Dinamani - தொடர்கள் - http://www.dinamani.com/religion/religion-serials/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2737330 ஆன்மிகம் தொடர்கள் இந்துமத அற்புதங்கள் 52: உணவிட்டு உடன் வந்த தோழன் - டாக்டர் சுதா சேஷய்யன் Friday, July 14, 2017 02:45 PM +0530 திருச்சிராப்பள்ளி, திருப்பராய்த்துறை ஆகிய திருத்தலங்களுக்குச் சென்றுவிட்டு, அங்கிருந்து திருப்பைஞ்ஞீலி என்னும் தலம் நோக்கிச் சென்றார் திருநாவுக்கரசர். போகும் வழியோ தனிவழி. களைப்பு, பசி, தாகம் இருப்பினும் திருப்பைஞ்ஞீலி செல்வதையே குறிக்கோளாகக் கொண்டு தன் பயணத்தைத் தொடர்ந்தார்.

இறைவன் - நீலகண்டேஸ்வரர், ஞீலிவனநாதர், கதலிவசந்தர், ஆரண்யவிடங்கர்

இறைவி - விசாலாட்சி

பசியும் தாகமும் அதிகரித்தது. இருப்பினும் சிவபெருமானையே சிந்தித்துக் கொண்டு நடக்கலானார். பக்தன் பாடுபடுவதைப் பார்த்துக்கொண்டு பரமனால் பேசாமல் இருக்க முடியுமா?

நாவுக்கரசர் நடந்து வரும் வழியில், ஒரு சிறுகுளம் உருவாக்கி, அதன் கரையில் பொதிசோறு கட்டிக்கொண்டு உட்கார்ந்திருந்தார் சிவபெருமான்.  நாவுக்கரசர் அத்தடாகத்தின் அருகாமையில் வந்தவுடன், அந்தணர் வேடத்தில் உட்கார்ந்திருந்த ஆண்டவன், ""பெரியவர் களைத்துப் போய் வந்திருக்கிறீர்கள். என்னிடம் சோறு இருக்கிறது. சாப்பிடுங்கள். சாப்பிட்டு விட்டுத் தடாகத்தில் தாகம் தீர்த்துக் கொள்ளுங்கள். தங்கி இளைப்பாறிவிட்டுப் போங்கள்'' என்று அழைத்தார்.

நாவுக்கரசரும் அங்கு நின்று உணவுண்டு நீர் அருந்திக் களைப்பாறினார். அந்தணர் அவரைப் பார்த்து, "எங்கு போகப் போகிறீர்கள்?'' என்று கேட்டார். "திருப்பைஞ்ஞீலிக்குச் செல்கிறேன்'' என்று சொன்னவரிடம் ""நானும் அங்குதான் போகிறேன்'' என்று கூறித் தன் மூட்டையைக் கட்டிக்கொண்டு கூடவே வந்தார் அந்தணர்.

திருப்பைஞ்ஞீலி அடைந்ததும் திரும்பிப் பார்த்தால் உடன் போந்தவரைக் காணோம்.

எப்படி இருப்பார்?

பசிக்கு உணவு தந்து, களைப்புக்கு உற்சாகம் தந்து, வழித்துணையாய் வந்திடத்தானே சிவபெருமான் சித்தம் கொண்டார்! உணவு தந்தார்; துணையாய் வந்தார்.

தோன்றிய துணையாயும், உடன்வந்த தோன்றா துணைவன் கொண்டு வந்துவிட திருப்பைஞ்ஞீலியில் திருநாவுக்கரசர் பாடிய பதிகம்

"உடையர் கோவணம் ஒன்றுங் குறைவிலர்
படைகாள் பாரிடஞபு சூழ்ந்த பைஞ்ஞீலியார்
சடையிற் கங்கை தரித்த சதுரரை
அடைய வல்லவர்க் கில்லை அவலமே''.

திருப்பைஞ்ஞீலி தலத்தினைச் சென்றடையும் வழி:
திருச்சியிலிருந்து பேருந்து செல்கிறது. திருச்சியிலிருந்து மண்ணச்சநல்லூர் வழியாக இத்தலத்தை அடையலாம். கோயில் வரை வாகனங்கள் செல்லும். திருப்பைங்கிளி என்பது இப்போதைய பெயர்.

]]>
http://images.dinamani.com/uploads/user/imagelibrary/2014/6/22/23/w600X390/sudha.jpg http://www.dinamani.com/religion/religion-serials/2017/jul/14/இந்துமத-அற்புதங்கள்-52-உணவிட்டு-உடன்-வந்த-தோழன்-2737330.html
2724917 ஆன்மிகம் தொடர்கள் இந்துமத அற்புதங்கள் 52: நோய் தீர்த்த மெய்தீர்த்தம் - டாக்டர் சுதா சேஷய்யன் Wednesday, June 21, 2017 04:29 PM +0530 ஒற்றைக் கண்ணில் பார்வை பெற்று சில நாள்கள் காஞ்சிபுரத்தில் தங்கியிருந்தார் சுந்தரர். திருவாரூர் செல்ல வேண்டிய ஆசையால், தன் பயணத்தைத் தொடர்ந்தார்.
கண் பார்வை குறையோடு உடலிலும் தோலிலும் நோய் கண்டிருந்தது. பயணத்தாலும் களைப்பாலும் நோய் அதிகப்பட்டிருந்தது.

திருவாவடுதுறையில் வணங்கி வழிபட்டுவிட்டுத் திருத்துருத்தி என்னும் தலத்தை அடைந்தார். தன் உடலின் மீதுள்ள நோய் நீங்க வேண்டுமென்று வேண்டினார்.

இறைவன் - உத்தரவேதீஸ்வரர்
இறைவி - மிருதுமுகிழாம்பிகை

சிவபெருமான் சுந்தரரை நோக்கி, "நம்பி! இந்தக் கோயிலின் வடக்குப் பக்கத்தில் ஒரு தீர்த்தம் உள்ளது. அதில் மூழ்கு. உன் உடல் நோய் தீரும்'' என்று திருவாக்கு அருளினார்.

சுந்தரரும் அக்குளத்தில் மூழ்கி எழுந்தார். அவரின் உடல்நோய் நீங்கியிருந்தது. மேனி, பொன்னாய்ப் பிரகாசித்தது. உடனே திருக்கோயிலுக்குள் சென்று தன் நன்றியைக் காட்டப் பதிகம் பாடினார்.

திருத்துருத்தியில் உடல்பிணி நீங்கப் பெற்ற சுந்தரர் பாடிய பதிகம்

"மின்னுமா மேகங்கள் பொழிந்திழிந்து அருவி
வெடிபடக் கரையொடும் திரைகொணர்ந்து எற்றும்
அன்னமாங் காவிரி அகன்கரை உறைவார்
அடியிணை தொழுதெழும் அன்பராம் அடியார்
சொன்னவாறு அறிவார் துருத்தியார் வேள்விக்
குடியுளார் அடிகளைச் செடியனேன் நாயேன்
என்னைநான் மறக்குமாறு எம்பெரு மானை
என்னுடம்பு அடும்பிணி இடர்கெடுத் தானை''

திருத்துருத்தி தலத்தினைச் சென்றடையும் வழி:
குத்தாலத்திற்குப் பக்கத்தில் உள்ளது. மயிலாடுதுறை - மகாராஜபுரம் சாலையில் உள்ளது.

]]>
http://images.dinamani.com/uploads/user/imagelibrary/2017/2/7/w600X390/sudha.jpg http://www.dinamani.com/religion/religion-serials/2017/jun/21/இந்துமத-அற்புதங்கள்-52-நோய்-தீர்த்த-மெய்தீர்த்தம்-2724917.html
2703180 ஆன்மிகம் தொடர்கள் இந்துமத அற்புதங்கள் 52 - அற்புதங்கள் சாத்தியமா? - டாக்டர் சுதா சேஷய்யன் Tuesday, May 16, 2017 10:44 AM +0530 அற்புதம், அதிசயம், ஆச்சரியம், அமானுஷ்யம் - இப்படி வர்ணிக்கப் பெறக் கூடிய நிகழ்வுகள் பல, சனாதன தர்ம சம்பவங்களில் நடந்திருக்கின்றன.

"பவதி பிக்ஷாந்தேஹி'' என்று நின்றார் இளம் பிரம்மசாரி. நெல்லிக்கனி கொண்டு வந்து கலத்தில் போட்டாள் அந்தப் பெண். வறுமையில் வாடிக் கொண்டிருந்த அந்தக் குடும்பத்திற்கே பொன் மழை பொழிய வைத்தார் ஆதி சங்கரர். அவர் கனகதாரா ஸ்தோத்திரம் பாட, சாட்சாத் மஹாலட்சுமி தங்கக் கனிகள் தந்தாள்.

