Dinamani - கோயில்கள் - http://www.dinamani.com/religion/religion-temples/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2674369 ஆன்மிகம் கோயில்கள் தில்லை பெருங்கோயில் - பகுதி நான்கு கடம்பூர் விஜயன் Tuesday, April 11, 2017 12:30 PM +0530 தச தீர்த்தம் 

சிதம்பர ஆலயத்தின் பெருமை மிகுந்த, ஸ்தல புராணங்களில் சொல்லப்பட்ட, புனிதம் வாய்ந்த பத்து நீர்நிலைகளை (தச தீர்த்தம்) இப்பதிவில் காண்போம்.

1. சிவகங்கை

'தீர்த்தம் என்பது சிவகங்கையே' என்று குமரகுருபரரால் போற்றப்பட்ட தீர்த்தம். ஸ்ரீ நடராஜ மூர்த்தியின் தங்க மேனியில் தவழ்ந்த நீர் சிவகங்கையில் தான் கலக்கின்றது. ஆகையால் தான் சிவகங்கையே பொற்குளம் போல் காட்சியளிக்கின்றது.

ஒரு சமயம், ஆதிசேஷனின் அரவணையில் துயில் கொண்ட மஹாவிஷ்ணு, திடீரென தனது யோக நித்திரை களைந்து, களிப்புற்றார். அனுதினமும், ஹரியைத் தாங்குகின்ற பாம்பு வடிவனான ஆதிசேஷன், மஹாவிஷ்ணுவின் திடீர் மாற்றத்திற்கு காரணம் கேட்க, முன்னொரு சமயம் ஸ்ரீ நடராஜர் ஆடிய ஆனந்த நடனத்தை நினைக்கையிலேயே ஆனந்தம் பொங்குகின்றது, அவ்வானந்தமே அரிதுயிலை நீக்கச் செய்தது என்க, ஆர்வ மிகுதியில், ஆதிசேஷன், ஆனந்த நடனத்தை அடியேனும் காண வேண்டும் என வரம் கேட்க, விஷ்ணு வரம் அளிக்கின்றார். பூவுலகத்தில், தில்லை மரங்கள் சூழ்ந்த, சிவகங்கை எனும் தடாகத்தின் அருகில், தில்லை வனத்தில், சிவபெருமான் லிங்க வடிவில் காட்சி தருகின்றார். அங்கே சென்று தவமியற்றி, ஆடல்வல்லானின் ஆனந்த நடனத்தைக் காணலாம் என்றும் வழிகாட்டுகின்றார்.

ஆதிசேஷனும், பதஞ்சலி முனிவராகப் பிறப்பெடுத்து, தில்லை வனத்தில் தவமியற்றுகின்ற புலிக்கால் முனிவராகிய வியாக்ரபாதருடன் சேர்ந்து பூஜைகள் புரிந்து, ஆடல்வல்லானின் ஆனந்த திருநடனக்காட்சியைப் பெறுகின்றனர்.

கௌளடதேசத்து அரசனாகிய சிம்மவர்மன் எனும் அரசன் தனது உடல் முழுதும் ஏற்பட்டிருக்கும் தோல்நோய்க்கு மருந்து தேடி உலகமெங்கும் சுற்றி வருகின்றான். அவன் பதஞ்சலி வியாக்ரபாதர்களை சந்தித்து தனது குறையைச் சொல்ல, அதற்கு அவர்கள் சிவகங்கை எனும் குளத்து நீரே உடலில் ஏற்படும் அனைத்து நோய்களையும் நீக்க வல்லது என்று வழிகாட்டி, அவ்வாறேச் செய்யச் செய்தனர். சிவகங்கையில் குளித்த சிம்மவர்மன், சிவபெருமானின் திருவருளால், பொன்னார்மேனியனின் மேனியில் தவழ்ந்த தண்ணீரால், தோல் நோய் அனைத்தும் நீங்கி, உடல் பொலிவு பெற்று, தங்கமேனியனாக, ஹிரண்யவர்மனாக எழுந்தான்.

ஆலயத்தைச் செப்பனிட்டு பொன்னார் மேனியனின் கருவறைக்குப் பொன்வேய்ந்தான்.

நோய்களை நீக்கவல்லதாக அமைவது சிவகங்கைத் தீர்த்தம்.

2. பரமானந்த கூபம்

பூஜைக்கு அம்பலவாணருக்கு அபிஷேகம் செய்ய, அவர் இருக்கும் பொன்னம்பலத்தின் கிழக்குபகுதியில் சண்டேசர் சன்னதி அருகில் காசியிலுள்ள கங்கையையே அந்தர்வாஹினியாக - பூமிக்கு அடியில், காசியிலிருந்து சிதம்பரத்திற்கு வரவழைத்தார். அந்த இடத்திலிருந்து தான் தினமும் அபிஷேகத்திற்கான தீர்த்தம் எடுக்கப்படும். வருடத்தின் ஆறு அபிஷேகங்களுக்கும் காசிக்கும் சிதம்பரத்திற்கும் தொடர்பான அந்தக் கிணற்றிலிருந்த்து தான் தீர்த்தம் சேகரிக்கப்பட்டு, ஆடல்வல்லப் பெருமானுக்கு அபிஷேகம் நடைபெறும். அந்த தீர்த்தம் பரமானந்த கூபம் எனப்படும்.

அனுதினமும் ஆனந்த நடனம் ஆடுபவர் அல்லவா, அவருக்கு ஆனந்தமாக அபிஷேகம் செய்யப்பட பரம ஆனந்த கூபம் எனும் காசிக் கிணறு தீர்த்தம் அமைந்திருக்கின்றது. 

பரமானந்த கூபத்திலிருந்து எடுக்கப்பட்ட தீர்த்தம் அபிஷேகம் செய்யப்பட்ட பின்பு, அந்தத் தீர்த்தத்தை நமது சிரசில் தெளித்துக்கொள்வது என்றும் ஆனந்தத்தை வழங்கக்கூடியது.

அந்தக் காசிக் கிணற்றிலுள்ள தீர்த்தத்தை தரிசனம் செய்வது கங்கையை தரிசனம் செய்வதற்கு சமம் என்ற நம்பிக்கை உண்டு.

வற்றாத ஜீவ நதியாக விளங்கும் கங்கையைப் போன்று, இந்தக் கிணற்றில் எந்த நாளும் தண்ணீர் வற்றுவதில்லை. 

3. புலிமடு (மத்யந்தினீஸ்வரம்)

மத்யந்தினர் எனும் மஹரிஷி சிவபெருமானை அனுதினமும் பிரார்த்தனை செய்துவந்தார்.

(மத்தியந்தினர் வழிபட்ட சிவலிங்கம் சிதம்பரம் ஆலயத்திலிருந்து தெற்கு புறத்தில் அம்மாப்பேட்டை செல்லும் வழியில் சுமார் 5 கிலோ மீட்டர் தூரத்தில் அமைந்திருக்கின்றது.)

மத்யந்தினர், சிவவரத்தினால் ஒரு மகவு பெற்றார். 

அவர் தன் மகனுக்கு நான்கு வேதங்களையும், ஆறு சாஸ்திரங்களையும் கற்றுணர்த்தினார்.

இவையனைத்தையும் கற்ற மகன், ஆத்ம ஞானம் பெற ஏது வழி என தந்தையைக் கேட்க, அதற்கு மத்யந்தினர், ஆத்ம ஞானம் பெற ஒரே வழி, தில்லை வனத்தில் உறையும் - அருளுகின்றார். புலியின் கால்களைப் பெற்றதால் வியாக்ர (புலி) பாதர் எனப் பெயர் பெற்றார். வரம் பெற்ற வியாக்ரபாதரைக் கண்டு மத்யந்தினர் மனமார மகிழ்கின்றார். 

மத்யந்தினர் பூஜை செய்த சிவலிங்க ஆலயத்தின் எதிரில் உள்ள தீர்த்தமே புலிமடு என பெயர் பெற்றது.

இந்தத் தீர்த்தக் கரையில் சுடலைமாடன் கோயில் உள்ளது. 

இறந்தவர்கள் மோட்சம் பெறும் பொருட்டு, எலும்புகளைக் கரைக்க இங்கு வந்து தான் வழிபாடு செய்வார்கள்.

இந்தக் குளத்தின் மற்றும் ஒரு சிறப்பு அம்சம். இங்கு இடப்படும் எலும்புகள் கரைந்துவிடுகின்றன. 

இனி மனிதப் பிறப்பு இல்லை எனும் நிலையான மோட்சத்தை அருளும் தீர்த்தம் புலிமடு தீர்த்தம்.

4. சிவப்ரியா (பிரம்ம தீர்த்தம் - தில்லைக் காளி கோயில்)

சிதம்பர ஆலயத்தின் வடபால் அமைந்த தில்லைக் காளி அம்மன் ஆலயம் (சுமார் 2 கி.மீ.) - சிவப்ரியா எனும் தீர்த்தத்தின் கரையில் தான் அமைந்துள்ளது.

பதஞ்சலி, வியாக்ரபாதர்களின் பூஜைகளுக்கு இணங்க, தில்லை வனத்தில் ஆடல்வல்லான் ஆனந்தத் தாண்டவமாடினார்.

முன்பொரு சமயம் பெற்ற ஒரு வரத்தின் காரணமாக, சிவனுக்கு பிரியமான அம்பிகை பார்வதி, தில்லைவனத்திற்கு அதிபதியாக, கரிய நிறத்தினளாக 'காளி' என பெயர் பெற்று விளங்கினாள். 

பிரம்மா முதலான தேவர்கள் வந்து தேவியை சாந்தப்படுத்தினர். அந்த அம்பிகையே 'பிரம்ம சாமுண்டி' - தில்லையம்மனாக, தில்லை வனத்திற்கான காவல் தெய்வமாக தில்லையின் எல்லையில் அமர்ந்தாள்.

காளி கோயில் தீர்த்தமே - சிவப்ரியா தீர்த்தம். 

இங்கு ஸ்நானம் செய்வது - ஆத்ம சாந்தியை தரும்.

