Dinamani - விழுப்புரம் - http://www.dinamani.com/all-editions/edition-villupuram/villupuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3022203 விழுப்புரம் விழுப்புரம் மின்னல் பாய்ந்து விவசாயி சாவு DIN DIN Wednesday, October 17, 2018 09:36 AM +0530 திருக்கோவிலூர் அருகே செவ்வாய்க்கிழமை மின்னல் பாய்ந்ததில் விவசாயி உயிரிழந்தார்.
திருக்கோவிலூர் அருகே உள்ள காடியார் கிராமத்தைச் சேர்ந்த அண்ணாமலை மகன் கணேசன் (50). இவர், செவ்வாய்க்கிழமை பிற்பகல் தனது நிலத்தில் விவசாயப் பணியில் ஈடுபட்டிருந்தார்.
திடீரென மழை பெய்ததால், நிலத்தில் உள்ள மின் மோட்டார் அறைக்கு கணேசன் சென்றார். அப்போது, மின்னல் பாய்ந்ததில் அவர் நிகழ்விடத்திலேயே உடல் கருகி உயிரிழந்தார்.
இதேபோல, மழைக்காக மின் மோட்டார் அறையில் ஒதுங்கி நின்ற அதே பகுதியைச் சேர்ந்த நல்லம்மாள், ருக்குமணி ஆகியோர் காயமடைந்தனர். மாடு ஒன்று இறந்தது. தகவலறிந்த திருக்கோவிலூர் காவல் துறையினர் விரைந்து சென்று கணேசனின் சடலத்தை மீட்டு, உடல்கூறு பரிசோதனைக்காக திருக்கோவிலூர் அரசு மருத்துவமனைக்கு அனுப்பி வைத்தனர். மேலும், வழக்குப் பதிந்து விசாரித்து வருகின்றனர்.     
 

]]>
http://www.dinamani.com/all-editions/edition-villupuram/villupuram/2018/oct/17/மின்னல்-பாய்ந்து-விவசாயி-சாவு-3022203.html
3022201 விழுப்புரம் விழுப்புரம் கிணற்றில் தவறி விழுந்த சத்துணவு அமைப்பாளர் சாவு DIN DIN Wednesday, October 17, 2018 09:36 AM +0530 செஞ்சி அருகே செவ்வாய்க்கிழமை மோட்டார் சைக்கிளில் சென்றபோது, பாழடைந்த கிணற்றில் தவறி விழுந்து சத்துணவு பெண் அமைப்பாளர் இறந்தார்.
செஞ்சி வட்டம், அகலூர் கிராமத்தைச் சேர்ந்த மோகன் மனைவி விமலா (39). இவர், அகலூர், அம்மாகுளம் கிராமத்தில் சத்துணவு அமைப்பாளராக இந்தார். செவ்வாய்க்கிழமை காலை மழை பெய்ததால், விமலா அகலூரில் இருந்து விற்பட்டுக்கு மோட்டார் சைக்கிளில் சென்றுகொண்டிருந்தார்.
அப்போது, ரெயின்கோட்டால் முகத்தை அவர் மூடியவாறு சென்றதால்,  நிலை தடுமாறி விற்பட்டு - சேதுவராயநல்லூர் இடையே உள்ள பாழடைந்த கிணற்றில் தவறி விழுந்து இறந்தார்.
செஞ்சி போலீஸார் சம்பவ இடத்துக்குச் சென்று விமலாவின் சடலத்தை மீட்டு, உடல்கூறு பரிசோதனைக்காக செஞ்சி அரசு மருத்துவமனைக்கு அனுப்பி வைத்தனர். மேலும், இது தொடர்பாக வழக்குப் பதிந்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/17/கிணற்றில்-தவறி-விழுந்த-சத்துணவு-அமைப்பாளர்-சாவு-3022201.html
3022198 விழுப்புரம் விழுப்புரம் டாஸ்மாக் ஊழியர் சங்கத்தினர் ஆர்ப்பாட்டம் DIN DIN Wednesday, October 17, 2018 09:35 AM +0530 தீபாவளி ஊக்கத்தொகை உள்ளிட்ட பல்வேறு கோரிக்கைகளை வலியுறுத்தி, சிஐடியு டாஸ்மாக் ஊழியர் சங்கத்தினர் விழுப்புரத்தில் செவ்வாய்க்கிழமை ஆர்ப்பாட்டத்தில் ஈடுபட்டனர்.

மாவட்ட ஆட்சியர் அலுவலகம் எதிரே நடைபெற்ற இந்த ஆர்ப்பாட்டத்துக்கு மாவட்டத் தலைவர் எஸ்.தனசேகரன் தலைமை வகித்தார்.  

சிஐடியூ மாவட்டத் தலைவர் பி.குமார்,  மாவட்டச் செயலாளர் எஸ்.முத்துக்குமரன், டாஸ்மாக் சங்க மாவட்டச் செயலாளர் ஆர்.கணபதி,  பொருளாளர் வி.சிங்காரவேலு ஆகியோர் கண்டன உரையாற்றினர். 

ஆர்ப்பாட்டத்தில், தமிழக அரசுக்கு அதிகளவில் வருவாய் ஈட்டித் தரும் டாஸ்மாக் நிறுவன ஊழியர்களுக்கு,  தீபாவளி பண்டிகையொட்டி  20 சதவீத ஊக்கத் தொகையும்,  20 சதவீதம் கருணைத் தொகையும் வழங்க வேண்டும். ஊழியர்களை பணிநிரந்தரம் செய்வதற்கான சட்டத்தை உருவாக்கிட வேண்டும்.  பணி வரன்முறைப்படுத்தி காலமுறை ஊதியம் வழங்க வேண்டும். 

ஊழியர்களுக்கான பொது பணியிட மாறுதல்,  இளநிலை உதவியாளர் தேர்வில் டாஸ்மாக் இயக்குநர் குழும முடிவுகளை அமல்படுத்த வேண்டும்.  வாகன ஒப்பந்ததாரர்களே,  மதுக் கடைகளில் சரக்குகளை இறக்கி வைக்க வேண்டும் என்ற ஒப்பந்தத்தை கட்டாயமாக்க வேண்டும். 

ஊரகப் பகுதிகளில் செயல்பட்டு வரும் டாஸ்மாக் கடை ஊழியர்களுக்கு உரிய பாதுகாப்பை உறுதி செய்ய வேண்டும் என்பன உள்ளிட்ட கோரிக்கைகளை வலியுறுத்தி கோஷங்களை எழுப்பினர்.

மாவட்ட துணைத் தலைவர்கள் ரவிக்குமார்,  வெங்கடேசன், பழனிவேல், சண்முகம், பன்னீர்செல்வம்,  சக்திவேல் உள்பட டாஸ்மாக் ஊழியர்கள் பலர் 
கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/17/டாஸ்மாக்-ஊழியர்-சங்கத்தினர்-ஆர்ப்பாட்டம்-3022198.html
3022196 விழுப்புரம் விழுப்புரம் விபத்தில் பால் வியாபாரி சாவு DIN DIN Wednesday, October 17, 2018 09:35 AM +0530 விழுப்புரம் அருகே திங்கள்கிழமை இரவு நிகழ்ந்த சாலை விபத்தில் பால் வியாபாரி உயிரிழந்தார்.
 விழுப்புரம் அருகே உள்ள அத்தியூர் திருவாதி கிராமத்தைச் சேர்ந்தவர் புருசோத்தமன் (60). பால் வியாபாரி. இவர், திங்கள்கிழமை இரவு விழுப்புரம் அருகே உள்ள ஜானகிபுரத்தை அடுத்த அரசு ஊழியர் நகர் பகுதியில் இருசக்கர வாகனத்தில் சென்றுகொண்டிருந்தார். அப்போது, அந்த வழியாக வந்த அடையாளம் தெரியாத வாகனம் மோதியதில் புருசோத்தமன் பலத்த காயமடைந்தார். 
 மேலும், அந்த வழியாக அடுத்தடுத்து வந்த 2 கார்கள், ஒரு சரக்கு வாகனமும் மோதிக்கொண்டன. 
இந்த சம்பவத்தில், பிடாகத்தைச் சேர்ந்த ஞானசீலன் உள்பட 4 பேர் காயமடைந்தனர். இவர்கள் அனைவரும் விழுப்புரம் அரசு மருத்துவக் கல்லூரி மருத்துவமனையில் சேர்க்கப்பட்டனர். அங்கு புருசோத்தமன் உயிரிழந்தார். இது குறித்து தாலுகா போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/17/விபத்தில்-பால்-வியாபாரி-சாவு-3022196.html
3022194 விழுப்புரம் விழுப்புரம் செஞ்சி பகுதியில் குடிமராமத்து பணிகள்: ஆட்சியர் ஆய்வு DIN DIN Wednesday, October 17, 2018 09:35 AM +0530 காணை, வல்லம், செஞ்சி ஊராட்சி ஒன்றிங்களில் பொதுப்பணி நீர்வள ஆதார அமைப்புத் துறை சார்பாக நடைபெற்று வரும் குடிமராத்து திட்டப் பணிகளை மாவட்ட ஆட்சியர் இல.சுப்பிரமணியன் செவ்வாய்க்கிழமை நேரில் பார்வையிட்டு ஆய்வு செய்தார்.
குடிநீர் பிரச்னையைத் தீர்க்கவும், நீராதாரங்களை சிக்கனமாகப் பயன்படுத்தவும் தமிழ்நாடு அரசு பல நடவடிக்கைகளை மேற்கொண்டு வருகிறது. அதற்காக மழைநீரை சேமித்தல், புதிய நீராதாரங்களை உருவாக்கி, நீராதாரங்களை மேம்படுத்துதல் என பல்வேறு நடவடிக்கைகள் எடுக்கப்பட்டு வருகின்றன.
இதன் ஒரு பகுதியாக, குடிமராமத்து திட்டம் செயல்படுத்தப்பட்டு வருகிறது. இந்தத் திட்டத்தின் கீழ், காணை ஊராட்சி ஒன்றியத்தில் கக்கனூர் ஏரி, வல்லம் ஊராட்சி ஒன்றியத்தில் இல்லோடு ஏரி, மகாதேவிமங்கலம் ஏரி, செஞ்சி ஊராட்சி ஒன்றியத்தில் செம்மேடு ஏரி ஆகிய நீர் நிலைகளில் முடிவுற்ற குடிமராமத்துப் பணிகளையும், மதகுகள் அமைத்தல், ஏரிக்கரையை மேம்படுத்துதல், பெரிய பழுதுகளை சரி செய்தல், வாய்க்கால் தூர்வாருதல் போன்ற பணிகளையும் மாவட்ட ஆட்சியர் இல.சுப்பிரமணியன் நேரில் பார்வையிட்டு ஆய்வு செய்தார்.
மேலும், விவசாயிள் பயன்பெறும் வகையில், அனைத்து பணிகளையும் விரைந்து முடிக்க வேண்டுமென பொதுப்பணித் துறை அலுவலர்களை மாவட்ட ஆட்சித்தலைவர் அறிவுறுத்தினார்.
அப்போது, பொதுப்பணித் துறை  நீர் வள ஆதாரத் துறை செயற்பொறியாளர் சண்முகம், உதவிச் செயற்பொறியாளர்கள் சுமதி, கனகராஜ், சாந்தி மற்றும் வருவாய்த் துறை, ஊர வளர்ச்சித் துறை, பொதுப்பணித் துறையைச் சேர்ந்த அலுவலர்கள் உடனிருந்தனர்.

]]>
http://www.dinamani.com/all-editions/edition-villupuram/villupuram/2018/oct/17/செஞ்சி-பகுதியில்-குடிமராமத்து-பணிகள்-ஆட்சியர்-ஆய்வு-3022194.html
3022188 விழுப்புரம் விழுப்புரம் வாள் சண்டை, சிலம்பப் போட்டிகளில் மாணவிகள் ஆர்வம் DIN DIN Wednesday, October 17, 2018 09:33 AM +0530 விழுப்புரத்தில் செவ்வாய்க்கிழமை நடைபெற்ற கடலூர் மண்டல அளவிலான விளையாட்டுப் போட்டிகளில் பெண்களுக்கான பிரிவில் வாள் சண்டை,  சிலம்பம்,  கேரம் உள்ளிட்ட போட்டிகளில் ஆயிரத்துக்கும் மேற்பட்டோர் ஆர்வத்துடன் கலந்துகொண்டனர். 
விழுப்புரத்தில் பள்ளிக் கல்வித் துறை சார்பில் பள்ளி மாணவர்களுக்கான கடலூர் மண்டல அளவிலான பாரதியார் மற்றும் குடியரசு தின விளையாட்டுப் போட்டிகள் அக்.12-ஆம் தேதி தடகளப் போட்டிகளுடன் தொடங்கி நடைபெற்று வருகிறது.   திங்கள்கிழமை மாணவர்களுக்கான நீச்சல்,  குத்துச்சண்டை,  டேக்வாண்டோ உள்ளிட்டப் போட்டிகள் நடைபெற்றன. 
இதனைத் தொடர்ந்து,  செவ்வாய்க்கிழமை மாணவிகளுக்கான போட்டிகள் நடைபெற்றன.  பெருந்திட்ட வளாக அரசு நீச்சல் குளத்தில்,  நீச்சல் போட்டிகள் 50 மீ.,  100 மீ., 200 மீ., 400 மீ. உள்ளிட்டப் பிரிவுகளில் தனி நபர் நீச்சல் போட்டிகள் நடைபெற்றன.   இதில் 14 வயது,  17 வயது,  19 வயதுக்கு உள்பட்ட மூன்று பிரிவுகளைச் சேர்ந்த,  கடலூர்,  விழுப்புரம் மாவட்டங்களைச் சேர்ந்த சுமார் 350 மாணவிகள் ஆர்வத்துடன் கலந்துகொண்டனர். 
இதே போல, பெருந்திட்ட வளாக உள் விளையாட்டரங்கில், மாணவிகளுக்கான டேக்வாண்டோ,  குத்துச் சண்டை போட்டிகள் நடைபெற்றன.  இதில்,  400 மாணவிகள் கலந்துகொண்டனர்.  தொடர்ந்து,  விழுப்புரம் ராமகிருஷ்ணா மெட்ரிக். பள்ளி வளாகத்தில் மாணவிகளுக்கான சிலம்பம் போட்டி நடைபெற்றது.  இதில்,  மூன்று எடைபிரிவுகளைச் சேர்ந்த 250 மாணவிகள் கலந்துகொண்டனர்.  இவர்களுக்கு தனித்தனியாகவும் சிலம்பப் போட்டிகள் நடைபெற்றன.  மாணவிகள் சிலம்பக் கம்புகளை அநாயசமாகச் சுழற்றி திறனை வெளிப்படுத்தினர்.
இதே போல, கேரம் விளையாட்டுப் போட்டிகள் 14 வயது,  17 வயது,  19 வயது பிரிவினருக்கென தனித்தனியாக நடைபெற்றன.  இதில்,  250 மாணவிகள் கலந்துகொண்டனர்.  இதில்,  அரசுப் பள்ளி மாணவிகள் அதிகளவில் இடம் பெற்றிருந்தனர்.   இதே போல  மாணவிகளுக்கான வாள் சண்டைப் போட்டிகள் நடைபெற்றன.  மூன்று பிரிவுகளில் நடைபெற்ற இந்த போட்டியில் சுமார் 200 மாணவிகள் கலந்துகொண்டனர்.
இப்போட்டிகளில்,  தனித்தனி பிரிவுகளில்,  முதல் மூன்று இடங்களைப் பிடித்த மாணவிகளுக்கு போட்டியின் நிறைவாக பதக்கமும்,  சான்றிதழ்களும் வழங்கப்பட்டன.  விழுப்புரம்,  கடலூர் மாவட்டங்களிலிருந்து,  அரசு மற்றும் தனியார் பள்ளி மாணவிகள் ஆயிரத்துக்கும் மேற்பட்டோர் இப்போட்டிகளில் ஆர்வத்துடன் கலந்துகொண்டனர். விழுப்புரம் மாவட்ட உடற்கல்வி ஆய்வாளர் பத்மநாபன் மற்றும் உடற் கல்வி இயக்குநர்கள் போட்டிகளை ஒருங்கிணைத்தனர்.
ஒவ்வொரு பிரிவிலும்,  தேர்வான முதல் இரு இடங்களைப் பெற்ற மாணவிகள், இம்மாத இறுதியில் கடலூரில் நடைபெறவுள்ள மாநில அளவிலான போட்டியில் கலந்துகொள்ள உள்ளனர்.
 

]]>
http://www.dinamani.com/all-editions/edition-villupuram/villupuram/2018/oct/17/வாள்-சண்டை-சிலம்பப்-போட்டிகளில்-மாணவிகள்-ஆர்வம்-3022188.html
3022184 விழுப்புரம் விழுப்புரம் தடுப்புக் காவலில் சாராய வியாபாரி கைது DIN DIN Wednesday, October 17, 2018 09:33 AM +0530 தடுப்புக் காவலில் சாராய வியாபாரியை போலீஸார் செவ்வாய்க்கிழமை கைது செய்தனர்.
செஞ்சி அருகே உள்ள அவலூர்பேட்டையைச் சேர்ந்த சர்க்கரை மகன் கணேசன் (45). இவர், அந்தப் பகுதியில் சட்ட விரோதமாக சாராயத்தை கடத்தி விற்று வந்தாராம். இது தொடர்பாக செஞ்சி மது விலக்கு போலீஸார் கணேசனை கைதுசெய்து கடலூர் சிறையில் அடைத்தனர். செஞ்சி பகுதியில் தொடர்ந்து சாராயம் விற்பனையில் ஈடுபட்டு வரும் கணேசனின் குற்ற நடவடிக்கையைக் கட்டுப்படுத்த, அவரை தடுப்புக் காவல் சட்டத்தின்கீழ் கைது செய்ய மாவட்ட காவல் துறை, மாவட்ட ஆட்சியருக்கு பரிந்துரைத்தது. இதை பரிசீலித்த மாவட்ட ஆட்சியர் இல.சுப்பிரமணியன், கணேசனை தடுப்புக் காவல் சட்டத்தின் கீழ் கைதுசெய்ய உத்தரவிட்டார். இதையடுத்து, கடலூர் மத்திய சிறையில் விசாரணைக் கைதியாக அடைக்கப்பட்டிருந்த கணேசனை தடுப்புக் காவல் சட்டத்தின் கீழ் போலீஸார் கைது செய்தனர்.
 

]]>
http://www.dinamani.com/all-editions/edition-villupuram/villupuram/2018/oct/17/தடுப்புக்-காவலில்-சாராய-வியாபாரி-கைது-3022184.html
3022181 விழுப்புரம் விழுப்புரம் ஸ்ரீசாரதா ஆஸ்ரமத்தில் 7-ஆம் நாள் கொலு கண்காட்சி DIN DIN Wednesday, October 17, 2018 09:32 AM +0530 உளுந்தூர்பேட்டை ஸ்ரீசாரதா ஆஸ்ரமத்தில் நவராத்திரி விழா கொலு கண்காட்சி 7-வது நாளாக  திங்கள்கிழமை  நடைபெற்றது.
தமிழக கூடுதல் அட்வகேட் ஜெனரல் எஸ்.ஆர். ராஜகோபால் கலந்துகொண்டு விழாவை தொடக்கிவைத்து சிறப்புரையாற்றினார்.
ஸ்ரீசாரதா வித்யாலயா மெட்ரிக் மேல்நிலைப் பள்ளியின் தாளாளர் யதீஸ்வரி ஆத்ம விகாஸப்ரியா அம்பா சிறப்பு விருந்தினரை அறிமுகம் செய்துவைத்து வரவேற்புரையாற்றினார்.
ஸ்ரீசாரதா மகா வித்யாலயம் மகளிர் கலை, அறிவியல் கல்லுரியின் செயலாளர் யதீஸ்வரி அனந்தப்ரேமப்ரியா அம்பா ஆசியுரை வழங்கினார். அம்பாள் பாற்கடலில் பள்ளிகொண்ட அலங்காரத்தில் பக்தர்களுக்கு அருள்பாலித்தார்.  விழாவில் விஜயலட்சுமி, அரசு அதிகாரிகள், தொழிலதிபர்கள், பள்ளி, கல்லூரி மாணவ, மாணவிகள் மற்றும் பெற்றோர்கள் உள்பட பலர் பங்கேற்று கொலு கண்காட்சியை பார்வையிட்டனர்.

]]>
http://www.dinamani.com/all-editions/edition-villupuram/villupuram/2018/oct/17/ஸ்ரீசாரதா-ஆஸ்ரமத்தில்-7-ஆம்-நாள்-கொலு-கண்காட்சி-3022181.html
3022179 விழுப்புரம் விழுப்புரம் பெட்ரோல், டீசல் விலை உயர்வு: தொழில்சங்கத்தினர் ஆர்ப்பாட்டம் DIN DIN Wednesday, October 17, 2018 09:32 AM +0530 பெட்ரோல், டீசல் விலை உயர்வு, தொழில்சங்க உரிமைகள் பறிப்பை கண்டிப்பதாகக் கூறி, விழுப்புரத்தில் தொமுச, சிஐடியு உள்ளிட்ட பல்வேறு தொழில்சங்கத்தினர் இணைந்து செவ்வாய்க்கிழமை மாலை ஆர்ப்பாட்டத்தில் ஈடுபட்டனர்.
 விழுப்புரம் பெருந்திட்ட வளாக நுழைவாயில் எதிரே நடைபெற்ற இந்த ஆர்ப்பாட்டத்துக்கு போக்குவரத்து தொமுச தொழில்சங்க கோட்டப் பொதுச் செயலர் சேகர் தலைமை வகித்தார். தொமுச தொழில்சங்க மாவட்டச் செயலர் ஞானப்பிரகாசம், சிஐடியு மாவட்டச் செயலர் முத்துக்குமரன், ஏஐடியுசி மாவட்டச் செயலர் சௌரிராஜன் ஆகியோர் கலந்துகொண்டு கண்டன உரையாற்றினர்.
 ஆர்ப்பாட்டத்தில், பெட்ரோல், டீசல் விலை வரலாறு காணாத வகையில் உயந்து வரும் நிலையில், இதைக் கட்டுப்படுத்த மத்திய, மாநில அரசுகள் போதிய நடவடிக்கை எடுக்கவில்லை. 
இதனால் அனைத்து பொருள்களின் விலையும், வாகன கட்டணமும் கடுமையாக உயர்த்தப்படுகிறது. மத்தியில் பாஜக ஆட்சியில் தொழில்சங்கங்களின் உரிமைகள் பறிக்கப்படுகின்றன. தொழிலாளர்கள் நசுக்கப்படுகின்றனர். இந்தப் பிரச்னைகளுக்கு தீர்வு காண வேண்டும் என வலியுறுத்தி முழக்கமிட்டனர்.  
ஆர்ப்பாட்டத்தில், நியாயவிலைக் கடை பணியாளர்கள், தொமுச தொழில்சங்க மாவட்டச் செயலர் ஸ்ரீதர் உள்ளிட்ட பல்வேறு தொழில்சங்க நிர்வாகிகள், தொழிலாளர்கள் கலந்து கொண்டனர். தொமுச மாவட்டத் துணைச் செயலர் சண்முகம் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/17/பெட்ரோல்-டீசல்-விலை-உயர்வு-தொழில்சங்கத்தினர்-ஆர்ப்பாட்டம்-3022179.html
3022177 விழுப்புரம் விழுப்புரம் உளுந்தூர்பேட்டையில் இன்று அதிமுக பொதுக்கூட்டம்: முதல்வர் பங்கேற்கிறார் DIN DIN Wednesday, October 17, 2018 09:31 AM +0530 உளுந்தூர்பேட்டையில் புதன்கிழமை (அக்.17) மாலை நடைபெறும் அதிமுக 47-ஆம் ஆண்டு தொடக்க விழா பொதுக்கூட்டத்தில் முதல்வர் எடப்பாடி கே.பழனிசாமி பங்கேற்கிறார். 
உளுந்தூர்பேட்டையில் சேலம் புறவழிச் சாலைப் பகுதியில் நடைபெறும் இந்தப் பொதுக்கூட்டத்தில் பங்கேற்க வரும் முதல்வருக்கு, மாவட்ட எல்லையான ஓங்கோல் பகுதியில், வடக்கு மாவட்ட அதிமுக செயலர் இரா.லட்சுமணன் எம்.பி. தலைமையில் வரவேற்பு அளிக்கப்படுகிறது. தொடர்ந்து, விழுப்புரத்தில் அமைச்சர் சி.வி.சண்முகம் தலைமையிலும், உளுந்தூர்பேட்டையில் விருத்தாசலம் கூட்டுச் சாலை சந்திப்பில் தெற்கு மாவட்டச் செயலர் குமரகுரு எம்எல்ஏ தலைமையிலும் வரவேற்பு அளிக்கப்படுகிறது. 
தொடர்ந்து, மாலை 5.30 மணியளவில் பொதுக்கூட்டம் நடைபெறும் இடத்துக்கு முதல்வர் செல்கிறார். அங்கு, கட்சியின் 47-ஆவது ஆண்டு விழாவைக் குறிக்கும் வகையில், 47 அடி உயர கொடிக் கம்பத்தில் அதிமுக கட்சிக் கொடியை முதல்வர் ஏற்றி வைக்கிறார். பொதுக்கூட்டத்தில் பங்கேற்ற பிறகு, உளுந்தூர்பேட்டை புதிய எடைக்கல் பகுதியில் அமைந்துள்ள சாரதா ஆஸ்ரமத்துக்கு  செல்லும்  முதல்வர், அங்கு இரவு உணவு அருந்துகிறார். ஆஸ்ரமத்தில் நடைபெறும் நவராத்திரி விழாவிலும் முதல்வர்  கலந்துகொள்ள வாய்ப்புள்ளதாக கட்சியினர் தெரிவித்தனர். முதல்வர் பங்கேற்கும் பொதுக்கூட்டத்தில் கட்சியினர் திரளாக கலந்து கொள்ளுமாறு தெற்கு மாவட்டச் செயலர் குமரகுரு கேட்டுக் கொண்டுள்ளார். 
முதல்வர் வருகையையொட்டி வடக்கு மண்டல ஐ.ஜி. நாகராஜன் தலைமையில் 2 ஆயிரத்துக்கும் மேற்பட்ட போலீஸார் குவிக்கப்பட்டு பலத்த பாதுகாப்பு ஏற்பாடுகள் செய்யப்பட்டன.

]]>
http://www.dinamani.com/all-editions/edition-villupuram/villupuram/2018/oct/17/உளுந்தூர்பேட்டையில்-இன்று-அதிமுக-பொதுக்கூட்டம்-முதல்வர்-பங்கேற்கிறார்-3022177.html
3022174 விழுப்புரம் விழுப்புரம் காட்டுப் பன்றியை வேட்டையாடியவர் கைது: துப்பாக்கி பறிமுதல் DIN DIN Wednesday, October 17, 2018 09:31 AM +0530 விழுப்புரம் மாவட்டம், உளுந்தூர்பேட்டை அருகே காட்டுப் பன்றியை வேட்டையாடிய நபரை போலீஸார் செவ்வாய்க்கிழமை கைது செய்தனர். அவரிடம் இருந்து ஒற்றைக் குழல் துப்பாக்கி பறிமுதல் செய்யப்பட்டது.
உளுந்தூர்பேட்டை அருகே எறையூரைச் சேர்ந்தவர் அம்புரோஸ் மகன் டேவிட் (எ) டேவிட் செல்வராஜ் (33). இவர், ஒற்றைக்குழல் துப்பாக்கி மூலம் எறையூர் அருகேயுள்ள காப்புக்காட்டில் சுமார் 30 கிலோ எடையுள்ள காட்டுப் பன்றியை வேட்டையாடி சாக்கில் கட்டி தனது இரு சக்கர வாகனத்தில் எடுத்து வந்தார். அப்போது, எறையூர் பகுதியில் ரோந்துப் பணியில் ஈடுபட்டிருந்த எலவனாசூர்கோட்டை காவல் நிலைய உதவி ஆய்வாளர் ஏழுமலை மற்றும் போலீஸார், அந்த  இரு சக்கர வாகனத்தை தடுத்து நிறுத்தி சோதனை செய்தனர். அதில் காட்டுப்பன்றி, ஒற்றைக் குழல் துப்பாக்கி ஆகியவை இருந்தன. விசாரணையில், அவர் காட்டுப் பன்றியை வேட்டையாடியது தெரியவந்தது. இதையடுத்து டேவிட்டை போலீஸார் கைது செய்து, இரு சக்கர வாகனம், ஒற்றைக்குழல் துப்பாக்கி உள்ளிட்டவற்றை பறிமுதல் செய்தனர்.
 

]]>
http://www.dinamani.com/all-editions/edition-villupuram/villupuram/2018/oct/17/காட்டுப்-பன்றியை-வேட்டையாடியவர்-கைது-துப்பாக்கி-பறிமுதல்-3022174.html
3022171 விழுப்புரம் விழுப்புரம் வாள் சண்டை, சிலம்பப் போட்டிகளில் மாணவிகள் ஆர்வம் DIN DIN Wednesday, October 17, 2018 09:31 AM +0530 விழுப்புரத்தில் செவ்வாய்க்கிழமை நடைபெற்ற கடலூர் மண்டல அளவிலான விளையாட்டுப் போட்டிகளில் பெண்களுக்கான பிரிவில் வாள் சண்டை,  சிலம்பம்,  கேரம் உள்ளிட்ட போட்டிகளில் ஆயிரத்துக்கும் மேற்பட்டோர் ஆர்வத்துடன் கலந்துகொண்டனர். 
விழுப்புரத்தில் பள்ளிக் கல்வித் துறை சார்பில் பள்ளி மாணவர்களுக்கான கடலூர் மண்டல அளவிலான பாரதியார் மற்றும் குடியரசு தின விளையாட்டுப் போட்டிகள் அக்.12-ஆம் தேதி தடகளப் போட்டிகளுடன் தொடங்கி நடைபெற்று வருகிறது.   திங்கள்கிழமை மாணவர்களுக்கான நீச்சல்,  குத்துச்சண்டை,  டேக்வாண்டோ உள்ளிட்டப் போட்டிகள் நடைபெற்றன. 
இதனைத் தொடர்ந்து,  செவ்வாய்க்கிழமை மாணவிகளுக்கான போட்டிகள் நடைபெற்றன.  பெருந்திட்ட வளாக அரசு நீச்சல் குளத்தில்,  நீச்சல் போட்டிகள் 50 மீ.,  100 மீ., 200 மீ., 400 மீ. உள்ளிட்டப் பிரிவுகளில் தனி நபர் நீச்சல் போட்டிகள் நடைபெற்றன.   இதில் 14 வயது,  17 வயது,  19 வயதுக்கு உள்பட்ட மூன்று பிரிவுகளைச் சேர்ந்த,  கடலூர்,  விழுப்புரம் மாவட்டங்களைச் சேர்ந்த சுமார் 350 மாணவிகள் ஆர்வத்துடன் கலந்துகொண்டனர். 
இதே போல, பெருந்திட்ட வளாக உள் விளையாட்டரங்கில், மாணவிகளுக்கான டேக்வாண்டோ,  குத்துச் சண்டை போட்டிகள் நடைபெற்றன.  இதில்,  400 மாணவிகள் கலந்துகொண்டனர்.  தொடர்ந்து,  விழுப்புரம் ராமகிருஷ்ணா மெட்ரிக். பள்ளி வளாகத்தில் மாணவிகளுக்கான சிலம்பம் போட்டி நடைபெற்றது.  இதில்,  மூன்று எடைபிரிவுகளைச் சேர்ந்த 250 மாணவிகள் கலந்துகொண்டனர்.  இவர்களுக்கு தனித்தனியாகவும் சிலம்பப் போட்டிகள் நடைபெற்றன.  மாணவிகள் சிலம்பக் கம்புகளை அநாயசமாகச் சுழற்றி திறனை வெளிப்படுத்தினர்.
இதே போல, கேரம் விளையாட்டுப் போட்டிகள் 14 வயது,  17 வயது,  19 வயது பிரிவினருக்கென தனித்தனியாக நடைபெற்றன.  இதில்,  250 மாணவிகள் கலந்துகொண்டனர்.  இதில்,  அரசுப் பள்ளி மாணவிகள் அதிகளவில் இடம் பெற்றிருந்தனர்.   இதே போல  மாணவிகளுக்கான வாள் சண்டைப் போட்டிகள் நடைபெற்றன.  மூன்று பிரிவுகளில் நடைபெற்ற இந்த போட்டியில் சுமார் 200 மாணவிகள் கலந்துகொண்டனர்.
இப்போட்டிகளில்,  தனித்தனி பிரிவுகளில்,  முதல் மூன்று இடங்களைப் பிடித்த மாணவிகளுக்கு போட்டியின் நிறைவாக பதக்கமும்,  சான்றிதழ்களும் வழங்கப்பட்டன.  விழுப்புரம்,  கடலூர் மாவட்டங்களிலிருந்து,  அரசு மற்றும் தனியார் பள்ளி மாணவிகள் ஆயிரத்துக்கும் மேற்பட்டோர் இப்போட்டிகளில் ஆர்வத்துடன் கலந்துகொண்டனர். விழுப்புரம் மாவட்ட உடற்கல்வி ஆய்வாளர் பத்மநாபன் மற்றும் உடற் கல்வி இயக்குநர்கள் போட்டிகளை ஒருங்கிணைத்தனர்.
ஒவ்வொரு பிரிவிலும்,  தேர்வான முதல் இரு இடங்களைப் பெற்ற மாணவிகள், இம்மாத இறுதியில் கடலூரில் நடைபெறவுள்ள மாநில அளவிலான போட்டியில் கலந்துகொள்ள உள்ளனர்.

]]>
http://www.dinamani.com/all-editions/edition-villupuram/villupuram/2018/oct/17/வாள்-சண்டை-சிலம்பப்-போட்டிகளில்-மாணவிகள்-ஆர்வம்-3022171.html
3022169 விழுப்புரம் விழுப்புரம் நியாய விலைக் கடை பணியாளர்கள் இன்று மறியல் செய்யத் திட்டம் DIN DIN Wednesday, October 17, 2018 09:30 AM +0530 30 அம்சக் கோரிக்கைகளை வலியுறுத்தி, தமிழகத்தில் நியாய விலைக் கடை பணியாளர்கள் சங்கத்தினர் வேலைநிறுத்தப் போராட்டத்தில் ஈடுபட்டுள்ள நிலையில், புதன்கிழமை (அக்.17) மறியல் போராட்டத்தில் ஈடுபட உள்ளனர்.
தமிழ்நாடு அரசு நியாய விலைக்கடை பணியாளர்கள் சங்கத்தினர்,  திங்கள்கிழமை முதல் மாநிலம் தழுவிய அளவில் வேலைநிறுத்தப் போராட்டத்தில் ஈடுபட்டு வருகின்றனர்.  
இதன் ஒரு பகுதியாக, விழுப்புரத்தில் செவ்வாய்க்கிழமை வேலைநிறுத்த ஆர்ப்பாட்டத்தில் ஈடுபட்டனர். 
நகராட்சித் திடலில் நடைபெற்ற ஆர்ப்பாட்டத்துக்கு மாவட்டத் தலைவர் கே.சம்பத் தலைமை வகித்தார்.  பொருளாளர் ராஜகணேஷ்,  இணைச் செயலாளர் கோபிநாத்,  துணைத் தலைவர் தங்கராஜ், பெருமாள்,   தனசேகரன் ஆகியோர் முன்னிலை வகித்தனர்.  டாஸ்மாக் பணியாளர் சங்க மாநிலப் பொருளாளர் ஜெயகணேஷ்,  இணைச் செயலாளர் பழனிவேல்,  வட்டத் தலைவர்கள் வீரபத்திரன், கிருஷ்ணமூர்த்தி உள்ளிட்டோர் கண்டன உரையாற்றினர்.
தமிழ்நாடு அரசுப்பணியாளர் சங்க சிறப்புத் தலைவர் கு.பாலசுப்பிரமணியன் சிறப்புரையாற்றினார்.  நியாய விலைக் கடைகளில் பணியாற்றி வரும் ஊழியர்களுக்கு காலமுறை ஊதியம் வழங்க வேண்டும், அத்தியாவசியப் பொருள்களை வழங்கும் நியாய விலைக் கடைகளுக்கு தனித்துறையை ஏற்படுத்த வேண்டும்.  
எடை குறைதல் போன்ற குற்றச்சாட்டுகளைத் தடுப்பதற்கு பொருள்களை பொட்டலம் போட்டு வழங்க வேண்டும். தமிழ்நாடு நுகர்பொருள் வாணிபக் கழக ஊழியர்களுக்கு இணையான சம்பளத்தை வழங்க வேண்டும்.  நியாய விலைக் கடை பணியாளர்களை பணி வரன்முறை செய்ய வேண்டும் என்பன உள்ளிட்ட 30 அம்சக் கோரிக்கைகளை ஆர்ப்பாட்டத்தில் வலியுறுத்தினர். 
இந்தப் போராட்டத்தின் காரணமாக விழுப்புரம் மாவட்டத்தில் உள்ள 2,020 நியாய விலைக் கடைகளில், 1,300 பேர் வரை கலந்து கொண்டுள்ளதாகவும்,  இவர்கள்,  நியாய விலைக் கடைகளை அடைத்து தொடர் வேலை நிறுத்தப் போராட்டத்தில் பங்கேற்றுள்ளதாக தெரிவித்தனர்.  இதனால்,  மாவட்டத்தின் கிராமப்புற பகுதிகளில் பல இடங்களில் நியாய விலைக் கடைகள் அடைக்கப்பட்டிருந்தன.
ஆர்ப்பாட்டத்தில் பங்கேற்ற கு.பாலசுப்பிரமணியன்கூறுகையில்,  நியாயமான கோரிக்கைகளை வலியுறுத்தி,  தொடர் வேலை நிறுத்தப் போராட்டத்தில் ஈடுபட்டுள்ள நியாய விலைக் கடை பணியாளர்களின் கோரிக்கைகளை அரசு பரிசீலனை செய்ய வேண்டும். 
புதன்கிழமை மாவட்டத் தலைநகரங்களில் மறியல் போராட்டம் நடைபெறவுள்ளது.  கோரிக்கைகளை நிறைவேற்றாவிட்டால் போராட்டம் தீவிரமடையும் என்றார்.

