Dinamani - கட்டுரைகள் - http://www.dinamani.com/religion/religion-articles/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3030086 ஆன்மிகம் கட்டுரைகள் சீரடியில் உள்ள சாய்பாபா கோயிலில் உள்ள சிலையை வடித்தவர் யார் தெரியுமா? இதோ சுவாரஸ்யமான தகவல்கள்! Tuesday, October 30, 2018 11:29 AM +0530 அக்டோபர் 15-ஆம் தேதி சீரடி சாய்பாபாவின் 100-ஆவது நினைவு தினத்தை சீரடி சாய்பாபா மன்றங்கள் அனுசரித்து வருகின்றன.

சீரடியில் உள்ள அவருடைய கோயிலில் உள்ள சாய்பாபா சிலை 1954-ஆம் ஆண்டு நிறுவப்பட்டதாகும். இதனை உருவாக்கித் தந்தவர் சிற்பி பாலாஜி வசந்த் தலிம்.

ஸ்ரீசாய்பாபா சன்ஸ்தன் டிரஸ்ட் மூன்று பேரிடம் சாய்பாபா சிலை உருவாக்கச் சொல்லியிருந்தது. எது சிறப்பாக உள்ளதோ அதனைத் தேர்வு செய்து கொள்வோம் எனவும் அறிவித்திருந்தது.

ஆனால், சாய்பாபாவின் நேரடி புகைப்படம் மட்டுமே கையில் இருந்தது. இதனை வைத்து செய்ய பி.வி. தலிமுக்கு இஷ்டமில்லை. அவர், பக்கவாட்டில் பார்த்தபடி போஸ் தரும் பாபாவின் படம் இருந்தால் உதவியாக இருக்கும் என தள்ளிப் போட்டுக் கொண்டேயிருந்தார். இது பாபாவுக்கே பொறுக்கவில்லை.

ஒரு நாள் பி.வி.தலிமின் கனவில் தோன்றி 'இதோ வந்துவிட்டேன். சைட் போஸ்தானே வேணும் பார்த்துக்குங்க' என போஸ் கொடுத்துவிட்டு மறைந்து விட்டாராம்.

திகைத்த பி.வி. தலிம். சிலையைச் செய்ய முன்வந்தார். சிலையை அவர் இத்தாலி மார்பிளில் செய்ய விரும்பினார். ராஜஸ்தான் மார்பிள் நிறுவனங்கள் பலவற்றில் முயற்சித்தும் அவருக்கு திருப்தியில்லை.

இந்த சூழலில், ஒரு நண்பர் மும்பை போர்ட் டிரஸ்ட்டில், இறக்குமதியான மார்பிள் எடுத்துச் செல்ல, ஆள் இல்லாமல் கிடக்கிறது எனக் கூற, ஆவல் பொங்க சென்று பார்த்தவருக்கு திகைப்பு. எந்த இத்தாலி மார்பிளை தேடினாரோ அதுவே அங்கு கேட்பாரற்றுக் கிடந்தது. பிறகு என்ன, அதனை கேட்டு எடுத்து வந்து வேலையை முடித்தார்.

ஸ்ரீ சாய்பாபா சன்ஸ்தன் டிரஸ்ட் இறுதியில் இவர் வடித்த சிலையையே தேர்வு செய்து நிறுவியது. அதனைப் பார்த்து வியந்த பலர். அதே போன்று தத்ரூபமாய் சிலை செய்து தர வேண்டும் என வேண்ட நம்பினால் நம்புங்கள் இதுவரை 1500 சாய்பாபா சிலைகள் செய்து கொடுத்துள்ளாராம். அனைத்தும் அச்சு அசலாய் பாபாவையே பிரதிபலித்தன. இவற்றில் பல வெளிநாடுகளுக்கும் சென்றுள்ளன.

இதில் லேட்டஸ்ட் ஜப்பானின் ஒசாகா அருகில் உள்ள சிறு கிராமத்தில் பிரதிஷ்டை செய்ய எடுத்துச் செல்லப்பட்டுள்ளது.

பிரபல நடிகர் மனோஜ் குமார், லதா மங்கேஷ்கர், முன்னாள் மகாராஷ்டிர முதல்வர் விலாஸ்ராவ் தேஸ்முக் ஆகியோரும் இவருடைய பயனீட்டாளர்கள் தான்.

மந்திராலயாவில் உள்ள ஒரு தோட்டத்தில் 22 அடி மகாத்மாகாந்தி சிலை அமைக்கப்பட்டுள்ளது. அதனை உருவாக்கிக் தந்தது இவர்களின் நிறுவனமே.

80 ஆண்டுகளாக இயங்கிவரும் இந்த சிற்ப நிறுவனத்தில் இன்று பி.வி. தலிமின் பேரன் பணியைத் தொடருகிறார். முதலில் திரிபுவன் சாலையில் இயங்கியது. இன்று கிர்காவுன் பகுதியில் இயங்கி வருகிறது.

முதல் சாய்பாபா செய்ய பயன்படுத்திய பிளாஸ்டர் மோல்ட் தான் இன்றும் பயன்படுத்தப்பட்டு வருவது மற்றொரு சிறப்பு.

சீரடி சாய்பாபாவின் சிலை 5 அடி 3 அங்குலம் உடையது. இதன் வண்ணம் மாறுகிறது என அழைப்பு வந்து, தலிம் போய் பார்த்தபோது, நெய் மற்றும் தேன் அபிஷேகம் நடத்தப்பட்டு, பிறகு அவை துடைக்கப்படுவதால்... பாதிப்புகள் இருப்பது கண்டுபிடிக்கப்பட்டு, மாற்றாக, நிறைய தண்ணீரை பயன்படுத்த ஆலோசனை கூறினார். இது இன்று வரை கடைபிடிக்கப்பட்டு வருகிறது. இப்போது சீரடி கோயிலின் சாய்பாபா சிலையைக் கண்டு வியக்காதவர்களே கிடையாது. காரணம். அவ்வளவு தத்ரூபம்.
- ராஜிராதா
 

]]>
shirdi saibaba, sai baba, சாய் பாபா, சாய் http://images.dinamani.com/uploads/user/imagelibrary/2018/10/30/w600X390/25travel-shirdi.jpg http://www.dinamani.com/religion/religion-articles/2018/oct/30/சீரடியில்-உள்ள-சாய்பாபா-கோயிலில்-உள்ள-சிலையை-வடித்தவர்-யார்-தெரியுமா-இதோ-சுவாரஸ்யமான-தகவல்கள்-3030086.html
3026905 ஆன்மிகம் கட்டுரைகள் சர்வதேச உடற்பருமன் விழிப்புணர்வு தினம்: நாளுக்கு நாள் உடல் எடை கூடுகிறதா? குரு பகவானை வணங்குங்க! அஸ்ட்ரோ சுந்தரராஜன் Thursday, October 25, 2018 04:40 PM +0530  

உலகம் முழுவதும் அக்டோபர் 26-ஆம் தேதி உடல் பருமன் தினம் கடைபிடிக்கப்படுகிறது. தற்போது வேகம் நிறைந்த உலகில், அனைவரும் மன அழுத்தத்துடன், அதிக உடல் எடையாலும் பாதிக்கப்படுகின்றனர். 

இதனால் உடலில் பல நோய்கள் வருவதோடு, எதையும் சரியாக செய்ய முடியாத நிலை ஏற்படுகிறது. உலகம் முழுவதும் குழந்தை மற்றும் இளம்வயதினர் உடல் பருமன் விரைவாக அதிகரித்து வருகிறது. பிற்கால உடல் நலத்தையும் கல்வியையும் தரமான வாழ்க்கையையும் பாதிக்கும் இந்நிலையை எதிர்த்து சில நாடுகள் நடவடிக்கை எடுத்து வருகின்றன. 

ஒபிஸிட்டி’ எனப்படும் உடற்பருமன், முன் எப்போதும் இல்லாத அளவுக்கு இன்று அதிகரித்துள்ளதாக மருத்துவத் தகவல்கள் எச்சரித்து வருகின்றன.

இன்றைய காலகட்டத்தில் ஆண்கள், பெண்கள் என இருபாலருக்கும் பெரும் பிரச்னையாக இருப்பது உடல் பருமன் அல்லது ஊளைச் சதை உடம்பு. ஆண்களுக்கு முக்கியக் காரணமாக அமைவது பணியிடத்தில் ஒரே இடத்தில் அமர்ந்து வேலை செய்வது, வீட்டுச் சாப்பாடு இல்லாமல் கண்ட இடங்களில் கண்டவற்றை வாங்கிச் சாப்பிடுவதால் கொழுப்பு அதிகரிப்பது போன்றவையாகும். பெண்களைப் பொறுத்தவரை உடல் உழைப்பு குறைந்து போனது மட்டுமின்றி, போதுமான சத்தான உணவு இல்லாததும் ஒரு காரணமாக இருக்கிறது. இதுதவிர, அதிக நேரம் தொலைக்காட்சி முன்பு அமர்வது, பகலில் அதிக நேரம் தூங்குவது போன்றவையும் காரணமாக உள்ளது.

 ஒபிஸிட்டி இன்று இந்தளவுக்கு அதிகரித்து வருவதற்கு, மாறிவரும் வாழ்க்கை முறைதான் காரணம் என உடல் நல மருத்துவர்கள் கூறுகின்றனர்.  ஒவ்வொரு வேளை, ஒவ்வொரு வகை உணவிலும் பலவித நன்மைகள் அடங்கியபடி வகுத்து வைத்த நம் முன்னோர்களின் உணவுப் பழக்கங்கள், இன்றைக்கு அடியோடு மாறிவிட்டன. குழந்தைகள் முதல் பெரியவர்கள் வரை பலரும் துரித உணவு என்று சொல்லப்படும் ஃபாஸ்ட் ஃபுட் உணவு வகைகளிடம் அடிமையாகிவிட்டனர். இதனால் பர்கர், கோலா பானங்கள், உருளைக்கிழங்கு சிப்ஸ் போன்ற ஜங்க் ஃபுட் வகைகள், உடலின் கொழுப்பை அதிகரிக்கச் செய்து பலவிதமான நோய்களை இலவசமாகக் கொடுக்கின்றன.

இன்றைய உலகில் பெரும்பான்மையோர், குறிப்பாக இளைஞர்கள்,  தங்கள் தோற்றத்தைக் குறித்து அதிருப்தி அடைந்து எடையைக் குறைப்பது அதி முக்கியமானது என்று கருதுகின்றனர். ஆனால், உடல் பருமன் என்பது ஒரு மருத்துவ நிலை என்பதையும் அது பல்வேறு நோய்களையும் மரணத்தையும் கூட உண்டாக்கும் என்பதை மக்கள் அடிக்கடி மறந்து போகின்றனர். உண்பதினால் மட்டுமன்றி தவறான உணவுப் பழக்க வழக்கங்களினாலும் உடல் பருமன் உண்டாகிறது.

கடந்த சில வருடங்களாக ஓடி ஆடி வேலை செய்பவர்களை விட, ஏசியில் உட்கார்ந்து கொண்டே வேலை செய்பவர்களின் எண்ணிக்கை தான் அதிகம் உள்ளது. அதனால் உண்ணும் உணவுகள் செரிமானமாகாமல், அதில் உள்ள கொழுப்புக்கள் வயிற்றில் தங்கி தொப்பையை ஏற்படுத்துகின்றன. அதுமட்டுமின்றி, இப்போது ஆரோக்கியத்தை கெடுக்கும் வகையில் நிறைய உணவுகள் வந்துள்ளன. இவை அனைத்தும், பசியின் உணர்வை அடிக்கடி தூண்டுபவை. ஆகவே ஆரோக்கியமான உணவுகளை சாப்பிடுவோரின் எண்ணிக்கை குறைந்து, தொப்பை இருப்போரின் எண்ணிக்கையும் அதிகரித்துவிட்டது. இவ்வாறு தொப்பை இருப்பவர்களுக்கு, நோய்கள் மிகவும் விரைவில் தாக்கும். மேலும் சிலருக்கு அவர்களது உடலையே சுமந்து நடக்க முடியாத நிலை ஏற்படும்.

உடல் பருமன் உடல் எடையில் இருந்து மாறுபட்டது. உடல் பருமன் என்றால் அதிகக் கொழுப்பு நமது திசுக்களில் இருக்கிறது என்று பொருள். ஒரு மனிதனுக்கு உயரத்துக்குத் தகுந்தவாறு இருக்க வேண்டிய ஆரோக்கியமான எடையை விட அதிகமாக இருப்பதே இவ்விரண்டின் அர்த்தமாகும். உங்களுக்குத் தேவையான எரிசக்தியை விட அதிக அளவில் உட்கொள்ளுவதாலேயே உடல் பருமன் ஏற்படுகிறது. உள்ளெடுக்கும் மற்றும் வெளியேற்றும் எரிசக்திக்கு இடையில் இருக்கும் சமநிலை நபருக்குநபர் வேறுபடும். உங்கள் மரபான உடலமைப்பு, மிகை ஊட்டம், அதிக கொழுப்புள்ள பொருட்களை உண்ணுதல், உடல்பயிற்சி இன்மை ஆகிய காரணிகளால் உங்கள் எடை அளவு பாதிக்கப்படும். உடல் பருமனாய் இருப்பதால், நீரிழிவு, இதய நோய், மாரடைப்பு, கீல்வாதம், சில புற்று நோய் வகைகள், மிகை இரத்த அழுத்தம், இளமையில் மிகை கொலஸ்ட்ரால் ஆகிய பாதிப்புகள் ஏற்படும் ஆபத்து உள்ளது.

உடல் பருமனுக்கான ஜோதிட காரணங்கள்:
உடல் பருமனுக்கும் ஜோதிடத்திற்கும் ஏதாவது தொடர்பு இருக்கிறதா என பார்த்தபோது, ஆச்சரியமூட்டும் வகையில் நிறையவே தொடர்பு இருப்பதாக தெரிய வந்தது.  உடல் பருமனுக்கு காரகர் குரு என்றும் ஊளைச் சதைக்கு காரகர் சுக்கிரன் என்றும் பாரம்பரிய ஜோதிடம் கூறுகிறது. குருவும், சுக்கிரனும்  லக்னதில் ஆட்சி பெற்று நிற்பது, உச்சம், மூல திரிகோணம், கேந்திர திரிகோணங்களில் நின்று லக்னத்தை பார்ப்பது, பஞ்ச மகா புருஷ யோகங்களில் குருவால் ஏற்படும் ஹம்ச யோகம்,  சுக்கிரனால் ஏற்படும் மாளவியா யோகம் ஆகிய யோகங்கள் பெற்று நின்று தனது தசா புத்தியை நடத்தும்போது உடல் பருமனும் ஊளைச் சதையும் ஏற்படுகின்றது. முக்கியமாக கொழுப்பின் காரகரே குரு தான் என மருத்துவ ஜோதிடம் கூறுகிறது.  சில பணக்காரர்களுக்கு தொப்பை இருக்கும்போது அதை “பணத்தொப்பை” என குறிப்பிடும் வழக்கம் இன்றளவும் இருக்கிறது. பணத்திற்கும் செல்வ செழிப்பிற்கும் காரகரான தன காரக குரு கொழுப்பு சத்திற்கும் காரகர் என்பது பொருத்தமன்றோ?

ஜோதிட ரீதியாக உடல் பருமனை ஏற்படுத்தும் பாவங்களாக கால புருஷனுக்கு போஜன ஸ்தானமான ரிஷபம் மற்றும் அதன் அதிபதி சுக்கிரன்,  ஜெனன ஜாதக இரண்டாம்பாவம், அதன் அதிபதி,  கால புருஷனுக்கு ஒன்பதாம் பாவமான தனுசு மற்றும் அதன் அதிபதி, ஜெனன ஜாதக ஒன்பதாம் பாவம் மற்றும் அதன் அதிபதி லக்னத்தோடு தொடர்பு கொள்ளும் போது உடல் பருமன் ஏற்படுகிறது என மருத்துவ ஜோதிடம் கூறுகிறது.

 மேலும் ஜெனன ஜாதகத்தில் குருவும் சுக்கிரனும் லக்னாதிபதியாகவோ, போஜன ஸ்தானதிபதியாகவோ இருப்பது மற்றும் லக்னத்தையோ அல்லது போஜன |ஸ்தானத்தையோ தொடர்பு கொள்ளும்போது ஜாதகருக்கு இனிப்புகளில் அதிகம் நாட்டம் ஏற்படும். அதனால் உடல் பருமன் ஏற்படும்.

பானை வயிறு படைத்தவர் என்று போற்றப்படும் விநாயக பெருமானின் ஜாதகத்தில் நீர் ராசியான விருச்சிக லக்னமாகி லக்னத்தில் கேதுவும் கால புருஷ இரண்டாமிடமான ரிஷபத்தில் ராகுவும் நின்று ஐந்தாமதிபதியாகிய குரு நீர் ராசியில் உச்சம் பெற்றது குறிப்பிடத்தக்கது.

உடல் பருமனை ஏற்படுத்தும் கிரஹ சேர்க்கைகள்: ஒருவருக்கு வாய்க்கொழுப்பு, பணக்கொழுப்பு, உடற்கொழுப்பு இதில் எது அதிகம் இருந்தாலும் கொழுப்பின் காரகர் குரு பகவான் தான் என்கிறது பாரம்பரிய ஜோதிடம்.

1. லக்னம் நீர் ராசியான கடகம் அல்லது மீனமாகி  அதில் குரு பகவான் ஆட்சி உச்சம் ஆகி நிற்பது அல்லது  நீர் ராசியாகிய விருச்சிகமாகி அதை நீர் ராசிகளில் ஆட்சி உச்சம் பெற்ற குரு பார்ப்பது.  இத்தகைய அமைப்பை பெற்றவர்கள் ஒருமுறை குண்டாகிவிட்டால் பின் மீண்டும் உடல் பருமனில் இருந்து விடுபடுவது என்பது மிகவும் கஷ்டமான விஷயமாகும்.

2. லக்னம்/சந்திரன்  காற்று ராசிகளான மிதுனம், துலாம் மற்றும் கும்பம் ஆகி அதில் குரு நின்று காற்று ராசி அதிபதிகளோடு தொடர்பு கொள்வது,

3. பொதுவாக குரு தான் இருக்கும் வீட்டின் காரகத்தை வளர்த்துவிடுவார் என்பது ஜோதிட விதி. அந்த வகையில் எந்த லக்னமானாலும், காலபுருஷனுக்கு ஐந்தாமிடமான சிம்மம் வயிறு பாகத்தையும்  ஆறாமிடமும் அடி வயிற்றினை குறிக்கும் இடங்களாகும்.

 அ.  குரு சிம்மத்தில் அல்லது ஜெனன ஜாதக ஐந்தாமிடத்தில்  ராகுவோடு சேர்ந்து நிற்கும் போது மிகப்பெரிய வயிற்றுடன் கூடிய உடல் பருமன் ஏற்படுகிறது.  ராகுவோடு சேராமல் தனித்து சிம்மத்தில் நிற்பது குறைந்த அளவிளாவது தொப்பை இருக்கும்.

