Dinamani - புதுச்சேரி - http://www.dinamani.com/all-editions/edition-villupuram/puducherry/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3056574 விழுப்புரம் புதுச்சேரி நுழைவு வாயில் அமைக்கும் பணி: காங்கிரஸ், என்.ஆர். காங்கிரஸ் இடையே வாக்குவாதம் DIN DIN Wednesday, December 12, 2018 09:36 AM +0530 புதுவை மாநிலம், கிருமாம்பாக்கத்தில் நுழைவு வாயில் அமைக்கும் பணி தொடர்பாக காங்கிரஸ், என்.ஆர். காங்கிரஸ் இடையே வாக்குவாதம் ஏற்பட்டு, மோதல் உருவாகும் சூழல் நிலவியதால் போலீஸார் குவிக்கப்பட்டனர்.
புதுச்சேரியை அடுத்த கிருமாம்பாக்கத்தில் ஆதிதிராவிடர் நலத்துறை சார்பில் ரூ.1.50 கோடி செலவில் அம்பேத்கர் சிலை மற்றும் நுழைவுவாயில் அமைப்பதற்கான அடிக்கல் நாட்டு விழா கடந்த 5 நாள்களுக்கு முன்பு நடைபெற்றது. 
பணியை அமைச்சர் கந்தசாமி தொடக்கிவைத்தார். என்.ஆர். காங்கிரஸ் முன்னாள் அமைச்சர் ராஜவேலு, நிர்வாகி லட்சுமிகாந்தன் ஆகியோரும் பங்கேற்றனர். 
இந்த நிலையில், அங்குள்ள பிள்ளையார்கோயிலை அகற்றிவிட்டு நுழைவு வாயில் கட்ட திட்ட வரையறை செய்யப்பட்டிருந்ததாகத் கூறப்படுகிறது. இதற்கு என்.ஆர். காங்கிரஸ் கட்சியினர் எதிர்ப்புத் தெரிவித்து ஒரு கூட்டத்தை நடத்தினர். இதற்குப் போட்டியாக கிராம பஞ்சாயத்தார் மற்றும் காங்கிரஸாரும் கூட்டம் போட்டு திட்டமிட்டபடி அதே இடத்தில் நுழைவு வாயில் கட்ட அனுமதிப்பது என்று முடிவெடுத்தனர். இதற்கும் என்.ஆர். காங்கிரஸ் தரப்பில் எதிர்ப்பு தெரிவிக்கப்பட்டது.  இந்த நிலையில், நுழைவு வாயில் மற்றும் அம்பேத்கர் சிலை அமைக்கும் பணியை அமைச்சர் கந்தசாமி தலைமையில் ஆதிதிராவிடர் நலத் துறை இயக்குநர் ரகுநாதன், பாகூர் வட்டாட்சியர் கார்த்திகேயன், பாகூர் கொம்யூன் பஞ்சாயத்து ஆணையர் சுந்தரராஜன் உள்ளிட்ட அதிகாரிகள் செவ்வாய்க்கிழமை தொடங்கினர்.
அங்குள்ள அரசு இடத்தை ஆக்கிரமித்து கட்டப்பட்ட மதில் சுவரை பொக்லைன் இயந்திரம் மூலம் இடித்து அகற்றும் பணியிலும் அதிகாரிகள் ஈடுபட்டனர். அப்போது அங்கு வந்த முன்னாள் அமைச்சர் ராஜவேலு,  லட்சுமிகாந்தன் ஆகியோர் இதற்கு எதிர்ப்புத் தெரிவித்தனர். மதில் சுவரை இடித்து அகற்ற சம்பந்தப்பட்டவர்களுக்கு ஏற்கெனவே நோட்டீஸ் அனுப்பப்பட்டதா என்று அதிகாரிகள், போலீஸாரிடம் கேள்வி எழுப்பினர். 
இதையடுத்து அவரை பாகூர் வட்டாட்சியர் கார்த்திகேயன் சமாதானம் செய்தார். இதை முன்னாள் அமைச்சர் ராஜவேலு ஏற்கவில்லை.  இதைத் தொடர்ந்து அங்கு ராஜவேலுவின் ஆதரவாளர்களும், அமைச்சர் கந்தசாமியின் ஆதரவாளர்களும் திரண்டதால் பதற்றமான சூழ்நிலை உருவானது. இதையடுத்து அப்பகுதியில் மோதல் ஏற்படாமல் இருக்க காவல் ஆய்வாளர் கெளதம் சிவகணேஷ் தலைமையில் போலீஸார் குவிக்கப்பட்டுள்ளனர்.

]]>
http://www.dinamani.com/all-editions/edition-villupuram/puducherry/2018/dec/12/நுழைவு-வாயில்-அமைக்கும்-பணி-காங்கிரஸ்-என்ஆர்-காங்கிரஸ்-இடையே-வாக்குவாதம்-3056574.html
3056573 விழுப்புரம் புதுச்சேரி புகையிலைப் பொருள்கள் விற்பனை: பெட்டிக் கடைக்காரர் கைது DIN DIN Wednesday, December 12, 2018 09:36 AM +0530 புதுச்சேரியில் தடை செய்யப்பட்ட புகையிலைப் பொருள்களை விற்றதாக பெட்டிக் கடைக்காரர் கைது செய்யப்பட்டார்.
புதுவை மாநிலத்தில் குட்கா, ஹான்ஸ் போன்ற தடைசெய்யப்பட்ட புகையிலைப் பொருள்கள் விற்பனை செய்ய தடை விதிக்கப்பட்டுள்ளது. 
இருப்பினும், பலர் விற்பனை செய்து வருகின்றனர். இதைத் தடுக்கும் நோக்கில் புதுச்சேரி உணவுப் பாதுகாப்புத் துறை அலுவலர் பாலகிருஷ்ணன், தன்வந்திரி நகர் காவல்நிலையத்துக்கு உள்பட்ட பகுதிகளில் உள்ள கடைகளில் போலீஸாருடன் சென்று திங்கள்கிழமை ஆய்வு மேற்கொண்டார். 
அப்போது, பாக்கமுடையான்பட்டில் உள்ள ஒரு பெட்டிக்கடையில் தடை செய்யப்பட்ட புகையிலைப் பொருள்கள் விற்பனை செய்வது கண்டறியப்பட்டது.
இது குறித்து உணவுப் பாதுகாப்புத் துறை அலுவலர் பாலகிருஷ்ணன் கொடுத்த புகாரின் பேரில் அக்கடையின் உரிமையாளரான அதே பகுதியைச் சேர்ந்த லட்சுமணனை (48) தன்வந்திரி நகர் போலீஸார் திங்கள்கிழமை இரவு கைது செய்தனர்.
மேலும், விற்பனைக்காக வைக்கப்பட்டிருந்த ரூ. 2,000 மதிப்பிலான புகையிலைப் பொருள்களும் பறிமுதல் செய்யப்பட்டன.

]]>
http://www.dinamani.com/all-editions/edition-villupuram/puducherry/2018/dec/12/புகையிலைப்-பொருள்கள்-விற்பனை-பெட்டிக்-கடைக்காரர்-கைது-3056573.html
3056572 விழுப்புரம் புதுச்சேரி பதவிநீக்கம் செய்யப்பட்ட எம்எல்ஏவின் தந்தை நீதிமன்றத்தில் சரண் DIN DIN Wednesday, December 12, 2018 09:36 AM +0530 புதுவையில் பதவி நீக்கம் செய்யப்பட்ட எம்எல்ஏவின் தந்தைக்கு சென்னை உயர் நீதிமன்றம் ஜாமீன் வழங்க மறுத்ததால், புதுச்சேரி நீதிமன்றத்தில் 
செவ்வாய்க்கிழமை அவர் சரணடைந்தார்.
புதுச்சேரி தட்டாஞ்சாவடி தொகுதி என்.ஆர். காங்கிரஸ்  எம்எல்ஏவாக இருந்தவர் அசோக்ஆனந்த்.  இவரது தந்தை ஆனந்தன்.  
2007-2008-ஆம் ஆண்டு காலகட்டத்தில் புதுவை மாநில பொதுப்பணித் துறை தலைமைப் பொறியாளராக ஆனந்தன் பணியாற்றிய போது, வருமானத்துக்கு பொருந்தாத வகையில் சொத்து சேர்த்ததாக சிபிஐக்கு புகார் சென்றது. இதன் பேரில் ஆனந்தன், அவரது மனைவி விஜயலட்சுமி, மகன் அசோக்ஆனந்த் ஆகியோர் மீது சிபிஐ அதிகாரிகள் வழக்குப் பதிவு செய்தனர். இந்த வழக்கு மீதான விசாரணை புதுச்சேரி சிபிஐ சிறப்பு நீதிமன்றத்தில் நடைபெற்று வந்தது. வழக்கில் குற்றம் சாட்டப்பட்டிருந்த ஆனந்தன் மனைவி விஜயலட்சுமி மரணமடைந்துவிட்டார்.  வழக்கு விசாரணை  முடிவடைந்ததால் தலைமை நீதிபதி தனபால் கடந்த அக்.30-ஆம் தேதி  தீர்ப்பு வழங்கினார். இதில் ஆனந்தன், அசோக் ஆனந்த் எம்எல்ஏ ஆகியோர் குற்றவாளிகள் என அறிவித்தார். பின்பு, குற்றஞ்சாட்டப்பட்ட  2 பேருக்கும் தலா ஓராண்டு  சிறைத் தண்டனையும், தலா ஒரு லட்சம் அபராதமும் விதித்து தீர்ப்பு வழங்கினார்.   அதைத் தொடர்ந்து அசோக் ஆனந்த் எம்எல்ஏ பதவியில் இருந்து தகுதி நீக்கம் செய்யப்பட்டார். 
இந்த நிலையில், புதுச்சேரி சிபிஐ சிறப்பு நீதிமன்றத்தில் ஆனந்தன் செவ்வாய்க்கிழமை மாலை சரணடைந்தார்.  அவரை காலாப்பட்டு மத்திய சிறையில் அடைக்க நீதிபதி தனபால் உத்தரவிட்டார்.அதையடுத்து அவர் சிறையில் அடைக்கப்பட்டார். 
இதுதொடர்பாக நீதிமன்ற வட்டாரங்கள் கூறுகையில், 
புதுச்சேரி நீதிமன்றம் வழங்கிய ஓராண்டு சிறைத் தண்டனையை நிறுத்தி வைக்க வேண்டும் என்று அசோக்  ஆனந்த் மற்றும் ஆனந்தன் சென்னை உயர்நீதிமன்றத்தில் மனு  தாக்கல் செய்தனர். 
இதில், அசோக்ஆனந்த் தண்டனைக்கு ஜாமீன் வழங்கிய நீதிமன்றம், முதல் குற்றவாளியாக அறிவிக்கப்பட்ட அவரது தந்தை ஆனந்தனுக்கு ஜாமீன் வழங்கவில்லை எனத் தெரிவித்தன.

]]>
http://www.dinamani.com/all-editions/edition-villupuram/puducherry/2018/dec/12/பதவிநீக்கம்-செய்யப்பட்ட-எம்எல்ஏவின்-தந்தை-நீதிமன்றத்தில்-சரண்-3056572.html
3056571 விழுப்புரம் புதுச்சேரி ஸ்பின்கோ ஆலைக்கான பஞ்சை அரசே கொள்முதல் செய்ய வலியுறுத்தல் DIN DIN Wednesday, December 12, 2018 09:35 AM +0530 திருபுவனை கூட்டுறவு நூற்பாலைக்குத் (ஸ்பின்கோ) தேவையான பஞ்சை அரசே கொள்முதல் செய்து வழங்க வேண்டும் என ஏஐடியூசி புதுவை பஞ்சாலைத் தொழிலாளர்கள் சங்கம் வலியுறுத்தியுள்ளது.  
 இந்தச் சங்கத்தின் நிர்வாகிகள் கூட்டம் புதுச்சேரியில் அண்மையில் நடைபெற்றது. சங்கத் தலைவர் டி. ரவி தலைமை வகித்தார். செயலாளர் வி.எஸ். அபிஷேகம் எதிர்கால நடவடிக்கைகள் குறித்துப் பேசினார். 
தீர்மானங்கள் விவரம்:  திருபுவனை கூட்டுறவு நூற்பாலை (ஸ்பின்கோ)யின் நஷ்டத்துக்குக் காரணமான ஊழல்கள் விசாரிக்கப்பட்டு, ஆலையின் பணத்தை கையகப்படுத்த அரசு நடவடிக்கை எடுக்க வேண்டும். ஆலைக்குத் தேவையான பஞ்சை அரசே நேரடியாக கொள்முதல் செய்து வழங்க வேண்டும். ஆலையை தனியாரிடம் வழங்கும் முயற்சியை கைவிட வேண்டும்.
ஏஎஃப்டி, சுதேசி, பாரதி பஞ்சாலைத் தொழிலாளர்களுக்கு வழங்கப்பட வேண்டிய 4 மாத சம்பளத்தையும், போனûஸயும் உடனடியாக வழங்க வேண்டும். கடந்த 2013 நவம்பர் 28-இல் புதுவை அமைச்சரவை முடிவு செய்து, மத்திய அரசுக்கு அனுப்பிய கோப்பின்படி, ஏஎஃப்டிக்குச் சொந்தமான பட்டானூர் இடத்தை விற்பனை செய்திட ரூ. 500 கோடியை மத்திய அரசிடமிருந்து மானியமாகப் பெற புதுவை அரசு நடவடிக்கை எடுக்க வேண்டும். ஏஎஃப்டி, சுதேசி, பாரதி உள்ளிட்ட அனைத்து பஞ்சாலைகளிலும் பணியாற்றி ஓய்வுபெற்ற தொழிலாளர்களுக்கு 2013-ஆம் ஆண்டிலிருந்து வழங்கப்படாமல் உள்ள பணப் பலன்கள், நிலுவைத் தொகைகளை உடனடியாக வழங்கவேண்டும் ஆகிய தீர்மானங்கள் நிறைவேற்றப்பட்டன. சங்கத்தின் துணைத் தலைவர்கள் ஆர். பூபதி, மு. சுப்பையா, என். கிருஷ்ணமூர்த்தி, எஸ். திருஞானமூர்த்தி உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/dec/12/ஸ்பின்கோ-ஆலைக்கான-பஞ்சை-அரசே-கொள்முதல்-செய்ய-வலியுறுத்தல்-3056571.html
3056570 விழுப்புரம் புதுச்சேரி ஆளுநர் கிரண் பேடியை முற்றுகையிட்ட மக்கள் DIN DIN Wednesday, December 12, 2018 09:35 AM +0530 இலவச அரிசி,  மண்ணெண்ணெய் கோரி, ஆளுநர் கிரண் பேடியை பொதுமக்கள் செவ்வாய்க்கிழமை முற்றுகையிட்டனர். 
புதுவை மாநிலம், வில்லியனூர் அருகேயுள்ள  மண்ணாடிப்பட்டு கிராமத்தில் அரசுப் பள்ளிக்கு தனியார் தொண்டு நிறுவனம் சார்பில் கணினி வழங்கும் விழா செவ்வாய்க்கிழமை நடைபெற்றது.  
இதில் சிறப்பு விருந்தினராக பங்கேற்று மாணவர்களிடையே துணைநிலை ஆளுநர் கிரண் பேடி பேசினார்.  
அவர் பேசும்போது, ஆசிரியர்கள் மற்றும் தொண்டு நிறுவனத்தினர் கல்விக்கு முக்கியத்துவம் அளித்து அதற்கான உதவிகளை செய்யவேண்டும். பெற்றோர்கள் மது குடிப்பதை தவிர்த்து அதற்கான பணத்தை பிள்ளைகளின் கல்விக்குச் செலவிட வேண்டும். பெற்றோர்கள் மது குடிப்பதை பிள்ளைகள் தடுக்கவேண்டும். 
 மாணவர்கள் கல்வி மற்றும் விளையாட்டில் ஆர்வம் காட்ட வேண்டும்  என்றார். விழாவில் மண்ணாடிப்பட்டு தொகுதி எம்எல்ஏ டி.பி.ஆர்.செல்வம் உள்ளிட்டோர் கலந்துகொண்டனர்.
விழா முடிந்து வெளியில் வந்த ஆளுநரை அப்பகுதி பெண்கள் முற்றுகையிட்டு, நியாய விலைக் கடைகளில் இலவச அரிசி,  மண்ணெண்ணெய் வழங்கப்படவில்லை என்றும் கிராமப்புற பெண்களுக்கு வேலைவாய்ப்பை ஏற்படுத்தித் தரவேண்டும், மேலும், கிராமப் பகுதிகளில் உயர்நிலைக் கல்வி முடித்த மாணவர்கள் கல்வியைத் தொடர மேல்நிலைப் பள்ளி அமைக்க நடவடிக்கை எடுக்க வேண்டும் என வலியுறுத்தினர்.
பொதுமக்களை சமாதானம் செய்து ஆளுநர் கிரண் பேடியை போலீஸார் அனுப்பிவைத்தனர்.

]]>
http://www.dinamani.com/all-editions/edition-villupuram/puducherry/2018/dec/12/ஆளுநர்-கிரண்-பேடியை-முற்றுகையிட்ட-மக்கள்-3056570.html
3056569 விழுப்புரம் புதுச்சேரி முதல்வரிடம் முறையிட்ட கைதிகளின் உறவினர்கள் DIN DIN Wednesday, December 12, 2018 09:35 AM +0530 காலாப்பட்டு மத்திய சிறையில் உண்ணாவிரதம் இருந்து வரும் கைதிகளின் உறவினர்கள், பரோல் வழங்கக் கோரி, முதல்வர் நாராயணசாமியிடம் முறையிட்டனர். 

புதுவை காலாப்பட்டு மத்திய சிறையில் அடைக்கப்பட்டுள்ள 54 தண்டனைக் கைதிகளில் 10 ஆண்டுகளுக்கும் மேலாக சிறையில் இருக்கும் 25 பேர் கடந்த 4 மாதங்களுக்கு முன்பு பரோல் கேட்டு விண்ணப்பித்ததாகவும், அந்த மனுக்களை சிறை நிர்வாகம் பரிசீலனைக்கு எடுத்துக் கொள்ளவில்லை என்றும் கூறப்படுகிறது. இதைக் கண்டித்து 54 சிறைக் கைதிகளும் கடந்த 
5-ஆம் தேதி முதல் உண்ணாவிரதப் போராட்டத்தில் ஈடுபட்டு வருகின்றனர். செவ்வாய்க்கிழமை 7-ஆவது நாளாக போராட்டம் நீடித்து வருகிறது.
மேலும் 9 பேர் அனுமதி...:  இதனிடையே திங்கள்கிழமை உண்ணாவிரதப் போராட்டத்தின் போது மயக்கமடைந்த 18 கைதிகளில் 9 பேர் அரசு மருத்துவமனையில் சிகிச்சை பெற்று திரும்பினர்.  இந்த நிலையில், செவ்வாய்க்கிழமை ராஜா (59), செல்வம் (36), விநாயகம் (56), வரதன் (45), ஞானமூர்த்தி (42), பகவதி (46), வடிவேல் (56), பெருமாள்ராஜா (30), சரத்குமார் (31) ஆகிய 9 கைதிகளும் உடல்நலம் பாதிக்கப்பட்டு,  அரசு பொது மருத்துவமனையில் சேர்க்கப்பட்டுள்ளனர்.  கைதிகள் தொடர்ந்து மயக்கமடைந்து மருத்துவமனைக்கு அழைத்து வரப்படுவதால் கைதிகளின் உறவினர்கள் கலக்கமடைந்துள்ளனர். 
மேலும், கைதிகளைப் பார்ப்பதற்கு உறவினர்கள் அரசு மருத்துவமனைக்கு அதிகளவில் வருவதால் அங்கு பாதுகாப்பு பலப்படுத்தப்பட்டுள்ளது.
இதனிடையே, பாரதியார் பிறந்த நாளையொட்டி, புதுவை ஆளுநர் மாளிகை அருகே உள்ள பாரதியாரின் சிலைக்கு மாலை அணிவிக்க வந்த முதல்வர் வே. நாராயணசாமியை சிறையில் உள்ள கைதிகளின் உறவினர்கள் சந்தித்து, கைதிகளை பரோலில் விட நடவடிக்கை எடுக்க வேண்டும் என்று முறையிட்டனர். இதுகுறித்து நடவடிக்கை எடுப்பதாக முதல்வர் உறுதியளித்தார். 

]]>
http://www.dinamani.com/all-editions/edition-villupuram/puducherry/2018/dec/12/முதல்வரிடம்-முறையிட்ட-கைதிகளின்-உறவினர்கள்-3056569.html
3056568 விழுப்புரம் புதுச்சேரி மக்களவைத் தேர்தலிலும் காங்கிரஸ் வெற்றி தொடரும் DIN DIN Wednesday, December 12, 2018 09:35 AM +0530 ஐந்து மாநில பேரவைத் தேர்தல்களில் காங்கிரஸ் கட்சிக்கு கிடைத்த வெற்றி, மக்களவைத் தேர்தலிலும் தொடரும் என்று புதுவை பிரதேச காங்கிரஸ் தலைவரும், பொதுப்பணித் துறை அமைச்சருமான ஆ.நமச்சிவாயம் தெரிவித்தார்.
ஐந்து மாநில பேரவைத் தேர்தல்களில் ராஜஸ்தான்,  சத்தீஸ்கரில் காங்கிரஸ் ஆட்சியைக் கைப்பற்றியுள்ளது.   இந்தத் தேர்தல்களில் காங்கிரஸ் முன்னிலை பெற்றதை அறிந்த புதுவை காங்கிரஸ் கட்சியினர் முதல்வர் நாராயணசாமி தலைமையில் புதுச்சேரி காமராஜர் சிலை அருகே செவ்வாய்க்கிழமை பிற்பகல் திரண்டனர்.
அங்கிருந்து பேரணியாக காங்கிரஸ் அலுவலகத்துக்குச் சென்றனர்.  
வழிநெடுக பட்டாசு வெடித்தும்,  பொதுமக்களுக்கு இனிப்பு வழங்கியபடியும் சென்றனர். 
கட்சி அலுவலகத்தை அடைந்ததும், முதல்வர் நாராயணசாமி,  அமைச்சர் நமச்சிவாயம் ஆகியோர் கட்சி நிர்வாகிகளுக்கு இனிப்பு வழங்கினர்.
பின்னர், இத்தேர்தல் முடிவுகள் குறித்து பிரதேச காங்கிரஸ் தலைவர் நமச்சிவாயம்  செய்தியாளர்களிடம் கூறியதாவது:
பிரதமர் மோடி புதுச்சேரிக்கு  வந்திருந்தபோது தற்போது நடைபெற்ற 5 சட்டப்பேரவைத் தேர்தலுக்குப் பிறகு, நாட்டில் புதுவையில் மட்டுமே காங்கிரஸ் ஆட்சி நடைபெறும் என்றும்,  இந்தியா முழுவதும் காங்கிரஸ் இல்லாத இந்தியாவை உருவாக்குவோம் என்றும் கிண்டலாக பேசியிருந்தார். அவரின் பேச்சுக்கு மக்கள் அளித்த பதில்தான் இந்தத் தேர்தல்களின் முடிவு. 
காங்கிரஸýக்கு கிடைத்துள்ள இந்த வெற்றி எதிர்கால வெற்றிக்கு முன்னோட்டமாக அமையும். வரும் மக்களவைத் தேர்தலிலும்,  பிற மாநிலங்களில் நடைபெறும் சட்டப் பேரவைத் தேர்தலிலும்  காங்கிரஸ் வெற்றி பெறும் என்றார் நமச்சிவாயம்.
நிகழ்ச்சியில்,  முன்னாள் அமைச்சர் பெத்தபெருமாள் உள்ளிட்ட காங்கிரஸ் நிர்வாகிகள் கலந்துகொண்டனர்.
 

]]>
http://www.dinamani.com/all-editions/edition-villupuram/puducherry/2018/dec/12/மக்களவைத்-தேர்தலிலும்-காங்கிரஸ்-வெற்றி-தொடரும்-3056568.html
3056567 விழுப்புரம் புதுச்சேரி எய்ட்ஸ் விழிப்புணர்வு பேரணி DIN DIN Wednesday, December 12, 2018 09:34 AM +0530 புதுச்சேரி எய்ட்ஸ் கட்டுப்பாட்டுச் சங்கம் சார்பில் உலக எய்ட்ஸ் தினத்தையொட்டி எய்ட்ஸ் விழிப்புணர்வுப் பேரணி செவ்வாய்க்கிழமை நடைபெற்றது.
பேரணியை முதல்வரின் நாடாளுமன்றச் செயலர் க. லட்சுமிநாராயணன் கொடியசைத்து தொடக்கி வைத்தார்.
இதில் செவிலியர் பயிற்சிப் பள்ளி, கல்லூரிகளைச் சேர்ந்த 100-க்கும் மேற்பட்ட மாணவிகள், எய்ட்ஸ் விழிப்புணர்வு குறித்த வாசகங்கள் அடங்கிய பதாகைகளை ஏந்தியவாறு குரல் எழுப்பிச் சென்றனர்.
சுகாதாரத் துறை இயக்குநர் அலுவலகம் எதிரே தொடங்கிய பேரணி ஆம்பூர் சாலை, புஸ்ஸி வீதி, அண்ணா சாலை, நேரு வீதி, மிஷன் வீதி வழியாகச் சென்று மீண்டும் தொடங்கிய இடத்திலேயே நிறைவடைந்தது.
தொடர்ந்து, இந்திரா காந்தி அரசு பொதுமருத்துவமனை வளாகத்தில் நடைபெற்ற நிகழ்வில், எய்ட்ஸ் தினத்தையொட்டி பள்ளி, கல்லூரிகளில் நடத்தப்பட்ட போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன. 
முதல்வரின் நாடாளுமன்றச் செயலர் க. லட்சுமிநாராயணன் பங்கேற்று பரிசுகளை வழங்கினார். இதில், ஏனாமில் எய்ட்ஸ் விழிப்புணர்வுப் பணியை சிறப்பாக செய்து வரும் வைஸ் தொண்டு நிறுவனத்துக்கும் பரிசு வழங்கி பாராட்டினார்.  
முன்னதாக, எய்ட்ஸ் கட்டுப்பாட்டுச் சங்க திட்ட இயக்குநர் ஜி.சுவாமிநாதன் வரவேற்றார். எய்ட்ஸ் கட்டுப்பாட்டுச் சங்க இணை இயக்குநர் எம். கிருஷ்ணமூர்த்தி, சுகாதாரத் துறை துணை இயக்குநர்கள் ரகுநாதன், அல்லிராணி, முருகன் உள்ளிட்ட பலர் பங்கேற்றனர். 
நிறைவில் இந்திராகாந்தி அரசு பொதுமருத்துவமனையின் மருத்துவக் கண்காணிப்பாளர் எஸ். மோகன்குமார் நன்றி கூறினார்.

]]>
http://www.dinamani.com/all-editions/edition-villupuram/puducherry/2018/dec/12/எய்ட்ஸ்-விழிப்புணர்வு-பேரணி-3056567.html
3056566 விழுப்புரம் புதுச்சேரி மதுக் கடைகளை அகற்ற வலியுறுத்தி நாளை இந்து மக்கள் கட்சி ஆர்ப்பாட்டம் DIN DIN Wednesday, December 12, 2018 09:34 AM +0530 கருவடிக்குப்பத்தில் உள்ள மதுக் கடைகளை அகற்ற வலியுறுத்தி வியாழக்கிழமை (டிச.13) ஆர்ப்பாட்டம் நடத்தப்போவதாக  இந்து மக்கள் கட்சி அறிவித்துள்ளது.

இந்து மக்கள் கட்சியின் அவசர ஆலோசனைக் கூட்டம் புதுச்சேரியில் அண்மையில் நடைபெற்றது. 

கட்சியின் மாநிலத் தலைவர் கி. மஞ்சினி தலைமை வகித்தார். 

தீர்மானங்கள்: பிரசித்தி பெற்ற குரு சித்தானந்தா கோயில், பாத்திமா மேல்நிலைப் பள்ளி, ஆல்பா பள்ளி, சங்கர வித்யாலயா, நாடகத் தந்தை சங்கரதாஸ் சுவாமிகளின் நினைவிடம், கருவடிக்குப்பம் மயானம் ஆகியவற்றின் மிக அருகில் அமைந்துள்ள மதுக் கடைகள், சாராயக் கடைகளை உடனடியாக அகற்ற அரசு நடவடிக்கை எடுக்க வேண்டும். 

கருவடிக்குப்பத்தில் ஜிஞ்சர் உணவகத்திலிருந்து எம்விஆர் மருத்துவமனை வரை உள்ள சாலையில் மதுக் கடைகளால் ஏற்படும் விபத்துகளையும், இங்கு மது அருந்துவோரால் ஏற்படும் பிரச்னைகளையும் கண்டுகொள்ளாத மாநில அரசையும், கலால் துறையையும் கண்டிப்பது.

கருவடிக்குப்பத்தில் உள்ள மதுக் கடைகளை அகற்ற வலியுறுத்தி வியாழக்கிழமை (டிச.13) மாநிலத் தலைவர் அர்ஜுன் சம்பத் தலைமையில் சித்தானந்தா கோயில் அருகே ஆர்ப்பாட்டத்தில் ஈடுபடுவது என தீர்மானங்கள் நிறைவேற்றப்பட்டன.

கூட்டத்தில் மாநில பொதுச்செயலாளர் பால சரவணன், மாநிலச் செயலர் பழனி உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/dec/12/மதுக்-கடைகளை-அகற்ற-வலியுறுத்தி-நாளை-இந்து-மக்கள்-கட்சி-ஆர்ப்பாட்டம்-3056566.html
3056565 விழுப்புரம் புதுச்சேரி தொடர் பண்டிகை காலம்: புதுச்சேரியில் ஐஜி ஆய்வு DIN DIN Wednesday, December 12, 2018 09:34 AM +0530 பண்டிகை காலம் வருவதையொட்டி, ஐஜி சுரேந்தர் சிங் புதுச்சேரியில் செவ்வாய்க்கிழமை ஆய்வு மேற்கொண்டார்.
கிறிஸ்துமஸ், புத்தாண்டு, பொங்கல் உள்ளிட்ட பண்டிகை கொண்டாட்டத்திற்காக புதுச்சேரி கடற்கரை மற்றும் பூங்காவுக்கு அதிகளவில் பொதுமக்கள் வருவார்கள் என்பதால், மேற்கண்ட பகுதிகளில் நெரிசலை குறைக்க போலீஸார் திட்டமிட்டு வருகின்றனர்.
இந்த நிலையில், புதுவை ஐஜி சுரேந்தர் சிங்  யாதவ் செவ்வாய்க்கிழமை பிற்பகல் ஆம்பூர், செஞ்சி சாலைகளில் ஆய்வு செய்தார். தொடர்ந்து புஸ்ஸி சாலையிலிருந்து எஸ்வி படேல் சாலை வரையிலான பகுதிகளை ஆய்வு செய்த ஐஜி, தொடர் பண்டிகை காலம் என்பதால் போக்குவரத்திற்கு இடையூறாக பொதுமக்கள் வாகனங்களை நிறுத்தாமல் தடுப்பதற்கும், ஒழுங்குமுறையை கடைப்பிடிப்பதற்கும் எடுக்கப்பட வேண்டிய நடவடிக்கைகள் குறித்து போலீஸ் அதிகாரிகளுடன் ஆலோசனை நடத்தினார்.
ஆய்வின் போது, முதுநிலை எஸ்.பி.க்கள் அபூர்வ குப்தா (சட்டம் - ஒழுங்கு), ராகுல் அல்வால் (போக்குவரத்து), எஸ்.பி.க்கள் சி. மாறன் (கிழக்கு), வம்சித ரெட்டி (போக்குவரத்து) உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/puducherry/2018/dec/12/தொடர்-பண்டிகை-காலம்-புதுச்சேரியில்-ஐஜி-ஆய்வு-3056565.html
3056564 விழுப்புரம் புதுச்சேரி புதுச்சேரியில் பாரதியார் பிறந்த தின விழா DIN DIN Wednesday, December 12, 2018 09:33 AM +0530 புதுச்சேரியில் பாரதியார் பிறந்த தின விழாவையொட்டி முதல்வர் வே.நாராயணசாமி,  பல்வேறு அரசியல் கட்சியினர் மற்றும் இலக்கிய அமைப்பினர் அவரது சிலைக்கு மாலை அணிவித்து மரியாதை செலுத்தினர்.
புதுவை அரசின் செய்தி மற்றும் விளம்பரத் துறை சார்பில், பாரதியார் பிறந்தநாள் விழா புதுச்சேரியில் செவ்வாய்க்கிழமை நடைபெற்றது.

இதையொட்டி பாரதி பூங்காவில் உள்ள பாரதியார் சிலைக்கு முதல்வர் வே.நாராயணசாமி மாலை அணிவித்து மரியாதை செலுத்தினார். நிகழ்ச்சியில் சட்டப்பேரவை துணைத் தலைவர் வே.பொ.சிவக்கொழுந்து,  முதல்வரின் நாடாளுமன்றச் செயலர் க.லட்சுமி நாராயணன், புதுவை அரசின் தில்லி சிறப்புப் பிரதிநிதி ஏ.ஜான் குமார் ஆகியோர் பங்கேற்றனர். 

புதுவை மாநில பாஜக சார்பில் மாநிலத் தலைவர் வி.சாமிநாதன் எம்.எல்.ஏ தலைமையில் மாநில துணைத் தலைவர் ஆர்.செல்வம், பொதுச்செயலர் ரவிச்சந்திரன் உள்ளிட்டோர் பாரதியார் சிலைக்கு மாலை அணிவித்து மரியாதை செலுத்தினர். 

புதுச்சேரி கலை, இலக்கிய பெருமன்றம் சார்பில் மாநிலத் தலைவர் எல்லைசிவக்குமார் தலைமையில் இந்திய கம்யூனிஸ்ட் கட்சியின் மாநில பொருளாளர் சுப்பையா உள்ளிட்ட நிர்வாகிகள் பாரதியார் சிலைக்கு மாலை அணிவித்து மரியாதை செலுத்தினர். 

பல்வேறு தமிழ் அமைப்புகள் சார்பிலும் மாலை அணிவித்து மரியாதை செலுத்தப்பட்டது.

கலை, பண்பாட்டுத்துறை சார்பில்... புதுவை அரசின் கலை, பண்பாட்டுத் துறை, தஞ்சை தென்னகப் பண்பாட்டு மையம் ஆகியவை சார்பில் பாரதியார் பிறந்த நாள் விழா செவ்வாய்க்கிழமை நடைபெற்றது.

புதுச்சேரி ஈஸ்வரன் கோவில் வீதியில் உள்ள பாரதியார் நினைவு அருங்காட்சியகத்தில் மலரஞ்சலி செலுத்தப்பட்டது.  முதல்வர் வே.நாராயணசாமி,  முதல்வரின் நாடாளுமன்றச் செயலர் க.லட்சுமிநாராயணன் ஆகியோர் மரியாதை செலுத்தினர். இதையடுத்து, அரியாங்குப்பத்தில் உள்ள பாரதியார் மணிமண்டபத்தில் புதுச்சேரி நகர குழுமத் தலைவர் டி.ஜெயமூர்த்தி எம்.எல்.ஏ. தலைமையில் மலரஞ்சலி செலுத்தப்பட்டது.  

இந்நிகழ்ச்சிகளில் கலை பண்பாட்டுத்துறை இயக்குநர் சு.கணேசன் மற்றும் தமிழ் இலக்கிய அமைப்பினர் அஞ்சலி செலுத்தினர்.

இதைத்தொடர்ந்து தமிழ்மாமணி நா.கிருட்டிணசாமி (எ) நாகி தலைமையில் பாருக்குள்ளே நல்ல நாடு என்ற தலைப்பில் கவிதாஞ்சலி நிகழ்ச்சி நடத்தப்பட்டது.  இதில் கலைமாமணி லட்சுமிநாராயணன் (எ) இலக்கியன் உள்பட  கவிஞர்கள் பலர் பங்கேற்றனர்.

பேராசிரியர் சீ.தருமு தலைûயிலான குழுவினர் பாரதியார் பாடல்களில் இருந்து சேர்ந்திசை பாடல்களைப் பாடினர்.  நிறைவாக கலை, பண்பாட்டுத் துறை உதவி நூலக தகவல் அதிகாரி ஜெஸ்லின் நோரோனா நன்றி கூறினார்.

]]>
http://www.dinamani.com/all-editions/edition-villupuram/puducherry/2018/dec/12/புதுச்சேரியில்-பாரதியார்-பிறந்த-தின-விழா-3056564.html
3055874 விழுப்புரம் புதுச்சேரி சாலையை சீரமைக்க வலியுறுத்தி நூதன போராட்டம் DIN DIN Tuesday, December 11, 2018 08:53 AM +0530 குண்டும், குழியுமான சாலையை சீரமைக்க வலியுறுத்தி, மார்க்சிஸ்ட் கம்யூனிஸ்ட் கட்சி சார்பில் பாகூர் கொம்யூன் சோரியங்குப்பம் பகுதியில் திங்கள்கிழமை நாற்று நடும் நூதனப் போராட்டம் நடைபெற்றது.
புதுவை மாநிலம், பாகூர் கொம்யூன் சோரியங்குப்பம் கிராமத்தில் சுமார் 2,000-க்கும் மேற்பட்ட மக்கள் வசித்து வருகின்றனர். 
சோரியங்குப்பம் மேட்டுத் தெரு சாலை கடந்த 3 ஆண்டுகளாக சீரமைக்கப்படாமல் குண்டும், குழியுமாக தண்ணீர் தேங்கிய நிலையில் காட்சியளிக்கிறது. இதனால் சாலையில் அதிகளவில் விபத்துகளும் நிகழ்கின்றன.
இச்சாலையை சீரமைக்க வலியுறுத்தி பலமுறை சம்பந்தப்பட்ட அதிகாரிகளிடம் மனுக்கள் அளித்தும் உரிய நடவடிக்கை எடுக்கவில்லையாம். 
இதனால் ஆத்திரமடைந்த அப்பகுதி மக்களும், மார்க்சிஸ்ட் கட்சியினரும் திங்கள்கிழமை மேட்டுத் தெரு சாலையில் நாற்று நடும் போராட்டத்தில் ஈடுபட்டனர்.
போராட்டத்துக்கு அப்பகுதி கிளைச் செயலாளர் மா. வெங்கடாசலம் தலைமை வகித்தார். நிர்வாகிகள் த. முத்துலிங்கம், ச. குணச்செல்வி ஆகியோர் முன்னிலை வகித்தனர். 
கொம்யூன் செயலாளர் த.தமிழ்ச்செல்வன், மாநிலக்குழு உறுப்பினர் வெ. பெருமாள் ஆகியோர் போராட்டத்தைத் தொடக்கி வைத்தனர். 
போராட்டத்தில் பிரதேசக் குழு உறுப்பினர்கள் கலியன், சரவணன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/dec/11/சாலையை-சீரமைக்க-வலியுறுத்தி-நூதன-போராட்டம்-3055874.html
3055867 விழுப்புரம் புதுச்சேரி ரோமன் ரோலன்ட் நூலகத்தை ஞாயிற்றுக்கிழமை திறக்க வேண்டும்: கிரண் பேடி உத்தரவு DIN DIN Tuesday, December 11, 2018 08:52 AM +0530 புதுச்சேரி ரோமன் ரோலன்ட் நூலகம் ஞாயிற்றுக்கிழமை திறக்கப்பட வேண்டும் என்று துணைநிலை ஆளுநர் கிரண் பேடி உத்தரவிட்டார்.
 புதுவை ஆளுநர் கிரண் பேடி கடந்த 2 வாரங்களாக தினமும் ஏதாவது ஒரு அரசுத்துறை அலுவலகத்துக்கு சென்று ஆய்வு செய்து வருகிறார். அங்கு குறைகளைக் களைய அதிகாரிகளுக்கு உத்தரவிடுவதுடன், குறைகள் களையப்பட்டுள்ளதா என மீண்டும் பார்வையிட்டு வருகிறார். 
 அந்த வகையில் கடந்த ஒரு வாரத்துக்கு முன்பு புதுச்சேரி ரோமன் ரோலன்ட் நூலகத்தில் ஆளுநர் ஆய்வு செய்தார். அப்போது, நூலகத்தின் செயல்பாடுகள் குறித்து அதிருப்தியடைந்த அவர்,  நூலகத்தில் பல்வேறு மாறுதல்கள் செய்ய உத்தரவிட்டார்.   
இந்த நிலையில்,  தனது உத்தரவுகள் முறையாக செயல்படுத்தப்பட்டுள்ளதா என்பது குறித்து திங்கள்கிழமை மீண்டும் ஆய்வு செய்தார்.   ஆய்வு குறித்து கிரண் பேடி கூறும்போது,  ரோமன் ரோலன்ட் நூலகம் வாசர்களுக்காக தயாராகிக் கொண்டிருக்கிறது. சரியான பயன்பாட்டுக்கு வர இன்னும் ஒரு வாரம் ஆகும். அதிக எண்ணிக்கையிலான வாசகர்கள் பயன்படுத்தும் வகையில் கணினி வசதி இருக்க வேண்டும். வாசகர்களின் வசதிக்காக இந்த நூலகம் ஞாயிற்றுக்கிழமை திறந்திருக்க வேண்டும். திங்கள்கிழமை விடுமுறை அளிக்கலாம் என்றார் கிரண் பேடி.

