Dinamani - சிறப்புக் கட்டுரைகள் - http://www.dinamani.com/editorial-articles/special-stories/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3043019 கட்டுரைகள் சிறப்புக் கட்டுரைகள் யாஷிகா ஆனந்த் செம கூல்! வியக்கும் ஃபோட்டோகிராபர் அனிதா தேவியுடன் ஒரு நேர்காணல் (விடியோ) உமா ஷக்தி Wednesday, November 21, 2018 05:03 PM +0530 புகைப்படக் கலை என்பது அனைவரும் விரும்பும் ஒன்று. நம் வாழ்க்கையின் அந்த நொடியை உறைய வைக்கும் ஒரு அழகிய கலை அது எனலாம். கருப்பு வெள்ளையில் தொடங்கி, இன்றைய காலகட்டம் வரை அதன் வளர்ச்சி அபாரமானது. தற்போது ஸ்மார்ட்ஃபோன் போன்ற நவீன வசதிகள் பெருகிவிட்ட நிலையில், அனைவரும் புகைப்படம் எடுப்பதில் தேர்ந்துவிட்டோம். ஆனாலும் ஃபோட்டோகிராபர் எனும் தொழிலுக்கு எப்போதும் மதிப்புண்டு. 

நம் வீட்டு விசேஷங்களாக இருந்தாலும் சரி, பொது நிகழ்ச்சிகளுக்கும் சரி, அனுபவமிக்க புகைப்படக் கலைஞர்கள் தேவை. ஒரு DSLR கேமராவில், தேவைப்படும் லென்ஸ் பயன்படுத்தி எடுக்கப்படும் புகைப்படங்கள் அதற்குரிய தெளிவோடும் அழகியலுடனும் இருக்கும் என்பது நிச்சயம். 

நுட்பத்துடனும் அழகியலுடனும் ஒரு புகைப்படத்தை எடுப்பவர்களை ஒளி ஓவியர் என்று குறிப்பிடலாம். காரணம் ஒளியைப் பயன்படுத்தி அவர்கள் செய்யும் வித்தைகளை ரசிக்க காணக் கண் கோடி வேண்டும். அது இயற்கைக் காட்சிகளாக இருந்தாலும் சரி, குழந்தைகளின் புகைப்படங்களாகட்டும், சிறப்பாக எடுக்கப்படும் புகைப்படங்களை ரசிக்க நாம் என்றுமே விரும்புவோம்.

அத்தகைய ஒரு புகைப்பட நிபுணர் தான் அனிதா தேவி. பத்திரிகையில் ஃபோட்டோகிராபராகத் தன் பணியைத் தொடங்கியவர், பின்பு திருமணங்களுக்கு புகைப்படம் எடுத்து அதில் தனித்தன்மையுடன் விளங்கினார். தற்போது அவரது கவனம் ஃபேஷன் துறையில் பதிந்துள்ளது. விளம்பரங்களுக்கு புகைப்படம் எடுப்பது முதல் மாடல்களை வைத்து ஃபோட்டோ ஷூட் செய்வது வரை ட்ரெண்டியான விஷயங்கள் செய்ய அவருக்கு விருப்பம் உண்டு. அவர் அண்மையில் எடுத்த புகைப்படங்கள் சில:

சந்தோஷ் நாராயணன்

**

யாஷிகா ஆனந்த்

**

ஹரீஷ் கல்யாண்

{pagination-pagination}

அனிதா ஃபோட்டோகிராபி என்ற நிறுவனத்தைத் துவங்கி வெற்றிகரமாக இயங்கி வருகிறார். தினமணி டாட் காம் வழங்கும் சந்திப்போமா நிகழ்ச்சியில் இந்த இளம் புகைப்படக் கலைஞரை சந்திப்பதில் மகிழ்ச்சி அடைந்தோம். இந்த விடியோவில் அவர் பகிர்ந்துள்ள விஷயங்கள் முக்கியமானவை. அது அடுத்தடுத்து இத்துறையில் கால் பதிக்க விரும்பும் இளைஞர்களுக்கு உதவும்.

அனிதாவின் முழுமையான நேர்காணல் இதோ

 

 

 

]]>
புகைப்படம், anitha, அனிதா, Photographer, ஃபோட்டோகிராபர் http://images.dinamani.com/uploads/user/imagelibrary/2018/11/21/w600X390/anitha.jpg http://www.dinamani.com/editorial-articles/special-stories/2018/nov/21/an-interview-with-photographer-anithaa-devi-3043019.html
3042336 கட்டுரைகள் சிறப்புக் கட்டுரைகள் திறப்பு விழாக் காணாமலேயே கஜாவுக்கு இரையான ஆசியாவின் பெரிய தானியக் கிடங்கு Tuesday, November 20, 2018 03:51 PM +0530 நாகை மாவட்டம் வேதாரண்யம் அருகே கட்டி முடிக்கப்பட்டு திறப்பு விழாக் காணாமலேயே ஆசியாவின் மிகப்பெரிய தானிய சேமிப்புக் கிடங்கு கஜா புயலுக்கு இரையானது.

வேதாரண்யம் வட்டம், கோவில்பத்து கிராமத்தில் ரூ.144 கோடி மதிப்பீட்டில் இந்த கிடங்கு கட்டி முடிக்கப்பட்டிருந்தது. 

கோவில்பத்து கிராமத்தில் தமிழ்நாடு நுகர்பொருள் வாணிபக் கழகத்துக்காக 175 ஏக்கர் நிலம் ஒதுக்கீடு செய்யப்பட்டது. இதில் முதல் கட்டப் பணியாக 60 ஏக்கர் பரப்பில் உருவாக்கப்பட்ட வளாகத்தில் நபார்டு வங்கி உதவியுடன் ரூ. 144 கோடியில் தானியக் கிடங்கு அமைக்கப்பட்டது.

இந்த வளாகத்தில் 15 ஆயிரம் மெட்ரிக் டன் அளவில் சேமிக்கும் வசதியுடைய ஒரு சேமிப்புக் கிடங்கும், தலா 5 ஆயிரம் மெட்ரிக் டன் கொள்ளளவில் 15 சேமிப்புக் கிடங்குகளும் கட்டப்பட்டிருந்தன.

தமிழ்நாடு நுகர்பொருள் வாணிபக் கிடங்குக்காக 4 மாதங்களுக்கு முன்பே கட்டி முடிக்கப்பட்டு திறப்பு விழாவுக்குத் தயாராக இருந்த நிலையில் கஜா புயலால் தானியக் கிடங்கின் மேற்கூரைகள் காற்றில் பறந்து சென்றிருப்பது வேதனை தரும் காட்சியாக உள்ளது.

சேமிப்புக் கிடங்கு முழுவதும் சுற்றுச் சுவர்களில் இருந்த சிமெண்ட் பூச்சுகள் கூட காற்றில் அடித்துச் செல்லப்பட்டு, மேற்கூரை முழுவதும் பறந்து போன நிலையில் கஜா புயலால் சேமிப்புக் கிடங்கு எலும்புக் கூடாகக் காட்சியளிக்கிறது.

டெல்டா மாவட்டத்தில் மட்டுமல்லாமல் ஆசியாவிலேயே மிகப்பெரிய உணவு தானிய சேமிப்புக் கிடங்காக இருக்க வேண்டியது, இன்று உருகுலைந்து நிற்கிறது.

பல்வேறு மாவட்டங்களில் ஆங்காங்கே சேமிப்புக் கிடங்குகள் இருந்தபோதிலும், ஒரே இடத்தில் ஒரு லட்சம் மெட்ரிக் டன் நெல் மூட்டைகளைச் சேமித்து வைக்கும் அளவிலான கிடங்கு வசதி வேறு எங்கும் இல்லாத நிலையில் தற்போது அமைய இருந்தது. விவசாயிகளுக்கு மிகப்பெரிய வரப்பிரசாதமாக அமையும் என்று கருதியிருந்த நிலையில் கஜா புயலால் பாதிக்கப்பட்டுள்ளது.

கிழக்குக் கடற்கரையைச் சார்ந்துள்ள பகுதியில் அமைக்கப்பட்டிருந்த இந்தக் கிடங்கை பேரிடர் காலத்தில் மக்களின் பாதுகாப்பு மையமாகவும் பயன்படுத்திக்கொள்ள உதவியாக இருக்கும் என்று கருதி வந்த நிலையில், அந்த சேமிப்புக் கிடங்கே புயலுக்கு பலியாகியுள்ளது.

ஒருவேளை இந்த கிடங்கு திறப்புவிழாக் கண்டு, தானியங்கள் சேமித்து வைக்கப்பட்டிருந்தால், தானியங்களும் சேர்ந்து கஜா புயலால் சேதமடைந்திருக்கக் கூடுமோ என்றுதான் எண்ணத் தோன்றுகிறது.
 

]]>
http://images.dinamani.com/uploads/user/imagelibrary/2018/11/16/w600X390/gaja22.jpg http://www.dinamani.com/editorial-articles/special-stories/2018/nov/20/திறப்பு-விழாக்-காணாமலேயே-கஜாவுக்கு-இரையான-ஆசியாவின்-பெரிய-தானியக்-கிடங்கு-3042336.html
3042308 கட்டுரைகள் சிறப்புக் கட்டுரைகள் ஓட்டு கேட்க மட்டும் வீடு வீடாகச் செல்லும் அமைச்சர்கள் மக்கள் துன்பப்படும் போதும் அவர்களைச் சந்திக்க வேண்டும்! RKV Tuesday, November 20, 2018 11:42 AM +0530  

கஜா புயலால் தமிழக டெல்டா பகுதி மக்கள் கடுமையான சேதாரத்தில் சிக்கி அவதியுறும் இத்தருணத்தில் அந்தத் தொகுதிகளைச் சார்ந்த அமைச்சர்கள் பலர் புயல் சேதங்களையும், மக்களின் துயரங்களையும் பொருட்படுத்தாமல் டெல்டா மக்களைப் புறக்கணிப்பது குறித்து மே 17 இயக்கத் தலைவர் திருமுருகன் காந்தி காட்டமான கேள்விகளை முன் வைத்துள்ளார். செய்தியாளர் சந்திப்பில் திருமுருகன் காந்தி முன் வைத்த குற்றச்சாட்டுகள்...

'எல்லா ஊர்களிலும் விழா நடத்துகிறீர்களே, அங்கெல்லாம் அந்த ஊர்களில் எல்லாம் போய் உட்காரத் தெரிந்திருக்கிறதில்லையா... அதே போல புயலால் பாதிக்கப்பட்ட பகுதிகளுக்கும் சென்று உட்கார வேண்டியது தானே? ஏன் உட்காரவில்லை? மக்களோடு மக்களாக ஏன் நிற்கத் தோன்றவில்லை?  மக்கள் தங்கியிருக்கும் நிவாரண முகாம்களுக்குச் சென்று தங்க வேண்டியது தானே? அங்கு என்ன சாப்பாடு கிடைக்கிறதோ அதையே அமைச்சர்களும் சாப்பிடுங்க. பிறகு அவர்கள் போட்டும் ஓட்டு மட்டும் கிடைக்கிறதில்லையா உங்களுக்கு? பிறகு அவர்களது துக்கத்தில் ஏன் நீங்கள் பங்கெடுக்க மாட்டேனென்கிறீர்கள்? அப்படியென்றால் மக்கள் எதிர்வினையாற்றத்தான் செய்வார்கள். அது மக்களின் தவறல்ல! மக்களிடம் ஓட்டு கேட்பதற்கு மட்டும் வீடு, வீடாகச் செல்லத் தெரிந்த அமைச்சர்களுக்கு மக்களுக்கென துயர் வரும் போதும் அவர்களுடன் இணைந்து தோள் கொடுக்கும் மனம் கொண்டு மக்களைச் சந்திக்க வேண்டும். அமைச்சர்களால் அது முடியவில்லை இல்லையா? புயலால் பாதிப்படைந்த தொகுதிகளைச் சேர்ந்த அமைச்சர்கள் உடனே அவரவர் தொகுதிகளுக்குச் சென்று மக்கள் நிவாரணப் பணிகளைச் செய்திருக்க வேண்டுமா இல்லையா? அவர்கள் சென்னையில் இருந்தும் எதுவும் செய்யவில்லை.

அப்படியான நேரங்களில் தான் மக்கள் தங்களை ஆள்பவர்களின் மீதான கோபத்தை வெளிப்படுத்துகிறார்கள். அது நியாயமான கோபம் தானே! புயலால் பாதிப்படைந்தவர்கள் சுமார் 2 லட்சம் பேரை நிவாரண முகாம்களில் தங்க வைத்து மூன்று வேளை உணவும், தண்ணீரும் கொடுத்து பாதுகாப்பு அளித்திருக்கிறோம் என்று சொல்கிறார்கள். நான்கு மாவட்டங்களில் மக்கள் தொகை எவ்வளவு? அதிகாரிகளிடம் அவர்களைப் பற்றிய கணக்கீடுகள் இருக்குமே... அதில் குடிசைப் பகுதிகள் எத்தனை? அத்தனை பேரும் புயலால் பாதிக்கப்பட்டவர்கள் தானே? அவர்கள் அத்தனை பேருக்கும் புகலிடம் அளிக்கப்பட்டு பாதுகாப்பு அளிக்கப்பட்டிருந்தால் மக்கள் அரசின் செயலை பாராட்டி இருப்பார்களே! அமைச்சர்களை தொகுதிகளில் வரவேற்றிருப்பார்களே? அவர்கள் ஏன் அப்படிச் செய்யவில்லை? அப்படியென்றால் மக்களுக்கான நிவாரணங்கள் எதுவும் சரிவரச் செய்யப்படவில்லை என்பது தானே நிஜமாகிறது.

இந்த அரசு கார்ப்பரேட் நிறுவனங்களின் கைக்கூலி ஆகி விட்டதற்கு இதுவும் ஒரு உதாரணமாகி இருப்பதே உண்மை. ஏற்கனவே டெல்டா பகுதி விவசாயத்தை ஒட்டுமொத்தமாக ஒழித்து அங்குள்ள மக்களின் வாழ்வாதாரங்களை அழித்து மீத்தேன் எடுப்பதற்கும் ஹைட்ரோ கார்பன் எடுப்பதற்கும் அப்பகுதிகளை தனியார் நிறுவனங்களுக்கு அடிமட்ட விலையில் தாரை வார்த்துக் கொடுக்க நினைக்கிறது மத்திய அரசு. அதற்கு மாநில அரசு ஒத்துப்போகிறது. இப்போது வரையிலும் சேதங்களைக் கணக்கிட்டு முடியவில்லை. அந்த அளவுக்கு பல லட்சக்கணக்கான மக்களின் வாழ்வாதாரங்களை குலைத்துப் போட்ட கஜா புயல் சீற்றத்தை தேசியப் பேரிடராக அறிவிப்பதில் மத்திய, மாநில அரசுகளுக்கு என்ன கஷ்டம்? அவர்கள் தங்கள் சொந்தப் பணத்தில் இருந்து எடுத்தா நிவாரணப் பணிகளைச் செய்யப் போகிறார்கள்? மக்களிடமிருந்து பெற்ற வரிப்பணத்தில் இருந்து தானே நிவாரணப் பணிகளைச் செய்யப் போகிறார்கள். பிறகு இத்தகைய பேரழிவை தேசியப் பேரிடராக அறிவிப்பதில் எடப்பாடி, ஓ பி எஸ்ஸுக்கு என்ன கஷ்டம்? ஏன் அவர்கள் பேசாமல் வேடிக்கை பார்த்துக் கொண்டிருக்கிறார்கள்? திண்டுக்கல். கொடைக்கானல் வரை கஜா புயலின் பாதிப்பு இருக்கிறது. இது தேசியப் பேரிடர் இல்லையா? இப்படியான நேரங்களில் மாநில அரசும், மத்திய அரசும் வேடிக்கை பார்க்கும் மனநிலையில் இருப்பதைக் கண்டு தான் இதன் பின்னணியில் கார்ப்பரேட் லாபங்களைக் கணக்கிடும் உள்நோக்கம் இருக்கிறது என்று நாங்கள் எண்ணுகிறோம்.'

என திருமுருகன் காந்தி கஜா புயலால் பாதிக்கப்பட்ட மக்களுக்கு ஆதரவான தமது கருத்துக்களையும், கேள்விகளையும் செய்தியாளர் சந்திப்பின் போது முன் வைத்தார். 

]]>
kaja cyclone, cyclone delta, Thirumurugan gandhi, ministers, கஜா புயல், திருமுருகன் காந்தி, டெல்டா மக்கள், http://images.dinamani.com/uploads/user/imagelibrary/2018/11/20/w600X390/thirumurukan_gandhi.jpg http://www.dinamani.com/editorial-articles/special-stories/2018/nov/20/thiru-murugan-gandhi-blasts-tamilnadu-ministers-and-cm-3042308.html
3041771 கட்டுரைகள் சிறப்புக் கட்டுரைகள் நிஷா லோபோ.. உங்கள் ஒரு சொட்டுக் கண்ணீர் கீ-போர்டில் விழாமல் பார்த்துக் கொள்ளுங்கள்! Monday, November 19, 2018 05:42 PM +0530
முகத்தில் ஒரு பரு வந்துவிட்டால் அதைப் பற்றிக் கவலைப்படாத பருவ வயதினரே இல்லை என்று சொல்லலாம். ஆனால் இங்கே நாம் அறிந்து கொள்ளப் போகும் நிஷா லோபோவின் கதை விசித்திரமானது. 

இதைப் படித்த பிறகு சுயக்காதல் நிச்சம் குறைந்து போகக் கூட வாய்ப்பிருக்கிறது. அதற்கும் தயாராகுங்கள்.

அலோமா - டேவின் லோபோவுக்கு 5 குழந்தைகள். சுமார் 18 ஆண்டுகளுக்கு முன்பு ஆதரவற்றோர் இல்லத்தில் நிஷாவைப் பார்த்த போது, மேலும் ஒருவருக்குக் கூட வீட்டில் இடமிருக்கிறது என்று அந்த தம்பதி உணர்ந்தனர்.

நிஷா.. மரபணு குறைபாட்டுடன் பிறந்த குழந்தை. பிறந்து 2 வாரங்களுக்குள் பெற்றோரால் கைவிடப்பட்டு ஆதரவற்றோர் இல்லத்தில் பராமரிக்கப்பட்டவள்.

நிஷா பற்றி எனது நண்பர் என்னிடம் கூறினார். லட்சத்தில் ஒரு குழந்தைக்கு ஏற்படும் மரபணு குறைபாட்டுடன் ஒரு குழந்தை அனாதையாக விடப்பட்டுள்ளது. ஒரு வெள்ளைத் துணியில் சுற்றி வைக்கப்பட்டிருந்த நிஷாவின் தோல் காய்ந்து சுருங்கி இருந்தது. பிறக்கும் போதே கண் இமைகள் இல்லாமல் பிறந்த நிஷாவுக்கு பார்வைக் குறைபாடும் இருந்தது என்கிறார் அலோமா.

இந்த குழந்தையை தத்தெடுக்க விரும்பிய தம்பதி, தங்களது மூத்த பிள்ளைகள் இருவருடன் இல்லத்துக்குச் சென்று நிஷாவை பார்த்தனர். அப்போது, எனது இளைய மகள் நிஷாவைத் தூக்கி வைத்துக் கொண்டு நிச்சயம் இவளை நம்முடன் அழைத்துச் செல்வோம் என்றாள். எனது குடும்பத்தினர் கொடுத்த ஆதரவால் நிஷாவுடன் வீட்டுக்கு வந்தோம்.

முதலில் எங்களுடன் நெருங்க நிஷா பயந்தாள், முதல் 3 மாதங்கள் சவாலாக இருந்தது. இங்க் ஃபில்லர்கள் மூலம்தான் உணவளிக்கப்பட்டது. நிறைய பராமரிப்புத் தேவைப்பட்டது. மற்றக் குழந்தைகளைப் போலவே அவளும் வளர்ந்தாள். 

அடுத்த சவால் பள்ளி... பள்ளியில் அவளைச் சேர்க்க முயன்றோம். பெங்களூருவில் உள்ள டிரியோ உலக அகாடமி பள்ளியில் அவளைச் சேர்த்தோம். அங்கு அவளுடன் படிக்கும் பிள்ளைகள் அவளை மிக மரியாதையோடு நடத்தினர். பல தடைகளைத் தாண்டி தற்போது அவளுக்கு 18 வயதாகிறது. டிஜிட்டல் மார்க்கெட்டிங் நிறுவனத்தில் பணியாற்றி வருகிறார். அவளை அந்த நிறுவனம் வரவேற்றுக் கொண்டாடுகிறது. சுய மரியாதைக்காக எப்போதும் போராடும் குணம் கொண்ட நிஷா தனது குடும்பத்தாரிடம் மிகவும் அன்பாக இருப்பவள். 

ஒரு முறை, ஒருவர் அவளை அசிங்கப்படுத்திவிட்டார். நான் மிகவும் கவலை அடைந்தேன். ஆனால் அவளோ எனக்கு ஆறுதல் சொல்லி, இது அவருடைய பிரச்னை அம்மா, என் பிரச்னை அல்ல என்று கூறினாள். அவள் வெளியே செல்லும் போது பெரியவர்கள் கூட ஒதுங்கிக் கொள்வார்கள். சிறுவர்களை அவள் அருகே விளையாட விட மாட்டார்கள். ஒரு முறை அவள் இருக்கும் விமானத்துக்குள்ளேயே வர மாட்டேன் என்று ஒருவர் கூற, மற்றவர்கள் எங்களுக்காக குரல் கொடுத்தனர்.
 

நான் யாரோ அதுவே தான் நான். நான் பார்க்கத்தான் இப்படி இருக்கிறேன், ஆனால் உண்மையில் நான் நல்ல மனுஷி என்று தன்னைப் பற்றி நிஷா கூறுகையில் கண்ணீர் கசிகிறது.

தன்னை ஒதுக்குபவர்களையும், அவமானப்படுத்துபவர்களையும் நிஷா ஒருபோதும் வெறுப்பதில்லை. அவர்களையும் ஏற்கவும் மதிக்கவும் ஏற்கனவே பழகியிருந்தாள். 

தங்களுக்குப் பிறகு நிஷாவின் எதிர்காலம் குறித்துத்தான் தற்போது அலோமா - லோபோ தம்பதியினர் கவலை கொள்கிறார்கள். மேலும், மரபணுக் குறைபாடு என்பது ஒருவரது மதிப்பைக் குறைத்துவிடாது, அவர்களும் மனிதர்கள்தான் என்பது குறித்து விழிப்புணர்வை ஏற்படுத்த விரும்புகிறார்கள். 

விக்ஸ் நிறுவனத்தின் டச் ஆப் கேர் என்ற விழிப்புணர்வு பிரசாரத்துக்காக எடுக்கப்பட்ட தத்தெடுப்பின் மகிழ்ச்சி என்ற குறும்படத்தின் மூலம் தற்போது நிஷாவின் கதை வெளிஉலகுக்குத் தெரிய வந்துள்ளது.
 

]]>
http://images.dinamani.com/uploads/user/imagelibrary/2018/11/19/w600X390/nisha_lobo.jpg http://www.dinamani.com/editorial-articles/special-stories/2018/nov/19/நிஷா-லோபோ-உங்கள்-ஒரு-சொட்டுக்-கண்ணீர்-கீ-போர்டில்-விழாமல்-பார்த்துக்-கொள்ளுங்கள்-3041771.html
3040572 கட்டுரைகள் சிறப்புக் கட்டுரைகள் இந்தப் புத்தகங்கள் எல்லாம் இந்தியாவில் தடை செய்யப்பட்டுள்ளன... ஏன்? தெரிந்து கொள்ளுங்கள்! கார்த்திகா வாசுதேவன் Monday, November 19, 2018 12:23 PM +0530  

சர்வதேச அளவில் இந்தியாவுக்கான அடையாளமென்பது ‘வேற்றுமையில் ஒற்றுமை கொண்டாடும் நாடு’‘ என்பதாகவே இன்று வரையிலும் நிலைத்திருக்கிறது. தனது ‘வேற்றுமையில் ஒற்றுமை’ கொள்கையை எச்சூழலிலும் கைவிடாதிருக்கவும், தேச விடுதலைக்குப் பின் தனக்குத்தானே வடிவமைத்துக் கொண்ட இந்திய அரசியலமைப்புச் சட்டத்தின் மாண்பு கெடாது இருக்கவும், மக்களிடையே ஒற்றுமை நிலவச் செய்யவும், நீண்ட நெடிய பாரம்பர்யம் கொண்ட இந்தியப் பண்பாடு மற்றும் கலாச்சாரத்திற்கு குந்தகம் விளைவிக்கும் வகையிலான இலக்கியப் படைப்புகளை களையெடுக்கவும் எளிமையாகச் சொல்வதென்றால் சர்ச்சைக்குரிய இலக்கியப் படைப்புகள் அவை... நாவல்கள், சிறுகதைகள், கட்டுரைகள், தன் வரலாறு, அனுபவப் பகிர்வுகள் என எந்த வடிவத்தில் இருந்தாலும் அவற்றிற்கு முற்றிலுமாகத் தடைவிதித்து இந்தியாவுக்குள் அவற்றைப் புழங்கவொட்டாமல் அழித்தொழிக்கும் கடுமையான நடவடிக்கையை இந்தியாவின் மத்திய, மாநில அரசுகள் தொடர்ந்து மேற்கொண்டு வருகின்றன.

இன்று நேற்றல்ல... இந்தியா சுதந்திரம் அடைவதற்கு முன்பிருந்தே கூட இப்படியான கடுமையான நடவடிக்கைகள் இங்கே அரங்கேற்றப்பட்டிருக்கின்றன.

பாரதிக்கும் தடையுண்டு!

அதற்கொரு சிறந்த உதாரணம் 1910 ஆம் ஆண்டில் வெளியான மகாகவி பாரதியாரின் ’ஆறில் ஒரு பங்கு’ எனும் சிறுகதைத் தொகுதி. வெறும் மூன்றணா விலை வைத்து பாரதியால் வெளியிடப்பட்ட அந்த சிறுகதைத் தொகுப்புக்கு தமிழில் வெளிவந்த முதல் சிறுகதைத் தொகுப்பு என்ற சிறப்பு அங்கீகாரம் உண்டு. ஆனால், அன்றைய பிரிட்டிஷ் காலனி ஆதிக்கம் அப்புத்தகத்தை மக்களிடையே சுதந்திர வேட்கையைத் தூண்டக்கூடிய விதத்திலான கருத்தாக்கங்களை விதைக்கக் கூடிய புத்தகம் என்று காரணம் காட்டி அப்புத்தக புழக்கத்திற்கு பிரிட்டிஷ் இந்தியப் பகுதிகளில் தடை விதித்தது. இந்தியாவில் புத்தகங்களுக்கு விதிக்கப்பட்ட முதல் தடையாக இதைக் குறிப்பிடலாம்.

அதையடுத்து 1924 ஆம் ஆண்டு பெயர் குறிப்பிடப்படாத எழுத்தாளர் ஒருவரது ‘ரங்கீலா ரசூல்’ எனும் உருதுப் புத்தகத்திற்கு தடை விதிக்கப்பட்டது. முகமது நபிக்கு பெண்களுடன் இருந்த தொடர்பை முன்வைத்து விஷமத்தனமாக விமர்சித்து எழுதப்பட்ட இப்புத்தகத்திற்காக அதன் வெளியீட்டாளர் இஸ்லாமிய இளைஞன் ஒருவனால் கொலை செய்யப்பட்டார். கொலையாளிக்கு பிரிட்டிஷ் அரசு தூக்கு தண்டனை விதித்ததோடு இவ்விவகாரம் முடிவுக்கு வந்தது.

1934 ஆம் ஆண்டு வெளிவந்த மேக்ஸ் வில்லியின் ‘ஹிண்டு ஹெவன்’ எனும் புத்தகம் இந்தியாவில் கோலோச்சிய கிறிஸ்தவ மிஷினரிகளின் ஆதிக்கம் மற்றும் அவற்றின் இந்தியச் செயல்பாடுகள் குறித்து கடுமையான விமர்சனங்களை முன் வைத்ததோடு பதில் அளிக்க இயலாத காட்டமான கேள்விகளையும் எழுப்பின. எனவே இந்தப் புத்தகமும் அன்றைய பிரிட்டிஷ் அரசால் தடை  செய்யப்பட்டதோடு இன்றளவும் அந்தப் புத்தகத்திற்கான தடை நீடிக்கவும் செய்கிறது.

இதே ரீதியில் 1936 ஆம் ஆண்டு காத்ரின் மேயோவின் ‘தி ஃபேஸ் ஆஃப் மதர் இந்தியா’ எனும் புத்தகத்திற்கு தடை விதிக்கப்பட்டது. மகாத்மா காந்தி குறித்த தவறான தகவல்களை இப்புத்தகம் முன் வைத்ததால் அதற்கு தடை விதிக்கப்பட்டதாக அரசு தரப்பில் கூறப்பட்டது.

1936 ஆம் ஆண்டு ஆர்தர் மில்ஸின் ‘தி லேண்ட் ஆஃப் லிங்கம்’ எனும் புத்தகத்திற்கு தடை விதிக்கப்பட்டது. காரணம் இந்துக்களின் லிங்க வழிபாட்டு முறையை ஆபாசமாகச் சித்தரிக்கும் வகையில் அப்புத்தகம் படைக்கப்பட்டிருப்பதாகக் காரணம் கூறப்பட்டது. 

1955 ஆம் ஆண்டில் இந்துக்களின் பேரபிமானத்திற்கு உரிய இதிகாசமான ராமாயணத்தை பகடி செய்யும் வகையில் வெளிவந்த ஆபுரே மேனனின் ‘ராமா ரீடோல்டு’ எனும் புத்தகம் மத ரீதியிலான அனலைக் கிளப்பி இந்து, முஸ்லீம் ஒற்றுமைக்கு குந்தகம் விளைவிக்கும் எனக்கருதி தடை செய்யப்பட்டது.

மேற்குறிப்பிடப்பட்டவை அனைத்துமே மதரீதியிலான சர்ச்சையைக் கிளப்புவை எனக் காரணம் காட்டி தடை செய்யப்பட்டவை. 

1959 ஆம் ஆண்டு அலெக்ஸாண்டர் காம்பெல் எழுதிய ‘ஹார்ட் ஆஃப் இந்தியா’ எனும் புத்தகத்துக்கு  முதன்முறையாக அரசியல் காரணங்களுக்காக தடை விதிக்கப்பட்டது. மேற்கண்ட புத்தகம் இந்திய அதிகார மட்டம் மற்றும் அவை உருவாக்கிய பொருளாதாரக் கொள்கைகள் குறித்து சர்ச்சைக்குரிய கருத்துக்களை தன்னகத்தே கொண்டிருந்த காரணத்தால் மதம் அல்லாத பிற காரணங்களின் அடிப்படையில் தடை செய்யப்பட்டது.

அதையடுத்து 1960 ல் ஆர்தர் கோஸ்ட்லரின் ‘தி லோட்டஸ் அண்ட் தி ரோபோட்’ எனும் புத்தகத்திற்கு தடை விதிக்கப்பட்டது. புத்தக ஆசிரியர் இந்தியா மற்றும் ஜப்பானில் தனக்கு ஏற்பட்ட, தாம் சந்தித்த பயண அனுபவங்களை அதில் பதிவு செய்திருந்தார்... ஆயினும் அப்புத்தகத்தில் மகாத்மா காந்தி எதிர்மறையாகச் சித்தரிக்கப்பட்டிருக்கிறார் என்ற காரணத்துக்காக அது தடை செய்யப்பட்டது.

1963 ஆம் ஆண்டு வாக்கில் இந்திய சீனப்போரை கதைக்களமாகக் கொண்டு வெளியான பெர்ட்ராண்ட் ரஸ்ஸலின் ‘அன் ஆர்ம்டு விக்டரி’ எனும் புத்தகத்திற்கு தடை விதிக்கப்பட்டது.

1964 ஆம் ஆண்டில்  ‘ஆன் ஏரியா ஆஃப் டார்க்னஸ்’ எனும் புத்தகம் இந்தியாவையும் அதன் மக்களையும் தவறாகச் சித்தரிப்பதாகக் காரணம் காட்டி தடை செய்யப்பட்டது.

1988 ஆம் ஆண்டு சல்மான் ருஷ்டியின் ‘தி சாட்டனிக் வெர்சஸ்’ எனும் புத்தகத்திற்கு இஸ்லாமியர்களின் மதச் சம்பிரதாயங்களை கேலிக்குரியதாக்கி விமர்சிக்கும் புத்தகம் எனும் வகையில் தடை விதிக்கப்பட்டது. அதன் மூலமாக உலக அளவில் இந்தப் புத்தகத்திற்கு தடை விதித்த முதல் நாடு எனும் பெயர் இந்தியாவுக்கு கிடைத்தது.

மேற்கண்ட புத்தகங்களுக்கு விதிக்கப்பட்ட தடை என்பது இந்தியாவின் அனைத்து மாநிலங்களுக்கும் செல்லுபடியாகும். அப்படிப்பட்ட ஒருங்கிணைந்த தடை அந்தப் புத்தகங்களுக்கு விதிக்கப்பட்டிருந்தது. அவை தவிர, இந்தியாவுக்குள் சில மாநிலங்களில் மட்டும் தடை விதிக்கப்பட்ட புத்தகங்கள் என்றும் தனியொரு பட்டியலுண்டு.

மாநில அளவில் மட்டும் தடை செய்யப்பட்ட புத்தகங்கள்...

அந்த வகையில் 1944 ஆம் ஆண்டில் தயானந்த சரஸ்வதி எழுதிய ‘சத்யார்த் பிரகாஷ்’ என்ற நூலுக்கு அன்றைய சிந்து மாகாணத்தில் தடை விதிக்கப்பட்டிருந்தது குறிப்பிடத்தக்கது. தடைக்கான காரணம் சிந்து மாகாணம் அப்போது இஸ்லாமியர்களின் கட்டுப்பாட்டில் இருந்த காரணத்தால் இந்து மதத் துறவியான தயானந்த சரஸ்வதியின் நூலுக்கு தடை விதிக்கப்பட்டதாகக் கூறப்பட்டது.

அதே விதமாக 1969 ல் தந்தை ஈவெரா பெரியாரின் ‘ராமாயண : அ ட்ரூ ரீடிங்’ எனும் புத்தகத்திற்கு உத்தரப் பிரதேசத்தில் தடை விதிக்கப்பட்டது.

சார்ச்சைக்குரிய எழுத்தாளர்களில் ஒருவரான தஸ்லீமா நஸ் ரீனின் படைப்புகளுக்கு மேற்கு வங்கம் மற்றும் வங்காள தேசத்தில் தடை நீடிக்கிறது.

2006 ஆம் ஆண்டில் வெளியான ‘தி டாவின்ஸி கோட்’ எனும் புத்தகத்திற்கு நாகலாந்தில் இன்றளவும் தடை நீடிக்கிறது.

2009 ஆம் ஆண்டில் வெளியான...  ஜஸ்வந்த் சிங்கின் ’ஜின்னா: இந்தியா, பிரிவினை, சுதந்திரம் எனும் புத்தகத்திற்கு குஜராத்தில் தடை விதிக்கப்பட்டு பிறகு அகற்றப்பட்டது.

இப்படி இந்திய அரசாங்கம் தடை விதித்த புத்தகங்களின் பட்டியல் என்பது  இந்திய விடுதலைக்கு முன்பிருந்து தொடங்கி விடுதலைக்குப் பின்னான இன்று வரையிலும் அதன்பாட்டில் நீண்டு கொண்டே செல்கிறது. இவற்றிலிருந்தும் ஒரு டாப் டென் பட்டியல் தயாரித்தோம் என்றால் அதில் கட்டாயம் இந்தப் 10 புத்தகங்கள் உண்டு. அவை என்னென்ன என்று பார்க்கலாமா?

இந்தியாவில் தடை செய்யப்பட்டுள்ள டாப் டென் புத்தகங்கள்...

1.
முதலிடம் பெறுவது சல்மான் ருஷ்டியின்   ‘தி சாட்டனிக் வெர்சஸ்’ எனும் புத்தகம். இறைதூதரான முகமது நபியை அவமதிக்கும் விதத்தில் இருந்ததால் இந்தியாவில்  இந்தப் புத்தகம் தடை செய்யப்பட்டிருக்கிறது.

2.
இரண்டாமிடம் பெறுவது ‘விண்டி டூனிகர்’ எழுதிய ‘தி ஹிண்டுஸ் : ஆன் ஆல்டர்னேட்டிவ் ஹிஸ்டரி’. இப்புத்தகம் இந்துக் கடவுளர்களை கேலிக்குரிய வகையில் சித்தரித்ததால் இந்தியாவில் தடை செய்யப்பட்டதாக அறிவிக்கப்பட்டிருக்கிறது.

3.மூன்றாமிடம் பெறும் நூல் ராம் ஸ்வரூபின் அண்டர்ஸ்டாண்டிங் இஸ்லாம் த்ரூ ஹாடிஸ். இஸ்லாமிய மதம் குறித்த கடுமையான விமர்சனங்களை முன் வைப்பதால் இப்புத்தகம் தடை செய்யப்பட்டிருப்பதாக அறிவிக்கப்பட்டது.

4. ஆபுரே மேனனின் ‘தி ராமாயணா’

5.  ஐந்தாமிடம் பெறுகிறது ஜஸ்வந்த் சிங் எழுதிய ‘ஜின்னா: இந்தியா- பிரிவினை- விடுதலை’ 

6. ஆறாமிடம் பெறும் நூல் சீமர் ஹெர்ஷ் எழுதிய ‘தி ப்ரைஸ் ஆஃப் பவர்’  இந்தப் புத்தகம் அன்றைய பாரதப் பிரதமராக இருந்த மொரார்ஜி தேசாயை சி ஐ ஏ இன்ஃபார்மராகச் சித்தரிப்பதாகக் குற்றம் சாட்டி இந்தியாவில் தடை செய்யப்பட்டது.

7 ஏழாமிடம் பெறும் புத்தகம் சர்ச்சைக்குரிய வங்க எழுத்தாளரான தஸ்லீமா நஸ் ரீனின் ‘லஜ்ஜா’  1993 ஆம் ஆண்டில் பாபர் மசூதி இடிக்கப்பட்ட காலகட்டத்தில் நிகழ்ந்த சம்பவங்களை மையமாகக் கொண்டு வெளியான நூல் மத ரீதியிலான சர்ச்சைக்குரிய கருத்துக்கள் நிரம்பியதாகக் காரணம் காட்டியதோடு இஸ்லாத்தை அவமதிக்கும் வகையிலும் இருப்பதாகக் கூறப்பட்டு இந்நூல் இந்தியாவில் தடை செய்யப்பட்டது.

8 பட்டியலில் 8 ஆம் இடம் பெறுவது வி.எஸ் நைபாலின் ‘ஆன் ஏரியா ஆஃப் டார்க்னஸ்’. தமது இந்தியப் பயணத்தில் கிடைத்த அனுபவங்களைக் கொண்டு இந்தியாவை மட்டரகமாகச் சித்தரிக்க முற்படும் விஷமத்தனமான முயற்சி என்ற பெயரில் இந்தப் புத்தகம் இங்கு தடை செய்யப்பட்டது.

9. பட்டியலில் ஒன்பதாம் இடம் பெறுகிறது அலெக்ஸாண்டர் கேம்பெல்லின்  ‘தி ஹார்ட் ஆப் இந்தியா’ புத்தகம். மதம் தொடர்பான காரணங்களுக்காக அன்றி அரசியல் அதிகார மையங்களையும் இந்தியப் பொருளாதாரத்தையும் குறித்து சர்ச்சைக்குரிய கேள்விகளையும், விமர்சனங்களையும் இப்புத்தகம் முன் வைத்ததால் இந்தியாவில் இது தடை செய்யப்பட்டது.

பட்டியலில் 10 ஆம் இடம் பெறும் புத்தகம் ஹாமிஷ் மெக்டொனால்டின் ‘தி பாலியெஸ்டர் பிரின்ஸ்’ தொழிலதிபர் திருபாய் அம்பானியின் குடும்பத்தை பொதுவெளியில் தவறான கோணத்தில் சித்தரிப்பதாகக் குற்றம்சாட்டி இந்தப் புத்தகம் இந்தியாவில் தடை செய்யப்பட்டது.

 

இவ்விதமாக இந்தியாவில் புத்தகங்களுக்கு தடை விதிக்கப்படுவதும்.... சில புத்தகங்களுக்கு விதிக்கப்பட்ட தடைகள் பின்னர் நீக்கப்பட்டு அவை தங்கு தடையின்றி புத்தகச் சந்தையில் கிட்டுவதும் பிறகு மீண்டும் ஏதாவது ஒரு புத்தகத்திற்கு அரசியல், மதம், பொருளாதாரம், கடவுள் நம்பிக்கை, மக்கள் விரோத மனப்பான்மை, புரட்சி என்று ஏதெனும் காரணங்கள் கற்பிக்கப்பட்டு தடை விதிக்கப்படுவதும் தொன்று தொட்டு நடத்தப்பட்டுக் கொண்டு தான் இருக்கின்றன. 

அந்த வழக்கத்தின் நீட்சியாகத்தான் தற்போது தமிழர் தேசிய முன்னணி இயக்கத்தின் தலைவர் பழ நெடுமாறன் அவர்களின் ‘தமிழீழம் சிவக்கிறது’ எனும் புத்தகத்திற்கு நேற்று உயர்நீதி மன்றத்தில் விதிக்கப்பட்ட தடையையும் அணுகவேண்டியதாக இருக்கிறது.

இந்தப் புத்தகம் தடை செய்யப்பட்டது 2006 ஆண் ஆண்டில். அப்போது அரசால் கைப்பற்றப்பட்ட சுமார் 10 லட்சம் மதிப்புள்ள புத்தகங்களை தற்போது உயர்நீதிமன்றம் அடியுடன் அழிக்க உத்தரவிட்டிருக்கிறது. இந்த தீர்ப்பின் மூலமாகத் தனது எழுத்துரிமை பறிக்கப்பட்டதாகக்கூறும் அவர், ஒரு மலையாள எழுத்தாளரின் படைப்புக்கு மத நம்பிக்கைகளை சீர்குலைக்கும் வண்ணம் எழுதப்பட்ட நூல் எனக்கூறி கடந்த மாதம் வழக்குப் போடப்பட்ட போது அப்போது உச்சநீதிமன்ற நீதிபதி தீபக் மிஸ்ராவும் மற்ற இரு நீதிபதிகளும் இணைந்து, நாம் சர்வாதிகார நாட்டில் வாழவில்லை, ஜனநாயக நாட்டில் வாழ்கிறோம். சுதந்திரமாக கருத்துக்களைப் பரிமாறிக் கொள்ளும் உரிமை ஒவ்வொருவருக்கும் உண்டு. ஒரு எழுத்தாளரின் படைப்பு குறித்து அவரின் வாசகர்கள் தான் முடிவெடுக்க வேண்டும். வேறு யாருக்கும் அந்த உரிமை இல்லை. என்று குறிப்பிட்டுள்ளனர். எனவே இந்தத் தீர்ப்பு குறித்து வழக்குரைஞர்களுடன் கலந்து பேசி முடிவெடுக்கப் போவதாக பழ.நெடுமாறன் தெரிவித்துள்ளார்.

]]>
India, இந்தியா, புத்தகங்கள், BANNED BOOKS, LIST OF BANNED BOOKS, தடை செய்யப்பட்ட புத்தகங்கள் http://images.dinamani.com/uploads/user/imagelibrary/2018/11/17/w600X390/aubrey_menons_Rama_retold_book.jpg http://www.dinamani.com/editorial-articles/special-stories/2018/nov/17/these-books-are-banned-in-india--why-3040572.html
3041740 கட்டுரைகள் சிறப்புக் கட்டுரைகள் சிறுமி ராஜலட்சுமி கொலை வழக்கில் கவனம் பெற வேண்டிய உண்மைகளில் சில... கார்த்திகா வாசுதேவன் Monday, November 19, 2018 11:30 AM +0530  

சிறுமி ராஜலட்சுமி கொலை வழக்கைத் தமிழக மக்கள் எப்படி அணுகுகிறார்கள்? இதுவரையிலும் வெகுஜனப் பத்திரிகைகளிலும், ஊடகங்களிலும் வெளிவந்த தகவல்களை வைத்துப் பார்ப்பதென்றால் சிறுமி கொலை வழக்குக்கு ஜாதிச் சாயம் பூச முற்படுவோரின் எண்ணிக்கை கணிசமாக அதிகரித்திருப்பதாகவே தோன்றுகிறது. சிறுமி கொலை வழக்கில் ஜாதி இல்லாமலில்லை. ஜாதியும் இருக்கிறது. ஆனால், ஜாதியைக் காரணம் காட்டி இந்தக் கொலையில் அழுத்தமாகப் படிந்து கிடக்கும் சமூக அவலத்தை நாம் மறைத்து விடக்கூடாது. சிறுமி ராஜலட்சுமி கொலை செய்யப்பட்டு 10 நாட்களுக்குப் பிறகு தான் சிறுமி மரணத்திற்கு ஆறுதல் சொல்ல அந்த தொகுதி எம் எல் ஏ அம்மாவட்ட ஆட்சியருடன் இணைந்து சிறுமியின் வீட்டை அணுகியிருக்கிறார். தமிழகம் முழுதும் அதிர்ச்சி அலைகளை எழுப்பிய கொடூரமான கொலைக்கு தொகுதி எம் எல் ஏவும், மாவட்ட ஆட்சியரும் அளித்த முக்கியத்துவம் இவ்வளவு தான். அது மட்டுமல்ல, சமூக ஊடகங்களில் பரவலாக இந்தக் கொலைச் செய்தி வெளியான போதும் அடுத்தடுத்து அலைமோதும் செய்திகளின் வரிசையில் சிறுமி கொலைச் செய்திக்கு அளிக்கப்பட்ட இடம் பின் தங்கிய நிலையிலேயே இருந்தது என்றும் கூறப்படுகிறது. சிறுமி ராஜலட்சுமி கொலை வழக்கு பின் விளைவுகளை அலட்சியப்படுத்தி குற்றவாளியால் வெகு துணிச்சலுடன் நடத்தப்பட்டுள்ள கோரம். இவர்கள் ஏழைகள் மட்டுமல்ல எதிர்க்கத் திராணியற்றவர்களும் கூட எனும் அகங்காரத் திமிருடன் வெகு திமிருடன் நடத்தப்பட்ட பச்சைப் படுகொலை. 

வாழ்வதற்கான சகல உரிமைகளும் கொண்ட ஒரு சின்னஞ்சிறுமி கேட்பாரற்று... உடல் தினவெடுத்த ஆணொருவனால் கரும்பை வெட்டிச் சாய்ப்பது போல வெகு எளிதாகக் கொலை செய்யப்பட்டிருக்கிறாள். இதற்கு தற்போது ஜாதி சாயம் பூசப்பார்க்கிறார்கள். இதில் ஜாதி தாண்டியும் சில விஷயங்களை நாம் ஆராய வேண்டியிருக்கிறது. வழக்கறிஞர் அருள்மொழி சிறுமி கொலையுண்ட இடத்திற்கே நேரில் சென்று நடத்திய கள ஆய்வில் தெரிய வந்த உண்மைகளாக சில விஷயங்களாக யூடியூப் உரையொன்றில் தெள்ளத்தெளிவாக விளக்குகிறார். அவை அனைவரும் அறிந்து கொள்ள வேண்டிய உண்மைகள்.

முதலாவதாக சிலர் ஜாதிச் சாயம் பூசுவதைப் போல அன்றி;

கொலை செய்த தினேஷ் அந்த ஊரின் மிகப்பெரிய ஜாதிச் செல்வாக்கு கொண்ட நபர் அல்ல.

தினேஷ் முதலியார் சமூகத்தைச் சேர்ந்தவனாக இருந்த போதும், அவனது மனைவி நாடார் சமூகத்தைச் சேர்ந்த பெண் என்பதும், இவர்களது திருமணம் பெண்ணின் பெற்றோரது அனுமதியின்றி காவல்நிலையத்தில் வைத்து நடத்தி வைக்கப்பட்டது என்பதும் இந்த வழக்கிற்குத் தேவையான தகவல்கள் என்கிறார் வழக்கறிஞர் அருள்மொழி.

கொலை நிகழும் வரை இரு குடும்பத்தாருக்கும் இடையே சுமுகமான உறவே நீடித்திருக்கிறது.

கொலை நிகழ்ந்த இடம் ஊரின் ஒதுக்குப்புறமான தோட்டப்பகுதி என்கிறார்கள். ஊருக்குள் வாழும் மக்களில் ராஜலட்சுமி சார்ந்த சமூகத்தினரே அதிகமிருக்கின்றனர். தினேஷ் சார்ந்த சமூக மக்கள் ஒன்றிரண்டு வீடுகள் தான். அவர்கள் அங்கே பெரும்பான்மையினர் அல்ல என்கிறது கள ஆய்வு.

சிறுமி ராஜலட்சுமிக்கு ஒரு அக்கா இருக்கிறார் அவர் செவிலியருக்குப் படித்து விட்டு பணிபுரிந்து வருகிறார். குடும்பத்திற்காக உழைத்து உழைத்து தன் தாயாரைப்போலவே ஓடாகச் சுருங்கிய தோற்றம் கொண்டவர் அந்தப் பெண். ராஜலட்சுமியின் அம்மாவும் கிராமத்தின் நூறுநாள் வேலை திட்டத்தின் கீழ் ஊதியம் பெறும் கூலியாட்களில் ஒருவர். ஆக இருவருமே உடல் வலுவற்றவர்கள். தினேஷ் எட்டி உதைத்ததில் மூர்ச்சையாக விழும் அளவுக்குத்தான் ராஜலட்சுமியின் தாயாருக்கு உடல்வலுவிருந்திருக்கிறது.

அது மட்டுமல்ல, இப்படியொரு கொடூரம் அரங்கேற்றப்பட்ட பிறகும் கூட சிறுமி ராஜலட்சுமி சார்ந்த சமூக மக்களோ அல்லது அவரது உறவினர்களோ, பெற்றோரோ கூட கொலையாளி தினேஷின் வீட்டை முற்றுகையிட்டு வன்முறையில் ஈடுபடவில்லை என்பதும் அவர்கள் மீது சாபங்கள் இடவில்லை என்பதும் இங்கே வெகு முக்கியமாகப் பதிவு செய்யப்பட வேண்டிய விஷயமாகிறது. அதோடு கூட கொலையாளி தினேஷின் வீட்டில் வாய்பேச முடியாத அவனது பாட்டியும், ஐந்து வயதுக்குட்பட்ட அவனது குழந்தையும் இருந்திருக்கிறது. தினேஷும் அவனது மனைவியும் காவல்நிலையத்தில் சரணடையச் சென்ற போது இவர்கள் வீட்டில் தனித்தே இருந்திருக்கிறார்கள். பிற சந்தர்பங்களில் என்றால் பாதிக்கப்பட்டவர்கள் கொலையாளியின் வீட்டை அடித்து நொறுக்கி நிர்மூலமாக்கி அங்கிருக்கும் குடும்ப உறுப்பினர்களைத் தாக்கி களேபரத்தில் ஈடுபடுவதே இம்மாதிரியான விவகாரங்களில் வாடிக்கை. ஆனால், கொலையுண்ட சிறுமி ராஜலட்சுமியின் குடும்பத்தார் அம்மாதிரியான வன்முறைகளில் எல்லாம் ஈடுபடவே இல்லை என்பதோடு குழந்தைக்கும் அந்தப்பாட்டிக்கும் பாதுகாப்பு அளிக்கும் விதமாகவும் தான் ராஜலட்சுமி சார்ந்த சமூகத்தாரின் நடப்பு இருந்திருக்கிறது. 

காரணம், ஏழைகள் என்ற ஒரே காரணத்தால் அச்சுறுத்தப்பட்டு அச்சுறுத்தப்பட்டு தங்கள் மீதான அநியாயத்தைத் தட்டிக் கேட்கும் வலு கூட இல்லாதவர்களாகவே ராஜலட்சுமி குடும்பத்தார் இருந்திருக்கிறார்கள்.

எனவே சிறுமி ராஜலட்சுமி கொலை விவகாரத்தின் மீது ஜாதி ரீதியான அர்த்தங்களைப் புகுத்தி வழக்கு விசாரணையை திசை திருப்புவதைக் காட்டிலும் இந்தச் சமூகத்தில் வறியவர்கள் மீதும், ஏழைகளின் மீதும் காட்டப்படும் அலட்சியத்தால் கேட்பாரற்று நடத்தப்படும் அநீதிகளைக் களையும் பொருட்டு நியாயமான வகையில் வழக்கு விசாரணை நடத்தப்பட்டு குற்றவாளி தண்டிக்கப்பட வேண்டும் என்பதே அவசியமாகிறது.

ராஜலட்சுமி வழக்கில் தலித் ஆதரவாளர்களாகவும், தலித் பாதுகாவலர்களாகவும் நினைத்துக் கொண்டு செயல்படாமல் அவர்கள் தாங்கள் சார்ந்திருக்கும் ஜாதி சங்கங்கள் மற்றும் அரசியல் கட்சிகளின் கொள்கைகளைப் புகுத்துவதை தவிர்த்து விட்டு சிறுமி கொலையில் நிஜமான நீதியைப் பெற்றுத்தரும் பொறுப்புணர்வு ராஜலட்சுமி கொலை குறித்து மேடை தோறும் முழங்க யத்தனிக்கும் ஒவ்வொருவருக்கும் இருக்க வேண்டியது அவசியமாகிறது. அது மட்டுமல்ல நடந்திருப்பது படு பாதகக் கொலை. அந்தக்கொலையை யாரும் தங்களுக்கான சுயலாபங்களுக்காகவோ, ஜாதி வெறித் தூண்டலுக்காகவோ அல்லது இதைக்காரணம் காட்டி தங்களை உறுத்தக் கூடிய பிற விவகாரங்களையோ, போராட்டங்களையோ பொதுமக்களின் கவனத்திலிருந்து திசை திருப்பவோ பயன்படுத்தக் கூடாது என்பதே பலரது ஆதங்கமாக இருக்கிறது.
 

]]>
சிறுமி ராஜலட்சுமி கொலை வழக்கு, சேலம் சிறுமி கொலை வழக்கு, justice for rajalakshmi, rajalakshmi murder case, http://images.dinamani.com/uploads/user/imagelibrary/2018/11/19/w600X390/rajalatchumiii.jpg http://www.dinamani.com/editorial-articles/special-stories/2018/nov/19/justice-for-rajalakashmi-3041740.html
3041119 கட்டுரைகள் சிறப்புக் கட்டுரைகள் நிஜத்தை கனவு காணும் நிதர்சனம்! இது ஒரு உருக்கமான உண்மைக் கதை - கிறிஸ்டி ஸ்வாமிகன் Sunday, November 18, 2018 02:52 PM +0530  

சுருள் சுருளான தலைமுடி ஒரு ரிப்பனால் கட்டப்பட்டிருக்க, வெள்ளை நிற சல்வார் அணிந்த, உற்சாகம் ததும்புகிற ஒரு பன்னிரண்டு வயதான சிறுமி, நாற்காலியில் அமர்ந்திருந்தாள். என்னைப் பார்த்து புன்னகைத்த போது, அவளோடு சேர்ந்து புன்னகைக்காமல் என்னால் இருக்க முடியவில்லை. உண்மையான, மகிழ்ச்சியான மற்றும் குழந்தைகளிடம் வெளிப்படுகின்ற கள்ளங்கபடற்ற புன்னகையாக அது இருந்தது. அதன் பிறகு, உரையாடலை நாங்கள்  ஆரம்பித்தபோது, அவளது வாழ்க்கைப் பயணம் குறித்து சிநேகா என்ற அந்த சிறுமி என்னிடம் கூறத்;தொடங்கினாள்.

அவளது தந்தையின் மருத்துவ சிகிச்சைக்காக ஒரு செங்கற்சூளை முதலாளியிடமிருந்து அவளது பெற்றோர்களான விஜய் மற்றும் பூங்காவனம் தொடக்கத்தில் ரூ. 15,000 என்ற முன்பணத் தொகையை கடனாக வாங்கியிருந்தனர். இதைத் தொடர்ந்து அவளது பெற்றோர்களுடனும் தங்கை சின்னத்தாய் மற்றும் தம்பி முத்துக்குமாரோடு சேர்ந்து சிநேகா என்ற இந்த சிறுமியும் செங்கற்சூளைக்கு வேலைக்காக சென்றனர். அப்போது சிநேகாவுக்கு 4 வயது கூட நிறைவடையவில்லை. வாங்கிய முன்பணத்தை திரும்ப செலுத்துவதற்காக வாரத்தின் ஏழு நாட்களும் ஓய்வு ஒழிச்சலின்றி குடும்பமே அங்கு வேலை செய்தது. சிறுமியாக இருந்தபோதிலும், களத்தின் மீது மணலை பரப்புமாறு சிநேகா வேலை செய்ய வேண்டியிருந்தது. அப்போதுதான் களத்திலிருந்து செங்கற்களை அவளது பெற்றோர்கள் வார்க்க முடியும்.

சிநேகா வளரத் தொடங்கியபோது, முதலாளி இன்னும் அதிக வேலையை சிநேகா மீது திணித்தார். செங்கல் செய்வதற்கு களிமண்ணை பெற்றோர்கள் தயார் செய்த போது ஒரு தொட்டியிலிருந்து தண்ணீரை எடுத்து வந்து ஊற்றும் வேலை அவள் மீது விழுந்தது. அதன்பிறகு களத்தை சுத்தப்படுத்தி, களத்தை மூடுவதற்காக பயன்படுத்தப்பட்ட பெரிய தார்ப்பாய் ஷீட்டுகளை மடித்து வைப்பதும், செங்கற்கள் ஒரே மாதிரியாக உலர்வதற்காக அவைகளை முறையாக அடுக்கி வைக்கும் பணியும் அவளுக்கு தரப்பட்டது. சில நேரங்களில், செங்கற்கள் நேர்த்தியாக வெட்டப்படுவதற்காக பிசிறுகளை சரியாக அகற்றவும் அவள் உதவ வேண்டியிருந்தது.

ஒவ்வொருநாளும் அதிகாலையில் 3 மணிக்கு விஜய் மற்றும் அவரது அம்மா பூங்காவனத்தை செங்கற்சூளை முதலாளி எழுப்பிவிடுவார். அவர்களோடு சேர்ந்து சிநேகாவும் கண்விழிப்பதோடு அவளால் முடிந்தவரை அவளது பெற்றோர்களுக்கு அவள் உதவுவாள். தூக்கம் கண்களை அழுத்தும்போது, அவளது பெற்றோர்கள் வேலை செய்து கொண்டிருக்கும் போது, செங்கற்களால் ஏற்படுகிற வலியை பொருட்படுத்தாமலேயே அவர்களுக்கு அருகில் களத்திலேயே சிநேகா தூங்கிவிடுவாள்.

களத்துக்கு அருகே குட்டிப்பெண் சிநேகா தூங்குவதை முதலாளி பார்க்கும் போதெல்லாம் வேலை செய்ய அவளை உடனே எழுப்பிவிடுமாறு அவளது தந்தையை பார்த்து கத்துவார். சிநேகா உட்பட குழந்தைகளை, பாத்திரங்களில் தண்ணீரை நிரப்புமாறு அதட்டுவார். தலையிலிருந்து பாதம் வரை அழுக்கும், சகதியும் ஒட்டியிருக்க தண்ணீர் பானையை உறக்க கலக்கத்திலேயே கஷ்டப்பட்டு, தனது சின்னக்குழந்தை சுமந்து வருவதை பார்க்கும் போது அவளது தந்தையின் இதயம் உடைந்துபோகும்.

சிநேகாவுக்கு 5 வயதான போது சூளைக்கு அருகிலுள்ள ஒரு அரசுப் பள்ளியில் அவளது அப்பா சேர்த்துவிட்டார். இப்போது பள்ளிக்கு போக முடியும் என்பதால் சிநேகாவின் மகிழ்ச்சிக்கு அளவில்லை. படிப்பது, சாப்பிடுவது, பிற பிள்ளைகளோடு விளையாடுவது என அவளது குழந்தைப் பருவம் மீண்டும் வந்ததைப்போல அவளுக்கு இருந்தது. பள்ளியில் இருக்கின்ற சில மணி நேரங்களாவது அவளது வாழ்க்கையில் துயரம் நிறைந்த யதார்த்தத்தை அவளால் மறக்கவும் மற்றும் தனது கனவுகளை நிஜத்தில் வாழ்ந்து பார்க்கவும் அவளால் முடிந்தது. ஆனால், அவளது கனவு பள்ளியில் சேர்ந்த பிறகு ஒரு சில வாரங்களுக்கே நீடித்தது. அந்த முதலாளி பள்ளிக்குச் சென்று, படிப்பை நிறுத்திவிட்டு வேலை செய்வதற்காக அழைத்து வந்தார். குழந்தைகள் பெற்றோர்களோடு சேர்ந்து வேலை செய்தால் மட்டுமே அவர்களது பணிச்சுமை குறையும் மற்றும் அவர்களது உற்பத்தியும் அதிகரிக்கும் என்று சிநேகாவின் பெற்றோரிடம் முதலாளி கூறினார்.

சிநேகாவை பள்ளிக்குச் செல்ல அனுமதிக்குமாறு அவளது அப்பா முதலாளியிடம் கெஞ்சி பார்த்தார். முதலாளியின் பிள்ளைகள் ஒரு தனியார் பள்ளிக்கு பேருந்தில் சென்று வருகிறபோது இலவச கல்வியை வழங்குகிற அருகிலுள்ள அரசுப்பள்ளியில் படிக்க அனுமதிக்குமாறு தான் கேட்டுக்கொள்வதாக சொல்லிப் பார்த்தார். ஆனால், இருளர் சமுதாயப் பிள்ளைகள் பள்ளிக்குச் சென்று படிப்பதால் எந்த பயனும் இல்லை என்று சொல்லி அந்த வேண்டுகோளை நிராகரித்து முதலாளி அவளது அப்பாவிடம் கடுமையாக சத்தம் போட்டார். இருளர் பிள்ளைகள் என்ன கற்றுக்கொள்ள முடியும் அல்லது வாழ்க்கையில் எதை சாதிக்க முடியும் என்ற கேள்வியை ஏளனமாக அந்த முதலாளி எழுப்பினார்?

களத்தில் தங்குவதும், அங்கேயே வேலை செய்வதும் சிநேகாவுக்கு சுத்தமாக  பிடிக்கவில்லை பள்ளியில் கழித்த இரண்டு வாரங்களை அவள் ஆசையோடு எண்ணிப் பார்த்தாள். பிற்பாடு வளர்ந்தபிறகு வாழ்க்கையில் தனக்கு ஆதரவளிக்கக் கூடிய கல்வி தனக்கு கிடைக்காத என்ற ஏக்கம் அவளை சூழ்ந்தது. வேலை செய்கிற நேரத்தில் எப்போதாவது அவள் விளையாடுவதை பார்த்து விட்டால் முதலாளி ஒரு குச்சியைக் கொண்டு அடித்து நொறுக்கி விடுவார். இதை தடுக்க அவளது பெற்றோர்கள் குறுக்கிட முன்வருவார்களென்றால் அவர்களைப் பார்த்து திட்டி கூச்சலிடுவார்.

இருப்பினும், 2015-ம் ஆண்டில் சிநேகாவின் கனவுகள் நிஜமாக மாறின. வேலூர் மாவட்ட அரசு நிர்வாகத்தால் அவள் செங்கற்சூளையிலிருந்து மீட்கப்பட்டார். இன்றைக்கு அவள் 6-வது வகுப்பில் படித்து வருகிறாள்.

'நான் இப்போது பள்ளிக்குப் போவதும், ஆங்கிலத்தில் பேச வாய்ப்பும், திறனும் கிடைத்திருப்பதுதான் எனது வாழ்க்கையில் மிகச் சிறப்பான பகுதியாகும். படித்து பிற்காலத்தில் ஒரு டாக்டராக வேண்டுமென்று நான் கனவு காண்கிறேன். இது வெறும் கனவாகவே முடிந்து விடாது என்று நான் நம்புகிறேன். குழந்தைகளுக்கு நல்ல சிகிச்சையளிப்பது மூலம் எனது சமூகத்தினருக்கு சேவை செய்ய நான் விரும்புகிறேன். இப்போது எனது கிராமத்தில் ஏராளமான குழந்தைகள் டெங்கு காய்ச்சலால் கஷ்டப்படுகின்றனர். நான் பெரியவளாக வளரவும் மற்றும் பல்வேறு வியாதிகளால் கஷ்டப்படுகிற பலருக்கு சிகிச்சையளிக்கவும் நான் விரும்புகிறேன்,’ என்று கூறுகிறாள் சிநேகா. 'நான் ஒருபோதும் செய்ய முடிந்திராத விஷயங்களை இப்போது என்னால் செய்ய முடிகிறது என்பது எனக்கு மகிழ்ச்சியளிக்கிறது. நான் விரும்பிய அளவுக்கு என்னால் ஓடவும், துரத்தி பிடிக்கவும், குதிக்கவும், ஸ்கிப்பிங் ஆடவும், விளையாடவும் என்னால் முடியும். இவைகளை செய்யவிடாமல் இனிமேலும் என்னை தடுப்பதற்கு யாருமில்லை’ என்று அவள் மேலும் கூறினாள்.

'உண்மையில் என்னால் இப்போது நன்றாக படிக்க முடிகிறது என்ற உண்மை எனக்கு ரொம்ப பிடிக்கிறது. அனைத்து தேர்வுகளிலும் எனது வகுப்பில் நான் இரண்டாவது ரேங்க்-ஐ பெறுகிறேன். கணிதமும், தமிழும் எனக்கு ரொம்ப பிடித்த பாடங்கள்,’ என்று உற்சாகம் பொங்க சிநேகா தெரிவித்தாள்.

குழந்தை கொத்தடிமைத் தொழிலாளர்கள் குறித்து விழிப்புணர்வை அதிகரிப்பதற்காக சென்னையிலுள்ள ஜவஹர்லால் நேரு உள்ளரங்கத்தில் சமீபத்தில் நடைபெற்ற ‘கிட்டத்தான்’ ஓட்டநிகழ்வில் சிநேகாவும் பங்கேற்றார். 'எனது கனவை நான் இப்போது நிஜத்தில் வாழ்ந்துகொண்டிருக்கிறேன் என்று சொல்வதற்காக அடிக்கடி என்னையே நான் கிள்ளிப் பார்த்துக்கொள்கிறேன்,’ என்று அவள் மேலும் கூறினாள்.

தான் நன்றாக படித்தால் கொத்தடிமையில் வாழ்க்கை என்பது மறக்கப்பட வேண்டிய ஒரு கெட்ட கனவாக மட்டுமே இருக்கும் என்று இன்றைக்கு சிநேகா கூறுகிறாள். கனவு காணவும் மற்றும் நிஜத்தில் அதை சாதிக்கவும், அவளுக்கு இப்போது ஒரு அழகான, பெரிய, சிறப்பான, ஒளிமயமான தைரியமான மற்றும் அதிக ஆனந்தத்தை அள்ளித்தருகிற கனவு இருக்கிறது. அவளது கனவுகள் அனைத்தும் நிஜமாகட்டும், என்று நாங்கள் வாழ்த்துகிறோம்!!!

- கிறிஸ்டி ஸ்வாமிகன்

]]>
child labor, sneha, குழந்தை தொழிலாளி, கொத்தடிமை http://images.dinamani.com/uploads/user/imagelibrary/2018/11/18/w600X390/images.jpg http://www.dinamani.com/editorial-articles/special-stories/2018/nov/18/say-no-to-child-labor-save-children-3041119.html
3039981 கட்டுரைகள் சிறப்புக் கட்டுரைகள் நாயுடுகாருவின் சந்தர்ப்பவாதம்: தமிழகத்துக்கு நல்லதா? - சாது ஸ்ரீராம் Friday, November 16, 2018 06:06 PM +0530  

நவம்பர் மாதம் 1ம் தேதி ஆந்திர முதல்வர் சந்திரபாபு நாயுடுவின் டெல்லி பயணம் உலகின் பார்வையை ஈர்த்தது. டெல்லியில் பரம எதிரி காங்கிரஸ் உட்பட எதிர்கட்சித் தலைவர்களை சந்தித்தார். கொள்கைகளையும், வேறுபாடுகளையும் புறம்தள்ளிவிட்டு பாஜகவிற்கு எதிராக எதிர்கட்சிகளை ஓரணியில் திரட்டும் முயற்சியை தொடங்கினார். கிட்டத்தட்ட இந்த முயற்சியில் அவர் வெற்றி பெற்றுவிட்டார் என்றே சொல்லலாம்.

தன்னுடைய மாநிலத்திற்கு சிறப்பு அந்தஸ்து, சிறப்பு நிதி தரவில்லை என்ற அடிப்படையிலேயே அவர் பாஜக அரசிலிருந்து வெளியே வந்து புதிய அவதாரம் எடுத்துள்ளார். ஆந்திர மக்கள் பிரச்னையை உணர்வுபூர்வமாக பார்த்தால் நாயுடுகாருவின் இந்த முடிவு மிகச்சரி என்றே சொல்வார்கள். அதே நேரத்தில் மற்ற மாநிலத்தவர்கள் இந்த முடிவை ஏன் ஆதரிக்க வேண்டும்? இதனால் தமிழகத்திற்கு என்ன லாபம்?

ஆந்திராவின் கோரிக்கைகளை ஏற்றுக்கொள்ள முடியாத நிலைக்கு மத்திய அரசை தள்ளியது முந்தைய காங்கிரஸ் அரசு வகுத்த நிதிக் கொள்கைகள். அதனால்தான் மாநிலத்தை பிரித்த காங்கிரஸ் அரசு சிறப்பு அந்தஸ்து, சிறப்பு நிதி போன்றவற்றை பற்றிய அறிவிப்பு வெளியிடவில்லை. ஒருவேளை இந்த ஆட்சி போய், மீண்டும் காங்கிரஸே ஆட்சியில் அமர்ந்தாலும் இதே நிலைதான் தொடரும். இது எல்லோருக்கும் தெரிந்த உண்மை. ஆகையால், நாயுடுகாருவின் முயற்சி பாஜக மீது அவர் கொண்ட வெறுப்பை மட்டுமே வெளிப்படுத்தியிருக்கிறது.

‘நினைத்தது நடக்கவில்லை!' என்பதற்காக மற்றவர்களை ஒன்றுதிரட்டி ஆட்சி மாற்றத்தை ஏற்படுத்தினால், புதிய ஆட்சிக்கு எதிராகவும் பின்னொரு நாளில் இதே போன்ற ஒன்றுதிரட்டல் தவிர்க்க முடியாததாகிவிடும். இது ஆரோக்கியமான அரசியலல்ல. அடுத்தவரை வீழ்த்துவது மட்டுமே கட்சிகளின் கொள்கையாக மாறுமேயானால், அது நாட்டுக்கு நல்லதல்ல. இரண்டு பேர் ஒரே கருத்தை எப்போதுமே சொல்கிறார்கள் என்றால், அந்த இருவரில் ஒருவர் தேவையற்றவர். இதுதான் யதார்த்தம்.

தெலுங்கு தேசம் கட்சியைப் பொறுத்தவரை எல்லாமே என்.டி.ஆர் தான். மக்களைப் பொறுத்தவரை அவர் கடவுள், “தேவுடுகாரு”. 1982ல் கட்சியை தொடங்கினார். கொள்கைகள், சின்னம் எல்லாமே அவர் ஒருவரின் சிந்தனைக் குழந்தைகள். கட்சி தொடங்கப்பட்டவிதம், வளர்ச்சி, ஆட்சியை பிடித்த வரலாறு ஆகியவற்றை உலகத்தின் எந்த பகுதியிலும் பார்க்கமுடியாது. எந்த ஒரு தனி மனிதரையும் அவர் முன்னோடியாக வைத்துக்கொள்ளவில்லை. அவரின் வெற்றிக்கு உதவியவை இரண்டு. ஒன்று, அவரது வசீகரம். இரண்டாவது, ‘காங்கிரஸ் எதிர்ப்பு'. ஆம்! “காங்கிரஸ் கட்சி ஒழிக்கப்பட வேண்டும்” என்பதுதான் அவரது கொள்கை. ஆனால், தற்போதைய முதல்வர்  சந்திரபாபு நாயுடு அடிப்படையில் காங்கிரஸ்காரர். 1970களில் மாணவ காங்கிரஸில் துடிப்போடு இருந்தவர். காங்கிரஸ் (ஐ) சார்பில் போட்டியிட்டு 1978ல் எம்எல்ஏ ஆனார். பிறகு என்.டி.ஆர் அவர்களின் மகளை திருமணம் செய்துகொண்டார். தெலுங்கு தேசம் கட்சியில் தன்னை இணைத்துக் கொண்டார். தனது அல்லுடுகாருவான நாயுடுகாருவை முழுமையாக நம்பினார். என்.டி.ஆர். ஒருவரின் நம்பிக்கை பொய்த்துப்போனால் என்னாகும்? இதைத் தெரிந்து கொள்வதற்கு முன் ஒரு குட்டிக்கதையை படிப்போம்.

ஒரு சாது. பசு ஒன்றை வளர்த்து வந்தார். அது மேய்ச்சலுக்கு சென்றிருந்த நேரம் அதன் கன்று இறந்து போனது. வருத்தமடைந்தார் சாது. அதே நேரத்தில் தாயை இழந்த புலிக்குட்டி ஒன்று சாதுவிடம் தஞ்சமடைந்தது. யோசித்தார் சாது. சட்டென்று சில மந்திரங்களை உச்சரித்தார். உடனே புலிக் குட்டி கன்றாக உருமாறியது. நடந்தது எதுவுமே தெரியாத பசு வழக்கம் போல கன்றுக்கு பாலூட்டியது. சாதுவுக்கு மகிழ்ச்சி, காரணம் புலிக்குட்டி இனி அனாதையல்ல.

நாட்கள் சென்றன. ஒரு நாள் கன்று சாதுவை சந்தித்தது.

‘ஐயா! என்னுடைய குரல் புலியின் குரலாகவே இருக்கிறது. அதை கன்றின் குரலாக மாற்றுங்கள்', என்றது. அது கேட்டுக் கொண்டபடி குரலை மாற்றினார் சாது. சில நாட்களுக்குப் பிறகு மீண்டும் சாதுவிடம் வந்தது.

‘ஐயா! மற்ற கன்றுகளைப் போல எனக்கு கொம்புகள் இல்லை. ஆகையால், எனக்கு கொம்பு முளைக்கும்படி செய்யுங்கள்', என்றது கன்று. கேட்டுக் கொண்டபடி வரமளித்தார் சாது.

மகிழ்வோடு சென்ற கன்று தாய்ப் பசுவுடன் கன்று காட்டின் பல பகுதிகளுக்கும் சென்றது. அங்கு வசிக்கும் பசுக்களோடு அன்போடு பழகியது. அதே நேரத்தில் யாருக்கும் தெரியாமல் ஒவ்வொரு பசுவாக கொன்று தன் பசியை தீர்த்துக் கொண்டது. சில மாதங்களில் காட்டில் இருந்த எல்லாப் பசுக்களும் கொல்லப்பட்டுவிட்டன. தாய்ப்பசு மட்டுமே மிச்சம். அது சாதுவை சந்தித்தது. வழக்கமாக மரத்தடியில் அமர்ந்திருக்கும் சாது அன்று உயரமான மரக்கிளையில் அமர்ந்திருந்தார்.

‘ஐயா! கன்று எல்லோரிடமும் பாசத்தோடு பழகுகிறது. ஆனால், அது எந்தப் பசுவோடு பழகுகிறதோ, அந்தப் பசு சில தினங்களில் இறந்துவிடுகிறது. அது ஏன்', என்று கேட்டது பசு.

‘பசுவே! அது பரமரகசியம். அதைத் தெரிந்து கொள்ள நினைக்காதே!' என்று எச்சரித்தார் சாது.

பசு தொடர்ந்து வற்புறுத்தவே, வேறுவழியில்லாமல் புலிக்குட்டி கன்றாக மாறிய ஃப்ளாஷ் பேக் நிகழ்வை சொல்லி முடித்தார் சாது. அதிர்ந்து போனது பசு.

‘ஐயா! கன்று தினமும் என் பாலை குடித்து வளர்ந்துள்ளது. என் மீது அன்பும் பாசமும் அதிகம். ஆகையால் எனக்கு எந்த பிரச்னையுமில்லை', என்றது பசு.

‘பசுவே! ஒரு உண்மையை தெரிந்துகொள். கன்று முதலில் தன் குரலை மாற்றும்படி கேட்டது. அடுத்ததாக கொம்பு வேண்டும் என்று கேட்டது. ஆனால், ஒருமுறை கூட தன்னை ஒரு முழுமையான கன்றாக மாற்றும்படி அது கேட்கவில்லை. அது கன்று உருவில் வாழும் புலியாகவே இருக்க விரும்புகிறது. காரணம், புலியாக இருந்தால் அங்குமிங்கும் ஓடி, வேட்டையாடி உணவை சாப்பிட வேண்டும். ஆனால், கன்று உருவில் இருந்தால், அந்த கஷ்டமெல்லாம் இல்லை. பசுக்களுடன் பழகலாம், விளையாடலாம். பசிக்கும் போது அவற்றை அடித்து சாப்பிடலாம். அதுமட்டுமில்லாமல், பசுக்களுக்கே உரித்தான பரிவோ, புலிகளுக்கே உரித்தான வீரமோ அதனிடம் கிடையாது. ஆனால், அந்த இரண்டு விலங்குகளைவிட அதிகமான ஆதாயத்தை கன்று உருவில் அது பெறுகிறது. ஏமாற்றுதல், நயவஞ்சகம், நம்பிக்கை துரோகம் ஆகிய எல்லா கெட்ட குணங்களின் மொத்த உருவம்தான் கன்று. நீ கொடுத்த பால் அதற்கு உணவாக மட்டுமே மாறியிருக்கிறது. பாசமாக மாறவில்லை', என்றார் சாது.

பசு நம்பவில்லை. அவரைப் பார்த்து நக்கலாக ஒரு கேள்வி கேட்டது.

‘அது சரி! உங்களை மரத்தடி சாது என்றுதானே எல்லொரும் சொல்லுவார்கள். இப்போது மரக்கிளை சாதுவாக மாறிவிட்டீர்களா?' என்று கேட்டது.

‘பசுவே! கன்றைப் பற்றிய மற்றொரு உண்மையை தெரிந்துகொள். “யாராவது அதன் ரகசியத்தை தெரிந்து கொண்டாலோ, அல்லது தெரிந்தகொண்ட ரகசியத்தை யாரிடமாவது சொன்னாலோ கன்று அவர்களை கொன்றுவிடும். இதுவும் நான் அதற்கு கொடுத்த வரம். அதனால்தான் நான் மரக்கிளைக்கு இடம்பெயர்ந்து விட்டேன். புலிக்கு மரம் ஏறத் தெரியாது என்பது உனக்கு தெரியுமா?', என்று கேட்டார் சாது.

ஆடிப்போனது பசு.

‘அய்யோ! புலிக்கு மட்டுமல்ல, எனக்கும் மரம் ஏறத் தெரியாது', என்று சொல்லிவிட்டு ஓடத் துவங்கியது பசு. துரத்திக் கொண்டு ஓடியது கன்று. பசு தப்பித்ததா என்பது நமக்குத் தேவையில்லை. அது ஓடட்டும் நாம் தொடர்ந்து படிப்போம்.

இந்தக் கதையில் வரும் கன்றின் சிந்தனைக்கு சற்றும் சளைக்காதவர் நாயுடுகாரு. தன்னை நம்பிய தேவுடுகாருவை துரோகத்தால் சாய்த்தவர். தமிழகம் இரண்டு ஆண்டுகளுக்கு முன் சந்தித்த கூவத்தூர் பார்முலாவை தென்னிந்தியாவிற்கு முதன்முதலில் 1984ம் ஆண்டே அறிமுகப்படுத்தியவர். என்.டி.ஆர் ஆட்சியை கவிழ்க்க காங்கிரஸ் பகீரத பிரயத்தனத்தை மேற்கொண்டது. 160 எம்.எல்.ஏக்களை கோல்கொண்டாவில் உள்ள தன்னுடைய ராமகிருஷ்ணா ஸ்டுடியோவில் தங்க வைத்தார் நாயுடுகாரு. அவர்களுக்கு காவலாக நின்றவர் பாஜகவைச் சேர்ந்த தற்போதைய துணை ஜனாதிபதி வெங்கையா நாயுடு.

இதே போன்ற மற்றொரு நிகழ்வு 1995ம் ஆண்டு நடந்தது. இம்முறை அவர் நிகழ்த்தியது காங்கிரஸுக்கு எதிராக அல்ல. தன் சொந்தக் கட்சியின் தலைவரும், தனது மாமனாருமான என்.டி.ஆருக்கு எதிராக. ஆம், தீட்டிய மரத்தில் கூறு பார்த்தார் நாயுடுகாரு. 1995ம் ஆண்டு என்.டி.ஆருக்கு எதிராக 150 எம்.எல்.ஏக்களை ஹைதராபாத்தில் உள்ள வைசிராய் ஹோட்டலில் தங்கவைத்தார் ஹோட்டலின் அலுவலகத்தில் தானே அமர்ந்து நடப்பவற்றை மேற்பார்வை செய்தார். தன் பிடி நழுவுவதை உணர்ந்த என்.டி.ஆர் ஹோட்டல் வாசலுக்கு வந்தார். உரத்த குரலில் தன் எம்.எல்.ஏக்களுக்கு அழைப்பு விடுத்தார். யாரும் பதிலளிக்கவில்லை. அப்போது அவருக்கு அருகில் ஒற்றை செருப்பு ஒன்று ‘பொத்'தென்று விழுந்தது. மற்றொரு எம்.எல்.ஏ. பக்கத்தில் இருந்த அவரின் மனைவிக்கு எதிராக கோஷம் எழுப்பினார். என்.டி.ஆர் இதை எதிர்பார்க்கவில்லை. சில நிமிடங்கள் அமைதியாக நின்றார். பிறகு சோகமாக அங்கிருந்து நகர்ந்தார். அந்த நிகழ்விற்குப் பிறகு வெளியே செல்வதை தவிர்த்தார். ஆனால் செப்டம்பர் 1995ல் நாயுடுகாரு முதலமைச்சராக பதவியேற்றார், கட்சியும் அவர் வசம் சென்றது. நாயுடுகாருவின் துரோகம் என்.டி.ஆரை வாட்டியது. அந்த நினைவிலேயே ஜனவரி 1996ல் மரணமடைந்தார். என்.டி.ஆர் செய்தது சரியோ, தவறோ, கட்சி அவருடையது, மக்கள் வாக்களித்தது அவருக்காக. நாயுடுகாருவின் துரோகம் என்.டி.ஆர் என்ற கோட்டையை சரித்தது என்பது சரித்திரத்தில் எழுதப்பட்ட துரோக வரலாறு.

ஆந்திராவின் முக்கியத்துவத்தை குறைப்பதற்காக காங்கிரஸை சேர்ந்த ப. சிதம்பரம் மாநிலத்தை துண்டாக்கினார் என்றெல்லாம் ஆந்திராவில் உள்ளவர்கள் கொதித்து எழுந்தனர். இப்போது என்னாச்சு? மாநிலத்தை துண்டாடிய காங்கிரஸுடன் கூட்டு வைப்பது எந்த சித்தாந்தத்தின் படி நியாயம். காங்கிரஸ் செய்த தவறுக்கு பாஜக கூண்டில் நிறுத்துவது எந்த விதத்தில் நியாயம்? நொங்கு திண்ணவனை விட்டுவிட்டு நோண்டித் திண்ணவனை குறை சொல்வது சரியா?

