Dinamani - உலகம் - http://www.dinamani.com/world/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3056655 உலகம் கூகுளில் இடியட் என்றால் டொனால்ட் டிரம்ப் புகைப்படம் வருவது ஏன்? சுந்தர் பிச்சையிடம் கேள்வி DIN DIN Wednesday, December 12, 2018 05:57 PM +0530
வாஷிங்டன்: கூகுளில் இடியட் என்று டைப் செய்ததும் அமெரிக்க அதிபர் டொனால்ட் டிரம்பின் புகைப்படம் வருவது ஏன் என்று சுந்தர் பிச்சையிடம் கேள்வி எழுப்பப்பட்டது.

அமெரிக்க நீதிமன்ற குழு முன்பு இன்று நடைபெற்ற விசாரணையின் போது, கூகுள் நிறுவனத்தின் சிஇஓ சுந்தர் பிச்சை நேரில் விளக்கங்களை அளித்தார்.

அப்போது அமெரிக்க ஜனநாயகக் கட்சியைச் சேர்ந்த ஒருவர், "தற்போது வரை கூகுளில் இடியட் என்று தேடினால் டொனால்ட் டிரம்பின் புகைப்படங்கள் வருகின்றன. இது எப்படி நிகழ்ந்தது? இதில் தேடல் எப்படி நிகழ்கிறது?"  என்று சுந்தர் பிச்சையிடம் கேள்வி எழுப்பினார்.

அதற்கு பதிலளித்த சுந்தர் பிச்சை, பல லட்சம் கீ வேர்டுகளின் அடிப்படையில்தான் இந்த கூகுள் தேடல் நடைபெறுவதாகவும், தொடர்பு விஷயங்கள், புகழ்பெற்றவை, மற்றவர்கள் தேடுதலை பயன்படுத்தும் விதம் என தேடுதலில் இருக்கும் 200 உள்கட்டமைப்புகள் தொடர்பாகவும் சுந்தர் பிச்சை விளக்கினார். 

"எனவே, ஏதோ ஒரு சாதாரண மனிதன் திரைக்குப் பின்னால் அமர்ந்து கொண்டு பயனாளர்களுக்கு எதைக் காட்ட வேண்டும் என்று முடிவு செய்வதில்லை அல்லவா?" என்று மாகாண உறுப்பினர் கேட்டார். 

மேலும், ஜனநாயகக் கட்சியினர், பல நாட்களாக, கூகுள் ஒரு அரசியல் நிலைப்பாட்டுடன் நடந்து கொள்வதாக எழுந்த குற்றச்சாட்டினையும் சுந்தர் பிச்சை திட்டவட்டமாக மறுத்துள்ளார்.
 

]]>
http://images.dinamani.com/uploads/user/imagelibrary/2018/12/12/w600X390/sundar.jpg http://www.dinamani.com/world/2018/dec/12/why-googling-idiot-brings-up-donald-trump-photos-congresswoman-asks-sundar-pichai-3056655.html
3056650 உலகம் பிரான்சில் கிறிஸ்துமஸ் சந்தையில் துப்பாக்கிச் சூடு: மூன்று பேர் பலி   DIN DIN Wednesday, December 12, 2018 04:13 PM +0530  

ஸ்டிராஸ்போர்க்: பிரான்சின் ஸ்டிராஸ்போர்க் நகரில் கிறிஸ்துமஸ் சந்தையில் துப்பாக்கி ஏந்திய மர்ம நபர் நடத்திய துப்பாக்கிச் சூட்டில் மூன்று பேர் பலியாகியுள்ளனர். 

பிரான்ஸ் நாட்டின் ஸ்டிராஸ்போர்க் நகரில் வரவிருக்கும் கிறிஸ்துமஸ் பண்டிகையை முன்னிட்டு சிறப்புச் சந்தை அமைக்கப்பட்டிருந்தது. மக்கள் நெருக்கடி மிகுந்த அந்த சாலையில் உள்ளூர் நேரப்பபடி செவ்வாய் இரவு மர்ம நபர்  ஒருவர் துப்பாக்கி ஏந்தியபடி வந்துள்ளார்.  

அவர் எதிர்பாராதவிதமாக அங்கிருந்த மக்களை நோக்கி திடீரென்று துப்பாக்கியால் தாறுமாறாகச்  சுட்டுள்ளார்.  இதனால் அச்சமடைந்த மக்கள் பாதுகாப்பு தேடி தப்பித்து ஓடினர்.அருகில் இருந்த கட்டடங்களுக்குள் புகுந்து தஞ்சம் அடைந்தனர்.

இந்த கொலைவெறித் தாக்குதலில் 3 பேர் கொல்லப்பட்டனர். 12 பேர் காயமடைந்தனர்.  அப்போது அங்கு ரோந்துப் பணியில் ஈடுபட்டு இருந்த ராணுவ வீரர்கள் மர்ம நபர் மீது துப்பாக்கியால் சுட்டனர். ஆனால் காயமடைந்த அந்த நபர் போலீசாரிடம் சிக்காமல் அங்கிருந்து தப்பியோடி விட்டார்.  

இந்த சம்பவத்தினை அடுத்து குறிப்பிட்ட பகுதிகள் நேற்றிரவு சீல் வைக்கப்பட்டன.  பாதுகாப்பு பலப்படுத்தப்பட்டது.   

]]>
france, straspork, christmas market, shoot out, escape, enqiry http://images.dinamani.com/uploads/user/imagelibrary/2018/12/12/w600X390/france_shoot_out.JPG http://www.dinamani.com/world/2018/dec/12/பிரான்சில்-கிறிஸ்துமஸ்-சந்தையில்-துப்பாக்கிச்-சூடு-மூன்று-பேர்-பலி-3056650.html
3056631 உலகம் பேஸ்புக் நிறுவனத்திற்கு வெடிகுண்டு மிரட்டல்: காலி செய்யப்பட்ட அலுவலகங்கள் ANI ANI Wednesday, December 12, 2018 02:28 PM +0530  

லாஸ் ஏஞ்சலீஸ்: அமெரிக்காவின் கலிபோர்னியா மாகாணத்தில் அமைந்துள்ள பேஸ்புக் நிறுவன அலுவலகத்திற்கு வெடிகுண்டு மிரட்டல் விடுக்கப்பட்டதையடுத்து குறிப்பிட்ட சில அலுவலகங்கள் காலி செய்யப்பட்டதால் பரபரப்பு நிலவுகிறது. 

பிரபல சமூக வலைத்தளமான பேஸ்புக் நிறுத்திவனத்தின் தலைமையகமானது அமெரிக்காவின் கலிபோர்னியா மாகாணத்தில் உள்ள மென்லோ பார்க் பகுதியில் அமைநதுள்ளது. அந்த அலுவலகத்தில் வெடிகுண்டு வைக்கப்பட்டிருப்பதாக உள்ளூர் நேரப்படி செவ்வாயன்று மிரட்டல் வந்துள்ளது. 

இதைத் தொடந்து மென்லோ பார்க் பகுதி காவல்துறையிடம் புகார் செய்யப்பட்டதையடுத்து, சான் மேட்யோ பிரிவு வெடிகுண்டு சோதனை நிபுணர்கள் சம்பவ இடத்திற்கு விரைந்து சோதனையில் ஈடுபட்டதாக, காவல்துறை வட்டாரங்கள் உறுதி செய்தன. 

அதேபோல் பேஸ்புக் நிறுவன அலுவலகத்திற்கு வெடிகுண்டு மிரட்டல் விடுக்கப்பட்டதையும், அங்கு குறிப்பிட்ட சில அலுவலகங்கள் காலி செய்யப்பட்டதையும், அந்நிறுவனத்தின் செய்தித் தொடர்பாளரும் உறுதிப் படுத்தியுள்ளார்.     

மேலதிக விபரங்கள் தெரிய வரவில்லை. 

]]>
facebook, USA, head office, menlo park, bomb threat http://images.dinamani.com/uploads/user/imagelibrary/2018/12/12/w600X390/facebook_campus.jpg http://www.dinamani.com/world/2018/dec/12/bomb-threat-in-facebook-campus-buildings-evacuated-3056631.html
3056039 உலகம் எதிர்ப்பு எதிரொலி: பிரெக்ஸிட் ஒப்பந்தம் மீதான நாடாளுமன்ற வாக்கெடுப்பு ஒத்திவைப்பு DIN DIN Wednesday, December 12, 2018 12:53 AM +0530
ஐரோப்பிய யூனியனுடன் பிரிட்டன் பிரதமர் தெரசா மே மேற்கொண்டுள்ள பிரெக்ஸிட் ஒப்பந்தத்துக்கு கடும் எதிர்ப்பு நிலவுவதையடுத்து, அந்த ஒப்பந்தம் மீதான நாடாளுமன்ற வாக்கெடுப்பை அவர் ஒத்திவைத்துள்ளார்.
ஐரோப்பிய யூனியனிலிருந்து பிரிட்டன் வெளியேறிய (பிரெக்ஸிட்) பிறகு, அந்த அமைப்புக்கும், பிரிட்டனுக்கும் இடையிலான உறவு குறித்து இரு தரப்பிலும் மேற்கொள்ளப்பட்டுள்ள ஒப்பந்தத்துக்கு, எம்.பி.க்களிடையே கடும் எதிர்ப்பு நீடித்து வருகிறது.
இந்த நிலையில், நாடாளுமன்ற கீழவைக்கு பிரதமர் தெரசா மே செவ்வாய்க்கிழமை அனுப்பிய அவசரக் கடிதத்தில் குறிப்பிடப்பட்டுள்ளதாவது:
தற்போதுள்ள சூழலில், பிரெக்ஸிட் ஒப்பந்தம் நாடாளுமன்றத்தில் செவ்வாய்க்கிழமை வாக்கெடுப்புக்கு விடப்பட்டால், அது பெரிய வாக்கு வித்தியாசத்தில் நிராகரிக்கப்படும்.
எனவே, எம்.பி.க்களின் கோரிக்கைப்படி ஐரோப்பிய யூனியனிடமிருந்து சில உத்தரவாதங்களைப் பெறும் வரை, அந்த வாக்கெடுப்பு ஒத்திவைக்கப்படுகிறது என்று அந்தக் கடிதத்தில் குறிப்பிடப்பட்டுள்ளது.
இதற்கிடையே, வரும் ஜனவரி மாதம் 21-ஆம் தேதிக்கு முன்னதாக பிரெக்ஸிட் ஒப்பந்தம் நாடாளுமன்றத்தில் வாக்கெடுப்புக்கு விடப்படும் என்று தெரசா மே-யின் செய்தித் தொடர்பாளர் தெரிவித்தார்.
ஐரோப்பிய கண்டத்தைச் சேர்ந்த 28 நாடுகளின் கூட்டமைப்பான ஐரோப்பிய யூனியனில், கடந்த 1973-ஆம் ஆண்டு முதல் பிரிட்டன் அங்கம் வகித்து வருகிறது.
எனினும், ஐரோப்பா முழுவதும் ஒரே நாடு என்ற சித்தாந்தத்தில் செயல்படும் ஐரோப்பிய யூனியனில் இணைந்துள்ளதால், பிரிட்டன் தனது தனித்துவத்தையும், இறையாண்மையையும் இழந்துவிட்டதாக ஒரு சாரார் குற்றம் சாட்டி வந்தனர்.
இந்த நிலையில், ஐரோப்பிய யூனியனில் இருந்து பிரிட்டன் வெளியேறுவது தொடர்பான பொது வாக்கெடுப்பு கடந்த 2016-ஆம் ஆண்டு ஜூன் மாதம் நடைபெற்றது.
அந்த வாக்கெடுப்பில், பெரும்பாலான வாக்காளர்கள் பிரெக்ஸிட்டுக்கு ஆதரவு தெரிவித்தனர்.
இதனைத் தொடர்ந்து, ஐரோப்பிய யூனியனிலிருந்து அடுத்த ஆண்டு மார்ச் மாதம் வெளியேற பிரிட்டன் முடிவு செய்து, அதற்கான நடவடிக்கைகளை மேற்கொண்டு வருகிறது.
அதன் ஒரு பகுதியாக, வெளியேற்றத்துக்குப் பிறகு பிரிட்டனும், ஐரோப்பிய யூனியனும் பின்பற்ற வேண்டிய விதிமுறைகள் குறித்த வரைவு ஒப்பந்தத்தை பிரதமர் தெரசா மே அண்மையில் வெளியிட்டார்.
அதில், ஐரோப்பிய யூனியனின் சட்டங்களைத் தொடர அனுமதிப்பது போன்ற சர்ச்சைக்குரிய அம்சங்கள் இடம் பெற்றுள்ளதற்கு ஆளும் கன்சர்வேடிவ் கட்சியினரே கடும் எதிர்ப்பு தெரிவித்து வருகின்றனர்.
அந்த ஒப்பந்தத்துக்கு கண்டனம் தெரிவித்து, பிரெக்ஸிட் விவகார அமைச்சரான டோமினிக் ராப் உள்பட இதுவரை 7 அமைச்சர்கள் பதவி விலகியுள்ளனர்.
பிரெக்ஸிட் ஒப்பந்தத்தை ஏற்கச் செய்வதற்காக தெரசா மே தொடர்ந்து மேற்கொண்டு வரும் முயற்சிகள் பலனளிக்காத நிலையில், அந்த ஒப்பந்தம் மீதான வாக்கெடுப்பை அவர் தற்போது ஒத்திவைத்துள்ளார்.


 

]]>
http://images.dinamani.com/uploads/user/imagelibrary/2018/12/12/w600X390/brex.jpg பிரெக்ஸிட் ஒப்பந்தம் குறித்து விவாதிப்பதற்காக, ஜெர்மனி தலைநகர் பெர்லினுக்கு செவ்வாய்க்கிழமை வந்த பிரிட்டன் பிரதமர் தெரசா மே-யை வரவேற்கும் ஜெர்மனி பிரதமர் ஏஞ்சலா மெர்க்கெல். http://www.dinamani.com/world/2018/dec/12/எதிர்ப்பு-எதிரொலி-பிரெக்ஸிட்-ஒப்பந்தம்-மீதான-நாடாளுமன்ற-வாக்கெடுப்பு-ஒத்திவைப்பு-3056039.html
3056038 உலகம் கஷோகி படுகொலை குறித்து ஐ.நா. விசாரணை: துருக்கி ஆலோசனை DIN DIN Wednesday, December 12, 2018 12:53 AM +0530
செய்தியாளர் கஷோகி படுகொலை தொடர்பாக குறித்து ஐ.நா. விசாரணை நடத்துவது குறித்து, அந்த அமைப்பின் பொதுச் செயலருடன் ஆலோசனை நடத்தியதாக துருக்கி தெரிவித்துள்ளது.
இதுகுறித்து தலைநகர் அங்காராவில் செய்தியாளர்களிடம் துருக்கி வெளியுறவுத் துறை அமைச்சர் மெவ்லுட் காவுசோகுலு செவ்வாய்க்கிழமை கூறியதாவது:
இஸ்தான்புலில் உள்ள சவூதி அரேபிய துணைத் தூதரகத்தில், செய்தியாளர் கஷோகி படுகொலை செய்யப்பட்டது குறித்து ஐ.நா. விசாரணை நடத்தப்பட வேண்டும் என்று விரும்புகிறோம்.
இதுதொடர்பாக, ஐ.நா. பொதுச் செயலர் அன்டோனியோ குட்டெரெஸ் மற்றும் சக வெளியுறவுத் துறை அமைச்சர்களுடன் பேசியுள்ளோம். இதுகுறித்து மேற்கொண்டு ஆலோசனை நடத்துவோம்.
ஆர்ஜென்டீனாவில் நடைபெற்ற ஜி20 நாடுகளின் மாநாட்டின்போது, கஷோகி கொலையில் தொடர்புடையவர்கள் குறித்து உண்மையை வெளிக் கொணர, ஐ.நா. விசாரணை நடத்தப்பட வேண்டும் என்று உறுப்பு நாடுகள் விரும்பின என்றார் அவர்.
சவூதி அரேபியாவைச் சேர்ந்த செய்தியாளர் ஜமால் கஷோகி, சர்ச்சைகள் காரணமாக சொந்த நாட்டிலிருந்து தப்பி அமெரிக்காவில் வசித்து வந்தார். அங்கு வெளியாகும் வாஷிங்டன் போஸ்ட் நாளிதழில் கட்டுரைகள் எழுதி வந்த அவர், சவூதி அரசின் கொள்கைகளுக்கு எதிராகவும், பட்டத்து இளவரசருக்கு எதிராகவும் கருத்துகளைத் தெரிவித்து வந்தார்.
இந்தச் சூழலில், துருக்கி நாட்டுப் பெண்ணை திருமணம் செய்ய விரும்பிய அவருக்கு, அந்த நாட்டுச் சட்டப்படி அவரது முன்னாள் மனைவியிடமிருந்து முறைப்படி விவாகரத்து பெற்றதற்கான சான்றுகள் தேவைப்பட்டன. அதனைப் பெறுவதற்காக அவர் துருக்கியின் இஸ்தான்புல் நகரிலுள்ள சவூதி அரேபிய துணைத் தூதரகத்துக்கு கடந்த அக்டோபர் மாதம் தேதி சென்றார். ஆனால், அதன் பிறகு அவரைக் காணவில்லை. தூதரகத்துக்குள் அவரை சவூதி அனுப்பிய ஆட்கள் கொன்று விட்டதாக துருக்கி குற்றம் சாட்டியது.
எனினும், இந்தக் குற்றச்சாட்டுகளை ஆரம்பத்தில் மறுத்து வந்த சவூதி அரேபியா, 18 நாள்களுக்குப் பிறகு தங்களது துணைத் தூதரகத்தில் செய்தியாளர் கஷோகி கொல்லப்பட்டதை ஒப்புக் கொண்டது.


 

]]>
http://images.dinamani.com/uploads/user/imagelibrary/2018/12/12/w600X390/kavu.jpg செய்தியாளர் சந்திப்பில் துருக்கி வெளியுறவுத் துறை அமைச்சர் மெவ்லுட் காவுசோகுலு. http://www.dinamani.com/world/2018/dec/12/கஷோகி-படுகொலை-குறித்து-ஐநா-விசாரணை-துருக்கி-ஆலோசனை-3056038.html
3056037 உலகம் ஏவுகணை சோதனை: உறுதி செய்தது ஈரான் DIN DIN Wednesday, December 12, 2018 12:52 AM +0530
நடுத்தர தொலைவு ஏவுகணையை அண்மையில் சோதித்துப் பார்த்ததை ஈரான் ஒப்புக் கொண்டுள்ளது.
இதுகுறித்து அந்த நாட்டு அதிகாரிகளை மேற்கோள் காட்டி, 
ஃபர்ஸ் செய்தி நிறுவனம் செவ்வாய்க்கிழமை தெரிவித்ததாவது:
நடுத்தர தொலைவு ஏவுகணையை செலுத்தி ஈரான் இந்த மாதம் 1-ஆம் தேதி சோதனையில் ஈடுபட்டதாக வெளியான தகவல் உண்மை என அதிகாரிகள் ஒப்புக் கொண்டனர்.
ஈரான் தனது ஏவுகணை பரிசோதனைகளைத் தொடரும் எனவும், அண்மையில் நடந்துள்ள சோதனை மிகுந்த முக்கியத்துவம் வாய்ந்தது எனவும் ஈரான் ராணுவத்தின் வான்மண்டலப் பிரிவு தளபதி அமீரலி ஹாஜிஸாதே கூறினார்.
இந்த ஏவுகணை சோதனைக்கு அமெரிக்கா கடும் கண்டனம் தெரிவித்துள்ளது, இந்த விவகாரம் அந்த நாட்டை மிகவும் கவலையடையச் செய்துள்ளது என்பதைக் காட்டுகிறது என்று அந்தச் செய்தி நிறுவனம் தெரிவித்துள்ளது.
தனது அணுசக்தித் திட்டங்கள் அணு ஆயுதம் தயாரிப்பதற்கானவை இல்லை என்பதை உறுதி செய்ய ஈரானும், அதற்குப் பதிலாக அந்த நாட்டின் மீது விதிக்கப்பட்டிருந்த பொருளாதாரத் தடைகளை விலக்கிக் கொள்ள அமெரிக்கா, ரஷியா, பிரிட்டன், சீனா, பிரான்ஸ், ஜெர்மனி ஆகிய வல்லரசு நாடுகளும் ஆஸ்திரியா தலைநகர் வியன்னாவில் கடந்த 2015-ஆம் ஆண்டு மே மாதம் ஒப்பந்தம் மேற்கொண்டன.
ஒபாமா அதிபராக இருந்தபோது மேற்கொள்ளப்பட்ட கடுமையான முயற்சியின் பலனாக உருவான இந்த ஒப்பந்தம், ஈரானை அணு ஆயுதங்கள் தயாரிக்காமல் தடுப்பதற்கு போதுமானதாக இல்லை என்று டொனால்ட் டிரம்ப் விமர்சித்து வந்தார்.
இந்த நிலையில், அந்த ஒப்பந்தத்தைக் கைவிடுவதாக டிரம்ப் கடந்த மே மாதம் 8-ஆம் தேதி அறிவித்தார். மேலும், அணுசக்தி ஒப்பந்தம் காரணமாக விலக்கிக் கொள்ளப்பட்டிருந்த ஈரான் மீதான பொருளாதாரத் தடைகளை மீண்டும் முழுவீச்சில் அமல்படுத்தினார்.
இதனால் இரு நாடுகளுக்கும் இடையே பதற்றம் ஏற்பட்டுள்ள சூழலில், ஏவுகணைச் சோதனையில் ஈடுபட்டதை ஈரான் ஒப்புக் கொண்டுள்ளது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/12/w600X390/missile.jpg http://www.dinamani.com/world/2018/dec/12/ஏவுகணை-சோதனை-உறுதி-செய்தது-ஈரான்-3056037.html
3056036 உலகம் மஞ்சள் அங்கி போராட்டம்: வரிகளைக் குறைக்க சம்மதித்தார் அதிபர் மேக்ரான் DIN DIN Wednesday, December 12, 2018 12:52 AM +0530
பிரான்ஸில் நடைபெற்று வரும் மஞ்சள் அங்கி போராட்டத்தை முடிவுக்குக் கொண்டு வரும் வகையில், வரிகளை பெருமளவு குறைப்பதற்கு அந்த நாட்டு அதிபர் இமானுவல் மேக்ரான் சம்மதம் தெரிவித்தார்.
மேலும், போராட்டத்தை தீவிரமடையச் செய்ததற்கான பொறுப்பையும் அவர் ஏற்றுக் கொண்டார்.
இதுகுறித்து, தொலைக்காட்சியில் தோன்றி பொதுமக்களுக்கு ஆற்றிய உரையில் அவர் தெரிவித்துள்ளதாவது:
பிரான்ஸில் கடந்த சில வாரங்களாக நடைபெற்று வரும் போராட்டங்கள் ஏற்புடையதல்ல. எந்தக் காரணத்துக்காகவும் அத்தகைய வன்முறைப் போராட்டங்களில் யாரும் ஈடுபடக் கூடாது.
எனினும், இந்தப் போராட்டங்களைத் தூண்டியதற்கு என்னுடைய சில கொள்கைகளும் காரணம் என்பதை ஏற்றுக் கொள்கிறேன்.
போராட்டக்காரர்களின் கோரிக்கைகளை நிறைவு செய்யும் வகையில், பொருளாதார சீர்திருத்தங்களை மேற்கொள்ளுமாறு அரசையும், நாடாளுமன்றத்தையும் அறிவுறுத்தியுள்ளேன்.
துரித நடவடிக்கைகளை மேற்கொள்ளும் வகையில், பொருளாதார - சமூக அவசர நிலையை அறிவித்துள்ளேன்.
குறைந்தபட்ச ஊதியத்தில் 100 யூரோக்கள் (சுமார் ரூ.8,200) அதிகரிக்கப்படும்.
மேலும், உழைப்பாளர்களுக்கு அதிக பொருளாதாரச் சுமையை அளிக்கும் வரிகளைக் குறைக்கும் வகையில், வரிவிதிப்பில் மிகப் பெரிய சீர்திருத்தங்கள் மேற்கொள்ளப்படும் என்றார் அவர்.
காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசலுக்கான வரியை மேக்ரான் அரசு அதிகரித்து வருகிறது.
இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
எரிபொருள் விலையேற்றம் மட்டுமன்றி, குறைந்தபட்ச ஊதிய உயர்வு உள்ளிட்ட பல்வேறு பிரச்னைகளை முன்வைத்து இந்தப் போராட்டத்தில் ஆயிரக்கணக்கானவர்கள் ஈடுபட்டனர்.
எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், மஞ்சள் அங்கி போராட்டம் என்றழைக்கப்படுகிறது.
வார இறுதி நாட்களில் நடைபெற்று வந்த இந்தப் போராட்டம், நான்காவது வாரமாக கடந்த சனி மற்றும் ஞாயிற்றுக்கிழமைகளில் மீண்டும் தீவிரமடைந்தது . அப்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன. இதில், அதையடுத்து, நாடு முழுவதும் 1,700-க்கும் மேற்பட்டவர்கள் கைது செய்யப்பட்டனர்.
இந்தச் சூழலில், போராட்டத்தை முடிவுக்குக் கொண்டு வரும் நோக்கில் அதிபர் இமானுவல் மேக்ரான் இந்த சலுகைகளை அறிவித்துள்ளார்.
 

]]>
http://images.dinamani.com/uploads/user/imagelibrary/2018/12/12/w600X390/macron.jpg http://www.dinamani.com/world/2018/dec/12/மஞ்சள்-அங்கி-போராட்டம்-வரிகளைக்-குறைக்க-சம்மதித்தார்-அதிபர்-மேக்ரான்-3056036.html
3056000 உலகம் இன்ஸ்ட்டாகிராமிலும் வந்தாச்சு வாய்ஸ் மெசேஜ் வசதி ANI ANI Tuesday, December 11, 2018 03:58 PM +0530  

கலிபோர்னியா: பிரபல சமூக வலைதள செயலியான இன்ஸ்ட்டாகிராமிலும் வாய்ஸ் மெசேஜ் வசதி அறிமுகப்படுத்தப்பட்டுள்ளது. 

புகைப்படங்கள் மற்றும் விடியோக்களை பகிர உதவும் சமூக வலைதள செயலியான இன்ஸ்ட்டாகிராம் பிரபலமான ஒன்றாகும். இதுவரை வாட்ஸ் அப் உள்ளிட்ட செயலிகளில் மட்டுமே  செய்திகளை ஆடியோவாக பரிமாறிக் கொள்ளும் வசதி இருந்து வந்தது. 

இந்நிலையில் இன்ஸ்ட்டாகிராமிலும் வாய்ஸ் மெசேஜ் வசதி அறிமுகப்படுத்தப்பட்டுள்ள தகவல் வெளியாகியுள்ளது. 

இதுதொடர்பாக 'பாஸ்ட் கம்பெனி' இணையதளத்தில் வெளியாகியுள்ள செய்தியில் குறிப்பிடப்பட்டுள்ளதாவது:

இன்ஸ்ட்டாகிராம் செயலியில் தற்போது புதிதாக ஒரு மைக்ரோபோன் பட்டன் இணைக்கப்பட்டுள்ளது. இந்த பட்டனை அழுத்திப் பிடித்துக் கொண்டிருப்பதன் மூலமாக நீங்கள் விரும்பும் தகவலை ஆடியோவாக பதிவு செய்யலாம். 

வாட்ஸ் அப்பை பொறுத்த வரை ஆடியோவை பதிவு செய்வதற்கு முன்பு யாருக்கு அனுப்ப வேண்டும் என்பதைத் தேர்வு செய்து கொள்ள வேண்டும். ஆனால் இன்ஸ்ட்டாகிராமின் புதிய வசதியில் முதலில் ஆடியோவை பதிவு செய்த பின்பு, தனிநபருக்கோ அல்லது குழுவையோ தேர்வு செய்து அனுப்பும் வசதி உள்ளது. 

இவ்வாறு அதில் தெரிவிக்கப்பட்டுள்ளது. 

]]>
instagram, new feature, social networking, photo sharing, voice message, Instagram http://images.dinamani.com/uploads/user/imagelibrary/2018/12/11/w600X390/instagram.jpg http://www.dinamani.com/world/2018/dec/11/instagram-rolls-out-voice-messaging-feature-3056000.html
3055988 உலகம் கூகுள் பிளஸ்சில் மீண்டும் கண்டறியப்பட்ட சிக்கல்: அம்பலத்திற்கு வந்த ஐந்து கோடி பேரின் தகவல்கள்   IANS IANS Tuesday, December 11, 2018 03:40 PM +0530  

கலிபோர்னியா: கூகுளின் சமூக வலைத்தளமான கூகுள் பிளஸ்சில் மீண்டும் கண்டறியப்பட்ட 'பக்' எனப்படும் கோளாறின் காரணமாக, பயனாளர்கள் ஐந்து கோடி பேரின் தகவல்கள் அம்பலத்திற்கு வந்துள்ளது. 

பிரபல தேடுபொறி தளமான கூகுளின் சார்பாக இயங்கி வரும் சமூக வலைத்தளம் கூகுள் பிளஸ். பேஸ்புக்கிற்கு போட்டியாக துவங்கப்பட்டாலும் இது அத்தனை புகழ்பெறவில்லை. இந்நிலையில் கடந்த வருடம் கண்டறியப்பட்ட 'பக்' எனப்படும்  ஒரு கணினிப் பிழையின் காரணமாக கூகுள் பிளஸ் பயனாளர்கள் ஐந்து கோடி பேரின் அந்தரங்கத் தகவல்கள திருடப்பட்டது தெரிய வந்தது. அத்துடன் கடந்த மூன்று வருடங்களாக இந்த திருட்டு நடந்து வந்திருப்பது அதிர்ச்சியளித்தது. 

இதன் காரணமாக அடுத்தவருடம் ஆகட்ஸ் மாத்ததுடன் கூகுள் பிளஸ் சேவை நிறுத்தபப்படுவதாக அக்டோபர் மாதமே கூகுள் நிறுவனம் அறிவித்திருந்தது  

இந்நிலையில் கூகுள் பிளஸ்சில் மீண்டும் கண்டறியப்பட்ட 'பக்' எனப்படும் ஒரு கோளாறின் காரணமாக, பயனாளர்கள் ஐந்து கோடி பேரின் தகவல்கள் அமபலத்திற்கு வந்துள்ளது.   

இதுதொடர்பாக 'வயர்ட்' இணையதளத்தில் வெளியாகியுள்ள தகவலில் கூறப்பட்டிருப்பதாவது:

கூகுள் தளமானது கூகுள் பிளஸ்சில் கடந்த மாதம் மீண்டும் ஒரு 'பக்' இருப்பதைக் கண்டறிந்தது. உடனடியாக செயல்பட்டு அந்த பிழை தற்போது நிறுத்தப்பட்டுள்ளது. ஆனால் இதன் மூலம் பயனாளர்களின் தகவல்கள் தவறாக கையாளப்படவில்லை என்று கூகுள் நிறுவனம் மறுத்துள்ளது. 

ஆனால் இந்த பக்கின் மூலம் பயனாளர்கள் ஐந்து கோடியே இருபத்தைந்து லட்சம் பேரின் மின்னஞ்சல் முகவரி மற்றும் அந்தரங்க ப்ரொபைல்கள் உள்ளிட்ட தகவல்கள் வெளிப்பயன்பாட்டிற்கு எளிதாக  கிடைத்துள்ளது என்பது தெரிய வநதுள்ளது 

இதன்காரணமாக கூகுள் பிளஸ் சேவை அறிவிக்கப்பட்டதற்கு சற்று முன்னதாக வரும் ஏப்ரல் மாத்ததுடன் நிறுத்தபப்டுவதாக கூகுள் நிறுவனம் அறிவித்துள்ளது. 

இவ்வாறு அந்த செய்தியில் தெரிவிக்கப்பட்டுள்ளது.

]]>
google, data theft, users, social network, google+, bug, emails, profiles http://images.dinamani.com/uploads/user/imagelibrary/2018/12/11/w600X390/GooglePlus.jpg http://www.dinamani.com/world/2018/dec/11/google-bug-again-exposed-data-from-525-million-accounts-3055988.html
3055438 உலகம் பாகிஸ்தான்: சார்க் கூட்டத்தில் இருந்து இந்திய தூதர் வெளிநடப்பு DIN DIN Tuesday, December 11, 2018 01:51 AM +0530
இஸ்லாமாபாத்தில் நடைபெற்ற சார்க் நாடுகள் வர்த்தக சபை ஆலோசனைக் கூட்டத்தில் ஆக்கிரமிப்பு காஷ்மீர் அமைச்சர் பங்கேற்றதற்கு கடும் எதிர்ப்பு தெரிவித்து இந்திய தூதர் வெளிநடப்பு செய்தார். 
தெற்காசிய நாடுகள் கூட்டமைப்பில் (சார்க்) அங்கம் வகித்து வரும் நாடுகள் சார்பில் 2 ஆண்டுக்கு ஒருமுறை மாநாடு நடைபெறுவது வழக்கம். கடந்த 2016-ஆம் ஆண்டு காஷ்மீர் மாநிலத்தின் உரி ராணுவ முகாம் மீது பயங்கரவாதிகள் தாக்குதல் நடத்தியதற்கு எதிர்ப்பு தெரிவித்து பாகிஸ்தானில் நடைபெறவிருந்த சார்க் மாநாட்டை இந்தியா புறக்கணித்தது. இதன் தொடர்ச்சியாக, இந்த மாநாட்டை வங்க தேசம், பூடான் மற்றும் ஆப்கானிஸ்தான் ஆகிய நாடுகளும் புறக்கணித்ததால் சார்க் நாடுகளின் மாநாடு நடைபெறவில்லை. 
இந்நிலையில், சார்க் பட்டய தினத்தையொட்டி, சார்க் வர்த்தக சபை ஆலோசனைக் கூட்டம் இஸ்லாமாபாத்தில் ஞாயிற்றுக்கிழமை நடைபெற்றது. இக்கூட்டத்தில் ஆக்கிரமிப்பு காஷ்மீரின் அமைச்சர் செளதரி முகமது சயீத் பங்கேற்றார். இதற்கு எதிர்ப்பு தெரிவித்த பாகிஸ்தான் நாட்டிற்கான இந்திய தூதர் சுபம் சிங் கூட்டத்திலிருந்து வெளிநடப்பு செய்தார். 
காஷ்மீர் பிரச்னை என்பது இந்தியாவின் உள்நாட்டு பிரச்னை என்றும், இதில் அந்நிய நாடுகளின் தலையீட்டை எக்காரணம் கொண்டும் ஏற்க முடியாது என தொடர்ந்து இந்தியா வலியுறுத்தி வருகிறது. மேலும், பாகிஸ்தான் வசம் உள்ள ஆக்கிரமிப்பு காஷ்மீரின் எந்த ஒரு அமைச்சரையும் அங்கீகரிக்க இந்தியா தயாராக இல்லை என்பதை திட்டவட்டமாக உணர்த்தும் வகையில் அந்தக் கூட்டத்தை இந்தியா புறக்கணித்தது. 
 

]]>
http://www.dinamani.com/world/2018/dec/11/பாகிஸ்தான்-சார்க்-கூட்டத்தில்-இருந்து-இந்திய-தூதர்-வெளிநடப்பு-3055438.html
3055436 உலகம் பயங்கரவாதிகளுக்குப் புகலிடம் அளிக்கும் பாகிஸ்தானுக்கு நிதியுதவி கிடையாது: அமெரிக்கா திட்டவட்டம் DIN DIN Tuesday, December 11, 2018 01:50 AM +0530
பயங்கரவாதிகளுக்குப் புகலிடம் அளிப்பதை நிறுத்தும்வரை பாகிஸ்தானுக்கு நிதியுதவி அளிக்க மாட்டோம் என்று அமெரிக்கா தெரிவித்துள்ளது.
இது குறித்து, ஐ.நா.வுக்கான அமெரிக்க தூதர் நிக்கி ஹேலி தனியார் பத்திரிகை ஒன்றுக்கு அளித்த பேட்டியில் கூறியதாவது:
எந்தெந்த நாடுகளுடன் நல்லுறவைப் பேண வேண்டும் என்பது குறித்தான கொள்கை முடிவை எடுக்கும் சூழ்நிலைக்கு அமெரிக்கா தள்ளப்பட்டுள்ளது. முக்கியமாக, பயங்கரவாதிகளுக்குத் தொடர்ந்து புகலிடம் அளித்து வரும் பாகிஸ்தானுக்கு கண்மூடித்தனமாக நிதியை அளித்து வந்துள்ளோம்.
அந்த நிதியைக் கொண்டு, அமெரிக்க ராணுவ வீரர்களையும் பாகிஸ்தான் பயங்கரவாதிகள் தாக்கிவருகின்றனர். இது ஒருபோதும் ஏற்றுக்கொள்ள முடியாது. பயங்கரவாதத்தைத் தடுக்கும் நோக்கில் வழங்கப்படும் நிதியை பாகிஸ்தான் முறையாகப் பயன்படுத்தவில்லை. 
நிதியைக் கொடுத்து பலனை எதிர்பார்க்கும் அமெரிக்காவின் திட்டம் தோல்வியில் முடிந்துள்ளது. இனிவரும் காலங்களில், அமெரிக்காவுக்குப் பலன் ஏற்படும் வகையில், பாகிஸ்தான் நடந்து கொண்டால் மட்டுமே நிதி வழங்கப்படும். பயங்கரவாதிகளுக்குப் புகலிடம் அளிப்பதை நிறுத்தும்வரை அந்நாட்டுக்கு ஒரு டாலர் கூட நிதியுதவி அளிக்க மாட்டோம் என்று அவர் தெரிவித்தார்.
அமெரிக்க அதிபர் டொனால்ட் டிரம்ப், பயங்கரவாதத்தை ஒடுக்க எங்களுக்கு உதவி செய்யாத பாகிஸ்தானுக்கு நாங்களும் நிதியுதவி அளிக்க மாட்டோம்; பயங்கரவாதத்துக்கு எதிராக அந்நாட்டு அரசு நடவடிக்கை எடுக்கும் வரை பாதுகாப்புக்கான நிதியுதவி அளிக்கப்படமாட்டாது என்று கடந்த நவம்பர் மாதம் உறுதிபடத் தெரிவித்திருந்தார். 
மேலும், பாகிஸ்தானுக்கு அளிக்க இருந்த சுமார் ரூ.11ஆயிரம் கோடி பாதுகாப்பு நிதியை அமெரிக்கா நிறுத்தி வைத்தது குறிப்பிடத்தக்கது.
 

]]>
http://www.dinamani.com/world/2018/dec/11/பயங்கரவாதிகளுக்குப்-புகலிடம்-அளிக்கும்-பாகிஸ்தானுக்கு-நிதியுதவி-கிடையாது-அமெரிக்கா-திட்டவட்டம்-3055436.html
3055412 உலகம் பிரெக்ஸிட் முடிவை பிரிட்டன் தன்னிச்சையாக திரும்பப் பெறலாம்: ஐரோப்பிய நீதிமன்றம் DIN DIN Tuesday, December 11, 2018 12:50 AM +0530
சக உறுப்பு நாடுகளின் ஒப்புதல் இல்லாமலேயே, ஐரோப்பிய யூனியனிலிருந்து விலகும் (பிரெக்ஸிட்) முடிவை பிரிட்டன் திரும்பப் பெறலாம் என்று ஐரோப்பிய நீதிமன்றம் திங்கள்கிழமை தெரிவித்துள்ளது.
இதனை, பிரிட்டனில் பிரெக்ஸிட்டுக்கு எதிராகப் போராடி வருபவர்கள் மகிழ்ச்சியுடன் வரவேற்றுள்ளனர்.
பிரெக்ஸிட் தொடர்பாக ஸ்காட்லாந்தைச் சேர்ந்த சில தலைவர்கள் தாக்கல் செய்திருந்த மனுவை விசாரித்த ஐரோப்பிய யூனியன் நீதிமன்றம் இந்தத் தீர்ப்பை வழங்கியுள்ளது.
இதுகுறித்து நீதிமன்றம் தனது தீர்ப்பில் கூறியுள்ளதாவது:
ஐரோப்பிய யூனியன் அமைப்பிலிருந்து விலகும் முடிவை பிரிட்டன் மாற்றிக் கொள்ள விரும்பினால், அந்த நாட்டின் அரசமைப்பு சட்டத்துக்கு உள்பட்டு அந்த விருப்பத்தை நிறைவேற்றிக் கொண்டால் போதுமானது.
அத்தகைய சூழல் ஏற்பட்டால், ஐரோப்பிய யூனியனின் உறுப்பு நாடாக பிரிட்டன் தொடரும்.
அவ்வாறு தொடர்வதற்கு, பிற உறுப்பு நாடுகளின் ஒப்புதலைப் பெற வேண்டிய அவசியமில்லை என்று அந்தத் தீர்ப்பில் குறிப்பிடப்பட்டுள்ளது.
ஐரோப்பிய கண்டத்தைச் சேர்ந்த 28 நாடுகளின் கூட்டமைப்பான ஐரோப்பிய யூனியனில், கடந்த 1973-ஆம் ஆண்டு முதல் பிரிட்டன் அங்கம் வகித்து வருகிறது.
எனினும், ஐரோப்பா முழுவதும் ஒரே நாடு என்ற சித்தாந்தத்தில் செயல்படும் ஐரோப்பிய யூனியனில் இணைந்துள்ளதால், பிரிட்டன் தனது தனித்துவத்தையும், இறையாண்மையையும் இழந்துவிட்டதாக ஒரு சாரார் குற்றம் சாட்டி வந்தனர்.
இந்த நிலையில், ஐரோப்பிய யூனியனில் இருந்து பிரிட்டன் வெளியேறுவது தொடர்பான பொது வாக்கெடுப்பு கடந்த 2016-ஆம் ஆண்டு ஜூன் மாதம் நடைபெற்றது.
அந்த வாக்கெடுப்பில், பெரும்பாலான வாக்காளர்கள் பிரெக்ஸிட்டுக்கு ஆதரவு தெரிவித்தனர்.
இதனைத் தொடர்ந்து, ஐரோப்பிய யூனியனிலிருந்து அடுத்த ஆண்டு மார்ச் மாதம் வெளியேற பிரிட்டன் முடிவு செய்து, அதற்கான நடவடிக்கைகளை மேற்கொண்டு வருகிறது.
அதன் ஒரு பகுதியாக, வெளியேற்றத்துக்குப் பிறகு பிரிட்டனும், ஐரோப்பிய யூனியனும் பின்பற்ற வேண்டிய விதிமுறைகள் குறித்த வரைவு ஒப்பந்தத்தை பிரதமர் தெரசா மே வெளியிட்டார். அந்த ஒப்பந்தத்துக்கு ஐரோப்பிய யூனியனும் ஒப்புதல் வழங்கியது.
எனினும், அந்த ஒப்பந்தம் பிரிட்டனின் நலன்களுக்கு உகந்ததாக இல்லை என்று ஆளும் கட்சியில் ஒரு பிரிவினரே போர்க் கொடி தூக்கியுள்ளனர். இந்த விவகாரம் தொடர்பாக, தெரசா மே அமைச்சரவையிலிருந்து இதுவரை 7 அமைச்சர்கள் ராஜிநாமா செய்துள்ளனர்.
இதற்கிடையே, பிரெக்ஸிட் முடிவை வாபஸ் பெற வேண்டும் எனவும், இதுகுறித்து மீண்டும் பொதுவாக்கெடுப்பு நடத்த வேண்டும் என்றும் வலியுறுத்தி ஒரு சாரார் போராடி வருவது குறிப்பிடத்தக்கது.
இந்தச் சூழலில்தான், ஐரோப்பிய நீதிமன்றம் இத்தகைய தீர்ப்பை வழங்கியுள்ளது.


 

]]>
http://images.dinamani.com/uploads/user/imagelibrary/2018/12/11/w600X390/brexit.jpg பிரெக்ஸிட் குறித்து மீண்டும் பொதுவாக்கெடுப்பு நடத்த வலியுறுத்தி, பிரிட்டன் தலைநகர் லண்டனில் ஆர்ப்பாட்டத்தில் ஈடுபட்ட ஐரோப்பிய யூனியன் ஆதரவாளர்கள். http://www.dinamani.com/world/2018/dec/11/பிரெக்ஸிட்-முடிவை-பிரிட்டன்-தன்னிச்சையாக-திரும்பப்-பெறலாம்-ஐரோப்பிய-நீதிமன்றம்-3055412.html
3055411 உலகம் மஞ்சள் அங்கி போராட்டத்தை நாங்கள் தூண்டவில்லை: ரஷியா DIN DIN Tuesday, December 11, 2018 12:49 AM +0530
பிரான்ஸில் அதிபர் இமானுவல் மேக்ரானுக்கு எதிராக நடைபெற்று வரும் மஞ்சள் அங்கி போராட்டத்தை தாங்கள் தூண்டிடுவதாகக் கூறப்படுவதை ரஷியா மறுத்துள்ளது.
இதுகுறித்து செய்தியாளர்களிடம் ரஷிய அரசின் செய்தித் தொடர்பாளர் டிமித்ரி பெஸ்கோவ் திங்கள்கிழமை கூறியதாவது:
பிரான்ஸில் நடைபெறும் போராட்டங்கள், முழுக்க முழுக்க அதன் உள்நாட்டு விவகாரம் ஆகும்.
பிற நாடுகளின் உள்நாட்டு விவகாரங்களில் ரஷியா தலையிடுவது இல்லை; இனியும் தலையிடாது.
இந்த விவகாரத்தில் எங்களுக்கு எதிராக வெளியிடப்படும் தகவல்கள் எல்லாம் எங்கள் மீது சுமத்தப்படும் அவதூறுக் குற்றச்சாட்டுகள் ஆகும் என்றார் அவர்.
காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசல்களுக்கான வரியை மேக்ரான் அரசு அதிகரித்து வருகிறது.
இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், மஞ்சள் அங்கி போராட்டம் என்றழைக்கப்படுகிறது.
வார இறுதி நாட்களில் நடைபெற்று வந்த இந்தப் போராட்டம், நான்காவது வாரமாக கடந்த சனி மற்றும் ஞாயிற்றுக்கிழமைகளில் மீண்டும் தீவிரமடைந்தது . அப்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன. இதில், அதையடுத்து, நாடு முழுவதும் 1,700-க்கும் மேற்பட்டவர்கள் கைது செய்யப்பட்டனர்.
இந்தப் போராட்டங்களை ரஷியா தூண்டி விட்டதாகக் குற்றம் சாட்டிய பிரிட்டனின் தி டைம்ஸ் இதழ், அது தொடர்பாக சில படங்களையும் வெளியிட்டது.
இந்தச் சூழலில், அதனை மறுக்கும் வகையில் ரஷிய அரசு இவ்வாறு தெரிவித்துள்ளது.


