Dinamani - விழுப்புரம் - http://www.dinamani.com/all-editions/edition-villupuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2977674 அனைத்துப் பதிப்புகள் விழுப்புரம் ஓய்வுபெற்ற அலுவலர்கள் சங்கக் கூட்டம்  திருக்கோவிலூர், DIN Friday, August 10, 2018 08:34 AM +0530 சங்கராபுரத்தில் ஓய்வுபெற்ற அலுவலர்கள் சங்கக் கூட்டம் வியாழக்கிழமை நடைபெற்றது.
 சங்கத் தலைவர் கே.கலியமூர்த்தி தலைமை வகித்தார். செயல் தலைவர் அருணாசலம், தணிக்கையாளர் ஜி.வேங்கடநாராயணன் ஆகியோர் முன்னிலை வகித்தனர். கூட்டத்தில் சங்கச் செயலர் கே.மதியழகன், பொருளாளர் ம.ராஜேந்திரன், துணைத் தலைவர் ஏ.நாராயணசாமி ஆகியோர் முன்னாள் முதல்வர் மு.கருணாநிதி ஆசிரியர்களுக்கு ஊதிய உயர்வு வழங்கியது, தமிழ்மொழிக்கு தொண்டாற்றியது குறித்துப் பேசினர்.
 முன்னதாக, மறைந்த முன்னாள் முதல்வர் மு.கருணாநிதிக்கு மௌன அஞ்சலி செலுத்தப்பட்டது.
 நிர்வாகிகள் ஆர்.ராமலிங்கம், ஆர்.கிருஷ்ணமூர்த்தி, கோபால், முத்து, விஜயன் உள்ளிட்டோர் கலந்துகொண்டனர்.
 
 
 

]]>
http://www.dinamani.com/all-editions/edition-villupuram/2018/aug/10/ஓய்வுபெற்ற-அலுவலர்கள்-சங்கக்-கூட்டம்-2977674.html
2977673 அனைத்துப் பதிப்புகள் விழுப்புரம் போக்குவரத்து விதிகளை மதித்து வாகனங்களை இயக்க வேண்டும்  விழுப்புரம், DIN Friday, August 10, 2018 08:34 AM +0530 போக்குவரத்து விதிகளை மதித்து வாகனங்களை ஓட்டினால் விபத்துகளை தவிர்க்கலாம் என்று போக்குவரத்து காவல் ஆய்வாளர் மாணவர்களுக்கு அறிவுறுத்தினார்.
 விழுப்புரம் ஏழுமலை தொழில்நுட்பக் கல்லூரியில் மாணவர்களுக்கு சாலைப் பாதுகாப்பு மற்றும் போக்குவரத்து விதிகள் குறித்த விழிப்புணர்வு விழா அண்மையில் நடைபெற்றது.
 கல்லூரி முதல்வர் மேஜர் அகோரம் தலைமை வகித்தார். துணை முதல்வர் சங்கர் வரவேற்றார்.
 விழுப்புரம் போக்குவரத்து காவல் ஆய்வாளர் அப்பாண்டைராஜ் தலைமை வகித்துப் பேசியதாவது:
 பெருகி வரும் வாகனங்களுக்கேற்ப விபத்துகளும் அதிகரித்து வருகின்றன.
 அதிக தொலைவு நெடுஞ்சாலை கொண்ட விழுப்புரம் மாவட்டத்தில் விபத்துகள் அதிகரித்து வருகின்றன.
 இரு சக்கர வாகன ஓட்டிகள் தலைக்கவசம் அணியாமல் செல்வதால், பெரும்பாலான விபத்துகளில் தலையில் அடிபட்டு உயிரிழப்புகள் ஏற்படுகின்றன. மது போதையில் வாகனம் ஓட்டுவதும் பெரிய விபத்துகளுக்கு காரணமாகிறது. உரிமம் பெற்று வாகனங்களை இயக்க வேண்டும். தலைக்கவசம் கட்டாயம் அணிய வேண்டும். சாலை விதிகளை மதித்து சீராக வாகனங்களை இயக்க வேண்டும் என்றார்.
 இதைத் தொடர்ந்து, விக்கிரவாண்டி சுங்கச்சாவடி துணை மேலாளர் சொர்ணமணி, சாலைப் பாதுகாப்பு குறித்து மாணவர்களிடையே படக் காட்சிகளுடன் விளக்கினார்.
 விழுப்புரம் போக்குவரத்து உதவி ஆய்வாளர் வசந்த் போக்குவரத்து விதிகள் குறித்துப் பேசினார். நிர்வாக அலுவலர்கள் முத்துக்குமரன், சரவண கண்ணன் உள்ளிட்டோர் கலந்துகொண்டனர்.

]]>
http://www.dinamani.com/all-editions/edition-villupuram/2018/aug/10/போக்குவரத்து-விதிகளை-மதித்து-வாகனங்களை-இயக்க-வேண்டும்-2977673.html
2977672 அனைத்துப் பதிப்புகள் விழுப்புரம் மருத்துவர் வீட்டில் நகை திருட்டு: சென்னையில் பிடிபட்டவரிடம் விசாரணை  விழுப்புரம் DIN Friday, August 10, 2018 08:33 AM +0530 விழுப்புரத்தில் மருத்துவர் வீட்டில் ரூ. 15 லட்சம் மதிப்பிலான நகை, வெள்ளி, ரொக்கம் திருடப்பட்டது தொடர்பாக, சென்னையில் திருட்டுச் சம்பவத்தில் பிடிபட்ட நபரை விழுப்புரம் போலீஸார் காவலில் எடுத்து விசாரணை நடத்தி வருகின்றனர்.
 விழுப்புரம், தனலட்சுமி கார்டன் பகுதியைச் சேர்ந்தவர் விசாகன் (42). இவர், திருச்சி சாலையில், ஸ்கேன் மையம் நடத்தி வந்தார். இவர், தனது குடும்பத்துடன் கடந்த ஏப்ரல் 24-ஆம் தேதி வெளியூர் சென்றிருந்த நிலையில், இவரது வீட்டின் கதவை உடைத்து, 50 பவுன் தங்க நகைகள், 8 கிலோ வெள்ளிப் பொருள்கள், ரூ.5 லட்சம் ரொக்கம் ஆகியவற்றை மர்ம நபர்கள் திருடிச் சென்றனர்.
 மேலும், வீட்டைச் சுற்றி வைக்கப்பட்டிருந்த சிசிடிவி காட்சிகள் பதிவான, கணினியின் பதிவு செய்யும் ஹார்ட் டிஸ்கையும் எடுத்துச் சென்றனர்.
 இதுகுறித்து, விழுப்புரம் மேற்கு காவல் நிலைய போலீஸார் வழக்குப் பதிவு செய்து விசாரணை நடத்தி வந்தனர்.
 மாவட்ட எஸ்.பி. ஜெயக்குமார், டி.எஸ்.பி. சங்கர் ஆகியோரும் விசாரணை மேற்கொண்டனர். ஆனால், இந்த வழக்கில் துப்பு கிடைக்காமல் போலீஸார் திணறி வந்தனர்.
 இது தொடர்பாக, அமைக்கப்பட்ட தனிப்படை போலீஸார் குற்றவாளிகளை தேடி வந்த நிலையில், சென்னையில் திருட்டுச் சம்பவத்தில் ஈடுபட்ட ஒருவரை சில தினங்களுக்கு முன்னர் போலீஸார் பிடித்து விசாரணை நடத்தினர். அப்போது, அந்த நபருக்கு விழுப்புரம் மருத்துவர் வீட்டில் நடந்த திருட்டுச் சம்பவத்தில் தொடர்பு இருப்பது தெரிய வந்தது.
 இதையடுத்து, சென்னை போலீஸார் விழுப்புரம் போலீஸாருக்கு தகவல் கொடுத்தனர். இதையடுத்து, விழுப்புரம் மாவட்ட போலீஸார், புழல் சிறையில் அடைக்கப்பட்டிருந்த அந்த நபரை காவலில் எடுத்து விசாரணை நடத்தினர்.
 மேலும், விழுப்புரத்துக்கு கொண்டு வந்தும் விசாரணை நடத்தினர்.
 விசாரணையில், அவர் திருட்டு நகைகளை சிறு சிறு அடகுக் கடைகளில் வைத்து முதலில் பணத்தை பெற்று செலவு செய்துவிட்டு, பின்னர், நிதி நிறுவனங்களில் அடகு வைத்து பெரிய அளவிலான தொகையை பெற்றுள்ளது தெரிய வந்தது.
 இதையடுத்து, போலீஸார் அந்த நிதி நிறுவன அதிகாரிகளுடன் பேச்சுவார்த்தை நடத்தி நகையை மீட்கும் முயற்சியில் ஈடுபட்டு வருகின்றனர்.
 
 

]]>
http://www.dinamani.com/all-editions/edition-villupuram/2018/aug/10/மருத்துவர்-வீட்டில்-நகை-திருட்டு-சென்னையில்-பிடிபட்டவரிடம்-விசாரணை-2977672.html
2977671 அனைத்துப் பதிப்புகள் விழுப்புரம் கருணாநிதி மறைவுக்கு இரங்கல்: விழுப்புரம் மாவட்ட வழக்குரைஞர்கள் நீதிமன்றப் பணி புறக்கணிப்பு  விழுப்புரம்/செஞ்சி, DIN Friday, August 10, 2018 08:33 AM +0530 மறைந்த முன்னாள் முதல்வர் கருணாநிதிக்கு அஞ்சலி செலுத்தும் வகையில், விழுப்புரம் மாவட்டத்தில் வழக்குரைஞர்கள் வியாழக்கிழமை நீதிமன்றப் பணிப் புறக்கணிப்பில் ஈடுபட்டனர்.
 விழுப்புரம் ஒருங்கிணைந்த நீதிமன்ற வளாகம் அருகே வழக்குரைஞர்கள் சங்கம் சார்பில் கருணாநிதிக்கு அஞ்சலி செலுத்தும் நிகழ்ச்சி நடைபெற்றது. வழக்குரைஞர்கள் சங்கத் தலைவர்கள் கே.தமிழ்ச்செல்வன், ஏ.சகாதேவன், ஆர்.சுப்பராயலு, டி.ஜெயப்பிரகாஷ் ஆகியோர் தலைமையில், வழக்குரைஞர்கள் கருணாநிதியின் உருவப்படத்துக்கு மலர் தூவி அஞ்சலி செலுத்தினர்.
 மேலும், செஞ்சி ஒருங்கிணைந்த நீதிமன்ற வளாகத்தில் கருணாநிதி மறைவுக்கு இரங்கல் கூட்டம் நடைபெற்றது.
 மாவட்ட திமுக வழக்குரைஞர்கள் அணி துணைச் செயலர் டி.மணிவண்ணன், செஞ்சி ஒன்றிய திமுக செயலர் ஆர்.விஜயகுமார் உள்பட வழக்குரைஞர்கள் பலர் கலந்து கொண்டனர். இதையடுத்து, கருணாநிதிக்கு அஞ்சலி செலுத்தும் வகையில், வழக்குரைஞர்கள் வியாழக்கிழமை பணிப் புறக்கணிப்பில் ஈடுபட்டனர். இதேபோல, உளுந்தூர்பேட்டை, கள்ளக்குறிச்சி வழக்குரைஞர்களும் கருணாநிதிக்கு அஞ்சலி செலுத்தி பணிகளை புறக்கணித்தனர்.