வாய் பேச முடியாத மூகரை, ஐந்நூறு பாடல்களில் "மூக பஞ்சசதி' பாட வைத்தது, அம்பிகை நடத்திய ஓர் அற்புதம். கோயில் மடப்பள்ளியில் வேலை பார்த்த வரதனை, அன்னை, தன் அதிசய அருளினால், காளமேகம் என்னும் பெரும் கவியாக்கினாள்.

திருமழிசைபிரானின் கட்டளைக்கு அடிபணிந்து, காமரும் பூங்கச்சி மணிவண்ணன், தன் பாம்புப் படுக்கையைச் சுருட்டிக் கொண்டு பின் தொடர்ந்த அதிசயமும் நடந்ததுண்டு.

வயது முதிர்ந்தவர்களைப் பொறுத்தவரையில் நைவேத்தியமும், படையலும் பல சமயங்களில் வெறும் சம்பிரதாயங்கள். ஆனால், தான் பூஜை செய்து வைத்த பாலை விட்டலன் பருகவில்லை என்பதற்காகத் தன் தலையையே முட்டி மோதிக்கொண்டு சிறுவன் நாமதேவன் அழுதபோது, சொட்டு விடாமல் பாலைக் குடித்தான் பண்டரீபுர விட்டலன்.

இதே மாதிரியான அற்புதம், தென்னகத்தில், நம்பியாண்டார் நம்பிக்கும் நடந்தது. சிறுவனாய் இருந்த நம்பி கொடுத்த உணவை உண்டது மட்டுமல்லாமல், தினந்தோறும் நம்பி கேட்ட கேள்விகளுக்கெல்லாம் பதில் சொல்லிப் பாடம் வேறு நடத்தினாராம் விக்னம் தீர்க்கும் விநாயகர்.

ஆண்டவன் நடத்தியவை; அருளாளர்களும் அடியார்களும் நிகழ்த்தியவை என்று அற்புதங்களின் பட்டியல் நீண்டு கொண்டே போகும்.

அற்புதங்கள் சாத்தியமா? - இத்தகைய கேள்வியைக் கேட்கக் கூடியவர்களுக்கு ஒரேயொரு பதில்தான் உண்டு. அற்புதங்கள் இன்றும் நடக்கின்றன. கடவுளின் அருளாலும் கடவுளுக்கு அருகாமையில் நம்மை அழைத்துச் செல்லும் ஆசார்யப் பெருமக்களின் அருளாலும் அற்புதங்கள் நிகழ்ந்து கொண்டிருப்பதை, நாம் ஒவ்வொருவரும் பலமுறை உணர்ந்திருக்கிறோம்; இனியும் உணர்வோம்.

]]>
தஸ்தாயெவ்ஸ்கியின் மண்ணில் - 9 http://images.dinamani.com/uploads/user/imagelibrary/2017/3/5/w600X390/sudha.jpg http://www.dinamani.com/religion/religion-serials/2017/may/16/இந்துமத-அற்புதங்கள்-52---அற்புதங்கள்-சாத்தியமா-2703180.html
2667803 ஆன்மிகம் தொடர்கள் அவதாரம்! குறுந்தொடர் 6 Friday, March 17, 2017 04:22 PM +0530
ராமானுஜரைப் பிரிந்து தமது சீடர்களுடன் காசிக்குச் சென்ற யாதவப் பிரகாசர் கங்கையில் நீராடிக்கொண்டு இருந்தபோது மந்திர சித்து வேலைகள் மூலம் கங்கையில் நீராடிய     கோவிந்தபட்டர் கையில், தீர்த்தத்தோடு ஒரு லிங்கம் வரும்படி செய்தார். கையில் சிவலிங்கத்தைக்கண்ட கோவிந்த பட்டர் ஆசானிடம் காட்டினார். யாதவரும் கங்கையில் நீராடின பலன் உனக்கு கைமேல் கிடைத்தது. நீ இனிமேல் இவரைத் தான் தினமும் பூஜித்துவர வேண்டும். இன்று முதல் உனக்கு "உள்ளங்கை கொணர்ந்த நாயனார்' என்கிற பெயர் வழங்கும் என வாழ்த்தினார். குரு வார்த்தைக்குக் கட்டுப்பட்டு கோவிந்த பட்டரெனும் ஸ்ரீ வைணவ மாணவனும் அவர் சுட்டிய வழியில் தினமும் சிவலிங்கத்தை பூசை செய்யத் துவங்கினார்.

சில நாள்களில் காசியிலிருந்து விட்டு கச்சிக்குத் திரும்பிவரும் கோவிந்த பட்டரான உள்ளங்கை கொணர்ந்த நாயனார், யாதவப் பிரகாசர் அனுமதியோடு தமது ஊரான மதுரமங்கலம் சென்று லிங்கத்தை பிரதிஷ்டை செய்து பூஜித்து வந்தார். பின்னர், அவர் கனவில் காளஹஸ்திநாதன் தோன்றி கூறியபடி, காளஹஸ்திக்குச் சென்று சிவபூஜை செய்யத் துவங்கினார்.

காசியாத்திரை சென்ற மகன் இளையாழ்வார் தனியாக வீடு திரும்பியது கண்டு அன்னை காந்திமதி நடந்தவை கேட்டறிந்தாள். ஸ்ரீ வரதராஜன் சந்நிதியில் பணியில் ஈடுபட்டிருந்த திருக்கச்சி நம்பியை அழைத்து வந்து, அவரிடம் ராமானுஜரை காத்தருளும்படி ஒப்படைத்தாள். யாதவரின் சதிச்செயல் குறித்து ராமானுஜர் யாரிடமும் வெளியிடவில்லை. பூவிருந்தவல்லியில் பிறந்த வைசியர் திருக்கச்சி நம்பி ஆளவந்தாரின் சீடர். காஞ்சி அருளாளனிடம் அளவற்ற அன்புள்ளவர் அவருக்கு ஆலவட்டம் வீசும் (விசிறி) கைங்கர்யம் செய்து வந்தார். இறைவனோடு எப்போதும் தனித்து நெருங்கியிருப்பதால் அந்தரங்கத்தில் அருளாளனுடன் அளவளாவும் தகுதி உள்ளவர். பலரும் வரதனோடு பேசுபவர் என்று உணர்ந்து அவரை மதித்துப் போற்றினர்.

திருக்கச்சி நம்பியின் தொடர்பால் ராமானுஜர் பகவத் கைங்கர்யச் சுவையைக் கண்டார். குரு யாதவப் பிரகாசரை விஞ்சிய ஞானமுடையவர் ராமானுஜர் எனும் புகழ் எங்கும் பரவியிருந்தது. பூவிருந்தவல்லியை அடுத்த பேட்டை என்று அழைக்கப்படும் பச்சை வாரணப் பெருமாள் கோயில் தலத்தில் ராமானுஜரின் சகோதரிக்கு, தாசரதி என்ற ஒரு மைந்தர் இருந்தார். காஞ்சிக்கு அருகில் கூரம் என்னும் ஊரில் செல்வச் சீமானாய் வாழ்ந்து வந்த ஸ்ரீவத்ஸாங்கர் என்னும் கூரத்தாழ்வானும் ராமானுஜரின் சீடர்களானார்கள். 

கி.பி. 1037 -ஆம் ஆண்டு ஸ்ரீரங்கத்திலிருந்து அருளாளனைத் தரிசிக்க நாத முனிகளின் பேரனும், ஸ்ரீ வைணவ உலகின் பரமாசார்யராக விளங்கியவருமான யாமுனமுனி என்னும் ஆளவந்தார் காஞ்சிக்கு வந்தார். அவர் ராமானுஜரைப் பற்றி கச்சி நம்பியிடம் கேட்டறிந்து ராமானுஜரை நேரில் காணவும் ஆவல் கொண்டார். கோயிலில் யாதவப் பிரகாசர் தம் சீடர்களோடு வரதனை தரிசனம் செய்து வலம் வந்து கொண்டிருந்தார். அப்போது அங்கு வந்த திருக்கச்சி நம்பி, ஆளவந்தாரிடம் ராமானுஜரைச் சுட்டிக்காட்டினார்.

ஆளவந்தாரும் ராமானுஜரைக் கண்டு உளம் உவக்க வாழ்த்தி வைணவத்தின் எதிர்காலத்தில் நம் தரிசன நிர்வாகத்துக்கு இவரே ஏற்றவர் என அறுதியிட்டு, கச்சி நம்பியிடம் விடை கொண்டு ஸ்ரீரங்கம் விரைந்தார்.