இன்னொரு நெருடலான விஷயம், தமிழக எதிர்கட்சிகள் நாயுடுகாருவின் முயற்சிக்கு ஆதரவு தெரிவித்திருப்பது.

செம்மரம் வெட்டினார்கள் என்று பன்னிரெண்டு தமிழர்களை சுட்டுக்கொன்றது நாயுடுகாருவின் அரசு. அன்று வானத்திற்கும், பூமிக்கும் குதித்த எதிர்கட்சிகள், இன்று நாயுடுகாருவின் பின்னால் ஏன் அணிவகுக்க வேண்டும்?

ஆந்திராவிலிருந்து தமிழகத்திற்கு வரும் தண்ணீரை தடுக்கும் வகையில் 23 இடங்களில் தடுப்பணைகளின் உயரத்தை அதிகப்படுத்த ரூபாய் 42 கோடு ஒதுக்கீடு செய்துள்ளது நாயுடுகாருவின் அரசு. இதனால், ஐந்து மாவட்ட விவசாயம் முற்றிலும் அழிந்து போகுமே! இது எதிர்கட்சிகளுக்கு தெரியாதா? இவருடன் கூட்டு சேர்வது தமிழகத்திற்கு நல்லதா? மோடிக்கு எதிர்ப்பு என்ற பெயரில் தமிழகத்திற்கு துரோகம் நினைக்கும் நாயுடுகாருவை ஏன் ஆதரிக்க வேண்டும்?

ஆந்திரா மற்றும் தெலுங்கானா மாநிலங்களுக்கு வழங்கப்படும் வரிச் சலுகைகள் பல முதலீடுகளை கவரும். அதனால் அண்டை மாநிலங்கள் பாதிப்படையும் என்று அன்றைய தமிழக முதல்வர் மத்திய அரசுக்கு கடிதம் எழுதியிருக்கிறார். தமிழகத்திற்கு எதிரான ஒரு திட்டத்தை வலியுறுத்தி தமிழகத்திலுள்ள அரசியல்வாதிகளின் ஆதரவை ஒருவர் பெறுகிறார் என்றால், தமிழர்கள் வெட்கப்பட வேண்டும். தமிழகத்தை பாதிக்கும் சிறப்பு அந்தஸ்து கோரும் நாயுடுகாருவை ஏன் தமிழக எதிர்கட்சிகள் ஆதரிக்க வேண்டும்?

தமிழகம், மத்திய பிரதேசம், குஜராத், ஒடிசா, மேற்கு வங்கம் ஆகிய ஐந்து மாநிலங்களும் சிறப்பு அந்தஸ்து வழங்குவதற்கு எதிர்ப்பு தெரிவித்திருக்கின்றன. ஆனால், கூட்டணி தொடர்பாக நாயுடுகாரு மேற்கு வங்க முதல்வரை சந்திக்கிறார் என்ற செய்தி வருகிறது. இது என்ன அரசியல்? சிறப்பு அந்தஸ்து கோரிக்கையை நாயுடுகாரு விட்டுக்கொடுக்க போகிறாரா அல்லது மம்தா பேனர்ஜி ஆந்திரத்திற்கு எதிரான தனது நிலைப்பாட்டை மாற்றிக்கொள்ளப் போகிறாரா? இந்த இரண்டும் நடக்காதபட்சத்தில் இவர்களிடம் கொள்கைகளோ, கோட்பாடுகளோ எதுவுமில்லை என்று புரிந்துகொள்ள நேரிடும்.

தெலுங்கு தேசம் கட்சி முதலில் இடதுசாரிகளுடன் கூட்டணி அமைத்து போட்டியிட்டது. 1999, 2004 மற்றும் 2014ம் ஆண்டுகளில் பாஜாவுடன் கூட்டணி அமைத்து போட்டியிட்டது. 2009ம் ஆண்டு தெலுங்கானா ராஷ்டிரிய சமீதியுடன் கூட்டணி அமைத்து போட்டியிட்டது. கவனிக்க வேண்டிய ஒரு விஷயம், ‘எல்லா கூட்டணிகளும் காங்கிரஸுக்கு எதிராகத்தான் ஏற்படுத்தப்பட்டது'. ஆனால், தற்போது காங்கிரஸுடன் கூட்டணி என்ற செய்தியை படிக்கும் போது நாயுடுகாருவின் சுய நலனும், சந்தர்ப்பவாதமும் நமக்கு புரிகிறது.

முதுகில் குத்துவது நாயுடுகாருவுக்கு புதிதல்ல. முதலில் என்.டி.ஆர். முதுகில் குத்தினார். பிறகு, பாஜகவின் முதுகில் குத்தினார். பிறகு, டி.ஆர்.எஸ் கட்சியின் முதுகில் குத்தினார், தற்போது தெலுங்கு தேசம் கட்சியின் முதுகிலும், ஆந்திர மக்களின் முதுகிலும் குத்தியிருக்கிறார். ஏமாந்தால் தமிழன் முதுகிலும் குத்திவிடுவார். ஆகையால், முதுகும், முதுகெலும்பும் இல்லாதவர்கள் வேண்டுமானால் அவருடன் பயணிக்கட்டும். நாம் பயணிக்க வேண்டாம். தன்னுடைய தலைவன் முதுகிலே குத்திய அல்லுடுகாரு, தமிழன் முதுகிலும் குத்தமாட்டார் என்பது என்ன நிச்சயம்? அவருடன் கூட்டு சேர்பவர்களுக்கு வேண்டுமானால் தனிப்பட்ட ஆதாயங்கள் கிடைக்கலாம், தமிழகத்திற்கு அநீதி மட்டுமே மிஞ்சும்.

அல்லுடுகாரு! அரவாடு விப்பு, தேவுடுகாரு விப்புலேது!

- சாது ஸ்ரீராம்
saadhusriram@gmail.com
 

]]>
http://images.dinamani.com/uploads/user/imagelibrary/2018/11/10/w600X390/stalin-naidu-4.jpeg http://www.dinamani.com/editorial-articles/special-stories/2018/nov/16/நாயுடுகாருவின்-சந்தர்ப்பவாதம்-தமிழகத்துக்கு-நல்லதா-3039981.html
3039953 கட்டுரைகள் சிறப்புக் கட்டுரைகள் இருபது தொகுதி இடைத்தேர்தல்: கட்சிகளும் கணக்குகளும்..!  ரமேஷ் கிருஷ்ணன் பாபு Friday, November 16, 2018 01:09 PM +0530  

நடைபெறவுள்ள பேரவை இடைத் தேர்தல் பல அரசியல் கேள்விகளை எழுப்பியுள்ளது. இடைத் தேர்தலோடு அனைத்துத் தேர்தல்களும் முடிவடைந்து விட்டால் விவாதங்களின்றி போய்விடும். ஆனால் அரசியல் சூழ்நிலை அவ்வாறிருக்க விடவில்லை என்றால்  மிகையில்லை. நீண்ட கால அரசியல் மாற்றங்களை இடைத் தேர்தல் ஏற்படுத்தக்கூடும் என்பதே அதனுள் பொதிந்துள்ள அரசியல் சூட்சமம்.

ஒருபுறம் ஆளும்கட்சிக்கு அக்னிப்பரீட்சை என்றால் மற்றொருபுறம் முக்கிய எதிர்க்கட்சியான திமுகவிற்கும் இது கடும் பரீட்சைக்கான நேரம். இன்னும் சொல்லப்போனால் ஆளும் கட்சிக்கு பெரும்பான்மை பலம் பெற 7-8 இடங்களில் வென்றால் கூடப் போதும். ஆனால் திமுக ஆட்சியைப் பிடிக்க வேண்டுமென்றால் 20 இடங்களிலும் வென்றாக வேண்டும். அப்போது கூட 117 இடங்களே கிடைக்கும். பெரும்பான்மைக்கு ஓரிடம் குறைவு. இந்த நிலையில் தேர்தல் எப்போது வரும் என்று தெரியாத நிலையில், (நிச்சயம் ஜனவரி வரை கிடையாது போலுள்ளது), இப்போதே சில அரசியல் மாற்றங்களுக்கான அறிகுறிகள் தெரிகின்றன. மழைக்காலத்தில் இரண்டு தொகுதிகளுக்கு இடைத் தேர்தல் நடத்துவது பொருத்தமில்லை என்று கூறும் மாநில அரசு ஜனவரி வரை அதாவது பொங்கல் வரை தேர்தலை நடத்த விரும்பாது என்பது உறுதியாகத் தெரிகிறது. மேலும் உள்ளாட்சித் தேர்தல் வேறு நடத்தப்பட வேண்டும் என்பதால் இரண்டையும் இணைத்து ஒரே வாக்குப்பதிவாக நடத்துவதே வசதி.

அது மட்டுமின்றி பொங்கல் விடுமுறை ஏறக்குறைய ஒரு வாரம் முழுவதையும் ஆக்கிரமிக்க உள்ள நிலையில் ஜனவரி 18-20 தேதிகளில் இத்தேர்தல்களை நடத்துவது பொருத்தமானது. பொங்கல்  விடுமுறைக்கு இடம் பெயர்ந்து வாழும் மக்கள் தங்களது சொந்த ஊர்களுக்குச் செல்வார்கள் என்பதால் அரசியல் கட்சிகள் தங்கள் தரப்பிற்கான வாக்குச்சேகரிப்பை தீவிரமாக்குவர். எனவே வாக்குப்பதிவு 80% தைக் கூடத் தொட நேரிடலாம். தேர்தல்கள் தங்களது எதிர்காலத்தை நிர்ணயிக்கும் என்பதால் ஆளும் கட்சியும், முக்கிய எதிர்க்கட்சியும், புதிதாக களம் காண இருக்கும் அமமுகவும் வரிந்து கட்டிக்கொண்டு பிரச்சாரத்தில் இறங்குவர். எனவே பரபரப்பிற்கு பஞ்சமிருக்காது.

தினகரனின் எதிர்பார்ப்பு:

 

 

பேரவை உறுப்பினர்களைத் தகுதி நீக்கம் செய்தது சரி என்று தீர்ப்பு வந்த உடன் வழக்கறிஞர் ராஜா செந்தூர் பாண்டி இரண்டு வாய்ப்புகளையும் முன் வைத்தார். அதாவது, மேல்முறையீடு கூடவே தேர்தலை அறிவித்தால் அதனையும் சந்திப்பது. ஆனால் தேர்தல் ஆணையமோ மேல்முறையீட்டிற்குச் செல்லும் பட்சத்தில் தேர்தலை நடத்துவது சாத்தியமில்லை என்று கூறிவிட்டது. இப்போது மேல்முறையீட்டிற்குச் செல்வதில்லை என்று அமமுக முடிவு செய்துள்ளது.

இதன் எதிர்பார்ப்பு தேர்தல் ஆணையம் தேர்தலை அறிவிக்கட்டும்; அதனைப் பொறுத்து மேல்முறையீட்டிற்குச் செல்லலாம், என்பதுவே. ஆனால் தேர்தல் அறிவிக்கப்பட்டு உச்சநீதிமன்றம் செல்லும் போது தன்னால் நியமிக்கப்பட்ட நீதிபதியின் தீர்ப்பை அது விரைவில் ஏற்கும்பட்சத்திலோ அல்லது தேர்தலுக்குத் தடை விதிக்க முடியாது என்று கூறும்பட்சத்திலோ நிலைமை மேலும் சிக்கலாகும். உச்ச நீதிமன்றம் சென்றால் மக்கள் மன்றத்தின் மீது நம்பிக்கையில்லை என்று பிரச்சாரம் செய்யப்படும். மக்கள் மன்றத்திற்கு நேரடியாகச் செல்லும் பட்சத்தில் இதை ஏன் முதலிலேயே செய்யவில்லை எனும் கேள்வியும் தவிர்க்கவியலாததாக எழும். பதவி நீக்கத்தை எதிர்த்து மக்கள் மன்றத்தை முதலிலேயே நாடி இருந்தால் ஆர்.கே நகரில் கிடைத்தது போன்றதொரு எதிர்பாராத வெற்றி கூட கிடைத்திருக்கலாம்; இன்று அது கை கூடுமா எனும் கேள்வி தொக்கி நிற்கிறது. 

தினகரனின் கணக்கு முடிந்தவரை இந்த அரசை பெரும்பான்மை அற்றதாக (118 எனும் எண்ணிற்கு கீழே) வைத்திருப்பது எனும் பட்சத்தில் இந்த உத்தி ஒருவேளை பலன் தருவதாக இருக்கலாம். ஆனால் தொலைக்காட்சி துவங்கியதன் மூலம் அதிமுக தன்னை
நிலைநிறுத்திக் கொண்டு விட்டது எனும் கருத்தே பரவலாக உறுதிப்படும். இப்புதிய பிரச்சார ஆயுதம் மூலம் கடந்த இரண்டரை ஆண்டுகளில் அரசு செய்துள்ள சாதனைகளைப் பட்டியல் போட்டு பிரச்சாரத்தில் பயன்படுத்துவார்கள். தங்கள் எதிர்காலத்தைத் தீர்மானிக்கும் நேரத்தில் கிடைத்த வாய்ப்பை அவர்கள் தவற விடமாட்டார்கள். இடைத்தேர்தலைச் சந்திக்கும் தொகுதிகளின் ஒவ்வொரு மூலைக்கும் தங்கள் பரப்புரைகளைக் கொண்டு சேர்க்க அவர்களுக்கு இதுவே சிறந்த வாய்ப்பு. ஆகையால் தினகரனைப் பொறுத்தவரை இப்போதும் தாமதிக்காமல், மேல் முறையீட்டிற்கான கால வரம்பு முடிவதற்குள் உச்சநீதிமன்றத்தை அணுகுவது கூடுதலாக கால அவகாசத்தைக் கொடுக்கும். அதற்குள் ஸ்டெர்லைட் போராட்டாம்-துப்பாக்கிச் சூடு போன்றதொரு சர்ச்சை எழுந்தால் அதனைத் தேர்தலில் பயன்படுத்திக் கொள்ள நல்வாய்ப்பாகும்.

தவிர அதிமுக மறைமுகமாக பாமக, தலித் கட்சிகள் இரண்டுடன் இணக்கமாக முயற்சிப்பதாக கூறப்படுவதையும் காண வேண்டும். கடந்த 2016 ஆம் ஆண்டுப் பொதுத்தேர்தலில் பாமக 51 இடங்களில் அதிக வாக்குகளைப் பெற்று மூன்றாம் இடத்திற்கு வந்ததோடு வெற்றி வாய்ப்பைத் தீர்மானிக்கும் சக்தியாக விளங்கியது. அதே போல இடைத் தேர்தலைக் காணவுள்ள ஒட்டப்பிடாரம் தொகுதியில் புதிய தமிழகம் கிருஷ்ணசாமி பொதுத் தேர்தலில் இரண்டாம் இடத்தைப் பிடித்தார். மேலும் வட மாவட்டங்களில் விடுதலைச்சிறுத்தைகள் கட்சிக்கு இருக்கும் வாக்கு வங்கியும் முக்கியமானது. இந்தக் கட்சிகளை ஒரு உடன்பாட்டிற்குள் கொண்டு வந்து ஏதேனும் ஒரிரு இடங்களில் நீங்கள் வெற்றிபெற்றுக்கொள்வதற்கு அதிமுக ஒத்துழைக்கும். கைமாறாக இதர இடங்களில் அதிமுக வெற்றிப் பெற உங்கள் ஆதரவு வாக்குகளை கொணர்ந்துச் சேர்க்க வேண்டும் எனும் மறைமுக ஒப்பந்தம் ஏற்படும் பட்சத்தில் ஆளும் கட்சிக்கு மிகவும் வசதியான சூழல் கிடைக்கும். இதை அமமுக எப்படி எதிர்கொள்ளப் போகிறது என்பதும் விடையற்றக் கேள்வியாகவுள்ளது.

 

திமுகவின் பலமுனைச் சிக்கல்:

 

 

 

தனது சகோதரர் மு.க. அழகிரி எவ்வளவு வாக்குகளைப் பிரிப்பார்; பலமுனைப் போட்டி ஒன்றில் திமுகவின் இப்போதைய பலம், பலவீனம் என்ன என்பதை மு. க. ஸ்டாலின் துல்லியமாக கணக்கிட்டிருக்கலாம். பொதுத் தேர்தலில் 54 இடங்களில் மூன்றாவதாக அதிக வாக்குகள் பெற்ற வேட்பாளர்களால் 89 இடங்களைப் பெற்றது ஒரு பலம் என்றால், இடைத் தேர்தல்களில் அதே போல மக்கள் வாக்களிப்பார்களா அல்லது எப்போதும் போல ஆளும் கட்சிக்கே வாக்குகளை அளிப்பார்களா என்பதுத் தெரியாது. மேலும், சீமான் கட்சி, தேமுதிக, தமாகா, கமல், ரஜினி(?) கட்சிகள் ஏற்படுத்தும் தாக்கம் இவற்றையெல்லாம் கணக்கில் கொள்ள வேண்டும். இத்துடன் புதிய போட்டியாளராக உருவெடுத்துள்ள அமமுகவையும் சேர்த்துக்கொள்ள வேண்டும்.  

இது தவிர பாஜகவும் கூட எதிர்பார்க்க இயலாத எதிரிதான். பொதுத் தேர்தலில் 17 இடங்களில் மூன்றாம் இடத்தைப் பிடித்து வெற்றி வாய்ப்பை பாதித்தக் கட்சியையும் இடைத் தேர்தலில் புறக்கணிக்க முடியாது. ஒரே ஆறுதல் சென்றமுறை மக்கள் நலக் கூட்டணியில் இடம் பெற்ற மதிமுக, இடதுகள், விசிக ஆகியன இப்போது பழைய கூட்டாளிகளான காங்கிரஸ் மற்றும் முஸ்லிம் லீக்குடன் இணைந்துள்ளதாகும். பொதுத் தேர்தலில் 48 இடங்களில் வெற்றி வாய்ப்பை மாற்றியமைத்தது மக்கள் நலக் கூட்டணி என்பது குறிப்பிடத்தக்கது. 

 

அதிமுகவின் நிதானம்:

 

 

ஆட்சியில் இருப்பதே தங்களுக்கு மிகப் பெரிய அனுகூலம் எனும் உறுதியான நம்பிக்கையில் நிதானமாக காய் நகர்த்தி வருகிறது ஆளும் கட்சி. தகுதி நீக்கம் செய்யப்பட்ட 18 பேரில் 10 பேர் உறுதியான வெற்றியை அதாவது மூன்றாவதாக அதிக வாக்குகள் பெற்ற வேட்பாளரின் தயவின்றி பொதுத் தேர்தலில் வென்றுள்ளனர். இது அமமுகவிற்கே சாதகம் எனும் வாதம் இருந்தாலும் அவர்களின் வெற்றிக்குப் பின்னால் இரட்டை இலையும், ஜெயலலிதாவும் இருந்ததைப் புறக்கணிக்க இயலாது. இரட்டை இலைச் சின்னத்தினைப் பெற கையூட்டு கொடுத்த வழக்கு நிலுவையில் இருக்கும் போது, ஆர்.கே நகரில் குக்கர் சின்னத்தில் வென்றதால் தினகரன் இரட்டை இலையை இன்று ஒரு பொருட்டாக கருதாமல் இருக்கலாம். இடைத் தேர்தல் காணும் தொகுதிகள் பெரும்பாலும் கிராமப்புறங்களைச் சேர்ந்தவை. இரட்டை இலை வாக்குப் பெட்டியில் இருந்தாலே போதும், அதற்கு நேரான நீலப் பொத்தானை அழுத்துவோர் பலர் இருக்கும் போது சின்னத்தைப் பற்றி கவலைப்படாமல் எதிர்க்கட்சிகளால் இருக்க முடியாது. இதுவும் அதிமுகவின் பலம்.

கடைசியாக, முதல்வர் ஆலோசனைக் கூட்டத்தில் கூறியதாக பரவிய செய்தியின் அடிப்படையில் 20 தொகுதிகளில் வெல்லாவிட்டாலும் ஆட்சியைக் காத்துக் கொள்ள 7 அல்லது 8 இடங்களில் வென்றாலே போதும் எனும் பலவீனமான நிலையில் அதிமுக இருக்கிறது என்றாலும் கூட, ஆளும் கட்சியைத் தோற்கச் செய்து ஆட்சி மாற்றம் ஏற்படுத்தும் மனநிலையில் மக்கள் உள்ளனரா என்பது கேள்விக்குறியே.

இந்த 20 தொகுதிகளில் ஆளும் கட்சிக்கு எதிரான அலை வீசுவதற்கான வாய்ப்பு அரசியல் ரீதியானது மட்டுமேயாக இருக்கலாம். மற்றபடி, எட்டு வழிச் சாலைப் பிரச்சினையோ, ஸ்டெர்லைட் துப்பாக்கிச் சூடோ இங்கு பாதிப்பை ஏற்படுத்துமா என்பது ஐயமே. தொகுதிப் பிரச்சினைகளில் இதுவரை ஆளும் கட்சி பேரவை உறுப்பினர் பதவியில் இருந்தாலும் சரி, இல்லாவிட்டாலும் சரி அக்கறை காட்டினரா என்பதே விவாதப் பொருளாகும். முதல்வரோ அத்தொகுதிகளில் வளர்ச்சிப் பணிகள் அனைத்தும் தொய்வின்றி நடக்கின்றன என்கிறார். அவரவர் நம்பிக்கை அவரவர்க்கு; மக்களின் நம்பிக்கை?

]]>
tamilnadu, by election, ADMK, DMK, AMMK, TTV, stalin, EPS, OPS, rajkinikanth, kamalhasan, PMK, VCK, http://images.dinamani.com/uploads/user/imagelibrary/2018/11/16/w600X390/article_main_photo.jpg http://www.dinamani.com/editorial-articles/special-stories/2018/nov/16/இருபது-தொகுதி-இடைத்தேர்தல்-கட்சிகளும்-கணக்குகளும்-3039953.html
3038572 கட்டுரைகள் சிறப்புக் கட்டுரைகள் கஜா புயல் பெயர் காரணம் என்ன? லேட்டஸ்ட் அப்டேட்ஸ் (விடியோ) உமா ஷக்தி Wednesday, November 14, 2018 01:19 PM +0530  

வங்கக் கடலில் நிலைகொண்டுள்ள கஜா புயல் அடுத்த 24 மணி நேரத்தில் தீவிர புயலாக மாறும் என்று சென்னை வானிலை ஆய்வு மையம் தெரிவித்தது.

இதுகுறித்து சென்னை வானிலை ஆய்வு மைய இயக்குநர் எஸ்.பாலச்சந்திரன் கூறியது:

மத்திய மேற்கு மற்றும் அதையொட்டிய மத்திய கிழக்கு மற்றும் தெற்கு வங்கக்கடலில் நிலைகொண்டிருந்த கஜா புயல் மேற்கு மற்றும் வடமேற்குத் திசையில் நகர்ந்து, மத்திய மேற்கு, அதையொட்டிய மத்திய கிழக்கு தெற்கு வங்கக் கடலில் சென்னைக்கு கிழக்கு, வடகிழக்கே 600 கி.மீ. தொலைவிலும், நாகப்பட்டினத்துக்குக் கிழக்கு, வடகிழக்கே 700 கி.மீ. தொலைவிலும் மையம் கொண்டுள்ளது. 

இது மேற்கு, தென்மேற்கு நோக்கி நகர்ந்து அடுத்த 24 மணி நேரத்தில் தீவிர புயலாக மாறும். தொடர்ந்து மேற்கு, தென்மேற்குத் திசையில் நகரும்போது சற்று வலுவிழந்து மீண்டும் புயலாக மாறி வியாழக்கிழமை பிற்பகலில் பாம்பனுக்கும்-கடலூருக்கும் இடையே கரையைக் கடக்கக்கூடும் என்று எதிர்பார்க்கப்படுகிறது. 

பலத்த காற்று வீசும்: இதன் காரணமாக தமிழகத்தில் கடலூர், நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம் மாவட்டங்களிலும், புதுச்சேரி மாநிலத்தைச் சேர்ந்த காரைக்காலிலும் பலத்த காற்று மணிக்கு 80 முதல் 90 கி.மீ. வரையிலான வேகத்திலும், ஒருசில வேளைகளில் 100 கி.மீ. வேகத்திலும் வீசக்கூடும். 

அத்துடன் பலத்த, மிக பலத்த மழை வரை பெய்யக் கூடும். தமிழகத்தின் பெரும்பாலான இடங்களில் வியாழக்கிழமை பரவலாக மழை பெய்யக் கூடும்.

மீனவர்களுக்கு எச்சரிக்கை

இந்நிலையில், இந்திய வானிலை ஆய்வு மையத்தின் அறிக்கையில், புயல் காரணமாக கடல் சீற்றமாகக் காணப்படுவதுடன், அலைகள் ஒரு மீட்டர் உயரம் வரை எழும்பும். அதனால் மீனவர்கள் வியாழக்கிழமை வரை கடலுக்கு செல்ல வேண்டாம். புயல் கரையைக் கடக்கும் மாவட்டங்களில் மரங்கள், பயிர்கள் சேதமடைய வாய்ப்பு உள்ளது. குடிசை வீடுகள், மின்சாரம், தொலைத் தொடர்புகளும் பாதிக்க வாய்ப்பு உள்ளது என்று தெரிவித்கப்பட்டுள்ளது.
 

]]>
புயல், Gaja cyclone, gaja puyal, கஜா புயல் http://images.dinamani.com/uploads/user/imagelibrary/2018/11/14/w600X390/23aaf3376379bdf3aa5e5456e93042dc.jpg http://www.dinamani.com/editorial-articles/special-stories/2018/nov/14/gaja-cyclone-updates-3038572.html
3037971 கட்டுரைகள் சிறப்புக் கட்டுரைகள் சிறுமி ராஜலட்சுமி கொலை வழக்கு... எளியவர்களின் ஓலம் அம்பலம் ஏற என்ன செய்ய வேண்டும்?  RKV Tuesday, November 13, 2018 12:35 PM +0530  

சேலம் ராஜலட்சுமி கொலை வழக்கு.... இதுவும் மீடூ தான். ஆனால், இதை மீடூவாக மட்டுமே கருத முடியாது. ஏனெனில், இது பச்சைக்கொலை. இதை அரியலூர் நந்தினி, போரூர் மதனந்தபுரத்துச் சிறுமி ஹாசினி கொலை வழக்கு உள்ளிட்டவற்றோடு தொடர்பு படுத்தித் தான் அணுக வேண்டும். அரியலூர் நந்தினி கொலை வழக்கில் கொலையுண்ட சிறுமியின் மரணத்துக்கு காரணம் சிறுமியைத் திருமணம் செய்து கொள்வதாக ஆசை காட்டி முறை தவறி நடந்து கொண்டு அவள் கர்ப்பிணியானதும் ஜாதியைக் காரணம் காட்டி கொலை நிகழ்த்தப்பட்டிருக்கிறது. போரூர் மதனந்தபுரத்து ஹாசினி வழக்கில் 7 வயதுச் சிறுமி ஹாசினியை பாலியல் வன்முறை செய்ய முயன்றதில் சிறுமி மரணத்தைத் தழுவ, குற்றத்தை மறைக்க மேலும் கிரிமினல் தனமாக யோசித்து சிறுமியின் சடலத்தை அப்புறப்படுத்தும் நோக்கில் பெட்ரோல் ஊற்றி எரித்து விடுகிறான் தஷ்வந்த் என்கிற இரக்கமற்ற பாவி. இந்த இரண்டு கொலைகளும் கூட மீடூவோடு தொடர்புடையவை தான். ஆனால், சட்டத்தால் இவை வெவ்வேறு விதமாக அணுகப்படுகின்றன. காரணம் கொலைக்கான காரணம் மற்றும் அது  நிகழ்த்தப்பட்ட விதம். அதே விதமான அணுகல் தான் சிறுமி ராஜலட்சுமி கொலை விஷயத்திலும் பின்பற்றப்பட வேண்டும்.

ஒரு 13 வயதுச் சிறுமி... ஜாதியின் பெயரால் பெற்ற தாயாரின் முன்னிலையில் துடி துடிக்க உள்ளம் பதை பதைக்க வெட்டிக் கொல்லப்பட்டிருக்கிறாள். அழுது, அழுது அந்தப் பெற்றவளின் கண்களில் கண்ணீர் வற்றிப் போனாலும் கூட அக்கொடூரத்தை நினைக்கும் தோறும் ஆற்றாமையால் நெஞ்சம் ஒரு கணம் நின்று துடிக்கும். பணக்காரனோ, ஏழையோ யாராக இருந்தாலும் அவரவர் பிள்ளைகள் அவரவருக்கு பொன் குஞ்சுகளே! அப்படி மனதுக்குள் சீராட்டி வளர்த்த குழந்தையை ஆட்டை அறுப்பது போல ஒருவன் அரிவாளால் வெட்டிக் கொன்று விட்டான். அவனை எதிர்க்கும் துணிவு உடல் வலு ரீதியாகவும் சரி, பொருளாதார வலு ரீதியாகவும் சரி, ஜாதி ரீதியாகவும் சரி தனக்கு இல்லை... அப்படி இருக்கும் போது தன் மகளது கொலையைத் தன்னால் தடுக்க இயலாமல் ஆகி விட்டது. பெற்ற குழந்தையை கண்ணெதிரே பலி கொடுத்த சோகம் இனி ஜென்மம் முழுக்க தொடரலாம். அந்த துக்கத்தின் அழுத்தம் சற்றே குறைய வேண்டுமென்றால் அப்படியான கொடூரத்தை அரங்கேற்றியவன் தூக்கிலேற்றப்பட வேண்டும். எந்தக் காரணத்தை முன்னிட்டும் அவன் செய்த செயல் மன்னிக்கப்பட்டு விடக்கூடாது. அதற்கு ஆதிக்க சக்திகளோ, மனித உரிமை அமைப்புகளோ, அரசியல்வாதிகளோ ஜாதியின் பெயரால் துணை போய் விடக்கூடாது. இது தான் இப்போது சிறுமி ராஜலட்சுமியின் தாயாரின் கதறலாக ஒலித்துக் கொண்டிருக்கிறது.

13 வயதுச் சிறுமி ராஜலட்சுமியின் கொலைக்கு நியாயம் கிடைத்தே ஆக வேண்டும். இது மனிதாபிமானம் உள்ள, இந்திய நீதி அமைப்பின் மீது நம்பிக்கையுள்ள அனைவரது ஆதங்கமாகவும் இருக்கிறது.
ஆனால் திரைத்துறையைச் சார்ந்த சிலர் இதை வைத்துக் கொண்டு மீடூவுக்கு ஆதரவாகக் களமிறங்கிய நடிகைகள் சிலரை வெறும் வாய்க்கு அவல் கிடைத்தாற் போல் வம்புக்கிழுத்து பொது மேடைகளில் வீராவேசமாகப் பேசுவது அவர்களது அறியாமையையும் மீடூ குறித்த அவர்களது பயத்தையும் தான் வெளிக்காட்டுகிறது. மீடூவை சிறுமி ராஜலட்சுமி கொலையோடு பிணைத்துப் பேசி அதன் நோக்கத்தை வலுவிழக்கச் செய்வது தேவையற்ற வேலை. நம் நாட்டுக்கு இப்போது மீடூவும் தேவை. சிறுமி ராஜலட்சுமி கொலைக்கான நியாயமும் அவசியம். அப்படி இருக்கையில் இவற்றைத் தனித்தனியே அணுகுவதில் என்ன பிரச்னை இருந்து விடப் போகிறது.

உண்மையில் சிறுமி ராஜலட்சுமி கொலை விவகாரத்திற்கு ஊடகங்கள் முக்கியத்துவம் அளிக்கவில்லை, பெண்ணியவாதிகள் மற்றும் மீடூ ஆதரவு நிலை கொண்ட பெண்கள், ஆண்கள், பிரபலங்களின் கண்டனம் தெரிவிக்கவில்லை என்பது உண்மையல்ல. ஊடகங்கள் தொடர்ந்து அவ்வழக்கு தொடர்பான தகவல்களை வெளியிட்டுக் கொண்டு தான் இருக்கின்றன. மீடூவுக்குப் போராடியவர்கள் சிறுமி ராஜலட்சுமிக்காகவும் சமூக வலைத்தளங்களிலும், பொது போராட்ட களங்களிலும் தங்களது கண்டனத்தை தெரிவிப்பது அரங்கேறிக் கொண்டு தான் இருக்கிறது. இந்நிலையில் மேடை கிடைத்தால் போதும் ஜாதிப் பிரச்னை பற்றி முழங்கியே தீருவோம் நடு நடுவே தங்களுக்குப் பிடிக்காத பெண் முற்போக்குவாதிகளையும் சந்திக்கு இழுத்து அவமானப்படுத்துவோம் என்கிற மனநிலை ஆரோக்யமானதல்ல.

சிறுமி ராஜலட்சுமி கொலை வழக்கைப் பொருத்தவரை... சிறுமியின் தாயாரைச் சந்தித்து ஆறுதல் வழங்கச் சென்ற விடுதலைச் சிறுத்தைகள் கட்சித் தலைவர் திருமாவளவன் சுட்டிக்காட்டியபடி, அந்த வழக்கை எடுத்துக் கையாளவிருக்கும் வழக்கறிஞர் மனிதாபிமானம் கொண்டவராக பாதிக்கப்பட்டவர்களுக்கு எப்பாடு பட்டேனும் நீதியைப் பெற்றுத் தந்தே தீருமளவுக்கு தாம் கற்ற சட்டக்கல்வியின் பால் பெறும் பொறுப்புணர்வு கொண்டவராக இருக்கும் பட்சத்தில் நிச்சயம் சிறுமி கொலைக்கான நீதி கிடைத்தே தீரும்.

ஒரு அப்பாவிச் சிறுமியை பாலியல் அச்சுறுத்தல் செய்ய முயன்றதோடு, அவள் அதைத் தனது பெற்றோரிடம் சொன்ன காரணத்துக்காக கொஞ்சமும் ஈவு இரக்கமின்றி... ஜாதி வெறியை தான் சார்ந்த ஜாதி தனக்களித்த உரிமை, அதிகாரம் எனக்கருதி வெகு திமிராக சிறுமியின் வீடேறிச் சென்று அவளை வெட்டிக் கொன்றவன் நிச்சயம் தண்டிக்கப்பட்டே ஆக வேண்டும் என்பதில் இங்கு யாருக்கும் மாற்றுக் கருத்து இருக்க முடியாது. சிறுமி ராஜலட்சுமிக்காக குரல் கொடுப்பவர்களின் நோக்கம் அந்த தண்டனையைப் பெற்றுத் தருவதில் தான் உறுதியாக இருக்க வேண்டுமே தவிர, சிறுமி கொலைக்காக இன்னின்னாரெல்லாம் இன்னும் குரல் கொடுக்கவில்லை. இவர்களெல்லாம் ஜாதி வெறி கொண்ட மீடூ போராளிகள் என்று கணக்கெடுப்பதில் இருக்கக்கூடாது. நமது போராட்டமும், எதிர்க்குரலும் குற்றவாளியை நோக்கியதாக இருக்க வேண்டுமே தவிர, யாரெல்லாம் போராட வரவில்லை... அவர்களை சந்திக்கு இழுப்போம் சாக்கடையை வாரி இறைப்போம் என்பதில் இருக்கக் கூடாது. அப்போது தான் எளியவர்களின் ஓலம் அம்பலம் ஏற முடியும்.


 

]]>
SALEM RAJALATCHUMI, MURDER CASE, JUSTICE FOR RAJALATCHUMI, DINESH, சிறுமி ராஜலட்சுமி கொலை வழக்கு, தினேஷ், சிறுமி கொலைக்கான நீதி http://images.dinamani.com/uploads/user/imagelibrary/2018/11/13/w600X390/rajalatchumi.jpg http://www.dinamani.com/editorial-articles/special-stories/2018/nov/13/justice-for-rajalatchumi-murder-case-3037971.html
3037353 கட்டுரைகள் சிறப்புக் கட்டுரைகள் கஜா புயலை எதிர்கொள்ள தயாராவோம்: எடுக்க வேண்டிய முன்னெச்சரிக்கை நடவடிக்கை என்ன? Monday, November 12, 2018 03:15 PM +0530
நவம்பர் 15ம்  தேதி முற்பகலில் கஜா புயல் கரையைக் கடக்கும் என்று சென்னை வானிலை ஆய்வு மையம் தெரிவித்துள்ளது.

தமிழகத்தின் நாகப்பட்டினத்தில் இருந்து 840 கி.மீ. தூரத்தில் நிலை கொண்டிருக்கும் கஜா புயல்  காரணமாக நவம்பர் 14ம் தேதி இரவு முதல் புயல் கரையைக் கடக்கும் வரை தமிழகத்தில் தஞ்சாவூர் உள்ளிட்ட மாவட்டங்களில் மழைக்கு வாய்ப்பிருப்பதாகவும் அறிவுறுத்தப்பட்டுள்ளது.

மேலும், நவம்பர் 15ம் தேதி தமிழகத்துக்கு ரெட் அலர்ட் விடுக்கப்பட்டுள்ளது. இது மழை மற்றும் புயலை எதிர்கொள்ள மாவட்ட நிர்வாகங்கள் நடவடிக்கை எடுக்க வானிலை ஆய்வு மையம் விடுக்கும் அலர்ட் தான் என்றாலும், நாமும் நமது அளவில் சில முன்னெச்சரிக்கை நடவடிக்கைகளை எடுக்க வேண்டும்.

இது குறித்து தேசிய பேரிடர் மேலாண்மை ஆணையம் பொதுமக்களுக்கு அறிவுறுத்துவது என்னவென்றால்..

புயலை சமாளிக்க புயல் கரையைக் கடக்கும் முன் எடுக்க வேண்டிய நடவடிக்கைகள்

வீடு மற்றும் வீட்டின் கட்டமைப்பை பரிசோதியுங்கள். எங்கேனும் வெடிப்பு இருந்தால் பூச்சு வேலை செய்தல், கதவுகளின் தாழ்ப்பாள்களை சரி செய்தல் போன்றவற்றை துரிதமாக முடியுங்கள்.

வீட்டுக்கு அருகே இருக்கும் முறிந்த கிளைகள், பட்டுப்போன மரக்கிளை, அதிக எடையுடன் மரக் கிளை இருந்தால் அதனை அப்புறப்படுத்துங்கள். 

வீட்டு மாடி, உயரமான சுவர்களில் இருக்கும் கட்டைகள், பயன்படுத்தாத கண்ணாடி, கண்ணாடிப் பொருட்கள் இருந்தால் அப்புறப்படுத்தவும்.

பேட்டரிகள், மண்ணெண்ணெய், மெழுகுவர்த்திகள், குடிநீர் கேன்கள், அரிசி உள்ளிட்ட அத்தியாவசியப் பொருட்கள், அத்தியாவசிய மருந்துகளை வாங்கி வைத்துக் கொள்ளவும்.

பாதி இடிந்த நிலையில் இருக்கும் கட்டடங்களை இடித்துத் தள்ள வேண்டும்.

உலர்ந்த பழங்கள் போன்ற சமைக்காமல் அப்படியே சாப்பிடும் பொருட்களை வாங்கி வீட்டில் பத்திரப்படுத்துங்கள்.

தெரிந்து கொள்ள வேண்டிய விஷயங்கள்

புயல் மற்றும் மழை நிலவரம் குறித்து உடனுக்குடன் அறிந்து கொள்ள வழிவகை செய்து கொள்ளுங்கள்.

மழை, புயல் பற்றி யார் எந்த தகவல் அனுப்பினாலும் அதனை உடனே ஃபார்வேர்ட் செய்யாதீர்கள்.

எங்கிருந்து வரும் தகவல்களை மட்டும் நம்ப வேண்டும், எது உண்மை என்பதை நன்கு அறிந்து கொள்ளுங்கள்.

தவறான தகவல்களை நீங்களாக யாருக்கும் சொல்ல வேண்டாம், எச்சரிக்கிறோம் என்று கூறி அச்சுறுத்த வேண்டாம்.

புயல் கரையைக் கடக்கும் நேரம், மழைப்பொழிவு, காற்றின் வேகம் ஆகியவற்றை அங்கீகரிக்கப்பட்ட ஊடகங்கள் வாயிலாக உறுதி செய்து கொள்ளுங்கள்.

புயல் அடிக்கும் நேரத்தில்

வானொலி செய்திகளைக் கேட்டுக் கொண்டிருக்கலாம். 

புயல் எச்சரிக்கைப் பகுதிகளை அறிந்து அப்பகுதியில் இருப்பவர்களுக்கு அறிவுறுத்தலாம்.

வழக்கமானப் பணிகளை செய்து கொண்டிருங்கள். எனினும்  எந்த விதமான அபாயகட்டத்தையும் எதிர்கொள்ளத் தயாராக இருங்கள்.

பொதுவாக புயல் அபாய எச்சரிக்கை என்றால் அடுத்த 24 மணி நேரத்துக்கு அந்த அபாயம் பொருந்தும் என்பதை நினைவில் கொள்ளுங்கள்.

வீடு அல்லது நீங்கள் இருக்கும் பகுதிக்குள் தண்ணீர் வரும் என்றால் அங்கிருந்து புறப்பட்டுச் செல்லுங்கள். நீரில் மூழ்கும் வரை காத்திருக்காதீர்கள்.

வீடு பாதுகாப்பான இடமாக இருந்து வெள்ளம் சூழ்ந்தால், வீட்டில் உயரமான பகுதியில் இருங்கள்.

கீழ்தளத்தில் இருக்கும் போது வெள்ளம் ஏற்பட வாய்ப்பிருந்தால் முக்கியமான பொருட்களை உயரமான இடத்துக்கு இடம்மாற்றுங்கள்.

அடித்துச் செல்லக் கூடிய, பறக்கும் பொருட்களை கட்டி வையுங்கள்.

கண்ணாடி கதவு ஜன்னல்களை மூடி வையுங்கள்.

மின்சாரச் சாதனங்களை மின் இணைப்பில் இருந்து துண்டியுங்கள்.

வீட்டை விட்டு வெளியேறுமாறு அறிவுறுத்தப்பட்டால்..

மருந்து மாத்திரை, உணவு போன்ற மிக மிக அத்தியாவசியமான பொருட்களை பத்திரமாக எடுத்து வைத்துக் கொள்ளுங்கள்.

உங்கள் சொத்து, வீடு உள்ளிட்ட பொருட்களை நினைத்து கவலை கொள்ளாதீர்கள். நீங்கள் பத்திரமாக இருப்பதை பற்றி உறுதி செய்யுங்கள்.

நீங்கள் வசித்து வந்த பகுதி பாதுகாப்பானது என்று நிர்வாகம் அறிவிக்கும் வரை முகாமிலேயே தங்கியிருங்கள்.

எந்த நேரத்திலும் அச்சமோ, பயமோ கொள்ளத் தேவையில்லை. எந்த நேரத்தையும் எதிர்கொள்ள ஆயத்தமாக இருங்கள் என்பதையே தேசிய பேரிடர் மேலாண்மை ஆணையம் பொதுமக்களுக்கு எடுத்துரைக்கிறது.
 

]]>
http://images.dinamani.com/uploads/user/imagelibrary/2018/11/12/w600X390/nov_12th.jpg http://www.dinamani.com/editorial-articles/special-stories/2018/nov/12/கஜா-புயலை-எதிர்கொள்ள-தயாராவோம்-எடுக்க-வேண்டிய-முன்னெச்சரிக்கை-நடவடிக்கை-என்ன-3037353.html
3035573 கட்டுரைகள் சிறப்புக் கட்டுரைகள் அடிமைத்தனத்தின் விலங்குகள் -  ரோனி ஜேக்கப் Friday, November 9, 2018 04:24 PM +0530  

தங்களது முதலாளியின் கொடூரப் பிடிகளின் கீழ் தனது குடும்பத்தினர் அனுபவித்த மிக மோசமான, அடக்குமுறை அனுபவங்களை 10 வயதே நிரம்பிய அந்த 'சல்லாங்’ சிறுமி வர்ணிக்கும்போதே, அடக்க முடியாமல் வெளிப்பட்ட மெல்லிய அழுகையும், புலம்பலும் அந்த குளிர் நிரம்பிய அறையில் பரவியபோது, ஒருவித மயான அமைதி அங்கே நிலவத் தொடங்கியது. சுதந்திரமடைந்து, 75 ஆண்டுகள் என்ற மைல்கல்லை நோக்கி நாம் நெருங்கிக் கொண்டிருக்கிற தருணத்தில், இந்தியாவில் இன்னும் ஒடுக்குமுறை மற்றும் அடிமைத்தனத்தின் சங்கிலிகளின் கீழ் பிணைக்கப்பட்டு குடும்பங்களும், சமூகங்களும் இருந்து வரும் அவலம் நகைமுரணானதுதான்.

இந்த நவீன யுகத்தில் அடிமைத்தனம் என்பது, பெரும்பாலான நேரங்களில் கண்ணுக்குப் புலப்படுகிற நிலையிலேயே மறைக்கப்பட்டுள்ளது; கட்டாயத் தொழிலாளர்களாக, விலைமாதர்களாக பயன்படுத்தப்படுவதற்கு அல்லது அவர்களது உடல் உறுப்புகளை அகற்றி விற்பதற்காகவும் கூட மனிதர்கள் பல்வேறு வழிமுறைகளில் ஏமாற்றப்பட்டு, நயவஞ்சகமாக கடத்தப்படுகின்றனர் அல்லது மனித வணிகத்திற்காக விற்கப்படுகின்றனர். அடிமைத்தனத்தின் அம்சங்கள் இருக்கின்றனவா என்று நீங்கள் மிக கூர்ந்து கவனிக்கத் தொடங்கினாலொழிய ஒரு தொழிலகத்தில் அல்லது ஒரு சுரங்கத்தில் அல்லது  ஒரு விவசாயத் தோட்டத்தில் அல்லது ஒரு வீட்டில் ஒரு நபர் வழக்கமாக பணி செய்வதைப் போலவே தோன்றக் கூடும்; ஆனால் உண்மை அதற்கு நேர்மாறானதாக இருக்கக் கூடும்.

2018, ஆகஸ்ட் மாதத்தில் இந்தியாவின் வடகிழக்கு மாநிலங்களுள் ஒன்றான அருணாச்சல் பிரதேசத்திற்கு திரு. ரெனி ஜேக்கப் மற்றும் திரு. ரோனி ஜேக்கப் ஆகிய இருவரும் ஒரு உண்மை கண்டறியும் விஜயத்தை மேற்கொண்டனர். இப்பிராந்தியத்தில் பழங்குடி சமூகங்களின் மத்தியில் இருந்து வருகிற பாரம்பரியமான அடிமைத்தன நடைமுறை மீது ஒரு தொடக்கநிலை ஆய்வை நடத்துவதற்காக இப்பயணம் மேற்கொள்ளப்பட்டது. இந்த பிராந்தியத்தில் அடிமைத்தனமானது, இரு வடிவங்களில் நிகழ்வதையும், நடைமுறையில் இருந்து வருவதை இக்குழு கூர்நோக்கத்துடன் கண்டறிந்தது. இந்த இரு வடிவங்களும் தனித்துவமானவை என்றாலும் கூட ஒன்றிலிருந்து மற்றொன்று முழுமையாக தொடர்பற்றதாக இல்லை. அடிமை நிலை என்ற தங்களது இந்த பாழும் விதியிலிருந்து தப்புவதற்கு இந்த வழிமுறையோ, ஆயுதமோ இல்லாத அடிமைச் சேவகம் செய்து வருகிற சமூகங்களை தவறாக பயன்படுத்தி சுரண்டுவதின் மூலம் சக்தி வாய்ந்த ஆதிக்க சமூகத்தினரான முதலாளிகள் லாபமடைகின்றனர்.

முதலாவது, அருணாச்சலப்பிரதேசத்தின் ‘புரோயிக்’சமூகத்திற்குள் இருந்து வருகிற பழமையான அடிமைத்தன நடைமுறை பழக்கத்தின் கசப்பான யதார்த்தங்கள். புரோயிக் சமூகமானது, சல்லாங் என்ற பெயரிலும் அழைக்கப்படுகிறது. பெங்காலி மொழியில் இதற்கு ‘அடிமைகள்’என்று அர்த்தம். இந்த பிராந்தியத்தில் பங்க்னிஸ், மெஜிஸ் மற்றும் நைசிஸ் போன்ற வலுவான ஆதிக்க பழங்குடி சமூகங்களின் கட்டுப்பாட்டின் கீழ் பல நூற்றாண்டுகளாக அடிமை நிலையிலேயே இவர்கள் இருந்து வந்திருக்கின்றனர். புரோயிக் சமூகத்தின் அடிமைத்தனமானது, இரு வடிவங்களில் காணப்படுகிறது. (‘அடிமைத்தனம்’என்ற சொற்றொடரானது, அவர்களை அவதியுறச் செய்கிற அனைத்து வகைகளிலான சுரண்டலை குறிக்கிறது) முதல் வடிவமானது, கட்டாயப்படுத்தப்பட்ட / குழந்தைத்திருமணம், கடனின் காரணமாக கொத்தடிமைத்தனம் வன்முறை மற்றும் தவறான பயன்பாடு மற்றும் உரிமைகளும், சுதந்திரங்களும் இழப்பு ஆகியவற்றை உள்ளடக்கியதாகும்.  கட்டாயத் தொழில்முறை, திருமணம் மற்றும் வீட்டில் அடிமை போல் பணியாற்றுவது ஆகிய நோக்கங்களுக்காக அஸ்ஸாம் மற்றும் பங்களாதேஷ்-லிருந்து அருணாச்சலப்பிரதேசத்திற்குள் குழந்தைகளை நயவஞ்சகமாக அழைத்து வருவதன் மூலம் மேற்கொள்ளப்படும் மனித வணிகம் இங்கு காணப்படும் அடிமைத்தனத்தின் இரண்டாவது வடிவமாகும். 

புரோயிக் சமூக மக்களின் வறுமையும், நிலையான வருவாய் ஈட்ட இயலாத தன்மையும், அவர்களது முதலாளிகளிடமிருந்து அடைமானம் / கடன் வாங்குமாறு அவர்களை நிர்ப்பந்திக்கிறது. இறுதியில் வாழ்நாள் முழுவதும் இந்த கடனை தீர்க்க முடியாமல் அடிமைகளாக வாழுமாறு இவர்களை அது செய்கிறது. ஒவ்வொரு புரோயிக் குடும்பமும் ஒரு அடிமைகளை வைத்திருக்கிற ஒரு முதலாளியை கொண்டிருக்கிறது. அந்த முதலாளியே இவர்களது குடும்ப உறுப்பினர்களின் விதியை தீர்மானிப்பவராக இருக்கிறார். புரோயிக் சமூக சிறார்களை குறிப்பாக இளம் சிறுமிகளை மணப்பெண்களாகவோ அல்லது வீட்டு வேலைக்காரர்களாகவோ, அவர்களது விருப்பம் போல விற்கவோ அல்லது வேறிடங்களுக்கு அனுப்பவோ முடியும். இந்த இளம் அடிமை மணப்பெண்கள், ஒரு சில மித்துன்களுக்காக (இந்தியாவின் வடகிழக்கு மலை பிராந்தியங்களில் காணப்படுகிற ஒருவகை மாடுகள்) பண்டமாற்று செய்யப்படுகின்றனர். இந்த குழந்தை மணப்பெண்கள், அவர்களது தாத்தாவாக இருக்கக் கூடிய வயதான நபர்களை திருமணம் செய்து கொள்ளுமாறு நிர்ப்பந்திக்கப்படுகின்றனர் மற்றும் பாலியல் அடிமைத்தன வாழ்க்கையில் சிக்கி சீரழியுமாறு நிர்ப்பந்திக்கப்படுகின்றனர். அங்கிருந்த ஆதரவற்ற இல்லம் ஒன்றுக்கு நாங்கள் சென்றிருந்தபோது, கட்டாய குழந்தை திருமண முறையால் பாதிக்கப்பட்டிருந்த சில இளம் சிறுமிகளை சந்தித்தோம். விருப்பத்திற்குமாறான திருமணத்திற்கு பிறகு இருந்த மிக மோசமான சூழ்நிலைகளிலிருந்து தங்களது பச்சிளம் குழந்தைகளோடு, இவர்கள் அங்கிருந்து தப்பியோடி வந்திருக்கின்றனர்.

புரோயிக் பழங்குடி இனத்தவரின் சூழ்நிலையானது, பல தலைமுறைகளையும் கடந்து  நிலைத்திருக்கிற  கொத்தடிமைத் தொழில்முறை மற்றும் அடிமைத்தனத்திற்கு ஒரு சரியான எடுத்துக்காட்டாகும். புரோயிக் சமூகத்தினரின் ஆதாரவளங்கள், வாய்ப்புகள் மற்றும் அடிப்படை சுதந்திரங்களை அவர்களிடமிருந்து எடுத்து ஆதிக்க சமுதாயங்களின் முதலாளிகள் லாபமடையுமாறு, வழங்குகிற ஒரு பழமையான சமூக கட்டமைப்பை சார்ந்து இந்த அடிமைத்தனம் செயல்பாட்டில் இருந்து வருகிறது. கடன், சமூக / பழங்குடியின கடமைப் பொறுப்பு மற்றும் தலைமுறைகளாக தொடரும் பழக்கம் ஆகியவற்றின் கூறுகளை உள்ளடக்கி, வேலை வாய்ப்புக்கான சுதந்திரத்தையும், குறைந்தபட்ச ஊதியத்தை பெறுவதற்கான உரிமையையும், இந்தியாவெங்கிலும் சுதந்திரமாக சென்று வரும் உரிமையையும், சந்தை மதிப்பீட்டு தனது பொருட்கள் மற்றும் சேவைகளை விற்பனை செய்கிற உரிமையையும் இது இழக்குமாறு செய்கிறது. புரோயிக் சமூகத்தின் குழந்தைகள், கட்டாயத்தொழில்முறை, பாலியல் அடிமைகளாக / வீட்டுப் பணியாட்களாக இருப்பது, கட்டாயத் திருமணம் மற்றும் வாழ்நாள் முழுவதும் கடும் சுமையில் சிக்கித் தவிப்பது ஆகியவற்றின் வழியாக அற்புதமான குழந்தைப் பருவத்தை இழந்து தவிக்கின்றனர். சில பொருட்கள் / உயிரினங்களுக்காக இந்த குழந்தைகள் பண்டமாற்று செய்யப்படுகின்றனர். இது, வாழ்க்கையின் சாதாரணமான வழக்கம் என்று இங்கு கருதப்படுகிறது.

இரண்டாவதாக, வீட்டு வேலைக்காக மாநிலங்களுக்கிடையே குழந்தைகள் கடத்தப்படும் நிகழ்வில், பாதிப்புக்கு ஆளாகுபவர்கள், குறிப்பாக அஸ்ஸாம் மற்றும் அருணாச்சல பிரதேசத்திற்கிடையே வறுமையால் கடுமையாக பாதிக்கப்பட்டுள்ள குடும்பங்களையும் மற்றும் விளிம்புநிலையிலுள்ள குழுக்களையும் சேர்ந்தவர்களாகவே பெரும்பாலும் இருக்கின்றனர். (அருணாச்சலப் பிரதேஷ் மற்றும் அஸ்ஸாமைச் சேர்ந்த ஆதிவாசிகள், உத்தரபிரதேஷ் மற்றும் பீகாரிலிருந்து வருகிற புலம்பெயரும் தொழிலாளர்கள் பங்களாதேஷ்-ஐ சேர்ந்த சக்மா அகதிகள் மற்றும் புரோயிக்குகள்) இந்த சிறார்களுள் பெரும்பான்மையானவர்கள் உடல்ரீதியாகவும். மனநலரீதியாகவும் மற்றும் பாலியல் ரீதியாகவும் கொடுமைகளுக்கு ஆளாகின்றனர் மற்றும்  தவறாக பயன்படுத்தப்படுகின்றனர். சில நேர்வுகளில் அவர்களது முதலாளிகளால் அவர்கள் மிக மோசமாக தாக்கப்படுகின்றனர் மற்றும் கொடுமைப் படுத்தப்படுகின்றனர். நம்சாய் மற்றும் வாஞ்சோ போன்ற மாவட்டங்களிலிருந்து அருணாச்சலப்பிரதேஷ் மாநிலத்திற்குள்ளாகவே இத்தகைய சிறார்கள் வாங்கப்படுகின்றனர் மற்றும் விற்கப்படுகின்றனர். பப்பும் பரே என்ற தலைநகர் மாவட்டத்திலுள்ள கொலோங்கி என்ற மற்றொரு கிராமம், அந்த சமூகத்திற்குள் குழந்தைகள் விற்பனைக்கு பேர் போனதாகும்.

-  ரோனி ஜேக்கப்

]]>
child labour, slavery, bondage, கொத்தடிமை, குழந்தை தொழிலாளி http://images.dinamani.com/uploads/user/imagelibrary/2018/11/9/w600X390/download.jpg http://www.dinamani.com/editorial-articles/special-stories/2018/nov/09/அடிமைத்தனத்தின்-விலங்குகள்-3035573.html
3034943 கட்டுரைகள் சிறப்புக் கட்டுரைகள் சுமங்கலி திட்டம் அல்லது கேம்ப் கூலி சிஸ்டம் தொடர்புடைய பிரச்னைகள் - சட்ட குறைபாடுகள் மற்றும் சட்ட விதிகளை பின்பற்ற தவறுதல் ராஜ்குமார், வழக்குரைஞர் Thursday, November 8, 2018 03:09 PM +0530  

பெண்கள் மற்றும் சிறார்களுக்கான (ஒழுங்குமுறைப்படுத்தல்) தமிழ்நாடு விடுதிகள் மற்றும் இல்லங்கள் சட்டம் 2014 :

விடுதிகள் மற்றும் இல்லங்களிலுள்ள தங்கியுள்ள பல பெண்கள் பல்வேறு வடிவங்களில் துன்புறுத்தப்படுகின்றனர் / தொந்தரவுக்கு உட்படுத்தப்படுகின்றனர் என்று அரசுக்கு கிடைத்த தகவல்களின் காரணமாக, கொண்டு வரப்பட்டுள்ள பெண்கள் மற்றும் சிறார்களுக்கான (ஒழுங்கு முறைப்படுத்தல்) தமிழ்நாடு விடுதிகள் மற்றும் இல்லங்கள் சட்டம் 2014, அவர்களின் பாதுகாப்பை உறுதி செய்கிறது. விடுதிகள் சட்டத்தின் பிரிவு 20-ன்படி, உரிய உரிமம் பெறாமல் ஒரு விடுதியை நடத்துவது, 2 ஆண்டுகள் வரை சிறையின் மூலம் தண்டிக்கப்படக்கூடிய ஒரு குற்றமாகும். இந்த உரிமமானது, மாவட்ட ஆட்சித் தலைவரிடமிருந்து பெறப்படவேண்டும்.

அதிர்ஷ்டவசமாக, தொழிலகங்களுக்குள் அமைந்திருக்கிற தங்கும் விடுதிகள் கூட இந்த விதிமுறையை பின்பற்றுவது அவசியமாகும். ஆனால், தமிழ்நாட்டின் மேற்கு மாவட்டங்களிலுள்ள பெரும்பாலான நூற்பு ஆலைகள், மேற்குறிப்பிடப்பட்ட சட்டத்தின் இவ்விதிமுறைகளை பின்பற்ற வேண்டுமென்றே தெரிந்தே தவறியிருக்கின்றன.

குழந்தை தொழிலாளர் (தடுப்பு மற்றும் ஒழுங்குமுறைப்படுத்தல்) சட்டம் 2016-ல் உள்ள குறைபாடுகளுக்கு திருத்தம் மற்றும் தொழிற்சாலைகள் சட்டம் 1948

குழந்தை தொழிலாளர் சட்டத்தில் செய்யப்பட்டிருக்கும் சமீபத்திய திருத்தமானது, பதினான்கு ஆண்டுகள் வயதை பூர்த்தி செய்திருக்கிற ஆனால் பதினெட்டு வயதை பூர்த்தி செய்யாத ஒரு நபரை வளரிளம் பருவத்தினர் என்று வரையறை செய்கிறது.

2016-ஆம் ஆண்டின் இச்சட்டத்தில் செய்யப்பட்டுள்ள மேற்கண்ட திருத்தத்தின்படி, வளரிளம் பருவ நபர்களை பணியமர்த்துவதற்கு கீழ்வரும் நிபந்தனைகளின் பிரிவு 7-ன் கீழ் இச்சட்டம் குறித்துரைக்கிறது :

  • ஒரு நாளில் பணியாற்றுவதற்கான கால அளவு, 3 மணி நேரங்களுக்கும் மிகைப்படாததாக இருக்குமாறு நிர்ணயிக்கப்படும் மற்றும் குறைந்தபட்சம் ஒரு மணி நேரத்திற்கு ஓய்வு எடுப்பதற்கான இடைவேளையை பெறுவதற்கு முன்பு 3 மணி நேரங்களுக்கும் அதிகமாக எந்தவொரு வளரிளம் பருவ நபரும் பணியாற்றக் கூடாது.
  • எந்தவொரு நாளிலும் காத்திருப்பதற்காக செலவிடும் நேரம் உட்பட ஒரு குழந்தையும் பணி காலஅளவானது, ஓய்வுக்கான அவரது இடைவேளை நேரம் உட்பட 6 மணி நேரங்களுக்கும் அதிகமாக இல்லாதவாறு அமைக்கப்பட வேண்டும்.
  • இரவு 7 மணி முதல் காலை 8 மணி வரை இடைப்பட்ட நேரத்தில் எந்தவொரு வளரிளம் பருவ நபரும் பணியாற்ற அனுமதிக்கப்படக்கூடாது அல்லது கோரப்படக்கூடாது.
  • எந்தவொரு வளரிளம் பருவ நபரும் மிகைநேர பணியை மேற்கொள்ளுமாறு கோரப்படக்கூடாது அல்லது அனுமதிக்கப்படக் கூடாது.

இருப்பினும், மேற்கூறப்பட்ட ஒழுங்குவிதியானது, 1948-ம் ஆண்டின் தொழிற்சாலைகளின் சட்டத்திலுள்ள முரண்படுகிற அம்சத்தின் காரணமாக திறம்பட அமல்படுத்தப்படவில்லை. 1948-ஆம் ஆண்டின் தொழிற்சாலைகள் சட்டத்தின் பிரிவு 69(2) (b)-ன்படி, இளம் சிறார்களுக்கு (15 வயதை பூர்த்தி செய்த ஆனால் 18 வயதை பூர்த்தி செய்யாத) உடற்தகுதி சான்றிதழ் வழங்கப்பட்டிருக்குமானால், ஒரு தொழிற்சாலையில் முழுநாள் வேலை செய்வதற்கு தகுதியுள்ள ஒரு வயதுவந்த நபராக அவர் கருதப்படுகிறார்.

மேலும், குழந்தை தொழிலாளர் சட்டத்துக்கும் மற்றும் தொழிற்சாலை சட்டத்திற்குமிடையே முரண்பாடு / ஒத்திசைவின்மை இருக்குமானால், தொழிற்சாலைகள் சட்டமே குழந்தைத் தொழிலாளர் சட்டத்தை விட மேலோங்கியதாக இருக்கும் என்று குழந்தை தொழிலாளர் சட்டத்திலுள்ள விதிமுறைகள் குறிப்பிடுகின்றன. ஆகவே, சிறார்கள் ஃ குழந்தைகள் வேலைவாய்ப்பு தொடர்புடைய சட்டங்களில் நிலவுகின்ற முரண்பாட்டு அம்சங்களின் காரணமாக வளரிளம் பருவத்திலுள்ள குழந்தையின் உரிமைகள் கடுமையாக மீறப்படுகின்றன.

பொதுக் கூட்டுப் பேர செயல்பாடின்மை :

ஜவுளி தொழில்துறையானது, முறைப்படுத்தப்பட்ட தொழில்துறையின் கீழ் வருவதாக பெரும்பாலும் கருதப்படுகிறது. முறைப்படுத்தப்பட்ட தொழில்துறையில், தொழிலாளர்கள் வழக்கமாக தொழிற்சங்கத்தில் இணைக்கப்பட்டிருப்பார்களென்ற பொதுவான எண்ணம் நிலவுகிறது. ஜவுளித்துறையில் கள யதார்த்தத்தை ஒருவர் மிக கவனமாக பகுப்பாய்வு செய்வாரென்றால், ஜவுளித்துறையில், தொழிலாளர்களுக்கு பயனளிக்கும் வகையில் திறம்பட செயல்படுகிற தொழிற்சங்கங்கள் எதுவுமில்லை என்ற நிஜ உண்மையை புரிந்துகொள்வார். திறம்பட செயல்படுகிற தொழிற்சங்கம் இல்லாத நிலையில், அந்த பிரிவிலுள்ள தொழிலாளர்கள் அவர்களது பணிநிலைகள் அல்லது ஊதியம் தொடர்பான சர்ச்சைகள் மீது தங்களது கோரிக்கைகளை எழுப்ப இயலாது என்பது தெளிவாகும்.

இந்த சூழலை பரிசீலித்த தமிழ்நாடு அரசு, ஜவுளித்துறையில் பணியாற்றும் வேலை பழகுநர்களுக்கு (அப்ரன்டிஸ்) குறைந்தபட்ச ஊதியத்தை நிர்ணயித்து அறிவித்திருந்தது. இதை எதிர்த்து, ஜவுளி மில் உரிமையாளர்களின் சங்கம், மெட்ராஸ் நீதிமன்றத்தில் வழக்கு தொடர்;ந்தது. தமிழ்நாடு ஸ்பின்னிங் மில் அசோசியேஷனின் பிரதிநிதியான அதன் முதன்மை ஆலோசகர் திரு. சு. வெங்கடாச்சலம், எதிர் தமிழ்நாடு அரசு என்ற இந்த வழக்கை நீதிமன்றம் தள்ளுபடி செய்தது. 

இதற்கும் கூடுதலாக, 1926-ஆம் ஆண்டில் தொழிற்சங்க சட்டத்தின்கீழ், ஒரு தொழிற்சங்கத்தை அங்கீரிப்பதற்கு, பணி வழங்குநரான நிர்வாகத்துக்கு சட்டபூர்வ கடமைப்பொறுப்பு எதுவுமில்லை. இதன் காரணமாக, பணி வழங்குநரால் அங்கீகரிக்கப்படாத தொழிற்சங்கமானது, தொழிலாளர்களுக்காக கூட்டுப் பேரத்தில் ஈடுபடுகிற ஒரு முகவராக, அதன் முழு அளவிலான உரிமைகளை இழந்து விடுகிறது.

நம் நாட்டில் தொழிற்சங்கங்கள் முறைப்படுத்தப்பட்ட தொழில் பிரிவுகளிலுள்ள தொழிலாளர்கள் மீதே பிரதானமாக கவனம் செலுத்தி வருகின்றன. ஆனால் இன்றைய காலகட்டத்தில், ஒப்பந்தத் தொழிலாளர்கள், கேஷுவல் தொழிலாளர்கள் மற்றும் தொழிற்சாலைகளில் பணியாற்றுகிற 15-லிருந்து 18-க்கு இடைப்பட்ட வயதிலுள்ள இளம்பெண் தொழிலாளர்கள் ஆகியோர் தொழிலாளர் குழுவின் கட்டமைப்பையும் மாற்றி விட்டனர். இதன் ஒரு விளைவாக தங்களது சட்டப்பூர்வ உரிமைகளை கோருவதற்கு எந்தவொரு வகையிலான சங்கத்தை உருவாக்குகின்ற திறன் இல்லாதவர்களாக இத்தொழிலாளர்கள் இருக்கின்றனர். மேலும், தங்களது தொழிலக வளாகத்தில் தொழிற்சங்க நடவடிக்கைகளை நடத்த விடாமல் பணி வழங்குநர்கள் நசுக்குகின்றனர். இந்த நோக்கத்தை செயல்படுத்துவதற்காக ஜவுளித் தொழில்துறையில் உள்ள பெரும்பாலான நிறுவனங்கள்,  தொழிற்சங்க நடவடிக்கைகளை கட்டுப்படுத்த தங்களது வளாகத்திற்கு அருகே 'வாயில் கூட்டங்களை’ நடத்துவதற்கு நிரந்தர தடை ஆணையை பெற்றிருக்கின்றன. எடுத்துக்காட்டாக, ஃபென்னர் (இந்தியா) லிமிடெட் எதிர் காவல் கண்காணிப்பாளர் என்ற வழக்கில், தொழிற்சங்க சட்டம் மற்றும் பிற தொழிலாளர் சட்டங்களின்படி, சட்டப்பூர்வமான நடவடிக்கைகளை மேற்கொள்வதை அல்லது ஆர்ப்பாட்டங்கள் நடத்துவதை / கோஷம் எழுப்புவதை தொழிற்சாலை வளாகத்திலிருந்து 200 மீட்டர் தூரத்திற்கு வெளியே மட்டுமே செய்ய முடியுமென்று தொழிற்சங்கத்திற்கு மெட்ராஸ் உயர்நீதிமன்றம் கட்டுப்பாடுகளை விதித்தது.

மேற்குறிப்பிடப்பட்ட தீர்ப்பு / உத்தரவிலிருந்து, சட்டப்பூர்வமான தொழிற்சங்க நடவடிக்கைகளை கூட தொழிற்சாலை வளாகத்திற்குள் நடத்த முடியாது என்பது தெளிவாகிறது. அத்துடன், ஜவுளித் தொழில்துறையில் பணி வழங்குநர்களால் / நிறுவனங்களால் தொழிற்சங்க அமைப்பானது, திட்டமிடப்பட்டு முறையாக சீர்குலைக்கப்பட்டு வருகிறது.

சுமங்கலி திட்டம் மற்றும் கொத்தடிமைத் தொழில்முறை (ஒழிப்பு) சட்டம் 1976 :

சுதந்திரம் / உரிமை இழப்புடன் சேர்த்து கடன் வழங்குநர் மற்றும் கடன் பெறுபவருக்கு இடையிலான ஒரு உறவுமுறை இருப்பதுவே கொத்தடிமைத் தொழில்முறையின் முதன்மையான பண்பியல்பாகும். இத்தகைய சுதந்திரம் / உரிமை இழப்பானது, கீழ்வருமாறு பல்வேறு வடிவங்களில் இருக்கலாம் :

பணிவாய்ப்புக்கான அல்லது ஒரு கௌரவமான வாழ்வாதாரத்திற்காக  வேலைவாய்ப்புக்கான பிற வழிமுறைகளை பயன்படுத்தும் சுதந்திரம் / உரிமையிழப்பு;

ஒரு குறிப்பிட்ட பணி தொடர்பாக உரிய அரசால் அறிவிக்கை செய்யப்பட்டுள்ள குறைந்தபட்ச ஊதியத்தை ஈட்டுவதற்கான உரிமையிழப்பு.

இந்தியாவில் எந்தவொரு மாநிலம் / பிரதேசத்தின் ஒரு பகுதியிலிருந்து வேறொரு இடத்திற்கு பணிக்காக இடம்பெயரும் உரிமையிழப்பு;

சந்தை மதிப்பில் தனது தயாரிப்புகளை / உற்பத்தியை விற்பதற்கான உரிமையிழப்பு;

முதலாவதாக, குறைந்தபட்ச ஊதியத்தை பெறுவதற்கான உரிமை, சுதந்திரமான இடம்பெயர்வதற்கான உரிமை, வேலைவாய்ப்புக்கான சுதந்திரம் ஆகியவை தொழிலாளர்களுக்கு மறுக்கப்படுகிறது.

இரண்டாவதாக, சுமங்கலி திட்டத்தின் கீழ் வரும் பெரும்பாலான தொழிலாளர்கள் முன்பணம் எதையும் பெறுவதில்லை. ஆனால், கொத்தடிமைத் தொழில்முறை (ஒழிப்பு) 1976-ன் பிரிவு 2(b)-ன்படி ஒரு கொத்தடிமைத் தொழில்முறை அமைப்பில் கடன் வழங்குபவர் மற்றும் கடன் பெறுபவர் ஆகியோருக்கு இடையிலான ஒரு உறவுமுறை இருப்பது கட்டாயமாகும்.

சுமங்கலி திட்டத்தில், முன்பணம் / கடன் பெறுவது என்பது, பெரும்பாலும் இருப்பதில்லை. கடன் வழங்குநர் - கடன் பெறுபவர் உறவு என்பது இல்லாதபோது சுமங்கலி திட்டம் ஒரு கொத்தடிமைத் தொழில்முறை அமைப்பே என்று கருதுவது சிரமமானதாகும். பல்வேறு மனித உரிமை மீறல்கள் நடைபெறுகிற ஒரு சுரண்டல் நடைமுறையாகத்தான் சுமங்கலி திட்டம் இருக்கிறது என்பது மறுக்கமுடியாத உண்மை. சுமங்கலி திட்டத்தில் தொழிலாளர்கள் நிர்ணயிக்கப்பட்ட குறைந்தபட்ச ஊதியத்திற்கும் குறைவாகவே பெறுகின்றனர் என்பது நம் அனைவருக்கும் ஏற்கனவே தெரிந்த விஷயம். PUCL Vs UOI & Ors AIR1982SC1473 என்ற வழக்கில் இந்திய உச்சநீதிமன்றம் கீழ்க்கண்டவாறு கருத்து தெரிவித்தது : 'குறைந்தபட்ச ஊதியத்திற்கும் குறைவான சம்பளத்திற்கு எதிராக ஒரு நபர் பணியை அல்லது சேவையை மற்றொருவருக்கு வழங்கும்போது, சட்டத்தின்கீழ் பெறுவதற்கு உரிமைத் தகுதி கொண்டுள்ளதற்கும் குறைவாக அவருக்கு ஊதியம் வழங்கப்பட்டாலும் கூட அப்பணியைச் செய்யுமாறு அவரை இயக்குகிற ஒரு வகை நிர்ப்பந்தத்தின் அழுத்தத்தின்கீழ் அவர் செயல்படுகிறார் என்றே நியாயமாக புரிந்துகொள்ளப்பட வேண்டும்.’

சுமங்கலி திட்டத்தில், பசி மற்றும் வறுமை, தேவை மற்றும் அனாதரவான நிலை ஆகியவற்றின் காரணமாக தொழிலாளர்கள் வேலை செய்யுமாறு நிர்ப்பந்திக்கப்படுகின்றனர் என்று ஆணித்தரமாக நிரூபிக்கப்பட்டுள்ளது. வேலை செய்யுமாறு இந்த தொழிலாளர்கள் உடல்சார்ந்த நிர்ப்பந்தத்திற்கு ஆளாக்கப்படவில்லை என்றாலும் கூட வரதட்சணை கட்டாயத்தினால் இந்த வேலையை செய்யுமாறு செய்வது சமூகம் சார்ந்த நிர்ப்பந்தம் என்றே பொருள் கொள்ளப்பட வேண்டும். இதே Pருஊடு வழக்கில் இந்திய உச்சநீதிமன்றம் கீழ்க்கண்டவாறு தனது கருத்தினை மேலும் தெரிவித்திருந்தது. 'கூடுதலாக, அதிகளவு வறுமையும், வேலைவாய்ப்பின்மையும் மற்றும் பேரம் பேசும் ஆற்றலில் சமத்துவமும் இல்லாத இந்தியா போன்ற ஒரு நாட்டில், பணி செய்வதற்கான ஒரு ஒப்பந்தம், சுயவிருப்பம் / தன்னார்வ அடிப்படையிலானது என்று வெளித் தோற்றத்தில் தென்படக்கூடும்; ஆனால் யதார்த்தத்தில் அது சுயவிருப்பமற்றதாக இருக்கக் கூடும். ஏனெனில், ஒரு ஒப்பந்தத்தில் நுழைகின்ற போது, ஒரு தொழிலாளர் அவரது பொருளாதாரரீதியில், பலவீனமான நிலையின் காரணமாக, உணவில்லாமல் பசியில் வாடுவது அல்லது அதிகார பலமிக்க பணி வழங்குநரால் நிர்ப்பந்திக்கப்படுகிற, சுரண்டக் கூடிய வரையறைகள் மற்றும் நிபந்தனைகளுக்கு வேறு வழியின்றி சம்மதிப்பது என்ற இரண்டில் ஒன்றை தேர்ந்தெடுக்க வேண்டிய கட்டாயத்தை எதிர் கொண்டிருக்கக் கூடும்.'

உச்சநீதிமன்றத்தின் மேற்கூறப்பட்ட கருத்துகளின் அடிப்படையில் பரிசீலிக்கும் போது, சுமங்கலி திட்டம் என்பது ஒரு கட்டாயப் பணி என்பது தெளிவாக தெரிகிறது. ஆனால், ‘பந்துவா முக்தி மோர்ச்சா’ எதிர் இந்திய யு+னியன் என்ற வழக்கில் உச்சநீதிமன்றமானது, 'கொத்தடிமைத் தொழில்முறை என்பது, கட்டாயப் பணியின் ஒரு வடிவமாகும்’ என்ற தனது கருத்தினை தெள்ளத்தெளிவாக வெளிப்படுத்தியிருக்கிறது. எனவே, நிர்ப்பந்திக்கப்படும் பணி / கட்டாய வேலைகள் அனைத்துமே கொத்தடிமைத் தொழில்முறை நேர்வாக இருக்க வேண்டிய அவசியமில்லை.

சுமங்கலி திட்டத்தில் கடன் வழங்குநர் / கடன் பெறுபவர் உறவுமுறை இருக்கிறதா என்ற விஷயத்தை கவனிப்போமானால், அது கண்ணுக்குப் புலப்படாமல் மறைந்திருக்கிறது. கொத்தடிமைத் தொழில்முறை அமைப்பில் தொழிலாளரால் பெறப்பட்டிருக்கிற முன்பணமானது, பணி வழங்குநரோடும் மற்றும் அந்த பணியோடும் அத்தொழிலாளர் தொடர்ந்து இருக்குமாறு கட்டுப்படுத்துகிறது. தொழிலாளர் வாங்கிய முன்பணத்தின் காரணமாக, பணி வழங்குநர் அநியாயமான, சுரண்டல் அம்சம் கொண்ட நிபந்தனைகளை அவர் மீது திணிக்கிறார். இந்த முன்பணம் என்ற காரணத்தை பயன்படுத்தி தொழிலாளரின் சுதந்திரத்தையும், உரிமைகளையும் பணி வழங்குநர் கட்டுப்படுத்துகிறார் மற்றும் பறித்து விடுகிறார்.

கொத்தடிமைத் தொழில்முறை (ஒழிப்பு) சட்டம் 1976-ன் பிரிவு 2(g) கீழ்க்கண்டவாறு பொருள் வரையறை செய்கிறது. 'முன்பணம்’ என்பது, ஒரு நபரால் (கடன் வழங்குநர்) மற்றொரு நபருக்கு கடன் (பெறுபவர்) ரொக்கமாகவோ அல்லது பொருளாகவோ, அல்லது பகுதியளவு ரொக்கமாக அல்லது பகுதியளவு பொருளாக வழங்கப்படும் முன்பணத்தை / கடனை குறிக்கிறது.

சுமங்கலி திட்டத்தில், முன்பணம் என்ற இந்த அம்சமானது, தலைகீழான வழிமுறையில் செயல்படுத்தப்படுகிறது. இங்கு பணி வழங்குநரின் பணத்தை பணியாளர் வைத்திருப்பதற்கு பதிலாக, பணியாளரின் பணத்தை பணிவழங்குநர் அவர் வசம் வைத்திருப்பார். இத்திட்டத்தில் தொழிலாளருக்கு பணிவழங்குநரால் 'உறுதியளிக்கப்பட்டுள்ள தொகை’ என்பது, அத்தொழிலாளரின் பணமே; வேறொன்றுமில்லை. மறைமுகமான வழிமுறையில் பணி வழங்குநர்கள் தங்களது பிடிக்குள் தொழிலாளரை கட்டுப்படுத்தி வைத்திருப்பதற்கான ஒரு உத்தியே இது.

சர்வதேச சூழலில், 1949ஆம் ஆண்டில் ஊதிய பாதுகாப்பு மீதான மாநாட்டில் ஐக்கிய நாடுகள் சபையானது, கீழ்க்கண்டவாறு அறிவித்தது :

'ஒரு தொழிலாளரால் ஒரு பணி வழங்குநருக்கு அல்லது அவரது பிரதிநிதிக்கு அல்லது எந்தவொரு இடைநிலை நபருக்கு (லேபர் கான்ட்ராக்டர் அல்லது பணிக்கு ஆட்சேர்ப்பவர்), ஒரு பணி வாய்ப்பை பெறும் அல்லது தக்கவைத்துக்கொள்ளும் நோக்கத்திற்காக ஒரு நேரடி அல்லது மறைமுக பணம் செலுத்தலை உறுதி செய்யும் நோக்கத்திற்காக ஊதியத்திலிருந்து செய்யப்படும் எந்தவொரு பிடித்தமும் தடைசெய்யப்படும்.’

தொழிலாளர் தன்னிடம் வேலை செய்வதை தக்க வைத்துக் கொள்வதற்காக, அவரின் ஊதியத்தை தன்னிடம் வைத்துக் கொள்வது என்பது ஒரு நியாயமான நடைமுறை அல்ல. தொழிலகத்துறையில் இத்தகைய நடைமுறையானது. முழுமையாக தடை செய்யப்பட வேண்டும்.

ஜவுளித் தொழில்துறையில் தற்போது நடப்பிலுள்ள சட்ட சவால்களை எதிர்கொள்வதற்கு 42 ஆண்டுகள் பழமையான சட்டத்தை தீர பரிசீலனை செய்து அதில் உரிய திருத்தங்கள் செய்வது இன்றைய காலகட்டத்தில் மிகவும் அவசியமாகவும், தேவையாகவும் இருக்கிறது.