 

]]>
http://images.dinamani.com/uploads/user/imagelibrary/2018/12/11/w600X390/yellow.jpg மஞ்சள் அங்கி போராட்டம் http://www.dinamani.com/world/2018/dec/11/மஞ்சள்-அங்கி-போராட்டத்தை-நாங்கள்-தூண்டவில்லை-ரஷியா-3055411.html
3055410 உலகம் ஐ.நா. தூதராக ஹெதர் நாவெர்ட்: மனித உரிமை அமைப்புகள் எதிர்ப்பு DIN DIN Tuesday, December 11, 2018 12:49 AM +0530
அமெரிக்காவுக்கான ஐ.நா. தூதர் பதவிக்கு, தற்போதைய வெளியுறவுத் துறை அமைச்சக செய்தித் தொடர்பாளர் ஹெதர் நாவெர்ட்டின் பெயரை அதிபர் டிரம்ப் பரிந்துரைத்துள்ளதற்கு மனித உரிமை மற்றும் இஸ்லாமிய தன்னார்வ அமைப்புகள் எதிர்ப்பு தெரிவித்துள்ளன.
மிகுந்த முக்கியத்துவம் வாய்ந்த அந்தப் பதவியில் நியமிக்கப்படும் அளவுக்கு, வெளியுறவுத் துறை விவகாரங்களில் ஹெதருக்கு அனுபவம் போதாது என்று அந்த அமைப்புகள் தெரிவித்தன.
மேலும், தொலைக்காட்சி வருணையாளராக இருந்தபோது அவர் இஸ்லாம் மதத்துக்கு எதிரான கருத்துகளைத் தெரிவித்ததாக, முஸ்லிம் தன்னார்வ அமைப்பான கெயிர் குற்றம் சாட்டியுள்ளது.
கடந்த 2013-ஆம் ஆண்டில், சோமாலியாவைச் சேர்ந்த பெண்களுக்கு தனியாக நீச்சல் பயிற்சி அளிக்க அனுமதி அளிக்கப்பட்டதை எதிர்த்த ஹெதர் நாவெர்ட், ஷரியா சட்டத்தின் மூலம் சிறுபான்மையினர் பெரும்பான்மையாகி விடுகின்றனர் என்று விமர்சித்ததாக அந்த அமைப்பு தெரிவித்தது.
கேபினட் அந்தஸ்து மிக்க ஐ.நா. தூதர் பதவியை, இந்திய வம்சாவளியைச் சேர்ந்த நிக்கி ஹேலி தற்போது வகித்து வருகிறார். அத்தகைய பதவியில் அமர்த்தப்பட்ட முதல் இந்திய வம்சாவளிப் பெண் அவர்தான் என்பது குறிப்பிடத்தக்கது. 
எனினும், அவர் தனது பதவியை ராஜிநாமா செய்வதாக கடந்த அக்டோபர் மாதம் அறிவித்தார்.
அதையடுத்து, காலியாகும் அந்தப் பதவிக்கு ஹெதர் நாவெர்டின் பெயரை அதிபர் டிரம்ப் பரிந்துரைத்துள்ளார். 
ஃபாக்ஸ் நியூஸ் தொலைக்காட்சியில் வருணனையாளராக பணியாற்றி வந்த ஹெதர் நாவெர்ட், தற்போது வெளியுறவுத் துறை செய்தித் தொடர்பாளராக மட்டுமின்றி, பொதுமக்கள் தொடர்புப் பிரிவின் இடைக்கால இணையமைச்சராகவும் பொறுப்பு வகித்து வருகிறார்.
 

]]>
http://images.dinamani.com/uploads/user/imagelibrary/2018/12/11/w600X390/heather.jpg http://www.dinamani.com/world/2018/dec/11/ஐநா-தூதராக-ஹெதர்-நாவெர்ட்-மனித-உரிமை-அமைப்புகள்-எதிர்ப்பு-3055410.html
3055409 உலகம் ஆர்மீனிய தேர்தல்: நிக்கோல் பாஷின்யான் அபார வெற்றி DIN DIN Tuesday, December 11, 2018 12:48 AM +0530
ஆர்மீனிய நாடாளுமன்றத்துக்கு ஞாயிற்றுக்கிழமை நடைபெற்ற தேர்தலில் இடைக்காலப் பிரதமர் நிக்கோல் பாஷின்யான் அபார வெற்றி பெற்றுள்ளார்.
நாடாளுமன்றத்தின் பதவிக் காலம் முடிவதற்கு முன்னரே நடைபெற்ற இந்தத் தேர்தலில், நிக்கோல் பாஷின்யான் 70.43 சதவீத வாக்குகள் பெற்று, வெற்றி பெற்றதாக அறிவிக்கப்பட்டார்.
அவருக்கு அடுத்தபடியாக வந்த கஜிக் சாருக்யான், எட்மன் மருக்யான் ஆகியோருக்கு முறையே 8.27 சதவீதம் மற்றும் 6.37 சதவீத வாக்குகளே கிடைத்தன.
43 வயதாகும் முன்னாள் பத்திரிகையாளரான பாஷின்யான், இந்த வெற்றியை அளித்த மக்களுக்கு நன்றி தெரிவித்ததுடன், சீர்திருத்தப் பணிகளை தைரியமுடன் மேற்கொள்ளப்போவதாக உறுதியளித்தார்.
நிக்கோல் பாஷின்யான் தலைமையில், கடந்த ஏப்ரல் முதல் மே மாதம் வரையில் நடைபெற்ற மக்கள் போராட்டம் காரணமாக, அதுவரை பிரதமராக இருந்த செர்ஷ் சர்க்ஸ்யான் பதவி விலகினார். 
அதையடுத்து, நிக்கோல் பாஷின்யான் பிரதமராகப் பதவியேற்றார். எனினும், அவர் கொண்டு வந்த சீர்திருத்த திட்டங்களுக்கு, நாடாளுமன்றத்தில் அதிக பலம் கொண்ட சர்க்ஸ்யானின் எதிர்க்கட்சி முட்டுக்கட்டை போட்டது.
இந்தச் சூழலில், தனக்கு போதிய பலம் இல்லாத நாடாளுமன்றத்தைக் கலைத்துவிட்டு, புதிதாகத் தேர்தல் நடத்த நிக்கோல் பாஷின்யான் முடிவு செய்தார். 
அதன் காரணமாக தனது பதவியை கடந்த அக்டோபர் மாதம் அவர் ராஜிநாமா செய்தார். எனினும், விதமுறைப்படி குறிப்பிட்ட காலத்துக்குள் பெரும்பான்மை பலத்துடன் புதிய பிரதமரை நாடாளுமன்றத்தால் தேர்ந்தெடுக்க முடியவில்லை.
அதையடுத்து, நாடாளுமன்றத்தின் பதவிக் காலம் முடிவடைவதற்கு முன்னரே ஞாயிற்றுக்கி தேர்தல் நடைபெற்றது.
இந்தத் தேர்தலில், இடைக்காலப் பிரதமர் பாஷின்யான்தான் வெற்றி பெறுவார் என்று ஏற்கேனவே கூறப்பட்டு வந்த நிலையில், எதிர்பார்த்தபடி அவர் அபார வாக்கு விகித வித்தியாசத்தில் வெற்றி பெற்றுள்ளார்.


 

]]>
http://images.dinamani.com/uploads/user/imagelibrary/2018/12/11/w600X390/Pashinyan.jpg நிக்கோல் பாஷின்யான் http://www.dinamani.com/world/2018/dec/11/ஆர்மீனிய-தேர்தல்-நிக்கோல்-பாஷின்யான்-அபார-வெற்றி-3055409.html
3055408 உலகம் கஷோகி படுகொலை விவகாரம்: சவூதி அதிகாரிகளுக்கு லிதுவேனியா தடை DIN DIN Tuesday, December 11, 2018 12:48 AM +0530
செய்தியாளர் கஷோகி படுகொலை விவகாரம் தொடர்பாக, 17 சவூதி அரேபிய அதிகாரிகளுக்கு லிதுவேனியா திங்கள்கிழமை தடை விதித்தது.
இதுகுறித்து அந்த நாட்டு வெளியுறவுத் துறை அமைச்சக செய்தித் தொடர்பாளர் கூறியதாவது:
துருக்கியிலுள்ள சவூதி அரேபிய துணைத் தூதரகத்தில், செய்தியாளர் கஷோகி படுகொலை செய்யப்பட்டது தொடர்பாக, 17 சவூதி அதிகாரிகளுக்கு தடை விதித்துள்ளோம்.
இந்த விவகாரத்தில் இதே போன்ற நடவடிக்கைகளை எடுத்து வரும் பிற ஐரோப்பிய நாடுகளுடன் இணைந்து இந்த முடிவு எடுக்கப்பட்டுள்ளது என்றார் அவர்.
தடை செய்யப்பட்டுள்ள சவூதி அரேபிய அதிகாரிகள் பட்டியலில், அந்த நாட்டு பட்டத்து இளவரசர் முகமது பின் சல்மானின் நெருங்கிய உதவியாளரின் பெயரும் இடம் பெற்றுள்ளதாக லிதுவேனிய ஊடகங்கள் தெரிவித்தன.
ஏற்கெனவே, இந்த விவகாரத்தில் உண்மைகளை வெளிக் கொண்டு வருவதற்கு, ஜெர்மனி, பிரான்ஸ், பிரிட்டன், டென்மார்க் ஆகிய நாடுகள் சவூதி அதிகாரிகள் மீது தடை விதித்துள்ளன.
இந்தச் சூழலில், லிதுவேனியாவும் சவூதி அரசுக்கு எதிராக இந்த முடிவை எடுத்துள்ளது குறிப்பிடத்தக்கது.
சவூதி அரேபியாவைச் சேர்ந்த செய்தியாளர் ஜமால் கஷோகி, சர்ச்சைகள் காரணமாக சொந்த நாட்டிலிருந்து தப்பி அமெரிக்காவில் வசித்து வந்தார். அங்கு வெளியாகும் வாஷிங்டன் போஸ்ட் நாளிதழில் கட்டுரைகள் எழுதி வந்த அவர், சவூதி அரசின் கொள்கைகளுக்கு எதிராகவும், பட்டத்து இளவரசருக்கு எதிராகவும் கருத்துகளைத் தெரிவித்து வந்தார்.
இந்தச் சூழலில், துருக்கி நாட்டுப் பெண்ணை திருமணம் செய்ய விரும்பிய அவருக்கு, அந்த நாட்டுச் சட்டப்படி அவரது முன்னாள் மனைவியிடமிருந்து முறைப்படி விவாகரத்து பெற்றதற்கான சான்றுகள் தேவைப்பட்டன. அதனைப் பெறுவதற்காக அவர் துருக்கியின் இஸ்தான்புல் நகரிலுள்ள சவூதி அரேபிய துணைத் தூதரகத்துக்கு கடந்த அக்டோபர் மாதம் தேதி சென்றார். ஆனால், அதன் பிறகு அவரைக் காணவில்லை.
தூதரகத்துக்குள் அவரை சவூதி அனுப்பிய ஆட்கள் கொன்று விட்டதாக துருக்கி குற்றம் சாட்டியது.
எனினும், இந்தக் குற்றச்சாட்டுகளை ஆரம்பத்தில் மறுத்து வந்த சவூதி அரேபியா, 18 நாள்களுக்குப் பிறகு தங்களது துணைத் தூதரகத்தில் செய்தியாளர் கஷோகி கொல்லப்பட்டதை ஒப்புக் கொண்டது.
 

]]>
http://images.dinamani.com/uploads/user/imagelibrary/2018/12/11/w600X390/khashoggi.jpg http://www.dinamani.com/world/2018/dec/11/கஷோகி-படுகொலை-விவகாரம்-சவூதி-அதிகாரிகளுக்கு-லிதுவேனியா-தடை-3055408.html
3055387 உலகம் விஜய் மல்லையாவை இந்தியாவுக்கு நாடு கடத்த லண்டன் நீதிமன்றம் உத்தரவு DIN DIN Monday, December 10, 2018 05:59 PM +0530
பண மோசடி செய்துவிட்டு இந்தியாவில் இருந்து தப்பியோடி தலைமறைவாக இருந்த விஜய் மல்லையாவை இந்தியாவுக்கு நாடு கடத்த லண்டன் நீதிமன்றம் அனுமதி அளித்துள்ளது.

இந்தியாவின் பொதுத் துறை வங்கிகளில் ரூ.9 ஆயிரம் கோடி அளவுக்கு கடன் பெற்றுவிட்டு, லண்டனுக்குத் தப்பிச் சென்ற விஜய் மல்லையா, அடுத்த 14 நாட்களுக்குள் தீர்ப்பை எதிர்த்து  மேல்முறையீடு செய்யவும் நீதிமன்றம் அனுமதி வழங்கியுள்ளது.

லண்டன் நீதிமன்ற தீர்ப்புக்கு சிபிஐ வரவேற்புத் தெரிவித்துள்ளது. விஜய் மல்லையாவை நாடு கடத்த லண்டன் நீதிமன்றம் தீர்ப்பளித்துள்ளதை அடுத்து, அமலாக்கத் துறை அதிகாரிகளும், சிபிஐ அதிகாரிகளும் லண்டனில் முகாமிட்டுள்ளனர்.

விஜய் மல்லையாவை நாடு கடத்த அனுமதி அளித்த தீர்ப்பும், விஜய் மல்லையாவை இந்தியாவிடம் ஒப்படைக்க வேண்டும் என்ற உத்தரவும் லண்டன் வெளியுறவுத் துறை அமைச்சகத்துக்கு அனுப்பி வைக்கப்பட்டுள்ளது. விஜய் மல்லையா மேல்முறையீடு செய்யாவிட்டால், அவர் இந்தியாவுக்கு நாடு கடத்தப்படுவார். 

இந்த தீர்ப்பு இந்திய அரசுக்கு சாதகமாக அமைந்தாலும், பிரிட்டன் சட்ட விதிகளின்படி மல்லையாவை உடனடியாக இந்தியாவுக்கு நாடு கடத்திக் கொண்டு வர முடியாது என தெரியவந்துள்ளது.

இந்திய வங்கிகளில் ரூ.9,000 கோடி அளவுக்கு கடன் மோசடி செய்ததாகக் குற்றம்சாட்டப்பட்டுள்ள விஜய் மல்லையா கடந்த ஆண்டு மார்ச் மாதத்தில் பிரிட்டனுக்கு தப்பியோடினார்.

இதையடுத்து, நாடு கடத்தக் கோரும் வாரண்ட் அடிப்படையில் கைது செய்யப்பட்ட அவருக்கு அதே ஆண்டு ஏப்ரல் மாதம் ஜாமீன் வழங்கப்பட்டது.

தனக்கு எதிரான வழக்கு அரசியல் ரீதியாக தூண்டப்பட்டது என்ற குற்றச்சாட்டை முன்வைத்து நாடு கடத்தப்படுவதற்கு எதிராக வெஸ்ட்மின்ஸ்டர் மாஜிஸ்திரேட் நீதிமன்றத்தில் விஜய் மல்லையா வழக்கு தொடுத்தார். அந்த வழக்கை நீதிபதி எம்மா ஆர்புத்நாட் விசாரித்து வந்த நிலையில் திங்கள்கிழமை தீர்ப்பு வெளியாகும் என எதிர்பார்க்கப்படுகிறது.

மல்லையாவை இந்தியாவுக்கு நாடு கடத்திக் கொண்டு வரும் பட்சத்தில் மும்பை ஆர்தர் சாலையில் உள்ள சிறையில் அடைப்பதற்கான ஏற்பாடுகளை மத்திய அரசு செய்துள்ளது.

ஆனால், சிறையில் போதுமான வசதிகள் இல்லை என்ற சூழலில் மல்லையாவுக்கான மனித உரிமைகள் மறுக்கப்படுவதாக அவரது தரப்பில் நீதிமன்றத்தில் வாதிடப்பட்டது. இதையே அடிப்படையாகக் கொண்டு தன்னை நாடு கடத்தக் கூடாது என்றும் மல்லையா கோரிக்கை விடுத்திருந்தார்.

இந்நிலையில், மல்லையாவை அடைக்கத் திட்டமிடப்பட்டுள்ள சிறை அறை குறித்த விடியோ பதிவை நீதிபதியின் உத்தரவின் பேரில் இந்திய அரசு நீதிமன்றத்தில் தாக்கல் செய்தது. அதே சமயம், மல்லையா மீது குற்றம்சாட்டுவதற்கு அடிப்படை முகாந்திரம் உள்ளதால் அவரை நாடு கடத்துவதில் சட்ட ரீதியாக தடை ஏற்படாது என்றும் கருதப்படுகிறது.

பிரிட்டனைச் சேர்ந்த பவானி ரெட்டி என்ற சட்டத்துறை நிபுணர் இதுகுறித்து கூறுகையில், ""அனைத்து நடைமுறைகளும் நீதிபதிக்கு திருப்தி அளிக்கும் விதமாக இருந்தால், மல்லையாவை நாடு கடத்துவதற்கு சட்ட ரீதியான தடைகள் இருக்காது.

மல்லையாவை நாடு கடத்துவது குறித்து பரிசீலிக்குமாறு பிரிட்டன் உள்துறை அமைச்சருக்கு நீதிபதி பரிந்துரை செய்தாக வேண்டும்'' என்று தெரிவித்தார்.

மேல்முறையீடு செய்யலாம்: மல்லையாவை நாடு கடத்துமாறு மாஜிஸ்திரேட் நீதிமன்றம், உள்துறை அமைச்சருக்கு பரிந்துரை செய்ததும், அதிலிருந்து 14 தினங்களுக்குள் பிரிட்டன் உயர்நீதிமன்றத்தில் அவர் மேல்முறையீடு செய்வார்.

ஒருவேளை நாடு மேல்முறையீடு செய்யப்படவில்லை என்றாலோ அல்லது மேல்முறையீட்டிலும் அது உறுதி செய்யப்பட்டாலோ, அன்றைய தினத்தில் இருந்து 28 நாள்களுக்குள்ளாக குற்றச்சாட்டுக்கு ஆளான நபர் நாடு கடத்தப்பட வேண்டும் என்பது பிரிட்டன் சட்ட விதிகளின்படி கட்டாயமாகும்.
 

]]>
http://images.dinamani.com/uploads/user/imagelibrary/2017/4/22/w600X390/vijay-mallaya.jpg http://www.dinamani.com/world/2018/dec/10/விஜய்-மல்லையாவை-இந்தியாவுக்கு-நாடு-கடத்த-லண்டன்-நீதிமன்றம்-உத்தரவு-3055387.html
3055321 உலகம் படுகொலை செய்யப்பட்ட செய்தியாளர் ஜமால் கஷோகியின் கடைசி வார்த்தைகள் இவை! ENS ENS Monday, December 10, 2018 03:52 PM +0530
வாஷிங்டன்: சவூதி அரேபியாவைச் சேர்ந்த செய்தியாளர் ஜமால் கஷோகியின் இறுதித் தருணங்கள் பதிவான ஆடியோ டேப்பை ஆராய்ந்ததில், அவர் கடைசியாக "என்னால் மூச்சு விடமுடியவில்லை" என்று கூறியிருக்கிறார்.

இந்த தகவல் சிஎன்என்-ல் தெரிவிக்கப்பட்டுள்ளது.

இந்த கொலை தொடர்பாக பல முறை தொலைபேசிகளில் அறிவுறுத்தப்பட்டிருப்பதும், திட்டமிட்டு மருந்து செலுத்தப்பட்டு இந்த கொலை நடந்திருப்பதையும் ஆடியோ ஆதாரம் விளக்குவதாகவும் அமெரிக்க தரப்பில் கூறப்படுகிறது.

அந்த தொலைபேசி அழைப்புகளும் ரியாத்தில் உள்ள உயர் அதிகாரிகளிடம் இருந்து வந்திருப்பதை துருக்கி  உறுதி செய்திருப்பதாகவும் சிஎன்என் தெரிவித்துள்ளது.

சவூதி அரேபியாவைச் சேர்ந்த செய்தியாளர் ஜமால் கஷோகி, சவூதி அரசின் கொள்கைகளுக்கு எதிராகவும், பட்டத்து இளவரசர் முகமது பின் சல்மானுக்கு எதிராகவும் கருத்துகளைத் தெரிவித்து வந்தார். இதனால் ஏற்பட்ட சர்ச்சைகள் காரணமாக சொந்த நாட்டிலிருந்து தப்பி அமெரிக்காவில் வசித்து வந்தார். அங்கு வெளியாகும் வாஷிங்டன் போஸ்ட் நாளிதழில் அவர் கட்டுரைகள் எழுதி வந்தார்.

இந்தச் சூழலில், துருக்கி நாட்டுப் பெண்ணை திருமணம் செய்ய விரும்பிய அவருக்கு, அந்த நாட்டுச் சட்டப்படி அவரது முன்னாள் மனைவியிடமிருந்து முறைப்படி விவாகரத்து பெற்றதற்கான சான்றுகள் தேவைப்பட்டன. அதனைப் பெறுவதற்காக அவர் துருக்கியின் இஸ்தான்புல் நகரிலுள்ள சவூதி அரேபிய துணைத் தூதரகத்துக்கு கடந்த அக்டோபர் மாதம் சென்றார். ஆனால், அதன் பிறகு அவரைக் காணவில்லை.

தூதரகத்துக்குள்ளேயே அவர் கொலை செய்யப்பட்டுவிட்டதாக துருக்கி குற்றம்சாட்டியது. இந்தக் குற்றச்சாட்டுகளை முதலில் மறுத்த சவூதி அரேபியா, பின்னர் தங்களது தூதரகத்தில் செய்தியாளர் கஷோகி கொல்லப்பட்டதை ஒப்புக் கொண்டது. எனினும், இக்கொலையில் பட்டத்து இளவரசருக்கு தொடர்பில்லை என்று சவூதி அரசு மறுப்பு தெரிவித்தது.

இந்நிலையில், கஷோகியை கொலைக்கு திட்டமிட்டதாக, பட்டத்து இளவரசர் முகமது பின் சல்மானின் நெருங்கிய கூட்டாளிகள் இருவர் மீது துருக்கி குற்றம்சாட்டியுள்ளது. அவரது கூட்டாளிகளான அகமது அல் அஸ்ஸிரி, சௌத் அல் கதானி ஆகிய இருவருக்கும் எதிராக கைது ஆணைகளை பிறப்பிக்க வலியுறுத்தி, துருக்கி நீதிமன்றத்தில் அந்நாட்டு அரசின் தலைமை வழக்குரைஞர் மனு தாக்கல் செய்துள்ளதாக தகவல்கள் வெளியாகியுள்ளன. 
 

]]>
http://images.dinamani.com/uploads/user/imagelibrary/2018/12/10/w600X390/kasho.jpg http://www.dinamani.com/world/2018/dec/10/murdered-saudi-journalist-jamal-khashoggis-final-words-3055321.html
3055330 உலகம் பாகிஸ்தானுக்கு அமெரிக்கா ஒரு டாலர் கூட கொடுக்கக் கூடாது: ஐ.நா. தூதர் PTI PTI Monday, December 10, 2018 11:34 AM +0530
நியூ யார்க்: பாகிஸ்தான் தொடர்ந்து பயங்கரவாதத்தின் ஊற்றுக்கண்ணாக விளங்குகிறது. எனவே அந்நாட்டுக்கு அமெரிக்கா ஒரு டாலர் கூட நிதியுதவி வழங்கக் கூடாது என்று ஐ.நா.வுக்கான அமெரிக்க தூதர் நிக்கி ஹாலே தெரிவித்துள்ளார்.

அமெரிக்காவில் உயர் பதவியில் நியமிக்கப்பட்ட முதல் இந்திய - அமெரிக்கரான ஹாலே, அமெரிக்காவுக்கு எதிராக செயல்படும் எந்த நாட்டுக்கும், நிதியுதவி செய்யக் கூடாது என்றும் அவர் வலியுறுத்தியுள்ளார்.

மேலும், நாம் எந்த நாட்டுடன் கூட்டணி அமைத்துள்ளோமோ அது தொடர்பாக முறையாக சிந்தித்து செயல்பட வேண்டும். சில விஷயங்களில் இணைந்து செயல்பட வேண்டும் என்று முடிவெடுத்தால், அதற்காக இரு நாடுகளும் ஒருங்கிணைய வேண்டும், அப்படி இல்லாமல், கண்மூடித்தனமாக இணைந்து செயல்படுவதாகக் கூறிக் கொண்டு பணத்தை  அந்த நாட்டுக்கு வாரிஇறைப்பதில் பலனில்லை என்றும், அந்த பணத்தை முறைப்படி பயன்படுத்தலாம் என்றும் அவர் கூறியுள்ளார்.

அதோடு, பாகிஸ்தானுக்கு நாம் பல பில்லியன் டாலர்களை அளிக்கிறோம், அதை வைத்துக் கொண்டு அவர்கள் பயங்கரவாதிகளை உருவாக்கி நமது வீரர்களையேக் கொல்கிறார்கள். எனவே, பாகிஸ்தானுக்கு ஒரு டாலர் கூட கொடுக்கக் கூடாது. பில்லியன் டாலர் என்பது மிகக் குறைந்த பணம் கிடையாது என்றும் அவர் வலியுறுத்தியுள்ளார்.
 

]]>
US ambassador to the UN , Nikki Haley http://images.dinamani.com/uploads/user/imagelibrary/2018/12/10/w600X390/nikki.jpg http://www.dinamani.com/world/2018/dec/10/pakistan-continues-to-harbour-terrorists-3055330.html
3054938 உலகம் மும்பை தாக்குதலை நடத்தியது பாகிஸ்தான் பயங்கரவாதிகள்தான்  இஸ்லாமாபாத், DIN Monday, December 10, 2018 02:36 AM +0530 மும்பையில் கடந்த 2008ஆம் ஆண்டு தாக்குதல் நடத்தியது பாகிஸ்தானை சேர்ந்த பயங்கரவாதிகள்தான் என்று அந்நாட்டின் பிரதமரான இம்ரான் கான் ஒப்புக் கொண்டுள்ளார்.
 இந்தியாவின் வர்த்தக தலைநகரான மும்பையில் கடல்வழியாக ஊடுருவி பயங்கரவாதிகள் 10 பேர் கடந்த 2008ஆம் ஆண்டு திடீர் தாக்குதல் நடத்தினர். இந்தத் தாக்குதலில் 150க்கும் மேற்பட்டோர் பலியாகினர். பாகிஸ்தானை சேர்ந்த அஜ்மல் கசாப் என்ற பயங்கரவாதி உயிருடன் பிடிபட்டார். பின்னர் அவர் வழக்கு விசாரணைக்கு பிறகு தூக்கிலிடப்பட்டார்.
 இந்த தாக்குதலில் ஈடுபட்டது பாகிஸ்தானைச் சேர்ந்த லஷ்கர்-ஏ-தொய்பா அமைப்பு பயங்கரவாதிகள்தான் என்று இந்தியா குற்றம்சாட்டி வருகிறது. இதை பாகிஸ்தான் இதுவரை ஒப்புக் கொள்ளவில்லை.
 இந்நிலையில், "வாஷிங்டன் போஸ்ட்' பத்திரிகைக்கு இம்ரான் கான் அளித்துள்ள பேட்டியில், மும்பையில் பயங்கரவாதத் தாக்குதலை நடத்தியது பாகிஸ்தான் பயங்கரவாதிகள்தான் என்று ஒப்புக் கொண்டுள்ளார். இதுதொடர்பாக அந்த பேட்டியில் அவர் மேலும் கூறியிருப்பதாவது:
 மும்பையில் வெடிகுண்டு தாக்குதலை நடத்தியவர்கள் மீது பாகிஸ்தான் ஏதேனும் நடவடிக்கை எடுத்தாக வேண்டும். மும்பையில் தாக்குதல் நடத்தியவர்களை தண்டிக்க வேண்டும் என்று எனது அரசு விரும்புகிறது.
 மும்பை தாக்குதல் தொடர்பான பிரச்னையில் தீர்வு காண்பதில் பாகிஸ்தான் நலனும் அடங்கியுள்ளது. ஏனெனில், இது பயங்கரவாதத்துக்கு எதிரான நடவடிக்கையாகும்.
 இந்தத் தாக்குதல் தொடர்பாக பாகிஸ்தான் நீதிமன்றத்தில் நடைபெற்றுவரும் வழக்குத் தொடர்பான தற்போதைய நிலவரத்தை கேட்டுள்ளேன் என்றார் இம்ரான் கான்.
 மும்பைத் தாக்குதல் சம்பவம் தொடர்பான 10ஆவது ஆண்டு நினைவு தினம், இந்தியாவில் அண்மையில் அனுசரிக்கப்பட்டது. அப்போது மும்பைத் தாக்குதலில் ஈடுபட்டோர் மீது நடவடிக்கை எடுக்கப்படும் என்ற வாக்குறுதியை பாகிஸ்தான் நிறைவேற்றவில்லை என்று இந்தியா கண்டனம் தெரிவித்திருந்தது.
 இதைத் தொடர்ந்து, மும்பைத் தாக்குதல் சம்பவம் தொடர்பாக இம்ரான் கான் இந்த கருத்தை வெளியிட்டுள்ளார். இது மும்பைத் தாக்குதல் சம்பவம் தொடர்பான பாகிஸ்தான் நிலைப்பாட்டில் ஏற்பட்டுள்ள மாற்றமாக கருதப்படுகிறது.
 

]]>
http://images.dinamani.com/uploads/user/imagelibrary/2018/12/10/w600X390/IMRAN.jpg http://www.dinamani.com/world/2018/dec/10/மும்பை-தாக்குதலை-நடத்தியது-பாகிஸ்தான்-பயங்கரவாதிகள்தான்-3054938.html
3054862 உலகம் விஜய் மல்லையா இந்தியாவுக்கு நாடு கடத்தப்படுவாரா? பிரிட்டன் நீதிமன்றம் இன்று தீர்ப்பு  லண்டன், DIN Monday, December 10, 2018 02:29 AM +0530 வங்கிக் கடன் மோசடியாளராக குற்றம்சாட்டப்பட்டுள்ள தொழிலதிபர் விஜய் மல்லையாவை இந்தியாவுக்கு நாடு கடத்தக் கோரும் வழக்கில் பிரிட்டன் நீதிமன்றம் திங்கள்கிழமை தீர்ப்பு வழங்கும் என எதிர்பார்க்கப்படுகிறது.
 இந்த தீர்ப்பு இந்திய அரசுக்கு சாதகமாக அமைந்தாலும், பிரிட்டன் சட்ட விதிகளின்படி மல்லையாவை உடனடியாக இந்தியாவுக்கு நாடு கடத்திக் கொண்டு வர முடியாது என தெரியவந்துள்ளது.
 இந்திய வங்கிகளில் ரூ.9,000 கோடி அளவுக்கு கடன் மோசடி செய்ததாகக் குற்றம்சாட்டப்பட்டுள்ள விஜய் மல்லையா கடந்த ஆண்டு மார்ச் மாதத்தில் பிரிட்டனுக்கு தப்பியோடினார்.
 இதையடுத்து, நாடு கடத்தக் கோரும் வாரண்ட் அடிப்படையில் கைது செய்யப்பட்ட அவருக்கு அதே ஆண்டு ஏப்ரல் மாதம் ஜாமீன் வழங்கப்பட்டது.
 தனக்கு எதிரான வழக்கு அரசியல் ரீதியாக தூண்டப்பட்டது என்ற குற்றச்சாட்டை முன்வைத்து நாடு கடத்தப்படுவதற்கு எதிராக வெஸ்ட்மின்ஸ்டர் மாஜிஸ்திரேட் நீதிமன்றத்தில் விஜய் மல்லையா வழக்கு தொடுத்தார். அந்த வழக்கை நீதிபதி எம்மா ஆர்புத்நாட் விசாரித்து வந்த நிலையில் திங்கள்கிழமை தீர்ப்பு வெளியாகும் என எதிர்பார்க்கப்படுகிறது.
 மல்லையாவை இந்தியாவுக்கு நாடு கடத்திக் கொண்டு வரும் பட்சத்தில் மும்பை ஆர்தர் சாலையில் உள்ள சிறையில் அடைப்பதற்கான ஏற்பாடுகளை மத்திய அரசு செய்துள்ளது.
 ஆனால், சிறையில் போதுமான வசதிகள் இல்லை என்ற சூழலில் மல்லையாவுக்கான மனித உரிமைகள் மறுக்கப்படுவதாக அவரது தரப்பில் நீதிமன்றத்தில் வாதிடப்பட்டது. இதையே அடிப்படையாகக் கொண்டு தன்னை நாடு கடத்தக் கூடாது என்றும் மல்லையா கோரிக்கை விடுத்திருந்தார்.
 இந்நிலையில், மல்லையாவை அடைக்கத் திட்டமிடப்பட்டுள்ள சிறை அறை குறித்த விடியோ பதிவை நீதிபதியின் உத்தரவின் பேரில் இந்திய அரசு நீதிமன்றத்தில் தாக்கல் செய்தது. அதே சமயம், மல்லையா மீது குற்றம்சாட்டுவதற்கு அடிப்படை முகாந்திரம் உள்ளதால் அவரை நாடு கடத்துவதில் சட்ட ரீதியாக தடை ஏற்படாது என்றும் கருதப்படுகிறது.
 பிரிட்டனைச் சேர்ந்த பவானி ரெட்டி என்ற சட்டத்துறை நிபுணர் இதுகுறித்து கூறுகையில், ""அனைத்து நடைமுறைகளும் நீதிபதிக்கு திருப்தி அளிக்கும் விதமாக இருந்தால், மல்லையாவை நாடு கடத்துவதற்கு சட்ட ரீதியான தடைகள் இருக்காது.
 மல்லையாவை நாடு கடத்துவது குறித்து பரிசீலிக்குமாறு பிரிட்டன் உள்துறை அமைச்சருக்கு நீதிபதி பரிந்துரை செய்தாக வேண்டும்'' என்று தெரிவித்தார்.
 மேல்முறையீடு செய்யலாம்: மல்லையாவை நாடு கடத்துமாறு மாஜிஸ்திரேட் நீதிமன்றம், உள்துறை அமைச்சருக்கு பரிந்துரை செய்தால், அதிலிருந்து 14 தினங்களுக்குள் பிரிட்டன் உயர்நீதிமன்றத்தில் அவர் மேல்முறையீடு செய்ய இயலும்.
 அதேபோன்று, அவரை நாடு கடத்த வேண்டியதில்லை என்று நீதிமன்றம் தீர்ப்பு வழங்கினாலும், அதை எதிர்த்து இந்திய அரசின் சார்பில் 14 தினங்களுக்குள் மேல்முறையீடு செய்யலாம்.
 ஒருவேளை நாடு கடத்துவதற்கான உத்தரவு பிறப்பிக்கப்பட்டு அதற்கு எதிராக மேல்முறையீடு செய்யப்படவில்லை என்றாலோ அல்லது மேல்முறையீட்டிலும் அது உறுதி செய்யப்பட்டாலோ,அன்றைய தினத்தில் இருந்து 28 நாள்களுக்குள்ளாக குற்றச்சாட்டுக்கு ஆளான நபர் நாடு கடத்தப்பட வேண்டும் என்பது பிரிட்டன் சட்ட விதிகளின்படி கட்டாயமாகும்.
 முன்னதாக, கிங்பிஷர் விமான சேவை நிறுவனத்துக்காக வாங்கப்பட்ட கடன், தொழில் ரீதியாக நஷ்டமடைந்த நிலையில் தன்னை மோசடியாளராக சித்தரிப்பது முறையல்ல என்று மல்லையா கூறியிருந்தார். எனினும், தனது கடனுக்கான அசல் தொகை முழுவதையும் திருப்பிச் செலுத்த தாம் தயாராக உள்ளதாகவும் அவர் தெரிவித்துள்ளார்.
 

]]>
http://images.dinamani.com/uploads/user/imagelibrary/2016/8/8/1/w600X390/vijaymalaiya.jpg http://www.dinamani.com/world/2018/dec/10/விஜய்-மல்லையா-இந்தியாவுக்கு-நாடு-கடத்தப்படுவாரா-பிரிட்டன்-நீதிமன்றம்-இன்று-தீர்ப்பு-3054862.html
3054892 உலகம் ஆர்மீனியாவில் நாடாளுமன்றத் தேர்தல்  யெரெவான், DIN Monday, December 10, 2018 01:17 AM +0530 ஆர்மீனிய நாடாளுமன்றத்துக்கான தேர்தல் ஞாயிற்றுக்கிழமை நடைபெற்றது.
 நாடாளுமன்றத்தின் பதவிக் காலம் முடிவதற்கு முன்னரே நடைபெறும் இந்தத் தேர்தலில், இடைக்கால பிரதமர் நிக்கோல் பாஷின்யான் வெற்றி பெறுவார் என்று பரவலாக எதிர்பார்க்கப்படுகிறது.
 நிக்கோல் பாஷின்யான் தலைமையில், கடந்த ஏப்ரல் முதல் மே மாதம் வரையில் நடைபெற்ற மக்கள் போராட்டம் காரணமாக, அதுவரை பிரதமராக இருந்த செர்ஷ் சர்க்ஸ்யான் பதவி விலகினார்.
 அதையடுத்து, நிக்கோல் பாஷின்யான் பிரதமராகப் பதவியேற்றார். எனினும், அவர் கொண்டு வந்த சீர்திருத்த திட்டங்களுக்கு, நாடாளுமன்றத்தில் அதிக பலம் கொண்ட சர்க்ஸ்யானின் எதிர்க்கட்சி முட்டுக்கட்டை போட்டது.
 இந்தச் சூழலில், தனக்கு போதிய பலம் இல்லாத நாடாளுமன்றத்தைக் கலைத்துவிட்டு, புதிதாகத் தேர்தல் நடத்த நிக்கோல் பாஷின்யான் முடிவு செய்தார்.
 அதன் காரணமாக தனது பதவியை கடந்த அக்டோபர் மாதம் அவர் ராஜிநாமா செய்தார். எனினும், விதிமுறைப்படி குறிப்பிட்ட காலத்துக்குள் பெரும்பான்மை பலத்துடன் புதிய பிரதமரை நாடாளுமன்றத்தால் தேர்ந்தெடுக்க முடியவில்லை.
 அதையடுத்து, நாடாளுமன்றத்தின் பதவிக் காலம் முடிவடைவதற்கு முன்னரே தற்போது தேர்தல் நடைபெற்றுள்ளது.
 இந்தத் தேர்தலின் முடிவுகள் திங்கள்கிழமை (டிச. 10) வெளியாகும் என்று எதிர்பார்க்கப்படுகிறது.
 தேர்தலில் வாக்களிக்கும் இடைக்கால பிரதமர் நிக்கோல் பாஷின்யான்.

]]>
http://images.dinamani.com/uploads/user/imagelibrary/2018/12/10/w600X390/ARMEN.jpg http://www.dinamani.com/world/2018/dec/10/ஆர்மீனியாவில்-நாடாளுமன்றத்-தேர்தல்-3054892.html
3054891 உலகம் ஈரான் தற்கொலைத் தாக்குதல்: 10 பேர் கைது  டெஹ்ரான், DIN Monday, December 10, 2018 01:16 AM +0530 ஈரான் காவல் நிலையத்தில் வியாழக்கிழமை நடத்தப்பட்ட மனித வெடிகுண்டுத் தாக்குதல் தொடர்பாக 10 பேரை போலீஸார் கைது செய்துள்ளனர்.
 இதுகுறித்து காவல் துறைத் தலைவர் ஹுசைன் அஷ்டரி ஞாயிற்றுக்கிழமை கூறியதாவது: சாபஹார் நகர காவல் நிலையத்தில் நிகழ்த்தப்பட்ட தற்கொலைத் தாக்குதல் தொடர்பாக போலீஸார் தேடுதல் வேட்டையில் ஈடுபட்டனர். இதில், 10 பேர் கைது செய்யப்பட்டனர் என்றார் அவர்.
 சாபஹார் நகரிலுள்ள மாகாண காவல்துறை தலைமையகத்துக்கு வெடிபொருள் நிரப்பிய காரை வியாழக்கிழமை ஓட்டி வந்த பயங்கரவாதி, அதை காவல் நிலையத்தில் மோதி வெடிக்கச் செய்தார். இதில், 2 போலீஸார் உயிரிழந்தனர். இந்தத் தாக்குதலுக்கு அன்சார் அல்-ஃபர்கான் என்ற அமைப்பு பொறுப்பேற்றுள்ளது. எனினும், அதிகாரிகள் அதனை மறுத்துள்ளனர். சாபஹார் நகரிலுள்ள துறைமுகத்தை இந்தியா உதவியுடன் ஈரான் மேம்படுத்தி வருவது குறிப்பிடத்தக்கது.
 

]]>
http://www.dinamani.com/world/2018/dec/10/ஈரான்-தற்கொலைத்-தாக்குதல்-10-பேர்-கைது-3054891.html
3054890 உலகம் பிரான்ஸில் மீண்டும் தீவிரமடைந்தது "மஞ்சள் அங்கி' போராட்டம்: 1,700 பேர் கைது  பாரீஸ், DIN Monday, December 10, 2018 01:16 AM +0530 பெட்ரோல், டீசல் விலை உயர்வுக்கு எதிர்ப்பு தெரிவித்து பிரான்ஸில் நடைபெற்று வரும் "மஞ்சள் அங்கி' போராட்டம், வார விடுமுறை தினத்தையொட்டி சனி, ஞாயிற்றுக்கிழமைகளில் மீண்டும் தீவிரமடைந்தது.
 ஆர்ப்பாட்டங்களின்போது போலீஸாருக்கும், போராட்டக்காரர்களுக்கும் இடையே மோதல் ஏற்பட்டதையடுத்து, நாடு முழுவதும் 1,700-க்கும் மேற்பட்டவர்கள் கைது செய்யப்பட்டனர்.
 பெட்ரோல், டீசல் விலை உயர்வு உள்ளிட்ட பல்வேறு பிரச்னைகளை முன்வைத்து, அதிபர் இமானுவல் மேக்ரான் அரசுக்கு எதிராக பிரான்ஸில் நான்காவது வாரமாக சனி மற்றும் ஞாயிற்றுக்கிழமைகளில் போராட்டங்கள் தீவிரமடைந்தன.
 நாடுமுழுவதும் நடைபெற்ற இந்தப் போராட்டங்களின்போது, மார்ûஸல், போர்டியாக், லையான், டுலூஸ் ôகிய நகரங்களில் போலீஸாருக்கும், போராட்டக்காரர்களுக்கும் இடையே மோதல் ஏற்பட்டதாக தகவல்கள் தெரிவிக்கின்றன.
 1,723 பேர் கைது: இந்தப் போராட்டங்களின்போது நடைபெற்ற வன்முறைச் சம்பவங்கள் தொடர்பாக நாடு முழுவதும் 1,723 பேரை போலீஸார் கைது செய்ததாக உள்துறை அமைச்சகம் தெரிவித்துள்ளது.
 கைது செய்யப்பட்டவர்களில் 1,220 பேர் விசாரணைக்காக காவலில் வைக்கப்பட்டுள்ளதாகவும் அந்த அமைச்சகம் தெரிவித்தது.
 இதுகுறித்து பாரிஸ் நகர காவல்துறையினர் கூறுகையில், சனிக்கிழமை மட்டும் 1,082 பேரை கைது செய்ததாகத் தெரிவித்தது.
 கடந்த வாரம் நடைபெற்ற போராட்டங்களின்போது 412 பேர் கைது செய்யப்பட்ட நிலையில், அந்த எண்ணிக்கை இந்த வாரம் வெகுவாக உயர்ந்திருப்பது குறிப்பிடத்தக்கது.
 கடந்த வாரத்தைப் போலவே இந்த சனிக்கிழமையும் 1.36 லட்சம் பேர் போராட்டத்தில் பங்கேற்றதாக உள்துறை தெரிவித்துள்ள நிலையில், கைது செய்யப்பட்டவர்களின் எண்ணிக்கை இரண்டு மடங்கைவிட அதிகமாகியிருக்கிறது.
 வன்முறை: போராட்டத்தின்போது பாரிஸ் நகரில் வன்முறைச் சம்பவங்கள் நடைபெற்றன. கார்கள், சாலைத் தடுப்புகளுக்கு தீவைத்தல், ஜன்னல் கண்ணாடிகளை உடைத்தல் ஆகிய சம்பவங்களில் போராட்டக்காரர்களின் ஒரு பகுதியினர் ஈடுபட்டனர்.
 பாதுகாப்பை உறுதி செய்வதற்காக, நகரம் முழுவதும் போலீஸார் கவச வாகனங்களில் வலம் வந்தனர்.
 இதுகுறித்து மாநகராட்சி அதிகாரிகள் கூறுகையில், கடந்த வாரம் நடைபெற்ற போராட்டங்களைவிட இந்த சனிக்கிழமை நடைபெற்ற வன்முறைச் சம்பவங்களில் அதிக சேதம் ஏற்பட்டதாகத் தெரிவித்தனர்.
 காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசல்களுக்கான வரியை மேக்ரான் அரசு அதிகரித்து வருகிறது.
 இந்த ஆண்டு மட்டும் பெட்ரோலின் விலை 23 சதவீதம் அதிகரித்து, ஒரு லிட்டர் விலை 1.51 யூரோவாக (சுமார் ரூ.121) ஆகியுள்ளது.
 இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
 எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், "மஞ்சள் அங்கி' போராட்டம் என்றழைக்கப்படுகிறது.
 வாரம் தோறும் சனி மற்றும் ஞாயிற்றுக்கிழமைகளில் நடைபெற்ற வந்த இந்தப் போராட்டம், மூன்றாவது வாரமாக கடந்த 1 மற்றும் 2-ஆம் தேதிகளில் மிகவும் தீவிரமடைந்தது. அப்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன. இதில், 23 பாதுகாப்புப் படையினர் உள்பட 133 பேர் காயமடைந்தனர்.
 இந்த நிலையில், இந்த வார இறுதியிலும் போராட்டங்கள் தீவிரமடையலாம் என்ற எதிர்பார்ப்பின் பேரில் நாடு முழுவதும் பாதுகாப்பு பலப்படுத்தப்பட்டது.
 நாடு முழுவதும் பாதுகாப்புக்காக நிறுத்தப்பட்டிருந்த போலீஸாரின் எண்ணிக்கை 65,000-லிருந்து 89,000-ஆக அதிகரிக்கப்பட்டது. தலைநகர் பாரீஸில் மட்டும் சுமார் 8,000 போலீஸார் குவிக்கப்பட்டனர்.
 போராட்டம் நடைபெறும் முக்கியப் பகுதிகளின் ரயில் நிலையங்களில் சோதனைச் சாவடிகளை அமைத்து, அங்கு வருபவர்களை முழுமையான சோதித்த பிறகே அந்தப் பகுதிகளுக்குச் செல்ல போலீஸார்அனுமதித்தனர்.
 பாதுகாப்பு காரணங்களுக்காக, நகரின் முக்கிய சுற்றுலா மையமான ஈஃபில் கோபுரம், அருங்காட்சியங்கள், வணிக வளாகங்கள், பெரும்பாலான மெட்ரோ ரயில் நிலையங்கள் ஆகியவை மூடப்பட்டிருந்தன.
 இந்தச் சூழலிலும், "மஞ்சள் அங்கி' போராட்டம் சனி, ஞாயிற்றுக்கிழமைகளில் தீவிரமடைந்து, வன்முறைச் சம்பவங்கள் நடைபெற்றுள்ளது குறிப்பிடத்தக்கது.

]]>
http://images.dinamani.com/uploads/user/imagelibrary/2018/12/10/w600X390/FRANCE.jpg http://www.dinamani.com/world/2018/dec/10/பிரான்ஸில்-மீண்டும்-தீவிரமடைந்தது-மஞ்சள்-அங்கி-போராட்டம்-1700-பேர்-கைது-3054890.html
3054889 உலகம் டிரம்ப்புடன் மோதல்? பதவி விலகுகிறார் வெள்ளை மாளிகைச் செயலர்  வாஷிங்டன், DIN Monday, December 10, 2018 01:15 AM +0530 அமெரிக்க அதிபர் மாளிகையின் அதிகாரம் மிக்க செயலர் பதவியிலிருந்து விலகவிருப்பதாக ஜான் கெல்லி அறிவித்துள்ளார்.
 அதிபர் டொனால்ட் டிரம்ப்புக்கும், அவருக்கும் இடையே கருத்து வேறுபாடுகள் முற்றியதைத் தொடர்ந்து அவர் இந்த முடிவை எடுத்துள்ளதாகக் கூறப்படுகிறது.
 ஏற்கெனவே அதிபர் டிரம்ப்பின் செயலராக இருந்த ரீன்ஸ் ப்ரீபஸ் கடந்த ஆண்டு பதவி விலகியதைத் தொடர்ந்து, அந்தப் பதவிக்கு டிரம்ப்பால் நியமக்கப்பட்டவர் ஜான் கெல்லி (68).
 2017-ஆம் ஆண்டு ஜூலை மாதம் முதல் அந்தப் பொறுப்பை வகித்து வரும் ஜான் கெல்லி, இந்த மாத இறுதிக்குள் பதவி விலக முடிவு செய்திருப்பதாக டிரம்ப் அறிவித்துள்ளார்.
 இதுகுறித்து அவர் செய்தியாளர்களிடம் கூறியதாவது: தனது பதவியிலிருந்து ஜான் கெல்லி விலகுகிறார். அவர் "ஓய்வு பெறுகிறார்' என்று உறுதியாகச் சொல்ல முடியாவிட்டாலும், இந்த ஆண்டின் இறுதிக்குள் அவர் அதிபரின் செயலர் பதவியிலிருந்து விலகுகிறார் என்பது மட்டும் உறுதி என்றார் அவர். கெல்லிக்கு அடுத்தபடியாக, துணை அதிபர் மைக் பென்ஸின் செயலராக இருந்து வரும் நிக் அயர்ஸ் (36), டிரம்ப்பின் புதிய செயலராக நியமிக்கப்படுவார் என்று எதிர்பார்க்கப்படுகிறது.
 அதிபர் டிரம்ப்புக்கும், ஜான் கெல்லிக்கும் இடையிலான கருத்து வேறுபாடுகள் நாளுக்கு நாள் அதிகரித்து வந்ததாகவும், ஒரு கட்டத்தில் "ஜான் கெல்லியிடம் எதையும் கேட்காதீர்கள்; எதைக் கேட்பதாக இருந்தாலும் நிக் அயர்ஸிடம் கேளுங்கள். அவர்தான் எனக்கு ஆதரவானவர்' என்று டிரம்ப் கூறியதாகவும் தகவல்கள் தெரிவிக்கின்றன.
 ஜான் கெல்லியும், "டிரம்ப்பிடம் எதையும் சொல்லி புரிய வைக்க முயல்வது வீண் வேலை' என்று விமர்சித்ததாகக் கூறப்படுகிறது.
 இந்தச் சூழலில்தான் தனது பதவியிலிருந்து ஜான் கெல்லி விலகுவதாக டிரம்ப் அறிவித்துள்ளார்.