]]>
http://www.dinamani.com/all-editions/edition-villupuram/puducherry/2018/dec/11/ரோமன்-ரோலன்ட்-நூலகத்தை-ஞாயிற்றுக்கிழமை-திறக்க-வேண்டும்-கிரண்-பேடி-உத்தரவு-3055867.html
3055865 விழுப்புரம் புதுச்சேரி மேக்கேதாட்டு அணை விவகாரம்: புதுவையிலும் அரசு தீர்மானம் நிறைவேற்ற வேண்டும் DIN DIN Tuesday, December 11, 2018 08:51 AM +0530 மேக்கேதாட்டு  அணை விவகாரத்தில் தமிழகத்தைப் போல, புதுவையிலும் சட்டப்பேரவையில் அரசு தீர்மானம் நிறைவேற்ற வேண்டும் என்று அதிமுக கோரிக்கை விடுத்துள்ளது. 
இதுகுறித்து சட்டப்பேரவைத் தலைவர் வெ.வைத்திலிங்கத்திடம்,  அதிமுக பேரவைக் குழுத் தலைவர் ஆ.அன்பழகன் திங்கள்கிழமை அளித்த மனு விவரம்:
 கர்நாடக அரசு சட்டத்துக்கு  விரோதமாக மேக்கேதாட்டு என்ற இடத்தில் புதிய அணை கட்டுவதற்கான வரைவு அறிக்கைக்கு மத்திய நீர் வளத்துறை,  சுற்றுப்புறச் சூழல் அமைச்சகம் அனுமதி அளித்துள்ளதால்  காவிரியின் கடைமடை பகுதியான காரைக்கால் மாவட்டம் காவிரி நீர் கிடைக்காமல் வறண்ட மாவட்டமாக மாறும்.
ஒட்டு மொத்த தமிழகமே காவிரி நீர் இன்றி பாலைவனமாக மாறும் சூழ்நிலை உருவாகும். 
எனவே, மேக்கேதாட்டுவில் தடுப்பணை கட்டும் முடிவை 
கர்நாடகம் திரும்பப் பெறவும்,  கர்நாடக அரசின் தன்னிச்சையான அணை கட்டும் முடிவைக் கண்டித்தும்,  தடுப்பணை கட்டுவதற்கான வரைவு அறிக்கைக்கு மத்திய அரசால் வழங்கப்பட்டுள்ள அனுமதியை திரும்பப் பெறவும் நடைபெற இருக்கும் சட்டப்பேரவை சிறப்புக் கூட்டத்தில் தீர்மானத்தைக் கொண்டு வர வேண்டும். 
காவிரி பிரச்னையில் தமிழகத்தோடு இணைந்து செயல்பட வேண்டிய புதுவை அரசும், ஏகமனதாக இத்தீர்மானத்தை நிறைவேற்றி உடனடியாக மத்திய அரசுக்கு அனுப்பிவைக்க வேண்டும் எனத் தெரிவித்துள்ளார் 
அன்பழகன்.

]]>
http://www.dinamani.com/all-editions/edition-villupuram/puducherry/2018/dec/11/மேக்கேதாட்டு-அணை-விவகாரம்-புதுவையிலும்-அரசு-தீர்மானம்-நிறைவேற்ற-வேண்டும்-3055865.html
3055862 விழுப்புரம் புதுச்சேரி குழந்தைகளுக்கு எதிரான பாலியல் கொடுமைக்கு எதிர்ப்பு DIN DIN Tuesday, December 11, 2018 08:51 AM +0530 குழந்தைகளுக்கு எதிரான பாலியல் கொடுமைக்கு எதிர்ப்பு தெரிவித்து, விழிப்புணர்வு ஏற்படுத்தும் வகையில், மகாராஷ்டிர மாநிலம், புணேவைச் சேர்ந்த சமூக ஆர்வலர் மகேஷ் ஸ்ரீசாகர் நாடு முழுவதும் சைக்கிளில் பயணம் செய்து வருகிறார்.

புதுச்சேரிக்கு திங்கள்கிழமை வந்த அவரை முதல்வர் வே.நாராயணசாமி வாழ்த்தி அனுப்பிவைத்தார்.  இதுவரை 15,000 கி.மீ. பயணம் செய்துவிட்டு திங்கள்கிழமை புதுச்சேரிக்கு இவர் வந்துள்ளார். அவர் மரியாதை நிமித்தமாக முதல்வர்  நாராயணசாமி,  சமூக நலத்துறை அமைச்சர் மு.கந்தசாமி ஆகியோரை சட்டப்பேரவை வளாகத்தில் சந்தித்து வாழ்த்து பெற்றார். இந்நிகழ்வின்போது சட்டப்பேரவை உறுப்பினர்கள் ஜெயமூர்த்தி,  தனவேலு, புதுவை அரசின் தில்லி சிறப்பு பிரதிநிதி ஜான்குமார்,  இளைஞர் காங்கிரஸ் மாநில பொதுச் செயலாளர் விக்னேஷ் மற்றும் பலர் உடனிருந்தனர். பின்னர், அவர் சென்னைக்கு புறப்பட்டுச் சென்றார்.

]]>
http://www.dinamani.com/all-editions/edition-villupuram/puducherry/2018/dec/11/குழந்தைகளுக்கு-எதிரான-பாலியல்-கொடுமைக்கு-எதிர்ப்பு-3055862.html
3055860 விழுப்புரம் புதுச்சேரி பள்ளிகளில் மனித உரிமைக் கல்வியை அறிமுகப்படுத்தக் கோரிக்கை DIN DIN Tuesday, December 11, 2018 08:51 AM +0530 பள்ளிகளில் மனித உரிமைக் கல்வியை அறிமுகப்படுத்த வேண்டும் என்று புதுச்சேரி மக்கள் உரிமைக் கூட்டமைப்பு கோரிக்கை விடுத்துள்ளது.
 இதுகுறித்து அந்தக் கூட்டமைப்பின் செயலாளர் 
கோ.சுகுமாரன் வெளியிட்ட அறிக்கை:   இந்திய அரசியல் சட்டத்திலும்,  பிற சட்டங்களிலும் வழங்கப்பட்டுள்ள உரிமைகள் குறித்து மாணவர்களுக்கு கற்பிக்க வேண்டியது அவசியம்.   பல்வேறு மாநிலங்களின் உயர் நீதிமன்றங்கள், உச்ச நீதிமன்றங்கள் அவ்வப்போது வழங்கும் முக்கிய தீர்ப்புகள் குறித்தும் மாணவர்களுக்கு பயிற்றுவிக்க வேண்டும். 
 புதுவையில் மனித உரிமைக் கல்வியை அறிமுகப்படுத்த 
பல்வேறு அமைப்புகள் சார்பில் அரசுக்குக் கோரிக்கை வைக்கப்பட்டது. ஹோப் நிறுவனம் சார்பில் மனித உரிமைக் கல்விக்கான பாடப் புத்தகங்கள் துறை வல்லுநர்களைக் கொண்டு தயார் செய்யப்பட்டன.   அரசுக்கு நிதி நெருக்கடி இருக்கும் பட்சத்தில் பாடப் புத்தகங்கள் அச்சிட்டுக் கொடுக்கத் தயாராக இருப்பதாகவும் தெரிவிக்கப்பட்டது. ஆனால், இதுவரை அரசு எவ்வித நடவடிக்கையும் எடுக்கவில்லை. 
தொடக்கப் பள்ளி,  நடுநிலைப் பள்ளி, உயர்நிலைப் பள்ளி,  மேல்நிலைப் பள்ளி என நான்கு பிரிவு பள்ளிகளிலும் மனித உரிமைக் கல்வியை முதல் கட்டமாக அறிமுகப்படுத்த வேண்டும்.  பின்னர் கல்லூரி அளவிலும் பட்டப்படிப்பு தொடங்கலாம்.   புதுவையில் தமிழக கல்வி வாரியத்தின் கீழ் தமிழக பாடத் திட்டத்தைப் பின்பற்றுவதால் தனியே ஒரு பாடமாக சேர்த்துக் கற்பிப்பதில் எந்தவித சிக்கலும் இருக்காது. உலக மனித உரிமைகள் தினமான டிச.10-ஆம் தேதியை முன்னிட்டு,   மனித உரிமைக் கல்வியை பாடமாக அறிமுகப்படுத்த நடவடிக்கை எடுக்க வேண்டும் எனத் தெரிவித்துள்ளார் சுகுமாரன்.

]]>
http://www.dinamani.com/all-editions/edition-villupuram/puducherry/2018/dec/11/பள்ளிகளில்-மனித-உரிமைக்-கல்வியை-அறிமுகப்படுத்தக்-கோரிக்கை-3055860.html
3055859 விழுப்புரம் புதுச்சேரி கரும்பு விவசாயிகளுக்கு ரூ.10 கோடி நிலுவைத் தொகை: அமைச்சர்கள் அறிவிப்பு DIN DIN Tuesday, December 11, 2018 08:50 AM +0530 பொங்கல் பண்டிகை காலத்தில் கரும்பு விவசாயிகளுக்கு ரூ.10 கோடி 
நிலுவைத் தொகை வழங்கப்படும் என அமைச்சர்கள் ஆர்.கமலக்கண்ணன் (வேளாண்துறை),  மு.கந்தசாமி (சமூக நலத்துறை) ஆகியோர் திங்கள்கிழமை அறிவித்தனர்.
புதுவை கரும்பு விவசாயிகள் பங்கேற்ற முத்தரப்பு ஆலோசனைக் கூட்டம் சட்டப்பேரவை வளாகத்தில்  திங்கள்கிழமை நடைபெற்றது.  
வேளாண்துறை அமைச்சர் கமலக்கண்ணன் தலைமை வகித்தார். சமூகநலம் மற்றும் கூட்டுறவுத் துறை அமைச்சர் கந்தசாமி முன்னிலை வகித்தார். கூட்டத்தில் விவசாயிகள் தரப்பில் பேசும்போது,  லிங்காரெட்டிபாளையம் கூட்டுறவு சர்க்கரை ஆலையில் 2016-17-ஆம் ஆண்டுக்கு விவசாயிகள் வெட்டி அனுப்பிய கரும்புக்கு டன்னுக்கு ரூ.3,200 வழங்க வேண்டும். 
இதுவரை கரும்புக்கு ரூ.21 
கோடியை விவசாயிகளுக்கு புதுவை அரசு வழங்க வேண்டும்.  இதை உடனடியாக வழங்க வேண்டும்.   நிலுவைத் தொகையை வழங்காததால் விவசாயிகள் பயிர் செய்ய முடியாமல் அவதிப்பட்டு வருகின்றனர் என கோரிக்கை விடுத்துனர்.
இதற்குப் பதிலளித்த அமைச்சர்கள்,  தற்போதைய சூழ்நிலையில் புதுவை  அரசு நிதி நெருக்கடியில் இருப்பதால் நிலுவைத் தொகை முழுவதும் ஒரே தவணையாக வழங்க இயலாது.  எனவே,  எதிர்வரும் பொங்கல் பண்டிகையின்போது ரூ.10 கோடி நிலுவைத்தொகை வழங்கப்படும். மேலும்,  2016-17-ஆம் ஆண்டு அரைவை செய்யப்பட்ட 65,000 டன் கரும்புக்கு ஏற்கெனவே அறிவிக்கப்பட்ட ரூ.2,950-உடன் கூடுதலாக ரூ.50 சேர்த்து டன்னுக்கு ரூ.3,000 வழங்க நடவடிக்கை எடுக்கப்படும். இது தொடர்பாக 
தலைமைச் செயலர்,  நிதிச் செயலரை அழைத்து பேச்சுவார்த்தை நடத்தப்படும் என்றனர்.
இதை விவசாயிகள் தரப்பிலும் ஏற்றுக்கொண்டனர்.  கூட்டத்தில் மண்ணாடிப்பட்டு தொகுதி எம்எல்ஏ டி.பி.ஆர்.செல்வம் மற்றும் விவசாயிகள் சங்கப் பிரதிநிதிகள் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/dec/11/கரும்பு-விவசாயிகளுக்கு-ரூ10-கோடி-நிலுவைத்-தொகை-அமைச்சர்கள்-அறிவிப்பு-3055859.html
3055857 விழுப்புரம் புதுச்சேரி விரிவான மருத்துவக் காப்பீட்டு திட்டத்தை உருவாக்க வேண்டும்: மதிமுக வலியுறுத்தல் DIN DIN Tuesday, December 11, 2018 08:50 AM +0530 புதுவை அரசு மாநிலத்தில் விரிவான மருத்துவக் காப்பீட்டுத் திட்டத்தை உருவாக்க வேண்டும் என மதிமுக வலியுறுத்தியுள்ளது.
இதுகுறித்து அந்தக் கட்சியின் புதுவை மாநில பொறுப்பாளர் 
அ.கபிரியேல் வெளியிட்ட  அறிக்கை: 
 புதுவை மாநில ஏழை, எளிய மற்றும் நடுத்தர மக்கள் சிறப்பு சிகிச்சை பெற மத்திய அரசின் ஆயுஷ்மான் பாரத் மருத்துவ காப்பீட்டுத் திட்டத்தை அமல்படுத்த புதுச்சேரி அரசு நடவடிக்கை எடுக்க வேண்டும். மேலும், தமிழகத்தில் உள்ளது போல, முதல்வரின் 
இலவச மருத்துவக் காப்பீட்டுத் திட்டத்தை புதுவையிலும் நடைமுறைப்படுத்த வேண்டும்.
 ஏழை, எளிய மக்கள் இலவசமாக இதய நோய் சிகிச்சை, சிறுநீரக சிகிச்சை, சிறுநீரக மாற்று சிகிச்சை, புற்றுநோய் மற்றும் நாள்பட்ட நோய்களுக்கு சிகிச்சை அளிக்க விரிவான மருத்துவக் காப்பீட்டுத் திட்டத்தை ஏற்படுத்த வேண்டும். இதில், அனைத்து தனியார் மருத்துவமனைகளும் பங்கேற்கும்படி  செய்யவேண்டும்.
புதுவை மாநில மக்கள் பயன்பெறும் வகையில் ரூ. 5 லட்சம் வரையிலான சிறப்பு மருத்துவ சிகிச்சையை இலவசமாகப் பெற மாநில அரசு விரிவான மருத்துவக் காப்பீட்டுத் திட்டத்தை 
உருவாக்க வேண்டும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/puducherry/2018/dec/11/விரிவான-மருத்துவக்-காப்பீட்டு-திட்டத்தை-உருவாக்க-வேண்டும்-மதிமுக-வலியுறுத்தல்-3055857.html
3055856 விழுப்புரம் புதுச்சேரி ஆற்றில் மணல் ஏற்றிச் சென்ற லாரி பறிமுதல் DIN DIN Tuesday, December 11, 2018 08:50 AM +0530 திருமலைராஜனாற்றில் அரசு நிர்வாக அனுமதியின்றி மணல் ஏற்றிச் சென்ற லாரியை வருவாய்த் துறையினர் பறிமுதல் செய்தனர்.
காரைக்கால் பகுதி விழுதியூர், படுதார்கொல்லை உள்ளிட்ட பகுதிகளில் அரசலாறு, திருமலைராஜனாறு உள்ளிட்டவற்றில் மணல் எடுப்பதாக பல்வேறு புகார்கள் மாவட்ட நிர்வாகத்துக்கு பல்வேறு தரப்பினர் தெரிவித்தனர். மாவட்ட  சார்பு-ஆட்சியர் ஏ. விக்ரந்த் ராஜா உத்தரவின் பேரில், வட்டாட்சியர்  பொய்யாதமூர்த்தி தலைமையில் வருவாய்த் துறையினர் தீவிர ரோந்து பணியை மேற்கொண்டு வருகின்றனர். இந்த நிலையில், கிராம நிர்வாக அலுவலர் ரவிச்சந்திரன் தலைமையிலான ஒரு குழுவினர் படுதார்கொல்லை, விழுதியூர் உள்ளிட்ட பகுதிகளில் ஞாயிற்றுக்கிழமை ரோந்து பணியை மேற்கொண்டனர்.
அப்போது விழுதியூர் வழியாக காரைக்காலுக்கு மணல் ஏற்றிக்கொண்டு வந்த லாரியை நிறுத்தி மணல் எடுத்ததற்கான ஆவணங்களைக் கேட்டுள்ளனர். அப்போது ரோந்துப் பணியில் ஈடுபட்டிருந்தோரை லாரி ஓட்டுநர் தகாத வார்த்தைகளால் பேசியதாகக் கூறப்படுகிறது. இருவருக்கும் ஏற்பட்ட வாக்குவாதத்தையடுத்து, நிரவி காவல்நிலையத்துக்கு தகவல் தெரிவிக்கப்பட்டது. போலீஸார் விரைந்து சென்று ஓட்டுநரை விசாரணைக்கு அழைத்துச் சென்றனர். வருவாய்த் துறையினர்  லாரியை பறிமுதல் செய்து காரைக்கால் கொண்டு 
சென்றனர்.
 

]]>
http://www.dinamani.com/all-editions/edition-villupuram/puducherry/2018/dec/11/ஆற்றில்-மணல்-ஏற்றிச்-சென்ற-லாரி-பறிமுதல்-3055856.html
3055854 விழுப்புரம் புதுச்சேரி தேசிய தரவரிசைப் பட்டியலில் ஜிப்மர் முதலிடம் DIN DIN Tuesday, December 11, 2018 08:49 AM +0530 மத்திய அரசின் சுகாதாரத் துறை அமைச்சகம் வெளியிட்ட தேசிய தரவரிசைப் பட்டியலில் புதுச்சேரி ஜிப்மர் முதலிடத்தை பிடித்துள்ளது.
 இது குறித்து ஜிப்மர் இயக்குநர் (பொ) ஆர்.பி.சுவாமிநாதன் வெளியிட்ட செய்திக் குறிப்பு:
மருத்துவமனைகளில் பெறப்படும் சேவைகளைப் பற்றிய நோயாளிகளின் கருத்துக்களை, குறுஞ்செய்திகளாகவும், வெளிஅழைப்புகளாகவும், செல்லிடப்பேசி செயலி மற்றும் வலைத்தளம் மூலமாகவும் பெற, மத்திய சுகாதார அமைச்சகத்தால் 2016-இல் மேரா அஸ்பதால்  திட்டம் தொடங்கப்பட்டது.
கடந்த ஏழு நாள்களில் தாங்கள் சென்று வந்த மருத்துவமனைகளைப் பற்றிய கருத்துகளை நோயாளிகள் இதில் தெரிவிக்கலாம். 
மேரா அஸ்பதால் திட்டம், சுகாதாரப் பாதுகாப்புத் தரத்தை உயர்த்துவதற்கான சரியான முடிவுகளை எடுக்க அரசுக்கு உதவும்.  இதனால் நோயாளிகள் மேலும் சிறந்த பலன்களைப் பெற
முடியும்.
மத்திய சுகாதார அமைச்சகம், ஒரு மேரா அஸ்பதால் பயிலரங்கத்தை புதுச்சேரியில் நடத்தியது என்றும் அதில் ஜிப்மர் பேராசிரியர் ரவிக்குமார் சிட்டோரியாவும் தகவல்தொழில்நுட்பக் குழுவினரும் பங்கேற்று மேரா அஸ்பதால் பற்றிய புரிந்துணர்வு பெற்றனர்.  
இப்பயிலரங்கில், அமைச்சகத்தின் அதிகாரிகள் நாட்டில் உள்ள மத்திய அரசின் மருத்துவ நிறுவனங்களின் தர வரிசையில் ஜிப்மர் முதலிடம் பெற்றுள்ளதாக அறிவித்தனர். 
மருத்துவர்களின் நடவடிக்கை, சிகிச்சையால் அடைந்த திருப்தி, செவிலியர்களின் காப்பு நடவடிக்கைகள், ஆய்வகச் சேவைகள் மற்றும் ஒட்டுமொத்த பாதுகாப்புச் சேவை பற்றி ஜிப்மரில் சிகிச்சை பெற்றவர்களின் கருத்துக்கள் மற்றும் பல்வேறு அளவீடுகளைக் கொண்டு அமைச்சகம் இந்த முடிவை எடுத்துள்ளது எனத் தெரிவித்துள்ளார்.
 

]]>
http://www.dinamani.com/all-editions/edition-villupuram/puducherry/2018/dec/11/தேசிய-தரவரிசைப்-பட்டியலில்-ஜிப்மர்-முதலிடம்-3055854.html
3055851 விழுப்புரம் புதுச்சேரி வேலைநிறுத்தப் போராட்டத்தில் பங்கேற்க பேருந்து தொழிலாளர்கள் சங்கம் முடிவு DIN DIN Tuesday, December 11, 2018 08:49 AM +0530 நாடு தழுவிய அளவில் ஜனவரி மாதம் நடைபெற உள்ள வேலைநிறுத்தப் போராட்டத்தில் பங்கேற்பது என பேருந்து தொழிலாளர்கள் சங்கம் முடிவெடுத்துள்ளது.
ஏஐடியூசி மக்கள் தலைவர் வ. சுப்பையா புதுச்சேரி நகரப் பகுதி தனியார் பேருந்து தொழிலாளர் சங்கத்தின் பொதுக்குழுக் கூட்டம் புதுச்சேரியில் திங்கள்கிழமை நடைபெற்றது.
பாக்குமுடையான்பட்டு காரல்மார்க்ஸ் படிப்பகத்தில் நடைபெற்ற இந்தக் கூட்டத்துக்கு சங்கத்தின் தலைவர் ஜெ. மரிகிறிஸ்டோபர் தலைமை வகித்தார். 
ஏஐடியூசி மாநிலத் தலைவர் வி.எஸ். அபிஷேகம், மாநில பொதுச் செயலாளர் கே. சேதுசெல்வம் ஆகியோர் பேசினர்.
தீர்மானங்கள் விவரம்: விலைவாசி உயர்வைக் கட்டுப்படித்திட வேண்டும், தொழிலாளர் சட்டங்களை பெருமுதலாளிகளுக்கு ஆதரவாக திருத்துவதை கைவிட வேண்டும், அமைப்புசாரா தொழிலாளர்களுக்கு சமூக பாதுகாப்பு வழங்கவேண்டும், பொதுத்துறை நிறுவனங்களை மூடுவதையும், தனியாருக்கு விற்பதையும் கைவிட வேண்டும் ஆகிய கோரிக்கைகளை வலியுறுத்தியும், மத்திய பாஜக அரசைக் கண்டித்தும் அனைத்துத் தொழில் சங்கங்களின் சார்பில் நாடு தழுவிய அளவில் 2019 ஜனவரி 8, 9 ஆகிய தேதிகளில் நடைபெறும் வேலைநிறுத்தப் போராட்டத்தில் பங்கேற்பது. 
 போக்குவரத்துத் தொழிலாளர்களுக்கு என தனி நல வாரியம் அமைத்திட மாநில அரசை வலியுறுத்துவது ஆகிய தீர்மானங்கள் நிறைவேற்றப்பட்டன.
இதில் சங்கச் செயலாளர் என். சுகுமாறன், துணைத் தலைவர் ஆரோக்கியநாதன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/dec/11/வேலைநிறுத்தப்-போராட்டத்தில்-பங்கேற்க-பேருந்து-தொழிலாளர்கள்-சங்கம்-முடிவு-3055851.html
3055849 விழுப்புரம் புதுச்சேரி ஜவுளிக் கடையை உடைத்து திருட்டு: கேரள இளைஞர்கள் 2 பேர் கைது DIN DIN Tuesday, December 11, 2018 08:49 AM +0530 புதுச்சேரியில் ஜவுளிக் கடையை உடைத்து துணிகளை திருடிய 2 கேரள இளைஞர்களை போலீஸார் ஞாயிற்றுக்கிழமை கைது செய்தனர்.
புதுச்சேரி திருமுடி நகரைச் சேர்ந்தவர் இளவரசன் (28). காந்தி வீதியில் ஜவுளிக் கடை நடத்தி வருகிறார். 
 ஞாயிற்றுக்கிழமை காலை இளவரசன் வழக்கம் போல, கடையை திறக்க வந்தபோது, கடையின் மேற்கூரை கண்ணாடி கதவு உடைக்கப்பட்டிருந்தது கண்டு அதிர்ச்சியடைந்தார். உள்ளே சென்று பார்த்த போது, கடையில் இருந்த துணிகள்  உள்ளிட்ட பொருள்களை மர்ம நபர்கள் திருடிச் சென்றிருப்பது தெரிய வந்தது. 
இதுகுறித்து இளவரசன், ஒதியஞ்சாலை காவல்நிலையத்தில் புகார் அளித்தார். போலீஸார் வழக்குப் பதிந்து விசாரித்து வந்தனர்.
இதனிடையே, ஞாயிற்றுக்கிழமை இரவு புதுச்சேரி ரயில் நிலையத்தில் துணி மூட்டைகளுடன் சந்தேகப்படும்படி நின்றிருந்த 2 இளைஞர்களைப் பிடித்து, அப்பகுதி போலீஸார் விசாரித்ததுடன், ஒதியஞ்சாலை போலீஸாருக்கும் தகவல் அளித்தனர். 
தகவலின் பேரில் அங்கு வந்த உதவி ஆய்வாளர் கீர்த்தி தலைமையிலான போலீஸார், பிடிபட்ட இளைஞர்களை காவல்நிலையம் அழைத்துச் சென்று விசாரித்தனர். 
விசாரணையில் அவர்கள், கேரள மாநிலம்,  எர்ணாகுளத்தைச் சேர்ந்த ஜேக்கப் மகன் சேவியர் அஜய் (20), பெஞ்சமின் ஜோசப் (18) என்பது தெரிய வந்தது. 
தொடர் விசாரணையில், இருவரும் புதுச்சேரியில் உள்ள நண்பரை பார்க்க வந்த இடத்தில், துணிக்கடையில் திருடி அதனை தங்களது ஊரில் சென்று விற்கலாம் என்ற நோக்கத்தில் இருந்தனராம். இதையடுத்து, இருவரையும் கைது செய்த போலீஸார்,  அவர்கள் திருடிய துணிகளையும் பறிமுதல் செய்தனர்.

]]>
http://www.dinamani.com/all-editions/edition-villupuram/puducherry/2018/dec/11/ஜவுளிக்-கடையை-உடைத்து-திருட்டு-கேரள-இளைஞர்கள்-2-பேர்-கைது-3055849.html
3055848 விழுப்புரம் புதுச்சேரி சிறைக் கைதிகளுக்கு ஆதரவாக சாலை மறியல் DIN DIN Tuesday, December 11, 2018 08:48 AM +0530  சிறைக் கைதிகளுக்கு ஆதரவாக புதுச்சேரியில் திங்கள்கிழமை சாலை மறியலில் ஈடுபட்ட  திராவிடர் விடுதலைக் கழகத்தினர் 69 பேர் கைது செய்யப்பட்டனர்.
புதுவை காலாப்பட்டு மத்திய சிறையில் தண்டனைக் கைதிகளுக்கு பரோல் வழங்க மறுப்பதைக் கண்டித்து, கைதிகள் தொடர் உண்ணாவிரதப் போராட்டத்தில் ஈடுபட்டு வருகின்றனர். 
இந்த நிலையில், சிறைக் கைதிகளுக்கு பரோல் வழங்காத சிறைத் துறையைக் கண்டித்தும், சிறையில் நடைபெறும் மனித உரிமை மீறல்கள் குறித்து ஆளுநரும், முதல்வரும் தலையிட்டு நடவடிக்கை எடுக்க வலியுறுத்தியும், புதுச்சேரியில் திராவிடர் விடுதலைக் கழகம் சார்பில் மறியல் போராட்டம் நடைபெற்றது.
நேரு வீதி - அண்ணா சாலை சந்திப்பில் காமராஜர் சதுக்கம் பகுதியில் நடைபெற்ற போராட்டத்துக்கு திராவிடர் விடுதலைக் கழகத் தலைவர் லோகு. அய்யப்பன் தலைமை வகித்தார். 
மக்கள் வாழ்வுரிமை இயக்கத் தலைவர் ஜெகன்நாதன், தமிழர் களம் அழகர், தந்தை பெரியார் திராவிடர் கழகத் தலைவர் வீரமோகன், அம்பேத்கர் தொண்டர் படைத் தலைவர் பாவாடைராயன் உள்பட 100-க்கும் மேற்பட்டோர் பங்கேற்றனர்.
போராட்டம் காரணமாக அப்பகுதியில் போக்குவரத்து பாதிக்கப்பட்டது. பெரியக்கடை போலீஸார் மறியலில் ஈடுபட்டோரை கலைந்து செல்லக் கூறினர். இதனை போராட்டக்காரர்கள் ஏற்க மறுத்தனர்.
 இதைத் தொடர்ந்து போராட்டத்தில் ஈடுபட்ட 4 பெண்கள் உள்பட 69 பேரை போலீஸார் கைது செய்தனர். மாலையில் அவர்கள் விடுவிக்கப்பட்டனர்.
 

]]>
http://www.dinamani.com/all-editions/edition-villupuram/puducherry/2018/dec/11/சிறைக்-கைதிகளுக்கு-ஆதரவாக-சாலை-மறியல்-3055848.html
3055846 விழுப்புரம் புதுச்சேரி சேதராப்பட்டு தொழில்பேட்டையில் நாளை வேலைநிறுத்தம் DIN DIN Tuesday, December 11, 2018 08:48 AM +0530 பல்வேறு கோரிக்கைகளை வலியுறுத்தி, சேதராப்பட்டு தொழில் பேட்டையில் புதன்கிழமை (டிச.12) பொதுவேலைநிறுத்தம் நடத்த உள்ளதாக  அனைத்துத் தொழில்சங்கங்களின் ஒருங்கிணைப்புக் குழு அறிவித்துள்ளது. 
இதுகுறித்து சேதராப்பட்டு தொழிற்பேட்டை அனைத்து தொழிலாளர்கள் மற்றும் தொழிற்சங்கங்களின் ஒருங்கிணைப்புக் குழுத் தலைவர் சோ. மோதிலால், பாட்டாளி தொழிற்சங்க மாநிலத் தலைவர் சி. ஜெயபால் ஆகியோர் செய்தியாளர்களிடம் திங்கள்கிழமை கூறியதாவது:
புதுவை மாநிலம் தொழில்பேட்டைகளில் உள்ள தொழில்சாலைகளில் பணிபுரியும் ஒப்பந்தத் தொழிலாளர்களுக்கு இஎஸ்ஐ, பிஎஃப், அடையாள அட்டை, ஊதிய ரசீது, ஊதியத்துடன் கூடிய வாரவிடுப்பு, ஊதியத்துடன் அரசு விடுப்பு, மிகை நேர ஊதியம், ஆண்டுக்கு 240 நாள்களுக்கு மேல் பணிபுரியும் தொழிலாளர்களுக்கு பணிநிரந்தர ஆணை வழங்க வேண்டும். 
சமவேலைக்கு சமஊதியம், புலம் பெயர்ந்த தொழிலாளர் நலச் சட்டங்களை நடைமுறைப்படுத்த வேண்டும். 
சேதராப்பட்டு தொழில்பேட்டையைச் சுற்றியுள்ள கிராமங்களைச் சேர்ந்த படித்த இளைஞர்களுக்கு அங்குள்ள தொழில்சாலைகளில் 60 சதவீத வேலைவாய்ப்பை வழங்க வேண்டும். எல் அன்ட் டி தொழில் சாலையில் பணிநீக்கம் செய்யப்பட்ட 184 தொழிலாளர்களுக்கு மீண்டும் பணி வழங்க வேண்டும் என்பன உள்ளிட்ட கோரிக்கைகளுக்கு தொழிலாளர் நலத் துறையும், புதுவை அரசும் தீர்வு காண வலியுறுத்தி புதன்கிழமை (டிச.12) 
சேதராப்பட்டு தொழில்பேட்டையில் பொதுவேலைநிறுத்தத்தை நடத்த உள்ளோம் எனத் 
தெரிவித்தனர்.
 

]]>
http://www.dinamani.com/all-editions/edition-villupuram/puducherry/2018/dec/11/சேதராப்பட்டு-தொழில்பேட்டையில்-நாளை-வேலைநிறுத்தம்-3055846.html
3055843 விழுப்புரம் புதுச்சேரி ஜனவரி முதல் மீண்டும் இலவச அரிசி வழங்கப்படும் DIN DIN Tuesday, December 11, 2018 08:48 AM +0530 புதுவையில் நியாய விலைக் கடைகள் மூலம் விரைவில் இலவச அரிசி வழங்கப்படும் என்று சமூக நலத் துறை அமைச்சர் மு.கந்தசாமி அறிவித்தார்.

வில்லியனூர் அருகே ஊசுடு தொகுதியைச் சேர்ந்த பயனாளிகளுக்கு ஆதிதிராவிடர் நலத் துறை,   சமூகநலத் துறை,  மகளிர் மற்றும் குழந்தைகள் மேம்பாட்டுத் துறை ஆகியவை சார்பில் பத்துக்கண்ணுவில் உள்ள எம்.எல்.ஏ. அலுவலகத்தில் நலத் திட்ட உதவிகள் வழங்கும் முகாம் திங்கள்கிழமை நடைபெற்றது.

இதில் 131 பேருக்கு ஓய்வூதியம்,  ராஜீவ் காந்தி கல் வீடு கட்டும் திட்டத்தின் கீழ், 155 பயனாளிகளுக்கு வீடு கட்ட மூன்றாவது 
தவணைத்தொகை,   71 பேருக்கு இலவச வீட்டுமனைப் பட்டா என ரூ.2 கோடி மதிப்பிலான நலத் திட்ட உதவிகளை அமைச்சர் கந்தசாமி வழங்கிப் பேசியதாவது:

முதல்வராக நாராயணசாமி பொறுப்பேற்ற பிறகு, புதுவை மாநிலத்துக்கு ஏற்கெனவே இருந்த கடனுக்கான வட்டியை செலுத்த வேண்டிய நிலை இருந்து வருகிறது.  அரசு ஊழியர்களுக்கு 7-ஆவது நிதிக்குழு பரிந்துரைகள் அமல்படுத்தப்பட்டதால் அரசுக்கு கூடுதலாக ரூ.500 கோடி செலவாகியுள்ளது. மத்திய அரசு ஜிஎஸ்டியை அறிமுகம் செய்ததால் புதுவையின் வருவாய் கடுமையாக பாதிக்கப்பட்டுள்ளது. உச்ச நீதிமன்றத்தின் தீர்ப்பால் புதுவையில் மதுக் கடைகள் மூடப்பட்டதால் கலால்துறை மூலம் கிடைக்கும் வருவாய் குறைந்துள்ளது.  

மத்தியில் காங்கிரஸ் ஆட்சி இருந்தபோது புதுவைக்கு 90 சதவீதம் மானியம் கிடைத்தது.  இப்போது பாஜக அரசு வந்த பிறகு 25 சதவீதம் மட்டுமே மானியம் கிடைக்கிறது. 

புதுவை அரசுக்கு நிதி நெருக்கடி இருந்தபோதும் மக்கள் நலன் சார்ந்த திட்டங்களை தொடர்ந்து செயல்படுத்தி வருகிறோம்.  இலவச அரிசி வழங்கும் திட்டத்தை தொடர்ந்து தடுக்கின்றனர்.  இருப்பினும், அதற்குரிய பணத்தை பயனாளிகளின் வங்கிக் கணக்குகளில் செலுத்தி வருகிறோம். ஜனவரி மாதம் முதல் இலவச அரிசி வழங்க உரிய நடவடிக்கை எடுக்கப்படும் என்றார் அமைச்சர் கந்தசாமி.

]]>
http://www.dinamani.com/all-editions/edition-villupuram/puducherry/2018/dec/11/ஜனவரி-முதல்-மீண்டும்-இலவச-அரிசி-வழங்கப்படும்-3055843.html
3055839 விழுப்புரம் புதுச்சேரி சிறைக் கைதிகள் தொடர் உண்ணாவிரதப் போராட்டம்: மயக்கமடைந்த மேலும் 18 பேருக்கு சிகிச்சை DIN DIN Tuesday, December 11, 2018 08:46 AM +0530 புதுவை சிறையில் நடைபெற்று வரும் உண்ணாவிரதப் போராட்டத்தில் மயக்கமடைந்த மேலும் 18 பேருக்கு திங்கள்கிழமை சிகிச்சை அளிக்கப்பட்டுள்ளது.
புதுவை காலாப்பட்டு மத்திய சிறையில் 54 தண்டனைக் கைதிகள் அடைக்கப்பட்டுள்ளனர். இவர்களில் 10 ஆண்டுகளுக்கும் மேலாக சிறையில் இருக்கும் 25 பேர் கடந்த 4 மாதங்புதுவை சிறையில் நடைபெற்று வரும் உண்ணாவிரதப் போராட்டத்தில் மயக்கமடைந்த மேலும் 18 பேருக்கு திங்கள்கிழமை சிகிச்சை அளிக்கப்பட்டுள்ளது.களுக்கு முன்பு பரோல் கேட்டு விண்ணப்பித்ததாகவும், அந்த மனுக்களை சிறை நிர்வாகம் பரிசீலனைக்கு எடுத்துக் கொள்ளவில்லை என்றும் கூறப்படுகிறது.
 இதைக் கண்டித்து 54 சிறைக் கைதிகளும் கடந்த 5-ஆம் தேதி முதல் சிறையில் உண்ணாவிரதப் போராட்டத்தில் ஈடுபட்டு வருகின்றனர். திங்கள்கிழமை 6-ஆவது நாளாக போராட்டம் நீடித்து வருகிறது. 
இவர்களிடம் சிறைத் துறை அதிகாரிகள் பேச்சுவார்த்தை நடத்தியும், கைதிகள் போராட்டத்தை கைவிடவில்லை எனக் கூறப்படுகிறது. 
இதனிடையே, மயக்கமடைந்த 7 கைதிகள் ஞாயிற்றுக்கிழமை மருத்துவமனையில் சிகிச்சை பெற்று திரும்பினர். 
இந்த நிலையில், திங்கள்கிழமை மேலும் 18 கைதிகள் மயக்கத்தாலும், உடல்சோர்வாலும் கடுமையாக பாதிக்கப்பட்டதாகத் தெரிகிறது. இதில் 9 பேருக்கு சிறை மருத்துவமனையிலேயே சிகிச்சை அளிக்கப்பட்டது. 
கடுமையாக உடல்நலம் பாதிக்கப்பட்ட பார்த்தசாரதி (33), இருசப்பன் (46), நாராயணன் (34), அமலன் (எ) லூர்துராஜ் (32), சிவசங்கர் (30), அண்ணாமலை (38), ஷேக் அகமது (35), கந்தவேலு (45) ஆகிய 9 பேர் திங்கள்கிழமை புதுச்சேரி அரசு பொது மருத்துவமனையில் அனுமதிக்கப்பட்டு சிகிச்சை பெற்று வருகின்றனர். 
இதையொட்டி, மருத்துவமனையில் பலத்த போலீஸ் பாதுகாப்பு போடப்பட்டுள்ளது. 

