 21, 2017 08:43 AM +0530 திட்டக்குடி வட்டத்தில் நிலத்தடி நீர்மட்டம் உயரும் வகையில் வெள்ளாற்றில் தடுப்பணைகள் கட்டப்பட வேண்டுமென பொதுமக்கள், விவசாயிகள் எதிர்பார்க்கின்றனர்.
 திட்டக்குடி வட்டத்தில் கடந்த சில ஆண்டுகளாக போதிய அளவில் பருவ மழை பொழியவில்லை. குறிப்பாக 2015-ஆம் ஆண்டில் மாவட்டம் முழுவதும் கடுமையான மழை, வெள்ளம் ஏற்பட்டபோதிலும், திட்டக்குடி அருகே கீழச்செருவாயில் உள்ள முக்கிய நீர் ஆதாரமான வெலிங்டன் நீர்த் தேக்கம் 29.72 அடியில் பாதியளவு கூட நிரம்பவில்லை. மற்றப் பகுதிகளைவிட மிக குறைவான அளவுக்கே திட்டக்குடி, வேப்பூர் உள்ளிட்ட பகுதிகள் மழைப் பொழிவைப் பெற்றன.
 வெலிங்டன் நீர்த் தேக்கம் நிரம்பாததால் விவசாயிகள் தங்களது விளை நிலங்களில் விவசாயம் செய்ய போதிய தண்ணீரின்றி பாதிக்கும் நிலை ஏற்பட்டது. பல விவசாயிகள் தங்களது விளை நிலங்களில் ஆழ்துளை கிணறு அமைத்து பாசனம் செய்து வருகிறனர். தற்போது தொடர்ந்து பருவ மழை பொழியாததால் நிலத்தடி நீர் மட்டம் குறைந்துள்ளது. பல கிணறுகள் வறண்டுள்ளன. ஏரி, குளங்களில் தண்ணீர் இல்லாததால் கால்நடைகளுக்கு தண்ணீர் கிடைக்காத நிலை ஏற்பட்டுள்ளது.
 நிலத்தடி நீர் மட்டம் குறைந்துள்ளதால் விவசாயிகள், பொதுமக்களுக்கு தண்ணீர் தட்டுப்பாடு ஏற்பட்டுள்ளது. எனவே, நிலத்தடி நீர் மட்டத்தை உயர்த்தும் வகையில் சேலம் மாவட்டம், சேர்வராயன் மலைத்தொடரில் உருவாகி பெரம்பலூர் மாவட்டம் வழியாக திட்டக்குடி வட்டத்தில் பாயும் வெள்ளாற்றில் இடைச்செருவாய், திட்டக்குடி, இளமங்களம், ஆவினங்குடி, திருவட்டதுறை ஆகிய இடங்களில் தடுப்பணைகள் கட்டப்பட வேண்டும் என்பது இந்தப் பகுதி மக்களின் நீண்ட கால கோரிக்கையாகும். தற்போதைய நிலை வரும் காலத்திலும் தொடராமல் இருக்கும் வகையில் வெள்ளாற்றில் தடுப்பணைகளை கட்டி நிலத்தடி நீர்மட்டத்தை உயர்த்த மாவட்ட ஆட்சியர் உரிய நடவடிக்கை எடுக்க வேண்டுமென விவசாயிகள், பொதுமக்கள் எதிர்பார்க்கின்றனர்.
 

]]>
http://www.dinamani.com/all-editions/edition-villupuram/cuddalore/2017/oct/21/வெள்ளாற்றில்-தடுப்பணைகள்--பொதுமக்கள்-எதிர்பார்ப்பு-2793462.html
2793459 விழுப்புரம் கடலூர் பழைய பாலங்கள் சீரமைக்கப்படுமா?  கடலூர், DIN Saturday, October 21, 2017 08:41 AM +0530 கடலூரில் பராமரிப்பில்லாத பழைய பாலங்களை சீரமைக்க கோரிக்கை எழுந்துள்ளது.
 கடலூர் நகரின் மையப் பகுதியில் கெடிலம் ஆறும், வடக்குப் பகுதியில் தென்பெண்ணையாறும் பாய்கின்றன. எனவே, இந்த ஆறுகளின் குறுக்கே பாலம் கட்டப்பட்டு போக்குவரத்து நடைபெற்று வருகிறது. எனினும், தற்போதைய பாலங்களுக்கு முந்தைய காலத்தில் கட்டப்பட்ட பாலங்கள் கவனிப்பாரற்ற நிலையில் உள்ளதால் அவை இடிந்து விழும் அபாய நிலையில் உள்ளன.
 கெடிலம் ஆற்றில் கடலூர் புதுநகரையும், திருப்பாதிரிபுலியூரையும் இணைக்கும் வகையில் நகராட்சி எல்லைக்குள் பழைய அண்ணா பாலம் உள்ளது. ஆங்கிலேயர் ஆட்சிக் காலத்தில் செங்கற்களால் தூண்கள் அமைக்கப்பட்டு, இரும்பினால் பாதை அமைக்கப்பட்ட பாலம் இது. பாலத்தின் நிலைத்தன்மை குறைந்ததைத் தொடர்ந்து புதிய பாலம் கட்டப்பட்டு அதில் தற்போது போக்குவரத்து நடைபெறுகிறது. எனினும், பழைய பாலம் நடைபாதையாகவும், வியாபாரத் தளமாகவும் செயல்பட்டு வந்தது.
 கடந்த 2015-ஆம் ஆண்டு அக்டோபர் மாதம் ஏற்பட்ட மழை, வெள்ளத்தால் இந்தப் பாலத்தின் ஒருபகுதி உடைந்து விழுந்தது. அதனால் இந்த பாலத்தின் மீது பொதுமக்கள் நடப்பதற்கு தடை விதிக்கப்பட்டுள்ளது. எனினும், நகராட்சிக்கான கொள்ளிடம் குடிநீர்க் குழாய், புதை சாக்கடைத் திட்ட குழாய் ஆகியவை அந்த பாலத்தின் மீதே அமைக்கப்பட்டுள்ளன. தற்போது இப்பாலத்தின் இருபகுதிகளிலும் மரங்கள் வளர்ந்துள்ளன. இதனால் பாலம் இடியும் அபாயம் உள்ளது.
 இதேபோல கடலூர் - புதுச்சேரி மார்க்கத்தில் ஆல்பேட்டையில் அமைந்துள்ளது தென்பெண்ணையாற்றுப் பாலம். இங்கும் புதிய பாலம் கட்டப்பட்டதால் பழைய பாலம் கவனிப்பாரற்ற நிலையில் உள்ளது. தற்போது, இந்தப் பாலத்தில் மரம், செடிகள் அதிகளவில் வளர்ந்துள்ளன. இதே நிலை நீடித்தால் விரைவில் இந்தப் பாலமும் இடியும் நிலை ஏற்படும். போக்குவரத்து நெரிசல் மிகுந்த கடலூர்-புதுவை சாலையில், இப்பாலத்தை செப்பனிட்டால் அதனை பாதசாரிகள், இருசக்கர வாகனத்தில் செல்வோர் பயன்படுத்த முடியும்.
 எனவே, முறையான பராமரிப்பு இல்லாததால் இடிந்து விழும் நிலைக்குத் தள்ளப்பட்டுள்ள இந்தப் பாலங்களை சீரமைத்தால், அவை ஆபத்துக் காலங்களில் கை கொடுக்கும் நிலையைப் பெறும். எனவே, மாவட்ட நிர்வாகம் பாலப் பிரச்னையில் கவனம் செலுத்த வேண்டுமென பொதுமக்கள் வலியுறுத்துகின்றனர்.
 
 

]]>
http://www.dinamani.com/all-editions/edition-villupuram/cuddalore/2017/oct/21/பழைய-பாலங்கள்-சீரமைக்கப்படுமா-2793459.html
2792856 விழுப்புரம் கடலூர் மரத்தில் கார் மோதியதில் 7 பேர் சாவு  நெய்வேலி, DIN Friday, October 20, 2017 09:17 AM +0530 கடலூர் மாவட்டம், ராமநத்தம் அருகே புதன்கிழமை அதிகாலை மரத்தின் மீது கார் மோதியதில் 7 பேர் உயிரிழந்தனர்.
 கேரள மாநிலம், பத்தினம்திட்டா மாவட்டம், ஆனிக்காடு பகுதியைச் சேர்ந்தவர் பிரகாஷ் (34). இவர் சென்னை அமைந்தகரை பகுதியில் உள்ள தனியார் மருத்துவமனையில் எக்ஸ்ரே டெக்னீஷியனாக பணியாற்றி வந்தார். வில்லிவாக்கத்தில் குடும்பத்துடன் வசித்து வந்தார்.
 கேரளத்தில் நடைபெற இருந்த திருமண நிகழ்ச்சியில் பங்கேற்க பிரகாஷ், தனது மனைவி பிரியா (32), உறவினர்கள் பிரீத்தி, பிரதாப், பிரின்ஸ் ஜோஷ் (22), குட்டி, மிதுன் ஆகியோருடன் வாடகை காரில் சென்னையில் இருந்து புறப்பட்டார். காரை ஓட்டுநர் சிவா ஓட்டினார்.
 கடலூர் மாவட்டம், ராமநத்தம் அருகே புதன்கிழமை அதிகாலை சென்ற போது, ஓட்டுநரின் கட்டுப்பாட்டை இழந்த கார் சாலையோரம் இருந்த மரத்தில் மோதி விபத்துக்குள்ளானது. இந்த விபத்தில் கார் அப்பளம் போல நொறுங்கியது.
 காரின் இடிபாடுகளில் சிக்கி பிரகாஷ், பிரியா, பிரீத்தி, பிரதாப், குட்டி, மிதுன், சிவா ஆகியோர் உயிரிழந்தனர். மேலும், பலத்த காயமடைந்த பிரின்ஸ் ஜோஷ் பெரம்பலூர் அரசு மருத்துவமனையில் சேர்க்கப்பட்டார்.
 விபத்து குறித்து ராமநத்தம் போலீஸார் வழக்குப் பதிந்து விசாரித்து வருகின்றனர்.
 

]]>
http://www.dinamani.com/all-editions/edition-villupuram/cuddalore/2017/oct/20/மரத்தில்-கார்-மோதியதில்-7-பேர்-சாவு-2792856.html
2792846 விழுப்புரம் கடலூர் டெங்கு விழிப்புணர்வு, செயலாக்க விளக்கம்  நெய்வேலி, DIN Friday, October 20, 2017 08:56 AM +0530 குறிஞ்சிப்பாடி திருவள்ளுவர் கலை, அறிவியல் கல்லூரி நாட்டு நலப் பணித் திட்ட மாணவர்கள் கிராமப் பகுதியில் டெங்கு விழிப்புணர்வு மற்றும் செயலாக்க விளக்கம் அண்மையில் அளித்தனர்.
 நிகழ்ச்சிக்கு குறிஞ்சிப்பாடி வட்டாட்சியர் ஜே.ஜான்சிராணி தலைமை வகித்தார். துணை வட்டாட்சியர் (தேர்தல்) செல்வமணி, வருவாய் ஆய்வாளர் ப.கெüரி, கிராம நிர்வாக அலுவலர் ஏ.தேவகிதேவி, கிராம உதவியாளர் ப.ஆனந்தன் கலந்து கொண்டனர்.
 கல்லூரி நாட்டு நலப்பணித் திட்ட அலுவலர் ஜி.வெங்கடேசன், ஆங்கில துறைத் தலைவர் டி.நாகேந்திரன், பேராசிரியர்கள் எம்.பழனியப்பன், டி.தேவநாதன், எம்.சுரேஷ்குமார் வழிகாட்டுதலுடன் என்எஸ்எஸ் மாணவர்கள் 6 குழுக்களாக பிரிந்து எல்லப்பன்பேட்டை, மீனாட்சிப்பேட்டை, கன்னித்தமிழ்நாடு, கு.நெல்லிக்குப்பம் ஆகிய கிராம பகுதிகளில் டெங்கு விழிப்புணர்வு மற்றும் செயலாக்க விளக்கம் அளித்தனர்.
 நிகழ்ச்சியில் கல்லூரி நிர்வாக குழுத் தலைவர் ஆர்.சட்டநாதன், பொருளர் டி.ராமலிங்கம், கல்லூரி முதல்வர் பி.கதிர்வேலு, துணை முதல்வர் கே.சிவசங்கரன் ஆகியோர் கலந்து கொண்டு சிறப்பித்தனர்.
 
 

]]>
http://www.dinamani.com/all-editions/edition-villupuram/cuddalore/2017/oct/20/டெங்கு-விழிப்புணர்வு-செயலாக்க-விளக்கம்-2792846.html
2792845 விழுப்புரம் கடலூர் சூரிய ஒளி மின் திட்டத்தை கைவிட வேண்டும்: சமாஜ்வாதி கட்சி  நெய்வேலி, DIN Friday, October 20, 2017 08:56 AM +0530 தமிழகத்தில் செம்மண் பூமியில் சூரிய ஒளி மின் திட்டம் செயல்படுத்துவதை கைவிட வேண்டும் என சமாஜ்வாதி கட்சியின் வலியுறுத்தியுள்ளது.
 இதுகுறித்து அந்தக் கட்சியின் மாநிலத் தலைவர் டெல்டா விஜயன் வெளியிட்ட அறிக்கை:
 என்எல்சி இந்தியா நிறுவனம் பூமிக்கடியில் உள்ள இயற்கை வளங்களை கொண்டு மின் உற்பத்தி செய்து வருகிறது. இந்த நிலையில் மரபு சாரா எரிசக்தியை பயன்படுத்தி மின் உற்பத்தி செய்ய வேண்டும் என்ற மத்திய பாஜக அரசின் கொள்கை முடிவால், சூரிய ஒளி மின் திட்டத்தை என்எல்சி நிறுவனம் செயல்படுத்தத் தொடங்கியுள்ளது.
 இதற்காக, பசுமையாக காட்சியளித்த பல ஏக்கர் பரப்பளவில் இருந்த மரங்கள் அழிக்கப்பட்டு அங்கு சூரிய ஒளி மின் தகடுகள் பதிக்கப்பட்டு வருகின்றன. இதனால் பசுமை தீர்ப்பாயத்தின் கண்டனத்திற்கும் என்எல்சி உள்ளாகியது.
 இந்த நிலையில், செழிப்பான வளமிக்க பூமியான செம்மண் பகுதியை முற்றிலும் வீணாக்கி, அங்கு சூரிய ஒளி தகடுகள் பதிக்கப்படுவதால், சுற்றுச்சூழல் மாசுபடுகிறது. வெப்பம் அதிகரிப்பதால், அப்பகுதியில் இயற்கை தன்மை மாறுபடுகிறது. பறவையினங்கள் செத்து மடிகின்றன.
 இதுவே அழிவிற்கான அறிகுறிகள் ஆகும். ஏற்கெனவே, நிலக்கரி சுரங்கத்தால் நிலத்தடி நீர் குறைந்து சுற்றுவட்ட கிராமப்புற மக்கள் குடிநீருக்கு அல்லல்படும் நிலை ஏற்பட்டுள்ளது.
 இத்தகைய சூழலில் சூரிய ஒளி மின் திட்டம் கரிசல் மண், தரிசு நிலம் ஆகிய பகுதிகளில் செயல்படுத்தப்பட வேண்டும். மாறாக செழிப்பான, மக்கள் வசிக்கும் பகுதிகள் சூரிய ஒளி தகடுகள் பொருத்துவதை கைவிட வேண்டும்.
 ஏற்கெனவே பொருத்தப்பட்ட தகடுகளை உடனடியாக அகற்ற வேண்டும். இந்த திட்டத்தினால், மாவட்டத்தின் மழை வளம் குன்றி, வறண்ட பாலைவனமாக மாறும் அபாயம் ஏற்பட்டுள்ளது.
 எனவே, என்எல்சி நிறுவனம் சூரிய ஒளி திட்டத்தை நெய்வேலி நகரிய பகுதியில் செயல்படுத்துவதை உடனடியாக கைவிட வேண்டும். இதை தவிர்க்கும் பட்சத்தில் சமாஜ்வாதி கட்சி சார்பில் என்எல்சி தலைமை அலுவலகம் முன் கண்டன ஆர்ப்பாட்டம் நடத்தப்படும் எனத் தெரிவித்துள்ளார்.
 

]]>
http://www.dinamani.com/all-editions/edition-villupuram/cuddalore/2017/oct/20/சூரிய-ஒளி-மின்-திட்டத்தை-கைவிட-வேண்டும்-சமாஜ்வாதி-கட்சி-2792845.html
2792844 விழுப்புரம் கடலூர் தில்லைக் காளிக்கு மகாபிஷேகம்  சிதம்பரம், DIN Friday, October 20, 2017 08:56 AM +0530 சிதம்பரம் எல்லையில் அமைந்துள்ள தில்லைக் காளியம்மன் கோயிலில், தில்லைக் காளிக்கு ஐப்பசி மாத அமாவாசையை முன்னிட்டு, மகாபிஷேகம் மற்றும் 198-வது சிறப்பு அர்த்தசாம பூஜை புதன்கிழமை இரவு நடைபெற்றது.
 அமாவாசை, பௌர்ணமி, அஷ்டமி, செவ்வாய்க்கிழமை, வெள்ளிக்கிழமை, ஞாயிற்றுக்கிழமைகளில் ராகு காலத்தில் தீபம் ஏற்றி காளியை வழிபட்டால் தீராத கடன், பகைவர்கள் தொந்தரவு, பூர்வஜென்ம சாப தோஷங்கள் தீரும், சித்தம் தெளியும் என்பது ஐதீகம்
 ஐப்பசி மாத அமாவாசையை முன்னிட்டு புதன்கிழமை இரவு கோயில் வளாகத்தில் உள்ள விநாயகர், பிரம்மசாமுண்டி சன்னதிகளில் நெய் தீப ஆராதனை மற்றும் வழிபாடு நடைபெற்றது.
 பின்னர் தில்லை காளியம்மனுக்கு குடம், குடமாக நல்லெண்ணெய் அபிஷேகமும், தைலக்காப்பு, குங்குமக் காப்பு ஆகியவை செய்யப்பட்டு, வாசனைத் திரவியம், வெட்டிவேர், விலாமிச்சு வேர்களால் சிறப்பு அலங்காரம் நடைபெற்றது.
 திரளான பக்தர்கள் மகாபிஷேகத்தை கண்டு தரிசித்தனர். அமாவாசை சிறப்பு பூஜைக்கான ஏற்பாடுகளை அமாவாசை அர்த்தசாம அபிஷேக மண்டலி நிர்வாகி எஸ்.வைத்தியநாதன் மற்றும் பக்தர்கள் செய்திருந்தனர்.
 
 

]]>
http://www.dinamani.com/all-editions/edition-villupuram/cuddalore/2017/oct/20/தில்லைக்-காளிக்கு-மகாபிஷேகம்-2792844.html
2792843 விழுப்புரம் கடலூர் ஆட்சியரக வளாகத்தில் டெங்கு தடுப்பு நடவடிக்கை: மாவட்ட ஆட்சியர் ஆய்வு  நெய்வேலி, DIN Friday, October 20, 2017 08:55 AM +0530 டெங்கு காய்ச்சல் பரவாமல் தடுப்பதற்காக, கடலூர் மாவட்ட ஆட்சியர் அலுவலக வளாகத்தில் இயங்கும் அனைத்துத் துறை அலுவலக வளாகங்களில் கொசுப் புழுக்கள் தங்கும் உபயோகமற்ற பொருள்களை அப்புறப்படுத்தும் பணி வியாழக்கிழமை நடைபெற்றது.
 இந்தப் பணியை மாவட்ட ஆட்சியர் பிரசாந்த் மு.வடநேரே ஆய்வு செய்தார்.
 உபயோகமற்ற பொருள்களில் தேங்கி நிற்கும் தண்ணீரில் கொசுப்புழுக்கள் உண்டாகி டெங்கு காய்ச்சலுக்கு வாய்ப்பாக அமைகிறது.
 இதனைக் கருத்தில் கொண்டு தமிழக முதல்வர், மக்கள் நல்வாழ்வுத் துறை அமைச்சர், தலைமைச் செயலர், சுகாதாரச் செயலர் மற்றும் அனைத்துத் துறை உயர் அலுவலர்களின் அறிவுறுத்தலுக்கிணங்க கடலூர் மாவட்டத்தில் ஒவ்வொரு வியாழக்கிழமை காலை 8 மணி முதல் 11 மணி வரையும், பிற்பகல் 2 மணி முதல் 5 மணி வரையும் டெங்கு கொசுப்புழு (லார்வா) ஒழிப்பு தினமாக கடைப்பிடிக்கப்படுகிறது.
 அதன்படி, கடலூர் மாவட்ட ஆட்சியர் அலுவலக வளாகத்தில் டெங்கு காய்ச்சல் பரவாமல் தடுப்பதற்காக ஏடிஸ் கொசுப்புழு இருக்குமிடத்தை கண்டறியும் வகையில், அங்குள்ள உபயோகமற்ற பொருள்களான டயர், டீ கப் மற்றும் தண்ணீர் பாட்டில் ஆகியவற்றில் தண்ணீர் தேங்கியுள்ளதா என்பதை கண்டறிந்து அவற்றை அப்புறப்படுத்தும் பணியை மாவட்ட ஆட்சியர் பிரசாந்த் மு.வடநேரே தலைமையில் மேற்கொண்டனர்.
 அப்போது, தண்ணீர் தொட்டியை சுத்தம் செய்து அலுவலக பயன்பாட்டிற்கு விடவேண்டும் எனவும், பதிவறையினை பார்வையிட்டு அங்கு வைக்கப்பட்டுள்ள பதிவேடுகள் மற்றும் கோப்புகளை ஆண்டுகள் குறிப்பிட்டு சரியான முறையில் அடுக்கிவைத்து பராமரிக்கவேண்டும் எனவும் பதிவறை எழுத்தருக்கு அறிவுறுத்தினார்.
 மாவட்டத்தில் அனைத்துத் துறை அரசு அலுவலகங்களில் தலைமை அலுவலர் தலைமையில் துப்புரவுப் பணிகள் மேற்கொள்ளப்பட்டு வருகின்றன.
 கடலூர் மாவட்டத்தை பொறுத்தவரை டெங்கு காய்ச்சல் கட்டுப்படுத்தப்பட்ட நிலையில் இருந்தாலும், இக்கொசுப்புழுக்களால் டெங்கு காய்ச்சல் ஏற்படா வண்ணம் தடுக்க தீவிர நடவடிக்கை மேற்கொள்ளப்பட்டு வருகிறது.
 இந்த நிகழ்ச்சியில், மாவட்ட வருவாய் அலுவலர் கோ.விஜயா, உதவி இயக்குநர் (ஊராட்சிகள்) ஆனந்தன், மாவட்ட ஆட்சியரின் நேர்முக உதவியாளர்கள் எஸ்.சங்கர் (வளர்ச்சி), கிருபாகரன் (வேளாண்மை), ஆட்சியரின் அலுவலக பொது மேலாளர் பாலச்சந்தர் உள்ளிட்ட பலர் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2017/oct/20/ஆட்சியரக-வளாகத்தில்-டெங்கு-தடுப்பு-நடவடிக்கை-மாவட்ட-ஆட்சியர்-ஆய்வு-2792843.html
2792825 விழுப்புரம் கடலூர் நாளைய மின்தடை DIN DIN Friday, October 20, 2017 08:42 AM +0530 பண்ருட்டி
 நேரம்: காலை 9 மணி முதல் மாலை 5 மணி வரை.
 இடங்கள்: பண்ருட்டி நகரம், திருவதிகை, ஆ.ஆண்டிக்குப்பம், இருளங்குப்பம், சீரங்குப்பம், தி.ராஜாப்பாளையம், வீட்டு வசதி வாரிய குடியிருப்பு.
 