-   ராஜ்குமார் (வழக்குரைஞர்)

]]>
http://images.dinamani.com/uploads/user/imagelibrary/2018/11/8/w600X390/Immagine_183.jpg http://www.dinamani.com/editorial-articles/special-stories/2018/nov/08/சுமங்கலி-திட்டம்-அல்லது-கேம்ப்-கூலி-சிஸ்டம்-தொடர்புடைய-பிரச்னைகள்---சட்ட-குறைபாடுகள்-மற்றும்-சட்ட-வி-3034943.html
3033755 கட்டுரைகள் சிறப்புக் கட்டுரைகள் சிறுமி ராஜலட்சுமி கொலை வழக்கில் நீதி கிடைக்க வேண்டுமெனில் அது வழக்கை ஏற்று நடத்தவிருக்கும் வழக்குரைஞர் கையில் மட்டுமே இருக்கிறது! RKV Monday, November 5, 2018 11:42 AM +0530  

சேலம் சிறுமி ராஜலட்சுமி கொலை வழக்கில் குற்றவாளி தினேஷை மனநலமற்றவராகக் கருதி வழக்கின் போக்கு மாற்றப்படக் கூடாது எனும் வாதம் தற்போது வலுத்து வருகிறது. இன்று விடுதலைச் சிறுத்தைகள் தலைவர் திருமாவளவன் உயிரிழந்த சிறுமி ராஜலட்சுமியின் பெற்றோரைச் சென்று சந்தித்து திரும்பியிருக்கிறார். செய்தியாளர்களிடம் பேசுகையில் சிறுமி ராஜலட்சுமியின் தாய் தெரிவித்தது என்னவென்றால், 

‘சம்பவத்தன்று தினேஷ் கையில் அரிவாளுடன் தன் வீட்டுக்குள் நுழைந்த போது தானும் தன் மகளும் பூக்கட்டிக் கொண்டு இருந்ததாகவும், அப்போது ஆத்திரத்துடன் வீட்டினுள் நுழைந்த தினேஷ், தன் மகள் ராஜலட்சுமியை நெஞ்சில் எட்டி உதைத்து ஜாதி ரீதியிலான கடும் வசைச் சொற்களுடன் அவளை வெட்டக் கையை ஓங்கிஒய நேரத்தில், சிறுமி பயத்தில் மிரண்டு கண்ணீருடன்... ஐயோ நான் என்ன தவறு செய்தேன்... என்னை ஏன் அண்ணா வெட்டப் பார்க்கிறீர்கள்? என்று கதறினாள். ஆனாலும் தினேஷ் மனமிரங்காது அவளைத் துரத்திச் சென்று பின் கழுத்தில் அரிவாளால் வெட்டியதில் தலை தனியாகத் தொய்ந்து விழுந்தது. தலையில்லாத உடல் மட்டும் துடித்துக் கொண்டிருந்தது. இதைக் கண்டபோது என் பெற்ற மனம் தாங்கவில்லை. அவளது உடலை மடியில் கிடத்தி கதறிக் கொண்டிருந்தேன். என் மகளை ஈவு இரக்கமின்றி வெட்டியதோடு அவளது தலையைக் கையிலேந்திக் கொண்டு தன் வீட்டுக்குச் சென்றிருக்கிறான் அந்த தினேஷ். அவன் வந்த கோலத்தைக் கண்டு அவனது மனைவி, இந்தத் தலையை ஏன் கையிலேந்திக் கொண்டு வந்திருக்கிறாய், அதை அங்கேயே வீசி விட்டு வருவதற்கென்ன? என்று கண்டித்து விட்டு அப்படியே கணவனோடு, தன் சகோதரனையும் அழைத்துக் கொண்டு ஒரே இருசக்கர வாகனத்தில் ஏறி காவல்நிலையம் சென்றனர்.

காவல்நிலையத்தில் , தினேஷின் மனைவி, தன் கணவருக்கு மனநிலை சரியில்லாத காரணத்தால் இப்படி ஒரு சம்பவம் நடந்து விட்டதாகச் சொல்லி குற்றத்தை ஒப்புக் கொண்டு கணவரைச் சரணடையச் செய்திருக்கிறாள். உண்மையில் தினேஷ் மனநலம் சரியில்லாதவன் அல்ல, அவன் தன் மகள் மேலுள்ள ஆத்திரத்தை ஜாதித் திமிருடன் தணித்துக் கொள்ளவே இப்படி ஒரு காரியத்தை அரங்கேற்றியிருக்கிறான். என் மகள், என் கண்ணெதிரே துடிதுடித்து இறந்ததை தடுக்க இயலாத பாவியாக நான் பதைபதைப்புடன் கதறித் துடித்துக் கொண்டு கண்டதை நினைத்தால் இப்போதும் என் மனம் தாளவில்லை.’ என் மகளது கொலைக்கு நியாயம் கிடைத்தே ஆகவேண்டும்.’ தினேஷை காப்பாற்ற நினைக்கும் அவனது மனைவியின் முயற்சி தோற்க வேண்டும்’ 

என்று சிறுமி ராஜலட்சுமியின் தான் கண்ணீருடன் மன்றாடுகிறார்.

அப்போது உடனிருந்த திருமாவளவன் தெரிவித்தவை;

‘அந்த ஊரில் பல்வேறு சமூகத்தைச் சேர்ந்தவர்கள் இருந்த போதிலும், அவர்களெல்லாம் தினேஷ் குடும்பத்தார்கள் அளவுக்கு ஜாதி வெறி பிடித்தவர்கள் அல்ல என்கிறார்கள் கிராமத்தார்கள். இந்த ஒரு குடும்பம் மட்டும் தான் இத்தனை அழுத்தமாக தங்களது ஜாதி வெறியை ஊரார் முன்னிலையில் சதா பறைசாற்றும் விதமாக பல நேரங்களில் வெளிப்படையாக ஜாதி துவேஷத்தை வெளிக்காட்டியிருக்கிறார்கள் என்று தெரிகிறது.

தினேஷின் பாட்டி பயணம் செய்யும் வாகனத்தில் தனது இருக்கையில் வேறு எவரையும் இதுவரை அமர அனுமதித்ததில்லையாம். அவர் வேற்று ஜாதியினர் கடைகளுக்குச் சென்று ஏதாவது பொருட்கள் வாங்கி வந்தாலும் அந்தப் பொருட்களை வீட்டுக்குள் எடுத்துச் செல்லும் முன் அவற்றின் மேல் தண்ணீர் தெளித்து சுத்தி செய்து தான் வீட்டுக்குள் எடுத்துச் செல்வாராம்.

அது மட்டுமல்ல, தினேஷின் இரண்டு வயதுக் குழந்தைக்கு விளையாட்டுக் காட்ட சிறுமி ராஜலட்சுமியைத்தான் அழைப்பதுண்டாம். அம்மாதிரியான நேரங்களில் ராஜலட்சுமி, குழந்தையைத் தொட அனுமதியில்லை. எட்டி நின்று கொண்டு அந்தக் குழந்தையை விளையாட வைத்து கவனித்துக் கொள்ள வேண்டும் என்று கட்டளையிடுவார்களாம்.

ஜாதி ரீதியாக இப்படியெல்லாம் நடந்து கொண்டதோடு சிறுமி ராஜலட்சுமிக்கு தினேஷ்  பாலியல் தொல்லையும் கொடுக்கவே அதை அந்தச் சிறுமி, தினேஷின் மனைவியிடம் வெளிப்படுத்தியதால் அவள் மீது தினேஷுக்கு ஆத்திரம் மூண்டிருக்கிறது. தனக்கு நேர்ந்த அவலத்தை தினேஷின் மனைவியிடம் மட்டுமல்ல தனது பெற்றோரிடமும் சிறுமி ராஜலட்சுமி பகிர்ந்து கொண்டிருந்திருக்கிறார். அதை தட்டிக் கேட்டதற்குத் தான் இப்படியொரு கொடூரத்தை அரங்கேற்றியிருக்கிறார்கள் அந்தச் ஜாதி வெறிபிடித்த குடும்பத்தார்.’

- என்று தெரிவித்தார்.

கொலை செய்தது தினேஷ் மட்டுமே... என்ற போதும் மொத்தக் குடும்பத்திற்குமே இதில் தொடர்பு உள்ளது என்று தான் கூற வேண்டும். ஜாதி வேற்றுமைகள் களையப்பட வேண்டும் என்று அரசு தொடர்ந்து போராடிக் கொண்டிருக்கும் இந்த 21 ஆம் நூற்றாண்டில் ஒரு 13 வயதுச் சிறுமி... தனக்கு நேர்ந்த பாலியல் அச்சுறுத்தலை வெளியில் சொன்ன காரணத்துக்காக துள்ளத் துடிக்க பெற்றவளின் கண் முன்னே தன் சொந்த வீட்டில் வைத்து கொலை செய்யப் படுவாள் எனில் இது மிக மோசமான முன்னுதாரணம்.

கொலை நிகழ்ந்து விட்டதோடு... குற்றவாளி தன்னை மனநலம் குன்றியவன் எனக்காட்டி செய்த கொலைக்கான தண்டனையிலிருந்து தப்பிக்க நினைப்பது அதைக்காட்டிலும் கொடூரமான செயல்.

சிறுமியைக் கொன்ற ஜாதி வெறியன் நிச்சயம் தண்டனைக்குள்ளாக வேண்டும். ஜாதிப்பற்று என்பது வேறு. ஜாதி வெறி வேறு. தினேஷின் கொடூரச் செயலில் வெளிப்பட்டது ஜாதி வெறி  மட்டுமல்ல, தான் ஆண், எனும் திமிரும் தான். அது மட்டுமல்ல, தான் சார்ந்திருக்கும் ஜாதியின் காரணமாக, தான் செய்த கொடூரச் செயலில் இருந்து தப்பித்து குற்றமற்றவனாகத் தன்னால் மீள முடியும் எனும் நம்பிக்கையும் வேறு அவரது சரணடைதலில் தொனிக்கிறது. இதைக் காவல்துறை மட்டுமல்ல இந்தச் சமூகமும் அனுமதிக்கவோ, அங்கீகரிக்கவோ கூடாது.

சிறுமியைக் கொன்றவன் தண்டிக்கப்பட வேண்டும்.

சிறுமி ராஜலட்சுமி கொலைக்கான நீதி கிடைக்க வேண்டுமானால் அது அவ்வழக்கை ஏற்று நடத்தவிருக்கும் வழக்குரைஞரின் கையில் தான் இருக்கிறது. 

இந்த வழக்கை ஏற்று நடத்தவிருக்கும் வழக்குரைஞர் திறமை மிகுந்த வழக்குரைஞராக இருந்தால் மட்டும் போதாது. சமூக அமைப்பு ரீதியாக, ஜாதி ரீதியாக நடுநிலைமை பேணக்கூடியவராக, ஒரு அப்பாவிச் சிறுமியின் கொலைக்கான நீதியைப் பெற்றுத்தரும் அளவுக்கு மனிதாபிமானம் கொண்டவராக இருந்தால் மட்டுமே இந்த வழக்கில் உறுதியாக நீதி கிடைக்க வாய்ப்பு இருக்கிறது.

 

 

]]>
SALEM RAJALATCHUMI, MURDER CASE, JUSTICE FOR RAJALATCHUMI, DINESH, சிறுமி ராஜலட்சுமி கொலை வழக்கு, தினேஷ் , சிறுமி கொலைக்கான நீதி, http://images.dinamani.com/uploads/user/imagelibrary/2018/11/5/w600X390/rajalatchumi.jpg http://www.dinamani.com/editorial-articles/special-stories/2018/nov/05/சிறுமி-ராஜலட்சுமி-கொலை-வழக்கில்-நீதி-கிடைக்க-வேண்டுமெனில்-அது-வழக்கை-ஏற்று-நடத்தவிருக்கும்-வழக்குரைஞ-3033755.html
3030761 கட்டுரைகள் சிறப்புக் கட்டுரைகள் உலகிலேயே மிக உயரமான சர்தார் படேலின் சிலை: ரூ.2,989 கோடியில் கட்டப்பட்ட சிலையின் சிறப்பம்சம் ANI Wednesday, October 31, 2018 02:43 PM +0530  

நாட்டின் முதல் துணைப் பிரதமரும், இந்திய தேசத்தை ஒருங்கிணைத்தவருமான சர்தார் வல்லபபாய் படேலின் 182 மீட்டர் உயர பிரமாண்டமான சிலையை பிரதமர் நரேந்திர மோடி இன்று நாட்டுக்கு அர்ப்பணித்தார்.

குஜராத் மாநிலத்தில் அமைக்கப்பட்டுள்ள இந்த சிலை, உலகிலேயே மிக உயரமான சிலை என்ற பெருமையை பெற்றுள்ளது.

அமெரிக்காவில் உள்ள சுதந்திர தேவி சிலையைவிட (93 மீட்டர்) இரு மடங்கு உயரமாக, சர்தார் வல்லபபாய் படேல் சிலை அமைக்கப்பட்டுள்ளது. 

குஜராத் மாநிலத்தின் நர்மதை ஆற்றின் கரையோரத்தில் சர்தார் சரோவர் அணை அருகில் இந்த சிலை அமைக்கப்பட்டுள்ளது. 

சிலைக்கு அருகே, வால் ஆஃப் யூனிட்டி (ஒற்றுமையின் சுவரும் கட்டப்பட்டுள்ளது.

படேல் சிலைக்கான கட்டுமானப் பணி கடந்த 2015ஆம் ஆண்டு டிசம்பர் மாதம் 19ஆம் தேதி தொடங்கியது. 

இந்த சிலையின் கட்டுமானப் பணியை எல் அண்ட் டி நிறுவனம் மேற்கொண்டது. 33 மாதங்களில் அந்த சிலை கட்டுமான பணியை அந்த நிறுவனம் முடித்துள்ளது. இதன் மூலம் உலகில் மிக விரைவில் கட்டி முடிக்கப்பட்ட பிரமாண்ட சிலை என்ற பெருமையையும் பெற்றுள்ளது.

இந்த சிலை கட்டுமானத்துக்கு, 70,000 டன் சிமென்ட், 18,500 டன் இரும்பு கம்பிகள், 6,500 டன் இரும்பு கட்டுமான பொருள்கள் பயன்படுத்தப்பட்டுள்ளன. இதுதவிர்த்து, 1,700 டன் வெண்கலம், 1,850 டன் வெண்கலப் பூச்சு ஆகியவையும் பயன்படுத்தப்பட்டுள்ளது. 

சிலையின் கட்டுமானப் பணிக்கு மொத்தம் ரூ.2,989 கோடி செலவிடப்பட்டுள்ளது. ஒற்றுமையின் சின்னம் என்று சிலைக்கு பெயரிடப்பட்டுள்ளது.

சீனாவில் உள்ள ஸ்பிரிங் டெம்பிள் புத்தர் சிலை 153 மீட்டர் உயரம் கொண்டதாகும். இந்த சிலை கட்டுவதற்கு 11 ஆண்டுகள் பிடித்தது. இந்த சிலையே உலகில் மிக உயரமான சிலையாக இதுவரை கருதப்பட்டு வந்தது. தற்போது உலகிலேயே மிக உயரமான சிலை என்ற பெருமை, சர்தார் வல்லபபாய் படேல் சிலைக்கு கிடைக்கவுள்ளது. 

சர்தார் வல்லபபாய் படேலின் சிலையில் 5 உள்பகுதிகள் உள்ளன. அதில் தரையில் இருந்து முழங்கால் வரையிலும் முதல் பகுதி ஆகும். 2ஆவது பகுதி, சிலையின் தொடை பகுதியாகும். 3ஆவது பகுதி, பார்வையாளர்கள் பகுதியாகும். 4ஆவது பகுதி, பராமரிப்பு இடமாகும். 5ஆவது பகுதி, சிலையின் தலை மற்றும் தோள் பகுதியாகும்.

பார்வையாளர்கள் இடத்தில், ஒரே நேரத்தில் 200 பேர் வரை இருக்கலாம். அங்கிருந்து சாத்புரா, விந்திய மலைப்பகுதிகளை கண்டு ரசிக்க முடியும். சர்தார் சரோவர் நீர்த்தேக்கம், கருடாஸ்வேர் நீர்த்தேக்கம் ஆகியவற்றையும் பார்வையிடலாம்.

குஜராத் முதல்வராக பிரதமர் நரேந்திர மோடி பதவி வகித்தபோது, சர்தார் வல்லபபாய் படேல் சிலை அமைப்பது தொடர்பான பிரசாரத்தை கடந்த 2013ஆம் ஆண்டு டிசம்பர் மாதம் 15ஆம் தேதி தொடங்கி வைத்தார். 

இதையடுத்து, சிலைக்கு தேவையான இரும்பு, பொதுமக்களிடம் இருந்து சேகரிக்கப்பட்டது. மக்கள் சுமார் 135 மெட்ரிக் டன் இரும்பை அளித்தனர்.

சீனாவில் உள்ள புத்தர் சிலை, அமெரிக்காவில் உள்ள சுதந்திர தேவி சிலை ஆகியவற்றை ஒப்பிடும் வகையில் உருவாக்கப்பட்ட புகைப்படம் இது.
 

]]>
Prime Minister Narendra Modi, 'Statue of Unity' , Sardar Vallabhbhai Patel http://images.dinamani.com/uploads/user/imagelibrary/2018/10/31/w600X390/StatueOfUnity-1.jpg http://www.dinamani.com/editorial-articles/special-stories/2018/oct/31/pm-modi-unveils-182-metre-tall-statue-of-sardar-patel-3030761.html
3029416 கட்டுரைகள் சிறப்புக் கட்டுரைகள் சபரிமலை விவகாரம்: இளித்தது ஈயம், வெளுத்தது மதச்சார்பின்மை சாயம்! - சாது ஸ்ரீராம் Monday, October 29, 2018 01:04 PM +0530  

கேரள முதல்வரின் சமீபத்திய பேச்சு தூங்கிக்கொண்டிருக்கும் இந்து உணர்வுகளை தட்டி எழுப்பிவிட்டது. அப்படி என்ன பேசினார் என்று பார்ப்போம்.

“சபரிமலை ஐயப்பன் நைஷ்டிக பிரம்மச்சாரி என்று பக்தர்களால் நம்பப்படுகிறது. அது உண்மைதான். அதன் காரணமாகவே பக்தர்கள் பிரம்மச்சாரியாகவே இருக்கிறார்கள். வட மாநிலங்களில் இருக்கும் சில கோயில்களில் பூஜை செய்யும் அர்ச்சகர்கள் கூட பிரம்மச்சாரியாக இருக்கிறார்கள். அதுதான் உண்மை. அவர்கள் திருமணம் செய்துகொள்ளக்கூடாது”.

“அப்படி இருக்கும் போது, பெண்கள் கோயிலுக்குள் நுழைந்தால் சன்னிதானத்தின் கதவை பூட்டுவேன் என்று கூறிய சபரிமலை ஐயப்பன் கோயில் தந்திரி பிரம்மச்சாரியா? அவர் வாழும் இல்லற வாழ்க்கையை குறித்து நான் தவறாகச் சொல்லவில்லை. அதையும் கடந்து பெண்களுடன் தவறான தொடர்பு இருந்தது எர்ணாகுளத்தில் என்ன நடந்தது என்பது நமக்குத் தெரியும்”.

“தற்போது கோயில் தந்திரியாக இருக்கும் கண்ட்டரு மோகனரு கடந்த 2006ம் ஆண்டு ஒரு கும்பலால் கடத்தப்பட்டு, ஒரு பெண்ணுடன் இணைந்து புகைப்படம் எடுக்கப்பட்டது தெரிந்திருக்கும்”.

“சபரிமலை கோயில் என்பது திருவிதாங்கூர் தேவஸ்தான வாரியத்துக்குக் கட்டுப்பட்டது. எந்தவிதமான தனியாருக்கும், குடும்பத்துக்கும் கட்டுப்பட்டது இல்லை”.

இதுதான் அவரின் பேச்சு.

ஒரு மாநிலத்தை ஆள்பவரின் இந்து எதிர்ப்பு சிந்தனையை இவரது பேச்சு படம் பிடித்து காட்டுகிறது. ஒரு மாநில முதல்வர், ஒரு கோவில் தந்திரியின் பேச்சுக்கு வரிக்கு வரி பதிலடி கொடுப்பதும், அந்த தந்திரி பற்றிய கிசுகிசுக்களை வெளிப்படையாக விமர்சிப்பதும் ஆச்சர்யமளிக்கிறது.

பினராயி விஜயன் அவர்களே! உங்களிடம் சில கேள்விகள்:

சபரிமலை திருவிதாங்கூர் தேவஸ்தான வாரியத்துக்கு கட்டுப்பட்டது', என்று சொல்கிறீர்கள். தந்திரியின் தகுதி மீதும் குற்றம் சுமத்துகிறீர்கள். அதுவும் 2006ம் வருட நிகழ்வு. பிறகு ஏன் அவரை இது நாள்வரை தகுதி நீக்கம் செய்யவில்லை?

தந்திரி என்பவர் பிரம்மச்சாரியாக இருக்க வேண்டும் என்று சொல்கிறீர்கள். இதை எந்த சட்டம் சொல்கிறது?

கடவுள் பிரம்மச்சாரியாக இருந்தால், ஒரு பிரம்மச்சாரிதான் தந்திரியாக இருக்க வேண்டும் என்று சொன்னால், பெண் தெய்வங்களின் தலங்களில் பெண்கள் மட்டுமே அல்லவா பூஜை செய்ய வேண்டும்!

முருகப் பெருமானுக்கு இரண்டு மனைவிகள். பூஜிப்பவருக்கும் இரண்டு மனைவிகள் இருக்க வேண்டுமா?

ஆண்களும் பெண்களும் நிறைந்த கேரளத்தை ஆண் மட்டுமே ஆள வேண்டுமா? பெண்களுக்கென்று ஒரு பெண் முதல்வரை நியமியுங்களேன் பார்ப்போம்.

உங்கள் வீட்டிலுள்ள ஐம்பது வயதுக்குட்பட்ட பெண்களை ஐயப்பனை தரிசிக்க அனுப்பினார்களா?

சபரிமலை பக்தர்கள் ஏதோ பெண்களுக்கு எதிரானவர்கள் என்று ஒரு சித்திரத்தை ஏற்படுத்த முயல்கிறீர்கள். நாற்பத்தியோரு நாட்கள் கடுமையாக விரதமிருந்து ஐயப்பனை தரிசிக்கும் ஒரு ஆண் பக்தரின் பின்னால் இருப்பது பெண்கள். அது மனைவியாகவோ, மகளாகவோ, தாயாகவோ, சகோதரியாகவோ இருக்கலாம். அவர்களின் ஆசாரம், அனுஷ்டானம் மற்றும் அவர்களின் ஒத்துழைப்பின்றி எந்த ஒரு ஆணும் சிறப்பான முறையில் விரதமிருக்க முடியாது. மாலையணிந்த ஒவ்வொருவருக்கும் எல்லாப் பெண்களுமே தாய்தான். இதை உணராத கம்யூனிஸ்டுகளுக்கு எல்லா பெண்களுமே ரெஹண பாத்திமாதான்.

அடடே! யார் இந்த ரெஹணா பாத்திமா என்று கேட்கிறீர்களா? இந்த இஸ்லாமிய பெண்தான் சபரிமலையில் நுழைவதற்கு முயற்சி செய்தவர். இவரைச் சுற்றி கேரள காவல்துறை ஐ ஜி தலைமையில் காவல்துறையினர் அரணாக இருந்து கோவிலுக்குள் அழைத்துச் செல்லும் முயற்சியில் ஈடுபட்டனர். அந்த அளவுக்கு இந்த பெண்மணிக்கு பக்தி அதிகமா? ஐயப்பனை பிடிக்குமா? அதெல்லாம் ஒன்றுமில்லை. இந்துக்களை அசிங்கப்படுத்த வேண்டும் இது மட்டுமே இவரின் எண்ணம்.

ரெஹணா பாத்திமா மார்ச் மாதம் ஒரு போராட்டத்தை நடத்தினார். அதில் “என் உடல், என் உரிமை” என்று சொல்லி தனது உடலில் துணியில்லாமல் இரண்டு படங்களை வெளியிட்டார். ஒன்றில் தர்பூசணி பழத்தால் தனது முகத்தை மூடி, மார்பகங்களை திறந்த நிலையில் வைத்து ஒரு படம். தனது முகத்தை காட்டியபடி, தர்பூசணி பழங்களால் தனது மார்பகங்களை மட்டும் மூடியபடி மற்றொரு படம். எப்பேர்பட்ட தியாகம்! இத்தகைய போராட்டங்களை நடத்துவதற்கு தைரியம் தேவையில்லை. வெட்கம், மானம், சூடு, சொரணை ஆகியவை இல்லாமல் இருந்தால் போதும்.

சமீபத்தில் மற்றொரு படம். அதில் நெற்றியில் விபூதி பட்டையுடன், கருப்பு நிறத்தில் உடை, கழுத்தில் துளசி மாலையுடன் காட்சி தருகிறார். ‘அடடே ரொம்ப பக்தி', என்று நினைக்க வேண்டாம். அங்கங்கே துணிகளை விலக்கி தனது துடைகளை காட்டியபடி அமர்ந்த நிலையில் இருந்த தனது படத்தை வெளியிட்டார்.

இந்த பெண்மணியின் பக்திக்கு காவல்துறையினர் மனித கேடயங்களாக சபரி மலைக்கு அழைத்துச் செல்லும் விடியோக்களை பார்க்கும் போது ஆளுகின்ற கேரள அரசின் தரம் நமக்குப் புரிகிறது. இந்தப் பெண் பக்தையின் தரத்தைப் பற்றி மேலும் அறிந்து கொள்ள சமூக வளைத்தளங்களில் அவரது பெயரை வைத்து தேடுங்கள். உங்கள் குடும்பத்தாரிடம் அந்த படங்களை காட்டுங்கள். இந்துக்கள் எவ்வளவு கேவலப்படுத்தப்படுகிறோம் என்பதை அப்போதாவது நம் மக்கள் புரிந்து கொள்ளட்டும். இந்த நிலையில், இந்துக்களின் உணர்வுகளை புண்படுத்தியதற்காக, ரெஹணா பாத்திமாவை கேரள முஸ்லிம் ஜமாத் கவுன்சில் தங்களுடைய சமூகத்திலிருந்து நீக்கியுள்ளது ஆறுதலான விஷயம்.

ஜல்லிக்கட்டு விஷயத்தில் கோர்ட் உத்தரவை தமிழகம் ஏற்றுக்கொள்ளவில்லை. மக்களின் உணர்வுகளை மதித்து சட்டத் திருத்தம் கொண்டுவந்தது அரசு. மசூதிகளில் ஒலிபெருக்கிகள் பயன்படுத்துவதற்கும் நீதிமன்றம் தடை விதித்தது. ஆனால், அந்த தடையை நடைமுறைபடுத்தச் சொல்லி யாரும் வலியுறுத்துவதில்லை.

கேரளத்தில் ஒரு கள்ளக் காதல் ஜோடியை பலர் தாக்குகிறார்கள். அடி உதைகளை தாங்கியபடி அந்த ஜோடி தன் வழியில் நடக்கிறது. சுற்றியிருப்பவர்கள் தொடர்ந்து தாக்குகிறார்கள். இப்படி ஒரு வீடியோ சமூக வளைத்தளங்களில் சில நாட்களுக்கு முன் வலம் வந்தது. கள்ளக்காதல் சட்ட விரோதமல்ல என்று கோர்ட் சொல்லிவிட்டது. கேரள முதல்வர் இத்தகைய ஜோடிகளுக்கு அடைக்கலம் கொடுக்கலாமே! அவர்கள் தங்கியிருக்கும் அறையின் வாசலில் காவல்துறையினரை நிற்க வைத்தாரா? அந்த சட்டத்திற்கு காவலனாக இருக்க முடியாதவர் சபரிமலை சட்டத்திற்கு மட்டும் காவலனாக இருப்பேன் என்பது எந்த நியாயம்?

ஓரின சேர்க்கை குற்றமல்ல என்று கோர்ட் தீர்ப்பு சொல்லிவிட்டது. நாங்கள் பக்க பலமாக இருக்கிறோம் தைரியமாக களத்தில் இறங்குங்கள்', என்று ஓரின சேர்கையாளர்களைப் பார்த்து கேரள அரசு சொன்னதா? ஆனால், சபரிமலைக்கு வரும் பெண் பக்தர்களுக்கு துணையிருப்போம் என்று சொல்வது என்ன நியாயம்.

முட்டையிடும் கோழிகளை கூண்டில் அடைக்கக்கூடாது என்று சமீபத்தில் ஒரு சட்டம் இயற்றப்பட்டுள்ளது. கோழிகளுக்கு பாதுகாப்பு கொடுக்கப்போகிறீர்களா? அல்லது கூண்டுகளுக்கு பாதுகாப்பு கொடுக்கப்போகிறீர்களா?

கேரள கழிவுகளை தமிழக எல்லையில் தொடர்ந்து கொட்டுகிறது கேரளம். இப்படி கொட்டச் சொல்லி எந்த சட்டம் சொல்கிறது?

ஒரு குட்டிக்கதையை படிப்போம்.

ஒரு அரசவை. அரசன் தனது மந்திரிகளுடன் அமர்ந்திருந்தான். அப்போது மந்திரி தனது இருக்கையில் அமர்ந்தவாறு தூங்கிக் கொண்டிருந்தார். அரசருக்கு கோபம்.

‘அரசே! இரவெல்லாம் சரியாக தூங்க முடிவதில்லை. என் மனைவி மிகவும் சத்தமாக குறட்டை விடுகிறாள்', என்று சொன்னார் மந்திரி. பக்கத்தில் இருந்த மற்றவர்களும் தங்களது மனைவியின் மீது இதே குற்றச்சாட்டை சொன்னார்கள்.

‘மனைவிகளால் இவ்வளவு பிரச்னையா? இதற்கு ஒரு முடிவு கட்டுகிறேன். யாரங்கே! எல்லா மனைவிகளையும் கைது செய்து சிறையில் அடையுங்கள். ஆண்கள் நிம்மதியாக தூங்கட்டும். இந்தச் சட்டம் தற்போது முதல் அமலுக்கு வருகிறது', என்றான் அரசன்.

மனைவிகள் சிறையில் அடைக்கப்பட்டனர். அடுத்த நாள் அரசவை கூடியது.

‘அரசே! என் மனைவிக்கு குறட்டை விடும் பழக்கம் இல்லை. ஆனால், அவரையும் சிறையில் அடைத்துவிட்டது புதிய சட்டம்', என்று முறையிட்டான் ஒருவன்.

‘யாரங்கே! குறட்டை விடாத மனைவிகளை விடுதலை செய்யுங்கள்', என்று ஒரு சட்டத் திருத்தம் கொண்டுவந்தான்.

அடுத்த நாள் அவை கூடியது. சோர்வாக அமர்ந்திருந்தார் மந்திரி.

‘அரசே! மனைவியை சிறையில் அடைத்திருப்பதால், நிம்மதியாக தூங்குகிறேன். ஆனால், எனக்கு உணவு சமைப்பது யார்?' என்று புதிய பிரச்னையை கிளப்பினார்.

‘அப்படியா! இதோ புதிய சட்டத் திருத்தம். இனி மனைவிகள் பகலில் வீட்டிலும், இரவில் சிறையில் இருப்பார்கள்', என்றான் அரசன்.

அடுத்த நாள் அவை கூடியது. அப்போது அரசியார் அங்கு வந்தார்.

‘அரசே! மனைவிகள் இருக்கும் சிறையில் நேற்று தங்கினேன். எல்லோரும் தினமும் குறட்டை விடுவதில்லை. சில நேரங்களில் விடுகிறார்கள். சில நேரங்களில் விடுவதில்லை. ஆகையால் அவர்களை சிறையில் அடைப்பது சரியாகாது. அதே நேரத்தில் ஆண்களும் நிம்மதியாக தூங்க வேண்டும். அதற்கு ஒரே வழி, ஆண்களின் காதுகளில் ஈயத்தை காய்ச்சி ஊற்றிவிட்டால், குறட்டை பிரச்னை முடிவுக்கு வரும்', என்றார் அரசி.

‘மிகச் சரியான யோசனை! அடுத்த வாரம் முதல், குறட்டைவிடும் பெண்களின் கணவன்மார்களின் காதுகளில் ஈயத்தை காய்ச்சி ஊற்றுங்கள். சிறையில் இருக்கும் பெண்களை உடனடியாக விடுதலை செய்யுங்கள்', என்றான்.

அடுத்த நாள் விடிந்தது அரசவை சுறுசுறுப்பாக இருந்தது. மந்திரி பேசினார்.

‘அரசே! என் மனைவி குறட்டையே விடுவதில்லை. நான் நிம்மதியாக தூங்கினேன். சிறை அவரை மாற்றிவிட்டது', என்றார் மந்திரி.

‘அரசே! என் மனைவி குறட்டை விட்டாள், ஆனால் அது தாலாட்டு மாதிரி ரம்மியமாக இருந்தது. நன்றாக தூங்கினேன்', என்றான் மற்றொருவன்.

அங்கே அமர்ந்திருந்த சாது எழுந்து பேசினார்.

‘அரசே! எனக்கு திருமணமாகவில்லை. ஆனால், நான் விடும் குறட்டை சத்தத்தில் நானே விழித்துக் கொள்கிறேன். இதற்கு ஏதாவது சட்ட திருத்தம் கொண்டு வர முடியுமா?' என்று கேட்டுவிட்டு அமர்ந்தார் சாது.

அரசனுக்கு பதில் தெரியவில்லை. சாது தன் பேச்சை தொடர்ந்தார்.

‘அரசே! சட்டம் என்பது மக்களை காப்பதற்கும், ஒழுங்கு படுத்துவதற்காகவும் கட்டப்படும் சுவர். ஆனால், ஒரு குட்டிச் சுவரை கட்டிவிட்டு அதை பத்திரமாக பார்த்துக் கொள்வதற்கு மக்களை பயன்படுத்துவது நல்ல அரசுக்கு அழகல்ல. மனைவி குறட்டை விடுகிறாள் என்று சொன்னவுடன், ‘கொஞ்சம் தள்ளிப் படு', என்று சொல்லியிருந்தால் பிரச்னை அத்தோடு முடிந்திருக்கும். சட்டங்கள் மக்களை காப்பாற்ற வேண்டுமே தவிர தங்களுக்காக சட்டத்தை காப்பாற்றும் அபத்தமான நிலைக்கு மக்களை தள்ளாதீர்கள்', என்று சொல்லிவிட்டு நகர்ந்தர் சாது.

வாங்கி வைத்திருக்கும் ஈயத்தை உற்று பார்த்துக் கொண்டிருந்தான் அரசன். ‘ஈயத்தை பார்த்து இளித்ததாம் பித்தளை', என்று ஒரு பழமொழி உண்டு. அரசனைப் பார்த்து இளித்தது ஈயம்.

சமூகத்தையும், சம்பிரதாயங்களையும் புரிந்துகொள்ளும் நிலையில் கேரளம் இல்லை என்பது வருத்தமளிக்கும் உண்மை. திரு. அமித் ஷா சொன்னதைப் போல கேரள அரசு நெருப்போடுதான் விளையாடிக்கொண்டிருக்கிறது. வேண்டுமென்றால், திரு பினராயி விஜயன் அவர்கள் ரெஹனா பாத்திமாவிற்கு ஒரு கோவில் கட்டட்டும், நைவேத்யத்திற்கு நாமும் இரண்டு தர்பூசணி பழங்களை வாங்கி அனுப்புவோம். அதே நேரத்தில் அந்த கோவிலில் தந்திரியாவதற்கு அவர் என்ன தகுதியை வகுக்கப்போகிறார் என்பதை பொறுத்திருந்து பார்ப்போம்.

இறுதியாக, மதுரையிலிருந்து சபரிமலைக்கு சென்ற ஒரு சிறுமி கையில் ஒரு பதாதையோடு நின்றார். அதில், “என்னுடைய 50 வயதிற்கு பின்னர்தான் சபரிமலைக்கு வருவேன்” என்று அதில் எழுதியிருந்தது. “எங்களுக்கு கோர்ட் உத்தரவு எல்லாம் தெரியாது. என்னுடைய மகளுக்கு இப்போது 10 வயது. இனி 50 வயது வரையில் காத்திருப்பார். பின்னர் வந்து அய்யப்பனை தரிசனம் செய்வாள்” என்று அந்த குழந்தையின் தந்தை சொல்லும் போது, எத்தனை பினராயி விஜயன்கள் வந்தாலும் இந்து மதத்தை அழிக்க முடியாது என்று புரிகிறது. இளித்தது ஈயம், வெளுத்தது மதச்சார்பின்மை சாயம். உறங்கிக்கொண்டிருக்கும் இந்து உணர்வு விழித்துக் கொள்ளும் நேரம். விழித்துக் கொள்ளுங்கள்.

- சாது ஸ்ரீராம் (saadhusriram@gmail.com)

]]>
http://images.dinamani.com/uploads/user/imagelibrary/2018/10/29/w600X390/sabarimala.jpg http://www.dinamani.com/editorial-articles/special-stories/2018/oct/29/சபரிமலை-விவகாரம்-இளித்தது-ஈயம்-வெளுத்தது-மதச்சார்பின்மை-சாயம்-3029416.html
3027493 கட்டுரைகள் சிறப்புக் கட்டுரைகள் பாடி பில்டிங் ஆண்களுக்கானது, பெண்ணான நீ அதைச் செய்து என்ன சாதிக்கப்போறே! கேலி செய்தவர்களுக்கு பதிலடி கொடுத்த சாதனையாளர் ரூபி! DIN DIN Friday, October 26, 2018 12:57 PM +0530 ராசிபுரத்தில் அக்டோபர்  ஏழாம் நாள்  நடந்த  உடல்  கட்டமைப்புப்  போட்டியில் அகில இந்திய பெண் அழகியாகத் தேர்ந்தெடுக்கப்பட்டுள்ளவர் சென்னை ஆலம்பாக்கம் அஷ்டலக்ஷ்மி நகரைச் சேர்ந்த ரூபி. உடல் கட்டமைப்பு (Body building) பிரிவில் தங்கப்பதக்கம்  மற்றும் கோப்பையைப் பெற்றிருக்கும்  ரூபி, ஆறு வயதாகும் மகனுக்குத் தாய். இந்த ஆண்டு  தொடக்கத்தில் அஸ்ஸாமில் நடந்த அகில இந்திய போட்டியிலும் உடல் கட்டமைப்புப் பிரிவில் தங்கப்பதக்கம் பெற்றவர் இவர். அடுத்த ஆண்டு ஆசிய அளவில் நடைபெறவுள்ள போட்டியில் இந்தியாவின்  சார்பில்   கலந்து கொள்ளப் போகிறவர்.  

ஆசிரியையாக  இருந்த  ரூபி எப்படி  'பாடி பில்டிங்'   பக்கம் வந்தார்..? ரூபி  விளக்குகிறார்:

'எட்டு   ஆண்டுகளுக்கு முன்  திருமணம். ஓர் ஆண்டில்  மகன் பிறந்தான். பிரசவத்திற்குப் பிறகு பருமனாகிப் போனேன். இதனால், கணவரின் கோபத்திற்கு ஆளானேன்.  சில மாதங்களில்  கணவர்  என்னை விட்டு பிரிந்து சென்று விட்டார். பருமனைக்  குறைக்க, நடக்க ஆரம்பித்தேன். மூன்று மாதம் நடந்ததினால் உடல் பருமன் கொஞ்சம்தான் குறைந்தது. பிறகு 'டோனிங்' செய்து கொள்ள உடல் பயிற்சி நிலையத்திற்குப் போக ஆரம்பித்தேன். அங்குதான் உடல் பயிற்சியில் ஒரு பிரிவான 'பாடி பில்டிங்'  பற்றி  அறிந்தேன். அதில் எனக்கு ஈடுபாடு ஏற்பட, அதற்கான பயிற்சியில் இறங்கினேன். உடல் பயிற்சி செய்வதில் கூந்தல்  இடையூறாக இருக்க, முதல்படியாக ஆசையாக வளர்த்த கூந்தலைக்  கிராப்பாக  மாற்றினேன்.

'ஆரம்பக் காலத்தில் உடல் பயிற்சி நிலையத்தில் என்னை விசித்திரமாகப் பார்த்தார்கள். என்னை யாரும் சட்டை செய்ய மாட்டார்கள். உதவிக்கு அழைத்தாலும் கேட்காதது மாதிரி  இருந்து விடுவார்கள். உடல் பயிற்சிக்கே இத்தனை ஏளனங்கள். 'பாடி பில்டிங்' செய்யணும் என்றதும் 'நீயா பாடி பில்டிங்கா' என்று கேலியாக சிரித்தார்கள். பயிற்சியாளர் ஸ்ரீதர்தான் என்னை ஊக்குவித்தார். உடல் பயிற்சி செய்து உடல் தசைகளை கட்டமைப்பு செய்வதில் கொஞ்சம் கொஞ்சமாக முன்னேறினேன். ஆனால் பிறர் கண்ணுக்கு நான் ஆணாக  மாறி வருகிறேன் என்று தோன்ற ஆரம்பித்துவிட்டது.

வீட்டிலும் அதே கதைதான். பாடி பில்டிங்  ஆண்களுக்கானது.  பெண்ணான  நீ 'பாடி பில்டிங் செய்து என்ன சாதிக்கப்போறே.  அப்படி செய்தால், நீ நீயாக இல்லாமல்  உடல் ரீதியாக  மாறப்போறே'' என்று என் அம்மாவே  கேள்விகளை  எழுப்பினார்.  

'பாடி பில்டிங்'  செய்வதால் பெண்களுக்கான   அழகு,  நளினம்   போய் ஆண் போன்ற தோற்றம் ஏற்பட்டுவிடும் என்று சொல்லப்படுவதில் உண்மையில்லாமல் இல்லை. இந்த' பாடி பில்டிங்'கை சுமார் இரண்டரை ஆண்டுகளாகச் செய்து வருகிறேன். ஜிம்மிற்கு புதிதாக வருபவர்கள்  'ப்ரோ (BRO) கொஞ்சம்  தள்ளுங்க..' என்று  கை வைத்து தள்ளுவார்கள்.  நான் பெண்  என்று தெரிந்தவுடன் 'ஸாரி.. சிஸ்டர்'  என்பார்கள்.   

உடை மாற்ற  பெண்களுக்கான அறைக்கு சென்றால் பையன் என்று நினைத்து ஒதுங்குவார்கள்.  இப்போது போட்டிகளில் வெற்றி பெற்று வருவதால் ஆண் போல  ஆகிவிட்டேன் என்ற விமர்சனங்கள் குறைந்து வருகின்றன.

'திருமணமாகி  குழந்தைப்  பிறந்ததும்  பெண்கள் உடலைப் பேணுவதே இல்லை. 'குழந்தை பிறந்த பிறகு  அழகு போயிருச்சு... அசிங்கமா  தொப்பை வந்திருச்சு.. சதை போட்டிருச்சு..'   என்று புலம்புவாங்க. ஆனால்  எதுவும் எங்கேயும்  போகல. நாம தொலைச்சிட்டோம் அவ்வளவுதான்.  இந்தத்   தப்பை நானும் செய்தேன், பிறகு திருத்திக் கொண்டிருக்கிறேன். அதற்காக எல்லா பெண்களும் 'பாடி பில்டிங்' செய்யுங்க  என்று சொல்லவில்லை.  உடலை கட்டாக வைக்கவில்லை என்றாலும் சீராக வைத்திருக்க தேவையான உடல் பயிற்சிகளை செய்ய வேண்டும். எடை தூக்கினால் கர்ப்பப்பை இறங்கிவிடும். முதுகு வலி வரும்  என்று சொல்வதெல்லாம் ஆதாரமற்றவை. கர்ப்ப காலத்தில் கூட உடல் பயிற்சி செய்யலாம். ஆனால் முறையான பயிற்சியாளர்கள் அறிவுறுத்தலோடு செய்ய வேண்டும். 

உடல் பயிற்சி செய்ய அதிகாலையில் எழுந்திருக்க முடியாதே என்று நினைத்தால் எந்த வேலையையும் செய்ய முடியாது. தொடர்ந்து ஒரு வாரம் அதிகாலையில்  எழுந்துவிட்டால்,  பிறகு தானாக  விழிப்பு வந்துவிடும்.  

மேலும், உடலை சீராக வைத்துக் கொள்ள ’ஸும்பா' நடனப் பயிற்சியாளராகவும் இருக்கிறேன்.  எப்படியும்  ஒரு நாளைக்கு   ஏழு மணி நேரம்  உடல்ரீதியாக உழைக்கிறேன். 

சர்வதேச அளவில் பெண் அழகியாக நான் தேர்ந்தெடுக்கப்பட வேண்டும். அந்த திசையில் பயணப்பட்டுக் கொண்டிருக்கிறேன். போட்டி நாட்களில் மகனையும் அழைத்துப் போவதால் அவனுக்கும் பாடி பில்டிங்கில் ஆர்வம் வந்துள்ளது. வீட்டில்  உடல் பயிற்சி செய்து வருகிறான்.  பெரியவன் ஆனதும் அவனையும் ஆண் அழகனாக்கிப் பார்க்க வேண்டும்'' என்கிறார் ரூபி.

- பிஸ்மி பரிணாமன்

 

]]>
body building, ruby, ரூபி, பாடி பில்டிங் http://images.dinamani.com/uploads/user/imagelibrary/2018/10/24/w600X390/mn2.jpg http://www.dinamani.com/editorial-articles/special-stories/2018/oct/26/பாடி-பில்டிங்-ஆண்களுக்கானது-பெண்ணான-நீ-அதைச்-செய்து-என்ன-சாதிக்கப்போறே-கேலி-செய்தவர்களுக்கு-பதிலடி-3027493.html
3027483 கட்டுரைகள் சிறப்புக் கட்டுரைகள் அன்று முதல் இன்று வரை சமூகத்தில் பெண்கள் சம உரிமையுடன் வாழ்கிறார்களா? Friday, October 26, 2018 11:52 AM +0530
இன்றைய சமூதாயத்தில் ஆண்களுக்கு இணையாக பெண்களும் விளங்குகின்றனர். அரசாங்கம் மற்றும் தனியார் அலுவலகங்களிலும் பெண்கள் பலர் பணியாற்றுகின்றனர். பல நிறுவனங்களில் உயர் பதவி வகிக்கின்றனர். லாரி, பஸ் ஆட்டோ, ரயில்  போன்றவைகள் மட்டுமல்லாமல் ஆகாய விமானங்களையும் ஓட்டுகின்றனர். காவல் துறையிலும், ராணுவத்திலும் சிறப்பாகப் பணியாற்றுவதைக் கண்டு பெருமை அடைகிறோம். ஆண்களுக்கு சமமாக  அனைத்துத் துறைகளிலும்  பணிபுரிந்து வருவதைக் கண்டு மகிழ்ச்சி அடைகிறோம்.

பண்டைய நாளிலும் அரசர்களுக்கு  இணையாக  தேவியர்களும் அமர்ந்து தானங்களை அளித்ததாகச் செப்பேடுகளும், கல்வெட்டுகளும்  எடுத்துக் கூறுகின்றன. ஆண்களைப் போன்று பெண்களும் அதிகாரிகளாக பணியாற்றியுள்ளனர் என்பதைக் கல்வெட்டுகளினால் அறிய முடிகிறது. அரசர்களைப் போல அரசிகளும் திருக்கோயில்களை எடுப்பித்து தானங்களை அளித்துள்ளனர். திருக்கோயில் பணிகளை மேற்கொள்ளவும், திருமுறைகளை ஓதுவதற்கும் பெண்கள் நியமிக்கப்பட்டனர் என்பதை கல்வெட்டுகளினால் அறியமுடிகிறது. 

சென்னைக்கு அருகாமையில் செங்கற்பட்டிலிருந்து திருக்கழுக்குன்றம் செல்லும் சாலையில் 3.கி.மீ. தொலைவில்   வல்லம் என்ற ஊரில்  உள்ள  சிறிய குன்றில்  பல்லவர் கால குடைவரைக் கோயில்கள் மூன்று  உள்ளன.  இதில் வசந்தீசுவரம் எனப்படும் குடைவரைக் கோயில் பல்லவ மன்னன் மகேந்திரவர்மன் காலத்தில்  மகள் லக்கசோமாதிரியார்  (தேவ குலம்) இதனை எடுப்பித்தாள் என்று இங்கு காணும்  கல்வெட்டினால்  அறிய முடிந்தது. இக்கோயில் 'தேவகுலம்' என அழைக்கப்படுகிறது. மற்றொரு கோயில் திருமாலுக்காக  எடுக்கப்பட்டதாகும்.  இக்கோயிலில் காணப்படும் கல்வெட்டில் பல்லவ  பேரரசர் மகள்  'கொம்மை தேவகுலம்'  எனக் குறிப்பிடப்படுகிறது.

இரண்டு கோயில்களும் பல்லவர் காலத்தில் இரண்டு பெண்களால்   தோற்றுவிக்கப்பட்டதை  அறிகிறோம்.

காஞ்சிபுரத்தில் அழகிய  சிற்பங்கள் அடங்கிய  கைலாசநாதர்  கோயில் உள்ளது. இதனை பல்லவ மன்னன்  ராஜசிம்மன்  என்பவன்  தோற்றுவித்தான். இம்மன்னனுடைய அரசி ரங்க பதாகை என்பவள்  அழகின் சிகரம் போன்றவள். கொடி போன்றவள். ராஜசிம்மன்  தோற்றுவித்த  கைலாசநாதர் கோயில் முன்பாக  சிறு ஆலயம் கட்டினாள்.

'நிர்மாபிதம் இதம் தர்ம தயா  சந்திர சிகாமனே
பதாகயேவ  நாரீணாம் ரம்யம்  ரங்க பதாகயா'
எனக் கல்வெட்டு  குறிப்பிடுகிறது.'

இரண்டாம்  விக்ரமாதித்தன் என்ற சாளுக்கிய மன்னன் காஞ்சிபுரத்தின் மீது படையெடுத்தபோது இக்கோயிலின் அழகினைக் கண்டு வியந்து கர்நாடக மாநிலத்தில் பட்டடக்கல் என்ற இடத்தில் இதே போன்று  கோயில் எடுப்பித்தான். அக்கோயில் லோகமகாதேவீச்சுரம் எனப்பட்டது. இன்று விருபாஷர்  கோயில் என அழைக்கப்படுகிறது. இருமாநில  கலை, பண்பாட்டு ஒற்றுமைக்கு சிறந்த  எடுத்துக்காட்டாக  விளங்குகிறது.

சோழர் காலம் கோயிற் கலையின் பொற்காலம்  எனக்குறிப்பிடலாம். இக்காலத்தில்  முத்தரையர்கள்,  இருக்கு வேளிர்,  பழுவேட்டரையர்  போன்ற குறுநில மன்னர்கள்  பல திருக்கோயில்களைக் கட்டியுள்ளனர்.  அரசிகளும் கோயில்களைக் கட்டியுள்ளனர்.  திருச்சிக்கு  அருகே உள்ள திருச்செந்துறை திருக்கோயிலை  'பூதி ஆதிச்ச பிடாரி'  என்ற  பெண் எடுப்பித்தாள் என்பதை அறிய முடிகிறது. 

சோழ மாமன்னன் ராஜராஜ சோழனுடைய (அக்காள்) தமக்கை குந்தவை பிராட்டியார்.  ராஜராஜசோழன்  தன்னுடைய  தமக்கை  மீது அளவற்ற  அன்பும் பாசமும் மதிப்பும் வைத்திருந்த காரணத்தால்  தன் மகளுக்கும்  குந்தவை எனப் பெயரிட்டு மகிழ்ந்தான் அவள் பல திருக்கோயில்களுக்குத் தானம் வழங்கினாலும், திண்டிவனம் அருகே உள்ள  தாதாபுரத்தில்  சிவன், பெருமாள், சமணக் கோயில்களை  எடுப்பித்தாள்.  தனது  தந்தையின் பெயரால்  "சுந்தர சோழ   விண்ணகர்  ஆதுலர் சாலை'  என்ற   மருத்துவமனை எடுத்துள்ளதை ஒரு கல்வெட்டு குறிப்பிடுகிறது.  இதே  போன்று  சோழ பேரரசி செம்பியன் மாதேவியாரும்  முக்கிய இடம்  பெற்று விளங்குகிறார். 

ராஜராஜசோழன்  தஞ்சை  பெரிய கோயிலில்  பணிகளை மேற்கொள்ள,  ஆடல் மகளிர் 400 பேரை  'தளிச்சேரி பெண்டுகளாக'  நியமித்தார்  என்பதை  அறிய முடிகிறது.

சோழர்  காலத்தில் பெண்கள் சம உரிமை பெற்றிருந்ததோடு  அதிகாரிகளாக பணியாற்றியிருக்கிறார்கள் என்பதை அறிய முடிகிறது. அவர்களும் கோயில்களுக்கு தானம் அளிக்கும்  உரிமை பெற்று விளங்கியிருக்கின்றனர். ராஜராஜசோழனின் தேவியான லோகமகாதேவி இட்ட  ஆணையை  எருதன் குஞ்சரமல்லி  என்ற  "அதிகாரிச்சி'  நிறைவேற்றியுள்ளார் என   திருவையாறு கோயில்  கல்வெட்டு குறிப்பிடுகிறது.  

முதலாம் ராஜேந்திர  சோழனின்  மைந்தனான  ராஜாதிராஜன்  காலத்தில் சோமயன் அமித்திரவல்லி என்ற அதிகாரிச்சியும்,  இரண்டாம்  ராஜேந்திரனின் தேவி திரைலோக்கியமுடையாளுக்கு முத்தான  பொன் நங்கை என்ற அதிகாரிச்சியும் பணியில்  இருந்ததை அறிய முடிகிறது.   சோழ அரசில் அதிகாரிகளின் மனைவியர்களும் தானம்  அளித்துள்ளனர் என்று திருமழப்பாடி  கோயில்  கல்வெட்டு  குறிப்பிடுகிறது.

முதலாம் குலோத்துங்க சோழனின்  தேவியாரின் அதிகாரிச்சி பற்றி திருப்புகலூர் கோயில்  கல்வெட்டு  குறிப்பிடுகிறது. எனவே,  சோழர்  காலத்தில் பெண்கள் அதிகாரிச்சிகளாக  பணியாற்றியுள்ளனர்  என்பதை அறியும் பொழுது  அக்கால நிர்வாக  வரலாற்றின்  சிறப்பை உணர முடிகிறது.

திருச்சி அருகே உள்ள குமார வயலூர் அக்னீசுவரசுவாமி கோயிலில் காணப்படும் பராந்தக சோழன் காலக் கல்வெட்டில் அக்கோயிலில் திருப்பதிகங்கள் (தேவாரத் திருமுறைகள்) ஓதுவதற்கு மூன்று பெண்கள் நியமிக்கப்பட்டனர் எனக் குறிப்பிடுகிறது. பொதுவாக திருக்கோயில்களில் ஆண்கள்தான் திருமுறைகள் ஓதுவதற்கு  நியமிக்கப்படுவார்கள். இக்கோயிலில் பெண்கள்  திருமுறைகளை ஓதுவதற்கு  நியமிக்கப்பட்ட  செய்தி  மிகவும்  சிறப்பானது.

விஜய நகர,  நாயக்க  மன்னர்கள் காலத்திலும்  பெண்களுக்கு முக்கிய இடம் அளித்திருப்பதை  அக்கால  சிற்பங்களில்  காணலாம்.  அரசனோடு, அரசியும் உடன் இருப்பதை  சிற்பங்களில் காணலாம்.

மதுரை  நாயக்க  மன்னர்களும்,  சேதுபதி மன்னர்களும்  மதுரை மீனாட்சி அம்மன், இராமநாதபுரம் ராஜராஜேஸ்வரி அம்மன் பிரதிநிதியாக  ஆட்சி செய்து வந்தனர் என்பதை  மதுரைக் கோயில் ஓவியங்கள்,  திருவிழாக்கள், சேதுபதி மன்னர் அரண்மனையில்  காணப்படும்  ஓவியங்களின் மூலம் அறிகிறோம்.

பெண்களுக்கு சிறப்பான இடத்தை அளித்திருக்கிறார்கள் என்பதை கல்வெட்டுகள், சிற்பங்கள், ஓவியங்கள் வாயிலாக அறிந்து மகிழ்ச்சி அடைகிறோம்.

- கி.ஸ்ரீதரன்

]]>
choza, woman, ancient woman, பெண்கள், சோழ நாடு http://images.dinamani.com/uploads/user/imagelibrary/2018/10/26/w600X390/images.jpg http://www.dinamani.com/editorial-articles/special-stories/2018/oct/26/அன்று-முதல்-இன்று-வரை-சமூகத்தில்-பெண்கள்-சம-உரிமையுடன்-வாழ்கிறார்களா-3027483.html
3027482 கட்டுரைகள் சிறப்புக் கட்டுரைகள் மீ டூ மட்டும் போதாது, ஹீ டூ-வும் வேணும்! - சாது ஸ்ரீராம் Friday, October 26, 2018 11:37 AM +0530  

‘என் மீது தவறிருந்தால் வழக்கு போடட்டும். நான் குற்றமற்றவன் என்று நிரூபிக்க என்னிடம் நிறைய ஆதாரங்கள் இருக்கின்றன', ‘மடியில் கனமில்லை, வழியில் பயமில்லை', ‘ நான் தவறு செய்தேன் என்பதற்கு என்ன ஆதாராம்?' இப்படி பல வசனங்கள் சில வாரங்களாக நம் காது துவாரங்களை நிரப்பிக்கொண்டிருக்கின்றன.

‘பெரிய யோக்யன் மாதிரி பேசினாங்களே! இப்ப பாருங்க ஊரே சிரிக்குது', என்று மற்றொரு தரப்பு கிசுகிசுக்களை உரத்த குரலில் பேசுவதையும் கேட்க முடிகிறது. இவையெல்லாம் “மீ டூ' விதையில் முளைத்த விருட்சங்கள். திரைப்படத் துறை, அரசியல்வாதிகள் என்று எல்லோரிடமும் ஒரு கிலியை ஏற்படுத்தியிருக்கிறது. ஆழக் குழிதோண்டி புதைத்த அத்துமீறல்கள், விதைகளாய் நிலத்தை பிளந்துகொண்டு பலரின் தூக்கத்தை கெடுத்துக் கொண்டிருக்கிறது.

‘தவறு நடந்தவுடனே சொல்லாம இத்தனை வருஷம் கழிச்சு ஏன் சொல்லறாங்க? இதுக்கு பின்னாடி யாரோ இருக்காங்க. இவங்களை யாரோ இயக்குறாங்க!' என்று பேசும் அதிபுத்திசாலிகளையும் பார்க்க முடிகிறது.

‘இப்படி குற்றம் சொல்பவர்கள் நியாயமான முறையில் தங்கள் குறைகளை சொல்ல வேண்டும். குற்றச்சாட்டு நியாயமானதாக இருக்க வேண்டும்', என்று ஒரு புதிய அரசியல்வாதி கருத்து சொல்லியிருக்கிறார். குற்றம் நிரூபிக்கப்பட்டால் மட்டுமே அது நியாயமான குற்றச்சாட்டா அல்லது போலியான குற்றச்சாட்டா என்பது தெரியும். ‘நடந்தது என்னவோ தவறுதான், ஆனால் அதை நிரூபிக்க முடியாது', என்ற நிலை இருந்தால், அது நியாயமான குற்றச்சாட்டாக இருக்காதே! அப்படிப்பார்த்தால் ஒரு குற்றச்சாட்டு நியாயமானதா என்பதை உறுதி செய்வதே நீதிமன்றத்தின் தீர்ப்புதான். முதலில் வருவது ‘குற்றச்சாட்டு', அதனைத் தொடர்ந்து வருவது ‘தீர்ப்பு'. குற்றம் சாட்டாமல் தீர்ப்பு வரை ஒரு பிரச்னையை எப்படி கொண்டு செல்வது? எதையாவது சொல்லி பாதிக்கப்பட்டவருக்கு மறைமுகமாக ஆதரிப்பதுதான் இதுபோன்ற அபத்தப் பேச்சு ஆசாமிகளின் முயற்சி.

‘இன்ஸ்பெக்டர், ஒரு பாலியல் புகார் குடுக்க வந்திருக்கேன்”. . . . “தப்பு நடந்து 14 வருஷம் ஆயிடுச்சா?” என்று நக்கலாக ஒரு டிவிட் செய்திருக்கிறார் மரியாதைக்குறிய நாத்திகர் சுப வீரபாண்டியன். பாதிக்கப்பட்டது இவருக்கு தெரிந்த பெண்கள் இல்லை அல்லவா! அதனால் இவர் எப்படி வேண்டுமானாலும் பேசுவார். ஏன் தாமதமாக குற்றம் சாட்டக்கூடாதா? ‘குற்றம் சாட்டப்பட்டவர் அப்படிப்பட்டவர் அல்ல. ஒழுக்க சீலர்' என்று குற்றம்சாட்டப்பட்டவருக்கு ஆதரவாக பேசுங்கள். அதில் தவறில்லை. அப்படியில்லாமல் அடுத்தவரின் பாதிப்பை கொண்டாடாதீர்கள். குறிப்பிட்ட காலத்துக்குப் பின் காலாவதியாவதற்கு ‘தவறு' என்ன மெடிக்கல் ஷாப்பில் வாங்குகிற மாத்திரைகளா? குற்றம் நடந்ததாக சொல்லப்படும் நாட்களில் இது போன்ற சோஷியல் மீடியாக்கல் இல்லையே! அப்படியே சோஷியல் மீடியாக்கள் இருந்தாலும், குற்றம் சுமத்த காலவரையறை வரையறுக்க யாருக்கும் உரிமை இல்லை.

சிலருக்கு பின்னால் ஒளிந்து கொள்ளலாம், சில கொள்கைகளுக்குப் பின்னால் ஒளிந்து கொள்ளலாம் என்ற எண்ணம் மட்டுமே பல பிரபலங்களுக்கு தவறு செய்யும் தைரியத்தை அளிக்கிறது. இந்த சிந்தனைகள் மட்டுமே இன்றுவரை அத்துமீறுபவர்களை காப்பாற்றிக் கொண்டிருக்கிறது. சுதந்திரமாக நடமாட வைக்கிறது. காலம் கடந்த தவறுகளை நீதிமன்றத்துக்கு கொண்டு சென்றால், குற்றத்தை நிரூபிக்க முடியுமா? ஒருவேளை நிரூபிக்க முடியாமல் போனால், நிரூபிக்க முடியாத தவறு குற்றமல்லவே! நடந்தது தவறே அல்ல என்று சொல்ல முடியுமா!

இதை சற்று ஒதுக்கி வைப்போம்.

ஒரு நிறுவனம். அதில் பணிபுரியும் ஒரு பெண்மணிக்கு குறிவைக்கிறார் மிஸ்டர் அப்பாத்துறை. அலுவலக தொலைபேசியிலிருந்து அந்த பெண்மணி அழைத்தார். ‘ நம்ம உச்ச அதிகாரிக்கு உங்க மேல தனிப்பட்ட பிரியம். கொஞ்சம் ஒத்துழைத்தால் . . . . ‘, என்று பேச்சை தொடர்ந்தார். அந்தப் பெண்மணி பிடிகொடுக்கவில்லை. பல யுக்திகளை கையாண்டார், பலனளிக்கவில்லை. இனி நிறுவனத்தில் தொடர்ந்தால் அதிகாரியை எதிர்த்துக் கொண்டு நாட்களை நகர்த்த முடியாது என்று நினைத்தார் அந்தப் பெண்மணி. ஒரு நாள் அந்த பெண்மணி நிறுவனத்திற்கு ‘குட் பை' சொல்லிவிட்டு வெளியேறினார். யாரிடமும் நடந்த விவரங்களை சொல்லவில்லை. வெளியில் சொன்னால் தனக்கே அசிங்கம் என்று நினைத்தார். ஆனால் பிரச்னை நிறுவனத்தின் மேலிடத்திற்கு தெரிந்துவிட்டது. அப்பாத்துறையின் மீதும், உச்ச அதிகாரியின் மீதும் உடனடியாக நடவடிக்கை எடுத்தால் நிறுவனத்தின் பெயர் கெட்டுவிடும்' என்று நினைத்தது நிறுவனம். அதனால் பிரச்னை மூடி மறைக்கப்பட்டது. பாதிக்கப்பட்ட பெண்மணி குற்றம் சாட்டினால் அது “மீ டூ”. ஆனால் அவர் அப்படி செய்யவில்லை. ஆனால் வேடிக்கை பார்த்தவர்கள் குற்றம் சாட்டலாமே! வேண்டுமானல் இப்படிப்பட்ட குற்றச்சாட்டுகளை “ஹீ டூ” என்ற தலைப்பில் பதியலாமா!

தனியார் நிறுவனங்களில் இது போன்ற சம்பவங்கள் அங்கொன்றும் இங்கொன்றுமாய் இன்றும் நடந்து கொண்டிருக்கின்றன. ஆனால் எல்லாத் தவறுகளும் பெரிதுபடுத்தப்படுவதில்லை, தண்டிக்கப்படுவதில்லை. தவறு செய்தவனை தண்டிப்பதால் நிறுவனத்தின் பெயர் கெட்டுப்போகுமா அல்லது தவறு செய்தவன் மீது எந்த நடவடிக்கையும் எடுக்காமல் இருப்பதால் நிறுவனத்தின் பெயர் கெட்டுப்போகுமா? விசாரணைக்கு உட்படுத்தப்படாத தவறுகள் குற்றங்களாக கருதப்படுவதில்லை. சட்டத்தாலும் தண்டிக்கப்படுவதில்லை.

தொடர்ந்து படிக்கும் முன் ஒரு குட்டிக்கதையை படிப்போம்.

ஒரு அரசன். அவனுக்கு இரண்டு மகன்கள். இருவரையும் அழைத்துக் கொண்டு சாதுவின் ஆசிரமத்திற்கு வந்தான்.

‘சாதுவே! என்னுடைய இரண்டு மகன்களையும் ஆசீர்வதியுங்கள். இவர்கள் இருவரும் உலகை தெரிந்து கொள்வதற்காக வெவ்வேறு திசைகளில் பயணிக்க இருக்கிறார்கள். பதினைந்து நாட்களுக்கு பிறகு நாடு திரும்புவார்கள்', என்றான் அரசன்.

இருவரையும் ஆசீர்வதித்தார் சாது. தனது சீடனை அழைத்து ஆசிரமத்திலிருந்து இரண்டு மூட்டைகளை எடுத்து வரச்சொன்னார்.

‘இந்த மூட்டை பயணத்தின் போது உங்களுக்கு உதவும்', என்று சொல்லி ஆளுக்கொரு சிறிய மூட்டையை கொடுத்தார். இருவரும் புறப்பட்டனர். அரசர் நாடு திரும்பினார்.

ஆசிரமத்தில் இருந்த சீடன் ஓடி வந்தான்.

‘குருவே! ஒரு பெரிய தவறு நடந்துவிட்டது. நீங்கள் விபூதி மூட்டையை எடுத்து வரச் சொன்னீர்கள். நான் தவறுதலாக குப்பைத் தொட்டியில் போடுவதற்காக மூட்டையாக கட்டி வைத்திருந்த குப்பை மூட்டைகளை கொடுத்துவிட்டேன்', என்றான் சீடன்.

எதுவும் சொல்லாமல் அமைதியாக இருந்துவிட்டார் சாது.

பதினைந்து நாட்களுக்குப் பிறகு இளவரசர்கள் சாதுவின் ஆசிரமத்திற்கு வந்தனர். அரசன் சாதுவிடம் பேசினான்.

‘ஐயா! இவர்கள் இருவரில் யார் சிறந்தவன் என்பதை சொல்லுங்கள்', என்று கேட்டுக்கொண்டான் அரசன்.

முதலாம் இளவரசன் சாதுவிடம் பேசினான்.

‘ஐயா! நீங்கள் கொடுத்த மூட்டையில் குப்பை இருந்தது. அதிலிருந்து துர் நாற்றம் வீசியது. ஆனால் அதை தூக்கியெறியவில்லை. அது நீங்கள் கொடுத்ததல்லவா! அதை எப்படி தூக்கியெறிய முடியும்? ஆகையால், துர்நாற்றத்தை சகித்துக் கொண்டு நாட்களை நகர்த்தினேன்', என்றான்.

கேட்டுக்கொண்டிருந்த அரசருக்கு பெருமை. முதலாம் இளவரசனை பாராட்டினார். 
அடுத்ததாக இரண்டாம் இளவரசன் சாதுவை வணங்கினான்.

‘ஐயா! பயணம் தொடங்கி சில நிமிடங்களிலேயே இந்த மூட்டையிலிருந்து துர்நாற்றம் வீசத் தொடங்கியது. பிரித்துப் பார்த்தேன். இதில் குப்பை இருந்தது. அதை வீசியெறிந்துவிட்டு பயணத்தை தொடர்ந்தேன்', என்றான்.

அரசருக்கு கோபம்.

‘ நீ செய்தது தவறு. சாது எதைச் செய்தாலும் அதில் ஒரு அர்த்தம் இருக்கும். அவரது அனுபவமும் அறிவும் அப்படிப்பட்டது. அவர் கொடுத்த மூட்டையை தூக்கியெறிந்துவிட்டதால், நீ அவரது அனுபவத்தை பயன்படுத்திக்கொள்ள தவறிவிட்டாய். அவரை அவமதித்துவிட்டாய். அந்த மூட்டை உன் பயணத்திற்கு உதவாமல் போய்விட்டது', என்றார் கோபத்தோடு.

சிரித்தான் இரண்டாம் இளவரசன்.

‘தந்தையே! யார் கொடுத்தாலும் சரி, எவ்வளவு விலையுயர்ந்த பாத்திரத்தில் கொடுத்தாலும் சரி, குப்பை குப்பைதானே! அதை ஏன் நான் சுமக்க வேண்டும்?', என்றான் அவன்.

அரசனின் கோபம் தலைக்கேறியது. சாது பேசினார்.

‘அரசே! யாரிடமாவது மரியாதையும், அன்பும் வைத்திருப்போமேயானால், அதை அவர்களிடம் மட்டுமே வெளிப்படுத்த வேண்டும். அவர்கள் வீட்டு குப்பைகளிடம் வெளிப்படுத்த வேண்டிய அவசியமில்லை. குப்பையை குருவாக நினைத்தாலும் தவறு. குருவை குப்பையாக நினைத்தாலும் தவறு. கொடுக்க வேண்டியவனுக்கு மறுக்கப்படும் மரியாதையும், கொடுக்கக் கூடாதவனுக்கு கொடுக்கப்படும் மரியாதையும் பயனற்றுப் போகும். இதை உணர்ந்தவன் சிறந்தவன். உணராதவன் உணர்ந்தபின் சிறந்தவன்', என்று சொல்லிவிட்டு நகர்ந்தார் சாது.

சொல்ல வந்த விஷயம் ரொம்ப சிம்பிள். கலைத்துறையை நமக்கு பிடிக்கலாம், ஆனால் அதில் நடக்கும் தவறுகளையும், தவறு செய்பவர்களையும் சேர்த்து ஏற்றுக் கொள்ளக்கூடாது. அலுவலகமோ, அரசியலோ அதிகாரத்தை ஏற்றுக் கொள்ளலாம், அதோடு சேர்த்து தவறுகளையும் ஏற்றுக் கொள்ளக்கூடாது.

இன்னும் சில இடங்களில் நூலுக்கு ஊசியே இடம் கொடுக்கிறது. இருதரப்பும் ஏற்றுக் கொண்டதால், தவறு சரியாகிவிடாது. சட்ட புத்தகத்தில் குறிப்பிடாவிட்டாலும் ஒழுங்கீனமான விஷயங்கள் தவறுதான். சட்டத்தால் தண்டிக்க முடியாதவற்றை செய்பவர்களை சாதாரண மக்களாகிய நாம் அஹிம்சை வழியில் தண்டிக்க வேண்டும். இத்தகைய குற்றச்சாட்டுகளை சட்டம் கவனித்துக் கொள்ளட்டும். நம் பங்கிற்கு அத்தகையவர்களை பொது வாழ்க்கையிலிருந்தும், உயர் பதவியிலிருந்தும் அகற்றும் வகையில் அவர்களை புறக்கணிப்போம். அவர்கள் கலந்து கொள்ளும் நிகழ்ச்சிகளை புறக்கணிப்போம். இவர்களுடனான தனிப்பட்ட உறவுகளையும் உதறுவோம்.

சட்டம் என்பது “அலிபாபாவும் நாற்பது திருடர்களும்” திரைப்படத்தில் வரும் குகை மாதிரிதான். குகையின் பாஸ்வேர்ட் தெரிந்தவர்களுக்கு உள்ளே சென்று வெளிவருவதில் எந்த பிரச்னையும் இருப்பதில்லை. பாஸ்வேர்ட் மறந்தவர்கள் உள்ளே மாட்டிக்கொண்டால் தலையில்லாமல் தலைகீழாக தொங்க வேண்டியதுதான். அப்பாத்துறைக்கும், அலிபாபாவுக்கும் பாஸ்வேர்டு பிரச்னைகள் வருவதில்லை. மற்றவர்கள் மாட்டிக்கொண்டு விழிக்க வேண்டியதுதான்.

ஒரு புகழ்பெற்ற அரசியல் தலைவரிடம் ஒரு கேள்வி கேட்கப்பட்டது.

‘கடவுள் உங்கள் முன் தோன்றினால் என்ன வரம் கேட்பீர்கள்?' என்று கேட்டார் அந்த பத்திரிக்கையாளர்.

‘நான் மீண்டும் குழந்தையாக மாற வேண்டும். எந்த தவறுமே செய்யாத ஒரு புதிய வாழ்க்கையை மறுபடியும் வாழ வேண்டும்', என்று வரம் கேட்பேன் என்று பதிலாகச் சொன்னார். இது அனுபவம் தந்த பதில். இந்த பதிலால் அந்தக் கேள்வி முக்கியத்துவம் பெற்றது என்றுகூட சொல்லலாம். நேர்மையான, ஒழுக்கமான வாழ்க்கை தரும் சுகங்களை உணர்ந்த பேச்சு இது. இவையெல்லாம் நமக்கெல்லாம் தெரிந்த விஷயங்கள்தான். கொஞ்சம் கஷ்டப்பட்டு செயல்படுத்திவிட்டால் போதும். வாழ்க்கை சொர்க்கமாகிவிடும். ஒழுக்கமில்லாதவனுக்கு இதன் அருமை புரியும், ஒழுக்கமானவனுக்கு இதன் பெருமை தெரியும். ஒழுக்கமில்லாதவனை புறக்கணிப்போம், ஒழுக்கத்தை நோக்கி நம் நகர்வை தொடர்வோம். ஒழுக்கமில்லாதவர்களை அதிகாரத்திலிருந்தும், பொது வாழ்க்கையிலிருந்தும் அகற்றும் சிந்தனையை வளர்த்துக் கொள்வோம்.

- சாது ஸ்ரீராம்
saadhusriram@gmail.com
 

]]>
http://images.dinamani.com/uploads/user/imagelibrary/2018/10/15/w600X390/metoo.jpg http://www.dinamani.com/editorial-articles/special-stories/2018/oct/26/மீ-டூ-மட்டும்-போதாது-ஹீ-டூ-வும்-வேணும்-3027482.html
3026901 கட்டுரைகள் சிறப்புக் கட்டுரைகள் துள்ளித் திரிந்த அந்தச் சிறுமி ஏன் ஒரேயடியாக அமைதியாகிவிட்டாள்? மனதை உருக்கும் உண்மை சம்பவம்! - டிவைன் ஒலிவா Thursday, October 25, 2018 04:31 PM +0530 கீதாவின் குடும்பத்தினர் அவளை வேலை செய்ய அனுப்பும் போது அவளுக்கு வயது வெறும் பன்னிரெண்டுதான்.

விதி விளையாடிய அந்த நாளுக்கு முன்னதாக, அமைதியான அந்த கிராமத்தில் மகிழ்ச்சியாக, சுதந்திரமாக பறந்து செல்லும் ஒரு பறவையைப் போல எப்போதும் உற்சாகத்தோடு தனக்கு இருந்த மகிழ்ச்சியை மற்றவர்களுக்கும் பரப்புகிற இளம் சிறுமியாகத் தான் கீதாவும் இருந்தாள்.

அந்த கிராமத்தில் துறுதுறுப்பான, உற்சாகம் எப்போதும் பொங்கி வழியும் துடிப்பான பெண்ணாக அவள் இருந்தாள். பிறருக்கு தீங்கு விளைவிக்காத அவளது சேட்டைகளும், குறும்புத்தனமும் அவளது பெற்றோர்களையும் மற்றும் அவளது தோழிகளையும் வாய்விட்டு சிரித்து மகிழுமாறு செய்ய ஒரு போதும் தவறியதில்லை. அவளது கள்ளங்கபடமற்ற மனதிலிருந்து பொங்கி வழிகிற சிரிப்பு அருகில் இருப்பவர்களையும் தொற்றிக் கொள்வதில் ஆச்சரியம் இல்லை. ஆனால், அவளது அம்மாவுக்கோ பொறுப்பு இருந்தது. அம்மாவைப் பொறுத்தவரை அவர்களது சொந்த நலனுக்காக சிறுமிகளும், இளம் பெண்களும் அதிகமாக பார்க்கப்படவோ அல்லது கேட்கப்படவோ கூடாது; தனது சின்னஞ்சிறு பெண் குழந்தையை கீதாவின் அம்மா அதிகம் நேசித்ததோடு எச்சரிக்கை உணர்வோடு அவளை பாதுகாத்தார். சத்தம் போடாமல் அமைதியாக இருக்குமாறும் மற்றும் 'ஒரு பொண்ணு போல இருக்கணும்’ என்றும் அவளது அம்மா எப்போதும் கீதாவிடம் கண்டிப்பாக கூறுவதுண்டு. ஆனால், இதற்கு கீதாவிடமிருந்து பதிலாக வெளிப்படுவது ஒரு மனம்விட்ட சிரிப்பும் உடனடியாக வீட்டுக் கதவின் வழியாக வெளியே ஓடிவிடுவதும்தான். கீதாவின் பெற்றோர்களான அந்த இளம் தம்பதியர் தங்களால் முடிந்தவரை சம்பாதிக்கிற சொற்ப பணத்தைக் கொண்டு அதிலேயே மன நிறைவோடு வாழ்ந்து வந்தனர். அந்த கிராமத்திலுள்ள பள்ளியில் கூட கீதா சேர்க்கப்பட்டாள். அம்மாவின் மடிக்கு பிறகு இந்த பூமியில் அவளுக்கு அதிகம் பிடித்த இடம் என்றால், அது அந்த பள்ளி தான்.

குடும்பத்தில் வேலைக்குச் சென்று சம்பாதித்த ஒரே நபரான கீதாவின் தந்தை சதீஷ் கடும் நோய்வாய்ப்பட்ட போது அந்த குடும்பத்தை சோகமும், துரதிர்ஷ்டமும் ஒன்று சேர்ந்து தாக்கியது. சற்று தூரத்திலுள்ள நகரத்திலுள்ள மருத்துவமனையில் சிகிச்சை எடுத்தால் அது அவரை காப்பாற்ற முடியும் என்றாலும் அதற்கு பணம் தேவைப்பட்டது. ஆனால் அவர்களுக்கு அதற்கான பணம் இல்லாதது தான் பிரச்னை. கிராமத்தில் தெரிந்தவர்களிடமெல்லாம் கீதாவின் அம்மா லட்சுமி உதவி செய்யுமாறு கேட்டுப் பார்த்தார். அப்போது அவளது கஷ்டநிலையை அனுதாபத்தோடு கேட்டு பரிதாபப்பட்ட குமார் என்ற ஒரு கனிவான மனிதர் அவளை அணுகினார். சிறிது நேரம் யோசித்ததற்குப் பிறகு ஒரு யோசனையை கீதாவின் அம்மாவிற்கு கூறினார். அருகில் உள்ள ஒரு கிராமத்தில் ஒரு பூந்தோட்டத்தில் வேலை செய்வதற்கு கீதாவை அனுப்பி வைக்க வேண்டும் என்ற நிபந்தனையை ஏற்றுக் கொண்டால் எளிதாக கடன் கிடைக்கும் என்று அவர் கூறினார். அவள் தங்குவதற்கும் சாப்பிடுவதற்கும் உரிய ஏற்பாடுகள் செய்யப்படும் என்றும் அதுமட்டுமன்றி சதீஷ் சுகமாகி மீண்டும் வேலைக்கு செல்லும் வரை அவள் வேலை செய்யும் காலம்வரை வாராவாரம் கூலியும் அவள் குடும்பத்திற்கு கிடைக்கும் என்றும் கூறினார். புருசனுக்கு மருத்துவ செலவுக்கு பணம் அவசியமாக இருக்கிற நிலைக்கும் மற்றும் கடனாக வாங்கும் பணத்திற்கு பதிலாக தனது அன்புக்குரிய மகளை வேறிடத்திற்கு அனுப்புவது என்ற இந்த இரண்டில் ஏதாவதொன்றை தேர்வு செய்ய வேண்டிய கட்டாயம் லட்சுமிக்கு மனக்கஷ்டத்தையும், குழப்பத்தையும் தந்தது. ரொம்ப நேரம் யோசித்த பிறகு, இறுதியில் மகளை வேலைக்கு அனுப்புவது என்று லட்சுமி முடிவு செய்தார். இந்த திட்டத்தைப் பற்றி கீதாவிடம் கூறிய போது அவளுக்கு அது பெரும் மனக்கஷ்டமாக இருந்தது. தந்தையை விட்டு வேறிடத்திற்கு செல்ல, அதுவும் குறிப்பாக அவர் சுகமில்லாமல் இருக்கும்போது, அவள் விரும்பவில்லை. தனது குடும்பத்தையும், தோழிகளையும் விட்டுச் செல்வதற்கு அவளுக்கு மனதே இல்லை. எனினும், அந்த இடைத்தரகர் விடுவதாக இல்லை. அந்த அழகான பூந்தோட்டத்தில் செய்ய வேண்டியதெல்லாம் வண்ண வண்ண பூக்களை சேகரித்து அதை கட்டி அனுப்பும் எளிதான வேலை மட்டுமே என்று திரும்ப திரும்ப கீதாவிடம் அவர் சொன்னார். அங்கு ஜாலியாக இருப்பது மட்டுமில்லாமல் அவளது அப்பா சுகமாகி மீண்டு வருவதற்கும் அவளால் உதவமுடியுமென்றும் அந்த நபர் பக்குவமாக வலியுறுத்தினார். திரும்ப திரும்ப கூறப்பட்ட இந்த பசப்பு வார்த்தைகளுக்கு பிறகு, அந்த இடைத்தரகரின் வார்த்தைகளுக்கும் மற்றும் அவளது அம்மாவின் வேண்டுகோளுக்கும் கீதா சம்மதிக்கும்படியாக ஆயிற்று. அவளது அப்பா குணமடைந்தவுடன் உடனடியாக அவளை அழைத்துவர தான் கட்டாயமாக வருவேன் என்று லட்சுமி சத்தியம் செய்தார். இந்த சின்னஞ்சிறு சிறுமியை வேலைக்கு அழைத்து செல்வதற்கு பதிலாக ரூ.20,000/- என்ற கடன் தொகை முன்பணமாக தரப்பட்டது. ஆறுதல் தரும் வகையில் கூறப்பட்ட இன்னும் பல வாக்குறுதிகளுக்கு பிறகு, கலங்கிய கண்களுடன் உணர்ச்சிப்பூர்வமாக பெற்றோரை கட்டித்தழுவிய கீதா, அந்த இடைத்தரகரோடு ஒரு பேருந்தில் தனது அழிவை நோக்கி புறப்பட்டாள்.

தனது புருஷனை மீண்டும் சுகமாக்கி நடமாட வைக்க வேண்டுமென்று லட்சுமி அர்ப்பணிப்பு உணர்வோடு, வேண்டியதெல்லாம் செய்ய நாட்கள் கடந்தன. கீதாவை அழைத்துச் சென்ற இடைத்தரகரான ரவி, உடனடியாக யாருக்கும் சந்தேகம் வராமல் தவிர்ப்பதற்காக கிராமத்துக்கு திரும்ப வந்து சில காலம் அங்கேயே சுற்றி திரிந்தார். லட்சுமிக்கு அவ்வப்போது, சிறு தொகையை தந்ததோடு கீதா மகிழ்ச்சியாகவும், பாதுகாப்பாகவும் இருப்பதாக உறுதி கூறினார். சதீஷ் முழுமையாக சுகமானவுடன் கீதாவைப் பார்க்க பெற்றோர்கள் இருவரையும் அழைத்துச் செல்வதாக அவன் வாக்குறுதி அளித்தான்.

சில நாட்கள் கழித்து, அந்த இடைத்தரகரான ரவியை எங்குமே பார்க்கமுடியவில்லை. அதைத் தொடர்ந்து சந்தேகம் வந்ததால் அச்சத்தோடும், பரிதவிப்போடும் பெற்றோர்கள் காவல்துறையை அணுகி புகாரளித்தனர். அருகிலுள்ள கிராமங்களிலெல்லாம் கீதாவை தேடி அவர்கள் கவலையோடு அலைந்தனர். ஆனால் எந்த தடயமுமில்லாமல் இருக்குமிடமே தெரியாமல் கீதா காணாமல் போய்விட்டாள்.

