Dinamani - புதுச்சேரி - http://www.dinamani.com/all-editions/edition-villupuram/puducherry/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3021512 விழுப்புரம் புதுச்சேரி முதல்வர் ஆதாரமற்ற குற்றச்சாட்டுகளை சுமத்துகிறார்: செல்வகணபதி எம்எல்ஏ DIN DIN Tuesday, October 16, 2018 09:30 AM +0530 ஆதாரமற்ற குற்றச்சாட்டுகளை ஆளுநர் மீது முதல்வர் நாராயணசாமி சுமத்தி வருகிறார் என்று நியமன எம்எல்ஏ செல்வகணபதி தெரிவித்தார்.
புதுவையில் துணைநிலை ஆளுநர் கிரண் பேடிக்கும் முதல்வர் நாராயணசாமிக்கும் இடையே அதிகாரப் போட்டி நிலவி வருகிறது. இருவரும் ஒருவருக்கொருவர் குற்றச்சாட்டுகளை சுமத்தி வருகின்றனர். 
இந்த நிலையில்,  நியமன எம்எல்ஏ செல்வகணபதி மண்ணாடிப்பட்டு தொகுதிக்கு உள்பட்ட திருக்கனூர் மதுரபாக்கம் அருகே உள்ள ஏரி வாய்க்கால் தூய்மைப்படுத்தும் பணியை திங்கள்கிழமை பார்வையிட வந்தார். 
அப்போது அவர் செய்தியாளர்களிடம் கூறியதாவது: 
முதல்வர் நாராயணசாமி, ஆளுநர் கிரண் பேடி மீது ஆதாரமற்ற குற்றச்சாட்டுகளை சுமத்துகிறார். என்னிடம் ஆளுநர் நிதி பெற்றதாகக் கூறுவது உண்மைக்கு புறம்பானது. 
நான் எனது நியமன 
எம்எல்ஏ  ஊதியம் இரண்டு மாதத்துக்கான தொகை, ஒரு லட்சத்து 28 ஆயிரத்து 150 ரூபாயை ஏதேனும் நற்காரியத்துக்கு பயன்படுத்த நினைத்தேன்.
 உடனே ஆளுநர் கிரண் பேடியிடம் அதற்கான காசோலையை கொடுத்தேன். ஆனால், அவர் காசோலையை வாங்க மறுத்துவிட்டார். அதற்குப் பதிலாக என்னிடம் தற்போது மழைக்காலம் வரவிருப்பதால் வாய்க்கால்களை சீரமைத்தால் சிறப்பாக இருக்கும். அதன் மூலம் விவசாயிகள் பயன் பெறுவார்கள். எனவே, இந்த நிதியை அதற்கு பயன்படுத்தக் கூறினார். 
அது மட்டுமன்றி பணி முழுவதும் முடித்த பிறகுதான் ஒப்பந்ததாரர்களுக்கு பணம் கொடுக்க வேண்டும் என்றும் கூறினார். 
அதன்படி, திருக்கனூர் அருகே மதுரபாக்கம் ஏரி வாய்க்காலை சீரமைக்கும் பணி கடந்த வெள்ளிக்கிழமை பூமி பூஜையுடன் தொடங்கியது. அதை 
பார்வையிட வந்துள்ளேன் என்றார். 

]]>
http://www.dinamani.com/all-editions/edition-villupuram/puducherry/2018/oct/16/முதல்வர்-ஆதாரமற்ற-குற்றச்சாட்டுகளை-சுமத்துகிறார்-செல்வகணபதி-எம்எல்ஏ-3021512.html
3021511 விழுப்புரம் புதுச்சேரி முன்னாள் எம்.எல்.ஏ. கோ.பஞ்சவர்ணம் காலமானார் DIN DIN Tuesday, October 16, 2018 09:30 AM +0530 புதுச்சேரி சட்டப்பேரவை முன்னாள் உறுப்பினர் கோ.பஞ்சவர்ணம் (68) திங்கள்கிழமை (அக்.15) உடல்நலக் குறைவால் உயிரிழந்தார்.
காரைக்கால் மாவட்டம், கோட்டுச்சேரி பகுதி அக்கம்பேட்டை கிராமத்தைச்  சேர்ந்தவர் கோ.பஞ்சவர்ணம் (68).  கோட்டுச்சேரி நகரப் பகுதியில் வசித்துவந்த அவர், உடல் நலக் குறைவு காரணமாக சென்னையில் உள்ள மருத்துவமனையில் சேர்க்கப்பட்டிருந்து திங்கள்கிழமை காலை உயிரிழந்தார்.
இவர் கோட்டுச்சேரி சட்டப்பேரவைத் தொகுதியில் கடந்த 1980-ஆம் ஆண்டு திமுக சார்பில் போட்டியிட்டு வெற்றிபெற்றார். 
இவருக்கு மனைவி, 3 மகன், 2 மகள் உள்ளனர். இவரது இறுதிச் சடங்கு செவ்வாய்க்கிழமை  கோட்டுச்சேரியில் நடைபெறுகிறது.

]]>
http://www.dinamani.com/all-editions/edition-villupuram/puducherry/2018/oct/16/முன்னாள்-எம்எல்ஏ-கோபஞ்சவர்ணம்-காலமானார்-3021511.html
3021510 விழுப்புரம் புதுச்சேரி ராஜீவ் கொலை வழக்கு: தண்டனை பெற்றவர்களை விடுவிக்கக் கோரி தமிழக ஆளுநருக்கு தபால் அனுப்பும் இயக்கம் DIN DIN Tuesday, October 16, 2018 09:29 AM +0530 ராஜீவ் கொலை வழக்கில் தண்டனை பெற்ற 7 பேரையும் விடுதலை செய்யக் கோரி, தமிழக ஆளுநருக்கு அஞ்சல் அட்டை அனுப்பும் இயக்கத்தை மக்கள் உரிமைக் கூட்டமைப்பினர் திங்கள்கிழமை தொடக்கிவைத்தனர்.
ராஜீவ் காந்தி கொலை வழக்கில் ஆயுள் தண்டனை பெற்று வேலூர் சிறையில் அடைக்கப்பட்டுள்ள பேரறிவாளன், முருகன்,  நளினி,  சாந்தன்,  ராபர்ட்பயாஸ்,  ஜெயக்குமார்,  ரவிச்சந்திரன் ஆகிய ஏழு பேரையும் விடுதலை செய்வது குறித்து தமிழக அரசே முடிவு செய்யலாம் என உச்ச நீதிமன்றம் தீர்ப்பு வழங்கியது.  இதைத் தொடர்ந்து தமிழக அமைச்சரவைக் கூடி ஏழு பேரையும் விடுதலை செய்ய தீர்மானம் நிறைவேற்றி தமிழக ஆளுநர் பன்வாரிலால் புரோஹித்துக்கு அனுப்பி வைத்தது. இதன் மீது அவர் இதுவரை எந்தவித முடிவும் எடுக்கவில்லை.   
இந்த நிலையில்,  புதுச்சேரி தலைமை அஞ்சல் நிலையத்தில் இருந்து ஆளுநருக்கு அஞ்சல் அட்டை அனுப்பும் இயக்கத்தை மக்கள் உரிமைக் கூட்டமைப்பின் செயலாளர் கோ.சுகுமாரன் தொடக்கிவைத்தார். 
 விடுதலைச் சிறுத்தைகள் கட்சியின் அமைப்புச் செயலர் தேவ.பொழிலன், மக்கள் வாழ்வுரிமை இயக்கச் செயலாளர் கோ.அ.ஜெகன்நாதன்,  திராவிடர் கழகத் தலைவர் சிவ.வீரமணி, பெரியார் திராவிடர் கழகத் தலைவர் வீரமோகன்,  லோக் ஜனசக்தி கட்சியின் தலைவர் சி.எம்.புரட்சிவேந்தன், அரசு ஊழியர் சங்கங்களின் சம்மேளன கௌரவத் தலைவர் சி.எச்.பாலமோகனன்,  புதுச்சேரி யூனியன் பிரதேச மாணவர்கள் கூட்டமைப்புத் தலைவர் சாமிநாதன் உள்ளிட்டோர் பங்கேற்றனர். 
 இதில், 50-க்கும் மேற்பட்ட கட்சிகள் மற்றும் சமுக அமைப்புகளின் நிர்வாகிகள் கையெழுத்திட்டு அஞ்சல் அட்டைகளை அனுப்பி வைத்தனர்.   
மேலும்,  புதுவை முழுவதும் கிராமப்புறங்களில் இருந்தும் இந்த அஞ்சல் அட்டை அனுப்பும் இயக்கம் தொடர்ந்து நடைபெறும் என்று 
அறிவிக்கப்பட்டுள்ளது.

]]>
http://www.dinamani.com/all-editions/edition-villupuram/puducherry/2018/oct/16/ராஜீவ்-கொலை-வழக்கு-தண்டனை-பெற்றவர்களை-விடுவிக்கக்-கோரி-தமிழக-ஆளுநருக்கு-தபால்-அனுப்பும்-இயக்கம்-3021510.html
3021509 விழுப்புரம் புதுச்சேரி ஓய்வூதியர்கள் ஆர்ப்பாட்டம் DIN DIN Tuesday, October 16, 2018 09:29 AM +0530 புதுச்சேரியில் அரசு ஓய்வூதியர்களுக்கு மருத்துவப்படியை உயர்த்தி வழங்கக் கோரி,  ஓய்வூதியர் சங்கத்தினர் திங்கள்கிழமை ஆர்ப்பாட்டத்தில் ஈடுபட்டனர்.
 புதுச்சேரி ஓய்வூதியர்கள் சங்கம் சார்பில் புதுச்சேரி தலைமை அஞ்சல் நிலையம் அருகே நடைபெற்ற இந்த ஆர்ப்பாட்டத்துக்கு சங்கத்தின் கெளரவத் தலைவர்  பாலமோகனன் தலைமை வகித்தார்.   மாநில அரசு ஓய்வூதியர்களின் மருத்துவப்படியை ரூ.1,000-ஆக உயர்த்தி 1.7.2017 முதல் வழங்க வேண்டும், அரசு நிதியுதவி பெறும் தனியார் பள்ளிகளில் பணியாற்றி ஓய்வு பெற்ற ஆசிரிய ஓய்வூதியர்களுக்கும்,  உள்ளாட்சித்துறை ஓய்வூதியர்களுக்கும் மருத்துவப்படி வழங்க வேண்டும்,  மத்திய அரசின் 12.5.2017 தேதியிட்ட ஆணையின்படி ஓய்வூதிய மறுநிர்ணயம் செய்து உயர்த்தி வழங்க வேண்டும்,  ஏழாவது ஊதியக்குழு அமலாக்க நிலுவைத்தொகை மற்றும் பஞ்சப்படி நிலுவைத் தொகைகளை உடனே வழங்க வேண்டும்,  ஓய்வூதியர்களின் குறைகளை தீர்க்கும் வகையில் ஓய்வூதிய குறைகேட்புக் கூட்டங்களை மாநில அரசின் அனைத்து துறைகளும் 
6 மாதங்களுக்கு ஒருமுறை நடத்த வேண்டும் ஆகிய கோரிக்கைகளை வலியுறுத்தி கோஷம் எழுப்பினர்.  இதில் ஓய்வூதியர்கள் 100-க்கும் 
மேற்பட்டோர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/16/ஓய்வூதியர்கள்-ஆர்ப்பாட்டம்-3021509.html
3021508 விழுப்புரம் புதுச்சேரி அக்.18 வரை வடகிழக்கு பருவ மழை பாதுகாப்பு ஒத்திகை நடைபெறும் DIN DIN Tuesday, October 16, 2018 09:29 AM +0530 புதுச்சேரி,  காரைக்காலில் வடகிழக்கு பருவ மழை பாதுகாப்பு குறித்த ஒத்திகை அக்.18-ஆம் தேதி வரை நடைபெறும் என்று புதுச்சேரி மாவட்ட ஆட்சியர் அபிஜித் விஜய் செளத்ரி தெரிவித்தார்.
வடகிழக்கு பருவ மழை பாதிப்பை தவிர்க்க எடுக்கப்பட்டுள்ள முன்னெச்சரிக்கை நடவடிக்கைகள் குறித்த ஆலோசனைக் கூட்டம் தலைமைச் செயலகத்தில் திங்கள்கிழமை நடைபெற்றது.  வருவாய் மற்றும் பேரிடர் மேலாண்மைத் துறை செயலர் தேவேஷ் சிங் தலைமை வகித்தார். 
இத்துறையின் ஆணையரும்,  புதுச்சேரி மாவட்ட ஆட்சியருமான அபிஜித் விஜய் செளத்ரி முன்னிலை வகித்தார்.
கூட்டத்துக்குப் பிறகு ஆட்சியர் அபிஜித் விஜய் செளத்ரி செய்தியாளர்களிடம் கூறியதாவது:
புதுவை புயல், பெருமழை, வெள்ளம் மற்றும் வறட்சி போன்ற பேரிடர்களால் பாதிக்கப்படக் கூடிய பகுதியாக உள்ளது. மாஹே,  ஏனாம் பகுதிகள் தென்மேற்கு பருவ மழையாலும்,   புதுச்சேரி, காரைக்கால் வட
கிழக்கு பருவ மழையாலும் ஒவ்வொரு ஆண்டும் பாதிக்கப்படுகின்றன.
எத்தகைய பேரிடர் அவசரகால சூழ்நிலையையும் சமாளிக்கும் விதமாக, புதுச்சேரி வருவாய் மற்றும் பேரிடர் மேலாண்மைத் துறை 16 அவசரகால செயற்குழுக்களை அவற்றின் உதவி முகமைகளுடன் ஏற்படுத்தியுள்ளது. 
மேலும், ஒவ்வொரு துறையும் பேரிடர் மற்றும் அவசர காலங்களில் அத்துறைகளின் செயல்பாடு மற்றும் பொறுப்புகளை அறிவுறுத்தும் பேரிடர் மேலாண்மை செயல் திட்டத்தையும் வகுத்துள்ளது.
வடகிழக்கு பருவ மழை கூடிய விரைவில் தொடங்க உள்ளதால், அனைத்துத் துறைகளின் தயார்நிலை குறித்து விரிவான ஆலோசனை மற்றும் ஆய்வு நடத்த இந்தக் கூட்டம்  நடத்தப்பட்டது. 
ஒவ்வொரு துறையின் தயார் நிலையை அறியும் வகையில் வடகிழக்குப் பருவ மழைக்கான ஒத்திகை தொடங்கப்பட்டுள்ளது.  இந்த ஒத்திகை நிகழ்ச்சி அக்.18-ஆம் தேதி வரை நடைபெறும்.  இந்த ஒத்திகை பேரிடர் மேலாண்மைத் துறையின் பேரிடர்களை எதிர்கொள்வதற்கான ஆற்றல், குறைகள், மேம்படுத்துவதற்கான வாய்ப்புகள் மற்றும் அச்சுறுத்தல்கள் பற்றி அறிய உதவும். 
மேலும், முக்கிய துறைகளைச் சார்ந்த அதிகாரிகளுக்கு அவர்கள் பொறுப்பு மற்றும் செயல்பாடுகள் குறித்த பயிற்சியாகவும் அமையும். மேலும், பொதுமக்களுக்கு உரிய விழிப்புணர்வையும் ஏற்படுத்தும் என்றார் அபிஜித் விஜய் செளத்ரி.
கூட்டத்தில் பொதுப்பணித் துறை,  வேளாண்துறை, காவல்துறை,  தீயணைப்புத் துறை,  உள்ளாட்சித் துறை உள்ளிட்ட அனைத்துத் துறை அதிகாரிகள் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/16/அக்18-வரை-வடகிழக்கு-பருவ-மழை-பாதுகாப்பு-ஒத்திகை-நடைபெறும்-3021508.html
3021507 விழுப்புரம் புதுச்சேரி காரைக்கால் கோயில்களில் ஏக தீப விளக்கு DIN DIN Tuesday, October 16, 2018 09:28 AM +0530 கோயில்களில் அகல் விளக்கு பயன்பாட்டால் அசுத்தமடைவதைத் தவிர்க்க, காரைக்காலில் 2 கோயில்களில் ஏக தீப விளக்கு வைக்கப்பட்டுள்ளது.
காரைக்காலில் பொய்யாதமூர்த்தி விநாயகர் கோயிலைத் தொடர்ந்து நித்யகல்யாணப் பெருமாள் கோயிலிலும் பக்தர்கள் உதவியுடன் ஏக தீப விளக்கு புரட்டாசி மாதம் கடைசி சனிக்கிழமை நாளில் வைக்கப்பட்டுள்ளது. 
சுமார் 5 லிட்டர் எண்ணெய் கொள்ளளவு கொண்ட சட்டியுடன், ஒரு திரியில் தீபம் எரியும் வகையிலும், வெளிப்புறத்தில் உள்ள புனல் வழியே நெய் அல்லது எண்ணெய் பக்தர்கள் ஊற்றிச் செல்லும் அமைப்புடன் அந்த விளக்கு அமைப்பு உள்ளது.
இதுகுறித்து கைலாசநாதர், நித்யகல்யாணப் பெருமாள் கோயில் அறங்காவல் நிர்வாகத்தினர் திங்கள்கிழமை கூறும்போது,  கோயில்களில் பக்தர்கள் தீபம் ஏற்ற அகல் விளக்கை பயன்படுத்துகின்றனர். 
கோயில் சுவர் மற்றும் தரையில் எண்ணெய் தடவப்பட்டு, அசுத்தமாகிவிடுகிறது. 
நடந்து செல்லும் பக்தர்களுக்கும் இது பாதிப்பை ஏற்படுத்துகிறது.
இதனால் ஏக தீப விளக்கை பக்தர்கள் ஒருங்கிணைந்து செலவு செய்து கோயிலில் வைத்துள்ளனர். ஒரு விளக்கு செய்வதற்கு  ரூ.28 ஆயிரம் வரை செலவாகிறது.
கோயிலுக்கு வரும் பக்தர்கள், தாங்கள் கொண்டுவரும் நெய், எண்ணெய் ஆகியவற்றை இந்த விளக்கின் மேல் பகுதியில் உள்ள புனல் வழியே செலுத்தும்போது, ஒரு திரியின் மூலம் தீபம் எரிந்துகொண்டிருக்கிறது என்றனர்.

]]>
http://www.dinamani.com/all-editions/edition-villupuram/puducherry/2018/oct/16/காரைக்கால்-கோயில்களில்-ஏக-தீப-விளக்கு-3021507.html
3021506 விழுப்புரம் புதுச்சேரி அறிவியல் உருவாக்குவோம் போட்டி:  மாணவர்கள் ஆய்வறிக்கை அனுப்பலாம் DIN DIN Tuesday, October 16, 2018 09:27 AM +0530  புதுவை அறிவியல் இயக்கம்,  பிரான்ஸ் பாரீஸ் பல்கலைக்கழகம் தெற்கு-11 ஆகியவை  சார்பில் நடைபெறும் 13-ஆவது சர்வதேச அறிவியல் உருவாக்குவோம் போட்டிக்கான ஆய்வறிக்கைகளை அரசுப் பள்ளி மாணவ,  மாணவிகள் அனுப்பலாம் என அறிவிக்கப்பட்டுள்ளது.
புதுவை பள்ளிக் கல்வித்துறை,  அறிவியல்,  தொழில்நுட்பத் துறை ஆகியவற்றின் ஆதரவுடன் இப்போட்டி நடத்தப்படுகிறது.  போட்டியில் புதுச்சேரி மாவட்டத்தைச் சேர்ந்த அரசுப் பள்ளிகள் மட்டுமே பங்கேற்க முடியும்.  7 முதல் 11-ஆம் வகுப்பு வரையிலான மாணவர்கள் பங்கு பெறலாம். 
ஆய்வுத் திட்டம் இயற்பியல்,  வேதியியல், கணிதம், உயிரியியல்,  வானியல், நிலவியல் ஆகிய பிரிவுகளில் இருக்கலாம். தமிழ்,  ஆங்கிலம்,  பிரெஞ்சு  ஆகிய மொழிகளில் திட்ட குறிப்புகளைஅனுப்பலாம். திட்ட குறிப்புகளை வரும்  நவ. 10-ஆம் தேதிக்குள் அனுப்ப வேண்டும்.
இந்த ஆய்வறிக்கைகள் மின் அஞ்சல் மூலம் பெறப்பட்டு,  அவை பிரான்ஸ் பல்கலைக்கழகத்துக்கு அனுப்பிவைக்கப்படும்.  அவற்றில் சிறந்த 12 ஆய்வுத் திட்டங்கள் தேர்வு செய்யப்பட்டு, அத்திட்டங்களுக்கு 50 யூரோ உதவி ஊக்கத்தொகை வழங்கப்படும்.  பிறகு அத்திட்டம் விடியோவில் பதிவு செய்யப்பட்டு அவை மீண்டும் பிரான்ஸ் பல்கலைக்கழகத்துக்கு அனுப்பப்படும். இதில் சிறந்த 4 ஆய்வுகள் தேர்வு செய்யப்பட்டு,  அவற்றுக்கு சான்றிதழ் மற்றும் முதல் பரிசாக 300 யூரோவும், இரண்டாம் பரிசுக்கு 3 ஆய்வறிக்கைகளுக்கு தலா 100 யூரோவும் அளிக்கப்படும்.  
திட்டத்துக்கான விண்ணப்பப் படிவத்தை   ஜ்ஜ்ஜ்.ல்ள்ச்ஸ்ரீங்ழ்க்.ர்ழ்ஞ் என்ற இணையதளத்தையோ அல்லது இ-மெயில் ஸ்ரீங்ழ்க்ல்ள்ச்ஃஞ்ம்ஹண்ப்.ஸ்ரீர்ம் - இல் தொடர்பு கொள்ளலாம்.
மேலும், விவரங்களுக்கு  0413-2290733, 9894926925 ஆகிய தொலைபேசி,  செல்லிடப்பேசி எண்களில் தொடர்பு கொள்ளலாம்.   இத்தகவலை புதுவை அறிவியல் இயக்க செயலாளர் அருண் நாகலிங்கம் தெரிவித்தார்.

]]>
http://www.dinamani.com/all-editions/edition-villupuram/puducherry/2018/oct/16/அறிவியல்-உருவாக்குவோம்-போட்டி--மாணவர்கள்-ஆய்வறிக்கை-அனுப்பலாம்-3021506.html
3021505 விழுப்புரம் புதுச்சேரி பெட்ரோல், டீசல் விலை உயர்வுக்கு எதிர்ப்பு: மிதிவண்டியில் வந்த பேரவைத் தலைவர் DIN DIN Tuesday, October 16, 2018 09:27 AM +0530 பெட்ரோல்,  டீசல் விலை உயர்வுக்கு எதிர்ப்பு தெரிவித்து புதுவை பேரவைத் தலைவர் வெ.வைத்திலிங்கம் மிதிவண்டியில் பேரவைக்கு திங்கள்கிழமை வந்தார். புதுவை பேரவைத் தலைவர் வைத்திலிங்கம் எப்போதும் தான் வசிக்கும் புதுச்சேரி கந்தப்ப முதலியார் வீதியில் இருந்து அரசு காரில் பேரவைக்கு வருவது வழக்கம்.  
இந்த நிலையில்,  திங்கள்கிழமை திடீரென மிதிவண்டியில் பேரவைக்கு வந்தார். பேரவை நுழைவு வாயிலில் நுழைந்ததும் பேரவைக் காவலர்கள் மற்றும் அதிகாரிகள் இதை ஆர்வமாக பார்த்துக்கொண்டிருந்தனர்.
அப்போது அப்பகுதிக்கு வந்த  முதல்வர் வே.நாராயணசாமி, முதல்வரின் நாடாளுமன்றச் செயலர் க. லட்சுமிநாராயணன் எம்.எல்.ஏ ஆகியோர் பேரவைத் தலைவரை வரவேற்றனர்.  
பேரவைத் தலைவரிடம்,  முதல்வர் நாராயணசாமி பெட்ரோல் விலை உயர்வை கண்டித்து நாங்கள் சனிக்கிழமை மிதிவண்டியில் சென்றோம்,  திங்கள்கிழமை நீங்கள் வருகிறீர்கள் வாழ்த்துகள் என்றார். பின்னர், 
பேரவைத் தலைவர் வைத்திலிங்கத்திடம்,  மிதிவண்டியில் வந்ததன் நோக்கம் குறித்து செய்தியாளர்கள் கேட்டபோது, அவர் கூறியதாவது: கடந்த சில வாரங்களாக தினமும் பெட்ரோல்,  டீசல் விலை உயர்ந்து வருகிறது.  ஒருநாள் கூட குறைக்கப்படவில்லை. 
முதல் நாள் ரூ.100-க்கு பெட்ரோல் போட்டு வாகனத்தை ஓட்டினால்,  அதே அளவு பெட்ரோலை அடுத்த நாள் கூடுதல் விலைக்கு போட வேண்டியுள்ளது. இந்த விலை உயர்வு பொதுமக்களை வாட்ட கூடியதாக உள்ளது.
செலவு அதிகரிப்பதால் நிதிச் சுமையும் அதிகரிக்கிறது.  பொதுமக்களுக்கு மட்டுமின்றி, அரசுக்கும் இதனால் நிதிச்சுமை ஏற்படுகிறது.  அதனால் மிதிவண்டியில் வந்தேன். 
இது நாட்டுக்கும்,  அரசுக்கும்,  குடும்பத்துக்கும்,  உடலுக்கும் நல்லது. 
இன்றைய காலத்தில் எரிபொருள் சிக்கனம் மிகவும் தேவையாக உள்ளது. மக்களுக்கு உண்மையை வெளிப்படுத்தவே மிதிவண்டியில் பயணம் மேற்கொண்டேன்.
வரும் மக்களவைத் தேர்தலில் போட்டியிட கட்சி கட்டளையிட்டால் அதற்கு கட்டுப்படுவேன் என்றார் வைத்திலிங்கம்.

]]>
http://www.dinamani.com/all-editions/edition-villupuram/puducherry/2018/oct/16/பெட்ரோல்-டீசல்-விலை-உயர்வுக்கு-எதிர்ப்பு-மிதிவண்டியில்-வந்த-பேரவைத்-தலைவர்-3021505.html
3021504 விழுப்புரம் புதுச்சேரி பெட்ரோல், டீசல் விலை உயர்வால் பாஜக ஆட்சியை இழக்கும் DIN DIN Tuesday, October 16, 2018 09:26 AM +0530 பெட்ரோல்,  டீசல் விலை உயர்வால் பாஜக ஆட்சியை இழப்பது உறுதி என்று புதுவை முதல்வர் வே.நாராயணசாமி தெரிவித்தார்.
புதுச்சேரி பிரதேச காங்கிரஸ் சிறுபான்மை பிரிவு சார்பில் மத்திய அரசைக் கண்டித்து தேர்தல் பிரசார கருத்தரங்கம் வில்லியனூர் அருகே உள்ள சுல்தான்பேட்டையில் ஞாயிற்றுக்கிழமை இரவு நடைபெற்றது. 
இதில் கலந்துகொண்டு முதல்வர் நாராயணசாமி பேசியதாவது: சிறுபான்மை மக்களுக்கு கடந்த காலங்களில் வழங்கப்பட்ட 
சலுகைகளை பாஜக தலைமையிலான மத்திய அரசு ஒவ்வொன்றாக நிறுத்தி வருகிறது. பெட்ரோல், டீசல் விலை தொடர்ந்து உயர்ந்து வருகிறது. பாஜக தோல்வி அடைய இந்த ஒன்றே போதுமானது.  புதுவை அரசுக்கு தொல்லை கொடுப்பதற்காகவே துணைநிலை ஆளுநர் கிரண் பேடியை மோடி நியமித்துள்ளார் என்றார் நாராயணசாமி. கருத்தரங்கில்,  புதுவை பிரதேச  காங்கிரஸ் தலைவரும்,  பொதுப் பணித்துறை அமைச்சருமான ஆ.நமச்சிவாயம் பேசுகையில்,  மத்திய பாஜக ஆட்சியில் கருத்து சுதந்திரம் பறிபோய் வருகிறது.  மத்திய பாஜக அரசு குறித்து யாராவது புகார் தெரிவித்தால் அவர்களின் வீடுகளில் வருமான வரித் துறை மற்றும் சிபிஐ போன்ற அமைப்புகள் மூலம் சோதனை நடத்தப்பட்டு வருகிறது. 
புதுவையில் மக்களுக்கு கொடுத்த வாக்குறுதியை உறுதியாக நிறைவேற்றுவோம் என்றார் நமச்சிவாயம். கருத்தரங்கில்,  அகில இந்திய காங்கிரஸ் சிறுபான்மை பிரிவின் துணைத் தலைவர் அனில் தாமஸ்,  புதுவை அமைச்சர்கள்,  எம்.எல்.ஏ.க்கள் உள்ளிட்டோர் கலந்து
கொண்டனர்.

]]>
http://www.dinamani.com/all-editions/edition-villupuram/puducherry/2018/oct/16/பெட்ரோல்-டீசல்-விலை-உயர்வால்-பாஜக-ஆட்சியை-இழக்கும்-3021504.html
3021503 விழுப்புரம் புதுச்சேரி வாக்களிக்க வலியுறுத்தி விழிப்புணர்வுப் பேரணி DIN DIN Tuesday, October 16, 2018 09:26 AM +0530 வாக்குரிமை பெற்ற அனைவரும் தேர்தலில் வாக்களிக்க வேண்டும் என்பதை வலியுறுத்தி விழிப்புணர்வை ஏற்படுத்தும் வகையில் புதுச்சேரியில் ஞாயிற்றுக்கிழமை பேரணி நடைபெற்றது.
  மக்களவை தேர்தலில் ஓட்டுக்களை விற்கக்கூடாது, தேர்தலில் பங்கேற்று வாக்களிக்க வேண்டும் என்பதை வலியுறுத்தி அமலோற்பவம் பள்ளி மாணவர்கள் ஞாயிற்றுக்கிழமை மிதிவண்டியில் பேரணியாகச் சென்றனர்.
பேரணியை புதுச்சேரி கடற்கரை சாலையில் காந்தி சிலையில் மாவட்ட ஆட்சியர் அபிஜித் விஜய் செளத்ரி தொடக்கிவைத்தார். 
 பேரணியானது படேல் சாலை,  மிஷன் வீதி,  புஸ்ஸி வீதி,  மறைமலை அடிகள் சாலை, கடலூர் சாலை வழியாக பள்ளியை அடைந்தது.  
இதில் துணைத் தேர்தல் அதிகாரி தில்லைவேல் மற்றும் பலர் கலந்து கொண்டனர்.  
பேரணியில் பங்கேற்ற மாணவர்கள் ஓட்டு எனது உரிமை,  எனது ஓட்டு விற்பனைக்கு அல்ல என்ற விழிப்புணர்வு வாசகங்கள் அடங்கிய பதாகைகளை ஏந்தியபடி, கோஷம் எழுப்பிச் சென்றனர். 
 

]]>
http://www.dinamani.com/all-editions/edition-villupuram/puducherry/2018/oct/16/வாக்களிக்க-வலியுறுத்தி-விழிப்புணர்வுப்-பேரணி-3021503.html
3021502 விழுப்புரம் புதுச்சேரி உலக கண் பார்வை தின விழிப்புணர்வுக் கூட்டம் DIN DIN Tuesday, October 16, 2018 09:26 AM +0530 தேசிய பார்வை இழப்பு தடுப்புத் திட்டம் சார்பில், உலக கண் பார்வை தினத்தையொட்டி விழிப்புணர்வுக் கூட்டம் திங்கள்கிழமை நடைபெற்றது.
லாஸ்பேட்டை ஆரம்ப சுகாதார நிலையத்தில் நடைபெற்ற இந்தக் கூட்டத்துக்கு மருத்துவ அதிகாரி சாந்தி தலைமை வகித்தார். 
மருத்துவர்கள் சிவப்பிரசன்னா, ஜீவன் ஆகியோர் முன்னிலை வகித்தனர்.  சுகாதார ஆய்வாளர் பாபு ஜெயகாந்தன் வரவேற்றார்.  சிறப்பு விருந்தினராக தேசிய பார்வை இழப்பு தடுப்புத் திட்ட அதிகாரி தணிகாசலம் பங்கேற்றுப் பேசுகையில், "வயதானவர்களுக்கு கண்ணில் உள்ள லென்ஸ் கடினமாகி கண்புரை ஏற்படும். ஆனால், மாறிவிட்ட உணவுப் பழக்கம், சர்க்கரை நோய் காரணமாக தற்போது 35 வயது இளைஞர்களுக்கே கண்புரை நோய் வருகிறது.
கண்புரையால் பாதிக்கப்பட்டவர்களுக்கு கண் அழுத்தமாகி விடும். ரத்தக் கசிவும் இருக்கும். இதை ஆரம்பத்திலேயே கண்டறிந்து சரி செய்ய வேண்டும். லேசர் சிகிச்சை செய்து கொள்ளலாம். 
ஆனால், முற்றிய பிறகு அறுவைச் சிகிச்சை செய்தாலும் முற்றிலுமாக பார்வைத் திறன் கிடைக்குமா என்பது சந்தேகம் என்றார்.
 கண் தொழில்நுட்ப உதவியாளர் மேகலா நன்றி கூறினார். இதற்கான ஏற்பாடுகளை பெண் சுகாதார மேற்பார்வையாளர் முத்து லட்சுமி தலைமையில் கிராமப்புற செவிலியர்கள், உதவி ஆய்வாளர்கள் செய்திருந்தனர்.

]]>
http://www.dinamani.com/all-editions/edition-villupuram/puducherry/2018/oct/16/உலக-கண்-பார்வை-தின-விழிப்புணர்வுக்-கூட்டம்-3021502.html
3021501 விழுப்புரம் புதுச்சேரி பாரதிதாசன் கல்லூரியில்  இலக்கிய விழா தொடக்கம் DIN DIN Tuesday, October 16, 2018 09:25 AM +0530 மறைந்த பேராசிரியர் ரமேஷ் நினைவாக புதுச்சேரி பாரதிதாசன் மகளிர் கல்லூரி ஆங்கிலத் துறையில் இலக்கிய விழா திங்கள்கிழமை தொடங்கியது.
விழாவில்,  துறைத் தலைவர் குமாரசாமி வரவேற்றார்.  கல்லூரி முதல்வர் பூங்காவனம் தலைமை வகித்து விழாவை தொடக்கிவைத்தார்.  
ஆங்கிலத்துறை மாணவிகளின் கலைத்திறனை வெளிப்படுத்தும் விதமாக பட்டிமன்றம்,  கவிதை, சிறுகதைப் போட்டி,  வினாடி வினா மற்றும் இலக்கிய கண்காட்சி உள்ளிட்ட 
பல்வேறு போட்டிகள்  நடைபெற்று வருகின்றன. 
இதில் மாணவிகள் ஆர்வமுடன் கலந்து கொண்டனர். 
இதுதவிர, 4 ஆங்கில இலக்கிய நாடகங்களும், 25 இலக்கிய கதாபாத்திரங்களின் அணிவகுப்பும், இலக்கிய விழாவில் இடம் பெறுகின்றன.  போட்டிகள் செவ்வாய்க்கிழமை நிறைவு பெறுகின்றன.  இதற்கான ஏற்பாடுகளை ஒருங்கிணைப்பாளர் பிந்து பாலன் செய்திருந்தார்.
 

]]>
http://www.dinamani.com/all-editions/edition-villupuram/puducherry/2018/oct/16/பாரதிதாசன்-கல்லூரியில்--இலக்கிய-விழா-தொடக்கம்-3021501.html
3021500 விழுப்புரம் புதுச்சேரி அரசுக் கல்லூரியில் தமிழ்ப் பேரவை தொடக்கம் DIN DIN Tuesday, October 16, 2018 09:25 AM +0530 புதுச்சேரி தாகூர் அரசுக் கல்லூரியில் தமிழ்த் துறை சார்பில், தமிழ்ப் பேரவை தொடக்க விழா மற்றும் முதலாம் ஆண்டு மாணவர்களை வரவேற்கும் நிகழ்ச்சி திங்கள்கிழமை நடைபெற்றது.
 இதில், மூன்றாம் ஆண்டு மற்றும் இரண்டாம் ஆண்டு மாணவர்கள் பங்கேற்று முதலாமாண்டு மாணவர்களை வரவேற்றனர். மேலும், ராக்கிங் உறுதிமொழி எடுத்துக்கொள்ளும் நிகழ்ச்சியும் நடைபெற்றது. 
 நிகழ்ச்சியில் கல்லூரி முதல்வர் நா.இளங்கோ மற்றும் பேராசிரியர்கள் கலந்து கொண்டனர்.
 

]]>
http://www.dinamani.com/all-editions/edition-villupuram/puducherry/2018/oct/16/அரசுக்-கல்லூரியில்-தமிழ்ப்-பேரவை-தொடக்கம்-3021500.html
3021121 விழுப்புரம் புதுச்சேரி பெட்ரோல், டீசல் விலை உயர்வுக்கு எதிர்ப்புமிதிவண்டியில் வந்த பேரவைத் தலைவர் DIN DIN Tuesday, October 16, 2018 01:21 AM +0530
பெட்ரோல், டீசல் விலை உயர்வுக்கு எதிர்ப்பு தெரிவித்து புதுவை பேரவைத் தலைவர் வெ.வைத்திலிங்கம் மிதிவண்டியில் பேரவைக்கு திங்கள்கிழமை வந்தார்.
புதுவை சட்டப்பேரவைத் தலைவர் வைத்திலிங்கம் எப்போதும் தான் வசிக்கும் புதுச்சேரி கந்தப்ப முதலியார் வீதியில் இருந்து அரசு காரில் பேரவைக்கு வருவது வழக்கம்.
இந்த நிலையில், திங்கள்கிழமை திடீரென மிதிவண்டியில் பேரவைக்கு வந்தார். பேரவை நுழைவு வாயிலில் நுழைந்ததும் பேரவைக் காவலர்கள் மற்றும் அதிகாரிகள் இதை ஆர்வமாக பார்த்துக்கொண்டிருந்தனர்.
அப்போது அப்பகுதிக்கு வந்த முதல்வர் வே.நாராயணசாமி, முதல்வரின் நாடாளுமன்றச் செயலர் க. லட்சுமிநாராயணன் எம்.எல்.ஏ ஆகியோர் பேரவைத் தலைவரை வரவேற்றனர்.
பேரவைத் தலைவரிடம், முதல்வர் நாராயணசாமி பெட்ரோல் விலை உயர்வை கண்டித்து நாங்கள் சனிக்கிழமை மிதிவண்டியில் சென்றோம், திங்கள்கிழமை நீங்கள் வருகிறீர்கள் வாழ்த்துகள் என்றார்.
பின்னர், பேரவைத் தலைவர் வைத்திலிங்கத்திடம், மிதிவண்டியில் வந்ததன் நோக்கம் குறித்து செய்தியாளர்கள் கேட்டபோது, அவர் கூறியதாவது:
கடந்த சில வாரங்களாக தினமும் பெட்ரோல், டீசல் விலை உயர்ந்து வருகிறது. ஒருநாள் கூட குறைக்கப்படவில்லை.
முதல் நாள் ரூ.100-க்கு பெட்ரோல் போட்டு வாகனத்தை ஓட்டினால், அதே அளவு பெட்ரோலை அடுத்த நாள் கூடுதல் விலைக்கு போட வேண்டியுள்ளது. இந்த விலை உயர்வு பொதுமக்களை வாட்ட கூடியதாக உள்ளது. செலவு அதிகரிப்பதால் நிதிச் சுமையும் அதிகரிக்கிறது.
பொதுமக்களுக்கு மட்டுமின்றி, அரசுக்கும் இதனால் நிதிச்சுமை ஏற்படுகிறது. அதனால் மிதிவண்டியில் வந்தேன். இது நாட்டுக்கும், அரசுக்கும், குடும்பத்துக்கும், உடலுக்கும் நல்லது. இன்றைய காலத்தில் எரிபொருள் சிக்கனம் மிகவும் தேவையாக உள்ளது. மக்களுக்கு உண்மையை வெளிப்படுத்தவே மிதிவண்டியில் பயணம் மேற்கொண்டேன்.
வரும் மக்களவைத் தேர்தலில் போட்டியிட கட்சி கட்டளையிட்டால் அதற்கு கட்டுப்படுவேன் என்றார் வைத்திலிங்கம்.