 
 
 

]]>
http://www.dinamani.com/all-editions/edition-villupuram/cuddalore/2017/oct/20/நாளைய-மின்தடை-2792825.html
2792824 விழுப்புரம் கடலூர் பல்கலை. ஆசிரியர்கள், ஊழியர்களிடம் சென்னையில் இன்று பேச்சுவார்த்தை  சிதம்பரம், DIN Friday, October 20, 2017 08:42 AM +0530 சிதம்பரம் அண்ணாமலைப் பல்கலைக்கழக ஆசிரியர்கள், ஊழியர்கள் வருகிற 23-ஆம் தேதி முதல் காலவரையற்ற வேலைநிறுத்த போராட்டத்தை அறிவித்துள்ள நிலையில், வெள்ளிக்கிழமை (அக்.20) சென்னையில் உயர் கல்வித்துறை அமைச்சர் முன்னிலையில் பேச்சுவார்த்தைக்கு அழைக்கப்பட்டுள்ளனர்.
 சிதம்பரம் அண்ணாமலைப் பல்கலைக்கழக ஆசிரியர்கள், ஊழியர்களுக்கு செப்டம்பர் மாத ஊதியம் வழங்கப்படாததைக் கண்டித்தும், மாதம்தோறும் ஊதியத்தை கடைசி வேலை நாளன்று வழங்க வேண்டும், ஆசிரியர்கள், ஊழியர்களுக்கு நிறுத்தி வைக்கப்பட்டுள்ள பதவி உயர்வுகளை உடனே வழங்க வேண்டும்
 என்பன உள்ளிட்ட கோரிக்கைகளை வலியுறுத்தி பல்வேறு போராட்டங்களில் ஈடுபட்டு வந்தனர்.
 இந்த நிலையில், பல்கலைக்கழக ஆசிரியர், ஊழியர்களுக்கு அக்.13-ஆம் தேதி வெள்ளிக்கிழமை செப்டம்பர் மாத ஊதியம் வங்கிக் கணக்கில் வரவு வைக்கப்பட்டது. பின்னர், ஆசிரியர்கள், ஊழியர்கள் போராட்டத்தை கைவிட்டு பணிக்குத் திரும்ப துணைவேந்தர் வேண்டுகோள் விடுத்ததுடன், இதர பிரச்னைகள் குறித்து பேச்சுவார்த்தை நடத்த உயர் கல்வித்துறை அமைச்சர் தலைமையில் விரைவில் கூட்டம் நடத்தப்பட உள்ளதாகவும் தெரிவித்ததை அடுத்து போராட்டம் தாற்காலிகமாக ஒத்திவைக்கப்பட்டது.
 பின்னர், ஆசிரியர்கள், ஊழியர்கள் சங்கங்களின் கூட்டமைப்பு ஒருங்கிணைப்பாளர் எஸ்.மனோகரன் தலைமையில் பூமா கோயில் முன் நடைபெற்ற பொதுக்கூட்டத்தில் மாத ஊதியம் வேறு துறையிடமிருந்து பெறப்பட்டு வழங்கப்பட்டது.
 அப்போது, அரசு பேச்சுவார்த்தையில் நிர்வாகம் மற்றும் தமிழக அரசிடமிருந்து கோரிக்கைகள் தொடர்பாக உத்தரவாதம் தராவிட்டால் அக்.23-ஆம் தேதி முதல் காலவரையற்ற போராட்டத்தை தொடருவோம் என எஸ்.மனோகரன் அறிவித்தார்.
 இந்நிலையில், பூமா கோயில் வளாகத்தில் காலவரையற்ற வேலைநிறுத்தம் தொடர்பாக ஆயத்தக்கூட்டம் ஒருங்கிணைப்பாளர் எஸ்.மனோகரன் தலைமையில் வியாழக்கிழமை நடைபெற்றது.
 பல்கலைக்கழக ஆசிரியர்கள், ஊழியர்கள் மற்றும் ஓய்வூதியர்கள் கூட்டமைப்பு நிர்வாகிகளை சென்னை தலைமைச் செயலகத்தில் வெள்ளிக்கிழமை (அக்.20) காலை 10 மணிக்கு தமிழக உயர்கல்வித் துறை அமைச்சர் கே.பி.அன்பழகன் முன்னிலையில் நடைபெறும் கூட்டத்தில் கலந்து கொள்ள பல்கலைக்கழக பதிவாளர்
 கே. ஆறுமுகம் அழைப்பு அனுப்பியுள்ளார்.
 கூட்டத்தில் துணைவேந்தர் செ. மணியன், கடலூர் மக்களவைத் தொகுதி உறுப்பினர் ஏ.அருண்மொழித்தேவன், சிதம்பரம் எம்எல்ஏவும், சிண்டிகேட் உறுப்பினருமான கே.ஏ.பாண்டியன் உள்ளிட்டோர் பங்கேற்கின்றனர் என தெரிவிக்கப்பட்டது.
 

]]>
http://www.dinamani.com/all-editions/edition-villupuram/cuddalore/2017/oct/20/பல்கலை-ஆசிரியர்கள்-ஊழியர்களிடம்-சென்னையில்-இன்று-பேச்சுவார்த்தை-2792824.html
2792823 விழுப்புரம் கடலூர் கடலூர் துறைமுகத்தில் 1-ஆம் எண் புயல் எச்சரிக்கைக் கூண்டு  நெய்வேலி, DIN Friday, October 20, 2017 08:41 AM +0530 கடலூர் துறைமுகத்தில் வியாழக்கிழமை 1-ஆம் எண் புயல் எச்சரிக்கைக் கூண்டு ஏற்றப்பட்டது.
 இதுகுறித்து வானிலை ஆய்வு மைய அதிகாரி ஒருவர் கூறியதாவது: மேற்கு மத்திய வங்கக் கடலில் நிலவி வந்த வளி மண்டல சுழற்சி வலுப் பெற்று காற்றழுத்த தாழ்வு மண்டலமாக ஒடிஸா மாநிலம், பூரிக்கும் 330 கி.மீ. தென் கிழக்கே வியாழக்கிழமை காலை முதல் நிலை கொண்டுள்ளது.
 இது மேலும் வலுப்பெற்று வெள்ளிக்கிழமை ஒடிஸா பகுதியில் கரையை கடக்கும் என எதிர்பார்க்கப்படுகிறது.
 இதைத் தொடர்ந்து கடலூர் துறைமுகத்தில் புயல் எச்சரிக்கைக் கூண்டு எண் 1 வியாழக்கிழமை பிற்பகல் சுமார் 2.30 மணியளவில் ஏற்றப்பட்டது.

]]>
http://www.dinamani.com/all-editions/edition-villupuram/cuddalore/2017/oct/20/கடலூர்-துறைமுகத்தில்-1-ஆம்-எண்-புயல்-எச்சரிக்கைக்-கூண்டு-2792823.html
2792822 விழுப்புரம் கடலூர் விவசாயி வீட்டில் நகை, பணம் திருட்டு  நெய்வேலி, DIN Friday, October 20, 2017 08:41 AM +0530 நெய்வேலி அருகே விவசாயி வீட்டின் கதவை உடைத்து நகை, பணம் திருடப்பட்டது.
 நெய்வேலியை அடுத்துள்ள செங்கால்பாளையம் கிராமத்தைச் சேர்ந்தவர் செல்வராஜ்(65), விவசாயி. இவர் தீபாவளி கொண்டாட செவ்வாய்க்கிழமை இரவு வீட்டை பூட்டிக்கொண்டு புவனகிரியில் உள்ள உறவினர் வீட்டிற்குச் சென்றிருந்தார். புதன்கிழமை மாலை வீடு திரும்பியவர் வீட்டின் கதவு உடைக்கப்பட்டு திறந்து கிடப்பது கண்டு அதிர்ச்சி அடைந்தார். உள்ளே சென்று பார்த்த போது பீரோ உடைக்கப்பட்டு அதில் இருந்த 7 பவுன் தங்க நகைகள், ரூ.3 ஆயிரம் பணம் திருடப்பட்டது தெரிய வந்தது. இதுகுறித்த புகாரின் பேரில் மந்தாரக்குப்பம் போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-villupuram/cuddalore/2017/oct/20/விவசாயி-வீட்டில்-நகை-பணம்-திருட்டு-2792822.html
2792821 விழுப்புரம் கடலூர் அன்னப்பூரணிக்கு லட்டுத் தேர் அலங்காரம்  சிதம்பரம், DIN Friday, October 20, 2017 08:40 AM +0530 தீபாவளி பண்டிகையை முன்னிட்டு, சிதம்பரம் நடராஜர் கோயிலில் அன்னபூரணி அம்பாளுக்கு லட்டுத் தேர் அலங்காரம் புதன்கிழமை நடைபெற்றது.
 சிவகாமசுந்தரி சமேத ஆனந்த நடராஜராஜ பெருமானுக்கு, காலை 6 மணிக்கு சன்னதி திறக்கப்பட்டு பால் நிவேத்யத்துடன் பூஜை தொடங்கியது.
 பின்னர் தீபாவளி சிறப்பு அபிஷேகம், நிவேத்யம் மற்றும் மகா தீபாராதனை நடைபெற்றது. தீபாவளியை முன்னிட்டு மடப்பள்ளியில் உள்ள அன்னபூரணி அம்பாளுக்கு லட்டுத் தேர் அலங்காரம் செய்யப்பட்டு மகா தீபாராதனை நடைபெற்றது.
 பின்னர் பொது தீட்சிதர்கள் பொதுமக்களுக்கு இனிப்பு வழங்கினர். அன்று மாலை வாணவேடிக்கையுடன் அன்னபூரணி அம்மன் வீதியுலா நடைபெற்றது.
 

]]>
http://www.dinamani.com/all-editions/edition-villupuram/cuddalore/2017/oct/20/அன்னப்பூரணிக்கு-லட்டுத்-தேர்-அலங்காரம்-2792821.html
2792820 விழுப்புரம் கடலூர் வேளாண் துறை திட்டப் பணிகள் ஆய்வு  நெய்வேலி, DIN Friday, October 20, 2017 08:40 AM +0530 கடலூர் மாவட்டத்தில் வேளாண்மைத் துறை மூலம் செயல்படுத்தப்படும் பல்வேறு திட்டப் பணிகள் குறித்து வேளாண்மை கூடுதல் இயக்குநர் செந்தாமரை வியாழக்கிழமை ஆய்வு செய்தார்.
 கடலூர் வட்டாரத்தில் ரூ.1.50 கோடி மதிப்பீட்டில் கட்டி முடிக்கப்பட்டுள்ள ஒருங்கிணைந்த வேளாண்மை விரிவாக்க மையத்தை ஆய்வு செய்தார். தேசிய வேளாண்மை வளர்ச்சித் திட்டத்தின் கீழ் திருமாணிக்குழி விவசாயி கருணாநிதிக்கு ரூ.60
 ஆயிரம் மானியத்தில் பவர் டில்லர் உழவு கருவி வழங்கினார்.
 உயிர் உர உற்பத்தி மையப் பணிகள், திரவ உயிர் உற்பத்தி அலகினை பார்வையிட்டு அதனை மேம்படுத்த ஆலோசனை வழங்கினார்.
 பின்னர், திருப்பாதிரிப்புலியூரில் விவசாயி ராமச்சந்திரன் நிலத்தில் அமைக்கப்பட்டுள்ள வெள்ளை பொன்னி விதைப் பண்ணையை பார்வையிட்டு இயற்கை வேளாண்மை குறித்து ஆலோசனை வழங்கினார்.
 ராமாபுரம் விவசாயி தனசேகர் கரும்புப் பயிரில் அமைத்துள்ள சொட்டு நீர்ப்பாசன வயல்களை ஆய்வு செய்தார்.
 பின்னர், அண்ணாகிராமம் ஒன்றியம், புதுப்பாளையத்தில் கோபாலகிருஷ்ணன் நிலத்தில் அமைத்துள்ள நிழல் வலைக்குடில், கரும்பு ஒரு பருவ சீவல் இயந்திரம், சொட்டு நீர்ப்பாசன வயல் ஆகியவற்றை ஆய்வு செய்தார்.
 ஆய்வின் போது, வேளாண்மை துணை இயக்குநர்கள் கனகசபை, சம்பத்குமார், செயற்பொறியாளர் இளங்கோவன், கடலூர் வேளாண்மை உதவி இயக்குநர் சு.பூவராஜன், அண்ணாகிராமம் வேளாண்மை உதவி இயக்குநர் மல்லிகா, தரக்கட்டுப்பாடு உதவி இயக்குநர் பாலசுப்பிரமணியன் உள்ளிட்டோர் இருந்தனர்.

]]>
http://www.dinamani.com/all-editions/edition-villupuram/cuddalore/2017/oct/20/வேளாண்-துறை-திட்டப்-பணிகள்-ஆய்வு-2792820.html
2791970 விழுப்புரம் கடலூர் மரக் கடைக்காரர் வீட்டில் 15 பவுன் நகைகள் திருட்டு DIN DIN Wednesday, October 18, 2017 12:43 AM +0530 கடலூர் கூத்தப்பாக்கத்தில் மரக் கடைக்காரர் வீட்டில் 15 பவுன் தங்க நகைகளை மர்ம நபர்கள் திருடிச் சென்றது குறித்து போலீஸார் விசாரித்து வருகின்றனர்.
கடலூர் கூத்தப்பாக்கம்,  நாதன்நாயகி நகரைச் சேர்ந்தவர் மோகன் (51).  இவர், திருப்பாதிரிபுலியூரில் மரக் கடை நடத்தி வருகிறார். திங்கள்கிழமை இரவு வழக்கம் போல, தனது குடும்பத்தினருடன் வீட்டில் உறங்கினார். காலை எழுந்து பார்த்தபோது வீட்டின் பின்பக்கக் கதவு உடைக்கப்பட்டு, பீரோவில் இருந்த 15 பவுன் தங்க நகைகள்,  ரூ. 50 ஆயிரம் ரொக்கம் ஆகியவை திருடு போனது தெரிய வந்தது.
இதுகுறித்து மோகன்அளித்த தகவலின் பேரில், திருப்பாதிரிபுலியூர் காவல் துறையினர் அங்கு வந்து விசாரணை நடத்தினர். இதுகுறித்து வழக்குப் பதிந்து மர்ம நபர்களைத் தேடி வருகின்றனர்.

 

]]>
http://www.dinamani.com/all-editions/edition-villupuram/cuddalore/2017/oct/18/மரக்-கடைக்காரர்-வீட்டில்-15-பவுன்-நகைகள்-திருட்டு-2791970.html
2791969 விழுப்புரம் கடலூர் அடகுக் கடைக்காரரிடம் 7 பவுன் தங்கச் சங்கிலி பறிப்பு DIN DIN Wednesday, October 18, 2017 12:43 AM +0530 விருத்தாசலத்தில் அடகுக் கடைக்காரரிடம் 7 பவுன் தங்கச் சங்கிலியைப் பறித்துச் சென்ற மர்ம நபர்கள் குறித்து போலீஸார் விசாரிக்கின்றனர்.
விருத்தாசலம் ரயில் நிலையச் சந்திப்புச் சாலை பகுதியைச் சேர்ந்தவர் கேசவன் (55). அதே பகுதியில் நகை அடகுக் கடை நடத்தி வருகிறார். இவர், தினமும் காலையில் அந்தப் பகுதியில் நடைபயிற்சியில் ஈடுபடுவது வழக்கம்.
அதன்படி, செவ்வாய்க்கிழமை காலை நடைபயிற்சியில் ஈடுபட்டிருந்த போது,  பைக்கில் வந்த 3 பேரில் இரண்டு பேர் கீழே இறங்கி கேசவனை பின்தொடர்ந்து நடந்து சென்றனர்.
சிறிது நேரத்தில் திடீரென கேசவனின் முகத்தில் மிளகாய் பொடியைத் தூவி, அவர் கழுத்தில் இருந்த 7 பவுன் தங்கச் சங்கிலியைப் பறித்துச் சென்றனர்.
இதுகுறித்து கேசவன் அளித்த புகாரின் பேரில், விருத்தாசலம் ரயில்வே காவல் நிலைய போலீஸார் வழக்குப் பதிவு செய்து,  மர்ம நபர்களைத் தேடி வருகின்றனர்.

 

 

]]>
http://www.dinamani.com/all-editions/edition-villupuram/cuddalore/2017/oct/18/அடகுக்-கடைக்காரரிடம்-7-பவுன்-தங்கச்-சங்கிலி-பறிப்பு-2791969.html
2791967 விழுப்புரம் கடலூர் அதிமுக தொடக்க நாள்: கட்சியினர் கொண்டாட்டம் DIN DIN Wednesday, October 18, 2017 12:42 AM +0530 அதிமுக தொடக்க நாளையொட்டி, கடலூரில் அந்தக் கட்சியினர் செவ்வாய்க்கிழமை எம்.ஜி.ஆரின் உருவச் சிலைக்கு மாலை அணிவித்தும், பொதுமக்களுக்கு இனிப்புகள் வழங்கியும் கொண்டாடினர்.
கடந்த 1972- ஆம் ஆண்டு அக்டோபர் 17 -ஆம் தேதி எம்.ஜி.ஆர். அதிமுக கட்சியைத் தொடங்கினார். அதன் 46-ஆம் ஆண்டை முன்னிட்டு, கடலூர் கிழக்கு மாவட்ட அதிமுக சார்பில் மஞ்சக்குப்பத்திலுள்ள எம்.ஜி.ஆர்., அண்ணா உருவச் சிலைகளுக்கு மாலை அணிவித்து மரியாதை செலுத்தப்பட்டது. மாவட்ட எம்.ஜி.ஆர். மன்றச் செயலர் ஜி.ஜெ.குமார் தலைமை வகித்து, தலைவர்களது உருவச் சிலைகளுக்கு மாலை அணிவித்து மரியாதை செலுத்தினார். தொழிற்சங்க செயலர் கே.ஆர்.பாலகிருஷ்ணன் கட்சிக் கொடியை ஏற்றிவைத்து பொதுமக்களுக்கு இனிப்புகள் வழங்கினார். கட்சியின் நகரத் துணைச் செயலர் வ.கந்தன், நகர எம்.ஜி.ஆர். மன்றச் செயலர் ராஜு,  நகராட்சி முன்னாள் கவுன்சிலர்கள் தமிழ்ச்செல்வன், ஜெ.அன்பு, ஆர்.வி.மணி, சங்கர் உள்ளிட்டோர் பங்கேற்றனர்.
அதேபோல, தினகரன் அணி சார்பில், அனைத்துலக எம்.ஜி.ஆர். மன்ற துணைச் செயலர் சி.கே.சுப்ரமணியன் மாலை அணிவித்து மரியாதை செலுத்தினார். அவைத் தலைவர் என்.ராமலிங்கம், நகரச் செயலர் எஸ்.கார்த்திகேயன், ஒன்றியச் செயலர்கள் வி.ஜெயச்சந்திரன், எஸ்.சாமிகண்ணு, எம்.தமிழ்ச்செல்வன், இணைச் செயலர் கம்சலா உள்ளிட்டோர் பங்கேற்றனர்.
நெய்வேலி...
அதேபோல, பண்ருட்டி ஊராட்சி ஒன்றிய அலுவலகம் அருகே உள்ள எம்.ஜி.ஆர். உருவச் சிலைக்கு எம்எல்ஏ. சத்யா பன்னீர்செல்வம் மாலை அணிவித்து மரியாதை செலுத்தி, பின்னர் கட்சிக் கொடியேற்றி பொதுமக்களுக்கு இனிப்புகள் வழங்கினார்.
கட்சியின் மாவட்டப் பொருளர் ஜானகிராமன், பண்ருட்டி அவைத் தலைவர் ராஜதுரை, நகரச் செயலர் முருகன், கூட்டுறவு சங்கத் தலைவர் ஏழுமலை, துணைத் தலைவர் வேலு, கவுன்சிலர்கள் கோவிந்தன்,  ராமதாஸ், ஆயில் ரமேஷ், முருகன் உள்ளிட்ட நிர்வாகிகள் கலந்து கொண்டனர்.
நெய்வேலி சட்டப்பேரவை தொகுதிக்கு உள்பட்ட பத்திரக்கோட்டை கிராமத்தில் உள்ள எம்.ஜி.ஆரின் உருவச் சிலைக்கு மாவட்ட முன்னாள் கவுன்சிலர் தேவநாதன் தலைமை வகித்து மாலை அணிவித்து மரியாதை செலுத்தினார்.
கூட்டுறவுச் சங்கத் தலைவர் கல்யாணசுந்தரம், ஞானபிரகாசம், துணைத் தலைவர் சரவணன், அக்ரோ தலைவர் கருணாநிதி, தொழிலதிபர்கள் ஏ.வி.குமரன், கலையரசன்,  ஊராட்சி முன்னாள் தலைவர் ராமதாஸ், முன்னாள் கவுன்சிலர்கள் பழனி, ஏழுமலை, இந்திரா வடிவேல், கம்சலிங்கம், சத்துணவு சங்கத் தலைவர் வைத்தியநாதன், ஒன்றிய இணைச் செயலர் மாணிக்கவேல்,  மாவட்ட பிரதிநிதி ராமலிங்கம், கிளைச் செயலர் சட்டநாதன் உள்ளிட்டோர் கலந்து கொண்டனர்.