தங்களது பாசத்துக்குரிய குழந்தை எங்கிருக்கிறாள் என்ற எந்த செய்தியும் இல்லாமலே நாட்களும், மாதங்களும் அவர்களுக்கு கடந்துபோயின. இறுதியாக, 3 ஆண்டுகளுக்குப் பிறகு, அநேகமாக கீதாவாக இருக்கக் கூடும் என்று கருதப்படுகிற ஒரு இளம்பெண், ஒரு செங்கற்சூளையில் வேலை செய்து வருவதை பார்த்ததாக லட்சுமியும், சதீஷும் கேள்விப்பட்டார்கள்.

தங்களது மகள் கீதா நன்றாக இருப்பாளென்ற எதிர்பார்ப்போடும், நம்பிக்கையோடும், அவள் இருக்கிறாள் என்று கூறப்பட்ட இடத்திற்கு பெற்றோர்கள் உடனே சென்றனர். ஆனால் அங்கு அவர்கள் பார்த்த காட்சி அவர்களது எதிர்பார்ப்புக்கு நேர்மாறாக இருந்தது. 

மெலிந்து, எலும்பும்தோலுமாக இருந்த ஒரு இளம்பெண், செங்கல்களை அடுக்கிக் கொண்டிருந்தாள். கனமான, சொரசொரப்பான செங்கற்களை பிடிப்பதற்கு குச்சி போன்று மெலிந்த விரல்கள் விரிந்து பரந்திருந்தன. ஒவ்வொரு கையிலும் ஒரு செங்கலை பிடித்து, அதை முறையாக அடுக்கும் வேலையில் அவள் ஈடுபட்டிருந்தாள். அவள் அணிந்திருந்த தொளதொள குர்தா, அந்த கடும்வெயிலில் பணியாற்றுவதால் ஏற்படும் அதிக வியர்வையில் நனைந்து வியர்வை கறைபிடித்ததாக காணப்பட்டது. அவளது தலைமுடியில் எண்ணெயே வைக்கப்படவில்லை. கடுமையான வெயிலில் நீண்ட மணி நேரங்கள் வேலை செய்ததாலும், சரியான ஊட்டச்சத்துள்ள உணவு கிடைக்காததாலும் அவளது தலைமுடியானது வறண்டு, சிக்குப் பிடித்து ஒரு ரப்பர்பேண்டு சுற்றப்பட்டு படுமோசமாக இருந்தது. உற்சாகமும், ஆனந்தமும் நிறைந்த அதே மகளாக, சுற்றியிருப்பவர்கள் அனைவரையும் சிரிக்க வைக்கக் கூடிய அதே பெண்ணாக இவள் இருக்க முடியாதென்று தோன்றியது. அந்த பெண் கீதாவாக இருக்க வேண்டுமென்று அதிர்ச்சியில் உறைந்த அந்த தாயின் ஒரு பாதி மனது திரும்ப மற்றொரு பாதியோ அவளாக இது இருக்கக் கூடாதென்று நம்பச் சொன்னது. வற்றிப்போன உடலோடு, இருந்த அந்த பெண்ணை அச்சத்தோடே லட்சுமி அருகில் நெருங்கினார். கீதா திரும்பி பார்த்து அவர்களை நோக்கி வலியுடன் நொண்டி நொண்டி நடந்து வரும்போது அந்த அப்பாவித் தாயின் மோசமான அச்சங்கள் உறுதி செய்யப்பட்டன. அவர்களது ஆசை மகளின் நடையில் முன்பிருந்த துள்ளலோ, துடிப்போ இல்லை; அவளது உதடுகளில் எந்நேரமும் தவழ்கிற திரைப்பட பாடல்களின் இசை இல்லை.  

அவளது அம்மா சிறுவயதில் திரும்ப திரும்ப வலியுறுத்துகின்றவாறே கீதா இப்போது கண்டறியப்பட்டிருக்கிறாள்: அமைதியான பெண்ணாக! மகிழ்ச்சியையும், உற்சாகத்தையும், வாழ்வின் வசந்த காலத்தையும், பேச வார்த்தைகள் எதுவுமில்லாமல் அவையனைத்தையும் தொலைத்துவிட்டு மௌனத்தில் ஆழ்ந்திருக்கிற ஒரு பெண்ணாக!!

- டிவைன் ஒலிவா

]]>
child abuse, கொத்தடிமை, bonded labor, child labour, girl child protection, save girls, குழந்தை கொத்தடிமை http://images.dinamani.com/uploads/user/imagelibrary/2018/10/25/w600X390/geetha.jpeg http://www.dinamani.com/editorial-articles/special-stories/2018/oct/25/stop-child-abuse-and-bonded-child-labor-3026901.html
3026898 கட்டுரைகள் சிறப்புக் கட்டுரைகள் திருமண வரன் தேடும் இணையதளத்தில் பதிவு செய்திருப்போர் கவனத்துக்கு.. ENS ENS Thursday, October 25, 2018 03:42 PM +0530  

சென்னை: வழிப்பறி, கொலை, கொள்ளை என நாள்தோறும் திருடர்கள் புதிய புதிய யுக்திகளைக் கையாண்டு வருகின்றனர். எவ்வளவுதான் விழிப்போடு இருந்தாலும் ஏமாற்றுபவர்கள் இருக்கும் வரை ஏமாறுபவர்களும் இருக்கத்தான் செய்கிறார்கள்.

இதையெல்லாம் எதற்கு சம்பந்தமே இல்லாமல் திருமண வரன் தேடும் இணையதளத்தில் பதிவு செய்திருப்போருக்கு சொல்கிறோம் என்று நீங்கள் புருவத்தை உயர்த்தலாம்.

விஷயம் இருக்கிறது, சென்னையைச் சேர்ந்த ஒரு இளைஞரை, திருமண வரன் தேடும் இணையதளத்தின் மூலம் தொடர்பு கொள்வதாகக் கூறி பேசிய பெண், தனது குடும்பத்தார் இளைஞரைப் பார்க்க விரும்புவதாகக் கூறி அழைத்து, அவரிடம் இருந்த செல்போன், ஏடிஎம் அட்டை, தங்க நகைகளைக் கொள்ளையடித்துள்ளார்.

அதாவது, காளிசரண் (42) என்பவர் திருமண வரன் தேடும் இணையதளத்தில் தனது தகவல்களைப் பதிவு செய்துள்ளார். ஒரு பெண் காளிசரணை தொடர்பு கொண்டு தனது குடும்பத்தார் காளிசரணை நேரில் பார்க்க விரும்புவதாகக் கூறி ஒரு முகவரியைக் கொடுத்து அங்கு வருமாறுக் கூறியுள்ளார்.

அந்த முகவரி ஒரு சர்வீஸ் அப்பார்ட்மென்ட். அங்கு காளிசரண் சென்ற போது ஒரு பெண்ணும், 43 ஆண்களும் இருந்துள்ளனர். அவர்கள் அப்பெண்ணின் உறவினர்கள் என முதலில் காளிசரண் நினைத்துள்ளார். பிறகுதான், அவர்கள் கொள்ளைக் கும்பலைச் சேர்ந்தவர்கள் என்று தெரிந்து கொண்டார். கத்தி முனையில் காளிசரணிடம் இருந்து பணம், நகை, ஏடிஎம் அட்டையைப் பிடுங்கிக் கொண்டனர். மிரட்டி ஏடிஎம்-மின் பின் எண்ணையும் வாங்கியுள்ளனர். இது குறித்து காவல்துறையினர் வழக்குப் பதிவு செய்து விசாரித்து வருகிறார்கள்.
 

]]>
http://images.dinamani.com/uploads/user/imagelibrary/2018/9/4/w600X390/actress-swathi-wedding-29.jpg http://www.dinamani.com/editorial-articles/special-stories/2018/oct/25/திருமண-வரன்-தேடும்-இணையதளத்தில்-பதிவு-செய்திருப்போர்-கவனத்துக்கு-3026898.html
3026895 கட்டுரைகள் சிறப்புக் கட்டுரைகள் 20 தொகுதிகளுக்கு இடைத்தேர்தல் நடந்தால்.. என்னவெல்லாம் நடக்கும்?? Thursday, October 25, 2018 03:14 PM +0530
தமிழகத்தில் 18 எம்எல்ஏக்கள் தகுதி நீக்கம் செய்து சபாநாயகர் பிறப்பித்த உத்தரவு செல்லும் என்று சென்னை உயர் நீதிமன்றம் இன்று அதிரடித் தீர்ப்பை அளித்துள்ளது.

இதன் மூலம், தமிழக அரசுக்கு இருந்த மிகப்பெரிய நெருக்கடி நீங்கியதாக அதிமுகவினர் கொண்டாடினாலும், கடந்த சட்டப்பேரவைத் தேர்தலில் ஜெயலலிதா பெற்ற 18 தொகுதிகளை பழனிசாமி அரசு இழந்துள்ளது என்று தீர்ப்பின் மறுபக்கம் பற்றி கவலை கொள்கிறார்கள் தீவிர தொண்டர்கள்.

கடந்த 2016ம் ஆண்டு நடைபெற்ற தமிழக சட்டப்பேரவைத் தேர்தலில் மொத்தமுள்ள 234 தொகுதிகளில் அதிமுக 136 தொகுதிகளை வென்று ஆட்சியமைத்தது. இதில் தனியரசு, தமீமும் அன்சாரி, கருணாஸ் ஆகிய மூவரும் அடங்குவர். 

ஆனால், முன்னாள் முதல்வர் ஜெயலலிதா மரணம் அடைந்ததை அடுத்து அவரது ஆர்.கே. நகர் தொகுதியில் நடந்த இடைத் தேர்தலில் டிடிவி தினகரன் வெற்றி பெற்றதை அடுத்து, அதிமுகவின் பலம் 135 ஆகக் குறைந்தது.

திருப்பரங்குன்றம் தொகுதியில் போட்டியிட்டு வெற்றி பெற்ற அதிமுக எம்எல்ஏ ஏ.கே. போஸ் மரணம் அடைந்ததை அடுத்து இந்த சரிவு 134 ஐ தொட்டது.

தற்போது அதிமுக சின்னத்தில் போட்டியிட்டு வெற்றி பெற்ற 18 எம்எல்ஏக்களை தகுதி நீக்கம் செய்தது செல்லும் என்று சென்னை உயர் நீதிமன்றம் அளித்திருக்கும் தீர்ப்பின் மூலம், சட்டப்பேரவையின் பலம் 214 ஆகவும், அதிமுகவின் பலம் 116 ஆகவும் குறைந்துள்ளது. 

இதில் சபாநாயகர் தனபாலை நீக்கிவிட்டால் சட்டப்பேரவையில் அதிமுகவின் பலம் 115 மட்டுமே. இந்த 115 பேரில் 109 எம்எல்ஏக்கள் முதல்வர் எடப்பாடி பழனிசாமி அரசுக்கு பக்கபலமாக இருப்பது உறுதி. கருணாஸ் உட்பட 3 எம்எல்ஏக்களும் டிடிவி தினகரனுக்கு ஆதரவாக பேசி வருகிறார்கள்.

ஒருவேளை தமிழக சட்டப்பேரவையில் பெரும்பான்மையை நிரூபிக்க, பழனிசாமி அரசு நம்பிக்கை வாக்கெடுப்புக் கோரினால், மொத்தமுள்ள 214 இடங்களுக்கு 108 ஓட்டுகளைப் பெற வேண்டும். இந்த இடத்தில் பழனிசாமி அரசுக்கு 109 எம்எல்ஏக்களின் ஆதரவு உறுதியாகியிருப்பதால், அரசு கவிழும் என்ற பேராபத்து எல்லாம் இப்போதைக்கு இல்லை. ஒருவேளை மீதமுள்ள 6 அதாவது 115ல், 109 போக மீதமுள்ள 6 எம்எல்ஏக்களும் நம்பிக்கை வாக்கெடுப்பில் வேறுகட்சிக்கு வாக்களித்தால், அவர்களும் தகுதி நீக்கம் செய்யப்படுவார்கள்.

இதெல்லாம் சரி, காலியாக இருக்கும் 20 தொகுதிகளுக்கும் இடைத்தேர்தல் நடத்தப்பட்டால்? ஆம். அங்குதான் பல சித்துவேலைகள் நடக்க வாய்ப்பு உள்ளது. அதாவது 20 தொகுதிகளுக்கு இடைத் தேர்தல் அறிவிப்பு வெளியானதும் அனைத்துத் தொகுதிகளிலும் போட்டியிடுவோம் என்று அதிமுக, பாஜக என அனைத்துக் கட்சித் தலைவர்களும் கூறிவிட்டனர்.

தமிழகத்தில் தற்போது காலியாக இருக்கும் 20 தொகுதிகளுக்கும் இடைத் தேர்தல் நடத்தப்பட்டால் 20 தொகுதிகளிலும் வெற்றி பெறாவிட்டாலும், பழனிசாமி தலைமையிலான அதிமுக அரசு குறைந்தபட்சம் 9 தொகுதிகளையாவது வென்றே ஆக வேண்டும். அப்போதுதான் 234 இடங்களைக் கொண்ட சட்டப்பேரவையில் 118 தொகுதிகளுடன் குறைந்தபட்ச பெரும்பான்மையை பெற முடியும்.

ஒரு வேளை திமுக 20 தொகுதிகளிலும் வெற்றி பெற்றுவிட்டால் என்னவாகும்? சட்டப்பேரவைத் தேர்தலில் 98 இடங்களில் வெற்றிபெற்றிருந்தது திமுக. அதன் தலைவர் கருணாநிதி உயிரிழந்ததால், தற்போது திமுகவின் பலம் 97 ஆக உள்ளது. 

முதலில் கேட்டது போல 20 தொகுதிகளில் வெற்றி பெற்றாலும் ஒன்றும் ஆகாது, தற்போது 97 இடங்களை வைத்திருக்கும் திமுக, 20 தொகுதிகளை வென்றால் கூட, திமுகவுக்கு ஒட்டுமொத்தமாக 117 இடங்கள்தான் கிடைக்கும். குறைந்தபட்ச பெரும்பான்மை இடமான 118க்கு ஒரு இடம் குறைவாக இருக்கும். அப்போதும் தனிப்பெரும்பான்மை கிடைக்காது.

எனவே, 20 தொகுதிகளுக்கு இடைத் தேர்தல் நடத்தப்பட்டு அதில் கிடைக்கும் வெற்றி - தோல்வியின் அடிப்படையில் என்னவெல்லாம் நடக்கும் வாய்ப்பு உள்ளது என்பதை நாம் ஓரளவுக்கு அலசி ஆராய்ந்து விட்டோம். 

இனி நடப்பதை பொறுத்திருந்து பார்ப்போம்.
 

]]>
http://images.dinamani.com/uploads/user/imagelibrary/2018/6/27/w600X390/125975-124048-tn-assembly.jpg http://www.dinamani.com/editorial-articles/special-stories/2018/oct/25/20-தொகுதிகளுக்கு-இடைத்தேர்தல்-நடந்தால்-என்னவெல்லாம்-நடக்கும்-3026895.html
3023621 கட்டுரைகள் சிறப்புக் கட்டுரைகள் பாழாய்ப்போன கவனக்குறைவால் கண்ணிமைக்கும் நேரத்திற்குள் நிகழ்ந்து முடிந்த விபரீதங்கள்! கார்த்திகா வாசுதேவன் Saturday, October 20, 2018 01:17 PM +0530  

மும்பை மெட்ரோ ரயிலில் குழந்தையுடன் ரயிலைப் பிடிக்கச் சென்ற அம்மா... ரயில் கிளம்பிய வேகத்தில் கை நழுவி குழந்தை தடுமாறி ரயிலடியில் விழ... அம்மா ரயிலிலும் குழந்தை ரயிலுக்கு அடியிலுமாகச் செல்லத்தொடங்க ஆபத்பாந்தவன் போல ரயில்வே காவல் அதிகாரி ஒருவர் ஓடி வந்து குழந்தையைக் காப்பாற்றினார். இந்தக் காட்சி காணொளியாக்கப்பட்டு யூடியூபில் பதிவேற்றப்பட நேற்று பதைபதைப்புடன் பலரும் இதைக் கண்டு இணையத்தில் மீண்டும் மீண்டும் பகிர்ந்திருக்கிறார்கள். மிகச்சிறிய கவனக்குறைவு... குழந்தையை அழைத்து வரும் அம்மா முதலில் குழந்தையை உள்ளே அனுப்பி விட்டு அதே வேகத்தில் கவனத்துடனும், விரைவுடனும் தானும் உள்ளே ஏறியிருக்க வேண்டும். இங்கே அம்மா ஏறியதும் கை நழுவியதன் காரணம் குழந்தை விளையாட்டுத்தனமாக அம்மாவின் கையை அழுத்தமாகப் பற்றாததாலும் இருக்கலாம். அல்லது அம்மா ஏதோ யோசனையுடன் குழந்தையின் கரத்தை சரியாகப் பற்றாததாலும் இருக்கலாம். கவனக்குறைவு இரண்டு பக்கமும் இருந்தாலும் காவலர் கவனிக்காமல் விட்டிருந்தால் பாதிப்பு குழந்தைக்கு மட்டுமேயாக இருந்திருக்கும். அது எத்தனை மனவேதனை தரத்தக்க விபத்தாக இருந்திருக்கும்? யோசித்துப் பாருங்கள். இந்த ஒரு விஷயம் தான் என்றில்லை.

பலநேரங்களில் இப்படியான கவனக்குறைவு பலரது வாழ்வில்... வாழ்நாள் முழுமைக்குமாக பெருந்துக்கத்தில் ஆழ்த்தி விடத்தக்க துயர விபத்தாக மாறி விடுவதுண்டு.

15 வருடங்களுக்கு முன்பு நட்பு வட்டத்தில் ஒரு சினேகிதிக்கு குழந்தை பிறந்தது. தலைச்சன் குழந்தை ஆண்குழந்தையாகிப் போனதில் அவளது மாமியார் வீட்டில் அனைவரும் பேரானந்தத்திலும், கொண்டாட்டத்திலும் மூழ்கி இருந்தனர். பிறந்த அடுத்தாம் மாதத்தில் தாயின் அருகே கட்டிலில் உறங்கிக் கொண்டிருந்த குழந்தை கட்டிலில் இருந்து நழுவி கீழே விழுந்ததில் குழந்தைக்கு ஒரு வருடமாகியும் தலை நிற்கவில்லை என்பதோடு குழந்தை தவழத்தொடங்கவும் இல்லை. பொத்தாம் பொதுவில் அனைவரையும் பார்த்துச் சிரித்ததே தவிர தாய் முகம், தந்தை முகம் எனத் தனித்தனியாகப் பார்த்துக் குழந்தை சிரிக்கவே இல்லை என்ற வருத்தம் குடும்பம் மொத்தத்திற்கும் வரத் தொடங்கியது. சில குழந்தைகள் எட்டு எடுத்து வைக்க ஒரு வயதாகும். ஆனால் இந்தக் குழந்தை கடைசி வரை எட்டெடுத்து வைக்கவே இல்லை. காரணம் மூன்றாம் மாதத்தில் குழந்தை கீழே விழுந்ததில் அதற்கு மஸ்குலர் டிஸ்ட்ரபி பாதிப்பு ஏற்பட்டிருந்ததை அவர்கள் கவனிக்க மறந்திருந்தார்கள். அதன் விளைவு அந்தக் குழந்தை தான் உயிரோடு இருந்த 14 வயது வரையிலும் எல்லோரையும் பார்த்துச் சிரித்துக் கொண்டே... உயிரை விட்டது. ஆம் அந்தக் குழந்தை அதன் மனதில் என்ன நினைத்திருக்கக் கூடுமென்று கடைசி வரை அதன் அம்மாவிற்கு மட்டுமல்ல யாருக்குமே தெரிந்திருக்க வாய்ப்பில்லை. அந்தக் குழந்தை தவழவில்லை, நடக்கவில்லை, பேசவில்லை, உயிரோடிருந்தவரை சும்மா வெறுமனே தன் கண்ணெதிரே வரும் முகங்களைப் பார்த்து சிரிக்க மட்டுமே செய்தது. சாப்பிட, இடம் பெயர, இயற்கைக் கடன் கழிக்க... எல்லாவற்றுக்குமே அதற்கு யாருடைய துணையாவது தேவைப்பட்டுக் கொண்டே இருந்தது. இது பெற்றோரை எத்தனை மனவருத்தத்தில் ஆழ்த்தியதோ அதே அளவு கனத்துடன் குடும்பத்தினர் அத்தனை பேரையுமே மனக்காயத்தில் ஆழ்த்தியது.

மூன்றாம் மாதத்தில் குழந்தை கட்டிலில் இருந்து எப்படி விழுந்ததென்றால்... குழந்தையின் தாய், தான் சுவரோரம் படுத்துக் கொண்டு, ஒருமாதக் கைக்குழந்தை தானே, உருண்டா விழுந்து விடப்போகிறது என்றெண்ணி குழந்தையை தன்னைத் தாண்டி படுக்க வைத்து விட்டு இந்தப் பெண் அசதியில் கண்ணசந்திருக்கிறார். எந்தத் தாயும் செய்யக்கூடாத பிழை இது! ஆனால், விதி அந்தப் பெண் அப்படிக் கண்ணசந்து விட்டார். குழந்தையை யாரிடமாவது ஒப்படைத்து விட்டு இவர் தூங்கியிருந்தால் அவர்களாவது குழந்தையைக் கவனித்துக் கொண்டிருந்திருப்பார்கள். அதனால் தான் குழந்தை கட்டிலை விட்டு நழுவியது. அது கடைசியில் உயிர்ப்பலியில் போய் முடிந்திருக்கிறது. மிகச்சிறிய கவனக்குறைவு எவ்வளவு பெரிய துக்கத்தில் போய் முடிந்திருக்கிறதெனப் பாருங்கள்!

இப்படியான கவனக்குறைவுகளைத் தவிர்த்தே ஆக வேண்டிய கட்டாயம் நமக்கிருக்கிறது.

ஏனென்றால், மேற்கண்ட உதாரணங்கள் மட்டுமல்ல... கவனக்குறைவு காரணமாக மீண்டுமொரு மனதை உழுக்கும் சம்பவமொன்று கடந்த வாரத்தில் வில்லிவாக்கம் பகுதியில் நிகழ்ந்திருக்கிறது. 

வில்லிவாக்கம் பகுதியில் இன்றைக்கும் பெரும்பாலான மக்கள் தங்களது குடிநீர்த்தேவைக்கு தண்ணீர் லாரிகளை நம்பியே வாழ்கிறார்கள். அந்தத் தண்ணீர் லாரிகள் இன்ன நேரத்தில் தான் வரும் என்று சொல்ல முடியாது. கடந்த வாரம் அதிகாலையில் தண்ணீர் லாரி வரவே ஒரு பெண்மணி அரக்கப்பரக்க எழுந்து தண்ணீர் பிடிக்க வீட்டை விட்டு வெளியில் வந்திருக்கிறார். கூடவே அவரது 1 வயது குழந்தையும் அம்மாவுடன் வீட்டை விட்டு தெருவில் இறங்கியிருக்கிறது. குழந்தை இருப்பது தெரியாமல் தண்ணீர் லாரி நகரவே குழந்தை அந்த இடத்திலேயே லாரியில் அடிபட்டு துள்ளத் துடிக்க இறந்திருக்கிறது.  குழந்தை அடிபட்டது தெரிந்தோ, தெரியாமலோ லாரி தன்பாட்டில் நகர்ந்துகொண்டே இருக்க... இறந்த குழந்தையை கையிலேந்தியபடி அதன் அம்மா லாரியின் பின்னால் கண்ணீருடன் நீதி கேட்டு ஓடிய காட்சி அங்கிருந்த சர்வைலன்ஸ் கேமிராவில் பதிவாகி ஊடகங்களில் செய்தியானது. இதுவும் கூட கவனக்குறைவால் நிகழ்ந்த விபத்து தான். ஆனால், இந்த கவனக்குறைவுக்கு யாரைக் குற்றவாளியாக்குவது? தண்ணீர் லாரியின் ஓட்டுநரையா? குழந்தையின் அம்மாவையா? அல்லது அனுதினமும் தண்ணீருக்காக தன் மக்களைக் காத்திருக்க வைத்து பெரும் அல்லாட்டத்தில் ஆழ்த்தியுள்ள நம் மாநில அரசையா?

யாரைக் குற்றம் சாட்டினாலும் இழந்த உயிர் மீளப்போவதில்லை.

எனவே இங்கே கவனக்குறைவு தான் முதலில் தவிர்க்கப்பட வேண்டிய அத்யாவசியப் பிரச்னையாக நம் முன் விஸ்வரூபமெடுத்து நிற்கிறது.

சில மாதங்களுக்கு முன்பு சென்னையில் போக்குவரத்து நெரிசல் மிகுந்த சாலையொன்றில் இரு சக்கர வாகனத்தில் சென்ற கல்லூரி மாணவிகள் இருவர் நடைபாதையோரம் சென்று கொண்டிருந்த பயணிகளை இடிக்காமலிருக்கும் பொருட்டு வாகனத்தை சாலையின் உட்புறம் நோக்கித் திருப்ப முயல அந்தப் பக்கம் மிதமான வேகத்தில் வந்து கொண்டிருந்த லாரி ஒன்றின் மீது மோதிக் கீழே விழ நேர்ந்தது. இந்தச் சம்பவத்தில் லாரி ஓட்டுநர் பொறுப்புமிக்க நபராகவும் நிதானமானவராகவும் இருந்த காரணத்தால் மட்டுமே லாரியின் முன் சக்கரத்தின் கீழ் சிக்க இருந்த மாணவியின் தலையும் உடலும் தப்பியது. அவர் மட்டும் உடனடியாக பிரேக்கை அழுத்தியிரா விட்டால் அந்த இரு மாணவிகளில் ஒருவர் துரதிருஷ்டவசமாக பலியாகி இருப்பார். இதுவும் கூட மாணவிகளின் கவனக்குறைவால் நொடி நேரத்தில் நிகழ்ந்த விபத்து தான். ஆனால், லாரி ஓட்டுநர் பிரஞ்சையுடன் இருந்ததால் மாணவிகள் உயிர் தப்பினர். இங்கு மாணவிகள் சற்று விவேகத்துடன் சிந்தித்திருந்தால் பின்புறம் கனரக வாகனம் வந்து கொண்டிருக்கும் போது சற்றும் யோசியாமல் வாகனத்தை சாலையின் குறுக்கே ஒடித்து திருப்பி ஓட்ட முயற்சித்திருக்க மாட்டார்கள். இம்மாதிரியான நேரங்களில் ஒரு தரப்பினரில் யாராவது ஒருவர் கவனத்துடன் இருந்தாலும் போதும் விபத்தை தவிர்த்து விடலாம் என்பதற்கு இந்த சம்பவம் நல்லதொரு உதாரணம்.

கவனக்குறைவு ஏன் நிகழ்கிறது? பெரும்பாலான நேரங்களில் நாம் நமது பிரச்னைகளிலோ அல்லது துக்கங்களிலோ வெகு அபூர்வமாக சில நேரங்களில் சந்தோஷங்களிலோ மூழ்கிப் போய் கடந்தகாலத்திலோ, அல்லது எதிர்காலத்திலோ வாழ்ந்து கொண்டு நிகழ்காலத்தை மறப்பதினால்!

ஒரே ஒரு நொடியில் கண்ணிமைப்பதற்குள் இப்படியான விபத்துகள் நடந்து நம்மை காலத்துக்கும் மாளாத்துயரில் ஆழ்த்தி விடுகின்றன.

எனவே கவனக்குறைவைத் தவிர்ப்போம்... வாழ்க்கை துயரங்களைக் குறைப்போம் என்ற உறுதிமொழியை ஒவ்வொரு நொடியும் மனதில் தியானிப்போம்!

]]>
CARELESS, CARELESS ATTITUDE, ACCIDENTS, LIFE THREATS, AVOID CARELESS ATTITUDES, கவனக்குறைவு, கவனக்குறைவைத் தவிருங்கள், விபத்து, வாழ்க்கைத் துயரங்கள், வாழ்க்கை அச்சுறுத்தல்கள், http://images.dinamani.com/uploads/user/imagelibrary/2018/10/20/w600X390/careless.jpg http://www.dinamani.com/editorial-articles/special-stories/2018/oct/20/life-threats-created-simply-by-humans-careless-attitudes-3023621.html
3022989 கட்டுரைகள் சிறப்புக் கட்டுரைகள் இணைந்த கைகள்: அன்புச் சகோதரர்களாக பின்னிப் பிணையும் ஆசியாவும் ஐரோப்பாவும்! - திருமலை சோமு  Friday, October 19, 2018 04:13 PM +0530
நீண்ட கால வரலாற்றுப் பிணைப்பு கொண்ட ஆசியாவும் ஐரோப்பாவும் வெவ்வேறு பாரம்பரிய கலாச்சார சூழல்கள், பல்வேறு சர்ச்சைகள், கருத்துவேறுபாடுகள் என தனித்தனியாக இயங்கி கொண்டிருந்தாலும்  உலகம் முழுவதும் இப்போது அமைதி, கூட்டு ஒத்துழைப்பு மற்றும் பரவலான வளர்ச்சி போன்ற தேடல்களின் மையப்புள்ளியில் இணைய வேண்டிய கட்டாயம் இருக்கிறது. 

எனவே அவ்வப்போது அமைப்பு ரீதியாக, ஒன்றிணைந்து கூட்டு விவாதம் மூலம் சர்வதேச முன்னேற்றங்கள் மற்றும் பொது அமைதி, கூட்டு வளர்ச்சி குறித்து உலக நாடுகள் சிந்தித்து வருகின்றன. அந்த வகையில் ஆசியாவும் ஐரோப்பாவும் இணைந்து  ASEM ஆஸம் மன்றத்தை உருவாக்கி வர்த்தகம், முதலீடு, பாதுகாப்பு, சுற்றுலா உள்ளிட்ட பல்வேறு விசயங்கள் குறித்து பேசி கூட்டாக கைகோர்த்து புதிய ஒப்பந்தங்களை உருவாக்கி வருகின்றன.  

ASEM ஆசம் மன்றத் தோற்றம்
ஐரோப்பா மற்றும் ஆசியாவிற்கும் இடையேயான பரஸ்பர ஒத்துழைப்பை வளர்ப்பதற்கு ஒரு பிராந்திய மன்றமாக நிறுவப்பட்டது தான் ASEM என்ற இந்த அமைப்பு..  இதில் வடகிழக்கு மற்றும் தெற்காசியாவில் இருந்து 17 உறுப்பு நாடுகளும், ஐரோப்பிய ஒன்றியத்தில் இருந்து 28 கூட்டாளிகளும் ஒருங்கிணைக்கப்பட்டன. இந்த இரண்டு பிராந்தியங்களின் ஒருங்கிணைப்பு ஒரு புதிய உலக மேலாண்மையை சமநிலைப்படுத்துதுவதற்கான சாத்தியத்தை கொண்டுள்ளது.

ஆசிய பசிபிக் கட்டமைப்பு,  பொருளாதார வளர்ச்சி,  அரசியல் சூழல், சர்வதேச வர்த்தகத்தில் புதிய மாற்றங்கள், ஆசிய மற்றும் ஐரோப்பிய நாடுகளுக்கு முக்கிய காரணியாக உள்ள ஆசிய பொருளாதார வளர்ச்சி, மற்றும் கூட்டு ஒத்துழைப்பு ஆகியவற்றை மேம்படுத்துதல், உள்ளிட்ட நோக்கில் உருவாக்கப்பட்டதுதான் ASEM  மன்றம். இதன் முதலாவது கூட்டம் 1996ம் ஆண்டு மார்ச் மாதம் பாங்காக்கில் நடைபெற்றது.

1990 களின் தொடக்கத்தில் சோவியத் ஒன்றியத்தின் சிதைவுகளால் ஏற்பட்ட பனிப்போர் முடிவு, சர்வதேச உறவுகளுக்கு குறிப்பிடத்தக்க விளைவைக் கொடுத்தது. முந்தைய காலங்களில் நிகழ்ந்ததைப் போலவே, கருத்தியல் முரண்பாடு ஏற்படாதவண்ணம் நாடுகள் அல்லது குழுக்கள் ஒருவரோடு ஒருவர் நல்லுறவு கொள்ளத் தீர்மானித்தன. வெவ்வேறு தத்துவார்த்த மற்றும் அரசியல் பின்னணி கொண்ட பல நாடுகளும் தங்கள் தேசிய நலன்களை பெற தீவிரமாக ஒத்துழைக்க வேண்டும் என 1996 இல் ASEM வலியுறுத்தியது.
அரசியல் மற்றும் பொருளாதார பின்னணி
1989-ம் ஆண்டில், ஆசிய மற்றும் பசிபிக் பிராந்தியத்தில் 12 நாடுகள் இணைந்து ஆசிய பசுபிக் பொருளாதார ஒத்துழைப்பு (APEC) என்ற ஒரு மன்றத்தை அமைத்தன. இது ஐரோப்பாவிடையே ஒரு கலக்கத்தை ஏற்படுத்தியது. இதன் விளைவாக ஐரோப்பா, ஆசியாவுடனான தன் உறவை பலப்படுத்த வேண்டும் என்ற நோக்கில் ஆசிய நாடுகளை அணுகி ஆசிய நாடுகளில் பிராந்திய அமைப்பு ஒத்துழைப்புக்கு அடித்தளமிட்டது. இதையடுத்து ஆசியாவிற்கும் ஐரோப்பாவிற்கும் இடையே வலுவான உறவு தேவை என்பதை அரசியல் ரீதியாக உணர்ந்து வேகமான மாற்றம் மற்றும் இறுக்கமான போட்டியின் செயல்பாட்டின் மத்தியில் பல்வேறு துறைகளில் ஒத்துழைப்பு கட்டமைப்பை உருவாக்குவதன் நோக்கில் தொடங்கப்பட்டது இந்த அமைப்பு. 

சமூக கலாசாரப் பின்னணி
ஆசியாவிலும் ஐரோப்பாவிலும் ஒருவரையொருவர் புரிந்துகொள்வதற்கும் ஒன்றாக இணைந்து செயல்படுவதற்கும் நீண்டகால உறவு ஒரு முக்கிய வழிமுறையாகும். வரலாற்று பக்கங்கள் கொஞ்சம் கசப்புணர்வை கொடுத்தாலும் காலனித்துவ காலத்திலிருந்து பிறகு பல ஐரோப்பிய நாடுகள் ஆசியா பற்றி ஒரு புரிதலை உருவாக்க, முனைப்பு காட்டின. ஆசிய ஆய்வுகள் மையங்களும் ஐரோப்பாவில் வேகமாக வளர்ந்து வருகின்றன. இதேபோல் ஆசியாவிலும் ஐரோப்பாவின் பல்வேறு கலாச்சார அம்சங்கள் சமூக அரசியல் கட்டமைப்பு போன்றவற்றை உள்வாங்கி கொண்டுள்ளன. அந்த வகையில் நூற்றாண்டுகளாக சகோதரத்துவத்துடன் விளங்கக் கூடிய ஆசியா - ஐரோப்பாவிற்கும் இடையே ஒரு விரிவான மற்றும் பல கலாசார ஒத்துழைப்பை உருவாக்கவும்  பிராந்திய அமைதி மற்றும் உலக சமாதானத்தை அடையவும் ASEM ஒரு பெரிய வாய்ப்பைக் உருவாக்கியுள்ளது.

ASEM ஆசம் மாநாடுகள்
ASEM ஆசம் என்ற இந்த அமைப்பு 3 முக்கிய கொள்கைகளை அடிப்படையாக கொண்டுள்ளன. 1) அரசியல் பாதுகாப்பு, (2) பொருளாதாரம் வர்த்தக முதலீடு, (3) கலாச்சாரம் மற்றும் பிற துறைகளில் ஒத்துழைப்பு. இதன் அடிப்படையில் இயங்கும் ASEM மன்றத்தின்  8வது ASEM உச்சிமாநாடு கடந்த 2010ம் ஆண்டு அக்டோபர் மாதம் 4 மற்றும் 5ம் தேதிகளில் பிரஸ்ஸல்ஸில் நடைபெற்றது. அப்போது ரஷ்யா, ஆஸ்திரேலியா மற்றும் நியூசிலாந்து ஆகியவை முறையாக ASEM மன்றத்தில் ஏற்றுக்கொள்ளப்பட்டன.

ASEM மன்றத்தின் 12 வது மாநாடு
உலக சமாதானம், 3 பில்லியனுக்கும் அதிகமான மக்கள் நலன்களை அதிகரித்தல், அதுமட்டும் இல்லாமல்  உலகில் மிக உயர்ந்த அளவில் நாகரீகம் வளர்ச்சியடைந்த பகுதியாக அறியப்பட்டிருக்கும் இடங்களில் வாழும் மக்களுடன் ஒரு அறிமுகமாதல், நட்பை அதிகரித்தல்,  அறிவை வளர்த்துக்கொள்ளுதல், புரிந்து கொள்ளுதல்.  "தனித்துவமான" உறவு மேம்பாடு, கூட்டாளிகளுடன் "ஒற்றுமையை ஊக்குவித்தல் என பல நோக்கங்களுடன் செயல்பட தொடங்கிய இந்த அமைப்பின் 12 வது மாநாடு இம்மாதம் 18 மற்றும் 19ம் நாள்களில் பெல்ஜியம் நாட்டின் பிரஸ்ஸல்ஸ் நகரில் நடைபெற்றது. 2 நாட்கள் நடைபெற்ற இந்த மாநாட்டில் வர்த்தகம், முதலீடு, பாதுகாப்பு, சுற்றுலா ஆகிய துறைகள் குறித்து ஆசிய, ஐரோப்பிய நாடுகள் பேச்சுவார்த்தை நடத்தின.

இதில் 51 ஐரோப்பிய மற்றும் ஆசிய நாடுகளின் தலைவர்கள் மற்றும் உயர் அதிகாரிகள் கலந்து கொண்டனர். இந்தியாவின் சார்பில் துணைக் குடியரசுத் தலைவர் வெங்கய்ய நாயுடு கலந்து கொண்டார். சீனாவின் சார்பில் சீன தலைமை அமைச்சர் லீ கெச்சியாங் கலந்து கொண்டார். பெல்ஜியம் மன்னர் பிலிப், பிரதமர் சார்லஸ் மைக்கேல் மாநாட்டில் கலந்து கொள்ள வந்திருந்த பல்வேறு நாட்டு தலைவர்களையும் சிறப்பான முறையில் வரவேற்றார்.

இம்மாநாட்டில் பல்வேறு பிரச்னைகள் குறித்து விவாதிக்கப்பட்டு, ஒன்றோடு ஒன்று அரசியல் நம்பிக்கையை வளர்க்க வேண்டும் என்ற கருத்தை சீனா முன்வைத்தது. சீனா - ஐரோப்பிய நாடுகளுக்கிடையேயான உறவு வலுப்படுவதன் மூலம் ஆசிய - ஐரோப்பிய கண்டங்களுக்கிடையே உள்ள வர்த்தக பரிமாற்றம் மேம்படும். விரைவில் சீன முதலீட்டு உடன்படிக்கை கையொப்பம் இடப்படும் எனவும் இம்மாநாட்டில் நம்பிக்கை தெரிவிக்கப்பட்டுள்ளது. 

சர்வதேச விவகாரங்களில் இதுபோன்ற கூட்டமைப்புகள் மற்றும் மன்றங்கள் மூலம் மேற்கொள்ளப்படும் கூட்டு முயற்சியினால் உலக அளவிலான நல்ல மாற்றங்களையும் முன்னேற்றங்களையும் எட்ட முடியும் என்பதில் சிறிதும் சந்தேகம் இல்லை. 

இத்தகைய  மாற்றங்களுக்கு முன்னேற்றங்களுக்கும் ஆசியாவின் மிகப்பெரிய வளரும் நாடுகளான சீனாவும் இந்தியாவும் முழு ஒத்துழைப்பு தரவேண்டிய அவசியம் இருக்கிறது. சீனா தொழில் வளர்ச்சி மற்றும் பொருளாதார முன்னேற்ற பாதையில் சீரான வளர்ச்சி பெற்று பயணித்துக் கொண்டிருக்கும் நிலையில் இப்படியான கூட்டு முயற்சியின் மூலம் உலநாடுகளின் எல்லா பகுதிகளிலும் சீரான வளர்ச்சிப் போக்கை கொண்டு சேர்க்க ஒத்துழைப்புடன் செயல்பட வேண்டிய தேவை ஏற்பட்டுள்ளது. ஐரோப்பிய ஒன்றியத்தின் மிகப்பெரிய லட்சியமான ஆசியாவுடன் வர்ந்த்தக ஒப்பந்தம் நிறைவேறுவதற்கும் இது பெரிதும் உதவியுள்ளது. இந்நிலையில் ஆசிய - ஐரோப்பிய தொடர்பு  மற்றும் மானியப் பரிமாற்றத்தை முன்னேற்றுவது குறித்து சீனா கருத்தில் கொண்டுள்ளது. அதுபற்றி இம்மாநாட்டில் சீனத் தலைமை அமைச்சர் லீக்கெச்சியாங் பன்நாட்டு தலைவர்களுடன் விவாத்தித்துள்ளார் என்பது குறிப்பிடத்தக்கது.

- திருமலை சோமு

]]>
http://images.dinamani.com/uploads/user/imagelibrary/2013/5/17/22/w600X390/handshake.jpg http://www.dinamani.com/editorial-articles/special-stories/2018/oct/19/இணைந்த-கைகள்-அன்புச்-சகோதரர்களாக-பின்னிப்-பிணையும்-ஆசியாவும்-ஐரோப்பாவும்-3022989.html
3021567 கட்டுரைகள் சிறப்புக் கட்டுரைகள் மனித வணிகத்திற்கு எதிரான சட்டம்! உடனடி மற்றும் அத்தியாவசியத் தேவை ரெணி ஜேக்கப். Tuesday, October 16, 2018 12:39 PM +0530  

மனித வணிகம் என்ற சொற்றொடருக்கு ஒரு நாடு அல்லது பகுதியிலிருந்து வேறொன்றுக்கு, வழக்கமாக கட்டாய வேலை அல்லது வர்த்தக நோக்கில் பாலியல் தொழிலில் ஈடுபடுத்துவது என்ற நோக்கங்களுக்காக சட்ட விரோதமாக மக்களை கொண்டு செல்வது / கடத்துவது என அகராதியில் பொருள் வரையறை செய்யப்படுகிறது. மனித வணிகம் என்பது என்ன என்று இந்த பொருள் வரையறையே மிக தெளிவாக எடுத்தியம்புகிறது.

தவறாக பயன்படுத்துவதற்காக சிறார்களை பணிக்கு ஆட்சேர்ப்பு செய்தல், போக்குவரத்து, மாற்றுகை, ஒளித்து தங்க வைத்தல் அல்லது பெறுதல் ஆகிய செயல்பாடுகள் சிறார்களின் / குழந்தைகளின் மனித வணிகத்தில் இடம்பெறுகிற செயல்பாடுகளாகும். குழந்தைகளின் வர்த்தகரீதியிலான பாலியல் சுரண்டல் என்பது பல வடிவங்களை எடுக்கலாம்; விபச்சாரத்திற்குள் ஒரு குழந்தையை பலவந்தமாக ஈடுபடுத்துதல் அல்லது வேறு வடிவங்களிலான பாலியல் செயல்பாடுகள் அல்லது குழந்தைகளை இடம்பெற செய்கிற ஆபாச படங்கள் ஆகியவை இதில் உள்ளடங்கும். குழந்தைகளை தவறாக பயன்படுத்துவதில், கட்டாய வேலை அல்லது சேவைகள், அடிமைத்தனம் அல்லது அடிமை வேலைகள் போன்ற நடைமுறைகள், உடல் உறுப்புகளை அகற்றுதல், சட்ட விரோதமாக வெளிநாடுகளுக்கு தத்து கொடுத்தல், சிறுவயதிலேயே திருமணத்திற்காக கடத்துவது. குழந்தை படைவீரர்களாக செயல்படுவதற்கு ஆட்சேர்ப்பு, பிச்சையெடுத்தல் அல்லது விளையாட்டுகளுக்கு பயன்படுத்துவதற்காக ஆட்சேர்ப்பு (ஒட்டக ஜாக்கி அல்லது கால்பந்தாட்ட வீரர்  போன்ற செயல்பாட்டுக்கு) ஆகியவையும் சிறார்களை தவறாக பயன்படுத்தலில் இடம் பெறுகின்றன. குழந்தைகளை தவறான நோக்கங்களுக்காக கடத்துபவர்கள் குழந்தைகளது பெற்றோர்களின் கடுமையான ஏழ்மையை தங்களுக்கு சாதகமாக பயன்படுத்திக் கொள்கின்றனர். தாங்கள் வாங்கிய கடனை அடைப்பதற்கு அல்லது வருவாய் ஈட்டுவதற்கு பெற்றோர்கள் இத்தகைய நபர்களிடம் தங்களுடைய குழந்தைகளை விற்கக் கூடும் அல்லது தங்களது குழந்தைகளுக்கு சிறப்பான வாழ்க்கை மற்றும் திறன் பயிற்சிக்கான வாய்ப்புகள் வழங்கப்படும் என்ற ஆசை வார்த்தைகளினால் பெற்றோர்கள் ஏமாற்றப் படக் கூடும். வேலை, பாலியல் செயல்பாடுகள் அல்லது சட்ட விரோத தத்தெடுப்பு ஆகிய நோக்கங்களுக்காகவும் பெற்றோர்கள் அவர்களது குழந்தைகளை விற்கக் கூடும்.

உலகெங்கிலும், 4.5 மில்லியன் நபர்களின் பாலியல் நோக்கங்களுக்கான மனித வணிகம் பாதிக்கிறதென்று சர்வதேச தொழிலாளர் அமைப்பு குறிப்பிடுகிறது. இதில் சிக்கி பாதிக்கப்படுபவர்களுள் அநேகர் கட்டாயப்படுத்தப்படுகிற அல்லது சித்திரவதைக்கு ஆளாக்கப்படுகிற சூழ்நிலைகளில் சிக்கி தவிக்கின்றனர். இவற்றிலிருந்து தப்பிப்பது சிரமமானது மட்டுமல்ல; ஆபத்தானதும் கூட.

பாலியல் சுரண்டலுக்காக / தொழிலில் ஈடுபடுத்துவதற்காக ஆட்கடத்தல் செய்வதென்பது, உடல் ரீதியாக நிர்ப்பந்தித்தல், ஏமாற்றுதல் மற்றும் கட்டாயப்படுத்தப்படுகிற கடன் வழியாக அடிமைத்தனத்தில் சிக்க வைத்தல் போன்றவற்றை பயன்படுத்தி பாலியல் தொழிலுக்காக நாடுகளுக்குள் மற்றும் நாடுகளுக்கிடையே மக்களை, வழக்கமாக பெண்களை ஒழுங்கமைப்பு முறையின்கீழ் இடம்பெயரச் செய்வது என்றே முன்பு கருதப்பட்டது.

பாலியல் தொழிலுக்கான மனித வணிகத்தில், குடிபெயர்தலை ஏற்பாடு செய்வதற்கு அல்லது அனுமதிப்பதற்காக பாலியல் செயல்பாட்டில் ஈடுபடுமாறு, குடிபெயரும் ஒரு நபரை நிர்ப்பந்திப்பது உள்ளடங்கும். பாலியல் தொழிலுக்கான மனித வணிகம், உடல் சார்ந்த அல்லது பாலியல் சார்ந்த நிர்ப்பந்தம், ஏமாற்றுதல் அதிகாரத்தை / பதவியை தவறாக பயன்படுத்துதல் மற்றும் கடனின் வழியாக ஏற்பட்ட அடிமைத்தனம் ஆகியவற்றை பயன்படுத்துகிறது. இவ்வாறு கடத்தப்படுகிற பெண்கள் மற்றும் குழந்தைகளுக்கு, எடுத்துக்காட்டாக, வீட்டு வேலைக்காக அல்லது சேவைத் தொழில்துறையில் பணி வழங்கப்படும் என்ற உறுதிமொழி பெரும்பாலும் வழங்கப்படுகிறது; ஆனால், அதற்கு பதிலாக விபச்சார விடுதிகளுக்கு அழைத்துச் செல்லப்படும் அவர்கள் பாலியல் தொழிலில் ஈடுபடுமாறு நிர்ப்பந்திக்கப்படுகின்றனர். அவர்களது, பாஸ்போர்ட்களும் மற்றும் அடையாளச் சான்று ஆவணங்களும் அவர்களிடமிருந்து பறித்துக் கொள்ளப்படுகின்றன. அவர்களை வாங்குவதற்காக கொடுத்த விலை அத்துடன் அவர்களது பயணம் மற்றும் விசா கட்டணங்களுக்கான செலவு ஆகியவற்றை விபச்சாரத்தின் மூலம் சம்பாதித்து தந்ததற்கு பிறகே அவர்களுக்கு விடுதலை கிடைக்கும் என்ற வாக்குறுதி தரப்படுகிறது. பல நேரங்களில் அவர்கள் அடித்து உதைக்கப்படுகின்றனர் அல்லது காவலில் வைக்கப்படுகின்றனர்.

கட்டாய திருமணம் :

கட்டாயம் திருமணம் என்பது, திருமண பந்தத்தில் ஈடுபடும் நபர்களுள் இருவரது அல்லது ஒருவரது, சுதந்திரமாக வழங்கப்பட்ட சம்மதம் இல்லாமலேயே நடைபெறுகிற திருமணமாகும். அடிமைப்பணி திருமணம் என்பது, அந்த திருமணத்திற்குள் விற்கப்படுகிற, மாற்றப்படுகிற அல்லது சுவீகரிக்கப்படுவதை உள்ளடக்கிய ஒரு திருமணம் என பொருள் வரையறை செய்யப்படுகிறது. 'கட்டாய திருமணத்திற்காக குழந்தைகளை / சிறார்களை கடத்துவது என்பது, மனித வணிகத்தின் மற்றுமொரு வெளிப்பாடாகவே இருக்கிறது; குறிப்பிட்ட தேசிய இனங்கள் அல்லது நாடுகளுக்கு மட்டும் இது உரியதல்ல.’   

கட்டாய திருமணம் என்பது குறிப்பிட்ட சில சூழல்களில் மனித வணிகத்தின் ஒரு வடிவமாக இருக்கக் கூடும். ஒரு பெண் வெளிநாட்டுக்கு அனுப்பப்படுவாரானால், திருமண பந்தத்திற்குள் கட்டாயமாக திணிக்கப்பட்டிருப்பாரானால் மற்றும் அவளது புதிய கணவருடன் பாலியல் செயல்பாடுகளில் ஈடுபடுமாறு கட்டாயப்படுத்தப்பட்டிருப்பாரானால், அப்போது, அவளது அனுபவமானது, பாலியல் செயல்பாட்டுக்கான மனித வணிகமாகும். புதிதாக திருமணமான மணப்பெண், அவளது கணவரால் மற்றும் / அல்லது அவரது குடும்பத்தினரால் ஒரு வீட்டு பணியாளராக நடத்தப்படுவாரானால், அப்போது இது கட்டாயப் பணிக்கான மனித வணிகத்தின் ஒரு வடிவமாக இருக்கும்.

வேலைக்கான மனித வணிகம் என்பது, கட்டாய வேலை மற்றும் சேவைகளுக்காக மனிதர்களை இடம்பெயர செய்வது, கொத்தடிமைத் தொழில்முறை, விருப்பமில்லாத அடிமைப்பணி, வீட்டு வேலை மற்றும் குழந்தைத் தொழிலாளர்முறை ஆகியவை இதில் உள்ளடங்கும். வேலைக்கான மனித வணிக செயல்பாடு, பெரும்பாலும், வீட்டு வேலை, விவசாயம், கட்டுமானப் பணி, உற்பத்தி மற்றும் கேளிக்கைத் துறை ஆகிய தளங்களில் நிகழ்கிறது; குடிபெயரும் தொழிலாளர்கள், சமூகப் பொருளாதார ரீதியில் கடைநிலையில் உள்ளவர்கள் மற்றும் பழங்குடியினர் இதில் சிக்கி பாதிப்படைபவர்களாக குறிப்பாக இருக்கின்றனர். மக்களை ரகசியமாக கொண்டு செல்லும் கடத்தல் செயல்பாடுகளும் அவர்களது வேலையை தவறாக பயன்படுத்துவதற்காக இந்த போக்குவரத்தில் ஈடுபடும் நபர்களுக்கும் தெரிந்திருக்கிறது. எ.கா., போக்குவரத்து பணியில் ஈடுபடுவோர்களாக.

உடல் உறுப்புகளில் வர்த்தக செயல்பாடும் மனித வணிகத்தின் ஒரு வடிவமே. இது பல்வேறு வடிவங்களை எடுக்கக் கூடும். சில நேர்வுகளில், பாதிப்புக்கு உட்படுத்தப்படும் நபர் அவரது உடல் உறுப்புகளை வழங்குமாறு நிர்ப்பந்திக்கப்படுகிறார். வேறு நேர்வுகளில் பணம் அல்லது பொருளுக்கு பதிலாக தனது உடலுறுப்பை விற்க ஒப்புக் கொள்கிறார். ஆனால் உறுதியளிக்கப்பட்ட பணம் தரப்படுவதில்லை அல்லது குறைவாக தரப்படுகிறது. இறுதியாக, பாதிப்புக்கு ஆளாகுபவருக்கு தெரியாமலேயே அவரது உடலுறுப்பானது அகற்றப்படக் கூடும். (பொதுவாக, அந்நபர் மற்றொரு மருத்துவ பிரச்னைக்காக / நோய்க்காக - உண்மையானதாகவோ அல்லது பிரச்னை / நோய் இருப்பதாக புனையப்பட்டோ சிகிச்சையளிக்கப்படும்போது) குடிபெயரும் தொழிலாளர்கள், குடியிருப்பு வசதியில்லாத நபர்கள் மற்றும் படிப்பறிவில்லாத நபர்கள், இந்த வகையான சுரண்டலுக்கு குறிப்பாக உட்படுத்தப்படுகின்றனர். உடல் உறுப்புகளில் வணிகம் என்பது, கீழ்வரும் பல குற்றவாளிகளை கொண்டு, ஒழுங்கமைவுடன் நடத்தப்படும் ஒரு குற்றமாகும் :

ஆட்சேர்ப்பு செய்பவர்

  • அழைத்துச் செல்பவர் (போக்குவரத்து)
  • மருத்துவ பணியாளர்கள்
  • தரகர்கள் / ஒப்பந்ததாரர்கள்
  • உறுப்புகளை வாங்குபவர்கள்

அடிமைத்தனம் என்பது, வெறும் ஒரு கனவு / கற்பனை சிந்தனையோ அல்லது கதையோ அல்ல சமீபத்தில் 72-வது சுதந்திர தினத்தை சிறப்பாக கொண்டாடிய ஜனநாயக வரலாறு கொண்ட ஒரு நாட்டில் இது யதார்த்தமான உண்மையாகும்.

சமீபத்தில் தமிழ்நாட்டில் திருவள்ளுர் மாவட்டத்தில் ஒரு மரம் வெட்டும் தொழிலகத்தில் தமிழ்நாடு அரசின் அதிகாரிகளால் 3 குடும்பங்கள் மீட்கப்பட்ட நிகழ்விலிருந்து மிகவும் தெளிவாக வெளிப்படுகிறது. 'அப்போது 8 வயதாகும் கவிதா என்ற சிறுமி, வருவாய் கோட்ட அலுவலரின் மடியில் அமர்ந்திருந்த நிலையில், தான் பள்ளியில் படிக்க விரும்புவதாக’ கூறிய நிகழ்வு குறிப்பிடத்தக்கது.

உலகளாவிய அடிமைத்தன குறியீட்டு அட்டவணையில் 167 நாடுகளில் இந்தியா 53-வது இடத்தில் இருக்கிறது. இந்தியாவில் நவீன அடிமைத்தனத்தின் பல்வேறு வடிவங்களில் 80 லட்சம் மக்கள் கடும் சிரமத்தோடு வாழ்ந்து வருவதாக நாங்கள் மதிப்பிட்டிருக்கிறோம். எனினும், 2016-ஆம் ஆண்டில் தேசிய குற்ற ஆவணப்பதிவகம், மனித வணிக குற்றச் செயல்கள் 8132 என்று மட்டுமே பதிவு செய்திருக்கிறது.

மிகச் சமீப காலம் வரை, அடிமைத்தனத்தில் தனிப்பட்ட நபர்கள் மற்றும் குடும்பங்கள் சிக்கியிருக்கின்றன என்று மட்டுமே நான் அறிந்திருந்தேன். அருணாச்சல பிரதேஷ் மாநிலத்தின் பல்வேறு பகுதிகளுக்கு சமீபத்தில், உண்மை கண்டறியும் ஆய்வு பயணத்தை நான் மேற்கொண்டிருந்தேன். அருணாச்சல பிரதேஷ் மாநிலத்தில் அடிமைத்தனத்தில் வாழ்ந்து வருகின்ற ஒரு சமூகத்தையே சந்தித்து பேசுகின்ற ஒரு நேரடி அனுபவம் கடந்த வாரம் எனக்கு கிடைத்ததது.  இந்த உண்மை கண்டறியும் பயணத்தில் சல்லாங் பழங்குடியினர் என்று அறியப்படுகிற சமூகத்தில் 10,000-க்கும் அதிகமான நபர்கள் இருக்கின்றனர் என்பது எனக்கு வியப்பையும், அதிர்ச்சியையும் அளித்தது. விலங்குகளைப் போலவே வசிக்கின்ற இந்த பழங்குடி சமூகத்தினர், நிஷிஷ் என்று அழைக்கப்படுகின்ற மற்றொரு சாதி மக்களுக்கு முழுமையாக அடிமைப்பணி செய்பவர்களாக இருக்கின்றனர். மாலிக்ஸ் அல்லது முதலாளிகளுக்கே இவர்கள் சொந்தமானவர்கள் இவர்களது வாழ்க்கை, திருமணம், குழந்தைகள், கல்வி என ஒவ்வொரு விஷயமும் உயர் ஜாதி பழங்குடியினங்கள் என அழைக்கப்படும் இவர்களாலே தான் முடிவு செய்யப்படுகிறது. ஒரு பசு போன்ற வீட்டில் வளர்க்கப்படும் விலங்கான மிதுன் என்பதற்கு எதிரான ஒரு பண்டமாற்று முறையை பின்பற்றி இந்த இனத்து மக்கள் விற்கப்படுகின்றனர்.

அஸ்ஸாமைச் சேர்ந்த குழந்தைகள் கடத்தப்படுதல்

வீட்டு வேலை என்ற பெயரில் அஸ்ஸாமிலிருந்து மாநில எல்லையை தாண்டி அருணாச்சல பிரதேசத்திற்கு குழந்தைகள் கொண்டு செல்லப்படுவது, இது தொடர்பாக நாங்கள் நடத்திய கலந்துரையாடல்களில் அதிக கவனம் பெற்ற மற்றுமொரு பிரச்னையாகும். அஸ்ஸாமில் எல்லைப்புற மாவட்டங்களில் வசிக்கும் ஆதிவாசிகள் மற்றும் பழங்குடி இனத்தவரான விளிம்பு நிலைக்கு தள்ளப்பட்ட மக்களே இதில் அதிகம் பாதிக்கப்படுபவர்களாக இருக்கின்றனர். முற்போக்கான சட்டங்களுக்கு இந்தியா பிரபலமாக அறியப்படுகிறது. ஆனால், மனித வணிகம் என்பது, இன்னும் இதற்குரிய சட்டம் எதுவும் இயற்றப்படாத, செயல்படுத்தப்படாத தளமாகவே இருந்து வருகிறது.

சர்வதேச தொழிலாளர் நல அமைப்பின், நவீன அடிமைத்தனத்தை உலகளாவிய மதிப்பீடுகள் 2017 அறிக்கையின்படி, கட்டாய வேலையில் 24.9 மில்லியன் மற்றும் கட்டாய திருமணத்தில் 15.4 மில்லியன் நபர்கள் உட்பட நவீன அடிமைத்தனத்தில் 40.3 மில்லியன் நபர்கள் சிக்கித் தவிப்பதாக மதிப்பிடப்பட்டுள்ளது. மனிதர்களில் தவறான நோக்கங்களுக்காக இந்த வணிகம் என்பது அடிப்படை உரிமைகளை மீறுகிற உலகின் 3-வது மிகப்பெரிய ஒழுங்கமைவு கொண்ட குற்றச் செயலாக இருக்கிறது. இக்குற்றத்தை ஒடுக்குவதற்கோ, கலைவதற்கோ குறிப்பிட்ட சட்டம் எதுவும் இயற்றப்படவில்லை.

2015-ம் ஆண்டு அக்டோபர் 7-ம் தேதியன்று மனித வணிகம் மீதான தேசிய கருத்தரங்கை தொடங்கி வைத்து பேசிய மத்திய உள்துறை அமைச்சர் திரு. ராஜ்நாத் சிங், 'இந்தியாவை மாடுகளைப் போல வணிகத்தில் விற்கப்படுகின்றனர் மற்றும் கொத்தடிமைத் தொழில்முறை இன்னும் வலுவாகவும், பரவலாகவும் இருந்து வருகிறது,’ என்று குறிப்பிட்டார். இது அதிக அதிர்ச்சியளிக்கிறது என்று கூறிய அவர், மனித வணிகத்திற்கு எதிரான செயல்பிரிவுகளை (AHTUs) வலுப்படுத்த உள்துறை அமைச்சகம், பல்வேறு மாநிலங்களின் ஒத்துழைப்போடு சேர்ந்து திருத்தியமைக்கப்பட்ட செயல்திட்டத்தை உருவாக்கும் பணியில் ஈடுபட்டுள்ளது என்று குறிப்பிட்டார். மனித வணிகத்தை எதிர்த்து போரிட்டு வெற்றி காண்பதற்கு என்ஜிஓ-க்கள் உட்பட இதில் அக்கறையுள்ள பல்வேறு நபர்கள் மற்றும் அமைப்புகளின் பங்கை இந்திய அரசும் மற்றும் உச்சநீதிமன்றமும் வலியுறுத்தியுள்ளன.

2030-ம் ஆண்டுக்குள் 1.84 கோடி கொத்தடிமைத் தொழிலாளர்களை விடுவித்து அவர்களுக்கு மறுவாழ்வு வழங்க வேண்டுமென்ற தனது தொலைநோக்குத் திட்டத்தை அறிவித்திருப்பதன் மூலம் 2016-ம் ஆண்டு ஜுலை மாதத்தில், கட்டாய வேலையின் ஒரு தீவிர வடிவமான கொத்தடிமைத் தொழில்முறையின் பிரச்னையின் கடும் பாதிப்பு நிலையையும், தீவிரத்தையும் இந்திய அரசு உறுதிப்படுத்தியிருக்கிறது.

பெண்கள் மற்றும் குழந்தை மேம்பாடு துறையின் மாண்புமிகு அமைச்சர் மேனகா காந்தி அவர்களால் 2018-ம் ஆண்டு ஜுலை 2018-ம் தேதியன்று மனித வணிகத்திற்கு எதிரான சட்ட மசோதா மக்களவையில் தாக்கல் செய்யப்பட்டது. மனித வணிகத்திற்காக கடத்தப்படும் நபர்களை மீட்பது மற்றும் அவர்களுக்கு மறுவாழ்வளிப்பது மற்றும் இது நிகழாமல் தடுப்பது ஆகியவற்றுக்கு இந்த மசோதா வகை செய்கிறது. மனித வணிக பிரச்னையை சமாளிப்பதற்கு தென்-ஆசிய நாடுகள் மத்தியில் முன்னணி நாடாக இந்தியாவை ஆக்குவது இதன் நோக்கமாகும். மனித வணிகம், கட்டாய வேலை மற்றும் பாலியல் சுரண்டல் ஆகியவற்றை குறிப்பாக இலக்காகக் கொண்டு வகுக்கப்பட்டுள்ள முதல் தேசியளவிலான சட்ட மசோதாவாக இது இருக்கிறது.

மனித வணிகத்தை போராடி வெல்வதில் தான் கொண்டிருக்கும் பொறுப்புறுதியை வெளிப்படுத்துவதற்காக கீழ்கண்டவற்றை உறுதி செய்ய வேண்டும் என்று இந்திய அரசை நாங்கள் வேண்டி கேட்டுக் கொள்கிறோம்:

  1. மனித வணிகத்தால் பாதிக்கப்படுபவர்களை விடுவிப்பதற்கு கால வரம்புடன் செயல் நடவடிக்கைகள்.
  2. மனித வணிகத்தால் பாதிக்கப்படுபவர்களின் கடன் / கடமைப் பொறுப்பின்மையை புதிய சட்டம் பாதுகாக்க வேண்டும்.
  3. மீட்பதற்கு, முதல் தகவல் அறிக்கையை தாக்கல் செய்வதற்கு மற்றும் பதிவு செய்வதற்கு, கைது செய்வதற்கு சான்றுகளை கைப்பற்றுவதற்கு, புலன் விசாரணை செய்வதற்கு மற்றும் வழக்கு தொடர்வதற்கு என ஒரு நேர்வின் அனைத்து செயல்பாடுகளிலும் மீட்பு மற்றும் புலன் விசாரணைக்கான அதிகாரங்களை கொண்டிருப்பதற்கு இந்தியாவில் அனைத்து மாவட்டங்களிலும் AHTUs ளுக்கு அதிகாரமளித்தல்.
  4. மீட்கப்படுபவர்களுக்கும் மற்றும் அவர்களை சார்ந்து வாழ்பவர்களுக்கும் தங்குமிட மற்றும் உணவு வசதி உட்பட அதிகாரிகள், மீட்கப்படுபவர்கள் மற்றும் NGOக்களுக்கு ஆதரவு வழங்குவதற்காக கட்டாய பணியில் ஈடுபடுத்தப்படுகிற மாநிலங்களுக்கு இடையிலான வழக்குகளை ஒருங்கிணைப்பதற்கு உரிய நெறிமுறைகளும் மற்றும் நிதி ஆதாரங்களும் கிடைக்கப் பெறச் செய்ய வேண்டும். மாநிலங்களுக்கு இடையில் பாதிக்கப்பட்டவர்களை மாற்றுகை செய்கின்ற போது போதுமான காவல்துறையினரின் பாதுகாப்பு கிடைப்பது உறுதி செய்யப்பட வேண்டும்.
  5. வேலைக்கான மனித வணிகம் மற்றும் கொத்தடிமை தொழில்முறை உட்பட அனைத்து வடிவங்களிலான மனித வணிகத்தை போராடி வெல்வதில் NGOக்களை மிக முக்கிய பங்கை அங்கீகரிப்பது மற்றும் அவர்களுக்கு ஆதரவு வழங்குவது.
  6. மனித வணிகம் மீதான புதிய சட்டத்தை அமலாக்கம் செய்வதற்கு போதுமான நிதியையும் மற்றும் ஆதார வளங்களையும் ஒதுக்கீடு செய்வது.

மனித வணிகத்தின் மீதான இந்த புதிய மற்றும் விரிவான சட்டம் இயற்றப்படுவது, மனித வணிகத்தை எதிர்த்து போரிட தெற்கு ஆசிய நாடுகள் மத்தியில் தலைவராக இந்தியாவை இது நிலை நிறுத்தும். எஸ்ஃஎஸ்டி பிரிவினர், குடிபெயரும் தொழிலாளர்கள், பெண்கள் மற்றும் குழந்தைகள் போன்ற ஏழ்மையான மற்றும் வசதியற்ற சமூகத்தினர் உட்பட, அதிக பாதிப்புக்கு ஆளாகக்கூடிய நபர்களை பாதிக்கின்ற, பரவலாக இருந்து வருகிற, ஆனால் கண்ணுக்கு புலப்படாத இந்த கொடுங்குற்றத்தை எதிர்த்து தீவிரமாக செயல்படுவதில் தெற்கு ஆசிய பிராந்தியத்தில் இந்தியாவின் தலைமைத்துவ பங்கை இது உலகிற்கு எடுத்துக்காட்டும்.

]]>
child labour, human traficking, child trafiking, மனித வணிகம், குழந்தைகள், பாலியில் தொல்லை, அடிமை, கொத்தடிமை http://images.dinamani.com/uploads/user/imagelibrary/2018/10/16/w600X390/images_2.jpg http://www.dinamani.com/editorial-articles/special-stories/2018/oct/16/மனித-வணிகத்திற்கு-எதிரான-சட்டம்-உடனடி-மற்றும்-அத்தியாவசியத்-தேவை-3021567.html
3020899 கட்டுரைகள் சிறப்புக் கட்டுரைகள் கேள்விகளால் துளைக்கப்படும் பாதிக்கப்பட்டவர்கள் / தில்லாக சட்டத்தை துணைக்கு அழைக்கும் குற்றம்சாட்டப்பட்டவர்கள்: மீடூவின் இலக்கென்ன? ஜெயிக்குமா மீடூ! RKV Monday, October 15, 2018 04:42 PM +0530  

மகளிர் மட்டும் திரைப்படம் 1994 ஆம் ஆண்டில் வெளிவந்தது. அதை ஒரு காமெடி திரைப்படமாக மட்டுமே நாம் இன்றளவும் அணுகி வருகிறோம். ஆனால் அத்திரைப்படத்தில் விவாதிக்கப்பட்ட விஷயங்கள் மீதான நமது புரிதலை நாம் எந்த அளவுக்கு நடைமுறைப்படுத்தி இருக்கிறோம் என்று பார்த்தால்... கிட்டத்தட்ட எதுவுமே இல்லை என்று தான் சொல்ல வேண்டும். 

பெண்கள் பணியிடங்களில் பாலியல் அச்சுறுத்தல்களுக்கு உள்ளாக்கப்பட்டால் அதற்கான கண்காணிப்பு எத்தனை அவசியம் என்பதை உணர்த்திய திரைப்படம் மகளிர் மட்டும். ஆண்களும், பெண்களும் இணைந்து பணிபுரிய வேண்டிய சூழலில் பெண்கள்... அவர்களுக்கான வேலையில் பதவி உயர்வுக்காகவோ, பணி  நிரந்தரத்திற்காகவோ அல்லது வேறு ஏதேதோ காரணங்களுக்காகவோ உயர் அதிகாரிகள் அல்லது உடன் இணைந்து பணிபுரியக்கூடிய ஆண்களின் பாலியல் தேவைகளை நிறைவேற்றும் பகடைக்காய்களாக  ஆக்கப்பட்டு விடக்கூடாது. எதிர்த்துக் குரல் எழுப்ப வேண்டும். அப்படி குரல் எழுப்பப் பட்டால் அதற்கான பலன் நிச்சயம் கிட்டும் என்பதை உணர்த்திய திரைப்படம் ‘மகளிர் மட்டும்’.

படம் வெளிவந்து 25 ஆண்டுகளைத் தொடப்போகிறது. அத்திரைப்படம் பெண்களுக்கான பணியிட பாலியல் தொந்திரவுகளை மட்டும் அலசவில்லை. வேலையிடங்களிலும் குடும்பத்தையும், குழந்தைகளையும் மனதளவில் சுமந்து கொண்டு... ஒருபக்கம் வீட்டில் துணையின்றி தனித்திருக்கும் தங்கள் குழந்தைகளின் பாதுகாப்பு மறுபக்கம் வேலை நெருக்கடி எனத் தவிக்கும் பெண்களின் கவலையைப் பற்றியும் பேசியது. பெண் ஊழியர்களின் அனைத்து சின்னச் சின்னப் பிரச்னைகளுக்கும் முக்கியத்துவம் அளித்து தீர்த்து வைக்கும் மையமாக அலுவலகம் திகழ்ந்தால் பெண் ஊழியர்களின் வேலைத்திறன் அதிகரித்து நிறுவனம் முன்னேற்றப்பாதையில் வெகு விரைவாகப் பயணிக்கும். என்பது தான் மகளிர் மட்டும் திரைப்படத்தின் ஒன்லைன். ஆனால், அத்திரைப்படம் வெளிவந்த காலத்தில் பெண் ஊழியர்களுக்கு எதிரான பாலியல் மற்றும் உளவியல் அச்சுறுத்தல்கள் குறித்துப் பேசப்படுவதைக் காட்டிலும் படத்தில் இடம்பெற்ற ஒரு பாடலைக் குறித்து அதிக விமர்சனம் கிளம்பியது.

‘காள மாடு ஒன்னு கறவை மாடு மூணு’ எனத்தொடங்கும் அப்பாடலில் பெண்களைக் கறவை மாட்டுக்கு ஒப்பிட்டதாகக் கூறி மகளிர் அமைப்புகள் போராடின. இதனால் அத்திரைப்படத்திலிருந்து நாம் உணர்ந்து கொண்டிருந்திருக்க வேண்டிய சில உண்மைகளை நாம் நீர்க்கச் செய்து விட்டோம். உண்மையில் மகளிர் மட்டும் திரைப்படத்தில் பணியிடங்களில் பெண் ஊழியர்களுக்கு கிட்ட வேண்டிய வசதிகளாக அத்திரைப்படம் பட்டியலிட்ட, சுட்டிக்காட்டிய க்ளைமாக்ஸ் காட்சி முன் வைக்கும் தீர்வுகள் வரவேற்கப்படவேண்டியவை.

அதே போலத்தான் நாம் இந்த மீடூ இயக்கப் போராட்டங்களையும் அணுக வேண்டும். மீடூ இயக்கம் முன்னெப்போதையும் விட மிகுந்த உத்வேகத்துடன் தமிழகத்தில் கடந்த வாரம் முதல் கிளர்ந்தெழுந்துள்ளது. இதுவரை எதிர்க்கப் பயந்த பெருந்தலைகள் எல்லாம் இப்போது மீடூவின் கீழ் உருட்டப்பட்டுக் கொண்டிருக்கின்றன. திடீரென வெடித்துப் பரபரப்பைக் கிளப்பியிருக்கும் மீடூ இயக்கம் பாதிக்கப்பட்ட பெண்களைப் பொறுத்தவரை மிகப்பெரிய ஆசுவாசம் தரத்தக்க புரட்சியாக இருந்த போதிலும்.. இதிலும் கூட குற்றம் சுமத்தப்பட்ட நபர்கள்... அவர்கள் மீதான குற்றம் நிரூபிக்கப்பட்டு தண்டனை பெற்றால் தான் அதை மீடூ இயக்கத்திற்கான வெற்றியாக நாம் கருத முடியும். ஒருவேளை அது பேசித்தீர்க்கப்பட்டு விட்டால் அதனால் என்ன பலன் என்று யோசித்துப் பாருங்கள்? ஐ மீன் காம்ப்ரமைஸ்! காம்ப்ரமைஸ் செய்து தீர்க்கப்பட வேண்டியவையா மீடூ குற்றங்கள்?! அதற்கு தண்டனை என்ற ஒன்று வேண்டாமா?

இதற்கொரு உதாரணம். இது மீடூ புகாராக அளிக்கப்படவில்லை என்ற போதும் இதுவும் ஒரு பாலியல் வன்முறை புகார் தான்.  2014 ஆம் ஆண்டில் பாலிவுட் நடிகை ப்ரீத்தி ஜிந்தா, தொழிலதிபர் நெஸ் வாடியா மீது சுமத்திய பாலியல் குற்றச்சாட்டை மும்பை நீதிமன்றம் கடந்த வாரம் ரத்து செய்தது. இந்த வழக்கின் பூர்வீகத்தை ஆராய்ந்தால், கடந்த 2014 ஆம் ஆண்டில் நடிகை ப்ரீத்தி ஜிந்தா, தனது முன்னாள் காதலரும், கிங்ஸ் லெவன் பஞ்சாப் கிரிக்கெட் அணியின் உரிமையாளர்களில் ஒருவருமான நெஸ்வாடியா தன் மீது பாலியல் அத்துமீறல் நடத்தியதாக ப்ரீத்தி ஜிந்தா அவர் மீது காவல்துறையில் புகார் அளித்திருந்தார். இது தொடர்பான வழக்கு மும்பை நீதிமன்றத்தில் நடைபெற்று வந்தது. வாடியா மன்னிப்புக் கேட்டால் தான் வழக்கை வாபஸ் பெற்றுக் கொள்வதாக ப்ரீத்தி ஜிந்தா நீதிமன்றத்தில் தெரிவித்தார். அப்போது மன்னிப்புக் கேட்க வாடியா ஒப்புக் கொள்ளாத காரணத்தால் வழக்கு ஒத்தி வைக்கப்பட்டு நான்காண்டுகளாக இழுத்தடிக்கப்பட்டு மும்பை நீதிமன்றத்தில் நடைபெற்றுக் கொண்டிருந்தது. தற்போது இந்த வழக்கில் ப்ரீத்தி ஜிந்தா, நெஸ் வாடியா இரு தரப்பிலும் சமாதானப் பேச்சு வார்த்தைகள் நடைபெற்று வழக்கு சுமுகமாக முடித்து வைக்கப்பட்டுள்ளது. ப்ரீத்தி வழக்கை வாபஸ் பெற்றதற்கு மட்டுமல்ல, வழக்கு தொடர்ந்ததற்கும் நெஸ் வாடியா அவரது முன்னாள் காதலர் என்பதும் ஒரு காரணமென மும்பை பத்திரிகைகள் எழுதின. தமது முன்னாள் காதலரான நெஸ் வாடியா, தற்போது வேறொரு பெண்ணுடன் காதலில் இருப்பதை தாங்க முடியாமல் தான் ப்ரீத்தி அவர் மீது பாலியல் குற்றச்சாட்டை எழுப்பினார் என்றும் கூறப்பட்டது. தற்போது வழக்கு சமரசமாக முடிக்கப்பட்டதின் பின்னணி இரு தரப்பினரும் சமாதானம் அடைந்து ப்ரீத்தி வழக்கை வாபஸ் பெற்றார் என்று கூறப்பட்டிருக்கிறது. 

இந்த வழக்கை முன் மாதிரியாகக் கொண்டு சொந்தக் காரணங்களுக்காக மீடூ பாலியல் புகார்களை சம்மந்தப்பட்ட பெண்கள் எழுப்பத் தொடங்கி பின்னாட்களில் காவல்துறை மற்றும் நீதிமன்றத்தின் பொன்னான நேரத்தை ஆண்டுக்கணக்காக வீணாக்கி பின்னர் தங்களுக்குள் சமரசமாகி விட்டதாக அறிவித்து வழக்கை வாபஸ் பெற்றால் மீடூ போன்று பெண்களுக்கு எதிரான பாலியல் வன்கொடுமைகளை கண்டிக்கவென்றே தன்னெழுச்சியுடன் கிளர்ந்தெழுந்துள்ள இயக்கத்துக்கான முக்கியத்துவத்தை செயலிழக்கச் செய்வதாக ஆகாதா? 

மீடூ வைப் பொறுத்தவரை அதன் முக்கியத்துவம் என்பது குற்றம் சுமத்தப்பட்டு குற்றவாளியென நிரூபிக்கப்பட்டவர்கள் அதற்கான தண்டனையை சட்டப்பூர்வமாகவோ அல்லது உணர்வுப் பூர்வமாகவோ பெறுவது அன்றோ நியாயம்?!

மீடூ விவகாரம் கடந்தாண்டு முதலே இணையத்தில் பரபரப்பாகப் பேசப்படப் பட்டு வந்த போதும் தமிழகத்தில் சின்மயி வைரமுத்துவின் மீது முதல் குற்றச்சாட்டை வைத்த பிறகே இங்கு பெரிய அளவில் பேசுபொருளாகியிருக்கிறது. வைரமுத்துவின் மீது கூட முதல் குற்றச்சாட்டை வைத்தது சின்மயி அல்ல, அவர் சிந்து மேனன் என்ற மற்றொரு பெண்ணின் குற்றச்சாட்டைத்தான் தனது ட்விட்டர் கணக்கில் வெளியிட்டார். அதன் பின்னரே தனக்கும் அதே விதமானதொரு பாலியல் அச்சுறுத்தல் வைரமுத்துவிடம் இருந்து வந்ததாக சின்மயி அடுத்த நாளே ட்வீட் செய்தார். சின்மயியின் மீடூ குற்றச்சாட்ட்டை முதலில் சட்டை செய்யாத வைரமுத்து, இப்போது சட்டரீதியாக எதிர்கொள்வதாக அறிவித்திருக்கிறார். வைரமுத்து மட்டுமல்ல... இதே விதமாக மீடூ குற்றச்சாட்டில் வகையாக மாட்டிக் கொண்ட மற்றொரு பிரபலம் இவர் நாடறிந்த பிரபல பத்திரிகையாளராகவும் இருந்தவர் தற்போது மோடி அமைச்சரவையில் மத்திய வெளியுறவுத்துறை இணை அமைச்சராகவும் இருப்பவர். அவர் மீது ஒன்றல்ல இரண்டல்ல மொத்தம் 11 க்கும் அதிகமான மீடூ குற்றச்சாட்டுகள் இதுவரை பதிவாகியுள்ளன. இந்தப் பதினொன்றையும் உள்நோக்கம் கொண்ட குற்றச்சாட்டுகள். அவற்றை நான் நேரடியாக நீதிமன்றத்தில் சந்திக்கத் தயார் என்று அறிவித்திருக்கிறார் அமைச்சர் M J அக்பர். 

இப்போது விவகாரம் எதை நோக்கிப் பயணிக்கிறது என்றால், 

ஒருபக்கம் மீடூ இயக்கம் பெரிதாக வெடித்ததை ஒட்டி அலுவலகங்கள் தோறும் வேலைத்தளத்தில் பெண்களுக்கு எதிராக நிகழக்கூடிய பாலியல் அச்சுறுத்தல்களைப் புகாராகப் பதிவு செய்து நடவடிக்கை எடுக்க ஒரு குழு அமைக்கப் படுவது துரிதமாகியிருக்கிறது. எங்கள் அலுவலகம் உட்பட இனி ஒவ்வொரு அலுவலகத்திலும்... ஒரே ஒரு பெண் ஊழியர் பணிபுரியும் அலுவலகத்திலும் கூட இனி இப்படியோர் குழு அமைக்கப்பட வேண்டியதின் அவசியத்தை இந்த மீடூ போராட்டம் உறுதி செய்திருக்கிறது. குறைந்த பட்சம் பெண்களுக்கு எதிரான பாலியல் அச்சுறுத்தல்களில் ஈடுபடும் நோக்கம் கொண்டவர்களுக்கு இது ஒரு எச்சரிக்கை மணியாக செயல்படலாம். தங்களைக் கண்காணிக்க, புகார் அளிக்கப்பட்டால் நடவடிக்கை எடுக்க ஒரு குழு இருக்கிறது என்ற அச்ச உணர்விலாவது பாலியல் வன்முறைக் குற்றங்கள் குறையலாம் என்ற நம்பிக்கையை இந்த நடவடிக்கைகள் உறுதிப் படுத்துகின்றன. 

ஆயினும் இங்கே யோசனையையும், அவநம்பிக்கையையும் ஒருசேரக் கிளறிவிடக் கூடிய விஷயம்...

குற்றவாளி குறித்து அதிகமாக விசாரணைகள் எழும்பவில்லை என்பதே!

