Dinamani - இந்தியா - http://www.dinamani.com/india/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2945717 இந்தியா சிறுமியின் தீரச் செயல்! குவியும் பாராட்டுக்கள்! ANI ANI Saturday, June 23, 2018 05:37 PM +0530  

சமூக வலைத்தளங்களில் வைரலாகி வருகிறாள் பழங்குடி இனத்தினைத் சேர்ந்த 9 வயதுச் சிறுமி சுமதி. திரிபுராவில் தன்சேரா பகுதியில் மூங்கில் சேகரிக்கும் பணியில் சுமதியின் குடும்பத்தினருடன் ஈடுபட்டிருந்தார். 

அப்பகுதியில் கனமழை காரணமாக ஏற்பட்ட மண் சரிவு ஏற்பட்டு பல இடங்களில் கடுமையான பாதிப்பு இருந்தது. இதனை அறியாமல் தரம் நகரிலிருந்து தன்சேரா வழியாக அகர்தலாவுக்கு பயணிகள் ரயில் ஒன்று வந்து கொண்டிருந்தது. இத்தகைய பாதிப்பினூடே ரயில் வருவதைப் பார்த்த சுமதி உடனடியாக தனது சட்டையைக் காட்டி ரயிலை நிறுத்த சைகை செய்தாள். நல்ல வேளையாக இதனைக் கவனித்த ரயில் ஓட்டுனர் ரயிலை உடனடியாக நிறுத்தினார். சிறுமி சுமதியின் புத்திசாலித்தனத்தால் விபத்து தவிர்க்கப்பட்டது. இதில் பயணம் செய்தவர்கள் அனைவரும் எவ்வித பாதிப்பும் இன்றி உயிர் தப்பினர்.

சுமதியின் தந்தைக்கு ரயில்வே துறையில் பணி வழங்கவும், அவளது செயலை பாராட்டி, ஜனாதிபதி விருதுக்கு பரிந்துரை செய்யவும் திரிபுரா மாநில அரசு முடிவு செய்துள்ளது. பழங்குடியின சமூக நலத்துறை அமைச்சர் மேவார் குமார் ஜமாடியா சிறுமியின் தந்தையிடன் ரூ.50,000 வழங்கியுள்ளார். ரயில் விபத்தை தடுத்த சிறுமிக்கு சமூக வலை தளங்களில் பாராட்டுக்கள் குவிந்த வண்ணம் உள்ளன.

]]>
sumathi thiripura, சுமதி திரிபுரா http://images.dinamani.com/uploads/user/imagelibrary/2018/6/23/w600X390/ani.png http://www.dinamani.com/india/2018/jun/23/சிறுமியின்-தீரச்-செயல்-குவியும்-பாராட்டுக்கள்-2945717.html
2945708 இந்தியா பாஜக தேசியத் தலைவர் அமித் ஷா ஜம்மு-காஷ்மீர் பயணம் Raghavendran ANI Saturday, June 23, 2018 04:22 PM +0530  

ஜம்மு-காஷ்மீரில் பிடிபி கட்சிக்கு அளித்து வந்த ஆதரவை பாஜக திரும்பப் பெற்றது. இதனால் மெஹபூபா முஃப்தி முதல்வர் பதவியை ராஜிநாமா செய்தார். இதையடுத்து அங்கு ஆளுநர் ஆட்சியை அமல்படுத்தி குடியரசுத் தலைவர் ராம்நாத் கோவிந்த உத்தரவிட்டார்.

இந்நிலையில், பாஜக தேசியத் தலைவர் அமித் ஷா, சனிக்கிழமை ஜம்மு-காஷ்மீர் சென்றுள்ளார். அங்கு ஏற்பட்ட ஆட்சி கவிழ்ப்புக்குப் பிறகு அமித் ஷா தற்போது தான் முதன்முறையாக அங்கு செல்கிறார்.

இதையடுத்து அங்கு பாஜக-வின் இருசக்கர வாகனப் பேரணியில் விமான நிலையத்தில் இருந்து விடுதி வரை சென்றார். அங்கு கட்சியின் முக்கியப் பிரமுகர்களைச் சந்திக்கிறார். பின்னர் நடைபெறவுள்ள கட்சியின் பொதுக்கூட்டத்தில் பங்கேற்கிறார்.

]]>
http://images.dinamani.com/uploads/user/imagelibrary/2018/6/23/w600X390/DgWtsZBXkAAMySE.jpg http://www.dinamani.com/india/2018/jun/23/bjp-chief-amit-shah-in-jammu-2945708.html
2945698 இந்தியா ஜம்மு-காஷ்மீர் புதிய தலைமை செயலர் பதவியேற்பு Raghavendran IANS Saturday, June 23, 2018 04:03 PM +0530  

ஜம்மு-காஷ்மீர் மாநிலத்தின் புதிய தலைமை செயலராக பி.வி.ஆர்.சுப்ரமணியம், சனிக்கிழமை பதவியேற்றார்.

ஜம்மு-காஷ்மீரில் பிடிபி கட்சிக்கு அளித்து வந்த ஆதரவை பாஜக திரும்பப் பெற்றது. இதனால் மெஹபூபா முஃப்தி முதல்வர் பதவியை ராஜிநாமா செய்தார். இதையடுத்து அங்கு ஆளுநர் ஆட்சியை அமல்படுத்தி குடியரசுத் தலைவர் ராம்நாத் கோவிந்த உத்தரவிட்டார்.

இந்நிலையில், ஜம்மு-காஷ்மீரின் புதிய தலைமை செயலராக மூத்த ஐஏஎஸ் அதிகாரி பி.வி.ஆர்.சுப்ரமணியம், சனிக்கிழமை பதவியேற்றுக்கொண்டார். கடந்த 1987-ஆம் ஆண்டு பிரிவைச் சேர்ந்த இவர், கடந்த 2004 முதல் 2008 வரையிலான காலகட்டத்தில் அப்போதைய பிரதமர் மன்மோகன் சிங்-இன் தனிச் செயலராக செயல்பட்டுள்ளார்.

இதுவரை ஜம்மு-காஷ்மீர் தலைமை செயலராக செயல்பட்டு வந்த பி.பி.வியாஸ், அம்மாநில ஆளுநர் வோஹ்ரா-வின் தனி ஆலோசகராக நியமிக்கப்பட்டுள்ளார். மேலும் தமிழகத்தைச் சேர்ந்த மூத்த ஐபிஎஸ் அதிகாரி விஜய் குமார் கூட ஆளுநரின் தனி ஆலோசகராக நியமிக்கப்பட்டுள்ளது குறிப்பிடத்தக்கது. 

]]>
http://images.dinamani.com/uploads/user/imagelibrary/2018/6/23/w600X390/DgXlqq8W4AAWtBf.jpg http://www.dinamani.com/india/2018/jun/23/bvr-subrahmanyam-takes-charge-as-chief-secretary-of-jammuandkashmir-2945698.html
2945693 இந்தியா மும்பை, ஹைதராபாத் உள்ளிட்ட பகுதிகளில் கனமழை: வீடுகளுக்குள் வெள்ளநீர் புகுந்தது Raghavendran ANI Saturday, June 23, 2018 03:45 PM +0530  

நாடு முழுவதும் பெரும்பாலான நகரங்களில் வெப்பச் சலனம் காரணமாக கனமழை பெய்து வருகிறது. ஆங்காங்கே புழுதிப் புயல் ஏற்படுகிறது.

இந்நிலையில், புவனேஸ்வர், மும்பை, ஹைதராபாத் உள்ளிட்ட பகுதிகளில் கடந்த 2 தினங்களாக தொடர்ந்து மழை பெய்து வருகிறது. இதனால் தாழ்வான பகுதிகளில் வெள்ளநீர் சூழ்ந்துள்ளது. 

சாலைகளில் மழை நீர் தேங்கியுள்ளதால் போக்குவரத்து பாதிக்கப்பட்டுள்ளது. வீடுகளிலும் மழை நீர் சூழ்ந்துள்ளது. இதனால் மக்களின் இயல்பு வாழ்க்கை பாதிக்கப்பட்டுள்ளது.

மேலும் அடுத்த 2 தினங்களுக்கு கனமழை தொடரும் என்று இந்திய வானிலை ஆய்வு மையம் எச்சரித்துள்ளது. குறிப்பாக ஒடிஸாவின் பெரும்பாலான பகுதிகளில் கனமழைக்கு வாய்ப்புள்ளதாக தெரிவித்துள்ளது.

 

]]>
http://images.dinamani.com/uploads/user/imagelibrary/2018/6/23/w600X390/rain.jpg http://www.dinamani.com/india/2018/jun/23/மும்பை-ஹைதராபாத்-உள்ளிட்ட-பகுதிகளில்-கனமழை-வீடுகளுக்குள்-வெள்ளநீர்-புகுந்தது-2945693.html
2945686 இந்தியா கருப்பாக இருப்பதாக கிண்டலடித்த உறவினர்களை உணவில் விஷம் கலந்து கொடுத்துக் கொன்ற பெண் ENS ENS Saturday, June 23, 2018 03:11 PM +0530
ரெய்கார்: மகாராஷ்டிரா மாநிலம் ரெய்கத் மாவட்டத்தில், தான் கருப்பாக இருப்பதாகக் கிண்டல் செய்த உறவினர்களை, உணவில் விஷம் வைத்துக் கொலை செய்த பெண் கைது செய்யப்பட்டார்.

உறவினரின், வீட்டு கிரகப்பிரவேச நிகழ்ச்சிக்காக சமைக்கப்பட்ட உணவில் அந்த பெண் விஷம் வைத்ததில், 5 பேர் உயிரிழந்தனர்.

மஹத் கிராமத்தில் உள்ள சுபாஷ் மானேவின் வீட்டு கிரகப்பிரவேசம் ஜூன் 18ம் தேதி நடந்துள்ளது. அந்த நிகழ்ச்சிக்காக தயாரிக்கப்பட்ட உணவில், குற்றவாளி பிரக்யா சர்வாஸி என்ற பெண் விஷம் கலந்துள்ளார்.

இந்த உணவை சாப்பிட்ட 4 சிறுவர்களும், ஒரு வயதான நபரும் உயிரிழந்தனர். சுமார் 80 பேர் உடல்நிலை பாதிக்கப்பட்டு மருத்துவமனையில் அனுமதிக்கப்பட்டு தற்போது வரை சிகிச்சை பெற்று வருகின்றனர்.

இது குறித்து விசாரணை நடத்திய காவல்துறையினர், ஒரு பெண்ணை கைது செய்து அவர் மீது கொலை மற்றும் கொலை முயற்சி வழக்குப் பதிவு செய்துள்ளனர்.

குடும்பச் சண்டையில் தான் இந்த செயலை செய்து விட்டதாக அந்த பெண் ஒப்புக் கொண்டுள்ளார். இந்த நிகழ்ச்சியில் பங்கேற்ற சுமார் 120 பேர் உடல்நிலை பாதிக்கப்பட்டதாகவும், 5 பேர் உயிரிழந்ததாகவும் காவல்துறையினர் கூறுகிறார்கள்.

]]>
http://images.dinamani.com/uploads/user/imagelibrary/2018/6/23/w600X390/poison.jpg http://www.dinamani.com/india/2018/jun/23/கருப்பாக-இருப்பதாக-கிண்டலடித்த-உறவினர்களை-உணவில்-விஷம்-கலந்து-கொடுத்துக்-கொன்ற-பெண்-2945686.html
2945681 இந்தியா காவிரி ஆணையத்தில் மத்திய அரசு எங்களின் பொறுமையை சோதிக்கிறது: குமாரசாமி Raghavendran DIN Saturday, June 23, 2018 02:43 PM +0530  

காவிரி ஆணைய விவகாரத்தில் மத்திய அரசு எங்களின் பொறுமையை சோதிக்கிறது என்று கர்நாடக முதல்வர் குமாரசாமி, சனிக்கிழமை தெரிவித்துள்ளார்.

உச்ச நீதிமன்றத்தின் உத்தரவுப்படி காவிரி நீர் மேலாண்மை ஆணையம், காவிரி ஒழுங்காற்றுக் குழு ஆகியவற்றின் தலைவர், உறுப்பினர்களை மத்திய அரசு நியமித்து வெள்ளிக்கிழமை அறிவிப்பு வெளியிட்டுள்ளது. இதுதொடர்பான அறிவிப்பு மத்திய அரசிதழில் வெளியிடப்பட்டுள்ளது.

காவிரி மேலாண்மை ஆணையத்தின் தலைமையகம் புது தில்லியில் செயல்படும் என்றும் அறிவிக்கப்பட்டுள்ளது. இருப்பினும் காவிரி நீர் ஒழுங்காற்றுக் குழுவின் தலைமை அலுவலகம் பெங்களூருவில் இருந்து செயல்படவுள்ளது. 

மொத்தம் 9 உறுப்பினர்களைக் கொண்ட காவிரி மேலாண்மை ஆணையத்துக்கு மத்திய நீர் ஆணையத்தின் தலைவராக உள்ள மசூத் ஹுசைன் தலைவர் மற்றும் செயலாளராக ஏ.எஸ்.கோயல் ஆகியோர் நியமிக்கப்பட்டுள்ளனர். இதில், தமிழகத்தின் தரப்பில் பொதுப்பணித்துறை முதன்மைச் செயலர் மற்றும் நீர்வளத்துறை நிர்வாகத்தின் செயலர் (பொறுப்பு) எஸ்.கே.பிரபாகர், பகுதிநேர உறுப்பினராக நியமிக்கப்பட்டுள்ளார். இந்த ஒழுங்காற்றுக் குழுவில் கர்நாடக உறுப்பினர்கள் இன்னும் தேர்வு செய்யப்படவில்லை.

இதுகுறித்து கர்நாடக முதல்வர் குமாரசாமி, பெங்களூருவில் செய்தியாளர்களிடம் கூறியதாவது:

காவிரி நீர் மேலாண்மை ஆணையம், காவிரி ஒழுங்காற்றுக் குழு ஆகியவற்றை எங்களைக் கேட்காமலேயே மத்திய அரசு அறிவித்துள்ளது. நாடாளுமன்றத்தில் விவாதம் நடத்திய பிறகு இக்குழுவை அமைக்குமாறு மத்திய அரசுக்கு ஏற்கனவே கர்நாடகா தரப்பில் கோரிக்கை வைக்கப்பட்டிருந்தது.

இவ்விவகாரத்தில் மத்திய அரசு எங்களின் பொறுமையை சோதிக்கிறது. இதில் சட்ட வல்லுநர்களுடன் ஆலோசித்த பிறகு அடுத்த கட்ட நடவடிக்கை குறித்து முடிவெடுப்போம் என்றார்.

]]>
http://images.dinamani.com/uploads/user/imagelibrary/2018/5/15/w600X390/kumarasamy.jpg http://www.dinamani.com/india/2018/jun/23/காவிரி-ஆணையத்தில்-மத்திய-அரசு-எங்களின்-பொறுமையை-சோதிக்கிறது-குமாரசாமி-2945681.html
2945673 இந்தியா வதோதரா பள்ளி கழிவறையில் கத்திக்குத்து காயத்துடன் மாணவியின் சடலம்: கொலையாளி மாணவரா? ENS ENS Saturday, June 23, 2018 01:53 PM +0530
வதோதரா: பள்ளியின் கழிவறையில், 9ம் வகுப்பு மாணவியின் சடலம் பல கத்திக் குத்துக் காயங்களுடன் மீட்கப்பட்டிருப்பது பெரும் பதற்றத்தை ஏற்படுத்தியது.

மாணவியின் உடலில் 10க்கும் மேற்பட்ட கத்திக் குத்துக் காயங்கள் இருப்பதாக காவல்துறை தெரிவித்துள்ளது.

பரன்போரா பகுதியில் உள்ள பாரதி பள்ளியின் 9ம் வகுப்பு மாணவியைக் கொன்ற அடையாளம் தெரியாத கொலையாளியை காவல்துறையினர் தேடி வருகின்றனர்.

இந்த சம்பவம் மதியம் 12 மணியளவில் நடந்திருப்பதாகவும், முக்கிய சாட்சியமாக, பள்ளிக்கு அருகே உள்ள கோயிலில் வீசப்பட்ட பள்ளிப் பை ஒன்றில், மிகக் கூர்மையான கத்தியும், ஒரு குடிநீர் பாட்டிலும், மிளகாய்ப் பொடியும் கண்டெடுக்கப்பட்டுள்ளது.

கொலையில் ஈடுபட்ட பையன், மாணவியைக் கொலை செய்த பிறகு தான் பயன்படுத்திய பையை இங்கே வீசிச் சென்றிருக்கலாம் என்று கருதப்படுகிறது. 

விரைவில் குற்றவாளி பிடிபடுவான் என்று காவல்துறையினர் கூறியுள்ளனர். குற்றவாளி என்று சந்தேகிக்கப்படும் சிறுவன், இந்த பள்ளியில் ஒரு வாரத்துக்கு முன்புதான் சேர்ந்துள்ளான் என்றும், அவனது பெற்றோர் குஜராத் மாநிலத்தில் வசித்து வருவதால், இப்பகுதியில் தனது உறவினர் வீட்டில் தங்கி படித்து வருகிறான் என்றும் காவல்துறையினர் கண்டுபிடித்துள்ளனர்.

கடந்த ஆண்டு செப்டம்பர் 8ம் தேதி, குர்கானில் உள்ள தனியார் பள்ளியின் கழிவறையில் சிறுவன் ஒருவன் கழுத்தறுத்துக் கொலை செய்யப்பட்ட சம்பவத்தையே இது நினைவூட்டுகிறது.

]]>
http://images.dinamani.com/uploads/user/imagelibrary/2018/4/13/w600X390/murder.jpg http://www.dinamani.com/india/2018/jun/23/class-9-student-found-dead-with-multiple-stab-wounds-in-vadodara-school-washroom-2945673.html
2945672 இந்தியா செல்போன் மூலமாகவே பான் எண்ணுடன் ஆதார் எண்ணை இணைக்கலாம் DIN DIN Saturday, June 23, 2018 01:08 PM +0530  

இன்டர்நெட் வசதி இல்லாமலேயே, குறுஞ்செய்தி (எஸ்எம்எஸ்) வாயிலாக பான் எண்ணுடன் ஆதாரை இணைப்பதற்கான வசதியை வருமான வரித் துறை ஏற்படுத்தி வைத்துள்ளது.

வருமான வரிக் கணக்கு தாக்கல் செய்வதற்கு ஆதார் எண் கட்டாயம் என மத்திய அரசு அறிவித்தது. அதற்கு ஜூன் 30ம் தேதி வரை கால அவகாசமும் அளிக்கப்பட்டிருந்தது. அந்த காலக்கெடு முடிய இன்னும் இன்றுடன் சேர்த்தே வெறும் 8 நாட்கள் மட்டுமே உள்ளன. 

பான் எண்ணுடன் ஆதாரை இணைப்பதற்கான வழிமுறைகளை எளிமையாக்கும் வகையில் பல்வேறு நடவடிக்கைகளையும் வருமான வரித் துறை செய்து கொடுத்தது.

அதன்படி, வருமான வரித்துறையின் அதிகாரப்பூர்வ இணையதளத்தில் இதற்கென பிரத்யேக இணைப்பை வருமான வரித் துறை உருவாக்கியது.

அந்த இணைப்பில் வருமான வரி செலுத்துவோர் சென்று, தங்கள் பான் எண்ணையும், ஆதார் எண்ணையும் பதிவிட்டாலே போதுமானது. சிறிது நேரத்தில் பான் எண்ணுடன் ஆதார் இணைக்கப்பட்டது உறுதி செய்யப்படும். ஆதார் அட்டை மற்றும் பான் அட்டை ஆகியவற்றில் உள்ள சிறிய பெயர் மாற்றங்களும் இதில் தாமாக சரிசெய்யப்பட்டு விடும்.

குறுஞ்செய்தி வசதி: இந்நிலையில், பான் எண்ணுடன் ஆதாரை இணைப்பதற்கான வசதியை மேலும் எளிமையாக்கும் விதமாக, குறுஞ்செய்தி வசதியை வருமான வரித் துறை அறிமுகப்படுத்தியது. 

அதன்படி, செல்லிடப்பேசியில்UIDPAN என்று டைப் செய்து இடைவேளி விட்டு 12 இலக்க ஆதார் எண்ணையும், அதன் பிறகு மீண்டும் இடைவேளி விட்டு 10 இலக்க பான் எண்ணையும் டைப் செய்ய வேண்டும். இந்தத் தகவலை 567678 அல்லது 56161 என்ற எண்களில் ஏதேனும் ஒன்றுக்கு குறுஞ்செய்தியை அனுப்பினாலே பான் எண்ணுடன் ஆதார் எண் இணைக்கப்பட்டு விடும்.

பான் அட்டையிலும், ஆதார் அட்டையிலும் ஒரே மாதிரியான பெயர் கொண்டவர்களுக்கு மட்டுமே இந்தக் குறுஞ்செய்தி வசதி பொருந்தும் என்பது குறிப்பிடத்தக்கது.

]]>
http://images.dinamani.com/uploads/user/imagelibrary/2018/3/28/w600X390/pan_aathar.JPG http://www.dinamani.com/india/2018/jun/23/செல்போன்-மூலமாகவே-பான்-எண்ணுடன்-ஆதார்-எண்ணை-இணைக்கலாம்-2945672.html
2945665 இந்தியா ஆதார் எண்ணுடன் பான் எண்ணை இணைக்க எளிய வழி DIN DIN Saturday, June 23, 2018 01:08 PM +0530  

புது தில்லி: ஒரு நபரின் ஆதார் எண்ணுடன் நிரந்தர கணக்கு எண்ணை (பான்) இணைப்பதற்கான எளிய வசதியை வருமான வரித்துறை ஏற்படுத்தியுள்ளது.

வருமான வரித்துறையின் e-filling இணையதளத்தில் இதற்கான தனி லிங்க் ஒன்று ஏற்படுத்தப்பட்டுள்ளது. இதன் மூலம், யார் வேண்டுமானாலும் தனது ஆதார் எண்ணுடன், பான் எண்ணை எளிதாக இணைத்துக் கொள்ளலாம்.

incometaxindiaefiling.gov.in என்ற இணைய தளத்தில், அல்லது portal.incometaxindiaefiling.gov.in/e-Filing/Services/LinkAadhaarHome.html?lang=eng என்ற லிங்கைப் பயன்படுத்தி ஒருவர் தனது பான் எண் மற்றும் ஆதார் எண்ணை இணைத்துக் கொள்ளலாம்.

பான் எண் மற்றும் ஆதார் எண்ணை சரியாக பதிவு செய்து, ஆதார் அட்டையில் எவ்வாறு உள்ளதோ அதே போல தனது பெயரை பதிவு செய்து, கேப்சா கோட் எனப்படும் ஆங்கில எழுத்து மற்றும் எண்களை அப்படியே பதிவு செய்தால் போதும்.

ஆதார் எண் சரிபார்த்த பிறகு, ஆதார் எண்ணும், பான் எண்ணும் இணைக்கப்படும். இதனை உறுதி செய்வதற்கான தகவல் இணையதளத்தில் வரும். 

ஒரு வேளை, பதிவு செய்த தகவலில் ஏதேனும் ஒரு சில பிழை இருந்தால், ஆதார் ஓடிபி (ஒன் டைம் பாஸ்வோர்ட்) தேவைப்படும் என்று தனி நபர்கள் மற்றும் வருமான வரி செலுத்துவோருக்கு வருமான வரித்துறை அறிவுறுத்தியுள்ளது.

ஒன் டைம் பாஸ்வார்ட், பதிவு செய்யப்பட்ட செல்போன் எண்ணுக்கோ அல்லது பதிவு செய்யப்பட்ட மின்னஞ்சலுக்கோ அனுப்படும்.

இதற்காக, e-filling இணையதளத்தில் லாகின் செய்யவோ, உறுப்பினராக பதிவு செய்யவோ தேவையில்லை. யார் வேண்டுமானாலும் தனது ஆதார் எண்ணுடன் பான் எண்ணை எளிதாக இணைத்துக் கொள்ளலாம்.

வருமான வரிக் கணக்கை தாக்கல் செய்யும் போது, ஒரு நபர் தனது ஆதார் எண்ணையோ அல்லது ஆதார் பதிவு செய்த விண்ணப்பத்தின் எண்ணையோ நிச்சயம் குறிப்பிட வேண்டியது நிதிச் சட்டம் 2017ன் படி கட்டாயமாக்கப்பட்டுள்ளது.

]]>
http://images.dinamani.com/uploads/user/imagelibrary/2018/6/22/w600X390/Aadhar.jpg http://www.dinamani.com/india/2018/jun/23/ஆதார்-எண்ணுடன்-பான்-எண்ணை-இணைக்க-எளிய-வழி-2945665.html
2945660 இந்தியா இன்னும் 8 நாட்களுக்குள் பான் எண்ணுடன் ஆதார் எண்ணை இணைக்கவில்லை என்றால்? DIN DIN Saturday, June 23, 2018 11:27 AM +0530
பான் எண்ணுடன், ஆதார் எண்ணை ஜூன் 30ம் தேதிக்குள் இணைக்க வேண்டும். இல்லை என்றால் வருமான வரிக் கணக்கைத் தாக்கல் செய்ய முடியாது.

பான் எண்ணுடன், ஆதார் எண்ணை இணைப்பதற்கான காலக்கெடு ஜூன் 30ம் தேதியோடு நிறைவு பெறுகிறது. ஜூன் 30ம் தேதிக்குள் மேல் பான் எண்ணுடன் ஆதார் எண்ணை இணைக்காமல் இருந்தால் உங்களது ஐடிஆர் எனப்படும் வருமான வரிக் கணக்கை தாக்கல் செய்ய முடியாது என்று தெரிவிக்கப்பட்டுள்ளது.

பான் எண்ணுடன் ஆதார் எண்ணை இணைப்பது அவசியம். அவ்வாறு இணைத்துவிட்டால் வருமான வரிக் கணக்கை எளிதாக தாக்கல் செய்து விடலாம். இல்லை என்றால் மிகவும் கஷ்டம் என்று மத்திய நேரடி வரி வருவாய்த் துறை மூத்த அதிகாரி கூறியுள்ளார்.

பான் எண்ணுடன், ஆதார் எண்ணை இணைப்பதற்கான காலக்கெடு 2018ம் ஆண்டு மார்ச் 31ம் தேதி என முதலில் நிர்ணயிக்கப்பட்டிருந்தது. பிறகு இது ஜூன் 30ம் தேதி வரை நீட்டிக்கப்பட்டது. 

இதுவரை பான் எண்ணுடன் ஆதார் எண்ணை இணைக்கவில்லை என்றால் ஜூன் 30ம் தேதிக்குள் நிச்சயமாக இணைத்து விடுங்கள். இதன் மூலம் தேவையற்ற சிக்கல்கள் ஏற்படாது.

இது உச்ச நீதிமன்றத்தின் உத்தரவு. இவ்விரண்டு எண்களையும் இணைக்காமல் ஒருவர் வருமான வரிக் கணக்கை தாக்கல் செய்ய இயலாது. மத்திய நேரடி வரி வருவாய்த் துறையின் அறிக்கை இதனை தெளிவுபடுத்துகிறது. எனவே அனைவரும் ஆதார் எண்ணை பான் எண்ணுடன் ஜூன் 30ம் தேதிக்குள் இணைத்து விட வேண்டும். அப்போதுதான் வருமான வரிக் கணக்கை தாக்கல் செய்ய முடியும் என்றும் தெளிவுபடுத்தப்பட்டுள்ளது.

என்ஆர்ஐ எனப்படும் வெளிநாடு வாழ் இந்தியர்கள் ஆதார் எண்ணுடன் பான் எண்ணை இணைக்க வேண்டிய அவசியமில்லை.

]]>
http://images.dinamani.com/uploads/user/imagelibrary/2017/1/8/w600X390/pan-card.jpg http://www.dinamani.com/india/2018/jun/23/இன்னும்-8-நாட்களுக்குள்-பான்-எண்ணுடன்-ஆதார்-எண்ணை-இணைக்கவில்லை-என்றால்-2945660.html
2945291 இந்தியா காவிரி மேலாண்மை ஆணையம் அமைப்பு: அறிவிப்பை வெளியிட்டது மத்திய அரசு DIN DIN Saturday, June 23, 2018 04:19 AM +0530 உச்ச நீதிமன்றத்தின் உத்தரவுப்படி காவிரிநீர் மேலாண்மை ஆணையம், காவிரி ஒழுங்காற்றுக் குழு ஆகியவற்றின் தலைவர், உறுப்பினர்களை மத்திய அரசு நியமித்து வெள்ளிக்கிழமை அறிவிப்பு வெளியிட்டுள்ளது.
இந்த குழுவில் கர்நாடகம் சார்பில் இடம்பெற வேண்டிய உறுப்பினர்களை அந்த மாநில அரசு பரிந்துரைக்காததால், மத்திய அரசு அந்த மாநில அதிகாரிகளின் பெயர்களை குறிப்பிடாமல் பதவியை மட்டும் குறிப்பிட்டு உறுப்பினர்களாக அறிவித்துள்ளது.
காவிரி விவகாரத்தில் கடந்த பிப்ரவரி 16-ஆம் தேதி உச்ச நீதிமன்றம் அளித்த இறுதித் தீர்ப்பை அமல்படுத்தவில்லை எனக் கூறி, மத்திய அரசுக்கு எதிராக தமிழகம், புதுச்சேரி அரசுகள் நீதிமன்ற அவமதிப்பு வழக்கைத் தொடுத்தன. இந்த வழக்கை விசாரித்த உச்ச நீதிமன்றத் தலைமை நீதிபதி தீபக் மிஸ்ரா தலைமையிலான அமர்வு, தீர்ப்பில் தெரிவித்தபடி வரைவு செயல் திட்டத்தை (ஸ்கீம்) மத்திய நீர்வளத் துறை செயலாளர் யு.பி. சிங், நீதிமன்றத்தில் ஆஜராகி தாக்கல் செய்ய வேண்டும் என உத்தரவிட்டது.
அதன்படி 14 பக்க வரைவு செயல் திட்டத்தை உச்ச நீதிமன்றத்தில் யு.பி. சிங் தாக்கல் செய்தார். அதில் திருத்தங்கள் செய்ய வேண்டும் என்று சம்பந்தப்பட்ட 4 மாநிலங்களும் கோரின. அதைத் தொடர்ந்து, திருத்தப்பட்ட வரைவுத் திட்டம் உச்ச நீதிமன்றத்தில் தாக்கல் செய்யப்பட்டது. அதை ஏற்றுக் கொள்வதாக கூறிய நீதிபதிகள், பருவகாலம் தொடங்குவதற்கு முன்பாகவே காவிரி நீர் மேலாண்மை ஆணையம் செயல்பாட்டுக்கு வர வேண்டும்; இது தொடர்பான அறிவிக்கையை அரசிதழில் வெளியிட வேண்டும்' என உத்தரவிட்டனர். மேலும், தென்மேற்குப் பருவ மழைக்காலம் தொடங்குவதற்கு முன்பு காவிரி நீர் மேலாண்மை ஆணையத்தை அமைப்பது குறித்து அரசிதழில் மத்திய அரசு வெளியிடும் என்ற நம்பிக்கையையும் தெரிவித்த நீதிபதிகள், மத்திய அரசுக்கு எதிராக தாக்கல் செய்யப்பட்ட நீதிமன்ற அவமதிப்பு மனுக்களை முடித்து வைத்தனர்.
இந்நிலையில், இந்த ஆண்டு தென் மேற்குப் பருவமழை ஜூன் 1-ம் தேதி தொடங்குவதற்கு பதிலாக, மே 29-ம் தேதி முன்கூட்டியே தொடங்கியது. ஆனால், காவிரி நீர் மேலாண்மை ஆணையம் குறித்த அறிவிக்கையை அரசிதழில் மத்திய அரசு வெளியிடாமல் இருந்து வந்தது. இதனால், விவசாயிகள் தரப்பில் மீண்டும் அதிருப்தி ஏற்பட்டு, அடுத்தகட்டப் போராட்டம் நடத்தும் சூழல் நிலவியது.
இதைத் தொடர்ந்து, காவிரி நீர் மேலாண்மை ஆணையம் அமைப்பது தொடர்பான அறிவிக்கை இறுதி செய்யப்பட்டு அரசிதழில் ஜூன் 1-ஆம் வெளியிட்டப்பட்டது. மேலும், காவிரி நீர் மேலாண்மை ஆணையத்தை அமைப்பது தொடர்பான அரசிதழ் முறைப்படி இணையதளத்திலும் வெளியிடப்பட்டது. இந்த அறிவிக்கை அரசிதழில் வெளியிடப்பட்டதைத் தொடர்ந்து, காவிரி நீர் மேலாண்மை ஆணையம் அமலுக்கு வந்தது.
இதைத் தொடர்ந்து, காவிரி நீர் மேலாண்மை ஆணையத்தின் பகுதி நேர உறுப்பினராக தமிழக அரசின் பொதுப் பணித் துறை முதன்மைச் செயலாளர் எஸ்.கே. பிரபாகர், காவிரி நீர் ஒழுங்காற்றுக் குழு உறுப்பினராக நீர் வளத் துறையின் திருச்சி மண்டலத் தலைமை பொறியாளர் ஆர். செந்தில் குமார் ஆகியோரை தமிழக அரசு பரிந்துரைத்தது. இதேபோல, புதுச்சேரி, கேரள அரசுகளும் உறுப்பினர்களின் பெயர்களை பரிந்துரைத்தது. ஆனால், கர்நாடக மாநிலம் சார்பில் உறுப்பினர்களின் பெயர்கள் பரிந்துரைக்கப்படவில்லை.
இந்நிலையில், காவிரி நீர் மேலாண்மை ஆணையம், காவிரி ஒழுங்காற்றுக் குழு ஆகியவற்றுக்கு தலைவர், உறுப்பினர்களை நியமித்து மத்திய அரசு வெள்ளிக்கிழமை அறிவிப்பு வெளியிட்டுள்ளது. இது குறித்து மத்திய நீர் வளத் துறை இணைச் செயலாளர் வெளியிட்டுள்ள அறிக்கையில் தெரிவிக்கப்பட்டுள்ளதாவது: 
மேலாண்மை ஆணையம்: காவிரி நீர் மேலாண்மை ஆணையத்தின் தலைவராக மத்திய நீர் ஆணையத்தின் தலைவர் மசூத் ஹுசைன், உறுப்பினராக மத்திய நீர் ஆணையத்தின் தலைமைப் பொறியாளர் நவீன் குமார் நியமிக்கப்பட்டுள்ளனர். பகுதி நேர உறுப்பினர்களாக மத்திய நீர் வளத் துறையின் இணைச் செயலர், மத்திய வேளாண்மைத் துறையின் ஆணையர், மத்திய வேளாண்மை துறையின் இணைச் செயலர், கர்நாடக மாநில நீர் வளத் துறை நிர்வாகச் செயலாளர், கேரள நீர் வளத் துறை செயலர் டிங்கு பிஸ்வால், புதுச்சேரி பொதுப் பணித் துறை ஆணையரும், செயலருமான ஏ. அன்பரசு, தமிழக அரசின் பொதுப் பணித் துறை முதன்மைச் செயலாளர் எஸ்.கே. பிரபாகர் ஆகியோர் நியமிக்கப்பட்டுள்ளனர். மேலும், மத்திய நீர் ஆணையத்தின் தலைமைப் பொறியாளரான ஏ.எஸ். கோயல், காவிரி மேலாண்மை ஆணையத்தின் செயலராக செயல்படுவார். காவிரி நீர் மேலாண்மை ஆணையத்தின் தலைமையகம் புது தில்லியில் செயல்படும்.
ஒழுங்காற்றுக் குழு: காவிரி நீர் ஒழுங்காற்றுக் குழுத் தலைவராக மத்திய நீர் ஆணையத்தின் தலைமைப் பொறியாளர் நவீன் குமார் நியமிக்கப்பட்டுள்ளார். இவர் இப்பொறுப்பை கூடுதலாகக் கவனிப்பார். உறுப்பினர்களாக கர்நாடக மாநில நீர் வளத் துறை தலைமைப் பொறியாளர் (பெயர் அறிவிக்கப்படவில்லை), கேரள தலைமைப் பொறியாளர் கே.ஏ. ஜோஷி, புதுச்சேரி பொதுப் பணித் துறைத் தலைமைப் பொறியாளர் வி. சண்முகசுந்தரம், தமிழக அரசின் நீர் வளத் துறையின் திருச்சி மண்டலத் தலைமை பொறியாளர் ஆர். செந்தில் குமார், இந்திய வானியல் ஆய்வு மையத்தின் அறிவியலாளர் எம். மொஹபத்ரா, சிஎஸ்ஆர்ஓவின் தலைமைப் பொறியாளர் கிருஷ்ண உண்ணி, மத்திய வேளாண்மைத் துறையின் தோட்டக்கலை ஆணையர், குழுவின் உறுப்பினர் - செயலாளராக ஏ.எஸ். கோயல் ஆகியோர் நியமிக்கப்பட்டுள்ளனர். காவிரி நீர் ஒழுங்காற்று குழுவின் தலைமை அலுவலகம் பெங்களூருவில் செயல்படும் என அறிக்கையில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2018/6/23/w600X390/sec-india.jpg http://www.dinamani.com/india/2018/jun/23/காவிரி-மேலாண்மை-ஆணையம்-அமைப்பு-அறிவிப்பை-வெளியிட்டது-மத்திய-அரசு-2945291.html
2945289 இந்தியா காஷ்மீர் ஐஎஸ் தலைவர் உள்பட 4 பயங்கரவாதிகள் சுட்டுக் கொலை: காவலர், பொதுமக்களில் ஒருவரும் பலி DIN DIN Saturday, June 23, 2018 04:17 AM +0530 ஜம்மு-காஷ்மீரின் அனந்த்நாக் மாவட்டத்தில் பாதுகாப்புப் படையினருடன் வெள்ளிக்கிழமை நடைபெற்ற துப்பாக்கிச் சண்டையில் தடை செய்யப்பட்ட ஜம்மு-காஷ்மீர் மாநில ஐஎஸ் பயங்கரவாத இயக்கத்தின் (ஐஎஸ்ஜேகே) தலைவர் உள்பட 4 பயங்கரவாதிகள் சுட்டுக் கொல்லப்பட்டனர். மேலும், காவலர் ஒருவரும், பொதுமக்களில் ஒருவரும் பலியாகினர்.
இதுதொடர்பாக ஜம்மு-காஷ்மீர் காவல்துறை உயரதிகாரி ஒருவர் கூறியதாவது:
அனந்த்நாக் மாவட்டத்தின் ஸ்ரீகுஃப்வாரா பகுதியிலுள்ள கிராமம் ஒன்றில் பயங்கரவாதிகள் பதுங்கியிருப்பதாக பாதுகாப்புப் படையினருக்கு ரகசிய தகவல் கிடைத்தது. இதையடுத்து, ராணுவத்தினர், காவல்துறையினர், மத்திய ரிசர்வ் போலீஸ் படையினர் (சிஆர்பிஎஃப்) ஆகியோர் அடங்கிய கூட்டுப் படையினர், அந்த கிராமத்தில் வெள்ளிக்கிழமை தீவிர தேடுதல் வேட்டையில் ஈடுபட்டனர். அப்போது, அங்கு மறைந்திருந்த பயங்கரவாதிகள், பாதுகாப்புப் படையினரை நோக்கி திடீரென துப்பாக்கியால் சுட்டனர். இதைத் தொடர்ந்து, பாதுகாப்புப் படையினரும் பதிலடி தாக்குதலில் ஈடுபட்டனர். இந்த துப்பாக்கிச் சண்டையில், ஜம்மு-காஷ்மீர் மாநில ஐஎஸ் பயங்கரவாத இயக்கத்தின் தலைவர் தாவூத் அகமது சூஃபி மற்றும் அந்த இயக்கத்தைச் சேர்ந்த 3 பேர் கொல்லப்பட்டனர். இந்த அமைப்பு, ஈராக், சிரியாவில் செயல்படும் ஐஎஸ்ஐஎஸ் பயங்கரவாத இயக்கத்தின் துணை அமைப்பாகும். காஷ்மீரில் கொலை, கல்வீச்சு சம்பவங்களில் இந்த அமைப்புக்கு தொடர்பிருப்பது தெரியவந்துள்ளது.
மேலும் இருவர் பலி: துப்பாக்கிச் சண்டையில், காவல்துறையைச் சேர்ந்த ஒருவரும், பொதுமக்களில் ஒருவரும் உயிரிழந்தனர். மேலும் 3 பேர் படுகாயமடைந்தனர். அவர்கள் மருத்துவமனையில் அனுமதிக்கப்பட்டனர். 
இதனிடையே, சம்பவ இடத்தில் திரண்ட உள்ளூர் இளைஞர்கள், பாதுகாப்புப் படையினரை நோக்கி கற்களை வீசி தாக்குதல் நடத்தினர். அவர்கள் மீது கண்ணீர் புகை குண்டுகளை வீசியும், தடியடி நடத்தியும் பாதுகாப்புப் படையினர் விரட்டியடித்தனர். இதில், பலர் காயமடைந்தனர் என்றார் அந்த அதிகாரி.
இணையச் சேவை முடக்கம்: இதனிடையே, சட்டம்-ஒழுங்கை பராமரிக்கும் வகையில் முன்னெச்சரிக்கை நடவடிக்கையாக ஸ்ரீநகர், அனந்த்நாக், புல்வாமா ஆகிய மாவட்டங்களில் செல்லிடப்பேசி இணையச் சேவை முடக்கப்பட்டுள்ளது.
ஜம்மு-காஷ்மீரில் மக்கள் ஜனநாயகக் கட்சி (பிடிபி) தலைமையிலான அரசுக்கு அளித்து வந்த ஆதரவை பாஜக கடந்த செவ்வாய்க்கிழமை விலக்கிக் கொண்டது. இதைத் தொடர்ந்து, அங்கு ஆட்சி கவிழ்ந்தது. தற்போது அங்கு ஆளுநர் ஆட்சி அமலில் உள்ளது. இந்தச் சூழலில், பாதுகாப்புப் படையினரால் 4 பயங்கரவாதிகள் சுட்டுக் கொல்லப்பட்டுள்ளனர்.
அமர்நாத் யாத்திரை வரும் 28-ஆம் தேதி தொடங்கவிருக்கும் நிலையில், 4 பயங்கரவாதிகள் கொல்லப்பட்டிருப்பது பாதுகாப்புப் படையினருக்கு கிடைத்த வெற்றி என்று அதிகாரிகள் தெரிவித்தனர்.
பாதுகாப்புப் படையினர் 9 பேர் காயம்: ஜம்மு-காஷ்மீரின் புல்வாமா மாவட்டத்தின் டிரால் பகுதியில் வெள்ளிக்கிழமை சட்டம்-ஒழுங்கு பராமரிப்புப் பணியில் ஈடுபட்டிருந்த பாதுகாப்புப் படையினரை குறிவைத்து கையெறி குண்டுகளை வீசியும், துப்பாக்கியால் சுட்டும் பயங்கரவாதிகள் தாக்குதல் நடத்தினர். இதில் பாதுகாப்புப் படையினர் 9 பேர் காயமடைந்தனர். 
தலைமைக் காவலர் மரணம்: ஸ்ரீநகரில் கடந்த வாரம் பயங்கரவாதிகள் நடத்திய தாக்குதலில் காயமடைந்த தலைமைக் காவலர் ஒருவர், மருத்துவமனையில் சிகிச்சை பலனின்றி வெள்ளிக்கிழமை உயிரிழந்தார்.


 

]]>
http://images.dinamani.com/uploads/user/imagelibrary/2018/6/23/w600X390/kashmir.jpg ஸ்ரீகுஃப்வாரா பகுதியில் பயங்கரவாதிகள் பதுங்கியிருந்த இடத்தை நோக்கிச் செல்லும் ராணுவ வீரர்கள். http://www.dinamani.com/india/2018/jun/23/காஷ்மீர்-ஐஎஸ்-தலைவர்-உள்பட-4-பயங்கரவாதிகள்-சுட்டுக்-கொலை-காவலர்-பொதுமக்களில்-ஒருவரும்-பலி-2945289.html
2945250 இந்தியா ஃபிடல் காஸ்ட்ரோ நினைவிடத்தில் ராம் நாத் கோவிந்த் மரியாதை DIN DIN Saturday, June 23, 2018 02:29 AM +0530 கியூபாவின் சாண்டியாகோ டி கியூபா நகரில் அமைந்துள்ள அந்நாட்டின் முன்னாள் அதிபர் ஃபிடல் காஸ்ட்ரோவின் நினைவிடத்தில் குடியரசுத் தலைவர் ராம் நாத் கோவிந்த் மரியாதை செலுத்தினார்.
குடியரசுத் தலைவர் ராம் நாத் கோவிந்த், கிரீஸ், சூரினாம், கியூபா ஆகிய 3 நாடுகளுக்கு கடந்த16-ஆம் தேதி சுற்றுப் பயணம் தொடங்கினார். 
இதில் கிரீஸ், சூரினாம் ஆகிய நாடுகளில் பயணத்தை முடித்துக் கொண்ட அவர், கியூபாவிற்கு வியாழக்கிழமை வந்தார். பின்னர், சாண்டியாகோ டி கியூபா நகரில் அமைந்துள்ள அந்நாட்டின் முன்னாள் அதிபர் ஃபிடல் காஸ்ட்ரோவின் நினைவிடத்தில் ராம் நாத் கோவிந்தும் அவரது மனைவி சவீதா கோவிந்
தும் மரியாதை செலுத்தினர்.
இதுதொடர்பாக ராம் நாத் கோவிந்த் சுட்டுரையில் வெளியிட்ட பதிவில், ஃபிடல் காஸ்ட்ரோ, இந்தியாவின் சிறந்த நண்பர் என்பதுடன் சர்வதேச அரங்கில் வளரும் நாடுகளுக்காக குரல் கொடுத்தவர். அவரது தலைமை, பல லட்சம் பேருக்கு தூண்டுதலாக இன்னமும் இருந்து வருகிறது. அவரது நினைவிடத்தில் மரியாதை செலுத்தும் நிகழ்வுடன் எனது கியூபா பயணம் தொடங்கியதை கௌரமாக கருதுகிறேன்' என்று தெரிவித்துள்ளார்.
இப்பயணத்தின்போது, கியூபா அதிபர் மிகுல் டிஸா கேனல் பெர்முடஸுடன் ராம் நாத் கோவிந்த் பேச்சுவார்த்தை நடத்தவுள்ளார்.
கியூபாவை கட்டமைத்தவராக போற்றப்படும் காஸ்ட்ரோ, கடந்த 2016-இல் தனது 90-ஆவது வயதில் காலமானார்.