]]>
http://www.dinamani.com/all-editions/edition-villupuram/puducherry/2018/dec/11/சிறைக்-கைதிகள்-தொடர்-உண்ணாவிரதப்-போராட்டம்-மயக்கமடைந்த-மேலும்-18-பேருக்கு-சிகிச்சை-3055839.html
3055164 விழுப்புரம் புதுச்சேரி குற்றங்களைத் தடுக்க போலீஸார் கண்காணிப்பைத் தீவிரப்படுத்த வேண்டும்: எஸ்.பி. வலியுறுத்தல் DIN DIN Monday, December 10, 2018 09:23 AM +0530 குற்றங்களைத் தடுக்க போலீஸார் கண்காணிப்பைத் தீவிரப்படுத்த வேண்டும் என வடக்குப் பிரிவு காவல் கண்காணிப்பாளர் ஜிந்தா கோதண்டராமன் வலியுறுத்தினார். 
புதுச்சேரி மேட்டுப்பாளையத்தில் உள்ள காவல் துறை வடக்குப் பிரிவு காவல் கண்காணிப்பாளர் அலுவலகத்தில் போலீஸ் நல்லுறவு, குறைதீர் கூட்டம் ஞாயிற்றுக்கிழமை நடைபெற்றது. கூட்டத்துக்கு வடக்குப் பிரிவு காவல் கண்காணிப்பாளர் ஜிந்தா கோதண்டராமன் தலைமை வகித்தார்.  
காவல் ஆய்வாளர்கள் தங்கமணி, கண்ணன், நாகராஜ், காவல் உதவி ஆய்வாளர்கள் வீரபுத்திரன், இனியன், ராகேஷ், கலையரசன், சத்யா, சண்முக சத்யா, மேட்டுப்பாளையம், ரெட்டியார்பாளையம், கோரிமேடு, லாசுபேட்டை காவல் நிலையங்களைச் சேர்ந்த காவலர்கள் உள்பட பலர் பங்கேற்றனர். 
கூட்டத்தில் எஸ்.பி. ஜிந்தா கோதண்டராமன் பேசியதாவது : 
காவல் துறை வடக்குப் பிரிவு வளர்ந்து வரும் நகரப் பகுதிகளைக் கொண்டுள்ளது. இதனால், இங்கு வீட்டின் பூட்டை உடைத்து திருடுவது, நகைப் பறிப்பு, மோட்டார் பைக் திருட்டு போன்ற சம்பவங்கள் அதிகம் நடைபெறுகின்றன. இதைத் தடுக்க போலீஸார் சிறப்பான முறையில் பணியாற்ற வேண்டும். இந்தப் பகுதிகளில் ரோந்துப் பணியில் ஈடுபடும் போலீஸார் கண்காணிப்பைத் தீவிரப்படுத்த வேண்டும். 
குற்றம் நடைபெற இருப்பதாக சந்தேகம் எழுந்தால், உடனடியாக உயரதிகாரிகளுக்குத் தெரிவிக்க வேண்டும். குற்றவாளிகளைப் பற்றிய விவரங்களை பெண் போலீஸாரும் தெரிந்து வைத்திருக்க வேண்டும். போலீஸார் எந்தக் குறையாக இருந்தாலும் எனது செல்லிடப்பேசியைத் தொடர்பு கொண்டு பேசலாம் என்றார் அவர்.


 

]]>
http://www.dinamani.com/all-editions/edition-villupuram/puducherry/2018/dec/10/குற்றங்களைத்-தடுக்க-போலீஸார்-கண்காணிப்பைத்-தீவிரப்படுத்த-வேண்டும்-எஸ்பி-வலியுறுத்தல்-3055164.html
3055160 விழுப்புரம் புதுச்சேரி பல்கலைக்கழகங்களுக்கு இடையிலான கால்பந்துப் போட்டி DIN DIN Monday, December 10, 2018 08:58 AM +0530 புதுவை பல்கலைக்கழகத்தில் நடைபெற்று வரும் தென்மண்டல பல்கலைக்கழகங்களுக்கு இடையிலான கால்பந்துப் போட்டியில் 4 அணிகள் அரையிறுதிக்குத் தகுதி பெற்றன.
 புதுவை பல்கலைக்கழகத்தில் தென்மண்டல பல்கலைக்கழகங்களுக்கு இடையிலான ஆண்கள் கால்பந்துப் போட்டி கடந்த 3 -ஆம் தேதி முதல் நடைபெற்று வருகிறது. போட்டியில் தமிழகம், புதுவை, கேரளம், கர்நாடகம், ஆந்திரம், தெலங்கானா உள்ளிட்ட மாநிலங்களின் பல்கலைக்கழகங்களைச் சேர்ந்த 96 அணிகள் பங்கேற்றன.
தற்போது முதல் இரண்டு சுற்றுகள் முடிவடைந்த நிலையில், காலிறுதி ஆட்டங்களுக்கு 8 அணிகள் தகுதி பெற்றன. 
இவற்றில் சென்னை ஹிந்துஸ்தான் பல்கலைக்கழக அணி 2-0 என்ற கோல் கணக்கில் புதுவை பல்கலைக்கழக அணியையும், கோழிக்கோடு காலிகட் பல்கலைக்கழக அணி 7-6 என்ற கோல் கணக்கில் சென்னை பல்கலைக்கழக அணியையும்,  திருவனந்தபுரம் கேரள பல்கலைக்கழக அணி 3-1 என்ற கோல் கணக்கில் எஸ்ஆர்எம் பல்கலைக்கழக அணியையும், கண்ணூர் பல்கலைக்கழக அணி 3-0 என்ற கோல் கணக்கில் திருநெல்வேலி மனோன்மணீயம் சுந்தரனார் பல்கலைக்கழக அணியையும் வெற்றி கொண்டன. வெற்றி பெற்ற இந்த 4 அணிகளும் அரையிறுதிக்குத் தகுதி பெற்றன.

]]>
http://www.dinamani.com/all-editions/edition-villupuram/puducherry/2018/dec/10/பல்கலைக்கழகங்களுக்கு-இடையிலான-கால்பந்துப்-போட்டி-3055160.html
3055158 விழுப்புரம் புதுச்சேரி மணல் கடத்தல்: லாரி பறிமுதல் DIN DIN Monday, December 10, 2018 08:58 AM +0530 புதுச்சேரி அருகே ஆற்று மணல் கடத்த பயன்படுத்தியதாக டிப்பர் லாரியை போலீஸார் சனிக்கிழமை இரவு பறிமுதல் செய்தனர். 
 புதுவை மாநிலம், திருபுவனை காவல் ஆய்வாளர் பிரதாபன் தலைமையிலான போலீஸார் கே. குச்சிப்பாளையம் அருகே ஆற்றுப்பாலம் பகுதியில் சனிக்கிழமை இரவு வாகனச் சோதனையில் ஈடுபட்டனர். 
அப்போது, அந்த வழியாக வந்த லாரியை நிறுத்த முயன்ற போது, லாரி நிற்காமல் சென்றதாம். இதனால் சந்தேகமடைந்த போலீஸார் அந்த லாரியை விரட்டிச் சென்று நிறுத்தினர். இதனிடையே, லாரி ஓட்டுநர் தப்பியோடிவிட்டாராம்.
இதையடுத்து, போலீஸார் லாரியை சோதனையிட்ட போது, லாரியில் அனுமதியின்றி ஆற்றுமணல் கடத்தி வரப்பட்டது தெரிய வந்தது.
இதுதொடர்பாக நடத்தப்பட்ட விசாரணையில் லாரி வினாயகம்பட்டு கிராமத்தைச் சேர்ந்த பொன்னுசாமி என்பவருக்கு சொந்தமானது என்பதும், லாரியில் செல்லிப்பட்டு சங்கராபரணி ஆற்றிலிருந்து அனுமதியின்றி மணல் கடத்தி வந்ததும், லாரியை ஓட்டி வந்தவர் பழனிவேலு என்பதும் தெரிய வந்தது.
இதையடுத்து, லாரியை பறிமுதல் செய்த திருபுவனை போலீஸார், இதுகுறித்து வழக்குப் பதிந்து மணல் கடத்தலில் ஈடுபட்ட லாரி ஓட்டுநர் பழனிவேலுவை தேடி வருகின்றனர். 

]]>
http://www.dinamani.com/all-editions/edition-villupuram/puducherry/2018/dec/10/மணல்-கடத்தல்-லாரி-பறிமுதல்-3055158.html
3055157 விழுப்புரம் புதுச்சேரி மாற்றத்துக்கான விதைகளை சிந்தனையாளர்கள் விதைக்க வேண்டும் DIN DIN Monday, December 10, 2018 08:58 AM +0530 நாட்டில் மாற்றத்துக்கான விதைகளை சிந்தனையாளர்கள்தான் விதைக்க வேண்டும் என்று புதுவை முதல்வரின் நாடாளுமன்றச் செயலர் க.லட்சுமிநாராயணன் கூறினார்.
தமிழ்நாடு கலை இலக்கியப் பெருமன்றம்,  நியூ செஞ்சுரி புக் ஹவுஸ் நிறுவனம் ஆகியவை இணைந்து 30-ஆவது விருது வழங்கும் விழா காமராஜர் சாலையில் உள்ள தனியார் ஹோட்டலில் சனிக்கிழமை இரவு நடைபெற்றது. நிகழ்ச்சியில் சிறப்பு விருந்தினராகப் பங்கேற்ற அவர் விருதுகளை வழங்கிப் பேசியதாவது: 
மாறுபட்ட சிந்தனைகள் வெளிப்படவே கூடாது என்ற ஆதிக்க மனப்பான்மை இன்றைக்கு மிகப்பெரிய அளவில் வளர்ந்துள்ளது. 
இப்படிப்பட்ட சூழ்நிலையில், எந்த நிலை வந்தாலும் சமூகத்தின் முன்னேற்றத்துக்காகவும்,  சமதர்ம சமுதாயம் அமைய வேண்டும் என்பதற்காகவும் மாற்றத்துக்கான விதைகளை சிந்தனையாளர்கள் விதைக்க வேண்டும். அரசியல், பொருளாதார, சமூக ரீதியாக எல்லோரும் சமமான வாழ்க்கையை வாழ வேண்டும் என்பதற்காக இப்படிப்பட்ட சிந்தனை உள்ள அனைவரையும் ஒன்று சேர பார்ப்பதற்கான வாய்ப்பை புதுவை மண் பெற்றுள்ளது என்பது மகிழ்ச்சியாக இருக்கிறது.
700 கோடிக்கும் அதிகமான மக்கள் உலகத்தில் வாழ்கின்றனர். இவர்களுக்கெல்லாம் அமைதியான, வளமான வாழ்க்கை அமைய வேண்டும் என்று எழுத்தாளர்கள் சிந்திக்க வேண்டும்.
காலத்துக்கு ஏற்றார் போல, புதிய சிந்தனைகளைக் கொண்டு வந்து மக்களிடம் சேர்க்கும் ஆயிரக்கணக்கான எழுத்தாளர்கள் வந்து கொண்டேதான் இருக்கிறார்கள். எழுத்தாளர்கள், சிந்தனையாளர்களின் தேவை நிச்சயமாக மிக அதிகமாகவே இருக்கிறது என்றார் அவர். 
தொடர்ந்து அவர் வாழ்நாள் சாதனையாளர் விருது,  தமிழியல் ஆளுமைக்கான விருது, ஆய்வு நூல்கள், கட்டுரை நூல்கள், கவிதை நூல்கள்,  சிறுகதை நூல்கள், சிறுவர் நூல்கள், நாவல்கள், மொழிப்பெயர்ப்பு நூல்கள், குறும்படங்கள் என பல்வேறு படைப்புகளைத் தந்த படைப்பாளர்களுக்கு விருதுகளை வழங்கினார்.
விழாவுக்கு தமிழ்நாடு கலை இலக்கியப் பெருமன்றத்தின் மாநிலத்  தலைவர் சொக்கலிங்கம் தலைமை வகித்தார். முன்னதாக, பெருமன்றத்தின் புதுவை மாநிலத் தலைவர் எல்லை சிவக்குமார் வரவேற்றார்.  நியூ செஞ்சுரி புக் ஹவுஸ் நிர்வாக இயக்குநர் சண்முகம் சரவணன்,  புதுவை மாநில தமிழ்நாடு கலை  இலக்கியப் பெருமன்றச் சிறப்புத் தலைவர் ராமன், பொருளாளர் சுப்பையா ஆகியோர் முன்னிலை வகித்தனர். 
இலக்கியக் குழுச் செயலர் ராமச்சந்திரன் அறிமுகவுரையாற்றினார். புதுவை முன்னாள் அமைச்சர் இரா.விசுவநாதன், தமிழ்நாடு  கலை இயக்கியப் பெருமன்ற பொதுச் செயலர் ப.பா.ரமணி,  பொருளாளர் அ.மு.சலீம் ஆகியோர் வாழ்த்திப் பேசினர். துணைப் பொதுச் செயலர் ஹாமீம் முஸ்தபா, செயலர்கள் அன்பு, ராதாகிருஷ்ணன்,  நீலம். அருள்செல்வி உள்ளிட்ட பலர் கலந்து கொண்டனர். மாநில கலை இலக்கியப் பெருமன்ற பொதுச் செயலர் பாலகங்காதரன் நன்றி கூறினார்.

]]>
http://www.dinamani.com/all-editions/edition-villupuram/puducherry/2018/dec/10/மாற்றத்துக்கான-விதைகளை-சிந்தனையாளர்கள்-விதைக்க-வேண்டும்-3055157.html
3055155 விழுப்புரம் புதுச்சேரி ஓடும் ரயிலில் ஓவியப் போட்டி DIN DIN Monday, December 10, 2018 08:58 AM +0530 காரைக்காலில் இருந்து நாகப்பட்டினம் சென்ற ரயிலில் மாணவ, மாணவிகள் பங்கேற்ற ஓவியப் போட்டி ஞாயிற்றுக்கிழமை நடைபெற்றது.
புதுச்சேரி மாநில ஓவியர் மன்றம் சார்பில், காரைக்கால் பகுதியைச் சேர்ந்த ஓவியர்கள் பங்கேற்புடன் காரைக்காலில் முதல் முறையாக ஞாயிற்றுக்கிழமை ஓடும் ரயிலில் போட்டி நடத்தப்பட்டது.
காரைக்கால் ரயில் நிலையத்திலிருந்து புறப்பட்ட திருச்சி பயணிகள் ரயிலில், காரைக்கால் பகுதியைச் சேர்ந்த பல்வேறு பள்ளியில் பயிலும் 120 மாணவ, மாணவியர் போட்டியில் பங்கேற்றனர். இதில் புதுச்சேரியிலிருந்து வந்திருந்த 48 மாணவ, மாணவியரும் கலந்துகொண்டனர்.
மாணவ, மாணவியர் வண்ணம் தீட்டுவதற்கு அச்சடித்த கோடிட்ட படம் தரப்பட்டிருந்தது. மகாத்மா காந்தியின் 150-ஆவது பிறந்த 
நாளையொட்டி, தூய்மை இந்தியா - தூய்மை காரைக்கால் என்ற தலைப்பு  தரப்பட்டிருந்தது.
காரைக்கால் முதல் நாகப்பட்டினம் சென்றடைவதற்குள் வண்ணம் தீட்டித் தரப்பட்டது.  ரயிலில் மாணவர்களும் பல்வேறு ஊர்களில் இருந்து வந்த பயணிகளும் அருகருகே இருந்தனர். மாணவர்களின் ஓவியத் திறனைப் பார்த்து அவர்கள் பாராட்டுத் தெரிவித்தனர்.
முன்னதாக காரைக்கால் ரயில் நிலையத்தில் போட்டியை காரைக்கால் முதன்மைக் கல்வி அலுவலர் அ. அல்லி தொடங்கிவைத்தார். பேராசிரியர் மு. சாயபு மரைக்காயர், பேராசிரியை நசீமாபானு, மாவட்ட பெற்றோர் சங்கத் தலைவர் எல்.எஸ்.பி. சோழசிங்கராயர், கேசவசாமி, காரை சுப்பையா, நடேசவைத்தியநாதன், சூசைராஜ், ஓவியர்கள் பிலோமென், முத்துக்குமார், ஜெய்சங்கர் உள்ளிட்டோர் கலந்துகொண்டு மாணவர்களை வாழ்த்தினர். நிறைவாக, ஓவியர் மன்றத் தலைவர் இபேர் நன்றி கூறினார். 
மாணவர்கள் வண்ணம் தீட்டியளித்த ஓவியங்கள், நடுவர் குழுவினரால் தேர்வு செய்யப்பட்டு, காரைக்காலில் மற்றொரு நிகழ்ச்சியில் பரிசுகள் வழங்கப்படும் எனவும், மாணவர்களிடையே ஓவியத் திறனை வளர்க்கவும், ஓவியக் கலையை மேம்படுத்தவும், பல்வேறு சூழல்களில் ஓவியம் வரையும் திறனை  வளர்த்துக்கொள்ளும் விதத்திலேயே ரயிலில் இந்த போட்டி நடத்தப்பட்டது. வரும் ஆண்டுகளிலும் இதுபோன்ற நிகழ்ச்சி நடத்தப்படும். கூடுதலான மாணவர்கள் பங்கேற்க ஏற்பாடு செய்யப்படும் என்றார் ஓவியர் மன்றத் தலைவர் இபேர்.

]]>
http://www.dinamani.com/all-editions/edition-villupuram/puducherry/2018/dec/10/ஓடும்-ரயிலில்-ஓவியப்-போட்டி-3055155.html
3055153 விழுப்புரம் புதுச்சேரி சிறையில் உண்ணாவிரதம்: மயக்கமடைந்த 7 ஆயுள் கைதிகளுக்கு தீவிர சிகிச்சை DIN DIN Monday, December 10, 2018 08:57 AM +0530 புதுவை காலாப்பட்டு மத்திய சிறையில் உண்ணாவிரதத்தில் ஈடுபட்ட போது மயங்கி விழுந்த 7 கைதிகள் அரசு மருத்துவமனையில் சேர்க்கப்பட்டு, தீவிர சிகிச்சைப் பெற்று வருகின்றனர்.
புதுவை காலாப்பட்டு மத்திய சிறையில் உள்ள 54 தண்டனை கைதிகளில் 25 பேர் கடந்த 4 மாதங்களுக்கு முன்னர் பரோலில் செல்ல அனுமதி கேட்டதாகக் கூறப்படுகிறது. ஆனால், சிறை நிர்வாகம் அவர்களுக்கு அனுமதி வழங்கவில்லையாம். இதைக் கண்டித்து, கடந்த 5 -ஆம் தேதி முதல் கைதிகள் சிறையில் தொடர்  உண்ணாவிரதப் போராட்டத்தில் ஈடுபட்டு வருகின்றனர். உண்ணாவிரத போராட்டத்தைக் கைவிட கோரி, சிறைத் துறை அதிகாரிகள் வலியுறுத்தியும் கைதிகள் மறுத்தனர்.  
இதனிடையே, கைதிகள் உணவு தயாரிக்க மறுத்துள்ள நிலையில், சிறை அதிகாரிகளே ஆள்களை வைத்து உணவைத் தயாரித்து வருகின்றனர்.  அந்த உணவையும் கைதிகள் உண்ணாமல் போராட்டத்தில் ஈடுபட்டுள்ளனர். இந்த நிலையில் சனிக்கிழமை உண்ணாவிரதப் போராட்டத்தில் ஈடுபட்ட 7 கைதிகள் மயக்கமடைந்தனர். இதில் 2 பேர் புதுச்சேரி அரசு பொது மருத்துவமனையிலும், 5 பேர் சிறையில் உள்ள மருத்துவமனையிலும் சிகிச்சைப் பெற்று வந்தனர். 
இவர்களில் சிறையில் சிகிச்சைப் பெற்று வந்த 5 பேருக்கு உடல் நிலை மோசமடைந்ததை அடுத்து, அவர்கள் ஞாயிற்றுக்கிழமை காலை புதுவை அரசு மருத்துவமனைக்கு கொண்டு வரப்பட்டனர். அவர்களுக்கு மருத்துவமனையில் போலீஸ் பாதுகாப்புடன் தீவிர சிகிச்சை அளிக்கப்பட்டு வருகிறது.

]]>
http://www.dinamani.com/all-editions/edition-villupuram/puducherry/2018/dec/10/சிறையில்-உண்ணாவிரதம்-மயக்கமடைந்த-7-ஆயுள்-கைதிகளுக்கு-தீவிர-சிகிச்சை-3055153.html
3055151 விழுப்புரம் புதுச்சேரி 24 மணி நேரமும் விவசாயிகளுக்கு உதவும் "கால்நடை குரல்' திட்டம் அறிமுகம் DIN DIN Monday, December 10, 2018 08:57 AM +0530 விவசாயிகளுக்கு 24 மணி நேரமும் உதவும் வகையில், கால்நடை குரல் திட்டம் புதுவையில் அறிமுகப்படுத்தப்பட்டது.
புதுவை கால்நடைத் துறை,  புதுச்சேரி ராஜீவ் காந்தி கால்நடை கல்வி - ஆராய்ச்சி நிலையம் ஆகியவை இணைந்து இந்தத் திட்டத்தை அறிமுகப்படுத்தி உள்ளன.   இந்தத் திட்ட  அறிமுக விழா கல்லூரி வளாகத்தில் சனிக்கிழமை நடைபெற்றது. திட்டத்தைத் தொடக்கி வைத்து கால்நடைத் துறைச் செயலர் ஏ.அன்பரசு பேசியதாவது:
புதுவை அரசு கால்நடை விவசாயிகளுக்கு உதவத் தயாராக உள்ளது.  புதுவையில் பால் உற்பத்தியைப் பெருக்க அரசு தீவிர முயற்சி செய்து வருகிறது.
கவிஞர் பாரதிதாசன் தனது குடும்ப விளக்கு கவிதைத் தொகுப்பில் பெண்கள்தான் நாட்டின் கண்கள்,  நாட்டின் வளர்ச்சிக்கு உதவும் திட்டங்களுக்கான ஒளியை அவர்கள்தான் பாய்ச்ச முடியும் என்று குறிப்பிட்டார். எனவே, புதுவையின் வளர்ச்சிக்கு பெண்கள்  பெரிதும் உதவ வேண்டும் என்றார் அவர்.
கூட்டுறவுத் துறைச் செயலர் எஸ்.சுந்தரவடிவேலு பேசியதாவது: புதுவையில் கால்நடைகளை வளர்க்கும் விவசாயிகள், பால் உற்பத்தியாளர் கூட்டுறவுச் சங்கத்தில் தங்களது பெயரை உறுப்பினர்களாகப் பதிவு செய்து கொள்ள வேண்டும். அவ்வாறு பதிவு செய்தால், கூட்டுறவுச் சங்கங்கள் மூலம் பால் விற்பனை, கூடுதல் பயன்களைப் பெற முடியும் என்றார் அவர்.
கால்நடை குரல் திட்டம் தொடர்பாக பேராசிரியர் வி.ராஜகணபதி பேசியதாவது: கால்நடை குரல் திட்டம் மூலம் விவசாயிகள் 24 மணி நேரமும் கால்நடை வளர்ச்சி தொடர்பான ஆலோசனைகளைப் பெற முடியும். சரியான நேரத்தில், சரியான தகவல்கள் மற்றும் சேவைகளைப் பெறலாம். புதுவை கால்நடைத் துறையின் ஒத்துழைப்புடன் தொடங்கப்பட்டுள்ள இந்தத் திட்டத்தில் தகவல்களைப் பெற 94990 47100 என்ற செல்லிடப்பேசியில் தொடர்பு கொள்ளலாம்.  
 விவசாயிகள் தொடர்பு கொள்ளும் போது ராஜீவ் காந்தி கால்நடை ஆராய்ச்சி நிலையத்தைச் சேர்ந்த அனுபவம் வாய்ந்த கால்நடை மருத்துவ நிபுணர்கள் ஆலோசனைகளை வழங்குவர். கூடுதல் விவரம் தேவைப்பட்டால், விவசாயிகள் இருக்கும் இடங்களுக்கே வந்து ஆலோசனைகளை வழங்குவர்.
இந்தத் திட்டத்துக்குத் தேவையாந கால்நடை மருத்துவ நிபுணர்களை புதுவை அரசின் கால்நடைத் துறை ஏற்கெனவே தேர்வு செய்துள்ளது என்றார் அவர். 
நிகழ்ச்சியில் முன்னதாக, ராஜீவ் காந்தி கால்நடை ஆராய்ச்சி நிலைய புல முதன்மையாளர் எஸ்.ராம்குமார் வரவேற்றார்.
கால்நடை விவசாயிகளுக்கு இந்தியன் வங்கியுடன் இணைந்து 7 திறன் மேம்பாடு பயிற்சி முகாமையும் அரசு செயலர் அன்பரசு தொடக்கி வைத்தார்.
விழாவில் பங்கேற்ற இந்தியன் வங்கி மண்டல மேலாளர்  பி.வீரராகன், கால்நடை விவசாயிகள் வங்கிகளில் கடன் பெறும் முறைகள் குறித்து விளக்கினார். 
மாவட்ட முன்னோடி வங்கி மேலாளர் எஸ்.சந்திரசேகர் முன்னிலை வகித்தார். பயிற்சி முகாமின் ஒருங்கிணைப்பாளர் கே.நாச்சிமுத்து பயிற்சிகளை அளித்தார்.
முகாமில் 120 பால் உற்பத்தியாளர்கள் பயிற்சி பெற்றனர். மேலும், பால் உற்பத்தியாளர்கள் 100 பேருக்கு வங்கிக் கடன் வழங்கவும் உறுதியளிக்கப்பட்டது.
இந்த முகாம் தொடர்ந்து 7 நாள்கள் வரை நடைபெற உள்ளது. இணை பேராசிரியை 
வி.பானுரேகா நன்றி கூறினார்.
 

]]>
http://www.dinamani.com/all-editions/edition-villupuram/puducherry/2018/dec/10/24-மணி-நேரமும்-விவசாயிகளுக்கு-உதவும்-கால்நடை-குரல்-திட்டம்-அறிமுகம்-3055151.html
3055149 விழுப்புரம் புதுச்சேரி நகர்ப்புற வனத்தில் 3 கி.மீ. தொலைவு நடந்து செல்ல அனுமதி: ஆளுநர் கிரண் பேடி தகவல் DIN DIN Monday, December 10, 2018 08:57 AM +0530 புதுவை வனத் துறைக் கட்டுப்பாட்டில் உள்ள நகர்ப்புற வனத்தில் மொத்தம் 3 கி.மீ. தொலைவு பொதுமக்கள் நடந்து சென்று இயற்கைச் சூழலை ரசிக்க அனுமதிக்கும் முறை ஞாயிற்றுக்கிழமை முதல் தொடங்கியுள்ளதாக ஆளுநர் கிரண் பேடி தெரிவித்தார்.
புதுவை துணைநிலை ஆளுநர் கடந்த வாரம் வனத் துறைப் பகுதிகளுக்கு ஆய்வுக்கு சென்றிருந்தார். அப்போது, வனத் துறையின் நகர்ப்புற வனத்தில் மக்களை அனுமதிக்க அறிவுறுத்தியிருந்தார். இதைத் தொடர்ந்து, வார இறுதி நாள் ஆய்வாக நீதிமன்றம் அருகேயுள்ள வனத் துறை அலுவலகத்துக்கு ஆளுநர் கிரண் பேடி ஞாயிற்றுக்கிழமை சென்றார்.
வனத் துறையில் இருந்து ஒட்டி அமைந்துள்ள காட்டில் மொத்தம் 3 கி.மீ. தொலைவுக்கு பொதுமக்கள் நடைப்பயணம் செல்லும் திட்டத்தை அவர் தொடக்கி வைத்தார். ஆளுநர், பொதுமக்கள், அதிகாரிகள் தொடக்க நிகழ்வில் பங்கேற்றனர். இதைத் தொடர்ந்து, வனத் துறை அதிகாரிகளிடம்  ஆளுநர் கிரண்பேடி கூறியதாவது:
வனத் துறை வளாகத்தையும்,  வனப் பகுதியையும் தொடர்ந்து தூய்மையாக பராமரிக்க வேண்டும்.  இங்கு, கண்காணிப்பு கேமராகளை பொருத்தி, கண்காணிக்க வேண்டும். அதேபோல, கூண்டில் அடைக்கப்பட்ட பறவைகள், விலங்குகளை பொதுமக்களின் பார்வைக்கு வைக்கப்பட்டள்ளதையும் கண்காணிப்பது அவசியம். வனப் பகுதியில் மூலிகைச் செடிகளை நட்டு வளர்க்க வேண்டும். குறிப்பாக வேம்பு, ஆலோவேரா உள்ளிட்ட மூலிகைத் தாவரங்களை நட "ஆயுஷ்" திட்ட உதவியையும் பெறலாம்.
கட்செவி அஞ்சல் குழுவைத் தொடக்கி அதிகாரிகள்,  ஊழியர்களை அதில் இணைத்து, அலுவலகச் செய்திகளைப் பகிர வேண்டும்.
தற்போது நகர்ப்புற வனத்தை பொதுமக்கள், சுற்றுலாப் பயணிகள், மாணவர்கள் பார்வையிட (கோடை காலத்தில்) காலை 6 மணி முதல் இரவு 7 மணி வரையும், அதேபோல, குளிர்காலத்தில் காலை 7 மணி முதல் மாலை 6 மணி வரையிலும் திறந்திருக்கலாம். ஞாயிற்றுக்கிழமை கண்டிப்பாகத் திறந்திருக்க வேண்டும். திங்கள்கிழமை விடுமுறை அறிவிக்கலாம் என்றார் அவர்.

]]>
http://www.dinamani.com/all-editions/edition-villupuram/puducherry/2018/dec/10/நகர்ப்புற-வனத்தில்-3-கிமீ-தொலைவு-நடந்து-செல்ல-அனுமதி-ஆளுநர்-கிரண்-பேடி-தகவல்-3055149.html
3055147 விழுப்புரம் புதுச்சேரி நியமன எம்எல்ஏக்களின் வாக்குரிமையால் ஜனநாயகத்துக்கு ஆபத்து DIN DIN Monday, December 10, 2018 08:56 AM +0530 புதுவையில் நியமன எம்எல்ஏக்களுக்கான வாக்குரிமையால் ஜனநாயகத்துக்கு ஆபத்து ஏற்படும் என்று விடுதலைச் சிறுத்தைகள் கட்சித் தலைவர் தொல்.திருமாவளவன் கூறினார்.
புதுவை முதல்வர் நாராயணசாமியின் தாய் ஈஸ்வரி அம்மாள் கடந்த மாதம் 
22-ஆம் தேதி காலமானார். அவருக்கான உத்தரகிரியை புதுச்சேரியில் ஞாயிற்றுக்கிழமை நடை பெற்றது. இதில் கலந்து கொள்ள வந்திருந்த  தொல்.திருமாவளவன் செய்தியாளர்களிடம் கூறியதாவது: மாநில அரசு பரிந்துரையின்றி 
மத்திய அரசால் நியமிக்கப்பட்ட 3 எம்எல்ஏக்களின் நியமனம் செல்லும் என உச்ச நீதிமன்றம் தீர்ப்பளித்துள்ளது. அந்தத் தீர்ப்பில் நியமன எம்எல்ஏக்களுக்கு வாக்குரிமை உண்டு என்றும் தெரிவிக்கப்பட்டுள்ளது. 
வாக்களிக்கும் உரிமையை நியமன எம்எல்ஏக்கள் பெற்றால், மக்களால் தேர்ந்தெடுக்கப்படும் பெரும்பான்மை பலம் கொண்ட அரசை எந்த நேரத்திலும் கவிழ்க்க முடியும் என்ற நிலை உருவாகும். இது ஜனநாயகத்துக்கு ஆபத்தான போக்காகும்.
மறைந்த லால் பகதூர் சாஸ்திரி காலத்தில் போடப்பட்ட ஒப்பந்தத்தின்படி, நியமன எம்எல்ஏக்களுக்கு வாக்களிக்கும் உரிமை கிடையாது. ஆனால், தற்போது உச்ச நீதிமன்றம் தனது அதிகார வரம்பை மீறி தீர்ப்பளித்திருப்பதை ஏற்க முடியாது. மேலும், யூனியன் பிரதேசங்கள் மத்திய அரசின் சொத்து என்றும் தீர்ப்பில் கூறப்பட்டுள்ளது. அந்தச் சொல்லை நீக்க நடவடிக்கை  எடுக்க வேண்டும்.
இந்தத் தீர்ப்பை எதிர்த்து புதுவை அரசு மறு சீராய்வு மனு தாக்கல் செய்துள்ளது. இந்த வழக்கில் மத்திய அரசு மீண்டும் தலையிடக் கூடும். இது புதுவை, தில்லி உள்பட அனைத்து யூனியன் பிரதேசங்களுக்கும் நெருக்கடி தரும் தீர்ப்பாக அமைந்துள்ளது. 
யூனியன் பிரதேசங்கள் சுதந்திரமாக இயங்க வேண்டும்.  நியமன எம்எல்ஏக்களுக்கான வாக்களிக்கும் உரிமையைத் தடை செய்ய வேண்டும்.
மறைந்த திமுக முன்னாள் தலைவர் மு.கருணாநிதியின் உருவச் சிலைத் திறப்பு விழா சென்னை அண்ணா அறிவாலயத்தில் திறக்கப்பட உள்ளது. இந்த விழாவில் சோனியா காந்தி உள்ளிட்ட தேசியத் தலைவர்கள் கலந்து கொள்கின்றனர். 
சோனியா காந்தியின் வருகைக்குப் பிறகு திமுக தலைமையிலான அணி மேலும் வலுப்பெறும். அணி வலுப்பெற்று வருவதை பொறுத்துக்கொள்ள முடியாமல் பாஜக, பாமக உள்ளிட்ட சில கட்சிகள் விடுதலைச் சிறுத்தைகள் கட்சியை மையமாக வைத்து திமுக கூட்டணியில் குழப்பத்தை  ஏற்படுத்த முயற்சித்து வருகின்றன.
மேக்கேதாட்டுவில் அணை கட்ட திட்ட அறிக்கையை தயார் செய்யத்தான் மத்திய அரசு அனுமதி அளித்துள்ளது என கர்நாடக நீர்வளத் துறை அமைச்சர் சிவக்குமார் கூறியுள்ளார். திட்ட அறிக்கையை தயார் செய்வதே அணை கட்டுவதற்கான அனுமதிதான் என்றார் திருமாவளவன். 
பேட்டியின் போது, கட்சியின் பொதுச் செயலர் ரவிக்குமார், புதுவை மாநில முதன்மைச் செயலர் 
தேவ.பொழிலன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/puducherry/2018/dec/10/நியமன-எம்எல்ஏக்களின்-வாக்குரிமையால்-ஜனநாயகத்துக்கு-ஆபத்து-3055147.html
3054720 விழுப்புரம் புதுச்சேரி கொடி நாள் நிதியை இணைய வழியில் செலுத்த வசதி தேவை: ஆளுநர் கிரண்பேடி DIN DIN Sunday, December 9, 2018 04:14 AM +0530
புதுவை மாநிலத்தில் கொடி நாள் நிதியை இணைய வழியில் செலுத்தும் வசதியை ஏற்படுத்த வேண்டும் என்று துணை நிலை ஆளுநர் கிரண் பேடி வலியுறுத்தினார்.
புதுவை ஆளுநர் மாளிகையில் கடந்தாண்டு அதிக கொடி நாள் நிதி வசூலித்துக் கொடுத்த துறைகளுக்கு விருது வழங்கும் நிகழ்ச்சி வெள்ளிக்கிழமை ஆளுநர் மாளிகையில் நடைபெற்றது. நிகழ்ச்சிக்கு ஆளுநர் கிரண் பேடி தலைமை வகித்து, அதிக நிதி வசூலித்துக் கொடுத்த துறை அதிகாரிகளுக்கு விருதுகளை வழங்கிப் பாராட்டினார்.
அப்போது, புதுவை மக்கள் இணைய வழியில் கொடி நாள் நிதியை வழங்க முப்படை நலத் துறை உரிய நடவடிக்கை எடுக்க வேண்டும் என ஆளுநர் கிரண் பேடி அறிவுறுத்தினார்.
விழாவில், அதிக நிதி வசூலித்த அரசுத் துறைகள் பிரிவில் முதல் பரிசுக்கான கேடயத்தை கல்வித் துறை இயக்குநர் ருத்ர கெளடுவும், 2-ஆவது பரிசுக்கான கேடயத்தை மாவட்ட ஆட்சியர் அபிஜித் விஜய் செளத்ரியும், 3-ஆவது பரிசுக்கான கேடயத்தை காவல் துறை டிஐஜி சந்திரனும் பெற்றுக் கொண்டனர்.
இதேபோல, மற்ற பிராந்தியங்களுக்கான பிரிவில் முதல் பரிசுக்கான கேடயத்தை காரைக்காலும், 2-ஆவது பரிசுக்கான கேடயத்தை மாஹேகேவும், 3-ஆவது பரிசுக்கான கேடயத்தை ஏனாமும் மற்ற நிறுவனங்களுக்கான பிரிவில் ஜிப்மர் முதல் பரிசையும் பெற்றன.
நிகழ்ச்சியில் ஆளுநரின் சிறப்புப் பணி அலுவலர் தேவநீதிதாஸ், அரசின் செயலர் பத்மா ஜெஸ்வால், முதுநிலைக் காவல் கண்காணிப்பாளர் அபூர்வா குப்தா, என்.சி.சி. குரூப் கமாண்டர் ஜெயச்சந்திரன், ஜிப்மர் இயக்குநர் சுவாமிநாதன், உயர்கல்வி, தொழில்நுட்பக் கல்வி இயக்குநர் யாசம் லட்சுமிநாராயண ரெட்டி உள்ளிட்ட பல்வேறு அரசுத் துறை அதிகாரிகள் கலந்து கொண்டனர்.