ஊடகங்கள் முதல் தனிநபர் வரை இப்போது வரையிலும் சின்மயியின் குற்றச்சாட்டைப் பற்றித்தான் கேள்வி எழுப்பிக் கொண்டிருக்கிறார்களே தவிர, வைரமுத்துவை நோக்கியோ அல்லது அவரைப் போலவே பாலியல் அச்சுறுத்தல் குற்றச்சாட்டுகளுக்கு ஆளான பிரபல பிரபலங்களை நோக்கியோ மீடியாக்கள் ஏன் படையெடுக்கவில்லை? பாதிக்கப்பட்டவர்களை நோக்கி நீளும்;

உங்களை பாலியல் ரீதியாக அச்சுறுத்தியவரை நீங்கள் எப்படி உங்கள் திருமணத்திற்கு அழைக்கலாம்?

அவரது காலில் விழுந்து எப்படி ஆசி வாங்கலாம்?

அவர் விருது பெற்றதற்கு ட்விட்டரில் எப்படிப் பாராட்ட மனம் வந்தது?

இப்படியெல்லாம் பாதிக்கப்பட்டவர்களை கேள்விகளால் துளைத்தெடுப்பதை விட்டு விட்டு...

வைரமுத்துவை நோக்கி;

நீங்கள் உங்களது பாலியல் அனுகூலங்களுக்காக உங்களது அரசியல் செல்வாக்கைப் பயன்படுத்தியது வாஸ்தவம் தானா?

அரசியல் அணுக்கத்தைக் காட்டி உங்களது நிகழ்ச்சிகளுக்கு பாடகர்களை வற்புறுத்தி வரவழைத்துப் பங்கேற்கச் செய்தது உண்டா?

சின்மயியின் குற்றச்சாட்டை நீங்கள் எந்தெந்த விதத்தில் மறுக்கிறீர்கள்?

அவரது குற்றச்சாட்டுக்கு உள்நோக்கம் உண்டென்பதைப் போலவே உங்களது மறுப்புக்கும் உள்நோக்கம் உண்டு என்று அவர் சொன்னால் அதற்கு உங்களது பதில் என்ன?

நீங்கள் அப்பழுக்கற்றவர் என்றால் உங்களுக்காக உங்களை ஆதரித்து இதுவரை உங்கள் பெண் ரசிகைகளிலிருந்து கூட ஒருவரும் குரலெழுப்பாதது ஏன்?

ஆண்டாள் விவகாரத்தில் கூட உங்களை ஆதரிக்க பல குரல்கள் எழுந்த நிலையில் இந்த மீடூ வுக்கு எதிராக எதிராக ஒரு குரல் கூட இதுவரை பதிவாகாதது ஏன்/

இப்படியெல்லாம் வைரமுத்துவுக்கு அக்னிப் பரீட்சை நிகழ்த்த மீடியாக்கள் தயங்குவது ஏன் என்பது தான் புரியாத புதிர்!

அவர் மிக எளிமையாக தன் மீதான குற்றச்சாட்டுகளுக்கு எதிரான ஆதாரங்களைத் தாம் திரட்டி வருவதாகவும் புகாரை சட்டரீதியாக எதிர்கொள்ளப் போவதாகவும் எதிர்வினையாற்றி விட்டு அமைதியடைந்து விட்டார். ஆனால் பாவம் சின்மயி இன்னமும் பதில் சொல்லிக் கொண்டே இருக்கிறார்.

இதைக் குறித்து நடிகையும் சமத்துவ மக்கள் கட்சியின் தலைவருமான சரத்குமாரின் மகளுமான வரலட்சுமி ஒரு கருத்தை முன் வைத்தார்... நியாயமான கருத்து அது;

நம் நாட்டில் பாதிக்கப்பட்டவர்களைத்தான் அதிகம் கேள்விக்கு உள்ளாக்குகிறார்கள்.

குற்றம் சுமத்தப் பட்டவர்களை அப்படியே விட்டு விடுகிறார்கள்.

வைரமுத்து மட்டுமல்ல இதுவரை இவருக்கு முன்பே மீடூ குற்றச்சாட்டுக்கு உள்ளான M J அக்பர், அலோக்நாத், விவேக் கோத்தாரி, நானா படேகர், பிரகாஷ் எம் சுவாமி போன்ற பிற பிரபலங்கள் வரிசையை எடுத்துக் கொண்டாலும் இதுவரையிலும் மீடியாக்களில் கேள்விக்கணைகளால் துளைத்தெடுக்கப் பட்டுக் கொண்டிருப்பது பாதிக்கப்பட்ட பெண்களாகத்தான் இருக்கிறார்களே ஒழிய ஆண்கள் சுதந்திரமாக இஷ்டமிருந்தால் பதில் சொல்வோம். இல்லாவிட்டால் காலம் பதில் சொல்லும், சட்டம் பதில் சொல்லும் என்று ஸ்டேட்மெண்ட்டோடு நிறுத்திக் கொள்கிறார்கள்.

இதனால் போராடியவர்களுக்கும், போராடியவர்களுக்கு ஆதரவாக திரண்டவர்களுக்கும் என்ன விதமான நியாயம் கிடைக்கக் கூடும்?!

பணியிடங்களில் பெண்களுக்கு எதிரான பாலியல் அச்சுறுத்தல்கள் குறைய வேண்டும் என்ற நோக்கில் உண்டாக்கப்பட்ட விசாகா கமிட்டியின் பரிந்துரையை இத்தனை வருடங்களில் எத்தனை அரசு மற்றும் தனியார் நிறுவனங்கள் பொறுப்புணர்வுடன் செயல்பாட்டுக்கு கொண்டு வந்துள்ளன? என்று கணக்கிடத் தொடங்கினால் ஒருவேளை ஏமாற்றமே மிஞ்சலாம். ஏனெனில், பல தனியார் அலுவலகங்களில் இன்னும் கூட அப்படி ஒரு கமிட்டி அமைக்கப்படாமல் இருக்கவும் வாய்ப்பு இருக்கிறது. மீடூ உத்வேகத்திற்குப் பிறகு சில தனியார் நிறுவனங்கள் இந்நாள் வரை தூங்கிக் கொண்டிருந்து விட்டு திடீரென்று சுய உணர்வு வந்தாற்போல அவசர அவசரமாக ஒரு கமிட்டியை உருவாக்கியிருக்கலாம். 

எது எப்படியோ பாதிக்கப்பட்ட பெண்களுக்கு நீதி கிடைக்க வேண்டும். குற்றம்சாட்டப்பட்டவர்கள் குற்றவாளிகள் எனில் அவர்களுக்கான தண்டணை உறுதிப்படுத்தப்பட வேண்டும்.

மீண்டும் அப்படியான குற்றங்களில் ஈடுபடுவதற்கான தைரியத்தை அவர்கள் இந்நாள் வரை ஈட்டிய செல்வமோ, செல்வாக்கோ, அரசியல், அதிகார பலமோ அவர்களுக்கு உதவக் கூடாது.

இதுதான் மீடூவின் நோக்கம்.

இந்த நோக்கம் நிறைவேறினால் மட்டுமே அதை மீடூ வின் வெற்றியாகக் கொண்டாட முடியும்.

]]>
MEE TOO CAMPHAIGNE, VICTIMS, LAW, ACCUSED, WOMEN, WOMEN SAFETY AT WORK PLACE, MAGALIR MATTUM, சட்டம், மீடூ, பெண்கள் பாதுகாப்பு, குற்றம் சாட்டப்பட்டவர்கள், பாதிக்கப்பட்ட பெண்கள், பணியிடப் பாதுகாப்பு, http://images.dinamani.com/uploads/user/imagelibrary/2018/10/15/w600X390/metoo.jpg http://www.dinamani.com/editorial-articles/special-stories/2018/oct/15/what-is-the-goal-of-metoo-is-it-succeed--in-india--without-breaking-the-larynx-of-victims-3020899.html
3019028 கட்டுரைகள் சிறப்புக் கட்டுரைகள் சங்கர் ஐஏஎஸ் அகாதெமி நிறுவனரின் கதை! RKV Friday, October 12, 2018 05:40 PM +0530  

சென்னை அண்ணாநகரில் இயங்கி வரும் சங்கர் ஐஏஎஸ் அகாதெமிக்கு தமிழகம் முழுவதுமே பல்வேறு கிளைகள் உண்டு. இங்கு பயின்றவர்கள் பலர் இன்று அரசு உயரதிகாரிகளாக இந்தியா முழுவதும் பல்வேறு மாநிலங்களில் பணிபுரிந்து வருகின்றனர். இதன் நிறுவனர் சங்கர் நேற்று தனது இல்லத்தில் தூக்கிட்டுத் தற்கொலை செய்து கொண்டதில் அவரது அகாதெமியில் பயிலும் மாணவர்கள் மட்டுமல்ல அங்கிருந்து பயிற்சி முடித்து தேர்வுகளில் வென்று இன்று ஐஏஎஸ், ஐபிஎஸ் அதிகாரிகளாக செட்டிலானவர்களும் கூட மிகுந்த அதிர்ச்சிக்கு உள்ளாகியுள்ளனர். பல்லாயிரக்கணக்கான மாணவர்களுக்கு இந்திய குடிமைப்பணித் தேர்வுகளுக்கான பயிற்சியினை அளித்து அவர்களின் தன்னம்பிக்கை நட்சத்திரமாக ஜொலித்த சங்கர் இன்று உயிருடன் இல்லை. அவரது தற்கொலைக்கு காரணம் குடும்பப் பிரச்னையே என்று கூறப்படுகிறது. ஆனால், சங்கரின் வாழ்க்கைச் சம்பவங்களை பின்னோக்கிப் பார்த்தால் குடும்பப் பிரச்னை காரணமாக அவர் தற்கொலை செய்து கொண்டார் என்பது நம்ப முடியாமலாகிறது. ஏனெனில் அவரது வாழ்க்கை முழுவதிலுமாக அவர்கள் பிரச்னைகளைச் சந்திப்பதும் அதிலிருந்து உரங்கொண்டு மீள்வதுமாகப் பல சம்பவங்கள் அரங்கேறியிருக்கின்றன.

ஒரு குக்கிராமத்தில் பிறந்து பள்ளிப்படிப்பை முடித்து குடும்பத்தின் முதல் தலைமுறை பட்டதாரியாக முயன்று கல்லூரி செல்லத் தொடங்கிய போதே சங்கரின் பிரச்னைகள் தொடங்கி விட்டன. விவசாயக் கல்லூரியில் பயின்று கொண்டிருக்கும் போதே உடன் பயிலும் மாணவியை ஈவ் டீஸிங் செய்த குற்றத்திற்காக ஓராண்டு காலம் சஸ்பெண்ட் செய்யப்பட்டார் சங்கர். பின்னர் ஓராண்டு சஸ்பென்சனுக்குப் பிறகு மீண்டும் மன உறுதியுடன் படிக்க வந்து பரீட்சையில் தேறி ஹரியானாவில் முதுகலை விவசாயப் படிப்பிற்கு இடம் கிடைத்து அங்கு பயிலச் சென்றார். இதன் நடுவே இவரது வாழ்வில் எதிர்பாராத திருப்பமாக எந்த மாணவியை ஈவ் டீஸிங் செய்த குற்றத்திற்காக கல்லூரியிலிருந்து சஸ்பெண்ட் செய்யப்பட்டாரோ அந்த மாணவியையே பின்னாட்களில் காதலித்து  திருமணம் செய்து கொள்ளும் சந்தர்பமும் அவருக்கு வாய்த்திருக்கிறது. சங்கருடன் கல்லூரியில் பயின்ற வைஷ்ணவி அவருக்கு வாழ்க்கைத் துணையுமானார். ஆனால் இவர்களது மோதலுக்கும், காதலுக்கும், கல்யாணத்திற்கும் நடுவே ஆயிரமாயிரம் பிரச்னைகளைக் கடந்தே இன்று கட்டியுள்ள சங்கர் ஐஏஎஸ் அகாதெமி எனும் சாம்ராஜ்யக் கனவை எட்டியுள்ளனர்.

அகாதெமி தொடங்குவதற்கு முன்பு சங்கரின் ஆசை... தான், ஒரு ஐஏஎஸ் ஆகவேண்டுமென்பதாகவே இருந்தது. அதற்காக கடுமையாக உழைத்தார். தொடர்ந்து ஐஏஎஸ் தேர்வில் வெற்றி பெற முயற்சித்தார். அவரது கனவு அத்தனை சீக்கிரமாக நிறைவேறுவதற்கான வழியைக் காணோம். நடுவே குடும்பத்தின் பொருளாதாரச் சிக்கல்களைக் களைய சங்கர் வேலைக்குச் சென்று சம்பாதித்தே ஆக வேண்டிய சூழல் நிலவியது. ஐஏஎஸ் கனவை நனவாக்க தொடர்ந்து படிப்பதா? அல்லது குடும்பச் சிக்கலுக்காக வேலைக்குப் போவதா? குழப்பத்தில் ஆழ்ந்தார் சங்கர். அப்போது சங்கருக்கு கை கொடுத்தவர் அவரது காதலியாக இருந்த வைஷ்ணவி. சங்கரின் ஐஏஎஸ் கனவு நிறைவேற வேண்டி வைஷ்ணவி டெல்லி சென்று தங்கி வேலை செய்து சம்பாதித்தார். அவருடைய சம்பளத்தில் சங்கர் படித்தார். ஆனால் இந்த தியாகத்துக்கும் ஒரு முடிவு வந்தது. சங்கரின் தந்தை மாரடைப்பால் காலமாக பின்பு வேறு வழியின்றி குடும்பச் சுமையைத் தாங்கிக் கொள்ள சங்கர் தனது குடிமைப் பணித் தேர்வுப் பயிற்சி வகுப்புகளை விட்டு விட்டு வேறு ஏதாவது வேலை தேடி சம்பாதிக்க சென்னை வந்தார். 

அப்போது அவர் எடுத்த முடிவு தான் சங்கர் ஐஏஎஸ் அகாதெமி தொடங்கும் முடிவு.

அப்போதெல்லாம் ஐஏஎஸ் தேர்வுக்கு பயிற்சி வகுப்புகளில் பயில வேண்டுமானால் டெல்லிக்கோ, பெங்களூருக்கோ செல்ல வேண்டும். இன்றைய தலைமுறையினருக்கு அந்த சிரமத்தை மாற்றி சென்னையிலும் ஐஏஎஸ் பயிற்சி வகுப்புகளைக் கொண்டு வந்து திறம் பட நடத்திய பெருமை சங்கரையே சாரும். சங்கரின் வெற்றிகளில் அவரது மனைவி வைஷ்ணவிக்கும் பங்கு உண்டு. சங்கரின் கல்லூரி வாழ்க்கை முதலே அவரைத் தொடர்ந்து வரக்கூடியவரான மனைவி வைஷ்ணவியும் சங்கர் ஐஏஎஸ் அகாதெமியில் ஒரு ஆசிரியராகப் பணியாற்றி வருகிறார். சங்கர் தம் மனைவியுடன் இணைந்து தான் தனது அகாதெமியை நிர்வகித்து வந்தார்.

கல்லூரிப் படிப்பை முடித்ததும் சங்கருக்கு திரைப்படத்துறையில் நுழையும் ஆர்வமும் அதிகமாக இருந்திருக்கிறது. ஆனால், அப்போது அவரை நல்வழிப்படுத்திய அவரது வழிகாட்டி, ஞானராஜசேகரன் என்றொரு ஐஏஎஸ் அதிகாரி இருக்கிறார். அவருக்கும் திரைப்படத்துறையின் மீது மிகுந்த ஆர்வம் இருக்கிறது. அதற்காக அவர் தனது ஐஏஎஸ் கனவை விட்டு விட்டு படமெடுக்கப் போய் விட்டாரா என்ன? ஐஏஎஸ் அதிகாரியாக இருந்து கொண்டே அவர் மோகமுள், பாரதி மாதிரியான தரமான திரைப்படங்களை இயக்கி தனது திரைத்துறை ஆர்வத்தை தீர்த்துக் கொள்ளவில்லையா? நீயும் அப்படித்தான் எதையாவது சாதித்து விட்டு பிறகு சினிமாவில் இறங்குவதே உசிதமாக இருக்கும் என அறிவுரை கூறி இருக்கிறார். அதைத் தொடர்ந்து தான் சங்கர் ஐஏஎஸ் அகாதெமி உதயமானது என்கிறார்கள் சங்கரின் வாழ்க்கையை அருகிலிருந்து பார்த்தவர்கள். 

அகாதெமியின் மூலமாக சங்கர் சாதித்தது அனேகம்.

தமிழகம் முழுவதுமாக தற்போது 1000 க்கும் மேற்பட்ட சங்கர் ஐஏஎஸ் அகாதெமிகள் இயங்கி வருகின்றன.

இந்நிலையில் குடும்பப் பிரச்னை காரணமாக சங்கர் தற்கொலை செய்து கொண்டார் என்பது மிகுந்த ஆச்சர்யத்துக்குரிய விஷயமாகியிருக்கிறது.

10,000 க்கும் மேற்பட்ட ஐஏஎஸ், ஐபிஎஸ் அதிகாரிகள் சங்கர் ஐஏஎஸ் அகாதெமியிலிருந்து உருவாகியிருக்கக் கூடும். அத்தனை பேருக்கும் பயிற்சி கொடுத்து இந்திய குடிமைப் பணிகளில் மிக உயர்ந்த பணியான ஐஏஎஸ், ஐபிஎஸ் அதிகாரிகளாக பண்படுத்தி, அவர்களின் அறிவைக் கூர் தீட்டி அனுப்பக் கூடிய அளவுக்கு திறன் மிக்க பயிற்சிகளை அளிக்கக் கூடியவரான பயிற்சி நிறுவனர் சங்கர் மன உறுதி இழந்து, மனக்குழப்பத்துக்கு ஆளாகி இப்படி தற்கொலை செய்து கொண்டு தன்னை நம்பிய இளைஞர்களுக்கு மோசமான முன்னுதாரணமாகியிருப்பது வேதனையான விஷயம்.
 

]]>
தற்கொலை, suicide, SHANKAR IAS ACADEMY FOUNDER, சங்கர் ஐஏஎஸ் அகாதெமி நிறுவனர், வைஷ்ணவி, மனக்குழப்பம், குடும்பப் பிரச்னை, family issues http://images.dinamani.com/uploads/user/imagelibrary/2018/10/12/w600X390/shankar_iass.jpg http://www.dinamani.com/editorial-articles/special-stories/2018/oct/12/the-story-of-shankar-ias-academy-founder-3019028.html
3018370 கட்டுரைகள் சிறப்புக் கட்டுரைகள் தேவதைகளா? ராட்சஸிகளா? யாரிவர்கள்?! கார்த்திகா வாசுதேவன் Thursday, October 11, 2018 06:06 PM +0530  

இன்று சர்வதேச பெண் குழந்தைகள் தினம் என்றார்கள்.

பெண் குழந்தைகளைக் கொண்டாட இப்படி ஒரு நாள் இருப்பது அழகு!

எந்த ஒரு வீட்டில் ஆண் குழந்தைக்கும், பெண் குழந்தைக்கும் இடையில் வேறுபாடு கற்பிக்காமல் வளர்க்கிறார்களோ அந்த வீடு சொர்க்கம். அங்கு பிறந்த பெண்கள் தேவதைகள் என்பதில் யாருக்கேனும் மாற்றுக் கருத்து இருக்கிறதா?

அம்மா, அப்பா இருவரும் வீட்டை எதிர்த்து காதல் திருமணம் செய்து கொண்டவர்கள். உறவுகள் பல வருடங்களுக்குப் பிறகு தொட்டுக்கோ, தொடச்சிக்கோ என்ற ரீதியில் ஒருங்கிணைந்தாலும் அவர்களால் பெரிதாக எந்த உதவியும் கிடைக்க முடியாத நிலை. ராணி அத்தையைத் தாண்டியும் 3 பெண்கள், 3 ஆண்கள் என பெரிய குடும்பம் அது. அம்மாவுக்கு விவரம் இருக்கும் அளவுக்கு விவேகமோ, தைரியமோ காணாது. வீடு அப்போது பெய்த கனமழையில் இடிந்து விழும் நிலை.... திடீரென குடும்பத்தின் ஆணிவேரான அப்பா ஹார்ட் அட்டாக்கில் போய் விட்டார். நண்டும் சிண்டுமாகப் பிள்ளைகள் ராணி அத்தை தான் மூத்தவர். 21 வயது தான், கல்யாணமாகியிராத கன்னிப்பெண். அப்பா போனபின் வீடு துக்கத்தில் ஆழ்ந்தது. இருக்கும் வீடு இடியும் தருவாயில்... ஒருவேளை அடுத்தொரு சாதாரண மழையென்றாலும் கூட தாங்காத நிலை. உறவுகள் கருமாதிக்கு வந்து எட்டிப்பார்த்து விட்டு கல்லெறிந்த காக்கைக் கூட்டமென காணாமல் போயினர். ஒருவேளை வீடு இடிந்து விழுந்து விட்டால் குழந்தைகளோடு சென்று தங்க ஒரு நாதியும் இல்லாத நிலை. ராணி அத்தைக்கு எங்கிருந்து தான் அந்த தைரியம் வந்ததோ... மறுநாளே வீட்டை இடிக்க நாள் குறித்து விட்டாள்... அம்மாவுக்கோ கோபமென்றால் பொல்லாக் கோபம். என்னடீ இது நடுத்தெருவிலயா நிக்கறது? வீட்டை இடிச்சுப் போட்டுட்டு எங்க போறது? அம்மா அழ... ராணி அத்தைக்கு ஆறுதல் சொல்லிக் கொண்டிருக்கவெல்லாம் நேரமில்லை. இடியாமலிருந்த மச்சு வீட்டறையில் இருந்த சொற்ப பொருட்களை அடைத்து அதில் குடும்பத்தினர் அனைவரும் இரவுகளில் தூங்கி எழ ஏற்பாடு செய்து கொண்டாள். மீதமிருந்த இடத்தில் ஊர்க்காரர்களுக்கு மாட்டுத்தொழுவம் போடவும், வற்றல் களமிடவும் இடத்தை வாடகைக்கு விட ஏற்பாடு செய்தாள். தனக்கும் நகரத்தின் எக்ஸ்போர்ட் கம்பெனியில் ஒரு வேலைக்கு ஏற்பாடு செய்து கொண்டு அப்படியே சிறுகச் சிறுக தவணை முறையில் எளிமையாக வீடு கட்டவும் ஏற்பாடு செய்து கொண்டாள். வீட்டின் கட்டிட வேலைகளுக்கு பெரும்பாலும் கூலியாட்களைத் தவிர்த்து விட்டு வீட்டு மனிதர்களே ஒன்று கூடி அந்த வீட்டைக் கட்டி முடித்தார்கள். சிமெண்ட் வாங்கிச் சேகரிக்க சில காலம், மணல் வாங்கி சேமிக்க சில காலம், கட்டிடப் பணியாளர்களுக்கு கூலிப்பணம் சேர்க்க சில காலம், நடுவில் தம்பி, தங்கைகளுக்கு பள்ளிக்கூடச் செலவுகளுக்கு... (அரசுப் பள்ளியில் சொற்பப் பணம் தானென்றாலும் அதுவும் கூட ராணி அத்தைக்கு அப்போது திண்டாட்டமாகத்தான் இருந்திருக்கிறது.) சில காலம் என முழுதாக ஐந்தாறு ஆண்டுகள் சிறுகச் சிறுக காசு சேர சேர அந்த வீட்டைக் கட்டி முடித்தாள் ராணி அத்தை. முதலில் அம்மா அவளை வீட்டை இடித்துப் போட்டதற்காக கரித்தாலும் கூட 21 வயதுப் பெண்ணின் மனோ திடம், விடா முயற்சி மற்றும் பொறுமை கண்டு பிறகு அந்தப் பெண் என்ன சொன்னாலும், எதை நடத்தினாலும் அதுவே வேத வாக்கு எனும் அளவுக்கு அவள் மீது மரியாதை கொண்டாள். 

இப்போது அவர்கள் குடும்பம் நல்ல நிலையில் இருக்கிறது.

அம்மா மட்டுமில்லை, அந்தக் குடும்பத்தில் யாரிடம் கேட்டாலும் சொல்வார்கள். எங்களது குடும்பத்தின் குலதெய்வம் ராணி அக்கா என்று.

இவள் ஆரம்பத்தில் ராட்சஸியாக அவளது அம்மாவின் கண்களில் தென்பட்டிருக்கலாம். ஆனால் தேவதையானது அவள் கொண்ட மனோதிடத்தால்.

எப்போதாவது ராணி அத்தையை சந்திக்க நேரும் போது என் மகள்களை நான் கொஞ்சிக் கொண்டிருந்தால் அவள் கூறுவதுண்டு...

‘ரொம்ப கொஞ்சிக் கொஞ்சி பொமரேனியன் நாய்க்குட்டிகளாட்டம் ஆக்கி வச்சிடாத குழந்தைகளை....எப்பவும் பெண் குழந்தைகள் திடமாவும், தைரியமாவும் வளர்க்கப்படனும். இன்னைக்கு மட்டுமில்லை என்னைக்குமே அது தான் அவங்களுக்கு துணையா இருக்க முடியும்.’

- என்பாள். சில நேரங்களில் எனக்கது எரிச்சலூட்டக் கூடிய வார்த்தைகளாக இருந்ததுண்டு. ஆனால், அவள் சொன்னது வாஸ்தவமான பேச்சு என்பதும் புரிந்தே தான் இருக்கிறது. 

தற்போது இணையத்தில் ஒரு பழக்கம் இருந்து வருகிறது. பெண் குழந்தைகளைப் பெற்ற தகப்பன்மார்கள் சிலர் ‘தேவதைகள் கொண்டாடும் வீடு’ என்ற பெயரில் தங்களது பெண் குழந்தைகளின் குறும்புகளை, அவர்களுடனான தங்களது இனிமையான தருணங்களை வெகு அழகியலோடு பதிவு செய்வார்கள். இவ்விஷயத்தில் ‘அபியும் நானும்’ பிகாஷ் ராஜ் கூட அவர்களோடு போட்டி போட முடியாது. அவ்வளவு அன்பு. அவ்வளவு கரிசனம், அவ்வளவு பெருமை! அவ்வளவு பெருமிதம்! அப்படியான அப்பாக்களைக் காணும் யாருக்குமே அவர்கள் மீது மிகப்பெரிய மரியாதை தோன்றும்.

ஆனால், இப்படியான பேருவகை கொண்ட தகப்பன்மார்கள் இருக்கும் தேசத்தில் தான் அயனாவரம் சிறுமியைச் சீரழித்த காமுகர்களும் வாழ்கிறார்கள் என்று யோசிக்கையில் இந்தக் காமுகர்களும் கூட ஒருவேளை தாம் பெற்ற மகள்கள் என்று வருகையில் அதே விதமாகத்தான் உணர்வார்களோ என்ற சந்தேகம் எழுவதைத் தவிர்க்க முடியவில்லை. ஆக, பிற குழந்தைகளையும் தான் பெற்ற மக்களைப் போலவோ அல்லது உடன் பிறந்த சகோதரிகள் போலவோ நேசிக்கும் பக்குவம் ஒவ்வொரு தகப்பனுக்கும் வரவேண்டியது அவசியமாகிறது. ஆண்களிடையே குறைந்த பட்சம் மக்களைப் பெற்ற மகராசன்களிடையேயேனும் அப்படியான மனப்பக்குவம் வருமாயின் நாட்டில் பெண்கள் மற்றும் பெண் குழந்தைகளுக்கு எதிரான பாலியல் வன்கொடுமைகள் நிச்சயம் குறைந்தே தீரும்.

ஒருவேளை அப்படியான உணர்வு அவர்களுக்கு வராமலே போய்விட்டால்... அப்போது நம் பெண் குழந்தைகளுக்கு என்ன விதமான பாதுகாப்பு ஏற்பாடுகளை நாம் செய்து வைத்திருக்கிறோம்?

அவர்களை சதா பின் தொடரும் நிழலாக நம்மால் பாதுகாத்துக் கொண்டே இருக்க முடியாதல்லவா?

ஆகவே நம் பெண் குழந்தைகளை தேவதைகளாக வளர்ப்பதைக் காட்டிலும் கொஞ்சம் ராட்சஸிகளாகவும் வளர்க்க வேண்டியது நமது தலையாய கடமைகளில் ஒன்றாகிறது.

ராட்சஸிகள் என்றால் உடனே நீங்கள் லங்கையில் ராவணன் சீதைக்கு காவல் வைத்த ராட்சஸிகளையோ அல்லது தாடகையையோ கற்பனை செய்து விடாதீர்கள்.

ராட்சஸ குணம் நிறைந்த நமது உக்கிர தேவிகள் உதாரணர்களாக இருக்கிறார்களே!

மகாகாளி, துர்கை, சண்டி, சாமுண்டி, சங்கரி, வீர லட்சுமி என ராட்சஸ குணம் கொண்ட உக்கிர தேவதைகளின் குணங்களையும் அந்தக்குணங்களுக்கான அவசியத்தையும் நாம் பெற்ற தேவதைகளுக்கு கற்பிக்க வேண்டியது பெற்றோர் கடமை!

உலகப் பெண்கள் அத்தனை பேருக்கும் பெண் குழந்தைகள் தின வாழ்த்துக்கள்!

]]>
INTERNATIONAL GIRL CHILD DAY, சர்வதேச பெண் குழந்தைகள் தினம், fiary, furious fairy, தேவதைகள் vs ராட்சஸிகள், சர்வ தேச பெண் குழந்தைகள் தினம், http://images.dinamani.com/uploads/user/imagelibrary/2018/10/11/w600X390/girlchild.jpg http://www.dinamani.com/editorial-articles/special-stories/2018/oct/11/fairys-or-furious-fairys-who-is-she-international-girl-child-day-special-3018370.html
3018308 கட்டுரைகள் சிறப்புக் கட்டுரைகள் பிரபலங்களுக்கு எச்சரிக்கை: புரட்டிப்போடும் மீடூ  ஹேஷ்டேக் புயல் ! டி.எஸ்.எஸ் Thursday, October 11, 2018 11:01 AM +0530  

இணையத்தின் பயன்பாடு மக்கள் மத்தியில் அதிகரித்து வருவதால் எத்தனையோ நன்மைகளும் தீமைகளும் இருக்கிறது. என்றாலும் இன்று ஊடகங்கள் கண்களை மூடிக்கொள்ளும் பல விசயங்ளை இணைய பயன்பாட்டின் மூலம் சமூக ஊடகங்கள் வழியாக வெளிச்சத்திற்கு கொண்டுவந்து விட முடிகிறது. முகநூல் கணக்கு, வாட்ஸ் அப் குழு வைத்திருப்பவர்கள் எல்லோருமே இன்று ஊடகவியலாளராகிவிட்ட நிலையில் எந்த ஒருவிசயத்தையும் இலகுவாக மக்கள் மத்தியில் கொண்டு சேர்த்துவிட முடிகிறது.

அந்த வகையில் கடந்த சில நாட்களாக செய்தியாளர்கள், நடிகைகள், விளம்பர மாடல்கள், ஆகியோர்களிடம் இருந்து சமூக ஊடகங்களில் பாலியல் துன்புறுத்தல் பற்றிய குற்றச்சாட்டுகள் வேகமாக பகிரப்பட்டு வருகிறது. பல சர்ச்சைகளை ஏற்படுத்தி வரும் இந்த குற்றச்சாட்டுகளை ஆமோதிக்கும் இன்னும் சிலரும் அதேபோல் பாதிப்புகளுக்கு உள்ளான சிலரும் ஹேஷ்டேக் மீடூ என குறிப்பிட்டு பகிர்வதும் அதிகரித்து வருகின்றன.

கடந்த ஆண்டு அமெரிக்காவின் நியூயார்க் நகரில் ஹார்வி வெய்ன்ஸ்டைன் மீது வைக்கப்பட்ட புகாரை தொடர்ந்து 80க்கும் மேற்பட்ட பெண்கள் அவர் மீது பாலியல் குற்றச்சாட்டை தெரிவித்தனர். அதில் தொடங்கிய இந்த ஹேஷ்டேக் மீடூ கலாச்சாரம். இப்போது தமிழகத்திலும் கொடிகட்டிப் பறக்கிறது.. சினிமா பிரபலங்கள் மட்டும் அல்லாமல் அரசியல் தலைவர்ளையும் இந்த ஹேஷ்டேக் மீடூ குற்றச்சாட்டுக்கள் விட்டுவைப்பதில்லை.

இந்த குற்றச்சாட்டுகளுக்கு பெரும்பாலும் ஆதாரங்கள் எதுவும் இருப்பதில்ல. என்றாலும் அமைப்பு ரீதியான செயல்பாடாக இருக்கும் போது மட்டுமே இந்த பகிர்வுகள் வெளிவருகின்றன என்பதை கடந்த சில நாட்களில் வெளியான குற்றச்சாட்டுகளிலிருந்து உணரமுடிகிறது. இந்த குற்றச்சாட்டுக்கள் காலம் கடந்து வைக்கப்படுவதற்கு பொதுவாக மூன்று காரணங்கள் உண்டு.

ஒன்று பாலியல் துன்புறுத்தலுக்கு ஆளாகும் அந்த பெண்ணால் குறிப்பிட்ட நேரத்தில் எதிர்ப்பு தெரிவிக்க முடியாமல் போய் இருக்கலாம். இரண்டாவதாக, நிர்வாகம் சார்ந்து அவர்கள் மீது நடவடிக்கை எடுக்க விரும்பினாலும் நிறுவன கட்டமைப்பு மற்றும் ஆதரவு இல்லாத காரணத்தால் அவர்களால் எதிர்த்து குரல் கொடுக்க முடியாமல் போயிருக்க கூடும். மூன்றாவது பாதிக்கப்பட்ட பெண்ணின் எதிர்ப்பு குரல் நிராகரிக்கப்பட்டதனால் அப்போதைக்கு அவர் மெளனமாக இருந்திருக்கலாம்.

பணி இடங்களில் பாலியல் துன்புறுத்தலுக்கு ஆளாகும் பெண்களை பாதுகாக்க 1997 இல் உச்ச நீதிமன்றத்தால் வழங்கப்பட்ட விஷாகா வழிகாட்டுதல்களின் பேரில் கொண்டுவரப்பட்ட 2013 (தடுப்பு, தடுப்பு மற்றும் நீக்கம்) சட்டத்தின் கீழ் பெண்களின் பாலியல் துன்புறுத்தல் பிரச்னையை, சரிசெய்ய நோக்கமாக இருந்தது. ஆனால் இன்னும் இந்த பிரச்னை ஓய்ந்த பாடில்லை.. பல நிறுவனங்களில் பெண்கள் வெளியில் சொல்ல முடியாத வேதனைகளை அனுபவித்து வருவது நிதர்சனம்.

அரசு மற்றும் சில தனியார் நிறுவனங்களில் பெண்கள் சந்திக்கும் பாலியல் துன்புறுத்தல் தொடர்பான புகார்களை தெரிவிக்க தனி அமைப்பு இருந்தாலும் கூட ஒரு சில துணிச்சல் மிகுந்த பெண்கள் மட்டுமே இத்தகைய பிரச்னையில் இருந்து தப்பிக்கின்றனர். அச்சத்தினால் அமைதியாக இருக்கும் சிலரிடம் அதை சந்தர்ப்பமாக பயன்படுத்துவோரும் உண்டு.. சந்தர்ப்பவாதத்திற்காக அமைதியாக இருந்துவிடும் பெண்களும் உண்டு.. இந்த இரண்டுக்கும் இடையில் சட்டம் என்ன செய்துவிட முடியும் என்பதுதான் பிரச்னையே.. !

பணிபுரியும் இடம் என்று மட்டும் அல்லாமல் கல்வி பயிலும் நிறுவனம் தொடங்கி ஊடகம், சினிமா, விளம்பரத்துறை என அனைத்திலும் இந்த பிரச்னைகளை கடந்துதான் பெண்கள் சாதிக்க வேண்டியிருக்கிறது… வளர்வதற்கு வாய்ப்புகளை தேடினால்.. வாய்ப்புகளுக்கே.. இங்கே வழுக்கி விழவேண்டும் என்றால் எப்போதுதான் எழுந்து நடப்பது.. என்ற கேள்வி ஒருபக்கம் இருந்தாலும்.. வாய்ப்புக்காக வழுக்கி விழுந்து விட்டு, பின்னர்.. வசதி வாய்ப்பு வந்ததும்.. ஹேஷ்டேக் போடுவது.. என்பது புகழ் தேடலின் இன்னொரு யுக்தியாகவும் இருக்கிறது. எது எப்படியோ.. காலத்துக்கே வெளிச்சம்.. என்றாலும் இந்த ஹேஷ்டேக் புயலில் இருந்து தப்பிக்க பிரபலங்கள் வருமுன் காப்போம் என்ற கொள்கையோடு கொஞ்சம் எச்சரிக்கையாக இருப்பது நல்லதுதானே..!
 

]]>
ME TOO HASHTEG, TWITTER, SEXUAL HARRASEMENT, WOMEN SAFETY, பெண்கள், மீ டூ ஹேஷ்டேக், பாலியல் வன்முறை, பெண்கள் பாதுகாப்பு இணைய அமைப்பு, http://images.dinamani.com/uploads/user/imagelibrary/2018/10/11/w600X390/mee_too_2.jpeg http://www.dinamani.com/editorial-articles/special-stories/2018/oct/11/alert-to-vip-and-vvips-me-too-hashtag-3018308.html
3017653 கட்டுரைகள் சிறப்புக் கட்டுரைகள் 'பாலியல் தொல்லை' - வைரமுத்து மீதான சின்மயி 'மீ டூ' பதிவுகள் Raghavendran Wednesday, October 10, 2018 04:35 PM +0530  

ஹாலிவுட், பாலிவுட்டை சமீபகாலமாக உலுக்கி வரும் மீ டூ (நான் கூட) எனும் ஹேஷ்டேக் மூலம் திரைத்துரையில் நடிகை, பாடகி என பல்வேறு துறைகளைச் சேர்ந்த பெண்கள் தங்களுக்கு ஏற்பட்ட பாலியல் வன்கொடுமைகள் தொடர்பாக சமூக வலைதளங்கள் மூலம் பதிவிட்டு வருகின்றனர். இந்த அதிர்வு தற்போது கோலிவுட்டிலும் ஏற்பட்டுள்ளது. 

மீ டூ (நான் கூட) எனும் ஹேஷ்டேக் கடந்த திங்கள்கிழமை முதல் கோலிவுட்டை உலுக்கி வருகிறது. அதிலும் குறிப்பாக கவிஞர் வைரமுத்து மீது பாடகி சின்மயி தெரிவித்து வரும் பாலியல் குற்றச்சாட்டுகள் பெரும் பரபரப்பை ஏற்படுத்தியுள்ளது. இவை அனைத்துக்கும் பத்திரிகையாளர் சந்தியா மேனன் வெளியிட்ட ட்வீட் முதன்மையானதாக அமைந்துவிட்டது. அதில், தன்னுடன் பணியாற்றிய 18 வயது மதிக்கத்தக்க இளம்பெண்ணுக்கு கவிஞர் வைரமுத்து பாலியல் ரீதியாக துன்புறுத்தினார் என்று சந்தியா மேனன் பகிரங்கமாக குற்றம்சாட்டினார். 

இதனைத் தொடர்ந்து பிரபல பின்னணிப் பாடகி சின்மயி, வைரமுத்துவால் தனக்கும் பாலியல் ரீதியாக தொல்லைகள் ஏற்பட்டதாக அவரது ட்விட்டர் பக்கத்தில் தைரியமாகப் பதிவிடத் தொடங்கினார். 

முதலில், சுவிட்சர்லாந்தில் வைரமுத்துவால் தனக்கு ஏற்பட்ட பாலியல் சீண்டல் குறித்து பதிவிட்டார். கடந்த 2005 அல்லது 2006-ஆம் ஆண்டில் நடைபெற்ற நிகழ்ச்சிக்குப் பின்னர் சுவிட்சர்லாந்தில் வைரமுத்து தங்கியிருந்த லூசிரின் விடுதியில் அவருடன் இணக்கமாகச் சென்று ஒத்துழைக்குமாறு அந்த விழா ஏற்பாட்டாளர்களால் கட்டாயப்படுத்தப்பட்டதாக தெரிவித்தார். ஆனால், அதற்கு மறுத்தபோது எனது திரை வாழ்க்கை முடிவுக்கு வந்துவிட்டதாக மிரட்டப்பட்டேன். இருப்பினும் நானும் எனது தாயாரும் உடனடியாக இந்தியா திரும்பிவிட்டோம் என்று கூறியுள்ளார்.  

கடந்த 3-4 ஆண்டுகளுக்கு முன்பு நடைபெற்ற ஒரு புத்தக வெளியீட்டு விழாவின் போது தமிழ்தாய் வாழ்த்து பாடுமாறு என்னிடம் வைரமுத்து தெரிவித்தார். ஆனால், அதற்கு நான் மறுத்தபோது, அவதூறாகப் பேசியதாக ஒரு குறிப்பிட்ட அரசியல்வாதியிடம் கூறுவதாக மிரட்டினார். எனது திரை வாழ்வில் தற்போது வரை வைரமுத்து மட்டும் தான் என்னிடம் அநாகரீகமாக நடந்துகொண்டுள்ளார் என்று பலதரப்பட்ட குற்றச்சாட்டுகளை முன்வைத்து வருகிறார்.

இதனிடையே இத்தனை காலமாக இதை ஏன் வெளிப்படையாக் கூறவில்லை என்று பலர் கேள்வி எழுப்பிவரும் நிலையில், அதற்கும் பதிலளித்து வருகிறார். குறிப்பாக அவரவர் வீட்டுப் பெண்களுக்கும் பணியிடங்களில் இதுபோன்று நடத்திருக்கலாம் எனவே அவர்களுக்கு ஆதரவாக இருக்குமாறு வேண்டுகோள் விடுத்துள்ளார்.

2004-இல் வெளிநாட்டில் இசை நிகழ்ச்சியின் போது வைரமுத்து தரப்பில் இருந்து எனது மகளுக்கு பாலியல் ரீதியான அழுத்தம் வந்தது. அப்போது வெளியில் சொல்லக்கூடிய சூழல் இல்லை. தற்போது சொல்வதால் இதுபோன்று மேலும் பல பெண்களுக்கு நடப்பதை தவிர்க்கலாம் என்று பாடகி சின்மயியின் தாயார் விமலா தெரிவித்தார். 

தற்போது பாடகி சின்மயிக்கு ஆதரவாக முன்னணி நட்சத்திரங்கள் சமந்தா, சித்தார்த், வரலட்சுமி சரத்குமார் உள்ளிட்டோர் ஆதரவு தெரிவித்துள்ளனர். ஆனால் இதர பெரிய நட்சத்திரங்கள் இவ்விவகாரத்தில் மௌனம் காத்து வருகின்றனர். 

அதுமட்டுமல்லாமல் வைரமுத்து நடத்தி வரும் விடுதியில் தங்கியள்ள பெண்களிடமும் அவர் பாலியல் தொல்லைகள் அளித்துள்ளதாக குற்றம்சாட்டி வருகின்றனர். இதில் பலர் தங்களின் விவரங்களை வெளியிட விரும்பவில்லை எனவும், ஆனால் வைரமுத்துவால் பாலியல் தொல்லைகளுக்கு உட்பட்டதாகவும் சின்மயி மற்றும் சந்தியா ஆகியோர் குற்றம்சாட்டுகின்றனர். 

வைரமுத்து பாலியல் தொல்லைகள் குறித்து சின்மயி பதிவிட்டுள்ளதாவது:

 

]]>
வைரமுத்து, vairamuthu, Chinmayi, சின்மயி, MeToo, பாலியல் குற்றச்சாட்டுகள் http://images.dinamani.com/uploads/user/imagelibrary/2018/10/10/w600X390/chinmayi_vairamuthu.jpg http://www.dinamani.com/editorial-articles/special-stories/2018/oct/10/பாலியல்-தொல்லை-வைரமுத்து-மீதான-சின்மயி-மீ-டூ-பதிவுகள்-3017653.html
3014472 கட்டுரைகள் சிறப்புக் கட்டுரைகள் காங்கிரஸ் காலாவதியானதைப் போல திராவிடக் கட்சிகள் காலாவதியாகி தமிழகத்தில் அரசியல் மறுமலர்ச்சி நிகழுமா? RKV Monday, October 8, 2018 07:57 AM +0530  

60-களில் காங்கிரஸுக்கு மாற்றாக திராவிடக் கட்சிகள் வந்தன. இன்று சீர்கெட்ட திராவிடக் கட்சிகளுக்கு மாற்றாக வரப்போவது யார்?

இந்திய விடுதலைக்கு முன்பிருந்தே சென்னை ராஜதானியை 1939 அக்டோபர் முதல் 1967 மார்ச் வரை தொடர்ந்து 28 ஆண்டுகள் காங்கிரஸ் கட்சியே ஆண்டது. அதுவரை தமிழ்நாடு என்ற ஒரு மாநிலம் வரலாற்றில் இல்லை. 1967-ல் அண்ணாதுரையின் வருகைக்குப் பிறகு சென்னை மாகாண அரசியலில் மாபெரும் மாற்றம் நிகழ்ந்தது. பெரியாரின் சீடராக திராவிடக் கழகத்தில் இணைந்து பணியாற்றிக் கொண்டிருந்த  அண்ணாதுரை அவருடன் கொண்ட கருத்து வேற்றுமை காரணமாக திராவிடக் கட்சியில் இருந்து விலகி திராவிட முன்னேற்றக் கழகம் எனும் புதிய அரசியல் கட்சியை ஸ்தாபித்தார். ஸ்தாபித்த கையோடு முற்றிலும் இளைஞர்களைக் களம் இறக்கி கட்சி தொடங்கிய 17ஆம் ஆண்டில் தேர்தலில் பெரும்பான்மை இடங்களை வென்று சென்னை மாகாண முதல்வராகவும் ஆனார். முதல்வர் ஆன கையோடு உடனடியாக சென்னை மாகாணத்தை தமிழ்நாடு என்று பெயர் மாற்றமும் செய்தார். 

அண்ணா தலைமையிலான திராவிட முன்னேற்றக் கழகத்தின் தேர்தல் வெற்றிகளுக்கு வலிமையான அடித்தளமாக அமைந்தவை அவர் அறிவித்த பகுத்தறிவு, சமத்துவம், சமூக முன்னேற்றம், பெண்ணுரிமை, நாத்திகம், இட ஒதுக்கீடு, அதிகாரப் பகிர்வு, அனைவருக்கும் இலவசக் கல்வி, தொழில்துறை மேம்பாடு  உள்ளிட்ட கொள்கைகளே! இந்தக் கொள்கைகளை அடைவதற்காக அவர் முன்னெடுத்த போராட்டங்களும் அவற்றை நடத்திக் காட்டுவதில் அவரும் அவருக்குக் கீழ் திரண்டவர்களும் காட்டிய அக்கறையும், கடின உழைப்பும் தான் காங்கிரஸ் எனும் அசைக்க முடியாத ஆட்சி பீடத்தின் நாற்காலியை ஆட்டம் காண வைத்து ஒட்டுமொத்தமாக தமிழக அரசியலில் இருந்து அவர்களை துடைத்தெறிந்தாற் போல வெளியில் தள்ளியது.

தமிழகத்தில் அன்று விட்ட இடத்தை இன்று வரை காங்கிரஸாரால் பிடிக்கவே முடியவில்லை.

இத்தனைக்கும் நாடு விடுதலையான சமீபத்தில் நாட்டுக்கு விடுதலை வாங்கித் தந்த கட்சி என்ற பெருமிதம் காங்கிரஸுக்கு இருந்ததோ இல்லையோ அதன் மீது மக்களுக்கு இருந்தது. அதனால் தான் தொடர்ந்து 28 ஆண்டுகள் அவர்களையே ஆள அனுமதித்தார்கள் சென்னை மாகாண மக்கள். 28 ஆண்டுகளின் பின் அப்படியென்ன மாற்றம் நிகழ்ந்தது. மக்கள் எந்த விஷயத்தின் மீது வெறுப்பு கொண்டு காங்கிரஸைத் தோற்கடித்தார்கள்? இன்று தமிழகத்தில் ஆட்சியைப் பிடிக்கும் ஆசையில் இருக்கும் ஒவ்வொரு அரசியல் கட்சியும் ஏன் ஒவ்வொரு பிரபலமும் கூட ரூம் போட்டு உட்கார்ந்து ஆராய வேண்டிய விஷயம் இது.

இன்று ஆளும் திராவிடக் கட்சிகளின் மீது அப்படியான எதிர்ப்புணர்வை மக்கள் மத்தியில் உருவாக்கி தமிழக அரசியலில் அவர்களை இல்லாமலாக்க வலிமை வாய்ந்த எதிர்கட்சிகள் எவரேனும் இருக்கிறார்களா? 

கண்ணுக்கெட்டிய தூரம் வரை அப்படி யாரும் இருப்பதற்கான அறிகுறியே காணோம்.

அதனால் தான் விஜய் கூட முதல்வராக ஆசைப்படுகிறார்.

ஆசையில் தவறில்லை. ஆனால் அதை அடைவதற்காக அவர் என்ன செய்து விட்டார் இதுவரை?

துக்க வீட்டில் ஆறுதல் சொல்லப் போனவர்கள் அனைவருக்கும் அரசியலில் நிற்கும் தகுதி வந்துவிட்டது என்பீர்களெனில், விஜய்க்கும் அந்தத் தகுதி வந்திருக்கலாம். 

இப்படித்தான் சில ஆண்டுகளுக்கு முன்பு அண்ணாமலை திரைப்பட ரிலீஸ் மற்றும் படையப்பா திரைப்பட ரிலீஸ் சமயங்களில் ரஜினி எனும் மகா நடிகர் தம்மை அரசியலுக்கு அழைத்த ரசிகசிகாமணிகளின் பேச்சைக் கேட்டுக் கொண்டு ‘கூட்டிக் கழிச்சுப் பாரு கணக்கு சரியா வரும்’, ‘என் வழி தனி வழி’, ‘நான் ஒரு தடவ சொன்னா நூறு தடவ சொன்ன மாதிரி’ என்றெல்லாம் திறன் மிகுந்த வசனகர்த்தாக்கள் எழுதிக் கொடுத்த சக்திவாய்ந்த பஞ்ச் வசனங்களைப் பேசித்திரிந்தார். அந்த பஞ்ச் வசனங்களைப் பேசியது வேண்டுமானால் ரஜினியாக இருக்கலாம், ஆனால், பேசியவரைக் காட்டிலும் அந்தக் காலகட்டத்தில் அதற்கான பலனை அறுவடை செய்தவர்களையன்றோ புத்திசாலிகள் எனலாம். அந்தப் புத்திசாலிகளாக அப்போது இருந்தவர்கள் திராவிட முன்னேற்றக் கழகத்தார். பிறிதொரு சமயத்தில் ரஜினியின் வாய்ஸைப் பயன்படுத்திப் பலன் கண்டவர்கள் அண்ணா திராவிட முன்னேற்றக் கழகத்தினர். ஆக ரஜினி குரல் கொடுத்தது அவருடைய அரசியல் எதிர்காலத்துக்காகவே என்றாலும் அதை சாமர்த்தியமாகத் தங்களுக்கான ஆதரவாகப் பயன்படுத்திக் கொண்டதை  திராவிடக் கட்சிகளின்  சாமர்த்தியம் என்றும் சொல்லலாம் அல்லது சூழ்ச்சி என்றும் சொல்லலாம்.

இவர்களின் சூழ்ச்சியையும் பிரிவினைவாதத் தூண்டலையும் மீறி வேற்றுக் கட்சிகளால் தமிழகத்தில் அரசியல் அமைத்திட முடியாத நிலையே இங்கு இன்று வரை நீடிக்கிறது.

நடுவில் திமுகவில் இருந்த வைகோ, தலைமை மீதான கருத்து வேறுபாட்டின் காரணமாக மதிமுக எனப் பிரிந்தார். வன்னியர் சங்கம் என்று இயங்கிக்கொண்டிருந்த டாக்டர் ராமதாஸ், பின்னர் பாட்டாளி மக்கள் கட்சி என வளர்ந்தார். ஆரம்ப காலகட்டங்களில் இந்த இரு கட்சிகளுக்கான வரவேற்பு தமிழகத்தில் அதிகமாகவே இருந்தது, ஆனால் இந்த இரு கட்சிகளும் தங்களுக்கான தனித்துவத்தை இழக்கத் துவங்கியது இவர்கள் தேர்தல்கள் தோறும் அமைக்க முற்பட்ட சந்தர்ப்பவாதக் கூட்டணி பேரம் காரணமாகத்தான். இவர்களோடு புதிய அரசியல் மறுமலர்ச்சியை ஏற்படுத்தப்போவதாகக் கருதிக்கொண்டு டாக்டர் கிருஷ்ணசாமியின் புதிய தமிழகம், திருமாவளவனின் விடுதலைச் சிறுத்தைகள், விஜயகாந்தின் தேமுதிக, ஜி.கே.வாசனின் தமிழ் மாநில காங்கிரஸ், ஸ்ரீதர் வாண்டையாரின் மூவேந்தர் முன்னேற்றக் கழகம், கமல் ஹாசனின் மக்கள் நீதி மய்யம், சரத்குமாரின் அகில இந்திய சமத்துவ மக்கள் கட்சி, டாக்டர் சேதுராமனின் மூவேந்தர் முன்னணிக் கழகம், கார்த்திக்கின் அரசியல் கட்சி (அதன் பெயர் மாற்றப்படவிருக்கிறதாம், இப்போதைக்கு பெயர் இல்லை)சீமானின் நாம் தமிழர், கருணாஸின் முக்குலத்தோர் புலிப்படை இத்யாதி...இத்யாதி கட்சிகள் எல்லாம் முளைத்துக் கிளை விட்டுக் கொண்டிருக்கின்றன. இந்தக் கட்சிகளுக்கான ஓட்டு வங்கிகளை மனதில் கொண்டு இவர்களை தேர்தல் நேரத்தில் மட்டும் நாய்க்கு பிஸ்கட் போடுவதைப் போல ஓரிரு தொகுதிகளைப் பங்கிட்டுக் கொடுத்து அவற்றுக்கான அரசியல் எதிர்காலத்தை கேலிக்கூத்தாக்கி வெறும் லெட்டர் பேட் கட்சிகளாக்கி வைத்திருக்கின்றன மேற்கண்ட திராவிடக் கட்சிகள். 

தமிழகத்தில் திராவிடக் கட்சிகள் தோன்றிய காலத்தில் அவை பின்பற்றிய கொள்கைகள் பெருவாரியான மக்களை படையெனத் தங்களுக்கு ஆதரவாகத் திரட்டக் கூடிய அளவுக்கு தெளிவானதாகவும், மக்களுக்கான சமூக நீதிகளைப் பெற்றுத்தரக்கூடியவையாகவும் இருந்தன. ஆனால் அதிகார ருசி கண்ட பிறகோ அவர்களின் கொள்கைகள் தேர்தல் லாபங்களை மட்டுமே மனதில் கொண்டு இன்று வெகுவாக நீர்த்துப் போய்விட்டன.

இன்றிருக்கும் திராவிடக் கட்சிகளின் ஒரே நோக்கம் மக்கள் நலப்பணிகள் அல்ல.

மக்களுக்கான நலப்பணிகளை தங்களுக்கும், தங்களது சுற்றத்தாருக்கும், குடும்பத்தினருக்கும் லாபகரமானதாக எப்படியெல்லாம் மாற்றி அமைத்து கொள்ளை லாபமடிக்கலாம் என்ற சிந்தனையில்தான் கருத்தூன்றியிருக்கிறது. அதைப்பற்றி மட்டுமே தற்போது இரு கட்சிகளும் அவற்றின் கிளைக்கட்சிகளும் சதா சிந்தித்துக் கொண்டிருக்கின்றன.

கடந்த 50 ஆண்டுகளுக்கும் மேலாக அதிகார ருசியை ஆண்டு அனுபவித்து வரும் அவர்களுக்கு சாமானிய மனிதனின் எதிர்பார்ப்பு என்னவாக இருக்கக் கூடும் என்று இப்போது கணிக்க இயலாமலாகி விட்டது.

கலைஞர் மீது சுமத்தப்படாத ஊழல் குற்றச்சாட்டுகள் கிடையாது. ஆனாலும், அவரால் தொடர்ந்து 50 ஆண்டுகளுக்கும் மேலாக தமிழக அரசியலின் அசைக்க முடியாத அரசியல் மையமாக இருக்க முடிந்ததென்றால் அதற்கான ஒரே காரணம் என்னவாக இருந்திருக்கக் கூடுமென முதல்வர் நாற்காலியின் மீது தங்கள் பார்வையை நிலைகுத்தச் செய்திருக்கும் ஒவ்வொருவரும் ஆராய வேண்டும். திராவிடக் கட்சிகளைப் பொருத்தவரை கலைஞருக்கும், எம்ஜிஆருக்கும் அமைந்த தொண்டர்களைப் போன்ற எந்தப் பிரதிபலனையும் எதிர்பாராத மாபெரும் தொண்டர்படை இனியொரு அரசியல் தலைமைக்கு அமைவது கடினம். ஜெயலலிதாவுக்கு எம்ஜிஆரின் ஓட்டு வங்கி அப்படியே இருந்ததால் அவரது சர்வாதிகாரத் தன்மையையும் ரசனைக்குரியதாகக் கருதி ஓட்டுப் போட்டு ஆட்சியில் அமர்த்தி அழகு பார்த்தார்கள் தமிழக மக்கள். ஜெயலலிதா கடந்து வந்த அரசியல் அவமானங்களை தமிழக மக்கள் குறிப்பாகப் பெண்கள் தங்களுக்கு இழைக்கப்பட்ட அநீதியாகக் கருதினார்கள். என்ன தான் சினிமா மாயக்கவர்ச்சி இருந்த போதும், ஜெ.யின் மீதான தமிழக மக்களின் பாசத்திற்கு காரணம் எம்ஜிஆரின் அரசியல் வாரிசு எனக் கட்டமைக்கப்பட்ட பிம்பமும் தான். 

இவர்கள் இன்று வரையிலும் தமிழகத்துக்கு ஆற்றிய நற்பணிகள் என்ன என்று அரசியல் ஆர்வம் கொண்ட அரசியல்வாதியாகும் முனைப்பு கொண்ட ஒவ்வொரு மனிதனும் யோசிக்க வேண்டும்.

இவர்கள் ஆற்றிய நன்மைகளைக் காட்டிலும் சில வேளைகளில் தீமைகளே கூட அதிகமிருக்கலாம். அந்தத் தீமைகள் என்ன என்பதையும் அரசியல் ஆர்வம் கொண்டோர் சிந்தித்து அறிந்து தெளிய வேண்டும்.

ஒரு தேர்ந்த அரசியல்வாதி எப்படி இருக்க வேண்டும்? என்பதோடு எப்படியெல்லாம் இருக்கக் கூடாது என்பதற்கும் தெளிவான உதாரணங்கள் இவர்களே!

யோசித்துப் பாருங்கள்...

இன்றுவரையிலும் நாம் அரசியல் நுண்மான் நுழைபுலத்திற்கும், ராஜதந்திரத்துக்கும் அடையாளமாக ஒரே ஒரு ராஜாஜியின் பெயரைத்தான் சொல்லிக் கொண்டிருக்கிறோம்.

முதலமைச்சரின் எளிமைக்கு அடையாளமாக ஏழைப்பங்காளராக கர்மவீரர் காமராஜரையே நினைவுகூர்கிறோம்.

பகுத்தறிவுக்கும், மூட நம்பிக்கைகளைச் சாடுவதற்கும், பெண் விடுதலைக்கும் அடையாளமாக ஒரே ஒரு பெரியாரின் பெயரைத்தான் சொல்லிக் கொண்டிருக்கிறோம்.

தமிழ்ப்பற்றுக்கு, தமிழ்க்காதலுக்கு அண்ணா மற்றும் கலைஞர் பெயர்களைச் சொல்கிறோம்.

தைரியமான, எதேச்சாதிகார முடிவுகளுக்காக ஜெயலலிதாவை நினைவுகூர்கிறோம். இவர்களைத்தாண்டி வேறு யார் வந்து தமிழக மக்கள் மனதில் இனி மாற்றத்தை விதைக்கப் போகிறார்கள் என்பதே மில்லியன் டாலர் கேள்வி.

பழுத்த அரசியல் ஞானம் கொண்ட, ஏழைப் பங்காளரான, ஊழல் கரை படியாத கர்மவீரர் காமராஜரை அவருடைய சொந்தத் தொகுதியில் கல்லூரி மாணவர் ஒருவர் தோற்கடித்தார் என்கிறது தமிழக அரசியல் வரலாறு. தமிழகத்தில் காங்கிரஸின் வீழ்ச்சி அன்று தொடங்கியது. காரணம் மக்களின் எதிர்பார்ப்பை காங்கிரஸ் புரிந்து கொள்ள மறுத்ததால் ஆட்சியில் இருந்தால் தானே உங்களது ஆட்டமெல்லாம் என மக்கள் தங்களது ஓட்டுகளால் வீழ்த்தினர்.  அன்று காங்கிரஸ் பின்பற்றிய அதே கொள்கைகளைத்தான்தான் தற்போது தமிழகத்திலுள்ள பிரதான மற்றும் சிறு, குறு அரசியல் கட்சிகள் பின்பற்றுகின்றன. மக்கள் மனதைப் புரிந்து கொள்ளாமல் எதேச்சாதிகாரமாக நடந்து கொண்டதற்கான பலனை தமிழகத்தில் காங்கிரஸ் இன்று வரை அனுபவித்து வருகிறது. இதே நிலை திராவிடக் கட்சிகளுக்கு வரும் நாள் தொலைவில் இல்லை. ஆனால், அந்த மாற்றத்தை உண்டாக்கும் மறுமலர்ச்சிக்கு வித்திடப் போவது யார்?

அதற்காகத்தான் காத்திருக்கிறான் தமிழன்... ஓடு மீன் ஓட உறுமீன் வருமளவும் வாடியிருக்குமாம் கொக்கு எனும் கதையாக கால் நூற்றாண்டுகளுக்கும் மேலாகக் காத்திருக்கிறான் தங்கத் தமிழன்.

பட்டியலில் பாஜகவை விட்டுவிட்டீர்களே என்ற சந்தேகம் எவருக்கேனும் இருப்பின், அவர்களுக்குச் சொல்லிக்கொள்ள ஒரு விஷயம், தமிழகத்தில் பாஜக ஆட்சி பீடத்தில் இதுவரை ஏற்றப்படவில்லை. பாஜகவை சார்ந்த முதலமைச்சர்களை தமிழகம் இதுவரை கண்டதில்லை. இனியாவது தமிழகத்தில் தாமரை மலரும் என்ற கனவை விதைக்க நினைப்பவர்களும் கூட அந்தக் கனவை நனவாக்க முயலாமல் யாரோ கல்லூரி மாணவியுடன் விமானப் பயணத்தில் குழாயடிச் சண்டையிட்டுக் கொண்டிருக்கிறார்கள். இது தான் அரசியல் முதிர்ச்சியா?! 

தமிழன் எதிர்பார்ப்பது மீண்டுமொரு ராஜாஜியையோ, பெரியாரையோ, காமராஜரையோ, அண்ணாவையோ, கலைஞரையோ, எம்ஜிஆரையோ, ஜெயலலிதாவையோ அல்ல. அவர்களை ஒத்த தீரம் கொண்ட, மாநில சுய உரிமைகளை எக்காரணம் கொண்டும் விட்டுத் தர விரும்பாத துணிச்சல் மிக்க தலைவனை.

வருவானா/ வருவாளா அப்படி ஒரு தலைவன் அல்லது தலைவி?!

]]>
தமிழ்நாடு, MGR, jayalalitha, ஜெயலலிதா, karunanidhi, tamilnadu politics, தமிழக அரசியல், kamaraj, அரசியல், கலைஞர், மறுமலர்ச்சி, திராவிடக் கட்சிகள், காமராஜர், ராஜாஜி, rajaji, anna http://images.dinamani.com/uploads/user/imagelibrary/2018/10/5/w600X390/leadership.jpg http://www.dinamani.com/editorial-articles/special-stories/2018/oct/05/does-dravidian-parties-expire-like-the-congress-expired-in-60s-can-we-expect-political-renaissance-i-3014472.html
3014465 கட்டுரைகள் சிறப்புக் கட்டுரைகள் 'தகாத உறவு' உச்ச நீதிமன்றத் தீர்ப்பை சரியாக தான் புரிந்துகொண்டிருக்கிறோமா? சுவாமிநாதன் Friday, October 5, 2018 07:00 PM +0530  

தீபக் மிஸ்ரா. சமீபமாக இந்தியாவில் மிக அதிகமாக உச்சரிக்கப்பட்ட பெயர். ஆம், உச்ச நீதிமன்றத் தலைமை நீதிபதியாக இருந்து, அக்டோபர் 1-ம் தேதி ஓய்வுபெற்றார்.

தலைமை நீதிபதியான இவரது தலைமையிலான அமர்வுகள் பல முக்கிய வழக்குகளை விசாரித்து வந்தது. விசாரணை முடிந்து பல ஆண்டுகள் ஆன வழக்குகளில்கூட தீர்ப்பு அளிக்கப்படாமல் இருந்தது.

இந்த நிலையில், நீதிபதி தீபக் மிஸ்ரா ஓய்வு பெறுவதற்கு முன்பாக அவரது தலைமையிலான அமர்வுகள், சில முக்கிய வழக்குகளில் வரலாற்றுச் சிறப்புமிக்க, பரபரப்பான தீர்ப்புகளை வழங்கியது. 

அவற்றில் குறிப்பாக,

* சட்டப்பிரிவு 377-ஐ ரத்து செய்து, ஓரினச் சேர்க்கை குற்றமல்ல என்று தீர்ப்பளித்தது; 

* சட்டப்பிரிவு 497 மற்றும் 198-ஐ ரத்து செய்து, திருமண பந்தத்தை மீறிய வேறொரு நபருடனான உறவு தவறல்ல என்று தீர்ப்பளித்தது; 

* சபரிமலைக்கு அனைத்து வயதுப் பெண்களும் செல்லலாம் என்று தீர்ப்பளித்தது.

இந்த மூன்று தீர்ப்புகள் குறித்தும் பாராட்டுகளும் விமரிசனங்களும் எழுந்தன. ஆனால், சட்டப்பிரிவு 497 மற்றும் 198-ஐ ரத்து செய்து, திருமண பந்தத்தை மீறிய வேறொரு நபருடனான உறவு தவறல்ல என்று அளித்த தீர்ப்பின் மீது அதிகப்படியான விமரிசனம் எழுந்தது.

அப்படி விமரிசனம் அதிகமாக எழ என்ன காரணம்? விரிவாகப் பார்க்கும்முன், சட்டப்பிரிவு 497 குறித்துப் பார்ப்போம்.

“வேறொரு நபரின் மனைவி என்று தெரிந்திருந்தும், அந்தப் பெண்ணின் கணவரின் சம்மதம் இல்லாமல் அல்லது அவர் நீக்குப்போக்காக அறியும் வகையில், அந்தப் பெண்ணுடன் ஒரு ஆண் உடலுறவு கொள்வது என்பது, பாலியல் வன்கொடுமைக்கு ஈடானது அல்ல என்றபோதிலும், திருமணத்துக்கு அப்பாற்பட்ட உறவு என்றும், அது தண்டனைக்குரிய குற்றமாகவும் கருதப்படும். அதன்படி, குற்றச் சாட்டப்பட்ட ஆணுக்கு அதிகபட்சமாக 5 ஆண்டுகள் சிறைத் தண்டனை அல்லது அபராதம், அல்லது இரண்டும் விதிக்கப்படலாம். இந்த விஷயத்தில், அந்தப் பெண் (வேறொருவரின் மனைவி) தவறுக்கு உடந்தையாக இருந்தார் என்பதற்காக அவரைத் தண்டிக்க இயலாது”. 

இதுதான் அந்தச் சட்டப்பிரிவு குறித்த விளக்கம். இதன்மூலம் நாம் இரண்டு முக்கியமான விஷயங்களைக் கவனத்தில் எடுத்துக்கொள்ளலாம்.

  • இந்தச் சட்டம், கணவன் என்பவன் பெண்களுக்கான எஜமானன் என்பதை சூசகமாகச் சொல்கிறது. ஒரு பெண் தனது கணவரின் சம்மதத்துடன் உடலுறவு வைத்துக்கொண்டால் அது குற்றமல்ல. அதுவே கணவரின் சம்மதம் இல்லாமல் உடலுறவு வைத்துக்கொண்டால் அது குற்றம் என்றால், திருமணம் என்ற ஒன்று நடந்துவிட்டால், அதன்பிறகு ஒரு பெண்ணின் உடல் உள்பட மொத்தமும் கணவனின் உரிமையாகிவிட வேண்டும் என்பதைத்தான் இந்தச் சட்டம் வலியுறுத்துகிறது.
  • இதில், வேறொரு ஆணுடன் உடலுறவில் சம்பந்தப்பட்ட பெண்ணின் கணவர் வழக்குத் தொடரலாம். அதே உடலுறவில், ஒரு பெண்ணின் கணவர் ஈடுபட்டிருந்தால், அவரது மனைவி தனது கணவருடன் உடலுறவில் ஈடுபட்ட பெண்ணின் மீது எந்தவிதமான வழக்கையும் தொடர சட்டப்பிரிவுகள் 497 மற்றும் 198 அனுமதிக்கவில்லை. 

இந்த இரண்டு முக்கியமான விஷயங்களையே கருத்தில் கொண்டு, தீபக் மிஸ்ரா தலைமையிலான நீதிபதிகள் ஆர்.எஃப்.நாரிமன், ஏ.எம்.கான்வில்கர், டி.ஒய்.சந்திரசூட், இந்து மல்ஹோத்ரா ஆகியோர் அடங்கிய அரசியல் சாசன அமர்வு, சட்டப்பிரிவு 497 மற்றும் 198-ஐ ரத்து செய்து கடந்த 27-ஆம் தேதி தீர்ப்பு வழங்கியது. 

அந்தத் தீர்ப்பில், திருமணத்துக்கு அப்பாற்பட்ட உறவு குற்றமல்ல என்றும்; திருமணப் பந்தத்துக்கு எதிரான குற்றங்களை தண்டனைக்குரியதாகக் கருதுவது அரசியலமைப்புச் சட்டத்துக்கு விரோதமானது என்றும் நீதிபதிகள் அனைவரும் ஒருமித்த குரலில் தெரிவித்த போதிலும், தீர்ப்புகளை தனித்தனியாக வாசித்தனர். 

நீதிபதி தீபக் மிஸ்ரா

‘இந்தச் சட்டப் பிரிவுகள், திருமணத்துக்கு அப்பாற்பட்டு ஒரு கணவர், திருமணமாகாத பெண் அல்லது கணவரை இழந்த பெண்ணுடன் உறவு வைத்துக்கொள்வது குறித்த விஷயத்தை இந்த சட்டம் உள்ளடக்கி இருக்கவில்லை’.

நீதிபதி ஏ.எம். கான்வில்கர் 

‘பெண்களை சமத்துவமின்றி நடத்தும் எந்தவொரு சட்டப்பிரிவையும், அரசமைப்புச் சட்டத்தின்படி ஏற்றுக்கொள்ள முடியாது. கணவர் என்பவர் பெண்ணின் எஜமானர் அல்ல என்று சொல்ல வேண்டிய தருணம் இது’.

நீதிபதி இந்து மல்ஹோத்ரா 

‘அரசமைப்புச் சட்டம் வழங்கியுள்ள அடிப்படை உரிமைகளை அப்பட்டமாக மீறும் வகையில் சட்டப்பிரிவு 497 அமைந்துள்ளது. அந்த சட்டப்பிரிவு இனியும் தொடர்வதில் எந்தவித நியாயமும் இருக்க முடியாது’.

நீதிபதி ஆர்.எஃப். நாரிமன் 

‘சட்டப்பிரிவு 497 திருமணத்தின் புனிதத்தைப் பாதுகாப்பதாகக் கருதப்படுகிறது. திருமணமான ஆண், திருமணமாகாத பெண் அல்லது கணவரை இழந்த பெண்ணுடன் உறவு வைத்துக்கொண்டால் அது திருமணத்தின் புனிதத்தை சிதைக்கிறது. ஆனால், அது குற்றமாகக் கருதப்படவில்லை. அப்படி இருக்கையில், இது திருமணத்தின் புனிதத்தைப் பாதுகாப்பதாக அல்லாமல், கணவரின் உரிமையாகவே இது இருக்கிறது’.

நீதிபதி டி.ஒய்.சந்திரசூட் 

‘கண்ணியமிக்க மனிதச் சமூகத்தில் தனியுரிமை என்பது உள்ளார்ந்த விஷயம். இந்நிலையில், சட்டப்பிரிவு 497-ஆனது, பெண்கள் தனக்கான வாய்ப்புகளை உருவாக்கிக்கொள்வதைத் தடுக்கிறது. திருமணத்துக்கு அப்பாற்பட்ட உறவை குற்றமாக்குவது கடந்த காலத்தின் எச்சம். பெண்களுக்கான கண்ணியம், சுயமரியாதை ஆகியவற்றுக்குப் பாதிப்பு ஏற்படுத்துவதாகவும், கணவனின் சொத்தாகப் பெண்ணைக் கருதும் வகையிலும் அந்தச் சட்டப்பிரிவு உள்ளது’.

நான்கு நீதிபதிகளும் தனித்தனி கருத்துகளாகப் பதிவு செய்தாலும், ஒட்டுமொத்தமாகப் பார்க்கும்போது, திருமணப் பந்தத்தை மீறிய ஆண்-பெண் உறவு குற்றமல்ல என்பதே முக்கியக் கருத்தாக உள்ளது.

அதாவது. சட்டப்பிரிவு 497 என்பது இந்திய அரசமைப்புச் சட்டம் 14, 15 மற்றும் 21 ஆகியவற்றுக்கு எதிரானது என்ற அடிப்படையிலேயே உச்ச நீதிமன்ற நீதிபதிகள் இந்தத் தீர்ப்பை வழங்கினர்.

ஆனால், உச்ச நீதிமன்றத்தின் இந்தத் தீர்ப்பு கள்ளக் காதல் தண்டனைக்குரிய குற்றமல்ல, தகாத உறவு தண்டனைக்குரிய குற்றமல்ல, முறையற்ற உறவு தண்டனைக்குரிய குற்றமல்ல என பல தலைப்புகளில் விவாதிக்கவும், பகிரவும்பட்டது. 

இதில், 3 முக்கியமான விஷயங்களை நாம் கவனிக்க வேண்டிய கட்டாயம் இருக்கிறது.

முதல் விஷயம்

உச்ச நீதிமன்றம், இந்த சட்டம் அரசமைப்புச் சட்டங்களுக்கு எதிரானது என்ற அடிப்படையில்தான் தீர்ப்பை வழங்கியுள்ளதே தவிர, திருமணத்துக்கு அப்பாற்பட்ட உறவை ஆதரித்து  தீர்ப்பை வழங்கவில்லை. 

இரண்டாவது விஷயம்

இந்தச் சட்டம் (சட்டப்பிரிவு 497) கலாசாரத்தை அல்லது திருமணம் என்ற புனிதத்தைப் பாதுகாக்கிறது. அதனால், இந்தச் சட்டத்தை நீக்கக் கூடாது என்பதுதான் இங்கு பெரும்பாலான மக்களின் வாதமாக இருக்கிறது. 

ஆனால், இந்தச் சட்டம், கணவரின் சம்மதத்துடன் உறவு வைத்துக்கொண்டால் அது குற்றமல்ல என்று சொல்கிறது. அப்படி இருக்கையில், கணவரின் சம்மதத்துடன் உறவு வைத்துக்கொள்ளும்பொழுது அது திருமணத்தின் புனிதத்தைப் பாதிக்காதா என ஒரு கேள்வி எழுகிறது. மேலும், நீதிபதிகள் தீபக் மிஸ்ரா மற்றும் நீதிபதி ஆர்.எஃப்.நாரிமன் குறிப்பிட்டபடி, திருமணம் ஆன ஒரு நபர் திருமணம் ஆகாத அல்லது கணவரை இழந்த ஒரு பெண்ணுடன் உறவு வைத்துக்கொண்டால் அதுவும் திருமணப் புனிதத்தைப் பாதிக்காதா என்கிற கேள்வியையும் இந்த சட்டம் எழுப்புகிறது.

மூன்றாவது விஷயம்

இது கள்ளக் காதல், தகாத உறவு, முறையற்ற உறவு என பல அணுகுமுறையில்தான் இந்தச் செய்தி பகிரப்பட்டது. திருமணத்துக்கு அப்பாற்பட்ட ஒரு உறவை கள்ளக் காதலாகவோ, முறையற்ற உறவாகவோ, தகாத உறவாகவோ அணுகுவது என்பது ஒவ்வொருவரின் தனிப்பட்ட விருப்பம். பொதுத்தளங்களில் இதுதான் முறையற்ற உறவு, தகாத உறவு என சித்தரிப்பதுதான் சமூகத்தில் மிகப்பெரிய கேள்விகளை எழுப்புகிறது. 

திருமணம் செய்த பிறகு வைத்துக்கொள்ளும் உறவு மட்டும்தான் சமூகத்தில் தகுந்த உறவு, முறையான உறவு என்கிற விளக்கவுரை எங்கு வரையறுக்கப்படுகிறது?

பெரும்பான்மையான மக்களின் பார்வையில், திருமணம் செய்த பிறகு வைத்துக்கொள்ளும் உறவுதான் முறையான உறவு, தகுந்த உறவாக இருக்கிறது. அப்படி இருக்கையில், தனிப்பட்ட முறையில் வேண்டுமானால் பெரும்பான்மையான மக்களின் உணர்வை அடிப்படையாகக் கொண்டு அதன்வழி அணுகலாம். 

ஆனால், பொதுத்தளங்களில் ஒரு சமூகம் என்று வரும்போது அதனை திருமணத்துக்கு அப்பாற்பட்ட உறவாக முன்வைப்பதே சரியானதாக இருக்கும். தகாத உறவு, முறையற்ற உறவு, கள்ளக் காதல் என சித்தரிப்பது இந்தத் தீர்ப்பின் அம்சத்தை முற்றிலும் திசை திருப்பி, தவறான ஒரு தூண்டுதலை சமூகத்தில் விதைக்கிறது.

ஆக, எந்த ஒரு விஷயத்திலும் மேலோட்டமாகப் பார்க்காமல் உள்ளார்ந்து ஆராய்ந்து பார்த்தால்தான் அதன் உண்மைத்தன்மை என்பது புலப்படும். இந்த விஷயத்தில், தீர்ப்பு மீதான மேலோட்டமான பார்வையே தவறான புரிதல்களுக்கு வழிவகுத்துவிட்டது.

தினமணி இணையதளத்தின் இச் சிறப்புக் கட்டுரை, முன்னர் இருந்த சட்டப்பிரிவு என்ன சொன்னது, இப்போது உச்ச நீதிமன்றம் சொன்ன தீர்ப்பின் உண்மைத் தன்மை என்ன என்பதை மக்களுக்கு தெளிவுபடுத்தும் என்று நினைக்கிறோம்.

]]>
http://images.dinamani.com/uploads/user/imagelibrary/2018/10/5/w600X390/sup-court.jpg http://www.dinamani.com/editorial-articles/special-stories/2018/oct/05/என்ன-சொல்கிறது-சட்டப்பிரிவு-497-உச்ச-நீதிமன்றம்-சொல்வது-என்ன-3014465.html
3013178 கட்டுரைகள் சிறப்புக் கட்டுரைகள் ஓடி ஓடி உழைத்தாலும் ஓட்டைப் பானையில் ஒழுகும் நீரானது ரூபாயின் வீழ்ச்சி! - டி.எஸ்.எஸ். Wednesday, October 3, 2018 06:04 PM +0530
பணம் இருந்தால் இந்த சமூகத்தில் மதிப்பு கூடுகிறது. மரியாதை தேடி வருகிறது. எனவே நாம் பணத்தை தேடி ஓடுகிறோம். ஆனால் நாட்டில் இப்போது அந்த பணத்திற்கே மதிப்பு குறைந்து வருகிறது. பணம் பாதளம் வரை பாயும் என்ற நிலை மாறி இப்போது பணத்தின் மதிப்பு அதள பாதாளத்திற்கு சென்று கொண்டிருக்கிறது. 

இது இருப்பவர் முதல் இல்லாதவர் வரை எல்லோருக்கும் கவலை அளிக்க கூடிய விசயம்தான். ஆளுபவர் தொடங்கி உழுபவர் வரைக்கும் பணத்தின் வீழ்ச்சி பெரும் பாதிப்பை ஏற்படுத்தும் என்பதில் யாரும் மறுபத்தற்கில்லை. ஆனால் இந்த ரூபாயின் மதிப்பு தொடர்ந்து சரிய என்ன காரணம்.. கச்சா எண்ணெய் விலை உயர்வு மற்றும் சர்வதேச சந்தையில் டாலரின் தேவை அதிகரிப்பு போன்ற காரணங்களால் ரூபாயின் மதிப்பு தொடர்ந்து சரிந்து வருகிறது என்று பலருக்கும் தெரியும்.  

இந்நிலையில் இன்று கச்சா எண்ணெயின் விலை, கடந்த நான்கு ஆண்டுகளில் இல்லாத அளவுக்கு பீப்பாய் ஒன்றுக்கு 85 டாலராக உயர்ந்தது. ரூபாயின் மதிப்பு வர்த்தக நேர தொடக்கத்தில் 73.28 ரூபாயாக இருந்தது. பின்னர் மேலும் இந்திய ரூபாயின் மதிப்பு 43 பைசாக்கள் வீழ்ச்சி கண்டு முதன்முறையாக இன்று ரூ.73.34 ஆக ஆனது. இதேவேளையில் மும்பை பங்குச் சந்தையில் இன்று காலை வர்த்தகம் தொடங்கியபொழுது, சென்செக்ஸ் குறியீடு 137.62 புள்ளிகள் சரிவடைந்து 36,388.52 புள்ளிகளாக உள்ளது.

ரூபாயின் வீழ்ச்சி: நம்மை கவலையில் ஆழ்த்தும் 5 காரணங்கள்
ஓடி ஓடி உழைக்கணும் ஊருக்கெல்லாம் கொடுக்கணும் என்று சொன்ன காலம் போய் இப்போது என்ன தான் ஓடி ஓடி உழைத்தாலும் இந்த ரூபாயின் வீழ்ச்சி மற்றும் விலையேற்றத்தினால் ஓட்டைப்பானையில் நீர் ஊற்றிய நிலையாகி வருகிறது. ரூபாயின் வீழ்ச்சி காரணமாக எண்ணெய் நிறுவனங்களின் சுமையை அதிகரிக்கும் பெட்ரோல் மற்றும் டீசல் விலையை நிர்ணயிக்கும் உரிமை அந்த எண்ணெய் நிறுவனங்களுக்கே வழங்கப்பட்டதால் அதுவும் தினமும் உயர்ந்து கொண்டே போகிறது. இதனால் சுமைக் கூலியை காரணம் காட்டி எல்லாவிதமான பொருட்களின் விலையும் உயந்து அனைத்து சுமைகளும் மக்களின் தலையில் வைக்கப்படும்.

ரூபாயின் சரிவு நாட்டின் இறக்குமதியை பாதிப்பதோடு நடப்பு கணக்குகளில் அது பற்றாக்குறை ஏற்படுத்தும். இறக்குமதியாளர்கள் தான் இறக்குமதி செய்யும் பொருட்களுக்கு அதிகமான பணம் கொடுக்க வேண்டிய அவசியம் ஏற்படும்.