 

]]>
http://www.dinamani.com/all-editions/edition-villupuram/puducherry/2018/oct/16/பெட்ரோல்-டீசல்-விலை-உயர்வுக்கு-எதிர்ப்புமிதிவண்டியில்-வந்த-பேரவைத்-தலைவர்-3021121.html
3020937 விழுப்புரம் புதுச்சேரி ஆளு​நர் மாளி​கை​யில் எந்த நிதிப் பரி​மாற்​ற​மும் நடை​பெ​ற​வில்லை​ DIN DIN Monday, October 15, 2018 11:57 PM +0530
​பு​துவை ஆளு​நர் மாளி​கை​யில் எந்​த​வித நிதிப் பரி​மாற்​ற​மும் நடை​பெ​ற​வில்லை என்று துணை நிலை ஆளு​நர் கிரண் பேடி தெரி​வித்​தார்.
இது​கு​றித்து அவர் திங்​கள்​கி​ழமை வெளி​யிட்ட செய்​திக் குறிப்பு: அரசு அதி​கா​ரி​கள் மூலம் நிதிப் பரி​மாற்​ற​மின்றி பொது​மக்​க​ளுக்கு உதவ முடி​யும் என்​பதை முதல்​வர் நாரா​ய​ண​சா​மி​யால் நம்ப முடி​ய​வில்லை.
புதுச்​சே​ரி​யில் இது​வரை 23 பாச​னக் கால்​வாய்​கள் 86 கி.மீ.​தொ​லை​வுக்கு தூர்​வா​ரப்​பட்​டுள்​ளன. இந்​தப் பணியை அரசு செய்​தி​ருந்​தால் ரூ.10 கோடி செலவு ஆகி​யி​ருக்​கும்.
ஆனால், அர​சுக்கு எவ்​வி​தச் செல​வு​மின்றி சமு​தாய ஒத்​து​ழைப்​பு​டன் இந்​தப் பணியை செய்து முடித்​துள்​ளோம். இதற்கு ஆகும் செலவு கொடை​யா​ளர்​க​ளி​டம் இருந்து பணியை மேற்​கொள்​ளும் ஒப்​பந்​த​தா​ர​ருக்கு நேர​டி​யாக வழங்​கப்​பட்​டது. ஆளு​நர் மாளி​கை​யில் எவ்​வித நிதிப் பரி​மாற்​ற​மும் நடை​பெ​ற​வில்லை.
சமு​தா​யத்​தில் இருந்து இது​போன்ற மிகப் பெரிய ஒத்​து​ழைப்பை பெற்ற அனு​ப​வம் முதல்​வர் நாரா​ய​ண​சா​மிக்கு இது​வரை இல்லை. நீண்​ட​கா​லம் நீர்​வ​ளம் மிக்​க​தாக புதுச்​சேரி இருக்​கும் என்​ப​தற்​கான வர​லாறு இப்​போது எழு​தப்​பட்​டுக் கொண்​டி​ருக்​கி​றது.
இந்​தப் பணிக்​காக கொடை அளித்​த​வர்​க​ளில் பெரும்​பா​லா​னோர் அடுத்த ஆண்டு முதல் இதற்​கான பரா​ம​ரிப்​புப் பணி​க​ளை​யும் ஏற்​றுக் கொள்​வ​தாக தெரி​வித்​துள்​ள​னர். இதன்​மூ​லம் புதுச்​சேரி இனி எப்​போ​தும் நீர்​வ​ளம், சுகா​தா​ரம், சுத்​தம், பசுமை கொண்​ட​தாக இருக்​கும். ஆளு​நர் மாளி​கை​யில் எவ்​வித நிதிப் பரி​மாற்​ற​மும் நடக்​காத நிலை​யில், முதல்​வர் நாரா​ய​ண​சாமி மிகப் பெரிய குற்​றச்​சாட்​டு​களை வைத்​துள்​ளார். பொய் சொல்​வது பாவம் என்​பதை அவர் உண​ர​வில்லை.
ஆளு​நர் மாளி​கை​யில் பெறப்​ப​டும் பொன்​னாடை, இனிப்​பு​கள், பழங்​கள் போன்​ற​வற்றை முதி​யோர் இல்​லங்​கள் உள்​ளிட்ட இடங்​க​ளுக்கு அனுப்பி வைக்​கி​றோம்.
எனக்கு தனிப்​பட்ட முறை​யில் வரும் பரி​சு​கள், கேட​யங்​கள்​கூட ஆளு​நர் மாளி​கை​யில் காட்சிப்​ப​டுத்​தப்​பட்​டுள்​ளன.
ஆளு​நர் மாளி​கைக்கு வரும் கொடை​யா​ளர்​கள், தேவைப்​ப​டு​வோ​ருக்கு உதவி செய்​வ​தாக கூறி வரு​கின்​ற​னர். உத​வு​வோ​ருக்​கும், உதவி பெறு​வோ​ருக்​கும் இடையே ஆளு​நர் மாளிகை பால​மாக செயல்​பட்டு வரு​கி​றது. பணத்தை எப்​போ​தும் நாங்​கள் கையா​ளு​வ​தில்லை.
கிரா​மப் பகு​தி​க​ளில் கணி​னிப் பயிற்சி மையம், நூல​கம், குடி​நீர் சுத்​தி​க​ரிப்பு நிலை​யம், குப்​பைத் தொட்டி​கள், மாண​வர்​க​ளுக்கு கல்வி உப​க​ர​ணங்​கள் உள்​ளிட்​டவை கொடை​யா​ளர்​கள் மூலம் வழங்​கப்​பட்டு வரு​கின்​றன.
தன்​னார்​வத் தொண்டு நிறு​வ​னங்​கள் தாமாக முன்​வந்து உதவி செய்​கின்​றன. சமு​தாய ரீதி​யாக வரும் இது​போன்ற உத​வி​க​ளுக்கு ஆத​ர​வாக இருக்க வேண்​டும்.

 

]]>
http://www.dinamani.com/all-editions/edition-villupuram/puducherry/2018/oct/15/ஆளு​நர்-மாளி​கை​யில்-எந்த-நிதிப்-பரி​மாற்​ற​மும்-நடை​பெ​ற​வில்லை​-3020937.html
3020826 விழுப்புரம் புதுச்சேரி கை கழுவாமல் சாப்பிடுவதால்  இந்தியாவில் ஆண்டுக்கு 5 லட்சம் குழந்தைகளுக்கு உடல் சுகவீனம் DIN DIN Monday, October 15, 2018 10:42 AM +0530  கைகழுவாமல் சாப்பிடுவதால் இந்தியாவில் ஆண்டுக்கு 5 லட்சம் குழந்தைகளுக்கு வயிற்றுப்போக்கு பாதிப்பு ஏற்பட்டு வருவதாக புதுவை அறிவியல் இயக்க மாநில செயலர் அருண்நாகலிங்கம் தெரிவித்தார். 
 குழந்தைகள் இறப்புக்கு முக்கிய காரணமாக உள்ள நிமோனியா,  வயிற்றுப்போக்கு உள்ளிட்ட நோய்களை தடுப்பதற்கு  கைகளை சோப்பு போட்டு கழுவுவது குறித்த விழிப்புணர்வை ஏற்படுத்த 2008-ஆம் ஆண்டு முதல் அக்.15-ஆம் தேதியில் உலக கை  கழுவும் தினம் கடைப்பிடிக்கப்படுகிறது.  
இதையொட்டி, புதுவை அறிவியல் இயக்கம் சார்பில் நோனாங்குப்பத்தில் உள்ள உதவிக்கரங்கள் மையத்தில் ஞாயிற்றுக்கிழமை நடைபெற்ற உலக கைகழுவும் தின விழாவில் சிறப்பு விருந்தினராகப் பங்கேற்ற அருண் நாகலிங்கம் பேசியதாவது:
 சுத்தம்சுகம் தரும்,  சுகாதாரம் நாட்டைக் காக்கும்.  நோயில்லா மக்களைக் கொண்ட நாடே வல்லரசாகும்.  
 இந்தியாவில் கைகளை ஒழுங்காக கழுவாமல் சாப்பிடுவதால் உண்டாகும் வயிற்றுப்போக்கு நோயால் ஆண்டுக்கு  5 லட்சம் குழந்தைகள் பாதிக்கப்படுகின்றனர்.  இதே காரணத்துக்காக உலக அளவில் 29 லட்சம் குழந்தைகள் இறப்பதாக உலக சுகாதார அமைப்பு தெரிவிக்கிறது. 
இதனால் வளரும் நாடுகள் மற்றும் பின்தங்கிய நாடுகளில் கை கழுவுதல் பற்றிய விழிப்புணர்வை ஏற்படுத்த உலக சுகாதார அமைப்பு அறிவுறுத்தியுள்ளது.
 மேலும், குழந்தைகள் மணலில் விளையாடும்போதும்,  மலம் கழித்துவிட்டு வரும்போதும்,  கை கால்களில் பாக்டீரியாக்கள் ஒட்டிக்கொள்கின்றன. இவற்றை சரியான முறையில் கை,  கால்களை சுத்தம் செய்வதால் மட்டுமே அழிக்க முடியும்.
 பள்ளி செல்லும் குழந்தைகளுக்கு அடிக்கடி உண்டாகும் வயிற்றுப்போக்கு,  ஜலதோஷம்,  வாந்தி,  மயக்கம், குடல்புண் போன்ற பல நோய்களுக்கு அடிப்படைக் காரணம் அவர்கள் கைகளை ஒழுங்காக சுத்தம் செய்யாமல் இருப்பதே ஆகும்.  
ஸ்டெபைலோகாக்கஸ் ஆரியஸ் 
(நற்ஹல்ட்ஹ்ப்ர்ஸ்ரீர்ஸ்ரீன்ள் அன்ழ்ங்ன்ள்) என்ற கிருமி நகங்களின் இடுக்குகளில் ஒட்டிக்கொண்டு உணவருந்தும் நேரத்தில் உள்சென்று குடலில் பல்கிப் பெருகி நோயைத் தோற்றுவிக்கிறது என்றார் அருண் நாகலிங்கம்.  நிகழ்ச்சியில்,  புதுவை வேளாண் அறிவியல் கல்லூரி பேராசிரியர் திருமால் ராஜ்,  அறிவியல் இயக்க உறுப்பினர் சிவராமன்,  அரவிந்த் மற்றும் துளிர் இல்ல மாணவர்கள் உள்பட பலர் நிகழ்ச்சியில் 
பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/15/கை-கழுவாமல்-சாப்பிடுவதால்--இந்தியாவில்-ஆண்டுக்கு-5-லட்சம்-குழந்தைகளுக்கு-உடல்-சுகவீனம்-3020826.html
3020825 விழுப்புரம் புதுச்சேரி அதிமுகவினருக்கு உறுப்பினர் அடையாள அட்டை DIN DIN Monday, October 15, 2018 10:42 AM +0530 புதுச்சேரி நெல்லித்தோப்பு தொகுதியில் அதிமுகவினருக்கு புதிய உறுப்பினர் அட்டை ஞாயிற்றுக்கிழமை வழங்கப்பட்டது.
அதிமுகவில் புதிய உறுப்பினர் அட்டை வழங்கும் நிகழ்ச்சியை அதிமுக ஒருங்கிணைப்பாளர் ஓ.பன்னீர்செல்வம்,  இணை ஒருங்கிணைப்பாளர் எடப்பாடி பழனிசாமி ஆகியோர் சென்னையில் அண்மையில் தொடக்கிவைத்தனர்.  
இதேபோல, புதுவையிலும் புதிய உறுப்பினர் அட்டை வழங்கும் நிகழ்ச்சி நடைபெற்று வருகிறது.
 நெல்லித்தோப்பு தொகுதியில் இந்நிகழ்ச்சியை முன்னாள் எம்.எல்.ஏ.  ஓம்சக்தி சேகர் தொடக்கிவைத்தார்.  
புதுவை மாநில அதிமுக இணைச் செயலர்கள் திருநாவுக்கரசு,  காசிநாதன்,  பேராசிரியர் ராமதாஸ் ஆகியோர் முன்னிலை வகித்தனர். 
  கட்சியின் மாநில துணைச் செயலர்கள் வெங்கடசாமி,  கோவிந்தம்மாள்,  செல்வராஜ்,  பொதுக்குழு உறுப்பினர்கள் நந்தன்,  ராஜசெல்வம்,  ஞானப்பூங்கோதை,  பழனி,  கல்பனா உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/15/அதிமுகவினருக்கு-உறுப்பினர்-அடையாள-அட்டை-3020825.html
3020824 விழுப்புரம் புதுச்சேரி தக்களூர் அரசு தொடக்கப் பள்ளியில் கூடுதல் வகுப்பறைகள் பொதுப்பணித் துறையினருக்கு அமைச்சர் அறிவுறுத்தல் DIN DIN Monday, October 15, 2018 10:42 AM +0530 தக்களூர் அரசு தொடக்கப்பள்ளியில் கூடுதல் வகுப்பறைகள் கட்டித்தர வேண்டுமென பொதுப்பணித்துறையினருக்கு அமைச்சர் ஆர். கமலக்கண்ணன் அறிவுறுத்தினார்.
காரைக்கால் பகுதி தக்களூர் கிராமத்தில் செயல்பட்டுவரும் அரசு தொடக்கப் பள்ளிக்கு புதுச்சேரி வேளாண் மற்றும் கல்வித்துறை அமைச்சர் ஆர். கமலக்கண்ணன் சனிக்கிழமை சென்றார். அவருடன் சட்டப் பேரவை உறுப்பினர் கே.ஏ.யு. அசனா, பொதுப்பணித்துறை கண்காணிப்புப் பொறியாளர் (பொ) ஏ. ராஜசேகரன், முதன்மைக் கல்வி அலுவலர் அ. அல்லி, கல்வி வட்ட துணை ஆய்வாளர் கார்த்திகேசன் ஆகியோரும் சென்றிருந்தனர்.
பள்ளியில் கடந்த ஆண்டைக் காட்டிலும் நிகழாண்டு கூடுதலாக மாணவர்  சேர்க்கை நடைபெற்றுள்ளது. வகுப்பறைகள் போதுமானதாக இல்லை, கழிவறைகளைப் புதுப்பித்துக் கட்டித்தர வேண்டும் என பேரவை உறுப்பினர், அமைச்சரிடம் கோரிக்கை விடுத்தார். வகுப்பறைகள், கழிவறைப் பகுதிகளைப் பார்வையிட்ட அமைச்சர், இடவசதிக்கேற்ப கூடுதலாக வகுப்பறைகள் கட்டித்தரவும், கழிவறையை நவீன முறையில் கட்டித்தரவும் உரிய மதிப்பீடு தயார் செய்து, நிதி ஒதுக்கி பணிகளைச் செய்ய வேண்டும் என பொதுப்பணித்துறையினருக்கு அறிவுறுத்தினார்.
வரும் கல்வியாண்டில் மேலும் அதிகமான மாணவர்களை அரசுப் பள்ளியில் சேர்க்கும் விதத்தில், கல்வித்துறையினர் உரிய விழிப்புணர்வு நடவடிக்கைகளை எடுக்குமாறு கல்வித்துறையினருக்கு அறிவுறுத்தினார்.

]]>
http://www.dinamani.com/all-editions/edition-villupuram/puducherry/2018/oct/15/தக்களூர்-அரசு-தொடக்கப்-பள்ளியில்-கூடுதல்-வகுப்பறைகள்-பொதுப்பணித்-துறையினருக்கு-அமைச்சர்-அறிவுறுத்தல்-3020824.html
3020823 விழுப்புரம் புதுச்சேரி பெண்ணிடம் ரூ.10 ஆயிரம் பறிப்பு: இளைஞர் கைது DIN DIN Monday, October 15, 2018 10:41 AM +0530 புதுச்சேரி அருகே பெண்ணிடம் ரூ.10 ஆயிரத்துடன் கைப் பையை பறித்துச் சென்ற இளைஞரை போலீஸார் கைது செய்தனர்.
புதுச்சேரி அரியாங்குப்பம் மாஞ்சோலை வீதியைச் சேர்ந்தவர் அருட்பிரகாசம். இவரது மனைவி கலைவாணி (40). இவர் புஸ்ஸி வீதியில் உள்ள ஒரு ஹோட்டலில் துப்புரவுப் பணியாளராக பணிபுரிந்து வருகிறார்.  இவர் தினமும் சைக்கிளில் வேலைக்குச் சென்று திரும்புவது வழக்கம்.  
வழக்கம்போல கடந்த அக்.7-ஆம் தேதி ஊதிய பணம் ரூ.10 ஆயிரத்தை பெற்றுக்கொண்டு தனது கைப் பையில் வைத்தார்.
பின்னர், சைக்கிளில் முன்பக்கம் உள்ள கூடையில் கைப் பையை போட்டுக்கொண்டு சென்றார்.  நைனார் மண்டபம் பகுதியில் செல்லும்போது பின்னால் மோட்டார் சைக்கிளில் வந்த நபர் கைப்பையை எடுத்துக்கொண்டு தப்பிவிட்டார். 
 இது குறித்து முதலியார்பேட்டை காவல் நிலையத்தில் கலைவாணி புகார் அளித்தார். போலீஸார் அப்பகுதியில் இருந்த கண்காணிப்பு கேமராக்களில் பதிலான காட்சிகள் மூலம் விசாரணை மேற்கொண்டு, சண்முகாபுரம் சொக்கநாதன்பேட்டையைச் சேர்ந்த  
ஈஸ்வர் (எ) மெளலி (20) என்பவரை  சனிக்கிழமை கைது செய்தனர்.  மேற்கொண்டு  அவரிடம் விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/puducherry/2018/oct/15/பெண்ணிடம்-ரூ10-ஆயிரம்-பறிப்பு-இளைஞர்-கைது-3020823.html
3020820 விழுப்புரம் புதுச்சேரி கிரிக்கெட் மைதானத்துக்கு சாலை,  மின் வசதி கோரி அமைச்சரிடம் மனு DIN DIN Monday, October 15, 2018 10:40 AM +0530 புதுச்சேரி கிரிக்கெட் மைதானத்துக்கு சாலை,  மின் வசதி செய்துதர வேண்டும் என்று மாநில விளையாட்டுத் துறை அமைச்சர் மல்லாடி கிருஷ்ணராவிடம்,  கிரிக்கெட் அசோசியேசன் ஆஃப் புதுச்சேரி கோரிக்கை விடுத்துள்ளது.
புதுவை மாநிலத்துக்கு இந்திய கிரிக்கெட் கட்டுப்பாட்டு வாரியம் கிரிக்கெட் அந்தஸ்து அளித்துள்ளது.  இதன் காரணமாக இதுவரை மாவட்ட அணியாக செயல்பட்டு வந்த புதுச்சேரி கிரிக்கெட் அணிகள், தற்போது ரஞ்சிக் கோப்பை உள்ளிட்ட தேசிய போட்டிகளில் நேரடியாக பங்கேற்கும்  வாய்ப்பை பெற்றுள்ளது. 
கிரிக்கெட் அசோசியேஷன் ஆஃப் புதுச்சேரி சங்கத்தின் முயற்சியால் புதுவை சீனியர் அணி விஜய் ஹசாரே கோப்பைக்கான ஒரு நாள்  போட்டிகளில் பங்கேற்றது.  மேலும், ரஞ்சிக் கோப்பையிலும் விளையாட உள்ளது.  இது மட்டுமல்லாமல் ஆண்கள் மற்றும் மகளிர் அணிகள் 14, 16, 19 மற்றும் 23 வயது பிரிவுகளில்  தேர்வு செய்யப்பட்டுள்ளனர். 
இவர்களுக்கும் தேசிய போட்டிகளில் பங்கேற்கும் வகையில் சிறப்பு பயிற்சி அளிக்கப்பட்டு வருகிறது.   புதுவைக்கு கிரிக்கெட் அந்தஸ்து கிடைத்ததால் துத்திப்பட்டு அருகே கிரிக்கெட் மைதானத்தை தொழிலதிபர் தாமோதரன் நிறுவியுள்ளார். 
இங்கு ரஞ்சி உள்பட  அனைத்து வயது பிரிவுகளிலும் தேசிய போட்டிகள் நடக்க உள்ளது.  இன்னும் இந்த மைதானத்துக்கு சாலை வசதியும்,  மின்சார வசதியும் அளிக்கப்படவில்லை. 
இதற்காக  புதுவை சுற்றுலா மற்றும் விளையாட்டுத்துறை அமைச்சர் மல்லாடிகிருஷ்ணாராவை  கிரிக்கெட் அசோசியேஷன் ஆப் புதுச்சேரி செயலாளர்  (பொ) சந்திரன்,   செயற்குழு உறுப்பினர்கள்   சண்முகசுந்தரம், ராஜ்கண்ணு தேர்வு குழு உறுப்பினர்கள்  அருண்குமார், வெங்கட்ராமன்,  குழு உறுப்பினர்கள் ராம்மோகன்ராவ் ,  மேத்தா,  சரவணன் ஆகியோர் சனிக்கிழமை சந்தித்தனர். 
அப்போது துத்திப்பட்டு கிரிக்கெட் மைதானத்துக்கு சாலை மற்றும் மின்வசதிகள் செய்து தரும்படி கோரிக்கை விடுத்தனர். 
சாலை அமைக்க தனியார் இடத்தை ஆர்ஜிதம் செய்து தரும்படியும்,  அதற்கான சந்தை விலையை தாங்களே தருவதோடு சாலையையும் தாங்களே அமைத்து கொள்வதாகவும்  அமைச்சரிடம், அவர்கள் தெரிவித்தனர். 
எதிர்வரும் அக். 22-ஆம் தேதி நடக்கும் அமைச்சரவை கூட்டத்தில் இது பற்றி பேசி நல்ல முடிவை தெரிவிப்பதாக அமைச்சர் மல்லாடி கிருஷ்ணாராவ் உறுதி அளித்தார்.  
மேலும், புதுவைக்கு கிரிக்கெட் அந்தஸ்து பெற்று தந்ததற்காக சங்க நிர்வாகிகளுக்கு அமைச்சர் மல்லாடி கிருஷ்ணாராவ் பாராட்டு தெரிவித்தார். 
இதன் பின்னர் சங்க நிர்வாகிகள் அனைவரும் முதல்வர் நாராயணசாமியையும் சந்தித்து பேசினர்.

]]>
http://www.dinamani.com/all-editions/edition-villupuram/puducherry/2018/oct/15/கிரிக்கெட்-மைதானத்துக்கு-சாலை--மின்-வசதி-கோரி-அமைச்சரிடம்-மனு-3020820.html
3020819 விழுப்புரம் புதுச்சேரி பணம் வைத்து சூதாடிய 7 பேர் கைது DIN DIN Monday, October 15, 2018 10:39 AM +0530 காரைக்காலில் வீட்டுக்குள் பணம் வைத்து சூதாடிய 7 பேரை போலீஸார் கைது செய்தனர்.
காரைக்கால் நேரு நகரில் ஒரு வீட்டில் குழுவினர் பணம் வைத்து சூதாடி வருவதாக வருவதாக நகரக் காவல் நிலையத்துக்கு சனிக்கிழமை கிடைத்த தகவலின் அடிப்படையில், சிறப்புப் படை உதவி ஆய்வாளர் பிரவீன்குமார் தலைமையிலான போலீஸார் குறிப்பிட்ட அந்த இடத்துக்குச் சென்று சோதனை மேற்கொண்டனர். 
அப்போது, ஒரு குழுவினர் பணம் வைத்துக்கொண்டு சூதாடியது தெரியவந்ததையடுத்து, இதுதொடர்பாக நேரு நகரைச் சேர்ந்த கண்ணன் (30), ஈஸ்வரன் (40), சபியுல்லா (30), ஜெய்கணேஷ் (43), பிரகாஷ் (30), சசிகுமார் (24), சக்திவேல் (49) ஆகிய 7 பேரை போலீஸார் கைது செய்தனர். தவிர, அவர்களிடமிருந்து ரூ. 2,810 ரொக்கம், 6 செல்லிடப்பேசிகள், சீட்டுக் கட்டுகள் ஆகியவற்றை போலீஸார் பறிமுதல் செய்து, இதுகுறித்து வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-villupuram/puducherry/2018/oct/15/பணம்-வைத்து-சூதாடிய-7-பேர்-கைது-3020819.html
3020817 விழுப்புரம் புதுச்சேரி ஆளுநர் மாளிகை மீதான புகார் குறித்து மத்திய அரசு விசாரிக்க வேண்டும் DIN DIN Monday, October 15, 2018 10:39 AM +0530  தனியார் நிறுவனங்களிடம் முறைகேடாக நிதி வசூல் செய்வதாக, புதுவை ஆளுநர் மாளிகை மீது முதல்வர் நாராயணசாமி தெரிவித்த புகார் தொடர்பாக மத்திய அரசு விசாரணை நடத்த வேண்டும் என்று அதிமுக பேரவைக் குழுத் தலைவர் ஆ.அன்பழகன் வலியுறுத்தினார்.
இது தொடர்பாக, சட்டப்பேரவை வளாகத்தில் செய்தியாளர்களுக்கு ஞாயிற்றுக்கிழமை அவர் அளித்த பேட்டி: 
புதுவை கிராமப்புறங்களில் செயல்படும் தொழிற்சாலைகள் மூலம் அப்பகுதிகளில் அடிப்படை வசதிகள் செய்ய சிஎஸ்ஆர் (சமூக பொறுப்புணர்வு நிதி) திட்டம் ஏற்படுத்தப்பட்டது.  
இந்த நிதியை ஆளுநர் சட்ட விரோதமாக வசூல் செய்துள்ளதாக முதல்வர் நாராயணசாமி குற்றஞ்சாட்டியுள்ளார்.  இதற்கு  வழக்கம்போல் முன்னுக்குப் பின் முரணான பதிலை ஆளுநர் கூறியுள்ளார்.
ஒரு பைசா கூட நிதி வாங்கவில்லை என்று ஆளுநர் கூறுகிறார்.  அதேநேரத்தில், பாகூரில்  ரூ.1 கோடி செலவில் வாய்க்கால் தூர்வாரும் பணி மேற்கொள்ளப்பட உள்ளது.  இதற்காக ரூ.80 லட்சம் வசூல் செய்துள்ளதாக தெரிவித்துள்ளார்.  மேலும், உறுவையாறில் ரூ.6.71 லட்சம் செலவிலும், சித்தேரியில் ரூ.75 லட்சம் செலவிலும் தூர்வாரும்  பணியை தொடக்கிவைத்துள்ளார். 
கடந்த ஆண்டு தீபாவளிக்கு இலவச சர்க்கரை வாங்க அனுமதி கேட்டபோது,  முதலில்  ஏற்கெனவே வாங்கிய சர்க்கரைக்கு பணத்தை கொடுத்துவிட்டு புதிய கோப்பை அனுப்பும்படி ஆளுநர் தெரிவித்தார்.  
ஆனால், தற்போது ஏற்கெனவே வாய்க்கால்களை தூர்வாரியவர்களுக்கு தர வேண்டிய தொகை ரூ.9 கோடி நிலுவையில் இருக்கும்போது புதிய பணிகளை தொடங்க பணம் ஒதுக்கி கொடுத்துள்ளார்.
மேலும், நிதிநிலை அறிக்கையில் ரூ.10 கோடி நிதி தூர்வாருவதற்காகவே நிதி ஒதுக்கப்பட்டுள்ள நிலையில், கடந்த 10 ஆண்டுகளாக வாய்க்கால்கள் தூர்வாரப்படவில்லை என்று கூறுகிறார். 
10 ஆண்டுகளாக தூர்வாரப்படவில்லை என்ற குற்றச்சாட்டுக்கு பொதுப்பணித் துறை அமைச்சர் நமச்சிவாயம் பதிலளிக்க வேண்டும்.  
முதல்வர் நாராயணசாமிக்கு தெரியாமல் அமைச்சர் நமச்சிவாயம் ஆளுநர் கிரண் பேடியை சந்தித்துப் பேசியுள்ளார்.  என்ன பேசினார் என்பதை தெரிவிக்க வேண்டும்.
ஆளுநரின் செயல்பாடுகள் அரசியலமைப்புச் சட்டத்துக்கு உள்பட்டு இருக்க வேண்டும்.  ஒட்டுமொத்த அரசு நிர்வாகத்தையும் தானே கையில் எடுத்துக் கொண்டு செயல்படக் கூடாது.
 பல்வேறு நிறுவனங்களில் நிதி வசூல் செய்து ஆளுநர் பதவிக்கு குந்தகம் ஏற்படுத்தியுள்ளார்.  இந்தப் பிரச்னை மீது மத்திய அரசு உடனடியாக விசாரணை நடத்த உத்தரவிட வேண்டும். 
 பொதுவாக சிஎஸ்ஆர் நிதி,  நிறுவனம் எந்தப் பகுதியில் உள்ளதோ அந்தப் பகுதி முன்னேற்றத்துக்கு செலவிடவேண்டும்.  மூன்று ஆண்டு மொத்த வருமானத்தில் 3 சதவீதம் வழங்க வேண்டும்.  லாபம் இல்லாவிட்டால் ஆண்டுக்கு ரூ.500 கோடிக்கு மேல் வர்த்தகம் செய்யும் நிறுவனங்கள் அதில் 3 சதவீதம் வழங்க வேண்டும். ஆண்டுதோறும் இந்த நிதியை பெற மாநில அரசு முயற்சி எடுக்கவில்லை. 
 தவறு செய்யும் நிறுவனங்கள் மீது அதிகாரிகள் நடவடிக்கை எடுக்கச் செல்லும்போது ஆளுநரிடம் பணம் கொடுத்துவிட்டோம் என்று கூறுவர்.  
தனியார் நிறுவனங்களை மிரட்டி வசூலில் ஈடுபட்ட ஆளுநர் அலுவலக அதிகாரிகள் மீது நடவடிக்கை எடுக்க முதல்வர் உத்தரவிட வேண்டும் என்றார் அன்பழகன்.

]]>
http://www.dinamani.com/all-editions/edition-villupuram/puducherry/2018/oct/15/ஆளுநர்-மாளிகை-மீதான-புகார்-குறித்து-மத்திய-அரசு-விசாரிக்க-வேண்டும்-3020817.html
3020816 விழுப்புரம் புதுச்சேரி நீர்வளம் மிக்க புதுச்சேரியை உருவாக்குவது முதல்வருக்கு மகிழ்ச்சி தரவில்லை DIN DIN Monday, October 15, 2018 10:38 AM +0530 நீர்வளம் மிக்க புதுச்சேரியை உருவாக்குவது முதல்வர் நாராயணசாமிக்கு மகிழ்ச்சி தரவில்லை என்று துணை நிலை ஆளுநர் கிரண் பேடி கருத்து தெரிவித்தார்.
பெருநகர சமூக பொறுப்புணர்வு திட்டத்தை (சிஎஸ்ஆர்) பயன்படுத்தி புதுவை ஆளுநர் மாளிகை அதிகாரிகள் முறைகேடாக பணம் வசூல் செய்து வருவதாகவும், அதற்கு ஆளுநர் கிரண் பேடி உடந்தையாக இருப்பதாகவும், முதல்வர் வே.நாராயணசாமி சனிக்கிழமை பகிரங்கமாக குற்றஞ்சாட்டினார்.  இக்குற்றச்சாட்டை ஆளுநர் கிரண் பேடி சனிக்கிழமையே திட்டவட்டமாக மறுத்தார்.
இந்த நிலையில்,  இது தொடர்பாக ஆளுநர் கிரண் பேடி தனது கட்செவி அஞ்சலில் ஞாயிற்றுக்கிழமை வெளியிட்ட பதிவு:  
பல்வேறு ஊடகங்களில் புதுவை முதல்வர் பதிவு செய்துள்ள கருத்துகளை பார்க்கும்போது,  அவரது சொந்த மண்ணான புதுச்சேரி நீர்வள மிக்கதாக மாறுவது அவருக்கு மகிழ்ச்சி தருவதாக இல்லை என்பது தெரிகிறது.
நிதிப் பற்றாக்குறை காரணமாக, புதுச்சேரியில் 84 கி.மீ. தொலைவிலான நீர்வரத்து பகுதிகளில் நீண்டகாலமாக தூர்வாராததால் எதிர்வரும் வடகிழக்கு பருவமழை காலத்தில் பிரதான ஆறுகள்,  84 ஏரிகள்,  600 குளங்கள் பாதிக்கப்படும் நிலையில் இருந்தன. 
நீர்வழித் தடங்களை தூர்வார உதவிய இயந்திர உரிமையாளர்களுக்கும்,  ஒப்பந்ததாரர்களுக்கும் நேரடியாக பணம் வழங்க உதவிய கொடையாளர்களுக்கும் அவர் பாராட்டு தெரிவிப்பதற்குப் பதிலாக, அதில் இல்லாத தவறை இருப்பது போல எடுத்துக்காட்ட முயற்சி செய்கிறார். 
கடந்த காலங்களில் வெள்ளம் ஏற்படும்போது புதுச்சேரி கால்வாய்களில் முறையாக தண்ணீர் வெளியேறியது இல்லை. கொடையாளர்களை அணுகி ஒப்பந்ததாரர்களுக்கு நேரடியாக நிதி வழங்கி நீர்வழித் தடங்களை சீரமைக்கும் பணியை ஆளுநர் மாளிகை மேற்கொண்டது. 
இந்த ஆண்டு வடகிழக்கு பருவ காலத்தில் நல்ல மழை இருக்கும் என்பதால் புதுச்சேரியில் நீர்வளத்தை பெருக்க இதுபோன்ற நல்ல முயற்சியை ஆளுநர் மாளிகை எடுத்தது. 
புதுச்சேரி ஜிப்மர் மருத்துவக் கல்லூரி பட்டமளிப்பு விழாவில் பங்கேற்ற குடியரசு துணைத் தலைவர் வெங்கய்ய நாயுடு கூட ஆளுநர் மாளிகையின் இந்த முயற்சியை பாராட்டினார். 
 நீர்நிலைகளை தூர்வார உதவிய கொடையாளர்களை கெளரவிக்கும் வகையில், தூய்மை சேவை விருது வழங்கும் விழா நவ.3-ஆம் தேதி ஆளுநர் மாளிகையில் நடைபெறவுள்ளது.
இதுபோன்ற நடவடிக்கைகளால் கிராமப்புற மக்கள் எவ்வாறு சந்தோஷப்படுகின்றனர் என்பதை அறிந்துகொள்ளும் வகையில் புதுவை முதல்வர் இவ்விழாவுக்கு அழைக்கப்படுவார்.  இதற்காக எடுக்கப்பட்ட அனைத்து முயற்சிகளும் ஆவணப்படுத்தப்பட்டுள்ளன.
 நிதிநிலை அறிக்கையில் பொதுப்பணித் துறைக்கு ஒதுக்கப்பட்ட நிதியின் உதவியின்றி இப்பணிகள் மேற்கொள்ளப்பட்டு வருகின்றன.  அரசு  ஒத்துழைப்புடன் சமுதாய உதவியுடன் நீர்வளத்தை உருவாக்க எடுக்கப்பட்ட சிறந்த மாடலாக இம்முயற்சியை கொண்டாட வேண்டிய தருணம் இது எனத் தெரிவித்துள்ளார் ஆளுநர் கிரண் பேடி.

]]>
http://www.dinamani.com/all-editions/edition-villupuram/puducherry/2018/oct/15/நீர்வளம்-மிக்க-புதுச்சேரியை-உருவாக்குவது-முதல்வருக்கு-மகிழ்ச்சி-தரவில்லை-3020816.html
3020815 விழுப்புரம் புதுச்சேரி காரைக்காலில் இன்று குறைதீர் கூட்டம் DIN DIN Monday, October 15, 2018 10:37 AM +0530 காரைக்காலில் மக்கள் குறைதீர் கூட்டம் திங்கள்கிழமை(அக்.15)  நடைபெறவுள்ளது என மாவட்ட ஆட்சியர் ஆர். கேசவன் தெரிவித்துள்ளார். 
இதுகுறித்து, அவர் வெளியிட்ட செய்திக் குறிப்பு: காரைக்கால் மாவட்ட நிர்வாகத்தின் சார்பில், பொதுமக்கள் குறைதீர் கூட்டம் ஒவ்வோர் மாதமும் முதல் மற்றும் மூன்றாவது திங்கள்கிழமைகளில் மாவட்ட ஆட்சியரகத்தில் நடைபெற்று வருகிறது. 
அக்டோபர் மாதத்தின் 3-ஆவது மக்கள் குறைதீர் கூட்டம் திங்கள்கிழமை காலை 10 முதல் 11.30 மணி வரை நடைபெறுகிறது.  இக்கூட்டத்தில், அனைத்து துறை தலைமை அலுவலர்களும் கலந்துகொண்டு பொதுமக்கள் குறைகளுக்கு நேரிடையாக பதில் அளிக்கவுள்ளனர். எனவே, பொதுமக்கள் இவ்வாய்ப்பை பயன்படுத்திக்கொண்டு தங்களது குறைகளை தெரிவித்து பயன்பெற கேட்டுக்கொள்ளப்படுகிறது.

