Dinamani - விழுப்புரம் - http://www.dinamani.com/all-editions/edition-villupuram/villupuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3059118 விழுப்புரம் விழுப்புரம் ஏரி வாய்க்கால் ஆக்கிரமிப்பால் குடியிருப்புகளில் தேங்கும் தண்ணீர்! DIN DIN Sunday, December 16, 2018 05:10 AM +0530
விழுப்புரம் மகாராஜபுரம் பகுதியில் ஏரி வாய்க்கால் ஆக்கிரமிப்பால் குடியிருப்பு பகுதிகளில் தண்ணீர் சூழ்ந்துள்ளது.
விழுப்புரம் மகாராஜபுரத்தில் வீட்டு வசதி வாரியக் குடியிருப்புகளுக்கு எதிரே கம்பன் நகர், மருத்துவர் கிராம குடியிருப்பு, ரோஜா நகர் உள்ளிட்ட பகுதிகளில் ஆயிரத்துக்கும் மேற்பட்ட வீடுகள் உள்ளன. தாழ்வான விவசாய நிலங்களையொட்டி விரிவடைந்து வரும் இந்தப் பகுதியில் ஏராளமான குடியிருப்புகள் கட்டப்பட்டு வருகின்றன. தற்போது மழை பெய்யாத நிலையிலும் இந்தக் குடியிருப்புகளைச் சுற்றி காலியிடங்களில் குளம்போல தண்ணீர் சூழ்ந்துள்ளது. இதனால், சுகாதாரச் சீர்கேடு நிலவுவதோடு, பாம்புகள் உள்ளிட்ட விஷ உயிரினங்களின் நடமாட்டமும் அதிகரித்துள்ளதாக அந்தப் பகுதி மக்கள் புகார் கூறுகின்றனர்.
இது குறித்து, மருத்துவர் கிராம குடியிருப்புவாசிகள் கூறியதாவது: இந்தப் பகுதி மகாராஜபுரம், எருமந்தாங்கல் கிராமப் பகுதியிலிருந்து நகராட்சியில் சேர்ந்துள்ளது. நகரையொட்டிய குடியிருப்புகள் வேகமாக வளர்ந்து வருகின்றன. இந்த நிலையில், அருகே உள்ள எருமனந்தாங்கல் ஏரியில் சிலர் உடைப்பு ஏற்படுத்திவிடுவதால் தண்ணீர் வெளியேறி குடியிருப்பு பகுதியில் தேங்கி நிற்கிறது. மேலும், ஏரியின் நீர்வரத்துக் வாய்க்கால் பகுதிகளை சிலர் ஆக்கிரமித்துள்ளதால், ஏரியிலிருந்து திறக்கப்படும் தண்ணீர் குடியிருப்புகளை சூழ்ந்துள்ளது. இந்த வழியாகச் செல்லும் கோலியனூரான் வாய்க்காலுடன் இணைப்பு ஏற்படுத்தியிருந்த வாய்க்காலும் ஆக்கிரமிக்கப்பட்டதால் இந்த பாதிப்பு தொடர்கிறது.
ஏரியிலிருந்து வரும் தண்ணீரும், மழை நீரும் வாய்க்கால்கள் மூலம் அருகே உள்ள விவசாய நிலங்களின் வழியாக மகாராஜபுரம் ஏரியை அடைந்தது. இந்த வாய்க்கால்களையும், மகாராஜபுரம் ஏரிப் பகுதிகளையும் பலர் ஆக்கிரமித்துவிட்டதால் தற்போது தண்ணீர் செல்ல வழியின்றி குடியிருப்புகளில் தேங்கி நிற்கிறது.
எனவே, ஏரி நீர்வரத்து வாய்க்கால் ஆக்கிரமிப்புகளை அகற்ற வேண்டும். ஏரியில் உடைப்பு ஏற்படுத்தி தண்ணீரை வெளியேற்றுவோர் மீதும் நடவடிக்கை எடுக்க வேண்டும். குடியிருப்பு பகுதியில் தண்ணீர் தேங்கும் பிரச்னைக்கு நிரந்தரத் தீர்வு காண வேண்டும் என்றனர். இதுதொடர்பாக, விழுப்புரம் நகராட்சி ஆணையரிடம் தொடர்ந்து புகார்கள் தெரிவித்து வருவதாகவும் அவர்கள் கூறினர்.

 

]]>
http://www.dinamani.com/all-editions/edition-villupuram/villupuram/2018/dec/16/ஏரி-வாய்க்கால்-ஆக்கிரமிப்பால்-குடியிருப்புகளில்-தேங்கும்-தண்ணீர்-3059118.html
3059117 விழுப்புரம் விழுப்புரம் பூச்சி மருந்துக் கடைகளில் வேளாண் அலுவலர்கள் திடீர் ஆய்வு DIN DIN Sunday, December 16, 2018 05:09 AM +0530
முகையூர் வட்டாரத்தில் உள்ள பூச்சி மருந்து, உர சில்லறை விற்பனை நிலயங்களில் வேளாண்மைத் துறையின் பறக்கும் படையினர் சனிக்கிழமை திடீர் ஆய்வு மேற்கொண்டனர்.
முகையூர் வட்டாரத்தில் உள்ள பூச்சி மருந்துக் கடைகளில் காலாவதியான பூச்சி மருந்துகள் விற்கப்படுவதாக வந்த புகாரையடுத்து, மாவட்ட ஆட்சியர் இல.சுப்பிரமணியன் அங்குள்ள கடைகளில் ஆய்வு செய்ய உத்தரவிட்டார்.
அதன்பேரில், சின்னசேலம் வேளாண்மை உதவி இயக்குநர் அன்பழகன் தலைமையிலான பறக்கும் படையினர் மணலூர்பேட்டை, கண்டாச்சிபுரம் ஆகிய பகுதிகளில் உள்ள பூச்சி மருந்துக் கடைகளில் காலாவதியான மருந்துகள் விற்பனை செய்யப்படுகின்றனவா, மருந்து இருப்பு விவரங்கள், விவசாயிகளுக்கு ரசீதுடன் மருந்துகள் வழங்கப்பட்ட ஆதாரங்களை ஆய்வு செய்தனர்.
அப்போது, அதிகாரிகள் விவசாயிகளுக்கு தரமான மருந்துகளை வழங்க வேண்டும் என்று பூச்சி மருந்துக் கடைக்காரர்களிடம் அறிவுறுத்தினர். முகையூர் வட்டார வேளாண் அலுவலர் ஆனந்தஜோதி, வேளாண் துணை அலுவலர் புகழேந்தி, வேளாண் உதவி அலுவலர் ம.வெங்கடகிருஷ்ணன், முன்னோடி விவசாயி சித்தாத்தூர் விஜயகுமாரி ஆகியோர் உடனிருந்தனர்.

 

]]>
http://www.dinamani.com/all-editions/edition-villupuram/villupuram/2018/dec/16/பூச்சி-மருந்துக்-கடைகளில்-வேளாண்-அலுவலர்கள்-திடீர்-ஆய்வு-3059117.html
3059116 விழுப்புரம் விழுப்புரம் குளத்தில் மூழ்கி மாணவி சாவு DIN DIN Sunday, December 16, 2018 05:09 AM +0530
விழுப்புரம், டிச. 15: மரக்காணம் அருகே குளத்தில் குளித்த மாணவி, நீரில் மூழ்கி சனிக்கிழமை உயிரிழந்தார்.
மரக்காணம் அருகே உள்ள கழிக்குப்பம் கிராமம், மாரியம்மன் கோயில் வீதியைச் சேர்ந்த ஆறுமுகம் மகள் லிங்கேஸ்வரி (16). இவர், அங்குள்ள அரசு மகளிர் மேல்நிலைப் பள்ளியில் பிளஸ்1 படித்து வந்தார். சனிக்கிழமை பள்ளி விடுமுறை என்பதால் லிங்கேஸ்வரி, அதே பகுதியைச் சேர்ந்த புவனேஸ்வரி, சுவேதா, மதுமிதா, கீர்த்தனா ஆகிய 5 மாணவிகளும் குளிப்பதற்காக வடஅகரம் கிராம குளத்துக்குச் சென்றனர்.
குளத்தில் குளித்தபோது, லிங்கேஸ்வரி உள்ளிட்டோர் நீச்சல் தெரியாமல் நீரில் மூழ்கத் தொடங்கினர். இதையடுத்து மாணவிகள் கூச்சலிட்டதால் அந்தப் பகுதி இளைஞர்கள் மீட்புப் பணியில் ஈடுபட்டனர். ஆனால், ஆழமான பகுதிக்குச் சென்ற லிங்கேஸ்வரி மட்டும் நீரில் மூழ்கி உயிரிழந்தார். மற்றவர்கள் மீட்கப்பட்டனர்.
இதுகுறித்து தகவல் அறிந்த மரக்காணம் போலீஸார், மாணவியின் சடலத்தை மீட்டு, உடல்கூறாய்வுக்காக புதுவை பிம்ஸ் மருத்துவமனைக்கு அனுப்பி வைத்தனர். மேலும், சம்பவம் குறித்து போலீஸார் வழக்குப் பதிந்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-villupuram/villupuram/2018/dec/16/குளத்தில்-மூழ்கி-மாணவி-சாவு-3059116.html
3059115 விழுப்புரம் விழுப்புரம் மக்கள் உரிமை நுகர்வோர் பாதுகாப்பு மையம் அமைப்பினர் ஆர்ப்பாட்டம் DIN DIN Sunday, December 16, 2018 05:09 AM +0530
மத்திய அரசைக் கண்டித்து, மக்கள் உரிமை நுகர்வோர் பாதுகாப்பு மையம் அமைப்பினர் தியாகதுருகம் பேருந்து நிலையத்தில் உள்ள காமராஜர் சிலை அருகே சனிக்கிழமை ஆர்ப்பாட்டத்தில் ஈடுபட்டனர்.
ஆர்ப்பாட்டத்துக்கு மாநிலத் தலைவர் பி.ஜெயப்பிரகாஷ் தலைமை வகித்தார். மாநிலப் பொருளாளர் பி.குமார், மாநில துணைத் தலைவர் வி.பன்னீர்செல்வம் உள்ளிட்டோர் முன்னிலை வகித்தனர். ஆர்ப்பாட்டத்தில், மாநில பொதுச் செயலர் என்.எஸ்.செல்வராஜ், மாநில துணைப் பொதுச் செயலர் டி.சக்திவேல், மாநில தலைமை நிலையச் செயலர் எம்.செங்கான் உள்ளிட்ட பலர் பேசினர்.
கஜா புயலால் பாதிக்கப்பட்ட தமிழகத்துக்கு போதிய நிதி அளிக்காதது, மேக்கேதாட்டு அணை கட்ட கர்நாடக அரசுக்கு அனுமதி அளித்தது ஆகியவற்றுக்காக மத்திய அரசைக் கண்டித்து முழக்கமிட்டனர்.
மாநில அமைப்புச் செயலர் அ.முனுசாமி, மாநிலச் செயற்குழு உறுப்பினர் எஸ்.பூரிநாதன், கல்லை நகரத் தலைவர் அ.மைக்சேகர் உள்ளிட்ட பலர் கலந்து கொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/16/மக்கள்-உரிமை-நுகர்வோர்-பாதுகாப்பு-மையம்-அமைப்பினர்-ஆர்ப்பாட்டம்-3059115.html
3059114 விழுப்புரம் விழுப்புரம் சிறுமியை பலாத்காரம் செய்ய முயன்ற இளைஞர் கைது DIN DIN Sunday, December 16, 2018 05:09 AM +0530
விழுப்புரம் அருகே தோட்டத்தில் விளையாடிக் கொண்டிருந்த சிறுமியை பாலியல் பலாத்காரம் செய்ய முயன்ற இளைஞரை போலீஸார் கைது செய்தனர்.
விழுப்புரம் அருகே உள்ள தோகைப்பாடி காலனியைச் சேர்ந்த தனஞ்செயன் மகன் இளவரசன் (28). விழுப்புரத்தில் மளிகைக் கடையில் வேலை பார்த்து வருகிறார். சனிக்கிழமை மது அருந்திய நிலையில் வீட்டிலிருந்த இவர், அதே பகுதியில் வீட்டின் தோட்டத்தில் விளையாடிக் கொண்டிருந்த 5 வயது சிறுமியை தூக்கிச் சென்றாராம். இதை வீட்டிலிருந்து பார்த்த சிறுமியின் தாய் சப்தம் இட்டபடி ஓடி வந்தார். அப்போது, அங்குள்ள பொதுமக்கள் திரண்டு சென்று, இளவரசனிடமிருந்து சிறுமியை மீட்டனர். மது போதையில், சிறுமியிடம் தவறாக நடக்க முயன்ற அந்த இளைஞரை பொதுமக்கள் கடுமையாகத் தாக்கினர்.
இதையடுத்து, அருகே உள்ள காணை காவல் நிலையத்தில் இளவரசனை ஒப்படைத்தனர்.
காணை காவல் உதவி ஆய்வாளர் சந்திரசேகர் மற்றும் போலீஸார் இளவரசனைக் கைது செய்து, விசாரணை நடத்தினர். பொதுமக்கள் தாக்கியதில் காயமடைந்த அவரை, விழுப்புரம் அரசு மருத்துவமனையில் சிகிச்சைக்காக சேர்த்தனர்.
இது குறித்து, வழக்குப் பதிவு செய்து, போலீஸார் விசாரணை நடத்தி வருகின்றனர்.

 

]]>
http://www.dinamani.com/all-editions/edition-villupuram/villupuram/2018/dec/16/சிறுமியை-பலாத்காரம்-செய்ய-முயன்ற-இளைஞர்-கைது-3059114.html
3059113 விழுப்புரம் விழுப்புரம் விவசாயிகளுக்கு அட்மா திட்ட பயிற்சி DIN DIN Sunday, December 16, 2018 05:08 AM +0530
திருக்கோவிலூர் அருகே டி.கீரனூரில் விவசாயிகளுக்கு அட்மா திட்ட பயிற்சி முகாம் வெள்ளிக்கிழமை நடைபெற்றது.
முகாமுக்கு திருக்கோவிலூர் வட்டார வேளாண்மை உதவி இயக்குநர் ஏ.எம்.சாந்தி தலைமை வகித்து பேசியதாவது: விவசாயிகள் வேளாண்மைப் பயிர்களை சார்ந்த உப தொழில்களான மண்புழு வளர்ப்பு, காளான் வளர்ப்பு, கால்நடை வளர்ப்பு போன்றவற்றையும் ஒருங்கிணைந்து செய்தால், அதிக வருமானம் ஈட்டலாம் என்றார்.
வேளாண்மை அலுவலர் ராஜா பேசுகையில், தண்ணீரை சிக்கனமாகப் பயன்படுத்த தெளிப்பு நீர், சொட்டு நீர்ப் பாசனக் கருவிகளை மானியத்தில் பெற்று பயன்பெறலாம் என்றார். வட்டாரத் தொழில்நுட்ப மேலாளர் சாட்டர்ஜி, தேனீ, பட்டுப்பூச்சி, மீன் வளர்ப்பு குறித்துப் பேசினார்.
இதில், துணை வேளாண்மை அலுவலர் சாந்தலட்சுமி, உதவி வேளாண்மை அலுவலர் மகாதேவன், உதவி தொழில்நுட்ப மேலாளர்கள் மணிவேல், ரவி மற்றும் விவசாயிகள் அதிகளவில் கலந்து கொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/16/விவசாயிகளுக்கு-அட்மா-திட்ட-பயிற்சி-3059113.html
3059112 விழுப்புரம் விழுப்புரம் அரசுப் பள்ளி மாணவர்களுக்கு தொழில் பயிற்சி DIN DIN Sunday, December 16, 2018 05:08 AM +0530
விழுப்புரத்தில் அரசுப் பள்ளி மாணவர்களுக்கு இ.எஸ்.கலை அறிவியல் கல்லூரி சார்பில், சுயதொழில் பயிற்சி அண்மையில் வழங்கப்பட்டது.
விழுப்புரம் இ.எஸ்.கலை அறிவியல் கல்லூரி நாட்டு நலப்பணித் திட்டம், செஞ்சுலுவை சங்கம், தொழில் முனைவோர் பயிற்சி மைய அமைப்புகள் சார்பில், தூய்மை இந்தியா திட்டம், உன்னத் பாரத் அபியான் திட்டங்களைச் செயல்படுத்தும் விதமாக கிராமங்களைத் தத்தெடுத்து, அங்குள்ள இளைஞர்களுக்கும், பள்ளி மாணவர்களுக்கும், சுயதொழில் பயிற்சி, மரம் வளர்த்தல், சுற்றுச்சூழல் பாதுகாப்பு பணிகள் மேற்கொள்ளப்பட்டு வருகின்றன.
அதன்படி, சிந்தாமணி அரசு மேல்நிலைப் பள்ளி மாணவர்களுக்கு சுயதொழில் பயிற்சி அண்மையில் அளிக்கப்பட்டது.
இந்தப் பயிற்சியில் பினாயில், கம்ப்யூட்டர் சாம்பிராணி, மெழுகுவர்த்தி, சலவைப் பவுடர், சலவை சோப் போன்ற பொருள்களைத் தயாரிக்கும் பயிற்சி செயல்முறை விளக்கத்துடன் அளிக்கப்பட்டது.
தொழில் தொடங்குவதற்கான திட்ட அறிக்கை தயாரித்தல், மூலதனம், சந்தைப்படுத்துதல் குறித்தும் விளக்கப்பட்டன.
பயிற்சியை இ.எஸ்.கலை அறிவியல் கல்லூரித் தலைவர் செந்தில்குமார், கல்லூரி முதல்வர் மனோகரன் ஆகியோர் தொடக்கி வைத்தனர். கல்லூரிப் பேராசிரியர்கள் அன்பழகன், பாரதிராஜா, குருமூர்த்தி, கல்லூரி மாணவர்கள் பயிற்சியளித்தனர். பள்ளி ஆசிரியர்கள், மாணவர்கள் உள்பட பலர் கலந்து கொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/16/அரசுப்-பள்ளி-மாணவர்களுக்கு-தொழில்-பயிற்சி-3059112.html
3059111 விழுப்புரம் விழுப்புரம் அதிமுக சார்பில் அன்னதானம் DIN DIN Sunday, December 16, 2018 05:08 AM +0530
முன்னாள் முதல்வர் ஜெயலலிதா நினைவு நாளையொட்டி, விழுப்புரம் வள்ளலார் அருள் மாளிகையில் அதிமுகவினர் சனிக்கிழமை தொடர் அன்னதானம் வழங்கினர்.
தமிழக முன்னாள் முதல்வர் ஜெயலலிதாவின் 2-ஆவது ஆண்டு நினைவு நாளையொட்டி, விழுப்புரம் வடக்கு மாவட்ட அதிமுக சார்பில் விழுப்புரம் கிழக்கு பாண்டி சாலையில் உள்ள வள்ளலார் அருள் மாளிகையில் சனிக்கிழமை தொடர் அன்னதானத்தை அதிமுகவினர் தொடக்கி வைத்தனர்.
விழுப்புரம் வடக்கு மாவட்டச் செயலரும், மாநிலங்களவை உறுப்பினருமான இரா.லட்சுமணன் அன்னதானத்தை தொடக்கி வைத்தார். சனிக்கிழமை 3 வேளைகளிலும் அதிமுக சார்பில் அன்னதானம் வழங்கினர். அருள் மாளிகை நிர்வாகி அண்ணாமலை உள்ளிட்ட அன்பர்கள் சிறப்பு வழிபாடுகளை மேற்கொண்டனர்.
நிகழ்ச்சியில், முன்னாள் மாவட்ட மாணவரணி செயலர் செங்குட்டுவன், மாவட்ட தொழில்நுட்ப அணி செயலர் மணவாளன், தலைவர் ஜெகன், பொதுக்குழு உறுப்பினர் பன்னீர், இளைஞரணி துணை அமைப்பாளர் எம்.என்.முருகன், நகர துணைச் செயலர் டிங்கர் ராஜேந்திரன், முன்னாள் நகர்மன்ற உறுப்பினர் புஷ்பலதா கோதண்டராமன், எம்ஜிஆர் மன்ற இணைச் செயலர் கராத்தே சண்முகம், துரை.பிரகாஷ், நகர பாசறை செயலர் என்.ரகு, அன்சர்தீன், விமல்ராஜ் உள்ளிட்ட பலர் கலந்து கொண்டனர்.

 

 

]]>
http://www.dinamani.com/all-editions/edition-villupuram/villupuram/2018/dec/16/அதிமுக-சார்பில்-அன்னதானம்-3059111.html
3059107 விழுப்புரம் விழுப்புரம் சங்கராபுரம், கள்ளக்குறிச்சி பகுதிகளில் 4,400 லிட்டர் சாராயம் அழிப்பு DIN DIN Sunday, December 16, 2018 05:08 AM +0530
சங்கராபுரம், கள்ளக்குறிச்சி பகுதிகளில் 4,400 லிட்டர் சாராயத்தை போலீஸார் சனிக்கிழமை அழித்தனர்.
சங்கராபுரம் பகுதியில் கடந்த 5 மாதங்களில் பல்வேறு இடங்களில் மது விலக்கு அமல் பிரிவு போலீஸாரால் ஆயிரம் லிட்டர் எரிசாராயம் பறிமுதல் செய்யப்பட்டது.
இதையடுத்து, 27 கேன்களில் இருந்த ஆயிரம் லிட்டர் எரிசாராயம், சங்கராபுரம் பேரூராட்சிக்குச் சொந்தமான குப்பை கொட்டும் இடத்தில் பள்ளம் தோண்டி ஊற்றி தீ வைத்து அழிக்கப்பட்டது.
வட்டாட்சியர் எம்.பாண்டியன், மண்டல துணை வட்டாட்சியர் சத்தியநாராயணன், வருவாய் ஆய்வாளர் தேவதாஸ் ஆகியோர் முன்னிலையில், மது விலக்கு அமல் பிரிவு காவல் நிலைய ஆய்வாளர் பிரபாதேவி, சங்கராபுரம் காவல் உதவி ஆய்வாளர் தே.சிவச்சந்திரன் உள்ளிட்டோர் எரிசாராயத்தை தீ வைத்து எரித்து அழித்தனர்.
கள்ளக்குறிச்சி: கல்வராயன் மலைப் பகுதியான நாரணம்பட்டு கிராமத்தில் மது விலக்கு அமல் பிரிவு காவல் ஆய்வாளர் பூங்கோதை தலைமையில், காவலர்கள் மேரி, சத்யா, ஜெயப்பிரகாஷ், சக்திவேல், அறிவழகன், செந்தில்குமார் உள்ளிட்டோர் சனிக்கிழமை தீவிர ரோந்துப் பணியில் ஈடுபட்டனர்.
அப்போது, அந்தக் கிராமத்தில் முள் புதரில் சுமார் 15-க்கும் மேற்பட்ட பேரல்களில் வைக்கப்பட்டிருந்த 3,400 லிட்டர் சாராய ஊறலை கண்டுபிடித்து அழித்தனர். இது தொடர்பாக, தலைமறைவாக உள்ள தும்பரம்பட்டு கிராமத்தைச் சேர்ந்த தருமன் மகன் ஜெயராமன், ராமசாமி மகன் தேவேந்திரன் உள்ளிட்டோர் மீது போலீஸார் வழக்குப் பதிவு செய்து அவர்களை தேடி வருகின்றனர்.

 

]]>
http://www.dinamani.com/all-editions/edition-villupuram/villupuram/2018/dec/16/சங்கராபுரம்-கள்ளக்குறிச்சி-பகுதிகளில்-4400-லிட்டர்-சாராயம்-அழிப்பு-3059107.html
3059108 விழுப்புரம் விழுப்புரம் டிச.26-இல் மின் நுகர்வோர் குறைதீர் கூட்டம் DIN DIN Sunday, December 16, 2018 05:08 AM +0530
கள்ளக்குறிச்சி மின் பகிர்மான வட்டத்துக்கு உள்பட்ட மின் நுகர்வோருக்கு வரும் 26-ஆம் தேதி குறைதீர் கூட்டம் நடைபெற உள்ளது.
விழுப்புரம் மண்டல தலைமைப் பொறியாளர்
ரா.சிவராஜ் தலைமையில், அக்டோபர் - டிசம்பர் இடையிலான காலாண்டுக்கான மின் நுகர்வோர் குறைதீர் கூட்டம் கடலூர் மேற்பார்வை பொறியாளர் அலுவலகத்தில் வரும் 26-ஆம் தேதி நடைபெற உள்ளது.
எனவே, கள்ளக்குறிச்சி மின் பகிர்மான வட்டத்துக்கு உள்பட்ட மின்நுகர்வோர் தங்களது குறைகள், கோரிக்கைகள் அடங்கிய மனுக்களை வரும் 24-ஆம் தேதிக்குள் கள்ளக்குறிச்சி மேற்பார்வை பொறியாளருக்கு அனுப்பலாம். மேலும், கடலூர் கேப்பர்மலை பகுதியில் நடைபெற உள்ள கூட்டத்தில் கலந்து கொண்டு குறைகள் இருப்பின் தெரிவிக்கலாம் என்று கள்ளக்குறிச்சி மேற்பார்வை பொறியாளர் மு.அருட்பெருஞ்ஜோதி தெரிவித்தார்.

 

]]>
http://www.dinamani.com/all-editions/edition-villupuram/villupuram/2018/dec/16/டிச26-இல்-மின்-நுகர்வோர்-குறைதீர்-கூட்டம்-3059108.html
3059109 விழுப்புரம் விழுப்புரம் பெருமாள் கோயில்களில் 18-இல் பரமபத வாசல் திறப்பு DIN DIN Sunday, December 16, 2018 05:08 AM +0530
வைகுண்ட ஏகாதசியையொட்டி, திருக்கோவிலூர் உலகளந்த பெருமாள் கோயில், சிங்கவரம் அரங்கநாதர் கோயில் உள்ளிட்ட பெருமாள் கோயில்களில் வரும் செவ்வாய்க்கிழமை (டிசம்பர் 18) பரமபத வாசல் திறப்பு நிகழ்ச்சி நடைபெறுகிறது.
திருக்கோவிலூர் உலகளந்த பெருமாள் கோயிலில் கடந்த 9-ஆம் தேதி முதல் பகல் பத்து உத்ஸவம் நடைபெற்று வருகிறது. இதன் நிறைவாக, வரும் செவ்வாய்க்கிழமை அதிகாலை 5 மணிக்கு பரமபத வாசல் திறப்பு நிகழ்ச்சி நடைபெறுகிறது. அன்று முதல் தொடர்ந்து 10 நாள்களுக்கு இராப்பத்து உத்ஸவம் நடைபெறுகிறது. இதேபோல, சங்கராபுரம் வட்டத்துக்கு உள்பட்ட ஆதித் திருவரங்கம் கிராமத்தில் அமைந்துள்ள அரங்கநாத பெருமாள் கோயிலிலும் வரும் செவ்வாய்க்கிழமை பரமபத வாசல் திறக்கப்படுகிறது.
செஞ்சி: செஞ்சியை அடுத்த சிங்கவரம் அரங்கநாதர் கோயிலில் வரும் செவ்வாய்க்கிழமை அதிகாலை 5.30 மணியளவில் பரமபத வாசல் திறப்பு விழா நடைபெறுகிறது. விழாவையொட்டி, பக்தர்களுக்குத் தேவையான அடிப்படை வசதிகள், காவல் துறையினரின் பாதுகாப்பு வசதி ஏற்படுத்தப்பட்டுள்ளதாக இந்து சமய அறநிலையத் துறை உதவி ஆணையர் அ.ரா.பிரகாஷ் தெரிவித்தார்.
 

]]>
http://www.dinamani.com/all-editions/edition-villupuram/villupuram/2018/dec/16/பெருமாள்-கோயில்களில்-18-இல்-பரமபத-வாசல்-திறப்பு-3059109.html
3059110 விழுப்புரம் விழுப்புரம் மீனவர்கள் கடலுக்குச் செல்ல வேண்டாம்: மாவட்ட ஆட்சியர் DIN DIN Sunday, December 16, 2018 05:07 AM +0530
பெய்ட்டி புயலால் விழுப்புரம் மாவட்டத்தில் பலத்த மழைக்கு வாய்ப்புள்ளதால் மீனவர்கள் கடலுக்குச் செல்ல வேண்டாம் என மாவட்ட ஆட்சியர் இல.சுப்பிரமணியன் கேட்டுக்கொண்டார்.
விழுப்புரம் மாவட்டத்தில் மரக்காணம் வட்டம் கூனிமேடு, நொச்சிக்குப்பம், புதுக்குப்பம், வானூர் வட்டம் சின்னமுதலியார்சாவடி, பெரியமுதலியார்சாவடி, பொம்மையார்பாளையம், பிள்ளைச்சாவடி ஆகிய கடலோரக் கிராமங்களைச் சேர்ந்த பேரிடர் மீட்பு முதல்நிலை பொறுப்பாளர்களுக்கும், கால்நடைத் துறை, கடலோரப் பாதுகாப்புப் படை பொறுப்பாளர்களுக்கும் அரசு சார்பில் சீருடைகள் வழங்கப்பட்டன. சனிக்கிழமை மரக்காணம் பகுதிக்கு நேரில் சென்ற மாவட்ட ஆட்சியர் இல.சுப்பிரமணியன், முதல்நிலை பொறுப்பாளர்களுக்கு சீருடைகளை வழங்கிப் பேசியதாவது:
தமிழகத்தில் அக்டோபர் மாதம் தொடங்கி டிசம்பர் மாதம் வரை வடகிழக்குப் பருவமழை பெய்கிறது. விழுப்புரம் மாவட்டத்தில் கடலோர வட்டங்களான மரக்காணம் மற்றும் வானூர் வட்டங்களில் வடகிழக்குப் பருவமழை தீவிரமடையும்போதும், புயல் ஏற்படும்போதும் பாதிப்புகள் நிகழ்கின்றன.
இதையொட்டி, முன்னெச்சரிக்கை நடவடிக்கையாக, மாவட்டத்தில் கடலோரப் பாதுகாப்புப் பிரிவை ஏற்படுத்தி, அதில் கால்நடைத் துறையைச் சார்ந்த அலுவலர்கள், இளைஞர்களையும் இணைத்து தயார்படுத்தி உள்ளோம். இவர்களுக்கு தேவையான பயிற்சி அளித்து, உரிய உபகரணங்கள் வழங்கப்பட்டு, முதல்நிலை பொறுப்பாளர்களாக உருவாக்கப்பட்டு, கடலோரப் பகுதிகள் கண்காணிக்கப்பட்டு வருகின்றன. மேலும், வட்டார வளர்ச்சி அலுவலர்கள், வட்டாட்சியர்கள் மேற்பார்வையில் குழுக்கள் அமைத்து மீட்பு பயிற்சிகள் அளிக்கப்பட்டு இயற்கை இடர்பாடுகள் குறித்து கண்காணிக்கப்பட்டு வருகிறது.
கஜா புயலின்போது விழுப்புரம் மாவட்டத்தில் முன்னேற்பாடுகள் செய்யப்பட்டதால் பாதிப்பு ஏற்படவில்லை. தற்போது உருவாகும் பெய்ட்டி புயல் ஆந்திரம் மாநிலத்தை நோக்கி நகர்ந்து செல்வதால், தமிழகத்துக்கு எவ்வித பாதிப்பும் ஏற்படாது என வானிலை ஆய்வு மையம் தெரிவித்துள்ளது.
இருப்பினும், வட தமிழகத்தைச் சார்ந்த விழுப்புரம், காஞ்சிபுரம், திருவண்ணாமலை, திருவள்ளூர், சென்னை ஆகிய இடங்களில் பலத்த மழை பெய்யும் என வானிலை மையம் தெரிவித்துள்ளதால் மீனவர்கள் கடலுக்குச் செல்ல வேண்டாம்.
முதல்நிலை பொறுப்பாளர்கள், இந்த சீருடைகளை மீட்புப் பணியின்போது பயன்படுத்திக்கொள்ள வேண்டும் என்றார் ஆட்சியர்.
நிகழ்ச்சியில், கோட்டாட்சியர் குமாரவேல், வட்டார மருத்துவ அலுவலர் கிருஷ்ணராஜ் உள்ளிட்ட அதிகாரிகள் கலந்துகொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/16/மீனவர்கள்-கடலுக்குச்-செல்ல-வேண்டாம்-மாவட்ட-ஆட்சியர்-3059110.html
3058680 விழுப்புரம் விழுப்புரம் நெடுஞ்சாலைத் துறை அனுமதிக்காக சுவாமி சிலை ஏற்றிய வாகனம் நிறுத்தம் DIN DIN Sunday, December 16, 2018 12:44 AM +0530
விழுப்புரம் மாவட்டம், திண்டிவனம் அருகே 380 டன் எடை கொண்ட பிரம்மாண்ட கோதண்டராமர் சுவாமி சிலை ஏற்றி வந்த கனரக வாகனம், தேசிய நெடுஞ்சாலைத் துறையின் அனுமதிக்காக தீவனூரில் சனிக்கிழமை நிறுத்தி வைக்கப்பட்டது.
கர்நாடக மாநிலம், பெங்களூரு வி.ஆர்.புரம் கோதண்டராமர் கோயிலில் பிரம்மாண்ட கோதண்டராமர் சிலை அமைப்பதற்காக, திருவண்ணாமலை மாவட்டம், வந்தவாசி அருகே கொரக்கோட்டை கிராமக் குன்றிலிருந்து 66 அடி நீளம், 26 அடி அகலம் கொண்ட 380 டன் பாறையை வெட்டி எடுத்து, கோதண்டராமர் சிலையாக வடிவமைக்கப்பட்டது.
இறுதிக் கட்ட சிற்ப வேலைக்காக, சுவாமி சிலை கனரக வாகனம் மூலம் பெங்களூருக்கு எடுத்துச் செல்லப்படுகிறது.
வந்தவாசி கொரக்கோட்டையிலிருந்து கடந்த வாரம் புறப்பட்டு 25 கி.மீ. தொலைவு வரை வந்த வாகனம், வியாழக்கிழமை விழுப்புரம் மாவட்டம் , திண்டிவனம் அருகே வெள்ளிமேடுப்பேட்டை கடை வீதியில் செல்ல முடியாமல் நின்றது.
அங்கிருந்த வீடுகள், கடைகளின் முகப்புப் பகுதிகள் லேசாக இடிக்கப்பட்டு, வெள்ளிமேடு கூட்டுச் சாலையில் வெள்ளிக்கிழமை நிறுத்தி வைத்தனர். கோயில் நிர்வாகம் சார்பில் இடிக்கப்பட்ட 45 கடைக்காரர்களுக்கு இழப்பீடு வழங்கப்பட்டது.
இதையடுத்து, சுவாமி சிலை ஏற்றிய வாகனத்தில் உள்ள 240 டயர்களில், அதிக பாரம் காரணமாக 10 டயர்கள் வெடித்து பழுதானதால், அவையும் மாற்றப்பட்டு, வெள்ளிக்கிழமை மாலை வாகனம், புறப்பட்டு 3 கிலோ மீட்டர் தொலைவில் உள்ள வடசிறுவலூர் கிராமத்தில் நிறுத்தப்பட்டது.
சனிக்கிழமை காலை மீண்டும் அந்த கனரக வாகனம் அங்கிருந்து புறப்பட்டு, மாலை 5 மணியளவில் புதுவை-கிருஷ்ணகிரி தேசிய நெடுஞ்சாலை நோக்கி தீவனூர் வந்து, அங்குள்ள பள்ளி வளாகத்தின் எதிரே நிறுத்தி வைக்கப்பட்டது.
தொடர்ந்து, திண்டிவனம்-செஞ்சி தேசிய நெடுஞ்சாலையில் (புதுவை-கிருஷ்ணகிரி சாலை)யில் செல்வதற்கு அனுமதி பெறுவதற்காக அந்த கனரக வாகனம் நிறுத்தப்பட்டுள்ளது.
கோவில் அறக்கட்டளை நிர்வாகம் சார்பில், நெடுஞ்சாலைத்துறையினரிடம் அனுமதி கோரப்பட்டுள்ளதால், உரிய அனுமதி பெற்று, ஞாயிற்றுக்கிழமை
காலை தீவனூரிலிருந்து செஞ்சி வழியாக புறப்பட்டுச்செல்ல உள்ளது.
திண்டிவனம் துணை காவல் கண்காணிப்பாளர் திருமால், திண்டிவனம் ஆய்வாளர் சீனிபாபு தலைமையிலான போலீஸார் பாதுகாப்புப் பணியில் ஈடுபட்டிருந்தனர்.
கனரக வாகனத்தில் கொண்டு செல்லப்படும் சுவாமி சிலைக்கு வெள்ளிமேடுப்பேட்டை முதல் தீவனூர் வரை வழியில் பொது மக்கள் பலர் சூடம் ஏற்றியும், உண்டியலில் காணிக்கை செலுத்தியும் வழிபட்டனர்.
சில கிராமங்களில், இந்த வாகனத்தை நிறுத்தி மக்கள் வழிபாடு செய்தனர்.