5. நாகசேரி 

ஆதிசேஷன், மஹா விஷ்ணுவிடம் வரம் பெற்று, கைலாசத்தை வந்தடைந்தார். ஆதிசேஷன், ஆனந்த நடனத்தைத் தானும் காண வேண்டும் என்ற பேராவலை பெருமானிடம் வைத்தார். அதற்கு கைலைநாதன், தென்புறத்தில் உள்ள தில்லை வனம் சென்று, அங்கிருக்கும் வியாக்ரபாத முனிவருடன் சேர்ந்து வழிபாடு செய்ய உத்தரவிட்டார். அதன்படியே, ஆதிசேஷன் பாம்பு வடிவம் கொண்டு, தென்புறத்திலுள்ள தில்லை வனத்தைச் சேர்ந்தார். தில்லைவனத்தின் ஒரு பிலத் துவாரத்தின் (hole) வழியே எழுந்தார்.

பதஞ்சலியாக உருமாறி வியாக்ரபாதருடன் ஆதிமூலநாதரைக் கண்டு தவமியற்றி, தாண்டவக்கோனின் ஆனந்த நடனத்தைக் கண்டு பேறு பெற்றார்.

இதுவே நாகன் (ஆதிசேஷன்) சேர்ந்த புரி - நாகசேரி தீர்த்தம் என்றழைக்கப்படுகின்றது.

சிதம்பர ஆலயத்தின் வடமேற்கே சுமார் 4 கி.மீ. தொலைவில் உள்ளது.

6. பிரம்ம தீர்த்தம் வசிஷ்ட்ட தீர்த்தம் 

கௌடதேசத்து அரசனாகிய ஐந்தாம் மனுவின் குமரனாகிய சிம்மவர்மன், தன் தோல் நோய்கள் நீங்க, பதஞ்சலி வியாக்ரபாதர்களின் ஆலோசனைக்கேற்ப, சிவகங்கை தீர்த்தத்தில் ஸ்நானம் செய்து, தன் உடல்நோய்கள் நீங்கி, ஹிரண்யவர்மனாக (தங்க மேனியனாக) எழுந்தான். 

கௌட தேசத்தின் இளவரசனாக சிம்மவர்மன் முறைப்படி பிரகடனப்படுத்தப்பட்டாலும், தன் உடல் நோய் காரணமாக, சிம்ம வர்மன், தன் சகோதரர்களாகிய வேதவன்மன் மற்றும் சுமதி ஆகியோரிடம் யுவராஜ்ய பரிபாலனத்தைக் கொடுத்து விட்டு, நோய் நீங்க தீர்த்த யாத்திரை மேற்கொண்டான்.

சிதம்பரத்தில் வந்து நோய் நீங்கிய சமயம், கௌடதேசத்தின் அரசனாகிய சிம்மவர்மனின் தந்தை உயிரிழக்க, இவனின் சகோதரர்களும், மூத்தவனாகிய சிம்மவர்மன் தான் அரசனாக வேண்டும் என்க, நாட்டில் குழப்பம் ஏற்பட்டது. 

இக்குழப்பத்தை நீக்க, கௌடதேசத்து ராஜ குருவாகிய வசிஷ்டர், தான் சென்று சிம்மவர்மனை அழைத்துவருவதாகக் கூறி, தென்புலத்திற்கு தன் குடும்பத்துடன் வந்தார். 

வசிஷ்டர் மிகச் சிறந்த சிவபக்தர். சிதம்பரம் தலத்திற்கு வந்து, கோயிலின் வடமேற்கு திசையில், திருக்களாஞ்செடிகள் சூழ்ந்த இடத்தில், ஆசிரமம் அமைத்துக் கொண்டு, சிவ வழிபாடு செய்துவந்தார். 

பிரம்ம ஞானத்தை தரும் வகையில், அங்கு பிரம்மபுரீசுவர் எனும் சிவலிங்கத்தை ஸ்தாபித்து பூஜைகள் செய்து வந்தார். 

அது சமயம், பதஞ்சலி மற்றும் வியாக்ரபாத ரிஷிகள் வசிஷ்டரை முறைப்படி வணங்கி, வந்த காரணம் கேட்க, ஹிரண்யவர்மனாகிய சிம்மவர்மனுக்கு ராஜ்யாபிஷேகம் செய்யவேண்டிய கட்டாயத்தினை எடுத்துரைக்கின்றார். இதைக் கேட்டு மனம் மகிழ்ந்த இருவரும், சிதம்பரத்திலேயே ஹிரண்யவர்மனுக்கு ராஜ்யாபிஷேகம் செய்துவைக்கின்றனர்.

ராஜ்யபரிபாலனம் மேற்கொண்ட ஹிரண்யவர்மன், கௌடதேசம் சென்று, முறைப்படி அரசனாக முடிசூடிக்கொண்டு, தன் படைகளையும், செல்வங்களையும் எடுத்துவந்து, சிதம்பரம் கோயிலை விரிவுபடுத்தினான்.

வசிஷ்டர் திருக்களாஞ்செடிகள் சூழ்ந்த இடத்தில் அமைந்த 

அந்த அருமையான தீர்த்தமே பிரமதீர்த்தம் அல்லது வஸிஷ்ட தீர்த்தம் என்று பெருமையாகப் போற்றப்படுகின்றது. அழகுமிகுந்த தோப்புக்குள் அமையப் பெற்றதால் அந்த இடம் சிங்காரத்தோப்பு என்றும் அழைக்கப்படுகின்றது. பிரம்மபுரீசுவரர் ஆலயத்திற்கான தீர்த்தம் என்பதால் அது பிரம தீர்த்தம் என்றும் அழைக்கப்படுகின்றது.

இங்கு நீராடுவதால் பிரம்மஞானம் ஏற்படும் என்று கூறப்படுகின்றது.

7. திருப்பாற்கடல்

வசிஷ்டர் தன் குடும்பத்துடன் திருக்களாஞ்செடிகள் சூழ்ந்த சிங்காரத்தோப்பில், தவம் செய்து கொண்டிருக்கின்றார். 

தம்மை வந்து தரிசித்த பதஞ்சலி மற்றும் வியாக்ரபாத மகரிஷிகளைக் கண்டு மகிழ்ந்தார்.

வியாக்ரபாதரின் தவ சிரேஷ்டத்தைக் கண்டு வியப்புற்று, தன்னுடன் அழைத்து வந்திருந்த தன் தங்கையை, வியாக்ரபாதருக்கு மணம் முடித்து வைத்தார்.

வசிஷ்டரின் தங்கையும், வியாக்ரபாதரும் - தம்பதி சமேதராக நடராஜப் பெருமானை வழிபட்டுவந்தனர். இருவரின் குடும்ப வாழ்க்கைக்குச் சான்றாக சூரியனையொத்த பிரகாசத்துடன் ஒரு ஆண் குழந்தை பிறந்தது. அக்குழந்தைக்கு உபமன்யு என்று பெயரிட்டனர்.

உபமன்யு, வசிஷ்டரின் ஆசிரமத்தில், அருந்ததியின் அரவணைப்பில், தெய்வப்பசுவாகிய காமதேனுவின் பால் அருந்திக் கொண்டு, வனப்புடன் வளர்ந்துவந்தான். சில காலம் சென்று, உபமன்யுவையும் அவன் தாயையும் அருந்ததி, வியாக்ரபாதரின் இல்லம் கொண்டு சேர்ப்பிக்கின்றாள்.

இங்கு வந்த குழைந்தைக்கு வியாக்ரபாதர் தனது ஆசிரமத்திலிருந்த பசுவின் பால் தர, தெய்வப்பசுவாகிய காமதேனுவின் சுவைமிக்க பால் அருந்திய அந்த பாலகன், வியாக்ரபாதர் தந்த பாலைத் துப்பிவிட்டு, காமதேனுவின் பால் தான் வேண்டும் என அடம்பிடித்து, பசியால் துடிக்க, செய்வதறியாது திகைத்த வியாக்ரபாதர் நடராஜரை வேண்ட, தன் பக்தனின் துயர் துடைக்க, குழந்தை குடிப்பதற்காக பால் அலையென அடித்துவரும் வகையில் பாற்கடலையே உண்டாக்கினார். அதை உண்ட உபமன்யு, திருப்தியடைந்து, தந்தையிடம் பாடங்கள் பயின்று பெரும் ஞானியானார்.

பாலுக்குப் பாலகன் வேண்டியதிடப் பாற்கடல் ஈந்த பிரான் - என்று திருப்பல்லாண்டிலும், அப்பர் தேவாரத்திலும் இச்சம்பவம் இடம்பெறுகின்றது.

நடராஜரால் ஏற்படுத்தப்பட்ட திருப்பாற்கடல், கோயில் வடதிசையில் அமைந்திருக்கின்றது.

8. அனந்த தீர்த்தம் (அனந்தேஸ்வரம்)  

ஸ்ரீ பதஞ்சலி ரிஷி தனது ஆத்மார்த்த பூஜைக்காக, ஒரு சிவலிங்கம் ஸ்தாபித்து வழிபாடு ஆற்றிவந்தார். அது சிதம்பரத்திற்கு தெற்கு திசையில் அமைந்துள்ளது. அனந்தன் என்றால் ஆதிசேஷனைக் குறிக்கும். ஆதிசேஷனின் அம்சமாக அமையப்பெற்ற பதஞ்சலியால் ஏற்பட்ட ஈஸ்வர ஆலயம் ஆகையால் அது அனந்தேஸ்வரம் என்று போற்றப்படுகின்றது. அழகிய வேலைப்பாடுகள் கொண்ட ஆலயத்திற்குள் அமைந்த குளம் அனந்த தீர்த்தம். இதில் ஸ்நானம் செய்தால் ஸஞ்சித பாபங்கள் (வினைகள்) அனைத்தும் நீங்கும் என்கின்றது கோயில் புராணம்.