]]>
http://www.dinamani.com/all-editions/edition-villupuram/2018/aug/10/கருணாநிதி-மறைவுக்கு-இரங்கல்-விழுப்புரம்-மாவட்ட-வழக்குரைஞர்கள்-நீதிமன்றப்-பணி-புறக்கணிப்பு-2977671.html
2977670 அனைத்துப் பதிப்புகள் விழுப்புரம் விழுப்புரம் அருகே கிணற்றில் தவறி விழுந்து விவசாயி சாவு: காயங்களுடன் மனைவி மீட்பு  விழுப்புரம், DIN Friday, August 10, 2018 08:32 AM +0530 விழுப்புரம் அருகே 60 அடி ஆழ கிணற்றுக்குள் இருந்த மின் மோட்டாரை வேறு இடத்துக்கு மாற்றி வைக்க முயன்ற போது, விவசாயி தவறி விழுந்து உயிரிழந்தார். அவரது மனைவி பலத்த காயங்களுடன் மீட்கப்பட்டார்.
 விழுப்புரம் அருகேயுள்ள கஞ்சனூரை அடுத்த மேல்வெங்கமூர் கிராமத்தைச் சேர்ந்தவர் மணி (40). விவசாயி. இவரது மனைவி கலைவாணி (35). மணி தனது நிலத்தில் நெல், கரும்பு, மணிலா ஆகிய பயிர்களை சாகுபடி செய்திருந்தார். பாசனத்துக்காக நிலத்திலேயே 60 அடி ஆழம், 30 அடி அகலத்தில் கிணறு வெட்டியிருந்தார்.
 மணி தனது குடும்பத்தினருடன் வியாழக்கிழமை காலை வேளாண் பணிகளில் ஈடுபட்டிருந்தார். அவரது மனைவி கலைவாணி, தந்தை நடராஜன் உள்ளிட்டோரும் உடன் இருந்தனர்.
 நெல் பயிருக்கு மின் மோட்டார் மூலம் கிணற்றில் இருந்து தண்ணீர் இறைத்துக் கொண்டிருந்த போது, கிணற்றில் தண்ணீரின் அளவு குறைந்ததால், தண்ணீர் வரத்தும் குறைந்தது.
 இதையடுத்து, கிணற்றின் அடியில் இருந்த மின் மோட்டாரை வேறு இடத்துக்கு மாற்றி வைத்தால் தண்ணீரை இறைக்க முடியும் என்பதை உணர்ந்த மணி, அதற்கான முயற்சியில் ஈடுபட்டு அது முடியாமல் போகவே, தனது மனைவி கலைவாணியையும் உதவிக்கு அழைத்தார்.
 தம்பதி இருவரும் கிணற்றின் மேல் இருந்து கிணற்றுக்குள் இருந்த மின் மோட்டாருடன் இணைக்கப்பட்டிருந்த கயிறு மூலம் மின் மோட்டாரை தூக்கி, உள்ளேயே வேறு இடத்துக்கு மாற்றி வைக்க முயன்றனர்.
 ஆனால், அண்மையில் பெய்த மழையால் ஈரப்பதத்துடன் இருந்த கிணற்றின் மேல் பகுதி மண் வழுக்கியதில் மணியும், கலைவாணியும் கிணற்றுக்குள் விழுந்தனர். இதில், பலத்த காயமடைந்து இருவரும் அலறினர். இதைக் கண்ட அந்தப் பகுதியில் இருந்தவர்கள் ஆம்புலன்ஸ் மற்றும் தீயணைப்புத் துறையினருக்கு தகவல் தெரிவித்தனர்.
 விழுப்புரம் தீயணைப்பு நிலைய அலுவலர் ஜெயசங்கர் தலைமையிலான தீயணைப்புப் படையினர், அனந்தபுரம் காவல் உதவி ஆய்வாளர் ஏழுமலை தலைமையில் போலீஸார் விரைந்து வந்து மீட்புப் பணியில் ஈடுபட்டனர்.
 பலத்த காயமடைந்து உயிருக்கு போராடிக் கொண்டிருந்த கலைவாணியை தீயணைப்புப் படையினர், போலீஸார் கயிறு கட்டி வெளியே கொண்டு வந்தனர். கிணற்றுக்குள் தவறி விழுந்ததில் பலத்த காயமடைந்த மணி உயிரிழந்தார். அவரது சடலம் கயிறு கட்டி வெளியே எடுக்கப்பட்டது.
 பலத்த காயமடைந்த கலைவாணி சிகிச்சைக்காக 108 ஆம்புலன்ஸ் மூலம் விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டார். இதுகுறித்து போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/2018/aug/10/விழுப்புரம்-அருகே-கிணற்றில்-தவறி-விழுந்து-விவசாயி-சாவு-காயங்களுடன்-மனைவி-மீட்பு-2977670.html
2973408 அனைத்துப் பதிப்புகள் விழுப்புரம் பயிர்க் காப்பீட்டுப் பிரீமியம் செலுத்த ஆக. 16 வரை அவகாசம்  திருக்கோவிலூர், DIN Friday, August 3, 2018 08:35 AM +0530 வரும் 16-ஆம் தேதிக்குள் பயிர்க் காப்பீட்டுக்கான பிரீமியம் செலுத்தி பயன்பெறலாம் என திருக்கோவிலூர் வட்டார வேளாண்மை உதவி இயக்குநர் ஏ.எம்.சாந்தி தெரிவித்துள்ளார்.
 இதுகுறித்து அவர் வியாழக்கிழமை வெளியிட்ட செய்திக் குறிப்பு:
 நடப்பு மானாவாரி பருவத்தில் பயிரிட்டுள்ள கம்பு, நிலக்கடலை, மக்காச்சோளம் பயிர்களுக்கு பயிரின் வளர்ச்சிக் காலத்தில் வெள்ளம், வறட்சி போன்ற இயற்கை சீற்றத்தால் ஏற்படும் மகசூல் இழப்பு, பயிர் பாதிப்புக்கு பயிர் அறுவடை பரிசோதனையை அடிப்படையாகக் கொண்டு இழப்பீடு வழங்கப்படுகிறது.
 எனவே, பாரத பிரதம மந்திரியின் பயிர்க் காப்பீட்டுத் திட்டத்தின் கீழ், பயிர்க் காப்பீடு செய்து விவசாயிகள் பயன்பெறலாம்.
 மானாவாரி கம்புப் பயிர் ஏக்கருக்கு பிரீமியத் தொகையாக ரூ.156, மொத்த காப்பீட்டுத் தொகையாக ரூ.7,800, நிலக்கடலை பயிர் ஏக்கருக்கு பிரீமியத் தொகையாக ரூ.460, மொத்த காப்பீட்டுத் தொகையாக ரூ.23,000, மக்காச்சோளம் பயிர் ஏக்கருக்கு பிரீமியத் தொகையாக ரூ.286, மொத்த காப்பீட்டுத் தொகையாக ரூ.14,300
 செலுத்த வேண்டும் என நிர்ணயிக்கப்பட்டுள்ளது.
 மேற்கண்ட இந்த பயிர்களுக்கு வரும் 16-ஆம் தேதிக்குள் பிரீமியம் செலுத்த கடைசி நாளாக அறிவிக்கப்பட்டுள்ளது.
 இதற்குத் தேவையான ஆவணங்களான சிட்டா , அடங்கல், வங்கி கணக்குப் புத்தகம், ஆதார் அட்டையுடன், பயிர்க் கடன் பெறாத விவசாயிகள் தேசிய மயமாக்கப்பட்ட வங்கிகள், தொடக்க வேளாண்மை கூட்டுறவு கடன் சங்கங்கள், பொதுச்சேவை மையங்களில் தொடர்புகொண்டு பிரீமியம் செலுத்தி, புகைப்படத்துடன் கூடிய ரசீது பெற்றுக்கொள்ளலாம்.
 மேலும், பயிர்க் காப்பீடு குறித்து தற்போதைய நிலையை அறிய தங்களின் செல்லிடப்பேசியில் உள்ள உழவன் செயலியை பயன்படுத்தலாம்.
 எனவே, அனைத்து விவசாயிகளும் இந்த வாய்ப்பை பயன்படுத்தி மானாவாரி கம்பு, நிலக்கடலை, மக்காச்சோளத்துக்கு பயிர்க் காப்பீடு செய்து பயன்பெறலாம் என அதில் தெரிவித்துள்ளார்.
 

]]>
http://www.dinamani.com/all-editions/edition-villupuram/2018/aug/03/பயிர்க்-காப்பீட்டுப்-பிரீமியம்-செலுத்த-ஆக-16-வரை-அவகாசம்-2973408.html
2973406 அனைத்துப் பதிப்புகள் விழுப்புரம் உளுந்தூர்பேட்டை மகளிர் காவல் நிலையத்தில் எஸ்.பி ஆய்வு  உளுந்தூர்பேட்டை, DIN Friday, August 3, 2018 08:34 AM +0530 உளுந்தூர்பேட்டை அனைத்து மகளிர் காவல் நிலையத்தில் மாவட்ட எஸ்.பி. ஜெயக்குமார் வியாழக்கிழமை ஆய்வு மேற்கொண்டார்.
 ஆய்வின்போது செய்தியாளர்களிடம் அவர் கூறியதாவது: விழுப்புரம் மாவட்டத்தில் எறையூர், கல்வராயன்மலை உள்பட பல்வேறு இடங்களில் அனுமதியின்றி நாட்டுத் துப்பாக்கிகள் மக்களிடையே புழக்கத்தில் உள்ளதாக செய்திகள் வருகின்றன.
 அப்படி அனுமதியின்றி நாட்டுத் துப்பாக்கி வைத்திருப்போர் அருகில் உள்ள காவல் நிலையத்தில் அவற்றை ஒப்படைக்க வேண்டும். இதுதொடர்பாக மாவட்டம் முழுவதும் ஆய்வு செய்ய உள்ளோம். அப்படி மீறி துப்பாக்கி வைத்திருந்தால் அவர்கள் மீது கடுமையான நடவடிக்கை எடுக்கப்படும் என்றார்.
 ஆய்வின் போது உளுந்தூர்பேட்டை காவல்நிலைய ஆய்வாளர் ஷாகுல் அமீது, அனைத்து மகளிர் காவல் நிலைய ஆய்வாளர் மாலா, உதவி ஆய்வாளர் விஜி மற்றும் காவலர்கள் உடனிருந்தனர்.

]]>
http://www.dinamani.com/all-editions/edition-villupuram/2018/aug/03/உளுந்தூர்பேட்டை-மகளிர்-காவல்-நிலையத்தில்-எஸ்பி-ஆய்வு-2973406.html
2973405 அனைத்துப் பதிப்புகள் விழுப்புரம் இளம் பெண் பலாத்காரம் செய்து கொலை: 4 இளைஞர்களிடம் விசாரணை  கள்ளக்குறிச்சி, DIN Friday, August 3, 2018 08:34 AM +0530 கள்ளக்குறிச்சி அருகே இளம் பெண்ணை பலாத்காரம் செய்து கொலை செய்த வழக்கில் சிறுவன் உள்பட நான்கு இளைஞர்களிடம் போலீஸார் விசாரணை நடத்தி வருகின்றனர்.
 கள்ளக்குறிச்சியை அடுத்த கச்சிராயப்பாளையம் காமராஜர் நகரைச் சேர்ந்தவர் அழகப்பிள்ளை. இவரது இரண்டாவது மகள் அமராவதி (24). இவர் பத்தாம் வகுப்பு படித்து விட்டு வீட்டில் இருந்து வந்தார்.
 இவர் கடந்த மாதம் 28-ஆம் தேதி இரவு வீட்டில் யாரிடமும் சொல்லாமல் வெளியே சென்றாராம். வெகு நேரமாகியும் வீடு திரும்பாததால் அவரது தாயார், அலைபேசி மூலம் தொடர்பு கொண்டுள்ளார். அப்போது, தான் கள்ளக்குறிச்சியில் இருப்பதாக அமராவதி தெரிவித்தாராம்.
 வீடு திரும்பாத அவரை பெற்றோர்கள் பல்வேறு இடங்களில் தேடியும் கிடைக்கவில்லையாம். இந்த நிலையில், கச்சிராயப்பாளையத்தில் மாதவச்சேரி செல்லும் சாலையில் உள்ள செல்வராஜ் என்பவரது விவசாயக் கிணற்றில் அழுகிய நிலையில் பெண்ணின் சடலம் கிடப்பதாக புதன்கிழமை பார்த்தவர்கள், கச்சிராயப்பாளையம் காவல் நிலையத்துக்கு தகவல் தெரிவித்தனர்.
 அதன் பேரில், காவல் ஆய்வாளர் (பொ) சண்முகம், உதவி ஆய்வாளர்கள் மாணிக்கராஜா, மணிகண்டன் மற்றும் போலீஸார் சம்பவ இடத்துக்குச் சென்று கிணற்றிலிருந்த சடலத்தை மீட்டனர். பின்னர், சடலத்தை உடற்கூறு ஆய்வுக்காக விழுப்புரம் அரசு மருத்துவக் கல்லூரி மருத்துவ மனைக்கு அனுப்பி வைத்தனர். விசாரணையில் அப்பெண் காணாமல் போன அமராவதி எனத் தெரியவந்தது.
 இதனையடுத்து போலீஸார் அப்பெண்ணுக்கு நெருங்கியவர்கள் மற்றும் பலரிடம் விசாரணை மேற்கொண்டனர். விசாரணையில் அதே பகுதியைச் சேர்ந்த ராமநாதன் மகன் குணசேகரனுடன் தொடர்பு உள்ளது என்பதை கண்டறிந்தனராம்.
 இதனையடுத்து அவரை பிடித்து விசாரணை மேற்கொண்டபோது அவர், தனது நண்பர்களான அதே பகுதியைச் சேர்ந்த அய்யாவு மகன் கோமுகிதாசன், சக்திவேல் மகன் ரட்சகன், மற்றும் சிறுவன் ஒருவனுடன் சேர்ந்து இளம் பெண்ணை பலாத்காரம் செய்து, துப்பட்டாவால் கழுத்தை நெறித்தும், கல்லால் தாக்கியும் கொலை செய்ததாக தெரிவித்தனராம். இதில் சிறுவன் உதவியாக மட்டும் இருந்துள்ளாராம்.
 மேலும் இது குறித்து கச்சிராயப்பாளையம் போலீஸார் ஒவ்வொருவரிடமும் தனித் தனியாக விசாரணை நடத்தி வருகின்றனர்.
 இதனிடையே, மாவட்ட எஸ்.பி. ஜெயக்குமார் வியாழக்கிழமை இளம் பெண்ணை பலாத்காரம் செய்து கொலை செய்யப்பட்ட இடத்தை பார்வையிட்டார்.
 பின்னர் செய்தியாளர்களிடம் அவர் கூறுகையில், இக் கொலை வழக்கு சம்பந்தமாக போலீஸார் தீவிர விசாரணை மேற்கொண்டு வருவதாகத் தெரிவித்தார்.
 