 

]]>
http://www.dinamani.com/all-editions/edition-villupuram/cuddalore/2017/oct/18/அதிமுக-தொடக்க-நாள்-கட்சியினர்-கொண்டாட்டம்-2791967.html
2791966 விழுப்புரம் கடலூர் பயிர்க் காப்பீட்டுத் தொகையை வழங்கக் கோரிக்கை DIN DIN Wednesday, October 18, 2017 12:42 AM +0530 கடலூர் மாவட்டத்தில் பயிர்க் காப்பீட்டுத் தொகை முழுமையாக விவசாயிகளுக்கு வழங்கப்படவில்லை. எனவே,  உடனடியாக அனைவருக்கும் பயிர்க் காப்பீட்டுத் தொகையை வழங்க தமிழக அரசு நடவடிக்கை எடுக்க வேண்டும் என தமிழக உழவர் முன்னணி கோரிக்கை விடுத்தது.
தமிழக உழவர் முன்னணியின் கடலூர் மாவட்டச் செயற்குழுக் கூட்டம் சிதம்பரத்தில் திங்கள்கிழமை நடைபெற்றது. அந்த அமைப்பின் மாவட்டத் தலைவர் கோ.சிவராமன் தலைமை வகித்தார். செயற்குழு உறுப்பினர்கள் என்.ஜெயபாலன், வே.பொன்னுசாமி, கோ.வெங்கடாசலம், சி.ராஜேந்திரன், வி.ராசா உள்ளிட்டோர் பங்கேற்றுப் பேசினர்.
தீர்மானங்கள்: கூட்டுறவு சங்கங்களில் வழங்கப்படும் காப்பீட்டுத் தொகை பற்றிய விவரத்தைப் பயனாளிகள் அறியும் வண்ணம் சங்கத் தகவல் பலகையில் ஒட்ட வேண்டும். சம்பா சாகுபடிக்கு நீர் திறக்கப்படுவதால், அனைத்து விவசாயிகளுக்கும் கூட்டுறவு சங்கங்கள் மூலம் பயிர்க் கடன் வழங்க தமிழக அரசை  கோர வேண்டும். சிதம்பரம், காட்டுமன்னார்கோவில் பகுதிகளில் வடிகால்கள் தூர்வாரப்பட்டதற்கு தமிழக அரசுக்குப் பாராட்டு தெரிவிப்பது, இதேபோல, மாவட்டத்தில் உள்ள பாசன வாய்க்கால்களையும் தூர் வார வேண்டும் என அரசை கோருவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

 

]]>
http://www.dinamani.com/all-editions/edition-villupuram/cuddalore/2017/oct/18/பயிர்க்-காப்பீட்டுத்-தொகையை-வழங்கக்-கோரிக்கை-2791966.html
2791965 விழுப்புரம் கடலூர் கண்கள் தானம் DIN DIN Wednesday, October 18, 2017 12:41 AM +0530 சிதம்பரம் அருகே இறந்த இருவரது கண்கள் தானமாக வழங்கப்பட்டன.
சிதம்பரம் அருகே உள்ள லால்புரம் காமராஜர் நகரைச் சேர்ந்த மதனகோபால் (65), திருமுட்டம், நெடுஞ்சேரியைச் சேர்ந்த பத்மாவதி (96) ஆகியோர் செவ்வாய்க்கிழமை காலமானார்கள்.
இவர்களது இரு ஜோடி கண்கள் சிதம்பரம் தன்னார்வ ரத்த தானக் கழகம், விருத்தாசலம் அரிமா சங்கம் சார்பில் தானமாகப் பெறப்பட்டு, புதுச்சேரி அரவிந்த் கண் மருத்துவமனை, புதுச்சேரி அரியூர் வெங்கடேஸ்வரா மருத்துவக் கல்லூரி மருத்துவமனைக்கு அனுப்பி வைக்கப்பட்டன.
இதற்கான ஏற்பாடுகளை ரத்த தானக் கழகத் தலைவர் எஸ்.ராமச்சந்திரன், நிர்வாகி வெங்கடகிருஷ்ணன், உறுப்பினர்கள் நாராயணன், ஆதிநாராயணன், விருத்தாசலம் அரிமா சங்க நிர்வாகிகள் சந்திரசேகரன், ரவீந்திரன், பாலசுப்பிரமணியன், முத்துநாராயணன், பிஎஸ்என்எல் தொலை தொடர்புத் துறை ஊழியர்கள் செய்தனர்.

 

]]>
http://www.dinamani.com/all-editions/edition-villupuram/cuddalore/2017/oct/18/கண்கள்-தானம்-2791965.html
2791964 விழுப்புரம் கடலூர் தென்பெண்ணை ஆற்றில் 2-ஆவது நாளாக வெள்ளப் பெருக்கு DIN DIN Wednesday, October 18, 2017 12:41 AM +0530 தென்பெண்ணையாற்றில் 2 -ஆவது நாளாக செவ்வாய்க்கிழமையும் அதிகமான அளவுக்கு தண்ணீர் சென்றது.
கர்நாடக மாநிலத்தில் உற்பத்தியாகும் தென்பெண்ணையாறு தமிழகத்தின் கிருஷ்ணகிரி, திருவண்ணாமலை, விழுப்புரம், கடலூர் மாவட்டம் வழியாக கடலூர் அருகே தாழங்குடாவில் வங்காள விரிகுடாவில் கலக்கிறது. ஆற்றின் நீர்பிடிப்புப் பகுதிகளில் பெய்த பலத்த மழையையொட்டி, கிருஷ்ணகிரி அணை, சாத்தனூர் அணை ஆகியவை முழுக்கொள்ளவை எட்டின.  இதைத் தொடர்ந்து, அணைக்கு வரும் நீர் முழுவதும் வெளியேற்றப்பட்டு வந்தது.
இதனால், சாத்தனூர் அணையிலிருந்து திறந்து விடப்பட்ட தண்ணீர் கடலூர் மாவட்ட எல்லையான கண்டரக்கோட்டையை வெள்ளிக்கிழமை வந்தடையும் முன்னரே அணையிலிருந்து வெளியேற்றப்பட்ட நீரின் அளவும் இருமடங்காக அதிகரித்தது.  இதனால், சொர்ணாவூர் படுகையணையை வந்தடையும் போது வெள்ளமாக மாறியது. திங்கள்கிழமை கடலூர் மாவட்ட ஆட்சியர் அலுவலகம் எதிரே ஆற்றில்  தடுப்பணையைத் தாண்டி வெள்ளம் சென்றது. இரண்டாவது நாளாக செவ்வாய்க்கிழமையும் தடுப்பணையைத் தாண்டி தண்ணீர் சென்றதால் சுமார் 6 கிராமங்களின் போக்குவரத்து தடைப்பட்டது.
எனினும், திங்கள்கிழமை சொர்ணாவூர் படுகையணைக்கு வினாடிக்கு 9,769 கன அடியாக வந்த நீரின் அளவு, செவ்வாய்க்கிழமை காலை 5,726 கன அடியாகக் குறைந்ததாக பொதுப் பணித் துறை உதவிச் செயற்பொறியாளர் கோவிந்தராஜ் தெரிவித்தார்.
இதனிடையே, ஆறு கடலில் சென்று கலக்கும் தாழங்குடா பகுதியில் தண்ணீர் எளிதில் சென்று கடலில் கலக்கும் வகையில், பொதுப் பணித் துறைறயினர் முகத்துவாரத்தைச் சீரமைத்திருந்தனர்.

 

]]>
http://www.dinamani.com/all-editions/edition-villupuram/cuddalore/2017/oct/18/தென்பெண்ணை-ஆற்றில்-2-ஆவது-நாளாக-வெள்ளப்-பெருக்கு-2791964.html
2791963 விழுப்புரம் கடலூர் கரும்பு நிலுவைத் தொகை கோரி விவசாயிகள் கருப்புக் கொடி ஏற்றிப் போராட்டம் DIN DIN Wednesday, October 18, 2017 12:41 AM +0530 தமிழகம் முழுவதும் சர்க்கரை ஆலைகள் கரும்பு விவசாயிகளுக்கு வழங்க வேண்டிய ரூ. 1,285 கோடி நிலுவைத் தொகையை வழங்க வலியுறுத்தி, கடலூர் மாவட்டத்தில் விவசாயிகள் கருப்புக் கொடியேற்றி போராட்டத்தில் ஈடுபட்டனர்.
தமிழகம் முழுவதும் தனியார், கூட்டுறவு சர்க்கரை ஆலைகள் விவசாயிகளிடமிருந்து கொள்முதல் செய்த கரும்புக்கான மாநில அரசின் ஆதார விலையை வழங்கவில்லை. கடந்த 4 ஆண்டுகளாக வழங்கப்படாத இந்தத் தொகை ரூ.1,285 கோடி நிலுவையில் உள்ளது. இதை உடனடியாக வழங்கக் கோரி, விவசாயிகள் சங்கம் சார்பில் அண்மையில் போராட்டம் நடத்தப்பட்டது.
இந்தப் போராட்டத்தில் நடைபெற்ற பேச்சுவார்த்தையில் சர்க்கரை ஆலைகளிடமிருந்து தீபாவளிக்கு முந்தைய நாளுக்குள் நிலுவைத் தொகையில் ஒரு பகுதி பெற்றுத் தரப்படுமென தொழில்துறை அமைச்சர் எம்.சி.சம்பத் உறுதியளித்திருந்தார். அதன்பேரில், போராட்டம் ஒத்தி வைக்கப்பட்டது.
எனினும், செவ்வாய்க்கிழமை (அக். 17) வரை சர்க்கரை ஆலைகள் விவசாயிகளுக்கான கரும்பு நிலுவைத் தொகையை வழங்காததைக் கண்டித்து, கடலூர் மாவட்டத்தில் கரும்பு விவசாயிகள் தங்களது வயல்கள், வீடுகளில் கருப்புக் கொடியேற்றி போராட்டத்தில் ஈடுபட்டனர்.
இதுகுறித்து கரும்பு விவசாயிகள் சங்கத்தின் மாநிலச் செயலர் கர்மாங்குடி பி.வெங்கடேசன் கூறியதாவது: கரும்புக்கான நிலுவைத் தொகையாக கடலூர் மாவட்டத்துக்கு ரூ. 130 கோடியும்,  மாநிலம் முழுவதும் ரூ.1,285 கோடியும் சர்க்கரை ஆலைகள் வழங்க வேண்டியுள்ளது. இந்தத் தொகையை வழங்கக் கோரி, மாநிலம் முழுவதும் விவசாயிகள் போராட்டத்தில் ஈடுபட்டனர். இதைத் தொடர்ந்து, சென்னையில்  நடைபெற்ற பேச்சுவார்த்தையின் போது தீபாவளிக்குள் நிலுவைத் தொகை பெற்றுத் தரப்படுமென உறுதியளிக்கப்பட்டது. ஆனால், கூட்டுறவு சர்க்கரை ஆலைகள் கூட அந்தத் தொகையை வழங்கவில்லை.
இதுகுறித்து அமைச்சரும் எந்தவிதமான விளக்கமும் அளிக்காததால் விவசாயிகள் போராட்டத்தில் ஈடுபட்டுள்ளனர்.
அதன்படி, கடலூர் மாவட்டத்தில் கார்மாங்குடி, பரவளூர் அண்ணாநகர், பட்டாம்பாக்கம், ஸ்ரீமுஷ்ணம் பேரூர், அயன்குறிச்சிப்பாடி ஆகிய கிராமத்தில் விவசாயிகள் தங்களது வயல்களில் கருப்புக் கொடி ஏற்றியும், சில பகுதிகளில் வீடுகளிலும் கருப்புக் கொடியேற்றி போராட்டத்தில் ஈடுபட்டுள்ளோம். இந்தப் போராட்டம் விரைவில் தமிழகம் முழுவதும் நடத்தப்படும் என்றார்.
நெய்வேலியில்...
அதேபோல, குறிஞ்சிப்பாடியிலும் கரும்பு விவசாயிகள் வீடுகள், கரும்பு வயல்களில் கருப்புக் கொடியேற்றி போராட்டம் நடத்தினர்.
தனியார் மற்றும் கூட்டுறவு சர்க்கரை ஆலைகள் கரும்பு விவசாயிகளுக்கு வழங்க வேண்டிய நிலுவைத் தொகையை அக்டோபர் 15-ஆம் தேதிக்குள் வழங்காவிட்டால் தொழில்துறை அமைச்சரை சிறைப்பிடிப்பது, விவசாயிகள் வீடுகள், நிலங்களில் கருப்புக் கொடியேற்றி தீபாவளி பண்டிகையை கருப்பு தினமாக அனுசரிப்பது என தமிழ்நாடு, புதுச்சேரி தனியார் சர்க்கரை ஆலை கரும்பு விவசாயிகள் சங்கத்தின் சார்பில் அறிவிக்கப்பட்டிருந்தது.
அதன்படி, குறிஞ்சிப்பாடி உழவர் மன்றத் தலைவர் ஆர்.கே.ராமலிங்கம் தலைமையில் கரும்பு விவசாயிகள் தங்களது கரும்பு வயல்களில் செவ்வாய்க்கிழமை கருப்புக் கொடியேற்றி எதிர்ப்பைத்
தெரிவித்தனர்.

 

]]>
http://www.dinamani.com/all-editions/edition-villupuram/cuddalore/2017/oct/18/கரும்பு-நிலுவைத்-தொகை-கோரி-விவசாயிகள்-கருப்புக்-கொடி-ஏற்றிப்-போராட்டம்-2791963.html
2791961 விழுப்புரம் கடலூர் மாவட்டம் முழுவதும் சாரல் மழை DIN DIN Wednesday, October 18, 2017 12:41 AM +0530 கடலூர் மாவட்டம் முழுவதும் திங்கள்கிழமை சாரல் மழை பெய்ததோடு, செவ்வாய்க்கிழமையும் வானம் மேகமூட்டத்துடன் காணப்பட்டது.
மத்திய வங்கக் கடலில் குறைந்த காற்றழுத்தத் தாழ்வு நிலை உருவாகியதைத் தொடர்ந்து, கடலூர் மாவட்டத்தில் திங்கள்கிழமை முழுவதும் சாரல் மழை பெய்தது. இரவில் சற்று பலத்த மழை பெய்தது. மாவட்டம் முழுவதும் பிற்பகலுக்கு மேல் சாரல் மழை பெய்து கொண்டே இருந்தது.
செவ்வாய்க்கிழமை காலை 8.30 மணி வரையிலான 24 மணி நேரத்தில் வேப்பூரில் அதிகபட்சமாக 15 மில்லி மீட்டர் மழை பதிவாகியிருந்தது. மற்ற பகுதிகளில் பெய்த மழை விபரம் வருமாறு (மில்லி மீட்டரில்): ஸ்ரீமுஷ்ணம் 12, காட்டுமயிலூர், பண்ருட்டி தலா 11, தொழுதூர் 9, மே.மாத்தூர் 8, லக்கூர், வானமாதேவி தலா 7, அண்ணாமலை நகர், கொத்தவாச்சேரி, பெலாந்துறை, விருத்தாசலம், குப்பநத்தம் தலா 6, கடலூர், காட்டுமன்னார்கோவில், பரங்கிப்பேட்டை, சேத்தியாத்தோப்பு தலா 5, புவனகிரி, சிதம்பரம், லால்பேட்டை தலா 4 செ.மீ மழை பதிவாகியிருந்தது.
வானிலை மையம் முன்னறிவிப்பு: இந்த நிலையில், கடலூரில் உள்ள வானிலை மையம் வெளியிட்ட முன்னறிவிப்பு வருமாறு: மத்திய வங்கக் கடலில் நிலவி வரும்  குறைந்த காற்றழுத்த சுழற்சி வருகிற 19 -ஆம் தேதி ஒடிஷா பகுதியில் கரையைத் தொடும். அதே நேரத்தில் தெற்கு வங்கக் கடலில் இலங்கைக்கு தென்கிழக்கே திங்கள்கிழமை உருவாகியிருந்த குறைந்த காற்றழுத்தத் சுழற்சி செவ்வாய்க்கிழமை காணப்படவில்லை.
எனினும், கடலூர் பகுதியில் புதன்கிழமை ஓரளவுக்கு மழை பெய்யக் கூடும். வானம் மிகவும் மேகமூட்டத்துடன் காணப்படும் என தெரிவிக்கப்பட்டுள்ளது.

 

]]>
http://www.dinamani.com/all-editions/edition-villupuram/cuddalore/2017/oct/18/மாவட்டம்-முழுவதும்-சாரல்-மழை-2791961.html
2791960 விழுப்புரம் கடலூர் டெங்கு குறித்து தகவலளிக்க கட்டுப்பாட்டு அறை DIN DIN Wednesday, October 18, 2017 12:40 AM +0530 டெங்குவை கட்டுப்படுத்தும் வகையில், கட்டுப்பாட்டு அறை அமைக்கப்பட்டுள்ளது. பொதுமக்கள் இதுகுறித்து தகவல் தெரிவிக்கலாம் என மாவட்ட ஆட்சியர் மு.வடநேரே தெரிவித்தார்.
இதுகுறித்து அவர் வெளியிட்ட செய்திக் குறிப்பு: டெங்கு காய்ச்சல் பாதிப்புக்களை உடனடியாகக் கண்டறிந்து சிகிச்சை அளிக்க மருத்துவம் - பொது சுகாதார துறையுடன் இணைந்து மாவட்ட நிர்வாகம் முழு வீச்சில் செயல்பட்டு வருகிறது. எனவே, பொதுமக்கள் தங்கள் பகுதிகளில் எவருக்கேனும் காய்ச்சல் பாதிப்பு குறித்து அறிந்தால் உடனடியாக மாவட்ட நிர்வாகத்துக்குத் தகவல் அளிக்க வேண்டும்.
மேலும், டெங்கு பரவலைத் தடுக்கவும், உரிய தகவல் பெற்று உடனடியாக நோய் தடுப்பு நடவடிக்கைகளை மேற்கொள்ளவும் ஏதுவாக மாவட்ட அளவில் கடலூர் மாவட்ட ஆட்சியர் அலுவலகத்தில் பிரத்யேக கட்டுப்பாட்டு அறை செவ்வாய்க்கிழமை முதல் செயல்படுகிறது.
இந்தக் கட்டுப்பாட்டு அறையில் தகவல் பெற 24 மணி நேரமும் பணியாளர்கள் இருப்பர். இவர்கள் காய்ச்சல் குறித்து தகவல் வரப் பெற்றதும், உடனடியாக நோய் தடுப்புப் பணியில் ஈடுபடுவர்.
எனவே, பொதுமக்கள் தங்களது குடும்பத்திலோ,  வசிப்பிடத்திலோ, கிராமத்திலோ யாருக்காவது காய்ச்சல் பாதிப்பு கண்டறியப்பட்டால் உடனடியாக 1077 என்ற எண்ணிலும், நோய் பாதிப்பு குறித்த தகவல்களை 04142 - 220700 என்ற தொலைபேசி எண்ணிலும் தெரிவிக்கலாம் என மாவட்ட ஆட்சியர் தெரிவித்தார்.