கி.பி. 1038 -ஆம் ஆண்டு காஞ்சியில் அந்நாட்டு அரசனின் பிள்ளையை ஒரு பிரம்ம ராட்சதன் பிடித்து தொல்லை கொடுத்து வந்தது. யாதவப் பிரகாசரை அழைத்து வரும்படி ஆளனுப்பினான் அரசன். அதற்கு யாதவப் பிரகாசர், "அந்தப் பேயை நாம் போகும்படிச் சொன்னதாகச் சொல்லுங்கள், போய்விடும்'' என்று சொன்னார். அவ்வாறு சொன்னதற்கு அந்தப்பேய், "அந்த யாதவப் பிரகாசனை நான் போகும்படிச் சொன்னதாகச் சொல்லுங்கள்'' என்றது. இதைக் கேட்ட யாதவப் பிரகாசர். தம் சீடர்களுடன் அரண்மனைக்குச் சென்றார். மந்திர ஜபங்களைச் செய்ய பேய், "உனது மந்திர ஜபங்களுக்கு நான் பயப்பட மாட்டேன். உன்னுடைய பூர்வ ஜன்மம் தெரிந்த நான் நீ போகச்சொன்னால் போகமாட்டேன்'' என்றது. இதைக் கேட்ட யாதவப் பிரகாசர், "என் முற்பிறவி என்ன? நீ யார்? யார் போகச் சொன்னால் நீ போவாய்?'' என்று கேட்டார்.

"முற்பிறப்பில் மதுராந்தகம் ஏரியில் நீ ஒரு புதரில் ஓர் உடும்பாய் இருந்தாய். சில ஸ்ரீ வைணவர்கள் ஸ்ரீரங்கத்திலிருந்து திருமலைக்கு யாத்திரை செல்லும் வழியில் நீராடி திருமாலை வழிபட்டு பகவானுக்கு நிவேதனம் செய்யப்பட்ட அன்னத்தை உண்ணும்போது  கீழே சிதறிய புனிதமான அன்னத்தை நீ நாவால் நக்கினாய். அதனால் உனக்கு இப்பிறவியில் இந்த ஜன்மமும் நல்லறிவும் உண்டாயிற்று''என்றது. மேலும், "நான் சென்ற பிறவியில் அந்தணன். வேத வேதாந்தங்களை நன்கு கற்றுணர்ந்தவன். நான் யாகம் செய்தேன். ஆனாலும் அதில் ஏற்பட்ட தவறால் பேயாகப் பிறந்து உழல்கிறேன். நீ போகச் சொல்லி போகமுடியாது. உன் பக்கத்திலிருக்கும் ராமானுஜன் சொன்னால் போய் விடுகின்றேன். அவரால் எனக்கு நற்கதியும் கிடைக்கும்'' என்று சொல்லி ராமானுஜரை வணங்கியது.   

அரசனும் யாதவப் பிரகாசரும் ராமானுஜரிடம் சொல்ல, சிறிதும் தாமதியாமல் "பேயே நீ சொல்லியது உண்மையானால் மன்னன் மகனை விட்டுச் சென்றுவிடு. நீ செல்வதற்கடையாளமாக அருகிலுள்ள ஒரு மரத்தை முறித்துத் தள்ளிவிட்டுச் செல்'' என்று கட்டளையிட்டார். பேயும் அந்த மன்னனின் மகவை விடுத்து அருகிலுள்ள மரத்தை முறித்து விட்டு மறைந்து விட்டது. இதைக் கண்ட அரசனும் அருகிலிருந்தவர்களும் ராமானுஜரின் மகத்துவத்தை எண்ணி போற்றிப் புகழ்ந்தனர்.  

வயது முதிர்வாலும், மனச்சோர்வாலும் வாழ்வில் நம்பிக்கை குன்றி நிராசையுடன் இருந்த யாதவப் பிரகாசர் திருக்கச்சி நம்பியிடம் சென்று தன் மனக்கவலையைக் கூற, மறுநாள் அருளாளன் வாக்காக திருக்கச்சி நம்பி, "யாதவப் பிரகாசரே! நம் எல்லோருக்கும் உள்ள ஒரே கதி இனி யதிராஜர் தான்'' என்றார்.

விடை தெரிந்த யாதவப் பிரகாசர் அங்கிருந்து கிளம்பி நேரே யதிராஜர் மடத்துக்குச் சென்றார். யாதவப் பிரகாசரை யதிராஜர், மிக்க மரியாதை அளித்து வரவேற்றார். தத்துவ விசாரப் பேச்சுக்களின் முடிவில் தெளிவடைந்த யாதவப் பிரகாசர், யதிராஜர் திருவடிகளில் விழுந்து தன்னை ஆட்கொள்ள வேண்டினார். யதிராஜர் பஞ்ச சமஸ்காரத்துடன் பாகவத சந்நியாசம் தந்தார். சுமார் எண்பதாவது வயதில் கோவிந்த ஜீயர் என்ற துறவுப் பெயர் பூண்ட அவர், "யதிதர்ம சமுச்சயம்' என்ற துறவு பற்றிய நூல் ஒன்றையும் இயற்றினார்.

"குருவாய் இருந்தவரே, உய்ய ஒரே வழி உடையவர் திருவடி' என ஒப்புக் கொண்டார்.
- இரா.இரகுநாதன்

 

]]>
யதிராஜர் , ராமானுஜர் , Ramanujar http://images.dinamani.com/uploads/user/imagelibrary/2017/3/17/w600X390/Sri-Ramanujar.jpg http://www.dinamani.com/religion/religion-serials/2017/mar/17/அவதாரம்-குறுந்தொடர்-6-2667803.html
2663701 ஆன்மிகம் தொடர்கள் அவதாரம்! குறுந்தொடர் 5 Friday, March 10, 2017 12:55 PM +0530
மானுஜரோ, முதற்காரியமாக அருளாளனின் ஆறாவது கட்டளைப்படி பெரிய நம்பியை ஆசார்யனாக ஏற்று, பஞ்ச சம்ஸ்காரங்களை அவரிடம் பெற ஸ்ரீரங்கம் நோக்கிப் புறப்பட்டார். பெரிய நம்பியோ ராமானுஜரைச் சந்திக்க காஞ்சி நோக்கி வந்து கொண்டிருந்தார். எதிரெதிரே புறப்பட்ட இருவரும், வழியில் மதுராந்தகத்தில் எதிர்கொண்டனர்.  தண்டனிட்டு வணங்கிய ராமானுஜரை வாரி அணைத்து எடுத்து வாழ்த்தினார் பெரிய நம்பி.  கருணாகரப் பெருமாள் (இப்போது ஏரிகாத்த ராமன் திருக்கோயில் எனப்படுகிறது என்பர்) சந்நிதியில் இருவரும் இளைப்பாறினர். "எண்ணிய பயன் எதிர்ப்பட்டது! எல்லாம் இறைவன் செயல்' என மகிழ்ந்தனர்.

"அடியேனுக்கு இப்போதே மந்திர உபதேசம் செய்தருள வேண்டும்' என்று வேண்டினார் ராமானுஜர். ராமானுஜரின் தணியாத ஆர்வம் கண்டு, அப்போதே பெருமாள் சந்நிதி பிரகாரத்தில் நம்மாழ்வாரின் அம்சமான மகிழ மரத்தடியில் பெரிய நம்பிகள், பஞ்ச சம்ஸ்காரத்தை ராமானுஜருக்குச் செய்துவித்தார்.  
"பஞ்ச சம்ஸ்காரம்' என்பது வைணவனைப் பக்குவப்படுத்தும் ஐந்து விதமான வைணவச் சடங்குகள் ஆகும். அவை, தாப, புண்ட்ர, நாம, மந்த்ர, யாக சமஸ்காரம் எனப்படும். 

பெருமாளின் சங்கு, சக்கரம் ஆகியவற்றை நிரந்தரமாக உடலில் முறையே வலது தோளில் சக்கரத்தையும், இடது தோளில் சங்கத்தையும் முத்திரையாக நெருப்பில் சுட வைத்துப் பொறித்துக் கொள்வது "தாப சமஸ்காரம்' ஆகும்.  

நெற்றியில் மட்டுமின்றி உடலில் பன்னிரு இடங்களில் திருமண் காப்புத் தரித்தல் ஆகும். இவற்றைத் தரிக்கும்பொழுது பன்னிரு இடங்களான நெற்றி, நாபி, மார்பு, கழுத்து, இருதோள்கள், பிடரி, பின் இடுப்பு ஆகிய உடலின் பாகங்களில் முறையே, கேசவ, நாராயண, மாதவ, கோவிந்த, விஷ்ணு, மதுசூதன, திருவிக்கிரம, வாமன, ஸ்ரீதர, ஹிருஷிகேச, பத்மநாப, தாமோதர மூர்த்திகளைத் தியானித்து திருமண்காப்பு அணிவது "புண்டர சமஸ்காரம்' எனப்படும். 

"நாம சம்ஸ்காரம்' என்பது, பெற்றோர்கள் வைத்த பெயரைத் தவிர ஆச்சார்யன் (குரு) வைக்கும் நாமமாக ஒன்றை வைத்துக்கொள்ளுதல் ஆகும். இதற்கு, "தாஸ்ய நாமம்' என்று பெயர். கோத்திரம், சூத்திரம் முதலிய சரீர சம்பந்தமான சிறப்புகளை விடுத்து, ஓர்  ஆத்மாவுக்குரிய ஒருபடியான தாஸஸ்ய நாமாவை அடியேன் என்னும் பெயரை ஏற்றல். என்பதே நாம சமஸ்காரம் ஆகும்.