 

]]>
http://www.dinamani.com/all-editions/edition-villupuram/villupuram/2018/dec/16/நெடுஞ்சாலைத்-துறை-அனுமதிக்காக-சுவாமி-சிலை-ஏற்றிய-வாகனம்-நிறுத்தம்-3058680.html
3058679 விழுப்புரம் விழுப்புரம் கால்நடை பராமரிப்புத் துறை அலுவலர் காலிப் பணியிடங்களை நிரப்ப வலியுறுத்தல் DIN DIN Sunday, December 16, 2018 12:44 AM +0530
கால்நடை பராமரிப்புத் துறையில் உள்ள அமைச்சுப் பணி காலியிடங்களை நிரப்ப வேண்டும் என்று விழுப்புரத்தில் நடைபெற்ற அந்தத் துறையின் அமைச்சுப் பணி அலுவலர் சங்க மாநிலக் குழுக் கூட்டத்தில் வலியுறுத்தப்பட்டது.
விழுப்புரத்தில் தமிழ்நாடு கால்நடை பராமரிப்புத் துறை அமைச்சுப் பணி அலுவலர் சங்கத்தின் மாநில உயர்நிலைக் குழுக் கூட்டம் சனிக்கிழமை நடைபெற்றது. மாநிலத் தலைவர் என்.மணி தலைமை வகித்தார்.
பொதுச் செயலாளர் த.சங்கர், மாநிலப் பொருளாளர் ஈ.கோபி, தலைமை நிலையச் செயலர் ஆ.முத்துக்குமார், பிரசாரச் செயலாளர் எஸ்.சரவணன், மகளிரணிச் செயலர் ஏ.சரஸ்வதி, தணிக்கையாளர் எஸ்.கஜபதிராம் உள்ளிட்டோர் முன்னிலை வகித்தனர்.
மாவட்டத் தலைவர் கு.ராமச்சந்திரன் வரவேற்றார்.
கூட்டத்தில் தமிழ்நாடு அரசு அலுவலர் ஒன்றியத்தின் மாநிலத் தலைவராக தொடர்ந்து 5-ஆவது முறையாக பொறுப்பேற்றுள்ள இரா.சண்முகராஜனுக்கும், மாநில துணைத் தலைவராக பொறுப்பேற்றுள்ள கால்நடை பராமரிப்புத் துறை அமைச்சுப் பணி அலுவலர் சங்க மாநில பொதுச் செயலர் த.சங்கருக்கும் பாராட்டு தெரிவிக்கப்பட்டது.
தமிழகத்தில் கால்நடைப் பராமரிப்புத் துறையில் உள்ள அமைச்சுப் பணி காலியிடங்களை நிரப்ப வேண்டும், நிலுவையில் உள்ள கண்காணிப்பாளர் பதவி உயர்வை வழங்க வேண்டும், இளநிலை உதவியாளர், தட்டச்சர்களுக்கு முறையான உதவியாளர் பதவி உயர்வு வழங்க வேண்டும், அரசு ஊழியர்களுக்கு பழைய ஓய்வூதியத் திட்டத்தை செயல்படுத்த வேண்டும், அரசு ஊழியர்களுக்கான 21 மாத ஊதியக் குழு நிலுவைத் தொகையை உடனடியாக வழங்க வேண்டும், கால்நடை பராமரிப்புத் துறை அமைச்சுப் பணியாளர்களுக்கு கால்நடை ஆய்வாளர் பயிற்சி அளிக்க வேண்டும்
என்பன உள்ளிட்ட கோரிக்கைகள் தீர்மானங்களாக நிறைவேற்றப்பட்டன.
தமிழகம் முழுவதும் உள்ள சங்க மாநில நிர்வாகிகள், மாவட்டத் தலைவர்கள் உள்ளிட்ட நிர்வாகிகள் கூட்டத்தில் கலந்து கொண்டனர். மாவட்டப் பொருளாளர்
ஏ.கோபி நன்றி கூறினார்.

 

]]>
http://www.dinamani.com/all-editions/edition-villupuram/villupuram/2018/dec/16/கால்நடை-பராமரிப்புத்-துறை-அலுவலர்-காலிப்-பணியிடங்களை-நிரப்ப-வலியுறுத்தல்-3058679.html
3058555 விழுப்புரம் விழுப்புரம் சுவாமி சிலை ஏற்றிய லாரி திண்டிவனம் பகுதியிலிருந்து புறப்பட்டது  விழுப்புரம், DIN Saturday, December 15, 2018 08:53 AM +0530 கோதண்டராமர் சுவாமி சிலை ஏற்றிய லாரி திண்டிவனம் பகுதியிலிருந்து வெள்ளிக்கிழமை மாலை புறப்பட்டது.
 பெங்களூரு வி.ஆர்.புரம் கோதண்டராமர் கோயிலில் பிரம்மாண்ட விஸ்வரூப கோதண்டராமர் சிலை அமைப்பதற்காக, திருவண்ணாமலை மாவட்டம், வந்தவாசி அருகே கொரக்கோட்டை கிராம பாறை குன்றிலிருந்து, 64 அடி நீளமும், 26 அடி அகலமும் கொண்ட பெரும்பாறை லாரி மூலம் எடுத்துச் செல்லப்படுகிறது.
 கொரக்கோட்டையில் இருந்து கடந்த வாரம் புறப்பட்டு 25 கி.மீ வந்த வாகனம், விழுப்புரம் மாவட்டம், திண்டிவனம் அருகே உள்ள வெள்ளிமேடுபேட்டை கடை வீதியில் வியாழக்கிழமை மேற்கொண்டு செல்ல முடியாமல் நின்றது.
 குறுகலான அந்தப் பகுதியில் இருந்த 40 கடைகள், வீடுகளின் முகப்பு லாரி செல்வதற்கு இடையூறு இல்லாத வகையில் சிறிதளவு இடிக்கப்பட்டன. இதையடுத்து, கடை வீதியை வியாழக்கிழமை இரவு லாரி கடந்தது.
 பின்னர், ஊருக்கு வெளியே லாரி நிறுத்தப்பட்டது.
 போலீஸார் நடத்திய பேச்சுவார்த்தையின் பேரில், கோயில் நிர்வாகம் சார்பில் இடிக்கப்பட்ட கடைகளின் உரிமையாளர்களுக்கு இழப்பீடு வழங்கப்பட்டது.
 மேலும், லாரியின் 240 டயர்களில், 8 டயர்கள் பழுதடைந்ததையடுத்து, அவை மாற்றப்பட்டன.
 வெள்ளிமேடுப்பேட்டை கூட்டுச் சாலை அருகே நிறுத்தப்பட்டிருந்த லாரி, வெள்ளிக்கிழமை மாலை மீண்டும் புறப்பட்டது.
 அங்கிருந்து 3 கி.மீ. தொலைவு வந்த நிலையில், வடசிறுவலூர் கிராமத்தில் லாரி நிறுத்தப்பட்டது.
 மின் வாரியத்துக்கு ரூ.3.5 லட்சம், கடைக்காரர்களுக்கு நிலுவை என மொத்தம் ரூ.17 லட்சம் வழங்கவில்லை என்பதால், லாரி வழியிலேயே நிறுத்தப்பட்டதாக கூறப்பட்டது. பிறகு, நிர்வாக தரப்பில் அந்தத் தொகையை வழங்க நடவடிக்கை எடுத்தனர். இதையடுத்து, லாரி மீண்டும் புறப்பட்டது.
 பின்னர், திண்டிவனம்-செஞ்சி நெடுஞ்சாலையில் தீவனூர் சந்திப்பில் வெள்ளிக்கிழமை இரவு நிறுத்தி வைக்கப்பட்டது.
 திண்டிவனம் டிஎஸ்பி திருமால் மற்றும் வெள்ளிமேடுபேட்டை போலீஸார் பாதுகாப்புப் பணியில் ஈடுபட்டனர்.
 
 
 
 
 
 
 

]]>
http://images.dinamani.com/uploads/user/imagelibrary/2018/12/15/w600X390/vilu.jpg http://www.dinamani.com/all-editions/edition-villupuram/villupuram/2018/dec/15/சுவாமி-சிலை-ஏற்றிய-லாரி-திண்டிவனம்-பகுதியிலிருந்து-புறப்பட்டது-3058555.html
3058553 விழுப்புரம் விழுப்புரம் சாலை மறியல்: விசிகவினர் 50 பேர் கைது DIN DIN Saturday, December 15, 2018 08:47 AM +0530 விழுப்புரம் மாவட்டத்தில் எச்.ராஜாவைக் கண்டித்து 5 இடங்களில் விடுதலைச் சிறுத்தைகள் கட்சியினர் வெள்ளிக்கிழமை மறியல் போராட்டத்தில் ஈடுபட்டனர். விழுப்புரத்தில் அவரது உருவபொம்மையை எரிக்க முயன்றதாக 50 பேர் கைது செய்யப்பட்டனர்.
 விடுதலைச் சிறுத்தைகள் கட்சி தலைவர் தொல்.திருமாவளவனை விமர்சித்துப் பேசியதாக, பாஜக தேசியச் செயலர் எச்.ராஜாவைக் கண்டித்து,
 விழுப்புரம் மாவட்டத்தில் விசிகவினர் 5 இடங்களில் போராட்டத்தில் ஈடுபட்டனர்.
 விழுப்புரம் பெருந்திட்ட வளாகம் எதிரே திடீரென திரண்டு வந்த விசிக மாவட்டச் செயலர் ஆற்றலரசு தலைமையிலான கட்சியினர், பாஜக தேசியச்செயலர் எச்.ராஜா மீது நடவடிக்கை எடுக்க வேண்டும் என்று வலியுறுத்தி கோஷமிட்டனர். அப்போது, சாலை மறியலில் ஈடுபட்ட அவர்கள், எச்.ராஜாவின் உருவபொம்மைக்கு தீவைக்க முயன்றனர்.
 அவர்களை விழுப்புரம் தாலுகா போலீஸார் தடுத்து நிறுத்தி கைது செய்தனர். திடீர் சாலை மறியல் போராட்டத்தில் ஈடுபட்ட 50 பேரை போலீஸார் கைது செய்து தனியார் மண்டபத்தில் வைத்தனர்.
 வானூர் அருகே திருச்சிற்றம்பலம் கூட்டுச் சாலையில் விடுதலைச் சிறுத்தைகள் கட்சியின் மாவட்ட துணைச் செயலர் இரணியன் தலைமையிலான கட்சியினர் மறியல் போராட்டத்தில் ஈடுபட்டனர். உளுந்தூர்பேட்டை வட்டாட்சியர் அலுவலகம் முன் மாவட்ட துணைச் செயலர் அறிவுக்கரசு தலைமையில் விசிகவினர் ஆர்ப்பாட்டத்தில் ஈடுபட்டனர்.
 திண்டிவனம் மேம்பாலத்தின் கீழ் மாவட்டச் செயலர் சேரன் தலைமையில் விசிகவினர் ஆர்ப்பாட்டத்தில் ஈடுபட்டனர்.
 திருவெண்ணெய்நல்லூரில் ஒன்றிய செயலர் இளவரசு தலைமையில் விசிகவினர் மறியல் போராட்டத்தில் ஈடுபட்டனர்.
 

]]>
http://www.dinamani.com/all-editions/edition-villupuram/villupuram/2018/dec/15/சாலை-மறியல்-விசிகவினர்-50-பேர்-கைது-3058553.html
3058552 விழுப்புரம் விழுப்புரம் விழுப்புரம் அருகே சாலையோரம் கிடந்த பேரலில் இருந்து ரசாயனக் கசிவு DIN DIN Saturday, December 15, 2018 08:47 AM +0530 விழுப்புரம் அருகே சாலையோரம் கிடந்த பேரலில் இருந்து ரசாயனம் கசிந்து துர்நாற்றம் வீசியதால் பரபரப்பு ஏற்பட்டது.
 விழுப்புரம் அருகே செஞ்சி நெடுஞ்சாலையில் உள்ள பூத்தமேடு கிராமத்தில் தமிழக மின்வாரியத்தின் துணை மின் நிலையம் இயங்கி வருகிறது. இந்த மின் நிலையத்தின் வெளியே செஞ்சி நெடுஞ்சாலையோரம் வெள்ளிக்கிழமை காலை பிளாஸ்டிக் பேரல் ஒன்று திறந்த வெளியில் கிடந்தது.
 சாய்ந்து கிடந்த பேரலின் வாய் திறந்த நிலையில், ரசாயனம் கசிந்து கீழே கொட்டியுள்ளது. இந்த ரசாயனக் கலவை காற்றில் கலந்து, அந்தப் பகுதியில் துர்நாற்றம் வீசியது.
 செஞ்சி சாலை வழியாக வந்த பொது மக்களுக்கு இந்த துர்நாற்றம் அச்சத்தை ஏற்படுத்தியதால், பேரலுக்குள் அழுகிய உடல் இருப்பதாக சந்தேகம் தெரிவித்து புகார் தெரிவித்தனர்.
 தகவல் அறிந்த விழுப்புரம் தாலுகா போலீஸார் விரைந்து சென்று அந்த பேரல் இருந்த பகுதியில் ஆய்வு செய்தனர். அதிலிருந்த ரசாயனம் கசிந்து துர்நாற்றம் வீசியது தெரிய வந்தது. மின்வாரிய அலுவலகத்திலிருந்து தூக்கி வீசியிருக்கலாம் என்று புகார் கூறப்பட்டது. அதனை மின்வாரியத்தினர் மறுத்தனர். இதனால், அந்த பேரலை போலீஸார் அங்கிருந்து அகற்றினர்.
 

]]>
http://www.dinamani.com/all-editions/edition-villupuram/villupuram/2018/dec/15/விழுப்புரம்-அருகே-சாலையோரம்-கிடந்த-பேரலில்-இருந்து-ரசாயனக்-கசிவு-3058552.html
3058551 விழுப்புரம் விழுப்புரம் டிச.19-இல் சிறப்பு குறைதீர் கூட்டம் DIN DIN Saturday, December 15, 2018 08:47 AM +0530 விழுப்புரம் கோட்டாட்சியர் அலுவலகத்தில் மாவட்ட ஆட்சியர் தலைமையில் சிறப்பு குறைதீர் கூட்டம் புதன்கிழமை(டிச.19) நடைபெறுகிறது.
 இதுகுறித்து மாவட்ட ஆட்சியரகம் வெளியிட்ட செய்திக் குறிப்பு:
 விழுப்புரம் கோட்டாட்சியர் அலுவலகத்தில் மாவட்ட ஆட்சியர் இல.சுப்பிரமணியன் தலைமையில் புதன்கிழமை(டிச.19) காலை 10.30 மணியளவில் சிறப்பு குறைதீர் மற்றும் ஆய்வுக் கூட்டம் நடத்தப்பட உள்ளது.
 இந்த கூட்டத்தில் பொதுமக்கள் கலந்து கொண்டு பயனடைய வேண்டும் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.
 

]]>
http://www.dinamani.com/all-editions/edition-villupuram/villupuram/2018/dec/15/டிச19-இல்-சிறப்பு-குறைதீர்-கூட்டம்-3058551.html
3058550 விழுப்புரம் விழுப்புரம் இன்றைய மின் தடை: உளுந்தூர்பேட்டை DIN DIN Saturday, December 15, 2018 08:46 AM +0530 நேரம்: காலை 9 மணி முதல் மாலை 5 மணி வரை.
 பகுதிகள்: வெள்ளையூர், எடைக்கல், குமாரமங்கலம், காட்டுநெமிலி, பு.மாம்பாக்கம், செங்குறிச்சி, உளுந்தூர்பேட்டை, மதியனூர், பாதூர், சேந்தநாடு, எறையூர், நகர், ஆசனூர், ஏ.சாத்தனூர் உள்ளிட்ட பகுதிகள்.
 அவலூர்பேட்டை
 நேரம்: காலை 9 மணி முதல் மாலை 5 மணி வரை.
 பகுதிகள்: அவலூர்பேட்டை, வடுகப்பூண்டி, கொடம்பாடி, பரையம்பட்டு, குந்தலம்பட்டு, கப்ளாம்பாடி, கோட்டப்பூண்டி, எதப்பட்டு, கோவில்புரையூர், நொச்சலூர், ஆதிகான்புரவடை, செவரப்பூண்டி, கீக்களூர், மேக்களூர், ரவணாம்பட்டு ஆகிய பகுதிகள்.
 

]]>
http://www.dinamani.com/all-editions/edition-villupuram/villupuram/2018/dec/15/இன்றைய-மின்-தடை-உளுந்தூர்பேட்டை-3058550.html
3058549 விழுப்புரம் விழுப்புரம் 4 வயது மகளுடன் பெண் தற்கொலை DIN DIN Saturday, December 15, 2018 08:46 AM +0530 விழுப்புரம் மாவட்டம், செஞ்சி அருகே கணவர் இறந்த விரக்தியில், வெள்ளிக்கிழமை தனது 4 வயது மகளுடன் கிணற்றில் குதித்து பெண் தற்கொலை செய்து கொண்டார்.
 செஞ்சி அருகேயுள்ள கல்லாடிக்குப்பம் கிராமத்தைச் சேர்ந்தவர் ராஜி. இவரது மனைவி புவனேஸ்வரி (27). இவர்களது மகள் விஷாலி (4). ராஜி 4 நாள்களுக்கு முன்பு தூக்கிட்டுத் தற்கொலை செய்து கொண்டார். இதனால், மனமுடைந்த புவனேஸ்வரி வெள்ளிக்கிழமை அதிகாலை தனது மகள் விஷாலியுடன் மாயமானார். அவர்களை உறவினர்கள் தேடிய போது, அந்தப் பகுதியில் உள்ள பூங்காவனம் என்பவரின் கிணற்றில் புவனேஸ்வரி, தனது மகளுடன் சேர்ந்து தற்கொலை செய்து கொண்டது தெரிய வந்தது.
 செஞ்சி தீயணைப்புப் படையினர் அங்கு வந்து, கிணற்றிலிருந்து புவனேஸ்வரி, விஷாலியின் சடலங்களை மீட்டனர்.
 இதுகுறித்து பெரியதச்சூர் போலீஸார் வழக்குப் பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/dec/15/4-வயது-மகளுடன்-பெண்-தற்கொலை-3058549.html
3058548 விழுப்புரம் விழுப்புரம் செஞ்சிக் கோட்டையில் திருடப்பட்ட வெளிநாட்டு சுற்றுலாப் பயணியின் பொருள்கள் மீட்பு DIN DIN Saturday, December 15, 2018 08:45 AM +0530 செஞ்சிக்கோட்டைப் பகுதியில் வெள்ளிக்கிழமை வெளிநாட்டு பயணியிடம் திருடப்பட்ட மடிக்கணினி உள்ளிட்ட பொருள்கள் அடங்கிய பையை போலீஸார் மீட்டு அவரிடம் ஒப்படைத்தனர்.
 செஞ்சிக்கோட்டைக்கு ஜப்பான் நாட்டைச் சேர்ந்த சட்டோஷிஅகிமோட்டோ தன் நண்பர்களுடன் வெள்ளிக்கிழமை பிற்பகல் ஒரு மணிக்கு காரில் வந்தார். காரை கோட்டையின் கீழ் நிறுத்திவிட்டு கோட்டையை சுற்றிப் பார்க்க சென்றுவிட்டனர்.
 திரும்பி வந்து பார்த்தபோது, காரின் கண்ணாடி உடைக்கப்பட்டு, அதிலிருந்த மடிக்கணினி, கடவுச்சீட்டு (பாஸ்போர்ட்) உள்ளிட்டவை அடங்கிய பையை மர்ம நபர்கள் திருடிச் சென்றிருந்தது தெரியவந்தது. இதனிடையே, அங்கு சில சிறுவர்கள் கடவுச்சீட்டு கீழே கிடந்ததாக வெளிநாட்டு பயணியிடம் கொடுத்துள்ளனர்.
 இதுகுறித்த புகாரின்பேரில் செஞ்சி போலீஸார் விசாரணை நடத்தினர். இதனையறிந்த மர்ம நபர்கள் ஒரு புதரில் வெளியே தெரியும்படி பையை போட்டுவிட்டு தலைமறைவாகி விட்டனர். பின்னர், பையை கண்டெடுத்த போலீஸார், அதனை திறந்து பார்த்தபோது, மடிக்கணினி உள்ளிட்ட அனைத்து பொருள்களும் இருந்தது தெரியவந்தது. பின்னர், அந்தப் பையை காவல் உதவி ஆய்வாளர் அசோகன் வெளிநாட்டு சுற்றுலாப் பயணியிடம் ஒப்படைத்தார்.

]]>
http://www.dinamani.com/all-editions/edition-villupuram/villupuram/2018/dec/15/செஞ்சிக்-கோட்டையில்-திருடப்பட்ட-வெளிநாட்டு-சுற்றுலாப்-பயணியின்-பொருள்கள்-மீட்பு-3058548.html
3058547 விழுப்புரம் விழுப்புரம் எய்யில் கிராமத்தில் மக்கள் தொடர்பு திட்ட முகாம் DIN DIN Saturday, December 15, 2018 08:45 AM +0530 மேல்மலையனூர் வட்டத்துக்கு உள்பட்ட எய்யில் கிராமத்தில் வெள்ளிக்கிழமை மக்கள் தொடர்பு திட்ட முகாம் நடைபெற்றது.
 முகாமுக்கு மேல்மலையனூர் வட்டாட்சியர் பரமேஸ்வரி தலைமை வகித்தார். மேல்மலையனூர் வருவாய் ஆய்வாளர் ரவி வரவேற்றார். மண்டல துணை வட்டாட்சியர் கலைமணி, தேர்தல் பிரிவு வட்டாட்சியர் அருள்மொழி, மண்டல துணை வட்டாட்சியர் பழனி ஆகியோர் முன்னிலை வகித்தனர்.
 முகாமில், பட்டா மாறுதல் ஆணை 31 பேருக்கும், புதிய குடும்ப அட்டை 10 பேருக்கும், உள் பிரிவு பட்டா மாற்றம் 5 பேருக்கும், முதியோர் உதவித்தொகை 29 பேருக்கும், வாக்காளர் அடையாள அட்டை 44 பேருக்கும் என மொத்தம் 2,014 பேருக்கு ரூ.40.16 லட்சத்திலான நலத் திட்ட உதவிகளை திண்டிவனம் சார் - ஆட்சியர் மெர்சி ரம்யா வழங்கி சிறப்புரையாற்றினார்.
 இதில், கிராம நிர்வாக அலுவலர் குமரவேல், ராஜதத்தன் மற்றும் பல்வேறு துறை அலுவலர்கள் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/dec/15/எய்யில்-கிராமத்தில்-மக்கள்-தொடர்பு-திட்ட-முகாம்-3058547.html
3058546 விழுப்புரம் விழுப்புரம் மதுக் கடை திறக்க எதிர்ப்பு: கிராம மக்கள் சாலை மறியல் DIN DIN Saturday, December 15, 2018 08:45 AM +0530 திருக்கோவிலூர் அருகே புதிய மதுக்கடை திறக்க எதிர்ப்புத் தெரிவித்து, கிராம மக்கள் வெள்ளிக்கிழமை சாலை மறியலில் ஈடுபட்டனர்.
 திருக்கோவிலூரை அடுத்த கோமாளூர் கிராமத்தில் புதிய மதுக்கடை திறக்க அதிகாரிகள் முடிவு செய்தனர்.
 இதையொட்டி, வெள்ளிக்கிழமை காலை அங்கு கடையைத் திறக்க ஊழியர்கள் வந்தனர். இதைத் தொடர்ந்து, மதுக் கடையைத் திறக்க எதிர்ப்புத் தெரிவித்து கிராம மக்கள் ஆர்ப்பாட்டத்தில் ஈடுபட்டனர். இதனால், கடையைத் திறக்க வந்த ஊழியர்கள் அங்கிருந்து சென்று விட்டனர்.
 பின்னர், கோமாளூர் - லாலாபேட்டை பிரதான சாலையில் அமர்ந்து கிராம மக்கள் மறியலில் ஈடுபட்டனர். தகவலறிந்து வந்த திருக்கோவிலூர் போலீஸார் பேச்சுவார்த்தை நடத்தியதையடுத்து மறியல் கைவிடப்பட்டது. மறியலால் அந்தப் பகுதியில் 2 மணி நேரத்துக்கும் மேலாக போக்குவரத்து பாதிக்கப்பட்டது.
 

]]>
http://www.dinamani.com/all-editions/edition-villupuram/villupuram/2018/dec/15/மதுக்-கடை-திறக்க-எதிர்ப்பு-கிராம-மக்கள்-சாலை-மறியல்-3058546.html
3058545 விழுப்புரம் விழுப்புரம் விழுப்புரத்தில் நாளை மாரத்தான் ஓட்டம் DIN DIN Saturday, December 15, 2018 08:44 AM +0530 விழுப்புரத்தில் கரிகாலச்சோழன் பசுமை மீட்புப்படை அமைப்பு சார்பில் மாரத்தான் ஓட்டப் போட்டி ஞாயிற்றுக்கிழமை காலை நடைபெறுகிறது.
 விழுப்புரம் மாவட்டம் தொடங்கப்பட்டதன் வெள்ளி விழா ஆண்டு நிறைவையொட்டி நெகிழி விழிப்புணர்வு, அருங்காட்சியகம் அமைத்தல், இயற்கை வளங்களை பாதுகாத்தல் ஆகியவற்றை வலியுறுத்தி மாரத்தான் போட்டி நடத்தப்படுகிறது.
 விழுப்புரம் பெருந்திட்ட வளாகத்தில் உள்ள மாவட்ட ஆட்சியர் அலுவலகம் தொடங்கி ஜானகிபுரம் வரை சென்று, மீண்டும் ஆட்சியரகம் திரும்பும் வகையில் 5 கிலோ மீட்டர் தொலைவுக்கு இப்போட்டி நடைபெறுகிறது. இதில், மாணவர்கள், இளைஞர்கள், இயற்கை, வரலாற்று ஆர்வலர்கள், பொதுமக்கள் கலந்து கொள்ளலாம் என்று தெரிவிக்கப்பட்டுள்ளது.
 

]]>
http://www.dinamani.com/all-editions/edition-villupuram/villupuram/2018/dec/15/விழுப்புரத்தில்-நாளை-மாரத்தான்-ஓட்டம்-3058545.html
3058544 விழுப்புரம் விழுப்புரம் நீட்ஸ் திட்டத்தில் பயனாளிகள் தேர்வு DIN DIN Saturday, December 15, 2018 08:44 AM +0530 நீட்ஸ் திட்டத்தின்கீழ் ரூ.3.31 கோடி கடன் வழங்க 5 பயனாளிகள் வெள்ளிக்கிழமை தேர்வு செய்யப்பட்டனர்.
 தொழில் வணிகத் துறையின் கீழ் இயங்கும் விழுப்புரம் மாவட்ட தொழில் மையம் மூலம் புதிய தொழில் முனைவோர் மற்றும் தொழில் நிறுவன மேம்பாட்டு திட்டத்தின் கீழ்(நீட்ஸ்) படித்த இளைஞர்களுக்கு தொழில் முனைவோர் பயிற்சி, திட்ட அறிக்கை தயார் செய்தல், நிதி நிறுவனங்களிடமிருந்து கடன் பெற வசதி செய்தல் மற்றும் பெரும் தொழில் நிறுவனங்களுடன் தொடர்பு ஏற்படுத்தி தருதல் ஆகிய உதவிகள் செய்யப்படுகின்றன.
 இந்த நிலையில், மாவட்ட ஆட்சியர் இல.சுப்பிரமணியன் தலைமையில் நீட்ஸ் திட்டத்திற்கான பயனாளிகள் தேர்வு கூட்டம் வெள்ளிக்கிழமை நடைபெற்றது. இதில், 5 நபர்களுக்கு மாவட்ட தொழில் மையம் மூலம் ரூ.3 கோடியே 31 லட்சத்து 74 ஆயிரம் லட்சம் திட்ட முதலீட்டுத் தொகைக்கு கடன் வழங்க விண்ணப்பங்கள் பரிந்துரைக்கப்பட்டன.
 இக்கூட்டத்தில் மாவட்ட தொழில் மைய இணை இயக்குநர்,பொது மேலாளர் எஸ்.சொக்கலிங்கம், முன்னோடி வங்கி மேலாளர் மற்றும் தாட்கோ மாவட்ட மேலாளர் ஆர்.சேதுராமன், விழுப்புரம் தமிழ்நாடு தொழில் முதலீட்டு கழக மேலாளர் வீரபத்திரன், விழுப்புரம் மாவட்ட குறு மற்றும் சிறு தொழில்கள் சங்கத் தலைவர் அம்மன் கருணாநிதி ஆகியோர் உடன் இருந்தனர்.

]]>
http://www.dinamani.com/all-editions/edition-villupuram/villupuram/2018/dec/15/நீட்ஸ்-திட்டத்தில்-பயனாளிகள்-தேர்வு-3058544.html
3058543 விழுப்புரம் விழுப்புரம் சாலை மறியல்: விசிகவினர் 50 பேர் கைது DIN DIN Saturday, December 15, 2018 08:43 AM +0530 விழுப்புரம் மாவட்டத்தில் எச்.ராஜாவைக் கண்டித்து 5 இடங்களில் விடுதலைச் சிறுத்தைகள் கட்சியினர் வெள்ளிக்கிழமை மறியல் போராட்டத்தில் ஈடுபட்டனர். விழுப்புரத்தில் அவரது உருவபொம்மையை எரிக்க முயன்றதாக 50 பேர் கைது செய்யப்பட்டனர்.
 விடுதலைச் சிறுத்தைகள் கட்சி தலைவர் தொல்.திருமாவளவனை விமர்சித்துப் பேசியதாக, பாஜக தேசியச் செயலர் எச்.ராஜாவைக் கண்டித்து,
 விழுப்புரம் மாவட்டத்தில் விசிகவினர் 5 இடங்களில் போராட்டத்தில் ஈடுபட்டனர்.
 விழுப்புரம் பெருந்திட்ட வளாகம் எதிரே திடீரென திரண்டு வந்த விசிக மாவட்டச் செயலர் ஆற்றலரசு தலைமையிலான கட்சியினர், பாஜக தேசியச்செயலர் எச்.ராஜா மீது நடவடிக்கை எடுக்க வேண்டும் என்று வலியுறுத்தி கோஷமிட்டனர். அப்போது, சாலை மறியலில் ஈடுபட்ட அவர்கள், எச்.ராஜாவின் உருவபொம்மைக்கு தீவைக்க முயன்றனர்.
 அவர்களை விழுப்புரம் தாலுகா போலீஸார் தடுத்து நிறுத்தி கைது செய்தனர். திடீர் சாலை மறியல் போராட்டத்தில் ஈடுபட்ட 50 பேரை போலீஸார் கைது செய்து தனியார் மண்டபத்தில் வைத்தனர்.
 வானூர் அருகே திருச்சிற்றம்பலம் கூட்டுச் சாலையில் விடுதலைச் சிறுத்தைகள் கட்சியின் மாவட்ட துணைச் செயலர் இரணியன் தலைமையிலான கட்சியினர் மறியல் போராட்டத்தில் ஈடுபட்டனர். உளுந்தூர்பேட்டை வட்டாட்சியர் அலுவலகம் முன் மாவட்ட துணைச் செயலர் அறிவுக்கரசு தலைமையில் விசிகவினர் ஆர்ப்பாட்டத்தில் ஈடுபட்ட னர்.
 திண்டிவனம் மேம்பாலத்தின் கீழ் மாவட்டச் செயலர் சேரன் தலைமையில் விசிகவினர் ஆர்ப்பாட்டத்தில் ஈடுபட்டனர்.
 திருவெண்ணெய்நல்லூரில் ஒன்றிய செயலர் இளவரசு தலைமையில் விசிகவினர் மறியல் போராட்டத்தில் ஈடுபட்டனர்.
 