 

]]>
http://www.dinamani.com/all-editions/edition-villupuram/cuddalore/2017/oct/18/டெங்கு-குறித்து-தகவலளிக்க-கட்டுப்பாட்டு-அறை-2791960.html
2791959 விழுப்புரம் கடலூர் வீடு வீடாகச் சென்று டெங்கு கொசுப் புழு ஒழிப்பு ஆய்வுப் பணி DIN DIN Wednesday, October 18, 2017 12:40 AM +0530 மேல்பட்டாம்பாக்கம், பண்ருட்டி, தொரப்பாடி ஆகிய பகுதிகளில் வீடு வீடாகச் சென்று டெங்கு கொசுப் புழு ஒழிப்பு ஆய்வுப் பணி செவ்வாய்க்கிழமை மேற்கொள்ளப்பட்டது.
கடலூர் மாவட்டத்தில் டெங்கு காய்ச்சலைப் பரவுவதைக் கட்டுப்படுத்த போர்க்கால அடிப்படையில் பல்வேறு நடவடிக்கைகள் மேற்கொள்ளப்பட்டு வருகின்றன.
அதன்படி, மாவட்ட ஆட்சியர் பிரசாந்த் மு.வடநேரே, மேல்பட்டாம்பாக்கம் பேரூராட்சியில் வளவனூர் பிரதான சாலை, அண்ணா கிராமம் ஊராட்சி ஒன்றியம், மேல்குமாரமங்கலம் ஊராட்சி, பண்ருட்டி நகராட்சி 24-ஆவது வார்டு கம்பன் நகர், தொரப்பாடி பேரூராட்சி ஆகிய பகுதிகளில் வீடு வீடாகச் சென்று டெங்கு காய்ச்சலைப் பரப்பும் கொசு உற்பத்தியாகும் இடங்களைக் கண்டறிந்து அவற்றை உடனடியாக அப்புறப்படுத்தும் பணியை பார்வையிட்டு ஆய்வு மேற்கொண்டார்.
அப்போது அவர், பொதுமக்களிடம் தங்களது வீடு, அதன் சுற்று வட்டாரங்களில் உள்ள உபயோகமற்ற பொருள்களில் மழைநீர் தேங்காவண்ணம் உடனடியாக அப்புறப்படுத்த வேண்டும் என்று கேட்டுக் கொண்டார்.
மேலும், சுகாதாரமான குடிநீரில்தான் கொசுக்கள் அதிக அளவில் உற்பத்தியாக வாய்ப்புள்ளதால் அதனை நன்றாக மூடிவைக்க வேண்டும்.  
பிரதி வாரம் வியாழக்கிழமைதோறும் கொசுக்கள் உற்பத்தியாகும் காரணிகளான உபயோகமற்ற டயர்கள், பெயிண்ட் டப்பாக்கள், பிளாஸ்டிக் பொருள்கள், தேங்காய் சிரட்டைகள் போன்றவற்றை அப்புறப்படுத்த நடவடிக்கை எடுக்க வேண்டும்.
பொதுமக்களுக்கு சுகாதாரமான குடிநீர் வழங்குவதை உறுதி செய்யவேண்டும்.
பொதுமக்களிடம் டெங்கு காய்ச்சல் குறித்து விழிப்புணர்வு ஏற்படுத்த வேண்டும் என சுகாதாரத்துறை, பேரூராட்சி செயல் அலுவலர்கள், வட்டார வளர்ச்சி அலுவலர்களுக்கு மாவட்ட ஆட்சியர் அறிவுரை வழங்கினார். தொடர்ந்து அவர் கடலூர் மாவட்ட அரசு மருத்துவமனையிலும் ஆய்வு மேற்கொண்டார்.
ஆய்வின்போது பண்ருட்டி வட்டாட்சியர் விஜய் ஆனந்த், பேரூராட்சி செயல் அலுவலர்கள் குமார் (மேல்பட்டாம்பாக்கம்), முருகன் (தொரப்பாடி), வட்டார வளர்ச்சி அலுவலர்கள் கிருஷ்ணமூர்த்தி, சதீஷ்குமார் உள்பட பல்வேறு அரசுத் துறை அலுவலர்கள் உடனிருந்தனர்.
நெய்வேலியில்...: அதேபோல, பண்ருட்டி அரசு மருத்துவமனை, கிடங்கு, வட்டாட்சியர் அலுவலகம் மற்றும் நகரப் பகுதியில் டெங்கு தடுப்புப் பணி குறித்து மாவட்ட ஆட்சியர் பிரசாந்த் மு.வடநேரே செவ்வாய்க்கிழமை ஆய்வு மேற்கொண்டார்.
பண்ருட்டி அரசு மருத்துவமனையில் குழந்தைகள் உள் நோயாளி பிரிவு, பெண்கள் தீவிர சிகிச்சை பிரிவு, குடும்ப நலப்பிரிவு ஆகிய பிரிவுகளில் உள்ள நோயாளிகளை நேரில் பார்வையிட்டு அவர்களுக்கு உரிய நோயின் தன்மையையும் அதற்காக அளிக்கப்பட்டு வரும் சிகிச்சைகள் குறித்த விவரங்களையும் மருத்துவர்களிடம் ஆட்சியர் கேட்டறிந்தார்.
 மருத்துவமனை சுற்றுப்புறத்தில் டெங்கு காய்ச்சலைப் பரப்பும் கொசுக்கள் உற்பத்தியாக வண்ணம் உபயோகமற்ற பொருள்களான விளம்பரப் பலகைகள், டயர்கள், பிளாஸ்டிக் கப்புகள், குடிநீர் பாட்டில்களை உடடினயாக அப்புறப்படுத்த வேண்டும். மருத்துவமனைக்கு வரும் நோயாளிக்கு சுகாதாரமான குடிநீர் வழங்கப்படுவதை உறுதி செய்ய வேண்டும் என மருத்துவர்களுக்கு அவர் அறிவுரை வழங்கினார்.
பின்னர், பண்ருட்டியில் உள்ள தமிழ்நாடு சேமிப்புக் கிடங்கு நிறுவனம், வட்டாட்சியர் அலுவலகம், நகரப் பகுதியில் பார்வையிட்டு ஆய்வு செய்து உபயோகமற்ற பொருள்கள் இருந்தால் அவற்றை உடனடியாக அப்புறப்படுத்த அலுவலர்களுக்கு அறிவுறுத்தினார்.
தமிழ்நாடு நுகர்பொருள் வாணிபக் கழக மண்டல மேலாளர் ராஜேந்திரன், தர மேலாளர் பாலாஜி, பண்ருட்டி வட்டாட்சியர் விஜய் ஆனந்த், பேரூராட்சி செயல் அலுவலர்கள் குமார் (மேல்பட்டாம்பாக்கம்), முருகன் (தொரப்பாடி) ,  பண்ருட்டி அரசு மருத்துவமனை முதன்மை மருத்துவ அலுவலர் அன்புச்செல்வி, நகராட்சி ஆணையர் (பொறுப்பு) வெங்கடாச்சலம், வட்டார வளர்ச்சி அலுவலர்கள் திரு.கிருஷ்ணமூர்த்தி, சதீஷ்குமார் ஆகியோர் உடனிருந்தனர்.

 

]]>
http://www.dinamani.com/all-editions/edition-villupuram/cuddalore/2017/oct/18/வீடு-வீடாகச்-சென்று-டெங்கு-கொசுப்-புழு-ஒழிப்பு-ஆய்வுப்-பணி-2791959.html
2791957 விழுப்புரம் கடலூர் கை கழுவுதல் பயன்கள் குறித்த கருத்தரங்கு DIN DIN Wednesday, October 18, 2017 12:39 AM +0530 சிதம்பரம் அண்ணாமலைப் பல்கலைக்கழக நாட்டு நலப் பணித் திட்டம், வேதியியல், கணிதத் துறைகள் ஆகியவை சார்பில், "கை கழுவுதலின் பயன்கள்' பற்றிய கருத்தரங்கம் அறிவியல் அரங்கத்தில் அண்மையில் நடைபெற்றது.
கருத்தரங்குக்கு திட்ட அலுவலர் முனைவர் கோ.ராஜராஜன் வரவேற்றார். வேதியியல் துறைத் தலைவர்  கே.ஆர்.சங்கரன்  தலைமை வகித்தார். நாட்டு நலப்பணித் திட்ட ஒருங்கினைப்பாளர் முனைவர் பி.செளந்தரபாண்டியன்  கருத்தரங்கைத் தொடக்கிவைத்துப் பேசினார். கணிதத் துறை தலைவர் ஆர்.சம்பத்குமார் வாழ்த்துரையாற்றினார். சமுக மருத்துவத் துறைத் தலைவர் மருத்துவர் பி.கே.கோவிந்தராஜன் தொற்று நோய் விழிப்புணர்வு குறித்து மாணவர்களுக்கு விளக்கினார். இதைத் தொடர்ந்து, மருத்துவர் டி.கே.செந்தில்முருகன் தனி மனித சுகாதாரமும் அதன் முக்கியத்துவம் பற்றிய விழிப்புணர்வும் என்ற தலைப்பில் மாணவர்களுக்கு எடுத்துரைத்தார்.
திட்ட அலுவலர் ஹெச்.மணிகண்டன் முன்னிலை வகித்தார். கருத்தரங்கில் துணைத் தேர்வுத் துறைக் கட்டுபாட்டு அதிகாரி ஏ.கணபதி, பேராசிரியர்கள் கே.கிருஷ்ணசாமி , ஆர்.கல்யாணராமன், ஆர்.வள்ளியப்பன், ஏ.வடிவேல், கே.பட்டாபிராமன், திட்ட அலுவலர்கள் ஏ.தெய்வீகன். எம்.ராஜவேலு, நாட்டு நலப்பணித் திட்ட மாணவ, மாணவிகள் உள்படப் பலர் பங்கேற்றனர். திட்ட அலுவலர் எம்.சீனிவாசன் நன்றி கூறினார்.

 

]]>
http://www.dinamani.com/all-editions/edition-villupuram/cuddalore/2017/oct/18/கை-கழுவுதல்-பயன்கள்-குறித்த-கருத்தரங்கு-2791957.html
2791956 விழுப்புரம் கடலூர் நிலவேம்புக் குடிநீர் விநியோகம் DIN DIN Wednesday, October 18, 2017 12:39 AM +0530 சிதம்பரம் நகர தேசிய முற்போக்குத் திராவிடக் கழகம் சார்பில், சிதம்பரம் கஞ்சித்தொட்டி பேருந்து நிறுத்தம் பகுதியில் அண்மையில் நிலவேம்புக் குடிநீர் விநியோகம் செய்யப்பட்டது.
நிகழ்ச்சிக்கு கட்சியின் நகரச் செயலர் சி.க.விஜயகுமார் தலைமை வகித்தார். மாவட்ட அவைத் தலைவர் ஆர்.பாலு பங்கேற்று பொதுமக்களுக்கு நிலவேம்புக் குடிநீரை வழங்கி, தொடக்கிவைத்தார்.
கட்சியின் புவனகிரி முன்னாள் ஒன்றியச் செயலர் ஆர்.பானுசந்தர், மாவட்ட கேப்டன் மன்ற நிர்வாகி துரை.முருகவேல், மாவட்ட தொண்டரணியைச் சேர்ந்த சுரேஷ், மாவட்ட தொழிற்சங்கத் துணைச் செயலர் செல்வராஜ், பழ மண்டி பாலகிருஷ்ணன், நகரத் துணைச் செயலர்கள் ரவி, பாண்டியன், ஐயப்பன், மாவட்ட பிரதிநிதி ப.கணேசன், மணிகண்டன், பா.சுரேஷ் உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/cuddalore/2017/oct/18/நிலவேம்புக்-குடிநீர்-விநியோகம்-2791956.html
2791955 விழுப்புரம் கடலூர் மணல் திருட்டு: 8 லாரிகள் பறிமுதல் DIN DIN Wednesday, October 18, 2017 12:39 AM +0530 உரிய அனுமதியின்றி மணல் ஏற்றி வந்ததாக 8 லாரிகளை வருவாய்த் துறையினர் பறிமுதல் செய்தனர்.
விருத்தாசலம் கோட்டாட்சியர் சந்தோஷ்ணி சந்திரா தலைமையிலான வருவாய்த் துறையினர் கருவேப்பிலங்குறிச்சியில் திங்கள்கிழமை இரவு தீவிர தணிக்கைப் பணியில் ஈடுபட்டிருந்தனர். அப்போது, கள்ளிப்பாடி வெள்ளாற்றிலிருந்து மணல் அள்ளி வந்த 2 லாரிகளின் ஓட்டுநர்களிடம் கோட்டாட்சியர் சந்தோஷ்ணி சந்திரா விசாரணை நடத்தினார்.
இதில், உரிய அனுமதியின்றி மணல் ஏற்றி வந்தது தெரிய வந்தது. இதையடுத்து, 2 லாரிகளையும் அவர் பறிமுதல் செய்தார். விருத்தாசலம் புறவழிச் சாலையில் உரிய அனுமதியின்றி மணல் ஏற்றி வந்த 2 லாரிகளையும் அவர்கள் பறிமுதல் செய்தனர்.
இதேபோல, விருத்தாசலம் வட்டாட்சியர் ரவிச்சந்திரன் தலைமையில், துணை வட்டாட்சியர் முருகன் ஆகியோர் எருமனூர் பாலத்தில் வாகனத் தணிக்கையில் ஈடுபட்டிருந்தனர்.
அப்போது, வெள்ளாற்றிலிருந்து உரிய அனுமதியில்லாமல் மணல் ஏற்றி வந்த 3 லாரிகளைப் பறிமுதல் செய்தனர். சின்னபளூர் கிராமத்தில் மணல் ஏற்றி வந்த ஒரு மினி லாரியையும் அவர்கள் பறிமுதல் செய்தனர்.

 

]]>
http://www.dinamani.com/all-editions/edition-villupuram/cuddalore/2017/oct/18/மணல்-திருட்டு-8-லாரிகள்-பறிமுதல்-2791955.html
2791954 விழுப்புரம் கடலூர் வேளாண் தொழில்நுட்பம் குறித்து கலை நிகழ்ச்சி மூலம் விளக்கம் DIN DIN Wednesday, October 18, 2017 12:38 AM +0530 கலை நிகழ்ச்சி மூலமாக வேளாண் தொழில்நுட்பம் குறித்து விளக்கம் அளிக்கும் நிகழ்ச்சி சி.என்.பாளையத்தில் அண்மையில் நடைபெற்றது.
கடலூர் வட்டார வேளாண் துறை சார்பில், வேளாண் தொழில்நுட்ப மேலாண்மை முகமை மூலம், அத்துறை தொடர்பான தொழில்நுட்ப கருத்துகளை விளக்கும் கலை நிகழ்ச்சி சி.என்.பாளையம் கிராமத்தில் நடைபெற்றது.
கலை நிகழ்சியை மாவட்ட வேளாண் இணை இயக்குநர் ரா.நாட்ராயன் தொடக்கி வைத்தார்.  கலைக் குழுவினர் நடப்பு சம்பா நெல் பயிருக்கு பயிர்க் காப்பீடு செய்ய வேண்டியதன் அவசியம், பிரீமியத் தொகை ஏக்கருக்கு ரூ. 390-ஐ எங்கு செலுத்தலாம் என்பதை வலியுறுத்தினர்.
மேலும், பிரதமர் விவசாய பாசன மேம்பாட்டுத் திட்டத்தின் கீழ், சொட்டு நீர் பாசனம், தெளிப்பு நீர்ப்பாசனம் அமைக்க சிறு, குறு விவசாயிகளுக்கு 100 சதவீத மானியம் வழங்கப்படுவது, இதர விவசாயிகளுக்கு 75 சதவீதம் மானியம் வழங்குவது குறித்தும் விளக்கப்பட்டன.
தொடர்ந்து, மண் மாதிரி ஆய்வு செய்து மண்வள அட்டைப் பெற்று அதன்படி உரமிடுவதால் கிடைக்கும் நன்மைகள் குறித்தும் விளக்கப்பட்டது.
வேளாண் துணை இயக்குநர் (மத்தியத் திட்டம்) நா.கனகசபை, உதவி இயக்குநர் சு.பூவராகன், வேளாண் அலுவலர்கள் விஜயலட்சுமி, தரணிகாமாட்சி, உதவி வேளாண் அலுவலர் விஜயசண்முகம், வட்டார தொழில்நுட்ப மேலாளர் இளங்கோவன் உள்ளிட்டோர் பங்கேற்றனர்.

 

]]>
http://www.dinamani.com/all-editions/edition-villupuram/cuddalore/2017/oct/18/வேளாண்-தொழில்நுட்பம்-குறித்து-கலை-நிகழ்ச்சி-மூலம்-விளக்கம்-2791954.html
2791952 விழுப்புரம் கடலூர் தீபாவளி: இனிப்பு, பட்டாசு, துணிகள் வாங்க குவிந்த மக்கள் DIN DIN Wednesday, October 18, 2017 12:38 AM +0530 தீபாவளி பண்டிகையை முன்னிட்டு இனிப்புகள், பட்டாசுகள், துணிகள் வாங்க கடலூர் கடை வீதிகளில்  பொதுமக்கள் செவ்வாய்க்கிழமை குவிந்ததால் போக்குவரத்து நெரிசல் ஏற்பட்டது.
தீபாவளி பண்டிகை உலகம் முழுவதும் புதன்கிழமை  கோலாகலமாகக் கொண்டாடப்படுகிறது. தீபாவளி பண்டிகைக்கு புத்தாடைகள், இனிப்புகள், பட்டாசுகள் முக்கியமானவையாகும். இந்தப் பொருள்களை வாங்க கடந்த 20 நாள்களுக்கு முன்பிலிருந்தே மக்கள் ஈடுபட்டனர்.
இந்த நிலையில், சனி, ஞாயிற்றுக்கிழமை கடை வீதிகளில் கூட்டம் அலைமோதியது. திங்கள்கிழமை கடலூர் உள்பட மாவட்டம் முழுவதும் பரவலாக மழை பெய்ததால் பொதுமக்கள் கூட்டம் குறைவாக இருந்தது.
இந்த நிலையில், செவ்வாய்க்கிழமை காலை முதலே பட்டாசுக் கடைகள், இனிப்பகங்கள், ஜவுளிக் கடைகளில் மக்கள் கூட்டம் அலைமோதியது.
இதேபோல, மளிகைக் கடைகள், காய்கறிக் கடைகளிலும் கூட்டத்தைக் காண முடிந்தது. பட்டாசுக் கடைகளில் புதிய ரகங்களைத் தேர்வு செய்வதில் மக்கள் அதிக ஆர்வம் காட்டினர். மக்களின் ஆர்வத்துக்கேற்ப 30 சதவீதம் வரையில் தள்ளுபடியில் பட்டாசுகள் விற்பனை செய்யப்பட்டது. பொருள்களை வாங்குவதற்காக அதிக அளவில் மக்கள் குவிந்ததால் கடலூரில் அனைத்துச் சாலைகளிலும் போக்குவரத்து நெரிசல் ஏற்பட்டது. நகரமெங்கும் திரும்பிய பக்கமெல்லாம் மக்கள் கூட்டமாகவே காணப்பட்டது.
பொதுமக்கள் அதிகம் கூடும் லாரன்ஸ் சாலை, திருப்பாதிரிபுலியூர், மஞ்சக்குப்பம், கடலூர் முதுநகர் ஆகிய 4 இடங்களிலும் காவல் துறையினர் கண்காணிப்பு கோபுரம் அமைத்து முக்கியச் சாலைகளைக் கண்காணித்தனர். கடலூர் நகர்ப் பகுதியில் கூடுதலாக 60 ஆயுதப் படை காவலர்கள் பாதுகாப்புப் பணியில் ஈடுபடுத்தப்பட்டிருந்தனர். மேலும், மக்கள் நெருக்கடியால் ஏற்பட்ட போக்குவரத்து நெரிசலைச் சரிசெய்யவும் தேவையான இடங்களில் கூடுதல் காவலர்கள் பணியில் அமர்த்தப்பட்டனர்.
அதேபோல,  வெளியூரைச் சேர்ந்தவர்கள் தீபாவளிக்கு செல்ல தமிழ்நாடு அரசுப் போக்குவரத்து கழகம் சார்பில் 273 சிறப்புப் பேருந்துகள் கடலூர் கோட்டத்துக்கு உள்பட்ட கடலூர், சிதம்பரம், வடலூர், பண்ருட்டி, காட்டுமன்னார்கோவில், திட்டக்குடி ஆகிய போக்குவரத்து பணிமனைகளிலிருந்து இயக்கப்பட்டன.

 

 

]]>
http://www.dinamani.com/all-editions/edition-villupuram/cuddalore/2017/oct/18/தீபாவளி-இனிப்பு-பட்டாசு-துணிகள்-வாங்க-குவிந்த-மக்கள்-2791952.html
2791841 விழுப்புரம் கடலூர் கடலூர் அருகே சென்னை நீதிபதி வீட்டில் நகை, பணம் திருட்டு  கடலூர், DIN Tuesday, October 17, 2017 08:55 AM +0530 கடலூர் அருகே நீதிபதி வீட்டில் நகை, பணம் திருடப்பட்டது தொடர்பாக காவல் துறையினர் விசாரணை நடத்தி வருகின்றனர்.
 கடலூர், உண்ணாமலைச்செட்டி சாவடியைச் சேர்ந்தவர் ரகுமான் (43). சென்னை எழும்பூர் நீதிமன்றத்தில் நீதிபதியாகப் பணியாற்றி வருகிறார். சென்னையில் குடும்பத்துடன் வசித்து வரும் இவர், விடுமுறை நாள்களில் கடலூர் வீட்டுக்கு வந்து செல்வது வழக்கம்.
 இந்த நிலையில், கடந்த 2-ஆம் தேதி வீட்டுக்கு வந்து சென்ற ரகுமான், திங்கள்கிழமை மீண்டும் வீட்டுக்கு வந்து பார்த்த போது, வீட்டின் கதவு உடைக்கப்பட்டிருப்பதைக் கண்டார்.
 வீட்டின் உள்ளே சென்று பார்த்தபோது, பீரோ திறக்கப்பட்டு, பொருள்கள் சிதறிக் கிடந்தன. மேலும், பீரோவில் வைத்திருந்த 2 பவுன் தங்க நகை, வெள்ளிப் பொருள்கள், ரூ. 5 ஆயிரம் ரொக்கம் ஆகியவற்றை மர்ம நபர்கள் திருடிச் சென்றது தெரிய வந்தது.
 இதுகுறித்து நெல்லிக்குப்பம் காவல் நிலையத்துக்கு ரகுமான தகவல் அளித்தார். இதையடுத்து, காவல் துறையினர் அங்கு வந்து விசாரணை நடத்தினர். மேலும், விரல்ரேகை நிபுணர், மோப்ப நாய் வரவழைக்கப்பட்டு தடயங்கள் சேகரிக்கப்பட்டன. இதுகுறித்து காவல் துறையினர் தனிப் படை அமைத்து விசாரணை நடத்தி வருகின்றனர்.
 
 
 

]]>
http://www.dinamani.com/all-editions/edition-villupuram/cuddalore/2017/oct/17/கடலூர்-அருகே-சென்னை-நீதிபதி-வீட்டில்-நகை-பணம்-திருட்டு-2791841.html
2791840 விழுப்புரம் கடலூர் கடலூர் அரசு தலைமை மருத்துவமனைக்கு வெடிகுண்டு மிரட்டல்: போலீஸார் சோதனை  கடலூர், DIN Tuesday, October 17, 2017 08:55 AM +0530 கடலூர் அரசு தலைமை மருத்துவமனைக்கு வெடிகுண்டு மிரட்டல் விடுக்கப்பட்டது தொடர்பாக காவல் துறையினர் திங்கள்கிழமை சோதனை மேற்கொண்டனர்.
 கடலூர் அரசு தலைமை மருத்துவமனைக்கு தினமும் 2 ஆயிரம் பேர் வரை வெளி நோயாளிகளாக சிகிச்சை பெற்றுச் செல்கின்றனர். சுமார் 400 பேர் வரை உள் நோயாளிகளாக சிகிச்சை பெற்று வருகின்றனர்.
 இந்த நிலையில், திங்கள்கிழமை காலை அரசுத் தலைமை மருத்துவமனையின் இணை இயக்குநர் எஸ்.மாதவிக்கு சென்னையிலுள்ள 108 அலுவலகத்திலிருந்து தொலைபேசி அழைப்பு வந்தது. அப்போது, கடலூர் மருத்துவமனையின் தரம் சரியில்லாததால் வெடி குண்டு வைத்திருப்பதாக மர்ம நபர் பேசியது குறித்து தெரிவிக்கப்பட்டது.
 இதையடுத்து, மாவட்டக் காவல் கண்காணிப்பாளர் செ.விஜயகுமாருக்கு தகவல் தெரிவிக்கப்பட்டது. துணைக் கண்காணிப்பாளர் க.நரசிம்மன் தலைமையில் வெடிகுண்டு சோதனை நிபுணர்கள், மூத்த அதிகாரிகள் அரசு மருத்துவமனைக்கு விரைந்தனர்.
 எனினும், அவர்கள் பொதுமக்களை பீதிக்கு உள்ளாக்காத வகையில் வெடிகுண்டு கண்டறியும் கருவிகள் இல்லாமல் சென்றனர்.
 அங்கு, மருத்துவர்களிடம் சந்தேகப்படும்படியான நபர்கள் யாராவது வந்தார்களா என்று விசாரணை நடத்தியதோடு, கண்காணிப்பு கேமராவில் பதிவான காட்சிகளையும் ஆராய்ந்தனர். மேலும், சந்தேகப்படும்படியான இடங்களையும் ஆய்வு செய்தனர்.
 தீவிர ஆய்வுக்குப் பின்னர், வெடிகுண்டு வைத்திருப்பதாக வந்த தகவல் வெறும் புரளி என்பது தெரிய வந்தது.
 மேலும், வெடிகுண்டு வைத்திருப்பதாக தகவல் வந்த செல்லிடப்பேசி எண் குறித்தும் விசாரணை நடத்தி வருகின்றனர்.
 இதுகுறித்து காவல் கண்காணிப்பாளர் செ.விஜயகுமார் கூறியதாவது: கடலூர் அரசு தலைமை மருத்துவமனையில் வெடிகுண்டு வைத்திருப்பதாக வந்த தொலைபேசி மிரட்டலைத் தொடர்ந்து மருத்துவமனையில் ஆய்வு செய்தோம். அப்போது, சந்தேகப்படும்படியான பொருள்கள் ஏதும் கிடைக்கவில்லை. இது வெறும் மிரட்டல் என்பது தெரிய வந்தது. எனினும், தொடர்ந்து மருத்துவமனையைக் கண்காணித்து வருவதோடு, மிரட்டல் விடுத்தவர் குறித்தும் விசாரித்து வருகிறோம் என்றார் அவர்.
 