"மந்திர சம்ஸ்காரம்' என்பது, "ஓம் நமோ நாராயணாய!' என்ற எட்டெழுத்தான நாராயண மந்திரத்தையும் மறை பொருளோடு த்வயம், சரம ஸ்லோகம் (மோட்சத்துக்கான வழி) ஆகியவற்றை ஆச்சாரியன் மூலம், வலது செவியில் உபதேசமாகப் பெறுதல் ஆகும். "யாக சம்ஸ்காரம்', என்பது சரீரம், ஆத்மா இவைகளைப்பற்றி தொடர்ந்து வரும் கர்மம், ஞானம் இவற்றுக்குப் போக்கு வீடாக அமையும்படி, எம்பெருமானின் மூர்த்தியை, அமைத்துக் கொடுத்து, திருவாராதனம், திருவாராதனை, பூசை செய்யும் முறைமைகள் ஆகியவற்றை முறையாக ஆச்சாரியனிடம் கற்றுக்கொள்ளல், இவை அனைத்தும் ஒரு நன்னாளில், ஒரே வேளையில் நடத்தப்படும். 

இத்தகைய பஞ்ச சம்ஸ்காரத்தைத்தான் ஆச்சாரியனாக இருந்து பெரிய நம்பிகள், ஸ்ரீ ராமானுஜருக்கு 983 ஆண்டுகளுக்கு முன்னர் செய்து வைத்தார். இந்த ஐந்தும் பெற்றவரே ஸ்ரீ வைஷ்ணவ நெறியில் ஒழுகக்கூடிய தகுதி பெற்றவர் ஆவார். சீடர்கள் வேண்டியபடி, பெரியநம்பி தம் துணைவியுடன் காஞ்சிக்குச் சென்றார். அங்கு, ராமானுஜர் தமது இல்லத்தில் ஒரு பகுதியில் ஆசார்யன் பெரிய நம்பியைக் குடியமர்த்தினார். தமிழ் மறையாம் திருவாய்மொழி மூலபாடத்துக்கு விவரம் தம் குருவிடம் கற்று வந்தார். ஆசார்ய தொடர்பு பெற்று ஸ்ரீ வைணவ நூல்களைப் பயின்று பிரசாரப் பணிகளையும் தொடங்கியிருந்த ராமானுஜரின் தனி வாழ்வு மெல்ல மெல்ல ஸ்ரீ வைணவப் பொது வாழ்வாகப் பரிமளித்து வந்தது. அவரை நாடிப் பலர் கூடினர். அவரது புகழும் ஆத்ம குணச்சிறப்பும் மெல்ல மெல்ல உலகெங்கும் ஒளிரத்துவங்கியது.

மற்றொரு நாள், தஞ்சமாம்பாளும் ஆசார்யன் பெரிய நம்பியின் தேவி விஜயாம்பாளும் கிணற்றில் நீர் எடுக்கச் சென்றபோது, சிறு சச்சரவு ஏற்பட்டது. விஜயாம்பாள் குடத்திலிருந்து  தெளித்த நீர் தஞ்சமாம்பாள் குடநீரில் விழுந்துவிட்டது. ஆசார்யனின் மனைவி என்றும் கருதாமல் தஞ்சமாம்பாள் தரம் குறைந்த சொற்களால் பேசிவிட்டாள். அதைக் கணவர் பெரிய நம்பியிடம் தனிமையில் தெரிவித்தாள் விஜயாம்பாள்.

பெரிய நம்பியோ, ராமானுஜர் கேட்டால் விபரீதம் விளையும். அதற்கு முன் நாம் இவ்விடத்தை விட்டு திருவரங்கம் சென்றுவிட வேண்டும் என்று மனைவியுடன் புறப்பட்டுவிட்டார். வழக்கம்போல் ஆசார்ய அனுக்ரகம் பெற வந்த ராமானுஜருக்கு அவர் அங்கு இல்லாதது தெரிந்தது. "சொல்லாமல் சென்றுவிட்டாரே அபசாரப்பட்டு விட்டேனே'  என்று நெஞ்சம் பதறினார். தஞ்சமாம்பாளை அதட்டி நடந்ததைக் கேட்க, அவளும் உள்ளதைச் சொல்லி நின்றாள்.

"கொடிது கொடிது, ஆசார்ய அபசாரம் மிகக் கொடிது'' என்று அலறிக்கொண்டே இனி இவளுடன் இல்லறம் நல்லறமாகச் செல்லாது என்ற முடிவுக்கு வந்தார்.
ஸ்ரீவைஷ்ணவப் பணிக்கு இடையூறான இல்லறத்தைத் துறக்கத் துணிந்தார் ராமானுஜர்.  உடனிருந்த கந்தாடை ஆண்டான் (தாசரதி), கூரத்து ஆழ்வான் போன்ற துணைவர்களோடு திருக்கச்சி நம்பியிடம் சென்று தம் உள்ளக் கிடக்கையை வெளியிட்டார். முப்பதாம் வயதிலிருந்து நாற்பதற்குள் இல்லறத்தில் நிகழ்ந்தவை அவரை துறவு கொள்ளச் செய்தன.

ஸ்ரீ ராமானுஜர் ஆளவந்தாரை மனத்தில் இருத்தி, திருக்கச்சி நம்பியை முன்னிருத்தி, அருளாளனை நேரில் தண்டனிட்டு, தமக்குச் சந்நியாச வாழ்வை வழங்குமாறு வேண்டினார்.

காஞ்சிபுரத்தில் அனந்த புஷ்கரணியில் நீராடினார். காஷாயம் உடுத்தினார், முக்கோல் ஏந்தினார், நீரில் நின்றார். ""துறக்க வேண்டிய அனைத்தும் துறந்தேன், துறந்தேன்.. துறந்தேன்..!'' என மும்முறை கூறி, உறுதியேற்க வேண்டிய நேரம் வந்தது. அந்நேரத்தில் ராமானுஜர் முதலியாண்டானைத் (தாசரதியை) தவிர மற்ற யாவற்றையும் துறந்தேன் என்று கூறி துறவு பூண்டார். துறவுக்கோலம் பூண்ட ராமானுஜர் முன்னிலும் அதிகமாக பொலிவுடன் விளங்கினார்.

எல்லாவற்றையும் துறந்த அவருடைய வடிவைக் கண்டு "யதிராஜா!'' என்று அழைத்தார்  திருக்கச்சி நம்பி. ராமானுஜருக்கு அருளாளன் இட்ட தூய ஆசிரமப் பெயர் "யதிராஜன்' என்பதையே அனைவரும் போற்றி வழங்கத் துவங்கினர்.
- இரா.இரகுநாதன்

]]>
ஓம் நமோ நாராயணாய, யதிராஜர், ஸ்ரீராமானுஜர், Sri Ramanujar, Yathirajar http://images.dinamani.com/uploads/user/imagelibrary/2017/3/10/w600X390/RAMAJU.jpg http://www.dinamani.com/religion/religion-serials/2017/mar/10/அவதாரம்-குறுந்தொடர்5-2663701.html
2660011 ஆன்மிகம் தொடர்கள் அவதாரம்! குறுந்தொடர் 4 Saturday, March 4, 2017 12:54 PM +0530 காஞ்சியிலிருந்து திருவரங்கத்திற்குச் செல்லும் போதே ஆளவந்தார் பரமபதம் எய்தினார் என்ற செய்தி எட்டியது. யதி சமஸ்காரங்கள் முடிந்து காஞ்சி திரும்பிய பிறகு ஒரு தெளிவற்ற நிலையிலிருந்தார். ஆளவந்தாருக்குப்பின் ஸ்ரீ வைஷ்ணவ உலகின் தலைமைப் பொறுப்பு  ஏற்று வைணவத்தை நிலை நிறுத்த வேண்டிய பெரும் பொறுப்பு தமக்காகக் காத்து நிற்கிறது என்ற உணர்வு இளையாழ்வாருக்கு ஏற்பட்டது. அதற்கு தம்மைத் தகுதியுடையவராகச் செய்து கொள்வதில் அவர் இறங்கினார். அந்த நினைவு அவரது நெஞ்சில் புயலை எழுப்பியது. குழம்பி நின்ற ராமானுஜர் தெளிவுக்காக இறைவன் கட்டளையை எதிர்நோக்கினார். திருக்கச்சி நம்பியின் உதவியை நாடினார். 