 

]]>
http://images.dinamani.com/uploads/user/imagelibrary/2018/6/23/w600X390/ramnath.jpg கியூபாவில் ஃபிடல் காஸ்ட்ரோ நினைவிடத்தில் மரியாதை செலுத்திய ராம் நாத் கோவிந்த், அவரது மனைவி சவீதா கோவிந்த். http://www.dinamani.com/india/2018/jun/23/ஃபிடல்-காஸ்ட்ரோ-நினைவிடத்தில்-ராம்-நாத்-கோவிந்த்-மரியாதை-2945250.html
2945249 இந்தியா மக்கள் கண்காணிப்பதை எம்.பி.க்கள் உணர வேண்டும்: மக்களவைத் தலைவர் சுமித்ரா மகாஜன் DIN DIN Saturday, June 23, 2018 02:06 AM +0530 நாடாளுமன்றம் அடிக்கடி முடக்கப்படுவதை மக்கள் கண்காணித்துக் கொண்டுதான் இருக்கிறார்கள் என்பதையும், தேர்தல் சமயத்தில் தக்க முடிவு எடுப்பார்கள் என்பதையும் எம்.பி.க்கள் உணர வேண்டும் என்று மக்களவைத் தலைவர் சுமித்ரா மகாஜன் வலியுறுத்தியுள்ளார்.
நாடாளுமன்ற மழைக்கால கூட்டத்தொடர் அடுத்த மாதம் தொடங்கவுள்ள நிலையில் அவர் இவ்வாறு கூறியுள்ளது முக்கியத்துவம் பெறுகிறது.
தில்லியில் வெள்ளிக்கிழமை நடைபெற்ற கருத்தரங்கு ஒன்றில், இதுதொடர்பாக சுமித்ரா மகாஜன் பேசியதாவது:
எம்.பி.க்களுக்கான விதிமுறை கையேடு அனைத்து உறுப்பினர்களுக்கும் வழங்கப்பட்டுள்ளது. அதை அவர்கள் கடைப்பிடிக்க வேண்டும். அமளி காரணமாக அவை ஒத்திவைக்கப்படும்போது என் மனம் பாதிக்கப்படுவதுடன், மிகுந்த வேதனை அடைகிறேன்.
நாடாளுமன்றத்தை சுமூகமாக நடத்திச் செல்வதில் அனைத்துக் கட்சித் தலைவர்களுக்கும் பொறுப்பு உண்டு. ஒரு விஷயத்தை ஆலோசித்து, விவாதித்து, முடிவு எடுக்க வேண்டிய இடம் நாடாளுமன்றம். ஆனால், அமளிகளால் என்ன நடந்துவிடுகிறது?
மக்கள் தங்களை கண்காணித்துக் கொண்டு இருக்கிறார்கள் என்பதை எம்.பி.க்கள் உணர வேண்டும். மக்கள் ஐந்து ஆண்டுகளுக்கு பிறகு உரிய முடிவை எடுப்பார்கள்.
நாடாளுமன்றத்தில் நடைபெறும் விவாதங்களையும், நல்ல பேச்சுகளையும் புறந்தள்ளிவிட்டு, அமளி குறித்து மட்டுமே ஊடகங்கள் முக்கியத்துவம் கொடுக்கின்றன.
நாடாளுமன்றத்திலும், மாநில சட்டப்பேரவைகளிலும் பெண்களுக்கு 33 சதவீத இடஒதுக்கீடு வழங்க வகை செய்யும் மசோதாவை, கண்ணியமான முறையில் நிறைவேற்றுவதற்கு அனைத்து அரசியல் கட்சிகளும் ஒன்றிணைய வேண்டும் என்றார் மகாஜன்.
கடந்த பட்ஜெட் கூட்டத்தொடரின் போது 29 அமர்வுகள் நடைபெற்றன. ஆனால், அதில் அமளி காரணமாக ஏறக்குறைய 127 மணி நேரம் வீணடிக்கப்பட்டது.
இந்நிலையில், நாடாளுமன்ற மழைக்கால கூட்டத்தொடர் தொடங்கவுள்ளது. இது ஜூலை இரண்டாவது வாரம் தொடங்குவது வழக்கம்.

]]>
http://images.dinamani.com/uploads/user/imagelibrary/2017/8/10/w600X390/smithra.gif http://www.dinamani.com/india/2018/jun/23/மக்கள்-கண்காணிப்பதை-எம்பிக்கள்-உணர-வேண்டும்-மக்களவைத்-தலைவர்-சுமித்ரா-மகாஜன்-2945249.html
2945248 இந்தியா லாலு பிரசாத்துக்கு ஜூலை 3 வரை ஜாமீன் நீட்டிப்பு DIN DIN Saturday, June 23, 2018 02:06 AM +0530 ராஷ்ட்ரீய ஜனதா தளம் தலைவரும், பிகார் முன்னாள் முதல்வருமான லாலு பிரசாத்துக்கு வழங்கப்பட்ட ஜாமீனை ஜார்கண்ட் உயர் நீதிமன்றம் ஜூலை 3-ஆம் தேதி வரை நீட்டித்துள்ளது.
முன்னதாக, லாலுவின் உடல் நிலை மற்றும் பெற வேண்டிய மருத்துவச் சிகிச்சைகளின் அடிப்படையில் அவருக்கு கடந்த மே 11-ஆம் தேதி, ஒன்றரை மாதம் ஜாமீன் அளிக்கப்பட்டது. இந்த ஜாமீன் வரும் 27-ஆம் தேதி நிறைவடைய இருப்பதை அடுத்து, ஜாமீன் நீட்டிப்பு கோரி அவர் சார்பில் மனு தாக்கல் செய்யப்பட்டது. இந்த மனுவை வெள்ளிக்கிழமை விசாரித்த நீதிபதி, ஜூலை 3-ஆம் தேதி வரை லாலுவின் ஜாமீனை நீட்டித்தார்.
பல கோடி ரூபாய் மாட்டுத் தீவன ஊழல் தொடர்பான 3 வழக்குகளில் லாலு குற்றவாளி என்று நீதிமன்றம் உறுதி செய்தது. இதையடுத்து, அவர் கடந்த டிசம்பர் 23-ஆம் தேதி முதல் ராஞ்சி சிறையில் அடைக்கப்பட்டார். பின்னர் உடல்நலக் குறைவு காரணமாக ராஞ்சி ரிம்ஸ் மருத்துவனையில் சேர்க்கப்பட்டார். தொடர்ந்து தில்லி எய்ம்ஸ் மருத்துவனைக்கு உயர் சிகிச்சைக்காக அனுப்பி வைக்கப்பட்ட லாலு, சில தினங்களுக்கு முன்பு, அங்கிருந்து மீண்டும் ராஞ்சி ரிம்ஸ் மருத்துவமனைக்கு திருப்பி அனுப்பப்பட்டார்.
இதையடுத்து, தான் சிறப்பு சிகிச்சை பெற 3 மாத காலம் ஜாமீன் வழங்க வேண்டும் என்று ஜார்க்கண்ட் உயர் நீதிமன்றத்தில் லாலு சார்பில் கடந்த மாதம் மனு தாக்கல் செய்யப்பட்டது. எனினும் அவருக்கு ஒன்றரை மாதம் மட்டுமே ஜாமீன் கிடைத்தது.
 

]]>
http://images.dinamani.com/uploads/user/imagelibrary/2018/1/6/w600X390/lalu.JPG http://www.dinamani.com/india/2018/jun/23/லாலு-பிரசாத்துக்கு-ஜூலை-3-வரை-ஜாமீன்-நீட்டிப்பு-2945248.html
2945247 இந்தியா ஜூலை 5-இல் கர்நாடக பட்ஜெட் DIN DIN Saturday, June 23, 2018 02:05 AM +0530 நிகழ் நிதியாண்டுக்கான (2018-19) கர்நாடக மாநில பட்ஜெட் ஜூலை 5-ஆம் தேதி தாக்கல் செய்யப்பட உள்ளது. இதற்கான முடிவு பெங்களூரில் வெள்ளிக்கிழமை நடைபெற்ற மாநில அமைச்சரவைக் கூட்டத்தில் ஒருமனதாக எடுக்கப்பட்டது. அதன்படி, முதல்வரும், நிதியமைச்சருமான ஹெச்.டி. குமாரசாமி நிகழ் நிதியாண்டுக்கான முழுமையான பட்ஜெட்டை அன்றைய தினம் சட்டப் பேரவையில் தாக்கல் செய்ய உள்ளார்.
கர்நாடகத்தில் சித்தராமையா தலைமையிலான முந்தைய காங்கிரஸ் அரசின் ஆட்சிக் காலம் கடந்த மாதத்துடன் நிறைவடைந்ததால், மாநிலத்தில் இடைக்கால பட்ஜெட்டே தாக்கல் செய்யப்பட்டது. அதன் தொடர்ச்சியாக அங்கு பேரவைத் தேர்தல் நடைபெற்று மதச்சார்பற்ற ஜனதா தளம் - காங்கிரஸ் கூட்டணி புதிதாக ஆட்சியமைத்துள்ள நிலையில், தற்போது முழுமையான பட்ஜெட்டை தாக்கல் செய்வதற்கான தேதி அறிவிக்கப்பட்டுள்ளது.
குமாரசாமி தலைமையில் நடைபெற்ற அமைச்சரவைக் கூட்டத்தில் இதுதொடர்பான முடிவு எடுக்கப்பட்டது. மேலும், பேரவைக் கூட்டத்தை ஜூலை 2-ஆம் தேதி முதல் 12-ஆம் தேதி வரை நடத்தவும் முடிவெடுக்கப்பட்டது. முதல் நாள் நடைபெறவுள்ள சட்டப் பேரவை - மேலவை கூட்டுக் கூட்டத்தில் மாநில ஆளுநர் வஜுபாய் வாலா உரையாற்றி பட்ஜெட் கூட்டத் தொடரைத் தொடங்கி வைக்க உள்ளார் என்றும் அறிவிக்கப்பட்டுள்ளது.
 

]]>
http://images.dinamani.com/uploads/user/imagelibrary/2014/7/8/1/w600X390/kumarasamy.jpg http://www.dinamani.com/india/2018/jun/23/ஜூலை-5-இல்-கர்நாடக-பட்ஜெட்-2945247.html
2945246 இந்தியா சீனப் பயணத்தை ரத்து செய்தார் மம்தா DIN DIN Saturday, June 23, 2018 02:04 AM +0530 ஆலோசனைக் கூட்டத்தை சீன அரசு உறுதி செய்யாத காரணத்தால் அந்நாட்டுக்கு செல்லும் திட்டத்தை கடைசி நேரத்தில் மேற்கு வங்க முதல்வர் மம்தா பானர்ஜி ரத்து செய்ய நேர்ந்தது என்று அந்த மாநில நிதி அமைச்சர் அமித் மித்ரா தெரிவித்தார்.
இதுகுறித்து அவர் மேலும் கூறுகையில், மம்தாவின் பயணம் கைவிடப்பட்டது குறித்து வெளியுறவுத் துறை அமைச்சர் சுஷ்மா ஸ்வராஜ், வெளியுறவுச் செயலர் வி.கே. கோகலே ஆகியோரிடம் தெரிவிக்கப்பட்டுவிட்டது' என்றார். 
முகநூலில் மம்தா பானர்ஜி வெள்ளிக்கிழமை வெளியிட்டிருந்த பதிவில் கூறப்பட்டுள்ளதாவது: அதிகாரிகள் குழுவை சீனாவுக்கு வழிநடத்திச் செல்லுமாறு வெளியுறவுத் துறை அமைச்சகம் எனது பெயரை கடந்த மார்ச் மாதம் பரிந்துரைத்திருந்தது. சீன வெளியுறவுத் துறை அதிகாரிகளுடன் ஆலோசனை நடத்த திட்டமிடப்பட்டிருந்தது. நாட்டின் நலனும் சம்பந்தப்பட்டிருந்ததால்
இந்தப் பரிந்துரையை ஏற்றுக் கொண்டேன். 
சீனாவுக்கான இந்தியத் தூதர், அந்நாட்டு அதிகாரிகள் இந்த ஆலோசனைக் கூட்டத்தை உறுதி செய்யவில்லை என்று கூறியதை அடுத்து, பயணத்திட்டம் கைவிடப்பட்டது.
இருநாடுகளும் நட்புறவுடன் இருக்க வேண்டும் என்று விரும்புகிறேன் என்று அந்தப் பதிவில் மம்தா குறிப்பிட்டுள்ளார்.
சீனாவுக்கு 8 நாள் பயணமாக இவர் செல்ல திட்டமிடப்பட்டிருந்தது குறிப்பிடத்தக்கது.
ஆலோசனைக் கூட்டத்தை கடைசி நேரத்தில் உறுதி செய்யாததற்கான காரணத்தை சீன அரசு தெரிவிக்கவில்லை.
 

]]>
http://images.dinamani.com/uploads/user/imagelibrary/2016/9/15/w600X390/mamta.jpg http://www.dinamani.com/india/2018/jun/23/சீனப்-பயணத்தை-ரத்து-செய்தார்-மம்தா-2945246.html
2945245 இந்தியா ஆளுநருடன் மெஹபூபா சந்திப்பு DIN DIN Saturday, June 23, 2018 02:04 AM +0530 ஜம்மு - காஷ்மீர் முன்னாள் முதல்வரும், மக்கள் ஜனநாயகக் கட்சி (பிடிபி) தலைவருமான மெஹபூபா முஃப்தி, அந்த மாநில ஆளுநர் என்.என்.வோராவை வெள்ளிக்கிழமை சந்தித்துப் பேசினார். ஆளுநர் மாளிகையில் நடைபெற்ற இந்தச் சந்திப்பின்போது பல்வேறு முக்கிய விவகாரங்கள் குறித்து அவர்கள் இருவரும் விவாதித்தனர்.
மாநிலத்தில் ஆளுநர் ஆட்சி அமல்படுத்தப்பட்ட பிறகு அவர்கள் இருவரும் சந்தித்துப் பேசுவது இதுவே முதன்முறை என்பது குறிப்பிடத்தக்கது.
காஷ்மீரில் பிடிபி தலைமையிலான கூட்டணி அரசுக்கு அளித்து வந்த ஆதரவை பாஜக அண்மையில் வாபஸ் பெற்றதைத் தொடர்ந்து மெஹபூபா தலைமையிலான ஆட்சி கவிழ்ந்தது. அதன் தொடர்ச்சியாக அவர், தனது முதல்வர் பதவியையும் ராஜிநாமா செய்தார். இதையடுத்து அங்கு ஆளுநர் ஆட்சி அமல்படுத்தப்பட்டது.
இந்தச் சூழலில், ஸ்ரீநகரில் அமைந்துள்ள ஆளுநர் மாளிகைக்கு வெள்ளிக்கிழமை சென்ற மெஹபூபா, அங்கு என்.என்.வோராவை சந்தித்து சில முக்கியக் கோரிக்கைகளை முன்வைத்தார். குறிப்பாக, மாநிலத்தின் வளர்ச்சிக்காக மேற்கொள்ளப்படவிருந்த சில திட்டங்கள் ஆட்சி கவிழந்ததால் அமல்படுத்த முடியாமல் போனதாகவும், அவற்றை செயல்படுத்துவதற்கு ஆளுநர் முன்னுரிமை அளிக்க வேண்டும் என்று அப்போது மெஹபூபா தெரிவித்தார்.
அந்தக் கோரிக்கையை பரிசீலிப்பதாக என்.என்.வோரா உறுதியளித்ததாகத் தகவல்கள் தெரிவிக்கின்றன. மாநிலத்தில் அமைதியான சூழலை நிலைநாட்ட அனைத்து கட்சிகளும் ஒன்றிணைந்து செயல்படுவது அவசியம் என்றும், இளைஞர்களிடையே நம்பிக்கையை விதைப்பதற்கு அரசியல் கட்சிகள் ஒத்துழைக்க வேண்டும் என்றும் இந்தச் சந்திப்பின்போது ஆளுநர் 
வலியுறுத்தினார்.

]]>
http://images.dinamani.com/uploads/user/imagelibrary/2018/1/22/w600X390/mehbooba.jpg http://www.dinamani.com/india/2018/jun/23/ஆளுநருடன்-மெஹபூபா-சந்திப்பு-2945245.html
2945244 இந்தியா காஷ்மீர் மக்களைக் காக்கவே பயங்கரவாதிகள் மீது நடவடிக்கை: அருண் ஜேட்லி DIN DIN Saturday, June 23, 2018 02:03 AM +0530 காஷ்மீரில் பொதுமக்களைக் காக்கும் நோக்கத்திலேயே பயங்கரவாதிகள் மீது நடவடிக்கை எடுக்கப்பட்டு வருகிறது என்று மத்திய அமைச்சர் அருண் ஜேட்லி தெரிவித்துள்ளார்.
காஷ்மீரில் பயங்கரவாதிகளுக்கு எதிராக நடவடிக்கை எடுக்க முட்டுக்கட்டை போடுவதால் மெஹபூபா அரசுக்கு அளித்து வந்த ஆதரவை வாபஸ் பெற்றதாக பாஜக தரப்பில் விளக்கமளிக்கப்பட்டுள்ளது. இதனிடையே, அங்கு பாதுகாப்புப் படையினரால் 4 பயங்கரவாதிகள் வெள்ளிக்கிழமை சுட்டுக் கொல்லப்பட்டனர்.
இந்நிலையில், தில்லியில் செய்தியாளர்களிடம் காஷ்மீர் விவகாரம் குறித்து அருண் ஜேட்லி கூறியதாவது:
தங்களை அழித்துக் கொண்டு மற்றவர்களையும் கொல்லத் துடிக்கும் பயங்கரவாதிகளிடம் நாம் சத்தியாகிரகம் பற்றி பேசிக் கொண்டிருக்க முடியாது. பயங்கரவாதிகள் சரணடைய மறுப்பதுடன், அரசு அறிவித்த சண்டை நிறுத்தத்தையும் ஏற்கவில்லை. சட்டத்தைக் கையில் எடுத்து பொதுமக்களின் உயிருக்கு அச்சுறுத்தலை ஏற்படுத்துவர்கள் மீது அரசு கடும் நடவடிக்கைகளை எடுப்பதைத் தவிர வேறு வழியில்லை. இது அடக்குமுறை ஆகாது. அரசு காஷ்மீரில் மக்களைக் காக்கும் தனது கடமையைத்தான் செய்து வருகிறது.
நாம் ஒற்றுமையுடனும், ஒருமைப்பாட்டுடனும் இருக்க வேண்டும் என்றுதான் அமைதியை விரும்பும் அனைத்து மக்களும் நினைக்கிறார்கள். ஆனால், பயங்கரவாதிகள் தேச ஒற்றுமைக்கு எதிராக செயல்படுவதுடன், அப்பாவி பொதுமக்களின் உயிர்களையும் பலி வாங்கி வருகின்றனர். காஷ்மீரில் பெரும்பான்மையான மக்கள் அமைதியாக வாழவே விரும்புகிறார்கள். ஒரு சிலர்தான் வன்முறையைத் தூண்டி விடும் வேலையைச் செய்கின்றனர். இவர்களின் தூண்டுதல்களுக்கு அப்பாவி இளைஞர்கள் இரையாகி வருகின்றனர்.
பயங்கரவாதி ஒருவர் துப்பாக்கியை வைத்து சுடும்போது, பாதுகாப்புப் படை வீரர்கள் அவர்களிடம் இருந்து தப்பி ஓட வேண்டும் என்று நினைக்கிறீர்களா? இல்லை எதிர்த்து தாக்க வேண்டும் என்று நினைக்கிறீர்களா? தேசவிரோத நோக்கத்துடன் ஆயுதம் எடுப்பவர்களிடம் கூட அரசு முதலில் பேச்சு நடத்தவும், ஆயுதங்களைக் கைவிடவுமே வாய்ப்பு அளிக்கிறது.
காஷ்மீர் மக்களைக் காப்பதுதான் அரசின் கொள்கை. ஒவ்வொரு இந்தியரின் மனித உரிமையும் காக்கப்பட வேண்டும் என்பதில் அரசுக்கு மாற்றுக் கருத்து இல்லை. மக்களை மனிதர்களாக மதிக்காத பயங்கரவாதிகளை மட்டுமே அரசு ஒடுக்கி வருகிறது. காஷ்மீரில் மட்டுமல்ல நக்ஸல் ஆதிக்கமுள்ள பகுதிகளிலும் தீய சக்திகள் முழுமையாக ஒடுக்கப்படும் என்றார் அவர்.
 

]]>
http://images.dinamani.com/uploads/user/imagelibrary/2018/5/2/w600X390/jetly.jpg http://www.dinamani.com/india/2018/jun/23/காஷ்மீர்-மக்களைக்-காக்கவே-பயங்கரவாதிகள்-மீது-நடவடிக்கை-அருண்-ஜேட்லி-2945244.html
2945243 இந்தியா பயங்கரவாதிகளுக்கு ஆதரவளிப்பதே காங்கிரஸ் கொள்கை: பாஜக சாடல் DIN DIN Saturday, June 23, 2018 02:03 AM +0530 ராகுல் காந்தி தலைமையில் செயல்படும் காங்கிரஸ் கட்சி, பயங்கரவாதிகளுக்கு ஆதரவு அளிப்பதையே கொள்கையாக கொண்டுள்ளது என்று பாஜக குற்றம்சாட்டியுள்ளது.
ஜம்மு-காஷ்மீரில் பயங்கரவாதிகளை காட்டிலும், ராணுவ நடவடிக்கைகளில்தான் பொதுமக்கள் அதிகம் கொல்லப்பட்டதாக முன்னாள் முதல்வரும், காங்கிரஸ் மூத்த தலைவருமான குலாம் நபி ஆசாத் பேசியிருப்பதற்கு பாஜக கண்டனம் தெரிவித்துள்ளது.
அதேபோன்று, காஷ்மீருக்கு விடுதலை அளிக்க வேண்டும் என்று மற்றொரு காங்கிரஸ் மூத்த தலைவர் சைபுதீன் சோஸ் பேசியிருப்பதையும் பாஜக கண்டித்துள்ளது.
இதுதொடர்பாக மத்திய சட்டத் துறை அமைச்சரும், பாஜக மூத்த தலைவருமான ரவிசங்கர் பிரசாத், தில்லியில் செய்தியாளர்களிடம் வெள்ளிக்கிழமை கூறியதாவது:
சோனியா காந்தியின் ஆசியுடன், ராகுல் காந்தியின் தலைமையில் புதிய காங்கிரஸ் உருவாகியுள்ளது. இந்தியாவை உடைக்க விரும்பும் சக்திகளை பலப்படுத்த வேண்டும் என்பதே அக்கட்சியின் விருப்பம்.
ராகுல் காந்தி தலைவராக பொறுப்பேற்ற பிறகு, தேசம் குறித்து காங்கிரஸ் கட்சி கொண்டிருந்த பார்வையில் கடல் அளவு மாற்றம் ஏற்பட்டுள்ளது.
குலாம் நபி ஆசாத்தின் கருத்துக்கள் பொறுப்பற்ற வகையிலும், வெட்கக்கேடான வகையிலும் உள்ளன. இந்தியாவில் மனித உரிமைகள் மீறப்படுவதாக பாகிஸ்தான் முன்வைக்கும் குற்றச்சாட்டுக்கு ஆசாத்தின் கருத்துக்கள் பக்க பலமாக அமையும்.
காஷ்மீரில் கொல்லப்பட்ட ராணுவ வீரரின் குடும்பத்துக்கு பாதுகாப்பு துறை அமைச்சரும், ராணுவ தளபதியும் சென்று ஆறுதல் கூறியதை குலாம் நபி ஆசாத் நாடகம் என்கிறார். இதைவிட வெட்கக்கேடான ஒரு விஷயம் இருக்க முடியுமா?
மோடி மீது கொண்ட வெறுப்பால், ராணுவ வீரர்களுக்கான மரியாதை, அவர்களது வீரம் போன்ற விஷயங்களில் காங்கிரஸ் கட்சி சமரசம் செய்து கொண்டுள்ளது. குலாம் நபி ஆசாத் மற்றும் காஷ்மீருக்கு விடுதலை அளிக்க வேண்டும் என்று கூறிய சைபுதீன் சோஸ் ஆகியோர் மீது ராகுல் காந்தி நடவடிக்கை எடுப்பாரா?
இந்த தலைவர்களை போன்றே ராகுல் காந்தியிடமும் நல்லது எதையும் எதிர்பார்க்க முடியாது. தேசத்துக்கு விரோதமாக குரல் எழுப்பிய ஜேஎன்யு பல்கலைக்கழக மாணவர்களுக்கு ஆதரவாக குரல் கொடுத்தவரும், பாகிஸ்தான் ஆக்கிரமிப்பு காஷ்மீர் பகுதியில் இந்தியா துல்லிய தாக்குதல் நடத்தியது குறித்து கேள்வி எழுப்பியதும் இதே ராகுல் காந்திதான் என்றார் ரவிசங்கர் பிரசாத்.
அவர் தொடர்ந்து பேசுகையில், பாஜக ஆட்சியில் அதிக அளவிலான பயங்கரவாதிகள் கொல்லப்பட்டிருப்பதாகத் தெரிவித்தார். 
கடந்த 2012 மற்றும் 2013 முறையே 72, 67 பயங்கரவாதிகள் மட்டுமே கொல்லப்பட்டதாகவும், பாஜக ஆட்சிக்கு வந்த 2014-இல் இது 110-ஆக அதிகரித்தது என்றும் ரவிசங்கர் பிரசாத் குறிப்பிட்டார்.
2015-இல் 108 பயங்கரவாதிகளும், 2016-இல் 150 பேரும், 2017-இல் 217 பேரும் கொல்லப்பட்டதாக அவர் கூறினார். இந்த ஆண்டு மே மாதம் வரையில் 75 பயங்கரவாதிகள் கொல்லப்பட்டிருப்பதாக ரவிசங்கர் பிரசாத் தெரிவித்தார்.

]]>
http://www.dinamani.com/india/2018/jun/23/பயங்கரவாதிகளுக்கு-ஆதரவளிப்பதே-காங்கிரஸ்-கொள்கை-பாஜக-சாடல்-2945243.html
2945242 இந்தியா ஜார்க்கண்ட் பாலியல் வன்கொடுமை: சிறப்பு விசாரணைக் குழு அமைத்தது மகளிர் ஆணையம் DIN DIN Saturday, June 23, 2018 02:02 AM +0530 ஜார்க்கண்ட் மாநிலம் குந்தி மாவட்டத்தில் தன்னார்வ அமைப்பைச் சேர்ந்த பெண்கள் 5 பேரை துப்பாக்கி முனையில் சிலர் கூட்டு பாலியல் வன்கொடுமைக்கு ஆளாக்கிய சம்பவம் குறித்து விசாரிக்க தேசிய மகளிர் ஆணையம் பிரத்யேக குழு ஒன்றை அமைத்துள்ளது.
மொத்தம் 3 பேர் கொண்ட அந்தக் குழுவானது அடுத்த சில நாள்களில் சம்பந்தப்பட்ட பகுதிக்குச் சென்று விசாரணையைத் தொடங்கும் என அறிவிக்கப்பட்டுள்ளது.
ஆள்கடத்தல் உள்ளிட்ட சமூக விரோத நடவடிக்கைகள் குறித்து விழிப்புணர்வு பிரசாரம் மேற்கொள்வதற்காக ஜார்க்கண்டின் குந்தி மாவட்டத்தில் அமைந்துள்ள சோசாங் என்ற பகுதிக்கு தன்னார்வ அமைப்பைச் சேர்ந்த பெண்கள் ஐவர் அண்மையில் சென்றுள்ளனர்.
அப்போது 5 பேர் கொண்ட கும்பல் ஒன்று, துப்பாக்கி முனையில் அந்தப் பெண்களை சிறைவைத்து கூட்டு பாலியல் பலாத்காரம் செய்ததாகக் கூறப்படுகிறது. இதுதொடர்பாக அளிக்கப்பட்ட புகாரின்பேரில் போலீஸார் வழக்குப் பதிவு செய்து விசாரணை நடத்தி வருகின்றனர். 
இந்த நிலையில், இச்சம்பவம் குறித்து விசாரிக்க தேசிய மகளிர் ஆணையம் மூன்று பேர் கொண்ட குழுவை அமைத்துள்ளது. பாதிக்கப்பட்ட பெண்களிடமும், சம்பவம் நடைபெற்ற பகுதியிலும் அக்குழுவிர் விசாரணை நடத்தவுள்ளனர். அதன் அடிப்படையில் அறிக்கை தயாரிக்கப்பட்டு மகளிர் ஆணையத்தில் விரைவில் சமர்ப்பிக்கப்பட உள்ளது.
இதனிடையே, இந்த வழக்கில் இதுவரை மேற்கொள்ளப்பட்ட விசாரணை நடவடிக்கைகள் குறித்த விவரங்களை அளிக்குமாறு ஜார்க்கண்ட் மாநில காவல்துறை டிஜிபி டி.கே.பாண்டேவை மகளிர் ஆணையம் அறிவுறுத்தியுள்ளது.
 

]]>
http://www.dinamani.com/india/2018/jun/23/ஜார்க்கண்ட்-பாலியல்-வன்கொடுமை-சிறப்பு-விசாரணைக்-குழு-அமைத்தது-மகளிர்-ஆணையம்-2945242.html
2945241 இந்தியா நீரவ் மோடிக்கு எதிராக விரைவில் ரெட் கார்னர் நோட்டீஸ் DIN DIN Saturday, June 23, 2018 02:02 AM +0530 ரூ.13,000 கோடி வங்கி மோசடி வழக்கில் சிபிஐ அளித்துள்ள ஆவணங்களின் அடிப்படையில், தொழிலதிபர் நீரவ் மோடிக்கு எதிராக சர்வதேச காவல்துறை (இன்டர்போல்) விரைவில் ரெட் கார்னர் நோட்டீஸ் பிறப்பிக்கவுள்ளதாக தகவல்கள் தெரிவிக்கின்றன.
தொழிலதிபர்கள் நீரவ் மோடி, மெஹுல் சோக்ஸி ஆகியோர், பஞ்சாப் நேஷனல் வங்கியில் ரூ.13,000 கோடிக்கும் அதிகமாக கடன் மோசடியில் ஈடுபட்டுவிட்டு, குடும்பத்துடன் வெளிநாடு தப்பிய விவகாரம் இந்த ஆண்டு தொடக்கத்தில் அம்பலமானது. நாடு முழுவதும் பெரும் பரபரப்பை ஏற்படுத்திய இந்த மோசடி தொடர்பாக சிபிஐ-யும், அமலாக்கத் துறையும் தனித்தனியாக வழக்குப் பதிவு செய்து விசாரணை மேற்கொண்டு வருகின்றன. இருவருக்கும் சொந்தமான ரூ.7,000 கோடிக்கும் அதிகமான சொத்துகள் முடக்கப்பட்டுள்ளன. இந்த வழக்குகள் தொடர்பாக வங்கி அதிகாரிகள் உள்பட பலர் கைது செய்யப்பட்டுள்ளனர்.
நீரவ் மோடி பிரிட்டனில் இருக்கலாம் என்று சந்தேகிக்கப்படும் நிலையில், அவருக்கு எதிராக ரெட் கார்னர் நோட்டீஸ் (தேடப்படும் நபர்) பிறப்பிக்கும்படி, இன்டர்போலிடம் சிபிஐ கோரிக்கை விடுத்திருந்தது. மேலும், நீரவ் மோடிக்கு எதிராக மும்பை நீதிமன்றத்தால் பிறப்பிக்கப்பட்ட ஜாமீனில் வெளிவர இயலாத பிடிஆணைகள், வங்கி மோசடி வழக்கில் பதிவு செய்யப்பட்ட குற்றப் பத்திரிகைகள் தொடர்பான ஆவணங்களை, இன்டர்போலிடம் சிபிஐ அளித்தது.
அந்த ஆவணங்கள் திருப்திகரமாக இருப்பதாக இன்டர்போல் அதிகாரிகள் தெரிவித்துள்ளதாகவும், நீரவ் மோடிக்கு எதிராக அடுத்த வார தொடக்கத்தில் ரெட் கார்னர் நோட்டீஸ் பிறப்பிக்க வாய்ப்புள்ளதாகவும் தகவல்கள் வெளியாகியுள்ளன.
முன்னதாக, நீரவ் மோடியின் பாஸ்போர்ட் கடந்த பிப்ரவரியில் முடக்கப்பட்டது. இதுதொடர்பாக இன்டர்போலிடம் சிபிஐ தகவல் தெரிவித்தது. அதன்பிறகும் அவர் பல்வேறு நாடுகளுக்கு பயணம் மேற்கொண்டதும், அவர் ஒன்றுக்கும் மேற்பட்ட பாஸ்போர்ட்டுகள் வைத்திருந்ததும் விசாரணையில் கண்டறியப்பட்டது.
இந்நிலையில், இந்த விவகாரம் தொடர்பாக மத்திய வெளியுறவு அமைச்சகம், சிபிஐ உள்ளிட்ட பல்வேறு விசாரணை அமைப்புகள் ஆகியவற்றின் அதிகாரிகள், தில்லியில் வெள்ளிக்கிழமை ஆலோசனை நடத்தினர். அப்போது, நீரவ் மோடியின் பாஸ்போர்ட்கள் குறித்தும் ஆலோசிக்கப்பட்டதாக கூறப்படுகிறது. 


 

]]>
http://www.dinamani.com/india/2018/jun/23/நீரவ்-மோடிக்கு-எதிராக-விரைவில்-ரெட்-கார்னர்-நோட்டீஸ்-2945241.html
2945240 இந்தியா காஷ்மீரின் பாதுகாப்பு நிலவரம்: ஆளுநருக்கான ஆலோசகர் ஆய்வு DIN DIN Saturday, June 23, 2018 02:02 AM +0530 ஜம்மு-காஷ்மீர் ஆளுநர் என்.என்.வோராவின் ஆலோசகராகப் புதிதாகப் பொறுப்பேற்றுள்ள ஓய்வுபெற்ற ஐபிஎஸ் அதிகாரி விஜய் குமார், மாநிலத்தில் நிலவும் பாதுகாப்பு நிலவரம் குறித்து வெள்ளிக்கிழமை ஆய்வு செய்தார்.
இதுதொடர்பாக அரசு செய்தித் தொடர்பாளர் ஒருவர் கூறியதாவது:
ஆளுநரின் ஆலோசகராகப் பொறுப்பேற்ற நிலையில் உடனடியாக இக்கூட்டத்தை நடத்திய விஜய் குமார், மாநிலத்தின் உயர் காவல்துறை அதிகாரிகளுடன் பாதுகாப்பு நிலவரம் குறித்து விரிவாக ஆய்வு செய்தார். இதில் காஷ்மீர் காவல்துறை இயக்குநர் எஸ்.பி. வைத், சிறைத்துறை இயக்குநர், சிறப்பு இயக்குநர் உள்ளிட்ட அதிகாரிகள் பங்கேற்றனர்.
மாநிலத்தில் சட்டம் ஒழுங்கையும், அமைதியையும் நிலைக்கச் செய்யும் வகையில் பாதுகாப்பு அமைப்புகளிடையே ஒத்துழைப்பு இருக்க வேண்டும் என விஜய் குமார் அப்போது வலியுறுத்தினார். மேலும், சிறைகளில் நவீன பாதுகாப்பு வசதிகளை ஏற்படுத்துமாறும் அவர் கேட்டுக்கொண்டார் என்று அரசு செய்தித் தொடர்பாளர் கூறினார்.
1975-ஆம் ஆண்டு தமிழக பிரிவு ஐபிஎஸ் அதிகாரியான விஜய் குமார், கடந்த 1998-2001 காலகட்டத்தில் காஷ்மீர் பள்ளத்தாக்குப் பகுதியில் எல்லை பாதுகாப்புப் படையின் ஐஜியாக பணியாற்றியுள்ளார். மத்திய ரிசர்வ் போலீஸ் படையின் இயக்குநராக 2010-12 காலகட்டத்தில் பணியாற்றிய விஜய் குமார், கடைசியாக மத்திய உள்துறை அமைச்சகத்துக்கான மூத்த பாதுகாப்பு ஆலோசகராக இருந்தது குறிப்பிடத்தக்கது.

]]>
http://www.dinamani.com/india/2018/jun/23/காஷ்மீரின்-பாதுகாப்பு-நிலவரம்-ஆளுநருக்கான-ஆலோசகர்-ஆய்வு-2945240.html
2945239 இந்தியா மேகாலயம்: தனிப்பெரும் கட்சி அந்தஸ்தை இழந்தது காங்கிரஸ் DIN DIN Saturday, June 23, 2018 02:01 AM +0530 மேகாலயத்தில் காங்கிரஸ் கட்சி எம்எல்ஏ ஒருவர் தனது பதவியை ராஜிநாமா செய்துள்ளார். இதையடுத்து, அந்த மாநிலத்தில் தனிப்பெரும் கட்சி என்ற அந்தஸ்தை காங்கிரஸ் இழந்தது.
60 உறுப்பினர்களைக் கொண்ட மேகாலய சட்டப் பேரவைக்கு கடந்த பிப்ரவரியில் தேர்தல் நடைபெற்றது. இதில் எந்த கட்சிக்கும் பெரும்பான்மை கிடைக்காத நிலையில், 21 இடங்களில் வெற்றி பெற்று, தனிப்பெரும் கட்சியாக காங்கிரஸ் உருவெடுத்தது. ஆனால், 20 இடங்களில் வெற்றி பெற்ற தேசிய மக்கள் கட்சி (என்பிபி), பாஜக மற்றும் இதர கட்சிகளின் ஆதரவுடன் ஆட்சியமைத்தது. முதல்வராக என்பிபி கட்சியின் தலைவர் கான்ராட் சங்மா உள்ளார்.
இந்நிலையில், ராணிகோர் (தனி) தொகுதி காங்கிரஸ் எம்எல்ஏ மார்ட்டின் எம்.டாங்கோ, தனது பதவியை ராஜிநாமா செய்துள்ளார். 
இதுதொடர்பாக பேரவை துணைத் தலைவரை வியாழக்கிழமை இரவு சந்தித்து, தனது ராஜிநாமா கடிதத்தை அவர் சமர்ப்பித்தார். 
மேலும், காங்கிரஸில் இருந்தும் விலகுவதாக அறிவித்த அவர், மக்களின் விருப்பப்படியே இந்த முடிவை எடுத்ததாக கூறினார். 
ராணிகோர் தொகுதியில் இருந்து காங்கிரஸ் சார்பில் 5 முறை எம்எல்ஏவாக தேர்வானவரான மார்ட்டின், என்பிபி கட்சியில் இணையவுள்ளதாகத் தெரிகிறது. ஒரு எம்எல்ஏ ராஜிநாமா செய்ததன் மூலம் தனிப்பெரும் கட்சி என்ற அந்தஸ்தை காங்கிரஸ் இழந்துள்ளது. 

]]>
http://images.dinamani.com/uploads/user/imagelibrary/2017/3/11/w600X390/congress.png http://www.dinamani.com/india/2018/jun/23/மேகாலயம்-தனிப்பெரும்-கட்சி-அந்தஸ்தை-இழந்தது-காங்கிரஸ்-2945239.html
2945238 இந்தியா அகஸ்தா வெஸ்ட்லேண்ட் வழக்கு: இடைத்தரகரை ஒப்படைக்க இத்தாலி மறுப்பு DIN DIN Saturday, June 23, 2018 02:01 AM +0530 அகஸ்தா வெஸ்ட்லேண்ட் ஊழல் வழக்கில் இடைத்தரகராகக் கருதப்படும் கார்லோ ஜெரோசாவை (71), இந்தியாவிடம் ஒப்படைக்க இத்தாலி மறுத்துவிட்டது. சட்ட விவகாரங்களில் பரஸ்பரம் உதவுவது தொடர்பாக இரு நாடுகளிடையே ஒப்பந்தம் மேற்கொள்ளப்படாததால், அவரை இந்தியாவிடம் ஒப்படைக்க இயலாது என இத்தாலி கூறியுள்ளது.
இது, அந்த வழக்கை விசாரித்து வரும் சிபிஐ மற்றும் அமலாக்க இயக்கநரகத்துக்கு பின்னடைவாக கருதப்படுகிறது.
இதுகுறித்து தகவலறிந்த வட்டாரங்கள் கூறியதாவது: சட்ட விவகாரங்களில் பரஸ்பரம் உதவும் ஒப்பந்தங்கள் இல்லாத போதிலும் சில விதிகளின் கீழ் கார்லோ ஜெரோசாவை பிடித்து இந்தியாவிடம் வழங்க இத்தாலியால் இயலும் என்று கூறி வெளியுறவு அமைச்சகத்தை சிபிஐ நாடியுள்ளது.
இத்தாலிய மற்றும் ஸ்விட்சர்லாந்து குடியரிமை கொண்ட கார்லோ வாலன்டினோ ஃபெர்டினான்டோ ஜெரோசா என்ற அந்த நபர், அகஸ்தா வெஸ்ட்லேண்ட் ஊழல் வழக்கில் முக்கிய நபராகக் கருதப்படுகிறார். 
கார்லோவும்- இந்திய விமானப் படையின் முன்னாள் தலைமைத் தளபதி எஸ்.பி.தியாகியின் உறவினர்களும் சந்தித்ததைத் தொடர்ந்தே விவிஐபி-க்களுக்கான ஹெலிகாப்டர்களின் வசதிகளில் மாற்றங்கள் செய்த நடவடிக்கை மேற்கொள்ளப்பட்டதாக கூறப்படுகிறது என்று அந்த வட்டாரங்கள் கூறின.
அகஸ்தா வெஸ்ட்லேண்ட் நிறுவனத்தில் விவிஐபி-க்களுக்கான ஹெலிகாப்டர்கள் வாங்கிய விவகாரத்தில் ஊழல் நடைபெற்றதாக குற்றம்சாட்டப்பட்டுள்ளது. அந்த வழக்கில் குற்றம்சாட்டப்பட்டுள்ள கார்லோவுக்கு எதிராக இன்டர்போல் அமைப்பு ரெட் கார்னர் நோட்டீஸ்' பிறப்பித்திருந்த நிலையில், அவர் இத்தாலி அதிகாரிகளிடம் சிக்கியுள்ளார்.
இந்த வழக்கில் இடைத்தரகர்களாக குற்றம்சாட்டப்பட்டுள்ள மூன்று நபர்களில் கார்லோவும் ஒருவர் என்பதால், அவரிடம் விசாரணை நடத்த வேண்டியது சிபிஐ மற்றும் அமலாக்க இயக்குநரகத்துக்கு அவசியமானதாகும். இந்நிலையில், அவரை ஒப்படைக்க இத்தாலி மறுத்துள்ளது.
 

]]>
http://www.dinamani.com/india/2018/jun/23/அகஸ்தா-வெஸ்ட்லேண்ட்-வழக்கு-இடைத்தரகரை-ஒப்படைக்க-இத்தாலி-மறுப்பு-2945238.html
2945237 இந்தியா ஐரோப்பிய யூனியன் பிரதிநிதியுடன் சுஷ்மா ஸ்வராஜ் சந்திப்பு DIN DIN Saturday, June 23, 2018 02:00 AM +0530 அரசு முறைப் பயணமாக நான்கு நாடுகளுக்கு சுற்றுப்பயணம் மேற்கொண்டுள்ள வெளியுறவுத் துறை அமைச்சர் சுஷ்மா ஸ்வராஜ், பெல்ஜியத்தில் ஐரோப்பிய யூனியனின் வெளியுறவுத் துறை முதன்மை பிரதிநிதி ஃபெடரிகா மோகேரினியை வெள்ளிக்கிழமை சந்தித்துப் பேசினார்.
அப்போது பல்வேறு முக்கிய விவகாரங்கள் குறித்து இருவரும் விவாதித்தனர். குறிப்பாக பயங்கரவாத ஒழிப்பு நடவடிக்கைகளில் ஒத்துழைப்பு நல்குவது, வர்த்தக நடவடிக்கைகளை மேம்படுத்துவது, ஐரோப்பிய யூனியன் நாடுகளுடனான நல்லுறவை வலுப்படுத்துவது உள்ளிட்டவை தொடர்பாக அவர்கள் இருவரும் ஆலோசித்தனர்.
அரசு முறைப் பயணமாக, இத்தாலி, பிரான்ஸ், லக்ஸம்பர்க், பெல்ஜியம் ஆகிய ஐரோப்பிய நாடுகளுக்கு சுஷ்மா ஸ்வராஜ் கடந்த ஞாயிற்றுக்கிழமை புறப்பட்டுச் சென்றார். அந்நாடுகளைச் சேர்ந்த தலைவர்களையும், முக்கியப் பிரமுகர்களையும் இந்தப் பயணத்தின்போது அவர் சந்தித்தார். இந்தியாவுடனான உறவை மேம்படுத்துவதற்கான பேச்சுவார்த்தையையும் அவர் முன்னெடுத்தார்.
இந்நிலையில், பயணத்தின் இறுதி நாடான பெல்ஜியத்துக்கு கடந்த புதன்கிழமை சுஷ்மா சென்றார். அங்கு பல்வேறு நிகழ்ச்சிகளில் பங்கேற்று வந்த அவர், ஐரோப்பிய யூனியனின் வெளியுறவுத் துறை பிரதிநிதி ஃபெடரிகா மோகேரினியை சந்தித்துப் பேசினார். 
அப்போது பல்வேறு துறைகளில் இந்தியாவுக்கும், ஐரோப்பிய யூனியனுக்கும் இடையே ஒத்துழைப்பை வலுப்படுத்துவது குறித்தும், அதற்கான நடவடிக்கைகளை முன்னெடுப்பது குறித்தும் இருவரும் விவாதித்தனர்.
மேலும், பயங்கரவாதத்தை ஒடுக்குவதிலும், இணைய வழி பாதுகாப்பை வலுப்படுத்துவதிலும் ஒருங்கிணைந்து செயல்படுவது குறித்தும் அவர்கள் ஆலோசித்தனர்.
இந்தத் தகவல்களை இந்திய வெளியுறவுத் துறை அமைச்சகத்தின் செய்தித் தொடர்பாளர் ரவீஷ் குமார் தனது சுட்டுரைப் பக்கத்தில் தெரிவித்துள்ளார். 
 

]]>
http://images.dinamani.com/uploads/user/imagelibrary/2018/4/14/w600X390/susma.jpg http://www.dinamani.com/india/2018/jun/23/ஐரோப்பிய-யூனியன்-பிரதிநிதியுடன்-சுஷ்மா-ஸ்வராஜ்-சந்திப்பு-2945237.html
2945202 இந்தியா சர்வதேச வர்த்தகத்தில் இந்தியாவின் பங்கை இரு மடங்காக அதிகரிக்க இலக்கு: மோடி DIN DIN Saturday, June 23, 2018 01:18 AM +0530 சர்வதேச வர்த்தகத்தில் இந்தியாவின் பங்களிப்பை இரு மடங்காக அதிகரிக்க இலக்கு நிர்ணயித்திருப்பதாக பிரதமர் நரேந்திர மோடி தெரிவித்தார்.
தில்லியில் மத்திய வர்த்தக அமைச்சகத்துக்கு புதிய அலுவலக வளாகம் அமைப்பதற்கான அடிக்கல் நாட்டு விழா வெள்ளிக்கிழமை நடைபெற்றது. இதில் அடிக்கல் நாட்டிய பின் பிரதமர் மோடி பேசியதாவது:
இந்தியாவின் பொருளாதார வளர்ச்சியை இரட்டை இலக்கத்துக்கு எடுத்துச் செல்லும் நோக்குடன் மத்திய அரசு செயல்பட்டு வருகிறது. கடந்த நான்கு ஆண்டுகால ஆட்சியில் இந்தியாவில் தொழில் தொடங்குவதற்கான நடைமுறைகள் எளிதாக்கப்பட்டுள்ளன. இந்தியாவின் பொருளாதார நிலை சிறப்பாக இருப்பதையும், எதிர்காலத்தில் சிறப்பான வளர்ச்சியை இந்தியா அடையும் என்பதையும் பல்வேறு வெளிநாட்டு ஆய்வு நிறுவனங்கள் உறுதி செய்துள்ளன. நடப்புக் கணக்குப் பற்றாக்குறை இப்போது கட்டுப்பாட்டில் உள்ளது.
கடந்த 2017-18 நிதியாண்டின் கடைசி காலாண்டில் பொருளாதார வளர்ச்சி 7.7 சதவீதமாக உள்ளது. இதனை இரட்டை இலக்கமாக மாற்றும் நோக்கில் அரசு பொருளாதாரச் சீர்திருத்த நடவடிக்கைகளை முன்னெடுத்து வருகிறது. இந்தியா விரைவில் 5 டிரில்லியன் டாலர் (சுமார் ரூ.338 லட்சம் கோடி) பொருளாதாரமாக மாற உள்ளது. அதனை காண ஒட்டுமொத்த உலகமே ஆர்வமாக உள்ளது. எரிபொருள் உள்பட நமது நாட்டில் அதிகம் பயன்படுத்தும் பொருள்களுக்கு வெளிநாடுகளை அதிகம் சார்ந்து இருப்பதை நாம் தவிர்க்க வேண்டும். உள்நாட்டு வளங்களைக் கொண்டு நமது தேவைகளை நிறைவேற்றிக் கொள்ள நடவடிக்கை எடுக்கப்பட்டு வருகிறது.
சர்வதேச வர்த்தகத்தில் இந்தியாவின் பங்களிப்பை இரு மடங்காக அதிகரிக்க அதாவது 3.4 சதவீதமாக்க மத்திய அரசு நடவடிக்கை எடுத்து வருகிறது. ஜிஎஸ்டி அமல்படுத்தப்பட்ட பிறகு 54 லட்சம் பேர் புதிதாக வரித் தாக்கலுக்கு பதிவு செய்துள்ளனர். இதன் மூலம் மறைமுக வரி செலுத்துவோரின் எண்ணிக்கை 1 கோடிக்கு மேல் அதிகரித்துள்ளது. ஜிஎஸ்டி அமலாக்கத்துக்கு முன்பு 60 லட்சம் பேர் மட்டுமே மறைமுக வரி செலுத்தி வந்தனர். இந்தியாவில் அந்நியச் செலாவணி கையிருப்பு முன்னேப்போதும் இல்லாத அளவுக்கு அதிகரித்துள்ளது. அன்னிய நேரடி முதலீடும் மேம்பட்டு வருகிறது என்றார் மோடி.