]]>
http://www.dinamani.com/all-editions/edition-villupuram/puducherry/2018/oct/15/காரைக்காலில்-இன்று-குறைதீர்-கூட்டம்-3020815.html
3020814 விழுப்புரம் புதுச்சேரி மீ டூ புகார்கள் வந்தால் பாரபட்சமின்றி நடவடிக்கை DIN DIN Monday, October 15, 2018 10:36 AM +0530 மீ டூ  தொடர்பான புகார்கள் தமிழக அரசுக்கு இதுவரை வரவில்லை;  அவ்வாறான புகார்கள் வந்தால் பாரபட்சம் இன்றி நடவடிக்கை எடுக்கப்படும் என்றும் தமிழக தமிழ் வளர்ச்சி, தொல்பொருள் மற்றும் கலாசாரத் துறை அமைச்சர் க.பாண்டியராஜன் தெரிவித்தார்.
புதுச்சேரியில் ஞாயிற்றுக்கிழமை நடைபெற்ற ஐந்தாவது உலகத் தமிழர் பொருளாதார மாநாடு நிறைவு விழாவில் பங்கேற்க வந்த அவர் செய்தியாளர்களிடம் கூறியதாவது: 
கீழடி ஆய்வுகளை யாரும் மறைக்க இயலாது.  மறைத்தாலும் உலகத் தமிழர்கள் சும்மாவிடமாட்டார்கள். தமிழக அரசும் சும்மாவிடாது. 
இதுவரை நான்கு கட்ட ஆய்வுகள் நிறைவடைந்து ஐந்தாவது கட்ட ஆய்வு நடைபெற்று வருகிறது.  இங்கு கிடைத்துள்ள 3,000 அகழ்வாராய்ச்சி பொருள்களை புதிதாக அகழ்வைப்பகம் அமைத்து அதில் காட்சிப்படுத்த முடிவு செய்துள்ளோம். 
தமிழக அரசுக்கு இதுவரை மீ டூ  புகார்கள் வரவில்லை.  அவ்வாறு வந்தால் சட்டம் தனது கடமையைச் செய்யும்.   அதன் மீது தமிழக அரசு பாரபட்சம் இன்றி  நடவடிக்கை எடுக்கும் என்றார் அமைச்சர் பாண்டியராஜன்.
உலகத் தமிழர் பொருளாதார மாநாடு கடந்த அக்.12-ஆம் தேதி  தொடங்கி 3 நாள்கள் நடைபெற்றது.  ஞாயிற்றுக்கிழமை நடைபெற்ற நிறைவுநாள் நிகழ்ச்சிக்கு புதுவை முதல்வர் வே.நாராயணசாமி தலைமை வகித்தார்.  
உச்ச நீதிமன்ற முன்னாள் நீதிபதி ஏ.ஆர்.லட்சுமணன் மாநாட்டு விருதுகளை அறிமுகம் செய்துவைத்தார். 
பல்வேறு துறைகளில் சாதனை படைத்தவர்களுக்கு கயானா நாட்டின் பிரதமர்  மோசஸ் வீராசாமி நாகமுத்து விருது வழங்கினார்.
மொரீஷியஸ் குடியரசுத் தலைவர்(பொ)  பரமசிவம் பிள்ளை வையாபுரி வாழ்த்துரையாற்றினார். முன்னதாக, தமிழ் மொழியின் மூலம் வணிகத் தொடர்புகளும், விளைதொழில் வளர்ச்சியும் என்ற தலைப்பில் நடைபெற்ற நிகழ்ச்சியில் தமிழக அமைச்சர் க.பாண்டியராஜன் கலந்து கொண்டு சிறப்புரை ஆற்றி
னார்.  
மாநாட்டில் மலேசியா,  சிங்கப்பூர்,  ஆஸ்திரேலியா,  மொரீஷியஸ், ஜப்பான் உள்ளிட்ட 50-க்கும் மேற்பட்ட நாடுகளின் பிரதிநிதிகள் கலந்துகொண்டனர்.
 

]]>
http://www.dinamani.com/all-editions/edition-villupuram/puducherry/2018/oct/15/மீ-டூ-புகார்கள்-வந்தால்-பாரபட்சமின்றி-நடவடிக்கை-3020814.html
3020813 விழுப்புரம் புதுச்சேரி வீராம்பட்டினம் கடற்கரை பூங்கா பணிகளை விரைவாக முடிக்க வேண்டும் DIN DIN Monday, October 15, 2018 10:36 AM +0530 புதுச்சேரி வீராம்பட்டினம் கடற்கரை பூங்கா பணிகளை விரைவாக முடிக்க வேண்டும் என்று துணைநிலை ஆளுநர் கிரண் பேடி உத்தரவிட்டார்.
புதுவை ஆளுநர் கிரண் பேடி தனது 199-ஆவது கள ஆய்வுப் பயணமாக ஞாயிற்றுக்கிழமை சின்ன வீராம்பட்டினம் கடற்கரை மற்றும் பூரணாங்குப்பம், புதுக்குப்பம் கடற்கரைப் பகுதிகளுக்குச் சென்று ஆய்வு மேற்கொண்டார். அங்கு நடைபெற்று வரும் கடற்கரை பூங்கா அமைக்கும் பணிகள் மற்றும் சுற்றுலா மேம்பாட்டுப் பணிகளை பார்வையிட்டார். 
அப்போது நடைபெற்று வரும் பணிகள்,  இனி மேற்கொள்ள வேண்டிய பணிகள் குறித்து அதிகாரிகளிடம் கேட்டறிந்தார். 
அங்கு வெப்பமான காலநிலை நிலவுவதால், வனத் துறை அதிகாரிகள் அதிக எண்ணிக்கையில் மரங்களை நட வேண்டும்.  நிழல் தரும் மரங்களை அதிகம் நட்டால்தான் சுற்றுலாப் பயணிகள் அதிகளவில் வருவார்கள். மேலும்,  கடல் அரிப்பு ஏற்பட்டால் அதைத் தடுக்கும் வகையிலான மரங்களையும் நட வேண்டும் என்றும் அறிவுறுத்தினார். 
மேலும், பணிகளை விரைவாக முடிக்குமாறு அதிகாரிளுக்கு ஆளுநர் உத்தரவிட்டார்.  இந்த ஆய்வின்போது புதுச்சேரி மாவட்ட ஆட்சியர் அபிஜித் விஜய் செளத்ரி,  புதிதாக நியமிக்கப்பட்டுள்ள  ஐஏஎஸ் அதிகாரிகளான செளமியா,  சஸ்வாத் செளரவ்,  பொதுப்பணித் துறை, சுற்றுலாத் துறை, மீன்வளத் துறை, வருவாய்த் துறை உள்ளிட்ட பல்வேறு துறை அதிகாரிகள் கலந்துகொண்டனர்.
 

]]>
http://www.dinamani.com/all-editions/edition-villupuram/puducherry/2018/oct/15/வீராம்பட்டினம்-கடற்கரை-பூங்கா-பணிகளை-விரைவாக-முடிக்க-வேண்டும்-3020813.html
3020812 விழுப்புரம் புதுச்சேரி பள்ளி ஆசிரியர்களின்  கோரிக்கைகளை நிறைவேற்ற அமைச்சரிடம் வலியுறுத்தல் DIN DIN Monday, October 15, 2018 10:35 AM +0530 காரைக்காலில் அரசு உதவி பெறும் பள்ளி ஆசிரியர்கள், ஊழியர்களின் கோரிக்கைகளை நிறைவேற்றுவது தொடர்பாக அமைச்சரை பெற்றோர் சங்கத்தினர் ஞாயிற்றுக்கிழமை சந்தித்தனர்.
புதுச்சேரி வேளாண் மற்றும் கல்வித் துறை அமைச்சர் ஆர்.கமலக்கண்ணனை திருநள்ளாறில் ஞாயிற்றுக்கிழமை காரைக்கால் அரசு உதவி பெறும் பள்ளி பெற்றோர் சங்கத் தலைவர் அ.வின்சென்ட் தலைமையிலான நிர்வாகிகள் சந்தித்தனர்.
சங்க நிர்வாகிகள் கூறும்போது, அரசு உதவி பெறும்  பள்ளி ஆசிரியர்கள், ஊழியர்களுக்கு 7-ஆவது ஊதியக்குழு பரிந்துரையை நிறைவேற்றவேண்டும். நிலுவையில் உள்ள மாத ஊதியத்தை உடனடியாக வழங்குவதோடு, அரசுத் துறையினருக்கு தரப்படுவதுபோல மாத இறுதியில் அரசு உதவி பெறும் பள்ளி ஆசிரியர்கள், ஊழியர்களுக்கும் ஊதியம் தரவேண்டும். 
இந்தப் பள்ளிகளில் காலியாக உள்ள பணியிடங்களை நிரப்பவேண்டும் உள்ளிட்ட கோரிக்கைகளை மனுவாக அளித்து அமைச்சரிடம் விளக்கப்பட்டது. இதன் மீது உரிய நடவடிக்கை எடுப்பதாக அமைச்சர் உறுதியளித்தார் என்றனர்.
சங்க செயலர் கே.ரவிச்சந்திரன், சட்ட ஆலோசகர் கே.வீரப்பிள்ளை, துணைச் செயலர் இ.ஏ.நெல்சன், இப்ராஹீம் உள்ளிட்டோர் இந்தச் சந்திப்பில் கலந்துகொண்டனர்.
 

]]>
http://www.dinamani.com/all-editions/edition-villupuram/puducherry/2018/oct/15/பள்ளி-ஆசிரியர்களின்--கோரிக்கைகளை-நிறைவேற்ற-அமைச்சரிடம்-வலியுறுத்தல்-3020812.html
3020811 விழுப்புரம் புதுச்சேரி பிரான்ஸ் குடியுரிமை பெற்றவர் மீது தாக்குதல்: தந்தை, மகன் கைது DIN DIN Monday, October 15, 2018 10:34 AM +0530 பிரான்ஸ் குடியுரிமை பெற்றவரை இரும்புக் கம்பியால் தாக்கியதாக தந்தை, மகனை போலீஸார் கைது செய்தனர்.
பிரான்ஸ் குடியுரிமை பெற்றவர் மனோகர் (58).  இவர்,  ரெட்டியார்பாளையம் ஜே.ஜே. நகரைச் சேர்ந்த வெற்றிவேல் (24),  அவரது உறவினர் சிலம்பரசன் (17) ஆகியோருடன் வில்லியனூர் மாதா தேவாலயத்துக்கு சனிக்கிழமை பாதயாத்திரை மேற்கொண்டார்.  அதன் பின்னர், அவர்கள் மூவரும் வில்லியனூர் ஏழை மாரியம்மன் கோயில் பேருந்து நிறுத்தம் அருகில் பூக்கடையில் நின்றிருந்தனர்.
அப்போது அப்பகுதியில்,  பூ வியாபாரி சண்முகம் (49),  பூக்களின் மீது தண்ணீர் தெளிப்பதைப் போல, கடையோரம் நின்றிருந்தவர்கள் மீது தண்ணீரை ஊற்றியதாகக் கூறப்படுகிறது. இதனால்  இரு தரப்பினருக்கும் இடையே மோதல் ஏற்பட்டது.  
இதையடுத்து சண்முகம்,  கல்லூரி மாணவரான அவரது மகன் முகிலன் (20) இருவரும் சேர்ந்து மனோகர்,  வெற்றிவேல்,  சிலம்பரன் ஆகியோரை இரும்புக் கம்பியால் தாக்கினார்களாம். 
இதில் பலத்த காயமடைந்த மனோகர் புதுச்சேரி அரசு மருத்துவமனையில் சிகிச்சை பெற்று வருகிறார்.  
இது குறித்து வில்லியனூர் போலீஸார் வழக்குப் பதிவு செய்து தந்தை, மகன் ஆகிய இருவரையும் சனிக்கிழமை இரவு கைது செய்தனர்.

]]>
http://www.dinamani.com/all-editions/edition-villupuram/puducherry/2018/oct/15/பிரான்ஸ்-குடியுரிமை-பெற்றவர்-மீது-தாக்குதல்-தந்தை-மகன்-கைது-3020811.html
3020015 விழுப்புரம் புதுச்சேரி புதுச்சேரியில் 2 கிலோ கஞ்சா பறிமுதல்: 4 பேர் கைது DIN DIN Sunday, October 14, 2018 08:39 AM +0530 புதுச்சேரியில் சுற்றுலாப் பயணிகள்,  கல்லூரி மாணவர்களுக்கு கஞ்சா விற்பனை செய்ய இருந்ததாக, 4 பேரை போலீஸார் வெள்ளிக்கிழமை கைது செய்தனர்.  அவர்களிடமிருந்து 2 கிலோ கஞ்சா பறிமுதல் செய்யப்பட்டது.
புதுச்சேரியில் உள்ள மருத்துவம், பொறியியல் கல்லூரிகளில் படிக்கும் வெளிமாநில மாணவர்களை குறி வைத்தும், புதுச்சேரிக்கு வரும் சுற்றுலாப் பயணிகளை குறி வைத்தும் கஞ்சா  விற்பனை அதிகமாக நடைபெற்று வருகிறது. 
அந்த வகையில் முதலியார்பேட்டை வேல்ராம்பட்டு நகரில் கஞ்சா விற்பனை செய்வதாக கிடைத்த தகவலை அடுத்து போலீஸார் வெள்ளிக்கிழமை மாலை அங்கு சென்று கஞ்சா  விற்பனை செய்த நான்கு பேரை விரட்டிப் பிடித்தனர். 
விசாரணையில்,  அவர்கள் வில்லியனூர் திருக்காஞ்சியைச் சேர்ந்த ரெளடி நித்தியானந்தம் (38),  கோர்க்காட்டைச் சேர்ந்த பன்னீர்செல்வம் (23),  முதலியார்பேட்டை இந்திரா நகரைச் சேர்ந்த சபரிநாதன் (25),  கடலூர் கிளிஞ்சகுப்பத்தைச் சேர்ந்த ராஜாமணி (27) ஆகியோர் என்பது தெரியவந்தது.  அவர்களிடம் இருந்து 2 கிலோ 50 கிராம் கஞ்சா பறிமுதல் செய்யப்பட்டது.
மேலும், 4 மோட்டார் சைக்கிள்கள்,  4 செல்லிடப்பேசிகள் மற்றும் ரூ.2 ஆயிரம் ரொக்கம் ஆகியவற்றையும் போலீஸார் பறிமுதல் செய்தனர்.  
இதையடுத்து அவர்கள் நான்குபேரையும் போலீஸார் புதுச்சேரி நீதிமன்றத்தில் சனிக்கிழமை  ஆஜர்படுத்தி சிறைக்கு அனுப்பிவைத்தனர். 
 

]]>
http://www.dinamani.com/all-editions/edition-villupuram/puducherry/2018/oct/14/புதுச்சேரியில்-2-கிலோ-கஞ்சா-பறிமுதல்-4-பேர்-கைது-3020015.html
3020014 விழுப்புரம் புதுச்சேரி ஆளுநர் தலைமையில் பாகூர் ஏரிக்கரையில் பனை விதை நடவு DIN DIN Sunday, October 14, 2018 08:38 AM +0530 புதுவை துணை நிலை ஆளுநர் கிரண்பேடி தலைமையில் பாகூர் ஏரிக்கரையில் பனை விதை நடவு செய்யும் பணி சனிக்கிழமை தொடங்கப்பட்டது.
புதுவை ஆளுநர் கிரண் பேடி வார விடுமுறை நாள்களில் கள ஆய்வு செய்து வருகிறார்.  அண்மைக்காலமாக "நீர்வளமிக்க புதுச்சேரி' எனும் இலக்குடன் இந்த கள ஆய்வில் ஈடுபட்டு வருகிறார்.  தனது 198-ஆவது கள ஆய்வாக மங்கலம் தொகுதிக்குள்பட்ட உறுவையாறு கிராமத்தில் குடுவையாற்றை தூர்வாரும் பணியை சனிக்கிழமை தொடங்கிவைத்தார். இந்தப் பணிக்கு தொகுதி எம்.எல்.ஏ.  சுகுமாறன் முன்னிலை வகித்தார். 
பின்னர், ஆளுநர் கிரண் பேடி செய்தியாளர்களிடம் கூறியதாவது: 
தென்பெண்ணை ஆற்றின் முக்கியமான 5 பிரதான கிளை ஆறுகளில் குடுவையாறும் ஒன்று.  18 கி.மீ.  ஓடும் இந்த  ஆறு,  7 கி.மீ. தமிழகத்திலும்,  11 கி.மீ. புதுவையிலும் ஓடுகிறது.  இந்த ஆறு,  சிவரந்தாகம்,  மேல்சாந்தமங்கலம்,  கொற்காடு,  ஏம்பல வாணன் ஏரி,  ஏம்பலம் சித்தாறு,  திருக்காஞ்சி,  கீழ் அக்ரஹாரம் ஆகிய  9 குளங்களுக்கு நீர் வழங்குகிறது.  
பெருநிறுவன சமூக பொறுப்புணர்வுத் திட்டத்தின்கீழ் உடுவையாறு ஆற்றில் 2.75 கி.மீ. தொலைவுக்கு ரூ.6.71 லட்சத்தில் தூர்வார முடிவு செய்யப்பட்டுள்ளது.  இதன் மூலம் 12 கிராமங்கள் பயன்பெறும்.  மேலும், குடுவையாறு குறுக்கே கட்டப்பட்டுள்ள கீழுர், சிவரண்டாகம்,  மங்கலம்,  கொற்காடு,  உறுவையாறு,  திருக்காஞ்சி,  கீழ்அக்ரஹாரம் ஆகிய 7 தடுப்பணைகளும் பயன்பெறும். இதன் மூலம் 1,355 ஏக்கர் நிலங்களில் நிலத்தடி நீர் மட்டம் உயரும். 
மழைக்காலம் தொடங்க உள்ளதால் மழைநீர்  வடிகால்களை சீரமைக்க அதிகாரிகளுக்கு உத்தரவு பிறப்பித்துள்ளேன்.  மழைநீர் வடிகால்கள் ஆக்கிரமிப்பு  செய்தவர்கள் மீது கடும் நடவடிக்கை எடுக்கப்படும் என்றார் ஆளுநர் கிரண் பேடி. அதைத் தொடர்ந்து, பாகூர் ஏரிக்கரையில் பனை விதைகளை நடவு செய்யும் பணி ஆளுநர் கிரண் பேடி தலைமையில் நடைபெற்றது.  
மொத்தம் 1,000 பனை விதைகள் நடவு செய்யப்பட்டதாக ஆளுநர் மாளிகை தெரிவித்துள்ளது. இந்த ஆய்வின்போது பொதுப்
பணித் துறை தலைமைப் பொறியாளர் சண்முகசுந்தரம்,  கண்காணிப்புப் பொறியாளர் சத்தியமூர்த்தி, செயற்பொறியாளர் தாமரை புகழேந்தி,  கொம்யூன் பஞ்சாயத்து ஆணையர் செளந்தரராஜன் உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/14/ஆளுநர்-தலைமையில்-பாகூர்-ஏரிக்கரையில்-பனை-விதை-நடவு-3020014.html
3020013 விழுப்புரம் புதுச்சேரி புதுச்சேரி துறைமுகம் 3 மாதங்களில் செயல்படத் தொடங்கும்: அமைச்சர் கந்தசாமி தகவல் DIN DIN Sunday, October 14, 2018 08:38 AM +0530 புதுச்சேரி துறைமுகம் இன்னும் 3 மாதங்களுக்குள் செயல்படத் தொடங்கும் என்று சமூகநலத் துறை மற்றும் துறைமுகங்கள் துறை அமைச்சர் மு.கந்தசாமி தெரிவித்தார்.
புதுச்சேரியின் சரக்கு துறைமுகம்,  தேங்காய்த் திட்டு துறைமுகம் இடையே உள்ள பொதுவான முகத்துவாரத்தில் அடிக்கடி மண் தூர்ந்து விடுவதால்,  அதன் வழியாக செல்லும் படகுகள்,  மீன்பிடிக் கலன்கள் தொடர்ந்து சேதமடைந்து வருகின்றன.  இதனை அரசு உடனடியாக கருத்தில் கொண்டு மீனவர் நலனை பாதுகாக்கும் வகையில் நடவடிக்கைகளை மேற்கொள்ள வேண்டும் எனக் கோரி மீனவர்கள் தொடர்ந்து போராட்டத்தில் ஈடுபட்டு வருகின்றனர்.
புதுச்சேரி துறைமுகம் தூர்ந்தவுடன், ஒப்பந்தப்புள்ளி விடப்பட்டு வெளிமாநில அல்லது மத்திய அரசின் தூர்வாரும் கப்பல் மூலம்  தூர்வாரும் பணி மேற்கொள்ளப்பட்டு வருகிறது.  இதற்கு காலதாமதம் ஆகிறது. இந்த நிலையில், புதுச்சேரி துறைமுகத்துக்கு சொந்தமான தூர்வாரும் இயந்திரத்தை கொண்டே தூர்வார வேண்டும் என்று கோரிக்கை விடுக்கப்பட்டது. அதனையேற்று  ரூ.1.78 கோடி செலவில் 60 ஆயிரம் கன மீட்டர் மண்ணை அப்புறப்படுத்தும் பணி கடந்த வாரம் தொடங்கி  நடைபெற்று வருகிறது. 
இந்த தூர்வாரும் பணியை துறை அமைச்சர் கந்தசாமி,  தொகுதி சட்டப்பேரவை உறுப்பினர் ஆ.அன்பழகன் ஆகியோர் சனிக்கிழமை ஆய்வு செய்தனர். 
இதையடுத்து அமைச்சர் கந்தசாமி செய்தியாளர்களிடம் கூறியதாவது: துறைமுகம் தூர்ந்துள்ளதால் மீனவர்கள் தொழிலுக்கு செல்ல முடியாத நிலை ஏற்பட்டுள்ளது.  இதனால் மீனவர்களின்  வேண்டுகோளை ஏற்று புதுச்சேரி துறைமுகத்துக்கு சொந்தமான தூர்வாரும் இயந்திரத்தைக் கொண்டே தூர்வாரும் பணி  தொடங்கி நடைபெற்று வருகிறது. 
இந்தப் பணி மூன்று மாத காலத்தில் முடிவடையும்.  அதைத்தொடர்ந்து  ரூ.4.5 கோடி  மதிப்பீட்டில் துறைமுகம் தூர்வாரும் பணிக்கு ஒப்பந்தப்புள்ளி கோரப்படும்.   மேலும் துறைமுகத்தில் சரக்குகள் கையாளும்  பணியும் மேற்கொள்ளப்படும்.  3 மாதத்துக்குள் துறைமுகம் செயல்பாட்டுக்கு வரும் என்றார்.
இந்த ஆய்வின்போது துறைமுக நிர்வாக பொறியாளர் ராஜேந்திரன்  உடனிருந்தார்.
 

]]>
http://www.dinamani.com/all-editions/edition-villupuram/puducherry/2018/oct/14/புதுச்சேரி-துறைமுகம்-3-மாதங்களில்-செயல்படத்-தொடங்கும்-அமைச்சர்-கந்தசாமி-தகவல்-3020013.html
3020012 விழுப்புரம் புதுச்சேரி பெட்ரோலிய பொருள்கள் விலை உயர்வைக் கண்டித்து  மாணவர் காங்கிரஸார் சைக்கிள் பேரணி DIN DIN Sunday, October 14, 2018 08:38 AM +0530 பெட்ரோலியப் பொருள்கள் விலை உயர்வைக் கண்டித்து, புதுச்சேரியில் மாணவர் காங்கிரஸ் சார்பில் மிதிவண்டி பேரணி சனிக்கிழமை நடைபெற்றது.
புதுச்சேரி அண்ணாசிலை அருகில் இருந்து புறப்பட்ட பேரணிக்கு  மாணவர் காங்கிரஸ் தலைவர் கல்யாணசுந்தரம் தலைமை வகித்தார். 
துணைத் தலைவர்கள் விக்கிரமாதித்தன்,  ரவீந்திரன்,  இந்திரஜித், பொதுச் செயலர்கள் புருஷோத்,  ஹரீஸ், செயலாளர்கள் கவுதம், கார்த்திக், மாவட்டத் தலைவர் ஆனந்தவேலு ஆகியோர் முன்னிலை வகித்தனர்.
இந்தப் பேரணியை முதல்வர் நாராயணசாமி தொடக்கி வைத்தார். 
பேரணியில், மாட்டு வண்டியில் மோட்டார் சைக்கிளை ஏற்றி கொண்டு வந்தனர். இந்த பேரணி நெல்லித்தோப்பு, இந்திரா காந்தி சிலை, ராஜீவ்காந்தி சிலை, காமராஜர் சாலை,  ராஜா திரையரங்கு சந்திப்பு, நேரு வீதி, மிஷன் வீதி வழியாக தலைமை அஞ்சல் நிலையத்தை அடைந்தது. 
 அங்கு மத்திய அரசைக் கண்டித்தும்,  பெட்ரோலியப் பொருள்கள் விலையை குறைக்க வலியுறுத்தியும் ஆர்ப்பாட்டம் நடைபெற்றது. ஆர்ப்பாட்டத்தில் முதல்வர் நாராயணசாமி,  புதுவை பிரதேச காங்கிரஸ் தலைவர் ஆ.நமச்சிவாயம், அமைச்சர் மு.கந்தசாமி,  எம்.எல்.ஏ.க்கள் லட்சுமிநாராயணன்,  ஜெயமூர்த்தி மற்றும் மாநில காங்கிரஸ் நிர்வாகிகள் பங்கேற்று கண்டன உரையாற்றினர்.
 

]]>
http://www.dinamani.com/all-editions/edition-villupuram/puducherry/2018/oct/14/பெட்ரோலிய-பொருள்கள்-விலை-உயர்வைக்-கண்டித்து-மாணவர்-காங்கிரஸார்-சைக்கிள்-பேரணி-3020012.html
3020011 விழுப்புரம் புதுச்சேரி ரஃபேல் விமான பேர ஊழல்: காங்கிரஸால் ஜோடிக்கப்பட்ட குற்றச்சாட்டு: மத்திய அமைச்சர் முக்தார் அப்பாஸ் நக்வி DIN DIN Sunday, October 14, 2018 08:38 AM +0530 ரஃபேல் விமான பேர ஊழல் என்பது காங்கிரஸ் கட்சியால் ஜோடிக்கப்பட்ட குற்றச்சாட்டு என்று மத்திய சிறுபான்மை நலத் துறை அமைச்சர் முக்தார் அப்பாஸ் நக்வி புதுச்சேரியில் சனிக்கிழமை தெரிவித்தார்.
மத்திய அரசின் சிறுபான்மை நலத் துறை சார்பில் புதுச்சேரி கடற்கரைச் சாலை காந்தித் திடலில் சனிக்கிழமை நடைபெற்ற "ஹூனார்' எனும் உணவுத் திருவிழா- கண்காட்சி தொடக்க விழாவில்  பங்கேற்ற அவர், பின்னர் செய்தியாளர்களிடம் கூறியதாவது: புதுவை சிறந்த சுற்றுலாத் தளமாக விளங்குகிறது. ஏராளமான சுற்றுலாப் பயணிகள் வந்து செல்லும் புதுவையில் பப்,  சூதாட்ட கிளப் தொடங்க அனுமதி கோரியுள்ளனர்.
ரஃபேல் விமான பேர ஊழல் தொடர்பாக, ஆளும் பாஜக அரசு மீதும்,  தேசிய பாதுகாப்பின் மீதும் காங்கிரஸ் கட்சி குற்றஞ்சாட்டி வருகிறது. இது காங்கிரஸ் கட்சியால் திட்டமிட்டு ஜோடிக்கப்பட்ட குற்றச்சாட்டு. இந்த விவகாரத்தில் உண்மை நிலை விரைவில் வெளிப்படும் என்றார் மத்திய அமைச்சர் முக்தார் அப்பாஸ் நக்வி.
மத்திய வெளியுறவுத் துறை இணை அமைச்சர் எம்.ஜே.அக்பர் மீது இரு பெண் பத்திரிகையாளர்கள் "மீடூ ஹேஷ்டேக்' மூலம் கூறியுள்ள பாலியல் குற்றச்சாட்டு தொடர்பாக செய்தியாளர்கள் எழுப்பிய கேள்விக்கு, முக்தார் அப்பாஸ் நக்வி பதில் கூற மறுத்து விட்டார்.  
முதல்வர் பங்கேற்பு: முன்னதாக, உணவுத் திருவிழா-கண்காட்சிக்கு மத்திய அமைச்சர் முக்தார் அப்பாஸ் நக்வி தலைமை வகித்தார். விழாவை முதல்வர் 
வே.நாராயணசாமி தொடக்கி வைத்தார். எம்.பி.க்கள் ராதா
கிருஷ்ணன்,  கோபாலகிருஷ்ணன்,  நியமன எம்.எல்.ஏ.க்கள் வி.சாமிநாதன்,  கே.ஜி.சங்கர் உள்ளிட்டோர் பங்கேற்றனர்.
வருகிற 26ஆம் தேதி வரை நடைபெறவுள்ள இந்த கண்காட்சியில் நாட்டின் பல்வேறு மாநிலங்களைச் சேர்ந்த உணவுக் கலைஞர்கள், அறிஞர்கள் தங்களது அரங்குகளை காட்சிப்படுத்தியுள்ளனர்.
 

]]>
http://www.dinamani.com/all-editions/edition-villupuram/puducherry/2018/oct/14/ரஃபேல்-விமான-பேர-ஊழல்-காங்கிரஸால்-ஜோடிக்கப்பட்ட-குற்றச்சாட்டு-மத்திய-அமைச்சர்-முக்தார்-அப்பாஸ்-நக்-3020011.html
3020010 விழுப்புரம் புதுச்சேரி மூளைக்காய்ச்சல் நோய்: தொகுதி மக்களிடம்  எம்எல்ஏ விழிப்புணர்வு DIN DIN Sunday, October 14, 2018 08:37 AM +0530 புதுச்சேரி முத்தியால்பேட்டை தொகுதியில் மூளைக்காய்ச்சல் நோய் குறித்த விழிப்புணர்வு துண்டுப் பிரசுரம் சனிக்கிழமை விநியோகம் செய்யப்பட்டது.
புதுச்சேரி முத்தியால்பேட்டை பாரதிதாசன் வீதியைச் சேர்ந்த ஜோசப் என்ற முதியவர் ஜேஇ எனப்படும் அரிய வகை  மூளைக்காய்ச்சல் நோயால் பாதிக்கப்பட்டு புதுச்சேரி அரசு மருத்துவமனையில் சிகிச்சை பெற்று வருகிறார்.  நோயுற்ற விலங்குகளை கடிக்கும் கொசுக்கள், மனிதனை கடிக்கும்போது இந்த காய்ச்சல் பரவும். 
முத்தியால்பேட்டையில் இந்த  நோய் தாக்குதல் ஏற்பட்டதை அறிந்த தொகுதி எம்.எல்.ஏ.  வையாபுரிமணிகண்டன் தேவையான  முன்னெச்சரிக்கை நடவடிக்கைகளை மேற்கொள்ள வேண்டும் என  சுகாதாரத் துறை, நகராட்சி அதிகாரிகளை வலியுறுத்தினார். இதையடுத்து, முத்தியால்பேட்டையில் பாரதிதாசன் வீதி,   ரொசாரியா வீதி,  தனக்கோடி அம்மன் பேட்டை ஆகிய பகுதிகளில் நகராட்சி ஊழியர்கள் கொசு மருந்து தெளிக்கும்  பணியில் சனிக்கிழமை ஈடுபட்டனர். மேலும்,  மூளை காய்ச்சல் நோயால் பாதிக்கப்பட்ட முதியவரின் வீடுகளுக்கு அருகில் இருப்பவர்களுக்கு நோய் தொற்று உள்ளதா என பரிசோதனைகளும் நடத்தப்பட்டன.
இந்தப் பணியை வையாபுரி மணிகண்டன் எம்.எல்.ஏ. முன்னிலையில் முத்தியால்பேட்டை ஆரம்ப சுகாதார நிலைய மருத்துவர்கள் புவனேஸ்வரி,  மஞ்சு,  நகராட்சி மருத்துவர்  கதிரவன்,  
சுகாதார ஆய்வாளர் சரவணன் ஆகியோர் மேற்கொண்டனர். 
மேலும் அப்பகுதியில்  கால்நடை வளர்ப்போரை அணுகி கால்நடைகளுக்கு நோய் தாக்குதல் உள்ளதா என கால்நடைத் துறை மருத்துவர்  முரளிதரன் பரிசோதனை நடத்தினார்.  
இதைத் தொடர்ந்து, கொசுக்களை ஒழிப்பது தொடர்பான  விழிப்புணர்வு துண்டுப் பிரசுரம் விநியோகிக்கப்பட்டது.
 

]]>
http://www.dinamani.com/all-editions/edition-villupuram/puducherry/2018/oct/14/மூளைக்காய்ச்சல்-நோய்-தொகுதி-மக்களிடம்-எம்எல்ஏ-விழிப்புணர்வு-3020010.html
3020009 விழுப்புரம் புதுச்சேரி பிம்ஸ் மருத்துவக் கல்லூரியில் 33 எம்பிபிஎஸ் இடங்களுக்கு நாளை சிறப்பு கலந்தாய்வு DIN DIN Sunday, October 14, 2018 08:37 AM +0530 புதுச்சேரி பிம்ஸ் மருத்துவக் கல்லூரியில் நிர்வாக ஒதுக்கீட்டில் உள்ள 33 எம்பிபிஎஸ் இடங்களுக்கு திங்கள்கிழமை (அக்.15) கலந்தாய்வு நடைபெறுகிறது.
உச்சநீதிமன்ற உத்தரவின்படி புதுச்சேரி பிம்ஸ் மருத்துவக் கல்லூரியில் நிர்வாக ஒதுக்கீட்டில் உள்ள 33 எம்பிபிஎஸ் இடங்களுக்கு திங்கள்கிழமை கலந்தாய்வு நடைபெறும்.  கடந்த ஆக.30-ஆம் தேதி சென்டாக் இணையத்தில் வெளியிடப்பட்ட 330 மாணவர்கள் கொண்ட தரவரிசை பட்டியலில் இடம் பெற்றவர்கள் இந்தக் கலந்தாய்வில் பங்கேற்க தகுதியானவர்கள். பிள்ளைச்சாவடியில் உள்ள புதுவை பொறியியல் கல்லூரி வளாகத்தில் உள்ள சென்டாக் அலுவலகத்தில் மதியம் ஒரு மணியளவில் கலந்தாய்வு நடைபெறுகிறது.
முதலாமாண்டு கல்விக் கட்டணமாக ரூ.16  லட்சத்தை  எந்த மாணவர்கள் செலுத்துகிறார்களோ அவர்களுக்கு மட்டும் எம்பிபிஎஸ் இடங்கள் ஒதுக்கப்படும். இந்தக் கலந்தாய்வுக்கு வரும் மாணவர்கள் நீட் மதிப்பெண் அட்டை, அசல் சான்றிதழ் உள்ளிட்ட ஆவணங்களை கொண்டு வர வேண்டும்.  மாணவர்கள் எம்பிபிஎஸ் சீட் தேர்வு செய்த பிறகு கல்லூரியில் சேர தவறினால் அவர்கள் செலுத்திய தொகையை இழக்க நேரிடும்.
இந்தக் கலந்தாய்வில் பங்கேற்கும் மாணவர்கள் சென்டாக் ஒருங்கிணைப்பாளருக்கு ஏற்றபடி பணத்தை வரைவோலையாகக் கொண்டு வர வேண்டும். மேலும்,  மாணவர்கள் பணம் செலுத்துவதற்கு ஏதுவாக வங்கி கவுன்டர் செயல்படும்.  இந்த கலந்தாய்வில் சீட் கிடைத்தால் சேர்வதற்கு மாணவர்கள் தயார் நிலையில் வர வேண்டும்.  இத்தகவலை சென்டாக் ஒருங்கிணைப்பாளர் ருத்ரகவுடு தெரிவித்துள்ளார்.


 

]]>
http://www.dinamani.com/all-editions/edition-villupuram/puducherry/2018/oct/14/பிம்ஸ்-மருத்துவக்-கல்லூரியில்-33-எம்பிபிஎஸ்-இடங்களுக்குநாளை-சிறப்பு-கலந்தாய்வு-3020009.html
3020008 விழுப்புரம் புதுச்சேரி புதுவையில் தொழில் தொடங்க தயார் நிலையில் 2 ஆயிரம் ஏக்கர்: பிப்டிக் தலைவர் DIN DIN Sunday, October 14, 2018 08:37 AM +0530 புதுவையில் தொழில் தொடங்க வரும் தொழில்முனைவோருக்காக 2 ஆயிரம் ஏக்கர் நிலம் தயார் நிலையில் உள்ளதாக பிப்டிக் தலைவர் இரா.சிவா எம்.எல்.ஏ.  தெரிவித்தார். 
புதுச்சேரியில் ஐந்தாவது உலகத் தமிழர் பொருளாதார மாநாட்டில் வெள்ளிக்கிழமை தொடங்கியது. இந்த மாநாட்டின் 2ஆம் நாளான சனிக்கிழமை வணிகம் மற்றும் முதலீட்டு வாய்ப்புகள், முன் முயற்சிகள் மற்றும் சவால்கள் என்ற தலைப்பில் சிவா எம்.எல்.ஏ. பேசியதாவது:
புதுவையில் கடந்த 5 ஆண்டுகளில் சுற்றுலாத் துறை எதிர்பாராத அளவுக்கு வளர்ச்சி கண்டுள்ளது.  இங்கு தொழில் தொடங்குவதற்கான சூழல் நன்றாக உள்ளது. இந்தியா மற்றும் அண்டை நாடுகளை சேர்ந்தச் தொழில்முனைவோர் தொழில் தொடங்க ஏற்ற மாநிலம் புதுவை. தொழில் வளத்தை ஏற்படுத்தி அதன்மூலம் பொருளாதாரம் மற்றும் வேலை வாய்ப்பை மேம்படுத்தும் நோக்கத்துடன் புதுவை அரசு கடந்த 1974-ஆம் ஆண்டு பிப்டிக் நிறுவனத்தை தொடங்கியது.
அந்த நிறுவனம் தொடங்கப்பட்ட நாள் முதல் இதுவரை மேட்டுப்பாளையம்,  சேதராப்பட்டு,  திருபுவனை, கிருமாம்பாக்கம் ஆகிய நான்கு தொழிற்பேட்டைகள்  அமைக்கப்பட்டு பலர் தொழில் தொடங்க மனைகள் ஒதுக்கப்பட்டு, அங்கு சுமார் ஆயிரத்துக்கும் மேற்பட்ட சிறு, குறு தொழில்நிறுவனங்கள் இயங்கி வருகின்றன.  இதுமட்டுமன்றி காலாப்பட்டில் தகவல் தொழில்நுட்பப் பூங்கா, காரைக்காலில் தொழில் வளர்ச்சி மையம் அமைக்கப்பட்டு தொழில் முனைவோருக்கு மனைகள் ஒதுக்கப்பட்டுவருகின்றன.
இப்படி கடந்த 44 ஆண்டுகளில் பிப்டிக் நிறுவனம் அசுர வளர்ச்சி கண்டுள்ளது. ஏற்கெனவே 3 ஆயிரம் ஏக்கர் பரப்பளவில் தொழிற்சாலைகள் இயங்கி வரும் நிலையில்,  தற்போது 2 ஆயிரம் ஏக்கர் நிலங்கள்  தொழில் தொடங்க முன்வரும் தொழில் முனைவோருக்கு கொடுக்க பிப்டிக் நிறுவனம் தயாராக இருக்கிறது. புதுவை மாநிலத்தின் மொத்த வருவாயில் பிப்டிக் நிறுவனம் 20 சதவீத வருவாயைக் கொடுக்கிறது. 
பிப்டிக் நிறுவனம் தொழில் முதலீட்டாளர்களை மேலும் கவரும் வகையில், இந்தியாவில் எந்த மாநிலத்திலும் இல்லாத அளவில் மின்கட்டணச் சலுகை, உடனடி இடவசதி,  தொழில் தொடங்க மானியத்துடன் கடனுதவி,  வங்கியை காட்டிலும் ஒரு சதவீதம் வட்டி குறைவு,  முறையாக கடன் தவணை செலுத்தினால் மேலும் ஒரு சதவீதம் சலுகை, சுத்தமான குடிநீர் வசதி,  சிறப்பான சுற்றுச்சூழல் என எண்ணற்ற சலுகைகளுடன் புதிய தொழிற்கொள்கையை புதுவை அரசு உருவாக்கி உள்ளது.  
சேதராப்பட்டில் 10 ஏக்கர் நிலப்பரப்பில் உணவுப் பூங்கா அமைக்க தேவையான பணிகளை மேற்கொண்டு வருகிறோம் என்றார் சிவா எம்.எல்.ஏ.