பதஞ்சலி நாக உருக்கொண்டு, கைலாயத்திலிருந்து சிதம்பரத்திற்கு வந்து பூமிக்கடியிலேயே பயணித்துவந்து, சிதம்பரத்தினருகே ஒரு துவாரத்தின் வழியே எழுந்த இடம் தான் நாகசேரி. தான் எழுந்த இடத்திற்கு சற்று தொலைவிலேயே தனக்கான ஆத்மார்த்த பூஜைக்கான கோயில் அமைத்தார் பதஞ்சலி.

9. வியாக்ரபாத தீர்த்தம் (இளமையாக்கினார் கோயில்)

பதஞ்சலி மஹரிஷியைப் போன்று, அவருடன் நடராஜரை அனுதினமும் வழிபாடாற்றிய வியாக்ரபாத முனிவரும் தனது ஆத்மார்த்த பூஜைக்கென ஒரு ஆலயம் அமைத்தார். அது புலிக்கால் முனியான வியாக்ரபாதர் அமைத்ததால், அது திருப்புலீசுவரம் என்று அழைக்கப்பட்டது. அக்கோயிலுக்கு எதிரில் அமைந்த ஒரு பெரிய குளம் - வியாக்ரபாத தீர்த்தம் - என்று போற்றப்படுகின்றது.

63 நாயன்மார்களில் ஒருவர் திருநீலகண்ட நாயனார். இவர் தம் மனைவி ஒரு சமயம் இவர் மீது கோபம் கொண்டு, என்னை எப்பொழுதும் தீண்டக்கூடாது என்று திருநீலகண்டத்தை உடைய சிவபெருமான் மீது ஆணை எனக் கூற, அதன் படி, திருநீலகண்டரும் மனைவியைத் தொடாது குடும்பம் நடத்திவந்தனர். காலம் கடந்தது. முதுமை அடைந்தனர். சிவபெருமானின் திருவிளையாட்டால், முதுமை பெற்ற தம்பதியினர், இக்குளத்தில் ஒரு சேர மூழ்கி எழ, இதனைக் கண்ட அனைவரும் ஆச்சரியத்தில் அதிர்ந்தனர். இக்குளத்திலிருந்து எழுந்த இருவரும் முதுமை நீங்கி இளமையுருவம் கொண்டனர். ஆகவே இக்குளம் இளமையாக்கினார் குளம் என்று பெயர் பெற்றது. நோயற்ற நீடித்த நல்வாழ்வு வாழ இக்குளம் வரம் அருளுகின்றது.

10. குய்ய தீர்த்தம் (பாசமறுத்த துறை - கிள்ளை)

வருண பகவான் தண்ணீருக்கு அதிபதியாக விளங்கக் கூடியவர். ஒரு சமயம் இவர் தமது எதிரி ஒருவனை வெல்ல ஒரு மந்திராஸ்திரத்தைக் கற்றுக்கொள்ள எண்ணி தமது இடத்திற்கு அஸ்திர (அம்பு) சாஸ்திரம் அறிந்த ஒருவரை, குருவாக ஏற்று வரவழைக்கின்றார். மாலை நேரத்து இருள் கவியும் நேரத்தில், செடிகள் சூழ்ந்த வருணன் வசிக்கும் இடத்திற்கு, வருணனுக்கு அம்பு சாஸ்திரம் கற்றுத்தர குரு வருகை தர, வருணன் தனது பகைவன் தான் தன்னைக் கொல்ல வருகின்றான் என்று தவறாக எண்ணி, ஒரு அம்பினைப் போடுகின்றான். அந்த அஸ்திரம் குருவைக் கொன்றுவிடுகின்றது. குருவைக் கொன்ற பாபம், பிரம்மஹத்தி தோஷமாக வருணனைப் பீடிக்கின்றது. அச்சமயம் ஒரு பூதம் ஒன்று தோன்றி, குருவைக் கொன்றதால் வருணனுக்குத் தண்டனையாக, வருணனின் கை, கால், கழுத்து இவை அனைத்தையும் ஒரு சேர பாசக்கயிற்றினால் கட்டி, கடலில் போட்டுவிடுகின்றது.

வருணன் இல்லாததால் வறண்டன நிலங்கள். 

இதையறிந்த தேவர்கள், வியாக்ரபாதரிடம் முறையிட, அவர் வருணனை, நடராஜப் பெருமானை வேண்டச் சொல்ல, அவ்வகையில் வருணன் ஆனந்த நடராஜப் பெருமானை அனுதினமும் வேண்டிக்கொண்டிருக்க, மாசி மாதத்து, மகம் நக்ஷத்திரம் கூடிய நன்னாளில் வருணனுக்கு இடபாரூடராகக் காட்சி தந்து, பிரம்மஹத்தி தோஷம் நோக்கி, வருணன் கட்டப்பட்டிருந்த பாசக்கயிற்றையும் அறுத்து எறிந்தார்.

ஈசன் கிளர்ந்து (விரைந்து தோன்றிய) இடம் கிள்ளை. பாசக் கயிற்றினை அறுத்ததினால் அது பாசமறுத்த துறை.

வருணன் பிறகு தவமிருந்து வருணாஸ்திர தந்திரம் அறிந்துகொண்டு, பகைவனை வென்றார். 

கிள்ளை - சிதம்பரத்திற்கு வடகிழக்கில் சுமார் 12 கி.மீ. தொலைவில் உள்ளது. சுனாமி அலைகளைத் தடுக்கவல்ல மாங்குரோவ் காடுகள் நிறைந்த - சிறந்த சுற்றுலாத் தலமாக அமைந்துள்ளது. 

நிச்சயம் ஒரு முறையேனும் அமாவாசை நாளில் நீராட செல்லுங்கள்.

தில்லை பெருங்கோயில்- ஆலயமணிகள்

ஆலயமணி 

ராமலிங்க அடிகள், நந்தனார், ஒலியுலா சுவாமிகள் போன்றோர் ஒலி நிலையைத் தொடர்ந்த ஒளி நிலையில் திகழ்ந்தவர்கள். இவ்வாறு ஒலியை ஒளியாக மாற்றும் தெய்வீக நிலைகளாக அமைந்தவையே சிதம்பரம் திருத்தலத்தில் அமைந்த ஆலய மணிகளாகும்.

சபாநாயகர் எழுந்தருளிய பிரகாரத்திற்கு அடுத்த பிரகாரத்தில் அமைந்துள்ளதே நிருத்த கண்டா என்ற கால மணியாகும். காலத்தை விரயம் செய்த குற்றத்திற்கு ஓரளவு பரிகாரம் தருவதே இந்த நிருத்த கண்டா மணி ஓசையும், அதன் வழிபாடும். 

உதாரணமாக, ஓம் பூர் புவ சுவஹ தத் சவிதூர் வரேண்யம் பர்கோ தேவஸ்ய தீமஹி தியோ யோந ப்ரசோதயாத் என்ற பிரம்ம காயத்ரீ மந்திரத்தை ஓதும் போது வார்த்தைகளுக்கு இடையே சிறிது மந்திரம் ஓதாத நேரம் அமையும் அல்லவா? இந்த நேரமும் கால விரயம் என்ற கணக்கில் சித்ர குப்தரால் கணக்கில் கொள்ளப்படுகிறது. 

அத்தகைய கால விரயத்தையும் சரி செய்ய மனிதர்களுக்கு வழிகாட்டுவதே சிதம்பர திருத்தலத்தில் அமைந்த நிருத்த கண்டா மணியாகும். அம்மணியைக் கொண்டு கால விரயத்தை எப்படித் தவிர்ப்பது? 

நீங்கள் காயத்ரீ மந்திரத்தை ஓதும்போது 'ஓம்' என்று உச்சரித்து 'ம்' என்ற ஒலியை நீட்டி, தீர்கமாக இசைக்கிறீர்கள் அல்லவா? அப்போது அந்த ஒலியுடன் இந்த நிருத்த கண்டா மணி ஓசையை இணைத்துக் கொண்டால் மந்திரம் ஓதுவதில் ஏற்படும் கால விரயக் குற்றத்திற்கு நிருத்த கண்டா மணி ஓசை ஒரு தெய்வீக பிராய சித்தமாக அமைந்து நீங்கள் கால விரயம் செய்த குற்றத்திலிருந்து விடுதலை பெறுகிறீர்கள். 

ஒவ்வொரு முறை காயத்ரீ மந்திரத்தை ஓதும்போதும் அந்த பிரணவ ஒலியை நிருத்த கண்டா மணி ஓசையுடன் இணைக்க வேண்டும் என்பது முக்கியம். எல்லா திருத்தலத்திலும் அமைந்த ஆலய மணியும் இவ்வாறு கால விரயக் குற்றத்தை நீக்கும் சிறப்புடையது என்றாலும், இதுவரை ஓதிய காயத்ரீ மந்திரத்தில் சேர்ந்த கால விரய தோஷத்தை நீக்க வல்லது சிதம்பரத்தல நிருத்த மணி ஓசையே ஆகும்.

ஒரு முறையாவது சிதம்பர திருத்தலத்தில் ஒலிக்கும் இம்மணி ஓசையை நன்றாகக் கவனித்து கேட்டு விட்டால், அதன் பின்னர் நீங்கள் எங்கு காயத்ரீ மந்திரத்தை ஓதினாலும் அத்துடன் மானசீகமாக இந்த நிருத்த கண்டா மணி ஓசையை எளிதில் இணைத்துக் கொள்ளலாம். 

இவ்வாறு ஒலியை ஒளியாக்கும் தெய்வீக வித்தையை நிருத்த கண்டா, சிகண்டி பூர்ண ஆலய மணிகள் இணைந்து விளங்குவதால் இன்றும் சிதம்பர திருத்தல பூஜையில் இவ்விரு மணிகளின் இணைந்த மணி ஓசையே பூஜை விதானமாக அமைந்து பிரபஞ்சம் எங்கும் அற்புத இறை சக்திகளை வாரி வழங்கிக் கொண்டிருக்கின்றன. 