]]>
http://www.dinamani.com/all-editions/edition-villupuram/villupuram/2018/oct/17/நியாய-விலைக்-கடை-பணியாளர்கள்-இன்று-மறியல்-செய்யத்-திட்டம்-3022169.html
3021526 விழுப்புரம் விழுப்புரம் கிழக்கு கடற்கரைச் சாலை விரிவாக்கப் பணி ஆய்வு DIN DIN Tuesday, October 16, 2018 10:18 AM +0530 விழுப்புரம் மாவட்டத்தில் கிழக்கு கடற்கரை சாலை விரிவாக்கப் பணிக்கு நிலம் எடுப்பது தொடர்பாக இந்திய தேசிய நெடுஞ்சாலை ஆணைய ஆலோசகர் ஞாயிற்றுக்கிழமை ஆய்வு மேற்கொண்டார்.
வானூர் வட்டம் பட்டானூர், திருச்சிற்றம்பலம் ஊராட்சிகளுக்கு உள்பட்ட பகுதிகளில் கிழக்குக் கடற்கரை சாலை விரிவாக்கப் பணி நடைபெற உள்ளது. அங்கு சாலையை விரி வாக்கம் செய்வதற்கு தேவையான நில எடுப்புப் பணிகள் மேற்கொள்ளப்படவுள்ளன. இந்த நில எடுப்பு குறித்து மாவட்ட ஆட்சியர் இல.சுப்பிரமணியன், முன்னிலையில், இந்திய தேசிய நெடுஞ்சாலை ஆணைய ஆலோசகர் என்.ராமநாதன் ஞாயிற்றுக்கிழமை அங்கு நேரில் சென்று பார்வையிட்டு ஆய்வு செய்தார். மேலும், சாலை மற்றும் நில எடுப்பு இடம் குறித்த மாதிரி வரை படத்தையும் பார்வையிட்டு, விசாரித்தார்.
இதைத்தொடர்ந்து வானூர் வட்டத்தைச் சேர்ந்த ஆரோவில் பகுதிகளில் சாலை விரிவாக்கப் பணி மேற்கொள்ள தேர்வு செய்யப்பட்டுள்ள இடங்களையும் நேரில் பார்வையிட்டார்.
இந்த ஆய்வின்போது, மாவட்ட வருவாய் அலுவலர் பிரியா, மாவட்ட வருவாய் அலுவலர் (நெடுஞ்சாலைத்துறை) பிருந்தாதேவி, தேசிய நெடுஞ்சாலை திட்ட இயக்குநர் மோகன், மேலாளர் (தொழில்நுட்பம்) ஜெயலட்சுமி, விழுப்புரம் வருவாய் கோட்டாட்சியர் குமாரவேல், வானூர் வட்டாட்சியர் ஜோதிவேல் மற்றும் வருவாய், நெடுஞ்சாலைத் துறை அலுவலர்கள் உடனிருந்தனர்.

]]>
http://www.dinamani.com/all-editions/edition-villupuram/villupuram/2018/oct/16/கிழக்கு-கடற்கரைச்-சாலை-விரிவாக்கப்-பணி-ஆய்வு-3021526.html
3021525 விழுப்புரம் விழுப்புரம் சாலை விபத்தில் சமையல் தொழிலாளி சாவு DIN DIN Tuesday, October 16, 2018 10:18 AM +0530 விழுப்புரம் மாவட்டம், ஆரோவில் அருகே சாலை விபத்தில் சமையல் தொழிலாளி ஞாயிற்றுக்கிழமை உயிரிழந்தார்.
காஞ்சிபுரம் மாவட்டம், செய்யூரை அடுத்த பௌஞ்சூரைச் சேர்ந்த ஆசீர்வாதம் மகன் கன்னியப்பன்(40). புதுச்சேரியில் உள்ள தனியார் உணவகம் ஒன்றில் சமையலராகப் பணியாற்றி வந்தார். ஞாயிற்றுக்கிழமை ஆரோவில் அருகேயுள்ள மொரட்டாண்டி சங்கச்சாவடி பகுதியில் திண்டிவனம்-புதுவை சாலையில் நடந்து சென்ற இவர் மீது, அடையாளம் தெரியாத வாகனம் மோதியது. இதில், தலையில் பலத்த காயமடைந்த கன்னியப்பன் புதுவை அரசு மருத்துவமனைக்கு கொண்டு செல்லும் வழியில் உயிரிழந்தார். 
ஆரோவில் காவல் ஆய்வாளர் ஜோசப் செல்வராஜ் வழக்குப் பதிந்து விசாரணை நடத்தி 
வருகிறார்.
 

]]>
http://www.dinamani.com/all-editions/edition-villupuram/villupuram/2018/oct/16/சாலை-விபத்தில்-சமையல்-தொழிலாளி-சாவு-3021525.html
3021524 விழுப்புரம் விழுப்புரம் சமூக சமத்துவப் படை கட்சியினர் ஆர்ப்பாட்டம் DIN DIN Tuesday, October 16, 2018 10:17 AM +0530 பல்வேறு கோரிக்கைளை வலியுறுத்தி விழுப்புரத்தில் சமூக சமத்துவப் படை கட்சியினர் திங்கள்கிழமை ஆர்ப்பாட்டத்தில் ஈடுபட்டனர்.
பெருந்திட்ட வளாக நுழைவாயில் எதிரே நடைபெற்ற இந்த ஆர்ப்பாட்டத்தில் கட்சியின் மாநிலப் பொதுச் செயலாளர் மோகன்ராஜ் தொடக்க உரையாற்றினார். மாநிலச் செயலாளர் மாசிலாமணி வரவேற்றார். அவைத் தலைவர்கள் கோவிந்தசாமி, மோகனாம்பாள், கடலூர் மாவட்டத் தலைவர்கள் சந்திரபோஸ், ஹரிகிருஷ்ணன், சத்ரபதி ஆகியோர் முன்னிலை வகித்தனர். ஆர்ப்பாட்டத்துக்கு கட்சியின் நிறுவனர் தலைவர் சிவகாமி தலைமை வகித்து கண்டன உரையாற்றினார்.
நிலமற்ற விவசாய கூலிகளுக்கு 2.5 ஏக்கர் நன்செய் நிலம் அல்லது 5 ஏக்கர் புன்செய் நிலம் வழங்க வேண்டும்,  பஞ்சமி நிலங்களை மீட்டு உரியவர்களிடம் ஒப்படைக்க வேண்டும், விழுப்புரம் வழுதரெட்டி-எல்லீஸ் சத்திரம் புறவழிச்சாலை தரைப்பாலத்தை உடனே அமைக்க வேண்டும், தலித் மக்கள் வசிக்கும் பகுதியில் நூலகம், தொழிற்கூடம் அமைக்க வேண்டும் என்பன உள்ளிட்ட கோரிக்கைகள் ஆர்ப்பாட்டத்தில் வலியுறுத்தப்பட்டன.
விழுப்புரம் வடக்கு மாவட்டச் செயலாளர்கள் கிருஷ்ணன், ஜெயசீலன், விழுப்புரம் மாவட்டத் தலைவர் மார்க்கண்டன் உள்ளிட்டோர் கலந்து கொண்டனர். விழுப்புரம் பாராளுமன்றத் தொகுதித் தலைவர் பொற்கொடி நன்றி 
கூறினார்.
 

]]>
http://www.dinamani.com/all-editions/edition-villupuram/villupuram/2018/oct/16/சமூக-சமத்துவப்-படை-கட்சியினர்-ஆர்ப்பாட்டம்-3021524.html
3021523 விழுப்புரம் விழுப்புரம் துபையில் வேலை வாங்கித் தருவதாக பண மோசடி:விழுப்புரம் ஆட்சியரகத்தில் இளைஞர்கள் புகார் DIN DIN Tuesday, October 16, 2018 10:17 AM +0530 துபையில் வேலை வாங்கித் தருவதாக சுற்றுலா நுழைவு இசைவு (விசா) கொடுத்து பண மோசடி செய்ததாக ராமநாதபுரம் மாவட்டம் கீழக்கரையைச் சேர்ந்த நபர் மீது நடவடிக்கை எடுக்க வேண்டும் என்று பாதிக்கப்பட்ட விழுப்புரம் மாவட்டத்தைச் சேர்ந்த இளைஞர்கள் புகார் தெரிவித்தனர்.
இதுதொடர்பாக விழுப்புரம் மாவட்டம்,  சங்கராபுரத்தைச் சேர்ந்த முருகன் மகன் வினோத் (26)  உள்ளிட்ட இளைஞர்கள் சிலர், மாவட்ட ஆட்சியர்,  காவல் கண்காணிப்பாளர் அலுவலகங்களுக்கு திங்கள்கிழமை வந்து  புகார் மனு அளித்தனர். 
அப்போது, வினோத் கூறியதாவது: நான் பிசிஏ இளநிலை பட்டப்படிப்பு முடித்துள்ளேன், நான் உள்ளிட்ட சில இளைஞர்கள் வேலை தேட முயற்சித்தபோது, இணையதளத்தில் வெளியான துபைக்கு ஆள்கள் தேவை என்ற ஒரு நிறுவனத்தின் அறிவிப்பைக் கண்டு அதிலிருந்த செல்லிடப்பேசியில் தொடர்பு கொண்டோம்.
துபையில் கிரிஸ்டல் பிரைட் கிளினிங் பெயரில் துப்புரவுப் பணி நிறுவனத்தை நடத்தி வருவதாக தெரிவித்த ஹாஜா (எ) அஜ்முன் நசிம் ஷேக்முகமது, தனது நிறுவனத்துக்கு ஆள்களை எடுத்து வருவதாகவும், இந்தத் தேர்வுக்கு ரூ.65 ஆயிரமும், உடல் பரிசோதனைக்கு ரூ.5 ஆயிரமும் செலுத்த வேண்டும் என்றார்.
இதனை நம்பி ரூ.70 ஆயிரத்தை அவர் கூறிய வங்கிக் கணக்கில் செலுத்தினோம். ஐந்து நாள்களில், அவர் எனக்கு துபைக்கு செல்ல விசாவும்,  விமான டிக்கெட்டும் அனுப்பி வைத்தார். அந்த விசாவை உறவினர்களிடம் காண்பித்தபோது, இது சுற்றுலா பயணிக்கான நுழைவு இசைவு, அதன் மதிப்பு ரூ.5,500 என்றும், அது வேலைக்குச் செல்வதற்கான அனுமதி இல்லை எனவும் தெரியவந்தது. 
இதையடுத்து, அவரை தொடர்பு கொள்ள முயன்றும் முடியவில்லை. அவரைத் தெரிந்த முகவர் மூலம் விசாரித்தபோது, அவர் ராமநாதபுரம் மாவட்டம் கீழக்கரையைச் சேர்ந்த ஹாஜா என்பதும், துபையில் வசித்து வரும் அவர்,  இணைய வழியில் ஆள்களை எடுப்பதாகக் கூறி ஏமாற்றி பணம் பறித்து வந்ததும் தெரிய வந்தது. 
அண்மையில் கீழக்கரைக்கு சென்று விசாரித்தபோது, அவரது குடும்பத்தினர் அங்கு வசித்து வருவதும் நாங்கள் பணம் செலுத்திய வங்கிக் கணக்கு கீழக்கரையில் உள்ள வங்கிக் கணக்குதான் என்பதும் தெரிந்தது.
 இதுகுறித்து ராமநாதபுரம் காவல் நிலையத்தில் புகார் தெரிவித்தபோது, அந்த நபர், தமிழகத்தில் ஏராளமானோரிடம் வேலை வாங்கித் தருவதாகக் கூறி பண மோசடி செய்திருப்பதாகவும்  அவர் மீது வழக்கு உள்ளதாகவும் போலீஸாரே தெரிவித்தனர்.  
இதையறிந்து, ஹாஜாவின் தந்தை,  மனைவி உள்ளிட்ட உறவினர்களிடம் சென்று விசாரித்தபோது, எங்களை மிரட்டி அனுப்பி விட்டனர். என்னுடன், சங்கராபுரத்திலிருந்து,  10 பேர் தலா ரூ.70  ஆயிரத்தை ஹாஜாவின் வங்கிக் கணக்குக்கு ஏற்கெனவே அனுப்பி வைத்திருந்தனர். இதற்கான ரசீதுகள், செல்லிடப்பேசியில் அவர் பேசிய பதிவுகள் எங்களிடம் உள்ளன. 
எனினும், அவரை நம்பி சங்கராபுரத்தைச் சேர்ந்த ஜெர்மானுஸ்,  கார்த்தி ஆகியோர் துபைக்கு சென்றனர். அங்கு சென்றபோதுதான், தாங்கள் சுற்றுலா நுழைவு இசைவில் வந்திருப்பது தெரிய வந்தது. ரூ.14 ஆயிரம் மாத சம்பளத்துக்கு அவர்கள் தினமும் 12 மணி நேரம்  துப்புரவு  வேலை செய்து வருகின்றனர்.
ஒரு மாத காலம் தற்போது முடிந்து விட்டதால், நுழைவு இசைவு இல்லாமல் தவிப்பதாக தெரிவித்த ஜெர்மானூஸ்,  இணைய வழியில் வேலைவாங்கித் தரும் ஹாஜாவை நம்பி பணம் செலுத்தி ஏமாற வேண்டாம் என்று எங்களுக்கு தகவல் தெரிவித்துள்ளார்.  விசா முடிந்ததால், செய்வதறியாது கார்த்தி மாயமாகியிருப்பதும் தெரிய வந்துள்ளது.
ஆகவே, ஹாஜாவிடமிருந்து,  தங்களது பணத்தை பெற்றுத்தர நடவடிக்கை எடுக்க வேண்டும் என்றார்.

]]>
http://www.dinamani.com/all-editions/edition-villupuram/villupuram/2018/oct/16/துபையில்-வேலை-வாங்கித்-தருவதாக-பண-மோசடிவிழுப்புரம்-ஆட்சியரகத்தில்-இளைஞர்கள்-புகார்-3021523.html
3021522 விழுப்புரம் விழுப்புரம் மீன் குத்தகையில் முறைகேடு: கிராம மக்கள் புகார் DIN DIN Tuesday, October 16, 2018 10:14 AM +0530 திருக்கோவிலூர் அருகே ஏரியில் மீன் குத்தகை விட்டதில் முறைகேடு நடந்துள்ளதாக ஆட்சியரிடம் கிராம மக்கள் திங்கள்கிழமை புகார் அளித்தனர்.
திருக்கோவிலூர் அருகே விளந்தை கிராமத்தைச் சேர்ந்த 20-க்கும் மேற்பட்டோர் திங்கள்கிழமை மாவட்ட ஆட்சியரகத்துக்கு திரண்டு வந்து மனு ஒன்றை அளித்தனர். அந்த மனுவில் கூறியதாவது: சுமார் 5 ஆயிரம் பேர் வசிக்கும் எங்கள் கிராமத்தில் விவசாயமே பிரதானம். எங்களின் வாழ்வாதாரம், அங்குள்ள ஏரியை நம்பியே உள்ளது. 
இதற்காக எங்கள் ஊர் ஏரியில் மீன் வளர்க்க கடந்த 40 ஆண்டுகளாக ஊர் மக்களே ஏலம் எடுத்து வருகிறோம். மீன் விற்பனை மூலமாக வரும் தொகையும், விவசாயிகளிடம் பணம் வசூலித்தும் 12 கி.மீ. தொலைவுக்கு நீர் வரத்து கால்வாயை தூர்வாரி வருகிறோம். அதன் மூலமாக, 900 ஏக்கர் விவசாயம் செய்கிறோம். இதுபோன்று நிகழாண்டு ஏரியில் மீன் வளர்க்க, விழுப்புரத்தில் கடந்த 3-ஆம் தேதி நடைபெற்ற மீன் குத்தகை ஏலத்தில் கலந்து கொண்டோம். அரசு நிர்ணயித்த தொகையில் பதிவுத் தொகை ரூ.38 ஆயிரம் மற்றும் வைப்புத் தொகை ரூ.5 ஆயிரம் என மொத்தம் ரூ.43 ஆயிரத்துக்கு வங்கி வரையோலை எடுத்து, ஏலத்தில் விண்ணப்பித்தோம். அதன்பிறகு ஒரு வாரம் கழித்து அக்.9-ஆம் தேதி, மின் துறை உதவி இயக்குநரிடம் மீன் குத்தகை குறித்து கேட்டபோது, உங்களுக்கு மீன் குத்தகை இல்லை என்றும், வெளி நபருக்கு குத்தகை முடிந்துவிட்டதாகவும் தெரிவித்தார். மீன் குத்தகை ஏலத்தை மீன் வளத்துறை உதவி இயக்குநர் முறையாக நடத்தவில்லை. எந்தவித விதிகளும் பின்பற்றப்படவில்லை. ஆகவே, மீன் குத்தகை ஏலத்தை ரத்து செய்து, எங்கள் கிராமத்துக்கு வழக்கம்போல மீன் குத்தகையை ஒதுக்க வேண்டும் என்று அதில் குறிப்பிட்டுள்ளனர்.

]]>
http://www.dinamani.com/all-editions/edition-villupuram/villupuram/2018/oct/16/மீன்-குத்தகையில்-முறைகேடு-கிராம-மக்கள்-புகார்-3021522.html
3021521 விழுப்புரம் விழுப்புரம் ஆட்சியரகத்தில் குடும்பத்துடன் தொழிலாளி தீக்குளிக்க முயற்சி DIN DIN Tuesday, October 16, 2018 10:14 AM +0530 விழுப்புரம் ஆட்சியரகத்தில் திங்கள்கிழமை கூலித் தொழிலாளி குடும்பத்தினருடன் தீக்குளிக்க முயன்றதால் பரபரப்பு ஏற்பட்டது.
மேல்மலையனூரைச் சேர்ந்தவர் சக்திவேல் (40). இவரது மனைவி அமிர்தம் (28),  பிள்ளைகள் அபிநயா (12),  டில்லிகணேஷ் (5),  திரிஷா (3)  ஆகியோர் உறவினர்களுடன்,  திங்கள் கிழமை,  விழுப்புரம் ஆட்சியர் அலுவலகத்துக்கு மனு அளிக்க வந்தனர்.  அப்போது,  திடீரென உடலில் மண்ணெண்ணெய் ஊற்றிக்கொண்டு தீக்குளிக்க முயன்றனர்.  அங்கிருந்த போலீஸார் அவர்களை தடுத்து நிறுத்தினர்.
அப்போது,  சக்திவேல் கூறியதாவது:  நான் முடிதிருத்தும் தொழில் செய்து வருகிறேன்.  கடந்த 2015-ஆம் ஆண்டு,  அரசு சத்துணவு சமையலர் உதவியாளர் வேலைக்காக எனது மனைவி அமிர்தம் விண்ணப்பித்து, கடந்த 20.8.15-ஆம் தேதி நடைபெற்ற நேர்முகத் தேர்வில் கலந்துகொண்டார்.
இதனையறிந்த,  ரோடுபாளையம் கிராமத்தைச் சேர்ந்த திமுக பிரமுகரான செல்வராஜி என்பவர், அந்தப் பணியை வாங்கித் தருவதாகக் கூறி ரூ.1.30 லட்சத்தை வாங்கிச் சென்றார்.
செல்வராஜின் மனைவி காமாட்சி சத்துணவு பொறுப்பாளராக உள்ளதால், அவர் மூலம் சமையலர் வேலையை வாங்கித் தருவதாக நம்பிக்கை ஏற்படுத்தினார்.  நீண்ட நாளாகியும்,  வேலை வாங்கித் தரவில்லை.  கொடுத்த பணத்தில் ரூ.30 ஆயிரத்தை மட்டும் திருப்பித் தந்தார்.  மீதமுள்ள ரூ.1 லட்சத்தை அவர் வழங்காமல் மிரட்டல் விடுத்தார். சாதியைக் குறிப்பிட்டு திட்டி கேவலப்படுத்தினார். இது குறித்து,  சத்தியமங்கலம்,  அவலூர்பேட்டை காவல் நிலையங்களில் புகார் அளித்தும் நடவடிக்கை எடுக்கவில்லை. இதுதொடர்பாக உரிய நடவடிக்கை எடுத்து எனது பணத்தை பெற்றுத்தர வேண்டும் என்றார்.  இதையடுத்து,  அவரது மனுவைப் பெற்ற விழுப்புரம் தாலுகா காவல் ஆய்வாளர் ராஜன்,  உதவி ஆய்வாளர்கள் ஆனந்து உள்ளிட்டோர்  இதுகுறித்து,  சத்தியமங்கலம் போலீஸில் தகவல் தெரிவித்து நடவடிக்கை மேற்கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/16/ஆட்சியரகத்தில்-குடும்பத்துடன்-தொழிலாளி-தீக்குளிக்க-முயற்சி-3021521.html
3021520 விழுப்புரம் விழுப்புரம் கோயில் எதிரே சடலம் புதைப்பு: நடவடிக்கை எடுக்க கோரிக்கை DIN DIN Tuesday, October 16, 2018 10:14 AM +0530 மரக்காணம் அருகே கோயில் எதிரே புதைக்கப்பட்ட சடலத்தை அப்புறப்படுத்த நடவடிக்கை கோரி பொதுமக்கள் ஆட்சியரிடம் திங்கள்கிழமை மனு அளித்தனர்.
மரக்காணம் அருகே எம்.புதுப்பாக்கம் காலனியைச் சேர்ந்த கிராம பொதுமக்கள் 30-க்கும் மேற்பட்டோர் திங்கள்கிழமை மாவட்ட ஆட்சியரகத்துக்கு திரண்டு வந்த மனு அளித்தனர். அந்த மனுவில் கூறியதாவது: புதுப்பாக்கத்தைச் சேர்ந்த பாலசுப்பிரமணின் என்பவர் கடந்த சனிக்கிழமை இறந்துவிட்டார். அவரது உடல் புதைப்பதற்காக, காலனி வழியாக எடுத்து வரப்பட்டது. அப்போது, காலனியைச் சேர்ந்த விநாயகமூர்த்தி, அவரது சகோதரர்கள், தங்களது நிலம் வழியாக சடலத்தை எடுத்துச் செல்ல எதிர்ப்பு தெரிவித்தனர். இதனால், வட்டாட்சியர், அவர்களுடன் பேச்சுவார்த்தை நடத்திக்கொண்டிருந்தார். அப்போது, முன்னாள் ஊராட்சி மன்றத் தலைவர் தயாளன் உள்ளிட்ட 300-க்கும் மேற்பட்டோர், நாங்கள் வழிபட்டு வரும் முத்துமாரியம்மன் கோயில் எதிரே சடலத்தை புதைத்துவிட்டனர். ஆகவே, புதைக்கப்பட்ட சடலத்தை, அப்புறப்படுத்த வேண்டும் என்று அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/villupuram/2018/oct/16/கோயில்-எதிரே-சடலம்-புதைப்பு-நடவடிக்கை-எடுக்க-கோரிக்கை-3021520.html
3021519 விழுப்புரம் விழுப்புரம் அரசுப் பள்ளியில் கலாம் பிறந்த நாள் விழா DIN DIN Tuesday, October 16, 2018 10:13 AM +0530 விழுப்புரம் அருகே நன்னாடு அரசு உயர்நிலைப் பள்ளியில் முன்னாள் குடியரசுத் தலைவர் ஏ. பி. ஜே. அப்துல் கலாமின் 87-ஆவது பிறந்த நாள் விழா திங்கள் கிழமை நடைபெற்றது.
தலைமை ஆசிரியர் க. சுபாஷினி தலைமை வகித்தார். ஆசிரியர் க. ராம்குமார் மற்றும் அப்துல் கலாம் நற்பணி மன்ற உறுப்பினர்கள்  தீனதயாளன்,  சிரஞ்சீவி ஆகியோர் முன்னிலை வகித்தனர்.  பட்டிமன்ற பேச்சாளர் சிதம்பரம் மா. பொற்செல்வி,  ஊர் பெரியவர் சி. அருட்பெருஞ்சோதி,  அப்துல் கலாம் நற்பணி மன்ற உறுப்பினர் வித்யாபதி ஆகியோர் அப்துல் கலாம் குறித்து சிறப்புரையாற்றினர்.
தனியார் கல்லூரி பயிற்சி ஆசிரியர்கள் ர. பூங்குழலி,  சீ. பிரியங்கா ஆகியோர் வாழ்த்துரை வழங்கினர்.  இளநிலை உதவியாளர்  ர. புருஷோத்தாமன்,  ஆய்வக உதவியாளர் மு. பாலாஜி,  காணை வி. ஈ. டி. கல்வியியல் கல்லூரி மற்றும் கப்பியாம்புலியூர் சிகா கல்வியியல் கல்லூரி பயிற்சி ஆசிரியர்கள்,  பெற்றோர்கள் உள்பட பலர் கலந்து கொண்டனர்.
அறிவியல் கண்காட்சி மற்றும் போட்டிகளில் வெற்றி பெற்ற மாணவ,  மாணவிகளுக்கு பாராட்டுச் சான்றிதழ் வழங்கப்பட்டது.  முன்னதாக,  பள்ளி வளாகத்தில் மரக்கன்றுகள் நடப்பட்டன.  அறிவியல் கண்காட்சி நடைபெற்றது.

]]>
http://www.dinamani.com/all-editions/edition-villupuram/villupuram/2018/oct/16/அரசுப்-பள்ளியில்-கலாம்-பிறந்த-நாள்-விழா-3021519.html
3021518 விழுப்புரம் விழுப்புரம் சுமை தூக்கும் தொழிலாளர்கள் பேரணி DIN DIN Tuesday, October 16, 2018 10:13 AM +0530 விழுப்புரத்தில் தமிழ்நாடு சுமைப் பணி தொழிலாளர் சம்மேளனத்தின் மாநில மாநாட்டையொட்டி திங்கள்கிழமை மாலை சுமைப் பணித் தொழிலாளர்கள் பங்கேற்ற கோரிக்கைப் பேரணி நடைபெற்றது.
தமிழ்நாடு சுமைப் பணித் தொழிலாளர் சம்மேளனத்தின் 8-ஆவது மாநில மாநாடு விழுப்புரம், மாம்பழப்பட்டு சாலையில் உள்ள தனியார் திருமண மண்டபத்தில் ஞாயிற்றுக்கிழமை தொடங்கியது. இரண்டு நாள்கள் நடைபெற்ற இந்த மாநாட்டில் மாநில அளவிலான சம்மேளனம், சி.ஐ.டி.யு. தொழிற்சங்க நிர்வாகிகள் பங்கேற்று பேசினர்.
மாநாடு நிறைவையொட்டி திங்கள்கிழமை மாலை சுமை தூக்கும் தொழிலாளர்களின் கோரிக்கை பேரணி விழுப்புரத்தில் நடைபெற்றது. பழைய பேருந்து நிலையத்தில் தொடக்கிய பேரணி, கே.கே. சாலை, சுதாகர் நகர், திருச்சி சாலை, புதிய பேருந்து நிலையம் வழியாக மாநாட்டுத் திடலை அடைந்தது. 
இதில், தமிழகத்தின் பல்வேறு பகுதிகளில் இருந்து வந்திருந்த சுமை தூக்கும் பணியாளர்கள் கலந்து கொண்டனர். இதில், சுமை தூக்கும் தொழிலாளர்களுக்கு தனி நல வாரியம் அமைக்க வேண்டும், நல வாரியப் பணப்பயன்களை இரட்டிப்பாக்க வேண்டும், சுமைத் தொழிலாளர்களுக்கு பணிப் பாதுகாப்பு, கூலி உயர்வு வேண்டும், விலைவாசி உயர்வை கட்டுப்படுத்த வேண்டும், பணிபுரியும் இடங்களில் குடிநீர், ஓய்வறை, கழிப்பறை வசதி வேண்டும் என்று வலியுறுத்தினர்.
இதைத் தொடர்ந்து, புதிய பேருந்து நிலையம் அருகே நகராட்சித் திடலில் நடைபெற்ற 8-ஆவது மாநில மாநாட்டு பொதுக்கூட்டம் நடைபெற்றது. சம்மேளனத் தலைவர் குணசேகரன் தலைமை வகித்தார். சம்மேளன உதவித் தலைவர் குமார் வரவேற்றார். 
சி.ஐ.டி.யு. மாநிலத் தலைவர் ஏ.சௌந்தரராஜன், மாநிலச் செயலாளர் திருவேட்டை, சம்மேளன பொதுச் செயலாளர் வெங்கடபதி, சி.ஐ.டி.யு. முத்துக்குமரன், வரவேற்புக் குழுத் தலைவர் அம்பிகாபதி உள்ளிட்டோர் கலந்து கொண்டு சிறப்புரையாற்றினர். சுமைப் பணி மாவட்டத் தலைவர் பழனி, சி.ஐ.டி.யு. துணைச் செயலாளர் பொதுச் செயலாளர் மூர்த்தி, அருள்மணி உள்ளிட்டோர் கலந்து கொண்டனர். மாநாட்டு வரவேற்புக் குழு பொருளாளர் பாலகிருஷ்ணன் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/16/சுமை-தூக்கும்-தொழிலாளர்கள்-பேரணி-3021518.html
3021517 விழுப்புரம் விழுப்புரம் மண்டல விளையாட்டு: மாணவர்கள் ஆர்வம் DIN DIN Tuesday, October 16, 2018 10:12 AM +0530 விழுப்புரத்தில் நடைபெற்று வரும் கடலூர் மண்டல அளவிலான விளையாட்டுப் போட்டிகளில் ஏராளமான மாணவர்கள் ஆர்வத்தோடு பங்கேற்று வருகின்றனர்.
விழுப்புரத்தில் பள்ளிக் கல்வித் துறை சார்பில்,  பள்ளி மாணவர்களுக்கான கடலூர் மண்டல அளவிலான பாரதியார் மற்றும் குடியரசு தின விளையாட்டுப் போட்டிகள் நடைபெற்று வருகின்றன. இதில் திங்கள்கிழமை நீச்சல், குத்துச்சண்டை,  தேக்வாண்டோ உள்ளிட்டப் போட்டிகள் நடைபெற்றன.  இந்தப் போட்டிகளில்,  14 வயது,  17 வயது,  19 வயதுக்கு உள்பட்ட கடலூர்,  விழுப்புரம் மாவட்ட அரசு மற்றும் தனியார் பள்ளி மாணவர்கள் குழுவினர் கலந்துகொண்டனர்.
பெருந்திட்ட வளாக நீச்சல் குளத்தில்,  நீச்சல் போட்டிகள் நடைபெற்றன.  50 மீ,  100 மீ, 200 மீ, 400 மீ, 1,500 மீ உள்ளிட்டப் பிரிவுகளில் தனி நபர் நீச்சல் போட்டிகளும்,  தொடர் நீச்சல் போட்டிகளும் நடைபெற்றன.  இதில்,  மூன்று பிரிவுகளைச் சேர்ந்த 400 மாணவர்கள் கலந்துகொண்டனர். 
இதே போல, பெருந்திட்ட வளாக உள் விளையாட்டரங்கில்,  தேக்வாண்டோ,  குத்துச் சண்டை போட்டிகள் நடைபெற்றன.  இதில்,  மூன்று பிரிவுகளைச் சேர்ந்த,  இரு மாவட்டங்களைச் சேர்ந்த  300 மாணவர்கள் கலந்துகொண்டனர்.
இந்தப் போட்டிகளில்,  தனித்தனி பிரிவுகளில்,  முதல் மூன்று இடங்களைப் பிடித்த மாணவர்களுக்கு பதக்கமும்,  சான்றிதழ்களும் வழங்கப்பட்டன. பெண்களுக்கான நீச்சல்,  தேக்வாண்டோ,  வாள் சண்டை,  குத்துச்சண்டை போட்டிகள் தொடர்ந்து நடைபெற உள்ளன.  இதில்,  தேர்வு செய்யப்படும் முதல் இரு இடங்களைப் பெறும் மாணவர்கள்,  கடலூரில் விரைவில் நடைபெற உள்ள மாநில அளவிலான போட்டியில் கலந்துகொள்ளவுள்ளனர்.
அடிப்படை வசதிகளின்றி தவிப்பு... விழுப்புரத்தில்,  கடலூர் மண்டல அளவில் தடகள விளையாட்டுப் போட்டிகளுடன்,  முதன் முதலாக தேக்வாண்டோ,  குத்துச்சண்டை போன்ற புதிய போட்டிகள் நடைபெற்றதால் ஏராளமான மாணவர்கள் ஆர்வத்துடன் கலந்துகொண்டனர். 
 இவர்களுக்கு உணவு, குடிநீர் போன்ற அத்தியாவசிய தேவைகளை விளையாட்டு மையத்தில் போதியளவில் செய்து கொடுக்காததால்,  குடிநீருக்கும்,  உணவுக்கும் அவர்கள் தவிப்புக்குள்ளாகினர்.  அங்கிருந்த விளையாட்டு இயக்குநர்களை கேட்டபோது,  தடகள போட்டி நடைபெற்ற முதல் நாள் கல்வித் துறை சார்பில் உணவு ஏற்பாடு செய்யப்பட்டது.  இன்றைய போட்டிகளுக்கு தெரியவில்லை என்றனர்.
கடலூர்,  விழுப்புரம் மாவட்டத்தின் பல்வேறு பகுதியிலிருந்து, நெடுந்தொலைவிருந்து வரும் ஆர்வமுள்ள மாணவர்களுக்கு குடிநீர்,  போதிய உணவு உள்ளிட்ட அடிப்படை வசதிகளை செய்து கொடுக்க வேண்டும் என்று அவர்கள் கோரிக்கை வைத்தனர்.

