Dinamani - விழுப்புரம் - http://www.dinamani.com/all-editions/edition-villupuram/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2691789 அனைத்துப் பதிப்புகள் விழுப்புரம் பதிவுச் சான்று இல்லாமல் இறால் வளர்த்தால் நடவடிக்கை: ஆட்சியர் விழுப்புரம், DIN Thursday, April 27, 2017 08:08 AM +0530 விழுப்புரம் மாவட்டத்தில் பதிவுச் சான்று இல்லாமல் இறால் வளர்த்தால் கடும் நடவடிக்கை எடுக்கப்படும் என்று மாவட்ட ஆட்சியர் எச்சரித்தார்.
 விழுப்புரம் மாவட்டத்தில் புதிதாக இறால் வளர்க்கவும், 5 ஆண்டுகள் முடிவுற்ற பதிவுச் சான்றை புதுப்பிக்கவும், விண்ணப்பிக்கப்பட்ட இறால் பண்ணைகளை கடலோர நீர்வாழ் உயிரின வளர்ப்பு ஆணையத்தில் பதிவு செய்வது குறித்து, மாவட்டக் குழு உறுப்பினர்கள் கூட்டம் புதன்கிழமை நடைபெற்றது.
 விழுப்புரம் ஆட்சியர் அலுவலகத்தில் நடைபெற்ற கூட்டத்துக்கு ஆட்சியர் இல.சுப்பிரமணியன் தலைமை வகித்தார்.
 மாவட்டத்தில் இறால் பண்ணைகள், கடல்நீர் வாழ் உயிரின வளர்ப்பு ஆணையத்திடமிருந்து பதிவுச் சான்று பெற்று இறால் வளர்க்க வேண்டும், பதிவுச் சான்று பெறாமல் இறால் வளர்த்தால், கடலோர நீர்வாழ் உயிரின வளர்ப்பு ஆணையச் சட்டம் 2005-ன் படி நடவடிக்கை எடுக்கப்படும் என்று ஆட்சியர் தெரிவித்து, குழுவினருக்கு ஆலோசனை வழங்கினார்.
 கூட்டத்தில் மாவட்ட வருவாய் அலுவலர் சி.ராஜசேகரன், மாவட்ட வன அலுவலர் ஆனந்தன், மீன்வளத் துறை உதவி இயக்குநர் மணிமேகலை உள்ளிட்ட அலுவலர்கள் கலந்து கொண்டனர்.
 
 

 

]]>
http://www.dinamani.com/all-editions/edition-villupuram/2017/apr/27/பதிவுச்-சான்று-இல்லாமல்-இறால்-வளர்த்தால்-நடவடிக்கை-ஆட்சியர்-2691789.html
2628107 அனைத்துப் பதிப்புகள் விழுப்புரம் தேசிய கராத்தே போட்டி: விருத்தாசலம் மாணவர்கள் சிறப்பிடம் DIN DIN Friday, January 6, 2017 03:20 AM +0530 கடலூர்: தேசிய அளவிலான கராத்தே போட்டியில் விருத்தாசலம் ஜெயப்பிரியா பள்ளி மாணவர்கள் சிறப்பிடம் பெற்றனர்.
புதுதில்லியில் டிச. 27, 28-ஆம் தேதிகளில் தேசிய அளவிலான கராத்தே போட்டி நடைபெற்றது. இதில், தமிழகம் சார்பில் விருத்தாசலம் கோபாலபுரம் ஜெயப்பிரியா வித்யாலயா மெட்ரிக் மேல்நிலைப் பள்ளி மாணவர்கள் பங்கேற்றனர்.
போட்டியில் மாணவி மு.மகாலட்சுமி, மாணவர்கள் ரகுநாத், செந்தில் முருகன், வேல்முருகன் ஆகியோர் தங்கப் பதக்கங்களை வென்றனர். மாணவர்கள் அன்புச்செல்வன், ராஜேஷ், சக்திவேல், ஜீவா, கார்த்திகேயன், பிரசாத் ஆகியோர் வெள்ளிப் பதக்கங்களை வென்றனர்.
 போட்டியில் வென்ற மாணவர்கள், பயிற்சியாளர் கண்மணி ஆகியோருக்கு பாராட்டு விழா பள்ளி வளாகத்தில் நடைபெற்றது. பள்ளி நிர்வாக இயக்குநர் சி.ஆர்.ஜெயசங்கர் தலைமை வகித்து, மாணவர்களுக்கு பரிசுகளை வழங்கிப் பாராட்டினார் (படம்).   முன்னதாக, பள்ளி முதல்வர் அ.முருகன் வரவேற்றார்.