]]>
http://images.dinamani.com/uploads/user/imagelibrary/2018/12/10/w600X390/JOHN.jpg http://www.dinamani.com/world/2018/dec/10/டிரம்ப்புடன்-மோதல்-பதவி-விலகுகிறார்-வெள்ளை-மாளிகைச்-செயலர்-3054889.html
3054533 உலகம் "மஞ்சள் அங்கி' போராட்டம்: முன்னெச்சரிக்கை நடவடிக்கையாக 300 பேர் கைது  பாரீஸ், DIN Sunday, December 9, 2018 02:08 AM +0530 பிரான்ஸில் அரசுக்கு எதிராக நடைபெற்று வரும் போராட்டங்களில் வன்முறையைத் தடுப்பதற்காக, தலைநகர் பாரீஸில் சுமார் 300 பேரை போலீஸார் கைது செய்தனர்.
 இதுகுறித்து தகவல்கள் தெரிவிப்பதாவது:
 பெட்ரோல், டீசல் விலை உயர்வு உள்ளிட்ட பல்வேறு பிரச்னைகளை முன்வைத்து, அதிபர் இமானுவல் மேக்ரான் அரசுக்கு எதிராக பிரான்ஸில் நான்காவது வாரமாக சனிக்கிழமை போராட்டங்கள் நடைபெற்றன.
 போராட்டத்தின் அடையாளமான ஒளிரும் மஞ்சள் நிற மேலங்கியை அணிந்து வந்த நூற்றுக்கணக்கான போராட்டக்காரர்கள், பாரீஸ் நகரின் முக்கிய பகுதிகளில் குவிந்தனர்.
 எனினும், கடந்த வாரம் போல் இந்த சனிக்கிழமையும் வன்முறை ஏற்படுவதைத் தடுப்பதற்காக, முன்னெச்சரிக்கை நடவடிக்கையாக சுமார் 300 பேரை போலீஸார் கைது செய்தனர்.
 நகரம் முழுவதும் சுமார் 8,000 போலீஸார் குவிக்கப்பட்டு, பாதுகாப்பு பலப்படுத்தப்பட்டுள்ளது. போராட்டம் நடைபெறும் முக்கியப் பகுதிகளின் ரயில் நிலையங்களில் சோதனைச் சாவடிகளை அமைத்து, அங்கு வருபவர்களை முழுமையான சோதித்த பிறகே அந்தப் பகுதிகளுக்குச் செல்ல போலீஸார்அனுமதித்தனர்.
 பாதுகாப்பு காரணங்களுக்காக, நகரின் முக்கிய சுற்றுலா மையமான ஈஃபில் கோபுரம், அருங்காட்சியங்கள், வணிக வளாகங்கள், பெரும்பாலான மெட்ரோ ரயில் நிலையங்கள் ஆகியவை மூடப்பட்டிருந்தன.
 ஏற்கெனவே, பதற்றம் நிறைந்த பகுதிகளில் கண்ணாடியால் ஆன பொருள்கள், கட்டுமானம் நடைபெறும் இடங்களிலுள்ள கருவிகள் போன்றவற்றை போலீஸார் அப்புறப்படுத்தினர்.
 மேலும், நாடு முழுவதும் பாதுகாப்புக்காக நிறுத்தப்பட்டிருந்த போலீஸாரின் எண்ணிக்கை 65,000-லிருந்து 89,000-ஆக அதிகரிக்கப்பட்டது.
 அத்துடன், சனிக்கிழமை நடைபெறுவதாக இருந்த ஃபிரெஞ்சு கால்பந்து லீக் போட்டிகளும் ரத்து செய்யப்பட்டன என்று தகவல்கள் தெரிவிக்கின்றன.
 காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசல்களுக்கான வரியை மேக்ரான் அரசு அதிகரித்து வருகிறது.
 இந்த ஆண்டு மட்டும் பெட்ரோலின் விலை 23 சதவீதம் அதிகரித்து, ஒரு லிட்டர் விலை 1.51 யூரோவாக (சுமார் ரூ.121) ஆகியுள்ளது.
 இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
 எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், "மஞ்சள் அங்கி' போராட்டம் என்றழைக்கப்படுகிறது.
 வாரம் தோறும் சனி மற்றும் ஞாயிற்றுக்கிழமைகளில் நடைபெற்ற வந்த இந்தப் போராட்டம், மூன்றாவது வாரமாக கடந்த 1 மற்றும் 2-ஆம் தேதிகளில் மிகவும் தீவிரமடைந்தது. அப்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன. இதில், 23 பாதுகாப்புப் படையினர் உள்பட 133 பேர் காயமடைந்தனர்.
 
 

]]>
http://images.dinamani.com/uploads/user/imagelibrary/2018/12/9/w600X390/FRANCE.jpg http://www.dinamani.com/world/2018/dec/09/மஞ்சள்-அங்கி-போராட்டம்-முன்னெச்சரிக்கை-நடவடிக்கையாக-300-பேர்-கைது-3054533.html
3054532 உலகம் "யேமன் கிளர்ச்சியாளர்களுக்கு அமைதி முயற்சியில் ஆர்வமில்லை'  ரிம்போ, DIN Sunday, December 9, 2018 02:07 AM +0530 யேமனில் அமைதியை ஏற்படுத்துவதற்கான முயற்சிகளில் ஹூதி கிளர்ச்சிப் படையினருக்கு ஆர்வமில்லை என்று அந்த நாட்டு அரசு குற்றம் சாட்டியுள்ளது.
 4 ஆண்டுகளாக நடைபெறும் யேமன் உள்நாட்டுப் போரை முடிவுக்குக் கொண்டு வருவதற்காக, ஸ்வீடனில் கடந்த 3 நாள்களாக சமாதானப் பேச்சுவார்த்தை நடைபெற்று வரும் சூழலில் அரசுத் தரப்பு இவ்வாறு கூறியுள்ளது குறிப்பிடத்தக்கது.
 இதுகுறித்து, பேச்சுவார்த்தையில் பங்கேற்றுள்ள யேமன் அரசின் பிரதிநிதி ரனா கானெம் (படம்) கூறியதாவது:
 சமாதானப் பேச்சுவார்த்தையின்போது ஹூதி கிளர்ச்சியாளர்கள் நடவடிக்கைகளைப் பார்த்தால், அவர்களுக்கு அமைதிப் பேச்சுவார்த்தையில் முழு ஆர்வமில்லை என்றே தெரிகிறது.
 எனினும், யேமன் மக்களின் துயரை முடிவுக்குக் கொண்டு வரும் வகையில் நாட்டில் அமைதி திரும்பும் என்ற நம்பிக்கை எங்களுக்கு உள்ளது என்றார் அவர்.
 யேமனில் 20 ஆண்டுகளுக்கும் மேல் ஆட்சி புரிந்து வந்த அதிபர் அலி அப்துல்லா சலே மக்கள் போராட்டம் காரணமாக கடந்த 2011-ஆம் ஆண்டு பதவி விலகினார். எனினும், அவருக்குப் பிறகு அதிபர் பொறுப்பேற்ற மன்சூர் ஹாதியால் உறுதியான ஆட்சியைத் தர முடியவில்லை.
 இதன் காரணமாக, ஹூதி பழங்குடியின கிளர்ச்சியாளர்கள் தலைநகர் சனாவை கடந்த 2014-ஆம் ஆண்டு கைப்பற்றினர். ஷியா பிரிவினரைப் பெரும்பான்மையாகக் கொண்ட ஈரானின் உதவியுடன் அவர்கள் தலைநகரைக் கைப்பற்றியதாகக் கூறப்படுகிறது.
 அதையடுத்து, சன்னி பிரிவினரை பெரும்பான்மையாகக் கொண்ட சவூதி அரேபியாவில் அதிபர் மன்சூர் ஹாதி தஞ்சம் புகுந்தார். அவருக்கு ஆதரவாக ஹூதி கிளர்ச்சியாளர்கள் மீது சவூதி அரேபிய கூட்டுப் படை கடந்த 2015-ஆம் ஆண்டு விமானத் தாக்குதலைத் தொடங்கியது. அதையடுத்து யேமன் உள்நாட்டுச் சண்டை தீவிரமடைந்து, சுமார் 10,000 பேர் உயிரிழந்தனர்.
 இந்தச் சூழலில், யேமன் அரசுக்கும், ஹூதி கிளர்ச்சியாளர்களுக்கும் இடையே நிரந்தர போர் நிறுத்தத்தை ஏற்படுத்துவதற்கான அமைதிப் பேச்சுவார்த்தை ஸ்வீடனில் நடைபெற்று வருகிறது.

]]>
http://images.dinamani.com/uploads/user/imagelibrary/2018/12/9/w600X390/RANA.jpg http://www.dinamani.com/world/2018/dec/09/யேமன்-கிளர்ச்சியாளர்களுக்கு-அமைதி-முயற்சியில்-ஆர்வமில்லை-3054532.html
3054531 உலகம் கூட்டுப் பயிற்சி: பாகிஸ்தான் வந்தனர் சீனப் படையினர் DIN DIN Sunday, December 9, 2018 02:06 AM +0530 பாகிஸ்தான் ராணுவத்தினருடன் இணைந்து கூட்டுப் பயிற்சி மேற்கொள்வதற்காக, சீன ராணுவத்தைச் சேர்ந்த வீரர்கள் குழு சனிக்கிழமை பாகிஸ்தான் வந்தடைந்தது.
 இரு நாட்டு ராணுவத்தையும் சேர்ந்த சிறப்பு அதிரடிப் படையினரும் இணைந்து ஆண்டுதோறும் நடத்தும் இந்த கூட்டுப் பயிற்சி, 6-ஆவது ஆண்டாக நடைபெறவிருக்கிறது.
 சீனாவைப் போலவே, உலகின் பல நாடுகளின் ராணுவ சிறப்பு அதிரடிப் பட வீரர்களுடன் இணைந்து, பாகிஸ்தான் சிறப்பு அதிரடிப் படையினர் அவ்வப்போது கூட்டுப் பயிற்சி மேற்கொண்டு வருவது குறிப்பிடத்தக்கது.
 இதே போன்றதொரு பயிற்சியை, ரஷிய ராணுவ சிறப்பு அதிரடிப் படையினருடன் இணைந்து பாகிஸ்தான் ராணுவம் கடந்த மாதம் மேற்கொண்டது நினைவுகூரத்தக்கது.
 
 

]]>
http://images.dinamani.com/uploads/user/imagelibrary/2018/12/9/w600X390/china.jpg http://www.dinamani.com/world/2018/dec/09/கூட்டுப்-பயிற்சி-பாகிஸ்தான்-வந்தனர்-சீனப்-படையினர்-3054531.html
3054530 உலகம் இத்தாலி கேளிக்கை விடுதி நெரிசலில் சிக்கி 6 பேர் பலி  ரோம், DIN Sunday, December 9, 2018 02:05 AM +0530 இத்தாலியிலுள்ள இரவு நேர கேளிக்கை விடுதியில் ஏற்பட்ட நெரிசலில் சிக்கி, 6 பேர் உயிரிழந்தனர்; ஏராளமானோர் காயமடைந்தனர். இதுகுறித்து அதிகாரிகள் கூறியதாவது:
 இத்தாலியின் கொரினால்டோ நகரிலுள்ள இரவு நேர கேளிக்கை விடுதியில், வெள்ளிக்கிழமை நள்ளிரவு இசை நிகழ்ச்சி நடைபெற்றுக் கொண்டிருந்தது.
 அப்போது தீடீரென ஏற்பட்ட நெரிசலில் சிக்கி, 6 பேர் உயிரிழந்தனர். மிளகாய் பொடி போன்ற ஏதோ ஒரு பொருளால் கேளிக்கை விடுதிக்குள் இருந்தவர்கள் பீதியடைந்து, அங்கிருந்து அவசரமாக வெளியேற முயன்றபோது இந்த நெரிசல் ஏற்பட்டது.
 இந்தச் சம்பவத்தில் ஏராளமானவர்கள் காயமடைந்தனர் என்று அதிகாரிகள் தெரிவித்தனர். நெரிசலில் உயிரிழந்தவர்களில் 5 பேர், 18 வயதுக்குள்பட்டவர்கள் என்பது குறிப்பிடத்தக்கது.

]]>
http://images.dinamani.com/uploads/user/imagelibrary/2018/12/9/w600X390/italy.jpg http://www.dinamani.com/world/2018/dec/09/இத்தாலி-கேளிக்கை-விடுதி-நெரிசலில்-சிக்கி-6-பேர்-பலி-3054530.html
3054529 உலகம் ஆர்மீனியாவில் இன்று நாடாளுமன்றத் தேர்தல்  யெரெவான், DIN Sunday, December 9, 2018 02:04 AM +0530 ஆர்மீனியாவில் நாடாளுமன்றத்துக்கான தேர்தல் ஞாயிற்றுக்கிழமை (டிச.9) நடைபெறுகிறது.
 கடந்த ஏப்ரல் முதல் மே மாதம் வரையில் நடைபெற்ற மக்கள் போராட்டம் காரணமாக, அதுவரை பிரதமராக இருந்த செர்ஷ் சர்க்ஸ்யான் பதவி விலகினார். அதையடுத்து, பிரதமராகப் பதவியேற்ற நிக்கோல் பாஷின்யான் (படம்), தனது கட்சிக்கு போதிய பலம் இல்லாத நாடாளுமன்றத்தைக் கலைத்துவிட்டு, புதிதாகத் தேர்தல் நடத்த விரும்பினார். அதையடுத்து, தனது பதவியை கடந்த அக்டோபர் மாதம் ராஜிநாமா செய்து, அவர் தற்போது இடைக்காலப் பிரதமராக இருந்து வருகிறார். அதையடுத்து, நாடாளுமன்றத்தின் பதவிக் காலம் முடிவடைவதற்கு முன்னரே தற்போது தேர்தல் நடைபெறுகிறது.
 இந்தத் தேர்தலில் நிக்கோல் பாஷின்யானுக்கு வெற்றி வாய்ப்பு அதிகம் இருப்பதாகக் கூறப்படுகிறது.
 

]]>
http://images.dinamani.com/uploads/user/imagelibrary/2018/12/9/w600X390/ele.jpg http://www.dinamani.com/world/2018/dec/09/ஆர்மீனியாவில்-இன்று-நாடாளுமன்றத்-தேர்தல்-3054529.html
3054528 உலகம் வங்கிக் கொள்ளை முயற்சி: பிரேசிலில் 12 பேர் சாவு  ரியோ டி ஜெனீரோ, DIN Sunday, December 9, 2018 02:03 AM +0530 பிரேசிலில் நடைபெற்ற வங்கிக் கொள்ளை முயற்சியில், 5 பிணைக் கைதிகள், 6 கொள்ளையர்கள் உள்பட 12 பேர் கொல்லப்பட்டனர். இதுகுறித்து அதிகாரிகள் கூறியதாவது:
 மிலாக்ரிஸ் நகரிலுள்ள இரு வங்கிகளில், கொள்ளைக் கும்பல் ஒன்று ஒரே நேரத்தில் கொள்ளை முயற்சியில் ஈடுபட்டது. எனினும், போலீஸார் அவர்களை சுற்றிவளைத்தனர். அதையடுத்து, இரு தரப்பினருக்கும் இடையே நடைபெற்ற துப்பாக்கிச் சண்டையில் 6 கொள்ளையர்கள் கொல்லப்பட்டனர்.
 இதற்கிடையே, தாங்கள் பிணைக் கைதிகளாகப் பிடித்து வைத்திருந்த ஒரே குடும்பத்தைச் சேர்ந்த இரு குழந்தைகள் உள்ளிட்ட 5 பேரை கொள்ளையர்கள் சுட்டுக் கொன்றனர்.
 சண்டையில் உயிரிழந்த மற்றொருவரின் அடையாளம் தெரியவில்லை என்று அதிகாரிகள் தெரிவித்தனர்.
 
 
 

]]>
http://images.dinamani.com/uploads/user/imagelibrary/2018/12/9/w600X390/BRAZI.jpg http://www.dinamani.com/world/2018/dec/09/வங்கிக்-கொள்ளை-முயற்சி-பிரேசிலில்-12-பேர்-சாவு-3054528.html
3054527 உலகம் "ரசாயனத் தாக்குதல் ரஷியாவின் கட்டுக்கதை'  வாஷிங்டன், DIN Sunday, December 9, 2018 02:02 AM +0530 சிரியாவில் கிளர்ச்சியாளர்கள் ரசாயனத் தாக்குதல் நடத்தியதாக வெளியான தகவல் ரஷியாவின் கட்டுக்கதை என்று அமெரிக்கா குற்றம் சாட்டியுள்ளது.
 சிரியாவின் இத்லிப் மாகாணத்தில், அரசுக் கட்டுப்பாட்டுப் பகுதி மீது அமெரிக்க ஆதரவு கிளர்ச்சியாளர்கள் ரசாயனத் தாக்குதல் நடத்தியதாகவும், இதில் 100 பேருக்கு பாதிப்பு ஏற்பட்டு மருத்துவமனையில் அனுமதிக்கப்பட்டதாகவும் ரஷிய பாதுகாப்புத் துறை மற்றும் சிரியா ஊடகங்கள் தெரிவித்தன.
 எனினும், இந்தத் தகவல் தவறானது என அமெரிக்க வெளியுறவுத் துறை அமைச்சகம் தெரிவித்துள்ளது. இத்லிப் மாகாணத்தில் போர் நிறுத்தத்தைக் குலைப்பதற்காக ரஷியாவும், சிரியா அரசும் அந்த பொய்த் தகவலை வெளியிட்டதாக அந்த அறிக்கையில் குற்றம் சாட்டப்பட்டுள்ளது.
 

]]>
http://images.dinamani.com/uploads/user/imagelibrary/2018/12/9/w600X390/REBEL.jpg http://www.dinamani.com/world/2018/dec/09/ரசாயனத்-தாக்குதல்-ரஷியாவின்-கட்டுக்கதை-3054527.html
3054524 உலகம் பருவ நிலை ஒப்பந்தம்: டிரம்ப் மீண்டும் கிண்டல்  வாஷிங்டன் DIN Sunday, December 9, 2018 02:00 AM +0530 பருவ நிலை மாற்றத்தைக் கட்டுப்படுத்துவதற்காக, சர்வதேச நாடுகள் இடையே பிரான்ஸ் தலைநகர் பாரீஸில் கடந்த 2015-இல் மேற்கொள்ளப்பட்ட ஒப்பந்தம் குறித்து, அமெரிக்க அதிபர் டொனால்ட் டிரம்ப் மீண்டும் கிண்டலாக கருத்து தெரிவித்துள்ளார்.
 இதுகுறித்து சுட்டுரை (டுவிட்டர்) வலைதளத்தில், "பாரீஸில் மேற்கொள்ளப்பட்ட பருவ நிலை ஒப்பந்தம், அந்த நகரிலேயே தோல்வியடைந்துவிட்டது. சுற்றுச்சூழலைக் காக்கிறோம் என்ற பெயரில் மூன்றாம் உலக நாடுகளுக்கு பெரும் தொகை செலவிடுவதை அந்த நகர மக்களே ஏற்கவில்லை' என்று டிரம்ப் குறிப்பிட்டுள்ளார்.
 சுற்றுச்சூழலைக் காக்க எரிபொருள்களுக்கு பிரான்ஸ் அரசு வரிகளை உயர்த்தியதற்கு எதிராக நடைபெற்று வரும் போராட்டங்களைக் குறிப்பிட்டு, அவர் இவ்வாறு கூறியுள்ளார்.
 

]]>
http://images.dinamani.com/uploads/user/imagelibrary/2018/11/14/w600X390/trump.jpg http://www.dinamani.com/world/2018/dec/09/பருவ-நிலை-ஒப்பந்தம்-டிரம்ப்-மீண்டும்-கிண்டல்-3054524.html
3054357 உலகம் வெளிநாட்டிலிருந்து பணம் அனுப்புவோர் பட்டியல்: முதலிடத்தை தக்கவைத்தது இந்தியா  வாஷிங்டன், DIN Sunday, December 9, 2018 01:20 AM +0530 வெளிநாடுகளில் பணிபுரிந்து இந்தியாவுக்கு பணம் அனுப்பி வைப்போர் பட்டியலில் இந்தியா தொடர்ந்து உலகளவில் முதலிடத்தில் நீடித்து வருகிறது. இந்தியாவிலிருந்து புலம் பெயர்ந்து வெளிநாடுகளில் வசித்து வருபவர்கள் இந்த ஆண்டில் இதுவரை 8 ஆயிரம் கோடி அமெரிக்க டாலர்களை ( இந்திய மதிப்பில் ரூ.57.10 லட்சம் கோடி) அனுப்பியுள்ளதாக உலக வங்கி சனிக்கிழமை வெளியிட்ட அறிவிப்பில் தெரிவித்துள்ளது.
 இந்தியாவை பின்தொடர்ந்து சீனா 6,700 கோடி டாலர்களும் (ரூ.47.81 லட்சம் கோடி), மெக்ஸிகோ மற்றும் பிலிப்பின்ஸ் நாடுகள் தலா 3,400 கோடி டாலர்களும் (ரூ.24.26 லட்சம் கோடி), எகிப்து 2,600 கோடி டாலர்கள் (ரூ.18.55 லட்சம் கோடி) என பட்டியலில் அடுத்தடுத்த இடங்களை பெற்றுள்ளன.
 உலக வங்கி வெளியிட்டுள்ள பட்டியலின்படி புலம் பெயர்ந்து வெளிநாடுகளில் வசித்து வரும் இந்தியர்கள் மீண்டும் முதலிடத்தை தக்க வைத்துக் கொண்டுள்ளனர்.
 வளரும் நாடுகளுக்கு அனுப்பி வைக்கப்படும் மொத்த தொகையின் எண்ணிக்கை நடப்பு 2018ஆம் ஆண்டில் மட்டும் மொத்தம் 37,684 லட்சம் கோடி டாலர்களாகவும், மொத்தம் 10.8 சதவீதம் அதிகரித்துள்ளதாகவும் உலக வங்கியின் பட்டியல் தெரிவிக்கிறது. கடந்த 2017ஆம் ஆண்டுடன் ஒப்பிடும் போது 7.8 சதவீதம் உயர்ந்துள்ளது.
 கடந்த 3 ஆண்டுகளாக வெளிநாடுகளில் இருந்து உழைத்து இந்தியாவிற்கு பணம் அனுப்பி வைப்பவர்களின் எண்ணிக்கை படிப்படியாக உயர்ந்து வருகிறது. 2016ஆம் ஆண்டில் 44.75 லட்சம் கோடி டாலராகவும், 2017ஆம் ஆண்டில் 46.60 லட்சம் கோடி டாலராகவும் அதிகரித்தது. உலகளவில் தெற்காசிய நாடுகளில் இருந்து சென்று வெளிநாடுகளில் இருந்து பணம் அனுப்புவோர் 13.5 சதவீதமாக அதிகரித்துள்ளது.
 காரணம்: வளர்ந்த நாடுகளில் குறிப்பாக அமெரிக்கா, ஐக்கிய அரபு அமீரகம் போன்ற நாடுகளின் பொருளாதார வளர்ச்சி முன்னேற்றப்பாதையில் உள்ளதாலும், கச்சா எண்ணெய் உற்பத்தி அதிகரிப்பு, அந் நாட்டு கரன்ஸிகளின் மதிப்பு உயர்வு போன்ற காரணங்களால் அங்கு பணிபுரிந்து தாய்நாட்டிற்கு பணம் அனுப்பி வைப்பது எதிர்பார்த்ததை விட அதிகரித்துள்ளது.
 2018ஆம் ஆண்டின் முதல் 6 மாதங்களில் அரபு அமீரகம் போன்ற நாடுகளில் இருந்து வளரும் நாடுகளை சேர்ந்தவர்களால் பணம் அனுப்பி வைப்பவர்கள் 13 சதவீதம் அதிகரித்து காணப்பட்டதாக புள்ளிவிவரங்கள் தெரிவிக்கின்றன. இருப்பினும், 2019ஆம் ஆண்டு வெளிநாடுகளில் இருந்து பணம் அனுப்புவோரின் எண்ணிக்கை 4.3 சதவீதம் குறைய வாய்ப்புள்ளது.
 பொருளாதார சீர்திருத்தங்கள் நவீனமயமாக்கல், வளரும் நாடுகளில் இருந்து புலம் பெயருவோரின் எண்ணிக்கை குறைவு, கச்சா எண்ணெய் எடுக்கும் அளவு குறைப்பு போன்ற காரணங்களால் வரும் ஆண்டுகளில் இது சரிவடையும் என எதிர்பார்க்கப்படுகிறது.
 
 
 

]]>
http://www.dinamani.com/world/2018/dec/09/வெளிநாட்டிலிருந்து-பணம்-அனுப்புவோர்-பட்டியல்-முதலிடத்தை-தக்கவைத்தது-இந்தியா-3054357.html
3054345 உலகம் பாதுகாப்புத் துறையில் முக்கிய கூட்டாளி இந்தியா: அமெரிக்க ராணுவ தளபதி  வாஷிங்டன், DIN Sunday, December 9, 2018 01:17 AM +0530 ராணுவம் மற்றும் பிராந்திய பாதுகாப்பு ஆகியவற்றில் இந்தியாவும், அமெரிக்காவும் சர்வதேச அளவிலான நட்பு நாடுகளாக உள்ளன என்று அமெரிக்க ராணுவத்தின் முக்கியத் தளபதி ஒருவர் கூறியுள்ளார்.
 பாதுகாப்புத் துறை அமைச்சர் நிர்மலா சீதாராமன், அரசு முறைப் பயணமாக அமெரிக்கா சென்றுள்ளார். பாதுகாப்புத் துறை அமைச்சராகப் பொறுப்பேற்ற பிறகு அவர் அமெரிக்கா சென்றது இதுவே முதல் முறையாகும். முதலில் வாஷிங்டனில் உள்ள ராணுவ தலைமையகத்தில் அந்நாட்டின் பாதுகாப்புத் துறை அமைச்சர் ஜேம்ஸ் மேட்டீûஸ சந்தித்துப் பேசிய அவர், பாதுகாப்புத் துறையில் ஒத்துழைப்பை மேலும் அதிகரிக்கச் செய்வது குறித்து பேச்சுவார்த்தை நடத்தினார். அதைத் தொடர்ந்து, ஹவாய் தீவில் உள்ள இந்திய-பசிபிக் ராணுவ தலைமையகத்துக்குச் சென்று பார்வையிட்டார்.
 இந்நிலையில், இந்தியாவுடனான நட்புறவு குறித்து அமெரிக்காவின் இந்திய-பசிபிக் ராணுவப் படையின் தளபதி பில் டேவிட்சன் கூறியதாவது:
 இரு பெரும் ஜனநாயக நாடுகளான இந்தியாவும், அமெரிக்காவும் ராணுவம் மற்றும் பிராந்திய பாதுகாப்பு ஆகிய விவகாரங்களில் சர்வதேச அளவிலான நட்பு நாடுகளாக விளங்குகின்றன. இரு நாடுகளும் சர்வதேச விதிகளுக்கு உள்பட்டு செயல்பட்டு வருவதால், இந்திய-பசிபிக் பிராந்தியத்தில் அமைதியும், வளமும், ஸ்திரத்தன்மையும் ஏற்படுத்தப்பட்டுள்ளது.
 இரு நாடுகளுக்கு இடையேயான பரஸ்பர ஒத்துழைப்பு, இந்திய-பசிபிக் பிராந்தியத்தில் சுதந்திரத்தை உறுதிசெய்யும் வகையில் உள்ளது என்றார் அவர்.
 முன்னதாக, தனது அமெரிக்கப் பயணம் குறித்து நிர்மலா சீதாராமன் கூறுகையில், பாதுகாப்புத் துறையில் இரு நாடுகளுக்கு இடையேயான ஒத்துழைப்பை முன்னெடுத்துச் செல்லும் முயற்சியின் ஒரு பகுதியாக இந்தப் பயணம் இருக்கும் என்றார். அவர் மேலும் கூறியதாவது: இந்திய விமானப் படை மற்றும் அமெரிக்க விமானப் படை இடையேயான கூட்டு ராணுவப் பயிற்சி, மேற்கு வங்க மாநிலத்தில் இரு இடங்களில் நடைபெற்று வருகிறது. இரு நாடுகளுக்கு இடையேயான நட்புறவில் முன்னேற்றம் ஏற்பட்டுள்ளது. இது, பாதுகாப்புத் துறையில் ஒத்துழைப்பு அளிப்பதை அடுத்த கட்டத்துக்கு கொண்டு சென்றுள்ளது என்றார் அவர்.

]]>
http://www.dinamani.com/world/2018/dec/09/பாதுகாப்புத்-துறையில்-முக்கிய-கூட்டாளி-இந்தியா-அமெரிக்க-ராணுவ-தளபதி-3054345.html
3054342 உலகம் அமெரிக்காவின் பொருளாதார பயங்கரவாதம்: ஈரான் சாடல்    டெஹ்ரான், DIN Sunday, December 9, 2018 01:17 AM +0530 தங்கள் மீது அமெரிக்கா விதித்துள்ள பொருளாதாரத் தடைகள், அந்த நாட்டின் பொருளாதார பயங்கரவாதச் செயல் என்று ஈரான் சாடியுள்ளது.
 இதுகுறித்து, பயங்கரவாத ஒழிப்பு தொடர்பாக தலைநகர் டெஹ்ரானில் சனிக்கிழமை நடைபெற்ற 6 நாடுகள் மாநாட்டில் அதிபர் ஹஸன் ரெüஹானி பேசியதாவது:
 ஈரான் மீது அமெரிக்கா விதித்துள்ள பொருளாதாரத் தடைகள் நியாயமற்றதும், சட்டத்துக்குப் புறம்பானதும் ஆகும்.
 இந்தத் தடைகளை விதித்ததன் மூலம், அமெரிக்கா பொருளாதார பயங்கரவாதத்தில் ஈடுபட்டுள்ளது. அமெரிக்கா விதித்துள்ள இந்தப் பொருளாதாரத் தடையால், பயங்கரவாதத்துக்கு எதிரான நடவடிக்கைகளை மேற்கொள்ளும் ஈரானின் திறன் பாதிக்கப்படும்.
 இதன் காரணமாக, பல்வேறு நாடுகளில் பயங்கரவாதத் தாக்குதல்களின் எண்ணிக்கை அதிகரிக்கும். போதைப் பொருள் கடத்தலுக்கு எதிராக ஈரான் கடுமையான நடவடிக்கைகளை மேற்கொண்டு வருகிறது.
 அமெரிக்காவின் பொருளாதாரத் தடைகளால் ஈரானுக்கு பாதிப்பு ஏற்பட்டால், அந்த நடவடிக்கைகளையும் திறம்பட மேற்கொள்ள முடியாத நிலை ஏற்படும். இதன் காரணமாக, போதைப் பொருள் கடத்தல் குற்றங்கள் அதிகரிக்கும் என்றார் ரெüஹானி.
 இந்த மாநாட்டில் ஆப்கானிஸ்தான், ஈரான், பாகிஸ்தான், துருக்கி, சீனா, ரஷியா ஆகிய நாடுகளின் நாடாளுமன்ற அவைத் தலைவர்கள் பங்கேற்றனர்.
 தனது அணுசக்தித் திட்டங்கள் அணு ஆயுதம் தயாரிப்பதற்கானவை இல்லை என்பதை உறுதி செய்ய ஈரானும், அதற்குப் பதிலாக அந்த நாட்டின் மீது விதிக்கப்பட்டிருந்த பொருளாதாரத் தடைகளை விலக்கிக் கொள்ள அமெரிக்கா, ரஷியா, பிரிட்டன், சீனா, பிரான்ஸ், ஜெர்மனி ஆகிய வல்லரசு நாடுகளும் ஆஸ்திரியா தலைநகர் வியன்னாவில் கடந்த 2015-ஆம் ஆண்டு மே மாதம் ஒப்பந்தம் மேற்கொண்டன.
 ஒபாமா அதிபராக இருந்தபோது மேற்கொள்ளப்பட்ட கடுமையான முயற்சியின் பலனாக உருவான இந்த ஒப்பந்தம், ஈரானை அணு ஆயுதங்கள் தயாரிக்காமல் தடுப்பதற்கு போதுமானதாக இல்லை என்று டொனால்ட் டிரம்ப் விமர்சித்து வந்தார்.
 இந்த நிலையில், அந்த ஒப்பந்தத்தைக் கைவிடுவதாக டிரம்ப் கடந்த மே மாதம் 8-ஆம் தேதி அறிவித்தார்.
 இதற்கு, ஒப்பந்தத்தில் கையெழுத்திட்டுள்ள பிற நாடுகளான ரஷியா, சீனா, பிரான்ஸ், பிரிட்டன், ஜெர்மனி ஆகிய நாடுகள் எதிர்ப்பு தெரிவித்து வருகின்றன.
 இந்தச் சூழலில், அந்த அணுசக்தி ஒப்பந்தம் காரணமாக விலக்கிக் கொள்ளப்பட்டிருந்த ஈரான் மீதான பொருளாதாரத் தடைகள், முழுவீச்சில் மீண்டும் அமலுக்கு வருவதாக என்று டிரம்ப் அறிவித்தார். இதையடுத்து, கச்சா எண்ணெய் ஏற்றுமதிக்குத் தடை உள்பட கடுமையான பொருளாதாரத் தடைகளை ஈரான் மீது அமெரிக்கா அமல்படுத்தியுள்ளது.
 
 

]]>
http://www.dinamani.com/world/2018/dec/09/அமெரிக்காவின்-பொருளாதார-பயங்கரவாதம்-ஈரான்-சாடல்-3054342.html
3054166 உலகம் ஃபேஸ்புக்குக்கு அபராதம் விதித்த இத்தாலி: மன்னிப்புக் கேட்கவும் உத்தரவு DIN DIN Saturday, December 8, 2018 04:06 PM +0530
லண்டன்: பயன்பாட்டாளர்களின் தகவல்களை அவர்களுக்குத் தெரியாமல் விற்பனை செய்தக் குற்றத்துக்காக ஃபேஸ்புக் நிறுவனத்துக்கு 10 மில்லியன் யூரோக்களை இத்தாலி அபராதமாக விதித்துள்ளது.

ஃபேஸ்புக்கில் நுழையும் ஒரு பயன்பாட்டாளரின் தகவல்களை, வணிக ரீதியாக செயல்படும் நிறுவனங்களுக்கு, பயன்பாட்டாளர்களுக்குத் தெரிவிக்காமல் விற்பனை செய்தக் குற்றத்துக்காக அந்நிறுவனத்துக்கு 10 மில்லியன் யூரோ மதிப்புள்ள இரண்டு அபராதங்களை இத்தாலியின் ஏஜிசிஎம் நுகர்வோர் மற்றும் சந்தை நிலவரக் கண்காணிப்பு அமைப்பு விதித்துள்ளது.

இது தொடர்பாக, ஃபேஸ்புக் தனது இணையப் பக்கத்திலும், செயலியிலும் பகிரங்க மன்னிப்பைக் கோர வேண்டும் என்றும் கட்டளை இட்டுள்ளது.

அபராதம் தொடர்பாக கருத்துக் கூறியிருக்கும் ஃபேஸ்புக் பேச்சாளர், இந்த விவகாரம் குறித்து அந்நாட்டு அதிகாரிகளுடன் நாங்கள் பேசி பிரச்னையை சரி செய்வோம். பயனாளர்களின் தகவல்களை வணிக ரீதியாகப் பயன்படுத்துவது தொடர்பாக உருவாக்கப்பட்டிருக்கும் கொள்கை மற்றும் முடிவுகள் குறித்து பயன்பாட்டாளர்களுக்கும் பகிரங்கமாக தெரிவிக்கப்படும் என்று கூறியுள்ளது.

]]>
http://images.dinamani.com/uploads/user/imagelibrary/2018/10/25/w600X390/facebook.jpg http://www.dinamani.com/world/2018/dec/08/ஃபேஸ்புக்குக்கு-அபராதம்-விதித்த-இத்தாலி-மன்னிப்புக்-கேட்கவும்-உத்தரவு-3054166.html
3053662 உலகம் பாகிஸ்தானுக்கு எதிரான அணுகுமுறையை கொண்டுள்ளது பாஜக: இம்ரான் கான் குற்றச்சாட்டு DIN DIN Saturday, December 8, 2018 01:27 AM +0530
பாகிஸ்தான் மற்றும் முஸ்லிம்களுக்கு எதிரான அணுகுமுறையை பாஜக கொண்டுள்ளது என்று பாகிஸ்தான் பிரதமர் இம்ரான் கான் தெரிவித்துள்ளார். மேலும், 2019-ஆம் ஆண்டு மக்களவைத் தேர்தல் முடிந்த பிறகு, இந்தியாவுடன் அமைதிப் பேச்சுவார்த்தை மீண்டும் தொடங்கும் என்ற நம்பிக்கை உள்ளது என்றும் அவர் தெரிவித்துள்ளார்.
அமெரிக்காவில் வெளியாகும் வாஷிங்டன் போஸ்ட் என்ற நாளிதழுக்கு வியாழக்கிழமை அளித்த பேட்டியில் அவர் கூறியதாவது:
பாகிஸ்தான் மற்றும் முஸ்லிம் மக்களுக்கு எதிரான அணுகுமுறையை இந்தியாவை ஆளும் பாஜக கொண்டுள்ளது. இந்தியாவுடன் அமைதிப்பேச்சுவார்த்தை நடத்த நான் எடுத்த அனைத்து முயற்சிகளையும் அவர்கள் மறுத்துவிட்டனர்.
2019-ஆம் ஆண்டு இந்தியாவில் மக்களவைத் தேர்தல் நடைபெற உள்ளது. தேர்தல் முடிந்த பிறகு இந்தியாவுடனான பேச்சுவார்த்தை மீண்டும் தொடங்கப்படும் என்றார்.
2008-ஆம் ஆண்டு மும்பையில் பாகிஸ்தான் பயங்கரவாதிகள் நடத்திய தாக்குதலில்160-க்கும் மேற்பட்டோர் உயிரிழந்தனர். 
இந்த தாக்குதலின் மூளையாகச் செயல்பட்ட ஜமாத்-உத்-தவா பயங்கரவாத அமைப்பின் தலைவர் ஹபீஸ் சையது உள்பட குற்றவாளிகள் பலரும் பாகிஸ்தானில் சுதந்திரமாக செயல்பட்டு வருகின்றனர். 
இது குறித்த கேள்விக்கு, மும்பை தாக்குதல் குறித்த வழக்கின் தற்போதைய நிலை குறித்து ஆய்வு நடத்த உத்தரவிட்டுள்ளேன். அந்த சம்பவம் பயங்கரவாத செயல் என்பதால் தாக்குதல் நடத்திய குற்றவாளிகளைத் தண்டிப்பதில் பாகிஸ்தான் முனைப்புடன் செயல்பட்டு வருகிறது என்று இம்ரான் கான் கூறினார். 
மேலும், கர்தார்பூர் வழித்தடம் குறித்த கேள்விக்கு, சீக்கிய பக்தர்கள் விசா இன்றி பாகிஸ்தானில் உள்ள சாஹிப் குருத்வாரா புனிதத்தலத்துக்கு வரும் வகையில் சாலை அமைக்கிறோம். மக்களவைத் தேர்தல் முடிந்த பிறகு, இந்தியா-பாகிஸ்தான் இடையே அமைதிப் பேச்சுவார்த்தை தொடங்கும் என்று நம்புகிறேன் என்று கூறினார்.
இந்த ஆண்டு ஆகஸ்ட் மாதத்தில் பாகிஸ்தான் பிரதமராக இம்ரான் கான் பதவியேற்ற பிறகு, இந்தியாவுடன் அமைதி பேச்சுவார்த்தை நடத்த தயாராக உள்ளதாக அவர் தெரிவித்தார். மேலும் இரு நாட்டு வெளியுறவு துறை அமைச்சர்கள் கூட்டம் நடத்தவும் தயார் என்று தெரிவித்திருந்தார்.
ஆனால், பயங்கரவாதமும், பேச்சுவார்த்தையும் ஒரே நேரத்தில் நடைபெறாது. எல்லை தாண்டி பயங்கரவாதிகள் தாக்குதல் நடத்துவதை பாகிஸ்தான் நிறுத்தினால்தான் பேச்சுவார்த்தை நடத்த முடியும் என்று கூறி இம்ரான்கானின் கோரிக்கையை இந்தியா நிராகரித்துவிட்டது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/7/29/w600X390/IMRAN.jpg http://www.dinamani.com/world/2018/dec/08/பாகிஸ்தானுக்கு-எதிரான-அணுகுமுறையை-கொண்டுள்ளது-பாஜக-இம்ரான்-கான்-குற்றச்சாட்டு-3053662.html
3053621 உலகம் போராட்டம் எதிரொலி: ஈஃபில் கோபுரத்துக்குச் செல்லத் தடை DIN DIN Saturday, December 8, 2018 01:11 AM +0530
பிரான்ஸில் பெட்ரோல், டீசலுக்கு வரிகளை உயர்த்துவதற்கு எதிராக நடைபெற்று வரும் தீவிர போராட்டங்களையொட்டி, தலைநகர் பாரீஸில் உள்ள புகழ் பெற்ற ஈஃபில் கோபுரத்துக்குச் செல்ல சனிக்கிழமை முதல் தடை விதிக்கப்பட்டுள்ளது.
மேலும், பாரீஸில் பதற்றம் நிறைந்த 14 இடங்களில் பாதுகாப்பு பலப்படுத்தப்பட்டுள்ளது.
இதுகுறித்து அதிகாரிகள் வெள்ளிக்கிழமை கூறியதாவது:
பெட்ரோல், டீசல் விலை உயர்வு உள்ளிட்ட பல்வேறு பிரச்னைகளுக்காக நடைபெற்று வரும் வன்முறைப் போராட்டங்கள், சனி மற்றும் ஞாயிற்றுக்கிழமைகளில் மீண்டும் தீவிரமாக நடைபெறும் என்று எதிர்பார்க்கப்படுகிறது.
இதையடுத்து, பாரீஸ் நகரிலுள்ள புகழ் பெற்ற சுற்றுலாத் தலமான ஈஃபில் கோபுரத்துக்கு பொதுமக்கள் செல்வதற்கு சனிக்கிழமை முதல் தடை விதிக்கப்படுகிறது.
மேலும், பாரீஸ் நகரம் முழுவதும் பாதுகாப்புக்கு 8,000 போலீஸார் குவிக்கப்படவுள்ளனர்.
பதற்றம் நிறைந்த பகுதிகளாக 14 இடங்கள் அடையாளம் காணப்பட்டு, அந்த இடங்களில் பாதுகாப்பு பலப்படுத்தப்பட்டுள்ளது.
போராட்டத்தின்போது வன்முறையில் ஈடுபடுவர்கள், சாலையோரம் அமைக்கப்பட்டுள்ள இருக்கைகள் போன்ற பொருள்களை சேதப்படுத்தலாம் என்று எதிர்பார்க்கப்படுகிறது.
எனவே, பதற்றம் நிறைந்த பகுதிகளில் கண்ணாடியால் ஆன பொருள்கள், கட்டுமானம் நடைபெறும் இடங்களிலுள்ள கருவிகள் போன்றவற்றை போலீஸார் அப்புறப்படுத்தி வருகின்றனர்.
கடந்த வாரம் பாதுகாப்புக்காக நாடு முழுவதும் 65,000 போலீஸார் குவிக்கப்பட்ட நிலையில், இந்த வாரம் அந்த எண்ணிக்கை 89,000-ஆக அதிகரிக்கபடவுள்ளது.
இதுதவிர, நாடு முழுவதும் சனிக்கிழமை நடைபெறுவதாக இருந்த ஃபிரெஞ்சு கால்பந்து லீக் போட்டி ரத்து செய்யப்பட்டுள்ளது என்று தகவல்கள் தெரிவிக்கின்றன.
காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசல்களுக்கான வரியை மேக்ரான் அரசு அதிகரித்து வருகிறது.
இந்த ஆண்டு மட்டும் பெட்ரோலின் விலை 23 சதவீதம் அதிகரித்து, ஒரு லிட்டர் விலை 1.51 யூரோவாக (சுமார் ரூ.121) ஆகியுள்ளது.
இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், மஞ்சள் அங்கி போராட்டம் என்றழைக்கப்படுகிறது.
வாரம் தோறும் சனி மற்றும் ஞாயிற்றுக்கிழமைகளில் நடைபெற்ற வந்த இந்தப் போராட்டம், மூன்றாவது வாரமாக கடந்த 1 மற்றும் 2-ஆம் தேதிகளில் மிகவும் தீவிரமடைந்தது. அப்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன.
இதில், 23 பாதுகாப்புப் படையினர் உள்பட 133 பேர் காயமடைந்தனர். 
இந்தப் போராட்ட வன்முறை தொடர்பாக இதுவரை 412 பேர் கைது செய்யப்பட்டுள்ளதாக தகவல்கள் தெரிவிக்கின்றன.
இந்தச் சூழலில், பெட்ரோல், டீசலுக்கான வரி உயர்வு திட்டத்தை தற்காலிகமாக நிறுத்தி வைப்பதாக பிரான்ஸ் அரசு அறிவித்தது.
எனினும், இந்த சனிக்கிழமையிலும் (டிச.8) போராட்டம் நடைபெறும் எனவும், அதில் மீண்டும் வன்முறை வெடிக்கலாம் எனவும் எதிர்பார்க்கப்படுவதால், அரசு இத்தகைய முன்னெச்சரிக்கை நடவடிக்கைகளை எடுத்துள்ளது.


 

]]>
http://images.dinamani.com/uploads/user/imagelibrary/2018/12/8/w600X390/frnce.jpg மஞ்சள் அங்கி போராட்டத்தை எதிர்கொள்வதற்காக, காவல்துறையினர் மேற்கொண்டுள்ள முன்னெச்சரிக்கை ஏற்பாடுகளை பார்வையிடும் பிரான்ஸ் உள்துறை அமைச்சர் http://www.dinamani.com/world/2018/dec/08/போராட்டம்-எதிரொலி-ஈஃபில்-கோபுரத்துக்குச்-செல்லத்-தடை-3053621.html
3053617 உலகம் கொலை வழக்கு: 36 ஆண்டுகளுக்குப் பிறகு மரண தண்டனை நிறைவேற்றம் DIN DIN Saturday, December 8, 2018 01:10 AM +0530
அமெரிக்காவில் கொலைக் குற்றத்துக்காக 36 ஆண்டுகள் சிறையில் அடைக்கப்பட்டிருந்தவருக்கு மரண தண்டனை நிறைவேற்றப்பட்டுள்ளது.
டேவிட் ஏர்ல் மில்லர் (61) என்ற அந்த நபருக்கு, டென்னஸீ மாகாணத் தலைநகர் நாஷ்வில் சிறையில் மின்சார நாற்காலி மூலம் மரண தண்டனை நிறைவேற்றப்பட்டது.
மன நலம் பாதிக்கப்பட்ட பெண்ணை கொலை செய்ததற்காக மரண தண்டனை விதிக்கப்பட்ட அவருக்கு, 36 ஆண்டுகள் கழித்து அந்த தண்டனை விதிக்கப்பட்டுள்ளது அமெரிக்காவில் சர்ச்சையே ஏற்படுத்தியுள்ளது.
இவ்வளவு நீண்ட காலம் கழித்து மரண தண்டனை நிறைவேற்றப்படுவதால் மக்களின் வரிப் பணம் வீணாவதோடு, கொல்லப்பட்டவர்களின் குடும்பத்தினர், மரண தண்டனை விதிக்கப்பட்டவர் ஆகிய இரு தரப்பினருக்குமே அது கொடுமையான மன உளைச்சலைத் தரும் என்று மனித உரிமை அமைப்பினர் குற்றம் சாட்டினர்.
ஐந்து ஆண்டு இடைவெளிக்குப் பிறகு அமெரிக்காவில் மின்சார நாற்காலி மூலம் மரண தண்டனை விதிக்கப்படுவது இது இரண்டாவது முறையாகும்.