 ஆ. கன்னி மற்றும் ஜெனன ஜாதக ஆறாமிடத்தில் குரு  நிற்பது முக்கியமாக லிவர் எனப்படும் கல்லீரல் பாதிப்பால் உடல் பருமன் ஏற்படும். மேலும் கன்னியில் குரு நிற்பவர்களுக்கு சர்க்கரை நோயும் சேர்ந்து வர இதுவே காரணமாகும். அதிலும் சனைச்சரனும் சேர்ந்துக்கொண்டால் நீரிழிவு மற்றும் உடல் பருமன் இரண்டும் சேர்ந்து அமைந்துவிடுகிறது.

4. கால புருஷ இரண்டாமதிபதியான சுக்கிரனும், கால புருஷ ஒன்பதாமதிபதியான குருவும் எந்த விதத்திலும் சேர்க்கை பெற்று நிற்பது.

5. காற்று ராசியான மிதுனத்தில் சுக்கிரன் நின்று தனுர் ராசியை பார்ப்பது மற்றும்  நீர் ராசியான விருச்சிகத்தில் குரு நின்று ரிஷப ராசியை பார்ப்பது.

6. ராகுவும் கேதுவும் லக்னத்தில் குரு/சுக்கிரனின் சாரம்பெற்றும் நிற்பது மற்றும் தனது திரிகோண பார்வையாலும் 3-7-11 பார்வையாலும் குருவையோ சுக்கிரனையோ பார்ப்பது. ராகுவும் கேதுவும் லக்னத்தில் நிற்கப்பெற்றவர்கள் சமூக பழக்கங்களுக்கு கட்டுப்படாதவர்களாக இருப்பதோடு அந்நிய உணவு வகைகள் மற்றும் துரித உணவுகளை அதிகம் உண்பதால் உடல் பருமன் ஏற்படும்.

7.  குரு மற்றும் சுக்கிரனின் மேற்கண்ட தொடர்புகளை கொண்டு செவ்வாய் நீசமடைந்து நிற்பது,  கடகம் மற்றும் மீனத்தில் நீர் ராசிகளில் நிற்பது, தனது வீட்டிற்கு பன்னிரெண்டில் நிற்பது,  6-8-12 தொடர்புகள் பெறுவது போன்றவை ஜாதகரை உடற்பயிற்சியற்ற நிலைக்கு உட்படுத்தி அதனால் உடல் பருமன் ஏற்படுகிறது,  மேலும் உடல் கட்டழகு, உடல் பயிற்சியின் காரகர் செவ்வாய் என்பது குறிப்பிடத்தக்கது.

 8. லக்னம்/சந்திரன் காற்று ராசிகளான மிதுனம், துலாம், கும்பம் லக்னமாகி, அங்கு குரு சாரத்தில் (புனர்பூசம், விசாகம், பூரட்டாதி) ராகு நின்று,  சுக்கிரனின் சாரத்தில் (பரணி, பூரம், பூராடம்) கேது நின்று குருவுக்கும் சுக்கிரனுக்கும் பலமான தொடர்பு ஏற்படுத்துவது. முக்கியமாக கும்ப லக்னத்தில் ராகு நின்று சிம்மத்தில் கேது நிற்கும்போது கால புருஷனுக்கு வயிறு பாகம் பாதிப்படைவதால் பானை போன்ற வயிறு ஏற்படுகிறது.

 9.  குருவோடு சனி,யுரேனஸ், நெப்ட்யூன்,  புளுட்டோ போன்ற கிரஹங்கள் லக்னத்திலோ, குருவின் வீடுகளிளோ, சுக்கிரன் வீடுகளிளோ, ஐந்து மற்றும் ஒன்பதாம் வீடுகளிலோ தொடர்பு கொள்ளும்போது திடீரென உடல் பருமன் ஏற்படுகிறது என மேற்கத்திய ஜோதிடம் கூறுகிறது.

உடல் பருமன் ஏற்படும் காலம்: மேற்கண்ட கிரஹ நிலைகள் ஒருவருக்கு இருந்து குரு தசை ராகு புக்தி,  குரு சாரம் பெற்ற ராகு தசை குரு புக்தி போன்றவை நடைபெறும் காலங்களில் உடல் பருமன் ஏற்படுகிறது,   6/8/12 அதிபதிகளுடன் தொடர்பு கொண்டு குரு தசை புத்தி ஏற்படும்போது உடல் பருமன் நோயாக அவஸ்தையை தருகிறது.

பெண்களுக்கு புத்திர காரக குரு பிரசவ காலத்திற்கு பிறகு உடல் பருமனை ஏற்படுத்துகிறார்.  பிரசவத்திற்கு முன் ”குச்சி குச்சி ராக்கம்மாவாக” இருந்தவர்கள் கூட ஒரு குழந்தையை பெற்றவுடன் உடல் பருமனடைவதை பார்க்க முடிகிறது.

உடல் பருமனை குறைக்கும் மருத்துவம் மற்றும் பரிகாரங்கள்:

1. உடல் பருமனை ஏற்படுத்தும் கிரஹ நிலைகள் ஜாதகத்தில் கொண்டவர்கள் குருவின் காரகம் நிறைந்த இனிப்பு, கொழுப்பு நிறைந்த உணவுகள் முக்கியமாக நெய் சேர்த்த உணவுகளை மற்றவர்களுக்கு அளிக்கவேண்டுமே தவிர அவர்கள் சாப்பிடக்கூடாது.  ஆனால் குருவின் அம்சம் நிறந்தவர்களை இனிப்பு சாப்பிடாமல் கட்டுபடுத்துவது என்பது இயலாத காரியமாகும்.

2. செவ்வாயின் காரகம் கொண்ட யோகா, உடற்பயிற்சி செய்வது போன்றவை உடல் பருமனை குறைக்க வழி செய்யும், அழகன் எனப்படும் முருகப்பெருமானை திருச்செந்தூர் ஸ்தலத்தில் வணங்குவது.

3.கேதுவின் தானியமான கொள்ளை அதிக அளவில் உணவில் சேர்த்துக்கொள்வது  உடல் பருமனை குறைக்கும் மற்றும் கேதுவின் அதிதேவதையான விநாயக பெருமானுக்கு தோப்புக்கரணம் போட்டு வணங்குவது.

4.அநேகமான உடல் பருமனுக்கு குருவின் காரக விட்டமினான கொலின் குறைபாடு கல்லீரல் (லிவர்) பாதிப்பை ஏற்படுத்தி வயிறு மற்றும் இடுப்பு பகுதிகளில் கொழுப்பு சேர செய்து உடல் பருமன் நோய்க்கு காரணமாகிறது. எனவே தகுந்த மருத்துவ ஆலோசனையுடன் கோலின் விட்டமினை எடுத்துகொள்ளும்போது உடல் பருமன் நாளடைவில் குறைகிறது.

5. ஆயுர்வேத மருந்துகளில் நவக குக்குலு,  யோகராஜ குக்குலு, கோஷிராதி குக்குலு போன்ற குக்குலு மருந்துகளை தகுந்த மருத்துவ ஆலோசனையுடன் எடுத்துக்கொள்வது. முக்கியமாக வாரனாதி கஷாயம் அல்லது கொடாம்புளி சூப் போன்றவற்றுடன் எடுத்துக்கொள்வது விரைவில் பலனளிப்பதை காணமுடிகிறது.

6. வாயு பொருட்கள், கிழங்குகள், எண்ணையில் பொரித்த உணவுகள் சனி குருவின் சேர்க்கையால் கொழுப்புச்சத்தை அதிகரிக்கிறது. எனவே அத்தகைய உணவுகளை தவிர்த்து தன்வந்திர வடி,  பாஸ்கர லவனம்,  அஷ்ட சூரணம் போன்ற மருந்துகளை உட்கொள்வதால் வாயு தொல்லையில் இருந்து நிவாரணம் கிடைக்கும். மேலும் வாயு மைந்தன் ஆஞ்சனேயனை வணங்குவதும் உடல் பருமனை குறைக்கும்.

7.செவ்வாயின் காரகம் நிறைந்த வெள்ளை பூண்டினை அதிக அளவு சேர்க்கும்போது கொழுப்புச்சத்து கரைந்து உடல் பருமன் நோய் நீங்கும் என மருத்துவ ஜோதிடம் கூறுகிறது. இது அனைத்து மருத்துவ முறையிலும் ஏற்கப்பட்ட ஒரு எளிய வழியாகும். மேலும் செவ்வாயின் காரகம் நிறைந்த இஞ்சி மற்றும் சுக்கு ஆகியவற்றை அதிகளவில் உணவில் சேர்ப்பது ஜீரண கோளாறுகளை நீக்கி உடல் பருமனை தடுக்கிறது.

8. வயிறு சம்மந்தப்பட்ட பிரச்னைகளை போக்கவும் உடல் பருமனை குறைக்கவும் மருத்துவ குணம் கொண்ட  செவ்வாயின் காரகம் நிறைந்த கருஞ்சீரகம் பெருமளவு உதவுகிறது.  கருஞ்சீரக எண்ணையுடன் தேன் சேர்த்து சாப்பிடுவது, கருஞ்சீரக கஷாயம் போன்றவை உடல் பருமனை குறைக்க உலகளவில் புகழ் பெற்ற மருத்துவ முறையாகும்.  என்றாலும் மாதவிடாயை ஏற்படுத்தும் தன்மை கொண்ட கருஞ்சீரகத்தை கருவுற்றிருப்பவர்கள் உட்கொள்ளகூடாது.

10. ராஜ கனி எனப்படும் குரு ஆதிக்கம் பெற்ற எலுமிச்சை உடல் பருமனை குறைக்கும் அற்புத மருந்தாகும். காலையில் வெறும் வயிற்றில் கதகதப்பான சுடு நீரில் எலுமிச்சை சாறு மற்றும் தேன் கலந்து பருகுவது மிகச்சிறந்த மருந்தாக பயன்படுவதோடு நோய் எதிர்ப்பு சக்தியை அளித்து புத்துணர்ச்சியை அளிக்கிறது.

11.இவற்றிகெல்லாம் முத்தாய்ப்பாக உடல் பருமன் கொண்டவர்கள் அடிக்கடி ஏதாவது உணவுகள் மற்றும் நொறுக்கு தீனி கொறிப்பதை நிறுத்தவேண்டும். முக்கியமாக தொலைக்காட்சி பார்த்துக்கொண்டே சாப்பிடுவது, படித்துக்கொண்டே சாப்பிடுவது போன்றவை தவறான உணவு பழக்கங்களாகும்.

“கண்டதை படித்தால் பண்டிதன் ஆவார் - கண்டதை தின்றால் குண்டராவார்” என்பது குருவின் சிறப்பை விளக்கும் சொல் வழக்காகும்.  எனவே குரு பகவானை வணங்கி உடல் ஆரோக்கியத்துடன் வாழ்வோமாக!

உங்கள் அஸ்ட்ரோ சுந்தரராஜன்
Mobile 9498098786
WhatsApp 9841595510
Email: astrosundararajan@gmail.com
Web: www.astrosundararajan.com

]]>
http://images.dinamani.com/uploads/user/imagelibrary/2018/10/25/w600X390/obesity5.jpg http://www.dinamani.com/religion/religion-articles/2018/oct/25/சர்வதேச-உடற்பருமன்-விழிப்புணர்வு-தினம்-நாளுக்கு-நாள்-உடல்-எடை-கூடுகிறதா-குரு-பகவானை-வணங்குங்க-3026905.html
3026237 ஆன்மிகம் கட்டுரைகள் போலியோ இல்லாத இந்தியா: இளம்பிள்ளை வாத பாதிப்பின்றி வாழ ஜோதிடம் கூறும் ரகசியங்கள்! அஸ்ட்ரோ சுந்தரராஜன் Wednesday, October 24, 2018 03:03 PM +0530  

சென்னை:  போலியோ எனும் இளம்பிள்ளை வாத நோய் முற்றிலும் ஒழிக்கப்பட்ட நிலையில் அந்நோயினால் பிற்காலத்தில் யாரும் பாதிக்காமல் இருக்கவேண்டும் என கருதி இன்று உலக போலியோ தினம் அனுஷ்டிக்கப்படுகிறது.

போலியோவுக்கு முதன்முறையாகத் தடுப்பு மருந்தைக் கண்டுபிடித்த டாக்டர் ஜோனஸ் சால்க் அவர்களின் நினைவாக உலகப் போலியோ தினம் ஒவ்வொரு ஆண்டும் அக்டோபர்  24-ஆம் தேதி கடைபிடிக்கப்படுகிறது. உலக அளவில் போலியோ நோய், தடுப்பு மருந்தினால் 99 சதவிதம் கட்டுப்படுத்தப் பட்டுள்ளது.

குழந்தைகளை மட்டுமே குறிவைக்கும் இளம்பிள்ளை வாதம்:

இளம் பிள்ளை வாதம் மற்றும் சுரவாதம் எனப்படும்  போலியோமைலிட்டிஸ் ஒரு கடுமையான தொற்று நோய். பெரும்பாலும் இது (5 வயதுக்கு உட்பட்ட) இளம் குழந்தைகளையே பாதிக்கிறது. இதை உருவாக்கும் வைரசை போலியோ வைரஸ் என்று அழைக்கிறோம். போலியோ வைரஸ் ரகம் 1, 2, 3 என்று மூன்று ரகங்கள் உள்ளன.  இந்த வைரஸ், மனிதரில் இருந்து மனிதருக்கு, மலம் அல்லது வாய் நீர்மங்கள் வழி பெரும்பாலும் பரவுகிறது. அசுத்த நீர் அல்லது உணவு போன்ற பொது வகையில் சிறிதளவே பரவும். இது குடலில் பெருகி நரம்பு மண்டலத்தை அடைந்து வாதத்தை உருவாக்குகிறது.  


பொதுவாக குழந்தைகள் நோய்க் கிருமிகளுக்கு சுலபமாக பாதிப்படைவார்கள். ஆதலால் அபாயகரமான நோய்களில் இருந்து அவர்களை பாதுகாக்க முறையான தடுப்பு ஊசிகளை போடுவது அவசியம். குழந்தைகளை பாதிக்கும் பல்வேறு நோய்களில் இளம்பிள்ளை வாதம் முக்கியமானது.

இந்த வைரஸ் வகைகள் குறிப்பாக மூளையையும் நரம்பு மண்டலத்தையும் தாக்கும் தன்மை மிக்கவை. முதுகுத் தண்டு  நரம்புகளையும்  தலை நரம்புகளையும் அதிகமாக தாக்குகின்றன. இதனால் தசைகளை இயங்கச் செய்யும் செயல் நரம்புகள்  செயல் இழந்து போகின்றன. குறிப்பாக கை, கால்கள் பாதிக்கப்பட்டால் அவை சூம்பிப்போகின்றன. அதனால் அவர்களால் நடக்க முடியாமல் போய்விடுகிறது. 

உலக முழுதும் போலியோ வியாதி காணப்பட்டாலும், அது தோன்றும் அளவு தற்போது குறைந்துள்ளது. இதற்குக் காரணம் மக்களிடையே உண்டான சுகாதார விழிப்புணர்வு, முறையான கழிவறைகள், பரவலான தடுப்பு மருந்துகள் பயன்படுத்துவது போன்றவை எனலாம்.

மூன்று வயதுக்குட்பட்ட குழந்தைகளை இது பாதிக்கும், இதனால் குழந்தைகள் முடமாகும் வாய்ப்புகள் ஏற்படலாம். முதல் 3 நாட்களுக்கு காய்ச்சலும் பிறகு காய்ச்சல் குறைந்து தலை வலிக்க தொடங்கும், கழுத்தை திருப்புவதில் சிரமமும், தசைகளில் வலியும் இருக்கும், நோய் கவனிக்கப் படாமல் தீவிரமடைந்தால் 7 நாட்களில் கால் அல்லது தோள் செயலிழக்கலாம், இதற்கெல்லாம் தற்போது தடுப்பு ஊசி மருந்துகள் வந்து விட்டன, ஆகவே குறித்த காலத்தில் தடுப்பு ஊசிகளை போடுவதன் மூலம் இந்த நோயை அறவே தவிர்க்கலாம்.

போலியோவின் அறிகுறிகள்

காய்ச்சல், களைப்பு, தலைவலி, வாந்தி, கழுத்து விறைப்பு, அவயங்களில் வலி, தசை பலவீனம் ஆகியவை இதன் அறிகுறிகள். இந்த அறிகுறிகள் தொற்று ஏற்பட்டு 10 தினங்கள் வரை இருக்கும். 200-ல் ஒரு தொற்று, குணப்படுத்த முடியாத வாதமாக மாறுகிறது (பொதுவாகக் கால்). மூச்சு மண்டலத் தசை செயல் இழப்பதால் வாதத்தால் பாதிக்கப்பட்டவர்களில் 5 முதல் 10 சதவிதம் நோயாளிகள் இறந்து போகின்றனர்.

போலியோவால் வாதம் ஏற்படுத்தும் ஆபத்துக் காரணிகள்

போலியோவைக் குணப்படுத்த முடியாது என்பதால் அதைத் தடுப்பு மருந்தின் மூலம் தடுக்கவே முடியும். முறைப்படி அளிக்கப்படும் போலியோ தடுப்பு மருந்து குழந்தையை வாழ்நாள் முழுதும் பாதுகாக்கும். இரு வகை தடுப்பு மருந்து உண்டு. ஒன்று வாய் மூலம் கொடுக்கும் சொட்டு மருந்து. இன்னொன்று வயதுக்கு ஏற்றபடி கை அல்லது காலில் போடப்படும் ஊசி மருந்து.

போலியோ தடுப்பு மருந்தின் அளவு

போலியோ சொட்டு மருந்து 5 தடவைகளாக அளிக்கப்படுகிறது: பிறப்பின் போது முதல் வேளை. 6, 10, 14 வாரங்களில் மூன்று முறை. 16 - 24 மாதத்தில் ஊக்க மருந்தாக ஒருமுறை. 2016-ல் புதிய நடைமுறை அறிமுகப்படுத்தப்பட்டது. இது ஊசிமூலம் செலுத்தக் கூடிய செயலிழப்பு செய்யப்பட்ட போலியோ தடுப்பு மருந்தாகும். இது உலகளாவிய நோய்த்தடுப்பு திட்டத்தின் கீழ் மூன்றாவது வேளை டிபிடி யுடன் கூடுதல் வேளை மருந்தாக அறிமுகப்படுத்தப்பட்டுள்ளது.

இளம்பிள்ளை வாதத்திற்கான ஜோதிட காரணங்கள்:

இளம்பிள்ளை வாதம் எனும் போலியோ வாத நோய் பிரிவை சேர்ந்ததாக ஆயுர்வேதம் கூறுகிறது.  மேலும் இந்த நோய் கடுமையான சுரத்திற்கு பிறகு ஏற்படுவதால் இது சுரவாதம் என்றும் அழைக்கப்படுகிறது. வாத நோய்க்கான காரக கிரஹமான சனைஸ்வர பகவானே இளம்பிள்ளை வாத நோய்க்கும் காரக கிரஹம் ஆகிறார். என்றாலும் வாத கிரஹங்களான புதன் மற்றும் சுக்கிரனின் தொடர்பும் இளம்பிள்ளை வாத நோயினை தெரிவிக்கும் என பாரம்பரிய ஜோதிட நூல்கள் தெரிவிக்கின்றன.