 

]]>
http://www.dinamani.com/all-editions/edition-villupuram/2018/aug/03/இளம்-பெண்-பலாத்காரம்-செய்து-கொலை-4-இளைஞர்களிடம்-விசாரணை-2973405.html
2973404 அனைத்துப் பதிப்புகள் விழுப்புரம் திண்டிவனம் அருகே விசிக பிரமுகர் வெட்டிக் கொலை  விழுப்புரம், DIN Friday, August 3, 2018 08:31 AM +0530 திண்டிவனம் அருகே விடுதலைச் சிறுத்தைகள் கட்சிப் பிரமுகர் வியாழக்கிழமை இரவு மர்ம நபர்களால் வெட்டிக் கொலை செய்யப்பட்டார்.
 திண்டிவனத்தை அடுத்த பெருமுக்கல் காலனியைச் சேர்ந்த வேம்பன் மகன் மணிகண்டன் (37). இவர், விடுதலைச் சிறுத்தைகள் கட்சியில் ஒன்றிய அளவில் பொறுப்பில் உள்ளார். இவர் மீது கொலை வழக்கு உள்ளதுடன், தேர்தல் தொடர்பான முன்விரோதமும் இருந்து வந்தது.
 மேலும், அந்தப் பகுதியில் உள்ள கல் குவாரிகள் தொடர்பாகவும் பிரச்னை இருந்து வந்தது.
 இந்த நிலையில், வியாழக்கிழமை இரவு 8 மணியளவில் மணிகண்டன் அதே பகுதியில் உள்ள தனது நண்பர்களுடன் மது அருந்தச் சென்றார். அப்போது, அங்கு வந்த மர்ம நபர்கள் அரிவாள், கத்தி உள்ளிட்ட ஆயுதங்களால் மணிகண்டனை வெட்டிவிட்டு தப்பிச் சென்றனர். பலத்த காயமடைந்த மணிகண்டன் சம்பவ இடத்திலே உயிரிழந்தார்.
 இது குறித்து தகவல் அறிந்து பிரம்மதேசம் போலீஸார், டி.எஸ்.பி. திருமால் ஆகியோர் அங்கு சென்று விசாரித்தனர். மாவட்ட எஸ்.பி. ஜெயக்குமாரும் நேரில் சென்று விசாரணை நடத்தினார்.
 இதனிடையே, மணிகண்டன் கொலை செய்யப்பட்டதைக் கண்டித்தும், குற்றவாளிகளை கைது செய்யக் கோரியும், மணிகண்டனின் உறவினர்கள் திண்டிவனம்-மரக்காணம் சாலையில் மறியலில் ஈடுபட்டனர். இதையடுத்து, டி.எஸ்.பி. திருமால் தலைமையிலான போலீஸார் அவர்களை சமாதானப்படுத்தி அனுப்பி வைத்தனர்.
 பிரம்மதேசம் போலீஸார் சடலத்தை மீட்டு, விழுப்புரம் அரசு மருத்துவக் கல்லூரி மருத்துவமனைக்கு பிரதே பரிசோதனைக்கு அனுப்பி வைத்தனர்.
 மேலும், இதுகுறித்து போலீஸார் தீவிர விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/2018/aug/03/திண்டிவனம்-அருகே-விசிக-பிரமுகர்-வெட்டிக்-கொலை-2973404.html
2973403 அனைத்துப் பதிப்புகள் விழுப்புரம் நாளைய மின்தடை DIN DIN Friday, August 3, 2018 08:31 AM +0530 உளுந்தூர்பேட்டை
 நேரம்: காலை 9 மணி முதல் மாலை 5 மணி வரை
 இடங்கள்: வெள்ளையூர், எடைக்கல், குமாரமங்கலம், காட்டு நெமிலி, பு.மாம்பாக்கம், செங்குறிச்சி, உளுந்தூர்பேட்டை, மதியனூர், பாதூர், சேந்தநாடு, எறையூர், நகர், ஆசனூர், எ.சாத்தனூர்.
 
 

]]>
http://www.dinamani.com/all-editions/edition-villupuram/2018/aug/03/நாளைய-மின்தடை-2973403.html
2973402 அனைத்துப் பதிப்புகள் விழுப்புரம் மோட்டார் வயர்கள் திருடிய இருவர் கைது  திண்டிவனம், DIN Friday, August 3, 2018 08:31 AM +0530 மயிலம் அருகே பல்வேறு இடங்களில் விவசாய மோட்டார் வயர்களை திருடியதாக இருவரை போலீஸார் வியாழக்கிழமை கைது செய்தனர்.
 மயிலம் காவல் நிலையத்துக்கு உள்பட்ட மயிலம், கொல்லியங்குணம், தென்பசியார் ஆகிய இடங்களில் அண்மைக் காலமாக மோட்டார் வயர்களை மர்ம நபர்கள் வெட்டி திருடிச் சென்றனர்.
 அதனால் விவசாயிகள் வாழ்வாதாரம் பாதிக்கப்பட்டு வந்தது.
 இதனை அறிந்த மாவட்ட எஸ்.பி ஜெயக்குமார் குற்றவாளிகளைப் பிடிக்க உத்தரவிட்டார்.
 திண்டிவனம் டி.எஸ்.பி திருமால் மேற்பார்வையில் மயிலம் காவல் ஆய்வாளர் பால்சுதர் தலைமையில் உதவி ஆய்வாளர் சசிகுமார் சிறப்பு உதவி ஆய்வாளர் பாண்டியன், தலைமைக் காவலர்கள் மணிமாறன், சிவக்குமார், சுந்தரமூர்த்தி, பூபாலன், செந்தில்குமார், தர்மலிங்கம் ஆகியோர் அடங்கிய தனிப்படை அமைக்கப்பட்டது. தனிப்படையினர் தீவிர விசாரணை மற்றும் தேடுதல் வேட்டையில் ஈடுபட்டு வந்தனர்.
 இந்த நிலையில், தென்பசியார் ரயில்வே கேட் அருகே சந்தேகத்தின் பேரில் பைக்கில் வந்த மேல்கூடலூர் பகுதியைச் சேர்ந்த அர்ஜூனன் மகன் முருகவேல் (25) அனுமந்தையைச் சேர்ந்த விஜயகுமார் மகன் அஜித்குமார்(21) ஆகிய இருவரையும் பிடித்து விசாரித்ததில் மயிலம், பெரியதச்சூர் ஆகிய பகுதிகளில் விவசாய மோட்டார் வயர்களை திருடியதையும், வி.சாலை டாஸ்மாக் கடையை உடைத்து திருடியதையும், மயிலத்தில் சதீஷ் என்பவரின் வீட்டில் திருடியதையும் ஒப்புக்கொண்டனர்.
 அவர்களிடமிருந்து 7 பவுன் தங்க நகை, மதுப் புட்டிகள், வீட்டு உபயோக சிலிண்டர், மோட்டார் வயர்கள், திருடுவதற்கு பயன்படுத்திய பைக் என அனைத்து பொருள்களையும் போலீஸார் கைப்பற்றினர்.
 மேலும், இந்த வழக்கில் திருட்டுப் பொருள்களை வாங்கிய இரும்புக் கடைக்காரர்கள் இம்மானுவேல், அஷ்ரப்அலி, அமல்ராஜ், பரசுராமன் என நான்கு பேரை கைது செய்து, வயர்களை கைப்பற்றி, மேற்படி 6 பேரையும் சிறையில் அடைத்தனர். இவ்வழிக்கில் திறமையாக செயல்பட்ட தனிப்படை போலீஸாரை டி.எஸ்.பி திருமால் பாராட்டினார்.
 
 

]]>
http://www.dinamani.com/all-editions/edition-villupuram/2018/aug/03/மோட்டார்-வயர்கள்-திருடிய-இருவர்-கைது-2973402.html
2973401 அனைத்துப் பதிப்புகள் விழுப்புரம் சரக்கு வாகனத்தில் மதுக் கடத்தல்: 1,330 லி. எரி சாராயம் பறிமுதல், ஓட்டுநர் கைது  விழுப்புரம், DIN Friday, August 3, 2018 08:31 AM +0530 விழுப்புரம் அருகே புதுச்சேரியில் இருந்து சரக்கு வாகனத்தில் கடத்தி வரப்பட்ட 1,330 லிட்டர் எரி சாராயத்தை போலீஸார் பறிமுதல் செய்து, ஓட்டுநரை கைது செய்தனர்.
 புதுச்சேரியில் இருந்து விழுப்புரம் வழியாக வியாழக்கிழமை இரவு எரி சாராயம் கட்டத்தப்படுவதாக மத்திய புலனாய்வுப் பிரிவு போலீஸாருக்கு ரகசியத் தகவல் கிடைத்தது. இதையடுத்து, விழுப்புரம் அருகேயுள்ள கோலியனூர் பகுதியில் மத்திய புலனாய்வுப் பிரிவு காவல் ஆய்வாளர் கோவிந்தராஜ் தலைமையில், உதவி ஆய்வாளர் அழகிரி, தலைமைக் காவலர்கள் குமரன், முரளி ஆகியோர் வாகனத் தணிக்கையில் ஈடுபட்டனர்.
 அப்போது, அந்த வழியாக வந்த சரக்கு வாகனத்தை நிறுத்தி சோதனையிட்டனர். பின்புறம் பூட்டப்பட்ட நிலையில் இருந்த வாகனத்தை திறந்து பார்த்தபோது, 38 கேன்களில் 1,330 லிட்டர் எரிசாராயம் இருந்தது தெரிய வந்தது. இதன் மதிப்பு சுமார் ரூ.1.50 லட்சம் இருக்கும்.
 இது தொடர்பாக ஓட்டுநரிடம் விசாரித்தபோது, அவர் காஞ்சிபுரம் மாவட்டம், சரசங்காடு பகுதியைச் சேர்ந்த தனசேகர் (58) என்பதும், புதுச்சேரியில் இருந்து எரி சாராயத்தை காஞ்சிபுரத்துக்கு கடத்திச் செல்வதும் தெரிய வந்தது.
 இதையடுத்து, எரி சாராயம் மற்றும் கடத்தலுக்கு பயன்படுத்திய வாகனத்தை போலீஸார் பறிமுதல் செய்து, விழுப்புரம் மதுவிலக்கு காவல் நிலையத்தில் ஒப்படைத்தனர். தகவல் அறிந்து, மாவட்ட எஸ்.பி. ஜெயக்குமார், நேரில் சென்று விசாரணை நடத்தினார்.
 பின்னர், சிறப்பாக செயல்பட்டு எரி சாராயத்தை கைப்பற்றிய போலீஸாரை பாராட்டினார்.
 இது குறித்து விழுப்புரம் மது விலக்கு போலீஸார் வழக்குப் பதிவு செய்து, ஓட்டுநர் தனசேகரை கைது செய்து விசாரணை நடத்தி வருகின்றனர்.
 