* நானே (அருளாளன் எனப்படும் -திருமாலே) முழு முதற்கடவுள். * ஜீவாத்மாவிலிருந்து  பரமாத்மா வேறுபட்டது. * இறைவனை அடையும் முக்திநெறி முழுச் சரணாகதியே. * இறைவனடி சேர்ந்தார்க்கு மரணத்தைப் பற்றி அச்சப்படத் தேவையில்லை. * உடல் சாய்ந்த பிறகே மனிதருக்கு முக்தி. * பெரிய நம்பியை ஆசார்யராகப் பின்பற்று! என்னும் ஆறு வார்த்தைகளில் விளக்கமளித்தார் அருளாளன்.

கி.பி. 1039 ஆம் ஆண்டு திருக்கச்சி நம்பியை முதன்மை ஆசார்யராக இருக்கச்செய்து பஞ்ச சம்ஸ்காரங்களைப் பெற்று, ஆத்ம யாத்திரையைத் தொடங்க வேண்டும் என்று எண்ணினார். அதையொட்டி திருக்கச்சி நம்பியைத் தேடி இல்லத்தில் அமுது செய்ய (உணவருந்த) எழுந்தருள வேண்டினார். அவரும் இசைந்தார். மனைவி தஞ்சமாம்பாளிடம் திருக்கச்சி நம்பிக்கு, உணவு தயாரிக்கச் சொல்லி, அவர் உண்டபின் மிச்சமுள்ளதைத் தாம் அருந்தி, தூய்மை பெற விழைந்தார். ஒரு திருமால் அடியாரை உணவருந்தச் செய்து அந்தப் போனகச் சேடம் பெற்று அருள்பெற விழைந்தார் ராமானுஜர்.

குறிப்பிட்டபடி, தஞ்சமாம்பாள உணவு தயாரித்து விட்டு இன்னும் விருந்துண்ண வர வேண்டிய அவரைக் காணவில்லையே என்றாள் கணவரிடம். "எதிர்வந்து கொண்டிருப்பார் நானே நேரில் போய் அழைத்து வருவேன்' எனக்கூறி திருக்கச்சி நம்பியைத் தேடி கோயிலை வலமாகச் சுற்றிச் சென்றார். குறித்த காலத்தில் ராமானுஜர் இல்லம் செல்ல வேண்டும் என்பதற்காக கைங்கர்யத்தை நடுவில் நிறுத்தி, திருக்கச்சி நம்பியும் வேறொரு வழியாக வலம் வந்து ராமானுஜரின் 
இல்லத்தை அடைந்தார்.

வந்தவர், "அம்மணி அடியேன் இறை சேவையை இடையில் நிறுத்தி வந்தேன்.  விரைந்து பிரசாதம் பரிமாற வேணும்'' என்று பணிவுடன் வேண்டினார்.
ராமானுஜரின் மனைவியும், கணவர் வரவுக்குக் காத்திராமல் இடைசுழியில் இலையிட்டு, நம்பிக்கு உணவு பரிமாறி, அவர் சாப்பிட்டதும் விரைந்து, எச்சிலை எடுத்து அகற்றி, சாணம் இட்டு தரை மெழுகி நீராடவும் சென்றாள்.

திருக்கச்சி நம்பியைத் தேடிச் சென்று கோயில் எங்கும் தேடிக் காணாமல் அலைந்து, வீடு திரும்பிய ராமானுஜர் நீராடி நிற்கும் மனைவியைப் பார்த்து  விவரம் வினவினார். தஞ்சமாம்பாளும் நடந்ததைச் சொல்லி மேலே வீட்டைக் கழுவி, புதியது சமைக்க  முற்பட்டாள்.

ராமானுஜருக்குப் ஆற்றொணாச் சீற்றம் அளவு கடந்து வந்தது. ஆளவந்தார் அருள்வேண்டி ஸ்ரீரங்கம் சென்றபோது ஏற்பட்ட ஏமாற்றம், அதைத் தொடர்ந்து அவரது அடியார் சேஷம் பெற ஆசைப்பட்டு அதுவும் கிட்டாத ஏமாற்றம் எல்லாம் சேர்ந்தது. ஆயினும் ஒருவாறு சினத்தை மனத்தில் அடக்கிக்கொண்டு, ""பரம பாகவதரை ஆராதிக்கும் முறை இதுதானா?'' என்று மனைவியைக் கேட்டார்.

"நான் தவறு ஏதும் செய்யவில்லையே, சாதிக்குத் தக்க ஆசாரத்தோடு சமூகத்தில் உள்ள நடைமுறைப்படிதான் நடந்து கொண்டேன்'' என்று மறுமொழி தந்தாள் மனைவி.   ""பெருமாளிடம் நேரில் வார்த்தையாடும் பாகவத உத்தமர்க்கு சாதி ஏது? சாதிக்கென தனி நீதி ஏது?'' என்று கடிந்து கொண்டார். ஆத்திரத்தை அடக்கிக்கொண்டு, பாகவத அபசாரத்துக்கு பரிகாரம் செய்ய நம்பியைத்தேடி ஓடினார். நடந்துவிட்ட தவறுக்காக  காலில் விழுந்து மன்னிக்க மன்றாடினார்.

இளையாழ்வாரின் மனோநிலை கண்ட திருக்கச்சிநம்பி அவரைப் பலபடியாக ஆறுதல் கூறித்தேற்றினார். ஆயினும் அவர் மனம் தெளியவில்லை. கி.பி. 1039 இல் இந்நிகழ்ச்சி நடக்கும் போது ராமானு ஜரின் வயது 22 மட்டுமே. 

நல்ல ஆசான்களின் தொடர்பினால் ஸ்ரீ வைஷ்ணவ நூல்களைப் பயின்று பிரசாரப் பணிகளைத் தொடங்கியிருந்த ராமானுஜரின் தனி வாழ்வு மெல்ல மெல்ல ஸ்ரீ வைணவப் பொது வாழ்வாக மலர்ந்து வந்தது. அவரை நாடிப் பலர் கூடினர். அவரது புகழும் ஆத்ம குணச்சிறப்பும் மெல்ல மெல்ல உலகெங்கும் ஒளிரத்துவங்கியது.

ஓர் ஏழை ஸ்ரீ வைணவன்  மிகுந்த களைப்புடன் வந்து, பசிக்கிறது என்று கூறினான். பசியால் துடிக்கும் அவனுக்கு ராமானுஜர் உடனே சோறிடுமாறு தஞ்சமாம்பாளிடம் கூறினார். அவரோ, "இவர்களுக்கெல்லாம் என்ன வேலை, எப்போதும் தொல்லை' என்கிற பாவனையில் அலட்சியமாக "அடிசில் இன்னும் தயாராகவில்லை'' என்றார். "பழைய அமுதாவது இருந்தால் உடனே போடு! " என்றார் ராமானுஜர். அது கூட இல்லை என்று மறுதலித்தார் மனைவி.

அவ்வார்த்தையில் சந்தேகம் கொண்ட ராமானுஜர், மனைவி வேறு வேலைக்குச் செல்ல, தாமே தளிகை சமைக்கும் அறைக்குச் சென்று பார்த்தார். ஒரு பாத்திரத்தில் பழைய அமுது நிறைந்து இருந்தது. அதையெடுத்து ஸ்ரீ வைணவனுக்கு வழங்கிவிட்டு, தஞ்சமாம்பாளிடம் "உன்னிடம் கருணையும் வற்றிவிட்டது.

பொய்யும் புகுந்துவிட்டது' என்று சொல்லிக் கடிந்துகொண்டார். அந்தச் சொல்லால் கூட அவர் திருந்தவில்லை. உலகு உய்ய வழி காட்டிய உத்தமனின் பாதையில் நடக்கத் தஞ்சமாம்பாள் தயாராகவில்லை. ஆனால் உண்மையை யதார்த்தத்தை உணர்ந்து உலகம் நடந்தது.
- இரா.இரகுநாதன்

]]>
ஸ்ரீ ராமானுஜர், Ramanujar http://images.dinamani.com/uploads/user/imagelibrary/2017/3/4/w600X390/dd1f84a2fee84299190190d159372441.jpg http://www.dinamani.com/religion/religion-serials/2017/mar/04/அவதாரம்-குறுந்தொட-2660011.html
2657584 ஆன்மிகம் தொடர்கள் அவதாரம்! குறுந்தொடர்: 3 Tuesday, February 28, 2017 11:15 AM +0530
தன் தந்தையிடம் தமிழ், வடமொழி ஆகிய உபய வேதங்களை கற்ற பிறகு, தத்துவங்களை உணர்ந்து சிறக்க காஞ்சிபுரத்திற்கு அருகிலுள்ள திருப்புட்குழி என்னும் ஊரில் அப்போது கல்வி கேள்விகளில் புகழ்பெற்று, ஆசிரியராக விளங்கிய யாதவ பிரகாசரிடம் வேதாந்தம் பயிலச் சென்றார்.