 

]]>
http://images.dinamani.com/uploads/user/imagelibrary/2018/12/8/w600X390/exe1.jpg கைது செய்யப்பட்டபோதும், அண்மைக் காலத்திலும் டேவிட் மில்லர். http://www.dinamani.com/world/2018/dec/08/கொலை-வழக்கு-36-ஆண்டுகளுக்குப்-பிறகு-மரண-தண்டனை-நிறைவேற்றம்-3053617.html
3053615 உலகம் சாலை விபத்துகளில் ஆண்டுதோறும் 13.5 லட்சம் பேர் பலி: உலக சுகாதார அமைப்பு தகவல் DIN DIN Saturday, December 8, 2018 01:09 AM +0530
உலகம் முழுவதும் சாலை விபத்துகளில் ஆண்டுதோறும் 13.5 லட்சம் பேர் உயிரிழப்பதாக உலக சுகாதார அமைப்பு தெரிவித்துள்ளது.
இதுகுறித்து அந்த அமைப்பு வெள்ளிக்கிழமை வெளியிட்ட அறிக்கையில் தெரிவிக்கப்பட்டுள்ளதாவது:
கடந்த 3 ஆண்டுகளில் மட்டும், உலகம் முழுவதும் சாலை விபத்துகளில் உயிரிழப்பவர்களின் எண்ணிக்கை வெகுவாக அதிகரித்துள்ளது.
5 முதல் 29 வயது வரை கொண்ட இளம் வயதினர் உயிரிழப்புகளுக்கு சாலை விபத்துகள்தான் முக்கிய காரணமாக விளங்குகின்றன.
2016-ஆம் ஆண்டு புள்ளிவிவரப்படி, சாலை விபத்துகளில் உயிரிழப்பவர்களின் எண்ணிக்கை ஆண்டுக்கு 13.5 லட்சமாக அதிகரித்துள்ளது. அதாவது, 24 விநாடிகளுக்கு ஒருவர் சாலை விபத்தில் சிக்கி உயிரிழக்கிறார்.
2013-ஆம் ஆண்டில் ஏற்பட்ட 12.5 லட்சம் உயிரிழப்புகளோடு ஒப்பிடுகையில் இது 1 லட்சம் அதிகமாகும். இந்த எண்ணிக்கை, அடுத்த ஆண்டுகளில் இன்னும் மோசமான அளவில் அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.
 

]]>
http://images.dinamani.com/uploads/user/imagelibrary/2018/12/8/w600X390/accident.jpg http://www.dinamani.com/world/2018/dec/08/சாலை-விபத்துகளில்-ஆண்டுதோறும்-135-லட்சம்-பேர்-பலி-உலக-சுகாதார-அமைப்பு-தகவல்-3053615.html
3053613 உலகம் ஐ.நா. தூதர் பதவிக்கு ஹெதர் நாவெர்ட் பெயர் பரிந்துரை: டிரம்ப் அறிவிப்பு DIN DIN Saturday, December 8, 2018 01:09 AM +0530
அமெரிக்காவுக்கான ஐ.நா. தூதர் பதவிக்கு, தற்போதைய வெளியுறவுத் துறை அமைச்சக செய்தித் தொடர்பாளர் ஹெதர் நாவெர்ட் பரிந்துரைக்கப்படுவதாக அதிபர் டிரம்ப் வெள்ளிக்கிழமை அறிவித்தார்.
இதுகுறித்து வெள்ளை மாளிகையில் அவர் செய்தியாளர்களிடம் கூறியதாவது: அமெரிக்காவுக்கான ஐ.நா. தூதர் பதவிக்கு ஹெதர் நாவெர்ட்  பெயர் பரிந்துரைக்கப்படும். அவர் மைக்கேல் பாம்பியோவுடன் இணைந்து மிகப்பெரிய பணிகளை வெற்றிகரமாக முடித்துள்ளார். திறமையான, புத்திசாலித்தனம் மிகுந்த அவருக்கு இந்த பணி மிகவும் பொருத்தமானதாக இருக்கும் என்றார் அவர். 
தற்போது அமெரிக்காவுக்கான ஐ.நா. தூதராக இருந்து வரும் இந்திய வம்சாவளியைச் சேர்ந்த நிக்கி ஹேலி அந்தப் பதவியை ராஜிநாமா செய்துள்ளார். இந்த நிலையில், காலியாகவிருக்கும் அந்தப் பதவிக்கு, ஹெதர் நாவெர்டை அதிபர் டிரம்ப் பரிந்துரைத்துள்ளார். 
ஃபாக்ஸ் நியூஸ் தொலைக்காட்சியில் வர்ணனையாளராக பணியாற்றி வந்த ஹெதர் நாவெர்ட், தற்போது வெளியுறவுத் துறை செய்தித் தொடர்பாளராக மட்டுமின்றி, பொதுமக்கள் தொடர்பு மற்றும் விவகாரப் பிரிவின் இடைக்கால இணையமைச்சராகவும் பொறுப்பு வகித்து வருகிறார். கேபினட் அந்தஸ்து மிக்க ஐ.நா. தூதர் பதவியிலிருந்து ராஜிநாமா செய்வதாக நிக்கி ஹேலி கடந்த அக்டோபர் மாதம் அறிவித்தார். அத்தகைய பதவியில் அமர்த்தப்பட்ட முதல் இந்திய வம்சாவளிப் பெண் அவர்தான் என்பது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/8/w600X390/heath.jpg http://www.dinamani.com/world/2018/dec/08/ஐநா-தூதர்-பதவிக்கு-ஹெதர்-நாவெர்ட்-பெயர்-பரிந்துரை-டிரம்ப்-அறிவிப்பு-3053613.html
3053610 உலகம் பரஸ்பர உணர்வுக்கு மதிப்பளியுங்கள்: அமெரிக்கா - வட கொரியாவிடம் சீனா வலியுறுத்தல் DIN DIN Saturday, December 8, 2018 01:08 AM +0530
அமெரிக்காவும், வடகொரியாவும் பரஸ்பர உணர்வுகளுக்கு மதிப்பளித்து, அமைதிப் பேச்சுவார்த்தையை முன்னெடுத்துச் செல்ல வேண்டும் என்று சீன அதிபர் ஷி ஜின்பிங் வலியுறுத்தினார்.
இதுகுறித்து சீன அரசு செய்தி நிறுவனமான ஜின்ஹுவா தெரிவித்ததாவது:
சீனாவில் சுற்றுப்பயணம் மேற்கொண்டுள்ள வட கொரிய வெளியுறவுத் துறை அமைச்சர் ரீ யோங்-ஹோவை அதிபர் ஷி ஜின்பிங் வெள்ளிக்கிழமை சந்தித்துப் பேசினார்.
அப்போது, அமெரிக்காவும், வட கொரியாவும் தங்களுக்கிடையேயான வேறுபாடுகளைக் களைந்து, இணக்கத்தை அதிகரிக்க வேண்டும் என்ற தனது விருப்பத்தை அதிபர் ஜின்பிங் வெளிப்படுத்தினார்.
மேலும், இரு நாடுகளுக்கும் பரஸ்பர உணர்வுகளைப் புரிந்து கொண்டு, அதற்கேற்ற வகையில் செயல்பட வேண்டும் எனவும், கொரிய தீபகற்பத்தை அமைதிப் பிரதேசமாக்குவதற்கான பேச்சுவார்த்தையை முன்னெடுத்துச் செல்ல வேண்டும் எனவும் அதிபர் ஜின்பிங் வலியுறுத்தினார் என்று ஜின்ஹுவா செய்தி நிறுவனம் தெரிவித்தது.
முன்னதாக, சீன வெளியுறவுத் துறை அமைச்சர் வாங் யீ-யை ரீ யோங்-ஹோ சந்தித்து பேச்சுவார்த்தை நடத்தினார்.
அணு ஆயுதங்களை வட கொரியா கைவிடுவது குறித்து இரு தலைவர்களும் பேச்சுவார்த்தை நடத்தியதாக தகவல்கள் தெரிவித்தன.
தென் கொரியா, அமெரிக்கா போன்ற நாடுகளுக்கு அச்சுறுத்தலை ஏற்படுத்தும் வகையில், அணு ஆயுதங்கள் மற்றும் ஏவுகணை சோதனைகளை வட கொரியா கடந்த ஆண்டின் இறுதிவரை தொடர்ந்து நடத்தி வந்தது.
இதனால், வட கொரியாவுக்கும், அமெரிக்க-தென் கொரிய கூட்டணிக்கும் இடையே கடும் பதற்றம் நிலவி வந்தது.
இந்தச் சூழலில், தென் கொரியாவில் கடந்த மார்ச் மாதம் நடைபெற்ற குளிர்கால ஒலிம்பிக்கில் வட கொரியா பங்கேற்றதைத் தொடர்ந்து, இரு கொரிய நாடுகளுக்கும் இடையே பதற்றம் தணிந்து இணக்கமான சூழல் ஏற்பட்டது.
அதன் தொடர்ச்சியாக, வட கொரிய அதிபர் கிம் ஜோங்-உன், தென் கொரிய அதிபர் மூன் ஜே-இன் ஆகியோரிடையிலான வரலாற்றுச் சிறப்பு மிக்க சந்திப்புகள் இரண்டு முறை நடைபெற்றன.
இதற்கிடையே, அமெரிக்க அதிபர் டொனால்ட் டிரம்ப்பை கிம் ஜோங்-உன் சிங்கப்பூரில் கடந்த ஜூன் மாதம் சந்தித்து பேச்சுவார்த்தை நடத்தினார்.
அப்போது, அணு ஆயுத மற்றும் ஏவுகணை திட்டங்களைக் கைவிடுவதாக கிம் ஜோங்-உன் ஒப்புக் கொண்டார்.
எனினும், அந்த உறுதிமொழியை அமல்படுத்துவதற்கு வட கொரியா போதுமான நடவடிக்கைகளை மேற்கொள்ளவில்லை என்று அமெரிக்கா குற்றம் சாட்டி வருகிறது.
இத்தகைய பரபரப்பான சூழலில், வட கொரிய வெளியுறவுத் துறை அமைச்சர் ரீ யோங்-ஹோ சீனாவில் சுற்றுப் பயணம் மேற்கொண்டுள்ளார்.
வட கொரியாவின் மிக நெருங்கிய கூட்டாளியாக சீனா விளங்கினாலும், அந்த நாட்டின் அணு ஆயுத திட்டங்களுக்கு எதிராக ஐ.நா. விதித்த பொருளாதாரத் தடைகளுக்கு ஆதரவு தெரிவித்து வருவது குறிப்பிடத்தக்கது.


 

]]>
http://images.dinamani.com/uploads/user/imagelibrary/2018/12/8/w600X390/china.jpg சீனத் தலைநகர் பெய்ஜிங்கில், வட கொரிய வெளியுறவுத் துறை அமைச்சர் ரீ யோங்-ஹோவை சந்தித்துப் பேசும் சீன அதிபர் ஷி ஜின்பிங். http://www.dinamani.com/world/2018/dec/08/பரஸ்பர-உணர்வுக்கு-மதிப்பளியுங்கள்-அமெரிக்கா---வட-கொரியாவிடம்-சீனா-வலியுறுத்தல்-3053610.html
3053581 உலகம் சார்க் மாநாட்டை நடத்த தயார்: பாகிஸ்தான் DIN DIN Saturday, December 8, 2018 12:59 AM +0530 19-ஆவது சார்க் மாநாட்டை நடத்த தயாராக இருப்பதாக அந்நாட்டின் வெளியுறவுச் செயலர் டெமீனா ஜன்ஜுவா தெரிவித்தார். இஸ்லாமாபாதில் வெள்ளிக்கிழமை நடைபெற்ற நிகழ்ச்சியில் பேசிய அவர் இதுதொடர்பாக மேலும் கூறியதாவது:
சார்க் கொள்கைகளை பின்பற்றிவரும் நாடாக பாகிஸ்தான் திகழ்கிறது. தெற்காசியப் பிராந்தியத்தை செழிப்பாக்குவதே சார்க் அமைப்பின் கொள்கையாகும். சார்க் மாநாடுகள் வறுமை ஒழிப்பை பிரதானமாகக் கொண்டிருக்கிறது. இருப்பினும், பெரும்பாலான மக்கள் இன்னமும் ஏழ்மை நிலையில் இருக்கின்றனர். தெற்காசிய பிராந்தியத்தில் 170 கோடி திறமையாளர்கள் உள்ளனர். இயற்கை வளமும் சிறப்பாக உள்ள பிராந்தியம் இதுவாகும்.
19-ஆவது சார்க் மாநாட்டை நடத்த தயாராக இருக்கிறோம் என்று ஜன்ஜுவா தெரிவித்தார். முன்னதாக, கடந்த 2016-ஆம் ஆண்டில் சார்க் மாநாடு பாகிஸ்தானின் இஸ்லாமாபாத் நகரில் நடைபெறுவதாக இருந்தது.
ஆனால், அதே ஆண்டு செப்டம்பர் மாதம், ஜம்மு-காஷ்மீர் மாநிலம், உரி பகுதியில் பயங்கரவாதிகள் தாக்குதல் நடத்தினர். இதையடுத்து, அந்த மாநாட்டை புறக்கணிப்பதாக மத்திய அரசு அறிவித்தது.
இதைத் தொடர்ந்து, வங்கதேசம், பூடான், ஆப்கானிஸ்தான் உள்ளிட்ட நாடுகளும் அந்த மாநாட்டை புறக்கணித்தன. சார்க் மாநாட்டில் பங்கேற்க பிரதமர் மோடிக்கு அழைப்பு விடுக்கப்படும் என்று பாகிஸ்தான் தெரிவித்திருந்தது. எனினும், பயங்கரவாதத்தை ஒடுக்கும் வரை அமைதிப் பேச்சுவார்த்தையிலோ, சார்க் மாநாட்டிலே பங்கேற்க முடியாது என்று இந்தியா மறுத்து விட்டது.
 

]]>
http://www.dinamani.com/world/2018/dec/08/சார்க்-மாநாட்டை-நடத்த-தயார்-பாகிஸ்தான்-3053581.html
3053556 உலகம் அமெரிக்காவின் பிரபல செய்தி நிறுவனத்திற்கு வெடிகுண்டு மிரட்டல்: வெளியேற்றப்பட்ட ஊழியர்கள்  DIN DIN Friday, December 7, 2018 05:32 PM +0530  

நியூயார்க்: அமெரிக்காவின் பிரபல செய்தி நிறுவனமான சி.என்.என். நிறுவனத்திற்கு வெடிகுண்டு மிரட்டல் விடுக்கப்பட்டதைத் தொடர்ந்து, ஊழியர்கள் அவசரமாக வெளியேற்றப்பட்டனர். 

அமெரிக்காவை தலைமையிடமாக கொண்டு இயங்கி வரும் சி.என்.என் பிரபல செய்தி தொலைக்காட்சி நிறுவனமாகும். இந்த நிறுவனத்திற்கு சொந்தமாக நியூயார்க் உட்பட பல்வேறு இடங்களில் அலுவலகங்கள் செயல்பட்டு வருகிறது. 

இந்நிலையில் உள்ளூர் நேரப்படி வியாழக்கிழமை இரவு  நியூயார்க்கில் உள்ள தலைமை அலுவலகத்துக்கு தொலைபேசி அழைப்பு ஒன்று வந்தது. அதில் பேசியவர் அலுவலக கட்டிடத்தில் ஐந்து இடங்களில் வெடிகுண்டு வைக்கப்பட்டுள்ளதாக கூறிவிட்டு அழைப்பை துண்டித்து விட்டார்.  இதனையடுத்து நிறுவன ஊழியர்கள் அனைவரும் அவசர அவசரமாக கட்டிடத்தை விட்டு வெளியேற்றப்பட்டனர். 

உடனடியாக வெடிகுண்டு நிபுணர்கள் மற்றும் தீ தடுப்பு துறையினருக்கு தகவல் தரப்பட்டு, அவர்கள் அலுவலகம் முழுவதும் சல்லடை போட்டு தேடிய பின்னர், இந்த வெடிகுண்டு  மிரட்டல் வெறும் புரளி என தெரிய வந்தது. 

]]>
CNN, USA, hoax call, bomb threat, search, http://images.dinamani.com/uploads/user/imagelibrary/2018/12/7/w600X390/CNN.jpg http://www.dinamani.com/world/2018/dec/07/அமெரிக்காவின்-பிரபல-செய்தி-நிறுவனத்திற்கு-வெடிகுண்டு-மிரட்டல்-வெளியேற்றப்பட்ட-ஊழியர்கள்-3053556.html
3053531 உலகம் சிஎன்என் செய்தி நிறுவனத்துக்கு வெடிகுண்டு மிரட்டல்! DIN DIN Friday, December 7, 2018 12:48 PM +0530
நியூயார்க்: சிஎன்என் செய்தி நிறுவனத்துக்கு வெடிகுண்டு மிரட்டல் விடுக்கப்பட்டதை அடுத்து ஊழியர்கள் அனைவரும் அவசரமாக வெளியேற்றப்பட்டனர்.

அமெரிக்காவை தலைமையிடமாக கொண்டு இயங்கும் பிரபல செய்தி தொலைக்காட்சி நிறுவனம் சிஎன்என். இந்த நிறுவனத்திற்கு சொந்தமாக நியூயார்க் உட்பட பல்வேறு இடங்களில் அலுவலகம் செயல்பட்டு வருகிறது. நியூயார்க்கில் உள்ள டைம் வார்னர் கட்டடத்தின் அலுவலகத்தில் ஊழியர்கள் அனைவருக்கும், தங்களுடைய நேரடி ஒளிபரப்பை செய்து கொண்டிருந்த நேரத்தில், நேற்று வியாழக்கிழமை இரவு உள்ளூர் நேரப்படி (இரவு 10 மணியளவில்) தொலைபேசி அழைப்பு ஒன்று வந்தது. அந்த அழைப்பில் பேசிய நபர், அலுவலக கட்டடத்தில் ஐந்து இடங்களில் வெடிகுண்டு வைக்கப்பட்டுள்ளதாக கூறிவிட்டு அழைப்பை துண்டித்து விட்டார்.  

தொலைபேசியில் வெண்டிகுண்டு மிரட்டல் விடுத்த மர்ம நபரின் எச்சரிக்கையை அடுத்து அவசர அவசரமாக ஊழியர்கள் அனைவரும் கட்டடத்தை விட்டு வெளியேறுமாறு உத்தரவிடப்பட்டது. காவல்துறைக்கு தகவல் அளிக்கப்பட்டது.  

இதையடுத்து சம்பவ இடத்திற்கு இரவு 10.30 மணியளவில் விரைந்து வந்த போலீஸார், வெடிகுண்டு நிபுணர்கள் மற்றும் தீயணைப்பு வீரர்கள், அந்த பகுதியின் 58வது தெரு, 8 மற்றும் 9வது அவென்யூ பகுதிகளில் அனைத்து வாகனம் மற்றும் பாதசாரிகள், போக்குவரத்து வாகனங்கள் செல்வதற்கு தடை செய்தனர். 

பின்னர், அலுவலகம் முழுவதும் தேடியதில் வெடிகுண்டுகள் எதுவும் கைப்பற்றப்படவில்லை. இதையடுத்து வெடிகுண்டு மிரட்டல் வெறும் புரளி என தெரியவந்தது. 

இதையடுத்து சிஎன்என் செய்தி நிறுவனம் தனது ஊழியர்களுக்கு பிரச்னை எதுவும் இல்லை. வழக்கம் போல் காலை அலுவலகம் வரலாம் எனவும் குறுந்தகவல் அனுப்பியது. 

தற்போது முன்னெச்சரிக்கை நடவடிக்கையாக சிஎன்என் நிறுவன கட்டிடத்திற்கு வெளியே வெடிகுண்டு நிபுணர்கள் நிறுத்தி வைக்கப்பட்டுள்ளனர். 

]]>
bomb threat, Time Warner building , CNN's http://images.dinamani.com/uploads/user/imagelibrary/2018/12/7/w600X390/cnn.jpg http://www.dinamani.com/world/2018/dec/07/cnn-police-give-all-clear-after-bomb-threat-at-new-york-offices-3053531.html
3053048 உலகம் இலங்கையில் ரணிலுக்கு ஆதரவாக அடுத்த வாரம் நம்பிக்கை வாக்கெடுப்பு DIN DIN Friday, December 7, 2018 04:21 AM +0530
இலங்கையில் பிரதமர் பதவியில் இருந்து நீக்கப்பட்ட ரணில் விக்ரமசிங்கவுக்கு ஆதரவாக, அந்நாட்டு நாடாளுமன்றத்தில் அடுத்த வாரம் நம்பிக்கை வாக்கெடுப்பு நடத்தப்படவுள்ளது.
இதுதொடர்பாக, நாடாளுமன்ற விவகாரங்கள் துறை அதிகாரிகள் வியாழக்கிழமை கூறுகையில், இலங்கை நாடாளுமன்றம், வரும் 12-ஆம் தேதி கூடுகிறது. அன்றைய தினம், அவை அலுவல்கள் முடிவு செய்யப்படும். நம்பிக்கை வாக்கெடுப்பு நடத்தப்படும் தேதி முடிவு செய்யப்படவில்லை. ஒருவேளை 12-ஆம் தேதியே கூட நம்பிக்கை வாக்கெடுப்பு நடத்தப்படலாம் என்றனர்.
இலங்கை பிரதமராக இருந்த ரணில் விக்ரமசிங்கவை நீக்கிவிட்டு, அப்பதவியில் முன்னாள் அதிபர் ராஜபட்சவை அதிபர் சிறீசேனா கடந்த அக்டோபர் 26-ஆம் தேதி நியமித்தார். அப்போதிலிருந்து, இலங்கை அரசியலில் நாள்தோறும் அதிரடி திருப்பங்களும், குழப்பங்களும் ஏற்பட்டு வருகின்றன.
ராஜபட்சவுக்கு பெரும்பான்மைக்குத் தேவையான ஆதரவை திரட்டும் முயற்சி தோல்வியடைந்த நிலையில், நாடாளுமன்றத்தைக் கலைத்து விட்டு, ஜனவரி மாதம் 5-ஆம் தேதி தேர்தல் நடத்துவதாக சிறீசேனா அறிவித்தார். எனினும், நாடாளுமன்றத்தைக் கலைக்கப்பட்டதற்கு இடைக்காலத் தடை விதித்த இலங்கை உச்சநீதிமன்றம், தேர்தலுக்கான ஏற்பாடுகளையும் முடக்கி வைத்துள்ளது.
ரணில் விக்ரமசிங்கவும், ராஜபட்சவுக்கும் பிரதமர் பதவிக்கு உரிமை கோரி வருகின்றனர். 
இதனிடையே, ராஜபட்ச பிரதமராக நியமிக்கப்பட்டதற்கு எதிர்ப்பு தெரிவித்து, ரணில் விக்ரமசிங்கவின் ஐக்கிய தேசியக் கட்சி, மக்கள் விடுதலை முன்னணி, தமிழ் தேசிய கூட்டமைப்பு ஆகிய கட்சிகளைச் சேர்ந்த 122 உறுப்பினர்கள் மேல்முறையீட்டு நீதிமன்றத்தில் கடந்த மாதம் வழக்கு தொடுத்தனர்.
அந்த வழக்கை விசாரித்த நீதிமன்றம், ராஜபட்ச பிரதமராகச் செயல்படுவதற்கு இடைக்காலத் தடை விதித்து கடந்த திங்கள்கிழமை உத்தரவிட்டது. இந்த உத்தரவை எதிர்த்து உச்சநீதிமன்றத்தில் ராஜபட்ச செவ்வாய்க்கிழமை மனு தாக்கல் செய்துள்ளார். விக்ரமசிங்கவும், சிறீசேனாவும் ஒருவரையொருவர் குற்றம்சாட்டி வருகின்றனர்.
நல்லாட்சிக்கான கொள்கைகளை ரணில் விக்ரமசிங்க அழித்து வந்ததால், வேறு வழியின்றி அவரை பதவிநீக்கம் செய்ததாக சிறீசேனா தெரிவித்தார். இலங்கையில் தற்போது நிலவும் அரசியல் குழப்பம் 7 நாள்களில் முடிவுக்கு வரும் என்றும் அவர் வியாழக்கிழமை கூறினார். இந்நிலையில், ரணிலுக்கு ஆதரவாக, நாடாளுமன்றத்தில் அடுத்த வாரம் நம்பிக்கை வாக்கெடுப்பு நடைபெறவுள்ளது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/7/w600X390/ranil.jpg http://www.dinamani.com/world/2018/dec/07/இலங்கையில்-ரணிலுக்கு-ஆதரவாக-அடுத்த-வாரம்-நம்பிக்கை-வாக்கெடுப்பு-3053048.html
3052949 உலகம் பாகிஸ்தானில் போலி இந்திய விசா உள்ளிட்ட ஆவணங்கள் பறிமுதல் DIN DIN Friday, December 7, 2018 01:13 AM +0530
இந்திய நுழைவு இசைவு (விசா) சம்பந்தப்பட்ட போலி ஆவணங்கள் பாகிஸ்தானில் பறிமுதல் செய்யப்பட்டன.
இந்தியா, ஆப்கானிஸ்தான் ஆகிய நாடுகளுக்குச் செல்வதற்கான விசாவில் முத்திரை இடும் ஸ்டாம்புகளும் பறிமுதல் செய்யப்பட்டன.
எக்பிரஸ் டிரிபியூன் பத்திரிகையில் வெளியாகியுள்ள செய்தியில் கூறப்பட்டுள்ளதாவது:
கைபர்-பக்துன்வா மாகாணத்தின் பெஷாவர் நகரில் உள்ள யூசஃப்சாய் அச்சகத்தில் சந்தேகத்துக்கிடமான நடவடிக்கைகள் அரங்கேறுவதாக போலீஸாருக்கு ரகசியத் தகவல் கிடைத்தது. அதன்பேரில், அங்கு போலீஸார் தேடுதல் நடவடிக்கையில் ஈடுபட்டனர். அப்போது, போலி விசா ஆவணங்களும், இந்தியா, ஆப்கன் செல்வதற்காக அளிக்கப்படும் விசாவில் பதிவு செய்யப்படும் முத்திரைகளின் போலிகளும் பறிமுதல் செய்யப்பட்டன.
தெஹ்ரீக்-ஏ-தலிபான் அமைப்பின் கொள்கை விளக்க பிரசுரங்களும் இருந்தன.
அந்த அச்சகத்திகத்தின் உரிமையாளர் காரி சயீஃப் உல்லா கைது செய்யப்பட்டு விசாரிக்கப்பட்டு வருகிறார் என போலீஸார் தெரிவித்தனர் என்று அந்தச் செய்தியில் தெரிவிக்கப்பட்டுள்ளது.
 

]]>
http://www.dinamani.com/world/2018/dec/07/பாகிஸ்தானில்-போலி-இந்திய-விசா-உள்ளிட்ட-ஆவணங்கள்-பறிமுதல்-3052949.html
3052928 உலகம் 5 விமானம் தாங்கிக் கப்பல்கள்: சீனா திட்டம்  DIN DIN Friday, December 7, 2018 12:57 AM +0530
எதிர்காலத்தில் 5 விமானம் தாங்கிக் கப்பல்களை இயக்குவதற்கு சீனா திட்டமிட்டு வருவதாக தகவல்கள் தெரிவிக்கின்றன.
இதுகுறித்து சீன அதிகாரிகளை மேற்கோள் காட்டி அந்த நாட்டு அரசுக்குச் சொந்தமான குளோபல் டைம்ஸ் நாளிதழ் தெரிவித்துள்ளதாவது:
எதிர்வரும் காலங்களில் 5 விமானம் தாங்கிக் கப்பல்களை சீனக் கடற்படையில் இணைக்க அரசு திட்டமிட்டு வருகிறது.
மாறி வரும் பாதுகாப்பு வியூகங்களுக்கு ஏற்ப, சீனாவுக்கு குறைந்தபட்சம் 5 விமானம் தாங்கிக் கப்பல்களாவது தேவைப்படுகின்றன.
இந்த 5 விமானம் தாங்கிக் கப்பல்களில் 2 கப்பல்கள் அணுசக்தியில் இயங்கக் கூடியவையாக இருக்கும். சீனாவின் முதல் அணுசக்தி விமானம் தாங்கிக் கப்பல் 2025-ஆம் ஆண்டுவாக்கில் அறிமுகப்படுத்தப்படும் என்று அந்த நாளிதழ் தெரிவித்துள்ளது.
ஏற்கெனவே, சீனாவின் முதல் விமானம் தாங்கிக் கப்பலான லியாவ்னிங், கடந்த 2012-ஆண்டு கடற்படையில் இணைக்கப்பட்டது.
அதனைத் தொடர்ந்து, முழுக்க முழுக்க உள்நாட்டிலேயே உருவாக்கப்பட்ட அதன் இரண்டாவது விமானம் தாங்கிக் கப்பல், கடந்த ஆண்டு அறிமுகப்படுத்தப்பட்டது. தற்போது சோதனை முறையில் இயக்கப்பட்டுக் கொண்டிருக்கும் அந்தக் கப்பல், வரும் 2020-ஆம் ஆண்டில் கடற்படையில் இணைக்கப்படும் என்று எதிர்பார்க்கப்படுகிறது.
இந்தச் சூழலில், மேலும் 3 விமானம் தாங்கிக் கப்பல்களை உருவாக்க சீனா திட்டமிட்டு வருவதாக தற்போது தகவல்கள் வெளியாகியுள்ளன.
சீனாவின் இந்த முடிவு, இந்தியாவுக்கு கவலையை ஏற்படுத்தும் என்று கருதப்படுகிறது.
கடந்த 1961-ஆம் ஆண்டு முதலே விமானம் தாங்கிக் கப்பல்களை இயக்கி வரும் இந்தியாவிடம், தற்போது ஐஎன்எஸ் விக்ரமாதித்யா விமானம் தாங்கிக் கப்பல் மட்டுமே உள்ளது. 
உள்நாட்டிலேயே தயாரிக்கப்பட்டு வரும் ஐஎன்எஸ் விக்ராந்த், வரும் 2020-ஆம் ஆண்டுதான் தனது சோதனை ஓட்டத்தைத் தொடங்கும் என்று எதிர்பார்க்கப்பட்டு வருகிறது.


 

]]>
http://images.dinamani.com/uploads/user/imagelibrary/2018/12/7/w600X390/lioning.jpg சீனாவின் முதல் விமானம் தாங்கிக் கப்பலான லியாவ்னிங். http://www.dinamani.com/world/2018/dec/07/5-விமானம்-தாங்கிக்-கப்பல்கள்-சீனா-திட்டம்-3052928.html
3052927 உலகம் ஏவுகணை தளத்தை விரிவுபடுத்தி வருகிறது வட கொரியா: அமெரிக்க ஊடகம் DIN DIN Friday, December 7, 2018 12:57 AM +0530
அணு ஆயுத மற்றும் ஏவுகணை திட்டங்களைக் கைவிடுவதாக அறிவித்துள்ள வட கொரியா, அதனை மீறி தனது ஏவுகணை தளத்தை மேம்படுத்தி வருவதாக அமெரிக்காவின் சிஎன்என் ஊடகம் தெரிவித்துள்ளது.
இதுகுறித்து அந்த ஊடகம் தெரிவித்துள்ளதாவது:
அமெரிக்க அதிபர் டொனால்ட் டிரம்ப்புக்கும், வட கொரிய அதிபர் கிம் ஜோங்-உனுக்கும் இடையே சிங்கப்பூரில் கடந்த ஜூன் மாதம் சந்திப்பு நடைபெற்றதற்குப் பிறகு, வட கொரியாவின் மலைப் பகுதிக்குள் அமைந்துள்ள யெயோன்ஜியோ-டாங் சுரங்க ஏவுதளத்தை அந்த நாடு விரிவுபடுத்தியுள்ளது.
செயற்கைக்கோள்கள் மூலம் எடுக்கப்பட்ட புகைப்படங்களின் மூலம் இந்த விவரம் தெரிய வந்துள்ளது.
விரிவுபடுத்தப்பட்ட ஏவுதளம், தொலைதூர ஏவுகணைகளை ஏவும் திறன் கொண்டது ஆகும். அத்தகைய ஏவுகணைகளின் மூலம் அணு ஆயுதத் தாக்குதலையும் நடத்த முடியும்.
இதுதவிர, மேலும் ஒரு புதிய ஏவுகணை தளத்தையும் வட கொரியா உருவாக்கியுள்ளது செயற்கைக்கோள் படங்கள் மூலம் தெரிய வந்துள்ளது என்று சிஎன்என் தெரிவித்துள்ளது.
முன்னதாக, சிங்கப்பூர் சந்திப்பின்போது அணு ஆயுதங்கள் மற்றும் ஏவுகணை திட்டங்களைக் கைவிடுவதாக அளித்துள்ள வாக்குறுதியை வட கொரிய அதிபர் கிம் ஜோங்-உன் இதுவரை நிறைவேற்றவில்லை என்று அமெரிக்க தேசியப் பாதுகாப்பு ஆலோசகர் ஜான் போல்ட்டன் செவ்வாய்க்கிழமை தெரிவித்திருந்தார்.
இந்தச் சூழலில் சிஎன்என் ஊடகம் இந்தத் தகவலைத் வெளியிட்டுள்ளது பரபரப்பை ஏற்படுத்தியுள்ளது.
தென் கொரியா, அமெரிக்கா போன்ற நாடுகளுக்கு அச்சுறுத்தலை ஏற்படுத்தும் வகையில், அணு ஆயுதங்கள் மற்றும் ஏவுகணை சோதனைகளை வட கொரியா கடந்த ஆண்டின் இறுதிவரை தொடர்ந்து நடத்தி வந்தது.
இதனால், வட கொரியாவுக்கும், அமெரிக்க-தென் கொரிய கூட்டணிக்கும் இடையே கடும் பதற்றம் நிலவி வந்தது.
இந்தச் சூழலில், தென் கொரியாவில் கடந்த மார்ச் மாதம் நடைபெற்ற குளிர்கால ஒலிம்பிக்கில் வட கொரியா பங்கேற்றதைத் தொடர்ந்து, இரு கொரிய நாடுகளுக்கும் இடையே பதற்றம் தணிந்து இணக்கமான சூழல் ஏற்பட்டது.
அதன் தொடர்ச்சியாக, வட கொரிய அதிபர் கிம் ஜோங்-உன், தென் கொரிய அதிபர் மூன் ஜே-இன் ஆகியோரிடையிலான வரலாற்றுச் சிறப்பு மிக்க சந்திப்புகள் இரண்டு முறை நடைபெற்றன.
இதற்கிடையே, அமெரிக்க அதிபர் டொனால்ட் டிரம்ப்பை கிம் ஜோங்-உன் சிங்கப்பூரில் கடந்த ஜூன் மாதம் சந்தித்து பேச்சுவார்த்தை நடத்தினார்.
அப்போது, அணு ஆயுத மற்றும் ஏவுகணை திட்டங்களைக் கைவிடுவதாக கிம் ஜோங்-உன் ஒப்புக் கொண்டார்.


 

]]>
http://images.dinamani.com/uploads/user/imagelibrary/2018/12/7/w600X390/korea.jpg சிஎன்என் வெளியிட்ட செயற்கைக்கோள் புகைப்படம்... http://www.dinamani.com/world/2018/dec/07/ஏவுகணை-தளத்தை-விரிவுபடுத்தி-வருகிறது-வட-கொரியா-அமெரிக்க-ஊடகம்-3052927.html
3052926 உலகம் ஈரானில் தற்கொலைத் தாக்குதல்: இருவர் பலி DIN DIN Friday, December 7, 2018 12:56 AM +0530
ஈரான் காவல் நிலையத்தில் பயங்கரவாதி நடத்திய மனித வெடிகுண்டுத் தாக்குதலில் இருவர் உயிரிழந்தனர்; ஏராளமானோர் காயமடைந்தனர்.
பாகிஸ்தானைச் சேர்ந்த பலூசிஸ்தான் பயங்கரவாதிகளும், சன்னி பிரிவைச் சேர்ந்த பயங்கரவாத அமைப்பினரும் எல்லை தாண்டி ஷியா அதிகாரிகள் மீது அடிக்கடி தாக்குதல் நடத்தி வரும் சிஸ்டான்-பலூசிஸ்தான் மாகாணத்தின் சாபஹார் நகரில் இந்தத் தாக்குதல் வியாழக்கிழமை நடத்தப்பட்டது.
இதுகுறித்து அந்த மாகாணத்தின் துணை ஆளுநர் முகமது ஹாதி மராஷி, அரசுத் தொலைக்காட்சியில் கூறியதாவது:
சாபஹார் நகரிலுள்ள மாகாண காவல்துறை தலைமையகத்துக்கு வியாழக்கிழமை வந்த பயங்கரவாதி, தனது உடலில் மறைத்து வைத்திருந்த வெடிபொருளை வெடிக்கச் செய்தார். இதில், 2 காவல் துறையினர் உயிரிழந்தனர் என்றார் அவர்.
இந்தியா கண்டனம்: இந்தத் தாக்குதலுக்கு இந்திய வெளியுறவுத் துறை அமைச்சகம் கண்டனம் தெரிவித்துள்ளது.
சாபஹார் நகரிலுள்ள துறைமுகத்தை இந்திய உதவியுடன் ஈரான் மேம்படுத்தி வருவது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/7/w600X390/chab.jpg http://www.dinamani.com/world/2018/dec/07/ஈரானில்-தற்கொலைத்-தாக்குதல்-இருவர்-பலி-3052926.html
3052925 உலகம் சீனாவின் தடுப்பு முகாம்களில் 20 லட்சம் முஸ்லிம்கள் DIN DIN Friday, December 7, 2018 12:55 AM +0530
சீனாவின் ஜின்ஜியாங் மாகாணத்தில், 8 லட்சம் முதல் 20 லட்சம் வரையிலான சிறுபான்மை முஸ்லிம் இனத்தவர், அரசு அமைத்துள்ள தடுப்பு முகாம்களில் அடைத்து வைக்கப்பட்டுள்ளதாக அமெரிக்கா தெரிவித்துள்ளது.
இதுகுறித்து, வெளிவிவகாரங்களுக்கான அமெரிக்க நாடாளுமன்றத்தின் துணைக் குழுவிடம், அந்த நாட்டு மனித உரிமைகள் விவகாரங்களுக்கான இணையமைச்சர் ஸ்காட் பஸ்பி கூறியதாவது:
கடந்த ஆண்டு ஏப்ரல் மாதம் முதல், சீனாவின் ஜின்ஜியாங் மாகாணத்திலுள்ள தடுப்பு முôம்களில் சிறுபான்மை முஸ்லிம் இனத்தைச் சேர்ந்த 8 லட்சம் பேர் காலவரையின்றி அடைத்து வைக்கப்பட்டுள்ளனர். இந்த எண்ணிக்கை 20 லட்சம் வரையிலும் இருக்கலாம்.
உய்கர் இனத்தவர்கள், கஜக் பழங்குடியினர் மற்றும் பிற முஸ்லிம் மதத்தினர் அந்தத் தடுப்பு முகாம்களில் அடைத்து வைக்கப்பட்டுள்ளனர்.
எந்த வித குற்றச்சாட்டுகளும் பதிவு செய்யப்படாமலேயே முகாம்களில் அடைத்து வைக்கப்படும் அவர்களது இருப்பிடம் குறித்து அவர்களது குடும்பத்தினரிடம் அரசு தெரியப்படுத்துவதில்லை.
அங்கு அவர்களுக்கு சீர்திருத்தக் கல்வி போதிக்கப்படுவதாக சீன அதிகாரிகள் தெரிவிக்கின்றனர். எனினும், இஸ்லாம் மதத்தைக் கைவிட்டு, கம்யூனிஸக் கொள்கைகளை வலுக்கட்டாயமாக ஏற்கச் செய்வதற்கான நோக்கிலேயே அந்த பிரசார வகுப்புகள் நடத்தப்படுகின்றன என்றார் ஸ்காட் பஸ்பி.
ஹன் இனத்தைப் பெரும்பான்மையாகக் கொண்ட சீனாவின், ஜின்ஜியாங் மாகாணத்தில் மட்டும் முஸ்லிம் இனத்தவர் அதிக அளவில் வசித்து வருகின்றனர். இந்தச் சூழலில், அந்த மாகாணத்தைச் சேர்ந்த பிரிவினைவாதிகள் பயங்கரவாதச் செயல்களில் ஈடுபடுவதாக சீனா குற்றம் சாட்டி வருகிறது. எனவே, மக்களை நல்வழிப்படுத்துவதற்காக அவர்களுக்கு சீர்திருத்த வகுப்புகள் நடத்துவதாகக் கூறி, லட்சக்கணக்கான முஸ்லிம்களை அந்த நாட்டு அரசு தடுப்பு முகாமில் அடைத்து வைத்துள்ளதாக தகவல்கள் தெரிவிக்கின்றன.
 

]]>
http://images.dinamani.com/uploads/user/imagelibrary/2018/12/7/w600X390/busbyscott.jpg http://www.dinamani.com/world/2018/dec/07/சீனாவின்-தடுப்பு-முகாம்களில்-20-லட்சம்-முஸ்லிம்கள்-3052925.html
3052924 உலகம் நடுவானில் போர் விமானங்கள் மோதல்: 5 பேர் மாயம் DIN DIN Friday, December 7, 2018 12:55 AM +0530
ஜப்பானையொட்டிய கடல் பகுதியில் இரு அமெரிக்க போர் விமானங்கள் மோதி ஏற்பட்ட விபத்தில் 5 வீரர்கள் மாயமாகினர்.
இதுகுறித்து தகவல்கள் தெரிவிப்பதாவது: தென் மேற்கு ஜப்பான் பகுதிக்கு சுமார் 100 கி.மீ. தொலைவில், இரண்டு பேருடன் பறந்து கொண்டிருந்த அமெரிக்காவின் போர் விமானத்துக்கு நடுவானில் எரிபொருள் நிரப்பட்டது.
எரிபொருள் நிரப்பிய மற்றொரு விமானத்தில் 5 பேர் இருந்தனர். இந்த நிலையில் இரு விமானங்களும் எதிர்பாராத வகையில் மோதி கடலுக்குள் விழுந்தன.
அதையடுத்து, அந்தப் பகுதிக்கு விரைந்து வந்த மீட்புக் குழுவினர் இரு வீரர்களை மீட்டனர். மாயமாகியுள்ள மேலும் 5 வீரர்களைத் தேடும் பணி தீவிரமாக நடைபெற்று வருகிறது.
 

]]>
http://images.dinamani.com/uploads/user/imagelibrary/2018/12/7/w600X390/plane.jpg http://www.dinamani.com/world/2018/dec/07/நடுவானில்-போர்-விமானங்கள்-மோதல்-5-பேர்-மாயம்-3052924.html
3052923 உலகம் அமெரிக்காவுடன் வர்த்தக ஒப்பந்தங்கள் உடனடியாக அமலுக்கு வரும் DIN DIN Friday, December 7, 2018 12:54 AM +0530
வர்த்தகப் போர்ப் பதற்றத்தைத் தணிப்பதற்காக அமெரிக்காவுக்கும், சீனாவுக்கும் இடையே மேற்கொள்ளப்பட்டுள்ள ஒப்பந்த அம்சங்களை உடனடியாக அமல்படுத்தப் போவதாக சீனா அறிவித்துள்ளது.
மேலும், தற்காலிக ஒப்பந்தம் அமலில் இருக்கும் 90 நாள்களுக்குள், இரு நாடுகளுக்கும் இடையே நிரந்தர பொருளாதார உடன்பாடு ஏற்படும் எனவும் சீனா நம்பிக்கை தெரிவித்துள்ளது.
இதுகுறித்து வியாழக்கிழமை நடைபெற்ற செய்தியாளர்கள் சந்திப்பில் சீன நிதியமைச்சக செய்தித் தொடர்பாளர் காவ் ஃபெங் கூறியதாவது:
சீன அதிபர் ஷி ஜின்பிங்குக்கும், அமெரிக்க அதிபர் டொனால்ட் டிரம்ப்புக்கும் இடையே ஆர்ஜென்டீனாவில் மேற்கொள்ளப்பட்ட ஒப்பந்தங்களை உடனடியாக அமல்படுத்தவிருக்கிறோம்.
வேளாண்மை, எரிசக்தி, வாகனங்கள் உள்ளிட்ட துறைகளைச் சேர்ந்த பொருள்களுக்கு அளிக்கப்பட்டுள்ள சலுகைகள் உடனடியாக அமலுக்கு வருகின்றன.
நிறுவனங்களின் அறிவுசார் சொத்துரிமையைப் பாதுகாப்பது, தொழில்நுட்ப ஒத்துழைப்பு, தாராள சந்தை, மற்றும் ஏற்றுமதி - இறக்குமதிக்கு இடையிலான சமநிலை ஆகிய விவகாரங்கள் குறித்து அமெரிக்காவுடன் தொடர்ந்து பேச்சுவார்த்தையில் ஈடுபடுவோம்.
தற்போது இரு தரப்பிலும் ஒப்புக்கொள்ளப்பட்டுள்ள தாற்காலிக சலுகை காலமான 90 நாள்கள் முடிவடைவதற்குள், இந்த விவகாரங்களில் இரு தரப்பினரும் ஒருமித்த கருத்தை எட்டுவோம் என்று நம்புகிறோம் என்றார் அவர்.
சீனாவுக்கு ஏற்றுமதி செய்யும் பொருள்களின் மதிப்பைவிட, அந்த நாட்டிடமிருந்து அமெரிக்கா இறக்குமதி செய்யும் பொருள்களின் மதிப்பு அதிகமாக இருப்பதால், இரு நாடுகளுக்கும் இடையே நியாயமற்ற அளவில் வர்த்தகப் பற்றாக்குறை நிலவி வருவதாக அதிபர் டிரம்ப் குற்றம் சாட்டி வருகிறார்.
மேலும், அமெரிக்க நிறுவனங்கள் காப்புரிமை பெற்ற தொழில்நுட்பங்களைத் திருடி சீனா பயன்படுத்தி வருவதால் அமெரிக்க நிறுவனங்களுக்கு பெரும் இழப்பு ஏற்படுவதாகவும் அவர் குற்றம் சாட்டி வருகிறார்.
இதன் காரணமாக, சீனாவிலிருந்து இறக்குமதி செய்யப்படும் பல லட்சம் கோடி ரூபாய் மதிப்பிலான பொருள்கள் மீது கூடுதல் வரி விதிக்கும் உத்தரவைப் அவர் பிறப்பித்து வந்தார்.
இதற்குப் பதிலடியாக, அமெரிக்க இறக்குமதி பொருள்கள் மீது சீனாவும் கூடுதல் வரிகளை அறிவித்து வந்தது.
இது, உலகின் மிகப் பெரிய பொருளாதார சக்திகளான அந்த இரு நாடுகளுக்கும் இடையே வர்த்தகப் போர் வெடிக்கும் என்ற அச்சத்தை ஏற்படுத்தியது.
இந்தச் சூழலில், அத்தகைய பதற்றத்தைத் தணிப்பதற்காக அமெரிக்க அதிபர் டிரம்ப்பும், சீன அதிபர் ஷி ஜின்பிங்கும் ஆர்ஜென்டீனா தலைநகர் பியூனஸ் அயர்ஸில் நடைபெற்ற ஜி20 நாடுகளின் மாநாட்டினிடையே கடந்த சனிக்கிழமை சந்தித்து பேச்சுவார்த்தை நடத்தினர்.
அப்போது, சீனப் பொருள்கள் மீது அமெரிக்காவும், அமெரிக்கப் பொருள்கள் மீது சீனாவும் கூடுதல் வரி விதிப்பதை 90 நாள்களுக்கு நிறுத்திவைக்க இரு நாடுகளும் சம்மதம் தெரிவித்தன.
மேலும், வரும் ஜனவரி மாதம் 1-ஆம் தேதி முதல் 20,000 கோடி டாலர் (சுமார் ரூ.14 லட்சம் கோடி) மதிப்பிலான சீனப் பொருள்களுக்கு கூடுதல் வரி விதிக்கும் முடிவையும் அமெரிக்கா கைவிட்டது.
அமெரிக்காவிடமிருந்து வேளாண்மை, தொழிற்துறை மற்றும் எரிசக்திப் பொருள்களை கணிசமான அளவில் இறக்குமதி செய்ய சீனா ஒப்புக் கொண்டது.
இதையடுத்து, இரு நாடுகளுக்கும் இடையிலான வர்த்தகப் போர்ப் பதற்றம் தணியும் என எதிர்பார்க்கப்படுகிறது.
 