]]>
http://www.dinamani.com/all-editions/edition-villupuram/villupuram/2018/oct/16/மண்டல-விளையாட்டு-மாணவர்கள்-ஆர்வம்-3021517.html
3021516 விழுப்புரம் விழுப்புரம் டெங்கு பாதிப்பில்லை: மருத்துவக் கல்லூரி முதல்வர் DIN DIN Tuesday, October 16, 2018 10:11 AM +0530 விழுப்புரம் மாவட்ட ஆட்சியரகத்தில் நடைபெற்ற கூட்டத்தில் பங்கேற்ற விழுப்புரம் அரசு மருத்துவக்கல்லூரி முதல்வர் பேசுகையில், மருத்துவக் கல்லூரி மருத்துவமனையில் சிகிச்சை பெறுபவர்களில்  9 பேருக்கு டெங்கு காய்ச்சல் பாதிப்பிருக்கலாம் எனக் கருதி சிகிச்சையளிக்கப்படுவதாக தெரிவித்திருந்தார். இதனால், டெங்கு குறித்த அச்சம் ஏற்பட்டது.
இது பற்றி, அரசு மருத்துவக் கல்லூரி முதல்வர் சங்கரநாராயணனிடம் கேட்டபோது,  விழுப்புரம் மாவட்டத்தில் டெங்கு காய்ச்சல் பாதிப்பில்லை.  மருத்துவக் கல்லூரிக்கு சிகிச்சைக்கு வந்தவர்களில் 59 பேர் சாதாரண காய்ச்சல் பாதித்து அனுமதிக்கப்பட்டுள்ளனர்.  
அவர்களில்,  9 பேருக்கு தொடர் காய்ச்சல் இருந்ததால்,  டெங்கு இருக்கலாம் என்ற சந்தேகத்தில் ரத்த பரிசோதனை செய்யப்பட்டது.  ஆனால், அவர்களில் ஒருவர் மட்டுமே விழுப்புரம் மாவட்டத்தைச் சேர்ந்தவர்.  மற்றவர்கள் ஆந்திரம் போன்ற வெளிமாநிலங்களிலிருந்து இங்கு வந்தவர்கள் என்பதால், டெங்கு குறித்த அச்சம் தேவையில்லை.  
எதிர்வரும் மழை காலத்தில் காய்ச்சல் பாதிப்புகள் அதிகரிக்கும் போது,   அரசு மருத்துவக்கல்லூரியில் சிறப்பு வார்டுகள் தொடங்கப்படும் என்றார்.

]]>
http://www.dinamani.com/all-editions/edition-villupuram/villupuram/2018/oct/16/டெங்கு-பாதிப்பில்லை-மருத்துவக்-கல்லூரி-முதல்வர்-3021516.html
3021515 விழுப்புரம் விழுப்புரம் டெங்கு பாதிப்பு இல்லாத நிலையை ஏற்படுத்த வேண்டும் DIN DIN Tuesday, October 16, 2018 10:10 AM +0530 விழுப்புரம் மாவட்டத்தில் டெங்கு ஒழிப்பு நடவடிக்கைகளில் ஈடுபட்டுள்ள 10 ஆயிரம் பேரும் உண்மையாக பணியாற்றி டெங்கு பாதிப்பு இல்லாத நிலையை ஏற்படுத்த வேண்டும் என்று ஆட்சியர் இல.சுப்பிரமணியன் அறிவுறுத்தினார்.
விழுப்புரம் மாவட்டத்தில், டெங்கு தடுப்பு நடவடிக்கைகள் குறித்து அனைத்துத் துறை அலுவலர்களுடனான ஒருங்கிணைப்புக் குழு கூட்டம் திங்கள்கிழமை நடைபெற்றது.  இதில் மாவட்ட ஆட்சியர் இல.சுப்பிரமணியன் தலைமை வகித்துப் பேசியதாவது:  விழுப்புரம் மாவட்டத்தில்,  அனைத்துத் துறை அலுவலர்களும் குழுவாக விழிப்போடு செயல்பட்டால் தான் டெங்கு காய்ச்சலை தடுக்க முடியும்.
விழுப்புரம் மாவட்டத்தில் கடந்தாண்டு மேற்கொண்ட களப்பணியால்,  டெங்குவால் உயிரிழப்பு ஏற்படவில்லை.  இந்த ஆண்டும் அந்த வகையில் நடவடிக்கை மேற்கொள்ள வேண்டும். கடந்தாண்டு தொடர் பணியால்,  மக்களிடம் ஓரளவு விழிப்புணர்வு ஏற்பட்டுள்ளது. எனினும், டெங்கு பாதிப்பை முற்றிலும் தடுப்பதற்கு நகராட்சி, பேரூராட்சி,  ஊராட்சி ஒன்றிய அளவிலும் ஏற்படுத்தப்பட்டுள்ள குழுவினர்,  பொது மக்களிடம் வீடு வீடாகச் சென்று விழிப்புணர்வை ஏற்படுத்த வேண்டும்.
நல்ல தண்ணீரில் தான் ஏடீஸ் கொசுக்கள் உருவாகின்றன.  இதனால்,  தண்ணீரை மூடி வைக்கவும், தேவையற்ற இடங்களில் தண்ணீர் தேங்குவதை தவிர்க்கவும் வேண்டும். வீடுகள், சுற்றுப்புறங்களில் தண்ணீர் தேங்காமல் பாதுகாக்க வேண்டும். ஊராட்சி ஒன்றிய அளவில் 20 கண்காணிப்பு அலுவலர்கள், சுகாதாரத் துறையிலிருந்து 10 அலுவலர்கள், பேரூராட்சிகளின் மூலமாக 30 அலுவலர்கள்,  நகராட்சி மூலமாக 10 கண்காணிப்பு அலுவலர்கள் நியமிக்கப்பட்டுள்ளனர்.  
வட்டார மருத்துவ அலுவலர்கள்,  ஊராட்சிச் செயலர்கள், செவிலியர்கள்,  தூய்மைக் காவலர்கள், துப்புரவுப் பணியாளர்கள் என்று,  டெங்கு ஒழிப்பு மற்றும் தூய்மைப் பணியில் 10 ஆயிரத்துக்கும் மேற்பட்ட பணியாளர்களை நியமித்து பணியாற்றி வருகின்றனர்.
அனைத்து கிராமங்களிலும் கழிவுநீர் வாய்க்கால்களை சுத்தப்படுத்தவும்,  குப்பைகளை அகற்ற வேண்டும்,  15 நாள்களுக்கு ஒரு முறை குடிநீர் தொட்டிகளை சுத்தப்படுத்த வேண்டும்.  குளோரினேஷன் செய்த குடிநீரை மட்டுமே மக்களுக்கு விநியோகம் செய்ய வேண்டும்.  கொசு மருந்தை காலை 6 மணிக்கு முன்பாகவும்,  மாலை 5 மணிக்கு பின்பாகவும் அடிக்க வேண்டும்.
கண்காணிப்பு அலுவலர்கள் இந்தப் பணிகளை தினமும் கண்காணிக்க வேண்டும்.  அங்கன்வாடி, நூலகங்கள், உழவர் சந்தைகள், சந்தைகள்,  திரையரங்குகள்,  திருமணமண்டபங்கள்,  அலுவலகங்களில் தேங்கும் குப்பைகளையும், கழிவு நீரையும் அகற்ற வேண்டும். 
அனைத்து பள்ளிகளிலும்,  இதற்காக நேரம் ஒதுக்கி கண்டிப்பாக விழிப்புணர்வு ஏற்படுத்த வேண்டும்.  அனைவரும் கைகழுவும் பழக்கத்தால்,  பிற நோய் பரவலையும் தடுக்க முடியும்.   டெங்கு,  பன்றி காய்ச்சல் போன்ற பாதிப்பு இல்லாத நிலையை எட்டுவதற்கு உண்மையாக பணியாற்ற வேண்டும் என்றார்.
தொடர்ந்து,  டெங்கு ஒழிப்பு உறுதிமொழி ஏற்றனர்.  கூட்டத்தில் திட்ட இயக்குநர் வெ.மகேந்திரன்,  முதன்மைக் கல்வி அலுவலர் க.முனுசாமி,  கோட்டாட்சியர் குமாரவேல்,  அரசு மருத்துவக் கல்லூரி முதல்வர் சங்கரநாராயணன்,  சுகாதாரத் துறை துணை இயக்குநர்கள் பாலுசாமி,  ஜெமினி,  சுதாகர்,  தர்மலிங்கம், சுகந்தி,  திருஞானம்,  உணவு பாதுகாப்புத்துறை அலுவலர் வரலட்சுமி மற்றும் அனைத்து வட்டாட்சியர்கள்,  வட்டார வளர்ச்சி அலுவலர்கள்,  மருத்துவ அலுவலர்கள் உள்ளிட்ட பிற துறை அலுவலர்கள் பலர் கலந்துகொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/16/டெங்கு-பாதிப்பு-இல்லாத-நிலையை-ஏற்படுத்த-வேண்டும்-3021515.html
3020133 விழுப்புரம் விழுப்புரம் அரசு மருத்துவமனையில் புகுந்து ஊழியர்கள் மீது தாக்குதல்: விழுப்புரத்தில் மருத்துவர்கள்,  செவிலியர்கள் போராட்டம் DIN DIN Sunday, October 14, 2018 09:53 AM +0530 விழுப்புரம் அரசு மருத்துவமனைக்குள் வெள்ளிக்கிழமை நள்ளிரவில் புகுந்து ஊழியர்கள் மீது தாக்குதல் நடத்தப்பட்டதைக் கண்டித்து, மருத்துவர்கள், செவிலியர்கள் சனிக்கிழமை திடீர் போராட்டத்தில் ஈடுபட்டனர்.
விழுப்புரம் அரசு மருத்துவமனையில் வெள்ளிக்கிழமை இரவு காவலாளி ராஜா (38) பணியில் இருந்தார். அப்போது, பெண்கள் பிரசவ வார்டுக்குள் விழுப்புரம் பெரிய காலனி பகுதியைச் சேர்ந்த ஏழுமலை மகன் ராமச்சந்திரன், தனது மனைவி திவ்யாவை பார்ப்பதற்காக சென்றதாகக் கூறப்படுகிறது.
இரவு நேரத்தில் பெண்கள் வார்டுக்கு செல்லக் கூடாது எனக் கூறிய காவலாளி ராஜாவை, ராமச்சந்திரன் தாக்கினார். இதைத் தட்டிக் கேட்ட மேற்பார்வையாளர் மணிகண்டனும் தாக்கப்பட்டார்.
இதைத் தொடர்ந்து, தனது அண்ணன் இளையபெருமாள் மற்றும்  உறவினர்களை ராமச்சந்திரன் அழைத்து வந்தாராம். அவர்கள் அரசு மருத்துவமனைக்குள் புகுந்து, காவலாளி ராஜா, மணிகண்டன் ஆகியோரை தாக்கினராம். இதைக் கண்டித்த ஊழியர்களைத் தாக்கியதுடன், செவிலியர் கிரேசி (40), அங்கிருந்த காவலர் ஆனந்தி, மருத்துவர் சாந்தி உள்ளிட்டோரையும் அவர்கள் மிரட்டிச் சென்றனராம். காயமடைந்த ராஜா, மணிகண்டன் ஆகியோர் சிகிச்சைக்காக மருத்துவமனையில் சேர்க்கப்பட்டனர்.
இதையடுத்து, விழுப்புரம் அரசு மருத்துவமனைக்கு சனிக்கிழமை காலை பணிக்கு வந்த மருத்துவர்கள், செவிலியர்கள், ஊழியர்கள் பணிகளைப்  புறக்கணித்து திடீர் போராட்டத்தில் ஈடுபட்டனர். அரசு மருத்துவமனையில் புகுந்து தாக்குதல் நடத்தியவர்களை கைது செய்ய வேண்டும். ஊழியர்களுக்கு பாதுகாப்பை உறுதி செய்ய வேண்டும் என அவர்கள் கோரிக்கை விடுத்தனர்.
விழுப்புரம் மேற்கு காவல் நிலைய ஆய்வாளர் காமராஜ், உதவி ஆய்வாளர்கள் மருது, பட்டாபிராமன் உள்ளிட்டோர் மருத்துவமனைக்கு விரைந்து வந்து, போராட்டத்தில் ஈடுபட்டவர்களிடம் பேச்சு நடத்தினர். இதையடுத்து, போராட்டம் விலக்கிக் கொள்ளப்பட்டது.
மேலும், தாக்குதல் சம்பவம் குறித்து விழுப்புரம் மேற்கு காவல் நிலையத்தில் புகார் அளிக்கப்பட்டது.
அரசு மருத்துவமனை சிசிடிவி கேமராவில் பதிவான காட்சிகளை போலீஸார் ஆய்வு செய்தனர். இதன்பேரில், விழுப்புரம் ஜிஆர்பி தெருவைச் சேர்ந்த ஏழுமலை மகன்கள் இளையபெருமாள், ராமச்சந்திரன், 
உறவினரான குமார் மகன் ஸ்ரீகாந்த் ஆகியோர் மீது போலீஸார் வழக்குப் பதிந்து, தலைமறைவான அவர்களைத் தேடி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/oct/14/அரசு-மருத்துவமனையில்-புகுந்து-ஊழியர்கள்-மீது-தாக்குதல்-விழுப்புரத்தில்-மருத்துவர்கள்--செவிலியர்கள்-3020133.html
3020117 விழுப்புரம் விழுப்புரம் மின் வேலியில் சிக்கி தம்பதி சாவு DIN DIN Sunday, October 14, 2018 09:48 AM +0530 விழுப்புரம் மாவட்டம், செஞ்சி அருகே மின் வேலியில் இருந்து மின்சாரம் பாய்ந்ததில் தம்பதி உயிரிழந்தனர்.
செஞ்சி வட்டம், அனந்தபுரத்தை அடுத்துள்ள துத்திப்பட்டு கிராமத்தை சேர்ந்தவர் தாண்டவமூர்த்தி (65). இவரது மனைவி விட்டோபாய் (55). இவர்களுக்கு இரண்டு மகன்கள், ஒரு மகள் உள்ளனர். மகன்கள் வெளியூர்களில் வசித்து வருகின்றனர்.
தாண்டவமூர்த்தி தனக்குச் சொந்தமான 5 ஏக்கர் நிலத்தில் நெல், மணிலா உள்ளிட்ட பயிர்களை சாகுபடி செய்துள்ளார். நிலத்தின் ஒரு பகுதியில் வீடு கட்டி, இருவரும் வசித்து வந்தனர். விவசாயப் பயிர்களை காட்டுப் பன்றிகளிடம் இருந்து காப்பாற்றுவதற்காக, நிலத்தைச் சுற்றி மின் வேலி அமைக்கப்பட்டிருந்தது. அதில் இரவு நேரத்தில் மின் இணைப்பு கொடுத்து விட்டு, காலையில் தாண்டவமூர்த்தி இணைப்பைத் துண்டித்து விடுவார்.
இந்த நிலையில், சனிக்கிழமை அதிகநேரம் தூங்கிவிட்டதால் மின் இணைப்பை அவர் துண்டிக்க மறந்துவிட்டார். காலை 10 மணியளவில் இதுகுறித்து நினைவுக்கு வரவே, பதற்றத்துடன் மின் இணைப்பை துண்டிக்காமல் ஓடிச் சென்று மின்வேலியில் உள்ள வயரை பிடித்து தாண்டவமூர்த்தி இழுத்ததில், அவர் மீது மின்சாரம் பாய்ந்தது. அவரது கூச்சலைக் கேட்டு, மனைவி விட்டோபாய் ஓடி வந்து மின் வயரை பிடுங்க முயற்சித்த போது இருவர் மீதும் மின்சாரம் பாய்ந்தது. இதில் அவர்கள் இருவரும் சம்பவ இடத்திலேயே உயிரிழந்தனர்.
தகவலறிந்த அனந்தபுரம் போலீஸார் சம்பவ இடத்துக்கு விரைந்து சென்று பார்வையிட்டு விசாரணை நடத்தினர். மேலும், சடலங்களைக் கைப்பற்றி பிரேத பரிசோதனைக்காக விழுப்புரம் அரசு மருத்துவக் கல்லூரி மருத்துவமனைக்கு போலீஸார் அனுப்பி வைத்தனர்.
 

]]>
http://www.dinamani.com/all-editions/edition-villupuram/villupuram/2018/oct/14/மின்-வேலியில்-சிக்கி-தம்பதி-சாவு-3020117.html
3020116 விழுப்புரம் விழுப்புரம் விழுப்புரத்தில் பேரிடர் தடுப்பு விழிப்புணர்வு DIN DIN Sunday, October 14, 2018 09:48 AM +0530 சர்வதேச பேரிடர் குறைப்பு தினத்தையொட்டி, விழுப்புரத்தில் சனிக்கிழமை பேரிடர் தடுப்பு விழிப்புணர்வு நிகழ்ச்சி நடைபெற்றது.  
உலகம் முழுவதும் ஆக்.13-ஆம் தேதி சர்வதேச பேரிடர் குறைப்பு தினமாக கடைபிடிக்கப்பட்டு வருகிறது. 
இந்நாளில் பொதுமக்கள் மற்றும் மாணவ,  மாணவிகளிடையே இயற்கை இடர்பாடுகள், பேரிடர் தடுப்பு குறித்து விழிப்புணர்வு ஏற்படுத்தப்படும். விழுப்புரத்தில் சனிக்கிழமை இதுதொடர்பாக விழிப்புணர்வுப் பேரணி நடைபெற்றது.  ஆட்சியர் அலுவலகத்தில் தொடங்கிய பேரணியை மாவட்ட வருவாய் அலுவலர் ஆர்.பிரியா தொடக்கிவைத்தார். 
 பள்ளி, கல்லூரி மாணவ, மாணவிகள், பொது மக்கள் கலந்துகொண்டனர்.  
நிகழ்ச்சியின் ஒரு பகுதியாக விழுப்புரம் நான்கு முனை சந்திப்பு பேருந்து நிறுத்தத்தில் தீயணைப்புத் துறை சார்பில்,  மாவட்ட தீயணைப்பு அலுவலர் முகுந்தன் தலைமையில்,  தீயணைப்பு வீரர்கள் தீத் தடுப்பு,  தற்பாதுகாப்பு விழிப்புணர்வு குறித்து செயல் விளக்கம் அளித்தனர்.
வெள்ளப்பெருக்கின் போது பாதுகாப்பு கருதி மின் மற்றும் எரிவாயு பொருள்களின் இணைப்பை துண்டித்து வைக்கவும்,  தீங்கு விளைவிக்கக் கூடிய கழிவுநீர்,  ரசாயன பொருள்கள் வெள்ள நீரில் கலக்காத வகையில் பார்த்துக்கொள்ள வேண்டும்.  
தேங்கிய நீரில் செல்லும்போது,  நீரின் ஆழம் அறிவதற்கு கம்பு அல்லது குச்சியை பயன்படுத்தவும்,  மின்கம்பிகள் அருந்து விழுந்துள்ளதை மின்துறையினருக்கு தெரியப்படுத்தவும்,  வெள்ளப்பெருக்கின் போது சாலைகள்,  விளையாட்டுத் திடல்கள் மற்றும் கட்டடங்களின் இடிபாடுகளில் உடைந்த கண்ணாடித்துண்டுகள்,  கூர்மையான பொருள்கள்,  சிதைந்த பொருள்கள் கிடக்கின்றனவா என்பதை அறிந்து நடக்க வேண்டும்.  
மழை, வெள்ள நீரில் நடக்கவோ,  நீந்தவோ கூடாது,  வெள்ளம் சூழ்ந்த பகுதியில் வாகனத்தை ஓட்டுதல் கூடாது. வாயுக்கசிவு குறித்து எச்சரிக்கையாகவும்,  அந்த நேரத்தில் புகைப்பிடிக்காமல் இருக்கவும், மெழுகுவர்த்தியோ, லாந்தர் விளக்கோ ஏற்றக்கூடாது.  மழை,  வெள்ள நீருடன் எந்த உணவையும் சேர்த்து சாப்பிடக் கூடாதென அறிவுறுத்தப்பட்டது.
மாவட்ட ஆட்சியரின் நேர்முக உதவியாளர் கார்த்திகேயன்,  காவல் துணைக் கண்காணிப்பாளர் சங்கர்,  மாவட்ட தீயணைப்பு அலுவலர் முகுந்தன்,  காவல் ஆய்வாளர் ராஜன்,  வட்டாட்சியர்கள் சுந்தர்ராஜன்,  சையத்மெஹமூத்,  பேரிடர் மேலாண்மை வட்டாட்சியர் பாலசுப்பிரமணியன் உள்ளிட்ட அலுவலர்கள்,  மாணவர்கள்,  பொது மக்கள் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/14/விழுப்புரத்தில்-பேரிடர்-தடுப்பு-விழிப்புணர்வு-3020116.html
3020115 விழுப்புரம் விழுப்புரம் திண்டிவனத்தில் 50 கண்காணிப்பு கேமராக்கள்: அமைச்சர் தொடக்கி வைத்தார் DIN DIN Sunday, October 14, 2018 09:47 AM +0530 திண்டிவனம் நேரு வீதியில் பொருத்தப்பட்ட 50 கண்காணிப்பு கேமராக்கள் பயன்பாட்டை சட்டம், நீதிமன்றங்கள், சிறைச்சாலைகள், சுரங்கங்கள் மற்றும் கனிம வளத் துறை அமைச்சர் சி.வி.சண்முகம் தொடக்கி வைத்தார்.
நேரு வீதியில் சுமார் ரூ.13 லட்சம் செலவில் 50 கண்காணிப்பு கேமராக்கள் பொருத்தப்பட்டுள்ளன. 
இவை திண்டிவனம், அதனை ஒட்டியுள்ள பகுதிகளில் ஏற்கெனவே சுமார் ரூ.26 லட்சம் செலவில் நிறுவப்பட்டுள்ள கேமராக்களின் தொடச்சியாக பொருத்தப்பட்டு வெள்ளிகிழமையன்று இந்தக் கேமராக்கள் இயக்கி வைக்கப்பட்டன.
நிகழ்ச்சிக்கு அமைச்சர் சி.வி.சண்முகம் தலைமை வகித்து, கேமராக்களின் பயன்பாட்டை தொடக்கி வைத்தார்.
மாவட்ட ஆட்சியர் இல.சுப்பிரமணியன் முன்னிலை வகித்தார். விழுப்புரம் தொகுதி எம்.பி.  ராஜேந்திரன், எம்எல்ஏக்கள் மாசிலாமணி, சீத்தாபதிசொக்கலிங்கம், மாவட்ட வருவாய் ஆய்வாளர் பிரியா, திண்டிவனம் சார் - ஆட்சியர் மெர்சிரம்யா, ஆய்வாளர் சீனிபாபு உள்ளிட்டோர் கலந்து கொண்டனர்.
நிகழ்ச்சியில் பேசிய திண்டிவனம் காவல் துணை கண்காணிப்பாளர் வி.வி.திருமால், ரூ.15 லட்சம் செலவில் மேலும் 70 கேமராக்கள் பொருத்தும் பணி நடைபெற்று வருவதாகவும், திண்டிவனம் முழுவதும் வெகு விரைவில் கண்காணிப்புக் கேமராக்களின் கீழ் வரும் என்றும் தெரிவித்தார்.
ஏற்பாடுகளை திண்டிவனம் நகர காவல் நிலையமும், அனைத்து வியாபாரிகள் சங்கமும் செய்திருந்தன.
 

]]>
http://www.dinamani.com/all-editions/edition-villupuram/villupuram/2018/oct/14/திண்டிவனத்தில்-50-கண்காணிப்பு-கேமராக்கள்-அமைச்சர்-தொடக்கி-வைத்தார்-3020115.html
3020114 விழுப்புரம் விழுப்புரம் தகவல் அறியும் உரிமைச் சட்ட விழிப்புணர்வு DIN DIN Sunday, October 14, 2018 09:47 AM +0530 விழுப்புரத்தில் தகவல் பெறும் உரிமை வார விழாவையொட்டி ஆர்.டி.ஐ விழிப்புணர்வு கலை நிகழ்ச்சி வெள்ளிக்கிழமை நடைபெற்றது.  
தமிழ்நாடு தகவல் ஆணையம்,   ஆண்டுதோறும் அக். 5 முதல் அக்.12 வரை உள்ள நாள்களை தகவல் பெறும் உரிமை சட்ட வார விழாவாகக் கொண்டாடி வருகிறது.  தகவல் பெறும் உரிமைச் சட்டத்தின் பயன்கள்,  அதனை பெறும் வழிகள்,  விதிமுறைகள் குறித்து இந்த வார விழாவில் விளக்கி வருகின்றனர்.
இதன் ஒரு பகுதியாக நிகழாண்டு நலிவுற்ற நாட்டுப்புறக் கலைஞர்களைக் கொண்டு,  மாநிலத்தின் 25 மாவட்டங்களில் (சென்னை, திருவள்ளுர்,  காஞ்சிபுரம், வேலூர்,  மதுரை,  கோவை, கன்னியாகுமரி மாவட்டங்கள் நீங்கலாக)  தகவல் பெறும் உரிமைச் சட்டம் குறித்த விழிப்புணர்வு நிகழ்ச்சிகள் நடத்தப்பட்டு வருகின்றன. 
நாட்டுப்புற கலைக் குழுக்களைக் கொண்டு,  நிகழாண்டுக்கான தகவலறியும் உரிமை வார விழா,  கடந்த 6-ஆம் தேதி முதல் நடைபெற்று வருகிறது.  இந்த வகையில்,  விழுப்புரம் மாவட்டத்தில் வெள்ளிக்கிழமை விழிப்புணர்வு நிகழ்ச்சி தொடங்கியது.
விழுப்புரம் புதிய பேருந்து நிலையத்தில்,  மாவட்ட வருவாய் அலுவலர் ஆர்.பிரியா பங்கேற்று,  தகவல் பெறும் உரிமை சட்டம் குறித்த கலை நிகழ்ச்சியை தொடக்கி வைத்தார்.  தகவல் அறியும் உரிமைச் சட்டங்கள் குறித்தும், தகவல் பெறும் விதிமுறைகள் குறித்தும்,  நாட்டுப்புற கலைஞர்கள் இசை,  நாட்டியத்துடன் விளக்கினர்.  
விழுப்புரம் புதிய பேருந்து நிலையம்,   கோலியனூர்,  விக்கிரவாண்டி,  காணை உள்ளிட்டப் பகுதிகளில் இந்த விழிப்புணர்வு கலை நிகழ்ச்சி நடைபெற்றது.  கோட்டாட்சியர் குமாரவேல்,  செய்தி மக்கள் தொடர்பு அலுவலர் சிவகுரு,  மாவட்ட ஆட்சியரக அலுவலக மேலாளர் (பொது) சீனுவாசன்,  வட்டாட்சியர் சையத்மெஹமூத் உள்ளிட்டோர் பங்கேற்றனர்.

]]>
http://www.dinamani.com/all-editions/edition-villupuram/villupuram/2018/oct/14/தகவல்-அறியும்-உரிமைச்-சட்ட-விழிப்புணர்வு-3020114.html
3020113 விழுப்புரம் விழுப்புரம் பெட்ரோல், டீசல் விலை உயர்வு தற்காலிகமானது DIN DIN Sunday, October 14, 2018 09:47 AM +0530 பெட்ரோல், டீசல் விலை உயர்வு தற்காலிகமானது, இந்த நிலை நீடிக்காது என்று பாஜகவின் மூத்தத் தலைவர் இல.கணேசன் தெரிவித்தார்.
விழுப்புரம் மேற்கு மாவட்ட பாஜக சார்பில் கள்ளக்குறிச்சி சட்டப்பேரவைத் தொகுதிக்கான வாக்குச்சாவடி முகவர்கள் கூட்டம் கள்ளக்குறிச்சியில் வெள்ளிக்கிழமை நடைபெற்றது. 
சட்டப்பேரவைத் தொகுதி அமைப்பாளரும் மாவட்ட துணைத் தலைவருமான நா.நீ.ராஜேஷ் தலைமை வகித்தார். கள்ளக்குறிச்சி மக்களவைத் தொகுதி அமைப்பாளரும் மாவட்ட பொருளாளருமான எம்.பாலசுந்தரம், ஓபிசி அணி மாநில துணைத் தலைவர் கே.மனோகரன் ஆகியோர் முன்னிலை வகித்தனர். 
மாவட்ட துணைத் தலைவரும் சட்டப்பேரவைத்  தொகுதி பொறுப்பாளருமான எஸ்.சண்முகப்பிரியன் வரவேற்றார். 
கூட்டத்தில், சிறப்பு அழைப்பாளராக கட்சியின் தேசிய செயற்குழு உறுப்பினர் இல.கணேசன் பங்கேற்று பேசியதாவது:
ஒரு கட்சியின் கட்டமைப்பு வாக்குச் சாவடியில் சரியாக இருந்தால்தான் தேர்தலில் வெற்றி பெற முடியும். கூட்டணி குறித்து தேர்தல் தேதி அறிவித்த பிறகே தெரியவரும். தேர்தலை சந்திப்பதற்கு அடிப்படை கட்டமைப்பு அவசியம். 
சாதாரண மக்களும் மத்திய அரசின் சாதனைகளைப் புரிந்துள்ளனர். தமிழகத்தில் பிரதமர் மோடிக்கு ஆதரவு பெருகி வருகிறது. இந்த ஆதரவை வாக்குகளாக மாற்றுவதற்கு கட்டமைப்பு தேவை. அந்த முயற்சியைத்தான் பாஜக மேற்கொண்டுள்ளது என்றார்.
பேட்டி: பின்னர் அவர் செய்தியாளர்களிடம் கூறியதாவது: பெட்ரோல், டீசல் விலை உயர்வு தற்காலிகமானது. இந்த நிலை நீடிக்காது. விலை உயர்வை கட்டுப்படுத்த பிரதமர் மோடி முயற்சிகளை மேற்கொண்டு வருகிறார்.  
மக்களவைத் தேர்தலில் மத்திய பாஜக அரசின் சாதனைகளை கூறி மக்களிடம் வாக்கு கேட்போம் என்றார் அவர். 
முன்னதாக, வாக்குச்சாவடி முகவர் கூட்டத்தில் மாநில விவசாயப் பிரிவு துணைத் தலைவர் ஜி.கே.நாகராஜ் பேசினார். மாவட்டத் தலைவர் இராம.தாமோதரன், கோட்டப் பொருளாளர் ஜெ.சுகுமாரன், கோட்ட இணை பொறுப்பாளர் வி.அருள் மற்றும் வாக்குச் சாவடி முகவர்கள், மகாசக்தி கேந்திர பொறுப்பாளர்கள் பங்கேற்றனர். நகரத் தலைவர் ஆர்.எம்.சர்தார்சிங் நன்றி கூறினார்.
 

]]>
http://www.dinamani.com/all-editions/edition-villupuram/villupuram/2018/oct/14/பெட்ரோல்-டீசல்-விலை-உயர்வு-தற்காலிகமானது-3020113.html
3020112 விழுப்புரம் விழுப்புரம் இளைஞர்களை நல்வழிப்படுத்த கண்ணதாசனின் கருத்துகள் அவசியம்: புதுவை அமைச்சர் பேச்சு DIN DIN Sunday, October 14, 2018 09:47 AM +0530 தடம் மாறும் இளைஞர் சமுதாயத்தை நல்வழிப்படுத்த கவிஞர் கண்ணதாசனின் கருத்துகள் அவசியம் என்று புதுவை அமைச்சர் ஆ.நமச்சிவாயம் அறிவுறுத்தினார்.
விழுப்புரத்தில் மாவட்ட கவியரசு கண்ணதாசன் நற்பணி மன்றம் சார்பில்,  16-ஆம் ஆண்டு கவியரசு கண்ணதாசன் விழா சனிக்கிழமை தொடங்கியது.  மன்றத் தலைவர் ப.முபாரக்அலி தலைமை வகித்தார்.  பொருளாளர் கே.ஆர்.சின்னையா வரவேற்றார்.  
மாவட்ட முன்னாள் காங்கிரஸ் தலைவர் எம்.டி.குலாம்மொய்தீன்,  வணிகர் சங்க பொருளாளர் மு.கலைமணி,  அரிமா சங்கம் இரா.குபேரன் ஆகியோர் முன்னிலை வகித்தனர். 
 புதுவை நவசக்தி குழும மேலாண் இயக்குநர் கே.ஐ.மணிரத்தினம்,  ரோட்டரி பாலசுப்பிரமணியன்,  தியாகராஜன்,  கவிஞர் வைத்தியலிங்கம் ஆகியோர் வாழ்த்துரையாற்றினர்.
புதுவை மாநில காங்கிரஸ் தலைவரும்,  பொதுப்பணித் துறை அமைச்சருமான ஆ.நமச்சிவாயம் சிறப்பு விருந்தினராகக் கலந்துகொண்டு விழாவைத் தொடக்கி வைத்துப் பேசியதாவது: 
இதுபோன்ற விழாக்கள் மூலமாக கண்ணதாசன் போன்ற சான்றோர்களின் கருத்துகளை தற்போதைய காலத்தில் தடம் புரளும் இளைஞர்கள், மாணவர்களிடம் சேர்த்து அவர்களை நல்வழிப்படுத்த வேண்டும்.
கண்ணதாசன் அந்தக் காலத்தைப் பற்றிய செய்திகள்,  கருத்துகளை எந்த காலத்துக்கும் பொருத்திப் பார்க்கும் வகையில் அழுத்தம் திருத்தமாக பதிவு செய்தவர்.  சூழலுக்கு ஏற்ற வகையில் தமிழ் சொற்களை பயன்படுத்தி மக்களிடம் சேர்த்த வித்தகர். 
அவரது கவிதைகள்,  எழுத்துகளால் தமிழ் மொழி மேலும் சிறப்புற்று விளங்குகிறது. 
ஆன்மிகம்,  அரசியல்,  கிராமியம், காதல் என எதுவாக இருந்தாலும்,  அந்த கருத்துகள் அது சார்ந்தவர்களிடம் சிறப்புற சேரும் வகையில் எழுதியவர், கவிபாடியவர்.   அவரது சினிமா பாடல்கள் கடைக்கோடி கிராமங்களிலும் இன்றும் தவழ்ந்து கொண்டிருக்கின்றன. முதன் முதலாக புதுக் கவிதைக்கு அடையாளம் கொடுத்தவர் கவியரசு.  அவரின் கருத்துகள்,  தத்துவங்களை,  இந்த சமுதாயத்துக்கு நாம் விரிவாக எடுத்துச் சொல்ல வேண்டும் என்றார் நமச்சிவாயம்.
பர்வீன் சுல்தானா: விழாவில்,  பேராசிரியை பர்வீன் சுல்தானா,  "காவியத் தாயின் இளைய மகன்' என்ற தலைப்பில் பேசியதாவது: 
 கண்ணதாசன் கவிதை கன்னத்தில் அறைந்து காதுக்குள் நுழைவதாகும். கண்ணதாசனுக்கு பிடித்த மூன்று கவிகள் என்றால், முத்தொள்ளாயிரம்,  திருவள்ளுவர்,  கம்பர். 
முத்தொள்ளாயிரம் என்பது 41 செம்மொழி இலக்கியங்களுள் ஒன்றாகும். திரைப்பட பாடல்கள் மட்டுமன்றி,  தனி படைப்புகளாலும் புகழ்பெற்றவர் கண்ணதாசன். அவரது திரைப்படப் பாடல்களும் இலக்கியமாக உள்ளது. அவரின் காதல், தத்துவப் பாடல்கள் புகழ்பெற்றது. தனது அனுபவங்களை பாடல்களாகவும்,  இலக்கியமாகவும் படைத்தவர். 
உலகளவில் எந்த கவிஞனுக்கும் இப்படி ஒரு புகழ் கிடைத்ததில்லை என்றார்.
 