வள்ளலார் பெருமானுக்கு அருள் வழங்கி அனுகிரகம் அளித்த மணியே தில்லை சிதம்பர தலத்தில் விளங்கும் சிகண்டி பூர்ணம் என்ற ஆலய மணியாகும். உலகிலேயே சிறந்த ஆலய மணி, இதற்கு இணையான மணி உலகத்தில் வேறெங்கும் கிடையாது. சீவனைச் சிவமாக்கும் ஒப்பற்ற இறைச் சக்தியுடன் பூரிக்கும் மணியே சிகண்டி பூர்ணமாகும். இதன் மகத்துவத்தை வார்த்தைகளால் வர்ணிக்க இயலாது. அவரவர் ஆன்ம அனுபவத்தால் மட்டுமே உணர முடியும். அது போல எந்த அளவிற்கு சிதம்பர திருத்தலத்தில் எழுந்தருளி இருக்கும் சிகண்டி பூர்ண மணி ஓசையை ஒரு மனிதன் தன் வாழ்நாளில் கேட்டு உணர்ந்து பக்தி கொள்கிறானோ அந்த அளவிற்கு அவன் என்றும் மாறா இளமையுடன் திகழ்வான் என்பது உறுதி. 

இத்தகைய சிறப்பு வாய்ந்த சிகண்டி பூர்ண மணியைப் பற்றி உணர்ந்து கொள்ள வேண்டுமென்றால் அதற்கு முன்னால் அறிந்து கொள்ள வேண்டிய தெய்வீக உண்மைகளில் ஒன்றே ஒலிக்கும் ஓசைக்கும் உள்ள வேறுபாடு. 

ஒலிக்கும் ஓசைக்கும் என்ன வித்தியாசம்? ஒலி என்னும் சொல் ஒரு பொருளிலிருந்து எழும் எல்லா வித சப்தத்தையும் குறிக்கும். ஓசை என்பது முறைப்படுத்தப்பட்ட, தூய்மைப்படுத்தப்பட்ட, புனிதப்படுத்தப்பட்ட, நெறிப்படுத்தப்பட்ட ஒலியாகும். சப்த ஸ்வரங்களில் நெறிப்படுத்தப்பட்ட ஒலியை நாம் சங்கீதம், இசை, நாதம் என்கிறோம். இறை சக்தியுடன் மிளிரும் மணி ஒலியை நாம் ஆலய மணி ஓசை என்று அழைக்கிறோம். குறிப்பிட்ட வேத சக்திகளை ஆரவார வருண கீதமாக அள்ளி வீசும்போது அதை அலை ஓசை என்று வர்ணிக்கிறோம். 

எனவே ஒரு மனிதன் நெறியுடன், ஒழுக்கமுடன் வாழ்ந்து இறை மார்கத்தில் முன்னேற வேண்டும் என்றால் அவனுக்குத் தேவையானது மணி ஓசையே. இவ்விதத்தில் முதன்மை இடத்தைப் பெறுவதே தில்லை சிதம்பரேசனின் ஆலய மணி ஓசையாகும். இந்த மணி ஓசையைத் தொடர்ந்து கேட்டு அது கூறும் உண்மையை ஆத்ம விசாரம் செய்து தன்னை நெறிப்படுத்திக் கொண்டவர்கள் எளிதில் தங்களை இறை நிலைக்கு உயர்த்திக் கொள்ள முடியும்.

இவ்வாறு சிதம்பரம் திருக்கோயிலின் ஆலய மணி ஓசையைத் தொடர்ந்து கேட்கும் பாக்கியம் பெறாதோர் தங்கள் வாழ்வில் ஒரு முறையாவது இந்த சிகண்டி பூர்ண மணியைக் கேட்டு ஆனந்தப் பரவசம் கொண்டு எஞ்சிய தங்கள் வாழ்நாளில் இறை பூஜையை மேற்கொள்ளும்போதெல்லாம் இந்த ஆலய மணி ஓசையை தங்கள் உள்ளத்தில் நிரப்பி வந்தால் அதுவே அனைத்து பூஜை பலன்களையும் நிறைவு செய்து உத்தம பலன்களை எல்லாம் வர்ஷிக்கும்.

முடிந்தால் உங்களது கைபேசியில் இந்த சிகண்டி பூர்ண மணியின் ஓசையினை பதிவு செய்துகொண்டு செல்லுங்கள் வாழ்வில் மன அழுத்தம் நேரும்போதெல்லாம் பதினைந்து நிமிடங்களாவது கண்ணை மூடி இந்த ஓசையினை கேளுங்கள் பரமானந்த அனுபவத்தில் மூழ்குங்கள்.

தொடரும்

]]>
http://images.dinamani.com/uploads/user/imagelibrary/2017/3/28/w600X390/CHIDAMBARAM_-_TEMPLE_TANKS_1.jpg http://www.dinamani.com/religion/religion-temples/2017/mar/28/தில்லை-பெருங்கோயில்---பகுதி-நான்கு-2674369.html
2671359 ஆன்மிகம் கோயில்கள் தில்லை பெருங்கோயில்! பகுதி மூன்று கடம்பூர் விஜயன் Tuesday, March 28, 2017 03:22 PM +0530 ‘பழுத்துச் செத்தாலும் பிறந்து செத்தாலும் பாழுடலம் கொழுத்து செத்தாலும் மெலிந்து செத்தாலும் கொலைப்படினும் புழுத்துசெத்தாலும் புதைத்தாலும் காலில் புரியை கட்டி இழுத்து செத்தாலும் சிதம்பரத்தே சென்று இறத்தல் நன்றே’ 

மூன்றாம் பிரகாரத்தின் தென்கோபுரத்தின் வழி வரும்போது எதிரில் தென்முக கடவுளும் அருகில் விநாயகரும் ஒன்றாய் அமர்ந்திருக்கும் சிற்றாலயம் ஒன்று தென் திசை நோக்கி உள்ளது அதன் பின்னர் நடராஜப் பெருமானின் நேர் எதிரில் வைக்கப்படும் பலி பீடம், மற்றும் மிகப் பெரிய காளை ஒன்று உயர்ந்த மேடையில் உள்ளது.

வாங்க அப்படியே வலமாக வரலாம்.தென்மேற்கில் முக்குருணி விநாயகர் கோயில் , வடக்கில் பாண்டியநாயகர் கோயில் நவலிங்க கோயில், சிவகாம சுந்தரி கோயில், சிவகங்கை தீர்த்த குளம் ஆயிரங்கால் மண்டபம் ஆகியனவும் உள்ளது.

முக்குருணி விநாயகர் மூன்றாம் பிரகாரத்தின் தென் மேற்கு மூலையில் கிழக்கு நோக்கி வீற்றிருக்கிறார். எட்டு அடி உயரமும் ஆறு அடிக்கும் அதிகமான அகலத்தில் உள்ளார். எப்போது யாரால் கோயில் கட்டப்பட்டது என்ற தகவல் இல்லை. தற்போது விரிவு படுத்தப்பட்டு குடமுழுக்கு கண்டுள்ளது.

மேற்கு கோபுரத்தினை தாண்டியதும் மீனாட்சி சுந்தரேஸ்வரர் திருக்கோயில் 

இது கிழக்கு நோக்கியது, மாறவர்மன் சுந்தரபாண்டியன் சோழரை வெற்றிகொண்ட போது இங்கு மகுடாபிஷேகமும் வீராபிஷேகமும் செய்துகொண்டான் என கல்வெட்டுக்கள் கூறுகிறது அவர்கள் மீனாட்சி-சொக்கநாதர் முன்னிலையில் தான் முடிசூடுவது வழக்கம் அதனால் இந்த கோயிலை இங்கு கட்டுவித்தான்.

அருகில் முடிசூடிய பெருமைக்குரிய நூற்றுக்கால் மண்டபம் உள்ளது இதற்கு விக்கிரம சோழன் மண்டபம் என்று பெயருண்டு ஆயினும் சில தூண்களில் வீரபாண்டியன் திருமண்டபம் எனவும் குறிக்கப்பட்டுள்ளது.

இந்த மண்டபத்தின் எதிரில் உள்ளது திருமூலநாத விநாயகர் சிற்றாலயம். ஒற்றைக்கால் மண்டபம் கொண்ட இந்த கோயில் மிக பழமையானது.

வடக்கு கோபுரத்தினை ஒட்டி திருதொண்டதொகை ஈச்சரம் என்று திருதொண்ட தொகையில் பாராட்டப்பெற்ற தனி அடியார் அறுபத்து மூவரும், தொகையடியார் ஒன்பதின்மருமாக உள்ள பெருமக்களில் தொகையடியார்களுக்கு அமைக்க எண்ணி ஒன்பது லிங்கம் அமைக்கப்பட்டிருக்கிறது, தொகையடியார்களை சிவலிங்க திருமேனி வாயிலாக தரிசனம் செய்ய திருதொண்டதொகை ஈச்சரம் என அமைத்து உள்ளனர். திருதொண்டதொகை பாடிய சுந்தரர் இந்த வடக்கு வாயிலின் வழி வந்தார் என்பதும் குறிப்பிடத்தக்கது. 

இவ்வாலயம் தற்போது நவலிங்க திருக்கோயில் என வழங்கப்படுகிறது. இதன் மையத்தில் உள்ள லிங்கம் தாரா லிங்கம் எனப்படும்.பதினாறு பட்டைகள் கொண்ட பாணம் உள்ளது. பிற லிங்கங்களும் ஆறு பட்டை எட்டு பட்டை என பல வகையில் உள்ளன. 

இந்த நவலிங்க கோயிலின் அருகில் உள்ளது பாண்டிய நாயகர் கோயில் இக்கோயில் முருகனை வண்ணசரபம் தண்டபாணி சாமிகள் பாடியுள்ளார் இதற்கு திருமுருகப் பெருமான் பிள்ளைத்தமிழ் என பெயர். 

இவருக்கு பாண்டிய நாயகர் என ஏன் பெயர் வந்தது? 