வங்கியில் நாம் வாங்கியுள்ள கடன்களுக்கான வட்டி விகிதங்களை இந்திய ரிசர்வ் வங்கி அதிகரிக்கும். அவ்வாறு செய்யப்படும் போது கடன்தாரர்கள் செலுத்த வேண்டிய மாதத் தவணை அதிகமாகும். 15 பொருளாதார வல்லுனர்களில் 14 பேர் ரிசர்வ் வங்கியிடம் ரெப்போ விகிதத்தை உயர்த்த வேண்டும் என வலியுறுத்துகின்றனர். குறிப்பாக வணிக வங்கிகளின் வட்டி விகிதம் 6.75% ஆகக் உயர்ந்தப்பட வேண்டும் என்று கோரிக்கை வைத்துள்ளனர். இதில் ஒரு பொருளாதார நிபுணர் மேலும் 7% ஆக உயர்த்தப்பட வேண்டும் என்று கூறுகிறார்.

மேலும் ரூபாயின் வீழ்ச்சி சந்தை வர்த்தகத்தை வெகுவாக பாதிக்கக் கூடும். பங்குச் சந்தையில் முதலீடு செய்துள்ளவர்கள் ரூபாயின் வீழ்ச்சியால் தங்கள் உள்நாட்டுப் பங்குகளை விற்க வேண்டிய நிலைக்கு தள்ளப்படுவார்கள். இதுவரை இந்த ஆண்டு ரூபாய் 12.07 சதவீதமும், வெளிநாட்டு முதலீட்டாளர்களும் முறையே 2.01 பில்லியன் டாலர்கள் மற்றும் 7.11 பில்லியன் டாலர்கள் பங்கு மற்றும் கடன் சந்தைகளில் விற்பனை செய்துள்ளனர்.

வெளிநாட்டில் படிக்கும் மாணவர்களுக்கு ரூபாய் மதிப்பு குறைந்து வருவதால் மிகுந்த தாக்கத்தை ஏற்படுத்தும். பல்கலைக்கழக / கல்லூரி கட்டணம் மற்றும் வாழ்வாதாரத்திற்குள் ஏற்படும் செலவுகள் அதிகரிக்கும். இதனால் அனைத்துத் தரப்பினர்களுக்கும் பெரும் பாதிப்பு ஏற்படும் என்பது சர்வ நிச்சயம். 
இந்திய ரூபாயின் மதிப்பைப் போல் இந்தோனேசியா ரூபியா 0.27%, ஜப்பான் யென் 0.13% மற்றும் தைவான் டாலர் 0.07% சரிவு கண்டுள்ளது. எனினும் எனினும், சீன யுவான் 0.31%, பிலிப்பைன்ஸ் பெஸோ 0.17% மற்றும் தென் கொரிய வோன் 0.07% உயர்ந்து காணப்பட்டது.
- டி.எஸ்.எஸ்.
 

]]>
http://images.dinamani.com/uploads/user/imagelibrary/2018/9/13/w600X390/rupee-dolar.jpg http://www.dinamani.com/editorial-articles/special-stories/2018/oct/03/ஓடி-ஓடி-உழைத்தாலும்-ஓட்டைப்-பானையில்-ஒழுகும்-நீரானது-ரூபாயின்-வீழ்ச்சி-3013178.html
3011644 கட்டுரைகள் சிறப்புக் கட்டுரைகள் கூகுள் டூடுல் வெளியிட்டுச் சிறப்பித்துள்ள இந்தியாவின் பெருமைக்குரிய டாக்டர் ‘வி’ க்கு இன்று வயது 100! கார்த்திகா வாசுதேவன் Monday, October 1, 2018 12:17 PM +0530  

டாக்டர் ‘வி’ என்றால் தமிழ்நாட்டில் எத்தனை பேருக்குத் தெரியும். தெரியவில்லை என்றால் நிச்சயம் தெரிந்து கொள்ளப்பட வேண்டிய மாமனிதர்களில் இவர் ஒருவர். ‘வி’ என்றால் தெரியாதவர்களுக்கு அரவிந்த் மருத்துவமனை என்றால் கண்டிப்பாகத் தெரிந்திருக்கும். ஏனெனில் இன்று அம்மருத்துவமனை தமிழ்நாட்டின் பெருமைக்குரிய அடையாளங்களில் ஒன்று. தென் தமிழகத்தில் வடமலாபுரம் எனும் சின்னஞ்சிறு கிராமத்திலிருந்து தான் இம்மாபெரும் கண் மருத்துவமனை சேவைக்கான விதை முளை விட்டிருக்கிறது. அதற்கு காரணகர்த்தாவாக அமைந்தவர் டாக்டர் ‘வி’ எனும் கோவிந்தப்ப வெங்கடசாமி. இவர் பிறந்த கிராமத்தில் இவர் தான் முதல் மருத்துவப் பட்டதாரி. ஆண்களும், பெண்களுமாக இவருடன் பிறந்தவர்கள் ஐவர். இந்த ஐவருமே தத்தமது வாழ்க்கைத்துணைகளுடன் இணைந்து டாக்டர் ‘வி’யின் அரவிந்த் கண்மருத்துவமனைக் கனவை நனவாக்கியவர்கள் என்றால் அது மிகையில்லை. 

1918 ஆம் ஆண்டு அக்டோபர் 1 ஆம் தேதி சிவகாசிக்கு அருகில் இருக்கும் வடமலாபுரம் கிராமத்தில் பிறந்தவரான சிறுவன் வெங்கடசாமிக்கு 10 வயதாக இருக்கையில் அவருடைய அம்மாவுக்கு பிரசவ காலச் சிக்கல்களால் மூன்று குழந்தைகள் கருவிலேயே இறந்து விட்டன. இதனால் மனம் துடித்துப் போன சிறுவன் வெங்கடசாமிக்கு மிக இளம் வயதிலிருந்தே டாக்டராக வேண்டும் என்ற வைராக்யம் மிகுந்திருந்தது. அந்த முனைப்புடன் தன் கிராமத்திலிருந்து தினமும் 2 கிமீ தூரம் நடந்தே சென்று அரசுப் பள்ளியொன்றில் பள்ளிப்படிப்பை முடித்தவர் கல்லூரிப் படிப்பிற்காக மதுரை அமெரிக்கன் கல்லூரியில் சேர்ந்தார். அங்கு இளநிலை வேதியியலில் பட்டம் பெற்று தேர்ந்து பின்னர் சென்னை ஸ்டான்லி மருத்துவக் கல்லூரியில் மருத்துவப் படிப்பிற்காக இணைந்தார். ஸ்டான்லியில் மருத்துவப் படிப்பை முடித்ததும் இந்திய ராணுவத்தில் இணைந்து 1945 முதல் 48 வரை மருத்துவச் சேவையாற்றியவர் பின்பு தமக்கிருந்த அரிதான முடக்குவாதப் பிரச்னையின் காரணமாக 30 வயதில் அந்தப் பணியிலிருந்து விடுவிக்கப்பட்டார். ஆம், டாக்டர் வெங்கடசாமிக்கு ருமட்டாய்டு ஆர்த்த்ரைட்டிஸ் பிரச்னை இருந்த காரணத்தால் அவரது கை விரல்கள் நிரந்தரமாக ஒன்றுடன் ஒன்று பின்னிக் கொண்டு இயல்பு மாறிப் போயின. இதனால் அதற்கான சிகிச்சை எடுத்துக் கொள்ளும் பொருட்டு இரண்டு ஆண்டுகளைப் படுக்கையிலேயே கழித்தார்.

இதன் காரணமாக இவர் மீண்டும் மருத்துவப் பணிக்குத் திரும்புகையில் முதலில் இவர் பணிபுரிந்து கொண்டிருந்த மகப்பேறியல் துறையில் மீண்டும் பணிபுரிய தடை ஏற்பட்டது. அதன் காரணமாக தமது மருத்துவ சேவையை மகப்பேறியலில் இருந்து கண் மருத்துவ சிகிச்சைக்கு மடை மாற்றிக் கொண்டார் அவர். எனவே 1951 ஆம் ஆண்டில் மருத்துவ மேற்படிப்பிற்காக சென்னை அரசு கண் மருத்துவமனையில் இணைந்து பயிலத் தொடங்கினார். அங்கு இவர் பயின்று கொண்டிருக்கையில் இவரது தந்தையார் மரணமடைந்தார். தந்தையை அடுத்து குடும்பத்தின் மூத்த வாரிசு என்பதால் அடுத்தபடியாக குடும்ப பாரமும் பொறுப்புகளும் இவர் தோளுக்கு மாறின. இவரது ஐந்து சகோதர, சகோதரிகளுக்கும் இவர் சொல்வதே வேத வாக்காக இருந்தது.

அனைவருக்கும் கண் சிகிச்சை என்பதே டாக்டர் வெங்கடசாமியின் தாரக மந்திரம். அந்த மந்திரத்தை பலிதமாக்க 1956 ஆம் ஆண்டு மதுரை மருத்துவக் கல்லூரியின் கண் சிகிச்சைப் பிரிவின் தலைவரானபோது, அவருக்கு அதற்கான வாய்ப்புகள் உருவாகின. கண் மருத்துவப் பிரிவைத் தனது லட்சியங்களுக்கு ஏற்ற வகையில் மாற்றக் கடும் முயற்சிகளை மேற்கொண்டார். அரசு மருத்துவமனைகளில் புதிய முயற்சிகள் செய்வது மிகக் கடினம். ஆனால் அதற்காகவெல்லாம் டாகடர் வெங்கடசாமி அசரவில்லை.

கொஞ்சம் கொஞ்சமாக கண் மருத்துவத் துறையை தமது சிந்தனைகளுக்கு ஏற்றவாறு மாற்றத்தொடங்கினார். மருத்துவமனைகளுக்கு வரும் கண் நோயாளிகளுக்குச் சிகிச்சை தருவதில் அவருக்கு திருப்தி கிட்டவில்லை. ஆயிரமாயிரம் கண் நோயாளிகள், கிராமங்களில் வழி அறியாது தவித்து வந்ததை உணர்ந்தார். அவர்களைத் தேடி கண் மருத்துவர்கள் ஏன் அவர்கள் இருக்கும் இடத்திற்கே செல்லக்கூடாது என யோசித்தார்.

மருத்துவச் சேவை தேவைப்படுவோரைத் தேடிச் சென்று பணி செய்வதே டாக்டர் வெங்கடசாமி ஸ்பெஷல். அந்த வகையில் 1961-ம் ஆண்டு கல்லுப்பட்டி காந்தி நிகேதன் ஆசிரமத்தில் தனது முதல் கிராமியக் கண் மருத்துவ முகாமை நடத்தினார். அவரது கண் மருத்துவ வரலாற்றில் அது பிரதான மைல்கல்லாக அமைந்தது. மருத்துவமனைக்கு வர வாய்ப்பில்லாத ஆயிரக்கணக்கான மக்கள் அந்த முகாமுக்கு வந்து அவரது மருத்துவச் சேவையால் பயன்பெற்றனர். சுமார் 350 கண் மருத்துவ அறுவைசிகிச்சைகள் அந்த முகாமில் வெற்றிகரமாக நடைபெற்றன. அன்றைய காலகட்டத்தில் அது மிகப் பெரிய சாதனை.

அடுத்த 15 ஆண்டுகளில், கிராமியக் கண் மருத்துவ சேவையில் பல பரிசோதனை முயற்சிகளையும் தலைகீழ் மாற்றங்களையும் டாக்டர் வெங்கடசாமி நிகழ்த்தினார். தேசிய அளவிலும், உலக அளவிலும் அறியப்பட்ட கண் மருத்துவரானார். தனது சேவைக்காக 1973 ஆம் ஆண்டு இந்திய அரசின் பெருமைக்குரிய பத்மஸ்ரீ விருதையும் பெற்றார்.

டாக்டர் வெங்கடசாமியின் பணிகளின் தாக்கம் இந்தியாவுடன் நின்றுவிடவில்லை. உலகெங்கும் அது பரவியுள்ளது. 1992-ம் ஆண்டு அவர் தொடங்கிய லயன் அரவிந்த் சர்வதேச சமூகக் கண் மருத்துவ நிறுவனம் (LAICO) ஆசிய, ஆப்பிரிக்க, லத்தீன் அமெரிக்க நாடுகளில் புதிய கண் மருத்துவமனைகளைத் தொடங்குவதற்குப் பெரும் உதவிகளைச் செய்துவருகிறது. சுமார் 80 நாடுகளைச் சேர்ந்த நிபுணர்கள் இங்கு பயிற்சிபெற்றுள்ளனர். லைகோ-வின் உதவியுடன் சுமார் 400 கண் மருத்துவமனைகள் முப்பது நாடுகளில் தொடங்கப்பட்டுள்ளன. மூன்றாம் உலக நாடுகளின் மருத்துவமனைகள், முதல் உலக நாடுகளின் மருத்துவமனைகளை விஞ்ச முடியும் என்ற தன்னம்பிக்கையுடன் கூடிய தகுதியை லைகோ வழங்கிவருகிறது.

டாக்டர் வெங்கடசாமி தொடங்கிய ‘ஆரோ லேப்’ மூன்றாம் உலக நாடுகளுக்குச் செய்த பணி வியக்கத்தக்கது. கண் அறுவைசிகிச்சையின்போது பயன்படுத்தப்படும் உள்விழி லென்ஸ்களை சர்வதேச வணிக நிறுவனங்கள் எட்டாத விலையில் விற்றுவந்தன. ‘ஆரோ லேப்’ அதை மிகக் குறைந்த விலையில் தயாரிக்கும் தொழில்நுட்பத்தை உருவாக்கியது. எல்லோருக்கும் கட்டுப்படியாகும் விலையில் மிகச் சிறந்த லென்ஸ்களை ‘ஆரோ லேப்’ தயார் செய்து உலகெங்கும் அனுப்பிவருகிறது.

ஹார்வர்டு, ஸ்டான்ஃபோர்டு போன்ற பல்கலைக்கழகங்களின் ஆசிரியர்களுக்கும் மாணவர்களுக்கும் பயிற்சிக் களமாகவும், ஆய்வுக் களமாகவும் அரவிந்த் திகழ்கிறது. அமெரிக்காவிலிருந்தும் ஐரோப்பாவிலிருந்தும் பயிற்சிபெறுவதற்காக அரவிந்த் மருத்துவ நிறுவனத்துக்கு மருத்துவர்கள் வருகின்றனர். சமீபத்தில் ஹார்வர்டு பல்கலைக்கழகத்தின் மேலாண்மை இதழ், அரவிந்த் மருத்துவமனையின் சேவையை 21-வது நூற்றாண்டின் மிகச் சிறந்த சாதனைகளில் ஒன்று எனக் குறிப்பிட்டிருக்கிறது.

2006 ஆம் ஆண்டில் டாக்டர் வெங்கடசாமி மறைந்தபோதிலும், அவரது அரிய உழைப்பால் அவர் நிறுவிய அரவிந்த் கண்மருத்துவமனை குழுமங்கள் வாயிலாக உலகெங்கும் உள்ள லட்சக்கணக்கான ஏழை எளியவர்கள் இன்றும் தொடர்ந்து பயன்பெற்றுவருகின்றனர். உலகக் கண் மருத்துவத் துறைக்கே வெளிச்சம் பாய்ச்சும் ஒளிவிளக்காக டாக்டர் வெங்கடசாமி திகழ்கிறார்!

இளமை முதலே மிகச்சிறந்த காந்தியப் பற்றாளராகவும், பாண்டிச்சேரி அரவிந்தர் மற்றும் அன்னையின் சீடராகவும் திகழ்ந்து வந்த டாக்டர் வெங்கடசாமிக்கு சுவாமி விவேகானந்தரின் செயலூக்கக் கருத்துக்களின் பால் மிகச்சிறந்த தாக்கம் உண்டு. எனவே தான் அவர் தாம் நிறுவிய சமூகக் கண் மருத்துவமனைக் குழுமத்துக்கு அரவிந்த் என்று பெயரிட்டு அச்சேவையை இன்று வரை தொடரும் வகையில் வழிவகை செய்திருக்கிறார். இன்று டாக்டர் வெங்கடசாமி விட்டுச் சென்ற நற்பணியை அவரது சகோதர சகோதரிகள் சிரமேற்கொண்டு நடத்தி வருகின்றனர்.

டாக்டர் வெங்கடசாமியை இந்தியக் கண்மருத்துவ உலகம் மட்டுமல்ல, உலக கண்மருத்துவ சிகிச்சைத் துறையும் கூட டாக்டர் ‘வி’  இஸ் மை ஹீரோ என்கிற ரீதியில் கொண்டாடுகிறது. சர்வ தேச அளவில் புகழீட்டுபவர்களுக்கு டூடுல் வெளியிட்டுச் சிறப்பிக்கும் பழக்கம் கொண்ட கூகுள்... அந்த வரிசையில் இன்று டாக்டர் வி க்கும் கூகுள் வெளியிட்டுச் சிறப்பித்துள்ளது.

டாக்டர் வி யின் பொன்மொழிகள்...

நன்றி
விக்கிபீடியா
முனைவர் ரகுபதி
மை ஹீரோ ஸ்டோரீஸ் டேவிட் கெம்கேர்
 

]]>
கூகுள் டூடுல் , பத்மஸ்ரீ, DOCTOR 'V'. , ARAVINDH EYE HOSPITALS, AUROLAB, LAICO, DOCTOR KOVINDAPPA VENKATASWAMY, 100TH BIRTHDAY, GOOGLE TOODLE, டாக்டர் ‘வி’, டாக்டர் கோவிந்தப்ப வெங்கடசாமி, அரவிந்த் கண்மருத்துவமனை, 100 வது பிறந்தநாள், GOOGLE DOODL http://images.dinamani.com/uploads/user/imagelibrary/2018/10/1/w600X390/doctor_v.jpg http://www.dinamani.com/editorial-articles/special-stories/2018/oct/01/doctor--v-alias-govindappa-venkataswamys-100-th-birth-day-3011644.html
3009075 கட்டுரைகள் சிறப்புக் கட்டுரைகள் மதபோதகரின் பேச்சுக்கு இந்துக்களின் பதிலடி ஒற்றுமை மட்டுமே: உணர்வுகளை இழக்காதீர்கள்! - சாது ஸ்ரீராம் Thursday, September 27, 2018 06:45 PM +0530 மதம் பிடித்த யானைக்கும், மதம் பிடித்த மனிதனுக்கும் என்ன வித்தியாசம்? ஒரே வித்தியாசம் தான். மதம் பிடித்த யானை எதிரில் தென்படுபவனையெல்லாம் துவம்சம் செய்யும். மதம் பிடித்த மனிதன் மாற்று மத நம்பிக்கைகளையும், மாற்று மதத்தையும் துவம்சம் செய்வான். கிண்டல் செய்வான். கேலி செய்வான். 

அடுத்தவர்களை வெறுப்பேற்றி, உசுப்பேற்றி சமுதாயத்தின் சமத்துவத்தை நாசம் செய்வான். பாதிப்பு மிக அதிகம். பல தலைமுறைக்கும் இந்த வெறுப்பு தொடரும். மதம் யானைக்கு மட்டும் பிடிக்கட்டும். மனிதனுக்கு வேண்டாம்.

நேற்றைய தினம் சமூக வலைத்தளங்களில் கிருஸ்தவ மத போதகர் பாஸ்டர் மோகன் சி. லாசரஸ் பேசும் ஒரு விடியோ உலவியது. மதபோதகர் என்பவர் ஒரு மதத்தின் பிரதிநிதி. இவர் பேசும் பேச்சுக்கள் அவர் சார்ந்த மதத்தின் ஒட்டுமொத்த கருத்து. ஆனால் அவர் துர்நாற்றம் வீசும் சாக்கடையை உறிஞ்சி அடுத்தவன் மீது உமிழும் செயலுக்கு ஒப்பான பேச்சுக்களை பேசிக் கொண்டிருந்தார். இதை சாதாரண மனிதன் பேசியிருந்தால் அது வெறுப்பு பேச்சு. அதையே ஒரு மதபோதகர் பேசினால் அது விஷ உமிழ்வு. அப்படி என்ன பேசிவிட்டார்?

'இந்தியாவிலேயே எந்த மாநிலத்திலும் தமிழ்நாட்டில் இருப்பது மாதிரி சாத்தானுடைய அரங்கு கிடையாது', என்று தொடங்குகிறது அவர் பேச்சு. அவர் சொல்லும் சாத்தானின் அரங்கு தமிழகத்தில் இருக்கும் இந்துக் கோவில்கள். எங்கள் கடவுள் சாத்தானா? என்ன பிதற்றல் இது?

அடுத்ததாக, ‘ஏன் தமிழ்நாட்டை குறிவைத்து சாத்தான் ஸ்டாக் பண்ணியிருக்கிறான்?' என்று கேள்வி எழுப்புகிறார். கும்பகோணம் மிகவும் மோசமாம். கிரஹிக்க முடியாத அளவுக்கு சாத்தான் அங்கே அத்தனை கோவில், அத்தனை இடங்களில் வேறூன்றி இருக்கிறானாம்.

அடுத்ததாக இவர் காஞ்சீபுரம் சென்றாராம். அங்குள்ள சங்கர மடத்திற்குள்ளே செல்வதற்கு ஆண்டவன் பலம் கொடுத்தாராம். அங்கே இரண்டு பேர் இருந்தார்களாம். அவர்கள் பூஜை பண்ணி, யாகம் பண்ணிக்கொண்டிருந்தார்களாம். “வேஷ்டி, பட்டுப் புடவையை எரிச்சு யாகம் பண்ணறாங்க. யாகம் பண்ணி அவர் காலில விழுந்து வணங்கறாங்க. ரூட் என்னன்னு பார்த்த மனுஷ வணக்கம்தான். அவங்க வெளியே சொல்லறதுதான் கோபுரம், சக்தியெல்லாம். ஆனா எல்லாம் அவரைத்தான் சாஷ்டாங்கமா விழுந்து கும்பிடறாங்க', என்று பேச்சு தொடர்கிறது.

இவையெல்லாம் என்ன பேச்சு? பதிலுக்கு இந்துக்கள் இவர் மீதும், இவர் சார்ந்த மதத்தின் மீதும், சர்ச்கள் மீதும் சேற்றை வாரி இறைத்தால் என்னாகும்? இப்படிப் பேசினால் மததுவேஷம் வளரும் என்று தெரியாதா? தெரியும்! தெரிந்தும் அப்படி பேசுகிறார் என்றால் அவருக்கு இந்த தைரியத்தை கொடுத்தது யார்?

தொடர்ந்து படிக்கும் முன் ஒரு குட்டிக்கதையை படிப்போம்.

ஒரு அரசன். ஆட்சியில் நேர்மையும், போர் என்று வந்துவிட்டால் கடுமையாக போராடுவதும், வெற்றி பெறுவதும் அவனது வழக்கம். அவன் பெயரைக் கேட்டாலே எதிரிகள் நடுங்குவார்கள். மக்கள் அவனுடைய ராஜ்ஜியத்தில் வாழ்வதையே பெருமையாக நினைத்தார்கள். அரண்மனையில் ஒரு மருத்துவர் இருந்தார். அவரிடம் ஒரு அபூர்வ சக்தி மிகுந்த வேர் ஒன்று இருந்தது. ஒவ்வொரு முறை அரசனின் உடலில் காயம்படும் போதும் அது அரசனுடைய காயங்களை வேகமாக குணப்படுத்தியது. காயத்தினால் ஏற்படும் வலியோ, தழும்போ இல்லாத அளவுக்கு அது குணப்படுத்தும் ஆற்றல் மிக்கது. இதனால் அரசனின் வெற்றிக்கும், நல்வாழ்க்கைக்கும் முக்கியமானவராக அரண்மனை வைத்தியர் பார்க்கப்பட்டார்.

ஒரு நாள் அந்த நாட்டிற்கு ஒரு சாது வந்தார். மக்கள் அவரை தரிசித்தனர். அரசனும் ஆசிபெற்றான்.

‘அரசே! உங்கள் பெருமைகளை கேள்விப்பட்டிருக்கிறேன். உங்களுக்கு ஒரு வரம் கொடுக்க ஆசைப்படுகிறேன். இன்று மாலை என்னை சந்தியுங்கள் நீங்கள் கேட்கும் வரத்தை தருகிறேன்', என்றார் சாது.

விடைபெற்று திரும்பினான் அரசன். சாதுவிடம் என்ன வரம் கேட்பது என்று யோசிக்கத் தொடங்கினான். இதுபோன்ற தருணங்களில் அரசனுக்கு உதவ ஒரு ஆலோசகர் இருந்தார். அவர் பேசினார்.

‘அரசே! அரசன் என்பவன் எப்போதும் அடுத்தவருக்கு உதவும் உயரத்தில் மட்டுமே இருக்க வேண்டும். யாரிடமும் உதவியை கேட்டுப்பெறும் தாழ்ந்த நிலையில் இருக்கக்கூடாது. ஒவ்வொரு முறை நீங்கள் காயப்படும் போதும் அரண்மனை வைத்தியனை நம்பி காலத்தை கழிக்க வேண்டியிருக்கிறது. உங்களின் தகுதிக்கு இது இழுக்கு. ஆகையால், இனி வைத்தியனின் உதவியை எதிர்பார்க்காத வகையில் ஒரு வரத்தை கேட்டுப் பெறுங்கள்', என்றார் ஆலோசகர்.

‘என்ன வரம் கேட்பது! அதையும் நீங்களே சொல்லுங்கள்', என்றார் அரசர்.

‘அரசே! போரில் ஏற்படும் காயத்தால் வலி ஏற்படுகிறது. அதனால் வைத்தியனை அணுக வேண்டியிருக்கிறது. ஆகையால், எத்தகைய காயம் ஏற்பட்டாலும் அது உங்களுக்கு வலியை தராதபடி வரத்தை கேட்டுப் பெறுங்கள்', என்று யோசனை சொன்னார் ஆலோசகர்.

மகிழ்ச்சியடைந்தான் அரசன். சாதுவை சந்தித்தான். ‘வலியே இல்லாத நிலையை', வரமாக கேட்டான் அரசன். சாதுவும் வரத்தை கொடுத்துவிட்டு புனித யாத்திரைக்கு புறப்பட்டார்.

ஒரு மாதம் சென்றது. யாத்திரையை முடித்துவிட்டு அரசனை பார்க்க வந்தார் சாது. அரசன் உடல் நிலை சரியில்லாமல் படுத்த படுக்கையாக இருந்தான்.

‘அரசே! நலமா?' என்று விசாரித்தார் சாது.

‘சாதுவே! என் உடலில் வலி, மயக்கம் ஆகிய எதுவும் இல்லை. ஆனால், என் உடல் இளைத்துக் கொண்டே செல்கிறது. நடக்க முடியவில்லை. இது ஏன்?' என்று கேட்டார் அரசர்.

படுத்திருந்த அரசனை புரட்டி அவரின் முதுகைப் பார்த்தார் சாது. முதுகு முழுவதும் கத்தியால் குத்திய காயம் இருந்தது.

‘அரசே! உன் முதுகில் இவ்வளவு கத்திக்குத்து இருந்தும் அவற்றை உன்னால் உணர முடியவில்லை. காரணம் நீ கேட்டுப் பெற்ற வலியில்லா வரம். வலியில்லாததால் முதுகில் குத்தியவர்களைப் பற்றி நீ கவலைப்படவும் இல்லை. உன்னைச் சுற்றி பல எதிரிகள் இருந்தாலும் அவர்களைப் பற்றி நீ இப்பொழுதெல்லாம் கவலைப்படுவதில்லை. அப்படிப்பட்ட எதிரிகளில் முதன்மை எதிரி யார் தெரியுமா? ‘வலியில்லா வரத்தை கேட்டுப் பெறச் சொன்ன அந்த அலோசகர்தான். அவர் உன் மீது அக்கறையுள்ளவராக இருந்திருந்தால் வைத்தியனிடம் இருப்பது போன்ற ‘மூலிகை வேரை' வரமாக கேட்டுப் பெற்றிருக்க முடியும். ஆனால் அவர் அப்படிப்பட்ட ஆலோசனையை வழங்கவில்லை. அப்படிப்பட்ட ஆலோசனையை வழங்கியிருந்தால் அவர் உன் மீது அக்கறையுள்ளவர், நல்ல சிந்தனையுள்ளவர் என்று அர்த்தம். அப்படியில்லாமல், அவரின் ஆலோசனையினால், உன் வலியையும், உணர்வுகளையும் மறக்கடிக்கச் செய்துவிட்டார். அதன் விளைவு உன்னுடைய தனித்தன்மையை இழந்து இன்று வெற்று மனிதனாக நிற்கிறாய். வலியில்லாத வாழ்க்கை சிறந்ததல்ல. அது உணர்வில்லாத வாழ்க்கை. மீண்டும் உனக்கு வலியை கொடுக்கிறேன். அது உன்னுடைய உணர்வுகளை தட்டி எழுப்பும். யாராவது உன்னை சீண்டினால் அதைக்கூட புரிந்துகொள்ள முடியாத வாழ்க்கை பிணத்துக்குச் சமமானது. விழித்துக்கொள், பிழைத்துக்கொள்', என்று சொல்லிவிட்டு நகர்ந்தார் சாது.

அரசன் வலியை உணர்ந்தான், உடன் இருந்து கெடுத்த துரோகிகளையும் உணர்ந்தான். வலி அரசனுக்கு வலிமையை கொடுக்கட்டும். நாம் தொடர்ந்து படிப்போம்.

அரசனுக்கு ஏற்பட்ட உணர்வற்ற நிலை இந்து மதத்திற்கும் ஏற்பட்டுள்ளது. இந்த நிலை தமிழகத்தில் மட்டுமே இருக்கிறது. நாத்திகம், பகுத்தறிவு என்ற போர்வையில் இந்து மத நம்பிக்கைகளையும், கோட்பாடுகளையும் நாசம் செய்துவிட்டனர் ஒரு தரப்பினர். இத்தனை காலமாக ஜாதீய வெறுப்புகளை முன்னிலைப்படுத்தி, இந்து மதத்திற்கு பெரிய பாதிப்பை ஏற்படுத்திவிட்டனர். இத்தகைய நாத்திக சிந்தனையாளர்களின் கருத்துக்கள் எல்லாம் இதுநாள்வரை இந்துக்களுக்கு எதிராக மட்டுமே இருந்திருக்கிறது. கிட்டத்தட்ட பாஸ்டர் மோகன் சி. லாசரஸுடைய சிந்தனையைப் போலத்தான்.

பெரும்பான்மையினருக்கு எதிராக வெறுப்பான கருத்துக்களை பதியும் ஒருவர் தடுமாற்றமோ, பயமோ, நடுக்கமோ இல்லாமல் இவ்வளவு தைரியமாக பேசுகிறார் என்றால் ஜனநாயகமும், பேச்சுரிமையும் ஒரு தரப்பிற்கு மட்டுமே சொந்தமாக இருப்பது புரிகிறது. இத்தகைய வெறுப்பு பேச்சு குற்றம். இப்படி பேசினால் சட்டத்தினால் தண்டிக்கப்படலாம் என்பது அவருக்கு தெரியாதா? தெரியும்! ஒன்று மட்டும் புரிகிறது. அவருக்கு பெரும்பான்மையினரின் உணர்வுகளைப் பற்றி கவலையில்லை. அடுத்த மத உணர்வுகளைப் பற்றி கவலையில்லை, அடுத்தவர்களின் நம்பிக்கைகளின் மீது கவலையில்லை, சட்டத்தைப் பற்றியும் கவலையில்லை. இது கிட்டத்தட்ட தமிழகத்தின் மீது கட்டவிழித்துவிடப்படும் வன்முறைக்குச் சமம். எப்படி பேசினாலும் இந்துக்களில் சிலர் நம்மை ஆதரிப்பார்கள் என்ற தைரியம்.

நீங்கள் எந்த அரசியல் கட்சியைச் சார்ந்தவராக வேண்டுமானாலும் இருங்கள். எந்த மதத்தினராக வேண்டுமானாலும் இருங்கள், ஒரு மத போதகர் அடுத்த மத கடவுள்களை ‘சாத்தான்' என்று பேசுவதும், இந்துக் கோவில்களை ‘சாத்தான் கூடம்' என்று வர்ணிப்பதும் தவறு. இந்துக்களே விழித்துக் கொள்ளுங்கள். இந்தத் தருணத்தில் காந்திய வழியில், நமது எதிர்ப்பை பதிவு செய்வது அவசியம். வன்முறை தேவையில்லை. இப்படி பேசும் ஒரு மத போதகரின் மீது தாமாக வழக்கை நீதிமன்றம் பதிவு செய்யும் என்று நம்புவோம்.

இன்றுவரை அண்டைவீட்டு மாற்று மதத்தவர்களுடன் யாரும் மத ரீதியான மோதல் போக்கை கடை பிடிப்பதில்லை. இது போன்ற மதபோதகர்களின் விஷமப் பேச்சு வெறுப்பு விதைகளை நம்மிடையே விதைக்கிறது. ஒரு அரசியல்வாதியோ, சாதாரண மதவாதத்தில் ஆர்வமுள்ள ஒருவரோ அடுத்த மதத்தை இழிவுபடுத்துவதை பார்க்கிறோம், ஆனால், ஒரு மதபோதகர் இப்படி பேசலாமா? இந்துக்களின் ஒற்றுமை மட்டுமே இத்தகைய வெறுப்பு பேச்சுகளுக்கு பதிலாக அமைய வேண்டும். நீங்கள் எந்தக் கட்சிக்கு வேண்டுமானாலும் ஓட்டுப் போடுங்கள். யாரை வேண்டுமானாலும் ஆதரியுங்கள். ஆனால், மதத்தை விட்டுக்கொடுக்காதீர்கள். தான் சார்ந்த மதத்தின் அருமை பெருமைகளை மக்களிடம் கொண்டு சேர்க்காமல் அடுத்த மதத்தை இழிவுபடுத்தும் செயலில் இறங்கும் நம்மைச் சுற்றி வளர்ந்து நிற்கும் விஷச் செடிகளை அடையாளம் கண்டுகொள்ளுங்கள், விழித்துக் கொள்ளுங்கள்.

- சாது ஸ்ரீராம் (saadhusriram@gmail.com)

]]>
http://images.dinamani.com/uploads/user/imagelibrary/2018/9/5/w600X390/temple.jpg http://www.dinamani.com/editorial-articles/special-stories/2018/sep/27/மதபோதகரின்-பேச்சுக்கு-இந்துக்களின்-பதிலடி-ஒற்றுமை-மட்டுமே-உணர்வுகளை-இழக்காதீர்கள்-3009075.html
3008332 கட்டுரைகள் சிறப்புக் கட்டுரைகள் உடனடி தேவை  மனிதநேயம் கூடிய பொறுப்புணர்வு மற்றும் விழிப்புணர்வு! - டிவைன் ஒலிவா, சமூக சேவகர் Wednesday, September 26, 2018 01:44 PM +0530  

இந்திய திருநாட்டின் 72-வது சுதந்திர தின மகிழ்ச்சியை கடந்த ஆகஸ்ட் மாதம் கொண்டாடினோம். கொடியேற்றங்கள், கோலாகலங்கள், முப்படை வீரர்களின் மிடுக்கான அணிவகுப்பு வர்த்தக நிறுவனங்களின் சிறப்பு தள்ளுபடி விற்பனை இத்யாதி இத்யாதி நிகழ்வுகளுடன் சுதந்திர இந்தியா 73-வது ஆண்டை நோக்கி பயணித்துக் கொண்டிருக்கிறது. அண்டை நாடான பாகிஸ்தானும் அந்நாட்டின் சிறையில் வாடிய 30 இந்திய கைதிகளை விடுதலை செய்து, தனது மனிதாபிமானத்தை பிரகடனம் செய்து கொண்டது.

ஆனால் இந்தக் கொண்டாட்டங்கள் பற்றி எதுவும் அறியாமல், இதுவும் வழக்கம் போல் கடந்து போகிற ஒரு சாதாரண நாள் என்கிற உணர்வோடு கொத்தடிமைகளாக ‘இருட்டு வாழ்க்கை’ வாழும் ஏழை சக இந்தியனை குறித்து நம்மில் எத்தனை பேருக்கு தெரியும்? பள்ளிக்கு செல்லும் வயதில் செங்கற்சூளையில் ‘சுமக்கும்’ பணி செய்யும் சிறார்கள், மரம் வெட்டும் பணியில் சிறுவர்கள்,  முதலாளியிடம் அடி வாங்கும் கணவனை பார்த்து கதறும் மனைவி, இரக்கமற்ற முதலாளியிடம் சிக்கி தவிக்கும் மனைவியை காப்பாற்ற முடியாமல் தவிக்கும் கணவன்! உயிர் வாழ மட்டுமே உதவும் சொற்ப ஊதியம் விடுமுறை இல்லாத வேலை, ஒய்வு மறுக்கப்படும் உழைப்பு, பண்டிகை, கொண்டாட்டம், என்று எதுவுமே இல்லாத திண்டாட்ட வாழ்க்கை இவைகளெல்லாம் கொத்தடிமைத்தனத்தின் கோர முகங்கள்.

சுதந்திர இந்திய ஜனநாயக குடியரசில், இன்னுமா கொத்தடிமைத்தனம் இருக்கிறது? என்று வியப்போருக்கு சதீஷின் கதை அதிர்ச்சியை தரும்.

தங்கையின் திருமணத்திற்காக கடனாக பெற்ற 5,000 ரூபாய்க்கு வட்டியோடு சேர்த்து இருபதாயிரமாக (என்ன கணக்கோ?) தர வேண்டும் என்று மிரட்டப்பட்ட போது நொறுங்கியே போனார் சதிஷ். (பெயர் மாற்றப்பட்டுள்ளது) அவர் நிலைமைக்கு இருபதாயிரம் என்பது மிகப் பெரிய தொகை. விளைவு? பணம் கொடுத்த முதலாளியின் செங்கற்சூளையில் வேலை செய்து கடனை தீர்க்கும்படி நிர்ப்பந்திக்கப்பட்டார். ஏழ்மையும் அறியாமையும் துரத்த தன் மனைவியோடும் இரு பிள்ளைகளோடும் செங்கற்சூளை வேலையில் சிக்கினார் சதிஷ்.

அடி, உதை, அவமானம், அச்சுறுத்தலோடு 5 ஆண்டுகள் ஆகியும், கடன் தீரவில்லை மொத்த குடும்பத்திற்கும் சேர்த்து வார சம்பளம் 200 ரூபாய் இந்த சொற்ப பணத்தில் உண்டு, உடுத்து, வேலையும் செய்ய வேண்டும். இதில் கடனை எங்கிருந்து அடைப்பது? இனி இதுதான் வாழ்க்கையோ என விரக்தியின் விளிம்பில் இருந்த சதீஷின் குடும்பத்தை ஒரு தன்னார்வ தொண்டு நிறுவனம் மீட்டெடுத்த பிறகே அவர்கள் சுதந்திர காற்றை சுவாசிக்க முடிந்தது.

சதீஷின் கதை (அல்ல நிஜம்) ஒரு சிறு துளிதான். மீட்கப்பட்ட பல நூறு கொத்தடிமைகளின் கண்ணீர் தோய்ந்த அனுபவங்கள் நம்மை அதிரவைக்கும். திரைப்படங்களில் கூட ‘கொத்தடிமைகள்’ என்னும் பதம் ஏதோ பழங்காலத்தில் வாழ்ந்த ஒரு ‘வர்க்கம்’ போலவே சித்தரிக்கப்படுகிறது ‘பரதேசி’ மற்றும் 12 Years a Slave போன்ற திரைப்படங்களில் இதை காணலாம். ஆனால் கொத்தடிமை கொடுமை இன்றும் தொடரும் துயரம் என்பதே உண்மை. கொத்தடிமைப் படுத்துவது சட்டப்படி தண்டனைக்குரிய குற்றம் என்றாலும் இந்த கொடுமை தொடர்வது எப்படி சாத்தியமாகிறது?

அறியாமையில் உழலும் ஏழை மக்கள் தான்  இந்த வஞ்சக வலையில் எளிதாக சிக்கிக் கொள்கிறார்கள். வாங்கிய கடனை செலுத்த ‘இங்கு’ வேலை செய்வதை தவிர வேறு வழியில்லை என்கிற அறியாமையை ‘முதலாளிகள்’ பயன்படுத்திக் கொள்கிறார்கள். அப்பாவி மக்களின் உழைப்பு அநியாயமாக, கொடூரமாக சுரண்டப்படுகிறது. மொத்தத்தில் அவர்களுடைய வாழ்க்கை அவர்களுடையது அல்ல. வறுமை அதனால் ஏற்படும் அச்சம் இவைகளை ஈவு இரக்கமற்ற சுயநல – சூது மதியாளர்கள் தங்களுக்கு சாதகமாக பயன்படுத்திக் கொள்கிறார்கள் ஏழை மக்களின் வியர்வையையும்,  ரத்தத்தையும், குடித்து கொழுக்கிறார்கள்.

வேலூர் அருகே உள்ள ஒரு செங்கற்சூளையில் இருந்து மீட்கப்பட்ட ஏழு வயது சிறுமி தியா (பெயர் மாற்றப்பட்டுள்ளது). இதே செங்கற்சூளையில் ஒன்பது ஆண்டுகள் கொத்தடிமைகளாக வேலை செய்த பெற்றோருக்கு பிறந்த தியா, மூணு வயதில் இருந்தே செங்கல் அடுக்குவது தார்பாய் சுருட்டுவது போன்ற வேலைகளை தனது சகோதரியோடு சேர்ந்து செய்து வந்தாள். அவள் மீட்கப்பட்டபோது எடுத்த படம் இது. (ஏப்ரல் 2015)

கடந்த வாரம் நடந்த ஒரு நிகழ்ச்சியில் மாண்புமிகு தமிழக துணை முதல்வர் O.பன்னீர் செல்வம் அவர்கள், ‘தமிழகத்தை கொத்தடிமைகள் இல்லா மாநிலம் ஆக்குவோம்’ என சூளுரைத்தார்.

கொத்தடிமைத்தனத்தை முடிவுக்கு கொண்டு வர அரசாங்கமும் சட்டமும் சாதகமாக இருக்கும் போது தடுப்பது எது?

உடனடி தேவை - மனிதநேயத்தோடு கூடிய பொறுப்புணர்வு மற்றும் விழிப்புணர்வுதான்.

- டிவைன் ஒலிவா, சமூக சேவகர்

]]>
bonded labour, labor, child labor, கொத்தடிமை, இந்தியா, விடுதலை, மனித நேயம் http://images.dinamani.com/uploads/user/imagelibrary/2018/9/26/w600X390/476690-childlabour-1354903031-617-640x480.jpg http://www.dinamani.com/editorial-articles/special-stories/2018/sep/26/stop-child-labor-and-bonded-labor-3008332.html
3007652 கட்டுரைகள் சிறப்புக் கட்டுரைகள் சிம்டாங்காரன் ரசிகர்களே! உங்களுக்கு உடுமலை நாராயண கவியைத் தெரியுமா?  கார்த்திகா வாசுதேவன் Tuesday, September 25, 2018 04:10 PM +0530  

‘உடுமலை நாராயண கவி’ க்கு இன்று பிறந்தநாள்.

உடுமலைப் பேட்டை, பூளவாடியில் பிறந்த நாராயணசாமி பின்னாட்களில் தமிழ்த்திரையுலகின் ‘கவிராயர் நாராயணகவி’ யாக எண்ணற்ற பாடல்களை எழுதிக் குவித்தார். இளமையில் வறுமையில் உழன்று ஒவ்வொரு வாழ்வில் அடுத்து எடுத்து வைக்கவிருக்கும் ஒவ்வொரு அடிக்கும் தன் சகோதரரை நம்பி வாழ்ந்த ஒரு இளைஞர் ஆரம்பத்தில் பொருளாதாரத் தேவைகளுக்காக செய்தது தீப்பெட்டி வியாபாரம். அதில் அவருக்குக் கிடைத்தது நாளொன்றுக்கு 25 பைசா வருமானம். வீட்டில் வசதியற்ற காரணத்தால் நான்காம் வகுப்போடு பள்ளிப்படிப்பிற்கு முழுக்குப் போட்ட நாராயண கவி எழுதிக் குவித்தார் 650 க்கும் மேற்பட்ட கருத்துச் செறிவு மிகுந்த பாடல்களை.

நாராயணசாமியால் பள்ளிப் படிப்பைத் தான் தொடர முடியாமல் போனதே தவிர கிராமியக் கலைகளில் அவருக்கு ஆர்வம் அதிகம். கொங்கு மண்ணின் பாரம்பர்யக் கலைகளை மிகுந்த ஈடுபாட்டுடன் கற்றுக் கொண்டு ஊரில் நடக்கும் பிரசித்தி பெற்ற மாரியம்மன் கோயில் திருவிழாவின் ராமாயண நாடகத்தில் லக்குவன் வேடம் தரித்து நடிப்பார். அப்படியோர் சமயத்தில் தான் மதுரை சங்கர தாஸ் சுவாமிகளின் ஆப்த நண்பராக இருந்த சரபம் முத்துச்சாமிக் கவிராயரின் பார்வையில் நாராயணசாமி விழுந்தார். அன்று நாராயணசாமிக்கு வயது 12. அன்று முதல் முத்துச்சாமிக் கவிராயருடன் தொடங்கிய நாராயணசாமியின் கலைப்பயணம் அவரது 25 ஆம் வயது வரை நீடித்தது. முத்துச்சாமி கவிராயர் எங்கெல்லாம் செல்கிறாரோ அங்கெல்லாம் அவருடன் இணைந்து சென்று நாடகம் நடிப்பது, பாடல் எழுதுவது, பாடுவது என நாடகத் தொழிலின் அத்தனை நுட்பங்களையும் கற்றார்.

25 ஆம் வயதில் சொந்த ஊர் திரும்பிய நாராயணசாமி அங்கு ஒரு கதர்க்கடை துவங்கினார். அப்போது நாடு முழுவதும் சுதந்திர வேள்வித்தீ கொழுந்து விட்டுப் பற்றியெரிந்து கொண்டிருந்தது. நாராயணசாமி தமக்கே தமக்கான புரட்சிக்கனல் மிகுந்த விடுதலைக் கவிதைகளை இயற்றி அதை ஊர் ஊராகச் சென்று பாடி கதர்த்துணிகளை விற்றார். அச்சமயத்தில் அவருக்கும் பேச்சியம்மாளுக்கும் திருமணமும் ஆனது. தம்பதியினருக்கு நான்கு ஆண்மக்களும் பிறந்தனர். இச்சூழ்நிலையில் கதர்க்கடையில் ஏற்பட்ட நஷ்டத்தால் கடன் தொல்லையில் மாட்டிக் கொண்டார் கவி. தனது திறமையைக் கொண்டு சம்பாதித்து எப்படியாவது கடனை எல்லாம் திருப்பிச் செலுத்தும் வரை ஊர் மண்ணில் கால் வைக்க மாட்டேன் என்று சூளுரைத்த நாராயணகவி கையில் வெறும் 100 ரூபாயுடன் மதுரை சங்கரதாஸ் சுவாமிகளைச் சென்றடைந்தார். அவரிடம் ஐயம் திரிபர யாப்பிலக்கணம் முழுதும் கற்றுத் தேர்ந்த கவி மதுரையில் பற்பல நாடக சபைகளில் இணைந்து பணியாற்றும் வாய்ப்பு பெற்றார். நாராயண கவியின் பாடல்கள் மற்றும் நாடக வசனங்களில் தேச பக்தி சுடர் விட்டுப் பிரகாசித்தது.

கடனை அடைக்காமல் ஊர் மண்ணில் கால் வைக்க  மாட்டேன் என்ற சபதத்தை, பின்னாட்களில் திரைப்படங்களில் பாட்டு எழுதத் தொடங்கி, கிராம போன் ரெக்கார்டுகளை வெளியிட்டுப் பொருளீட்டி அவற்றைக் கொண்டு ஊர் எல்லைக்கு வெளியில் நின்று கொண்டு கடனைச் செலுத்தி விட்டு பிறகே ஊருக்குள் கால் வைத்து தம் கடனை முடித்தார் உடுமலையார். அவரது வைராக்யம் அந்த அளவுக்கு செல்லுபடியாகக் காரணம் தாம் கொண்ட கொள்கையில் அவருக்கு இருந்த பிடிப்பு.

மதுரையில் இருந்த போது தான் டி.கே.எஸ் நாடகக் குழுவினர் மூலமாக கலைவாணர் என்.எஸ் கிருஷ்ணனுடன், உடுமலை நாராயண கவிக்கு பரிச்சயம் ஏற்பட்டது. கலைவாணரது தொடர்பால் திராவிட இயக்கத் தலைவர்களான பெரியார், அண்ணாதுரை, கலைஞர் போன்றோரது நட்பும் பாவேந்தர் பாரதிதாசனின் அணுக்கமும் நாராயண கவிக்குக் கிட்டியது. 

தம் காலத்தில் சிறந்த விளங்கிய மற்றொரு பாடலாசிரியரான பாபநாசம் சிவனைக் காட்டிலும் அதிக அளவில் பாடல்களை எழுதிக் குவித்த பெருமை நாராயணகவிக்கு உண்டு. நாராயண கவி எழுதப்பட்ட பாடல்கள் கருத்துக் கருவூலங்களாக இருந்தன. புதிய உத்திகளைக் கையாண்ட நாராயணகவி, உழைப்பாளர்களைப் பற்றியும் ஏராளமான பாடல்களை எழுதியுள்ளார். தமிழ்த் திரைப்படத்தில் அறிவைப் புகுத்தி மக்களைப் பண்பட வைத்த கவிஞர், நல்ல செய்திகளை மட்டுமே நாட்டுக்குச் சொல்லி உலகை உயர்த்தப் பாடுபட்டார்.

‘கா…கா…கா…சாப்பாடு இல்லாம தவிக்குதுங்க -

ஜனம் கூப்பாடு போட்டு மனம் குமுறுதுங்க.

உயிர் காப்பாத்த கஞ்சி தண்ணி ஊத்துங்க என்றால்

தாப்பாளைப் போடுறாங்க பாருங்க…’ (பராசக்தி திரைப்படப்பாடல்)


‘அன்பே என் ஆருயிரே அங்கு நிற்பதேனோ...
யாருமில்லா வேலையிலே இந்த வெட்கம் ஏனோ?...’ (காவேரி திரைப்படப் பாடல்)

‘தேசம் ஞானம் கல்வி ஈசன் பூசை யெல்லாம்
காசுமுன் செல்லாதடி - குதம்பாய்
காசு முன் செல்லாதடி.
ஈசனும் ஈசனார் பூசையும் தேசத்தில்
காசுக்குப் பின்னாலே - குதம்பாய்
காசுக்குப் பின்னாலே. (1952 ல் வெளிவந்த பராசக்தி திரைப்படப் பாடல்)’

‘சைக்கிள் வண்டி மேலே ஒரு தங்கநிறப் பொம்மை போலே நீ தனியாய்ச் செல்லலாமா?’ 

‘ஒன்னுல இருந்து இருபது வரைக்கும் கொண்டாட்டம் கொண்டாட்டம், கொண்டாட்டம்!
தேதி ஒன்னுல இருந்து சம்பளத் தேதி 
ஒன்னுல இருந்து இருபது வரைக்கும் கொண்டாட்டம் கொண்டாட்டம், கொண்டாட்டம்
இருபத்தொன்னுல இருந்து முப்பது வரைக்கும் திண்டாட்டம்...
திண்டாட்டம் திண்டாட்டம்’

‘ என்று தான் திருந்துவதோ நன்றி கெட்ட ஆடவர் உலகம்...’

‘நல்ல நல்ல நிலம் பார்த்து நாமும் விதை விதைக்கனும்
நாட்டு மக்கள் மனங்களிலே நாணயத்தை வளர்க்கனும்’ (விவசாயி திரைப்படப் பாடல்)

‘இன்னைக்கு காலையிலெழுந்திருச்சு கஞ்சித்தண்ணி இல்லாமே கஷ்டப்படுகுறேனே கடவுளே!
கொஞ்சம் கண்ணத் தொறந்து பாரேன் கடவுளே!
என்ன இப்பொறப்பு பொறக்க வச்சியே கடவுளே!’

‘மாலையிட்ட மங்கை யாரோ, என்ன பேரோ அந்த மானினியாள் எந்த ஊரோ!
உங்கள் மனம் நாடிய சுகமே தரும் அதி மேவிய வனிதாமணி’

‘கதவைச் சாத்தடி கையில் காசில்லாதவன் கடவுளானாலும் கதவைச் சாத்தடி’ 

விடுதலை விடுதலை விடுதலை
அடிமை ஏழை என எவருமில்லை இனி விடுதலை!’

‘அன்பே கடவுளென்பது எதனாலே...
அதில் ஆன்மசக்தி இன்பம் இருப்பதாலே
சாத்திரங்கள் பொய்யென்பது எதனாலே...
ஏமாற்றுகிற வார்த்தைகளும் இருப்பதாலே
ஜாதி மதம் இல்லையென்பது எதனாலே
மனம் சமத்துவம் கொள்வதென்பது அதனாலே!

நாடு செழிக்க வேண்டும்
ஆமடி தங்கம்
நாகரீகம் ஆக வேண்டும்
ஆமடி தங்கம்
பாடிபட்டு வாழ வேண்டும்
ஆமடி தங்கம்
பசியாற உண்ண வேண்டும்
ஆமடி தங்கம்’

குற்றம் புரிந்தவன் வாழ்க்கையில் நிம்மதி கொள்வதென்பதேது (இரத்தக் கண்ணீர் திரைப்படப் பாடல்)

இவையெல்லாம் உடுமலை நாராயண கவியின் பாடல்கள் தாம்.  அவரது சிறந்த 40 பாடல்களின் திரட்டு யூடியூபில் கிடைக்கிறது. அதற்கான காணொளி இணைப்பு இதோ... 

 

முதன்முறை கேட்பவர்களுக்கு நிச்சயம் பிடிக்கும். அனைத்துப் பாடல்களிலும் ஏதோ ஒரு சமூகப் பங்களிப்பு இருக்கிறது. வெற்று வார்த்தைகளின் குட்டைகளாக அவரது எந்தப் பாடல்களுமே இல்லை என்பது தான் உடுமலை நாராயணகவி பாடல்களின் தனிச்சிறப்பு.

நாராயண கவி தனது பாடல்களில் கிராமிய மணத்தை மட்டும் கொண்டு எழுதவில்லை தீவிரமான அரசியல் விமரிசனங்களைக்கூட போகிற போக்கில் கேட்பவர் மனதில் ஆழப் பதிகிற அளவில் நறுக்கென்று நெருஞ்சி முள் குத்தினாற் போல புகுத்தி எழுதினார். அவரது பாடல்கள் அனைத்திலும் ரசிகர்களுக்கு மட்டுமல்லாமல் சாமானிய மக்களுக்கும் சேர்த்து ஆயிரமாயிரம் படிப்பினைகள் இருந்தன. அதனால் தான் அவரது பாடல்கள் இன்றளவும் நிலைத்து நிற்கின்றன.

இன்றைப் போல ஒரு படத்திற்கு 7 அல்லது 8 பாடல்கள் மட்டுமே கொண்டவை அல்ல அந்தக்கால திரைப்படங்கள். 1934 ஆம் ஆண்டில் இந்தியாவில் பேசும் படங்கள் வரத் தொடங்கின. அப்போதெல்லாம் திரைப்படங்களில் பாடல்களே அதிகம் இருந்த காலகட்டம் அது. ஒரு திரைப்படத்தில் சுமார் 30 முதல் 50 பாடல்கள் வரையிலும் கூட இடம்பெறக் கூடும். அத்தனை திரைப்படங்களையும் ஒருவரே கூட எழுதுவார். அப்படிப்பட்ட திரைப்படப் பாடலாசியர்களில் ஒருவராகத் திகழ்ந்தவர் நாராயண கவி.

கவிராயரின் பாடல்கள் மக்கள் மனங்களை ஈர்த்து அவர்களின் உள்ளங்களில் தனியிடத்தைப் பெற்றன. 'கலைமாமணி' என்னும் பட்டம் பெற்றார். தமிழும் இசையும் உள்ளவரை சாகாவரம் பெற்ற பாடல்களை எழுதிய உடுமலை நாராயணகவி தம் 82வது வயதில், 23.5.1981 இல் மறைந்தார்.இந்திய அரசு உடுமலை நாராயணகவி நினைவை போற்றும் வகையில் 31.12.2008 இல் இந்திய அஞ்சல் துறை அஞ்சல்தலை வெளியிட்டுள்ளது. தமிழ்நாடு அரசு இவர் வாழ்ந்த கோயம்புத்தூர் மாவட்டம் உடுமலைப்பேட்டையில் உடுமலை நாராயணகவி நினைவைப் போற்றும் வகையில் மணிமண்டபம் அமைத்துள்ளது. இங்கு உடுமலை நாராயணகவியின் மார்பளவு சிலை அமைக்கப்பட்டுள்ளது. அவரது வாழ்க்கை வரலாறு தொடர்பான புகைப்படங்கள் கண்காட்சியாக வைக்கப்பட்டுள்ளது.

அண்ணாவின் கைவண்ணமான வேலைக்காரி, ஓர் இரவு முதல கலைஞர் திரைக்கதை வசனம் எழுதிய பராசக்தி, மனோகரா முதற்கொண்டு ஆதிபராசக்தி, தேவதாஸ், தெய்வப்பிறவி வரை பல்வேறு விதமான திரைப்படங்களுக்கு உடுமலை நாராயணகவி பாடல்கள் எழுதியுள்ளார். அவரது பாடல்களை இப்போது கேட்டாலும் இன்றைய காலகட்டத்துக்கும் ஏற்றவை போன்றதான சமூகக் கருத்துக்களை உள்ளடக்கியதாகவே இருக்கின்றன. அவருடைய பிறந்தநாளான இன்று அவரைப் பற்றி நினைவு கூர்வது ஒன்றே நாராயண கவிக்கு நாம் செய்யக் கூடிய மிகச்சிறந்த மரியாதையாக இருக்கக் கூடும்.
 

]]>
உடுமலை நாராயண கவி, பிறந்தநாள், தினமணி உடுமலை நாராயண கவி, திரைப்பாடல் ஆசிரியர், கவிஞர் உடுமலை நாராயண கவி, கவிராயர், udumalai narayana kavi, birthday, kavirayar birthday, tamil lyricist http://images.dinamani.com/uploads/user/imagelibrary/2018/9/25/w600X390/udumalai_narayana_kavi_1.jpg http://www.dinamani.com/editorial-articles/special-stories/2018/sep/25/simdangaran-rasika-sigamanis-can-you-recognise-udumalai-narayana-kavi-3007652.html
3006954 கட்டுரைகள் சிறப்புக் கட்டுரைகள் யமிவைவஸ்வதி, ரோமசா, லோபலமுத்திரா, மமதா, வாக்அம்ருணி! இவர்கள் யார்? ஜோதி லட்சுமி Monday, September 24, 2018 05:40 PM +0530 உலகின் எந்தப் பிரதேசத்திலும் இல்லாத அளவுக்குப் பெண்மையைப் போற்றும் வழக்கம் நம் தேசத்தில் இருந்து வந்துள்ளது. பெண்தெய்வ வழிபாட்டில் தொடங்கி இயற்கையின் அத்தனை வடிவங்களையும் பெண்ணாகவே போற்றும் கலாச்சாரம் இந்த மண்ணில் தான் சாத்தியமாகியுள்ளது. ஆற்றலின் வடிவமாக பெண் காணப்படுகிறாள். பெண்ணே இந்த தேசத்தின் இயக்கும் சக்தியாக இருந்து வருகிறாள். வேதகாலம் தொடங்கி இன்று வரை பெண் இயக்கும் சக்தியாய் தன் அன்பினால் இவ்வையத்தைப் பேணி வளர்ப்பவளாக விளங்குகிறாள். பெண்ணின் அன்பினால் இவ்வையம் தழைப்பதைப் போலவே அவளது அறிவாற்றலும் கல்வியும் புலமையும் கூட இந்த தேசத்தை மேன்மை கொள்ளச் செய்துள்ளன. ஆயிரமாயிரம் ஆண்டுகளாய் இந்தத் தன்மை தொடர்ந்தே வந்துள்ளது. புராணங்கள் முதல் தற்காலம் வரை காலந்தோறும் அறிவிற்சிறந்த பண்டிதைகள் இந்த தேசத்தில் தோன்றியிருக்கிறார்கள். 

வேதம் என்பது பெண்களுக்கானது அல்ல, பெண்கள் அதனைப் படித்தல் கூடாது என்ற வழக்கம் இருப்பதாய் சிலர் சொல்லிக்கொள்வதுண்டு அது அவர்களின் அறியாமையைக் காட்டுகிறது. வேதங்களைச் செய்தவர்களில் பெண்கள் உண்டு எனும் போது வேதம் எப்படி பெண்ணுக்கானதாக  இல்லாமல் இருக்க முடியும். வேத காலத்தில் இருபதுக்கும் மேற்பட்ட பெண் பண்டிதர்கள் இருப்பதைக் காண்கிறோம். இவர்கள் தந்த படைப்புகளையும் உள்ளடக்கியதே ரிக்  வேதம் என்னும் உண்மையை மறந்து விட இயலாது. அதர்வண வேதத்திலும் கூடப் பெண்களின் பங்களிப்பு இருப்பதைக் காண்கிறோம்.  

'பிருஹத்தேவதா' என்னும் நூல் - அதிதாட்சாயணி, அபாலாஆத்ரேயி, கோதா, யமிவைவஸ்வதி, ரோமசா, லோபலமுத்திரா, மமதா, வாக்அம்ருணி எனத் தொடங்கி இருபத்தேழு பெண்கள் தங்கள் பங்களிப்பை வேதங்களில் செய்துள்ளதாகக் குறிப்பிடுகிறது. இதனால் ஓர் உண்மை தெள்ளத் தெளிவாகப் புலப்படுகிறது. வேத காலத்தில் பெண்கள் கல்வியிற்சிறந்து விளங்கியுள்ளனர். கல்வி அவர்களுக்கு மறுக்கப்படவில்லை என்பதோடு தம் ஆற்றலை வெளிப்படுத்தும் வாய்ப்பும் அவை அங்கீகரிக்கப்பட்ட தன்மையும் விளங்குகிறது. 

அது போல, புராண காலத்திலும் கார்க்கி, மைத்ரேயி, உபயபாரதி போன்ற பெண்களைக் காண்கிறோம். கார்க்கி  உபநிடதத்தில் தன் பங்களிப்பை செய்துள்ளதோடு பிரம்ம யக்ஞத்திலும் கலந்து கொண்டு விவாதங்களை நடத்திய தத்துவ ஞானியாக இராமாயணத்தில் காண்கிறோம். மைத்ரேயி இந்தியப் பெண்களின் அறிவாற்றலின் வடிவமாகவே இன்றளவும் போற்றப்படுகிறார். அத்வைத தத்துவத்தை உலகிற்குத் தந்த மகான் ஆதி சங்கரர், மண்டனமிஸ்ரருடனான தன் விவாதத்தின் வெற்றி தோல்வியை கணித்துக் கூறும் நடுவராக உபய பாரதியை அங்கீகரித்துள்ளார் என்பதில் அவரது ஞானம் புலப்படுகிறது. இன்னும் இப்படி எத்தனையோ பெண்களைப் புராணங்களில் காண்கிறோம்.

நமது சங்ககாலப் பெண்கள் எப்படி இருந்தனர் என்று பார்த்தால் மகிழ்ச்சியே தோன்றுகிறது. ஒüவையார் போன்றவர்கள் இரு ராஜ்யங்களுக்கிடையிலான அரசியல், போர் இவற்றில் தம்மை ஈடுபடுத்திக்கொண்டு தம் கருத்தைச் சொல்லும் அளவுக்கு வல்லமை மிகுந்தவர்களாக இருந்துள்ளார். காக்கைப் பாடினியார், ஒக்கூர்மாசாத்தியார், வெள்ளிவீதியார் என ஒரு மிக நீண்ட பட்டியல் பெண் கவிஞர்களைப் பார்க்கிறோம். சங்கப் பாடல்கள் பல சமூக, வாழ்வியல் செய்திகளைத் தன்னுள் கொண்டவை.அதன் அத்தனை பரிமாணங்களிலும் மகளிரின் பங்களிப்பு இருப்பதைக் காண்கிறோம். அகப்பாடல்கள், புறப்பாடல்கள் என எல்லாவற்றிலும் இவர்களின் பங்களிப்பு உணர்த்துவது ஒன்று தான். அந்தப் பெண்களுக்குத் தங்கள் உணர்வுகளை, எண்ணங்களை, சிந்தனைகளைப் பதிவு செய்வதற்கான களம் இருந்துள்ளது.அத்தகைய பதிவுகள் சமூகத்தால் எந்தப் பாகுபாடும் இன்றி ஏற்றுக்கொள்ளப்பட்டுள்ளன. இதில் கவனிக்கத் தக்க அம்சமாக இருப்பது, பெண்கள் அரசியல் பேசுகிறார்கள், அறம் பற்றிப் பேசுகிறார்கள். காதல் உணர்வுகளை மிகத் தெளிவாக அழகாய் எடுத்தியம்புகிறார்கள். அவை அங்கீகாரமும் பெற்றிருக்கின்றன.இந்தக் காலங்களில் சமூக நிலைப்பாடுகளில், செயல்பாடுகளில் ஆணுக்கும் பெண்ணுக்கும் பேதம் இருப்பதாகத் தெரியவில்லை.

இப்படி, கல்வி, புலமை மட்டுமல்ல தம் அறிவாற்றலால், திறமையால் நாடாண்ட பெண்களையும் வரலாறு சொல்லிக் கொண்டிருக்கிறது.ஒவ்வொரு காலத்திலும் இந்த தேசத்தின் பல்வேறுபட்ட பிரதேசங்களிலும் இதற்கான சாட்சியங்கள் உண்டு. இங்கே பெண்கள் கல்வி மறுக்கப்பட்டு வீட்டுக்குள் பூட்டி வைக்கப்பட்டனர் என்னும் வாதம் உடைபடும்படியான உதாரணங்களை இந்தியாவின் எல்லா மூலை முடுக்குகளிலிருந்தும் எடுத்து வைக்க இயலும்.

சில காலங்களில், உலகின் எல்லா விஷயங்களிலும் ஏற்றத்தாழ்வு இருப்பது போலவே  இதிலும் ஏற்றத்தாழ்வு  இருந்திருக்கிறது. கல்வியும் வாய்ப்பும் கிடைக்கப் பெறாத காலங்கள் இருந்திருக்கின்றன. அதற்காக அதனை மறுக்கப்பட்டதாகக் கொண்டு வாதிடல் அர்த்தமற்றது. ஒவ்வொரு காலத்திலும் ஏற்படும் சமூக பொருளாதார அரசியல் சூழ்நிலைகள் நாட்டில் பல அம்சங்களில் பாதிப்பை ஏற்படுத்துவது போன்றே  பெண்களின் முன்னேற்றம், உரிமைகள், அங்கீகாரம் போன்றவற்றிலும் பாதிப்பை ஏற்படுத்தி இருப்பது உண்மை. என்றபோதிலும் அதிலிருந்து தம்மை விடுவித்துக் கொண்டு தமது ஆற்றலை வெளிப்படுத்திய பெண்கள் எல்லாக் காலங்களிலும் இருந்திருக்கிறார்கள் என்பதும் மறுக்க முடியாத நிஜம்.

சூரியனைக் கைகளால் மறைத்துவிடல் இயலாதது போல ஆற்றலோடு கூடிய பெண்களின் எழுச்சியையும் மறைத்து விடல் இயலாது. அரசாண்ட பெண்கள் என எடுத்துக்கொண்டால் மஹாராஷ்ட்ரத்தின் அகல்யா தேவி கலை மற்றும் இலக்கியத்திற்குப் புத்துயிர் அளித்துப் போற்றிய ஆட்சியாளராய்த் திகழ்ந்தார். ராணி ரசியா சுல்தானா டெல்லியின் ஒரே பெண் ஆட்சியாளர். தனது அகமதுநகரைக் காக்க அக்பரையே எதிர்த்து நின்ற வீராங்கனை ராணி சந்த் பீபி, கொரில்லா தாக்குதல்களால் தன் எதிரிகளை நடுங்கச் செய்த ஆந்திரத்தின் நாகம்மா, ராணி ருத்ரமாதேவி,  கர்நாடகத்தின் கெல்லடி சென்னம்மா. ஒüரங்கசீப்பை எதிர்த்துப் போரிட்ட தாராபாய், தமிழகத்தின் வேலு நாச்சியார், ராணி  மங்கம்மா, ஜான்சியின் ராணி லட்சுமிபாய். இவர்கள் இந்த பரந்த பாரத தேசத்தின் சில ராணிமார்கள். இவர்களைப் போன்றே  இன்னும் எத்தனையோ ராணிமார்கள் இந்த நாட்டின் ஆட்சிப் பொறுப்பில் இருந்து மக்களைக் காக்கும் பெரும் பணியில் தன்னை ஈடுபடுத்திக் கொண்டுள்ளனர்.  

இவர்கள் அனைவருமே வெவ்வேறு காலத்தில் வெவ்வேறு பகுதிகளில், வேறுபட்ட சூழ்நிலைகளில் வாழ்ந்தவர்கள்.  இவர்களின் காலத்திலும் கற்பனை செய்ய முடியாத அளவுக்கு சாதிய, மதப் பாகுபாடுகள் இருந்தன. சதி போன்ற கொடிய வழக்கங்களும் சடங்குகளும் கூட  நடைமுறையில் இருந்தன. அவற்றையெல்லாம் தாண்டியே இந்தப் பெண்மணிகள் தங்களின் சுவடுகளை, அடையாளங்களை வரலாற்றில் பதிய வைத்துள்ளனர். மேலும் சில பெண்கள் வரலாற்றை உருவாக்குபவர்களாக இருந்துள்ளனர். வீர சிவாஜியை உருவாக்கிய ஜீஜாபாய் போன்று  எண்ணற்ற மகளிர் நம் முன்னோடிகளாக வாழ்ந்துள்ளனர். இவர்களைப் பற்றிக் கூறும் பொழுது சுவாமி விவேகானந்தர், "தாயின் அன்பு மகத்தானது அது அச்சமற்றது எல்லைகளற்றது அது தியாகத்தின், உண்மையின் உரு' என்கிறார். 

விருப்பம், லட்சியம் என்று தெளிந்த சிந்தையும் வைராக்கியமும் படைத்தவர்களாக பக்தி மார்க்கத்திலும், ஞான மார்க்கத்திலும் கூட நம் பாரதப் பெண்டிர் பெரும் ஆத்ம சாதனைகளை நிகழ்த்திக் காட்டி இருக்கிறார்கள். பக்தி மார்க்கத்தில் தன்னை ஈடுபடுத்திக் கொண்டு இறைவனை தன் நட்பாக காதலனாகக் கண்ட தமிழகத்துக் காரைக்கால் அம்மையார், ஆண்டாள், ராஜஸ்தானத்து மீரா பாய், மராட்டியத்தில் ஜனாபாய், கோமாபாய், கேரளத்தின் லலிதாம்பிக அந்தரஜனம், வங்கத்தின் ஆஷா பூர்ணாதேவி.

பக்தி சுவை பொங்கும் கணக்கற்ற பாடல்களும், நாமாவளிகளும், பாசுரங்களும் இந்த பக்தைகளின் பங்களிப்பாக நமக்கு கிடைத்திருக்கின்றன. இதில் கவனிக்கத் தக்கது மீராபாய் அரச குல மங்கை,  வீட்டுப் பெண், ஜனாபாய் பணிப்பெண்ணாக வாழ்ந்தவர். ஆண்டாள் கோயிலில் கைங்கர்யம் செய்தவர் வீட்டுப் பெண், காரைக்கால் அம்மையாரோ வியாபாரியின் வீட்டுப் பெண். வேறுபட்ட குடும்ப, பொருளாதார நிலையில் வாழ்ந்தவர்கள் என்றாலும் அனைவரும் தம் லட்சியத்தில் சற்றும் தளர்ந்தவர்களாக இல்லை. 

ஞானமார்க்கத்தில் வாழ்ந்து  தெய்வங்களுக்கு நிகராக தங்களை உயர்த்திக் கொண்டவர்களும் இருக்கிறார்கள். நாம் இன்றும் நம் வழிகாட்டிகளாய் அவர்களைப் போற்றி வணங்குகிறோம். யோக வாசிஷ்டம் சொல்லும் சுதலா, ராமகிருஷ்ண பரமஹம்சரின் குருவாக விளங்கிய பைரவிபிராமணி, அன்னை சாரதா தேவி, சித்தர்களுக்கு நிகராக தத்துவப்பாடல்களைத் தந்து சித்தி அடைந்த ஆவுடையக்காள் மற்றும் அக்கமஹாதேவி என்று ஆத்ம ஞானிகள் வரிசையும் இந்த தேசத்தின் பெண்களுக்கு வாய்த்திருக்கிறது. 

சென்ற நூற்றாண்டை எடுத்துக் கொண்டால் சுதந்திரப் போரில் தன்னை ஈடுபடுத்திய பெண்கள் சிவகங்கையை சேர்ந்த குயிலி தொடங்கி தில்லையாடி வள்ளியம்மை, கவிக்குயில் சரோஜினி நாயுடு வரை ஏராளமானோர் உள்ளனர். கலை, அறிவியல் என எல்லாத் துறைகளிலும் இன்றும் தங்கள் இருப்பை நிலைநிறுத்திக் கொள்கின்ற பெண்மணிகளைப் பார்க்கிறோம். பெண் உரிமை பற்றிய கருத்தாக்கங்கள் முக்கியத்துவம் பெற்றுள்ள இன்று நாம் மனதில் கொள்ள வேண்டியது, நமது ஆற்றல் இந்த சமூகத்திற்கானதாக, பாரத தேசத்தின் மேன்மைக்கானதாக இருக்க வேண்டும். தொன்று தொட்டு அதுவே நமது அடையாளம்.

ஆக, புராணங்கள் தொடங்கி இலக்கியம், வரலாறு என அத்தனையும் நமக்கு சொல்வது ஒன்றே தான் அது, விருப்பம், ஆர்வம், துடிப்பு இவை மூன்றும் கொண்ட பெண்ணின் ஆற்றல் வெளிப்பட்டே தீரும். எந்தக் காரணங்களும் அவற்றுக்குத் தடையாய் நிற்க முடியாது. அப்படித் தடையாய் வரும் அத்தனையும் தாண்டி சக்தி வடிவாய் பெண் உயர்ந்து நிற்பாள்.                  

]]>
women, powerful woman, women centric, ancient women, பெண் சக்தி, பெண்மை, ஆண்டாள் http://images.dinamani.com/uploads/user/imagelibrary/2018/9/19/w600X390/mn8.jpg http://www.dinamani.com/editorial-articles/special-stories/2018/sep/24/யமிவைவஸ்வதி-ரோமசா-லோபலமுத்திரா-மமதா-வாக்அம்ருணி-இவர்கள்-யார்-3006954.html
3005627 கட்டுரைகள் சிறப்புக் கட்டுரைகள் கமல்... சிறுமியைச் சிரிக்க வைப்பதெல்லாம் சரி தான், கூடவே பிக்பாஸ் தவறுகளையும் போல்டாக தட்டிக் கேட்டாலன்றோ தலைவர் ஆவார்! RKV Saturday, September 22, 2018 12:30 PM +0530  

கமல் சமீபத்தில் திருப்பூர் சுற்றுப்பயணம் மேற்கொண்டார். அப்போது அவரைக் காணத் திரண்ட மக்கள் கூட்டத்தில் தன் தாயுடன் இருந்த சிறுமி ஒருவர்... கமலைப் பார்த்து பிக்பாஸ், பிக்பாஸ் என்று கத்திக் கொண்டே அவரது காரை நோக்கி விரைந்துள்ளார். சிறுமியின் தாய், சிறுமியைத் தூக்கிக் கொண்டு கமல் சென்ற காரின் பின்னே ஓடி வந்திருக்கிறார். அவர்களது நோக்கம் கமலைப் பார்ப்பது தான். இவர்களை கமல் கவனிக்கவில்லை என்றதும் சிறுமி அழத்துவங்கி விட்டார். விரைந்து கொண்டிருந்த காரில் இருந்து இந்தக் காட்சியைக் கண்ட கமல், தனது காரை நிறுத்தி அழுத சிறுமியை அருகில் வரச் செய்து, அவரை சமாதானப் படுத்தி, இப்படியெல்லாம் காரின் பின்னால் ஓடி வரக்கூடாது என்று அறிவுரை சொல்லியதோடு, காரின் ஜன்னல் கதவு சாத்தப் பட்டிருந்ததால், சிறுமி அழைத்ததைத் தன்னால் கேட்க முடியவில்லை என்றும், இதற்காகவெல்லாம் அழக்கூடாது, உன்னை எனக்கு மிகவும் பிடிக்கும், இப்போது நீ சிரிக்க வேண்டும். என்றும் அச்சிறுமியைச் சமாதானப் படுத்தி அனுப்பியிருக்கிறார்.

இந்தக் காட்சியை காணொளியாக்கி புதிய தலைமுறை தொலைக்காட்சி வெளியிட்டிருக்கிறது.

கமல் சிறுமியை சமாதானப் படுத்திய காணொளி இணைப்பு...

 

 

இச்சம்பவத்தில் சிறுமியின் தாயை நினைத்தால் சற்று வருத்தமாக இருக்கிறது. சிறுமி  'பிக்பாஸ்' என்று தான் கமலை அடையாளம் கண்டிருக்கிறார். அப்படியானால் பிக்பாஸ் நிகழ்ச்சி எந்த அளவிற்கு தமிழக இல்லங்கள் தோறும் சிறுவர், சிறுமியர் ஏன் குழந்தைகள் உள்ளங்கள் தோறும் கூட எப்படி ஊடுருவியிருக்கிறது என்று பாருங்கள்.

கடந்த ஆண்டு பிக்பாஸ் சீசன் 1 ஐ கலாச்சாரக் சீர்கேடு என்று எதிர்த்தவர்கள் அனேகம் பேர். ஆயினும் நிகழ்ச்சி படு வெற்றிகரமாக ஒளிபரப்பாகி டி ஆர் பியில் ஹிட் அடித்து இறுதிச் சுற்று அன்று வெற்றியாளராகப் பல லட்சக்கணக்கான பிக்பாஸ் ரசிகர்களின் ஏமாற்றத்தை சம்பாதித்துக் கொண்டு நிறைவடைந்தது. சீசன் 1 முடிவடைந்து பிக் பாஸ் சீசன் 2 ஒளிபரப்பாகி வரும் இன்றைய தேதிக்கு அது வெற்றிகரமான ரியாலிட்டி ஷோவாக இருக்கலாம். ஆனால், அதனால் நம் தமிழ் சமூகத்துக்கு கிடைத்த லாபமென்ன? ஒரே ஒரு பாஸிட்டிவ் விஷயத்தைச் சொல்லுங்கள் பார்க்கலாம். வெறும் பொழுது போக்கு அம்சங்களை மட்டுமே கொண்ட முற்றிலும் மனச்சிதைவைத் தூண்டக் கூடிய விதத்திலான இந்த நிகழ்ச்சியை நமது வீட்டில் இருக்கும் சின்னஞ்சிறு குழந்தைகளும் கண்டு களித்துக் கொண்டு கமலைப் பார்த்தால் பிக் பாஸ், பிக்பாஸ் என்று தங்கள் உயிரைக் கூட மதியாமல் விரைந்து கொண்டிருக்கும் காரின் பின்னால் ஓடத் தூண்டுதல் பெற்றவர்களாகவும் மாற்றி இருப்பதைத் தவிர இந்த நிகழ்ச்சி எதைச் சாதித்திருக்கிறது. 

இந்த விடியோவில் கமல் அந்தச் சிறுமியின் தாயாரைக் கண்டித்தது மட்டுமே சற்று ஆறுதலான விஷயமாக இருக்கிறது.

பிக்பாஸ் என்பது கமலுக்கு அவரது அரசியல்வாதி எனும் புது அவதாரத்துக்கான எளிமையான விளம்பர கார்டாக இருக்கலாம். அதையும் நான் சொல்லவில்லை, அவரே தான் சொல்லி இருக்கிறார். தான் எத்தனையோ திரைப்படங்களில் நடித்திருந்த போதும் பிக்பாஸில் இணைந்த பிறகு தான் உலகம் முழுவதிலும் இருக்கும் தமிழ் பேசும் அத்தனை வீடுகளின் வரவேற்பறை வரை செல்லும் அளவுக்கு மக்களிடையே தொடர்ச்சியான நேரடி பரிச்சயம் தனக்குக் கிடைத்ததாக அவரே சொன்னது தான்.

அந்த நேரடி பரிச்சயத்தை கமல் போன்ற அதிபுத்திசாலிகள் இன்னும் கொஞ்சம் போல்டாகப் பயன்படுத்தலாமே! தான் நினைப்பதை பிக்பாஸில் செயல்படுத்த முடியவில்லை என்பது போல அல்லவா இருக்கிறது சில சமயங்களில் கமலின் பிக்பாஸ் உரையாடல்கள். 

நிகழ்ச்சியை நடத்துபவர்களுக்கு அதன் வியாபார வெற்றி மட்டுமே நோக்கமாக இருக்கலாம். ஆனால், கமலுக்கு அப்படி இருக்க வேண்டிய அவசியமில்லை. அவருக்குப்  பின்னால் இன்றும் என்றும் அவரது செயல்களில் நியாயம் காணும், நியாயம் கற்பிக்கும் ரசிகர்கள் இருக்கிறார்கள். அவர்கள் தரக்கூடிய பலமெல்லாம் வீண் தானா?

பிக்பாஸ் பிழைகளைக் கமல் தட்டிக் கேட்கக் கூடாதா?

பிக்பாஸைத் தொடர்ந்து பார்ப்பவர்களுக்கே தெரியும் அதில் என்னென்ன விதமான பிழைகள் தொடர்ந்து திட்டமிட்டு வேண்டுமென்றே மக்கள் பார்வைக்கு முன் வைக்கப்படுகிறது என்று. இது மக்களிடையே என்ன விதமான தாக்கங்களை வேண்டுமானாலும் ஏற்படுத்தலாம். பிக்பாஸ் பொறுப்பேற்பாரா அத்தனைக்கும்?!

இன்று ஒரு அறியாச் சிறுமியை நடிகரின் காரின் பின்னால் ஓட வைத்திருக்கிறீர்கள். அவர் வெறும் நடிகராக மட்டுமே இல்லாமல் சற்று சமூக அக்கறையும் இருக்கப் போய் காரை நிறுத்தி புத்தி சொல்லிச் சென்றார். ஆயினும் நம் மக்கள் திருந்தி விடப் போகிறார்களா? அவர்களை மூளைச் சலவை செய்யத்தான் பிக் பாஸ் மாதிரியான வீணாய்ப்போன ரியாலிட்டி ஷோக்கள் நிறைய இருக்கின்றனவே நமது தொலைக்காட்சிகள் தோறும்.

பிக்பாஸில் சமூக அக்கறை இருக்க வேண்டிய அவசியம் என்ன என்று யாரேனும் கேட்டீர்கள் என்றால் உங்களுக்குச் சொல்லிக் கொள்ள விஷயமுண்டு.  நாட்டில் குற்றவாளிகளை உருவாக்குவதும், அவர்களது துருப்பிடித்த சிந்தனைகளுக்குத் தீனியிட்டு வளர்ப்பதும் இப்படிப் பட்ட சமூக அக்கறையற்ற தொலைக்காட்சி நிகழ்ச்சிகள் தான். நம் வீட்டில் பாதிப்பு நிகழ்ந்த பின் தான் நாம் பொங்கியெழ வேண்டும் என்பதில்லை. வரும் முன் காக்கவும் பொங்கி எழலாம் தவறில்லை.