]]>
http://www.dinamani.com/all-editions/edition-villupuram/villupuram/2018/oct/14/இளைஞர்களை-நல்வழிப்படுத்த-கண்ணதாசனின்-கருத்துகள்-அவசியம்-புதுவை-அமைச்சர்-பேச்சு-3020112.html
3020111 விழுப்புரம் விழுப்புரம் திருமணம் செய்து வைக்க தாமதம்: தந்தையைக் கொன்ற மகன் கைது DIN DIN Sunday, October 14, 2018 09:46 AM +0530 மூங்கில்துறைப்பட்டு அருகே திருமணம் செய்து வைக்க தாமதப்படுத்தியதால் ஆத்திரமடைந்து தந்தையைக் கொலை செய்த மகனை காவல் துறையினர் சனிக்கிழமை கைது செய்தனர்.
மூங்கில்துறைப்பட்டை அடுத்த கொடியனூர் கிராமத்தைச் சேர்ந்தவர் கந்தன் (65). இவரது மனைவி பொடி (60). இவர்களுக்கு 5 மகன்கள் உள்ளனர். இவர்களில் 3-ஆவது மகன் கோபி (35), வெளிநாட்டில் வேலை பார்த்து வந்தார். இவருக்கு திருமணம் ஆகவில்லை.
கடந்த சில மாதங்களுக்கு முன்பு விடுமுறையில் சொந்த ஊருக்கு வந்த கோபி, தனது தாய், தந்தையிடம் உடனடியாக திருமணம் செய்து வைக்குமாறு கூறினாராம். ஆனால், தகுந்த வரன் கிடைக்காததால் வெகு நாள்களாகியும் கோபிக்கு திருமணம் செய்து வைக்க முடியவில்லையாம். 
 இதனால் ஆத்திரமடைந்த கோபி, வெள்ளிக்கிழமை இரவு  தனது தந்தை கந்தனின் தலையைப் பிடித்து சுவரில் அடித்தாராம். இதில், பலத்த காயமடைந்த கந்தன் நிகழ்விடத்திலேயே உயிரிழந்தார்.
தகவலறிந்த வடபொன்பரப்பி காவல் துறையினர் விரைந்து சென்று சடலத்தை மீட்டு உடல்கூறு பரிசோதனைக்காக கள்ளக்குறிச்சி அரசு மருத்துவமனைக்கு அனுப்பி வைத்தனர். 
இந்த சம்பவம் குறித்து காவல் துறையினர் வழக்குப் பதிந்து, கோபியை கைது செய்து விசாரித்து வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/14/திருமணம்-செய்து-வைக்க-தாமதம்-தந்தையைக்-கொன்ற-மகன்-கைது-3020111.html
3020110 விழுப்புரம் விழுப்புரம் ஸ்ரீசாரதா ஆஸ்ரமத்தில் 4-ஆம் நாள் நவராத்திரி விழா DIN DIN Sunday, October 14, 2018 09:44 AM +0530 உளுந்தூர்பேட்டை ஸ்ரீசாரதா ஆஸ்ரமத்தில் சனிக்கிழமை நடைபெற்ற 4-ஆவது நாள் நவராத்திரி விழா கொலு கண்காட்சியில் திருப்பதி வெங்கடேச பெருமாள் சிலை வைக்கப்பட்டு சிறப்பு பூஜைகள் நடைபெற்றன.
இதில், சென்னை தினமலர் வெளியீட்டாளர் ஆர்.ஆர்.கோபால்ஜி கலந்துகொண்டு குத்துவிளக்கேற்றி விழாவை தொடக்கிவைத்து சிறப்புரையாற்றினார். விழாவில், உளுந்தூர்பேட்டை ஸ்ரீசாரதா மகாவித்யாலயம் மகளிர் கலை, அறிவியல் கல்லூரியின் செயலர் யதீஸ்வரி அனந்தப்ரேமப்ரியா அம்பா கலந்துகொண்டு அறிமுகவுரையாற்றி வரவேற்றார். ஸ்ரீசாரதா ஆஸ்ரமத்தின் தலைமை மாதாஜி யதீஸ்வரி இராமகிருஷ்ணப்ரியா அம்பா கலந்துகொண்டு நவராத்திரி காலத்தில் புனித தலங்களுக்கு சென்று வழிபாடு செய்யும்போது நமக்கு ஆத்மசக்தி கிடைக்கும் என்று ஆசியுரை வழங்கினார்.
விழாவில், சென்னை உயர் நீதிமன்ற மதுரைக் கிளையின் நீதிபதி சத்யமூர்த்தி, மாவட்ட கூடுதல் காவல் கண்காணிப்பாளர் வெங்கடாசலபதி, ஆஸ்ரம சந்நியாச சகோதரிகள், ஆசிரியர்கள், மாணவ, மாணவிகள் மற்றும் பெற்றோர்கள் உள்பட பலர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/14/ஸ்ரீசாரதா-ஆஸ்ரமத்தில்-4-ஆம்-நாள்-நவராத்திரி-விழா-3020110.html
3020109 விழுப்புரம் விழுப்புரம் கூழாங்கற்கள் கடத்திய 2 லாரிகள் பறிமுதல்: இருவர் கைது DIN DIN Sunday, October 14, 2018 09:44 AM +0530 உளுந்தூர்பேட்டை வட்டம், ஆசனூர் அருகே கூழாங்கற்களை கடத்திய 2 லாரிகளை போலீஸார் பறிமுதல் செய்தனர். இது தொடர்பாக லாரி ஓட்டுநர்கள் இருவர் கைது செய்யப்பட்டனர்.
ஆசனூர் அருகே எடைக்கல் காவல் நிலைய உதவி ஆய்வாளர் அகிலன், தனிப்பிரிவு காவலர் சக்திவேல் மற்றும் போலீஸார் சனிக்கிழமை அதிகாலை வாகன தணிக்கையில் ஈடுபட்டனர். அப்போது, உளுந்தூர்பேட்டையில் இருந்து கூழாங்கற்கள் ஏற்றி வந்த 2 லாரிகளை நிறுத்தி போலீஸார் சோதனை செய்தனர்.
சோதனையின்போது, லாரிகளில் அனுமதியின்றி கூழாங்கற்கள் ஏற்றி வந்தது தெரியவந்தது. இதையடுத்து, லாரி ஓட்டுநர்களான விருத்தாசலம் வட்டம், பூண்டியாங்குப்பம் கிராமத்தைச் சேர்ந்த தட்சணாமூர்த்தி மகன் சுரேந்திரன் (29), நடியப்பட்டு கிராமத்தைச் சேர்ந்த குப்புசாமி மகன் மணிகண்டன் (37) ஆகிய இருவரையும் போலீஸார் கைது செய்தனர். 2 லாரிகளையும் பறிமுதல் செய்தனர் .
 

]]>
http://www.dinamani.com/all-editions/edition-villupuram/villupuram/2018/oct/14/கூழாங்கற்கள்-கடத்திய-2-லாரிகள்-பறிமுதல்-இருவர்-கைது-3020109.html
3020108 விழுப்புரம் விழுப்புரம் அதிக விலைக்கு உரம் விற்பனை: வேளாண் கூட்டுறவு சங்கங்கள் மீது விவசாயிகள் புகார் DIN DIN Sunday, October 14, 2018 09:44 AM +0530 தனியாரை விட தொடக்க வேளாண்மை கூட்டுறவு சங்கங்களில் அதிக விலைக்கு டிஏபி உரம் விற்பனை செய்யப்படுவதாக விவசாயிகள் புகார் தெரிவித்துள்ளனர். 
விழுப்புரத்தில் இயங்கும் தமிழ்நாடு கூட்டுறவு விற்பனை இணையம் மூலம் விழுப்புரம் மாவட்டத்தில் உள்ள தொடக்க வேளாண்மை கூட்டுறவு கடன் சங்கங்களுக்கு "இப்கோ- டிஏபி' உரம் விநியோகம் செய்யப்படுகிறது.  
இந்த உரங்களை சென்னை இப்கோ உர நிறுவனத்திடம் இருந்து தமிழ்நாடு கூட்டுறவு விற்பணை இணையம் கொள்முதல் செய்து அந்தந்த மாவட்ட தொடக்க வேளாண்மை கூட்டுறவு கடன் சங்கங்களுக்கு  அனுப்பி வருகிறது. இந்த உரங்களை விவசாயிகள் கடனாகவும், சிலர் நேரடியாக பணம் செலுத்தியும் பெற்றுச்செல்கின்றனர். 
தற்போது, மழை பெய்ததில் ஒரு போகமாவது சாகுபடி செய்யலாம் எனக் கருதி, விவசாயிகள் நெல் பயிர் இடுவதில் அதிக 
ஆர்வம் காட்டி வருகின்றனர்.
இந்த நிலையில் நெல் பயிருக்கு தேவையான அடி உரமாக இப்கோ டி.ஏ.பி. பயன்படுத்தப்படுகிறது. ஏக்கருக்கு ஒரு மூட்டை உரம் வீதம் பயன்படுத்த வேண்டும்.  குறைந்த பட்சம் விவசாயிகள் மூன்று முதல் ஐந்து மூட்டைகள் வரை வாங்கிச் செல்கின்றனர். 
செஞ்சியில் தொடக்க வேளாண்மை கூட்டுறவு கடன் சங்கத்தில் ஒரு மூட்டை டி.ஏ.பி. ரூ.1290-க்கு விற்பனை செய்யப்
படுகிறது. இதே உரம் அருகிலுள்ள சேத்பட்டில் உள்ள இப்கோ நிறுவன முகவரிடம் ரூ.1200 விலையில் கிடைக்கிறது. 
இதனால் மேல்மலையனூர், வளத்தி, அவலூர்பேட்டை உள்ளிட்ட பல்வேறு கிராமங்களைச் சேர்ந்த விவசாயிகள் வேளாண்மை கூட்டுறவு கடன் சங்கத்தை அணுகாமல் நேரடியாக சேத்பட் சென்று இப்கோ விற்பனை முகவரிடம் உர மூட்டைகளை வாங்கிச்செல்கின்றனர்.
ஆகவே, இப்கோவிடம் வாங்கி உரத்தை விற்பனை செய்யும் அரசு, இப்கோ வழங்கும் விலைக்கே தொடக்க வேளாண்மை கூட்டுறவு சங்கங்களிலும் உர மூட்டைகளை வழங்க வேண்டும் என இப் பகுதி விவசாயிகள் கோரிக்கை விடுத்துள்ளனர்.

]]>
http://www.dinamani.com/all-editions/edition-villupuram/villupuram/2018/oct/14/அதிக-விலைக்கு-உரம்-விற்பனை-வேளாண்-கூட்டுறவு-சங்கங்கள்-மீது-விவசாயிகள்-புகார்-3020108.html
3020107 விழுப்புரம் விழுப்புரம் அதிமுகவில் இணைந்த மாற்றுக் கட்சியினர் DIN DIN Sunday, October 14, 2018 09:43 AM +0530 காணை ஒன்றியத்தில் மார்க்சிஸ்ட்,  தேமுதிக கட்சிகளைச் சேர்ந்த 100 பேர் அக்கட்சியிலிருந்து விலகி சனிக்கிழமை இரா.லட்சுமணன் எம்.பி. முன்னிலையில் அதிமுகவில் இணைந்தனர்.
 காணை ஒன்றியம், கடையம் கிளை மார்க்சிஸ்ட் கம்யூனிஸ்ட் செயலாளர் எஸ்.முருகன் தலைமையில் அக்கட்சியினரும்,  அதே பகுதியைச் சேர்ந்த தேமுதிக கிளைச் செயலாளர் ஏ.சுப்பிரமணி,  கிளைத் தலைவர் எஸ்.மணிகண்டன் உள்ளிட்டோர் தலைமையில் அக்கட்சியினரும் என  100 பேர்,  அக்கட்சிகளிலிருந்து விலகி அதிமுகவில் இணைந்தனர். விழுப்புரம் மாவட்ட அதிமுக அலுவலகத்தில் நடைபெற்ற இதற்கான நிகழ்ச்சியில் வடக்கு மாவட்டச் செயலரும்,  மாநிலங்களவை உறுப்பினருமான இரா.லட்சுமணன் அவர்களை சால்வை அணிவித்து வரவேற்றார். நிகழ்ச்சியில் முன்னாள் அதிமுக ஒன்றியக் குழுத் தலைவர்கள் சிவா,  குப்புசாமி,  மாவட்ட இளைஞரணி ராம.சரவணன்,  செங்குட்டுவன்,  தொழில்நுட்ப அணி மணவாளன்,  காணை முன்னாள் ஒன்றியச் செயலர் ஸ்ரீதர்,  முன்னாள் ஒன்றியக்குழு உறுப்பினர் பொன்.குமார்,  மாவட்ட எம்ஜிஆர் மன்ற இணைச் செயலர் சந்திரசேகர்,  முன்னாள் ஊராட்சித் தலைவர் கே.மயிலாதிபதி,  ஒன்றிய துணைச் செயலர் முத்துராமன், ஒன்றிய நிர்வாகிகள் ஸ்ரீபதி,  சிவபாண்டியன், ஜெயபால், கிருஷ்ணமூர்த்தி, கலியபெருமாள்,  சரவணன் உள்ளிட்டோர் கலந்துகொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/14/அதிமுகவில்-இணைந்த-மாற்றுக்-கட்சியினர்-3020107.html
3020106 விழுப்புரம் விழுப்புரம் கள்ளக்குறிச்சியில் பிடிபட்ட  அரிய வகை ஆந்தை! DIN DIN Sunday, October 14, 2018 09:43 AM +0530 கள்ளக்குறிச்சி ஒருங்கிணைந்த நீதிமன்ற வளாகத்தில் சனிக்கிழமை சுற்றித்திரிந்த அரிய வகை ஆந்தையை தீயணைப்புத் துறையினர் பிடித்து வனத் துறையினரிடம் ஒப்படைத்தனர்.
கள்ளக்குறிச்சி ஒருங்கிணைந்த நீதிமன்ற வளாகத்தில் சனிக்கிழமை பிற்பகல் வெள்ளை நிறத்தில் அரிய வகை ஆந்தை ஒன்று சுற்றித்திரிந்தது. இதனைக் கண்ட பொதுமக்கள், கள்ளக்குறிச்சி தீயணைப்புத் துறையினருக்கு தகவல் தெரிவித்தனர். தொடர்ந்து, கள்ளக்குறிச்சி ஒருங்கிணைந்த நீதிமன்ற வளாகத்துக்குச் சென்ற தீயணைப்பு வீரர்கள், ஆந்தையைப் பிடித்து வனத் துறையினரிடம் ஒப்படைத்தனர்.
 

]]>
http://www.dinamani.com/all-editions/edition-villupuram/villupuram/2018/oct/14/கள்ளக்குறிச்சியில்-பிடிபட்ட--அரிய-வகை-ஆந்தை-3020106.html
3020105 விழுப்புரம் விழுப்புரம் அம்மா திட்ட முகாம் DIN DIN Sunday, October 14, 2018 09:43 AM +0530 மயிலம் தொகுதிக்குள்பட்ட விலங்கம்பாடி ஊராட்சியில் வருவாய்த் துறை சார்பில் அம்மா திட்ட முகாம் வெள்ளிக்கிழமை நடைபெற்றது.
சமூக நலத் துறை வட்டாட்சியர் நளினி முன்னிலை வகித்தார். மயிலம்  தொகுதி சட்டப்பேரவை உறுப்பினர் இரா.மாசிலாமணி முகாமுக்கு தலைமை வகித்து பொதுமக்களிடமிருந்து வீட்டுமனைப் பட்டா மாற்றம், குடும்ப அட்டையில் பெயர் சேர்த்தல், நீக்கல், முதியோர் உதவித் தொகை, ஊனமுற்றோர் உதவித் தொகை உள்ளிட்டவை கோரி வழங்கப்பட்ட மனுக்களை பெற்றுக் கொண்டார். வருவாய் ஆய்வாளர் விமல்ராஜ், கிராம நிர்வாக அலுவலர் வெள்ளிதுரை உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/14/அம்மா-திட்ட-முகாம்-3020105.html
3020104 விழுப்புரம் விழுப்புரம் வேளாண் மதிப்புக்கூட்டு இயந்திரங்கள்: விவசாயக் குழுக்கள் விண்ணப்பிக்கலாம் DIN DIN Sunday, October 14, 2018 09:43 AM +0530 விழுப்புரம் மாவட்டத்தில் வேளாண் விளை பொருள்கள் விற்பனைக்கான மதிப்புக் கூட்டு இயந்திர மையங்கள் அமைப்பதற்கு விவசாயக் குழுக்களிடமிருந்து விண்ணப்பங்கள் வரவேற்கப்படுகின்றன. 
இதுகுறித்து ஆட்சியர் அலுவலக செய்திக் குறிப்பு: தமிழகத்தில் மானாவாரி நிலங்களை மேம்படுத்தி, வேளாண் உற்பத்தியை பெருக்கும் நோக்கில், நீடித்த மானாவாரி விவசாய இயக்கம் செயல்படுத்தப்பட்டு வருகிறது. இந்தத் திட்டத்தின் கீழ் 2016-17 முதல் 2019-20 வரையில், 1000 ஹெக்டேர் கொண்ட மானாவாரி நிலத்தொகுப்புகள் தேர்வு செய்து பல்வேறு மேம்பாட்டுப் பணிகள் ரூ.802 கோடியில் மேற்கொள்ளப்பட்டு வருகின்றன.
இந்தத் திட்டத்தின் கீழ் 2017-2018ஆம் நிதியாண்டில், விவசாயிகள் வேளாண் விளைபொருள்களை மதிப்புக் கூட்டி அதிக லாபம் பெறும் வகையில்,  மதிப்புக் கூட்டும் இயந்திர மையங்கள் முதல் கட்டமாக 25 மாவட்டங்களில் தேர்ந்தெடுக்கப்பட்ட 50 தொகுப்புகளில் அமைக்கப்பட்டு வருகின்றன.
இதன் ஒரு பகுதியாக, மானாவாரி தொகுப்புகளிலுள்ள உழவர் உற்பத்தியாளர் அமைப்பு,  உழவர் உற்பத்தியாளர் குழுக்களுக்கு அந்தந்த தொகுதிகளில் உற்பத்தி செய்யப்படும் விளைபொருள்களை மதிப்புக் கூட்டுவதற்காக,  மதிப்பு கூட்டும் இயந்திர மையங்கள் அமைத்திட மானியம் வழங்கப்படுகிறது. 
விளைபொருள்களை சுத்தப்படுத்துதல், தரம் பிரித்தல், பேக்கிங் செய்தல் உள்ளிட்ட பல்வேறு பணிகளுக்கான மதிப்புக்கூட்டும் இயந்திரங்கள் கொள்முதல் மற்றும் பணி மூலதனத்துக்கான மொத்தத் தொகையில் 75 சதவீதம் அல்லது ரூ.10 லட்சம், இதில் எது குறைவோ அந்தத் தொகை அரசு மானியமாக வழங்கப்படுகிறது. 
மீதமுள்ள 25 சதவீதத் தொகை 
உழவர் உற்பத்தியாளர் அமைப்பு மற்றும் உழவர் உற்பத்திக்குழுவின் பங்களிப்பாக செலுத்தப்படுகிறது. 
இந்தத் திட்டத்தின் கீழ் அமைக்கப்படும் மதிப்புக் கூட்டு இயந்திரங்களை வேளாண் பொறியியல் துறை மூலம் விலை நிர்ணயம் செய்து, அனுமதிக்கப்பட்ட நிறுவனங்களிடம் இருந்து வாங்க வேண்டும். 
இந்தத் திட்டத்தின் கீழ் விழுப்புரம் மாவட்டத்தில் 3 இடத்தில் மதிப்புக் கூட்டு இயந்திர மையம் அமைக்கப்பட்டு,  பல்வகை எண்ணெய் பிழிந்தெடுக்கும் கருவிகள் (மரச்செக்குகள்) உள்ளிட்ட பல்வேறு இயந்திரங்கள் வாங்கப்பட்டு, லாபகரமான முறையில் இயங்கி வருகிறது. பொதுமக்கள் இந்த மையங்களை அணுகி மதிப்புக் கூட்டப்பட்ட விளைபொருள்களை பெற்றுக் கொள்ளலாம்.
இதே போல, நடப்பு நிதியாண்டிலும் இரண்டாவது கட்டமாக 150 மதிப்புக் கூட்டு இயந்திர மையங்களை அமைக்க அரசு அனுமதி அளித்துள்ளது. விழுப்புரம் மாவட்டத்தில் 13 மதிப்புக்கூட்டு இயந்திர மையங்களுக்கு நிதி ஒதுக்கப்பட்டுள்ளது. 
ஆகவே, மதிப்புக் கூட்டும் இயந்திர மையம் அமைக்க ஆர்வமுள்ள உழவர் உற்பத்தியாளர் குழுக்கள்,  விண்ணப்பத்தை உரிய ஆவணங்களுடன் சம்பந்தப்பட்ட மானாவாரி தொகுப்பு மேம்பாட்டுக் குழுவுக்கு அனுப்பலாம்.  வேளாண் பொறியியல் துறை உதவி செயற்பொறியாளர் பரிந்துரை செய்வார்.
தேர்வு செய்யப்பட்ட விண்ணப்பத்துக்கு மாவட்ட ஆட்சியர் தலைமையிலான குழுவின் ஒப்புதல் பெறப்படும்.  பின்னர், வேளாண்மை பொறியியல் துறையின் மூலம் அங்கீகாரம் வழங்கப்பட்ட நிறுவனங்களுக்கு,  மதிப்புக் கூட்டும் இயந்திரங்கள் வழங்க பணி ஆணை வழங்கப்படும் என அதில் தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/villupuram/2018/oct/14/வேளாண்-மதிப்புக்கூட்டு-இயந்திரங்கள்-விவசாயக்-குழுக்கள்-விண்ணப்பிக்கலாம்-3020104.html
3020103 விழுப்புரம் விழுப்புரம் உலக அஞ்சலக தின விழா DIN DIN Sunday, October 14, 2018 09:42 AM +0530 சங்கராபுரத்தில் வள்ளலார் மன்றம், இன்னர்வீல் கிளப் சார்பில் உலக அஞ்சலக தின விழா அண்மையில் நடைபெற்றது. 
 விழாவுக்கு மன்றத் தலைவர் ஜே.பால்ராஜ், கிளப் தலைவர் கே.சரவணதேவி ஆகியோர் தலைமை வகித்தனர். வணிகர் பேரவை மாவட்டப் பொருளாளர் இராம.முத்துக்கருப்பன் வரவேற்றார். ரோட்டரி கிளப் தலைவர் அ.சுரேஷ், ஓய்வு பெற்ற அலுவலர் சங்க நிர்வாகி ஜி.வேங்கடநாராயணன், அனைத்து வியாபாரிகள் சங்கத் தலைவர் ஆர்.பிரகாசம், செயலர் கோ.குசேலன், ஸ்டார் கிளப் வட்டாரத் தலைவர் அ.முகமத்ரபி ஆகியோர் முன்னிலை வகித்தனர். 
 விழாவில் அஞ்சல் அலுவலர் எஸ்.ரெங்கையன் அஞ்சலக சிறுசேமிப்பு, கடிதம், அஞ்சல் தலை, செல்வமகள் திட்டம், ஏ.டி.எம். அட்டை பற்றி விரிவாகப் பேசினார். சங்கராபுரம் பகுதியில் பணிபுரியும் அனைத்து அஞ்சல் பணியாளர்களைப் பாராட்டி பரிசு வழங்கப்பட்டது. பள்ளித் தலைமை ஆசிரியர் வள்ளி, அரிமா மாவட்டத் தலைவர் ஜனனி.மகாலிங்கம், அரிசி ஆலை சங்கத் தலைவர் க.வேலு, ரோட்டரி முன்னாள் தலைவர்கள் அ.மூர்த்தி, தா.வெங்கடேசன் உள்ளிட்டோர் கலந்து கொண்டனர். அஞ்சல் பணியாளர்  ஏ.கார்மேகம் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/14/உலக-அஞ்சலக-தின-விழா-3020103.html
3019521 விழுப்புரம் விழுப்புரம் குண்டர் சட்டத்தின் கீழ் சாராய வியாபாரி கைது DIN DIN Saturday, October 13, 2018 09:54 AM +0530 சங்கராபுரம் அருகே சாராய வியாபாரி குண்டர் தடுப்புச் சட்டத்தின் கீழ் வெள்ளிக்கிழமை கைது செய்யப்பட்டார். 
சங்கராபுரம் அருகே விரியூரைச் சேர்ந்த சின்னப்பன் மகன் சூசைநாதன்(39). சங்கராபுரம் பகுதியில் சாராயம் வியாபாரத்தில் ஈடுபட்டு வந்த இவரை திருக்கோவிலூர் மது விலக்கு பிரிவு போலீஸார் கைது செய்து சிறையில் அடைத்தனர். சூசைநாதன் இதுபோன்ற குற்றச் செயல்களில் ஈடுபடுவதைத் தடுக்கும் பொருட்டு, மாவட்ட காவல் துறையின் பரிந்துரையை ஏற்று, அவரை குண்டர் தடுப்புச் சட்டத்தின் கீழ் கைது செய்ய மாவட்ட ஆட்சியர் இல.சுப்பிரமணியன் உத்தரவிட்டார்.
அதன்பேரில், கடலூர் மத்திய சிறையில் விசாரணைக் கைதியாக இருந்து வரும் சூசைநாதனை குண்டர் தடுப்புச் சட்டத்தின் கீழ் வெள்ளிக்கிழமை போலீஸார் கைது செய்தனர்.

]]>
http://www.dinamani.com/all-editions/edition-villupuram/villupuram/2018/oct/13/குண்டர்-சட்டத்தின்-கீழ்-சாராய-வியாபாரி-கைது-3019521.html
3019519 விழுப்புரம் விழுப்புரம் அங்கன்வாடி மைய கட்டடப் பணி ஆய்வு DIN DIN Saturday, October 13, 2018 09:54 AM +0530 செஞ்சி வட்டம், வல்லம் ஒன்றியம், நாட்டார்மங்கலத்தில் ரூ.8 லட்சம் செலவில் கட்டப்பட்டு வரும் அங்கன்வாடி மைய கட்டடப் பணிகளை மயிலம் எம்எல்ஏ இரா.மாசிலாமணி வெள்ளிக்கிழமை ஆய்வு செய்தார்.
நாட்டார்மங்கலத்தில் அங்கன்வாடி மையம் வாடகைக் கட்டடத்தில் இயங்கி வருகிறது. இந்த நிலையில், அங்கன்வாடி மையத்துக்கு சொந்தக் கட்டடம் கட்ட மயிலம் சட்டப்பேரவைத் தொகுதி மேம்பாட்டு நிதியில் இருந்து இரா.மாசிலாமணி ரூ.8 லட்சத்தை ஒதுக்கீடு செய்தார். அதற்கான பணிகள் நடைபெற்று வருகின்றன. இந்த பணிகளை பார்வையிட்ட மாசிலாமணி எம்எல்ஏ, பணிகளை தரமான முறையில் விரைந்து முடித்திட அதிகாரிகளைக் கேட்டுக்கொண்டார்.
அப்போது, திமுக வல்லம் ஒன்றியச் செயலர் ஏ.எஸ்.அண்ணாதுரை, ஒன்றியப் பொருளர் தமிழரசன், ஊராட்சிச் செயலர் சௌந்திரபாண்டியன் மற்றும் வட்டாரப் பொறியாளர் குணசேகரன் 
உடனிருந்தனர்.
 

]]>
http://www.dinamani.com/all-editions/edition-villupuram/villupuram/2018/oct/13/அங்கன்வாடி-மைய-கட்டடப்-பணி-ஆய்வு-3019519.html
3019518 விழுப்புரம் விழுப்புரம் நாட்டு நலப் பணித் திட்ட முகாம் DIN DIN Saturday, October 13, 2018 09:54 AM +0530 விழுப்புரம் அருகேயுள்ள சாலாமேடு கிராமத்தில் ராமகிருஷ்ணா வித்யாலயா மெட்ரிக் மேல்நிலைப் பள்ளியில் நாட்டு நலப் பணித் திட்ட சிறப்பு முகாம் அண்மையில் நடைபெற்றது.
ராமகிருஷ்ணா கல்விக் குழுவின் பொருளாளர் லோகையன் முகாமைத் தொடக்கி வைத்தார். கல்விக் குழுச் செயலாளர் பழனிவேலு தலைமை வகித்தார். பள்ளி முதல்வர் பாட்சா வரவேற்றார்.
முன்னாள் மாவட்டக் கல்வி அலுவலர் சூரியநாராயணன், மாவட்ட சுற்றுச்சூழல் ஒருங்கிணைப்பாளர் சரவணன் வாழ்த்துரை வழங்கினார். ஒரு வாரம் நடைபெற்ற இந்த முகாமில் மரக்கன்று நடுதல், கோயில் உழவாரப் பணி, பள்ளி வளாகம் மற்றும் பொது இடங்கள் சுத்தம் செய்தல் உள்ளிட்ட பணிகள் மேற்கொள்ளப்பட்டன. டெங்கு மற்றும் நெகிழி ஒழிப்பு விழிப்புணர்வு பிரசாரமும் செய்யப்பட்டது.
நிறைவு விழாவில் மாவட்ட முதன்மைக் கல்வி அலுவலர் முனுசாமி கலந்து கொண்டு மாணவர்களுக்கு பரிசுகள் வழங்கி, சிறப்புரையாற்றினார். நாட்டு நலப் பணித் திட்ட அலுவலர் வேல்முருகன் தொகுத்து வழங்கினார். நாட்டு நலப் பணி திட்ட உதவி அலுவலர் கண்ணபிரான் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/13/நாட்டு-நலப்-பணித்-திட்ட-முகாம்-3019518.html
3019516 விழுப்புரம் விழுப்புரம் நோட்டரி பப்ளிக் நியமனம் DIN DIN Saturday, October 13, 2018 09:53 AM +0530 விழுப்புரம் மாவட்ட நோட்டரி பப்ளிக் வழக்குரைஞராக கே.துரைராஜ் நியமிக்கப்பட்டார்.
விழுப்புரம் அருகே உள்ள வி.புதுப்பாளையத்தைச் சேர்ந்தவர் வழக்குரைஞர் கே.துரைராஜன்.  விழுப்புரம் நீதிமன்றத்தில் பணியாற்றி வரும் இவர்,   மாவட்டத்தின் நோட்டரி பப்ளிக் வழக்குரைஞராக நியமிக்கப்பட்டார். ஐந்தாண்டுகள் இப்பணியை கே.துரைராஜன் மேற்கொள்வார் என்று அரசுச் செயலர் எஸ்.எஸ்.பூவலிங்கம் தெரிவித்தார்.
 

]]>
http://www.dinamani.com/all-editions/edition-villupuram/villupuram/2018/oct/13/நோட்டரி-பப்ளிக்-நியமனம்-3019516.html
3019514 விழுப்புரம் விழுப்புரம் கல்லூரி விடுதி மாணவர்கள் போராட்டம் DIN DIN Saturday, October 13, 2018 09:53 AM +0530 திண்டிவனம் அரசு கலை அறிவியல் கல்லூரி ஆதிதிராவிடர் நல விடுதியில் அடிப்படை வசதிகளை நிறைவேற்ற வலியுறுத்தி, மாணவர்கள் வெள்ளிக்கிழமை போராட்டத்தில் ஈடுபட்டனர்.
இந்த விடுதியில் நூற்றுக்கும் மேற்பட்ட மாணவர்கள் தங்கி கல்லூரியில் பயின்று வருகின்றனர். விடுதியின் கட்டடம் பழுதடைந்திருப்பதாகவும், குடிநீர் பிரச்னை உள்ளதாகவும், தரமான உணவு வழங்கப்படவில்லை எனவும் மாணவர்கள் புகார் கூறி வந்தனர். இந்த நிலையில், குறைகளை உடனடியாக நிவர்த்தி செய்ய வலியுறுத்தி, விடுதி முன் மாணவர்கள் அமர்ந்து தர்னாவில் ஈடுபட்டனர்.
தகவலறிந்து திண்டிவனம் வட்டாட்சியர் பிரபுவெங்கடேஸ்வரன் சம்பவ இடத்துக்கு நேரில் வந்து, குறைகள் அனைத்தும் விரைவில் நிவர்த்தி செய்யப்படும் என உறுதியளித்தார். இதையடுத்து, போராட்டத்தைக் கைவிட்டு மாணவர்கள் கலைந்து சென்றனர்.

]]>
http://www.dinamani.com/all-editions/edition-villupuram/villupuram/2018/oct/13/கல்லூரி-விடுதி-மாணவர்கள்-போராட்டம்-3019514.html
3019512 விழுப்புரம் விழுப்புரம் கள்ளக்குறிச்சி அருகே கத்தி முனையில் நகைக் கொள்ளை DIN DIN Saturday, October 13, 2018 09:52 AM +0530 கள்ளக்குறிச்சி அருகே மோட்டார் சைக்கிளில் சென்ற பெண்ணிடம் 2 பவுன் நகையை கத்திமுனையில் பறித்த இளைஞரை போலீஸார் கைது செய்தனர்.  தலைமறைவான மூவரை தேடிவருகின்றனர். 
கள்ளக்குறிச்சியை அடுத்த தென்செட்டியந்தலைச் சேர்ந்தவர் முருகன் மனைவி ரத்தினாம்பாள் (37). இவர், புதன்கிழமை இரவு பங்காரம் பேருந்து நிறுத்தத்தில் இருந்து அதே ஊரைச் சேர்ந்த வேங்கடபதி என்பவருடன் மோட்டார் சைக்கிளில் இந்திலி அருகே சென்று கொண்டிருந்தார். அப்போது,  இரு மோட்டார் சைக்கிளில் பின்தொடர்ந்த 3 
மர்மநபர்கள் இந்திலியில் உள்ள தனியார் கல்லூரி முன்பாக இருவரையும் மறித்து கத்தியை காட்டி மிரட்டி ரத்தினாம்பாள் அணிந்திருந்த 2 பவுன் நகையையும் வேங்கடபதியிடமிருந்து ஏடிஎம் அட்டையையும் பறித்துக் கொண்டனர்.
இவர் கூச்சலிடவே, அருகிலிருந்தவர்கள் துரத்திச் சென்று ஒரு கொள்ளையரைப் பிடித்து சின்னசேலம் காவல் நிலையத்தில் ஒப்படைத்தனர். 
விசாரணையில், அவர் கள்ளக்குறிச்சி கோட்டைமேடு ஜெயச்சந்திரன் மகன் சந்திரசேகர் (21) எனத் தெரிய வந்தது. அவரை போலீஸார் கைது செய்து கள்ளக்குறிச்சி குற்றவியல் நீதிமன்றம் எண் 2-இல் வியாழக்கிழமை ஆஜர்படுத்தி சிறையில் அடைத்தனர். தலைமறைவான மூவரை தேடி வருகின்றனர். 
 