]]>
http://www.dinamani.com/all-editions/edition-villupuram/puducherry/2018/oct/14/புதுவையில்-தொழில்-தொடங்க-தயார்-நிலையில்-2-ஆயிரம்-ஏக்கர்-பிப்டிக்-தலைவர்-3020008.html
3020007 விழுப்புரம் புதுச்சேரி ஆண்கள் மீது ஆதாரமின்றி பாலியல் குற்றச்சாட்டுகளை கூறக் கூடாது: பொன்.ராதாகிருஷ்ணன் DIN DIN Sunday, October 14, 2018 08:36 AM +0530 ஆதாரமின்றி ஆண்கள் மீது பாலியல் குற்றச்சாட்டுகளை பெண்கள் கூறக் கூடாது என்று மத்திய சாலைப் போக்குவரத்துத் துறை இணை அமைச்சர் பொன்.ராதாகிருஷ்ணன் தெரிவித்தார்.
புதுச்சேரிக்கு சனிக்கிழமை வந்த அவர் பாஜக மாநில தலைமை அலுவலகத்தில் செய்தியாளர்களிடம் கூறியதாவது: 
தமிழக முதல்வர் எடப்பாடி பழனிசாமி மீது குற்றம்சாட்டி வரும் திமுக தலைவர் மு.க.ஸ்டாலின்,  முதலில் தன் மீது எந்தவொரு குற்றச்சாட்டும் இல்லாதவராக இருக்க வேண்டும்.  தன் மீதுள்ள குற்றச்சாட்டுகளை திசை திருப்பவே, மு.க. ஸ்டாலின் மற்றவர்கள் மீது குற்றம் சாட்டி வருகிறார்.
 தற்போது தமிழ்நாட்டில் உள்ள எந்தவொரு அரசியல் கட்சியும் பாஜக பெயரைச் சொல்லாமல் அரசியல் நடத்த முடியாத நிலைக்கு தள்ளப்பட்டுள்ளன.  நல்லதோ,  கெட்டதோ எதுவாக இருந்தாலும்,  பாஜக பெயரை சொல்லியாக வேண்டிய அளவுக்கு அச்சமடைந்துள்ளன.
நாட்டில் பெண்களுக்கு பணியிடங்களில் பாதுகாப்பான சூழல் இருக்க வேண்டும் என்பதில் உறுதியாக உள்ளோம். பணி, அரசியல் உள்ளிட்ட பல்வேறு நிலைகளில் ஆண்களுடன் பெண்கள் பழக வேண்டிய நிலை வருகிறது.  இந்த மாதிரியான சூழலில் ஆதாரமில்லாமல் ஆண்கள் மீது பாலியல் குற்றச்சாட்டுகளை பெண்கள் கூறுவது நாட்டின் தன்மையை கெடுக்கும்.  ஒருவர் மீது குற்றம்சாட்டினால் அது அவருக்கு தண்டனை பெற்றுத்தரும் குற்றச்சாட்டாக இருக்க வேண்டும்.  அதேநேரத்தில், குற்றம்சாட்டப்பட்டவரின் நியாயத்தையும் கேட்க வேண்டும் என்றார்.
ஐயப்பனை வழிபடக் கூடிய முறை, விரதங்கள் குறித்து பெண்களுக்கு நன்றாகத் தெரியும். ஆகையால், ஐயப்பனை வழிபடும் குடும்பத்தைச் சேர்ந்த பெண்களை வலிய பிடித்து சபரிமலைக்கு இழுத்துச் சென்றால் கூட அவர்கள் வரமாட்டார்கள். இறுதி காலத்தை நெருங்கிக் கொண்டிருக்கும் கேரள அரசு எது வேண்டுமானாலும் செய்யும் என்றார் மத்திய இணை அமைச்சர் பொன்.ராதாகிருஷ்ணன்.
பேட்டியின்போது பாஜக மாநிலத் தலைவர் வி.சாமிநாதன் எம்.எல்.ஏ.,  நியமன எம்.எல்.ஏ. கே.ஜி.சங்கர்,  மாநில துணைத் தலைவர் ஆர்.செல்வம் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-villupuram/puducherry/2018/oct/14/ஆண்கள்-மீது-ஆதாரமின்றி-பாலியல்-குற்றச்சாட்டுகளை-கூறக்-கூடாது-பொன்ராதாகிருஷ்ணன்-3020007.html
3020006 விழுப்புரம் புதுச்சேரி புதுவையில் ஜல்லிக்கட்டு நடத்த குடியரசுத் தலைவர் ஒப்புதல்: முதல்வர் தகவல் DIN DIN Sunday, October 14, 2018 08:36 AM +0530 புதுவையில் ஜல்லிக்கட்டு நடத்த குடியரசுத் தலைவர் ஒப்புதல் அளித்துள்ளதாக முதல்வர் வே.நாராயணசாமி தெரிவித்தார்.
புதுவை சட்டப்பேரவை வளாகத்தில் அவர் சனிக்கிழமை செய்தியாளர்களிடம் கூறியதாவது:
புதுவை சட்டப்பேரவையில் ஜல்லிக்கட்டு நடத்த தீர்மானம் நிறைவேற்றி குடியரசுத் தலைவருக்கு அனுப்பினோம். மேலும், புதுவையில் ஜல்லிக்கட்டு நடத்த அனுமதி கோரியிருந்தோம். இந்தக் கோப்புக்கு குடியரசுத்தலைவர் தற்போது ஒப்புதல் அளித்துள்ளார்.  இதன் மூலம் இந்த உத்தரவு நடைமுறைக்கு வந்துள்ளது. விதிமுறைகளுக்கு உள்பட்டு புதுவையில் ஜல்லிக்கட்டு நடத்த அனுமதி வழங்கப்படும். பொங்கலுக்கு மிகப்பெரிய அளவில் ஜல்லிக்கட்டு நடத்தலாம். இளைஞர்கள் பெரும்பான்மையாக பங்கேற்கலாம். 
மத்திய அரசும்,  எண்ணெய் நிறுவனங்களும் பெட்ரோல், டீசல் விலையில் ரூ.2.50-ஐ குறைத்தாலும் தொடர்ந்து விலை உயர்ந்து வருகிறது. இதற்கு மத்திய அரசு கலால் வரியை அதிகமாக விதிப்பதே காரணம். பெட்ரோல் விலை புதுச்சேரியில் குறைவாக இருப்பதற்கு காரணம் "வாட் வரி' குறைவாக இருப்பதுதான். சமையல் எரிவாயுக்கு கொடுத்த மானியத்தை மத்திய அரசு ரத்து செய்ததால் அதன் விலையும் உயர்ந்திருக்கிறது.
நாட்டின் பண மதிப்பு தொடர்ந்து குறைந்து வருகிறது. தற்போது ஒரு டாலருக்கு நிகரான ரூபாய் மதிப்பு ரூ.75-க்கும் அதிகமாகி, வீழ்ச்சியை சந்தித்து வருகிறது. மத்திய அரசு தொடர்ந்து பொருளாதாரச் சீர்கேட்டில் இறங்கி இருப்பதால் இந்தப் பிரச்னை ஏற்பட்டுள்ளது. வங்கிகளில் வாராக் கடன்கள் ரூ.11 லட்சம் கோடியாக உயர்ந்துவிட்டது. வங்கிகள் அந்தக் கடனை வசூல் செய்ய முடியாத சூழ்நிலை ஏற்பட்டுள்ளது.
ரஃபேல் விமான பேர ஊழலால் நாட்டுக்கு ரூ.41 ஆயிரம் கோடி இழப்பு ஏற்பட்டுள்ளது. இந்தப் புகார் தொடர்பாக எந்தவித பதிலும் கூறாமல் பிரதமர் மெளனம் காத்து வருகிறார். இந்த ஊழல் சம்பந்தமாக நாடாளுமன்ற நிலைக்குழு விசாரிக்க வேண்டும் என காங்கிரஸ் கோரிக்கை வைத்தது.  இதனை நாடாளுமன்ற நிலைக்குழு ஏற்கவில்லை.  இந்தப் பிரச்னை வருகிற மக்களவைத் தேர்தலில் பூதாகரமாக உருவெடுக்கும் என்றார் நாராயணசாமி.
பேட்டியின்போது, முதல்வரின் நாடாளுமன்றச் செயலர் க.லட்சுமி நாராயணன்,  புதுவை அரசின் தில்லி சிறப்பு பிரதிநிதி ஜான்குமார்,  தீப்பாய்ந்தான் எம்.எல்.ஏ.  ஆகியோர் உடன் இருந்தனர்.

]]>
http://www.dinamani.com/all-editions/edition-villupuram/puducherry/2018/oct/14/புதுவையில்-ஜல்லிக்கட்டு-நடத்த-குடியரசுத்-தலைவர்-ஒப்புதல்-முதல்வர்-தகவல்-3020006.html
3019573 விழுப்புரம் புதுச்சேரி காரைக்கால் அருகே சித்தர் கோயிலில் திருப்பணி தீவிரம் DIN DIN Saturday, October 13, 2018 10:13 AM +0530 காரைக்கால் அருகே சுமார் 200 ஆண்டுகளுக்கு முற்பட்ட பரிபூரணாந்தசுவாமி சித்தர் கோயிலில்  குடமுழுக்கு செய்வதற்காக திருப்பணிகள் தீவிரமாக நடைபெற்றுவருகின்றன.
காரைக்கால் மாவட்டம், நிரவி கொம்யூன், ஊழியபத்து கிராமத்தில் மிகப் பழைமையான,  சித்தர் கோயில் சிதிலமடைந்து புதருக்குள் இருப்பதை பொதுமக்கள் கடந்த மார்ச் மாதம் கண்டறிந்தனர்.  
கோயில் கண்டறியப்பட்டபோது, இதுகுறித்து அந்த நிலத்திற்கு உரிமையாளரின் சகோதரரான ஆறுமுகம் பிள்ளை (87) கூறும்போது,   மியான்மரில் இருந்து பரிபூரணாந்தசுவாமி என்பவர் 
4 தலைமுறை  காலத்திற்கு முன்பு இந்தப் பகுதிக்கு வந்துள்ளார். மருத்துவம் ஏதும் இல்லாத காலத்தில், மக்களின் நோயை குணப்படுத்தும் வகையில் சித்து வேலைகளை அவர் செய்துள்ளார். சித்தராக அவரை மக்கள் வழிபடத் தொடங்கியுள்ளனர். 
சித்தர் ஜீவசமாதி அடைய முடிவெடுத்தபோது, தன்னை கபால மோட்சம் செய்யக்கூறி, உடல் முழுவதும் மண்ணுக்கு கீழும், தலை மட்டும் தெரிந்த நிலையில் சமாதி அடைந்துள்ளார். சித்திரை மற்றும் ஆடி மாதத்தில் பௌர்ணமி நாளில் குருபூஜைகள் நடத்தப்பட்டுள்ளன. எனது சகோதரர் ஒருவரிடம்  இந் நிலப்பரப்பு சென்றுவிட்டது. அவரது குடும்பம் வெளிநாட்டில் இருந்துவிட்டபடியால், பராமரிப்பு இல்லாமல்போய்விட்டது என்றார்.
இந்நிலையில் ஆறுமுகம் பிள்ளை குடும்பத்தினர் ஏற்பாட்டில், கோயில் குடமுழுக்கு செய்வதற்காக திருப்பணிகள் தீவிரமாக நடைபெற்றுவருகின்றன. இதுகுறித்து அவரது குடும்பத்தினர் வெள்ளிக்கிழமை கூறும்போது, நன்கொடை மற்றும் குடும்பத்தினர் நிதியாதரவுடன் ரூ.10 லட்சம் மதிப்பீட்டில் திருப்பணிகள் செய்துவருகிறோம். கோயிலில் முருகன், அம்பாள் சன்னிதிகளும் புதிதாக ஏற்படுத்தப்படும். வரும் சித்திரை மாதத்தில்  குடமுழுக்கு செய்யும் வகையில் பணிகள் நடைபெறுகின்றன. குடமுழுக்குக்குப் பின் சித்தர் கோயிலில் முறைப்படி குருபூஜை விழா உள்ளிட்ட நிகழ்ச்சிகள் நடத்தப்படும் என்றனர்.

]]>
http://www.dinamani.com/all-editions/edition-villupuram/puducherry/2018/oct/13/காரைக்கால்-அருகே-சித்தர்-கோயிலில்-திருப்பணி-தீவிரம்-3019573.html
3019572 விழுப்புரம் புதுச்சேரி கஞ்சா பயன்படுத்திய 9 பேர் கைது DIN DIN Saturday, October 13, 2018 10:13 AM +0530 திருநள்ளாறில் தங்கும் விடுதியொன்றில் பொறியியல் பட்டதாரியான ஷியாம் சுந்தர் தனது பிறந்த நாளுக்காக நண்பர்களுக்கு வியாழக்கிழமை இரவு விருந்து கொடுத்தாராம். விருந்தில் அவரது நண்பர்கள் விக்ரமன், கிஷோர், குல்முகம்மது, வினோத்ராஜ், வீரமணி, ஸ்ரீபன்ராஜ், விஜய், தினேஷ் ஆகிய 8 பேரும் கலந்துகொண்டனர். இவர்கள், போதைப் பொருளான கஞ்சா வைத்திருப்பதாக திருநள்ளாறு காவல் நிலையத்துக்கு தகவல் கிடைத்தது. அதன்பேரில், காவல் ஆய்வாளர் பாலமுருகன், உதவி ஆய்வாளர் பிரவீன்குமார், சுரேஷ் ஆகியோர் விடுதிக்குச் சென்று சோதனையிட்டபோது, மேற்கண்ட 9 பேரும் கஞ்சாவை பயன்படுத்தியது தெரியவந்தது. இதையடுத்து அவர்களை போலீஸார் கைது செய்தனர்.

]]>
http://www.dinamani.com/all-editions/edition-villupuram/puducherry/2018/oct/13/கஞ்சா-பயன்படுத்திய-9-பேர்-கைது-3019572.html
3019571 விழுப்புரம் புதுச்சேரி குடியரசுத் துணைத் தலைவர் வருகைக்கு எதிர்ப்பு: மாணவர்கள் கூட்டமைப்பினர் ஆர்ப்பாட்டம் DIN DIN Saturday, October 13, 2018 10:12 AM +0530 குடியரசுத் துணைத் தலைவர் வெங்கய்ய நாயுடுவின் வருகைக்கு எதிர்ப்புத் தெரிவித்து, வெள்ளிக்கிழமை புதுச்சேரியில் கருப்புக் கொடி ஏந்தி ஆர்ப்பாட்டத்தில் ஈடுபட்ட மாணவர்கள் கூட்டமைப்பினரை போலீஸாரால் கைது செய்தனர்.
புதுவை மத்திய பல்கலைக்கழகத்தில் புதுவை மாணவர்களுக்கு 25 சதவீத இட ஒதுக்கீடு வழங்குதல்,   காவலர் தேர்வில் வயது வரம்பை உயர்த்துதல்,  புதுவைக்கு தனி மாநில அந்தஸ்து வழங்குதல் உள்ளிட்ட பல்வேறு கோரிக்கைகளை வலியுறுத்தி,
புதுச்சேரி யூனியன் பிரதேச மாணவர்கள் கூட்டமைப்பினர் தொடர்ந்து போராடி வருகின்றனர்.
இந்த நிலையில், அந்தக் கூட்டமைப்பின்    முத்தியல்பேட்டை தொகுதி அமைப்பு நிர்வாகிகள் சார்பில், குடியரசுத் துணைத் தலைவர் வெங்கய்ய நாயுடுவின் வருகைக்கு எதிர்ப்புத் தெரிவித்து கருப்புக் கொடி காட்டும் கவன ஈர்ப்பு  ஆர்ப்பாட்டம் புதுச்சேரியில் வெள்ளிக்கிழமை நடைபெற்றது.
மாணவர்கள் கூட்டமைப்பின் முத்தியல்பேட்டை  தொகுதி அமைப்பின் மாநிலத் துணைச் செயலர் புவியரசன் தலைமை வகித்தார். ஆர்ப்பாட்டத்தில் ஈடுபட்ட 50-க்கும் மேற்பட்டோர் கைது செய்யப்பட்டனர். பின்னர், அவர்கள் மாலை விடுவிக்கப்பட்டனர்.

]]>
http://www.dinamani.com/all-editions/edition-villupuram/puducherry/2018/oct/13/குடியரசுத்-துணைத்-தலைவர்-வருகைக்கு-எதிர்ப்பு-மாணவர்கள்-கூட்டமைப்பினர்-ஆர்ப்பாட்டம்-3019571.html
3019569 விழுப்புரம் புதுச்சேரி மன அழுத்தம் குறைய புத்தகங்களை வாசிக்க வேண்டும் DIN DIN Saturday, October 13, 2018 10:12 AM +0530 மனஅழுத்தம் குறைய புத்தகங்களை வாசிக்க வேண்டும் என்று புதுவை பல்கலைக்கழகத் துணைவேந்தர் குர்மீத் சிங் வலியுறுத்தினார்.
புதுவை பல்கலைக்கழகப் பயன்முறை உளவியல் துறை சார்பில், உலக மனநல நாள் விழா வெள்ளிக்கிழமை கொண்டாடப்பட்டது.
விழாவுக்குத் தலைமை வகித்த பல்கலை. துணைவேந்தர் குர்மீத் சிங் பேசியதாவது: மன அழுத்தம் குறைய இன்றைய இளைஞர்கள் நன்னெறி சார்ந்த புத்தககங்களை வாசிக்கும் பழக்கத்தைக் கடைப்பிடிக்க வேண்டும். புத்தகங்களை வாசிப்பதால் மன  அழுத்தம் மட்டுமல்ல; புதிது புதிதான விஷயங்களை அறிந்து கொள்ள முடியும். மேலும், குடும்பத்துடன் நேரத்தைச் செலவிட வேண்டும். அப்போதுதான வாழ்க்கை சிறப்பாக அமையும் என்றார்.
சிறப்பு விருந்தினராகப் பங்கேற்ற ஐஐடி கான்பூர் மனித வளம் - சமூக அறிவியல் துறையைச் சேர்ந்த (ஓய்வு) பேராசிரியர் லீலாவதி கிருஷ்ணன் பேசியதாவது: இந்திய சமூகத்தில் இளைஞர்களிடையே மனநல பிரச்னை அதிகமாக உள்ளது. இதிலிருந்து வெளிவர மன ஆரோக்கியம், சரியான வாழ்க்கை முறையைக் கடைப்பிடிப்பது மிகவும் அவசியம் என்றார்.
விழாவில் புல முதன்மையர் கோவிந்தராஜ் உரையாற்றினார். முன்னதாக,  பேராசிரியர் ரங்கைய்யா வரவேற்றார். உளவியல் துறைத் தலைவர் சுரேந்திரகுமார் சியா தொடக்கவுரையாற்றினார்.
நிகழ்ச்சியில் மாணவர்களின் மனநலம் தொடர்பான ஓவியங்கள்,  நாடகங்கள் காட்சிப்படுத்தப்பட்டன. மேலும், திரைப்படங்களும் திரையிடப்பட்டன.


 

]]>
http://www.dinamani.com/all-editions/edition-villupuram/puducherry/2018/oct/13/மன-அழுத்தம்-குறைய-புத்தகங்களை-வாசிக்க-வேண்டும்-3019569.html
3019568 விழுப்புரம் புதுச்சேரி புதுவை அரசு சார்பில் ரூ.100 கோடி பிணையப் பத்திரங்கள் ஏலம் DIN DIN Saturday, October 13, 2018 10:11 AM +0530 புதுவை அரசு சார்பில், ரூ. 100 கோடி பிணையப் பத்திரங்கள் ஏலம் விடப்பட உள்ளதாக மாநில அரசின் நிதித் துறைச் செயலர் கந்தவேலு தெரிவித்தார்.
இதுகுறித்து வெள்ளிக்கிழமை அவர் வெளியிட்ட செய்திக் குறிப்பு: புதுவை அரசு மொத்தம் ரூ.100 கோடி மதிப்புள்ள 4 ஆண்டு கால பிணையப் பத்திரங்களை ஏலத்தின் மூலம் விற்பனை செய்ய முன் வந்துள்ளது. இந்தப் பிணையப் பத்திரங்கள் குறைந்தபட்சம் ரூ. 10 ஆயிரத்துக்கும், அதன் பின்னர் ரூ. 10 ஆயிரத்தின் மடங்குகளிலும் ஏலம் விடப்படும். 
இந்திய ரிசர்வ் வங்கியின் மும்பை (கோட்டை) அலுவலகம் அக்டோபர் 16-ஆம்  தேதி இந்த ஏலத்தை நடத்துகிறது. ஆர்வமுள்ளவர்கள், நிறுவனங்கள், கூட்டமைப்பு குழுமங்கள், நிதி நிறுவனங்கள், வருங்கால வைப்பு நிதி நிறுவனங்கள், பொறுப்புரிமை நிதியங்கள், கூட்டுறவு வங்கிகள், பிராந்திய ஊரக வங்கிகள் முதலியன ஓர் கூட்டுப் போட்டியில்லா ஏலத்தை அவரைச் சார்ந்த அனைத்து கூறுகளுக்கும் மின்னணு முறையில் பேசி முடிவு செய்து இந்திய ரிசர்வ் வங்கியின் உள்பிரிவு வங்கியில் தீர்வு மூலம் ( ஸ்ரீர்ழ்ங் க்ஷஹய்ந்ண்ய்ஞ் ள்ர்ப்ன்ற்ண்ர்ய் (உ-ஓன்க்ஷங்ழ்) மும்பை கோட்டையில் அமைந்துள்ள இந்திய ரிசர்வ் வங்கியின் இணையதள முகவரியில் 
(ஜ்ஜ்ஜ்.ழ்க்ஷண்.ர்ழ்ஞ்.ண்ய்) வருகிற 16-ஆம் தேதி காலை 10.30 முதல் 11.30 மணிக்குள் சமர்ப்பிக்க வேண்டும்.
போட்டி ஏலத்தில் பங்கு பெறும் உறுப்பினர்கள் மின்னணு முறையில்  உ-ஓன்க்ஷங்ழ் மூலம் அன்று முற்பகல் 12 மணிக்கு முன் சமர்ப்பிக்க வேண்டும்.
ஏலத்தின் முடிவுகள் 16-ஆம் தேதியே மும்பை கோட்டையில் உள்ள ரிசர்வ் வங்கி தனது இணையதள முகவரியில் வெளியிடும். ஏலம் கிடைக்கப் பெற்றவர்கள் தங்களது ஏலங்களில் தெரிவிக்கப்பட்ட பிணையப் பத்திரங்களுக்கான விலையை இந்திய ரிசர்வ் மும்பை (கோட்டை) அல்லது சென்னையில் செலுத்தத் தக்க வகையில் காசோலை அல்லது கேட்பு வரைவோலையை அக்டோபர் 17-ஆம் தேதி வங்கி பணி நேரம் முடிவதற்குள் சமர்ப்பிக்க வேண்டும்.
இந்த அரசு பிணையப் பத்திரங்களுக்கு ஏலத்தில் இந்திய ரிசர்வ் வங்கியால் தீர்மானிக்கப்படக் கூடிய விதத்தில் வட்டி வழங்கப்படும். இந்த வட்டி 6 மாதங்களுக்கு ஒரு முறை, அதாவது ஏப்ரல் 17-ஆம் தேதி, அக்டோபர் 
17-ஆம் தேதிகளில் வழங்கப்படும். இந்தப் பிணையப் பத்திரங்கள் மாற்றிக் கொடுக்கத் தக்க தகுதியுடையதாகும் என அந்தச் செய்திக் குறிப்பில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-villupuram/puducherry/2018/oct/13/புதுவை-அரசு-சார்பில்-ரூ100-கோடி-பிணையப்-பத்திரங்கள்-ஏலம்-3019568.html
3019567 விழுப்புரம் புதுச்சேரி வில்லியனூருக்கு இன்று நன்றி பரிகார பாத யாத்திரை DIN DIN Saturday, October 13, 2018 10:11 AM +0530 வில்லியனூருக்கு 41-ஆவது ஆண்டாக நன்றி பரிகார பாத யாத்திரை சனிக்கிழமை (அக். 13) நடைபெறுகிறது.
புதுச்சேரியில் கடந்த 1977-ஆம் ஆண்டு அக்டோபர் மாதம் புயல் தாக்கவிருப்பதாக வானிலை ஆராய்ச்சியாளர்கள் தெரிவித்தனர். இதனால், புதுச்சேரியில் பேரழிவு ஏற்படும் என்று எச்சரிக்கை விடுக்கப்பட்டது. இதனால் மக்கள் அச்சத்தில் ஆழ்ந்தனர்.
இந்தச் சூழலில், வில்லியனூர் மாதாவிடம் புயல் பாதிப்பில் இருந்து மக்களைக் காக்கும்படி பிரார்த்தனை செய்யப்பட்டது. 
இந்த நிலையில், புயல் திசைமாறிச் சென்றது. இதற்கு நன்றி தெரிவிக்கும் விதமாக புதுச்சேரி நகர மக்கள் வில்லியனூருக்கு பாத யாத்திரையாக மேற்கொள்கின்றனர்.
அதன்படி, 41-ஆம் ஆண்டாக சனிக்கிழமை பாத யாத்திரை பிற்பகல் 2 மணிக்கு புதுச்சேரி மிஷன் வீதியில் உள்ள புனித ஜென்மராக்கினி மாதா பேராலயத்தில் இருந்து தொடங்குகிறது.
யாத்திரையை புதுவை மறைமாவட்ட முதன்மை குரு அருளானந்தம் தொடக்கி வைக்கிறார். தேர் பவனியை பேராலய பங்குத் தந்தை அல்போன்ஸ் சந்தானம் தொடக்கி வைக்கிறார். 
மாலை 5.30 மணிக்கு வில்லியனூர் சந்தை வீதியில் மேள தாளத்துடன்  மாதா தேருக்கு வரவேற்பு அளிக்கப்பட்டு, பவனியாக ஆலயத்துக்குக் கொண்டு செல்லப்படு
கிறது.
பின்னர், அருள்நிறை ஆலயத்தின் இடதுபுறம் புதிதாக கட்டப்பட உள்ள லூர்து அன்னை கெபிக்கு சேலம் ஆயர் சிங்கராயர் அடிக்கல் நாட்டுகிறார். தொடர்ந்து, பரிகாரக் கூட்டுத் திருப்பலி நடைபெறும்.

]]>
http://www.dinamani.com/all-editions/edition-villupuram/puducherry/2018/oct/13/வில்லியனூருக்கு-இன்று-நன்றி-பரிகார-பாத-யாத்திரை-3019567.html
3019566 விழுப்புரம் புதுச்சேரி ஐயப்பன் கோயில் விஷயத்தில் கேரள அரசு தலையிடக் கூடாது DIN DIN Saturday, October 13, 2018 10:11 AM +0530 மத நம்பிக்கையில்லாத கேரள அரசு ஐயப்பன் கோயில் விஷயத்தில் தலையிடக் கூடாது என்று புதுவை ஐயப்ப சுவாமி பக்தர்கள் குழு வலியுறுத்தியது.
இதுதொடர்பாக, அந்தக் குழுவின் தலைவர் அன்பழகன் வெள்ளிக்கிழமை புதுச்சேரியில் செய்தியாளர்களிடம் கூறியதாவது: 
10 வயது முதல் 50 வயது வரையிலான பெண்களை சபரிமலை ஐயப்பன் கோயிலுக்குள் அனுமதிப்பதில்லை என்பது ஐதீக முறையிலானது. இதற்கு உச்ச நீதிமன்ற உத்தரவால் பாதிப்பு ஏற்பட்டுள்ளது.
மதம் சார்ந்த விஷயங்களில் நம்பிக்கையில்லாத கேரள அரசு இதில் தலையிடுவது சரியல்ல. பெண்களுக்கு ஏற்படும் மாதவிடாய் காலத்தில் அவர்களால் 48 நாள்கள் விரதம் இருக்க முடியாது. எனவே, 50 வயதுக்கு மேற்பட்ட பெண்கள் அனுமதிக்கப்படுகின்றனர்.
உச்ச நீதிமன்ற தீர்ப்பை எதிர்த்து மறு ஆய்வு மனுவை தாக்கல் செய்ய வேண்டும் என்றார் அவர்.

]]>
http://www.dinamani.com/all-editions/edition-villupuram/puducherry/2018/oct/13/ஐயப்பன்-கோயில்-விஷயத்தில்-கேரள-அரசு-தலையிடக்-கூடாது-3019566.html
3019564 விழுப்புரம் புதுச்சேரி இந்தியா விரைவில் 3-ஆவது பெரிய பொருளாதார நாடாக மாறும் DIN DIN Saturday, October 13, 2018 10:10 AM +0530 இந்தியா விரைவில் 3-ஆவது பெரிய பொருளாதார நாடாக மாறும் என்று குடியரசுத் துணைத் தலைவர் வெங்கய்ய நாயுடு தெரிவித்தார்.

புதுச்சேரி ஜிப்மரில் வெள்ளிக்கிழமை நடைபெற்ற 9-ஆவது பட்டமளிப்பு விழாவில் கலந்து கொண்ட அவர், 466 மாணவ, மாணவிகளுக்கு பட்டங்களை வழங்கிப் பேசியதாவது:

மதம், மொழி, கலாசாரம் என வேறுபட்டாலும் நாம் அனைவரும் இந்தியர். அந்த எண்ணத்துடன் இளைஞர்கள் செயல்பட வேண்டும்.

தாய் மொழி,  தாய் நாடு,  ஆசிரியர் ஆகியோரை என்றும் மறக்கக் கூடாது. வீடுகளில் தாய்மொழியில் உரையாட வேண்டும்.  தாய் மொழி நம் கண்ணாகவும்,  பிற மொழிகள் அதன் மேல் அணியும் கண்ணாடியாகவும் இருக்க வேண்டும்.

மக்கள்தொகை அதிகமுள்ள இந்தியாவில் சுகாதாரம் தொடர்பான சேவைகள் அதிகம் தேவைப்படுகின்றன. ஜிப்மர், எய்ம்ஸ் மருத்துவமனைகளுக்குச் செல்லும்போது, இன்னும் அதிக மருத்துவச் சேவைகள் கிடைப்பதை உறுதிப்படுத்த வேண்டும். நாட்டு மக்களுக்கு தரமான மருத்துவச் சேவை கிடைக்காததுடன், குறைந்த செலவில் உயர் சிகிச்சையும் கிடைக்கவில்லை. அனைவருக்கும் தரமான மருத்துவச் சேவை கிடைப்பதை உறுதி செய்ய வேண்டும்.

பிரதமர் ஜன் ஆரோக்யா திட்டத்தை நல்ல முறையில் செயல்படுத்தினால் நாட்டில் மருத்துவச் சேவையில் பெரும் புரட்சி ஏற்படும். பல்வேறு துறைகளில் நாடு முன்னேறியுள்ளது. இதே உத்வேகத்துடன் சென்றால் விரைவில் 3-ஆவது பெரிய பொருளாதார நாடாக இந்தியா உருவெடுக்கும்.
பிரதமர் நரேந்திர மோடியின் மூன்று மந்திரங்களான சீர்த்திருத்தம், செயல்பாடு, மாற்றம் ஆகியவற்றைக் கருத்தில் கொண்டு இளைஞர்கள் செயல்படுவது அவசியம்.

சமூகத்தைக் காக்கும் பொறுப்பு மருத்துவர்களுக்கு உள்ளது. சிகிச்சைக்கு வரும் நோயாளிகளை புன்னகையுடன் அணுக வேண்டும். ஆய்வக முடிவுகளைக் கொண்டு மட்டும் அவர்களை அணுகாமல், மனித நேயத்துடன் அணுக வேண்டும் என்றார் குடியரசுத் துணைத் தலைவர் வெங்கய்ய நாயுடு.
மத்திய சுகாதாரம் - குடும்ப நல அமைச்சர் கே.பி.நட்டா கெளரவ விருந்தினராகப் பங்கேற்றுப் பேசியதாவது:

நாடு முழுவதும் 13 எய்ம்ஸ் மருத்துவக் கல்லூரிகள் விரைவில் தொடங்கப்படும். 70 மருத்துவக் கல்லூரி மருத்துவமனைகள் அதி சிறப்பு வாய்ந்த

மருத்துவமனைகளாக மாற்றப்படும். 3 மக்களவைத்  தொகுதிகளுக்கு ஒன்று என்ற விகிதத்தில் புதிதாக 24 மருத்துவக் கல்லூரிகள் தொடங்கப்படும். 20 புற்றுநோய் ஆராய்ச்சி மையங்கள் அமைக்கப்படும் என்றார் அவர்.

விழாவில் புதுவை துணைநிலை ஆளுநர் கிரண் பேடி,  முதல்வர் வே.நாராயணசாமி,  ஜிப்மர் மருத்துவமனைத் தலைவர் மஹாராஜ் கிஷன் பான் உள்ளிட்டோர் பங்கேற்றனர்.
 

]]>
http://www.dinamani.com/all-editions/edition-villupuram/puducherry/2018/oct/13/இந்தியா-விரைவில்-3-ஆவது-பெரிய-பொருளாதார-நாடாக-மாறும்-3019564.html
3018968 விழுப்புரம் புதுச்சேரி முன்னாள் ராணுவ வீரர்களுக்கு விழாக்கால கூப்பன் DIN DIN Friday, October 12, 2018 10:18 AM +0530 முன்னாள் ராணுவ வீரர்களுக்கு விழாக்கால இலவச கூப்பன் 15-ஆம் தேதி முதல் வழங்கப்படவுள்ளதாக தெரிவிக்கப்பட்டுள்ளது.
இதுகுறித்து காரைக்கால் மாவட்ட ஆட்சியர் 
ஆர்.கேசவன் வெளியிட்ட செய்திக் குறிப்பு:
முப்படை நலத்துறை மூலம் முன்னாள் ராணுவ வீரர்களுக்கு விழாக்கால இலவச கூப்பன் ரூ.3 ஆயிரம் வழங்கப்படவுள்ளது. காரைக்கால் பகுதியில் உள்ள முன்னாள் ராணுவத்தினர், முன்னாள் ராணுவ வீரர்களின் விதவையர்கள் மற்றும் 60 வயதைக் கடந்த முன்னாள் ராணுவ வீரர்களுக்கு, விழாக்கால அன்பளிப்பு கூப்பன் வரும் 15-ஆம் தேதி முதல் மாவட்ட ஆட்சியரகத்தில் வழங்கப்படும். கூப்பன் பெற வருவோர் தவறாமல் தங்களுடைய அடையாள அட்டையையும், அதன் பிரதியையும் கொண்டுவர வேண்டும் என அதில் கூறப்பட்டுள்ளது.

]]>
http://www.dinamani.com/all-editions/edition-villupuram/puducherry/2018/oct/12/முன்னாள்-ராணுவ-வீரர்களுக்கு-விழாக்கால-கூப்பன்-3018968.html
3018967 விழுப்புரம் புதுச்சேரி அரசு ஊழியர்களுக்கான ஊதிய நிலுவையை வழங்க திமுக வலியுறுத்தல் DIN DIN Friday, October 12, 2018 10:18 AM +0530 அரசு நிறுவனங்களில் ஊதியமின்றி பணியாற்றி வரும் ஆயிரக்கணக்கான ஊழியர்களுக்கு உரிய ஊதியத்தை வழங்க அரசு  நடவடிக்கை எடுக்க வேண்டும் என்று திமுக வலியுறுத்தியுள்ளது.
இது குறித்து,  தெற்கு மாநில திமுக அமைப்பாளர் இரா.சிவா எம்எல்ஏ வெளியிட்ட அறிக்கை:  
புதுச்சேரி அரசு சார்பு நிறுவனங்கள்,  கூட்டுறவு நிறுவனங்கள்,  வாரியம் ஆகியவற்றில்  பணியாற்றும் 10 ஆயிரத்திற்கும் மேற்பட்ட பணியாளர்கள்,  6 மாதம் முதல் ஆண்டுக்கணக்கில் ஊதியம் பெறாமல்  உள்ளனர். ரோடியர் மில் தொழிலாளர்கள் அரை சம்பளம் மட்டுமே பெற்று வருகின்றனர். கூட்டுறவு  சர்க்கரை ஆலை ஊழியர்களின் நிலையும் அதோ கதியில்தான் உள்ளது.  
நிதியுதவி பெறும் தனியார் பள்ளிகள் மற்றும் சிறுபான்மையினர் பள்ளிகளில் பணியாற்றும் நிரந்தர ஆசிரியர்கள், ஊழியர்கள் நிலுவை ஊதியம், பணி நிரந்தரம் கோரி போராட்டமும் நடத்தி வருகின்றனர்.
இப்படியிருக்க அரசுத் துறைகளில் 800 பணியிடங்களை நிரப்பப் போவதாக முதல்வர் அறிவித்துள்ளார்.  இருக்கும் ஊழியர்களுக்கே ஊதியம் இல்லாத நிலை,  மற்றொருபுறம் அரசுப் பணிக்கு புதிதாக 
ஆள்களை தேர்வு செய்யும் 
அறிவிப்பு முரண்பாடானது.
மாநில அரசில் 54 துறைகளில் 7 ஆயிரத்திற்கும் மேற்பட்ட பணியிடங்கள் காலியாக உள்ளன. அப்படியிருக்க,  இதில் 10 சதவீதத்தை  மட்டும் நிரப்ப உள்ளதாக கூறுவது வேடிக்கையாக உள்ளது.
ஏற்கெனவே காவலர் பணியிடங்களுக்கு வயது  வரம்பை தளர்த்தவே ஆளுநர் ஒப்புதல் அளிக்கவில்லை.  அரசுப் பணிக்கு மட்டும் புதிதாக ஆள்களை தேர்வு செய்ய  ஒப்புக்கொள்வாரா?
 10 முதல் 15  ஆண்டுகளுக்கும் மேலாக பணி நிரந்தரம் இல்லாவிட்டாலும் ஊழியர்கள் பணியாற்றி வருகின்றனர்.  இவர்களது வேலை பறிக்கப்படும் என்ற தகவலும் வெளியாகிறது.
ஒரு ஊழியரோ,  தொழிலாளியோ கூட பணி இழக்கக்கூடாது.  இதற்குத் தேவையான ஆக்கப்பூர்வமான நடவடிக்கைகளை அரசு எடுக்க வேண்டும்.  
அரசு சார்பு நிறுவனங்களில் பணியாற்றும் ஊழியர்கள் தீபாவளி கொண்டாடும் வகையில், நிலுவை ஊதியத்தில் பாதியேனும் வழங்க வேண்டும் என்று வலியுறுத்தியுள்ளார் இரா. சிவா.