 

]]>
http://images.dinamani.com/uploads/user/imagelibrary/2018/6/23/w600X390/modi.jpg தில்லியில் வெள்ளிக்கிழமை நடைபெற்ற வர்த்தக அமைச்சக கட்டடத்துக்கான அடிக்கல் நாட்டு விழாவில் கல்வெட்டை திறந்துவைத்த பிரதமர் நரேந்திர மோடி. உடன் மத்திய வர்த்தகத் துறை அமைச்சர் சுரேஷ் பிரபு உள்ளிட்டோர். http://www.dinamani.com/india/2018/jun/23/சர்வதேச-வர்த்தகத்தில்-இந்தியாவின்-பங்கை-இரு-மடங்காக-அதிகரிக்க-இலக்கு-மோடி-2945202.html
2945199 இந்தியா மல்லையாவின் சொத்துகளை பறிமுதல் செய்யக் கோரி மனு DIN DIN Saturday, June 23, 2018 01:17 AM +0530 வங்கிகளிடம் பல கோடி ரூபாய் கடன் பெற்று திருப்பிச் செலுத்தாமல் வெளிநாட்டுக்கு தப்பியோடிய தொழிலதிபர் விஜய் மல்லையாவை தலைமறைவு நிதி மோசடியாளர்'' என அறிவிக்க கோரி மும்பை சிறப்பு நீதிமன்றத்தில் அமலாக்கத்துறை மனு தாக்கல் செய்துள்ளது.
இதன்படி, மல்லையாவை தலைமறைவு நிதி மோசடியாளர்'' என நீதிமன்றம் அறிவிக்கும் பட்சத்தில், அவரது ரூ.12,500 கோடி மதிப்புள்ள அசையும், அசையா சொத்துகள் பறிமுதல் செய்யப்படும் என்பது குறிப்பிடத்தக்கது.
மத்திய அரசு அண்மையில் கொண்டு வந்த தலைமறைவு நிதி மோசடியாளர்'' அவசரச் சட்டத்தின் கீழ் இந்த மனுவை அமலாக்கத் துறை தாக்கல் செய்துள்ளது.
நாட்டின் பல்வேறு வங்கிகளில் ரூ.9,000 கோடி அளவுக்கு கடன் பெற்று மோசடி செய்த விஜய் மல்லையா, தற்போது லண்டனில் உள்ளார். அவரை இந்தியாவுக்கு கொண்டு வருவதற்கான அனைத்து முயற்சிகளையும் மத்திய அரசு மேற்கொண்டுள்ளது.
அதே சமயம், நிதி முறைகேட்டு தடுப்புச் சட்டத்தின் (பி.எம்.எல்.ஏ.) கீழ் மல்லையா மீது வழக்குப்பதிவு செய்யப்பட்டு மும்பை நீதிமன்றத்தில் விசாரணை நடைபெற்று வருகிறது. இந்த வழக்கில், அவருக்கு எதிரான ஆதாரங்களுடன் அமலாக்கத் துறை இதுவரை இரண்டு குற்றப்பத்திரிகைகளை தாக்கல் செய்துள்ளது.
இந்த சட்டத்தின்படி, வழக்கு விசாரணை முடிந்து, மல்லையாவுக்கு எதிராக தீர்ப்பு அமைந்தால் மட்டுமே அவரது சொத்துக்களை அமலாக்கத் துறை பறிமுதல் செய்ய இயலும். ஆனால், இதற்கு பல ஆண்டுகள் காத்திருக்க வேண்டியிருக்கும்.
அவசரச் சட்டம்: இப்படியொரு சூழலில், தலைமறைவு நிதி மோசடியாளர் மசோதா 2018''-ஐ மத்திய அரசு கடந்த மார்ச் மாதம் மக்களவையில் அறிமுகம் செய்தது. ஆனால், அவை நடவடிக்கைகள் தொடர்ந்து முடங்கியதால், அந்த மசோதா பரிசீலனைக்கு வரவில்லை.
மேற்குறிப்பிட்ட சட்ட மசோதாவின்படி, முறைகேடுகள், காசோலை மோசடி அல்லது ரூ.100 கோடி வரை கடன் பெற்று மோசடி செய்த நபர்கள், தங்களுக்கு எதிரான கைது நடவடிக்கையை தவிர்க்கும் பொருட்டு வெளிநாடுகளில் பதுங்குவதும், இந்தியா வர மறுப்பதுமாக இருந்தால் அவர் தலைமறைவு நிதி மோசடியாளர்'' என்று அறிவிக்கப்படுவார். பின்னர் அவரது சொத்துக்கள் உடனடியாக பறிமுதல் செய்யப்படும்.
ஆனால், தலைமறைவு நிதி மோசடியாளர் மசோதா, நாடாளுமன்றத்தில் நிறைவேற்றப்படாத நிலையில், மத்திய அரசு அதை கடந்த ஏப்ரல் 21-ஆம் தேதி அவசர சட்டமாக கொண்டு வந்தது.
இந்த அவசரச் சட்டத்தை அடிப்படையாகக் கொண்டு, விஜய் மல்லையாவை தலைமறைவு நிதி மோசடியாளர் என அறிவிக்கக் கோரி அமலாக்கத் துறை மனு தாக்கல் செய்துள்ளது. அவ்வாறு அறிவிக்கப்பட்டால், மல்லையா மற்றும் அவரது நிறுவனங்களுக்கு சொந்தமான ரூ.12,500 கோடி சொத்துகள் பறிமுதல் செய்யப்படும்.
அதே சமயம், இந்த வழக்கு தொடர்பாக பதில் மனு தாக்கல் செய்வது, வழக்குரைஞர் மூலம் விசாரணையில் பங்கேற்பது, உயர் நீதிமன்றத்தில் மேல்முறையீடு செய்வது உள்ளிட்ட நடவடிக்கைகளை மல்லையா மேற்கொள்ள இயலும். அதற்கான சட்டப் பிரிவுகள் அவசரச் சட்டத்தில் உள்ளன.

]]>
http://images.dinamani.com/uploads/user/imagelibrary/2014/9/4/22/w600X390/vijay_malya.jpg http://www.dinamani.com/india/2018/jun/23/மல்லையாவின்-சொத்துகளை-பறிமுதல்-செய்யக்-கோரி-மனு-2945199.html
2945191 இந்தியா அமெரிக்காவில் இந்தியர்கள் சட்டவிரோத குடியேற்றம்: சமீப காலங்களில் 100 பேர் கைது DIN DIN Saturday, June 23, 2018 01:15 AM +0530 அண்மைக்காலங்களில் அமெரிக்காவில் சட்டவிரோதமாக நுழைய முயன்ற சுமார் 100 நபர்களை அந்நாட்டு அரசு சிறைபிடித்து வைத்துள்ளது. இதுதொடர்பாக, அமெரிக்க அதிகாரிகளை தொடர்பு கொண்டுள்ளதுடன், சூழ்நிலை என்ன என்பதை இந்திய தூதரகம் கண்காணித்து வருகிறது.
அமெரிக்காவின் நியூ மெக்சிகோ நகரில் உள்ள தடுப்புக் காவல் மையத்தில் சுமார் 40 முதல் 45 இந்தியர்கள் வரை உள்ளனர். இதேபோன்று, ஓரேகான் மையத்தில் 52 இந்தியர்கள் சிறைபிடிக்கப்பட்டுள்ளனர். இவர்களில் பெரும்பாலானவர்கள் சீக்கியர்கள் மற்றும் கிறிஸ்தவர்கள் ஆவர்.
இந்த இரண்டு தடுப்புக் காவல் மையத்துடனும், அமெரிக்காவில் உள்ள இந்தியத் தூதரகம் தற்போது தொடர்பு கொண்டுள்ளது. 
இதுகுறித்து வெளியிடப்பட்ட அறிக்கையில், ஓரேகான் மையத்துக்கு தூதரக அதிகாரி சென்று பார்வையிட்டுள்ளார். நியூ மெக்சிக்கோ மையத்துக்கு இந்திய தூதரக அதிகாரி சென்று பார்வையிட நேரம் ஒதுக்கப்பட்டுள்ளது. நிலைமையை இந்திய தூதரகம் கண்காணித்து வருகிறது'' என்று தெரிவிக்கப்பட்டுள்ளது.
சிக்கலில் மாட்டியுள்ள இந்தியர்களில் 12-க்கும் அதிகமானோர், நியூ மெக்சிக்கோ மையத்தில் பல மாதங்களாக சிறைபிடிக்கப்பட்டுள்ளனர். மீதமுள்ள இந்தியர்கள் அனைவரும் ஒரு வாரத்துக்கு முன்னதாக சிறைபிடிக்கப்பட்டவர்கள் ஆவர்.
இந்தியாவில், வன்முறை மற்றும் துன்புறுத்தல் காரணமாக பாதிக்கப்பட்டதால் அடைக்கலம் தேடி வந்ததாக, சிறைபிடிக்கப்பட்டவர்களில் பெரும்பாலானோர் தெரிவித்துள்ளனர்.
சிறையில் வாடும் இந்தியர்கள்: அமெரிக்காவில் ஆயிரக்கணக்கான இந்தியர்கள், குறிப்பாக பஞ்சாபியர்கள் அதிகளவில் சிறையில் இருப்பதாக வட அமெரிக்க பஞ்சாபி கூட்டமைப்பு தெரிவித்துள்ளது.
அமெரிக்க தகவல் அறியும் உரிமை சட்டத்தின்படி பெறப்பட்ட தகவல் அடிப்படையில், கடந்த 2013, 2014, 2015 ஆகிய ஆண்டுகளில் 27,000 இந்தியர்கள் அந்நாட்டு எல்லையில் தடுத்து நிறுத்தி கைது செய்யப்பட்டுள்ளனர் என்பது தெரியவந்துள்ளது. இவர்களில் 4,000 பெண்களும், 350 குழந்தைகளும் அடங்குவர்.
இவர்களில் பெரும்பாலான நபர்கள் தற்போது வரையில் சிறையில் அடைக்கப்பட்டுள்ளனர்.
பஞ்சாபியர்களிடம் தலா 35 முதல் 50 லட்சம் வரை பெற்றுக் கொண்டு, அமெரிக்காவுக்கு சட்டவிரோதமாக அனுப்பி வைக்கும் நடவடிக்கையில் பஞ்சாப்பில் உள்ள ஆள் கடத்தல்காரர்கள், அதிகாரிகள் மற்றும் அரசியல் தலைவர்கள் ஈடுபட்டு வருவதாக, வட அமெரிக்க பஞ்சாபி கூட்டமைப்பைச் சேர்ந்த சத்னாம் சிங் சஹல் குற்றம்சாட்டியுள்ளார்.
பஞ்சாப்பில் அமலில் உள்ள ஆள் கடத்தல் தடுப்பு சட்டத்தை மிக கடுமையாக செயல்படுத்த வேண்டும் என்று அவர் வலியுறுத்தியுள்ளார்.

]]>
http://www.dinamani.com/india/2018/jun/23/அமெரிக்காவில்-இந்தியர்கள்-சட்டவிரோத-குடியேற்றம்-சமீப-காலங்களில்-100-பேர்-கைது-2945191.html
2945179 இந்தியா ஆமதாபாத் கூட்டுறவு வங்கி விவகாரம்: அமித் ஷா மீதான குற்றச்சாட்டு குறித்து சுதந்திரமான விசாரணை: காங். வலியுறுத்தல் DIN DIN Saturday, June 23, 2018 01:12 AM +0530 ஆமதாபாத் மாவட்ட கூட்டுறவு வங்கி விவகாரத்தில், பாஜக தேசியத் தலைவர் அமித் ஷா மீதான குற்றச்சாட்டுகளுக்கு பிரதமர் மோடி பதிலளிக்க வேண்டும்; இதுதொடர்பாக சுதந்திரமான விசாரணை நடத்தப்பட வேண்டும்' என்று காங்கிரஸ் வலியுறுத்தியுள்ளது.
குஜராத்தில் அமித் ஷா இயக்குநராக உள்ள ஆமதாபாத் மாவட்ட கூட்டுறவு வங்கியில், பணமதிப்பிழப்பு காலக்கட்டத்தில் 5 நாள்களில் ரூ.746 கோடி அளவுக்கு டெபாசிட் செய்யப்பட்டதாக ஆர்டிஐ தகவல் மூலம் தெரியவந்துள்ளது. கடந்த 2016, நவம்பர் 8-ஆம் தேதி பண மதிப்பிழப்பு அறிவிப்பை மத்திய அரசு வெளியிட்டது. இதைத் தொடர்ந்து ரூ.500, ரூ.1,000 நோட்டுகளை வங்கிகள் பெற்றன. ஆனால், கூட்டுறவு வங்கிகள் இந்த நோட்டுகளை பெறுவது நவம்பர் 14-ஆம் தேதியுடன் நிறுத்தப்பட்டது.
இந்நிலையில், அமித் ஷா இயக்குநராக உள்ள ஆமதாபாத் மாவட்ட கூட்டுறவு வங்கியில் 5 நாள்களில் அதிக அளவில் பணம் டெபாசிட் செய்யப்பட்டிருக்கும் தகவல் தற்போது தெரியவந்துள்ளது. இந்த விவகாரத்தில், அமித் ஷா மீது எதிர்க்கட்சிகள் ஊழல் குற்றச்சாட்டை முன்வைத்துள்ளன.
ராகுல் சாடல்: இதுதொடர்பாக காங்கிரஸ் தலைவர் ராகுல் காந்தி சுட்டுரையில் வெளியிட்ட பதிவில், ஆமதாபாத் மாவட்ட கூட்டுறவு வங்கியின் இயக்குநர் அமித் ஷாவுக்கு பாராட்டுகள். பழைய ரூபாய் நோட்டுகளை மாற்றும் போட்டியில் உங்களது வங்கிதான் முதலிடம் பிடித்துள்ளது. பணமதிப்பிழப்பு நடவடிக்கையால் ஏராளமான இந்தியர்களின் வாழ்க்கையே அழிந்துவிட்ட நிலையில், நீங்கள் புரிந்த சாதனைக்கு பாராட்டுகள்' என்று தெரிவித்துள்ளார். மேலும், அமித் ஷாவின் படத்தையும் அவர் பதிவிட்டுள்ளார்.
சுதந்திரமான விசாரணை வேண்டும்': காங்கிரஸ் செய்தித் தொடர்பாளர் ரண்தீப் சுர்ஜேவாலா, தில்லியில் செய்தியாளர்களிடம் வெள்ளிக்கிழமை கூறியதாவது:
கருப்புப் பணம் வைத்துள்ளவர்கள் பலனடையும் வகையில் பண மதிப்பிழப்பு நடவடிக்கையை பிரதமர் மோடி வடிவமைத்தார். நாட்டின் நலனுக்கு அவரால் இழைக்கப்பட்ட பேரிடர் அதுவாகும். சுதந்திர இந்தியாவில் நிகழ்ந்த மிகப் பெரிய ஊழல், பணமதிப்பிழப்பு நடவடிக்கைதான். தற்போது வெளிவரும் தகவல்களால் அது உறுதியாகி வருகிறது.
அமித் ஷாவை, ஆமதாபாத் மாவட்ட கூட்டுறவு வங்கி இயக்குநராக நியமித்தது யார்? இப்போது அவர் மீது எழுந்துள்ள குற்றச்சாட்டுகள் குறித்து பிரதமர் மோடி பதிலளிக்க வேண்டும். குஜராத்தில் பாஜகவைச் சேர்ந்தவர்கள் தலைவர்களாக உள்ள 11 மாவட்ட கூட்டுறவு வங்கிகளில் ரூ.3,118 கோடி அளவுக்கு பழைய ரூபாய் நோட்டுகள் டெபாசிட் செய்யப்பட்டுள்ளது. இந்த ஒட்டுமொத்த விவகாரம் குறித்தும் சுதந்திரமான விசாரணை நடத்தப்பட வேண்டும். குறிப்பிட்ட காலத்துக்குள் அந்த விசாரணையை முடிக்க வேண்டும் என்றார் சுர்ஜேவாலா.

நபார்டு வங்கி விளக்கம்
இந்த விவகாரம் தொடர்பாக நபார்டு வங்கி வெளியிட்ட அறிக்கையில், ஆமதாபாத் கூட்டுறவு வங்கியில் மொத்தம் 17 லட்சம் வங்கிக் கணக்குகள் உள்ளன. பணமதிப்பிழப்புக்கு பிந்தைய 5 நாள்களில் பணப் பரிவர்த்தனைகளில் 1.60 லட்சம் வாடிக்கையாளர்தான் ஈடுபட்டுள்ளனர். அந்த காலக்கட்டத்தில் டெபாசிட் ஆன தொகையானது, வங்கியின் மொத்த டெபாசிட் மதிப்பில் வெறும் 9.37 சதவீதம்தான்' என்று தெரிவிக்கப்பட்டுள்ளது. இதனிடையே, அமித் ஷா மீதான குற்றச்சாட்டை மறுத்துள்ள பாஜக, நபார்டு வங்கியின் அறிக்கையின்படி, ஆமதாபாத் மாவட்ட கூட்டுறவு வங்கி இந்தியாவிலேயே பெரிய கூட்டுறவு வங்கிகளில் ஒன்று என்பது தெரியவருகிறது. எனவே அப்படிப்பட்ட வங்கியில் பெரிய தொகை டெபாசிட் ஆனது சாதாரண விஷயமே' என்று தெரிவித்துள்ளது.

]]>
http://www.dinamani.com/india/2018/jun/23/ஆமதாபாத்-கூட்டுறவு-வங்கி-விவகாரம்-அமித்-ஷா-மீதான-குற்றச்சாட்டு-குறித்து-சுதந்திரமான-விசாரணை-காங்-2945179.html
2945172 இந்தியா ஓய்வுபெற்றார் நீதிபதி செலமேஸ்வர்: நீதித் துறை செயல்பாடுகளை ஆய்வுக்குட்படுத்த வலியுறுத்தல் DIN DIN Saturday, June 23, 2018 01:11 AM +0530 உச்ச நீதிமன்ற மூத்த நீதிபதி ஜே.செலமேஸ்வர் வெள்ளிக்கிழமை ஓய்வு பெற்றார். மற்ற துறைகளைப் போன்று நீதித் துறையையும் ஆய்வுக்குட்படுத்த வேண்டும் என்று அப்போது அவர் வலியுறுத்தினார். இதுதொடர்பாக செய்தி நிறுவனம் ஒன்றுக்கு அளித்த பேட்டியில், நீதிபதிகள் நியமனத்தில் தற்போது கடைப்பிடிக்கப்பட்டு வரும் நடைமுறை நியாயமானதாக இல்லை என்று ஆதங்கம் தெரிவித்தார். உச்ச நீதிமன்றத் தலைமை நீதிபதி தீபக் மிஸ்ராவுக்கு எதிராக பத்திரிகையாளர் சந்திப்பில் குற்றச்சாட்டுகளை தாம் முன்வைத்ததில் எந்தத் தவறும் இல்லை என்றும் அவர் கூறினார்.
ஆந்திரத்தை பூர்விகமாகக் கொண்டவர் நீதிபதி செலமேஸ்வர். நீதிபதிகள் நியமனத்துக்கான கொலீஜியம் நடைமுறைக்கு முதலில் இருந்தே அவர் எதிர்ப்பு தெரிவித்து வருகிறார். நீதித் துறை நியமனங்களில் வெளிப்படைத்தன்மை இருக்க வேண்டும் என்பது அவரது வாதம்.
பொதுவாக உயர் நீதிமன்றம் மற்றும் உச்ச நீதிமன்ற நீதிபதிகளை கொலீஜியம்' குழுவே நியமித்து வருகிறது. அந்த நடைமுறைக்கு மாற்றாக, தேசிய நீதிபதிகள் நியமன ஆணையம் என்ற புதிய அமைப்பை உருவாக்க மத்திய பாஜக அரசு முடிவு செய்தது. ஆனால், அந்த புதிய நடைமுறை சட்டவிரோதமானது எனக் கூறி உச்ச நீதிமன்றம் ரத்து செய்துவிட்டது. பெரும்பாலான நீதிபதிகள் அந்தத் தீர்ப்பை ஆதரித்த நிலையில், செலமேஸ்வர் மட்டும் அதற்கு அதிருப்தி தெரிவித்தார்.
இதனிடையே, இந்திய நீதித் துறை வரலாற்றில் முன்னெப்போதும் நேர்ந்திராக நிகழ்வாக, உச்ச நீதிமன்றத் தலைமை நீதிபதி தீபக் மிஸ்ரா மீது நீதிபதிகள் செலமேஸ்வர், மதன் பி. லோகுர், ராஜன் கோகோய், குரியன் ஜோசப் ஆகியோர் பல்வேறு குற்றச்சாட்டுகளை முன்வைத்தனர். இது பெரும் பரபரப்பை ஏற்படுத்தியது. அதைத் தொடர்ந்து செலமேஸ்வர் கூறும் ஒவ்வொரு கருத்துகளும் தேசிய அளவில் கவனம் பெற்றன.
இத்தகைய சூழலில், உச்ச நீதிமன்ற நீதிபதி பொறுப்பில் இருந்து அவர் வெள்ளிக்கிழமை ஓய்வு பெற்றார். முன்னதாக செய்தி நிறுவனம் ஒன்றுக்கு அவர் அளித்த பேட்டியில் கூறியதாவது:
தற்போது உள்ள நீதிபதிகள் நியமன நடைமுறை நியாயமானதாகவோ, வெளிப்படைத்தன்மை நிறைந்ததாகவோ இல்லை. இந்திய தேசத்தில் அனைத்து துறைகளைச் சேர்ந்த உயர் அதிகாரிகளையும் கண்காணிப்புக்குட்படுத்த வேண்டும். அதில் உச்ச நீதிமன்றத் தலைமை நீதிபதியும் விதிவிலக்கல்ல. அவரது செயல்பாடுகளையும் குறிப்பிட்ட கால இடைவெளியில் ஆய்வு செய்வது அவசியம். உச்ச நீதிமன்றத்தின் செயல்பாடுகளையும் மதிப்பீடு செய்ய வேண்டும்.
நீதித் துறையில் நடக்கும் தவறுகளைத் திருத்த முயற்சிகள் செய்து அவை பலனளிக்காதபோதுதான் பத்திரிகையாளர் சந்திப்பை நடத்தி அதுதொடர்பான உண்மைகளை நாங்கள் தெரிவித்தோம். அதில் எந்தத் தவறும் இல்லை. அந்தச் சம்பவத்துக்குப் பிறகும் எந்த மாற்றமும் நிகழ்ந்துவிடவில்லை. இருப்பினும் நீதித் துறை பற்றிய விழிப்புணர்வும், புரிதலும் சமூகத்தில் உருவாகியிருக்கிறது
உத்தரகண்ட் உயர் நீதிமன்றத் தலைமை நீதிபதி கே.எம். ஜோசப்பை உச்ச நீதிமன்ற நீதிபதியாக பதவி உயர்த்தும் விவகாரத்தில் மத்திய அரசு முட்டுக்கட்டை போடுவது சரியான நடவடிக்கையல்ல. இத்தகைய செயல்பாடுகள் நீண்ட காலத்துக்கு நீடிக்காது என்றார் செலமேஸ்வர்.

]]>
http://images.dinamani.com/uploads/user/imagelibrary/2018/1/29/w600X390/Chelameswar.jpg http://www.dinamani.com/india/2018/jun/23/ஓய்வுபெற்றார்-நீதிபதி-செலமேஸ்வர்-நீதித்-துறை-செயல்பாடுகளை-ஆய்வுக்குட்படுத்த-வலியுறுத்தல்-2945172.html
2945168 இந்தியா செஷல்ஸில் இந்திய ராணுவ தளம் அமைக்க எதிர்ப்பு DIN DIN Saturday, June 23, 2018 01:10 AM +0530 செஷல்ஸ் நாட்டுத் தீவில் இந்தியா ராணுவ தளம் அமைக்க இரு நாடுகளிடையே மேற்கொள்ளப்பட்ட ஒப்பந்தத்துக்கு அந்நாட்டு எதிர்க்கட்சி எதிர்ப்பு தெரிவித்து வருவதால் செஷல்ஸ் நாடாளுமன்றத்தில் அந்த ஒப்பந்தம் நிறைவேற்றப்படாது என அந்நாடு தெரிவித்துள்ளது.
செஷல்ஸ் நாட்டுத் தீவுகளில் ஒன்றான அஸ்ஸம்ஷனில், இந்தியா ராணுவ தளம் அமைப்பதற்கான ஒப்பந்தம் இரு நாடுகளிடையே கடந்த ஜனவரி மாதம் மேற்கொள்ளப்பட்டது.
எனினும், இந்தத் திட்டத்துக்கு செஷல்ஸ் எதிர்க்கட்சி உறுப்பினர்கள் அந்நாட்டு நாடாளுமன்றத்தில் எதிர்ப்பு தெரிவித்த நிலையில், அந்நாட்டு மக்களும் போராட்டத்தில் ஈடுபட்டனர்.
பரபரப்பான கப்பல் போக்குவரத்து வழித்தடத்துக்கு அருகே இருக்கும் அஸ்ஸம்ஷன் தீவை அணுக இந்தியாவை அனுமதிப்பது, அந்தப் பிராந்தியத்தை இன்னொரு நாட்டின் கட்டுப்பாட்டில் விடுவது போல இருக்கும் என்றும், இந்தியாவுடன் இணைந்து அந்தத் திட்டத்தில் ஈடுபடுவது நாட்டின் இறையாண்மையை குறைத்து மதிப்பிடுவதாக இருக்கும் என்றும் செஷல்ஸ் எதிர்க்கட்சி உறுப்பினர்கள் விமர்சித்துள்ளனர்.
இதுதொடர்பாக செஷல்ஸ் வெளியுறவு அமைச்சக செயலர் பேரி ஃபாரே ராய்ட்டர்ஸ்' செய்தி நிறுவனத்திடம் கூறுகையில், அஸ்ஸம்ஷன் தீவு ஒப்பந்தத்தை அனுமதிக்க மாட்டோம் என்று எதிர்க்கட்சி உறுப்பினர்கள் (பெரும்பான்மையாக இருப்பவர்கள்) ஏற்கெனவே கூறியுள்ளதால், அந்த ஒப்பந்தம் நாடாளுமன்றத்தில் நிறைவேற்ற கொண்டு வரப்படாது. எனினும், இந்திய நாடாளுமன்றத்தில் அந்த ஒப்பந்தத்துக்கு ஒப்புதல் அளிக்கப்பட்டுள்ளது' என்றார்.
செஷல்ஸ் அதிபர் டேனி ஃபாரே அரசு முறைப் பயணமாக ஞாயிற்றுக்கிழமை இந்தியா வரவுள்ள நிலையில், அந்நாட்டு வெளியுறவுச் செயலர் இதனை தெரிவித்துள்ளார்.
முன்னதாக, செஷல்ஸ் அதிபர் டேனி ஃபாரே அந்நாட்டு ஊடகம் ஒன்றுக்கு அளித்த பேட்டியில் கூறியதாவது:
இந்தியப் பிரதமர் நரேந்திர மோடியுடனான சந்திப்பின்போது அஸ்ஸம்ஷன் ஒப்பந்தம் தொடர்பாக கலந்தாலோசிக்கப்போவதில்லை. மேலும், அந்தத் திட்டத்தை தொடர்ந்து முன்னெடுக்கப்போவதில்லை.
அடுத்த ஆண்டு பட்ஜெட்டில், அஸ்ஸம்ஷன் பகுதியில் நாங்களே கடலோர காவல்படை அமைப்பதற்காக நிதி ஒதுக்கீடு செய்ய உள்ளோம். அந்தப் பகுதியில் ராணுவ தளம் அமைவது எங்களுக்கு முக்கியத்துவம் வாய்ந்ததாகும் என்று டேனி ஃபாரே கூறியிருந்தார்.
இந்தியப் பெருங்கடலில் சீனாவின் ஆதிக்கத்துக்கு போட்டியாக, அஸ்ஸம்ஷன் தீவில் இந்தியா ராணுவ தளத்தை அமைக்க முயற்சி மேற்கொண்டது குறிப்பிடத்தக்கது.
 

]]>
http://www.dinamani.com/india/2018/jun/23/செஷல்ஸில்-இந்திய-ராணுவ-தளம்-அமைக்க-எதிர்ப்பு-2945168.html
2945166 இந்தியா ஜம்மு-காஷ்மீர் சட்டப்பேரவையை கலைக்க அனைத்துக் கட்சி கூட்டத்தில் வலியுறுத்தல் DIN DIN Saturday, June 23, 2018 01:09 AM +0530 ஜம்மு-காஷ்மீர் மாநிலத்தில் நடைபெற்ற அனைத்துக் கட்சிக் கூட்டத்தில், மாநில சட்டப்பேரவையை கலைப்பதற்கு தேசிய மாநாட்டுக் கட்சி உள்ளிட்ட சில கட்சிகள் வலியுறுத்தின.
எனினும், சட்டப்பேரவை தொடரவும், எம்எல்ஏக்கள் தொடர்ந்து பணியாற்றவும் மக்கள் ஜனநாயகக் கட்சி (பிடிபி) பரிந்துரைத்த நிலையில், பாஜக இக்கூட்டத்தில் அமைதி காத்துள்ளது. இக்கூட்டத்தில் பிடிபி கட்சி சார்பில் மெஹபூபா முஃப்தி கலந்துகொள்ளவில்லை. அவருக்குப் பதிலாக கட்சி செயலர் திலாவர் மிர் பங்கேற்றார்.
ஜம்மு-காஷ்மீரில் ஆளுநர் ஆட்சி அமல்படுத்தப்பட்ட நிலையில், மாநில நிர்வாகம் குறித்த பரிந்துரைகளை கேட்பதற்காக அனைத்துக் கட்சிக் கூட்டத்துக்கு ஆளுநர் என்.என்.வோரா வெள்ளிக்கிழமை ஏற்பாடு செய்திருந்தார். அதில் அனைத்துக் கட்சிகளின் பிரதிநிதிகள் பங்கேற்றனர்.
அப்போது, மாநில சட்டப்பேரவையை உடனடியாகக் கலைத்து, முன்கூட்டியே தேர்தல் நடத்தும் உகந்த சூழலை மாநிலத்தில் ஏற்படுத்த வேண்டும் என தேசிய மாநாட்டுக் கட்சி, சிறுத்தைகள் கட்சி உள்ளிட்ட சில கட்சிகள் வலியுறுத்தின.
மாநில நிர்வாகத்தின் மீது நம்பிக்கை ஏற்படுத்தும் வகையில் ஊழல் தடுப்பு நடவடிக்கைகளையும், மனித உரிமை மீறல்களுக்கு எதிரான நடவடிக்கையையும் எடுக்குமாறு தேசிய மாநாட்டுக் கட்சித் தலைவர் ஒமர் அப்துல்லா, ஆளுநரிடம் வலியுறுத்தியதாக தகவலறிந்த வட்டாரங்கள் தெரிவித்தன.
சிறுத்தைகள் கட்சியின் ஹர்ஷ் தேவ் சிங் கூறுகையில், குதிரை பேரம் நடப்பதை தடுக்கும் வகையில் உடனடியாக பேரவையை கலைக்க வலியுறுத்தினோம்' என்றார். 
மாநில காங்கிரஸ் தலைவர் ஜி.ஏ. மிர் கூறுகையில், மாநிலத்தில் புதிதாக தேர்தல் நடத்த காங்கிரஸ் ஆதரவளிக்கிறது. எனினும், சட்டப்பேரவையை கலைக்கும் முடிவு ஆளுநரைப் பொருத்ததே. பிடிபி-பாஜக கூட்டணி 3 ஆண்டுகளாக தவறாக ஆட்சி செய்து வந்தது. அரசு பணி நியமனங்கள் அனைத்தும் தகுதி அடிப்படையில் நடைபெறாததால் இளைஞர்கள் அதிருப்தியில் உள்ளனர். எனவே, நிர்வாகத்தில் மாற்றம் கொண்டுவர வேண்டும்' என்றார்.
ஜனநாயக தேசியவாத கட்சி தலைவர் ஜி.ஹெச்.மிர் கூறுகையில், மாநிலத்தின் சூழ்நிலையை மேம்படுத்த அனைத்து கட்சிகளிடையே ஒத்துழைப்பு இருக்க வேண்டுமென ஆளுநர் வலியுறுத்தினார்' என்றார்.

]]>
http://www.dinamani.com/india/2018/jun/23/ஜம்மு-காஷ்மீர்-சட்டப்பேரவையை-கலைக்க-அனைத்துக்-கட்சி-கூட்டத்தில்-வலியுறுத்தல்-2945166.html
2945163 இந்தியா ரயில் பெட்டி தொழிற்சாலை அமைக்காததற்கு எதிர்ப்பு: கேரள முதல்வர், எம்.பி.க்கள் ஆர்ப்பாட்டம் DIN DIN Saturday, June 23, 2018 01:09 AM +0530 பாலக்காட்டில் ரயில் பெட்டித் தொழிற்சாலை அமைக்காததற்கு எதிர்ப்பு தெரிவித்து தில்லியில் உள்ள ரயில் பவன் வளாகத்துக்கு முன் கேரள முதல்வர் பினராயி விஜயன், அந்த மாநிலத்தைச் சேர்ந்த எம்.பி.க்கள் வெள்ளிக்கிழமை ஆர்ப்பாட்டத்தில் ஈடுபட்டனர்.
இதுகுறித்து பினராயி விஜயன் செய்தியாளர்களிடம் கூறியதாவது:
பாலக்காட்டில் ரயில் பெட்டி தொழிற்சாலை அமைக்கும் திட்டமில்லை என்று மத்திய அரசு அறிவித்துவிட்டது. கேரளத்தில் இயக்கப்படும் ரயில்களின் பெட்டிகள் அனைத்தும் பாதிப்படைந்துள்ளன. நீண்ட காலமாக எதிர்பார்த்துக் கொண்டிருந்த திட்டத்தை மத்திய அரசு நிராகரித்திருக்கிறது.
ஆனால், ஹரியாணா மற்றும் உத்தரப் பிரதேசம் ஆகிய மாநிலங்களில் புதிய ரயில் பெட்டி தொழிற்சாலைகளை அமைக்க மத்திய அரசு திட்டமிட்டிருக்கிறது.
கேரளத்தில் மார்க்சிஸ்ட் கம்யூனிஸ்ட் தலைமையிலான ஆட்சி நடைபெற்று வருகிற காரணத்தால் மாநில மக்களை மத்திய அரசு வஞ்சிக்கிறது. ஒரு ஜனநாயக நாடு இப்படி தான் இயங்குமா? ஒரு மாநில மக்களுக்கு மட்டும் இதுபோன்று பாகுபாடு காட்டலாமா?
இதுதான் கூட்டாட்சி அரசா? கேரளத்தை எப்படி எதிரியாக மத்திய அரசு கருதலாம்? கேரளத்தை பாஜகவும், அதன் தலைவர்களும் எப்படி பகையுணர்வுடன் அணுகலாம்? இது பாலக்காடு அல்லது கேரளம் மட்டும் சம்பந்தப்பட்ட பிரச்னை மட்டும் கிடையாது. இதை தேசிய அளவிலான பிரச்னையாகக் கருத வேண்டும்.
பிற மாநிலங்களை மத்திய அரசு எவ்வாறு நடத்துகிறது என்பதை இந்த முடிவு காட்டுகிறது.
மத்திய ரயில்வே துறை அமைச்சர் பியூஷ் கோயலும், பிரதமர் நரேந்திர மோடியும் இந்த விவகாரத்தில் தலையிட்டு பிரச்னையைத் தீர்த்து வைக்க வேண்டும்.
கடந்த 1982-ஆம் ஆண்டு அப்போதைய பிரதமர் இந்திரா காந்தி தலைமையிலான அரசு, பாலக்காட்டில் ரயில் பெட்டி தொழிற்சாலை அமைக்கப்படும் என்று வாக்குறுதி அளித்திருந்தது. கடந்த 36 ஆண்டுகளாக அந்த வாக்குறுதி நிறைவேற்றப்படாமல் நிலுவையில் உள்ளது என்றார் பினராயி விஜயன்.
முன்னதாக, கடந்த 2008-09-ஆம் ஆண்டு மத்திய பட்ஜெட்டில் இதுகுறித்து அறிவிப்பு மீண்டும் வெளியிடப்பட்டது. இந்த அறிவிப்புக்கு மாநில அரசு முழு ஆதரவு அளித்தது. இதற்காக 240 ஏக்கர் நிலத்தை கேரள அரசு கையகப்படுத்தி வைத்துள்ளது குறிப்பிடத்தக்கது.



 

]]>
http://images.dinamani.com/uploads/user/imagelibrary/2018/6/23/w600X390/kerala.jpg பாலக்காடு மாவட்டத்தில் ரயில் பெட்டி தொழிற்சாலை அமைக்கும் திட்டத்தை கைவிட முடிவு செய்துள்ளதாக மத்திய அரசு அறிவித்ததற்கு எதிர்ப்பு தெரிவித்து தில்லியில்  ஆர்ப்பாட்டத்தில் ஈடுபட்ட கேரள முதல்வர் பினராயி வ http://www.dinamani.com/india/2018/jun/23/ரயில்-பெட்டி-தொழிற்சாலை-அமைக்காததற்கு-எதிர்ப்பு-கேரள-முதல்வர்-எம்பிக்கள்-ஆர்ப்பாட்டம்-2945163.html
2945159 இந்தியா மகாராஷ்டிர மாநில காங்கிரஸ் பொறுப்பாளராக கார்கே நியமனம்: ராகுல் நடவடிக்கை DIN DIN Saturday, June 23, 2018 01:08 AM +0530 மகாராஷ்டிர மாநில காங்கிரஸ் பொறுப்பாளராக மூத்த தலைவர் மல்லிகார்ஜுன கார்கேவை கட்சித் தலைவர் ராகுல் காந்தி நியமித்துள்ளார்.
இதுதவிர, அந்த மாநில காங்கிரஸ் செயலர்களாக, குஜராத்தைச் சேர்ந்த சோனல் படேல், ஹரியாணாவைச் சேர்ந்த ஆஷிஷ் துவா, தெலங்கானாவைச் சேர்ந்த சம்பத் குமார் ஆகிய மூவரையும் ராகுல் நியமித்துள்ளார்.
மகாராஷ்டிர மாநில காங்கிரஸ் பொறுப்பாளராக இதுவரை பதவி வகித்து வந்த மோகன் பிரகாஷின் இடத்துக்கு மல்லிகார்ஜுன கார்கே நியமிக்கப்பட்டுள்ளார்.
மோகன் பிரகாஷுக்கும், மகாராஷ்டிர காங்கிரஸ் செயலர் பதவியை இதுவரை வகித்து வந்த ஷியோராஜ் ஜீவன் வால்மீகி, பாலா பச்சன் ஆகியோருக்கும் ராகுல் நன்றியையும் பாராட்டுக்களையும் தெரிவித்துள்ளதாக கட்சியின் பொதுச் செயலர் அசோக் கெலாட் வெளியிட்ட அறிக்கையில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2018/3/2/w600X390/maligarjuna_garge.jpg http://www.dinamani.com/india/2018/jun/23/மகாராஷ்டிர-மாநில-காங்கிரஸ்-பொறுப்பாளராக-கார்கே-நியமனம்-ராகுல்-நடவடிக்கை-2945159.html
2945157 இந்தியா பாகிஸ்தானைச் சேர்ந்த 90 ஹிந்துக்களுக்கு இந்தியக் குடியுரிமை DIN DIN Saturday, June 23, 2018 01:07 AM +0530 பாகிஸ்தானிலிருந்து பல ஆண்டுகளுக்கு முன்பு இடம்பெயர்ந்த ஹிந்துகளில் 90 பேருக்கு இந்தியக் குடியுரிமை வழங்கப்பட்டது.
குஜராத் மாநிலம், ஆமதாபாத் மாவட்ட ஆட்சியர் விக்ராந்த் பாண்டே குடியுரிமைகளை அவர்களுக்கு வழங்கினார்.
இதுகுறித்து விக்ராந்த் பாண்டே கூறியதாவது:
வங்கதேசம், பாகிஸ்தான், ஆப்கானிஸ்தான் ஆகிய நாடுகளிலிருந்து இந்தியாவுக்கு இடம்பெயர்ந்த சிறுபான்மையினருக்கு இந்தியக் குடியுரிமையை வழங்கும் அதிகாரம் கடந்த 2016-ஆம் ஆண்டில் மாவட்ட ஆட்சியர்கள் வசம் மத்திய அரசு ஒப்படைத்தது. 
இதுதொடர்பான அரசின் அறிவிக்கை அந்த ஆண்டு டிசம்பர் மாதம், ஆமதாபாத், காந்திநகர், கட்ச் ஆகிய மாவட்ட ஆட்சியர்களுக்கு அளிக்கப்பட்டது.
அதன்பேரில், ஆமதாபாத் மாவட்டத்தில் உள்ள பாகிஸ்தானைச் சேர்ந்த ஹிந்துகளில் 90 பேருக்கு இந்திய குடியுரிமை அளிக்கப்பட்டது.
நாட்டிலேயே அதிக எண்ணிக்கையில் இதுபோன்ற குடியுரிமை வழங்கப்பட்டது ஆமாதாபாத் மாவட்டத்தில்தான். பாகிஸ்தானிலிருந்து வந்த ஹிந்துகளில் மொத்தம் 320 பேர் இந்திய குடியுரிமை கோரி விண்ணப்பித்திருந்தனர். வங்கதேசத்திலிருந்து இடம்பெயர்ந்தவர்களும் விண்ணப்பித்திருந்தனர்.
இந்திய குடியுரிமை அளிக்கப்பட்டவர்கள் இனி ஆதார், கடவுச்சீட்டு உள்ளிட்ட அரசு ஆவணங்களுக்கு விண்ணப்பிக்கலாம் என்றார் விக்ராந்த் பாண்டே.

]]>
http://www.dinamani.com/india/2018/jun/23/பாகிஸ்தானைச்-சேர்ந்த-90-ஹிந்துக்களுக்கு-இந்தியக்-குடியுரிமை-2945157.html
2945154 இந்தியா நிதி நெருக்கடியில் செல்லிடப்பேசி நிறுவனங்கள்: 5ஜி அலைக்கற்றை ஏலத்தை அடுத்த ஆண்டு நடத்த வலியுறுத்தல் DIN DIN Saturday, June 23, 2018 01:07 AM +0530 5ஜி அலைக்கற்றை ஏலத்தை 2019-ஆம் ஆண்டின் பிற்பகுதியில்தான் நடத்த வேண்டும் என்று இந்திய செல்லிடப்பேசி சேவை நிறுவனங்களின் கூட்டமைப்பு (சிஓஏஐ) வலியுறுத்தியுள்ளது.
முன்னதாக, இந்தியா இந்த ஆண்டிலேயே 5ஜி தொழில்நுட்பத்துக்கு மேம்படத் தயாராகி வருவதாக தொலைத் தொடர்புத் துறை செயலாளர் அருணா சுந்தர்ராஜ் கூறியிருந்தார். ஆனால், இந்தியாவில் செல்லிடப்பேசி சேவை அளித்து வரும் நிறுவனங்கள் 5ஜி அலைக்கற்றை ஏலத்துக்கு தயாராகவில்லை என்றே தெரிகிறது.
அரசுக்கு பெரும் வருவாய் ஈட்டித் தரும் அலைக்கற்றை ஏலத்தில், முன்னணி செல்லிடப்பேசி நிறுவனங்களே முக்கிய வாடிக்கையாளர்களாக உள்ளனர். ஆனால், சமீபகாலத்தில் செல்லிடப்பேசி சேவைத் துறையில் ரிலையன்ஸ் ஜியோ வருகையால் ஏற்பட்ட கடும் போட்டி காரணமாக பல நிறுவனங்கள் தங்கள் லாபத்தை இழந்துள்ளன. ஏர்செல் போன்ற சில நிறுவனங்கள் போட்டியைச் சமாளிக்க முடியாமல் தொழிலை விட்டே விலக வேண்டிய நிர்பந்தம் ஏற்பட்டது.
தில்லியில் செய்தியாளர்களிடம் வெள்ளிக்கிழமை பேசிய இந்திய செல்லிடப்பேசி சேவை நிறுவனங்களின் கூட்டமைப்பு தலைவர் ராஜன் மேத்யூஸ் கூறியதாவது:
இந்தியாவில் தொலைத்தொடர்புத் துறை இப்போது இருக்கும் சூழ்நிலையில் 5ஜி அலைக்கற்றை ஏலத்தை எதிர்கொள்ள முடியாத சூழல் உள்ளது. தொலைத்தொடர்பு சேவை நிறுவனங்கள் இப்போது தங்களுக்கு ஏற்பட்டுள்ள நிதி நெருக்கடியை சமாளிப்பதில் தீவிரம் காட்டி வருகின்றன. எனவே 2019-ஆம் ஆண்டு நடுவில் அல்லது அந்த ஆண்டின் பிற்பகுதியில் ஏலத்தை நடத்த வேண்டும்.
5ஜி சேவை அளிப்பது என்பது செல்லிடப்பேசி சேவை நிறுவனங்களுக்கு நல்லதொரு வாய்ப்புதான். ஆனால், அதன் மூலம் எந்த அளவுக்கு சிறப்பாக வருவாய் கிடைக்கும் என்பதை கணிக்க முடியாத நிலை உள்ளது. மேலும், இப்போதைய நிலையில் எந்த செல்லிடப்பேசி சேவை நிறுவனமும் பெருமளவில் முதலீடு செய்து 5ஜி அலைக்கற்றையை ஏலத்தில் எடுக்கும் நிலையில் இல்லை. இந்தியத் தொலைத்தொடர்பு சேவைத் துறை இப்போதைய நிலையில் ரூ. 7.7 லட்சம் கோடி கடனில் இயங்கி வருகிறது என்றார் அவர்.
செல்லிடப்பேசி சேவை நிறுவனங்களின் கூட்டமைப்பு இவ்வாறு கோரிக்கை விடுத்துள்ள நிலையில், அரசு ஏலத்தை இந்த ஆண்டு நடத்தினால், 5ஜி அலைக்கற்றை ஏலம் மூலம் எதிர்பார்த்த வருவாய் அரசுக்கு கிடைக்காது என்ற சூழல் உருவாகியுள்ளது.
 

]]>
http://www.dinamani.com/india/2018/jun/23/நிதி-நெருக்கடியில்-செல்லிடப்பேசி-நிறுவனங்கள்-5ஜி-அலைக்கற்றை-ஏலத்தை-அடுத்த-ஆண்டு-நடத்த-வலியுறுத்தல்-2945154.html
2945152 இந்தியா மேற்கு வங்க அரசு மீது விமர்சனம்: ஐஏஎஸ் அதிகாரிக்கு சம்மன் DIN DIN Saturday, June 23, 2018 01:06 AM +0530 மேற்கு வங்க அரசு மீது அவதூறான விமர்சனங்களை முன்வைத்த ஐஏஎஸ் அதிகாரிக்கு அந்த மாநில போலீஸார் அழைப்பாணை அனுப்பியுள்ளனர். அதன்படி, வரும் 29-ஆம் தேதி அவர் நேரில் ஆஜராகி இதுதொடர்பாக விளக்கமளிக்க வேண்டும் என அறிவுறுத்தப்பட்டுள்ளது.
ரமலான் பண்டிகைக்காக மேற்கு வங்க அரசு 5 நாள்கள் விடுமுறை அறிவித்துள்ளதாக பொய்யான தகவல் ஒன்று அண்மையில் சமூக வலைதளங்களில் வேகமாக பரவியது. இந்நிலையில், மேற்கு வங்கத்தில் ஆணையர் நிலையில் உள்ள ஐஏஎஸ் அதிகாரி சஞ்சய் தீக்சித் என்பவர், அதிகாரப்பூர்வமற்ற அந்தத் தகவலின் உண்மைத்தன்மையை ஆய்வு செய்யாமல் அதுதொடர்பாக கருத்து தெரிவித்ததாகத் தெரிகிறது. அதுவும், மேற்கு வங்க அரசு மீது அவர் அவதூறான விமர்சனங்களை முன்வைத்ததாகவும் கூறப்படுகிறது.
இதுதொடர்பாக போலீஸார் வழக்குப் பதிவு செய்து விசாரித்து வருகின்றனர். அதன் ஒருபகுதியாக சம்பந்தப்பட்ட அதிகாரியிடம் விசாரிக்க முடிவு செய்யப்பட்டது. அதற்காக சஞ்சய் தீக்சித்துக்கு போலீஸார் அழைப்பாணை அனுப்பியுள்ளனர்.
வரும் 29-ஆம் தேதி அவர் நேரில் ஆஜராகி விளக்கமளிக்க வேண்டும் என்று அந்த அழைப்பாணையில் அறிவுறுத்தப்பட்டிருப்பதாகத் தெரிகிறது.
 