தொடக்கத்தில் இளையாழ்வாரின் தோற்றமும் அறிவும் இன்மொழியும் யாதவப் பிரகாசரை மிகவும் கவர்ந்தது. அவரிடம் கல்வி கற்கும்போதே தனது 16 ஆவது வயதில் தஞ்சமாம்பாள் என்பவளைத் திருமணம் செய்து கொண்டு இல்லறத்திலும் ஈடுபட்டார்.

ஒருமுறை தன் குருவிற்கு இளையாழ்வார் எண்ணெய் தேய்த்துக் கொண்டிருந்தார். அப்போது ஒரு சீடன் அங்கு வந்து சில உபநிடத வாக்கியங்களுக்கு பொருள் கேட்க அவரும் சொல்லி கொண்டிருந்தார். அப்போது யாதவ பிரகாசர் கண்களை மூடிக் கொண்டு இறைவனின் கண்களை ஒப்பிட்டுச் சொல்லும் போது கபி என்றால் குரங்கு, ஆசம் என்றால் அதன் பின்பாகம் எனப்பொருள் கொண்டு குரங்கின் பின்பாகத்தை ஒத்த சிவந்த தாமரை புஷ்பங்களைப் போன்ற கண்களை உடையவன் இறைவன் என பொருள் கூறினார்.

அப்போது யாதவபிரகாசரின் தொடை மீது இரு சொட்டு சூடான நீர்த்துளிகள் விழுந்தன. கண் திறந்து பார்த்த யாதவப்பிரகாசர், அந்த நீர்த்துளிகள் இளையாழ்வாரின் கண்ணிலிருந்து ஆசிரியர் மீது விழுந்தது என்பதை அறிந்து திகைத்துக் காரணம் கேட்டார்.

ஒரு பொருளுக்கு உதாரணம் எடுத்து காட்டும்போது உயர்ந்த பொருளையே காட்ட வேண்டும். தாழ்ந்தவற்றைக் காட்டக்கூடாது என்று கூறினார். சீடனின் சந்தேகத்தை விளக்க குரங்கின் பின்பாகம் எனப்பொருள் கொண்டது தவறு. சூரிய மண்டலத்துள் உறையும் இறைவனின் கண் அக்கதிரவனால் அலையப்படும் நீரிலே இருக்கக் கூடிய தாமரை போன்றவை என பொருள் வரும் எனத்தெரிவித்தார். யாதவருக்கு அழகிய பொருள் பொதிந்த இக்கருத்து சரியானதாக இருந்தாலும் ஏற்க மனம் வரவில்லை. மாறாக சினம் பொங்கக் கடிந்தார்.

மற்றொரு முறை தைத்திரிய உபநிஷத்தில் ஸத்யம், ஞானம், அனந்தம், பிரஹ்ம என்ற முக்கியமான வாக்கியத்துக்கு, அதிலுள்ள சொற்கள் அனைத்தும் பிரம்மம் ஒன்றையே பொருளாகக் கொண்டவை என்றார் யாதவர். அதைக்கேட்ட ராமானுஜர், அதனைச் சிறிது மாற்றி அச்சொற்கள் பிரம்மத்தின் ஸ்வரூப இயல்பான குணங்களைச் சொல்வன என்று வாதிட்டார்.

ஒரு மலருக்கு, செம்மை, மென்மை, மணம் வடிவழகு, நிறை போன்ற பல குணங்கள் இருக்கலாம். குணங்களின் இந்த பல அம்சங்கள் அந்த அதே மலரின் ஒன்றுக்கு ஒன்று மாறுபட்டது இல்லை.

அதுபோல் பல்வேறு பண்புகளுடைய பிரம்மம் ஒன்றே என்பதில் சந்தேகமில்லை என்பது இளையாழ்வாரின் விளக்கம். ராமானுஜரின் அறிவுக் கூர்மை, ரசிப்புத்தன்மை, நாவன்மை யாதவரின் மனத்தில் தான் புறந்தள்ளப்பட்டு விடுவோமோ என சந்தேகத்தை எழுப்பியது. கி.பி 1036 ஆம் ஆண்டில் காசி யாத்திரை என்று பெயரிட்டு, அழைத்துச்சென்று புனித கங்கையில் அறிவுச்சுடர் ராமானுஜரை அழுத்திக் கொல்ல வேண்டும் என்று யாதவர் சதித்திட்டம் தீட்டி இறை அருளால் அந்தச் சூழலில் இருந்து தப்பி காஞ்சிபுரம் வந்து சேர்ந்தார்.

தன் அருமைப் புதல்வன் உயிர் மீண்டதில் ஆறுதல் பெற்ற காந்திமதி, ஸ்ரீ வரதராஜன் சந்நிதியில் பணியில் ஈடுபட்டிருந்த திருக்கச்சி நம்பியை அழைத்து வந்து, அவரிடம் ராமானுஜரை காத்தருளும்படி ஒப்படைத்தாள். திருக்கச்சி நம்பி காஞ்சி வரதராஜனிடம் அளவற்ற அன்புடன் அவருக்கு ஆலவட்ட (விசிறி) கைங்கர்யம் செய்து வந்தார். இறைவனோடு நேரில் பேசுபவர். திருக்கச்சி நம்பியின் தொடர்பால் ராமானுஜர் பகவத் கைங்கர்யச் சுவையைக் கண்டார். கி.பி 1037 ஆம் ஆண்டு ஸ்ரீரங்கத்திலிருந்து அருளாளனைத் தரிசிக்க நாதமுனிகளின் பேரனும், ஸ்ரீ வைஷ்ணவ உலகின் பரமாசார்யராக விளங்கியவருமான யாமுனமுனி என்னும் ஆளவந்தார் காஞ்சிக்கு எழுந்தருளினார். காஞ்சி திரும்பிய இளையாழ்வார், தன் வாழ்வை செப்பனிட வேண்டிய கல்வியை அறிய விரும்பினார். பெருமாளுடன் பேசும் அருள்பெற்ற திருக்கச்சி நம்பியிடம் தாம் கேட்டுத் தெளிய வேண்டிய ஆறு விஷயங்கள் உள்ளன என்று ராமானுஜர் கூறினார். அவை குறித்து அருளாளன் விளக்கத்தைக் கேட்டுத் தமக்குத் தெரிவிக்க திருக்கச்சி நம்பியை வேண்டினார். மறுநாள் ராமானுஜரிடம் திருக்கச்சி நம்பி, ராமானுஜர் உறுதிப்படுத்திக் கொள்ள வேண்டிய கொள்கைகளாக அருளாளன் கூறிய இவற்றை வெளியிட்டார்.

1. அஹமேவ பரம் தத்வம்: நானே அருளாளன் எனப்படும் (திருமாலே) முழு முதற்கடவுள்.

2. தர்சனம் பேதயேவச: ஜீவாத்மாக்களினின்று பரமாத்மா வேறுபட்டவன்.

3. உபாயேஷு ப்ரபத்தி ஸ்யாத்: இறைவனை அடையும் முக்திநெறி முழு சரணாகதியே.

4. அந்திம ஸ்மிருதி வர்ஜனம்: இறைவனடி சேர்ந்தார்க்கு மரணம் பற்றிய அச்சம் தேவையில்லை.

5. சரீர அவஸôதே முக்தி: உடல் சாய்ந்த பிறகே மனிதருக்கு முக்தி.

6. மஹாபூர்ண ஸமாச்ரயணம்: மகாபூர்ணர் என்னும் பெரிய நம்பியை ஆசார்யராகப் பின் பற்றுக.


என்ற இந்த ஆறு வார்த்தைகளும் இறைவன் கற்றுக் கொடுத்த பாடங்களாகி ராமானுஜரின் கொள்கைகளையும் வாழ்க்கை நெறிகளையும் முறைப்படுத்தி விட்டன. இந்தக் கொள்கைகளே பாரத தேசம் முழுவதும் கால தேச வர்த்தமானத்துக்கு ஏற்ப உருக்கொண்ட ஸ்ரீவைணவமாகும்.

குருகுலவாசம் அவருக்கு பாடங்களை மட்டும் போதிக்கவில்லை. மக்கள் உய்ய வழிகாட்டியது.

- இரா. இரகுநாதன்

]]>
ராமானுஜர், Ramanujar http://images.dinamani.com/uploads/user/imagelibrary/2017/2/28/w600X390/RAMANUJAR.jpg http://www.dinamani.com/religion/religion-serials/2017/feb/28/அவதாரம்-குறுந்தொடர்-3-2657584.html
2651866 ஆன்மிகம் தொடர்கள் அவதாரம்! குறுந்தொடர்: 2 Saturday, February 18, 2017 12:40 PM +0530 ஸ்ரீ ராமானுஜர் ஆயிரமாவது ஆண்டு சிறப்பு தரிசனம்

பன்னிரண்டு ஆழ்வார்களில் ஒருவரான மதுரகவி ஆழ்வார் எந்த திவ்ய தேசப்பெருமாளையும் பாடவில்லை. அவர் பாடியது அவரது குருவான நம்மாழ்வாரை மட்டுமே. ஒரு நேரத்தில் நம்மாழ்வாரிடம் நித்திய பூஜைக்கு அவருடைய அர்ச்சா விக்ரகம் வேண்டுமெனக் கேட்டார் மதுரகவியாழ்வார். தண்பொருநை தண்ணீரை எடுத்து சுண்டக்காய்ச்சினால் அர்ச்சா விக்ரகம் வெளிவரும் என அருளினார் நம்மாழ்வார்.