]]>
http://www.dinamani.com/all-editions/edition-villupuram/villupuram/2018/dec/15/சாலை-மறியல்-விசிகவினர்-50-பேர்-கைது-3058543.html
3058533 விழுப்புரம் விழுப்புரம் சாலைத் தடுப்பு மீது பைக் மோதல்: ஆசிரியர் சாவு DIN DIN Saturday, December 15, 2018 08:40 AM +0530 உளுந்தூர்பேட்டை அருகே சாலைத் தடுப்பு மீது பைக் மோதியதில் ஆசிரியர் உயிரிழந்தார்.
 கன்னியாகுமரி மாவட்டம், சிவான்டிகோட்டையைச் சேர்ந்த ராஜாமணி மகன் சி வசாமி (45). இவர், விழுப்புரம் மாவட்டம், திருநாவலூர் ஒன்றியம், ஈஸ்வரக்கண்டநல்லூர் ஊராட்சி ஒன்றிய நடுநிலைப் பள்ளியில் ஆசிரியராகப் பணிபுரிந்து வந்தார்.
 சிவசாமி வியாழக்கிழமை இரவு உளுந்தூர்பேட்டையில் இருந்து கெடிலம் நோக்கி சென்றுகொண்டிருந்தார். பாதூர் காந்தி நகர் அருகே சென்றபோது சாலைத் தடுப்பு மீது பைக் மோதியது.
 இதில், பலத்த காயமடைந்த சிவசாமி சம்பவ இடத்திலேயே உயிரிழந்தார். இதுகுறித்து திருநாவலூர் போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
http://www.dinamani.com/all-editions/edition-villupuram/villupuram/2018/dec/15/சாலைத்-தடுப்பு-மீது-பைக்-மோதல்-ஆசிரியர்-சாவு-3058533.html
3058532 விழுப்புரம் விழுப்புரம் நுகர்வோர் அமைப்பினர் ஆர்ப்பாட்டம் DIN DIN Saturday, December 15, 2018 08:40 AM +0530 மத்திய அரசைக் கண்டித்து, மக்கள் உரிமை நுகர்வோர் பாதுகாப்பு மையம் அமைப்பினர் கள்ளக்குறிச்சி கச்சேரி சாலையில் அம்பேத்கர் சிலை அருகே வெள்ளிக்கிழமை ஆர்ப்பாட்டத்தில் ஈடுபட்டனர்.
 அமைப்பின் மாநிலத் தலைவர் பி.ஜெயபிரகாஷ் தலைமை வகித்தார். மாநில பொருளாளர் பி.குமார், மாநில துணைத் தலைவர் வி.பன்னீர்செல்லும், நகரத் தலைவர் அ.சேகர் ஆகியோர் முன்னிலை வகித்தனர். சிறப்பு அழைப்பாளராக மாநில பொதுச் செயலர் என்.எஸ்.செல்வராஜ் பங்கேற்று பேசினார். ஆர்ப்பாட்டத்தில், கஜா புயலால் பாதிக்கப்பட்ட தமிழகத்துக்கு போதிய நிதி அளிக்காதது, மேக்கேதாட்டு அணை கட்டுவதற்கான ஆய்வுக்கு கர்நாடக அரசுக்கு அனுமதி அளித்தது தொடர்பாக மத்திய அரசைக் கண்டித்து முழக்கமிட்டனர்.
 மாநில துணைப் பொதுச் செயலர் டி.சக்திவேல், மாநில தலைமை நிலைய செயலர் எம்.செங்கான் உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/villupuram/2018/dec/15/நுகர்வோர்-அமைப்பினர்-ஆர்ப்பாட்டம்-3058532.html
3058531 விழுப்புரம் விழுப்புரம் வாகனம் மோதியதில் விவசாயி சாவு DIN DIN Saturday, December 15, 2018 08:39 AM +0530 வ.சின்னக்குப்பம் கிராமம் அருகே அடையாளம் தெரியாத வாகனம் மோதியதில் பலத்த காயமடைந்த விவசாயி வெள்ளிக்கிழமை உயிரிழந்தார்.
 திருநாவலூர் ஒன்றியம், வ.சின்னக்குப்பம் கிராமத்தைச் சேர்ந்தவர் ராசு (55). இவர், விவசாய நிலத்துக்கு செல்வதற்காக திருச்சி - சென்னை தேசிய நெடுஞ்சாலையைக் கடக்க முயன்றார்.
 அப்போது, அந்த வழியே வந்த அடையாளம் தெரியாத வாகனம் ராசு மீது மோதியது. இதில், பலத்த காயமடைந்த அவரை பொதுமக்கள் மீட்டு, சிகிச்சைக்காக உளுந்தூர்பேட்டை அரசு மருத்துவமனையில் சேர்த்தனர். எனினும், அங்கு ராசு உயிரிழந்தார். இதுகுறித்த புகாரின்பேரில் திருநாவலூர் போலீஸார் வழக்குப் பதிந்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-villupuram/villupuram/2018/dec/15/வாகனம்-மோதியதில்-விவசாயி-சாவு-3058531.html
3058530 விழுப்புரம் விழுப்புரம் ஆலகிராமத்தில் அம்மா திட்ட முகாம் DIN DIN Saturday, December 15, 2018 08:39 AM +0530 மயிலத்தை அடுத்த ஆலகிராமம் ஊராட்சியில் வருவாய்த் துறை சார்பில், அம்மா திட்ட முகாம் வெள்ளிக்கிழமை நடைபெற்றது.
 திண்டிவனம் வட்டாட்சியர் பிரபுவெங்கடேஸ்வரன், மண்டல துணை வட்டாட்சியர் கிருஷ்ணதாஸ், வருவாய் ஆய்வாளர் பிரசாந்த்குமார், இரட்டணை கால்நடை மருத்துவ அலுவலர் கோகிலபிரியா ஆகியோர் முன்னிலை வகித்தனர்.
 மயிலம் தொகுதி எம்எல்ஏ இரா.மாசிலாமணி அம்மா திட்டத்தின் நோக்கங்கள் குறித்து பொதுமக்களிடம் எடுத்துக் கூறியதுடன், பட்டா மாற்றம், குடும்ப அட்டையில் பெயர் சேர்த்தல், நீக்கல், முதியோர் உதவித்தொகை, ஊனமுற்றோர் உதவித்தொகை உள்ளிட்ட நலத் திட்ட உதவிகள் கோரி பொதுமக்கள் அளித்த மனுக்களை பெற்றுக்கொண்டார்.
 நிகழ்ச்சியில் உதவி வேளாண் அலுவலர் சுதா, மயிலம் ஒன்றியச் செயலர் மணிமாறன், மாவட்டப் பிரதிநிதி கண்ணன், விவசாய அணி சார்பில் குமார், திமுக நிர்வாகிகள் நாகராஜ், சந்திரசேகர்,பிரதாப் உள்ளிட்டோர் கலந்து கொண்டனர். கிராம நிர்வாக அலுவலர் ராமமோகன் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/dec/15/ஆலகிராமத்தில்-அம்மா-திட்ட-முகாம்-3058530.html
3058529 விழுப்புரம் விழுப்புரம் கிராம நிர்வாக அலுவலர்கள் 5-ஆவது நாளாக வேலைநிறுத்தம்  விழுப்புரம், DIN Saturday, December 15, 2018 08:39 AM +0530 விழுப்புரம் மாவட்டத்தில் கிராம நிருவாக அலுவலர்கள் சங்கத்தினர் தொடர்ந்து 5-ஆவது நாளாக வெள்ளிக்கிழமை வேலைநிறுத்தப் போராட்டத்தில் ஈடுபட்டனர்.
 கிராம நிர்வாக அலுவலர்களுக்கு மாவட்ட பணி மாறுதல் வழங்க வேண்டும், அனைவருக்கும் இணையதள வசதியுடன் கூடிய மடிக் கணினி வழங்க வேண்டும் என்பன உள்ளிட்ட 21-அம்சக் கோரிக்கைகளை வலியுறுத்தி, கிராம நிருவாக அலுவலர்கள் சங்கத்தினர் கடந்த 10-ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வருகின்றனர்.
 இதன்படி 5-ஆவது நாளாக வெள்ளிக்கிழமை வேலைநிறுத்தத்தில் ஈடுபட்டனர். பின்னர், விழுப்புரம் வட்டாட்சியர் அலுவலகம் முன் சங்கத்தின் மாவட்டச் செயலர் எஸ்.புஷ்பகாந்தன் தலைமையில், போராட்டத்தை விளக்கி ஆர்ப்பாட்டத்தில் ஈடுபட்டனர். இதேபோல, மாவட்டத்தில் உள்ள 13 வட்டாட்சியர் அலுவலகங்கள் முன்பும் சங்கத்தினர் ஆர்ப்பாட்டத்தில் ஈடுபட்டனர். பெரும்பாலான கிராம நிர்வாக அலுவலர்கள் வேலைநிறுத்தப் போராட்டத்தில் பங்கேற்றுள்ளதால் சான்றிதழ் விநியோகம், அடங்கல் பெறுதல் உள்ளிட்ட பணிகள் பாதிக்கப்பட்டுள்ளன.

]]>
http://www.dinamani.com/all-editions/edition-villupuram/villupuram/2018/dec/15/கிராம-நிர்வாக-அலுவலர்கள்-5-ஆவது-நாளாக-வேலைநிறுத்தம்-3058529.html
3058527 விழுப்புரம் விழுப்புரம் வாக்குச் சாவடி நிலை அலுவலர்கள் கூட்டம் DIN DIN Saturday, December 15, 2018 08:38 AM +0530 வாக்குச் சாவடி நிலை அலுவலர்கள், முகவர்களுக்கான ஆலோசனைக் கூட்டம் கள்ளக்குறிச்சி வட்டாட்சியர் அலுவலகத்தில் வியாழக்கிழமை நடைபெற்றது.
 கூட்டத்துக்கு வட்டாட்சியர் பூ.தயாளன் தலைமை வகித்தார். தேர்தல் துணை வட்டாட்சியர் ஜி.குமரன் முன்னிலை வகித்தார்.
 கூட்டத்தில் வாக்காளர் சிறப்பு திருத்தப் பட்டியலில் குறைகளைக் களைந்து புதிய வாக்காளர் பட்டியல் தயார் செய்வது குறித்தும், உயிரிழந்த வாக்காளர்களின் பெயரை நீக்குவது, புதிய வாக்காளர்களை பட்டியலில் சேர்ப்பது, வாக்குச் சாவடி மையங்களில் பராமரிப்பு பணி மேற்கொள்வது குறித்து வட்டாட்சியர் பேசினார்.
 
 

]]>
http://www.dinamani.com/all-editions/edition-villupuram/villupuram/2018/dec/15/வாக்குச்-சாவடி-நிலை-அலுவலர்கள்-கூட்டம்-3058527.html
3058526 விழுப்புரம் விழுப்புரம் பைக்குகள் திருட்டு: இளைஞர் கைது DIN DIN Saturday, December 15, 2018 08:38 AM +0530 கள்ளக்குறிச்சியில் தொடர் பைக் திருட்டு தொடர்பாக இளைஞரை போலீஸார் வியாழக்கிழமை கைது செய்தனர்.
 கள்ளக்குறிச்சி காவல் உதவி ஆய்வாளர்கள் பாலமுரளி, துரைராஜ், சிறப்பு உதவி ஆய்வாளர் ஆரோக்கியதாஸ் ஆகியோர் கள்ளக்குறிச்சி நான்கு முனைச் சந்திப்பில் வியாழக்கிழமை வாகனத் தணிக்கையில் ஈடுபட்டனர். அப்போது சங்கராபுரம் பகுதியிலிருந்து கள்ளக்குறிச்சி நோக்கி பதிவு எண் இல்லாத பைக்கில் வந்த இளைஞரை மறித்து விசாரணை செய்தனர். அவர் முன்னுக்குபின் முரணாகப் பேசியதால் காவல் நிலையத்துக்கு அழைத்துச் சென்று விசாரணை மேற்கொண்டனர்.
 இதில் அவர் உளுந்தூர்பேட்டை வட்டம், எலவனாசூர்கோட்டையை அடுத்த கூ.தாங்கள் பகுதியைச் சேர்ந்த மணி மகன் சக்திவேல் (19) எனத் தெரியவந்தது. அவர் பல இடங்களில் பைக் திருட்டில் ஈடுபட்டதும் விசாரணையில் தெரியவந்தது. இதையடுத்து சக்திவேலை கைதுசெய்த போலீஸார், அவரிடமிருந்து 3 பைக்குகள், ஒரு மொபெட்டை பறிமுதல் செய்தனர். பின்னர் சக்திவேலை கள்ளக்குறிச்சி குற்றவியல் நடுவர் நீதிமன்றத்தில் ஆஜர்படுத்தி கடலூர் மத்திய சிறையில் அடைத்தனர்.

]]>
http://www.dinamani.com/all-editions/edition-villupuram/villupuram/2018/dec/15/பைக்குகள்-திருட்டு-இளைஞர்-கைது-3058526.html
3058525 விழுப்புரம் விழுப்புரம் மருத்துவ நிறுவனங்களை சுகாதாரத் துறையில் பதிவு செய்ய உத்தரவு  விழுப்புரம், DIN Saturday, December 15, 2018 08:38 AM +0530 விழுப்புரம் மாவட்டத்தில் உள்ள அனைத்து மருத்துவ நிறுவனங்களும் சுகாதாரத் துறையில் பதிவு செய்யப்பட வேண்டுமென அரசு சார்பில் அறிவுறுத்தப்பட்டது.
 இதுகுறித்து, விழுப்புரம் மாவட்ட ஆட்சியர் அலுவலகம் தரப்பில் வெளியிடப்பட்ட செய்திக்குறிப்பு: தமிழ்நாட்டில் உள்ள அனைத்து மருத்துவ நிறுவனங்களையும் பதிவு செய்வதற்கும், முறைப்படுத்துவதற்கும் வழிவகை செய்யும் பொருட்டு, அந்த மருத்துவ நிறுவனங்களால் குறைந்த அளவு தரத்திலான வசதிகள், சேவைகள் அளிக்கப்படுவதற்கு வழிவகை செய்திட தமிழ்நாடு மருத்துவ நிறுவனங்கள் முறைப்படுத்துதல் சட்டம்-1997 மற்றும் விதிகள் உருவாக்கப்பட்டுள்ளன.
 இதன்படி, விழுப்புரம் மாவட்டத்தில் செயல்படும் அரசு மருத்துவமனைகள், அரசு மருத்துவக் கல்லூரி மற்றும் மருத்துவமனை, அரசு ஆரம்ப சுகாதார நிலையங்கள், தனியார் மருத்துவமனைகள், கிளினிக், பாலிகிளினிக், மகப்பேறு மருத்துவமனைகள், பல் மருத்துவமனைகள், மருத்துவப் பரிசோதனை ஆய்வகங்கள், எக்ஸ்-ரே மையம், அல்ட்ரா சோனோகிராம், சி.டி. ஸ்கேன் மற்றும் எம்.ஆர்.ஐ. ஸ்கேன், இ.சி.ஜி, இ.இ.ஜி. மற்றும் எகோகார்டியோகிராபி என அனைத்து மருத்துவ முறைகளையும், தமிழ்நாடு மருத்துவ நிறுவனங்கள் முறைப்படுத்துதல் சட்ட விதிகளின்கீழ், சுகாதாரத் துறையில் பதிவு செய்ய வேண்டும்.
 இந்திய மருத்துவ முறை, ஹோமியோபதி, ஆயுர்வேதம், யோகா, இயற்கை மருத்துவம், யுனானி, சித்த மருத்துவம் போன்ற தமிழக அரசால் அங்கீகரிக்கப்பட்ட அனைத்து மருத்துவ முறைகளையும் சுகாதாரத் துறையின்கீழ் பதிவு செய்ய வேண்டும். மருத்துவ நிறுவனங்களைப் பதிவு செய்வதற்கான விண்ணப்பங்களை இணையத்திலிருந்து பதிவிறக்கம் செய்யலாம். பூர்த்தி செய்யப்பட்ட விண்ணப்பப் படிவத்துடன், ரூ.5,000 }க்கான வரைவோலையை இணைத்து, விழுப்புரம் நலப் பணிகள் இணை இயக்குநர் அலுவலகத்தில் வருகிற 31.03.2019-ஆம் தேதிக்குள் விண்ணப்பித்து பதிவு செய்துகொள்ள வேண்டும்.
 முறைப்படி பதிவு செய்யாமல் மருத்துவ சிகிச்சை மேற்கொள்ளும் நிறுவனங்கள் மீது தமிழ்நாடு மருத்துவ நிறுவனங்கள் முறைப்படுத்துதல் சட்டத்தின் கீழ், சட்டப்பூர்வ நடவடிக்கை எடுக்கப்படும். மேலும் விவரங்களுக்கு 04146-223628 என்ற தொலைபேசி எண்ணை தொடர்பு கொள்ளலாம் என அதில் அறிவுறுத்தப்பட்டுள்ளது.
 

]]>
http://www.dinamani.com/all-editions/edition-villupuram/villupuram/2018/dec/15/மருத்துவ-நிறுவனங்களை-சுகாதாரத்-துறையில்-பதிவு-செய்ய-உத்தரவு-3058525.html
3058524 விழுப்புரம் விழுப்புரம் "போக்குவரத்து போலீஸார் கட்டாயம் தலைக் கவசம் அணிய வேண்டும்' DIN DIN Saturday, December 15, 2018 08:37 AM +0530 போக்குவரத்து போலீஸார் இருசக்கர வாகனங்களில் செல்லும்போது கட்டாயம் தலைக் கவசம் அணிய வேண்டும் என கள்ளக்குறிச்சி காவல் துணைக் கண்காணிப்பாளர் ந.இராமநாதன் அறிவுறுத்தினார்.
 இவர், கள்ளக்குறிச்சி நான்குமுனைச் சந்திப்பில் தலைக்கவசம் அணிவது குறித்து வியாழக்கிழமை விழிப்புணர்வு ஏற்படுத்தினார். நிகழ்ச்சிக்கு, கள்ளக்குறிச்சி காவல் ஆய்வாளர் எஸ்.ரேவதி தலைமை வகித்தார். கள்ளக்குறிச்சி காவல் துணைக் கண்காணிப்பாளர் ந.இராமநாதன் பேசுகையில், சாலை விதிகளை முதலில் போக்குவரத்து போலீஸார் மதித்து தலைக்கவசம் அணிந்து செல்ல வேண்டும் என்றார். மேலும், போக்குவரத்து காவலர்களுக்கு தலைக் கவசங்களை வழங்கினார். காவல் உதவி ஆய்வாளர்கள் தர்மராஜ், பார்த்திபன், காவலர்கள் செண்பகவள்ளி, சாமிதுரை உள்ளிட்டோருக்கு தலைக் கவசங்களை வழங்கினார்.
 

]]>
http://www.dinamani.com/all-editions/edition-villupuram/villupuram/2018/dec/15/போக்குவரத்து-போலீஸார்-கட்டாயம்-தலைக்-கவசம்-அணிய-வேண்டும்-3058524.html
3058523 விழுப்புரம் விழுப்புரம் பாப்பனப்பட்டு கோயிலில் கும்பாபிஷேகம் DIN DIN Saturday, December 15, 2018 08:37 AM +0530 பாப்பனப்பட்டு கிராமத்தில் செல்வ விநாயகர், அம்மன் கோயில்களில் கும்பாபிஷேக விழா வெள்ளிக்கிழமை நடைபெற்றது.
 விக்கிரவாண்டி அருகே பாப்பனப்பட்டு கிராமத்தில் அமைந்துள்ள செல்வ விநாயகர், பாலமுருகர், அய்யப்ப சுவாமிகள், மாரியம்மன், கெங்கையம்மன், திரௌபதியம்மன், வில்வநாதஈஸ்வரர், அய்யனார், ஆஞ்சநேயர் கோயில் உள்ளிட்ட 9 கோயில்கள் அண்மையில் பொதுமக்களால் புதுப்பிக்கப்பட்டு கும்பாபிஷேக விழாவுக்கான பணிகள் நடைபெற்றன.
 தொடர்ந்து, விக்னேஷ்வர பூஜையுடன் வியாழக்கிழமை காலை கும்பாபிஷேக விழா தொடங்கியது.
 பின்னர், மஹா கணபதி ஹோமம், நவக்கிரஹ ஹோமங்கள், தனபூஜை, கோ பூஜைகள் நடைபெற்றன. தொடர்ந்து, மாலையில் காப்புக் கட்டுதலும், கும்ப அலங்காரமும், யாகசாலை பிரவேசமும் நடைபெற்றது.
 வெள்ளிக்கிழமை அதிகாலை 5 மணியளவில் மூல மந்திரஹோமம், யாகசாலை பூஜை, மஹா பூர்ணாஹுதி மற்றும் தீபாராதனை நடைபெற்றது. தொடர்ந்து, கடம் புறப்பாடாகி புனித நீர் கொண்டுவரப்பட்டு காலை 9 மணிக்குத் தொடங்கி அரசமர விநாயகர், வில்வநாத ஈஸ்வரர், மஹாமாரியம்மன், கெங்கையம்மன், மேற்கு செல்வவிநாயகர், கிழக்கு செல்வ விநாயகர், பூரணி புஷ்கலா சமேத அய்யனார், திரௌபதியம்மன், கெங்கையம்மன், அய்யப்பன், ஆஞ்சநேயர் ஆகிய கோயில்களின் கோபுரங்களில் ஊற்றி கும்பாபிஷேகம் நடைபெற்றது.
 தொடர்ந்து, தீபாராதனையும், அனைத்து சந்நிதிகளிலும் சிறப்பு வழிபாடுகள் நடைபெற்றன. திரளான பக்தர்கள் கலந்துகொண்டு வழிபட்டனர். இரவு 7 மணிக்கு திரௌபதியம்மன் திருக்கல்யாணமும், பூரணி, புஷ்கலா சமேத அய்யனார் சுவாமிக்கு திருக்கல்யாணமும் நடைபெற்றது. இரவு சுவாமிகள் வீதியுலா நடைபெற்றது.
 
 
 

]]>
http://www.dinamani.com/all-editions/edition-villupuram/villupuram/2018/dec/15/பாப்பனப்பட்டு-கோயிலில்-கும்பாபிஷேகம்-3058523.html
3058522 விழுப்புரம் விழுப்புரம் நீதிபதி பணியிடங்களை நிரப்பக் கோரி இந்திய கம்யூ. ஆர்ப்பாட்டம் DIN DIN Saturday, December 15, 2018 08:36 AM +0530 விழுப்புரம் மாவட்ட நீதிமன்றத்தில் காலியாக உள்ள நீதிபதி பணியிடங்களை நிரப்பக் கோரி, இந்திய கம்யூனிஸ்ட் கட்சியினர் சார்பில் கோரிக்கை முழக்க ஆர்ப்பாட்டம் வெள்ளிக்கிழமை நடைபெற்றது.
 விழுப்புரம் மாவட்ட ஆட்சியர் அலுவலகம் எதிரே நடைபெற்ற இந்த ஆர்ப்பாட்டத்துக்கு, வட்ட துணைச் செயலர் கே.மகாதேவன் தலைமை வகித்தார். வட்டச் செயலர் ஜி.நிதானம் முன்னிலை வகித்தார். மாவட்டச் செயலர் ஏ.வி.சரவணன், பொருளாளர் ஆர்.கலியமூர்த்தி, துணைச் செயலர்கள் ஏ.சௌரிராஜன், கே.ராமசாமி ஆகியோர் கோரிக்கைகளை விளக்கி உரையாற்றினர்.
 நிர்வாகக் குழு உறுப்பினர்கள் ஏ.கோவிந்தசாமி, கே.எஸ்.அப்பாவு, கலியபெருமாள், ஆ.இன்பஒளி, எஸ்.ராமச்சந்திரன், சகாப்தீன், ஆ.வளர்மதி, ஒன்றியச் செயலர் ரா.பாலமுருகன், கே.ராமநாதன், விக்கிரவாண்டி வட்டச் செயலர் பி.பாலசுப்பிரமணியன் உள்ளிட்ட பலர் கலந்துகொண்டனர்.
 ஆர்ப்பாட்டத்தில், விழுப்புரம் ஒருங்கிணைந்த நீதிமன்ற வளாகத்தில் உள்ள எஸ்.சி, எஸ்.டி சிறப்பு நீதிமன்றத்துக்கு கடந்த ஒன்றரை ஆண்டுகளுக்கும் மேலாக நீதிபதி நியமிக்கப்படவில்லை. இதனால், இந்த நீதிமன்றத்தில் எஸ்.சி, எஸ்.டி. பிரிவு மக்கள் தொடுத்த வன்கொடுமை வழக்குகள் தேங்கியுள்ளன. சமுதாயத்தில் அடக்குமுறைக்கும், சாதிய வன்கொடுமைக்கும் உள்ளாகியுள்ள தாழ்த்தப்பட்ட, பழங்குடியின மக்களின் சட்ட உரிமையை நிலைநிறுத்த வேண்டும். இதற்காக, எஸ்.சி, எஸ்.டி. சிறப்பு நீதிமன்றத்துக்கு நிரந்தர நீதிபதியை நியமிக்க தமிழக அரசும், நீதித் துறையும் நடவடிக்கை எடுக்க வேண்டும். பிற நீதிமன்றங்களில் காலியாக உள்ள நீதிபதி பணியிடங்களை நிரப்ப வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனர்.
 

]]>
http://www.dinamani.com/all-editions/edition-villupuram/villupuram/2018/dec/15/நீதிபதி-பணியிடங்களை-நிரப்பக்-கோரி-இந்திய-கம்யூ-ஆர்ப்பாட்டம்-3058522.html
3057893 விழுப்புரம் விழுப்புரம் 5 மாணவிகள் தற்கொலை முயற்சி DIN DIN Friday, December 14, 2018 08:49 AM +0530 விழுப்புரம் மாவட்டம், சங்கராபுரம் அருகே விஷம் சாப்பிட்ட மாணவிகள் பள்ளியில் மயங்கி விழுந்ததால் பரபரப்பு ஏற்பட்டது.
 சங்கராபுரம் அருகே உள்ள அரசம்பட்டு கிராமத்தில் அரசு மலைவாழ் உண்டு உறைவிட நடுநிலைப் பள்ளி செயல்பட்டு வருகிறது. இந்தப் பள்ளி மாணவிகள் 5 பேர் வியாழக்கிழமை பள்ளியில் திடீரென மயங்கி விழுந்தனர். அவர்கள் எலி மருந்து சாப்பிட்டது விசாரணையில் தெரியவந்ததாம். இதையடுத்து, சங்கராபுரம் அரசு மருத்துவமனையில் சேர்க்கப்பட்டனர். தொடர்ந்து, கள்ளக்குறிச்சி அரசு மருத்துவமனையில் அனுமதிக்கப்பட்டு, தீவிர சிகிச்சைக்காக விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனையில் சேர்க்கப்பட்டு சிகிச்சை பெற்று வருகின்றனர். தற்கொலை முயற்சிக்கான காரணம் குறித்து போலீஸார் விசாரித்து வருகின்றனர்.
 
 
 
 
 
 
 
 
 

]]>
http://www.dinamani.com/all-editions/edition-villupuram/villupuram/2018/dec/14/5-மாணவிகள்-தற்கொலை-முயற்சி-3057893.html
3057892 விழுப்புரம் விழுப்புரம் உரக் கடைகளில் வேளாண் துறையினர் திடீர் ஆய்வு: வியாபாரிகள் எதிர்ப்பு DIN DIN Friday, December 14, 2018 08:49 AM +0530 விழுப்புரத்தில் உரம், பூச்சி மருந்துக் கடைகளில் வேளாண் துறையினர் வியாழக்கிழமை திடீர் ஆய்வு மேற்கொண்டனர். இதற்கு வியாபாரிகள் எதிர்ப்புத் தெரிவித்ததால் பரபரப்பு ஏற்பட்டது.
 விழுப்புரம் மாவட்டத்தில் உரம், பூச்சி மருந்துகள், விதைகள் தரமாக விற்கப்படுவதை உறுதி செய்யும் வகையில், வேளாண் தரக் கட்டுப்பாட்டுத் துறையினர் விதை ஆய்வுக் குழுவினருடன் இணைந்து அவ்வப்போது ஆய்வு மேற்கொண்டு வருகின்றனர். இந்த நிலையில், வேளாண் உதவி இயக்குநர்கள் தலைமையில் விதை ஆய்வுத் துறையினர் இணைந்து ஆய்வு மேற்கொள்ள மாவட்ட ஆட்சியர் உத்தரவிட்டார்.
 அதன்பேரில், வேளாண் உதவி இயக்குநர் தாமோதரன் தலைமையில், வேளாண் அலுவலர்கள் ஆரோக்கியராஜ், பாலமுருகன், சௌந்திரராஜன் உள்ளிட்டோர் கொண்ட குழுவினர் விழுப்புரம் நேருஜி சாலையில் அமைந்துள்ள ஒழுங்குமுறை விற்பனைக் கூட வளாகத்தில் உரம், பூச்சி மருந்துக் கடைகளில் வியாழக்கிழமை திடீர் ஆய்வு மேற்கொண்டனர்.
 இவர்கள் விவசாயப் பிரதிநிதி ஒருவருடன் உரக் கடையில் ஆய்வு மேற்கொண்டபோது உரம், பூச்சி மருந்து வியாபாரிகள் திரண்டு ஆய்வுக்கு எதிர்ப்புத் தெரிவித்தனர். அப்போது அவர்கள், விவசாயப் பிரதிநிதி இல்லாமல் ஆய்வுசெய்ய வேண்டும் என அதிகாரிகளிடம் வாதிட்டனர்.
 அவர்களுடன் ஆய்வுக் குழுவினர் பேச்சுவார்த்தை நடத்தினர். தொடர்ந்து, 8 உரக் கடைகள், பூச்சி மருந்துக் கடைகளில் அதிகாரிகள் ஆய்வு செய்து சென்றனர்.
 பெயரளவில் ஆய்வு: வேளாண் துறையினர் பெயரளவில் மட்டும் ஆய்வு செய்வதாக விவசாயிகள் தெரிவித்தனர். இதுகுறித்து அவர்கள் மேலும் கூறியதாவது:
 நெல், உளுந்து உள்ளிட்ட விதைகள் கலப்படமாக விற்கப்படுவதால் விவசாயிகள் பெரும் பாதிப்பை எதிர்கொள்கின்றனர். சான்று பெற்ற விதைகளை மட்டும் வாங்கி பயன்படுத்த வேண்டும் என அதிகாரிகள் அறிவுறுத்துகின்றனர். இருப்பினும், விவசாயிகள் பலர் விதை, உரம், பூச்சி மருந்துகளை அந்தந்தப் பகுதி கடைகளில் வாங்கி பயன்படுத்துகின்றனர். இதனால், விதைகளில் முளைப்புத் திறன் இல்லை, கதிர் வரவில்லை, கலப்படம் என புகார் கூறும் நிலைக்கு தள்ளப்படுகின்றனர்.
 வேளாண் துறையினர் ஆய்வின்போது டன் கணக்கில் போலி விதைகளை பறிமுதல் செய்கின்றனர். ஆனால், அதில் தொடர்புடைய விற்பனையாளர்களின் பெயரைக் குறிப்பிடுவதில்லை. மாவட்டம் முழுவதும் வாரக் கணக்கில் ஆய்வு செய்து, பெயரளவில் அறிக்கை அளிப்பதால், தரமற்ற விதை விற்பனையாளர்கள் குறித்து விவசாயிகளுக்கு விழிப்புணர்வு இல்லை.
 இதனால், ஆய்வின்போது விவசாய பிரதிநிதிகளும் உடனிருப்பது அவசியம். ஆய்வின்போது தரமற்ற பொருள்கள் குறித்து விவசாயிகளுக்கும் தெரியப்படுத்த வேண்டும். தரமற்ற விதை, உரம் விற்பனை செய்வோர் மீது கடும் நடவடிக்கை எடுக்கப்பட வேண்டும் என்று விவசாயிகள் கோரிக்கை விடுத்தனர்.
 இது குறித்து, வேளாண் இணை இயக்குநர் சண்முகம் கூறியதாவது: மாவட்ட ஆட்சியரது உத்தரவின்பேரில் 22 வட்டங்களிலும் வேளாண் குழுவினர் மூலம் திடீர் ஆய்வு மேற்கொள்ளப்பட்டது. ஆய்வு குறித்த விவரங்கள் தெரிவிக்கப்படும் என்றார் அவர்.
 திருக்கோவிலூர்: சங்கராபுரம் பகுதியில் உள்ள பூச்சி மருந்துக் கடைகளில் வேளாண் துறையின் பறக்கும் படையினர் வியாழக்கிழமை திடீர் ஆய்வு மேற்கொண்டர்.
 சங்கராபுரம் பகுதியில் உள்ள பூச்சி மருந்துக் கடைகளில் காலாவதியான பூச்சி மருந்துகள் விற்கப்படுவதாக வந்த புகாரை அடுத்து, மாவட்ட ஆட்சியர் இல.சுப்பிரமணியன் அங்குள்ள கடைகளில் ஆய்வு செய்ய உத்தரவிட்டார்.
 அதன்பேரில், வேளாண் துணை இயக்குநர் (மாநிலத் திட்டம்) செல்வராஜ், வேளாண் உதவி இயக்குநர் பெரியசாமி ஆகியோர் தலைமையிலான பறக்கும் படையினர், சங்கராபுரத்தில் உள்ள பூச்சி மருந்துக் கடைகளில் காலாவதியான மருந்துகளை விற்பனை செய்கின்றனரா, தரமான பூச்சி மருந்துகள் விற்பனை செய்யப்படுகிறதா, இருப்பு விவரங்கள், விவசாயிகளுக்கு ரசீதுடன் மருந்துகள் வழங்கப்பட்ட ஆதாரங்களை ஆய்வு செய்தனர். அப்போது அதிகாரிகள், விவசாயிகளுக்கு தரமான மருந்துகளை வழங்க வேண்டும் என்று பூச்சி மருந்துக் கடைக்காரர்களிடம் அறிவுறுத்தினர்.
 
 

]]>
http://www.dinamani.com/all-editions/edition-villupuram/villupuram/2018/dec/14/உரக்-கடைகளில்-வேளாண்-துறையினர்-திடீர்-ஆய்வு-வியாபாரிகள்-எதிர்ப்பு-3057892.html
3057891 விழுப்புரம் விழுப்புரம் இந்து முன்னணி ஆர்ப்பாட்டம் DIN DIN Friday, December 14, 2018 08:48 AM +0530 விழுப்புரத்தில் இந்து முன்னணி சார்பில் கண்டன ஆர்ப்பாட்டம் வியாழக்கிழமை நடைபெற்றது.
 சென்னை மணலியில் குடியிருப்புப் பகுதியில் விநாயகர் கோயிலும், கிறிஸ்தவ வழிபாட்டுத் தலமும் அருகருகே இருந்தனவாம். இதில், இரு தரப்பினருக்கும் இடையே ஏற்பட்ட பிரச்னை தொடர்பாக, சென்னை உயர் நீதிமன்றத்தில் வழக்கு நடைபெற்றது. இந்த வழக்கில் தீர்ப்பளித்த நீதிமன்றம், விநாயகர் கோயிலை அகற்றவும், கிறிஸ்தவ வழிபாட்டுத் தலத்தை மூடி "சீல்' வைக்கவும் உத்தரவிட்டதாம். இதன்படி, மாநகராட்சி நிர்வாகத்தினர், போலீஸார் வியாழக்கிழமை விநாயகர் கோயிலை இடித்தபோதும், கிறிஸ்தவ வழிபாட்டு தலம் மீது நடவடிக்கை எடுக்கவில்லையாம்.
 இதைக் கண்டிப்பதாகக் கூறி, இந்து முன்னணி மாநில செயலர் மனோகர் தலைமையில் அந்த அமைப்பினர் போராட்டத்தில் ஈடுபட்டனர். அவர்களை போலீஸார் கைது செய்தனர். இதைக் கண்டித்து, விழுப்புரத்தில் அந்த அமைப்பினர் பழைய பேருந்து நிலையம் அருகே ஆர்ப்பாட்டத்தில் ஈடுபட்டனர். மாவட்டத் தலைவர் சிவா தலைமை வகித்தார். செயலர் வெங்கட் வரவேற்றார். நகர செயலர் தேசிங்கு, நகரத் தலைவர் தரணிதரன் ஆகியோர் முன்னிலை வகித்தனர். மாவட்ட செயலர் ராமு, பாஜக மாநில செயற்குழு உறுப்பினர் ரகு ஆகியோர் கண்டன உரையாற்றினர்.
 
 

]]>
http://www.dinamani.com/all-editions/edition-villupuram/villupuram/2018/dec/14/இந்து-முன்னணி-ஆர்ப்பாட்டம்-3057891.html
3057890 விழுப்புரம் விழுப்புரம் கணக்கில் வராத பணம் மாசுக் கட்டுப்பாட்டு வாரிய உதவிப் பொறியாளர் மீது வழக்கு  விழுப்புரம், DIN Friday, December 14, 2018 08:47 AM +0530 விழுப்புரம் மாசுக் கட்டுப்பாட்டு வாரிய அலுவலகத்தில் கணக்கில் வராத பணம் ரூ.3.50 லட்சம் பறிமுதல் செய்யப்பட்டது தொடர்பாக உதவிப் பொறியாளர் மீது ஊழல் தடுப்புப் பிரிவு போலீஸார் வழக்குப் பதிவு செய்துள்ளனர்.
 விழுப்புரம் மாசுக் கட்டுப்பாட்டு வாரிய அலுவலகத்தில் லஞ்சம் பெற்றுக்கொண்டு பல்வேறு தொழில்களுக்கு அனுமதி வழங்கப்படுவதாக எழுந்த புகாரை அடுத்து விழுப்புரம் ஊழல் தடுப்புப் பிரிவு டி.எஸ்.பி. தேவநாதன் தலைமையிலான போலீஸார் புதன்கிழமை மாலை திடீர் சோதனை மேற்கொண்டனர்.
 3 மணி நேரம் நடைபெற்ற இந்தச் சோதனையில் கணக்கில் வராத பணம் ரூ.3 லட்சத்து 50 ஆயிரத்து 800-தொகையை போலீஸார் கைப்பற்றியதாகத் தெரிவித்தனர். இது தொடர்பாக, அங்கிருந்த அலுவலர்கள், பொறியாளர்கள், பணியாளர்கள் உள்ளிட்டோரிடம் விசாரணை நடத்தினர். மேலும், அங்கிருந்த திண்டிவனத்தை அடுத்த கீழ் பூதேரி கிராமத்தைச் சேர்ந்த தேவராஜ் என்பவரிடமும் விசாரணை மேற்கொண்டனர்.
 ரூ.3.50 லட்சம் கணக்கில் வராத பணம் கைப்பற்றப்பட்டது தொடர்பாக, மாசுக் கட்டுப்பாட்டு வாரிய உதவிப் பொறியாளர் நக்கீரன் மீது ஊழல் தடுப்புப் பிரிவு போலீஸார் வியாழக்கிழமை வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/villupuram/2018/dec/14/கணக்கில்-வராத-பணம்-மாசுக்-கட்டுப்பாட்டு-வாரிய-உதவிப்-பொறியாளர்-மீது-வழக்கு-3057890.html
3057889 விழுப்புரம் விழுப்புரம் கல்வராயன்மலை உறைவிடப் பள்ளி மாணவர் விடுதியில் தீ விபத்து DIN DIN Friday, December 14, 2018 08:46 AM +0530 விழுப்புரம் மாவட்டம், கள்ளக்குறிச்சி அருகே கல்வராயன்மலைப் பகுதியில் உள்ள உண்டு உறைவிடப் பள்ளி மாணவர் விடுதியில் வியாழக்கிழமை நிகழ்ந்த தீ விபத்தில் மாணவ, மாணவிகளின் புத்தகங்கள் உடைமைகள் உள்ளிட்ட பொருள்கள் தீயில் கருகின.
 விழுப்புரம் மாவட்டம், கள்ளக்குறிச்சியை அடுத்த கல்வராயன்மலை பகுதி வெள்ளிமலையில் ஏகலைவா உண்டு உறைவிடப் பள்ளி உள்ளது.
 அரசு நிதியுதவியுடன் இயங்கும் இந்தப் பள்ளியில் 6-ஆம் வகுப்பு முதல் 12-ஆம் வகுப்பு வரை வகுப்புகள் உள்ளன. 398 மாணவ, மாணவிகள் தங்கி பயின்று வருகின்றனர். பள்ளியின் விடுதி 4 பிரிவு கட்டடங்களாக உள்ளன. அதில் மொத்தம் 32 அறைகள் உள்ளன. அதில் ஓர் அறையில் 7-ஆம் வகுப்பு மாணவர்கள் 24 பேர் தங்கியுள்ளனர். இந்த மாணவர்கள் வியாழக்கிழமை காலை உணவு அருந்திவிட்டு அரையாண்டுத் தேர்வு எழுதுவதற்காக அறையை பூட்டிவிட்டுச் சென்றனர்.
 இந்த நிலையில், காலை 9.50 மணியளவில் அறையில் இருந்து தீப்பற்றியது. இதையறிந்த பள்ளியின் தலைமை ஆசிரியர் வேல்முருகன், விடுதிக் காப்பாளர் அசோக் ஆகியோர் ஆசிரியர்கள், மாணவர்கள் உதவியுடன் தண்ணீரை ஊற்றி தீயை அணைக்கும் முயற்சியில் ஈடுபட்டனர். மேலும், அருகே கருமந்துறை பகுதியில் உள்ள தீயணைப்பு நிலையத்துக்கு தகவல் தெரிவிக்கப்பட்டது. நிலைய அலுவலர் பெரியசாமி தலைமையில் வந்த 6 பேர் குழுவினர் தீயை போராடி அணைத்தனர். இருப்பினும், அறையில் இருந்த மாணவர்களின் புத்தகங்கள், பொருள்கள், துணிகள், கட்டில், மெத்தை படுக்கை உள்ளிட்டவை தீயில் கருகின.
 தீ விபத்து குறித்து அறிந்த மாணவர்களின் பெற்றோர் பதற்றத்துடன் பள்ளிக்கு வரத் தொடங்கினர். தகவலறிந்த ஆதிதிராவிடர் நல அலுவலர் பிரகாஷ்வேல், சின்னசேலம் வட்டாட்சியர் சு.இந்திரா, கிராயாலூர் காவல் உதவி ஆய்வாளர் விஸ்வநாதன் உள்ளிட்டோர் சென்று பார்வையிட்டனர். தீ விபத்தால் பாதிக்கப்பட்ட மாணவர்களுக்கு சீருடை, புத்தகங்கள், தங்குவதற்கு மாற்றுஅறையை தலைமை ஆசிரியர் ஏற்பாடு செய்து கொடுத்தார்.