பாண்டிய நாட்டின் தலைநகரான மதுரையில் சிவன் சோமசுந்தரனாகவும், அம்பிகை தடாதகை பிராட்டியாகவும் தோன்றிய போது முருகன் அங்கே உக்கிரகுமார பாண்டியன் என்ற பெயரில் அவதரித்ததும், சங்க புலவரிடையே வாதம் நேர்ந்தபோது உருத்திர சன்மராக தோன்றி கலகம் தீர்த்ததால் பாண்டிய நாயகன் என வழங்கப்பட்டார்.

இக்கோயில் மாறவர்மன் சுந்தரபாண்டியனால் கட்டப்பட்டு முகப்பு மண்டபம் மிக அழகான தூண்களுடன் உள்ளது இந்த மண்டபத்தினை யானைகள் இழுப்பது போன்ற தோற்றம் கொண்டு கட்டப்பட்டது.அருணகிரிநாதர் பாடலும் இவருக்கு உள்ளது. கோயில் தற்போது சிதிலமடைந்து உள்ளதால் பூசை நேரம் தவிர பூட்டி வைக்கப்பட்டுள்ளது. 

சிவகாம சுந்தரி திருக்கோயில் - இது கிழக்கு நோக்கியது தரைமட்டத்தில் இருந்து பத்து அடிகள் கீழே உள்ளது இதில் இரண்டு பிரகாரங்கள் உள்ளன. விக்கிரமசோழனால் கற்றளி ஆக்கப்பட்டு இவனது மகன் இரண்டாம் குலோத்துங்கனால் நிறைவு செய்யப்பட்டது. இதன் இரண்டாவது பிரகாரத்தில் உள்ள இரண்டடுக்கு சுற்றாலை மண்டபம் மிகுந்த அழகுடையது அதனை சுற்றி வரும்போது நாம் பல நூற்றாண்டுகள் பின்நோக்கி சென்று வருவதை போல் உணர்வோம் அம்பிகையின் முகப்பு மண்டபம் மிகுந்த அழகுடையது, இதில் இருபது அடிகள் உயரம் கொண்ட தூண்கள் அறுபது அணிசெய்கின்றன. இதன் விதானத்தில் அழகிய சித்திர கதை சொல்லும் ஓவியங்கள் நிறைந்துள்ளன.இந்த மண்டபம் முன்பு மேற்கு கோபுரத்தின் எதிரில் இருந்துள்ளது என்றும் அதனை பிரித்து பின்னர் இங்கு கட்டினர் எனவும் ஒரு தகவல் உள்ளது.

இடைத்தாங்கல் ஏதுமின்றி இவ்வளவு அகலமான கருங்கல் மண்டபம் வேறு எங்கும் காண முடியாது. கருங்கல் தூண் மரத்தூண் போல வேலைப்பாடு அமைந்திருப்பதும், சிற்ப வேலைப்பாடுகளும் குறிப்பிடத்தக்கவை. இங்கு அம்பிகை கருவறைக்கு உள்ளே நுழையும் இடத்தில் 12 அடிகள் உயரமும் அகலமும் கொண்ட பிரம்பிலான பெரிய அலங்கார வளைவு ஒன்று இருந்தது முப்பது வருடங்களின் முன் யாரோ ஒரு பக்தர் ஏற்றிவைத்த விளக்கு அதனை முற்றிலும் எரித்து நாசமாக்கியது. இதனால் இந்த முகப்பு மண்டபத்தில் விதானத்தில் இருந்த ஓவியங்கள் பாழ்பட்டுள்ளன. இங்குள்ள விதான ஓவியங்கள் நாயக்கர் கால ஓவியங்கள் ஆகும்.

அம்பிகை திருக்கோயில் உள்சுற்றிலும் பல விநாயகர், லிங்க மூர்த்திகள் உள்ளனர் தற்போது அம்பிகையின் அறுபத்து மூன்று வடிவங்களை சுதை வடிவில் செய்ய பணிகள் நடைபெறுகின்றன.அம்பிகை சிவகாம சுந்தரி நின்ற கோலத்தில் அழகுற உள்ளது சிறப்பு. ஆதி சங்கரர் பாஷ்யம் எழுதுகையில் உமம் ஹைமவதிம் என்ற பதத்திற்கு பொருள் எழுத இயலாம ல் திகைக்க தன பொருள் தாமே என்றுணர்த்திய அம்பிகை.

வேறு எத்தலத்திலும் இல்லாத சித்ரகுப்தர் சந்நிதி இக்கோவிலில் அமைந்துள்ளது. 

இக்கோயில் எதிரில் உள்ளது சிவகங்கை தீர்த்தம் 

சிவகங்கை தீர்த்தம் 

ஹேம புஷ்கரணி, அம்ருதவாபி, சந்திர புஷ்கரணி என்றெல்லாம் தல புராணங்களில் வர்ணிக்கப் படும் இந்தக் குளம் பண்டைக் காலம் தொட்டே இருந்து வந்ததாய்க் கூறுகிறார்கள். நமக்கு நன்கு தெரிவது ராஜா ஹிரண்யவர்மனின் காலத்தில் இருந்து தான். சோழத் தளபதியான காளிங்கராயனால் குளத்துக்குள் இறங்கும் சுற்று படிக்கட்டுக்கள் கட்டுவிக்கப்பட்டதாகத் தெரிகிறது. 

பல ரூபங்களில் உள்ள சிவலிங்கங்களும், விநாயக மூர்த்திகளும் இந்தக் குளத்தைச் சுற்றிலும் பிரதிஷ்டை செய்யப்பட்டிருக்கிறது. தென்பகுதியில் தண்ணீருக்குள் ஜம்புகேஸ்வரர் லிங்க ரூபத்தில் பிரதிஷ்டை செய்யப்பட்டிருப்பதாயும், சொல்கிறார்கள் சிம்மவர்மன் உடல்நலம் குன்றி இருந்த சமயத்தில் மகரிஷி வியாக்கிரபாதரின் ஆலோசனையின் பேரில் இந்தக் குளத்தில் புனித நீராடி, நடராஜரை ஆனந்தத் தாண்டவக் கோலத்தில் தரிசனம் கேட்டுப் பெற்று வழிபட்டதாயும், அதன் பின்னர் அவன் உடல் நலம் அடையவே, தான் பெற்ற பயன் அனைத்து மக்களும் பெறவேண்டி அவன் குளத்தை ஆழப்படுத்தியும், அகலப் படுத்தியும் பராமரிப்புப் பணிகள் செய்ததாயும் கூறுகின்றனர். நடராஜர், சிவகாம சுந்தரி இவர்களின் அபிஷேக நீர் எவர் கண்ணிலும் படாமல் இந்த குளத்தில் கலக்கிறது, மேலும் பத்தாம் நூற்றாண்டில் இக்குளம் திருப்பாற்கடல் எனும் திருவீதி அடுத்த தெருவில் உள்ள குளத்தில் சென்று சேர்வதாக ஒரு வடிகால் கண்டுபிடிக்கப்பட்டுள்ளது. 

அடுத்து உள்ளது ஆயிரம்கால் மண்டபம் 

ஆயிரம் கால் மண்டபம் இங்கு தான் நடராஜர் வருடத்தின் ஆணி, மார்கழி மாதங்களில் வீதி உலா சென்று திரும்பி வந்து அபிஷேகம் கண்டு பக்தர்களுக்கு ஆனந்த நடனம் காட்டி பொன்னம்பலம் செல்வார். இங்கு தான் மாணிக்கவாசகர் திருவாசகம் எழுதியதாக சொல்லப்படுகிறது, சேக்கிழார் திருமுறைகளை தொகுத்தது இந்த மண்டபத்தில் தான் 986 தூண்கள் உள்ளதாக கணக்கிடப்பட்டுள்ளது இரு புறமும் பெரிய யானைகள் தெற்கு இழுப்பதை போன்று கட்டப்பட்டுள்ளது. சோழ மன்னர்கள் இந்த மண்டபத்தில் தான் முடிசூட்டி கொள்ளும் இடமாகவும் இருக்கிறது. இது விக்கிரமசோழன் காலத்தில் விரிவு படுத்தப்பட்டது. 

 

தொடரும்...

 

]]>
நடராஜர், Chidambaram, தில்லை, Thillai, சிவகாம சுந்தரி திருக்கோயில, Lord Natarajar http://images.dinamani.com/uploads/user/imagelibrary/2017/3/23/w600X390/MOONRAM_PIRAHARAM_9.jpg http://www.dinamani.com/religion/religion-temples/2017/mar/23/தில்லை-பெருங்கோயில்--மூன்றாம்-பிரகாரம்-2671359.html
2665243 ஆன்மிகம் கோயில்கள் தில்லை பெருங்கோயில்! பகுதி 2 கடம்பூர் விஜயன் Tuesday, March 14, 2017 05:45 AM +0530  

வடக்கு நெடுமாடம்

வடக்கு திக்கு சமய வாழ்வில் சிறப்புடன் போற்றப்படுகிறது. வடக்கு கோபுரம் கயிலாய கோபுரம் எனவும் அழைக்கப்படுவதில் இருந்து அதன் பெருமையை உணரலாம். மேலும் இந்த தில்லையில் உள்ள பிற கோபுரங்கள் பத்தாம் நூற்றாண்டில் இரண்டு அடுக்கு மரக்கோபுரமாக இருந்த போதே வடக்கு கோபுரம் ஏனைய கோபுரங்களை காட்டிலும் சிறப்பானதாக ராஜ சிம்மனால் கட்டப்பட்டிருந்ததாக கூறுகின்றனர். 

பின்னர் 1516 ல் கிருஷ்ணதேவராயர் தனது ஒரிஸ்ஸா வெற்றியின் நினைவாக அதனை மாற்றி கட்டினார். ‘ஸ்வஸ்தி ஸ்ரீ ராஜாதிராஜன் ராஜ பரமேஸ்வரன் ஸ்ரீ வீரப்பிரதாப ஸ்ரீ கிருஷ்ண தேவராயன் தர்மம் ஆகா சிம்ஹாத்திரை பொட்டுனூருக்கு எழுந்தரு ஜெயஸ்தம்பம் நாட்டி திரும்பி பொன்னம்பலத்துக்கு எழுந்தருளி பொன்னம்பலத்தானை சேவித்து வடக்கு கோபுரம் கட்டுவித்த சேவை’ எனும் கல்வெட்டு காணப்படுகிறது. \இதன் கல்ஹாரம் உயரம் நாற்பது அடி, நீள அகலம் 108x70 அடிகள், உயரம் 107அடிகள், மொத்த உயரம் 147அடிகள், கலசத்தின் உயரம் 7.11”அங்குலம், கலசங்களின் எண்ணிக்கை மொத்தம் 13ஆகும். 