 

]]>
http://www.dinamani.com/all-editions/edition-villupuram/puducherry/2018/dec/09/கொடி-நாள்-நிதியை-இணைய-வழியில்-செலுத்த-வசதி-தேவை-ஆளுநர்-கிரண்பேடி-3054720.html
3054719 விழுப்புரம் புதுச்சேரி ஆய்வின் போது அதிகாரிகளை மிரட்டுகிறார் ஆளுநர்: முதல்வர் நாராயணசாமி குற்றச்சாட்டு DIN DIN Sunday, December 9, 2018 04:14 AM +0530
அரசுத் துறைகளில் ஆய்வு செய்து அதிகாரிகளை ஆளுநர் கிரண் பேடி மிரட்டி வருவதாக புதுவை முதல்வர் வே.நாராயணசாமி குற்றஞ்சாட்டினார்.
இதுகுறித்து புதுவை சட்டப்பேரவை வளாகத்தில் செய்தியாளர்களிடம் சனிக்கிழமை அவர் கூறியதாவது: புதுவை மாநிலத்தில் உள்ளாட்சித் தேர்தல் தொடர்பாக அனைத்து அரசியல் கட்சித் தலைவர்களை அழைத்து கூட்டம் நடத்தினோம். வருகிற 17-ஆம் தேதி எம்எல்ஏக்களை அழைத்து கருத்துகளைக் கேட்டு தொகுதி வரையறை தொடர்பாக முடிவு எடுக்கப்படும்.
அரசு நிர்வாகத்தில் ஆளுநர் தன்னிச்சையாக தலையிடுவதற்கும், உத்தரவிடுவதற்கும் அதிகாரம் கிடையாது. இதைப் பல முறை வலியுறுத்தி ஆளுநருக்கு கடிதங்கள் அனுப்பி உள்ளோம். ஆனால், அவரது செயல்பாடுகளில் மாற்றம் இல்லை. ஆகையால், அரசு அதிகாரிகளுக்கு ஒரு நிலை ஆணையை கடந்த வாரம் அனுப்பினேன்.
அந்த ஆணையில், ஆளுநரோ, முதல்வரோ, அமைச்சர்களோ வாய்மொழியாக உத்தரவிட்டால், அந்த உத்தரவை கோப்புகள் மூலமாக துறைத் தலைவருக்கு அனுப்பி, செயலர் பார்த்து, அதை தலைமைச் செயலர் பரிசீலனை செய்து அமைச்சரின் கவனத்துக்கு கொண்டு வர வேண்டும். பின்னர், முதல்வர் உத்தரவிட்ட பிறகுதான் அதன் நிதிநிலை ஆதாரத்துக்கும், விதிமுறைக்கு உள்பட்டு செயல்படுத்த வேண்டும். இதை, மீறினால் அதிகாரிகள் மீது கடும் நடவடிக்கை எடுக்கப்படும் என கூறியிருந்தேன். அதிகாரிகள் அந்த நிலை ஆணைப்படி செயல்படுகிறார்கள் என்ற நம்பிக்கை உள்ளது. ஆளுநருக்கு துறை சம்பந்தமாக ஏதாவது விவரம் வேண்டும் என்றால் எழுத்துப்பூர்வமாக துறைச் செயலருக்கு அனுப்ப வேண்டும். துறைச் செயலர் அதை பரிசீலனை செய்து, அமைச்சரின் ஒப்புதலுடன் பதில் அனுப்ப வேண்டும். தவிர, ஆளுநர் கோப்புகளைப் பார்ப்பதற்கோ, தன்னிச்சையாக துறைகளுக்குச் செல்வதற்கோ, தனிப்பட்ட முறையில் உத்தரவிடவோ எந்தவொரு அதிகாரமும் கிடையாது. ஆனால், ஆளுநர் கிரண்பேடியோ அரசுத் துறைகளில் ஆய்வு செய்து, அதிகாரிகளை மிரட்டி வருகிறார்.
புதுவையில் ஓய்வு பெற்ற அரசு ஊழியர்கள் 20,850 பேர் உள்ளனர். அவர்களுக்கு ஓய்வூதியம் தவிர, மாதந்தோறும் மருத்துவச் செலவுக்காக ரூ. 500 வழங்கப்படுகிறது. இது போதுமானதாக இல்லை என அவர்கள் மனு அளித்திருந்தனர். எனவே, இதுதொடர்பாக பரிசீலனை செய்து, ஆயிரம் ரூபாயாக உயர்த்தி வழங்க உத்தரவிட்டேன். இதற்காக ஓராண்டுக்கு ரூ. ஒரு கோடி நிதிநிலை அறிக்கையில் இருந்து செலவிடப்படுகிறது.
பாலூட்டும் பெண்களுக்கு ஓராண்டுக்கு ரூ. 12 ஆயிரம் அரசு நிதியுதவி வழங்கப்பட்டு வந்தது. இதை ரூ. 18 ஆயிரமாக உயர்த்தி வழங்கப்படும். இதேபோல, ஈமச்சடங்குக்காக ஏழை, எளிய மக்களுக்கு ரூ. 5 ஆயிரம் வழங்கப்பட்டு வந்த உதவித் தொகை ரூ. 10 ஆயிரமாக உயர்த்தி வழங்க உத்தரவிடப்பட்டுள்ளதுஎன்றார் அவர்.

 

]]>
http://www.dinamani.com/all-editions/edition-villupuram/puducherry/2018/dec/09/ஆய்வின்-போது-அதிகாரிகளை-மிரட்டுகிறார்-ஆளுநர்-முதல்வர்-நாராயணசாமி-குற்றச்சாட்டு-3054719.html
3054718 விழுப்புரம் புதுச்சேரி லாட்டரி சீட்டு விற்ற 5 பேர் கைது DIN DIN Sunday, December 9, 2018 04:13 AM +0530
லாட்டரி சீட்டு விற்றதாக 5 பேரை போலீஸார் சனிக்கிழமை கைது செய்தனர்.
புதுவையில் பல்வேறு இடங்களில் லாட்டரி சீட்டுகள் விற்கப்படுவதாகத் தொடர்ந்து புகார்கள் வந்தன. இதைக் கண்காணித்து நடவடிக்கை எடுக்கும்படி முதுநிலைக் காவல் கண்காணிப்பாளர் அபூர்வா குப்தா உத்தரவிட்டார். இதையடுத்து, அதிரடிப்படை போலீஸார் கண்காணிப்பில் ஈடுபட்டு வந்தனர்.
இந்த நிலையில், புதுச்சேரி அண்ணா திடல் பின்புறம் மாரியம்மன் கோயில் சின்ன சுப்பராயபிள்ளை தெருவில் லாட்டரி சீட்டுகள் விற்கப்படுவதாக போலீஸாருக்கு தகவல் கிடைத்தது. இதையடுத்து, அதிரடிப்படை ஆய்வாளர் கார்த்திகேயன் தலைமையில் உதவி ஆய்வாளர்கள் ரமேஷ், சந்தோஷ் மற்றும் ஒதியஞ்சாலை காவல் ஆய்வாளர் செந்தில்குமார் தலைமையில், காவல் உதவி ஆய்வாளர்கள் கீர்த்தி, நாராயணசாமி உள்ளிட்ட போலீஸார் அங்கு விரைந்தனர்.
அப்போது, அந்தப் பகுதியில் லாட்டரி சீட்டுடன் ஒருவர் நின்றிருந்தார். அவரைப் பிடித்து விசாரித்த போது, அவர் லாசுப்பேட்டை கருவடிக்குப்பம் பகுதியைச் சேர்ந்த சரவணன் (40) என்பதும், மேலும், கருவடிக்குப்பம் பகுதியைச் சேர்ந்த சந்துரு (29), உழவர்கரையைச் சேர்ந்த நடராஜன் (48), சாரம் கவிக்குவில் நகரைச் சேர்ந்த பிரசாந்த் (25), சாரம் சக்தி நகரைச் சேர்ந்த ராஜ்குமார் (40) ஆகியோருடன் லாட்டரி விற்பனையில் ஈடுபட்டதும் தெரிய வந்தது.
இதையடுத்து, சரவணன் உள்ளிட்ட 5 பேரையும் போலீஸார் கைது செய்தனர். அவர்களிடமிருந்து ரூ. 24 ஆயிரம் ரொக்கம், 7 செல்லிடப்பேசிகள், லாட்டரி சீட்டுகள் பறிமுதல் செய்யப்பட்டன. பின்னர், அவர்கள் 5 பேரும் நீதிமன்றத்தில் ஆஜர்ப்படுத்தப்பட்டு, காலாப்பட்டு மத்திய சிறையில் அடைக்கப்பட்டனர்.

 

]]>
http://www.dinamani.com/all-editions/edition-villupuram/puducherry/2018/dec/09/லாட்டரி-சீட்டு-விற்ற-5-பேர்-கைது-3054718.html
3054717 விழுப்புரம் புதுச்சேரி ஜிப்மரில் உடல் பருமன் குறைப்பு சிகிச்சை கருத்தரங்கம் DIN DIN Sunday, December 9, 2018 04:13 AM +0530
புதுச்சேரி ஜிப்மர் மருத்துவமனையில் உடல் பருமன் குறைப்பு சிகிச்சை தொடர்பான கருத்தரங்கம் சனிக்கிழமை நடைபெற்றது.
கருத்தரங்கை ஜிப்மர் இயக்குநர் (பொ) சுவாமிநாதன் குத்துவிளக்கேற்றி தொடக்கி வைத்தார். இரைப்பை குடலியல் அறுவை சிகிச்சைத் துறைத் தலைவர் பிஜூ பொட்டாகட் வரவேற்றார். மருத்துவக் கண்காணிப்பாளர் எஸ்.படே வாழ்த்துரை வழங்கினார்.
கருத்தரங்கில் ஜிப்மர் இயக்குநர் (பொ) சுவாமிநாதன் பேசியதாவது:
இந்தியர்களின் உடல் அமைப்பு வெளிநாட்டவரின் உடல் அமைப்பைவிட மாறுபட்டது. இந்தியர்களுக்கு இடுப்புப் பகுதியில் அதிகமாக தசை வளர்வதால் உடல் பருமன் ஏற்படுகிறது. இதனால், அது சார்ந்த பாதிப்புகள் அதிகம் உருவாகிறது. எனவே, உடல் பருமன் ஏற்படாதவாறு பார்த்துக் கொள்ள வேண்டும் என்றார் அவர்.
இரைப்பை குடலியல் அறுவைச் சிகிச்சைத் துறை இணைப் பேராசிரியர் கலையரசன், உடல் பருமன் அறுவைச் சிகிச்சையில் புகழ் பெற்ற மருத்துவ நிபுணர்கள் பார்த்தசாரதி, செந்தில் ஆகியோர் கருத்தரங்கில் உரையாற்றினர்.

 

]]>
http://www.dinamani.com/all-editions/edition-villupuram/puducherry/2018/dec/09/ஜிப்மரில்-உடல்-பருமன்-குறைப்பு-சிகிச்சை-கருத்தரங்கம்-3054717.html
3054716 விழுப்புரம் புதுச்சேரி மக்கள் நீதிமன்றத்தில் 1,306 வழக்குகளுக்கு தீர்வு DIN DIN Sunday, December 9, 2018 04:13 AM +0530
புதுவை மாநிலம் முழுவதும் சனிக்கிழமை நடைபெற்ற தேசிய மக்கள் நீதிமன்றத்தில் 1,306 வழக்குகளுக்கு தீர்வு காணப்பட்டன.
சென்னை உயர் நீதிமன்ற நீதிபதியும், புதுவை மாநில சட்டப் பணிகள் ஆணையச் செயல் தலைவருமான மணிக்குமார் வழிகாட்டுதலின்பேரில், தேசிய மக்கள் நீதிமன்றம் புதுச்சேரியில் சனிக்கிழமை நடைபெற்றது.
புதுச்சேரி ஒருங்கிணைந்த நீதிமன்ற வளாகத்தில் நடைபெற்ற மக்கள் நீதிமன்றத்தை மாநில சட்டப் பணிகள் ஆணைய உறுப்பினர் செயலரும், மாவட்ட நீதிபதியுமான சோபனா தேவி தொடக்கி வைத்தார். வழக்குரைஞர்கள் சங்கத் தலைவர் முத்துவேல், செயலர் தாமோதரன் மற்றும் நீதிபதிகள், அரசு வழக்குரைஞர்கள், அரசுத் துறையினர், காப்பீட்டு நிறுவனத்தினர், வங்கி அதிகாரிகள், மனுதாரர்கள் பங்கேற்றனர்.
சமாதானமாகக் கூடிய குற்ற வழக்குகள், காசோலை வழக்குகள், வாகன விபத்துக் காப்பீடு வழக்குகள், கணவன்-மனைவி பிரச்னை சம்பந்தப்பட்ட வழக்குகள், குடும்ப நீதிமன்ற வழக்குகள், ஜீவனாம்ச வழக்குகள், தொழிலாளர் சம்பந்தப்பட்ட வழக்குகள், சிவில் வழக்குகள், வங்கிக் கடன் சம்பந்தப்பட்ட வழக்குகள் என நிலுவை மற்றும் நேரடி வழக்குகள் தேசிய மக்கள் நீதிமன்றத்தில் எடுத்துக் கொள்ளப்பட்டன.
இதற்காக புதுச்சேரியில் 9 அமர்வுகளும், காரைக்காலில் 2 அமர்வும், மாஹே, ஏனாம் பகுதியில் தலா ஒரு அமர்வும் செயல்பட்டன.
மொத்தம் 6,142 வழக்குகள் எடுத்துக் கொள்ளப்பட்டு, 1,306 வழக்குகளுக்கு தீர்வு காணப்பட்டன. இதன் மூலம் ரூ. 4 கோடியே 75 லட்சத்து 57 ஆயிரத்து 890 -க்கு தீர்வு காணப்பட்டது.
இவற்றில் நீதிமன்ற நிலுவையில் உள்ள 1,172 வழக்குகளுக்கு தீர்வு காணப்பட்டது என்பது குறிப்பிடத்தக்கது.
தேசிய மக்கள் நீதிமன்றத்தில் பங்கேற்ற மனுதாரர்களுக்கு தங்களின் வழக்குகளை சமாதானமாக முடித்துக் கொள்ளும் முறையை ஊக்குவிக்கும் விதமாகவும், சுற்றுச்சூழல் பாதுகாப்பு குறித்து விழிப்புணர்வை ஏற்படுத்தும் நோக்குடனும் மரக்கன்றுகள் வழங்கப்பட்டன.
நீதிமன்ற ஆணையச் செயலரும், முதன்மை சார்பு நிலை நீதிபதியுமான எழிலரசி நன்றி கூறினார்.

 

]]>
http://www.dinamani.com/all-editions/edition-villupuram/puducherry/2018/dec/09/மக்கள்-நீதிமன்றத்தில்-1306-வழக்குகளுக்கு-தீர்வு-3054716.html
3054715 விழுப்புரம் புதுச்சேரி போதை பொருள்கள் விற்ற 3 பேர் கைது DIN DIN Sunday, December 9, 2018 04:12 AM +0530
புதுச்சேரியில் போதைப் பொருள்களை விற்றதாக 3 பேரை போலீஸார் சனிக்கிழமை கைது செய்தனர்.
புதுச்சேரியில் குட்கா, ஹான்ஸ், புகையிலை உள்ளிட்ட போதைப் பொருள்கள் தடையை மீறி விற்பனை செய்யப்பட்டு வருவதாக புகார்கள் எழுந்தன. இந்த நிலையில், பெரியக்கடை காவல் உதவி ஆய்வாளர் வெற்றிவேல் உள்ளிட்ட போலீஸார் வெள்ளிக்கிழமை ரோந்துப் பணியில் ஈடுபட்டிருந்த போது, காந்தி வீதியில் சந்தேகத்துக்கு இடமளிக்கும் வகையில் பையுடன் வந்த இளைஞரைப் பிடித்து சோதனை செய்தனர்.
அப்போது, அந்தப் பையில் குட்கா, ஹான்ஸ் உள்ளிட்ட போதைப் பொருள்கள் இருப்பது தெரிய வந்தது. இதையடுத்து, அவரைக் காவல் நிலையம் அழைத்துச் சென்ற போலீஸார் அவரிடம் தீவிர விசாரணை நடத்தினர். இதில், அவர் லாசுப்பேட்டை குறிஞ்சி நகரைச் சேர்ந்த மணிகண்டன் (20) என்பதும், நீடராஜப்பையர் வீதியில் உள்ள மோகன்லால், பாபுலால் ஆகியோரிடம் போதைப் பொருள்களை மொத்தமாக வாங்கி, சில்லறை விற்பனை செய்ய எடுத்துச் செல்வதும் தெரிய வந்தது. இதுதொடர்பாக மணிகண்டன், மோகன்லால், பாபுலால் ஆகிய 3 பேரை கைது செய்த போலீஸார், அவர்களை நீதிமன்றத்தில் ஆஜர்படுத்தி, காலாப்பட்டு மத்திய சிறையில் அடைத்தனர்.

 

]]>
http://www.dinamani.com/all-editions/edition-villupuram/puducherry/2018/dec/09/போதை-பொருள்கள்-விற்ற-3-பேர்-கைது-3054715.html
3054714 விழுப்புரம் புதுச்சேரி நியமன எம்எல்ஏக்கள் விவகாரத்தில் வரலாற்றுப் பிழையான தீர்ப்பு: மார்க்சிஸ்ட் கருத்து DIN DIN Sunday, December 9, 2018 04:12 AM +0530
நியமன எம்.எல்.ஏ.க்கள் விவகாரத்தில் உச்ச நீதிமன்றத் தீர்ப்பு வரலாற்றுப் பிழையாக உள்ளதாக மார்க்சிஸ்ட் கம்யூனிஸ்ட் கட்சி கருத்து தெரிவித்தது.
இதுகுறித்து அந்தக் கட்சியின் புதுவை பிரதேச செயலர் ஆர்.ராஜாங்கம் வெள்ளிக்கிழமை வெளியிட்ட அறிக்கை:
புதுவை நியமன எம்எல்ஏக்கள் விவகாரத்தில் மத்திய அரசு நியமனம் செல்லும் என்று உச்ச நீதிமன்றம் வழங்கியுள்ள தீர்ப்பு ஏற்புடையதல்ல. இந்தியக் கூட்டாட்சி மேம்பாடு - மாநில உரிமை - நியமன எம்எல்ஏக்கள் நடைமுறை மரபு, புதுவையில் கடந்த கால வரலாறு மற்றும் பாரம்பரியத்தை நிராகரித்துள்ள வரலாற்றுப் பிழையாகவே இதைக் கருத வேண்டியுள்ளது.
உச்ச நீதிமன்றத்தில் நியமன எம்எல்ஏக்கள் தொடர்பாக வழக்கு தொடுத்த போது, சென்னை உயர் நீதிமன்றத் தீர்ப்புக்கு தடை இல்லை என்றது. பின்னர், அவர்களை சட்டப்பேரவைக்குள் அனுமதிக்க வேண்டும்; அனைத்து உரிமைகளும் வழங்க வேண்டும் என இடைக் கால உத்தரவு பிறப்பிக்கப்பட்ட பின்னணியில், தற்போது வழங்கப்பட்ட தீர்ப்பு எதிர்பார்க்கப்பட்ட ஒன்றுதான். புதுவை யூனியன் பிரதேச சட்டம் 1963-இல் பிரிவு 3 (3) அரசு பதவியில் இல்லாத 3 பேரை நியமன எம்எல்ஏக்களாக நியமிக்கலாம் என்று வலியுறுத்துகிறது என்றாலும், 1985-இல் இருந்துதான் நியமன எம்எல்ஏக்கள் நியமிக்கப்பட்டு வருகின்றனர். மாநில அரசின் பரிந்துரையின் பேரிலேயே மத்திய அரசு இதற்கு அனுமதி வழங்கி வருகிறது. இந்த நீண்ட கால நடைமுறை தற்போது மீறப்பட்டுள்ளது.
மத்தியில் ஆளும் பாஜக அரசு நாடாளுமன்றத்தின் உணர்வுகளை, சட்டத்தின் வரலாற்றுப் பின்புலத்தை மதிக்கவில்லை. ஜனநாயகத்தை, ஜனநாயக அமைப்புகளைச் சிதைத்து வருகிறது.
மாநில ஆளுநர்கள் வழியாகவும், நேரடியாகவும் மாநில உரிமை, அதிகாரங்களில் தலையிட்டு வருகிறது. அதன் மூலம் தனது அரசியலை விரிவுபடுத்தவும், வலுப்படுத்தவும் முயல்கிறது.
அதன் ஒரு பகுதியாகத்தான் புதுவை மாநில துணை நிலை ஆளுநர் கிரண் பேடி தன்னிச்சையாக பாஜக தலைவர்களை நியமன எம்எல்ஏக்களாக பரிந்துரை செய்தார். அவர்களுக்கு இரவோடு இரவாக பதவிப் பிரமாணமும் செய்து வைத்தார். நியமன எம்எல்ஏக்களை சட்டப்பேரவைக்குள் அனுமதித்தால்தான் நிதி மசோதாவுக்கு ஒப்புதல் வழங்க முடியும் என்ற மிரட்டல் உள்ளிட்ட பல வழிமுறைகளைக் கையாண்டார்.
தற்போது உச்ச நீதிமன்றத் தீர்ப்பை அவர் குதூகலமாக வரவேற்றுள்ளது வேதனை அளிக்கிறது. ஆகவே, மாநில அரசு உச்ச நீதிமன்றத்தின் தீர்ப்பை எதிர்த்து மறுசீராய்வு மனு தாக்கல் செய்யவும், புதுவை மத்திய அரசின் சொத்து என்கிற வார்த்தையை நீக்கி மக்களின் உணர்வுக்கு நிவாரணம் தேடவும் நடவடிக்கை எடுக்க வேண்டும்.
மேலும், புதுவை யூனியன் பிரதேசத்துக்கு மாநில அந்தஸ்து பெறுவதற்கான போராட்டத்தை முன்னெடுக்க அனைத்து ஜனநாயக சக்திகளும் முன்வர வேண்டும் என அந்த அறிக்கையில் கூறப்பட்டுள்ளது.

 

]]>
http://www.dinamani.com/all-editions/edition-villupuram/puducherry/2018/dec/09/நியமன-எம்எல்ஏக்கள்-விவகாரத்தில்-வரலாற்றுப்-பிழையான-தீர்ப்பு-மார்க்சிஸ்ட்-கருத்து-3054714.html
3054713 விழுப்புரம் புதுச்சேரி தேங்காய்த்திட்டு மீன்பிடித் துறைமுகத்தில் தூய்மைப் பணி DIN DIN Sunday, December 9, 2018 04:12 AM +0530
புதுச்சேரி தேங்காய்த்திட்டு துறைமுகத்தில் புதுவை துணை நிலை ஆளுநர் கிரண் பேடி தலைமையில் சனிக்கிழமை தூய்மைப் பணி நடைபெற்றது.
ஆளுநர் கிரண்பேடி வாரந்தோறும் சனி, ஞாயிற்றுக்கிழமைகளில் கள ஆய்வில் ஈடுபட்டு வருகிறார். அந்த வகையில், சனிக்கிழமை தனது 209-ஆவது கள ஆய்வாக புதுச்சேரி தேங்காய்த்திட்டு துறைமுகத்தில் ஆய்வு செய்தார். அங்கு குப்பைகள் அதிகமாக இருப்பதைக் கண்ட அவர், தன்னார்வலர்களுடன் இணைந்து தூய்மைப் பணியில் ஈடுபட்டார்.
இந்தத் தூய்மைப் பணியில்
என்.எஸ்.எஸ். மாணவர்கள், கடலோரக் காவல் படையினர், ஆச்சார்யா கல்வி நிறுவன மாணவ, மாணவிகள், மீனவர்கள் ஆகியோர் ஈடுபட்டனர்.
அங்கிருந்த நெகிழிக் கழிவுகள், மதுப் புட்டிகள், சிதைந்து போன வலைகள் உள்ளிட்ட குப்பைகளை சாக்குப் பைகளில் சேகரித்தனர். மீன்பிடித் துறைமுகத்துக்கு அருகே உள்ள உப்பனாறு மாசுபடுவதைத் தடுக்க பனை விதைகளை நட வேண்டும் என்று ஆளுநர் கிரண் பேடி கேட்டுக் கொண்டார்.
தேவையற்ற நெகிழிக் கழிவுகளை நீர் ஆதாரங்களில் வீசக் கூடாது என்றும், அவற்றால் சுற்றுச்சூழல் மாசு ஏற்பட்டு, உடல் நலம் கெடும் என்றும் அவர் அறிவுறுத்தினார்.
இதேபோல, வனத் துறையில் ஞாயிற்றுக்கிழமை (டிச. 9) தூய்மைப் பணி நடைபெறும் என்றும் ஆளுநர் கிரண் பேடி தெரிவித்தார்.
ஆய்வின் போது, மீன்வளத் துறை இயக்குநர் முனுசாமி உள்ளிட்ட அதிகாரிகள் உடனிருந்தனர்.
வரவேற்பு பதாகை வைத்த அதிகாரிகளை கண்டித்த ஆளுநர்!
ஆய்வுக்குச் சென்ற இடத்தில் தனக்கு வரவேற்பு பதாகை வைத்திருந்ததைக் கண்ட ஆளுநர், அரசு அதிகாரிகளைக் கண்டித்தார். மேலும், அதற்காக செலவு செய்த தொகையையும் அவர் வழங்கினார்.
புதுவை துணை நிலை ஆளுநர் கிரண் பேடி நாள்தோறும் அரசு அலுவலகங்களில் ஆய்வு மேற்கொண்டு வருகிறார்.
அந்த வகையில், சாரதாம்பாள் நகரில் உள்ள சமூக நலத் துறை அலுவலகத்தில் வெள்ளிக்கிழமை ஆய்வு செய்ய உள்ளதாகத் தெரிவித்திருந்தார். இதையொட்டி, சமூக நலத் துறை அதிகாரிகள் ஆளுநர் கிரண் பேடியை வரவேற்று பதாகை வைத்திருந்தனர்.
இந்த நிலையில், ஆளுநர் கிரண்பேடி சமூக நலத் துறை அலுவலகத்துக்கு வெள்ளிக்கிழமை ஆய்வுக்குச் சென்றார். அப்போது, அங்கு அவரை வரவேற்று பதாகை வைக்கப்பட்டிருந்ததைப் பார்த்து அதிருப்தி அடைந்த அவர், அங்கிருந்த அதிகாரியை அழைத்துக் கண்டித்தார்.
பின்னர், அவராகவே அந்தப் பதாகையை அகற்றினார். மேலும், பதாகை வைத்ததற்கான பணத்தையும் அந்த அதிகாரியிடம் ஆளுநர் வழங்கினார்.

 

]]>
http://www.dinamani.com/all-editions/edition-villupuram/puducherry/2018/dec/09/தேங்காய்த்திட்டு-மீன்பிடித்-துறைமுகத்தில்-தூய்மைப்-பணி-3054713.html
3054712 விழுப்புரம் புதுச்சேரி நியமன எம்எல்ஏக்கள் விவகாரத்தில் வரலாற்றுப் பிழையான தீர்ப்பு: மார்க்சிஸ்ட் கருத்து DIN DIN Sunday, December 9, 2018 04:12 AM +0530
நியமன எம்.எல்.ஏ.க்கள் விவகாரத்தில் உச்ச நீதிமன்றத் தீர்ப்பு வரலாற்றுப் பிழையாக உள்ளதாக மார்க்சிஸ்ட் கம்யூனிஸ்ட் கட்சி கருத்து தெரிவித்தது.
இதுகுறித்து அந்தக் கட்சியின் புதுவை பிரதேசச் செயலர் ஆர்.ராஜாங்கம் வெள்ளிக்கிழமை வெளியிட்ட அறிக்கை:
புதுவை நியமன எம்எல்ஏக்கள் விவகாரத்தில் மத்திய அரசு நியமனம் செல்லும் என்று உச்ச நீதிமன்றம் வழங்கியுள்ள தீர்ப்பு ஏற்புடையதல்ல. இந்தியக் கூட்டாட்சி மேம்பாடு - மாநில உரிமை - நியமன எம்எல்ஏக்கள் நடைமுறை மரபு, புதுவையில் கடந்த கால வரலாறு மற்றும் பாரம்பரியத்தை நிராகரித்துள்ள வரலாற்றுப் பிழையாகவே இதைக் கருத வேண்டியுள்ளது.
உச்ச நீதிமன்றத்தில் நியமன
எம்எல்ஏக்கள் தொடர்பாக வழக்கு தொடுத்த போது, சென்னை உயர் நீதிமன்றத் தீர்ப்புக்கு தடை இல்லை என்றது. பின்னர், அவர்களை சட்டப்பேரவைக்குள் அனுமதிக்க வேண்டும்; அனைத்து உரிமைகளும் வழங்க வேண்டும் என இடைக் கால உத்தரவு பிறப்பிக்கப்பட்ட பின்னணியில், தற்போது வழங்கப்பட்ட தீர்ப்பு எதிர்பார்க்கப்பட்ட ஒன்றுதான்.
புதுவை யூனியன் பிரதேச சட்டம் 1963-இல் பிரிவு 3 (3) அரசு பதவியில் இல்லாத 3 பேரை நியமன எம்எல்ஏக்களாக நியமிக்கலாம் என்று வலியுறுத்துகிறது என்றாலும், 1985-இல் இருந்துதான் நியமன எம்எல்ஏக்கள் நியமிக்கப்பட்டு வருகின்றனர். மாநில அரசின் பரிந்துரையின் பேரிலேயே மத்திய அரசு இதற்கு அனுமதி வழங்கி வருகிறது. இந்த நீண்ட கால நடைமுறை தற்போது மீறப்பட்டுள்ளது.
மத்தியில் ஆளும் பாஜக அரசு நாடாளுமன்றத்தின் உணர்வுகளை, சட்டத்தின் வரலாற்றுப் பின்புலத்தை மதிக்கவில்லை. ஜனநாயகத்தை, ஜனநாயக அமைப்புகளைச் சிதைத்து வருகிறது.
மாநில ஆளுநர்கள் வழியாகவும், நேரடியாகவும் மாநில உரிமை, அதிகாரங்களில் தலையிட்டு வருகிறது. அதன் மூலம் தனது அரசியலை விரிவுபடுத்தவும், வலுப்படுத்தவும் முயல்கிறது.
அதன் ஒரு பகுதியாகத்தான் புதுவை மாநில துணை நிலை ஆளுநர் கிரண் பேடி தன்னிச்சையாக பாஜக தலைவர்களை நியமன எம்எல்ஏக்களாக பரிந்துரை செய்தார். அவர்களுக்கு இரவோடு இரவாக பதவிப் பிரமாணமும் செய்து வைத்தார். நியமன எம்எல்ஏக்களை சட்டப்பேரவைக்குள் அனுமதித்தால்தான் நிதி மசோதாவுக்கு ஒப்புதல் வழங்க முடியும் என்ற மிரட்டல் உள்ளிட்ட பல வழிமுறைகளைக் கையாண்டார். தற்போது உச்ச நீதிமன்றத் தீர்ப்பை அவர் குதூகலமாக வரவேற்றுள்ளது வேதனை அளிக்கிறது.
ஆகவே, மாநில அரசு உச்ச நீதிமன்றத்தின் தீர்ப்பை எதிர்த்து மறுசீராய்வு மனு தாக்கல் செய்யவும், புதுவை மத்திய அரசின் சொத்து என்கிற வார்த்தையை நீக்கி மக்களின் உணர்வுக்கு நிவாரணம் தேடவும் நடவடிக்கை எடுக்க வேண்டும்.
மேலும், புதுவை யூனியன் பிரதேசத்துக்கு மாநில அந்தஸ்து பெறுவதற்கான போராட்டத்தை முன்னெடுக்க அனைத்து ஜனநாயக சக்திகளும் முன்வர வேண்டும் என அந்த அறிக்கையில் கூறப்பட்டுள்ளது.

 

]]>
http://www.dinamani.com/all-editions/edition-villupuram/puducherry/2018/dec/09/நியமன-எம்எல்ஏக்கள்-விவகாரத்தில்-வரலாற்றுப்-பிழையான-தீர்ப்பு-மார்க்சிஸ்ட்-கருத்து-3054712.html
3054711 விழுப்புரம் புதுச்சேரி வாகனங்களுக்கு வரி உயர்வு: போக்குவரத்துத் துறை அறிவிப்பு DIN DIN Sunday, December 9, 2018 04:12 AM +0530
போக்குவரத்து, போக்குவரத்து அல்லாத வாகனங்களுக்கு வெள்ளிக்கிழமை (டிச. 7) முதல் வரி உயர்த்தப்பட்டுள்ளது.
இதுகுறித்து புதுச்சேரி போக்குவரத்து ஆணையர் சிவக்குமார் வெளியிட்டுள்ள செய்திக் குறிப்பு:
புதுச்சேரி அரசு போக்குவரத்து, போக்குவரத்து அல்லாத சில வகையான வாகனங்களுக்கான வரி விகிதத்தை வெள்ளிக்கிழமை முதல் உயர்த்தியுள்ளது. அதன்படி, சுமையுடன் கூடிய 3 ஆயிரம் கிலோ எடைக்கு குறைவாக உள்ள வாகனங்களுக்கு தற்போது உள்ள ஆண்டு வரி ரூ. 2 ஆயிரம் நீக்கப்பட்டு, அந்த வாகனங்களின் விலையில் 6 சதவீதம் ஆண்டு வரியாக அறிமுகப்படுத்தப்பட்டுள்ளது.
சுற்றுலா வாகனங்களுக்கு தற்போது உள்ள காலாண்டுக்கு ஒரு இருக்கைக்கு ரூ. ஆயிரத்திலிருந்து ரூ. 1,200 ஆக உயர்த்தப்பட்டுள்ளது. உறங்கும் வசதிக் கொண்ட ஒரு இருக்கைக்கு ரூ. 1,500 வரி
விதிக்கப்பட்டுள்ளது.
வாகனங்களுடன் பொருத்தப்பட்ட டிரெய்லர், டிரெய்லர் பொருத்தப்படாத வாகனங்களான ரிக், ஜெனரேட்டர்கள், கம்ப்ரஸர்கள், கட்டுமான கருவிகள், கிரேன்கள் மற்றும் கேரவேன்கள் ஆகியவைகளுக்கு தற்போது விதிக்கப்படும் ரூ. 3 ஆயிரம் ஆண்டு வரி மாற்றப்பட்டு, அந்தந்த வாகனங்களின் விலையில் 6 சதவீதம் ஆயுள் கால வரியாக விதிக்கப்படுகிறது.
கார்களுக்கு அதனுடைய சுமையில்லாத எடையைக் கணக்கிட்டு ஆண்டு வரி மற்றும் ஆயுள் கால வரி விதிக்கப்படுகிறது. இனிமேல், அந்தந்த வாகனங்களின் விலையின் அடிப்படையில் வரி கணக்கிடப்படும். அதன்படி, ரூ. 10 லட்சம் வரை உள்ள வாகனங்கள் அவற்றின் விலையில் 7 சதவீதம் வரி கட்ட வேண்டும். இந்த வரி விகிதம் அனைத்தும் ஜி.எஸ்.டி. வரி விதிப்புக்கு முன் உள்ளதாகும்.
கல்வித் துறை வாகனங்களுக்கு விதிக்கப்படும் ஆண்டு வரி ஒரு இருக்கைக்கு ரூ. 100 லிருந்து ரூ. 200 ஆக உயர்த்தப்பட்டுள்ளது. தனியார் சேவை வாகனங்களுக்கு ஆண்டு வரி ஒரு இருக்கைக்கு ரூ. 150 லிருந்து ரூ. 300 ஆக உயர்த்தப்பட்டுள்ளது. புதுச்சேரி பகுதியில் நுழையும் மற்ற மாநில வாகனங்களுக்கு விதிக்கப்படும் நுழைவு வரியும் உயர்த்தப்பட்டுள்ளது என அந்தச் செய்திக் குறிப்பில் தெரிவிக்கப்பட்டுள்ளது.

 

]]>
http://www.dinamani.com/all-editions/edition-villupuram/puducherry/2018/dec/09/வாகனங்களுக்கு-வரி-உயர்வு-போக்குவரத்துத்-துறை-அறிவிப்பு-3054711.html
3054710 விழுப்புரம் புதுச்சேரி பெண்களுக்கு எதிரான வன்முறைகளை தடுப்பது குறித்த கருத்தரங்கம் DIN DIN Sunday, December 9, 2018 04:11 AM +0530
பெண்களுக்கு எதிராக வன்முறைகளைத் தடுப்பது குறித்த கருத்தரங்கம் புதுச்சேரியில் சனிக்கிழமை நடைபெற்றது.
புதுவை மகளிர் ஆணையம், மக்கள் சமூக வளர்ச்சி நிறுவனம், அதேகொம் பின்னகம் தொண்டு நிறுவனம் ஆகியவை சார்பில், பெண்களுக்கு எதிரான வன்முறை குறித்து தொடர் பிரசாரம் கடந்த நவ. 25-ஆம் தேதி தொடங்கி நடைபெற்று வருகிறது.
இதன் ஒரு பகுதியாக பெண்களுக்கான சட்டங்கள் பற்றிய கருத்தரங்கம் ராஜா நகர் மக்கள் சமூக வளர்ச்சி நிறுவன அலுவலகத்தில் அதன் நிறுவனர் மோகனசுந்தரம் தலைமையில் சனிக்கிழமை நடைபெற்றது.
நிகழ்ச்சியில் துணைச் செயலர் பரமேஸ்வரி வரவேற்றார். மகளிர் ஆணைய இயக்குநரும், சட்ட அதிகாரியுமான லட்சுமி, அதேகொம் பின்னகம் நிர்வாக அறங்காவலர் லலிதாம்பாள், சமூக வளர்ச்சி நிறுவனச் சட்ட ஆலோசகர் ஜெயந்த் ஆகியோர் கலந்து கொண்டு பெண்களுக்கான சட்டங்கள், வரதட்சிணை தடுப்புச் சட்டம், குடும்ப வன்முறை தடுப்புச் சட்டம், பணி புரியும் மகளிர்கான பாதுகாப்புச் சட்டங்கள், குழந்தைகளுக்கான பாதுகாப்புச் சட்டம், குழந்தை பாலியல் வன்கொடுமைத் தடுப்புச் சட்டங்கள் குறித்தும், பெண்கள் அதை எவ்வாறு பயன்படுத்த வேண்டும்
என்பது பற்றியும் விளக்கினர். இந்தக் கருத்தரங்கில் நூற்றுக்கும் மேற்பட்ட பெண்கள் கலந்து கொண்டனர்.

 

]]>
http://www.dinamani.com/all-editions/edition-villupuram/puducherry/2018/dec/09/பெண்களுக்கு-எதிரான-வன்முறைகளை-தடுப்பது-குறித்த-கருத்தரங்கம்-3054710.html
3054709 விழுப்புரம் புதுச்சேரி போதை பொருள்கள் விற்ற 3 பேர் கைது DIN DIN Sunday, December 9, 2018 04:11 AM +0530
புதுச்சேரியில் போதைப் பொருள்களை விற்றதாக 3 பேரை போலீஸார் சனிக்கிழமை கைது செய்தனர்.
புதுச்சேரியில் குட்கா, ஹான்ஸ், புகையிலை உள்ளிட்ட போதைப் பொருள்கள் தடையை மீறி விற்பனை செய்யப்பட்டு வருவதாக புகார்கள் எழுந்தன. இந்த நிலையில், பெரியக்கடை காவல் உதவி ஆய்வாளர் வெற்றிவேல் உள்ளிட்ட போலீஸார் வெள்ளிக்கிழமை ரோந்துப் பணியில் ஈடுபட்டிருந்த போது, காந்தி வீதியில் சந்தேகத்துக்கு இடமளிக்கும் வகையில் பையுடன் வந்த இளைஞரைப் பிடித்து சோதனை செய்தனர்.
அப்போது, அந்தப் பையில் குட்கா, ஹான்ஸ் உள்ளிட்ட போதைப் பொருள்கள் இருப்பது தெரிய வந்தது. இதையடுத்து, அவரைக் காவல் நிலையம் அழைத்துச் சென்ற போலீஸார் அவரிடம் தீவிர விசாரணை நடத்தினர். இதில், அவர் லாசுப்பேட்டை குறிஞ்சி நகரைச் சேர்ந்த மணிகண்டன் (20) என்பதும், நீடராஜப்பையர் வீதியில் உள்ள மோகன்லால், பாபுலால் ஆகியோரிடம் போதைப் பொருள்களை மொத்தமாக வாங்கி, சில்லறை விற்பனை செய்ய எடுத்துச் செல்வதும் தெரிய வந்தது.
இதையடுத்து, சம்பந்தப்பட்டவர்களின் கடைக்குச் சென்று போலீஸார் சோதனை நடத்தினர். அப்போது, அங்கு பதுக்கி வைக்கப்பட்டிருந்த குட்கா, ஹான்ஸ் உள்ளிட்ட போதைப் பொருள்களை போலீஸார் பறிமுதல் செய்தனர்.
இதுதொடர்பாக மணிகண்டன், மோகன்லால், பாபுலால் ஆகிய 3 பேரை கைது செய்த போலீஸார், அவர்களை நீதிமன்றத்தில் ஆஜர்படுத்தி, காலாப்பட்டு மத்திய சிறையில் அடைத்தனர்.
அவர்களிடம் பறிமுதல் செய்யப்பட்ட போதைப் பொருள்களின் மதிப்பு ரூ. ஒரு லட்சம் இருக்கும் என போலீஸார் தெரிவித்தனர்.