]]>
http://www.dinamani.com/all-editions/edition-villupuram/villupuram/2018/dec/14/கல்வராயன்மலை-உறைவிடப்-பள்ளி-மாணவர்-விடுதியில்-தீ-விபத்து-3057889.html
3057888 விழுப்புரம் விழுப்புரம் திண்டிவனம் அருகே பேருந்து கவிழ்ந்து ஐயப்பப் பக்தர்கள் இருவர் சாவு  திண்டிவனம், DIN Friday, December 14, 2018 08:46 AM +0530 விழுப்புரம் மாவட்டம், திண்டிவனம் அருகே தேசிய நெடுஞ்சாலையில் வியாழக்கிழமை அதிகாலை ஐயப்பப் பக்தர்கள் சென்ற பேருந்து கவிழ்ந்து விபத்துக்குள்ளானதில் இருவர் உயிரிழந்தனர். 25 பேர் காயமடைந்தனர்.
 ஆந்திர மாநிலம், சித்தூர் மாவட்டம், சத்தியவேடு வட்டத்துக்கு உள்பட்ட மதனம்பட்டு பகுதியைச் சேர்ந்த ஐயப்பப் பக்தர்கள் 35 பேர், சபரிமலை ஐயப்பன் கோயிலுக்கு கடந்த 8-ஆம் தேதி பேருந்து ஒன்றில் சென்றனர்.
 திருவள்ளுவர் மாவட்டம், மாதர்பாக்கம் பகுதியைச் சேர்ந்த பாபு (35) என்பவர் பேருந்தை ஓட்டிச் சென்றார்.
 சுவாமி தரிசனம் முடிந்து சொந்த ஊருக்குத் திரும்பிய போது, திண்டிவனத்தை அடுத்த ஜக்காம்பேட்டை பகுதியில் தேசிய நெடுஞ்சாலையில் வியாழக்கிழமை அதிகாலை 12.30 மணியளவில் பேருந்து ஓட்டுநரின் கட்டுப்பாட்டை இழந்து சாலையோரத்தில் 15 அடி ஆழ பள்ளத்தில் கவிழ்ந்தது.
 இந்த விபத்தில் சம்பவ இடத்திலேயே மதனம்பட்டு பகுதியைச் சேர்ந்த சின்னையா மகன் தசரதாய் (66) உயிரிழந்தார்.
 மேலும், உடன் வந்த மதனம்பட்டைச் சேர்ந்த ராமகிருஷ்ணன் மகன் செண்டுபாபு (24), சின்னையா மகன் ராமகிருஷ்ணன் (62), கன்னையா மகன் ஆனந்து (57), ஆனந்து மகன் பிரவீன் (25), நாராயணசாமி மகன் கோட்டீஸ்வரன் (30) ஆகியோர் பலத்த காயமடைந்தனர்.
 உடனடியாக அவர்களை மீட்டு திண்டிவனம் அரசு மருத்துவமனையில் முதலுதவி சிகிச்சை அளித்து, தீவிர சிகிச்சைக்காக சென்னைக்கு அனுப்பி வைக்கப்பட்டனர்.
 சென்னை மருத்துவமனையில் அனுமதிக்கப்பட்ட நிலையில் அங்கு ராமகிருஷ்ணன் உயிரிழந்தார். இறந்த இருவரும் சகோதரர்கள் ஆவார்.
 கோட்டீஸ்வரனின் மகள் ஹரிணி (11), ரகுசந்திரனின் மகன் மணிகண்டன் (17), ரகுசந்திரன் (47), சுரேஷ் (40), சுப்பிரமணியன்(72), மோகனையா (32), சங்கர் (36), முனிரத்தினம் (61), மோகனையாவின் மகள் நித்யா (9), ரமேஷ் (46), முனிபாலசுப்பிரமணி (63) உள்ளிட்ட 20-க்கும் மேற்பட்டோருக்கு காயம் ஏற்பட்டது. அவர்களுக்கு விழுப்புரம் அரசு மருத்துவக் கல்லூரி மருத்துவமனையில் சிகிச்சை அளிக்கப்பட்டது.
 இந்த விபத்து குறித்து மயிலம் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/villupuram/2018/dec/14/திண்டிவனம்-அருகே-பேருந்து-கவிழ்ந்து-ஐயப்பப்-பக்தர்கள்-இருவர்-சாவு-3057888.html
3057887 விழுப்புரம் விழுப்புரம் விவசாயிகள் பயிர்க் காப்பீடு செய்ய அறிவுறுத்தல் DIN DIN Friday, December 14, 2018 08:45 AM +0530 விவசாயிகள் உரிய காலத்தில் பயிர்க் காப்பீடு செய்து பயன்பெறலாம் என திருக்கோவிலூர் வட்டார வேளாண்மை உதவி இயக்குநர் ஏ.எம்.சாந்தி தெரிவித்தார்.
 இதுகுறித்து அவர் வெளியிட்ட செய்திக்குறிப்பு: திருக்கோவிலூர் வட்டாரத்தில் பாரத பிரதமரின் பயிர்க் காப்பீட்டுத் திட்டத்தின் கீழ் உளுந்து, நெல் ஆகிய பயிர்களுக்கு காப்பீடு செய்யப்படுகிறது.
 உளுந்து பயிருக்கு கடன் பெறாத விவசாயிகளுக்கு பங்குத் தொகையாக ஏக்கருக்கு ரூ.215, நெல் பயிருக்கு ரூ.375 நிர்ணயிக்கப்பட்டுள்ளது. இந்த பயிர்களுக்காக காப்பீடு செய்யும் விவசாயிகளுக்கு மத்திய, மாநில அரசுகளின் மானியத் தொகையாக உளுந்து ஏக்கருக்கு ரூ.1,613, நெல் ஏக்கருக்கு ரூ.665 தேர்வு செய்யப்பட்ட காப்பீடு நிறுவனங்களுக்கு வழங்கப்படுகிறது. மழை வெள்ளம், கடும் வறட்சி, நச்சு பூச்சி, நோய்த் தாக்குதலால் ஏற்படும் மகசூல் இழப்புக்கு பயிர் அறுவடை பரிசோதனையில் கணக்கிடப்படும் மகசூலை அடிப்படையாகக் கொண்டு இழப்பீடு வழங்கப்படுகிறது. மகசூல் இழப்பின்படி, காப்பீடு செய்த உளுந்து பயிருக்கு அதிகபட்சமாக ஏக்கருக்கு ரூ.25,000 பெற இயலும். உளுந்து பயிருக்கு வரும் ஜனவரி 15-ஆம் தேதியும், நெல் பயிருக்கு வரும் பிப்ரவரி 15-ஆம் தேதியும் காப்பீடு செய்ய கடைசி நாளாகும் என தெரிவித்துள்ளார்.
 
 
 

]]>
http://www.dinamani.com/all-editions/edition-villupuram/villupuram/2018/dec/14/விவசாயிகள்-பயிர்க்-காப்பீடு-செய்ய-அறிவுறுத்தல்-3057887.html
3057886 விழுப்புரம் விழுப்புரம் மேல்சித்தாமூர் ஸ்ரீஜினகஞ்சி மடத்தின் இளைய மடாதிபதி பதவியேற்பு DIN DIN Friday, December 14, 2018 08:45 AM +0530 செஞ்சி வட்டம், மேல்சித்தாமூரில் தமிழ்நாட்டில் உள்ள சமணர்களின் தலைமை பீடமாக இயங்கி வரும் ஸ்ரீஜினகஞ்சி மடத்தின் இளைய மடாதிபதியாக ஆரணியைச் சேர்ந்த பிரம்மச்சாரி ஆ.வி.பத்மராஜ் வியாழக்கிழமை பதவி ஏற்றுக்கொண்டார்.
 மேல்சித்தாமூர் பகவான் பார்சுவநாதர் ஜினாலய வளாகத்தில் இதற்கான விழா நடைபெற்றது. இளைய மடாபதி பதவியேற்பு விழா சுமார் 50 ஆண்டுகளுக்குப் பின் நடைபெறுவதாக மேல்சித்தாமூர் ஜினகஞ்சி மடத்தின் மடாதிபதி ஸ்ரீஇலட்சுமி சேன பட்டாரக பட்டாச்சார்ய மகா சுவாமிகள் தெரிவித்தார். இதுகுறித்து அவர் மேலும் கூறியதாவது:
 ஸ்ரீஜினகஞ்சி மடத்தின் நிர்வாகம், ஜினதர்ம அறிவுரைகள், பாதுகாப்பு நடவடிக்கையை பாதுகாத்து தொடர்ந்து மேலும் வளம் பெற வேண்டும் என்ற தூய்மையான எண்ணத்தின் அடிப்படையிலும், மேல்சித்தாமூர் ஜினகஞ்சி மடத்தின் மடாதிபதி கோலாப்பூர் டாக்டர் ஸ்வஸ்தி ஸ்ரீஇலட்சுமி சேன பட்டாரக பட்டாச்சார்ய மகா சுவாமிகள் தலைமையிலும், வழிகாட்டுதலின் படியும் சமய வரலாற்றுத் திருத்தலமான ஸ்ரீஜினகஞ்சி ஜெயின் மடத்தின் இளைய மடாதிபதியாக திருவண்ணாமலை மாவட்டம், ஆரணி நகரைச் சேர்ந்த விரஷபதாஸ், சுகுணாபாய் தம்பதியரின் திருக்குமாரர் பிரம்மச்சாரி ஆ.வி.பத்மராஜ் வியாழக்கிழமை பதவி ஏற்றுக்கொண்டார் என்றார்.
 விழாவை முன்னிட்டு, பகவான் ஸ்ரீபார்சுவநாதருக்கு சிறப்பு வழிபாடுகள் நடைபெற்றன. மேலும், நித்ய பூஜை, சாந்தி மந்திரம், ஹோமம் ஆகியவை நடைபெற்றன. இதனைத் தொடர்ந்து, பக்தர்களுக்கு தீட்சை வழங்குதல் நடைபெற்றது.
 விழாவில் நிர்வாகிகள் சுரேஷ், சமுத்திரவிஜயந், நேமிராஜ், போளூர் முன்னாள் எம்எல்ஏ ராஜேந்திரன், மைலம் எம்எல்ஏ டாக்டர் இரா.மாசிலாமணி, வழக்குரைஞர் தேவகுமார் மற்றும் தமிழ்நாடு, புதுச்சேரி, கர்நாடக மாநில பகுதிகளில் இருந்த வந்திருந்த சமணர்கள் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/dec/14/மேல்சித்தாமூர்-ஸ்ரீஜினகஞ்சி-மடத்தின்-இளைய-மடாதிபதி-பதவியேற்பு-3057886.html
3057885 விழுப்புரம் விழுப்புரம் மின்வாரிய நுகர்வோர் குறைதீர் கூட்டம் கடலூரில் டிச.26-ஆம் தேதி நடக்கிறது DIN DIN Friday, December 14, 2018 08:44 AM +0530 விழுப்புரம் மண்டல மின்வாரிய நுகர்வோர் பாதுகாப்புக் குழு கூட்டம் டிச.26-ஆம் தேதி கடலூர் கேப்பர் மலை மின்வாரிய அலுவலகத்தில் நடைபெறுகிறது. பொதுமக்கள், மின்வாரியம் தொடர்பான குறைகளை தெரிவித்து பயன்பெறலாம் என அறிவுறுத்தப்படுகிறது.
 தமிழ்நாடு மின்வாரியம் விழுப்புரம் மண்டலம் சார்பில், அக்டோபர் முதல் டிசம்பர் வரை காலாண்டுக்கான, மின் நுகர்வோர் பாதுகாப்புக் குழுக் கூட்டம், விழுப்புரம் மண்டல தலைமைப் பொறியாளர் ஆர்.சிவராஜ் தலைமையில் நடைபெற உள்ளது.
 கடலூர் மின்பகிர்மான வட்டம், கடலூர் மேற்பார்வை பொறியாளர் அலுவலகம், கேப்பர் மலைதுணை மின்நிலைய வளாகத்தில், வரும் டிச.26-ஆம் தேதி புதன்கிழமை மாலை 3 மணிக்கு நடைபெறுகிறது. இதனால், மின்நுகர்வோர்கள் மின் வாரியத்துறை தொடர்பான புகார்களை டிச.22-ஆம் தேதிக்குள் தொடர்புடைய, மேற்பார்வைப் பொறியாளர் அலுவலகங்களுக்கு அனுப்பி வைக்க வேண்டும். மேலும், நுகர்வோர் பாதுகாப்புக் குழுக் கூட்டத்திலும் கலந்துகொண்டும் தெரிவிக்கலாம் என அறிவுறுத்தப்படுகிறது. மேலும், விவரங்களுக்கு 04142-223132, 223969 என்ற தொலைபேசி எண்களில் தொடர்பு கொள்ளலாம் என விழுப்புரம் மின்வாரிய மேற்பார்வைப் பொறியாளர் ஆர்.மதனகோபால் தெரிவித்துள்ளார்.
 

]]>
http://www.dinamani.com/all-editions/edition-villupuram/villupuram/2018/dec/14/மின்வாரிய-நுகர்வோர்-குறைதீர்-கூட்டம்-கடலூரில்-டிச26-ஆம்-தேதி-நடக்கிறது-3057885.html
3057879 விழுப்புரம் விழுப்புரம் பாரதியார் பிறந்த நாள் விழா போட்டியில் வென்றோருக்குப் பரிசு DIN DIN Friday, December 14, 2018 08:41 AM +0530 பாரதியாரின் 136-ஆவது பிறந்த நாளையொட்டி, இந்திலி ஆர்.சண்முகம் கல்வியியல் கல்லூரியில் நடத்தப்பட்ட போட்டிகளில் வென்ற மாணவர்களுக்கு வியாழக்கிழமை பரிசுகள் வழங்கப்பட்டன.
 விழாவுக்கு கல்லூரித் தலைவர் க.மகுடமுடி தலைமை வகித்தார். தாளாளர் ஜி.எஸ்.குமார், செயலர் என்.கோவிந்தராஜு, இயக்குநர் க.நளினி உள்ளிட்டோர் முன்னிலை வகித்தனர். மாணவி பி.ஆயிஷா வரவேற்றார்.
 சிறப்பு அழைப்பாளராக கள்ளக்குறிச்சி கல்வி மாவட்ட அலுவலர் கா.கார்த்திகா பங்கேற்று பாரதியார் பிறந்த நாள் போட்டிகளில் வென்ற மாணவ, மாணவிகளுக்கு பரிசுகளை வழங்கிப் பேசினார்.
 நிகழ்ச்சியில் ஆர்.கே.எஸ். கல்வியியல் கல்லூரியின் முதல்வர் ஜி.ஜெயசீலன், ஆர்.கே.எஸ். கல்லூரி நிறுவனத்தின் நிர்வாக அலுவலர் கு.மோகனசுந்தர் உள்ளிட்ட பலர் பாரதியாரைப் பற்றி பேசினர். ஆசிரிய மாணவ, மாணவிகள், பேராசிரியர்கள் உள்ளிட்ட பலர் கலந்து கொண்டனர். மாணவர் இ.விஷ்ணு நன்றி கூறினார்.

]]>
http://www.dinamani.com/all-editions/edition-villupuram/villupuram/2018/dec/14/பாரதியார்-பிறந்த-நாள்-விழா-போட்டியில்-வென்றோருக்குப்-பரிசு-3057879.html
3057877 விழுப்புரம் விழுப்புரம் வேலைநிறுத்தத்தை விளக்கி கிராம நிர்வாக அலுவலர்கள் ஆர்ப்பாட்டம் DIN DIN Friday, December 14, 2018 08:41 AM +0530 விழுப்புரம் மாவட்டத்தில் கிராம நிருவாக அலுவலர்கள் சங்கத்தினர் 4-ஆவது நாளாக வியாழக்கிழமையும் வேலைநிறுத்தம் செய்து ஆர்ப்பாட்டத்தில் ஈடுபட்டனர்.
 கிராம நிர்வாக அலுவலர்களுக்கு மடிக் கணினியுடன் கூடிய இணையதள வசதி, மாவட்ட பணி மாறுதல், கிராம நிர்வாக அலுவலகங்களில் அடிப்படை வசதி செய்துதர வேண்டும் என்பன உள்ளிட்ட 21 அம்சக் கோரிக்கைகளை வலியுறுத்தி, கிராம நிருவாக அலுவலர்கள் சங்கத்தினர் கடந்த 10-ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வருகின்றனர். இந்த நிலையில், வியாழக்கிழமை 4-ஆவது நாளாக வேலைநிறுத்தப் போராட்டத்தில் ஈடுபட்டனர். மேலும், தங்களின் போராட்டத்தை விளக்கி வட்டாட்சியர் அலுவலகங்கள் முன் ஆர்ப்பாட்டத்திலும் ஈடுபட்டனர். அதன்படி, விழுப்புரம் வட்டாட்சியர் அலுவலகம் முன் நடைபெற்ற ஆர்ப்பாட்டத்துக்கு, வட்டத் தலைவர் லட்சுமணன் தலைமை வகித்தார். மாவட்டச் செயலர் எஸ்.புஷ்பகாந்தன் கோரிக்கைகளை வலியுறுத்தி பேசினார்.
 வட்டச் செயலர் ஜெயராமன், பொருளாளர் கமலநாதன், துணைத் தலைவர் சுமதி, இணைச் செயலர் உமாபதி, செந்தமிழ்ச் செல்வன், ராஜி, முத்துக்கிருஷ்ணன், பாரதிதாசன், நந்தகுமார் உள்ளிட்ட 30 கிராம நிர்வாக அலுவலர்கள் ஆர்ப்பாட்டத்தில் கலந்துகொண்டனர்.
 இதேபோல, விக்கிரவாண்டி வட்டத்தில் மணிபாலன் தலைமையிலும், வானூர் வட்டத்தில் சஷ்டிகுமரன் தலைமையிலும், உளுந்தூர்பேட்டை வட்டத்தில் நாகராஜன் தலைமையிலும், திருக்கோவிலூரில் லோகேஷ் தலைமையிலும், கண்டாச்சிபுரத்தில் ராமதாஸ் தலைமையிலும், திண்டிவனத்தில் உமாசங்கர் தலைமையிலும், செஞ்சி வட்டத்தில் வெற்றிகொண்டான் தலைமையிலும் ஆர்ப்பாட்டத்தில் ஈடுபட்டனர். மொத்தம் 13 வட்டாட்சியர் அலுவலகங்கள் முன் ஆர்ப்பாட்டம் நடைபெற்றது. இந்தப் போராட்டத்தால் வட்டாட்சியர் அலுவலகங்களில் சான்றிதழ் விநியோகம் உள்ளிட்ட பணிகள் பாதிக்கப்பட்டுள்ளன.
 

]]>
http://www.dinamani.com/all-editions/edition-villupuram/villupuram/2018/dec/14/வேலைநிறுத்தத்தை-விளக்கி-கிராம-நிர்வாக-அலுவலர்கள்-ஆர்ப்பாட்டம்-3057877.html
3057876 விழுப்புரம் விழுப்புரம் நாளைய மின்தடை: விழுப்புரம் DIN DIN Friday, December 14, 2018 08:41 AM +0530 நேரம்: காலை 9 மணி முதல் மாலை 5 மணி வரை
 இடங்கள்: விழுப்புரம், சென்னை நெடுஞ்சாலை, திருச்சி நெடுஞ்சாலை, மாம்பழப்பட்டு சாலை, வண்டிமேடு, வடக்குத் தெரு, விராட்டிக்குப்பம், கே.வி.ஆர். நகர், நன்னாடு, பாப்பான் குளம், திருவாமத்தூர், ஓம் சக்தி நகர், மரகதபுரம், கப்பூர், பிடாகம், பில்லூர், ஆனாங்கூர், கீழ்ப்பெரும்பாக்கம், ராகவன்பேட்டை, சாலை, கோலியனூர், திருநகர், கம்பன் நகர், பொய்யப்பாக்கம், அரசமங்கலம், மாதிரிமங்கலம், பானாம்பட்டு, நன்னாட்டம்பாளையம், வி.அகரம், ஜானகிபுரம், வழுதரெட்டி.
 கள்ளக்குறிச்சி
 நேரம்: காலை 9 மணி முதல் மாலை 5 மணி வரை.
 பகுதிகள்: கள்ளக்குறிச்சி, ஏமப்பேர், சுகர்மில், அக்கராபாளையம், சோமண்டார்குடி, கச்சிராயப்பாளையம், நல்லாத்தூர், குதிரைசந்தல், சடையம்பட்டு, மட்டிகைகுறிச்சி, காரனூர், புதுமோகூர்,
 பொன்பரப்பட்டு, குடிகாடு, க.மாமனந்தல், க.அலம்பலம், மோ.வன்னஞ்சூர் உள்ளிட்ட பகுதிகள்.
 

]]>
http://www.dinamani.com/all-editions/edition-villupuram/villupuram/2018/dec/14/நாளைய-மின்தடை-விழுப்புரம்-3057876.html
3057875 விழுப்புரம் விழுப்புரம் 41 போலீஸார் பணியிட மாற்றம் DIN DIN Friday, December 14, 2018 08:40 AM +0530 விழுப்புரம் மாவட்டத்தில் ஆயுதப்படை காவலர்கள் உள்பட 41 காவலர்களை பணியிட மாற்றம் செய்து எஸ்.பி. ஜெயக்குமார் வியாழக்கிழமை உத்தரவிட்டார்.
 வெள்ளிமேடு பேட்டை சிறப்பு காவல் உதவி ஆய்வாளர் சூர்ய நாராயணன் மயிலம் காவல் நிலையத்துக்கும், திருக்கோவிலூர் அனைத்து மகளிர் காவல் நிலைய தலைமைக் காவலர் மஞ்சுளா உளுந்தூர்பேட்டை அனைத்து மகளிர் காவல் நிலையத்துக்கும், காத்திருப்போர் பட்டியலில் இருந்த தலைமைக் காவலர் ராஜதுரை திருக்கோவிலூர் காவல் நிலையத்துக்கும், காளிதாஸ் உளுந்தூர்பேட்டை போக்குவரத்து காவல் நிலையத்துக்கும் பணியிட மாற்றம் செய்யப்பட்டனர்.
 இதேபோன்று, ஆயுதப்படை முதல் நிலைக் காவலர் சுரேஷ் மயிலம் காவல் நிலையத்துக்கும், முதல் நிலைக் காவலர் வேல்விழி செஞ்சி காவல் நிலையத்துக்கும், காவலர்கள் ஜோதி உளுந்தூர்பேட்டை போக்குவரத்து காவல் நிலையத்துக்கும், பிரகாஷ் குமார் கிளியனூர் காவல் நிலையத்துக்கும் பணியிட மாற்றம் செய்யப்பட்டனர். மொத்தம் 41 பேரை வெவ்வேறு காவல் நிலையங்களுக்கு பணியிட மாற்றம் செய்து எஸ்.பி. ஜெயக்குமார் உத்தரவிட்டார்.
 

]]>
http://www.dinamani.com/all-editions/edition-villupuram/villupuram/2018/dec/14/41-போலீஸார்-பணியிட-மாற்றம்-3057875.html
3057874 விழுப்புரம் விழுப்புரம் மர்மமான முறையில் 10 மாடுகள் இறப்பு DIN DIN Friday, December 14, 2018 08:40 AM +0530 சங்கராபுரம் அருகே மர்மமான முறையில் கடந்த 10 நாள்களில் 10 மாடுகள் அடுத்தடுத்து இறந்தன.
 சங்கராபுரத்தை அடுத்த பாவளம் கிராமத்தில் உள்ள மாடுகள், அருகில் உள்ள நிலங்களுக்கு மேய்ச்சலுக்குச் செல்வது வழக்கம். கடந்த 10 நாள்களில் மேய்சலுக்குச் சென்று வீடு திரும்பாத மாடுகள், வீட்டு கொட்டகையில் கட்டி வைக்கப்பட்டிருந்த மாடுகள் என 10 மாடுகள் அடுத்தடுத்து வாயில் நுரை தள்ளியபடி இறந்துபோயின.
 தகவலறிந்த விழுப்புரம் கால்நடை பராமரிப்புத் துறை மண்டல இணை இயக்குநர் மனோகர், நோய் புலனாய்வுப் பிரிவு சாந்தி, கள்ளக்குறிச்சி உதவி இயக்குநர் ராஜா ஆகியோர் வியாழக்கிழமை பாவளம் கிராமத்தில் முகாமிட்டு, நோய்த் தடுப்புப் பணிகளில் ஈடுபட்டு வருகின்றனர்.
 மேலும், வயல்களில் பயிர்களுக்கு தெளிக்கப்பட்டிருந்த மருந்தை உட்கொண்டதால் மாடுகள் இறந்ததா அல்லது வேறு ஏதேனும் காரணமா என அவர்கள் ஆய்வு செய்து வருகின்றனர்.
 
 
 

]]>
http://www.dinamani.com/all-editions/edition-villupuram/villupuram/2018/dec/14/மர்மமான-முறையில்-10-மாடுகள்-இறப்பு-3057874.html
3057873 விழுப்புரம் விழுப்புரம் கல்வராயன்மலை உறைவிடப் பள்ளி மாணவர் விடுதியில் தீ விபத்து DIN DIN Friday, December 14, 2018 08:40 AM +0530 விழுப்புரம் மாவட்டம், கள்ளக்குறிச்சி அருகே கல்வராயன்மலைப் பகுதியில் உள்ள உண்டு உறைவிடப் பள்ளி மாணவர் விடுதியில் வியாழக்கிழமை நிகழ்ந்த தீ விபத்தில் மாணவ, மாணவிகளின் புத்தகங்கள் உடைமைகள் உள்ளிட்ட பொருள்கள் தீயில் கருகின.
 விழுப்புரம் மாவட்டம், கள்ளக்குறிச்சியை அடுத்த கல்வராயன்மலை பகுதி வெள்ளிமலையில் ஏகலைவா உண்டு உறைவிடப் பள்ளி உள்ளது.
 அரசு நிதியுதவியுடன் இயங்கும் இந்தப் பள்ளியில் 6-ஆம் வகுப்பு முதல் 12-ஆம் வகுப்பு வரை வகுப்புகள் உள்ளன. 398 மாணவ, மாணவிகள் தங்கி பயின்று வருகின்றனர். பள்ளியின் விடுதி 4 பிரிவு கட்டடங்களாக உள்ளன. அதில் மொத்தம் 32 அறைகள் உள்ளன. அதில் ஓர் அறையில் 7-ஆம் வகுப்பு மாணவர்கள் 24 பேர் தங்கியுள்ளனர். இந்த மாணவர்கள் வியாழக்கிழமை காலை உணவு அருந்திவிட்டு அரையாண்டுத் தேர்வு எழுதுவதற்காக அறையை பூட்டிவிட்டுச் சென்றனர்.
 இந்த நிலையில், காலை 9.50 மணியளவில் அறையில் இருந்து தீப்பற்றியது. இதையறிந்த பள்ளியின் தலைமை ஆசிரியர் வேல்முருகன், விடுதிக் காப்பாளர் அசோக் ஆகியோர் ஆசிரியர்கள், மாணவர்கள் உதவியுடன் தண்ணீரை ஊற்றி தீயை அணைக்கும் முயற்சியில் ஈடுபட்டனர். மேலும், அருகே கருமந்துறை பகுதியில் உள்ள தீயணைப்பு நிலையத்துக்கு தகவல் தெரிவிக்கப்பட்டது. நிலைய அலுவலர் பெரியசாமி தலைமையில் வந்த 6 பேர் குழுவினர் தீயை போராடி அணைத்தனர். இருப்பினும், அறையில் இருந்த மாணவர்களின் புத்தகங்கள், பொருள்கள், துணிகள், கட்டில், மெத்தை படுக்கை உள்ளிட்டவை தீயில் கருகின.
 தீ விபத்து குறித்து அறிந்த மாணவர்களின் பெற்றோர் பதற்றத்துடன் பள்ளிக்கு வரத் தொடங்கினர். தகவலறிந்த ஆதிதிராவிடர் நல அலுவலர் பிரகாஷ்வேல், சின்னசேலம் வட்டாட்சியர் சு.இந்திரா, கிராயாலூர் காவல் உதவி ஆய்வாளர் விஸ்வநாதன் உள்ளிட்டோர் சென்று பார்வையிட்டனர். தீ விபத்தால் பாதிக்கப்பட்ட மாணவர்களுக்கு சீருடை, புத்தகங்கள், தங்குவதற்கு மாற்று அறையை தலைமை ஆசிரியர் ஏற்பாடு செய்து கொடுத்தார்.

]]>
http://www.dinamani.com/all-editions/edition-villupuram/villupuram/2018/dec/14/கல்வராயன்மலை-உறைவிடப்-பள்ளி-மாணவர்-விடுதியில்-தீ-விபத்து-3057873.html
3057872 விழுப்புரம் விழுப்புரம் மயிலம் ஒன்றியத்தில் சாலைப் பணிகள்: மாவட்ட ஆட்சியர் ஆய்வு DIN DIN Friday, December 14, 2018 08:39 AM +0530 மயிலம் ஒன்றியத்தில் நடைபெற்று வரும் சாலைப் பணிகளை மாவட்ட ஆட்சியர் வியாழக்கிழமை ஆய்வு செய்தார்.
 மாவட்ட ஊரக வளர்ச்சித்துறை சார்பில், மயிலம் ஊராட்சி ஒன்றியத்தில், பாதிராப்புலியூர் கிராமத்தில் ஊரக வேலைவாய்ப்புத் திட்டத்தில் (2018-19) ரூ.4.41 லட்சம் மதிப்பீட்டில் சிமென்ட் சாலை அமைக்கப்பட்டுள்ளது. இதனை, மாவட்ட ஆட்சியர் இல.சுப்பிரமணியன் வியாழக்கிழமை பார்வையிட்டார்.
 அப்போது, சாலையில் துளையிட்டுப் பார்த்து, சாலையின் தரத்தினை பொறியியல் அதிகாரிகளுடன் ஆய்வு செய்தார்.
 தொடர்ந்து, தேசிய ஊரக வேலைத் திட்டத்தில், தனிநபர் விளை நிலங்களில் மண் வரப்பு அமைத்தல் பணியையும் பார்வையிட்டார்.
 தொடர்ந்து, அருகே உள்ள கொள்ளிக்குளம் ஊராட்சியில் தனிநபர் இல்ல உறிஞ்சி குழிகளையும், தென்ஆலப்பாக்கம் ஊராட்சியில், தாய்சேவை திட்டம் 2018-19ன் கீழ் ரூ.14.40 லட்சம் மதிப்பீட்டில் அமைக்கப்பட்டுள்ள தார்ச் சாலையையும் ஆய்வு செய்தார்.
 அங்கிருந்து, மண்ணம்பூண்டி ஊராட்சியில் கிராம சாலைகள் அபிவிருத்தி திட்டத்தில் (2017-18) ரூ.14.98 லட்சம் மதிப்பீட்டில் ஒரு கி.மீ. தொலைவுக்கு அமைக்கப்பட்டுள்ள தார்ச் சாலையையும், அகூர் ஊராட்சியில் பிரதமரின் குடியிருப்புத் திட்டத்தில் (2016-17) தலா ரூ.1.70 லட்சம் மதிப்பீட்டில் அமைக்கப்பட்டுள்ள, 22 இருளர் குடியிருப்புகளையும் பார்வையிட்டு ஆய்வு செய்தார்.
 ஆய்வின்போது, ஊரக வளர்ச்சி முகமை செயற்பொறியாளர் சுந்தரேசன், உதவி செயற்பொறியாளர் சண்முகசுந்தரம், வட்டார வளர்ச்சி அலுவலர் ராதாகிருஷ்ணன் உள்ளிட்ட அலுவலர்கள் உடனிருந்தனர்.

]]>
http://www.dinamani.com/all-editions/edition-villupuram/villupuram/2018/dec/14/மயிலம்-ஒன்றியத்தில்-சாலைப்-பணிகள்-மாவட்ட-ஆட்சியர்-ஆய்வு-3057872.html
3057871 விழுப்புரம் விழுப்புரம் ஏரியில் குளிக்கச் சென்ற மாணவர் நீரில் மூழ்கி சாவு: உறவினர்கள் மறியல் DIN DIN Friday, December 14, 2018 08:39 AM +0530 விழுப்புரம் அருகே ஏரியில் குளிக்கச் சென்ற மாணவர் நீரில் மூழ்கி உயிரிழந்தார். அவரது உடலை மீட்பதில் தாமதம் ஏற்பட்டதையடுத்து, மாணவரின் உறவினர்கள் சாலை மறியலில் ஈடுபட்டனர்.
 விழுப்புரம் அருகே விக்கிரவாண்டியை அடுத்துள்ள உலகலாம்பூண்டியைச் சேர்ந்த சந்திரசேகர் மகன் நவீன் (12). இவர், தொரவி கிராமத்திலுள்ள அரசு உயர்நிலைப் பள்ளியில் 7-ஆம் வகுப்பு படித்து வந்தார். இவர் புதன்கிழமை மாலை நண்பர்களுடன் வெளியே சென்றார். அதன் பிறகு வீடு திரும்பவில்லை.
 பெற்றோர், உறவினர்கள் அவரைத் தேடியதில், தொரவியிலுள்ள ஏரியில் நண்பர்களுடன் குளித்தது தெரிய வந்தது. அங்கு சென்று பார்த்த போது, நவீனின் ஆடைகள் கரையில் இருந்தன. அவர் ஏரியில் குளித்த போது, நீரில் மூழ்கியிருக்கலாம் என்ற கோணத்தில் ஏரியில் தேடினர்.
 தகவலறிந்த விக்கிரவாண்டி போலீஸார், தீயணைப்புப் படையினர் அங்கு வந்து தேடினர். இருப்பினும், நவீனின் சடலம் கிடைக்கவில்லை. இதையடுத்து, தொரவி பேருந்து நிறுத்தம் அருகே நவீனின் உறவினர்கள் வியாழக்கிழமை காலை மறியலில் ஈடுபட்டனர். விழுப்புரம் தாலுகா காவல் ஆய்வாளர் ராஜன், போக்குவரத்து ஆய்வாளர் அப்பாண்டைராஜ் ஆகியோர் விரைந்து வந்து, மறியலில் ஈடுபட்டவர்களிடம் பேச்சுவார்த்தை நடத்தினர். பின்னர், மறியல் கைவிடப்பட்டது.
 விழுப்புரம் மாவட்ட எஸ்.பி. ஜெயக்குமார் தொரவி பகுதிக்கு வந்து விசாரணை நடத்தி, மாணவரைத் தேடும் பணியை தீவிரப்படுத்தினார். காலை 9.45 மணியளவில் நவீனின் சடலத்தை ஏரியிலிருந்து தீயணைப்புப் படையினர் மீட்டனர். இதுகுறித்து விக்கிரவாண்டி போலீஸார் வழக்குப் பதிந்து விசாரணை நடத்தி வருகின்றனர்.
 