இதனை இறைவன் தனக்கு தானே கட்டிக்கொண்ட கோபுரம் என கூறுவார் காரணம் இது கல்ஹாரத்துடன் கட்டுமான பணிகள் நின்றுவிட்டதாகவும் பின்னர் அச்சுதராயன் செய்த முயற்சியும் இறைவன் அருளும் கைகூடிய பின்னரே நிறைவடைந்தது என்பதால் இவ்வாறு கூறுகின்றனர். கோபுர உள்மாடத்தில் ஒரு அரசனது சிலை உள்ளது இதனை அச்சுதராயன் என்றும் கிருஷ்ணதேவராயர் என்றும் கூறுகின்றனர். 

இந்த கோபுரத்தின் வடக்கில் சிறிய சப்த முனிஸ்வரர் சன்னதி உள்ளது இதில் பைரவரை ஒத்த ஒரு உருவில் கையில் பத்திரம் கொண்டு உள்ளார். கோயிலை காக்கும் பணியில் தனது இன்னுயிரை ஈந்த பெருமக்களின் உருவங்களை சப்தமுனி எனும் பெயரில் ஏழு உருவங்கள அல்லது இது போன்று ஒரே உருவில் அமைப்பது வழக்கம் அப்படிப்பட்டவர் தான் இந்த சப்த முனி.

இங்கு கோட்டத்தில் திகழும் தெற்கு நோக்கிய முருகனின் சன்னதி ஒன்றுள்ளது கோபுர மாடத்தில் உள்ள முருகனுக்கு முன்னிழுக்கப்பட்ட மண்டபம் கட்டி அழகு படுத்தப்பட்டுள்ளது. மேலும் இங்கு இந்த கோபுரத்தினை கட்டிய ஆசாரிகள் ஆறு பேரின் சிற்ப்பங்கள் உள்ளன. இதில் சிலருக்கு பெயரும் பொறிக்கப்பட்டுள்ளது சிறப்பு திருப்பிரைகொடை ஆசாரி, அவன் தம்பி, காரண ஆசாரி, விருத்தகிரி செவகப்பேருமால், அவன் மகன் விசுவமித்று என்பது அந்த சிற்பங்களின் மேல் பொறிக்கப்பட்டுள்ளது.

சுந்தரர் இந்த வடக்கு வாயில் வழியே வழிபட வந்தார் என கூறுகின்றனர்

தில்லை பெருங்கோயில்- மேற்கு நெடுமாடம்

கிபி 1251ல் சோழர்களை வெற்றி கொண்ட ஜடாவர்மன் சுந்தரபாண்டியன் சிதம்பரத்தில் வீராபிஷேகமும் விஜயாபிஷேகமும் செய்துகொண்டான் அந்த வெற்றியின் அடையாளமாக மேற்கு கோபுரத்தினை கட்டினான் என்பது ஒரு வரலாறு. 

சோழர்கள் அமைத்த கோபுரத்தினை புனரமைத்து தனது பெயரிட்டு அமைத்துகொண்டான் என்பது ஒரு கருத்து. இந்த மேலை கோபுரத்தின் மேற்கு பகுதியில் வீற்றிருக்கும் விநாயகருக்கு குலோத்துங்க விநாயகர் என பெயர், அதனால் இது சோழ கோபுரம் என ஒரு தரப்பு வாதம்.

இதன் அடிப்பகுதியான கல்ஹாரம் 37அடிகள் தெற்கு வடக்கில் 112அடிகள் கிழக்கு மேற்கில் 60அடிகள் ஆகும் இதன் மொத்த உயரம் 152அடிகளாகும். கலசங்கள் எண்ணிக்கை பதின்மூன்று ஒவ்வொரு கலசத்தின் உயரம் 6.9”அடிகள் கொண்டது. 

மேல வீதியின் கண் இருந்து உள்ளே நுழையும்போது காவல் கூடம் உள்ளது அதனை அடுத்து நூறடிகள் இடைவெளி கொண்டு இந்த கோபுரம் அமைக்கப்பட்டுள்ளது. தென் புறம் விநாயகர் சன்னதி உள்ளது. இவரே தல விநாயகர் ஆவார் இவருக்கு எதிரில் வில்வமரம் கொண்ட மேடை உள்ளது. இவரை கற்பக விநாயகர் என்றும், வன்னி விநாயகர் என்றும் போற்றுகின்றனர். கல்வெட்டுக்கள் இவரை குலோத்துங்க விநாயகர் என கூறுகின்றன. 

இதனை குலோத்துங்கன் தொடங்கி சுந்தரபாண்டியன் நிறைவு செய்தான் என்றே நாம் கொள்வோம். கோபுர உட்பகுதியில் உள்ள திருவுருவம் சுந்தரபாண்டியன் என்றே கூறுகின்றன. இவன் அமைத்ததே மீனாட்சி சுந்தரேஸ்வரர் கோயிலும் சுந்தரபாண்டியன் மண்டபமும் ஆகும்.

இப்பகுதியை இருபத்தோறு ஆண்டுகள் அவன் ஆண்டதாக தெரிகிறது., இது மற்றைய கோபுரங்களை போலவே இரு அடுக்குகள் கொண்டது, மேல் அடுக்கில் மகேச்வர வடிவங்களும், பைரவர் வடிவங்களும் உள்ளன. கீழ் அடுக்கில் சந்திரன், கிரியாசக்தி, சனி, வாயு அக்னி சேத்ரபால விநாயகர், காமதேவன், கங்காதேவி, அகஸ்தியர், திரிபுரசுந்தரி, ஆதி சண்டேசர், தேவேந்திரன் நாகன், கணநாதர், யமுனை, பத்ரகாளி, நிருதி, புதன், ஞானசக்தி, ருத்ரர், நாரதன்,அழகேஸ்வரன் ஆகியோர் உள்ளனர். மாடங்கள் மீது இவர்களது பெயர்கள் பொறிக்கப்பட்டுள்ளன. 

கிழக்கில் கோபுர கோட்டத்து முருகனுக்கு முகப்பு மண்டபம் கட்டி பெரிய சன்னதியாக காட்டப்பட்டுள்ளது. கோபுர வாயிலில் 108நாட்டிய கரணங்ககள் செதுக்கப்பட்டுள்ளன. 

 

‘தெய்வப் புலியூர் திருவெல்லையிற் புக்கு பொன்னம் பலம் பொலிய 

யாடுவாவர் பூவையுடன் மன்னுந் திருமேனி கண்டு மனங் களித்து’ என்ற சுந்தரபாண்டியனின் மெய்கீர்த்தி  கூறுவது போல் நீங்களும் பொன்னம்பலத்தானை கண்டு வணங்கி வாருங்கள்.

தொடரும்...

]]>
தில்லை, Thillai http://images.dinamani.com/uploads/user/imagelibrary/2017/3/13/w600X390/CHIDAMBARAM_-_N.jpg http://www.dinamani.com/religion/religion-temples/2017/mar/13/தில்லை-பெருங்கோயில்-பகுதி-2-2665243.html
2660946 ஆன்மிகம் கோயில்கள் தில்லை பெருங்கோயில்! பகுதி 1 கடம்பூர் விஜயன் Monday, March 6, 2017 08:52 AM +0530 தில்லை பெருங்கோயில் - கிழக்கு கோபுரம்

சைவ சமயத்தில் பிறந்தோர்க்கு  ‘கோயில்’ என்றாலே அது தில்லை எனப்படும் சிதம்பரம் கோயில் தான். பெரும்பற்றப்புலியூர் வியாகிரபுரம், புண்டரீகபுரம், பூலோக கயிலாயம், தில்லை வனம் எனும் பெயர்களும் உண்டு. உலகியல் இன்பங்கள் எனும் பெரும்பற்றினை அறுக்கும் பெரும்பற்றறுக்கும் புலியூர் - பெரும்பற்றப்புலியூர் வியாகிரபாதர் வழிபட்டதால் வியாக்கிரபுரம், 

தில்லை மரங்கள் அடர்ந்த காடாக இருந்தமையால் தில்லை வனம், சித்+அம்பரம் சித்-அறிவு, அம்பரம்-வெளி – சிதம்பரம். 

பிறந்தாலும் ,இறந்தாலும், தரிசித்தாலும், நினைத்தாலும் முக்தி தரும் தலம். அர்த்த யாமத்தில் எல்லா தலங்களிலும் உள்ள மூர்த்திகளின் கலைகள் வந்து ஒடுங்கப் பெரும் தலமாகும். இக்கோயிலுக்கு எண்ணற்றோரால், எண்ணற்ற புராணங்களும் பதிகங்களும், பாடப்பெற்ற சிறப்புடைய தலமாகும். யுகங்கள் கடந்த பழமைவாய்ந்தது, எப்படி சிவனின் அடியும் முடியும் கண்டவரில்லையோ அவ்வாறே, தில்லையின் ஆதியை கண்டவரில்லை, கேட்டவரில்லை. அதனால் இத்தலத்தின் பெருமைகளின் சிறு பகுதியை நம் அறிவுக்கு எட்டியவரை காண்போம் வாருங்கள். 