]]>
http://images.dinamani.com/uploads/user/imagelibrary/2018/12/7/w600X390/us-china-tariffs.jpg http://www.dinamani.com/world/2018/dec/07/அமெரிக்காவுடன்-வர்த்தக-ஒப்பந்தங்கள்-உடனடியாக-அமலுக்கு-வரும்-3052923.html
3052884 உலகம் 2 அமெரிக்க ராணுவ விமானங்கள் விபத்துக்குள்ளானது: 6 பேர் மாயம் DIN DIN Thursday, December 6, 2018 05:53 PM +0530
வாஷிங்டன்: தெற்கு ஜப்பானில் இரண்டு அமெரிக்க ராணுவ விமானங்கள் விபத்துக்குள்ளானதில் 6 வீரர்கள் மாயமாகி உள்ளனர். ஒருவர் மீட்கப்பட்டுள்ளார். மீட்புப் பணியில் ஜப்பான் கடற்படை வீரர்கள் ஈடுபட்டுள்ளதாக அமெரிக்க மற்றும் ஜப்பான் அதிகாரிகள் தெரிவித்துள்ளனர். 

வழக்கமான பயற்சிக்காக 2 பேருடன் சென்ற எப்-18 ஃபைட்டர், 5 பேருடன் சென்ற கேசி -130 டேங்கர் ஆகிய இரண்டும் விமானங்களும், தெற்கு ஜப்பான் கடற்கரையில் உள்ள எண்ணைய் நிரப்பும் நிலையத்துக்கு சென்று எண்ணைய் நிரப்பிக் கொண்டு புறப்பட்டபோது ஜப்பான் கடற்கரையின் மியோட்டோவில் இருந்து சுமார் 200 மைல் (322 கி.மீ) தொலைவில் உள்ளூர் நேரப்படி அதிகாலை 2 மணிக்கு விபத்துக்குள்ளானது. 

இதில், ஒரு விமானி மட்டும் மீட்கப்பட்டுள்ளார். ஏனைய 6 பேரின் நிலைமை குறித்த தகவல் இதுவரை வெளியாக வில்லை. அவர்களை மீட்கும் பணியில், ஜப்பான் கடற்படை தீவிரமாக ஈடுபட்டுள்ளதாக அமெரிக்க கடற்படையினர் தெரிவித்துள்ளனர். 

இந்நிலையில், உடனடியாக மீட்புப் பணியில் ஈடுபட்டுள்ள ஜப்பான் பாதுகாப்பு படையினருக்கு நன்றி தெரிவத்துள்ளதுடன், விபத்துக்கான சூழல் மற்றும் காரணம் பற்றி விசாரணை நடந்து வருவதாக தெரிவித்துள்ளனர். 

]]>
Japan, Six US Marines missing, US military aircraft , aircraft crashes, F/A-18 Hornet fighter jet, KC-130 refuelling tanker http://www.dinamani.com/world/2018/dec/06/six-missing-after-us-military-aircraft-crashes-off-japan-3052884.html
3052639 உலகம் இந்தோனேசியாவில் நிலநடுக்கம்: ரிக்டர் அளவில் 5.5-ஆக பதிவு DIN DIN Thursday, December 6, 2018 08:35 AM +0530 லம்பாக்: இந்தோனேசியாவில் உள்ள லம்பாக் என்ற தீவின் இன்று திடீரென நிலநடுக்கம் ஏற்பட்டது. இது 5.5 ரிக்டர் அளவுகோலில் பதிவாகி உள்ளது என அமெரிக்க புவியியல் ஆராய்ச்சி மைய அதிகாரிகள் தெரிவித்துள்ளனர். 

நள்ளிரவு 1.02 மணியளவில் ஏற்பட்ட நிலநடுக்கம் காரணமாக அப்பகுதியில் உள்ள கட்டிடங்கள் குலுங்கின. இதனால் அப்பகுதி மக்கள் வீடுகளை விட்டு வெளியேறி சாலைகளில் தஞ்சம் அடைந்துள்ளனர். 
 
இந்தோனேசியா பசிபிக் பெருங்கடலில் உள்ள ஒரு பகுதியான ரிங்க் ஆஃப் ஃபயர் என்ற இடத்தில் உள்ளது, இது அடிக்கடி நலநடுக்கம் மற்றும் எரிமலை வெடிப்புகளுக்கு பாதிப்பை ஏற்படுத்து பகுதியாக உள்ளது.

நிலநடுக்கத்தால் ஏற்பட்ட  பாதிப்புகள் குறித்த உடனடி தகவல் எதுவும் வெளியிடப்படவில்லை. 

]]>
Earthquake, இந்தோனேசியாவில் நிலநடுக்கம், நிலநடுக்கம், லம்பாக், ரிக்டர் அளவில் 5.5, magnitude 5.5, Indonesia, USGS http://images.dinamani.com/uploads/user/imagelibrary/2016/11/15/w600X390/earthquake.jpg http://www.dinamani.com/world/2018/dec/06/இந்தோனேசியாவில்-நிலநடுக்கம்-ரிக்டர்-அளவில்-55-ஆக-பதிவு-3052639.html
3052451 உலகம் இலங்கை அரசியல் குழப்பம் 7 நாளில் முடிவுக்கு வரும் DIN DIN Thursday, December 6, 2018 02:41 AM +0530
இலங்கையில் தற்போது நிலவும் அரசியல் குழப்பம் 7 நாள்களில் முடிவுக்கு வரும் என்று அதிபர் மைத்ரிபால சிறீசேனா கூறியுள்ளார்.
ராஜபட்ச பிரதமராகச் செயல்படுவதற்கு நீதிமன்றம் இடைக்காலத் தடை விதித்துள்ள நிலையில், சிறீசேனா இந்த கருத்தை தெரிவித்துள்ளார். இலங்கை பிரதமராக இருந்த ரணில் விக்ரமசிங்கவை நீக்கிவிட்டு, அப்பதவியில் முன்னாள் அதிபர் ராஜபட்சவை சிறீசேனா கடந்த அக்டோபர் 26-ஆம் தேதி நியமித்தார். அப்போதிலிருந்து, இலங்கை அரசியலில் நாள்தோறும் அதிரடி திருப்பங்கள் ஏற்பட்டு வருகின்றன.
நாடாளுமன்றத்தில் பெரும்பான்மையை நிரூபிக்க இயலாத சூழலில், நாடாளுமன்றத்தைக் கலைத்து விட்டு, ஜனவரி மாதம் 5-ஆம் தேதி தேர்தல் நடத்துவதாக சிறீசேனா அறிவித்தார். எனினும், அவர் நாடாளுமன்றத்தைக் கலைத்தது செல்லாது என்று அறிவித்த இலங்கை உச்சநீதிமன்றம், தேர்தலுக்கான ஏற்பாடுகளையும் முடக்கி வைத்துள்ளது.
ரணில் விக்ரமசிங்கவும், ராஜபட்சவுக்கும் பிரதமர் பதவிக்கு உரிமை கோரி வருகின்றனர். இதனிடையே, ராஜபட்ச பிரதமராக நியமிக்கப்பட்டதற்கு எதிர்ப்பு தெரிவித்து, ரணில் விக்ரமசிங்கவின் ஐக்கிய தேசியக் கட்சி, மக்கள் விடுதலை முன்னணி, தமிழ் தேசிய கூட்டமைப்பு ஆகிய கட்சிகளைச் சேர்ந்த 122 உறுப்பினர்கள் மேல்முறையீட்டு நீதிமன்றத்தில் கடந்த மாதம் வழக்கு தொடுத்தனர்.
அந்த வழக்கை விசாரித்த நீதிமன்றம், ராஜபட்ச பிரதமராகச் செயல்படுவதற்கு இடைக்காலத் தடை விதித்து கடந்த திங்கள்கிழமை உத்தரவிட்டது. இந்த உத்தரவை எதிர்த்து உச்சநீதிமன்றத்தில் ராஜபட்ச செவ்வாய்க்கிழமை மனு தாக்கல் செய்துள்ளார். இந்நிலையில், சிறீசேனா தனது சுட்டுரைப் பக்கத்தில் புதன்கிழமை வெளியிட்ட பதிவில் கூறியிருப்பதாவது:
இலங்கை அரசியலில் தற்போது நிலவி வரும் குழப்பம் 7 நாள்களுக்கு மேல் நீடிக்காது. நாட்டு நலனைக் கருத்தில் கொண்டே எப்போதும் நான் முடிவெடுத்து வருகிறேன். நல்லாட்சிக்கான கொள்கைகளை ரணில் விக்ரமசிங்க அழித்து வந்ததால், வேறு வழியின்றி பதவிநீக்கம் செய்தேன் என்று சிறீசேனா அந்தப் பதிவில் குறிப்பிட்டுள்ளார்.
 

]]>
http://images.dinamani.com/uploads/user/imagelibrary/2018/12/6/w600X390/srisena.jpg http://www.dinamani.com/world/2018/dec/06/இலங்கை-அரசியல்-குழப்பம்-7-நாளில்-முடிவுக்கு-வரும்-3052451.html
3052450 உலகம் கஷோகி படுகொலை: சவூதி இளவரசரின் கூட்டாளிகளை கைது செய்ய துருக்கி அரசு கோரிக்கை DIN DIN Thursday, December 6, 2018 02:40 AM +0530
துருக்கியிலுள்ள சவூதி அரேபிய தூதரகத்தில் செய்தியாளர் கஷோகி கொலை செய்யப்பட்ட சம்பவம் தொடர்பான வழக்கில் சவூதி பட்டத்து இளவரசரின் நெருங்கிய கூட்டாளிகள் இருவருக்கு எதிராக கைது ஆணைகளை பிறப்பிக்கக் கோரி, நீதிமன்றத்தில் துருக்கி அரசு மனு தாக்கல் செய்துள்ளது.
சவூதி அரேபியாவைச் சேர்ந்த செய்தியாளர் ஜமால் கஷோகி, சவூதி அரசின் கொள்கைகளுக்கு எதிராகவும், பட்டத்து இளவரசர் முகமது பின் சல்மானுக்கு எதிராகவும் கருத்துகளைத் தெரிவித்து வந்தார். இதனால் ஏற்பட்ட சர்ச்சைகள் காரணமாக சொந்த நாட்டிலிருந்து தப்பி அமெரிக்காவில் வசித்து வந்தார். அங்கு வெளியாகும் வாஷிங்டன் போஸ்ட் நாளிதழில் அவர் கட்டுரைகள் எழுதி வந்தார்.
இந்தச் சூழலில், துருக்கி நாட்டுப் பெண்ணை திருமணம் செய்ய விரும்பிய அவருக்கு, அந்த நாட்டுச் சட்டப்படி அவரது முன்னாள் மனைவியிடமிருந்து முறைப்படி விவாகரத்து பெற்றதற்கான சான்றுகள் தேவைப்பட்டன. அதனைப் பெறுவதற்காக அவர் துருக்கியின் இஸ்தான்புல் நகரிலுள்ள சவூதி அரேபிய துணைத் தூதரகத்துக்கு கடந்த அக்டோபர் மாதம் சென்றார். ஆனால், அதன் பிறகு அவரைக் காணவில்லை.
தூதரகத்துக்குள்ளேயே அவர் கொலை செய்யப்பட்டுவிட்டதாக துருக்கி குற்றம்சாட்டியது. இந்தக் குற்றச்சாட்டுகளை முதலில் மறுத்த சவூதி அரேபியா, பின்னர் தங்களது தூதரகத்தில் செய்தியாளர் கஷோகி கொல்லப்பட்டதை ஒப்புக் கொண்டது. எனினும், இக்கொலையில் பட்டத்து இளவரசருக்கு தொடர்பில்லை என்று சவூதி அரசு மறுப்பு தெரிவித்தது.
இந்நிலையில், கஷோகியை கொலைக்கு திட்டமிட்டதாக, பட்டத்து இளவரசர் முகமது பின் சல்மானின் நெருங்கிய கூட்டாளிகள் இருவர் மீது துருக்கி குற்றம்சாட்டியுள்ளது. அவரது கூட்டாளிகளான அகமது அல் அஸ்ஸிரி, சௌத் அல் கதானி ஆகிய இருவருக்கும் எதிராக கைது ஆணைகளை பிறப்பிக்க வலியுறுத்தி, துருக்கி நீதிமன்றத்தில் அந்நாட்டு அரசின் தலைமை வழக்குரைஞர் மனு தாக்கல் செய்துள்ளதாக தகவல்கள் வெளியாகியுள்ளன. 

]]>
http://www.dinamani.com/world/2018/dec/06/கஷோகி-படுகொலை-சவூதி-இளவரசரின்-கூட்டாளிகளை-கைது-செய்ய-துருக்கி-அரசு-கோரிக்கை-3052450.html
3052314 உலகம் பாரசீக வளைகுடாவில் எண்ணெய் கப்பல்களை தடுப்போம்: அமெரிக்காவுக்கு ஈரான் எச்சரிக்கை DIN DIN Thursday, December 6, 2018 12:49 AM +0530
ஈரானின் எண்ணெய் ஏற்றுமதியை தடுக்க நினைத்தால், பாரசீக வளைகுடா வழியாக செல்லும் அனைத்து எண்ணெய்க் கப்பல்களையும் தடுப்போம் என்று அமெரிக்காவுக்கு ஈரான் அதிபர் ஹசன் ரெளஹானி எச்சரிக்கை விடுத்துள்ளார்.
கடந்த மாதம் ஈரான் மீது முன்னெப்போதும் இல்லாத அளவுக்கு பொருளாதாரத் தடைகளை அமெரிக்கா விதித்தது. ஏற்கெனவே, ஈரானில் இருந்து கச்சா எண்ணெய் இறக்குமதிக்கு விதிக்கப்பட்ட தடையுடன், 600 ஈரானிய தொழிலதிபர்கள் மற்றும் அந்நாட்டு நிறுவனங்கள் மீதும் அமெரிக்கா தடை விதித்தது. மேலும், ஈரானில் இருந்து எண்ணெய் ஏற்றுமதியே கிடையாது என்ற நிலையை உருவாக்கப்போவதாகவும் அமெரிக்கா கூறியது.
இந்நிலையில் ஈரானிய தொலைக்காட்சிக்கு புதன்கிழமை பேட்டியளித்த அந்நாட்டு அதிபர் ரெளஹானி கூறியதாவது:
ஈரானின் எண்ணெய் ஏற்றுமதியைத் தடுத்து நிறுத்த அமெரிக்காவால் முடியாது. அவ்வாறு அவர்கள் முயற்சித்தால் பாரசீக வளைகுடா வழியாக நடைபெறும் அனைத்து எண்ணெய் ஏற்றுமதியையும் நாங்கள் நிறுத்துவோம். அப்பகுதியில் எந்த எண்ணெய்க் கப்பலையும் அனுமதிக்க மாட்டோம். புலியின் வாலைப் பிடித்து அமெரிக்கா விளையாடக் கூடாது. அது எந்த நேரத்திலும் அவர்களுக்கு ஆபத்தாக முடியும்.
அமெரிக்கா ஏற்கெனவே விதித்துள்ள பொருளாதாரத் தடைகளால் ஈரானில் எவ்வித பெரிய பாதிப்புகளும் ஏற்படவில்லை. எங்கள் நாட்டில் வேலைவாய்ப்பு குறையவில்லை. அமெரிக்காவின் தடைகளால் ஈரான் வெகுவாக பாதிக்கப்படும் என்பதை ஊடகங்கள் மட்டுமே கூறி வருகின்றன என்பதுதான் நாட்டு மக்களின் கருத்து.
நாட்டில் பணவீக்கம் உள்ளிட்ட சில பிரச்னைகள் உள்ளன. அதனைத் தடுக்க அடுத்த பட்ஜெட்டில் புதிய திட்டங்கள் அறிவிக்கப்படும். அத்தியாவசியப் பொருள்கள்களுக்கு மானியம் அளிக்கப்படுகிறது. அரசு ஊழியர்கள் மற்றும் ஓய்வுதியதாரர்களுக்கான சம்பளம் அதிகரிக்கப்பட்டுள்ளது என்றார்.
பாரசீக வளைகுடா என்பது ஈரானுக்கும், அரேபியாவுக்கும் இடையே உள்ள கடல் பரப்பாகும். எண்ணெய் வள நாடுகள் அனைத்தும் பாரசீக வளைகுடா வழியாகத்தான் எண்ணெய்க் கப்பல்களை அனுப்பி வருகின்றன. அப்பகுதியில் தடை ஏற்பட்டால் சர்வதேச அளவில் எண்ணெய் ஏற்றுமதி வெகுவாக பாதிக்கப்படும். அமெரிக்கா உள்ளிட்ட சர்வதேச நாடுகளால் நெருக்கடி ஏற்படும் காலகட்டத்தில் பாரசீக வளைகுடாவில் எண்ணெய் வர்த்தகத்தை தடுப்போம் என்று ஈரான் இதற்கு முன்பும் பலமுறை கூறியுள்ளது. ஆனால், இதுவரை அத்தகைய நடவடிக்கையை மேற்கொண்டதில்லை.
 

]]>
http://images.dinamani.com/uploads/user/imagelibrary/2018/12/6/w600X390/iran-prez.jpg http://www.dinamani.com/world/2018/dec/06/பாரசீக-வளைகுடாவில்-எண்ணெய்-கப்பல்களை-தடுப்போம்-அமெரிக்காவுக்கு-ஈரான்-எச்சரிக்கை-3052314.html
3052313 உலகம் தென்னாப்பிரிக்க குற்ற விசாரணை அமைப்பின் முதல் பெண் தலைவராக இந்தியர் நியமனம் DIN DIN Thursday, December 6, 2018 12:49 AM +0530
தென்னாப்பிரிக்க நாட்டின் தேசிய குற்ற விசாரணை அமைப்பின் முதல் பெண் தலைவராக இந்திய வம்சாவளியைச் சேர்ந்த ஷமிலா படோஹி நியமிக்கப்பட்டுள்ளார்.
இதற்கு முன்னர் தேசிய குற்ற விசாரணை அமைப்பின் தலைவராக இருந்த செளன் ஆபிரஹாம்ஸ், தென்னாப்பிரிக்க முன்னாள் அதிபர் ஜேக்கப் ஜுமாவுக்கு எதிரான ஊழல் குற்றச்சாட்டுகளில் இருந்து அவரைக் காப்பாற்றும் வகையில் விசாரணையை மேற்கொண்டு வருவதாக எதிர்க்கட்சிகள் குற்றம்சாட்டியதை அடுத்து, அவர் அந்த பதவியில் இருந்து நீக்கப்பட்டார். அதையடுத்து 11 மாதங்களாக காலியாக இருந்த அந்த அமைப்பின் இயக்குநர் பதவிக்கு படோஹி நியமிக்கப்பட்டுள்ளார்.
படோஹியின் நியமனம் தொடர்பான அறிக்கையை அந்நாட்டின் அதிபர் சிரில் ராமபோஸா வெளியிட்டார். இவ்வளவு காலமாக தலைமையின்றி இயங்கிய விசாரணை அமைப்பில் இருந்த குறைகள் குறித்து விளக்கிய அவர், அதை மாற்றி சிறப்பாக பணியாற்றுமாறு படோஹிக்கு வாழ்த்து தெரிவித்தார்.
தேசிய குற்ற விசாரணை அமைப்பின் இயக்குநராக நியமிக்கப்பட்டுள்ளது குறித்து படோஹி கூறுகையில், அதிபரும், தென்னாப்பிரிக்க மக்களும் என்மீது நம்பிக்கை வைத்துள்ளார்கள். அதைக் காப்பாற்றும்படி நடந்து கொள்ள வேண்டியது எனது கடமை. முழு அர்ப்பணிப்புடனும், உத்வேகத்துடனும் இந்த பணியில் செயல்படுவேன் என்று கூறினார்.
மாவட்ட நீதிமன்றத்தில் உதவி வழக்குரைஞராக தனது பணியைத் தொடங்கிய படோஹி, 1995 -ஆம் ஆண்டு அப்போதைய அதிபர் நெல்சன் மண்டேலா அமைத்த விசாரணைக் குழுவில் பணியாற்றினார். அதன்பின்னர், சிறப்பு விசாரணைக்குழுவின் பிராந்தியத் தலைவராக பணியாற்றினார். நெதர்லாந்தில் இருக்கும் சர்வதேச நீதிமன்றத்தில் வழக்குரைஞர்களுக்கு சட்ட ஆலோசகராக கடந்த 9 ஆண்டுகளாக படோஹி பணியாற்றி வந்த நிலையில், தற்போது தென்னாப்பிரிக்க நாட்டின் தேசிய குற்ற விசாரணை அமைப்பின் இயக்குநராக நியமிக்கப்பட்டுள்ளார்.
 

]]>
http://images.dinamani.com/uploads/user/imagelibrary/2018/12/6/w600X390/batohi-sa-world.jpg http://www.dinamani.com/world/2018/dec/06/தென்னாப்பிரிக்க-குற்ற-விசாரணை-அமைப்பின்-முதல்-பெண்-தலைவராக-இந்தியர்-நியமனம்-3052313.html
3052312 உலகம் ஆஸ்திரேலியா அருகே நிலநடுக்கம்: சுனாமி எச்சரிக்கை DIN DIN Thursday, December 6, 2018 12:48 AM +0530
ஆஸ்திரேலியா அருகே உள்ள பசிபிக் தீவுகளில் ஒன்றான நியூகலிடோனியாவில் சக்திவாய்ந்த நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 7. 5-ஆக பதிவாகியது. அதையடுத்து அந்த பகுதியில் சுனாமி எச்சரிக்கை விடுக்கப்பட்டது. 
முன்னதாக, ஹவாயில் உள்ள சுனாமி எச்சரிக்கை மையம் நியூகலிடோனியாவின் சில பகுதிகளில் நிலநடுக்கம் ஏற்படும் என்று தெரிவித்திருந்தது. அதையடுத்து சுனாமி எச்சரிக்கையும் விடுத்தது.
அதையடுத்து நியூகலிடோனியாவின் லாயல்டி தீவில் இருந்த மக்கள் பாதுகாப்பான பகுதிக்கு செல்லுமாறு அறிவுறுத்தப்பட்டனர். நிலநடுக்கம் ஏற்பட்டு 3 மணி நேரத்துக்கு பின்பு சுனாமி அலைகளின் தீவிரம் குறைந்ததாக சுனாமி எச்சரிக்கை மையம் தெரிவித்தது.
இதுதொடர்பாக அந்நாட்டு பாதுகாப்பு துறை செய்தித் தொடர்பாளர் கூறியதாவது: லாயல்டி தீவுக்கு தென்கிழக்கே 170 கி.மீ தொலைவில் இந்த நிலநடுக்கம் ஏற்பட்டது. கடலுக்கடியில் 10 கி.மீ ஆழத்தில் உருவான இந்த நிலநடுக்கம் ரிக்டர் அளவுகோலில் 7.5 அலகுகளாக பதிவானது. இந்த நிலநடுக்கத்தால் லாயல்டி தீவில் உள்ள கட்டடங்கள் பயங்கரமாக குலுங்கியதாக உள்ளூர் மக்கள் தெரிவித்தனர். சக்திவாய்ந்த நிலநடுக்கத்தால் சுனாமி எச்சரிக்கை விடுக்கப்பட்டது. எனினும் சுனாமியால் கட்டட சேதமோ, உயிரிழப்போ இல்லை என்று அவர் தெரிவித்தார். 
லாயல்டி தீவின் தான்னா பகுதியில் சுனாமி எச்சரிக்கையும், நிலநடுக்கம் குறித்த எச்சரிக்கையும் விடப்படவில்லை. அதனால் அந்த பகுதியில் அதிக சேதம் ஏற்படும் என்று எதிர்பார்க்கப்பட்டது. எனினும் அந்த பகுதி மக்களுக்கு நிலநடுக்கத்தின்போது எவ்வாறு நடந்து கொள்ள வேண்டும் என்று தெரிந்திருந்ததால், அனைவரும் பாதுகாப்பான பகுதியில் தஞ்சமடைந்தனர். அதனால் ஏற்படவிருந்த சேதம் தவிர்க்கப்பட்டது என்று அதிகாரிகள் தெரிவித்தனர்.
பிரெஞ்சு ஆதிக்கத்தின் கீழ் இருக்கும் தீவுகளில் ஒன்றான நியூகலிடோனியா, சுதந்திரமாகச் செயல்பட கடந்த மாதம் பொது வாக்கெடுப்பு எடுக்கப்பட்டது. அதில் பிரெஞ்சு ஆதிக்கத்தின் கீழ் இருக்கவே பெரும்பான்மையான வாக்குகள் பதிவாகியிருந்தது குறிப்பிடத்தக்கது.

]]>
http://www.dinamani.com/world/2018/dec/06/ஆஸ்திரேலியா-அருகே-நிலநடுக்கம்-சுனாமி-எச்சரிக்கை-3052312.html
3052311 உலகம் புகையிலைப் பொருள்களுக்கு 10% கூடுதல் பாவ வரி: பாகிஸ்தான் அரசு முடிவு DIN DIN Thursday, December 6, 2018 12:48 AM +0530
சிகரெட் உள்ளிட்ட புகையிலைப் பொருள்கள் மீது விதிக்கப்படும் பாவ வரியை 10 சதவீதம் அதிகமாக விதிக்க பாகிஸ்தான் அரசு முடிவு செய்துள்ளது.
கூடுதலாக வசூலிக்கப்படும் இந்த வரித் தொகை சுகாதாரத்துக்கான நிதி ஒதுக்கீட்டில் சேர்க்கப்படும் என்று அந்நாட்டு தேசிய சுகாதார சேவைகள் துறை அமைச்சர் மெஹ்மூத் கியானி கூறியுள்ளார்.
புகையிலைப் பொருள்களைப் பயன்படுத்துவதால் ஏற்படும் உயிரிழப்புகளும், நோய்களும் சர்வதேச அளவில் தொடர்ந்து அதிகரித்து வருகின்றன. எனவே, அனைத்து நாடுகளுமே புகையிலைப் பொருள்கள் மீது அதிகபட்ச வரி விதித்து வருகின்றன. சமுதாயத்துக்கும், தனி மனிதர்களுக்கும் கேடு விளைவிக்கும் மது, புகையிலை, குளிர்பானங்கள், துரித உணவுகள் உள்ளிட்டவைகள் மீது பாவ வரி என்ற பெயரில் பல நாடுகளில் கூடுதல் வரி விதிக்கப்பட்டு வருகிறது. பாகிஸ்தானில் ஏற்கெனவே அந்த வரி அமலில் உள்ள நிலையில் அதனை 10 சதவீதம் உயர்த்த இருப்பதாக தெரிவிக்கப்பட்டுள்ளது.
இது தொடர்பாக அரசு சார்பில் கூறப்பட்டுள்ளதாவது:
பாகிஸ்தானில் ஆண்டுதோறும் 1 லட்சத்து 8 ஆயிரத்து 800 பேர் புகையிலைப் பொருள்களைப் பயன்படுத்துவதால் உயிரிழக்கின்றனர். சராசரியாக ஒரு நாளில் 298 பேரின் உயிரிழப்புக்கு புகையிலைப் பொருள்கள் காரணமாக உள்ளன. மேலும் நாட்டில் நாள்தோறும் புதிதாக 1,500 இளைஞர்கள் புகையிலைப் பழக்கத்துக்கு அடிமையாகிறார்கள் என்று புள்ளி விவரங்கள் தெரிவிக்கின்றன. 
பல்வேறு நாடுகள் இப்போது புகையிலைப் பொருள்கள் மீது விதிக்கப்படும் பாவத்துக்கான வரி வேகமாக அதிகரிக்கப்படுகிறது. அந்த வகையில் பாகிஸ்தானிலும் சிகரெட் மீது விதிக்கப்படும் பாவ வரி 10 சதவீதம் அதிகரிக்கப்படுகிறது. 
இதன் மூலம் கிடைக்கும் கூடுதல் வருவாய் சுகாதாரத் துறையில் செலவிடப்படும் என்று கூறப்பட்டுள்ளது.
 

]]>
http://www.dinamani.com/world/2018/dec/06/புகையிலைப்-பொருள்களுக்கு-10-கூடுதல்-பாவ-வரி-பாகிஸ்தான்-அரசு-முடிவு-3052311.html
3051755 உலகம் ஹிட்லர் போல் செயல்படுகிறார் சிறீசேனா: ரணில் சாடல் DIN DIN Wednesday, December 5, 2018 02:42 AM +0530
இலங்கை அதிபர் சிறீசேனா ஹிட்லர் போல் செயல்படுவதாக பிரதமர் பதவியிலிருந்து நீக்கப்பட்ட ரணில் விக்ரமசிங்க சாடினார்.
இலங்கை தலைநகர் கொழும்பில் உள்ள பிரதமரின் அதிகாரப்பூர்வ இல்லத்தில் இருந்து செய்தியாளர்களிடம் அவர் செவ்வாய்க்கிழமை கூறியதாவது:
இலங்கையில் தேர்தல் நடைபெறவுள்ளதை நினைத்து நாங்கள் கவலை கொள்ளவில்லை. தேர்தலைச் சந்திக்க தயாராகி வருகிறோம்.
சர்வாதிகாரி ஹிட்லரைப் போல் பொது வாக்கெடுப்பு நடத்த சிறீசேனா முயற்சி செய்யக் கூடாது. அதைதான் நாங்கள் எதிர்க்கிறோம்.
நாடாளுமன்றத் தேர்தலைப் பொருத்தவரை இரண்டு விஷயங்களை மட்டுமே நாங்கள் கவனத்தில் எடுத்துக் கொள்கிறோம்.
முதலாவது, இலங்கையில் சட்டப்பூர்வ அரசு அமைய வேண்டும். அதை எனது ஐக்கிய தேசிய கட்சி செய்துவிடும். இரண்டாவதாக, தேர்தல் நடைபெறும் தேதியில் அனைத்துக் கட்சிகளும் ஒருமித்த கருத்துடன் ஒன்றிணைய வேண்டும். அனைத்துத் தரப்பினரும் முன்கூட்டியே தேர்தல் நடத்தப்பட வேண்டும் என்று விரும்பினால், ஐக்கிய தேசிய கட்சி அதனை எதிர்க்காது என்றார் ரணில் விக்ரமசிங்க.
இலங்கையில் கடந்த அக்டோபர் 26ஆம் தேதி ரணில் விக்ரமசிங்கவை பிரதமர் பதவியிலிருந்து நீக்கிவிட்டு, முன்னாள் அதிபர் ராஜபட்சவை பிரதமராக சிறீசேனா நியமித்தார்.
எனினும், ராஜபட்ச பிரதமராக தனது பணிகளை செய்வதற்கு உச்சநீதிமன்றம் தடை விதித்துள்ளது.

]]>
http://images.dinamani.com/uploads/user/imagelibrary/2018/12/5/w600X390/ranil.jpg http://www.dinamani.com/world/2018/dec/05/ஹிட்லர்-போல்-செயல்படுகிறார்-சிறீசேனா-ரணில்-சாடல்-3051755.html
3051718 உலகம் ஜேம்ஸ் மேட்டிஸுடன் நிர்மலா சீதாராமன் சந்திப்பு: பாதுகாப்பு ஒத்துழைப்பை அதிகரிக்க உடன்பாடு DIN DIN Wednesday, December 5, 2018 01:43 AM +0530
பாதுகாப்புத் துறை அமைச்சர் நிர்மலா சீதாராமன், அமெரிக்க பாதுகாப்புத் துறை அமைச்சர் ஜேம்ஸ் மேட்டிஸை திங்கள்கிழமை சந்தித்துப் பேசினார். 
அப்போது, இரு நாடுகளுக்கிடையே நிலவி வரும் பாதுகாப்பு ஒத்துழைப்பை மேலும் அதிகரிக்க இருவரும் ஒப்புக்கொண்டனர்.
நிர்மலா சீதாராமன் 5 நாள் சுற்றுப்பயணமாக அமெரிக்கா சென்றுள்ளார். அமெரிக்க பாதுகாப்பு தலைமையகமான பென்டகனுக்குச் சென்ற அவரை ஜேம்ஸ் மேட்டிஸ் வரவேற்றார். பின்னர் இரு நாடுகளுக்கிடையே நிலவி வரும் ஒத்துழைப்பு குறித்து இருவரும் பேச்சுவார்த்தை நடத்தினர். இந்தச் சந்திப்பு குறித்து, மேட்டிஸ் செய்தியாளர்களிடம் கூறியதாவது:
இந்திய-பசிபிக் பிராந்தியத்திலும், உலக அளவிலும் இந்தியா வலிமையான நாடாக விளங்கி வருகிறது. முன்பு இரு நாடுகளுக்கிடையே நிலவி வந்த தயக்கத்தைப் போக்கி, தற்போது நீடித்த நட்புறவை இரு நாடுகளும் பாராட்டி வருகின்றன. 
இரு நாடுகளின் பாதுகாப்பு விவகாரங்களில் தனித்துவமான கொள்கைகள் மேற்கொள்வதிலும், ஒத்துழைப்பு மேற்கொள்வதிலும் எந்தவித முரண்பாடும் ஏற்படவில்லை.
இந்திய-அமெரிக்க ராணுவ ஒத்துழைப்பு என்பது எளிதில் முறிந்துவிடக்கூடியதும், வெறும் வார்த்தைகளால் கட்டமைக்கப்பட்டதும் அல்ல; இரு நாடுகளின் சுதந்திரத்தையும், அமைதியையும், வீரர்களின் தியாகங்களையும் அடிப்படையாகக் கொண்டது. அது உலகின் பழைமையான மக்களாட்சி நாட்டுக்கும், மிகப்பெரிய மக்களாட்சி நாட்டுக்கும் இடையே இயற்கையாக அமைந்த ஒத்துழைப்பு.
கடந்த செப்டம்பர் மாதம் முதல்முறையாக நடைபெற்ற இரு நாடுகளின் பாதுகாப்பு மற்றும் வெளியுறவுத் துறை அமைச்சர்களுக்கிடையேயான பேச்சுவார்த்தை(2+2), இரு நாடுகளுக்கிடையே நிலவி வந்த பாதுகாப்பு ஒத்துழைப்பை அடுத்தகட்டத்துக்குக் கொண்டு செல்ல உதவியது. மேலும் அந்தப் பேச்சுவார்த்தை, பாதுகாப்பான, சுதந்திரமான இந்திய-பசிபிக் பிராந்தியம் அமைவதற்கும், நாடுகளின் இறையாண்மையைக் காக்கவும், பிராந்திய நாடுகளின் ஒருமைப்பாட்டைக் காக்கவும் இரு நாடுகளிடையே நிலவும் ஒன்றுபட்ட கருத்தை எதிரொலிக்க உதவியது. 
அப்பேச்சுவார்த்தையின் கொள்கைகளைக் கடைப்பிடித்து, பிராந்தியம் மற்றும் உலக அளவில் அமைதியை ஊக்குவிக்கும் வலிமையான நாடாக இந்தியா விளங்கி வருகிறது. 
அந்தப் பேச்சுவார்த்தையின் முடிவில் கையெழுத்தான, பாதுகாப்புத் துறைக்கான தொழில்நுட்பங்களை இந்தியாவுக்கு வழங்குவதற்கான ஒப்பந்தத்தைச் செயல்படுத்துவது குறித்து விரிவாக விவாதிக்கப்பட்டது. ரஷியாவிடமிருந்து எஸ்-400 போர் விமானங்களை இந்தியா வாங்குவது தொடர்பான அனைத்து விவகாரங்களுக்கும் விரைவில் தீர்வு எட்டப்படும் என்று அவர் தெரிவித்தார்.
இணைந்து பணியாற்ற ஆர்வம்: இந்தச் சந்திப்பு குறித்து, நிர்மலா சீதாராமன் கூறியதாவது:
கடந்த செப்டம்பரில் நடைபெற்ற 2+2 பேச்சுவார்த்தையும், கடந்த அக்டோபர் மாதம் சிங்கப்பூரில் நடைபெற்ற பேச்சுவார்த்தையும் மிகுந்த பயனுள்ளதாக இருந்தன. இரு நாடுகளுக்கிடையேயான பரஸ்பர நம்பிக்கையும், ஒத்துழைப்பும் தொடர்ந்து மேம்பட்டு வருகிறது. 
இந்தியாவின் முக்கிய பாதுகாப்பு கூட்டாளியாக அமெரிக்கா விளங்கி வருகிறது. இரு நாட்டு ராணுவங்களுக்கு இடையேயான ஒத்துழைப்பை அதிகரிக்க, பல ஆண்டுகளாக வலிமையான அடித்தளம் அமைக்கப்பட்டு வருகிறது.
ராணுவ ஒத்துழைப்பு, பாதுகாப்பு ஆலோசனைகள், தொழில்நுட்பங்கள் பகிர்வு, தொழில்துறை ஒத்துழைப்பு, இணைந்து பணியாற்றுதல் ஆகியவற்றை இரு நாடுகளும் பரஸ்பர புரிதலுடன் மேம்படுத்தி வருகின்றன. பிராந்திய மற்றும் உலக அளவிலான விவகாரங்களில் இரு நாடுகளும் இணைந்து பணியாற்ற ஆவலாக உள்ளோம் என்று அவர் தெரிவித்தார். 
இந்த ஆண்டில், நான்காவது முறையாக நிர்மலா சீதாராமனும் ஜேம்ஸ் மேட்டிஸும் சந்தித்துப் பேசியுள்ளது குறிப்பிடத்தக்கது.

]]>
http://images.dinamani.com/uploads/user/imagelibrary/2018/7/14/w600X390/nirmala.jpg http://www.dinamani.com/world/2018/dec/05/ஜேம்ஸ்-மேட்டிஸுடன்-நிர்மலா-சீதாராமன்-சந்திப்பு-பாதுகாப்பு-ஒத்துழைப்பை-அதிகரிக்க-உடன்பாடு-3051718.html
3051717 உலகம் பிரதமராகத் தொடர தடை: ராஜபட்ச மேல்முறையீடு DIN DIN Wednesday, December 5, 2018 01:41 AM +0530
இலங்கையின் பிரதமராக செயல்பட அந்நாட்டின் மேல்முறையீட்டு நீதிமன்றம் விதித்த இடைக்காலத் தடைக்கு எதிராக மகிந்த ராஜபட்ச உச்சநீதிமன்றத்தில் செவ்வாய்க்கிழமை மேல்முறையீட்டு மனுவைத் தாக்கல் செய்தார்.
இலங்கையில் பிரதமர் பதவியில் இருந்து ரணில் விக்ரமசிங்கவை நீக்கிவிட்டு, அப்பதவியில் ராஜபட்சவை நியமித்து அதிபர் மைத்ரிபால சிறீசேனா கடந்த அக்டோபர் 26-ஆம் தேதி மேற்கொண்ட நடவடிக்கைக்கு எதிராக, ரணில் விக்ரமசிங்கவின் ஐக்கிய தேசிய கட்சி, ஜனதா விமுக்தி பெரமுனா, தமிழ் தேசிய கூட்டமைப்பு ஆகியவற்றைச் சேர்ந்த 122 நாடாளுமன்ற உறுப்பினர்கள் சார்பில், நாட்டின் மேல்முறையீட்டு நீதிமன்றத்தில் வழக்கு தொடரப்பட்டது.
இந்த வழக்கை திங்கள்கிழமை விசாரித்த மேல்முறையீட்டு நீதிமன்றம், ராஜபட்ச பிரதமராக செயல்படவும், அமைச்சர்களும், துணை அமைச்சர்களும் தங்களது துறைகளில் தொடர்ந்து பணியாற்றவும் இடைக்காலத் தடை விதித்து உத்தரவிட்டது. 
இந்த உத்தரவை எதிர்த்து, அந்நாட்டின் உச்சநீதிமன்றத்தில் ராஜபட்ச செவ்வாய்க்கிழமை மனுவைத் தாக்கல் செய்தார். இது குறித்து திங்கள்கிழமை கருத்து தெரிவித்த ராஜபட்ச, இந்த விவகாரத்தில் முடிவெடுக்க உச்சநீதிமன்றத்துக்கே உரிமை உள்ளது என்றும், முறையீட்டு நீதிமன்றத்தின் இடைக்காலத் தடையை ஏற்றுக்கொள்ள மாட்டோம் என்றும் தெரிவித்திருந்தார். 
122 உறுப்பினர்கள் சார்பில் தாக்கல் செய்யப்பட்ட மனுவின் அடுத்தகட்ட விசாரணை வரும் 12, 13 ஆகிய தேதிகளில் நடைபெறும் என்று மேல்முறையீட்டு நீதிமன்றம் தெரிவித்துள்ள நிலையில், இடைக்காலத் தடையை எதிர்த்து ராஜபட்ச உச்சநீதிமன்றத்தில் மேல்முறையீடு செய்துள்ளது குறிப்பிடத்தக்கது. 
இந்நிலையில், செவ்வாய்க்கிழமை நடைபெற்ற கட்சி நிர்வாகிகள் கூட்டத்தில் அதிபர் சிறீசேனா கூறுகையில், நீதிமன்றத்தின் உத்தரவுகளை நான் என்றும் ஏற்றுக்கொள்வேன். ஆனால், நாட்டின் அரசியல் நிலை குறித்து நீதிமன்றங்கள் அண்மையில் பிறப்பித்த உத்தரவுகளை மக்கள் விமர்சித்து வருகின்றனர் என்றார். 
பின்னணி: ரணிலை பிரதமர் பதவியிலிருந்து நீக்கி, அப்பதவிக்கு ராஜபட்சவை நியமித்த அதிபர் சிறீசேனாவின் முடிவு பல்வேறு சர்ச்சைகளை ஏற்படுத்தியது. 
ரணிலும் தான் பிரதமராகவே நீடிப்பதாக அறிவித்தார். நாடாளுமன்றத் தலைவர் கரு ஜெயசூர்யாவும் அரசியலமைப்புச் சட்டப்படி ரணிலே பிரதமர் என்று அறிவித்தார். இதனிடையே நாடாளுமன்றத்தை முடக்கிய சிறீசேனா, ஜனவரி மாதம் தேர்தல் நடத்தப்படும் என்றும் அறிவித்தார். சிறீசேனாவின் இந்த முடிவுக்கு உச்சநீதிமன்றம் இடைக்காலத் தடை விதித்த நிலையில், கரு ஜெயசூர்யா நாடாளுமன்றத்தைக் கூட்டினார். 
இதனையடுத்து, நாடாளுமன்றத்தில் பெரும்பான்மையை நிரூபிக்க முடியாத சிறீசேனா-ராஜபட்ச கூட்டணி தொடர் பின்னடைவுகளைச் சந்தித்து வருகிறது. நாடாளுமன்றத்தை வழிநடத்த அமைக்கப்பட்ட சிறப்புக்குழுவிலும், ரணில் தரப்பே பெரும்பான்மை பெற்றது. இதன் பின்னர், ரணிலை பிரதமர் பதவியில் மீண்டும் நியமிக்க முடியாது என்று சிறீசேனா வெளிப்படையாக அறிவித்தது பெரும் பரபரப்பை ஏற்படுத்தியது.
ஐக்கிய தேசிய கட்சியும், ரணிலுக்கே நாடாளுமன்றத்தில் பெரும்பான்மை இருப்பதாகவும், அவரைப் பிரதமராக நியமிப்பதைத் தவிர சிறீசேனாவுக்கு வேறு வழியில்லை என்றும் தெரிவித்திருந்தது.
 

]]>
http://www.dinamani.com/world/2018/dec/05/பிரதமராகத்-தொடர-தடை-ராஜபட்ச-மேல்முறையீடு-3051717.html
3051680 உலகம் மஞ்சள் அங்கி போராட்டம் எதிரொலி: பெட்ரோல் வரி உயர்வை நிறுத்திவைக்க பிரான்ஸ் அரசு முடிவு DIN DIN Wednesday, December 5, 2018 01:13 AM +0530
பிரான்ஸில் பெட்ரோல், டீசல் மீதான வரிகளை உயர்த்துவதற்கு எதிராக நடைபெற்ற தீவிர போராட்டங்களையடுத்து, அந்தத் திட்டத்தை தற்காலிகமாக நிறுத்திவைப்பதாக அந்த நாட்டு அரசு அறிவித்துள்ளது.
இதுகுறித்து பிரான்ஸ் பிரதமர் எடோவார்ட் பிலிப் செவ்வாய்க்கிழமை கூறியதாவது: மஞ்சள் அங்கி போராட்டக்காரர்களின் கோரிக்கையை ஏற்று, பெட்ரோல் மற்றும் டீசலுக்கு வரிகளை உயர்த்தும் திட்டத்தை அரசு நிறுத்தி வைக்கிறது. 
அந்த எரிபொருள்களுக்கான வரி, இன்னும் 6 மாதங்களுக்கு அதிகரிக்கப்படாது. மேலும், எரிபொருள் மற்றும் மின்சாரத்துக்கு ஏற்கெனவே அறிவிக்கப்பட்டிருந்த விலையுயர்வு, ஜனவரி 1-ஆம் தேதி வரை ஒத்திவைக்கப்படுகிறது.
வரி விதிப்புக்கு கொடுக்கப்படும் முக்கியத்துவம், நாட்டு மக்களிடையே பிரிவினையை ஏற்படுத்தி, நாடு அபாய நிலைக்குக் கொண்டு செல்லப்படுவதை நாங்கள் விரும்பவில்லை.
போராட்டக்காரர்கள் தங்கள் போராட்டத்தைக் கைவிட்டு அமைதி காக்க வேண்டும் என்று அவர் கேட்டுக்கொண்டார்.
காற்று மாசைக் குறைத்து, பருவ நிலை மாற்றத்தைக் கட்டுப்படுத்தும் நோக்கில், பெட்ரோல் மற்றும் டீசல்களுக்கான வரியை மேக்ரான் அரசு அதிகரித்து வருகிறது. இந்த ஆண்டு மட்டும் பெட்ரோலின் விலை 23 சதவீதம் அதிகரித்து, ஒரு லிட்டர் விலை 1.51 யூரோவாக (சுமார் ரூ.121) ஆகியுள்ளது.
இதற்கு எதிர்ப்பு தெரிவித்து, அந்த நாட்டில் கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது. எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், மஞ்சள் அங்கி போராட்டம் என்றழைக்கப்படுகிறது.
வாரம் தோறும் சனி மற்றும் ஞாயிற்றுக்கிழமைகளில் நடைபெற்ற வந்த இந்தப் போராட்டம், மூன்றாவது வாரமாக கடந்த 1 மற்றும் 2-ஆம் தேதிகளில் மிகவும் தீவிரமடைந்தது. அப்போது நடைபெற்ற போராட்டங்களின்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன.
இதில், 23 பாதுகாப்புப் படையினர் உள்பட 133 பேர் காயமடைந்தனர். இந்தப் போராட்ட வன்முறை தொடர்பாக இதுவரை 412 பேர் கைது செய்யப்பட்டுள்ளதாக தகவல்கள் தெரிவிக்கின்றன.
இதையடுத்து, எந்தக் காரணத்துக்காகவும் வன்முறையில் ஈடுபடுவதை ஒருபோதும் ஏற்க முடியாது என்று பிரான்ஸ் அதிபர் இமானுவல் மேக்ரான் எச்சரிக்கை விடுத்தார்.
மேலும், வன்முறையைக் கட்டுப்படுத்துவதற்காக அவசர நிலையை அறிவிப்பது குறித்து பரிசீலித்து வருவதாக உள்துறை அமைச்சர் கிறிஸ்டோஃப் கேஸ்டனெர் கூறியிருந்தார். எனினும், அவசர நிலை அறிவிக்கும் திட்டமில்லை என்று உள்துறை இணையமைச்சர் லாரென்ட் நியூனெஸ் திங்கள்கிழமை தெரிவித்தார்.
இந்த நிலையில், வரி உயர்வுத் திட்டத்தை நிறுத்திவைப்பதாக பிரான்ஸ் அரசு தற்போது அறிவித்துள்ளது.