இந்த நோய் குழந்தைகளையே தாக்கும்.  ஒரு குழந்தைக்கு பாலாரிஷ்ட்ட அமைப்பும் வாதநோய்க்கான கிரஹ அமைப்பும் இருந்தால் அவர்களுக்கு இளம்பிள்ளை வாத நோய் வருவதற்கான சாத்திய கூறுகள் அதிகமிருப்பதாக மருத்துவ ஜோதிடம் கூறுகிறது. இளம்பிள்ளை வாத நோயை கர்மாவோடு தொடர்புடைய நோயாக ஜோதிட சாஸ்திரம் கூறுகிறது.  எந்த ஒரு குழந்தையோ அல்லது பெற்றோரோ தங்கள் பெற்றோர் அல்லது குழந்தைகளையோ உடன் பிறந்தவர்களையோ தீர்மானிக்க முடியாது. மாறாக அவரவர் கர்ம வினைகளுக்கு ஏற்பவே அவை அமையும்.

ஒரு குழந்தை பிறந்ததிலிருந்து 12 வயது வரை ஜாதகம் பார்க்கக் கூடாது என ஜோதிட சாஸ்திரம் வலியுறுத்துகிறது. குழந்தையின் முதல் நான்கு வயது வரை தாயின் பாப கர்மத்தையும் ஐந்து வயது முதல் எட்டு வயது வரை தந்தையின் பாப கர்மத்தையும் ஒன்பது வயது முதல் பன்னிரெண்டு வயது வரை தனது சுய பாப கர்மத்தையும் அனுபவிக்கும் காலமாகும். எனவே எந்த வயதில் ஒருவருக்கு நோய் ஏற்பட்டுள்ளது என்பதை பொருத்து கர்ம வினையை தீர்மானிக்கலாம்.  என்றாலும் பன்னிரெண்டு வயது வரை பாலாரிஷ்ட தோஷங்களை அறிய ஜோதிடம் தடை செய்யவில்லை.

பாலாரிஷ்ட தோஷங்கள்:

சந்திரனின் நிலை: பாலரிஷ்டத்தை குறிப்பிடுவதில் சந்திரனின் நிலை முதன்மையானது என ஜோதிட சாஸ்திரம் குறிப்பிடுகிறது. சந்திரனின் பலம்/பலவீனம், சுப அசுப தன்மைகள் ஒரு குழந்தையின் பாலரிஷ்டத்தை தீர்மானிக்கிறது. சந்திரனின் அசுப தன்மைக்கு ஏற்றவாரு குழந்தைக்கு ஏற்படும் நோய் மற்றும் குழந்தை இறப்பு ஆகியவை அமைந்து விடுகிறது.

லக்னத்தின் பலம்: சந்திரனை அடுத்து ஒரு குழந்தையின் லக்னத்தின் பலமே குழத்தையின் ஆரோக்கியம் மற்றும் ஆயுளை தீர்மானிக்கிறது. லக்னம் மற்றும் லக்னாதிபதி 6/8/12 அதிபதிகளுடன் மற்றும் பாதகாதிபதி, அசுப கிரஹ தொடர்பு ஏற்படாமல் இருப்பதும் அவர்களின் தசா புத்தி குழந்தை பருவத்தில் ஏற்படாமல் இருப்பதும் அவசியம் ஆகும்.

கேந்திர திரிகோணங்களின் நிலை: ஒரு குழந்தைக்கு கேந்திர திரிகோணங்களில் அசுப கிரஹம் அமைவதும் குழந்தையின் ஆயுள் ஆரோக்யத்தை பாதிக்கும் காரணிகளாக அமைந்துவிடுகிறது. முக்கியமாக ஒரு ஜாதகத்தில் கேந்திர ஸ்தானங்கள் என்பவை தூண்களை போல அமைந்துவிடுகிறது. கேந்திரங்களில் சுப கிரஹங்கள் இருப்பது ஜாதகருக்கு பலத்தை தருகிறது. மாறாக கேந்திர ஸ்தானங்களில் அசுப கிரஹங்கள் நிற்பது அல்லது அசுப தொடர்புகள் ஏற்படுவது மற்றும் கேந்திராதிபதிகள் வக்கிரம் பெறுவது, கேந்திராதிபதிகள் மாந்தி சேர்க்கை பெறுவது ஆகியவை பாலாரிஷ்டத்தை முக்கியமாக இளம்பிள்ளை வாத  நோய் ஏற்படும் அமைப்பாகிறது.

அசுப தசாபுத்தி மற்றும் கோச்சாரம்: குழந்தை பருவத்தில் அசுப கிரஹங்கள் தசா புத்தியை நடத்துவது மற்றும் அசுப கிரஹங்களின் கோச்சார சேர்க்கை லக்னம், 6/8/12 பாவங்களுடன் ஏற்படுவது ஆகியவை குழந்தை பருவத்தில் நோய் மற்றும் கண்டம் ஆகியவற்றை ஏற்படுத்துகிறது.

பாலாரிஷ்ட கிரஹ சேர்க்கை:

1. சந்திரன் லக்னத்திற்கு  6/8/12 ஆகிய வீடுகளில் நின்று அசுபர்களுடன் தொடர்பு கொள்வது.

2.வக்கிரம் பெற்ற இயற்கை சுபர்கள் 6/8/12 வீடுகளில் நிற்பது.

3. குழந்தை பிறந்த காலம் சூரியோதய / அஸ்தமன காலம், சந்திர ஹோரை, நக்‌ஷத்திர கண்டாந்தம், திதி கண்டாந்தம்,  கடகம் / விருச்சிகம் / மீனம் ஆகிய ராசிகளின் கடைசி நக்‌ஷத்திர பாதம் அல்லது, மேஷம் / சிம்மம் / குரு ஆகிய ராசிகளின் முதல் நக்‌ஷத்திர பாதமாகவோ அமைந்து கண்டாந்த ராசிகளில் நிற்பது ஆகியவை பாலரிஷ்டத்தை ஏற்படுத்தும் அமைப்பாகும்.

4. குழந்தையின் ஜெனன ஜாதகத்தில் லக்னாதிபதி பாப கர்தாரி யோகம் பெற்று அசுபத்தன்மை அடைந்து நிற்பது.

5.  சந்திரன் அசுப அசுபத்தன்மை அடைந்து கேந்திரங்களில் நிற்பது.

6. காலபுருஷனுக்கு எட்டாம் வீடான விருச்சிகம் லக்னமாக அமைந்து அனைத்து அசுப கிரஹங்களும் 1 முதல் 7 வரையான வீடுகளிலும் அனைத்து சுபர்களும் 7 முதல் 1 வரையான வீடுகளிலும் நின்று வஜ்ர முஷ்டி யோகம் பெறுவது.

7. சனி வக்ரம் பெற்று மேஷம், விருச்சிகம், 6/8/12 வீடுகளில் நிற்பது மற்றும் பலமான செவ்வாயுடன் தொடர்பு கொள்வது.

போலியோ எனும் இளம்பிள்ளை வாத நோய்க்கான கிரஹ சேர்க்கைகள்:

பாலரிஷ்ட அமைப்போடு கீழ்கண்ட வாத நோய்க்கான கிரஹ அமைப்பை பெற்று இருப்பது போலியோ எனும் இளம்பிள்ளை வாத நோய் ஏற்படும் அமைப்பாகிறது:-

1. சந்திரன், சுக்கிரன்,  புதன் மற்றும் சனி பலமிழந்த நிலையில் இணைவு பெறுவது, அசுப பரிவர்த்தனை பெறுவது, 6,8,12 வீடுகளோடு லக்னம் மற்றும் லக்னாதிபதி சம்மந்தப்படுவது , காலபுருஷனுக்கு மூன்றாம் வீடாகிய மிதுனத்தில் சனி, சுக்ரன் போன்ற கிரகங்கள் நிற்பது, ஜாதகத்தின் மூன்றாம் வீட்டில் வாத கிரகங்களான சனி, சுக்ரன், புதன், சந்திரன் போன்ற கிரகங்கள் நிறபது போன்றவை வாத நோயை தெரிவிக்கிறது.

2. வாத கிரஹங்களான சனி, புதன் மற்றும் சுக்கிரனின் வீடுகளை 6/8/12 வீடுகளாக அமைந்து அங்கு இந்த மூன்று கிரஹங்களில் ஏதேனும் ஒன்று ஆட்சி பெற்று சனி தொடர்பு கொள்வது. மேலும் சனி மூலை ராசிகள் எனப்படு மிதுனம், கன்னி, தனுசு மற்றும் மீனம் ஆகிய உபய ராசிகளில் நின்றால் முடக்குவாத நோய் கட்டாயம் ஏற்படும்.

3. சந்திரன், சுக்கிரன்,  புதன் மற்றும் சனி பலமிழந்த நிலையில் இணைவு பெறுவது, அசுப பரிவர்த்தனை பெறுவது, 6,8,12 வீடுகளோடு லக்னம் மற்றும் லக்னாதிபதி சம்மந்தப்படுவது.

4. எலும்பிற்கு காரக கிரகமான சூரியன் சனியுடன் எந்தவிதத்தில் தொடர்பு கொண்டாலும் எலும்பு மற்றும் வாத நோய் ஏற்படுகிறது. மேலும் சூரியன் 6,8,12 வீடுகளுடன் தொடர்பு பெறும்போது ஜாதகருக்கு வாதநோய் ஏற்படுகிறது. சூரியன், சந்திரன் செவ்வாயுடன் சேர்க்கை பெற்று லக்னத்தில் நின்றாலும் வாதநோய் ஏற்படுகிறது.

5. பத்தாம் வீடு முதுகு மற்றும் கால் மூட்டுக்களை பற்றி கூறுவதால் பத்தாம் வீட்டில் சனி,செவ்வாய் இணைவு பெற்றாலும் பத்தாம் வீடு சனியின் வீடாகி அங்கு செவ்வாய், ராகு போன்ற கிரகங்கள் நின்றாலும் தீவிர மூட்டுவலி ஏற்படுகிறது.

6. சனி லக்னத்தில் நின்று செவ்வாய் 5,7,9 வீடுகளில் நிற்பது மற்றும் சனியும் சந்திரனும் 12ம் வீட்டில் நிற்பது.

7. குரு லக்னத்தில் நின்று சனி மூலை ராசியான மிதுனத்தில் அல்லது 7ம் வீட்டில் நிற்பது.

8. சனியும் சந்திரனும் 6 அல்லது 9ம் வீட்டில் நிற்பது மற்றும் சனியும் ராகுவும் 2 அல்லது மூன்றாம் வீட்டில் நிற்பது.

9. சூரியன் கடகத்தில் நின்று சனியுடன் எந்தவிதத்திலாவது தொடர்பு கொள்வது.

10. லக்னாதிபதி லக்னத்திலேயே நின்று சனி 6ம் வீட்டில் நிற்பது.

11.சூரியனும் சுக்ரனும் தசா புத்தி நாதர்களாக அமைவது.

12. சனியும் செவ்வாயும் 6 அல்லது 12 வீட்டில் நிற்பது.

போலியோ சொட்டு மருந்து பெற்று நோய் எதிர்ப்பு சக்தி தரும் கிரஹ அமைப்பு:

1.  ஒருவருக்கு நோய் எதிர்ப்பு சக்தி நிறைந்து நோய் தடுப்பாற்றலுடன் விளங்க அவருக்கு ஜாதகத்தில் லக்னாதிபதி பலம் நிறைந்து நிற்க வேண்டும். லக்னாதிபதி லக்னத்திலேயே நிற்பது சிறப்பு. அதிலும் அவர் ஆட்சியாகவோ உச்சமாகவோ நின்றுவிட்டால் மிக்க பலமிக்கவராவார். அவ்வாறு நிற்க்கும்போது அவருக்கு நோய் தடுப்பாற்றல் இயற்கையாகவே மிகுந்து இருக்கும்.

2 ஆத்மகாரகன் எனப்படும் சூரியன்  உலகிற்கெல்லாம் அளப்பறிய சக்திகளை வழங்குபவன் ஆவான். சூரியனின் நிலை ராகு கேதுவுடன் இணைந்து கிரகண தோஷம் பெறாமலும், 6/8/12 தொடர்புகள் பெறாமலும் இருக்க வேண்டும். இந்த நிலை ஜெனன ஜாதக ஆத்ம காரக கிரகத்துக்கும் பொருந்தும். 

 3. உடம்பு மற்றும் ரத்தத்தின் காரகன் சந்திரன் ஆகும். இவரே மனதிற்கும் காரகன் ஆவார். தன்னம்பிக்கை பெற்று மனோ திடம் நிறைந்திருந்தால்தான் நோய் எதிர்ப்பு சக்தி பலனளிக்கும்.

 4. நோய் தடுப்பாற்றலை தரும் கிரகம் குரு பகவானாவார். குருபகவானின் அருள் பார்வை இருந்தால் மட்டுமே ஒருவருக்கு நோய் தடுப்பாற்றல் பலனளிக்கும்.

இளம்பிள்ளை வாதம் எனும் போலியோ நோய்க்கு ஜோதிட ரீதியான பரிகாரங்கள்:     

இளம்பிள்ளை வாதத்தால் பாதிப்படைந்த பின் மருந்துகளோ அல்லது பரிகாரமோ பலனளிக்காது. எனவே குழந்தைக்கு கடுமையான காய்ச்சல் ஏற்படும்பொழுதே ஜோதிடரை அணுகி பாலரிஷ்ட தோஷ நிலைகளை அறிந்து கீழ் கண்ட பரிகாரங்களையும் செய்து தகுந்த மருத்துவமும் செய்து வர பாதிப்பின்றி தப்பிக்க வழி  செய்யும்.

1. குழந்தை பிறந்தது முதல் ஜென்ம நக்‌ஷத்திர நாளில் ஆயுஷ்ய ஹோமம் செய்வது, குல தெய்வ வழிபாடு செய்வது ஆகியவை கர்ம வினையிலிருந்து குழந்தைகளை காக்கும்.

2. அவரவர் கர்ம வினைக்கேற்ப நன்மை தீமைகளை வழங்கும் கர்ம காரகன் சனைஸ்வர பகவானுக்கு உகந்த சனிக்கிழமை மற்றும் புதனுக்கு உகந்த புதன் கிழமைகளில் எண்ணை (நல்லெண்ணை) தேய்த்து குளிப்பது. பெண்கள் செவ்வாய் மற்றும் வெள்ளிக்கிழமைகளில் எண்ணை ஸ்நானம் செய்யலாம். இதில் நல்லெண்ணை சனியின் காரகம் பெற்று மூட்டுகளுக்கு உயவுப்பொருளாக பயன்படுவதால் மூட்டு தேய்மானத்தை குறைக்கிறது.

3. வாத பித்த கப தோஷங்களை சமன் செய்யும் திரிபலா சூரணம், யோகராஜ குக்குலு, வாத ராக்ஷஷ ரஸம் போன்ற ஆயுர்வேத மருந்துகளை தகுந்த மருத்துவ ஆலோசனையுடன் எடுத்துக்கொள்வது.

4. மேலும் ஆயுர்வேத மருந்து மற்றும் சனியின் காரகம் பெற்ற ப்ரபஞ்சன விமர்தன தைலம், கொடன்சுகாதி தைலம், நாராயணாதி தைலம், கற்பூராதி தைலம், பிண்ட தைலம் போன்றவற்றை மிதமான சூட்டில் தேய்த்து விடுவதும் சிறந்த பலனளிக்கும்.

5. சனிஸ்வர பகவானுக்கு சனிக்கிழமைகளில் எள் விளக்கேற்றுவது, முதியவர் மற்றும் ஊனமுற்றவர்களுக்கு இயன்ற உதவி (செருப்பு, குடை கைத்தடி) செய்வது, திருநள்ளாறு, திருநாரையூர், குச்சனுர், சென்னை பல்லாவரத்தை அடுத்த பொழிச்சலுர் ஆகிய  சனி ஸ்தலங்களுக்கு அவ்வப்பொது சென்று வருவது.

6. சூரிய நமஸ்காரம் செய்வது மற்றும் ஆதித்ய ஹ்ருதயம் போன்ற ஸ்லோகம் சொல்வது மற்றும் கேட்பது எலும்புக்கு காரகனாம் சூரியனுக்கு உகந்தது. சென்னையில் உள்ளவர்கள் வியாசர்பாடியில் உள்ள அருள்மிகு ரவிஸ்வரர்  கோயிலுக்கு ஞாயிற்று கிழமைகளில் சென்று தரிசித்து வருவது சிறந்த பலனளிக்கும்.

7. புதனுக்கு உகந்த புதன் கிழமைகளில் பெருமாள் கோயில் அல்லது நவக்ரக புதன் சன்னதிகளில் நரம்பை பலப்படுத்தும்  புரத சத்து மிகுந்த பாசிப்பயறு சுண்டல் செய்து சிறுவர்கள் மற்றும் முதியோர்களுக்கு விநியோகம் செய்துவிட்டு சாப்பிடுவது.

8. செவ்வாயின் காரகம் நிறைந்த பிஸியொதிரபி எனப்படும் உடற்பயிற்சியை செய்வது, மின்சார சிகிச்சை அளிப்பது

9. ஜாதகத்தில் தாய் அல்லது தந்தைக்கு ஜாதகத்தில் புத்திர ஸ்தானம், புத்திர ஸ்தானதிபதி, புத்திரகாரகன், சூரியன் ஆகியவர்களுக்கு மாந்தி, வக்கிரம் பெற்ற சனி ஆகிய கிரஹ தொடர்புகள் இருந்தால் குழந்தை பெறுவதற்கு முன்பே கும்பகோணம் திருநாரையூர் இராமநாதேஸ்வரர் கோயிலில்  மாந்தி மற்றும் சனைஸ்வர பகவானுக்கு தேவையான பரிகாரங்கள் செய்வது கர்ம வினை பாதிப்பை குறைக்கும்.

10. குடும்பத்தில் பித்ருக்களுக்கு தவறாமல் தர்ப்பணம், சிரார்தம் ஆகியவை செய்வது.

ரிஷப ராசியை ஜென்ம லக்னமாக கொண்ட சுதந்திர இந்தியாவிற்கு சனைச்சர பகவான் தர்ம கர்மாதிபதியாக விளங்குவதால் இந்தியாவை பொறுத்தவரை போலியோவின் பாதிப்புகள் குறைவாகவே இருக்கும். அதர்மம் தலைதூக்கும்போது மட்டுமே சனைச்சர பகவானின் காரக நோய்கள் பரவும் என்பதை உணர்ந்து தர்ம நெறியோடு வாழ்வோமாக!