 

]]>
http://www.dinamani.com/all-editions/edition-villupuram/villupuram/2018/dec/14/ஏரியில்-குளிக்கச்-சென்ற-மாணவர்-நீரில்-மூழ்கி-சாவு-உறவினர்கள்-மறியல்-3057871.html
3057810 விழுப்புரம் விழுப்புரம் திண்டிவனம் அருகே பேருந்து கவிழ்ந்து ஐயப்ப பக்தர்கள் இருவர் சாவு DIN DIN Friday, December 14, 2018 05:28 AM +0530
விழுப்புரம் மாவட்டம், திண்டிவனம் அருகே தேசிய நெடுஞ்சாலையில் வியாழக்கிழமை அதிகாலை ஐயப்ப பக்தர்கள் சென்ற பேருந்து கவிழ்ந்து விபத்துக்குள்ளானதில் இருவர் உயிரிழந்தனர். 25 பேர் காயமடைந்தனர்.
ஆந்திர மாநிலம், சித்தூர் மாவட்டம், சத்தியவேடு வட்டத்துக்கு உள்பட்ட மதனம்பட்டு பகுதியைச் சேர்ந்த ஐயப்ப பக்தர்கள் 35 பேர், சபரிமலை ஐயப்பன் கோயிலுக்கு கடந்த 8-ஆம் தேதி பேருந்து ஒன்றில் சென்றனர்.
திருவள்ளுவர் மாவட்டம், மாதர்பாக்கம் பகுதியைச் சேர்ந்த பாபு (35) என்பவர் பேருந்தை ஓட்டிச் சென்றார்.
சுவாமி தரிசனம் முடிந்து சொந்த ஊருக்குத் திரும்பிய போது, திண்டிவனத்தை அடுத்த ஜக்காம்பேட்டை பகுதியில் தேசிய நெடுஞ்சாலையில் வியாழக்கிழமை அதிகாலை 12.30 மணியளவில் பேருந்து ஓட்டுநரின் கட்டுப்பாட்டை இழந்து சாலையோரத்தில் 15 அடி ஆழ பள்ளத்தில் கவிழ்ந்தது.
இந்த விபத்தில் சம்பவ இடத்திலேயே மதனம்பட்டு பகுதியைச் சேர்ந்த சின்னையா மகன் தசரதாய் (66) உயிரிழந்தார்.
மேலும், உடன் வந்த மதனம்பட்டைச் சேர்ந்த ராமகிருஷ்ணன் மகன் செண்டுபாபு (24), சின்னையா மகன் ராமகிருஷ்ணன் (62), கன்னையா மகன் ஆனந்து (57), ஆனந்து மகன் பிரவீன் (25), நாராயணசாமி மகன் கோட்டீஸ்வரன் (30) ஆகியோர் பலத்த காயமடைந்தனர்.
உடனடியாக அவர்களை மீட்டு திண்டிவனம் அரசு மருத்துவமனையில் முதலுதவி சிகிச்சை அளித்து, தீவிர சிகிச்சைக்காக சென்னைக்கு அனுப்பி வைக்கப்பட்டனர். சென்னை மருத்துவமனையில் அனுமதிக்கப்பட்ட நிலையில் அங்கு ராமகிருஷ்ணன் உயிரிழந்தார். இறந்த இருவரும் சகோதரர்கள் ஆவார்.
கோட்டீஸ்வரனின் மகள் ஹரிணி (11), ரகுசந்திரனின் மகன் மணிகண்டன் (17), ரகுசந்திரன் (47), சுரேஷ் (40), சுப்பிரமணியன்(72), மோகனையா (32), சங்கர் (36), முனிரத்தினம் (61), மோகனையாவின் மகள் நித்யா (9), ரமேஷ் (46), முனிபாலசுப்பிரமணி (63) உள்ளிட்ட 20-க்கும் மேற்பட்டோருக்கு காயம் ஏற்பட்டது. அவர்களுக்கு விழுப்புரம் அரசு மருத்துவக் கல்லூரி மருத்துவமனையில் சிகிச்சை அளிக்கப்பட்டது. இந்த விபத்து குறித்து மயிலம் போலீஸார் வழக்குப் பதிந்து விசாரணை நடத்தி வருகின்றனர்.

 

]]>
http://www.dinamani.com/all-editions/edition-villupuram/villupuram/2018/dec/14/திண்டிவனம்-அருகே-பேருந்து-கவிழ்ந்து-ஐயப்ப-பக்தர்கள்-இருவர்-சாவு-3057810.html
3057656 விழுப்புரம் விழுப்புரம் சுவாமி சிலைக்காக பாறை ஏற்றிச் செல்லும் வாகனத்தால் போக்குவரத்து பாதிப்பு DIN DIN Friday, December 14, 2018 03:40 AM +0530 விழுப்புரம் மாவட்டம், வெள்ளிமேடுபேட்டையில் பெங்களூரு செல்லும் பாறை ஏற்றிய வாகனத்தால் வியாழக்கிழமை போக்குவரத்து பாதிப்பு ஏற்பட்டது.
பெங்களூரு வி.ஆர்.புரம் கோதண்டராம சுவாமி கோயிலில், 64 அடி உயர விஸ்வரூப கோதண்டராமர் சுவாமி சிலை அமைப்பதற்காக, திருவண்ணாமலை மாவட்டம், வந்தவாசி அருகே கொரக்கோட்டை கிராம குன்றிலிருந்து, 380 டன் அளவிலான பெரிய பாறையை வெட்டி எடுத்தனர்.
கடந்த வாரம் அந்த பாறை பெரிய கார்கோ லாரியில் ஏற்றப்பட்டு, பெங்களூருக்குப் புறப்பட்டது. வந்தவாசியிலிருந்து கொரக்கோட்டை-செட்டிக்குளம் சாலை, தெள்ளாறு-தேசூர் சாலை வழியாக வந்த அந்த கனரக வாகனம், வந்தவாசி-திண்டிவனம் தேசிய நெடுஞ்சாலையை திங்கள்கிழமை அடைந்தது. பின்னர், அந்த வாகனம் தெள்ளார் பகுதியில் நிறுத்தி வைக்கப்பட்டது.
விழுப்புரம் மாவட்டம் வழியாகச் செல்வதற்கு, தேவையான வசதியை ஏற்படுத்தும் பணி மேற்கொள்ளப்பட்டது. இதையடுத்து, வியாழக்கிழமை காலை தெள்ளாரிலிருந்து கனரக வாகனம் புறப்பட்டு, விழுப்புரம் மாவட்ட எல்லையான வெள்ளிமேடுபேட்டை பகுதிக்கு முற்பகல் 11.50 மணிக்கு வந்து சேர்ந்தது.
வெள்ளிமேடுபேட்டையில் கடைகள், வீடுகளுடன் நெடுஞ்சாலை மிகவும் குறுகலாக இருந்ததால், சாலையோரம் இருந்த கடைகளின் முகப்பு, வீடுகளின் சுற்றுச்சுவர்கள் இடிக்கப்பட்டன. திண்டிவனம் டிஎஸ்பி திருமால் தலைமையில் போலீஸ் பாதுகாப்பும் அங்கு போடப்பட்டது. முன்னதாக, இதற்காக அதிகாரிகள் தலைமையில் பேச்சுவார்த்தை நடத்தப்பட்டது. வெள்ளிமேடுபேட்டை கடை வீதியில் நெரிசல் காரணமாக கனரக வாகனம் நிறுத்தப்பட்டது. அப்போது, பாதிக்கப்பட்ட வியாபாரிகள், பொது மக்கள் திரண்டு, மயிலம் தொகுதி திமுக எம்எல்ஏ மாசிலாமணி தலைமையில் போராட்டத்தில் ஈடுபட்டனர். இடிக்கப்பட்ட கட்டடங்களைச் சீரமைக்க, உரிய இழப்பீடு தருவதாக, சிலை எடுத்துச் செல்லும் நிர்வாகத்தினர் உறுதியளித்ததால், அவர்கள் போராட்டத்தைக் கைவிட்டனர்.
போக்குவரத்து பாதிப்பு: இருப்பினும், மதியம் 2 மணி முதல் மாலை 6 மணி வரை வெள்ளிமேடு கடை வீதியிலேயே அந்த கனரக வாகனம் நின்றதால், வந்தவாசி-திண்டிவனம் சாலையில் கடும் போக்குவரத்து ஏற்பட்டது. இதனால், 5 கி.மீ தொலைவில் உள்ள கிராம சாலைகள் வழியாக, வாகனங்களை போலீஸார் திருப்பி விட்டனர். மாலை 6 மணிக்கு கடை வீதியிலிருந்து புறப்பட்ட கனரக வாகனம், வெள்ளிமேடுபேட்டை கடை வீதியைக் கடந்து, ஊருக்கு வெளியே உள்ள பெட்ரோல் விற்பனை நிலையம் அருகே இரவில் நிறுத்தப்பட்டது.
இந்த வாகனம், அடுத்ததாக வெள்ளிமேடுபேட்டையிலிருந்து தீவனூர் சென்று, திண்டிவனம்-செஞ்சி தேசிய நெடுஞ்சாலையை அடையும். அங்கிருந்து செஞ்சி, சத்தியமங்கலம், பாலப்பாடி, செம்மேடு, கடலாடிகுப்பம் கூட்டுச் சாலை, மேம்பாப்பாப்பாம்பாடி வழியாக, விழுப்புரம் மாவட்டத்தைக் கடந்து, திருவண்ணாமலை மாவட்டம், கீழ்ப்பெண்ணாத்தூர் வழியாக செல்ல உள்ளது.

 

]]>
http://www.dinamani.com/all-editions/edition-villupuram/villupuram/2018/dec/14/சுவாமி-சிலைக்காக-பாறை-ஏற்றிச்-செல்லும்-வாகனத்தால்-போக்குவரத்து-பாதிப்பு-3057656.html
3057071 விழுப்புரம் விழுப்புரம் திண்டிவனம் அருகே பேருந்து - லாரி மோதல்: தொழிலாளி சாவு DIN DIN Thursday, December 13, 2018 08:33 AM +0530 விழுப்புரம் மாவட்டம், திண்டிவனம் அருகே புதன்கிழமை டேங்கர் லாரி மீது பேருந்து மோதிய விபத்தில் தொழிலாளி உயிரிழந்தார்.
 திருநெல்வேலி மாவட்டம், தென்காசியில் இருந்து சென்னைக்கு செவ்வாய்க்கிழமை இரவு 30-க்கும் மேற்பட்ட பயணிகளுடன் தனியார் சொகுசுப் பேருந்து புறப்பட்டது.
 திருச்சி மாவட்டம், மணப்பாறையைச் சேர்ந்த அழகர்சாமி (35) பேருந்தை ஓட்டினார்.
 திண்டிவனத்தை அடுத்துள்ள சாரம் பகுதியில் டேங்கர் லாரியை முந்த முயற்சித்த போது, ஓட்டுநரின் கட்டுப்பாட்டை இழந்த பேருந்து, டேங்கர் லாரி மீது மோதியது.
 இதில், இரு வாகனங்களும் சாலையோர பள்ளத்தில் இறங்கியது. பேருந்தின் முன்பகுதி சேதமடைந்தது. டேங்கர் லாரி பக்கவாட்டில் கவிழ்ந்தது. இந்த விபத்தில் சொகுசுப் பேருந்தில் பயணித்த விருதுநகர் மாவட்டம், ராஜபாளையம் அருகேயுள்ள செட்டியார்பட்டியைச் சேர்ந்த தொழிலாளி மாரிமுத்து (36) பலத்த காயமடைந்து சம்பவ இடத்திலேயே உயிரிழந்தார்.
 மேலும், மாரிமுத்துவின் தாய் லட்சுமி (65), திருநெல்வேலி மாவட்டம், ஆலங்குளம் அருகே உள்ள பெத்தநாடார்பட்டியை சேர்ந்த அன்பரசன் (33) உள்பட 5 பேர் காயமடைந்தனர். விபத்து குறித்து அறிந்த ஒலக்கூர் போலீஸார் சம்பவ இடத்துக்கு விரைந்து வந்து, காயமடைந்தவர்களை மீட்டு திண்டிவனம் அரசு மருத்துவமனைக்கு சிகிச்சைக்காக அனுப்பிவைத்தனர். விபத்து குறித்து ஒலக்கூர் போலீஸார் வழக்குப் பதிந்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/dec/13/திண்டிவனம்-அருகே-பேருந்து---லாரி-மோதல்-தொழிலாளி-சாவு-3057071.html
3057055 விழுப்புரம் விழுப்புரம் எலவனாசூர்கோட்டை அரசுப் பள்ளியில் கூடுதல் கட்டடம் கட்ட பூமி பூஜை: இரா.குமரகுரு எம்எல்ஏ பங்கேற்பு DIN DIN Thursday, December 13, 2018 08:29 AM +0530 உளுந்தூர்பேட்டை வட்டம், எலவனாசூர்கோட்டை அரசு ஆண்கள் மேல்நிலைப் பள்ளியில் ரூ.2.56 கோடியில் கூடுதல் வகுப்பறைக் கட்டடம் கட்ட எம்எல்ஏ இரா.குமரகுரு புதன்கிழமை பூமிபூஜை செய்து கட்டுமானப் பணியை தொடக்கிவைத்தார்.
 நிகழ்ச்சியில் உளுந்தூர்பேட்டை ஒன்றியச் செயலர் ஜி.மணிராஜ், முன்னாள் ஒன்றியக்குழு துணைத் தலைவர் ரா.சாய்ராம், அதிமுக மாநில பொதுக்குழு உறுப்பினர் வளர்மதி பாண்டியராஜ், நகர இளைஞரணிச் செயலர் சௌ.இராமலிங்கம் உள்பட அதிமுகவினர் பலர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/dec/13/எலவனாசூர்கோட்டை-அரசுப்-பள்ளியில்-கூடுதல்-கட்டடம்-கட்ட-பூமி-பூஜை-இராகுமரகுரு-எம்எல்ஏ-பங்கேற்பு-3057055.html
3057053 விழுப்புரம் விழுப்புரம் அரசுப் பள்ளி மாணவிகளுக்கு கராத்தே பயிற்சி DIN DIN Thursday, December 13, 2018 08:29 AM +0530 விழுப்புரம் மாவட்டத்தில் 411 அரசு நடுநிலைப் பள்ளிகளில் டிசம்பர் முதல் கராத்தே பயிற்சி வகுப்புகள் தொடங்கி செயல்பாட்டுக்கு வந்துள்ளன.
 தமிழகத்தில் கடந்தாண்டு முதல் குறிப்பிட்ட உயர்நிலைப் பள்ளி மாணவிகளுக்கு சுயமான தற்காப்புக் கலைப் பயிற்சி (கராத்தே) அளிக்கப்பட்டது. நிகழாண்டு முதல் அனைத்து நடுநிலைப் பள்ளி மாணவிகளுக்கும் இப்பயிற்சி வழங்கப்படவுள்ளது.
 இதுகுறித்து கல்வித் துறை அதிகாரிகள் தரப்பில் கூறியதாவது: மத்திய அரசின் மனித வள மேம்பாட்டுத் துறை வழிகாட்டுதலில் ஒருங்கிணைந்த பள்ளிக் கல்வி (சமக்ரா சிக்ஷô) மூலம் அரசுப் பள்ளிகளில் 6 முதல் 8 ஆம் வகுப்பு வரை படித்து வரும் பெண் குழந்தைகளுக்கு தற்காப்பு கலைப்பயிற்சி நிகழாண்டு வழங்கப்படுகிறது. மாநிலம் முழுவதும் உள்ள 7,043 அரசு நடுநிலைப் பள்ளிகளில் இந்தப் பயிற்சி தொடங்கியுள்ளது. இந்த பயிற்சியின் மூலம் மாணவிகள் தன்னம்பிக்கை, சுய பாதுகாப்பு, ஆரோக்கியம், நலம் பேணுவதுடன் உடல் ரீதியாக வலிமையும் பெறுவர். உரிய தகுதி வாய்ந்த பயிற்சியாளரை நியமித்து பயிற்சி வழங்கப்படும்.
 இந்தப் பயிற்சி தினமும் ஒன்றரை மணி நேரம் வீதம் வாரத்துக்கு 2 வகுப்புகள் வழங்கப்படும். ஆண் பயிற்சியாளராக இருந்தால், ஒரு ஆசிரியை உடனிப்பார். தொடர்ந்து 3 மாதங்கள் பயிற்சி அளிக்கப்படும். 2019-க்குள் இப்பயிற்சி முடிக்க வேண்டும்.
 பயிற்சியின் போது, பழங்கள், பேரிச்சை, கடலை மிட்டாய், பிஸ்கட், சுண்டல் ஆகிய உணவுகளை மாணவிகளுக்கு வழங்க ரூ.1,500 வீதம் ஒதுக்கப்படுகிறது. பள்ளியின் தலைமை ஆசிரியர், வள மைய மேற்பார்வையாளர்கள் இதனை ஒருங்கிணைப்பார்கள்.
 பயிற்சிக்கான சீருடையை பள்ளி மேலாண்மைக் குழு அல்லது தொண்டு நிறுவனம் மூலம் வழங்கலாம். பயிற்சிக்கு வருகைப் பதிவேடு பராமரிக்க வேண்டும். உடல் நலன் குன்றிய மாணவிகளை தவிர்க்கலாம் என அறிவுறுத்தப்பட்டுள்ளது.
 இந்தத் திட்டத்தில் 32 மாவட்டங்களிலும் உள்ள 7,043 பள்ளிகளுக்கு, ரூ.6.33 கோடி நிதி ஒதுக்கி, தற்காப்பு பயிற்சியை குறைகள் இன்றி செயல்படுத்த அறிவுறுத்தப்பட்டுள்ளது. விழுப்புரம் மாவட்டத்தில் 411 அரசு நடுநிலைப் பள்ளிகளில் ரூ.36.99 லட்சம் நிதியில் இந்தத் திட்டத்தின் கீழ் டிசம்பர் முதல் கராத்தே பயிற்சி வகுப்புகள் தொடங்கி செயல்பாட்டுக்கு வந்துள்ளன. இது மட்டுமின்றி, மாவட்டத்தில், இடைநிலை கல்வித் திட்டம் மூலம் நிகழாண்டு 353 பள்ளிகளுக்கு 9, 10 ஆம் வகுப்பு மாணவிகளுக்கு பயிற்சி வழங்கப்பட உள்ளதாக அதிகாரிகள் தெரிவித்தனர்.

]]>
http://www.dinamani.com/all-editions/edition-villupuram/villupuram/2018/dec/13/அரசுப்-பள்ளி-மாணவிகளுக்கு-கராத்தே-பயிற்சி-3057053.html
3057051 விழுப்புரம் விழுப்புரம் வீடூர் அணையில் வளர்ப்பு மீன்கள் விற்பனை DIN DIN Thursday, December 13, 2018 08:29 AM +0530 விழுப்புரம் அருகேயுள்ள வீடூர் அணையில் பிடிக்கப்படும் மீன்கள் மீன்வளத் துறை மூலம் விற்பனை செய்யப்படுகின்றன.
 விழுப்புரம் மாவட்டம், விக்கிரவாண்டி அருகே தமிழக மீன்வளத் துறை கட்டுப்பாட்டின் கீழ் வீடூர் அணை உள்ளது. அணையில் மீன் பிடிக்கும் உரிமை 25.10.2013 முதல் 24.10.2018 வரை தனியாருக்கு வழங்கப்பட்டிருந்தது. இந்த நிலையில், கடந்த 25.10.2018 முதல் மீன்வளத் துறையின் கீழ் கொண்டு வரப்பட்டு, அணையில் மீன்கள் வளர்க்கப்பட்டு வருகின்றன.
 தற்போது மீன்கள், மீனவர் கூட்டுறவு சங்க உறுப்பினர்களைக் கொண்டு பிடிக்கப்பட்டு வருகின்றன. பிடிக்கப்படும் மீன்கள் அரசு நிர்ணயம் செய்த விலையில், பொது மக்கள் பயனடையும் வகையில், அங்கு நேரடியாக விற்பனை செய்யப்பட்டு வருகின்றன. பொது மக்கள் நல்ல தரமுள்ள, சுகாதாரமான மற்றும் இயற்கையாக வளர்க்கப் பெற்ற மீன்களை வாங்கி பயன்பெறலாம் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.

]]>
http://www.dinamani.com/all-editions/edition-villupuram/villupuram/2018/dec/13/வீடூர்-அணையில்-வளர்ப்பு-மீன்கள்-விற்பனை-3057051.html
3057049 விழுப்புரம் விழுப்புரம் கிராம நிர்வாக அலுவலர்கள் 3-ஆம் நாளாக வேலைநிறுத்தம் DIN DIN Thursday, December 13, 2018 08:28 AM +0530 விழுப்புரம் மாவட்டத்தில் கிராம நிருவாக அலுவலர்கள் சங்கத்தினரின் வேலைநிறுத்தப் போராட்டம் மூன்றாம் நாளாக புதன்கிழமையும் தொடர்ந்தது. எனினும், இதர அலுவலர்களைக் கொண்டு பணிகள் பாதிப்பை நிவர்த்தி செய்து வருவதாக அதிகாரிகள் தெரிவித்தனர்.
 கிராம நிர்வாக அலுவலர்களுக்கு மாவட்ட மாறுதல், அனைவருக்கும் மடிக்கணினியுடன் கூடிய இணைய தள வசதி, அலுவலகத்துக்கு அடிப்படை வசதிகள் உள்ளிட்ட 21 அம்சக் கோரிக்கைகளை வலியுறுத்தி, விழுப்புரம் மாவட்டத்தில் கிராம நிருவாக அலுவலர்கள் சங்கத்தினர் திங்கள்கிழமை முதல் தொடர் வேலைநிறுத்தப் போராட்டத்தில் ஈடுபட்டுள்ளனர்.
 இப்போராட்டத்தில், 350-க்கும் மேற்பட்ட கிராம நிர்வாக அலுவலர்கள் கலந்துகொண்டுள்ளதால், பொது மக்களுக்கான சான்றிதழ்கள், நலத்திட்ட உதவிகளுக்கான விண்ணப்பங்கள், பிறப்புப் பதிவு, அடங்கல் வழங்குதல் போன்ற பணிகள் பாதிக்கப்பட்டுள்ளன.
 இது குறித்து, விழுப்புரம் மாவட்ட வருவாய் அலுவலர் ஆர்.பிரியா, கோட்டாட்சியர் குமரவேல் உள்ளிட்டோரிடம் கேட்டபோது, கிராம நிர்வாக அலுவலர்கள் போராட்டம் மாநிலம் முழுவதும் நடக்கிறது. அவர்களது கோரிக்கைகளை அரசுதான் பரிசீலனை செய்ய வேண்டும். எனினும், மாவட்டத்தில் பணிகள் பாதிக்காத வகையில், மீதமுள்ள கிராம நிர்வாக அலுவலர்கள், இதர வருவாய் ஆய்வாளர்கள் உள்ளிட்ட அலுவலர்கள் மூலம் பணிகள் மேற்கொள்ளப்பட்டு வருகின்றன.
 அத்தியாவசிய சான்றிதழ் உள்ளிட்டவை இணைய வழி வாயிலாக வழங்கப்பட்டு வருவதால், அப்பணிகளில் பாதிப்பில்லை. பணியிடமாறுதல் உள்ளிட்ட காலியிடங்களை பூர்த்தி செய்யும் வரை, கிராம நிர்வாக அலுவலர்களும் தேவையான கூடுதல் பொறுப்பை ஏற்று பணியாற்ற வேண்டும், போராட்டத்தை கைவிட்டு பணிக்கு திரும்ப வேண்டும் என்றனர்.

]]>
http://www.dinamani.com/all-editions/edition-villupuram/villupuram/2018/dec/13/கிராம-நிர்வாக-அலுவலர்கள்-3-ஆம்-நாளாக-வேலைநிறுத்தம்-3057049.html
3057048 விழுப்புரம் விழுப்புரம் மல்டிமீடியா இலவச பயிற்சி: விழுப்புரத்தில் இன்று நேர்முகத் தேர்வு DIN DIN Thursday, December 13, 2018 08:28 AM +0530 விழுப்புரத்தில் வேலைவாய்ப்பு சார்ந்த மல்டிமீடியா இலவச திறன் பயிற்சிக்கான நேர்முகத் தேர்வு வியாழக்கிழமை (டிச.13) நடைபெறுகிறது.
 விழுப்புரத்தில் தேசிய திரைப்பட வளர்ச்சிக் கழகம் மற்றும் தமிழ்நாடு திறன் மேம்பாட்டுக் கழகம் சார்பில் வேலைவாய்ப்பு சார்ந்த இலவச திறன் மேம்பாட்டுப் பயிற்சி நடைபெறுகிறது. இதற்காக, விழுப்புரம் ஏழுமலை பாலிடெக்னிக் கல்லூரி வளாகத்தில், மல்டிமீடியா, டிஜிட்டல் நான் லீனியர் படத்தொகுப்பு ஆகிய பிரிவுகளில், இலவச பயிற்சி வழங்கப்பட உள்ளது.
 இப்பயிற்சியில் விருப்பமுள்ள 18 முதல் 35 வயதுக்குள் உள்ள இரு பாலரும் சேரலாம். விண்ணப்பதாரர்கள் குறைந்தபட்ச கல்வித்தகுதி பத்தாம் வகுப்பு தேர்ச்சி, தோல்வி இருக்கலாம்.
 பயிற்சிக் காலம் ஒரு மாதம். தினமும் காலை 8.30 முதல் 1.30 வரை (திங்கள் முதல் வெள்ளி வரை) பயிற்சி நடைபெறும். பயிற்சி பெறும் பயனாளிகளுக்கு உதவித் தொகை, தினசரி ரூ.100 வீதம் கணக்கிட்டு, தமிழ்நாடு திறன் மேம்பாட்டுக் கழகம் மூலம் வழங்கப்படும்.
 இப்பயிற்சிக்கான நேர்முகத் தேர்வுக்கு, விண்ணப்பதாரர்கள் பத்தாம் வகுப்பு மதிப்பெண் சான்றிதழ், மாற்றுச்சான்றிதழ், சாதி சான்றிதழ், ஆதார் அட்டை, வங்கி கணக்குப் புத்தகம், இரண்டு புகைப்படம் மற்றும் வேலைவாய்ப்பு பதிவு அடையாள அட்டை ஆகிய சான்றிதழ்களின் அசல் மற்றும் நகல்களுடன் பங்கேற்க வேண்டும். பயிற்சியின் முடிவில், தமிழ்நாடு மாநில தொழிற்கல்வி மையம் மூலமாக சான்றிதழ்கள் வழங்கப்படும்.
 இது தொடர்பான மேலும் விவரங்களுக்கு 98404 20743, 98402 40549 என்ற செல்லிடப்பேசி எண்ணில் தொடர்புகொண்டு தகவல் பெறலாம். இதில் பங்கேற்று பயன்பெற மாவட்ட ஆட்சியர் இல.சுப்பிரமணியன் அறிவுறுத்தியுள்ளார்.

]]>
http://www.dinamani.com/all-editions/edition-villupuram/villupuram/2018/dec/13/மல்டிமீடியா-இலவச-பயிற்சி-விழுப்புரத்தில்-இன்று-நேர்முகத்-தேர்வு-3057048.html
3057046 விழுப்புரம் விழுப்புரம் விழுப்புரம் மாசு கட்டுப்பாட்டு வாரிய அலுவலகத்தில் ரூ.3.50 லட்சம் சிக்கியது: ஊழல் தடுப்பு போலீஸார் சோதனை DIN DIN Thursday, December 13, 2018 08:28 AM +0530 விழுப்புரம் மாசு கட்டுப்பாட்டு வாரிய அலுவலகத்தில் ஊழல் தடுப்புப் பிரிவு போலீஸார் புதன்கிழமை நடத்திய சோதனையில் ரூ.3.50 லட்சம் கைப்பற்றப்பட்டது.
 விழுப்புரம் பெருந்திட்ட வளாகத்தில் இயங்கி வரும் தமிழ்நாடு மாசு கட்டுப்பாடு வாரிய அலுவலகத்தில் தொழில் தொடங்க தடையில்லா சான்று, அனுமதிச் சான்று உள்ளிட்டவை வேண்டி விண்ணப்பிப்பவர்களிடம் ஊழியர்கள் சிலர் லஞ்சம் பெறுவதாக புகார் எழுந்தது.
 இதையடுத்து, விழுப்புரம் மாவட்ட ஊழல் தடுப்புப் பிரிவு, கண்காணிப்புப் பிரிவு டிஎஸ்பி தேவநாதன் தலைமையில், கடலூர் ஊழல் தடுப்புப் பிரிவு காவல் ஆய்வாளர் சதீஷ் மற்றும் போலீஸார் மாசு கட்டுப்பாட்டு வாரிய அலுவலகத்துக்கு புதன்கிழமை மாலை சென்றனர். அலுவலகக் கதவை மூடிய போலீஸார், சோதனையில் ஈடுபட்டனர். அலுவலக உதவி ஆய்வாளரான நக்கீரன் என்பவரின் அறை உள்பட அலுவலகத்தில் இருந்து கணக்கில் வராத ரூ.3.50 லட்சம் போலீஸாரால் கைப்பற்றப்பட்டதாகக் கூறப்படுகிறது.
 இதுதொடர்பாக, அலுவலர்களிடம் போலீஸார் விசாரணை நடத்தினர். அலுவலகத்தில் இருந்த வெளிநபர் ஒருவரிடமும் போலீஸார் விசாரணை நடத்தினர். அவர், திண்டிவனத்தை அருகேயுள்ள கீழ் பூதேரியைச் சேர்ந்த தேவராஜ் என்பது தெரிய வந்தது. செயற்கை மணல் தயாரிக்கும் தொழில் தொடங்க அனுமதி பெற வந்ததாகவும், அதற்காக ரூ. ஒரு லட்சம் லஞ்சமாகக் கொடுத்ததாகவும் போலீஸாரிடம் அவர் தெரிவித்தார். ஊழல் தடுப்புப் பிரிவு போலீஸாரின் சோதனை இரவு 9 மணியைத் தாண்டியும், தொடர்ந்து நடைபெற்றது.

]]>
http://www.dinamani.com/all-editions/edition-villupuram/villupuram/2018/dec/13/விழுப்புரம்-மாசு-கட்டுப்பாட்டு-வாரிய-அலுவலகத்தில்-ரூ350-லட்சம்-சிக்கியது-ஊழல்-தடுப்பு-போலீஸார்-சோ-3057046.html
3057043 விழுப்புரம் விழுப்புரம் விழுப்புரத்தில் ரயில்வே மேம்பாலம் திறப்பு: முதல்வர் காணொலிக் காட்சி மூலம் திறந்து வைத்தார் DIN DIN Thursday, December 13, 2018 08:27 AM +0530 விழுப்புரத்தில் ரூ.34 கோடியில் புதிதாக கட்டப்பட்ட ரயில்வே மேம்பாலத்தை, பொதுமக்கள் பயன்பாட்டுக்காக காணொலிக் காட்சி மூலம் முதல்வர் எடப்பாடி பழனிசாமி புதன்கிழமை திறந்து வைத்தார்.
 விழுப்புரத்தில் சென்னை-திருச்சி தேசிய நெடுஞ்சாலையில் உள்ள காட்பாடி வழி ரயில்வே கடவுப் பாதை அடிக்கடி மூடப்பட்டதால், பெரும் போக்குவரத்து நெரிசல் தொடர்ந்தது. இந்நிலையில் பொது மக்களின் நீண்ட கால கோரிக்கையை ஏற்று, அங்கு இணைப்புப் பாலங்களுடன் கூடிய ரயில்வே மேம்பாலம் அமைக்க நெடுஞ்சாலைத் துறை சார்பில் ரூ.34.75 கோடி நிதி ஒதுக்கப்பட்டது.
 இந்தப் பணி கடந்த 2014 ஆம் ஆண்டு நவம்பர் மாதம் தொடங்கப்பட்டது. 2 ஆண்டு காலத்திலேயே ரயில்வே பாதை குறுக்கிடும் பகுதியில் 40 மீட்டர் நீள பாலமும், 355 மீட்டர் தொலைவுக்கு சென்னை மார்க்க இணைப்புப் பாலமும் கட்டி முடிக்கப்பட்டது.
 அதேவேளையில், எதிர்புறம் விழுப்புரம் வழித்தடத்தில் 318 மீட்டர் பாலம் அமைக்கும் பணியில் பெரும் தாமதம் ஏற்பட்டு, 2 ஆண்டுகள் வரை விரயமானது. இப்பணிகளுக்காக 1,616 சதுர மீட்டர் அளவில் நிலம் கையகம் செய்யப்பட்டது. அந்தப் பகுதியில் 42 கடைகள், வீடுகள் கையகப்படுத்தியதுடன் ஒரு கோயிலும் அகற்றி, இடமாற்றம் செய்யப்பட்டது. எனினும், அடுத்த ஓராண்டு காலத்தில் விரைவாகப் பணிகள் முடிக்கப்பட்டன. இழப்பீடு வழங்குதல், இணைப்புச் சாலை அமைத்தல், அப்பகுதியிலிருந்த புதைவழி சாக்கடை குழாய்கள், மின்கம்பங்களை மாற்றியமைத்தல் போன்றவைகளால் தாமதம் ஏற்பட்டு, ஒருவழியாக மொத்தம் 713.40 மீ. நீளத்திலும், 12 மீட்டர் அகலத்திலும் மேம்பாலப்பணிகள் கடந்த மாதம் முடிந்து, சோதனை ஓட்டமும் நடைபெற்றது.
 ரயில்வே மேம்பாலம் திறப்பு: இறுதிக் கட்டப் பணிகள் முடிந்து, புதன்கிழமை காலை இந்த பாலம் திறந்து வைக்கப்பட்டது. சென்னை தலைமைச் செயலகத்திலிருந்து, காணொலிக் காட்சி வாயிலாக முதல்வர் எடப்பாடி கே.பழனிசாமி பாலத்தைத் திறந்து வைத்தார்.
 இதைத் தொடர்ந்து, விழுப்புரம் மேம்பாலத்தில் நடைபெற்ற நிகழ்ச்சியில் மாவட்ட ஆட்சியர் இல.சுப்பிரமணியன் கலந்து கொண்டு ரிப்பன் வெட்டி பாலத்தில் வாகன இயக்கத்தைத் தொடக்கி வைத்தார். மாவட்ட வருவாய் அலுவலர் ஆர்.பிரியா, நெடுஞ்சாலைத் துறை கண்காணிப்புப் பொறியாளர்கள் எம்.பன்னீர்செல்வம், பி.தமிழரசி, கோட்டப்பொறியாளர்கள் க.முரளி, எம்.ராஜகணபதி, உதவிக் கோட்டப் பொறியாளர் ஜி.ராஜேந்திரன், உதவிப் பொறியாளர் ஆர்.மகேஷ், கோட்டாட்சியர் குமாரவேல், வட்டாட்சியர் சையத்மெஹமுத், முன்னாள் நகர் மன்றத் தலைவர் ஜி.பாஸ்கரன், கூட்டுறவு வங்கித் தலைவர் ஆர்.பசுபதி, முன்னாள் ஒன்றியக் குழு உறுப்பினர் ரகுபதி, திருப்பதி பாலாஜி உள்ளிட்ட அதிமுகவினர், பொது மக்கள் கலந்து கொண்டனர்.
 விழுப்புரத்தில் நான்கு ஆண்டுகளுக்குப் பிறகு கட்டி முடிக்கப்பட்டுள்ள இந்த பாலத்தின் வழியாக வாகனங்கள் பயன்பாட்டுக்கு வந்தன. இதன் மூலம் விழுப்புரம், திருவண்ணாமலை, செஞ்சி, புதுவை, கடலூர் வழித் தடத்தில் செல்லும் வாகனங்கள், ஏற்கெனவே 5 கிலோ மீட்டர் தொலைவுக்கு சுற்றி வந்தது தவிர்க்கப்பட்டு, இப்பாலம் வழியாக விரைவாக கடந்து செல்ல வழி ஏற்பட்டுள்ளது. பாலத்தை பயன்பாட்டுக்கு கொண்டு வந்ததற்கு பொது மக்களும், வியாபாரிகளும் வரவேற்பு தெரிவித்தனர்.
 