]]>
http://www.dinamani.com/india/2018/jun/23/மேற்கு-வங்க-அரசு-மீது-விமர்சனம்-ஐஏஎஸ்-அதிகாரிக்கு-சம்மன்-2945152.html
2945150 இந்தியா விவசாயிகளின் தற்கொலைதான் இருமடங்கு அதிகரித்துள்ளது: மோடிக்கு சிவசேனை பதிலடி DIN DIN Saturday, June 23, 2018 01:06 AM +0530 விவசாயிகளின் வருமானத்தை இரு மடங்கு அதிகரிக்கப்போவதாக பிரதமர் நரேந்திர மோடி கூறியுள்ளார்; ஆனால், நாட்டில் விவசாயிகளின் தற்கொலைதான் இருமடங்காகிவிட்டது என்று சிவசேனை கட்சி குற்றம்சாட்டியுள்ளது.
கடந்த புதன்கிழமை விடியோ கான்பரன்ஸிங்' முறையில் நாட்டின் பல்வேறு பகுதிகளில் உள்ள 600-க்கும் மேற்பட்ட விவசாயிகளுடன் மோடி உரையாடினார். அப்போது, நமது நாட்டில் வரும் 2022-ஆம் ஆண்டில் விவசாயிகளின் வருவாயை இரட்டிப்பாக்கும் நோக்கில், பட்ஜெட்டில் வேளாண்மைத் துறைக்கான நிதி ஒதுக்கீடு இரு மடங்காக்கப்பட்டுள்ளது. விதையைத் தேர்வு செய்வதில் இருந்து, விளை பொருள்களை சந்தைப்படுத்துவது வரை விவசாயத்தின் அனைத்து நிலைகளிலும் விவசாயிகளுக்கு அரசு துணை நின்று வருகிறது. எனவே, 2022-இல் விவசாயிகளின் வருவாய் இரட்டிப்பாவது உறுதி' என்று பேசினார்.
இந்நிலையில், சிவசேனை கட்சிப் பத்திரிகையான சாம்னாவில் மோடியின் இந்த பேச்சை விமர்சித்து வெள்ளிக்கிழமை கட்டுரை வெளியாகியுள்ளது. அதில் கூறப்பட்டுள்ளதாவது:
அடுக்கடுக்கான வாக்குறுதிகளையும், பொய்ப் பிரசாரங்களையும் கேட்டு நாடே சலிப்படைந்த நிலையில் உள்ளது. இப்போது, 2022-ஆம் ஆண்டில் விவசாயிகளின் வருவாய் இரட்டிப்பாகும் என்று பிரதமர் கூறியுள்ளார். இது ஒன்றும் புதிய அறிவிப்பு இல்லை. 2014-ஆம் ஆண்டு மக்களவைத் தேர்தலின்போது பாஜகவின் தேர்தல் வாக்குறுதியில் இது இடம் பிடித்திருந்தது. அப்போது, தாங்கள் ஆட்சி வந்தால் விவசாயிகளின் வருமானத்தை இரட்டிப்பாக்குவோம் என்று கூறியிருந்தனர். இப்போது 4 ஆண்டுகளுக்குப் பிறகு 2022-ஆம் ஆண்டில் விவசாயிகள் வருமானம் இரட்டிப்பாகும் என்று பிரதமர் கூறுகிறார். அடுத்த ஆண்டு நடைபெறவுள்ள மக்களவைத் தேர்தலில் வெற்றி பெற வேண்டும் என்ற நோக்கம்தான் இதில் உள்ளது.
இந்த ஆட்சியில் விவசாயிகளின் வருமானம் இரட்டிப்பாகவில்லை. அவர்களது தற்கொலைதான் இரட்டிப்பாகியுள்ளது. பாஜகவை ஆட்சிக்குக் கொண்டு வந்த விவசாயிகளுக்கு கிடைத்த பரிசு இதுதான். தங்கள் ஆட்சியில் நாட்டு மக்களுக்கு நல்ல நாள்கள் வரும் என்று வாக்குறுதி அளித்தார்கள். இப்போது யாருக்கு நல்ல நாள்கள் வந்துள்ளன என்று விளக்கமாகக் கூற முடியுமா?. விவசாய இடுபொருள்கள் விலை உயர்ந்துள்ளது. போதிய நீர்ப் பாசன வசதியும், மின்சார வசதியும் இல்லாமல் பல விவசாயிகள் அவதிப்பட்டு வருகின்றனர். விவசாயிகளுக்கு வங்கிகள் முறைப்படி கடன் அளிப்பதும் இல்லை.
ஆனால், தொழிலதிபர்கள் பலருக்கு கோடிக்கணக்கில் பணத்தைத் கொடுத்து, அவற்றை வாராக்கடன் கணக்கில் வங்கிகள் காட்டி வருகின்றன. இதுதான் மோடி ஆட்சியின் முக்கிய சாதனை. 2014-ஆம் ஆண்டு முதல் இப்போது வரை நமது நாட்டில் 40 ஆயிரம் விவசாயிகள் தற்கொலை முடிவுக்கு தள்ளப்பட்டுள்ளனர் என்று அந்த கட்டுரையில் கூறப்பட்டுள்ளது.

]]>
http://www.dinamani.com/india/2018/jun/23/விவசாயிகளின்-தற்கொலைதான்-இருமடங்கு-அதிகரித்துள்ளது-மோடிக்கு-சிவசேனை-பதிலடி-2945150.html
2945051 இந்தியா குற்றவியல் விசாரணைக்கு ஆதார் பயோமெட்ரிக் பயன்படுத்தப்படாது: ஆதார் ஆணையம் DIN DIN Friday, June 22, 2018 09:53 PM +0530  

ஆதார் அடையாள அட்டைக்காக மக்களிடம் அவர்களுடைய பயோமெட்ரிக் தகவல்களை இந்திய தனித்துவ அடையாள ஆணையம் (யுஐடிஏஐ) சேகரித்தது. அந்த தகவல்கள் குற்றவியல் விசாரணைக்காக பயன்படுத்தப்படுவதாக தகவல்கள் வெளியானது. தேசிய குற்றவியல் ஆவணக் காப்பகத்தின் இயக்குநர் ஈஷ் குமார் குறிப்பிட்ட ஆதார் தகவல்கள் போலீஸூக்கு விசாரணைக்காக கொடுக்கவேண்டும் என்று கூறியதாக தகவல்கள் வெளியானது. 

இந்நிலையில், இதற்கு பதிலளிக்கும் வகையில் யுஐடிஏஐ இன்று அறிக்கை ஒன்றை வெளியிட்டுள்ளது. அதில் கூறியிருப்பதாவது,  

"ஆதார் சட்டம் 2016, பிரிவு 29-இன் படி சேகரிக்கப்பட்ட தகவல்கள் ஆதாரை உருவாக்கவும், ஆதார் வைத்திருப்பவர்களுக்கு அதனை அங்கீகரிக்கவும் மட்டுமே பயன்படுத்தப்படும். பிரிவு 33-இன் படி அமைச்சரவை செயலாளர்கள் தலைமையிலான குழு ஒப்புதல் வழங்கிய பிறகு தேசிய பாதுகாப்பு சம்மந்தப்பட்ட மிகவும் குறிப்பிட்ட சில வழக்குகளுக்கு மட்டுமே பயோமெட்ரிக் தகவல்கள் பயன்படுத்த அனுமதிக்கப்படும்.

உச்சநீதிமன்றத்தில் நடைபெற்று வரும் வழக்கில் கூட இதே நிலைப்பாட்டை தான் எடுக்கப்பட்டிருக்கிறது. இதன்மூலம் சட்டரீதியிலான இந்த நிலை இருப்பதால் யுஐடிஏஐ பயோமெட்ரிக் தகவலை எந்த குற்றவியல் விசாரணை நிறுவனத்துக்கு வழங்கவில்லை என்பது தெரிகிறது.

மும்பை நீதிமன்றம் குறிப்பிட்ட ஒரு வழக்குக்காக பயோமெட்ரிக் தகவலை ஒரு விசாரணை நிறுவனத்திடம் வழங்குமாறு உத்தரவிட்டது. இந்த வழக்கு உச்சநீதிமன்றத்துக்கு மேல்முறையீட்டுக்காக சென்றது. அந்த உத்தரவை உச்சநீதிமன்றம் நிறுத்திவைத்தது" என்று குறிப்பிடப்பட்டிருந்தது.

]]>
ஆதார் ஆணையம், ஆதார் பயோமெட்ரிக், குற்றவியல் விசாரணை, ஆதார் தகவல் திருட்டு, ஆதார் தகவல், UIDAI, Aadhar Biometric, Crime Investigation, Aadhar data, Aadhar data theft, http://images.dinamani.com/uploads/user/imagelibrary/2018/6/22/w600X390/Aadhar.jpg http://www.dinamani.com/india/2018/jun/22/biometrics-not-used-in-crime-probes-uidai-2945051.html
2945049 இந்தியா ஜம்மு-காஷ்மீா் ஆளுநருடன் மெஹபூபா முஃப்தி சந்திப்பு DIN DIN Friday, June 22, 2018 08:53 PM +0530  

ஜம்மு-காஷ்மீா் முன்னாள் முதல்வரும், மக்கள் ஜனநாயகக் கட்சி (பிடிபி) தலைவருமான மெஹபூபா முஃப்தி, அந்த மாநில ஆளுநா் என்.என்.வோராவை வெள்ளிக்கிழமை சந்தித்துப் பேசினார். 

ஆளுநா் மாளிகையில் நடைபெற்ற இந்தச் சந்திப்பின்போது பல்வேறு முக்கிய விவகாரங்கள் குறித்து அவா்கள் இருவரும் விவாதித்தனா்.

மாநிலத்தில் ஆளுநா் ஆட்சி அமல்படுத்தப்பட்ட பிறகு அவா்கள் இருவரும் சந்தித்துப் பேசுவது இதுவே முதன்முறை என்பது குறிப்பிடத்தக்கது.

காஷ்மீரில் பிடிபி தலைமையிலான கூட்டணி அரசுக்கு அளித்து வந்த ஆதரவை பாஜக அண்மையில் வாபஸ் பெற்றதைத் தொடா்ந்து மெஹபூபா தலைமையிலான ஆட்சி கவிழ்ந்தது. அதன் தொடா்ச்சியாக அவா், தனது முதல்வா் பதவியையும் ராஜிநாமா செய்தார். 

இதையடுத்து அங்கு ஆளுநா் ஆட்சி அமல்படுத்தப்பட்டது. இந்தச் சூழலில், ஸ்ரீநகரில் அமைந்துள்ள ஆளுநா் மாளிகைக்கு வெள்ளிக்கிழமை சென்ற மெஹபூபா, அங்கு என்.என்.வோராவை சந்தித்து சில முக்கியக் கோரிக்கைகளை முன்வைத்தார். 

குறிப்பாக, மாநிலத்தின் வளா்ச்சிக்காக மேற்கொள்ளப்படவிருந்த சில திட்டங்கள் ஆட்சி கவிழந்ததால் அமல்படுத்த முடியாமல் போனதாகவும், அவற்றை செயல்படுத்துவதற்கு ஆளுநா் முன்னுரிமை அளிக்க வேண்டும் என்று அப்போது மெஹபூபா தெரிவித்தார்.

அந்தக் கோரிக்கையை பரிசீலிப்பதாக என்.என்.வோரா உறுதியளித்ததாகத் தகவல்கள் தெரிவிக்கின்றன. மாநிலத்தில் அமைதியான சூழலை நிலைநாட்ட அனைத்து கட்சிகளும் ஒன்றிணைந்து செயல்படுவது அவசியம் என்றும், இளைஞா்களிடையே நம்பிக்கையை விதைப்பதற்கு அரசியல் கட்சிகள் ஒத்துழைக்க வேண்டும் என்றும் இந்தச் சந்திப்பின்போது ஆளுநா் வலியுறுத்தினார்.

]]>
http://images.dinamani.com/uploads/user/imagelibrary/2018/6/22/w600X390/DgSvOfYWsAAoI_K.jpg http://www.dinamani.com/india/2018/jun/22/ஜம்மு-காஷ்மீா்-ஆளுநருடன்-மெஹபூபா-முஃப்தி-சந்திப்பு-2945049.html
2945048 இந்தியா மத்திய அரசுக்கு எதிராக கேரள முதல்வர் போராட்டம் DIN DIN Friday, June 22, 2018 08:27 PM +0530  

1980-இல் மத்திய அரசு, ரயில் பெட்டி தயாரிக்கும் தொழிற்சாலையை கேரளாவில் அமைப்பதாக வாக்குறுதி அளித்தது. ஆனால், அது பஞ்சாப்பின் கபுர்தாலாவுக்கு மாற்றப்பட்டது. பின்னர், 2008 ரயில்வே பட்ஜெட்டில் ரயில் பெட்டி தொழிற்சாலை பாலக்காட்டில் அமைக்கப்படும் என்று கூறப்பட்டது. இந்த திட்டத்துக்காக கேரள அரசு 239 ஏக்கர் நிலத்தை கையகப்படுத்தியது.

இதையடுத்து, 2013-இல் மத்திய ரயில்வே அமைச்சர் தினேஷ் திரிவேதி இந்த திட்டத்துக்காக அடிக்கல் நாட்டினார். இந்த திட்டத்துக்காக நிலம் கையகப்படுத்தியதற்கு 43 கோடி ரூபாய் ஒதுக்கப்பட்டது. 

இந்நிலையில், இந்த திட்டம் தற்போது பாலக்காட்டில் இருந்து ஹரியாணாவுக்கு கொண்டு செல்லப்பட்டுள்ளது. இதனை கண்டித்து கேரள முதல்வர் பினராயி விஜயன் ரயில் பவன் முன்பு இடதுசாரி ஜனநாயக முன்னணி எம்பி-க்களுடன் போராட்டம் நடத்தினார். 

இதுகுறித்து பினராயி விஜயன் கூறுகையில்,

"பல மத்திய அரசுகள் கேரளாவை ஏமாற்றி வருகிறது. ரயில் தொழிற்சாலை அமைக்கப்படும் என்று 36 வருடங்களுக்கு முன்பு வாக்குறுதி அளிக்கப்பட்டது" என்று குற்றம்சாட்டினார்.    

இதற்கிடையில், பிரதமரை சந்திக்க பினராயி விஜயன் நேரம் கேட்டதற்கு 4-ஆவது முறையாக அனுமதி வழங்க மறுக்கப்பட்டது. கடைசியாக ஜூன் 16 மற்றும் 21 ஆகிய தேதிகளில் அவருக்கு அனுமதி மறுக்கப்பட்டது. 

இந்த விவகாரத்தில் தில்லி முதல்வர் கேஜரிவால் பினராயி விஜயனுக்கு ஆதரவுக் கரம் நீட்டியுள்ளார். இதுகுறித்து ட்விட்டரில் கேஜரிவால் கூறியதாவது, 

"முறையாக தேர்ந்தெடுக்கப்பட்ட முதல்வர் ஒருவர் சந்திக்க நேரம் கேட்பதை எப்படி பிரதமர் மறுக்க முடியும். ஏழை மக்களுக்கான ரேஷன் பிரச்சனை குறித்து அவர்கள் ஆலோசனை நடத்தவேண்டும். ஒரு முதல்வரை சந்திக்க 4 முறை தொடர்ச்சியாக மறுப்பது முன்எப்போதும் இல்லாத கையாளுதல். கூட்டாட்சி முறை எங்கே?" என்றார். 

முன்னதாக, தில்லி முதல்வர் கேஜரிவால் ஆளுநர் மாளிகையில் நடத்திய போராட்டத்தின் போது பினராயி விஜயன் அதற்கு ஆதரவுக் கரம் நீட்டியிருந்தார்.

]]>
Pinarayi Vijayan, Kerala CM, Rail coach Factory, PM Modi, Kejriwal, பினராயி விஜயன், கேரள முதல்வர், கேஜரிவால், பிரதமர் மோடி, ரயில் பெட்டி தொழிற்சாலை, http://images.dinamani.com/uploads/user/imagelibrary/2017/10/8/w600X390/Pinarayi-Vijayan.jpg http://www.dinamani.com/india/2018/jun/22/cm-joins-protest-against-shifting-rail-project-out-of-kerala-2945048.html
2945047 இந்தியா பயங்கரவாதிகளுக்கு ஆதரவளிப்பதே காங்கிரஸ் கொள்கை: பாஜக சாடல் DIN DIN Friday, June 22, 2018 08:18 PM +0530  

ராகுல் காந்தி தலைமையில் செயல்படும் காங்கிரஸ் கட்சி, பயங்கரவாதிகளுக்கு ஆதரவு அளிப்பதையே கொள்கையாக கொண்டுள்ளது என்று பாஜக குற்றறம்சாட்டியுள்ளது.

ஜம்மு-காஷ்மீரில் பயங்கரவாதிகளை காட்டிலும், ராணுவ நடவடிக்கைகளில்தான் பொதுமக்கள் அதிகம் கொல்லப்பட்டதாக முன்னாள் முதல்வரும், காங்கிரஸ் மூத்த தலைவருமான குலாம் நபி ஆசாத் பேசியிருப்பதற்கு பாஜக கண்டனம் தெரிவித்துள்ளது.

அதேபோன்று, காஷ்மீருக்கு விடுதலை அளிக்க வேண்டும் என்று மற்றொரு காங்கிரஸ் மூத்த தலைவா் சைபுதீன் சோஸ் பேசியிருப்பதையும் பாஜக கண்டித்துள்ளது.

இதுதொடா்பாக மத்திய சட்டத் துறை அமைச்சரும், பாஜக மூத்த தலைவருமான ரவிசங்கா் பிரசாத், தில்லியில் செய்தியாளா்களிடம் வெள்ளிக்கிழமை கூறியதாவது:

சோனியா காந்தியின் ஆசியுடன், ராகுல் காந்தியின் தலைமையில் புதிய காங்கிரஸ் உருவாகியுள்ளது. இந்தியாவை உடைக்க விரும்பும் சக்திகளை பலப்படுத்த வேண்டும் என்பதே அக்கட்சியின் விருப்பம். 

ராகுல் காந்தி தலைவராக பொறுப்பேற்ற பிறகு, தேசம் குறித்து காங்கிரஸ் கட்சி கொண்டிருந்த பார்வையில் கடல் அளவு மாற்றம் ஏற்பட்டுள்ளது.

குலாம் நபி ஆசாத்தின் கருத்துக்கள் பொறுப்பற்ற வகையிலும், வெட்கக்கேடான வகையிலும் உள்ளன. இந்தியாவில் மனித உரிமைகள் மீறப்படுவதாக பாகிஸ்தான் முன்வைக்கும் குற்றறச்சாட்டுக்கு ஆசாத்தின் கருத்துக்கள் பக்க பலமாக அமையும்.

காஷ்மீரில் கொல்லப்பட்ட ராணுவ வீரரின் குடும்பத்துக்கு பாதுகாப்பு துறை அமைச்சரும், ராணுவ தளபதியும் சென்று ஆறுதல் கூறியதை குலாம் நபி ஆசாத் நாடகம் என்கிறார். இதைவிட வெட்கக்கேடான ஒரு விஷயம் இருக்க முடியுமா? 

மோடி மீது கொண்ட வெறுப்பால், ராணுவ வீரா்களுக்கான மரியாதை, அவா்களது வீரம் போன்ற விஷயங்களில் காங்கிரஸ் கட்சி சமரசம் செய்து கொண்டுள்ளது. குலாம் நபி ஆசாத் மற்றும் காஷ்மீருக்கு விடுதலை அளிக்க வேண்டும் என்று கூறிய சைபுதீன் சோஸ் ஆகியோர் மீது ராகுல் காந்தி நடவடிக்கை எடுப்பாரா?

இந்த தலைவா்களை போன்றே ராகுல் காந்தியிடமும் நல்லது எதையும் எதிர்பார்க்க முடியாது. தேசத்துக்கு விரோதமாக குரல் எழுப்பிய ஜேஎன்யு பல்கலைக்கழக மாணவா்களுக்கு ஆதரவாக குரல் கொடுத்தவரும், பாகிஸ்தான் ஆக்கிரமிப்பு காஷ்மீா் பகுதியில் இந்தியா துல்லிய தாக்குதல் நடத்தியது குறித்து கேள்வி எழுப்பியதும் இதே ராகுல் காந்திதான் என்றார்.

தொடர்ந்து அவர் பேசுகையில், பாஜக ஆட்சியில் அதிக அளவிலான பயங்கரவாதிகள் கொல்லப்பட்டிருப்பதாகத் தெரிவித்தார். 

கடந்த 2012 மற்றும் 2013 முறையே 72, 67 பயங்கரவாதிகள் மட்டுமே கொல்லப்பட்டதாகவும், பாஜக ஆட்சிக்கு வந்த 2014-இல் இது 110-ஆக அதிகரித்தது என்றும் ரவிசங்கா் பிரசாத் குறிப்பிட்டார். 

2015-இல் 108 பயங்கரவாதிகளும், 2016-இல் 150 பேரும், 2017-இல் 217 பேரும் கொல்லப்பட்டதாக அவா் கூறினார். இந்த ஆண்டு மே மாதம் வரையில் 75 பயங்கரவாதிகள் கொல்லப்பட்டிருப்பதாக ரவிசங்கா் பிரசாத் தெரிவித்தார்.

]]>
http://images.dinamani.com/uploads/user/imagelibrary/2018/6/22/w600X390/RS_Prasad22.jpg http://www.dinamani.com/india/2018/jun/22/பயங்கரவாதிகளுக்கு-ஆதரவளிப்பதே-காங்கிரஸ்-கொள்கை-பாஜக-சாடல்-2945047.html
2945044 இந்தியா காவிரி ஒழுங்காற்றுக்குழு அமைத்து மத்திய அரசு உத்தரவு Raghavendran DIN Friday, June 22, 2018 07:53 PM +0530  

காவிரி மேலாண்மை ஆணையத்தின் ஒழுங்காற்றுக் குழு அமைத்து மத்திய அரசு வெள்ளிக்கிழமை உத்தரவிட்டுள்ளது. இதுதொடர்பான அறிவிப்பு மத்திய அரசிதழில் வெளியிடப்பட்டுள்ளது. 

காவிரி மேலாண்மை ஆணையத்தின் தலைமையகம் புது தில்லியில் செயல்படும் என்றும் அறிவிக்கப்பட்டுள்ளது. இருப்பினும் காவிரி நீர் ஒழுங்காற்றுக் குழுவின் தலைமை அலுவலகம் பெங்களூருவில் இருந்து செயல்படவுள்ளது.

மொத்தம் 9 உறுப்பினர்களைக் கொண்ட காவிரி மேலாண்மை ஆணையத்துக்கு மத்திய நீர் ஆணையத்தின் தலைவராக உள்ள மசூத் ஹுசைன் தலைவர் மற்றும் செயலாளராக ஏ.எஸ்.கோயல் ஆகியோர் நியமிக்கப்பட்டுள்ளனர்.

இதில், தமிழகத்தின் தரப்பில் பொதுப்பணித்துறை முதன்மைச் செயலர் மற்றும் நீர்வளத்துறை நிர்வாகத்தின் செயலர் (பொறுப்பு) எஸ்.கே.பிரபாகர், பகுதிநேர உறுப்பினராக நியமிக்கப்பட்டுள்ளார். இந்த ஒழுங்காற்றுக் குழுவில் கர்நாடக உறுப்பினர்கள் இன்னும் தேர்வு செய்யப்படவில்லை.

]]>
http://images.dinamani.com/uploads/user/imagelibrary/2018/5/28/w600X390/Cauvery.jpg http://www.dinamani.com/india/2018/jun/22/காவிரி-ஒழுங்காற்றுக்குழு-அமைத்து-மத்திய-அரசு-உத்தரவு-2945044.html
2945043 இந்தியா பிரதமரை சந்திக்க கேரள முதல்வர் பினரயி விஜயனுக்கு நான்காவது முறையாக அனுமதி மறுப்பு  DIN DIN Friday, June 22, 2018 07:01 PM +0530  

புது தில்லி: பிரதமர் மோடியை சந்திக்க கேரள முதல்வர் பினரயி விஜயனுக்கு நான்காவது முறையாக  அனுமதி மறுக்கப்பட்டுள்ளது.

கேரள மாநிலத்திற்கு ரேஷன் பொருட்கள் ஒதுக்கீடு செய்வதில் உள்ள ஏற்றத்தாழ்வுகள் தொடர்பாக ஆலோசனை செய்ய, அம்மாநில முதல்வர் பினரயி விஜயன் மற்றும் அனைத்துக்கட்சிகள் குழு பிரதமர் மோடியிடம் சந்திக்க  நேரம் கேட்டிருந்தது. ஆனால் அதற்கு அனுமதி மறுத்த பிரதமர் அலுவலகம், தேவைப்பட்டால் மத்திய உணவு, பொது விநியோகத்துறை மந்திரி ராம் விலாஸ் பாஸ்வானை சந்திக்கலாம் என்று தெரிவித்துள்ளது.

ஆனால் ராம் விலாஸ் பாஸ்வானை சந்திக்க முதல்வர் பினரயி விஜயன் விரும்பவில்லை எனவும் தகவல்கள் வெளியாகியுள்ளது.

முன்னதாக கேரள மாநில முதல்வர் அலுவலக தகவலின்படி பிரதமரை சந்திக்க ஜூன் 16 மற்றும் 21-ம் தேதிகளில் நேரம் கொடுக்குமாறு கேட்டுக் கொள்ளப்பட்டுள்ளது. ஆனால் பிரதமர் அலுவலகம் அதனை முற்றிலுமாக நிராகரித்துள்ளது. அதே போல பிரதமர் அலுவலகம் கேரள மாநில அனைத்துக் கட்சி குழுக்களுக்கும் பிரதமரை சந்திக்க அனுமதி மறுத்துள்ளது குறிப்பிடத்தக்கது.

]]>
kerala, CM, pinarayi vijayan, PM, modi, PMO, meeting, refusal, controversy http://images.dinamani.com/uploads/user/imagelibrary/2017/3/3/w600X390/pranaivijayan.jpg http://www.dinamani.com/india/2018/jun/22/பிரதமரை-சந்திக்க-கேரள-முதல்வர்-பினரயி-விஜயனுக்கு-நான்காவது-முறையாக-அனுமதி-மறுப்பு-2945043.html
2945042 இந்தியா எம்.பி.பி.எஸ் கலந்தாய்வுக்கு ஆதார் கட்டாயம் - உயர்நீதிமன்றம் ஆணை DIN DIN Friday, June 22, 2018 07:00 PM +0530  

கடந்த ஆண்டு நடைபெற்ற மருத்துவ மாணவர் சேர்க்கையின் போது பிற மாநிலத்தவர்கள் பலர் தமிழக இட ஒதுக்கீட்டில் நுழைந்ததாக குற்றச்சாட்டு எழுந்தது. 

இதையடுத்து, பிறமாநிலத்தவர்கள் இரட்டை இருப்பிடச் சான்றிதழை பயன்படுத்தி கடந்த ஆண்டு விண்ணப்பித்துள்ளதால், கடந்த ஆண்டு வெளியிட்ட தரவரிசைப் பட்டியலை ரத்து செய்யக்கோரி புதுக்கோட்டையைச் சேர்ந்த மாணவி விக்னயா உள்பட 7 பேர் உயர்நீதிமன்றத்தில் வழக்கு தொடர்ந்தனர். 

இந்த வழக்கை விசாரித்த உயர்நீதிமன்றம் இன்று (வெள்ளிக்கிழமை) வழங்கிய தீர்ப்பில், மருத்துவ படிப்பு மாணவர் சேர்க்கையின் போது ஆதார் அட்டையை கட்டாயம் காண்பிக்க வேண்டும் என உத்தரவிட்டுள்ளது. மேலும், மருத்துவ கலந்தாய்வுக்கு மாணவர்களின் ஆதார் கட்டாயம் என இணையதளம் மற்றும் பத்திரிகைகளில் விளம்பரப்படுத்த வேண்டும் என்றும் உத்தரவிட்டுள்ளது. 

இதையடுத்து, கடந்த ஆண்டு வெளியிட்ட தரவரிசைப் பட்டியலில் இரட்டைச் சான்றிதழ் பயன்படுத்தியவர்கள் பெயர் உள்ளதா என்பது குறித்து ஆய்வு நடத்துவதாக மத்திய அரசு தெரிவித்துள்ளது.

]]>
Aadhar must, High Court, Medical Counselling, Aadhar, ஆதார் கட்டாயம், உயர்நீதிமன்றம், மருத்துவ கலந்தாய்வு, http://images.dinamani.com/uploads/user/imagelibrary/2018/5/29/w600X390/MadrasHighCourt.jpg http://www.dinamani.com/india/2018/jun/22/aadhar-must-for-medical-counselling---high-court-2945042.html
2945041 இந்தியா சா்வதேச வா்த்தகத்தில் இந்தியாவின் பங்கை இரு மடங்காக்குவதே இலக்கு: பிரதமர் மோடி  DNS DNS Friday, June 22, 2018 06:07 PM +0530  

புது தில்லி: சா்வதேச வா்த்தகத்தில் இந்தியாவின் பங்களிப்பை இரு மடங்காக அதிகரிக்க இலக்கு நிா்ணயித்திருப்பதாக பிரதமா் நரேந்திர மோடி தெரிவித்தாா்.

தில்லியில் மத்திய வா்த்தக அமைச்சகத்துக்கு புதிய அலுவலக வளாகம் அமைப்பதற்கான அடிக்கல் நாட்டு விழா வெள்ளிக்கிழமை நடைபெற்றறது. இதில் கலந்து கொண்டு அடிக்கல் நாட்டிய பிரதமா் மோடி பேசியதாவது:

இந்தியாவின் பொருளாதார வளா்ச்சியை இரட்டை இலக்கத்துக்கு எடுத்துச் செல்லும் நோக்குடன் மத்திய அரசு செயல்பட்டு வருகிறறது. கடந்த நான்கு ஆண்டுகால ஆட்சியில் இந்தியாவில் தொழில் தொடங்குவதற்கான நடைமுறைகள் எளிதாக்கப்பட்டுள்ளன. இந்தியாவின் பொருளாதார நிலை சிறப்பாக இருப்பதையும், எதிா்காலத்தில் சிறப்பான வளா்ச்சியை இந்தியா அடையும் என்பதையும் பல்வேறு வெளிநாட்டு ஆய்வு நிறுவனங்கள் உறுதி செய்துள்ளனா். நடப்புக் கணக்குப் பற்றாக்குறை இப்போது கட்டுப்பாட்டில் உள்ளது.

கடந்த 2017-18 நிதியாண்டின் கடைசி காலாண்டில் பொருளாதார வளா்ச்சி 7.7 சதவீதமாக உள்ளது. இதனை இரட்டை இலக்கமாக மாற்றும் நோக்கில் அரசு பொருளாதாரச் சீா்திருத்த நடவடிக்கைகளை முன்னெடுத்து வருகிறது. இந்தியா விரைவில் 5 டிரில்லியன் டாலா் (சுமாா் ரூ.338 லட்சம் கோடி) பொருளாதாரமாக மாறற உள்ளது. அதனை காண ஒட்டுமொத்த உலகமே ஆா்வமாக உள்ளது. எரிபொருள் உள்பட நமது நாட்டில் அதிகம் பயன்படுத்தும் பொருள்களுக்கு வெளிநாடுகளை அதிகம் சாா்ந்து இருப்பதை நாம் தவிா்க்க வேண்டும். உள்நாட்டு வளங்களைக் கொண்டு நமது தேவைகளை நிறைறவேற்றிக் கொள்ள நடவடிக்கை எடுக்கப்பட்டு வருகிறறது.

சா்வதேச வா்த்தகத்தில் இந்தியாவின் பங்களிப்பை இரு மடங்காக்க, அதாவது 3.4 சதவீதமாக்க மத்திய அரசு நடவடிக்கை எடுத்து வருகிறது. ஜிஎஸ்டி அமல்படுத்தப்பட்ட பிறகு 54 லட்சம் போ் புதிதாக வரித் தாக்கலுக்கு பதிவு செய்துள்ளனா். இதன் மூலம் மறைமுக வரி செலுத்துவோரின் எண்ணிக்கை 1 கோடிக்கு மேல் அதிகரித்துள்ளது. ஜிஎஸ்டி அமலாக்கத்துக்கு முன்பு 60 லட்சம் போ் மட்டுமே மறைமுக வரி செலுத்தி வந்தனா். இந்தியாவில் அன்னியச் செலாவணி கையிருப்பு முன்னேப்போதும் இல்லாத அளவுக்கு அதிகரித்துள்ளது. அன்னிய நேரடி முதலீடும் மேம்பட்டு வருகிறறது என்றாா் மோடி.

]]>
delhi, commerce ministry, new building, modi, economic, contribution http://images.dinamani.com/uploads/user/imagelibrary/2018/6/22/w600X390/PM_Modi22.jpg http://www.dinamani.com/india/2018/jun/22/சா்வதேச-வா்த்தகத்தில்-இந்தியாவின்-பங்கை-இரு-மடங்காக்குவதே-இலக்கு-பிரதமர்-மோடி-2945041.html
2945040 இந்தியா தூத்துக்குடி துப்பாக்கிச் சூடு: சிபிஐ விசாரணை வேண்டி திருமாவளவன் பொதுநல வழக்கு DIN DIN Friday, June 22, 2018 06:03 PM +0530  

தூத்துக்குடியில் ஸ்டெர்லைட் ஆலைக்கு எதிராக நடைபெற்ற போராட்டம் 100-ஆவது நாளில் வன்முறையுடன் முடிவடைந்தது. இதில், போலீஸார் நடத்திய துப்பாக்கிச் சூட்டில் 13 பேர் உயிரிழந்தனர், பலர் காயமடைந்தனர். 

இந்த சம்பவம் குறித்தான விசாரணை சிபிசிஐடி-க்கு மாற்றப்பட்டது. இதையடுத்து, இந்த வழக்கில் விசாரணை நடத்தும் பெரும்பாலான போலீஸார் தூத்துக்குடியைச் சேர்ந்தவர்களே என்பதால் நியாயம் கிடைக்குமா என்பதில் சந்தேகம் இருப்பதாக கருதப்படுகிறது. 

இந்நிலையில், விடுதலைச் சிறுத்தைகள் கட்சியின் தலைவர் திருமாவளவன் சென்னை உயர்நீதிமன்றத்தில் பொதுநல வழக்கை தொடர்ந்துள்ளார். அந்த மனுவில் அவர் துப்பாக்கிச் சூடு சம்பவம் குறித்தான வழக்கை சிபிஐ-க்கு மாற்றக்கோரி தெரிவித்துள்ளார். 

இந்த மனுவை ஏற்றுக்கொண்ட உயர்நீதிமன்றம் வழக்கின் மீதான விசாரணையை வரும் 25-ஆம் தேதிக்கு ஒத்திவைத்தது.

]]>
Tirumavalavan, viduthalai siruthaigal, pil, high court, Tuticorin Shootout, sterlite protest, திருமாவளவன், விடுதலை சிறுத்தைகள், பொதுநல வழக்கு, தூத்துக்குடி துப்பாக்கிச் சூடு, உயர்நீதிமன்றம், ஸ்டெர்லைட் போராட்டம், http://images.dinamani.com/uploads/user/imagelibrary/2017/3/29/w600X390/tirumavalavan.jpg http://www.dinamani.com/india/2018/jun/22/tirumavalavan-files-pil-demanding-cbi-investigation-in-tuticorin-shootout-case-2945040.html
2945036 இந்தியா நிதி நெருக்கடியில் அலைபேசி நிறுவனங்கள்: 5ஜி ஏலத்தை அடுத்த ஆண்டு நடத்த வலியுறுத்தல்  DNS DNS Friday, June 22, 2018 05:42 PM +0530  

புது தில்லி: அலைபேசி நிறுவனங்கள் நிதி நெருக்கடியில் இருப்பதால் 5ஜி அலைக்கற்றைற ஏலத்தை 2019-ஆம் ஆண்டின் பிற்பகுதியில்தான் நடத்த வேண்டும் என்று இந்திய செல்லிடப்பேசி சேவை நிறுவனங்களின் கூட்டமைப்பு (சிஓஏஐ) வலியுறுத்தியுள்ளது.

முன்னதாக, இந்தியா இந்த ஆண்டிலேயே 5ஜி தொழில்நுட்பத்துக்கு மேம்படத் தயாராகி வருவதாக தொலைத் தொடா்புத் துறை செயலாளா் அருணா சுந்தர்ராஜ் கூறியிருந்தாா். ஆனால், இந்தியாவில் செல்லிடப்பேசி சேவை அளித்து வரும் நிறுவனங்கள் 5ஜி அலைக்கற்றைற ஏலத்துக்கு தயாராகவில்லை என்றே தெரிகிறறது.

அரசுக்கு பெரும் வருவாய் ஈட்டித் தரும் அலைக்கற்றை ஏலத்தில், முன்னணி செல்லிடப்பேசி நிறுவனங்களே முக்கிய வாடிக்கையாளா்களாக உள்ளனா். ஆனால், சமீபகாலத்தில் செல்லிடப்பேசி சேவைத் துறையில் ரிலையன்ஸ் ஜியோ வருகையால் ஏற்பட்ட கடும் போட்டி காரணமாக பல நிறுவனங்கள் தங்கள் லாபத்தை இழந்துள்ளது. ஏா்செல் போன்ற சில நிறுவனங்கள் போட்டியைச் சமாளிக்க முடியாமல் தொழிலை விட்டே விலக வேண்டிய நிா்பந்தம் ஏற்பட்டது.

தில்லியில் செய்தியாளா்களிடம் வெள்ளிக்கிழமை பேசிய இந்திய செல்லிடப்பேசி சேவை நிறுவனங்களின் கூட்டமைப்பு தலைவா் ராஜன் மேத்யூஸ் கூறியதாவது:

இந்தியாவில் தொலைத்தொடா்புத் துறை இப்போது இருக்கும் சூழ்நிலையில் 5ஜி அலைக்கற்றை ஏலத்தை எதிா்கொள்ள முடியாத சூழல் உள்ளது. தொலைத்தொடா்பு சேவை நிறுவனங்கள் இப்போது தங்களுக்கு ஏற்பட்டுள்ள நிதி நெருக்கடியை சமாளிப்பதில் தீவிரம் காட்டி வருகின்றறன. எனவே 2019-ஆம் ஆண்டு நடுவில் அல்லது அந்த ஆண்டின் பிற்பகுதியில் ஏலத்தை நடத்த வேண்டும்.

5ஜி சேவை அளிப்பது என்பது செல்லிடப்பேசி சேவை நிறுவனங்களுக்கு நல்லொரு வாய்ப்புதான். ஆனால், அதன் மூலம் எந்த அளவுக்கு சிறறப்பாக வருவாய் கிடைக்கும் என்பதை கணிக்க முடியாத நிலை உள்ளது. மேலும், இப்போதை நிலையில் எந்த செல்லிடப்பேசி சேவை நிறுவனமும் பெருமளவில் முதலீடு செய்து 5ஜி அலைக்கற்றைறயை ஏலத்தில் எடுக்கும் நிலையில் இல்லை. இந்தியத் தொலைத்தொடா்பு சேவைத் துறை இப்போதைய நிலையில் 7.7 லட்சம் கோடி கடனில் இயங்கி வருகிறறது என்றறாா் அவா்.

செல்லிடப்பேசி சேவை நிறுவனங்களின் கூட்டமைப்பு இவ்வாறு கோரிக்கை விடுத்துள்ள நிலையில், அரசு ஏலத்தை இந்த ஆண்டு நடத்தினால், 5ஜி அலைக்கற்றை ஏலம் மூலம் எதிா்பாா்த்த வருவாய் அரசுக்கு கிடைக்காது என்ற சூழல் உருவாகியுள்ளது. இதன் செல்லிடப்பேசி சேவை நிறுவனங்களில் ஏற்பட்டுள்ள இந்த நிதி நெருக்கடி அரசின் வருவாயையும் பாதித்துள்ளது.
 

]]>
5G, cellphone companies, auction, ICOA, request, DoT http://images.dinamani.com/uploads/user/imagelibrary/2018/4/22/w600X390/5g.jpg http://www.dinamani.com/india/2018/jun/22/நிதி-நெருக்கடியில்-அலைபேசி-நிறுவனங்கள்-5ஜி-ஏலத்தை-அடுத்த-ஆண்டு-நடத்த-வலியுறுத்தல்-2945036.html
2945031 இந்தியா பூமியைப் போன்ற புதிய கோள்: ஆமதாபாத் விஞ்ஞானிகள் கண்டுபிடிப்பு DNS DNS Friday, June 22, 2018 05:22 PM +0530
சென்னை: பூமியைப் போன்ற புதிய கோள் ஒன்றை ஆமதாபாத் விஞ்ஞானிகள் கண்டு பிடித்துள்ளனா்.

இதுகுறித்து இந்திய விண்வெளி ஆராய்ச்சி மையம் (இஸ்ரோ) வெளியிட்ட செய்தி: ஆமதாபாத் இயற்பியல் ஆராய்ச்சிக் கூடத்தைச் (பிஆா்எல்) சோ்ந்த பேராசிரியா் அபிஜித் சக்கரபா்த்தி தலைமையிலான விஞ்ஞானிகள் மற்றும் பொறியாளா்கள் குழுவினா், புதிய கோள் ஒன்றைக் கண்டுபிடித்துள்ளனா்.

உள்நாட்டிலேயே வடிவமைக்கப்பட்ட 1.2 மீட்டா் தொலைநோக்கியுடன் கூடிய பி.ஆா்.எல். மேம்பட்ட தேடல் (பாராஸ்) கருவியின் உதவியுடன் கோளின் எடையளவைக் கணக்கிட்டு இந்தப் புதிய கோள் துள்ளியமாகக் கண்டுபிடிக்கப்பட்டுள்ளது. இந்த பாராஸ் நிற மாலைக் கருவிதான் ஆசியாவிலேயே முதலாவதாகும். இதுபோன்ற, துல்லியமான அளவீடுகளைத் தரக்கூடிய வெகு சில நிற மாலை கருவிகளே உலகில் உள்ளன.

இந்தப் புதிய கோள், பூமி எடையைபோல 10 முதல் 70 மடங்கு வரையிலும், பூமி ஆரத்தைப்போல 4 முதல் 8 மடங்கு அளவும் இருக்கலாம் என கணிக்கப்பட்டுள்ளது. சூரியனைப் போன்ற நட்சத்திரங்களை சுற்றி, கோள்கள் உருவாவதை புரிந்துக்கொள்ளவும் இந்த கண்டுபிடிப்பு உதவும்.

இந்தக் கண்டுபிடிப்பு மூலம், நமது சூரியக் குடும்பத்துக்கு அப்பாற்பட்டு நட்சத்திரங்களைச் சுற்றி கோள்களைக் கண்டுபிடிக்கும் திறனுள்ள ஒருசில நாடுகளுடன் இந்தியாவும் இப்போது சோ்ந்துள்ளது எனத் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2017/10/6/w600X390/Isro.jpg http://www.dinamani.com/india/2018/jun/22/பூமியைப்-போன்ற-புதிய-கோள்-ஆமதாபாத்-விஞ்ஞானிகள்-கண்டுபிடிப்பு-2945031.html
2945030 இந்தியா காஷ்மீரில் ஆளுநர் தலைமையில் அனைத்துக் கட்சி கூட்டம் DIN DIN Friday, June 22, 2018 05:19 PM +0530  

ஜம்மு காஷ்மீரில் பிடிபி-பாஜக கூட்டணி ஆட்சி முறிவுக்கு வந்ததை அடுத்து அங்கு தற்போது ஆளுநர் ஆட்சி அமலில் உள்ளது. அங்கு அடுத்தபடியாக எந்த கட்சிக்கும் பெரும்பான்மை இல்லாத காரணத்தினால் மற்ற கட்சிகளும் ஆளுநர் ஆட்சிக்கு வரவேற்பு அளித்தனர். 

இந்நிலையில், அம்மாநில் ஆளுநர் என்.என். வோஹ்ரா தலைமையில் அவரது இல்லத்தில் அனைத்துக் கட்சி கூட்டம் நடைபெற்று வருகிறது. இந்த கூட்டதில் முன்னாள் முதல்வர் ஒமர் அப்துல்லா, ஜம்மு காஷ்மீர் காங்கிரஸ் தலைவர் மிர், பாஜகவின் சாட் சர்மா உள்ளிட்டோர் இந்த கூட்டத்தில் பங்கேற்றுள்ளனர்.  

இதற்கிடையில், ஆளுநர் என்.என்.வோஹ்ராவின் ஆலோசகராக முன்னாள் ஐபிஎஸ் அதிகாரி விஜயகுமார் நியமிக்கப்பட்டுள்ளார்.

]]>
kashmir, all party meeting, NN Vohra, காஷ்மீர், அனைத்துக் கட்சி கூட்டம், வோஹ்ரா, http://images.dinamani.com/uploads/user/imagelibrary/2018/6/22/w600X390/Kashmir_Meeting.jpg http://www.dinamani.com/india/2018/jun/22/kashmir-all-party-meeting-held-in-governors-house-2945030.html
2945029 இந்தியா காஷ்மீா் மக்களைக் காக்கவே பயங்கரவாதிகள் மீது நடவடிக்கை:அருண் ஜேட்லி DNS DNS Friday, June 22, 2018 04:56 PM +0530  

புது தில்லி: காஷ்மீரில் பொதுமக்களைக் காக்கும் நோக்கத்திலேயே பயங்கரவாதிகள் மீது நடவடிக்கை எடுக்கப்பட்டு வருகிறது என்று மத்திய அமைச்சா் அருண் ஜேட்லி தெரிவித்துள்ளாா்.

காஷ்மீா் பயங்கரவாதிகளுக்கு எதிராக நடவடிக்கை எடுக்க முட்டுக்கட்டை போடுவதால் மெஹபூபா அரசுக்கு அளித்து வந்த ஆதரவை வாபஸ் பெற்றதாக பாஜக தரப்பில் விளக்கமளிக்கப்பட்டுள்ளது. இதனிடையே, அங்கு பாதுகாப்புப் படையினரால் வெள்ளிக்கிழமை 4 பயங்கரவாதிகள் சுட்டுக் கொல்லப்பட்டனா்.

இந்நிலையில் தில்லியில் செய்தியாளா்களிடம் காஷ்மீா் விவகாரம் குறித்து அருண் ஜேட்லி கூறியதாவது:

தங்களை அழித்துக் கொண்டு மற்றறவா்களையும் கொல்லத் துடிக்கும் பயங்கரவாதிகளிடம் நாம் சத்தியாகிரகம் பற்றி பேசிக் கொண்டிருக்க முடியாது. பயங்கரவாதிகள் சரணடைய மறுப்பதுடன், அரசு அறிவித்த சண்டை நிறுத்தத்தையும் ஏற்கவில்லை. சட்டத்தைக் கையில் எடுத்து பொதுமக்களின் உயிருக்கு அச்சுறுத்தலை ஏற்படுத்துவா்கள் மீது அரசு கடும் நடவடிக்கைகளை எடுப்பதைத் தவிர வேறு வழியில்லை. இது அடக்குமுறை ஆகாது. அரசு காஷ்மீரில் மக்களைக் காக்கும் தனது கடமையைத்தான் செய்து வருகிறறது.

நமது ஒற்றுமையுடனும், ஒருமைப்பாட்டுடனும் இருக்க வேண்டும் என்றுதான் அமைதியை விரும்பும் அனைத்து மக்களும் நினைக்கிறாா்கள். ஆனால், பயங்கரவாதிகள் தேச ஒற்றுமைக்கு எதிராக செயல்படுவதுடன், அப்பாவி பொதுமக்களின் உயிா்களையும் பலி வாங்கி வருகின்றறனா். காஷ்மீரில் பெரும்பான்மையான மக்கள் அமைதியாக வாழவே விரும்புகிறறாா்கள். ஒரு சிலா்தான் வன்முறையைத் தூண்டி விடும் வேலையைச் செய்கின்றனா். இவா்களின் தூண்டுதல்களுக்கு அப்பாவி இளைஞா்கள் இரையாகி வருகின்றனா்.