 உங்கள் அஸ்ட்ரோ சுந்தரராஜன்
Mobile 9498098786
WhatsApp 9841595510
Email: astrosundararajan@gmail.com
Web: www.astrosundararajan.com

]]>
http://images.dinamani.com/uploads/user/imagelibrary/2017/3/6/w600X390/polio.jpg http://www.dinamani.com/religion/religion-articles/2018/oct/24/போலியோ-இல்லாத-இந்தியா-இளம்பிள்ளை-வாத-பாதிப்பின்றி-வாழ-ஜோதிடம்-கூறும்-ரகசியங்கள்-3026237.html
3005626 ஆன்மிகம் கட்டுரைகள் அரசாங்க பதவி வேண்டுமா? அரசியலில் உயர் பதவி வேண்டுமா? சனி மஹா பிரதோஷத்தில் நந்தி தரிசனம் செய்யுங்க! - அஸ்ட்ரோ சுந்தரராஜன் Saturday, September 22, 2018 12:26 PM +0530
இன்று சனிக்கிழமை மயிலாப்பூர் கபாலீஸ்வரர் கோவில், திருவண்ணாமலை அருணாச்சலேஸ்வரர் கோயில், சிதம்பரம் நடராஜர் கோயில் போன்ற அனைத்து சிவாலயங்களிலும் பிரதோஷ வழிபாடு நடைபெற இருக்கிறது. 

பொதுவாக ஜாதகத்தில் ஸர்ப தோஷம் உட்பட எந்த தோஷம் இருந்தாலும் பிரதோஷத்தில் எல்லா தோஷமும் நீங்கிவிடும்.  உலகை காப்பதற்காக ஆலகால விஷத்தை அருந்திய காலம். நந்தி பகவான் அன்றைய தினத்தில் தனது தவத்தை துறந்துவிட்டு மக்களுக்காக எல்லாவற்றையும் செய்யக்கூடியவர். அதனால்தான் பிரதோஷம் அன்று சிலர் நந்தியினுடைய காதில் தங்கள் ப்ரார்த்தனைகளை ரகசியமாக சொல்வார்கள்.

சிவனை முப்பத்து முக்கோடி தேவர்கள், பிரம்மா, விஷ்ணு, ரிஷிகள், முனிவர்கள், மனிதர்கள் மற்றும் சகல ஜீவ ராசிகள் அனைவரும்  பிரதோஷ தினத்தில் சிவனை வணங்குகின்றனர்.  அதே நேரத்தில் சிவனும் ஷேம நலத்திற்காக வழிபாட்டில் ஈடுபடுவார் என்பது  ஐதீகம். எனவே, அனைத்து தரப்பினரும் வழிபாடு செய்யும் நேரத்தில், நாமும் பிரார்த்தனை செய்தால், இதயம் கனிந்து ஈசன் நமக்கு அதிகமான நலன்களை வழங்குவார் என ஜோதிட நூல்கள் கூறுகின்றன.

பிரதோஷம் அன்று கறந்த பசும்பால் கொடுத்து வழிபட்டால் நல்லது. ஏனென்றால் சிவன் அபிஷேகப் பிரியன். அதனால் கறந்த பசும்பால் கொடுக்கலாம். இல்லையென்றால் இளநீர் வாங்கித் தரலாம். ஏனென்றால் சிவனை அபிஷேகப் பொருளாலும், அர்ச்சனைப் பொருளாலும் வணங்க வேண்டும். இறைவன் எப்பொழுதுமே இயற்கையை விரும்பக்கூடியவன். இயற்கையான வில்வ இலை. அதற்கடுத்து பசும்பால். இது எல்லாவற்றையும் விட தும்பைப் பூ மாலை அணிவித்து பிரதோஷ தினத்தன்று சிவனை வணங்கினால் சகல தோஷங்களும், அதாவது ஏழு ஜென்மத்திலும் இருக்கக்கூடிய தோஷங்கள், பிரம்மஹத்தி தோஷம் விலகும் என்று நூல்களில் சொல்லப்பட்டிருக்கிறது.  இதையெல்லாம் கடைபிடித்தால் எல்லா வகைகளிலும் சிறப்பாக இருக்கும்.

 சனி மஹா பிரதோஷம்:
சனிக்கிழமையும் பிரதோஷமும் சேர்ந்து அமைந்துள்ளதால் இது சனி மஹா பிரதோஷம் என சிறப்பாக கூறப்படுகிறது.  ஒருவர் ஜாதகத்தில் எந்த கிரஹத்தின் தசா புத்தி நடந்தாலும் சனி பிரதோஷம் அன்று கோயிலுக்குச் சென்று சிவனாரை, தென்னாடுடைய சிவனை வழிபடுவது  அனைத்து கிரஹ தோஷங்களையும் போக்கும் சிறப்பு மிக்கதாகும். எனவேதான் இதனை சனி மஹா பிரதோஷம் என்றே கூறுவார்கள். சனிக்கிழமை பிரதோஷம் அத்தனை மகத்துவம் வாய்ந்தது.  

ஏழரை சனி, அஷ்டம சனி, அர்தாஷ்டம சனி மற்றும் சனி தசை, புத்தி நடப்பவர்கள் சனியினால் வரும் துன்பத்தைப் போக்க கண்டிப்பாக சனி பிரதோஷத்திற்கு சென்று சிவதரிசனம் செய்ய வேண்டும். சனி பிரதோஷம் சென்றால் 120 வருடம் பிரதோஷம் சென்ற பலன் கிடைக்கும் என்கிறது சிவாகமம். கிரக தோஷத்தால் ஏற்படும் தீமை குறையும். பஞ்சமா பாவமும் நீங்கும். சிவனருள் கிடைத்து, பரிபூரணமாய் வாழலாம். எனவே இந்த  நாளில் சிவ தரிசனம் செய்வது மிகவும் விசேஷம்.   

அதிகார நந்தியும் பிரதோஷ நந்தியும்:

சிவன் கோயில்களில் பிரம்மோத்ஸவத்தின்  போது அதிகார நந்தி வாகனத்தில்  மாட வீதிகளில் உலா வந்து அருள்பாலிப்பது மரபு. அதிகார நந்தி என்பது சிவாலயங்களில் காணப்பெறும் ஐவகை நந்திகளில் மூன்றாவதாக இருப்பதாகும். கைலாயத்தில் வாயிற்காவலாக நின்றிருக்கும் நந்திக்கு, சிவபெருமானை தரிசிக்க வருபவர்களை அனுமதிக்கும் அதிகாரம் கொண்டவராக உள்ளமையினால் அதிகார நந்தி என்ற பெயர் வந்தது.

சைவ சமயத்தில் முதல் குருவாகவும் சிவனின் வாகனமாகவும் கருதப்படுபவர் திருநந்தி தேவர் ஆவார். ஆலயங்களில் சிவலிங்கத்தின் முன் சிவலிங்கத்தைப் பார்த்துக் கொண்டிருப்பதாக நந்தி தேவரின் உருவம் அமைக்கப்பட்டிருக்கும். இவர் சித்தராகவும் அறியப்பெறுகிறார். நந்தி தேவர் சிவலோகத்தின் தலைமைக் காவலனாக விளங்குவதால் இவர் தேவர்கள் மற்றும் சிவனை தரிசிக்க வரும் பக்தர்களை தடுக்க வல்ல அதிகாரம் உள்ளது. 

வருடத்தில் ஒருமுறை வரும் அதிகார நந்தியை தரிசிக்க இயலாதவர்கள் மாதாந்திர பிரதோஷத்தில் நந்தியின் மேல் வலம் வரும் சிவனை வழிபட அதிகார நந்தியை தரிசித்த அதே பலன் கிடைக்கும் என ஆகம சாஸ்திரங்கள் கூறுகின்றன.

செவ்வாய் கிழமையில் வரும்  பிரதோஷம் ருண விமோசன பிரதோஷம் ஆகும். ருணம் என்பது கடனை குறிக்க கூடியது. வேறு விதமாக கூறினால் தோஷங்களை குறிக்கும் எனலாம். பணமாக பெறப்படும் கடன் மட்டுமல்ல. தேவ, பூத, பித்ரு, ஆசார்ய, மனுஷ்ய தோஷம் என்ற வகைப்படும் இவைகளை களைய, இந்நாளில் நந்தியெம்பெருமானை வேண்டி வணங்கி அருகம்புல் மாலைசாற்றி, நெய் தீபம் ஏற்றி, பின் பிரதோஷ வேளையில் சிவபெருமானை பிரதோஷ மூர்த்தியாய் தரிசிப்பது மேற்கூறிய அனைத்து தோஷங்களில் இருந்தும் விடுதலை பெறலாம். கிடைத்தற்கரிய நாள் இது.

சிவனுக்கு மட்டுமல்ல. ஸ்ரீ மஹா விஷ்ணுவிற்கும் உகந்த காலம்தான். பிரஹலாதனின் பக்தியை மெய்பிக்கவும் ஹிரன்ய கசிபுவை வதம் செய்து உலகை காக்கவும் தூணிலிருந்து நர நாராயண ரூபமாய் உக்ர நரசிம்ம மூர்த்தியாக வெளிவந்த காலம் இந்த பிரதோஷ காலம்தான். எப்படி ஈசனுக்கு சனிப் பிரதோஷம் மிகவும் மகிமை வாய்ந்ததோ அதே போல நரசிம்மருக்கு செவ்வாய் கிழமைகளிலும், சுவாதி நட்சத்திரத்திலும் வரும் பிரதோஷங்கள் மிகவும் விசேஷமானவை.

இந்த நேரத்தில் நரசிம்மரை வணங்கி விருதமிருந்தால் நினைத்த காரியம் கைகூடும், எதிரிபயம் தீரும், தீவினைகள் விலகும், கடன்கள் தீரும், குடும்பத்தில் அமைதி நிலவும் என்பது ஐதிகம். எனவே துயரத்தின் பிடியில் சிக்கிய மனிதர்கள் சிவனையும் ஸ்ரீ நரசிம்மரையும் வழிபடுவதற்கான காலம்தான் பிரதோஷம் காலம். மேலும் துயரத்தின் பிடியில் இருப்பவர்க்கு ஸ்ரீ மஹாலக்ஷ்மியின் அருள் இருந்தால்தான் துயரத்தின் தன்மை குறையும். பிரதோஷ காலம் என்பது கோதூளி லக்ன காலம் என்பதால் சிவனையும் விஷ்ணுவையும் வணங்குபவர்களுக்கு ஸ்ரீ மஹாலக்ஷ்மியின் அருள் இலவசமாகவே கிடைத்திடும்.

ஜோதிடமும் அதிகார பதவியும்:

கிரகங்களில் அதிகாரத்தையும் கம்பீரத்தையும் குறிக்கும் கிரகம் என்றால் அது செவ்வாய்தான். சூரியனும் அதிகாரத்தை குறிக்கும் கிரகம்தான் என்றாலும் சூரியன் அரவணைத்து செல்லும் அதிகாரமும் ஆன்மீகத்தோடு சேர்ந்த கம்பீரமும் கொண்டது என்பதால் இரண்டிற்கும் கால தேச வர்தமானம் மாறுபடும். வீரமும் துணிச்சலும் கட்டுக்கடங்காத தன்மையும் கொண்ட கிரகம் செவ்வாயாகும்.

சூரியனும் செவ்வாயும் ஆண்மையை குறிக்கும் கிரகங்கள் என்றாலும் ஒரு பெண்ணுக்கு தந்தையை குறிக்கும்போது அரவணைத்து செல்லும் சூரியனும் கணவனையும் இளைய சகோதரனையும் குறிக்கும்போது செவ்வாயும் காரகமாகின்றன.

பராக்கிரமம் மிக்க, செயல் ஆற்றல் உள்ள கிரகம் செவ்வாய். ஆற்றல், ஆதிக்கம், பராக்கிரமம், வீரதீர  செயல்கள்,  அதிகாரம் செலுத்துதல், ஆளுமைத்திறன், நம்பிக்கை, வளைந்து கொடுக்காத தன்மை, தர்மம், நேர்மை, நியாயம் போன்ற பல தன்மைகள்  கொண்ட கிரகம்.  போலீஸ், ராணுவம், தீயணைப்புத்துறை, உயர் பதவிகள், சகோதர உறவுகள், மண், மனை, வீடு, நிலம், தோட்டம், எஸ்டேட்  போன்றவற்றுக்கான அதிபதி  செவ்வாய் ஐஏஎஸ், ஐபிஎஸ், ஐஎஃப்எஸ் போன்ற அரசாங்க உயர் பதவிக்கு அனுகிரகம் செய்வதும் செவ்வாய்தான். தோற்றத்தில் கம்பீரம், நடையில் மிடுக்கு,  குரலில்  அதிகாரத்தை ஏற்படுத்தி தரக்கூடியவர். போட்டி, பந்தயங்களில், சாகச நிகழ்ச்சிகளில் புகழ்பெற செவ்வாயின் பலம் அவசியம் தேவை. செவ்வாய் அதிகாரத்தையும் பதவியும் குறிப்பதால்தான் அவர் காலபுருஷனுக்கு பத்தாமிடமான  மகரத்தில் உச்சம் பெறுகிறார். ஜோதிடத்தில் சூரியன், செவ்வாய் சனிசேர்க்கை இருந்தால் தான் அதிகாரம் தரும் பதவிகளை அடைய முடியும். 

 அங்காரகனுக்கும் பிரதோஷ நந்திக்கும் உள்ள தொடர்பு:
சிவனின் காவலனாக விளங்கும் நந்தியம்பெருமானும் அதிகாரம் பதவி ஆகியவற்றை கொடுப்பதில் செவ்வாயை போன்றே விளங்குகின்றார். அதிகாரம் பதவி மட்டுமின்றி திருமண யோகத்திற்கும் நந்தியம்பெருமான் முக்கியத்துவம் பெறுகிறார். இன்னும் சொல்லப்போனால் செவ்வாய் தோஷம் நிவர்த்திக்கு நந்திவழிபாடே பரிந்துரை செய்யப்பட்டுள்ளது. பிரதோஷ காலத்தில் நந்தி வழிபாடு செய்வது செவ்வாயின் காரகங்களான திருமணயோகம், கடன் நிவருத்தி, ஆற்றல், வெற்றி, உயர்பதவி ஆகியவை ஏற்படும் என்கிறது ஜோதிட சாஸ்திரம்.

 அரசு வேலை கிடைக்க பிரதோஷ நந்தி தரிசனம்:

ஜோதிடத்தைப் பொறுத்தவரை பத்தாமிடம் உத்தியோக ஸ்தானமாக பார்க்கப்படுகிறது. அந்த வகையில் பத்தாமிடத்தின் அதிபதி பத்தில் இருந்து சூரியனின் பார்வை சேர்க்கை ஏற்பட்டால் அரசு வேலை கிடைக்கும் என ஜோதிட நூல்கள் கூறுகின்றன. மேலும் கர்மகாரகன் என கூறப்படும் சனைஸ்வரன் அரசாங்க உத்யோக காரகன் சூரியனுடன் சேர்க்கை பெற்றிருந்தால் அரசு வேலை கிடைக்கும். சில ஜாதகங்களில் செவ்வாயின் கிரக நிலையும் அரசுப் பணியை நிர்ணயிக்கும் சக்தி வாய்ந்ததாக அமையும். செவ்வாய் பத்தாமிடம் மற்றும் சூரியன் சனி ஆகியவர்களுடன் தொடர்பு கொண்டிருந்தால் அவர்கள் சீருடை பணியாளர்கள் எனப்படும் காவல் துறை, தீயணைப்பு மற்றும் ராணுவத்துறை போன்றவற்றில் பணியாற்றுவார்கள். இத்தகைய அமைப்பை ஜாதகத்தில் கொண்டவர்கள் இந்த சனி மஹா பிரதோஷ நன்னாளில் நந்தியம்பெருமானையும் சிவனையும் வணங்கினால் அரசாங்க வேலை விரைவில் கிடைக்கும் என்பது நிதர்சனம்.

அரசியலில் அதிகார பதவியை தரும் பிரதோஷ நந்தி:


ஒருவருடைய ஜாதகத்தில் சூரியனுடன் சனி சேர்க்கை பெற்று இருந்தால் ராஜாங்க சம்மந்தமான வேலைகள், அரசு, அரசு சார்ந்த தொழில், அரசியல், தலைமை பதவி, கெளரவ பதவிகள் ஆகியவை அமைகின்றது. அரசியலுக்கும் அரசியல் பதவிகளுக்கும் காரக கிரகங்கள் சூரியன் சந்திரன் மற்றும் கால புருஷனுக்கு பத்தாம் வீட்டதிபதியான சனைஸ்வர பகவானும் ஆவர். தற்போது அரசியல் ஸ்திரத்தன்மையற்ற நிலையில் பலரும் அரசியலில் மாற்றத்தை நோக்கி காத்திருக்கின்றனர். இந்நிலையில் அரசியலில் கொடிகட்டி பறக்க விரும்புபவர்கள், பதவியில் ஸ்திரத்தன்மை வேண்டுபவர்கள் சனி மஹா பிரதோஷத்தில் சிவபெருமானை வணங்கிவர விரும்பியது அனைத்தும் நிறைவேறும் என்பது நிதர்சனம்.

யாருக்கெல்லம் சனி மஹா பிரதோஷம் சிறப்பு தரும்? 

1. ஜென்ம ராசி மற்றும் லக்னத்தில் சனீஸ்வரர் பயணம் செய்யும்  தனுர் ராசி மற்றும் லக்ன காரர்கள். அவர்களுக்கு மிதுனம் ஏழாம் வீடாக வந்து அதனை தனது சம சப்தம பார்வையால் பார்க்கிறார்

2. மிதுன ராசி லக்ன காரர்களுக்கு களத்திர ஸ்தானம் எனப்படும் ஏழாம் வீடான தனுசு ராசியில் பயணம் செய்து தனது சம சப்தம பார்வையால் மிதுனத்தை பார்ப்பது.

3. சனீஸ்வர பகவான் தனது 3-7-10 பார்வையாலும் தனது திரிகோண பார்வையாலும் கும்பம், மேஷம், மிதுனம், சிம்மம், கன்னி ஆகிய ராசிகளை பார்க்கிறார்,  ”குரு இருக்கும் இடம் பாழ் - சனி பார்க்கும் இடம் பாழ்”  என்பது சொல்வழக்கு. எனவே மேஷ, மிதுன, சிம்ம கன்னி, தனுசு, கும்ப ராசிகளை இரண்டாம் வீடுகளாக (குடும்ப ஸ்தானமாக) கொண்ட மீனம், ரிஷபம், கடகம், துலாம், விருச்சிகம், மகரம் ஆகிய ராசிகள்/லக்ன காரர்கள் குடும்ப வாழ்க்கை சிறக்க சனி பிரதோஷ தரிசனம் செய்வது நல்லது.

 4. கணவன்/மனைவியை குறிக்குமிடமாக களத்திர ஸ்தானம் எனப்படும் ஏழாம் வீட்டை குறிப்பிடுவார்கள்.  எனவே மேஷ, மிதுன, சிம்ம, கன்னி, தனுசு, கும்ப ராசிகளை ஏழாம் வீடுகளாக கொண்ட துலாம், தனுசு, கும்பம், மீனம், மிதுனம், சிம்மம் ராசி/லக்ன காரர்கள் குடும்ப வாழ்வில் பிரச்சனைகள் ஏற்படாமல் இருக்க இந்த சனி மஹா பிரதோஷத்தில் ரிஷபாரூடரை வணங்குவது நல்லது.