]]>
http://www.dinamani.com/all-editions/edition-villupuram/2018/aug/03/சரக்கு-வாகனத்தில்-மதுக்-கடத்தல்-1330-லி-எரி-சாராயம்-பறிமுதல்-ஓட்டுநர்-கைது-2973401.html
2973400 அனைத்துப் பதிப்புகள் விழுப்புரம் 72 சுய உதவிக் குழுக்களுக்கு வங்கிக் கடனுதவி  விழுப்புரம், DIN Friday, August 3, 2018 08:30 AM +0530 விழுப்புரம் மாவட்டத்தில் இந்தியன் வங்கி சார்பில், 72 சுய உதவிக் குழுக்களுக்கு கடன் உதவிகள் வழங்கப்பட்டன.
 மாவட்ட ஆட்சியர் அலுவலக கூட்டரங்கில் புதன்கிழமை நடைபெற்ற நிகழ்ச்சியில் சுய உதவிக் குழுக்களுக்கு, சுய தொழில் கடன் உதவிக்கான ஆணையை ஆட்சியர் இல.சுப்பிரமணியன் வழங்கினார்.
 இதன் மூலம், மாவட்டத்தில் இந்தியன் வங்கியின் 34 கிளைகள் சார்பில், 72 சுய உதவிக் குழுக்களுக்கு ரூ. 402 லட்சம் கடனாக வழங்கப்படுகிறது. இதன்மூலம் 1,126 பெண்கள் பயன்பெறுவர். மேலும், 241 விவசாயிகளுக்கு வங்கிக் கடனாக ரூ.464 லட்சம் வழங்கப்படுகிறது. இதன் மூலம், 1,367 பேர், ரூ.866 லட்சம் கடனுதவி பெற்று பயன்பெற்றுள்ளனர்.
 நிகழ்ச்சியில் மாவட்ட வருவாய் அலுவலர் ஆர்.பிரியா, இந்தியன் வங்கி மண்டல மேலாளர் வீரராகவன், விழுப்புரம் மேலாளர் சுதர்சனன், மகளிர் திட்ட இயக்குநர் சுந்தர்ராஜன், மகளிர் குழுவினர் உள்ளிட்ட பலர் கலந்துகொண்டனர்.
 

]]>
http://www.dinamani.com/all-editions/edition-villupuram/2018/aug/03/72-சுய-உதவிக்-குழுக்களுக்கு-வங்கிக்-கடனுதவி-2973400.html
2973398 அனைத்துப் பதிப்புகள் விழுப்புரம் இசை நிகழ்ச்சியுடன் சாலைப் பாதுகாப்பு விழிப்புணர்வு  விழுப்புரம் DIN Friday, August 3, 2018 08:30 AM +0530 விழுப்புரத்தில் இசை நிகழ்ச்சியுடன் சாலைப் பாதுகாப்பு குறித்த விழிப்புணர்வை பொதுமக்களுக்கு போலீஸார் ஏற்படுத்தினர்.
 விழுப்புரம் புதிய பேருந்து நிலையம் எதிரே விழுப்புரம் ஊர்காவல் படை சார்பில் சாலைப் பாதுகாப்பு விழிப்புணர்வு நிகழ்ச்சி வியாழக்கிழமை மாலை நடைபெற்றது.
 மாவட்ட ஊர்காவல் படைத் தளபதி ஸ்ரீதர் தலைமை வகித்தார். டி.எஸ்.பி. சங்கர் பங்கேற்று விழிப்புணர்வு நிகழ்ச்சியை தொடக்கி வைத்தார்.
 இதில், காவல் துறை இசைக்கு குழுவைச் சேர்ந்த கலைஞர்கள் பல்வேறு திரை இசைப் பாடல்களை இசைத்து பொது மக்களுக்கு விழிப்புணர்வை ஏற்படுத்தினர். திடீரென மழை பெய்தபோதும், போலீஸார் விழிப்புணர்வு நிகழ்ச்சியை தொடர்ந்து நடத்தினர்.
 நிகழ்ச்சியில் சிறப்பு அழைப்பாளராக மாவட்ட எஸ்.பி. ஜெயக்குமார் கலந்து கொண்டு பொதுமக்களுக்கு சாலைப் பாதுகாப்பு விழிப்புணர்வு துண்டுப் பிரசுரங்களை வழங்கிப் பேசியதாவது: விபத்துகள் மூலம் உயிரிழப்புகள் ஏற்படுவதைத் தடுக்க வாகன ஓட்டிகளும், பொதுமக்களும் ஒத்துழைக்க வேண்டும்.
 சாலையை கடக்கும்போது, இரு புறங்களிலும் நன்கு கவனித்து கடக்க வேண்டும். செல்லிடப்பேசியில் பேசிக்கொண்டு வாகனங்களை ஓட்டக்கூடாது. தலைக்கவசம் அணிந்து இரு சக்கர வாகனங்களை ஓட்ட வேண்டும். 18 வயதுக்கு கீழ் உள்ளவர்கள் வாகனங்களை ஓட்டக்கூடாது. மீறி ஓட்டினால், வாகனத்தை வழங்கியவர், ஓட்ட அனுமதித்த பெற்றோர் மீது வழக்குப் பதிவு செய்யப்படும். சீட் பெல்ட் அணிந்து, நான்கு சக்கர வாகனங்களை இயக்க வேண்டும். மது அருந்தி வாகனம் ஓட்டக்கூடாது. இதுபோன்ற சாலை விதிகளை கடைப்பிடித்தாலே விபத்துகளை தடுக்க முடியும். உயிரிழப்புகளை குறைக்க முடியும் என்று எஸ்.பி. தெரிவித்தார். நிகழ்ச்சியில் போக்குவரத்து காவல் ஆய்வாளர் அப்பாண்டைராஜ், தாலுகா காவல் ஆய்வாளர் ராஜன் உள்ளிட்டோர் பங்கேற்றனர்.
 
 
 

]]>
http://www.dinamani.com/all-editions/edition-villupuram/2018/aug/03/இசை-நிகழ்ச்சியுடன்-சாலைப்-பாதுகாப்பு-விழிப்புணர்வு-2973398.html
2906650 அனைத்துப் பதிப்புகள் விழுப்புரம் வைப்புத் தொகை மோசடி: ஒருவர் மீது வழக்குப் பதிவு DIN DIN Tuesday, April 24, 2018 12:55 PM +0530 விழுப்புரம்: வாடகைக்கு கடை விடுவதாகக் கூறி, ரூ.5 லட்சம் முன்வைப்புத் தொகையைப் பெற்று மோசடி செய்ததாக, ஒருவர் மீது மாவட்டக் குற்றப்பிரிவு போலீஸார் வழக்குப் பதிவு செய்து விசாரிக்கின்றனர்.
 சேலம் மாவட்டம், கொண்டலம்பட்டி, நடுத் தெருவைச் சேர்ந்த காசிநாதன் மகன் ரவிச்சந்திரன்(50). இவர், விழுப்புரம் மாவட்டம், இருந்தை பகுதியைச் சேர்ந்த பாலகிருஷ்ணன் மகன் முத்துக்குமரன் என்பவருக்கு சொந்தமாக மடப்பட்டு-திருக்கோவிலூர் சாலையில் உள்ள ஐ.ஆர்.எம். வணிக வளாகத்தில் பேக்கரி கடை வைக்க இடம் கேட்டுள்ளார்.
 இதற்கு, முத்துக்குமரன், ரூ.5 லட்சம் முன்வைப்புத் தொகையும், ரூ.12 ஆயிரம் மாத வாடகையும் கேட்டாராம். அதன்படி, கடந்த 2015-ஆம் ஆண்டு மார்ச் 17-ஆம் தேதி ரவிச்சந்திரன் ரூ.5 லட்சம் முன் வைப்புத் தொகையை முத்துக்குமரனிடம் கொடுத்தாராம். இதற்கான ஒப்பந்தம் செய்துகொண்டனராம். ஆனால், கூறியபடி, கடை வைக்க இடத்தை கொடுக்காமல், முத்துக்கிருஷ்ணன் ஏமாற்றி வந்தாராம்.
 இதுகுறித்து நடவடிக்கை எடுத்து, தனது பணத்தை மீட்டுத் தர வேண்டும் என விழுப்புரம் மாவட்ட குற்றப்பிரிவில் ரவிச்சந்திரன் புகார் அளித்தார். இந்த புகாரின் அடிப்படையில், முத்துக்குமரன் மீது மாவட்ட குற்றப்பிரிவு போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/2018/apr/24/வைப்புத்-தொகை-மோசடி-ஒருவர்-மீது-வழக்குப்-பதிவு-2906650.html
2906649 அனைத்துப் பதிப்புகள் விழுப்புரம் கள்ளக்குறிச்சியை தனி மாவட்டமாக அறிவிக்கக் கோரிக்கை DIN DIN Tuesday, April 24, 2018 12:54 PM +0530 விழுப்புரம்: கள்ளக்குறிச்சியை தனி மாவட்டமாக பிரித்து அடிப்படை வசதிகளை மேற்கொள்ள வேண்டும் என்று  எம்ஜிஆர் அம்மா தீபா பேரவையினர் கோரிக்கை விடுத்துள்ளனர். 
இதுகுறித்து, மாவட்டச் செயலர்கள் ஆர்.பொன்மலை,  சிவசங்கரன் தலைமையில் வந்த அக்கட்சியினர்,  விழுப்புரம் ஆட்சியர் அலுவலகத்தில் திங்கள் கிழமை கோரிக்கை மனு அளித்துக் கூறியதாவது:  தமிழக மக்களின் ஜீவாதாரப் பிரச்னையைத் தீர்ப்பதற்கான காவிரி மேலாண்மை வாரியம் அமைக்க,  தமிழக அரசு  மத்திய அரசுக்கு தொடர் அழுத்தம் கொடுக்க வேண்டும்.  விழுப்புரம் மாவட்டத்தில் உள்ள  ஏரி, குளம், ஆறுகளைச் சீரமைத்து,  தடுப்பணைகள் ஏற்படுத்தி நிலத்தடி நீராதாரப்பணிகளை மேற்கொள்ள வேண்டும்.
மிகப்பெரிய அளவில் உள்ள விழுப்புரம் மாவட்டத்தை இரண்டாகப் பிரித்து,  கள்ளக்குறிச்சியை தனி மாவட்டமாக அறிவிக்க வேண்டும், கள்ளக்குறிச்சியில் நெரிசல் நிலையைப் போக்க புதிய பேருந்து நிலையம் அமைக்க வேண்டும்,  கள்ளக்குறிச்சி அரசு மருத்துவமனையின்  பழைய கட்டடங்களை புதுப்பிக்க வேண்டும்.  மகளிர் கலைக் கல்லூரி அமைக்க வேண்டும். 
கல்வராயன்மலை போன்ற மலைகளில் விலங்குகள் தண்ணீர் அருந்தத் தொட்டிகள் அமைத்து,  மின் மோட்டார் மூலம் தண்ணீர் நிரப்பி வைக்க வேண்டும்.  கல்வராயன் மலையில் சாராயத்தை ஒழிக்க வேண்டும்.  நகர்ப்புறங்களில் மக்கள் கூடும் இடங்களில் பொதுக்கழிப்பறைகளை ஏற்படுத்த வேண்டும்.  கச்சிராயப்பாளையம் வாரச் சந்தைக்கு தனி இடம் வழங்கி மேற்கூரை அமைத்து தர வேண்டும் போன்ற கோரிக்கைகளை நிறைவேற்ற வலியுறுத்தினர்.