பொருநைத் தண்ணீரை எடுத்து காய்ச்சியபோது திருதண்டம் காஷாய உடையுடன் மதுரகவிகள் அதுவரை அறியாத விக்ரகம் ஒன்று உருவாகி வெளி வந்தது.

நம்மாழ்வாரிடம் சென்று அதன் விவரம் கேட்டார் மதுரகவிகள். ஞானத்தால் உண்மையைக் கண்டுணர்ந்த நம்மாழ்வார் அது எனக்குப் பின்னர் 300 ஆண்டுகள் கழித்து உதித்து வைணவத்தை நிலைநிறுத்தப்போகிற ராமானுஜர் என அருளினார்.

கி.பி. 1017 இல் பிறக்கப்போவதற்கு 300 ஆண்டுகளுக்கு முன்பே விக்ரக வடிவில் வந்து காட்சி தந்தவர் ஆழ்வார்திருநகரியில் எழுந்தருளியுள்ள ராமானுஜர்.

தற்போது பின்னால் எழுந்தருளப்போகிற என்ற பொருளில் பவிஷ்ய என்ற அடைமொழி சேர்த்து ‘பவிஷ்ய ராமானுஜர்' என அழைக்கப்படுகிறார். அந்த விக்ரகத்தைப் பெற்ற நாதமுனிகள் அதனை நம்மாழ்வார் அவதாரத் தலமான ஆழ்வார் திருநகரியிலேயே பிரதிஷ்டை செய்தார். இங்கு துறவறம் ஏற்கும் முன் உருவான திருவிக்ரகமாதலால் எப்போதும் எம்பெருமானார்க்கு வெள்ளையாடை மட்டும் சார்த்தப்படுகிறது.

ஸ்ரீ ராமானுஜரை ஆழ்வார்திருநகரியில் நிறுவிய நாதமுனிகள் மகனான ஈஸ்வர முனியின் திருக்குமாரர் ஆளவந்தார் ஆவார். சிறந்த அறிஞராக விளங்கிய ஆளவந்தாருக்குப் பல சீடர்கள் உண்டு. அவர்களில் ஒருவரான பெரிய திருமலை நம்பிக்கு இரு சகோதரிகள். மூத்த சகோதரி பூமிபிராட்டி என்பவள், இவள் ஸ்ரீ பெரும்புதூர் ஆசூரி குல திலகரான கேசவ சோமயாஜியை மணந்தார். இளையவள் பெரியபிராட்டி மதுரமங்கலம் கமல நயன பட்டரை மணந்தாள். பெரிய திருமலை நம்பி தன் சகோதரிகளுக்கு நற்புத்திரர்கள் பிறக்க வேண்டும் என திருவேங்கடமுடையானை அனுதினமும் வேண்டுதல் செய்து கொண்டிருந்தார்.

இந்நிலையில் பெரும்புதூர் கேசவ சோமயாஜி நெடுநாள் பிள்ளை பேறின்றி இருந்தமையால், திருவல்லிக்கேணி பார்த்தசாரதியை வேண்டி, புத்திர காமேஷ்டி யாகம் செய்து, அதன் பயனால் பூமிபிராட்டி கருவுற்றாள். சரியாக, 1000 ஆண்டுகளுக்கு முன்னால் கலியுகம் 4196 இல் பிங்கள வருடம், சித்திரை மாதம், சுக்கில பட்ச பஞ்சமி திதி சேர்ந்த, திருவாதிரை நட்சத்திரத்தில் ஓர் ஆண் குழந்தை ஆதிசேஷனின் அம்சமாக அவதரித்தது. முற்பிறவியில் ராமனின் தம்பியாகிய லட்சுமணனாக அவதரித்து கிருஷ்ணாவதாரத்தில் பலராமனாகப் பிறப்பெடுத்து இப்பிறவியில் உலக மக்களை உய்விக்க வேண்டி பெரும்புதூர் கேசவ பட்டர்க்கு முற்பிறவியில் ராமனின் தம்பியாகிய லட்சுமணனே இப்பிறவியில் மகவாக அவதரித்தார்.

தம் சகோதரிக்கு மகன் பிறந்திருப்பதைக் காண திருமலை நம்பிகள் பெரும்புதூருக்கு வந்தார். குழந்தையை கண்டு மகிழ்ந்து உள்ளம் நிறைந்தார். திருமாலுக்கு தொண்டு செய்யும் அறிகுறிகள் அக்குழந்தையிடம் இயல்பாகவேத் தென்பட்டது. ஆதிசேஷனின் அம்சமாக ராமாவதாரக் காலத்தில் இலக்குவனாக அவதரித்த அதே அறிகுறிகளும் அம்சங்களும்  இக்குழந்தைக்கு இருந்ததால் ராமனுக்கு நெருக்கமானவன் என்னும் பொருளில் அக்குழந்தைக்கு ‘இளையாழ்வார்' என பெயர் சூட்டினார்.

கேசவ பட்டர் அக்குமாரனுக்கு நல்ல ஹோரைகள் சேர்ந்து வந்த ஒரு நன்னாளில் முதன் முதலாக திட உணவுகளை உண்ணும் வகையில் அன்னபிராசனம் செய்து வைத்தார். பின்னர் முடியிறக்கும் வைபவமும் நடத்தி வைத்தார். ஐந்தாவது வயதில் கர்ண பூஷணம் என்னும் காது குத்தும் வைபவத்தை நடத்தினார்.

ஒரு நல்ல நேரம் உள்ள நல்ல நாளில் எழுத்தறிவித்தல் என்னும் அட்சராப்பியாசத்தைத் துவக்கி வைத்தார். ஸ்ரீபெரும்புதூர் மணவாள மாமுனிகள் சந்நிதி அமைவதற்கு முன்பாகவே வீற்றிருந்த பெருமாள் ஸ்ரீ தேவி பூதேவியுடன் தனிக்கோயிலில் அருள்புரிந்து வந்திருக்கின்றார். அந்த சந்நிதியில் இறைவன் முன்பாக, இளையாழ்வாருக்கு அட்சராப்பியாசம் துவங்கப்பட்டது. மண்ணில் கைகளால் அளைந்து கற்கத்துவங்கிய இடமாதலால் அந்தப் பெருமாள் 'மண்ணளைந்த பெருமாள்' என அழைக்கப்பட்டார். அந்த சந்நிதியில் கல்வி கற்கத் துவக்கிய நல்ல நேரம் இந்த உலகிற்கு வழி காட்டும் வகையில் அமைந்தது.

உரிய நாளில் 9 ஆவது வயதில் காதில் மந்திரம் ஓதி ஞானக்கண் திறந்து உபநயனம் செய்து வைத்தார். ராமானுஜனும் எண்ணமெல்லாம் கருத்தாக அக்கால சூழல் மற்றும் இடத்திற்கு தக்கபடி, வேதத்தையும், தமிழையும் கற்று உபய வேதங்கள் என்னும் தமிழ் வடமொழிகளில் புலமை பெற்று அதிமேதாவியாய் திகழலானார். கி.பி 1033 இல் தந்தையார் மறைவு வரை அவரிடமும் பயின்றார். அதன் பின்னர் தத்துவ நாட்டத்துடன் காஞ்சிபுரத்திற்கு அருகிலுள்ள திருப்புட்குழி என்னும் ஊரில் கல்வி கேள்விகளில் புகழ்பெற்று, இருந்த ஆசானான யாதவ பிரகாசரிடம் வேதாந்தம் பயிலச் சென்றார்.

அதேநேரத்தில் மதுர மங்கலத்தில் கமலநயன பட்டருக்கும் பெரிய பிராட்டிக்கும் குரோதன வருடம் தை மாதம், புனர்பூச நட்சத்திரத்தில் ஓர் ஆண் மகவு பிறந்து பெரிய திருமலை நம்பிகளால் கோவிந்தன் என பெயரிடப்பட்டு அவரும் கல்வியில் சிறந்து, வேத அத்யயனத்தை இளையாழ்வாருடன் சேர்ந்தே கற்றுணர்ந்தார்.

இளையாழ்வாரின் தோற்றமும் அறிவும் இன்மொழியும் யாதவ பிரகாசரை மிகவும் கவர்ந்தது. அவரிடம் கல்வி கற்கும்போதே தனது 16 ஆவது வயதில் தஞ்சமாம்பாள் என்பவளை திருமணம் செய்து கொண்டு இல்லறத்தில் ஈடுபடலானார்.