5. நீங்கள் நினைப்பது புரிகிறது. 12 ராசிகளையும் கூறிவிட்டீர்கள். எதைதான் விடுவது என்பதுதானே?  பன்னிரெண்டு ராசி/லக்ன காரர்களுக்கும் குடும்பம் இருக்கிறது தானே?  எனவே 12 ராசி லக்ன காரர்களும் இந்த சனி மஹா பிரதோஷத்தில் வணங்குவது தான் சிறப்பு. ஒரு ராசியில் நின்று 12 ராசிகளையும் கட்டுபடுத்துகிறார் அல்லவா? அதனால் தான் சனீஸ்வர பகவானை நீதிமான் என போற்றுகிறோம்.

உங்களுக்கு வேலையில் பிரச்சனையா? உங்கள் தகுதிகேற்ப அதிகாரம் இல்லையா? உயர்பதவி முன்னேற்றம் கிடைக்கவில்லையா? அப்படியென்றால் நீங்கள் திருமயிலை கபாலீஸ்வரர் மற்றும் அனைத்து சிவன் கோயில்களிலும் இன்று சனி பிரதோஷ காலத்தில் பிரதோஷ நந்தியை தரிசித்து ப்ரார்த்தனை செய்துக்கொள்ளுங்கள். அடுத்த அதிகார நந்தியை பார்க்கும் முன் உங்களுக்கு அதிகாரம் கிடைத்துவிடும். இந்த சனி மஹா பிரதோஷ  நன்னாளில் சிவனை குடும்ப சமேதராக தரிசித்து அனைத்து வளங்களையும் பெற்று வாழ்வோமாக!

உங்கள் அஸ்ட்ரோ சுந்தரராஜன்
Mobile 9498098786
WhatsApp 9841595510
Email: astrosundararajan@gmail.com
Web: www.astrosundararajan.com
 

]]>
http://images.dinamani.com/uploads/user/imagelibrary/2018/6/29/w600X390/sivan_parvathi.jpg http://www.dinamani.com/religion/religion-articles/2018/sep/22/அரசாங்க-பதவி-வேண்டுமா-அரசியலில்-உயர்-பதவி-வேண்டுமா-சனி-மஹா-பிரதோஷத்தில்-நந்தி-தரிசனம்-செய்யுங்க-3005626.html
2998956 ஆன்மிகம் கட்டுரைகள் தக்டுஷேத் ஹல்வாய் கணபதியைத் தெரியுமா? இதோ விபரங்கள்! மாலதி சந்திரசேகரன். Wednesday, September 12, 2018 02:40 PM +0530  

விநாயகனே வெவ்வினையை வேரறுக்க வல்லான் 

விநாயகனே வேட்கை தணிவிப்பான் - விநாயகனே 

விண்ணிற்கும் மண்ணிற்கும் நாதனுமாந் தன்மையினால் 

கண்ணிற் பணிமின் கனிந்து. 

-  கபிலதேவநாயனார் .

தெய்வ நம்பிக்கை உடையவர்களாகிய நாம், எந்தக் காரியத்தைத் தொடங்கினாலும் பிள்ளையாரை வணங்காமல் தொடங்குவது இல்லை. எடுத்த காரியம் சுலபமாக, இன்பமாக முடிய வேண்டுமென்றால், அதை நினைத்தபடி நிறைவேற்றி வைக்கும் கடவுள் பிள்ளையார்தான் என்பது எல்லோருடைய மனதிலும் உள்ள அசைக்க முடியாத நம்பிக்கையாகவும் உள்ளது என்பது தான் உண்மை.

மனிதனைப் பல பெயரிட்டு அழைப்பது வழக்கமில்லை. ஆனால் கடவுளை மட்டும் பல பெயரிட்டு அழைக்கிறோம். கடவுள் எந்தப் பெயரையும், எப்பொழுதும்  தானாகவே உகந்து வைத்துக் கொள்வதில்லை. மனிதனானவன், கடவுள் அருள் வழங்கும் நிலையை எண்ணி, அவருக்கு நன்றி தெரிவிக்கும் பொருட்டு, ஆனந்த நிலையில் பெயரிட்டு அழைக்கிறான். 

அப்படி அமைந்ததுதான், மஹாராஷ்டிரா மாநிலம், பூனேயில் அமைந்துள்ள கோயிலில், ஒரு  விநாயகரின் பெயர்.  கணங்களுக்கெல்லாம் தலைவனான கணபதிக்கு,  'தக்டுஷேத்  ஹல்வாய்  கணபதி' என்று திருநாமம்.  [ஹல்வாய் என்றால் மராத்தியில் இனிப்பு என்று பொருள்] இனிப்பு என்னும்  பெயர் எதற்காக அவர் பெயரோடு சேர்ந்தது? காரணம் இருக்கிறது.

புனே நகரில், தக்டுஷேத் என்னும் பெயரைக் கொண்ட தனவந்தர் ஒருவர் இருந்தார். அவர் இனிப்புக்கள் விற்பதை வியாபாரமாகக் கொண்டிருந்தார். அவருடைய கடையில் எப்பொழுதும் திருவிழாக் கும்பல் போல இனிப்புக்களை வாங்க கும்பல் கூடி இருக்கும். நாணயமான முறையில் கலப்படம் செய்யாத பண்டங்களை விற்று வந்தார் [அந்நாட்களில் கலப்படம் என்பது இருந்ததாகத் தெரியவில்லை.]

அவருக்கு ஒரு மகன் இருந்தான். அவரும், அவர் மனைவி லக்ஷ்மி பாயும் மகனின் மேல் அளவிட முடியாத பாசம் வைத்திருந்தார்கள்.ஆனால் விதி ஏனோ அவர்களின் வாழ்வில் விளையாட எண்ணம் கொண்டது.

1800-ஆம் வருடம். ஊரில் அப்பொழுது பிளேக் நோய் பரவி இருந்தது. அவருடைய செல்வ மகன், பிளேக் நோயினால் பீடிக்கப்பட்டான். எத்தனையோ வைத்தியம் செய்தும் மகனைக் காப்பாற்ற முடியவில்லை. ஒரே மகனை இழக்கும்படி நேரிட்டது. அவர்களின் வாழ்வில் அந்த இழப்பு மிகப் பெரிய வடுவை ஏற்படுத்தியது.

கணவன், மனைவி இருவரும் அந்த துக்கத்திலிருந்து மீள முடியாமல் பல வருடங்கள் தவித்தனர். அவர்களின் குருநாதரான, மாதவநாத் மகராஜ் என்பவரை  அணுகி உபாயம் கேட்டார்கள். அவர், கணபதிக்காக ஆலயம் ஒன்றைக்  கட்டினால் மனம் அமைதி பெறும் என்று கூறினார்.

தன்னுடைய குருநாதர் கூறியதை சிரமேற் கொண்டு,  கணபதிக்காக ஆலயம் ஒன்றை கட்டும் பணியைத் தொடங்கினார். தான் சேர்த்த பணம், சொத்து அனைத்தையும் யாருக்காக சேர்த்து வைக்க வேண்டும் என்று எண்ணினார். எல்லா பணத்தையும் கோயில் காரியத்திற்காகவே செலவழித்தார். 1893-ஆம் வருடம் ஆலயம் கட்டி முடிக்கப்பட்டது. அவர் கணபதியை பக்தி சிரத்தையுடன்  பூஜிக்க பூஜிக்க மேலும் செல்வந்தர் ஆனார். கோயிலும் வளர்ந்தது.

தக்டுஷேத் ஹல்வாயிற்கு, அரசியல்வாதியும், சிறந்த சமூக சீர்திருத்தவாதியும், இந்தியாவை செதுக்கிய சிற்பிகளில் ஒருவருமான,  லோகமான்ய பாலகங்காதர் திலக் நெருங்கிய நண்பராகத் திகழ்ந்தார். அவர்தான்,  கணபதி திருஉருவத்தினை திருவீதி உலாவாகக் கொண்டு போனால் என்ன? என்னும் புதுமையான முறையை நடைமுறைப் படுத்தினார்.

லோகமான்ய பாலகங்காதர் திலக் தொடங்கி  வைத்த விநாயகர் ஊர்வலம் தான் இன்றும் எல்லோராலும் அனுசரிக்கப்படுகிறது. வேறு எந்த பகவானுக்கும் இல்லாத அளவு இப்படி ஒரு பிரும்மாணட ஊர்வலத்தை அமல்படுத்தி நாம் எல்லோரும் கொண்டாடும்படி ஏற்படுத்திய லோகமான்ய பால கங்காதர் திலக்கிற்கு நன்றி கூற கடமைப் பட்டிருக்கிறோம்.

இப்பொழுது, இந்தியாவில் உள்ள பணக்காரக் கோயில்களில் ஒன்றாகக் கருதப்படுகிறது. தக்டுஷேத் ஹல்வாய் இக்கோயிலைக் காட்டியதால், இங்கு அருள் பாலிக்கும் கணபதி, 'தக்டுஷேத் ஹல்வாய் கணபதி' என்று கட்டியவர் பெயராலேயே வணங்கப்படுகிறார்.

நினைத்தது நடக்கும். கேட்டது கிடைக்கும் என்று எல்லோராலும் வணங்கப்பட்டு வரும் இக்கணபதியின் ஆலயம் மிகப் பெரியது என்று கூறிவிட முடியாது. கணபதிக்கு எதிரிலேயே தியானம் செய்ய ஹால் ஒன்று அமைக்கப்பட்டுள்ளது. அந்த ஹாலிற்கு வெளிப்புறம் மோதகத்தை ஏந்திய மூஞ்சூறைத் தவிர  மற்றபடி இதர கடவுளரின் சிலையோ கர்பக்கிரகமோ கிடையாது. 

தென்னகக் கோயில் போல இல்லாமல், அரண்மனைப் பாணியில் இவ்வாலயம் கட்டப்பட்டு உள்ளது. ஏழு அடி உயரமும், நான்கு அடி அகலமும் கொண்ட இம்மூர்த்தி, எட்டு கிலோ தங்கத்தால் ஆனவர்.  மேலும் பல விலை மதிக்க முடியாத உயர்ந்த ஜாதி கற்களால் அலங்காரம் செய்யப்பட்டிருக்கிறார்.

விநாயக சதுர்த்தி அன்று அந்தத் தெருவிற்குள் நுழையக் கூட முடியாது. தரிசனம் செய்ய வருபவர்கள், காணிக்கையாக தேங்காயை படைத்துவிட்டுச் செல்கிறார்கள். சாதா நாட்களிலேயே காலை ஆறு மணி முதல் இரவு பதினோரு மணி வரை ஆலயம் திறந்திருக்கும்.

இங்கு கணபதிக்கு அபிஷேகம் செய்ய வேண்டுமானால், முக்கூட்டியே பதிவு செய்து கொள்ள வேண்டும். 

வட இந்தியாவில் பல  பிரபலங்களின் [அமிதாப்பச்சன் உட்பட] ஆராத்தியக் கடவுள் தக்டுஷேத் கணபதிதான். பிரபலங்களும், தனவான்களும் கிராம் கணக்கில் தங்கத்தை பகவானுக்கு காணிக்கையாகச் செலுத்துகிறார்கள்.

மஞ்சளில் பிடித்து வைத்தாலும், மண்ணினால் சமைத்து வைத்தாலும், தங்கத்தால் இழைத்தாலும் எல்லோருக்கும் அனுக்கிரகம் ஒரே மாதிரிதான் செய்கிறார். மும்பை செல்பவர்கள்,  மும்பையிலிருந்து சுமார் நூற்று இருபது கிலோ மீட்டர் தொலைவில் அமைந்துள்ள 'ஸ்ரீமத் தக்டுஷேத் ஹல்வாய் சார்வஜனிக் கணபதி' கோயிலுக்கு அவசியம் சென்று வாருங்கள். 

]]>
vignesh, vinayagar, pillaiyar, தக்டுஷேத்  ஹல்வாய்  கணபதி, கணபதி, பிள்ளையார், வினாயகர் சதுர்த்தி http://images.dinamani.com/uploads/user/imagelibrary/2018/9/12/w600X390/Daggdu-seth.jpg http://www.dinamani.com/religion/religion-articles/2018/sep/12/details-about-dagdushet-halwai-ganapati-2998956.html
2966184 ஆன்மிகம் கட்டுரைகள் எல்லா மதத்தை விடவும் சிறந்த மதம் எது? சினேகா Monday, July 23, 2018 02:09 PM +0530 ஒரு சமயம் குருவும் சீடனும் பேசிக் கொண்டிருந்தபோது, சீடனுக்கு ஒரு சந்தேகம் எழுந்தது. குருவிடம் கேட்டதும் அவர் புன்னகைத்தார். சீடனின் கேள்வி உலகில் பல மதங்கள் உள்ளதே, அதில் எந்த மதம் இறைவனிடத்தில் சேர்க்கும் என்பதே.

குரு சீடனை அழைத்து இந்தக் கேள்விக்கான பதில் மறுகரையில் உள்ளது. ஒரு படகில் செல்லலாம் வா என்று கூற, சீடனும் அங்கிருந்த படகுகளில் ஒன்றைத் தயார் செய்து குருவை அழைக்கிறான்.  சீடனும் ஒவ்வொரு படகை எடுத்து வர அதில் ஏதேனும் குறை கூறி குரு வர மறுத்துவிடுகிறார். வெறுத்துப் போன சீடன் அவசரமாக ஒரு படகைப் பிடித்து வந்து அதில் போகலாம் என்று கூற குரு நீ சென்று திரும்பி வா என்று கூறி அவனை அனுப்பி வைக்கிறார். அவனும் மறுகரைக்குச் செல்கிறான். ஆனால் குருவிடம் கேட்ட கேள்விக்கு அவனுக்கு பதில் கிடைக்கவில்லை. சிறிது நேரம் அங்கும் இங்கும் அலைந்துவிட்டு பின் புறப்பட்ட இடத்திற்கே திரும்பி வந்தான். குருவிடம் சென்று வணங்கி, குருவே, எதற்கு இந்தச் சோதனை? எனக்கு ஒன்றும் வி்ளங்கவில்லையே என்றான் பணிவுடன்.

குரு மீண்டும் புன்னகைத்து, ‘உண்மையை அறிந்து கொள்ள மறுகரைக்குச் சென்றாய். அங்கு செல்ல வேண்டும் என்ற உன்னுடைய உத்வேகம் மட்டும்தான் உன் கவனத்தில் அப்போது இருந்ததே தவிர மறுகரை கொண்டு செல்லும் படகில் அல்ல. மேலும், மறுகரைக்குச் செல்வதுதான் முக்கியமானதாக இருந்ததே தவிர உன்னை சுமந்து செல்லவிருந்த படகல்ல. அது போலத்தான் இறைவனை அடைய வேண்டும் என்ற சிந்தனையும் தீவிரமும் தான் முக்கியமே தவிர ஒருவர் பின்பற்றும் மதம் முக்கியமானது அல்ல. எந்தப் படகும் அக்கரைக்கு செல்லும் எந்த மதமும் இறைவனிடம் சேர்ப்பிக்கும்’ என்றார்.

தெளிவு கிடைத்த மகிழ்ச்சியில் சீடன் குருவை வணங்கினான்.

]]>
god, religion, மதம், கடவுள், இறைவன், ocean of life, சீடன், படகு http://images.dinamani.com/uploads/user/imagelibrary/2018/7/23/w600X390/0.jpg http://www.dinamani.com/religion/religion-articles/2018/jul/23/which-is-the-best-religion-in-this-world-2966184.html
2954506 ஆன்மிகம் கட்டுரைகள் உங்கள் பொருள் பணம் நகை எதாவது திருட்டுப் போய்விட்டதா? கவலை வேண்டாம் திரும்பக் கிடைக்க இதோ வழி! ராஜி Friday, July 6, 2018 05:06 PM +0530  

அண்மையில் என்னுடைய குடையை தொலைத்துவிட்டேன். இதென்ன பெரிய விஷயமா என்று திகைக்கிறீர்களா? இது கடந்த பத்து ஆண்டுகளில் நான் தொலைக்கும் ஐம்பதாவது குடை. குடை மட்டுமல்ல, பர்ஸ், பென் ட்ரைவ், கைப் பை, மோதிரம், ப்ரேஸ்லெட், வாட்ச், செல்ஃபோன் என நான் தொலைத்த பொருட்களின் பட்டியலை கூற வேண்டுமானால் இந்தக் கட்டுரை சுயபுராணமாகிவிடும். இனி ஜாக்கிரதையாக இருக்க வேண்டும், இன்னிலேர்ந்து உஷார் என்று எனக்குள் பல தடவை சொல்லிக் கொண்டாலும் ஒரு ஆப்செண்ட் மைண்டட் புரோபஸர் கடமை தவறாமல் தன் தொலைத்தலில் ஈடுபட்டுவிடுவார். ஏன் இப்படி அடிக்கடி பொருட்களை தொலைக்கிறேன் என்று அதற்கான தீர்வு ஏதேனும் இருந்தாக வேண்டும் என்று முடிவு செய்தேன். ஆனால் அந்த வழி ஈஸியாக இருக்க வேண்டும் என்று கணவரிடம் கேட்டதற்கு கடவுளே வந்தாலும் உன்னைக் காப்பாத்த முடியாது என்று கூறிவிட்டார். 

அடக் கடவுளே என்று தலையில் கைவைத்து அமர்ந்த போது, மாமியார் அவரது ஊரில் உள்ள ஒரு கோவிலைப் பட்ற்றி கூறினார். அந்தக் கோவிலில் உள்ள கால பைரவருக்கு சாம்பிராணி புகை போட்டு கும்பிட்டால் தொலைத்த பொருட்கள் எல்லாம் தானாக வந்து சேரும் என்று ஒரே போடாக போட்டார். என்ன இது அதிசயமா இருக்கே என்று அவரிடம் மேலும் சில தகவல்கள் கேட்டு தெரிந்து கொண்டேன். அந்தக் கோவில் புதுக்கோட்டை மாவட்டத்தில் உள்ள துர்வாசபுரத்தில் உள்ள திருப்பாதாளேஸ்வரர் கோவில். ஈஸ்வரன் சுந்தரேஸ்வரர் அம்பாள் பாகம்பிரியாள். இந்த அம்மனை மனதார வேண்டி வழிபட்டால் திருமணத் தடை நீங்குமாம்.

இங்குள்ள கால பைரவர் மிகுந்த சக்தி வாய்ந்தவர். இந்த உக்கிரமான பைரவரிடம் என்ன வேண்டினாலும் அது நடக்கும் என்பது ஐதீகம் அல்ல உண்மை என்கிறார்கள் ஊர்க்காரர்கள். கால பைரவரின் சன்னதியில் சாம்பிராணி புகை போட்டு தொலைந்த பொருட்கள் திருடு போய்விட்ட பணம் என எதை நினைத்து வேண்டிக் கொண்டாலும், அவை எல்லாம் திரும்பக் கிடைத்துவிடும். ஒவ்வொரு ஆண்டும் கார்த்திகை மாதத்தில் பைரவர், சம்பாசுரனை வதம் செய்த நிகழ்வை நினைவு கூறும் வகையில் சம்ப சஷ்டி விழா நடத்தப்படுகிறது. குழந்தைகளின் படிப்பு, குடும்ப நிம்மதி என எதை வேண்டி விளக்கு ஏற்றினாலும் அந்த பிரச்னைக்கு சரியான தீர்வு கிடைத்துவிடும் என ஊர் மக்கள் நம்புகிறார்கள். 