பயங்கரவாதி ஒருவா் துப்பாக்கியை வைத்து சுடும்போது, பாதுகாப்புப் படை வீரா்கள் அவா்களிடம் தப்பி ஓட வேண்டும் என்று நினைக்கிறீா்களா? இல்லை எதிா்த்து தாக்க வேண்டும் என்று நினைக்கிறீா்களா? தேசவிரோத நோக்கத்துடன் ஆயதம் எடுப்பவா்களிடம் கூட அரசு முதலில் பேச்சு நடத்தவும், ஆயுதங்களைக் கைவிடவுமே வாய்ப்பு அளிக்கிறறது.

காஷ்மீா் மக்களைக் காப்பதுதான் அரசின் கொள்கை. ஒவ்வொரு இந்தியரின் மனித உரிமையும் காக்கப்பட வேண்டும் என்பதில் அரசுக்கு மாற்றுக் கருத்து இல்லை. மக்களை மனிதா்களாக மதிக்காத பயங்கரவாதிகளை மட்டுமே அரசு ஒடுக்கி வருகிறறது. காஷ்மீரில் மட்டுமல்ல நக்சல் ஆதிக்கமுள்ள பகுதிகளிலும் தீய சக்திகள் முழுமையாக ஒடுக்கப்படும் என்றாா் அவா்.

]]>
attack, நடவடிக்கை , Kashmir, காஷ்மீர் , பயங்கரவாதிகள், jaitley, terrorists, அருண் ஜேட்லி, security force http://images.dinamani.com/uploads/user/imagelibrary/2018/4/20/w600X390/arun_jaitley.jpeg http://www.dinamani.com/india/2018/jun/22/காஷ்மீா்-மக்களைக்-காக்கவே-பயங்கரவாதிகள்-மீது-நடவடிக்கைஅருண்-ஜேட்லி-2945029.html
2945025 இந்தியா நீதிபதி செல்லமேஸ்வர் ஓய்வு - யார் இவர்? இவர் எழுப்பிவிட்டு செல்லும் முக்கியக் கேள்விகள் என்ன? DIN DIN Friday, June 22, 2018 04:29 PM +0530  

உச்சநீதிமன்ற நீதிபதியாக செல்லமேஸ்வர் அக்டோபர் 10,2011 பதவியேற்றார். இவர், 6 ஆண்டு 8 மாதம் மற்றும் 12 நாட்கள் உச்சநீதிமன்ற நீதிபதியாக பொறுப்பு வகித்துள்ளார். இவர் உச்சநீதிமன்ற தலைமை நீதிபதிக்கு அடுத்தபடியான இடத்தில் இருக்கும் நீதிபதி. 

யார் இந்த செல்லமேஸ்வர்? 

* தனியுரிமை, மக்களின் அடிப்படை உரிமை என்று வரலாற்றுச் சிறப்புமிக்க தீர்ப்பு வழங்கிய 9 பேர் கொண்ட நீதிபதிகள் அமர்வில் இடம்பெற்றிருந்தார்.

ஜனவரி 12-ஆம் தேதி இந்திய நீதித்துறை வரலாற்றில் முதன்முறையாக உச்சநீதிமன்ற நீதிபதிகள் 4 பேர் உச்சநீதிமன்ற தலைமை நீதிபதிக்கு எதிராக கூட்டாக செய்தியாளர்களுக்கு பேட்டியளித்தனர். இந்த 4 பேர் கொண்ட நீதிபதிகளுக்கு தலைமை தாங்கியவர் செல்லமேஸ்வர். அப்போது, அவர்கள் "உச்சநீதிமன்றத்தில் நிர்வாகம் சரியாக இல்லை, வழக்குகளை ஒதுக்குவதில் பாரபட்சம் காட்டப்படுகிறது" என்று குற்றம்சாட்டினர்  

இவர்கள், மிகவும் சர்ச்சைக்குரிய வழக்கான அமித்ஷா தொடர்புடைய நீதிபதி லோயா வழக்கை ஒதுக்குவதில் பாரபட்சம் காட்டப்படுவதாக குற்றம்சாட்டினர்.    

கடந்த ஆண்டு 10-ஆம் தேதி மருத்துவக் கல்லூரி ஊழல் தொடர்பான வழக்கை விசாரித்த நீதிபதி செல்லமேஸ்வர், நீதிபதி மதன் லோகுர் பிறபித்த உத்தரவை உச்சநீதிமன்ற தலைமை நீதிபதி தீபக் மிஸ்ரா தலைமையிலான அமர்வு அதற்கு அடுத்த நாளே ரத்து செய்தது. இதனை, சுட்டிக்காட்டும் வகையில் அவர் கடந்த ஏப்ரல் மாதம் ஒரு கருத்தை கூறினார். 

வழக்குகளை ஒதுக்குவது தொடர்பான உச்சநீதிமன்ற தலைமை நீதிபதியின் அதிகாரத்தை கேள்வி கேட்கும் வழக்கு ஒன்று செல்லமேஸ்வர் அமர்வுக்கு வந்தது. ஆனால், அதனை ஏற்க மறுத்த செல்லமேஸ்வர் கூறியதாவது, "எனது பதவிக்காலம் இன்னும் 2 மாதங்களில் நிறைவடைகிறது. இந்நிலையில், நான் பிறப்பிக்கும் உத்தரவு 24 மணி நேரத்துக்குள் மாற்றப்படுவதை நான் விரும்பவில்லை" என்றார். 

உச்சநீதிமன்ற கொலீஜியத்தில் செல்லமேஸ்வர் இடம்பெற்றிருந்தார். கர்நாடகத்தில் மாவட்ட அமர்வு நீதிபதி கிருஷ்ண பட் மீது சாட்டப்பட்ட குற்றச்சாட்டில் அவர் மீது எந்த குற்றமும் இல்லை என்று உச்சநீதிமன்ற நீதிபதி விசாரணை முடிவில் தெரிவித்தார். இதையடுத்து, கொலீஜியத்தால் மத்திய அரசுக்கு  அவருடைய பெயர் பதவி உயர்வுக்கு பரிந்துரை செய்யப்பட்டது. 

ஆனால், அதற்கு பிறகு மத்திய சட்டம் மற்றும் நீதித்துறை உத்தரவின் பேரில் கொலீஜியத்தால் பரிந்துரைக்கப்பட்ட அந்த நீதிபதி மீது மீண்டும் விசாரணை நடத்த கர்நாடக உயர்நீதிமன்ற நீதிபதி உத்தரவிட்டார். கொலீஜியத்தால் பரிந்துரை செய்யப்பட்ட ஒரு நீதிபதி மீது கொலீஜியத்திடம் எந்தவித ஆலோசனையும் நடத்தாமல் மீண்டும் விசாரணைக்கு உத்தரவிடுவது குறித்து அனைவரும் அதிர்ச்சியடைந்தனர். 

அப்போது, அவர் உச்சநீதிமன்ற தலைமை நீதிபதி தீபக் மிஸ்ராவுக்கு காட்டமான ஒரு கடிதத்தை செல்லமேஸ்வர் எழுதினார். அதன் நகல், மற்ற அனைத்து உச்சநீதிமன்ற நீதிபதிகளின் பார்வைக்கும் அனுப்பப்பட்டது. அதில், அவர் அரசும் நீதித்துறையும் கூடிக் குலாவுவது ஜனநாயகத்துக்கு அடிக்கும் சாவு மணி போன்றது என்று குற்றம்சாட்டினார். குறிப்பாக தலைமை நீதிபதி அரசின் தலைமை அதிகாரி போல் செயல்படுவதாகவும் குற்றம்சாட்டினார்.    

செல்லமேஸ்வர் கடந்த ஏப்ரல் மாதம் தில்லியில் நடைபெற்ற கருத்தரங்கில் பங்கேற்றார். அப்போது அவர் நீதித்துறை மீது ஏராளமான குற்றச்சாட்டுகளை வைத்தார். அதில் அவர் எழுப்பிய மிக முக்கியமான கேள்வி ஒன்று, "ஜெயலலிதாவின் சொத்துக் குவிப்பு வழக்கு குறிப்பிட்ட அமர்வுக்கு மாற்றப்பட்டது. அதற்கான தீர்ப்பு எழுதி சுமார் 1 ஆண்டு வெளியிடவில்லை. ஜெயலலிதா இறந்தபின் தீர்ப்பு வழங்கியதால் என்ன பயன்?" என்றார். இந்த கேள்வியின் ஆழத்தை உணர்ந்தால் தமிழக அரசியல் முற்றிலும் தலைகீழாக மாறியிருக்கும் என்பதை உணரலாம்.  

செல்லமேஸ்வர் இடம்பெற்றுள்ள கொலீஜியம் உத்தரகண்ட் உயர்நீதிமன்றத் தலைமை நீதிபதி கே.எம்.ஜோசப் பெயரை பதவி உயர்வுக்கு பரிந்துரை செய்தது. அதனை மத்திய அரசு நிராகரிக்க கொலீஜியம் மீண்டும் கூட்டம் கூடி ஆலோசனை நடத்தி அவரது பெயரை மீண்டும் மத்திய அரசுக்கு பரிந்துரை செய்தது. ஆனால், மத்திய அரசு இதுகுறித்து இன்னும் எந்த முடிவும் எடுக்கவில்லை. தற்போது கொலீஜியத்தில் இருந்து செல்லமேஸ்வர் விலகுவதால் கே.எம்.ஜோசப் விவகாரத்தில் மீண்டும் ஆலோசனை நடத்தி முடிவு எடுக்கக்கூடும் என்று எதிர்பார்க்கப்படுகிறது.    

உச்சநீதிமன்றம் கோடை விடுமுறையில் இருப்பதால் முன்கூட்டியே மே 10-ஆம் தேதி அவருக்கு பிரிவு உபசரிப்பு விழா ஏற்பாடு செய்யப்பட்டிருந்தது. ஆனால், அதில் பங்கேற்க முடியாது என்று செல்லமேஸ்வர் தெரிவித்துவிட்டார்.

]]>
உச்சநீதிமன்றம், Supreme Court Judge, justice chelameswar, Chelameswar, deepak misra, செல்லமேஸ்வர், நீதிபதி செல்லமேஸ்வர், தீபக் மிஸ்ரா http://images.dinamani.com/uploads/user/imagelibrary/2018/6/22/w600X390/PTIAPR284_19-06-2018_10_32_6.jpg http://www.dinamani.com/india/2018/jun/22/justice-chelameswar-to-retire-today-2945025.html
2945020 இந்தியா பழைய ரூபாய் நோட்டுகளை மாற்றியதில் முதல் பரிசு பெற்ற அமித் ஷா: ராகுல் வாழ்த்து DIN DIN Friday, June 22, 2018 03:51 PM +0530
பணமதிப்பிழப்பு நடவடிக்கையின் போது இந்தியாவிலேயே அதிக நோட்டுகளை மாற்றியது அமித் ஷா இயக்குநராக இருக்கும் கூட்டுறவு வங்கி என்ற தகவல் வெளியாகி பெரும் அதிர்ச்சியை ஏற்படுத்தியது.

இது குறித்து காங்கிரஸ் கட்சித் தலைவர் ராகுல் தனது டிவிட்டர் பக்கத்தில் கூறியிருப்பதாவது, வாழ்த்துகள் அமித் ஷா ஜி, நீங்கள் இயக்குநராக இருக்கும் அகமதாபாத் மாவட்ட கூட்டுறவு வங்கிதான், பணமதிப்பிழப்பு நடவடிக்கையின் போது அதிக அளவு பணத்தை அதாவது ரூ.750 கோடி மதிப்புள்ள பழைய ரூபாய் நோட்டுகளை 5 நாட்களில் புதிய ரூபாய் நோட்டுகளாக மாற்றி முதல் பரிசு பெற்றுள்ளது.

பணமதிப்பிழப்பு நடவடிக்கையால் லட்சக்கணக்கான மக்களின் வாழ்க்கை சிதறி சின்னாபின்னமான நிலையில், இந்த மிகப்பெரிய சாதனையை புரிந்த உங்களுக்கு எனது சல்யூட் என்று பதிவிட்டுள்ளார்.

உயர் மதிப்புடைய ரூபாய் நோட்டுகள் செல்லாது என்று அறிவிக்கப்பட்டபோது, பாஜக தேசியத் தலைவர் அமித் ஷா இயக்குநராக பதவி வகித்துவரும் ஆமாதாபாத் மாவட்ட கூட்டுறவு வங்கியில் கோடிக்கணக்கான ரூபாய் நோட்டுகள் டெபாசிட் செய்யப்பட்டுள்ளது தகவல் அறியும் சட்டத்தின் மூலம் தெரியவந்துள்ளது.

கடந்த 2016-ஆம் ஆண்டு நவம்பர் 8-ஆம் தேதி இரவு ரூ.500, ரூ.1000 நோட்டுகள் செல்லாது என்று பிரதமர் நரேந்திர மோடி அறிவித்தார். தங்களிடம் உள்ள அத்தகைய ரூபாய் நோட்டுகளை வங்கிகளில் டெபாசிட் செய்ய வேண்டும் என்று மத்திய அரசு அறிவுறுத்தியது.

அதைத் தொடர்ந்து, பல்வேறு வங்கிகளில் ரூபாய் நோட்டுகளை டெபாசிட் செய்ய கூட்டம் அலை மோதியது.

அப்போது, தேசிய மயமாக்கப்பட்ட வங்கிகள், தனியார் வங்கிகள் அல்லாமல் மாவட்ட கூட்டுறவு வங்கிகளும் பழைய ரூ.500, ரூ.1000 நோட்டுகளை பெற்று வந்தன.

ஆனால், கூட்டுறவு வங்கிகளில் பல முறைகேடுகள் நடப்பதாகப் புகார் எழுந்ததை அடுத்து, அந்த ஆண்டு நவம்பர் 14-ஆம் தேதி முதல் அத்தகைய வங்கிகளில் உயர் மதிப்புடைய ரூபாய் நோட்டுகளை டெபாசிட் செய்வதற்கு மத்திய அரசு தடை விதித்தது.

எனினும், நவம்பர் 9-ஆம் தேதி முதல் 14-ஆம் தேதி வரை ஆமதாபாத் மாவட்ட கூட்டுறவு வங்கியில் மொத்தம் ரூ.754.59 கோடி டெபாசிட் செய்யப்பட்டுள்ளது தற்போது தெரியவந்துள்ளது. இது இதர மாவட்ட கூட்டுறவு வங்கிகளில் செலுத்தப்பட்ட தொகையைக் காட்டிலும் மிகவும் அதிகமாகும்.

மனோரஞ்சன் எஸ். ராய் என்பவர், தகவல் அறியும் சட்டத்தின் கீழ் தகவலை அளிக்கக் கோரி விண்ணப்பித்திருந்தார்.

அவரது கேள்விக்கு, வேளாண்மை மற்றும் ஊரக வளர்ச்சிக்கான தேசிய வங்கியின் தலைமை பொது மேலாளரும், மேல்முறையீட்டு அதிகாரியுமான எஸ்.சரவணவேல் பதிலளித்தார். அந்த பதிலில் இந்தத் தகவல்கள் தெரியவந்துள்ளது.

அந்த வங்கியின் தலைவராக கடந்த 2000-ஆம் ஆண்டு அமித் ஷா பதவி வகித்தார். அதையடுத்து, அந்த வங்கியின் இயக்குநராக பல ஆண்டுகளாக அவர் இருந்து வருகிறார்.

கூட்டுறவு வங்கியில் டெபாசிட் செய்யப்பட்ட பழைய ரூபாய் நோட்டுகள் பற்றிய ஆர்டிஐ தகவலால் அரசியல் வட்டாரத்தில் பரபரப்பு ஏற்பட்டுள்ளது.

]]>
http://images.dinamani.com/uploads/user/imagelibrary/2018/6/22/w600X390/amith_cong.jpg http://www.dinamani.com/india/2018/jun/22/பழைய-ரூபாய்-நோட்டுகளை-மாற்றியதில்-முதல்-பரிசு-பெற்ற-அமித்-ஷா-ராகுல்-வாழ்த்து-2945020.html
2945014 இந்தியா ஜார்க்கண்ட்டில் துப்பாக்கி முனையில் ஐந்து தொண்டு நிறுவன பெண்கள் பாலியல் பலாத்காரம்  DIN DIN Friday, June 22, 2018 03:30 PM +0530  

ராஞ்சி: ஜார்க்கண்ட் மாநிலத்தில் தொண்டு நிறுவனம் ஒன்றினைச் சேர்ந்த 5 பெண்கள் துப்பாக்கி முனையில் பாலியல் பலாத்காரம் செய்யப்பட்டுள்ள சம்பவம் அதிர்ச்சியினை ஏற்படுத்தியுள்ளது.

ஜார்க்கண்ட் மாநிலத்தின் பல்வேறு பகுதிகளில் அரசு சாரா தொண்டு நிறுவனங்கள் செயல்பட்டு வருகின்றன.   அவற்றில் ஒரு நிறுவனமானது மனித கடத்தல்  மற்றும் பழங்குடியினர் இடம் பெயர்தல் குறித்த பிரசாரங்களை மேற்கொண்டு வருகிறது.

அதன்படி குந்தி மாவட்டம் அர்கி நகரில் செவ்வாய்க்கிழமை மாலை இவர்களது பிரசாரம் நடைபெற்றுள்ளது. அப்போது அங்கு வந்த ஆறு பேர் அடங்கிய கும்பல் ஒன்று துப்பாக்கியை காட்டி, அந்நிறுவனத்தைச் சேர்ந்த ஐந்து பெண்களை மிரட்டி கடத்திச் சென்று உள்ளனர். அத்துடன் அவர்களது ஆண் ஊழியர்களையும் அவர்கள் கடத்திச் சென்றனர் 

அவர்களை பத்தால்கடிக்கு அருகில் உள்ள ஒரு கிராமத்திற்கு கொண்டு சென்றனர். அங்கு ஆண் ஊழியர்களை கடுமையாகத் தாக்கி, அவர்களது சிறுநீரை அவர்களே அருந்தும்படிச் செய்தனர். பின்னர் அவர்களை காருக்குள் அடைத்து போட்டு விட்டு, 5 பெண்களை துப்பாக்கி முனையில் பாலியல் பலாத்காரம் செய்துள்ளனர். அத்துடன் அரசின் திட்டங்கள் குறித்து பிரசாரம் செய்வதற்கு கிராமத்திற்குள் வரக்கூடாது என்றும் அவர்கள் எச்சரித்துள்ளனர்     

பின்னர் அவர்களிடம் இருந்து விடுவிக்கப்பட்ட பெண்கள் அளித்த புகாரின் பேரில், சந்தேகத்திற்கு இடமான 9 பேரை பிடித்து போலீசார் விசாரணை நடத்தி வருகிறார்கள். அந்த பெண்களுக்கு நடத்தப்பட்ட மருத்துவப்  பரிசோதனையில்   பாலியல் பலாத்காரம் நடந்தது உறுதி செய்யப்பட்டு உள்ளது.

]]>
jharkant, rape, NGO, staffers, complaint, arrest, warning, ஜார்க்கண்ட், தொண்டு நிறுவனம், பாலியல் பலாத்காரம், பெண்கள் http://images.dinamani.com/uploads/user/imagelibrary/2017/6/7/w600X390/auto_rape.jpg http://www.dinamani.com/india/2018/jun/22/ஜார்க்கண்ட்டில்-துப்பாக்கி-முனையில்-ஐந்து-தொண்டு-நிறுவன-பெண்கள்-பாலியல்-பலாத்காரம்-2945014.html
2944997 இந்தியா இந்திய பொருளாதாரத்தின் நேர்மறையான மாற்றம்: ஜிஎஸ்டி குறித்து மோடி DIN DIN Friday, June 22, 2018 03:04 PM +0530  

தில்லியில் வர்த்தகத் துறைக்கு என வானிஜ்யா பவன் எனும் புதிய அலுவலகம் இந்தியா கேட் அருகில் அமைக்கப்படவுள்ளது. இது 4.33 ஏக்கர் நிலத்தில் ரூபாய் 226 கோடி ரூபாய் செலவில் 1000 அதிகாரிகள் வரை இடம்பெறும் வகையில் கட்டப்படவுள்ளது. இந்த அலுவலகத்தில் தாள்களே பயன்படுத்தாது முழுவதும் தொழில்நுட்பம் முறையில் செயல்படும் வகையில் அமைக்கப்படவுள்ளது.  

இதற்காக நிறைய மரங்களை அழிக்காமல் இருப்பதற்காக இந்த கட்டிடத்தின் கட்டமைப்பு பசுமை தரத்தில் உள்ளது. அரசு பணிகளிலும் இதுபோன்ற தொழில்நுட்பங்களை பயன்படுத்தலாம் என்பதை உணர்த்தும் வகையிலும் இந்தியாவின் பொருளாதாரம் வளர்ச்சி அடைகிறது என்பதை குறிக்கும் வகையிலும் அமைக்க திட்டமடப்பட்டுள்ளது.  

இதற்கான அடிக்கல் நாட்டு விழாவில் பங்கேற்ற மோடி பேசியதாவது, 

"வானிஜ்யா பவன் அலுவலகத்தை கட்டும் பணி டிசம்பர் 2019-க்குள் நிறைவடையும் என்று நம்புகிறேன். தொழில்நுட்பங்கள் வர்த்தகத்தை எளிதில் செய்வதற்கு வழிவகுத்துவிட்டது. வரும் ஆண்டுகளில் இது மேலும் வளர்ச்சி அடையும். பொருளாதாரம் மற்றும் நிதி செயல்பாடுகளில் ஜிஎஸ்டி நேர்மறையான மாற்றத்தை கொண்டுவந்துள்ளது" என்றார்.

]]>
Modi, Prime Minister, GST, Indian Economy, மோடி, பிரதமர், ஜிஎஸ்டி, இந்திய பொருளாதாரம், http://images.dinamani.com/uploads/user/imagelibrary/2018/6/22/w600X390/PM_Modi22.jpg http://www.dinamani.com/india/2018/jun/22/gst-brought-positive-changes-in-indian-economy-pm-modi-2944997.html
2944987 இந்தியா 85 வயதில் 30 ஆசனம்; தேவெ கௌடாவின் யோகாப் பயிற்சி மட்டும் அதிகக் கவனம் பெற்றது ஏன்? ENS ENS Friday, June 22, 2018 02:54 PM +0530  

4வது சர்வதேச யோகா தினம் நேற்று நாடு முழுவதும் கடைபிடிக்கப்பட்டது. பூமியில் இருந்து சுமார் 18 ஆயிரம் அடி உயரத்தில் உள்ள லடாக் முதல் கன்னியாகுமரி வரை பல பகுதிகளில் யோகா பயிற்சிகள் மேற்கொள்ளப்பட்டன.

லடாக்கில் வீரர்கள் சூரிய நமஸ்காரம் செய்தது, டேராடூனில் பிரதமர் மோடி பங்கேற்ற யோகா நிகழ்ச்சி, பாபா ராம்தேவின் கின்னஸ் சாதனை நிகழ்ச்சி என ஏராளமான யோகா நிகழ்ச்சிகளின் புகைப்படங்கள் நேற்று சமூக தளங்களிலும், முக்கியச் செய்திகளிலும் வலம் வந்து கொண்டிருந்தது.

இதற்கிடையே, முன்னாள் பிரதமரும், மதசார்பற்ற ஜனதா தளத் தலைவருமான தேவெ கௌடா மேற்கொண்ட யோகா பயிற்சிகளும், புகைப்படங்களும் சமூக தளங்களில் அதிகம் பேரால் பார்க்கப்பட்டு விமரிசிக்கப்பட்டது.

நேற்று காலையிலேயே, தனது இல்லத்துக்கு பத்திரிகையாளர்களை வரவழைத்த தேவெ கௌடா, பிரதமர் மோடி தனது மகன் குமாரசாமிக்கு விடுத்த சவாலை தான் ஏற்றுக் கொண்டு அவருக்கு ஆசனங்கள் செய்து காட்டுவதாக அறிவித்தார்.

பத்திரிகையாளர்கள் முன்னிலையில் 85 வயதில் சுமார் 30 யோகாசனங்களை செய்து காட்டி இளைஞர்களைக் கூட வியப்பில் ஆழ்த்தினார் தேவெ கௌடா. தனக்கு ஏற்பட்ட முட்டி வலிக்கு நிவாரணம் தேடி யோகாவை நாடியதாகவும், அதன் பிறகு நல்ல மாற்றம் கிடைத்ததாகவும் கூறியிருக்கும் தேவெ கௌடா, தனது படுக்கையில் படுத்தபடி யோகாசனங்களை செய்ததோடு, சில போஸ்களையும் கொடுத்தார். இரண்டு கைகளையும் நீட்டிக் கொண்டு, கால்களை ஒரு பக்கமாக மடக்கியபடி அவர் கொடுத்த போஸ்கள் சிலருக்கு சிரிப்பை வரவழைத்தாலும், இந்த வயதில் யோகாசனம் செய்து காட்டி அசத்தும் முன்னாள் பிரதமருக்கு நிச்சயம் பலர் சபாஷ் சொல்லியிருப்பார்கள்.

தேவெ கௌடா குறித்து அவருக்கு யோகா பயிற்சி அளித்து வரும் 35 வயது இளைஞர் கார்த்திக் கூறுகையில், சுமார் 800 பேருக்கு யோகா கற்றுக் கொடுக்கிறேன். அதில் தேவெ கௌடா மட்டும் முக்கியமானவர். எப்போதுமே அவர் தான் ஒரு அரசியல் தலைவர் என்று காட்டிக் கொண்டதில்லை. மிகவும் எளிமையான மனிதர் என்று கூறினார்.

யோகா செய்யும் போது தேவெ கௌடா கொடுத்த போஸ்கள் வேண்டுமானால் சிரிப்பை வரவழைக்கலாம். ஆனால், இத்தனை ஆசனங்களை செய்து அசத்தும் தேவெ கௌடாவைப் பார்த்து இளைஞர்களே வெட்கப்பட வேண்டும் என்பதுதான் நிதர்சனம்.

]]>
http://images.dinamani.com/uploads/user/imagelibrary/2018/6/22/w600X390/yoga_deve.jpg http://www.dinamani.com/india/2018/jun/22/85-வயதில்-30-ஆசனம்-தேவெ-கௌடாவின்-யோகாப்-பயிற்சி-மட்டும்-அதிகக்-கவனம்-பெற்றது-ஏன்-2944987.html
2944977 இந்தியா லஞ்சப் புகார்: சோதனை செய்த அதிகாரிகளுக்கு ரூ.100 கோடி சொத்துடன் அதிர்ச்சி கொடுத்த ஆந்திர லைன்மேன் DIN DIN Friday, June 22, 2018 01:26 PM +0530  

நெல்லூர்: ஆந்திர மாநிலம் நெல்லூரில் மின்சார வாரியத்தில் லைன் இன்ஸ்பெக்டராக  பணியாற்றும் லஷ்மி ரெட்டி என்பவர் ரூ.100 கோடி அளவுக்கு சொத்து சேர்த்து வைத்திருப்பது கடும் அதிர்ச்சியை ஏற்படுத்தியுள்ளது.

லஞ்சம் வாங்குவதாக வந்த புகாரைத் தொடர்ந்து அவரது வீட்டில் சோதனை நடத்திய லஞ்ச ஒழிப்பு அதிகாரிகள், எஸ். லஷ்மி ரெட்டிக்கு ரூ.100 கோடி மதிப்பிலான சொத்துக்கள் இருப்பதை கண்டுபிடித்தனர்.

அவரது வீட்டில் நேற்று சோதனை செய்து ஏராளமான சொத்து ஆவணங்களைக் கைப்பற்றினர். அதில் 60 ஏக்கர் விவசாய நிலம், சொகுசு பங்களாக்கள், முதலீட்டு ஆவணங்களும் அடங்கும். வருமானத்துக்கு அதிகமாக சொத்து சேர்த்த வழக்கில் லஷ்மி ரெட்டி கைது செய்யப்பட்டுள்ளார். 

1993ம் ஆண்டு மின்சார வாரியத்தில் உதவியாளராக சேர்ந்த லஷ்மி ரெட்டிக்கு தற்போது 56 வயதாகிறது.  

ஆந்திராவில் லஞ்சம் மற்றும் ஊழலுக்கு நெல்லூர் மாவட்டம் முதன்மையானதாக விளங்குகிறது. ஏற்கனவே நெல்லூரில் போக்குவரத்து துறை ஆணையர் அலுவலகத்தில் பியூனாக இருந்த நரசிம்ம ரெட்டியிடம் இருந்து ரூ.100 கோடி சொத்துக்கள் பறிமுதல் செய்யப்பட்டது நினைவிருக்கலாம்.

]]>
http://images.dinamani.com/uploads/user/imagelibrary/2017/6/9/w600X390/land-registration.jpg http://www.dinamani.com/india/2018/jun/22/லஞ்சப்-புகார்-சோதனை-செய்த-அதிகாரிகளுக்கு-ரூ100-கோடி-சொத்துடன்-அதிர்ச்சி-கொடுத்த-ஆந்திர-லைன்மேன்-2944977.html
2944963 இந்தியா காவலர்களுக்கு இலவசமாக காய்கறி கொடுக்காத சிறுவனுக்கு 3 மாதம் சிறை DIN DIN Friday, June 22, 2018 12:22 PM +0530
பாட்னா: காவலர்களுக்கு இலவசமாக காய்கறி கொடுக்க மறுத்த 14 வயது சிறுவன் மீது, இரு சக்கர வாகனம் திருடியதாக பொய் வழக்குப் போட்டு சிறையில் தள்ளிய சம்பவம் பிகாரில் நடந்தேறியுள்ளது.

அந்த சிறுவன் கைது செய்யப்பட்டு பியூர் மத்திய சிறையில் அடைக்கப்பட்டு 3 மாதங்கள் ஆகின்றன. ஆனால், இந்த சம்பவம் தற்போதுதான் வெளிச்சத்துக்கு வந்துள்ளது. இது குறித்து விசாரணை நடத்தி இரண்டு நாட்களுக்குள் அறிக்கை அளிக்கும்படி பிகார் மாநில முதல்வர் நிதிஷ் குமார் உத்தரவிட்டுள்ளார்.

தனது மகனை சிறையில் இருந்து விடுவிக்க காவல்துறையினரின் உதவியை நாடி எந்த வழியும் கிடைக்காத அந்த அப்பாவி தந்தை, இறுதியாக பிகார் முதல்வருக்கு மனு கொடுத்த பிறகே இந்த அவலம் வெளிச்சத்துக்கு வந்துள்ளது.

இது குறித்து அவரது தந்தை கூறுகையில், நான் காய்கறி வியாபாரம் செய்து வருகிறேன். என் கடையில் அவ்வப்போது காவலர்கள் இலவசமாக காய்கறி வாங்கிச் செல்வார்கள். இது எனது மகனுக்குப் பிடிக்காது. ஒரு நாள் நான் கடையில் இல்லாதபோது மகன் காவலர்களுக்கு இலவசமாக காய்கறிகளைக் கொடுக்க மறுத்துவிட்டான்.

அதனால், அவனை பைக் திருடியதாக பொய் வழக்குப் போட்டு, சிறுவன் என்பதையும் மறைத்து சிறையில் அடைத்திருப்பதாகக் கூறியுள்ளார்.

சட்டத்தை துஷ்பிரயோகம் செய்தது நிரூபிக்கப்பட்டால் உரிய நடவடிக்கை எடுக்கப்படும் என்று காவல்துறை உயர் அதிகாரிகள் கூறியுள்ளனர்.

]]>
http://images.dinamani.com/uploads/user/imagelibrary/2018/4/17/w600X390/vegetable.jpg http://www.dinamani.com/india/2018/jun/22/14-year-old-bihar-boy-in-jail-for-three-months-for-refusing-to-give-cops-vegetable-for-free-2944963.html
2944701 இந்தியா பிளாஸ்டிக்கால் பாதிப்பு ஏற்படும் என்று தெரிந்தே பயன்படுத்தப்படுகிறது! ஆய்வில் தகவல் புதுதில்லி DIN Friday, June 22, 2018 07:49 AM +0530 பிளாஸ்டிக் பயன்பாட்டால் சுற்றுச்சூழலுக்கு பாதிப்பு ஏற்படும் என்று தெரிந்து கொண்டே பெரும்பாலான மக்கள் அதையே பயன்படுத்துகிறார்கள் என்று ஆய்வில் தெரிவந்துள்ளது. இதற்கு பிளாஸ்டிக் பொருள்களுக்கு மாற்றாக மலிவான பொருள்கள் இல்லாததே இதற்கு காரணம் என்றும் ஆய்வில் தெரியவந்துள்ளது.
தில்லி, மும்பை, சென்னை, பெங்களூரு, கொல்கத்தா, ஹைதராபாத், ஆமதாபாத், புணே ஆகிய நகரங்களில் பிளாஸ்டிக் பயன்பாட்டால் ஏற்படும் பாதிப்புகள் குறித்து மக்களிடையே தனியார் நிறுவனம் ஒன்று ஆய்வு நடத்தியது.
சுமார் 3600 பேரிடம் நடத்தப்பட்ட ஆய்வில், 90 சதவீதம் பேர் பிளாஸ்டிக் பயன்பாட்டால் பாதிப்பு ஏற்படும் என்று தெரிந்து கொண்டே அதைப் பயன்படுத்தி வருவதாகவும், 85 சதவீதம் பேர் பிளாஸ்டிக் பைகளுக்கு தடை உள்ளது என்பதை அறிந்து கொண்டே பயன்படுத்துவதாகவும் தெரிவித்துள்ளனர்.
நாட்டில் 25 மாநிலங்களில் பிளாஸ்டிக் பொருள்களுக்கு தடை உள்ள போதிலும், அந்த மாநில தலைநகரங்களில் தினந்தோறும் சுமார் 15 ஆயிரம் டன் பிளாஸ்டிக் வாங்கப்படுவதாகவும், சுற்றுச்சூழலுக்கு கடும் பாதிப்புகளை ஏற்படுத்தும் பிளாஸ்டிக் பொருள்களுக்கு மாற்றாக, மலிவான பொருள்கள் இல்லாததே இதற்கு காரணம் என்றும் ஆய்வில் தெரியவந்துள்ளது.
மேலும், 10இல் 7 பேர் பிளாஸ்டிக் பொருள்களுக்கு தடை என்றால் அது வெறும் பிளாஸ்டிக் பைகளுக்கு மட்டும்தான் என்றும் தெரிவித்துள்ளனர். கடைகளில் வாங்கும் பொருள்களை வீடுகளுக்கு கொண்டு செல்ல பைகள் தரவில்லை என்றால்  பெரும் சிரமமாக உள்ளது என்று ஆய்வில் பங்கேற்றவர்கள் தெரிவித்துள்ளனர். 
ஒரு முறை பயன்படுத்தப்படும் பிளாஸ்டிக் பொருள்களை 2022-ஆம் ஆண்டுக்குள் ஒழித்துவிடவும் கடலில் பிளாஸ்டிக் பொருள்கள் கலப்பதைத் தடுக்க நடவடிக்கை எடுக்கவும் இந்திய அரசு முடிவு செய்துள்ளது.

]]>
http://images.dinamani.com/uploads/user/imagelibrary/2017/3/23/w600X390/plastic2.jpg http://www.dinamani.com/india/2018/jun/22/பிளாஸ்டிக்கால்-பாதிப்பு-ஏற்படும்-என்று-தெரிந்தே-பயன்படுத்தப்படுகிறது-ஆய்வில்-தகவல்-2944701.html
2944394 இந்தியா வருமான வரி சோதனை அரசியல் பழிவாங்கும் நடவடிக்கை அல்ல DIN DIN Friday, June 22, 2018 04:39 AM +0530 வருமான வரி சோதனை அரசியல் பழிவாங்கும் நடவடிக்கை அல்ல என மத்திய புள்ளியியல் துறை அமைச்சர் சதானந்த கெளடா தெரிவித்தார்.
பெங்களூரு கனகபுரா சாலையில் வியாழக்கிழமை நடைபெற்ற 4-ஆவது சர்வதேச யோகா தின நிகழ்ச்சியில் கலந்து கொண்ட பிறகு செய்தியாளர்களிடம் அவர் கூறியது: அமைச்சர் டி.கே.சிவக்குமாருக்கு வருமான வரித் துறையினர் நீதிமன்றத்தில் ஆஜராகுமாறு சம்மன் அனுப்பியுள்ளனர். இதையடுத்து, பாஜகவில் ஊழல் செய்தவர்களின் டயரி என்னிடம் உள்ளது என்று அவர் கூறியுள்ளார். அவரிடம் ஊழல் செய்தவர்களின் பட்டியல் இருந்தால் அதனை வெளியிடட்டும். அதைவிடுத்து, ஊழல் செய்தவர்களின் பெயர்களை வெளியிடுவதாக மிரட்டுவது முறையல்ல. 
வருமான வரித் துறையினர் காங்கிரஸ் கட்சியினரை மட்டுமே குறிவைத்து சோதனை செய்து வருவதாகவும், இது பழிவாங்கும் நடவடிக்கை என்று விமர்சிப்பதில் உண்மையில்லை. வரி ஏய்ப்பு உள்ளிட்ட தவறுகளை யார் செய்தாலும், அவர்கள் தண்டிக்கப்படுவர். இதற்கு டி.கே.சிவக்குமார் மட்டும் விதிவிலக்கல்ல. தன் மீதான தவறை மறைக்க அவர் காரணம் கூறி வருகிறார் என்றார்.

]]>
http://images.dinamani.com/uploads/user/imagelibrary/2018/6/22/w600X390/sathanandagowda.jpg http://www.dinamani.com/india/2018/jun/22/வருமான-வரி-சோதனை-அரசியல்-பழிவாங்கும்-நடவடிக்கை-அல்ல-2944394.html
2944504 இந்தியா உலகை ஒருங்கிணைக்கும் யோகா: பிரதமர் மோடி பெருமிதம் DIN DIN Friday, June 22, 2018 04:25 AM +0530 வன்முறை போராட்டத்தால் பிரிந்து கிடக்கும் உலகத்தை ஒருங்கிணைக்கும் வலிமை மிக்க சக்தியாக யோகா திகழ்ந்து வருகிறது என்று பிரதமர் நரேந்திர மோடி பெருமையுடன் குறிப்பிட்டார். மேலும், பழைமைக்கு மட்டுமின்றி நவீனத்திற்கும் ஏற்றதாக யோகா இருப்பதாகவும் அவர் தெரிவித்தார்.
நான்காவது சர்வதேச யோகா தின நிகழ்வு உத்தரகண்ட் மாநிலம், டேராடூனில் வியாழக்கிழமை நடைபெற்றது. இந்நிகழ்ச்சியில் தலைமை விருந்தினராக பிரதமர் நரேந்திர மோடி பங்கேற்று ஆற்றிய உரை: 
உத்தரகண்ட் மாநிலம் கடவுளின் புனித தேசமாகப் போற்றப்படுகிறது. இங்கிருந்து உலகின் அனைத்துப் பகுதிகளிலும் உள்ள யோகா ஆர்வலர்களுக்கு சர்வதேச யோகா தின வாழ்த்துகளைத் தெரிவித்துக் கொள்கிறேன். உத்தரகண்ட் பகுதியானது, கங்கையும், சார் தாம்களும் அமைந்துள்ள இடம். ஆதிசங்கராச்சாரியார் வருகை தந்த இடம். சுவாமி விவேகானந்தர் பலமுறை வந்து சென்ற பகுதி. எனவே, யோகா தினத்தில் இங்கு கூடியிருக்கும் நாம் எல்லோருமே அதிர்ஷ்டம் குறைவானவர்கள் அல்லர்.
பன்னெடுங் காலமாகவே யோகாவுக்கான ஒரு முக்கிய மையமாக உத்தரகண்ட் இருந்து வருகிறது. இங்குள்ள மலைகளே யோகாவையும் ஆயுர்வேதத்தையும் ஊக்குவிப்பதாக உள்ளன. இந்தியாவின் பழைமையான யோகா முறையானது, வன்முறைப் போராட்டத்தால் பிரிந்து கிடக்கும் இந்த உலகத்தை ஒருங்கிணைக்கும் வலிமை மிக்க சக்தியாக உருவெடுத்துள்ளது. இந்த உலகத்திற்கு நோயிலிருந்து நலத்திற்கான பாதையை யோகா காட்டுகிறது. மேலும், உலகம் முழுவதும் வாழும் மனிதர்களின் வாழ்க்கையை வளப்படுத்தியும் வருகிறது.
அமைதியான உலகத்திற்கு நல்ல சுகாதாரமும் நலமும் தேவை என்கிற நிலையில், யோகா தினமானது ஒரு மிகப்பெரிய மக்கள் இயக்கமாக உலகம் முழுவதும் உருவெடுத்துள்ளது. டேராடூனில் இருந்து டப்ளின் வரை, ஷாங்காயில் இருந்து சிகாகோ வரை, ஜகார்தாவில் இருந்து ஜோகன்னஸ்பர்க் வரை, உயர்ந்த இமயமலை நிலப் பகுதிகள், பாலைவனங்கள் என எங்கும் பரவி உலகம் முழுவதும் உள்ள லட்சக்கணக்கான மக்களின் வாழ்க்கையை வளப்படுத்துகிறது. யோகா, சமூகங்களில் தோழமையை வளர்க்கிறது.
இத்தகைய சிறப்புமிக்க யோகாவை உலகம் முழுவதும் கொண்டாடும் வகையில் சர்வதேச யோகா தினத்திற்கான முன்மொழிவை ஐக்கிய நாடுகள் சபையில் அளித்த போது பெரும்பாலான நாடுகளின்ஆதரவுடன் ஏற்றுக் கொள்ளப்பட்டது. தற்போது உலகம் முழுவதும் உள்ள மக்கள் யோகாவை தங்களின் உடமை போல பார்க்கத் தொடங்கி விட்டனர். இத்தகைய சிறப்புமிக்க யோகாவை உலகின் பிற பகுதியினரும் மதிப்பளிக்க வேண்டும் என்று விரும்பினால், தங்களது சொந்த சகாப்தத்தை மதிப்பளிக்க நாம் கற்றுக் கொள்ள வேண்டும். நமக்குரிய பெருமை, சகாப்தம், பாரம்பரியம் ஆகியவற்றை நாம் பெருமை கொள்ளாவிட்டால் வேறு யார் பெருமைப்படுத்துவார்கள். நமக்குரிய பாரம்பரியத்தின் சிறப்புகளை பெருமைப்படுத்த நாம் தயங்கக் கூடாது. அமைதி, படைப்பு, திருப்திமிக்க வாழ்க்கை ஆகியவற்றுக்கு வழிகாட்டியாக யோகா திகழ்கிறது. தனிநபர்களாக இருந்தாலும் அல்லது சமூகமாக இருந்தாலும் அவரவர் எதிர்கொள்ளும் பிரச்சினைகளுக்கு யோகாவில் சரியான தீர்வுகள் இருக்கின்றன.
கங்கை நதி பாயும் இடத்தில் யோகா செய்வது பெரும் பாக்கியம். இன்று சூரியன் உதிக்கும் இடத்தில் எல்லாம் யோகா நடைபெறுகிறது. இதற்காக இந்தியா பெருமை கொள்கிறது. யோகாவானது பிரிப்பதற்கு பதிலாக இணைக்கிறது. வெறுப்பை ஏற்படுத்துவதற்குப் பதிலாக புரிந்து கொள்ளச் செய்கிறது. துன்பத்தை அதிகரிப்பதற்குப் பதிலாக குணப்படுத்துகிறது. உலகின் எதிர்கால நம்பிக்கைக்கான ஒளிக்கீற்றை வழங்குகிறது. யோகா அழகானது. ஏனெனில், அது பழைமைக்கும் புதுமைக்கும் ஏற்றதாக உள்ளது. அது தொடர்ந்து மாற்றமடைந்து கொண்டும் இருக்கிறது. யோகா மூலம் புதிய அனுபவம் கிடைக்கிறது. யோகா செய்வதால் உடல், மனம், ஆன்மாவை அமைதிப்படுத்தலாம். யோகாவால் மன அமைதி கிடைக்கும். எதிர்காலத்தை கட்டமைக்க முடியும். மனதையும், உடலையும், ஒன்றிணைக்கும் அருமருந்து யோகா என்றார் பிரதமர் நரேந்திர மோடி. 

 

]]>
http://images.dinamani.com/uploads/user/imagelibrary/2018/6/22/w600X390/modi.jpg உத்தரகண்ட் மாநிலம், டேராடூனில் வியாழக்கிழமை நடைபெற்ற சர்வதேச யோகா தின நிகழ்வில் மாணவர்களுடன் யோகாசனம் மேற்கொள்ளும் பிரதமர் மோடி. http://www.dinamani.com/india/2018/jun/22/உலகை-ஒருங்கிணைக்கும்-யோகா-பிரதமர்-மோடி-பெருமிதம்-2944504.html
2944503 இந்தியா அமித் ஷா இயக்குநராக உள்ள வங்கியில் பல கோடி ரூபாய் பழைய நோட்டுகள் டெபாசிட்: ஆர்டிஐ தகவலால் பரபரப்பு DIN DIN Friday, June 22, 2018 04:24 AM +0530 உயர் மதிப்புடைய ரூபாய் நோட்டுகள் செல்லாது என்று அறிவிக்கப்பட்டபோது, பாஜக தேசியத் தலைவர் அமித் ஷா இயக்குநராக பதவி வகித்துவரும் ஆமாதாபாத் மாவட்ட கூட்டுறவு வங்கியில் கோடிக்கணக்கான ரூபாய் நோட்டுகள் டெபாசிட் செய்யப்பட்டுள்ளது தகவல் அறியும் சட்டத்தின் மூலம் தெரியவந்துள்ளது.
கடந்த 2016-ஆம் ஆண்டு நவம்பர் 8-ஆம் தேதி இரவு ரூ.500, ரூ.1000 நோட்டுகள் செல்லாது என்று பிரதமர் நரேந்திர மோடி அறிவித்தார். தங்களிடம் உள்ள அத்தகைய ரூபாய் நோட்டுகளை வங்கிகளில் டெபாசிட் செய்ய வேண்டும் என்று மத்திய அரசு அறிவுறுத்தியது.
அதைத் தொடர்ந்து, பல்வேறு வங்கிகளில் ரூபாய் நோட்டுகளை டெபாசிட் செய்ய கூட்டம் அலை மோதியது.
அப்போது, தேசிய மயமாக்கப்பட்ட வங்கிகள், தனியார் வங்கிகள் அல்லாமல் மாவட்ட கூட்டுறவு வங்கிகளும் பழைய ரூ.500, ரூ.1000 நோட்டுகளை பெற்று வந்தன.
ஆனால், கூட்டுறவு வங்கிகளில் பல முறைகேடுகள் நடப்பதாகப் புகார் எழுந்ததை அடுத்து, அந்த ஆண்டு நவம்பர் 14-ஆம் தேதி முதல் அத்தகைய வங்கிகளில் உயர் மதிப்புடைய ரூபாய் நோட்டுகளை டெபாசிட் செய்வதற்கு மத்திய அரசு தடை விதித்தது.
எனினும், நவம்பர் 9-ஆம் தேதி முதல் 14-ஆம் தேதி வரை ஆமதாபாத் மாவட்ட கூட்டுறவு வங்கியில் மொத்தம் ரூ.754.59 கோடி டெபாசிட் செய்யப்பட்டுள்ளது தற்போது தெரியவந்துள்ளது. இது இதர மாவட்ட கூட்டுறவு வங்கிகளில் செலுத்தப்பட்ட தொகையைக் காட்டிலும் மிகவும் அதிகமாகும்.
மனோரஞ்சன் எஸ். ராய் என்பவர், தகவல் அறியும் சட்டத்தின் கீழ் தகவலை அளிக்கக் கோரி விண்ணப்பித்திருந்தார்.
அவரது கேள்விக்கு, வேளாண்மை மற்றும் ஊரக வளர்ச்சிக்கான தேசிய வங்கியின் தலைமை பொது மேலாளரும், மேல்முறையீட்டு அதிகாரியுமான எஸ்.சரவணவேல் பதிலளித்தார். அந்த பதிலில் இந்தத் தகவல்கள் தெரியவந்துள்ளது.
அந்த வங்கியின் தலைவராக கடந்த 2000-ஆம் ஆண்டு அமித் ஷா பதவி வகித்தார். அதையடுத்து, அந்த வங்கியின் இயக்குநராக பல ஆண்டுகளாக அவர் இருந்து வருகிறார்.
அந்த பதிலில் மேலும் கூறப்பட்டுள்ளதாவது:
கடந்த 2017-ஆம் ஆண்டு மார்ச் 31-ஆம் தேதி நிலவரப்படி, ஆமதாபாத் மாவட்ட கூட்டுறவு வங்கியின் மொத்தம் இருப்புத் தொகை ரூ.5,050 கோடி. 2016-17-ஆம் நிதியாண்டில் அந்த வங்கியின் நிகர லாபம் ரூ.14.31 கோடி.
ரூபாய் நோட்டுகள் செல்லாது என்ற அறிவிக்கப்பட்ட அடுத்த சில தினங்களில், ராஜ்கோட் மாவட்ட கூட்டுறவு வங்கியில் மொத்தம் 693.19 கோடி செலுத்தப்பட்டுள்ளது.
ரூபாய் நோட்டு வாபஸ் பெறப்பட்ட காலத்தில், குஜராத் மாநில கூட்டுறவு வங்கியில் மொத்தம் ரூ.1.11 கோடி செலுத்தப்பட்டது என்று அந்த பதிலில் கூறப்பட்டுள்ளது.
ராஜ்கோட் வங்கியின் தலைவராக இருக்கும் ஜெயேஷ்பாய் விட்டல்பாய் ராடாடியா குஜராத் அரசில் கேபினட் அமைச்சராகவும் இருந்து வருகிறார் என்பது குறிப்பிடத்தக்கது.
ராஜ்கோட், பாஜகவின் அரசியல் மையமாக குஜராத்தில் கருதப்பட்டு வருகிறது. இந்த மாவட்டத்திலிருந்துதான் பிரதமர் மோடி கடந்த 2001-ஆம் ஆண்டு முதல் முறையாக சட்டப்பேரவை உறுப்பினராகத் தேர்வு செய்யப்பட்டார்.
ஆர்டிஐ தகவலால் அரசியல் வட்டாரத்தில் பரபரப்பு ஏற்பட்டுள்ளது.
 