 

]]>
http://images.dinamani.com/uploads/user/imagelibrary/2018/12/5/w600X390/france.jpg பெட்ரோல், டீசல் வரி உயர்வுக்கு எதிர்ப்பு தெரிவித்து, பிரான்ஸ் தலைநகர் பாரீஸிலுள்ள புகழ்பெற்ற பிரெஞ்சுப் புரட்சியாளர்கள் நினைவகம் அருகே போராட்டத்தில் ஈடுபட்ட தன்னார்வலர்கள். http://www.dinamani.com/world/2018/dec/05/மஞ்சள்-அங்கி-போராட்டம்-எதிரொலி-பெட்ரோல்-வரி-உயர்வை-நிறுத்திவைக்க-பிரான்ஸ்-அரசு-முடிவு-3051680.html
3051679 உலகம் ஆஸோவ் கடல் பகுதியில் தடையை தளர்த்தியது ரஷியா DIN DIN Wednesday, December 5, 2018 01:12 AM +0530
ஆஸோவ் கடல் பகுதியில் தங்களது கப்ப்பல்களுக்கு விதித்திருந்த தடையை ரஷியா தளர்த்தியுள்ளதாக உக்ரைன் தெரிவித்துள்ளது.
இதையடுத்து, உக்ரைன் போர்க் கப்பல்களை ரஷியா சிறைப்பிடித்து, அந்த நாட்டு வீரர்களைக் கைது செய்துள்ளதால் இரு நாடுகளுக்கும் இடையே ஏற்பட்டுள்ள போர்ப் பதற்றம் சற்று தணியும் என்று எதிர்பார்க்கப்படுகிறது.
இதுகுறித்து உக்ரைன் உள்கட்டமைப்புத் துறை அமைச்சர் வோலோடிமீர் ஓமல்யான் கூறியதாவது:
ஆஸோவ் கடல் வழியாக எங்களது பெர்டியான்ஸ்க் மற்றும் மாரிபோல் துறைமுகங்களுக்கு உக்ரைன் கப்பல்கள் செல்வதற்கு ரஷியா அனுமதி அளித்துள்ளது.
கெர்ச் ஜலசந்தி வழியாக எங்களது கப்பல்கள் துறைமுகங்களுக்கு சென்று வந்து கொண்டிருக்கின்றன. அந்தப் பகுதியில் போக்குவரத்து ஓரளவுக்கு மீண்டும் தொடங்கியுள்ளது.
எனினும், எங்களது 17 கப்பல்களுக்கு இன்னும் அனுமதி அளிக்கப்படவில்லை.
இன்னும் சில நாள்களில், எங்களது துறைமுகங்களுக்குச் செல்லும் வழியில் ஏற்படுத்தியுள்ள தடையை ரஷியா முழுமையாக விலக்கிக் கொள்ளும் என்று நம்புகிறோம் என்றார் அவர்.
கடந்த 2013-ஆம் ஆண்டில், உக்ரைன் அதிபராக விக்டர் யானுகோவிச் பொறுப்பு வகித்து வந்தார். ரஷிய ஆதரவாளராக அறியப்படும் அவரது ஆட்சிக்கு எதிராக ஐரோப்பிய யூனியன் ஆதரவு பெற்ற எதிர்க்கட்சியினர் மாபெரும் போராட்டத்தில் ஈடுபட்டனர். இதன் காரணமாக பெரும் அரசியல் குழப்பம் ஏற்பட்டு உக்ரைன் அரசு ஸ்தம்பித்தது.
இந்தச் சூழலில், உக்ரைனின் அங்கமாக இருந்த கிரைமீயாவுக்கு கடந்த 2014-இல் படைகளை அனுப்பிய ரஷியா, அந்த தீபகற்பத்தை தன்னுடன் இணைத்துக் கொண்டது. அதையடுத்து, புதிய அதிபர் பெட்ரோ பொரொஷென்கோவின் அரசுக்கு எதிராக, கிழக்கு மற்றும் தெற்குப் பகுதியைச் சேர்ந்த கிளர்ச்சியாளர்கள் போரில் ஈடுபட்டனர்.
ரஷிய ராணுவ உதவியுடன் சண்டையிட்ட அவர்கள், கிழக்கு உக்ரைனின் டொனட்ஸ்க், லூஹான்ஸ்க் உள்ளிட்ட கணிசமான பகுதிகளைக் கைப்பற்றினர்.
இதனால், ரஷியாவுக்கும், உக்ரைனுக்கும் இடையே பதற்றம் நிலவி வந்தது. இந்த நிலையில், கிரைமீயா அருகே கடந்த வாரம் வந்துகொண்டிருந்த உக்ரைன் போர்க் கப்பல்கள் மீது ரஷிய கடலோரக் காவல் படை தாக்குதல் நடத்தி, அவற்றை 
சிறைப்பிடித்தது. மேலும், அந்தக் கப்பல்களில் இருந்த 24 வீரர்கள் கைது செய்யப்பட்டனர். அந்தப் பிராந்தியத்தில் இதுவரை நடந்திராத இந்தச் சம்பவத்தால், ரஷியாவுக்கும், உக்ரைனுக்கும் இடையே போர்ப் பதற்றம் ஏற்பட்டது.
இந்தச் சம்பவத்துக்குப் பிறகு, ஆஸோவ் கடல் பகுதி வழியாக தங்களது துறைமுகங்களுக்கு தங்கள் கப்பல்கள் செல்ல ரஷிய தடை விதித்துள்ளதாக உக்ரைன் குற்றம் சாட்டியிருந்தது.
இந்த நிலையில், இந்தத் தடை பகுதி அளவில் விலக்கிக் கொள்ளப்பட்டதாக உக்ரைன் தற்போது தெரிவித்துள்ளது.


 

]]>
http://images.dinamani.com/uploads/user/imagelibrary/2018/12/5/w600X390/rus.jpg ரஷியாவால் சிறைப்பிடிக்கப்பட்டு, கிரைமீயா துறைமுகத்தில் நிறுத்திவைக்கப்பட்டுள்ள உக்ரைன் போர்க் கப்பல்கள். http://www.dinamani.com/world/2018/dec/05/ஆஸோவ்-கடல்-பகுதியில்-தடையை-தளர்த்தியது-ரஷியா-3051679.html
3051678 உலகம் 2016 ஆட்சிக் கவிழ்ப்பு விவகாரம்: துருக்கியில் 137 பேர் கைது DIN DIN Wednesday, December 5, 2018 01:11 AM +0530
துருக்கியில் கடந்த 2016-ஆம் ஆண்டு நடைபெற்ற ஆட்சிக் கவிழ்ப்பு முயற்சி தொடர்பாக, 137 பேரை அந்த நாட்டு அதிகாரிகள் செவ்வாய்க்கிழமை கைது செய்தனர்.
இதுகுறித்து அந்த நாட்டின் அனடோலு செய்தி நிறுவனம் தெரிவித்துள்ளதாவது:
கடந்த 2016-ஆம் ஆண்டின் ஆட்சிக் கவிழ்ப்பு முயற்சிக்குக் காரணமான மதகுரு ஃபெதுல்லா குலென் இயக்கத்தைச் சேர்ந்தவர்கள் என்று சந்தேகிக்கப்படும் 267 பேருக்கு எதிராக கைது உத்தரவு பிறப்பிக்கப்பட்டுள்ளது.
அதையடுத்து, நாடெங்கிலும் 24 மாகாணங்களில் அதிகாரிகள் தேடுதல் வேட்டை நடத்தினர். இதில், செவ்வாய்க்கிழமை காலை வரை 137 பேர் கைது செய்யப்பட்டனர் என்று அந்தச் செய்தி நிறுவனம் தெரிவித்தது.
துருக்கியில், ராணுவம் மற்றும் காவல்துறையின் ஒரு பிரிவினர் அதிபர் எர்டோகன் தலைமையிலான அரசைக் கவிழ்க்கும் முயற்சியில் கடந்த 2016-ஆம் ஆண்டு ஈடுபட்டனர்.
எனினும், அந்த முயற்சியை அரசுப் படைகள் வெற்றிகரமாக முறியடித்தன. இந்த சம்பவத்தில் சுமார் 250 பேர் உயிரிழந்தனர்.
இந்த ஆட்சிக் கவிழ்ப்பு முயற்சியை அமெரிக்காவில் அடைக்கலம் புகுந்துள்ள மதத் தலைவர் ஃபெதுல்லா குலென் தூண்டி விட்டதாக துருக்கி குற்றம் சாட்டி வருகிறது. எனினும், அமெரிக்காவும், குலெனும் அந்தக் குற்றச்சாட்டை மறுத்து வருகின்றனர்.
 

]]>
http://images.dinamani.com/uploads/user/imagelibrary/2018/12/5/w600X390/turkey.jpg http://www.dinamani.com/world/2018/dec/05/2016-ஆட்சிக்-கவிழ்ப்பு-விவகாரம்-துருக்கியில்-137-பேர்-கைது-3051678.html
3051677 உலகம் பருவநிலை மாற்றத்தால் சீரற்று உயரும் கடல் நீர்மட்டம் DIN DIN Wednesday, December 5, 2018 01:11 AM +0530
கடந்த 25 ஆண்டுகளில் கடல் நீர்மட்டம் சீரற்ற முறையில் அதிகரித்து வருவதற்கு இயற்கை மாற்றங்கள் மட்டுமன்றி, மனிதனால் உருவாக்கப்பட்ட பருவநிலை மாற்றமும் காரணம் என்று ஓர் ஆய்வில் தெரிய வந்துள்ளது.
இதுகுறித்து அமெரிக்காவைச் சேர்ந்த தேசிய சுற்றுச்சூழல் ஆய்வு மையத்தைச் சேர்ந்த ஆய்வாளர் 
ஜான் ஃபஸுல்லோ கூறியதாவது: உலகின் பல்வேறு பகுதிகளில் கடல் நீர் மட்டம் சீரற்ற முறையில் உயர்ந்து வருகிறது. இதற்கு பூமியில் இயற்கையாக நடைபெறும் மாற்றங்கள் மட்டும் காரணமில்லை என்பதும் எங்களது ஆய்வில் தெரிய வந்துள்ளது.
அதற்கு, மனிதர்கள் காற்றை மாசுபடுத்துவதால் பூமியின் வெப்பம் அதிகரித்து, அதன் காரணமாக உருவாகும் பருவநிலை மாற்றமும் ஒரு காரணம் என்பது தெரிய வந்துள்ளது.
பருவநிலை மாற்றத்தைக் கட்டுப்படுத்துவம் வகையில், காற்று மாசுபாட்டைக் குறைக்கும் நடவடிக்கைகளை இப்போதே தீவிரமாக மேற்கொள்ளாவிட்டால், சீரற்ற முறையில் கடல் நீர்மட்டம் உயர்வது மேலும் அதிகரிக்கும் என்பதை இதன் மூலம் புரிந்து கொள்ள முடிகிறது. இந்த நூற்றாண்டில் கடல் நீர் மட்டம் சராசரியாக 2 அடி உயரும் என்று எதிர்பார்க்கப்படும் நிலையில், சீரற்ற முறையில் நீர் மட்டம் உயர்வது கடலோரப் பகுதிகளில் அதிக பாதிப்பை ஏற்படுத்தும் என்றார் அவர்.
 

]]>
http://images.dinamani.com/uploads/user/imagelibrary/2018/12/5/w600X390/sea-level.jpg http://www.dinamani.com/world/2018/dec/05/பருவநிலை-மாற்றத்தால்-சீரற்று-உயரும்-கடல்-நீர்மட்டம்-3051677.html
3051676 உலகம் அறிவுசார் சொத்துரிமையைத் திருடும் நிறுவனங்களுக்கு கடுமையான தண்டனை: அமெரிக்க வலியுறுத்தலை ஏற்று சீனா அறிவிப்பு DIN DIN Wednesday, December 5, 2018 01:11 AM +0530
அமெரிக்கா உள்ளிட்ட வெளிநாட்டு நிறுவனங்களின் அறிவுசார் சொத்துரிமைகளைத் திருடும் சீன நிறுவனங்களுக்கு கடும் தண்டனை விதிக்கப்படும் என்று சீனா அறிவித்துள்ளது.
அமெரிக்காவுக்கும், சீனாவுக்கும் இடையே ஏற்பட்டுள்ள வர்த்தகப் போர்ப் பதற்றத்தைத் தவிர்ப்பதற்காக இரு நாட்டு அதிபர்களுக்கும் இடையே அண்மையில் மேற்கொள்ளப்பட்ட ஒப்பந்தத்தின் ஒரு பகுதியாக இந்த நடவடிக்கை எடுக்கப்பட்டுள்ளதாகக் கூறப்படுகிறது.
இதுகுறித்து சீனாவின் தேசிய மேம்பாட்டு மற்றும் சீர்திருத்த ஆணையமும், 37 அரசுத் துறைகளும் செவ்வாய்க்கிழமை வெளியிட்டுள்ள கூட்டறிக்கையில் தெரிவிக்கப்பட்டுள்ளதாவது:
பிற நிறுவனங்கள் காப்புரிமை பெற்ற தொழில்நுட்பங்களை சட்டவிரோதமாக தங்களது நடவடிக்கைகளுக்குப் பயன்படுத்திக் கொள்வதன் மூலம் அறிவுசார் சொத்துரிமையைத் திருடும் சீன நிறுவனங்கள் மீது கடுமையான நடவடிக்கை எடுக்கப்படும்.
பிற நிறுவனங்களின் காப்புரிமை, பதிப்புரிமை ஆகியவற்றைத் திருடுவது, வணிகப் பெயர்களைப் பயன்படுத்திக் கொள்வது உள்ளிட்ட விதிமீறல்கள் சொத்துரிமைத் திருட்டாகக் கருதப்படும்.
இத்தகைய விதிமீறல்களில் ஈடுபடுவோருக்கு அரசு ஒப்பந்தங்கள் பெறுவதிலிருந்து தடை விதிப்பது உள்ளிட்ட பல்வேறு தண்டனைகள் விதிக்கப்படும் என்று அந்த அறிக்கையில் குறிப்பிடப்பட்டுள்ளது.
ஏற்கெனவே, அமெரிக்கக் கார்களுக்கு விதிக்கப்பட்டு வரும் 40 சதவீத வரியை குறைப்பதற்கு சீனா சம்மதித்துள்ளதாக தகவல்கள் வெளியாகியுள்ள நிலையில், அமெரிக்க நிறுவனங்களின் தொழில்நுட்பங்களுக்குப் பாதுகாப்பு அளிக்கும் வகையில் சீன வெளியிட்டுள்ள இந்த அறிவிப்பு இரு நாடுகளுக்கும் இடையிலான வர்த்தகப் போர் பதற்றம் கணிசமாகக் குறைவதற்குக் காரணமாக இருக்கும் எனக் கூறப்படுகிறது.
முன்னதாக, வர்த்தகப் பதற்றத்தைத் தணிப்பதற்காக, ஆர்ஜென்டீனா தலைநகர் பியூனஸ் அயர்ஸில் நடைபெற்ற ஜி20 நாடுகளின் மாநாட்டினிடையே அமெரிக்க அதிபர் டொனால்ட் டிரம்ப்பும், சீன அதிபர் ஷி ஜின்பிங்கும் கடந்த சனிக்கிழமை இரவு சந்தித்து பேச்சுவார்த்தை நடத்தினர்.
அப்போது, சீனப் பொருள்கள் மீது அமெரிக்காவும், அமெரிக்கப் பொருள்கள் மீது சீனாவும் கூடுதல் வரி விதிப்பதை 90 நாள்களுக்கு நிறுத்திவைக்க இரு நாடுகளும் சம்மதம் தெரிவித்தன.
மேலும், வரும் ஜனவரி மாதம் 1-ஆம் தேதி முதல் 20,000 கோடி டாலர் (சுமார் ரூ.14 லட்சம் கோடி) மதிப்பிலான சீனப் பொருள்களுக்கு கூடுதல் வரி விதிக்கும் முடிவையும் அமெரிக்கா கைவிட்டது.
அமெரிக்காவிடமிருந்து வேளாண்மை, தொழிற்துறை மற்றும் எரிசக்திப் பொருள்களை கணிசமான அளவில் இறக்குமதி செய்ய சீனா ஒப்புக் கொண்டது.
சீனாவுக்கு ஏற்றுமதி செய்யும் பொருள்களின் மதிப்பைவிட, அந்த நாட்டிடமிருந்து அமெரிக்கா இறக்குமதி செய்யும் பொருள்களின் மதிப்பு அதிகமாக இருப்பதால், இரு நாடுகளுக்கும் இடையே நியாயமற்ற அளவில் வர்த்தகப் பற்றாக்குறை நிலவி வருவதாக அதிபர் டிரம்ப் குற்றம் சாட்டி வருகிறார்.
மேலும், அமெரிக்க நிறுவனங்கள் காப்புரிமை பெற்ற தொழில்நுட்பங்களைத் திருடி சீனா பயன்படுத்தி வருவதால் அமெரிக்க நிறுவனங்களுக்கு பெரும் இழப்பு ஏற்படுவதாகவும் அவர் குற்றம் சாட்டி வருகிறார்.
இதன் காரணமாக, சீனாவிலிருந்து இறக்குமதி செய்யப்படும் பல லட்சம் கோடி ரூபாய் மதிப்பிலான பொருள்கள் மீது கூடுதல் வரி விதிக்கும் உத்தரவைப் அவர் பிறப்பித்து வந்தார்.
இதற்குப் பதிலடியாக, அமெரிக்க இறக்குமதி பொருள்கள் மீது சீனாவும் கூடுதல் வரிகளை அறிவித்து வந்தது.
இது, உலகின் மிகப் பெரிய பொருளாதார சக்திகளான அந்த இரு நாடுகளுக்கும் இடையே வர்த்தகப் போர் வெடிக்கும் என்ற அச்சத்தை ஏற்படுத்தியது.
இந்தச் சூழலில், அத்தகைய பதற்றத்தைத் தணிப்பதற்காக அமெரிக்க அதிபர் டிரம்ப்புக்கும், சீன அதிபர் ஷி ஜின்பிங்குக்கும் இடையே ஆர்ஜென்டீனாவில் நடைபெற்ற பேச்சுவார்த்தையில் இந்த முன்னேற்றங்கள் ஏற்பட்டுள்ளன.


 

]]>
http://images.dinamani.com/uploads/user/imagelibrary/2018/12/5/w600X390/donald-trump-to-meet-with-x.jpg சீன அதிபர் ஷி ஜின்பிங்குடன் அமெரிக்க அதிபர் டொனால்ட் டிரம்ப் (கோப்புப் படம்). http://www.dinamani.com/world/2018/dec/05/அறிவுசார்-சொத்துரிமையைத்-திருடும்-நிறுவனங்களுக்கு-கடுமையான-தண்டனை-அமெரிக்க-வலியுறுத்தலை-ஏற்று-சீனா-3051676.html
3051125 உலகம் ராஜபட்ச பிரதமராக செயல்பட இடைக்காலத் தடை: இலங்கை நீதிமன்றம் உத்தரவு DIN DIN Tuesday, December 4, 2018 04:43 AM +0530
இலங்கையின் பிரதமராக மகிந்த ராஜபட்ச செயல்படுவதற்கு, அந்நாட்டு நீதிமன்றம் இடைக்காலத் தடை விதித்துள்ளது. மேலும், அவருடன் பொறுப்பேற்றுக்கொண்ட அமைச்சரவைக்கும் இடைக்காலத் தடை விதிக்கப்பட்டுள்ளது.
பிரதமர் பதவியில் இருந்து ரணில் விக்ரமசிங்கவை நீக்கிவிட்டு, அப்பதவியில் ராஜபட்சவை நியமித்து, அதிபர் மைத்ரிபால சிறீசேனா கடந்த அக்டோபர் 26-ஆம் தேதி நடவடிக்கை மேற்கொண்டார். இதையடுத்து, ராஜபட்ச பிரதமராகவும், அவரது தலைமையிலான புதிய அமைச்சரவையும் பொறுப்பேற்றுக் கொண்டது. இதனை எதிர்த்து, ரணில் விக்ரமசிங்கவின் ஐக்கிய தேசிய கட்சி, ஜனதா விமுக்தி பெரமுனா, தமிழ் தேசிய கூட்டமைப்பு ஆகியவற்றைச் சேர்ந்த 122 நாடாளுமன்ற உறுப்பினர்கள் சார்பில், நாட்டின் மேல்முறையீட்டு நீதிமன்றத்தில் வழக்கு தொடரப்பட்டது.
இந்த வழக்கின் விசாரணை திங்கள்கிழமை நடைபெற்றது. இது குறித்து, வழக்குரைஞர் ஒருவர் கூறுகையில், ராஜபட்ச பிரதமராக செயல்படவும், அமைச்சர்களும், துணை அமைச்சர்களும் தங்களது துறைகளில் பணியாற்றவும் இடைக்காலத் தடை விதித்து நீதிபதிகள் உத்தரவிட்டனர். அவர்கள் தொடர்ந்து பணியாற்ற அனுமதிக்கப்பட்டால், சரிசெய்யப்பட முடியாத சேதங்கள் ஏற்படும் என்றும் நீதிபதிகள் தெரிவித்தனர் என்றார்.
இந்த வழக்கின் அடுத்தகட்ட விசாரணை வரும் 12 மற்றும் 13 ஆகிய தேதிகளில் நடைபெறும் என்று நீதிமன்றம் தெரிவித்துள்ளது.
இறையாண்மை காக்கப்படும்: நீதிமன்றத்தின் உத்தரவு குறித்து ரணில் விக்ரமசிங்க சுட்டுரையில் வெளியிட்ட பதிவில், தனிநபர்களின் விருப்பத்துக்கு எதிராக மக்களாட்சி வெற்றி பெறும் என்ற மரபு மீண்டும் நிரூபிக்கப்பட்டுள்ளது. நாட்டு மக்களின் இறையாண்மையைக் காக்க தொடர்ந்து பணியாற்றுவோம். அரசியலமைப்பின் அடிப்படையில், தேர்தலை எதிர்கொள்ள தயாராக உள்ளோம் என்று தெரிவித்தார்.
ரணிலை பிரதமர் பதவியிலிருந்து நீக்கி, அப்பதவிக்கு ராஜபட்சவை நியமித்த அதிபர் சிறீசேனாவின் முடிவு உள்நாட்டிலும், வெளிநாடுகளிலும் பல்வேறு சர்ச்சைகளை ஏற்படுத்தியது. ரணிலும் தான் பிரதமராகவே நீடிப்பதாக அறிவித்தது அந்நாட்டு அரசியல் களத்தில் குழப்பத்தை அதிகரித்தது. நாடாளுமன்றத் தலைவர் கரு ஜெயசூர்யாவும் அரசியலமைப்புச் சட்டப்படி ரணிலே பிரதமர் என்று அறிவித்தார்.
இதனையடுத்து, நாடாளுமன்றத்தில் பெரும்பான்மையை நிரூபிக்க முடியாத சிறீசேனா-ராஜபட்ச கூட்டணி தொடர் பின்னடைவுகளைச் சந்தித்து வருகிறது. முக்கியமாக, நாடாளுமன்றத்தை வழிநடத்த அமைக்கப்பட்ட சிறப்புக்குழுவில், தமிழ் தேசிய கூட்டமைப்பு, மக்கள் விடுதலை முன்னணி ஆகிய கட்சிகளின் ஆதரவுடன் ரணில் தரப்பு பெரும்பான்மை பெற்றது. இதன் பின்னர், ரணிலை பிரதமர் பதவியில் மீண்டும் நியமிக்க முடியாது என்று சிறீசேனா வெளிப்படையாக அறிவித்தது பெரும் பரபரப்பை ஏற்படுத்தியது.
ஐக்கிய தேசிய கட்சியும், ரணிலுக்கே நாடாளுமன்றத்தில் பெரும்பான்மை இருப்பதாகவும், அவரைப் பிரதமராக நியமிப்பதைத் தவிர சிறீசேனாவுக்கு வேறு வழியில்லை என்றும் தெரிவித்திருந்தது.
உச்சநீதிமன்றத்தில் மேல்முறையீடு: இந்நிலையில், தாம் பிரதமராகச் செயல்பட தடை விதிக்கப்பட்டதற்கு எதிராக உச்சநீதிமன்றத்தில் மேல்முறையீடு செய்யப்போவதாக ராஜபட்ச கூறியுள்ளார்.
 

]]>
http://images.dinamani.com/uploads/user/imagelibrary/2018/11/30/w600X390/rajapak.jpg http://www.dinamani.com/world/2018/dec/04/ராஜபட்ச-பிரதமராக-செயல்பட-இடைக்காலத்-தடை-இலங்கை-நீதிமன்றம்-உத்தரவு-3051125.html
3051047 உலகம் ஒபெக் அமைப்பிலிருந்து விலகுகிறது கத்தார் DIN DIN Tuesday, December 4, 2018 01:42 AM +0530
பெட்ரோலிய ஏற்றுமதி நாடுகளின் கூட்டமைப்பிலிருந்து (ஒபெக்) விலக கத்தார் முடிவு செய்துள்ளது.
சவூதி அரேபியாவின் ஆதிக்கம் நிறைந்த அந்த கூட்டமைப்பில், சக உறுப்பு நாடுகளால் கத்தார் தனிமைப்படுத்தப்பட்டு வரும் நிலையில் இந்த முடிவை அந்த நாடு எடுத்துள்ளது குறிப்பிடத்தக்கது. எனினும், எரிவாயு உற்பத்தியில் அதிக கவனம் செலுத்தவிருப்பதால், ஒபெக்கிலிருந்து விலகுவதாக கத்தார் தெரிவித்துள்ளது.
இதுகுறித்து அந்த நாட்டின் எரிசக்தித் துறை அமைச்சர் சாட் அல்-காபி  செய்தியாளர்களிடம் திங்கள்கிழமை கூறியதாவது:
வரும் ஜனவரி மாதம் முதல் ஒபெக் கூட்டமைப்பிலிருந்து விலக முடிவு செய்துள்ளோம். இது தொடர்பாக அந்த அமைப்பிடம் தெரிவித்துவிட்டோம்.
ஒபெக் அமைப்பிலிருந்து விலகினாலும், எண்ணெய் உற்பத்தியில் தொடர்ந்து ஈடுபடுவோம். இருந்தாலும், எரிசக்தித் துறையில் இயற்கை எரிவாயுவுக்கே நல்ல எதிர்காலம் இருப்பதால், அதன் உற்பத்தியில் அதிக கவனம் செலுத்தவிருக்கிறோம்.
அதற்கு வசதியாகவே, ஒபெக் அமைப்பிலிருந்து விலகுகிறோம் என்றார் அவர். உலக அளவில், எரிவாயு ஏற்றுமதியில் கத்தார் முதலிடம் வகித்து வருவது குறிப்பிடத்தக்கது.
சர்வதேச அரசியல் விவகாரங்ககளில் சவூதி அரேபியாவுக்கும், கத்தாருக்கும் கருத்து வேறுபாடு நீடித்து வருகிறது.
இந்த நிலையில், சவூதி அரேபிய ஆதிக்கம் நிறைந்த ஒபெக் கூட்டமைப்பின் உறுப்பு நாடுகள் கத்தாருக்கு எதிராக பல்வேறு தடைகளை விதித்துள்ளன. இந்த சூழலில், அந்த அமைப்பிலிருந்து விலக கத்தார் முடிவு செய்துள்ளது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/4/w600X390/quatar.jpg http://www.dinamani.com/world/2018/dec/04/ஒபெக்-அமைப்பிலிருந்து-விலகுகிறது-கத்தார்-3051047.html
3051010 உலகம் அமெரிக்க கார்களுக்கு வரி விலக்கு அளிக்க சீனா சம்மதம்: டிரம்ப் தகவல் DIN DIN Tuesday, December 4, 2018 01:08 AM +0530
அமெரிக்கக் கார்களுக்கு விதிக்கப்பட்டு வரும் 40 சதவீத வரியை குறைப்பதற்கு சீனா சம்மதித்துள்ளதாக அதிபர் டொனால்ட் டிரம்ப் தெரிவித்துள்ளார்.
இதுகுறித்து சுட்டுரை (டுவிட்டர்) வலைதளத்தில் அவர் வெளியிட்டுள்ள பதிவில் தெரிவிக்கப்பட்டுள்ளதாவது:
அமெரிக்காவிலிருந்து இறக்குமதி செய்யப்படும் கார்களுக்கு சீனா தற்போது 40 சதவீத வரி விதித்து வருகிறது. சில வகைக் கார்களுக்கு அந்த வரியைக் குறைப்பதற்கும், கூடுதல் வரியை நீக்குவதற்கும் ஆர்ஜென்டீனாவில் நடைபெற்ற பேச்சுவார்த்தையின்போது சீன அரசு சம்மதம் தெரிவித்துள்ளது என்று அந்தப் பதிவில் டிரம்ப் குறிப்பிட்டுள்ளார்.
எனினும், இந்தத் தகவல் குறித்து சீனத் தரப்பிலிருந்து கருத்து எதுவும் தெரிவிக்கப்படவில்லை என்பது குறிப்பிடத்தக்கது.
டிரம்ப்பின் இந்தத் தகவல் உறுதி செய்யப்பட்டால், அது அமெரிக்க - சீன வர்த்தக மோதல் காரணமாக பின்னடைவைச் சந்தித்துள்ள அமெரிக்க ஆட்டோமொபைல் துறைக்கு ஆறுதல் அளிக்கும் எனவும், இரு நாடுகளுக்கும் இடையிலான வர்த்தகப் போர் பதற்றம் கணிசமாகக் குறைவதற்குக் காரணமாக இருக்கும் எனவும் கூறப்படுகிறது.
முன்னதாக, வர்த்தகப் பதற்றத்தைத் தணிப்பதற்காக, ஆர்ஜென்டீனா தலைநகர் பியூனஸ் அயர்ஸில் நடைபெற்ற ஜி20 நாடுகளின் மாநாட்டினிடையே அமெரிக்க அதிபர் டொனால்ட் டிரம்ப்பும், சீன அதிபர் ஷி ஜின்பிங்கும் சனிக்கிழமை இரவு சந்தித்து பேச்சுவார்த்தை நடத்தினர்.
அப்போது, சீனப் பொருள்கள் மீது அமெரிக்காவும், அமெரிக்கப் பொருள்கள் மீது சீனாவும் கூடுதல் வரி விதிப்பதை 90 நாள்களுக்கு நிறுத்திவைக்க இரு நாடுகளும் சம்மதம் தெரிவித்தன.
மேலும், வரும் ஜனவரி மாதம் 1-ஆம் தேதி முதல் 20,000 கோடி டாலர் (சுமார் ரூ.14 லட்சம் கோடி) மதிப்பிலான சீனப் பொருள்களுக்கு கூடுதல் வரி விதிக்கும் முடிவையும் அமெரிக்கா கைவிட்டது.
அமெரிக்காவிடமிருந்து வேளாண்மை, தொழிற்துறை மற்றும் எரிசக்திப் பொருள்களை கணிசமான அளவில் இறக்குமதி செய்ய சீனா ஒப்புக் கொண்டதாக அமெரிக்க அதிபர் மாளிகை தெரிவித்தது.
சீனாவுக்கு ஏற்றுமதி செய்யும் பொருள்களின் மதிப்பைவிட, அந்த நாட்டிடமிருந்து அமெரிக்கா இறக்குமதி செய்யும் பொருள்களின் மதிப்பு அதிகமாக இருப்பதால், அந்த வர்த்தகப் பற்றாக்குறையை சமாளிப்பதற்காக சீனப் பொருள்களின் இறக்குமதிக்கு கட்டுப்பாடுகள் விதிக்கப்போவதாக கடந்த 2016-ஆம் ஆண்டு நடைபெற்ற அதிபர் தேர்தலின்போது டிரம்ப் வாக்குறுதி அளித்திருந்தார்.
அதன்படி, சீனாவிலிருந்து இறக்குமதி செய்யப்படும் பல லட்சம் கோடி ரூபாய் மதிப்பிலான பொருள்கள் மீது கூடுதல் வரி விதிக்கும் உத்தரவைப் அவர் பிறப்பித்து வருகிறார்.
இதற்குப் பதிலடியாக, அமெரிக்க இறக்குமதி பொருள்கள் மீது சீனாவும் கூடுதல் வரிகளை அறிவித்து வருகிறது.
இதன் காரணமாக, உலகின் மிகப் பெரிய பொருளாதார சக்திகளான அந்த இரு நாடுகளுக்கும் இடையே வர்த்தகப் போர் வெடிக்கும் என்ற அச்சம் நிலவி வருகிறது.
இந்தச் சூழலில், அந்தப் பதற்றத்தைத் தணிப்பதற்காக அமெரிக்க அதிபர் டிரம்ப்புக்கும், சீன அதிபர் ஷி ஜின்பிங்குக்கும் இடையே ஆர்ஜென்டீனாவில் நடைபெற்ற பேச்சுவார்த்தையில் இந்த முன்னேற்றங்கள் ஏற்பட்டுள்ளன.

]]>
http://images.dinamani.com/uploads/user/imagelibrary/2018/12/4/w600X390/us.jpg http://www.dinamani.com/world/2018/dec/04/அமெரிக்க-கார்களுக்கு-வரி-விலக்கு-அளிக்க-சீனா-சம்மதம்-டிரம்ப்-தகவல்-3051010.html
3051009 உலகம் 3 விண்வெளி வீரர்களுடன்: வெற்றிகரமாக விண்ணில் செலுத்தப்பட்டது ரஷிய ராக்கெட் DIN DIN Tuesday, December 4, 2018 01:08 AM +0530
சர்வதேச விண்வெளி ஆய்வு மையத்துக்கு 3 விண்வெளி வீரர்கள் ரஷிய ராக்கெட் மூலம் திங்கள்கிழமை வெற்றிகரமாக அனுப்பி வைக்கப்பட்டனர்.
விண்வெளி ஆய்வு மையத்துக்கு 2 வீரர்களை அனுப்புவதற்கு கடந்த அக்டோபர் மாதம் மேற்கொள்ளப்பட்ட முயற்சி தோல்வியடைந்த நிலையில், பெரும் பரபரப்புக்கிடையே தற்போது அந்த ராக்கெட் விண்ணில் செலுத்தப்பட்டது.
இதுகுறித்து தகவல்கள் தெரிவிப்பதாவது:
அமெரிக்காவின் நாசா விண்வெளி ஆய்வு மையத்தைச் சேர்ந்த அன்னி மெக்லெய்ன், கனடா விண்வெளி ஆய்வு மையத்தின் டேவிட் செயின்ட்-ஜாக்வெஸ், ரஷிய விண்வெளி ஆய்வு மையத்தைச் சேர்ந்த ஓலெக் கொனோனென்கோ ஆகிய மூவரையும் ஏற்றிக் கொண்டு, ரஷியாவின் சோயுஸ் எம்எஸ்.11 ரக ராக்கெட் திங்கள்கிழமை விண்ணில் செலுத்தப்பட்டது.
கஜகஸ்தானிலுள்ள பைகானூர் ஏவுதளத்திலிருந்து அந்த ராக்கெட் மாலை 5.30 மணிக்கு (இந்திய நேரப்படி மாலை 5 மணி) வெற்றிகரமாக செலுத்தப்பட்டது என்று தகவல்கள் தெரிவிக்கின்றன.
முன்னதாக, ரஷிய விண்வெளி வீரர் அலெக்ஸி ஓவ்சினினையும், அமெரிக்க விண்வெளி வீரர் நிக்லாஸ் ஹேகையும் ஏற்றிக் கொண்டு, சர்வதேச விண்வெளி ஆய்வு மையத்தை நோக்கி கடந்த அக்டோபர் 11-ஆம் தேதி செலுத்தப்பட்ட ரஷியாவின் சோயுஸ்-எஃப்ஜி ராக்கெட்டில் திடீர் பழுது ஏற்பட்டது.
அதையடுத்து, அந்த ராக்கெட்டிலிருந்த விண்வெளி ஓடம் தனியாகப் பிரிந்து மீண்டும் பூமிக்கு திரும்பியது.
இதையடுத்து, அவசரமாக தரையிறங்கிய அந்த விண்வெளி ஓடத்திலிருந்து இரு விண்வெளி வீரர்களையும் மீட்புக் குழுவினர் காயமின்றி பத்திரமாக மீட்டனர்.
எனினும், இந்த விபத்தைத் தொடர்ந்து விண்வெளிக்கு வீரர்களை அனுப்பும் தனது அனைத்து திட்டங்களையும் ரஷியா நிறுத்திவைத்தது.
இந்தச் சூழலில், தற்போது ரஷியாவின் ராக்கெட் மூலம் விண்வெளி வீரர்கள் சர்வதேச விண்வெளி ஆய்வு மையத்துக்கு வெற்றிகரமாக அனுப்பப்பட்டுள்ளது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/4/w600X390/Soyuz.jpg http://www.dinamani.com/world/2018/dec/04/3-விண்வெளி-வீரர்களுடன்-வெற்றிகரமாக-விண்ணில்-செலுத்தப்பட்டது-ரஷிய-ராக்கெட்-3051009.html
3051008 உலகம் மஞ்சள் அங்கி போராட்டம்: அவசர நிலை அறிவிக்கும் திட்டமில்லை- பிரான்ஸ் அரசு DIN DIN Tuesday, December 4, 2018 01:07 AM +0530
பிரான்ஸில் பெட்ரோல், டீசல் விலை உயர்வை எதிர்த்து நடைபெறும் போராட்டங்களில் அதிகரிக்கும் வன்முறையைக் கட்டுப்படுத்துவதற்காக, அவசர நிலை அறிவிக்கும் திட்டம் தற்போதைக்கு இல்லை என்று அந்த நாட்டு அரசு அறிவித்துள்ளது.
இதுகுறித்து தனியார் வானொலியில் உள்துறை இணையமைச்சர் லாரென்ட் நியூனெஸ் திங்கள்
கிழமை கூறியதாவது:
மஞ்சள் அங்கி போராட்டத்தைக் கட்டுப்படுத்துவதற்காக நாட்டில் அவசர நிலை அறிவிக்கும் திட்டம் அரசிடம் தற்போதைக்கு இல்லை.
வன்முறையைக் கட்டுப்படுத்துவதற்கான பல்வேறு வாய்ப்புகளை ஆய்வு செய்து வருகிறோம். எனினும், அந்தப் பட்டியலில் அவசர நிலை அறிவிக்கும் திட்டம் தற்போது இல்லை என்றார் அவர்.
பிரான்ஸில் வாகன எரிபொருள்களின் விலை அதிகரித்து வருவதற்கும், அந்தப் பொருள்களுக்கான வரியை மேலும் அதிகரிக்க அரசு முடிவு செய்துள்ளதற்கும் எதிர்ப்பு தெரிவித்து, கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
எதிர்ப்பின் அடையாளமாக, ஒளிரும் மஞ்சள் மேலங்கியை அணிந்து கொண்டு பொதுமக்கள் நடத்தும் இந்தப் போராட்டம், மஞ்சள் அங்கி போராட்டம் என்றழைக்கப்படுகிறது.
வாரம் தோறும் சனி மற்றும் ஞாயிற்றுக்கிழமைகளில் நடைபெற்று வந்த இந்தப் போராட்டம், மூன்றாவது வாரமாக கடந்த 1 மற்றும் 2-ஆம் தேதிகளில் மிகவும் தீவிரமடைந்தது.
அப்போது நடைபெற்ற போராட்டங்களின்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன.
இதில், 23 பாதுகாப்புப் படையினர் உள்பட 133 பேர் காயமடைந்தனர். இந்தப் போராட்ட வன்முறை தொடர்பாக இதுவரை 412 பேர் கைது செய்யப்பட்டுள்ளதாக தகவல்கள் தெரிவிக்கின்றன.
இதையடுத்து, எந்தக் காரணத்துக்காகவும் வன்முறையில் ஈடுபடுவதை ஒருபோதும் ஏற்க முடியாது என்று பிரான்ஸ் அதிபர் இமானுவல் மேக்ரான் எச்சரிக்கை விடுத்தார்.
மேலும், வன்முறையைக் கட்டுப்படுத்துவதற்காக காவல்துறையினரின் கோரிக்கையை ஏற்று அவசர நிலையை அறிவிப்பது குறித்து பரிசீலித்து வருவதாக உள்துறை அமைச்சர் கிறிஸ்டோஃப் கேஸ்டனெர் கூறியிருந்தார்.
இந்த நிலையில், உள்துறை இணையமைச்சர் லாரென்ட் நியூனெஸ் தற்போது இவ்வாறு தெரிவித்துள்ளார்.


 

]]>
http://images.dinamani.com/uploads/user/imagelibrary/2018/12/4/w600X390/FRAC.jpg போராட்ட வன்முறைச் சம்பவங்களைத் தடுப்பதற்காக தலைநகர் பாரீஸில் குவிக்கப்பட்டுள்ள கலவர தடுப்பு போலீஸார். http://www.dinamani.com/world/2018/dec/04/மஞ்சள்-அங்கி-போராட்டம்-அவசர-நிலை-அறிவிக்கும்-திட்டமில்லை--பிரான்ஸ்-அரசு-3051008.html
3051007 உலகம் பருவநிலை மாற்றத்தை தடுக்க போதிய நடவடிக்கை இல்லை DIN DIN Tuesday, December 4, 2018 01:07 AM +0530
பருவநிலை மாற்றத்தைக் கட்டுப்படுத்த, உலக நாடுகள் போதிய நடவடிக்கைகளை மேற்கொள்ளவில்லை என்று ஐ.நா. பொதுச் செயலர் அன்டோனியோ குட்டெரெஸ் வருத்தம் தெரிவித்துள்ளார்.
இதுகுறித்து போலந்தின் கடோவைஸ் நகரில் நடைபெற்று வரும் பருவநிலை மாநாட்டில் அவர் பேசியதாவது:
உலக வெப்பமாதலால் பருவநிலை மாற்றம் ஏற்படுவதைக் கட்டுப்படுத்த, நாம் காற்று மாசுக்களை மிகத் தீவிரமான முறையில் குறைக்க வேண்டிய அவசியம் ஏற்பட்டுள்ளது.
எனினும், உலக நாடுகள் அதற்காக போதிய நடவடிக்கைகளை எடுக்கவில்லை. காற்று மாசுபாட்டைக் கட்டுப்படுத்துவதற்கு நாடுகள் இன்னும் அதிவேகமாக செயல்பட வேண்டியுள்ளது என்றார் அவர்.
பருவநிலை மாற்றம் அதிகரித்து வருவதன் காரணமாக, காட்டுத்தீ, புயல், கடுமையான வறட்சி போன்றவற்றால் உலகின் பல பகுதிகளில் பாதிப்பு அதிகரித்து வருகிறது.
 

]]>
http://images.dinamani.com/uploads/user/imagelibrary/2018/12/4/w600X390/anto.jpg http://www.dinamani.com/world/2018/dec/04/பருவநிலை-மாற்றத்தை-தடுக்க-போதிய-நடவடிக்கை-இல்லை-3051007.html
3051006 உலகம் அதிபர் தேர்தலில் போட்டி: குடும்பத்துடன் பேசி முடிவு DIN DIN Tuesday, December 4, 2018 01:06 AM +0530
வரும் 2020-ஆம் ஆண்டு நடைபெறவுள்ள அமெரிக்க அதிபர் தேர்தலில் போட்டியிடுவது குறித்து குடும்பத்தினருடன் கலந்து பேசி முடிவெடுக்கவிருப்பதாக இந்திய வம்சாவளி எம்.பி. கமலா ஹாரீஸ் தெரிவித்துள்ளார்.
இதுகுறித்து தனியார் தொலைக்காட்சிக்கு அளித்த பேட்டியில் அவர் கூறியதாவது:.வரும் அதிபர் தேர்தலில் நான் போட்டியிடுவதா, வேண்டாமா என்பதை என் குடும்பத்தினர்தான் முடிவு செய்ய வேண்டும்.
எனவே, எதிர்வரும் பருவ விடுமுறையின்போது குடும்பத்தினருடன் கலந்து பேசி, இதுகுறித்து முடிவெடுப்பேன் என்றார் அவர்.
சென்னையிலிருந்து அமெரிக்காவில் குடியேறிய ஷியாமலா கோபாலன் என்பவருக்கும், ஜமைக்கா நாட்டவருக்கும் பிறந்த கமலா (54), இந்திய வம்சாவளியைச் சேர்ந்த முதல் செனட் சபை உறுப்பினர் என்பது குறிப்பிடத்தக்கது. முன்னாள் அதிபர் ஒபாவின் ஆட்சிக் காலத்தின்போது பெண் ஒபாமா என்று அழைக்கப்பட்ட அவர், 
அதிபர் வேட்பாளர்கள் தொடர்பாக கடந்த மாதம் நடத்தப்பட்ட கருத்துக் கணிப்பில், 5-ஆவது இடத்தைப் பிடித்தார்.
 

]]>
http://images.dinamani.com/uploads/user/imagelibrary/2018/12/4/w600X390/kamal.jpg http://www.dinamani.com/world/2018/dec/04/அதிபர்-தேர்தலில்-போட்டி-குடும்பத்துடன்-பேசி-முடிவு-3051006.html
3050978 உலகம் ராஜபட்ச பிரதமராகச் செயல்பட அந்நாட்டு உச்சநீதிமன்றம் இடைக்காலத் தடை  DIN DIN Monday, December 3, 2018 06:21 PM +0530  

கொழும்பு: ராஜபட்ச பிரதமராகச் செயல்பட அந்நாட்டு உச்சநீதிமன்றம் தடை விதித்து உத்தரவிட்டுள்ளது. 

இலங்கையில் பிரதமர் பதவியில் இருந்து ரணில் விக்ரமசிங்கவை நீக்கிவிட்டு, அப்பதவியில் ராஜபட்சவை நியமித்து, அதிபர் சிறீசேனா கடந்த அக்டோபர் 26-ஆம் தேதி நடவடிக்கை மேற்கொண்டார்.

ஆனால், பெரும்பான்மைக்கு தேவையான ஆதரவை திரட்டும் ராஜபட்சவின் முயற்சி தோல்வி அடைந்த நிலையில் அதிபர் சிறீசேனா நாடாளுமன்றத்தை கலைத்துவிட்டு, புதிய தேர்தலுக்கான அறிவிப்பை வெளியிட்டார். 

இதற்கு எதிராக இலங்கை உச்சநீதிமன்றத்தில் பல்வேறு தரப்பினர் வழக்கு தொடுத்தனர். அதில், சிறீசேனாவின் உத்தரவுகளுக்கு நீதிமன்றம் இடைக்கால தடை விதித்தது. இதனிடையே, இலங்கை நாடாளுமன்றத்தில் ராஜபட்சவுக்கு எதிரான நம்பிக்கையில்லா தீர்மானத்தை எதிர்க்கட்சிகள் இருமுறை நிறைவேற்றிய போதிலும், அவர் இதுவரை பதவி விலகவில்லை. 

இதற்ககிடையில்  அந்நாட்டு எம்.பி.,க்கள் 122 பேர் தாக்கல் செய்த மனுவை விசாரித்த அந்நாட்டு உச்ச நீதிமன்றம் ராஜபட்ச பிரதமராக செயல்படவும், அமைச்சரவை கூட்டம் நடத்தவும் இடைக்காலத் தடை விதித்தது. 

அத்துடன் ராஜபட்சவும், அவரால் அமைச்சராக நியமிக்கப்பட்டவர்களும், டிச., 12ம் தேதி நேரில் ஆஜராகவும் நீதிமன்றம் உத்தரவிட்டுள்ளது. 