இந்தக் கோவிலுக்குப் போக வேண்டும் என்று நினைத்துக் கொண்டிருந்த போது ஒரு அலைபேசி அழைப்பு வந்தது. என்னுடைய ஆட்டோகாரர் தான் பேசினார். அவர் ஆட்டோவில் தான் விட்டிருக்கிறேன் என்று கூறினார். பொருள் சிறிதாக இருந்தால் என்ன பெரியதாக இருந்தால் என்ன, தொலைத்தவனுக்குத் தானே தெரியும் அந்த வலி! அப்பாடா என்றிருந்தது. உழைத்து சம்பாதித்த பொருள் எப்படியாவது திரும்ப கிடைத்துவிடும் என்று என் அம்மா அடிக்கடி சொல்வார். இப்படி நான் தொலைத்த பல பொருட்கள் தானாகவே திரும்பக் கிடைத்துள்ளது. அதற்கு தெய்வ சக்தி நிச்சயம் துணையிருந்துள்ளது. எல்லாம் வல்ல இறைக்கு நன்றி சொல்ல உடனே புதுக்கோட்டைக்கு ஒரு டிக்கெட் எடுக்கப் போறேன் என்றேன். இரண்டு டிக்கெட்டாக எடுத்துவிடு என்றார் மாமியார்.

]]>
Thirupaathaleswar temple, புதுக்கோட்டை, பாகம்பிரியாள், திருப்பாதாளேஸ்வரர் http://images.dinamani.com/uploads/user/imagelibrary/2018/7/6/w600X390/kala_bairava.jpg http://www.dinamani.com/religion/religion-articles/2018/jul/06/உங்கள்-பொருள்-பணம்-நகை-எதாவது-திருட்டுப்-போய்விட்டதா-கவலை-வேண்டாம்-திரும்பக்-கிடைக்க-இதோ-வழி-2954506.html
2954462 ஆன்மிகம் கட்டுரைகள் திதத்தத்தத் தித்தத் திதிதாதை தாததுத் தித்தத்திதா! அடடா இது என்ன! Friday, July 6, 2018 12:47 PM +0530
கந்தர் அந்தாதியில் 54-ஆம் பாடல் இது.
 
திதத்தத்தத் தித்தத் திதிதாதை தாததுத் தித்தத்திதா
திதத்தத்தத் தித்த திதித்தித்த தேதுத்து தித்திதத்தா
திதத்தத்தத் தித்தத்தை தாததி தேதுதை தாததத்து
திதத்தத்தத் தித்தித்தி தீதீ திதிதுதி தீதொத்ததே

இதன் பொருள் :

திதத்த ததித்த என்னும் தாள வரிசைகளை, தன்னுடைய நடனத்தின் மூலம் நிலைபடுத்துகின்ற, உன்னுடைய தந்தையாகிய பரமசிவனும், மறை கிழவோனாகிய பிரம்மனும், புள்ளிகள் உடைய படம் விளங்கும், பாம்பாகிய ஆதிசேஷனின், முதுகாகிய இடத்தையும், இருந்த இடத்திலேயே நிலைபெற்று, (ஆனால்) அலை வீசுகின்ற, சமுத்திரமாகிய திருப்பாற்கடலையும் (தன்னுடைய வாசஸ்தலமாகக் கொண்டு), அயர்பாடியில் தயிர், மிகவும் இனிப்பாக இருக்கிறதே என்று சொல்லிக்கோண்டு, அதை மிகவும் வாரி உண்ட (திருமாலும்), போற்றி வணங்குகின்ற, பேரின்ப சொரூபியாகிய, மூலப்பொருளே, தந்தங்களை உடைய, யானையாகிய ஐராவதத்தால் வளர்க்கப்பட்ட, கிளி போன்ற தேவயானையின், தாசனே, பல தீமைகள் நிறைந்ததும், ரத்தம் மாமிசம் முதலிய சப்த தாதுக்களால் நிரப்பப்பட்டதும், மரணம் பிறப்பு இவைகளோடு கூடியதும், பல ஆபத்துக்கள் நிறைந்ததும் (ஆகிய) எலும்பை மூடி இருக்கும் தோல் பை (இந்த உடம்பு), அக்னியினால், தகிக்கப்படும், அந்த அந்திம நாளில், உன்னை இவ்வளவு நாட்களாக துதித்து வந்த என்னுடைய புத்தி, உன்னிடம் ஐக்கியமாகி விட வேண்டும். ..

திருமுருக கிருபானந்த வாரியார் அவர்கள் கூறிய விளக்கம்
 
திதத்தத் தத்தித்த – “திதத்தத் தத்தித்த” என்னும் தாளமானங்களை,
திதி – திருநடனத்தால் காக்கின்ற
தாதை – பரமசிவனும்
தாத – பிரமனும்
துத்தி – படப்பொறியினையுடைய
தத்தி – பாம்பினுடைய
தா – இடத்தையும்
தித – நிலைபெற்று
தத்து – ததும்புகின்ற
அத்தி – சமுத்திரத்தையும் பாயலாகக்கொண்டு
ததி – தயிரானது
தித்தித்ததே – தித்திக்கின்றதென்று
து – உண்ட கண்ணனும்
துதித்து – துதி செய்து வணங்குகின்ற
இதத்து – பேரின்ப சொரூபியான
ஆதி – முதல்வனே!
தத்தத்து – தந்தத்தையுடைய
அத்தி – அயிராவதம் என்னும் யானையால் வளர்க்கப்பட்ட
தத்தை – கிளி போன்ற தெய்வயானைக்கு
தாத – தொண்டனே!
தீதே – தீமையே
துதை – நெருங்கிய
தாது – சப்த தாதுக்களால் நிறைந்ததும்
அதத்து – மரணத்தோடும்
உதி – ஜனனத்தோடும்
தத்தும் – பல தத்துக்களோடும்
அத்து – இசைவுற்றதுமான
அத்தி – எலும்புகளை மூடிய
தித்தி – பையாகிய இவ்வுடல்
தீ – அக்கினியினால்
தீ – தகிக்கப்படுகின்ற
திதி – அந்நாளிலே
துதி – உன்னைத் துதிக்கும்
தீ – புத்தி
தொத்தது – உனக்கே அடிமையாகவேண்டும்

நன்றி - கணபதி சுப்ரமணியம் (nytanaya)

]]>
http://images.dinamani.com/uploads/user/imagelibrary/2018/7/6/w600X390/Murugan.jpg http://www.dinamani.com/religion/religion-articles/2018/jul/06/திதத்தத்தத்-தித்தத்-திதிதாதை-தாததுத்-தித்தத்திதா-அடடா-இது-என்ன-2954462.html
2904073 ஆன்மிகம் கட்டுரைகள் ஸ்ரீமத் ஆதி சங்கரரின் அவதாரத்திற்கு மூல காரணம்! மாலதி சந்திரசேகரன் Friday, April 20, 2018 11:21 AM +0530  

ஸ்ரீமத் ஆதி சங்கர பகவத் பாதர், எப்பொழுது பிறந்தார் என்பதைப் போன்ற விஷயங்களை பற்றி அதிகப்படியாக நாம் விசாரம் செய்வதில் எந்தப் பிரயோசனமும் இல்லை. அவருடைய ஜெயந்தியை, நாம் சித்திரை மாதம், வளர்பிறை பஞ்சமி திதியில் அனுஷ்டித்து வருகிறோம்.

எட்டாம் நூற்றாண்டில், மிகவும் நலிவுற்று இருந்த சனாதர்மத்தின் மறுமலர்ச்சிக்காக, விஷ்ணு மற்றும் பிரும்மாவை முன்னிலையாக வைத்து, தேவதைகள், மற்றும் ரிஷிகள் கைலாயத்திற்குச் சென்று, ஸ்ரீ கங்காதரனிடம் ஒரு உபாயம் கேட்டு, பிரார்த்தனை செய்து கொண்டார்கள். ஸ்ரீ பரமேஸ்வரன் ஆனவர், அவர்களின் பிரார்த்தனையை ஏற்றுக் கொண்டு, தானே பூமில் அவதாரம் செய்வதாகத் தெரிவித்தார். இதுதான் ஸ்ரீமத் ஆதி சங்கரரின் அவதாரத்திற்கு மூலக காரணமாகத் திகழ்ந்தது.

ஸ்ரீமத் ஆதி சங்கரர், தக்ஷிணாமூர்த்தியான ஸ்ரீ பரமேஸ்வரரின் அவதாரம். கேரள மாநிலத்தில், ஸ்ரீ சிவகுரு, ஸ்ரீ ஆர்யாம்பிகை தம்பதியருக்கு, திருச்சூர், வடக்கு நாதரின் அருளால், சிரேஷ்ட புத்திரனாக பிறந்தார். மூன்று வயதிற்குள், எல்லா பாஷா ஞானமும், ஐந்து வயதிற்குள், சகல சாஸ்திரங்களையும் கற்றுத் தெளிந்தார். ஸ்ரீமத் ஆதி சங்கரர் , இந்தப் பூவுலகில் அவதரித்த காலத்தில் சுமார், எழுபத்தியிரண்டு வெவ்வேறு மதவாதிகள், தம்முடைய கருத்துக்களின் வேறுபாட்டின் அடிப்படையில், சண்டையிட்டுக் கொண்டு, லோகத்தில் பெரும் குழப்பங்களை ஏற்படுத்தி வந்தார்கள். 

'பிரும்மம் ஒன்றே நித்யம், சத்யம் . அதைத் தவிர இரண்டாவது வஸ்து  இல்லை' என்கிற உன்னதமான அத்வைத தத்துவத்தினை உலகிற்கு அளித்த ஞான ஆசிரியன். அத்வைத தத்துவத்தை உலகிற்கு போதித்த அம்மகான், பத்து உபநிஷத்துக்கள், பிரும்ம சூத்திரம், விஷ்ணு சகஸ்ரநாமம், பகவத் கீதை ஆகியவற்றிற்கு விளக்க உரை அளித்துள்ளார். சிவானந்தலஹரி, கோவிந்தாஷ்டகம், விவேக சூடாமணி, ஆத்ம போதம், கனகதாரா ஸ்தோத்திரம், சுப்ரமண்ய புஜங்கம் போன்ற இன்னும் பிற நூல்களையும் இயற்றி உள்ளார். 

இந்து மதத்தில் இருந்த வேற்றுமைகளை, நீக்குவதற்கு, தனித்தனி பெயர்கள் கொண்ட தெய்வங்கள் காணினும், முடிவில் எல்லாம் ஒன்றே என்னும் எண்ணத்தினை மக்களிடையே பரப்பினார்.  ஆறு மதங்களை கைகொள்ளச் செய்தார். அதனால் இவருக்கு 'ஷண்மத ஸ்தாபனாச்சாரியார்' என்கிற திருநாமமும் உண்டு. அவை,
ஞானத்திற்கு, சிவன் - சைவம். 
ஐஸ்வர்யத்திற்கு, விஷ்ணு - வைணவம் .
சக்திக்கு, அம்பிகை -  சாக்தம்.
பலத்திற்கு, கணபதி - காணாபத்யம்.
வீரியத்திற்கு, முருகர் - கௌமாரம். 
தேஜஸ்ஸிற்கு, சூரியன் - சௌரம்.

ஆகியவை ஆகும். 

தன்னுடைய முப்பத்து இரண்டு அகவைக்குள், ஸ்ரீமத் ஆதி சங்கரர், பாரத தேசம் முழுவதும் பயணித்து, கிழக்கில், புரியில், ஸ்ரீ கோவர்த்தன பீடத்தினையும், மேற்கில், துவாரகையில், ஸ்ரீ துவாரகா பீடத்தினையும், தெற்கில், சிருங்கேரியில், ஸ்ரீ சாரதா  பீடத்தினையும், வடக்கில் ஸ்ரீ ஜோஷி மடத்தினையும் நிறுவினார், 

ஸ்ரீமத் ஆதி சங்கரரின் சரிதத்தினை, மாதவீய சங்கர விஜயம், கேரளீய சங்கர விஜயம், சங்கர விஜய விலாசம் , குரு  ரத்ன மாலிகை, மார்க்கண்டேய சம்ஹிதை போன்ற  கிரந்தங்கள், விவரிக்கின்றன. எத்தனையோ ஆண்டுகள் கழிந்தும், அவரால் போதிக்கப் பட்ட அத்வைத சித்தாந்தம் இன்னும் மங்காத பொலிவோடு திகழ்கின்றது. 

முக்கியமாக, நாம் அவரது வாழ்க்கை வரலாற்றினை படித்தால் ஒன்று நிதர்சனமாகத் தெரிகின்றது. அதாவது, வயது முதிர்ந்த காலத்தில் சத் காரியங்களைச் செய்வதைவிட, சிறு வயதிலேயே செய்ய வேண்டும் என்பதுதான். குமார பருவத்திலேயே பகவத் தர்மங்களை அனுஷ்டிக்க வேண்டும்.

ஸ்ரீமத் ஆதி சங்கரர் அவதரித்திராவிட்டால், நமது ஆலயங்களும், பண்டிகைகளும், உற்சவங்களும், வழிபாட்டு முறைகளும் அடியோடு மறைந்திருக்கும். இருந்த நிறைந்த காட்டில், திக்கு திசை தெரியாமல் தத்தளித்த மானிடர்களுக்கு, செப்பனிட்டு சாலையில், விளக்கு வெளிச்சத்தினையும் உண்டாக்கி, நமக்கு ஞான மார்க்கத்தை போதிக்க அவதாரம் செய்த ஞான ஆசிரியனை துதித்து நிற்போம்.

அவருடைய ஜெயந்தி அன்று கூற வேண்டிய ஸ்லோகம்,

'ஸ்ருதி,  ஸ்மிருதி புராணானாம் ஆலயம் கருணாலயம் 
நமாமி பகவத் பாதம் சங்கரம் லோக சங்கரம்'

]]>
Srimath Aadhi sankarar, ஷண்மத ஸ்தாபனாச்சாரியார், ஸ்ரீமத் ஆதி சங்கரர் http://images.dinamani.com/uploads/user/imagelibrary/2018/4/20/w600X390/aadhi_sankara.jpg http://www.dinamani.com/religion/religion-articles/2018/apr/20/ஸ்ரீமத்-ஆதி-சங்கரரின்-அவதாரத்திற்கு-மூல-காரணம்-2904073.html
2829211 ஆன்மிகம் கட்டுரைகள் கடமை, கண்ணியம், கட்டுப்பாடு தவறாதவர்கள் சனிப் பெயர்ச்சியைக் கண்டு பயப்பட வேண்டாம்! - அஸ்ட்ரோ சுந்தரராஜன் Tuesday, December 19, 2017 01:09 PM +0530  

நீண்ட நாட்களாக சனிப் பெயர்ச்சியை ஆவலுடன் எதிர்பார்த்திருந்த நிலையில், கடந்த மூன்று ஆண்டுகளாக காலபுருஷனுக்கு எட்டாம் வீடு மற்றும் தனது பகைவனான செவ்வாயின் வீட்டில் பயணம் செய்து, பலருக்கும் பலவிதமான பலன்களை வழங்கிவந்த சனைச்சரன் எனப்படும் சனி பகவான், திருக்கணித பஞ்சாங்கப்படி, கடந்த ஐப்பசி மாதம் 9-ம் தேதி (26.10.2017) முதல் விருச்சிக ராசியிலிருந்து தனுசு ராசியை அடைந்து, அங்கிருந்தபடி தனது சஞ்சாரத்தை தொடர்ந்து வருகிறார். ஆனால், வாக்கிய பஞ்சாங்கபடி இன்று மார்கழி மாதம் 4-ம் தேதி (19.12.2017) அன்று விருச்சிகத்திலிருந்து தனுசு ராசிக்குச் செல்வதாகக் கூறப்பட்டுள்ளது. எந்த பஞ்சாங்கமாக இருந்தால் என்னங்க! இந்த ஆண்டில் சனி மாறுவதால் நல்லதே நடக்கும் என நம்புவோம்.

ஜோதிடமே தெரியாதவர்கூட சனீஸ்வர பகவானை தெரியாமல் இருக்கமாட்டார்கள். யாருக்குப் பயப்படுகிறார்களோ இல்லையோ, சனியின் பார்வைக்குப் பயப்படாதவர் இருக்க முடியாது. அப்படிப்பட்ட சனைச்சரன் எனப்படும் சனி பகவான் யார்? அவர் நல்லவரா, கெட்டவரா? - இந்தச் சனிப் பெயர்ச்சி நாளில் பார்ப்போம்.

நவக்கிரகங்களில் சனி பகவானும் ஒருவர். சனைச்சரன் என்றும் மந்தன் என்றும் குறிப்பிடுவர். ‘சனை’ என்றால் மெள்ள, அதாவது மெதுவாக என்று அர்த்தம். ஒரு ராசியில் பயணிக்க சுமார் இரண்டரை வருடங்கள் எடுத்துக்கொள்கிறார் சனி பகவான். மற்ற கிரகங்களைவிட இவருடைய பயணம் மெதுவாக இருப்பதால், அந்தப் பெயரே பொருந்துகிறது இவருக்கு! விண்வெளியில் அவர் பயணிக்கும் பாதை, எல்லா கிரகங்களையும் தாண்டியதாக இருக்கும். விண்வெளியில் வெகு தொலைவில் இருப்பவர் இவர். சனி பகவானைக் கடந்து இருப்பது நட்சத்திர மண்டலம். அவரிடமிருந்துதான் கிழமைகளின் தோற்றமும் வரிசைகளும் உருவாயின.
 

ஒரு ஜாதகருக்கு ஜாதக ரீதியான நன்மையான அல்லது தீமையான பலன்கள் தருவதில் முக்கியப் பங்கு வகிப்பவர் சனி பகவான்தான். ஒருவன் யாருக்கு பயப்படுகிறானோ இல்லையோ, சனி பகவானுக்கு பயப்பட்டே ஆக வேண்டும். இவரிடமிருந்து யாரும் தப்ப முடியாது. 'சிவனாக' இருந்தாலும் சரி, 'எமனாக' இருந்தாலும் சரி. அல்லது வேறு 'எவனாக' இருந்தாலும் சரி. தீர்ப்பு ஒரே மாதிரியாகத்தான் இருக்கும். 

இவர் அரசனை ஆண்டியாகவும், ஆண்டியை அரசனாகவும் மாற்றக்கூடியவர். மனிதனுக்குத் துன்பம் என்றால் என்ன என்று புரியவைப்பவர். மனிதர்கள் எவ்வளவுதான் ஆட்டம் போட்டாலும், கஷ்டப்படும் நேரத்தில் ஜாதகத்தை கையில் எடுப்பதற்கும் இவர்தான் காரணம். இவர் அரசனை மட்டும் இல்லை, மனிதனையும் தண்டிப்பவர். இவரிடம் எந்த மந்திரியின் சிபாரிசும் எடுப்படாது. மனிதன் பிறப்பு எடுப்பதே கர்மத்தை தொலைப்பதற்குத்தான். அதனால், இவரின் பிடியில் இருந்து யாரும் தப்பமுடியாது. இந்த உலகமே இவரின் பிடியில்தான் உள்ளது என்றால் அது மிகையில்லை.