 

 

]]>
http://www.dinamani.com/all-editions/edition-villupuram/2017/jan/06/தேசிய-கராத்தே-போட்டி-விருத்தாசலம்-மாணவர்கள்-சிறப்பிடம்-2628107.html
2628106 அனைத்துப் பதிப்புகள் விழுப்புரம் கரும்பு விவசாயிகள் காத்திருப்புப் போராட்டம் வாபஸ் DIN DIN Friday, January 6, 2017 03:19 AM +0530
செஞ்சி: செஞ்சி வட்டம், செம்மேடு சர்க்கரை ஆலை முன் விவசாயிகள் நடத்தி வந்த காத்திருப்புப் போராட்டம் வியாழக்கிழமை வாபஸ் பெறப்பட்டது.
 கரும்பு நிலுவைத் தொகை உள்ளிட்ட கோரிக்கைகளை வலியுறுத்தி, தமிழகம் முழுவதும் உள்ள சர்க்கரை ஆலைகள் முன் விவசாயிகள் செவ்வாய்க்கிழமை முதல் காத்திருப்புப் போராட்டத்தில் ஈடுபட்டு வந்தனர்.
செஞ்சி வட்ட தமிழ்நாடு விவசாயிகள் சங்கம் சார்பில், செம்மேடு சர்க்கரை ஆலை முன் காத்திருப்புப் போராட்டம் வட்டத் தலைவர் டி.ஆர். குண்டுரெட்டியார் தலைமையில் நடைபெற்று வந்தது.
இந்த நிலையில், வியாழக்கிழமை தமிழக அமைச்சர் எம்.சி.சம்பத் தலைமையில் முத்தரப்புக் கூட்டம் சென்னையில் நடைபெற்றது.
 இதில், வரும் பொங்கலுக்குள் விவசாயிகளுக்கு கரும்பு நிலுவைத்தொகை கூட்டுறவு சங்க கரும்பு ஆலைகள் மூலம் வரும் 9, 10 தேதிகளில் வழங்கப்படும் என்றும், தனியார் சர்க்கரை ஆலைகள் தரவேண்டிய கரும்பு நிலுவைத் தொகை ரூ.1,100 கோடி உள்ளது. இதனை பெற்றுத்தர தனியார் சர்க்கரை ஆலை முதலாளிகளிடம் வரும் 9-ஆம் தேதி பேச்சுவார்த்தை நடத்தி, தொகையில் ஒரு தொகுப்பை பொங்கலுக்குள் பெற்றுத்தர நடவடிக்கை எடுக்கப்படும் என அறிவிக்கப்பட்டது.  
இதையடுத்து, செம்மேடு சர்க்கரை ஆலை முன் நடைபெற்று வந்த போராட்டம் விலக்கிக் கொள்ளப்பட்டது.
 மூன்றாம் நாள் போராட்டத்தில் மாவட்டச் செயலர் சுப்பிரமணியன், தேனி மாவட்டச் செயலர் கண்ணன், மாநிலக்குழு மாதவன், சிஐடியு குழுத் தலைவர்கள் கோவிந்தசாமி, நெடுஞ்சேரலாதன் உள்ளிட்டோர் கலந்து கொண்டனர்.