 

]]>
http://www.dinamani.com/all-editions/edition-villupuram/puducherry/2018/dec/09/போதை-பொருள்கள்-விற்ற-3-பேர்-கைது-3054709.html
3054708 விழுப்புரம் புதுச்சேரி லயோலா கல்லூரி முன்னாள் மாணவர் சங்க புதுச்சேரி கிளை தொடக்கம் DIN DIN Sunday, December 9, 2018 04:11 AM +0530
சென்னை லயோலா கல்லூரி முன்னாள் மாணவர் சங்க புதுச்சேரி கிளை அண்மையில் தொடங்கப்பட்டது.
இப்புதிய கிளையை லயோலா கல்லூரித் தலைவர் அருட்தந்தை பிரான்சிஸ் ஜெயபதி தொடக்கிவைத்தார். லயோலா கல்லூரி முன்னாள் மாணவர் சங்க இயக்குநர் அருட்தந்தை ஏ.தாமஸ் அமிர்தம் முன்னிலை வகித்தார்.
புதிய கிளைக்கு புரவலராக புதுவை சட்டப்பேரவைத் தலைவர் வெ.வைத்திலிங்கம், தலைவராக புதுவை முதல்வரின் நாடாளுமன்றச் செயலர் க.லட்சுமி நாராயணன், துணைத் தலைவராக
டி.செந்தில்குமார், செயலராக பி.ஜி.கிஷோர்குமார், பொருளாளராக ஜெரோம் டி.சாமி ஆகியோர் பொறுப்பேற்றுக்கொண்டனர்.
அதேபோல, நிர்வாகக் குழு உறுப்பினர்களாக ஆர்.குமார், ஆர்.திருவேங்கடம், டி.லாரன்ஸ், வி.ஜெயப்பிரகாஷ், அந்தோணி பிராஸ்பர் ஆனந்தராஜ், பிரதேஷ் இருதயராஜ் ஆகியோரும் தேர்வு செய்யப்பட்டனர்.
கூட்டத்தில் 100-க்கும் மேற்பட்ட பழைய மாணவர்கள்
பங்கேற்று தங்களது கல்லூரிக் கால நினைவுகளை பகிர்ந்து கொண்டனர். நிறைவில் குழுப் புகைப்படம் எடுத்துக்கொண்டனர்.

 

]]>
http://www.dinamani.com/all-editions/edition-villupuram/puducherry/2018/dec/09/லயோலா-கல்லூரி-முன்னாள்-மாணவர்-சங்க-புதுச்சேரி-கிளை-தொடக்கம்-3054708.html
3054707 விழுப்புரம் புதுச்சேரி கருணைக் கொலை செய்ய உத்தரவிடுங்கள்: உண்ணாவிரதம் இருக்கும் ஆயுள் கைதிகள் கோரிக்கை DIN DIN Sunday, December 9, 2018 04:11 AM +0530
கருணைக் கொலை செய்ய உத்தரவிட வேண்டும் என புதுச்சேரி காலாப்பட்டு சிறையில் உண்ணாவிரதம் இருக்கும் ஆயுள் கைதிகள் கோரிக்கை விடுத்தனர்.
புதுச்சேரி காலாப்பட்டில் உள்ள மத்திய சிறையில் 54 தண்டனை கைதிகளும், 150-க்கும் மேற்பட்ட விசாரணை கைதிகளும் அடைக்கப்பட்டுள்ளனர். புதுச்சேரியில் நன்னடத்தையின் காரணமாக கைதிகளை விடுதலை செய்யாமல் உள்ளனர். இதனால் 14 ஆண்டுகள் சிறையில் கழித்த ஆயுள் தண்டனை கைதிகளும் தொடர்ந்து சிறையிலேயே இருந்து வருகின்றனர். எனவே, சிறையிலிருந்து சாவதைவிட, உண்ணாவிரதம் இருந்து சாகலாம் என முடிவெடுத்த கைதிகள், கடந்த 5-ஆம் தேதி முதல் சிறையில் உண்ணாவிரதம் இருந்து வருகின்றனர்.
அவர்களிடம் சிறைக் கண்காணிப்பாளர் பேச்சுவார்த்தை நடத்தினார். ஆனால், இதில் உடன்பாடு ஏற்படாததால் தொடர் உண்ணாவிரதம் இருந்து வருகின்றனர். இதனால், மயக்கமடைந்த கைதிகள் 7 பேர் புதுச்சேரி மருத்துவமனையில் வெள்ளிக்கிழமை இரவு சேர்க்கப்பட்டனர். மேலும், 2 பேர் சனிக்கிழமை அரசு மருத்துவமனையில் சேர்க்கப்பட்டனர். இதுகுறித்து சிகிச்சைப் பெற்று வரும் ஆயுள் தண்டனை கைதி பிரேம்குமார் கூறியதாவது: நான் உணர்ச்சி வசத்தால் செய்த கொலைக்காக கடந்த 16 ஆண்டுகளாக சிறையில் இருந்து வருகிறேன். 14 ஆண்டுகள் முடிந்த பிறகு விடுதலை ஆகிவிடுவேன் என்று காத்திருந்த என் மனைவி மற்றும் பிள்ளைகள் ஏமாற்றத்துக்கு உள்ளாகினர். தொடர்ந்து சிறையில் இருந்து சாவதைவிட, நீதிமன்றம் என்னை கருணைக் கொலை செய்ய உத்தரவிட வேண்டும் என்றார் அவர்.

 

]]>
http://www.dinamani.com/all-editions/edition-villupuram/puducherry/2018/dec/09/கருணைக்-கொலை-செய்ய-உத்தரவிடுங்கள்-உண்ணாவிரதம்-இருக்கும்-ஆயுள்-கைதிகள்-கோரிக்கை-3054707.html
3054706 விழுப்புரம் புதுச்சேரி ஜிப்மரில் உடல் பருமன் குறைப்பு சிகிச்சை தொடர்பான கருத்தரங்கம் DIN DIN Sunday, December 9, 2018 04:10 AM +0530
புதுச்சேரி ஜிப்மர் மருத்துவமனையில் உடல் பருமன் குறைப்பு சிகிச்சை தொடர்பான கருத்தரங்கம்  சனிக்கிழமை நடைபெற்றது.
கருத்தரங்கை ஜிப்மர் இயக்குநர் (பொ) சுவாமிநாதன் குத்துவிளக்கேற்றி தொடக்கி வைத்தார். இரைப்பை குடலியல் அறுவை சிகிச்சைத் துறைத் தலைவர் பிஜூ பொட்டாகட் வரவேற்றார். மருத்துவக் கண்காணிப்பாளர் எஸ்.படே வாழ்த்துரை வழங்கினார். கருத்தரங்கில் ஜிப்மர் இயக்குநர் (பொ) சுவாமிநாதன், இரைப்பை குடலியல் அறுவைச் சிகிச்சைத் துறை இணைப் பேராசிரியர் கலையரசன் ஆகியோர் பேசினர். உடல் பருமன் அறுவைச் சிகிச்சையில் புகழ் பெற்ற மருத்துவ நிபுணர்கள் பார்த்தசாரதி, செந்தில் ஆகியோர் கருத்தரங்கில் உரையாற்றினர்.

 

 

]]>
http://www.dinamani.com/all-editions/edition-villupuram/puducherry/2018/dec/09/ஜிப்மரில்-உடல்-பருமன்-குறைப்பு-சிகிச்சை-தொடர்பான-கருத்தரங்கம்-3054706.html
3054683 விழுப்புரம் புதுச்சேரி புதுச்சேரியில் போதை பாக்குகள் விற்ற மூவர் கைது DIN DIN Sunday, December 9, 2018 04:04 AM +0530
புதுச்சேரியில் போதைப் பாக்குகளை விற்றதாக 3 பேரை போலீஸார் சனிக்கிழமை கைது செய்தனர்.
புதுச்சேரியில் குட்கா, ஹான்ஸ், புகையிலை உள்ளிட்ட பொருள்கள் தடையை மீறி விற்பனை செய்யப்பட்டு வருவதாக புகார்கள் எழுந்தன. இந்த நிலையில், பெரியக்கடை காவல் உதவி ஆய்வாளர் வெற்றிவேல் உள்ளிட்ட போலீஸார் வெள்ளிக்கிழமை ரோந்துப் பணியில் ஈடுபட்டிருந்த போது, காந்தி வீதியில் சந்தேகத்துக்கு இடமளிக்கும் வகையில் பையுடன் வந்த இளைஞரைப் பிடித்து சோதனை செய்தனர்.
அப்போது, அந்தப் பையில் குட்கா, ஹான்ஸ் உள்ளிட்ட போதை தரும் பொருள்கள் இருப்பது தெரிய வந்தது. இதையடுத்து, அவரைக் காவல் நிலையம் அழைத்துச் சென்ற போலீஸார் அவரிடம் தீவிர விசாரணை நடத்தினர். இதில், அவர் லாசுப்பேட்டை குறிஞ்சி நகரைச் சேர்ந்த மணிகண்டன் (20) என்பதும், நீடராஜப்பையர் வீதியில் உள்ள மோகன்லால், பாபுலால் ஆகியோரிடம் போதைப் பாக்குகளை மொத்தமாக வாங்கி, சில்லறை விற்பனை செய்ய எடுத்துச் செல்வதும் தெரிய வந்தது.
இதையடுத்து, சம்பந்தப்பட்டவர்களின் கடைக்குச் சென்று போலீஸார் சோதனை நடத்தினர்.
அப்போது, அங்கு பதுக்கி வைக்கப்பட்டிருந்த குட்கா, ஹான்ஸ் உள்ளிட்ட போதை தரும் பொருள்களை போலீஸார் பறிமுதல் செய்தனர்.
இதுதொடர்பாக மணிகண்டன், மோகன்லால், பாபுலால் ஆகிய 3 பேரை கைது செய்த போலீஸார், அவர்களை நீதிமன்றத்தில் ஆஜர்படுத்தி, காலாப்பட்டு மத்திய சிறையில் அடைத்தனர்.
அவர்களிடம் பறிமுதல் செய்யப்பட்ட போதைப் பாக்குகளில் மதிப்பு ரூ. ஒரு லட்சம் இருக்கும் என
போலீஸார் தெரிவித்தனர்.

 

]]>
http://www.dinamani.com/all-editions/edition-villupuram/puducherry/2018/dec/09/புதுச்சேரியில்-போதை-பாக்குகள்-விற்ற-மூவர்-கைது-3054683.html
3054401 விழுப்புரம் புதுச்சேரி ஞானபீடம் விருதுக்கு எழுத்தாளர் கி.ரா. பெயர் பரிந்துரைக்கப்படும்: அமைச்சர் மல்லாடி கிருஷ்ணா ராவ் DIN DIN Sunday, December 9, 2018 01:33 AM +0530
இந்தியாவில் இலக்கியத்துக்காக வழங்கப்படும் மிக உயரிய விருதான ஞானபீடம் விருதுக்கு புதுவை எழுத்தாளர் கி. ராஜநாராயணனின் பெயர் பரிந்துரை செய்யப்படும் என மாநில கலைப் பண்பாட்டுத் துறை அமைச்சர் மல்லாடி கிருஷ்ணா ராவ் தெரிவித்தார்.
எழுத்தாளர் கி.ராஜநாராயணனின் கோபல்ல கிராமம் நாவல் தெலுங்கில் மொழி பெயர்க்கப்பட்டு நல்ல வரவேற்பைப் பெற்றது. இதையொட்டி, புதுவை கலைப் பண்பாட்டுத் துறை அமைச்சர் மல்லாடி கிருஷ்ணா ராவ் கி.ரா.வின் வீட்டுக்கு சனிக்கிழமை நேரில் சென்று சந்தித்து வாழ்த்துத் தெரிவித்தார்.
பின்னர், அவர் கூறுகையில், ஞானபீடம் விருதுக்கு எழுத்தாளர் கி.ரா.வின் பெயரை பரிந்துரை செய்யப்படுவதுடன், மத்திய கலாசாரத் துறை அமைச்சரை நேரில் சந்தித்தும் வலியுறுத்துவேன் என்றார். முன்னதாக, தன்னுடைய எழுத்துகளை யார் வேண்டுமானாலும் தெலுங்கில் மொழி பெயர்க்கலாம். அதற்குப் பணம் ஏதும் வேண்டாம் எனவும், பழைமை மிக்க தெலுங்கு மொழி தனது வீட்டு மொழி எனவும் கி.ரா. கூறியிருந்தது குறிப்பிடத்தக்கது.

 

]]>
http://www.dinamani.com/all-editions/edition-villupuram/puducherry/2018/dec/09/ஞானபீடம்-விருதுக்கு-எழுத்தாளர்-கிரா-பெயர்-பரிந்துரைக்கப்படும்-அமைச்சர்-மல்லாடி-கிருஷ்ணா-ராவ்-3054401.html
3054127 விழுப்புரம் புதுச்சேரி சபரிமலை செல்லும் பக்தர்கள் கேரள அரசின் நடைமுறைகளைப் பின்பற்ற வேண்டும்: இந்து சமய நிறுவன ஆணையர் DIN DIN Saturday, December 8, 2018 10:27 AM +0530 சபரிமலை செல்லும் பக்தர்கள் கேரள அரசின் நடைமுறைகளைப் பின்பற்ற வேண்டும் என்று புதுவை இந்து சமய நிறுவனங்களின் ஆணையர் சுதாகர் வேண்டுகோள் விடுத்தார்.
இதுகுறித்து வெள்ளிக்கிழமை அவர் வெளியிட்ட செய்திக் குறிப்பு: கேரள அரசு சட்டம்- ஒழுங்கை கருத்தில் கொண்டு சன்னிதானத்துக்கு வரும் பக்தர்கள் அனைவரும் பம்பையில் இருந்து 20 கி.மீ. தொலைவில் உள்ள நிலக்கல் என்ற இடத்தில் வாகனங்களை நிறுத்த அறிவுறுத்தியுள்ளது. நிலக்கல் பகுதியில் பக்தர்களுக்கு அனைத்து அடிப்படை வசதிகளும் செய்யப்பட்டுள்ளது.
பக்தர்கள் கூட்டம் அதிகமாக உள்ள நாள்களில் நிலக்கல்லுக்கு அருகே உள்ள செங்கனூர்,  பத்தனம்திட்டா,  கோட்டயம்,  வண்டிப்
பெரியார்,  எருமேலி ஆகிய இடங்களில் தங்கவைக்கப்பட்டு பின்னர் 
பம்பைக்கு அனுப்பி வைக்கப்படுவர். பம்பையில் இருந்து செல்லும் பக்தர்கள் சன்னிதானத்துக்கு நடைப் பயணமாக சென்று தரிசனம் முடிந்தவுடன் வெகு விரைவில் பம்பைக்குத் திரும்ப வேண்டும். சன்னிதானத்துக்கு வரும் பக்தர்கள் நிலக்கல்லில் இருந்து பம்பையை அடைய மாநில போக்குவரத்துக் குழுமத்தின் பேருந்து ரசீதுகளை (டிக்கெட்) விருப்பப்பட்ட தேதி, நேரத்துடன் S​a​b​a‌r‌i‌m​a‌l​a.​K‌e‌r​a‌l​a​a‌r‌t​c.​c‌o‌m என்ற இணையதளத்தின் மூலம் முன்னதாகவே பதிவு செய்து கொள்ளலாம். நிலக்கல்லில் இருந்து பம்பை செல்ல கேரள மாநில போக்குவரத்துக் குழுமத்தின் பேருந்துகளை தவிர வேறு வாகனங்களுக்கு அனுமதியில்லை.
நெகிழிப் பொருள்கள் (பிளாஸ்டிக்) காட்டுப் பகுதியிலுள்ள வன விலங்குகளுக்கு கேடு விளைவிக்கும் என்பதால், பக்தர்கள் நெகிழிப் பொருள்கள் கொண்டு வருவதைத் தவிர்க்க வேண்டும். சபரி மலையில் நெகிழிப் பொருள்களுக்கு முற்றிலும் தடை விதிக்கப்பட்டுள்ளது.
பக்தர்களின் அவசரத் தேவைக்காக 1800 4251 6006 என்ற தொலைபேசி எண்ணில் தொடர்பு கொள்ளலாம்.  மேலும் கூடுதல் விவரம் அறிய  ஐஏஎஸ் அதிகாரி பிரேம்குமாரை 9180 5668 0656 என்ற செல்லிடப்பேசியில் தொடர்பு கொள்ளலாம்.
புதுவையில் இருந்து சபரிமலை செல்லும் பக்தர்கள் கேரள அரசின் இந்த நடைமுறைகள், சட்டங்களைக் கடைப்பிடித்து, பயணத்தைத் திட்டமிட்டு ஐயப்ப சுவாமியை தரிசனம் செய்ய வேண்டும் என அந்தச் செய்திக் குறிப்பில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-villupuram/puducherry/2018/dec/08/சபரிமலை-செல்லும்-பக்தர்கள்-கேரள-அரசின்-நடைமுறைகளைப்-பின்பற்ற-வேண்டும்-இந்து-சமய-நிறுவன-ஆணையர்-3054127.html
3054126 விழுப்புரம் புதுச்சேரி மாட்டு வண்டி தொழிலாளர்கள் போராட்டம் DIN DIN Saturday, December 8, 2018 10:26 AM +0530 மணல் குவாரி அமைக்க வலியுறுத்தி மாட்டு வண்டித் தொழிலாளர்கள் குடிசை மாற்று வாரியத்தை வெள்ளிக்கிழமை முற்றுகையிட்டு போராட்டத்தில் ஈடுபட்டனர்.
புதுவை அரசு குடிசை மாற்று வாரியம், ஊரக வளர்ச்சித் துறை சார்பில் நடைபெறும் பணிகளுக்கான மணல் தேவைக்கு மாட்டு வண்டிக்கான மணல் குவாரியை அமைப்பதாகத் தெரிவித்திருந்தது.  ஆனால், சம்பந்தப்பட்ட துறையினர் நடவடிக்கை எடுக்காததால், மாட்டு வண்டித் தொழிலாளர்கள் புதுவை மாவட்ட ஆட்சியர் அலுவலகத்தை கடந்த புதன்கிழமை முற்றுகையிட்டுப் போராட்டத்தில் ஈடுபட்டனர். 
அப்போது, இதுகுறித்த கோப்பு குடிசை மாற்று வாரிய அலுவலகத்துக்கு அனுப்பப்பட்டுவிட்டதாக தெரிவிக்கப்பட்டது.
இதையடுத்து, மாட்டு வண்டி தொழிலாளர்கள் சங்கத் தலைவர் ஜி.சீனிவாசன் தலைமையில் மாட்டுவண்டித் தொழிலாளர்கள் குடிசைமாற்று வாரிய அலுவலகத்தை வெள்ளிக்கிழமை முற்றுகையிட்டுப் போராட்டத்தில் ஈடுபட்டனர். தகவலறிந்து வந்த குடிசை மாற்று வாரிய அதிகாரி அணில்குமார் போராட்டத்தில் ஈடுபட்டவர்களிடம் பேச்சுவார்த்தை நடத்தினார்.
  இதையடுத்து தொழிலாளர்கள் போராட்டத்தைக் கைவிட்டு கலைந்து சென்றனர்.
 

]]>
http://www.dinamani.com/all-editions/edition-villupuram/puducherry/2018/dec/08/மாட்டு-வண்டி-தொழிலாளர்கள்-போராட்டம்-3054126.html
3054125 விழுப்புரம் புதுச்சேரி கைதி மர்மமாக இறந்த வழக்கு சிபிசிஐடிக்கு மாற்றம் DIN DIN Saturday, December 8, 2018 10:26 AM +0530 புதுச்சேரியில் விசாரணை கைதி மர்மமான முறையில் இறந்த வழக்கை சிபிசிஐடிக்கு மாற்றி புதுவை மாநில காவல் துறை தலைமை இயக்குநர் சுந்தரி நந்தா வெள்ளிக்கிழமை உத்தரவிட்டார்.
கடலூர் மாவட்டம், ரெட்டிச்சாவடி அருகே கரிக்கன் நகர் புதுநகர் பகுதியைச் சேர்ந்தவர் ஜெயமூர்த்தி (21). கூலித் தொழிலாளியான இவரை கடந்த மாதம் 21 -ஆம் தேதி பைக் திருட்டு வழக்கில் கைது செய்த புதுவை பாகூர் போலீஸார், 23 -ஆம் தேதி நீதிமன்றத்தில் ஆஜர்படுத்தி சிறையில் அடைத்தனர். 
சிறையில் உடல்நிலை பாதிக்கப்பட்ட அவர் 27 -ஆம் தேதி புதுச்சேரி அரசு பொது மருத்துவமனையில் அனுமதிக்கப்பட்ட நிலையில், அங்கு இறந்தார்.
பாகூர் போலீஸார் தாக்கியதாலேயே அவர் இறந்ததாகக் கூறி, ஜெயமூர்த்தியின் உறவினர்களும், கரிக்கன் நகர் கிராம மக்களும் போராட்டத்தில் ஈடுபட்டதுடன், புதுவை முதல்வரிடமும் முறையிட்டனர். 
இதைத் தொடர்ந்து, புதுவை முதல்வர் வே. நாராயணசாமி நீதி விசாரணைக்கு உத்தரவிட்டார்.
இதையடுத்து, ஜெயமூர்த்தியின் உடல் புதுச்சேரி நீதிபதி சரண்யா முன்னிலையில் ஜிப்மரில் பிரேத பரிசோதனை செய்யப்பட்டு, விடியோ பதிவு செய்யப்பட்டது. மேலும், காலாப்பட்டு மத்திய சிறை, பாகூர் காவல் நிலையத்திலும் நீதிபதி விசாரணை நடத்தினார். 
இதனிடையே, ஜெயமூர்த்தியின் மரணம் தொடர்பாக பாகூர் காவல் உதவி ஆய்வாளர் ஜெயகுருநாதன், துணைக் காவல் உதவி ஆய்வாளர் திருமால் ஆகியோர் பணியிடை நீக்கம் செய்யப்பட்டனர். 
ஜெயமூர்த்தியின் மரணத்தில் மர்மம் நிலவி வரும் நிலையில், உண்மையைக் கண்டறிந்து, சம்பந்தப்பட்டவர்கள் மீது உரிய நடவடிக்கை எடுக்க வேண்டும் என பல்வேறு தரப்பினரும் வலியுறுத்தி வருகின்றனர்.
இந்த நிலையில், இந்த வழக்கை சிபிசிஐடிக்கு மாற்றி டிஜிபி சுந்தரி நந்தா வெள்ளிக்கிழமை உத்தரவிட்டார். இதையடுத்து, காலாப்பட்டு போலீஸார் இது தொடர்பான ஆவணங்களை சிபிசிஐடி எஸ்.பி. செல்வம் தலைமையிலான சிபிசிஐடி போலீஸாரிடம் ஒப்படைத்தனர். இதையடுத்து,  முதல் கட்ட விசாரணையை சிபிசிஐடி போலீஸார் தொடங்கியுள்ளனர்.
 

]]>
http://www.dinamani.com/all-editions/edition-villupuram/puducherry/2018/dec/08/கைதி-மர்மமாக-இறந்த-வழக்கு-சிபிசிஐடிக்கு-மாற்றம்-3054125.html
3054124 விழுப்புரம் புதுச்சேரி எம்எல்ஏக்களின் வாய்மொழி  உத்தரவை நிறைவேற்றும் அதிகாரிகள் தப்பிக்க முடியாது: கிரண் பேடி எச்சரிக்கை DIN DIN Saturday, December 8, 2018 10:25 AM +0530 எம்எல்ஏக்களின் வாய்மொழி உத்தரவை நிறைவேற்றும் அதிகாரிகள் ஒருபோதும் தப்பிக்க முடியாது என்று புதுவை துணைநிலை ஆளுநர் கிரண் பேடி எச்சரித்தார்.
புதுவையில் 3 நியமன எம்எல்ஏக்கள் தொடர்பாக உச்ச நீதிமன்றம் வியாழக்கிழமை வெளியிட்ட தீர்ப்பைச் சுட்டிக் காட்டி அவர் தனது கட்செவி அஞ்சலில் புதுவை அரசின்  உயரதிகாரிகளுக்கு அனுப்பிய உத்தரவு:
மத்திய அரசு நியமித்த நியமன எம்எல்ஏக்கள் விவகாரத்தில் உச்ச நீதிமன்றம் அளித்த தீர்ப்பில் மூலம் நிறைய பாடங்களை கற்றுக் கொள்ள முடியும்.   மக்களால் தேர்ந்தெடுக்கப்பட்ட 
எம்எல்ஏவின் கேள்விக்கு விடை கிடைத்துள்ளது. மத்திய அரசின் அங்கம்தான் புதுவை என்பது தெளிவாகியுள்ளது.
மத்திய அரசின் உத்தரவுக்கு எதிராக சென்னை உயர் நீதிமன்றத்தில் எம்எல்ஏ ஒருவர் வழக்குத் தொடுத்தார். இந்த வழக்கில் ஒவ்வோர் முறையும் அவர்கள் சாதகமற்ற தீர்ப்பைப் பெற்றனர். இருந்தாலும், தங்களுக்கு சாதகமான அதிகாரிகளின் உதவியுடன் பல தொழில்நுட்பங்களைக் கையாண்டு தீர்ப்புக்கு எதிராக நடந்து கொண்டனர்.
உச்ச நீதிமன்றம் இடைக்கால உத்தரவு வெளியிட்ட பின்னரும், நியமன எம்எல்ஏக்களால் தங்களது பணிகளைச் செய்ய முடியவில்லை. அவர்களுக்கான அடையாள அட்டை, அலுவலகம்  உள்ளிட்ட சலுகைகள் மறுக்கப்பட்டன. 
மக்களால் தேர்ந்தெடுக்கப்பட்ட பிரதிநிதிகளுக்கு சரியான ஆலோசனைகளை வழங்க வேண்டும் என்பதை அரசு ஊழியர்கள் நினைவில் வைத்துக் கொள்ள வேண்டும். இனிமேல், எழுத்துப்பூர்வமான அறிவுரைகளை ஏற்பதும், நிராகரிப்பதும் மக்களால் தேர்ந்தெடுக்கப்பட்ட பிரதிநிதிகளின் பொறுப்பாகும். 
அதேபோல, எதற்காக பணி அமர்த்தப்பட்டிருக்கிறோம் என்பதை அதிகாரிகளிலும் மனதில் வைத்துச் செயல்பட வேண்டும். மக்கள் பிரதிநிதிகளின் வாய்மொழி உத்தரவுளைச் செயல்படுத்தக் கூடாது.
அவ்வாறு செயல்படுத்தும் அதிகாரிகள் எதிர்காலத்தில் தப்பிக்க முடியாது.  இதுபோல, நிறைய அதிகாரிகள் பாதிக்கப்பட்டு வருவதை நாள்தோறும் பார்த்துக் கொண்டிருக்கிறேன் என அந்தக் கட்செவி அஞ்சலில் ஆளுநர் கூறியுள்ளார்.

]]>
http://www.dinamani.com/all-editions/edition-villupuram/puducherry/2018/dec/08/எம்எல்ஏக்களின்-வாய்மொழி--உத்தரவை-நிறைவேற்றும்-அதிகாரிகள்-தப்பிக்க-முடியாது-கிரண்-பேடி-எச்சரிக்கை-3054124.html
3054122 விழுப்புரம் புதுச்சேரி கருணாநிதி சிலை திறப்பு விழா:  முதல்வர் நாராயணசாமிக்கு திமுக அழைப்பு DIN DIN Saturday, December 8, 2018 10:25 AM +0530 மறைந்த திமுக தலைவர் கருணாநிதியின் முழு உருவச் சிலை திறப்பு விழாவில் பங்கேற்க வருமாறு முதல்வர் நாராயணசாமிக்கு திமுக சார்பில் அழைப்பிதழ் வழங்கப்பட்டது.
கருணாநிதியின் முழு உருவச் சிலை சென்னை அண்ணா அறிவாலய வளாகத்தில் வருகிற 16-ஆம் தேதி திறக்கப்பட உள்ளது. இந்த விழாவில் காங்கிரஸ் முன்னாள் தலைவர் சோனியா காந்தி கலந்து கொண்டு சிலையைத் திறந்து வைக்கிறார்.
 விழாவில் கலந்து கொள்ள அகில இந்திய அளவில் தலைவர்கள் அழைக்கப்பட்டுள்ளனர்.
இதனிடையே, சிலை திறப்பு விழாவில் கலந்து கொள்ள அழைப்பு விடுக்க திமுக அமைப்புச் செயலர் ஆர்.எஸ்.பாரதி புதுச்சேரியில் உள்ள முதல்வர் நாராயணசாமியின் இல்லத்துக்கு வெள்ளிக்கிழமை மாலை வந்தார். அங்கு முதல்வர் நாராயணசாமியை சந்தித்து, விழாவுக்கு வருமாறு அழைப்பிதழை அளித்தார்.
நிகழ்வின் போது, அரசுக் கொறடா ஆர்.கே.ஆர்.அனந்தராமன், புதுவை மாநில திமுக அமைப்பாளர்கள் இரா.சிவா எம்.எல்.ஏ. (தெற்கு), எஸ்.பி. சிவக்குமார் (வடக்கு) உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/puducherry/2018/dec/08/கருணாநிதி-சிலை-திறப்பு-விழா--முதல்வர்-நாராயணசாமிக்கு-திமுக-அழைப்பு-3054122.html
3054121 விழுப்புரம் புதுச்சேரி கூட்டுறவு நூற்பாலையை தனியார் மயமாக்க தொழில்சங்கங்கள் எதிர்ப்பு DIN DIN Saturday, December 8, 2018 10:25 AM +0530 புதுச்சேரி கூட்டுறவு நூற்பாலையை தனியார் வசம் ஒப்படைக்கக் கூடாது என சமூக நலம் மற்றும் கூட்டுறவுத் துறை அமைச்சர் மு.கந்தசாமியிடம் தொழில்சங்க நிர்வாகிகள் வெள்ளிக்கிழமை மனு அளித்தனர்.
இதுதொடர்பாக புதுவை சட்டப்பேரவை வளாகத்தில் அமைச்சர் கந்தசாமியை ஸ்பின்கோ கூட்டு நடவடிக்கை ஒருங்கிணைப்புக் குழுத் தலைவர்  பாப்புசாமி தலைமையில் பல்வேறு தொழில்சங்க நிர்வாகிகள் வெள்ளிக்கிழமை சந்தித்துப் பேசினர். அப்போது, அவர்கள் அளித்த மனுவில் கூறியிருப்பதாவது:
புதுவை கூட்டுறவு நூற்பாலையின் (ஸ்பின்கோ) தற்போதைய  சூழலைக் கவனத்தில் கொண்டு புதுவை அரசு அமைத்த ஓய்வு பெற்ற ஐ.ஏ.எஸ். அதிகாரி 
விஜயன் குழு அறிக்கையின் பரிந்துரையை நடைமுறைப்படுத்த வேண்டும். அந்த அறிக்கையில் கூறப்பட்டவாறு தொழிலாளர்களுக்கு நஷ்ட ஈட்டுத் தொகையும், 1947 தொழில் தகராறு சட்டத்தின் கீழ் தொழிலாளர்களுக்கு கிடைக்கக் கூடிய சலுகைகளையும் கிடைக்க நடவடிக்கை எடுக்க வேண்டும்.மேலும், அந்தக் குழு அறிக்கையைச் செயல்படுத்தும் வரை  இடைக் காலமாக நிர்வாகமே ஆலையை முறையாக இயக்க வேண்டும். எந்தக் காரணத்தைக் கொண்டும் ஆலையை தனியார் வசம் ஒப்படைக்கக் கூடாது என அந்த மனுவில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/puducherry/2018/dec/08/கூட்டுறவு-நூற்பாலையை-தனியார்-மயமாக்க-தொழில்சங்கங்கள்-எதிர்ப்பு-3054121.html
3054120 விழுப்புரம் புதுச்சேரி அரசு அதிகாரிகளுக்கு விரைவில் சட்டத் தேர்வு: ஆளுநர் கிரண் பேடி DIN DIN Saturday, December 8, 2018 10:24 AM +0530 புதுவை அரசு அதிகாரிகளுக்கு விரைவில் சட்டத் தேர்வு நடத்தப்படும் என்று துணைநிலை ஆளுநர் கிரண் பேடி தெரிவித்தார்.
புதுவை சமூக நலத் துறையில் ஆளுநர் கிரண் பேடி வெள்ளிக்கிழமை திடீர் ஆய்வு மேற்கொண்டார். பின்னர், அங்குள்ள அதிகாரிகளுடன் அவர் ஆலோசனை நடத்தினார். அப்போது அவர் பேசியதாவது: 
சமூக நலத் துறைக்கு வரும் முதியோர்,  மாற்றுத் திறனாளிகளுக்கு வழிகாட்ட உதவி மையம் தொடங்குவது அவசியம். இந்த உதவி மையத்தில் அவர்களுக்கான திட்டங்கள் தொடங்கி, படிவங்களை நிறைவு  செய்வது வரை செய்ய இயலும். துறை சார்ந்த சட்ட விதிகளை அதிகாரிகள் கற்றறிவது அவசியம். துறை அதிகாரிகள் குடும்ப நீதிமன்றம் செல்வது அவசியம். அங்கு, குடும்ப கலந்தாய்வு மையத்தில் இரு தரப்பிடம் நடைபெறும் கலந்தாய்வு, திட்ட முறைகள் ஆகியவற்றையும் அறிய வேண்டும். அத்துடன், தன்னார்வத் தொண்டு நிறுவனங்களை நேரில் சந்தித்து அவர்களிடமிருந்து திறன், பயிற்சி முறைகளை அறியலாம்.
சட்ட விதிகளுக்கு உள்பட்டு அவர்களின் திறன்களையும் மேம்படுத்த நடவடிக்கை எடுக்கலாம். இணையத்தில் தொண்டு நிறுவனங்களின் விவரங்களையும், துறை சார்ந்த விவரங்களையும் மேம்படுத்த வேண்டும். கட்செவி அஞ்சல் குழு ஒன்றை உருவாக்கி அதில், தொண்டு நிறுவனங்களை இணைக்க வேண்டும். இது தகவல் தொடர்புக்கும், முக்கியத் தகவல்களைத் தெரிவிக்கவும் உபயோகமாக இருக்கும். மீண்டும் ஆய்வுக்கு உள்படுத்தப்படும் போது, உத்தரவுகள் நடைமுறைப்படுத்தப்பட்டுள்ளனவா?, அதிகாரிகளின் பணித் திறன் மேம்பட்டுள்ளதா? உள்ளிட்டவற்றை அறிய முடியும் என்றார் அவர்.
தொடர்ந்து அவர் செய்தியாளர்களிடம் கூறும்போது, துறை சார்ந்த சட்ட விதிகளை அதிகாரிகள் கற்றறிவது அவசியம். எனவே,  அதிகாரிகளுக்கு விரைவில் சட்ட விதிகள் தொடர்பாக மாதிரித் தேர்வு நடத்தப்படும்.  குறிப்பாக, பல துறைகளிலுள்ள மூத்த அதிகாரிகளுக்கு சட்ட விவரங்கள் கண்டிப்பாக தெரிந்திருக்க வேண்டும். பலர் அதை அறிவதில்லை. இதுதொடர்பாக அதிகாரிகளுக்கு இரு வாரங்கள் அவகாசம் அளிக்கப்பட்டுள்ளது. அதற்குள் தேர்வுக்கு அதிகாரிகள் தயாராக வேண்டும். ஆளுநரின் தனிச் செயலர் ஸ்ரீதரன் இந்தத் தேர்வை நடத்த உள்ளார் என்றார் கிரண் பேடி.
 

]]>
http://www.dinamani.com/all-editions/edition-villupuram/puducherry/2018/dec/08/அரசு-அதிகாரிகளுக்கு-விரைவில்-சட்டத்-தேர்வு-ஆளுநர்-கிரண்-பேடி-3054120.html
3054119 விழுப்புரம் புதுச்சேரி ஆசிரியர்கள் இல்லாததைக் கண்டித்து மாணவர்கள் சாலை மறியல் DIN DIN Saturday, December 8, 2018 10:24 AM +0530 பான்கோஸ் மேல்நிலைப் பள்ளியில் ஆசிரியர்கள் இல்லாத நிலையைக் கண்டித்து, அந்தப் பள்ளி மாணவ, மாணவிகள் வெள்ளிக்கிழமை சாலை மறியலில் ஈடுபட்டனர்.
மண்ணாடிப்பட்டு தொகுதி ஏழை குழந்தைகளுக்கு கல்வி அளிப்பதற்காக லிங்காரெட்டிப்பாளையம் கூட்டுறவு சர்க்கரை ஆலை நிர்வாகத்தின் சார்பில், கூட்டுறவு பான்கோஸ் மேல்நிலைப் பள்ளி இயங்கி வருகிறது. அரசு உதவி பெறும் இந்தப் பள்ளியில் 500-க்கும் மேற்பட்ட மாணவ, மாணவிகள் பயின்று வருகின்றனர்.
கூட்டுறவு சர்க்கரை ஆலை செயல்படாத நிலையில், கடந்த சில ஆண்டுகளாக நிதிப்பற்றாக் குறையால் இந்தப் பள்ளி தள்ளாடி வருகிறது. இதனால், இங்கு பணிபுரியும் ஆசிரியர்கள் பலருக்கு சம்பளம் வழங்கப்படவில்லையாம். இதன் காரணமாக பல ஆசிரியர்கள் பணிக்கு வருவதில்லையாம். அரையாண்டுத் தேர்வுக்கு இன்னும் சில வாரங்களே உள்ள நிலையில், பிளஸ் 2 வகுப்புக்கான தாவரவியல், விலங்கியல், பொருளாதாரம் உள்ளிட்ட பாடப் பிரிவுகளுக்கும் ஆசிரியர்களே இல்லையாம்.
இதுகுறித்து கூட்டுறவுத் துறை, கல்வித் துறைக்கு மனுக்கள் அளித்தும் நடவடிக்கை இல்லையாம். இதனால், மாணவ, மாணவிகளின் பெற்றோர் வெள்ளிக்கிழமை பிற்பகலில் பள்ளியை முற்றுகையிட்டு போராட்டத்தில் ஈடுபட்டனர். அப்போது, பிளஸ் 2 பயிலும் 50-க்கும் மேற்பட்ட மாணவ, மாணவிகள் பள்ளியின் எதிரே உள்ள சாலையில் மறியலில் ஈடுபட்டனர்.
தகவலறிந்த மண்ணாடிப்பட்டு தொகுதி எம்.எல்.ஏ. செல்வம் (என்.ஆர்.காங்கிரஸ்), காட்டேரிக்குப்பம் காவல் உதவி ஆய்வாளர் முருகானந்தம் தலைமையிலான போலீஸார் அங்கு வந்து போராட்டத்தில் ஈடுபட்ட மாணவர்களிடம் பேச்சுவார்த்தை நடத்தினர். கல்வித் துறை அதிகாரிகளிடம் பேசி ஆசிரியர்களை விரைந்து நியமிக்கவும், பள்ளியில் அடிப்படை வசதிகளை மேம்படுத்தித் தரவும் நடவடிக்கை எடுப்பதாக உறுதியளிக்கப்பட்டதைத் தொடர்ந்து, மாணவர்கள் மறியலைக் கைவிட்டு கலைந்து சென்றனர்.