]]>
http://www.dinamani.com/all-editions/edition-villupuram/cuddalore/2017/oct/17/கடலூர்-அரசு-தலைமை-மருத்துவமனைக்கு-வெடிகுண்டு-மிரட்டல்-போலீஸார்-சோதனை-2791840.html
2791831 விழுப்புரம் கடலூர் தமிழ்நாடு அறிவியல் இயக்க மாவட்ட மாநாடு  நெய்வேலி, DIN Tuesday, October 17, 2017 08:48 AM +0530 தமிழ்நாடு அறிவியல் இயக்கத்தின் கடலூர் மாவட்ட 14-ஆவது மாநாடு, நெய்வேலி நகரம் வட்டம், 18-இல் அமைந்துள்ள ஓபிசி அலுவலக வளாகத்தில் ஞாயிற்றுக்கிழமை நடைபெற்றது.
 மாநாட்டுக்கு மாவட்டத் தலைவர் தாமோதரன் தலைமை வகித்தார். நெய்வேலி நகரச் செயலர் ஆனந்த் பிரசாத் வரவேற்றார். மாநிலச் செயலர் ஸ்டீபன் நாதன் மாநாட்டைத் தொடக்கிவைத்து பேசினார். மாவட்டச் செயலர் செயல்பாட்டு அறிக்கை சமர்பித்தார். 19 பேர் விவாதத்தில் பங்கேற்றனர். மாவட்ட அறிவியல் திருவிழா நடத்த உதவிய கருத்தாளர் நந்த.ராஜேந்திரன், கவிஞர் நீலமேகம் ஆகியோரை பாராட்டி பரிசுகள் வழங்கப்பட்டன.
 மாநாட்டில், கடலூர் மாவட்ட அளவில் நடைபெற்ற அறிவியல் திருவிழா நிகழ்ச்சி, அறிவியல் வளர்ச்சிக்குத் தொடர்ந்து ஊக்குவித்து வரும் என்எல்சி நிறுவனத்தை பாராட்டுவது, தமிழக அரசு டெங்கு காய்ச்சல் பரவுவதைத் தடுக்க விரைந்து நடவடிக்கை எடுக்க வேண்டும். எதிர் வரும் மழை காலத்தில் பாதிப்பு ஏற்படாமல் இருக்க முன்னெச்சரிக்கை நடவடிக்கை எடுக்க வேண்டும். என்எல்சி நிறுவனம் உதவியுடன் நெய்வேலியில் அறிவியல் மையம் அமைக்க நடவடிக்கை எடுக்க வேண்டும். கடலூர், நாகை, திருவாரூர் உள்ளிட்ட மாவட்டங்களின் கடற்கரையோரம் உருவாக உள்ள பெட்ரோலிய மண்டலங்களின் நன்மை, தீமைகளை விளக்கி கருத்தரங்கம் நடத்த வேண்டும். நவம்பர் 5-இல் கடலூரில் புதிய மாவட்ட அலுவலகம் தொடங்க வேண்டும். துளிர் திறனறிதல் தேர்வில் 6 முதல் 12 வகுப்பு வரை 3,000 மாணவர்களைத் தேர்வு எழுதவைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. என்எல்சி நிறுவன நிதித் துறை முதன்மைப் பொது மேலாளரும், அறிவியல் இயக்கத்தின் புரவலருமான மதிவாணன் வாழ்த்தி பேசினார்.
 புதிய நிர்வாகிகள் தேர்வு: மாநாட்டில் அடுத்த இரண்டு ஆண்டுகளுக்கான புதிய தலைவராக ராமமூர்த்தி, செயலராக தாமோதரன், பொருளாளராக ஜெய்வீரன், துணைத் தலைவர்களாக விக்டர் ஜெயசீலன், சுப்ரமணியன், பெஞ்சமின், உதயேந்திரன், துணைச் செயலர்களாக மோகன், பேபிமாலா, ரமேஷ், விஜயகுமார், ஒருங்கிணைப்பாளர்களாக தாமரை செல்வி, பாலகுருநாதன், ராணி, ஜெயவேலு, சிகாமணி, ஷகிலா, பீட்டர் உள்ளிட்ட 18 பேர் கொண்ட செயற்குழு உறுப்பினர்கள் தேர்வு செய்யப்பட்டனர்.
 மாநிலஏஈ பொதுச் செயலர் அமலராஜன் புதிய நிர்வாகிகளை அறிமுகம் செய்துவைத்து, மாநாட்டு நிறைவுரையாற்றினார். நெய்வேலி செயற்குழு உறுப்பினர் வெற்றிவேல் நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2017/oct/17/தமிழ்நாடு-அறிவியல்-இயக்க-மாவட்ட-மாநாடு-2791831.html
2791830 விழுப்புரம் கடலூர் நெல் பயிரில் கருப்பு நாவாய் பூச்சி மேலாண்மை  நெய்வேலி, DIN Tuesday, October 17, 2017 08:39 AM +0530 அண்ணா கிராமம் வட்டாரத்தில் நெல் பயிரில் கருப்பு நாவாய் பூச்சியின் தாக்குதலைக் கட்டுப்படுத்துவது குறித்து ஆலோசனை தெரிவிக்கப்பட்டுள்ளது.
 இதுகுறித்து அண்ணா கிராமம் வேளாண் உதவி இயக்குநர் ஜெ.மல்லிகா வெளியிட்ட செய்திக் குறிப்பு: அண்ணா கிராமம் வட்டாரத்தில் நடப்பு பருவத்தில் சம்பா சாகுபடி செய்யப்பட்டுள்ளது. அவியனூர், பைத்தாம்பாடி, அதை சுற்றியுள்ள கிராமங்களில் பயிரிடப்பட்ட நெல் பயிரில் கருப்பு நாவாய் பூச்சித் தாக்குதல் தென்படுகிறது.
 இந்தப் பூச்சிகள் பகலில் நெல் பயிரின் அடித் தண்டுகளிலும், வரப்பின் உள்ள களைகளிலும் தங்கும். மாலை நேரத்தில் நெல் பயிரின் மேலே சென்று சாற்றை உறிஞ்சும். ஒரே ரகத்தை அதிக பரப்பளவில் பயிரிடும் போது இந்தப் பூச்சியின் தாக்குதல் அதிகமாகும்.
 கருப்பு நாவாய் பூச்சி மேலாண்மை: நெல் பயிரில் நீரை 2 அங்குலம் வரை தேக்கி, அடிப் பகுதியின் தண்டின் மேல் இடப்பட்ட பூச்சியின் முட்டைகளை அழிக்கலாம். தழைச் சத்து உரம் அதிகம் இடுவதைத் தவிர்க்க வேண்டும். விளக்குப் பொறி வைத்தும் அழிக்கலாம். குறிப்பாக, பெüர்ணமிக்கு முன், பின் 5 நாள்கள் வைத்தால் அதிகளவு கருப்பு நாவாய் பூச்சிகளை அழிக்கலாம். புரோபனோபாஸ் 50 இசி 400 மிலி ஏக்கருக்கு அல்லது டிரைஅசோபாஸ் 400 மிலி ஏக்கருக்கு அல்லது புப்ரோபெசின் 400 மிலி ஏக்கருக்கு இதில் ஏதேனும் ஒரு மருந்தைத் தெளித்தும் கட்டுப்படுத்தலாம்.
 விவசாயிகள் பூச்சியின் தாக்குதலைக் கண்காணித்து உரிய பயிர் பாதுகாப்பு முறைகளை உடனடியாக மேற்கொள்ள வேண்டும் என தெரிவித்துள்ளார்.

]]>
http://www.dinamani.com/all-editions/edition-villupuram/cuddalore/2017/oct/17/நெல்-பயிரில்-கருப்பு-நாவாய்-பூச்சி-மேலாண்மை-2791830.html
2791829 விழுப்புரம் கடலூர் நூல் வெளியீட்டு விழா  கடலூர், DIN Tuesday, October 17, 2017 08:38 AM +0530 கருப்புச் சொற்கள் கலை இலக்கியப் பாசறை சார்பில், "மானம் மானுடம் பெரியார்' என்ற நூல் வெளியீட்டு விழா ஞாயிற்றுக்கிழமை நடைபெற்றது.
 பாசறையின் புரவலர் அ.இளங்கோவன் தலைமை வகித்தார். சட்டப்பேரவை முன்னாள் உறுப்பினர் குழந்தை தமிழரசன், மாநில மதிமுக அமைப்புச் செயலர் ஆ.வந்தியத்தேவன், திராவிடர் கழகத்தின் மாவட்டச் செயலர் முத்து.கதிரவன், மாவட்ட திமுக இளைஞரணி அமைப்பாளர் எம்.எஸ்.கணேஷ்குமார் ஆகியோர் வாழ்த்துரை வழங்கினர்.
 கவிஞர் கரிகாலன் நூலை வெளிட்டு உரையாற்றினார்.
 மாவட்ட திமுக மாணவரணி துணை அமைப்பாளர் எம்.கே.அருள்குமார் நூலை பெற்றுக்கொண்டார். எழுத்தாளர் இமையம் ஆய்வுரை வழங்கினார்.
 திராவிடர் கழக செயலவைத் தலைவரும், நூல் ஆசிரியருமான சு.அறிவுக்கரசு ஏற்புரை வழங்கினார்.
 முன்னதாக பாசறை தலைவர் த.சீ.இளந்திரையன் வரவேற்றார். இ.இளங்கனி நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2017/oct/17/நூல்-வெளியீட்டு-விழா-2791829.html
2791827 விழுப்புரம் கடலூர் "மாற்றுத் திறனாளிகளை அவமதித்த வங்கி மேலாளர் மீது நடவடிக்கை தேவை'  கடலூர், DIN Tuesday, October 17, 2017 08:38 AM +0530 மாற்றுத் திறனாளிகளை அவமதித்ததாகக் கூறப்படும் வங்கி மேலாளர் மீது நடவடிக்கை எடுக்க வேண்டும் என மாற்றுத் திறனாளிகள் லட்சிய முன்னேற்றச் சங்கத்தினர் மாவட்ட ஆட்சியர் மு.வடநேரேவிடம் மனு அளித்தனர்.
 அந்தச் சங்கத்தின் மாவட்டப் பொதுச் செயலர் பொன்.சண்முகம், வேப்பூர் வட்டத் தலைவர் ஆர்.பெரியசாமி, மாவட்டத் துணைச் செயலர் எம்.பச்சைமுத்து ஆகியோர் மாவட்ட ஆட்சியர் பிரசாந்த் மு.வடநேரேவிடம் திங்கள்கிழûம் அளித்த மனுவின் விவரம்: வேப்பூரிலுள்ள அரசுடமையாக்கப்பட்ட வங்கியில் தொழில் தொடங்குவதற்காக மாற்றுத் திறனாளிகள் 32 பேர் மனு அளித்திருந்தோம். கடந்த ஜனவரி மாதம் கொடுக்கப்பட்ட மனுவின் மீது அப்போதைய வங்கி மேலாளர் பரிசீலித்து கடன் வழங்குவதாகக் கூறினார்.
 தற்போதுள்ள வங்கி மேலாளரை அணுகிய போது, கடன் தர மறுப்பதோடு, ஊனம் குறித்து தவறாகப் பேசி வருகிறார். மாற்றுத் திறனாளிகளுக்கு கடன் கொடுத்தால் திரும்பப் பெற முடியாது என ஊனத்தைக் கேலியாகச் சித்தரித்து மாவட்ட முன்னோடி வங்கி மேலாளருக்கு கடிதம் எழுதியுள்ளார்.
 அரசின் திட்டங்களைச் செயல்படுத்த வேண்டிய வங்கி மேலாளர், இவ்வாறு மாற்றுத் திறனாளிகளை கேலி செய்திருப்பது கண்டனத்துக்குரியது. எனவே, அவர் மீது உரிய நடவடிக்கை எடுக்க வேண்டும்.

]]>
http://www.dinamani.com/all-editions/edition-villupuram/cuddalore/2017/oct/17/மாற்றுத்-திறனாளிகளை-அவமதித்த-வங்கி-மேலாளர்-மீது-நடவடிக்கை-தேவை-2791827.html
2791826 விழுப்புரம் கடலூர் மண்டல அளவிலான கையுந்துப் பந்து போட்டி  சிதம்பரம், DIN Tuesday, October 17, 2017 08:38 AM +0530 சிதம்பரம் ஆறுமுக நாவலர் அறக்கட்டளை, ஆறுமுக நாவலர் பள்ளி ஆகியவை சார்பில், மண்டல அளவிலான கையுந்துப் பந்து போட்டி (வாலிபால்) பள்ளி விளையாட்டுத் திடலில் ஞாயிற்றுக்கிழமை நடைபெற்றது.
 இந்தப் போட்டியில் சிதம்பரம் பகுதியில் உள்ள 10 பள்ளிகளைச் சேர்ந்த மாணவர்கள் பங்கேற்றனர். பள்ளி அறங்காவலர் எஸ்.அருள்மொழிச்செல்வன் வரவேற்றார். போட்டியை ரோட்டரி சங்கத்தின் முன்னாள் தலைவர் டி.ஜெயராமன் தொடக்கி வைத்தார். போட்டிகளில் ஆண்டார்முள்ளிப்பள்ளம் பள்ளி மாணவர்கள் முதல் பரிசை வென்றனர். ஆறுமுக நாவலர் பள்ளி மாணவர்கள் இரண்டாம் பரிசை வென்றனர்.
 தொடர்ந்து நடைபெற்ற பரிசளிப்பு விழாவில் அண்ணாமலைப் பல்கலைக்கழக உடற்கல்வித் துறை பேராசிரியர் எஸ்.செந்தில்வேலன் கலந்து கொண்டு, வெற்றி பெற்ற மாணவர்களுக்கு பரிசு மற்றும் கோப்பையை வழங்கிப் பாராட்டினார். உடற்கல்வித் துறை ஆசிரியர்கள் ராஜமாணிக்கம், சீனுவாசன், ராஜ்குமார், சண்முகநாதன், மகேந்திரன், ராமர், வாசு, பள்ளி ஆசிரியர்கள் பங்கேற்றனர். உடற்கல்வி ஆசிரியர் எஸ்.எத்திராஜன் நன்றி கூறினார்.
 
 

]]>
http://www.dinamani.com/all-editions/edition-villupuram/cuddalore/2017/oct/17/மண்டல-அளவிலான-கையுந்துப்-பந்து-போட்டி-2791826.html
2791825 விழுப்புரம் கடலூர் விபத்தில்லா தீபாவளி கொண்டாட்டம்: ஆட்சியர் வலியுறுத்தல்  கடலூர், DIN Tuesday, October 17, 2017 08:37 AM +0530 தீபாவளி பண்டிகையை விபத்தில்லாமல் கொண்டாடுமாறு மாவட்ட ஆட்சியர் பிரசாந்த் மு.வடநேரே கேட்டுக் கொண்டார்.
 மாவட்டத்தில் பட்டாசுக் கடைகளை முறையான உரிமம் பெற்ற பின்னரே வைக்க வேண்டும் எனவும், உரிமம் பெறாமல் பட்டாசுக் கடைகள் வைத்திருப்பதும், மேலும், தள்ளு வண்டிகளில் பட்டாசுகளை விற்பனை செய்வதும், கள்ளத் தனமாக சீனப் பட்டாசுகளை வைத்திருப்பதும், அதனை விற்பனை செய்வதும் குற்றமாகும்.
 பட்டாசுக் கடைகளில் தேவையான அனைத்து தீயணைப்புப் பாதுகாப்பு உபகரணங்களையும் தயார் நிலையில் வைத்திருக்க வேண்டும். உரிமம் பெறப்பட்ட இடத்தைத் தவிர சாலைகளிலோ, பொதுமக்கள் நடை பாதைகளிலோ, பொதுமக்கள் அதிகளவில் கூடும் இடங்களிலோ கடைகளை வைக்கக் கூடாது.
 விதிமீறுவோர்களின் உரிமம் ரத்து செய்யப்படுவதுடன் குற்றவியல் நடவடிக்கை எடுக்கப்படும்.
 பொதுமக்கள் தீபாவளி பண்டிகையைப் பாதுகாப்பான முறையில் கொண்டாட வேண்டும். வீடுகளில் குழந்தைகள், சிறுவர்கள் வெடிபொருள்களை விபத்தின்றி கையாள்வதை பெற்றோர் கண்காணிக்க வேண்டும். பட்டாசுகளைக் கொளுத்தும் போது, தண்ணீர் நிரப்பிய வாளிகள், மணல் வாளிகள் போன்றவற்றை அருகில் தயார் நிலையில் வைத்து கொள்ள வேண்டும் என்று அவர் வலியுறுத்தியுள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/17/விபத்தில்லா-தீபாவளி-கொண்டாட்டம்-ஆட்சியர்-வலியுறுத்தல்-2791825.html
2791824 விழுப்புரம் கடலூர் என்எல்சி தொழிலாளர் பணியிடத்தில் விசாரணை நடத்தக் கோரிக்கை  நெய்வேலி, DIN Tuesday, October 17, 2017 08:37 AM +0530 என்எல்சி இந்தியா நிறுவனத்தில் விசாரணை நடத்தி வரும் தொழிலாளர் அமலாக்கப் பிரிவு அதிகாரிகள், தொழிலாளர்கள் பணி செய்யும் இடத்தில் நேரடியாகச் சென்று விசாரணை நடத்த வேண்டும் என ஏஐடியுசி கோரிக்கை விடுத்தது.
 இதுகுறித்து மாவட்ட ஏஐடியுசி பொதுச் செயலர் எம்.சேகர் வெளியிட்ட செய்திக் குறிப்பு: ஜீவா ஒப்பந்தத் தொழிலாளர்களின் போராட்டத்தின் எதிரொலியாக, திங்கள்கிழமை என்எல்சியில் மத்தியத் தொழிலாளர் அமலாக்கப் பிரிவு அதிகாரிகள் ஒப்பந்தத் தொழிலாளர்களின் குறைந்தபட்ச ஊதியம், செட்டில்மெண்ட் படி, கூடுதல் ஊதியம் வழங்குவது குறித்து என்எல்சியின் அனைத்துப் பகுதிகளிலும் சென்று ஆய்வு செய்து வருகின்றனர்.
 ஆனால், விசாரணையில் நிர்வாகத்துக்கு ஆதரவான ஒப்பந்ததார்கள், மேற்பார்வையாளர்கள், விவரமில்லா தொழிலாளர்களிடம் மட்டுமே அதிகாரிகள் விசாரிக்கின்றனர். இது நியாயமானதல்ல.
 என்எல்சி அதிகாரிகளின் முன்னிலையில் , தொழிற்சங்க நிர்வாகிகளை அனுமதிக்காமல், தொழிலாளர்களை விசாரிப்பது சரியான முறையாகாது. இந்த விசாரணை குறைந்தபட்ச ஊதியத்தை மூடி மறைக்கவே உதவும்.
 எனவே, என்எல்சியில் ஆய்வு நடத்தி வரும் அமலாக்கப் பிரிவு அதிகாரிகளை நேரிடையாக தொழிலாளர்கள் பணி செய்யும் இடத்துக்கே சென்று விசாரணை நடத்தி அறிக்கை அனுப்ப மத்தியத் தொழிலாளர் துணை ஆணையர் உடனடியாக ஆணை பிறப்பிக்க வேண்டும் என அந்தச் செய்திக் குறிப்பில் கூறப்பட்டுள்ளது.
 