]]>
http://www.dinamani.com/all-editions/edition-villupuram/2018/apr/24/கள்ளக்குறிச்சியை-தனி-மாவட்டமாக-அறிவிக்கக்-கோரிக்கை-2906649.html
2906648 அனைத்துப் பதிப்புகள் விழுப்புரம் வியாபாரிகள் கொள்முதல் செய்ய மறுப்பு: செஞ்சி ஒழுங்குமுறை விற்பனைக் கூடத்தில் நெல் மூட்டைகள் தேக்கம் DIN DIN Tuesday, April 24, 2018 12:53 PM +0530 செஞ்சி: செஞ்சி ஒழுங்குமுறை விற்பனைக் கூடத்தில், விவசாயியுடனான மோதல் காரணமாக வியாபாரி கைது செய்யப்பட்டதைக் கண்டித்து, நெல் கொள்முதல் நிறுத்தப்பட்டுள்ளது. இதனால் 3 ஆயிரம் நெல் மூட்டைகள் திங்கள்கிழமை ஏலம் விடப்படாமல் பெருமளவில் தேங்கிக் கிடக்கின்றன.
கடந்த சில நாள்களுக்கு முன்பு, செஞ்சி ஒழுங்கு முறை விற்பனைக்கூடத்துக்கு விற்பட்டு பகுதியைச் சேர்ந்த விவசாயி பாலு என்பவர் நெல் மூட்டைகளை கொண்டு வந்தார். அப்போது, இவருக்கும் நெல் கொள்முதல் செய்த வியாபாரிக்கும் பணம் பட்டுவாடா தொடர்பாக தகராறு ஏற்பட்டுள்ளது. இதில், பாலுவை, வியாபாரி தாக்கினாராம். இதையடுத்து அந்த வியாபாரி மீது நடவடிக்கை எடுக்கக் கோரி  விவசாயிகள் சங்கம் போராட்டம் அறிவித்தது. இதையடுத்து வியாபாரியை செஞ்சி போலீஸார் கைது செய்தனர்.
இதனைக் கண்டித்து வியாபாரிகள் நெல்லை கொள்முதல் செய்ய மறுத்துவிட்டனர். இதன் காரணமாக, திங்கள்கிழமை விவசாயிகள் கொண்டு வந்த 3 ஆயிரத்துக்கும் அதிகமாக நெல் மூட்டைகள் களத்தில் அடுக்கி வைக்கப்பட்டிருந்தன.
இதனால் விவசாயிகள் ஏமாற்றம் அடைந்தனர்.
இதுகுறித்து அவர்கள் கூறியதாவது: நெல்லுக்கு நியாயமான விலை வழங்குவதில்லை. எடை சரியில்லை. பணமும் உடனடியாக பட்டுவாடா செய்யப்படுவதில்லை. நேரடியாக பணம் வழங்காமல் விவசாயிகளின் வங்கிக் கணக்கில் செலுத்துவதாகக் கூறி அலைக்கழிக்கவைக்கின்றனர். ஒரு மாதமாகியும் வங்கியில் பணம் செலுத்தவில்லை. இதுகுறித்து கமிட்டியில் கேட்டாலும், நெல் கொள்முதல் செய்த வியாபாரியிடம் கேட்டாலும் பதில் இல்லை. இந்த நிலையில் நெல் கொள்முதலையும் நிறுத்தியுள்ளது வேதனை தருகிறது என்றனர்.
 

]]>
http://www.dinamani.com/all-editions/edition-villupuram/2018/apr/24/வியாபாரிகள்-கொள்முதல்-செய்ய-மறுப்பு-செஞ்சி-ஒழுங்குமுறை-விற்பனைக்-கூடத்தில்-நெல்-மூட்டைகள்-தேக்கம்-2906648.html
2906647 அனைத்துப் பதிப்புகள் விழுப்புரம் திண்டிவனம் நகரில் கூடுதலாக 76 கண்காணிப்பு கேமராக்கள் DIN DIN Tuesday, April 24, 2018 12:53 PM +0530 திண்டிவனம்: திண்டிவனம் நகரின் முக்கிய வீதிகளில் கூடுதலாக நிறுவப்பட்ட 76 கண்காணிப்பு கேமராக்கள் (சிசிடிவி கேமரா) ஞாயிற்றுக்கிழமை முதல் செயல்பாட்டுக்கு வந்தன.
திண்டிவனம் நகரில் குற்றச்செயல்களை தடுக்கும் பொருட்டு வகாப்நகர், காந்திநகர் மற்றும் ஜெயபுரம் பகுதியில் சில மாதங்களுக்கு முன்பு பொருத்தப்பட்ட கண்காணிப்பு கேமராக்கள் சிறந்தமுறையில் செயல்பட்டு வருகின்றன.
அதன் தொடர்ச்சியாக, மயிலம் சாலையில் 6, இந்திராநகரில் 32, மேம்பால பகுதியில் 13, திருவள்ளுவர் நகரில் 25 என மொத்தம் 76  கேமராக்கள் சுமார் ரூ.12 லட்சம் மதிப்பில் தற்போது நிறுவப்பட்டுள்ளன.
இந்த கண்காணிப்பு கேமராக்களின் செயல்பாடு தொடக்க விழா மயிலம் சாலையில் நடைபெற்றது. திண்டிவனம் டிஎஸ்பி வி.வி.திருமால், திண்டிவனம் லாரி உரிமையாளர்கள் சங்க தலைவர் 
என்.விஜயகுமார் முன்னிலை வகித்தனர். புனித அன்னாள் மேல்நிலைப்பள்ளி தலைமை ஆசிரியர் அருள்தந்தை பால்ராஜ்குமார் வாழ்த்துரை வழங்கினார்.
இந்திரா நகர் குடியிருப்போர் நலச் சங்கச் செயலர் சரவணன் வரவேற்றார். சிறப்பு விருந்தினராக மாவட்ட காவல் கண்காணிப்பாளர் எஸ்.ஜெயக்குமார் கலந்து கொண்டு கேமராக்களின் செயல்பாட்டை தொடக்கி வைத்து சிறப்புரையாற்றினார். நிகழ்ச்சியில் திண்டிவனம் காவல் நிலைய ஆய்வாளர் சீனிபாபு, குடியிருப்போர் நலச் சங்கத் தலைவர் துரைராஜ், பொருளர்கள் பாலசுப்பிரமணியன்,விவேகானந்தன்,என்.எஸ்.வி சீனுவாசன், எம்.பி.சி. ராஜாபாதர் மற்றும் பொதுமக்கள் கலந்து கொண்டனர்.

]]>
http://www.dinamani.com/all-editions/edition-villupuram/2018/apr/24/திண்டிவனம்-நகரில்-கூடுதலாக-76-கண்காணிப்பு-கேமராக்கள்-2906647.html
2906646 அனைத்துப் பதிப்புகள் விழுப்புரம் இ-சேவை மையம் மூலம் சான்றிதழ்கள் பதிவேற்றம் DIN DIN Tuesday, April 24, 2018 12:52 PM +0530 விழுப்புரம்:  விழுப்புரம் மாவட்டத்தில் அரசுப் பணியாளர் தேர்வாணையம் மூலம் தேர்வு செய்யப்படுவோருக்கு இ-சேவை மையம் வாயிலாக சான்றிதழ்கள் பதிவேற்றம் சேவை தொடங்கப்பட்டுள்ளது. 
தமிழ்நாடு அரசுப் பணியாளர் தேர்வாணையம்,  ஆள் தேர்வுப் பணிகளில் துரித மற்றும் வெளிப்படைத் தன்மையை உறுதிசெய்யும் வகையில்,  தகவல் தொழில்நுட்ப உதவியுடன்,  விண்ணப்பதாரர்கள் எளிதில் பயன்பெறும் வகையில், புதிய நடைமுறைகளை அறிமுகப்படுத்தி வருகிறது. 
தேர்வாணையம் மூலம் பணிக்குத் தேர்வு செய்யப்பட்டவர்கள்,  தற்போதைய  நடைமுறையில் சான்றிதழ் சரிபார்ப்பு மற்றும் கலந்தாய்வுக்கென்று,  இருமுறை சென்னை தேர்வாணைய அலுவலகம் செல்ல வேண்டியுள்ளது. 
தேர்வர்களுக்கு இதனால் ஏற்படும் பணம்,  கால விரயத்தை குறைக்கும் பொருட்டு,  சான்றிதழ் சரிபார்ப்புக்கு தேர்வாகியுள்ள விண்ணப்பதாரர்கள் அனைவரும்,  தற்போது,   இணையவழியில்,  அனைத்துத் தகுதி சான்றிதழ்களையும்,  ஸ்கேன் செய்து பதிவேற்றம் செய்யும் முறையை தேர்வாணையம் அறிமுகப்படுத்தியுள்ளது.
இதற்காக,  தமிழ்நாடு அரசு கேபிள் டிவி நிறுவனத்தினரால்,  அனைத்து வட்டங்களிலும் இயங்கி வரும் இ-சேவை மையங்கள் வழியாக ஸ்கேன் செய்து பதிவேற்றம் செய்ய ஏற்பாடு செய்யப்பட்டுள்ளது.
இந்த சேவை விழுப்புரம் மாவட்டத்தில் திங்கள்கிழமை தொடங்கியது.  விழுப்புரம் ஆட்சியரக இ-சேவை மையத்தில் இந்த சேவையை மாவட்ட ஆட்சியர் இல.சுப்பிரமணியன் தொடக்கி வைத்தார்.  அப்போது,  அண்மையில் குரூப்-2ஏ தேர்வில் தேர்வானவர்கள் தங்களது சான்றிதழ்களை இ-சேவை மையம் மூலம் பதிவேற்றம் செய்து அனுப்பினர்.
இதன் மூலம் ,  சான்றிதழ்கள் ஆய்வு செய்யப்பட்டு,  அரசுப் பணியாளர் தேர்வாணையம் மூலம் தகுதி மற்றும் தரவரிசையின் அடிப்படையில் கலந்தாய்வுக்கு தேர்வாகுவோர்,  ஒருமுறை தேர்வாணைய அலுவலகத்துக்கு மூலச்சான்றிதழ்களுடன் நேரில் சென்றால் போதும்  என்று அறிவுறுத்தப்பட்டது. 
இந்த  நிகழ்ச்சியில் மாவட்ட வருவாய் அலுவலர் ஆர்.பிரியா,  ஆட்சியரின் நேர்முக உதவியாளர் கார்த்திகேயன்,  கோட்டாட்சியர் சரஸ்வதி,  அரசு கேபிள் டிவி வட்டாட்சியர் திருநாவுக்கரசு மற்றும் அரசு அலுவலர்கள் கலந்துகொண்டனர்.

]]>
http://www.dinamani.com/all-editions/edition-villupuram/2018/apr/24/இ-சேவை-மையம்-மூலம்-சான்றிதழ்கள்-பதிவேற்றம்-2906646.html
2906645 அனைத்துப் பதிப்புகள் விழுப்புரம் வலைதளத்தில் அவதூறு: மேலும் ஒருவர் மீது வழக்குப் பதிவு DIN DIN Tuesday, April 24, 2018 12:52 PM +0530 விழுப்புரம்: வலைதளத்தில் அவதூறு கருத்துகளை பரப்பியதாக, விழுப்புரம் மாவட்டத்தில் மேலும் ஒருவர் மீது போலீஸார் வழக்குப் பதிவு செய்து விசாரிக்கின்றனர். 
    விழுப்புரம் மாவட்டத்தில் கட்செவி அஞ்சல், முகநூல் போன்ற சமூக வலைதளங்களில் அரசியல் கட்சி தலைவர்கள், சாதி, மதம் குறித்து அவதூறு கருத்துகளை விடியோ, ஆடியோ, படம், எழுத்து வடிவிலோ பதிவிட்டால் சட்டப் படி கடும் நடவடிக்கை எடுக்கப்படும் என்று மாவட்ட காவல் கண்காணிப்பாளர் ஜெயக்குமார் எச்சரித்திருந்தார்.
ஏற்கெனவே, உளுந்தூர்பேட்டை, செஞ்சி அருகே ஆலம்பூண்டி, திருக்கோவிலூர் அருகே ஆலப்பாடி ஆகிய பகுதிகளில் ஒரு தரப்பைச் சேர்ந்த இளைஞர்கள் மற்றொரு தரப்பு அரசியல் கட்சித் தலைவரையும், மற்றொரு சாதியினரையும் அவதூறாகப் பேசி விடியோ, ஆடியோ வெளியிட்டதாக 5 பேர் மீது வன்கொடுமைத் தடுப்பு சட்டம் உள்ளிட்ட கடுமையான சட்டப் பிரிவுகளின் வழக்குப் பதிந்து 3 பேரை போலீஸாரை கைது செய்தனர். அதேபோல, சென்னையைச் சேர்ந்த பெண் ஒருவர், மற்றொரு அரசியல் கட்சித் தலைவரையும், சாதியினரையும் அவதூறாகப் பேசி வலைதளத்தில் வெளியிட்டதாக விழுப்புரம் மாவட்ட குற்றப் பிரிவு போலீஸார் வழக்குப் பதிந்து விசாரணை நடத்தி வருகின்றனர்.
இந்த நிலையில், விழுப்புரம் அருகே அன்னியூரைச் சேர்ந்த அன்பழகன் என்பவர் அரசியல் கட்சித் தலைவர் ஒருவர் குறித்தும், ஒரு பிரிவு மக்கள் குறித்தும் அவதூறாக கருத்துகளை கட்செவி அஞ்சலில் வெளியிடுவதால், இரு பிரிவினரிடையே  மோதல் உருவாக வாய்ப்புள்ளதாக விடுதலைச் சிறுத்தைகள் கட்சியின் காணை ஒன்றியப் பொருளாளர் சதீஷ்குமார்(30) கஞ்சனூர் காவல் நிலையத்தில் புகார் அளித்தார். அதனடிப்படையில், போலீஸார் அன்பழகன் மீது வழக்குப் பதிவு செய்து விசாரணை நடத்தி வருகின்றனர்.
 சமூக வலைதளத்தில் அவதூறு பரப்பியதாக  மாவட்டத்தில் இதுவரை 7 பேர் மீது வழக்குப் பதிவு செய்யப்பட்டுள்ளது குறிப்பிடத்தக்கது.
 