திருக்கோயில் அமைப்பு சிதம்பரம் என்று தற்காலத்தில் அழைக்கப்படும் இவ்வூர் மையத்தில் உள்ளது இந்த ஆலயம் 43 ஏக்கர் பரப்புடையது., அகன்ற நான்கு பெரும் தேர்வீதிகளுடன் நான்கு திக்கிலும் நெடிதுயர்ந்த கோபுரங்கள் உள்ளன. நான்கு புறமும் சன்னதி தெருக்கள் இந்த கோபுர வாயிலுக்கு நம்மை அழைத்து செல்கின்றன. கோபுரங்களுக்கு முன் பெரிய காவல் மண்டபங்களுடன் நாற்புறமும் இணைக்கும் பெரிய மதில் சுவர் உள்ளது இதற்க்கு வீரப்பநாயக்கன் மதில் என பெயர். அடுத்து நான்கு பெரும் கோபுரங்களை இணைக்கும் இரண்டடுக்கு சுற்றாலை மண்டபத்துடன் கூடிய நீள் மண்டபம் இதற்க்கு ராஜாக்கள் தம்பிரான் மாளிகை என பெயர் இதனை முதலாம் குலோத்துங்கன் கட்டினான். இந்த காவல் மண்டபத்திற்கும் கோபுரத்திற்கும் இடையில் நூறடி அகலத்தில் பெரும் பிரகாரம் உள்ளது, இதில் இறை சன்னதிகள் இல்லை, தென்னை மரங்கள் அதிகம் உள்ளன. 

முதலில் நாம் நான்கு கோபுரங்களின் சிறப்பினை பார்ப்போம்.

கிழக்கில் உள்ள கோபுரம் - விக்கிரமசோழன் கோபுரம் இது இரண்டாம் குலோத்துங்கனால் அடித்தளமிடப்பட்டு, இரண்டாம் கோப்பெருஞ்ச்சிங்கனால் கிபி 1262 ல் நிறைவு செய்யப்பட்டது. இவனது தந்தை தான் தென் கோபுரத்தினை கட்டியவன். இவனுக்கு பரதமல்லன், சாஹித்தியரத்னாரன் என்றும் தன்னை ஆற்றூர் கல்வெட்டில் குறிப்பிடுகிறான். 

இந்த கோபுரமே பிரதான வாயிலாக பயன்படுத்த படுகிறது நடராஜர் தேருக்கு வருவது இந்த கிழக்கில் உள்ள கோபுரத்தின் வடபுறத்தில் உள்ள வாயில் வழியாகவே. இதுஏழு நிலை மாடம் கொண்டது கல்காரத்தின் உயரம் 35 அடி இதற்க்கு யாளம் என பெயர். அதற்க்கு மேல் கோபுரத்தின் உயரம் 115 அடி கோபுரத்தின் மொத்த உயரம் 152 அடியாகும். 7.5 அடி உயரமுள்ள 13 செப்பு கலசங்கள் வைக்கப்பட்டுள்ளன. இந்த கோபுரத்தில் சுதை வேலைகள் இல்லை. 

சமயக்குரவர்களில் ஒருவரான மணிவாசகபெருமான் இவ்வழியே வந்து நடராச பெருமானை வழிபட்டதாக வரலாறு. வாயிலின் உட்புறம் பதினான்கு தூண்களில் 108கரண சிற்ப்பங்கள் உள்ளன. இந்த கோபுரத்தினை கட்டிய சிற்பிகளின் உருவங்களும் அவர்கள் பயன் படுத்திய அளவு கோலும் ஒரு சிறிய சதுரத்தில் செதுக்கப்பட்டுள்ளன. இக்கோபுரத்தினை கட்டிய இரண்டாம் கோப்பெருஞ்சிங்கனின் திருவுருவம் இங்கு செதுக்கப்பட்டுள்ளது.

கோபுர வாயிலின் தென் புறம் விநாயகரும் வடக்கில் முருகனின் சன்னதியும் உள்ளன. இக்கோபுரத்தின் கல்காரம் வடக்கில் நீட்டப்பட்டுள்ளது இதில் 22 மாடங்கள் உள்ளன அதில் கஜசம்ஹாரர், அரியர்த்தர், சோமாஸ்கந்தர், கல்யாண சுந்தரர், அர்த்தநாரி, திரிபுராந்தகர், கங்காளர், ரிஷபாந்திகர், நடராஜர் ஊர்துவதாண்டவர், போன்ற மாகேஸ்வர வடிவங்கள் உள்ளன. நான்கு கோபுரங்களிலும் இரு துவாரபாலகர்களும் இரு பைரவர்களும் உள்ளனர். இது மட்டுமல்லாது திக்பாலக பிரம்மன், சிவசூரியன், த்வனி சண்டர், திக்பாலக விஷ்ணு, அஷ்டபுஜ பைரவர்.அஸ்வினி தேவர்கள், மன்மதன் ஆகியோரும் அரியதொரு சிற்பவடிவமாக்கப்பட்டுள்ளனர்.

பின்னர் 18ம் நூற்றாண்டில் இக்கோபுரம் மிகவும் சிதிலமடைந்து இருந்தது அது மட்டுமல்லாது பல வருடங்களாக ஆனி உத்திர பெருவிழா நின்று போயிருந்தது இதனை வள்ளல் பச்சையப்பா முதலியார் மார்கழி பெருவிழாவுக்கு இணையாக பெரும் செலவில் 20.6.1791 திங்கள் கிழமை அன்று தொடங்கி செய்த பெருமைக்குரியவர். தேர்கள் தேர் மண்டபங்கள் ஆகியவற்றினையும் செப்பனிட்டார். இக்கட்டளையை தொடர்ந்து நிறைவேற்ற ஏதுவாக தீட்சதர் நிர்வாக கமிட்டியினர் இக்கட்டளைக்கு தனி அறை கொடுத்துள்ளனர்.

வள்ளல் பச்சையப்பா முதலியார் கிழக்கு கோபுரத்தினை திருப்பணி செய்து கொண்டிருந்தபோது இறைவனடி சேர்ந்தார், இருப்பினும் தனது உயிலில் பெருந்தொகை இப்பணியினை முடிக்க ஏதுவாக ஒதுக்கி வைத்தார், அதனை கொண்டு அவரது மனைவி அய்யாளுஅம்மா, மற்றும் அவரது அக்கா சுப்பம்மாவினால் திருப்பணி செய்து வைக்கப்பட்டது பச்சையப்பர்,மற்றும் அவரது மனைவி திருவுருவமும் அவரது அக்கா சுப்பம்மாள் ஆகியோரின் திருஉருவமும் இங்கு அமைக்கப்பட்டுள்ளன. 

தில்லை பெருங்கோயில்- தெற்கு நெடுமாடம்

பொன்னம்பலத்தான் தெற்குநோக்கி ஆடிக்கொண்டிருப்பதால் இந்த தென் புற கோபுரம் முக்கியத்துவம் வாய்ந்ததாக கருதப்படுகிறது. பிற கோபுரங்களுக்கு இலாத தனித்துவம் என்னவென்றால் இதில் தான் இடபக்கொடிகள் இரண்டு பறந்துகொண்டிருக்கும்.

தென்புற காவல் மண்டபத்தினை தாண்டி உள்ளே நுழைந்தால் பிரமிப்பூட்டும் உயர்ந்த இந்த தென்மலை காணப்படும். இதனை காடவர் என அழைக்கப்படும் பல்லவர் குலத்தினை சேர்ந்த வாள் வல்ல பெருமாள், அவனியாள பிறந்தவன், சொக்கசீயன், சாடும்பெருமாள், சகல லோக சக்ரவர்த்தி, காடவர்கோன் கோப்பெருஞ்சிங்கனால் கட்டப்பட்டது. இவன் முதலாம் குலோத்துங்கனின் படை தலைவனாக இருந்து அவனது மகளை மணந்தவன் அதனால் இவனை மணவாள பெருமாள் எனவும் அழைப்பர்.

இவர் ‘காடவராயன் கோப்பெருஞ்சிங்கன் ’ என்று அழைக்கப்படும் பிற்கால பல்லவன் ஆவார்.

இவரின் வாரிசுகள் இன்றும் உளுந்தூர் பேட்டை வட்டம்-சேந்தமங்கலம் பகுதியில் ‘கச்சிராயர்’ பட்டம் பூண்டு ராஜவம்சமாக வாழ்கின்றனர் . கச்சி என்பது காஞ்சியை குறிக்கும் . காஞ்சியை ஆண்ட பல்லவ வம்சத்தினர் என்பதை குறிக்கும் பொருட்டு இவர்கள் கச்சிராயர்கள் என்று அழைக்க படுகின்றனர்.

விருத்தாசலம் பகுதியில் உள்ள ‘பரூர் கச்சிராயர்கள் ’, இவர்களின் வாரிசாக கருதபடுகிறார்கள். 

கல்காரம் எனும் அடிப்பகுதி கருங்கல்லால் கட்டப்பட்டது கிழக்கு மேற்கில் 108x62 அடியும் உயரம் 35அடியாகும். கல்காரத்தில் இருந்து கோபுர கலசம் வரை 110அடி, மொத்த உயரம் 145அடி. இதில் கலசத்தின் உயரம் மட்டும் 7அடியாகும். இது கிபி 1237ஆரம்பிக்கப்பட்டு 1240ல் முடிக்கப்பட்டது. இதனை கட்டி முடித்து இதற்க்கு சொக்கசீயன் கோபுரம் என பெயரிட்டான். 

ஆடல்கலையில் வல்லவனான இவனுக்கு பரதம் வல்ல பெருமாள் என ஒரு பெயரும் உண்டு. இதனால் தனது கோபுரத்தில் நாட்டிய கரணங்களை வடித்து வைத்திருந்தான். இந்த கோபுரத்தினை அவ்வப்போது பழுது பார்க்க செங்கல்பட்டு அருகில் உள்ள ஆற்றுர் கிராமத்தினை தானமாக அளித்தான். 

தென் புறத்தில் கல்காரத்தில் தெற்கு நோக்கி ஆட்கொண்டார், உய்யக்கொண்டார் எனும் இரு துவாரபாலகர்கள் உள்ளனர். ஆட்கொண்டார் காலனை உதைத்து அடியவரை காத்தவர். இவருக்கு சிறப்பு வழிபாடுகள் நடைபெறுகின்ற்ன. முதல் மாடி அளவுக்கு உயரமான பகுதியில் இருப்பதால் செல்வதற்கு படிக்கட்டுக்கள் உள்ளன. இவ்விருவர் எதிரிலும் நந்தி உள்ளதால் இவர்களின் சிறப்புக்களை கூறவும் வேண்டுமோ?