 

Image courtesy: Puthiyathalaimurai TV

]]>
KAMAL, BIGBOSS SEASON 2, THIRUPURE LITTLE GIRL, KAMAL'S ADVICE, கமல், திருப்பூர் சிறுமி, பிக்பாஸ் சீசன் 2 பரிதாபங்கள், பிக்பாஸ் சீசன் 2 http://images.dinamani.com/uploads/user/imagelibrary/2018/9/22/w600X390/kamal.jpg http://www.dinamani.com/editorial-articles/special-stories/2018/sep/22/kamals-social-concern-why-kamal-should-not-raise-questions-against-bigboss-season-2-program-heads-3005627.html
3005026 கட்டுரைகள் சிறப்புக் கட்டுரைகள் வாழ்க்கை ரகசியத்தை உணர்த்த ஒரு எருமைக் கதை சொல்லவா சார்?! வேலுச்சாமி ராஜேந்திரன், தேனி. Friday, September 21, 2018 04:15 PM +0530  

ஒருநாள் எருமைக்கு அசாத்திய கோபம் வந்தது.

கோபத்தை தீர்த்துக் கொள்ள அது நேரடியாய்ப் போய் நின்ற இடம் கைலாயம்.

கழுத்தில் பாம்பு படமெடுத்து நிற்க தியானத்தில் அமர்ந்திருந்த சிவன் மெல்லக் கண் திறந்தார். வந்திருப்பது எருமை என்று மட்டுமல்ல ஏன் வந்திருக்கிறது என்ற காரணமும் அவருக்குத் தெரியும். ஆயினும் சுற்றியிருக்கும் பூத கணங்களும் தெரிந்து கொள்ளட்டுமே என்ற எண்ணத்தில், 

வந்தாயா எருமையே! வா, வா எப்படி இருக்கிறாய்? என்றார்.

எருமைக்கு கோபம் தீர்ந்தபாடில்லை.

முக்காலமும் உணர்ந்த ஐயனே! நீர் அறியாததா? எனது நலம்?! ஆயினும் நீங்கள் கேட்டதன் பின் பதிலுரைக்காமல் இருத்தல் தகுமோ! அதனால் சொல்லித்தான் தீர வேண்டும். 

எம்பெருமானே! எங்களை ஏன் இப்படிப் படைத்தீர்கள். பூலோகத்தில் மானுடர்கள் எங்களைச் சுத்தமாக மதிப்பதே இல்லை. நாளும் அவர்களது பொல்லாச் சொற்களில் மாட்டிக் கொண்டு அவஸ்தைப் பட்டுக் கொண்டிருக்கிறோம் நாங்கள். சேற்றில் புரளும் எருமைகளே! மந்த புத்தி எருமைகளே! எருமை மாட்டில் மழை பெய்தார் போல, எருமை போல அசையா ஜென்மமே, சூடு, சொரணை இல்லாத எருமைகளே! என்று எப்படியெல்லாம் மானுடர்கள் எங்களைத் திட்டித் தீர்க்கிறார்கள் தெரியுமா? நினைத்தால் கோபத்திலும், ஆத்திரத்திலும் மனம் புழுங்கிச் சாகிறது. நாங்கள் அப்படியென்ன பாவம் செய்தோம்? இப்படி ஒரு பெயர் வாங்க?!

எம்பெருமான் தமக்குள் புன்னகைத்துக் கொண்டவராக எருமையை நோக்கி இப்படிச் சொன்னார்...

என்னைக் கூட சுடுகாட்டில் ஆடுபவன், பிணம் எரித்த சாம்பல் பூசித் திரிபவன், கபால ஓட்டில் பிச்சையெடுப்பவன் என்று மானுடர்களில் பலர் சொல்வதுண்டு என்றார்.

எருமை அவரது பகடியைக் கவனித்தது போலத் தெரியவில்லை.

ஐயனே... உங்கள் அருமை அறியாதவர்கள் கிடக்கிறார்கள் அவர்களை விடுங்கள்... எங்களுக்கு ஆறாத மற்றொரு ரணம் உண்டு. பசுக்களுக்கும், எங்களுக்கும் என்ன பெரிய வித்யாசம்? அவை தரும் பாலும் வெண்மையாகத்தான் இருக்கிறது. நாங்கள் தரும் பாலும் வெண்மையாகத் தான் இருக்கிறது. ஆனால், இந்த மட மானுடர்கள் அவைகளை மட்டும் புனிதம் என்ற பெயரில் போற்றிப் புகழ்கிறார்கள். கோமியத்தைப் பிடித்து வீட்டு மூலை, முடுக்கெல்லாம் தெளித்து பரிமள வாசம் என்று மெச்சிக் கொள்கிறார்கள். ஆனால், எங்களை என்னடாவென்றால் வீட்டுக்குள் நுழையவே விடுவதில்லை. எப்போது பார்த்தாலும் மந்த புத்தி எருமை என்று கரித்துக் கொட்டுகிறார்கள். இதிலிருந்து நாங்கள் விடுபட வேண்டும். நாங்களும் பசுக்களுக்கு இணையாக மதிக்கப்பட வேண்டும். பரம்பொருளான உங்களால் முடியாதது உண்டா?! எங்களை தயவு செய்து பசுக்களுக்கு இணையாக மாற இக்கணமே வரமளியுங்கள்.
- என்று சிவனிடம் கோரிக்கை வைத்தது எருமை.

இதழ்களில் நெளியும் புன்னகையுடன், சாந்த ஸ்வரூபியாக எருமை சொன்னதைச் செவி மடுத்த ஈசன்... அதைக் காத்தருளும் அபய முத்திரையுடன் எருமையை ஆசிர்வதித்து.

எருமையே பிரம்மன் படைப்பில் அனைத்து உயிர்களும் சமமானவையே. ஒன்றில் உயர்வும் பிறிதொன்றில் தாழ்வும் எப்போதும் இல்லை. உன் கோரிக்கை நியாயமானது தான். ஆதலின் அதை நிறைவேற்ற நான் முயற்சிக்கிறேன். அதற்கு முன்பு நீ எனக்கொரு உறுதிமொழி அளிக்க வேண்டும். அளித்தால் நான் உன்னை பசுக்களுக்கு இணையாக மானுடர் மதிக்கும் படியாகச் செய்வேன் என்றார்.

எருமைக்கு ஒரே சந்தோசமாகி விட்டது.

உத்தரவிடுங்கள் எம்பெருமானே... என்றது.

ஈசன் சொன்னார்... பூலோகத்தில் பசுக்களுக்கு இணையாக மதிக்கப்பட வேண்டும் என்ற உனது விருப்பத்தை நான் நிறைவேற்ற வேண்டுமெனில், நீ இன்று முதல் சேற்றில் புரளும் உன் இன்பத்தைக் கைவிட வேண்டும். சொந்த ஆசையிலோ அல்லது சூழ்நிலை காரணமாகவோ கூட நீ இனி எப்போதும் சேற்றில் அமிழ்ந்து புரளக்கூடாது. இந்த உத்தரவாதம் மட்டும் அளித்தாயானால் நாளை முதல் பூலோகத்தில் எருமைகளும், பசுக்களும் ஒரே விதத்தில் மதிக்கப்பட வேண்டும் என்று நான் வரமளிக்கிறேன்’ என்றார்.

எம்பெருமானின் கருணையில் முகம் பூரித்தாலும் எருமைக்கு அவர் கேட்ட உத்தரவாதம் நடு மண்டையில் கல்லைத் தூக்கிப் போட்டாற் போலிருந்தது.

அது ஒரு நொடி திகைத்து நின்றது. பின் எம்பெருமானை நோக்கி;

சர்வேஸ்வரா, நீங்கள் கேட்கும் உறுதிமொழியை என்னால் தர இயலாது. மானுடர்களின் மதிப்பு, மரியாதைக்காக என்னால் எனது சிற்றின்பத்தைப் பலி கொடுக்க முடியாது. சேற்றில் புரள்வது எருமைகளான எங்கள் இனத்திற்கு கோடானு கோடி இன்பங்களில் ஒன்று. அதைத் தாரை வார்த்து விட்டு பசுக்களுக்கு இணையாக மதிக்கப்பட்டு நாங்கள் பெறப்போவது ஏதுமில்லை. என் கோபத்தின் மீதே எனக்கிப்போது கோபம் வருகிறது. உங்கள் ஆசி போதும். எனக்கு வரம் ஏதும் வேண்டாம்’ என்று சொல்லி புறமுதுகிட்டு ஓடிப் போனது.

நடந்தது அத்தனையையும் கவனித்துக் கொண்டிருந்த நந்தி தேவரும், பூத கணங்களும் எம்பெருமானின் அருகில் அணைந்து;

மகாதேவரே! எருமையின் கோரிக்கையில் தவறென்ன? என்றார்கள்.

ஜடைமுடியில் உச்சிப் பிறைநிலா பளீரென ஒளி விட... மந்தகாசப் புன்னகையுடன்  அவர்களை நோக்கிய மகா நீலகண்டர்...

கோரிக்கையில் தவறில்லை நந்தி... அந்தக் கோரிக்கையை அடைவதற்கான முயற்சியில் தான் தடை. எருமை முடிவெடுத்து விட்டது சேற்றில் புரள்வது தான் தனக்கு இன்பம் என. அப்படி இருக்கையில் மானுடர்கள் அதை குளிப்பாட்டி பூஜித்து நடு வீட்டில் கொண்டு வைக்க நினைத்தாலும் அதன் நினைவெல்லாம் சேற்றைத் தேடிக் கண்டடைவதாகத் தான் இருக்கும். நினைவில் எப்போதும் சேற்றைத் தேடும் எருமையை மானுடர் எப்படி பூஜிப்பர்? எருமை சேற்றைக் கைவிட முடியாததோடு தமக்கு நிஜமான இன்பம் மானுடர்களின் மரியாதையில் இல்லை என்பதையும் கண்டு கொண்டது. இது தன்னையறிந்த நிலை. இந்த நிலையை மனிதர்கள் அடைவார்களாயின் அவர்களுக்குள் போட்டி பொறாமை என்பதே இல்லாமல் நீங்கி விடும்.

வாழ்வின் ரகசியம் இது தான்.

ஒவ்வொரு மனிதனும் தன்னைத் தானறிந்து செயல்பட்டால் அதற்குண்டான வெற்றிக்கும், தோல்விக்கும் தானன்றி வேறெவரும் காரணமில்லை என்பதையும் உணர்வார்கள். அதோடு வாழ்வில் எதையாவது சாதிக்க வேண்டுமெனில் எதையாவது தியாகம் செய்தே தீர வேண்டும் என்பது எழுதப்படாத விதி.  அந்த தியாகத்தைச் செய்து வாழ்வின் அடுத்த படிக்கு முன்னேற எருமைக்கு மனமில்லை. அதனால் அது தனது வழக்கமான நிலையிலேயே நீடிக்கிறது என்றும் ஈசன் பகர்ந்தார். இனிமேல் அதற்கு தன்னைப் பற்றிய சுயமதிப்பீட்டில் மனக்குறை இருக்காது என்று மென்னகையுடன் நிஷ்டையில் ஆழ்ந்து போனார் மூவுலகையும் பரிபாலிக்கும் எம்பெருமான் ஈசன்.


 

]]>
COW VS BAFFALO, LIFE'S TRUTH, PHILOSOPHY, ADI SIVAN, பசு VS எருமை, எருமைக்கதை, வாழ்வின் உண்மை, நிதர்சனம், தன்னை அறிதல், சேற்று எருமை, பசுக்கள், http://images.dinamani.com/uploads/user/imagelibrary/2018/9/21/w600X390/MUD_BAFFALO.jpg http://www.dinamani.com/editorial-articles/special-stories/2018/sep/21/life-truth-behind-the-mud-baffalo-story-3005026.html
3005022 கட்டுரைகள் சிறப்புக் கட்டுரைகள் மனித உடலை வியாபாரப் பொருளாக்குவது நியாயமா? ரோஸ்ஆன் ராஜன் Friday, September 21, 2018 03:26 PM +0530 மனித வணிகத்தின் வடிவங்கள்

கடந்த பல ஆண்டுகளாக உறுப்புகளுக்காகவும் மற்றும் பாலியல் அடிமைத்தனம் போன்றவற்றிற்காகவும் செய்யப்படும் மனித வணிகம் என்பது சர்வதேச கவனத்தை பெற்றுள்ள நிலையில், மனித உடலை வியாபாரப் பொருளாக்குவது இப்போது மிக தீவிர கவனிப்பைப் பெற்றிருக்கிறது. துரதிருஷ்டவசமாக மனித வணிகத்தின் மற்றொரு வடிவமானது சர்வதேச சமூகத்தின் அதே அளவு கவனத்தையும், கடும் சீற்றத்தையும் பெறத் தவறியிருக்கிறது: பதிலி தாய்மை / வாடகைத் தாய் என்பதே. பதிலி தாய்மை என்பது, ஒரு மானுட நபரை ஒரு வியாபாரப் பொருளாக்குவது: இதில் குழந்தை என்பது ஒரு வழக்காறு மரபின் வெறும் வியாபாரப் பொருளாகிறது. வாடகைத்தாய், ஒரு இன்குபேட்டராக, அதாவது அடைகாப்புக் கருவியாக பயன்படுத்தப்படுகிறார்; இத்தகைய வியாபாரப் பொருளாக்குவது, வாடகைத்தாய் மற்றும் குழந்தை ஆகிய இருவரின் கண்ணியத்தையும் மீறுகிறது. ஒரு பதிலி தாய் (வாடகைத்தாய்) ஒப்பந்தத்திற்குப் பிறகு பிறக்கக் கூடிய ஒரு குழந்தை மீது பெற்றோர்; என்ற உரிமை கொண்டாடுபவர்கள் ஆறு வயதுவந்த நபர்கள் வரை இருக்கக் கூடும். மரபணு தாய் (கருமுட்டை தானம் கொடுப்பவர்), கருவை சுமப்பவர் (வாடகைத்தாய்), இதை ஏற்பாடு செய்கிற மற்றும் பிறகு குழந்தையை வளர்க்கக் கூடிய தாய், மரபணு தந்தை (விந்து தானம் கொடுப்பவர்), வாடகைத் தாயின் கணவர்; (தந்தைமை அனுமானம்) மற்றும் இதை ஏற்பாடு செய்கிற மற்றும் பிறகு குழந்தையை வளர்க்கக் கூடிய தந்தை ஆகியோர் அடங்குவர். இதை ஏற்பாடு செய்கிற ஒரு அல்லது இரண்டு பெற்றோரின் பாலின் உயிரணுக்களும் பயன்படுத்தப்பட்டிருக்கலாம். கருவை சுமக்கும் தாய் மரபணுத் தாயாகவும் இருக்கலாம். செயற்கையாக கருவுற்றவராக்கும்போது இது இருக்கக் கூடும். இந்த கையாளுகைகள் மரபணு உள்ளமைக்கு மாறானவை. இவை மிகவும் மிகவும் முரண்பாடாக, குறிப்பாக தந்தை யார் என்று தீர்மானிக்கும் விஷயத்தில் நாடப்படுகிறது. இவை, குழந்தையின் உரிமைகள் குறித்த ஒப்பந்தத்தின் 7-ஆம் ஷரத்தில் உத்தரவாதமளிக்கப்பட்டவாறு குழந்தைக்கு தனது பூர்வீகம் மற்றும் அடையாளத்தை தெரிந்து கொள்வதற்கு உள்ள உரிமையையும் இவைகள் மீறுகின்றன. மேலும், இதுபோன்று இணைந்த உரிமைக்கோரிக்கைகள் தவிர்க்க முடியாத வகையில் வழக்குகளுக்கு வழி வகுக்கக் கூடும்.

பதிலி தாய்மை என்பது, மற்றவைகள் மத்தியில் இனப் பெருக்கத்திற்கு மருத்துவரீதியில் உதவும் ஒரு முறையாக, மலட்டுத்தன்மைக்கு ஒரு சிகிச்சையாக வழங்கப்படுகிறது. இது, இயற்கையாக குழந்தைகள் பெறமுடியாத தம்பதியருக்கு உதவுவதற்கு, பெற்றோர் என்ற முறையில் குழந்தையை பேணி வளர்ப்பதில் கிடைக்கும் மகிழ்ச்சியை அவர்களுக்கு கொடுக்கும் ஒரு தாராளமான பொதுநல நடவடிக்கையாக எப்போதும் செய்யப்படுகிறது என்று பொதுவாக சித்தரிக்கப்படுகிறது. எனினும், இதில் எதார்த்தமான உண்மை என்பது, சர்க்கரை பு+சப்பட்ட இந்த சித்தரிப்பிலிருந்து வெகு தூரத்தில் உள்ளது.

இந்தியாவில் வாடகைத்தாய்மை முறையின் தாக்கமும் விளைவும்

பதிலி தாய்மை செயல்முறையின் ஆதரவாளர்கள் இதை, அனைத்து தரப்பினருக்கும் பயனளிக்கிற, வெற்றி தருகிற சூழ்நிலையாக கருதுகிறார;கள். ஒரு குழந்தை வேண்டும் என்று மிக ஆவலாக எதிர்பார்க்கும் ஒருவருக்கு  ஒரு குழந்தை பெறக்கூடியவரால், பணத்திற்காகவோ அல்லது கருணை அல்லது உபகாரத்திற்காகவோ, ஒரு பெற்றோராக ஆவதற்கு வாய்ப்பு கொடுக்கப்படுகிறது. இதில் உண்மை என்னவென்றால், பெரும்பாலான வாடகைத்தாய்மை நேர்வுகளில் பணம் கைமாறுகிறது. பணம் கைமாறும்போது, விஷயங்கள் மிகவும் மோசமாக மாறும் வாய்ப்புள்ளதால், மனிதர்களின் உயிர்கள் பணயம் வைக்கப்படுகின்றன.

இந்தியாவில், வாடகைத் தாய்மை தொழில்துறை மீது கிட்டத்தட்ட எவ்வித கட்டுப்பாடும் இல்லை. ஆனால், இது ஒரு தொழில்துறை தான். 'அப்பாவி இந்தியப் பெண்கள் இதில் ஏமாற்றப்படுகின்றனர்’ என்று ஆய்வு கூறுகிறது.

ஒழுங்கு முறைப்படுத்தப்படாத மற்றும் அபாயகரமான தொழிலின் வெளியில் தெரியாத ஒரு அடிப்பக்கம் இதில் இருக்கிறது. இதற்கு பெண்கள் வழக்கமாக குடிசைப்பகுதியிலிருந்து தேர்வுசெய்யப்படுகின்றனர். ஒரு அமைவிடத்தில் ஓராண்டு இதற்காக தங்கியிருப்பதற்கு முன்பு, அவர்களால் வாசிக்க முடியாத ஒப்பந்தங்களில் கையொப்பமிடுமாறு செய்யப்படுகின்றனர்.

மருத்துவர்கள் ஒரு நாளுக்கான பிறப்பு விகிதத்தை அதிகப்படுத்துவதற்காக சீசரியன் அறுவைசிகிச்சை மூலம் குழந்தை பிறக்கச் செய்கின்றனர். அப்படி குழந்தை பிறந்தவுடன், வாடகைத்தாய், அவருக்கு உறுதியளிக்கப்பட்ட முழு இழப்பீட்டுத் தொகையையும் கொடுக்கப்படாமலேயே வீட்டிற்கு திருப்பி அனுப்பப்படுகிறார்.

இந்தியாவில் வாடகைத்தாய்மை முறை என்பது 'ஏதோ போகிற போக்கில் போகிறது’ என்று கியன்னா தொபோனி என்ற செய்தியாளர் வர்ணிக்கிறார்.

இதை ஒரு பாதுகாப்பான தொழிலாக மாற்றக்கூடிய ஒழுங்குமுறை விதிகளை இந்திய அரசாங்கம் பிறப்பிக்கவில்லை. அதிக ஒழுங்குமுறை விதிகளும் மற்றும் தம்பதியர்களின் அதிக முயற்சிகளும் இருந்தால் அது உதவக் கூடும். வாடகைத் தாய் எந்தவகையான அழுத்தத்தில் உள்ளார் என்பதை உண்மையில் ஆராய்ந்து பார்க்க வேண்டியது தம்பதியரின் பொறுப்பாகும். குழந்தை பிரசவத்தின் போது இறந்துவிடுவோம் என்று எப்போதாவது பயந்தது உண்டா என்று மகப்பேறுக்காக மேஜையில் கிடத்தப்பட்டிருந்த ஒரு வாடகைத்தாயை நான் கேட்டேன். அதற்கு 'ஆமாம், அது ஒரு உண்மையான சாத்தியம் என்று எனக்கு தெரியும்’, என்று அவர் பதிலளித்தார். அவர்களுக்கு மருத்துவரீதியில் நிலைமை என்ன என்பது வாடகைத்தாய்களுக்கு புரியும், ஆனால் அதே சமயம் பெண்கள் தங்கள் உயிர்களை இதற்காக பணயம் வைக்கிறார்கள்.

இப்போது வாடகைத் தாய் தொழிலில் என்ன வேண்டுமென்றாலும் நடக்கலாம், அதுதான் உண்மையில் அச்சுறுத்துவதாக இருக்கிறது. 2010-ஆம் ஆண்டில் இதற்காக ஒரு சட்ட மசோதா பரிசீலிக்கப்பட்டது. ஆனால் அது சட்டமாக இயற்றப்படவில்லை. நாங்கள் பார்க்க முடிந்த மருத்துவமனைகளில் இந்த பெண்கள் யாருக்கும் மோசமான மருத்துவ சேவை தரப்பட்டதை நாங்கள் பார்க்கவில்லை. அதே சமயம், எத்தனை கருக்கள் உள் வைக்கப்படலாம் என்பதற்கு உச்ச வரம்பே இல்லை. நேரம் அல்லது பணம் வீணாகாமல் அந்தப் பெண் கர்ப்பமாகும் வாய்ப்புகளை அதிகரிக்கச் செய்வதற்கு டாக்டர்கள் ஒன்று அல்லது இரண்டு கருக்களை உட்புகுத்துவதுண்டு.

அடுத்து பத்திரிகையாளர் தொபோனி கண்டறிந்ததை, ஒரு மனித வணிக செயல்பாடு என்றே வர்ணிக்க முடியும். வாடகைத்தாய்மை பற்றி கலந்து பேசுவதற்காக ஒரு தம்பதியரை சந்திப்பதற்கு அவர் சென்றார். அங்கு அவருக்கு அதற்கும் மேலாக சில விஷயங்கள் தெரிய வந்தன.

வாடகைத்தாய்மை என்பது மனித வணிகத்தின் பொருள் வரையறையை பூர்த்திசெய்கிறதா?

மனித வணிகத்தில் ஈடுபடும் மோசடிக்காரர்கள் அவர்களது பலியாட்களை / பாதிக்கப்படக்கூடியவர்களை கவர்ந்து ஈரப்பதற்கும் மற்றும் கட்டாய வேலை அல்லது வர்த்தக ரீதியிலான பாலியல் தொழிலில் ஈடுபடுத்த பலவந்தம், மோசடி அல்லது வலுக்கட்டாயப்படுத்துதலை பயன்படுத்துகின்றனர். பொருளாதார கஷ்டம், இயற்கைப் பேரழிவு அல்லது அரசியல் நிலையற்ற தன்மை உள்ளிட்ட பல்வேறு காரணங்களினால் பாதிக்கப்படக்கூடியவர;களை அவர்கள் தேடி கண்டறிகின்றனர். பொது வெளியில் கூட தங்களை பாதிக்கப்பட்டவர்களாக அடையாளப்படுத்திக் கொள்ளவோ அல்லது உதவி வேண்டும் என்று கேட்பதற்கோ கூட இயலாத நிலையில் அவர்களுக்கு ஏற்பட்ட அதிர்ச்சியும், பாதிப்பின் தாக்கமும் மிக அதிகமாக இருக்கக்கூடும்.

மனித வணிக வணிகத்தில் ஈடுபடும் நபர்கள் - அவர்களின் செயல்படும் விதம் :

1. ஒரு நபரை அல்லது அவரின் குடும்ப உறுப்பினர்களை மிரட்டுவது அல்லது அவர்கள் மீது வன்முறையை பயன்படுத்துவது.

2. உணவு, குடிநீர; அல்லது உறக்கம் போன்ற அடிப்படைத் தேவைகளை நபருக்கு மறுத்தல் அல்லது அவற்றிற்கு தீங்குவிளைவித்தல்;

3. காதலிப்பதாக அல்லது இணைந்து வாழ்வதாக பொய் உறுதிமொழிகளை தருதல்;

4. ஒரு நல்ல வேலை மற்றும் வீடு வாங்கித் தருவதாக பொய் உறுதி மொழியளித்தல்;

5.  நண்பர்கள் அல்லது குடும்பத்தினருடன் தொடர்பை கட்டுப்படுத்துதல்;

6.  நடமாட்ட சுதந்திரத்தை கட்டுப்படுத்துதல்;

7. ஒரு நபரின் அடையாளச் சான்று ஆவணங்களை தங்கள் வசம் வைத்துக் கொண்டு கட்டுப்படுத்துதல்;

8. நாடு கடத்தல் அல்லது சட்ட அமலாக்க நடவடிக்கை எடுக்கப் போவதாக அச்சுறுத்தல்;

9. கடன் வாங்கியதாக கூறப்படும் தொகையை திரும்ப செலுத்துவதற்கு அந்நபரின் ஊதியத்தை எடுத்துக் கொள்ளுதல்;

10. சமய வழிபாடு நிகழ்வுகளில் கலந்து கொள்ள விடாமல் பாதிக்கப்படுபவரை தடுத்தல்.

வாடகைத் தாய்மை முறை, எளிதில் பாதிப்புக்கு ஆளாகுபவர்களை வேட்டையாடுகிறது; பெண்கள் மற்றும் குழந்தைகளின் உடல்நலத்தை ஆபத்துக்கு உள்ளாக்குகிறது மற்றும் மனித வாழ்க்கையை வியாபாரப் பொருளாக்குகிறது.

வாடகைத் தாய்மை முறையில், வாடகைத் தாய்க்கு ஏற்படும் மருத்துவரீதியான, மனரீதியான மற்றும் சமூகரீதியான தீங்குகள் :

1. தேவை : உயர்கல்வித் திறனுடன் கூடிய, நல்ல தோற்றமுள்ள குழந்தை - குழந்தைகளை வியாபாரப் பொருட்களாக மாற்றுவது

2. மனரீதியாக பற்றின்மை

3. கருவுற்றிருக்கும் நேரத்தில் அச்சங்கள் மற்றும் வாடகைத்தாய்க்கும் மற்றும் ஒப்பந்தப் பெற்றோர்களுக்குமிடையே தொடரும் உறவுமுறையில் உள்ள சிக்கலான பிரச்சனைகள்.

4. சுரண்டல் : வாடகைத் தாய் நேசிக்கப்படுவார், உபயோகபடுத்திக் கொள்ளப்படுவார்; அதற்குப் பிறகு மறக்கப்பட்டுவிடுவார்.

5. குழந்தை பிறப்பிற்குப் பிறகு ஒப்பந்தப் பெற்றோர்களின் உணர்ச்சிப்பூர்வ போராட்டங்கள்.

6. எதிர்பாரா சிக்கல்கள் : ஒரு ஒப்பந்த பரிவர்த்தனையின் கீழ், பிறந்த குழந்தை வேண்டாத ஒரு பொருளாக ஆகும்போது

டீ. மனித வணிகம் மற்றும் வாடகைத் தாய்மை முறை : சுரண்டலின் எடுத்துக்காட்டுகள்.

பிறக்காத குழந்தைகள் மற்றும் குழந்தைகள் நாடும் பெற்றோர்கள் ஆகிய இருவரையும் பாதுகாப்பதற்காக வாடகைத்தாய் சட்டங்கள் இயற்றப்பட்டதாக கூறப்படுகின்றன. வாடகைத் தாய்மை முறையின் சுரண்டலுக்கான எடுத்துக்காட்டுகள், குழந்தைகள் மற்றும் பெண்ணுக்கு விளைவிக்கப்பட்ட மோசடிகளின் வேறுபட்ட ஒரு பின்னணியை வெளிப்படுத்துகின்றன துரதிருஷ்டவசமாக, நெறிமுறை சார்ந்த குழப்பங்களும் மற்றும் வாடகைத்தாய்மை பிரச்னைகளின் புதுத்தன்மையும் உள்ள நிலையில், பல மனித உரிமைக்குழுக்கள் வாடகைத்தாய்மையின் ஆபத்துகள் குறித்து தெரியாமலோ அல்லது நடுநிலையிலோ இருக்கிறார்கள். எடுத்துக் காட்டிற்கு, ஹியு+மன் ரைட்ஸ் வாட்ச் ஆசிய இயக்குநர; பில் ராபர்ட்சன் கூறுகையில், 'இந்தப் பிரச்னையின் புதிய தன்மையால் வேறுபலர; என்ன செய்வதென்று தெரியாத நிலையில் இருப்பதைப்போலவே, அரசாங்கங்களும் முற்றிலும் புதிய ஒன்றை இதில் எதிர்கொள்கின்றன’ என்றார். 

1. குழந்தைகளை விற்பனை செய்யும் சதிச் செயல்கள்

2. 'கட்டாயப்படுத்தப்பட்டுள்ள’ வாடகைத் தாய்மை

மனித உரிமைகள் மற்றும் ஒவ்வொரு மனிதரின் உள்ளார்ந்த கண்ணியத்தை பிரதிபலிக்கும் கோட்பாடுகளின் கீழ் வாடகைத் தாய்மை முறை தடை செய்யப்பட வேண்டும்:

வாடகைத் தாய்மை விஷயம் குறித்து குறிப்பாக கவனிப்பதற்கு ஐரோப்பிய கவுன்சில் இன்னும் ஒரு உடன்படிக்கையை உருவாக்காமல் இருக்கின்ற நிலையில், வாடகைத் தாய்மை முறை குறித்து ஒரு நிலையான நிலையை ஒருங்கிணைக்கக் கூடிய ஒரு கட்டமைப்பை இது போன்ற பிற உடன்படிக்கைகள் சட்டக் கோட்பாடுகளை வழங்கியுள்ளன. மனித உரிமைகள் பாதுகாப்பு என்பது, மானுட கண்ணியத்தின் மிகவும் முக்கியமான அம்சமாகும்: உலகில் சுதந்திரம், நீதி மற்றும் அமைதியின் அடித்தளம் இது என்று உலகளாவிய மனித உரிமைகள் பிரகடனம் தெரிவிக்கிறது. 

ஐரோப்பாவிலுள்ள உடன்படிக்கைகள் முழுவதிலும், மானுட கண்ணியத்தை பாதுகாத்தல், குறிப்பாக பெண்கள் மற்றும் குழந்தைகளில் மனித வணிகத்தை/ஆட்கடத்தலை தடைசெய்தல், இயற்கை முறையில் கருத்தரித்தல் மற்றும் குழந்தை பிறப்பில் தலையிடுவதற்கு எதிராக குழந்தையின் சிறந்த நலனை உறுதி செய்தல் ஆகியவற்றிற்கு சாதகமாக ஒரு பொதுக்கொள்கை இருக்கிறது. செயற்கை கருத்தறிப்பு முறை வழியாக உருவாக்கப்படும் ஒரு குழந்தையின் பாலினத்தை தேர்வு செய்வதற்கு எதிராக தடை மற்றும் மனிதர்களை குளோனிங் செய்வது மீது தடை ஆகியவற்றில் இது வெளிப்படுகிறது. ஏனெனில் இத்தகைய நடவடிக்கைகள் மனித கண்ணியத்திற்கு எதிரானவை.

ஒப்பந்த செயல்முறையில் சுரண்டல் வாய்ப்புத்திறன் இருப்பதாலும் மற்றும் வாடகைத் தாய்மை முறை வாடகைத் தாய் மற்றும் குழந்தை ஆகியோர், அவர்களது மனித கண்ணியத்தை மீறும் வகையில் ஒரு ஒப்பந்தத்தின் ஜடப்பொருட்களாக குறைப்பதாலும், இந்த நிலைநாட்டப்பட்ட கொள்கைகளை ஒட்டிய வகையில், அனைத்து நாடுகளும் வாடகைத் தாய்மை முறையை தடை செய்யும் ஒரு கொள்கையை உருவாக்கி அதனை செயல்படுத்த வேண்டும்.

- ரோஸ்ஆன் ராஜன்

]]>
http://images.dinamani.com/uploads/user/imagelibrary/2018/9/21/w600X390/images_2.jpg http://www.dinamani.com/editorial-articles/special-stories/2018/sep/21/மனித-உடலை-வியாபாரப்-பொருளாக்குவது-நியாயமா-3005022.html
3003577 கட்டுரைகள் சிறப்புக் கட்டுரைகள் கண்ணே என் நவமணியே..! குழந்தைகள் இறப்பு விகிதத்தை இல்லாமல் செய்வோம்! டி.எஸ்.எஸ் Wednesday, September 19, 2018 06:27 PM +0530  

குழந்தைகள் என்பது ஒரு வீட்டின் செல்வம் எத்தனையோ தம்பதியினர் இன்று குழந்தை பேறுக்காக தவம் இருப்பதோடு.. ஏராளமான மருத்துவ சிகிச்சைகளையும் எடுத்து வருகின்றனர். ‘யாழ் இனிது குழல் இனிது என்பர் தம் மக்கள் மழலைச் சொல் கேளாதோர்’ என்றார் வள்ளுவப் பெருந்தகை. குழந்தை பாக்கியம் இல்லாதவர்களை கேட்டால் தெரியும் அது வாழ்வின் எத்தனை பெரிய வரம் என்று..

அப்படிப்பட்ட வரமாக அமையும் குழந்தைச் செல்வங்களை பேணிக் காக்க வேண்டிய அவசியம் பெற்றோர்களுக்கு மட்டும் தான் என்று சொல்லி விட முடியாது. வீட்டுக்கும் நாட்டுக்கும் பெரும் பேறாக இருப்பதுதான் குழந்தைச் செல்வம் எனவே குழந்தைகளைக் காக்க வேண்டிய மிகப்பெரிய பொறுப்பு நாட்டிற்கும்  உண்டு என்பதை யாரும் மறுப்பதற்கில்லை. அந்த பெரும் பொறுப்பில் இருந்து நமது நாடு தவறி இருக்கிறது என்பதைத் தான் ஐக்கிய நாடுகள் மக்கள்தொகை பிரிவு மற்றும் உலக வங்கி குழு வெளியிட்டுள்ள அறிக்கை நமக்கு காட்டுகிறது. 

கடந்த 2017 ஆம் ஆண்டில் இந்தியாவில் 8,02,000 குழந்தைகள் தண்ணீர், சுகாதாரம், சரியான ஊட்டச்சத்து மற்றும் அடிப்படை சுகாதார வசதிகள் இல்லாத காரணத்தால் உயிரிழந்துள்ளதாக யுனிசெஃப், ஐ.நா அறிக்கை தெரிவித்துள்ளது. மேலும் யூனிசெஃப், உலக சுகாதார அமைப்பு (WHO), ஐக்கிய நாடுகள் மக்கள்தொகை பிரிவு மற்றும் உலக வங்கி குழு வெளியிட்டுள்ள அறிக்கையின் படி உலக அளவில் இந்தியாவில் குழந்தை இறப்பு விகிதம் மிக உயர்ந்ததாக உள்ளது என்பது குறிப்பிடத்தக்கது.

ஆண்டுதோறும், சர்வதேச அளவில்... பச்சிளம் குழந்தைகள் மற்றும் 5 - 14 வயதுக்குட்பட்ட குழந்தைகளின் இறப்பு மற்றும் அதற்கான காரணம் குறித்த ஆய்வறிக்கையை, இந்த ஒருங்கிணைப்பு குழு வெளியிடும். இந்த ஒருங்கிணைப்பு குழு வெளியிட்ட, 2017- ம் ஆண்டுக்கான ஆய்வறிக்கையின்படி சர்வதேச அளவில், பச்சிளம் குழந்தைகள் உயிரிழப்பில், சீனா, முதலிடத்தில் உள்ளது. இரண்டாமிடத்தில் இந்தியா உள்ளது. அதற்கு அடுத்தடுத்த இடங்களில், ஆப்ரிக்க நாடான நைஜீரியா மற்றும் பாகிஸ்தான், மத்திய ஆப்ரிக்க நாடான காங்கோ ஆகியவை உள்ளன. 

இந்தியாவில், 2016ம் ஆண்டில், 8.67 லட்சம் பச்சிளம் குழந்தைகளும், 2017ம் ஆண்டில் 8.02 லட்சம் பச்சிளம் குழந்தைகளும் உயிரிழந்துள்ளன. சுத்தமான குடிநீர், சுகாதாரம், முறையான ஊட்டச்சத்து மற்றும் அடிப்படை சுகாதார சேவைகள் இல்லாததால், பச்சிளம் மற்றும் 5 வயதுக்குட்பட்ட குழந்தைகள் இறப்பது தொடர்கிறது என்று உலக சுகாதார அமைப்பின் சுகாதார தலைவர், ககன் குப்தா தெரிவித்துள்ளார். குழந்தைகள் பராமரிப்புக்கென்று எத்தனையோ விழிப்புணர்வு பிரச்சாரங்களும் சிறப்பு வகுப்புகளும் நடத்தப்பட்டுக் கொண்டுதான் இருக்கின்றன. ஆனாலும் பெற்றோர்களின் அஜாக்கரதை மற்றும் சில சுற்றுச்சூழல் பிரச்னைகாரணமாக இவ்வாறான அசம்பாவிதங்கள் நடந்து விடுகிறது. 

இன்றைய அதிவேக சூழலில் பொருளாதார தேடலுக்கு முக்கியத்தும் தரும் பெற்றோர்கள் தங்கள் குழந்தைகளுக்கான நலன் குறித்த விசயங்களில் அதிக அக்கறை எடுத்துக்கொள்வதில்லை. கேட்டால் அவர்களுக்காகத்தான் நாங்கள் ஓய்வின்றி ஓடி ஓடி சம்பாதித்துக் கொண்டிருக்கிறோம் என்கின்றனர். ஆனால் அவர்களின் உடல் நலம் மற்றும் மனநலம் குறித்து அவர்களுக்கு எதுவும் தெரிவதில்லை. எது வந்தாலும் பணம் இருந்தால் போதும்... சரி  செய்துவிடலாம் என கருதுகின்றனர்.  இந்த நிலையில் அரசு தரப்பில்  கொடுக்கப்பட வேண்டிய அடிப்படை சுகாதார வசதிகளிலும் குறைப்பாடு இதனால் குழந்தைகள் பல தொற்றுநோய்களுக்கு ஆளாக நேரிடுவதோடு உயிரிழக்கும் துர்பாக்கியமும் ஏற்பட்டு விடுகிறது. 

இதற்கிடையில் பெண் குழந்தைகளுக்கு எதிரான பாலியல் பலாத்காரம் வேறு நம்மை அச்சுறுத்திக் கொண்டிருக்கிறது. எனவே நாட்டில் தற்போதைய சூழலில் ‘தூய்மை இந்தியா’ திட்டம் ஒருபக்கம் தீவிரப் பிரச்சாரத்தில் இருந்தாலும், நாட்டின் தூய்மை இன்னும் பல இடங்களில் கேள்விக்குறியாகவே இருப்பதால் சுகாதார கேடு தொடர்ந்து கொண்டே இருக்கிறது. வீட்டுக்கு வீடு சுத்தம் வீதிக்கு வீதி தூய்மை என்ற ஒழுக்க நெறியை  குழந்தை பருவத்தில் இருந்தே கட்டாயப்படுத்தி வந்தால் ஒரு வேளை நாளைய தலைமுறைக்கான இந்தியா, தூய்மையான இந்தியாவாக மாறுவதற்கான வாய்ப்பு இருகிறது. இன்று அரசு தூவி இருப்பது தூய்மை இந்தியாவுக்கான விதை மட்டுமே... இதை மரமாக்க வேண்டிய பொறுப்பு மக்களிடமே. 

சுற்றுப் புறத்தை நாம் பேணுவோம்.. சுகாதாரத்தை அரசு காக்கட்டும். நல்ல குடிநீர், ஊட்டச் சத்து மிக்க உணவு போன்ற விசயங்களில் மக்களுக்கு அரசு உறுதி அளித்து எதிர்காலத்தில் குழந்தைகள் இறப்பு விகிதித்தை இல்லாமல் செய்ய வேண்டும் என்பதே எல்லோருடைய வேண்டுகோள் ஆகும். 

 

]]>
children health, DEATH RATIO OF INIDIAN CHILDREN, கண்ணே, நவமணியே, குழந்தைகள் இறப்பு விகிதம், குழந்தைகள் நலம் http://www.dinamani.com/editorial-articles/special-stories/2018/sep/19/lets-do-it-eradicate-the-childrens-death-rate-in-india-3003577.html
3003561 கட்டுரைகள் சிறப்புக் கட்டுரைகள் பெற்றோரை வளர்க்கும் சிறுமி அனிதா! குவியும் உதவிகளும் பாராட்டுகளும்! RKV DIN Wednesday, September 19, 2018 03:57 PM +0530  

தேனி மாவட்டம் சங்கரலிங்கபுரத்தைச் சேர்ந்த 13 வயதுச் சிறுமி அனிதாவின் தந்தை விபத்தில் அடிபட்டு நடமாட்டமின்றி படுத்த படுக்கையாக இருக்கிறார். தாயோ மனநலம் குன்றியவர். இந்நிலையில் ஏழ்மையான குடும்பத்தைச் சேர்ந்த சிறுமி அனிதா தன் பெற்றோர்களையும் கவனித்துக் கொண்டு குடும்பத்தையும் பராமரித்துக் கொண்டு பள்ளிக்கும் செல்வதற்கு மிகுந்த சிரமப் பட்டுக் கொண்டிருந்தார். இவரைப் பற்றிய செய்தி, புதிய தலைமுறை தொலைக்காட்சியில் வெளியானது. சிறுமி அனிதா குறித்த செய்தியை அறிந்த தமிழக துணை முதல்வர் ஓ பி எஸ் உடனடியாக மாணவி அனிதாவுக்கு 25,000 ரூபாய் பொருளாதார உதவி செய்ததோடு மாணவி தன் பெற்றோரோடு வசிப்பதற்குத் தோதாக வசிப்பிடமும் ஏற்பாடு செய்யப்பட்டுள்ளது. அனிதா வசிக்கும் வீட்டை நவீனக் கழிப்பறையுடன் கூடிய புதிய வீடாக மாற்ற உறுதியளித்திருக்கிறார்கள். அதற்கான பணிகளும் உடனடியாகத் துவக்கப்பட்டுள்ளதாகக் கூறப்படுகிறது. அனிதா குறித்த செய்தியைக் கண்ட ஜெர்மனி, மஸ்கட், கனடா, அபிதாபி உள்ளிட்ட நாடுகளைச் சேர்ந்த பலதரப்பட்ட மக்களின் மூலமாகவும் அவருக்கான நிதியுதவிகள் தற்போது குவிந்து வருவதாகச் சேனல் தரப்பில் கூறப்படுகிறது.

வித்யா ஆனந்த், தொண்டு நிறுவன நிர்வாகி...

அனிதா குறித்த செய்தி அறிந்து அவரைக் காண வந்த வித்யா ஆனந்த் எனும் தொண்டு நிறுவன நிர்வாகி, அனிதாவைப் பற்றிய செய்தியை நாங்கள் தொலைக்காட்சியில் கண்டோம். ஒரு 13 வயதுச் சிறுமி, தன்னையும் கவனித்துக் கொண்டு, விபத்தில் பாதிப்படைந்த தந்தையையும், மனநலம் குன்றிய அன்னையையும் பராமரித்துக் கொண்டு பள்ளிக்கும் சென்று படிப்பதற்கான ஆர்வத்துடன் இருக்கிறாள் என்ற செய்தியைக் கண்டதும் அவளுக்கு எங்களால் ஆன உதவியைச் செய்ய வேண்டும் என்று தான் நாங்கள் இப்போது இங்கு வந்திருக்கிறோம். அனிதாவுக்குத் தேவையான உடைகள், ஸ்டேஷனரி பொருட்கள், உள்ளிட்டவற்றை தற்போது கொண்டு வந்திருக்கிறொம். அவரது கல்விச் செலவையும் நாங்களே ஏற்றுக் கொள்ளலாம் என்ற நல்லெண்ணத்தில் இருக்கிறோம் நாங்கள் என்றும் அவர் தெரிவித்தார்.

சிறுமி வாழும் அதே பகுதியைச் சேர்ந்த மருத்துவர் ஒருவர், சிறுமியின் தந்தை சந்திரசேகருக்குத் தேவையான மருத்துவ உதவிகளையும் தற்போது இலவசமாக வழங்கத் தொடங்கி இருக்கிறார்.

தன் நிலையை தொலைக்காட்சி வாயிலாக அறிந்த பல்வேறு தரப்பினரும் தனக்கு உதவ முன் வந்துள்ளதாக சிறுமி அனிதா கூறுகிறார். அரசு சார்பில் மாதாமாதாம் கூட்டுறவு பண்டக சாலையில் எக்ஸ்ட்ரா அரிசி போடச் சொல்லி இருக்கிறார்கள். மாதம் 3000 ரூபாய் நிதி உதவி அளிப்பதற்கும் அரசு முடிவு செய்துள்ளது அது மட்டுமல்ல, உலகம் முழுவதிலிருந்தும் பல்வேறு தரப்பட்ட மக்கள் தங்கள் கஷ்டத்தை உணர்ந்து உதவ முன் வந்திருப்பதற்கு சம்மந்தப்பட்ட தொலைக்காட்சி சேனலுக்கு தான் நன்றிக் க்டன் பண்ணிருப்பதாகக் கூறுகிறார் அனிதார்.

]]>
சிறுமி அனிதா, பெற்றோரை வளர்க்கும் சிறுமி, தேனி மாவட்டம் சங்கர லிங்கா புரம், anitha, theni district, sankaralinga puram http://images.dinamani.com/uploads/user/imagelibrary/2018/9/19/w600X390/catssirumi_anitha.jpg http://www.dinamani.com/editorial-articles/special-stories/2018/sep/19/helpless-anitha-get-help-from-the-socity-3003561.html
3003547 கட்டுரைகள் சிறப்புக் கட்டுரைகள் ‘அறுசுவை அரசு’ நடராஜனின் சமையல் சாம்ராஜ்யக் கதை! கார்த்திகா வாசுதேவன் Wednesday, September 19, 2018 02:44 PM +0530  

அறுசுவை அரசு என்று போற்றப்பட்ட நடராஜ ஐயர், தமது 92 வது வயதில் சென்னையில் அவரது இல்லத்தில் உடல்நலக் குறைபாட்டால் காலமானார். ஓய்வின்றி கடந்த 60 ஆண்டுகளுக்கும் மேலாக லட்சக்கணக்கான பதார்த்தங்களை ஆயிரக்கணக்கான திருமண விழாக்களில் சமைத்துத் தள்ளிக் கொண்டிருந்த அவரது அன்னக்கரண்டியும், ஜல்லிக் கரண்டியும் திங்கள் முதல் அவரது கைகளில் இருந்து அவரது அடுத்த தலைமுறையின் கைகளுக்கு இடம் மாறியிருக்கிறது. ஆம், அறுசுவை அரசு மறைந்ததால் அவரது கிரீடத்திற்கு வாரிசற்றுப் போய் விடவில்லை. தனது மகன் மற்றும் மகள்களை சமையல் சாம்ராஜ்யப் பிரதிநிதிகளாக நமக்காக விட்டுச் சென்றுள்ளார் அந்த சமையல் வேந்தர். நடராஜ ஐயர் பிறந்தது சமையலையே குலத் தொழிலாகவும், அன்ன தானச் சேவையாகவும் கருதி வாழ்ந்து வந்ததொரு குடும்பத்தில் தான். தமது 7 வயதிலேயே ஓர் மெச்சும் சமையற்காரனாகி விட்டார் நடராஜ ஐயர். 7 வயதில் தனது தாத்தாவுடன் இணைந்து கும்பகோணம் சங்கர மடத்துக்குச் சமைக்கச் சென்று விட்டார் அங்கே தாத்தாவுக்கு உதவியாளராகத் தங்கி நடராஜன் சமையல் நுணுக்கங்களைக் கற்றுக் கொண்டதாகக் கூறப்படுகிறது. அங்கிருந்து வெளியேறிய பின் திருச்சி மாடர்ன் ஹோட்டல், அம்பி ஐயர் ஹோட்டல் மற்றும் ஆதிக்குடி ஹோட்டல் என வெவ்வேறு கோட்டல்களில் சில காலம் தமது பொருளாதாரத் தேவைகளுக்காக பரிசாரகர் (சர்வர்) வேலை பார்த்து வந்தார்.
இப்படித் தொடர்ந்து கொண்டிருந்த நடராஜனின் சமையல் சாம்ராஜ்யப் பயணம் 1952 ஆம் ஆண்டில் சென்னையை மையம் கொண்டது. சென்னை குரோம்பேட்டையில் இருக்கும் எம் ஐ டி ஹாஸ்டலில் சமையல்காரராகச் சேர்ந்தார் நடராஜ ஐயர். பிரசித்தி பெற்ற சென்னை பாண்டி பஜார் கீதா கஃபேக்கு ஜெயராம் ஐயர், நடராஜ ஐயரைத் தருவிப்பதற்கு முன்பு வரை அறுசுவை அரசு எம் ஐ டி ஹாஸ்டலில் தான் சமைத்துக் கொண்டிருந்தார்.

கீதா கஃபேயில் இருக்கும் போது முதன் முறையாக 1956 ஆண்டில் சம்ப மூர்த்தி ஐயர் வாயிலாகத் தான் திருமண விழாக்களுக்கு சமைக்கும் வாய்ப்பு நடராஜ ஐயருக்குக் கிடைக்கிறது.

இவருக்கு ‘அறுசுவை அரசு’ என்ற பட்டப் பெயர் கிடைத்ததற்குக் காரணவர் இந்தியாவின் முன்னாள் குடியரசுத் தலைவரான வி வி கிரி. அறுசுவை அரசு என்றால் சமையலின் மொத்த ருசியையும் தீர்மானிக்கக் கூடிய இனிப்பு, புளிப்பு, உப்பு, துவர்ப்பு, காரம், மற்றும் கசப்பு உள்ளிட்ட ஆறுசுவைகளும் ஒரு விருந்தில் பூரணமாக இருப்பதைக் குறிக்கும். அந்த பூரணத்துவம் நடராஜ ஐயரின்  ரெஸிப்பிகளில் இருந்ததால் அவருக்கு வி வி கிரி ‘அறுசுவை அரசு ‘எனப் பட்டப்பெயரை வழங்கினார்.

தமது கைகளில் அன்னக்கரண்டியும், ஜல்லிக்கரண்டியும் பிடிக்கத் தொடங்கிய நாள் முதல் மரணம் வரையிலும் இடைவிடாது சமைத்துக் கொண்டிருந்த நடராஜ ஐயர் இதுவரை சுமார் 75,000 திருமண விழாக்களுக்கு குறைவின்றி சமைத்துத் தள்ளியிருக்கிறார். முன்னாள் இந்தியக் குடியரசுத் தலைவர்களான டாக்டர் ஆர். வெங்கட் ராமன் மற்றும் அப்துல் கலாம் போன்றோரது பதவிக் காலத்தில் அவர் தம் மனதுக்குகந்த தலைமைச் சமையற்காரராகவும் நடராஜ ஐயர் இருந்திருக்கிறார்.

எப்பேர்ப்பட்ட சமையல் வித்தகராக இருந்த போதும் தனக்கும் கர்வபங்கம் ஏற்பட்டு சமையலில் கர்வம் கூடாது எனும் பாடம் கற்றுக் கொள்ள ஒரு  அயனான சம்பவம் அமைந்ததாக தனியார் தொலைக்காட்சி நேர்காணல் ஒன்றில் குறிப்பிட்டிருக்கிறார் நடராஜன்.

அந்தச் சம்பவம் குறித்து அவரது மொழியில்...

திருவனந்த புரத்துல ஆர்.ஜிக்கு சொந்தக்கார ஆத்துல கல்யாணம். அவர் கூப்ட்டார், கோபாலகிருஷ்ணன்... நடராஜா, நான் ரிசப்ஷன் வச்சிருக்கேன், நீ அங்க வந்து உங்கையால சாம்பார் வச்சு இந்த கேபேஜ் கறி வச்சுக் கொடுத்துடு’ அப்டினுட்டார். என்னய்யா இது? அதான் கர்வம்... இதென்ன பெரிய சாம்பார், ரசம், பொரியல் பண்றதுக்கு என்னக் கூப்டறாளே அப்டீங்கற கர்வத்துல அங்க போனோம். போய்ப் படுத்தா காலம்பற எழுந்தோடனே ஸ்நானம் பண்ணிட்டு வான்னாங்க, ஸ்நானம் பண்ணிட்டு வந்தேன். கோயில்ல போய் தரிசனம் பண்ணிட்டு வான்னாங்க, பண்ணிட்டு வந்தோம். ஆத்துல வந்தோம். காப்பி சாப்பிட்டோம். 

உடனே அவரு, நடராஜன்... போய்க்கொள், பாயசம் கூட்றானாக்கும், போ, அப்டீன்னார். நான் சிரிச்சுண்டேன்... என்னடாது சாயந்திரம் ஆறு மணிக்கு டின்னர், பாயசம் கூட்டறான் இப்பவே போய்க்கொள்ங்கிறாரே.. என்னடாது?! அப்படீன்னு எம்மனசுல ஒரு கர்வம். சரி போய்ப் பார்ப்பமே, உள்ள படியே நான் போய் நின்னேன். உள்ள ஒரு வயசான பெரியவர் பெரிய உருளியில பாயசம் கிளறிண்டே இருக்கார். காலைல 7 மணிக்கு ஆரம்பிச்சார்... சாயந்திரம் 4 1/2 மணி வரைக்கும் பாயசம் கிளறிண்டே இருக்கார். நானும் நகரல... யூரின் போகக் கூட நகரல. அங்கயே நின்னுண்டு இருக்கேன். அந்தப் பாயசம் கூட்டி, அது நிறைவடைஞ்சு அவர் மேல ஸ்டூல்ல இருந்து கீழ இறங்கி, குளிச்சுட்டு வந்து ஒரு துளசி இலையைக் கிள்ளி அந்தப் பாயசத்துல போட்டு ‘குருவாயூரப்பான்னு’ நமஸ்காரம் பண்ணிட்டு, ‘குழந்தே, பாயசம் கூட்னதப் பாத்தியோ?’ அப்டீன்னார். கொஞ்சம் போல பாயசம் எடுத்து எங்கிட்ட கொடுத்தார். நான் சாப்பிட்டுட்டு அப்டியே அவர் கால்ல போய் விழுந்தேன். என் கண்ணு ரெண்டும் அவர் கால்ல இருக்கு. கண்ல இருந்து ஜலம் அவர் காலை நனைச்சிருக்கு. அன்னையோட என் கர்வத்தை ஒழிச்சிட்டேன். இனிமேல்பட சமையல்ல போய் கர்வம் வைக்கப்படாது. கர்வம் வச்சா நாம வாழ மாட்டோம். அப்டீன்னு ஒரே தீர்மானம்.'

- என்றார் அறுசுவை அரசு.

தனது 90 வது வயது வரையிலும் கூட திருமண சமையல் காண்ட்ராக்டுகள் எடுத்த இடங்களில் தான் கட்டமைத்த சமையல் சாம்ராஜ்யத்துக்குள் தீடிரென்று நுழைந்து பதார்த்தங்களை ருசிப்பதும், சோதிப்பதும், அதில் கரெக்‌ஷன் சொல்வதுமாக படு பிஸியான சமையல்காரராகவே நடராஜ ஐயர் வாழ்ந்து வந்திருக்கிறார்.

‘அறுசுவை அரசு கேட்டரர்ஸ்’ என்ற பெயரில் அவர் துவக்கிய கேட்டரிங் யூனிட் இன்று அவரது 3 மகன்கள் மற்றும் 5 மகள்கள் மற்றும் பேரக் குழந்தைகளால் சிறப்புற நடத்த்ப்பட்டுக் கொண்டிருக்கிறது. இன்று இவர்களது மெனுக்களில் சுத்தமான சைவ உணவுகளும் பாரம்பரிய உணவுகளும் தாண்டி வட இந்திய உணவுகள், மெக்ஸிகன் வகை உணவுகள் மற்றும் இத்தாலியன் உணவுகளும் கூட இடம்பிடிக்கின்றன.

அறுசுவை அரசின் வாழ்வில் மேலுமொரு சுவாரஸ்யம் என்னவென்றால், ஊர் , உலகத்துக்கெல்லாம் விதம் விதமாக சமைத்துப் போட்டு சந்தோஷப் பட வைத்துக் கொண்டிருந்த நடராஜ ஐயருக்கு ரொம்பப் பிடித்த டிஷ் எது தெரியுமா? அவரது இல்லத்தரசி வைக்கும் வத்தக்குழம்பும், துவையலும் தானாம். எப்போது இரவில் தாமதமாக வந்தாலும் சரி, அல்லது அவசரமாக எங்காவது சமையல் வேலைக்காக கிளம்ப வேண்டுமானாலும் சரி உடனடியாக அறுசுவை அரசரின் மனைவி அவருக்கு செய்து பொடுவது இந்த எளிமையான சமையலைத்தானாம். அதுவே அவருக்கு இஷ்டம் என்கிறார் அறுசுவை.

அவரது இழப்பு சமையல் சாம்ராஜ்யத்திற்கும், விதம் விதமாக ருசிக்கும் ஆர்வமுடையவர்களுக்கும் மிகப்பெரிய இழப்பென்றால் அது மெய்!

Image Courtesy: periyava puranam website

Interview courtesy: News 7

]]>
ARUSUVAI ARASU NATARAJAN, அறுசுவை அரசு நடராஜன், சமையல் சாம்ராஜ்யம், வாழ்க்கைக் குறிப்பு, அறுசுவை அரசு நடராஜன் மறைவு http://images.dinamani.com/uploads/user/imagelibrary/2018/9/19/w600X390/Arusuvai-Praying-to-Periyava.jpg http://www.dinamani.com/editorial-articles/special-stories/2018/sep/19/the-story-of-arusuvai-arasu-natarajan-3003547.html
3003513 கட்டுரைகள் சிறப்புக் கட்டுரைகள் தமிழகத் திருமணங்களில் முதன்முறையாக ‘மினி பெட் பாட்டில்’ கலாச்சாரத்தை துவக்கி வைத்தவர் இவரே! ஜே.எஸ்.ராகவன் Wednesday, September 19, 2018 11:33 AM +0530  

அறுசுவை அரசு நடராஜன் நினைவேந்தல்!

அறுசுவை அரசு நடராஜன் 17.09.18 அன்று 90வது வயதில் நளன் இருக்கும் இடத்திற்குப் போய்ச் சேர்ந்தார்... அவர் மறைந்தாலும் அவர் விட்டுச் சென்ற சமையல் சாம்ராஜயம் என்றென்றைக்குமாக தமிழகத்தில் தனது  அறுசுவைகளையும் அள்ளித்தந்து உணவுப் ப்ரியர்களை அசத்த மறக்காது! அவரது நினைவாக பிரபல நகைச்சுவை எழுத்தாளம் ஜே எஸ் ராகவன் பகிர்ந்து கொண்ட நேச நினைவலைகளே இக்கட்டுரை!

அடிப் பிடிச்ச பாயசமா?

வருஷம் ஞாபகமில்லை. அகாடமியில் அறுசுவை அரசு நடராஜ ஐயரின் கேன்டீன் சக்கைப் போடு போட்டுக் கொண்டிருக்கும் முன்று வேளைகளில் மதிய உணவு நேரம். டிசம்பர் மாத. மிதமான வெயில். 
    

‘வாங்கோ, வாங்கோ என்று வாயெல்லாம் பல்லாக கைகளைக் கூப்பி என்னையும் என் மனைவியையும் வரவேற்றார். சிவந்த மெல்லிய உடல். தும்பைப்பூ நிற முடி. பால் வெள்ளை விபூதி. வெள்ளை அரைக் கைச் சட்டை. வெள்ளை வேட்டி.  அவரின் வரவேற்புக்கு முன்னால் டைனிங் ஹாலிலிருந்து கும்மென்று வந்த அறுசுவை தயாரிப்புகளின் பின்னிப் பிணைந்து வந்த கதம்ப வாசனை ஏற்கனவே எங்களை வரவேற்றுவிட்டது.
    

‘எப்போ பிரியாவுக்கு கல்யாணம்? மாப்பிள்ளை கிடைச்சாரா?’’
    

‘மாப்பிள்ளை இனிமேதான் கிடைக்கணும். ஆனா, கேட்டரர் எப்பவோ கிடைச்சாச்சு.’
    

‘யாரு?’
    

‘வேற யாரு? நீங்க தான்!’
    

அறுசுவை அட்டகாசமாகச் சிரித்தார். ‘டேய், நாராயணா, சாரையும், மாமியையும் உள்ளே அழைச்சிண்டு போய் கவனிடா’
    

சாப்பிட்டு எழுந்துகொள்ள மூன்று முறை எம்பி  முயன்றும் முடியவில்லை. கிரேன் இருந்தால் சௌகரியப் படும்... என்று நினைத்தேன்.
    

கை அலம்ப, காலி நாற்காலிக்காகத் தயாராக நின்று கொண்டிருந்த பசித்த மாந்தர்கள் ஊடே புகுந்து கையை அலம்பிவிட்டு வாசலுக்கு வந்தேன்.
    

அறுசுவை நின்று கொண்டிருந்தார். முகமெல்லாம் சோகம் அப்பிக் கிடந்தது.

‘என்ன ஆச்சு?’ என்று பதற்றத்துடன் கேட்டேன்.

‘அது ஒண்ணுமில்லை….’அறுசுவை தடுமாறினார்.

‘சட்னு சொல்லுங்கோ. இன்னிக்கு சாப்பாடு எப்படி?’

வலது கை கட்டை விரலை  ஆகாசத்தை நோக்கி உயர்த்திக் காண்பித்தேன். 

‘சூப்பர்’ என்றாள் என் மனைவி இரண்டாவது நாயனமாக வாங்கி வாசித்தாள். 

‘பாயசம்? பாயசம்? பால் பாயசம்.’

‘அதான் டாப் இன்னிக்கு. மகாராஜா  கிரீடத்திலே இருக்கிற வைடூரியம் மாதிரி?’

‘;நெஜத்தைத்தானே சொல்றேள்.

ஆமா, நீங்க நெஜம்தானே சொல்வேள். பின்னே இன்னிக்கு ஒருத்தர் லைட்டா  அடிப் பிடிச்சுப் போன வாசனை வந்ததுன்னு சொல்லிட்டுப் போனாரே.’

‘அப்படியா? யார் அது?’ எங்கே?...’ நான் கேட்டேன்.

‘அதோ, அந்த நீலப் புடைவை மாமி. சந்தனக் கலர் ஜிப்பா மாமாவோட  போறாரே. அவர்தான்.’

நானும் என் மனைவியும் ஒருவரை ஒருவர் பார்த்துக் கொண்டு சிரித்துக் கொண்டோம்’

‘ஏ…ஏன்…ஏன் எதுக்கு சிரிக்கிறேள்?’

‘அதுவா. சொல்றேன். கதை அப்படிப் போறதா?  எங்களுக்கு எதிரேதான் அவா ரெண்டு பேரும் உக்காந்து சாப்பிட்டிண்டு இருந்தா. அந்த மாமா சாப்பிட மாத்திரம் வாயைத் திறந்துண்டு இருந்திருக்கலாம். அப்படி இல்லாம,  ஒவ்வொரு ஐட்டத்தையும் சப்புக் கொட்டி சாப்பிட்டு விட்டு,  பொண்டாட்டியைப் பாத்து, ‘பச்சடின்னா, இது பச்சடி. நீயும் பண்றியே. இது உசிலி.  நீயும் அன்னிக்குப் பண்ணினியே. இது ரசவாங்கி நீயும் பண்றியே. பாயசம்னா இது பாயசம்.’  அப்படின்னு சொல்லிண்டே சாப்பிட்டிண்டு இருந்தார். எந்தப் பொம்மனாட்டி இதை சகிச்சிப்பா. அதான் கறுவிண்டு, கோவத்தை உங்க மேலே கொட்டிட்டா. மாமாவோட மனசுதான் அடிப் புடிச்சுப் போயிடுத்து….’

மேலே மூடியிருந்த ஆகாயம் திடீரென்று வெளுத்தது. அறுசுவையின் முகத்தில் புன்னகை மறுபடியும் பூத்தது. 

‘டேய், நாராயணா, ராகவன் சாருக்கும், மாமிக்கும் இரண்டு கப்பிலே சூடா பாயசம் கொண்டாடா’ என்று குதூகலத்துடன் உத்தரவு போட்டார்.
                    

(என்னுடைய மகள் பிரியாவின் திருமணம் 2000த்தில் நடந்தது.)

‘அறுசுவை அரசு’ நடராஜன்தான் விருந்து படைத்தார். ஏக தடபுடல். முதன் முறையாக, இலைக்கு ஒன்றாக சிறிய பிஸ்லேரி வாட்டர் பாட்டிலை வழங்கி அசத்தினார். இதில் வேடிக்கை என்னவென்றால், கல்யாணத்துக்கு வந்திருந்த சில வி.ஐ.பிக்கள் இரண்டு மூன்று பாட்டில்களை விரும்பிக் கேட்டு வாங்கிக் கொண்டு போனார்கள்.

தமிழகத் திருமணங்களில் மினி பெட் வாட்டர் பாட்டில் கலாச்சாரத்தை துவக்கி வைத்தவர்...

(தமிழகத்தில் திருமண விழாக்களில் எல்லோரும் எவர்சில்வர் டம்ளர்களில் தண்ணீர் வைத்துக் கொண்டிருந்த காலத்தில் பிளாஸ்டிக் பெட் பாட்டில்களில் தண்ணீர் வைப்பதெல்லாம் புதுமையான விஷயம். 2000 க்கு முன்பு வரை கடைகளில்  பெட் பாட்டில்களில் தண்ணீர் விற்பனை கூட அரிதாகத்தான் இருந்தது. பிஸ்லேரி வாட்டர் அருந்துவது அப்போது அந்தஸ்தான விஷயங்களில்  ஒன்றாகக்கூட கருதப்பட்டது. அப்படியான காலத்தில் கட்டுரையாளரின் மகள் திருமணத்தில்  அறுசுவை அரசு நடராஜன் முதன்முறையாக மினி பெட் பாட்டில் கலாச்சாரத்தை துவக்கி வைத்து விருந்தினர்களைப் புருவம் உயர்த்தி சபாஷ் சொல்ல வைத்தார் என்ற விஷயம் வேறெங்கும் பதிவானதாகத் தெரியவில்லை!)

கட்டுரை ஆசிரியர்  ஜே எஸ் ராகவன், பிரபல நகைச்சுவை எழுத்தாளர்.

]]>
ARUSUVAI ARASU NATARAJAN, TRIBUTE TO ARUSUVAI ARASU NATARAJAN, J S RAGHAVAN, அறுசுவை அரசு நடராஜன், திருமண சமையல் கலைஞர், அறுசுவை அரசு நடராஜன் நினைவேந்தல் http://images.dinamani.com/uploads/user/imagelibrary/2018/9/19/w600X390/ARUSUVAI_ARASU.jpg http://www.dinamani.com/editorial-articles/special-stories/2018/sep/19/tribute-to-arusuvai-arasu-natarajan-3003513.html
3002874 கட்டுரைகள் சிறப்புக் கட்டுரைகள் விபத்தில் இறந்த மகனது நினைவாக கண்ணில் படும் சாலைக்குழிகளை எல்லாம் நிரப்பி வரும் வித்யாச மனிதர்! கார்த்திகா வாசுதேவன் Tuesday, September 18, 2018 04:15 PM +0530  

மும்பையைச் சேர்ந்த தாதாராவ் பிலோரே, கடந்த மூன்று ஆண்டுகளாகத் தனியொரு மனிதராக இதுவரை இந்தியா முழுவதிலுமாக உயிராபத்து விளைவிக்கும் வகையில் கேட்பாரற்றுத் திறந்து கிடந்த சுமார் 600 சாலைக்குழிகளை மூடியுள்ளார். இவரது தன்னார்வச் செயல்பாட்டில் சிறிதும் பொருளாதார நோக்கமோ அல்லது சுய விளம்பர தாகமோ இல்லவே இல்லை. 16 வயதில், நம்பிக்கை மிகுந்த மாணவனாகத் திகழ்ந்த தமது மகன் பிரகாஷ் பிலோரேவியின் அகால மரணமே அவரை இப்படியொரு சேவை செய்யத் தூண்டியிருக்கிறது.

2015 ஆம் ஆண்டு ஜூலை மாதம் தாதாராவ் பிலோரேவின் மகன், பிரகாஷ் பிலோரே சாலை விபத்தில் மரணமடைந்தார். அவரது மரணத்திற்கு காரணம் மூடப்படாத சாலைக்குழிகளே. இந்தியாவில் மூடப்படாது திறந்து கிடக்கும் சாலைக்குழிகளால் நாளொன்றுக்கு ஆயிரம் நபர்களுக்கு ஒருவர் என்ற ரீதியில் சாலை விபத்தில் மரணமடைகிறார்கள். ஆனாலும் சாலைக்குழிகளைப் பற்றியதான விழிப்புணர்வு நமது மக்களுக்கு வந்திருக்கிறதா என்றால்? இல்லையென்று தான் சொல்ல வேண்டும். நம்மைப் போன்ற சாதாரண மனிதர்களில் இருந்து மாறுபட்டு தமக்கான பேரிழப்பின் பின்னும் தாதாராவ் பிலோரி மும்பை சாலைகளைச் செப்பனிடப் புறப்பட்டது தான் மிகப்பெரிய விந்தை.

சாலைக்குழிகளைச் செப்பனிட்ட பிறகு ஒவ்வொருமுறையும் தாதாராவ் பிலோரி தமது மண்வெட்டியை கீழே வைத்து விட்டு அகன்ற வானை நிமிர்ந்து நோக்குகிறார். வானை நோக்கி விபத்தில் இழந்த தம் மகனின் நினைவாக ஓரிரு நிமிடங்கள் பிரார்த்தனை செய்கிறார். மும்பை மாதிரியான நெருக்கடியான பெருநகரத்தின் பாழடைந்த சாலைகளை அரசாங்கம் தான் சரி செய்யவேண்டும் என்று மக்கள் காத்திருப்பதில் அர்த்தமில்லை. நம்மால் ஆன முயற்சிகளை நாமும் செய்யத் தொடங்கலாம். அப்போது தான் உயிரிழப்புகளைத் தடுக்க முடியும் என்பதாக இருக்கிறது தாதாராவ் பிலோரியின் எண்ணம்.

இதற்காகக் கட்டட வேலைகள் நடைபெறும் பகுதியில் இருந்து மணல் மற்றும் ஜல்லிக்கற்களைச் சேகரிக்கிறார் தாதாராவ். அவற்றைக் கொண்டு தான் இந்தியாவின் பொருளாதாரத் தலைநகரான மும்பையில் சுமார் 600 சாலைக்குழிகளை நிரப்பி சமப்படுத்தி இருக்கிறார். இந்தியாவில் வாழ்வதற்குத் தகுதியான நகரங்களின் பட்டியலில் மூன்றாமிடத்தில் இருக்கும் மும்பை வெகு சீக்கிரத்தில் திறந்து கிடக்கும் சாலைப் பள்ளங்கள் விஷயத்தில் முதலிடம் பிடித்தாலும் ஆச்சர்யப்படுவதற்கில்லை. ஏனெனில், அந்த அளவில் மும்பை நகரவாசிகளின் தினசரி சாலைப் பயணங்களில் பீதியுண்டாக்கக் கூடிய முக்கியமான பிரச்னைகளில் ஒன்றாக விஸ்வரூபமெடுத்து வருகின்றன இந்த சாலைப் பள்ளங்கள்.

இந்நிலையில் 48 வயது காய்கறி வியாபாரியான தாதாபாய் பிலோரே, சாலைப் பள்ளத்தின் காரணமாக நிகழ்ந்த விபத்தில் இறந்த மகனது நினைவைப் போற்றும் வகையில் இப்படியோர் முயற்சியை மேற்கொண்டு வருவது மேலும் பலரது உயிர்ப்பலி நேராமல் தடுக்கும் என்று அவர் நம்புகிறார். என் மகன் எங்களை விட்டுச் சென்றதில் எங்கள் வாழ்வே வெறுமையாகி விட்டது. இப்படியோர் வெறுமை வேறொருவர் வாழ்வில் அவர்களுடைய அன்புக்குரியவர்களை இழப்பதினால் வந்து விடக்கூடாது என்று நான் விரும்புகிறேன். அதனாலேயே என் மகன் பெயரில் இப்படியோர் சேவையை எந்தப் பிரதிபலனும் எதிர்பாராமல் செய்து கொண்டிருக்கிறேன் என்கிறார் தாதாராவ்.

விபத்தன்று தன் மகன் பிரகாஷ் பிலோரே, தனது ஒன்று விட்ட சகோதரருடன் இரு சக்கர வாகனத்தில் சென்று கொண்டிருந்தார். அது மும்பையின் அடைமழைக் காலம். அப்படியோர் அடைமழையில் சாலைகளில் வெள்ளம் பெருக்கெடுத்து ஓடிக் கொண்டிருக்கையில் மும்பையின் சாபங்களான சாலைப் பள்ளங்களை இனம் காண முடியவில்லை. ஏதோ ஒரு சாலைப் பள்ளத்தில் இரு சக்கர வாகனம் எதிர்பாராமல் உருண்டதில் வாகனத்தின் பில்லியனில் தலைக்கவசம் அணியாமல் அமர்ந்து பயணித்த பிரகாஷ் தூக்கி எறியப்பட்டார். வாகனத்தை ஓட்டிக் கொண்டிருந்த சகோதரர் தலைக்கவசம் அணிந்திருந்தபடியால் அவர் சிறு காயங்களுடன் தப்பி விட முடிந்தது. ஆனால், பிரகாஷுக்கு தலையில் அடிபட்டு அவர் உயிர் இழக்க நேரிட்டது பெரும் சோகம். தலைக்கவசத்தைத் தாண்டியும் இந்த விபத்தில் மும்பையின் சாலைப் பள்ளங்களே உயிரிழப்புக்கான முதல் காரணமாகி விட்டன.

மும்பை கூடிய விரைவில் தன்னகத்தே பெருகி வரும் சாலைப் பள்ளங்களுக்காகவே கின்னஸ் உலகச் சாதனை பதிவேட்டில் முதலிடம் பெற்றாலும் ஆச்சர்யப் படுவதற்கில்லை. மும்பையில் மட்டும் இன்றைய தேதிக்கு நகர் முழுவதுமாக 27,000 சாலைப்பள்ளங்கள் இருப்பதாக www.mumbaipotholes.com எனும் இணையதளம் ஆதாரப் பூர்வமான தகவல்களை வெளியிட்டிருக்கிறது. இது குறித்து உள்ளூர் அதிகாரிகளுக்கு ஆட்சேபணை இருந்த போதும் இதில் உண்மை இல்லாமலும் இல்லை என்கிறார் தாதாராவின் அண்டை வீட்டுக்காரரான நவின் லடே.

நாளொன்றுக்கு 10 சாலை விபத்துக்கள் இந்த சாலைப் பள்ளங்களின் காரணமாகவே நிகழ்வதாக அரசு இணையதளம் கூறுகிறது.

புள்ளிவிவரக் கணக்குகளின் படி இந்தியா முழுவதிலுமாக ஒவ்வொரு ஆண்டும் 3,597 பேர் சாலை பள்ளங்களின் காரணமாக விபத்தில் மரணமடைகின்றனர். 

மக்கள் எப்போதும் போல அரசையும், அதிகாரிகளையும்  குறை கூறிக் கொண்டு அமைதி காத்து விடுகிறார்கள். ஆனால், சாலைகள் அப்படியே தான் இருக்கின்றன.

நல்ல தரமான சாலைகள் வேண்டுமென்றால் மோசமான, தரமற்ற சாலைகளைப் போட்டுத்தரும் ஒப்பந்த தாரர்களிடம் அரசு ஒரு நிபந்தனை விதிக்க வேண்டும். சாலைகள் குறிப்பிட்ட காலத்துக்குள் சேதமடைந்தால் காரணம் அவர்கள் பயன்படுத்திய தரமற்ற கட்டுமானப் பொருட்களால் மட்டுமே என்று பொறுப்பேற்றுக் கொண்டு சம்மந்தப்பட்ட ஒப்பந்ததாரர்களே அதை செப்பனிட்டு மீண்டும் சாலைகளை தரமானதாக அமைத்துத் தர வேண்டும் என்ற நிபந்தனையைக் கட்டாயமாக்க வேண்டும். அப்போது தான் அவர்கள் மீண்டும் தரமற்ற சாலைகளை வருங்காலத்தில் போடாமல் இருப்பார்கள். என்கிறார்கள் தன்னார்வலர்கள்.

சாலை பணிகள் ஒப்பந்த விஷயத்தில் அரசு மேலும் சிரத்தையுடன் செயல்பட்டு தரமானவர்களை தேர்ந்தெடுத்து நகரின் கட்டமைப்பில் தரத்தை நிலைநிறுத்த வேண்டும். என்கிறார் தாதாராவ் பிலோரே.

தான் மட்டுமே இதுவரை 585 சாலைப்பள்ளங்களை நிரவி மூடியிருப்பதாகவும் அவற்றில் பலவற்றையும் தான் தனியொரு மனிதனாகச் செப்பனிட்டதாகவும் மிகுந்தவை தனது சமூக சேவையில் நாட்டமும் விருப்பமும் கொண்ட தன்னார்வலர்களின் உதவியால் சாத்தியப்பட்டதென்றும் அவர் தெரிவித்தார். தனது இந்த சமூகப்பணிக்காக தாதாராவை பாராட்டாத இந்திய ஊடகங்களே இல்லை. இதற்காக பல்வேறு விருதுகளையும் கூட மனிதர் பெற்றிருக்கிறார் என்பதோடு அவருக்கு  'சாலைப்பள்ள சகோதரர்' (pothole dada) என்ற பட்டப் பெயரையும் பெற்றுத்தந்துள்ளது.

தன்னுடைய சேவைக்கு கிடைத்துள்ள இந்த அங்கீகாரம் மேலும் மேலும் இப்படியான சேவைகளில் ஈடுபடும் ஊக்கத்தை தமக்கு அளிப்பதாகக் கூறும் தாதாராவ், எப்போதெல்லாம் மகனது இழப்பு தம்மை அளவுக்கதிகமாக வலிமை குன்றச் செய்கிறதோ அப்போதெல்லாம் நாம் மணலையும், ஜல்லியையும் தூக்கிக் கொண்டு சாலைப் பள்ளங்களை நிரப்பக் கிளம்பி விடுவேன். அப்படியான தருணங்களில் என் மகன் பிரகாஷ் என்னுடனேயே என் வேலைகளில் துணை நிற்பதாக நான் உணர்கிறேன்’ என்கிறார் தாதாராவ்.

தான் வாழும் காலம் முழுமையும் இந்தச் சேவையில் ஈடுபடப் போவதாகவும் எங்கெல்லாம் சாலைப் பள்ளங்கள் தென்படுகின்றனவோ அங்கெல்லாம் உடனடியாக இறங்கி அதை மூடும் வேலையில் தான் இறங்குவதாகவும் தாதாராவ் பிலோரே தெரிவித்திருக்கிறார்.

இழப்பு மனிதர்களை எப்படியெல்லாம் மாற்றுகிறது, பண்படுத்துகிறது, சமுதாயத்திற்கு உதவிகரமானவர்களாக மாற்றுகிறது என்பதற்கு நாம் வாழும் காலத்திய மிகச்சிறந்த உதாரணம் இந்த தாதாராவ் பிலோரே!

அவரது பணிகள் வாழ்க வளர்க!

]]>
சாலை விபத்துகள், சாலைப்பள்ளங்கள், தாதாராவ் பிலோரே, பிரகாஷ் பிலோரே, சாலைப் பள்ள மரணம், accident, pothole accident, Dadarao Bilhore, man fills 600 potholes, http://images.dinamani.com/uploads/user/imagelibrary/2018/9/18/w600X390/pot_hole_2.jpg http://www.dinamani.com/editorial-articles/special-stories/2018/sep/18/mumbai-man-fills-potholes-out-of-love-for-son-who-died-in-accident-3002874.html
3002148 கட்டுரைகள் சிறப்புக் கட்டுரைகள் கலைஞர் கருணாநிதி... கரிகால சோழனின் புனர் ஜென்மம்: மாதா அன்னபூரணி ஆருடம்! RKV Monday, September 17, 2018 03:01 PM +0530  

செங்கல்பட்டுக்கு அருகிலிருக்கும் சின்னாளம்பாடி கிராமத்தில் நாகமலை அடிவாரத்தில் ஸ்ரீசத்குரு சதாசிவ பிரம்மேந்திரா பிரம்மபீடம் இயங்கி வருகிறது. அங்கிருக்கும் பெண் சாமியாரின் பெயர் மாதா அன்னபூரணி. அவர் சமீபத்தில் தனியார் தொலைக்காட்சி ஒன்றுக்கு சிறப்பு நேர்காணல் அளித்திருந்தார். பாலா திரிபுர சுந்தரியின் தீவிர உபாசகியான இந்தப் பெண் சாமியார் தன்னை வேதம் சொல்லும் தீட்சிதர் குடும்பத்தில் பிறந்தவராக அடையாளப்படுத்திக் கொண்டாலும் அவர் பின்பற்றுவதெல்லாம் திகம்பர சாமியார்களுக்கான நடைமுறைகளைத் தான் என்கிறார். சூட்சுமத்தில் இவருடைய குரு இவருக்கு வைத்த பெயர் ஸ்ரீசத்குரு மாதா அன்னபூரணி என்கிறார் இவர். சென்னையில் பிறந்தவரான இவர் பிறந்த அடுத்த நாளே தனது குருவின் சூட்சும அழைப்பில் திருவண்ணாமலை சென்றதாகக் குறிப்பிடுகிறார். இவருடைய தாத்தாவின் பெயர் ராமநாத தீட்சிதர்... எனவே தாம் வேதம் சொல்லும் குடும்பத்தில் பிறந்து குருவின் குரலைக் கேட்டதும் சந்நியாசியாக மாறியதாகக் கூறுகிறார். அதெப்படி குரு அழைத்ததும் கணவர், இரண்டு குழந்தைகளுடன் குடும்ப வாழ்வில் ஈடுபட்டிருக்கும் ஒரு பெண் சந்நியாசியாக முடியும் என்ற கேள்விக்கு... எந்த ஒரு ஜாதகருக்கு வாழ்வின் ஒரு பகுதியில் சந்நியாசம் வாங்கியே தீர வேண்டும் என்ற சந்நியாச யோகம் இருக்கிறதோ அவர்கள் நிச்சயம் தன்னைப் போல இகபர வாழ்வின் சுகங்கள் அனைத்தையும் துறந்து குருவின் குரல் கேட்ட மாத்திரத்தில் சந்நியாசம் பெற முடியும் என்றும் அன்னபூரணி குறிப்பிடுகிறார். தான் சந்நியாசியான இந்த 20 வருடங்களில் தன் குடும்பத்தார் தன்னை வந்து பார்க்க தான் அனுமதித்ததில்லை என்றும் சந்நியாசம் என்பது பந்தங்களுக்கு அப்பாற்பட்டதென்றும் அவர் கூறுகிறார்.