]]>
http://www.dinamani.com/all-editions/edition-villupuram/villupuram/2018/oct/13/கள்ளக்குறிச்சி-அருகே-கத்தி-முனையில்-நகைக்-கொள்ளை-3019512.html
3019511 விழுப்புரம் விழுப்புரம் தமிழக முதல்வர் பங்கேற்கும்: அதிமுக பொதுக்கூட்டத்துக்கான பந்தக்கால் நடும் நிகழ்ச்சி DIN DIN Saturday, October 13, 2018 09:52 AM +0530 உளுந்தூர்பேட்டையில், முதல்வர் எடப்பாடி பழனிசாமி பங்கேற்கும் அதிமுக பொதுக்கூட்டத்துக்கான பந்தல் கால் நடும் நிகழ்ச்சி வெள்ளிக்கிழமை நடைபெற்றது. 
அதிமுக 47-ஆவது ஆண்டு தொடக்க விழா பொதுக் கூட்டம், உளுந்தூர்பேட்டையில் வருகிற 17ஆம் தேதி நடைபெறுகிறது. இந்தக் கூட்டத்தில் தமிழக முதல்வர் எடப்பாடி பழனிசாமி மற்றும் அமைச்சர்கள் பங்கேற்கவுள்ளனர்.
 இந்தப் பொதுக் கூட்டத்துக்கான பந்தக்கால் நடும் நிகழ்ச்சியில் தமிழக சட்டத் துறை அமைச்சர் சி.வி.சண்முகம் பங்கேற்று, பூமி பூஜை செய்து பொதுக்கூட்ட மேடை, பந்தல் அமைக்கும் பணியை தொடங்கி வைத்தார். மாவட்டச் செயலாளர் இரா.குமரகுரு எம்எல்ஏ, எம்.பி.க்கள் காமராஜ் (கள்ளக்குறிச்சி) , எஸ்.ராஜேந்திரன் (விழுப்புரம்) ஆகியோர் முன்னிலை வகித்தனர்.
 இந்த நிகழ்ச்சியில் ஒன்றியச் செயலாளர்கள் ஜி.மணிராஜ், நகரச் செயலாளர் எஸ்.துரை, முன்னாள் ஒன்றியக் குழு துணைத் தலைவர் இரா.சாய்ராம், மாநில பொதுக் குழு உறுப்பினர் வளர்மதி பாண்டியராஜ், ஒன்றியச் செயலாளர்கள் திருநாவலூர் ஏ.ஆர்.செண்பகவேல், தியாகதுருகம் வி.அய்யப்பா, மாவட்ட துணைச் செயலாளர் எம்.பரமாத்மா, முன்னாள் எம்.எல்.ஏ. அழகுவேல் பாபு, செங்குறிச்சி தொடக்க வேளாண்மை கூட்டுறவு கடன் சங்கத் தலைவர் சம்பத் அய்யர், திருவெண்ணெய்நல்லூர் ஒன்றிய முன்னாள் செயலாளர் இராம.ஏகாம்பரம் உள்பட விழுப்புரம் தெற்கு மாவட்ட, ஒன்றிய, நகர நிர்வாகிகள் பலர் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/13/தமிழக-முதல்வர்-பங்கேற்கும்-அதிமுக-பொதுக்கூட்டத்துக்கான-பந்தக்கால்-நடும்-நிகழ்ச்சி-3019511.html
3019509 விழுப்புரம் விழுப்புரம் விழுப்புரம் அருகே சிறார் திருமணம் தடுத்து நிறுத்தம் DIN DIN Saturday, October 13, 2018 09:52 AM +0530 விழுப்புரம் அருகே சிறுமிக்கு நடைபெறவிருந்த குழந்தைத் திருமணத்தை சமூக நலத் துறை, சைல்டு லைன் அதிகாரிகள் வெள்ளிக்கிழமை தடுத்து நிறுத்தினர்.
விழுப்புரம் அருகே காணையை அடுத்த சாணிமேடு கிராமத்தைச் சேர்ந்த 17 வயது சிறுமி, கண்டாச்சிபுரத்தில் ஐடிஐ 2 ஆம் ஆண்டு படித்து வருகிறார். இவருக்கும், அவரது தாய் மாமாவான அதே ஊரைச் சேர்ந்த ஆறுமுகம் மகன் ஆனந்தராஜ்(24) என்பவருக்கும், அக். 19-ஆம் தேதி விழுப்புரம் அருகேயுள்ள திருவாமாத்தூர் கோயிலில் திருமணம் செய்துவைக்க இருவரது பெற்றோர்களும் முடிவு செய்து, பத்திரிகைகளை அச்சடித்து உறவினர்களுக்கு கொடுத்து வந்தனர்.
இதுகுறித்து சைல்டு லைன் அமைப்புக்கு புகார் வந்தது. இதையடுத்து, சமூகநலத் துறையின் கீழ் உள்ள கிராம முக்கிய சேவகர் திலகவதி, கிராம சேவகர் சாந்தி  மற்றும் சைல்டு லைனைச் சேர்ந்த அருள்மணி ஆகியோர் அந்த கிராமத்துக்கு நேரில் சென்று விசாரித்தனர். விசாரணையில், உறவு முறை என்பதால் சிறுமிக்கு திருமணம் நடத்தவிருந்தது தெரிய வந்ததாம். இதையடுத்து, 18 வயது பூர்த்தியாகாமல் திருமணம் செய்யக் கூடாது என்று கூறி, அந்த சிறுமியை அதிகாரிகள் மீட்டு விழுப்புரம் அழைத்து வந்தனர்.
 

]]>
http://www.dinamani.com/all-editions/edition-villupuram/villupuram/2018/oct/13/விழுப்புரம்-அருகே-சிறார்-திருமணம்-தடுத்து-நிறுத்தம்-3019509.html
3019507 விழுப்புரம் விழுப்புரம் பூட்டிய வீட்டில் நகைகள் திருட்டு DIN DIN Saturday, October 13, 2018 09:51 AM +0530 கள்ளக்குறிச்சியில் வீட்டின் பூட்டை உடைத்து 3 பவுன் நகைகளை திருடிய மர்ம நபர்களை போலீஸார் தேடிவருகின்றனர். 
கள்ளக்குறிச்சி அண்ணா நகரில் வசிப்பவர் பாண்டுரங்கன் (51), லாரி ஓட்டுநர். இவரது மனைவி சரஸ்வதி. இவர்கள் இருவரும் சென்னையில் வசிக்கும் மகளை பார்ப்பதற்காகச் சென்றிருந்தனர்.
இந்த நிலையில், பாண்டுரங்கனின் நண்பர் ராஜா, அவரை பார்ப்பதற்காக வியாழக்கிழமை வீட்டுக்குச் சென்றார். அப்போது, அவரது வீட்டின் முன்பக்க கதவின் பூட்டு உடைக்கப்படிருந்தைக் கண்டு, பாண்டுரங்கனுக்கு செல்லிடப்பேசி வாயிலாக தகவல் தெரிவித்தார்.
பாண்டுரங்கன் தனது வீட்டுக்கு வந்து பார்த்தபோது, பீரோவில் இருந்த 3 பவுன் தங்க நகைகள், அறையில் இருந்த தொலைக்காட்சி பெட்டி ஆகியவற்றை காணவில்லையாம்.
இது குறித்த புகாரின் பேரில், கள்ளக்குறிச்சி போலீஸார் வழக்கு பதிவு செய்து மர்ம நபர்களை தேடிவருகின்றனர்.
 

]]>
http://www.dinamani.com/all-editions/edition-villupuram/villupuram/2018/oct/13/பூட்டிய-வீட்டில்-நகைகள்-திருட்டு-3019507.html
3019505 விழுப்புரம் விழுப்புரம் "டிட்லி' புயல்: வாராந்திர ரயில் ஒரு நாள் தாமதம் DIN DIN Saturday, October 13, 2018 09:51 AM +0530 விழுப்புரத்திலிருந்து மேற்குவங்கம் மாநிலம் புருலியாவுக்கு செல்லும் வாராந்திர விரைவு ரயில், "டிட்லி' புயல் தாக்கம் காரணமாக, ஒரு நாள் தாமதமாக ஞாயிற்றுக்கிழமை (அக்.14) புறப்படுகிறது.
வழக்கமாக, விழுப்புரத்திலிருந்து சனிக்கிழமைகளில் புறப்பட்டு புருலியாவுக்கு செல்லும் இந்த வாராந்திர விரைவு ரயில், அக்.13 பகல் 11.40-மணிக்கு புறப்படுவதில் தாமதம் ஏற்பட்டுள்ளது. 
அந்த ரயில் ஞாயிற்றுக்கிழமை அதிகாலை 5.30 மணிக்கு விழுப்புரத்தில் இருந்து புருலியாவுக்கு புறப்பட்டுச் செல்லும் என்று தெற்கு ரயில்வே தெரிவித்துள்ளது.

]]>
http://www.dinamani.com/all-editions/edition-villupuram/villupuram/2018/oct/13/டிட்லி-புயல்-வாராந்திர-ரயில்-ஒரு-நாள்-தாமதம்-3019505.html
3019503 விழுப்புரம் விழுப்புரம் மண்டல விளையாட்டுப் போட்டிகள் விழுப்புரத்தில் தொடக்கம் DIN DIN Saturday, October 13, 2018 09:51 AM +0530 விழுப்புரத்தில் வெள்ளிக்கிழமை தொடங்கிய கடலூர் மண்டல அளவிலான தடகள விளையாட்டுப் போட்டியில் 400-க்கும் மேற்பட்ட மாணவ,  மாணவிகள் கலந்துகொண்டனர். 
கடலூர்,  விழுப்புரம் மாவட்டங்களில் உள்ள அரசு மற்றும் தனியார் பள்ளி மாணவர்களின் விளையாட்டுத் திறனை ஊக்கப்படுத்தும் விதத்தில்,  கடலூர் மண்டல அளவிலான தடகள மற்றும் குழு விளையாட்டுப் போட்டிகள் விழுப்புரம் காகுப்பம் ஆயுதப் படை மைதானத்தில் தொடங்கியது.  கல்வித் துறை  சார்பில் நடைபெறும் இந்தப் போட்டிகளை, விழுப்புரம் மாவட்ட முதன்மைக் கல்வி அலுவலர் க.முனுசாமி தொடக்கி வைத்தார்.  விழுப்புரம் துணை காவல் கண்காணிப்பாளர் ஜெ.சங்கர்,  மாவட்ட விளையாட்டு அலுவலர் ஞானசேகரன் ஆகியோர் முன்னிலை வகித்தனர். வெள்ளிக்கிழமை தடகளப் போட்டிகள் நடைபெற்றன.  14 வயது முதல் 19 வயதுக்கு உள்பட்டோருக்கு,  மாணவர்கள்,  மாணவிகளுக்கு தனித் தனிப் பிரிவாக,  100 மீ., 200 மீ., 400 மீ. 600 மீ., 800 மீ.,  1,500 மீ., 3,000 மீ. ஓட்டப் போட்டிகளும்,  நீளம் தாண்டுதல், உயரம் தாண்டுதல், கோலூன்றித் தாண்டுதல், தடைகளைத் தாண்டுதல்,  குண்டு எறிதல், வட்டு எறிதல் உள்ளிட்டப் போட்டிகள் நடைபெற்றன.  இதில்,  விழுப்புரம்,  கடலூர் மாவட்ட மாணவ,  மாணவிகள் 400-க்கும் மேற்பட்டோர் கலந்துகொண்டனர்.
தடகளப் போட்டிகளைத் தொடர்ந்து  குழுப்போட்டிகள்,  புதிய விளையாட்டுகள் என அக்.24-ஆம் தேதி வரை இந்தப் போட்டிகள் நடைபெறுகின்றன. முதல் மூன்று இடங்களைப் பெறுவோருக்கு சான்றிதழ், பரிசுகள் வழங்கப்படும். இந்தப் போட்டியில் ஒவ்வொரு பிரிவிலும் முதல் இரண்டு இடங்களைப் பெறுவோர்,  கடலூரில் இந்த மாத இறுதியில் நடைபெறும் மாநில அளவிலான போட்டியில் பங்கேற்கவுள்ளனர்.    
உடற்கல்வி ஆய்வாளர்கள் பத்மநாபன்,  ராஜரத்தினம்,  உடல் கல்வி இயக்குநர்கள் மோகனசுந்தரம்,  அசோகன்,  சிவாஜி, சரவணன் உள்ளிட்டோர் விளையாட்டுப் போட்டிகளை ஒருங்கிணைத்து வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/13/மண்டல-விளையாட்டுப்-போட்டிகள்-விழுப்புரத்தில்-தொடக்கம்-3019503.html
3019501 விழுப்புரம் விழுப்புரம் விழுப்புரத்தி−ருந்து 9 புதிய பேருந்துகள் DIN DIN Saturday, October 13, 2018 09:51 AM +0530 அரசு போக்குவரத்துக் கழகம் சார்பில், விழுப்புரத்திலிருந்து 9 புதிய பேருந்துகளின் இயக்கத்தை அமைச்சர் சி.வி.சண்முகம் வெள்ளிக்கிழமை தொடக்கி வைத்தார். 
தமிழக அரசு பொது மக்கள் சேவைக்காக,  விழுப்புரம் உள்ளிட்ட 8 போக்குவரத்துக் கழகங்கள் மூலம் 21,744 பேருந்துகளை இயக்கி வருகிறது. 
இதன் தொடர்ச்சியாக,  அரசு போக்குவரத்துக் கழகங்கள் சார்பில்,  ரூ.126.80  கோடி மதிப்பீட்டில்,  471 புதிய சொகுசு பேருந்துகள் வாங்கப்பட்டு, சென்னையில் முதல்வர் எடப்பாடி பழனிசாமி தலைமையில் அக்.10-இல் அதன் சேவை தொடக்கி வைக்கப்பட்டது. இத்திட்டத்தின் கீழ் விழுப்புரம் மாவட்டத்துக்கு 21 பேருந்துகள் வழங்கப்பட்டுள்ளன. அதில்,  12 பேருந்துகளின் இயக்கத்தை முதல்வர் தொடக்கி வைத்தார்.
மீதமுள்ள 9 புதிய பேருந்துகளின் இயக்கத்தை விழுப்புரம் புதிய பேருந்து நிலையத்தில் வெள்ளிக்கிழமை நடைபெற்ற நிகழ்ச்சியில்,  மாநில சட்டத் துறை அமைச்சர் சி.வி.சண்முகம் பங்கேற்று,  தொடக்கி வைத்தார். 
இந்த புதிய பேருந்துகள், விழுப்புரம் - திருவண்ணாமலை,  புதுச்சேரி-திருக்கோவிலூர்,  புதுச்சேரி-சேலம்,  திருக்கோவிலூர் -திருச்சி-சென்னை,  புதுச்சேரி-வானூர்-பெரும்பாக்கம்-திண்டிவனம்-சென்னை,  செஞ்சி-திருச்சி-சென்னை,  உளுந்தூர்பேட்டை-விழுப்புரம் -புதுச்சேரி,  கள்ளக்குறிச்சி-சென்னை-சேலம்,  கள்ளக்குறிச்சி-சென்னை-சேலம் ஆகிய மார்க்கங்களில் தலா ஒரு பேருந்துகள் வீதம் விழுப்புரத்திலிருந்து இயக்கி வைக்கப்பட்டன.
இந்த நிகழ்ச்சியில் மாவட்ட ஆட்சியர் இல.சுப்பிரமணியன்,  எம்பிக்கள் வெ.ஏழுமலை,  சு.ராஜேந்திரன், க.காமராஜ், சட்டப்பேரவை உறுப்பினர்கள் இரா.குமரகுரு,  எம்.சக்ரபாணி,  விழுப்புரம் அரசு போக்குவரத்துக் கழக மேலாண் இயக்குநர் கணேசன்,  முதுநிலை துணை மேலாளர் வெங்கடேசன் மற்றும் போக்குவரத்துக் கழக அலுவலர்கள்,  அதிமுகவினர் பலர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/13/விழுப்புரத்தி−ருந்து-9-புதிய-பேருந்துகள்-3019501.html
3018954 விழுப்புரம் விழுப்புரம் சாலை விபத்தில் தொழிலாளி சாவு DIN DIN Friday, October 12, 2018 10:10 AM +0530 விழுப்புரம் மாவட்டம், மரக்காணம் அருகே வியாழக்கிழமை பிற்பகல் நேரிட்ட சாலை விபத்தில் தொழிலாளி உயிரிழந்தார்.
மரக்காணம் அருகேயுள்ள செட்டிக்குப்பம் பகுதியைச் சேர்ந்தவர் அ.அக்கீம் (53). கூலித் தொழிலாளி. இவர், வியாழக்கிழமை பிற்பகல் புதுச்சேரியிலிருந்து மரக்காணத்துக்கு இரு சக்கர வாகனத்தில் சென்று கொண்டிருந்தார்.  கூணிமேடு, கம்பம் கொல்லைமேடு பிரிவு என்ற இடத்தில் சென்றபோது எதிரே வந்த காரும், இவரது இருசக்கர வாகனமும் மோதிக்கொண்டன.
இதில் பலத்த காயமடைந்த அக்கீம் நிகழ்விடத்திலேயே 
உயிரிழந்தார். தகவல் அறிந்த மரக்காணம் காவல் ஆய்வாளர் மைக்கேல் இருதயராஜ், விரைந்து சென்று அக்கீமின் சடலத்தை மீட்டு புதுச்சேரியில் உள்ள தனியார் மருத்துவமனைக்கு பிரேத பரிசோதனைக்காக அனுப்பி வைத்தார். இது தொடர்பாக மரக்காணம் போலீஸôர் வழக்குப் பதிவு செய்து விசாரிக்கின்றனர்.

]]>
http://www.dinamani.com/all-editions/edition-villupuram/villupuram/2018/oct/12/சாலை-விபத்தில்-தொழிலாளி-சாவு-3018954.html
3018953 விழுப்புரம் விழுப்புரம் லாரியிலிருந்து தவறி விழுந்து ஓட்டுநர் சாவு DIN DIN Friday, October 12, 2018 10:10 AM +0530 கள்ளக்குறிச்சி அருகே லாரி ஓட்டுநர் நிலை தடுமாறி கீழே விழுந்ததில், அவர் நிகழ்விடத்திலேயே உயிரிழந்தார்.
சென்னை மதுராவயல் பகுதியைச் சேர்ந்தவர் பாலகிருஷ்ணன் மகன் கார்த்திகேயன் (43). இவர், தனியார் லாரி தயாரிப்பு நிறுவனத்தில் பணியாற்றி வந்தார்.
இந்த நிலையில், கடந்த புதன்கிழமை சென்னையில் இருந்து நாமக்கல்லுக்கு பாகங்கள் கட்டமைக்கப்படாத லாரியை ஓட்டிச் சென்றார். வியாழக்கிழமை காலை 6 மணியளவில் தியாகதுருகம் பிரிவு சாலையில் புக்குளம் மேம்பாலத்தில் சென்றபோது, சாலையில் நாய் குறுக்கே வந்ததால் பிரேக் போட்டாராம். அப்போது, லாரியில் இருந்து ஓட்டுநர் கார்த்திகேயன் நிலை தடுமாறி கீழே விழுந்தார். இந்த விபத்தில் அவர் சம்பவ இடத்திலேயே உயிரிழந்தார்.
தகவலறிந்த தியாகதுருகம் போலீஸôர் அங்கு சென்று சடலத்தை மீட்டு, கள்ளக்குறிச்சி அரசு மருத்துவமனைக்கு அனுப்பி வைத்தனர். இதுகுறித்து அவரது மனைவி பாப்பாத்தி தியாகதுருகம் காவல் நிலையத்தில் புகார் அளித்ததன் பேரில், போலீஸôர் வழக்குப் பதிவு செய்து விசாரித்து வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/12/லாரியிலிருந்து-தவறி-விழுந்து-ஓட்டுநர்-சாவு-3018953.html
3018952 விழுப்புரம் விழுப்புரம் உலக மனநல நாள் விழிப்புணர்வு முகாம் DIN DIN Friday, October 12, 2018 10:10 AM +0530  விழுப்புரத்தில் பவ்டா தொண்டு நிறுவனம் சார்பில்,  உலக மன நல நாள் விழிப்புணர்வு நிகழ்ச்சி  வியாழக்கிழமை நடைபெற்றது.  
உலக சுகாதார நிறுவனம் அக்.10-ஆம் தேதியை உலக மன நல நாளாக அறிவித்துள்ளதையொட்டி இந்த நிகழ்ச்சி நடைபெற்றது. பவ்டா உதவிப் பொது மேலாளர் ராஜதுரை தலைமை வகித்தார்.  உதவிப் பொது மேலாளர் ராமச்சந்திரன், மேலாளர்கள் ஜானி லீ, ஆரோக்கியசாமி, சரவணன், சாமுவேல் ஆகியோர் முன்னிலை வகித்தனர். விழுப்புரம் அரசு மருத்துவமனை மனநல சிறப்பு மருத்துவர் மணிகண்டன் சிறப்பு விருந்தினராகப் பங்கேற்று பேசினார்.
சுகாதார ஆய்வாளர் நெவிஸ் ராணி, குடும்ப நல ஆலோசகர் மகேஸ்வரி, 
விஜயலட்சுமி, கலா உள்ளிட்டோர் நிகழ்ச்சியை ஒருங்கிணைத்தனர். முகாமில்,  சுய உதவிக்குழு பெண்கள், தொண்டு நிறுவன ஊழியர்கள் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/12/உலக-மனநல-நாள்-விழிப்புணர்வு-முகாம்-3018952.html
3018951 விழுப்புரம் விழுப்புரம் தேர்தல் அலுவலரை கண்டித்து பாமகவினர் ஆர்ப்பாட்டம் DIN DIN Friday, October 12, 2018 10:09 AM +0530 கள்ளக்குறிச்சி கூட்டுறவுச் சர்க்கரை ஆலை சங்கத் தேர்தலை முறைகேடாக நடத்தியதாக தேர்தல் அலுவலரைக் கண்டித்து பாமகவினர் வியாழக்கிழமை ஆர்ப்பாட்டத்தில் ஈடுபட்டனர்.
கள்ளக்குறிச்சியை அடுத்த கச்சிராயப்பாளையம் கூட்டுறவு சர்க்கரைஆலை நிர்வாகக் குழு இயக்குநர்கள் பதவிக்கான தேர்தலுக்கு கடந்த ஞாயிற்றுக்கிழமை மனு தாக்கல் செய்தனர்.
அப்போது, தேர்தல் அலுவலர் சிலரிடம் பணம் பெற்றுக் கொண்டு பாமகவைச் சேர்ந்த வேட்பாளர்களின் மனுக்களை தள்ளுபடி செய்து விட்டதாகக் கூறப்படுகிறது. இதனால், அவரை  பணி நீக்கம் செய்யக் கோரி, ஆலை எதிரே வியாழக்கிழமை ஆர்ப்பாட்டம் நடத்தப்படும் என அறிவித்திருந்தனர். அதற்கு போலீஸôர் அனுமதி மறுத்துவிட்ட நிலையில், திட்டமிட்டபடி, வியாழக்கிழமை ஆலையின் எதிரே மாநில பாமக துணைப் பொதுச் செயலர் இரா.ரமேஷ், மாவட்ட செயலர் கோ.சரவணன் தலைமையில் பாமகவினர் ஆர்ப்பாட்டத்தில் ஈடுபட்டனர். 
இதையடுத்து, 95 பேர் கைது செய்யப்பட்டு, தனியார் மண்டபத்தில் தங்க வைக்கப்பட்டனர். பின்னர், மலையில் அவர்கள் விடுவிக்கப்பட்டனர்.

]]>
http://www.dinamani.com/all-editions/edition-villupuram/villupuram/2018/oct/12/தேர்தல்-அலுவலரை-கண்டித்து-பாமகவினர்-ஆர்ப்பாட்டம்-3018951.html
3018950 விழுப்புரம் விழுப்புரம் அரசு மருத்துவமனையில் மருத்துவ வசதியை ஏற்படுத்த வி.சி.க. கோரிக்கை DIN DIN Friday, October 12, 2018 10:09 AM +0530 திருக்கோவிலூர் அரசு மருத்துவமனையில் அனைத்து வசதிகளுடன் கூடிய நவீன மருத்துவ வசதியை ஏற்படுத்த வேண்டும் என விடுதலைச் சிறுத்தைகள் கட்சி கோரிக்கை விடுத்தது. 
 திருக்கோவிலூர் தனியார் மண்டபத்தில் அந்தக் கட்சியின் நகர, ஒன்றிய நிர்வாகிகள் ஆலோசனைக் கூட்டம் வியாழக்கிழமை நடைபெற்றது. கூட்டத்துக்கு கட்சியின் ஒன்றியச் செயலர் சி.சிவா தலைமை வகித்தார். தொகுதிச் செயலர் வீர.விடுதலைச்செல்வன் முன்னிலை வகித்தார். நகரச் செயலர் சௌ.சத்தியதாஸ் வரவேற்றார்.
கூட்டத்தில் மாநிலத் கொள்கை பரப்பு துணைச் செயலர் ப.தமிழ்நிலவன், மாவட்டத் துணைச் செயலர் சேந்தநாடு அறிவுக்கரசு, தொண்டரணியின் மாவட்டத் துணை அமைப்பாளர் சண்முக.வெற்றிவேல்,  மகளிரணி மாவட்டச் செயலர் சே.அழகம்மாள் ஆகியோர் கட்சியின் இன்றைய நிலைபாடுகள், எதிர்கால செயல்பாடுகள் குறித்துப் பேசினர்.
எதிர்வரும் நாடாளுமன்றத் தேர்தலுக்கான பணிகள், வருகிற டிசம்பர் 10-ஆம் தேதி திருச்சியில் நடைபெறும் தேசம் காப்போம் மாநாடு குறித்து ஆலோசிக்கப்பட்டன. 
திருக்கோவிலூரை அடுத்த எல்ராம்பட்டு கிராமத்தில் உள்ள பல ஏக்கர் பஞ்சமி நிலங்களை மீட்டு, நிலமற்ற தலித் மக்களுக்கு வழங்க வேண்டும். திருக்கோவிலூர் அரசு மருத்துவமனையில் அனைத்து வசதிகளுடன் கூடிய நவீன மருத்துவ வசதியை ஏற்படுத்த வேண்டும் என்பன உள்ளிட்ட பல்வேறு தீர்மானங்கள்நிறைவேற்றப்பட்டன. 
கட்சியின் ஒன்றியத் துணைச் செயலர் க.ரவி, நகரப் பொருளாளர் கார்த்தி உள்பட பலர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/oct/12/அரசு-மருத்துவமனையில்-மருத்துவ-வசதியை-ஏற்படுத்த-விசிக-கோரிக்கை-3018950.html
3018945 விழுப்புரம் விழுப்புரம் உலக பெண் குழந்தைகள் தினம் DIN DIN Friday, October 12, 2018 10:08 AM +0530 கல்வராயன்மலையில் உள்ள தரிசுக்காடு கஸ்தூர்பா காந்தி பாலிகா வித்யாலயா பள்ளியில் உலக பெண் குழந்தைகள் தின விழா வியாழக்கிழமை கொண்டாடப்பட்டது.
விழாவுக்கு ஆமினா அறக்கட்டளை கூடுதல் செயலர் மு.இதாயத்துல்லா தலைமை வகித்தார். பள்ளித் தலைமை ஆசிரியர் சரசு வரவேற்றார். விழாவில் அனைவருக்கும் கல்வி இயக்கத் திட்ட ஒன்றியப் பொறியாளர் செந்தில், பொதுப் பணித் துறை ஒப்பந்ததாரர் இத்ரிஸ், தனியார் நிறுவன ஒப்பந்ததாரர் லட்சுமி ஆகியோர் கலந்து கொண்டு பேசினர்.
உலக பெண் குழந்தைகள் தினம் குறித்து நடத்தப்பட்ட பேச்சு, கட்டுரைப் போட்டிகளில் வெற்றி பெற்ற மாணவிகளைப் பாராட்டி பரிசு வழங்கப்பட்டன.
விழாவுக்கான ஏற்பாடுகளைப் பள்ளி ஆசிரியைகள் ஜெயக்கொடி, சரிதா, துர்கா, வேம்பரசி ஆகியோர் செய்திருந்தனர்.
செஞ்சியில்...
இதேபோல, செஞ்சி அருகே கல்யாணம்பூண்டி அரசுப் பள்ளியில் உலக பெண் குழந்தைகள் தினம் வியாழக்கிழமை கொண்டாடப்பட்டது.
விக்கிரவாண்டி நுகர்வோர் கண்காணிப்புக் குழு உறுப்பினர் அ.ஜேசுஜூலியஸ்ராஜா தலைமை வகித்தார். பள்ளி தலைமை ஆசிரியர் சீனுவாசன் முன்னிலை வகித்தார். பெண் குழந்தைகள் பாதுகாப்பு குறித்து ஆசிரியர்கள் சிறப்புரையாற்றினர்.
பள்ளியில் படிக்கும் பெண் குழந்தைகளுக்கு நோட்டு புத்தகங்கள் வழங்கப்பட்டன.  
நிகழ்ச்சியில் பள்ளி ஆசிரியர்கள் ராஜன், ராதா, மகாலட்சுமி, தீபா, சுசிலா, ராமநாதன், காயத்ரி, நாகராஜன், தேவி உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/oct/12/உலக-பெண்-குழந்தைகள்-தினம்-3018945.html
3018943 விழுப்புரம் விழுப்புரம் அக். 17-இல் பொதுக்கூட்டம்: முதல்வர் எடப்பாடி பழனிசாமி பங்கேற்பு DIN DIN Friday, October 12, 2018 10:07 AM +0530 உளுந்தூர்பேட்டையில் அக்டோபர் 17-ஆம் தேதி நடைபெற உள்ள அதிமுகவின் 47-ஆவது ஆண்டு தொடக்க விழா பொதுக் கூட்டத்தில் தமிழக முதல்வர் எடப்பாடி பழனிசாமி பங்கேற்றுப் பேசுகிறார்.
உளுந்தூர்பேட்டை திருச்சி - சேலம் சந்திப்பு மேம்பாலம் அருகே அம்பிகாபதி கார்டன் பகுதியில் இந்தப் பொதுக் கூட்டம் நடைபெற உள்ளது.
பொதுக்கூட்டம் நடைபெற உள்ள இடத்தை கட்சியின் விழுப்புரம் தெற்கு மாவட்ட செயலர் இரா.குமரகுரு எம்எல்ஏ புதன்கிழமை மாலை கட்சியினருடன் சென்று பார்வையிட்டு, ஆய்வு செய்தார். அப்போது,  உளுந்தூர்பேட்டை டி.எஸ்.பி.  பி.ராஜேந்திரன்,  ஒன்றிய அதிமுக செயலர்கள் ஜி.மணிராஜ், ஏ.ஆர்.செண்பகவேல், இரா.ஏகாம்பரம், நகரச் செயலர் எஸ்.துரை, மாநிலப் பொதுக் குழு உறுப்பினர் வளர்மதி பாண்டியராஜ் உள்ளிட்ட பலர் உடனிருந்தனர்.

]]>
http://www.dinamani.com/all-editions/edition-villupuram/villupuram/2018/oct/12/அக்-17-இல்-பொதுக்கூட்டம்-முதல்வர்-எடப்பாடி-பழனிசாமி-பங்கேற்பு-3018943.html
3018939 விழுப்புரம் விழுப்புரம் சுற்றுச்சூழலை பாதிக்காத நுண்ணுயிர் உரக் கிடங்கு DIN DIN Friday, October 12, 2018 10:07 AM +0530 விழுப்புரத்தில் ஒரே இடத்தில் குப்பைகளைத் தேக்கி வைக்கும் நடைமுறையை மாற்றி, சுற்றுச்சூழல் பாதிக்காத வகையில் நுண்ணுயிர் உரக் கிடங்கு அமைக்கும் திட்டப் பணிகளுக்கு மக்கள் ஒத்துழைக்க வேண்டும் என்று நகராட்சி ஆணையர் கேட்டுக் கொண்டார்.
விழுப்புரம் நாயக்கன் தோப்பில் நகராட்சி நுண்ணுயிர் உரக் கிடங்கு அமைப்பதற்கு மக்கள் எதிர்ப்புத் தெரிவித்ததால், அது குறித்து பொதுமக்களுக்கு எடுத்துரைப்பதற்கான அமைதிக் கூட்டம்  வியாழக்கிழமை நடைபெற்றது.
விழுப்புரம் வட்டாட்சியர் அலுவலகத்தில் நடைபெற்ற  கூட்டத்துக்கு வட்டாட்சியர் சையத்
மெஹமுத் தலைமை வகித்தார்.  
காவல் ஆய்வாளர் காமராஜ்,  உதவி ஆய்வாளர் மருது,  துணை வட்டாட்சியர் வெங்கட்ராமன்,  வருவாய் ஆய்வாளர் வேங்கடபதி ஆகியோர் முன்னிலை வகித்தனர். 
நாயக்கன்தோப்பு பகுதியில் 5 ஆயிரம் மக்கள் வசிக்கும் குடியிருப்பு பகுதி என்பதால்,  அங்கு உரக் கிடங்கு அமைவதால் சுற்றுச்சூழல் பாதிக்கப்படும்,  மாற்று இடத்தில் அமைக்க வேண்டும் என அப்பகுதி மக்கள் கருத்து தெரிவித்தனர்.  
இதைத் தொடர்ந்து நகராட்சி ஆணையர் லட்சுமி பேசியதாவது: 
விழுப்புரம் நகரில் 1.50 லட்சம் மக்கள் வசிக்கின்றனர்.  தினசரி 67 டன் குப்பைகள் சேகரமாகிறது. குப்பைகள் புறநகரில் உள்ள ஒரே இடத்தில் 50 ஆண்டுகளாக குவித்து வருகிறோம். அங்கு தற்போது இடவசதி இல்லாத நிலை ஏற்பட்டுள்ளது.
இதனால்,  குப்பைகளை தேக்கி வைக்கும் நடைமுறையை கைவிட்டு,  அந்தந்த வார்டு பகுதியில் நுண்ணுயிர் உரக் கிடங்கு அமைத்து,  குப்பைகளை சேகரித்து, உரமாக்கி வெளியேற்றும் முறையை தமிழக அரசு மாநிலம் முழுவதும் செயல்படுத்தி வருகிறது.
விழுப்புரத்திலும் 9 இடங்களில் நுண்ணுயிர் உரக் கிடங்கு அமைக்கப்படுகிறது.  
4 வார்டுகளுக்கு ஒரு இடத்தில் இந்த உரக் கிடங்கு அமைத்து குப்பைகளை சேகரித்து,  அதில் பிளாஸ்டிக் அல்லாத குப்பைகளை அரைத்து வெளியூர்களுக்கு உரமாக விற்கப்படும். தனியார் சிமென்ட் நிறுவனம் உரங்களை வாங்க ஒப்பந்தம் செய்துள்ளனர்.  
 இந்த நுண்ணுயிர் உரக் கிடங்கில் குப்பைகளை தேக்கி வைப்பதோ,  எரிப்பதோ நடைபெறாது. சுற்றுச்சூழலுக்கு பாதிப்பும் ஏற்படாது என்பது அறிவியல் பூர்வமாக நிரூபிக்கப்பட்டுள்ளது.
 விழுப்புரத்தில் 7 இடங்களில் இந்த உரக் கிடங்கு அமைக்கப்படுகிறது.  அதில் 2 இடங்களில் பணிகள் தொடங்கி நடைபெறுகின்றன.
இங்குள்ள குப்பையை மாற்று இடத்துக்கு கொண்டு போனால் போக்குவரத்து செலவு ஏற்படும். அப்பகுதி மக்கள் எதிர்ப்புத் 
தெரிவிப்பர்.  
அதனால்,  4 வார்டுகளுக்கு ஒரு இடத்தில் உரக் கிடங்கு அமைத்து குப்பையை உரமாக்குகிறோம்.  இதன் நன்மையை அறிந்து பொது மக்கள் ஒத்துழைக்க வேண்டும் என்றார்.  
இதனையடுத்து,  நுண்ணுயிர் உரக் கிடங்கின் பயன்கள்,  பாதிப்பின்மை,  பிற இடங்களில் அதன் செயல்பாடுகள் குறித்து குறும் படங்கள் மூலம் விளக்கப்
பட்டது.

]]>
http://www.dinamani.com/all-editions/edition-villupuram/villupuram/2018/oct/12/சுற்றுச்சூழலை-பாதிக்காத-நுண்ணுயிர்-உரக்-கிடங்கு-3018939.html
3018877 விழுப்புரம் விழுப்புரம் ரயில் நிலையத்தில் எம்.எல்.ஏ., எம்.பி.க்கள் ஆய்வு DIN DIN Friday, October 12, 2018 09:45 AM +0530 உளுந்தூர்பேட்டை ரயில் நிலையத்தில் எம்எல்ஏ, எம்பிக்கள் புதன்கிழமை பார்வையிட்டு ஆய்வு செய்தனர்.
உளுந்தூர்பேட்டை ரயில் நிலையத்திலிருந்து கள்ளக்குறிச்சி வழியாக சின்னசேலம் ரயில் நிலையத்தை இணைப்பதற்கு பாதை அமைப்பதற்கான இடத்தை அவர்கள் பார்வையிட்டு ஆய்வு செய்தனர்.
ஆய்வின்போது, விழுப்புரம் தெற்கு மாவட்ட அதிமுக செயலர் இரா.குமரகுரு எம்எல்ஏ, நாடாளுமன்ற உறுப்பினர்கள் எஸ்.ராஜேந்திரன் (விழுப்புரம்), காமராஜ் (கள்ளக்குறிச்சி), தென்னக ரயில்வே துறை தலைமைப் பொறியாளர் சங்கரநாராயணன், முதன்மை ரயில்வே போக்குவரத்து அலுவலர் விஜய்பிரசாத் உள்பட ரயில்வே துறை ஊழியர்கள் கலந்து கொண்டனர்.
அப்போது, தென் மாவட்டங்களுக்குச் செல்லும் விரைவு ரயில் ஒன்றை உளுந்தூர்பேட்டையில் நின்று செல்லுமாறு வலியுறுத்தும் மனு அளிக்கப்பட்டது.