]]>
http://images.dinamani.com/uploads/user/imagelibrary/2018/6/22/w600X390/AmitShah.jpg http://www.dinamani.com/india/2018/jun/22/அமித்-ஷா-இயக்குநராக-உள்ள-வங்கியில்-பல-கோடி-ரூபாய்-பழைய-நோட்டுகள்-டெபாசிட்-ஆர்டிஐ-தகவலால்-பரபரப்பு-2944503.html
2944502 இந்தியா ஜம்மு-காஷ்மீரில் இன்று அனைத்துக் கட்சி கூட்டம் DIN DIN Friday, June 22, 2018 04:24 AM +0530 ஜம்மு-காஷ்மீர் மாநிலத்தில் ஆளுநர் என்.என்.வோரா தலைமையில் அனைத்துக் கட்சிக் கூட்டம் வெள்ளிக்கிழமை (ஜூன் 22) நடைபெறவுள்ளது.
அந்த மாநிலத்தில் ஆளுநர் ஆட்சி அமலுக்கு வந்துள்ள நிலையில், ஆளுநர் வோரா இக்கூட்டத்துக்கு அழைப்பு விடுத்துள்ளதாக அதிகாரிகள் கூறினர். தேசியக் கட்சிகளின் மாநிலத் தலைவர்கள் உள்பட, அனைத்து கட்சிகளின் தலைவர்களும் இக்கூட்டத்தில் பங்கேற்க ஆளுநர் அழைப்பு விடுத்துள்ளார். இந்தக் கூட்டம் வெள்ளிக்கிழமை மாலை நடைபெறும் என்று தெரிவிக்கப்பட்டுள்ளது.
ஜம்மு-காஷ்மீரில் மக்கள் ஜனநாயகக் கட்சி தலைமையிலான அரசுக்கு அளித்து வந்த ஆதரவை பாஜக விலக்கிக் கொண்டதை அடுத்து, அந்த மாநிலத்தில் ஆட்சி கவிழ்ந்தது. இதையடுத்து அங்கு ஆளுநர் ஆட்சி அமல்படுத்தப்பட்டது. மேலும், அந்த மாநில சட்டப்பேரவையும் முடக்கப்பட்டது.

]]>
http://www.dinamani.com/india/2018/jun/22/ஜம்மு-காஷ்மீரில்-இன்று-அனைத்துக்-கட்சி-கூட்டம்-2944502.html
2944465 இந்தியா மத்தியப் பிரதேசம்: ஜீப் மீது டிராக்டர் மோதிய விபத்தில் 15 பேர் சாவு DIN DIN Friday, June 22, 2018 03:43 AM +0530 மத்தியப் பிரதேச மாநிலத்தில் ஜீப் மீது டிராக்டர் வாகனம் மோதிய விபத்தில் 15 பேர் உயிரிழந்தனர்.
குவாலியர் மாவட்டத்தைச் சேர்ந்த 20 பேர், குர்கான் கிராமத்தில் நடைபெற்ற துக்க நிகழ்ச்சியில் கலந்து கொள்வதற்காக ஜீப்பில் வியாழக்கிழமை காலை சென்றனர். கஞ்ச்ராம்பூர் கிராமம் அருகே ஜீப் வந்தபோது, அதன்மீது அவ்வழியே வந்த டிராக்டர் வாகனம் மோதியது.
இதில் ஜீப் உருக்குலைந்தது. இந்த விபத்தில் ஜீப்பில் இருந்த 12 பேர் சம்பவ இடத்திலேயே உயிரிழந்தனர். மேலும் 3 பேர், மருத்துவமனையில் சேர்க்கப்பட்ட நிலையில், சிகிச்சை பலனின்றி பலியாகினர். இதுதவிர, மேலும் 5 பேர் பலத்த காயமடைந்து, மருத்துவமனையில் சிகிச்சை பெற்று வருகின்றனர்.
விபத்தைத் தொடர்ந்து டிராக்டரை ஓட்டி வந்த டிரைவர், அங்கிருந்து தப்பியோடி விட்டார். டிராக்டரில் அனுமதியில்லாமல் அவர் மணல் கடத்தி வந்தது விசாரணையில் தெரிய வந்துள்ளது. அவருக்கு எதிராக போலீஸார் வழக்குப்பதிவு செய்து விசாரணை நடத்தி வருகின்றனர்.


 

]]>
http://images.dinamani.com/uploads/user/imagelibrary/2018/6/22/w600X390/tractor.jpg மத்தியப் பிரதேச மாநிலம், மோரெனா மாவட்டத்தில் வியாழக்கிழமை விபத்துக்குள்ளான டிராக்டர், ஜீப்பை அகற்றும் பணியில் ஈடுபட்டுள்ள அதிகாரிகள். http://www.dinamani.com/india/2018/jun/22/மத்தியப்-பிரதேசம்-ஜீப்-மீது-டிராக்டர்-மோதிய-விபத்தில்-15-பேர்-சாவு-2944465.html
2944464 இந்தியா இயற்கை சிகிச்சைக்காக பெங்களூரு வந்தார் கேஜரிவால் DIN DIN Friday, June 22, 2018 03:43 AM +0530 தில்லி துணை ஆளுநரின் முடிவுக்கு எதிராக உண்ணாவிரதம் மேற்கொண்டதால் உடல்நிலை பாதிக்கப்பட்ட அந்த மாநில முதல்வர் அரவிந்த் கேஜரிவால், இயற்கை மருத்துவச் சிகிச்சை பெறுவதற்காக வியாழக்கிழமை பெங்களூரு ஜிந்தால் மருத்துவமனைக்கு வந்தார்.
ஐஏஎஸ் அதிகாரிகளின் வேலைநிறுத்தப் போராட்டத்தை முடிவுக்குக் கொண்டு வரும்படி, தில்லி மாநில துணை ஆளுநர் அனில் பைஜாலுக்கு வேண்டுகோள் விடுத்தும், எந்த பயனும் ஏற்படாததைத் தொடர்ந்து, அந்த மாநில முதல்வர் அரவிந்த் கேஜரிவால், துணைநிலை ஆளுநர் மாளிகையில் உண்ணாவிரதம் மேற்கொண்டார்.
9 நாள்களாக நீடித்ததைத் தொடர்ந்து, அவரது உடல்நிலை மோசமடைந்துள்ளது. அரவிந்த் கேஜரிவாலின் சர்க்கரையின் அளவு மட்டுமல்லாது, ரத்த அழுத்தமும் அதிகரித்துள்ளது. இதனால் அவரது உடல்நிலை மோசமடைந்துள்ளது. இதை சீர்செய்வதற்காக, தில்லியில் இருந்து பெங்களூருக்கு வியாழக்கிழமை வந்துள்ள அரவிந்த் கேஜரிவால், ஜிந்தால் இயற்கை மருத்துவமனையில் இயற்கை மருத்துவச் சிகிச்சைக்காக சேர்ந்துள்ளார்.
இங்கு 10 நாள்கள் தங்கவிருக்கும் அரவிந்த் கேஜரிவாலுக்கு யோகா, இயற்கை மருத்துவ முறை, மண் குளியல், தியானம் போன்ற பல்வேறு சிகிச்சைகள் அளிக்கப்படவிருக்கின்றன.
பெங்களூரில் சிகிச்சை பெறும் தில்லி முதல்வர் அரவிந்த் கேஜரிவாலை, கர்நாடக முதல்வர் குமாரசாமி சந்தித்து நலம் விசாரிக்கும் வாய்ப்பிருப்பதாக முதல்வர் அலுவலகம் தெரிவித்துள்ளது.
 

]]>
http://images.dinamani.com/uploads/user/imagelibrary/2017/4/30/w600X390/kejriwal.jpg http://www.dinamani.com/india/2018/jun/22/இயற்கை-சிகிச்சைக்காக-பெங்களூரு-வந்தார்-கேஜரிவால்-2944464.html
2944463 இந்தியா சொத்து குவிப்பு வழக்கு: ஜார்க்கண்ட் முன்னாள் அமைச்சருக்கு 5 ஆண்டு சிறை தண்டனை DIN DIN Friday, June 22, 2018 03:42 AM +0530 வருமானத்துக்கு அதிகமாக சொத்து குவித்த வழக்கில் ஜார்க்கண்ட் மாநில முன்னாள் அமைச்சர் துலால் புயானுக்கு 5 ஆண்டுகள் சிறைத் தண்டனை விதித்து ராஞ்சியில் உள்ள சிபிஐ சிறப்பு நீதிமன்றம் தீர்ப்பளித்துள்ளது.
இதுதொடர்பாக ராஞ்சியில் உள்ள சிபிஐ சிறப்பு நீதிமன்றத்தில் நடைபெற்ற வழக்கு விசாரணை முடிவடைந்ததையடுத்து, அந்த நீதிமன்ற நீதிபதி அனில் குமார் மிஸ்ரா வியாழக்கிழமை தீர்ப்பை வெளியிட்டார்.
அப்போது அவர் கூறுகையில், புயானுக்கு 5 ஆண்டுகள் சிறைத் தண்டனையும், ரூ.10 லட்சம் அபராதமும் விதிக்கப்படுகிறது. அபராதத் தொகையை புயான் கட்டத் தவறும்பட்சத்தில், மேலும் ஒரு ஆண்டு சிறைத் தண்டனையை அவர் அனுபவிக்க வேண்டும்' என்று உத்தரவிட்டார்.
சிபிஐ வட்டாரங்கள் தரப்பில், ஜார்க்கண்ட் உயர் நீதிமன்றத்தால் கடந்த 2013ஆம் ஆண்டு புயானுக்கு எதிராக சிபிஐ அமைப்பின் விசாரணைக்கு உத்தரவிடப்பட்டது. இதையடுத்து அவருக்கு எதிராக வழக்குப்பதிவு செய்யப்பட்டது. விசாரணையில் புயான், வருமானத்துக்கு அதிகமாக ரூ.1.03 கோடி மதிப்புக்கு சொத்துகளை குவித்திருப்பது கண்டுபிடிக்கப்பட்டது. இதைத் தொடர்ந்து, புயானுக்கு எதிராக நீதிமன்றத்தில் 2014ஆம் ஆண்டு குற்றப்பத்திரிகை தாக்கல் செய்யப்பட்டது. வழக்கு விசாரணையின்போது, புயானுக்கு எதிராக 21 சாட்சியங்களை நீதிமன்றத்தில் சிபிஐ ஆஜர்படுத்தியது' என்றன.
ஜார்க்கண்ட் மாநிலத்தில் ஜார்க்கண்ட் முக்தி மோர்ச்சா தலைவர் சிபுசோரன் தலைமையிலான அரசிலும், மதுகோடா தலைமையிலான அரசிலும் அமைச்சராக இருந்தவர் துலால் புயான். ஜுக்சலாய் சட்டப் பேரவை தொகுதி எம்எல்ஏவாக 3 முறை அவர் தேர்வு செய்யப்பட்டுள்ளார். கடந்த 2014ஆம் ஆண்டு சட்டப் பேரவைத் தேர்தலுக்கு முன்பு ஜார்க்கண்ட் முக்தி மோர்ச்சா கட்சியிலிருந்து விலகி, ஜார்க்கண்ட் விகாஷ் மோர்ச்சா கட்சியில் அவர் இணைந்தார். அதன்பின்னர் அக்கட்சியிலிருந்து விலகி பாஜகவில் சேர்ந்தார். அதையடுத்து, பாஜகவில் இருந்து விலகி காங்கிரஸில் இணைந்தார்.

]]>
http://images.dinamani.com/uploads/user/imagelibrary/2018/6/22/w600X390/tulal.jpg http://www.dinamani.com/india/2018/jun/22/சொத்து-குவிப்பு-வழக்கு-ஜார்க்கண்ட்-முன்னாள்-அமைச்சருக்கு-5-ஆண்டு-சிறை-தண்டனை-2944463.html
2944462 இந்தியா ஆம்புலன்ஸ் சேவைக்கு நிதியுதவி: பிரதமர் மோடிக்கு இலங்கை நன்றி DIN DIN Friday, June 22, 2018 03:41 AM +0530 இலங்கையில் இலவச ஆம்புலன்ஸ் சேவைக்காக ரூ.155 கோடி நிதியுதவி வழங்கியதற்காக பிரதமர் நரேந்திர மோடிக்கு அந்த நாடு நன்றி தெரிவித்துள்ளது.
அந்த இலவச ஆம்புலன்ஸ் சேவைக்காக இந்தியா முதல் கட்டமாக கடந்த 2016-ஆம் ஆண்டில் ரூ.51 கோடி வழங்கிய நிலையில், இந்த ஆண்டு ரூ.103 கோடி வழங்கியுள்ளது.
இதுதொடர்பாக இலங்கையின் தேசியக் கொள்கை மற்றும் பொருளாதார விவகாரங்களுக்கான இணையமைச்சர் ஹர்ஷா டி சில்வா அந்நாட்டு நாடாளுமன்றத்தில் வியாழக்கிழமை கூறியதாவது:
கடந்த 2015 மார்ச் மாதம் இலங்கை வந்திருந்த இந்தியப் பிரதமர் நரேந்திர மோடி, இலங்கைக்கு உதவ விரும்புவதாகக் கூறினார். இதையடுத்து, இலங்கையில் இலவச ஆம்புலன்ஸ் சேவை வழங்கும் திட்டத்துக்கு நிதியுதவி தேவைப்படுவது குறித்து அவரிடம் தெரிவிக்கப்பட்டது. அதற்கு பிரதமர் மோடி ஒப்புக் கொண்ட நிலையில், முதல் தவணையாக ரூ.51 கோடி வழங்கப்பட்டது. அதனை திருப்பிச் செலுத்த வேண்டியதில்லை.
2-ஆவது தவணையில் ரூ.103 கோடி வழங்கப்பட்டது. இதனால் இலங்கையில் இலவச ஆம்புலன்ஸ் சேவை சாத்தியமானது. இந்தியா, இலங்கைக்கு வழங்கிய அதிகபட்ச நிதியுதவிகளில் இதுவும் ஒன்றாகும். இந்த அருமையான பரிசுக்காக இந்தியப் பிரதமர் நரேந்திர மோடிக்கும், அந்நாட்டு மக்களுக்கும் நன்றி தெரிவித்துக் கொள்கிறேன் என்று ஹர்ஷா டி சில்வா கூறினார்.
இலங்கையில் தற்போது அந்நாட்டு இலவச ஆம்புலன்ஸ் சேவையோடு, இந்திய உதவியுடனான இலவச ஆம்புலன்ஸ் சேவையும் செயல்பட்டு வருகிறது.

]]>
http://www.dinamani.com/india/2018/jun/22/ஆம்புலன்ஸ்-சேவைக்கு-நிதியுதவி-பிரதமர்-மோடிக்கு-இலங்கை-நன்றி-2944462.html
2944461 இந்தியா பணி நிறைவு பெற்றார் கர்நாடக மேலவைத் தலைவர் டி.எச்.சங்கரமூர்த்தி DIN DIN Friday, June 22, 2018 03:41 AM +0530 கடந்த 9 ஆண்டுகளாக மேலவைத் தலைவராகப் பணியாற்றி வந்த பாஜகவைச் சேர்ந்த டி.எச்.சங்கரமூர்த்தி, வியாழக்கிழமையுடன் பணி நிறைவு பெற்றார்.
கர்நாடக சட்ட மேலவையின் தலைவராக 2010, ஜூலை 5-ஆம் தேதி தேர்ந்தெடுக்கப்பட்ட டி.எச்.சங்கரமூர்த்தி(78) வியாழக்கிழமையுடன் பணி நிறைவு பெற்றார். சிவமொக்காவில் 1940-ஆம் ஆண்டு ஏப்.30-ஆம் தேதி நடுத்தர பிராமணர் குடும்பத்தில் பிறந்த டி.எச்.சங்கரமூர்த்தி, பெங்களூரு பல்கலைக்கழகத்தில் அறிவியல் பட்டம் பெற்றிருந்தார். 
மனைவி சத்தியவதி, மகன்கள் கிரண், அருண் உள்ளனர். 1966-இல் ஆர்எஸ்எஸ் அமைப்பில் இணைந்து பணியாற்ற தொடங்கிய சங்கரமூர்த்தி, பின்னர் பாரதிய ஜன சங்கத்தின் சிவமொக்கா மாவட்டச் செயலாளராகவும், மாநிலச் செயலாளராகவும் பணியாற்றினார். 
வங்கதேச சத்தியாகிரகத்தில் பங்கேற்று தில்லி திகாரில் சிறைவாசம் அனுபவித்தார். அவசரநிலை பிரகடனம் செய்யப்பட்ட காலத்தில் கைதுசெய்யப்பட்டு பெலகாவியில் 19 மாதங்கள் சிறையிலிருந்தார். 1978-ஆம் ஆண்டு நடைபெற்ற சட்டப்பேரவைத் தேர்தலில் முதல்முறையாக போட்டியிட்டு தோல்வியுற்றார். 
1980-இல் பாஜக மாநில பொதுச் செயலாளராகப் பதவிவகித்த பிறகு, 1984-இல் கர்நாடக பால கூட்டமைப்பின் தலைவராகவும் செயலாற்றினார். 1988-இல் நடந்த சட்ட மேலவை தேர்தலில் முதல்முறையாக தென்மேற்கு பட்டதாரிகள் தொகுதியில் போட்டியிட்டு வென்றார். 
அதுமுதல், 1994, 2000, 2006, 2012-ஆம் ஆண்டுகளில் நடந்த தேர்தலில் அதே தொகுதியில் தொடர்ந்து வெற்றி பெற்றிருந்தார். ஜூன் 21-ஆம் தேதியுடன்(வியாழக்கிழமை) சட்ட மேலவை உறுப்பினர் பதவி காலாவதியானதைத் தொடர்ந்து, சட்ட மேலவைத் தலைவர் பதவியில் இருந்து பணி நிறைவு பெற்றார்.
பெங்களூரு, விதான செளதாவில் வியாழக்கிழமை சட்ட மேலவை ஊழியர்களிடம் கண்ணீர்மல்க விடைபெற்ற டி.எச்.சங்கரமூர்த்தியை பாஜகவினர் பலரும் பாராட்டி கெளரவித்தனர். அப்போது, செய்தியாளர்களிடம் சங்கரமூர்த்தி கூறியது: 
எனது கடமையை முழுமையாக செய்து முடித்த மனநிறைவோடு விடைபெறுகிறேன். சட்ட மேலவைத் தலைவராக இருந்த காலத்தில் பல்வேறு இனிமையான, கசப்பான சம்பவங்கள் நடந்துள்ளன. அவற்றை வாழ்க்கையின் அனுபவங்களாக எடுத்துக் கொண்டேன். விதான செளதா வளாகத்தில் மகாத்மா காந்திக்கு சிலை இல்லை என்ற குறை இருந்தது. இதை போக்கும் வகையில் காந்தி சிலையை அமைக்க பாடுபட்டேன். அதை எனது சாதனையாகவே கருதுகிறேன் என்றார்.
 

]]>
http://www.dinamani.com/india/2018/jun/22/பணி-நிறைவு-பெற்றார்-கர்நாடக-மேலவைத்-தலைவர்-டிஎச்சங்கரமூர்த்தி-2944461.html
2944460 இந்தியா ஆதார் விவரங்களை போலீஸாரும் கையாள அனுமதி: மத்திய அரசு பரிசீலனை DIN DIN Friday, June 22, 2018 03:41 AM +0530 குற்றவாளிகளைக் கண்டறிவதற்காக ஆதார் விவரங்களை போலீஸாருக்கு அளிக்குமாறு முன்வைக்கப்பட்ட கோரிக்கையை பரிசீலிக்க உள்ளதாக மத்திய உள்துறை இணையமைச்சர் ஹன்ஸ்ராஜ் ஆஹிர் தெரிவித்துள்ளார்.
தில்லியில் இந்திய கைவிரல் ரேகைப் பதிவு அமைப்பின் கருத்தரங்கு வியாழக்கிழமை நடைபெற்றது. இதில் கலந்துகொண்ட தேசிய குற்றப் பதிவு வாரிய இயக்குநர் இஷ் குமார் பல்வேறு கோரிக்கைகளை முன்வைத்தார். அதுதொடர்பாக அவர் பேசியதாவது:
நாடு முழுவதும் ஆண்டொன்றுக்கு சராசரியாக 50 லட்சம் குற்ற வழக்குகள் பதிவு செய்யப்படுகின்றன. அவற்றில் பெரும்பாலான வழக்குகளில் தொடர்புடையவர்களைக் கண்டறிவதில் கால தாமதம் ஏற்படுகிறது. அதற்கு காரணம் குற்றவாளிகளில் 85 சதவீதம் பேர் முதன்முறையாக அத்தகைய சம்பவங்களில் ஈடுபடுகின்றனர். அவர்களது கைரேகைப் பதிவுகளோ அல்லது வேறு தகவல்களோ போலீஸாரிடம் இல்லாததால் தடயங்களைச் சேகரித்தாலும் குற்றவாளிகளை விரைவில் பிடிக்க முடிவதில்லை.
அதேபோன்று ஆண்டொன்று 40 ஆயிரத்துக்கும் மேற்பட்ட அடையாளம் தெரியாத சடலங்கள் கைப்பற்றப்படுகின்றன. அவற்றை உரியவர்களிடம் ஒப்படைப்பதிலும் பல்வேறு சிக்கல்கள் உள்ளன. இவற்றுக்குத் தீர்வு காண வேண்டுமானால், ஆதார் தகவல்களை போலீஸாரும் கையாளுவதற்கான அனுமதி வழங்கப்பட வேண்டும். அந்த விவரங்களை காவல் துறையுடன் பகிர்ந்து கொண்டால் மட்டுமே குற்ற வழக்குகளை விரைந்து முடிக்க முடியும் என்றார் அவர்.
இதைத் தொடர்ந்து கருத்தரங்கில் பேசிய ஹன்ஸ்ராஜ் ஆஹிர், ஆதார் தொடர்பான கோரிக்கையை பரிசீலிப்பதாகத் தெரிவித்தார்.
இதனிடையே, அடையாளம் தெரியாத சடலங்கள், குற்றச் சம்பவங்களில் பாதிக்கப்பட்டவர்கள், குற்றவாளிகள், சந்தேகத்துக்குரிய நபர்கள் ஆகியோரது மரபணு மாதிரிகளை சேகரித்து வைத்து பாதுகாக்க தேசிய மற்றும் மாநில அளவில் சிறப்பு வங்கிகள் அமைப்பதற்கான நடவடிக்கைகளை மத்திய அரசு மேற்கொண்டு வருவது குறிப்பிடத்தக்கது.

]]>
http://www.dinamani.com/india/2018/jun/22/ஆதார்-விவரங்களை-போலீஸாரும்-கையாள-அனுமதி-மத்திய-அரசு-பரிசீலனை-2944460.html
2944459 இந்தியா தலித் சிறார் விடியோ விவகாரம்: ராகுல் காந்திக்கு எதிராக காவல்துறையில் புகார் DIN DIN Friday, June 22, 2018 03:40 AM +0530 தலித் சிறார்கள் தாக்கப்படும் விடியோவை சுட்டுரை சமூகவலைதளப் பக்கத்தில் வெளியிட்ட விவகாரத்தில் காங்கிரஸ் கட்சித் தலைவர் ராகுல் காந்திக்கு எதிராக மகாராஷ்டிர மாநில காவல்துறையில் புகார் அளிக்கப்பட்டுள்ளது.
காங்கிரஸ் தலைவர் ராகுல் காந்தி சுட்டுரையில் கடந்த 15ஆம் தேதி வெளியிட்ட பதிவுகளில், மகாராஷ்டிர மாநிலம், ஜல்கோன் மாவட்டத்தில் உள்ள விவசாயி ஒருவரின் கிணற்றில் குளித்த தலித் சிறார்கள் 2 பேர் ஆடை களையப்பட்ட நிலையில் கடுமையாக தாக்கப்படுவது போன்ற விடியோ காட்சியும் இடம்பெற்றிருந்தது.
இதையடுத்து, ஆடை களையப்பட்ட சிறார்கள் அடையாளத்தை வெளியிட்டதற்காக ராகுலுக்கும், சுட்டுரை சமூகவலைதள நிறுவனத்துக்கும் மகாராஷ்டிர மாநில சிறார் உரிமைகள் பாதுகாப்பு ஆணையம் கடந்த 19ஆம் தேதி நோட்டீஸ் அனுப்பியிருந்தது.
இந்நிலையில், பால்கர் மாவட்டம், தஹானுவைச் சேர்ந்த சஞ்சீவ் ஜோஷி என்பவர், சிறார்கள் அடையாளத்தை வெளியிட்ட குற்றத்துக்காக ராகுல் காந்தி மீது வழக்குப்பதிவு செய்து நடவடிக்கை எடுக்கக்கோரி, அங்குள்ள காவல் நிலையத்தில் புகார் அளித்துள்ளார். அந்தப் புகாரில், ராகுலின் விடியோ பதிவை 73,000 பேர் பார்த்துள்ளதுடன், 9,389 பேர் அதை மறுபதிவேற்றம் செய்துள்ளனர் எனவும், ராகுல் மீது தகவல் தொழில்நுட்பச் சட்டத்தின்கீழ் வழக்குப்பதிவு செய்ய வேண்டும் எனவும் அவர் கோரிக்கை விடுத்துள்ளார்.
இந்தத் தகவலை தஹானு காவல்நிலைய ஆய்வாளர் ஜனார்த்தன் பிரபாகரும் உறுதிப்படுத்தியுள்ளார்.

]]>
http://www.dinamani.com/india/2018/jun/22/தலித்-சிறார்-விடியோ-விவகாரம்-ராகுல்-காந்திக்கு-எதிராக-காவல்துறையில்-புகார்-2944459.html
2944457 இந்தியா ஆளுநர் ஆட்சியில் காஷ்மீர் நிலைமை சீரடையும்: மத்திய அமைச்சர் மகேஷ் சர்மா DIN DIN Friday, June 22, 2018 03:40 AM +0530 ஆளுநர் ஆட்சியின் கீழ் ஜம்மு-காஷ்மீர் மாநிலத்தின் நிலைமை சீரடையும் என்று மத்திய அமைச்சர் மகேஷ் சர்மா தெரிவித்தார்.
மேற்கு வங்க மாநிலம், கொல்கத்தாவில் வியாழக்கிழமை நடைபெற்ற யோகா தின விழாவில் மகேஷ் சர்மா கலந்துகொண்டார். பின்னர் செய்தியாளர்களிடம் அவர் கூறியதாவது:
2014-இல், அப்போதைய அரசியல் சூழலை கருத்தில் கொண்டு, அரசு அமைவதற்காக, மக்கள் ஜனநாயகக் கட்சியுடன் நாங்கள் கூட்டணி அமைத்தோம். அந்தக் கூட்டணியில் மூன்று ஆண்டுகள் இருந்தோம்.
தற்போது அரசியல் சூழ்நிலை மாறியுள்ளதால், ஆளுநர் ஆட்சிக்கான தருணம் ஏற்பட்டது. இந்த ஆட்சியில், மக்களின் உதவியுடன் பயங்கரவாதிகளை ஒழித்துக் கட்ட முடியும்.
ஆளுநர் ஆட்சியால் மாநிலத்தின் நிலைமையில் முன்னேற்றத்தை எதிர்பார்க்கலாம். பாதுகாப்பு படையினரும், காவல் துறையினரும் நம்பிக்கையுடன் பணியாற்ற தொடங்கியிருப்பதில் இருந்து இதை நாம் உணர்ந்து கொள்ள முடியும்.
காஷ்மீர் விவகாரத்தில் குறிப்பிட்ட ஓர் நாடு (பாகிஸ்தான்) என்ன செய்து கொண்டிருக்கிறது என்பதை உலகமே அறியும். தற்போது, ஒட்டுமொத்த உலகத்தில் இருந்தும் அந்த நாடு தனிமைப்படுத்தப்பட்டுள்ளது என்றார் அவர்.

]]>
http://www.dinamani.com/india/2018/jun/22/ஆளுநர்-ஆட்சியில்-காஷ்மீர்-நிலைமை-சீரடையும்-மத்திய-அமைச்சர்-மகேஷ்-சர்மா-2944457.html
2944456 இந்தியா தலித் என்பதால் விமர்சிக்கப்படுகிறேன்: உ.பி. பாஜக தலைவர் மீது கூட்டணிக் கட்சி எம்எல்ஏ குற்றச்சாட்டு DIN DIN Friday, June 22, 2018 03:39 AM +0530 நான் தலித் என்பதால் உ.பி. பாஜக தலைவர் மகேந்திர நாத் பாண்டே என்னை திருடன் என விமர்சித்துள்ளார்' என்று உத்தரப் பிரதேசத்தில் பாஜகவின் கூட்டணிக் கட்சியான சுகல்தேவ் பாரதிய சமாஜ் கட்சி எம்எல்ஏ கைலாஷ் சோன்கர் குற்றம்சாட்டியுள்ளார்.
முன்னதாக, கடந்த செவ்வாய்க்கிழமை சந்தௌலி மாவட்டத்தில் நலத் திட்டப்பணிகளுக்கான தொடக்க விழா, பல்வேறு அரசுக் கட்டடத் திறப்பு விழா நடைபெற்றது. மாநில துணை முதல்வர் தினேஷ் சர்மா தலைமையில் நடைபெற்ற விழாவில் அந்தத் தொகுதி எம்பியும், மாநில பாஜக தலைவருமான மகேரந்திர நாத் பாண்டே பங்கேற்றார். அதில், திறக்கப்பட்ட கல்வெட்டில் அத்தொகுதி எம்.எல்.ஏவான கைலாஷ் சோன்கரின் பெயர் இல்லாதது குறித்து பாண்டேவிடம் செய்தியாளர்களிடம் கேள்வி எழுப்பினர். அதற்கு பதிலளித்த பாண்டே, இத்தொகுதி எம்எல்ஏவின் பெயர் கல்வெட்டில் இடம் பெறவில்லைதான். ஏனெனில் அவர் திருடராக மாறிவிட்டார்' என்றார். 
கூட்டணிக் கட்சியைச் சேர்ந்த எம்எல்ஏவை பாஜக மாநிலத் தலைவர் திருடன் என்று விமர்சித்தது உத்தரப் பிரதேச அரசியலில் பரபரப்பை ஏற்படுத்தியது.
இந்நிலையில், வாராணசியில் சுகல்தேவ் பாரதிய சமாஜ் கட்சியின் தலைவர் மாநில துணைத் தலைவர் நித்யானந்த் பாண்டே முன்னிலையில் செய்தியாள்களிடம் சோன்கர் இது தொடர்பாகப் பேசினார். 
அப்போது, தலித் என்பதால் பாஜக தலைவர் என்னை தரக்குறைவாக விமர்சித்துள்ளார். இதன் மூலம் அவர் என்னை மட்டும் அவமதிக்கவில்லை. ஒட்டுமொத்தமாக எனது தொகுதி மக்கள் அனைவரையும் அவமதித்துள்ளார். இதற்காக அவர் பகிரங்க மன்னிப்புக் கேட்க வேண்டும்' என்றார்.
 

]]>
http://www.dinamani.com/india/2018/jun/22/தலித்-என்பதால்-விமர்சிக்கப்படுகிறேன்-உபி-பாஜக-தலைவர்-மீது-கூட்டணிக்-கட்சி-எம்எல்ஏ-குற்றச்சாட்டு-2944456.html
2944455 இந்தியா கலப்புத் திருமண தம்பதி அவமதிப்பு: பாஸ்போர்ட் அதிகாரி மீது நடவடிக்கை DIN DIN Friday, June 22, 2018 03:39 AM +0530 மதம் மாறி கலப்புத் திருமணம் செய்து கொண்ட தம்பதியை அவமதிக்கும் வகையில் நடத்தியதாக உத்தரப் பிரதேச மண்டல கடவுச் சீட்டு மைய அதிகாரி மீது நடவடிக்கை எடுக்கப்பட்டுள்ளது. அதன்படி, அவரை பணியிடமாற்றம் செய்ததுடன் துறைரீதியாக அடுத்தகட்ட நடவடிக்கையை மேற்கொள்ளவும் பரிந்துரைக்கப்பட்டுள்ளது.
உத்தரப் பிரதேச மாநிலம் லக்னெளவில் மண்டல கடவுச் சீட்டு அலுவலகம் அமைந்துள்ளது. அங்கு முகமது அனஸ் சித்திக் என்பவரும், அவரது மனைவி தான்வி சேத்தும் கடவுச் சீட்டுக்காக விண்ணப்பித்திருந்தனர்.
அவர்கள் இருவரும் மதம் மாறி திருமணம் செய்து கொண்டவர்கள் என்பதால் கடவுச் சீட்டு அலுவலகத்தில் இருந்த அதிகாரி விகாஸ் மிஸ்ரா என்பவர் அவர்களை தரக்குறைவாக நடத்தியதாகத் தெரிகிறது. அதாவது, இஸ்லாமியரைக் திருமணம் செய்த பிறகும் தான்வி தனது தந்தை பெயரை பின்னால் சேர்த்துக் கொண்டிருப்பது ஏன்? என சம்பந்தப்பட்ட அதிகாரி கேட்டதாகத் தெரிகிறது. அதை மாற்றி அனைத்து ஆவணங்களிலும் அவரது கணவரின் பெயரைச் சேர்த்தால் மட்டுமே கடவுச்சீட்டு வழங்கப்படும் என்றும் அவர் கூறியதாகத் தெரிகிறது.
இந்த விஷயத்தை சுட்டுரையில் பதிவிட்டிருந்த தான்வி சேத், அதன் வாயிலாகவே வெளியுறவுத் துறை அமைச்சர் சுஷ்மா ஸ்வராஜின் கவனத்துக்கும் அதைக் கொண்டு சென்றார். இதையடுத்து, உடனடியாக விகாஸ் மிஸ்ராவிடம் விளக்கம் கேட்டு மண்டல கடவுச்சீட்டு அலுவலக அதிகாரி பியூஷ் வர்மா நோட்டீஸ் அனுப்பினார்.
மேலும், அவரை கோரக்பூர் அலுவலகத்துக்கு பணியிட மாற்றம் செய்தும் உத்தரவிடப்பட்டது. இதுகுறித்து விளக்கமளித்த பியூஷ் வர்மா, சம்பந்தப்பட்ட தம்பதிக்கு கடவுச்சீட்டு வழங்கப்பட்டுவிட்டது; இதுபோன்ற தவறுகள் வரும் காலங்களில் நடக்காது' என்றார். இதுதொடர்பாக தான்வி சேத் செய்தியாளர் ஒருவரிடம் கூறுகையில், நான் கலப்புத் திருமணம் செய்தததால் கடவுச்சீட்டு அலுவலகத்தில் அவமதிக்கப்பட்டேன்; அந்த அதிகாரி வேண்டுமென்றே புண்படும் வகையில் நடந்துகொண்டார்' என்றார்.

]]>
http://www.dinamani.com/india/2018/jun/22/கலப்புத்-திருமண-தம்பதி-அவமதிப்பு-பாஸ்போர்ட்-அதிகாரி-மீது-நடவடிக்கை-2944455.html
2944414 இந்தியா ஈரானில் தவிக்கும் தமிழக மீனவர்களை விடுவிக்க நடவடிக்கை எடுங்கள்: பிரதமருக்கு முதல்வர் பழனிசாமி கடிதம் DIN DIN Friday, June 22, 2018 02:02 AM +0530 ஈரானில் தவித்து வரும் தமிழக மீனவர்களை விடுவிக்க நடவடிக்கை எடுக்க வேண்டுமென பிரதமர் நரேந்திர மோடிக்கு, முதல்வர் எடப்பாடி கே.பழனிசாமி கடிதம் எழுதியுள்ளார். 
இதுகுறித்து முதல்வர் பழனிசாமி வியாழக்கிழமை எழுதிய கடிதம்: தமிழகத்தைச் சேர்ந்த 21 மீனவர்கள் ஈரானில் தவித்து வருவதைத் தங்களது நேரடி கவனத்துக்குக் கொண்டு வர விரும்புகிறேன். இந்தியாவுக்குத் திரும்ப முடியாமலும், ஈரானிலேயே தொடர்ந்து மீன்பிடி பணிகளை மேற்கொள்ள முடியாமலும் அவர்கள் தொடர்ந்து தவித்து வருகின்றனர். 
ஈரான் நாட்டைச் சேர்ந்த முகம்மது ஷாலா மற்றும் அவரது சகோதரர்களுடன் இணைந்து அவர்களுக்குச் சொந்தமான மூன்று படகுகளில் ஆறு மாதங்களுக்கும் மேலாக தமிழக மீனவர்கள் மீன்பிடிப்புப் பணியில் ஈடுபட்டு வந்தனர்.
சில காலங்களாக, வேலைவாய்ப்பு அளித்து வந்த ஈரான் நாட்டைச் சேர்ந்தோர், ஒப்பந்தப்படி தமிழக மீனவர்களுக்கு உரிய பங்கை அளிக்கவில்லை. இதனால், மீனவர்கள் தங்களது தினசரி செலவுகளை எதிர்கொள்ள முடியாமலும், குடும்பங்களுக்குப் பணத்தை அனுப்ப இயலாமலும் போராடி வருகின்றனர்.
கடவுச்சீட்டு பறிமுதல்: ஈரானில் வேலைவாய்ப்பு அளித்து வந்தவர்களிடம் இருந்து உரிய தொகை கிடைக்கும் என்ற நம்பிக்கையை தமிழக மீனவர்கள் முற்றிலும் இழந்து விட்டனர். இதையடுத்து, தாயகமான இந்தியா திரும்புவதற்குரிய ஏற்பாடுகளையாவது செய்து தருமாறு கோரிக்கை விடுத்தனர். ஆனால், இந்தக் கோரிக்கையை ஈரானைச் சேர்ந்த வேலைஅளிப்போர் ஏற்றுக் கொள்ளவில்லை.
இத்துடன் மீனவர்களின் கடவுச்சீட்டுகளையும் உள்ளூர் வேலை அளிப்போர்கள் பறிமுதல் செய்து வைத்துள்ளதாகவும், மீனவர்களை இந்தியாவுக்கு அனுப்பாமலும், அதேசமயம் வேலை எதையும் அளிக்காமலும் உள்ளனர். அத்துடன் மீனவர்களுக்குத் தங்கும் இடமோ, உணவோ, பாதுகாப்போ அளிக்காமல் அவர்களை நடுவீதியில் விட்டு விட்டுள்ளனர்.
இந்தியாவைச் சேர்ந்த ஏழை மீனவர்களை உடனடியாக ஈரானில் இருந்து தாயகம் திரும்ப வருவதற்கான அனைத்து நடவடிக்கைகளையும் மேற்கொள்ள ஈரானில் உள்ள இந்திய தூதரகத்துக்குத் தாங்கள் உத்தரவிட வேண்டும். மீனவர்களுக்கு அளிக்கப்பட வேண்டிய பாக்கித் தொகைகள் அளித்திடுவதை உறுதி செய்திடவும் நடவடிக்கை எடுக்க வேண்டும். தமிழகத்தைச் சேர்ந்த மீனவர்களின் பாதுகாப்பு மற்றும் விரைந்து தாயகம் திரும்பும் விஷயத்தில் அவர்களது குடும்பத்தினர் மிகுந்த கவலையும், எதிர்பார்ப்பையும் கொண்டிருக்கின்றனர். எனவே, இந்த விஷயத்தில் தாங்கள் உடனடியாக நடவடிக்கை எடுத்திட வேண்டும்.
 

]]>
http://images.dinamani.com/uploads/user/imagelibrary/2018/6/7/w600X390/eps.jpg http://www.dinamani.com/india/2018/jun/22/ஈரானில்-தவிக்கும்-தமிழக-மீனவர்களை-விடுவிக்க-நடவடிக்கை-எடுங்கள்-பிரதமருக்கு-முதல்வர்-பழனிசாமி-கடிதம்-2944414.html
2944413 இந்தியா வாஜ்பாய் உடல்நிலையில் முன்னேற்றம் DIN DIN Friday, June 22, 2018 02:01 AM +0530 முன்னாள் பிரதமரும், பாஜக மூத்த தலைவருமான வாஜ்பாய் (93) உடல் நிலையில் தொடர்ந்து முன்னேற்றம் காணப்பட்டு வருவதாக தில்லி எய்ம்ஸ் மருத்துவமனை தெரிவித்தது.
உடல் நலக் குறைவால் பாதிக்கப்பட்ட வாஜ்பாய், கடந்த 11-ஆம் தேதி எய்ம்ஸ் மருத்துவமனையில் அனுமதிக்கப்பட்டார். அவருக்கு தீவிர சிகிச்சைப் பிரிவில் தொடர் சிகிச்சை அளிக்கப்பட்டு வருகிறது.
இதுகுறித்து அந்த மருத்துவமனை அதிகாரிகள் கூறுகையில், வாஜ்பாய் உடல் நிலையில் தொடர்ந்து நல்ல முன்னேற்றம் காணப்பட்டு வருகிறது. மருத்துவர்கள் அவரது உடல்நிலையை தொடர்ந்து கண்காணித்து வருகின்றனர்' என்று தெரிவித்தார்.
சிறுநீரகத் தொற்றால் பாதிக்கப்பட்ட வாஜ்பாய்க்கு, நோய் எதிர்ப்பு மருந்துகள் கொடுக்கப்பட்டு வருகின்றன. நீரிழிவு நோயால் பாதிக்கப்பட்டுள்ளதால் அவருக்கு ஒரு சிறுநீரகம் மட்டுமே செயல்பட்டுக் கொண்டிருக்கிறது. கடந்த 2009-ஆம் ஆண்டு அவருக்கு மாரடைப்பு ஏற்பட்டது.
பிரதமர் நரேந்திர மோடி, குடியரசு துணைத் தலைவர் வெங்கய்ய நாயுடு, பாஜக தேசியத் தலைவர் அமித் ஷா, ஆர்எஸ்எஸ் தலைவர் மோகன் பாகவத், காங்கிரஸ் தலைவர் ராகுல் காந்தி, பல்வேறு மாநில முதல்வர்கள், மத்திய அமைச்சர்கள் உள்ளிட்டோர் கடந்த 11 நாள்களில் மருத்துவமனைக்கு சென்று வாஜ்பாய் உடல்நலம் குறித்து கேட்டறிந்தனர்.

]]>
http://www.dinamani.com/india/2018/jun/22/வாஜ்பாய்-உடல்நிலையில்-முன்னேற்றம்-2944413.html
2944411 இந்தியா புதிய தொழில் கொள்கை விரைவில் வெளியிடப்படும்: மத்திய அமைச்சர் சுரேஷ் பிரபு தகவல் DIN DIN Friday, June 22, 2018 01:22 AM +0530 புதிய தொழில் கொள்கை விரைவில் வெளியிடப்படும் என சென்னையில் சர்வதேச இயந்திர கண்காட்சியை தொடங்கி வைத்து மத்திய வர்த்தகம், தொழில்துறை அமைச்சர் சுரேஷ் பிரபு கூறினார். 
அம்பத்தூர் தொழிற்பேட்டை உற்பத்தியாளர்கள் சங்கம் (அய்மா') சார்பில் அக்மி 2018' என்ற பெயரிலான 13-ஆவது சர்வதேச மிஷின் டூல்ஸ்' ஐந்து நாள் கண்காட்சி சென்னை நந்தம்பாக்கம் வர்த்தக மையத்தில் வியாழக்கிழமை தொடங்கியது. கண்காட்சியை மத்திய வர்த்தகம், தொழில்துறை அமைச்சர் சுரேஷ்பிரபு தொடங்கி வைத்துப் பேசியது: 
இந்தியாவின் புதிய தொழில் கொள்கை விரைவில் வெளியிடப்பட உள்ளது. இதுவரை இரு முறை மட்டுமே தொழில் கொள்கை மாற்றியமைக்கப்பட்டுள்ளது. புதிய தொழில் கொள்கை மூலம் தொழில் துறை நவீன மயமாக்குதல் மற்றும் புதிய தொழிற்சாலைகளைக் கொண்டு வருவதே நோக்கம்.
கடந்த 1963-ஆம் ஆண்டே ஒரு தொழிற்பேட்டையை அமைக்க வேண்டும் என்ற சிந்தனை மூலம் மற்ற மாநிலங்களுக்கு எடுத்துக்காட்டாக இருந்தவர் காமராஜர். இந்தியாவில் தொழில் வளர்ச்சி பெருக வேண்டும் என்றால் கிராமப்புறங்களில் தொழில் வளர்ச்சி அதிகரிக்க வேண்டும். 
எனவேதான் ஒரு மாநிலத்துக்கு 6 மாவட்டம் என்ற அடிப்படையில் தொழில் வளர்ச்சியை அதிகரிக்கவும் அதன் மூலம் உள்நாட்டு உற்பத்தியை அதிகரிக்கவும் மத்திய அரசு புதிய திட்டம் வகுத்துள்ளது. 
தொழில்துறையை வெற்றிகரமாக மாற்ற வேண்டுமானால், சர்வதேச சந்தை வருவது தவிர்க்க முடியாததாகும். இந்த வகையில் முதல் முறையாக, இந்தியாவில் உற்பத்தி செய்யப்படும் பொருள்களை ஏற்றுமதி செய்வதை ஊக்குவிக்க மத்திய அரசு தொழில்நிறுவனங்களுடன் இணைந்து செயல்முறைகளை வகுத்து வருகிறது. 
வர்த்தகம் மற்றும் தொழில் வளர்ச்சிக்காக நான் அயல்நாடு செல்லும் போது தமிழக பிரதிநிதிகளும் வர வேண்டும் என தமிழக அமைச்சரிடத்தில் தெரிவித்துள்ளேன். தமிழ்நாடு தொழில்வளர்ச்சியில் சிறந்து விளங்குகிறது. தொழில்துறைக்கு மேம்படுத்தப்பட்ட உள்கட்டமைப்பு வசதிகளை அளித்துள்ள ஒரு சில மாநிலங்களில் தமிழகமும் ஒன்றாகும் என்றார். 
இளைஞர்களுக்கு உதவி: துணை முதல்வர் ஓ.பன்னீர்செல்வம் பேசியது:
தமிழகம் தொழிற்சாலை வளர்ச்சியில் சிறந்து விளங்க மறைந்த முதல்வர் ஜெயலலிதா தனிகவனம் செலுத்தினார். அதற்காக பல்வேறு திட்டங்களை முன்னெடுத்தார். தொழில் தொடங்க முன்வரும் இளைஞர்களுக்குத் தேவையான அனைத்து உதவிகளையும் அரசு செய்து வருகிறது. தமிழகத்தில் சிறு, குறு, நடுத்தர தொழில் நிறுவனங்கள் மூலம் இளைஞர்களுக்கு அதிகப்படியான வேலைவாய்ப்பு கிடைத்து வருகிறது. தொழில்களில் நவீன தொழில்நுட்ப உத்திகள், இயந்திரங்களைப் பயன்படுத்த இதுபோன்ற கண்காட்சிகள் பெரிதும் உதவும் என்றார். 
அமைச்சர்கள் எம்.சி.சம்பத், பி.பென்ஜமின், நாடாளுமன்ற உறுப்பினர் நவநீதகிருஷ்ணன், அலெக்ஸாண்டர் எம்.எல்.ஏ., பாஜக தலைவர் தமிழிசை சௌந்தரராஜன், அம்பத்தூர் தொழிற்பேட்டை உற்பத்தியாளர்கள் சங்கத்தின் தலைவர் டி.ரவி, பொதுச் செயலாளர் ஆர்.ராம்சந்தர், கண்காட்சியின் தலைவர் கே.ஐயப்பன், ஏற்பாட்டாளர் ஆர்.எஸ்.எஸ். சதீஷ்பாபு, ஷங்க் இன்டெக் இந்தியா நிறுவன நிர்வாக இயக்குநர் சதீஷ் சதாசிவன் உள்ளிட்டோர் பங்கேற்றனர். 
28 நாடுகள்- 445 அரங்குகள்: அக்மி 2018' சர்வதேச இயந்திர கருவிகள் கண்காட்சியில் இந்தியா, கனடா, ஜப்பான், டென்மார்க் உள்ளிட்ட 28 நாடுகளைச் சேர்ந்த நிறுவனங்களின் சார்பில் 445 அரங்குகள் அமைக்கப்பட்டுள்ளன. இதில் ஆட்டோமொபைல், ரயில்வே, கப்பல், ராணுவம் என பல்வேறு துறை சார்ந்த நவீன இயந்திரங்கள், கருவிகள், தொழில்நுட்பங்கள் இடம்பெற்றுள்ளன. வரும் திங்கள்கிழமை (ஜூன் 25) வரை தினமும் காலை 10 மணி முதல் மாலை 6.30 மணி வரை கண்காட்சி நடைபெறவுள்ளது. 