]]>
http://www.dinamani.com/all-editions/edition-villupuram/puducherry/2018/dec/08/ஆசிரியர்கள்-இல்லாததைக்-கண்டித்து-மாணவர்கள்-சாலை-மறியல்-3054119.html
3054118 விழுப்புரம் புதுச்சேரி நெல் ஜெயராமனுக்கு அஞ்சலி DIN DIN Saturday, December 8, 2018 10:24 AM +0530 மறைந்த நெல் ஜெயராமனுக்கு புதுச்சேரியில் விவசாயிகள் வெள்ளிக்கிழமை அஞ்சலி செலுத்தினர்.
பாரம்பரிய நெல் ரகங்களில் இதுவரை 174 ரகங்களைத் தேடி கண்டறிந்து அவற்றைப் பாதுகாத்து வந்த நெல் ஜெயராமன்,  உடல்நலக் குறைவால் சென்னையில் வியாழக்கிழமை காலமானார்.
அவரது மறைவுக்கு பல்வேறு அரசியல் கட்சித் தலைவர்கள் விவசாயச் சங்க பிரதிநிதிகள் அஞ்சலி செலுத்தினர். அந்த வகையில், புதுச்சேரி அருகே காட்டேரிக்குப்பத்தில் விவசாயிகள் சங்கத் தலைவர் செந்தில்குமார் தலைமையில், விவசாயிகள் அலங்கரித்து வைக்கப்பட்ட நெல் ஜெயராமன் படத்துக்கு மலர்தூவி அஞ்சலி 
செலுத்தினர்.

]]>
http://www.dinamani.com/all-editions/edition-villupuram/puducherry/2018/dec/08/நெல்-ஜெயராமனுக்கு-அஞ்சலி-3054118.html
3054117 விழுப்புரம் புதுச்சேரி வங்கிக் கிளையை மாற்ற எதிர்ப்பு:  வியாபாரிகள் ஆர்ப்பாட்டம் DIN DIN Saturday, December 8, 2018 10:23 AM +0530 புதுச்சேரி காந்தி நகரில் இயங்கி வரும் தேசியமயமாக்கப்பட்ட வங்கிக் கிளையை மாற்ற எதிர்ப்பு தெரிவித்து வியாபாரிகள் வெள்ளிக்கிழமை ஆர்ப்பாட்டத்தில் ஈடுபட்டனர்.
புதுச்சேரி வழுதாவூர் சாலையில் உள்ள காந்தி நகரில் தேசியமயமாக்கப்பட்ட வங்கிக் கிளை இயங்கி வருகிறது.
இந்த நிலையில், வருகிற 10 -ஆம் தேதி முதல் காந்தி நகர் வங்கிக் கிளையை தட்டாஞ்சாவடி கிளையுடன் இணைக்கப் போவதாக வாடிக்கையாளர்களுக்கு வங்கியின் தரப்பிலிருந்து குறுஞ்செய்தி வந்ததாம்.
இதனால், வாடிக்கையாளர்கள் வங்கிக் கிளையை மாற்றக் கூடாது என வலியுறுத்தி வருகின்றனர். இதுகுறித்து வங்கி உயரதிகாரிகளிடமும், அரசியல்வாதிகளிடமும் மனு அளித்தனர். இருப்பினும், உரிய நடவடிக்கை எடுக்கப்படவில்லை எனக் கூறப்படுகிறது.
இதைக் கண்டித்து, வணிகர்கள் கூட்டமைப்பு, கதிர்காமம் அனைத்து வியாபாரிகள் சங்கம் ஆகியவை சார்பில், வெள்ளிக்கிழமை ஆர்ப்பாட்டம் நடைபெற்றது.
அப்போது, வங்கிக் கிளையை மாற்றுவதற்கு எதிர்ப்பு தெரிவித்தும், அதே இடத்திலேயே வங்கி செயல்பட வலியுறுத்தியும் முழக்கங்கள் எழுப்பப்பட்டன. இந்த ஆர்ப்பாட்டத்துக்கு வணிகர்கள் சங்கங்களின் கூட்டமைப்புத் தலைவர் சிவசங்கர் தலைமை வகித்தார்.  பொதுச் செயலர் பாலு, வர்த்தகர்கள், பொதுமக்கள் உள்பட நூற்றுக்கும் மேற்பட்டோர் கலந்து கொண்டனர்.

]]>
http://www.dinamani.com/all-editions/edition-villupuram/puducherry/2018/dec/08/வங்கிக்-கிளையை-மாற்ற-எதிர்ப்பு--வியாபாரிகள்-ஆர்ப்பாட்டம்-3054117.html
3054116 விழுப்புரம் புதுச்சேரி கஞ்சா விற்ற ரெளடி உள்பட 3 பேர் கைது DIN DIN Saturday, December 8, 2018 10:23 AM +0530 அரியாங்குப்பத்தில் கஞ்சா விற்றதாக ரெளடி உள்பட 3 பேரை போலீஸார் வெள்ளிக்கிழமை கைது செய்தனர்.
அரியாங்குப்பம் பாரதி நகர் பகுதியில் கஞ்சா விற்பனை நடைபெறுவதாக போலீஸாருக்கு தகவல் கிடைத்தது. அதன் பேரில், அங்கு விரைந்து சென்ற போலீஸார் அங்கு சந்தேகப்படும்படி இரு சக்கர வாகனங்களில் சுற்றித் திரிந்த 3 பேரைப் பிடித்து விசாரித்தனர்.
இதில் அவர்கள், கோரிமேடு திலாசுபேட்டை பகுதியைச் சேர்ந்த நடராஜன் மகன் அருண் (29), கடலூர் மாவட்டம், நைனார்மண்டபம் பகுதியைச் சேரந்த மணிகண்டன் மகன் ரமேஷ் (25), புதுவை முத்தரையர்பாளையம் மாரியம்மன் கோயில் தெரு பகுதியைச் சேர்ந்த விஜயகுமார் மகன் விமல் (23) என்பதும், இவர்கள் மூவரும் பைக்கில் கஞ்சா விற்பனையில் ஈடுபட்டதும் தெரிய வந்தது. மேலும், ரெளடியான அருண் மீது கொலை வழக்கு உள்ளிட்ட பல்வேறு வழக்குகள் நிலுவையில் உள்ளதும் தெரிய வந்தது.
இதையடுத்து போலீஸார் மூவரையும் கைது செய்து, அவர்களிடமிருந்து 400 கிராம் கஞ்சா பொட்டலங்கள், 5 செல்லிடப்பேசிகள், 3 இரு சக்கர வாகனங்கள், ரூ. 9 ஆயிரம் பணம் ஆகியவற்றைப் பறிமுதல் செய்தனர்.
இவர்களுக்கு கஞ்சா விநியோகம் செய்த ரெட்டியார்பாளையத்தைச் சேர்ந்த ஷர்மிளா என்ற பெண்ணை போலீஸார் தேடி வருகின்றனர்.

]]>
http://www.dinamani.com/all-editions/edition-villupuram/puducherry/2018/dec/08/கஞ்சா-விற்ற-ரெளடி-உள்பட-3-பேர்-கைது-3054116.html
3054115 விழுப்புரம் புதுச்சேரி மோட்டார் பைக்குகள் திருடிய கல்லூரி மாணவர்கள் கைது DIN DIN Saturday, December 8, 2018 10:23 AM +0530 புதுவையில் மோட்டார் பைக்குகளைத் திருடிய சென்னையைச் சேர்ந்த கல்லூரி மாணவர்களை போலீஸார் வியாழக்கிழமை கைது செய்தனர். அவர்களிடமிருந்து ரூ. 5 லட்சம் மதிப்பிலான 7 பைக்குகள் பறிமுதல் செய்யப்பட்டன. 
புதுச்சேரி கோரிமேடு காவல் ஆய்வாளர் கண்ணன், காவல் உதவி ஆய்வாளர் கலையரசன் தலைமையிலான போலீஸார் ஜிப்மர் அருகே வியாழக்கிழமை இரவு ரோந்துப் பணியில் ஈடுபட்டனர். அப்போது, மோட்டார் பைக் ஒன்றில் சந்தேகப்படும்படியாக வேகமாக வந்த 3 பேரைப் பிடித்து விசாரித்தனர். 
விசாரணையில் அவர்கள், சென்னை மாடம்பாக்கம் நத்தன்சேரி திருவள்ளுவர் நகரைச் சேர்ந்த மூக்கையன் மகன் நாகேஷ்வர ராஜா (18), பல்லாவரம் நாராயணசாமி பிள்ளைத் தெருவைச் சேர்ந்த வீரபத்திரன் மகன் மதன்குமார் (18), சிட்லபாக்கம் காந்தி நகரைச் சேர்ந்த 17 வயது சிறுவன் என்பதும், இவர்கள் அனைவரும் அங்குள்ள தனியார் கல்லூரியில் முதலாமாண்டு படித்து வருவதும் தெரிய வந்தது.  மேலும், அவர்கள் ஓட்டி வந்த பைக் திருடப்பட்ட வண்டி என்பதும், இவர்கள் 3 பேரும் புதுவை மாநிலத்தின் பல்வேறு பகுதிகளில் மோட்டர் பைக்குகளைத் திருடி விற்று வந்ததும் தெரிய வந்தது.
இதையடுத்து, அவர்களை கைது செய்த போலீஸார், அவர்களிடமிருந்து மொத்தம் ரூ. 5 லட்சம் மதிப்புள்ள 7 மோட்டார் பைக்குளை பறிமுதல் செய்தனர். பின்னர், அவர்கள் நீதிமன்றத்தில் ஆஜர்ப்படுத்தப்பட்டனர். இவர்களில் 2 பேரை காலாப்பட்டு மத்திய சிறையிலும், சிறுவனை சிறுவர் சீர்த்திருத்த பள்ளியிலும் அடைத்தனர்.

]]>
http://www.dinamani.com/all-editions/edition-villupuram/puducherry/2018/dec/08/மோட்டார்-பைக்குகள்-திருடிய-கல்லூரி-மாணவர்கள்-கைது-3054115.html
3054113 விழுப்புரம் புதுச்சேரி மின்சாரம் பாய்ந்து ஊழியர் சாவு DIN DIN Saturday, December 8, 2018 10:22 AM +0530 தனியார் நிறுவன ஊழியர் மீது மின்சாரம் பாய்ந்ததில் அவர் உயிரிழந்தார்.
மரக்காணம் கடப்பாக்கம் நல்லூரைச் சேர்ந்தவர் எட்டியப்பன் (35). துத்திப்பட்டில் உள்ள தனியார் சோப் ஆயில் தயாரிக்கும் நிறுவனத்தில் பணியாற்றி வந்தார். வியாழக்கிழமை இரவு வழக்கம் போல பணிக்கு வந்த அவர் சோப் ஆயில் தயாரிக்கும் தொட்டியின் வால்வை திறக்க முயன்றாராம். அப்போது, அருகிலிருந்த மின்சார வயரை தவறுதலாகப் பிடித்ததில் அவர் மீது மின்சாரம் பாய்ந்ததாம். வெள்ளிக்கிழமை காலை பணிக்கு வந்த மற்ற ஊழியர்கள், மயக்க நிலையில் கிடந்த எட்டியப்பனை மீட்டு, தனியார் மருத்துவக் கல்லூரி மருத்துவமனைக்கு கொண்டு சென்றனர். அங்கு, அவரை பரிசோதித்த மருத்துவர்கள் அவர் ஏற்கெனவே இறந்துவிட்டதாகத் தெரிவித்தனர்.
இதுகுறித்து தகவலறிந்த நிறுவன ஊழியர்களும், எட்டியப்பனின் உறவினர்களும் மருத்துவமனையை முற்றுகையிட்டு போராட்டத்தில் ஈடுபட்டனர்.
தகவலறிந்து அங்கு வந்த தொகுதி எம்எல்ஏ தீப்பாய்ந்தான் தொழிலாளி எட்டியப்பனின் குடும்பத்துக்கு ஆறுதல் கூறியதுடன், உரிய நடவடிக்கை எடுப்பதாக உறுதியளித்தார். இதையடுத்து போராட்டம் கைவிடப்பட்டது. இதுகுறித்து சேதரப்பட்டு போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-villupuram/puducherry/2018/dec/08/மின்சாரம்-பாய்ந்து-ஊழியர்-சாவு-3054113.html
3054112 விழுப்புரம் புதுச்சேரி மென்பொறியாளர் வீட்டின் கதவை உடைத்து நகைகள், பணம் திருட்டு DIN DIN Saturday, December 8, 2018 10:22 AM +0530 புதுச்சேரி அருகே மென்பொறியாளர் வீட்டின் கதவை உடைத்து 15 பவுன் நகைகள், ரூ. 40 ஆயிரம் ரொக்கப் பணத்தைத் திருடிச் சென்ற மர்ம நபர்களை போலீஸார் தேடி வருகின்றனர். 
புதுவை மாநிலம், தவளக்குப்பம் அருகே உள்ள அபிஷேகப்பாக்கம் முதன்மைச் சாலை பங்கஜம் நகரைச் சேர்ந்த பலராமன் மகன் பாலமுரளி (34). மென்பொறியாளரான இவ,  முதல் தளத்துடன் கூடிய இவரது வீட்டில், மனைவி மற்றும் ஓய்வுபெற்ற ஆசிரியையான அஞ்சலாதேவி ஆகியோருடன் வசித்து வருகிறார்.
இந்த நிலையில், வியாழக்கிழமை இரவு வீட்டில் தூங்கிக் கொண்டிருந்த போது, வெள்ளிக்கிழமை அதிகாலை வீட்டின் பின்புறக் கதவை உடைத்து உள்ளே நுழைந்த மர்ம நபர்கள், பூஜை அறையில் இருந்த பீரோவை உடைத்து, அங்கிருந்த 12 பவுன் தங்க நகைகள் மற்றும் ரூ. 40 ஆயிரம் ரொக்கப் பணத்தை திருடியதுடன், அங்கு தூங்கிக்கொண்டிருந்த அஞ்சலாதேவியிடமிருந்து 3 பவுன் தங்க நகையை கத்தியால் அறுத்து எடுத்துள்ளனர். 
இதனால், திடுக்கிட்டு எழுந்த அஞ்சலாதேவி சப்தமிட்டுள்ளார். இதைக் கேட்டு பாலமுரளி மற்றும் அவரது மனைவி ஆகியோர் மேல் மாடியில் இருந்து கீழே வருவதற்குள் மர்ம நபர்கள் தப்பியோடி விட்டனராம்.
இதுகுறித்து பாலமுரளி அளித்த புகாரின் பேரில், தவளக்குப்பம் போலீஸார் வழக்குப் பதிந்து, நகைகள், பணத்தைத் திருடிச் சென்ற மர்ம நபர்களைத் தேடி வருகின்றனர். இதனிடையே, சம்பவம் நடந்த இடத்தை காவல் கண்காணிப்பாளர் ரஹீம் பார்வையிட்டார்.

]]>
http://www.dinamani.com/all-editions/edition-villupuram/puducherry/2018/dec/08/மென்பொறியாளர்-வீட்டின்-கதவை-உடைத்து-நகைகள்-பணம்-திருட்டு-3054112.html
3054111 விழுப்புரம் புதுச்சேரி குப்பை கொட்டியவர்களுக்கு ரூ. 1.52 லட்சம் அபராதம் DIN DIN Saturday, December 8, 2018 10:22 AM +0530 உழவர்கரை நகராட்சியில் வாய்க்கால்களில் குப்பைகளைக் கொட்டிய 1,094 பேரிடம் ரூ. 1.52 லட்சம் அபராதம் வசூலிக்கப்பட்டது.
இதுகுறித்து உழவர்கரை நகராட்சி ஆணையர் எம். கந்தசாமி வெளியிட்ட செய்திக் குறிப்பு: உழவர்கரை நகராட்சி சுகாதார ஆய்வாளர்கள், பல இடங்களில் ஆய்வு செய்து, வீதிகள், வாய்க்கால்களில் குப்பைகள், கழிவுகளைக் கொட்டுபவர்கள் மீது அபராதம் விதித்து வருகின்றனர். அதன்படி, 1094 பேருக்கு அபராதம் விதிக்கப்பட்டு, அவர்களிடம் ரூ. 1,52,000 வசூலிக்கப்பட்டது. 
பொதுமக்கள் குப்பைகளை வீதியிலோ, வாய்க்கால்களிலோ, காலிமனைகளிலோ கொட்ட வேண்டாம். குப்பைகளை குப்பைத் தொட்டியில் மட்டுமே கொட்ட வேண்டும். அல்லது வீடு தேடி வரும் ஸ்வச்சதா ஊழியர்களிடம் அளிக்கலாம். 
ஸ்வச்சதா ஊழியர்கள் வீடுகளுக்கு குப்பைகளை எடுக்க வரவில்லை எனில், உழவர்கரை நகராட்சி கட்டுபாட்டு அறை 0413-2200382 என்ற எண்ணில் தொடர்பு கொண்டு 
புகார் தெரிவிக்கலாம்.
 

]]>
http://www.dinamani.com/all-editions/edition-villupuram/puducherry/2018/dec/08/குப்பை-கொட்டியவர்களுக்கு-ரூ-152-லட்சம்-அபராதம்-3054111.html
3054110 விழுப்புரம் புதுச்சேரி பல்கலைக்கழகங்களுக்கு இடையிலான கால்பந்துப் போட்டி DIN DIN Saturday, December 8, 2018 10:22 AM +0530 தென்மண்டல பல்கலைக்கழகங்களுக்கு இடையிலான கால்பந்துப் போட்டியில் புதுச்சேரி பல்கலை. அணி ஹேட்ரிக் கோல் அடித்து 
அடித்த சுற்றுக்கு முன்னேறியது.
புதுவை பல்கலைக்கழகத்தில் கடந்த 3 -ஆம் தேதி முதல் நடைபெற்று வரும் கால்பந்துப் போட்டியில் 96 பல்கலைக்கழகங்களைச் சேர்ந்த அணிகள் பங்கேற்றுள்ளன. இதுவரை நடைபெற்ற போட்டிகளில், கோவை பாரதியார் பல்கலைக்கழகத்தை 2 - 1 என்ற கோல் கணக்கில் மகாத்மா காந்தி பல்கலை. அணியும், தார்வாட் கர்நாடகப் பல்கலை. அணியை 3-0 என்ற கோல் கணக்கில் ஜெயின் பல்கலை. அணியும், கோவை ராமகிருஷ்ணாமிஷன் விவேகானந்தா பல்கலைக்கழகத்தை 4-0 என்ற கோல் கணக்கில் சென்னை அண்ணா பல்கலைக்கழக விளையாட்டு ஆணைய அணியும், ஹைதராபாத் பல்கலைக்கழக அணியை 5-0 என்ற கோல் கணக்கில் மெட்ராஸ் பல்கலைக்கழக அணியும், பெங்களூரு பல்கலைக்கழக அணியை 5-1 என்ற கோல் கணக்கில் மதுரை காமராஜர் பல்கலைக்கழகமும், கொச்சி பல்கலைக்கழக அணியை 4-1 என்ற கோல் கணக்கில் திருநெல்வேலி மனோன்மணீயம் சுந்தரனார் பல்கலைக்கழகமும், மைசூர் பல்கலைக்கழக அணியை 3-0 என்ற கோல்கணக்கில் மங்களூர் யேனேபோயா பல்கலைக்கழக அணியும், சிதம்பரம் அண்ணாமலை பல்கலைக்கழக அணியை 2-1 கோல் கணக்கில் சென்னை வேல்ஸ் பல்கலைக்கழக அணியும், சென்னை டாக்டர் எம்ஜிஆர் பல்கலைக்கழக அணியை 4-1 என்ற கோல் கணக்கில் பெங்களூரு மத்திய பல்கலைக்கழக அணியும் வெற்றி கொண்டன.
இதேபோல, கர்நாடக மாநில சட்டப்பல்கலைக்கழக அணியை 3-0 என்ற கோல் கணக்கில் புதுச்சேரி பல்கலைக்கழக அணியும், ஆந்திர மாநில ராஜீவ் காந்தி பல்கலைக்கழக அணியை 2-1 என்ற கோல் கணக்கில் திண்டுக்கல் காந்திகிராம் பல்கலைக்கழக அணியும், தார்வாட் வேளாண் அறிவியல் பல்கலைக்கழக அணியை 3-0 என்ற கோல் கணக்கில் கடப்பா யோகி வேனமா பல்கலைக்கழக அணியும், ஆந்திரப் பல்கலைக்கழக அணியை 1-0 என்ற கோல் கணக்கில் சென்னை எஸ்ஆர்எம் பல்கலைக்கழக அணியும், மைசூரு ஜெஎஸ்எஸ் பல்கலைக்கழக அணியை 5-2 என்ற கோல் கணக்கில் கலசலிங்கம் பல்கலைக்கழக அணியும், ராணி சென்னம்மா பல்கலைக்கழக அணியை 2-1 கோல் கணக்கில் காலாடி ஸ்ரீ சங்கராச்சார்யா பல்கலைக்கழக அணியும், எஸ்கே பல்கலைக்கழக அணியை 1-0 என்ற கோல் கணக்கில் அழகப்பா பல்கலைக்கழக அணியும் வெற்றி கொண்டன. 

]]>
http://www.dinamani.com/all-editions/edition-villupuram/puducherry/2018/dec/08/பல்கலைக்கழகங்களுக்கு-இடையிலான-கால்பந்துப்-போட்டி-3054110.html
3054109 விழுப்புரம் புதுச்சேரி ஆலையில் பதுக்கிய சந்தனக் கட்டைகள் பறிமுதல்: கேரளத்தைச் சேர்ந்தவர் கைது DIN DIN Saturday, December 8, 2018 10:21 AM +0530 புதுச்சேரி அருகே ஆயுர்வேத மருந்துகள் தயாரிக்கும் தனியார் தொழில்சாலையில் சட்ட விரோதமாகப் பதுக்கி வைக்கப்பட்டிருந்த ரூ. 4 லட்சம் மதிப்பிலான 40 கிலோ சந்தனக் கட்டைகளை வனத்துறை அதிகாரிகள் வெள்ளிக்கிழமை பறிமுதல் செய்தனர். இதுதொடர்பாக கேரள மாநிலத்தைச் சேர்ந்த ஒருவரை போலீஸார் கைது செய்தனர்.
புதுவை மாநிலம், வில்லியனூர் அருகே உள்ள உளவாய்க்கால் பகுதி கோனேரிக்குப்பம் செல்லும் சாலையில் தனியார் ஆயுர்வேத மருந்துப் பொருள்கள் தயாரிக்கும் தொழில்சாலை இயங்கி வருகிறது. இங்கு, சட்ட விரோதமாக சந்தனக் கட்டைகள் பதுக்கி வைக்கப்பட்டிருப்பதாக புதுச்சேரி வனத் துறைக்கு தகவல் கிடைத்தது. இதையடுத்து, வனத் துறைக் காப்பாளர் குமார், துணை வனக் காப்பாளர் சத்தியமூர்த்தி ஆகியோரின் உத்தரவின் பேரில், வேளாண் அலுவலர் செல்வநாதன், செயல்வழி உதவியாளர் சுப்ராயன் தலைமையில், வனத் துறை ஊழியர்கள் சம்பந்தப்பட்ட தொழில்சாலைக்குச் சென்று சோதனை நடத்தினர். 
அப்போது, அங்கு 3 சாக்கு மூட்டைகளில் ரூ. 4 லட்சம் மதிப்பிலான 40 கிலோ சந்தனக் கட்டைகள் பதுக்கி வைக்கப்பட்டிருந்தது தெரிய வந்தது. இதையடுத்து, சந்தனக் கட்டைகளைப் பறிமுதல் செய்த வனத் துறையினர், அந்தத் தொழில்சாலையின் மேலாளரான கேரள மாநிலம், பாலக்காடு பகுதியைச் சேர்ந்த விஜயனை (45) பிடித்து விசாரித்தனர். 
விசாரணையில், வாடகை கட்டடத்தில் இயங்கி வரும் இந்தத் தொழில்சாலை கேரள மாநிலம், மலப்புரம் பகுதியைச் சேர்ந்த முகமது பஷீருக்கு சொந்தமானது என்பதும், ஆயுர்வேத மருந்துப் பொருள்கள் தயாரிப்பதற்கு மூலப் பொருளாகப் பயன்படுத்துவதற்காக கேரள மாநில வனப் பகுதிகளிலிருந்து சட்ட விரோதமாக சந்தனக் கட்டைகள் கடத்தி வந்து பதுக்கி வைத்திருந்ததும் தெரிய வந்தது.
இதுகுறித்து வழக்குப் பதிவு செய்த வனத் துறையினர், தொழில்சாலை மேலாளர் விஜயனை கைது செய்து புதுச்சேரி நீதிமன்றத்தில் ஆஜர்படுத்தி, காலாப்பட்டு மத்திய சிறையில் அடைத்தனர்.  
மேலும், தொழில்சாலை உரிமையாளர் முகமது பஷீரை தேடி வருகின்றனர்.  இதனிடையே, சட்ட விரோதமாக சந்தனக் கட்டைகளைப் பதுக்கி வைத்திருந்த ஆயுர்வேத தொழில்சாலைக்கு வனத் துறை அதிகாரிகள் வெள்ளிக்கிழமை "சீல்' வைத்தனர்.
 

]]>
http://www.dinamani.com/all-editions/edition-villupuram/puducherry/2018/dec/08/ஆலையில்-பதுக்கிய-சந்தனக்-கட்டைகள்-பறிமுதல்-கேரளத்தைச்-சேர்ந்தவர்-கைது-3054109.html
3054108 விழுப்புரம் புதுச்சேரி அரசியல் லாபத்துக்காக மதத்தை பயன்படுத்துவதை அனுமதிக்க முடியாது: ஜி.ராமகிருஷ்ணன் DIN DIN Saturday, December 8, 2018 10:21 AM +0530 அரசியல் லாபத்துக்காக மதத்தை பாஜக பயன்படுத்துவதை அனுமதிக்க முடியாது என்று மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் ஜி.ராமகிருஷ்ணன் குற்றஞ்சாட்டினார்.
அம்பேத்கர் பிறந்த தினத்தையொட்டி, இந்திய கம்யூனிஸ்ட் கட்சி, மார்க்சிஸ்ட் கம்யூனிஸ்ட் கட்சி,  மார்க்சிஸ்ட் லெனிஸ்ட் கட்சி ஆகிய கட்சிகளின் சார்பில், புதுச்சேரி லெனின் வீதியில் வியாழக்கிழமை இரவு நடைபெற்ற அரசியலமைப்பு, மதச் சார்பின்மை பாதுகாப்பு கருத்தரங்கத்தில் சிறப்பு விருந்தினராகப் பங்கேற்ற ஜி.ராமகிருஷ்ணன் பேசியதாவது:
விடுதலைப் போராட்ட வீரரும், இந்திய கம்யூனிஸ்ட் இயக்கத்தின் முதுபெரும் தலைவருமான மறைந்த வ.சுப்பையாவும், பாரதியார், பாரதிதாசன் ஆகியோரும் வாழ்ந்த மண் புதுச்சேரி.
மதத்தின் மீது நம்பிக்கையற்றவர்கள் இடதுசாரிகள். ஆனால், மதத்தை அரசியல் லாபத்துக்காக பாஜக பயன்படுத்துவதை அனுமதிக்க முடியாது. அம்பேத்கர் விரும்பிய சமத்துவம் கேள்விக் குறியாக்கப்பட்டுள்ளது. நாட்டின் நான்கு தூண்களும் கேள்விக்கு உள்ளாக்கப்பட்டுள்ளன. எனவே, அரசியல் அமைப்புச் சட்டத்தைப் பாதுகாக்கும் கடமை இடதுசாரிகளுக்கு ஏற்பட்டுள்ளது என்றார் அவர்.
இந்திய கம்யூனிஸ்ட் கட்சியின் தேசியச் செயலர் கே.நாராயணா பேசியதாவது:
ஆட்சிக்கு வருவதற்காகச் சொன்ன வாக்குறுதிகளில் ஒன்றைக் கூட பிரதமர் மோடி நிறைவேற்றவில்லை. அரசியல் அமைப்புச் சட்டத்தைப் பாதுகாக்க வரலாற்றுச் சிறப்பு மிக்க நடவடிக்கையை இடதுசாரிகள்  கையில் எடுத்துள்ளனர். பாஜகவால் நாட்டுக்குப் பேராபத்து ஏற்பட்டுள்ளது. எனவே, அனைத்து ஜனநாயக சக்திகளும் ஒன்று சேர்ந்து இதை முறியடிக்க வேண்டும் என்றார் அவர்.
கருத்தரங்கில் மார்க்சிஸ்ட் லெனினிஸ்ட் கட்சி அரசியல் தலைமைக் குழு உறுப்பினர் வி.சங்கர், எழுத்தாளர் மனுஷ்யபுத்திரன், வழக்குரைஞர் ப.பா.மோகன், இந்திய கம்யூனிஸ்ட் கட்சியின் புதுவை மாநிலச் செயலர் அ.மு.சலீம், மாநில நிர்வாகக் குழு உறுப்பினர்கள் நாரா.கலைநாதன், இரா.விசுவநாதன், மார்க்சிஸ்ட் கட்சியின் மாநிலக் குழு உறுப்பினர் வெ.பெருமாள், பிரதேசக் குழுச் செயலர் ஆர்.ராஜாங்கம், பிரதேசக் குழு உறுப்பினர் தா.முருகன் உள்பட பலர் பங்கேற்றனர்.
 

]]>
http://www.dinamani.com/all-editions/edition-villupuram/puducherry/2018/dec/08/அரசியல்-லாபத்துக்காக-மதத்தை-பயன்படுத்துவதை-அனுமதிக்க-முடியாது-ஜிராமகிருஷ்ணன்-3054108.html
3053396 விழுப்புரம் புதுச்சேரி தொழில்நுட்பக் கல்லூரியில் ஆசிரியர் மேம்பாட்டுப் பயிலரங்கம் DIN DIN Friday, December 7, 2018 09:23 AM +0530 புதுவை கலிதீர்த்தாள்குப்பம்  மணக்குள விநாயகர் தொழில்நுட்பக் கல்லூரியில் புதுவை ஐசிடி அகாதெமி ஏற்பாடு செய்திருந்த ஆசிரியர் மேம்பாட்டுப் பயிலரங்கம் அண்மையில் நடைபெற்றது. 
பயிலரங்கில் மணக்குள விநாயகர் தொழில்நுட்பக் கல்லூரியின் பல்வேறு துறைகளைச் சேர்ந்த பேராசிரியர்கள் பங்கேற்றனர். இவர்களுக்கு ஐசிடி அகாதெமியின் தொழில்நுட்பப் பயிற்சியாளர் நிர்மல், பிரச்னைகளுக்குத் தீர்வு என்ற தலைப்பில் பயிற்சி அளித்தார்.
பயிலரங்க நிறைவு விழாவில் கல்லூரித் தலைவர் எம். தனசேகரன், துணைத் தலைவர் எஸ்.வி. சுகுமாறன், எம்.எல்.ஏ., கல்லூரிச் செயலாளர் நாராயணசாமி கேசவன் ஆகியோர் பங்கேற்று வாழ்த்துரை வழங்கினர். கல்லூரி முதல்வர் மலர்க்கண் வரவேற்றார். தமிழக ஐசிடி அகாதெமி கிளையின் திட்ட ஒருங்கிணைப்பாளர்கள் அழகிரி, ஜெய்ரஸ் ஆகியோர்  சிறப்பு விருந்தினர்களாகப் பங்கேற்றனர். 
நிறைவில் கல்லூரி மின்னணு மற்றும் தகவல்தொடர்புத் துறை பேராசிரியை லட்சுமிபிரியா நன்றி கூறினார்.
பயிலரங்க ஏற்பாடுகளை புதுவை ஐசிடி அகாதெமி மற்றும் மணக்குள விநாயகர் தொழில்நுட்பக் கல்லூரியின் வேலைவாய்ப்பு துறைத் தலைவர் எம். ஜெயக்குமார் செய்திருந்தார்.

]]>
http://www.dinamani.com/all-editions/edition-villupuram/puducherry/2018/dec/07/தொழில்நுட்பக்-கல்லூரியில்-ஆசிரியர்-மேம்பாட்டுப்-பயிலரங்கம்-3053396.html
3053394 விழுப்புரம் புதுச்சேரி இந்து முன்னணியினர் ஆர்ப்பாட்டம் DIN DIN Friday, December 7, 2018 09:22 AM +0530 அயோத்தியில் ராமர் கோயில் கட்ட வலியுறுத்தி, இந்து முன்னணி சார்பில் புதுச்சேரியில் வியாழக்கிழமை ஆர்ப்பாட்டம் நடைபெற்றது.
புதுச்சேரி சாரம் அவ்வைத் திடலில் நடைபெற்ற ஆர்ப்பாட்டத்துக்கு கோட்டத் தலைவர் டி. முருகையன் தலைமை வகித்தார். சிறப்பு அழைப்பாளராக மாநிலத் தலைவர் அ.வா. சனில்
குமார் பங்கேற்று உரை நிகழ்த்தினார்.
முன்னதாக, கட்சியின் மாநிலப் பொதுச் செயலர் ஜெ. ரமேஷ் வரவேற்றார். மாநிலத் துணைத் தலைவர் நாகராஜன், நகரத் தலைவர் எஸ். சிவமுத்து உள்ளிட்ட பலர் பங்கேற்றனர்.


 

]]>
http://www.dinamani.com/all-editions/edition-villupuram/puducherry/2018/dec/07/இந்து-முன்னணியினர்-ஆர்ப்பாட்டம்-3053394.html
3053392 விழுப்புரம் புதுச்சேரி பாபர் மசூதி இடிப்பு தினம்: போராட்டத்தில் ஈடுபட்ட மஜகவினர் 337 பேர் கைது DIN DIN Friday, December 7, 2018 09:22 AM +0530 பாபர் மசூதி இடிப்பு தினத்தையொட்டி, புதுச்சேரி விமான நிலையத்தை முற்றுகையிட முயன்ற மனித நேய ஜனநாயக கட்சியினர் 337 பேரை போலீஸார் வியாழக்கிழமை கைது செய்தனர்.
பாபர் மசூதி இடிப்பு தினமான டிசம்பர் 6 -ஆம் தேதியை முஸ்லிம்கள் ஆண்டுதோறும் கருப்பு தினமாக கடைப்பிடித்து வருகின்றனர். இதையொட்டி, மனிதநேய ஜனநாயக கட்சி சார்பில், புதுச்சேரி விமான நிலையத்தை முற்றுகையிட்டு போராட்டம் நடத்தப்படும் என அறிவிக்கப்பட்டது. இதற்கு போலீஸார் அனுமதி அளிக்கவில்லை. 
இருப்பினும், அறிவித்தபடி அந்தக் கட்சியினர் புதுச்சேரி மண்டலத் தலைவர் அப்துல் சமது தலைமையில், லாசுபேட்டை நாவலர் நெடுஞ்செழியன் பள்ளி சந்திப்பில் 300-க்கும் மேற்பட்டோர் திரண்டனர்.
அப்போது, அவர்கள் பாபர் மசூதி இடிக்கப்பட்ட அதே இடத்தில் மீண்டும் மசூதியைக் கட்டிக்கொடுக்க வேண்டும், பாபர் மசூதி இடிப்பு வழக்கில் குற்றவாளிகளுக்கு தண்டனை வழங்க வேண்டும் என வலியுறுத்தி முழக்கமிட்டனர்.
தொடர்ந்து, விமான நிலையத்தை முற்றுகையிட முயன்ற போது,  அங்கு, பாதுகாப்புப் பணியில் ஈடுபட்டிருந்த லாசுபேட்டை போலீஸார், இவர்களைத் தடுத்து நிறுத்தி 26 பெண்கள் உள்பட 337 பேரைக் கைது செய்தனர். கைது செய்யப்பட்டவர்கள் மாலை விடுவிக்கப்பட்டனர்.
ஆர்ப்பாட்டம்...: இதேபோல, புதுவை மாநில தமிழ்நாடு முஸ்லிம் முன்னேற்றக் கழகம் சார்பில், சுதேசி பஞ்சாலை  அருகே கருப்பு சட்டை அணிந்து ஆர்ப்பாட்டம் நடைபெற்றது. 
ஆர்ப்பாட்டத்துக்கு கட்சியின் மாவட்ட தலைவர் எஸ்.பஷீர் அகம்மது தலைமை வகித்தார். தலைமைக் கழகப் பேச்சாளர் எம். குனங்குடி மொய்தீன், விடுதலைச் சிறுத்தைகள் கட்சியின் தேவபொழிலன், மாவட்ட மமக செயலர் அப்சல் பாஷா, மகளிரணிச் செயலர் பர்வின் பானு, சமூக நீதி மாணவர் இயக்கத்தின் மாவட்டச் செயலர் ரிஸ்வான் உள்ளிட்ட 100-க்கும் மேற்பட்டோர் கலந்து கொண்டனர்.

]]>
http://www.dinamani.com/all-editions/edition-villupuram/puducherry/2018/dec/07/பாபர்-மசூதி-இடிப்பு-தினம்-போராட்டத்தில்-ஈடுபட்ட-மஜகவினர்-337-பேர்-கைது-3053392.html
3053390 விழுப்புரம் புதுச்சேரி தொழிலில் நஷ்டம்: விவசாயி தற்கொலை DIN DIN Friday, December 7, 2018 09:22 AM +0530 தொழில் நஷ்டத்தால் விவசாயி தற்கொலை செய்து கொண்டது குறித்து போலீஸார் விசாரித்து வருகின்றனர்.
புதுவை மாநிலம், பாகூர் குருவிநத்தம் வாணக்காரர் தெருவைச் சேர்ந்த மாசிலாமணி மகன் ஞானவேல் (24). விவசாயி. திருமணமாகாத இவர், சிறிய அளவிலான நிலத்தில் விவசாயம் செய்து வருகிறார். மேலும், பொக்லைன் இயந்திரத்தை வாடகைக்கு விடும் தொழிலும் செய்து வந்தாராம். 
கடந்த சில ஆண்டுகளாக விவசாயத்தில் நஷ்டம் ஏற்பட்டதாம். இதனால், ஞானவேல் மன உளைச்சலில் இருந்து வந்த நிலையில், கடந்த சில வாரங்களுக்கு முன் பொக்லைன் இயந்திரம் பழுதாகிவிட்டதாம். இதனால், வாங்கிய கடனை அடைக்க முடியாமலும், இயந்திரத்துக்கான நிலுவைத் தொகையைச் செலுத்த முடியாமலும் அவதிப்பட்டு 
வந்தாராம்.
இந்த நிலையில், அவர் புதன்கிழமை வீட்டிலிருந்த பூச்சி
மருந்தை குடித்து தற்கொலைக்கு முயன்றதாகக் கூறப்படுகிறது. வீட்டில் மயக்க நிலையில் கிடந்த அவரை உறவினர்கள் மீட்டு, கதிர்காமம் அரசு மருத்துவமனையில் அனுமதித்தனர். அங்கு, அவரைப் பரிசோதித்த மருத்துவர்கள், ஏற்கெனவே ஞானவேல் இறந்துவிட்டதாகத் தெரிவித்தனர். 
இதுகுறித்து பாகூர் போலீஸார் வழக்குப் பதிந்து விசாரித்து 
வருகின்றனர்.