 

]]>
http://www.dinamani.com/all-editions/edition-villupuram/cuddalore/2017/oct/17/என்எல்சி-தொழிலாளர்-பணியிடத்தில்-விசாரணை-நடத்தக்-கோரிக்கை-2791824.html
2791823 விழுப்புரம் கடலூர் குறைதீர் கூட்டம்: 317 மனுக்கள் அளிப்பு  கடலூர், DIN Tuesday, October 17, 2017 08:36 AM +0530 கடலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற பொதுமக்கள் குறைதீர் நாள் கூட்டத்தில் 317 மனுக்கள் வரப் பெற்றன.
 மாவட்ட ஆட்சியர் அலுவலகக் கூட்டரங்கில் நடைபெற்ற கூட்டத்துக்கு ஆட்சியர் பிரசாந்த் மு.வடநேரே தலைமை வகித்து, பொதுமக்களிடமிருந்து பல்வேறு கோரிக்கைகள் அடங்கிய மனுக்களைப் பெற்றுக் கொண்டார்.
 கூட்டத்தில் குடும்ப அட்டை, முதியோர் உதவித் தொகை உள்ளிட்ட தனிப்பட்ட கோரிக்கைகள் தொடர்பாகவும், பல்வேறு பொது பிரச்னைகள் தொடர்பாகவும் 317 மனுக்கள் அளிக்கப்பட்டன.
 மாற்றுத் திறனாளிகளுக்கென மனுக்கள் பெறுவதற்காக ஒதுக்கப்பட்ட இடத்துக்கு நேரில் சென்று மனுக்களை மாவட்ட ஆட்சியர் பெற்றுக் கொண்டார். பெறப்பட்ட மனுக்களைத் தீர ஆராய்ந்தும், கள ஆய்வு செய்தும், விதிமுறைகளுக்கு உள்பட்டும் விரைந்து நடவடிக்கை மேற்கொள்ள வேண்டும் என துறை அலுவலர்களுக்கு ஆட்சியர் உத்தரவிட்டார்.
 கூட்டத்தில், படை வீரர்களின் குழந்தைகளான கடலூர் வன்னியர்பாளையம் துர்கா, சிதம்பரம் ஆர்.கீதன் ஆகியோருக்கு ஊக்கப் பரிசுத் தொகையும், பிற்படுத்தப்பட்டோர் நலத் துறை சார்பில், முஸ்லிம் மகளிர் உதவி சங்கம் மூலம் 7 பேருக்கு தலா ரூ. 4,800 விதவை உதவித் தொகையையும் மாவட்ட ஆட்சியர் பிரசாந்த் மு.வடநேரே வழங்கினார்.
 மாவட்ட வருவாய் அலுவலர் கோ.விஜயா, தனித் துணை ஆட்சியர் (முத்திரைத் தாள்) சேதுராமன், மாவட்ட வழங்கல் அலுவலர் தினேஷ் உள்பட அனைத்துத் துறை அலுவலர்கள் கலந்து கொண்டனர்.

]]>
http://www.dinamani.com/all-editions/edition-villupuram/cuddalore/2017/oct/17/குறைதீர்-கூட்டம்-317-மனுக்கள்-அளிப்பு-2791823.html
2791822 விழுப்புரம் கடலூர் மழை வெள்ளத்தால் குடிசைகள் மூழ்கும் அபாயம்: மாற்று இடம் கோரி பழங்குடியினர் மனு  கடலூர், DIN Tuesday, October 17, 2017 08:36 AM +0530 மழை வெள்ளத்தால் குடிசைகள் மூழ்கும் அபாயம் ஏற்பட்டுள்ளதால் மாற்று இடம் வழங்கக் கோரி, இருளர் இனத்தினர் மாவட்ட ஆட்சியர் பிரசாந்த் மு.வடநேரேவிடம் திங்கள்கிழமை மனு அளித்தனர்.
 கடலூரில் மாவட்ட ஆட்சியர் அலுவலக்தில் மக்கள் குறைதீர் நாள் கூட்டம் திங்கள்கிழமை நடைபெற்றது. இந்தக் கூட்டத்தில், கடலூர் ஒன்றியம், புதுக்கடை ஊராட்சிக்கு உபட்ட வடபுரம்கீழ்பாதி இருளர் நகரைச் சேர்ந்த வே.சுந்தரமூர்த்தி, சி.வெங்கடேசன், சண்முகம் உள்ளிட்ட பழங்குடியினர் ஆட்சியர் பிரசாந்த் மு.வடநேரேவிடம் கோரிக்கை மனு அளித்தனர்.
 அந்த மனுவில் கூறியுள்ளதாவது: புதுக்கடை ஊராட்சி பகுதியில் உள்ள தாங்கல் ஏரியை ஒட்டிய தாழ்வான பகுதியில் இருளர் நகர் அமைந்துள்ளது. அங்கு, பத்தாண்டுகளுக்கு மேலாக 25 இருளர் குடும்பத்தினர் வசித்து வருகின்றனர். ஒவ்வோர் ஆண்டும் மழை வெள்ளத்தின் போதும் எங்கள் குடிசைகள் மூழ்கி விடும். அப்போதெல்லாம் அங்கிருந்து உயிர் தப்பி அருகில் உள்ள காலனி பகுதியில் தஞ்சம் அடைவது வழக்கம். இதனால், மழை காலத்திலும் பெரும் இழப்புகளைச் சந்தித்து வருகிறோம்.
 இதுபோன்ற பாதுகாப்பற்ற சூழலில் வாழந்து வரும் எங்களுக்கு மேடான பகுதியில் வீட்டுமனைப் பட்டா வழங்கி, வீடுகள் கட்டித் தருமாறு தொடர்ந்து பத்தாண்டுகளாக மாவட்ட நிர்வாகத்திடமும், தமிழக அரசிடம் கோரிக்கை விடுத்து வருகிறோம். ஆனாலும், இதுவரையில் எங்கள் கோரிக்கை நிறைவேற்றப்படாமல் உள்ளது.
 அருகிலேயே மேடான பகுதியில் அரசுக்குச் சொந்தமான தோப்பு புறம்போக்கு நிலம் உள்ளது. அந்த இடத்தில் 25 இருளர் குடும்பங்களுக்கும் வீட்டுமனைப் பட்டா வழங்கலாம் என புதுக்கடை ஊராட்சி கிராம சபை கூட்டத்தில் தீர்மானமும் நிறைவேற்றப்பட்டுள்ளது. மனைப்பட்டா வழங்குவதற்குரிய வாய்ப்புகள் இருந்தும் கோரிக்கை நிறைவேற்றப்படாமல் உள்ளது.
 எதிர்வரும் மழை வெள்ள காலத்தில் குடிசைகள் மூழ்கும் அபாயம் உள்ளதால், புறம்போக்கு இடத்தில் மனைப்பட்டா வழங்கி, வீடுகள் கட்டித் தர வேண்டும் என மனுவில் குறிப்பிட்டிருந்தனர்.

]]>
http://www.dinamani.com/all-editions/edition-villupuram/cuddalore/2017/oct/17/மழை-வெள்ளத்தால்-குடிசைகள்-மூழ்கும்-அபாயம்-மாற்று-இடம்-கோரி-பழங்குடியினர்-மனு-2791822.html
2791811 விழுப்புரம் கடலூர் உடல் தானம்  சிதம்பரம், DIN Tuesday, October 17, 2017 08:29 AM +0530 குறிஞ்சிப்பாடியில் இறந்த மூதாட்டியின் உடல் ஞாயிற்றுக்கிழமை தானமாகத் தரப்பட்டது.
 கடலூர் மாவட்டம், குறிஞ்சிப்பாடியைச் சேர்ந்த சின்னம்மாள் (86) காலமானார். இவரது உடல் சிதம்பரம் தன்னார்வ ரத்த தானக் கழகம் சார்பில், தானமாகப் பெறப்பட்டு மாணவர்களின் மருத்துவ ஆய்வுக்காக புதுச்சேரி மகாத்மா காந்தி மருத்துவக் கல்லூரி மருத்துவமனைக்கு அனுப்பி வைக்கப்பட்டது.
 இதற்கான ஏற்பாடுகளை ரத்த தானக் கழகத் தலைவர் எஸ்.ராமச்சந்திர், நிர்வாகி இந்திரஜித், திராவிடர் கழகத்தின் மாநிலப் பொதுச் செயலர் துரை.சந்திரசேகரன், வேல்முருகன், ராஜேந்திரன், மகேந்திரன், கோடியம்மை, ஓய்.ராஜாசிதம்பரம், செங்குட்டுவன் ஆகியோர் செய்தனர்.
 
 
 

]]>
http://www.dinamani.com/all-editions/edition-villupuram/cuddalore/2017/oct/17/உடல்-தானம்-2791811.html
2791810 விழுப்புரம் கடலூர் 20 ஆண்டுகளாக இருளில் வசிக்கும் மக்கள்: மாவட்ட ஆட்சியரிடம் மனு  கடலூர், DIN Tuesday, October 17, 2017 08:29 AM +0530 பண்ருட்டி அருகே உள்ள வரிஞ்சிப்பாக்கத்தில் கடந்த 20 ஆண்டுகளாக மின்சார வசதியில்லாமல் இருளில் வசித்து வருவதாக மாவட்ட ஆட்சியரிடம் அந்தப் பகுதியினர் திங்கள்கிழமை மனு அளித்தனர்.
 கடலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற பொதுமக்கள் குறைதீர் நாள் கூட்டத்தில், பண்ருட்டி அருகே உள்ள கட்டமுத்து ஊராட்சிக்கு உள்பட்ட வரிஞ்சிப்பாக்கம் பூண்டிகாந்தி நகரைச் சேர்ந்தவர்கள் மனு அளித்த மனுவில் கூறியிருப்பதாவது:
 பூண்டி காந்தி நகரில் 150 குடும்பத்தினர் வசித்து வருகின்றனர். இங்குள்ள 30 குடும்பத்தினரின் வீடுகளுக்கு மட்டும் இன்னும் மின் இணைப்பு வழங்கப்படவில்லை. இதனால், அவர்கள் கடந்த 20 ஆண்டுகளுக்கு மேலாக மின்சார வசதி இன்றி, இருளில் வசித்து வருகின்றனர்.
 இரவு நேரங்களில் மண்ணெண்ணெய் விளக்கின் வெளிச்சத்தில் வாழ்ந்து வருகிறோம். இதனால் மாணவர்கள் இரவில் படிக்க முடியாத நிலை ஏற்பட்டுள்ளது. மேலும், இரவு நேரத்தில் விஷ பூச்சிகள், பாம்புகள் நடமாட்டமும் அச்சுறுத்துகிறது. இந்தப் பகுதியில் உள்ள பாலமுருகன் கோயிலும் மின்சார வசதியின்றி இருண்டு கிடக்கிறது. இந்தப் பகுதியானது ரயில்வே துறைக்குச் சொந்தமானது என்பதால் மின் இணைப்புத் தர மறுக்கப்படுகிறது.
 எனவே, மின் வசதியின்றி பாதிக்கப்பட்ட மக்களுக்கு உடனடியாக மின்சார வசதியை ஏற்படுத்தித் தர வேண்டும் என அந்த மனுவில் கோரப்பட்டுள்ளது.

]]>
http://www.dinamani.com/all-editions/edition-villupuram/cuddalore/2017/oct/17/20-ஆண்டுகளாக-இருளில்-வசிக்கும்-மக்கள்-மாவட்ட-ஆட்சியரிடம்-மனு-2791810.html
2791809 விழுப்புரம் கடலூர் மார்க்சிஸ்ட் கம்யூனிஸ்ட் கிளை மாநாடு  நெய்வேலி, DIN Tuesday, October 17, 2017 08:28 AM +0530 மார்க்சிஸ்ட் கம்யூனிஸ்ட் கட்சியின் அண்ணா கிராமம் ஒன்றியம், திருத்துறையூர் கிளை மாநாடு ஞாயிற்றுக்கிழமை நடைபெற்றது.
 மாநாட்டுக்கு அந்தக் கட்சியைச் சேர்ந்த முருகன் தலைமை வகித்தார். கிளைச் செயலர் ஆர்.கமலக்கண்ணன் அறிக்கை சமர்ப்பித்தார். மாநாட்டை ஒன்றியச் செயலர் ஆர்.லோகநாதன் தொடக்கி வைத்தார்.
 கட்சியின் மாவட்டக் குழு உறுப்பினர் டி.கிருஷ்ணன் வாழ்த்திப் பேசினார். மாவட்டச் செயற்குழு உறுப்பினர் வி.உதயக்குமார் நிறைவுரையாற்றினார்.
 இதைத் தொடர்ந்து, புதிய கிளைச் செயலராக கே.முருகன் தேர்வு செய்யப்பட்டார்.
 மாநாட்டில், சுடுகாட்டுக்கு தார்சாலை, சுற்றுச் சுவர், கைப்பம்பு, மின் விளக்குகள் அமைக்க வேண்டும். திருத்துறையூர் ஆற்றுத் தெருவில் பல ஆண்டுகளாக குடியிருக்கும் மக்களுக்கு மின் இணைப்புகள் வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றபட்டன.
 
 

]]>
http://www.dinamani.com/all-editions/edition-villupuram/cuddalore/2017/oct/17/மார்க்சிஸ்ட்-கம்யூனிஸ்ட்-கிளை-மாநாடு-2791809.html
2791808 விழுப்புரம் கடலூர் பருவமழை முன்னேற்பாடுகள் குறித்த ஆய்வுக் கூட்டம்  கடலூர், DIN Tuesday, October 17, 2017 08:28 AM +0530 கடலூர் மாவட்டத்தில் வடகிழக்குப் பருவமழையை முன்னிட்டு, மேற்கொள்ளப்பட வேண்டிய முன்னேற்பாடுகள் தொடர்பான ஆய்வுக் கூட்டம் திங்கள்கிழமை நடைபெற்றது.
 கடலூர் மாவட்டம் வடகிழக்குப் பருவ மழையை அதிகம் பெறும் மாவட்டமாகும். இதனால் பாதிப்புகளும் அதிகமாகும். பருவ மழை விரைவில் பெய்யும் என எதிர்பார்க்கப்பட்ட நிலையில், தற்போது மழை பெய்து வருகிறது. இதைத் தொடர்ந்து, மாவட்டத்தில் மேற்கொள்ளப்பட வேண்டிய முன்னெச்சரிக்கை நடவடிக்கைகள் குறித்து அனைத்துத் துறை அலுவலர்களுடான ஆய்வுக் கூட்டம் மாவட்ட ஆட்சியர் அலுவலகத்தில் ஆட்சியர் பிரசாந்த் மு.வடநேரே தலைமையில் திங்கள்கிழமை மாலை நடைபெற்றது.
 இந்தக் கூட்டத்தில் தற்போது தென்பெண்ணை ஆற்றில் வெள்ளப் பெருக்கு ஏற்பட்டுள்ளதால், கரையோரப் பகுதிகளை ஆய்வு செய்து, பலவீனமான பகுதிகளில் சீரமைப்புப் பணிகளை மேற்கொள்ள வேண்டும் என மாவட்ட ஆட்சியர்
 அறிவுறுத்தினார்.
 மேலும், நீர் வரத்துக் கால்வாய்களைப் பராமரித்தல், ஆபத்தான நேரத்தில் பொதுமக்களை பாதுகாப்பான இடங்களில் தங்க வைக்க வேண்டிய இடங்களைத் தேர்வு செய்து, அங்கு தேவையான வசதிகள் செய்வது குறித்து துறை அலுவலர்கள் ஆய்வு நடத்த உத்தரவிட்டார்.
 கூட்டத்தில் கடந்த ஜூலை மாதம் வீசிய பலத்த காற்றில் மரம் விழுந்து உயிரிழந்த பண்ருட்டியைச் சேர்ந்த சரண்ராஜ் குடும்பத்தினருக்கு பேரிடர் நிவாரண நிதியிலிருந்து ரூ. 4 லட்சம் வழங்கினார்.
 மேலும், சர்வதேச பேரிடர் குறைப்பு தினம் தொடர்பாக நடைபெற்ற ஓவியம், கட்டுரை, பேச்சுப் போட்டிகளில் வெற்றி பெற்ற மாணவ, மாணவிகளுக்கு பாராட்டுச் சான்றிதழ்களை ஆட்சியர் வழங்கினார். மாவட்ட வருவாய் அலுவலர் கோ.விஜயா, சார் ஆட்சியர் ஜானிடாம் வர்க்கீஸ், மாவட்ட ஊரக வளர்ச்சி முகமைத் திட்ட இயக்குநர் பெ.ஆனந்த்ராஜ் உள்பட அனைத்துத் துறை அரசு அலுவலர்கள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2017/oct/17/பருவமழை-முன்னேற்பாடுகள்-குறித்த-ஆய்வுக்-கூட்டம்-2791808.html
2791807 விழுப்புரம் கடலூர் அரசு ஊழியர்களின் ஊதிய உயர்வுக்கு வரவேற்பு  கடலூர், DIN Tuesday, October 17, 2017 08:28 AM +0530 தமிழக அரசு ஊழியர்களின் ஊதிய உயர்வுக்கு பகுதி நேர ஆசிரியர்கள் கூட்டமைப்பு வரவேற்பு தெரிவித்துள்ளது.
 தமிழக அரசு 7}ஆவது ஊதியக் குழு பரிந்துரையை இந்த மாதம் அமல்படுத்தி உள்ளது. இதில் அரசு ஊழியர்கள், ஆசிரியர்கள், ஓய்வூதியம் பெறுவோர் மற்றும் சிறப்பு காலமுறை ஊதியத்தில் உள்ளவர்களுக்கு ஊதிய அட்டவணைப்படி அடிப்படை ஊதியம் மற்றும் தரஊதியம் உயர்த்தப்பட்டுள்ளது. இந்த ஊதிய உயர்வை 6 ஆண்டுகளாகப் பணிபுரிந்துவரும் பகுதிநேர ஆசிரியர்கள் வரவேற்பதாக,
 பகுதிநேர ஆசிரியர்கள் கூட்டமைப்பின் மாநில ஒருங்கிணைப்பாளர் செந்தில்குமார் தெரிவித்தார். இதுதொடர்பாக அவர் தமிழக முதல்வருக்கு அனுப்பிய கடிதம்: 2012}ஆம் ஆண்டில் பள்ளிக் கல்வித் துறை, அனைவருக்கும் கல்வி இயக்கம் மூலம் தொகுப்பூதியத்தில் பணியமர்த்தப்பட்ட 16,549 பகுதி நேர ஆசிரியர்களும் தற்போதைய ஊதிய உயர்வால் பயனடைந்துள்ளனர்.
 போராட்டங்களின்போது அரசின் உத்தரவை ஏற்று பள்ளிகளை பகுதிநேர ஆசிரியர்கள் இயக்கி அரசுக்கு உறுதுணையாக இருந்தனர். எனவே, வரும் காலத்தில் தொகுப்பூதியத்தில் பணி செய்துவரும் பகுதிநேர ஆசிரியர்களுக்கு, அனைத்து வேலை நாள்களிலும் பணி வழங்கி சிறப்பு காலமுறை ஊதியம் வழங்க வேண்டும் என்று அதில் வலியுறுத்தி உள்ளார்.
 

]]>
http://www.dinamani.com/all-editions/edition-villupuram/cuddalore/2017/oct/17/அரசு-ஊழியர்களின்-ஊதிய-உயர்வுக்கு-வரவேற்பு-2791807.html
2791806 விழுப்புரம் கடலூர் ரியல் எஸ்டேட் அதிபர் வெட்டிக் கொலை  சிதம்பரம் DIN Tuesday, October 17, 2017 08:27 AM +0530 சிதம்பரத்தில் ரியல் எஸ்டேட் அதிபர் திங்கள்கிழமை வெட்டிக் கொலை செய்யப்பட்டார்.
 கடலூர் மாவட்டம், கூத்தங்கோயிலைச் சேர்ந்தவர் பழனிச்சாமி (46) (படம்). இவர், தற்போது சிதம்பரம் சிவசக்தி நகரில் தங்கி, ரியல் எஸ்டேட் தொழில் செய்து வருகிறார். இந்த நிலையில், பழனிச்சாமி திங்கள்கிழமை காலை கூத்தங்கோயில் கிராமத்தில் வயலில் நடவு நடுவதைப் பார்க்க பைக் சென்றார். அப்போது, கான்சாகிப் வடிகால் வாய்க்கால் பெரியமதகு அருகே மறைந்திருந்த 4 பேர் பழனிச்சாமியை அரிவாளால் வெட்டிக் கொலை செய்துவிட்டு தப்பினர்.
 தகவலறிந்த அண்ணாமலை நகர் போலீஸார் அங்கு வந்து உடலைக் கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். கடலூர் மாவட்டக் காவல் கண்காணிப்பாளர் விஜயகுமார், சிதம்பரம் ஏ.எஸ்.பி. என்.எஸ்.நிஷா ஆகியோர் அங்கு சென்று விசாரணை மேற்கொண்டனர்.
 விசாரணையில், பழனிச்சாமியின் சகலர் மகள் சண்மதி (22), அவரது வீட்டில் தங்கிப் பொறியியல் படித்து வந்தாராம். அப்போது பழனிசாமியின் கார் ஓட்டுநர் சண்முகபிரகாஷுக்கும் சண்மதிக்கும் காதல் ஏற்பட்டதாம்.
 இதனால், பலத்த எதிர்ப்புக்கு இடையே இருவரும் திருமணம் செய்து கொண்டுள்ளனர்.
 பின்னர், சண்முகபிரகாஷுக்கும், சண்மதிக்கும் இடையே கருத்து வேறுபாடு ஏற்பட்டு பிரிந்து வாழ்ந்து வந்துள்ளனர். இந்த நிலையில், சண்முகபிரகாஷ் அடிக்கடி பணம் கேட்டு பழனிசாமியிடம் தொந்தரவு செய்து வந்தாராம். இதில் இருவருக்கும் இடையே முன்விரோதம் இருந்து வந்துள்ளது. அண்மையில், பழனிசாமியின் மனைவி ஆதிரையை சண்முகபிரகாஷ் தாக்கியுள்ளார்.
 இதுகுறித்து நாகை மாவட்டம், ஆணைக்காரன் சத்திரம் காவல் நிலையத்தில் வழக்குப் பதிவு செய்யப்பட்டுள்ளது. இந்த நிலையில்தான் சண்முகபிரகாஷ் உள்ளிட்ட மூவர் சேர்ந்து பழனிசாமியை கொலை செய்தது போலீஸார் விசாரணையில் தெரிய வந்தது.
 இதுகுறித்து நான்கு பேர் மீதும் போலீஸார் வழக்குப் பதிவு செய்து, விசாரித்து வருகின்றனர்.
 