ஆதிசேஷனாக ஆதியில் அவதரித்தார். ராமாவதாரத்தில் தம்பி இலக்குவனாகத் தோன்றினார். கிருஷ்ணாவதாரத்தில் அண்ணன் பலராமனாக அவதரித்தார். கலிகாலத்தில் ராமானுஜராக மக்களுக்குத் தோழனாக துணைவனாக வழிகாட்டியாக நல்ல ஆசானாக வழிநடத்தி வழிகாட்டும் குருவாக அவதரித்தார். உய்ய ஒரே வழி உடையவர் திருவடியே!

- இரா.இரகுநாதன்

]]>
Ramanujar, ராமானுஜர் http://images.dinamani.com/uploads/user/imagelibrary/2017/2/18/w600X390/43b7b86e35c01d665fad75912fd5fa2a.jpg http://www.dinamani.com/religion/religion-serials/2017/feb/18/அவதாரம்-குறுந்தொடர்-2-2651866.html
2736 ஆன்மிகம் தொடர்கள் முத்து மாரியம்மன் கோயில் திருவிழா dn Thursday, July 28, 2016 12:50 PM +0530 உத்தரமேரூர் வட்டம், திருப்புலிவனத்தில் முத்து மாரியம்மன் கோயில் 3-ஆம் ஆண்டு திருவிழா ஞாயிற்றுக்கிழமை நடைபெற்றது.
விழாவையொட்டி, அம்மனுக்கு கூழ்வார்த்தல், மகா அபிஷேகம், பால்குட ஊர்வலம், அன்னதானம், தீ மிதி திருவிழா, குளக்கரையில் இருந்து நீர் திரட்டுதல் மற்றும் சிறப்பு அலங்காரத்தில் ஸ்ரீ முத்து மாரியம்மன் திருவீதி உலா நடைபெற்றது.
இதில் திரளான பக்தர்கள் கலந்துகொண்டு அம்மனை வழிபட்டனர். விழாவுக்கான ஏற்பாடுகளை கோயில் நிர்வாகிகள் எஸ்.அழகரசன், எம்.மணி, ஜி.வீரராகவன், எம்.கோதண்டன் ஆகியோர் செய்திருந்தனர்.
 

]]>
http://images.dinamani.com/uploads/user/imagelibrary/2016/7/28/w600X390/1.jpg http://www.dinamani.com/religion/religion-serials/2016/jul/28/முத்து-மாரியம்மன்-கோயில்-திருவிழா-2736.html
2725 ஆன்மிகம் தொடர்கள் ஆடியில் எந்த அம்மனை வணங்கினால் பிரச்னைகள் தீரும்? dn Thursday, July 28, 2016 12:21 PM +0530 தமிழ் மாதங்கள் ஒவ்வொன்றுக்கும் ஒவ்வொரு சிறப்புகள் உள்ளன. எனினும் இவை அனைத்தைக் காட்டிலும் ஆடி மாதம் மிகவும் சிறப்பு வாய்ந்ததாகக் கருதப்படுகிறது. ஆடி மாதம் அம்மனுக்கு உரியது.

ஆடி மாத அம்மன் வழிபாடு என்பது தமிழர்களின் பாரம்பரியத்தோடு ஒட்டி வந்த ஒன்று. ஆடி மாதம் முழுவதும் கோவிலுக்கு சென்று அம்மனை வழிபட உகந்தது. ஆடி மாதத்தில் எந்த
அம்மனை வணங்கினால் என்ன பிரச்னைகள் தீரும் என்பதை பற்றி பார்ப்போம்.

விருதுநகர்: இருக்கன்குடி மாரியம்மன் சிவாம்சம் கொண்டவள். கருவறையில் தேவிக்கு முன் சிங்கத்திற்குப் பதிலாக நந்தி வீற்றருள்கிறார். கண் நோய் உள்ளோர் தேவிக்கு அபிஷேகம் செய்த நீரால் கண்களைக் கழுவ கண் நோய் நீங்கும்.

மதுரை: சோழவந்தானில் ஜெனகை மாரியம்மன் கோயிலில் வழங்கும் பிரசாதமான தீர்த்தத்தை அருந்த அம்மை நோயால் பாதிக்கப்பட்டவர்களுக்கு உடனே குணமாகும்.

மதுரை: எல்லீஸ் நகரில் அருளும் தேவி கருமாரியம்மனை வணங்கினால் நினைத்தது நிறைவேறும். அனைத்து மதத்தினரும் இந்த அன்னையை வழிபட்டு நலம் பெறலாம்.

புதுக்கோட்டை: நார்த்தாமலையில் முத்து மாரியம்மன் திருவருள் புரிகிறாள். இங்கு அக்கினி காவடி எடுத்தால் தீராத நோய் தீரும். மழலை வரம் வேண்டுவோர் கரும்புத் தொட்டில் கட்டலாம்.

ஊட்டி: மகாமாரி, மகாகாளி இருவரும் ஒரே கருவறையில் அருள்கின்றனர். இங்குள்ள காட்டேரியம்மன் சந்நிதியில் மந்திரித்துத் தரும் முடிக்கயிறு, தோஷங்கள், நோய்கள், பில்லி, சூனியங்களை விலக்குகின்றது.

நாமக்கல்: ராசிபுரத்தில் நித்யசுமங்கலி மாரியம்மனை தரிசிக்கலாம். வருடம் முழுவதும் அம்பிகையின் எதிரே சிவாம்சமான கம்பம் நடபட்டிருப்பதால் இப்பெயர் வந்தது. ஐப்பசி மாதம் புதுக் கம்பம் நடும்போது தயிர்சாதம் நிவேதிப்பர். அந்த தயிர்சாத பிரசாதத்தை உண்பவர்களுக்கு அடுத்த வருடமே மழலைப் பேறு கிட்டும்.

கோவை: கோவையில் ஆட்சிபுரியும் தண்டு மாரியம்மன், குடும்ப பிரச்னையை தீர்த்து அருள்வதாக ஐதீகம்.

]]>
http://images.dinamani.com/uploads/user/imagelibrary/2016/7/28/w600X390/muthalamman.jpg http://www.dinamani.com/religion/religion-serials/2016/jul/28/ஆடியில்-எந்த-அம்மனை-வணங்கினால்-பிரச்னைகள்-தீரும்-2725.html
2686 ஆன்மிகம் தொடர்கள் சிதம்பரம் ஸ்ரீநடராஜர் கோயிலில் லட்சம் ருத்ர பாராயணம் dn Wednesday, July 27, 2016 12:54 PM +0530 சிதம்பரம் ஸ்ரீநடராஜர் கோயிலில் முதன்முறையாக ருத்ர மந்திரத்தை லட்சம் முறை ஓதும் லட்ச ருத்ர பாராயணம், கோடி வில்வ அர்ச்சனை வரும் 28-ஆம் தேதி முதல் செப்டம்பர் 15 வரை நடைபெற உள்ளது.

சென்னை கார்ப்பரேட் கிளினிக் நிறுவன நிர்வாக இயக்குர் பி.ராமகிருஷ்ணன் உபயதாரராகப் பொறுப்பேற்று நடத்தும் சிறப்பு வழிபாடு குறித்து ஸ்ரீநடராஜர் கோயில் தீட்சிதர்கள் என்.பி.பட்டு தீட்சிதர், எஸ்.ராஜா சோமசேகர தீட்சிதர் ஆகியோர் கூறியதாவது:

பொதுவாக ஸ்ரீநடராஜ பெருமானுக்கு இதுவரை ஏகாதச ருத்ரம், மஹா ருத்ரம், அதி ருத்ரம் ஆகிய பாராயணங்கள் மேற்கொள்ளப்பட்டு வந்தன.
தற்போது முதன்முதலாக லட்சம் முறை ருத்ர மந்திரத்தை பாராயணம் செய்யும் லட்ச ருத்ர பாராயணம் வரும் ஜூலை 28-ஆம் தேதி தொடங்கி செப்டம்பர் 15-ஆம் தேதி வரை நடைபெற உள்ளது.

தினமும் 100 தீட்சிதர்கள் இணைந்து காலை 9 மணி முதல் 12 மணி வரைக்கும், மாலையில் 5 மணி முதல் 8 மணி வரை பாராயணம் செய்வதன் மூலம் 1,08,900 பாராயணம் செய்யத் திட்டமிடப்பட்டுள்ளது.

நாள்தோறும் ருத்ர மந்திரம் ஓதும் வேளையில் 100 பேர் கோடி வில்வ அர்ச்சனை செய்ய ஏற்பாடுகள் செய்யப்பட்டுள்ளன என்று அவர்கள் தெரிவித்தனர்.

]]>
சிதம்பரம் http://www.dinamani.com/religion/religion-serials/2016/jul/27/சிதம்பரம்-ஸ்ரீநடராஜர்-கோயிலில்-லட்சம்-ருத்ர-பாராயணம்-2686.html