]]>
sri lanka, srisena, mahinda rajabakshe, ranil wickramasinghe, prime minister, supreme court, interim stay, parliment http://images.dinamani.com/uploads/user/imagelibrary/2015/7/2/1/w600X390/rajabakshe.jpg http://www.dinamani.com/world/2018/dec/03/ராஜபட்ச-பிரதமராகச்-செயல்பட-அந்நாட்டு-உச்சநீதிமன்றம்-இடைக்காலத்-தடை-3050978.html
3050976 உலகம் பெட்ரோலியப் பொருட்கள் உற்பத்தி நாடுகள் கூட்டமைப்பான ‘ஒபெக்’ அமைப்பில் இருந்து விலக கத்தார் முடிவு  DIN DIN Monday, December 3, 2018 05:35 PM +0530  

தோகா: பெட்ரோலியப் பொருட்கள் உற்பத்தி செய்யும் நாடுகளின் கூட்டமைப்பான ‘ஒபெக்’ அமைப்பில் இருந்து விலகப் போவதாக கத்தார் திடீரென அறிவித்துள்ளது.

தீவிரவாதிகளுக்கு ஆதரவு அளிக்கிறது என்று கூறி , கத்தார் நாட்டுடனான தூதராக உறவை சவுதி அரேபியா, பக்ரைன், எகிப்து மற்றும்  ஐக்கிய அரபு அமீரகம் ஆகிய நான்கு நாடுகளும் துண்டித்தன. 

தரை வழியாகக் கூட உற்பத்திப் பொருட்களை கொண்டு செல்ல இயலாத நிலைக்கு உள்ளான,  கத்தார்  மிகப்பெரிய பின்னடைவையும்,  பொருளாதார பாதிப்பையும் சந்தித்தது. இதன் பின்னர்  அமெரிக்கா மற்றும் ரஷ்யா ஆகிய நாடுகள் தலையிட்டு பிரச்சினைக்கு சுமுகத் தீர்வு கண்டன. இதனால் பொருளாதார்ச் சிக்கலில் இருந்து கத்தார் தற்போது தான் கொஞ்சம் கொஞ்சமாக வெளியே வந்து கொண்டிருக்கிறது.

இந்நிலையில் பெட்ரோலியப் பொருட்கள் உற்பத்தி செய்யும் நாடுகளின் கூட்டமைப்பான ‘ஒபெக்’ அமைப்பில் இருந்து விலகப் போவதாக கத்தார் திடீரென அறிவித்துள்ளது.

இதுகுறித்து அந்நாட்டின் பெட்ரோலியத்துறை அமைச்சர் சத் அல் - காபி தோகாவில்  செய்தியாளர்களிடம் கூறியதாவது

‘ஒபெக்’ என அழைக்கப்படும் பெட்ரோலியப் பொருட்கள் உற்பத்தி நாடுகளின் கூட்டமைப்பில் இருந்து வெளியேறுவது என்று முடிவு செய்துள்ளோம். அடுத்த ஆண்டு ஜனவரி 1-ம் தேதி முதல் எங்களின் முடிவு அமலுக்கு வருகிறது.

இது ஒன்றும் திடீரென எடுக்கப்பட்ட முடிவல்ல; நீண்ட நாட்களாக திட்டமிடப்பட்டு வந்த ஒன்றுதான் 

‘ஒபெக்’ நாடுகளின் கூட்டம் செவ்வாயன்று நடைபெறுகிறது. அந்தக் கூட்டத்தில் எங்கள் முடிவை முடிவினை அறிவிப்போம். 

இவ்வாறு அவர் தெரிவித்தார். 

கத்தாரின் இந்த முடிவு சர்வதேச அளவில் பெட்ரோல் மற்றும் டீசல் விலை நிலவரத்தில் பெரிய தாக்கத்தை ஏற்படுத்தும் என்று கூறப்படுகிறது. 
 

]]>
qatar, petroleum products, OPEC, quit, sanctions, oil prices http://images.dinamani.com/uploads/user/imagelibrary/2018/12/3/w600X390/saad-al-kaabi.jpg http://www.dinamani.com/world/2018/dec/03/பெட்ரோலியப்-பொருட்கள்-உற்பத்தி-நாடுகள்-கூட்டமைப்பான-ஒபெக்-அமைப்பில்-இருந்து-விலக-கத்தார்-முடிவு-3050976.html
3050570 உலகம் பெட்ரோல் விலை உயர்வுக்கு எதிராக வன்முறை: பிரான்ஸில் அவசர நிலை?  பாரீஸ், DIN Monday, December 3, 2018 03:06 AM +0530 பிரான்ஸில் பெட்ரோல், டீசல் விலை உயர்வை எதிர்த்து நடைபெறும் போராட்டங்களில் வன்முறை அதிகரித்து வருவதையடுத்து, அந்த நாட்டில் அவசர நிலை அறிவிப்பது குறித்து அரசு பரிசீலித்து வருகிறது.
 இதுகுறித்து உள்துறை அமைச்சர் கிறிஸ்டோஃப் கேஸ்டனெர் கூறியதாவது:
 பெட்ரோலுக்கான வரியை அதிகரித்திருப்பதற்கு எதிர்ப்பு தெரிவித்து போராட்டத்தில் ஈடுபட்டு வருபவர்கள், வன்முறையில் கைதேர்ந்தவர்கள்; அழிவை ஏற்படுத்துவதில் வல்லவர்கள்.
 அந்த வன்முறையைக் கட்டுப்படுத்துவதற்கான அனைத்து வாய்ப்புகளையும் ஆய்வு செய்து வருகிறோம். காவல்துறையினர் கோரியுள்ளபடி, அவசர நிலையை அறிவிப்பது குறித்தும் பரிசீலித்து வருகிறோம். இந்த விவகாரத்தை முடிவுக்குக் கொண்டு வருவதற்கு எத்தகைய முடிவும் ஏற்புடையதே என்றார் அவர்.
 வன்முறையை ஏற்க முடியாது: இதற்கிடையே, எந்தக் காரணத்துக்காகவும் வன்முறையில் ஈடுபடுவதை ஒருபோதும் ஏற்க முடியாது என்று பிரான்ஸ் அதிபர் இமானுவல் மேக்ரான் எச்சரிக்கை விடுத்துள்ளார்.
 பிரான்ஸில் வாகன எரிபொருள்களின் விலை அதிகரித்து வருவதற்கும், அந்தப் பொருள்களுக்கான வரியை மேலும் அதிகரிக்க அரசு முடிவு செய்துள்ளதற்கும் எதிர்ப்பு தெரிவித்து, கடந்த மாதம் 17-ஆம் தேதி முதல் தன்னெழுச்சிப் போராட்டம் நடைபெற்று வருகிறது.
 இந்த நிலையில், சனி மற்றும் ஞாயிற்றுக்கிழமை நடைபெற்ற போராட்டத்தின்போது தீவைப்பு போன்ற வன்முறைச் சம்பவங்கள் அதிக அளவில் நடைபெற்றன.
 ஜி20 நாடுகளின் மாநாட்டில் பங்கேற்பதற்காக, அதிபர் இமானுவல் மேக்ரான் ஆர்ஜென்டீனா சென்றிருந்த சூழலில் இந்த வன்முறைச் சம்பவங்கள் நடந்தன.
 இதில், 23 பாதுகாப்புப் படையினர் உள்பட 133 பேர் காயமடைந்தனர்.
 அடிபணிய மாட்டோம்
 போராட்டக்காரர்களுக்கு அடிபணிந்து, பெட்ரோல்-டீசலுக்கான வரி உயர்வு திட்டத்தை ரத்து செய்ய மாட்டோம் என்று பிரான்ஸ் அரசு கூறியுள்ளது.
 இதுகுறித்து அரசின் செய்தித் தொடர்பாளர் பெஞ்சமின் கிரைவாக்ஸ் கூறியதாவது:
 அதிபர் இமானுவல் மேக்ரான் தலைமையிலான அரசு, சரியான பாதையில்தான் சென்று கொண்டிருக்கிறது. எனவே, போராட்டக்காரர்களுக்கு அடிபணிந்து அந்தப் பாதையிலிருந்து நாங்கள் விலகப் போவதில்லை. கடந்த 30 ஆண்டுகளாக நாட்டை ஆண்டு வந்த அரசுகள், இதுபோன்ற போராட்டக்காரர்களின் பேச்சைக் கேட்டு 18 மாதங்களுக்கு ஒரு முறை பாதையை மாற்றி வந்தன. அதைப் போல, தற்போது போராட்டக்காரர்களின் வலியுறுத்தலுக்கு அடிபணிந்து எரிபொருளுக்கு வரியை அதிகரிக்கும் முடிவைத் திரும்பப் பெற மாட்டோம் என்றார் அவர்.
 
 
 
 
 
 
 
 
 
 
 
 
 
 
 

]]>
http://images.dinamani.com/uploads/user/imagelibrary/2018/12/3/w600X390/GRIVEAUX.jpg http://www.dinamani.com/world/2018/dec/03/பெட்ரோல்-விலை-உயர்வுக்கு-எதிராக-வன்முறை-பிரான்ஸில்-அவசர-நிலை-3050570.html
3050565 உலகம் இலங்கையில் புதிதாக நாடாளுமன்றத் தேர்தல் நடத்த வேண்டும்: ராஜபட்ச வலியுறுத்தல் DIN DIN Monday, December 3, 2018 02:58 AM +0530 இலங்கையில் தற்போது நிலவும் அரசியல் குழப்பத்தை முடிவுக்கு கொண்டுவரும் வகையில், புதிதாக நாடாளுமன்றத் தேர்தல் நடத்தப்பட வேண்டும் என்று, சர்ச்சைக்குரிய வகையில் அந்நாட்டின் பிரதமராக நியமிக்கப்பட்டுள்ள மகிந்த ராஜபட்ச ஞாயிற்றுக்கிழமை தெரிவித்தார்.
 இதுதொடர்பாக அவர் வெளியிட்ட அறிக்கையில் கூறப்பட்டுள்ளதாவது:
 இலங்கையின் அரசியல் வரலாற்றில் இதற்கு முன்பும் இதுபோன்ற அரசியல் குழப்பம் நிலவிய சூழல்களில் நாடாளுமன்றம் கலைக்கப்பட்டு, புதிதாக தேர்தல் நடத்தப்பட்டது. அதேபோன்று தற்போதும் அரசியல் ஸ்திரத்தன்மையை கொண்டு வரும் வகையில் புதிதாக நாடாளுமன்றத் தேர்தல் நடத்தப்பட வேண்டும்.
 மீண்டும் பொதுத்தேர்தல் நடத்துவதன் மூலமாகவே இலங்கையில் ஜனநாயகத்தை நிலைநாட்ட முடியும். இலங்கை அரசியல் சாசனத்தின்படி, இறையாண்மை என்பது மக்களுக்கானதே தவிர, நாடாளுமன்றத்துக்கானதல்ல. விக்கிரமசிங்கவின் ஐக்கிய தேசிய கட்சி, நாடாளுமன்றத் தேர்தலை எதிர்கொள்ளத் தயங்குகிறது என்று ராஜபட்ச அந்த அறிக்கையில் கூறியுள்ளார்.
 இலங்கை நாடாளுமன்றத்தில் ராஜபட்சவுக்கு எதிராக நம்பிக்கையில்லா தீர்மானத்தை எதிர்க்கட்சிகள் இருமுறை நிறைவேற்றிய போதிலும், அவர் இதுவரை பதவி விலகவில்லை.
 இந்நிலையில், மூன்றாவது முறையாக வரும் புதன்கிழமையும் எதிர்க்கட்சிகள் நம்பிக்கையில்லாத் தீர்மானம் நிறைவேற்றும் பட்சத்தில், ராஜபட்சவை பிரதமர் பதவியிலிருந்து அதிபர் சிறீசேனா நீக்கலாம் என்ற ஊகங்கள் எழுந்துள்ளன.
 அதைத் தொடர்ந்து புதிய பிரதமரையும், அமைச்சரவையையும் அதிபர் சிறீசேனா நியமிக்க வேண்டியிருக்கும். விக்கிரமசிங்கவுடன் கருத்து வேறுபாடு இருப்பதால் அவரை மீண்டும் பிரதமராக நியமிக்க வாய்ப்பில்லை என்று அதிபர் சிறீசேனா கூறியுள்ளார். எனினும், விக்கிரமசிங்கவைத் தவிர வேறு தேர்வுகள் அதிபருக்கு இல்லை என்று விக்கிரமசிங்க சார்ந்த ஐக்கிய தேசிய கட்சி கூறியுள்ளது.
 
 

]]>
http://images.dinamani.com/uploads/user/imagelibrary/2018/11/15/w600X390/rajapaksha.jpg http://www.dinamani.com/world/2018/dec/03/இலங்கையில்-புதிதாக-நாடாளுமன்றத்-தேர்தல்-நடத்த-வேண்டும்-ராஜபட்ச-வலியுறுத்தல்-3050565.html
3050487 உலகம் நெதன்யாகு மீது ஊழல் குற்றச்சாட்டு பதிவு: இஸ்ரேல் காவல்துறை பரிந்துரை  ஜெருசலேம், DIN Monday, December 3, 2018 01:15 AM +0530 இஸ்ரேல் பிரதமர் பெஞ்சமின் நெதன்யாகு மற்றும் அவரது மனைவிக்கு எதிரான மேலும் ஓர் ஊழல் வழக்கில், அவர்களுக்கு எதிராக குற்றச்சாட்டுப் பதிவு செய்ய அந்த நாட்டு காவல்துறை பரிந்துரைத்துள்ளது.
 ஏற்கெனவே, இரு ஊழல் வழக்குகளில், அவர் மீது குற்றச்சாட்டு பதிவு செய்ய பரிந்துரைத்துள்ள காவல்துறை, 3-ஆவது முறையாக இந்தப் பரிந்துரையை அளித்துள்ளது குறிப்பிடத்தக்கது.
 இதுகுறித்து போலீஸார் தெரிவித்ததாவது:
 பிரதமர் பெஞ்சமின் நெதன்யாகுவுக்கு எதிரான மற்றொரு வழக்கில், அவர் லஞ்சம், மோசடி, விதிமீறல் ஆகியவற்றில் ஈடுபட்டதற்கு எங்களிடம் போதிய ஆதாரங்கள் உள்ளன.
 எனவே, அந்த வழக்கில் அவருக்கு எதிராக நீதித் துறை முறைப்படி குற்றச்சாட்டு பதிவு செய்யலாம் என்று பரிந்துரைத்துள்ளோம் என்று தெரிவித்தனர்.
 ஏற்கெனவே, தனக்கு சாதமான செய்திகளை வெளியிடுவதற்காக இஸ்ரேலின் யெடியட் அஹாரோனாட் என்ற நாளிதழுக்கு ரகசியமாக லஞ்சம் கொடுத்தது, அதிகாரத்தைத் தவறாகப் பயன்படுத்தியது ஆகிய இரு வழக்குகளில், நெதன்யாகு மீது குற்றச்சாட்டு பதிவு செய்யலாம் என்று காவல்துறை தெரிவித்திருந்தது.
 அந்த வழக்குகளை 14 மாதங்களாக விசாரித்ததில், நெதன்யாகு மீதான குற்றச்சாட்டுகளை நிரூபிக்கும் போதிய ஆதாரங்கள் கிடைத்துள்ளதாக போலீஸார் கூறியிருந்தனர்.
 இந்த நிலையில், தற்போது 3-ஆவது வழக்கில் நெதன்யாகு மீதும், அவரது மனைவி சாரா மீதும் குற்றச்சாட்டு பதிவு செய்ய காவல்துறை பரிந்துரைத்துள்ளது.
 இதையடுத்து, இஸ்ரேலில் மிக நீண்ட காலம் பிரதமராகப் பொறுப்பு வகித்து வரும் பெஞ்சமின் நெதன்யாகு, தனது பதவியை ராஜிநாமா செய்வாரா என்ற கேள்வி எழுந்துள்ளது.
 எனினும், இந்தக் குற்றச்சாட்டுகளை நெதன்யாகு மறுத்துள்ளார். அரசியல் உள்நோக்கத்துடன் இந்தக் குற்றச்சாட்டுகள் சுமத்தப்பட்டுள்ளதாக அவர் தெரிவித்தார்.
 
 

]]>
http://images.dinamani.com/uploads/user/imagelibrary/2018/12/3/w600X390/BENJAMIN-NETANYAHU.jpg http://www.dinamani.com/world/2018/dec/03/நெதன்யாகு-மீது-ஊழல்-குற்றச்சாட்டு-பதிவு-இஸ்ரேல்-காவல்துறை-பரிந்துரை-3050487.html
3050486 உலகம் போலந்தில் தொடங்கியது ஐ.நா. பருவநிலை மாநாடு  கடோவைஸ், DIN Monday, December 3, 2018 01:14 AM +0530 பருவநிலை மாற்றத்தை கட்டுப்படுத்துவது தொடர்பான ஐ.நா. மாநாடு போலந்தில் ஞாயிற்றுக்கிழமை தொடங்கியது.
 உலக வெப்பமயமாதல் சர்வதேச நாடுகளுக்கு மிகப்பெரிய பிரச்னையாக உருவெடுத்துள்ளது.
 எனவே இதனை 2 டிகிரி செல்சியசுக்கும் கீழே குறைக்க உலக நாடுகள் ஒருங்கிணைந்து இலக்கு நிர்ணயித்தன. இது தொடர்பான வரலாற்று சிறப்புமிக்க ஒப்பந்தம் மூன்று ஆண்டுகளுக்கு முன்பு பாரீசில் நடைபெற்ற மாநாட்டில் நிறைவேற்றப்பட்டது.
 இந்த நிலையில், பருவநிலை மாற்றத்தை கட்டுப்படுத்துவது தொடர்பாக பேச்சுவார்த்தை நடத்த போலந்தில் உள்ள கடோவைஸ் நகரில் உலக நாடுகளின் தலைவர்கள் ஒன்று கூடியுள்ளனர்.
 சுமார் 200 நாடுகளின் பிரதிநிதிகள் ஐ.நா. பருவநிலை மாநாட்டில் கலந்து கொண்டுள்ளனர்.
 திட்டமிடப்பட்டதற்கு ஒரு நாளுக்கு முன்பாகவே இந்த மாநாடு தொடங்கியுள்ளது.
 வரும் 14-ஆம் தேதி வரை இரண்டு வாரங்கள் நடைபெறவுள்ள இந்த பருவநிலை மாநாட்டில் முக்கிய முடிவுகள் எடுக்கப்படலாம் என்று தெரிகிறது.

]]>
http://www.dinamani.com/world/2018/dec/03/போலந்தில்-தொடங்கியது-ஐநா-பருவநிலை-மாநாடு-3050486.html
3050485 உலகம் கலீதாவின் வேட்புமனுக்கள் நிராகரிப்பு  டாக்கா, DIN Monday, December 3, 2018 01:13 AM +0530 வங்கதேச பொதுத் தேர்தலில் போட்டியிடுவதற்காக முன்னாள் பிரதமர் கலீதா ஜியா தாக்கல் செய்திருந்த வேட்புமனுக்கள் நிராகரிக்கப்பட்டன.
 ஊழல் வழக்குகளில் அவருக்கு சிறைத் தண்டனை விதிக்கப்பட்டுள்ளதைக் காரணம் காட்டி அவரது வேட்புமனுக்களை தேர்தல் ஆணையம் நிராகரித்தது.
 ஏற்கெனவே, தேர்தலில் கலீதா ஜியா போட்டியிடுவதற்கு உச்சநீதிமன்றம் தடைவிதித்துள்ளது குறிப்பிடத்தக்கது.
 இதுகுறித்து தேர்தல் ஆணைய செய்தித் தொடர்பாளர் ஞாயிற்றுக்கிழமை கூறியதாவது:
 வரும் 30-ஆம் தேதி நடைபெறவிருக்கும் பொதுத் தேர்தலில் போட்டியிடுவதற்காக முன்னாள் பிரதமர் கலீதா ஜியா வேட்புமனுக்கள் தாக்கல் செய்திருந்தார். போக்ரா மாவட்டத்தில் இரண்டு தொகுதிகளிலும், ஃபெனி மாவட்டத்திலுள்ள ஒரு தொகுதியிலும் போட்டியிடுவதற்காக அவர் மனு தாக்கல் செய்திருந்தார்.
 எனினும், இரு ஊழல் வழக்குகளில் அவர் மீது குற்றச்சாட்டு நிரூபிக்கப்பட்ட காரணத்தால் அந்த மனுக்கள் நிராகரிக்கப்பட்டன என்றார் அவர்.
 "ஜியா ஆதரவற்றோர் அறக்கட்டளை'க்காக வெளிநாடுகளிலிருந்து ஏராளமான தொகையை முறைகேடாகப் பெற்றதாக, முன்னாள் பிரதமர் கலீதா ஜியா (72), அவரது மகன் தாரிக் ரஹ்மான் உள்ளிட்ட 6 பேருக்கு எதிராக டாக்காவிலுள்ள விசாரணை நீதிமன்றத்தில் வழக்கு நடைபெற்று வந்தது. 6 ஆண்டுகளுக்கும் மேலாக இந்த முறைகேடு தொடர்பாக நடைபெற்று வந்த வழக்கில் கலீதா ஜியாவுக்கு 5 ஆண்டுகள் சிறைத் தண்டனை விதித்து நீதிமன்றம் கடந்த பிப்ரவரி மாதம் 8-ஆம் தேதி தீர்ப்பளித்தது. மேலும், அந்தத் தண்டனையை நீதிமன்றம் பிறகு இரட்டிப்பாக்கியது.
 இதற்கிடையே, அறக்கட்டளை முறைகேடு தொடர்பான மற்றொரு வழக்கில் கலீதாவுக்கு 7 ஆண்டுகள் சிறைத் தண்டனை விதிக்கப்பட்டது. இந்த நிலையில், தேர்தலில் போட்டியிட அவருக்கு உச்சநீதிமன்றம் கடந்த வாரம் தடை விதித்தது. அதன் தொடர்ச்சியாக, தற்போது அவரது வேட்புமனுக்கள் நிராகரிக்கப்பட்டுள்ளன.

]]>
http://images.dinamani.com/uploads/user/imagelibrary/2018/12/3/w600X390/zia.jpg http://www.dinamani.com/world/2018/dec/03/கலீதாவின்-வேட்புமனுக்கள்-நிராகரிப்பு-3050485.html
3050484 உலகம் கூடுதல் வரி விதிப்புகளை 90 நாள்களுக்கு நிறுத்திவைக்க அமெரிக்கா - சீனா ஒப்புதல்  பியூனஸ் அயர்ஸ் DIN Monday, December 3, 2018 01:12 AM +0530 சீனப் பொருள்கள் மீது அமெரிக்காவும், அமெரிக்கப் பொருள்கள் மீது சீனாவும் கூடுதல் வரி விதிப்பதை 90 நாள்களுக்கு நிறுத்திவைக்க இரு நாடுகளும் சம்மதம் தெரிவித்துள்ளன.
 மேலும், வரும் ஜனவரி மாதம் 1-ஆம் தேதி முதல் 20,000 கோடி டாலர் (சுமார் ரூ.14 லட்சம் கோடி) மதிப்பிலான சீனப் பொருள்களுக்கு கூடுதல் வரி விதிக்கும் முடிவையும் அமெரிக்கா கைவிட்டது.
 இரு நாடுகளுக்கும் இடையே வர்த்தகப் போர்ப் பதற்றத்தைத் தணிப்பதற்கான பேச்சுவார்த்தையை மேற்கொள்வதற்கு வசதியாக இந்த முடிவு எடுக்கப்பட்டுள்ளது.
 ஆர்ஜென்டீனா தலைநகர் பியூனஸ் அயர்ஸில் நடைபெற்ற ஜி20 நாடுகளின் மாநாட்டினிடையே அமெரிக்க அதிபர் டொனால்ட் டிரம்ப்பும், சீன அதிபர் ஷி ஜின்பிங்கும் சந்தித்து நடத்திய பேச்சுவார்த்தையின்போது இந்த உடன்பாடு எட்டப்பட்டது.
 இதுகுறித்து அமெரிக்க அதிபர் மாளிகை வெளியிட்டுள்ள அறிக்கையில் தெரிவிக்கப்பட்டுள்ளதாவது:
 சீனாவிலிருந்து இறக்குமதி செய்யப்படும் பொருள்கள் மீது அமெரிக்காவும், அமெரிக்காவிலிருந்து இறக்குமதியாகும் பொருள்கள் மீது சீனாவும், இன்னும் 90 நாள்களுக்கு கூடுதலாக வரி விதிப்பதில்லை என்று ஆர்ஜென்டீனாவில் அதிபர் டிரம்ப்புக்கும், சீன அதிபர் ஷி ஜின்பிங்குக்கும் இடையே நடைபெற்ற பேச்சுவார்த்தையின்போது முடிவு செய்யப்பட்டது.
 20,000 கோடி டாலர் மதிப்பிலான சீனப் பொருள்கள் மீது தற்போது விதிக்கப்பட்டுள்ள 10 சதவீத கூடுதல் இறக்குமதி வரி ஜனவரி மாதம் 1-ஆம் தேதி முதல் 25 சதவீதமாக உயர்த்தப்படும் என்று அதிபர் டிரம்ப் ஏற்கெனவே அறிவித்திருந்தார்.
 எனினும், அந்த முடிவை நிறுத்தி வைக்கவும் சீன அதிபருடனான பேச்சுவார்த்தையின்போது டிரம்ப் சம்மதம் தெரிவித்துள்ளார்.
 அமெரிக்காவிடமிருந்து வேளாண்மை, தொழிற்துறை மற்றும் எரிசக்திப் பொருள்களை கணிசமான அளவில் இறக்குமதி செய்ய சீனா ஒப்புக் கொண்டது என்று அந்த அறிக்கையில் குறிப்பிடப்பட்டுள்ளது.
 இந்தத் தகவலை, சீன அரசுக்குச் சொந்தமான "சைனா டெய்லி' நாளிதழும், சீனாவின் சிஜிடிஎன் தொலைக்காட்சியும் உறுதி செய்துள்ளன.
 சீனாவுக்கு ஏற்றுமதி செய்யும் பொருள்களின் மதிப்பைவிட, அந்த நாட்டிடமிருந்து அமெரிக்கா இறக்குமதி செய்யும் பொருள்களின் மதிப்பு அதிகமாக இருப்பதால், அந்த வர்த்தகப் பற்றாக்குறையை சமாளிப்பதற்காக சீனப் பொருள்களின் இறக்குமதிக்கு
 கட்டுப்பாடுகள் விதிக்கப்போவதாக கடந்த 2016-ஆம் ஆண்டு நடைபெற்ற அதிபர் தேர்தலின்போது டிரம்ப் வாக்குறுதி அளித்திருந்தார்.
 அதன்படி, சீனாவிலிருந்து இறக்குமதி செய்யப்படும் பல லட்சம் கோடி ரூபாய் மதிப்பிலான பொருள்கள் மீது கூடுதல் வரி விதிக்கும் உத்தரவைப் அவர் பிறப்பித்து வருகிறார்.
 இதற்குப் பதிலடியாக, அமெரிக்க இறக்குமதி பொருள்கள் மீது சீனாவும் கூடுதல் வரிகளை அறிவித்து வருகிறது.
 இதன் காரணமாக, உலகின் மிகப் பெரிய பொருளாதார சக்திகளான அந்த இரு நாடுகளுக்கும் இடையே வர்த்தகப் போர் வெடிக்கும் என்ற அச்சம் நிலவி வருகிறது.
 இந்த நிலையில், ஆர்ஜென்டீனாவில் நடைபெற்ற ஜி-20 நாடுகளின் மாநாட்டின் இடையே அமெரிக்க அதிபர் டொனால்ட் டிம்ப்பும், சீன அதிபர் ஷி ஜின்பிங்கும் சனிக்கிழமை நடத்திய பேச்சுவார்த்தையில் இந்த முடிவுகள் எடுக்கப்பட்டுள்ளன.
 
 

]]>
http://images.dinamani.com/uploads/user/imagelibrary/2018/12/3/w600X390/TRUMP.jpg http://www.dinamani.com/world/2018/dec/03/கூடுதல்-வரி-விதிப்புகளை-90-நாள்களுக்கு-நிறுத்திவைக்க-அமெரிக்கா---சீனா-ஒப்புதல்-3050484.html
3050478 உலகம் அமெரிக்கா-இந்தியா இடையே நம்பகத்தன்மை அதிகரிப்பு: அமெரிக்க பாதுகாப்புத் துறை அமைச்சர் பெருமிதம்  வாஷிங்டன் DIN Monday, December 3, 2018 01:06 AM +0530 பாதுகாப்புத் துறையில் இந்தியா - அமெரிக்கா இடையே ஒத்துழைப்பு அதிகரிப்பது, இரு நாடுகளுக்கு இடையே நம்பகத்தன்மை வளர்ந்து கொண்டிருப்பதைக் காட்டுகிறது என்று அமெரிக்க பாதுகாப்புத் துறை அமைச்சர் ஜேம்ஸ் மேட்டிஸ் பெருமிதம் தெரிவித்தார்.
 வாஷிங்டனில் ரொனால்டு ரீகன் அறக்கட்டளை உயர் கல்வி நிறுவனத்தில் சனிக்கிழமை நடைபெற்ற நிகழ்ச்சியில் உரையாற்றிய அவர், இதைத் தெரிவித்தார். அவர் மேலும் கூறியதாவது:
 இந்திய-பசிபிக் பிராந்தியத்தில் புதிதாக நட்புறவை ஏற்படுத்துவதன் மூலமாக, பல ஆண்டுகால உறவை வலுப்படுத்தி வருகிறோம். இந்த ஆண்டில் அமெரிக்காவின் யு.எஸ்.எஸ். கார்ல் வின்சன் போர்க்கப்பல் வியத்நாமுக்கு வரலாற்றுச் சிறப்புமிக்க பயணத்தை மேற்கொண்டது. இதேபோல், பாதுகாப்புத் துறையில் அமெரிக்கா- இந்தியா இடையேயான ஒத்துழைப்பு மேலும் அதிகரித்துள்ளது. இது, உலகின் மிகப்பெரிய பொருளாதார நாடுகளான இந்தியா, அமெரிக்கா இடையே நம்பகத்தன்மை அதிகரித்துள்ளதை வெளிப்படுத்துகிறது.
 அமெரிக்கா-சீனா இடையேயான வர்த்தக உறவில் கடந்த சில மாதங்களாக சுணக்கம் நிலவி வருகிறது. சீனாவுடன் இணைந்து செயல்படுவதற்கான வழிமுறைகளைக் கண்டு பிடித்து விடுவோம் என்று நம்புகிறோம். மற்றொரு நாட்டுடன் இணைந்து செயல்படும்போது எழும் பிரச்னைகளுக்குத் தீர்வு காண்பதற்கான வழிமுறைகள் கண்டறியப்பட வேண்டும். அதற்காக, நானும், சீன பாதுகாப்புத் துறை அமைச்சரும், அமெரிக்க வெளியுறவுத் துறை அமைச்சர் மைக் பாம்பியோவும், சீன வெளியுறவுத் துறை அமைச்சர் யாங் ஜியேச்சியும் சந்தித்துப் பேசியுள்ளோம்.
 வர்த்தக விவகாரங்களில் சிறிய நாடுகளை மிரட்டுவதையோ அல்லது வறட்டுத்தனமான பொருளாதார நடைமுறைகளையோ ஏற்றுக்கொள்ள மாட்டோம். எந்தவொரு நாடும் மற்ற நாடுகளின் ராஜீய உறவுகள், பொருளாதாரம் மற்றும் பாதுகாப்பு தொடர்பான முடிவுகளில் தலையிட்டு உத்தரவு பிறப்பிக்க முடியாது. சீனாவுடன் தேவையான இடத்தில் மட்டுமே முரண்படுவோம். ஆனால், தற்போதைய முரண்பாடுகள் முடிவுக்கு வர வேண்டும் என்றே விரும்புகிறோம். அதற்கான வழிமுறைகள் கண்டறியப்பட வேண்டும். சீனாவுடன் இணைந்து செயல்படுவதற்கான வழிமுறையை உருவாக்கியதற்காக, அடுத்த 10 அல்லது 15 ஆண்டுகள் கழித்தும் டிரம்ப் நிர்வாகம் நினைவுகூரப்படும்.
 அமெரிக்கா-ரஷியா இடையேயான உறவில் ஏற்கெனவே விரிசல் ஏற்பட்டிருந்தது. அமெரிக்க அதிபர் தேர்தலில் ரஷியா தலையிட்டதன் மூலம், அது மேலும் மோசமடைந்து விட்டது என்று ஜேம்ஸ் மேட்டிஸ் கூறினார்.
 
 

]]>
http://www.dinamani.com/world/2018/dec/03/அமெரிக்கா-இந்தியா-இடையே-நம்பகத்தன்மை-அதிகரிப்பு-அமெரிக்க-பாதுகாப்புத்-துறை-அமைச்சர்-பெருமிதம்-3050478.html
3050381 உலகம் மலேசியாவுக்கு படகு வழியாக செல்ல முயன்ற 93 ரோஹிங்கியா அகதிகள் கைது DIN DIN Sunday, December 2, 2018 03:45 PM +0530 மியான்மரிலிருந்து மலேசியாவுக்கு படகு வழியாக செல்ல முயன்ற 93 ரோஹிங்கியா அகதிகளை மியான்மர் அதிகாரிகள் தடுத்து நிறுத்தியுள்ளனர். மேற்கு ரக்ஹைன் மாநிலத்தில் அமைந்துள்ள முகாம்களில் இருந்து தப்பிய இந்த ரோஹிங்கியாக்கள், கடல் வழியாக மலேசியாவை அடையும் முயற்சியில் ஈடுபட்டதாகக் கூறப்படுகின்றது.

மலேசியாவுக்கு செல்லும் நோக்கத்தில் முகாம்களிலிருந்து தப்பி வந்ததாக கூறிய மியான்மரின் தென் கடலோர பகுதியின் அரசு இயக்குநர் மோ ஜா லட்ட், அவர்களை மீண்டும் முகாம்களுக்கே அனுப்புவதற்கான ஏற்பாடுகள் நடந்து வருவதாக தெரிவித்தார்.

கடந்த நவம்பர் 16 ஆம் தேதி மலேசியா செல்ல முயன்ற 106 ரோஹிங்கியாக்கள் சென்ற படகு என்ஜின் பழுதான நிலையில் மியான்மரின் வர்த்தக மையமாக அறியப்படும் யாங்கோன் அருகே மியான்மர் அதிகாரிகளால் கைது செய்யப்பட்டனர். தெற்கு ரக்ஹைன் கடல் பகுதியிலிருந்து மலேசியா செல்ல முயற்சித்த 80 ரோஹிங்கியாக்களும் தடுத்து நிறுத்தப்பட்டனர். 

மியான்மர் கடல்பகுதியில் மழையின்றி அமைதியான வானிலை காணப்படுவதால், இதுபோன்ற படகு வழிப்பயணங்கள் மீண்டும் தொடங்கியுள்ளதாகக் கூறப்படுகின்றது. அந்த வகையில், சமீப வாரங்களில் படகு வழியாக மலேசியாவில் தஞ்சமடையும் 3 முயற்சிகள் தடுத்து நிறுத்தப்பட்டுள்ளன. 

கடந்த ஆகஸ்ட் 2017 -இல் மியான்மரில் ஏற்பட்ட தொடர் வன்முறைகள் மற்றும் ராணுவத்தின் தேடுதல் வேட்டைக் காரணமாக 8 லட்சத்துக்கும் அதிகமான ரோஹிங்கியா முஸ்லீம் அகதிகள் வங்கதேசத்தில் தஞ்சமடைந்திருக்கின்றனர். இதே போல், முந்தைய வன்முறைகளில் வெளியேறிய 40 ஆயிரத்துக்கும் மேற்பட்ட ரோஹிங்கியா அகதிகள் இந்தியாவில் அகதிகளாக வசித்து வருகின்றனர் என்பது குறிப்பிடத்தக்கது. 

]]>
http://www.dinamani.com/world/2018/dec/02/மலேசியாவுக்கு-படகு-வழியாக-செல்ல-முயன்ற-93-ரோஹிங்கியா-அகதிகள்-கைது-3050381.html
3050378 உலகம் மோடியை கிண்டல் செய்து செய்தி வெளியிட்ட அர்ஜென்டினா நாட்டு டிவியால் சர்ச்சை  DIN DIN Sunday, December 2, 2018 03:01 PM +0530  

பியுனோஸ் அயர்ஸ்: G20 மாநாட்டில் கலந்து கொண்ட பிரதமர் மோடியை கிண்டல் செய்து செய்தி வெளியிட்ட அர்ஜென்டினா நாட்டு டிவியால் சர்ச்சை எழுந்துள்ளது. 

அர்ஜென்டினா நாட்டின் தலைநகரான பியுனோஸ் அயர்ஸ் நகரில்  நடைபெற்ற  ‘ஜி-20’ உச்சி மாநாட்டில் கலந்து கொள்வதற்காக   பிரதமர் நரேந்திர மோடி சென்றிருந்தார். அவரது வருகை குறித்த செய்தி அங்குள்ள ஊடகங்களில் வெளியானது குறிப்பாக குரோனிகா என்ற செய்தி சேனலும் இதுகுறித்து கிண்டலாக செய்தி ஒன்றை வெளியிட்டது.

‘அபு வந்து சேர்ந்தார்’ என்ற தலைப்புடன் மோடியின் வருகை குறித்த செய்தி அத்தொலைக்காட்சியில் வெளியாகியிருந்தது. அர்ஜென்டினாவில் ஒளிபரப்பாகிற ‘தி சிம்ப்சன்ஸ்’ என்ற பிரபலமான காமெடி கேலிச்சித்திர தொடரில் இடம்பெறும் கேலிக்குரிய இந்திய கடைக்காரர் ஒருவரின்  கதாபாத்திரத்தின் பெயர்தான் அபு என்பதாகும். அத்துடன் அபு கதாபாத்திரத்தையும் செய்தியின் போது அந்த தொலைக்காட்சி ஒளிபரப்பியது. 

இப்படி ஒரு கேலிச்சித்திர கதாபாத்திரத்தின் பெயரில் மோடியின் வருகை செய்தியாக்கப்பட்டது சமூக வலைத்தகங்களில் கடும் விமர்சனத்திற்குள்ளானது.  

]]>
argentina, G20 summit, india, modi, chronica TV, news, cartoon, apu, controversy http://images.dinamani.com/uploads/user/imagelibrary/2018/12/2/w600X390/modi.jpg http://www.dinamani.com/world/2018/dec/02/மோடியை-கிண்டல்-செய்து-செய்தி-வெளியிட்ட-அர்ஜென்டினா-நாட்டு-டிவியால்-சர்ச்சை-3050378.html
3050097 உலகம் 2022-இல் இந்தியாவில் ஜி-20 மாநாடு  பியூனஸ் அயர்ஸ் DIN Sunday, December 2, 2018 10:42 AM +0530 வரும் 2022-ஆம் ஆண்டில் ஜி-20 மாநாடு இந்தியாவில் நடைபெறும் என்று பிரதமர் மோடி தெரிவித்தார்.
 இதுகுறித்து அவர் கூறுகையில், "2022-இல் ஜி 20 மாநாட்டை இத்தாலி நடத்துவதாக இருந்தது. இந்தியாவுக்காக அந்நாடு அந்த வாய்ப்பை விட்டுக் கொடுத்துள்ளது. அந்த ஆண்டில் இந்தியா 75-ஆவது சுதந்திர தினத்தைக் கொண்டாடும் என்பதால் மிகவும் சிறப்பான ஆண்டாக இருக்கும்' என்றார்.
 ஆர்ஜென்டீனாவில் நடைபெற்ற ஜி 20 மாநாட்டில் ஐரோப்பிய கவுன்சில் தலைவர் டொனால்ட் டஸ்க், ஐரோப்பிய ஆணையத் தலைவர் ஜீன்-ஜங்க்கர், ஜெர்மனி பிரதமர் ஏஞ்சலா மெர்க்கெல் உள்ளிட்டோரை பிரதமர் நரேந்திர மோடி சந்தித்து பேச்சுவார்த்தை நடத்தினார். அப்போது, பயங்கரவாதத்துக்கு எதிரான நடவடிக்கைகளை இணைந்து மேற்கொள்ள வேண்டும் என்று அவர் வலியுறுத்தினார்.

]]>
http://images.dinamani.com/uploads/user/imagelibrary/2018/10/19/w600X390/modioct19.jpg http://www.dinamani.com/world/2018/dec/02/2022-இல்-இந்தியாவில்-ஜி-20-மாநாடு-3050097.html
3050150 உலகம் நிதி மோசடியாளர்களுக்கு அடைக்கலம் கூடாது: ஜி-20 மாநாட்டில் மோடி வலியுறுத்தல்  பியூனஸ் அயர்ஸ், DIN Sunday, December 2, 2018 03:18 AM +0530 தலைமறைவு நிதி மோசடியாளர்களுக்கு உலக நாடுகள் அடைக்கலம் கொடுக்கக் கூடாது என்று ஜி-20 நாடுகள் உச்சி மாநாட்டில் பிரதமர் மோடி வலியுறுத்தியுள்ளார்.
 வங்கிகளில் பல கோடி ரூபாய் கடன் வாங்கி விட்டு அதைத் திருப்பிச் செலுத்தாமல் தொழிலதிபர்கள் விஜய் மல்லையா, நீரவ் மோடி, மெஹுல் சோக்ஸி ஆகியோர் வெளிநாடுகளுக்குத் தப்பிச் சென்று விட்ட நிலையில், மோடியின் கருத்து முக்கியத்துவம் பெறுகிறது.
 ஜி-20 நாடுகள் பங்கேற்கும் உச்சி மாநாடு, ஆர்ஜென்டீனா தலைநகர் பியூனஸ் அயர்ஸில் வெள்ளிக்கிழமை நடைபெற்றது. முதல்நாள் நிகழ்வில் கலந்து கொண்ட பிரதமர் மோடி, சர்வதேச வர்த்தகம், சர்வதேச நிதி மற்றும் வரி தொடர்பான அறிக்கையைத் தாக்கல் செய்தார்.
 அப்போது, தலைமறைவு நிதி மோசடியாளர்கள் மீது நடவடிக்கை எடுப்பதில் உலக நாடுகள் ஒத்துழைப்புடன் பங்காற்ற வேண்டும் என்று மோடி வலியுறுத்தினார்.
 நிதி மோசடியாளர்கள் தங்கள் நாட்டுக்குள் நுழைவதற்கு அனுமதி மறுக்கும் வகையிலும், அவர்களுக்கு அடைக்கலம் கொடுப்பதற்குத் தடை விதிக்கும் வகையிலும் செயல் திட்டம் ஒன்றை உருவாக்க ஜி-20 நாடுகள் முயற்சிக்க வேண்டும் என்று அவர் கேட்டுக் கொண்டார்.
 அதைத் தொடர்ந்து, தலைமறைவு நிதி மோசடியாளர்கள் மீது நடவடிக்கை எடுப்பது தொடர்பாக, 9 அம்ச செயல் திட்டத்தை அவர் தாக்கல் செய்தார். அதில் கூறியிருப்பதாவது:
 நிதி மோசடியாளர்களை அவர்களின் சொந்த நாட்டுக்கு திருப்பி அனுப்புவது, அவர்கள் மீதான விசாரணையை விரைவில் முடிக்க உதவுவது ஆகியவற்றில் ஜி-20 நாடுகளுக்கு இடையே ஒத்துழைப்பு அதிகரிக்க வேண்டும்.
 ஐ.நா. அமைப்பின் ஊழலுக்கு எதிரான கொள்கைகள், நாடு கடந்த திட்டமிட்ட குற்றச் செயல்களுக்கு எதிரான கொள்கைகள் ஆகியவை முழுமையாக அமல்படுத்தப்பட வேண்டும்.
 மேலும், தலைமறைவு நிதி மோசடியாளர்கள் யார் என்பதை சர்வதேச நிதிசார் நடவடிக்கை அமைப்பு (எஃப்.ஏ.டி.எஃப்) வரையறை செய்ய வேண்டும். தலைமறைவு நிதி மோசடியாளர்களை அடையாளம் காண்பது, அவர்களை நாடு கடத்துவது, அவர்களுக்கு எதிரான வழக்கு விசாரணைகளை விரைந்து முடிப்பது ஆகியவற்றில், ஜி-20 நாடுகளுக்கு உதவிடும் வகையில், உள்ளூர் சட்ட விதிமுறைகளுக்கு உள்பட்டு, பொதுவான, அனைத்து நாடுகளும் ஏற்கும்படியான நடைமுறைகளை எஃப்.ஏ.டி.எஃப். வகுக்க வேண்டும்.
 தலைமறைவு நிதி மோசடியாளர்களின் சொத்துகள் இருக்கும் இடங்களை ஜி-20 நாடுகள் கண்டறிந்து, அவற்றைப் பறிமுதல் செய்வதற்கு சம்பந்தப்பட்ட நாடுகளுக்கு உதவ வேண்டும் என்றும் பிரதமர் மோடி தாக்கல் செய்த 9 அம்சத் திட்டத்தில் தெரிவிக்கப்பட்டுள்ளது.
 பொதுத் துறை வங்கிகளில் ரூ.9,000 கோடி கடன் வாங்கி, அதை திருப்பிச் செலுத்தாத தொழிலதிபர் விஜய் மல்லையா, லண்டனுக்கு தப்பிச் சென்று விட்டார். இதேபோல், தொழிலதிபர் நீரவ் மோடி, அவரது உறவினர் மெஹுல் சோக்ஸி ஆகியோர், பஞ்சாப் நேஷனல் வங்கியில் ரூ.13,000 கோடி வரை கடன் வாங்கி விட்டு, அதை திருப்பிச் செலுத்தாமல் வெளிநாடுகளுக்குத் தப்பிச் சென்று விட்டனர்.
 இதுபோன்ற சம்பவங்கள் அதிகரித்தபோதிலும், ஏற்கெனவே நடைமுறையில் இருந்த சட்டத்தால், அவர்கள் வெளிநாடுகளுக்குத் தப்பிச் செல்வதை தடுக்க முடியவில்லை. அவர்களின் சொத்துகளையும் பறிமுதல் செய்ய முடியவில்லை.
 மற்றொரு புறம், இந்த விவகாரத்தை முன்வைத்து, நாட்டில் வாராக்கடன் அதிகரித்து விட்டதாக, மத்திய அரசை காங்கிரஸ் உள்ளிட்ட எதிர்க்கட்சிகள் விமர்சித்து வருகின்றன.
 எனவே, பிரச்னையின் தீவிரத்தை உணர்ந்து, தலைமறைவு நிதி மோசடியாளர் சட்டத்தை மத்திய அரசு அண்மையில் நிறைவேற்றியது.
 அந்த சட்டத்தின்படி, கடன் மோசடியில் ஈடுபட்டு தலைமறைவான ஒருவரை, தலைமறைவு நிதிமோசடியாளர் என்று சிறப்பு நீதிமன்றம் அறிவித்து, அவருடைய சொத்துகளைப் பறிமுதல் செய்ய முடியும்.
 இந்நிலையில், ஆர்ஜென்டீனாவில் நடைபெற்று வரும் ஜி-20 நாடுகளின் உச்சி மாநாட்டில் கலந்து கொண்டு பேசிய பிரதமர் மோடி, தலைமறைவு நிதி மோசடியாளர்களுக்கு உலக நாடுகள் அடைக்கலம் கொடுக்கக் கூடாது என்று வலியுறுத்தினார்.
 