]]>
http://www.dinamani.com/all-editions/edition-villupuram/puducherry/2018/dec/07/தொழிலில்-நஷ்டம்-விவசாயி-தற்கொலை-3053390.html
3053388 விழுப்புரம் புதுச்சேரி கடலில் காணாமல் போன மீனவர் குடும்பத்துக்கு நிவாரணம்: மார்க்சிஸ்ட் வலியுறுத்தல் DIN DIN Friday, December 7, 2018 09:22 AM +0530 கடலில் காணாமல் போன காரைக்கால் மீனவர் குடும்பத்துக்கு நிவாரணம் வழங்க வேண்டும் என்று மார்க்சிஸ்ட் கட்சி வலியுறுத்தியுள்ளது.
 இது குறித்து அந்தக் கட்சியின் பிரதேசச் செயலர் ஆர்.ராஜாங்கம் வெளியிட்ட அறிக்கை: 
காரைக்கால் பகுதி காரைக்கால்மேட்டில் இருந்து கடந்த
30-ஆம் தேதி  8 மீனவர்களும்,  தமிழகத்தைச் சேர்ந்த 5 மீனவர்களும் என 13 பேர் மீன் பிடிக்கச் சென்றபோது, கடல் சீற்றம் காரணமாக டிச.1-ஆம் தேதி இரவு படகு கவிழ்ந்து 13 பேரும் மூழ்கினர். இதில் 11 மீனவர்கள் உயிருடன் மீட்கப்பட்டுவிட்டனர்.  தமிழகத்தைச் சேர்ந்த ஒரு மீனவரும்,  காரைக்கால்மேடு பகுதியைச் சேர்ந்த மீனவர் ஒருவரும் இதுவரை கரை திரும்பவில்லை.  
காரைக்கால் மேடு பகுதியைச் சேர்ந்த மீனவர் நீலவர்ணம் (எ) கிருஷ்ணசாமிக்கு இரண்டு பெண் குழந்தைகள் உள்ளனர். காணாமல் போன தமிழகத்தைச் சேர்ந்த மீனவரது குடும்பத்துக்கு அந்தத் தொகுதியின் சட்டப்
பேரவை உறுப்பினர் ரூ.ஒரு லட்சம் கொடுத்து தமிழக அரசு சார்பாக உரிய நிவாரணம் பெற்றுத் தருவோம் என உத்தரவாதம் அளித்துச் சென்றுள்ளார். 
காரைக்கால் மேடு மீனவரது குடும்பத்தை அமைச்சர்  கமலக்கண்ணன் மற்றும் சில சட்டப்
பேரவை உறுப்பினர்கள் சந்தித்து ஆறுதல் கூறினர். உரிய நிவாரணம் பெற்றுத் தருவதாகவும் வாக்குறுதி அளித்தனர்.  ஆனால் இதுவரை அரசு சார்பில் எந்தவித உதவி அறிவிப்பும் வெளியிடப்படவில்லை.
காணாமல் போன மீனவரது குடும்பத்துக்கு உரிய உடனடி உதவியும், அரசு நிவாரணமும் வழங்க வேண்டும். மேலும், குடும்பத்தில் ஒருவருக்கு அரசு வேலை வழங்கவேண்டும்.
காணாமல் போன படகின் மதிப்பு ரூ.80 லட்சம். படகை இழந்த உரிமையாளருக்கு நிவாரணம் வழங்க அரசு நடவடிக்கை எடுக்க வேண்டும் எனத் தெரிவித்துள்ளார் ராஜாங்கம்.

]]>
http://www.dinamani.com/all-editions/edition-villupuram/puducherry/2018/dec/07/கடலில்-காணாமல்-போன-மீனவர்-குடும்பத்துக்கு-நிவாரணம்-மார்க்சிஸ்ட்-வலியுறுத்தல்-3053388.html
3053387 விழுப்புரம் புதுச்சேரி அம்பேத்கர் நினைவு தினம்: அரசியல் கட்சியினர் மரியாதை DIN DIN Friday, December 7, 2018 09:21 AM +0530 சட்டமேதை அம்பேத்கரின் 62-ஆவது நினைவு தினத்தையொட்டி, புதுவை சட்டப்பேரவை எதிரே உள்ள அவரது சிலைக்கு பல்வேறு கட்சியினரும், அமைப்பினரும் வியாழக்கிழமை மாலை அணிவித்து மரியாதை செலுத்தினர்.
சட்டப்பேரவை எதிர்கட்சித் தலைவர் என்.ரங்கசாமி அம்பேத்கர் சிலைக்கு மாலை அணிவித்து மரியாதை செலுத்தினார். தொடர்ந்து, அவரது கட்சி நிர்வாகிகளும் மரியாதை செலுத்தினர். மாநில அதிமுக செயலர் புருஷோத்தமன் தலைமையில் சட்டப்பேரவை உறுப்பினர் அன்பழகன், கட்சி நிர்வாகிகள் மாலை அணிவித்து மரியாதை செலுத்தினர். 
இதேபோல, திமுக சார்பில் அந்தக் கட்சியின் தெற்கு மாநில அமைப்பாளர் இரா.சிவா எம்.எல்.ஏ. தலைமையில் கட்சியினர் மாலை அணிவித்து மரியாதை செலுத்தினர். பாஜக சார்பில் மாநில தலைவர் சாமிநாதன் தலைமையில் நிர்வாகிகள் மாலை அணிவித்து மரியாதை செலுத்தினர்.
இந்திய கம்யூனிஸ்ட் சார்பில் மாநிலச் செயலர் சலீம் தலைமையில் முன்னாள் அமைச்சர் விஸ்வநாதன், முன்னாள் சட்டப்
பேரவை உறுப்பினர் நாரா.கலைநாதன் உள்ளிட்ட நிர்வாகிகள் சிலைக்கு மாலை அணிவித்து மரியாதை செலுத்தினர். அம்மா மக்கள் முன்னேற்றக் கழகம் சார்பில், அந்தக் கட்சியின் மாநிலச் செயலர் வேல்முருகன் தலைமையில் அம்பேத்கர் மாலை அணிவித்து மரியாதை செலுத்தினர்.
அதேபோல, விடுதலைச் சிறுத்தைகள் கட்சி சார்பில், அந்தக் கட்சியின் மாநில அமைப்பாளர் தேவபொழிலன் தலைமையில், பொதுச் செயலர் துரை.ரவிக்
குமார், அமுதவன் உள்ளிட்ட நிர்வாகிகள் அம்பேத்கரின் சிலைக்கு மாலை அணிவித்தனர். 
மதிமுக சார்பில், மாநிலச் செயலர் கபிரியேல் தலைமையில் மாலை அணிவித்து மரியாதை செலுத்தப்பட்டது. பாமக சார்பில், கட்சியின் முன்னாள் எம்.பி. தன்ராஜ் தலைமையில் மாலை அணிவித்து மரியாதை செலுத்தப்பட்டது.
திராவிடர் கழகம் சார்பில், மாநிலத் தலைவர் சிவ.வீரமணி தலைமையில் மாலை அணிவித்து மரியாதை செலுத்தப்பட்டது. 
இதேபோல, மாணவர்கள் கூட்டமைப்பின் சார்பில், அதன் நிறுவனர் தலைவர் சுவாமிநாதன் தலைமையில் மாலை அணிவித்து மரியாதை செலுத்தப்பட்டது. 
அம்பேத்கர் தொண்டர் படை, ஆதிதிராவிடர் விடுதலை இயக்கம், தந்தை பெரியார் திராவிடர் கழகம், திராவிடர் விடுதலை கழகம், புதிய நீதிக் கட்சி உள்ளிட்ட பல்வேறு கட்சியினரும், அமைப்பினரும், புதுவை சட்டக் கல்லூரி, பொறியியல் கல்லூரி, புதுவை பல்கலைக்கழக மாணவர்களும் அம்பேத்கரின் சிலைக்கு மாலை அணிவித்து மரியாதை செலுத்தினர்.
இதைத் தொடர்ந்து, அனைவரும் கடற்கரை சாலையில் உள்ள அம்பேத்கரின் மணிமண்டபத்துக்குச் சென்று அங்கு அலங்கரித்து வைக்கப்பட்டிருந்த அம்பேத்கரின் சிலைக்கு மாலை அணிவித்து மரியாதை செலுத்தினர். 
அங்கு வடக்கு மாநில திமுக சார்பில், கட்சியின் அமைப்பாளர் எஸ்.பி. சிவக்குமார் தலைமையில் நிர்வாகிகள் மாலை அணிவித்து மரியாதை செலுத்தினர்.
அதிமுக சார்பில், லெனின் வீதியில் உள்ள கட்சி அலுவலகத்தில் வைக்கப்பட்டிருந்த அம்பேத்கரின் படத்துக்கு முன்னாள் 
எம்எல்ஏ ஓம்சக்தி சேகர் தலைமையில் நிர்வாகிகள் மாலை அணிவித்து மரியாதை செலுத்தினர்.
 

]]>
http://www.dinamani.com/all-editions/edition-villupuram/puducherry/2018/dec/07/அம்பேத்கர்-நினைவு-தினம்-அரசியல்-கட்சியினர்-மரியாதை-3053387.html
3053371 விழுப்புரம் புதுச்சேரி தொகுதி மக்களின் நலனுக்காக இணைந்து செயல்பட வேண்டும்: அமைச்சர் கந்தசாமி DIN DIN Friday, December 7, 2018 09:12 AM +0530 தொகுதி  மக்களின் நலனுக்காக இணைந்து செயல்பட வேண்டும் என்று சமூக நலத் துறை அமைச்சர் மு.கந்தசாமி கூறினார்.
புதுவை அரசின் ஆதிதிராவிடர் மேம்பாட்டுக் கழகத்தின் சார்பில், ஏம்பலம் தொகுதிக்கு உள்பட்ட கிருமாம்பாக்கத்தில் ரூ. ஒரு கோடியே 40 லட்சத்தில் நுழைவு வாயில், அம்பேத்கர் சிலை அமைக்கப்பட உள்ளது. இதற்கான அடிக்கல் நாட்டு விழா வியாழக்கிழை நடைபெற்றது. அமைச்சர் கந்தசாமி, என்.ஆர்.காங்கிரஸ் முன்னாள் அமைச்சர் ராஜவேலு ஆகியோர் இணைந்து பணியைத் தொடக்கி வைத்தனர்.
விழாவில் அமைச்சர் கந்தசாமி பேசும் போது, தொகுதி மக்களின் வாழ்க்கைத் தரம் உயர அனைவரும் இணைந்து செயல்பட வேண்டும். இல்லையேலே மக்களின் வாழ்க்கை கேள்விக் குறியாகிவிடும். அரசு சார்பில் பல்வேறு திட்டங்களை அறிவித்தோம். ஆனால், அதைச் செயல்படுத்த முடியவில்லை. இருப்பினும், கடலோரச் சாலை,  திருமண மண்டபம்,  கிருமாம்பாக்கத்தில் நவீன படகுத் துறை, வீடுகள், கறவை மாடு ஆகியவை வழங்க நடவடிக்கை எடுக்கப்படும் என்றார் அவர்.

]]>
http://www.dinamani.com/all-editions/edition-villupuram/puducherry/2018/dec/07/தொகுதி-மக்களின்-நலனுக்காக-இணைந்து-செயல்பட-வேண்டும்-அமைச்சர்-கந்தசாமி-3053371.html
3053358 விழுப்புரம் புதுச்சேரி கழிவுநீர் கால்வாய் அமைக்காததைக் கண்டித்து ஆர்ப்பாட்டம் DIN DIN Friday, December 7, 2018 08:44 AM +0530 கழிவுநீர் கால்வாய் அமைக்காததைக் கண்டித்து பாமகவினர் வில்லியனூர் கொம்யூன் பஞ்சாயத்து அலுவலகத்தில் வியாழக்கிழமை கொசு கொசுவலையுடன் போராட்டத்தில் ஈடுபட்டனர். 
புதுவை மாநிலம், ஊசுடு தொகுதி ராமநாதபுரம் கிராமத்தில் ஆயிரத்துக்கும் மேற்பட்டோர் வசித்து வருகின்றனர். இந்தப் பகுதியிலிருந்து பள்ளி, கல்லூரிகளுக்குச் செல்லும் மாணவர்கள், வேலைக்குச் செல்பவர்கள், பொதுமக்கள் என அனைவரும் அந்தப் பகுதியில் உள்ள மருத்துவமனை சாலை வழியாகச் சென்று வருகின்றனர். தற்போது அந்தச் சாலை சேதமடைந்து குண்டும், குழியுமாக மாறிவிட்டது. மேலும், மழை பெய்து வருவதால், சாலையில் ஆங்காங்கே குளம் போல, மழைநீர் தேங்கி நிற்கிறது. இதனால், அந்த வழியாகச் செல்வோர் விபத்துக்குள்ளாகின்றனர். 
மேலும், அந்தப் பகுதியில் கழிவுநீர் வாய்க்கால் இல்லாததால், வீடுகளில் இருந்து வெளியேறும் கழிவுநீர் மழைநீருடன் கலந்து அங்கேயே தேங்கி நிற்கிறது. இதனால், அந்தப் பகுதியில் கொசு உற்பத்தி அதிகமாகி டெங்கு உள்ளிட்ட பல்வேறு தொற்று நோய்கள் பரவும் அபாயம் ஏற்பட்டுள்ளது.
எனவே, இதைக் கண்டித்து புதுவை மாநில பாமக இளைஞரணி சார்பில், மாநில இளைஞரணிச் செயலர் ரமேஷ் தலைமையில் பாமகவினர் வியாழக்கிழமை வில்லியனூர் கொம்யூன் பஞ்சாயத்து அலுவலகத்தின் உள்ளே சென்று கொசுவலைகளைப் போர்த்திக் கொண்டு போராட்டத்தில் ஈடுபட்டனர். 
போராட்டத்தில் ஈடுபட்டவர்களிடம் வில்லியனூர் கொம்யூன் பஞ்சாயத்து ஆணையர் ஆறுமுகம், வில்லியனூர் காவல் ஆய்வாளர் ஆறுமுகம் தலைமையிலான போலீஸார் வந்து பேச்சுவார்த்தை நடத்தினர். இதையடுத்து,  அவர்கள் பிரச்னைகளை கோரிக்கை மனு அளித்துவிட்டு, அங்கிருந்து கலைந்து சென்றனர்.

]]>
http://www.dinamani.com/all-editions/edition-villupuram/puducherry/2018/dec/07/கழிவுநீர்-கால்வாய்-அமைக்காததைக்-கண்டித்து-ஆர்ப்பாட்டம்-3053358.html
3053357 விழுப்புரம் புதுச்சேரி வேளாண் அறிவியல் நிலையத்தில் மண் வள தினம் DIN DIN Friday, December 7, 2018 08:43 AM +0530 புதுச்சேரி குருமாம்பேட்டை பெருந்தலைவர் காமராசர் வேளாண் அறிவியல் நிலையத்தில் உலக மண் வள தினம் புதன்கிழமை நடைபெற்றது.
 விழாவின் தொடக்க நிகழ்ச்சியாக வேளாண் அறிவியல் நிலைய முதல்வர் - திட்ட ஒருங்கிணைப்பாளர் சிவ.வசந்த
குமார் வரவேற்றார். 
விழாவை வேளாண் மற்றும் விவசாயிகள் நலத் துறை இயக்குநர் பா.பாலகாந்தி (எ) ராமகிருஷ்ணன் தொடக்கி ஹவைத்தார்.
அப்போது அவர் பேசுகையில், புதுவையில் மண் வளத்தைப் பாதுகாப்பதற்கு விவசாயிகளும் அதிகாரிகளும் பங்காற்ற வேண்டியது அவசியம் என்றார். தொடர்ந்து அவர், விவசாயப் பயனாளிகளுக்கு மண் வள அட்டைகளை வழங்கினார்.
நிகழ்ச்சியில் மண் வளப் பாதுகாப்பு முறைகள் குறித்து 
காரைக்கால் வேளாண் கல்லூரியைச் சார்ந்த மண்ணியல் நிபுணர் பகவதி அம்மாள்,  உதவி பேராசிரியர் (உழவியல்) நிபுணர் சரவணன், அண்ணாமலை பல்கலை.  உதவிப் பேராசிரியர் ஆனந்தன் ஆகியோர் விவசாயிகளுக்கு விளக்கம் அளித்தனர்.
நிகழ்ச்சியின் போது மண் வளம் காப்பதற்கான உறுதிமொழியை நிலைய மீன் வள நிபுணர் வ.திருமூலன் வாசிக்க அனைவரும் தொடர்ந்து உறுதிமொழி எடுத்துக் கொண்டனர்.
 புதுவையைச் சார்ந்த 80 விவசாயிகள் கலந்து கொண்டு பயனடைந்தனர்.  
வேளாண் அறிவியல் நிலைய நோயியல் நிபுணர் சண்முகவேல் நன்றி கூறினார். 
நிகழ்ச்சி ஏற்பாடுகளை நிலைய மண்ணியல் நிபுணர்  ஏ.பிரபு செய்திருந்தார்.

]]>
http://www.dinamani.com/all-editions/edition-villupuram/puducherry/2018/dec/07/வேளாண்-அறிவியல்-நிலையத்தில்-மண்-வள-தினம்-3053357.html
3053356 விழுப்புரம் புதுச்சேரி கடன் தொல்லையால் தம்பதி தற்கொலை முயற்சி DIN DIN Friday, December 7, 2018 08:43 AM +0530 புதுச்சேரியில் கடன் தொல்லையால் தம்பதி தூக்க மாத்திரை சாப்பிட்டு தற்கொலைக்கு முயன்ற நிலையில், கணவர் உயிரிழந்தார். மனைவிக்கு தீவிர சிகிச்சை அளிக்கப்பட்டு வருகிறது.
புதுச்சேரி நெல்லித்தோப்பு பெரியார் நகர் பள்ளிவாசல் தெருவைச் சேர்ந்த பலராமன் மகன் ராதாகிருஷ்ணன் (50). இவரது மனைவி காஞ்சனா (47). இவர்களுக்கு ஒரு மகனும், மகளும் உள்ளனர்.
இந்தத் தம்பதி அவர்களது வீட்டை ஒட்டி வாடகைக் கட்டடத்தில் புத்தகக் கடை ஒன்றை நடத்தி வருகின்றனர். தொழிலில் வருமானம் சரிவர இல்லாத நிலையில், குழந்தைகளின் படிப்புக்காக ராதாகிருஷ்ணன் பலரிடம் அதிக வட்டிக்கு கடன் வாங்கியுள்ளதாகக் கூறப்படுகிறது. 
கடன் கொடுத்தவர்கள் நெருக்கடி கொடுக்கவே, சொந்த வீட்டை விற்று கடனை அடைக்க முயன்றும், முழுமையாகக் கடன்களை அடைக்க முடியவில்லையாம். 
இதனால் மனவேதனையில் இருந்த ராதாகிருஷ்ணனும், காஞ்சனாவும் புதன்கிழமை இரவு அதிகளவில் தூக்க மாத்திரைகள் சாப்பிட்டு, தற்கொலைக்கு முயன்றதாகக் கூறப்படுகிறது. இதனால், மயக்கம் ஏற்பட்டும் உயிர் பிரியாததால், ராதாகிருஷ்ணன் வீட்டின் அறையில் தூக்கிட்டுத் தற்கொலை செய்து கொண்டாராம்.
தகவலின் பேரில் அங்கு வந்த உருளையன்பேட்டை போலீஸார், ராதாகிருஷ்ணனின் சடலத்தை மீட்டு, பிரேத பரிசோதனைக்காக கதிர்காமம் அரசு மருத்துவமனைக்கு அனுப்பி வைத்ததுடன், இதுகுறித்து வழக்குப் பதிந்து விசாரித்து வருகின்றனர்.
வீட்டில் உயிருக்குப் போராடியபடி கிடந்த காஞ்சனாஅரசு மருத்துவமனையில் அனுமதிக்கப்பட்டார்.
 

]]>
http://www.dinamani.com/all-editions/edition-villupuram/puducherry/2018/dec/07/கடன்-தொல்லையால்-தம்பதி-தற்கொலை-முயற்சி-3053356.html
3053355 விழுப்புரம் புதுச்சேரி கோயில் சொத்துகளைப் பாதுகாக்க சட்டக் குழு DIN DIN Friday, December 7, 2018 08:43 AM +0530 இந்து சமய அறநிலையத் துறைக் கட்டுப்பாட்டில் உள்ள கோயில் சொத்துகளைப் பாதுகாக்கச் சட்டக் குழுவை அமைக்க வேண்டும் என்று புதுவை துணைநிலை ஆளுநர் கிரண் பேடி வியாழக்கிழமை உத்தரவிட்டார்.
புதுவை ஆளுநர் கிரண் பேடி கடந்த சில வாரங்களாக அரசுத் துறை அலுவலகங்களில் ஆய்வு செய்து வருகிறார். அந்த வகையில், இந்து சமய அறநிலையத் துறை அலுவலகத்தில் அவர் வியாழக்கிழமை ஆய்வு மேற்கொண்டார். ஆய்வின் போது, அதிகாரிகளிடம் அவர் கூறியதாவது: 
 இந்து சமய அறநிலையத் துறை அலுவலகத்தில் பழைமையான கோயில்களின் புகைப்படங்களை வரிசைக் கிரமமாக வைக்க வேண்டும். வில்லியனூர்,  பாகூர்  கிராமங்களில் அமைந்துள்ள சோழர் கால கோயில்களும் அந்த 
வரிசையில் இடம் பெற வேண்டும். மேலும், கோயில்கள் பற்றிய விவரங்களை இணையதளத்தில் பதிவேற்றம் செய்ய வேண்டும்.
அறங்காவலர்கள் அமர்ந்து விவாதம் செய்யவும்,  படங்களை காட்சிப்படுத்தி விவாதிக்கும் வகையிலும் கருத்தரங்கக் கூடத்தைக் கட்ட வேண்டும். திறன் மேம்பாட்டுப் பயிற்சி பெற ஆர்வமுடைய பூசாரிகளை அடையாளம் காண வேண்டும்.
கோயில் சுவர்களில் பொறிக்கப்பட்டுள்ள கல்வெட்டுகளை ஆங்கிலத்தில் மொழியாக்கம் செய்து இணையதளத்தில் வெளியிட வேண்டும். இதுபோன்ற திட்டங்களுக்காக மத்திய அரசு திட்டங்களில் இருந்து நிதியுதவி பெற முடியும். கோயில் சொத்துகளைப் பாதுகாக்கச் சட்டக் குழுக்களை அமைக்க வேண்டும்.
கோயில்களின் சொத்து விவரங்கள், அவற்றின் வரைபடங்கள் ஆகியவற்றின் பட்டியலை உடனடியாகத் தயாரித்து எண்ம மயப்படுத்த (டிஜிட்டல்) வேண்டும்.  அப்போதுதான் கோயில் சொத்துகளைப் பாதுகாப்பதுடன், ஆக்கிரமிக்கப்பட்டுள்ள சொத்துகளையும் மீட்க முடியும்.
இந்து சமய அறநிலையத் துறை இணையதளத்தை சுற்றுலா இணையதளத்துடன் இணைக்க வேண்டும். இதன் மூலம் சுற்றுலாவுக்கு வரும் பயணிகள் கோயில்களுக்குச் செல்ல வசதியாக இருக்கும்.
பக்தர்கள் அதிகம் வந்து செல்லும் கோயில்களில் புதுவை கோயில்களின் கையேடு இருக்கும் வகையில் பார்த்துக் கொள்ள வேண்டும். இதேபோல, கிறிஸ்தவ தேவாலயங்களைத் தெரிந்து கொள்ளும் வகையில், தனியாக ஓர் கையேடு தயாரித்து கிறிஸ்துமஸ் தினத்திலும், மசூதிகளின் கையேட்டைத் தயாரித்து ரமலான் தினத்திலும் வெளியிட நடவடிக்கை எடுக்க வேண்டும் என்றார் அவர். ஆய்வின் போது, புதுச்சேரி மாவட்ட ஆட்சியர் அபிஜித் விஜய் செüத்ரி உள்ளிட்ட அதிகாரிகள் உடனிருந்தனர்.
 

]]>
http://www.dinamani.com/all-editions/edition-villupuram/puducherry/2018/dec/07/கோயில்-சொத்துகளைப்-பாதுகாக்க-சட்டக்-குழு-3053355.html
3053354 விழுப்புரம் புதுச்சேரி மாடித் தோட்ட ஆர்வலர்கள் சந்திப்பு நிகழ்ச்சி DIN DIN Friday, December 7, 2018 08:43 AM +0530 "என் மாடி என் தோட்டம் குழு' சார்பில் மாடித் தோட்ட ஆர்வலர்கள் சந்திப்பு நிகழ்ச்சி புதுச்சேரியில் அண்மையில் நடைபெற்றது. 
புதுச்சேரி முருங்கம்பாக்கம் திரெüபதி அம்மன் கோயிலில் நடைபெற்ற நிகழ்வுக்கு அந்த அமைப்பின் தலைவர் புரூரவன் தலைமை வகித்தார். நிகழ்ச்சியில் 50-க்கும் மேற்பட்ட மாடித் தோட்ட ஆர்வலர்கள் பங்கேற்றனர்.
புதுச்சேரி பெருந்தலைவர் காமராஜர் வேளாண் அறிவியல் நிலையத்தின் பூச்சியியல் துறை பேராசிரியர் என். விஜயகுமார் பங்கேற்று, மாடித் தோட்ட ஆர்வலர்களின் பல்வேறு சந்தேகங்களுக்கு விளக்கமளித்தார்.
மேலும் அவர் பேசுகையில், மாடித் தோட்டத்தின் மூலம் பூச்சி மருந்தில்லாமல், உரங்களின்றி காய்கறிகளை உற்பத்தி செய்ய முடியும். இதன் மூலம் நோயற்ற சமுதாயத்தை உருவாக்கலாம். இதில் மனிதர்கள் அனைவருக்கும் முக்கிய பங்குண்டு என்றார் அவர்.
இந்த நிகழ்வில் குழுவின் பொதுச் செயலர் வெ. சந்தானம், பொருளாளர் பாஸ்கரன் உள்ளிட்ட பலர் பங்கேற்றனர்.
 

]]>
http://www.dinamani.com/all-editions/edition-villupuram/puducherry/2018/dec/07/மாடித்-தோட்ட-ஆர்வலர்கள்-சந்திப்பு-நிகழ்ச்சி-3053354.html
3053353 விழுப்புரம் புதுச்சேரி அம்பேத்கர் நினைவு தினம்: புதுவை முதல்வர் மரியாதை DIN DIN Friday, December 7, 2018 08:42 AM +0530 சட்டமேதை அம்பேத்கரின் நினைவு தினத்தையொட்டி, புதுவை முதல்வர் வே.நாராயணசாமி,  எதிர்கட்சித் தலைவர் என்.ரங்கசாமி ஆகியோர் வெள்ளிக்கிழமை அவரது சிலைக்கு மாலை அணிவித்து மரியாதை செலுத்தினர்.
புதுவை அரசு சார்பில், அம்பேத்கரின் நினைவு தினம் வியாழக்கிழமை கடைப்பிடிக்கப்பட்டது.  இதையொட்டி, சட்டப்பேரவை எதிரே உள்ள அம்பேத்கர் சிலைக்கு முதல்வர் நாராயணசாமி மாலை அணிவித்து மரியாதை செலுத்தினார். நிகழ்ச்சியில் அமைச்சர்கள் ஆ.நமச்சிவாயம், மு. கந்தசாமி, ஷாஜகான்,  ஆர்.கமலக்கண்ணன்,  சட்டப்பேரவைத் துணைத் தலைவர் வே.பொ.சிவக்கொழுந்து,  முதல்வரின் நாடாளுமன்றச் செயலர் க.லட்சுமிநாராயணன்,  அரசுக் கொறடா ஆர்.கே.ஆர்.அனந்தராமன்,  விஜயவேணி எம்.எல்.ஏ. ஆகியோர் கலந்து கொண்டனர்.
தொடர்ந்து, புதுச்சேரி கடற்கரைச் சாலையில் உள்ள அம்பேத்கர் மணிமண்டபத்தில் முதல்வர் நாராயணசாமி தலைமையில் அமைச்சர்கள், எம்.எல்.ஏ.க்கள் மாலை அணிவித்து மரியாதை செலுத்தினர். இதேபோல, புதுவை பிரதேச எதிர்கட்சித் தலைவர் என்.ரங்கசாமியும், சட்டப்பேரவைக்கு எதிரே உள்ள அம்பேத்கர் சிலைக்கு மாலை அணிவித்து மரியாதை செலுத்தினார்.
முன்னதாக, புதுச்சேரி ரெட்டியார்பாளையத்தில் உள்ள என்.ஆர்.காங்கிரஸ் அலுவலகத்தில் நடைபெற்ற அம்பேத்கர் நினைவு தின நிகழ்ச்சியில் கட்சித் தலைவர் என்.ரங்கசாமி கலந்து கொண்டு அம்பேத்கர் படத்துக்கு மலர் தூவி மரியாதை செலுத்தினார்.
நிகழ்ச்சியில் அந்தக் கட்சியின் சட்டப்பேரவை உறுப்பினர்கள், முன்னாள் அமைச்சர்கள், முன்னாள் எம்.எல்.ஏ.க்கள் உள்பட பலர் கலந்து கொண்டனர்.

]]>
http://www.dinamani.com/all-editions/edition-villupuram/puducherry/2018/dec/07/அம்பேத்கர்-நினைவு-தினம்-புதுவை-முதல்வர்-மரியாதை-3053353.html
3052745 விழுப்புரம் புதுச்சேரி கால்நடை மருத்துவப் படிப்பில் சேருவோருக்கு நீட் தேர்வு அவசியம் DIN DIN Thursday, December 6, 2018 08:57 AM +0530 அகில இந்திய ஒதுக்கீடு முறையில் கால்நடை மருத்துவப் படிப்பில் சேரும் மாணவ, மாணவிகள் நீட் தேர்வை கட்டாயம் எழுத வேண்டும் என்று புதுவை கால்நடை மருத்துவப் பேரவையின் பதிவாளர் செந்தில்குமார் தெரிவித்தார்.
 இது குறித்து அவர் வெளியிட்ட அறிக்கை:
 இந்திய கால்நடை மருத்துவப் பேரவை மூலம் வருகிற 2019-20ஆம் கல்வியாண்டுக்கு இந்தியா முழுவதும் நிரப்பப்பட உள்ள (ஜம்மு-காஷ்மீர் நீங்கலாக) அங்கீகரிக்கப்பட்ட கால்நடை மருத்துவக் கல்லூரிகளில் உள்ள 15 சதவீத (அகில இந்திய ஒதுக்கீட்டில்) கால்நடை மருத்துவ இளநிலை பட்டப்படிப்புக்கான (பி.வி.எஸ்.சி.) இடங்களுக்கு நீட் தேர்வின் மதிப்பெண் தரவரிசையினை பயன்படுத்தியே மாணவர்கள் தேர்வு செய்யப்படுவர் எனத் தெரிவித்துள்ளது.
 கால்நடை இளநிலை பட்டப் பிரிவில் சேர்வதற்கு மாணவர்களை தேர்ந்தெடுக்க இதரத் தகுதிகள் அனைத்தும் இந்திய கால்நடை மருத்துவப் பேரவையின் குறைந்தபட்ச கால்நடை மருத்துவக் கல்விக்கான 2016-ஆம் ஆண்டு விதிகளைப் பின்பற்றியே இருக்கும்.
 எனவே, இந்த ஆண்டு நாடு முழுவதும் உள்ள 15 சதவீத கால்நடை மருத்துவப் படிப்புக்கான இடங்களுக்கு விண்ணப்பிக்க உள்ள மாணவர்கள் மத்திய அரசு 5.5.2019- அன்று நடத்தவுள்ள  நீட் தேர்வை எதிர்கொள்ள வேண்டும் எனத் தெரிவித்துள்ளார் செந்தில்குமார்.

]]>
http://www.dinamani.com/all-editions/edition-villupuram/puducherry/2018/dec/06/கால்நடை-மருத்துவப்-படிப்பில்-சேருவோருக்கு-நீட்-தேர்வு-அவசியம்-3052745.html
3052743 விழுப்புரம் புதுச்சேரி வளர் இளம் பருவ கல்வி பயிற்சி முகாம் DIN DIN Thursday, December 6, 2018 08:57 AM +0530 புதுச்சேரி முத்தியால்பேட்டை பெருந்தலைவர் காமராஜ் அரசு ஆண்கள் உயர்நிலைப் பள்ளியில் வளர் இளம் பருவ கல்வி பயிற்சி முகாம் புதன்கிழமை நடைபெற்றது.
முகாமில் வளர் இளம் பருவ கல்வி பயிற்சி ஒருங்கிணைப்பாளர் ஏ.மரிய மரின் வரவேற்றார். பள்ளித் தலைமை ஆசிரியை ஏ.மரிய பாலின் தலைமை வகித்தார்.  
லாஸ்பேட்டை தன்னம்பிக்கை கலைக் குழு நிறுவனர் எலிசபெத் ராணி முன்னிலை வகித்துப் பேசினார்.
புதுச்சேரி அறுபடை வீடு மருத்துவக் கல்லூரி மருத்துவமனை பேராசிரியர் மருத்துவர் பார்த்தீபன் சிறப்பு விருந்தினராகப் பங்கேற்று,  வளர் இளம் பருவத்தில் உடலில் ஏற்படும் மாற்றங்கள்,  மாணவ, மாணவிகள் எதிர்நோக்கும் சமூக பிரச்னைகள்,  அதை எளிதாக கையாளுவது எப்படி என்பது குறித்து பயிற்சி அளித்தார் (படம்).

]]>
http://www.dinamani.com/all-editions/edition-villupuram/puducherry/2018/dec/06/வளர்-இளம்-பருவ-கல்வி-பயிற்சி-முகாம்-3052743.html
3052742 விழுப்புரம் புதுச்சேரி அனைத்துக் காவல் நிலையங்களிலும் கண்காணிப்பு கேமரா பொருத்த வலியுறுத்தல் DIN DIN Thursday, December 6, 2018 08:56 AM +0530 அனைத்து காவல் நிலையங்களிலும் கண்காணிப்பு கேமராக்கள் பொருத்த வேண்டும் என்று மக்கள் உரிமைக் கூட்டமைப்பு வலியுறுத்தியுள்ளது.
இதுகுறித்து அந்தக் கூட்டமைப்பின் செயலாளர் சுகுமாரன் வெளியிட்ட அறிக்கை:
காவலர் மீதான புகார் ஆணையம் அளித்த உத்தரவுப்படி அனைத்துக் காவல் நிலையங்களிலும் கண்காணிப்பு கேமராக்கள் பொருத்த வேண்டும். 
தட்டாஞ்சாவடி செந்தில் முட்டி போட வைத்த விவகாரம் குறித்து விசாரித்த காவலர் மீதான புகார் ஆணையத்தின் தலைவரும்,  உயர் நீதிமன்ற ஓய்வு பெற்ற நீதிபதியுமான ராஜசூர்யா புதுவை யூனியன் பிரதேசத்தில் உள்ள அனைத்து காவல் நிலையங்களிலும் மூன்று மாதங்களுக்குள் கண்காணிப்பு கேமராக்கள் பொருத்த வேண்டும் என காவல்துறை தலைமை இயக்குநருக்கு கடந்த 29.8.2018-இல் உத்தரவு பிறப்பித்தார்.
ஆனால், மூன்று மாதங்களுக்கும் மேலாகியும் புதுவை காவல்துறை இந்த உத்தரவை நிறைவேற்றவில்லை.
விசாரணைக் கைதி ஜெயமூர்த்தி இறந்தது குறித்து விசாரணை மேற்கொண்டு வரும் நீதிபதி, ஜெயமூர்த்தி அடைக்கப்பட்டிருந்த பாகூர் காவல் நிலையத்தில் ஆய்வு செய்தபோது அங்குள்ள கண்காணிப்புக் கேமராவின்  பதிவுகள் அழிக்கப்பட்டதைக் கண்டுபிடித்துள்ளதாக தகவல் வெளியாகி உள்ளது.
காவல் நிலையத்தில் கண்காணிப்பு கேமரா பொருத்தப்பட்டாலும் அதன் பதிவுகளை டிஜிபி  அலுவலகத்தில் பதிவு செய்து பாதுகாக்கும் வகையில் வழிவகை செய்ய வேண்டும். 
இவ்வாறு செய்வதன் மூலம் காவல் நிலையங்களில் விசாரணையின்போது மரணம் உள்ளிட்ட மனித உரிமை மீறல்களைத் தடுக்க முடியும்.   
எனவே, காவலர் மீதான புகார் ஆணையம் அளித்த உத்தரவுப்படி அனைத்து காவல் நிலையங்களிலும்  உடனடியாக கண்காணிப்பு கேமரா பொருத்த வேண்டும் எனத் தெரிவித்துள்ளார் சுகுமாரன்.

]]>
http://www.dinamani.com/all-editions/edition-villupuram/puducherry/2018/dec/06/அனைத்துக்-காவல்-நிலையங்களிலும்-கண்காணிப்பு-கேமரா-பொருத்த-வலியுறுத்தல்-3052742.html
3052741 விழுப்புரம் புதுச்சேரி பயிற்சி முடித்த காவலர்களுக்கு பணியிடங்கள் ஒதுக்கீடு DIN DIN Thursday, December 6, 2018 08:56 AM +0530 புதுவை மாநிலத்தில் பயிற்சி முடித்த 134 காவலர்களுக்கு பணி ஒதுக்கீடு செய்து மாநில காவல்துறை தலைமை இயக்குநர் சுந்தரி நந்தா உத்தரவிட்டார்.
புதுவை மாநில காவலர் பயிற்சிப் பள்ளியில் பயிற்சி முடித்த 
23-ஆவது பிரிவைச் சேர்ந்த பயிற்சிக் காவலர்களின் அணிவகுப்பு கடந்த 26-ஆம் தேதி நடைபெற்றது. இதில் பயிற்சி பெற்ற 134 காவலர்களுக்கு பதிவேடுகளை பராமரித்தல், புலன் விசாரணை செய்தல், குற்றவாளிகள் சம்பந்தப்பட்ட விவரங்களை பதிவு செய்யும் முறை, பொதுமக்களுடனான நல்லுறவு, கணினி பயிற்சி, தடயவியல் பயிற்சி முறை மற்றும் இறுதி அறிக்கையை தயார் செய்யும் விதம் உள்ளிட்டவை குறித்து பயிற்சி அளிக்கப்பட்டது.
இந்த நிலையில், பயிற்சி முடித்த 134 பேருக்கு பணியிடம் ஒதுக்கீடு செய்து டிஜிபி சுந்தரி நந்தா செவ்வாய்க்கிழமை இரவு உத்தரவிட்டார். அதன்படி, 70 பேர் சட்டம்-ஒழுங்கு பிரிவுக்கும், 64 பேர் ஆயுதப்படை பிரிவிலும் பணியமர்த்தி ஆணை பிறப்பிக்கப்பட்டுள்ளது. புதிய பணியிடங்களில் நியமிக்கப்பட்ட காவலர்கள் புதன்கிழமை தங்களது பணிகளை தொடங்கினர்.
 