 

]]>
http://images.dinamani.com/uploads/user/imagelibrary/2018/6/22/w600X390/ops_sureshprabu.JPG அம்பத்தூர் தொழிற்பேட்டை உற்பத்தியாளர்கள் சங்கம் சார்பில் சென்னை நந்தம்பாக்கம் வர்த்தக மையத்தில் வியாழக்கிழமை தொடங்கிய சர்வதேச இயந்திர கண்காட்சியில் வெளியிடப்பட்ட மலருடன் மத்திய அமைச்சர் சுரேஷ் பிரபு http://www.dinamani.com/india/2018/jun/22/புதிய-தொழில்-கொள்கை-விரைவில்-வெளியிடப்படும்-மத்திய-அமைச்சர்-சுரேஷ்-பிரபு-தகவல்-2944411.html
2944410 இந்தியா நீதிபதி செலமேஸ்வர் இன்றுடன் ஓய்வு: ஜோசப் பதவி உயர்வு தாமதமாக வாய்ப்பு DIN DIN Friday, June 22, 2018 01:19 AM +0530 உச்ச நீதிமன்ற நீதிபதியும், கொலீஜியம்' குழு உறுப்பினருமான செலமேஸ்வர் வெள்ளிக்கிழமையுடன் (ஜூன் 22) ஓய்வு பெற உள்ளார். இதையடுத்து அக்குழுவுக்கு புதிய உறுப்பினர் நியமிக்கப்பட வேண்டியுள்ளதால் நீதிபதி கே.எம்.ஜோசப்பின் பதவி உயர்வு விவகாரம் மேலும் தாமதமாக வாய்ப்புள்ளது.
தற்போதைய நடைமுறைப்படி உச்ச நீதிமன்றம் மற்றும் உயர் நீதிமன்றங்களில் புதிதாக நியமிக்கப்பட வேண்டிய நீதிபதிகளின் பெயர்களை கொலீஜியம்' பரிந்துரைக்கும். அவை, மத்திய அரசு மூலமாக குடியரசுத் தலைவரின் ஒப்புதலுக்கு அனுப்பப்பட்டு இறுதி செய்யப்படும்.
அந்த அடிப்படையில், உச்ச நீதிமன்றத் தலைமை நீதிபதி தீபக் மிஸ்ரா தலைமையிலான கொலீஜியம்' குழு அண்மையில் சில பரிந்துரைகளை மத்திய அரசிடம் அளித்தது. மூத்த பெண் வழக்குரைஞர் இந்து மல்ஹோத்ரா, உத்தரகண்ட் உயர் நீதிமன்றத் தலைமை நீதிபதி கே.எம்.ஜோசப் ஆகியோரை உச்ச நீதிமன்ற நீதிபதிகளாக நியமிக்க வேண்டும் என அதில் பரிந்துரைத்திருந்தது.
அதில் இந்து மல்ஹோத்ராவுக்கு இசைவு தெரிவித்த மத்திய அரசு, ஜோசப் தொடர்பான பரிந்துரையை மட்டும் நிராகரித்தது. இத்தகைய பரிந்துரைகளை மறுபரிசீலனை செய்யுமாறும் கொலீஜியம் குழுவிடம் அரசு தெரிவித்தது. இது பல்வேறு விமர்சனங்களை எழுப்பியது.
குறிப்பாக, உத்தரகண்டில் மத்திய அரசின் ஆலோசனையின்பேரில் அமல்படுத்தப்பட்ட குடியரசுத் தலைவர் ஆட்சியை ரத்து செய்தவர் நீதிபதி ஜோசப் என்பதால், அவரது பதவி உயர்வுக்கு முட்டுக்கட்டை போடப்படுவதாகக் கூறப்பட்டது. இந்தச் சூழலில், தலைமை நீதிபதி தீபக் மிஸ்ரா, நீதிபதிகள் ஜே.செலமேஸ்வர், ரஞ்சன் கோகோய், மதன் பி. லோகுர், குரியன் ஜோசப் ஆகியோர் அடங்கிய கொலீஜியம்' குழு அண்மையில் கூடி விவாதித்தது. சுமார் ஒரு மணி நேரத்துக்கும் மேலாக நடைபெற்ற அக்கூட்டத்தில், பல்வேறு முக்கிய விவகாரங்கள் குறித்து விவாதிக்கப்பட்டது. இறுதியில் ஜோசப்புக்கு பதவி உயர்வு வழங்க மீண்டும் பரிந்துரைப்பது என அனைத்து நீதிபதிகளும் ஒருமனதாக முடிவெடுத்தனர்.
புதிய நீதிபதிகள் பதவி உயர்வு தொடர்பான பரிந்துரைகளை மத்திய அரசிடம் அளிக்கும்போது, ஜோசப்பின் பெயரும் சேர்த்து அனுப்பப்படும் எனவும் அவர்கள் தெரிவித்தனர்.
இந்நிலையில், செலமேஸ்வர் வெள்ளிக்கிழமையுடன் ஓய்வு பெற இருப்பதால், அவருக்கு அடுத்தபடியாக உள்ள மூத்த நீதிபதி ஏ.கே.சிக்ரி கொலீஜியம்' குழுவில் புதிய உறுப்பிராக இணைய உள்ளார். இதன் காரணமாக நீதிபதி ஜோசப் விவகாரம் குறித்து மீண்டும் குழு உறுப்பினர்கள் அனைவரும் கலந்தாலோசித்து முடிவெடுக்க வேண்டிய நிலை ஏற்பட்டுள்ளது. இதனால் ஜோசப்பின் பதவி உயர்வு மேலும் தாமதமாகலாம் எனத் தெரிகிறது.
 

]]>
http://images.dinamani.com/uploads/user/imagelibrary/2018/1/29/w600X390/Chelameswar.jpg http://www.dinamani.com/india/2018/jun/22/நீதிபதி-செலமேஸ்வர்-இன்றுடன்-ஓய்வு-ஜோசப்-பதவி-உயர்வு-தாமதமாக-வாய்ப்பு-2944410.html
2944409 இந்தியா ஜம்மு-காஷ்மீர்: பயங்கரவாத தடுப்பு நடவடிக்கைகளில் என்எஸ்ஜி கமாண்டோ படையினர் DIN DIN Friday, June 22, 2018 01:17 AM +0530 ஜம்மு-காஷ்மீரில் பயங்கரவாத தடுப்பு நடவடிக்கைகளில் ஈடுபடுத்தப்படுவதற்காக தேசிய பாதுகாப்புப் படையை (என்எஸ்ஜி) சேர்ந்த கமாண்டோ வீரர்கள் அங்கு பயிற்சி எடுத்து வருகின்றனர்.
இதுதொடர்பாக அரசு உயரதிகாரி ஒருவர் கூறியதாவது:
தொலைவில் இருக்கும் இலக்கையும் துல்லியமாகச் சுடும் ஸ்னிப்பர் துப்பாக்கிகள், ரேடார்கள் என உரிய தொழில்நுட்ப உதவியுடன் பணியாற்றவுள்ள இந்த வீரர்கள், தற்போது ஸ்ரீநகர் அருகே ஹம்ஹஹா பகுதியில் உள்ள எல்லைப் பாதுகாப்புப் படையினரின் முகாமில் அவர்களுடன் இணைந்து பயிற்சியில் ஈடுபட்டுள்ளனர்.
குடியிருப்புப் பகுதியிலும் ஊடுருவி துல்லியத் தாக்குதல் நடத்தும் திறன்பெற்ற ஹெச்ஐடி கமாண்டோ' படையைச் சேர்ந்த சுமார் 12 ஸ்னிப்பர் வீரர்கள் கடந்த 2 வாரங்களாக அங்கு பயிற்சியில் இருக்கின்றனர். தேவையேற்படும் சூழலில் அந்த எல்லைப் பாதுகாப்புப் படையினர் முகாமில் சுமார் 100 என்எஸ்ஜி கமாண்டோ படையினர் வரை நிலைநிறுத்த உள்துறை அமைச்சகம் கருத்தில் கொண்டுள்ளது.
விமானக் கடத்தல் தடுப்பிலும் அவர்கள் திறன் பெற்றுள்ளதால், விமான நிலையத்துக்கு அருகே அவர்களுக்கு முகாம் அமைக்கப்பட்டுள்ளது. கடந்த மாதம் உள்துறை அமைச்சகம் அனுமதி அளித்த நிலையில், காஷ்மீர் பள்ளத்தாக்குப் பகுதியில் விரைவில் அவர்கள் பயங்கரவாத தடுப்பு நடவடிக்கைகள் ஈடுபடுவார்கள் என்று எதிர்பார்க்கப்படுகிறது.
அத்தகைய நடவடிக்கையில் பாதுகாப்புப் படையினரின் பலி எண்ணிக்கையை குறைப்பதற்கு, என்எஸ்ஜி கமாண்டோ படையினர் உதவுவார்கள் என்று நம்பப்படுகிறது. 
முக்கியமாக கட்டடங்களுக்குள்ளாக பதுங்கியிருக்கும் பயங்கரவாதிகள் மீது தாக்குதல் நடத்தும்போது பாதுகாப்புப் படையினரின் உயிரிழப்புகள் அதிகரிக்கின்றன. இதை தவிர்ப்பதற்காக சம்பந்தப்பட்ட கட்டடமே தகர்க்கப்படுகிறது.
என்எஸ்ஜி கமாண்டோ படையில் குடியிருப்புப் பகுதியிலும் ஊடுருவி துல்லியத் தாக்குதல் நடத்தும் திறன்பெற்ற வீரர்களும், கட்டடத்தை துல்லியமாகத் தகர்க்கும் நிபுணர்களும் இருப்பதால் அதுபோன்ற நடவடிக்கைகளில் பாதுகாப்புப் படையினருக்கான பலம், பாதுகாப்பு அதிகரிக்கும்.
முன்னதாக, இதுபோன்ற நடவடிக்கைகளின்போது கடந்த 2017-இல் மட்டும் பாதுகாப்புப் படையினர் 80 பேர், பொதுமக்கள் 70 பேர் உயிரிழந்தனர். இந்த ஆண்டு மே மாதம் வரையில் பாதுகாப்புப் படையினர் 30 பேரும், பொதுமக்கள் 35 பேரும் பலியாகினர். 
இந்தப் போக்கை குறைப்பதற்காகவே என்எஸ்ஜி படையினர் தற்போது பயன்படுத்தப்படவுள்ளனர் என்று அந்த அதிகாரி கூறினார்.
 

]]>
http://www.dinamani.com/india/2018/jun/22/ஜம்மு-காஷ்மீர்-பயங்கரவாத-தடுப்பு-நடவடிக்கைகளில்-என்எஸ்ஜி-கமாண்டோ-படையினர்-2944409.html
2944408 இந்தியா ஏர்செல்-மேக்சிஸ் வழக்கு விசாரணையை முடக்க முயற்சிகள் நடக்கிறது: அமலாக்கத் துறை குற்றச்சாட்டு DIN DIN Friday, June 22, 2018 01:17 AM +0530 ஏர்செல்-மேக்சிஸ் வழக்குத் தொடர்பான விசாரணையை முடக்க முயற்சிகள் நடப்பதாக அமலாக்கத் துறை குற்றம்சாட்டியுள்ளது.
2ஜி அலைக்கற்றை ஒதுக்கீடு தொடர்பான வழக்கு விசாரணையை மேற்கொள்வதற்கு அமலாக்கத் துறை இணை இயக்குநர் ராஜேஷ்வர் சிங்கை உச்ச நீதிமன்றம் சில ஆண்டுகளுக்கு முன்பு நியமித்தது. இந்நிலையில், அவருக்கு எதிராக உச்ச நீதிமன்றத்தில் ராஜ்னீஷ் கபூர் என்பவர் அண்மையில் பொதுநல மனு ஒன்றைத் தாக்கல் செய்தார். அந்த மனுவில், ராஜேஷ்வர் சிங் வருமானத்துக்கு அதிகமாக சொத்துகளை வாங்கி குவித்திருப்பதாகவும், இதுகுறித்து உச்ச நீதிமன்றம் விசாரணைக்கு உத்தரவிட வேண்டும் என்றும் அவர் கேட்டுக் கொண்டிருந்தார். இந்த மனுவை உச்ச நீதிமன்றம் விசாரணைக்கு ஏற்றுக் கொண்டது.
இந்நிலையில், ராஜ்னீஷ் கபூருக்கு எதிராக உச்ச நீதிமன்றத்தில் ராஜேஷ்வர் சிங் கிரிமினல் அவதூறு மனு தாக்கல் செய்துள்ளார். அந்த மனுவில் அவர் தெரிவித்திருப்பதாவது:
எனக்கு எதிராக உச்ச நீதிமன்றத்தில் தொடுக்கப்பட்டுள்ள பொது நல மனுவில் புதிய குற்றச்சாட்டுகள் எதுவும் தெரிவிக்கப்படவில்லை. வருமானத்துக்கு அதிகமாக சொத்துகளை குவித்திருப்பதாக தெரிவிக்கப்பட்டிருக்கும் என் மீதான குற்றச்சாட்டுகளுக்கு போதிய ஆவணமோ, ஆதாரங்களோ தாக்கல் செய்யப்படவில்லை.
ஏற்கெனவே கடந்த 7 ஆண்டுகளுக்கு முன்பு இதுபோல் என்மீது குற்றச்சாட்டு தெரிவிக்கப்பட்டது. அதுகுறித்து விசாரணை நடத்திய அமலாக்கத் துறை, மத்திய ஊழல் தடுப்பு கண்காணிப்பு ஆணையம், சிபிஐ ஆகிய அமைப்புகள், என் மீதான குற்றச்சாட்டுகளில் உண்மையில்லை என்று தெரிவித்து விட்டன.
இதையடுத்து, 2ஜி அலைக்கற்றை ஒதுக்கீட்டு ஊழல் தொடர்பான வழக்கை விசாரித்து வரும் அதிகாரிகளுக்கு யாரும் தடையை ஏற்படுத்தக் கூடாது என்று உச்ச நீதிமன்றம் உத்தரவிட்டது. அதேபோல், என் மீது குற்றச்சாட்டுகள் தெரிவித்தவருக்கு எதிராக கண்டன நோட்டீஸையும் உச்ச நீதிமன்றம் வெளியிட்டது.
2ஜி அலைக்கற்றை ஒதுக்கீடு ஊழல் வழக்கு மற்றும் அதுதொடர்பான பிற வழக்குகளை விசாரிக்கத் தொடங்கியது முதல் எனது நற்பெயருக்கு பாதிப்பை ஏற்படுத்தும் முயற்சிகள் நடந்து வருகின்றன. உச்ச நீதிமன்றம் கடந்த மார்ச் மாதம் வெளியிட்ட உத்தரவில், 2ஜி அலைக்கற்றை ஒதுக்கீடு ஊழல் தொடர்பான விசாரணையை 6 மாதத்துக்குள் முடிக்க வேண்டும் எனத் தெரிவித்தது. இதையடுத்தே, என் மீது குற்றச்சாட்டுகளை தெரிவித்து, மீண்டும் மனு தாக்கல் செய்யப்பட்டுள்ளது.
2ஜி அலைக்கற்றை ஒதுக்கீடு தொடர்பான வழக்கு, ஏர்செல்-மேக்சிஸ் வழக்கு ஆகியவை தொடர்பான விசாரணையை தாமதம் செய்யவும், குறிப்பிட்ட காலத்துக்குள் வழக்கு விசாரணை முடியாமல் தடுக்கவும் சில சுயநல சக்திகள் விரும்புகின்றன. அந்த சக்திகளின் தூண்டுதலின் பேரிலேயே என் மீது அவர் (கபூர்) மனு தாக்கல் செய்துள்ளார் என்று அந்த மனுவில் ராஜேஷ்வர் சிங் குறிப்பிட்டுள்ளார்.
முன்னதாக, ராஜேஷ்வர் சிங்குக்கு எதிராக தொடுக்கப்பட்டிருக்கும் பொது நல மனுவில், ராஜேஷ்வருக்கு சாதகமாக வாதிட தன்னை அனுமதிக்கக்கோரி, உச்ச நீதிமன்றத்தில் பாஜக மூத்த தலைவர் சுப்பிரமணியன் சுவாமி புதன்கிழமை மனு தாக்கல் செய்தார். அதை விசாரித்த உச்ச நீதிமன்ற நீதிபதிகள் எஸ். அப்துல் நாஸர், இந்து மல்ஹோத்ரா ஆகியோர் வேறோர் அமர்வு முன்பு வரும் 25ஆம் தேதியன்று அந்த மனுவை தாக்கல் செய்யுமாறு சுப்பிரமணியன் சுவாமியை கேட்டுக் கொண்டனர். அதைத் தொடர்ந்து, அந்த மனுவை விசாரிக்கும் அமர்வில் இருந்து இந்து மல்ஹோத்ரா விலகுவதாக திடீரென அறிவித்தார்.
ஏர்செல்-மேக்சிஸ் வழக்குத் தொடர்பாக முன்னாள் மத்திய நிதியமைச்சர் ப.சிதம்பரத்தின் மகன் கார்த்தி சிதம்பரத்துக்கு எதிராக அமலாக்கத் துறை அண்மையில் குற்றப்பத்திரிகையை தாக்கல் செய்தது. மேலும், கார்த்தி சிதம்பரத்திடம் இருமுறை அமலாக்கத் துறை விசாரணையையும் நடத்தியது. அதேபோல், ப. சிதம்பரத்தின் வாக்குமூலத்தையும் அமலாக்கத் துறை பதிவு செய்தது. மத்திய நிதியமைச்சக அதிகாரிகள், அன்னிய முதலீட்டு ஊக்குவிப்பு வாரிய அதிகாரிகள் ஆகியோரிடமும் அமலாக்கத் துறை விசாரணை மேற்கொண்டது.
 

]]>
http://images.dinamani.com/uploads/user/imagelibrary/2014/11/11/3/w600X390/2g.jpg http://www.dinamani.com/india/2018/jun/22/ஏர்செல்-மேக்சிஸ்-வழக்கு-விசாரணையை-முடக்க-முயற்சிகள்-நடக்கிறது-அமலாக்கத்-துறை-குற்றச்சாட்டு-2944408.html
2944407 இந்தியா அமெரிக்காவில் இருந்து இறக்குமதியாகும் 29 பொருள்கள் மீதான வரி அதிகரிப்பு: இந்தியா பதிலடி DIN DIN Friday, June 22, 2018 01:16 AM +0530 அமெரிக்காவில் இருந்து இறக்குமதி செய்யப்படும் இரும்பு, எஃகு பொருள்கள், பருப்பு வகைகள் உள்ளிட்ட 29 வகையான பொருள்கள் மீதான வரியை இந்தியா அதிகரித்துள்ளது. இந்தியத் தயாரிப்பு பொருள்கள் மீதான இறக்குமதி வரியை அமெரிக்கா உயர்த்தியுள்ளதற்கு பதிலடியாக இந்நடவடிக்கை எடுக்கப்பட்டுள்ளது.
இந்தியாவில் இருந்து இறக்குமதி செய்யப்படும் இரும்பு, எஃகு, அலுமினியம் தயாரிப்பு பொருள்கள் மீதான இறக்குமதி வரியை அமெரிக்கா தன்னிச்சையாக அண்மையில் அதிகரித்தது. இந்தியாவில் இருந்து ஆண்டுதோறும் 1.5 பில்லியன் டாலர்கள் மதிப்புக்கு, எஃகு, அலுமினியப் பொருள்கள் அமெரிக்காவுக்கு ஏற்றுமதி செய்யப்படுகின்றன. இந்த சூழ்நிலையில், அமெரிக்காவின் திடீர் வரி அதிகரிப்பு நடவடிக்கையால், இந்திய எஃகு துறைக்கு 198.6 மில்லியன் டாலர்களும், அலுமினிய பொருள்கள் தயாரிப்புத் துறைக்கு 42.4 மில்லியன் டாலர்களும் இழப்பு ஏற்பட்டுள்ளது. இதுகுறித்து அமெரிக்காவுக்கு எதிராக சர்வதேச வர்த்தக அமைப்பிடம் இந்தியா சார்பில் புகாரும் அளிக்கப்பட்டுள்ளது.
இந்நிலையில், அமெரிக்காவின் நடவடிக்கைக்கு பதிலடி கொடுக்கும் வகையில், அந்நாட்டிலிருந்து இறக்குமதியாகும் 29 வகை பொருள்கள் மீதான இறக்குமதி வரியை இந்தியா உயர்த்தியுள்ளது. இதுகுறித்து மத்திய நிதியமைச்சகம் வெளியிட்டுள்ள அறிவிப்பில் தெரிவிக்கப்பட்டிருப்பதாவது:
அமெரிக்காவில் இருந்து இறக்குமதியாகும் கொண்டை கடலை, கடலைப் பருப்பு ஆகியவை மீதான இறக்குமதி வரி 30 சதவீதத்தில் இருந்து 70 சதவீதமாக உயர்த்தப்பட்டுள்ளது. பயறு மீதான இறக்குமதி வரி 30 சதவீதத்தில் இருந்து 40 சதவீதமாக அதிகரிக்கப்பட்டுள்ளது.
தோட்டுடன் கூடிய பாதாம் பருப்பு மீதான இறக்குமதி வரி ஒரு கிலோவுக்கு ரூ.100-லிருந்து ரூ.120-ஆக உயர்த்தப்பட்டுள்ளது. தோடு இல்லாத பாதாம் பருப்பு மீதான இறக்குமதி வரி ஒரு கிலோவுக்கு ரூ.35-லிருந்து ரூ.42-ஆக அதிகரிக்கப்பட்டுள்ளது.
வால்நட் மீதான இறக்குமதி வரி 30 சதவீதத்தில் இருந்து 120 சதவீதமாகவும், ஆப்பிள் மீதான இறக்குமதி வரி 50 சதவீதத்தில் இருந்து 75 சதவீதமாகவும், போரிக் அமிலம் மீதான இறக்குமதி வரி 10 சதவீதத்தில் இருந்து 17.50 சதவீதமாகவும், பாஸ்பரீக் அமிலம் மீதான இறக்குமதி வரி 10 சதவீதத்தில் இருந்து 20 சதவீதமாகவும் உயர்த்தப்பட்டுள்ளது.
இரும்புப் பொருள்கள் மீதான இறக்குமதி வரி 15 சதவீதத்தில் இருந்து 27.50 சதவீதமாகவும், துருப்பிடிக்காத எஃகு பொருள்கள் மீதான இறக்குமதி வரி 15 சதவீதத்தில் இருந்து 22.50 சதவீதமாகவும், ஆர்டிமியா எனப்படும் ஒருவகை இறால் மீன் மீதான இறக்குமதி வரி 30 சதவீதமாகவும் உயர்த்தப்பட்டுள்ளது. சிம் சாக்கெட் போன்ற செல்லிடப்பேசி தயாரிப்பு சாதனங்கள் மீதான இறக்குமதி வரி 15 சதவீதத்தில் இருந்து 25 சதவீதமாக அதிகரிக்கப்பட்டுள்ளது. இதேபோல், சர்க்கரை நோயை கட்டுப்படுத்தும் மருந்துகள் உள்ளிட்டவை மீதான இறக்குமதி வரியும் உயர்த்தப்பட்டுள்ளன.
ஆகஸ்ட் 4 முதல் அமல்: இந்த வரி உயர்வு, வரும் ஆகஸ்ட் மாதம் 4ஆம் தேதி முதல் அமலுக்கு வரும் என்று அந்த அறிவிப்பில் மத்திய நிதியமைச்சகம் குறிப்பிட்டுள்ளது.
முன்னதாக, அமெரிக்க அரசானது வெளிநாடுகளில் இருந்து இறக்குமதியாகும் பொருள்களால், தங்கள் நாட்டுத் தயாரிப்பு பொருள்களுக்கு நஷ்டம் ஏற்படாமல் தடுக்கும் வகையிலான கொள்கைகளை தற்போது கடைப்பிடிக்கத் தொடங்கியுள்ளது. இதை கருத்தில் கொண்டு, வெளிநாடுகளில் இருந்து அமெரிக்காவில் இறக்குமதியாகும் பொருள்கள் மீதான இறக்குமதி வரியை அந்நாட்டு அரசு உயர்த்தியுள்ளது. இதற்குப் பதிலடியாக அமெரிக்காவில் இருந்து இறக்குமதியாகும் பொருள்கள் மீதான வரியை அதிகரிப்பதென்று ஐரோப்பிய ஒன்றியத்தில் இடம்பெற்றுள்ள நாடுகளும், ஆசிய நாடான சீனாவும் முடிவு செய்துள்ளன.
இதனால், அமெரிக்காவுக்கும், பிற நாடுகளுக்கும் இடையே வர்த்தக போர் மூண்டிருப்பது போன்ற தோற்றம் உருவாகியுள்ளது. இதனிடையே, உலக வர்த்தக அமைப்பிடம் இந்தியா சார்பில் கடந்த வாரம் அளிக்கப்பட்ட அறிக்கையில், 30 பொருள்கள் மீதான இறக்குமதி வரியை 50 சதவீதம் வரை உயர்த்துவதற்கு திட்டமிட்டிருப்பதாக குறிப்பிடப்பட்டிருந்தது. எனினும், 800 சிசி குதிரை திறனுக்கும் அதிகமான திறனை கொண்ட மோட்டார் சைக்கிள்கள் மீது இறக்குமதி வரியை அதிகரிப்பது குறித்த தகவல் எதுவும் அதில் தெரிவிக்கப்படவில்லை. 
அதேநேரத்தில், ஹார்லி டேவிட்சன், டிரையம்ப் போன்ற நிறுவனங்களின் மோட்டார் சைக்கிள்கள் மீது இறக்குமதி வரியை உயர்த்தத் திட்டமிட்டிருப்பதாக இந்தியா தெரிவித்திருந்தது.
 

]]>
http://images.dinamani.com/uploads/user/imagelibrary/2015/12/18/8/w600X390/tax.jpg http://www.dinamani.com/india/2018/jun/22/அமெரிக்காவில்-இருந்து-இறக்குமதியாகும்-29-பொருள்கள்-மீதான-வரி-அதிகரிப்பு-இந்தியா-பதிலடி-2944407.html
2944406 இந்தியா ஒரு லட்சம் பேர் பங்கேற்ற யோகா நிகழ்ச்சி: ராஜஸ்தானில் கின்னஸ் சாதனை DIN DIN Friday, June 22, 2018 01:15 AM +0530 ராஜஸ்தான் மாநிலம், கோட்டா நகரில் நடைபெற்ற யோகா தின நிகழ்ச்சியில் ஒரு லட்சம் பேர் கலந்து கொண்டனர். இதையடுத்து, அந்த நிகழ்ச்சிக்கு கின்னஸ் சாதனை அங்கீகாரம் வழங்கப்பட்டது.
யோகா குரு பாபா ராம்தேவ் இந்த நிகழ்ச்சியை வழிநடத்தினார். ராஜஸ்தான் முதல்வர் வசுந்த்ரா ராஜே, மாநில அமைச்சர்கள், அதிகாரிகள், பொதுமக்கள் மற்றும் கின்னஸ் அமைப்பைச் சேர்ந்த இரண்டு அதிகாரிகள் உள்ளிட்டோர் இந்த நிகழ்வில் கலந்து கொண்டனர்.
நிகழ்ச்சி முடிவடைந்த பின்னர், கின்னஸ் அங்கீகாரம் வழங்கப்பட்டது. 2018-ஆம் ஆண்டு ஜூன் 21-ஆம் தேதி, ராஜஸ்தான் மாநில அரசு, பதஞ்சலி யோகபீடம், கோட்டா மாவட்ட நிர்வாகம் ஆகியோரால் நடத்தப்பட்ட மாபெரும் யோகா சாதனை நிகழ்ச்சி'' என்று அந்த சான்றிதழில் குறிப்பிடப்பட்டுள்ளது.
இந்த நிகழ்ச்சியில் 1.05 லட்சம் பேர் கலந்து கொண்டதாக கணக்கிடப்பட்டது. அதே சமயம், கணக்கில் வராத நபர்களையும் சேர்த்தால் 2 லட்சத்தை தொடும் எனக் கருதப்படுகிறது.
கின்னஸ் சாதனை அமைப்பில் இந்தியாவுக்கான பிரதிநிதிகளும், லண்டனைச் சேர்ந்தவர்களுமான ஸ்வப்னீல், ரிபிக்கா ஆகியோர் கோட்டா நகருக்கு வந்திருந்தனர். சாதனை சான்றிதழை முதல்வர் வசுந்த்ரா ராஜே மற்றும் பாபா ராம்தேவிடம் அவர்கள் வழங்கினர்.
இந்த நிகழ்ச்சி காலை 5 மணிக்கே தொடங்கியது. சாதனையை உறுதி செய்வதற்கான 15 யோகாசனங்கள் காலை 6.30 மணியில் இருந்து 7 மணி வரை செய்யப்பட்டன.
யோகா நிகழ்ச்சிக்கு பிறகு, ராஜஸ்தான் முதல்வர் வசுந்த்ரா ராஜே பேசுகையில், அனைத்து மாவட்ட தலைநகரங்களிலும் யோகா பயிற்சி மையம் அமைக்கப்படும் என்றார்.
நிகழ்ச்சியையொட்டி 4,500 காவலர்கள் பாதுகாப்பு பணியில் ஈடுபட்டிருந்தனர். முன்னதாக, மைசூரில் கடந்த ஆண்டு 55,524 பேர் யோகா செய்ததே உலக 
சாதனையாக இருந்து வந்தது.

நிகழ்ச்சியில் கலந்துகொண்டவர்களில் ஒரு பகுதியினர். 

]]>
http://images.dinamani.com/uploads/user/imagelibrary/2018/6/22/w600X390/ramdev.jpg கின்னஸ் சாதனை'' புகழ் நிகழ்ச்சியில் யோகாசனம் செய்த ராஜஸ்தான் முதல்வர் வசுந்த்ரா ராஜே மற்றும் பாபா ராம்தேவ். http://www.dinamani.com/india/2018/jun/22/ஒரு-லட்சம்-பேர்-பங்கேற்ற-யோகா-நிகழ்ச்சி-ராஜஸ்தானில்-கின்னஸ்-சாதனை-2944406.html
2944405 இந்தியா பாடத்திட்டத்தில் யோகக் கலை: வெங்கய்ய நாயுடு DIN DIN Friday, June 22, 2018 01:14 AM +0530 ஆரோக்கியமான தேசத்தை உருவாக்க பள்ளிப் பாடத் திட்டங்களில் யோகக் கலையை சேர்க்க வேண்டும் என்று குடியரசு துணைத் தலைவர் வெங்கய்ய நாயுடு வலியுறுத்தினார்.
சர்வதேச யோகா தினம் (ஜூன் 21) மும்பையில் வியாழக்கிழமை கொண்டாடப்பட்டது. இதையொட்டி, பாந்த்ரா பகுதியில் நடைபெற்ற நிகழ்ச்சியில் பங்கேற்று வெங்கய்ய நாயுடு பேசியதாவது:
நேர்மறை எண்ணங்களை உருவாக்குவதில் யோகா முக்கிய பங்கு வகிக்கிறது. தினமும் மாறிக் கொண்டிருக்கும் வாழ்க்கை முறையில், பல்வேறு பிரச்னைகளிலிருந்து நம்மை விடுவித்துக் கொள்வதற்கும் யோகா உதவுகிறது. எனவே, இந்தக் கலையை பள்ளிப் பாடத்திட்டத்தில் சேர்த்தால் ஒட்டுமொத்த தேசமும் ஆரோக்கியமானதாக உருவாகும். நமது முன்னோர்கள் நமக்கு அளித்த விலைமதிப்பற்ற பரிசு யோகக் கலை என்றார் அவர்.
மகாராஷ்டிர மாநிலம், புணேவில் நடைபெற்ற நிகழ்ச்சியில் பங்கேற்ற வெங்கய்ய நாயுடு, விவசாயக் கடனை ரத்து செய்வது மட்டுமே ஒரே நிரந்தரத் தீர்வாக அமையாது என்றும் விவசாயிகளுக்கான கொள்கைகள் மேலும் வகுக்கப்பட வேண்டும் என்றும் வலியுறுத்தினார்.
இதுகுறித்து அவர் மேலும் கூறுகையில், கால்நடைகளை வளர்ப்பவர்களும், பால் பொருள்களை விற்பனை செய்பவர்களும் தற்கொலை செய்துகொள்ள மாட்டார்கள். அவர்களுக்கு அதன்மூலம் உரிய வருவாய் கிடைக்கிறது. பயிர்களை உற்பத்தி செய்பவர்களுக்கும் உரிய வருமானம் கிடைக்க வேண்டும். வாடிக்கையாளர்களுக்கு நாம் அதிக முக்கியத்துவம் கொடுக்கிறோம். அதற்காக விவசாயிகளை புறக்கணித்துவிடக் கூடாது' என்றார்.
இந்த நிகழ்ச்சியில் யோகப் பயிற்சியை மேற்கொண்ட மகாராஷ்டிர முதல்வர் தேவேந்திர ஃபட்னவீஸ் பேசுகையில், யோகா என்பது தொன்மைவாய்ந்த அறிவியல். நிகழ் காலத்துக்கு அது அவசியம் தேவைப்படுகிறது. ஆரோக்கியமான வாழ்க்கைக்காக இளைஞர்கள் யோகாசனப் பயிற்சிகளை செய்ய வேண்டும்' என்றார்.
பாஜக எம்.பி.யான பூணம் மகாஜன், அக்கட்சியின் எம்எல்ஏ ஆஷிஷ் ஷெலர், மத்திய அமைச்சர் பாபுல் சுப்ரியோ உள்ளிட்டோரும் நிகழ்ச்சியில் பங்கேற்றனர். மும்பையில் உள்ள ஆளுநர் மாளிகையில், யோகா நிறுவனம் ஏற்பாடு செய்திருந்த நிகழ்ச்சியில் பங்கேற்று அந்த மாநில ஆளுநர் வித்தியாசாகர் ராவ் யோகப் பயிற்சிகளை வியாழக்கிழமை மேற்கொண்டார்.
ஆளுநரின் செயலர் வேணுகோபால் ரெட்டி, துணைச் செயலர் ரஞ்சித் குமார், ஆளுநர் மாளிகை அதிகாரிகள் உள்ளிட்டோரும் யோகப் பயிற்சிகளை மேற்கொண்டனர்.
மகாராஷ்டிர சட்டப் பேரவையில் நடைபெற்ற யோகா நிகழ்ச்சியில், சில அரசு அதிகாரிகளும் யோகப் பயிற்சிகளை மேற்கொண்டனர்.
 

]]>
http://images.dinamani.com/uploads/user/imagelibrary/2017/12/7/w600X390/venkia.jpg http://www.dinamani.com/india/2018/jun/22/பாடத்திட்டத்தில்-யோகக்-கலை-வெங்கய்ய-நாயுடு-2944405.html
2944404 இந்தியா கர்ப்பிணிகளுடன் யோகா பயிற்சி செய்த மேனகா காந்தி! DIN DIN Friday, June 22, 2018 01:13 AM +0530 நான்காவது சர்வதேச யோகா தினத்தையொட்டி, தில்லியில் கர்ப்பிணி பெண்களுடன் யோகப் பயிற்சியை மத்திய பெண்கள் மற்றும் குழந்தைகள் நலத் துறை அமைச்சர் மேனகா காந்தி மேற்கொண்டார்.
தில்லியில் சுகப் பிரசவத்துக்கான மையத்தில் நடைபெற்ற யோகா கொண்டாட்ட நிகழ்ச்சியில் மேனகா காந்தி பேசியதாவது:
கர்ப்பிணிகள் யோகாசனப் பயிற்சிகளை மேற்கொள்வது நல்லது. நல்ல பயிற்சியாளர்களின் வழிகாட்டுதல்களைக் கொண்டு ஆசனங்களை மேற்கொள்ள வேண்டும். யோகக் கலையை பிரதமர் நரேந்திர மோடி ஊக்குவித்து விட்டார். இதனால், யோகாசனங்களை கற்றுத் தர வேண்டிய பயிற்சியாளர்களின் தேவையும் அதிகரித்துவிட்டது.
நாட்டில் ஆரோக்கியத்தை பேணும் மையங்கள் 1,50,000 இருக்கின்றன. அந்த மையங்களுக்கு பயிற்சியாளர்களும், இயன்முறை அறுவைச் சிகிச்சை நிபுணர்களும் தேவைப்படுகிறார்கள் என்று மேனகா காந்தி தெரிவித்தார்.
சானியாவுக்கு பாராட்டு: இந்திய டென்னிஸ் நட்சத்திரமான சானியா மிர்ஸா கர்ப்பமாக இருக்கின்ற நிலையில், சர்வதேச யோகா தினத்தையொட்டி யோகாப் பயிற்சி மேற்கொண்டதற்காக மேனகா காந்தி அவருக்கு பாராட்டு தெரிவித்தார்.
ஆந்திராவில் யோகாசனம்: இதனிடையே, ஆந்திரப் பிரதேச முதல்வர் சந்திரபாபு நாயுடு, யோகாசனப் பயிற்சிகளை வியாழக்கிழமை மேற்கொண்டார்.
ஆந்திரப் பிரதேச மாநிலம், அமராவதியில் நடைபெற்ற நிகழ்ச்சியில் அவர் கூறுகையில், மனதைக் கட்டுப்படுத்த சிறந்த கருவிகளில் ஒன்று யோகா. 5 நிமிடம் யோகா செய்தால், எந்தவிதமான மன அழுத்தத்திலிருந்தும் விடுபடலாம். முழுமையான வாழ்க்கையை வாழ யோகா அவசியம்' என்றார்.
ஆயுஷ் அமைச்சகம் சார்பில் ஏற்பாடு செய்யப்பட்டிருந்த நிகழ்ச்சியில் கல்லூரி மாணவர்களுடன் அவர் யோகாப் பயிற்சிகளை செய்தார். மத்திய அமைச்சர் முக்தார் அப்பாஸ் நக்வி, ஜார்க்கண்ட் முதல்வர் ரகுவர் தாஸ் உள்ளிட்டோர் மக்களுடன் வியாழக்கிழமை யோகாசனப் பயிற்சிகளை ராஞ்சி நகரில் மேற்கொண்டனர்.
இதேபோல், சர்வதேச யோகா தினத்தையொட்டி, மத்திய உள்துறை அமைச்சர் ராஜ்நாத் சிங், உத்தரப் பிரதேச முதல்வர் யோகி ஆதித்யநாத் உள்ளிட்டோரும் யோகப் பயிற்சிகளை உத்தரப் பிரதேச மாநிலம், லக்னௌவில் வியாழக்கிழமை மேற்கொண்டனர்.


 

]]>
http://images.dinamani.com/uploads/user/imagelibrary/2018/6/22/w600X390/menaka.jpg தில்லியில், கர்ப்பிணிகளுடன் இணைந்து யோகப் பயிற்சியை மேற்கொண்ட மத்திய அமைச்சர் மேனகா காந்தி. நாள்: வியாழக்கிழமை http://www.dinamani.com/india/2018/jun/22/கர்ப்பிணிகளுடன்-யோகா-பயிற்சி-செய்த-மேனகா-காந்தி-2944404.html
2944403 இந்தியா யோகா தின நிகழ்ச்சியைத் தவிர்த்த நிதீஷ் குமார் DIN DIN Friday, June 22, 2018 01:12 AM +0530 சர்வதேச யோகா தினத்தை முன்னிட்டு பிகார் மாநிலம் பாட்னாவில் வியாழக்கிழமை நடைபெற்ற யோகா தின சிறப்பு நிகழ்ச்சியில் அந்த மாநில முதல்வர் நிதீஷ் குமார் பங்கேற்கவில்லை.
அதே நேரத்தில் பிகார் ஆளுநர் சத்யபால் மாலிக், மத்திய அமைச்சர் ரவி சங்கர் பிரசாத், துணை முதல்வர் சுஷில் குமார் மோடி மற்றும் பாஜக தலைவர்கள் பலர் கூட்டு யோகா பயிற்சியில் பங்கேற்றனர்.
பிகாரில் மக்களவைத் தேர்தல் தொகுதிப் பங்கீடு தொடர்பாக நிதீஷ் குமாரின் ஐக்கிய ஜனதா தளம் கட்சிக்கும், பாஜகவுக்கும் இடையே பிரச்னை எழுந்துள்ளதாகக் கூறப்படும் நிலையில், யோகா நிகழ்ச்சியை நிதீஷ் தவிர்த்திருப்பது கூடுதல் முக்கியத்தவும் பெற்றுள்ளது. ஜூன் 21-ஆம் தேதியை சர்வதேச யோகா தினமாக அனுசரிக்க ஐ.நா. முடிவு செய்ததில் பிரதமர் மோடி முக்கியப் பங்கு வகித்தார் என்பது குறிப்பிடத்தக்கது.
பாட்னாவில் உள்ள பாடலிபுத்திரம் விளையாட்டு மைதான வளாகத்தில் ஆயிரக்கணக்கானோர் ஒன்று கூடி, வியாழக்கிழமை காலை யோகாசனப் பயிற்சியில் ஈடுபட்டனர். மாநில அரசு சார்பில் நடைபெற்ற இந்த நிகழ்ச்சியில் நிதீஷ் பங்கேற்காதது குறித்து ஐக்கிய ஜனதா தளம் கட்சியின் செய்தித் தொடர்பாளர் ராஜீவ் ரஞ்சன் பிரசாத் கூறுகையில், சர்வதேச யோகா தினம் அனுசரிக்கப்படுவதற்கு முன்பிருந்தே நிதீஷ் குமார் தினமும் யோகாசனப் பயிற்சியில் ஈடுபட்டு வருகிறார். யோகா என்பது நமது நாட்டின் பாரம்பரியத்தில் ஒரு பகுதி. அது எந்தக் கட்சியின் அங்கமும் கிடையாது. யோகா தின நிகழ்ச்சியில் நிதிஷ் குமார் பங்கேற்காதது அவரது தனிப்பட்ட முடிவு. இதில் அரசியல் காரணம் தேடுவது தவறானது' என்றார்.
இது தொடர்பாக மத்திய அமைச்சர் ரவி சங்கர் பிரசாத், துணை முதல்வர் சுஷில் குமார் மோடி ஆகியோரிடம் செய்தியாளர்கள் கருத்துக் கேட்டபோது, இந்த விஷயத்தை அரசியலாக்க வேண்டிய அவசியம் இல்லை. யோகாவின் முக்கியத்துவத்தை அறிந்துள்ள நிதீஷ், அதனை தினமும் பயிற்சி செய்து வருகிறார் என்பது எங்களுக்குத் தெரியும். பல பாஜக தலைவர்களும் கூட யோகா நிகழ்ச்சியில் பங்கேற்கவில்லை' என்று பதிலளித்தனர்.
ஆர்ஜேடி குற்றச்சாட்டு: இது தொடர்பாக லாலு பிரசாத்தின் ராஷ்ட்ரீய ஜனதா தளம் (ஆர்ஜேடி) கட்சியின் தேசிய துணைத் தலைவர் சிவானந்த் திவாரி செய்தியாளர்களிடம் பேசுகையில், ஒரு கூட்டணியில் இருந்து விலகும்போது நிதீஷ் குமார் இதுபோன்று கூட்டணிக் கட்சித் தலைவர்களின் நிகழ்ச்சிகளைத் தவிர்ப்பது வழக்கமான ஒன்றுதான். பாஜகவில் இருந்து விலகும் எண்ணத்தில் இருக்கும் அவர், அடுத்து மதவாதம் குறித்துப் பேசுவார். எங்கள் கூட்டணியில் நிதீஷுக்கும் இனி இடம் தர மாட்டோம். அவர் இனி வேறு யாருடன் கூட்டணி சேர்வார் என்று தெரியவில்லை' என்றார்.
 

]]>
http://images.dinamani.com/uploads/user/imagelibrary/2017/5/24/w600X390/Nithishkumar.jpg http://www.dinamani.com/india/2018/jun/22/யோகா-தின-நிகழ்ச்சியைத்-தவிர்த்த-நிதீஷ்-குமார்-2944403.html
2944402 இந்தியா யோகா எந்த மதத்தையும் சார்ந்ததல்ல: கேரள முதல்வர் பினராயி விஜயன் DIN DIN Friday, June 22, 2018 01:11 AM +0530 எந்த மதத்தையும் யோகக் கலை சார்ந்ததல்ல என்று கேரள முதல்வர் பினராயி விஜயன் தெரிவித்தார்.
நான்காவது சர்வதேச யோகா தினத்தையொட்டி, திருவனந்தபுரத்தில் வியாழக்கிழமை நடைபெற்ற நிகழ்ச்சியில் பங்கேற்று அவர் பேசியதாவது:
சர்வதேச தரத்தில் யோகா மற்றும் இயற்கை சிகிச்சை மையத்தை கேரளத்தில் அமைக்கத் தேவையான நடவடிக்கைகளை மாநில அரசு மேற்கொள்ளும்.
யோகக் கலையை எந்த மதத்தை அல்லது எந்தவொரு ஜாதியைச் சேர்ந்தவரும் கற்றுக் கொண்டு வாழ்க்கையின் ஓர் அங்கமாக்கிக் கொள்ளலாம். யோகக் கலை மதச்சார்பற்றதாகவும், எல்லோருக்குமானதாகவும் இருக்க வேண்டும்.
சில குழுக்கள் யோகாவை ஒரு குறிப்பிட்ட மதத்துக்கு சொந்தமானதாக்க முயற்சி செய்து வருகின்றன. தேக மற்றும் மன ஆரோக்கியத்துடன் வாழ உலகில் உள்ள எந்த உடற்பயற்சியைக் காட்டிலும் யோகா செய்வதே சிறந்ததாக இருக்கும் என்றார் பினராயி விஜயன்.
கேரள ஆளுநர் பி.சதாசிவம் கூறுகையில், யோகப் பயிற்சியை மேற்கொள்வதால் நமது ஆற்றலை மட்டும் நாம் மேம்படுத்தவில்லை. மாறாக, இந்திய பாரம்பரியத்துக்கும் மரியாதை செலுத்துகிறோம்' என்றார்.
திருவனந்தபுரத்தில் நடைபெற்ற சர்வதேச யோகா தின நிகழ்ச்சியில், மிஸோரம் ஆளுநரும், கேரள பாஜக முன்னாள் தலைவருமான கும்மணம் ராஜசேகரன் உள்ளிட்டோர் பங்கேற்றனர். மாநிலம் முழுவதும் பல்வேறு அமைப்புகள் யோகா நிகழ்ச்சிகளை வியாழக்கிழமைநடத்தின.
 