]]>
http://www.dinamani.com/all-editions/edition-villupuram/2018/apr/24/வலைதளத்தில்-அவதூறு-மேலும்-ஒருவர்-மீது-வழக்குப்-பதிவு-2906645.html
2906644 அனைத்துப் பதிப்புகள் விழுப்புரம் நூதன வழிப்பறி: இளைஞர் கைது  DIN DIN Tuesday, April 24, 2018 12:51 PM +0530 விழுப்புரம்: விழுப்புரம் அருகே  குளிர்சாதன இயந்திரத்தை பழுதுநீக்குபவரிடம் இருந்து நூதன முறையில் வழிப்பறி செய்ததாக இளைஞரை போலீஸார் கைது செய்தனர்.

விழுப்புரம், அருகே சித்திப்பட்டு கிராமத்தைச் சேர்ந்த ஆறுமுகம் மகன் பிரகாஷ்(32). குளிர்சாதன இயந்திரம் (ஏ.சி) பழுதுபார்ப்பவர். இவர், நேமூருக்கு சென்று, ஏ.சி. இயந்திரத்தை பழுது பார்த்துவிட்டு வீட்டுக்கு காரில் வந்து கொண்டிருந்தார். வேடம்பட்டு ஏரிக்கரை அருகே வந்தபோது, சாலையில் இரு சக்கர வாகனம் விழுந்து கிடந்ததைக் கண்ட பிரகாஷ் காரை நிறுத்தி கீழே இறங்கி பார்த்துள்ளார். அப்போது, ஒரு இளைஞர் ஓடி வந்து பிரகாஷை மிரட்டி பணம் கேட்டாராம். ஆனால், பிரகாஷ் பணம் தர மறுத்துள்ளார். உடனே, அந்த இளைஞர், பிரகாஷ் சட்டைப்பையில் இருந்த ரூ.500-ஐ பறித்துக்கொண்டு இரு சக்கர வாகனத்தில் தப்பிவிட்டார். இருப்பினும், பிரகாஷ், அந்த வாகன எண்ணை குறித்து வைத்து காணை போலீஸில் புகார் செய்தார். இதுதொடர்பாக போலீஸார் வழக்குப் பதிவு செய்து, நன்நாடு கிராமத்தைச் சேர்ந்த கேசவன் மகன் அஜித்(22) என்பவரை கைது செய்தனர்.

]]>
http://www.dinamani.com/all-editions/edition-villupuram/2018/apr/24/நூதன-வழிப்பறி-இளைஞர்-கைது-2906644.html
2906643 அனைத்துப் பதிப்புகள் விழுப்புரம் கொட்டகைக்கு தீ வைப்பு:2 பேர் மீது வழக்குப் பதிவு DIN DIN Tuesday, April 24, 2018 12:51 PM +0530 விழுப்பும்: விழுப்புரம் அருகே மாட்டுக் கொட்டகைக்கு தீ வைத்ததாக 2 பேர் மீது போலீஸார் வழக்குப் பதிவு செய்து விசாரிக்கின்றனர்.
விழுப்புரம் அருகே காணையை அடுத்த கொண்டங்கி கிராமத்தைச் சேர்ந்தவர் ஆறுமுகம்(62). இவருக்கும், உறவினர்கள் தண்டபாணி மகன் மணிகண்டன், சீனுவாசன் மகன் மணிகண்டன் ஆகியோருக்கும் இடையே நிலம் பாகப் பிரிவினை தொடர்பாக பிரச்னை ஏற்பட்டு முன்விரோதம் இருந்து வருகிறது. 
இந்த நிலையில், ஆறுமுகம் வீட்டின் பின்புறம் இருந்த அவரது மாட்டுக் கொட்டகை கடந்த இரு தினங்களுக்கு முன்பு இரவில் தீப் பற்றி எரிந்து சேதமடைந்தது.
இந்த கொட்டகைக்கு மணிகண்டன், மற்றொரு மணிகண்டன் சேர்ந்து தீ வைத்துவிட்டதாக, ஆறுமுகம் காணை காவல் நிலையத்தில் ஆறுமுகம் புகார் தெரிவித்துள்ளார். இதனடிப்படையில், காணை போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
http://www.dinamani.com/all-editions/edition-villupuram/2018/apr/24/கொட்டகைக்கு-தீ-வைப்பு2-பேர்-மீது-வழக்குப்-பதிவு-2906643.html
2906642 அனைத்துப் பதிப்புகள் விழுப்புரம் கள்ளக்குறிச்சி அருகே பூட்டிய வீட்டில் 30 பவுன் திருட்டு DIN DIN Tuesday, April 24, 2018 12:50 PM +0530 கள்ளக்குறிச்சி: கள்ளக்குறிச்சியை அடுத்த பெத்தானூரில் வீட்டின் பூட்டை உடைத்து 30 பவுன் தங்க நகைகளை திருடிய மர்ம நபர்களை போலீஸார் தேடிவருகின்றனர். 
பெத்தானூரைச் சேர்ந்தவர் மணி. ஓய்வு பெற்ற ஆசிரியரான இவர், சில ஆண்டுகளுக்கு முன்பு இறந்து விட்டார். இவரது மனைவி மாலதி. 
இவருக்கு இரு மகன்கள். சென்னையில் வசிக்கும் மகன்களை காண்பதற்காக, கடந்த சனிக்கிழமை வீட்டை பூட்டிவிட்டு மாலதி சென்றார். திங்கள்கிழமை திரும்பி வந்தபோது, வீட்டின் நுழைவாயில் கதவு திறந்து கிடந்தது. உள்ளே சென்று பார்த்த போது, வீட்டின் கதவுகள் உடைக்கப்பட்டு,  அலமாரியில் இருந்த 30 பவுன் தங்க நகைகள், வெள்ளிப் பொருள்கள், ரூ.10 ஆயிரம் ஆகியவை திருடுபோயிருந்தது.
இதுகுறித்து சின்னசேலம் காவல் நிலையத்தில் புகார் அளிக்கப்பட்டது. விழுப்புரத்திலிருந்து வரவழைக்கப்பட்ட மோப்பநாய், வீட்டிலிருந்து சிறிது தொலைவு  சென்று நின்று விட்டது. தடயங்களை கூடுதல் துணைக் கண்காணிப்பாளரும், தடயவியல் நிபுணருமான குமார் உள்ளிட்ட குழுவினர் சேகரித்தனர். சின்னசேலம் போலீஸார் வழக்குப் பதிவு செய்து விசாரணை மேற்கொண்டுள்ளனர்.

]]>
http://www.dinamani.com/all-editions/edition-villupuram/2018/apr/24/கள்ளக்குறிச்சி-அருகே-பூட்டிய-வீட்டில்-30-பவுன்-திருட்டு-2906642.html
2906641 அனைத்துப் பதிப்புகள் விழுப்புரம் கிராமங்களில் பணியாற்ற முன்வர வேண்டும்: மருத்துவ மாணவர்களுக்கு துணைவேந்தர் அறிவுரை DIN DIN Tuesday, April 24, 2018 12:50 PM +0530 விழுப்புரம்: அரசு மருத்துவக் கல்லூரியில் மருத்துவம் படித்த மாணவர்கள் கிராமப்புறங்களில் பணியாற்ற முன்வர வேண்டும் என்று எம்ஜிஆர் மருத்துவப் பல்கலைக்கழகத் துணைவேந்தர் அறிவுறுத்தினார்.
விழுப்புரம் அரசு மருத்துவக்கல்லூரி மருத்துவமனை,  விழுப்புரம் அருகேயுள்ள முண்டியம்பாக்கத்தில் கடந்த 2010-ஆம் ஆண்டு தொடங்கப்பட்டது.  இதன் மூலம், கடந்தாண்டு வெளி நோயாளியாக 9 லட்சம் பேரும்,  உள் நோயாளியாக 81 ஆயிரம் பேரும் சிகிச்சை பெற்றுள்ளனர். பொது மருத்துவம்,  அறுவைச் சிகிச்சை,  மகப்பேறு பிரிவு, குழந்தைகள் நலம்,  காது, மூக்கு, தொண்டை, மனநலம்,  தோல் சிகிச்சை,  சிறுநீரகம்,  நுரையீரல்,  காசநோய் உள்ளிட்ட பல்வேறு பிரிவுகள் மூலம் இங்கு சிகிச்சை அளிக்கப்பட்டு வருகிறது.  இதய நோய்,  ரத்தம் சுத்திகரிப்பு,  புற்றுநோய்,  உடல் ஒட்டுறுப்பு,  குடல் அறுவை போன்ற உயர் சிகிச்சைகளும் மேற்கொள்ளப்படுகின்றன.  இந்த மருத்துவக் கல்லூரியில் இதுவரை 350 மாணவர்கள் மருத்துவம் முடித்துச் சென்றுள்ளனர்.  துணை மருத்துவப் படிப்புகளாக,  பட்டய படிப்புகளும் வழங்கப்படுகின்றன.
இந்தக் கல்லூரியில் மூன்றாவது பட்டமளிப்பு விழா திங்கள்கிழமை நடைபெற்றது. மருத்துவக் கல்லூரி முதல்வர் ஜி.சங்கரநாராயணன் தலைமை வகித்தார். உயிரி வேதியியல் துறைத் தலைவர் பூங்குழலி கோபிநாத் வரவேற்றார்.  மருத்துவக் கண்காணிப்பாளர் ஏ.எஸ்.ராஜேந்திரன்,  நிலைய மருத்துவ அலுவலர் கே.புகழேந்தி, துணை முதல்வர் எ.சந்திரா ஆகியோர் முன்னிலை வகித்தனர். 
எம்ஜிஆர் மருத்துவ பல்கலைக்கழக துணைவேந்தர் எஸ்.கீதாலட்சுமி சிறப்பு விருந்தினராகப் பங்கேற்று,  105 மாணவ,  மாணவிகளுக்கு பட்டங்களை வழங்கினார். 
அப்போது அவர் பேசுகையில், மருத்துவப் படிப்பு,  மாணவர்களுக்கு கிடைத்த வரப்பிரசாதம்.  அரசு மருத்துவக் கல்லூரியில் அரிய வாய்ப்பை பயன்படுத்தி மருத்துவம் முடித்துள்ள நீங்கள்,  கிராமப்புறங்களில் மருத்துவப்பணி மேற்கொள்ள முன்வர வேண்டும்.  கிராமப்புற ஏழைகளுக்கு மருத்துவ சேவையாற்றி பெருமை கொள்ளச் செய்ய வேண்டும்.  மருத்துவ மேற்படிப்புகளைத் தொடர்ந்து,  சிறந்த மருத்துவர்களாக பணியாற்ற வேண்டும் என்றார்.
இதையடுத்து, மருத்துவப் பட்டம் பெற்ற மாணவ, மாணவிகள் உறுதிமொழி எடுத்துக்கொண்டனர்.  விழாவில்,  துறைத் தலைவர்கள் வெங்கடேஸ்வரி,  சுபசித்ரா,  பரிமளா,  டெலிபுளோ,  ராஜராஜன், சிந்துஜா, ராஜாராமன், ரவிக்குமார்,  அறிவழகன்,  நிர்வாக அலுவலர்கள் எம்.ஆர்.சிங்காரம்,  ஆனந்தஜோதி, சதீஷ்குமார் மற்றும் பேராசிரியர்கள்,  மாணவர்கள்,  செவிலியர்கள் கலந்துகொண்டனர்.