]]>
http://www.dinamani.com/all-editions/edition-villupuram/puducherry/2018/oct/12/அரசு-ஊழியர்களுக்கான-ஊதிய-நிலுவையை-வழங்க-திமுக-வலியுறுத்தல்-3018967.html
3018966 விழுப்புரம் புதுச்சேரி அக்.15-இல் ஓய்வூதியர்கள் தர்னா போராட்டம் DIN DIN Friday, October 12, 2018 10:18 AM +0530 ஓய்வூதியர்களின் கோரிக்கைகளை வலியுறுத்தி, அக்.15-ஆம் தேதி தர்னா போராட்டம் நடத்தப்படும் என்று புதுவை ஓய்வூதியர்கள் சங்கம் அறிவித்துள்ளது.
 புதுச்சேரியில் அந்தச் சங்கத்தின் கெüரவத் தலைவர் பாலமோகனன் செய்தியாளர்களிடம் வியாழக்கிழமை கூறியதாவது:
 புதுவை மாநில அரசு ஓய்வூதியர்களின் மருத்துவப்படியை 1.7.2017 முதல் ரூ.1,000-ஆக உயர்த்தி வழங்க வேண்டும். அரசு நிதியுதவி பெறும் தனியார் பள்ளிகளில் பணியாற்றி ஓய்வு பெற்ற ஆசிரியர்களுக்கும்,  உள்ளாட்சித் துறை ஓய்வூதியர்களுக்கும் மருத்துவப்படி வழங்க வேண்டும்.  மத்திய அரசின் 12.5.17 தேதியிட்ட ஆணையின்படி ஓய்வூதியத்தை  மறுநிர்ணயம் செய்து உயர்த்தி வழங்க வேண்டும்.  ஏழாவது ஊதியக்குழு அமலாக்க 
நிலுவைத் தொகை மற்றும் பஞ்சப்படி நிலுவைத் தொகைகளை உடனே வழங்க வேண்டும்.  ஓய்வூதியர்களின் குறைகளைத் தீர்க்க வகை செய்யும் ஓய்வூதியர் குறைகேட்புக்  கூட்டங்களை மாநில அரசின் அனைத்து துறைகளும் 6 மாதங்களுக்கு ஒருமுறை நடத்த வேண்டும் என்பன உள்ளிட்ட  கோரிக்கைகளை வலியுறுத்தி வரும் 
அக்.15-ஆம் தேதி தலைமை அஞ்சல் நிலையம் அருகே தர்னாவில் ஈடுபட உள்ளோம் என்றார் பாலமோகனன்.

]]>
http://www.dinamani.com/all-editions/edition-villupuram/puducherry/2018/oct/12/அக்15-இல்-ஓய்வூதியர்கள்-தர்னா-போராட்டம்-3018966.html
3018965 விழுப்புரம் புதுச்சேரி சாலை விபத்தில் தொழிலாளி சாவு DIN DIN Friday, October 12, 2018 10:18 AM +0530 விழுப்புரம் மாவட்டம், மரக்காணம் அருகே வியாழக்கிழமை பிற்பகல் நேரிட்ட சாலை விபத்தில் தொழிலாளி உயிரிழந்தார்.
 மரக்காணம் அருகேயுள்ள செட்டிக்குப்பம் பகுதியைச் சேர்ந்தவர் அ.அக்கீம் (53). கூலித் தொழிலாளி. இவர், வியாழக்கிழமை பிற்பகல் புதுச்சேரியிலிருந்து மரக்காணத்துக்கு இரு சக்கர வாகனத்தில் சென்று கொண்டிருந்தார். 
கூணிமேடு, கம்பம் கொல்லைமேடு பிரிவு என்ற இடத்தில் சென்றபோது எதிரே வந்த காரும், இவரது இருசக்கர வாகனமும் மோதிக்கொண்டன.
 இதில் பலத்த காயமடைந்த அக்கீம் நிகழ்விடத்திலேயே உயிரிழந்தார். தகவல் அறிந்த மரக்காணம் காவல் ஆய்வாளர் மைக்கேல் இருதயராஜ், விரைந்து சென்று அக்கீமின் சடலத்தை மீட்டு புதுச்சேரியில் உள்ள தனியார் மருத்துவமனைக்கு பிரேத பரிசோதனைக்காக அனுப்பி வைத்தார். பின்னர், விபத்தில் சிக்கிய வாகனங்களை போலீஸார் அப்புறப்படுத்தினர்.
இது தொடர்பாக மரக்காணம் போலீஸார் வழக்குப் பதிவு செய்து விசாரிக்கின்றனர்.

]]>
http://www.dinamani.com/all-editions/edition-villupuram/puducherry/2018/oct/12/சாலை-விபத்தில்-தொழிலாளி-சாவு-3018965.html
3018964 விழுப்புரம் புதுச்சேரி ஏஎஃப்டி பஞ்சாலையில் ஆளுநர் ஆய்வு செய்யக் கோரிக்கை DIN DIN Friday, October 12, 2018 10:17 AM +0530 ஏ.எஃப்.டி.  பஞ்சாலையில் ஆளுநர் ஆய்வு செய்யக் கோரி, ஏஎஃப்டி தொழிற்சங்கத்தினர் வியாழக்கிழமை ஆர்ப்பாட்டத்தில் ஈடுபட்டனர்.
 ஏஎஃப்டி அனைத்து தொழிற்சங்க நடவடிக்கைக் குழு சார்பில், ஏஎஃப்டி பஞ்சாலை அருகே வியாழக்கிழமை நடைபெற்ற இந்த ஆர்ப்பாட்டத்துக்கு குழுத் தலைவர் 
எஸ்.வீரமுத்து (சிஐடியூ),  குழுச் செயலர் ஆர்.சின்னதுரை (ஏடியூ),  குழு பொருளாளர் சி.ஜெயபாலன் ஆகியோர் தலைமை வகித்தனர்.
 துணைத் தலைவர்கள் பி.சத்தியசீலன்,  ஏ.அம்மநாதன்,  இணைச் செயலர் வி.ரவி ஆகியோர் முன்னிலை வகித்தனர். ஆர்ப்பாட்டத்தில்,  ஏஎஃப்டி பஞ்சாலையில் லே-ஆப்பை ரத்து செய்து ஆலையை மீண்டும் இயக்க வேண்டும், ஆலையில் ஆளுநர் பார்வையிட்டு இயக்க நடவடிக்கை எடுக்க வேண்டும்.  சட்டப்படி ஓய்வு பெற்ற தொழிலாளர்களுக்கு 30 நாள்களுக்குள் பணிக்கொடை வழங்க வேண்டும்.  ஆனால், 6 ஆண்டுகளாக வழங்கப்படாமல் உள்ளது. 
இதனால், 67 தொழிலாளர்கள் பணிக்கொடை கிடைக்காமலேயே இறந்துவிட்டனர். எனவே, உடனடியாக பணிக்கொடை வழங்க வேண்டும்.  விஜயன் குழு அறிக்கையின்படி ஆலையை புனரமைக்க வேண்டும் என்பன உள்ளிட்ட கோரிக்கைகளை வலியுறுத்தி கோஷம் எழுப்பினர்.
 இதில் குழு நிர்வாகிகள் மற்றும் தொழிலாளர்கள் கலந்து கொண்டனர்.

]]>
http://www.dinamani.com/all-editions/edition-villupuram/puducherry/2018/oct/12/ஏஎஃப்டி-பஞ்சாலையில்-ஆளுநர்-ஆய்வு-செய்யக்-கோரிக்கை-3018964.html
3018963 விழுப்புரம் புதுச்சேரி செலங்கல் கால்வாய் தூர்வாரும் பணி கிரண் பேடி ஆய்வு DIN DIN Friday, October 12, 2018 10:17 AM +0530 புதுவை மாநிலம், திருபுவனை தொகுதிக்கு உள்பட்ட செலங்கல் கால்வாய் தூர்வாரும் பணியை துணைநிலை ஆளுநர் கிரண் பேடி வியாழக்கிழமை ஆய்வு செய்தார்.
ஆளுநர் கிரண் பேடி வாரம்தோறும் வார இறுதி நாள்களிலும்,  சில நேரங்களில் மற்ற நாள்களிலும் கள ஆய்வு மேற்கொண்டு வருகிறார். 
 கடந்த சில மாதங்களாக  நீர்வள மிக்க புதுச்சேரி என்னும் இலக்கு வைத்து ஆய்வு செய்து வருகிறார். இதற்காக, புதுச்சேரியில் உள்ள ஏரிகள்,  கால்வாய்களை தூர்வாரும் பணியை அவர் முடுக்கிவிட்டுள்ளார்.
 இதுவரை 23 கால்வாய்கள் தூர்வாரப்பட்டுள்ளன.   அந்த வகையில், திருபுவனை தொகுதிக்கு உள்பட்ட செலங்கல் கால்வாயை தூர்வார ரூ.7 லட்சத்தை வேர்ல்புல் நிறுவனம் வழங்கியுள்ளது. இந்த நிதியில் 11.30 கி.மீ. தொலைவுக்கு தூர்வாரப்படும்.  இப்பணியை ஆளுநர் கிரண் பேடி வியாழக்கிழமை தொடக்கிவைத்தார். 
 திருபுவனை தொகுதி எம்.எல்.ஏ. கோபிகா முன்னிலை வகித்தார்.   
பின்னர் ஆளுநர் கிரண் பேடி செய்தியாளர்களிடம் கூறியதாவது: தென்பெண்ணை ஆற்றில் இருந்து செலங்கல் கால்வாய் புதுவை மாநிலத்துக்குள் வருகிறது.  இதன் மூலம் நல்லூர்,  மதகடிபட்டு,  கலிதீர்த்தாள்குப்பம்,   சன்னியாசிகுப்பம்,  திருபுவனை,  திருவண்டார்கோயில்,  பிடாரிகுப்பம் ஆகிய குளங்களுக்கு நீர் செல்கிறது.   செலங்கல் கால்வாயை தூர்வாருவதன் மூலம் சுமார் 900 ஏக்கர் விளைநிலங்கள் பயன்பெறும். 
 மேலும்,  இப்பகுதியில் நிலத்தடி நீரும் உயரும்.  நீர்நிலைகளை தூர்வார உதவுவோருக்கு நவ.3-ஆம் தேதி ஆளுநர் மாளிகையில் தூய்மை சேவை விருது வழங்கப்படவுள்ளது என்றார் கிரண் பேடி.
 ஆய்வின்போது, பொதுப்பணித் துறை தலைமைப் பொறியாளர் சண்முகசுந்தரம்,  கண்காணிப்புப் பொறியாளர் சத்தியமூர்த்தி,  செயற்பொறியாளர் தாமரை புகழேந்தி,  மண்ணாடிப்பட்டு கொம்யூன் 
பஞ்சாயத்து ஆணையர் சீதாராமன் உள்ளிட்டோர் உடனிருந்தனர்.
 

]]>
http://www.dinamani.com/all-editions/edition-villupuram/puducherry/2018/oct/12/செலங்கல்-கால்வாய்-தூர்வாரும்-பணி-கிரண்-பேடி-ஆய்வு-3018963.html
3018962 விழுப்புரம் புதுச்சேரி ஒழுங்குமுறை விற்பனைக் கூடத்தை முற்றுகையிட்ட பாஜகவினர் DIN DIN Friday, October 12, 2018 10:16 AM +0530 புதுச்சேரி அருகே தட்டாஞ்சாவடியில் உள்ள ஒழுங்குமுறை விற்பனைக்கூடத்தில் ஊழல், முறைகேடு நடப்பதாகக் கூறி பாஜகவினர் வியாழக்கிழமை முற்றுகைப் போராட்டத்தில் ஈடுபட்டனர்.
 போராட்டத்துக்கு, கட்சியின் மாநிலத் தலைவர் வி.சாமிநாதன் எம்.எல்.ஏ. தலைமை வகித்தார்.  துணைத் தலைவர் ஆர்.செல்வம் முன்னிலை வகித்தார்.  50-க்கும் மேற்பட்ட பாஜகவினர் கலந்துகொண்டனர்.  பின்னர், விவசாயிகளிடம் குறைகளை கேட்டறிந்தனர்.  இதையடுத்து மாநிலத் தலைவர் சாமிநாதன் செய்தியாளர்களிடம் கூறியதாவது: 
 விவசாயிகளுக்கு பயனளிக்கக்கூடிய இ-நாம் திட்டங்களை மத்திய அரசு அமல்படுத்திய பிறகும்,   அதை புதுவை அரசு முறையாக செயல்படுத்தவில்லை.  
இ-நாம் திட்ட நிதி ஒப்புதல் அளிக்கப்பட்ட பணிகளுக்குப் பதிலாக வேறு பணிகளுக்கு பயன்படுத்தப்பட்டுள்ளது. 
ஒழுங்குமுறை விற்பனைக்
கூடத்தில் விளைபொருள்களை விற்பனை செய்தவர்களுக்கு வங்கிகள் மூலம் பணம் வரவு வைக்கப்படவில்லை.  பல்வேறு முறைகேடுகள் நடக்கின்றன.  உழவர் சந்தைகள் விவசாயிகளுக்கு பலனிக்காமல் வியாபாரிகளின் சந்தையாகவே இயங்குகின்றன. 
 பெரிய மார்க்கெட்டில் காய்கறிகளை வாங்கி வந்து உழவர்சந்தையில் கூடுதல் விலைக்கு விற்பனை செய்து வருகின்றனர்.  சரியான எடை போட்டு காய்கறிகள் விற்பனை செய்யப்படுவதில்லை. 
 இங்கு ஆளுநர் ஆய்வு செய்து  முறைகேடுகளை விசாரிக்க உத்தரவிட வேண்டும் என்றார் சாமி
நாதன் எம்.எல்.ஏ.

]]>
http://www.dinamani.com/all-editions/edition-villupuram/puducherry/2018/oct/12/ஒழுங்குமுறை-விற்பனைக்-கூடத்தை-முற்றுகையிட்ட-பாஜகவினர்-3018962.html
3018961 விழுப்புரம் புதுச்சேரி புதுவை பல்கலை. பேராசிரியைக்கு சர்வதேச விருது DIN DIN Friday, October 12, 2018 10:16 AM +0530 புதுவை மத்திய பல்கலைக்கழக உயிர் வேதியியல் மற்றும் மூலக்கூறு உயிரியல் துறை இணைப் பேராசிரியை ருக்மணிக்கு, ரெனாட்டோ டல்பெக்கோ நினைவு ஆய்வு விருது வழங்கப்பட்டுள்ளது.
பேராசிரியை ருக்மணி,  புற்றுநோய்  செல்களைக் கட்டுப்படுத்துவது தொடர்பாகவும்,   நச்சுத்தன்மைக் கொண்ட செல்களால் பாதிக்கப்பட்ட நோயாளிகளுக்கு நல்ல மருத்துவப் பலன்களை உடலில் உருவாக்குவது தொடர்பாகவும் பல்வேறு ஆய்வுப் பணிகளில் ஈடுபட்டு வருகிறார்.  
பன்னாட்டு நிறுவனங்களின் ஆராய்ச்சி இதழ்களில் இவரது கட்டுரைகள் வெளியாகி உள்ளன. 
 பெங்களூரில் நடைபெற்ற உலக இரண்டாவது புற்றுநோய் குறித்த ஆராய்ச்சி மாநாட்டில் ரெனாட்டோ டல்பெக்கோ நினைவு ஆய்வு விருது  பெற்ற  பேராசிரியை ருக்மணியை 
புதுவைப் பல்கலைக்கழகத்தின் துணைவேந்தர்  குர்மீத் சிங் பாராட்டினார்.  
 மேலும், புற்றுநோய் தொடர்பான ஆய்வுத் துறையில் சாதிக்கவும்,  புற்றுநோய் காரணமாக பாதிக்கப்பட்டு வரும் மக்களுக்கு தேவையான புதிய வழிமுறைகளை ஆய்வின்  மூலம் கண்டறியவும் வாழ்த்துகளைத் தெரிவித்துக் கொண்
டார்.
 

]]>
http://www.dinamani.com/all-editions/edition-villupuram/puducherry/2018/oct/12/புதுவை-பல்கலை-பேராசிரியைக்கு-சர்வதேச-விருது-3018961.html
3018960 விழுப்புரம் புதுச்சேரி காங்கிரஸ் ஆட்சியில் குறைகளும் உள்ளன DIN DIN Friday, October 12, 2018 10:16 AM +0530 புதுவையில் ஆளும் காங்கிரஸ் அரசு நிறைய செய்தாலும் குறைகளும் உள்ளன என்றார் சமூக நலத் துறை அமைச்சர் மு.கந்தசாமி.
 புதுவை அரசு மகளிர், குழந்தைகள் மேம்பாட்டுத் துறை சார்பில் புதுச்சேரியில் வியாழக்கிழமை நடைபெற்ற சர்வதேச பெண் குழந்தைகள் தின விழாவில் அவர் பேசியதாவது: 
 பெண் குழந்தைகளை காப்பாற்ற வேண்டும், பெண்களின் எண்ணிக்கை குறைந்துவிடக் கூடாது என்பதற்காகவும் இவ்விழா கொண்டாடப்படுகிறது.  புதுவையில் பெண்கள் அதிக எண்ணிக்கையில் உள்ளனர்.  ஆண்களைவிட பெண்கள் திறமையானவர்களாக உள்ளனர்.
 பிளஸ் 2, பத்தாம் வகுப்பு பொதுத் தேர்வுகளில் அதிக மதிப்பெண்களை பெண்கள் தான் எடுத்து வருகின்றனர். திறமை இருந்தாலும் ஒரு கால கட்டத்தில் திருமணத்தால் பெண்களுக்கு கல்வி மறுக்கப்படுகிறது. ஆண்கள் ஆதரவு இருந்தால்தான் பெண்களால் படிக்க முடியும்.  அனைவரும் சமமாக இருக்க வேண்டும். 
 பெண்கள் கருவில் பெண் குழந்தைகளை அழிக்காமல் பாதுகாக்க வேண்டும். பெண் குழந்தைகள் தான் கடைசி காலத்தில் பெற்றோர்களை கவனிக்கின்றனர்.  யாரையும், யாருடனும் ஒப்பிடக்கூடாது.  அவரவருக்கு ஒரு திறமை உள்ளது. 
 பத்திரிகைகளை திறந்தாலே ஊதியம் வழங்கவில்லை,  திட்டங்களை செயல்படுத்தவில்லை என்றுதான் தகவல்கள் உள்ளன. பாப்ஸ்கோவில் 1,150 தொழிலாளர்கள் உள்ளனர். அதை லாபத்தில் நடத்துவதற்காக விஜயன் தலைமையில் அமைக்கப்பட்ட குழு பாப்ஸ்கோவை நடத்துவதற்கு 400 பேர் போதும் என்றும்,  பிற தொழிலாளர்களுக்கு வேறு இடத்தில் பணி வழங்கலாம் என்று அறிக்கை சமர்ப்பித்துள்ளது.
 நெசவாளர்கள்,  கூட்டுறவு சர்க்கரை ஆலை என அதிகம் ஊதியம் தராத நிறுவனங்கள் என்னிடம்தான் உள்ளன. கடந்த அரசு தேவைக்கு மேல் ஆள்களை திணித்தது தான் ஊதியம் வழங்க முடியாததற்கு காரணம்.  கடந்த அரசு வாங்கிய கடன்களை அடைக்கும் பொறுப்பு எங்கள் அரசுக்கு உள்ளது. இதனால் ஆண்டுக்கு ரூ.500,  ரூ.900,  ரூ.1,300 கோடி என அடைக்க வேண்டியுள்ளது. 
 கடந்த அரசுக்கு மத்திய அரசு நிதி வழங்கியது.  புதுவையிலும் நிறைய நிதி இருந்தது.  ஆனால், எங்கள் அரசு கடன் வாங்க தடை விதிக்கப்பட்டுளளது.  கடந்த அரசு செய்தது,  எங்கள் அரசு செய்யவில்லை என்று நினைக்கிறீர்கள். அரசை மாற்றும் திறமையும்,  புதிய அரசை அமைக்கும் திறமையும் மாணவர்களிடம் உள்ளது.  ஆளுநர், முதல்வர், அமைச்சர்கள் மாநிலத்தை முன்னேற்ற நினைக்கின்றனர். ஆனால் நிதி இல்லை. அனைவரும் இலவசத்தை எதிர்பார்க்கின்றனர்.  வசதி படைத்தவர்களும் சென்டாக் நிதியுதவி வேண்டும் என்று நினைக்கின்றனர். 
 ஊதியம் கொடுக்காத நிலை ஏற்பட்டதற்கு ஆளுநரும்,  முதல்வரும் கொள்கை முடிவு எடுக்க வேண்டும்.
 புதுவையின் தற்போதைய நிலையில் முந்தைய ஆட்சியர்கள் இருந்தாலும் செய்ய முடியாது. எங்கள் அரசு நிறைய செய்தாலும் குறைகளும் உள்ளன என்றார் அமைச்சர் 
கந்தசாமி.

]]>
http://www.dinamani.com/all-editions/edition-villupuram/puducherry/2018/oct/12/காங்கிரஸ்-ஆட்சியில்-குறைகளும்-உள்ளன-3018960.html
3018959 விழுப்புரம் புதுச்சேரி தீபாவளி உதவித்தொகையை உயர்த்தக் கோரி பேரணி DIN DIN Friday, October 12, 2018 10:16 AM +0530 தீபாவளி உதவித்தொகையை உயர்த்தி வழங்கக் கோரி, சட்டப்பேரவை நோக்கி அமைப்பு சாரா தொழிலாளர்கள் வியாழக்கிழமை பேரணி நடத்தினர்.
சிஐடியூ புதுவை பிரதேச உடல் உழைப்போர் சங்கம் சார்பில், அமைப்பு சாரா தொழிலாளர்கள் கோரிக்கைகளை வலியுறுத்தி, புதுச்சேரி பேருந்து நிலையத்தில் இருந்து சட்டப்பேரவை நோக்கி வியாழக்கிழமை பேரணியாக புறப்பட்டனர். 
பேரவை அருகே சென்ற அவர்கள், அங்கு கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர்.
அப்போது, அமைப்பு சாரா  தொழிலாளர்களுக்கு நல வாரியம் ஏற்படுத்தி ரூ.20 கோடி நிதி ஒதுக்கீடு செய்து, நிரந்தர வருவாய்க்கு  திட்டமிட செய்ய வேண்டும்,  தீபாவளி பண்டிகைக்கு வழங்கப்படும் உதவித்தொகையை 
ரூ.3 ஆயிரமாக உயர்த்த வேண்டும்,  இறந்த குடும்பங்களுக்கு வழங்கப்படும் உதவித்தொகையை வழங்க வேண்டும்,  வழங்கப்படாமல்  உள்ள கல்வி உதவித்தொகையை வழங்க வேண்டும்,  60 வயதுக்கு மேற்பட்ட தொழிலாளர்களுக்கு கட்டுமான  வாரியத்தில் வழங்குவது போல, சலுகைகள் வழங்க வேண்டும் எனபன உள்ளிட்ட கோரிக்கைகளை வலியுறுத்தி கோஷம் எழுப்பினர்.
பின்னர், கோரிக்கைகள் அடங்கிய மனுவை சட்டப்பேரவை அதிகாரிகளிடம் அளித்துவிட்டு திரும்பினர்.

]]>
http://www.dinamani.com/all-editions/edition-villupuram/puducherry/2018/oct/12/தீபாவளி-உதவித்தொகையை-உயர்த்தக்-கோரி-பேரணி-3018959.html
3018958 விழுப்புரம் புதுச்சேரி பள்ளியில் பெண் குழந்தைகள் தின விழா DIN DIN Friday, October 12, 2018 10:15 AM +0530 புதுச்சேரி மிஷன் வீதியில் உள்ள இமாக்குலேட் பெண்கள் மேல்நிலைப் பள்ளியில் பெண் குழந்தைகள் தின விழாவையொட்டி, விழிப்புணர்வு நிகழ்ச்சி வியாழக்கிழமை நடைபெற்றது.
பாண்டிச்சேரி பன்முக ஒருங்கிணைந்த விழிப்புணர்வு இயக்கம் சார்பில் நடைபெற்ற இந்த  நிகழ்ச்சிக்கு முதல்வரின் நாடாளுமன்றச் செயலர் க.லட்சுமிநாராயணன் தலைமை வகித்தார். 
சிறப்பு  அழைப்பாளர்களாக அரசு மகளிர்,  குழந்தைகள் மேம்பாட்டுத் துறை ஆணையத் தலைவி தேவிப்பிரியா, புதுச்சேரி வடக்கு பகுதி மகளிர் குற்றத் தடுப்புப் பிரிவு காவல் கண்காணிப்பாளர் ரச்சனாசிங் ஆகியோர் பங்கேற்றனர்.  பள்ளி முதல்வர் ஜோஸ்பின் செல்வராணி முன்னிலை வகித்தார்.  
நிகழ்ச்சிக்கான ஏற்பாடுகளை பாண்டிச்சேரி பன்முக ஒருங்கிணைந்த விழிப்புணர்வு இயக்க நிர்வாகிகள் வெள்ளையன்,  கந்தசாமி பாபு,  விஜயபூபதி, மணிமாறன் ஆகியோர் செய்திருந்
தனர்.
 

]]>
http://www.dinamani.com/all-editions/edition-villupuram/puducherry/2018/oct/12/பள்ளியில்-பெண்-குழந்தைகள்-தின-விழா-3018958.html
3018957 விழுப்புரம் புதுச்சேரி பெண் குழந்தைகள் சுமை அல்ல: பேரவைத் தலைவர் DIN DIN Friday, October 12, 2018 10:15 AM +0530 பெண் குழந்தைகள் சுமை அல்ல  என்று  சட்டப்பேரவைத் தலைவர் வெ.வைத்திலிங்கம் தெரிவித்தார்.
புதுவை அரசு மகளிர், குழந்தைகள் மேம்பாட்டுத் துறை சார்பில் வியாழக்கிழமை நடைபெற்ற சர்வதேச பெண் குழந்தைகள் தின விழாவில் சிறப்பு விருந்தினராக பங்கேற்ற பேரவைத் தலைவர் வைத்திலிங்கம் பேசியதாவது:
ஒரு காலத்தில் பெண் குழந்தை பிறந்தால் குடும்பத்தில் நிதிச் சுமை ஏற்படும் என்பதால் பெண் குழந்தைகளை விரும்பாத நிலை இருந்தது.  ஆனால், தற்போது பெண்,  ஆண் இரு குழந்தைகளுக்கும் சம அளவிலேயே நிதிச் சுமை உள்ளதை பெற்றோர் உணர்ந்துள்ளனர்.  மேலும், பெண் பிள்ளைகள்தான் பெற்றோரிடம் பாசமாகவும் உள்ளனர்.
பெண் குழந்தை பிறந்தால் வறுமை கிடையாது என்று சம்பந்தப்பட்டவர்கள் உணரும் நிலை ஏற்பட்டுள்ளது. ஆண்களைவிட பெண்கள் குடும்பத்துக்குக்காக அதிகம் உழைக்கின்றனர். 
தகவல் தொழில்நுட்பத் துறையில்  பெண்கள் அதிகம் சம்பாதிக்கின்றனர்.  எனவே, குடும்பத்துக்கு பெண்கள் சுமையல்ல,  சுகம்.  இது நாட்டின் வளர்ச்சி அல்லது மாற்றம் என்று சொல்ல வேண்டும்.  பெண்களிடம் பேச்சும்,  தொழிலும் சிறப்பாக உள்ளது.
கடந்த சட்டப்பேரவையில் ஒரு பெண் உறுப்பினர்கூட இல்லை.  ஆனால், தற்போது 4 பேர் உள்ளனர்.  4 பேரும் எதிர்த்து போட்டியிட்ட ஆண்களை தோற்கடித்துள்ளனர் என்றார் வைத்திலிங்கம்.

]]>
http://www.dinamani.com/all-editions/edition-villupuram/puducherry/2018/oct/12/பெண்-குழந்தைகள்-சுமை-அல்ல-பேரவைத்-தலைவர்-3018957.html
3018956 விழுப்புரம் புதுச்சேரி புதுவையில் பெண்கள் பாதுகாப்பாக உள்ளனர் DIN DIN Friday, October 12, 2018 10:14 AM +0530 புதுவையில் பெண்கள் பாதுகாப்பாக உள்ளனர் என்று  முதல்வர் வே.நாராயணசாமி தெரிவித்தார். 
புதுவை அரசு மகளிர், குழந்தைகள் மேம்பாட்டுத் துறை சார்பில், புதுச்சேரியில் வியாழக்கிழமை நடைபெற்ற சர்வதேச பெண் குழந்தைகள் தின விழாவில் அவர் பேசியதாவது:
புதுவையில் துணைநிலை ஆளுநர், மாநில காவல் இயக்குநர்,  அரசுச் செயலர் உள்ளிட்ட பதவிகளில் பெண்கள் உள்ளனர்.  இந்த விழா வட நாட்டில்தான் அதிகம் இருக்க வேண்டும். அங்கு பெண்களுக்கு தனிப்பட்ட சுதந்திரம் இல்லை.
உத்தரப்பிரதேசம்,  மத்தியபிரதேசம்,  ஹரியானா,  ராஜஸ்தான் ஆகிய மாநிலங்களில் பெண்கள் தலையில் துணி அணிந்து கொண்டுதான் வெளியே வரவேண்டும்.  குடும்பத் தலைவர் இருக்கிறாரா? என்ற கேள்விக்கு பெண்கள்  வீட்டுக்குள் இருந்துதான் பதில் சொல்ல வேண்டும். 
புதுவையில் ஒவ்வொரு வாக்குச்சாவடியிலும் ஆயிரம் ஆண்களுக்கு ஆயிரத்து 50 பெண்கள் உள்ளனர்.  புதுவையில் பெண்கள் பாதுகாப்புடன் உள்ளனர்.  உரிமைகள் கொடுக்கப்படுகிறதா என்றால் இல்லை. 
ராஜீவ் காந்தி பிரதமராக இருந்தபோது கொண்டுவரப்பட்ட பஞ்சாயத்து ராஜ் சட்டத்தினாலேயே நாட்டில் 30  லட்சத்துக்கும் மேற்பட்ட பெண்கள் கொம்யூன் பஞ்சாயத்து, நகராட்சிகளில் தலைவர்,  துணைத் தலைவர்,  கவுன்சில் உறுப்பினர் பதவிகளைப் பெற்றனர்.
மேடையில் உள்ள எம்.எல்.ஏ.க்கள் கீதா ஆனந்தன்,  விஜயவேணி ஆகிய இருவரும்கூட கொம்யூன் பஞ்சாயத்து அளவில் பதவியில் இருந்தவர்கள்தான்.  
சட்டப்பேரவை, மக்களவையிலும் 33 சதவீத இட ஒதுக்கீடு வழங்க கடந்த ஆட்சியில் கொண்டு வரப்பட்ட மசோதா மாநிலங்களவையில் நிறைவேற்றப்படாமல் உள்ளது.  அதை நிறைவேற்ற உறுதியாக உள்ளோம். 
பெண்கள் புத்திசாலியாக நன்றாக கல்வி கற்கின்றனர்.  பல்கலைக்கழகங்களில் பட்டமளிப்பு விழாவுக்கு செல்லும்போது தங்கம்,  வெள்ளிப் பதக்கங்களை பெண்கள்தான் பெறுகின்றனர். 
பெண் பிள்ளைகள் திருமணம் ஆகி எங்கு சென்று இருந்தாலும் பெற்றோரை கவனிக்கின்றனர்.  
வெளிநாடுகளுக்கு வேலைக்குச் செல்லும் பெண்கள் ஆண்களைவிட அதிகம் சம்பாதித்து பெற்றோருக்கு பணம் அனுப்புகின்றனர்.  எனவே, பெண் பிள்ளைகளை சமமாக பாவிக்க வேண்டும்.  கருக்கலைப்பு செய்யக்கூடாது.
நாட்டில் பாலியல் பலாத்காரத்தால் பெண்கள் தற்கொலை செய்து கொள்ளும் நிலை உள்ளது.  இதைத் தடுக்க பாலியல் பலாத்காரத்துக்கு தூக்கு தண்டனைச் சட்டம் கொண்டு வரப்பட வேண்டும்.  சட்டம் கடுமையாக்கப்பட்டாலும் ஆண்கள் ஆதிக்கம் உள்ளது. 
புதுவையில் சட்டம்-ஒழுங்கு கட்டுப்பாட்டில் உள்ளது.  பெண்கள் பாதுகாப்பாக உள்ளனர் என்றார் முதல்வர் நாராயணசாமி.
விழாவில்,  துணைநிலை ஆளுநர் கிரண் பேடி, பேரவைத் தலைவர் வெ.வைத்திலிங்கம், சமூக நலத் துறை அமைச்சர் மு.கந்தசாமி, எம்.எல்.ஏ.க்கள் விஜயவேணி,  கீதா ஆனந்தன், துறைச் செயலர் ஆலிஸ் வாஸ்   உள்ளிட்டோர் பங்கேற்றனர். 

]]>
http://www.dinamani.com/all-editions/edition-villupuram/puducherry/2018/oct/12/புதுவையில்-பெண்கள்-பாதுகாப்பாக-உள்ளனர்-3018956.html
3018301 விழுப்புரம் புதுச்சேரி "காட்டின் வளத்தை காப்பாற்ற வேண்டும்' DIN DIN Thursday, October 11, 2018 10:14 AM +0530 காட்டின் வளத்தை அழியாமல் காப்பாற்ற வேண்டும் என  சட்டப்பேரவை உறுப்பினர் சந்திர பிரியங்கா கூறினார். 

காரைக்கால் பகுதி நெடுங்காடு அகரமாங்குடி ஏரிக்கரையில் உலக மரக்கன்று நடும் நினத்தையொட்டி  இலுப்பை, நாவல் மரக்கன்று நடுதல் மற்றும் பனை விதைப்பு செய்யும் நிகழ்ச்சி புதன்கிழமை நடைபெற்றது. ஜி.என்.சிவபிரகாசம் நாடார் கல்விக் குழுமத்தின் ரீஜினல் பெர்ஃபெக்ட் மேல்நிலைப் பள்ளி சார்பில் நடைபெற்ற இந்நிகழ்ச்சிக்கு மாவட்ட ஆட்சியர் ஆர்.கேசவன் தலைமை வகித்தார்.

நெடுங்காடு தொகுதி சட்டப்பேரவை உறுப்பினர் சந்திர பிரியங்கா மரக்கன்றுகளை நட்டு  பேசினார். இயற்கை வளத்தை அழித்து நாம் வாழ்ந்துவருகிறோம், இனிமேலாவது காடுகளை அழிக்காமல் வாழ பழகிக்கொள்ளவேண்டும். மாணவ, மாணவியர் ஒவ்வொருவரும் ஒரு மரக்கன்று நட்டு பராமரிக்க பழகிக்கொள்ளவேண்டும். இது பிற்கால சந்ததியினருக்கு பெரும் ஆதாயத்தைத் தரும் என்றார் அவர்.

மாவட்ட ஆட்சியர் ஆர்.கேசவன் பேசும்போது,  மரம் வளர்ப்பில் மாணவர்களின் ஆர்வமே மிகவும் முக்கியம். இயற்கை வளத்துக்கு, சுற்றுச்சூழல் பாதுகாப்புக்கு, ஆரோக்கியமான காற்றை சுவாசிக்க, புவி வெப்பமயமாவதை தடுக்க என பல்வேறு காரணங்களுக்கு மரங்கள் இன்றியமையாததாகிறது என்றார் ஆட்சியர்.

பொதுப்பணித்துறை கண்காணிப்புப் பொறியாளர் (பொ) ஏ.ராஜசேகரன், கூடுதல் வேளாண் இயக்குநர் க.மதியழகன், தனியார் பள்ளி  தாளாளர் ஜி.என்.எஸ்.ராஜசேகரன் மற்றும் 200-க்கும் மேற்பட்ட மாணவ, மாணவியர், ஆசிரியர்கள் கலந்துகொண்டனர்.

]]>
http://www.dinamani.com/all-editions/edition-villupuram/puducherry/2018/oct/11/காட்டின்-வளத்தை-காப்பாற்ற-வேண்டும்-3018301.html
3018300 விழுப்புரம் புதுச்சேரி சாராயக் கடை திறப்புக்கு எதிர்ப்பு: கடையை சூறையாடிய பெண்கள் DIN DIN Thursday, October 11, 2018 10:13 AM +0530 புதுச்சேரி அருகே புதிய சாராயக் கடை திறப்புக்கு எதிர்ப்பு தெரிவித்து பெண்கள் கடையை உடைத்து சூறையாடினர். 
புதுச்சேரி அருகே  திருபுவனை பகுதி மதகடிப்பட்டு பாளையம் கிராமத்தில் ஊரல் குட்டை என்ற இடத்தில் கடந்த சில தினங்களுக்கு முன்பு திடீரென புதிதாக சாராயக் கடை திறக்கப்பட்டு விற்பனை நடைபெற்று வந்தது. 
 இதனால், அங்கு மது அருந்துவோர் அதிகளவில் கூடினர்.   
இதுகுறித்து தகவல் அறிந்த, அப்பகுதியைச் சேர்ந்த 50-க்கும் மேற்பட்ட பெண்கள் கடை முன் புதன்கிழமை திரண்டனர். அங்கு சாராயக் கடை அமைக்கக்கூடாது என்றும்,  உடனே கடையை அகற்ற வேண்டும் என்றும் கூறி போராட்டத்தில் ஈடுபட்டனர். 
விற்பனையாளர்கள்,  சாராயக் கடை அனுமதி  பெற்றுத்தான் வைக்கப்பட்டுள்ளது எனக் கூறி கடையை மூட மறுத்துவிட்டனர்.  இதனால் ஆத்திரமடைந்த பெண்கள்,  சாராயக் கடைக்குள் புகுந்து சாராய கேன்கள், பாட்டில்கள் உள்ளிட்ட பொருள்களை அடித்து நொறுக்கினர்.  தகவல் அறிந்து வந்த திருபுவனை காவல் உதவி ஆய்வாளர் பிரியா தலைமையிலான போலீஸார் போராட்டத்தில் ஈடுபட்ட பெண்களிடம் பேச்சுவார்த்தை நடத்தினர்.  
சாராயக் கடையை அகற்றுவதற்கு புகார் மனு கொடுத்தால்,  அதிகாரிகளிடம் தெரிவித்து நடவடிக்கை எடுப்பதாக போலீஸார் உறுதியளித்தனர்.  இதனையடுத்து பொது மக்கள் புகார் மனுவை கொடுத்தனர். இதனையடுத்து சாராயக் கடை மூடப்பட்டது.