 
 

]]>
http://images.dinamani.com/uploads/user/imagelibrary/2018/12/2/w600X390/MODI.jpg http://www.dinamani.com/world/2018/dec/02/நிதி-மோசடியாளர்களுக்கு-அடைக்கலம்-கூடாது-ஜி-20-மாநாட்டில்-மோடி-வலியுறுத்தல்-3050150.html
3050078 உலகம் அமெரிக்க முன்னாள் அதிபர் ஜார்ஜ் புஷ் மறைவு  ஹூஸ்டன், DIN Sunday, December 2, 2018 02:36 AM +0530 அமெரிக்காவின் முன்னாள் அதிபர் ஜார்ஜ் ஹெச்.டபிள்யூ. புஷ் வெள்ளிக்கிழமை காலமானார்.
 முன்னாள் அதிபர் ஜார்ஜ் புஷ்ஷின் தந்தையான அவருக்கு வயது 94. தனது மனைவி பார்பரா புஷ் (73) மறைந்து 8 மாதங்கள் நிறைவதற்குள் உடல் நலக் குறைவு காரணமாக அவர் மரணமடைந்தது குறிப்பிடத்தக்கது.
 இதுகுறித்து அவரது மகன் ஜார்ஜ் புஷ் வெளியிட்டுள்ள அறிக்கையில் தெரிவிக்கப்பட்டுள்ளதாவது: 94 வருடங்களாக மிகச் சிறந்த முறையில் வாழ்ந்த எனது தந்தை ஜார்ஜ் ஹெச்.டபிள்யூ புஷ் மறைந்த செய்தியை வருத்தத்துடன் தெரிவிக்கிறோம்.
 மிகச் சிறந்த தந்தையாக விளங்கிய அவரது அன்புக்கு நாங்கள் என்றென்றும் கடமைப்பட்டுள்ளோம் என்று அந்த அறிக்கையில் குறிப்பிடப்பட்டுள்ளது.
 மறைந்த ஹெச்.டபிள்யூ. புஷ்ஷின் இறுதிச் சடங்குக்கான தேதி பிறகு அறிவிக்கப்படும் என்று அவரது செய்தித் தொடர்பாளர் ஜிம் மெக்கிராத் தெரிவித்தார்.
 டிரம்ப் இரங்கல்: ஹெச்.டபிள்யூ. புஷ்ஷின் மறைவுக்கு அதிபர் டொனால்ட் டிரம்ப் இரங்கல் தெரிவித்துள்ளார்.
 ஜி20 மாநாட்டில் பங்கேற்பதற்காக ஆர்ஜென்டீனா சென்றுள்ள அவர், இதுகுறித்து வெளியிட்டுள்ள அறிக்கையில் தெரிவித்துள்ளதாவது: முன்னாள் அதிபர் ஹெச்.டபிள்யூ. புஷ்ஷின் மறைவுக்கு, நாட்டு மக்களுடன் இணைந்து நானும், எனது மனைவி மெலனியா டிரம்ப்பும் இணைந்து இரங்கல் செலுத்துகிறோம்.
 தனது உறுதியான நிலைப்பாட்டினால் பிற தலைவர்களுக்கும், வருங்கால சந்ததியினருக்கும் ஹெச்.டபிள்யூ.புஷ் முன்னுதாரணமாகத் திகழ்கிறார் என்று தனது இரங்கல் செய்தியில் டிரம்ப் குறிப்பிட்டுள்ளார். அமெரிக்காவின் 41-ஆவது அதிபராக, கடந்த 1989 முதல் 1993-ஆம் ஆண்டு வரை பதவி வகித்தவர் ஜார்ஜ் ஹெச்.டபிள்யூ. புஷ். குடியரசுக் கட்சியைச் சேர்ந்த அவர், அதற்கு முன்னதாக, நாட்டின் துணை அதிபராக 8 ஆண்டுகள் பொறுப்பு வகித்தார்.
 மத்தியப் புலனாய்வுத் துறையின் இயக்குநராகவும் பொறுப்பு வகித்துள்ள அவர், முன்னாள் கடற்படை வீரர் என்பதும், இரண்டாம் உலகப் போரில் பங்கேற்றவர் என்பதும் குறிப்பிடத்தக்கது.
 சோவியத் யூனியன் சிதறுண்டு, பனிப் போர் முடிவுக்கு வந்த காலகட்டத்தில் அவர் அமெரிக்க அதிபராகப் பொறுப்பு வகித்தது குறிப்பிடத்தக்கது. கிழக்கு-மேற்கு ஜெர்மனி நாடுகள் ஒருங்கிணைந்து, நேட்டோ படையுடன் இணைக்கப்பட்டதும் இவரது ஆட்சிக் காலத்தில்தான்.
 கடந்த 1990-ஆம் ஆண்டில், சிறிய நாடான குவைத்தை ஈராக் அதிபர் சதாம் உசைனின் படைகள் ஆக்கிரமித்தபோது, சர்வதேச சட்டத்தை நிலைநாட்டும் வகையில் 32 நாடுகளின் படைகளின் கூட்டணியுடன் ஈராக் மீது போர் தொடுத்து, குவைத்தை ஹெச்.டபிள்யூ. புஷ் மீட்டது குறிப்பிடத்தக்கது. கடந்த ஏப்ரல் மாதம் அவரது மனைவி பார்பரா புஷ் காலமானதைத் தொடர்ந்து, ஜார்ஜ் ஹெச்.டபிள்யூ புஷ்ஷின் உடல் நிலைமையும் கவலைக்கிடமானது. எனினும், மருத்துவமனையில் அனுமதிக்கப்பட்ட அவர் பிறகு குணமடைந்தார்.
 அதனைத் தொடர்ந்து, கடந்த ஜூன் 12-ஆம் தேதி தனது 94-ஆவது பிறந்த நாளை அவர் கொண்டாடினார். முதன் முறையாக அந்த வயதை எட்டிய அமெரிக்க முன்னாள் அதிபர் ஜார்ஜ் ஹெச்.டபிள்யூ. புஷ்தான் என்பது குறிப்பிடத்தக்கது. அவரது மறைவுக்கு, பிரதமர் மோடி, ஐரோப்பிய யூனியன் தலைவர் ஜீன்-ஜங்க்கர் உள்ளிட்ட தலைவர்கள் இரங்கல் தெரிவித்துள்ளனர்.
 

]]>
http://images.dinamani.com/uploads/user/imagelibrary/2018/12/2/w600X390/BUSH.jpg http://www.dinamani.com/world/2018/dec/02/அமெரிக்க-முன்னாள்-அதிபர்-ஜார்ஜ்-புஷ்-மறைவு-3050078.html
3050077 உலகம் பிரெக்ஸிட்: மேலும் ஒரு பிரிட்டன் அமைச்சர் ராஜிநாமா  லண்டன், DIN Sunday, December 2, 2018 02:35 AM +0530 ஐரோப்பிய யூனியனிலிருந்து பிரிட்டன் வெளியேறும் (பிரெக்ஸிட்) விவகாரத்தில், பிரதமர் தெரசா மே அறிவித்துள்ள வழிமுறைகளுக்கு எதிர்ப்பு தெரிவித்து, மேலும் ஓர் அமைச்சர் ராஜிநாமா செய்துள்ளார்.
 இது, இந்த விவகாரத்தில் பிரசமர் தெரசாவுக்கு மேலும் பின்னடைவை ஏற்படுத்தியுள்ளதாகக் கூறப்படுகிறது.
 பிரெக்ஸ்ட் விவகாரத்தில் பிரதமர் தெரஸா மே மீதான அதிருப்தி காரணமாக, பல்கலைக்கழகங்கள் மற்றும் அறிவியல் துறை அமைச்சர் சாம் ஜைமா தனது பதவியை ராஜிநாமா செய்துள்ளார்.
 இதுகுறித்து முகநூல் வலைதளத்தில் அவர் தெரிவித்துள்ளதாவது:
 பிரெக்ஸிட் தொடர்பாக ஐரோப்பிய யூனியனுடன் பிரதமர் தெரசா மே செய்துகொண்டுள்ள ஒப்பந்தம், பிரிட்டன் நலன்களுக்கு எதிரானது. அந்த ஒப்பந்தத்துக்கு ஆதரவாக வாக்களிப்பது, பிரிட்டனை தோல்விப் பாதைக்கு அழைத்துச் செல்லும்.
 ஆளுமை செலுத்திய நாடு என்ற நிலையலிருந்து, ஆளுமை செலுத்தப்படும் நாடு என்ற நிலைக்கு அந்த ஒப்பந்தம் பிரிட்டனை மாற்றியமைக்கும். பிரிட்டனின் இறையாண்மையை ஐரோப்பிய யூனியனிடம் அடகு வைக்கும் இந்தச் செயலை மக்கள் ஒருபோதும் ஏற்க மாட்டார்கள் என்று அந்தப் பதிவில் ஜைமா குறிப்பிட்டுள்ளார்.
 ஐரோப்பிய கண்டத்தைச் சேர்ந்த 28 நாடுகளின் கூட்டமைப்பான ஐரோப்பிய யூனியனில், கடந்த 1973-ஆம் ஆண்டு முதல் பிரிட்டன் அங்கம் வகித்து வருகிறது.
 எனினும், ஐரோப்பா முழுவதும் ஒரே நாடு என்ற சித்தாந்தத்தில் செயல்படும் ஐரோப்பிய யூனியனில் இணைந்துள்ளதால், பிரிட்டன் தனது தனித்துவத்தையும், இறையாண்மையையும் இழந்துவிட்டதாக ஒரு சாரார் குற்றம் சாட்டி வந்தனர்.
 இந்த நிலையில், ஐரோப்பிய யூனியனில் இருந்து பிரிட்டன் வெளியேறுவது தொடர்பான பொது வாக்கெடுப்பு கடந்த 2016-ஆம் ஆண்டு ஜூன் மாதம் நடைபெற்றது.
 அந்த வாக்கெடுப்பில், பெரும்பாலான வாக்காளர்கள் பிரெக்ஸிட்டுக்கு ஆதரவு தெரிவித்தனர்.
 இதனைத் தொடர்ந்து, ஐரோப்பிய யூனியனிலிருந்து அடுத்த ஆண்டு மார்ச் மாதம் வெளியேற பிரிட்டன் முடிவு செய்து, அதற்கான நடவடிக்கைகளை மேற்கொண்டு வருகிறது.
 அதன் ஒரு பகுதியாக, வெளியேற்றத்துக்குப் பிறகு பிரிட்டனும், ஐரோப்பிய யூனியனும் பின்பற்ற வேண்டிய விதிமுறைகள் குறித்த வரைவு ஒப்பந்தத்தை பிரதமர் தெரசா மே அண்மையில் வெளியிட்டார்.
 அதில், ஐரோப்பிய யூனியனின் சட்டங்களைத் தொடர அனுமதிப்பது போன்ற சர்ச்சைக்குரிய அம்சங்கள் இடம் பெற்றுள்ளதற்கு ஆளும் கன்சர்வேடிவ் கட்சியினரே கடும் எதிர்ப்பு தெரிவித்து வருகின்றனர்.
 அந்த ஒப்பந்தத்துக்கு கண்டனம் தெரிவித்து, பிரெக்ஸிட் விவகார அமைச்சரான டோமினிக் ராப் உள்பட இதுவரை 6 அமைச்சர்கள் பதவி விலகியுள்ளனர்.
 இந்த நிலையில், 7-ஆவதாக அமைச்சர் சாம் ஜைமா தற்போது ராஜிநாமா செய்துள்ளார்.
 

]]>
http://images.dinamani.com/uploads/user/imagelibrary/2018/12/2/w600X390/gy.jpg http://www.dinamani.com/world/2018/dec/02/பிரெக்ஸிட்-மேலும்-ஒரு-பிரிட்டன்-அமைச்சர்-ராஜிநாமா-3050077.html
3050076 உலகம் ஜி20 மாநாடு: கருத்து வேறுபாடுகள் களையப்படுமா? DIN DIN Sunday, December 2, 2018 02:34 AM +0530 "பேச்சுவார்த்தை, பேச்சுவார்த்தை, பேச்சுவார்த்தை...'
 ஆர்ஜென்டீனாவில் நடைபெறும் ஜி20 நாடுகளின் மாநாட்டில், உலக நாடுகள் இடையிலான கருத்து வேறுபாடுகளுக்கு அந்த நாட்டு அதிபர் மெளரிசியோ மக்ரி அழுத்தம் திருத்தமாக முன்வைத்த தீர்வு இது.
 உக்ரைன் போர்க் கப்பல்களை ரஷியா சிறைப்பிடித்துள்ளது, சவூதி பட்டத்து இளவரசரை விமர்சித்து வந்த செய்தியாளர் கஷோகி, துருக்கியிலுள்ள சவூதி தூதரகத்தில் வைத்து படுகொலை செய்யப்பட்டது, சீனப் பொருள்கள் மீது அமெரிக்கா கடுமையான வரிகள் விதித்து வருவது, பருவநிலை மாற்றத்தைக் கட்டுப்படுத்துவது போன்ற ஏராளமான விவகாரங்களில் கடுமையான கருத்து வேறுபாடுகளைக் கொண்டிருக்கும் பல்வேறு நாடுகள் சந்திக்கும் கூட்டம் அது.
 உலகின் பொருளாதார சக்திகளாக விளங்கும் இந்தியா, அமெரிக்கா, ரஷியா, சீனா உள்ளிட்ட 19 நாடுகளும், ஐரோப்பிய யூனியனும் அங்கம் வகிக்கும் ஜி20 நாடுகளின் தலைவர்கள், 13-ஆவது முறையாக ஆர்ஜென்டீனா தலைநகர் பியோனஸ் ஐரிஸில் கூடி, வர்த்தக ஒத்துழைப்பை மேம்படுத்துவது குறித்து விவாதிக்கின்றனர்.
 ஜி20 மாநாட்டைப் பொருத்தவரை, உலகப் பொருளாதாரக் கொள்கையை உருவாக்குவதில் அந்தக் கூட்டம் முக்கியப் பங்கு வகித்தாலும், உறுப்பு நாடுகளின் தலைவர்கள் மேற்கொள்ளும் தனிப்பட்ட சந்திப்புகளின்போதுதான் முக்கியமான இருதரப்பு ஒப்பந்தங்கள் மேற்கொள்ளப்பட்டு வருகின்றன.
 ஆனால், இந்த முறை அத்தகைய சந்திப்புகளில், நீண்ட காலமாக இழுபறி நீடித்து வரும் முக்கியப் பிரச்னைகளுக்கு தீர்வு எட்டப்படுமா என்பது கேள்விக்குறியாக உள்ளது.
 குறிப்பாக, செய்தியாளர் கஷோகி கொல்லப்பட்டது தொடர்பாக சவூதி பட்டத்து இளவரசர் முகமது பின் சல்மான் மீது பல்வேறு நாடுகள் கடும் அதிருப்தியில் உள்ள சூழல் இது.
 இந்த நிலையில், அந்தச் சம்பவத்துக்குப் பிறகு முதல் முறையாக இந்த சர்வதேச மாநாட்டில் அவர் உலகத் தலைவர்களை எதிர்கொண்டார்.
 தொடக்கத்தில் சற்று பதற்றத்துடன் காணப்பட்ட அவர், குடும்பப் புகைப்படம் எடுக்கும் சம்பிரதாய நிகழ்ச்சியில், தன் மீது கடுமையான குற்றச்சாட்டுகளை அடுக்கி வரும் துருக்கி அதிபர் எர்டோகனை விட்டு மிகத் தள்ளி நின்றிருந்தார்.
 ஆனால், அந்த நிகழ்ச்சி முடிவடைந்ததும் ரஷிய அதிபர் விளாதிமீர் புதினுடன் அவர் உற்சாகமாக வாழ்த்துக்களைப் பரிமாறிக் கொண்டார். அதன் தொடர்ச்சியாக, பிரான்ஸ் அதிபர் இமானுவல் மேக்ரானை தனியாகச் சந்தித்து 5 நிமிடம் பேச்சுவார்த்தை அவர் நடத்தினார்.
 மேலும், அமெரிக்க அதிபர் டொனால்ட் டிரம்ப், பிரிட்டன் பிரதமர் தெரசா மே உள்ளிட்ட தலைவர்களையும் இளவரசர் சல்மான் சந்தித்துப் பேசினார்.
 எனினும், இந்தப் பேச்சுவார்த்தைகள் காரணமாக கஷோகி கொலை விவகாரத்தில் உலகத் தலைவர்கள் சமாதானம் அடைந்துவிட்டதாகக் கருத முடியாது.
 காரணம், அந்தப் பேச்சுவார்த்தைகள் குறித்து பிறகு வெளியிடப்பட்ட அறிக்கைகள்தான். இளவரசர் சல்மானுடனான சந்திப்பின்போது, கஷோகி கொலை விவகாரம் குறித்து பிரான்ஸ் அதிபர் இமானுவல் மேக்ரான் மிகக் கண்டிப்பாகப் பேசியதாக அந்த நாட்டு அதிகாரிகள் பின்னர் தெரிவித்தனர்.
 பிரதமர் தெசரா மே-யும், கஷோகி படுகொலையில் சம்பந்தப்பட்டவர்களை சட்டத்தின் முன் நிறுத்த வேண்டிய அவசியத்தையும், இனிமேல் இதுபோல் கொடூர சம்பவங்கள் நடைபெறாமல் தடுக்க வேண்டும் என்பதையும் சவூதி இளவரசரிடம் வலியுறுத்தியதாக பிரிட்டன் அதிகாரிகள் தெரிவித்தனர்.
 அமெரிக்க அதிபர் டொனால்ட் டிரம்ப்போ, இளவரசர் சல்மானை சாதாரண முறையில் சந்தித்ததாகவும், இருவருக்கும் இடையே பேச்சுவார்த்தை எதுவும் நடைபெறவில்லை எனவும் பின்னர் தெரிவிக்கப்பட்டது.
 ஆக, கஷோகி படுகொலை விவகாரத்தில் இளவரசர் மீதான அதிருப்தி இன்னும் தொடர்வதாகவே தெரிகிறது.
 இந்த மாநாட்டில் மிக முக்கியமாக எதிர்பார்க்கப்படுவது, டிரம்ப்புக்கும், சீன அதிபர் ஷி ஜின்பிங்குக்கும் நடைபெறவுள்ள சந்திப்புதான்.
 இருவருக்கும் இடையிலான பேச்சுவார்த்தையில், அமெரிக்க - சீன வர்த்தகப் போர்ப் பதற்றத்தைக் குறைக்கும் உடன்பாடுகள் எட்டப்படும் என்று நம்பிக்கை தெரிவிக்கப்பட்டாலும், அதிபர் டிரம்ப்போ வழக்கம் போல் "பொறுத்திருந்து பாருங்கள்' என்று கூறியிருக்கிறார். ஆனால், உக்ரைன் விவகாரத்தைக் காரணம் காட்டி, ரஷிய அதிபர் விளாதிமீர் புதினுடனான சந்திப்பை அவர் ரத்து செய்தது பலருக்கும் பெரும் ஏமாற்றத்தை அளித்துள்ளது.
 இதுகுறித்து ரஷியா கூட வருத்தம் தெரிவித்தாலும், "பரவாயில்லை, மாநாட்டில் உருப்படியான பேச்சுவார்த்தை நடத்த அதிபர் புதினுக்கு இரண்டு மணி நேரம் கூடுதலாகக் கிடைத்திருக்கிறது' என்று கூறி பின்னர் சமாதானப்படுத்திக் கொண்டது.
 இந்தச் சூழலில், பருவநிலை மாற்றத்தைக் கட்டுப்படுத்துவதற்கான பொறுப்புகளை ஏற்பது போன்ற பல்வேறு விவகாரங்களில் எதிரும் புதிருமாக இருக்கும் பல்வேறு நாடுகளும், இந்த மாநாட்டினிடையே நடைபெறும் பேச்சுவார்த்தைகளில் ஒருமித்த கருத்தை எட்டுமா என்பது பெரும் எதிர்பார்ப்பாக உள்ளது.
 எனினும், அதிபர் டிரம்ப் சொல்வதைப் போல, இதையும் "பொறுத்திருந்துதான்' பார்க்க வேண்டும்.
 - நாகா

]]>
http://images.dinamani.com/uploads/user/imagelibrary/2018/12/2/w600X390/SALMAN.jpg http://www.dinamani.com/world/2018/dec/02/ஜி20-மாநாடு-கருத்து-வேறுபாடுகள்-களையப்படுமா-3050076.html
3050066 உலகம் இலங்கை அரசியலில் குழப்பம் நீடிப்பு: பேச்சுவார்த்தையில் தீர்வு எட்டப்படவில்லை    கொழும்பு, DIN Sunday, December 2, 2018 02:23 AM +0530 இலங்கையில், ரணில் விக்ரமசிங்கவின் ஐக்கிய தேசியக் கட்சி, தமிழ் தேசிய கூட்டமைப்பு ஆகியோருடன் அதிபர் சிறீசேனா வெள்ளிக்கிழமை இரவு நடத்திய பேச்சுவார்த்தையில் எந்தவித முடிவும் எட்டப்படவில்லை.
 இருப்பினும், நாடாளுமன்றம் அடுத்தமுறை கூடும்போது, அரசியல் குழப்பத்துக்கு தீர்வு காண்பதாக சிறீசேனா உறுதியளித்தார் என்று தமிழ் தேசிய கூட்டமைப்பின் தலைவர் ஆர்.சம்பந்தன் தெரிவித்தார்.
 அதே சமயம், ஞாயிற்றுக்கிழமை மீண்டும் பேச்சுவார்த்தை நடத்த அதிபர் அழைப்பு விடுத்ததாகவும், அதில் பங்கேற்கவிருப்பதாகவும் ஐக்கிய தேசிய கட்சி தெரிவித்தது. வெள்ளிக்கிழமை இரவு நடந்த பேச்சுவார்த்தையில், ஐக்கிய தேசிய கட்சி கலந்துகொண்ட போதிலும், அதன் தலைவர் ரணில் விக்ரமசிங்க அக்கூட்டத்தில் பங்கேற்கவில்லை.
 தமிழ் தேசிய கூட்டமைப்பைச் சேர்ந்த சிவமோகன் செய்தியாளர்களிடம் பேசுகையில், ""மஹிந்த ராஜபட்சவுக்கு பெரும்பான்மை இல்லை என்பதை அதிபர் ஏற்றுக் கொண்டார். இதை நிரூபிப்பதற்காக நாடாளுமன்றத்தில் மற்றொரு தீர்மானம் கொண்டு வரப்பட வேண்டும் என அவர் விரும்புகிறார். அதே சமயம், உலகெங்கிலும் பல்வேறு அரசுகள் பெரும்பான்மை இல்லாமலேயே செயல்பட்டு வருவதையும் அதிபர் சுட்டிக்காட்டினார்'' என்றார்.
 குழப்பம் ஏன்?: ரணில் விக்ரமசிங்கவை பிரதமர் பதவியில் இருந்து நீக்கிவிட்டு, அவருக்குப் பதிலாக ராஜபட்சவை அப்பதவியில் நியமிக்கும் நடவடிக்கையை சிறீசேனா கடந்த அக்டோபர் 26-ஆம் தேதி மேற்கொண்டார்.
 ஆனால், பெரும்பான்மைக்கு தேவையான ஆதரவை திரட்டும் ராஜபட்சவின் முயற்சி தோல்வி அடைந்த நிலையில் அதிபர் சிறீசேனா நாடாளுமன்றத்தை கலைத்துவிட்டு, புதிய தேர்தலுக்கான அறிவிப்பை வெளியிட்டார்.
 இதற்கு எதிராக இலங்கை உச்சநீதிமன்றத்தில் பல்வேறு தரப்பினர் வழக்கு தொடுத்தனர். அதில், சிறீசேனாவின் உத்தரவுகளுக்கு நீதிமன்றம் இடைக்கால தடை விதித்தது. இதுதொடர்பான இறுதித் தீர்ப்பு இனிதான் வழங்கப்படவுள்ளது.
 இதற்கிடையில், இலங்கை நாடாளுமன்றத்தில் ராஜபட்சவுக்கு எதிரான நம்பிக்கையில்லா தீர்மானத்தை எதிர்க்கட்சிகள் இருமுறை நிறைவேற்றிய போதிலும், அவர் இதுவரை பதவி விலகவில்லை.
 இத்தகைய சூழலில், அரசியல் குழப்பங்களுக்கு தீர்வு காண்பதற்காக ஐக்கிய தேசிய கட்சி, தமிழ் தேசிய கூட்டமைப்பினருடன் அதிபர் சிறீசேனா தொடர்ந்து பேச்சுவார்த்தை நடத்தி வருகிறார்.
 
 
 
 
 
 
 
 
 

]]>
http://www.dinamani.com/world/2018/dec/02/இலங்கை-அரசியலில்-குழப்பம்-நீடிப்பு-பேச்சுவார்த்தையில்-தீர்வு-எட்டப்படவில்லை-3050066.html
3050048 உலகம் ஆர்ஜென்டீனா அதிபருடன் பிரதமர் மோடி சந்திப்பு  பியூனஸ் அயர்ஸ், DIN Sunday, December 2, 2018 02:11 AM +0530 ஆர்ஜென்டீனா அதிபர் மெüரிசியோ மாக்ரியை சனிக்கிழமை சந்தித்த பிரதமர் நரேந்திர மோடி, இந்தியா-ஆர்ஜென்டீனா இடையேயான உறவை வலுப்படுத்துவது தொடர்பாக பேச்சுவார்த்தை நடத்தினார். அப்போது, பாதுகாப்பு, அணுசக்தி, வேளாண்மை ஆகிய துறைகளில் இரு நாடுகளும் பரஸ்பரம் ஒத்துழைப்பை அதிகரித்துக் கொள்வது தொடர்பாக கலந்தாலோசிக்கப்பட்டது.
 ஜி20 மாநாட்டுக்காக ஆர்ஜென்டீனா சென்றுள்ள நிலையில், அந்நாட்டு அதிபருடன் பிரதமர் மோடி பேச்சுவார்த்தை நடத்தினார்.
 முன்னதாக, பிரதமர் மோடிக்கு அதிபர் மாக்ரி சிறப்பு விருந்து அளித்தார்.
 அதைத் தொடர்ந்து நடைபெற்ற சந்திப்புக்குப் பிறகு பிரதமர் மோடி தனது சுட்டுரைப் பதிவுகளில் கூறியிருந்ததாவது:
 ஆர்ஜென்டீன அதிபர் மாக்ரியுடனான சந்திப்பு ஆக்கப்பூர்வமானதாக இருந்தது.
 இந்தியா-ஆர்ஜென்டீனா இடையேயான இருதரப்பு நல்லுறவை வலுப்படுத்துவதற்கான வழிமுறைகள் குறித்து விரிவாக கலந்தாலோசித்தோம்.
 ஜி20 மாநாட்டை சிறப்பாக ஒருங்கிணைத்தமைக்காக அதிபர் மாக்ரிக்கு நன்றி தெரிவித்துக்கொள்கிறேன். அவர் இந்தியா வருவதை எதிர்நோக்கியிருக்கிறேன் என்று அந்தப் பதிவுகளில் மோடி கூறியிருந்தார்.
 இந்த சந்திப்பின்போது வேளாண்மை, உணவு பதப்படுத்துதல், விண்வெளி ஆராய்ச்சி, பாதுகாப்பு, எண்ணெய் மற்றும் எரிவாயு, ஆக்கப்பூர்வ அணுசக்தி ஆகிய துறைகளில் இந்தியா-ஆர்ஜென்டீனா ஒத்துழைப்பு நல்குவது தொடர்பாக பிரதமர் மோடி-அதிபர் மாக்ரி கலந்தாலோசித்ததாக வெளியுறவு அமைச்சக செய்தித் தொடர்பாளர் ரவீஷ் குமார் தெரிவித்தார்.
 
 

]]>
http://www.dinamani.com/world/2018/dec/02/ஆர்ஜென்டீனா-அதிபருடன்-பிரதமர்-மோடி-சந்திப்பு-3050048.html
3050047 உலகம் ஜி20 மாநாடு: குடியரசு தின விழா கொண்டாட்ட நிகழ்ச்சிக்கு தென்னாப்பிரிக்க அதிபருக்கு இந்தியா அழைப்பு  பியூனஸ் அயர்ஸ், DIN Sunday, December 2, 2018 02:10 AM +0530 தில்லியில் அடுத்த ஆண்டு நடைபெறவுள்ள குடியரசு தின விழா கொண்டாட்ட நிகழ்ச்சிக்கு சிறப்பு விருந்தினராக தென்னாப்பிரிக்க அதிபர் சிரில் ராமபோசாவுக்கு இந்தியா அழைப்பு விடுத்துள்ளது.
 ஜி20 மாநாட்டில் கலந்து கொள்வதற்காக ஆர்ஜென்டீனா நாட்டின் பியூனஸ் அயர்ஸ் சென்றுள்ள பிரதமர் மோடி, அங்கு தென்னாப்பிரிக்க அதிபர் ராமபோசாவை சந்தித்துப் பேசினார்.
 அப்போது அவரிடம், தில்லியில் அடுத்த ஆண்டில் நடைபெறவுள்ள இந்திய குடியரசு தின விழா கொண்டாட்ட நிகழ்ச்சியில் சிறப்பு விருந்தினராக கலந்து கொள்ள வேண்டும் என்று மோடி அழைப்பு விடுத்தார்.
 இந்த அழைப்பை தென்னாப்பிரிக்க அதிபர் ராமபோசாவும் ஏற்றுக் கொண்டார். இதுகுறித்து பிரதமர் நரேந்திர மோடி சுட்டுரையில் வெளியிட்ட பதிவுகளில் தெரிவிக்கப்பட்டிருப்பதாவது:
 தென்னாப்பிரிக்க அதிபர் சிரில் ராமபோசாவை சந்தித்தது மகிழ்ச்சியளிக்கிறது. 2019ஆம் ஆண்டில் இந்தியாவில் தேசப் பிதா மகாத்மா காந்தியின் 150ஆவது பிறந்த தினம் கொண்டாடப்படுகிறது. இவ்வேளையில், இந்தியாவின் குடியரசு தின விழா கொண்டாட்ட நிகழ்ச்சியில் சிறப்பு விருந்தினராக கலந்து கொள்ள வரும் ராமபோசாவை வரவேற்பது நமக்கு கிடைத்த மிகப்பெரிய கௌரவமாகும். மகாத்மா காந்திக்கும், தென்னாப்பிரிக்காவுக்கும் நெருங்கிய தொடர்பிருந்தது அனைவருக்கும் தெரியும்.
 இந்தியாவுக்கு ராமபோசா வருவது இருநாடுகளுக்கும் இடையேயான உறவுகளை மேலும் வலுப்படுத்தும் என்று அந்த பதிவுகளில் பிரதமர் மோடி குறிப்பிட்டிருந்தார்.
 இதேபோல், இந்திய வெளியுறவு அமைச்சக செய்தித் தொடர்பாளர் ரவீஷ் குமார் சுட்டுரையில் வெளியிட்ட பதிவுகளிலும் மேற்கண்ட தகவல் தெரிவிக்கப்பட்டிருந்தது.

]]>
http://images.dinamani.com/uploads/user/imagelibrary/2018/12/2/w600X390/pmmodi.jpg http://www.dinamani.com/world/2018/dec/02/ஜி20-மாநாடு-குடியரசு-தின-விழா-கொண்டாட்ட-நிகழ்ச்சிக்கு-தென்னாப்பிரிக்க-அதிபருக்கு-இந்தியா-அழைப்பு-3050047.html
3050046 உலகம் ஜி20 மாநாடு: "இந்தியா-சீனா உறவில் குறிப்பிடத்தக்க முன்னேற்றம்'  பியூனஸ் அயர்ஸ், DIN Sunday, December 2, 2018 02:09 AM +0530 சீனாவின் வூஹான் நகரில் பிரதமர் நரேந்திர மோடி - சீன அதிபர் ஷி ஜின்பிங் இடையே கடந்த ஏப்ரல் மாதம் நடைபெற்ற அதிகாரப்பூர்வமற்ற சந்திப்பின் மூலமாக, இந்தியா-சீனா இடையேயான உறவில் குறிப்பிடத்தக்க முன்னேற்றம் ஏற்பட்டுள்ளதாக அந்த இரு தலைவர்களும் தெரிவித்துள்ளனர்.
 அத்துடன், இருதரப்பு நல்லுறவை மேம்படுத்தும் வகையில் 2019-ஆம் ஆண்டு சாதகமானதாக இருக்கும் என்றும் அவர்கள் நம்பிக்கை தெரிவித்தனர்.
 ஆர்ஜென்டீனாவில், ஜி20 மாநாட்டையொட்டி பிரதமர் நரேந்திர மோடி, சீன அதிபர் ஷி ஜின்பிங்கை சந்தித்து இருதரப்பு பேச்சுவார்த்தை நடத்தினார்.
 இந்த ஆண்டில் இவர்கள் சந்தித்துக் கொள்வது இது 4-ஆவது முறையாகும்.
 இச்சந்திப்பின்போது, இந்தியா-சீனா இடையேயான நட்பு மற்றும் பரஸ்பர நம்பிக்கையை மேலும் உறுதிப்படுத்துவதற்கு மேற்கொள்ள வேண்டிய முயற்சிகள் தொடர்பாக மோடி-ஜின்பிங் கலந்தாலோசித்தனர்.
 ஜின்பிங்குடனான சந்திப்புக்குப் பிறகு பிரதமர் மோடி கூறியதாவது:
 ஜின்பிங்குடன் குறிப்பிட்ட கால இடைவெளியில் மேற்கொள்ளப்படும் இதுபோன்ற பேச்சுவார்த்தைகள், இந்தியா-சீனா உறவில் குறிப்பிடத்தக்க பலம் சேர்த்துள்ளது.
 வூஹானில் நடைபெற்ற சந்திப்பானது, இந்திய-சீன உறவில் ஒரு மைல்கல்லாகும். அடுத்த ஆண்டு அதுபோன்ற ஒரு சந்திப்புக்காக அதிபர் ஜின்பிங் இந்தியா வருவதை எதிர்நோக்கியிருக்கிறேன்.
 இந்தச் சந்திப்புக்காக நேரம் ஒதுக்கிய அதிபர் ஜின்பிங்கிற்கு எனது நன்றிகள் என்று பிரதமர் மோடி கூறினார்.
 இதனிடையே, மோடி-ஜின்பிங் சந்திப்பின்போது விவாதிக்கப்பட்ட விவகாரங்கள் குறித்து இந்திய வெளியுறவுச் செயலர் விஜய் கோகலே கூறியதாவது:
 இந்தியாவிடம் இருந்து அரிசி மற்றும் சர்க்கரை இறக்குமதியை சீனா அதிகரித்துள்ளதை குறிப்பிட்ட அதிபர் ஜின்பிங், சீனாவிலிருந்து வேளாண் உற்பத்திப் பொருள்களை இந்தியா இன்னும் அதிகமாக இறக்குமதி செய்யும் என்று நம்புவதாகத் தெரிவித்தார்.
 மருந்துகள் துறையில் இரு நாடுகளிடையேயான வர்த்தகம் மேலும் அதிகரிக்கும் என்றும் அவர் கூறினார்.
 வூஹான் சந்திப்புக்குப் பிறகு, இந்தியா-சீனா எல்லைப் பகுதியை நிர்வகிக்கும் சூழலானது மேம்பட்டுள்ளதாகவும், இருதரப்பு உறவு வலுப்பட்டுள்ளதாகவும் பிரதமர் மோடி - அதிபர் ஜின்பிங் கருத்துகளை பரிமாறிக் கொண்டனர் என்று விஜய் கோகலே கூறினார்.
 கடந்த ஆண்டு ஜூன் மாதம் சிக்கிம் மாநிலம், டோக்கா லாம் பகுதியில் இந்திய-சீன எல்லையில் சீன ராணுவத்தினர் சாலை கட்டுமானப் பணியில் ஈடுபட்டதை இந்திய பாதுகாப்புப் படையினர் தடுத்ததை அடுத்து எல்லைப் பகுதியில் பதற்றம் ஏற்பட்டது.
 சுமார் 73 நாள்களுக்குப் பிறகு பதற்றம் தணிந்தது. அதைத் தொடர்ந்து கடந்த ஏப்ரல் மாதம் மோடி-ஜின்பிங் மேற்கொண்ட சந்திப்பு முக்கியத்துவம் பெற்றது.
 

]]>
http://www.dinamani.com/world/2018/dec/02/ஜி20-மாநாடு-இந்தியா-சீனா-உறவில்-குறிப்பிடத்தக்க-முன்னேற்றம்-3050046.html
3050023 உலகம் ஹெச்1பி விசா நடைமுறையில் மாற்றம்: டிரம்ப் நிர்வாகம் முன்மொழிவு DIN DIN Sunday, December 2, 2018 01:46 AM +0530 ஹெச்1பி விசா பெறுவதற்கான நடைமுறைகளில் பல்வேறு மாற்றங்களை அமெரிக்க அதிபர் டிரம்ப்பின் நிர்வாகம் முன்மொழிந்துள்ளது.முக்கியமாக, இனி தங்கள் பணியாளர்களுக்கு ஹெச்1பி விசா கோரும் நிறுவனங்கள், முன்கூட்டியே இணையவழியில் அதற்காகப் பதிவு செய்வது அவசியமாகிறது.
 அமெரிக்காவில் உள்ள நிறுவனங்களில் ஒப்பந்த அடிப்படையில் பணியாற்றி வரும் வெளிநாட்டுப் பணியாளர்களுக்கு, அங்கு தங்கி பணிபுரிவதற்கு ஏற்ற வகையில் ஹெச்1பி விசாவை அமெரிக்கா வழங்கி வருகிறது. அவ்வாறு ஹெச்1பி விசா பெற்று பணியாற்றுபவர்களில் பெரும்பாலானோர் இந்தியர்களே.
 அதிபராகப் பொறுப்பேற்றதிலிருந்தே ஹெச்1பி விசா நடைமுறைகளில் கடும் கட்டுப்பாடுகளை டிரம்ப் விதித்தார். இந்நிலையில், விசாவுக்கான நடைமுறைகளை மீண்டும் மாற்ற டிரம்ப் நிர்வாகம் புதிய முன்மொழிவை வெள்ளிக்கிழமை வழங்கியுள்ளது. அதன்படி, வெளிநாட்டுப் பணியாளர்களை பணியில் அமர்த்தும் நிறுவனங்கள், அது குறித்தான தகவல்களை அமெரிக்க குடியுரிமை மற்றும் குடியேற்ற சேவைகள் அமைப்பிடம் முன்கூட்டியே இணையவழியில் பதிவு செய்ய வேண்டும்.
 ஆண்டொன்றுக்கு அதிகபட்சமாக 65,000 ஹெச்1பி விசாக்கள் மட்டுமே வழங்கப்படும் என்று நாடாளுமன்றம் ஏற்கெனவே அறிவித்திருந்தது. அதிலும், அமெரிக்காவில் உயர்கல்வி பயின்றவர்களுக்கு இந்த எண்ணிக்கையில் இருந்து விலக்கு அளிக்கப்பட்டிருந்தது. புதிய முன்மொழிவின்படி, இதிலும் மாற்றங்கள் கொண்டுவரப்படலாம் என்று தெரிகிறது.
 இது குறித்து, அமெரிக்காவின் உள்துறை அமைச்சகம் வெளியிட்ட குறிப்பில் தெரிவிக்கப்பட்டுள்ளதாவது:
 அமெரிக்க கல்வி நிறுவனங்களில் உயர்கல்வி பயின்றவர்களுக்கு ஹெச்1பி-கேப் விசாவும், திறன்வாய்ந்த பணியாளர்கள், அதிக சம்பளம் பெறும் பணியாளர்கள் ஆகியோருக்கு ஹெச்1பி விசாவும் வழங்கும் வகையில் முன்மொழிவு இடம்பெற்றுள்ளது. இந்தப் புதிய முன்மொழிவுகள் குறித்து, டிசம்பர் 3-ஆம் தேதி முதல் மக்களிடம் கருத்து கேட்க வாய்ப்புள்ளது என்று அந்த அறிக்கையில் தெரிவிக்கப்பட்டிருந்தது.
 

]]>
http://www.dinamani.com/world/2018/dec/02/ஹெச்1பி-விசா-நடைமுறையில்-மாற்றம்-டிரம்ப்-நிர்வாகம்-முன்மொழிவு-3050023.html
3050020 உலகம் 12 ஆண்டுகளுக்குப் பிறகு இந்தியா-ரஷியா-சீனா முத்தரப்பு பேச்சுவார்த்தை  பியூனஸ் அயர்ஸ், DIN Sunday, December 2, 2018 01:45 AM +0530 ஆர்ஜென்டீனாவில் நடைபெறும் ஜி20 மாநாட்டையொட்டி, இந்தியா-ரஷியா-சீனா இடையேயான முத்தரப்பு பேச்சுவார்த்தை வெள்ளிக்கிழமை நடைபெற்றது. இந்த முத்தரப்பு சந்திப்பானது, 12 ஆண்டுகளுக்குப் பிறகு 2-ஆவது முறையாக நடைபெற்றது.
 இச்சந்திப்பின்போது, பிரதமர் நரேந்திர மோடி, ரஷிய அதிபர் விளாதிமீர் புதின், சீன அதிபர் ஷி ஜின்பிங் ஆகியோர், ஐ.நா. மற்றும் உலக வர்த்தக அமைப்பு ஆகியவற்றில் சீர்திருத்தம் கொண்டுவரப்பட வலியுறுத்தினர்.
 ஜி20 மாநாட்டில் பங்கேற்க ஆர்ஜென்டீனா சென்றுள்ள பிரதமர் மோடி, அதையொட்டி அங்கு வந்துள்ள பல்வேறு நாடுகளின் தலைவர்களுடன் பேச்சுவார்த்தை நடத்தி வருகிறார்.
 முன்னதாக, ஜப்பான் பிரதமர் ஷின்úஸா அபே, அமெரிக்க அதிபர் டொனால்ட் டிரம்ப் ஆகியோருடன் பிரதமர் நரேந்திர மோடி முதல் முறையாக முத்தரப்பு பேச்சுவார்த்தை நடத்தியிருந்தார். அதையடுத்து, இந்தியா-ரஷியா-சீனா இடையேயான முத்தரப்பு பேச்சுவார்த்தை நடைபெற்றது.
 இச்சந்திப்புக்குப் பிறகு பேசிய பிரதமர் மோடி, "ரிக் முத்தரப்பு (ரஷியா-இந்தியா-சீனா) பேச்சுவார்த்தை சிறப்பானதாக அமைந்தது. நாடுகளிடையே நட்புறவை உறுதிப்படுத்துவது மற்றும் உலக அமைதியை மேம்படுத்துவது தொடர்பாக விரிவாக கலந்தாலோசித்தோம்' என்றார்.
 இந்தப் பேச்சுவார்த்தை தொடர்பாக இந்திய வெளியுறவு அமைச்சகம் வெளியிட்ட அறிக்கையில் கூறப்பட்டிருந்ததாவது:
 சர்வதேச மாநாடுகளில் பரஸ்பரம் ஒத்துழைப்பு வழங்குவது குறித்தும், இந்தியா-ரஷியா-சீனா இடையேயான நட்புறவை வலுப்படுத்துவது குறித்தும் மூன்று நாடுகளின் தலைவர்களும் கருத்துகளை பரிமாறிக் கொண்டனர். சர்வதேச சமூகத்துக்கு ஆதாயமளிக்கும் ஐ.நா., உலக வர்த்தக அமைப்பு, உலகளாவிய நிதி நிறுவனங்கள் போன்ற அமைப்புகளை சீரமைக்கவும், பலப்படுத்தவும் வேண்டியதன் முக்கியத்துவத்தை அவர்கள் பகிர்ந்துகொண்டனர்.
 பலதரப்பு வர்த்தக அமைப்பு மற்றும் திறந்த உலகப் பொருளாதாரம் ஆகியவற்றின் ஆதாயங்களை, உலகளாவிய வளர்ச்சிக்கானதாக அவர்கள் குறிப்பிட்டனர். சர்வதேச மற்றும் பிராந்திய அளவிலான அமைதி-ஸ்திரத்தன்மையை ஒருங்கிணைந்து ஊக்குவிப்பதற்கு தகுந்த கால இடைவெளியில் கலந்தாலோசனை செய்யவும் பிரதமர் மோடி, அதிபர் புதின், அதிபர் ஜின்பிங் ஒப்புதல் தெரிவித்தனர்.
 அத்துடன், பயங்கரவாதம், பருவநிலை மாற்றம் போன்ற உலகளாவிய சவால்களை எதிர்கொள்ளவும், அமைதியை ஊக்குவிக்கவும் தேவையான ஒத்துழைப்பை பிரிக்ஸ், ஷாங்காய் ஒத்துழைப்பு மாநாடு, கிழக்கு ஆசிய மாநாடு ஆகியவற்றின் மூலம் பலப்படுத்தவும் அவர்கள் ஒப்புக்கொண்டனர்.
 மேலும், எதிர்வரும் காலங்களில் இதுபோன்று முத்தரப்பு பேச்சுவார்த்தை நடத்தும் பரிந்துரை ஏற்றுக்கொள்ளப்பட்டது என்று அந்த அறிக்கையில் கூறப்பட்டிருந்தது.
 இச்சந்திப்பின்போது, முத்தரப்பு பேச்சுவார்த்தைக்கான முயற்சியை மேற்கொண்டதற்காக அதிபர் புதினுக்கு, பிரதமர் மோடி நன்றி தெரிவித்துக்கொண்டதாக இந்திய வெளியுறவுச் செயலர் விஜய் கோகலே கூறினார்.
 மோடி-குட்டெரஸ் சந்திப்பு: ஐ.நா. தலைவர் அன்டோனியோ குட்டெரெûஸ சந்தித்த பிரதமர் மோடி, பருவநிலை மாற்றம் தொடர்பாக பேச்சுவார்த்தை நடத்தினார். அத்துடன், பாரீஸ் பருவநிலை மாற்ற ஒப்பந்தத்துக்கான இந்தியாவின் ஆதரவு குறித்தும் அப்போது கலந்தாலோசிக்கப்பட்டது.
 
 
 

]]>
http://images.dinamani.com/uploads/user/imagelibrary/2018/12/2/w600X390/met.jpg http://www.dinamani.com/world/2018/dec/02/12-ஆண்டுகளுக்குப்-பிறகு-இந்தியா-ரஷியா-சீனா-முத்தரப்பு-பேச்சுவார்த்தை-3050020.html
3049758 உலகம் ஆர்ஜென்டீனா அதிபருடன் பிரதமர் மோடி சந்திப்பு DIN DIN Saturday, December 1, 2018 08:33 PM +0530
ஆர்ஜென்டீன அதிபர் மொரீசியோ மெக்ரியை சந்தித்த பிரதமர் மோடி இருநாட்டு உறவுகள் குறித்து ஆலோசனை நடத்தினார். 

ஜி20 மாநாட்டில் பங்கேற்பதற்காக இந்தியப் பிரதமர் நரேந்திர மோடி ஆர்ஜென்டீனா சென்றுள்ளார். இந்தப் பயணத்தின் பகுதியாக இன்று பிரதமர் மோடி, ஆர்ஜென்டீனா அதிபர் மொரீசியோ மெக்ரியை சந்தித்து ஆலோசனை நடத்தினார். 

இந்த சந்திப்புக்குப் பிறகு பிரதமர் மோடி தனது டிவிட்டர் பக்கத்தில் பதிவிடுகையில், 

"அதிபர் மொரீசியோ மெக்ரியுடன் ஆக்கப்பூர்வமான சந்திப்பு ஏற்பட்டது. இந்தியா, ஆர்ஜென்டீனா இடையிலான உறவுகளை மேலும் வலுப்படுத்த நீண்ட ஆலோசனைகள் நடத்தப்பட்டது. ஜி-20 மாநாட்டை சிறப்பாக நடத்தியதற்கு அவருக்கு நன்றி தெரிவித்தேன். அதிபர் மெக்ரியின் இந்திய வருகையையும் எதிர்நோக்கி உள்ளேன்" என்றார்.  

இதைத்தொடர்ந்து, வெளியுறவுத் துறை செய்தித்தொடர்பாளர் ரவீஷ் குமார் தனது டிவிட்டர் பக்கத்தில் பதிவிடுகையில், 

"சிறந்த உபசரிப்பாக, ஆர்ஜென்டீனா அதிபர் மொரீசியோ மெக்ரி பிரதமர் மோடிக்கு தனது இல்லத்தில் காலை உணவு விருந்தளித்தார். வேளாண், உணவை பதப்படுத்துதல், விண்வெளி, பாதுகாப்பு, எண்ணெய் மற்றும் எரிவாயு, உள்நாட்டு அணு சக்தி உள்ளிட்டவை தொடர்பான ஒத்துழைப்புகள் குறித்து ஆலோசனை நடைபெற்றது" என்றார்.

]]>
http://images.dinamani.com/uploads/user/imagelibrary/2018/12/1/w600X390/PM_Modi_Argentina_President.jpg http://www.dinamani.com/world/2018/dec/01/pm-modi-meets-argentinian-president-discusses-ways-to-strengthen-bilateral-ties-3049758.html