 
 

]]>
http://www.dinamani.com/all-editions/edition-villupuram/villupuram/2018/dec/13/விழுப்புரத்தில்-ரயில்வே-மேம்பாலம்-திறப்பு-முதல்வர்-காணொலிக்-காட்சி-மூலம்-திறந்து-வைத்தார்-3057043.html
3057022 விழுப்புரம் விழுப்புரம் குழந்தைகள் பாதுகாப்பு விழிப்புணர்வு முகாம் DIN DIN Thursday, December 13, 2018 08:23 AM +0530 திண்டிவனத்தை அடுத்த கள்ள கொளத்தூரில் பள்ளி குழந்தைகள் பாதுகாப்பு விழிப்புணர்வு முகாம் புதன்கிழமை நடைபெற்றது.
 பாரதி அரசு உதவி பெறும் பள்ளியில் நடைபெற்ற இந்த நிகழ்ச்சிக்கு, திண்டிவனம் அனைத்து மகளிர் காவல் நிலைய ஆய்வாளர் விஜி தலைமை வகித்தார். முதன்மை தலைமைக் காவலர் ராதா முன்னிலை வகித்தார்.
 சைல்டு லைன் ஒருங்கிணைப்பாளர் லட்சுமிபதி, பள்ளி மாணவ, மாணவிகளிடம் குழந்தைகள் உரிமைகள், குழந்தைத் திருமணம், குழந்தைகள் சந்தைக்கும் பிரச்னைகள் மற்றும் அதற்கான தீர்வுகள், பெண் குழந்தைகளின் பாதுகாப்பு குறித்து விரிவாக விளக்கினார். ஆசிரியர் கிருஷ்ணமூர்த்தி நன்றி கூறினார்.
 

]]>
http://www.dinamani.com/all-editions/edition-villupuram/villupuram/2018/dec/13/குழந்தைகள்-பாதுகாப்பு-விழிப்புணர்வு-முகாம்-3057022.html
3057021 விழுப்புரம் விழுப்புரம் நியமனம் DIN DIN Thursday, December 13, 2018 08:23 AM +0530 திமுக தலைவர் மு.க.ஸ்டாலின் பரிந்துரையின்பேரில், திமுக விவசாய அணி இணைச் செயலராக செஞ்சி முன்னாள் எம்எல்ஏ பா.செந்தமிழ்ச்செல்வனை திமுக பொதுச்செயலர் க.அன்பழகன் நியமனம் செய்துள்ளார்.
 

]]>
http://www.dinamani.com/all-editions/edition-villupuram/villupuram/2018/dec/13/நியமனம்-3057021.html
3057018 விழுப்புரம் விழுப்புரம் காவலர்கள் மீது தாக்குதல்: ரௌடிகள் இருவர் கைது DIN DIN Thursday, December 13, 2018 08:22 AM +0530 விழுப்புரம் அருகே காவலர்கள் மீது தாக்குதல் நடத்தியதாக, இரு ரௌடிகளை போலீஸார் செவ்வாய்க்கிழமை இரவு கைது செய்தனர்.
 வளவனூரை அடுத்த கோலியனூர் பகுதியில் செவ்வாய்க்கிழமை இரவு உதவி ஆய்வாளர் செந்தில்குமார் தலைமையில் காவலர்கள் ரோந்து சென்றனர். அப்போது, கோலியனூரில் உள்ள கும்பகோணம் சாலையில் வழிப்பறி செய்யும் நோக்கில் நின்றிருந்த ரௌடிகள் விழுப்புரம், வி.புதூரைச் சேர்ந்த ஏகாம்பரம் மகன் அசோக்(எ) ரகோத்தமன், வளவனூர் அருகே கெங்கராம்பைளையத்தைச் சேர்ந்த பிச்சைக்கரன் மகன் தணிகைராஜ்(27) ஆகிய இருவரை போலீஸார் கைது செய்ய முயன்றனர். ஆனால், அவர்கள் மறைத்து வைத்திருந்த கத்தி மற்றும் தடியால் போலீஸாரைத் தாக்கினர். இருப்பினும், அவர்கள் இருவரையும் போலீஸார் மடக்கிப் பிடித்து கைது செய்தனர்.
 தாக்குதலில் காயமடைந்த காவலர்கள் ரஞ்சித், ராஜா ஆகியோர் விழுப்புரம் அரசு மருத்துவமனையில் அனுமதிக்கப்பட்டனர். வளவனூர் போலீஸார் வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/villupuram/2018/dec/13/காவலர்கள்-மீது-தாக்குதல்-ரௌடிகள்-இருவர்-கைது-3057018.html
3057016 விழுப்புரம் விழுப்புரம் காங்கிரஸ் நிர்வாகிகள் ஆலோசனைக் கூட்டம் DIN DIN Thursday, December 13, 2018 08:22 AM +0530 விழுப்புரம் வடக்கு மாவட்ட காங்கிரஸ் கட்சி நிர்வாகிகள் ஆலோசனைக் கூட்டம் செஞ்சியில் புதன்கிழமை நடைபெற்றது.
 கூட்டத்துக்கு மாவட்டத் தலைவர் ஆர்.பி.ரமேஷ் தலைமை வகித்தார். அகில இந்திய காங்கிரஸ் உறுப்பினர் ஆர்.பூபதி முன்னிலை வகித்தார். மாவட்டப் பொருளாளர் கருணாகரன், மாவட்ட துணைத் தலைவர் சண்முகம், சுப்பையா, திண்டிவனம் நகரத் தலைவர் விநாயகம், மாநில பொதுக்குழு உறுப்பினர் தினகரன், வட்டாரத் தலைவர்கள் சரவணன், கோவிந்தன், முருகன், மாவட்ட பொதுச்செயலர் முபாரக் அலி, மாவட்டச் செயலர்கள் இருதயராஜ், மதன்குமார், கோணைராஜா, செஞ்சி நகரத் தலைவர் சரவணன், ஜோலாதாஸ் உள்ளிட்டோர் கலந்து கொண்டனர்.
 கூட்டத்தில், 3 மாநில சட்டப் பேரவைத் தேர்தல்களில் காங்கிரஸ் வெற்றி பெற்றதற்கு கட்சியின் தலைவர் ராகுல் காந்திக்கு பாராட்டுத் தெரிவிப்பது. சட்டப் பேரவைத் தொகுதி வாரியாக கூட்டங்களை நடத்துவது என்பன உள்ளிட்ட தீர்மானங்கள் நிறைவேற்றப்பட்டன.
 

]]>
http://www.dinamani.com/all-editions/edition-villupuram/villupuram/2018/dec/13/காங்கிரஸ்-நிர்வாகிகள்-ஆலோசனைக்-கூட்டம்-3057016.html
3057015 விழுப்புரம் விழுப்புரம் நெகிழி விழிப்புணர்வுப் பேரணி DIN DIN Thursday, December 13, 2018 08:22 AM +0530 வளவனூரில் அரசுப் பள்ளி மாணவிகள் பங்கேற்ற நெகிழி விழிப்புணர்வுப் பேரணி அண்மையில் நடைபெற்றது.
 வளவனூர் பேரூராட்சி சார்பில், நெகிழி பயன்பாட்டால் ஏற்படும் கேடுகள் குறித்தும், நெகிழியை தவிர்க்க வலியுறுத்தியும் நடைபெற்ற இந்த விழிப்புணர்வுப் பேரணிக்கு பேரூராட்சி செயல் அலுவலர் ஷேக் லத்தீப் தலைமை வகித்து தொடக்கிவைத்தார்.
 இளநிலை உதவியாளர்கள் மருதுபாண்டியன், மாதரி, வரித்தண்டலர் துரை, பரப்புரையாளர் அருள்மொழி உள்ளிட்டோர் முன்னிலை வகித்தனர்.
 பேரணியில், வளவனூர் அரசு மகளிர் மேல்நிலைப் பள்ளி மாணவிகள் கலந்து கொண்டு, விழிப்புணர்வு பதாகைகளை எந்தியவாறு விழிப்புணர்வு ஏற்படுத்திச் சென்றனர். பள்ளித் தலைமை ஆசிரியர் இளமதி, இளம் செஞ்சிலுவைச் சங்க ஆலோசகர் எட்வர்ட் தங்கராஜ் உள்ளிட்டோர் கலந்து கொண்டனர்.
 
 

]]>
http://www.dinamani.com/all-editions/edition-villupuram/villupuram/2018/dec/13/நெகிழி-விழிப்புணர்வுப்-பேரணி-3057015.html
3057013 விழுப்புரம் விழுப்புரம் அரசு பழங்குடியினர் உண்டு உறைவிட பள்ளியில் ஆட்சியர் ஆய்வு DIN DIN Thursday, December 13, 2018 08:22 AM +0530 கள்ளக்குறிச்சிஅருகே கச்சிராயப்பாளையம் கோமுகிஅணை வளாகத்தில் உள்ள அரசு பழங்குடியினர் உண்டு உறைவிடப் பள்ளியில் மாவட்ட ஆட்சியர் இல.சுப்பிரமணியன் புதன்கிழமை ஆய்வு செய்தார்.
 இந்தப் பள்ளியில் 6 முதல் 12-ஆம் வகுப்பு வரை மாணவ, மாணவிகள் விடுதியில் தங்கி, கல்வி பயின்று வருகின்றனர். பள்ளியில் சுமார் 550-க்கும் மேற்பட்ட மாணவ, மாணவிகள் பயின்று வருகின்றனர்.
 2 நாள்களுக்கு முன்பு இந்தப் பள்ளி மாணவ, மாணவிகள் சிலருக்கு திடீரென வாந்தி, வயிற்றுப்போக்கு ஏற்பட்டு சிகிச்சை பெற்றனர்.
 இந்த நிலையில், மாவட்ட ஆட்சியர் இல.சுப்பிரமணியன் புதன்கிழமை கோமுகிஅணை அரசு பழங்குடியினர் உண்டு உறைவிடப் பள்ளிக்கு நேரில் சென்று ஆய்வு மேற்கொண்டார்.
 அப்போது, சமையல் அறை, மாணவர்கள் தங்கும் அறை, கழிப்பறை உள்ளிட்ட பகுதிகளில் அவர் ஆய்வு மேற்கொண்டார். பின்னர், மாணவர்களிடம் குறைகளை ஆட்சியர் கேட்டறிந்தார்.
 இதைத் தொடர்ந்து, ஆட்சியர் இல.சுப்பிரமணியன் கூறியதாவது: பள்ளிக்கு வடக்கநந்தல் பேரூராட்சி மூலம் தண்ணீர் விநியோகம் செய்ய நடவடிக்கை எடுக்கப்படும். மாணவர்கள்
 ஆசிரியர்கள் கற்பிக்கும் பாடங்களை நன்கு பயில வேண்டும் என தெரிவித்தார்.
 அப்போது, சங்கராபுரம் எம்எல்ஏ தா.உதயசூரியன், மாவட்ட வருவாய் அலுவலர் ரா.பிரியா, சார் - ஆட்சியர் ஸ்ரீகாந்த், சின்னசேலம் வட்டாட்சியர் இந்திரா, சுகாதாரப் பணிகள் துணை இயக்குநர் பி.ஆர்.ஜெமினி உள்ளிட்ட பலர் உடனிருந்தனர்.
 

]]>
http://www.dinamani.com/all-editions/edition-villupuram/villupuram/2018/dec/13/அரசு-பழங்குடியினர்-உண்டு-உறைவிட-பள்ளியில்-ஆட்சியர்-ஆய்வு-3057013.html
3057012 விழுப்புரம் விழுப்புரம் உளுந்தூர்பேட்டை அருகே அரசுப் பள்ளி விடுதியில் தூக்கிட்ட மாணவி சாவு DIN DIN Thursday, December 13, 2018 08:21 AM +0530 உளுந்தூர்பேட்டை அருகே அரசுப் பள்ளி விடுதியில் தூக்கிட்டுத் தற்கொலைக்கு முயன்ற மாணவி புதன்கிழமை உயிரிழந்தார்.
 உளுந்தூர்பேட்டை கந்தசாமிபுரம் பகுதியைச் சேர்ந்த வாகன ஓட்டுநர் கோபி. இவரது 2-ஆவது மகள் லாவண்யா (16), உளுந்தூர்பேட்டையை அடுத்த ஏ.குமாரமங்கலம் அரசு மாதிரிப் பள்ளி விடுதியில் தங்கி, பள்ளியில் பிளஸ் 1 படித்து வந்தார். இவர், விடுமுறை தினங்களில் வீட்டுக்கு சென்று வருவார்.
 லாவண்யா கடந்த திங்கள்கிழமை காலை வீட்டிலிருந்து பள்ளிக்கு வந்து அரையாண்டுத் தேர்வு எழுதினார். பிற்பகல் உணவு இடைவேளையின்போது விடுதியில் தனது அறைக்குச் சென்ற அவர், உணவு சாப்பிடுவதற்கு வரவில்லை. இதனால் சந்தேகமடைந்த அவரது தோழிகள், தேடிச் சென்று பார்த்தபோது, அறையில் லாவண்யா தனது துப்பட்டாவால் மின் விசிறியில் தூக்கிட்டு தற்கொலைக்கு முயன்றது தெரிய வந்தது.
 இதையடுத்து, ஆசிரியர்கள் லாவண்யாவை மீட்டு, உளுந்தூர்பேட்டை அரசு மருத்துவமனையில் சேர்த்தனர். பின்னர், தீவிர சிகிச்சைக்காக முண்டியம்பாக்கம் அரசு மருத்துவக் கல்லூரி மருத்துவமனையில் சேர்க்கப்பட்ட அவர், அங்கு புதன்கிழமை உயிரிழந்தார். இதுகுறித்த புகாரின்பேரில், உளுந்தூர்பேட்டை காவல் நிலைய ஆய்வாளர் ஷாகுல் அமீது வழக்குப் பதிந்து, மாணவியின் தற்கொலைக்கான காரணம் குறித்து விசாரணை மேற்கொண்டுள்ளார்.

]]>
http://www.dinamani.com/all-editions/edition-villupuram/villupuram/2018/dec/13/உளுந்தூர்பேட்டை-அருகே-அரசுப்-பள்ளி-விடுதியில்-தூக்கிட்ட-மாணவி-சாவு-3057012.html
3057009 விழுப்புரம் விழுப்புரம் தலைமை ஆசிரியரைக் கண்டித்து மாணவர்கள் போராட்டம் DIN DIN Thursday, December 13, 2018 08:21 AM +0530 திருக்கோவிலூர் அருகே அரசுப் பள்ளி தலைமை ஆசிரியரைக் கண்டித்து மாணவர்கள், பெற்றோர்கள் புதன்கிழமை திடீர் போராட்டத்தில் ஈடுபட்டனர்.
 திருக்கோவிலூர் அருகே உள்ள வேங்கூர் அரசு உயர்நிலைப் பள்ளியில் பயிற்சி ஆசிரியர்களாக அதே ஊரைச் சேர்ந்த சின்னராசு, மீனா ஆகியோர் பணியாற்றி வருகின்றனர். அவர்களுக்கு பயிற்சிக் காலம் முடிந்து சான்றிதழ் வழங்க வேண்டும். இதற்காக, பள்ளியின் தலைமை ஆசிரியர் சரோஜா, பள்ளிக்கு நன்கொடை கேட்டதாகத் தெரிகிறது.
 இதற்கு, பயிற்சி ஆசிரியர்கள், தாங்கள் ஏழைக் குடும்பத்தைச் சேர்ந்தவர்கள், எங்களால் நன்கொடை ஏதும் தர இயலாது எனத் தெரிவித்தனராம்.
 இந்த நிலையில், தலைமை ஆசிரியர் தரப்பில், பள்ளியில் இருந்த செல்லிடப்பேசி உள்ளிட்ட பெ ôருள்கள் திருட்டு போனதாகவும், பயிற்சி ஆசிரியர்கள் மீது சந்தேகம் உள்ளதாகவும் எனத் தெரிவித்து காவல் நிலையத்தில் அண்மையில் புகார் அளிக்கப்பட்டது.
 இதையடுத்து, பயிற்சி ஆசிரியர்களை அழைத்து போலீஸார் விசாரித்துள்ளனர். இதனால், அதிர்ச்சியடைந்த பயிற்சி ஆசிரியர்கள், அப்பகுதி மக்களும், மாணவர்களுடன் சேர்ந்து, பள்ளியை முற்றுகையிட்டு போராட்டம் நடத்தினர்.
 தகவல் அறிந்த திருக்கோவிலூர் மாவட்ட கல்வி அலுவலர் விஜயலட்சுமி, வட்டாரக் கல்வி அலுவலர் முரளிகிருஷ்ணன், காவல் ஆய்வாளர் ரத்தினசபாபதி மற்றும் போலீஸார் விரைந்து சென்று பொதுமக்களிடம் பேச்சுவார்த்தை நடத்தினர்.
 அப்போது, தவறான புகார் கொடுத்த தலைமை ஆசிரியர் மீது நடவடிக்கை எடுக்க வேண்டும் என பொதுமக்கள் வலியுறுத்தினர்.
 இதையடுத்து, விசாரித்து நடவடிக்கை எடுப்பதாக அதிகாரிகள் தெரிவித்ததை அடுத்து போராட்டத்தில் ஈடுபட்டவர்கள் கலைந்து சென்றனர்.
 
 
 

]]>
http://www.dinamani.com/all-editions/edition-villupuram/villupuram/2018/dec/13/தலைமை-ஆசிரியரைக்-கண்டித்து-மாணவர்கள்-போராட்டம்-3057009.html
3056983 விழுப்புரம் விழுப்புரம் ஜெருசலேம் புனிதப் பயணத்துக்கு விண்ணப்பிக்கலாம் DIN DIN Thursday, December 13, 2018 08:07 AM +0530 ஜெருசலேம் புனிதப் பயணம் மேற்கொள்ள கிறிஸ்தவர்கள் விண்ணப்பிக்கலாம் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.
இது குறித்து விழுப்புரம் மாவட்ட ஆட்சியரகம் வெளியிட்ட செய்திக் குறிப்பு: ஜெருசலேம் புனிதப் பயணம் மேற்கொள்வதற்காக, தமிழக அரசால் நபர் ஒருவருக்கு ரூ.20,000 - நிதியுதவி வழங்கும் திட்டத்தின் கீழ் பயணம் மேற்கொள்ள தமிழகத்தைச் சேர்ந்த கிறிஸ்தவர்களிடம் இருந்து விண்ணப்பங்கள் வரவேற்கப்படுகின்றன. இப்புனிதப் பயணம், பெத்லஹேம், ஜெருசலேம், நாசரேத், ஜோர்டான் நதி, கலிலேயா சமுத்திரம் மற்றும் கிறிஸ்தவ மத தொடர்புடைய பிற புனிதத் தலங்களையும் உள்ளடக்கியது.
இப்பயணம் டிசம்பர் 2018, ஜனவரி 2019 முதல் பல்வேறு குழுக்களாக மேற்கொள்ள உத்தேசிக்கப்பட்டுள்ளது. பயண காலம் 10 நாள்கள் வரை இருக்கும்.
இதற்கான விண்ணப்பங்களை பிற்படுத்தப்பட்டோர் மற்றும் சிறுபான்மையினர் நல அலுவலகத்தில் பெற்றுக்கொள்ளலாம். நிபந்தனைகள், விதிமுறைகள் மற்றும் விண்ணப்பப்படிவம் ஆகியவற்றை www.bcmbcmw.tn.gov.in என்ற இணையதள முகவரியில் காணலாம். நிறைவு செய்யப்பட்ட விண்ணப்பங்களை மேலாண்மை இயக்குநர், தமிழ்நாடு சிறுபான்மையினர் பொருளாதார மேம்பாட்டுக் கழகம், கலசமஹால் பாரம்பரிய கட்டடம் (முதல் தளம்), சேப்பாக்கம், சென்னை }600005 என்ற முகவரிக்கு அனுப்பி வைக்க வேண்டும் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.
 

]]>
http://www.dinamani.com/all-editions/edition-villupuram/villupuram/2018/dec/13/ஜெருசலேம்-புனிதப்-பயணத்துக்கு-விண்ணப்பிக்கலாம்-3056983.html
3056563 விழுப்புரம் விழுப்புரம் சட்ட பல்கலை. தடகளம்: விழுப்புரம் மாணவருக்கு தங்கம் DIN DIN Wednesday, December 12, 2018 09:32 AM +0530 தமிழ்நாடு அரசு சட்டப் பல்கலைக்கழக அளவிலான விளையாட்டுப் போட்டியில், விழுப்புரம் அரசு சட்டக் கல்லூரி மாணவர் ரானேஷ் தங்கப் பதக்கம் வென்றார். 
தமிழ்நாடு அரசு டாக்டர் அம்பேத்கர் சட்டப் பல்கலைக்கழகத்துக்கு உள்பட்ட சட்டக் கல்லூரிகளுக்கு இடையேயான 20-ஆவது தடகளப் போட்டிகள், இறகுப் பந்து, கிரிக்கெட்,  கைப்பந்து உள்ளிட்ட குழுப் போட்டிகள் அண்மையில் நடைபெற்றன. சென்னை நேரு உள்விளையாட்டரங்கில் நடைபெற்ற போட்டியில்,  விழுப்புரம் அரசு சட்டக் கல்லுôரி மாணவர் குழுவினர் கலந்துகொண்டனர். இதில், கைப்பந்து,  இறகுப்பந்து,  கிரிக்கெட்,  தடகளப் போட்டிகளில் 54 பேர் கலந்துகொண்டனர்.
இதில், விழுப்புரம் அரசு சட்டக் கல்லூரி மாணவர் ரானேஷ் குண்டு எறிதல், வட்டு எறிதல் ஆகிய போட்டிகளில் பல்கலைக்கழக அளவில் முதலிடம் பிடித்து தங்கப் பதக்கம் வென்றார். இதன்மூலம், தேசிய அளவிலான  தடகளப் போட்டியில் பங்கேற்க அவர் தகுதி பெற்றார்.  
இதையடுத்து, மாணவர் ரானேஷுக்கு,  விழுப்புரம் அரசு சட்டக் கல்லூரியில் பாராட்டு விழா செவ்வாய்க்கிழமை நடைபெற்றது.  கல்லூரி முதல்வர் முருகேசன் (படம்) மற்றும் பேராசிரியர்கள்  மாணவருக்குப் பாராட்டு தெரிவித்தனர். கடந்த ஆண்டு நடைபெற்ற போட்டியிலும்  தங்கம்,  வெள்ளிப் பதக்கங்களை மாணவர் ரானேஷ் வென்றதாக கல்லூரி ஆசிரியர்கள் தெரிவித்தனர்.


 

]]>
http://www.dinamani.com/all-editions/edition-villupuram/villupuram/2018/dec/12/சட்ட-பல்கலை-தடகளம்-விழுப்புரம்-மாணவருக்கு-தங்கம்-3056563.html
3056562 விழுப்புரம் விழுப்புரம் 3 மாநிலத் தேர்தல்களில் வெற்றி: காங்கிரஸ் கட்சியினர் கொண்டாட்டம் DIN DIN Wednesday, December 12, 2018 09:32 AM +0530 மத்தியப் பிரதேசம், ராஜஸ்தான், சத்தீஸ்கர் ஆகிய மாநிலங்களின் சட்டப் பேரவைத் தேர்தல்களில் காங்கிரஸ் கட்சி வெற்றி பெற்றதையடுத்து, விழுப்புரம் மாவட்டத்தின் பல்வேறு பகுதிகளில் அந்தக் கட்சியினர் செவ்வாய்க்கிழமை பட்டாசு வெடித்தும், இனிப்பு வழங்கியும் கொண்டாடினர்.
விழுப்புரத்தில்  மத்திய மாவட்ட காங்கிரஸ் கட்சி சார்பில், மாவட்டத் தலைவர் ஆர்.டி.வி.சீனுவாசகுமார் தலைமையில், புதிய பேருந்து நிலையத்தில் பயணிகளுக்கும், வாகன ஓட்டிகளுக்கும் இனிப்புகள் வழங்கினர். மேலும், பட்டாசு வெடித்தும் கொண்டாடினர்.
இதில், நகரத் தலைவர் செல்வராஜ், மாநிலப் பொதுக்குழு உறுப்பினர்கள் சிவா, ராஜாராம், சுரேஷ்ராம், துணைத் தலைவர்கள் ராஜ்குமார், நாராயணசாமி, குப்பன், பொதுச் செயலர்கள் விஸ்வநாதன்,  நடராஜன், காஜா மொய்தீன், சேகர், பொதுக்குழு உறுப்பினர்கள் பரிமளா கஜேந்திரன்,  தன்சிங் உள்ளிட்ட பலர் கலந்து கொண்டனர்.
விழுப்புரம் காந்தி சிலை சந்திப்பில் முன்னாள் மாவட்டத் தலைவர் எம்.டி.குலாம்மொய்தீன் தலைமையில், காங்கிரஸ் கட்சியினர் கொண்டாடினர். இதில், மாநில பொதுக்குழு உறுப்பினர் கோ.பாலசுப்பிரமணியன், எஸ்.ஆறுமுகம், பொதுச் செயலர்கள் காஜா, சுந்தர், சீனுவாசன், அகமது உள்ளிட்டோர் கலந்துகொண்டனர்.
திருக்கோவிலூர்:  திருக்கோவிலூரில் காங்கிரஸ் கட்சியின் சிறுபான்மைப் பிரிவு மாநில துணைத் தலைவர் ஏ.ஆர்.வாசிம்ராஜா தலைமையில், அந்தக் கட்சியினர் பேருந்து பயணிகளுக்கும், பொதுமக்களுக்கும் இனிப்பு வழங்கி தங்களது மகிழ்ச்சியை வெளிப்படுத்தினர்.
செஞ்சி: செஞ்சி கூட்டுச் சாலையில் அகில இந்திய காங்கிரஸ் கமிட்டி உறுப்பினரும், ஸ்ரீரங்கபூபதி கல்வி நிறுவனங்களின் தலைவருமான வழக்குரைஞர் 
ஆர்.பூபதி தலைமை வகித்து, பொதுமக்களுக்கு இனிப்புகளை வழங்கினார். மாநில பொதுக்குழு உறுப்பினர் தினகரன், மாவட்ட துணைத் தலைவர் பாலப்பட்டு சண்முகம், வட்டாரத் தலைவர் சரவணன், செஞ்சி நகரத் தலைவர் இ.சரவணன், விவசாயப் பிரிவு மாவட்டத் தலைவர் ஜோலாதாஸ், சிவக்குமார், கோணராஜா, சுரேஷ், பாண்டுரங்கன், முருகானந்தம், காளி, கேபிள்ரமேஷ், சுதாகர் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/dec/12/3-மாநிலத்-தேர்தல்களில்-வெற்றி-காங்கிரஸ்-கட்சியினர்-கொண்டாட்டம்-3056562.html
3056561 விழுப்புரம் விழுப்புரம் விழுப்புரம் பேருந்து நிலையத்துக்கு பாரதியார் பெயர் வைக்கக் கோரிக்கை DIN DIN Wednesday, December 12, 2018 09:31 AM +0530 விழுப்புரம் பேருந்து நிலையத்துக்கு பாரதியார் பெயர் வைக்க வேண்டும் என்று இந்து மக்கள் கட்சியினர் கோரிக்கை விடுத்தனர்.
இந்து மக்கள் கட்சி சார்பில், விழுப்புரம் ஆட்சியர் அலுவலகம் எதிரே பாரதியாரின் உருவப்படம் மேடையில் அலங்கரிக்கப்பட்டு, பாரதியார் படத்துக்கு மாலை அணிவித்தும், மலர் தூவியும் மரியாதை செலுத்தினர்.
விழாவுக்கு இந்து மக்கள் கட்சியின் மாநில அமைப்புக்குழுச் செயலர் ஆ.பி.ஆசைதம்பி தலைமை வகித்தார். இதில், சிவ.தியாகராஜன் உள்ளிட்ட பாஜகவினர், இந்து மக்கள் கட்சியினர் மற்றும் பல அமைப்புகளைச் சேர்ந்தவர்கள் கலந்துகொண்டனர்.
இதையடுத்து, விழுப்புரம் ஆட்சியர் அலுவலகத்துக்கு ஊர்வலமாக வந்த அவர்கள், விழுப்புரம் பேருந்து நிலையத்துக்கு பாரதியார் பெயர் வைக்க வேண்டும் என்றும், பேருந்து நிலையத்துக்குள் அவரின் சிலையை அமைக்க வேண்டும் என்றும் கோரி, மாவட்ட ஆட்சியர் இல.சுப்பிரமணியனை சந்தித்து, மனு அளித்தனர்.

]]>
http://www.dinamani.com/all-editions/edition-villupuram/villupuram/2018/dec/12/விழுப்புரம்-பேருந்து-நிலையத்துக்கு-பாரதியார்-பெயர்-வைக்கக்-கோரிக்கை-3056561.html
3056560 விழுப்புரம் விழுப்புரம் விழுப்புரம், திண்டிவனத்தில் புதிய நீதிமன்றங்கள் திறப்பு DIN DIN Wednesday, December 12, 2018 09:31 AM +0530 விழுப்புரம், திண்டிவனத்தில் புதிய நீதிமன்றங்களை உயர் நீதிமன்றத் தலைமை நீதிபதி வி.கே. தஹில ராமாணீ செவ்வாய்க்கிழமை திறந்துவைத்தார்.
விழுப்புரம் ஒருங்கிணைந்த நீதிமன்ற வளாகத்தில் புதிதாக போதை மருந்துகள், உளச்சார்பு பொருள்கள் சட்ட வழக்கு சிறப்பு நீதிமன்றம் அமைக்கப்பட்டது. இந்த சிறப்பு நீதிமன்றத்தை சென்னை உயர் நீதிமன்ற தலைமை நீதிபதி வி.கே. தஹில ராமாணீ செவ்வாய்க்கிழமை குத்துவிளக்கேற்றி திறந்துவைத்தார். மேலும், அடிக்கல்லையும் திறந்துவைத்தார். நிகழ்ச்சியில் சென்னை உயர் நீதிமன்ற நீதிபதி ரமேஷ், மாநில சட்டத் துறை அமைச்சர் சி.வி.சண்முகம், மாவட்ட முதன்மை  நீதிபதி சரோஜினிதேவி, மாவட்ட ஆட்சியர் இல.சுப்பிரமணியன், மாவட்டக் காவல் கண்காணிப்பாளர் ஜெயக்குமார் மற்றும் நீதிபதிகள், வழக்குரைஞர்கள் உள்பட பலர் கலந்து கொண்டனர்.
இந்த சிறப்பு நீதிமன்றத்துக்கு நீதிபதியாக ஜமுனா நியமிக்கப்பட்டுள்ளார். இரண்டு வழக்குகள் செவ்வாய்க்கிழமை விசாரணைக்கு எடுத்துக் கொள்ளப்பட்டன.
திண்டிவனத்தில்: திண்டிவனம் ஒருங்கிணைந்த நீதிமன்ற வளாத்தில் புதிதாக அமைக்கப்பட்டுள்ள மோட்டார் வாகன விபத்து வழக்குகள் தீர்ப்பாயத்தையும் உயர் நீதிமன்ற தலைமை நீதிபதி வி.கே.தஹில ராமாணீ திறந்துவைத்தார். பின்னர், திண்டிவனத்தில் தனியார் திருமண மண்டபத்தில் நடைபெற்ற நீதிமன்ற திறப்பு விழா நிகழ்ச்சியிலும் உயர் நீதிமன்ற தலைமை நீதிபதி கலந்து கொண்டார். நிகழ்ச்சியில் அமைச்சர் சி.வி.சண்முகம் கலந்து கொண்டு பேசினார்.


 

]]>
http://www.dinamani.com/all-editions/edition-villupuram/villupuram/2018/dec/12/விழுப்புரம்-திண்டிவனத்தில்-புதிய-நீதிமன்றங்கள்-திறப்பு-3056560.html
3056559 விழுப்புரம் விழுப்புரம் கிராம நிர்வாக அலுவலர்கள் தொடர் வேலைநிறுத்தம் DIN DIN Wednesday, December 12, 2018 09:31 AM +0530 கிராம நிர்வாக அலுவலர்கள் 2-ஆவது நாளாக செவ்வாய்க்கிழமையும் வேலைநிறுத்தப் போராட்டத்தில் ஈடுபட்டதால், சான்றிதழ் விநியோகம் உள்ளிட்டப் பணிகள் பாதிக்கப்பட்டன. இதனால் பொதுமக்கள் அவதியடைந்தனர். 
கிராம நிர்வாக அலுவலர்களுக்கு மாவட்ட மாறுதல் வழங்க வேண்டும், மடிக் கணினியுடன் கூடிய  இணையதள வசதி அளிக்க வேண்டும்,  கிராம நிர்வாக அலுவலகங்களில் கழிப்பறை,  மின்சாரம் உள்ளிட்ட அடிப்படை வசதிகள் வழங்க வேண்டும்,  உள்பிரிவு பட்டா மாறுதலுக்கு கிராம நிர்வாக அலுவலரின் பரிந்துரையை ஏற்க வேண்டும், பழைய ஓய்வூதியத் திட்டத்தை செயல்படுத்த வேண்டும் என்பன உள்ளிட்ட 20 அம்சக் கோரிக்கைகளை வலியுறுத்தி,  தமிழ்நாடு கிராம நிருவாக அலுவலர்கள் சங்கத்தினர் போராட்டங்களை நடத்தி வந்தனர்.
 இதன் ஒரு பகுதியாக காலவரையற்ற வேலைநிறுத்தப் போராட்டத்தை திங்கள்கிழமை தொடங்கினர். இந்தப் போராட்டம் 2-ஆவது நாளாக செவ்வாய்க்கிழமையும் தொடர்ந்தது. 
இதன்படி,  விழுப்புரம் மாவட்டத்திலும் 2 நாள்களாக வேலைநிறுத்தப் போராட்டத்தில் கிராம நிர்வாக அலுவலர்கள் 375 பேர் ஈடுபட்டுள்ளனர்.  
இவர்கள், வட்டங்கள்தோறும் மக்களைச் சந்தித்து, தங்களது போராட்டத்துக்கான காரணங்கள் குறித்து விளக்கி வருகின்றனர். 
 செவ்வாய்க்கிழமை கண்டமங்கலத்தில் முகாமிட்டு, போராட்ட விளக்க துண்டுப் பிரசுரங்களை பொதுமக்களிடம் வழங்கினர்.  விழுப்புரம் மாவட்ட செயலர் எஸ்.புஷ்பகாந்தன் தலைமை வகித்தார். 
விழுப்புரம் வட்டத் தலைவர் லட்சுமணன், செயலர் ஜெயராமன்,  பொருளாளர் கமலநாதன், அமைப்புச் செயலர் உத்தரவேல், இணைச் செயலர் உமாபதி,  பிரசார செயலர் ரமேஷ், மகளிரணிச் செயலர் மீனாட்சி,  முத்துகிருஷ்ணன் உள்ளிட்ட 40 கிராம நிர்வாக அலுவலர்கள் கலந்துகொண்டனர். இதேபோல, மாவட்டத்தில் உள்ள 13 வட்டங்களிலும் சங்கத்தினர் பிரசாரத்தில் ஈடுபட்டனர்.
 விழுப்புரம் மாவட்டத்தில் 881 வருவாய் கிராமங்கள் உள்ளன. இவற்றில், 598 கிராம நிர்வாக அலுவலர்கள் பணியாற்றி வருகின்றனர். 
இவர்களில் தற்போது,  375 பேர் வேலை நிறுத்தத்தில் ஈடுபட்டுள்ளனர். ஏற்கெனவே கூடுதலாக கவனித்து வந்த  164 கிராம கணக்குகளையும் இவர்கள் திருப்பி அளித்துள்ளனர். கிராம நிர்வாக அலுவலர்களின் வேலைநிறுத்தத்தால் பொது மக்களுக்கு சான்றிதழ் விநியோகம், அரசு நலத் திட்டப் பணிகள்,  பிறப்பு சான்றிதழ், விவசாயிகளுக்கு அடங்கல் வழங்குதல் உள்ளிட்ட பணிகளுக்கு பாதிப்பு ஏற்பட்டுள்ளதால் பொது மக்கள் அவதிப்பட்டு வருகின்றனர்.
கள்ளக்குறிச்சி: இதேபோல, கள்ளக்குறிச்சி, சின்னசேலம் வட்டத்தைச் சேர்ந்த கிராம நிருவாக அலுவலர்கள் சங்கத்தினர் நாகலூர், நைனார்பாளையத்தில் வேலைநிறுத்த ஆர்ப்பாட்டத்தில்  செவ்வாய்க்கிழமை ஈடுபட்டனர். நைனார்பாளையத்தில் நடைபெற்ற ஆர்ப்பாட்டத்துக்கு வட்டத் தலைவர் ரஞ்சித்குமார் தலைமை வகித்தார். சிறப்பு அழைப்பாளராக மாவட்டத் தலைவர் பி.பெரியாப்பிள்ளை பங்கேற்று பேசினார். 
அதேபோல, கள்ளக்குறிச்சி வட்டம், நாகலூரில் வட்டச் செயலர் கருணாநிதி தலைமையில் ஆர்ப்பாட்டம் நடைபெற்றது. மாவட்டத் தலைவர் பி.பெரியாப்பிள்ளை கோரிக்கைகளை வலியுறுத்திப் பேசினார். கிராம நிர்வாக அலுவலர்கள் பலர் பங்கேற்றனர்.