]]>
http://www.dinamani.com/all-editions/edition-villupuram/villupuram/2018/oct/12/ரயில்-நிலையத்தில்-எம்எல்ஏ-எம்பிக்கள்-ஆய்வு-3018877.html
3018876 விழுப்புரம் விழுப்புரம் விழுப்புரத்தில் இன்று வேலைவாய்ப்பு முகாம் DIN DIN Friday, October 12, 2018 09:44 AM +0530  விழுப்புரம் மாவட்ட வேலைவாய்ப்பு அலுவலத்தில் தனியார் துறை வேலைவாய்ப்பு முகாம் வெள்ளிக்கிழமை நடைபெறுகிறது.
இது குறித்து மாவட்ட ஆட்சியரகம் வெளியிட்ட செய்திக்குறிப்பு: விழுப்புரம் மாவட்ட வேலைவாய்ப்பு அலுவலகத்தில், ஒவ்வொரு வெள்ளிக்கிழமையும் தனியார் துறை வேலைவாய்ப்பு முகாம் நடத்தப்பட்டு வருகிறது. இதன்படி, வெள்ளிக்கிழமை (அக்.12) மாவட்ட வேலைவாய்ப்பு அலுவலகத்தில் காலை 10 மணி முதல் மதியம் 2 மணி வரை தனியார் வேலைவாய்ப்பு முகாம் நடைபெறுகிறது. இந்த முகாமில் பங்கேற்க விரும்பும் படித்த, வேலைவாய்ப்பற்ற இளைஞர்கள் தங்களது கல்விச் சான்றிதழ், சுயக்குறிப்புகளுடன் கலந்து கொள்ளலாம். பத்தாம் வகுப்பு, பிளஸ் 2, தொழில்கல்வி (ஐடிஐ), தொழில்நுடப் கல்வி (டிப்ளமோ) மற்றும் பட்டப்படிப்பு முடித்த இளைஞர்களும் இந்த முகாமில் பங்கேற்கலாம்.

]]>
http://www.dinamani.com/all-editions/edition-villupuram/villupuram/2018/oct/12/விழுப்புரத்தில்-இன்று-வேலைவாய்ப்பு-முகாம்-3018876.html
3018874 விழுப்புரம் விழுப்புரம் சாலை விபத்துகளில் உயிரிழப்பு பாதியாகக் குறைந்துள்ளது: டிஎஸ்பி DIN DIN Friday, October 12, 2018 09:40 AM +0530 விழுப்புரம் காவல் உள்கோட்டத்தில் கடந்த ஆண்டைக் காட்டிலும் நிகழாண்டில் விபத்துகளில் உயிரிழப்போரின் எண்ணிக்கை பாதியாகக் குறைந்துள்ளது என்று விழுப்புரம் டிஎஸ்பி சங்கர் கூறினார்.
விழுப்புரம், கீழ்ப்பெரும்பாக்கத்தில் அரசுக் கலைக் கல்லூரி அருகே, "உயிர்' என்ற சாலைப் பாதுகாப்பு விழிப்புணர்வு இயக்க அலுவலகம் திறப்பு விழா வியாழக்கிழமை நடைபெற்றது. சிறப்பு அழைப்பாளராக விழுப்புரம் டிஎஸ்பி சங்கர் கலந்துகொண்டு, அலுவலகத்தை திறந்து வைத்துப் பேசியதாவது: 
விழுப்புரம் மாவட்டத்தில் விபத்துக்கள், விபத்து உயிரிழப்புகள் அதிகளவில் இருந்தன. தொடர்ந்து, விபத்துகளைக் குறைக்க காவல் துறை பல்வேறு நடவடிக்கைகளை மேற்கொண்டது. இதில், விழுப்புரம் காவல் உள்கோட்டத்துக்கு உள்பட்ட விழுப்புரம், விக்கிரவாண்டி, கண்டமங்கலம், வளவனூர் போன்ற பகுதிகளில் விபத்து தடுப்பு நடடிக்கைகள் மேற்கொள்ளப்பட்டன. 
அதேபோல, பொதுமக்கள், வாகன ஓட்டிகளுக்கு துண்டுப் பிரசுரங்கள், தெரு நாடகம், பேரணி மூலமாக விபத்து தடுப்பு விழிப்புணர்வு ஏற்பட்டத்தப்பட்டது. இதன் பலனாக பொதுமக்கள், வாகன ஓட்டிகளிடம் நல்ல முன்னேற்றம் ஏற்பட்டுள்ளது. விழுப்புரம் உள்கோட்டத்தில், கடந்த 1.1.2017 முதல் 11.10.2017 வரை விபத்து உயிரிழப்புகள் எண்ணிக்கை 129}ஆக இருந்த நிலையில், 2018}ஆம் ஆண்டில் 64}ஆக குறைந்துள்ளது. 
"உயிர்' போன்ற தன்னார்வ தொண்டு நிறுவனங்கள் சாலைப் பாதுகாப்பு, விபத்துத் தடுப்பு தொடர்பாக காவல் துறைக்கு மிகுந்த உதவிகளை செய்துள்ளன. இதில், போக்குவரத்து காவல் துறையும் குறிப்பிடத்தக்க நடவடிக்கைகளை எடுத்துள்ளது. 
வரும் காலங்களில் மேலும் விபத்துகளை குறைக்கவும், உயிரிழப்புகளைக் தடுக்கவும் உயிர் அமைப்பு சார்பில் பொதுமக்களுக்கு விழிப்புணர்வு ஏற்படுத்தும் வகையில்,  விழிப்புணர்வு குறும்படங்களுக்கான 5 திரைகள், வாகனங்கள் வாங்கப்பட உள்ளன. விபத்தில் சிக்கியவர்களை விரைவாக மருத்துவமனைக்கு கொண்டு செல்ல இலவச அவசர ஊர்தியும் வாங்கப்பட உள்ளதாகக் கூறியுள்ளனர். இதற்காக வாழ்த்துகளை தெரிவித்துக்கொள்கிறேன் என்றார் அவர். 
இந்த நிகழ்ச்சியில் விழுப்புரம் வட்டாரப் போக்குவரத்து ஆய்வாளர் சிவக்குமார், உயிர் அமைப்பு நிறுவனர் வெள்ளையன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/oct/12/சாலை-விபத்துகளில்-உயிரிழப்பு-பாதியாகக்-குறைந்துள்ளது-டிஎஸ்பி-3018874.html
3018873 விழுப்புரம் விழுப்புரம் ஸ்ரீசாரதா ஆஸ்ரமத்தில் நவராத்திரி கொலு DIN DIN Friday, October 12, 2018 09:40 AM +0530 உளுந்தூர்பேட்டை ஸ்ரீசாரதா ஆஸ்ரமத்தில் 2}ஆம் நாள் கொலு கண்காட்சி வியாழக்கிழமை நடைபெற்றது.
விழாவில் ஆஸ்ரம சகோதரி யத்தீஸ்வரி நித்ய விவேகப்ரியா அம்பா கலந்து கொண்டு அறிமுக உரையாற்றி வரவேற்றார். ஐ.ஏ.எஸ். 
அதிகாரி ஆர்.ஜெயா கலந்து கொண்டு சிறப்புரையாற்றினார். விழாவில் சாரதா மெட்ரிக் மேல்நிலைப் பள்ளித் தாளாளர் ஆத்ம 
விகாஸப்ரியா அம்பா கலந்து கொண்டு ஆசியுரை  வழங்கினார். 
விழாவில் பள்ளி, கல்லூரி மாணவ, மாணவிகள், சந்நியாச சகோதரிகள் உள்பட பலர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/oct/12/ஸ்ரீசாரதா-ஆஸ்ரமத்தில்-நவராத்திரி-கொலு-3018873.html
3018276 விழுப்புரம் விழுப்புரம் ஓய்வூதியர் கூட்டமைப்பினர் ஆர்ப்பாட்டம் DIN DIN Thursday, October 11, 2018 09:45 AM +0530 ஊதிய உயர்வு நிலுவையை வழங்க வேண்டும என்பது உள்ளிட்ட பல்வேறு கோரிக்கைகளை வலியுறுத்தி, விழுப்புரத்தில் தமிழ்நாடு அனைத்து ஓய்வூதியர் சங்கங்களின் கூட்டமைப்பினர் புதன்கிழமை ஆர்ப்பாட்டத்தில் ஈடுபட்டனர்.
 பெருந்திட்ட வளாகம் எதிரே நடைபெற்ற ஆர்ப்பாட்டத்துக்கு மாவட்டத் துணைத் தலைவர் கலியமூர்த்தி தலைமை வகித்தார். மாவட்டத் துணைத் தலைவர்கள் தியகாராஜன், சின்ராசு, அண்ணாமலை, மாவட்ட இணைச் செயலாளர்கள் சோமசுந்தரம், பொன்னுசாமி, சிவலிங்கம், சேசையன், கேசவன் ஆகியோர் முன்னிலை வகித்தனர். மாவட்டச் செயலாளர் ஐயாக்கண்ணு வரவேற்றார். 
 சி.ஐ.டி.யு. முத்துக்குமரன், தமிழ்நாடு அரசுப் போக்குவரத்துக் கழக ஓய்வூதியர் நல அமைப்பு மாநிலத் துணைத் தலைவர் சகாதேவன், ஓய்வு பெற்ற சங்கங்களின் நிர்வாகிகள் பக்கிரிசாமி, மகேந்திரன், புருஷோத்தமன் மற்றும் ரத்தினம் ஆகியோர் கலந்து கொண்டு வாழ்த்துரை வழங்கினர்.
 ஓய்வூதியத்தை வருமான வரி சட்டத்தின் கீழ் இணைக்கக் கூடாது, 21 மாத ஊதிய உயர்வு நிலுவைத் தொகையை வழங்க வேண்டும், புதிய ஓய்வூதியத் திட்டத்தைக் கைவிட்டு, பழைய ஓய்வூதியத்தை அமல்படுத்த வேண்டும், புதிய மருத்துவ காப்பீடு திட்டத்தை மின்வாரியம், போக்குவரத்து, சென்னை குடிநீர் துறைகளுக்கும் விரிவுபடுத்த வேண்டும் என்பன உள்ளிட்ட கோரிக்கைகளை வலியுறுத்தினர். 
 இதில், மாவட்டத்தின் பல்வேறு பகுதிகளில் இருந்து ஏராளான ஓய்வூதியர்கள் கலந்து கொண்டனர். மாவட்டப் பொருளாளர் கமலா நன்றி கூறினார்.
 

]]>
http://www.dinamani.com/all-editions/edition-villupuram/villupuram/2018/oct/11/ஓய்வூதியர்-கூட்டமைப்பினர்-ஆர்ப்பாட்டம்-3018276.html
3018275 விழுப்புரம் விழுப்புரம் விபத்தில் காயமடைந்த மாணவர் பள்ளியில் மயங்கி விழுந்து  சாவு DIN DIN Thursday, October 11, 2018 09:45 AM +0530 கள்ளக்குறிச்சி அருகே டிராக்டரிலிருந்து தவறி விழுந்து காயமடைந்த மாணவர், பள்ளியில் மயங்கி விழுந்து உயிரிழந்தார்.
விழுப்புரம் மாவட்டம், திருக்கோவிலூர் அருகே உள்ள சோழாவாண்டிபுரத்தைச் சேர்ந்த சங்கரன் மகன் கபிலன்(10). இவர், கள்ளக்குறிச்சி அருகே சேராப்பட்டில் உள்ள தனியார் உயர்நிலைப் பள்ளியில் 5-ஆம் வகுப்பு படித்து வந்தார். விடுதியில் தங்கியிருந்த கபிலன், புதன்கிழமை காலை விடுதியில் இருந்து அருகில் உள்ள கிணற்றுக்கு குளிக்க சென்றார். வழியில், டிராக்டர் ஒன்று வந்தது. அதில் கபிலன் ஏற முயன்றார். 
அப்போது, தவறி விழுந்ததில், கபிலனுக்கு தலையிலும், முதுகிலும் லேசாக காயமடைந்தார். ஆனால், ரத்தம் வராததால், கபிலன் பள்ளிக்கு புறப்பட்டுச் சென்றார். 
பள்ளிக்கு சென்ற பிறகு மயக்கமாக இருப்பதாகக் கூறிய, கபிலன் திடீரென மயங்கி விழுந்தார்.
  இதையடுத்து, அவரை ஆசிரியர்கள் மீட்டு, அருகிலுள்ள சங்கராபுரம் அரசு மருத்துவமனைக்கு கொண்டு சென்றனர். அங்கு பரிசோதித்த மருத்துவர்கள் கபிலன் ஏற்கெனவே இறந்துவிட்டதாகக் தெரிவித்தனர். இது குறித்து கரியாலூர் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/oct/11/விபத்தில்-காயமடைந்த-மாணவர்-பள்ளியில்-மயங்கி-விழுந்து--சாவு-3018275.html
3018274 விழுப்புரம் விழுப்புரம் தொடர் நகை திருட்டில் ஈடுபட்டவர் கைது DIN DIN Thursday, October 11, 2018 09:44 AM +0530 விழுப்புரம், கடலூர் மாவட்டங்களில், தொடர் நகை திருட்டில் ஈடுபட்டவரை போலீஸார் புதன்கிழமை கைதுசெய்தனர். அவரிடம் நடத்திய விசாரணையில், திருட்டு நகைகளை விற்று, ஏழை மாணவர்களுக்கு கல்விக் கட்டணம் செலுத்தியது தெரியவந்தது.
பண்ருட்டி நகரில் கடந்த ஓராண்டாக பெண்கள், குழந்தைகளிடம் தொடர்ந்து நகைகள் திருடப்பட்டு வந்தது. இதுகுறித்த புகாரின் பேரில் போலீஸார் விசாரித்து வந்தனர். இந்த நிலையில், பண்ருட்டி காவல் ஆய்வாளர் ஏ.ஆரோக்கியராஜ் புதன்கிழமை மாலை பண்ருட்டி ஊராட்சி ஒன்றிய அலுவலகம் அருகே வாகனத் தணிக்கையில் ஈடுபட்டார். 
அப்போது, அந்த வழியாக கையில் பையுடன் வந்த சந்தேகத்துக்குரிய நபரை பிடித்து விசாரித்துள்ளார். அப்போது, அந்த நபர் முன்னுக்குப் பின் முரணாகப் பேசியதால் அவரை சோதனையிட்டதில் தங்க நகைகள் வைத்திருந்தது தெரிய வந்ததாம்.
இதையடுத்து, அந்த நபரை காவல் நிலையத்துக்கு அழைத்துச் சென்று விசாரணை நடத்தியதில், தஞ்சாவூர் மாவட்டம், ஒரத்தநாடு, அரசப்பட்டு அஞ்சல், மேலத்தெருவைச் சேர்ந்த விக்னேஷ் கண்ணா (38) என்பது தெரியவந்தது. இவர் 25.12.2017 அன்று பண்ருட்டி காமராஜ் நகரில் தையல்நாயகி (57) என்பவரை ஏமாற்றி 3 பவுன் தங்க நகை திருடியதையும், 4.2.2018 அன்று கடலூர் சாலையில் உள்ள திருமண மண்டபத்தில் குழந்தையிடம் மூன்றரை பவுன் தங்க நகை திருடியதையும், 6.2.2018 அன்று கடலூரிலிருந்து விழுப்புரம் சென்ற பேருந்தில், விழுப்புரம் மாவட்டம், தொடர்ந்தனூரைச் சேர்ந்த சுபாஷினி என்பவரிடம் 5 பவுன் நகை திருடியதையும், 8.3.2018 அன்று பண்ருட்டி லட்சுமிபதி நகரில் அந்தோணிசாமி என்பவரிடம் 4 பவுன் நகை திருடியதையும் ஒப்புக்கொண்டாராம். மேலும், பண்ருட்டியில் பல்வேறு நூதன திருட்டு சம்பவங்களில் ஈடுபட்டதையும் ஒப்புக்கொண்டாராம். இதையடுத்து விக்னேஷ் கண்ணாவை கைது செய்த போலீஸார், அவரிடமிருந்து 15 பவுன் நகைகளை பறிமுதல் செய்தனர். 
ஏழை மாணவர்களுக்கு உதவி: மேலும், அவரிடம் நடத்திய விசாரணையில், திருட்டு நகைகளை விற்று படாளம், அச்சரப்பாக்கம் உள்ளிட்டப் பகுதிகளில் பள்ளியில் படிக்கும்  ஏழை மாணவர்களுக்கு 
கல்விக் கட்டணம் செலுத்தியதும், ஏழைகள், உறவற்றவர்களுக்கு உணவு வழங்கியதும் தெரியவந்ததாம்.

]]>
http://www.dinamani.com/all-editions/edition-villupuram/villupuram/2018/oct/11/தொடர்-நகை-திருட்டில்-ஈடுபட்டவர்-கைது-3018274.html
3018273 விழுப்புரம் விழுப்புரம் பாஜக வாக்குச்சாவடி முகவர்களுக்கான பயிற்சி முகாம் DIN DIN Thursday, October 11, 2018 09:43 AM +0530 திண்டிவனம் சட்டப்பேரவைத் தொகுதி பாஜக வாக்குச்சாவடி நிலை முகவர்களுக்கான பயிற்சி முகாம் திண்டிவனத்தில் புதன்கிழமை நடைபெற்றது.
சட்டப்பேரவை தொகுதி அமைப்பாளர் ப.வே.தருமலிங்கம்  தலைமை வகித்தார். தொகுதி பொருளர் பி.கோதண்டபாணி  வரவேற்றார். மாநில கல்வி அணி செயலர் கே.தேவராஜ், மாவட்ட பொருளர் ப.வினோத்குமார்  முன்னிலை வகித்தனர். மாநில துணைத் தலைவர் நயினார்.நாகேந்திரன், மாநில நெசவாளர் பிரிவுத் தலைவர் பாலமுருகன் ஆகியோர்சிறப்புரையாற்றினர்.
முகாமில் மாவட்ட விவசாய அணித் தலைவர் வி.புருஷோத்தமன், நகர பொதுச் செயலர் எஸ்.முரளிதரன், மாவட்டச் செயலர் செல்வி, மாவட்ட துணைத் தலைவர் என்.மோகன், மாநில செயற்குழு உறுப்பினர் ராஜசிம்மன் உள்ளிட்டோர் கலந்து கொண்டனர். நகரத் தலைவர் ச.மணிமாறன் நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/11/பாஜக-வாக்குச்சாவடி-முகவர்களுக்கான-பயிற்சி-முகாம்-3018273.html
3018272 விழுப்புரம் விழுப்புரம் விபத்தில் காயமடைந்த மாணவர் பள்ளியில் மயங்கி விழுந்து  சாவு DIN DIN Thursday, October 11, 2018 09:43 AM +0530 கள்ளக்குறிச்சி அருகே டிராக்டரிலிருந்து தவறி விழுந்து காயமடைந்த மாணவர், பள்ளியில் மயங்கி விழுந்து உயிரிழந்தார்.
விழுப்புரம் மாவட்டம், திருக்கோவிலூர் அருகே உள்ள சோழாவாண்டிபுரத்தைச் சேர்ந்த சங்கரன் மகன் கபிலன்(10). இவர், கள்ளக்குறிச்சி அருகே சேராப்பட்டில் உள்ள தனியார் உயர்நிலைப் பள்ளியில் 5-ஆம் வகுப்பு படித்து வந்தார். விடுதியில் தங்கியிருந்த கபிலன், புதன்கிழமை காலை விடுதியில் இருந்து அருகில் உள்ள கிணற்றுக்கு குளிக்க சென்றார். வழியில், டிராக்டர் ஒன்று வந்தது. அதில் கபிலன் ஏற முயன்றார். 
அப்போது, தவறி விழுந்ததில், கபிலனுக்கு தலையிலும், முதுகிலும் லேசாக காயமடைந்தார். ஆனால், ரத்தம் வராததால், கபிலன் பள்ளிக்கு புறப்பட்டுச் சென்றார். 
பள்ளிக்கு சென்ற பிறகு மயக்கமாக இருப்பதாகக் கூறிய, கபிலன் திடீரென மயங்கி விழுந்தார்.
  இதையடுத்து, அவரை ஆசிரியர்கள் மீட்டு, அருகிலுள்ள சங்கராபுரம் அரசு மருத்துவமனைக்கு கொண்டு சென்றனர். அங்கு பரிசோதித்த மருத்துவர்கள் கபிலன் ஏற்கெனவே இறந்துவிட்டதாகக் தெரிவித்தனர். இது குறித்து கரியாலூர் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/oct/11/விபத்தில்-காயமடைந்த-மாணவர்-பள்ளியில்-மயங்கி-விழுந்து--சாவு-3018272.html
3018271 விழுப்புரம் விழுப்புரம் எலவனாசூர்கோட்டையில் பள்ளி மாணவியர் விடுதி: முதல்வர் காணொலி மூலம் திறந்துவைப்பு DIN DIN Thursday, October 11, 2018 09:43 AM +0530 உளுந்தூர்பேட்டை அருகே எலவனாசூர்கோட்டையில் அரசு ஆதிதிராவிட நலத் துறை சார்பில் ரூ.1.20 கோடி மதிப்பில் புதிதாக கட்டி முடிக்கப்பட்ட அரசு மகளிர் மேல்நிலைப்பள்ளி மாணவியர் விடுதி புதன்கிழமை திறந்து வைக்கப்பட்டது. இந்த விடுதியை தமிழக முதல்வர் எடப்பாடி கே.பழனிசாமி சென்னையிலிருந்து காணொலி காட்சி மூலம் திறந்துவைத்தார்.
இதனைத் தொடர்ந்து, மாணவியர் விடுதியில் நடைபெற்ற நிகழ்ச்சியில் உளுந்தூர்பேட்டை தொகுதி சட்டப்
பேரவை உறுப்பினர் இரா.குமரகுரு குத்துவிளக்கேற்றி விடுதியை மாணவிகளின் பயன்பாட்டுக்கு கொண்டு வந்தார். 
ஆதிதிராவிட நல தனி வட்டாட்சியர் ஜெயலட்சுமி, அதிமுக ஒன்றியச் செயலாளர் ஜி.மணிராஜ் ஆகியோர் முன்னிலை வகித்தனர். முன்னாள் ஒன்றியக் குழு துணைத் தலைவர் இரா.சாய்ராம், மாநில பொதுக் குழு உறுப்பினர் வளர்மதி பாண்டியராஜ் உள்பட அதிமுக நிர்வாகிகள் பலர் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/11/எலவனாசூர்கோட்டையில்-பள்ளி-மாணவியர்-விடுதி-முதல்வர்-காணொலி-மூலம்-திறந்துவைப்பு-3018271.html
3018270 விழுப்புரம் விழுப்புரம் விழுப்புரம் மாவட்டத்தில் பெண் பாலின விகிதம் சரிவு DIN DIN Thursday, October 11, 2018 09:42 AM +0530 விழுப்புரம் மாவட்டத்தில் பெண்களின் பாலின விகிதம் மாநில சராசரியைவிட குறைந்து வருவதாக மாவட்ட ஆட்சியர் இல.சுப்பிரமணியன் புதன்கிழமை தெரிவித்தார்.
விழுப்புரம் அருகே நன்னாடு கிராமத்தில் மக்கள் தொடர்பு திட்ட முகாம் புதன்கிழமை நடைபெற்றது. இந்த நிகழ்ச்சியில் மாவட்ட ஆட்சியர் இல.சுப்பிரமணியன் தலைமை வகித்து, வருவாய் மற்றும் பேரிடர் மேலாண்மைத் துறை 24 பயனாளிகளுக்கு வீட்டுமனை, சமூக பாதுகாப்புத் திட்டத்தின் கீழ் 50 பயனாளிகளுக்கும், தாட்கோ மூலம் ஒரு பயனாளிக்கும் நலத் திட்ட உதவிகளையும், வேளாண்மைத் துறை சார்பாக 9 பயனாளிகளுக்கு மானியத்துடன் வேளாண் உபகரணங்களையும் என மொத்தம் ரூ.17 லட்சத்து 26ஆயிரத்து 704 மதிப்பீட்டில் அரசு நலத் திட்ட உதவிகளை ஆட்சியர் வழங்கினார்.
விழாவில், அவர் பேசியதாவது: பொதுமக்கள் அரசு நலத் திட்ட உதவிகளைப் பெற இடைத் தரகர்களை நம்பக் கூடாது. நேரடியாக துறை சார்ந்த அதிகாரிகளை, அலுவலர்களையே அணுக வேண்டும். கிராமங்களில், தனி நபர் கழிப்பறை கட்ட விண்ணப்பித்தால் உடனடியாக நிதி வழங்கப்படும். திறந்த வெளியில் மலம் கழிப்பதை தவிர்க்க வேண்டும். மழைக்காலம் தொடங்கிவிட்டதால், விவசாயத்துக்குத் தேவையான அனைத்து விதைகளும், உரங்களும் மாவட்டத்தில் இருப்பு வைக்கப்பட்டு, மானிய விலையில் வழங்க ஏற்பாடு செய்யப்பட்டுள்ளது. இதனை விவசாயிகள் வேளாண்மைத் துறை அலுவலர்களை அணுகி பெற்றுக் கொள்ளலாம். டெங்கு கொசு உற்பத்தியாகாத வகையில், சுற்றுப்புறத்தை தூய்மையாக பராமரிக்க வேண்டும்.
   மாநில அளவில் பெண்களின் பாலின விகிதம் 1,000 ஆண்களுக்கு 943 பெண்கள் என்ற அளவில் உள்ளது. விழுப்புரம் மாவட்டத்தில் 1,000 ஆண்களுக்கு 941 பெண்கள் உள்ளனர். இந்த புள்ளிவிரம் கடந்த 2011 மக்கள் தொகை கணக்கெடுப்பில் தெரிவிக்கப்பட்டுள்ளது. விழுப்புரம் மாவட்டத்தில், சில கிராமங்களில் இதுபோன்று பெண்களின் பாலின விதிகம் குறைந்துள்ளது. பெற்றோர்கள், ஆண் மற்றும் பெண் குழந்தைகளை சமமாக எண்ணி வளர்க்க வேண்டும். பெண் குழந்தைகளை நாம் பாதுகாத்து, படிக்க வைக்க வேண்டும்.
விழுப்புரம் மாவட்டத்தில் சுகாதாரத் துறையின் கீழ் 113 ஆரம்ப சுகாதார நிலையங்கள், 524 துணை சுகாதார நிலையங்கள் செயல்பட்டு வருகின்றன. இதன் மூலம் மாவட்டத்தில் சிறப்பான மருத்துவ வசதி ஏற்படுத்தப்பட்டுள்ளது. மாநிலம் முழுவதும் 100-க்கு 67 சதவிகிதம் என்ற அளவில் அரசு மருத்துவமனைகளில் பிரசவம் நிகழ்கிறது. இதுவே, விழுப்புரம் மாவட்டத்தில் எடுத்துக்கொண்டால், இந்த அளவு 91 சதவிகிதமாக இருக்கிறது. ஆகவே, விழுப்புரம் மாவட்டத்தில் அரசு மருத்துவமனைகளில் அதிக எண்ணிக்கையில் பிரசவம் நடைபெறுவது குறிப்பிடத்தக்கது என்று பேசினார்.
இதையடுத்து, பொதுமக்களிடம் இருந்து கோரிக்கை மனுக்களை ஆட்சியர் பெற்றார். முகாமில் விழுப்புரம் வருவாய் கோட்டாட்சியர் குமாரவேல், தனித் துணை ஆட்சியர் (ச.பா.தி) சாந்தி, விழுப்புரம் வட்டாட்சியர் சையத் மெஹமூத், தனி வட்டாட்சியர் (ச.பா.தி) ஆனந்த், மண்டல துணை வட்டாட்சியர் வெங்கடசுப்பிரமணியன், விழுப்புரம் வருவாய் ஆய்வாளர் வேங்கடபதி உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/11/விழுப்புரம்-மாவட்டத்தில்-பெண்-பாலின-விகிதம்-சரிவு-3018270.html
3018269 விழுப்புரம் விழுப்புரம் பாதையை மறிக்கும் முள்வேலி மரம் DIN DIN Thursday, October 11, 2018 09:42 AM +0530 திருக்கோவிலூர் நகரில் பாதையை மறிக்கும் வகையில் அடர்த்தியாக வளர்ந்த முள்வேலி மரத்தை அப்புறப்படுத்த வேண்டும் என பொதுமக்கள் எதிர்பார்க்கின்றனர்.
திருக்கோவிலூர் நான்கு முனைச் சந்திப்பில் இருந்து பிரிந்து சுதந்திர நினைவுச் சங்கம் வழியாக என்ஜிஜிஓ நகருக்குள் செல்லும் வகையில் தெருச்சாலை உள்ளது. 
முள்வேலி மரம் ஒன்று அடர்த்தியாக வளர்ந்து, இந்த பாதையை மறிக்கும் வகையில் உள்ளது 
(படம்).  இதனால்,  இந்த வழியே செல்லக் கூடிய வாகன ஓட்டிகள், பாதசாரிகள் மற்றும் பொதுமக்கள் மிகுந்த சிரமத்துக்குள்ளாகி வருகின்றனர். மேலும், இப்பகுதியில் குப்பைகள் அதிகளவில் கொட்டப்பட்டுள்ளதால்,  பொதுமக்களுக்கு பல்வேறு நோய் பரவும் அபாயம் உள்ளது. எனவே, முள்வேலி மரத்தை அப்புறப்படுத்தவும், குப்பையை அகற்றவும் பேரூராட்சி நிர்வாகம் இனியாவது நடவடிக்கை எடுக்க வேண்டும் என்று  இப்பகுதி  மக்கள் எதிர்பார்க்கின்றனர்.
 

]]>
http://www.dinamani.com/all-editions/edition-villupuram/villupuram/2018/oct/11/பாதையை-மறிக்கும்-முள்வேலி-மரம்-3018269.html
3018268 விழுப்புரம் விழுப்புரம் வணிக வரித் துறையினர் ஆர்ப்பாட்டம் DIN DIN Thursday, October 11, 2018 09:42 AM +0530 பதவி உயர்வு பட்டியலை வெளியிடுதல் உள்ளிட்ட பல்வேறு கோரிக்கைகளை வலியுறுத்தி, விழுப்புரத்தில் வணிகவரி சங்கங்களின் கூட்டு நடவடிக்கைக் குழுவினர் புதன்கிழமை ஆர்ப்பாட்டத்தில் ஈடுபட்டனர்.
பெருந்திட்ட வளாகத்தில் உள்ள வணிக வரித் துறை அலுவலக நுழைவாயிலில் பிற்பகல் நடைபெற்ற ஆர்ப்பாட்டத்துக்கு கூட்டு நடவடிக்கைக் குழுவின் மாநிலச் செயலாளர் மனோகரன் தலைமை வகித்தார். மாவட்டச் செயலாளர் ரவிச்சந்திரன் முன்னிலை வகித்தார்.
அரசு ஊழியர் சங்க மாநிலச் செயலாளர் பார்த்திபன், மாவட்டத் தலைவர் ராஜாராம், மாவட்டச் செயலாளர் வீர இளவரசன் ஆகியோர் கலந்து கொண்டு சிறப்புரையாற்றினர்.
வணிவரித் துறையில் உள்ள அனைத்து நிலைகளிலும் பதவி உயர்வு பட்டியலை உடனே வெளியிட வேண்டும், அடிப்படை பயிற்சியை உரிய காலத்தில் அளிக்க வேண்டும், சரக்கு சேவை வரி விதிப்பு அமல்படுத்தப்பட்டதற்கு கூடுதல் பணியாளர்களை நியமிக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், வணிக வரித்துறையில் பணியாற்றும் அதிகாரிகள், அலுவலர்கள், பணியாளர்கள் ஏராளமானோர் கலந்து கொண்டு கோரிக்கைகளை வலியுறுத்தி முழக்கங்களை எழுப்பினர்.

]]>
http://www.dinamani.com/all-editions/edition-villupuram/villupuram/2018/oct/11/வணிக-வரித்-துறையினர்-ஆர்ப்பாட்டம்-3018268.html
3018266 விழுப்புரம் விழுப்புரம் அரசுப் பள்ளியில் மரக்கன்று நடும் விழா DIN DIN Thursday, October 11, 2018 09:41 AM +0530 சங்கராபுரம் அரசு மேல்நிலைப் பள்ளியில் ரோட்டரி கிளப் சார்பில் மரக்கன்று நடும் விழா அண்மையில் நடைபெற்றது. 
பள்ளித் தலைமை ஆசிரியர் சீனிவாசன் தலைமை வகித்தார். ரோட்டரி தலைவர் சுரேஷ், செயலர் மணிவண்ணன், முன்னாள் துணை ஆளுநர் இராம.முத்துக்கருப்பன் ஆகியோர் முன்னிலை வகித்தனர். 
விழாவில் கள்ளக்குறிச்சி மக்களவைத் தொகுதி உறுப்பினர் க.காமராஜ், சங்கராபுரம் சட்டப் பேரவைத் தொகுதி உறுப்பினர் தா.உதயசூரியன் ஆகியோர் பள்ளி வளாகத்தில் மரக் கன்றுகளை நட்டனர். ரோட்டரி அறக்கட்டளைத் தலைவர் ஜெனார்த்தனன், பெற்றோர் ஆசிரியர் கழகத் தலைவர்கள் கோ.குசேலன், நாராயணன் உள்பட பலர் கலந்துகொண்டனர். ரோட்டரி பொருளாளர் துரை நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/11/அரசுப்-பள்ளியில்-மரக்கன்று-நடும்-விழா-3018266.html
3018265 விழுப்புரம் விழுப்புரம் குழந்தைகள் பாதுகாப்பு விழிப்புணர்வு பேரணி DIN DIN Thursday, October 11, 2018 09:41 AM +0530 விழுப்புரம் மாவட்ட ஆட்சியரக வளாகத்திலிருந்து குழந்தைகள் பாதுகாப்பு விழிப்புணர்வுப் பேரணியை மாவட்ட ஆட்சியர் இல.சுப்பிரமணியன் புதன்கிழமை தொடக்கி வைத்தார்.
முன்னதாக, சமூகப் பாதுகாப்பு துறை சார்பில் ஒருங்கிணைந்த குழந்தைகள் பாதுகாப்பு திட்டத்தின் கீழ் செயல்படும் விழுப்புரம் மாவட்ட குழந்தைகள் பாதுகாப்பு அலுவலகத்தின் சார்பில் குழந்தைகளை பாலியல் குற்றங்களிலிருந்து பாதுகாக்கும் சட்டம்-2012 குறித்த கையெழுத்து இயக்கத்தை மாவட்ட ஆட்சியர் இல.சுப்பிரமணியன் புதன்கிழமை காலை தொடக்கி வைத்தார். 
இதைத் தொடர்ந்து, பெண் குழந்தைகளுக்கு எதிரான பாலியல் வன்கொடுமை தடுத்தல் மற்றும் பெண் குழந்தைகளை காப்போம், பெண் குழந்தைகளுக்கு கற்பிப்போம் குறித்த விழிப்புணர்வுப் பேரணியை மாவட்ட ஆட்சியர் தொடக்கி வைத்து, பேரணியில் பங்கேற்றார். 
இந்த விழிப்புணர்வு பேரணியில் பள்ளி, கல்லூரி மாணவ, மாணவிகள் ஏராளமானோர் பங்கேற்றனர். திருச்சி சாலையில்  மாணவ, மாணவிகள் கையில் பதாகைகளை ஏந்தியபடி, விழிப்புணர்வு முழக்கமிட்டபடி சென்றனர். இந்த நிகழ்ச்சியில் மாவட்ட வருவாய் அலுவலர் பிரியா, மாவட்ட குழந்தைகள் பாதுகாப்பு அலுவலர் கெஜலட்சுமி, தொழிலாளர் நல அலுவலர் சோமு, மாவட்ட முதன்மைக் கல்வி அலுவலரின் நேர்முக உதவியாளர் காளிதாஸ், விழுப்புரம் அறிஞர் அண்ணா கலை மற்றும் அறிவியல் கல்லூரி பேராசியர்கள் உள்ளிட்டோர் கலந்து கொண்டனர்.
 