]]>
http://www.dinamani.com/all-editions/edition-villupuram/2017/jan/06/கரும்பு-விவசாயிகள்-காத்திருப்புப்-போராட்டம்-வாபஸ்-2628106.html
2628105 அனைத்துப் பதிப்புகள் விழுப்புரம் கிறிஸ்தவ தேவாலயங்களைச் சீரமைக்க அரசு நிதியுதவி பெற விண்ணப்பிக்கலாம் DIN DIN Friday, January 6, 2017 03:18 AM +0530 விழுப்புரம்:  விழுப்புரம் மாவட்ட கிறிஸ்தவ தேவாலயங்களை பழுது நீக்குதல் மற்றும் சீரமைத்தல் பணிகள் மேற்கொள்வதற்கு அரசு நிதியுதவி வழங்கும் திட்டத்தின் கீழ் பயன் பெறத் தகுதியானவர்கள் விண்ணப்பிக்கலாம்.
இதுகுறித்து, விழுப்புரம் ஆட்சியர் எல்.சுப்பிரமணியன் வெளியிட்ட செய்திக் குறிப்பு: தமிழ்நாட்டில் சொந்தக் கட்டடங்களில் இயங்கும் கிறிஸ்தவ தேவாலயங்களை பழுது நீக்குதல் மற்றும் சீரமைத்தல் பணிகள் மேற்கொள்வதற்கு நிகழாண்டில் (2016-2017) நிதியுதவி வழங்கும் திட்டம் அரசால் செயல்படுத்தப்படுகிறது.
இந்தத் திட்டத்தின் கீழ், நிதியுதவி பெறுவதற்கு கிறிஸ்தவ தேவாலயம் 10 ஆண்டுகளுக்கு மேலாக சொந்தக் கட்டடத்தில் இயங்கி இருத்தல் வேண்டும். தேவாலயம் கட்டப்பட்ட இடம்  பதிவுத் துறையில் பதிவு செய்திருத்தல் வேண்டும். தேவாலயத்தையும் பதிவு செய்திருக்க வேண்டும்.
தேவாலயத்தின் சீரமைப்புப் பணிக்காக வெளி நாட்டிலிருந்து எவ்வித நிதி உதவியும் பெற்றிருத்தல் கூடாது. நிதியுதவி பெறப்படவில்லை என்பதற்கான சான்று அளிக்க வேண்டும்.   சீரமைப்புப் பணிக்காக ஒருமுறை நிதியுதவி அளிக்கப்பட்ட தேவாலயத்திற்கு மறுமுறை நிதியுதவி 5 ஆண்டுகளுக்குப் பிறகு வழங்கப்படும்.
நிதியுதவி பெற விரும்புவோர் அதற்கான விண்ணப்பப் படிவத்தை நிறைவு செய்து அத்துடன் சான்றிதழ் மற்றும் அனைத்து உரிய ஆவணங்களுடன் விழுப்புரம் மாவட்ட ஆட்சியருக்கு 31.01.2017க்குள் விண்ணப்பிக்க வேண்டும்.
இதற்கான விண்ணப்பப் படிவம் மற்றும் சான்றிதழ் படிவம் இணையதள முகவரியில் வெளியிடப்பட்டுள்ளது. இதனை பதிவிறக்கம்  செய்து விண்ணப்பிக்கலாம்.
ஆட்சியர் தலைமையிலான குழு பரிசீலித்து, கிறிஸ்தவ தேவாலயங்களை ஸ்தல ஆய்வு மேற்கொள்ளப்படும். கட்டடத்தின் வரைபடம் மற்றும் திட்ட மதிப்பீடு ஆகியவற்றுடன் தகுதியின் அடிப்படையில் தேர்வு செய்து உரிய முன்மொழிவுகளுடன் சிறுபான்மையினர் நல ஆணையருக்கு நிதியுதவி வேண்டி பரிந்துரை செய்யப்படும்.
எனவே, தேவாலயங்களை பழுது நீக்கல் மற்றும் சீரமைத்தல் பணிக்காக நிதியுதவி பெற விரும்புபவர்கள் இந்த வாய்ப்பினை பயன்படுத்திக் கொள்ளுமாறு அதில் கேட்டுக்கொண்டுள்ளார்.