]]>
http://www.dinamani.com/all-editions/edition-villupuram/2018/apr/24/கிராமங்களில்-பணியாற்ற-முன்வர-வேண்டும்-மருத்துவ-மாணவர்களுக்கு-துணைவேந்தர்-அறிவுரை-2906641.html
2901801 அனைத்துப் பதிப்புகள் விழுப்புரம் ஆர்.கே.எஸ். கல்லூரியில் தேசிய மதிப்பீட்டு சான்றளிப்புக் குழு ஆய்வு    கள்ளக்குறிச்சி DIN Tuesday, April 17, 2018 08:37 AM +0530 கள்ளக்குறிச்சியை அடுத்த இந்திலி ஆர்.கே.சண்முகம் கலை அறிவியல் கல்லூரியில், பல்கலைக்கழக மானியக் குழுவின் (யுஜிசி) தேசிய மதிப்பீட்டுச் சான்றளிப்புக் குழுவினர் வியாழன், வெள்ளி ஆகிய இரு நாள்கள் ஆய்வு மேற்கொண்டனர்.
 இந்தக் குழுவினர் பேராசிரியர்கள்- மாணவர்களின் விகிதாசாரம், கற்றல், கற்பித்தல் முறைகள், மாணவர்களின் கல்வித் தரம், கல்லூரியின் கொள்கை, இலக்கு, வேலை வாய்ப்பு, ஆராய்ச்சிக் கல்வி, தொலை நோக்குத் திட்டம், மாணவர்களின் பின்னூட்டம், கல்லூரி வழங்கும் காப்பீட்டுத் திட்டம், டாக்டர் ஆர்.கே.எஸ்.கல்வி அறக்கட்டளை வழங்கும் மாணவர் உதவித்தொகை, அரசு வழங்கும் உதவித் தொகை துறை சார்ந்த கோப்புகள், என்.சி.சி, என்.எஸ்.எஸ், விளையாட்டு,கலை போன்றவை குறித்து ஆய்வு செய்தனர்.
 கல்லூரி கட்டமைப்புகள் மாணவர்களுக்கு அளிக்கும் சலுகைகள், அரசு அறிவிக்கும் பிற சலுகைகள் குறித்தும் ஆய்வு நடத்தினர்.
 
 
 

]]>
http://www.dinamani.com/all-editions/edition-villupuram/2018/apr/17/ஆர்கேஎஸ்-கல்லூரியில்-தேசிய-மதிப்பீட்டு-சான்றளிப்புக்-குழு-ஆய்வு-2901801.html
2901799 அனைத்துப் பதிப்புகள் விழுப்புரம் விடைத்தாள் மதிப்பிடும் மையத்தில் ஜாக்டோ அமைப்பினர் போராட்டம்    விழுப்புரம், DIN Tuesday, April 17, 2018 08:36 AM +0530 கோரிக்கைகளை வலியுறுத்தி, விழுப்புரத்தில் பிளஸ் 2 பொதுத் தேர்வு விடைத்தாள் மதிப்பிடும் மையத்தில் ஜாக்டோ அமைப்பினர் திங்கள்கிழமை தொடர் முழக்கப் போராட்டத்தில் ஈடுபட்டனர்.
 விழுப்புரம், அரசு மகளிர் மேல்நிலைப் பள்ளியில் பிளஸ் 2 விடைத்தாள் திருத்தும் பணி நடைபெற்று வருகிறது. இந்த மையத்தில், திங்கள்கிழமை காலை திரண்ட ஜாக்டோ அமைப்பினர் கூட்டமைப்புத் தலைவர் லூர்து சேவியர் தலைமையில் ஆர்ப்பாட்டத்தில் ஈடுபட்டனர்.
 பழைய ஓய்வூதிய முறையை நடைமுறைப்படுத்த வேண்டும், 7-ஆவது ஊதிய உயர்வு 21 மாத நிலுவைத் தொகையை உடனே வழங்க வேண்டும். பணி முரண்பாடுகளைக் களைய வேண்டும். ஆசிரியர்கள் எண்ணிக்கையை குறைக்க அமைக்கப்பட்ட குழுவைக் கலைக்க வேண்டும் உள்ளிட்ட கோரிக்கைகளை வலியுறுத்தி முழக்கங்களை எழுப்பினர். பின்னர், ஆர்ப்பாட்டம் முடிந்த பிறகு விடைத் தாள் திருத்தும் பணிக்கு ஆசிரியர்கள் சென்றனர்.
 
 

]]>
http://www.dinamani.com/all-editions/edition-villupuram/2018/apr/17/விடைத்தாள்-மதிப்பிடும்-மையத்தில்-ஜாக்டோ-அமைப்பினர்-போராட்டம்-2901799.html
2901796 அனைத்துப் பதிப்புகள் விழுப்புரம் மரக்காணம் அருகே காயங்களுடன் காவலாளி சடலம் மீட்பு    விழுப்புரம், DIN Tuesday, April 17, 2018 08:36 AM +0530 மரக்காணம் அருகே மாந்தோப்புக்கு காவலுக்குச் சென்ற காவலாளி உடலில் காயங்களுடன் மர்மமான முறையில் சாலையோரம் சடலமாக மீட்கப்பட்டார். அவர் அடித்துக் கொலை செய்யப்பட்டாரா என போலீஸார் விசாரித்து வருகின்றனர்.
 விழுப்புரம் மாவட்டம், பிரம்மதேசம் அருகேயுள்ள சிறுவாடி கிராமத்தைச் சேர்ந்தவர் சூர்யமூர்த்தி(35). இவர், மரக்காணம் அருகேயுள்ள ஆலத்தூர் என்ற இடத்தில் உள்ள மாந்தோப்பு ஒன்றில் காவலாளியாக பணிபுரிந்து வந்தார். ஞாயிற்றுக்கிழமை இரவு பணிக்குச் சென்ற சூர்யமூர்த்தி காலை வீடு திரும்பவில்லை. இந்த நிலையில், பிற்பகல் 3 மணி அளவில், குரும்புரம் பேருந்து நிறுத்தம் அருகே திண்டிவனம் சாலையில் உடலில் காயங்களுடன் மர்மமான முறையில் இறந்து கிடந்தார்.
 தகவல் அறிந்த மரக்காணம் போலீஸார் நிகழ்விடத்துக்குச் சென்று சடலத்தை மீட்டு, உடல் கூறாய்வுக்காக புதுச்சேரியில் உள்ள தனியார் மருத்துவமனைக்கு அனுப்பி வைத்தனர்.
 இதுதொடர்பாக போலீஸார் வழக்குப் பதிந்து அவர் அடித்துக் கொலை செய்யப்பட்டாரா அல்லது வேறு ஏதேனும் காரணமா என விசாரிக்கின்றனர்.
 
 
 
 

]]>
http://www.dinamani.com/all-editions/edition-villupuram/2018/apr/17/மரக்காணம்-அருகே-காயங்களுடன்-காவலாளி-சடலம்-மீட்பு-2901796.html
2901793 அனைத்துப் பதிப்புகள் விழுப்புரம் மானிய விலை எல்இடி மின் விளக்கு விற்பனை தொடக்கம்    விழுப்புரம் DIN Tuesday, April 17, 2018 08:35 AM +0530 விழுப்புரம் மாவட்டத்தில் மின்துறை மூலமாக மானிய விலையில் எல்.இ.டி. மின் விளக்கு விற்பனை செய்யும் திட்டம் திங்கள்கிழமை தொடங்கப்பட்டது.
 மத்திய அரசின் உஜ்வாலா திட்டத்தின்கீழ் இந்தியாவில் எரிசக்தியை சேமிக்கும் வகையில் மானிய விலை மின்விளக்கு, மின் விசிறி விற்பனை தொடங்கப்பட்டது. அந்த திட்டத்தின் கீழ் மின்விசிறி ரூ.1,110-க்கும், டியூப் லைட் ரூ.220-க்கும், எல்.இ.டி. மின் விளக்கு ரூ.70-க்கும் மின்துறை மூலமாக விற்பனை செய்யப்படுகிறது. இந்த நிலையில், சுராஜ் கிராம அபியான் திட்டத்தின் கீழ் எல்.இ.டி. மின் விளக்குகள் கிராமங்களைச் சென்றடையும் வகையில், அவற்றை மானிய விலையில் விற்பனை செய்யும் திட்டம் விழுப்புரம் மாவட்டத்தில் திங்கள்கிழமை தொடங்கப்பட்டது.
 விழுப்புரம் மின் வாரிய அலுவலகம் எதிரே இந்த விற்பனை வாகனங்களின் பயணத்தை மின்சார வாரிய மேற்பார்வைப் பொறியாளர் காளிமுத்து கொடியசைத்துத் தொடக்கி வைத்தார். செயற்பொறியாளர் மதனகோபால், பாஜக மாவட்டப் பொதுச் செயலாளர் சுகுமார் உள்ளிட்டோர் உடனிருந்தனர்.
 இந்த விளக்குகளை விழுப்புரம் மாவட்டத்தில் தேர்வு செய்யப்பட்ட 227 கிராமங்களில் மானிய விலையில் 9 வாட்ஸ் எல்.இ.டி. மின்விளக்கு ரூ.50-க்கும் விற்பனை செய்யப்படும். ஆதார் அட்டை நகல், மின் இணைப்பு நகலை கொடுத்து ஒரு நபர் 10 மின் விளக்குகள் வரை வாங்கிக்கொள்ளலாம். மூன்று ஆண்டுகள் வரை அதனை மாற்றிக்கொள்ளும் உத்தரவாதம் வழங்கப்படும் என்று மின்துறை அதிகாரிகள் தெரிவித்தனர்.
 
 
 
 

]]>
http://www.dinamani.com/all-editions/edition-villupuram/2018/apr/17/மானிய-விலை-எல்இடி-மின்-விளக்கு-விற்பனை-தொடக்கம்-2901793.html
2901791 அனைத்துப் பதிப்புகள் விழுப்புரம் தடுப்புக் காவல் சட்டத்தில் சாராய வியாபாரி கைது    விழுப்புரம் DIN Tuesday, April 17, 2018 08:35 AM +0530 சாராயம் விற்பனையில் ஈடுபட்டு வந்த நபரை தடுப்புக் காவல் சட்டத்தின்கீழ் போலீஸார் திங்கள்கிழமை கைது செய்தனர்.
 கள்ளக்குறிச்சி அருகே சேஷசமுத்திரம் கிராமத்தைச் சேர்ந்த பெரியசாமி மகன் ராஜா(30). இவர், அந்த பகுதியில் சாராயம் கடத்தல், சாராயம் விற்பனையில் ஈடுபட்டு வந்துள்ளார். இது தொடர்பாக சங்கராபுரம் போலீஸார் அவரை கைது செய்து சிறையில் அடைத்தனர். தொடர்ந்து, இதுபோன்ற குற்றச் செயல்களில் ஈடுபடுவதைத் தடுக்க, ராஜாவை தடுப்புக் காவல் சட்டத்தின் கீழ் கைது செய்ய மாவட்ட ஆட்சியர் இல.சுப்பிரமணியனுக்கு எஸ்.பி. ஜெயக்குமார் பரிந்துரைத்தார்.
 இந்த நிலையில், கடலூர் மத்திய சிறையில் விசாரணைக் கைதியாக உள்ள ராஜாவை, மாவட்ட ஆட்சியரின் உத்தரவின்பேரில் தடுப்புக் காவல் சட்டத்தின்கீழ் போலீஸார் திங்கள்கிழமை கைது செய்தனர்.