]]>
http://www.dinamani.com/all-editions/edition-villupuram/puducherry/2018/oct/11/சாராயக்-கடை-திறப்புக்கு-எதிர்ப்பு-கடையை-சூறையாடிய-பெண்கள்-3018300.html
3018299 விழுப்புரம் புதுச்சேரி புதுவை பல்கலை.யில் நூல் வெளியீட்டு விழா DIN DIN Thursday, October 11, 2018 10:13 AM +0530 புதுவை பல்கலைக் கழகத்தில் நூல் வெளியீட்டு, பயிற்சி முடித்தவர்களுக்கு சான்றிதழ்கள் வழங்கப்பட்டது. 
புதுவை பல்கலைக்கழக  இந்தி துறையானது புதுதில்லி,  தேசிய புத்தக ஆராய்ச்சி நிறுவனத்தோடு இணைந்து நுôல் வெளியீட்டுத்  துறையில் சான்றிதழ் வகுப்புகளை நடத்தியது.  பயிற்சி முடித்தவர்களுக்கான சான்றிதழ்கள் வழங்கும் விழா பல்கலைக்கழக வளாகத்தில் நடைபெற்றது.  இந்தி துறைத் தலைவர் பேராசிரியர் ஜெய்சங்கர்பாபு வரவேற்றார்.
துணைவேந்தர் குர்மீத் சிங் கலந்து கொண்டு ஒரு வார கால பயிற்சியில் பங்கேற்றவர்களுக்குச் சான்றிதழ்கள் வழங்கி வாழ்த்தி பேசினார்.  அப்போது பேசிய அவர்,  புத்தக வெளியீடு என்பது மிகப் பெரும் வேலைவாய்ப்புகளை உருவாக்கித் தரும் தொழிலாகும். 
அதனால் பயிற்சியில் பங்கேற்று வெற்றிகரமாக முடித்தவர்கள்  நுôல் எழுதுதல்,  பதிப்பகம் தொடங்குதல்,  புதிய தரமான நுôல்களை வெளியிடுதல் உள்ளிட்ட பல்வேறு துறைகளில் அறிவையும்,  திறன்களையும் மேம்படுத்திக் கொண்டு சுய தொழில் தொடங்கி நுôல் வெளியீட்டுத் துறையில் முன்னேற வேண்டும் என்றார். 
ஒரு வார கால பயிற்சி முகாமில் புதுச்சேரி,  தமிழகம்,  கேரளம்,  அஸ்ஸாம்,  ராஜஸ்தான்,  உத்தரப்பிரதேசம்,  ஆந்திரம், தெலங்கானா,  ஜார்கண்ட் மற்றும் ஒடிஸா உள்ளிட்ட இந்தியாவின் அனைத்து மாநிலங்களைச் சேர்ந்தவர்கள் பங்கேற்றுப் பயிற்சிப் பெற்றனர். பேராசிரியர் பத்மபிரியா நன்றி கூறினார்.  விழாவில் பதிவாளர் சசிகாந்த தாஸ் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/11/புதுவை-பல்கலையில்-நூல்-வெளியீட்டு-விழா-3018299.html
3018298 விழுப்புரம் புதுச்சேரி மோட்டார் சைக்கிள் திருட்டு: இளைஞர் கைது DIN DIN Thursday, October 11, 2018 10:13 AM +0530 புதுச்சேரியில் பல்வேறு இடங்களில் மோட்டார் சைக்கிள் திருட்டில் ஈடுபட்டு வந்த நபரை போலீஸார் கைது செய்தனர்.  
புதுச்சேரி கிழக்குப் பகுதி காவல் கண்காணிப்பாளர் மாறன் உத்தரவின் பேரில்,  பெரியக்கடை காவல் உதவி ஆய்வாளர் முருகன் தலைமையிலான போலீஸார்,   45 அடி சாலைப் பகுதியில் புதன்கிழமை அதிகாலை வாகனத் தணிக்கையில் ஈடுபட்டனர். 
அப்போது,  சந்தேகத்துக்கு இடமான வகையில் மோட்டார் சைக்கிளில் வந்த இளைஞரைப் பிடித்து விசாரித்தனர்.  அவர் ஓட்டி வந்த வண்டியின் ஆவணங்களை சரிபார்த்தனர்.  அப்போது அது திருட்டு வண்டி என்பது தெரிய வந்தது. 
இதனையடுத்து அந்த இளைஞரை காவல் நிலையம் அழைத்துச் சென்று தீவிர விசாரணை நடத்தினர். 
 அதில் அவர்,  விழுப்புரம் அருகே உள்ள நன்னாடு  ஆலத்தூர் பகுதியைச் சேர்ந்த ஆனந்தன்(எ)கோனார்(37) என்பதும்,  புதுச்சேரியில்  செஞ்சி சாலை,  ரோமன் ரோலண்ட் வீதி உள்ளிட்ட பல்வேறு இடங்களில் மோட்டார் சைக்கிள்கள் திருடி விழுப்புரத்தில் பதுக்கி வைத்திருப்பதும் தெரிய வந்தது. 
இதையடுத்து, ஆனந்தன் கொடுத்த தகவலின் பேரில்,  விழுப்புரத்தில் பதுக்கி வைத்திருந்த மேலும் 4 பைக்குகளை போலீஸார் பறிமுதல் செய்தனர்.  பின்னர், அவரை கைது செய்த போலீஸார்,  அவரை புதுச்சேரி நீதிமன்றத்தில் ஆஜர்படுத்தி காலாப்பட்டு மத்திய சிறையில் 
அடைத்தனர்.

]]>
http://www.dinamani.com/all-editions/edition-villupuram/puducherry/2018/oct/11/மோட்டார்-சைக்கிள்-திருட்டு-இளைஞர்-கைது-3018298.html
3018297 விழுப்புரம் புதுச்சேரி பள்ளியில் மாணவர் சேர்க்கை இடம் வாங்கித் தருவதாக மோசடி DIN DIN Thursday, October 11, 2018 10:12 AM +0530 புதுச்சேரியில் தனியார் பள்ளியில் மாணவர் சேர்க்கை இடம் (அட்மிஷன்)  வாங்கித் தருவதாக ரூ.79 ஆயிரம் பணத்தை வாங்கி ஏமாற்றிய பெண்ணை போலீஸார் கைது செய்தனர். 
புதுச்சேரி முதலியார்பேட்டை ஜெயம் நகரைச் சேர்ந்தவர் வெற்றிவேல்.  கூலித் தொழிலாளி.  இவரது மனைவி பிரியதர்ஷினி(29).  இவர்களது மகள் தனுஷி.  
தனுஷி மரப்பாலம் பகுதியில் உள்ள ஒரு தனியார் பள்ளியில் கடந்தாண்டு 1-ஆம் வகுப்பு படித்து வந்தார். இவருடன் வேல்ராம்பட்டை சேர்ந்த லூர்துமேரி என்பவரின் மகளும் படித்து வந்தார். 
இருவரின் பெற்றோர்களும் குழந்தைகளை பள்ளிக்கு அழைத்துச் செல்லும்போது,  பிரியதர்ஷினிக்கும், லூர்துமேரிக்கும் பழக்கம் ஏற்பட்டுள்ளது.  
இந்த பழக்கத்தில்,  பிரியதர்ஷினி  மகள் தனுஷிக்கு 2-ஆம் வகுப்பு சேர்க்கைக்கு,  புதுச்சேரி  நகரப் பகுதியில் உள்ள ஒரு  தனியார் பள்ளியில் லூர்துமேரி இடம் வாங்கித் தருவதாக கூறியுள்ளார். 
அதற்கு ரூ.1.50 லட்சம் ஆகும் எனவும் தெரிவித்துள்ளார்.  இதைனை நம்பிய பிரியதர்ஷினி,  பல தவணையாக மொத்தம் ரூ.79 ஆயிரம் பணத்தை லூர்துமேரியிடம் கொடுத்ததாக கூறப்படுகிறது.  இதனையடுத்து,  சேர்க்கைக்காக தனது மகளின் மாற்று சான்றிதழையும் பெற்றுக்கொண்டு,  லூர்துமேரி கூறிய தினத்தில், அண்மையில் அந்த பள்ளிக்கு சென்றுள்ளார் பிரியதர்ஷினி. 
அங்கிருந்து லூர்துமேரியை தொடர்பு கொண்டபோது,  தனக்கு விபத்து நடந்துவிட்டதாகவும்,  மற்றொரு நாள் வருவதாகவும் லூர்துமேரி தெரிவித்துள்ளார்.  
ஆனால் அதன் பின்னர் லூர்துமேரியை தொடர்பு கொள்ள முடியவில்லை.  அவரது செல்லிடப்பேசி அணைத்து வைக்கப்பட்டிருந்தது.
இதனையடுத்து வேல்ராம்பட்டு வீட்டிற்கு  பிரியதர்ஷினி சென்று பார்த்தபோது,  அங்கு வீட்டை லூர்துமேரி காலி செய்துவிட்டது தெரிய வந்தது.  இதனையடுத்து தான் ஏமாற்றப்பட்டதை அறிந்த பிரியதர்ஷினி,  இது குறித்து முதலியார்பேட்டை போலீஸில் புகார் அளித்தார். 
காவல் ஆய்வாளர் பாபுஜி தலைமையிலான போலீஸார் வழக்குப் பதிவு செய்து விசாரணை நடத்தினர். 
அப்போது லூர்துமேரி முருங்கப்பாக்கம் பகுதியில் இருப்பதாக தெரியவந்தது.  இதனையடுத்து அவரை போலீஸார் புதன்கிழமை கைது செய்தனர். 

]]>
http://www.dinamani.com/all-editions/edition-villupuram/puducherry/2018/oct/11/பள்ளியில்-மாணவர்-சேர்க்கை-இடம்-வாங்கித்-தருவதாக-மோசடி-3018297.html
3018296 விழுப்புரம் புதுச்சேரி அறிவியல் இயக்க விழிப்புணர்வு ஓவியப் போட்டி DIN DIN Thursday, October 11, 2018 10:12 AM +0530 புதுவை அறிவியல் இயக்கம் சார்பில் துளிர் இல்லங்களில் விழிப்புணர்வு ஓவியப் போட்டி நடைபெற்றது.

புதுவை அறிவியல் இயக்கம் மாநிலம் முழுவதும் 36 துளிர் இல்லங்களை நடத்தி வருகிறது.  

இந்த இல்லங்களில் மன நலம் தொடர்பான  விழிப்புணர்வு ஓவியப்போட்டி நடத்தப்பட்டது.  இதில்,  குழந்தைகள் மற்றும் பெற்றோர்கள் கலந்துகொண்டனர்.
இதற்கான தொடக்க விழா லாஸ்பேட்டை மரியம் மிர்சகானி துளிர் இல்லத்தில் அண்மையில் நடைபெற்றது. இல்ல பொறுப்பாளர் ஜெயந்தி வரவேற்றார். 

ஜேசிஐ அய்யனார் வாழ்த்துரை வழங்கினார்.  புதுவை அறிவியல் இயக்கச் செயலர் அருண்நாகலிங்கம் பங்கேற்று,  மன நலம் மாணவர்களின் நலன் என்ற தலைப்பில் பேசினார். 

நட்பு வட்டம் கி.பெ. சீனுவாசன் பங்கேற்று,  புத்தக வாசிப்பின் முக்கியத்துவம் குறித்தும், புத்தகம் சிறந்த  நண்பன் என்ற தலைப்பிலும் சிறப்புரையாற்றினார்.   துளிர் இல்ல மாணவர்களுக்கு,  பயனுள்ள 380 புத்தகங்களை அன்பளிப்பாக வழங்கினர். துளிர் இல்ல மாணவி ஷிவமோகிதா நன்றி கூறினார்.

இதனைத் தொடர்ந்து நடைபெற்ற விழிப்புணர்வு ஓவியப்போட்டியில், பெற்றோர்கள்,  குழந்தைகள்,  ஆசிரியர்கள் என 50-க்கும் மேற்பட்டோர் பங்கேற்றனர்.

நிகழ்ச்சிக்கான ஏற்பாடுகளை அறிவியல் இயக்க உறுப்பினர்கள் அரவிந், செளமியா,  அருண்குமார், சிவராமன் ஆகியோர் செய்திருந்தனர்.

]]>
http://www.dinamani.com/all-editions/edition-villupuram/puducherry/2018/oct/11/அறிவியல்-இயக்க-விழிப்புணர்வு-ஓவியப்-போட்டி-3018296.html
3018294 விழுப்புரம் புதுச்சேரி பள்ளியில் வாக்காளர் கல்விக் குழு தொடக்கம் DIN DIN Thursday, October 11, 2018 10:11 AM +0530 புதுவை அரியாங்குப்பம் அரசு உயர்நிலைப் பள்ளியில் வாக்காளர் கல்விக் குழு தொடக்க விழா மற்றும் விழிப்புணர்வு விளையாட்டுகள் மூலம் வாக்காளரின் அடிப்படை பண்புகள்,  உரிமைகள் குறித்து அறிந்து கொள்ளும் நிகழ்ச்சி புதன்கிழமை நடைபெற்றது. 
நிகழ்ச்சியில் பள்ளி வாக்காளர் கல்விக் குழுவின் நோடல் அலுவலர் துரை.ராமலிங்கம் வரவேற்றார். தலைமையாசிரியர் அச்சுதன் தலைமை வகித்து,  வாக்காளர் கல்விக் குழுவின் முக்கியத்துவம் குறித்து விளக்கினார். தேர்தல் துறையின் தேர்தல் பங்களிப்பு மற்றும் வாக்காளர் கல்விப் பிரிவின் ஆலோசகர் நெடுஞ்செழியன்,
வாக்காளர் ஆவதற்கான தகுதி,  வாக்களிப்பதன் முக்கியத்துவம்,  நேர்மையாக வாக்களித்தல்,  மிகச்சிறந்த வேட்பாளரைத் தேர்ந்தெடுத்தல் குறித்து விளக்கிக் கூறினார்.  தொடர்ந்து விழிப்புணர்வு விளையாட்டுகளை அறிமுகம் செய்து வைத்தார். 
இதனைத் தொடர்ந்து வாக்காளர் கல்விக்குழுவின் பெயர் 
பலகையை 10-ஆம் வகுப்பு மாணவர்கள் திறந்து வைத்தனர்.  
பள்ளி மாணவர்கள் முகமது ரிஸ்வான்,  அபுபக்கர் சித்தக்,  மாணவி மகேஸ்வரி ஆகியோர் வாக்காளர் கல்விக்குழு குறித்து தாங்கள் புரிந்துகொண்டவற்றை பேசி,  மற்றவர்களும் கடைபிடிக்க வேண்டும் என்றும் வலியுறுத்தினர். 
எழுத்தர் அருண்,  ஆசிரியை கோமதி மற்றும் மாணவ, மாணவிகள் பலர் கலந்து கொண்டனர்.

]]>
http://www.dinamani.com/all-editions/edition-villupuram/puducherry/2018/oct/11/பள்ளியில்-வாக்காளர்-கல்விக்-குழு-தொடக்கம்-3018294.html
3018293 விழுப்புரம் புதுச்சேரி ஆசிரியை வீட்டில் நகைத் திருட்டு: பெண் கைது DIN DIN Thursday, October 11, 2018 10:11 AM +0530 காலாப்பட்டு பகுதியில் ஆசிரியை வீட்டில் 8 பவுன் நகையை திருடிய வீட்டு வேலை செய்து வந்த பெண்ணை போலீஸார் கைது செய்தனர். 
புதுச்சேரியை அடுத்த காலாப்பட்டு மாத்தூர் சாலையில் ஜவஹர் நவோதயா வித்யாலயா பள்ளி உள்ளது.  இங்கு இசை ஆசிரியையாக ஸ்ரீபெரியநாயகி (51)  பணியாற்றி வருகிறார்.  இவர்,  பள்ளி வளாகத்தில் உள்ள குடியிருப்பில் தனியாக வசித்து வருகிறார். 
ஸ்ரீபெரியநாயகி தமிழகப் பகுதியான கீழ்புத்துப்பட்டைச் சேர்ந்த மணிகண்டன் மனைவி சாந்தி (27) என்பவரை வீட்டு வேலைக்காக அமர்த்தினார்.  
அவர் சில ஆண்டுகளாக அங்கு வேலை செய்து வந்தார். நெருங்கிய பழக்கம் ஏற்படவே சாந்தியிடம் ஒரு சாவியை ஆசிரியை 
ஸ்ரீபெரியநாயகி கொடுத்திருந்தார். 
இதற்கிடையே, வீட்டில் அவ்வப்போது சில பொருள்கள் திருட்டு போனதால்,  சாந்தியை வேலையை விட்டு நீக்கிவிட்டார்.  
இந்த நிலையில் இரு தினங்களுக்கு முன்பு ஆசிரியை ஸ்ரீபெரியநாயகி,  பீரோவில் இருந்த நகையை எடுக்க பார்த்தபோது,  அதில் வைத்திருந்த 8 பவுன் நகையை காணாமல் அதிர்ச்சியடைந்தார்.  
இதையடுத்து அவர் காலாப்பட்டு காவல் நிலையத்தில் புகார் கொடுத்தார். உதவி ஆய்வாளர் சிவப்பிரகாசம் தலைமையிலான போலீஸார் வழக்குப் பதிவு செய்து விசாரணை நடத்தி வந்தனர். 
 விசாரணையில் ஏற்கெனவே வீட்டு வேலை செய்து வந்த சாந்தி மீது போலீஸாருக்கு சந்தேகம் ஏற்பட்டது. 
இதையடுத்து, சாந்தியிடம் போலீஸார் விசாரணை மேற்கொண்டனர்.  அப்போது,   அவர் கடந்த ஓராண்டுக்கு முன்பு ஆசிரியை வீட்டில் வேலை செய்தபோது பீரோவில் இருந்த 8 பவுன் நகையை திருடியதை ஒப்புக்கொண்டார். 
 இதையடுத்து, அவரை கைது செய்த போலீஸார், அவரிடம் இருந்த நகையை பறிமுதல் செய்தனர்.  பின்னர்,  அவரை  நீதிமன்றத்தில் ஆஜர்படுத்தி காலாப்பட்டு மத்திய சிறையில் அடைத்தனர்.

]]>
http://www.dinamani.com/all-editions/edition-villupuram/puducherry/2018/oct/11/ஆசிரியை-வீட்டில்-நகைத்-திருட்டு-பெண்-கைது-3018293.html
3018292 விழுப்புரம் புதுச்சேரி பள்ளியில் மாணவர் சேர்க்கை இடம் வாங்கித் தருவதாக மோசடி DIN DIN Thursday, October 11, 2018 10:11 AM +0530 புதுச்சேரியில் தனியார் பள்ளியில் மாணவர் சேர்க்கை இடம் (அட்மிஷன்)  வாங்கித் தருவதாக ரூ.79 ஆயிரம் பணத்தை வாங்கி ஏமாற்றிய பெண்ணை போலீஸார் கைது செய்தனர். 
புதுச்சேரி முதலியார்பேட்டை ஜெயம் நகரைச் சேர்ந்தவர் வெற்றிவேல்.  கூலித் தொழிலாளி.  இவரது மனைவி பிரியதர்ஷினி(29).  இவர்களது மகள் தனுஷி.  
தனுஷி மரப்பாலம் பகுதியில் உள்ள ஒரு தனியார் பள்ளியில் கடந்தாண்டு 1-ஆம் வகுப்பு படித்து வந்தார். இவருடன் வேல்ராம்பட்டை சேர்ந்த லூர்துமேரி என்பவரின் மகளும் படித்து வந்தார். 
இருவரின் பெற்றோர்களும் குழந்தைகளை பள்ளிக்கு அழைத்துச் செல்லும்போது,  பிரியதர்ஷினிக்கும், லூர்துமேரிக்கும் பழக்கம் ஏற்பட்டுள்ளது.  
இந்த பழக்கத்தில்,  பிரியதர்ஷினி  மகள் தனுஷிக்கு 2-ஆம் வகுப்பு சேர்க்கைக்கு,  புதுச்சேரி  நகரப் பகுதியில் உள்ள ஒரு  தனியார் பள்ளியில் லூர்துமேரி இடம் வாங்கித் தருவதாக கூறியுள்ளார். 
அதற்கு ரூ.1.50 லட்சம் ஆகும் எனவும் தெரிவித்துள்ளார்.  இதைனை நம்பிய பிரியதர்ஷினி,  பல தவணையாக மொத்தம் ரூ.79 ஆயிரம் பணத்தை லூர்துமேரியிடம் கொடுத்ததாக கூறப்படுகிறது.  இதனையடுத்து,  சேர்க்கைக்காக தனது மகளின் மாற்று சான்றிதழையும் பெற்றுக்கொண்டு,  லூர்துமேரி கூறிய தினத்தில், அண்மையில் அந்த பள்ளிக்கு சென்றுள்ளார் பிரியதர்ஷினி. 
அங்கிருந்து லூர்துமேரியை தொடர்பு கொண்டபோது,  தனக்கு விபத்து நடந்துவிட்டதாகவும்,  மற்றொரு நாள் வருவதாகவும் லூர்துமேரி தெரிவித்துள்ளார்.  
ஆனால் அதன் பின்னர் லூர்துமேரியை தொடர்பு கொள்ள முடியவில்லை.  அவரது செல்லிடப்பேசி அணைத்து வைக்கப்பட்டிருந்தது.
இதனையடுத்து வேல்ராம்பட்டு வீட்டிற்கு  பிரியதர்ஷினி சென்று பார்த்தபோது,  அங்கு வீட்டை லூர்துமேரி காலி செய்துவிட்டது தெரிய வந்தது.  இதனையடுத்து தான் ஏமாற்றப்பட்டதை அறிந்த பிரியதர்ஷினி,  இது குறித்து முதலியார்பேட்டை போலீஸில் புகார் அளித்தார். 
காவல் ஆய்வாளர் பாபுஜி தலைமையிலான போலீஸார் வழக்குப் பதிவு செய்து விசாரணை நடத்தினர். 
அப்போது லூர்துமேரி முருங்கப்பாக்கம் பகுதியில் இருப்பதாக தெரியவந்தது.  இதனையடுத்து அவரை போலீஸார் புதன்கிழமை கைது செய்தனர். 

]]>
http://www.dinamani.com/all-editions/edition-villupuram/puducherry/2018/oct/11/பள்ளியில்-மாணவர்-சேர்க்கை-இடம்-வாங்கித்-தருவதாக-மோசடி-3018292.html
3018291 விழுப்புரம் புதுச்சேரி மோட்டார் சைக்கிள் திருட்டு: இளைஞர் கைது DIN DIN Thursday, October 11, 2018 10:10 AM +0530 புதுச்சேரியில் பல்வேறு இடங்களில் மோட்டார் சைக்கிள் திருட்டில் ஈடுபட்டு வந்த நபரை போலீஸார் கைது செய்தனர்.  
புதுச்சேரி கிழக்குப் பகுதி காவல் கண்காணிப்பாளர் மாறன் உத்தரவின் பேரில்,  பெரியக்கடை காவல் உதவி ஆய்வாளர் முருகன் தலைமையிலான போலீஸார்,   45 அடி சாலைப் பகுதியில் புதன்கிழமை அதிகாலை வாகனத் தணிக்கையில் ஈடுபட்டனர். 
அப்போது,  சந்தேகத்துக்கு இடமான வகையில் மோட்டார் சைக்கிளில் வந்த இளைஞரைப் பிடித்து விசாரித்தனர்.  அவர் ஓட்டி வந்த வண்டியின் ஆவணங்களை சரிபார்த்தனர்.  அப்போது அது திருட்டு வண்டி என்பது தெரிய வந்தது. 
இதனையடுத்து அந்த இளைஞரை காவல் நிலையம் அழைத்துச் சென்று தீவிர விசாரணை நடத்தினர். 
 அதில் அவர்,  விழுப்புரம் அருகே உள்ள நன்னாடு  ஆலத்தூர் பகுதியைச் சேர்ந்த ஆனந்தன்(எ)கோனார்(37) என்பதும்,  புதுச்சேரியில்  செஞ்சி சாலை,  ரோமன் ரோலண்ட் வீதி உள்ளிட்ட பல்வேறு இடங்களில் மோட்டார் சைக்கிள்கள் திருடி விழுப்புரத்தில் பதுக்கி வைத்திருப்பதும் தெரிய வந்தது. 
இதையடுத்து, ஆனந்தன் கொடுத்த தகவலின் பேரில்,  விழுப்புரத்தில் பதுக்கி வைத்திருந்த மேலும் 4 பைக்குகளை போலீஸார் பறிமுதல் செய்தனர்.  பின்னர், அவரை கைது செய்த போலீஸார்,  அவரை புதுச்சேரி நீதிமன்றத்தில் ஆஜர்படுத்தி காலாப்பட்டு மத்திய சிறையில் 
அடைத்தனர்.

]]>
http://www.dinamani.com/all-editions/edition-villupuram/puducherry/2018/oct/11/மோட்டார்-சைக்கிள்-திருட்டு-இளைஞர்-கைது-3018291.html
3018290 விழுப்புரம் புதுச்சேரி மின்துறை ஊழியர்கள் வேலைநிறுத்தப் போராட்டம் DIN DIN Thursday, October 11, 2018 10:10 AM +0530 புதுவை மின்துறையில் ரசீது வழங்கும் பணி தனியார் மயமாவது,  ஊதிய குறைப்பு உள்ளிட்டவற்றைக் கண்டித்து மின்துறை ஊழியர்கள் புதன்கிழமை வேலைநிறுத்தப் போராட்டத்தில் ஈடுபட்டனர்.
புதுவை மின்துறை தலைமை அலுவலகம் முன் அமர்ந்து தர்னா நடத்திய அவர்கள், மின்துறை பணிகளை தனியார் மயமாக்கும் நடவடிக்கையை மாநில அரசு கைவிடவேண்டும். ஊழியர்களின் ஊதியத்தை குறைக்கும் முடிவை கைவிட வேண்டும் என்பன உள்ளிட்ட கோரிக்கைகளை வலியுறுத்தி கோஷங்களை எழுப்பினர்.
இதில் 300-க்கும் மேற்பட்ட ஊழியர்கள் பங்கேற்றனர். ஊழியர்களின் போராட்டத்தால் அலுவலகப் பணிகள் பாதிக்கப்பட்டன. 
பல்வேறு அலுவல்கள் காரணமாக அலுவலகம் வந்த பொதுமக்கள் ஏமாற்றத்துடன் திரும்பிச் சென்றனர்.
அரசு தங்களின் கோரிக்கைகளை நிறைவேற்றவில்லை என்றால்,  அக். 15-ஆம் தேதி முதல் காலவரையற்ற போராட்டத்தில் ஈடுபடுவோம் என ஊழியர்கள் தெரிவித்தனர்.
காரைக்காலில்... 
மின்துறையில் ரசிது வழங்கும் பணியில் தனியாரை ஈடுபடுத்த முடிவு செய்திருப்பதைக் கண்டித்து, காரைக்கால் மின்துறை ஊழியர்கள் புதன்கிழமை பணிப் புறக்கணிப்புப் போராட்டத்தில் ஈடுபட்டனர். 
போராட்டக் குழு ஒருங்கிணைப்புக் குழுத் தலைவர் 
வி.வேல்மயில் தலைமையில், மின்துறை தலைமை அலுவலகத்தின் வாயிலில் ஊழியர்கள் ஆர்ப்பாட்டம் நடத்தினர். கோரிக்கைகளை வலியுறுத்தி ஒருங்கிணைப்புக் குழுவைச் சேர்ந்த பி. பழனிவேல் பேசினார்.
போராட்டத்தில் காரைக்கால் ஒருங்கிணைப்புக் குழுவைச் சேர்ந்த கண்ணதாசன், அருணாசலம், லெனின், இக்பால், கேசவன், பாலசுப்ரமணியன் மற்றும் ஊழியர்கள் கலந்துகொண்டனர்.

]]>
http://www.dinamani.com/all-editions/edition-villupuram/puducherry/2018/oct/11/மின்துறை-ஊழியர்கள்-வேலைநிறுத்தப்-போராட்டம்-3018290.html
3018289 விழுப்புரம் புதுச்சேரி புதுவை பல்கலை. பேராசிரியருக்கு விருது DIN DIN Thursday, October 11, 2018 10:10 AM +0530 புதுவை பல்கலைக்கழக பேராசிரியர் மாத்தூருக்கு இந்திய தேசிய அறிவியல் கழகத்தின் சிறந்த ஆய்வறிஞருக்கான விருது வழங்கப்பட்டுள்ளது.
புதுவை பல்கலைக்கழக உயிர் வேதியியல் துறைத் தலைவராகப் பணியாற்றி வரும் பேராசிரியர் மாத்தூர் (படம்) மூலக்கூறு ஒப்புமை நச்சுயியல் துறை சார்ந்த ஆய்வுப் பணியில் பல ஆண்டுகளாக ஈடுபட்டு வருகிறார். 
உயிர் தகவிலியல் துறையில் பேராசிரியராகவும் பணியாற்றி வருகிறார். 
உயிர் தகவிலியல் துறை புதுவை பல்கலையில் தொடங்கப்பட்டபோது அதன் முதல் துறைத் தலைவராகவும் பணியாற்றியவர். 
பன்னாட்டு நிறுவனங்களின் ஆராய்ச்சி இதழ்களில் இவர் எழுதிய கட்டுரைகள் வெளியாகி உள்ளன. 
ஏற்கெனவே தேசிய அறிவியல் மருத்துவக் கழகத்தின் சிறந்த ஆய்வறிஞருக்கான விருதைப் பெற்றவர்.  
இந்திய அறிவியல் சங்கத்தின் பொதுச் செயலராக பணியாற்றியவர்.  
புவனேஸ்வர், கலிங்கா தொழில்நுட்ப நிறுவனத்தின் துணைவேந்தராகவும் பணியாற்றியவர். 
இந்திய தேசிய அறிவியல் கழகத்தின் சிறந்த ஆய்வறிஞருக்கான விருதை தற்போது பெற்றுள்ளார்.  விருது பெற்ற பேராசிரியர் மாத்துôரை புதுவை பல்கலைக்கழக துணைவேந்தர் குர்மீத் சிங் பாராட்டினார்.

]]>
http://www.dinamani.com/all-editions/edition-villupuram/puducherry/2018/oct/11/புதுவை-பல்கலை-பேராசிரியருக்கு-விருது-3018289.html
3018288 விழுப்புரம் புதுச்சேரி அரசு மருத்துவமனையில் அடிப்படை வசதிகள் மேற்கொள்ள பாஜக வலியுறுத்தல் DIN DIN Thursday, October 11, 2018 10:09 AM +0530 புதுச்சேரி அரசு பொது மருத்துவமனையை துணைநிலை ஆளுநர் ஆய்வு செய்து அடிப்படை வசதிகள் செய்து தர  நடவடிக்கை எடுக்க வேண்டும் என பாஜக மாநில தலைவர் சாமிநாதன் எம்எல்ஏ வலியுறுத்தினார். 
புதுச்சேரி அரசு பொது மருத்துவமனையில்,  அடிப்படை வசதிகள் இல்லை என்று நோயாளிகள் அளித்த புகார்களைத் தொடர்ந்து,  பாஜக மாநிலத் தலைவரும், நியமன எம்எல்ஏவுமான வி.சாமிநாதன்,  புதன்கிழமை அரசு பொது மருத்துவமனைக்குச் சென்று ஆய்வு மேற்கொண்டார். 
அப்போது, நோயாளிகள் சிகிச்சை பெறும் வார்டுகள்,  பயன்பாட்டில் இல்லாமல் உள்ள மின்தூக்கி ஆகியவற்றை ஆய்வு செய்த பிறகு, மருத்துவமனை கண்காணிப்பாளர் மோகன்தாஸிடம் குறைகளை சுட்டிக் காட்டினார்.   நோயாளிகளின் பிரச்னைகள் மற்றும் மருத்துவமனை அடிப்படை வசதிகளை சரி செய்ய வேண்டும் என்று அவரிடம் தெரிவித்தார்.  
ஆய்வுக்குப் பிறகு சாமிநாதன் செய்தியாளர்களிடம் கூறியதாவது: புதுச்சேரியைச் சுற்றியுள்ள ஏழை, எளிய மக்கள் அரசு பொது மருத்துவமனையை மட்டுமே நம்பி வருகின்றனர்.  ஆனால்,  இங்கு நோயாளிகளுக்கான போதிய படுக்கை வசதிகள் இல்லை.  மின்தூக்கிகள் இயங்காமல் உள்ளன.   
துணைநிலை ஆளுநர் கிரண் பேடி,  உடனடியாக இந்த மருத்துவமனையை ஆய்வு செய்து அடிப்படை வசதிகளை நிறைவு செய்ய நடவடிக்கை எடுக்க வேண்டும் என்றார்.  
ஆய்வின்போது,  பாஜக துணைத் தலைவர் ஆர்.செல்வம்,  பொதுச் செயலர் ரவிச்சந்திரன் உள்ளிட்டோர் உடனிருந்தனர்.

]]>
http://www.dinamani.com/all-editions/edition-villupuram/puducherry/2018/oct/11/அரசு-மருத்துவமனையில்-அடிப்படை-வசதிகள்-மேற்கொள்ள-பாஜக-வலியுறுத்தல்-3018288.html
3018287 விழுப்புரம் புதுச்சேரி மனநல தின விழிப்புணர்வுப் பேரணி DIN DIN Thursday, October 11, 2018 10:09 AM +0530 புதுச்சேரியில் உலக மனநல தினத்தையொட்டி, இந்திரா காந்தி அரசு மருத்துவக் கல்லூரி சார்பில்  புதன்கிழமை விழிப்புணர்வுப் பேரணி நடைபெற்றது.  
புதுச்சேரி மாவட்ட ஆட்சியர் அலுவலகம் அருகே தொடங்கிய பேரணியை மாவட்ட ஆட்சியர் அபிஜித் விஜய் சௌத்ரி கொடியசைத்து தொடக்கிவைத்தார்.  
ஜே.ஜெயபால் எம்.எல்.ஏ., நலவழித் துறை இயக்குநர் ராமன்,  அரசு மருத்துவக் கல்லூரி முதல்வர் கோவிந்தராஜூலு,  தேசிய மன நலத் திட்ட அதிகாரி ஜவகர் கென்னடி,  மனநல சிறப்பு மருத்துவர் பாலன் ஸ்டீபன் பொன்மணி உள்ளிட்டோர் கலந்து கொண்டனர்.  முக்கிய வீதிகள் வழியாக பேரணி நடைபெற்றது.

]]>
http://www.dinamani.com/all-editions/edition-villupuram/puducherry/2018/oct/11/மனநல-தின-விழிப்புணர்வுப்-பேரணி-3018287.html
3018286 விழுப்புரம் புதுச்சேரி முற்போக்கு பெண்கள் கழகம் ஆர்ப்பாட்டம் DIN DIN Thursday, October 11, 2018 10:09 AM +0530 பெண்கள் பாதுகாப்பை வலியுறுத்தி, கரிக்கலாம்பாக்கத்தில் அகில இந்திய முற்போக்கு பெண்கள் கழகம் சார்பில் புதன்கிழமை  ஆர்ப்பாட்டம் நடை
பெற்றது.
புதுச்சேரி அருகேயுள்ள கரிக்கலாம்பாக்கம் கிராமத்தில் கட்டுமானத் தொழிலாளி அசோக் மனைவி கிருஷ்ணவேணி மதவெறி மூடநம்பிக்கையால் கொலை செய்யப்பட்டிருப்பதைக் கண்டித்து,  வில்லியனூர் துணை மாவட்ட ஆட்சியர் அலுவலகம் அருகே அகில இந்திய முற்போக்கு பெண்கள் கழகம் சார்பில்,  அதன் மாநிலத் தலைவி மல்லிகா தலைமையில் இந்த ஆர்ப்பாட்டம் நடைபெற்றது. 
ஆர்ப்பாட்டத்தில், கொலை செய்யப்பட்ட  கிருஷ்ணவேணி  குடும்பத்துக்கு காவல்துறை பாதுகாப்பு அளிக்க வேண்டும்,   இந்த படுகொலை குறித்து  மாவட்ட ஆட்சியர் தலைமையில் விசாரணை நடத்த வேண்டும்.   
கட்டுமானத் தொழிலாளி அசோக் குடும்பம் வறுமைக்கோட்டிற்கு கீழே வசிப்பதால் அவர்களுக்கு ரூ.25 லட்சம் இழப்பீடு வழங்க வேண்டும்.
புதுவை மாநிலத்தில் பெண்களுக்கான பாதுகாப்பை மாநில அரசு உறுதி செய்திட வேண்டும்.  மூடநம்பிக்கை எதிர்ப்பு,  பெண்கள் பாதுகாப்பு பற்றிய விழிப்புணர்வு பிரசாரத்தை மாநில அரசு மேற்கொள்ள வேண்டும் என வலியுறுத்தப்பட்டது.
அகில இந்திய முற்போக்கு பெண்கள் கழக மாநிலச் செயலர் கெளரி,  இந்திய கம்யூனிஸ்ட் (எம்எல்) மாநிலச் செயலர் சோ.பாலசுப்பிரமணியன்,  மாவட்டச் செயலர் புருஷோத்தமன்,  ஏம்பலம் தொகுதி பொறுப்பாளர் கோ.பழனி,  ஊசுடு தொகுதி பொறுப்பாளர் சோ.மோதிலால்,  ஜனநாயக கட்டுமானத் தொழிலாளர்கள் சங்கச் செயலாளர் முருகன்,  துணைத் தலைவர் அ.அக்பர்,  விழுப்புரம் மாவட்ட இந்திய முற்போக்கு பெண்கள் கழகச் செயலர் செண்பகவள்ளி உள்ளிட்டோர் பங்கேற்று கண்டன உரையாற்றினர்.  
ஆர்ப்பாட்ட நிறைவில் துணை மாவட்ட ஆட்சியர் வாயிலாக முதல்வருக்கு கோரிக்கை மனு அளிக்கப்பட்டது. 

]]>
http://www.dinamani.com/all-editions/edition-villupuram/puducherry/2018/oct/11/முற்போக்கு-பெண்கள்-கழகம்-ஆர்ப்பாட்டம்-3018286.html
3018285 விழுப்புரம் புதுச்சேரி ஊரக வேலைத் திட்டப் பணிகள்:  அமைச்சர் தொடக்கிவைத்தார்  DIN DIN Thursday, October 11, 2018 10:09 AM +0530 ஏம்பலம் தொகுதியில் ஊரக வேலைத் திட்டத்தின் கீழ் ஏரி தூர்வாருதல்,  சாலை அமைத்தல் பணிகளை அமைச்சர் கந்தசாமி புதன்கிழமை தொடக்கி வைத்தார்.
புதுச்சேரி அருகேயுள்ள ஏம்பலம் சட்டப்பேரவைத்  தொகுதிக்கு உள்பட்ட  கரிக்கலாம்பாக்கம்,  கோர்காடு கிராம பஞ்சாயத்துகளில், தேசிய ஊரக வேலை உறுதித் திட்டத்தின் கீழ் பணிகள் நடைபெற உள்ளன.  
ரூ.21.58 மதிப்பீட்டில் கரிக்கலாம்பாக்கம் கிராம பஞ்சாயத்துக்கு உள்பட்ட கரிக்கலாம்பாக்கம் ஏரியை தூர்வாரி ஆழப்படுத்துதல்,  ரூ.2.66 லட்சம் மதிப்பீட்டில் கோர்காடு கிராம கிராம பஞ்சாயத்துக்கு உள்பட்ட அன்னை நகர் மற்றும் குரு சித்தானந்தா நகரில் கிராவல் மண் கொட்டி சாலை அமைத்தல் பணிகள் மேற்கொள்ளப்படுகின்றன.   
இப்பணிகளை சமூக நலம் மற்றும் கூட்டுறவுத் துறை அமைச்சர் மு.கந்தசாமி புதன்கிழமை தொடக்கிவைத்தார்.   
இதற்கான நிகழ்ச்சியில், அரியாங்குப்பம் வட்டார வளர்ச்சி அதிகாரி மலர். உதவிப் பொறியாளர் (பொறுப்பு) விவேகானந்தம்,  இளநிலைப் பொறியாளர் கிருஷ்ணமூர்த்தி, பணி ஆய்வாளர் வேல்முருகன்,  தொழில்நுட்ப உதவியாளர் ராமச்சந்திரன்,  கிராம திட்ட உதவியாளர்கள் ஆனந்தன்,  பழனிவேல் மற்றும் ஊர் பொதுமக்கள் கலந்துகொண்டனர்.