]]>
http://www.dinamani.com/all-editions/edition-villupuram/cuddalore/2017/oct/17/ரியல்-எஸ்டேட்-அதிபர்-வெட்டிக்-கொலை-2791806.html
2791805 விழுப்புரம் கடலூர் என்எல்சி கணினித் துறையில் அதிநவீனத் தொழில்நுட்பம்  நெய்வேலி DIN Tuesday, October 17, 2017 08:27 AM +0530 என்எல்சி இந்தியா நிறுவனம் ரூ. 16 கோடியில் கணிப்பொறித் துறையில் அதிநவீனத் தொழில்நுட்பத்தை அறிமுகப்படுத்தியுள்ளது. இந்த புதிய வசதியை என்எல்சி தலைவர் சரத்குமார் ஆச்சார்யா திங்கள்கிழமை தொடக்கி வைத்தார்.
 நிறுவனங்களின் நிதி, மனிதவள ஆதாரங்கள், பொருள் மேலாண்மை போன்றவற்றை மிகத் துல்லியமான முறையில் திட்டமிடுவதற்காக வடிவமைக்கப்பட்ட அதிநவீன கணிப்பொறித் தொழில்நுட்பம்தான் எஸ்ஏபி எனப்படும் சேப் மென்பொருள் தொழில்நுட்பம். இதன் பலன்களை என்எல்சி நிறுவனத்தில் பயன்படுத்தும் வகையில் திட்டமிடப்பட்டு, அதற்கான பணிகள் கடந்த சில ஆண்டுகளாக செயல்படுத்தப்பட்டு வந்தன. சேப் இந்தியா நிறுவனம் வடிவமைத்த இந்த மென்பொருள், விப்ரோ நிறுவனம் மூலம் ரூ. 16 கோடியில் அறிமுகப்படுத்தப்பட்டுள்ளது.
 இதன் முதல் கட்டப்பணிகள் நிறைவடைந்ததைத் தொடர்ந்து, திங்கள்கிழமை தொடக்கி வைக்கப்பட்டது. என்எல்சி தலைமை அலுவலக கலந்துரையாடல் அரங்கில் நடைபெற்ற நிகழ்ச்சியில், என்எல்சி தலைவர் சரத்குமார் ஆச்சார்யா மின்னணு முறையில் பணப்பட்டுவாடா செய்து, இதைத் தொடக்கி வைத்தார்.
 அப்போது பேசிய அவர், இந்தத் தொழில்நுட்ப வசதியை எஞ்சிய பிரிவுகளிலும் விரைந்து தொடங்க நடவடிக்கை எடுக்குமாறு அதிகாரிகளைக் கேட்டுக் கொள்வதாகக் கூறினார்.
 என்எல்சி இயக்குநர்கள் ராக்கேஷ் குமார், வி.தங்கபாண்டியன், பி.செல்வகுமார், ஆர்.விக்ரமன், கண்காணிப்புத் துறை தலைமை அதிகாரி டி.வெங்கடசுப்ரமணியன் ஆகியோர் உரையாற்றினர். எஸ்ஏபி அறிமுக பணியின் தலைமைப் பொது மேலாளர் என்.சங்கர், கணிப்பொறித் துறை பொது மேலாளர் ராமசந்திர பிராஷர் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/cuddalore/2017/oct/17/என்எல்சி-கணினித்-துறையில்-அதிநவீனத்-தொழில்நுட்பம்-2791805.html
2791803 விழுப்புரம் கடலூர் தென்பெண்ணை ஆற்றில் வெள்ளப் பெருக்கு: கடலூரில் தரைப் பாலம் மூழ்கியது  கடலூர், DIN Tuesday, October 17, 2017 08:23 AM +0530 தென்பெண்ணை ஆற்றில் திங்கள்கிழமை வெள்ளப் பெருக்கு ஏற்பட்டது. இதனால், கடலூரில் தரைப் பாலம் மூழ்கியது.
 தென்பெண்ணையாறு கர்நாடக மாநிலத்திலிருந்து தமிழகத்தின் கிருஷ்ணகிரி, திருவண்ணாமலை, விழுப்புரம், கடலூர் மாவட்டங்கள் வழியாக கடலூர் அருகே தாழங்குடாவில் வங்காள விரிகுடாவில் கலக்கிறது.
 தென்பெண்ணை ஆற்றின் நீர்ப்பிடிப்புப் பகுதிகளில் பலத்த மழை பெய்து வருவதையொட்டி, ஆற்றில் நீர் வரத்து அதிகரித்து, கிருஷ்ணகிரி அணை, சாத்தனூர் அணை ஆகியவை முழுக் கொள்ளவை எட்டியுள்ளன.
 இதைத் தொடர்ந்து, சாத்தனூர் அணையிலிருந்து திறந்து விடப்பட்ட நீர் வெள்ளிக்கிழமை கடலூர் மாவட்டம், கண்டரக்கோட்டையை வந்தடைந்தது. பின்னர், அங்கிருந்து சொர்ணாவூர் படுகையணையை வந்தடைந்து, அது நிரம்பியதும் அங்கிருந்து வெளியேறி கடலுக்குச் செல்கிறது.
 இதனால், திங்கள்கிழமை காலை 8 மணி அளவில் கடலூர் மாவட்ட ஆட்சியர் அலுவலகம் எதிரே உள்ள தரைப்பாலம் வெள்ளத்தில் மூழ்கியது.
 இதைத் தொடர்ந்து, பாலத்தை யாரும் கடக்க முடியாதவாறு காவல் துறையினர் பாதுகாப்புப் பணியில் ஈடுபட்டனர். தரைப்பாலம் மூழ்கியதால் கடலூர், புதுச்சேரியைச் சேர்ந்த சுமார் 6 கிராமங்களின் போக்குவரத்து பாதிக்கப்பட்டுள்ளது.
 இதுகுறித்து பொதுப் பணித் துறை உதவிச் செயற்பொறியாளர் கோவிந்தராஜ் கூறியதாவது:
 கடலூர் மாவட்டம், சொர்ணாவூரில் தென்பெண்ணை ஆற்றிலுள்ள படுகையணைக்கு வினாடிக்கு 9,769 கன அடி நீர் வந்து கொண்டிருக்கிறது. எனினும், தென்பெண்ணை ஆற்றின் மொத்தக் கொள்ளளவு 1.80 லட்சம் கன அடியாகும். படுகையணையிலிருந்து மதகு மூலமாக புதுவை மாநிலம், பாகூரிலுள்ள பாகூர் ஏரிக்கு வினாடிக்கு 180 கன அடி தண்ணீர் பங்காரு வாய்க்கால் வழியாகத் திருப்பி விடப்பட்டுள்ளது.
 அதேபோல, சித்தேரியில் உள்ள தடுப்பணையிலிருந்து புதுவை மாநிலத்துக்குச் செல்லும் வாய்க்காலில் 180 கன அடி நீர் திருப்பி விடப்பட்டுள்ளது. இதனால், புதுவையிலுள்ள சோரியாங்குப்பம், குருவிநத்தம், ஆராய்ச்சிக்குப்பம், கீழ், மேல் பரிக்கல்பட்டு, கிருமாம்பாக்கம், உச்சிமேடு ஆகிய கிராமங்கள் பயனடையும் என்றார் அவர்.
 தென்பெண்ணை ஆற்றில் ஏற்பட்டுள்ள வெள்ளப் பெருக்கைத் தொடர்ந்து, பொதுப் பணித் துறையினர், வருவாய்த் துறையினர் தீவிர கண்காணிப்புப் பணியில் ஈடுபடுமாறும், பொதுமக்கள் எச்சரிக்கையுடன் இருக்குமாறும் மாவட்ட ஆட்சியர் பிரசாந்த் மு.வடநேரே அறிவுறுத்தியுள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/17/தென்பெண்ணை-ஆற்றில்-வெள்ளப்-பெருக்கு-கடலூரில்-தரைப்-பாலம்-மூழ்கியது-2791803.html
2791802 விழுப்புரம் கடலூர் கல்வி உதவித் தொகை: சிறுபான்மையின மாணவிகள் விண்ணப்பிக்கலாம் கடலூர், DIN Tuesday, October 17, 2017 08:10 AM +0530 கடலூர் மாவட்டத்தைச் சேர்ந்த சிறுபான்மையின மாணவிகள் அரசின் கல்வி உதவித் தொகை பெற விண்ணப்பிக்கலாம் என்று மாவட்ட ஆட்சியர் பிரசாந்த் மு.வடநேரே தெரிவித்தார்.
இதுகுறித்து அவர் வெளியிட்ட செய்திக்குறிப்பு: 
சிறுபான்மையினர் சமூகத்தைச் சார்ந்த கல்வியில் சிறந்து விளங்கி, பொருளாதாரத்தில் பின்தங்கிய நிலையில் தொடர்ந்து பயில முடியாத மாணவிகளை அங்கீகரித்து ஊக்குவிக்கும் வகையில் மெüலானா ஆசாத் கல்வி உதவித்தொகை வழங்கும் திட்டம் தற்போது பேகம் ஹஸரத் மஹால் நேஷனல் ஸ்காலர்ஷிப் என்ற திட்டத்தின் கீழ் செயல்படுத்தப்பட்டு வருகிறது.
இந்தத் திட்டத்தின் கீழ் முஸ்லிம், கிறித்தவம், சீக்கியம், பெüத்தம், ஜைணம், பார்சி ஆகிய சிறுபான்மையினத்தைச் சேர்ந்த, 9}ஆம் வகுப்பு முதல் பிளஸ்}2 வரை பயிலும் மாணவிகளுக்கு கல்வி உதவித் தொகை வழங்கப்படுகிறது. 
9}ஆம் வகுப்பு முதல் பிளஸ்}1 வகுப்பு வரை பயில்பவர்கள் குறைந்தபட்சம் 50 சதவீத மதிப்பெண்களும், பிளஸ்}2 வரை பயில்பவர்கள் குறைந்தபட்சம் 55 சதவீத மதிப்பெண்கள் அல்லது அதற்கு இணையான கிரேடு மதிப்பெண்ணை முந்தைய வகுப்புகளில் பெற்றிருக்க வேண்டும். கல்வி உதவித்தொகை பெறுவதற்கு மாணவிகளின் பெற்றோர், காப்பாளரின் ஆண்டு வருமானம் அனைத்து வகையிலும் ரூ. 2 லட்சத்துக்கு மிகாமல் இருத்தல் வேண்டும். 
இந்தத் திட்டத்தில், 9}ஆம் வகுப்பு முதல் 10}ஆம் வகுப்பு வரை ஆண்டுக்கு ரூ.10 ஆயிரம், பிளஸ்}1முதல் பிளஸ்}2 வகுப்பு வரை ஆண்டுக்கு ரூ.12 ஆயிரம் இரண்டு தவணைகளில் மாணவிகளின் வங்கிக் கணக்கில் வரவு வைக்கப்படும். 
இந்த கல்வி உதவித் தொகையில் சேர்க்கை, கற்பிக்கும் கட்டணம், புத்தகங்கள், எழுதுபொருள்கள் மற்றும் உண்டி உறைவிடம் ஆகிய செலவினங்கள் அடங்கும்.
மாணவிகள் www.maef.nic.in என்ற இணையதள முகவரியில் மட்டுமே இம்மாத இறுதிக்குள் விண்ணப்பிக்க வேண்டும். பின்பு ஆன்-லைனில் விண்ணப்பத்தை பதிவிறக்கம் செய்து அனைத்து விண்ணப்பிக்கப்பட்ட சான்றாவணங்கள், பள்ளி தலைமையாசிரியரால் சான்றளிக்கப்பட்ட கையொப்பம் உள்ளிட்ட அனைத்து ஆவணங்களுடன் நவம்பர் 15-ஆம் தேதிக்குள் புதுதில்லியில் உள்ள மெüலானா ஆசாத் கல்வி அறக்கட்டளைக்கு விண்ணப்பிக்க வேண்டும். 
மேலும் விவரங்களை அதே இணையதள முகவரியில் அறிந்துகொள்ளலாம் என்று ஆட்சியர் தெரிவித்துள்ளார்.

]]>
http://www.dinamani.com/all-editions/edition-villupuram/cuddalore/2017/oct/17/கல்வி-உதவித்-தொகை-சிறுபான்மையின-மாணவிகள்-விண்ணப்பிக்கலாம்-2791802.html
2791229 விழுப்புரம் கடலூர் நியாய விலைக்கடை புகார்களுக்கு தொலைபேசி எண்கள் வெளியீடு  கடலூர், DIN Monday, October 16, 2017 08:51 AM +0530 நியாய விலைக் கடைகளில் உள்ள குறைபாடுகளை தெரிவிக்க தொலைபேசி எண்களை மாவட்ட ஆட்சியர் பிரசாந்த் மு.வடநேரே வெளியிட்டார்.
 இதுகுறித்து அவர் வெளியிட்ட செய்திக்குறிப்பு: தமிழ்நாடு அரசு உணவுப் பொருள்கள் வழங்கல் துறை சார்பில் பொதுமக்களுக்கு நியாய விலைக் கடைகள் மூலமாக அத்தியாவசியப் பொருள்கள் வழங்கப்பட்டு வருகிறது. பொதுமக்கள் தங்கள் பகுதியில் செயல்படும் நியாய விலைக் கடையில் எடை குறைபாடு, தரம், கூடுதல் விலைக்கு பொருள்கள் விற்பனை, பொருள்கள் வழங்கப்படாமை உள்ளிட்ட புகார்கள், பொது விநியோகத் திட்டம் குறித்த அனைத்து குறைகளையும் கடலூர் மாவட்ட வழங்கல் மற்றும் நுகர்வோர் பாதுகாப்பு அலுவலக தொலைபேசிக்கு 04142- 230223 என்ற எண்ணில் தெரிவிக்கலாம். மேலும், அந்தந்த வட்டார வழங்கல் துறை அலுவலர்களிடமும் அவர்களது செல்லிடப்பேசியில் புகார் தெரிவிக்கலாம்.
 அதன்படி, மாவட்ட வழங்கல் மற்றும் நுகர்வோர் பாதுகாப்பு அலுவலர் - 94450 00209, தனி வட்டாட்சியர் (பறக்கும் படை, குடிமைப் பொருள்) - 94450 45609 என்ற எண்களில் புகார் தெரிவிக்கலாம்.
 வட்ட அளவில் குடிமைப் பொருள் தனி வட்டாட்சியர்கள், வட்ட வழங்கல் அலுவலர்கள் நியமிக்கப்பட்டுள்ளனர். அதன்படி, கடலூர்- 94450 00210, சிதம்பரம்- 94450 00211, பண்ருட்டி- 94450 00215, குறிஞ்சிப்பாடி- 94457 96405, புவனகிரி- 99762 06364, காட்டுமன்னார்கோவில்- 94450 00212, விருத்தாசலம்- 94450 00213, திட்டக்குடி- 94450 00214, வேப்பூர்- 97898 47533, ஸ்ரீமுஷ்ணம்-92620 10965 ஆகிய எண்களில் தொடர்புக் கொண்டு புகார்களை தெரிவிக்கலாம் என்று ஆட்சியர் அதில் கேட்டுக்கொண்டுள்ளார்.
 
 

]]>
http://www.dinamani.com/all-editions/edition-villupuram/cuddalore/2017/oct/16/நியாய-விலைக்கடை-புகார்களுக்கு-தொலைபேசி-எண்கள்-வெளியீடு-2791229.html
2791228 விழுப்புரம் கடலூர் ஆற்றல் சேமிப்பு வார விழா நிறைவு  நெய்வேலி, DIN Monday, October 16, 2017 08:51 AM +0530 என்எல்சி இந்தியா நிறுவனம் சார்பில் ஆற்றல் சேமிப்பு வார விழா நிறைவு நிகழ்ச்சி அண்மையில் நடைபெற்றது.
 இந்த நிறுவனம் சார்பில் ஆற்றல் சேமிப்பு வார விழா கடந்த திங்கள்கிழமை தொடங்கி 5 நாள்கள் நடைபெற்றது. இதில், தொழில்நுட்ப அலுவலக செயல் கண்காணிப்புத் துறை சார்பில் நடைபெற்ற விழாவில் ஆற்றல் சேமிப்பு, சாலைப் பாதுகாப்பு குறித்து பள்ளி, கல்லூரி மாணவர்களுக்கு பயிலரங்கம் நடைபெற்றது. இதன் நிறைவு விழா என்எல்சி அனல் மின் நிலைய பயிற்சி வளாக அரங்கில், ஜவஹர் கல்லூரி மாணவ, மாணவிகளின் பங்கேற்புடன் வெள்ளிக்கிழமை நடைபெற்றது.
 நிகழ்ச்சிக்கு, செயல் கண்காணிப்புத் துறை பொது மேலாளர் மணிவண்ணன் தலைமை வகித்தார். கல்லூரியின் சுற்றுச்சூழல் மேலாண்மை துறைத் தலைவர் பிரேமலதா வரவேற்றார். முதன்மை மேலாளர் ரவிசங்கர் செப்பூரி, ஆற்றல் சேமிப்பு வாரவிழாவின் நோக்கம் குறித்துப் பேசினார்.
 சிறப்பு விருந்தினர்களாக ஜவஹர் கல்லூரி முதல்வர் சந்திரசேகரன், துணைப் பொதுமேலாளர் சீத்தாபதி ஆகியோர் கலந்து கொண்டனர். சிறப்பு முதன்மை அழைப்பாளராக மனித வளத் துறை செயல் இயக்குநர் முத்து பங்கேற்றுப் பேசியதாவது: பரிணாம வளர்ச்சி ஏற்படும்போது சில பாதிப்புகளும் ஏற்படுவது இயல்புதான். ஆற்றல் பயன்பாட்டில் முன்னேற்றம் ஏற்படும்போது அதன் தேவையும் அதிகரிக்கும். ஆற்றல் சேமிப்பின் முக்கியத்துவம் உணரப்படுகிறது. மாணவர்கள் எந்தச் சூழ்நிலையையும் எதிர்கொள்ள தங்களை தயார்படுத்திக்கொள்ள வேண்டும் என்றார்.
 நிகழ்ச்சியில் சாலைப் பாதுகாப்பு குறித்து பயிற்றுநர் நரசிம்மமணி விளக்கிப் பேசினார். இதில், சுமார் 3,500-க்கும் மேற்பட்ட மாணவ, மாணவிகள் பங்கேற்றனர்.
 பேராசிரியர் சேஷாத்ரி நன்றி கூறினார்.

]]>
http://www.dinamani.com/all-editions/edition-villupuram/cuddalore/2017/oct/16/ஆற்றல்-சேமிப்பு-வார-விழா-நிறைவு-2791228.html
2791227 விழுப்புரம் கடலூர் தினகரன் அணிக்கே இரட்டை இலைச் சின்னம்: விருத்தாசலம் எம்எல்ஏ நம்பிக்கை கடலூர், DIN Monday, October 16, 2017 08:50 AM +0530 டி.டி.வி. தினகரன் அணிக்கே இரட்டை இலை சின்னம் கிடைக்கும் என்றார் விருத்தாசலம் தொகுதி எம்எல்ஏ வி.டி.கலைச்செல்வன்.

கடலூர் மாவட்ட அதிமுக அம்மா (தினகரன்) அணி சார்பில் கடலூர் பேருந்து நிலையத்தில் நிலவேம்புக் குடிநீர் வழங்கும் நிகழ்ச்சி ஞாயிற்றுக்கிழமை நடைபெற்றது. நிகழ்ச்சிக்கு எம்எல்ஏ வி.டி.கலைச்செல்வன் தலைமை வகித்து பொதுமக்களுக்கு நிலவேம்புக் குடிநீர் வழங்கினார். மேலும், 2 வாகனங்களில் அனைத்துப் பகுதிகளுக்கும் சென்று நிலவேம்புக் குடிநீர் வழங்க நடவடிக்கை எடுத்துள்ளதாக தெரிவித்தார்.

பின்னர் அவர் செய்தியாளர்களிடம் கூறியதாவது: இரட்டை இலைச் சின்னம் விவகாரம் தொடர்பான விசாரணை புதுதில்லியில் தேர்தல் ஆணையத்தில் அக்.15, 16-ஆம் தேதிகளில் நடைபெறுகிறது. இந்த விசாரணையில் நான் உள்பட 10 சட்டப் பேரவை உறுப்பினர்கள், 6 மக்களவை உறுப்பினர்கள் தினகரனுக்கு ஆதரவாகப் பங்கேற்கிறோம். சசிகலா தலைமையிலான அணிக்கு இரட்டை இலைச் சின்னம் கிடைக்கும். டிடிவி தினகரன் தலைமையில் இரட்டை இலைச் சின்னத்துடன் செயல்படுவோம் என்றார் அவர்.

நிகழ்ச்சியில், மாவட்ட அவைத் தலைவர் ஜி.ராமலிங்கம், நகரச் செயலர் சி.கே.எஸ்.கார்த்திகேயன், ஒன்றியச் செயலர்கள் தமிழ்ச்செல்வன், ஜெயச்சந்திரன், சாமிக்கண்ணு, பொதுக்குழு உறுப்பினர் ராதாகிருஷ்ணன், கூட்டுறவுச் சங்கத் தலைவர் கேப்டன் காமராஜ், நகரச் செயலர்கள் ரமேஷ், சக்திவேல் உள்ளிட்டோர் பங்கேற்றனர்.

]]>
http://images.dinamani.com/uploads/user/imagelibrary/2017/10/16/w600X390/mla.jpg http://www.dinamani.com/all-editions/edition-villupuram/cuddalore/2017/oct/16/தினகரன்-அணிக்கே-இரட்டை-இலைச்-சின்னம்-விருத்தாசலம்-எம்எல்ஏ-நம்பிக்கை-2791227.html
2791226 விழுப்புரம் கடலூர் கடலூரை பசுமை மாவட்டமாக மாற்ற பொதுமக்களின் ஒத்துழைப்பு அவசியம்: அமைச்சர்  கடலூர், DIN Monday, October 16, 2017 08:49 AM +0530 கடலூரை பசுமை மாவட்டமாக மாற்ற பொதுமக்கள் ஒத்துழைப்பு அளிக்க வேண்டுமென தொழில் துறை அமைச்சர் எம்.சி.சம்பத் கேட்டுக்கொண்டார்.
 கடலூர் மாவட்ட நிர்வாகத்துடன் சில தன்னார்வ தொண்டு நிறுவனத்தினர் இணைந்து பசுமைக் கடலூர் என்ற அமைப்பை உருவாக்கியுள்ளனர். இந்த அமைப்பினர் மாவட்டம் முழுவதும் மரக் கன்றுகள் நட்டு அதனைப் பராமரிக்கும் பணியில் ஈடுபட்டு வருகின்றனர்.
 இந்தத் திட்டத்தில் மாவட்ட ஆட்சியர் அலுவலகத்தில் ஏற்கெனவே மரக் கன்றுகள் நடப்பட்ட நிலையில், கடலூர் அண்ணா விளையாட்டு அரங்கம், சண்முகா நகரில் மரக் கன்றுகள் நடும் நிகழ்ச்சி ஞாயிற்றுக்கிழமை நடைபெற்றது.
 மாவட்ட ஆட்சியர் பிரசாந்த் மு.வடநேரே தலைமையில் நடைபெற்ற இந்த நிகழ்ச்சியில், தமிழக தொழில் துறை அமைச்சர் எம்.சி.சம்பத் சிறப்பு அழைப்பாளராகப் பங்கேற்று மரக் கன்றுகளை நட்டார்.
 பின்னர் அவர் கூறியதாவது:
 கடலூர் மாவட்டத்தை பசுமை மிக்க மாவட்டமாக மாற்றும் முயற்சியில் தன்னார்வ தொண்டு நிறுவனங்கள், மாவட்ட நிர்வாகத்தின் ஆதரவுடன் மரக் கன்றுகள் நடப்படுகின்றன.
 பொதுமக்கள் அனைவரும் ஒத்துழைத்தால்தான் அதிக மரக் கன்றுகளை நட்டு பசுமை மிக்க மாவட்டமாக உருவாக்க முடியும்.
 எனவே, பொதுமக்கள் அனைவரும் மாவட்ட நிர்வாகத்துடன் ஒருங்கிணைந்து பசுமை இயக்கத்தை வெற்றியடையச் செய்ய வேண்டும். மாநில அளவில் கடலூர் மாவட்டம் பசுமைமிக்க மாவட்டம் என்ற நிலையை அடைய பாடுபட வேண்டும் என்றார்.
 நிகழ்ச்சியில் சார்-ஆட்சியர் ஜானிடாம் வர்க்கீஸ், மாவட்ட விளையாட்டு அலுவலர் மா.ராஜா, நகர்மன்ற முன்னாள் தலைவர் ஆர்.குமரன், முன்னாள் துணைத் தலைவர் ஜி.ஜெ.குமார், கவுன்சிலர் வ.கந்தன், அதிமுக நிர்வாகிகள் பாலகிருஷ்ணன், தமிழ்நாடு நுகர்வோர் கூட்டமைப்பு பொதுச் செயலர் எம்.நிஜாமுதீன், கடலூர் அனைத்து குடியிருப்போர் சங்கங்களின் கூட்டமைப்பு நிர்வாகிகள் எம்.மருதவாணன், பி.வெங்கடேசன், பால்கி, சுற்றுச்சூழல் ஆர்வலர் தி.அருள்செல்வம், ஓய்வுபெற்ற வன அலுவலர் சாய்ராம் உள்ளிட்ட பலர் கலந்து கொண்டனர்.
 