எனவேதான் இவரை தலைமை நீதிபதி என்பார்கள். இவர் தண்டிக்கும் தெய்வம் அல்ல; நம்மை திருத்தும் தெய்வம். இவர் நம் கர்மவினைகளுக்கு ஏற்ப சோதனை கொடுத்து, நம்மை திருத்தி நல்வழிப்படுத்தி, நம்மை சாதிக்க வைப்பார். சனி பகவான் நன்மை மட்டுமே செய்வார். ஆனால், மக்கள் இதை சரியாகப் புரிந்துகொள்ளாமல், இவரைக்கண்டு பயப்படுகிறார்கள். 

சூரிய புத்திரன்

சனீஸ்வர பகவான், சூரிய பகவானின் குமாரர். இவருடைய மாதா, சாயா தேவி. சாயா தேவிக்கு நிஷுபா, பிருத்வீ என்னும் பல பெயர்கள் உண்டு. சூரிய பகவானுக்கும், சாயா தேவிக்கும் புதல்வராக அவதரித்த சனீஸ்வர பகவானின் புராண வைபவம் நமக்கு பேரருளையும், செல்வத்தையும் அளிக்கும். சூரியதேவன், த்வஷ்டா என்பவரின் குமாரத்தியான சுவர்ச்சலா தேவியைத் திருமணம் செய்துகொண்டார். சுவர்ச்சலா தேவிக்கு ஸமுக்ஞா, ஸரேணு, ராக்ஞீ, பிரபாஸா என்றும் பல பெயர்கள் உண்டு. சூரிய தேவனுக்கும், சுவர்ச்சலா தேவிக்கும் சிராத்த தேவன் என்று அழைக்கப்படும் வைவசுதமனு, யமதர்ம ராஜன் என்று இரு புதல்வர்களும், யமுனை என்னும் பெயருடைய அதிரூபவதியான புத்திரியும் பிறந்தனர். யமனும், யமுனையும் இரட்டைப் பிறவிகள். சூரிய தேவனின் இல்லறக் கோவிலில் இன்புற்று வாழ்ந்து வந்த சுவர்ச்சலா தேவிக்கு, நாளாக நாளாக சூரிய தேவனின் உக்கிரமான கிரணங்களைத் தாங்கும்படியான சக்தி குறைந்துகொண்டே வந்தது.
 

சூரியனும் சுவர்ச்சலாவும்

இந்த நிலையில், சுவர்ச்சலா தேவி தனது துயர நிலையைச் சூரிய தேவனிடம் சொல்வதற்கு சக்தியற்றுப் போனாள். சுவர்ச்சலா தேவி, கானகம் சென்று கடும் தவம் இருந்து உரிய சக்தியைப் பெற்று வருவதற்கு எண்ணினாள். அந்த எண்ணத்தையும் சூரிய தேவனிடம் சொல்லும் ஆற்றல் அவளுக்கு இல்லாமல் போனது. சுவர்ச்சலா தேவி தனக்குள் ஒரு முடிவுக்கு வந்தாள். தனது மனோ சக்தியால் தனது நிழலையே, தன்னைப் போன்ற பேரெழில் கொண்ட பெண்ணாகத் தோன்றச் செய்தாள். நிழலில் நின்றும் உருப்பெற்று வந்த அந்த நளின சிங்கார வனிதை, தன்னைப் போன்ற உருவத்துடன் காணும் சுவர்ச்சலா தேவியைக் கண்டு திகைத்தாள். அவளை நமஸ்கரித்து நின்றாள். சுவர்ச்சலா தேவி அவளைப் பார்த்து, எனது சாயையில் நின்றும் தோன்றியவளே! உனக்கு சாயா தேவி என்று நாமகரணம் சூட்டுகிறேன். உனக்கு நான் சகல சௌபாக்கியங்களையும் அளிக்கிறேன். நான் தவம் செய்யப்போகிறேன். நான் திரும்பி வரும்வரை, நீ என் கணவருடன் சுகித்து வாழ்வாயாக! என் குழந்தைகளான வைவசுதமனு, யமதர்மன், யமுனா ஆகியோரை அன்போடு அரவணைத்து வாழ்வாயாக என்று கூறினாள். சுவர்ச்சலாவின் அன்புக் கட்டளைப்படி, சூரிய தேவனுடன் சாயா தேவி வாழத் தொடங்கினாள்.

சுவர்ச்சலாவின் நிழல் சாயா தேவி

சூரிய தேவனின் குழந்தைகளிடம் சாயா தேவி மிகுந்த வாத்ஸல்யம் கொண்டிருந்தாள். கண்ணும் கருத்துமாக அக்குழந்தைகளைக் காத்துவந்தாள். சூரிய தேவனுக்கும், சாயா தேவிக்கும் தபதீ என்னும் புத்திரியும், ச்ருதச்ரவஸீ, ச்ருதகர்மா என்று இரு புதல்வர்களும் பிறந்தனர். ச்ருதகர்மாதான் பின்னால் சனீஸ்வரர் என்று அழைக்கப்படுபவர். சுவர்ச்சலாவின் குழந்தைகளும், சாயா தேவியின் குழந்தைகளும் சாயா தேவியின் அரவணைப்பில் சந்தோஷமாக வாழ்ந்து வந்தனர். நாளாக நாளாக, சாயா தேவி தனது குழந்தைகளிடம் சற்று அதிகப்படியான வாஞ்சை செலுத்தினாள். சுவர்ச்சலா தேவியின் மகனான எமதர்மராஜனுக்கு இதனால் மனத்தில் வேதனை மிகுந்தது. தனது தாய்க்கு ஏன் இந்த பாரபட்சம் என்று நினைத்து வருந்தினார்.
 

எமதர்மனின் கோபம்

ஒருநாள், எமதர்மராஜனுக்குத் தாயிடம் கோபம் மிகுந்தது. தந்தையாகிய சூரிய தேவனிடம் சென்றார். சிறிது காலமாகத் தாயார் தங்களைத் தரக்குறைவாக நடத்துவதாகச் சொல்லி கண் கலங்கினார். தர்மாத்மாவான யமனின் வார்த்தைகளை ஏற்றுக்கொண்டார் சூரியதேவன். தருமபுத்திரா, தரும வழியில் நடந்துவரும் உனக்கே கோபம் வருகிறதென்றால், இதில் உண்மை இருக்கத்தான் செய்யும். நான் இப்போதே உனது குறையை நிவர்த்திக்கிறேன் என்று சூரிய தேவன் மகனை அன்போடு அருகே அழைத்து, ஆரத் தழுவி ஆறுதல் சொல்லி, சாயா தேவியிடம் விசாரித்தார். சாயா தேவி மெளனம் சாதித்தாள். சாயா தேவியின் மீது சூரிய தேவன் கடும் கோபம் கொண்டார். அவரது கோபத்தை கண்டு பயந்த சாயா தேவி, நடந்ததைச் சொல்லி தனது பிழையைப் பொறுத்தருளுமாறு வேண்டினாள். 

சாயா தேவியின் நிலை

சாயா தேவி சொன்னதைக் கேட்ட சூரிய தேவன், அவளை மன்னித்தார். எமதர்மராஜனும் சாயா தேவி மீது அனுதாபம் கொண்டார். சூரிய தேவன் தனது ஞானதிருஷ்டியால் சுவர்ச்சலா தேவி தவமிருக்கும் இடத்தை கண்டறிந்து, அங்கு சென்றார். சுவர்ச்சலா தேவியை ஆனந்தத்தால் தழுவினார். சூரிய தேவனின் சக்தியால், சுவர்ச்சலா தேவிக்கு இரு புத்திரர்கள் பிறந்தனர். அவர்கள் அஸ்வினி தேவர்கள் என்று திருநாமம் பெற்றனர். இவர்கள் தேவலோக வைத்தியர்களாக விளங்கினர். ரைவதன் என்று மற்றொரு மகனும் பிறந்தான். சூரிய தேவன், சுவர்ச்சலா தேவியை அழைத்துக்கொண்டு தமது இருப்பிடம் திரும்பினார். சாயா தேவியையும் ஏற்றுக்கொண்டு இரு தேவியர் சமேதராக பத்மாசனத்தில் எழுந்தருளி பாரெல்லாம் பவனி வந்தார்.
 

சனைச்சரனின் கொடும் பார்வை

சிருதகர்மாவான சனீஸ்வரர், இளமை முதற்கொண்டே மற்ற சகோதர, சகோதரிகள் எவருக்கும் இல்லாத ஓர் தனித்தன்மை பெற்று விளங்கினார். சனீஸ்வர பகவானின் திருவிழிகளிலே ஓர் அபார சக்தி! அவரது பார்வையிலே தனி தீட்சண்யம்! அவரது பார்வை பட்ட மாத்திரத்திலேயே பல விபரீதங்கள் ஏற்படும்! எவர் மீது அவன் பார்வை பட்டாலும் உடனே ஆபத்து விளையும். சாயா தேவி, குழந்தை சனீஸ்வரனின் நிலை கண்டு கண் கலங்கினாள். தனது புத்திரனால் மற்றவர்களுக்குத் துன்பம் ஏதும் வர வேண்டாம் என்பதற்காக, சனீஸ்வரரை எங்கும் அனுப்பாமல், தனது கண்காணிப்பில் வைத்துக்கொண்டிருந்தாள். சனீஸ்வரரும், சாயா தேவியுடன் சந்தோஷமாக வாழ்ந்து வந்தார்.

சனீஸ்வரன், தாயின் அனுமதியுடன் காசி சென்று லிங்கம் ஒன்றை பிரதிஸ்டை செய்து கடுமையான தவம் இருந்தார். சனியின் தவத்தை மெச்சிய பரமன் காட்சி கொடுத்து, 'சிருதகர்மா, உன் தவத்தால் என்னை மிகவும் மகிழ்வித்தாய். இன்று முதல் தேவர்களிலேயே ஈஸ்வரப் பட்டம் உனக்கு மட்டும்தான். மகேஸ்வரனுக்குப் பிறகு ஈஸ்வர பட்டம் சனீஸ்வரனான உனக்குதான். நவக்கிரகங்களில் ஸ்திர நிலையும் உனக்குதான். நீ பூஜித்த லிங்கம் சனீஸ்வரலிங்கம் என்று அழைக்கப்படும். உனக்கேற்ற நாளான சனிக்கிழமையும் ஸ்திரவாரம் என்று அழைக்கப்படும்' என்றார்.

சிருதகர்மா, அன்று முதல் சனீஸ்வரனாகவும் சனி பகவானாகவும் இருந்து நம்மை எல்லாம் ஆட்டுவிக்கிறார். சனி பகவான் அழிவைத் தருபவர் அல்ல. அழிவு வரும் வேளையைச் சுட்டிக்காட்டுபவர். பிறந்தவனுக்கு இறப்பு உண்டு. இறப்பு இருப்பவனே பிறக்க இயலும். அதுதான் நியதி என்கிறார். ஆன்மா குடியிருக்கத் தகுதியில்லாத நிலையில், உடலுக்கு மறைவு வருகிறது. அந்த வேளையை வரையறுக்கும் பணியை சனி பகவான் சுட்டிக்காட்டுகிறார். நம்மை வளர்த்து, நமக்கு ஆக்கமும் ஊக்கமும் அளித்து, இன்ப - துன்பங்களை கர்மவினைப்படி செயல்படுத்தி, வாழவைப்பவர் சனி பகவான். உடல் வாழத் தகுதியற்ற நிலையில், மறுபிறவி தருவார். பாவமும் புண்ணியமும் அற்றுப் போயிருப்பின், மறைவை இறுதியாக்கி மோட்சம் தருவார். 

இந்த சனிப் பெயர்ச்சி நாளில், கர்மகாரகனான சனி பகவானின் அருளைப் பெற, அனைவருமே அவரை வணங்குவது நல்லது. சனி பகவானின் பிறப்பையும், அவரது பெருமையையும் படிப்பவர்களுக்கு அவரது பரிபூரண அருள் கிடைக்கும்.

ஏழரை சனி, அர்தாஷ்டம சனி, அஷ்டம சனி, கண்ட சனி ஆரம்பிக்கப்போவதற்கான அறிகுறிகள்

1. முதலில் மறதி. எல்லா விஷயங்களிலும் மறதி. அதனால் பொருள் இழப்பு. உதாரணம், கிரெடிட் கார்ட் பில், குழந்தைகள் பள்ளிக் கட்டணம் போன்றவற்றை தவறவிடுவது. அதற்கு அபராதத் தொகை கட்டுவது, இன்ஸூரன்ஸ் பாலிஸி காலாவதி ஆகும் வரை கவனிக்காமல் இருப்பது.

2. உணவுக் கட்டுபாடு, மனக் கட்டுபாடு இன்றி, மனம்போன போக்கில் உண்பது மற்றும் மது, மாது தொடர்பு, லாகிரி வஸ்துக்கள் உபயோகிப்பது.

3. மருத்துவர் சொல்வதை எதையும் கவனத்தில் கொள்ளாமல் இருப்பது. தேவையான மருந்துகளை மறதியாலோ அல்லது கவனக்குறைவாலோ எடுத்துக்கொள்ளத் தவறுவது. சர்க்கரை நோய், ரத்த அழுத்தம், கண்களில் பாதிப்பு போன்ற அறிகுறிகள் தென்படும்.

4. வாகனங்களில் செல்லும்போது பழுது ஏற்பட்டு பயணத்தில் அவஸ்தை; தேவையான ஆவணங்களை கவனக்குறைவு / மறதியினால் உடன் வைத்துக்கொள்ளாமல் இருப்பது.

5. நடக்கும்போதே அடிக்கடி காலில் இடித்துக்கொள்வது.

6. திடீரென குறுக்கு வழியில் பணம் சம்பாதிக்க ஆசை ஏற்பட்டு, அதற்கான முயற்சியில் இறங்குவது, இலவசத்துக்கு ஆசைப்பட்டு அதை அடைய படாத பாடு படுவது; அடுத்தவர் பொருளுக்கு ஆளாய்ப் பறப்பது.

7. நாம் அணியும் ஆடை எதிர்பாராதவிதமாகக் கிழிவது அல்லது எலி கடிப்பது.

8. நம்முடைய தூக்கம் குறைவது மற்றும் முரண்பாடான தூக்கம். உதாரணம், பகலில் தூங்கி இரவில் தூங்காமல் இருப்பது.

9. நம்மிடம் வேலை செய்யும் வேலையாட்களிடம் தகராறு.

10. நாம் விரும்பாவிட்டாலும் கடன் தேடித் தேடி வருவது. வட்டிக்கு மேல் வட்டிக்கு கடன் வாங்குவது. கடன் வாங்கி ஷேர் மார்க்கெட்டில் பணத்தைப் போட்டுவிட்டு, பெரும் நஷ்டம் ஏற்பட்டு திண்டாடுவது.

11. கடமைகளை மறப்பது. முக்கியமாக நித்திய கடமைகள், தாய் தந்தை, குழந்தைகள், கணவன்/மனைவி, பித்ருக்கள், வேலை, சமுதாயக் கடமைகளை மறதியாலோ, கவனக்குறைவாலோ மறப்பது.

12. நாம் எவ்வளவு கஷ்டப்பட்டு உழைத்தாலும் பலன் கிடைக்காமல் இருப்பது.

சனி பகவானுக்கான பரிகாரங்கள்

சனிப்பெயர்ச்சிக்காக இன்று ஒருநாள் ஏதோ ஒரு கோயிலுக்கு முண்டியடித்துக்கொண்டு சென்று வந்துவிட்டாலோ அல்லது ஏதாவது ஒரு ஹோமத்தில் கலந்துகொண்டுவிட்டாலோ சனி தோஷம் நீங்கிவிடுமா? இரண்டரை வருடங்கள் ஒரு ராசியில் இருந்துகொண்டு, அனைவருக்கும் அவரவர் கர்ம வினைப்படி பல்வேறு நன்மை தீமைகளை வழங்க இருக்கிறார் சனைச்சரன் எனும் சனீஸ்வர பகவான்.
 

கர்ம காரகரான சனீஸ்வர பகவான் நேர்மையானவர். கடமை தவறாதவர். கட்டுபாடு மிக்கவர். எனவே, எவரெல்லாம் கடமை, கண்ணியம், கட்டுப்பாடு தவறாமல் நடக்கிறார்களோ, அவர்களை சனீஸ்வர பகவான் ஒன்றுமே செய்வதில்லை. மாறாக நன்மைகளையே அதிகமாக வாரி வாரி வழங்குவார்.

சனிப் பெயர்ச்சிக்கு உண்மையாக பரிகாரம் ஒருவர் செய்ய வேண்டும் என நினைத்தால், முதலில் நாம் செய்ய வேண்டிய பல்வேறு கடமைகளைக் குறித்துவைத்துக்கொண்டு அவற்றை சரியான நேரத்தில் செய்யப் பழக வேண்டும். தர்மம், அர்த்தம், காமம், மோக்ஷம் என்னும் நான்குவித கடமைகளைச் சரிவர செய்ய ஆரம்பித்துவிட்டாலே சனீஸ்வரனை கண்டு பயம் கொள்ளத் தேவையில்லை.

கண்ணியம் தவறாமல், அடுத்தவர் பொருளுக்கு ஆசைப்படாமல் சுய ஒழுக்கத்துடன் நடந்துகொள்ள வேண்டும். 

உணவுக் கட்டுப்பாடு, உடல் கட்டுப்பாடு, மனக் கட்டுப்பாடு, சுய ஒழுக்கம், இந்திரியங்களின் மீதான கட்டுப்பாடு, சமுதாயக் கட்டுப்பாடு ஆகியவற்றை முறையாகக் கடைப்பிடித்தால், சனிதோஷம் என்பது ஒன்றுமே செய்யாது.

சனி தோஷத்தால் அவதிப்படுபவர்களின் துன்பங்களை எல்லாம் ஆய்வு செய்து பார்த்தால், அதன் அடிப்படை ஏதாவது ஒருவிதத்தில் கடமை, கண்ணியம், கட்டுப்பாடு இழந்திருப்பது புலனாகும்.

எனவே, சனீஸ்வர பகவானைக் கண்டு அச்சம் கொள்ளாமல், நமது கடமைகளை கண்ணியத்தோடும், கட்டுப்பாட்டோடும் செய்து வருவதோடு, பெரியோர், குலதெய்வம், பித்ருக்கள் ஆகியவர்களை வணங்கி வருவதோடு, நாம் குடியிருக்கும் இடத்துக்கு அருகில் இருக்கும் பாரம்பரியம்மிக்க ஆலயத்துக்கு அவ்வப்போது சென்று வந்தாலே, சனிதோஷம் நீங்கி சந்தோஷமாக வாழ வழி வகுக்கும் என்பது நிதர்சனம்.