]]>
http://www.dinamani.com/all-editions/edition-villupuram/2018/apr/17/தடுப்புக்-காவல்-சட்டத்தில்-சாராய-வியாபாரி-கைது-2901791.html
2901789 அனைத்துப் பதிப்புகள் விழுப்புரம் ஜி.அரியூரில் மூடப்பட்ட மதுக் கடையை திறக்கக் கூடாது: ஆட்சியரகத்தில் கிராம மக்கள் மனு    விழுப்புரம் DIN Tuesday, April 17, 2018 08:34 AM +0530 திருக்கோவிலூர் அருகே ஜி.அரியூரில் மூடப்பட்ட அரசு மதுக் கடையை மீண்டும் திறக்க எதிர்ப்பு தெரிவித்து, கிராம மக்கள் திங்கள்கிழமை ஆட்சியர், எஸ்.பி. ஆகியோரிடம் மனு அளித்தனர்.
 ஜி.அரியூரில் ஏற்கெனவே செயல்பட்டு வந்த டாஸ்மாக் மதுக் கடை அப்பகுதி மக்களின் வலியுறுத்தல் காரணமாக மூடப்பட்டது. ஆனால், அந்த கடையை மீண்டும் திறக்கக் கோரி அப்பகுதியைச் சேர்ந்த பெண்கள் சிலர் மாவட்ட ஆட்சியரகத்துக்கு கடந்த இரு வாரங்களாக வந்து மனு அளித்தனர். அவர்கள் மதுக்கடை செயல்பட்டு வந்த கட்டடத்தின் உரிமையாளரின் ஆதரவாளர்கள் எனக் கூறப்பட்டது.
 தொடர்ந்து இவ்வாறு மனு அளிக்கப்படுவதால், ஜி.அரியூரில் மீண்டும் மதுக்கடை திறக்கப்படலாம் என்ற தகவல் பரவியது. இதையடுத்து அந்த கிராம மக்கள் 50-க்கும் மேற்பட்டோர் திங்கள்கிழமை மாவட்ட ஆட்சியரகத்துக்கு திரண்டு வந்தனர். அவர்களை தடுத்து நிறுத்திய தாலுகா காவல் ஆய்வாளர் ராஜன், சிலரை மட்டும் ஆட்சியரை சந்திக்க அனுமதி அளித்தார்.
 அதன்படி, கிராம மக்களில் சிலர் சென்று ஆட்சியரை சந்தித்து, தங்களது ஊரில் மதுக் கடையை மீண்டும் திறக்கக் கூடாது எனக் கோரி மனு அளித்தனர். தொடர்ந்து, மாவட்ட காவல் கண்காணிப்பாளரையும் சந்தித்து மனு அளித்தனர்.
 
 
 

]]>
http://www.dinamani.com/all-editions/edition-villupuram/2018/apr/17/ஜிஅரியூரில்-மூடப்பட்ட-மதுக்-கடையை-திறக்கக்-கூடாது-ஆட்சியரகத்தில்-கிராம-மக்கள்-மனு-2901789.html
2901785 அனைத்துப் பதிப்புகள் விழுப்புரம் ஏப்.20-இல் 33 கிராமங்களில் சமையல் எரிவாயு விழிப்புணர்வு: இந்தியன் ஆயில் அதிகாரி தகவல்      விழுப்புரம், DIN Tuesday, April 17, 2018 08:34 AM +0530 விழுப்புரம் மாவட்டத்தில் 33 கிராமங்களில் வருகிற 20-ஆம் தேதி சமையல் எரிவாயு குறித்த விழிப்புணர்வு நிகழ்ச்சிகள் நடத்தப்படும் என்று இந்தியன் ஆயில் அதிகாரி தெரிவித்தார்.
 இதுகுறித்து மாவட்ட இந்தியன் ஆயில் நிறுவனத்தின் விழிப்புணர்வு நிகழ்ச்சிக்கான விழுப்புரம் மாவட்ட கண்காணிப்பு அதிகாரி ரோஷினி கூறியதாவது:
 மத்திய அரசின் பெட்ரோலியத்துறை அமைச்சகத்தின் அறிவுறுத்தலின்படி, பொதுமக்களுக்கு சமையல் எரிவாயு குறித்த விழிப்புணர்வு ஏற்படுத்தும் நிகழ்ச்சி வருகிற 20-ஆம் தேதி கிராமங்களில் நடத்தப்பட உள்ளது. இந்த நிகழ்ச்சியில் மாவட்டத்தில் உள்ள அனைத்து சமையல் எரிவாயு முகவர்களும் தலா ஒரு கிராமங்களுக்குச் சென்று விழிப்புணர்வு நிகழ்ச்சிகளை நடத்துவர். அதில், ஏற்கெனவே சமையல் எரிவாயுவை பயன்படுத்தும் நபர்களின் அனுபவங்கள், அவர்களின் கருத்துகள் கேட்கப்படும். மேலும், சமையல் எரிவாயு இணைப்பு இல்லாதவர்களுக்கு இலவசமாகவோ அல்லது கட்டணம் மூலமாகவோ இணைப்பு வழங்க நடவடிக்கை எடுக்கப்படும்.
 கடந்த 2011 ஆம் ஆண்டு கணக்கெடுப்பின்படி, வறுமைக் கோட்டுக்குக் கீழ் உள்ள பெண்களுக்கு இலவசமாக சமையல் எரிவாயு இணைப்பு வழங்கப்பட்டு வருகிறது. அந்த கணக்கெடுப்பில் இல்லாவிட்டாலும், வறுமைக் கோட்டுக்குக் கீழ் உள்ள எஸ்.சி., எஸ்.டி பிரிவினர், மிகவும் பிற்படுத்தப்பட்ட பிரிவினர், 35 கிலோ அரிசி பெறும் குடும்ப அட்டைதாரர்கள், வனப்பகுதியில் வசிக்கும் பழங்குடியினர், தீவுகளில் வசிக்கும் பெண்கள் இந்த திட்டத்தின்கீழ் இலவசமாக இணைப்பு பெறும் வசதி ஏப்ரல் 1-ஆம் தேதி முதல் ஏற்படுத்தப்பட்டுள்ளது. இலவசமாக பெறமுடியாதவர்கள் கடன் மூலமாக இணைப்புப் பெற நடவடிக்கை எடுக்கப்படும். அந்த கடன் தொகை 6 சிலிண்டர்களைப் பெற்ற பிறகு, அடுத்தடுத்த சிலிண்டருக்கான மானியத்தொகையில் இருந்து பிடித்தம் செய்யப்படும். இதனை பொதுமக்கள் பயன்படுத்திக்கொள்ள வேண்டும்.
 காப்பீடு உண்டு: வாடிக்கையாளர்கள் வாங்கும் ஒவ்வொரு சிலிண்டருக்கும் காப்பீடு உள்ளது. சமையல் எரிவாயு உருளையில் தீ விபத்து ஏற்பட்டால், அந்த விபத்தை ஆய்வு செய்து இழப்பீடு வழங்கப்படும். இதற்கு முன்னதாக நடைபெற்ற விபத்துகளில் இழப்பீடு வழங்கப்பட்டுள்ளது. விபத்துத் தகவல் அல்லது புகார்களை 1906 என்ற கட்டணமில்லா தொலைபேசி எண்ணைத் தொடர்பு கொண்டு தெரிவிக்கலாம். சிலிண்டர் விலையைவிட கூடுதலாக கட்டணம் அளிக்கத் தேவையில்லை. அதிக கட்டணம் கேட்டாலும் புகார் செய்யலாம் என்று கூறினார்.
 
 

]]>
http://www.dinamani.com/all-editions/edition-villupuram/2018/apr/17/ஏப்20-இல்-33-கிராமங்களில்-சமையல்-எரிவாயு-விழிப்புணர்வு-இந்தியன்-ஆயில்-அதிகாரி-தகவல்-2901785.html
2901781 அனைத்துப் பதிப்புகள் விழுப்புரம் காசநோய் கண்டறியும் நடமாடும் ஆய்வுக் கூடம்: ஏப். 21 வரை கிராமங்களில் வலம் வருகிறது    விழுப்புரம் DIN Tuesday, April 17, 2018 08:33 AM +0530 விழுப்புரம் மாவட்டத்தில் வருகிற 21-ஆம் தேதி வரை பல்வேறு கிராமங்களுக்குச் சென்று காசநோய் கண்டறியும் நடமாடும் ஆய்வுக் கூட சேவையை ஆட்சியர் இல.சுப்பிரமணியன் திங்கள்கிழமை தொடக்கி வைத்தார்.
 திருத்தியமைக்கப்பட்ட தேசிய காசநோய் தடுப்புத் திட்டத்தின் கீழ், நடமாடும் காசநோய் கண்டறியும் அதிநவீன ஆய்வுக் கூட சேவைத் தொடக்க விழா விழுப்புரத்தில் திங்கள்கிழமை நடைபெற்றது.
 மாவட்ட ஆட்சியரக நுழைவாயில் பகுதியிலிருந்து இந்த வாகன சேவையை மாவட்ட ஆட்சியர் இல.சுப்பிரமணியன் கொடியசைத்துத் தொடக்கி வைத்தார்.
 அப்போது அவர் பேசியதாவது: முதல்வர் எடப்பாடி பழனிசாமி கடந்த மார்ச் 24-ஆம் தேதி அதிநவீன கருவி அடங்கிய காசநோய் கண்டறியும் ஆய்வுக் கூட வாகன சேவையை சென்னையில் தொடக்கி வைத்தார். இந்த வாகனம் தமிழ்நாடு முழுவதும் ஒவ்வொரு மாவட்டமாக சுற்றுப் பயணம் செய்து, காசநோய் குறித்த விழிப்புணர்வு ஏற்படுத்துவதுடன் பொதுமக்களிடையே காசநோய் பரிசோதனையும் மேற்கொண்டு வருகிறது.
 விழுப்புரம் மாவட்டத்தில் இந்த வாகனம் ஏப்ரல் 16-ஆம் தேதி (திங்கள்கிழமை) முதல் வருகிற 21-ஆம் தேதி வரை கண்டமானடி, சிறுவந்தாடு, மயிலம், கிளியனூர், சந்தியமங்கலம், மேல்சித்தாமூர், ஒலக்கூர், முகையூர், ரிஷிவந்தியம், கரியாலூர், இருவேல்பட்டு, எலவனாசூர்கோட்டை, திருநாவலூர் ஆகிய காசநோய் அலகுக்கு உள்பட்ட கிராமத்துக்கு சுற்றுப் பயணம் மேற்கொண்டு மக்களிடையே காசநோய் விழிப்புணர்வை ஏற்படுத்தும். அப்போது, பொதுமக்களுக்கு சளி பரிசோதனையும் செய்யப்படும்.
 அதிநவீன கருவிகள் அடங்கிய இந்த வாகனம் உங்கள் வீடுதேடி வருவதால், இரண்டு வாரங்களுக்கு மேல் இருமல், சளி இருப்பவர்கள், சர்க்கரை வியாதி உள்ளவர்கள் சளி பரிசோதனை செய்து பயன்பெற வேண்டும். மேலும், காசநோயை துரிதமாகவும், துல்லியமாகவும் கண்டறியும் கருவி விழுப்புரம் அரசு மருத்துவக் கல்லூரி மருத்துவமனை மற்றும் கள்ளக்குறிச்சி அரசு தலைமை மருத்துவமனை ஆகிய இரு மருத்துவமனைகளில் உள்ளது. அதனையும் பொதுமக்கள் பயன்படுத்திக் கொள்ளலாம் என்றார் ஆட்சியர் இல.சுப்பிரமணியன்.
 தொடர்ந்து, காசநோய் பணியாளர்களுக்கு காசநோயாளர்களின் விவரத்தை இணையத்தில் தினமும் பதிவேற்றம் செய்ய கையடக்கக் கணினி, கருவிகளை ஆட்சியர் வழங்கினார். நிகழ்ச்சியில், மாவட்ட வருவாய் அலுவலர் பிரியா, சுகாதாரப் பணிகள் இணை இயக்குநர் நேரு, காசநோய் பிரிவு துணை இயக்குநர் சுதாகர் உள்ளிட்டோர் கலந்து கொண்டனர்.
 
 
 

]]>
http://www.dinamani.com/all-editions/edition-villupuram/2018/apr/17/காசநோய்-கண்டறியும்-நடமாடும்-ஆய்வுக்-கூடம்-ஏப்-21-வரை-கிராமங்களில்-வலம்-வருகிறது-2901781.html