]]>
http://images.dinamani.com/uploads/user/imagelibrary/2018/5/21/w600X390/Pinarayi_Vijayan.jpg http://www.dinamani.com/india/2018/jun/22/யோகா-எந்த-மதத்தையும்-சார்ந்ததல்ல-கேரள-முதல்வர்-பினராயி-விஜயன்-2944402.html
2944401 இந்தியா பாஜக பயங்கரவாத அமைப்பு:  மம்தா பானர்ஜி DIN DIN Friday, June 22, 2018 01:11 AM +0530 பாஜக ஓர் பயங்கரவாத அமைப்பு. அக்கட்சி மத அடிப்படையில் மக்களை பிரித்தாளுகிறது. துணிச்சல் இருந்தால் அவர்கள் எங்கள் கட்சியினரை தொட்டுப் பார்க்கட்டும்' என்று மேற்கு வங்க முதல்வரும், திரிணமூல் காங்கிரஸ் கட்சித் தலைவருமான மம்தா பானர்ஜி கூறியுள்ளார்.
கொல்கத்தாவில் வியாழக்கிழமை நடைபெற்ற கட்சிக் கூட்டத்தில் மம்தா பானர்ஜி பேசியதாவது:
நாம் பாஜகவைப் போன்று பயங்கரவாத அமைப்பு அல்ல. அவர்கள் அராஜகமானவர்கள்; சகிப்புத்தன்மையற்றவர்கள். மதச்சார்புடைய அந்தக் கட்சி, முஸ்லிம்கள், கிறிஸ்தவர்கள், சீக்கியர்கள் ஆகியோரை விரும்புவதில்லை. ஹிந்துக்களில் கூட அவர்கள் உயர்ந்த ஜாதியினர், தாழ்ந்த ஜாதியினர் என்று பிரித்துப் பார்ப்பவர்கள்.
மத்தியில் அவர்கள் அதிகாரத்தில் இருப்பதால், என்கவுன்ட்டர்கள் நடத்துவதாக அச்சுறுத்தல் விடுக்கின்றனர். எங்கள் கட்சியினரை தொட்டுப் பார்க்குமாறு அவர்களுக்கு (பாஜகவினர்) சவால் விடுகிறேன். அவ்வாறு அவர்கள் செயல்பட்டால், அவர்கள் இருக்க வேண்டிய இடத்தைக் காட்டுவோம்.
மேற்கு வங்கத்தில் திரிணமூல் காங்கிரஸுக்கு எதிராக, பாஜக, காங்கிரஸ், மார்க்சிஸ்ட் கம்யூனிஸ்ட், மாவோயிஸ்டுகள் ஆகியோர் ஒன்றாகக் கைகோக்கின்றனர். பாஜக தனது வாக்கு சதவீதத்தை அதிகரிப்பதற்காக, மின்னணு வாக்குப்பதிவு இயந்திரங்களில் மோசடி செய்கிறது. திரிணமூல் கட்சியினர் விழிப்புடன் செயல்பட்டு அவர்களை கண்காணிக்க வேண்டும்.
மகேஷ்தலா இடைத் தேர்தலில் பயன்படுத்தப்பட்ட மின்னணு வாக்குப் பதிவு இயந்திரங்களில் 30 சதவீத இயந்திரங்கள் சரியாக வேலை செய்யவில்லை. எனவே, ஒவ்வொரு இயந்திரமும் முறையாக சோதிக்கப்பட வேண்டும். நாட்டு மக்கள் நம்மை கவனித்துக் கொண்டிருக்கின்றனர் என்பதை திரிணமூல் காங்கிரஸ் தொண்டர்கள் கவனத்தில் கொள்ள வேண்டும் என்று மம்தா பானர்ஜி பேசினார்.

]]>
http://images.dinamani.com/uploads/user/imagelibrary/2018/6/22/w600X390/mamtha.jpg http://www.dinamani.com/india/2018/jun/22/பாஜக-பயங்கரவாத-அமைப்பு--மம்தா-பானர்ஜி-2944401.html
2944400 இந்தியா பட்ஜெட்: அமைச்சர்களுடன் முதல்வர் குமாரசாமி ஆலோசனை DIN DIN Friday, June 22, 2018 01:10 AM +0530 கர்நாடக பட்ஜெட்டில் இடம்பெற வேண்டிய முக்கிய அம்சங்கள் குறித்து பல்வேறு துறைகளின் அமைச்சர்கள், உயரதிகாரிகளுடன் முதல்வர் குமாரசாமி ஆலோசனை நடத்தினார்.
முந்தைய காங்கிரஸ் ஆட்சியில் 2018-19-ஆம் ஆண்டுக்கான பட்ஜெட்டை அன்றைய முதல்வர் சித்தராமையா தாக்கல் செய்திருந்தார். இந்நிலையில், அண்மையில் நடந்த சட்டப்பேரவைத் தேர்தலில் ஆட்சி மாற்றம் ஏற்பட்டு, முதல்வர் குமாரசாமி தலைமையில் மஜத-காங்கிரஸ் 
கூட்டணி அரசு அமைந்துள்ளது. 
இந்நிலையில், 2018-19-ஆம் ஆண்டுக்கான புதிய பட்ஜெட்டை தாக்கல் செய்ய நிதித் துறையை கவனித்துவரும் முதல்வர் குமாரசாமி திட்டமிட்டிருக்கிறார். ஜூலை முதல் வாரத்தில் பட்ஜெட்டை தாக்கல் செய்ய முடிவு செய்துள்ள முதல்வர் குமாரசாமி, பெங்களூரு, ரேஸ்கோர்ஸ் சாலையில் உள்ள மின்சார மாளிகையில் வியாழக்கிழமை காலை 11 மணி முதல் துறைகளின் அமைச்சர்கள் மற்றும் உயரதிகாரிகளுடன் ஆலோசனை நடத்தினார்.
இந்த கூட்டத்தில் தொழிலாளர் நலன், மருத்துவக் கல்வி, கனரக, நடுத்தர, சிறிய நீர்ப் பாசனம், வருவாய், திறன் மேம்பாடு, தொழில்முனைப்பாற்றல் மற்றும் வாழ்வாதாரம், ஊரக வளர்ச்சி மற்றும் பஞ்சாயத்துராஜ், சட்டம், நாடாளுமன்ற விவகாரங்கள், சட்டப்பேரவை போன்ற துறைகளின் அமைச்சர்கள், உயரதிகாரிகள் கலந்து கொண்டனர். 
பட்ஜெட்டில் அறிமுகம் செய்ய வேண்டிய புதிய திட்டங்கள் குறித்து விவாதிக்கப்பட்டது. பட்ஜெட் குறித்து பல்வேறு துறைகளின் அமைச்சர்கள், உயரதிகாரிகளுடன் அடுத்த 2 நாள்களுக்கு விவாதிக்க முதல்வர் குமாரசாமி திட்ட மிட்டுள்ளார்.

]]>
http://images.dinamani.com/uploads/user/imagelibrary/2018/5/15/w600X390/kumarasamy1.jpg http://www.dinamani.com/india/2018/jun/22/பட்ஜெட்-அமைச்சர்களுடன்-முதல்வர்-குமாரசாமி-ஆலோசனை-2944400.html
2944399 இந்தியா ஜம்மு-காஷ்மீரில் முழுஅடைப்பு: பிரிவினைவாத தலைவர்கள் கைது DIN DIN Friday, June 22, 2018 01:09 AM +0530 ஜம்மு-காஷ்மீர் மாநிலத்தில் வியாழக்கிழமை நடைபெற்ற முழுஅடைப்பு போராட்டம் காரணமாக மக்களின் இயல்பு வாழ்க்கை பாதிக்கப்பட்டது.
இதற்கிடையே, பிரிவினைவாத இயக்க தலைவர்களில் ஒருவரான யாசின் மாலிக் கைது செய்யப்பட்டார். மற்றொரு தலைவரான மீர்வாய்ஸ் உமர் ஃபாரூக் வீட்டுக் காவலில் வைக்கப்பட்டார்.
ஜம்மு-காஷ்மீர் மாநிலத்தில் அண்மையில், ரைசிங் காஷ்மீர் பத்திரிகை ஆசிரியர் சுஜாத் புஹாரி பயங்கரவாதிகளால் படுகொலை செய்யப்பட்டார். இதேபோல், பாதுகாப்பு படையினருடனான மோதல்களில் பொதுமக்கள் சிலர் உயிரிழந்தனர்.
இந்த நிகழ்வுகளைக் கண்டித்து முழுஅடைப்பு போராட்டம் நடத்த பிரிவினைவாத இயக்கங்கள் கூட்டாக அழைப்பு விடுத்திருந்தன. அதன்படி, காஷ்மீர் பள்ளத்தாக்கு பகுதிக்கு உள்பட்ட மாவட்டங்களில் வியாழக்கிழமை முழுஅடைப்பு நடைபெற்றது.
ஸ்ரீநகரில், பெரும்பாலான கடைகளும், பெட்ரோல் நிலையங்களும் அடைக்கப்பட்டிருந்தன. அரசுப் பேருந்துகள் குறைந்த அளவிலேயே இயக்கப்பட்டன. அதே சமயம், தனியார் கார்கள், ஆட்டோக்கள் உள்ளிட்டவை வழக்கம்போல் இயங்கின.
பள்ளிகள் மற்றும் இதர கல்வி நிலையங்கள் அடைக்கப்பட்டிருந்தன. அஞ்சல் நிலையங்கள், வங்கிகள் மற்றும் இதர அரசு அலுவலகங்களில் குறைவான ஊழியர்களே பணிக்கு வந்திருந்தனர்.
முழுஅடைப்பு போராட்டம் காரணமாக, முன்னெச்சரிக்கை நடவடிக்கையாக ரயில் சேவைகளை அதிகாரிகள் ரத்து செய்தனர் என்று காவல் துறை அதிகாரி ஒருவர் தெரிவித்தார்.
தலைவர்கள் கைது: போராட்டத்தில் கலந்து கொள்வதை தடுக்கும் வகையில் பிரிவினைவாத இயக்கங்களின் தலைவர்கள் கைது செய்யப்பட்டனர்.
ஜம்மு-காஷ்மீர் விடுதலை முன்னணியின் தலைவர் யாசின் மாலிக்கை, மைசுமா நகரில் உள்ள அவரது இல்லத்தில் வைத்து காவல் துறையினர் கைது செய்தனர். பின்னர், அவர் காவல் நிலையத்துக்கு அழைத்து செல்லப்பட்டார். மிதவாத ஹூரியத் அமைப்பின் தலைவர் மீர்வாய்ஸ் உமர் ஃபாரூக்கை, காவல் துறையினர் வீட்டுக் காவலில் வைத்தனர்.
 

]]>
http://www.dinamani.com/india/2018/jun/22/ஜம்மு-காஷ்மீரில்-முழுஅடைப்பு-பிரிவினைவாத-தலைவர்கள்-கைது-2944399.html
2944398 இந்தியா ஒய்எஸ்ஆர் காங்கிரஸ் எம்பிக்கள் 5 பேரின் ராஜிநாமா ஏற்பு DIN DIN Friday, June 22, 2018 01:09 AM +0530 ஒய்எஸ்ஆர் காங்கிரஸ் கட்சி எம்.பிக்கள் 5 பேர் அளித்த ராஜிநாமா கடிதங்களை மக்களவைத் தலைவர் சுமித்ரா மகாஜன் வியாழக்கிழமை ஏற்றுக் கொண்டார்.
இதுகுறித்து மக்களவைத் தலைவர் அலுவலகம் வியாழக்கிழமை வெளியிட்டிருக்கும் அறிவிப்பில், ஒய்எஸ்ஆர் காங்கிரஸ் எம்.பிக்கள் மேகபதி ராஜமோகன் ரெட்டி (நெல்லூர் தொகுதி), வி.வி. சுப்பா ரெட்டி (ஓங்கோல்), வி. வரபிரசாத ராவ் (திருப்பதி), பி. மிதுன் ரெட்டி (ராஜம்பேட்), ஒய்.அவிநாஷ் ரெட்டி (கடப்பா) ஆகிய 5 பேர், தங்களது பதவிகளை ராஜிநாமா செய்திருப்பதை மக்களவைத் தலைவர் சுமித்ரா மகாஜன் ஏற்றுக் கொண்டார். 
இது புதன்கிழமை முதல் நடைமுறைக்கு வருகிறது' எனத் தெரிவிக்கப்பட்டிருக்கிறது.
ஆந்திரத்துக்கு மத்திய அரசு சிறப்பு அந்தஸ்து அளிக்க வேண்டும் என்று வலியுறுத்தி, ஒய்எஸ்ஆர் காங்கிரஸ் எம்.பி.க்கள் தொடர் போராட்டத்தில் ஈடுபட்டனர். எனினும், மத்திய அரசு அவர்களது கோரிக்கைக்கு செவிமடுக்கவில்லை.
இதைத் தொடர்ந்து, தங்களது எம்.பி. பதவிகளை ராஜிநாமா செய்வது தொடர்பான கடிதத்தை மக்களவைத் தலைவர் சுமித்ரா மகாஜனிடம் கடந்த ஏப்ரல் மாதம் 6ஆம் தேதி அக்கட்சி எம்.பி.க்கள் 5 பேர் அளித்தனர். இதன்பின்னர் அவர்கள் 5 பேரையும் கடந்த மே மாதம் 29ஆம் தேதியும், கடந்த 6ஆம் தேதியும் நேரில் அழைத்து சுமித்ரா மகாஜன் பேச்சுவார்த்தை நடத்தினார். அப்போது அவர்கள் 5 பேரையும், பதவி ராஜிநாமா முடிவை மறுபரிசீலனை செய்யும்படி மகாஜன் கேட்டுக் கொண்டார். ஆனால், 5 பேரும் தங்களது முடிவில் உறுதியாக இருப்பதாக தெரிவித்தனர்.
இதனால், 5 பேரையும் மீண்டும் ராஜிநாமா கடிதங்களை அளிக்குமாறு சுமித்ரா மகாஜன் கேட்டுக் கொண்டார். அவர்களும் புதிதாக ராஜிநாமா கடிதங்களை அளித்தனர். அந்த கடிதங்களை பெற்றுக் கொண்ட மகாஜன், அதன்மீது உடனடியாக முடிவெடுக்கவில்லை. லாட்வியா, பெலாரஸ் ஆகிய நாடுகளுக்கு அவர் சுற்றுப்பயணமாக சென்றார்.
அந்த பயணத்தை முடித்துவிட்டு திரும்பியதும், 5 பேரின் ராஜிநாமாவையும் சுமித்ரா மகாஜன் ஏற்றுக் கொண்டார். இதுகுறித்து ராஜமோகன் ரெட்டி கூறுகையில், அந்த 5 தொகுதிகளிலும் இடைத் தேர்தல் நடத்த வேண்டுமா? வேண்டாமா? என்பது குறித்து தேர்தல் ஆணையம்தான் முடிவு செய்ய வேண்டும். நாங்கள் இடைத் தேர்தலை எதிர்கொள்ள தயாராக இருக்கிறோம்' என்றார். சுப்பா ரெட்டி கூறுகையில், இடைத் தேர்தல் நடத்துவது குறித்து தேர்தல் ஆணையம் விரைந்து முடிவெடுக்க வேண்டும்' என்றார்.
தெலுங்கு தேசம் கட்சி தரப்பில் இருந்து எந்த கருத்தும் தெரிவிக்கப்படவில்லை.
கடந்த 2014ஆம் ஆண்டு மக்களவைத் தேர்தலில், ஒய்எஸ்ஆர் காங்கிரஸ் கட்சி 8 இடங்களில் வென்றது. அவர்களில் 2 பேர், தெலுங்கு தேசம் கட்சியில் இணைந்து விட்டனர். மேலும் ஒருவர், ஒய்எஸ்ஆர் காங்கிரஸ் கட்சியில் இருந்து விலகிவிட்டார். எந்த கட்சியிலும் அவர் சேரவில்லை.

]]>
http://www.dinamani.com/india/2018/jun/22/ஒய்எஸ்ஆர்-காங்கிரஸ்-எம்பிக்கள்-5-பேரின்-ராஜிநாமா-ஏற்பு-2944398.html
2944397 இந்தியா ஐ.எஸ்., அல்-காய்தா துணை அமைப்புகளுக்கு தடை: மத்திய அரசு அறிவிப்பு DIN DIN Friday, June 22, 2018 01:08 AM +0530 இந்தியாவில் அல்-காய்தா, ஐ.எஸ்.ஐ.எஸ் ஆகியவற்றின் துணை அமைப்புகளுக்கு மத்திய அரசு தடை விதித்துள்ளது. அவற்றை பயங்கரவாத அமைப்புகளாகவும் பிரகடனப்படுத்தியுள்ளது. இந்திய இளைஞர்களை மூளைச் சலவை செய்து தேசத்துக்கு எதிரான நடவடிக்கைகளில் ஈடுபடுத்த அந்த அமைப்புகள் முயன்றதாகவும் மத்திய அரசு தெரிவித்துள்ளது.
அல்-காய்தா, ஐ.எஸ். உள்பட பல்வேறு அமைப்புகளுக்கு பயங்கரவாதத் தடுப்புச் சட்டத்தின் கீழ் ஏற்கெனவே தடை விதிக்கப்பட்டுள்ளபோதிலும், அந்த அமைப்புகள் இந்திய மண்ணில் சதித் திட்டங்களை ரகசியமாக அரங்கேற்றி வருகின்றன.
பெரும்பாலும் பாகிஸ்தானில் இருந்தே அத்தகைய திட்டங்கள் வகுக்கப்படுவதாகத் தெரிகிறது. மேலும், இந்திய துணைக் கண்டத்தில் அந்த அமைப்புகள் வேறு பெயரில் கிளைகளைப் பரப்பியும் இத்தகைய பயங்கரவாதச் செயல்களில் ஈடுபடுகின்றன.
அந்த வகையில் அல் - காய்தா இன் இந்தியன் சப்காண்டினன்ட் (ஏக்யூஐஎஸ்), ஐஎஸ்ஐஎஸ்-கே என்ற இருவேறு துணை அமைப்புகள் இந்தியாவில் பயங்கரவாத நடவடிக்கைகளை மேற்கொள்ளத் திட்டமிட்டது தெரியவந்தது. இதையடுத்து அவ்விரு அமைப்புகளையும் தடை செய்வதாக மத்திய உள்துறை அமைச்சகம் தெரிவித்துள்ளது. இதுகுறித்து அமைச்சகம் சார்பில் வெளியிடப்பட்ட அறிக்கையில் தெரிவிக்கப்பட்டிருப்பதாவது:
ஏக்யூஐஎஸ், ஐஎஸ்ஐஎஸ்-கே ஆகிய அமைப்புகள் பயங்கரவாத நடவடிக்கைகளுக்காக இளைஞர்களைத் தேர்வு செய்து வருவதாகத் தகவல்கள் கிடைத்தன. இந்தியாவில் அத்தகைய சதித் திட்டங்களை செயல்படுத்தவே இந்தப் பணிகளை அந்த அமைப்புகள் மேற்கொண்டது தெரியவந்தது.
அதுமட்டுமன்றி உலகளாவிய அளவில் பயங்கரவாதத்தை பரப்பும் நோக்கில் இளைஞர்களுக்கு அவை பயிற்சியளித்து வந்தன. மக்களால் தேர்ந்தெடுக்கப்பட்ட அரசுகளை ஆட்சியில் இருந்து அகற்றுவதற்கான நடவடிக்கைகளிலும் அந்த அமைப்புகள் ஈடுபட்டது கண்டறியப்பட்டது.
இதுபோன்ற அமைப்புகளின் செயல்பாடுகள் தேசத்தின் நலனுக்கும், பாதுகாப்பும் பெரும் அச்சுறுத்தலாக விளங்குகின்றன. எனவே, ஏக்யூஐஎஸ், ஐஎஸ்ஐஎஸ்-கே ஆகியவற்றை பயங்கரவாத அமைப்புகளாக அறிவித்து அவற்றுக்கு தடை விதிக்கப்படுகிறது என்று அந்த அறிக்கையில் குறிப்பிடப்பட்டுள்ளது.
 

]]>
http://www.dinamani.com/india/2018/jun/22/ஐஎஸ்-அல்-காய்தா-துணை-அமைப்புகளுக்கு-தடை-மத்திய-அரசு-அறிவிப்பு-2944397.html
2944396 இந்தியா பனாமா ஆவணக் கசிவு: 12,000 இந்தியர்களுக்கு தொடர்பு? DIN DIN Friday, June 22, 2018 01:08 AM +0530 பனாமா ஆவணக் கசிவு விவகாரத்தில் வியாழக்கிழமை புதிதாக வெளிவந்துள்ள 12 லட்சம் ஆவணங்களில் 12,000 இந்தியர்களுக்கு தொடர்பு இருப்பதாக ஊடகத் தகவல்கள் தெரிவிக்கின்றன.
குறிப்பாக, பிவிஆர் சினிமாஸ் நிறுவனர் அஜய் பிஜ்லி, ஹைக் மெசஞ்ஜரின் தலைமை நிர்வாக அதிகாரி கவின் பார்தி மிட்டல், ஏர்டெல் நிறுவனர் சுனில் மிட்டலின் மகன், ஏசியன் பெயின்ட்ஸ் நிறுவனர் மகன் ஜலஜ் அஸ்வின் தானி ஆகியோரது பெயர் அதில் இடம்பெற்றுள்ளதாக கூறப்படுகிறது.
இதனிடையே, அந்த ஆவணக் கசிவு தகவல்களை வருமான வரித்துறை, இந்திய ரிசர்வ் வங்கி உள்ளிட்ட அமைப்புகள் அடங்கிய பல்முனை விசாரணைக் குழு ஆய்வு செய்யும் என்று நிதியமைச்சகம் தெரிவித்துள்ளது.
இதுதொடர்பாக நிதியமைச்சகம் வெளியிட்டுள்ள அறிக்கையில் கூறியுள்ளதாவது: 
ஊடகங்களில் புதிதாக வெளிவந்துள்ள பனாமா ஆவணங்களில், பல்முனை விசாரணைக் குழுவின் கீழ் விசாரணை அமைப்புகள் ஆய்வு செய்து வருகின்றன. ஏற்கெனவே, பனாமா ஆவணக் கசிவுடன் தொடர்புடைய 426 பேரிடம் பல்முனை விசாரணைக் குழுவில் அங்கம் வகிக்கும் அமைப்புகள் விசாரணை நடத்தியுள்ளன.
அதில் நடவடிக்கை எடுக்கத் தக்கவர்களாக 74 பேர் கண்டறியப்பட்ட நிலையில், அவர்களில் 62 பேர் மீது நடவடிக்கைகள் எடுக்கப்பட்டன. 50 பேருக்கு எதிராக சோதனைகள் நடத்தப்பட்ட நிலையில், 12 பேருக்கு எதிராக நடத்தப்பட்ட ஆய்வின் மூலமாக, கணக்கில் வராத ரூ.1,140 கோடி மதிப்பிலான அந்நிய முதலீடுகள் கண்டறியப்பட்டன. அதில் 16 பேருக்கு எதிராக நீதிமன்றங்களில் வழக்கு தொடுக்கப்பட்டு விசாரணை நடைபெற்று வருகிறது. 32 பேருக்கு எதிராக, கருப்புப் பண தடுப்புச் சட்டத்தின் கீழ் விளக்கம் கேட்டு நோட்டீஸ் அனுப்பப்பட்டுள்ளது என்று நிதியமைச்சகம் அதில் கூறியுள்ளது.
பல்முனை விசாரணைக் குழு, கடந்த 2016 ஏப்ரலில் ஏற்படுத்தப்பட்டது. மத்திய நேரடி வரிகள் வாரியத் தலைவர் தலைமையின் கீழாக அமைக்கப்பட்டுள்ள இந்தக் குழுவில், வருமான வரித்துறை, அமலாக்க இயக்குநரகம், நிதிப் புலனாய்வுப் பிரிவு, இந்திய ரிசர்வ் வங்கி ஆகியவை உறுப்பினர்களாக உள்ளது குறிப்பிடத்தக்கது.
 

]]>
http://www.dinamani.com/india/2018/jun/22/பனாமா-ஆவணக்-கசிவு-12000-இந்தியர்களுக்கு-தொடர்பு-2944396.html
2944395 இந்தியா சூரினாம் வளர்ச்சிக்கு இந்தியா ரூ.347 கோடி நிதியுதவி: ராம்நாத் கோவிந்த் DIN DIN Friday, June 22, 2018 01:08 AM +0530 லத்தீன் அமெரிக்க நாடான சூரினாமுக்கு இந்தியா ரூ.347 கோடி நிதியுதவி வழங்கும் என்று குடியரசுத் தலைவர் ராம்நாத் கோவிந்த் அறிவித்துள்ளார்.
இதில் குறைந்த வட்டியிலான கடன் தொகையாக ரூ.211 கோடியும், சலுகை அடிப்படையிலான நிதியாக ரூ.136 கோடியும் அளிக்கப்படுவதாக தெரிவிக்கப்பட்டுள்ளது. 
மூன்று நாள் சுற்றுப் பயணமாக சூரினாமுக்கு சென்றுள்ள ராம்நாத் கோவிந்த், அந்நாட்டு அதிபர் டிசயர் டெலானோ பெளடர்ஸுடனான பேச்சுவார்த்தைக்குப் பிறகு இந்த அறிவிப்பை வெளியிட்டார். இந்தச் சந்திப்பின்போது இந்தியா-சூரினாம் இடையே பொருளாதார மற்றும் வளர்ச்சி ரீதியிலான உறவை வலுப்படுத்த இரு தரப்பிலும் ஒப்புக்கொள்ளப்பட்டது.
இந்தியா வழங்கும் சலுகை அடிப்படையிலான நிதி ரூ.136 கோடியின் மூலமாக, சூரினாமில் உள்ள 49 கிராமங்களுக்கு மின்சார வசதி அளிக்கும் வகையில் சூரிய மின்சக்தித் திட்டம் அமைக்கப்படவுள்ளது. மேலும், குறைந்த வட்டியில் வழங்கப்படும் தொகையில் ரூ.187 கோடியானது, பிகின் சரோன் பகுதியில் அமைக்கப்படும் மின் பரிமாற்றத் திட்டத்துக்காக பயன்படுத்தப்படவுள்ளது. எஞ்சிய ரூ.23 கோடி அங்குள்ள சேடக் ஹெலிகாப்டர்கள் பராமரிப்புக்காக பயன்படுத்தப்படவுள்ளது.
தகவல் தொழில்நுட்பத்தில் நிபுணத்துவ மையம் அமைப்பதற்காக சூரினாமுக்கு உதவ இந்தியா ஒப்புதல் அளித்ததுடன், அதுதொடர்பாக புரிந்துணர்வு ஒப்பந்தம் மேற்கொள்ளப்பட்டது. தேர்தல்கள், தூதரக அகாதெமிகள் இடையேயான ஒத்துழைப்பு, இரு நாட்டு தூதரக அதிகாரிகளின் துணைகளுக்கான வேலைவாய்ப்பு ஆகிய துறைகளிலும் இரு நாடுகளிடையே புரிந்துணர்வு ஒப்பந்தம் மேற்கொள்ளப்பட்டன.
வேளாண்மை, சுரங்கம், ஆற்றல், மர வேலைப்பாடுகள் துறை ஆகியவற்றில் முதலீடு செய்யுமாறு இந்தியாவுக்கு சூரினாம் அழைப்பு விடுத்துள்ளது. இதனிடையே, சூரினாம் நாடாளுமன்றத்தில் குடியரசுத் தலைவர் ராம்நாத் கோவிந்த் உரையாற்றினார். குடியரசுத் தலைவர் அந்தஸ்தில் இருக்கும் ஒரு வெளிநாட்டுத் தலைவர் அங்கு உரையாற்றுவது இது முதல் முறையாகும்.

 

]]>
http://images.dinamani.com/uploads/user/imagelibrary/2018/6/22/w600X390/ramnath.jpg சூரினாமில் அந்நாட்டு அதிபர் டிசயர் டெலானோ பெளடர்ஸை வியாழக்கிழமை சந்தித்த குடியரசுத் தலைவர் ராம்நாத் கோவிந்த். http://www.dinamani.com/india/2018/jun/22/சூரினாம்-வளர்ச்சிக்கு-இந்தியா-ரூ347-கோடி-நிதியுதவி-ராம்நாத்-கோவிந்த்-2944395.html
2944393 இந்தியா மத்திய வர்த்தக அமைச்சகத்துக்கு புதிய அலுவலகம்: இன்று அடிக்கல் நாட்டுகிறார் மோடி DIN DIN Friday, June 22, 2018 01:06 AM +0530 மத்திய வர்த்தக துறை அமைச்சகத்துக்கு தில்லியில் புதிய அலுவலகம் அமையவுள்ளது. இதற்கு பிரதமர் நரேந்திர மோடி வெள்ளிக்கிழமை அடிக்கல் நாட்டவுள்ளார்.
புதிய அலுவலகத்தை ரூ.226 கோடி மதிப்பில் கட்டி முடிக்க திட்டமிடப்பட்டுள்ளது. 
தில்லியில் உள்ள இந்தியா கேட் அருகில், வர்த்தக அமைச்சக அலுவலகம் சுமார் 4.33 ஏக்கரில் அமையவுள்ளது. சுற்றுச்சூழல் பாதுகாப்பு அம்சங்களுடன் இந்தக் கட்டடம் கட்டப்படவுள்ளது.
ஒரே சமயத்தில் 1,000 அதிகாரிகள் மற்றும் பணியாளர்கள் பணிபுரியும் வகையில் இடவசதி இருக்கும். அதேசமயம், காகித பயன்பாடு அல்லாத வகையில் நவீன தொழில்நுட்பங்களுடன் பணிகளை மேற்கொள்ளும் வசதிகளும், விடியோ கான்பரன்சிங் வசதியும் இடம்பெறும். 
புதிய அலுவலகம் அமையும் பகுதியில் 56 சதவீதம் அளவில் உள்ள 214 மரங்களுக்கு எவ்வித பாதிப்பும் ஏற்படாது. 
வர்த்தகத் துறை அமைச்சகம் தற்போது உத்யோக் பவன் இல்லத்தில் செயல்பட்டு வருகிறது. அங்கு ஏராளமான அமைச்சகங்களின் அலுவலகங்கள் செயல்படுவதால் இடப்பற்றாக்குறை ஏற்பட்டுள்ளது.
 

]]>
http://images.dinamani.com/uploads/user/imagelibrary/2018/5/30/w600X390/modi3.jpg http://www.dinamani.com/india/2018/jun/22/மத்திய-வர்த்தக-அமைச்சகத்துக்கு-புதிய-அலுவலகம்-இன்று-அடிக்கல்-நாட்டுகிறார்-மோடி-2944393.html
2944392 இந்தியா உள்துறை அமைச்சர் ராஜ்நாத் சிங் மங்கோலியா பயணம் DIN DIN Friday, June 22, 2018 01:06 AM +0530 உள்துறை அமைச்சர் ராஜ்நாத் சிங் 3 நாள் பயணமாக மங்கோலியாவுக்கு வியாழக்கிழமை புறப்பட்டார்.
கிழக்கு ஆசிய நாடான மங்கோலியாவுடன் நல்லுறவை மேம்படுத்தும் நோக்கில் முதல் முறையாக அந்நாட்டுக்கு ராஜ்நாத் சிங் பயணம் மேற்கொண்டுள்ளார்.
அங்கு மங்கோலிய பிரதமர் மற்றும் அதிபரைச் சந்தித்துப் பேச இருக்கும் அவர், இரு நாட்டு நல்லுறவை மேம்படுத்துவது குறித்து ஆலோசனை நடத்த இருக்கிறார். மங்கோலிய தலைநகர் உலேன்படாரில் எண்ணெய் சுத்திகரிப்பு ஆலைக்கான அடிக்கல் நாட்டு விழாவிலும் ராஜ்நாத் சிங் பங்கேற்க இருக்கிறார். 
கடந்த ஆண்டே ராஜ்நாத் சிங் மங்கோலியா பயணம் மேற்கொள்ள திட்டமிடப்பட்டிருந்தது. ஆனால், அப்போது அவருக்கு நடைப்பயிற்சியின்போது காலில் காயம் ஏற்பட்டதால் அந்தப் பயணம் ஒத்திவைக்கப்பட்டது.
முன்னதாக, கடந்த 2015-ஆம் ஆண்டு பிரதமர் மோடி, மங்கோலியாவுக்குச் சென்றார். அதைத் தொடர்ந்து வெளியுறவு அமைச்சர் சுஷ்மா ஸ்வராஜ் கடந்த ஏப்ரலில் அந்நாட்டுக்கு பயணம் மேற்கொண்டார். 
இந்த இரு தலைவர்களின் பயணத்தின்போது அந்நாட்டுடன் பொருளாதார ஒத்துழைப்பு, உள்கட்டமைப்பு மேம்பாடு, எரிசக்தி, தகவல்தொழில்நுட்பம் உள்ளிட்ட பல்வேறு பிரிவுகளில் ஒத்துழைப்பை மேம்படுத்த ஒப்பந்தங்கள் மேற்கொள்ளப்பட்டன.
 

]]>
http://images.dinamani.com/uploads/user/imagelibrary/2018/6/22/w600X390/RAJNATH.jpg http://www.dinamani.com/india/2018/jun/22/உள்துறை-அமைச்சர்-ராஜ்நாத்-சிங்-மங்கோலியா-பயணம்-2944392.html
2944391 இந்தியா பாகிஸ்தானிலிருந்து கொலை மிரட்டல்: ஜம்மு-காஷ்மீர் பாஜக தலைவர் புகார் DIN DIN Friday, June 22, 2018 01:05 AM +0530 பாகிஸ்தானிலிருந்து தனக்கு கொலை மிரட்டல்கள் வருவதாக ஜம்மு-காஷ்மீர் பாஜக தலைவர் ரவீந்தர் ரெய்னா புகார் தெரிவித்துள்ளார்.
இதுகுறித்து அவர் மேலும் கூறியதாவது:
கடந்த 2 நாள்களாக பாகிஸ்தானின் கராச்சி, ராவல்பின்டி, முஸாஃபராபாத் நகரங்களைச் சேர்ந்த தொலைபேசி எண்களில் இருந்து எனக்கு கொலை மிரட்டல் வருகிறது. இதுதொடர்பாக மாநில ஆளுநர் என்.என்.வோராவிடமும், பாதுகாப்பு அமைப்புகளிடமும் தெரிவித்துள்ளேன்.
இதுபோன்ற அச்சுறுத்தல்களால் நான் தளர்ந்துவிடப்போவதில்லை. பாஜகவின் புதல்வனான நான், நாட்டுக்காக தொடர்ந்து பணியாற்றுவதுடன், பாகிஸ்தானின் கோரமான முகத்தை வெளிப்படுத்துவேன். ஆளுநர் ஆட்சிக்கு ஆதரவாகவும், பயங்கரவாதிகள் மற்றும் கல்வீச்சில் ஈடுபடும் இளைஞர்களுக்கும் எதிராகவும் பாஜக நடவடிக்கை எடுப்பதன் காரணமாக விரக்தியடைந்ததாலேயே பயங்கரவாதிகள் இதுபோன்று மிரட்டல் விடுக்கின்றனர்.
பயங்கரவாதிகள் தப்பிக்க முடியாது. அவர்களை கையாளுவதற்காக பாதுகாப்புப் படையினருக்கு முழு சுதந்திரம் அளிக்கப்பட்டுள்ளது. புனித ரமலான் மாதத்தையொட்டி சண்டை நிறுத்தம் செய்திருந்தபோது பத்திரிகையாளர் சுஜாத் புகாரி போன்ற அப்பாவிகள் கொல்லப்பட்டனர். பாகிஸ்தான் கோழைகள் வாழும் நாடு. சட்டப்பேரவையிலேயே அந்த நாட்டுக்கு எதிராக நான் கோஷம் எழுப்பினேன். அவர்கள் நம்மைப் பார்த்து அஞ்சியுள்ளனர் என்று ரவீந்தர் ரெய்னா கூறினார்.
 

]]>
http://www.dinamani.com/india/2018/jun/22/பாகிஸ்தானிலிருந்து-கொலை-மிரட்டல்-ஜம்மு-காஷ்மீர்-பாஜக-தலைவர்-புகார்-2944391.html
2944390 இந்தியா இந்தியப் பாரம்பரிய மருந்துகளுக்கு சிங்கப்பூரில் விரைவில் முறைப்படி அங்கீகாரம் DIN DIN Friday, June 22, 2018 01:05 AM +0530 இந்தியப் பாரம்பரிய மருத்துகளுக்கு சிங்கப்பூரில் முறைப்படி அங்கீகாரம் பெறுவதற்கான நடவடிக்கைகள் எடுக்கப்பட்டு வருவதாக அந்நாட்டுக்கான இந்தியத் தூதர் ஜாவத் அஷ்ரஃப் தெரிவித்தார்.
சிங்கப்பூரில் இந்தியப் பாரம்பரிய மருந்துகள் தொடர்பான 4-ஆவது சர்வதேச மாநாடு வியாழக்கிழமை நடைபெற்றது. இதில், ஆயுர்வேதம், சித்தா போன்ற பாரம்பரிய மருந்துகள் தொடர்பான ஆவணங்களை சிங்கப்பூர் சுகாதார துறையிடம் ஜாவத் அஷ்ரஃப் சமர்ப்பித்தார்.
பின்னர், அவர் செய்தியாளர்களிடம் கூறுகையில், இந்தியப் பாரம்பரிய மருந்துகளை சிங்கப்பூரில் பயன்படுத்துவதற்கு முறையான அங்கீகாரம் பெறுவதற்கான முயற்சிகள் எடுக்கப்பட்டு வருகின்றன' என்றார்.
சிங்கப்பூர் ஆயுர்வேத மருத்துவர்கள் சங்கமும், சிங்கப்பூர் சித்த மருத்துவர்கள் சங்கமும் இந்த முயற்சியை வரவேற்றன.
சிங்கப்பூரில் மசாஜ் மையங்கள், உடல்நலத்தை பேணும் மையங்களில் மட்டுமே தற்போது இந்தியப் பாரம்பரிய மருந்துகள் பயன்பாட்டில் உள்ளன. 
சிங்கப்பூர் ஆயுர்வேத மருத்துவர்கள் சங்கத்தின் பொதுச் செயலர் விஜய்பால் ஜே ஜென்னாகல்டா கூறுகையில், சிங்கப்பூரில் வசிக்கும் இந்தியாவைப் பூர்விகமாகக் கொண்டவர்கள் அதிக அளவில் பாரம்பரிய மருந்துகளைப் பயன்படுத்தி வருகின்றனர். முறையான உரிமம் வழங்கி இந்திய பாரம்பரிய மருத்துவத்தை சிங்கப்பூர் அங்கீகரித்தால் இந்த வகை மருந்துகளை பயன்படுத்துபவர்களின் எண்ணிக்கை 200 சதவீதத்தை தொடும்' என்றார்.
சிங்கப்பூர் சித்த மருத்துவர்கள் சங்கத்தின் தலைவர் நஸீரா பானு கூறுகையில், இந்தியாவிலிருந்து அதிக அளவிலான பாரம்பரிய மருந்துகளும், சிறந்த பாரம்பரிய மருத்துவர்களும் சிங்கப்பூருக்கு கிடைக்கும் என்று எதிர்பார்க்கிறோம்' என்றார்.
 

]]>
http://www.dinamani.com/india/2018/jun/22/இந்தியப்-பாரம்பரிய-மருந்துகளுக்கு-சிங்கப்பூரில்-விரைவில்-முறைப்படி-அங்கீகாரம்-2944390.html
2944389 இந்தியா பாஜகவை வரலாறு ஒருபோதும் மன்னிக்காது: காஷ்மீர் விவகாரம் குறித்து சிவசேனை கருத்து DIN DIN Friday, June 22, 2018 01:04 AM +0530 ஜம்மு-காஷ்மீர் மாநிலத்தில் அராஜகத்தை பரப்பிய பிறகு, ஆட்சி அதிகாரத்தை விட்டு பாஜக வெளியேறியிருப்பதாக சிவசேனை கட்சி தெரிவித்துள்ளது.
பேராசை கொண்ட பாஜக-வை வரலாறு ஒருபோதும் மன்னிக்காது என்றும் சிவசேனை சாடியுள்ளது. மத்திய அரசிலும், மகாராஷ்டிர மாநில அரசிலும் பாஜகவுடன் சிவசேனை கூட்டணியில் இருப்பது குறிப்பிடத்தக்கது.
ஜம்மு-காஷ்மீரில் ஆட்சியில் இருந்த பிடிபி - பாஜக கூட்டணி உடைந்ததால் அங்கு ஆளுநர் ஆட்சி அமலாகியுள்ளது. இந்நிலையில், சிவசேனை கட்சியின் பத்திரிகையான சாம்னா'' நாளிதழில் வியாழக்கிழமை வெளியான தலையங்கத்தில் கூறப்பட்டுள்ளதாவது:
காஷ்மீர் பள்ளத்தாக்கு பகுதியில் அராஜகத்தை பரப்பிய பிறகு ஆட்சியை விட்டு வெளியேறியிருக்கிறது பாஜக. அங்கு நிலைமை, இந்த அளவுக்கு ஒருபோதும் மோசம் அடைந்ததில்லை.
முன்னெப்போதும் இல்லாத வகையில் பாதுகாப்பு வீரர்கள் பலர் மரணம் அடைந்திருக்கின்றனர். இதுபோன்று ரத்த ஆறு ஒருபோதும் ஓடியதில்லை.
இது எல்லாமே பாஜக ஆட்சியில் இருந்தபோது நடந்தவைதான். ஆனால், பிடிபி தலைவர் மெஹபூபா முஃப்தி மீதே குற்றம்சாட்டப்படுகிறது. பாஜக நல்ல மனிதரைப் போல ஆட்சியை விட்டு வெளியேறிவிட்டது.
பாஜகவின் பேராசை காரணமாகத்தான் அந்த அரசு அமைக்கப்பட்டது. நாடும், ஜம்மு-காஷ்மீர் மக்களும், ராணுவ வீரர்களும் பாஜகவின் பேராசைக்கு நல்ல விலையை கொடுத்துவிட்டனர். ஆனால், வரலாறு இதை ஒருபோதும் மன்னிக்காது.
காஷ்மீரில் இதற்கு முன்பு ஆட்சியில் இருந்த தேசிய மாநாட்டு கட்சி - காங்கிரஸ் கூட்டணியே பரவாயில்லை என்று மக்கள் இன்றைக்கு உணருகின்றனர். இன்றைக்கு காஷ்மீரிகள் ராணுவம் மீது தாக்குதல் நடத்துகிறார்கள். பயங்கரவாதிகள் ராணுவ நிலைகள் மீது தாக்குகிறார்கள். ராணுவ வீரர்கள் மறித்துப் போகும் அதேவேளையில் பொதுமக்களும் உயிரிழக்கின்றனர்.
காஷ்மீரில் பயங்கரவாதத்தை ஒழிப்போம் என்ற வாக்குறுதியின் பேரில் தான் பாஜகவினரும், நரேந்திர மோடியும் மத்தியில் ஆட்சியை பிடித்தனர். அவர் உலகை சுற்றி பயணம் மேற்கொண்டிருந்த வேளையில், காஷ்மீரில் அரசு அத்துமீறலில் ஈடுபடுவதாக ஐ.நா. அவை அறிக்கை வெளியிடுகிறது. ஒரு தேசத்தை ஆள்வது என்பது குழந்தைத்தனமான விளையாட்டு அல்ல என்று சாம்னா தலையங்கத்தில் தெரிவிக்கப்பட்டுள்ளது.
 

]]>
http://www.dinamani.com/india/2018/jun/22/பாஜகவை-வரலாறு-ஒருபோதும்-மன்னிக்காது-காஷ்மீர்-விவகாரம்-குறித்து-சிவசேனை-கருத்து-2944389.html
2944359 இந்தியா லாரி உரிமையாளர்கள் வேலை நிறுத்தம் தற்காலிக ஒத்திவைப்பு DIN DIN Thursday, June 21, 2018 09:46 PM +0530  

டீசல் விலையை குறைத்து 3 மாதங்களுக்கு ஒருமுறை விலை நிர்ணயம் செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி லாரி உரிமையாளர்கள் நாடு முழுவதும் கடந்த 3 நாட்களாக வேலை நிறுத்த போராட்டத்தில் ஈடுபட்டு வந்தனர்.

இதனால் அத்தியாவசியப் பொருட்களின் விலை உயர்ந்தது. சென்னை கோயம்பேட்டில் லாரி உரிமையாளர்களின் வேலை நிறுத்தத்தால் 20 சதவீதம் வரை காய்கறிகள் விலை உயர்ந்தது. 

இந்நிலையில், மத்திய அரசு லாரி உரிமையாளர்களுடன் வரும் 27-ஆம் தேதி பேச்சுவார்த்தை நடத்த முன்வந்துள்ளனர். இதனால், இந்த வேலை நிறுத்த போராட்டத்தை லாரி உரிமையாளர்கள் தற்காலிகமாக ஒத்திவைத்துள்ளனர்.

]]>
Lorry Strike, லாரி உரிமையாளர்கள் வேலை நிறுத்தம், http://images.dinamani.com/uploads/user/imagelibrary/2018/6/21/w600X390/PTIOCT218_26-12-2017_14_52_12.jpg கோப்புப்படம் http://www.dinamani.com/india/2018/jun/21/lorry-strike-temporarily-withdrawn-2944359.html
2944358 இந்தியா ஒய்.எஸ்.ஆர் காங்கிரஸ் எம்.பி.க்கள் ராஜிநாமா ஏற்பு DIN DIN Thursday, June 21, 2018 08:49 PM +0530  

கடந்த மார்ச் 5-ஆம் தேதி தொடங்கிய நாடாளுமன்ற பட்ஜெட் கூட்டத்தொடரின் இரண்டாவது அமர்வு பெரும்பாலான நாட்கள் முடங்கிய நிலையில் நடைபெற்றது.

அப்போது, ஆந்திர மாநிலத்துக்கு சிறப்பு அந்தஸ்து வழங்காததை கண்டித்து தெலுங்கு தேசம் கட்சியை சேர்ந்த உறுப்பினர்கள் தங்களது பதவியை ராஜிநாமா செய்தனர்.

இதையடுத்து, ஆந்திராவின் பிரதான எதிர்கட்சியாக விளங்கும் ஜெகன் மோகனின் ஒய்.எஸ்.ஆர். காங்கிரஸ் கட்சியின் 5 மக்களவை உறுப்பினர்கள் தங்களது ராஜிநாமா கடிதத்தை மக்களவை சபாநாயகர் சுமித்ரா மகாஜனிடம் ஏப்ரல் 6-ஆம் வழங்கினார்கள். ஆனால், சபாநாயகர் அதனை அப்போது ஏற்கவில்லை.

இதுகுறித்து, ஒய்.எஸ்.ஆர் காங்கிரஸ் மக்களவை உறுப்பினர்கள் மே 29 மற்றும் ஜூன் 6 தேதிகளில் சபாநாயகரை சந்தித்தனர். அந்த இரண்டு முறையும், தங்களது முடிவை மறுபரிசீலனை செய்யுமாறு சபாநாயகர் அறிவுறுத்தினார். அதன்பிறகு அவர்களது ராஜிநாமா கடிதத்தை திரும்ப சமர்பிக்குமாறு அவர் கேட்டுக்கொண்டார். பின்னர், 10 நாள் சுற்றுப்பயணம் காரணமாக சபாநாயகர் அதனை கிடப்பில் போட்டார். 

இந்நிலையில், இன்று (வியாழக்கிழமை) அந்த 5 மக்களவை உறுப்பினர்களின் ராஜிநாமா கடிதத்தை சபாநாயகர் ஏற்றுக்கொண்டார். அதன்படி அவர்களுடைய பதவிக்காலம் நேற்றுடன் முடிவடைந்தது.

]]>
http://images.dinamani.com/uploads/user/imagelibrary/2018/6/21/w600X390/YSR_Congres.jpg http://www.dinamani.com/india/2018/jun/21/ysr-congress-mps-resignation-accepted-by-lok-sabha-speaker-2944358.html