 

]]>
http://www.dinamani.com/all-editions/edition-villupuram/cuddalore/2017/oct/16/கடலூரை-பசுமை-மாவட்டமாக-மாற்ற-பொதுமக்களின்-ஒத்துழைப்பு-அவசியம்-அமைச்சர்-2791226.html
2791210 விழுப்புரம் கடலூர் தரிசு நிலத்தில் எண்ணெய் வித்து மரங்கள் நடவு  கடலூர், DIN Monday, October 16, 2017 08:31 AM +0530 கடலூர் மாவட்டத்தில் தேசிய எண்ணெய் வித்து இயக்கத்தின் கீழ் தரிசு நிலங்களில் வேம்பு, புங்கன் மரக் கன்றுகள் நடவு செய்யப்பட்டு வருகிறது.
 இந்த இயக்கத்தின் கீழ் தரிசு நிலங்களில் மரக் கன்றுகளை நடுவோருக்கு பின்னேற்பு மானியம் வழங்கப்படுகிறது. ஹெக்டேருக்கு 400 வேப்பங்கன்றுகள் நடுவோருக்கு ரூ.17 ஆயிரமும், 500 புங்கம் கன்றுகள் நடுவோருக்கு ரூ.20 ஆயிரமும் மானியமாக வழங்கப்படுகிறது.
 இதன்படி கடலூர் வட்டாரத்தில் வாண்டரசன்குப்பத்தில் முன்னோடி விவசாயி ப.அறவாழி என்பவரது நிலத்தில் வேப்பமரக் கன்றுகள் நடவு செய்யும் பணி அண்மையில் நடைபெற்றது. இந்தப் பணியை மாவட்ட வேளாண்மை இணை இயக்குநர் ஆர்.நாட்ராயன் தொடக்கி வைத்தார். இதில், வேர் மண்டலத்தில் பாசனம் கிடைக்கச் செய்யும் புதிய தொழில்நுட்பத்தில் மரக்கன்றுகள் நடவு செய்யப்பட்டன. நிகழ்ச்சியில் வேளாண்மை துணை இயக்குநர் ந.கனகசபை உள்ளிட்டோர் பங்கேற்றனர்.
 
 
 

]]>
http://www.dinamani.com/all-editions/edition-villupuram/cuddalore/2017/oct/16/தரிசு-நிலத்தில்-எண்ணெய்-வித்து-மரங்கள்-நடவு-2791210.html
2791209 விழுப்புரம் கடலூர் தீ விபத்து நிவாரணம் அளிப்பு  சிதம்பரம், DIN Monday, October 16, 2017 08:31 AM +0530 சிதம்பரம் நகரில் மந்தகரை வார்டு 26-இல் அண்மையில் ஏற்பட்ட தீ விபத்தில் வீடு எரிந்து சேதமுற்றது. இதில் பாதிக்கப்பட்ட அப்பு என்பவரது குடும்பத்தினருக்கு நகர தேசிய முற்போக்கு திராவிட கழகம் சார்பில் நிவாரண உதவி ஞாயிற்றுக்கிழமை வழங்கப்பட்டது.
 நிகழ்ச்சிக்கு நகரச் செயலர் சி.க.விஜயகுமார் தலைமை வகித்தார். மாவட்ட அவைத் தலைவர் ஆர்.பாலு பாதிக்கப்பட்ட குடும்பத்துக்கு நிவாரண உதவியை வழங்கினார் (படம்).
 நிகழ்ச்சியில் புவனகிரி ஒன்றியச் செயலர் ஆர்.பானுசந்தர், நகர நிர்வாகிகள் சி.ரவி, ஐயப்பன், பாண்டியன், மாவட்ட பிரதிநிதி ப.கணேசன், கேப்டன் மன்ற மாவட்ட நிர்வாகி துரை.முருகவேல், காட்டுமன்னார்கோவில் ஒன்றியச் செயலர் சத்யா கொளஞ்சிநாதன், வார்டு செயலர் விஜி உள்ளிட்டோர் பங்கேற்றனர்.
 
 

]]>
http://www.dinamani.com/all-editions/edition-villupuram/cuddalore/2017/oct/16/தீ-விபத்து-நிவாரணம்-அளிப்பு-2791209.html
2791208 விழுப்புரம் கடலூர் வெவ்வேறு விபத்துகளில் 3 விவசாயிகள் சாவு  கடலூர்/சிதம்பரம் DIN Monday, October 16, 2017 08:30 AM +0530 கடலூர் மாவட்டத்தில் வெவ்வேறு விபத்துகளில் 3 விவசாயிகள் உயிரிழந்தனர்.
 விருத்தாசலம் அருகே உள்ள மேட்டுக்காலனியைச் சேர்ந்தவர் வே.கிருஷ்ணன் (62). விவசாய கூலித் தொழிலாளி. இவர், ஞாயிற்றுக்கிழமை தனது மோட்டார் சைக்கிளில் மேட்டுக்காலனியிலிருந்து சித்தலூர் நோக்கிச் சென்றுகொண்டிருந்தார்.
 சித்தலூர் புறவழிச் சாலையில் சென்றபோது பின்னால் வந்த கார் மோட்டார் சைக்கிள் மீது மோதியது. இதில், கிருஷ்ணன் சம்பவ இடத்திலேயே உயிரிழந்தார். இதுகுறித்து விருத்தாசலம் காவல் துறையினர் வழக்குப் பதிந்து விசாரித்து வருகின்றனர்.
 பெண்ணாடத்தைச் சேர்ந்தவர் ர.சண்முகம்பிள்ளை (69). விவசாயி.
 இவர் ஞாயிற்றுக்கிழமை தனது மோட்டார் சைக்கிளில் பெண்ணாடத்திலிருந்து திட்டக்குடி சாலை என்ற இடத்துக்குச் சென்றுகொண்டிருந்தார். அப்போது ஒரு திருப்பத்தில் அதேச் சாலையில் பின்னால் வந்த மற்றொரு மோட்டார் சைக்கிள் சண்முகம்பிள்ளை ஓட்டிச் சென்ற மோட்டார் சைக்கிள் மீது மோதியது.
 இதில், பலத்த காயமுற்ற அவர் திட்டக்குடி அரசு மருத்துவமனைக்கு செல்லும் வழியில் உயிரிழந்தார்.
 இதுகுறித்து பெண்ணாடம் காவல்துறையினர் வழக்குப் பதிந்து விசாரித்து வருகின்றனர்.
 சிதம்பரம் அருகே உள்ள தில்லைவிடங்கன் கிராமத்தைச் சேர்ந்தவர் விவசாயி மோகன் (59). இவர் கடந்த 10-ஆம் தேதி புஞ்சைமகத்துவாழ்க்கை கிராமத்தைச் சேர்ந்த பிரேம்குமார் (28) என்பவருடன் மோட்டார் சைக்கிளில் சென்றுகொண்டிருந்தார். கிள்ளை இரட்டைப் பாலம் அருகே சென்றபோது, குறுக்கே வந்த மாடு மீது மோட்டார் சைக்கிள் மோதியது. இதில் மோகன் காயமடைந்து புதுச்சேரி ஜிப்மர் மருத்துவமனையில் அனுமதிக்கப்பட்டார். அங்கு அவர் சனிக்கிழமை உயிரிழந்தார்.
 இதுகுறித்து கிள்ளை போலீஸார் விசாரித்து வருகின்றனர்.
 

]]>
http://www.dinamani.com/all-editions/edition-villupuram/cuddalore/2017/oct/16/வெவ்வேறு-விபத்துகளில்-3-விவசாயிகள்-சாவு-2791208.html
2791207 விழுப்புரம் கடலூர் மணல் கடத்தல்: 4 லாரிகள் பறிமுதல்  கடலூர், DIN Monday, October 16, 2017 08:29 AM +0530 மணல் கடத்தல் தொடர்பாக 4 லாரிகள் பறிமுதல் செய்யப்பட்டன.
 வேப்பூர் காவல் நிலைய ஆய்வாளர் ரமேஷ்பாபு ஞாயிற்றுக்கிழமை ரோந்துப் பணியில் ஈடுபட்டார். அப்போது, என்.நாரையூர் பேருந்து நிலையம் அருகே மணல் ஏற்றி வந்த 4 லாரிகளின் ஓட்டுநர்கள் காவலர்களைக் கண்டதும் லாரிகளை அங்கேயே நிறுத்தி விட்டு தப்பியோடினர். இதுகுறித்து காவல் துறையினர் நடத்திய விசாரணையில், உரிய அனுமதியின்றி லாரிகளில் மணல் ஏற்றிச் சென்றது கண்டறியப்பட்டது.இதனைத் தொடர்ந்து லாரிகளை போலீஸார் பறிமுதல் செய்தனர்.
 

]]>
http://www.dinamani.com/all-editions/edition-villupuram/cuddalore/2017/oct/16/மணல்-கடத்தல்-4-லாரிகள்-பறிமுதல்-2791207.html
2791206 விழுப்புரம் கடலூர் கடலூரைப் புறக்கணிக்கும் சிறப்பு ரயில்கள்  கடலூர், DIN Monday, October 16, 2017 08:28 AM +0530 கடலூர் ரயில் நிலையத்தில் சிறப்பு ரயில்களை நிறுத்த வேண்டுமென கோரிக்கை எழுந்துள்ளது.

தீபாவளிப் பண்டிகையை முன்னிட்டு சிறப்பு ரயில்களை தென்னக ரயில்வே அறிவித்துள்ளது. இதில், ரயில் எண்-06071 திங்கள், புதன், வியாழன், வெள்ளி, சனிக்கிழமைகளில் சென்னை எழும்பூரிலிருந்து காலை 7 மணிக்கு புறப்பட்டு கடலூர் வழியாக செங்கோட்டைக்குச் செல்கிறது. மறு மார்க்கத்தில் ரயில் எண் 06072 செவ்வாய், வியாழன், வெள்ளி, சனி, ஞாயிற்றுக்கிழமைகளில் செங்கோட்டையிலிருந்து புறப்பட்டு சென்னைக்கு செல்கிறது.இந்த ரயில்கள் இந்த மாத இறுதி வரை இயக்கப்படுகின்றன.

ஆனால், இந்த ரயில்கள் திருப்பாதிரிபுலியூர் (கடலூர்) ரயில் நிலையம் வழியாகச் செல்லும்போதிலும் இங்கு நிற்பதில்லை. கடலூர் மாவட்டத்தில் சிதம்பரத்தில் மட்டுமே காலை 11.10 மணிக்கும், மாலையில் 5.28 மணிக்கும் நிற்கின்றன. இதனால், கடலூர் வழியாக இயக்கப்பட்டும் இந்த ரயிலை பொதுமக்கள் பயன்படுத்த முடியாத நிலை ஏற்பட்டுள்ளது.

இதுகுறித்து நுகர்வோர் கூட்டமைப்பு எம்.நிஜாமுதீன் கூறியதாவது: இந்த ரயிலை கடலூர் மக்களும் பயன்படுத்தும் வகையில் நிறுத்திச் செல்ல வேண்டும். இதுதொடர்பாக போராட்டம் நடத்தப்படும். மேலும், இந்த ரயில் பரிசோதனை ஓட்டமாக இயக்கப்படுகிறது. கடலூரில் நிறுத்தாமல் சென்றால் அதனால் போதிய வருமானம் இல்லை என்ற காரணத்தைக் கூறி இந்த ரயில் சேவையை நிறுத்தும் அபாயம் உள்ளது என்றார்.

இதுகுறித்து ஆ.அருண்மொழிதேவன் எம்பி கூறுகையில், இந்த பிரச்னைத் தொடர்பாக விரைவில் மத்திய ரயில்வே அமைச்சரிடம் பேசி கடலூரில் ரயில் நின்று செல்லும் வகையில் நடவடிக்கை எடுக்கப்படும் என்று உறுதியளித்தார்.
 

]]>
http://images.dinamani.com/uploads/user/imagelibrary/2017/9/28/w600X390/train.jpg http://www.dinamani.com/all-editions/edition-villupuram/cuddalore/2017/oct/16/கடலூரைப்-புறக்கணிக்கும்-சிறப்பு-ரயில்கள்-2791206.html
2791205 விழுப்புரம் கடலூர் விபத்தில்லா தீபாவளி விழிப்புணர்வு  நெய்வேலி, DIN Monday, October 16, 2017 08:27 AM +0530 விபத்தில்லா தீபாவளி கொண்டாடுவது குறித்து மந்தாரக்குப்பம் என்எல்சி மேல்நிலைப் பள்ளி மாணவர்களுக்கு தீயணைப்புத் துறை சார்பில் அண்மையில் விழிப்புணர்வு ஏற்படுத்தப்பட்டது.
 நெய்வேலி பவர் சிட்டி அரிமா சங்கம் சார்பில் நடைபெற்ற நிகழ்ச்சிக்கு அரிமா சங்கத் தலைவர் அன்வர்தீன் தலைமை வகித்தார். பள்ளி தலைமையாசிரியர் ஜேக்கப், அரிமா சங்க மாவட்டத் தலைவர் லட்சுமிநாராயணன், நிர்வாகி மன்சர் அலி ஆகியோர் முன்னிலை வகித்தனர். என்எல்சி முதன்மைப் பொது மேலாளர் மோகன் சிறப்பு விருந்தினராகக் கலந்து கொண்டார்.
 என்எல்சி நிறுவனத்தின் தீயணைப்பு மற்றும் பாதுகாப்புத் துறை இணைப் பொது மேலாளர் பத்மநாபன் தலைமையிலான குழுவினர் தீ விபத்து தடுப்பு முறை குறித்து செயல் விளக்கம் அளித்தனர். பள்ளி உதவி தலைமையாசிரியை தாமரைச்செல்வி நன்றி கூறினார்.
 

]]>
http://www.dinamani.com/all-editions/edition-villupuram/cuddalore/2017/oct/16/விபத்தில்லா-தீபாவளி-விழிப்புணர்வு-2791205.html
2791204 விழுப்புரம் கடலூர் மீன்கள் செத்து மிதந்த விவகாரம்: விசாரணைக்கு உத்தரவு  கடலூர், DIN Monday, October 16, 2017 08:27 AM +0530 கெடிலம் ஆற்றில் மீன்கள் செத்து மிதந்தது தொடர்பாக விசாரணைக்கு உத்தரவிடப்பட்டுள்ளதாக மாவட்ட ஆட்சியர் பிரசாந்த மு.வடநேரே கூறினார்.
 கெடிலம் ஆற்றில் கம்மியம்பேட்டையில் உள்ள தடுப்பணையில் கடந்த வாரம் ஆயிரக்கணக்கான மீன்கள் செத்து மிதந்தன. இதுகுறித்து மாவட்ட ஆட்சியருக்கு அளிக்கப்பட்ட தகவலின்பேரில், மாசுக் கட்டுப்பாட்டு வாரியத்தினரை ஆய்வு செய்து அறிக்கை சமர்ப்பிக்க உத்தரவிட்டார்.
 இந்த ஆய்வு அறிக்கைக் குறித்து மாவட்ட ஆட்சியர் பிரசாந்த் மு.வடநேரேவிடம் கேட்டபோது அவர் கூறியதாவது: மாசுக் கட்டுப்பாட்டு வாரியத்தினர் அளித்த ஆய்வு அறிக்கையில் ஆலைக் கழிவுநீர் தடுப்பணையில் கலந்துள்ளதாகவும், அங்குள்ள இயந்திரப் பழுதால் இந்தக் குறைபாடு ஏற்பட்டதாகவும் தெரிவிக்கப்பட்டுள்ளது. இதுகுறித்து விசாரணை நடத்திட கடலூர் சார்-ஆட்சியருக்கு உத்தரவிடப்பட்டுள்ளது. அவர் விசாரணை நடத்தியபின் அதன் அடிப்படையில் உரிய நடவடிக்கை மேற்கொள்ளப்படும் என்றார்.
 

]]>
http://www.dinamani.com/all-editions/edition-villupuram/cuddalore/2017/oct/16/மீன்கள்-செத்து-மிதந்த-விவகாரம்-விசாரணைக்கு-உத்தரவு-2791204.html
2791203 விழுப்புரம் கடலூர் இளைஞர் எழுச்சி நாள் விழா  சிதம்பரம், DIN Monday, October 16, 2017 08:27 AM +0530 முன்னாள் குடியரசுத் தலைவர் அப்துல் கலாம் பிறந்தநாளை முன்னிட்டு, சிதம்பரம் வீனஸ் குழுமப் பள்ளியில் இளைஞர் எழுச்சி நாள் விழா சனிக்கிழமை கொண்டாடப்பட்டது.
 இதையொட்டி, கலாம் குறித்து ஓவியம் மற்றும் அவரது பொன்மொழிகள் குறித்த போட்டிகள் நடத்தப்பட்டன. போட்டியில் 6-ஆம் வகுப்பு முதல் 10-ஆம் வகுப்பு வரையிலான 300-க்கும் மேற்பட்ட மாணவ, மாணவிகள் பங்கேற்றனர். போட்டியில் 5 மாணவர்கள் முதலிடமும், 5 மாணவர்கள் இரண்டாம் இடமும் பெற்றனர். போட்டிகளை பள்ளிக் கல்வி அதிகாரி ஜி.மகேஷ்சுந்தர் நடத்தினார். பரிசளிப்பு விழாவில், பள்ளி முதல்வர் ரூபியாள்ராணி முன்னிலை வகித்தார். தாளாளர் வீனஸ் எஸ்.குமார் போட்டியில் வென்ற மாணவ, மாணவிகளுக்கு பரிசுகளை வழங்கினார்.
 

]]>
http://www.dinamani.com/all-editions/edition-villupuram/cuddalore/2017/oct/16/இளைஞர்-எழுச்சி-நாள்-விழா-2791203.html
2791202 விழுப்புரம் கடலூர் டெங்குவை தடுக்க போர்க்கால அடிப்படையில் நடவடிக்கை எடுக்க தவாக வலியுறுத்தல்  நெய்வேலி, DIN Monday, October 16, 2017 08:26 AM +0530 டெங்குவை தடுக்க தமிழக அரசு போர்க்கால அடிப்படையில் நடவடிக்கை மேற்கொள்ள வேண்டும் என தமிழக வாழ்வுரிமைக் கட்சி வலியுறுத்தியது.
 நெய்வேலியில் அந்தக் கட்சியின் மாநில செயற்குழுக் கூட்டம் கட்சித் தலைவர் தி.வேல்முருகன் தலைமையில் ஞாயிற்றுக்கிழமை நடைபெற்றது. கூட்டத்தில் நிறைவேற்றப்பட்ட தீர்மானங்கள்: உச்ச நீதிமன்றம் அறிவுறுத்திய ஊதியக்குழுவின் பரிந்துரைப்படி தனியார் மருத்துவமனை செவிலியர்களுக்கு ஊதிய உயர்வு வழங்க தமிழக அரசு நடவடிக்கை எடுக்க வேண்டும்.
 தமிழகத்தில் 25 ஆயிரம் பேர் டெங்கு காய்ச்சலால் பாதிக்கப்பட்டுள்ளனர். 200 பேர் உயிரிழந்துள்ளனர். உயிரிழந்தவர்களின் குடும்பத்துக்கு அரசு தலா ரூ.10 லட்சம் வழங்க வேண்டும். டெங்கு பரவாமல் தடுக்க சுகாதாரப் பணிகளை போர்க்கால அடிப்படையில் முடுக்கிவிட வேண்டும்.
 காவிரி நீர் சரிவர கிடைக்காததால் டெல்டா மாவட்டங்களில் விவசாயம் பாதிக்கப்பட்டுள்ளது. எனவே, விவசாயிகளின் பழைய கடனை தள்ளுபடி செய்துவிட்டு புதிய கடன் வழங்க வேண்டும். காவிரி மேலாண்மை வாரியம் அமைக்க மத்திய அரசு நடவடிக்கை எடுக்க வேண்டும். என்எல்சி ஒப்பந்தத் தொழிலாளர்களை பணி நிரந்தரம் செய்ய வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 கூட்டத்தில் மாநில, மாவட்ட நிர்வாகிகள் கலந்து கொண்டனர்.
 

]]>
http://www.dinamani.com/all-editions/edition-villupuram/cuddalore/2017/oct/16/டெங்குவை-தடுக்க-போர்க்கால-அடிப்படையில்-நடவடிக்கை-எடுக்க-தவாக-வலியுறுத்தல்-2791202.html