 

]]>
http://www.dinamani.com/all-editions/edition-villupuram/2017/jan/06/கிறிஸ்தவ-தேவாலயங்களைச்-சீரமைக்க-அரசு-நிதியுதவி-பெற-விண்ணப்பிக்கலாம்-2628105.html
2628104 அனைத்துப் பதிப்புகள் விழுப்புரம் பெண் தகராறில் தொழிலாளியை கொலை செய்தவருக்கு ஆயுள் சிறை DIN DIN Friday, January 6, 2017 03:18 AM +0530 கள்ளக்குறிச்சி: கள்ளக்குறிச்சி அருகே மனைவியுடன் கள்ளத் தொடர்பு வைத்திருந்தவரை கொலை செய்த வழக்கில் தொழிலாளிக்கு நீதிமன்றம் ஆயுள் தண்டனை விதித்தது.
கள்ளக்குறிச்சியை அடுத்த வி.அலம்பளம் கிராமத்தைச் சேர்ந்தவர் வீரமுத்து மகன் பெரியண்ணன் (45). கீழ்க்குப்பம் காட்டுக்கொட்டாய் பகுதியைச் சேர்ந்தவர் பெரியதம்பி மகன் ராஜமாணிக்கம் (57). இருவரும் மரம் வெட்டும் தொழிலாளிகள்.
 பெரியண்ணன், ராஜமாணிக்கத்தின் மனைவியுடன்
கள்ளத்தொடர்பு வைத்திருந்தாராம்.  அதனால், இருவருக்கும் இடையே முன்விரோதம் இருந்து வந்தது.
இந்த நிலையில், கடந்த 6.10.2015 அன்று நைனாப்பாளையம் கொளஞ்சி என்பவரது மரப்பட்டறையில், ஆறுமுகம் ஆசாரி என்பவருடன் பெரியண்ணன் பேசிக் கொண்டிருந்துள்ளார்.   அப்போது, அங்கு வந்த ராஜமாணிக்கம்,  பெரியண்ணனிடம் தகராறு செய்து, தான் வைத்திருந்த கொடுவாளால் பெரியண்ணனை வெட்டியதாகத் தெரிகிறது.
இதில் பலத்த காயமடைந்து சேலம் அரசு மருத்துவமனையில் அனுமதிக்கப்பட்டு சிகிச்சை பெற்று வந்த பெரியண்ணன் 10ஆம் தேதி உயிரிழந்தார்.
 இதுகுறித்து, வழக்குப் பதிவு செய்து விசாரணை நடத்தி வந்த கீழ்க்குப்பம் போலீஸார், வழக்கை கொலை வழக்காக மாற்றினர். இந்த வழக்கு விசாரணை கள்ளக்குறிச்சி மூன்றாவது கூடுதல் மாவட்ட அமர்வு நீதிமன்றத்தில் நடைபெற்று
வந்தது.   
வழக்கை வியாழக்கிழமை விசாரித்த நீதிபதி ஜீலியட் புஷ்பா, ராஜமாணிக்கத்துக்கு ஆயுள் தண்டனை விதித்து தீர்ப்பளித்தார். மேலும், அபராதமாக ரூ.3000 விதித்தார்.
அபராதத் தொகையை கட்டத் தவறினால் மேலும் 6 மாதங்கள் சிறைத் தண்டனை அனுபவிக்க வேண்டும் எனவும் தெரிவித்தார். இந்த வழக்கில் அரசு வழக்குரைஞர் பாலாஜி ஆஜராகி வாதாடினார்.

]]>
http://www.dinamani.com/all-editions/edition-villupuram/2017/jan/06/பெண்-தகராறில்-தொழிலாளியை-கொலை-செய்தவருக்கு-ஆயுள்-சிறை-2628104.html