இந்த கோபுரத்தின் நேர் எதிரில் நடராஜ பெருமான் உள்ளதால் அதற்க்கு எத்ரில் பெரிய பலிபீடமும், பெரிய சுதை வடிவ காளையும் உள்ளது. திருஞான சம்பந்தர் இந்த தென்புறம் இருந்து வழிபட வந்ததை குறிக்கும் சுதை வடிவங்கள் உள்ளன. 

இந்த தென் கோபுரத்திற்கு பெரிய வரலாறும் உள்ளது. தில்லையில் அச்சுதராயன் என்பான் தில்லை திருச்சித்திரகூடம் அமைத்தான். அதனை இரண்டாம் குலோத்துங்கன் அகற்றினான். பின்னர் வந்த செஞ்சி கிருஷ்ணப்ப நாயக்கர் மீண்டும் அங்கே வைணவ சிலை நிறுவும் பணியினை மேற்கொள்ள தீட்சதர்கள் தடுத்தும் கேளாத அவன் பணிகளை துவக்குகிறான். அப்போது ஈஸ்வர தீட்சதர் என்பவர் தென் கோபுர இரண்டாம் மாடத்தில் இருந்து வீழ்ந்து பலிதானம் கொடுக்கிறார். தொடர்ந்து இருபது தீட்சதர்கள் தன்னுயிர் கொடுத்தனர். ஒரு அம்மையார் கழுத்து அறுத்து உயிர் நீத்ததாகவும், மேலும் கோபுரத்தில் ஏறியவர்களை சுடவும் ஆணையிட்டான். இதனை போர்த்துகீசிய பாதிரியார் பிமேண்டா குறிப்பேட்டில் உள்ளது. அப்போதும் அசைந்து கொடுக்காத கிருஷ்ணப்பன் வடக்கு நோக்கி கால் நீட்டியவாறு வைணவ கடவுளை திருச்சித்திரகூடத்தில் அமைத்தான். 

இப்படி எத்தனையோ வரலாற்று சுவடுகளை பார்த்து வந்துள்ளது இந்த தென் கோபுரம். 

- கடம்பூர் விஜயன்

]]>
சிதம்பரம், Chidambaram http://images.dinamani.com/uploads/user/imagelibrary/2017/3/6/w600X390/CHIDAMBARAM_-_EG_5.jpg http://www.dinamani.com/religion/religion-temples/2017/mar/06/தில்லை-பெருங்கோயில்-பகுதி-1-2660946.html
2737 ஆன்மிகம் கோயில்கள் அம்மனுக்கு உகந்த ஆடி! டாக்டர் வெங்கடாசலம் Thursday, July 28, 2016 12:56 PM +0530 தமிழ் மாதங்கள் பனிரெண்டில் ஆடி மாதத்திற்கென்று தனிச் சிறப்பு உண்டு. பெண் தெய்வங்களின் போற்றுதலுக்குரிய மாதமாக ஆடி மாதம் விளங்குகிறது.

அன்னை காமாட்சி தேவி, பரமசிவனை நோக்கித் தவமிருந்து, ஈசனை அடையும் பேறு பெற்ற மாதம் இம்மாதம்தான். தேவியின் திருவுருவங்களில் ஒன்றான வாராஹி தேவியைச் சிறப்பிக்கும் நோக்குடன் வாராஹி நவராத்திரி இம்மாதத்தில்தான் கொண்டாடப்படுகிறது. தைரியத்தையும், வெற்றியையும் அருள்பவள் வாராஹி தேவி.

ஆடி மாதத்தில் எல்லா மாரியம்மன் கோயில்களிலும் திருவிழாக்கள் விமர்சையாக நடைபெறும்.

ஆடி மாதம், வளர்பிறை, துவாதசி தொடங்கி, கார்த்திகை மாத வளர்பிறை, துவாதசி வரை துளசி அம்மனை வழிபட நீண்ட ஆயுளும், ஆரோக்யமும் கிடைக்கும். வளமான வாழ்க்கை அமையும்.

ஆடி மாதத்தில் வரும் பூர நட்சத்திரம் ஆடிப்பூரம் என்று சிறப்பாகக் கொண்டாடப்படுகிறது. பூமாதேவியை ஆண்டாளாக அவதாரம் செய்த தினம் ஆடிப்பூர நன்னாள். ஆடி மாதம் சூரியன், கடக ராசியான சந்திரன் வீட்டிலும், சந்திரன் சூரியனின் ராசியான சிம்மத்திலும் பரிவர்த்தனை பெற்றிருந்த சமயத்தில், நள வருடம், சுக்ல பட்சம், சதுர்த்தசி பூர நட்சத்திரம் கூடிய சனிக் கிழமையன்று துளசி மாடத்தினருகில் பெரியாழ்வாரால் கண்டெடுக்கப்பட்டவள் ஆண்டாள். கண்ணனையே காதலித்து ஸ்ரீரங்கத்தில் அவர் திருக்கரங்களைப் பற்றி திருமாலுடன் இரண்டறக் கலந்தவள்.

ஆடிப்பூரத் திருவிழா ஆண்டாள் அவதரித்த திருவில்லிப்புதூரிலும், ஸ்ரீரங்கம் ரங்கநாதர் கோயிலிலும், மற்றும் பல திருமால் ஆலயங்களிலும் விமர்சையாகக் கொண்டாடப்படுகிறது. உலக மாதாவாகிய பார்வதி தேவி ருதுவான தினமாகவும் இந்நாள் கருதப்படுகிறது. அன்னையை விரதமிருந்து தரிசித்தால் அஷ்டமா சித்திகளும் கைகூடும் உன்னத நாளிது.

ஆடி செவ்வாய், ஆடி வெள்ளி: இம்மாதத்தில் வரும் செவ்வாய் மற்றும் வெள்ளிக் கிழமைகள் மிகவும் விசேஷமானவை. அன்றைய தினங்களில், இல்லத்தின் வாசலில் கோலமிட்டு, பூஜையறையில் குத்துவிளக்கேற்றி ஸ்ரீலலிதா ஸஹஸ்ரநாமம் மற்றும் பல அம்மன் பாடல்களைப் பாடுவார்கள். பால் பாயசம், சர்க்கரைப் பொங்கல் போன்றவற்றை நிவேதனம் செய்வார்கள். பெண் குழந்தைகளை அம்மனாக பாவித்து, உணவளித்து, அவர்களுக்கு ரவிக்கை, தாம்பூலம், வளையல், குங்குமச் சிமிழ், சீப்பு, கண்ணாடி, மருதாணி, மஞ்சள் போன்றவற்றைக் கொடுத்து சிறப்பிக்க தேவியின் அருள் கிடைக்கும்.

ஆடி வெள்ளியில் வரும் வரலட்சுமி விரதம் சிறப்பான மகாலட்சுமி பூஜையாகும். வீட்டிற்கு மகாலட்சுமியை வரவேற்று, பூஜை செய்து உபசரித்தால் மகாலட்மியின் அருட்கடாட்சம் கிடைக்கும். இந்தக் கிழமைகளில் ஆலயங்களில் குத்து விளக்கு பூஜை நடைபெறும். நாகதேவதைக்கு பால் தெளித்து விசேஷ பூஜை செய்வார்கள்.

ஆடி செவ்வாயன்று தலை குளித்து அம்மனை வழிபட திருமாங்கல்ய பாக்கியம் கிடைக்கும். இதுதவிர ஆடி செவ்வாயில் ஒளவையாருக்கு மேற்கொள்ளும் நோன்பு குறிப்பிடத் தக்கது. இந்த ஒளவை நோன்பை கடைபிடிப்பதால் விரைவில் திருமணம் நடக்கும். மழலைச் செல்வம் இல்லாதவர்களுக்கு அந்த பாக்கியம் கிடைக்கும்.

]]>
http://images.dinamani.com/uploads/user/imagelibrary/2016/7/28/w600X390/amman12-480x264.jpg http://www.dinamani.com/religion/religion-temples/2016/jul/28/அம்மனுக்கு-உகந்த-ஆடி-2737.html
2730 ஆன்மிகம் கோயில்கள் பெரிய நத்தம் துலுக்கானத்தம்மன் கோயிலில் தீமிதி விழா dn Thursday, July 28, 2016 12:27 PM +0530 கும்மிடிப்பூண்டியை அடுத்த பெரிய நத்தத்தில் உள்ள துலுக்கானத்தம்மன் கோயில் தீமிதி விழா அண்மையில் நடைபெற்றது.

பெரியநத்தம் துலுக்கானத்தம்மன் கோயிலில் ஆடி மாத தீமிதித் திருவிழாவையொட்டி, ஜூலை 15-ஆம் தேதி கொடியேற்றம் நடைபெற்றது.
இதைத் தொடர்ந்து கடந்த 22-ஆம் தேதி, காப்புக் கட்டிய பக்தர்களின் கரக வீதி உலா நிகழ்வு நடைபெற்றது. இதைத்தொடர்ந்து மகா கணபதி ஹோமம் நடைபெற்றது.
மாலையில் விரதம் இருந்த பக்தர்களுக்கு நாவேல் அணிவிக்கப்பட்டது. பின்னர் 150 பக்தர்கள் தீமிதித்தனர். இதையடுத்து அலங்கரிக்கப்பட்ட வாகனத்தில் அமர்ந்து அம்மன் திருவீதி உலா நடைபெற்றது.
 

]]>
http://images.dinamani.com/uploads/user/imagelibrary/2016/7/28/w600X390/ecsImggod.jpg http://www.dinamani.com/religion/religion-temples/2016/jul/28/பெரிய-நத்தம்-துலுக்கானத்தம்மன்-கோயிலில்-தீமிதி-விழா-2730.html