]]>
http://www.dinamani.com/all-editions/edition-villupuram/puducherry/2018/dec/06/பயிற்சி-முடித்த-காவலர்களுக்கு-பணியிடங்கள்-ஒதுக்கீடு-3052741.html
3052738 விழுப்புரம் புதுச்சேரி புதுவை சார்பில் கேரளத்துக்கு ரூ.3.15 கோடி வெள்ள நிவாரண நிதி DIN DIN Thursday, December 6, 2018 08:55 AM +0530 கேரள மாநிலத்துக்கு புதுவை அரசு சார்பில் ரூ.3.15 கோடி வெள்ள நிவாரண நிதியை அந்த மாநில முதல்வர் பினராயி விஜயனிடம், முதல்வர் வே.நாராயணசாமி புதன்கிழமை வழங்கினார்.
கேரளத்தில் கடந்த  ஆகஸ்ட் மாதத்தில் ஏற்பட்ட வெள்ளப்பெருக்கால் கடும் பாதிப்பு ஏற்பட்டது.  இதைத்தொடர்ந்து, புதுவை அரசு சார்பில் அந்த மாநிலத்துக்கு நிதியுதவி வழங்கப்படும் என முதல்வர் நாராயணசாமி ஏற்கெனவே அறிவித்திருந்தார்.
புதுவை அரசு ஊழியர்களும் தங்களது ஊதியத்தில் இருந்து நிதியை வழங்கினர். மேலும், வணிகர்கள், தனியார் அமைப்புகளும் முதல்வர் நிவாரண நிதி கணக்குக்கு நிதியை வழங்கினர்.
கேரளத்துக்கு நிவாரணம் வழங்கும் வகையில் தனிக் கணக்கு தொடங்கப்பட்டு நிதி வசூலிக்கப்பட்டது. புதுவை சட்டப்பேரவை உறுப்பினர்கள் 30 பேரும் தங்களது ஒரு மாத ஊதியத்தை கேரள வெள்ள நிவாரண நிதிக்கு வழங்கினர்.
கேரள வெள்ள நிவாரணத்துக்காக முதல் கட்டமாக வசூலான ரூ.3.15 கோடி நிதிக்கான காசோலையுடன், முதல்வர் நாராயணசாமி, கேரள மாநிலத் தலைநகர் திருவனந்தபுரத்துக்கு புதன்கிழமை சென்றார். அங்கு கேரள முதல்வர் பினராயி விஜயனை நேரில் சந்தித்து நிதியை வழங்கினார். அப்போது புதுவை முன்னாள் அமைச்சர் இ.வல்சராஜ், மாஹே தொகுதி சுயேச்சை எம்எல்ஏ ராமச்சந்திரன் ஆகியோர் உடன் இருந்தனர்.

]]>
http://www.dinamani.com/all-editions/edition-villupuram/puducherry/2018/dec/06/புதுவை-சார்பில்-கேரளத்துக்கு-ரூ315-கோடி-வெள்ள-நிவாரண-நிதி-3052738.html
3052736 விழுப்புரம் புதுச்சேரி மேக்கேதாட்டு அணை விவகாரம்: புதுவையில் அதிமுக, திமுக எம்.எல்.ஏ.க்கள் தர்னா DIN DIN Thursday, December 6, 2018 08:55 AM +0530 மேக்கேதாட்டு அணை விவகாரம் தொடர்பாக விவாதிக்க, 
புதுவையில் சட்டப்பேரவைக் கூட்டத்தை கூட்ட வலியுறுத்தி, பேரவைத் தலைவர் அலுவலகத்தில் அதிமுக,  திமுக எம்.எல்.ஏ.க்கள் புதன்கிழமை தர்னாவில் ஈடுபட்டனர். 
காவிரியின் குறுக்கே மேக்கேதாட்டுவில் அணை கட்டுவதற்காக கர்நாடக அரசு சமர்ப்பித்துள்ள அறிக்கைக்கு மத்திய அரசு அனுமதி கொடுத்துள்ளது.  இதைக் கண்டித்து சட்டப்பேரவையில் தீர்மானம் நிறைவேற்ற வேண்டும் என்று தமிழகம்,  புதுவையில் உள்ள எதிர்க்கட்சிகள் வலியுறுத்தின. அதனடிப்படையில் தமிழகத்தில் பேரவை சிறப்புக் கூட்டம் வியாழக்கிழமை கூட்டப்பட உள்ளது. 
புதுவையிலும் பேரவை சிறப்புக் கூட்டத்தை கூட்டி தீர்மானம் நிறைவேற்ற வேண்டும் என்பதை  வலியுறுத்தி எதிர்க்கட்சியான அ.தி.மு.க.வும்,  ஆளும் கூட்டணியில் உள்ள தி.மு.க.வும் பேரவைத் தலைவர் வெ.வைத்திலிங்கத்திடம் கடந்த நவ.30-ஆம் தேதி மனு அளித்திருந்தன. ஆனால், புதுவையில் சட்டப்பேரவையை கூட்டுவதற்கான எந்த அறிவிப்பும் இல்லை. 
இதையடுத்து, திமுக எம்.எல்.ஏ. இரா.சிவா சட்டப்பேரவை வளாகத்தில் பேரவைத் தலைவரின் அலுவலக படிக்கட்டில் அமர்ந்து தர்னா நடத்தினார். அப்போது, மேக்கேதாட்டு அணை கட்டுவதற்கு அனுமதி அளித்த மத்திய அரசுக்கு எதிர்ப்புத் தெரிவித்து தீர்மானம் நிறைவேற்ற தமிழகத்தில் சட்டப்பேரவைக் கூட்டம் வியாழக்கிழமை கூட உள்ளது. அதுபோல, புதுவையிலும் கூட்டப்பட வேண்டும் என்று வலியுறுத்தினார். 
இதுபற்றி அறிந்த பேரவைத் தலைவர் வைத்திலிங்கம் போராட்டம் நடத்திய சிவா எம்.எல்.ஏ.விடம் வந்து முதல்வரிடம் கலந்து ஆலோசித்து நடவடிக்கை எடுப்பதாக உறுதியளித்தார்.  இதைத்தொடர்ந்து போராட்டத்தை சிவா எம்.எல்.ஏ. கைவிட்டார். 
அதேநேரத்தில், அதிமுக எம்.எல்.ஏ.க்கள் ஆ.அன்பழகன்,  ஆ.பாஸ்கர்,  வையாபுரி மணிகண்டன் ஆகியோரும் இதே கோரிக்கையை வலியுறுத்தி பேரவைத் தலைவர் அலுவலகத்துக்குள் சென்று பேரவைத் தலைவரை முற்றுகையிட்டு போராட்டம் நடத்தினர்.  அவர்களிடமும் பேரவைத் தலைவர் வைத்திலிங்கம் முதல்வரிடம் பேசி நடவடிக்கை எடுப்பதாக உறுதியளித்தார்.
இதைத்தொடர்ந்து அ.தி.மு.க. எம்.எல்.ஏ.க்கள் போராட்டத்தை கைவிட்டு கலைந்து சென்றனர்.
இதுகுறித்து அன்பழகன் எம்.எல்.ஏ செய்தியாளர்களிடம் கூறியதாவது:
தமிழகத்தைப் போல, புதுவையிலும் சிறப்பு சட்டப்பேரவைக் கூட்டத்தை கூட்ட அதிமுக மனு அளித்தது. ஆனால், அதன் மீது பேரவைத் தலைவர் இதுவரை எந்த நடவடிக்கையும் எடுக்கவில்லை.
தமிழகத்தில் சிறப்பு பேரவைக் கூட்டத்தை வலியுறுத்தும்,  திமுகவும்,  காங்கிரஸýம் புதுவையில் ஆட்சியில் இருந்தும் நடவடிக்கை எடுக்காதது ஏன்?  உண்மையில் அக்கறை இருந்தால், தி.மு.க, காங்கிரஸ் அரசுக்கு அளித்து வரும் ஆதரவை வாபஸ் பெற வேண்டும். 
அ.தி.மு.க.வின் போராட்டத்தைத் தொடர்ந்து முதல்வரிடம் பேரவைத் தலைவர் பேசினார். பின்னர், அடுத்த வாரம் பேரவையை கூட்ட நடவடிக்கை எடுப்பதாக முதல்வர் தெரிவித்ததாகவும் கூறினார். இதனால் போராட்டத்தை கைவிட்டுள்ளோம். அடுத்த வாரம் பேரவைக் கூட்டத்தை கூட்டவில்லை என்றால் அதன் விளைவை காங்கிரஸ் அரசு சந்திக்கும் என்றார் அன்பழகன்.

]]>
http://www.dinamani.com/all-editions/edition-villupuram/puducherry/2018/dec/06/மேக்கேதாட்டு-அணை-விவகாரம்-புதுவையில்-அதிமுக-திமுக-எம்எல்ஏக்கள்-தர்னா-3052736.html
3052735 விழுப்புரம் புதுச்சேரி மீன்பிடி துறைமுகத்தை மேம்படுத்த ரூ.15 கோடியில் கருத்துரு தயாரிக்க வேண்டும் DIN DIN Thursday, December 6, 2018 08:54 AM +0530 புதுச்சேரி மீன்பிடி துறைமுகத்தை மேம்படுத்த ரூ.15 கோடியில் கருத்துரு தயாரிக்க வேண்டும் என துணைநிலை ஆளுநர் கிரண் பேடி உத்தரவிட்டார்.
 புதுவை துணைநிலை ஆளுநர் கிரண்பேடி, மீனவர்கள் மற்றும் மீனவர் நலத்துறை அலுவலகத்தை புதன்கிழமை பார்வையிட்டு ஆய்வு செய்தார்.
 ஆய்வின் முடிவில் அவர் கூறியதாவது: 
துறைக்கு வரும் தபால்கள் மற்றும் ரசீதுகள் முறையான வழிமுறைகளின்றி கைகளினால் நிர்வகிக்கப்படுகின்றன. தேசிய தகவல் மையத்தின் உதவியுடன் தபால்
துறையை கணினிமயமாக்கி, தபால்கள், ரசீதுகளின் ஒவ்வொரு நிலை குறித்தும் துறையின் இயக்குநரும், முதுநிலை அலுவலர்களும் கண்காணித்து செயல்படுத்த வேண்டும்.
இதற்காக அலுவலகத்தில் கணினிகள் நிறுவுதலையும், கணினிமயயமாக்கல் நடவடிக்கைகளையும் தேசிய தகவல் மையத்துடன் ஒருங்கிணைந்து விரைவாக செயல்படுத்த வேண்டும். 
அமைச்சரக மற்றும் துறையில் பணியாற்றும் ஊழியர்களின் திறனை உயர்த்தவும், சமீபத்திய விதிகள் மற்றும் கட்டளைகள் குறித்தும் பயிற்சியளிக்க வேண்டும்.    
மின்பிடி துறைமுகத்தில் மீனவர் சம்மேளனம் மூலம் அடிப்படை வசதிகளை மேம்படுத்தி, கடைகள் அமைக்க வேண்டும். இங்கு அமைக்கப்படும் உணவகங்கள் தன்னிச்சையாக செயல்படும் வகையில் செயல்படுத்தப்பட வேண்டும். மேலும், அங்கு தயாரிக்கப்படும் உணவுகள் பிடிக்கப்படும் மீன்களிலிருந்து தயாரிக்கப்படுவையாக இருத்தல் வேண்டும்.    
மீனவர் நலத்துறைக்கு பட்ஜெட்டில் ஒதுக்கீடு செய்யப்பட்ட ரூ. 48 கோடியில் நிவாரண உதவி, ஓய்வூதியம், மீனவர் கூட்டுறவு சங்கங்களின் உதவிக்காக ரூ. 32 கோடி ஒதுக்கப்பட்டுள்ளது.  இந்த நல உதவிகள் தேவையானோருக்கு விரைவாக வழங்கப்படுகிறதா என கணினி வழியாக நிர்வகித்து, உடனடியாக தீர்வு காண வேண்டும்.
தூய்மை இந்தியா திட்டத்தின் கீழ் மீன்பிடி துறைமுகத்தை மேம்படுத்தவும், புனரமைக்கவும் ரூ.15 கோடி கருத்துரு தயாரிக்க வேண்டும் என்றார் கிரண் பேடி.

]]>
http://www.dinamani.com/all-editions/edition-villupuram/puducherry/2018/dec/06/மீன்பிடி-துறைமுகத்தை-மேம்படுத்த-ரூ15-கோடியில்-கருத்துரு-தயாரிக்க-வேண்டும்-3052735.html
3052734 விழுப்புரம் புதுச்சேரி இந்திய ஜனநாயக வாலிபர் சங்கத்தினர் ஆர்ப்பாட்டம் DIN DIN Thursday, December 6, 2018 08:54 AM +0530 வேலைவாய்ப்பு வழங்கிட வேண்டும் என்பன உள்ளிட்ட கோரிக்கைகளை வலியுறுத்தி, இந்திய ஜனநாயக வாலிபர் சங்கத்தினர் புதுச்சேரியில் புதன்கிழமை ஆர்ப்பாட்டத்தில் ஈடுபட்டனர்.
தலைமை தபால் நிலையம் அருகே நடைபெற்ற இந்த ஆர்ப்பாட்டத்துக்கு புதுச்சேரி பிரதேசத் தலைவர் ஏ. ஆனந்த் தலைமை வகித்தார். 
துணைத் தலைவர்கள் பாலாஜி, பிரவீண்குமார், துணைச் செயலாளர்கள் பார்த்தசாரதி, ஜெகன்தாஸ் ஆகியோர் முன்னிலை வகித்தனர். 
புதுவை அரசில் காலியாக உள்ள 6,000 பணியிடங்களை நிரப்ப வேண்டும், புதிய தொழிற்சாலைகளை உருவாக்கி இளைஞர்களுக்கு வேலைவாய்ப்பு ஏற்படுத்தித் தர வேண்டும், ஏஎஃப்டி, பாரதி பஞ்சாலை, சுதேசி உள்ளிட்ட பஞ்சாலைகளை நவீனப்படுத்தி தொடர்ந்து இயக்கிட வேண்டும், வேலையில்லா பட்டதாரிகளுக்கு நிவாரண உதவியாக ரூ. 3,000 வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
ஆர்ப்பாட்டத்தில் தமிழ் மாநில செயற்குழு உறுப்பினர் மா.ப. நந்தன், பிரதேசச் செயலாளர் சரவணன் ஆகியோர் 
சிறப்புரையாற்றினர். இதில் திரளான இளைஞர்கள் கலந்து கொண்டனர். 

]]>
http://www.dinamani.com/all-editions/edition-villupuram/puducherry/2018/dec/06/இந்திய-ஜனநாயக-வாலிபர்-சங்கத்தினர்-ஆர்ப்பாட்டம்-3052734.html
3052733 விழுப்புரம் புதுச்சேரி சிறுமியை கர்ப்பிணியாக்கிய தொழிலாளி கைது DIN DIN Thursday, December 6, 2018 08:54 AM +0530 புதுச்சேரியில் சிறுமியை கர்ப்பிணியாக்கிய தொழிலாளியை போலீஸார் போக்சோ சட்டத்தின் கீழ் கைது செய்தனர். 
புதுச்சேரி ராஜீவ் காந்தி மகளிர் மற்றும் குழந்தைகள் மருத்துவமனைக்கு புதன்கிழமை 14 வயது சிறுமி ஒருவர் சிகிச்சைக்காக வந்தார்.  அவரை பரிசோதித்த மருத்துவர்கள், அச்சிறுமி 3 மாதம் கர்ப்பமாக இருப்பதை அறிந்து அதிர்ச்சி அடைந்தனர்.
அவரிடம் விசாரித்தபோது, சிறுமிக்கு திருமணமாகி இருப்பதும், 14 வயதே ஆன சிறுமி என்பதும் தெரிய வந்தது. இதையடுத்து, மருத்துவமனை அதிகாரிகள் குழந்தைகள் நல பாதுகாப்பு ஆணையத்துக்கு தகவல் அளித்தனர்.
இதையடுத்து, குழந்தைகள் நல பாதுகாப்பு ஆணைய அதிகாரிகள், சிறுமி கர்ப்பமானது குறித்து நடவடிக்கை எடுக்குமாறு 
பெரியக்கடை போலீஸாருக்கு பரிந்துரை செய்தனர்.  இதன் பேரில், பெரியக்கடை காவல் ஆய்வாளர் மோகன்குமார் தலைமையிலான போலீஸார்  விசாரணை நடத்தினர். 
விசாரணையில், புதுச்சேரி கோவிந்த சாலை நேரு நகர் பகுதியைச் சேர்ந்த மோகன் மகனும், கூலித்தொழிலாளியுமான மணிகண்டன் (30) என்பவரும், சிறுமியும் காதலித்து, இரு வீட்டார் சம்மதத்துடன் கடந்த மார்ச் மாதம் திருவக்கரையில் திருமணம் செய்து கொண்டு, அப்பகுதியில் வசித்து வந்துள்ளனர். இதைத் தொடர்ந்து சிறுமி கர்ப்பமாகியுள்ளது தெரிய வந்தது. இதுகுறித்து, பெரியக்கடை போலீஸார், போக்சோ சட்டத்தின் கீழ் வழக்குப் பதிந்து மணிகண்டனை புதன்கிழமை கைது செய்து, நீதிமன்றத்தில் ஆஜர்படுத்தி, காலாப்பட்டு மத்திய சிறையில் அடைத்தனர்.
 

]]>
http://www.dinamani.com/all-editions/edition-villupuram/puducherry/2018/dec/06/சிறுமியை-கர்ப்பிணியாக்கிய-தொழிலாளி-கைது-3052733.html
3052732 விழுப்புரம் புதுச்சேரி விபத்தில் சிக்கியவரிடம் மடிக்கணினி, திருடிய 3 பேர் கைது DIN DIN Thursday, December 6, 2018 08:53 AM +0530 புதுச்சேரியில் விபத்தில் சிக்கியவருக்கு உதவுவது போல நடித்து மடிக்கணினி, பென்டிரைவ்களை திருடிச் சென்ற 3 பேரை போலீஸார் செவ்வாய்க்கிழமை இரவு கைது செய்தனர்.
கடலூர் மாவட்டம், கோண்டூர் பகுதியைச் சேர்ந்த சிவராஜ் (43), புதுச்சேரி உழவர்கரை பகுதிக்கு கடந்த இரு தினங்களுக்கு முன் காரில் வந்த போது, எதிரே பைக்கில் வந்தவர் மீது மோதியதாகத் தெரிகிறது. அப்போது அங்கு பைக்கில் வந்த 3 பேர் உதவி செய்வது போல, சிவராஜின் கவனத்தை திசைதிருப்பி அவரது காரில் இருந்த மடிக்கணினி, 2 பென்டிரைவ்களை திருடிச் சென்றுவிட்டனர். 
இதுகுறித்த புகாரின் பேரில் ரெட்டியார்பாளையம் போலீஸார் வழக்குப் பதிந்து, பைக் நம்பர் மூலம் திருட்டில் ஈடுபட்ட மூவரை பிடித்து விசாரித்தனர். அவர்கள், பிச்சவீரன்பேட்டை பகுதியைச் சேர்ந்த அமுதன் (எ) அமுதானந்தன் (24), சண்முகாபுரம் பிரகாஷ் (26), மேரி உழவர்கரை ஜோயாஸ் (22) ஆகியோர் என்பது தெரிய வந்தது.  இதையடுத்து அவர்களிடம் இருந்து மடிக்கணினி, பென்டிரைவ்களை பறிமுதல் செய்த போலீஸார்,  மூவரையும் கைது செய்து, நீதிமன்றத்தில் ஆஜர்படுத்தி காலாப்பட்டு 
மத்திய சிறையில் அடைத்தனர்.
 

]]>
http://www.dinamani.com/all-editions/edition-villupuram/puducherry/2018/dec/06/விபத்தில்-சிக்கியவரிடம்-மடிக்கணினி-திருடிய-3-பேர்-கைது-3052732.html
3052731 விழுப்புரம் புதுச்சேரி காவலர்களுக்கான முதலுதவி பயிற்சி முகாம் DIN DIN Thursday, December 6, 2018 08:53 AM +0530 காவலர்களுக்கான ஒரு நாள் முதலுதவி பயிற்சி முகாம் புதுச்சேரி கோரிமேடு காவலர் சமுதாயக் கூடத்தில் புதன்கிழமை நடைபெற்றது. 
புதுவையில் சாலை விதிமுறைகளை சரியாக கடைப்பிடிக்காததால் நாள்தோறும் விபத்துகள் அதிகரித்து வருகின்றன. விபத்தில் சிக்குபவர்களை சரியான நேரத்தில் மருத்துவமனைக்கு கொண்டு செல்லாததாலும், உடனுக்குடன் முதலுதவி சிகிச்சை அளிக்காததாலும் உயிரிழப்புகள் ஏற்படுகின்றன. இதனைத் தடுக்கும் வகையில் இந்தப் பயிற்சி முகாம் நடத்தப்பட்டது.
பயிற்சி முகாமை தொடக்கிவைத்து டிஐஜி வி.ஜெ. சந்திரன் பேசுகையில், விபத்தில் சிக்குபவர்களை காப்பாற்றவும், உயிரிழப்புகளை தடுக்கவும் போலீஸாருக்கு முதலுதவி பயிற்சி என்பது அவசியமாகும். மேலும், விபத்தில் சிக்கியவர்களை குறித்த நேரத்திற்குள் மருத்துவமனையில் அனுமதித்தால் அவர்களது உயிரையும், உடலுறுப்புகளையும் சேதமின்றி காப்பாற்றலாம் என்ற நோக்கில் அனைத்து போலீஸாருக்கும் இந்த முதலுதவி பயிற்சி முகாம் நடத்தப்படுகிறது. இந்தப் பயிற்சியை காவலர்கள் முழுமையாகப் பயன்படுத்திக் கொள்ள வேண்டும் என்றார்.
இதில் சிபிசிஐடி மற்றும் போக்குவரத்து முதுநிலை காவல் கண்காணிப்பாளர் ராகுல் அல்வால், போக்குவரத்து காவல் கண்காணிப்பாளர் ரட்சனா சிங்,  போக்குவரத்து காவல் ஆய்வாளர்கள் வரதராஜன், ராஜசேகர வல்லட், தனசேகரன், முருகையன் மற்றும் 100 க்கும் மேற்பட்ட போக்குவரத்து காவலர்கள்கள், சட்டம் ஒழுங்கு பிரிவு காவலர்கள் பங்கேற்றனர்.
முகாமில் புதுவை இந்திராகாந்தி அரசு மருத்துவமனை மருத்துவர்கள் அஸ்வின், தனசேகரன் ஆகியோர் போலீஸாôருக்கு முதலுதவி சிகிச்சைகள் குறித்த பயிற்சிகளை அளித்தனர். இதில் விபத்தில் காயமடைந்தவரை எப்படி தூக்குவது, திடீர் இதய அடைப்பு ஏற்பட்டால் செய்ய வேண்டியது என்பன உள்ளிட்டவை குறித்து எடுத்துரைக்கப்பட்டது.


 

]]>
http://www.dinamani.com/all-editions/edition-villupuram/puducherry/2018/dec/06/காவலர்களுக்கான-முதலுதவி-பயிற்சி-முகாம்-3052731.html
3052729 விழுப்புரம் புதுச்சேரி ஜெயலலிதா 2-ஆவது ஆண்டு நினைவு தினம் DIN DIN Thursday, December 6, 2018 08:53 AM +0530 தமிழக முன்னாள் முதல்வர் ஜெயலலிதாவின் 2-ஆவது ஆண்டு நினைவு தினம் புதுச்சேரியில் புதன்கிழமை கடைப்பிடிக்கப்பட்டது.
புதுவை மாநில அதிமுக செயலர் புருஷோத்தமன் தலைமையில் அதிமுகவினர் புதுச்சேரி பேருந்து நிலையம் அருகே நடைபெற்ற நிகழ்ச்சியில் ஜெயலலிதாவின் உருவப்படத்துக்கு மாலை அணிவித்து மரியாதை செலுத்தினர்.  
நிகழ்ச்சியில் அதிமுக பேரவைக்குழுத் தலைவர் ஆ.அன்பழகன் உள்ளிட்டோர் பங்கேற்றனர்.
புதுவை மாநில அதிமுக தலைமை கழகத்தில் அதிமுக பேரவைக்குழுத் தலைவர் 
ஆ.அன்பழகன் தலைமையில் அதிமுகவினர் ஜெயலலிதா உருவப்படத்துக்கு மாலை  அணிவித்து மரியாதை செலுத்தினர்.  
இந்த நிகழ்ச்சிக்கு மாநில 
எம்ஜிஆர் இளைஞர் அணி செயலாளர் பாஸ்கர் எம்எல்ஏ,  அதிமுக கட்சி கொறடா  வையாபுரி மணிகண்டன் எம்எல்ஏ ஆகியோர் முன்னிலை வகித்தனர்.
 அதைத் தொடர்ந்து வாகனத்தில் ஜெயலலிதாவின் படத்துடன் ஊர்வலமாக புறப்பட்டு கடற்கரை சாலை,  டூப்லக்ஸ் சிலை அருகில் ஜெயலலிதாவின்  படத்திற்கு மலர் அஞ்சலி செலுத்தினர்.
இந்நிகழ்ச்சியில் முன்னாள்  எம்.எல்.ஏ.,க்கள் பெரியசாமி,  நடராஜன் உள்பட பலர் கலந்து கொண்டனர்.
புதுவை மாநில ஜெயலலிதா பேரவையின் முன்னாள் செயலர் ஓம்சக்தி சேகர் தலைமையிலான அதிமுகவினர் புதுச்சேரி எல்லைப்பிள்ளை சாவடியில் தனியார் ஹோட்டல் வளாகத்தில் அமைக்கப்பட்டுள்ள ஜெயலலிதா சிலைக்கு மாலை அணிவித்து மரியாதை செலுத்தினர்.
நிகழ்ச்சியில் ஜெயலலிதா பேரவை இணைச் செயலரும், முன்னாள் எம்.பி.யுமான 
மு.ராமதாஸ்,  நிர்வாகிகள் திருநாவுக்கரசு, காசிநாதன் உள்பட பலர் கலந்துகொண்டனர். 
 தொடர்ந்து,  முத்தியால்பேட்டை தொகுதி அதிமுக சார்பில் முத்தியால்பேட்டை மணிக்கூண்டு அருகே நடைபெற்ற நிகழ்ச்சியில் ஜெயலலிதா உருவப்படத்துக்கு வையாபுரி மணிகண்டன் எம்.எல்.ஏ. தலைமையில் அதிமுகவினர் மாலை அணிவித்து மரியாதை செலுத்தினர்.   பின்னர் ஏழைகளுக்கு அன்னதானம் வழங்கப்பட்டது. 
 புதுவை மாநில அம்மா மக்கள் முன்னேற்றக் கழகம் சார்பில் புதுச்சேரி சுதேசி பஞ்சாலை அருகே ஜெயலலிதாவின்  உருவப்படத்துக்கு மெழுகுவர்த்தி ஏற்றி அஞ்சலி செலுத்தப்பட்டது. நிகழ்ச்சிக்கு மாநிலச் செயலர் பா.வேல்முருகன் தலைமை வகித்தார்.

]]>
http://www.dinamani.com/all-editions/edition-villupuram/puducherry/2018/dec/06/ஜெயலலிதா-2-ஆவது-ஆண்டு-நினைவு-தினம்-3052729.html
3052728 விழுப்புரம் புதுச்சேரி தாயைத் தாக்கிய மாணவர் தற்கொலை DIN DIN Thursday, December 6, 2018 08:53 AM +0530 தாயைத் தாக்கிய மனவேதனையில் புதுச்சேரியில் மாணவர் தூக்கிட்டு தற்கொலை செய்து கொண்டார்.
புதுச்சேரி தவளக்குப்பம் டி.என். பாளையம் புதுநகரைச் சேர்ந்த கனகராஜ் மகன் அருண்குமார் (17). மேட்டுப்பாளையம் அரசு ஐடிஐ-இல் முதலாமாண்டு படித்து வந்தார். 
இவரது தந்தை 5 ஆண்டுகளுக்கு முன்பு இறந்துவிட்டார். தாய் பச்சையம்மாள் கூலி வேலை செய்து, மகனை படிக்க வைத்து வந்தார். இந்த நிலையில், அருண்குமார் செலவுக்காக பச்சையம்மாளிடம் செவ்வாய்க்கிழமை மாலை ரூ.1000 கேட்டாராம். இதற்கு பச்சையம்மாள் தன்னிடம் பணம் இல்லை எனக் கூறியுள்ளார். இதனால் ஆத்திரமடைந்த அருண்குமார் தாயைத் திட்டி, தாக்கியுள்ளார். இதனால் பச்சையம்மாள் கோபித்துக்கொண்டு மகனிடம் பேசாமல் இருந்துள்ளார்.
தாயை அடித்துவிட்ட மன
வேதனையில் இருந்த அருண்குமார், அன்று இரவு வீட்டில் தூக்கிட்டு தற்கொலைக்கு முயன்றுள்ளார். இதைப் பார்த்த உறவினர்கள், அவரை மீட்டு கரிக்கலாம்பாக்கம் அரசு மருத்துவமனைக்கு கொண்டு சென்றனர். அங்கு அவரைப் பரிசோதித்த மருத்துவர்கள், அருண்குமார் ஏற்கெனவே இறந்துவிட்டதாகத் தெரிவித்தனர்.
இதுகுறித்த தகவலறிந்த தவளக்குப்பம் போலீஸார், சடலத்தை மீட்டு பிரேத பரிசோதனைக்காக கதிர்காமம் அரசு மருத்துவமனைக்கு அனுப்பி வைத்ததுடன், வழக்குப் பதிந்து விசாரித்து 
வருகின்றனர்.

]]>
http://www.dinamani.com/all-editions/edition-villupuram/puducherry/2018/dec/06/தாயைத்-தாக்கிய-மாணவர்-தற்கொலை-3052728.html
3052725 விழுப்புரம் புதுச்சேரி மணல் குவாரி அமைக்க வலியுறுத்தி மாட்டுவண்டித் தொழிலாளர்கள் மறியல்: 98 பேர் கைது DIN DIN Thursday, December 6, 2018 08:52 AM +0530 மணல் குவாரி அமைக்க வலியுறுத்தி, புதுச்சேரியில் புதன்கிழமை சாலை மறியலில் ஈடுபட்ட மணல் மாட்டுவண்டித் தொழிலாளர்கள் 98 பேர் கைது செய்யப்பட்டனர்.
 புதுவை அரசு கடந்த செப்டம்பரில் குடிசை மாற்று வாரியம்,  ஊரக வளர்ச்சித் துறை சார்பில் நடைபெறும் பணிகளுக்கான மணல் தேவைக்கு மாட்டுவண்டிக்கான மணல் குவாரியை அமைப்பதாக தெரிவித்திருந்தது. ஆனால், சம்பந்தப்பட்ட துறையினர் நடவடிக்கை ஏதும் எடுக்கவில்லை. இதுகுறித்து அந்த அதிகாரிகளிடம் முறையிட்டும் உரிய நடவடிக்கை எடுக்கவில்லை எனக் கூறப்படுகிறது.
இதைக் கண்டித்தும், அரசு 
அறிவித்தபடி உடனடியாக மாட்டுவண்டிக்கான மணல் குவாரியை அமைக்க 
வலியுறுத்தியும், மணல் மாட்டுவண்டித் தொழிலாளர்கள் மாவட்ட ஆட்சியர் அலுவலகத்தை முற்றுகையிடப் போவதாக அறிவித்திருந்தனர். இதற்கு போலீஸார் அனுமதி அளிக்கவில்லை. 
இருப்பினும், அறிவித்தபடி மணல் மாட்டுவண்டித் தொழிலாளர்கள் சிஐடியூ பிரதேசச் செயலாளர் ஜி. சீனிவாசன் தலைமையில் மணல் மாட்டுவண்டித் தொழிலாளர்கள் சங்கச் செயலாளர் ஆர். ராஜாங்கம், சிஐடியூ மாவட்டத் தலைவர் கே. முருகன், நிர்வாகிகள் பிரபுராஜ், செல்வராஜ் உள்ளிட்ட 100-க்கும் மேற்பட்டோர் புதன்கிழமை இந்திரா காந்தி சிலை அருகே திரண்டனர். 
பின்னர், அவர்கள், மாவட்ட ஆட்சியர் அலுவலகத்தை முற்றுகையிட பேரணியாக புறப்பட்டனர். அவர்களை வழுதாவூர் சாலையில் ராஜீவ்காந்தி சிலை அருகே அப்பகுதியில் பாதுகாப்புப் பணியில் ஈடுபட்டிருந்த போலீஸார் தடுத்து நிறுத்தினர். அப்போது, இருதரப்புக்கும் இடையே தள்ளு முள்ளு ஏற்பட்டது. 
இதனால் அங்கு பரபரப்பு நிலவியது.
தொடர்ந்து, மாட்டுவண்டித் தொழிலாளர்கள் வழுதாவூர் சாலையில் அமர்ந்து மறியலில் ஈடுபட்டனர். 
அப்போது, உடனடியாக மாட்டு வண்டிக்கான மணல் குவாரியை அமைத்து, மணல் மாட்டுவண்டித் தொழிலாளர்களின் வாழ்வாதாரத்தை காப்பாற்ற வேண்டும் என வலியுறுத்தி முழக்கங்களை எழுப்பினர். இதையடுத்து போராட்டத்தில் ஈடுபட்ட 98 பேரை போலீஸார் கைது செய்தனர். பின்னர் அவர்களை விடுவித்தனர்.
மணல் குவாரி அமைக்க அரசு 
நடவடிக்கை எடுக்கவில்லையெனில், அடுத்தகட்டமாக மாவட்ட ஆட்சியர் அலுவலகத்தில் மாடுகளுடன் குடியேறும் போராட்டம் நடத்தப்போவதாக அவர்கள் அறிவித்தனர்.

]]>
http://www.dinamani.com/all-editions/edition-villupuram/puducherry/2018/dec/06/மணல்-குவாரி-அமைக்க-வலியுறுத்தி-மாட்டுவண்டித்-தொழிலாளர்கள்-மறியல்-98-பேர்-கைது-3052725.html
3052184 விழுப்புரம் புதுச்சேரி கடற்கரையில் இளைஞர் சடலம் மீட்பு DIN DIN Wednesday, December 5, 2018 09:40 AM +0530 புதுச்சேரி கடற்கரையில் அடையாளம் தெரியாத மர்மமான முறையில் இறந்து கிடந்தது குறித்து போலீஸார் விசாரித்து வருகின்றனர். 
 புதுச்சேரி கடற்கரைச் சாலை பழைய நீதிமன்றம் எதிரே கடற்கரையின் கருங்கற்கள் பகுதியில் திங்கள்கிழமை நள்ளிரவு அடையாளம் தெரியாத இளைஞர் சடலம் கிடப்பதாக அப்பகுதி மக்கள் பெரியகடை காவல் நிலையத்துக்குத் தகவல் தெரிவித்தனர்.
தகவலின் பேரில் அங்கு வந்த போலீஸார், இறந்து கிடந்த இளைஞரின் சடலத்தை மீட்டு பிரேத பரிசோதனைக்காக கதிர்காமம் அரசு மருத்துவமனைக்கு அனுப்பி வைத்தனர். 
இறந்த கிடந்த நபரின் முகத்திலும், உடலிலும் சிறு காயங்கள் உள்ளன. இவர் யார் என்ற விவரம்  தெரியவில்லை.  பெரியகடை போலீஸார் வழக்குப் பதிந்து விசாரித்து வருகின்றனர்.

]]>
http://www.dinamani.com/all-editions/edition-villupuram/puducherry/2018/dec/05/கடற்கரையில்-இளைஞர்-சடலம்-மீட்பு-3052184.html
3052181 விழுப்புரம் புதுச்சேரி கடலில் படகு கவிழ்ந்து 2 மீனவர்கள் காயம் DIN DIN Wednesday, December 5, 2018 09:39 AM +0530 தவளக்குப்பம் அருகே நடுக்கடலில் படகு கவிழ்ந்ததில் 2 மீனவர்கள் காயமடைந்தனர்.
புதுச்சேரியை அடுத்த தவளக்குப்பம் அருகேயுள்ள நல்லவாடு கிராமத்தைச் சேர்ந்தவர் முருகன் (40), மீனவர். இவர் திங்கள்கிழமை அதே பகுதியைச் சேர்ந்த செல்வகுமார் (42), கோவிந்தராஜ் (33), சதீஷ் (31) ஆகியோருடன் பைபர் படகில் கடலில் மீன் பிடிக்கச் சென்றார். காலை சென்ற அவர்கள் மாலையில் மீன்பிடித்து கொண்டு கரை திரும்பிக்கொண்டிருந்தனர். 
இவர்களின் படகு நடுக்கடலில் வந்து கொண்டிருந்த போது கடல் சீற்றம் காரணமாக கவிழ்ந்தது. இதில் கோவிந்தராஜ், சதீஷ் இருவரும் பலத்த காயமடைந்தனர். உடனடியாக அவர்களை முருகனும், செல்வகுமாரும் மீட்டு நீந்தியபடி கரைக்கு கொண்டு வந்து அருகிலுள்ள அரசு மருத்துவமனையில் சேர்த்தனர்.
பின்னர் மற்ற மீனவர்கள் உதவியுடன் படகில் சென்று கடலில் கவிழ்ந்த படகை மீட்டு வந்தனர். ஆனால், படகில் இருந்த வலைகள், இயந்திரம் உள்ளிட்ட ரூ.2 லட்சம் மதிப்பிலான மீன்பிடி சாதனங்களை மீட்க முடியவில்லை. 
இதுகுறித்து தவளக்குப்பம் போலீஸாரும், மீன்வளத் துறை அதிகாரிகளும் விசாரித்து வருகின்றனர்.
 

]]>
http://www.dinamani.com/all-editions/edition-villupuram/puducherry/2018/dec/05/கடலில்-படகு-கவிழ்ந்து-2-மீனவர்கள்-காயம்-3052181.html
3052179 விழுப்புரம் புதுச்சேரி தர்பாரண்யேசுவரர் கோயிலில் பிரதோஷ வழிபாடு DIN DIN Wednesday, December 5, 2018 09:39 AM +0530 திருநள்ளாறு ஸ்ரீதர்பாரண்யேசுவரர் கோயிலில் செவ்வாய்க்கிழமை நடைபெற்ற பிரதோஷ வழிபாட்டில் ஏராளமான பக்தர்கள் பங்கேற்று சுவாமி தரிசனம் செய்தனர். 
திருநள்ளாறு ஸ்ரீபிரணாம்பிகை சமேத தர்பாரண்யேசுவரர் கோயிலில் உள்ள நந்திக்கு கார்த்திகை மாதத்தின் பிரதோஷ வழிபாடு செவ்வாய்க்கிழமை நடைபெற்றது. கோயில் கொடி மரம் அருகே உள்ள பெரிய  நந்திக்கு சிவாச்சாரியார்கள் எண்ணெய், தயிர், பால், சந்தனம், மஞ்சள், தேன், இளநீர் உள்ளிட்ட பல்வேறு திரவியங்களால் அபிஷேகம் செய்தனர். தொடர்ந்து நந்திக்கு பல்வேறு மலர் மாலைகள், வஸ்திரம் அணிவித்து சிறப்பு அலங்காரம் செய்து மகா தீபாராதனை செய்யப்பட்டது. 

]]>
http://www.dinamani.com/all-editions/edition-villupuram/puducherry/2018/dec/05/தர்பாரண்யேசுவரர்-கோயிலில்-பிரதோஷ-வழிபாடு-3052179.html