]]>
http://www.dinamani.com/all-editions/edition-villupuram/puducherry/2018/oct/11/ஊரக-வேலைத்-திட்டப்-பணிகள்--அமைச்சர்-தொடக்கிவைத்தார்-3018285.html
3018284 விழுப்புரம் புதுச்சேரி கைத்தறி நெசவாளர்கள் நூதனப் போராட்டம் DIN DIN Thursday, October 11, 2018 10:08 AM +0530 புதுவை அரசு ஏழை மக்களுக்கு வழங்கும் இலவசத் துணி வகைகளை உள்ளுர் கைத்தறி நெசவாளர்கள் மூலம் உற்பத்தி செய்து வழங்க வேண்டும் என்பன உள்ளிட்ட கோரிக்கைகளை வலியுறுத்தி, புதுச்சேரி நெசவாளர் சங்கத்தினர் புதன்கிழமை தட்டு ஏந்தி பிச்சை எடுக்கும் நூதனப் போராட்டத்தில் ஈடுபட்டனர்.
புதுச்சேரி பழைய பேருந்து நிலையம் அருகே  ஏஐடியூசி புதுச்சேரி வட்டார கைத்தறி நெசவாளர் சங்கம் சார்பில், நெசவாளர்கள் தட்டேந்தி பிச்சை எடுக்கும் போராட்டத்தை தொடங்கினர்.  
பேரணியாக அண்ணா சாலை, நேரு வீதி வழியாக சட்டப்
பேரவையை முற்றுகையிட வந்த அவர்களை போலீஸார் தடுத்து நிறுத்தினர்.
இதையடுத்து நெசவாளர்கள் அந்த இடத்திலே கோஷங்களை எழுப்பி ஆர்ப்பாட்டத்தில் ஈடுபட்டனர்.
புதுவை அரசு ஏழை மக்களுக்கு வழங்கும் இலவசத் துணி வகைகளை உள்ளுர் கைத்தறி நெசவாளர்கள் மூலம் உற்பத்தி செய்து வழங்க வேண்டும், நெசவாளர்களுக்கு தீபாவளி ஊக்கத் தொகை 40 சதவீதம் வழங்க வேண்டும், வேலையில்லா காலங்களில் நெசவாளர்களுக்கு நிவாரணமாக ரூ.5,000 வழங்க வேண்டும்,  தமிழகத்தைப் போல, புதுவை அரசும்,  நெசவாளர்களுக்கான கூலி உயர்வை 10 சதவீதமாக உயர்த்தி வழங்க வேண்டும் என்பன உள்ளிட்ட கோரிக்கைகள் வலியுறுத்தி கோஷங்களை எழுப்பினர்.


 

]]>
http://www.dinamani.com/all-editions/edition-villupuram/puducherry/2018/oct/11/கைத்தறி-நெசவாளர்கள்-நூதனப்-போராட்டம்-3018284.html
3018283 விழுப்புரம் புதுச்சேரி நாளை ஜிப்மர் பட்டமளிப்பு விழா: குடியரசு துணைத் தலைவர் பங்கேற்பு DIN DIN Thursday, October 11, 2018 10:08 AM +0530 புதுச்சேரி ஜிப்மர் மருத்துவக் கல்லூரியில் வெள்ளிக்கிழமை (அக்.12) நடைபெறும் பட்டமளிப்பு விழாவில் குடியரசு துணைத் தலைவர் பங்கேற்கிறார். 
அவரது வருகையையொட்டி, புதுச்சேரியில் பாதுகாப்பு ஏற்பாடுகள் தீவிரப்படுத்தப்பட்டுள்ளன. 
ஜிப்மர் மருத்துவக் கல்லூரியில் வெள்ளிக்கிழமை (அக். 12) பட்டமளிப்பு விழா நடைபெறுகிறது. இதில்,  குடியரசு துணைத் தலைவர் வெங்கய்ய நாயுடு சிறப்பு விருந்தினராகப் பங்கேற்கிறார்.  
அவரது வருகையையொட்டி மேற்கொள்ள வேண்டிய பாதுகாப்பு ஏற்பாடுகள் குறித்து, புதுவை முதுநிலை எஸ்.பி. அபூர்வா குப்தா,  ஜிப்மர் கலையரங்கில் காவல்துறை அதிகாரிகளுடன் புதன்கிழமை ஆலோசனை நடத்தினார். 
 இதில்,  பாதுகாப்புப் பணியில் ஈடுபட உள்ள காவல் கண்காணிப்பாளர்கள் உள்ளிட்ட அதிகாரிகள் மற்றும் 250 காவலர்கள் கலந்துகொண்டனர்.
புதுச்சேரி லாஸ்பேட்டை விமான நிலையம் தொடங்கி,  கிழக்கு கடற்கரை சாலை,  கோரிமேடு சாலை ஜிப்மர் வரை பாதுகாப்புப் பணிகளை மேற்கொள்வது குறித்து அலுவலர்களுக்கு ஆலோசனை வழங்கினர். 
விழாவில் பங்கேற்கும் குடியரசு துணைத் தலைவர் 
அக்.12-ஆம் தேதி சென்னையிலிருந்து ஹெலிகாப்டர் மூலம் காலை 10.30 மணிக்கு புதுச்சேரி வருகிறார்.  அங்கிருந்து நேராக ஜிப்மர் மருத்துவமனை விழா அரங்குக்கு சென்று விழாவில் பங்கேற்கிறார்.  
மாணவர்களுக்கு பட்டங்களை வழங்கி சிறப்புரையாற்றும் அவர்,  மீண்டும் விழா முடிந்து பிற்பகல் 12.30 மணிக்கு விமான மூலம் சென்னை செல்கிறார்.
குடியரசு துணைத் தலைவர் வருகையையொட்டி, புதுச்சேரியில் பாதுகாப்பு ஏற்பாடுகள் தீவிரப்படுத்தப்பட்டு வாகனச் சோதனை,  கண்காணிப்புப் பணிகள்  நடைபெற்று வருகின்றன.  ஜிப்மரை சுற்றியுள்ள பகுதிகளில் கண்காணிப்புப் பணி தீவிரப்படுத்தப்பட்டுள்ளது.
விழா நடைபெறும் பகுதியில் 25 கண்காணிப்பு கேமராக்கள் பொருத்தப்பட்டுள்ளன.
பிரதான சாலையில் மட்டும் தற்போது வாகனங்கள் அனுமதிக்கப்படுகின்றன. பாதுகாப்புக்காக பிற சாலைகள் அடைக்கப்பட்டு தடுப்புக் கட்டைகள் அமைக்கும் பணி நடைபெறுகிறது.
இது தொடர்பாக,  வியாழக்கிழமை பாதுகாப்பு வாகன ஒத்திகை மேற்கொள்ளப்பட உள்ளது.  கடற்கரை பகுதியில் கடலோர காவல் படையினர் ரோந்துப் பணியில் ஈடுபட்டுள்ளனர். 

]]>
http://www.dinamani.com/all-editions/edition-villupuram/puducherry/2018/oct/11/நாளை-ஜிப்மர்-பட்டமளிப்பு-விழா-குடியரசு-துணைத்-தலைவர்-பங்கேற்பு-3018283.html
3018282 விழுப்புரம் புதுச்சேரி பள்ளியில் மனமகிழ்வு முகாம் DIN DIN Thursday, October 11, 2018 10:08 AM +0530 காவல்துறை உதய தினத்தையொட்டி, நெடுங்காடு பள்ளியில் காவலர்கள், மாணவர், பெற்றோர் உள்ளிட்டோரை ஒருங்கிணைத்து மனமகிழ்வு முகாம் நடைபெற்றது.
புதுச்சேரி காவல்துறையின் 55-ஆம் ஆண்டு உதய தினம் 
அக்.1-ஆம் தேதி கொண்டாடப்பட்டது. இதைத் தொடர்ந்து பல்வேறு நிகழ்ச்சிகள் நடத்தப்பட்டு வந்தன. நெடுங்காடு ஜவாஹர்லால் நேரு அரசு மேல்நிலைப் பள்ளியில், பொதுமக்கள், மாணவர்கள், ஆசிரியர்கள், பெற்றோர்களை ஒருங்கிணைத்து மனமகிழ்வு முகாம் செவ்வாய்க்கிழமை நடத்தப்பட்டது. நிகழ்ச்சிக்கு பள்ளி துணை முதல்வர் கனகராஜ் தலைமை வகித்தார். நெடுங்காடு காவல்நிலைய உதவி ஆய்வாளர் 
எஸ்.ஜெயபாலன் மற்றும் பாலகிருஷ்ணன் ஆகியோர் சிறப்பு அழைப்பாளராக கலந்துகொண்டனர். காவல்துறையின் செயல்பாடுகள் குறித்து காவல்  அதிகாரிகள் மாணவர்கள், பெற்றோர்களிடையே பேசினர். 

]]>
http://www.dinamani.com/all-editions/edition-villupuram/puducherry/2018/oct/11/பள்ளியில்-மனமகிழ்வு-முகாம்-3018282.html
3018281 விழுப்புரம் புதுச்சேரி ஆளுநர் நாளை குறை கேட்பு DIN DIN Thursday, October 11, 2018 10:07 AM +0530 புதுச்சேரி துணைநிலை ஆளுநர் காணொலி மூலம் காரைக்கால் மக்களிடம்  வெள்ளிக்கிழமை குறைகளைக் கேட்கவுள்ளார்.
இதுதொடர்பாக மாவட்ட ஆட்சியர் ஆர்.கேசவன்  புதன்கிழமை வெளியிட்ட செய்திக் குறிப்பு:  
புதுச்சேரி துணைநிலை ஆளுநர்,  காரைக்கால் மாவட்ட மக்களிடம் குறைகளைக் காணொலி மூலம் கேட்டறியும் நிகழ்வு  வெள்ளிக்கிழமை (அக்.12) மாலை 5  முதல் 6 மணி வரை காரைக்கால் மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது.
இந்தக் கூட்டத்தில், பொதுமக்கள் தங்கள் குறைகளைத் தெரிவித்து, அதற்கு தீர்வு காண இந்த வாய்ப்பை பயன்படுத்திக்கொள்ளலாம். குறைகள் தெரிவிக்க விரும்புவோர், 12-ஆம் தேதி காலை 10 முதல் மாலை 3 மணி வரை ஆட்சியர் அலுவலகத்தில் முன்பதிவு செய்துகொள்ளவேண்டும். புகார்களை எழுத்து வடிவில் தரவேண்டும் என்று அதில் கூறப்பட்டுள்ளது.
 

]]>
http://www.dinamani.com/all-editions/edition-villupuram/puducherry/2018/oct/11/ஆளுநர்-நாளை-குறை-கேட்பு-3018281.html
3018280 விழுப்புரம் புதுச்சேரி கல்லூரி ஆசிரியர்கள் திறனை மேம்படுத்திக் கொள்ள வேண்டும்  DIN DIN Thursday, October 11, 2018 10:07 AM +0530 புதுவையில் உள்ள கல்லூரி ஆசிரியர்கள்,  தொழில் நுட்ப பணியாளர்கள் தொழில்நுட்பப் பயிற்சி மேற்கொண்டு திறன்களை மேம்படுத்திக் கொள்ள வேண்டும் என்று துணைநிலை ஆளுநர் கிரண் பேடி அறிவுறுத்தினார்.
துணைநிலை ஆளுநர் கிரண் பேடி வாரம்தோறும் ஆய்வுப் பணிகளை மேற்கொண்டும்,  தினசரி அதிகாரிகளை சந்தித்து ஆலோசனை நடத்தியும் துறை சார்ந்த முடிவுகளை எடுத்து வருகிறார். 
 இந்த நிலையில், புதன்கிழமை உயர்கல்வித் துறை இயக்குநர் ரெட்டியை சந்தித்து ஆலோசனை நடத்தினார்.  
அதில்,  எடுக்கப்பட்ட முடிவுகள் குறித்து ஆளுநர் கிரண் பேடி வெளியிட்ட தகவல்: கல்லூரிகளில் பணியாற்றும் தொழில்நுட்ப பணியாளர்கள் தொடர்ந்து தொழில்நுட்பப் பயிற்சி மேற்கொண்டு,  திறன்களை மேம்படுத்துவது அவசியமாகும்.
அதேபோல, கல்லூரி ஆசிரியர்கள்,  சுயமான முறையில் ஆன்லைன் பயிற்சிகளை துறைவாரியாக எடுத்துக்கொள்ள வேண்டும்.  
வகுப்புக்கு வராத மாணவர்களின் விவரங்களை குறுந்தகவல் மூலம் பெற்றோருக்கு அனுப்பும் தொழில் நுட்ப முறை ஒரு மாத காலத்தில் அறிமுகப்படுத்தப்படும். 
இனி,  கல்லூரிகளில் வருகைப் பதிவேடு,   வகுப்பு ஆரம்பிக்கும் முன்பு  எடுப்பதற்குப் பதிலாக,  வகுப்பு நிறைவின்போது எடுக்கப்படும். 
 நிக் மூலம் துறை வாரியாக மென்பொருள் மேம்படுத்தப்படும். தேர்வுக்கூட அனுமதிச் சீட்டு விநியோகத்துக்கு முன்பாக,  கல்லூரிகளில் கல்வி கற்பிக்கும் திறன் தொடர்பாக கருத்துகள் கேட்டறியும் முறை அறிமுகமாகும்.  இது ரகசியம் காக்கப்படும்.  இப்பணி துறை இயக்குநர்,  துறைச் செயலர் மேற்பார்வையில் நடைபெறும்.
புதுச்சேரி யூனியன் பிரதேசத்திலுள்ள 21 அரசு கல்லூரிகள்,  70 தனியார் கல்லூரிகள் கட்செவி அஞ்சல் குழுவில் இணைக்கப்படும்.  
கல்லூரி இயக்குநர் நாள்தோறும்,  கல்லூரிகளுக்கு நேரில் சென்று ஆய்விலும் ஈடுபட வேண்டும். 
அதை இக்குழுவில் பதிவிட வேண்டும்.  கல்லூரிகளில் மழைநீர் சேகரிப்பு முறைகளை தொடங்க வேண்டும் என்பன உள்ளிட்ட முடிவுகள் எடுக்கப்பட்டுள்ளதாக தெரிவித்துள்ளார்.

]]>
http://www.dinamani.com/all-editions/edition-villupuram/puducherry/2018/oct/11/கல்லூரி-ஆசிரியர்கள்-திறனை-மேம்படுத்திக்-கொள்ள-வேண்டும்-3018280.html
3017601 விழுப்புரம் புதுச்சேரி தேசிய அஞ்சல் வார விழா DIN DIN Wednesday, October 10, 2018 10:14 AM +0530 புதுச்சேரி தலைமை அஞ்சலகத்தில் தேசிய அஞ்சல் வார விழாவை செவ்வாய்க்கிழமை தொடக்கி வைத்து ஊழியர்கள் கொண்டாடினர். 
இந்திய அஞ்சல் துறையின் தேசிய அஞ்சல் வார விழா அக்.9-ஆம் தேதி முதல் அக்.15-ஆம் தேதி வரை கொண்டாடப்படுகிறது. 
இதையொட்டி புதுச்சேரி தலைமை அஞ்சல் நிலையத்தில் செவ்வாய்க்கிழமை காலை உலக அஞ்சல் தினம் கொண்டாடினர்.
தேசிய அஞ்சல் வார விழாவை புதுவை கோட்ட முதுநிலை அஞ்சல் கண்காணிப்பாளர் அகில் ஆர். நாயர் தொடக்கி வைத்தார். 
புதுச்சேரி தலைமை அஞ்சல் அலுவலர் செந்தில் உள்ளிட்டோர் முன்னிலை வகித்தனர். விழாவையொட்டி, புதுவை தலைமை தபால் நிலையத்திலிருந்து அஞ்சல் கண்காணிப்பாளர் உள்ளிட்டோர் வாழ்த்து தபால்களை அனுப்பினர். 
அஞ்சல் ஊழியர்கள், அலுவலர்கள் கலந்துகொண்டு தேசிய கொடியேற்றி வைத்து, இனிப்புகள் வழங்கி அஞ்சல் தினத்தை கொண்டாடினர். 
தொடர்ந்து ஒரு வாரம் அஞ்சல் வார விழாவை கொண்டாட உள்ளதாக தெரிவித்தனர்.
 

]]>
http://www.dinamani.com/all-editions/edition-villupuram/puducherry/2018/oct/10/தேசிய-அஞ்சல்-வார-விழா-3017601.html
3017600 விழுப்புரம் புதுச்சேரி புதுவை பல்கலை. துணைவேந்தருக்கு தேசிய விருது DIN DIN Wednesday, October 10, 2018 10:12 AM +0530 புதுவை பல்கலைக் கழக துணைவேந்தர் குர்மீத் சிங்குக்கு தேசிய விருது வழங்கப்பட்டுள்ளது. 
புதுதில்லியில் இயங்கி வரும் இந்திய வர்த்தக தொழில் கூட்டமைப்பு நிறுவனம், இந்தியாவில் ரசாயனம் மற்றும் பெட்ரோல் ரசாயனம் தொடர்பான ஆய்வுகளில் ஈடுபட்டு, உலகளவில் தொழில் மேம்பாட்டுப் பணிகளைச் செய்து வரும் சிறந்த ஆராய்ச்சியாளர்கள், கல்வியாளர்கள் மற்றும் உயர் அதிகாரிகளைத் தேர்வு செய்து ஆண்டுதோறும் "கெமிக்கல்ஸ் மற்றும் பெட்ரா கெமிக்கல்ஸ் விருதுகளை' வழங்கி வருகிறது. 
இந்த வகையில், நிகழாண்டுக்கான விருதானது, புதுவைப் பல்கலைக்கழகத் துணைவேந்தர் குர்மீத் சிங்கிற்கு வழங்கப்பட்டுள்ளது. 
மத்திய ரசாயனம் மற்றும் பெட்ரோல் ரசாயனத் துறை செயலர் ராகவேந்திர ராவ் தலைமையில் மும்பையில் அண்மையில் நடைபெற்ற விழாவில், சாலைப் போக்குவரத்து , கப்பல் மற்றும் நீர் மேலாண்மைத் துறை அமைச்சர் நிதின் கட்கரி சிறப்பு விருந்தினராக கலந்து கொண்டார். 
விழாவில், துணைவேந்தர் குர்மீத் சிங்கிற்கு விருது வழங்கப்பட்டது.
துணைவேந்தர் குர்மீத் சிங், கடந்தாண்டு நவம்பர் மாதம் முதல் புதுவை பல்கலைக்கழக துணைவேந்தராக செயல்பட்டு வருகிறார். நாற்பது ஆண்டுகளுக்கும் மேலாக தில்லி பல்கலைக்கழகத்தில் ரசாயனத் துறையில் பேராசிரியராக பணியாற்றியவர். 
கோரேசின் கெமிஸ்ட்ரி மற்றும் நானோ பிலிம் படிமங்கள் உள்ளிட்ட பல்வேறு துறைகளில் ஆராய்ச்சிகளை மேற்கொண்டவர். அதோடு, ஜெர்மனி, இத்தாலி, ஹங்கேரி, கென்யா, சிங்கப்பூர் உள்ளிட்ட நாடுகளில் நடைபெற்ற பல்வேறு கருத்தரங்குகளில் பங்கேற்று ஆராய்ச்சிக் கட்டுரைகள் சமர்ப்பித்தவர். 
எக்ஸ் ரே போட்டோ எலக்ட்ரான் மேற்பரப்புத் தன்மை அதன் நிறப்பிரிகை குறித்து அவர் எழுதிய ஆராய்ச்சிக் கட்டுரையானது சர்வதேச அளவில் சிறந்த ஆராய்ச்சியாக தேர்வு செய்யப்பட்டு அதற்கான சர்வதேச அங்கீகாரத்தையும் பெற்றவர் குர்மீத் சிங். 
அமெரிக்கா, பன்னாட்டுப் பொறியாளர்கள் தேசிய அமைப்பு சார்பில் வழங்கப்பட்ட ரசாயனத் துறையில் சிறந்த பங்களிப்பிற்கான விருதையும் பெற்றவர் என்பது குறிப்பிடத்
தக்கது.

]]>
http://www.dinamani.com/all-editions/edition-villupuram/puducherry/2018/oct/10/புதுவை-பல்கலை-துணைவேந்தருக்கு-தேசிய-விருது-3017600.html
3017599 விழுப்புரம் புதுச்சேரி திருநள்ளாறில் லாட்டரி விற்ற 2 பேர் கைது DIN DIN Wednesday, October 10, 2018 10:12 AM +0530 மூன்று எண்களைக்கொண்டு லாட்டரி விற்பனையில் ஈடுபட்ட இருவரை போலீஸார் திங்கள்கிழமை கைது செய்தனர்.
லாட்டரி சீட்டு தடை அமலில் உள்ள நிலையில், மூன்று இலக்க எண்களைக்கொண்டு, செல்லிடப்பேசி வழியாக நூதன முறையில் லாட்டரி விற்பனை காரைக்கால் மாவட்டத்தில் பல்வேறு பகுதியில் நடைபெறுவதாக கூறப்படுகின்றன. இதில், காவல் துறை மெத்தனமாக செயல்படுவதாக சமூக ஆர்வலர்கள் கூறுகின்றனர். இந்நிலையில், திருநள்ளாறு பகுதி செல்லூர் - இளையான்குடி சாலை சந்திப்பில் மூன்று இலக்க எண்களை வைத்துக்கொண்டு லாட்டரி விற்பனையில் 2 பேர் ஈடுபட்டு வருவதாக திருநள்ளாறு போலீஸாருக்கு திங்கள்கிழமை தகவல் கிடைத்தது.
அதன்படி, போலீஸார் அங்கு சென்று பார்த்தபோது, செல்லூர் சாலியத்தெருவை சேர்ந்த ஜெயக்குமார் (25), முப்பைத்தங்குடி கிராமத்தை சேர்ந்த முருகேசன் (47) ஆகியோர் மூன்று இலக்க எண்கள் கொண்ட ஒரு பிரிண்ட் செய்த காகிதத்தை வைத்துக் கொண்டு விற்பனையில் ஈடுபட்டுவந்தது தெரியவந்தது. இதையடுத்து, ஜெயக்குமார், முருகேசன் ஆகியோர் மீது 3 பிரிவுகளில் போலீஸார் வழக்குப் பதிந்து கைது செய்து விசாரணை மேற்கொண்டுள்ளனர்.
கைதான இருவரிடமிருந்து 2 செல்லிடப்பேசிகள், ரூ.1,250 ரொக்கம் ஆகியவற்றை போலீஸார் பறிமுதல் செய்தனர். காரைக்காலில் முக்கிய நபரிடம் எண்கள் வாங்கிவந்து, விற்பனை செய்வதாக போலீஸாரிடம் ஜெயக்குமார், முருகேசன் ஆகியோர் தெரிவித்ததையடுத்து, தலைமறைவான அந்த நபரை போலீஸார் தேடிவருகின்றனர்.

]]>
http://www.dinamani.com/all-editions/edition-villupuram/puducherry/2018/oct/10/திருநள்ளாறில்-லாட்டரி-விற்ற-2-பேர்-கைது-3017599.html
3017598 விழுப்புரம் புதுச்சேரி ஊட்டச்சத்து விழிப்புணர்வுப் பணி: புதுவை ஊழியர்களுக்கு விருது DIN DIN Wednesday, October 10, 2018 10:12 AM +0530 தேசிய ஊட்டச்சத்து மாதத்தில் சிறப்பாக பணியாற்றிய புதுவை மாநில குழந்தைகள் வளர்ச்சித் திட்ட ஊழியர்களுக்கு விருதுகள் வழங்கப்படுகிறது. 
தேசிய ஊட்டச்சத்து குழும திட்டத்தின் கீழ், மத்திய அரசு நிகழாண்டு (2018) செப்டம்பர் மாதத்தை தேசிய ஊட்டச்சத்து மாதமாக அறிவித்துள்ளது. இதையடுத்து, மத்திய அரசின் மகளிர் மற்றும் குழந்தைகள் நல அமைச்சகத்தின் அறிவுறுத்தலின் படி புதுவை அரசு மகளிர் மற்றும் குழந்தைகள் மேம்பாட்டுத் துறை மற்றும் இதர துறைகளினால் பல்வேறு விழிப்புணர்வு நிகழ்ச்சிகள் நடத்தப்பட்டன. 
அந்த வகையில், இந்த ஒருமாத காலத்தில் சிறப்பாக நிகழ்ச்சிகள் மூலம் மக்களுக்கு ஊட்டச்சத்து குறித்து விழிப்புணர்வு ஏற்படுத்திய அலுவலர்களுக்கு மத்திய அரசு விருதுகளை அறிவித்துள்ளது. 
அதில் புதுவை ஐந்து விருதுகளுக்கு தேர்வு செய்யப்பட்டுள்ளது.
புதுமையான மற்றும் வித்தியாசமான முறை பிரிவில் புதுவைக்கு விருது வழங்கப்பட்டுள்ளது. வட்டார அளவில் சிறப்பாக செயல்பட்ட நலத்திட்ட அதிகாரி ஈ.கலாவதி, தனித்தன்மை வாய்ந்த பிரிவில் அங்கன்வாடி ஊழியர் ஒ.ஜமுனா, சிறப்பான குழுச் செயல்பாடு பிரிவில் அங்கன்வாடி ஊழியர் தமிழ்ச்செல்வி மற்றும் செவிலியர் ஸ்ரீதேவி, கிராம ஒருங்கிணைப்பு பிரிவில் அங்கன்வாடி ஊழியர் ஜெயஸ்ரீ, செவிலியர் க. செல்வமேரி மற்றும் ஜெயலட்சுமி சிவசக்தி சுய உதவிக்குழு ஆகியோர் விருதுகளுக்கு தேர்வாகியுள்ளனர்.
தேர்வாகியுள்ளோருக்கு, விருதுகளை புதன்கிழமை (அக். 10) மத்திய அரசு வழங்கவுள்ளதாக, நலம் மற்றும் மகளிர் குழந்தைகள் மேம்பாட்டுத் துறை அமைச்சர் மு.கந்தசாமி தெரிவித்துள்ளார்.

]]>
http://www.dinamani.com/all-editions/edition-villupuram/puducherry/2018/oct/10/ஊட்டச்சத்து-விழிப்புணர்வுப்-பணி-புதுவை-ஊழியர்களுக்கு-விருது-3017598.html
3017597 விழுப்புரம் புதுச்சேரி பொதுப் பணித் துறை அலுவலகத்தில் முதல்வர் ஆய்வு DIN DIN Wednesday, October 10, 2018 10:11 AM +0530 புதுவை பொதுப்பணித் துறை அலுவலகத்தில் முதல்வர் நாராயணசாமி செவ்வாய்க்கிழமை திடீர் ஆய்வு மேற்கொண்டார்.
முதல்வர் வே.நாராயணசாமி, அரசுத்துறை அலுவலகங்களுக்கு அடிக்கடி சென்று திடீர் ஆய்வு மேற்கொண்டு வருகிறார். 
அந்த வகையில், செவ்வாய்க்கிழமை புதுவை பொதுப்
பணித்துறை அலுவலகத்திற்குச் சென்று ஆய்வு மேற்கொண்டார்.
புதுவையில் தற்போது நடைபெற்று வரும் பணிகள், மழைக்கால முன்னெச்சரிக்கை நடவடிக்கைகள் குறித்து கேட்டறிந்தார். இதனைத் தொடர்ந்து, பொதுப்பணித்துறை செயலர், தலைமைப் பொறியாளர் மற்றும் அதிகாரிகளுடன் ஆலோசனை நடத்தினார். 
பின்னர், அவர் செய்தியாளர்களிடம் கூறியதாவது: 
பொதுப்பணித் துறையானது, குடிநீர் விநியோகம், அதற்கு சொந்தமான கால்வாய்களை சரி செய்வது போன்ற பணிகளை மேற்கொண்டு வருகிறது. 
பணிகள் விரைவாக நடைபெற வேண்டும் என்று உத்தரவிட்டுள்ளேன். தாமதமாகி வரும் பணிகளை விரைவுப்படுத்த விதிமுறைகளை தளர்த்தி, பணியை வேகமாக செய்யவும் கூறியுள்ளேன். 
துறை அதிகாரிகளுக்கு பதவி உயர்வு வழங்குவதற்கு 
யூபிஎஸ்சியில் இருந்து அனுமதி பெறுவது காலதாமதம் ஆகிறது. அதனால், பதவி உயர்வில் எந்தெந்த பதவிகளை நிரப்ப வேண்டுமோ அதை உடனடியாக செய்ய வலியுறுத்தியுள்ளேன். 
நிதித்துறையிலும், பொதுத்
துறையிலும் பல விதிமுறைகளை தளர்த்தி வேலைகளை உடனடியாக செய்ய வேண்டும். பொதுப்பணித் துறை ஊழியர்களும், அதிகாரிகளும் உரிய நேரத்துக்கு வந்து பணியை செய்ய வேண்டும். வராதவர்கள் மீது நடவடிக்கை எடுக்க உத்தரவிட்டுள்ளோம். இந்த ஆய்வு மூலம், பொதுப்பணித்துறையின் செயல்பாடுகளை தெரிந்து கொள்ள முடிந்தது என்றார் நாராயணசாமி.

]]>
http://www.dinamani.com/all-editions/edition-villupuram/puducherry/2018/oct/10/பொதுப்-பணித்-துறை-அலுவலகத்தில்-முதல்வர்-ஆய்வு-3017597.html
3017596 விழுப்புரம் புதுச்சேரி வெளிப்படைத் தன்மையுள்ள ஜிஎஸ்டி தான் சிறப்பானது DIN DIN Wednesday, October 10, 2018 10:11 AM +0530 நடைமுறையில் உள்ள ஜிஎஸ்டி வரி விதிப்பு முறைதான் வெளிப்படைத் தன்மையுடன் சிறப்பாக உள்ளதாக புதுவை சரக்கு மற்றும் சேவை வரித் துறையின் ஆணையர் ப.நிரஞ்சன் தெரிவித்தார். 
புதுச்சேரி லாஸ்பேட்டை தாகூர் அரசு கலை, அறிவியல் கல்லூரியில் மத்திய அரசின் உயர் கல்வி ஆணையத்தின் நிதியுதவியுடன் சரக்கு மற்றும் சேவை வரிகள் குறித்த இரண்டு நாள் கருத்தரங்கம் செவ்வாய்க்கிழமை தொடங்கியது.
தொடக்க விழாவில் கல்லூரி பொருளியியல் துறைத் தலைவர் தருமு வரவேற்றார். கல்லூரி முதல்வர் இளங்கோ தலைமை வகித்தார். 
புதுவை சரக்கு மற்றும் சேவை வரித் துறை ஆணையர் ப.நிரஞ்சன் கருத்தரங்கை தொடங்கி வைத்துப் பேசியதாவது: சரக்கு மற்றும் சேவை வரியான ஜிஎஸ்டி, அனைத்து கொள்முதல் மீதும், அதாவது உற்பத்தி, விற்பனை, சேவை ஆகிய மூன்றின் மீதும் தனித்து அல்லது ஒன்று கூடி இருக்கும் நிலையில் அதன் மேல் விதிக்கப்படுவதாகும். இதற்கு முன்பு மத்திய, மாநில அரசுகள் தனித்தனியே உற்பத்தி, சேவை வரிகளை விதித்திருந்தன. இந்த நிலையை மாற்றி அமைத்து, இரு அரசுகளும் ஒன்று கூடி ஒரே விதமாக சரக்கு அல்லது சேவை என்ற எந்த வித்தியாசமும் பாராமல் ஒரு பொருளின் மதிப்பின் மீது ஒரே வரியை (ஜிஎஸ்டி) விதிப்பது தற்போது நடைமுறையில் உள்ளது. ஜிஎஸ்டியின் பலன்களை பொதுமக்கள் முழுமையாகப் பெறும் வகையில், ஒரே வரி, ஒரே சந்தை மற்றும் ஒருங்கிணைந்த இந்தியா என்ற ரீதியில் மேற்கொள்ளப்படுகிறது. 
ஜிஎஸ்டி தான் வெளிப்படைத் தன்மையைக் கொண்டு வருகிறது. ஏற்கெனவே ஒரு பொருளை நாம் வாங்கும்போது மாநில வரிகளை மட்டுமே ஒருவர் அறிந்து கொள்ள முடியும். பல்வேறு உட்பொதிக்கப்பட்ட வரிகளை நாம் அறிய முடிவதில்லை. இவை போன்ற எல்லா பிரச்னைகளையும் தீர்த்து வைக்கும் வகையில் ஜிஎஸ்டி உள்ளது சிறப்பாகும், வரிவிதிப்பை பற்றி தெரிந்துகொள்ள வேண்டும் என்றார். 
கருத்தரங்கில் தொழில்துறை ஆணையர் வல்லவன் உள்ளிட்ட பலர் கலந்து கொண்டனர். 
தொடர்ந்து நடைபெற்ற 5 அமர்வுகளில் துணை ஆணையர் முருகாராம், இணை இயக்குநர் ஜெயபாரதி, உதவி ஆணையர் தேவநாதன், புதுச்சேரி பல்கலைக்கழக பேராசிரியர் வேல்முருகன், கண்காணிப்பாளர் ஆனந்த் ஆகியோர் கருத்துரை வழங்கினர். பின்னர், சரக்கு மற்றும் சேவை வரிகள் குறித்து குழு கலந்துரையாடல் நடைபெற்றது. 
இதில், புதுச்சேரி பல்கலை. பேராசிரியர் நடராஜன், தாகூர் அரசுக் கல்லூரிப் பேராசிரியர் சுகுமாறன், புதுச்சேரி கணக்கு தணிக்கை நிறுவனத்தின் தலைவர் ஹார்கோவிந்த் வணிகர் சங்கத் தலைவர் சிவசங்கர் ஆகியோர் கலந்து கொண்டனர். 

]]>
http://www.dinamani.com/all-editions/edition-villupuram/puducherry/2018/oct/10/வெளிப்படைத்-தன்மையுள்ள-ஜிஎஸ்டி-தான்-சிறப்பானது-3017596.html
3017595 விழுப்புரம் புதுச்சேரி புதுவை அருகே நீரில் மூழ்கிய நெல்பயிர்கள் DIN DIN Wednesday, October 10, 2018 10:11 AM +0530 புதுச்சேரி அருகே ஏம்பலம், கூடப்பாக்கம் பகுதிகளில் விவசாய நிலங்களில் தேங்கியுள்ள மழை நீரால் ஆயிரம் ஏக்கர்களுக்கு மேல் நெல் பயிர்கள் நீரில் மூழ்கியுள்ளன.
இதனால், விவசாயிகள் வேதனையடைந்துள்ளனர். 
புதுச்சேரியில் அண்மையில் தொடர்ந்து பெய்த மழையால் நீர்வரத்து வாய்க்கால்களில் மழை நீர் வழிந்தோடியது. நகரப் பகுதியில் மழை நீர் வழிந்தோடியதால் பெரும் பாதிப்புகள் இல்லை. 
கிராமப்புறங்களில் வழிந்தோடிய மழை நீர் விவசாய நிலங்களில் அதிகளவில் தேங்கி நிற்கிறது.
குறிப்பாக, நெல் விளைச்சல் மிகுந்த விவசாய பகுதியான வில்லியனூர் அருகே சேந்தநத்தம், குருவிநத்தம், கூடப்பாக்கம், கரிக்கலாம்பாக்கம், ஏம்பலம், பாகூர் உள்ளிட்ட கிராமங்களில் பயிரிடப்பட்டிருந்த 1,500க்கும் மேற்பட்ட ஏக்கர் நெல் பயிரில் மழை நீர் தேங்கியுள்ளது. 
போதிய வடிகால் வசதி இல்லாததால், மழை நீர் தேங்கி பல இடங்களில் பயிர்கள் பாதிக்கப்பட்டு பல லட்சம் ரூபாய் நஷ்டம் ஏற்பட்டுள்ளதாக விவசாயிகள் கவலையுடன் தெரிவித்தனர்
சேத்தநத்தம் விவசாயி பொன்னுசாமி கூறுகையில், பல இடங்களில் நிகழ் பருவத்துக்கான நடவு செய்வதற்கு, நாற்று முடிச்சுகளை கலைத்து நடவு செய்ய வைத்திருந்த நிலையில், தொடர்ந்து பெய்த பலத்த மழையால் நிலங்களில் தண்ணீர் தேங்கி நாற்றுகள் அழுகி நடவு செய்ய முடியாத நிலை ஏற்பட்டுள்ளது என்றார்.
மழைக்கு முன் வடிகால் வாய்க்கால்களை தூர்வாராததால் இந்த பாதிப்பு ஏற்பட்டுள்ளது. 
பயிர்கள் பாதிக்கப்பட்ட விவசாயிகளுக்கு அரசு உரிய நிவாரணம் வழங்க வேண்டும் என்று விவசாயிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-villupuram/puducherry/2018/oct/10/புதுவை-அருகே-நீரில்-மூழ்கிய-நெல்பயிர்கள்-3017595.html
3017593 விழுப்புரம் புதுச்சேரி மனித நேயத்தை வயுறுத்தி ஒரு கோடி பேர் ஓவியம் வரையும் முகாம்  DIN DIN Wednesday, October 10, 2018 10:10 AM +0530 மனித நேயத்தை வலியுறுத்தி ஒரு கோடி பேர் ஓவியம் வரையும் நிகழ்ச்சி புதுச்சேரி கடற்கரைச் சாலையில் செவ்வாய்க்கிழமை தொடங்கியது. 
புதுவை ஏபிஜே அப்துல் கலாம் இன்டர்நேஷனல் பவுண்டேஷன், அசிஸ்ட் வேர்ல்டு ரெக்கார்ட்ஸ் உள்ளிட்ட பல்வேறு இளைஞர் அமைப்புகள் சார்பில் இந்த முகாம் நடத்தப்படுகிறது.
பரபரப்பான வாழ்க்கையில் மனிதர்கள், மனித நேயத்தை மறந்துவிடக் கூடாது என்பதை வலியுறுத்தும் வகையில், 
"தங்கள் பார்வையில் மனித நேயம்' என்ற தலைப்பில் நடைபெறும் இந்த ஓவிய நிகழ்ச்சியை புதுவை முதல்வர் வே.நாராயணசாமி தொடக்கி வைத்தார். 
நிகழ்ச்சி ஒருங்கிணைப்பாளர் வேர்ல்டு ரெக்கார்ட்ஸ் பினாலே பவுன்டேஷன் நிறுவனர் ராஜேந்திரன் வரவேற்றார். 
விழாவில் அமைச்சர் கந்தசாமி, கலை, பண்பாட்டுத் துறை இயக்குநர் கணேசன், பாரதியார் பல்கலைக்கூட முதல்வர் பிரபாகரன், சிற்பி ஜெயராமன், சமூக சேவகர் சேகர், சி.கே.அசோக்குமார், பிரியாகாந்தி, தமிழ்ச் சங்கச் செயலாளர் பாலசுப்பிரமணியன், ஓவியர்கள் மாறன், முனுசாமி, சக்திகுருநாதன், தணிகைவேல் அரசு, கந்தப்பன் உள்ளிட்டோர் கலந்துகொண்டனர். 
முதல் நாளில் புதுச்சேரி பகுதி அரசு மற்றும் தனியார் பள்ளிகளைச் சேர்ந்த 500-க்கும் மேற்பட்ட மாணவ, மாணவிகள் பங்கேற்று ஓவியம் வரைந்தனர். ஓவியம் வரைந்தவர்களுக்கு சான்றிதழ் வழங்கப்பட்டது. 
ஐக்கிய நாடுகள் சபையின் "சஸ்ட்டைனபிள் கோல்ஸ்' என்ற செயல்பாட்டில் உள்ள 17 இலக்குகளை ஓவிய நிகழ்வு மூலம் மக்கள் மத்தியில் கொண்டு செல்லும் வகையில் ஓவியங்கள் வரையப்
படுகின்றன. 
பல மாநிலங்கள், பல்வேறு நாடுகளிலிருந்து ஒரு கோடி பேர் வரை இதில் பங்கேற்க ஏற்பாடு செய்யப்பட்டுள்ளது. மேலும், பல சாதனையாளர்களை வெளி உலகிற்கு அடையாளம் காட்டவும், அவர்கள் தங்களது சாதனைகளை பரிமாற்றம் செய்து கொள்ளவும் ஏற்பாடுகள் செய்யப்பட்டுள்ளன.
ஓவிய முகாம்கள் டிச.30-ஆம் தேதி வரை நடைபெறுகின்றன.
புதுவை, தமிழகம் உள்ளிட்ட பல்வேறு மாநிலங்களில் ஓவிய முகாம்கள் நடைபெறும் என்றும், அவற்றின் மூலம் சேகரிக்கப்படும் ஓவியங்கள் கின்னஸ் சாதனைக்காக அனுப்பி வைக்கப்படும் என்றும் முகாம் ஒருங்கிணைப்பாளர்கள் தெரிவித்தனர்.