]]>
http://www.dinamani.com/all-editions/edition-villupuram/villupuram/2018/dec/12/கிராம-நிர்வாக-அலுவலர்கள்-தொடர்-வேலைநிறுத்தம்-3056559.html
3056558 விழுப்புரம் விழுப்புரம் வரதட்சிணைகேட்டு மனைவி துன்புறுத்தல்: கணவர் கைது DIN DIN Wednesday, December 12, 2018 09:31 AM +0530 கள்ளக்குறிச்சி அருகே வரதட்சிணை கேட்டு மனைவியை துன்புறுத்தியதாக கணவரை போலீஸார் கைது செய்தனர். மேலும், மாமனார், மாமியார் உள்ளிட்ட 4 பேர் மீது வழக்குப் பதிவு செய்தனர்.
கள்ளக்குறிச்சியை அடுத்த கடத்தூர் காட்டு கொட்டாய் பகுதியைச் சேர்ந்தவர் சங்கீதா (30). 
இவருக்கும், கள்ளக்குறிச்சியை அடுத்த தெங்கியாநத்தம் கிராமத்தைச் சேர்ந்த ஆறுமுகம் மகன் முத்துசாமிக்கும் (38) கடந்த 2007-ஆம் ஆண்டு திருமணம் நடைபெற்றது. இந்தத் தம்பதிக்கு இரு மகன்கள் உள்ளனர்.
திருமணத்தின்போது, சங்கீதாவுக்கு 25 பவுன் நகைகள், ரூ.50 ஆயிரம் ரொக்கம் வரதட்சிணையாக கொடுக்கப்பட்டதாம். இந்த நிலையில், கூடுதலாக ரூ.5 லட்சம் வாங்கி வரக் கோரி, சங்கீதாவை அவரது கணவர் முத்துசாமி மற்றும் மாமனார், மாமியார், உறவினர்கள் கொடுமைப்படுத்தி வந்தனராம்.
இதுகுறித்த புகாரின்பேரில், கள்ளக்குறிச்சி மகளிர் காவல் நிலைய ஆய்வாளர் ரேவதி வழக்குப் பதிவு செய்து முத்துசாமியை செவ்வாய்க்கிழமை கைது செய்தார்.
 

]]>
http://www.dinamani.com/all-editions/edition-villupuram/villupuram/2018/dec/12/வரதட்சிணைகேட்டு-மனைவி-துன்புறுத்தல்-கணவர்-கைது-3056558.html
3056556 விழுப்புரம் விழுப்புரம் மரக்காணம் பகுதியில் அரசுப் பள்ளி பரிமாற்ற விழா DIN DIN Wednesday, December 12, 2018 09:30 AM +0530 மரக்காணம் அருகே கட்டளை ஊராட்சி ஒன்றிய  நடுநிலைப் பள்ளியில் பள்ளிப் பரிமாற்ற நிகழ்ச்சி திங்கள்கிழமை நடைபெற்றது.

கிராமப்புற மற்றும் நகர்ப்புறப் பள்ளிகளில் பயிலும் மாணவர்கள் ஒன்று கூடிப் பழகி கருத்துகளைப் பரிமாறிக் கொள்வதன் மூலம் அவர்களின் அறிவு, சமுகப் பண்புகள் மற்றும் மனப்பான்மையில் நேர்மறை எண்ணங்களை ஏற்படுத்துதல்,

பள்ளிகளிலுள்ள ஆய்வகம், கட்டமைப்புகள்,  கற்றலுக்கு உகந்த சூழல், ஆசிரியரின் மாறுபட்ட கற்பித்தல் உத்திகள் போன்றவற்றை பெற்று மாணவர்கள் பயன்பெறுவர்.   

இவ்வாறு மாணவர்களை மேம்படுத்தும் வகையில் பள்ளிப் பரிமாற்றுத் திட்டத்தை அரசு செயல்படுத்தி வருகிறது. 

மரக்காணம் ஒன்றியம், கட்டளை ஊராட்சி ஒன்றிய நடுநிலைப் பள்ளி, திண்டிவனம் நேஷனல் மேல்நிலைப் பள்ளி ஆகியவை பள்ளிப் பரிமாற்றத் திட்டத்தில் இணைந்துள்ளன.  இதற்காக,  கட்டளை ஒன்றிய நடுநிலைப் பள்ளியில் நடைபெற்ற பரிமாற்ற தொடக்க விழாவில்,  வட்டாரக் கல்வி அலுவலர்கள் இளஞ்செழியன், ஜெய்சங்கர் ஆகியோர் சிறப்பு விருந்தினர்களாக பங்கேற்றனர்.  

வட்டார மேற்பார்வையாளர் சம்பத்,  பள்ளி மேலாண்மைக் குழுத் தலைவர் பாரதி, ஓய்வு பெற்ற தலைமை ஆசிரியர் வரதராஜலு ஆகியோர் முன்னிலை வகித்தனர்.   தலைமை ஆசிரியர் துளசி வரவேற்றார். நேஷனல் மேல்நிலைப் பள்ளி ஆசிரியர்கள் ஞானசேகரன்,  ஹரிபுருஷோத்தமன் உள்ளிட்டோர் வாழ்த்துரை வழங்கினர்.

இரு பள்ளிகளைச் சேர்ந்த ஏழு மற்றும் எட்டாம் வகுப்பு மாணவர்கள் 40 பேர் பங்கேற்று,  தமிழ்கல்வி செயல்பாடுகள், தகவல் தொழில்நுட்பத்தை பயன்படுத்துதல், கவிஞர்களின் படைப்புகளை அறிதல், புத்தகங்களை வாசித்தல் போன்ற செயல்பாடுகளில் ஈடுபட்டனர்.  

ஆசிரியர்கள் ஜெயபாஸ்கர், சம்பத், தேவரூபி,  சுகதேவ்,  குப்பு,  அருண் பிரபாகரராணி உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-villupuram/villupuram/2018/dec/12/மரக்காணம்-பகுதியில்-அரசுப்-பள்ளி-பரிமாற்ற-விழா-3056556.html
3056555 விழுப்புரம் விழுப்புரம்  மகாகவி பாரதியார் பிறந்த நாள் விழா DIN DIN Wednesday, December 12, 2018 09:30 AM +0530 விழுப்புரம் மாவட்டத்தின் பல்வேறு பகுதிகளில் பாரதியார் பிறந்த நாள் விழா செவ்வாய்க்கிழமை கொண்டாடப்பட்டது.
சங்கராபுரம் முத்தமிழ்க் கலை இலக்கியப் பேரவை, நட்சத்திர நன்னெறி மன்றம், தியாகதுருகம் பாரதியார் தமிழ்ச் சங்கம் ஆகியவை இணைந்து பாரதியார் பிறந்த நாள் விழாவை சங்கராபுரத்தில் நடத்தின. விழாவுக்கு முத்தமிழ் கலை இலக்கியப் பேரவைத் தலைவர் மு.முகமதுஉசேன் தலைமை வகித்தார். தமிழ்ப் படைப்பாளர்கள் சங்கத் தலைவர் அரங்க.செம்பியன், ஸ்டார் கிளப் வட்டாரத் தலைவர் அ.முகமத்ரபி, ஜெய் பிரதர்ஸ் கபடிக் குழுத் தலைவர் வ.விஜயகுமார், அரசுப் பெண்கள் மேல்நிலைப் பள்ளி பெற்றோர் - ஆசிரியர் கழகத் தலைவர் கோ.குசேலன், நட்சத்திர நன்னெறி மன்றத் தலைவர் எம்.காதர், கல்வியாளர் மு.இதாயத்துல்லா ஆகியோர் முன்னிலை வகித்தனர். பாரதியார் தமிழ்ச் சங்கத் தலைவர் ரா.துரைமுருகன் வரவேற்றார். விழாவில் பாவலர்கள் செ.சு.மலரடியான், ரா.கதிர்வேல், புலவர்கள் பெ.சயராமன், ஆ.இலட்சுமிபதி, பி.கோவிந்தன், கவிஞர்கள் செ.வ.மகேந்திரன், கலிய.செல்லமுத்து, சண்முகம் பிச்சைப்பிள்ளை, ஜெயகண்ணா ஆகியோர் பாரதியார் பற்றி பல்வேறு தலைப்புகளில் பேசினர்.  தொடர்ந்து, பாவலர்கள் பார்வையில் பாரதி என்னும் தலைப்பில் கவிஞர் வீ.கோவிந்தராஜன் தலைமையில் கவியரம் நடைபெற்றது. இதில், அரிமா மாவட்டத் தலைவர் ஜனனி மகாலிங்கம் உள்பட பலர் கலந்துகொண்டனர்.
பாச்சேரியில்...: இதேபோல, சங்கராபுரம் அருகே பாச்சேரியில் அனைவருக்கும் கல்வி இயக்கம் சார்பில் இயங்கும் கஸ்தூர்பா காந்தி பாலிகா வித்யாலயா பள்ளியில் பாரதியார் பிறந்த நாள் விழா கொண்டாடப்பட்டது. இதில், பள்ளியை ஏற்று நடத்தும் ஆமினா அறக்கட்டளை நிர்வாகி மு.இதாயத்துல்லா, ஆசிரியைகள் சலேத்மேரி, ஜெயலட்சுமி, கார்குழலி உள்பட பலர் கலந்து கொண்டனர்.
கள்ளக்குறிச்சி: கள்ளக்குறிச்சி வட்டார தமிழ் அமைப்புகள் இணைந்து கச்சேரி சாலையில் பாரதியார் பிறந்த நாள் விழாவை கொண்டாடின. விழாவுக்கு உலக தமிழக் கவிஞர் பேரவைத் தலைவலர் புலவர் கு.சீத்தா தலைமை வகித்தார். தியாகதுருகம் பாரதியார் தமிழ்ச் சங்கத் தலைவர் ரா.துரைமுருகன், தமிழ்ப் படைப்பாளர்கள் சங்கத் தலைவர் கல்லை வீ.கோவிந்தராசன், கல்வராயன்மலை தமிழ்ச் சங்கத் தலைவர் மலரியான் உள்ளிட்டோர் முன்னிலை வகித்தனர். கல்லை தமிழ்ச் சங்கச் செயலர் செ.வ.மதிவாணன் வரவேற்றார்.
பாரதியாரின் உருவப் படத்துக்கு சங்க துணைச் செயலர் இல.அம்பேத்கார் மற்றும் சங்க உறுப்பினர்கள் மலர் தூவி மரியாதை செலுத்தினர். சங்க இணைச் செயலர் செ.வ.மகேந்திரன், விருகாவூர் தமிழ்ச் சங்கத் தலைவர் சண்முகம் பிச்சப்பிள்ளை, கள்ளக்குறிச்சி முத்தமிழ் முத்தன் உள்ளிட்டோர் பாரதியார் பாடல்களைப் பாடினர்.
 

]]>
http://www.dinamani.com/all-editions/edition-villupuram/villupuram/2018/dec/12/மகாகவி-பாரதியார்-பிறந்த-நாள்-விழா-3056555.html
3056553 விழுப்புரம் விழுப்புரம் செஞ்சியில் சாலைப் பாதுகாப்பு விழிப்புணர்வு இயக்க அலுவலகம் திறப்பு DIN DIN Wednesday, December 12, 2018 09:30 AM +0530 செஞ்சியில் உயிர் என்ற பெயரில் சாலைப் பாதுகாப்பு விழிப்புணர்வு இயக்க அலுவலகம் திறப்பு விழா திங்கள்கிழமை நடைபெற்றது.
விபத்தில்லா உலகை உருவாக்குவோம் என்ற அடிப்படையில், இந்த அலுவலகத்தை மாவட்டக் காவல் கண்காணிப்பாளர் எஸ்.ஜெயக்குமார் திறந்து வைத்தார்.
உயிர் சாலைப் பாதுகாப்பு இயக்க நிறுவனர் இராம.ஜெ.வெள்ளையன் தலைமை வகித்தார். செஞ்சி டிஎஸ்பி ரவிச்சந்திரன், மாவட்டக் கல்வி அலுவலர் ரோஸ்நிர்மலா, மோட்டார் வாகன ஆய்வாளர் முருகவேல், தீயணைப்பு நிலைய அலுவலர் ஆர்.பாபு ஆகியோர் முன்னிலை வகித்தனர்.
சிறப்பு விருந்தினர்களாக திருக்குறள் பேரவைத் தலைவர் பெ.கோபிநாத், செயர் அ.சேட்டு, மதிமுக ஏ.கே.மணி, பழங்குடி மக்கள் முன்னணி சுடரொளிசுந்தரம், வழக்குரைஞர் வைகைதமிழ்ச்செல்வன் உள்ளிட்ட செஞ்சி நகர முக்கியப் பிரமுகர்கள், வணிகர்கள் மற்றும் செஞ்சி வட்ட கார், வேன், ஆட்டோ ஓட்டுநர்கள் உள்ளிட்டோர் கலந்து கொண்டனர்.
இதில், சாலை விதிகளை மதித்து, விபத்தை தவிர்க்க வேண்டியது நமது கடமையாகும். இதன் மூலம் விபத்தில்லா உலகை உருவாக்க முடியும் என விரிவாக எடுத்துரைக்கப்
பட்டது.


 

]]>
http://www.dinamani.com/all-editions/edition-villupuram/villupuram/2018/dec/12/செஞ்சியில்-சாலைப்-பாதுகாப்பு-விழிப்புணர்வு-இயக்க-அலுவலகம்-திறப்பு-3056553.html
3056552 விழுப்புரம் விழுப்புரம் மேல்மலையனூர் அங்காளம்மன் கோயில் உண்டியல் காணிக்கை ரூ.30.15 லட்சம் DIN DIN Wednesday, December 12, 2018 09:29 AM +0530 செஞ்சியை அடுத்த மேல்மலையனூர் ஸ்ரீஅங்காளம்மன் கோயிலுக்கு கார்த்திகை மாதத்தில் ரூ.30.15 லட்சத்தை உண்டியல் காணிக்கையாக பக்தர்கள் செலுத்தியுள்ளனர்.
மேல்மலையனூர் ஸ்ரீஅங்களம்மன் கோயில் விழுப்புரம் மாவட்டத்தில் பிரசித்தி பெற்ற சுற்றுலாத்தலமாக விளங்குகிறது. இந்தக் கோயிலில் கார்த்திகை மாத உண்டியல் காணிக்கை எண்ணும் பணி செவ்வாய்க்கிழமை நடைபெற்றது.
இதில், ரூ.30 லட்சத்து 15 ஆயிரத்து 688 ரொக்கம், 251 கிராம் தங்கம், 225 கிராம் வெள்ளியை பக்தர்கள் காணிக்கையாக செலுத்தியிருந்தது தெரியவந்தது.
காணிக்கை எண்ணும் பணியின்போது, இந்து சமய அறநிலையத் துறை துணை ஆணையர் ஏ.ஆர்.பிரகாஷ், அறங்காவலர் குழுத் தலைவர் கணேசன் மற்றும் அறங்காவலர்கள் உடனிருந்தனர். பாதுகாப்பு ஏற்பாடுகளை வளத்தி போலீஸார் செய்திருந்தனர்.

]]>
http://www.dinamani.com/all-editions/edition-villupuram/villupuram/2018/dec/12/மேல்மலையனூர்-அங்காளம்மன்-கோயில்-உண்டியல்-காணிக்கை-ரூ3015-லட்சம்-3056552.html
3056549 விழுப்புரம் விழுப்புரம் அரசு வீடு கட்டும் திட்டம்: 1,054 பயனாளிகளுக்கு பணி ஆணை DIN DIN Wednesday, December 12, 2018 09:29 AM +0530 அரசு வீடுகட்டும் திட்டத்தின் கீழ் விழுப்புரம் மாவட்டத்தில் 1,054 பயனாளிகளுக்கு அதற்கான பணி ஆணைகளையும், மானிய விலையில் ரூ.1.10 கோடியில் வேளாண் கருவிகளையும் அமைச்சர் சி.வி.சண்முகம் செவ்வாய்க்கிழமை வழங்கினார். 

விழுப்புரம் மாவட்டத்தில் ஊரக வளர்ச்சித் துறை சார்பில் சூரிய மின் சக்தியுடன் கூடிய முதல்வரின் பசுமை வீடுகள் திட்டத்தின் கீழ் தலா ரூ.2.10 லட்சம் மதிப்பில், திருநங்கைகள், மாற்றுத் திறனாளிகள் உள்ளிட்ட  242 பேருக்கு வீடு கட்டுவதற்கான உத்தரவுகளும், பிரதமரின் வீடு கட்டும் திட்டத்தின்கீழ் தலா ரூ.2.2 லட்சம் மதிப்பீட்டில் 812 பேருக்கு வீடுகள் கட்டுவதற்கான பணி உத்தரவுகளும் வழங்கப்பட்டன.
இதற்கான விழா, விழுப்புரம் மாவட்ட ஆட்சியர் அலுவலக வளாகத்தில்,

செவ்வாய்க்கிழமை மாலை நடைபெற்றது. மாநில சட்டத் துறை அமைச்சர் சி.வி.சண்முகம் பங்கேற்று, பசுமை வீடுகள் மற்றும் பிரதமரின் வீடுகள் திட்டத்தின்கீழ்  1,054 பேருக்கு வீடு கட்டுவதற்கான பணி உத்தரவுகளை வழங்கினார்.

தொடர்ந்து, வேளாண் பொறியியல் துறை சார்பில்,  வேளாண் இயந்திரமயமாக்கும் திட்டத்தின்கீழ் நிகழாண்டு வட்டார அளவில் வேளாண் இயந்திரங்கள் வாடகைக்கு வழங்கும் மையங்கள் அமைத்தல், கிராம அளவிலான வேளாண் இயந்திரங்கள் வாடகைக்கு வழங்கும் மையங்கள் அமைத்தல்  போன்ற திட்டங்களுக்கு  ரூ.1.10 கோடி மதிப்பிலான இயந்திரங்களை விவசாயிகளுக்கு அமைச்சர் வழங்கினார்.  

இதில், ரூ.54 லட்சம் மானிய விலையில் 11 டிராக்டர்கள்,  6 ரோட்டவேட்டர்கள்,  3 கல்டிவேட்டர்கள், நெல் நடவு இயந்திரம், பவர்டில்லர் உள்ளிட்ட  30 வகையான வேளாண் இயந்திரங்கள் வழங்கப்பட்டன. 

தொடர்ந்து,  மீன்வளத் துறை மூலம் உலக வங்கி உதவியுடன் மீன்வள மேலாண்மை திட்டத்தின் கீழ்,  மீன் விற்பனையாளர்களுக்கு 50 சதவீத மானியத்தில் தலா ரூ.51 ஆயிரத்து 684 வீதமும்,  5 பேருக்கு,  குளிர்காப்பு பெட்டியுடன் கூடிய மோட்டார் சைக்கிளும் வழங்கப்பட்டது. 

நிகழ்ச்சியில் மாவட்ட ஆட்சியர் இல.சுப்பிரமணியன், மாவட்ட வருவாய் அலுவலர் ஆர்.பிரியா, ஊரக வளர்ச்சித் துறை திட்ட இயக்குநர் வெ.மகேந்திரன், எம்எல்ஏக்கள் இரா.குமரகுரு, எம்.சக்ரபாணி,  மீன்வளத் துறை துணை இயக்குநர் ரேணுகா, வேளாண்மைத் துறை செயற்பொறியாளர் சுதாகர் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/dec/12/அரசு-வீடு-கட்டும்-திட்டம்-1054-பயனாளிகளுக்கு-பணி-ஆணை-3056549.html
3055877 விழுப்புரம் விழுப்புரம் கள்ளக்குறிச்சி அருகே அரசுப் பள்ளி விடுதி மாணவிகள் 50 பேர் சுகவீனம் DIN DIN Tuesday, December 11, 2018 08:54 AM +0530 விழுப்புரம் மாவட்டம், கள்ளக்குறிச்சி அருகே உண்டு உறைவிடப் பள்ளி விடுதி மாணவிகள் 50 பேர் வாந்தி, பேதியால் பாதிக்கப்பட்டு மருத்துவமனையில் சேர்க்கப்பட்டனர்.
கள்ளக்குறிச்சி அருகே கச்சிராயப்பாளையம் கோமுகி அணை வளாகத்தில், அரசு மலைவாழ் மாணவர்களுக்கான உண்டு உறைவிட மேல்நிலைப் பள்ளி உள்ளது. இங்கு 340 மாணவர்களும், 220 மாணவிகளும் படித்து வருகின்றனர். இரு பாலருக்கும் தனித்தனி விடுதிகளும் உள்ளன.
மாணவர் விடுதியில் 340 மாணவர்களும், மாணவிகள் விடுதியில் 218 பேரும் தங்கி படித்து வருகின்றனர். இவர்களுக்கு ஒரே பகுதியில் சமைத்து, தனித்தனியாக உணவு வழங்கப்பட்டு வருகிறது.
இந்த நிலையில், சனிக்கிழமை இரவு உணவு சாப்பிட்டு விட்டு, விடுதியில் தங்கியிருந்த 20 மாணவிகளுக்கு திடீரென வயிற்றுப்போக்கு ஏற்பட்டது.
தலைமை ஆசிரியர் மனோகரன் மாணவிகளை கச்சிராயப்பாளையம் அரசு ஆரம்ப சுகாதார நிலையத்தில் சேர்த்து சிகிச்சையளித்தார். அதே விடுதி மாணவிகளான ராணி, கவிதா, காமாட்சி, பிரியங்கா, சினேகா, சந்தியா, பிரீத்தா, பரமேஸ்வரி, சக்திப்பிரியா, கீர்த்தனா, அனுசுயா, ஈஸ்வரி, முத்துமணி உள்ளிட்ட 30 மாணவிகளுக்கு ஞாயிற்றுக்கிழமை இரவு வாந்தியுடன், வயிற்றுப்போக்கும் ஏற்பட்டது.
அவர்களை தலைமை ஆசிரியர் மற்றும் ஆசிரியர்கள் கச்சிராபாளையம் ஆரம்ப சுகாதார நிலையத்துக்கு அழைத்துச் சென்றனர். வட்டார மருத்துவ அலுவலர் சுகன்யா, ஆர்த்தீஸ்வரன் தலைமையிலான மருத்துவக் குழுவினர் அவர்களுக்கு சிகிச்சையளித்தனர்.
ஏற்கெனவே உடல்நிலை பாதிக்கப்பட்டிருந்த மாணவிகள் கமலா, பரமேஸ்வரி ஆகியோர் தீவிர சிகிச்சைக்காக, கள்ளக்குறிச்சி அரசு மருத்துவமனைக்கு அனுப்பிவைக்கப்பட்டனர்.
இரு தினங்களில் சுமார் 50 மாணவிகளுக்கு சுகவீனம் ஏற்பட்டயடுத்து, மாவட்ட ஆதிதிராவிடர் நல அலுவலர் பிரகாஷ்வேல், சுகாதாரத் துறை துணை இயக்குநர் ஜெமினி, வட்டார மருத்துவ அலுவலர் சுகன்யா, மருத்துவர் ஆர்த்திஸ்வரன் உள்ளிட்டோர் பள்ளி விடுதிக்கு திங்கள்கிழமை சென்று உணவு, தங்குமிடங்களை ஆய்வு செய்தனர்.
அப்போது, மாணவிகள் விடுதிக்கு குடிநீர் செல்லும் குழாயில் உடைப்பு ஏற்பட்டு அதன் மூலம் கீழே தேங்கிய கழிவுநீர் கலந்தது தெரிய வந்தது. இந்தக் குடிநீரை அருந்திய மாணவிகளுக்கு வாந்தி, வயிற்றுப்போக்கு பாதிப்பு ஏற்பட்டிருக்கலாம் என்று அதிகாரிகள் தெரிவித்தனர்.
விடுதி மாணவர்களும் அதே உணவை சாப்பிட்ட நிலையில், அவர்களுக்கு பாதிப்பில்லை என்பதால், உணவில் எந்தவித பாதிப்பும் இல்லை என்றனர். மேலும், குடிநீர் குழாயில் ஏற்பட்ட உடைப்பு உடனடியாக சரி செய்யப்பட்டது.

]]>
http://www.dinamani.com/all-editions/edition-villupuram/villupuram/2018/dec/11/கள்ளக்குறிச்சி-அருகே-அரசுப்-பள்ளி-விடுதி-மாணவிகள்-50-பேர்-சுகவீனம்-3055877.html
3055177 விழுப்புரம் விழுப்புரம் அமெரிக்க ஹூஸ்டன் பல்கலை.யில் தமிழ் இருக்கை அமைக்க ஆலோசனை DIN DIN Monday, December 10, 2018 09:27 AM +0530 அமெரிக்க ஹூஸ்டன் பல்கலை.யில் தமிழ் இருக்கை அமைப்பதற்கான ஆலோசனைக் கூட்டம் திருக்கோவிலூரில் ஞாயிற்றுக்கிழமை நடைபெற்றது. 
 கூட்டத்துக்கு, திருக்கோவலூர் தமிழ்ச் சங்கத் தலைவர் கவிமாமணி சிங்கார.உதியன் தலைமை வகித்தார். 
கர்நாடக மாநில தமிழ்ச் சங்கத் தலைவர் கு.புகழேந்தி, மணலூர்பேட்டை தமிழ்ச் சங்கத் தலைவர் தா.சம்பத் ஆகியோர் முன்னிலை வகித்தனர்.   கூட்டத்தில் அமெரிக்க ஹூஸ்டன் பல்கலைக்கழகத்தில் தமிழ் இருக்கை அமைப்பதற்கான குழுவின் செயலர் பெருமாள் அண்ணாமலை கலந்துகொண்டு பேசினார். 
அப்போது அவர் கூறியதாவது: 
தமிழுக்கு ஓர் இருக்கை அமைப்போம், தமிழர்களின் பண்பாட்டை உலகறியச் செய்திடுவோம் என்ற நோக்கத்தோடு, அமெரிக்க ஹூஸ்டன் நகரில் அமைந்துள்ள யுனிவர்சிட்டி ஆஃப் ஹூஸ்டன் பல்கலை.யில் தமிழ் ஆய்வுக்கான இருக்கை அமைப்பதற்கான முயற்சிகளை பல்கலைக்கழகத்தின் ஒப்புதலோடு மேற்கொண்டு வருகிறோம். 
இதற்கான தொடக்க வைப்புத் தொகையாக 6 மில்லியன் டாலர்கள் தேவைப்படுகிறது. இதில், சரிபாதியான 3 மில்லியன் டாலர்களை டெக்சாஸ் மாநில அரசு வழங்க முன் வந்துள்ளது. மீதமுள்ள 3 மில்லியன் டாலர்களை உலகத் தமிழர்களிடம் இருந்து திரட்ட முயற்சி செய்து வருகிறோம். முதல்கட்டமாக,  செப்டம்பர் 30-ஆம் தேதி ஹூஸ்டனில் நிறுவன நன்கொடையாளர்கள் விருந்து ஏற்பாடு செய்தோம். அதில் பங்கேற்றவர்கள் 1 லட்சத்து 20 ஆயிரம் டாலர்கள் நன்கொடையாக அளித்தனர். 
தமிழின் பெருமையை உலகெங்கும் பறைசாற்ற வழிவகை செய்யப்படும். அடுத்த தலைமுறை தமிழர்களுக்கு பயனுள்ள வகையிலும், இந்த இருக்கையின் செயல்பாடுகள் வடிவமைக்கப்பட்டுள்ளன. 
இதற்கான ஆலோசனைகளையும், வழிகாட்டுதல்களையும் பல்கலைக் கழகங்களும், தமிழ்ச் சங்கங்களும் வழங்க முன்வர வேண்டும் என்றார். 
கூட்டத்தில், திருக்கோவலூர் தமி ழ்ச் சங்கப் பொருளாளர் சி.குருராஜன், செயலர் பாரதிமணாளன், கபிலர் தொன்மை ஆய்வு மைய செயலர் வி.நல்லதம்பி, தமிழாசிரியர்கள் சா.சித்ரா, அரங்க.குணேசேகரன், செ.முருகன் உள்பட பலர் கலந்து
கொண்டனர்.  

]]>
http://www.dinamani.com/all-editions/edition-villupuram/villupuram/2018/dec/10/அமெரிக்க-ஹூஸ்டன்-பல்கலையில்-தமிழ்-இருக்கை-அமைக்க-ஆலோசனை-3055177.html
3055175 விழுப்புரம் விழுப்புரம் சோனியா காந்தி பிறந்த நாள்: காங்கிரஸார் நல உதவி அளிப்பு DIN DIN Monday, December 10, 2018 09:26 AM +0530 காங்கிரஸ் முன்னாள் தலைவர் சோனியா காந்தியின் பிறந்த நாளை விழுப்புரம் மாவட்டத்தில் கட்சியினர் ஞாயிற்றுக்கிழமை இனிப்பு வழங்கி, நல உதவி அளித்துக் கொண்டாடினர்.
விழுப்புரம் மத்திய மாவட்ட காங்கிரஸ் சார்பில் விழுப்புரத்தில் நடைபெற்ற விழாவுக்கு மாவட்டத் தலைவர் ஆர்.டி.வி. சீனிவாசக்குமார் தலைமை வகித்து, மகாத்மா காந்தி, ராஜீவ் காந்தி உள்ளிட்ட தலைவர்கள் சிலைகளுக்கு மாலை அணிவித்து மரியாதை செலுத்தினார். 
தொடர்ந்து, திருச்சி சாலையில் புதிய மாவட்ட காங்கிரஸ் அலுவலகத்தை சீனிவாசகுமார் திறந்து வைத்து, கேக் வெட்டி சோனியா காந்தி பிறந்த நாளைக் கொண்டாடினர். மேலும், ஏழைகளுக்கு நல உதவிகளையும் வழங்கினார்.
நகரத் தலைவர் செல்வராஜ் வரவேற்றார். 
மாவட்ட பொருளாளர் தயானந்தம், மாநில பொதுக் குழு சிவா, மாவட்ட துணைத் தலைவர்கள் ராதாகிருஷ்ணன், ராஜ்குமார், நாராயணசாமி, குப்பன் ஆகியோர் முன்னிலை வகித்தனர்.
மாவட்ட பொதுச் செயலாளர்கள் தனசேகரன், விஸ்வநாதன், பாலன், காஜாமொய்தீன், சேகர், ராஜேஷ், புருஷோத்தமன், மாவட்டப் பொதுக்குழு உறுப்பினர் தன்சிங், பரிமளா, இளைஞர் காங்கிரஸ் தலைவர் ஸ்ரீராம், இளைஞர் காங்கிரஸ் துணைத் தலைவர் ராஜமாணிக்கம், மகளிர் காங்கிரஸ் தலைவர் மகேஸ்வரி உள்ளிட்டோர் கலந்து கொண்டனர். 
இதேபோன்று, விழுப்புரம் மாவட்ட காங்கிரஸ் கமிட்டி சார்பில் சோனியா காந்தி பிறந்த நாள் விழா கொண்டாடப்பட்டது.  முன்னாள் மாவட்டத் தலைவர் குலாம் மொய்தீன் தலைமை வகித்து, காந்தி, ராஜீவ் காந்தி சிலைகளுக்கு மாலை அணிவித்து மரியாதை செய்தார்.  ஜெயின்ட் ஜான் மாற்றுத் தினாளிகள் பள்ளி மாணவர்களுக்கு இனிப்புகளை வழங்கினார். 
இதில், மாநிலப் பொதுக்குழு உறுப்பினர் பாலசுப்பிரமணியன், மாவட்ட பொதுச் செயலாளர்கள் காஜா, சுந்தர் உள்ளிட்டோர் கலந்து கொண்டனர்.
திருக்கோவிலூர்:  திருக்கோவிலூர் அருகே அரகண்டநல்லூர் அரசு தொழுநோய் மருத்துவமனையில் காங்கிரஸ் சார்பில் சோனியா காந்தி பிறந்த நாள் கொண்டாடப்பட்டது. விழாவுக்கு, அரகண்டநல்லூர் முன்னாள் பேரூராட்சித் தலைவரும், கட்சியின் சிறுபான்மைப் பிரிவு மாநில துணைத் தலைவருமான ஏ.ஆர்.வாசிம்ராஜா தலைமை வகித்து, தொழு நோயாளிகளுக்கு நல உதவிகளையும், மதிய உணவையும் வழங்கினார். 
மாநில பொதுக்குழு உறுப்பினர் கே.வி.முருகன், மாவட்ட பொதுச் செயலர் ஆர்.சதீஷ்குமார், வட்டாரத் தலைவர் கே.பாவாடை, நகரத் தலைவர் ஹெச்.சாதுல்லாகான் உள்பட பலர் கலந்துகொண்டனர்.
திண்டிவனம்: திண்டிவனம் நகர காங்கிரஸ் சார்பில் சோனியா காந்தி பிறந்த நாள் விழா கொண்டாடப்பட்டது.நகர காங்கிரஸ் அலுவலகத்தில் நடைபெற்ற இந்நிகழ்ச்சியில் நகரத் தலைவர் விநாயகம் வரவேற்றார். முன்னாள் மாவட்டத் தலைவர்கள் ஆறுமுகம், தனுசு, மாவட்ட பொருளர் கருணாகரன் ஆகியோர் முன்னிலை வகித்தனர். மாவட்டத் தலைவர் ரமேஷ் தலைமையில் பொதுமக்களுக்கு இனிப்பு மற்றும் மதிய உணவு வழங்கப்பட்டது.
நிகழ்ச்சியில் வட்டாரத் தலைவர் காணை சுரேஷ், தொகுதி இளைஞர் காங்கிரஸ் தலைவர் பொன்.ராஜா, மாவட்ட பிரதிநிதி மெடிக்கல் வெங்கட் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/dec/10/சோனியா-காந்தி-பிறந்த-நாள்-காங்கிரஸார்-நல-உதவி-அளிப்பு-3055175.html
3055172 விழுப்புரம் விழுப்புரம் விழுப்புரத்தில் சிலம்பம் போட்டி DIN DIN Monday, December 10, 2018 09:26 AM +0530 விழுப்புரத்தில் ஞாயிற்றுக்கிழமை நடைபெற்ற மாவட்ட அளவிலான சிலம்பம் போட்டியில் 200-க்கும் மேற்பட்டோர் பங்கேற்றனர்.
விழுப்புரம் மாவட்ட சிலம்பாட்டக் கழகம் சார்பில் மாவட்ட அளவிலான சிலம்பாட்ட போட்டி, விழுப்புரத்தில் உள்ள அரசு இசைப் பள்ளி வளாகத்தில் ஞாயிற்றுக்கிழமை நடைபெற்றது. 
விழுப்புரம் அரசு மகளிர் மேல்நிலைப் பள்ளி உடல்கல்வி ஆசிரியர் ரவி தலைமை வகித்து போட்டியைத் தொடக்கி வைத்தார். பாலசுந்தரன், பாபு, ஸ்ரீதேவி, அன்பரசி ஆகியோர் முன்னிலை வகித்தனர்.  இதில் மாவட்டம் முழுவதிலிருந்தும் 200-க்கும் மேற்பட்டோர் கலந்து கொண்டு, பல்வேறு பிரிவுகளின் கீழ் தங்களது திறமைகளை வெளிப்படுத்தினர். சிறப்பிடம் பெற்ற 50 பேர் தேர்வு செய்யப்பட்டு பரிசுகள், சான்றிதழ்கள் வழங்கப்பட்டன.
இதன்மூலம் அவர்கள் மாநில அளவிலான போட்டிக்கு தகுதி பெற்றனர்.  போட்டி இயக்குநர் மோகனவள்ளி, சிலம்பாட்டக் கழகச் செயலாளர் குணசேகரன், பாஸ்கரன், ரமேஷ் உள்ளிட்ட பலர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/dec/10/விழுப்புரத்தில்-சிலம்பம்-போட்டி-3055172.html
3055170 விழுப்புரம் விழுப்புரம் சங்கராபுரத்தில் பாரதியார் பிறந்த நாள் விழா DIN DIN Monday, December 10, 2018 09:26 AM +0530 சங்கராபுரத்தில் தமிழ்ப் படைப்பாளர்கள் சங்கம் சார்பில் மகாகவி பாரதியார் பிறந்த நாள் விழா ஞாயிற்றுக்கிழமை நடைபெற்றது. 
விழாவுக்கு, சங்கத் தலைவர் குறிஞ்சி அரங்க.செம்பியன் தலைமை வகித்தார். வள்ளலார் மன்றச் செயலர் இரா.நாராயணன், அரசு பெண்கள் மேல்நிலைப் பள்ளி பெற்றோர் ஆசிரியர் கழகத் தலைவர் கோ.குசேலன், ஓய்வுபெற்ற ஆட்சியர் அலுவலக உதவியாளர் என்.ஆறுமுகம் ஆகியோர் முன்னிலை வகித்தனர். 
சங்கச் செயலர் அ.ராமசாமி வரவேற்றார். சாதுகற்கண்டு சிவஞான அடிகள் குறள் விளக்கம் அளித்தார். தியாகதுருகம் பாரதியார் தமிழ்ச் சங்கத் தலைவர் இரா.துரைமுருகன், பாரதியார் படத்தைத் திறந்து வைத்தார்.  விழாவில் பாரதியின் சமூக சீர்திருத்தம் என்ற தலைப்பில் தமிழ்நாடு முற்போக்கு கலை எழுத்தாளர் சங்க மாநிலக்குழு உறுப்பினர் புதுச்சேரி சு.சண்முகசுந்தரம், தேசியக் கவியும்-புரட்சிக் கவியும் என்ற தலைப்பில் கவிஞர் கலிய.செல்லமுத்து ஆகியோர் பேசினர். 
தினமணி முன்னாள் ஆசிரியர் ஐராவதம் மகாதேவன், நெல் வகைகளை மீட்டெடுத்த பசுமைப் போராளி நெல் ஜெயராமன் ஆகியோரின் மறைவையொட்டி புகழஞ்சலி செலுத்தப்பட்டது. 
திருக்கோவலூர் தமிழ்ச் சங்கத் தலைவர் கவிமாமணி சிங்கார.உதியன், கல்லை தமிழ்ச் சங்கச் செயலர் செ.வ.மதிவாணன், நல்லாசிரியர் மு.முகமதுஉசேன், ஸ்டார் கிளப் வட்டாரத் தலைவர் அ.முகமத்ரபி, சமூக சேவகர் ஆனந்தபவன் நா.சுதாகரன், கவிஞர் இரா.கதிர்வேல்  ஆகியோர் புகழஞ்சலி செலுத்தினர். 
கவிஞர்கள் ஜெயகண்ணா, பூட்டை பாண்டியன், குளத்தூர் கோவிந்தன் ஆகியோர் பாரதியார் பற்றிய இசைப் பாடல்கள் பாடினர்.  பயிற்சிக் களத்தில் சிறப்பாக பேசிய, பாடிய 11 மாணவ, மாணவிகளுக்கு ரொக்கப் பரிசு வழங்கப்பட்டது. 
சங்க துணைத் தலைவர் 
சி.இளையாப்பிள்ளை நன்றி 
கூறினார்.