- அஸ்ட்ரோ சுந்தரராஜன்
செல்பேசி - 9498098786, 9841595510
மின்னஞ்சல் - astrosundararajan@gmail.com
 

]]>
http://images.dinamani.com/uploads/user/imagelibrary/2014/12/16/23/w600X390/shri_sanibhagawan.jpg http://www.dinamani.com/religion/religion-articles/2017/dec/19/sani-peyarchi-december-2017-2829211.html
2690837 ஆன்மிகம் கட்டுரைகள் அட்சய திருதியையும் ஸ்ரீ அன்னபூரணியும் மாலதி சந்திரசேகரன் Friday, April 28, 2017 10:36 AM +0530  

'அட்சயம்’ என்னும் வடமொழிச் சொல்லுக்கு 'அள்ள அள்ளக் குறையாது’ என்பது தான் பொருள். 

சித்திரை மாதம், அமாவாசையைத் தொடர்ந்து வரும் திரிதியை அன்று அட்சய த்ரிதியை அனுசரிக்கப்படுகிறது. 

இந்தப் புண்ணிய தினமான, திரிதியை நாள்,  நமக்குத் தெரிந்ததும், தெரியாததுமான அநேக விஷயங்களை நாம் அறிந்து கொள்ள உதவும் உன்னத நாளாகத் திகழ்கிறது. 

இன்றைய தினத்தில்தான்... 

ஸ்ரீ வேதவியாசர், மகாபாரதம் என்னும் அற்புதமான காவியத்தை எழுதத்தொடங்கினார். 

ஸ்ரீ மகாவிஷ்ணுவின், ஆறாவது அவதாரமான, ஸ்ரீ பரசுராமரின் அவதாரம் நிகழ்ந்தது. 

குபேரன், தான் இழந்த செல்வங்களைத் திரும்பப் பெற்றார். 

ஒரு பிடி அவலுடன், குசேலர், ஸ்ரீ கிருஷ்ண பரமாத்மாவை சந்தித்த நாள். 

ஸ்ரீ கங்காமாதா, பூமியைத் தொட்ட நாள். 

ஸ்ரீ ஆதிசங்கரர், கனகதாரா ஸ்தோத்திரத்தை நமக்கு அருளிய நாள். 

இப்படி பல அம்சங்கள் இந்த நன்னாளில் அமைந்திருந்தாலும், முக்கியமான ஒரு தேவ நிகழ்வை, நாம் மறந்துவிடக்கூடாது. 

அதுதான்,  நம்முடைய அத்யாவசியத் தேவையான உணவை அதாவது அன்னத்தை, நமக்குக் குறைவில்லாமல் அன்றாடம் வழங்கி அருளும் ஸ்ரீ அன்னபூரணி மாதா அவதாரம் செய்த நாள்தான் அது. 

காரியம் என்று ஒன்று இருந்தால், அதற்குக் காரணம் இல்லாமல் இருக்காது அல்லவா? 

ஒருமுறை, கைலாயத்தில், ஸ்ரீ சிவபெருமானும், ஸ்ரீ பார்வதியும் சொக்கட்டான் ஆடிக்கொண்டிருந்தார்கள். ஆடும்பொழுது, பந்தயத்தில், தன்னுடைய சூலாயுதம் முதற்கொண்டு அனைத்தையும், உமாதேவியிடம், மகேசன் இழந்தார். 

செய்வதறியாது, மகேசன், ஸ்ரீ விஷ்ணுவை, அணுகி, உபாயம் கேட்டார். 

மீண்டும் ஒரு முறை சொக்கட்டான் ஆடினால், இழந்ததைப் பெறலாம் என்று பரமாத்மா கூறினார். 

அதன்படி, கங்காதரன், அன்னையுடன், மீண்டும்,  விளையாடத் தொடங்கினார். 

ஸ்ரீ கேசவன் கூறியது போல், கேட்ட விருத்தம் விளையாட்டில் விழ, ஸ்ரீ சிவபெருமானும் இழந்ததை மீட்டுக் கொண்டார். 

ஸ்ரீ பார்வதி தேவி, கணவர் தப்பாட்டம் ஆடி, தன்னை ஏமாற்றி, வெற்றி கண்டார் என்று கோபப்பட்டார். 

அதனால் இருவருக்கும் வாக்குவாதம் ஏற்பட்டது. 

அந்த சமயத்தில், அங்கு, ஸ்ரீ விஷ்ணு வருகை புரிந்தார். 

நடந்தது எல்லாமே மாயைதான் என்பதைக்கூறி இருவரையும் சமாதானப்படுத்தினார். 

ஆனால், எல்லாமே மாயை என்பதில் அன்னைக்கு உடன்பாடு இல்லாமல் இருந்தது.

'பூலோகத்தில், ஒரு ஜீவனின் வாழ்வாதாரத்திற்கு ஆகாரம் என்பது அத்யாவசியமாகிறது. அது கூட மாயை ஆகுமா?’ என்று தன் பதியிடம் தன் சந்தேகத்தைக் கேட்டார், ஸ்ரீ பார்வதி. 

பதியின் 'இதிலென்ன சந்தேகம்?’ என்னும் பதிலைக் கேட்டதும், 'நான் மாயை இல்லை என்பதை நிரூபித்துக் காட்டுகிறேன்’ என்று கூறி, சட்டென்று மறைந்து போனார், உமை. 

அவ்வளவுதான். சக்தியின் தயை இல்லாமல், உணவு பொருட்களின் விளைச்சல், உற்பத்தி நின்றது. 

ஆகாரம் இன்றி ஜீவராசிகள் அவதிப்படுவதை,  அன்னை, கண்ணுற்றார்.  

லோகமாதாவிற்கு, தன் குழந்தைகள் பசியால்வாடுவதை காணப்பொறுக்கவில்லை. 

காசி என்னும் மகா புண்ணிய பூமியில், அட்சய திருதியை அன்று, ஸ்ரீ அன்னபூரணியாக, அவதாரம் செய்தார். 

அங்கு, தானே தன் கைப்பட அன்னம் தயார் செய்து, எல்லாருக்கும் வயிறு நிறைய ஆகாரம் அளித்தார். 

ஸ்ரீ சிவபெருமானும், கப்பரையைக் கையில் ஏந்தி, ஸ்ரீ பார்வதியிடம் பிக்ஷை பெற்றார். 

பகவானின் லீலை எல்லாமே ஒரு நன்மைக்காகத்தான் என்பதை நாம் உணரவே, நாடகம் அரங்கேற்றப்படுகிறது. எல்லாமே தேவ கைங்கர்யம். 

அட்சய திருதியை அன்று நகைக் கடைக்குப் படையெடுப்பதைத் தவிர்த்து,  ஸ்ரீ லக்ஷ்மி குடியிருக்கும், மஞ்சள், பச்சரிசி, கல் உப்பு ஆகியவைகளை வாங்க வேண்டும். 

அன்றைய தினம், தன்னால் இயன்ற தானத்தைச் செய்ய வேண்டும். 

அன்றைய தினம் சொல்ல வேண்டிய ஸ்லோகம். 

சங்க சக்ர கதாபாணே 
த்வாரகா நிலையாச்யுத 
கோவிந்த புண்டரீகாட்ஷ 
ரக்ஷமாம் சரணாகதம். 

எந்த இக்கட்டான நிலையிருந்தாலும், இந்த ஸ்லோகத்தைக் கூறினால், ஸ்ரீ கிருஷ்ண பரமாத்மாவின் அனுக்கிரகம் கிடைக்கும். 

அட்சய திருதியை அன்று,  அன்ன  தானம், வஸ்திர தானம் செய்து  அட்சயமாக வளத்தைப் பெருக்கிக் கொள்வோம். 

- மாலதி சந்திரசேகரன்

]]>
Atchaya Tritiya 2017, அட்சய திருதியை, அன்னபூரணி http://images.dinamani.com/uploads/user/imagelibrary/2017/4/25/w600X390/Akshaya-Tritiya.jpg http://www.dinamani.com/religion/religion-articles/2017/apr/25/atchaya-tritiya-2017-2690837.html
2721 ஆன்மிகம் கட்டுரைகள் ஆறுமுகப் பெருமானுக்கு அணி சேர்க்கும் முக்கியத் திருவிழா dn Thursday, July 28, 2016 12:11 PM +0530 தமிழ் மாதங்களில் "ஆடி'க்கும், "மார்கழி'க்கும் தனிப் பெருமை உண்டு. இவ்விரு மாதங்களையும் இறை வழிபாட்டிற்காகவே நம் முன்னோர்கள் அமைத்தனர். இறைவனின் திருவிழா வைபவங்களுக்கென்றே இரண்டு மாதங்களும் என்பதால், இந்த மாதங்களில் திருமண வைபவத்தைத் தமிழ் மக்கள் நடத்துவதில்லை. அதிலும் ஆடி மாதத்தில் அம்பிகைக்கும், அவளுடைய குமரன் முருகனுக்கும் கோயில்களில் கோலாகலமாகத் திருவிழா நடக்கும்.

அந்த வகையில், ஆடிக்கிருத்திகை அழகென்ற சொல்லுக்கு முருகா என்று போற்றப்பட்ட ஆறுமுகப் பெருமானுக்கு அணி சேர்க்கும் முக்கியத் திருவிழா.

சூரபத்மாதியர் செய்த கொடுமையால் தேவர்கள் சிவபெருமானிடம் தஞ்சம் புகுந்தனர். அவர்களின் இன்னல்களைக் களையத் திருவுளம் கொண்டார் ஈசன். அவருடைய நெற்றிக் கண்ணிலிருந்து வெளியான தீப்பொறியிலிருந்து ஆறு குழந்தைகளாக அவதரித்தார் ஆறுமுகப் பெருமான். அந்தக் குழந்தைகளுக்குக் கார்த்திகைப் பெண்கள் பாலூட்டி வளர்த்ததால் முருகனுக்குக் கார்த்திகேயன் என்ற திருப்பெயரும் ஏற்பட்டது. அதன்பின் ஆறுமுகக் கடவுள் சூரனை வதம் செய்து தேவர்களைக் காத்த வரலாற்றை புராணங்கள் எடுத்தியம்புகின்றன.

"கிருத்திகை நட்சத்திரத்தன்று விரதமிருந்து முருகனை வழிபடுவோருக்குத் துன்பங்கள் அனைத்தும் நீங்கி இனிமையான வாழ்வு அமையும்' என்று சிவபெருமான் கார்த்திகைப் பெண்களுக்கு அருள்பாலித்தார். எனவே ஒவ்வொரு மாதமும் வரும் கிருத்திகை நட்சத்திரம் முருகனுக்கு மிகவும் உகந்த நாளாயிற்று. மேலும் தமிழ் மாதங்களில் "கிருத்திகை' என்ற பெயரில் ஒரு மாதமும் அமைந்துள்ளது குறிப்பிடத்தக்கது. முருகப் பெருமான் அக்னியிலிருந்து தோன்றியவன் அல்லவா? அதை உணர்த்தும் வகையில் இம்மாதம் முழுவதும் தீப ஒளியால் இறைவனை வழிபாடு செய்தால் வாழ்வில் ஒளி பிறக்கும்.

வேத காலத்தில் கிருத்திகை நட்சத்திரமே முதலாவதாக இருந்தது. இது அம்பா, துலா, நிதத்னி, அப்ரயந்தீ, மேகயந்தீ, வர்ஷயந்தீ, சுபணிகா ஆகிய ஏழு நட்சத்திரங்களின் கூட்டமாகும். வேத நெறியில் ஒழுகும் அந்தணர்கள் கார்ஹபத்யம், ஆஹவனீயம், தட்சிணாக்னி ஆகிய மூன்று அக்னி கொண்டு யாக யக்ஞாதிகளை, வேத வேள்விகளைச் செய்வர். "மூன்று வகை குறித்த முத்தீச் செல்வத்து இரு பிறப்பாளர்'' என்று இதனை நக்கீரர், திருமுருகாற்றுப்படையில் போற்றுவார்.

இந்த யாகங்கள் ஆதானம் என்ற கர்மாவினால் செய்யப்படுகிறது. கிருத்திகை நட்சத்திரம் அக்னியின் நட்சத்திரம் என்றும் அந்த நட்சத்திரத்தில் அக்னியை ஆதானம் செய்ய வேண்டும் என்றும் வேதம் கூறுகிறது. ஏனெனில் நட்சத்திரங்களின் முகம் கார்த்திகை. மேலும் மற்ற நட்சத்திரங்கள் ஒன்று, இரண்டு, மூன்று அல்லது நான்கு நட்சத்திரங்களின் கூட்டமாகும். ஆனால் கிருத்திகை நட்சத்திரம் மட்டும் ஏழு நட்சத்திரங்களின் கூட்டமாகும். எனவே, அதில் ஆதானம் செய்பவரும் அவரது வம்சத்தாரும் அளவற்ற நன்மைகளை அடைகிறார்கள் என்று வேதம் கூறுகிறது. எனவே அவ்வளவு சிறப்புடையது கார்த்திகை நட்சத்திரம்.

"ஸ்ரீசுப்ரமண்ய கடவுள் க்ஷேத்திரக் கோவை பிள்ளைத் தமிழ்' என்னும் பிரபந்தத்தில் காஞ்சிபுரம் சிதம்பர முனிவர் "கார்த்திகை மலை'' என்னும் தலத்தை ஒரு பாடலில் போற்றுகிறார். இது முருகன் தவமிருந்து சிவபெருமானை அர்ச்சனை செய்து வழிபட்ட மலையாகும். மஹாராஷ்டிர மாநிலத்தில் புனே அருகில் உள்ள பார்வதி மலையில் கார்த்திகேயன் கோயில் உள்ளது. இதனை கார்த்திகை மலை என்று அழைக்கிறார்கள்.

அனைத்து சிவாலயங்களிலும், முருகன் ஆலயங்களிலும் ஆடிக் கிருத்திகையன்று பக்தர்கள் பால்குடம் எடுத்து வருவதும், பல விதமான காவடிகள் சுமந்து வந்து தண்டபாணியை வழிபடுவதும் அரங்கேறுகிறது.

மனிதனைப் பரம்பொருளுடன் ஐக்கியப்படுத்துவதற்கு ஆன்றோர் கண்ட சிறந்த நெறிகளே விரதங்கள் எனப்படும். இறைவனிடம் பக்தி பூண்டு தன்னைப் பக்குவப்படுத்திக்கொள்ள விரதங்களைப்போல ஒருவருக்கு வேறு எதுவும் துணை புரிவதில்லை. "வரிக்கப்படுவது விரதம்' "உடலளவு விரதம்' "காப்பது விரதம்' என்ற ஆன்றோர் வாக்குகளை நாம் சிந்திக்க வேண்டும். புலன்களை வெல்லுதலும் ஆன்மாவின் வெற்றிக்கு உற்ற துணையாகும். "புலன் ஐந்தும் வென்றான் தன் வீரமே வீரம்'' என்பது முதுமொழியல்லவா?

விநாயகப் பெருமான் கூறியபடி கிருத்திகை விரதத்தை பன்னிரண்டு ஆண்டுகள் அனுஷ்டித்த நாரதர், முருகன் அருளால் தேவரிஷியாக உயர்ந்தார். இவ்விரதத்தை மேற்கொண்ட மனு என்பவன் மன்னன் ஆனான். எனவே கிருத்திகை விரதம் மிக மிக உயர்ந்தது. ஆகவே ஆடிக் கிருத்திகையில் நாமும் விரதமிருந்து ஆறுமுகனின் அருள் பெறுவோம்.

]]>
ஆடிக்கிருத்திகை http://images.dinamani.com/uploads/user/imagelibrary/2016/7/28/w600X390/murugan.jpg http://www.dinamani.com/religion/religion-articles/2016/jul/28/ஆறுமுகப்-பெருமானுக்கு-அணி-சேர்க்கும்-முக்கியத்-திருவிழா-2721.html
2690 ஆன்மிகம் கட்டுரைகள் அம்மன் கோயில்களில் ஆடித்திருவிழா dn Wednesday, July 27, 2016 02:35 PM +0530 செங்கல்பட்டு பகுதியில் உள்ள கோயில்களில் ஆடித்திருவிழா, கூழ்வார்த்தல் அண்மையில் நடைபெற்றது.

செங்கல்பட்டு பழைய பேருந்துநிலையம் அருகில் உள்ள கடும்பாடி அம்மன் கோயிலில் ஆடித்திருவிழா நடைபெற்றது. இதையொட்டி, கடந்த 18-ஆம் தேதி காப்புகட்டுதல் நிகழ்ச்சியும், 22-ஆம் தேதி கரக ஊர்வலமும் நடைபெற்றது. இதைத்தொடர்ந்து, தீமிதி விழாவும், அம்மன் வீதி உலாவும் நடைபெற்றது.

24 ஆம் தேதி கடும்பாடி அம்மனுக்கு சிறப்பு அபிஷேகமும் அலங்காரமும் நடைபெற்றது. இதைத்தொடர்ந்து கூழ்வார்த்தல் நடைபெற்றது. விழாவுக்கான ஏற்பாடுகளை கே.ஜெயவேல், ஜே.பாஸ்கர் உள்ளிட்டோர் செய்திருந்தனர்.

இதேபோன்று, செங்கல்பட்டு காட்டுநாயக்கன் வீதியில் உள்ள முத்துமாரியம்மனுக்கு 56-ஆம் ஆண்டு உற்சவத்தையொட்டி, கடந்த 22-ஆம் தேதி காப்புகட்டுதல் நிகழ்ச்சியும், மறுநாள் பூங்கரகம் வீதிவலமும், 24 ஆம் தேதி கூழ்வார்த்தில் நிகழ்ச்சியும் நடைபெற்றன.

இரவு உற்சவ அம்மன் அலங்கரிக்கப்பட்டு வீதி உலா நடைபெற்றது. இதில், ஏராளமான பக்தர்கள் கலந்துகொண்டு அம்மனை வழிபட்டனர். விழாவுக்கான ஏற்பாடுகளை அறங்காவலர்கள் டி.பாலகுமார், ஆர்.வீரராகவன், காட்டுநாயக்கன் கிளை சங்கத் தலைவர் கே.எஸ்.முருகன், செயலாளர் இ.செல்வம், தர்மகர்த்தா கே.வெங்கடேசன், துணைத் தலைவர் ஓ.குமார் உள்பட கோயில் நிர்வாக குழுவினர், பொதுமக்கள் செய்திருந்தனர்.

செங்கல்பட்டு முருகேசனார் தெருவில் உள்ள கங்கையம்மன் கோயில் ஆடி உற்சவ விழாவில் காப்புகட்டுதல், கரக ஊர்வலம் உள்ளிட்ட நிகழ்ச்சிகள் நடைபெற்றன.

24 ஆம் தேதி கூழ்வார்த்தலைத் தொடர்ந்து, அம்மனுக்கு சிறப்பு அபிஷேகம், அலங்காரம், ஆரத்தி நடைபெற்றது. இரவில் அம்மன் சிறப்பு அலங்காரத்துடன் ரத வீதியுலா நடைபெற்றது. இதற்கான ஏற்பாடுகளை விழா குழுவினர், கோயில் நிர்வாகிகள் செய்திருந்தனர்.
 

]]>
ஆடித்திருவிழா, கூழ்வார்த்தல் http://www.dinamani.com/religion/religion-articles/2016/jul/27/அம்மன்-கோயில்களில்-ஆடித்திருவிழா-2690.html