]]>
http://www.dinamani.com/all-editions/edition-villupuram/puducherry/2018/oct/10/மனித-நேயத்தை-வயுறுத்தி-ஒரு-கோடி-பேர்-ஓவியம்-வரையும்-முகாம்-3017593.html
3017592 விழுப்புரம் புதுச்சேரி புதுச்சேரியில் 2-ஆம் எண் புயல் எச்சரிக்கை கூண்டு  DIN DIN Wednesday, October 10, 2018 10:09 AM +0530 புயல் எச்சரிக்கை விடப்பட்டுள்ளதை அடுத்து, புதுச்சேரி துறைமுகத்தில் செவ்வாய்க்கிழமை 2-ஆம் எண் புயல் எச்சரிக்கைக் கூண்டு ஏற்றப்பட்
டுள்ளது.
தமிழகம், புதுவையில் சில தினங்களாக பருவ மழை தொடங்கி பரவலாக பெய்து வருகிறது. 
இதனிடையே, வங்கக் கடலில் உருவாகியுள்ள காற்றழுத்த தாழ்வு மண்டலம் புயலாக மாறி, ஒடிசா மாநிலப் பகுதியில் கரையை கடக்கும் என சென்னை வானிலை ஆய்வு மையம் செவ்வாய்க்கிழமை அறிவித்தது. 
இதனால், புதுச்சேரி துறைமுகத்தில் 2-ஆம் எண் புயல் எச்சரிக்கைக் கூண்டு ஏற்றப்பட்டுள்ளது. 
மீனவர்கள் கடலுக்கு மீன்
பிடிக்கச் செல்லவேண்டாம் என அறிவுறுத்தப்பட்டுள்ளது.
 

]]>
http://www.dinamani.com/all-editions/edition-villupuram/puducherry/2018/oct/10/புதுச்சேரியில்-2-ஆம்-எண்-புயல்-எச்சரிக்கை-கூண்டு-3017592.html
3017591 விழுப்புரம் புதுச்சேரி காந்திய வழியைப் பின்பற்றினால் லட்சியங்களை அடைய முடியும் DIN DIN Wednesday, October 10, 2018 10:09 AM +0530 காந்திய வழியைப் பின்பற்றினால் மாணவர்கள் தங்கள் லட்சியங்களை அடையலாம் என்று, மகாத்மா காந்தி குறித்த கருத்தரங்கில் ஆளுநர் கிரண் பேடி அறிவுறுத்தினார். 
காந்தியின் 150-ஆவது பிறந்த நாளை முன்னிட்டு, புதுவைப் 
பல்கலைக்கழகத்தில் பல்கலை. பன்னாட்டு ஆய்வியல், அரசியல் துறை மற்றும் காந்திய ஆய்வியல் மையம் சார்பில், "தற்போதைய 
சூழலில் காந்தியின் அகிம்சை நெறிகள்' என்ற தலைப்பில் கருத்தரங்கம் செவ்வாய்க்கிழமை நடைபெற்றது. 
இதன் தொடக்க விழாவில், காந்தியன் ஆய்வியல் மையத்தின் தலைவர் பேராசிரியர் மூர்த்தி வரவேற்றார். புதுவை பல்கலைக்கழக துணைவேந்தர் குர்மீத் சிங் தலைமையுரை நிகழ்த்தினார். 
அப்போது, அவர் காந்தி பின்பற்றி வெற்றி கண்ட அகிம்சை நெறிகளை மாணவர்கள் தங்கள் வாழ்வில் கடைப்பிடித்து, காந்தியைப் போன்று உன்னதமான நிலைக்கு வர முயற்சிக்க வேண்டும் என்றார். சென்னை மகாத்மா காந்தி நினைவுக் கழக நிறுவனர் காந்தி கனகராஜ், காந்தியின் அகிம்சை நெறிகளிலுள்ள வலிமை குறித்துப் பேசினார். 
ஆளுநர் கிரண் பேடி சிறப்பு விருந்தினராகக் கலந்து கொண்டு, கருத்தரங்கை தொடங்கி வைத்துப் பேசியதாவது: 
மாணவர்கள் இளம் பருவத்தில் அடுத்தவர்களிடம் எதையும் எதிர்பார்க்காமல், தங்களுக்குத் தாங்களே உதவிக் கொண்டு, நம்மைச் சுற்றியுள்ள சமூகத்திற்கு உதவ வேண்டும். தங்களின் வீட்டையும், 
சுற்றுப் புறத்தையும் சுத்தமாக வைத்துக் கொள்ள வேண்டும். 
நேரம் தவறாமை, எளிமை, நேர்மை, சுகாதார வாழ்வியல் முறை போன்ற காந்தி தன் வாழ்நாளில் பின்பற்றிய அனைத்து அறநெறிகளையும் பின்பற்றி நடந்தால் மாணவச் சமூகம் முன்னேறும். வாழ்வியல் உன்னத நிலையை அடைய காந்தியின் வாழ்க்கை வரலாறு தொடர்பான ஆவணப்படங்களை கட்டாயம் மாணவர்கள் பார்க்க வேண்டும் என்றார். 
தொடர்ந்து, கிரேட் ஆன்மா என்ற காந்தி குறித்த ஆவணப்படம் திரையிடப்பட்டது. கருத்தரங்கில் புதுவையைச் சேர்ந்த கல்லுôரி மாணவர்கள், மாணவிகள், பதிவாளர் சசிகாந்த தாஸ், நிதி அதிகாரி பிரகாஷ், புல முதன்மையர்கள், பேராசிரியர்கள் உள்ளிட்டோர் கலந்துகொண்டனர்.னனன
 

]]>
http://www.dinamani.com/all-editions/edition-villupuram/puducherry/2018/oct/10/காந்திய-வழியைப்-பின்பற்றினால்-லட்சியங்களை-அடைய-முடியும்-3017591.html
3017590 விழுப்புரம் புதுச்சேரி கோயில்கள், வீடுகளில் நவராத்திரி கொலு DIN DIN Wednesday, October 10, 2018 10:08 AM +0530 காரைக்கால் பகுதி கோயில்கள் மற்றும் வீடுகளில் நவராத்திரி வழிபாடாக கொலு காட்சிப்படுத்தப்பட்டுள்ளது. 
கோயில்களிலும், வீடுகளிலும் நவராத்திரி 9 நாள் நிகழ்ச்சியாக கொண்டாடப்படுகிறது. காரைக்கால் கைலாசநாதர் கோயில், பார்வதீசுவரர் கோயில், ஒப்பிலாமணியர் கோயில் உள்ளிட்ட சிவன் கோயில்களில் அம்மன் செவ்வாய்க்கிழமை படியிறங்கச் செய்யப்பட்டது. கோயில்களில் கொலு காட்சிப்படுத்தப்பட்டுள்ளது. 
காரைக்கால் நித்யகல்யாணப் பெருமாள் கோயிலிலும் தாயாருக்கு சிறப்பு அலங்காரம் 9 நாள்களும் செய்யப்படுகிறது. கோயில்களில் 9 நாள்கள் அம்மனுக்கு சிறப்பு அலங்காரம் செய்யப்பட்டு ஆராதனைகள் நடைபெறும். 10-ஆம் நாள் அம்புபோடும் நிகழ்ச்சி நடத்தப்படும். 
திருநள்ளாறு தர்பாரண்யேசுவரர் கோயில் குடமுழுக்குக்காக பாலஸ்தாபனம் செய்யப்பட்டுள்ளதால், நிகழாண்டு நவராத்திரி வழிபாடு கோயிலில் நடத்தவில்லை என கோயில் நிர்வாகம் தெரிவித்தது.
வீடுகளில் கொலு: காரைக்கால் பகுதியில் பல வீடுகளில் கொலு பொம்மைகள் வைப்பதற்காக, பல ஊர்களில் இருந்து பொம்மைகள் புதிதாக வாங்கி வரப்பட்டு வைக்கப்பட்டுள்ளன. கொலு காட்சிப்படுத்தப்பட்ட பகுதியில் வண்ண மின் அலங்காரம் செய்யப்பட்டுள்ளது.

]]>
http://www.dinamani.com/all-editions/edition-villupuram/puducherry/2018/oct/10/கோயில்கள்-வீடுகளில்-நவராத்திரி-கொலு-3017590.html
3016814 விழுப்புரம் புதுச்சேரி புதுச்சேரி, கடலூரில் 1-ஆம் எண் புயல் எச்சரிக்கைக் கூண்டு    புதுச்சேரி/ கடலூர், DIN Tuesday, October 9, 2018 08:42 AM +0530 வங்கக் கடலில் உருவாகியுள்ள குறைந்த காற்றழுத்த தாழ்வு மண்டலம் காரணமாக, புதுச்சேரி, கடலூர் துறைமுகங்களில் முதலாம் எண் புயல் எச்சரிக்கைக் கூண்டு திங்கள்கிழமை ஏற்றப்பட்டது.
 வங்கக் கடலில் கோபல்பூர் பகுதிக்கு தென்கிழக்கே சுமார் 720 கி.மீ. தொலைவில் காற்றழுத்த தாழ்வு மண்டலம் மையம் கொண்டுள்ளது.
 இதையடுத்து, கடலூர் துறைமுகத்தில் புயல் முன்னறிவிப்பு கொடி எண்-1 திங்கள்கிழமை மாலை 4 மணிக்கு ஏற்றப்பட்டது.
 புதுச்சேரி துறைமுகத்திலும் 1-ஆம் எண் புயல் எச்சரிக்கைக் கூண்டு ஏற்றப்பட்டது. இதன் காரணமாக கடலூர், புதுச்சேரி உள்பட வட தமிழகத்தில் காற்றுடன் கூடிய மழையை எதிர்பார்க்கலாம். கடல் சற்று சீற்றமாகக் காணப்படும் என்று தெரிவிக்கப்பட்டுள்ளது.
 கடலூர் மாவட்டத்தில் திங்கள்கிழமை காலை 8.30 மணி வரையிலான கடந்த 24 மணி நேரத்தில் அதிகபட்சமாக பெலாந்துறையில் 20.4 மி.மீ. மழை பதிவானது.
 புதுச்சேரியில் கடந்த சில தினங்களாக நல்ல மழைப் பொழிவு உள்ளது. பகலில் கடுமையான வெயிலும், இரவில் மழைப் பொழிவு உள்ள நிலையில் திங்கள்கிழமை பிற்பகல் முதல் பரவலாக மழை பெய்தது.
 
 
 
 

]]>
http://www.dinamani.com/all-editions/edition-villupuram/puducherry/2018/oct/09/புதுச்சேரி-கடலூரில்-1-ஆம்-எண்-புயல்-எச்சரிக்கைக்-கூண்டு-3016814.html
3016800 விழுப்புரம் புதுச்சேரி மகாபுஷ்கர விழா: புதுச்சேரியில் இருந்து சிறப்பு பேருந்து, ரயில் இயக்க கோரிக்கை  புதுச்சேரி DIN Tuesday, October 9, 2018 08:39 AM +0530 திருநெல்வேலி மகாபுஷ்கர விழாவில் பங்கேற்க புதுச்சேரியில் இருந்து சிறப்பு பேருந்து, ரயில் இயக்க வேண்டும் என்று அதிமுக கோரிக்கை விடுத்துள்ளது.
 இது குறித்து சட்டப்பேரவை அதிமுக கொறடா வையாபுரி மணிகண்டன் எம்எல்ஏ வெளியிட்ட அறிக்கை:
 புதுச்சேரி ஒரு ஆன்மிக பூமி. மகான் அரவிந்தர், அன்னை மீர்ரா மட்டுமன்றி பல்வேறு சித்தர்களும் முக்தியடைந்த புண்ணிய பூமி புதுச்சேரி.
 புதுச்சேரிக்கு வரும் பக்தர்கள் இங்கு தங்கி தமிழகத்தில் உள்ள பல்வேறு கோயில்களுக்கும் சென்று சுவாமி தரிசனம் செய்து வருகின்றனர்.
 நாட்டு மக்களின் மிகப்பெரும் நம்பிக்கையில் குரு பெயர்ச்சியும் ஒன்று. குரு பெயர்ச்சியின்போது 12 ஆண்டுகளுக்கு ஒரு முறை ஒவ்வொரு நதியிலும் புஷ்கர விழா நடைபெறும். தற்போது 144 ஆண்டுகளுக்கு ஒரு முறை நிகழும் மகா புஷ்கரம் திருநெல்வேலி தாமிரவருணி ஆற்றில் இந்து சமய பெரியோர்களால் நடத்தப்படுகிறது. அக். 11-ஆம் தேதி திருக்கணித பஞ்சாங்கப்படி குரு பெயர்ச்சி நடக்கிறது. இதையொட்டி அன்று மாலை கணபதி ஹோமத்துடன் அக்.12-ஆம் தேதி காலை முதல் மகா புஷ்கரம் தொடங்குகிறது. 12 நாள்கள் தொடர்ந்து நடைபெறும் மகாபுஷ்கரம் வரும் அக்.23-ஆம் தேதியுடன் நிறைவடைகிறது.
 இந்த மகாபுஷ்கரத்தில் பங்கேற்க உலகம் முழுவதிலும் இருந்து கோடிக்கணக்கான பக்தர்கள் தாமிரவருணிக்கு வருவார்கள் என எதிர்பார்க்கப்படுகிறது.
 பக்தர்களின் வருகைக்கு ஏற்ப பல்வேறு வசதிகளை தமிழக அரசு செய்து வருகிறது. ஒவ்வொரு மாவட்டத்தில் இருந்தும் சிறப்புப் பேருந்துகளை இயக்கவும், சிறப்பு ரயில்களை இயக்கவும் நடவடிக்கை எடுக்கப்பட்டுள்ளது.
 தமிழகத்தின் தென் மாவட்டங்களைச் சேர்ந்த ஆயிரக்கணக்கான மக்கள் புதுச்சேரியில் வசித்து வருகின்றனர். புதுச்சேரிக்கு லட்சக்கணக்கான பக்தர்கள் வந்து செல்கின்றனர். இவர்கள் அனைவரும் மகாபுஷ்கரத்தில் பங்கேற்க திட்டமிட்டுள்ளனர்.
 பக்தர்களின் வசதிக்கேற்ப புதுவை அரசும் இதற்கான சிறப்பு ஏற்பாடுகளை செய்ய வேண்டும்.
 மகாபுஷ்கரத்தில் பங்கேற்கும் வகையில் புதுச்சேரியில் இருந்து சிறப்புப் பேருந்துகளை திருநெல்வேலிக்கு இயக்க அரசு நடவடிக்கை எடுக்க வேண்டும்.
 தமிழக அரசோடு கலந்து பேசி தமிழக அரசு சிறப்பு பேருந்துகளையும் புதுச்சேரியில் இருந்து இயக்க உரிய நடவடிக்கையை அரசு எடுக்க வேண்டும். புதுச்சேரியில் இருந்து திருநெல்வேலிக்கு சிறப்பு ரயில்களை இயக்கவும் தென்மண்டல ரயில்வே கோட்டத்தை புதுவை அரசு அணுக வேண்டும் எனத் தெரிவித்துள்ளார் வையாபுரி மணிகண்டன்.
 

]]>
http://www.dinamani.com/all-editions/edition-villupuram/puducherry/2018/oct/09/மகாபுஷ்கர-விழா-புதுச்சேரியில்-இருந்து-சிறப்பு-பேருந்து-ரயில்-இயக்க-கோரிக்கை-3016800.html
3016798 விழுப்புரம் புதுச்சேரி விரிவுரையாளர் தேர்வில் புதுவை மாநிலத்தவருக்கு முன்னுரிமை: காங்கிரஸ் எம்.எல்.ஏ. வலியுறுத்தல்  புதுச்சேரி, DIN Tuesday, October 9, 2018 08:39 AM +0530 விரிவுரையாளர் தேர்வில் புதுவை மாநிலத்தவருக்கு முன்னுரிமை அளிக்க வேண்டும் என்று முதல்வரின் நாடாளுமன்ற செயலரும், ராஜ் பவன் தொகுதி காங்கிரஸ் எம்.எல்.ஏ.வுமான க.லட்சுமிநாராயணன் வலியுறுத்தினார்.
 இது குறித்து புதுவை வளர்ச்சி ஆணையர் மற்றும் கல்வித் துறை செயலர் அன்பரசிடம், லட்சுமிநாராயணன் எம்.எல்.ஏ. திங்கள்கிழமை கொடுத்த மனு:
 புதுவையில் உள்ள அரசு கலை, அறிவியல் கல்லூரிகளில் தற்காலிக விரிவுரையாளர்களை நியமனம் செய்யும்போது புதுவையைச் சேர்ந்தவர்களுக்கு முன்னுரிமை அளிக்க வேண்டும் என்று ஏற்கெனவே வேண்டுகோள் விடுத்துள்ளேன்.
 தற்போது, அரசுக் கல்லூரிகளில் பல்வேறு பாடப்பிரிவுகளுக்கு தேவையான தற்காலிக விரிவுரையாளர்களை தேர்வு செய்யும் பணியை உயர் கல்வித்துறை தொடங்கியுள்ளது. தேர்வுக் குழுவிடம் உள்ளூரைச் சேர்ந்தவர்களை தேர்வு செய்ய வலியுறுத்த வேண்டும். அதுபோல, ஏற்கெனவே சிலஆண்டுகளாக விரிவுரையாளர்களாக பணியாற்றி வருபவர்களுக்கு மீண்டும் நேர்முகத் தேர்வு நடத்தக்கூடாது என்றும் தெரிவித்து இருந்தேன். அதன்படி, செயல்படுவதாக ஒப்புக்கொண்டீர்கள். ஆனால், தற்போது உயர்கல்வித் துறையில் பணியாற்றி வருபவர்களையும் நேர்முகத் தேர்வில் பங்கேற்கும்படி வலியுறுத்துகிறது.
 செயலாளரின் உத்தரவை ஏன் இயக்ககம் பின்பற்றவில்லை என்பது தெரியவில்லை.
 பணியாற்றி வருபவர்கள் ஏற்கெனவே இருந்த தேர்வுக் குழுவால் தேர்வு செய்யப்பட்டவர்கள் தான். தேர்வுக் குழுவால் தேர்வு செய்யப்பட்டவர்களுக்கு ஏன் மீண்டும் தேர்வு நடத்த வேண்டும். அவ்வாறு பங்கேற்கும்போது சில நேரங்களில் அவர்களிடம் பயின்ற மாணவர்களும் பங்கேற்கும் நிலை உள்ளது. அவ்வாறு அவர்களை அவமானப்படுத்தக் கூடாது. அதுபோல, 150 விரிவுரையாளர்களை மத்திய தேர்வாணையத்தின் மூலம் தேர்வு செய்ததிலும் பல்வேறு விமர்சனங்கள் எழுந்துள்ளன. அதில் தேர்வானவர்கள் பெரும்பாலும் வெளிமாநிலத்தவர்கள்தான்.
 95 சதவீத விரிவுரையாளர்கள் வெளிமாநிலத்தைச் சேர்ந்தவர்களாக உள்ளனர். அவர்களுக்கு ரூ.60 ஆயிரம் முதல் ரூ.80 ஆயிரம் வரை ஊதியம் வழங்கப்படுகிறது. ஆனால், தற்காலிக விரிவுரையாளர்களுக்கு விடுமுறை கூட வழங்கப்படாமல் ரூ.10 ஆயிரம் ஊதியமே வழங்கப்படுகிறது.
 உள்ளூர் விரிவுரையாளர்களைப் பற்றி அரசு கவலைப்படுவதில்லை. இது உள்ளூரில் படித்த இளைஞர்களிடம் தீவிரமாக பரவி வருகிறது. உடனடியாக உள்ளூர் இளைஞர்களுக்கு விடுமுறை உள்ளிட்ட சலுகைகளுடன், வெளிமாநிலத்தவர்களுக்கு வழங்கப்படும் ஊதியத்தில் 50 சதவீதத்தையாவது வழங்க வேண்டும்.
 இதுவே புதுவை மக்களுக்கு உதவும் எனத் தெரிவித்துள்ளார் லட்சுமிநாராயணன்.
 

]]>
http://www.dinamani.com/all-editions/edition-villupuram/puducherry/2018/oct/09/விரிவுரையாளர்-தேர்வில்-புதுவை-மாநிலத்தவருக்கு-முன்னுரிமை-காங்கிரஸ்-எம்எல்ஏ-வலியுறுத்தல்-3016798.html
3016795 விழுப்புரம் புதுச்சேரி கல்லூரி ஆசிரியர்களுக்கு ஏழாவது ஊதியக் குழு: பரிந்துரையை அமல்படுத்தக் கோரிக்கை  புதுச்சேரி, DIN Tuesday, October 9, 2018 08:38 AM +0530 புதுவையில் அரசுக் கல்லூரி ஆசிரியர்களுக்கு ஏழாவது ஊதியக்குழு பரிந்துரைகளை அமல்படுத்த வேண்டும் என முன்னாள் எம்.பி. மு.ராமதாஸ் கோரிக்கை விடுத்துள்ளார்.
 இது குறித்து திங்கள்கிழமை அவர் வெளியிட்ட அறிக்கை:
 ஏழாவது ஊதியக் குழுவின் பரிந்துரைகளை ஏற்றுக்கொண்ட மத்திய மனிதவள மேம்பாட்டு அமைச்சகமும், பல்கலைக்கழக மானியக் குழுவும் நாட்டில் உள்ள கல்லூரி மற்றும் பல்கலைக்கழக ஆசிரியர்களுக்கு 1.1.2016-ஆம் ஆண்டில் இருந்து உயர்ந்த ஊதிய விகிதத்தை அளிப்பது என்று அறிவித்தது.
 ஏழாவது ஊதிய குழுவின் பரிந்துரையை கல்லூரி ஆசிரியர்களுக்கு அமுல்படுத்தாத ஒரே மாநிலம் புதுவை மட்டும் தான்.
 கடந்த மூன்று ஆண்டுகளாக உயர்ந்த ஊதியத்தைப் பெறமுடியாத கல்லூரி ஆசிரியர்கள் கவலையடைந்துள்ளனர். அரசின் திட்டங்கள் அனைத்தையும் முழு மனதோடு ஏற்றுக் கொண்டு இக்கல்லூரி ஆசிரியர்கள் செயல்படுத்தி இருக்கின்றனர். மேலும், கல்லூரிகளிலும் காணப்படும் அகக்கட்டுமான குறைகளைப் போக்கி தரமானக் கல்வியை ஆசிரியர்கள் அளிக்கின்றனர். புதுவை அரசு கடந்த 32 மாதங்களாக கல்லூரி ஆசிரியர்களுக்கு ஊதிய உயர்வை மறுத்து வருவது துரதிருஷ்டவசமாகும்.
 புதுவை அரசு தனது உள்ளாட்சி ஊழியர்கள் உள்ளிட்ட அனைத்து அரசு ஊழியர்களுக்கும் ஏழாவது நிதிக்குழுவின் பரிந்துரைகளை செயல்படுத்தி வருகிறது. பல மாதங்களுக்கு முன்பே புதுவை பல்கலைக்கழகம் அதன் ஆசிரியர்களுக்கு உயர்ந்த ஊதிய விகிதங்களை அளித்து வருகிறது.
 ஆனால், இந்தப் பல்கலைக்கழகத்தோடு இணைந்துள்ள அரசு மற்றும் சங்கக் கல்லூரிகளின் ஆசிரியர்களுக்கு இந்த உயர்வு வழங்கப்படவில்லை.
 எனவே புதுவை அரசு இந்த அவல நிலையைப் போக்கி நிதி நெருக்கடி என்ற காரணத்தைக் காட்டாமல் அனைத்து கல்லுரி ஆசிரியர்களுக்கும் 1-1-2016 இருந்து உயர்த்தப்பட்ட ஊதியத்தை உடனடியாக வழங்க வேண்டும் எனத் தெரிவித்துள்ளார் ராமதாஸ்.

]]>
http://www.dinamani.com/all-editions/edition-villupuram/puducherry/2018/oct/09/கல்லூரி-ஆசிரியர்களுக்கு-ஏழாவது-ஊதியக்-குழு-பரிந்துரையை-அமல்படுத்தக்-கோரிக்கை-3016795.html
3016793 விழுப்புரம் புதுச்சேரி பழங்குடியின மக்களுக்கு இலவச தார்பாய்  புதுச்சேரி, DIN Tuesday, October 9, 2018 08:38 AM +0530 புதுவை கரிக்கலாம்பாக்கம் பகுதியில் வசிக்கும் பழங்குடியின மக்களுக்கு தார்பாய் வழங்கப்பட்டது.
 கரிக்கலாம்பாக்கம், கோர்க்காடு, வில்லியனுôர், டி.என்.பாளையம், பாகூர் ஆகிய இடங்களில் நுôற்றுக்கும் மேற்பட்ட பழங்குடியின மக்கள் வசித்து வருகின்றனர். இவர்கள் அரசு புறம்போக்கு நிலங்களில் கூடாரம் அமைத்து கடந்த 30 ஆண்டுகளாக வாழ்ந்து வருகின்றனர்.
 நிரந்தரமாக வீடு கட்டிக் கொள்வதற்காக இலவச மனைப் பட்டா வழங்க வேண்டும் என பலமுறை மனு அளித்தும் நடவடிக்கை இல்லை. கூடாரங்களில் வாழ்ந்து வரும் இவர்கள் அண்மையில் பெய்த மழையால் பாதிக்கப்பட்டனர்.
 புதுவையில் வாழும் பழங்குடியினருக்கு இலவச மனைப்பட்டா வழங்க வேண்டும் என, விடுதலைச் சிறுத்தைகள் கட்சியின் மாநில பொதுச் செயலாளர் ரவிக்குமார் முதல்வரிடம் மனு அளித்துள்ளார்.
 பின்னர், ராதாகிருஷ்ணன் எம்.பி. யிடம் பழங்குடியின மக்களுக்கு உதவுமாறு கேட்டுக் கொண்டதன் பேரில், அவர் முதல்கட்டமாக ஒழுகும் நிலையில் உள்ள கூடாரத்தை புதுப்பிக்கும் வகையில் 70 தார்பாய்களை வழங்கினார்.
 இவற்றை ரவிக்குமார் முதல்கட்டமாக, கரிக்கலாம்பாக்கம், கோர்க்காடு, டி.என்.பாளையம், பாகூர், வில்லியனுôர் ஆகிய பகுதிகளில் உள்ள பழங்குடியினருக்கு ஞாயிற்றுக்கிழமை வழங்கினார்.
 நிகழ்ச்சியில் விடுதலைச் சிறுத்தைகள் கட்சியின் முதன்மைச் செயலர் அமுதன், பழங்குடியினர் இயக்க மாநிலச் செயலாளர் ஏகாம்பரம், நிர்வாகிகள் சத்தியமூர்த்தி, தமிழ்மாறன், சங்கர்,
 சந்தோஷ், இனியவன் உள்ளிட்ட பலர் பங்கேற்றனர்.

]]>
http://www.dinamani.com/all-editions/edition-villupuram/puducherry/2018/oct/09/பழங்குடியின-மக்களுக்கு-இலவச-தார்பாய்-3016793.html
3016791 விழுப்புரம் புதுச்சேரி தவளக்குப்பம் முதல் புதுக்குப்பம் வரை சாலைகளை சீரமைக்காவிடில் போராட்டம்: பாஜக அறிவிப்பு  புதுச்சேரி, DIN Tuesday, October 9, 2018 08:38 AM +0530 தவளக்குப்பம் முதல் புதுக்குப்பம் வரை உள்ள சாலைகளை சீரமைக்காவிடில் நாற்றுநடும் போராட்டம் நடத்தப்படும் என்று பாஜக அறிவித்துள்ளது.
 இது குறித்து அந்தக் கட்சியின் புதுவை மாநில துணைத் தலைவர் ஆர்.செல்வம் வெளியிட்ட அறிக்கை:
 மணவெளி சட்டப்பேரவை தொகுதிக்கு உள்பட்ட பல்வேறு பகுதிகளில் மக்களின் அடிப்படை வசதிகளான சாலை மேம்பாடு, கழிவுநீர் வாய்க்கால் அமைத்தல், தெரு விளக்கு உள்ளிட்ட எந்தப் பணியும் நடைபெறவில்லை. குறிப்பாக, தவளக்குப்பத்தில் இருந்து பூரணாங்குப்பம் - புதுக்குப்பம் வரையிலான பிரதான சாலை பழுதடைந்து போக்குவரத்துக்கு தகுதியற்றதாக உள்ளது.
 மின்கம்பி புதைப்பதற்காக தோண்டப்பட்ட பள்ளங்களால் சாலை குண்டும் குழியுமாக உள்ளது. இதனால் வாகன ஓட்டிகள், பொதுமக்கள் பல்வேறு இன்னல்களுக்கு ஆளாகின்றனர். சிறிதளவு மழை பெய்தாலும் தண்ணீர் தேங்கி சாலை இருப்பதே தெரியாத நிலை உள்ளது.
 தற்போது பருவமழை தொடங்கியுள்ள நிலையில் அந்தச் சாலை மிகவும் மோசமடைந்து உள்ளது. மின் கம்பிகள் பதிப்பதற்கான பணியை மேற்கொண்டுள்ள ஒப்பந்ததாரரே தார்ச் சாலை பணியையும் ஒப்பந்தம் எடுத்திருப்பதால் சாலை அமைக்கும் பணி நடைபெறாமல் உள்ளது.
 பூரணாங்குப்பம் பகுதியில் நியாய விலைக் கடைக்கான கட்டடம் கட்டி முடிக்கப்பட்டு ஓராண்டுக்கு மேலாகியும் திறக்கப்படாமல் உள்ளது. அதுபோல, பூரணாங்குப்பம் பஞ்சாயத்து அலுவலகமும் கட்டி முடிக்கப்பட்டு திறக்கப்படாமல் உள்ளது.
 தவளக்குப்பம் முதல் புதுக்குப்பம் வரை உள்ள பிரதான சாலை உள்ளிட்ட அனைத்துச் சாலைகளையும் புதிய தார்ச் சாலைகளாக போர்க்கால அடிப்படையில் அமைத்துத் தர நடவடிக்கை எடுக்க வேண்டும்.
 இல்லையென்றால், மணவெளி தொகுதி பாஜக சார்பில் மக்களைத் திரட்டி சாலையில் நாற்று நடும் போராட்டம் நடத்தப்படும் எனத் தெரிவித்துள்ளார் செல்வம்.

]]>
http://www.dinamani.com/all-editions/edition-villupuram/puducherry/2018/oct/09/தவளக்குப்பம்-முதல்-புதுக்குப்பம்-வரை-சாலைகளை-சீரமைக்காவிடில்-போராட்டம்-பாஜக-அறிவிப்பு-3016791.html
3016789 விழுப்புரம் புதுச்சேரி மகாளய அமாவாசை: புதுச்சேரி கடற்கரையில் தர்ப்பணம்  புதுச்சேரி, DIN Tuesday, October 9, 2018 08:37 AM +0530 மகாளய அமாவாசையையொட்டி, புதுச்சேரி கடற்கரையில் பொதுமக்கள் முன்னோர்களுக்கு தர்ப்பணம் கொடுத்து சிறப்பு வழிபாட்டில் ஈடுபட்டனர்.
 ஒவ்வொரு மாதமும் அமாவாசை வந்தாலும், புரட்டாசி மாதத்தில் வரும் அமாவாசையே "மகாளய அமாவாசை' என்று அழைக்கப்படுகிறது. மற்ற அமாவாசை நாள்களில் முன்னோர்களுக்கு திதி கொடுக்க மறந்துவிட்டாலோ அல்லது அதற்கான வாய்ப்பு இல்லாமல் தவற விட்டவர்கள்.
 இந்த மகாளய அமாவாசை அன்று திதி கொடுத்தால், அது அதற்கான முழுப் பலனையும் அளிக்க வல்லதாகும்.
 மகாளய அமாவாசை அன்று முன்னோர்கள் பூமிக்கு வருவதாக ஐதிகம். இந்த நிலையில், புதுச்சேரி கடற்கரை, வைத்திக்குப்பம் கடற்கரை, வேதபுரீஸ்வரர் கோயில் குளக்கரை, திருக்காஞ்சி சங்கராபரணி ஆற்றங்கரை உள்ளிட்ட பல இடங்களில் மகாளய அமாவாசையை முன்னிட்டு முன்னோர்களுக்கு தர்ப்பணம் கொடுக்கும் நிகழ்ச்சி திங்கள்கிழமை நடைபெற்றது.
 இதில் பொதுமக்கள் திரளாக கலந்து கொண்டு முன்னோர்களுக்கு தர்ப்பணம் கொடுத்து வழிபட்டனர். கோமாதாவுக்கு அகத்திக் கீரைகளும் கொடுக்கப்பட்டன.
 

]]>
http://www.dinamani.com/all-editions/edition-villupuram/puducherry/2018/oct/09/மகாளய-அமாவாசை-புதுச்சேரி-கடற்கரையில்-தர்ப்பணம்-3016789.html
3016784 விழுப்புரம் புதுச்சேரி 86 கி.மீ தொலைவு கால்வாய்கள் தூர்வாரப்பட்டுள்ளன கிரண் பேடி  புதுச்சேரி, DIN Tuesday, October 9, 2018 08:36 AM +0530 புதுச்சேரியில் 86 கி.மீ. தொலைவுக்கு கால்வாய்கள் தூர்வாரப்பட்டுள்ளன என்று துணைநிலை ஆளுநர் கிரண் பேடி தெரிவித்தார்.
 இது குறித்து திங்கள்கிழமை அவர் வெளியிட்ட செய்திக் குறிப்பு:
 புதுவையில் நீர்நிலைகளை பாதுகாக்க பல்வேறு நடவடிக்கை எடுத்து வருகிறோம். பலர் தங்களின் பங்களிப்பை இப்பணியில் செய்துள்ளனர். புதுச்சேரியில் இதுவரை 86 கிமீ தொலைவிலான கால்வாய்கள் தூர்வாரப்பட்டுள்ளன. இதனால் அரசு நிதி ரூ. 7 கோடி வரை சேமிக்கப்பட்டுள்ளது.
 இதற்காக தன்னலமற்ற சேவை செய்தோரை பாராட்ட வேண்டும். இதற்காக தீபாவளி அன்று நீர் நிலைகளை பாதுகாக்க சிறப்பாக செயல்புரிந்தோருக்கு பாராட்டும், பரிசும் தரப்படும். இதற்கான பட்டியலை தயாரித்து வருகிறோம்.
 ஆளுநர் மாளிகைக்கு அளிக்கப்பட்ட பரிசுகளை புதுவை மக்களுக்கே தர உள்ளோம். தீபாவளி நாளில் நடைபெறும் விழாவில் இப்பரிசுகள் சேவை புரிந்தோருக்கு வழங்கப்படும் எனத் தெரிவித்துள்ளார் கிரண் பேடி.
 

]]>
http://www.dinamani.com/all-editions/edition-villupuram/puducherry/2018/oct/09/86-கிமீ-தொலைவு-கால்வாய்கள்-தூர்வாரப்பட்டுள்ளன-கிரண்-பேடி-3016784.html
3016782 விழுப்புரம் புதுச்சேரி அரசுத் துறையில் 800 பணியிடங்களை நிரப்ப விரைவில் அறிவிப்பு: முதல்வர் நடவடிக்கை  புதுச்சேரி, DIN Tuesday, October 9, 2018 08:35 AM +0530 அரசுத் துறைகளில் 800 பணியிடங்களை நிரப்புவதற்கு இன்னும் ஒரு மாதத்துக்குள் அறிவிப்பு வெளியிட முதல்வர் வே.நாராயணசாமி நடவடிக்கை எடுத்துள்ளார்.
 புதுவையில் வளர்ச்சிப் பணிகளைத் விரைவுபடுத்துவதில் அரசு ஊழியர்களின் பங்கு முக்கியமானதாகும். பல்வேறு அரசுத் துறைகளில் பணியிடங்கள் காலியாக உள்ளதால், வளர்ச்சிப் பணிகள் பாதிக்காமல் இருப்பதற்காக அவற்றை உடனடியாக நிரப்புவதற்கான நடவடிக்கைகளை முதல்வர் நாராயணசாமி எடுத்து வருகிறார்.
 இதன் ஒரு பகுதியாக அனைத்து அரசுத் துறைகளிலும் காலியாக உள்ள பணியிடங்களை நேரடி நியமனம் மற்றும் பதவி உயர்வின் மூலம் உடனடியாக நிரப்புவது குறித்து திங்கள்கிழமை முதல்வர் தலைமையில் அமைச்சர்கள் ஆ.நமச்சிவாயம், மல்லாடி கிருஷ்ணா ராவ், மு.கந்தசாமி, ஆர்.கமலக்கண்ணன், தலைமைச் செயலர் அஸ்வனி குமார், வளர்ச்சி ஆணையர் அன்பரசு மற்றும் அனைத்துத் துறை செயலர்கள் கலந்து கொண்ட ஆலோசனைக் கூட்டம் திங்கள்கிழமை நடைபெற்றது.
 கூட்டத்தில் புதுவை அரசில் காலியாக உள்ள பணியிடங்கள், அவற்றை நிரப்புவதற்கான முறைகள், சில பணியிடங்களுக்கு நேரடி நியமனம் மற்றும் பதவி உயர்வு அளிப்பதில் உள்ள நடைமுறைச் சிக்கல்கள் மற்றும் வழக்குகள்ஆகியன குறித்து தலைமைச் செயலர் மற்றும் அனைத்துத் துறை செயலர்கள் எடுத்துரைத்தனர்.
 மாநில வளர்ச்சிப் பணிகள் பாதிக்காமல் இருக்கவும், பொதுமக்களின் சிரமங்களை குறைப்பதற்காகவும், புதுவையில் உள்ள படித்த இளைஞர்கள் மற்றும் பெண்கள் அரசு வேலைவாய்ப்பை பெறுவதற்காகவும் நேரடி நியமனம் மூலமாக நிரப்பப்பட வேண்டிய சுமார் 800 காலிப் பணியிடங்களை நிரப்ப நடவடிக்கைகளை விரைவாக எடுக்கும்படியும், அதற்கான அறிவிப்புகளை ஒரு மாதத்துக்குள்
 வெளியிடும்படியும் கேட்டுக்கொண்டார்.
 அதுபோல, அரசு ஊழியர்களுக்குக் கிடைக்க வேண்டிய பதவி உயர்வையும், உரிய காலத்தில் அளிக்க நடவடிக்கைகள் எடுக்குமாறும் அதற்கான கோப்புகளை அரசுக்கு உடனடியாக சமர்ப்பிக்கும் படியும் துறைச் செயலர்களைக் கேட்டுக்கொண்டார்.

]]>
http://www.dinamani.com/all-editions/edition-villupuram/puducherry/2018/oct/09/அரசுத்-துறையில்-800-பணியிடங்களை-நிரப்ப-விரைவில்-அறிவிப்பு-முதல்வர்-நடவடிக்கை-3016782.html