]]>
http://www.dinamani.com/all-editions/edition-villupuram/villupuram/2018/oct/11/குழந்தைகள்-பாதுகாப்பு-விழிப்புணர்வு-பேரணி-3018265.html
3018264 விழுப்புரம் விழுப்புரம் நெய்வேலி இளைஞர் கொலை DIN DIN Thursday, October 11, 2018 09:40 AM +0530  


விழுப்புரம் நீதிமன்றத்தில் 4 பேர் சரண்விழுப்புரம், அக்.10: காஞ்சிபுரம் மாவட்டம், மகாபலிபுரம் அருகே நெய்வேலியைச் சேர்ந்த இளைஞர் கொலை செய்யப்பட்ட வழக்கில் புதுச்சேரியைச் சேர்ந்த 4 பேர் விழுப்புரம் நீதிமன்றத்தில் புதன்கிழமை சரணடைந்தனர்.
கடலூர் மாவட்டம், நெய்வேலியைச் சேர்ந்த பழனியப்பன் மகன் அருண்பிரகாஷ் (23). இவர், கடந்த 2-ஆம் தேதி இரவு காஞ்சிபுரம் மாவட்டம், திருவிடந்தை என்ற இடத்தில் முகம் சிதைந்த நிலையில் இறந்து கிடந்தார். உடலை மாமல்லபுரம் போலீஸார் கைப்பற்றி, விசாரணை நடத்தியதில், புதுச்சேரி லாஸ்பேட்டையைச் சேர்ந்த மோகன் மகன் ராஜி(32), மதகடிப்பட்டைச் சேர்ந்த பாலகிருஷ்ணன் மகன் மதியரசு (24), அரியாங்குப்பத்தைச் சேர்ந்த சிவனேசன் மகன் முகிலன்(24), ரெயின்போ காலனியைச் சேர்ந்த சரவணன் மகன் சிவசங்கரன்(27) உள்ளிட்டோர் முன்விரோதத் தகராறில் அவரை அடித்துக் கொலை செய்திருப்பது தெரிய வந்தது. இது தொடர்பாக மாமல்லபுரம் போலீஸார் வழக்குப் பதிவு செய்து, அவர்கள் நால்வரையும் தேடி வந்தனர். இந்த நிலையில், ராஜி, மதியரசு, முகிலன், சிவசங்கரன்ஆகிய நான்கு பேரும் விழுப்புரம் முதலாவது நடுவர் நீதிமன்றத்தில் புதன்கிழமை காலை சரணடைந்தனர்.
அவர்களை நீதிமன்றக் காவலில் வைக்க, நீதிபதி மும்தாஜ் உத்தரவிட்டார். இதையடுத்து, அவர்கள் கடலூர் மத்திய சிறைக்கு கொண்டு செல்லப்பட்டனர்.

]]>
http://www.dinamani.com/all-editions/edition-villupuram/villupuram/2018/oct/11/நெய்வேலி-இளைஞர்-கொலை-3018264.html
3018263 விழுப்புரம் விழுப்புரம் உளுந்தூர்பேட்டை ஸ்ரீசாரதா ஆஸ்ரமத்தில் நவராத்திரி கொலு கண்காட்சி  DIN DIN Thursday, October 11, 2018 09:40 AM +0530
விழுப்புரம் மாவட்டம், உளுந்தூர்பேட்டை ஸ்ரீசாரதா ஆஸ்ரமத்தில் நவராத்திரி விழா கொலு கண்காட்சியை தமிழக கலாசாரம் மற்றும் தொல்லியல் துறை அமைச்சர் கே.பாண்டியராஜன் புதன்கிழமை தொடக்கி வைத்தார்.
உளுந்தூர்பேட்டை ஸ்ரீசாரதா ஆஸ்ரமத்தில் ஆண்டுதோறும் நவராத்திரி விழா கொலு கண்காட்சி நடைபெறுவது வழக்கம். அதுபோல, நிகழாண்டு கண்காட்சி அக்.10 ஆம் தேதி தொடங்கி  அக்.17-ஆம் தேதி வரை நடைபெறுகிறது. 
இந்த நிகழ்ச்சிக்கு உளுந்தூர்பேட்டை  தொகுதி சட்டப்பேரவை உறுப்பினர் இரா.குமரகுரு, விழுப்புரம் மக்களவைத் தொகுதி உறுப்பினர் எஸ்.ராஜேந்திரன் ஆகியோர் முன்னிலை வகித்தனர். 
உளுந்தூர்பேட்டை ஸ்ரீசாரதா ஆஸ்ரம சகோதரி யதீஸ்வரி அனந்த ப்ரேமப்ரியா அம்பா வரவேற்புரையாற்றினார். அமைச்சர் கே.பாண்டியராஜன் குத்துவிளக்கு ஏற்றி வைத்து நவராத்திரி கொலு கண்காட்சியைத் தொடக்கி வைத்தார். ஸ்ரீசாரதா ஆஸ்ரம தலைமை மாதாஜி  யதீஸ்வரி ராமகிருஷ்ணப்ரியா அம்பா ஆசியுரை வழங்கினார்.
நிகழ்ச்சியில், கல்லூரி மாணவ, மாணவிகள், சந்நியாச சகோதரிகள் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/11/உளுந்தூர்பேட்டை-ஸ்ரீசாரதா-ஆஸ்ரமத்தில்-நவராத்திரி-கொலு-கண்காட்சி-3018263.html
3018262 விழுப்புரம் விழுப்புரம் பஞ்சமி நிலங்களை மீட்கக் கோரி ஆர்ப்பாட்டம் DIN DIN Thursday, October 11, 2018 09:39 AM +0530 பஞ்சமி நிலங்களை மீட்கக் கோரி, விக்கிரவாண்டி வட்டாட்சியர் அலுவலகம் எதிரே தலித் மண்ணுரிமை கூட்டமைப்பு சார்பில் புதன்கிழமை ஆர்ப்பாட்டம் நடைபெற்றது.
விக்கிரவாண்டி அருகேயுள்ள வி.சாத்தனூரில் நிலமற்ற ஆதிதிராவிட மக்களுக்கு ஆங்கிலேயர்கள் காலத்தில் வழங்கப்பட்டு, பின்னர் பிற சாதியினரால் ஆக்கிரமிக்கப்பட்டுள்ள  உள்ள பஞ்சமி நிலங்களை மீட்கக் கோரி நடைபெற்ற இந்த ஆர்ப்பாட்டத்துக்கு தலித் மண்ணுரிமை கூட்டமைப்பு அமைப்பாளர் நிக்கோலஸ் தலைமை வகித்தார். அம்பேத்கர் பேரவை நிர்வாகிகள் வழக்குரைஞர் சவுரி, கிருஷ்ணமூர்த்தி, தாமோதரன் ஆகியோர் முன்னிலை வகித்தனர். அம்பேத்கர் பேரவை நிர்வாகி சுந்தரமூர்த்தி வரவேற்றார்.
இந்த ஆர்ப்பாட்டத்தில், இந்திய கம்யூனிஸ்ட் கட்சியின் தேசியக் குழு உறுப்பினர் ஆர்.நல்லகண்ணு கலந்து கொண்டு கண்டன உரையாற்றியதாவது: 
ஆங்கிலேயர் காலத்திலேயே தலித் மக்களுக்கு வழங்கப்பட்ட பஞ்சமி நிலங்களை, நாளடைவில் ஆதிக்க சக்திகள் கைப்பற்றி அனுபவித்து வருகின்றனர். கடந்த 25 ஆண்டுகளாக பஞ்சமி நிலங்களை மீட்க போராட்டங்கள் நடந்து வருகின்றன. பஞ்சமி நிலங்கள் தலித் மக்கள் மட்டுமே பயன்படுத்த வேண்டும் என அரசு விதி இருந்தாலும், அதனை ஆதிக்க 
சக்தியினர் கைப்பற்றி அனுபவித்து வருகின்றனர். 
ஆகவே, பஞ்சமி நிலங்களை மீட்டு, மீண்டும் தலித் மக்களுக்கு வழங்க வேண்டும். இல்லையென்றால் போராட்டங்கள் தொடரும் என்றார்.
இதில், மார்க்சிஸ்ட் கம்யூனிஸ்ட் கட்சியின் அரசியல் குழு உறுப்பினர் சம்பத், சமூக சமத்துவப் படைத் தலைவர் சிவகாமி, மார்க்சிஸ்ட் கம்யூனிஸ்ட் கட்சியின் முன்னாள் சட்டப்பேரவை உறுப்பினர் ஆர்.ராமமூர்த்தி, தீண்டாமை ஒழிப்பு முன்னணியின் மாவட்ட செயலாளர் சங்கரன், புதுச்சேரி பீம் சேனா தலைவர் மூர்த்தி, அம்பேத்கர் மக்கள் கட்சி தலைவர் மழைமேனிபாண்டியன், விடுதலைச் சிறுத்தை கட்சியின் அமைப்புச் செயலாளர் பெ.தமிழினியன், மாவட்டச் செயலாளர் ஆற்றலரசு, காங்கிரஸ் எஸ்சி.எஸ்டி பிரிவு தலைவர் செல்வப்பெருந்தகை, பகுஜன் சமாஜ் மாவட்டத் தலைவர் கலியமூர்த்தி உள்பட ஏராளமானோர் கலந்து கொண்டனர்.

]]>
http://www.dinamani.com/all-editions/edition-villupuram/villupuram/2018/oct/11/பஞ்சமி-நிலங்களை-மீட்கக்-கோரி-ஆர்ப்பாட்டம்-3018262.html
3018261 விழுப்புரம் விழுப்புரம் மேல்மலையனூரில் நாளை நல வாரிய சிறப்பு முகாம் DIN DIN Thursday, October 11, 2018 09:39 AM +0530 மேல்மலையனூரில் ஆதிதிராவிடர் மற்றும் பழங்குடியின தொழிலாளர்கள் நல வாரிய சிறப்பு முகாம் வெள்ளிக்கிழமை(அக்.12) நடைபெறுகிறது.
இது குறித்து தொழிலாளர் துறை உதவி ஆணையர் வெளியிட்ட செய்திக் குறிப்பு: தமிழ்நாடு கட்டுமானம், உடலுழைப்பு மற்றும் இதர நல வாரியங்களில் ஆதிதிராவிடர் மற்றும் பழங்குடியினர் தொழிலாளர்களை அதிக அளவில் சேர்க்கும் வகையிலும், புதுப்பிக்கவும் சிறப்பு முகாம் மேல்மலையனூரில் வட்டாட்சியர் அலுவலகத்தில் வெள்ளிக்கிழமை(அக்.12) நடைபெறுகிறது. இதில், தொழிலாளர்கள் அதிகளவில் கலந்து கொண்டு பயனடையலாம் என்று அதில் தெரிவிக்கப்பட்டுள்ளது.
 

]]>
http://www.dinamani.com/all-editions/edition-villupuram/villupuram/2018/oct/11/மேல்மலையனூரில்-நாளை-நல-வாரிய-சிறப்பு-முகாம்-3018261.html
3018260 விழுப்புரம் விழுப்புரம் அக். 13-இல் பொது விநியோக திட்ட குறைதீர் கூட்டம் DIN DIN Thursday, October 11, 2018 09:39 AM +0530 விழுப்புரம் மாவட்டத்தில் சேர்ந்தனூர், கொழுவாரி உள்ளிட்ட பல்வேறு கிராமங்களில் பொது விநியோகத் திட்ட குறைதீர் கூட்டம் சனிக்கிழமை (அக்.13) நடைபெறுகிறது.
இதுகுறித்து விழுப்புரம் மாவட்ட ஆட்சியரகம் வெளியிட்ட செய்திக் குறிப்பு: விழுப்புரம் அருகே சேர்ந்தனூர், வானூர் அருகே கொழுவாரி, விக்கிரவாண்டி அருகே சி.என்.பாளையம், திண்டிவனம் அருகே விழுக்கம், மரக்காணம் அருகே நாகல்பாக்கம், செஞ்சி அருகே கொணலூர், மேல்மலையனூர் அருகே தாழங்குணம், திருக்கோவிலூர் அருகே பூமாரி, கண்டாச்சிபுரம் அருகே அரசன்குப்பம்,  உளுந்தூர்பேட்டை அருகே ஆனத்தூர், கள்ளக்குறிச்சி அருகே குன்னியூர், சங்கராபுரம் அருகே வெங்கலம், சின்னசேலம் அருகே எடுத்தவாய்நத்தம்  ஆகிய கிராமங்களில் பொது விநியோகத் திட்ட குறைதீர் கூட்டம் சனிக்கிழமை காலை 10 மணி முதல் மாலை 4 மணி வரை நடைபெற உள்ளது.
இந்த கிராமங்களுக்கு உள்பட்ட பொதுமக்கள், புதிய மின்னணு குடும்ப அட்டைக்கு விண்ணப்பித்தல், இணைய தளம் மூலம் குடும்ப அட்டைகளில் பெயர் சேர்த்தல், பெயர் திருத்தம், பெயர் நீக்கம், முகவரி மாற்றம், வயது திருத்தம் மற்றும் பொது விநியோகத் திட்டம் தொடர்பான இதர மனுக்களை இந்த முகாம்களில் கொடுத்து, பயனடையலாம் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.

]]>
http://www.dinamani.com/all-editions/edition-villupuram/villupuram/2018/oct/11/அக்-13-இல்-பொது-விநியோக-திட்ட-குறைதீர்-கூட்டம்-3018260.html
3018259 விழுப்புரம் விழுப்புரம் விபத்தில் சிறுவன் பலியான வழக்கு:லாரி ஓட்டுநருக்கு ஓராண்டு சிறை DIN DIN Thursday, October 11, 2018 09:38 AM +0530  லாரி சக்கரத்தில் சிக்கி சிறுவன் உயிரிழந்த வழக்கில், ஓட்டுநருக்கு ஓராண்டு காலம் சிறைத் தண்டனை விதித்து, திருக்கோவிலூர் நீதிமன்றம் புதன்கிழமை தீர்ப்பளித்தது. 
திருக்கோவிலூரை அடுத்த கீழ்ப்பாடி கிராமத்தைச் சேர்ந்த பாலுச்சாமி மகன் கௌதம்(3). கடந்த 2013 மே 8-ஆம் தேதி அதே பகுதியில் சாலையோரம் விளையாடிக் கொண்டிருந்தார். அப்போது, அந்த வழியாக கரும்பு ஏற்றி வந்த லாரியின் சக்கரத்தில் சிக்கி உயிரிழந்தார். 
 இந்த சம்பவம் குறித்து, ரிஷிவந்தியம் போலீஸார் வழக்குப் பதிந்தனர். இந்த வழக்கின் விசாரணை, திருக்கோவிலூர் குற்றவியல் நடுவர் நீதிமன்றத்தில் நடைபெற்று வந்தது. இந்த வழக்கில் புதன்கிழமை தீர்ப்பு அளிக்கப்பட்டது.  லாரி ஓட்டுநரான சேலம் மாவட்டத்தைச் சேர்ந்த அம்மம்பாளையத்தைச் சேர்ந்த 
பூசமுத்து(எ) சின்னப் பையனுக்கு(48) ஓராண்டு காலம் சிறைத் தண்டனை விதித்து நீதிபதி பத்மாவதி உத்தரவிட்டார்.

]]>
http://www.dinamani.com/all-editions/edition-villupuram/villupuram/2018/oct/11/விபத்தில்-சிறுவன்-பலியான-வழக்குலாரி-ஓட்டுநருக்கு-ஓராண்டு-சிறை-3018259.html
3018258 விழுப்புரம் விழுப்புரம் நவராத்திரி சிறப்பு அலங்காரம்: வீரட்டானேஸ்வரர் கோயிலில் நவராத்திரி விழா தொடக்கம் DIN DIN Thursday, October 11, 2018 09:38 AM +0530 திருக்கோவிலூர்-கீழையூர் வீரட்டானேஸ்வரர் கோயிலில் நவராத்திரி விழா செவ்வாய்க்கிழமை தொடங்கியது. இந்த விழா, தொடர்ந்து 10 நாள்கள் நடைபெறுகிறது. விழாவின் இரண்டாம் நாளான புதன்கிழமை, மாலை 5 மணிக்கு சிவானந்தவல்லி அம்பிகைக்கு அனுக்ஞை, விக்னேஸ்வர பூஜை, புண்யாஹவாச்சனம், கலச ஸ்தாபனம், பஞ்சாசன பூஜை, பஞ்சவர்ண பூஜையுடன் மஹா அபிஷேகம் நடைபெற்றது. 
தொடர்ந்து, அலங்கார கொலு மண்டபத்தில் அம்பிகை மீனாட்சி அம்மன் அலங்காரம் செய்யப்பட்டு, லலிதா சகஸ்ர நாம அர்ச்சனை (1008 நாமாவளி), சோடசோபஹார தீபாராதனை நடைபெற்றது. 
பின்னர், பக்தர்களுக்கு அன்னதானம், பிரசாதம் வழங்கப்பட்டது. வரும் 18-ஆம் தேதி வரை தினமும் அம்பிகைக்கு அலங்காரங்கள் செய்யப்பட்டு, நவராத்திரி நிறைவாக, 18-ஆம் தேதி அம்பு போடுதல் நிகழ்ச்சி நடைபெற உள்ளது. விழா ஏற்பாடுகளை இந்து சமய அறநிலையத் துறையினர் மற்றும் கோயில் அர்ச்சகர்கள் செய்து வருகின்றனர். 
இதேபோல திருக்கோவிலூரை அடுத்த தபோவனம் 
ஸ்ரீஞானானந்தகிரி சுவாமிகள் பிருந்தாவனத்தில், வரும் 18-ஆம் தேதி நவராத்திரி விழா நடைபெறுகிறது. இதற்கான ஏற்பாடுகளை கோயில் நிர்வாகத்தினர் செய்து வருகின்றனர்.

]]>
http://www.dinamani.com/all-editions/edition-villupuram/villupuram/2018/oct/11/நவராத்திரி-சிறப்பு-அலங்காரம்-வீரட்டானேஸ்வரர்-கோயிலில்-நவராத்திரி-விழா-தொடக்கம்-3018258.html
3017489 விழுப்புரம் விழுப்புரம் கிராமப் பகுதியில் டெங்கு கொசு ஒழிப்புப் பணி: ஆட்சியர் ஆய்வு DIN DIN Wednesday, October 10, 2018 11:02 AM +0530 விழுப்புரம் அருகே கண்டமானடி கிராமத்தில் டெங்கு கொசு ஒழிப்புப் பணிகளை மாவட்ட ஆட்சியர் இல.சுப்பிரமணியன் நேரில் ஆய்வு செய்தார்.
விழுப்புரம் மாவட்டத்தில் கடந்த வாரம் முதல் பரவலாக மழை பெய்து வருகிறது. இதனால், ஆங்காங்கே மழை நீர் தேங்கி, டெங்கு கொசு உற்பத்தியாகும் சூழல் உள்ளது. இதையடுத்து, விழுப்புரம் மாவட்டத்தில் டெங்கு கொசுக்களை ஒழிப்பதற்கு ஊரக வளர்ச்சித் துறை, வருவாய்த் துறை, சுகாதாரத் துறையுடன் இணைந்து மாவட்ட நிர்வாகம் நடவடிக்கைகளை மேற்கொண்டுள்ளது. இதையடுத்து மாவட்ட ஆட்சியர் இல.சுப்பிரமணியன், விழுப்புரம் அருகேயுள்ள கண்டமானடி கிராமத்துக்கு சென்று பார்வையிட்டு ஆய்வு செய்தார்.
அந்த கிராமத்தில் மாரியம்மன் கோவில் தெரு, போஸ்ட் ஆபிஸ் தெரு, பேங்க் தெரு, விநாயகர் கோவில் தெரு, நவாப் தெரு, நாயுடு தெரு ஆகிய பகுதிகளில் வீடு வீடாகச் சென்று தண்ணீர் தொட்டிகளில் கொசுப்புழு உள்ளதா, கழிவுநீர் வாய்க்கால்கள், தேவையற்ற பழைய டயர்கள், மண்பாண்டங்கள், பிளாஸ்டிக் பொருள்கள்,
தேங்காய் ஓடுகள், ஆட்டு உரல்கள் ஆகியவற்றில் நீர் தேங்கி உள்ளதா என மாவட்ட ஆட்சியர் ஆய்வு செய்தார்.
மேலும், அந்தப் பகுதிகளில் வசிக்கும் பொதுமக்களுக்கும், மாணவ, மாணவிகளுக்கும் டெங்கு காய்ச்சல் குறித்தும், டெங்கு கொசு ஒழிப்பு குறித்தும் விழிப்புணர்வு ஏற்படுத்தினார். பொதுமக்கள் தாங்கள் வசிக்கும் பகுதியை சுத்தமாக பராமரிக்க வேண்டும் என்று ஆட்சியர் இல.சுப்பிரமணியன் அறிவுறுத்தினார்.
ஆய்வின்போது, மாவட்ட வருவாய் அலுவலர் பிரியா, துணை இயக்குநர்கள்(சுகாதாரப் பணிகள்) பாலுசாமி, ஜெமினி, விழுப்புரம் நகராட்சி சுகாதார அலுவலர் ராஜா, விழுப்புரம் வருவாய் கோட்டாட்சியர் குமாரவேல் உள்ளிட்ட அதிகாரிகள் உடன்
இருந்தனர்.

 

]]>
http://www.dinamani.com/all-editions/edition-villupuram/villupuram/2018/oct/10/கிராமப்-பகுதியில்-டெங்கு-கொசு-ஒழிப்புப்-பணி-ஆட்சியர்-ஆய்வு-3017489.html
3017586 விழுப்புரம் விழுப்புரம் இசைக் கலைஞர்கள் ஆர்ப்பாட்டம் DIN DIN Wednesday, October 10, 2018 09:37 AM +0530 விழுப்புரம் மாவட்டத்தில் திருமண நிகழ்ச்சிகளின்போது ஆயத்த இசையை (டி.ஜே) பயன்படுத்துவதற்கு தடை விதிக்கக் கோரி, விழுப்புரத்தில் மாவட்ட இசைக்கலைஞர்கள் சங்கத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர் (படம்).
பெருந்திட்ட வளாகம் எதிரே நடைபெற்ற ஆர்ப்பாட்டத்துக்கு மாவட்டத் தலைவர் செந்தில்குமார் தலைமை வகித்தார். மாவட்டச் செயலாளர் பொற்செல்வன் முன்னிலை வகித்தார். மாவட்டத் துணைத் தலைவர் முருகன் வரவேற்றார். மாவட்டப் பொருளாளர் ஆனந்த் உள்ளிட்டோர் கலந்து கொண்டு பேசினர்.
விழுப்புரம் மாவட்டத்தில் 2,300 இசைக்கலைஞர்கள் உள்ளனர். ஒரு திருமண விழாவில் இசை நிகழ்ச்சி நடைபெற்றால், அதில் 12 நபர்களுக்கு வாய்ப்பு கிடைக்கும். அதன் மூலம் கலைஞர்களுக்கு வருவாய் கிடைக்கும். ஆனால், டி.ஜே எனப்படும், ஏற்கெனவே பதிவு செய்யப்பட்ட ஆயத்த இசையையும், பாடல்களையும், நிகழ்ச்சியில் பயன்படுத்துவதால் ஒருவர் மட்டுமே பயனடைய முடியும். ஆகவே, இந்த ஆயத்த இசை நிகழ்ச்சிகளை விழுப்புரம் மாவட்டத்தில் நடத்துவதற்கு தடை விதிக்க வேண்டும் என்று வலியுறுத்தினர். இந்த ஆர்ப்பாட்டத்தில் விழுப்புரம் மாட்டத்தின் பல்வேறு பகுதிகளைச் சேர்ந்த இசைக்கலைஞர்கள் கலந்து கொண்டு, கோரிக்கைகளை வலியுறுத்தி முழக்கமிட்டனர். ஆர்ப்பாட்டம் முடிந்த பிறகு, அச்சங்கத்தினர் மாவட்ட ஆட்சியரகத்தில் கோரிக்கை மனு அளித்தனர்.

]]>
http://www.dinamani.com/all-editions/edition-villupuram/villupuram/2018/oct/10/இசைக்-கலைஞர்கள்-ஆர்ப்பாட்டம்-3017586.html
3017585 விழுப்புரம் விழுப்புரம் விழுப்புரத்தில் அருங்காட்சியகம் அமைக்கக் கோரி ஆட்சியரிடம் மனு DIN DIN Wednesday, October 10, 2018 09:37 AM +0530 விழுப்புரம் மாவட்டத்தில் அருங்காட்சியகம் அமைக்க வேண்டும் என்று இலக்கிய, பண்பாட்டு மற்றும் சமூக அமைப்பினர் ஆட்சியரிடம் மனு அளித்தனர்.
விழுப்புரம் மாவட்டம் உருவாகி 25ஆம் ஆண்டு நிறைவையொட்டி, மாவட்டத்தில் இதுவரை கண்டறியப்பட்ட வரலாற்று கல்வெட்டுகள், சிற்பங்கள், பழங்கால பாறை ஓவியங்கள், கல்மரங்கள் போன்ற தொன்மையான பொருள்களை பாதுகாப்பாக வைத்து, பராமரிக்கும் பொருட்டு அருங்காட்சியகம் அமைக்க வேண்டும் என்று விழுப்புரத்தைச் சேர்ந்த இலக்கிய, பண்பாட்டு மற்றும் சமூக அமைப்பினர் எழுத்தாளர் கோ.செங்குட்டுவன் தலைமையில் கடந்த செப்.30 ஆம் தேதி முதல் கையெழுத்து இயக்கத்தை மேற்கொண்டு வந்தனர்.
நிறைவாக, அவர்கள் விழுப்புரம் ஆட்சியர் இல.சுப்பிரமணியனை திங்கள்கிழமை சந்தித்து, கோரிக்கை மனு அளித்துக் கூறியதாவது:
பல்வேறு வரலாற்றுப் பெருமைகளை தன்னகத்தே கொண்டுள்ள விழுப்புரம் மாவட்டத்தில் உள்ள விலைமதிப்பற்ற அரிய வரலாற்று ஆதாரங்களைப் பாதுகாக்கவும், அவற்றை பொதுமக்கள் பார்த்து பயன்பெறவும், அரசு சார்பில் அருங்காட்சியகம் இல்லை.
இது தொடர்பாக பொதுநல அமைப்புகள் சார்பில், கடந்த 2005-இல் அப்போதைய ஆட்சியர் பாலச்சந்தரிடம் மனு அளிக்கப்பட்டு மாவட்ட நிர்வாகத்தின் கருத்துரு தமிழக அரசுக்கும் அனுப்பப்பட்டது.
இதனைத் தொடர்ந்து, அப்போது, தமிழ் வளர்ச்சிக் கருத்தரங்கில் பங்கேற்ற அமைச்சர் சி.வி.சண்முகம், விழுப்புரம் பழைய வட்டாட்சியர் அலுவலகத்தில் தாற்காலிகமாக அருங்காட்சியம் அமைக்கப்படும் என்று தெரிவித்தார்.
இதற்கான பணிகள் நடைபெற்று வந்த நிலையில் திடீரென கிடப்பில் போடப்பட்டன. தற்போது, பெருந்திட்ட வளாகத்தில் அமைக்க இடம் ஒதுக்கப்பட்டுள்ளதாக அறிகிறோம். மாவட்ட மக்களின் எதிர்பார்ப்பை பூர்த்தி செய்யும் வகையில், அருங்காட்சியகம் அமைக்க உரிய நடவடிக்கை எடுக்க வேண்டும் என்றனர்.
பொது நல அமைப்புகளைச் சேர்ந்த பாபு, காமராஜ், ஷபி, அகிலன், சுரேஷ் உள்ளிட்ட பலர் உடனிருந்தனர்.

]]>
http://www.dinamani.com/all-editions/edition-villupuram/villupuram/2018/oct/10/விழுப்புரத்தில்-அருங்காட்சியகம்-அமைக்கக்-கோரி-ஆட்சியரிடம்-மனு-3017585.html
3017583 விழுப்புரம் விழுப்புரம் விழுப்புரத்தில் அரசுப் பேருந்து ஜப்தி DIN DIN Wednesday, October 10, 2018 09:36 AM +0530 விபத்து இழப்பீடு வழங்காததால், விழுப்புரத்தில் அரசுப் பேருந்தை நீதிமன்ற ஊழியர்கள் செவ்வாய்க்கிழமை ஜப்தி செய்தனர்.
விழுப்புரம் மாவட்டம், மரக்காணம் அருகே கூணிமேடு கிராமத்தைச் சேர்ந்தவர் விவசாயி குமார்(46). இவரது மனைவி கலைவாணி (42). இந்தத் தம்பதிக்கு குழந்தைகள் கிடையாது. கடந்த 2011-ஆம் ஆண்டு, விழுப்புரத்துக்கு வந்த குமார், விக்கிரவாண்டி அருகேயுள்ள ஒதியத்தூருக்குச் செல்வதற்காக சிக்னல் பகுதியில் அரசுப் பேருந்தில் ஏறினார்.
அப்போது, குமார் ஏறுவதற்குள் ஓட்டுநர் பேருந்தை எடுத்ததாகத் தெரிகிறது. இந்த விபத்தில் குமாரின் இடது கால் முறிந்தது. பின்னர், மருத்துவமனையில் அவரது முழங்கால் அகற்றப்பட்டது.
இந்த நிலையில், விபத்து இழப்பீடு கோரி குமார் விழுப்புரம் முதலாவது சிறப்பு சார்பு நீதிமன்றத்தில் வழக்குத் தொடுத்தார். இதனை விசாரித்த நீதிபதி உத்தமராஜ், கடந்த 2017-ஆம் ஆண்டு குமாரின் குடும்பத்தினருக்கு ரூ.6,17,600
இழப்பீடு வழங்க விழுப்புரம் அரசுப் போக்குவரத்துக் கழகத்துக்கு உத்தரவிட்டார்.
இழப்பீடு வழங்க கால தாமதமானதால், கட்டளை நிறைவேற்றுதல் மனு தாக்கல் செய்யப்பட்டது. இந்த மனுவை விசாரித்த நீதிபதி உத்தமராஜ், அரசுப் போக்குவரத்துக் கழகம் இழப்பீடுத் தொகையுடன் வட்டி சேர்ந்து ரூ.9,44,975 தொகையை வழங்க வேண்டும் என்றும் குறித்த காலத்துக்குள் வழங்கத் தவறினால் பேருந்தை ஜப்தி செய்யலாம் என்றும் கடந்த செப்டம்பர் மாதம் உத்தரவிட்டார்.
எனினும், இழப்பீடு வழங்கப்படாத நிலையில், ஆணை நிறைவேற்றுநர் பார்த்திபன் தலைமையிலான நீதிமன்ற ஊழியர்கள் குமாரின் மனைவி கலைவாணியுடன் விழுப்புரம் புதிய பேருந்து நிலையத்துக்கு செவ்வாய்க்கிழமை காலை 11 மணி அளவில் வந்து, அங்கிருந்து புதுச்சேரிக்கு புறப்படத் தயாராக இருந்த அரசுப் பேருந்தை ஜப்தி செய்து நீதிமன்றத்தில் கொண்டு வந்து நிறுத்தினர்.

]]>
http://www.dinamani.com/all-editions/edition-villupuram/villupuram/2018/oct/10/விழுப்புரத்தில்-அரசுப்-பேருந்து-ஜப்தி-3017583.html
3017581 விழுப்புரம் விழுப்புரம் தமிழியக்கம் தொடக்க விழா ஆலோசனைக் கூட்டம் DIN DIN Wednesday, October 10, 2018 09:36 AM +0530 உலகத் தமிழர்களை ஒருங்கிணைக்கும் வகையில் தொடங்கப்படவுள்ள தமிழியக்கம் குறித்த விழுப்புரம் மாவட்ட அளவிலான ஆலோசனைக் கூட்டம் விழுப்புரத்தில் செவ்வாய்க்கிழமை நடைபெற்றது.
தமிழர், தமிழ் அமைப்புகளை இணைத்து உலகத் தமிழர்கள் அனைவரையும் ஒரே குடையின் கீழ் ஒருங்கிணைக்கும் பொருட்டு "தமிழியக்கம்' என்ற அமைப்பு தொடங்கப்பட்டுள்ளது. இதன் தொடக்க விழா அக்டோபர்
15-ஆம் தேதி சென்னையில் நடைபெறவுள்ளது.
இதையொட்டி, விழுப்புரம் மாவட்டத்தில் உள்ள தமிழ் இலக்கிய அமைப்புகளைச் சேர்ந்தவர்களை ஒருங்கிணைக்கும் வகையில் தொடக்க விழா ஆலோசனைக் கூட்டம் விழுப்புரம் வி.ஆர்.பி. மேல்நிலைப் பள்ளியில்
செவ்வாய்க்கிழமை மாலை நடைபெற்றது.
தமிழியக்க மேலாண்மைக் குழு உறுப்பினர் முத்து தலைமை வகித்தார். மாநிலப் பொருளாளர் பதுமணார் முன்னிலை வகித்தார். விழுப்புரம் மாவட்டச் செயலாளர் சம்பத் வரவேற்றார். தமிழியக்கம் அமைப்பின் பொதுச் செயலாளர் அப்துல் காதர் கலந்து கொண்டு சிறப்புரையாற்றினார். மாநிலச் செயலாளர் சுகுமார் விளக்கவுரையாற்றினார். திருவண்ணாமலை மாவட்டச் செயலாளர் மாதவ.சின்ராசு, கடலூர் மாவட்டச் செயலாளர் குழந்தைவேலன் ஆகியோர் வாழ்த்துரை வழங்கினர்.
இதில், விழுப்புரம் மாவட்டத்தில் உள்ள 70 தமிழ்ச் சங்கங்களைச் சேர்ந்த நிர்வாகிகள், புதுச்சேரி, கடலூர் தமிழ்ச் சங்க நிர்வாகிகள் ஏராளமானோர் கலந்து கொண்டனர். கவிஞர் விக்கிரமன் நிகழ்ச்சியை ஒருங்கிணைத்தார். கர்நாடக மாநில ஒருங்கிணைப்பாளர் புகழேந்தி நன்றி கூறினார்.