 

]]>
http://www.dinamani.com/all-editions/edition-villupuram/villupuram/2018/dec/10/சங்கராபுரத்தில்-பாரதியார்-பிறந்த-நாள்-விழா-3055170.html
3055168 விழுப்புரம் விழுப்புரம் திருட்டு வழக்கு குற்றவாளிகளை விரைவாக கைது செய்ய வேண்டும் DIN DIN Monday, December 10, 2018 09:24 AM +0530 விழுப்புரம் மாவட்டத்தில் திருட்டு நடைபெறாமல் தடுப்பதுடன், திருட்டில் ஈடுபடும் குற்றவாளிகளை விரைவாக கைது செய்ய வேண்டும் என்று மாவட்ட எஸ்.பி. ஜெயக்குமார் போலீஸாருக்கு அறிவுறுத்தினார்.
சட்டம் ஒழுங்கு குறித்த காவல் துறையிருக்கான ஆய்வுக் கூட்டம்  மாவட்ட காவல் தலைமையகத்தில் ஞாயிற்றுக்கிழமை நடைபெற்றது. 
மாவட்ட எஸ்.பி. ஜெயக்குமார் தலைமை வகித்தார். குற்றத் தொடர்வுத் துறை உதவி இயக்குநர் செல்வராஜ், ஏடி.எஸ்.பி. புகழேந்தி, டி.எஸ்.பி.க்கள் சங்கர், திருமால், ராமநாதன், ராஜேந்திரன், இளங்கோவன், வீமராஜ், சரவணன், காவல் ஆய்வாளர்கள் கலந்து கொண்டனர்.
கூட்டத்தில், மாவட்ட எஸ்.பி. ஜெயக்குமார் பேசியதாவது: 
குற்றச் சம்பங்கள் நடைபெறாமல் தடுக்க காவல்துறையினர் தீவிர கண்காணிப்பில் ஈடுபட வேண்டும். 
இரவு ரோந்து செல்லும் போலீஸார், திருட்டு நடைபெறாமல் இருக்க குடியிருப்புகள், கடை வீதிகள் உள்பட அனைத்துப் பகுதிகளுக்கும் செல்ல வேண்டும். நடைபெற்ற திருட்டுச் சம்பவங்களில் குற்றவாளிகளை விரைவாக கைது செய்ய வேண்டும். 
இதுவரை, 80 சதவீத வழக்குகளில் குற்றவாளிகள் கைது செய்யப்பட்டுள்ளனர். நிகழாண்டு முடிவதற்குள் மீதமுள்ள வழக்குகளின் குற்றவாளிகளையும் பிடிக்க விசாரணையை தீவிரப்படுத்த வேண்டும். 
பிடியாணை பிறப்பிக்கப்பட்ட தலைமறைவாக இருக்கும் குற்றவாளிகளை தனிப்படை அமைத்து கைது செய்ய வேண்டும் என்றார்.

]]>
http://www.dinamani.com/all-editions/edition-villupuram/villupuram/2018/dec/10/திருட்டு-வழக்கு-குற்றவாளிகளை-விரைவாக-கைது-செய்ய-வேண்டும்-3055168.html
3055167 விழுப்புரம் விழுப்புரம் இன்று பொதுமக்கள் குறைதீர் கூட்டம் DIN DIN Monday, December 10, 2018 09:24 AM +0530 கள்ளக்குறிச்சி, சின்னசேலம், சங்கராபுரம் வட்டங்களுக்கு உள்பட்ட பகுதிகளில் வசிக்கும் மக்களுக்கான குறைதீர் கூட்டம் கள்ளக்குறிச்சி சார்-ஆட்சியர் அலுவலகத்தில் திங்கள்கிழமை (டிச.10) நடைபெறுகிறது.
சார்-ஆட்சியர் ஹெச்.எஸ்.ஸ்ரீகாந்த் தலைமையில் காலை 10 மணி முதல் பிற்பகல் 2 மணி வரை நடைபெறும் இந்தக் குறைதீர் கூட்டத்தில் பொதுமக்கள் தங்களது கோரிக்கைகளை மனுக்களாக அளித்து பயனடையலாம் எனத் தெரிவிக்கப்பட்டுள்ளது.
 

]]>
http://www.dinamani.com/all-editions/edition-villupuram/villupuram/2018/dec/10/இன்று-பொதுமக்கள்-குறைதீர்-கூட்டம்-3055167.html
3055166 விழுப்புரம் விழுப்புரம் பயிர் காப்பீட்டுத் திட்டம்: விவசாயிகளுக்கு அழைப்பு DIN DIN Monday, December 10, 2018 09:24 AM +0530 பிரதம மந்திரியின் பயிர் காப்பீட்டுத் திட்டத்தில் விவசாயிகள் பதிவு செய்ய வேளாண்மைத் துறை அதிகாரிகள் அறிவுறுத்தியுள்ளனர்.
இதுகுறித்து விழுப்புரம் வேளாண்மை இணை இயக்குநர் சண்முகம் வெளியிட்ட செய்திக் குறிப்பு: பிரதம மந்திரியின் பயிர் காப்பீட்டுத் திட்டம் விவசாயிகளுக்கும் எதிர்பாராமல் நிலைப்படுத்தவும், அதிநவீன தொழில்நுட்பங்களை கடைப்பிடிப்பதை ஊக்குவிக்கவும் உள்ளது. இதன்படி, 2018-19 ஆம் ஆண்டில், தமிழகத்தில் ராபி பருவத்தில் சாகுபடி செய்யப்படும் பயிர்களான நெல் (நவரை), மக்காச்சோளம், உளுந்து, மணிலா, எள், கரும்பு ஆகியவற்றுக்கு இத்திட்டத்தில் காப்பீடு செய்யலாம்.
விழுப்புரம் மாவட்டத்தில் ராபி பருவத்தில் நெற்பயிரில் 811 வருவாய் கிராமங்களும், மக்காச்சோளப் பயிரில் 222 கிராமங்களும், மணிலாவில் 664, உளுந்து பயிரில் 1,097, கரும்பு பயிரில் 1,167 வருவாய் கிராமங்களும், எள் பயிரில் 17 பிர்க்காக்களிலும் அறிவிக்கை செய்யப்பட்டுள்ளது.
இத்திட்டத்தின் கீழ் கடன் பெறும் விவசாயிகள் அவர்கள் கடன் பெறும் வங்கிகளில் கட்டாயமாக பயிர் காப்பீட்டுத் திட்டத்தில் பதிவு செய்யப்படுவர். கடன் பெறா விவசாயிகள், விழுப்புரம் மாவட்டத்தில் இத்திட்டத்தை செயல்படுத்தும் நியூ இந்தியா அஷ்யூரன்ஸ் காப்பீட்டு நிறுவனத்தின் அங்கீகரிக்கப்பட்ட முகவர்கள் மூலமாகவோ, பொதுச் சேவை மையங்கள் மூலமாகவோ வங்கிகள், தொடக்க வேளாண்மை கூட்டுறவு கடன் சங்கங்கள் மூலமாகவோ பதிவு செய்து கொள்ளலாம். பதிவு செய்யும்போது முன்மொழிவு விண்ணப்பத்துடன், பதிவு விண்ணப்பம், கிராம நிர்வாக அலுவலர் வழங்கும் அடங்கல், வங்கிக் கணக்கு புத்தகத்தின் முதல் பக்க நகல், ஆதார் கார்டு நகல் ஆகியவற்றை இணைக்க வேண்டும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/villupuram/2018/dec/10/பயிர்-காப்பீட்டுத்-திட்டம்-விவசாயிகளுக்கு-அழைப்பு-3055166.html
3055165 விழுப்புரம் விழுப்புரம் விழுப்புரத்தில் ஆட்டோக்களை ஒருவழிப் பாதையில் இயக்க உத்தரவு DIN DIN Monday, December 10, 2018 09:23 AM +0530 சாலை விரிவாக்கப் பணியால் விழுப்புரத்தில் போக்குவரத்து நெரிசல் அதிகரித்து வருகிறது. இதனால், ஷேர் ஆட்டோக்கள் உள்பட அனைத்து ஆட்டோக்களும்  ஒருவழிப் பாதையில் செல்லவேண்டும் என போக்குவரத்து போலீஸார் உத்தரவிட்டனர்.
விழுப்புரம் நகரில் வாகனங்களின் எண்ணிக்கை அதிகரிப்பு, சாலையோர நடைபாதை ஆக்கிரமிப்பு, விதி மீறலில் ஈடுபடும் வாகன ஓட்டிகள் போன்ற காரணங்களால் நாள்தோறும் போக்குவரத்து நெரிசலும், விபத்துகளும் ஏற்பட்டு வருகின்றன.
குறிப்பாக, விழுப்புரம் 
நான்குமுனை சந்திப்பு முதல் மாதா கோவில் வரையிலும், மற்றொரு புறம் புதிய பேருந்து நிலையம் வரையும் இந்த நிலைமை நீடிக்கிறது. இதனால் போக்குவரத்து நெரிசலுக்கு தீர்வு காண பொதுமக்கள் கோரிக்கை விடுத்தனர். இதையடுத்து, முதல்கட்டமாக, அந்தச் சாலையில் நடுவில் இருந்த தடுப்புக் கட்டை அகற்றப்பட்டது. தற்போது, சாலை விரிவாக்கப் பணி நடைபெற்று வருகிறது.
ஏற்கெனவே, நெரிசல் மிகுந்த இந்தச் சாலையில் தற்போது விரிவாக்கப் பணியால், மேலும் போக்குவரத்து நெரிசல் ஏற்பட்டு வாகன ஓட்டிகள், பொதுமக்கள் அவதிக்குள்ளாகி வருகின்றனர்.
இதனைத் தவிர்க்க ஷேர்ஆட்டோக்கள் உள்பட அனைத்து ஆட்டோக்களையும் ஒருவழிப் பாதையில் இயக்க காவல்துறை அதிகாரிகள் உத்தரவிட்டனர். 
இதற்கான ஆலோசனைக் கூட்டம், விழுப்புரம் போக்குவரத்து காவல் துறை அலுவலகத்தில் ஞாயிற்றுக்கிழமை நடைபெற்றது.  கூட்டத்தில், ஆட்டோ ஓட்டுநர்கள் கலந்து கொண்டனர். காவல் ஆய்வாளர் 
அப்பாண்டைராஜ் தலைமை வகித்து பேசியதாவது; திங்கள்கிழமை (டிச.10) முதல் ஷேர்ஆட்டோக்கள் உள்பட அனைத்து ஆட்டோக்களையும் ஒருவழிப் பாதையில் இயக்க வேண்டும்.
நான்குமுனை  சந்திப்பில் இருந்து செல்லும் ஆட்டோக்கள், திருச்சி சாலை, ரங்கநாதன் வீதி, பூங்கா வழியாகவும் அல்லது மருத்துவமனை வீதி (சென்னை சாலை), பெருமாள்கோவில் தெரு, திரு.வி.க. சாலை, காந்தி சிலை சென்று அங்கிருந்து செல்ல வேண்டும் என்றார்.
 இந்த நடைமுறை உடனடியாக அமலுக்கு வருவதாகவும், மீறி நேருஜி சாலையில் ஆட்டோக்களை இயக்கினால் கடும் நடவடிக்கை எடுக்கப்படும் எனவும் கூறினார்.
 உதவி ஆய்வாளர் வசந்த், காவலர் ராஜசேகர் உள்ளிட்டோர் உடன் இருந்தனர். 

]]>
http://www.dinamani.com/all-editions/edition-villupuram/villupuram/2018/dec/10/விழுப்புரத்தில்-ஆட்டோக்களை-ஒருவழிப்-பாதையில்-இயக்க-உத்தரவு-3055165.html
3054693 விழுப்புரம் விழுப்புரம் மக்கள் நீதிமன்றம்: 3,085 வழக்குகளுக்குத் தீர்வு: ரூ.8.21 கோடி இழப்பீடு அளிப்பு DIN DIN Sunday, December 9, 2018 04:06 AM +0530
விழுப்புரத்தில் நடைபெற்ற தேசிய மக்கள் நீதிமன்றத்தில் 3,085 வழக்குகளுக்கு தீர்வு காணப்பட்டு, அவற்றின் மூலம் உரியவர்களுக்கு ரூ.8.21 கோடி அளவுக்கு இழப்பீடு வழங்கப்பட்டது.
விழுப்புரம் நீதிமன்றத்தில் மாவட்ட சட்டப்பணிகள் ஆணைக்குழு சார்பில் தேசிய மக்கள் நீதிமன்றம் சனிக்கிழமை நடைபெற்றது. மாவட்ட முதன்மை நீதிபதி சரோஜினிதேவி தலைமை வகித்து, மக்கள் நீதிமன்றத்தை தொடக்கிவைத்தார். சட்டப்பணிகள் ஆணையத்தின் செயலர் நீதிபதி ஜெயமங்கலம் வரவேற்றார். சார்பு-நீதிமன்ற கூடுதல் நீதிபதிகள் ஜமுனா, காஞ்சனா, குடும்ப நல நீதிபதி திருமகள், மோட்டார் வாகன விபத்து நீதிமன்ற நீதிபதிகள் உத்தமராஜ், கயல்விழி, நீதிபதிகள் கவிதா, மும்தாஜ், பாரதி ஆகியோர் முன்னிலை வகித்தனர். வழக்குரைஞர் க.வேலவன் உள்ளிட்ட பலர் கலந்துகொண்டனர்.
தொடர்ந்து, ஓய்வு பெற்ற நீதிபதி தண்டபாணி, உறுப்பினர் ஹரிதாஸ், வேலழகன், வழக்குரைஞர்கள் விஜயகுமார், ராதாகிருஷ்ணன், காமராஜ், சுந்தரம்பிள்ளை, துரைமுருகன் உள்ளிட்டோர் கொண்ட குழுவினர் தலைமையில், 7 அமர்வுகளில் மக்கள் நீதிமன்றம் நடைபெற்றது.
மோட்டார் வாகன விபத்து வழக்குகள், சிவில் வழக்குகள், குடும்ப நல வழக்குகள், குற்ற வழக்குகள் விசாரணைக்கு எடுத்துக் கொள்ளப்பட்டன. இதில், வங்கி வாராக் கடன் வழக்குகள் 3,914 விசாரணைக்கு வந்ததில், 688 வழக்குகளுக்கு தீர்வு காணப்பட்டு, ரூ.1.33 கோடி அளவுக்கு உரியவர்களுக்கு இழப்பீடு பெற்று வழங்கப்பட்டது.
இதே போல, நீதிமன்ற நிலுவையில் உள்ள11,842 வழக்குகள் விசாரணைக்கு எடுத்துக் கொள்ளப்பட்டதில், 2,397 வழக்குகளுக்கு தீர்வு காணப்பட்டு, ரூ.6.88 கோடி அளவுக்கு இழப்பீடு பெற்று வழங்கப்பட்டது.
மக்கள் நீதிமன்றம் மூலம் மொத்தம் 15,756 வழக்குகள் எடுத்துக்கொள்ளப்பட்டதில் 3,085 வழக்குகளுக்கு தீர்வு காணப்பட்டது. இதன் மூலம், ரூ.8.21 கோடி அளவுக்கு உரியவர்களுக்கு இழப்பீடு பெற்றுத் தரப்பட்டது.

 

]]>
http://www.dinamani.com/all-editions/edition-villupuram/villupuram/2018/dec/09/மக்கள்-நீதிமன்றம்-3085-வழக்குகளுக்குத்-தீர்வு-ரூ821-கோடி-இழப்பீடு-அளிப்பு-3054693.html
3054692 விழுப்புரம் விழுப்புரம் இளம் செஞ்சிலுவைச் சங்க மாணவர்களுக்கு சான்றிதழ் அளிப்பு DIN DIN Sunday, December 9, 2018 04:06 AM +0530
விழுப்புரத்தில் பள்ளிக் கல்வித் துறை சார்பில், இளம் செஞ்சிலுவைச் சங்க
(ஜே ஆர் சி) மாணவர்களுக்கு மாநிலச் சான்றிதழ் மற்றும் ஆலோசகர்களுக்கு பேரிடர் மேலாண்மை சீருடை வழங்கும் விழா சனிக்கிழமை நடைபெற்றது.
இந்தியன் ரெட்கிராஸ் சொசைட்டி சார்பில், ஜே.ஆர்.சி மாணவர்களுக்கு, சென்னையில் மாநில அளவிலான தேர்வு அண்மையில் நடைபெற்றது.
இதில், 490 பேர் கலந்துகொண்டனர். 430 பேர் தேர்ச்சி பெற்றனர். தேர்ச்சி பெற்ற விழுப்புரம் மாவட்ட மாணவர்களுக்கு மாநிலச் சான்று வழங்கும் விழா, விழுப்புரம் ஜான்டூயி மேல்நிலைப் பள்ளியில் சனிக்கிழமை நடைபெற்றது.
மாவட்டக் கல்வி அலுவலர் ஆனந்தன் தலைமை வகித்தார். மாவட்ட ஒருங்கிணைப்பாளர் ம.பாபுசெல்வதுரை வரவேற்றார்.
மாவட்ட காவல் கண்காணிப்பாளர் எஸ். ஜெயக்குமார் சிறப்பு விருந்தினராக பங்கேற்று, ஜே.ஆர்.சி. மாணவர்களுக்கு மாநிலச் சான்றிதழ் வழங்கிப் பேசியதாவது:
ஜே.ஆர்.சி. மாணவர்கள் தன்னம்பிக்கை உள்ளவர்களாகவும், சமூகத்தின் மீது அக்கறையுள்ளவர்களாகவும் தங்களை தயார்படுத்திக் கொள்ள வேண்டும். நூலகங்களுக்குச் சென்று, புத்தகங்களை படிக்க வேண்டும்.
பள்ளிகளுக்கு வரும் தினசரி செய்தித்தாள்கள், நீதிநெறி வழங்கும் புத்தகங்களை படித்து மேன்மை பெற வேண்டும். ஜேஆர்சி மூலம் பணியாற்றி குடியரசுத் தலைவர், ஆளுநர் கையால் விருதுகளைப் பெறவேண்டும் என்றார்.
மாவட்ட முதன்மைக் கல்வி அலுவலர் க. முனுசாமி, பேரிடர் மேலாண்மைக் குழுவில் தேர்வாகியுள்ள ஜே.ஆர்.சி ஆலோசகர்களுக்கு பேரிடர் மேலாண்மைக்கான சீருடையை வழங்கிப் பேசினார்.
விரியூர் இமாகுலேட் பெண்கள் கல்லூரிச் செயலர் பாத்திமா, புதுவை அருள் தந்தை அந்தோணி சாமி, ஜான்டூயி பள்ளி தாளாளர் வீரதாஸ், முதன்மைச் செயலர் எமர்சன்ராபின், போலீஸ் நண்பர்கள் குழு ஒருங்கிணைப்பாளர் ஆர்.செல்வராஜ் ஆகியோர் முன்னிலை வகித்தனர். விழாவில், 430 மாணவர்களுக்கு மாநில சான்றிதழ்களும், 100 ஆசிரியர்களுக்கு பேரிடர் மேலாண்மை சீருடையும் வழங்கப்பட்டது.
இணை ஒருங்கிணைப்பாளர்கள் எட்வர்ட்தங்கராஜ், தமிழழகன், பாஸ்கர், சத்தியா உள்ளிட்டோர் விழா ஏற்பாடுகளை செய்திருந்தனர். மாணவர்கள், ஆசிரியர்கள் பலர் கலந்துகொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/09/இளம்-செஞ்சிலுவைச்-சங்க-மாணவர்களுக்கு-சான்றிதழ்-அளிப்பு-3054692.html
3054691 விழுப்புரம் விழுப்புரம் பிளாஸ்டிக் ஒழிப்பு விழிப்புணர்வுப் பேரணி DIN DIN Sunday, December 9, 2018 04:06 AM +0530
விழுப்புரம் நகராட்சி சார்பில், தமிழக அரசால் தடை செய்யப்பட்ட பிளாஸ்டிக் பொருள்களை ஒழிப்பது தொடர்பான விழிப்புணர்வுப் பேரணி சனிக்கிழமை நடைபெற்றது.
விழுப்புரம் காமராஜர் நகராட்சி ஆண்கள் மேல்நிலைப் பள்ளியிலிருந்து தொடங்கிய பேரணியை நகராட்சி ஆணையர் லட்சுமி தொடக்கிவைத்தார்.
நகர்நல அலுவலர் மருத்துவர் ராஜா, பள்ளித் தலைமை ஆசிரியர் பாலு ஆகியோர் முன்னிலை வகித்தனர்.
காமராஜர் நகராட்சி ஆண்கள் பள்ளி மாணவர்கள், தேசிய மாணவர் படை மாணவர்கள், நாட்டு நலப்பணித் திட்ட மாணவர்கள், நகராட்சி ஊழியர்கள், ஆசிரியர்கள் பேரணியில் கலந்துகொண்டனர். சங்கரமட வீதி, திருவிக வீதி, காமராஜர் வீதி, காந்தி வீதி, நேரு வீதி ஆகிய வீதிகள் வழியாக நடைபெற்ற பேரணி நகராட்சி அலுவலகத்தில் நிறைவடைந்தது.
சுற்றுச்சூழலை பாதிக்கும் பிளாஸ்டிக் பொருள்கள் பயன்பாட்டை கைவிட வேண்டும், ஒருமுறை பயன்படுத்தி வீசப்படும் பிளாஸ்டிக் பைகள், டீ கப்புகள், தண்ணீர் பாக்கெட்டுகள், பிளாஸ்டிக் கோட்டிங் செய்யப்பட்ட பேப்பர்கள், கப்புகள் உள்ளிட்ட பொருள்களை வியாபாரிகள் விற்பனை செய்யக் கூடாது, பொது மக்களும் இந்தப் பொருள்களை பயன்படுத்தக் கூடாது, மாற்றுப் பொருள்களாக துணிப் பைகள், பாத்திரங்கள், வாழை இலை, பாக்கு மட்டை இலைகள் போன்ற இயற்கையான பொருள்களை பயன்படுத்த வேண்டும் என்று பேரணியில் விழிப்புணர்வு ஏற்படுத்திச் சென்றனர்.

 

]]>
http://www.dinamani.com/all-editions/edition-villupuram/villupuram/2018/dec/09/பிளாஸ்டிக்-ஒழிப்பு-விழிப்புணர்வுப்-பேரணி-3054691.html
3054690 விழுப்புரம் விழுப்புரம் 160 லிட்டர் சாராயம் பறிமுதல்: 4 பேர் கைது DIN DIN Sunday, December 9, 2018 04:06 AM +0530
சின்னசேலம் அருகே பதுக்கி வைக்கப்பட்டிருந்த 160 லிட்டர் விஷச் சாராயம் பறிமுதல் செய்யப்பட்டது.
இதுதொடர்பாக 4 பேரை போலீஸார் கைது செய்தனர்.
சின்னசேலம் காவல் உதவி ஆய்வாளர் கு.வீரசேகரன் தலைமையிலான போலீஸார் தகரை, பெத்தானூர், தெங்கியாநத்தம் உள்ளிட்ட பகுதிகளில் சனிக்கிழமை தீவிர சாராய ஒழிப்புப் பணியில் ஈடுபட்டிருந்தனர். அப்போது பல்வேறு இடங்களில் மண் பானைகளில் பதுக்கி வைக்கப்பட்டிருந்த 160 லிட்டர் விஷச் சாராயத்தை கைப்பற்றி அழித்தனர்.
இது தொடர்பாக, தகரை கிராமத்தைச் சேர்ந்த முத்துசாமி மகன் கந்தசாமி (32), கோவிந்தன் மகன் விஜய் (20), பெத்தானூரைச் சேர்ந்த தனுஷ்கோடி மகன் ராமச்சந்திரன் (39), தெங்கியாநத்தம் பகுதியைச் சேர்ந்த அய்யாக்கண்ணு மகன் ராஜேந்திரன் (32) ஆகியோரை கைது செய்து விசாரணை மேற்கொண்டு வருகின்றனர்.

 

]]>
http://www.dinamani.com/all-editions/edition-villupuram/villupuram/2018/dec/09/160-லிட்டர்-சாராயம்-பறிமுதல்-4-பேர்-கைது-3054690.html
3054689 விழுப்புரம் விழுப்புரம் தலைமைக் காவலர் ஆயுதப்படைக்கு மாற்றம் DIN DIN Sunday, December 9, 2018 04:05 AM +0530
சாராய வியாபாரிகளிடம் தொடர்பு வைத்துக் கொண்டு லஞ்சம் பெற்றதாக எழுந்த புகாரின் பேரில், கோட்டக்குப்பம் தலைமைக் காவலர் ஆயுதப்படைக்கு பணியிட மாற்றம் செய்யப்பட்டார்.
கோட்டக்குப்பம் மதுவிலக்கு அமல்பிரிவு காவல் நிலையத்தில் எழுத்தராக தலைமைக் காவலர் தவமணி பணியாற்றி வந்தார். இவர், மதுவிலக்கு வழக்குகள் தொடர்பாக சாராய வியாபாரிகளுடன் தொடர்பு வைத்துக்கொண்டு, லஞ்சம் பெற்றதாக புகார்கள் எழுந்தன.
இதுகுறித்து விசாரணை நடத்திய மாவட்ட காவல் கண்காணிப்பாளர் எஸ்.ஜெயக்குமார், தவமணியை விழுப்புரம் காகுப்பம் ஆயுதப்படை பிரிவுக்கு பணியிட மாற்றம் செய்து சனிக்கிழமை உத்தரவிட்டார்.

 

]]>
http://www.dinamani.com/all-editions/edition-villupuram/villupuram/2018/dec/09/தலைமைக்-காவலர்-ஆயுதப்படைக்கு-மாற்றம்-3054689.html
3054688 விழுப்புரம் விழுப்புரம் பெண் குழந்தைகள் பிறப்பு விகிதம்: விழிப்புணர்வு ஏற்படுத்த அறிவுறுத்தல் DIN DIN Sunday, December 9, 2018 04:05 AM +0530
: விழுப்புரம் மாவட்டத்தில் பெண் குழந்தைகள் பிறப்பு விகிதம் குறைந்து வருவதால், அது குறித்த விழிப்புணர்வை ஏற்படுத்த வேண்டும் என்று ஆட்சியர் அறிவுறுத்தினார்.
சமூக நலத் துறை சார்பில் நடைபெற்ற பெண் குழந்தைகளைக் காப்போம், கற்பிப்போம் திட்ட பயிற்சியின் நிறைவு நாள் நிகழ்ச்சி விழுப்புரம் மனிதவள மேம்பாட்டு பயிற்சி நிறுவனத்தில் சனிக்கிழமை நடைபெற்றது.
அதில், மாவட்ட ஆட்சியர் இல.சுப்பிரமணியன் தலைமை வகித்துப் பேசியதாவது:
பெண் குழந்தைகளைக் காப்பது முக்கியமானதாக உள்ளது. கடந்த சில ஆண்டுகளில், பெண் குழந்தைகள் பிறப்பு விகிதம் ஓரளவு சீராகவே இருந்தது. தற்போது பெண் குழந்தைகளை காக்கும் சூழ்நிலையில் இருக்கிறோம். இரண்டு நாள் பயிற்சியில் பெண் குழந்தைகளைப் பற்றி தெரிவித்திருப்பார்கள்.
2012-13ஆம் ஆண்டுகளில், விழுப்புரம் மாவட்டத்தில் 1000 ஆண்களுக்கு 891 பெண்கள் இருந்தனர். தற்போது, 1000 ஆண்களுக்கு 907 பெண்கள் இருக்கின்றனர். இந்த விகிதம் வெவ்வேறு ஊர்களில் வெவ்வேறு விதமாக உள்ளது. கள்ளக்குறிச்சி, சின்னசேலம், திருக்கோவிலூர் போன்ற இடங்களில் பெண்களின் விகிதம் குறைவாக உள்ளது.
பெண் குழந்தைகளின் விகிதத்தை அதிகரிக்க, சுகாதார செவிலியர்கள் மூலம் கிராமங்கள் தோறும் விழிப்புணர்வு ஏற்படுத்த வேண்டும்.
கருவுற்ற பெண்களை கருவுற்றது முதல் தாயின் பெயரை பதிவு செய்து கண்காணிக்க வேண்டும். கருவில் இருக்கும் பாலினத்தை கண்டறியும் மையங்களை கண்டுபிடித்து அவற்றின் மீது கடுமையான நடவடிக்கை எடுக்க வேண்டும்.
பெண் குழந்தைகள் பிறந்தது முதல் 5 வயது வரை ஆரோக்கியத்துடன் உள்ளனரா என்பதை கண்காணிக்க வேண்டும். குழந்தைத் திருமண தடுப்புச் சட்டம், பெண் குழந்தைகள் கல்வி, பெண் குழந்தைகளுக்கான அரசுத் திட்டங்களை தாய்மார்களிடம் கொண்டு சேர்க்க வேண்டும் என்றார்.
பயிற்சியில் சமூக நல அலுவலர் லலிதா, அனைவருக்கும் கல்வி இயக்க உதவித் திட்ட அலுவலர் மூர்த்தி, குழந்தை வளர்ச்சித் திட்ட அலுவலர்கள், சமூகநல விரிவாக்க அலுவலர்கள், திட்ட ஒருங்கிணைப்பாளர்கள், உதவியாளர்கள், வட்டார பயிற்சியாளர்கள் உள்பட 110 பேர் கலந்து கொண்டனர்.

 

]]>
http://www.dinamani.com/all-editions/edition-villupuram/villupuram/2018/dec/09/பெண்-குழந்தைகள்-பிறப்பு-விகிதம்-விழிப்புணர்வு-ஏற்படுத்த-அறிவுறுத்தல்-3054688.html
3054687 விழுப்புரம் விழுப்புரம் இலவச கண் பரிசோதனை முகாம் DIN DIN Sunday, December 9, 2018 04:05 AM +0530
திருக்கோவிலூர் அருகே மணலூர்பேட்டையில் பள்ளி மாணவர்களுக்கான இலவச கண் பரிசோதனை முகாம் வெள்ளி, சனி ஆகிய இரு நாள்கள் நடைபெற்றது.
மணலூர்பேட்டை அரிமா சங்கம், புதுச்சேரி அரவிந்த் கண் மருத்துவமனை, மாவட்ட பார்வை இழப்பு தடுப்புச் சங்கம் ஆகியவை சார்பில் நடைபெற்ற இந்த முகாமுக்கு அரிமா சங்கத் தலைவர் தங்க.பிரகாஷ் தலைமை வகித்தார். ஆலோசகர் ச.குழந்தைவேலு, செயலர் முருகன் ஆகியோர் முன்னிலை வகித்தனர்.
மாவட்டத் தலைவர் அம்மு ரவிச்சந்திரன் முகாமை தொடக்கிவைத்தார். முகாமில் அரவிந்த் கண் மருத்துவமனை ஒருங்கிணைப்பாளர் ராகவன் தலைமையிலான மருத்துவக் குழுவினர், தொடர்ந்து இரண்டு நாள்களும் 3,600 பள்ளி மாணவ, மாணவிகளுக்கு கண் பரிசோதனை செய்தனர்.
அதில், 380 பேருக்கு கண் பார்வை குறைபாடு கண்டறியப்பட்டது. 45 பேருக்கு கண் கண்ணாடி வழங்கப்பட்டது. முகாம் ஏற்பாடுகளை அரிமா வட்டாரத் தலைவர் சையத்அலி, திருவரங்கம் ரவிச்சந்திரன், ஜெய்கணேஷ், முபாரக், பாபு ஆகியோர் செய்திருந்தனர்.
அரிமா சங்கப் பொருளாளர் பாலு நன்றி கூறினார்.

]]>
http://www.dinamani.com/all-editions/edition-villupuram/villupuram/2018/dec/09/இலவச-கண்-பரிசோதனை-முகாம்-3054687.html