]]>
http://www.dinamani.com/all-editions/edition-villupuram/villupuram/2018/oct/10/தமிழியக்கம்-தொடக்க-விழா-ஆலோசனைக்-கூட்டம்-3017581.html
3017579 விழுப்புரம் விழுப்புரம் மதுக் கடை திறப்புக்கு பொதுமக்கள் எதிர்ப்பு DIN DIN Wednesday, October 10, 2018 09:36 AM +0530 விழுப்புரத்தில் டாஸ்மாக் மதுக் கடை திறக்க எதிர்ப்புத் தெரிவித்து, மாவட்ட ஆட்சியரகத்தில் பொதுமக்கள் செவ்வாய்க்
கிழமை மனு அளித்தனர்.
விழுப்புரம், திருச்சி சாலையில் பெரியார் நகர் அருகில் புதிதாக டாஸ்மாக் மதுக் கடை திறக்கும் பணி செவ்வாய்க்கிழமை காலை நடைபெற்றது. இதனை அறிந்த, அப்பகுதி மக்கள் சிலர், அந்தக் கடையை திறக்க எதிர்ப்புத் தெரிவித்து போராட்டம் நடத்தப் போவதாக தகவல் வெளியானது.
இதையடுத்து, அங்கு விழுப்புரம் தாலுகா காவல் ஆய்வாளர் ராஜன் தலைமையில் போலீஸார் அங்கு குவிக்கப்பட்டு, பாதுகாப்புப் பணியில் ஈடுபட்டனர்.
இந்த நிலையில், பகல் 12 மணி அளவில், பொதுமக்கள் ஏராளமானோர் திரண்டு வந்து டாஸ்மாக் கடையை அமைக்கக் கூடாது என்று தெரிவித்தனர். அவர்களிடம் போலீஸார், முறையாக அனுமதி பெற்று கடை திறக்கப்படுகிறது. ஆகவே, இது குறித்து சம்பந்தப்பட்ட அதிகாரிகளிடம் சென்று முறையிடுமாறு அறிவுறுத்தினர். இதனை ஏற்று, அங்கிருந்து பொதுமக்கள் மாவட்ட ஆட்சியரகத்துக்கு வந்து, பாலாஜி நகர் குடியிருப்போர் நலச் சங்கம், கட்டபொம்மன் குடியிருப்போர் நலச் சங்கம் ஆகியவை சார்பில் மனு அளித்தனர்.
அந்த மனுவில் கூறியிருப்பதாவது: பெரியார் நகர் அமைந்துள்ள வழுதரெட்டி பகுதியில் ஆதி திராவிடர் அரசு மகளிர் விடுதி, தனியார் பள்ளி, தேவாலயம், கோயில் போன்றவை அமைந்துள்ளன. ஆகவே, இந்தப் பகுதியில் டாஸ்மாக் மதுக் கடை திறக்க வேண்டாம் என்று, ஏற்கெனவே கடந்த மாதம் மனு அளித்தோம். பொதுமக்கள், மாணவ, மாணவிகள், பக்தர்களின் நலன் கருதி அங்கு கடை திறக்காமல் இருக்க நடவடிக்கை எடுக்க வேண்டும் என்று அதில் தெரிவித்துள்ளனர்.
மதுக்கடை திறப்பு: இதனிடையே, பொதுமக்கள் எதிர்ப்புத் தெரிவித்த பகுதியில் செவ்வாய்க்கிழமை மாலை மதுக்கடை திறக்கப்பட்டது குறிப்பிடத்தக்கது.

]]>
http://www.dinamani.com/all-editions/edition-villupuram/villupuram/2018/oct/10/மதுக்-கடை-திறப்புக்கு-பொதுமக்கள்-எதிர்ப்பு-3017579.html
3017577 விழுப்புரம் விழுப்புரம் அக்.16-இல் மாற்றுத் திறனாளிகளுக்கான மனு நீதி நாள் முகாம் DIN DIN Wednesday, October 10, 2018 09:35 AM +0530 கள்ளக்குறிச்சி, சின்னசேலம், சங்கராபுரம் வட்டங்களுக்கு உள்பட்ட பகுதிகளில் வசிக்கும் மாற்றுத் திறனாளிகளுக்கான சிறப்பு மனு நீதிநாள் முகாம் கள்ளக்குறிச்சி கோட்டாட்சியர் அலுவலகத்தில் செவ்வாய்க்
கிழமை (அக்.16) நடைபெறுகிறது.
காலை 10 மணி முதல் 2மணி வரை இந்த முகாமில் மாற்றுத் திறனாளிகள் கோரிக்கைகள் தொடர்பான மனுக்களை கோட்டாட்சியர் ம.தினேஷிடம் அளித்து பயன் பெறலாம்.

 

]]>
http://www.dinamani.com/all-editions/edition-villupuram/villupuram/2018/oct/10/அக்16-இல்-மாற்றுத்-திறனாளிகளுக்கான-மனு-நீதி-நாள்-முகாம்-3017577.html
3017575 விழுப்புரம் விழுப்புரம் விழுப்புரம் அரசு மருத்துவமனையில் நோயாளிக்கு சிகிச்சை அளித்த காவலாளி! DIN DIN Wednesday, October 10, 2018 09:35 AM +0530 விழுப்புரம் அரசு மருத்துவமனையில், விபத்தில் காயமடைந்தவருக்கு காவலாளி சிகிச்சை அளிக்கும் விடியோ சமூக ஊடகங்களில் திங்கள்கிழமை இரவு வெளியானது. இதையடுத்து அந்தக் காவலாளி பணி நீக்கம் செய்யப்பட்டார்.
விழுப்புரம் அரசு மருத்துவமனையில் தனியார் நிறுவனம் மூலம் காவலாளியாக பணிபுரிபவர் கார்த்திக். திங்கள்கிழமை பிற்பகல் இந்த மருத்துவமனைக்கு, விழுப்புரத்தைச் சேர்ந்த ஆட்டோ ஓட்டுநர் ஒருவர் விபத்தில் சிக்கி காலில் காயமடைந்த நிலையில் சிகிச்சைக்காக வந்தார். அப்போது, அங்கு காவல் பணியில் இருந்த காவலாளி கார்த்தி, அந்த ஆட்டோ ஓட்டுநரின் காலில் வழிந்த ரத்தத்தை பஞ்சு கொண்டு துடைத்து, சிகிச்சை அளிப்பது (படம்) போன்ற விடியோ சமூக ஊடகங்களில் அன்றிரவு வெளியானது.
இது குறித்து காவலாளி கார்த்திக் கூறியதாவது: மருத்துவமனையில் கட்டு கட்டுமிடத்தில் அதிக கூட்டமாக இருந்ததால், அங்கிருந்து நோயாளிகள் அல்லாதவர்களை அப்புறப்படுத்தச் சென்றேன். அப்போது, அந்த அறையில் காயத்துடன் படுத்திருந்த ஒருவரது, காலில் வழிந்த ரத்தத்தை அவருடன் வந்திருந்த பெண் தனது புடவையால் துடைத்தார். இதைக் கண்ட நான், புடவையால் காயத்தைத் துடைத்தால் நோய் தொற்று ஏற்படும். ஆகையால், பஞ்சை எடுத்து துடையுங்கள் என்று கூறினேன். ஆனால், அதற்குள் அந்த பெண் ரத்தத்தை பார்த்து, மயக்கம் வருவதாகக் கூறி அப்படியே அமர்ந்துவிட்டார். இதனால், அந்த காயத்தில் இருந்து வழிந்த ரத்தத்தை மனிதாபிமான அடிப்படையில் துடைத்தேன். இதை, அங்கிருந்த யாரோ விடியோவாக எடுத்து வெளியிட்டுவிட்டனர் என்றார்.
இதுகுறித்து விழுப்புரம் அரசு மருத்துவமனை குடிமை மருத்துவ அலுவலர் சாந்தி கூறியதாவது: அந்த சம்பவம் நிகழ்ந்த இடம் அவசரப் பிரிவில் உள்ள கட்டு கட்டுமிடம். அப்போது, அங்கு பணியில் இருந்த மருத்துவப் பணியாளர்கள், விஷமருந்திய நோயாளிகள் உள்பட 5 நோயாளிகளை கவனிக்கும் பணியில் ஈடுபட்டிருந்தனர். ஆகையால், அங்கு வந்த ஒரு நோயாளியின் ரத்தத்தை காவலாளி துடைத்துள்ளார். இதுகுறித்து அந்த காவலாளி உள்பட பணியில் இருந்த மருத்துவப் பணியாளர்கள், மருத்துவர் ஆகியோரிடம் விளக்கம் பெற்று, உயரதிகாரிக்கு அனுப்பியுள்ளேன். இந்த சம்பவம் தொடர்பாக, அந்த காவலாளி பணி நீக்கம் செய்யப்பட்டார் என்றார்.

 

]]>
http://www.dinamani.com/all-editions/edition-villupuram/villupuram/2018/oct/10/விழுப்புரம்-அரசு-மருத்துவமனையில்-நோயாளிக்கு-சிகிச்சை-அளித்த-காவலாளி-3017575.html
3017496 விழுப்புரம் விழுப்புரம் அரசு விடுதியில் அடிப்படை வசதிகள் கோரி ஆட்சியரகத்தில் மாணவிகள் மனு DIN DIN Wednesday, October 10, 2018 08:58 AM +0530 விழுப்புரம் அரசு ஆதிதிராவிடர் மாணவியர் விடுதியில் அடிப்படை வசதிகள் செய்து தரக் கோரி, கல்லூரி மாணவிகள் மாவட்ட ஆட்சியர் அலுவலகத்துக்கு செவ்வாய்க்கிழமை திரண்டு வந்து மனு அளித்தனர்.
"விடுதியில் அடிப்படை வசதி வேண்டும்', "புதிய விடுதி வேண்டும்' போன்ற வாசகங்கள் அடங்கிய பதாகைகளை கையில் ஏந்தியபடி கல்லூரி மாணவிகள் இருபதுக்கும் மேற்பட்டோர் விழுப்புரம் மாவட்ட ஆட்சியரகத்துக்கு செவ்வாய்க்கிழமை காலை வந்தனர். அவர்களை போலீஸார் தடுத்து நிறுத்தி, விசாரித்தனர்.
அப்போது, மாணவிகள் கூறியதாவது: விழுப்புரம் சுற்றுவட்டாரத்தைச் சேர்ந்த மாணவிகள் அறிஞர் அண்ணா அரசு கலைக் கல்லூரி, டாக்டர் எம்.ஜி.ஆர். மகளிர் கல்லூரி, அரசு சட்டக் கல்லூரியில் பயின்று வருகிறோம். தினமும் வீட்டுக்குச் சென்று வருவது சிரமமாக இருப்பதால், விழுப்புரம் பானாம்பட்டு பாதையில் உள்ள கல்லூரி மாணவிகளுக்கான அரசு ஆதி
திராவிடர் நல விடுதியில் 35 பேர் தங்கியுள்ளோம்.பழைய கட்டடத்தில் இயங்கி வரும் அந்த விடுதியில் சுகாதாரம் இல்லை. கழிப்பறைகள் பயன்படுத்த முடியாத நிலையில் உள்ளன. தரமான உணவு வழங்கப்படுவதில்லை. குடிநீரில் புழுக்கள் மிதந்து வருவதால், குடிநீரை பருக முடியாத சூழல் உள்ளது. அறைகளில் மேற்கூரையின் காரைகள் பெயர்ந்து விழுகின்றன. ஆதலால் பாதுகாப்பற்ற சூழலில் தங்கியிருக்கிறோம். இது குறித்து நடவடிக்கை எடுக்க வேண்டும் என்று சம்பந்தப்பட்ட அதிகாரிகளிடம் தெரிவித்தும் பயனில்லை.
நாள்தோறும் இந்தப் பிரச்னையை சந்தித்து வருவதால், எங்களால் படிப்பில் கவனம் செலுத்த முடியவில்லை. ஆகவே, சுகாதாரமான உணவு மற்றும் அடிப்படை வசதிகள் செய்து தர வேண்டும். இதேபோல, விரைவில் புதிய விடுதியை கட்டித் தர மாவட்ட ஆட்சியர் நடவடிக்கை எடுக்க வேண்டும் என்று அவர்கள் தெரிவித்தனர்.
இதன்பிறகு, சில மாணவிகளை மட்டும் போலீஸார் ஆட்சியரகத்துக்குள் செல்ல அனுமதித்தனர். அவர்கள் ஆட்சியரகத்தில் மனு அளித்து விட்டுச் சென்றனர்.

]]>
http://www.dinamani.com/all-editions/edition-villupuram/villupuram/2018/oct/10/அரசு-விடுதியில்-அடிப்படை-வசதிகள்-கோரி-ஆட்சியரகத்தில்-மாணவிகள்-மனு-3017496.html
3017495 விழுப்புரம் விழுப்புரம் மேல்மலையனூரில் அமாவாசை ஊஞ்சல் உற்சவம் DIN DIN Wednesday, October 10, 2018 08:58 AM +0530 விழுப்புரம் மாவட்டம், செஞ்சியை அடுத்த மேல்மலையனூர் அங்காள பரமேஸ்வரி அம்மன் கோயிலில், புரட்டாசி மாத அமாவாசையையொட்டி, ஊஞ்சல் உற்சவம் திங்கள்கிழமை நள்ளிரவு நடைபெற்றது. இதில் ஆயிரக்கணக்கான பக்தர்கள் கலந்து கொண்டு அம்மனை வழிபட்டனர்.
பிரசித்தி பெற்ற இந்தக் கோயிலில் நடைபெறும் அமாவாசை ஊஞ்சல் உற்சவத்துக்கு தமிழகம் மட்டுமல்லாது வெளிமாநிலங்களில் இருந்தும் பக்தர்கள் வந்து பங்கேற்பது வழக்கம்.
புரட்டாசி மாத அமாவாசை என்பதால் திங்கள்கிழமை வழக்கத்துக்கு மாறாக பக்தர்கள் அதிகளவில் காலை முதலே வந்தவண்ணம் இருந்தனர்.
காலையில் மூலவர் அங்காளம்மனுக்கு பால், தயிர், இளநீர், தேன், சந்தனம், மஞ்சள் உள்ளிட்ட பல்வேறு வாசனை திரவியங்களைக் கொண்டு அபிஷேகம் நடைபெற்றது.
பின்னர், தங்கக் கவசம் அணிவிக்கப்பெற்று, மலர்களால் அம்மன் அலங்கரிக்கப்பட்டு மகா தீபாராதனை நடைபெற்றது.
இரவு 8 மணி அளவில் உற்சவர் அங்காளம்மனுக்கு சிறப்பு அபிஷேக, ஆராதனைகள் நடைபெற்று வண்ண மலர்களால் அலங்காரம் செய்விக்கப்பட்டது. இரவு 11.40 மணி அளவில் வடக்கு வாயில் வழியாக ஊஞ்சல் மண்டபத்துக்கு அங்காளம்மன் துர்க்கையம்மன் அலங்காரத்தில் வந்து அங்குள்ள ஊஞ்சலில் எழுந்தருளினார்.
கோயில் பூசாரிகள் ஊஞ்சலை அசைத்தவாறு அம்மன் தாலாட்டுப் பாடலை பாடினர். பின்னர், மேளதாளம் முழங்க மகாதீபாராதனை நடைபெற்றது.
அப்போது, அங்கு கூடியிருந்த ஆயிரக்கணக்கான பக்தர்கள் எலுமிச்சை, தேங்காயில் கற்பூரம் ஏற்றி வழிபாடு செய்தனர்.
விழாவில், விழுப்புரம் மாவட்ட கூடுதல் நீதிபதி அருணாச்சலம், எஸ்பி ஜெயக்குமார், இந்து சமய அறநிலையத் துறை உதவி ஆணையர்கள் விழுப்புரம் ஜோதி, திருவண்ணாமலை மோகனசுந்தரம் உள்ளிட்ட ஆயிரக்கணக்கான பக்தர்கள் பங்கேற்றனர்.
ஏற்பாடுகளை மேல்மலையனூர் இந்து சமய அறநிலையத் துறை உதவி ஆணையர் ஏ.ஆர்.பிரகாஷ், அறங்காவலர் குழுத் தலைவர் கணேசன், அறங்காவலர்கள் ஏழுமலை, செல்வம், ரமேஷ், சரவணன், சேகர், மணி ஆய்ளாளர் அன்பழகன், மேலாளர் மணி உள்ளிட்ட கோயில் பணியாளர்கள் செய்திருந்தனர்.
பாதுகாப்பு ஏற்பாடுகளை செஞ்சி டிஎஸ்பி ரவிச்சந்திரன் தலைமையிலான போலீஸார், ஊர்க்காவல் படையினர், தீயணைப்புத் துறை, சுகாதாரத் துறை உள்ளிட்ட அரசுத் துறையினர் செய்திருந்தனர்.
தமிழ்நாடு அரசு போக்குவரத்துக் கழகம் சார்பில் சிறப்புப் பேருந்துகள் இயக்கப்பட்டன.

]]>
http://www.dinamani.com/all-editions/edition-villupuram/villupuram/2018/oct/10/மேல்மலையனூரில்-அமாவாசை-ஊஞ்சல்-உற்சவம்-3017495.html
3017493 விழுப்புரம் விழுப்புரம் மின்சாரம் பாய்ந்து இளைஞர் சாவு DIN DIN Wednesday, October 10, 2018 08:58 AM +0530 திருவெண்ணெய்நல்லூர் அருகே வீட்டில் மின்சாரம் பாய்ந்து இளைஞர் திங்கள்கிழமை உயிரிழந்தார்.
திருவெண்ணெய்நல்லூர் அருகேயுள்ள இருவேல்பட்டு கிராமத்தைச் சேர்ந்தவர் ஜெயசங்கர். இவரது மகன் அல்பின்ராஜ்(19) (படம்). பிளஸ் 2 முடித்துள்ள இவர், உளுந்தூர்பேட்டை அருகே அயன்வேலூரில் உள்ள தனது மாமா சபரிநாதன் வீட்டுக்கு திங்கள்கிழமை மாலை சென்றார். அவரது வீட்டில் பல்பு எரியாமல் பழுதாகி இருந்தது. அல்பின்ராஜ் அந்த பல்பை ஒளிர வைக்கும் முயற்சியில் ஈடுபட்டார். அப்போது, எதிர்பாராதவிதமாக அவர் மீது மின்சாரம் பாய்ந்தது. இதில், தூக்கி வீசப்பட்டு காயமடைந்தார். களமருதூர் ஆரம்ப சுகாதார நிலையத்தில் அனுமதிக்கப்பட்ட அவர், தீவிர சிகிச்சைக்காக உளுந்தூர்பேட்டை அரசு மருத்துவமனைக்கு கொண்டும் செல்லும் வழியில் உயிரிழந்தார். திருநாவலூர் போலீஸார் வழக்குப்
பதிந்து விசாரணை செய்து வருகின்றனர்.

 

]]>
http://www.dinamani.com/all-editions/edition-villupuram/villupuram/2018/oct/10/மின்சாரம்-பாய்ந்து-இளைஞர்-சாவு-3017493.html
3017492 விழுப்புரம் விழுப்புரம் வழக்கு விவரம் அறிய விழுப்புரம் நீதிமன்றத்தில் தொடுதிரை வசதி DIN DIN Wednesday, October 10, 2018 08:57 AM +0530 விழுப்புரம் ஒருங்கிணைந்த நீதிமன்ற வளாகத்தில், வழக்கு விவரங்களை அறிய தொடுதிரை இயந்திரத்தை மாவட்ட முதன்மை நீதிபதி சரோஜினி தேவி தொடக்கி வைத்தார்.
விழுப்புரம் ஒருங்கிணைந்த நீதிமன்றத்தில் 14-க்கும் மேற்பட்ட நீதிமன்றங்கள் செயல்பட்டு வருகின்றன. இங்கு நாள்தோறும் நூற்றுக்கணக்கான வழக்குகள் விசாரணைக்கு வருகின்றன. இதற்காக, ஆயிரத்துக்கும் மேற்பட்ட பொதுமக்கள் மற்றும் வழக்குரைஞர்கள் வந்து செல்கின்றனர்.
இவர்களுக்கு வழக்கு விவரங்களை எளிமையாக அறிந்து கொள்ளும் வகையில், விழுப்புரம் ஒருங்கிணைந்த நீதிமன்ற வளாகத்தில் தொடு திரையுடன் கூடிய இயந்திரம் அமைக்கப்பட்டுள்ளது. இதனை, மாவட்ட முதன்மை நீதிபதி சரோஜினி தேவி செவ்வாய்க்கிழமை காலை தொடக்கி வைத்தார்.
இந்த நிகழ்ச்சியில் நீதிபதிகள் ஜமுனா, திருமகள், பிரியா, விஜயலட்சுமி, ஜெயமங்கலம், உத்தமராஜ், மோகன், கயல்விழி, மும்தாஜ், பாரதி, காஞ்சனா, கவிதா, உமாமகேஸ்வரி, வழக்குரைஞர் சங்க நிர்வாகிகள் தமிழ்ச்செல்வன், சகாதேவன், கோவிந்தராஜுலு, சுப்புராயலு மற்றும் நீதிமன்ற அலுவலர்கள், பணியாளர்கள் ஏராளமானோர் கலந்து கொண்டனர்.
இந்த புதிய தொடு திரை இயந்திரத்தின் மூலமாக வழக்கு எண், பெயர் போன்ற விவரங்களை பதிவு செய்து வழக்கின் தற்போதைய நிலையை பொதுமக்களே எளிதாகவும், இலவசமாகவும் அறிந்து கொள்ள முடியும். இந்த இயந்திரத்தை நீதிமன்ற பணி நேரத்தில் பயன்படுத்தலாம் என்று தெரிவிக்கப்பட்டுள்ளது.

]]>
http://www.dinamani.com/all-editions/edition-villupuram/villupuram/2018/oct/10/வழக்கு-விவரம்-அறிய-விழுப்புரம்-நீதிமன்றத்தில்-தொடுதிரை-வசதி-3017492.html
3017487 விழுப்புரம் விழுப்புரம் நுண்ணீர்ப் பாசன விழிப்புணர்வு முகாம் DIN DIN Wednesday, October 10, 2018 08:57 AM +0530 விழுப்புரம் அருகே சோழம்பூண்டி கிராமத்தில் நுண்ணீர்ப் பாசன விழிப்புணர்வு முகாம் அண்மையில் நடைபெற்றது.
வேளாண்துறை மற்றும் கடலூர் பொரையூர் தனியார் வேளாண் தொழில் நுட்பக் கல்லூரி மாணவர்கள் சார்பில் நடைபெற்ற இந்த முகாமுக்கு வேளாண்மை உதவி இயக்குநர் பிரேமலதா தலைமை வகித்தார். ஜெஎஸ்ஏ வேளாண்மை கல்லூரி மாணவர்கள், தங்களது கிராமிய வேளாண் பணி அனுபவத்துக்காக இணைந்து பணியாற்றினர். விவசாயிகளுக்கு, கல்லூரி மாணவர்கள், பஞ்சகவ்யம் தயாரிக்கும் முறை குறித்து செயல் விளக்கம் அளித்தனர்.
கோலியனூர் ஒன்றிய வேளாண்மை அலுவலர் பாலமுருகன் பங்கேற்று, தண்ணீர் சேமிப்புக்கான சொட்டு நீர் பாசனம், தெளிப்பு நீர் பாசனம் மற்றும் மழைத் தூவான் பயன்படுத்துவது குறித்து விளக்கினார்.
விவசாய உபகரணங்களுக்கான மானிய விவரங்கள் குறித்தும் முகாமில் விளக்கினர். வேளாண்மை தொழில்நுட்ப மேலாண்மை முகமை உறுப்பினர்கள் மற்றும் உதவி வேளாண்மை அலுவலர்கள், மாணவர்கள், விவசாயிகள் கலந்துகொண்டனர்.

]]>
http://www.dinamani.com/all-editions/edition-villupuram/villupuram/2018/oct/10/நுண்ணீர்ப்-பாசன-விழிப்புணர்வு-முகாம்-3017487.html
3017485 விழுப்புரம் விழுப்புரம் மருத்துவக் கல்லூரியில் இடம் வாங்கித் தருவதாக திரைப்பட இயக்குநரிடம் ரூ.50 லட்சம் மோசடி DIN DIN Wednesday, October 10, 2018 08:56 AM +0530
திரைப்பட இயக்குநரின் மகளுக்கு அரசு மருத்துவக் கல்லூரியில் பயில இடம் வாங்கித் தருவதாக ரூ.50 லட்சம் மோசடி செய்ததாக, வானூரைச் சேர்ந்த உரக் கடை உரிமையாளரை போலீஸார் செவ்வாய்க்கிழமை கைது செய்தனர்.
மரக்காணம் அருகே செட்டிக்குளம் பகுதியைச் சேர்ந்தவர் வினோபா. இவரது மகன் கார்த்தி(30). இவர், சென்னையில் தங்கி திரைப்பட இயக்குநர் ராஜ்கபூர் என்பவரிடம் பணிபுரிந்து வந்தார். இந்த நிலையில், ராஜ்கபூர் தனது மகள் மருத்துவக் கல்வி பயில முயற்சித்து வந்ததை கார்த்தி அறிந்தார். இதையடுத்து, ராஜ்கபூரிடம், கார்த்தி தனக்கு தெரிந்த நபர் மூலமாக பணம் கொடுத்து அரசு மருத்துவக் கல்லூரியில் இடம் வாங்கிவிடலாம் என்று கூறியுள்ளார். இதை நம்பி, ரூ.50 லட்சம் வரை ராஜ்கபூர் கொடுத்தாராம்.
இந்தத் தொகையை, கார்த்தி வானூர் அருகே உப்புவேலூரில் உரக்கடை வைத்துள்ள பன்னீர்செல்வத்திடம் (50) கொடுத்து, அரசு மருத்துவக் கல்லூரியில் இடம் வாங்கித் தருமாறு கூறினாராம். அதன்படி, திருச்சி அரசு மருத்துவக் கல்லூரியில் ராஜ்கபூரின் மகளுக்கு இடம் கிடைத்ததற்கான ஆணையை பன்னீர்செல்வம் வழங்கினாராம். இதை எடுத்துக் கொண்டு, அந்தக் கல்லூரிக்குச் சென்று கேட்டபோது, அந்த ஆணை போலியானது எனத் தெரிய வந்தது.
இதுகுறித்து பன்னீர்செல்வத்திடம், கார்த்தியின் தந்தை வினோபா கேட்டபோது, அவருக்கு பன்னீர்செல்வம் கொலை மிரட்டல் விடுத்தாராம். இதையடுத்து, கிளியனூர் காவல் நிலையத்தில் வினோபா புகார் அளித்தார். அதன்பேரில் மோசடி செய்தல் உள்ளிட்ட 6 பிரிவுகளின் கீழ் வழக்குப் பதிவு செய்து பன்னீர் செல்வத்தை காவல் ஆய்வாளர் திருமணி செவ்வாய்க்கிழமை கைது செய்தார்.

]]>
http://www.dinamani.com/all-editions/edition-villupuram/villupuram/2018/oct/10/மருத்துவக்-கல்லூரியில்-இடம்-வாங்கித்-தருவதாக-திரைப்பட-இயக்குநரிடம்-ரூ50-லட்சம்-மோசடி-3017485.html
3017483 விழுப்புரம் விழுப்புரம் மகா புஷ்கர விழிப்புணர்வு ரதத்துக்கு வரவேற்பு DIN DIN Wednesday, October 10, 2018 08:56 AM +0530 விழுப்புரம் மாவட்டத்துக்கு செவ்வாய்க்கிழமை வந்த தாமிரவருணி மகா புஷ்கர ரத யாத்திரைக்கு பொதுமக்கள் திரண்டு வரவேற்பு அளித்தனர்.
குரு பகவான் விருச்சிக ராசிக்கு இடம் பெயர்ந்ததையொட்டி, அந்த ராசிக்குரிய தாமிரவருணி ஆற்றில் மகா புஷ்கர விழா நடைபெறவுள்ளது. இதையொட்டி அதன் சிறப்புகளை எடுத்துரைக்கும் ரத யாத்திரை திங்கள்கிழமை காஞ்சிபுரத்தில் தொடங்கியது. இதனை காஞ்சி மடத்தின் பீடாதிபதி விஜயேந்திர சரஸ்வதி சுவாமிகள் தொடக்கி வைத்தார். அந்த ரதம் செவ்வாய்க்கிழமை காலை விழுப்புரத்துக்கு வந்தது.
விழுப்புரம் பாணாம்பட்டு பாதை அருகே வந்த விழிப்புணர்வு ரதத்துக்கு பாஜக மாவட்டப் பொதுச் செயலாளர் சுகுமார், இ.எஸ். கல்விக் குழுமத்தின் நிறுவனர் இ.சாமிக்கண்ணு, அதிமுக முன்னாள் நகர் மன்ற உறுப்பினர் அண்ணாமலை, நாடார் சங்க நிர்வாகி பச்சையப்பன், பிராமணர் சங்க நிர்வாகி சங்கரன் உள்ளிட்ட பொதுமக்கள் ஏராளமானோர் கலந்து கொண்டு வரவேற்பு அளித்தனர். பொதுமக்களுக்கு மகா புஷ்கர விழா குறித்த விழிப்புணர்வு துண்டு பிரசுரங்கள், புத்தகங்கள் வழங்கப்பட்டன.
இதன்பிறகு, விழுப்புரம் கிழக்கு பாண்டி சாலை, நேருஜி சாலை, திருச்சி சாலை உள்ளிட்ட நகரின் முக்கிய வீதிகளை ரதம் வலம் வந்தது. இதனை ஏராளமான பொதுமக்கள் பார்வையிட்டனர்.
உளுந்தூர்பேட்டை: உளுந்தூர்பேட்டை பேருந்து நிலையத்துக்கு வந்த மகா புஷ்கர ரத யாத்திரைக்கு விஷ்வ ஹிந்து பரிஷத் மாவட்ட பொதுச்செயலாளர் வி.கண்ணன், வழக்குரைஞர் பிரிவு எல்.கண்ணன், வட்டார வளர்ச்சி அலுவலர் (ஓய்வு) முத்துக்குமாரசாமி, முன்னாள் பேரூராட்சி மன்றத் தலைவர் க.ஜெயசங்கர், நல்லாசிரியர் சீராள.சிவப்பிரகாசம் மற்றும் பாரதிய ஜனதா கட்சியினர் வரவேற்பு அளித்தனர்.
கள்ளக்குறிச்சி: கள்ளக்குறிச்சி பெருமாள் கோயிலுக்கு வந்த மகா புஷ்கர ரதத்துக்கு செவ்வாய்க்கிழமை ஏராளமானோர் திரண்டு வரவேற்பு அளித்தனர். சிறப்பு பூஜை, மகா தீபாராதனை நடைபெற்றது. தியாகதுருகம், சின்னசேலம் பகுதிகளிலும் ரதத்துக்கு வரவேற்பு அளிக்கப்பட்டது. மாலையில் சேலம் மாவட்டத்தை மகாபுஷ்கர ரதம் சென்றடைந்தது.

 

]]>
http://www.dinamani.com/all-editions/edition-villupuram/villupuram/2018/oct/10/மகா-புஷ்கர-விழிப்புணர்வு-ரதத்துக்கு-வரவேற்பு-3017483.html
3017481 விழுப்புரம் விழுப்புரம் லஞ்ச வழக்கு: மோட்டார் வாகன ஆய்வாளருக்கு அக்டோபர் 23 வரை காவல் நீட்டிப்பு DIN DIN Wednesday, October 10, 2018 08:55 AM +0530 லஞ்ச வழக்கில் கைது செய்யப்பட்ட கள்ளக்குறிச்சி மோட்டார் வாகன ஆய்வாளருக்கு வருகிற 23-ஆம் தேதி வரை காவலை நீட்டித்து, விழுப்புரம் நீதிமன்றம் செவ்வாய்க்கிழமை உத்தரவிட்டது.
விழுப்புரம் மாவட்டம், கள்ளக்குறிச்சி மோட்டார் வாகன அலுவலர் அலுவலகத்தில் மோட்டார் வாகன ஆய்வாளராகப் பணிபுரிந்த பாபு, வாகன தகுதிச் சான்று வழங்க ரூ.25 ஆயிரம் லஞ்சம்
பெற்றதாக கடந்த செப். 11-ஆம் தேதி விழுப்புரம் ஊழல் தடுப்பு மற்றும் கண்காணிப்புப் பிரிவு போலீஸாரால் கைது செய்யப்பட்டார்.
இந்த வழக்கில், பாபுவின் அலுவலக உதவியாளர் செந்தில்குமாரும் கைது செய்யப்பட்டார்.
இருவரும் கடலூர் மத்திய சிறையில் அடைக்கப்பட்டனர்.
இதையடுத்து, கடலூரில் உள்ள பாபுவின் வீடு, அவரது வங்கிப் பெட்டகங்களில் சோதனை நடத்தப்பட்டு பல லட்சம் ரூபாய் மதிப்பிலான நகை, ரொக்கம் கைப்பற்றப்பட்டது. இதனிடையே, ஜாமீன் கோரி பாபு தாக்கல் செய்திருந்த மனுவை விழுப்புரம் நீதிமன்றம் ஏற்கெனவே தள்ளுபடி செய்தது.
இந்த நிலையில், நீதிமன்றக் காவல் முடிந்து செவ்வாய்க்கிழமை (அக்.9) பிற்பகல் விழுப்புரம் ஊழல் தடுப்பு சிறப்பு நீதிமன்றத்தில் பாபு, செந்தில்குமார் ஆகிய இருவரும் போலீஸ் பாதுகாப்புடன் ஆஜர்படுத்தப்பட்டனர். அப்போது, வழக்கை விசாரித்த நீதிபதி பிரியா, அவர்கள் இருவரது நீதிமன்றக் காவலை வருகிற 23-ஆம் தேதி வரை நீட்டித்து உத்தரவிட்டார்.

]]>
http://www.dinamani.com/all-editions/edition-villupuram/villupuram/2018/oct/10/லஞ்ச-வழக்கு-மோட்டார்-வாகன-ஆய்வாளருக்கு-அக்டோபர்-23-வரை-காவல்-நீட்டிப்பு-3017481.html
3016812 விழுப்புரம் விழுப்புரம் சிபிஐ வேலை வாங்கித் தருவதாக ரூ.33 லட்சம் மோசடி: இருவர் மீது வழக்குப் பதிவு  விழுப்புரம், DIN Tuesday, October 9, 2018 08:42 AM +0530 சிபிஐ-யில் வேலை வாங்கித் தருவதாக, விழுப்புரம் மாவட்டத்தைச் சேர்ந்த இளைஞர்களிடம் ரூ.33 லட்சம் மோசடி செய்ததாக 2 பேர் மீது குற்றப் பிரிவு போலீஸார் திங்கள்கிழமை வழக்குப் பதிவு செய்தனர்.
 விழுப்புரம் மாவட்டம், கள்ளக்குறிச்சி அருகே ஏமப்பேர், ஜே.ஜே. நகரைச் சேர்ந்தவர் சர்தார் மகன் ஜமீர் (27). இவர், விழுப்புரம் மாவட்ட குற்றப் பிரிவில் திங்கள்கிழமை அளித்த புகார் மனுவில் கூறியிருப்பதாவது:
 பி.இ. பொறியியல் பட்டதாரியான நான் கடந்த 2016-ஆம் ஆண்டு வேலை இல்லாமல் இருந்தபோது, நண்பரான கள்ளக்குறிச்சியைச் சேர்ந்த லிஜோ என்பவர் மூலம் மதுரையைச் சேர்ந்த ராஜீவ்கிருஷ்ணன் என்பவர் அறிமுகமானார்.
 அப்போது, அவர்தான் மாநில காவல் துறையின் கீழ் உள்ள சிபிசிஐடி-யில் பணியாற்றி வருவதாகவும், சிபிஐ, தலைமைச் செயலகம் போன்ற இடங்களில் தனக்கு நெருக்கமான நபர்கள் இருப்பதாகவும், பணம் கொடுத்தால் சிபிஐ-யில் வேலை வாங்கித் தருவதாகவும் கூறினார்.
 அதனை நம்பி, எனக்கும், எனது சகோதரருக்கும் சேர்த்து ரூ.14 லட்சத்தை ராஜீவ் கிருஷ்ணனின் வங்கிக் கணக்கில் செலுத்தினேன். இதேபோல, எனது நண்பர்கள் விமல், மணிபாரதி ஆகியோர் முறையே ரூ.6 லட்சம், ரூ.13 லட்சம் பணத்தை அவரிடம் கொடுத்தனர். மொத்தம் ரூ.33 லட்சத்தைப் பெற்றுக்கொண்ட ராஜீவ்கிருஷ்ணன், எங்களுக்கு வேலை வாங்கித் தராமல் ஏமாற்றி வந்தார். இதுகுறித்து அவரிடம் கேட்டபோது, கொலை மிரட்டல் விடுத்தார். இது தொடர்பாக விசாரித்து நடவடிக்கை எடுக்க வேண்டும் என்று அதில் அவர் கூறியிருந்தார்.
 இந்தப் புகாரின்பேரில் லிஜோ, ராஜீவ்கிருஷ்ணன் ஆகியோர் மீது விழுப்புரம் மாவட்ட குற்றப்பிரிவு காவல் உதவி ஆய்வாளர் ஜெய்சங்கர் தலைமையிலான போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/villupuram/2018/oct/09/சிபிஐ-வேலை-வாங்கித்-தருவதாக-ரூ33-லட்சம்-மோசடி-இருவர்-மீது-வழக்குப்-பதிவு-3016812.html