நமது இந்தியாவில் சந்நியாசிகளுக்கு என்றுமே பஞ்சமிருந்ததில்லை.

அந்த வரிசையில் இவரும் ஒருவர் என்று நினைக்கலாம்.

ஆனால், இவர் பின்பற்றும் திகம்பரக் கொள்கையால் இவரைப் பற்றிய யூ டியூப் நேர்காணல் விடியோ கூகுள் ட்ரெண்டிங்கில் தமிழ்நாட்டு அளவில் 11 வது இடத்தில் இருக்கிறது.

அதைக் காட்டிலும் ஆச்சர்யமான விஷயம் மறைந்த தமிழக முதல்வர்களான கலைஞர் கருணாநிதி குறித்தும், ஜெயலலிதா குறித்தும் இவர் அந்த நேர்காணலில் வெளியிட்ட கருத்துகள்.

மறுஜென்மத்தில் நம்பிக்கை கொண்டவரான இந்தப் பெண் சாமியார். கலைஞர் கருணாநிதி... கரிகால சோழனின் புனர் ஜென்மம் என்கிறார். அது மட்டுமல்ல ஜெயலலிதா வைணவ குருவான ராமானுஜரின் சீடர்களில் ஒருவராக இருந்தவரது மறுபிறவி என்றும் குறிப்பிட்டுள்ளது நம்மை ஆச்சர்யத்துடன் புருவம் உயர்த்த வைப்பதாக இருக்கிறது.

மேற்கண்ட கருத்துகள் மட்டுமல்லாது, வரும் ஆண்டுகளில் சென்னைக்கு சுனாமி மற்றும் நிலநடுக்கத்தால் மிகப்பெரிய ஆபத்து காத்திருப்பதாகவும், அதற்கு ஏற்றவாறு மக்கள் முன்னெச்சரிக்கை நடவடிக்கைகள் எடுத்து ஆபத்தை எதிர்கொள்ள தயாராக இருக்க வேண்டும் என்றெல்லாம் தங்களது குருவான சித்தர்களால் தகவல்கள் சூக்கும நிலையில் தங்களுக்கு கடத்தப்படுவதாகவும் அவர் கூறுகிறார். இந்த உலகமே கடலால் தான் அழியப் போகிறது என்றும் பீதி கிளப்புகிறார் இந்தப் பெண் சாமியார்.

இவர் சொல்வதெல்லாம் நம்புபடியாக இல்லை என்ற போதும் இவரை நம்பக்கூடியவர்களும் பெருமளவில் இருக்கிறார்கள் என்பதற்கு தனியார் தொலைக்காட்சியினர் இவரைத் தேடிச் சென்று நேர்காணல் செய்து வெளியிட்டமையே சிறந்த உதாரணம்.

தமிழ்நாட்டில் எத்தனை பெரியார்கள் பிறந்து வரினும் இப்படியான சுயம்பு சாமியார்களையும், சாமியாரிணிகளையும் அசைக்க முடியாது என்பதும் கண்கூடு.

தமிழ்நாட்டில் மட்டுமில்லை மொத்த இந்தியாவிலுமே சாமியார்களுக்கான டிமாண்ட் எப்போதும் தீருவதே இல்லை என்பதால் இவர்கள் மீண்டும் மீண்டும் உருவாகிக் கொண்டே இருக்கிறார்கள்.

 

Content courtesy: sun tv neruku ner interview!

]]>
Madha annapurani, thigamabara samiyarini, மாதா அன்னபூரணி, திகம்பர சாமியாரிணி, கலைஞர், கருணாநிதி, ஜெயலலிதா, புனர் ஜென்மம், சென்னை, சுனாமி, நிலநடுக்கம் http://images.dinamani.com/uploads/user/imagelibrary/2018/9/17/w600X390/madha_annapurani.jpg http://www.dinamani.com/editorial-articles/special-stories/2018/sep/17/madha-annapurani-talks-about-kalaignar-karunanidhi--jayalalitha-3002148.html
3002104 கட்டுரைகள் சிறப்புக் கட்டுரைகள் ‘ஆண்மை விருத்தி’ நம்பிக்கையால் வெளிநாடுகளுக்குக் கடத்தப்படும் கடல் அட்டைகள்! உண்மை நிலவரம் என்ன? RKV DIN Monday, September 17, 2018 01:05 PM +0530  

செய்தி 1

வெளிநாடுகளுக்கு கடத்த முயன்ற  200 கிலோ கடல் அட்டைகள் பறிமுதல். அவற்றின் மதிப்பு ரூ 5 லட்சம். ராமநாதபுரம் மாவட்டம் மன்னார்வளைகுடா கடல் பகுதியில் காணப்படும் அரிய வகையான கடல்வாழ் உயிரினம் கடல் அட்டை. இவற்றை பிடிக்க மத்திய, மாநில அரசுகள் தடை விதித்துள்ளன. மேலும் அத்துமீறிப் பிடித்தால் 7 ஆண்டுகள் வரை சிறை தண்டனை வழங்கும் வகையில் கடல்வாழ் உயிரின பாதுகாப்பு சட்டத்தில் வழிவகை செய்யப்பட்டுள்ளது. ஆனால், ராமேசுவரம், பாம்பன், மண்டபம், வேதாளை உள்ளிட்ட பகுதிகளில் தொடர்ந்து கடல் அட்டை கடத்தல் சம்பவங்கள் நடைபெற்று வருகின்றன. இதனை தடுக்க கடலோர காவல் படை மற்றும் வனத்துறையினர் தீவிர கண்காணிப்பு நடவடிக்கை மேற்கொண்டு வருகின்றனர்.

செய்தி 2

ஆண்மை அதிகரிப்பு வதந்தியால் கடத்தப்படும் கடல் அட்டைகள்... தமிழக கடல் பகுதிகளில் இருந்து கடல் அட்டைகள் வெளிநாடுகளுக்குக் கடத்தப்படுகின்றன. கடந்த ஓரிரு மாதங்களில் சுமார் 3 கோடி ரூபாய் மதிப்பிலான 6,000 கிலோ கடல் அட்டைகள் கடலோர காவல்படையினரால் கைப்பற்றப்பட்டுள்ளன. ஆன்மையை அதிகரிக்கும் மருத்துவ குணம் இவற்றில் இருப்பதாக மக்களிடையே நம்பிக்கை நிலவுவதால் இவை பெரும்பாலும் அயல்நாடுகளுக்குக் கடத்தப்படுகின்றன. இந்தியாவில் கடல் அட்டை உட்பட 53 வகை கடல்வாழ் உயிரினங்களை பிடிக்க தடை உள்ளது. ஆயினும் ஆண்மை அதிகரிப்பு நம்பிக்கையால் கடல் அட்டைகளுக்கான தேவை அதிகரித்து அவற்றைக் கடத்தும் தொழில் முழு வீச்சில் நடந்து வருவது வேதனை!

கடல் அட்டைகளைப் பற்றி வனத்துறை அதிகாரியான சதீஸ் என்ன சொல்கிறார் என்று பாருங்கள்...

இந்தியாவில் கடல் அட்டைகளைப் பிடிப்பதற்குத் தடை ஏன்?

கடல்சார் உயிரியலில் ‘செடிமெண்ட் ஃபில்ட்டரிங் அண்ட் நியூட்ரியண்ட் ரீசைக்கிளிங்’ என்று சொல்வார்கள். அதாவது கடலிலுள்ள நியூட்ரியன்ட்களை(ஊட்டச்சத்துகளை) ரீசைக்கிள் செய்வதற்கு கடல் அட்டைகள் பயன்படுகின்றன. கடலில் இருக்கக் கூடிய கழிவுப் பகுதிகளை கடல் அட்டைகள் உணவாகக் கொள்கின்றன. அதனால் தான் கடலின் அடிமட்டப் பகுதிகளில் சுத்தம் பேணப்படுகிறது. கடலின் அடிப்பகுதியைக் கலக்கி அங்கிருக்கும் கழிவுகளை கடல் அட்டைகள் உண்பதால் இவற்றைச் சார்ந்து ஏராளமான கடல் வாழ் உயிரினங்கள் வாழ்வதற்கான வாய்ப்பை இவை வழங்குகின்றன. அதுமட்டுமல்ல கடல் அட்டைகள் வெளியேற்றும் கழிவுகளில் காரத்தன்மை அதிகமிருப்பதாக கடல்சார் அறிவியல்துறை பேராசிரியர்கள் கண்டறிந்துள்ளனர். கடல் அட்டைகளின் கழிவில் இருக்கும் காரத்தன்மையானது உலக வெப்பமயமாதல் காரணமாக கடல்நீரில் இயற்கையாக நிலவும் அமிலத்தன்மை ஏற்றத்தை கட்டுப்படுத்த உதவுவதாக கடல்வாழ் உயிரினங்கள் சார்பான அறிவியல் பரிசோதனைகள் தெரிவிக்கின்றன. கடல்நீரின் அமிலத்தன்மை கட்டுப்படுத்தப்படா விட்டால் ஆழ்கடலில் வளரக்கூடிய பவளப்பாறைகளின் வளர்ச்சியை அவை பாதிக்கும். அந்நிலை ஏற்படாமல் தவிர்க்க இந்த கடல் அட்டைகளின் கழிவுகள் உதவுகின்றன. அது மட்டுமல்லாமல் கடல் அட்டைகளைச் சார்ந்து ஏராளமான கடல் வாழ் நுண்ணுயிரிகள் வாழ்ந்து வருகின்றன. கடலில், கடல் அட்டைகளின் சதவிகிதம் குறையும் போது இந்த நுண்ணுயிரிகள் அனைத்தும் அடுத்தபடியாக மீன்களைத்தான் உணவாகக் கொள்ளத் தொடங்கும். இதனால் மீன்களின் எண்ணிக்கை குறையத் தொடங்கும். கடல் அட்டைகளின் எண்ணிக்கை படிப்படியாகக் குறையத் தொடங்கினால் அதன் அடுத்த கட்ட விளைவாக மீனவர்களே அதிகம் பாதிக்கப்படுவார்கள். கடல் அட்டைகள் ஆண்மையைத் தூண்டும் என்றொரு நம்பிக்கை மக்களிடையே நிலவி வருகிறது. அது எந்த அளவுக்கு சாத்தியம் என்பது அறிவியல் பூர்வமாக இன்னும் நிரூபிக்கப்படவில்லை. ஆனாலும், அந்த நோக்கத்தில் கடல் அட்டைகளை சூப் வைத்து சாப்பிடுவது பல நாடுகளில் இன்றும் வழக்கமாக இருப்பது உண்மை தான். ஆனால், இந்தியாவில் கடல் அட்டைகளைப் பிடிப்பது சட்டப்பூர்வமாக தடை செய்யப்பட்ட்டிருக்கிறது. பல வெளிநாடுகளில் அப்படியோர் தடை இல்லை என்பதால் அவர்கள் கடல் அட்டையை உணவாக உட்கொள்வதில் அவர்களுக்கு பிரச்னை இருப்பதில்லை. ஆனால், இந்தியாவில் இதற்கு தடை உண்டு. மீனவர்கள் அதை உணர்ந்து நடந்து கொள்ள வேண்டும்.

VIDEO CONTENT Courtesy: BBC NEWS TAMIL

]]>
ஆண்மை அதிகரிப்பு, ஆண்மை விருத்தி, கடல் அட்டை, கடத்தல், கடல்சார் உயிரியல் உண்மைகள், கடல் சமநிலை, coastal science, sea cucumber demand, worldwide demand for sea cucumber, masculinity increase, myth, http://images.dinamani.com/uploads/user/imagelibrary/2018/9/17/w600X390/kadal_attai.jpg http://www.dinamani.com/editorial-articles/special-stories/2018/sep/17/masculinity--increase-myth-leads-to-worldwide-demand-for-sea-cucumbar-3002104.html
3002090 கட்டுரைகள் சிறப்புக் கட்டுரைகள் ‘ஆப்பரேசன் புளூ ஸ்டார்’ எனும் இந்தி(ரா)யாவின் துயரக் கதை! கார்த்திகா வாசுதேவன் Monday, September 17, 2018 11:32 AM +0530  

இந்திராவின் புளூஸ்டார் நடவடிக்கை என்றால் என்ன?

புளூஸ்டார் நடவடிக்கை (Operation Blue Star) என்பது ஜூன் 3.6.1984 ஆம் ஆண்டில் நடத்தப்பட்ட இந்திய ராணுவத்தின் நடவடிக்கைகளுள் ஒன்று. அமிர்தசரஸ் பொற்கோயிலில் தஞ்சம் புகுந்த சீக்கியப் பிரிவினைவாதிகளை பிடிக்கும் பொருட்டு, அப்போதைய இந்தியப் பிரதமரான இந்திரா காந்தியின் ஆணைப்படி இந்த நடவடிக்கை மேற்கொள்ளப்பட்டது.  சீக்கியத் தீவிரவாத இயக்கமென கருதப்பட்ட ‘காலிஸ்தான்’ இயக்கத்தின் தலைவர் ஜர்னையில் சிங் பிந்தரன்வாலாவால் தலைமை தாங்கப்பட்ட சீக்கியப் பிரிவினைவாதிகள் பெருமளவில் பயங்கரமான ஆயுதங்களை பொற்கோவிலில் சேர்த்ததாக குற்றம் சாட்டப்பட்டனர்.

 ‘இந்தியாவின் 10 அவமானகரமான அரசியல் நடவடிக்கைகளில் ஒன்று’

இந்த நடவடிக்கை இந்திய இராணுவத்தினால் பீரங்கி டாங்கிகள் மற்றும் கவச வாகனங்களோடு நடத்தப்பட்டது. ராணுவ நடவடிக்கை வெற்றி பெற்றாலும், இத்தகைய நடவடிக்கை பெருத்த விவாதத்துக்குள்ளானது, பொது மக்களாலும், மாற்றுக் கட்சி அரசியல் தலைவர்களாலும் குற்றம் சாட்டப்பட்டது. தாக்குதலின் காலம் மற்றும் முறைக்கு அரசு அளித்த நியாயப்படுத்தும் விவரணைகள் பெருமளவில் கேள்விக்குள்ளாக்கப்பட்டன. ‘இந்தியா டுடே’ பத்திரிகை "புளூஸ்டார் நடவடிக்கையை" இந்திரா காந்தி தலைமையிலான மத்திய அரசின் முதல் 10 அவமானகரமான அரசியல் நடவடிக்கைகளில் ஒன்றாகக் கருத்து தெரிவித்தது.

அரசுத் தரப்பில், சாவு எண்ணிக்கை ராணுவத்தில் 83 ஆகவும் பொதுமக்கள் தரப்பில் 492 ஆகவும் கூறப்படினும் சில தன்னிச்சையான மதிப்பீடுகள் சாவு எண்ணிக்கையை 1500 வரை இருக்குமென கூறுகின்றன.

சர்வதேச அளவில் சீக்கியரிடையே கிளர்ச்சியை ஏற்படுத்திய நடவடிக்கை!

இந்த ராணுவ நடவடிக்கை உலகம் முழுவதிலுமுள்ள சீக்கியர்களிடையே பெரும் கிளர்ச்சியை உண்டு பண்ணியது. மேலும் இந்தியாவிலும் பதட்ட நிலையால் சீக்கியர் மேல் பல இடங்களில் தாக்குதலும் நடைபெற்றது. ராணுவத்தில் இருந்த சீக்கியர் ஆட்சிக்கெதிராக கிளர்ச்சி செய்தனர். இந்திய அரசு குடியாண்மை பணிகளிலும் ராணுவத்திலும் இருந்த பல சீக்கியர்கள் தமது பணிகளைத் துறந்தனர். மேலும் சில சீக்கியர்கள் இந்திய அரசால் அளிக்கப்பட விருதுகளையும் பாராட்டுப் பத்திரங்களையும் அரசிடம் திரும்பக் கொடுத்தனர்.

இந்திராவின் உயிரைப் பறிக்க காரணமான ஆப்பரேசன் புளூஸ்டார்!

ராணுவ நடவடிக்கை நடைபெற்ற நான்கு மாதங்களுக்குப் பிறகு, அதாவது 31 அக்டோபர் 1984 அன்று, இந்திரா காந்தி இரண்டு சீக்கிய மெயக்காப்பாளர்களால் படுகொலை செய்யப்பட்டார். இது ஒரு பழிவாங்கிய நிகழ்வாகவே இன்றும் பார்க்கப்படுகிறது. தான் கொல்லப்படுவதற்கு முதல் நாளிரவு ஒரு அரசியல் கூட்டத்தில், "இந்தியாவுக்காக என் உயிர் போனால் நான் வருத்தப்படமாட்டேன். என் ஒவ்வொரு துளி ரத்தமும் இந்தியாவை பலமிக்க நாடாக்கும்", என்று இந்திரா காந்தி பேசினார். இந்திரா காந்தியின் படுகொலையைத் தொடர்ந்து 5000 க்கும் மேற்பட்ட சீக்கியர்கள் சீக்கிய எதிர்ப்புக் கலகங்களில் கொல்லப்பட்டனர். சீக்கிய இனத்தவரிடையே இது ஒரு வரலாற்று முக்கியத்துவம் வாய்ந்த நிகழ்வாகப் பார்க்கப்படுகிறது. சீக்கியரால் 'பெரும் படுகொலை' எனக் கருதப்படும், 1761-ல் ஆப்கானிய அகமது ஷா அப்தாலி-யின் சீக்கிய இனப் படுகொலையோடு இந்நிகழ்வு ஒப்பு நோக்கப்படுகிறது.

பிரிட்டனின் பங்கு...

பிரிட்டனின் அரச ஆவணங்கள் 30 வருடங்களின் பின்னர் பொதுவில் வைக்கப்படும் வழக்கம் அந்நாட்டில் பின்பற்றப்படுகிறது. அதன்படி அண்மையில் வெளியிடப்பட்ட ஆவணங்களின்படி பொற்கோயில் மீதான தாக்குதலுக்கு பிரிட்டன் அரசிடம் இந்தியா உதவி கேட்டதாகவும், அதற்கு மார்கரெட் தாட்சர் தலைமையிலான பிரிட்டன் அரசு இராணுவத் திட்டத்தை அமைக்க சிறப்பு வான்சேவை பிரிவைச் சேர்ந்த ஒரு ராணுவ அதிகாரியை அனுப்பி திட்டம் தீட்டியதாக தெரிவிக்கப்பட்டது. இத்தகவல் சர்வதேச அளவில் கசிந்ததைத் தொடர்ந்து பிரிட்டன் பொற்கோவில் மீதான தாக்குதல் நடவடிக்கைக்கு ஆலோசனை வழங்கியதை ஒத்துக்கொண்டது. ஆயினும் தங்கள் அறிவுரையில் இருந்து தாக்குதல் நடவடிக்கை மாறுபட்டிருந்ததாக பிரிட்டன் தெரிவித்தது.

குற்றச்சாட்டுக்கு பிரிட்டன் வெளியுறவுத்துறை அளித்த விளக்கம்...

இந்தியாவின் பஞ்சாப் மாநிலத்திலுள்ள பொற்கோவில் மீது 30 ஆண்டுகளுக்கு முன்னர் நடத்தப்பட்ட இராணுவத் தாக்குதலுக்கு தாங்கள் ஆலோசனை வழங்கியதை பிரிட்டன் ஒப்புக்கொண்டாலும், அந்தப் பங்கு என்பது பொற்கோயில் மீதான நடவடிக்கை இடம்பெறுவதற்கு மூன்று மாதங்களுக்கு முன்னர் ஆலோசனை வடிவத்திலேயே இருந்தது என்றும் பிரிட்டிஷ் வெளியுறவுத்துறை அமைச்சர் வில்லியம் ஹேக் பிரிட்டன் நாடாளுமன்றத்தில் தெரிவித்துள்ளார்.

1984 ஆம் ஆண்டில் இந்தியாவின் அமிர்தசரஸ் நகரிலுள்ள சீக்கியர்களின் புனிதத் தலமான பொற்கோவிலில் பதுங்கியிருந்த சீக்கியத் தீவிரவாதிகளை உயிருடன் பிடிக்கவோ அல்லது உடலாக மீட்கவோ இந்திரா காந்தி தலைமையிலான இந்திய அரசு முன்னெடுத்த நடவடிக்கையில் பிரிட்டனுக்கும் பங்கிருந்தது என்ற தகவல் பெரும் சர்ச்சையை கிளப்பியிருந்தது. அதையடுத்து பிரிட்டன் ஒரு விசாரணையை நடத்தியது. அதில் ஆலோசனை எனும் மட்டத்திலேயே, இந்திய அரசின் வேண்டுகோளின் பேரில் உதவிகள் வழங்கப்பட்டன என்று தெரியவந்துள்ளது.

சீக்கியர்களின் அதி புனிதத் தலமாக பொற்கோவில் கருதப்படுகிறது.

பொற்கோவில் மீதான இராணுவத் தாக்குதல் நடத்தப்படுவதற்கு மூன்று மாதங்களுக்கு முன்னர் இந்தியா சென்ற அந்த ஆலோசகர், தாக்குதல் நடவடிக்கை என்பது கடைசி நடவடிக்கையாகவே இருக்க வேண்டும் என்றும், அதுவும் ஹெலிகாப்டர்களை பயன்படுத்தி ஆச்சரியம் அளிக்கும் வகையில் இருக்க வேண்டும் என்று தெரிவித்ததாகவும் பிரிட்டன் வெளியுறவுத்துறை அமைச்சர் வில்லியம் ஹேக் தெரிவித்தார்.

எனினும் பிரிட்டன் அந்த நடவடிக்கைக்கு எந்த உபகரணங்களோ அல்லது பயிற்சியோ வழங்கவில்லை என்றும் அவர் கூறியுள்ளார். பிரிட்டன் ஆலோசனை வழங்கி மூன்று மாதங்களுக்குப் பிறகு இடம்பெற்ற அந்தத் தாக்குதல் நடவடிக்கை, தமது ஆலோசனையிலிருந்து மிகவும் மாறுபட்டதாக இருந்தது என்றும் வில்லியம் ஹேக் கூறுகிறார்.

ஆனால் ‘ஆபரேஷன் ப்ளூஸ்டார்’ நவடிக்கைக்கு தலைமையேற்றிருந்த ஓய்வு பெற்ற இந்திய இராணுவத் தளபதியான கே.எஸ்.பிரார் தனக்கு எந்த ராணுவ ஆலோசனையும் பிரிட்டன் தரப்பிலிருந்து கிடைக்கப்பெறவில்லை என்று கூறியதையும் இங்கே குறிப்பிட்டாக வேண்டும்.

இந்திராவின் இந்த அரசியல் நடவடிக்கை வெற்றியில் முடிந்ததா?!

பிரிவினைவாத சீக்கியத் தீவிரவாதிகளைக் களையெடுப்பதற்காக இந்தியப் பாதுகாப்புப் படைகளால் நடத்தப்பட்ட அந்தத் தாக்குதலில் நூற்றுக்கணக்கானவர்கள் உயிரிழந்தனர் என்பது வரலாறு. ஆயினும் இந்திராகாந்தி அரசின் இந்த நடவடிக்கை வெற்றியில் முடிந்ததா என்றால் இல்லை என்று தான் சொல்ல வேண்டும். ஏனெனில் கடும் விமர்சனங்களைத் தூண்டி ஓய்ந்த இந்த ப்ளூ ஸ்டார் நடவடிக்கை நடத்தி முடிக்கப்பட்ட நான்கு மாதங்களில் இந்திரா காந்தியின் உயிர் துப்பாக்கிக் குண்டுகளுக்கு இரையானது. அவரை அவரது மெய்க்காவல் படை வீரர்களான சீக்கியர்களே சுட்டுக்கொன்றனர்.

அதையடுத்து வட இந்தியாவில் சீக்கியர்கள் மீது நடத்தப்பட்ட தாக்குதலும் இனக்கலவரமும் கூட இந்திய வரலாற்றின் இருண்மைப் பக்கங்களில் பதியப்பட்டு சீக்கியர்களால் இன்றளவும் கடும் வஞ்சினமாக மாறிப்போனவையே என்றால் மிகையில்லை.

இந்த ஆப்பரேசன் புளூ ஸ்டாரின் பின் இப்படியோர் துயர் மிகுந்த கதை இருப்பதை வருங்காலத் தலைமுறை அறிய வேண்டும்.

]]>
OPERATION BLUE STAR, 1984 RIOT, KALISTHAN RIOT, 1984 Sikh Massacre, ஆப்பரேசன் புளூ ஸ்டார், காலிஸ்தான் கிளர்ச்சி, இந்திரா காந்தி, இந்தியாவின் துயரம் http://images.dinamani.com/uploads/user/imagelibrary/2018/9/17/w600X390/operation_blue_star.jpg http://www.dinamani.com/editorial-articles/special-stories/2018/sep/17/operation-blue-star-1984-riot-3002090.html
3000880 கட்டுரைகள் சிறப்புக் கட்டுரைகள் புராரி விவகாரம் ‘கூட்டுத் தற்கொலை’ அல்ல ‘விபத்து’: வெளிவந்தது உளவியல் பிரேதப் பரிசோதனை முடிவு! கார்த்திகா வாசுதேவன் Saturday, September 15, 2018 11:23 AM +0530  

இந்தியாவை உலுக்கிய புராரி கூட்டுத் தற்கொலை வழக்கில் பிரேதப் பரிசோதனை முடிந்து விட்ட பச்சத்தில் அது குறித்த தகவல்களை அறிக்கையாகப் பெற்றுக் கொண்ட காவல்துறை தற்போது அவ்வழக்கில் உளவியல் பிரேதப் பரிசோதனை அறிக்கை பெற முற்படுவதாக கடந்த மாதம் செய்தி வெளியிட்டிருந்தோம். சிலருக்கு இந்த உளவியல் பரிசோதனை என்றால் என்னவென்று தெரிந்திருக்க வாய்ப்பில்லை. 

உளவியல் பிரேதப் பரிசோதனை?!

உளவியல் பிரேதப் பரிசோதனை என்பது தற்கொலை நிகழ்வதற்கு முன்னும், பின்னுமான நிகழ்வுகளை அடிப்படையாகக் கொண்டு தற்கொலை செய்து கொண்டவர்களின் மனநிலையை ஆராயும் முயற்சி.

இந்தப் பரிசோதனை நிகழ்த்த மொத்தம் 40 வகையான சோதனைகளை உளவியல் மருத்துவர்கள் கையாள்வார்கள். பிரேதப் பரிசோதனையில் இப்படியொரு நூதன முறை 1961 ஆம் ஆண்டு முதல் நடைமுறையில் இருந்து வருகிறது. சந்தேகத்திற்கிடமான வகையில் நிகழும் மரணங்களை ஆராய்ந்து உண்மை நிலையைக் கண்டறிய மட்டுமே இத்தகைய அரிதான பிரேதப் பரிசோதனை முறை பின்பற்றப்படுகிறது. இந்தப் பரிசோதனை மூலமாக இறந்தவர்களின் தனிப்பட்ட வாழ்க்கை முறை, குணநலன்கள் உள்ளிட்டவை சோதனைக்கு உட்படுத்தப்படும். எளிதாகச் சொல்வதென்றால் அறிவியல் பரிசோதனை, இறந்தவரின் பூர்வீகத்தை ஆராய முற்படும் தொல்லியல் பரிசோதனை மற்றும் இறந்தவர்களின் ரகசிய நடவடிக்கைகளை கருத்தில் எடுத்துக்கொண்டு ஆராய முற்படும் துப்பறிவியல் எனும் பலதரப்பட்ட சோதனைகளின் கூட்டு முயற்சியே இந்த உளவியல் பிரேதப் பரிசோதனை என்று சொன்னால் சரியாக இருக்கும்.

இந்தப் பரிசோதனை வாயிலாக புராரி கூட்டுத் தற்கொலை நிகழ்ந்ததின் பின்னணியை ஓரளவிற்குத் துல்லியமாகக் கணக்கிட விரும்புகிறது காவல்துறை. 

உளவியல் பரிசோதனை அறிக்கையின் முடிவுகள் தெரியும் பட்சத்தில் ஒருவேளை புராரி கூட்டுத்தற்கொலை மர்மத்தின் முடிச்சுகள் அவிழலாம்.

இம்மாதிரியான உளவியல் பிரேதப் பரிசோதனைகள் அனைத்து கொலை மற்றும் தற்கொலை மரணங்களிலும் நிகழ்த்தப்படுவது வழக்கமல்ல. 

இது முற்றிலும் அரிதான பரிசோதனை.

இந்த வழக்கில் இதுவரை 200 க்கும் மேற்பட்டோர் விசாரிக்கப்பட்டுள்ளனர்.

மேலே உள்ளது பழைய செய்தி...

இச்செய்தியின் அடிப்படையில் புராரி கூட்டுத் தற்கொலை விவகாரத்தில் உண்மை கண்டறிவதில் மேலும் என்னென்ன முன்னேற்றங்கள் நிகழ்ந்திருக்கின்றன என்று நோக்கினால். புராரி விவகாரத்தை கூட்டுத் தற்கொலை என்று வகைப்படுத்தக் கூடாது. அதை ஒரு விபத்தாகக் கருதவே உளவியல் பிரேதப் பரிசோதனை வழிவகுத்துள்ளது என்கின்றன பரிசோதனை முடிவுகள்.

புராரி விவகாரம் ‘கூட்டுத்தற்கொலை’ அல்ல அது  ‘விபத்து’!

டெல்லி காவல்துறையினர் சிபிஐ யிடம் கடந்த ஜூலை மாதம் புராரி கூட்டுத்தற்கொலை விவகாரத்தில் உளவியல் பிரேதப் பரிசோதனை நிகழ்த்தி உண்மை கண்டறிய கோரியது. அதன்படி சிபிஐ நிகழ்த்திய உளவியல் பரிசோதனை முடிவுகள் கடந்த புதன்கிழமை மாலையில் சிபிஐ வசம் வந்தடைந்தது.

உளவியல் பிரேதப் பரிசோதனை முடிவு!

அதனடிப்படையில் தெரிய வந்த உண்மை என்னவென்றால், புராரியில் அன்று இறந்தவர்களான ஒரே குடும்பத்தைச் சேர்ந்த 11 பேருக்குமே தாம் இறக்கப் போகிறோம் என்ற உணர்வோ அல்லது எதிர்பார்ப்போ, அது குறித்த அச்சமோ இருக்கவில்லை. அவர்கள் தாங்கள் நம்பிய ஒரு சடங்கை நிறைவேற்றுவதாக எண்ணியே இச்செயலில் ஈடுபட்டிருக்கிறார்கள். கடைசிவரை இது ஒரு தற்கொலை முயற்சி என்ற எண்ணமே அவர்களுக்கு இருந்திருக்கவில்லை என்கிறது பரிசோதனை முடிவு.

புராரி மரணங்களில் தெரிய வந்த மற்றுமொரு உண்மை. சந்தாவத் குடும்பத்தினர் கடந்த 11 ஆண்டுகளாக தொடர்ந்து எழுதி வந்த டைரி. அந்த டைரியில் இருந்த பெருமளவு தகவல்களில் முக்கியமானது அக்குடும்பத்தினருக்கு இருந்து வந்த தாந்த்ரீக நம்பிக்கை. மறைந்த தந்தையின் ஆன்மா வந்து தங்களை வழிநடத்துவதாக சந்தாவத் குடும்பத்தின் இளைய மகன் லலித் சந்தாவத் தான் உறுதியாக நம்பியதோடு தனது குடும்பத்தினரையும் மூளைச் சலவை செய்து அதை நம்ப வைத்துள்ளார். கடவுளை அடைவதைப் பற்றியதான மாய நம்பிக்கையில் ஊறிப் போனவர்களான சந்தாவத் குடும்பத்தினர் தங்களது குடும்ப உறுப்பினரான லலித்தின் தூண்டுதலாலும், போதனைகளாலும் இப்படி உயிருக்கே ஆபத்தான சம்பிரதாயத்தில் ஈடுபட்டிருக்கிறார்கள்.

அவர்களது நோக்கம் தங்களது தந்தையின் ஆன்மாவின் குரலைக் கேட்பதாகவும், கடவுளை அடைவதாகவுமே இருந்திருக்கிறதே தவிர தங்களில் யாரும் இம்முயற்சியின் வாயிலாக உயிரை விடக்கூடும் என்ற எண்ணம் அவர்களுக்கு கிஞ்சித்தும் இருந்திருக்கவில்லை என்கிறது சைக்கலாஜிக்கல் அடாப்சி (உளவியல் பிரேதப் பரிசோதனை’ அறிக்கை.

வெளியூர்களில் வசித்ததால் இந்தக் கொடுமையான நிகழ்விலிருந்து தப்பியவர்களாக சந்தாவத் குடும்ப உறுப்பினர்களான மூத்த மகன் தினேஷ் சிங் சந்தாவத், மற்றும் சுஜாதா நாக்பால் குடும்பத்தினரையும் சிபிஐ இவ்வழக்கிற்காக உளவியல் பரிசோதனைக்கு உட்படுத்தியிருந்தது. அதிலிருந்து தெரிய வந்த உண்மைகளும் கூட சந்தாவத் குடும்பத்தினருக்கு தற்கொலை செய்து கொள்ளும் எண்ணமெல்லாம் இருந்திருக்க வாய்ப்பில்லை என்பதாகவே இருந்தது.

இறந்த சந்தாவத் குடும்பத்தினர்...

புராரியில் ஒரே நாளில் சந்தாவத் குடும்ப உறுப்பினர்களான 77 வயது நாராயன் தேவி, அவரது மகள் 57 வயது பிரதிபா, அவரிடைய மகன்களான பாவ்னேஷ் (50) மற்றும் லலித்(45), பாவ்னேஷின் மனைவி சவிதா (48), அவர்களுடைய மூன்று வாரிசுகளான மேனகா (23), நீத்து(25) மற்றும் தீரேந்திரா (15), லலித்தின் மனைவி டினா(42) அவர்களுடைய 15 வயது மகன் துஷ்யந்த், பிரதிபாவின் மகள் ப்ரியங்கா என் மொத்தம் 11 பேர் ஒரே நாளில் தூக்கில் தொங்கி உயிரிழந்தனர். இவ்வழக்கு முதலில் தற்கொலையாகக் கருதப்பட்டு வந்த நிலையில் தற்போது வெளிவந்துள்ள உளவியல் பிரேதப் பரிசோதனை அறிக்கை இது தற்கொலையல்ல விபத்து என்று கண்டறிந்திருப்பது பெரும் அதிர்ச்சி.

தாந்த்ரீக நம்பிக்கை மரணத்துக்கு இட்டுச் சென்ற கொடுமை!

எத்தனை செல்வம் இருந்த போதும். குடும்பத்தினரில் பெரும்பாலானோர் கற்றறிந்த கல்விமான்களாய் இருந்த போதும் சம்பிரதாய, சடங்குகளின் மீதான மூடநம்பிக்கைகள் வாழ வேண்டிய இளந்தளிர்கள் முதல் குடும்பத்தின் மூத்தவர்கள் வரை பலி கொண்டிருப்பது மிகுந்த வேதனைக்குரியது. தாம் சாகப் போகிறோம் என்ற உணர்வே இன்றி தம்மை சாவுக்கு ஒப்புக் கொடுத்த அந்த 11 பேரின் வாழ்க்கை மத நம்பிக்கை என்ற பெயரில் மூட நம்பிக்கைகளில் ஆழ்ந்திருப்பவர்களுக்கான எச்சரிக்கை மணி என்றால் அதில் தவறில்லை.

]]>
புராரி விவகாரம், கூட்டுத் தற்கொலை, உளவியல் பிரேதப் பரிசோதனை, Burari issue, burari deaths, Psychological autopsy Result http://images.dinamani.com/uploads/user/imagelibrary/2018/9/15/w600X390/burari-family.jpg http://www.dinamani.com/editorial-articles/special-stories/2018/sep/15/burari-deaths-not-suicide-but-accident---psychological-autopsy-result-3000880.html
3000243 கட்டுரைகள் சிறப்புக் கட்டுரைகள் மனித வணிகம் ஒரு சமூகத்தீமை மட்டுமல்ல; அது மானுடத்திற்கு எதிரான ஒரு கொடுமையான குற்றமும் கூட! மைக்கிள் யங்காட் Friday, September 14, 2018 04:15 PM +0530  

வேலையில்லாமல் சிரமப்படும் நாகப்பனும், கஸ்தூரியும் ரூ.30,000/- என்ற தொகையை முன்பணமாக வாங்கிக் கொண்டு ஒரு கரும்பு அரவை தொழிலகத்தில் வேலை செய்யத் தொடங்கினர். தங்களது கஷ்டம் விரைவில் தீர்ந்துவிடும் என்ற நம்பிக்கையோடு வாங்கிய முன்பணத்தை திருப்பி செலுத்த ஒவ்வொரு நாளும் நீண்ட மணிநேரங்களுக்கு கடுமையாக அவர்கள் உழைத்தனர். இருப்பினும், அவர்களது நிலைமை மோசமானது தான் மிச்சம். தங்களது உறவினர்களோடு திருவிழாவை கொண்டாடுவதற்கு சொந்த ஊருக்கு போவதற்குக்கூட அவர்களுக்கு அனுமதி மறுக்கப்பட்டது. அவர்கள் பட்ட கஷ்டம் இதோடு நின்றுவிடவில்லை. அவர்கள் பட வேண்டியிருந்த மிகப்பெரிய கொடுமைகள் மற்றும் சிரமங்களின் தொடக்கமாகவே இது இருந்தது.

ஆறு வயதான அவர்களது மகள் புவனா தொழிற்சாலை முதலாளியால் கடத்தப்பட்டு, அவளை விடுவிக்க வேண்டும் என்றால் ரூ.2,00,000/- கடன் பெற்றதாக பத்திரத்தில் கையெழுத்திடுமாறு அவர்கள் நிர்ப்பந்திக்கப்பட்டிருந்தனர். கடனை திருப்பிச் செலுத்த வேலை செய்யவில்லை என்றால் அவர்களை கொல்லப் போவதாகவும் அந்த முதலாளி மிரட்டினான். முதலாளியின் பேச்சிற்கு இணங்கி அவர்கள் நடக்கவில்லை என்றால் தாங்கள் கொல்லப்பட்டு கரும்பு தோட்டத்திலேயே புதைக்கப்பட்டு விடுவோம் என்று அவர்களுக்கு நன்றாகத் தெரியும். ரூ.2,00,000/- என்ற வாங்காத, பொய்யான கடனை திரும்ப செலுத்துவதற்காக இரவும், பகலும் உழைப்பதைத் தவிர அவர்களுக்கு வேறு வழியில்லை. இந்த கடனுக்காக பிணையாக சிறை பிடிக்கப்பட்டிருந்த தங்களது மகளை திரும்பப் பெறுவதற்கு வேறு வழி அவர்களுக்கு இல்லை. 

மனித உழைப்பை சுரண்டுகின்ற மனித வணிகம் என்பது ஒரு அவசியமான சமூக தீமை மட்டுமல்ல; இது மானுடத்திற்கு எதிரான ஒரு கொடுமையான குற்றமும் கூட. கொத்தடிமை தொழில்முறை, வர்த்தகரீதியிலான பாலியல் சுரண்டல், உடல் உறுப்புகளை அனுமதியின்றி சட்ட விரோதமாக அகற்றுவது மற்றும் பிச்சையெடுக்கும் தொழிலில் ஈடுபடுத்துவது போன்றவை இந்தியாவில் நடைபெறுகின்ற மனிதவணிக குற்றத்தின் பல்வேறு முகங்களாகவும், வடிவங்களாகவும் இருக்கின்றன.

லாபமீட்டுவதற்காக ஏழைகள் மற்றும் பாதிப்புக்கு உள்ளாகக் கூடிய நலிந்த மக்கள் மீதும் உடல் சார்ந்த, உளவியல் சார்ந்த மற்றும் பாலியல் ரீதியிலான வன்முறையை பயன்படுத்தி மேற்கொள்ளப்படுகிற ஒடுக்குமுறையின் கடுமையான நிஜ நிகழ்வுகளை வெளிச்சத்திற்கு கொண்டுவருகிற இதுபோன்ற பல சுரண்டல் கதைகள் வெளி வந்திருக்கின்றன. இந்தியாவில் ஒவ்வொரு ஆண்டும் 3 மில்லியன் பெண்களும், குழந்தைகளும் மனித வணிகத்திற்காக கடத்தப்படுகின்றனர் என்று 2014-ம் ஆண்டில் பெண்கள் மற்றும் குழந்தை முன்னேற்றத்திற்கான அமைச்சகம் வெளியிட்ட வருடாந்திர அறிக்கையில் மதிப்பீடு செய்திருந்தது. இந்த குழந்தைகளில் 45 விழுக்காட்டினர் கொத்தடிமை தொழிலாளர்களாக, வீட்டு வேலை செய்பவர்களாக அல்லது ஜவுளி மற்றும் பட்டாசு தொழிலகங்கள் போன்ற சிறு தொழிற்சாலைகளில் பணியாளர்களாக வேலை செய்ய நிர்ப்பந்திக்கப்படுகின்றனர் என்று NCRB ஆய்வுத் தகவல் தெரிவிக்கிறது.

6 வயது குழந்தையான புவனா, ஆற்றிலிருந்து தண்ணீர் எடுத்து வரவும் மற்றும் சணல் பைகளை கழுவவும் நிர்ப்பந்திக்கப்பட்டாள். அவள் அடித்து உதைக்கப்பட்டு, சித்ரவதைக்கு ஆளாக்கப்பட்டாள் என்பதற்கும் கூடுதலாக, முதலாளியின் உறவினர் அவளிடம் தவறாக நடந்து கொண்டிருக்கிறான் (பாலியல் பலாத்காரமாக இருக்கக் கூடும்). அவளது பெற்றோர்களிடமிருந்து பிரிக்கப்பட்ட நிலையில் அவளைச் சுற்றி கனிவான இதயம் கொண்ட யாரும் இல்லாத சூழலில் அவள் அனுபவிக்கின்ற வலியை வாய்விட்டு எடுத்துச் சொல்லக் கூட அந்த சின்னஞ்சிறு குழந்தையால் இயலவில்லை. அடிமையைப் போல் நடத்தப்பட்ட இந்த மோசமான நிலையிலிருந்து மீட்கப்படுவதற்கான எந்த நம்பிக்கையும் இல்லாத நிலையில் அவளது நிலைமை மோசமானதிலிருந்து மிக மோசமாக மாறியது. செய்தி தகவல் அலுவலகத்தால் பிரசுரிக்கப்பட்ட ஒரு தகவலின்படி 'இந்தியாவில் 2015-2016 காலகட்டத்தில் மொத்தத்தில் 34707 பெண்கள் மற்றும் குழந்தைகள் மட்டும் மனித வணிகத்திற்காக கடத்தப்பட்டுள்ளனர். 2016-ம் ஆண்டில் 19000 பெண்களும், குழந்தைகளும் கடத்தப்பட்டனர். அதாவது ஒவ்வொரு நாளும் 52 பெண்கள் மற்றும் குழந்தைகள் சராசரியாக கடத்தப்படுகின்றனர் என்பதையே இது குறிப்பிடுகிறது.

நாகப்பன், கஸ்தூரி மற்றும் புவனாவின் நிஜ வாழ்க்கையின் அனுபவங்கள் இந்த மனித வணிகத்தின் பல்வேறு வடிவங்கள் மற்றும் அம்சங்களை வெளிப்படுத்துகிறது. கரும்பு அரவை தொழிலகத்தில் கொத்தடிமை தொழிலாளர்களாக ஆக்கப்பட்ட நாகப்பன் மற்றும் கஸ்தூரிக்கு அவர்களை நயவஞ்சகமாக கவர்வதற்கு முன்பணம் வழங்கப்பட்டது. தனது பெற்றோர்களின் கடனுக்கு பிணையாக புவனா ஆக்கப்பட்டாள். ஆனால் அவள் கடத்தப்பட்டு ஒரு குழந்தை தொழிலாளியாக வேலை செய்ய கட்டாயப்படுத்தப்பட்டாள். 6 வயதான புவனா, வீட்டு வேலைக்கார பெண்ணாக, அந்த வீட்டு குடும்ப தலைவனின் கைகளில் அடி, உதையும், சித்ரவதையும் அனுபவித்தாள்.

மனித வணிகத்தில் பாதிப்புக்கு ஆளாகுபவர்கள், வன்முறை வழிமுறைகளின் வழியாக அவர்களது முதலாளிகளால் லாப நோக்கத்திற்காக, உடல்ரீதியாக அல்லது உளவியல் ரீதியாக கட்டுப்பாடுகளின்கீழ் காவலில் வைக்கப்படுகின்றனர். மனித வணிகத்தால் பாதிக்கப்படுகிற அப்பாவி மக்களின் வலியும், துன்ப, துயரமும் சுரண்டல் நடைபெறுகின்ற தொழிலகங்களின் பின்னால் மறைக்கப்பட்டிருக்கிறது. அச்சமும், நம்பிக்கையில்லாத அவலமும் கலந்த ஒரு வாழ்க்கையைத் தான் அவர்கள் வாழ்கின்றனர். இத்தகைய மனித வணிக நேர்வுகள் பலவற்றில் விடுவிக்கப்படுவோம் என்ற நம்பிக்கையை பாதிக்கப்படுபவர்கள் கைவிட்டுவிடுகின்றனர்; இந்த அடிமைத்தனம் தான் தங்களது விதி என்று மனதளவில் ஏற்றுக்கொள்கின்றனர். 

எனினும், நாகப்பனும், கஸ்தூரியும் எப்படியோ தைரியத்தை வரவழைத்துக் கொண்டு தொழிலகத்தின் முதலாளிக்கு எதிராக ஒரு புகாரை பதிவு செய்ய காவல்துறைக்கு சென்றனர். அவர்கள் தேர்வு செய்த பாதை எளிதானதல்ல; ஆனால், காவல்துறையிடம் போவதைவிட அவர்களுக்கு வேறு வாய்ப்பு ஏதும் இல்லை. தொடக்கத்தில் தங்கள் மீதான சுரண்டல் மற்றும் தங்களது மகள் கடத்தப்பட்டது குறித்து விளக்கமளிக்க அவர்கள் சிரமப்பட்டனர். இந்த விஷயத்தை சந்தேக கண்ணோடு காவல்துறை கையாண்டது. ஆனால், ஒரு என்ஜிஓ அமைப்பின் உதவியோடு தங்களை கொடுமைக்கு ஆளாக்கிய அந்த சுரண்டல் முதலாளி மீது ஒரு புகாரை காவல்துறையில் நாகப்பன் மற்றும் கஸ்தூரியால் வெற்றிகரமாக பதிவு செய்ய முடிந்தது. அதன்பிறகு, புவனாவை காவல்துறை மீட்டு அழைத்து வந்து, நாகப்பன் மற்றும் கஸ்தூரியிடம் ஒப்படைத்தது. மிக மோசமான நிலையில் அவளை அவர்கள் பார்த்தபோது, அதை நம்ப இயலாத பெற்றோர் இருவரும் மகளின் நிலையை நினைத்து தொடர்ந்து கண்ணீர் விட்டு அழுவதைத் தவிர அப்போது அவர்களுக்கு வேறு வழியில்லை. ஆறு வயது என்ற குழந்தை பருவத்தில் அவள் பட்ட கஷ்டத்தையும், அனுபவித்த கொடுமையையும் அவளது நிலைமை அவர்களுக்கு வெளிப்படுத்தியது. 

அந்த கொத்தடிமை நிலையிலிருந்து நாகப்பன், கஸ்தூரி மற்றும் புவனா விடுவிக்கப்பட்டு அவர்களுக்கு மறுவாழ்வு வழங்கப்பட்டது. தங்களது மறுவாழ்வுக்கான நடவடிக்கைகளின் ஒரு பகுதியாக அரசிடமிருந்து பெற்ற வீட்டுமனை பட்டாவைத் தொடர்ந்து அதில் அவர்கள் ஒரு வீட்டை கட்டினர். புவனா இப்போது ஒரு தனியார் பள்ளியில் சேர்ந்து நன்றாக படிக்கிறாள். கொத்தடிமை தொழிலாளர்களாகவும், மனித வணிகம் என்ற கொடுமையால் பாதிக்கப்பட்டவர்களாகவும் இந்நாட்டில் இருக்கும் ஆயிரக்கணக்கானவர்கள் மத்தியில் இந்த கதை ஒரு எடுத்துக்காட்டு மட்டுமே.

மனித வணிகம் என்ற குற்றம் நிஜமானது மற்றும் நம்மைச் சுற்றி தொடர்ந்து நிகழ்ந்து கொண்டே இருக்கிறது. தேனீரில் நாம் கலக்கும் சர்க்கரை, நாகப்பன் மற்றும் கஸ்தூரி போன்ற கொத்தடிமை தொழிலாளர்கள் இரவும், பகலும் கொத்தடிமைத்தனத்தில் சுரண்டப்பட்ட ஒரு சர்க்கரை ஆலையிலிருந்து வந்ததாக இருக்கக் கூடும். அரிசி, கோதுமை போன்ற தானியங்கள் அடைக்கப்பட்டிருக்கிற சாக்கு பைகள், ஆறு வயதே ஆன புவனா போன்ற சிறு குழந்தையின் சின்னஞ்சிறு கைகளால் ஆற்றில் கழுவி சுத்தம் செய்யப்பட்டதாக இருக்கக்கூடும். நாம் அணிகிற ஆடைகள், இளம் பெண்கள், வேலை என்ற பெயரில் சுரண்டப்படுகிற ஜவுளி மில்களில் நெய்யப்பட்டதாக இருக்கக்கூடும். நாகப்பன், கஸ்தூரி மற்றும் புவனா ஆகியோர் விடுவிக்கப்பட்டு விடுதலைக் காற்றை சுவாசித்த அவர்களது கதையை சொல்வதற்கு உயிரோடு இருக்கின்றனர்; ஆனால் இவர்களைப் போன்ற வேறு பலர், அவர்கள் கொடுமைப்படுத்தப்பட்ட, கொத்தடிமையாக வைக்கப்பட்டிருந்த இடங்களிலேயே மண்ணோடு மண்ணாக புதைக்கப்படுகின்றனர்.

மனித வணிகத்தில் பாதிக்கப்படுபவர்களை அடையாளம் காணவும், விடுவிக்கவும் மற்றும் அவர்களுக்கு மறுவாழ்வு வழங்கவும் அரசும், என்ஜிஓ அமைப்புகளும் பணியாற்றி வருகின்றனர். குடிமை சமூகமானது இதை உணர்ந்து, மனித வணிகம் என்ற கொடுமையான குற்றத்திற்கு எதிராக புரட்சியை நிகழ்த்த கைகோர்த்து செயல்பட்டாலொழிய இந்த அவலங்கள் நிற்கப்போவதில்லை. இக்குற்றத்தை, கொடுமையை அச்சமின்றி தொடர்ந்து நிகழ்த்தும் இந்த கொடுங்கோலர்கள் அனைத்து இடங்களிலும் இருக்கின்றனர். குழந்தைகள் மற்றும் எளிதில் பாதிக்கப்படக்கூடிய நபர்களை அடையாளம் காணும் அவர்கள், அவர்களை கடத்தி, அல்லது நயவஞ்சகமாக தங்கள் வலையில் சிக்கவைத்து அவர்கள் வழியாக இலாபம் சம்பாதிக்கின்றனர். இந்த வன்கொடுமையில் ஈடுபடும் மனித வணிக கொடுங்கோலர்கள் தங்களது செயல்நடவடிக்கை முறையை சமீபத்தில் மாற்றிக் கொண்டிருக்கின்றனர். பலர் இணைந்த ஒரு வலையமைப்பாக செயல்படும் இவர்கள் அவர்களது நடவடிக்கைகளை இரகசியமாக, வெளியே தெரியாமல் மேற்கொள்கின்றனர். மனித வணிக குற்றத்தை எதிர்த்துப்போராடி வெல்வதற்கு, அரசு, என்ஜிஓ-க்கள் மற்றும் பொதுமக்கள் ஆகிய மூன்று தரப்பினருமே ஒருமித்த ஒரு அணியாக இணைந்து செயல்படுவது மிக முக்கியமாகும். 

இத்தருணத்தில் நாம் நினைவில் கொள்ளவேண்டிய நிஜம் ஒன்று இருக்கிறது; பல நாகப்பன்கள், கஸ்தூரிகள் மற்றும் புவனாக்கள், கொத்தடிமையிலிருந்தும் மற்றும் மனிதவணிகத்தின் பல்வேறு கோர வடிவங்களிலிருந்தும் விடுவிக்கப்பட நம்மை எதிர்நோக்கி இன்னும் காத்திருக்கின்றனர்.

- மைக்கிள் யங்காட், இயக்குநர் - ஐஜேஎம்
 

]]>
human traficking, child labour, bonded labour, மனித வணிகம், கொத்தடிமை http://images.dinamani.com/uploads/user/imagelibrary/2018/9/14/w600X390/save.jpg http://www.dinamani.com/editorial-articles/special-stories/2018/sep/14/மனித-வணிகம்-ஒரு-சமூகத்தீமை-மட்டுமல்ல-அது-மானுடத்திற்கு-எதிரான-ஒரு-கொடுமையான-குற்றமும்-கூட-3000243.html
2998951 கட்டுரைகள் சிறப்புக் கட்டுரைகள் ‘டி.எஸ் சொக்கலிங்கம் முதல் கே. வைத்தியநாதன் வரை’ தினமணியின் பெருமைக்குரிய ஆசிரியர்கள் ஒரு பார்வை! கார்த்திகா வாசுதேவன் Wednesday, September 12, 2018 11:05 PM +0530  

1934-ல் தொடங்கப்பட்டு, தமிழ் பேசும் மக்களின் மனசாட்சியாக இன்றுவரை செயல்பட்டு வரும் தினமணி நாளிதழ், தி நியூ இந்தியன் எக்ஸ்பிரஸ் குழுமத்தின் அங்கமாக, தமிழர்களின் ஏகோபித்த ஆதரவுடன், மொத்தம் 34 பதிப்புகளைக் கொண்டதாக 10 மையங்களில் அச்சாகிறது.

''நிமிர்ந்த நன்னடை, நேர்கொண்ட பார்வை, நிலத்தில் யார்க்கும் அஞ்சாத நெறிகள்'' என்பதை தார்மீக மந்திரமாகக் கொண்டு, இன்றுவரை எந்தவிதமான சமாதானங்களுக்கோ, வளைந்துகொடுத்தலுக்கோ இடம்கொடுக்காமல் நடுநிலையான உள்ளூர் முதல் உலகம் வரையான செய்திகளை வாசகர்களிடம் கொண்டு சேர்த்துவரும் பெருமைக்குரியது தினமணி நாளிதழ். 

திரு. கே. வைத்தியநாதன் அவர்களை ஆசிரியராகக் கொண்டு, செய்திகளில் தரம், கண்கவர் வடிவமைப்பு, இளைஞர்மணி (செவ்வாய்), மகளிர்மணி (புதன்), வெள்ளிமணி (வெள்ளி), சிறுவர்மணி (சனி), தினமணி கதிர் (ஞாயிறு), கொண்டாட்டம் (ஞாயிறு), தமிழ்மணி (ஞாயிறு) என பலதரப்பட்ட வாசகர்களுக்கான சிறப்பு இணைப்புகள், சிந்தனையைத் தூண்டும் பத்திகள் மற்றும் கட்டுரைகளுடன் வெளியாகிறது தினமணி நாளிதழ்.

தமிழ்கூறும் நல்லுலகிற்கு தினமணியின் நன்றி! 

இந்திய சுதந்திர வேள்வியின் லட்சியக் கனவுகளையும், நாட்டுப்பற்றையும் அன்று முதல் இன்று வரை தன்னுள் அடக்கிய அணையா ஜோதியாக, உங்கள் ஆதரவுடன் பீடு நடை போடும் நமது "தினமணி", தமிழ்கூறும் நல்லுலகத்துக்கு நன்றி கூறக் கடமைப்பட்டிருக்கிறது.

தினமணி முதல் இதழ் வெளியான போது, ‘தமிழர்களால், தமிழர்களின் நலனுக்காக நடத்தும் அச்சமற்ற பத்திரிகை’ என்று தினமணி தனது விளம்பரத்தில் குறிப்பிட்டது. தமிழர்கள் என்றால் ‘பிராமணர் அல்லாத ஹிந்துக்கள்’ என்று அக்காலத்தில் குறுகிய நோக்கில் பொருள் கொள்ளப்பட்டது. இதைப் பற்றிக் கேள்வி எழுந்தபோது, ‘தினமணி’ தனது தலையங்கத்தில் அதற்கு விளக்கம் அளித்தது.

“தமிழ்நாட்டில் பிறந்தவர்கள், தமிழ்நாட்டைத் தங்கள் வசிப்பிடமாகக் கொண்டு வாழ்பவர்கள் அனைவரும் தமிழர்களே; விவசாயம், தொழில்துறை, வர்த்தகம் ஆகியவற்றில் லாபம் வந்தால் சாதி, மத பேதமின்றிப் பயனடையப்போவது ஒட்டுமொத்தத் தமிழ்ச் சமுதாயம்தான்; நஷ்டம் வந்தால் வேதனை படப்போவதும் ஒட்டுமொத்தத் தமிழ்ச் சமுதாயம்தான். ஒரு ஜெர்மானியரைப் பார்த்து நீங்கள் யார் என்று கேட்டால், தன்னை ஒரு ரோமன் கத்தோலிக்கர் என்றோ பிராடஸ்டண்ட் என்றோ கூறாமல் ஜெர்மானியர் என்றே கூறுவார். இதே போல பிரெஞ்சுக்காரரும் இத்தாலியரும் தங்கள் மதத்தைப் பற்றிக் கூறாமல் தேசியத் தன்மையையே வெளிப்படுத்துவர். இந்தியாவுக்குள் வசிக்கும் ஒவ்வொரு தமிழரும், தன்னைத் “தமிழர்” என்றே பெருமையுடன் கூறிக்கொள்ள வேண்டும். நாட்டுக்கு வெளியே செல்லும் போது தன்னை “இந்தியன்” என்று பெருமை பொங்க அழைத்துக்கொள்ள வேண்டும். தமிழர்கள் என்றால் ஹிந்துக்கள் மட்டுமல்ல, முஸ்லிம்கள், கிறிஸ்தவர்கள் மற்றும் தமிழ் பேசும் மற்ற பிரிவினரும்கூடத் தமிழர்கள்தான்”.

- என்பதே அந்த விளக்கம். இந்த விளக்கம் வாசகர்களுக்குப் போதுமானதாக இருந்தது.

தினமணியின் வெற்றி நடை...

சுதந்திரப் போராட்ட காலத்தின் உச்சகட்டத்தில், விடுதலைப் போராளிகளின் எண்ணங்களைப் பிரதிபலிக்கும், மக்கள் சக்தியை ஏகாதிபத்திய ஆங்கிலேய ஆட்சிக்கு எதிராக திரட்டும் ஆயுதமாக விளங்கிய "தினமணி"யின் பங்கு, சுதந்திர இந்தியாவில் அதிகரித்தது. மாறுபட்ட அரசியல் சூழ்நிலைகளில், எத்தனை எத்தனையோ சோதனைகளில் தனது கொள்கைப்பிடிப்பில் தளராமல், லட்சியங்களை விட்டுக்கொடுக்காமல் "தினமணி" தொடர்கிறது என்றால் அதற்கு, அதன் முன்னோடிகளான சதானந்த், ராம்நாத் கோயங்கா, டி.எஸ். சொக்கலிங்கம், ஏ.என். சிவராமன் போன்றோர் போட்டுத் தந்த அடித்தளம் மட்டுமல்ல; தமிழ்க் கலாசாரத்தின் அடையாளமாக, தேசிய சிந்தனையின் அடித்தளமாக அன்றும், இன்றும், என்றும் தமிழ்கூறும் நல்லுலகம் "தினமணி" நாளிதழைக் கருதுவதுதான் காரணம்.

"தினமணி" தொடங்கியபோது அந்நிய ஏகாதிபத்திய அரசை எதிர்கொள்ள வேண்டிய நிலைமை என்றால், இன்று நமது ஆட்சியாளர்களை எதிர்த்துக் குரல் கொடுத்தாக வேண்டிய கட்டாயம். கட்சிகள் மாறி மாறி ஆட்சியில் அமர்ந்தாலும் காட்சிகள் மாறுவதில்லை என்கிற நிலைமைக்கு மாற்றத்தை யார் ஏற்படுத்துவது? சுதந்திர இந்தியாவின் சுதந்திரத்தையும், பாரத நாட்டின் பண்பாட்டையும், தமிழர்தம் தனித்துவத்தையும் யார் காப்பாற்றுவது? இதுவும் ஒருவகையில் ஒரு சுதந்திர வேள்விதான். அந்தப் பணியில் "தினமணி" தன்னை அர்ப்பணித்துக்கொண்டிருக்கிறது.

தினமணியின் பெருமைக்குரிய ஆசிரியர்கள்...

டி.எஸ். சொக்கலிங்கம்...

டி.எஸ். சொக்கலிங்கம் (மே 3, 1899 - ஜனவரி 6, 1966).  ‘பேனா மன்னன்’ என்று அழைக்கப்பட்ட இவர், இந்திய விடுதலைப் போராட்ட வீரர். இதழியலாளரும் எழுத்தாளரும் ஆவார். திருநெல்வேலி அருகே உள்ள தென்காசியில் பிறந்தவர். காந்தியத்தில் தீவிர பற்றுகொண்ட சொக்கலிங்கம், தனது 21-வது வயதில் இதழியல் துறையில் காலடி எடுத்து வைத்தார். காந்தியின் அறைகூவலை ஏற்று பல்வேறு போராட்டங்களில் கலந்துகொண்டு சிறை சென்றார். சேலம் வரதராஜுலு நடத்திவந்த ‘தமிழ்நாடு’ இதழில் முதன்முதலில் பணியாற்றினார். இணையற்ற பத்திரிகையாளராக தன்னை அடையாளப்படுத்திக்கொண்ட பிறகு, ‘காந்தி’ என்ற வாரம் இருமுறை வெளியாகும் இதழைத் தொடங்கினார். பின்னர் வ.ரா. சீனிவாசன் ஆகியோருடன் சேர்ந்து மணிக்கொடி இதழைத் தொடங்கினார். பின்னர், சதானந்த் தொடங்கிய தினமணி இதழின் முதல் ஆசிரியராகப் பொறுப்பேற்றார்.

கோயங்கா குழுமத்துக்கு தினமணி கைமாறிய பிறகு, 1943-ல் தினமணியில் இருந்து வெளியேறினார். பின்னர், ‘தினசரி’ என்ற நாளிதழை தொடங்கினார். அது நின்றபோன பிறகு, ஜனயுகம், பாரதம், நவசக்தி போன்ற பத்திரிகைகளை நடத்தினார். சொக்கலிங்கம் சிறந்த இதழியலாளர் மட்டுமல்ல, சிறந்த படைப்பிலக்கியவாதியும்கூட. சிறுகதை, நாவல், கவிதை என இலக்கியத்தின் அத்துனை துறைகளிலும் சிறப்பான பங்கினை நல்கியுள்ளார்.

ஏ.என். சிவராமன்...

ஆம்பூர் நாணுவையர் சிவராமன் என்ற ஏ.என். சிவராமன் (மார்ச் 1, 1904 - மார்ச் 1, 2001), தமிழகத்தைச் சேர்ந்த பத்திரிகையாளரும், இந்திய விடுதலைப் போராட்ட வீரரும் ஆவார். திருநெல்வேலி மாவட்டம் அம்பாசமுத்திரம் அருகே உள்ள ஆம்பூர் இவரது சொந்த ஊர். இளம் வயதில் ஒத்துழையாமை இயக்கத்தில் கலந்துகொள்ள மகாத்மா காந்தி விடுத்த அழைப்பை ஏற்று விடுதலைப் போராட்டத்தில் கலந்துகொண்டு சிறைத் தண்டனை அனுபவித்தார். சிறையில் இருந்து விடுதலை ஆன பிறகு, டி.எஸ். சொக்கலிங்கம் தலைமையில் ‘காந்தி’ பத்திரிகையில் சேர்ந்தார். 1934-ல் தினமணி இதழ் தொடங்கப்பட்டபோது, சொக்கலிங்கம் ஆசிரியராகவும், ஏ.என். சிவராமன் உதவி ஆசிரியராகவும் பணியில் சேர்ந்தனர். 1943-ல், தினமணியை விட்டு சொக்கலிங்கம் வெளியேறியபோது, தினமணி ஆசிரியராக ஏ.என். சிவராமன் பொறுப்பேற்றார். அதன்பின், 1987 வரை தொடர்ந்து 44 ஆண்டுகள் தினமணி ஆசிரியராகப் பணியாற்றினார்.

கணக்கன், ஒண்ணேகால் ஏக்கர் பேர்வழி, குமாஸ்தா, அரைகுறை வேதியன், அரைகுறை பாமரன் (அகுபா) போன்ற புனைபெயர்களில் நிறைய கட்டுரைகள் எழுதியுள்ளார். தீவிர காங்கிரஸ்காரர். காமராஜரின் பற்றாளர். மொழிகளைக் கற்பதிலும், புத்தக வாசிப்பிலும் மிகுந்த ஈடுபாடு கொண்ட சிவராமன், தனது 93-வது வயதில் அராபிய மொழியையும் கற்றார். பத்திரிகையாளனாக இருப்பதற்கு விருது இடையூறாக இருந்துவிடக் கூடாது என்பதற்காக, மத்திய அரசின் பத்மஸ்ரீ, பத்மபூஷன் போன்றவற்றை ஏற்க மறுத்துவிட்டார்.

ஐராவதம் மகாதேவன்...

ஐராவதன் மகாதேவன் (அக்டோபர் 2, 1930), பத்மஸ்ரீ விருது பெற்ற தமிழகக் கல்வெட்டு ஆராய்ச்சியாளர். 1930-ல், திருச்சி அருகே உள்ள மண்ணச்சநல்லூரில் பிறந்தவர். 1954 முதல் 1981 வரை இந்திய ஆட்சிப்பணியிலும், 1987 முதல் 1991 வரை தினமணி இதழின் ஆசிரியராகவும் பணிபுரிந்தார். சிந்து எழுத்துகள், பிராமி எழுத்துகள் (குறிப்பாக தமிழ்ப் பிராமி எழுத்துகள்) மீதான ஆர்வம் அவரை கல்வெட்டு எழுத்தியலின் மீது ஈர்த்தது. முதலில் பழங்கால நாணயங்களைப் பற்றிய ஆராய்ச்சியில் இறங்கிய மகாதேவன், பின்னர் கல்வெட்டு எழுத்துகளைப் பற்றிய ஆய்வுகளை மேற்கொண்டார்.

கி. கஸ்தூரிரங்கன்...

கி. கஸ்தூரிரங்கன் (ஜனவரி 10, 1933 - மே 4, 2011), தமிழ் இதழாளர், எழுத்தாளர். புகழ்பெற்ற கணையாழி இலக்கிய இதழை நிறுவியவர். செங்கல்பட்டு அருகே உள்ள களத்தூரில் பிறந்தவர். ஆங்கில இலக்கியத்தில் பட்டம் பெற்ற இவர், தில்லியில் ‘நியூயார்க் டைம்ஸ்’ இதழின் நிருபராகப் பணியாற்றினார். கஸ்தூரிரங்கனுக்குப் பிறகு தினமணி நாளிதழின் ஆசிரியராக 1992 வரை பணியாற்றினார். புதுக்கவிதையில் ஆர்வம் கொண்ட இவர், தில்லியில் இருந்தபோது, க.நா. சுப்பிரமணியம், ஆதவன், தி. ஜானகிராமன், இந்திரா பார்த்தசாரதி, சுஜாதா, என்.எஸ். ஜெகன்னாதன் போன்றோர் உதவியுடன் கணையாழி இதழைத் தொடங்கினார்.

மாலன்...

மாலன் என அறியப்படும் மாலன் நாராயணன் (செப்டம்பர் 16, 1950), நன்கு அறியப்பட்ட எழுத்தாளர், ஊடகவியலாளர். ஸ்ரீவில்லிபுத்தூரில் பிறந்தவர். ‘எழுத்து’ இதழ் மூலம் கவிதைக்கும், கவிதை மூலம் எழுத்துலகுக்கும் அறிமுகம் ஆனவர். கணையாழி ஆசிரியர் குழுவில் சிறிது காலம் பணியாற்றியுள்ளார். அமெரிக்காவில் உள்ள ஃப்ளோரிடா பல்கலைக் கழகத்தில் இதழியல் பயின்றவர். திசைகள், சன் நியூஸ் தொலைக்காட்சி, குமுதம், குங்குமம், இந்தியா டுடே (தமிழ்) ஆகியவற்றின் ஆசிரியராகவும் பணியாற்றியுள்ளார். கணினியில் தமிழை வளர்ப்பதில் ஆர்வம் கொண்ட மாலன், மைக்ரோசாஃப்ட் நிறுவனத்தின் ஆபீஸ் மென்பொருள் தமிழாக்கம் செய்யப்பட்டதில் முக்கியப் பங்கு வகித்துள்ளார். தினமணி ஆசிரியராக 1993 முதல் 1995 வரை பணிபுரிந்துள்ளார். பல முன்னாள் பிரதமர்கள் மற்றும் குடியரசுத் தலைவர்களுடன் அவர்களது ஊடகக் குழு உறுப்பினராக வெளிநாடுகளுக்குப் பயணம் மேற்கொண்டவர்.

இராம. திரு. சம்பந்தம்...

இராம. திரு. சம்பந்தம் (இறப்பு - ஆகஸ்ட் 14, 2007), புதுக்கோட்டை மாவட்டம் ‘நெற்குப்பை’ என்ற ஊரில் பிறந்தவர். கல்லூரிக் காலம் தொடங்கி பெரியார் பற்றாளரான இவர், தீவிர கடவுள் மறுப்பாளரும்கூட. தனது வாழ்நாள் முழுவதும் சடங்குகளைப் புறந்தள்ளியவர். தனது 22-வது வயதில் கருமுத்து தியாகராச செட்டியார் நடத்திய ‘தமிழ்நாடு’ நாளிதழில் சேர்ந்தார். 1960-ல், இந்தியன் எக்ஸ்பிரஸ் குழும அதிபர் ராம்நாத் கோயங்கா நடத்திய செய்தி நிறுவனமான ‘இந்தியன் நியூஸ் சர்வீஸில்’ இணைந்து ஓராண்டு பணியாற்றினார். 1961-ல் இந்தியன் எக்ஸ்பிரஸ் ஆங்கில நாளிதழில் நிருபராகச் சேர்ந்து படிப்படியாக முன்னேறி செய்திப் பிரிவுத் தலைவராக ஆனார். பின்னர், தினமணியில் துணை ஆசிரியராகச் சேர்ந்து, 1995 முதல் 2004-ம் ஆண்டு வரை தினமணி ஆசிரியராக பணியாற்றினார். தினமணி ஆசிரியராக இருந்தபோது, தி நியூ இந்தியன் எக்ஸ்பிரஸ் பத்திரிகையின் உறைவிட ஆசிரியராகவும் ஓராண்டு காலம் கூடுதல் பொறுப்பு வகித்தார்.

கே. வைத்தியநாதன்...

1952-ல் மதுரையில் பிறந்தவரான கே.வைத்யநாதன் பள்ளிப் பருவத்திலேயே இதழியல் துறையில் தனது முத்திரையைப் பதிக்கத் துவங்கினார். மதுரை சேதுபதி உயர்நிலைப் பள்ளியின் 9-ஆம் வகுப்பு மாணவராக இருக்கையில் ‘சேதுபதி’ என்ற பெயரில் கையெழுத்துப் பத்திரிகை தொடங்கி நடத்தினார். அன்றைய பிரபல அரசியல் தலைவர்களான சி.என். அண்ணாதுரை முதல் ராமமூர்த்தி, கவிஞர் கண்ணதாசன், ஈவிகே சம்பத்... ஏன் லோக் நாயக் என்று புகழப்பட்ட ஜெயப்ரகாஷ் நாராயணன் வரை பலரையும் அப்போதே நேர்காணல் செய்து, தனது சேதுபதி கையெழுத்துப் பத்திரிகையில் வெளியிட்டு மாணவப் பருவத்திலேயே நாடு போற்றும் தலைவர்களது அன்பிற்கும் மதிப்பிற்கும் உரியவரானார்.

கல்லூரிப் படிப்பை முடித்ததும் ஆங்கிலச் சிறுபத்திரிகை உலகில் கரண்ட், எவிடென்ஸ், தி நேரேட்டர், தி வீக் எண்ட் ரெவ்யூ, தி சன் அண்ட் சூர்யா உள்ளிட்ட இதழ்களில் சில காலம் பணியாற்றி விட்டு, மறைந்த எழுத்தாளர் சாவி வாயிலாக தமிழ் இதழியல் துறையில் அடியெடுத்து வைத்தார். சாவி பத்திரிகையின் ஆசிரியரும் பழம்பெரும் எழுத்தாளருமான சாவியின் பட்டறையில் உருவான இன்றைய பிரபல இலக்கியப் பெருந்தகைகளின் வரிசையில் இவருக்கும் சிறப்பான இடமுண்டு. சாவியிலிருந்து விலகிய பின் 1989-ல் துவங்கி சுமார் 18 ஆண்டு காலம் NEWSCRIBE என்ற பெயரில் ஒருங்கிணைந்த ஆங்கில செய்தி நிறுவனம் ஒன்றை நடத்தினார். அதன் பின்னர் தினமணியில் இவரது பணி 2007-ஆம் ஆண்டில் துவங்கியது. தினமணியில் தனக்கு முன்பிருந்த ஆசிரியர்கள் தமிழ் இலக்கியம் மற்றும் தமிழ்ச் சமுதாய முன்னேற்றத்தின் பால் பதித்துச் சென்ற முத்திரையைச் சிரமேற்று தன் பாணியில் மேலும் பல சிந்தை கவர், உளங்கவர் மாற்றங்களைச் சேர்த்து இன்று வரை தினமணியின் பெருமைக்குரிய ஆசிரியர்களுள் ஒருவராக நீடித்து வருகிறார். இதழியல் பணிக்காக இவரது கால்படாத இந்திய மாநிலங்கள் இல்லை எனும் வகையில் சலிக்காது பயணங்களில் ஈடுபாடு கொண்டவராகத் திகழ்கிறார்.

]]>
dinamani , தினமணி, malan narayanan, DINAMANI EDITORS, T S CHOKALINGAM TO K VAIDHYANATHAN, A N SIVARAMAN, RMT SAMBANDHAM, தினமணி ஆசிரியர்கள், டி. எஸ் சொக்கலிங்கம் முதல் கே. வைத்யநாதன் வரை http://images.dinamani.com/uploads/user/imagelibrary/2018/9/12/w600X390/00000.jpg http://www.dinamani.com/editorial-articles/special-stories/2018/sep/12/டிஎஸ்-சொக்கலிங்கம்-முதல்-கே-வைத்தியநாதன்-வரை-தினமணியின்-பெருமைக்குரிய-ஆசிரியர்கள்-ஒரு-பார்வை-2998951.html
2998966 கட்டுரைகள் சிறப்புக் கட்டுரைகள் தமிழ் இசையின் பரிணாம வளர்ச்சியில் கலாசார பரிமாற்றத்தின் பங்கு! முனைவர். பா. வில்சன் & திருமதி ஜாஸ்மின் வில்சன் Wednesday, September 12, 2018 06:40 PM +0530  

கலாச்சார பரிமாற்றம் என்பது வர்த்தகம், போர், நாடு கைப்பற்றுதல் மதப்பிரச்சாரம் போன்றவைகள் வாயிலாக தொன்று தொட்டு நடைபெறுகின்ற ஒன்று என்பதற்கு வரலாறு ஒரு சான்றாக அமைந்துள்ளது. தமிழ் இசையும் வரலாற்றில் இந்த காரணிகளைக் கடந்து பயணித்துள்ளது என்பது ஆய்வின் வழி புலப்படுகின்ற உண்மை. தமிழ் இசை வளர்ச்சி என்பது தமிழ் இசை புத்துருவாக்கம், இசை நுணுக்கங்களைக் கிரமப்படுத்துதல், இசை வடிவங்களை பதிவு செய்து பத்திரப்படுத்துதல் போன்ற நிலைகளைக் கடந்து வந்துள்ளது என்று கூறுவது மட்டுமல்லாமல் இவை ஒவ்வொன்றிலும் சாதி மத பேதமின்றி அநேக இசை வல்லுநர்கள் இதைக் கலையாக மட்டுமே கருதி இதன் வளர்ச்சியில் பரந்த மனதுடன் பங்களித்துள்ளார்கள் என்று கூறினால் மிகையாகாது.

தென் இந்திய கலாச்சார இசை, சங்க காலத்தில் சிறந்து விளங்கிய தமிழ் இசை வடிவத்தின் மறு பரிணாமம் என்பது ஆராய்ச்சியால் நிரூபிக்கப்பட்ட உண்மை என்பது தமிழ் இசை ஆய்வாளர்கள் அறிந்ததே. 12 ஆம் நூற்றாண்டில் வாழ்ந்த சாளுக்கிய மன்னன் இதனைக் “கர்நாடக இசை” என்று அவனது புத்தகத்தில் குறிப்பிட்ட பிறகே கர்நாடக சங்கீதம் என்ற பெயர் பெற்றது என்பது வரலாற்றுக் குறிப்பாகும். சங்க காலத்தில் தேவதாசிகளால் மட்டுமே பரம்பரையாகக் கற்கப்பட்டு கோவில்களிலும், அரசவைகளிலும் பரதநாட்டிய நடனமாகவும், தமிழ் இசையாகவும் விடுதலையாக வலம்வந்த இந்த கலை, பிற்காலத்தில் ஒரு குறிப்பிட்ட மதத்திற்கும், ஒரு பிரிவினருக்கும் மட்டுமே உரிமையாகக் கருதப்பட்டு சூழ்நிலைக் கைதியாக வாழ்ந்து கொண்டு இருப்பது, ஒரு வேதனைக்குரிய உண்மையாகும். ஆனால் வரலாற்று உண்மைகளை எந்தவித பாகுபாடுமின்றிக் கூர்ந்து ஆராயும் பொழுது, நம்மையே வியப்பில் ஆழ்த்தக் கூடிய உண்மைகள் வெளிவருவது திண்ணமாகிறது.

எந்த ஒரு கலையும், உருவானது முதல் தன் வளர்ச்சியில், பிற கலைகளிடம் இருந்து அவைகளின் பண்புகளையோ அல்லது சாயல்களையோ தாக்கங்களாக உள்வாங்கிக் கொண்டு, கலாச்சார கலப்புடன் வளர்வது என்பது கலை வளர்ச்சியின் பண்புகளில் மறுக்க முடியாத உண்மையாகும். இவ்வித வளர்ச்சியில் பிற கலாச்சார தாக்கங்களுக்கு உட்பட்டு அதனை உள்வாங்கி வளரும்போது, ஆங்காங்கே கருத்து திருட்டு (Plagiarism) அல்லது கலாச்சார பரிமாற்றம் (Cultural Exchange) நிகழ்வது என்பது வழக்கமாக வரலாற்றின் சான்றுகள் புலப்படுத்தும் உண்மையாகும். இதனை எவ்வித பார்வையுடன் பார்க்க வேண்டும் என்பதை இக்கட்டுரையில் ஆராய்வோம்.

ஆங்கிலேயர் காலத்தில், கிழக்கிந்திய கம்பெனியின் இசைக்குழுவில் இடம் பெற்ற 'வயலின்' என்ற இத்தாலி நாட்டில் உருவான இசைக்கருவி, தற்கால கர்நாடக இசைக் கச்சேரியில் முக்கிய பங்கு வகிப்பது கலையின் மேம்பாட்டிற்கும், பிற கலாச்சார இசையின் கலப்புக்கும் ஒரு சிறந்த எடுத்துக்காட்டாகும். சியாமா சாஸ்திரிகள், தியாகராஜ சுவாமிகள் மற்றும் முத்துசுவாமி தீட்சிதர் என்ற தீருவாரூர் மூவரில், முத்துசுவாமி தீட்சிதர், கலாச்சார கலப்புடன் இசை வளர்வதற்கு முக்கிய பங்கு ஆற்றியுள்ளார் என்றால் அது மிகையாகாது. மேலும் தஞ்சாவூர் நால்வரில் (Tanjavur Quartet) ஒருவரான வடிவேலு பிள்ளை, வயலின் என்ற இசைக்கருவியை தனது சமகாலத்தில் வாழ்ந்த கிறித்தவ புலவர் வேதநாயக சாஸ்திரிகளிடம் கற்றுக்கொண்டு, மேற்கத்திய இசைக்காக மட்டுமே பயன்பாட்டில் இருந்து வந்த இசைக்கருவியைக் கர்நாடக இசைக்கேற்ப பயன்படுத்தும் முறையை கண்டறிந்து, மனோதர்மத்தை (Improvisation) வயலின் இசைக் கருவி வழியாக இவ்வுலகிற்க்கு அறிமுகப்படுத்தியவர்களுள் முதல்வர் என்ற பெயரினை பெற்றவர். அதே காலத்தில் வாழந்த முத்துசுவாமி தீட்சிதரின் சகோதரர் பாலுசுவாமி தீட்சிதர், மணலி முத்துகிருஷ்ண முதலியாரின் ஆதரவோடு தன் தந்தை ராமசாமி தீட்சிதருடன் சென்னைக்கு வந்து மூன்று வருடம் சென்னை தூய ஜார்ஜ் கோட்டையில் கிழக்கிந்திய கம்பெனியின் இசைக்குழுவைக் காணுவதற்கும் அதில் இடம் பெற்ற வயலின் இசைக்கருவி மேல் காதல் கொண்டு அதனை கற்கவும் ஒரு வாய்ப்பு பெற்றார். முத்துசுவாமி தீட்சிதரும், பாலுசுவாமி தீட்சிதருடன் இணைந்து மூன்று வருடம் மேற்கத்திய இசையைக் கூர்ந்து கவனித்து அதன் தாக்கங்களுக்கு உட்பட்டு எழுதிய 39 பாடல்கள்தான் “நோட்டு சுவரங்கள்” (English Notes) என்று அழைக்கப்பட்டு மதுரை மணி அய்யர் அவர்களால் பின்னர் கச்சேரியில் பிரபலமாக்கப்பட்டது. அதில் கூர்ந்து நோக்க வேண்டியது என்னவென்றால், கலாச்சார கலப்பின் உச்சகட்டமாக “God Save the king (queen)” என்ற ஐரோப்பிய நாட்டின் புனித பாடல்களில் ஒன்றை அதன் இராகத்தைத் தழுவி தெலுங்கு மொழியில் இந்து கடவுள்களின் பெயரில் மாற்றி எழுதியுள்ளார். கலாச்சாரம் என்பது அதன் பரிணாம வளர்ச்சியின் முதற்கட்டத்தில் மேற்கத்திய இசையின் வடிவத்தை மட்டுமல்லாமல், அந்த இசையை இராகமாற்றமில்லாமல் அப்படியே வார்த்தை மாற்றம் மட்டுமே செய்து வளரவைத்துள்ளது என்பதற்கு “நோட்டு சுவரங்கள்” ஒரு சான்றாக அமைந்துள்ளது. முத்துசுவாமி தீட்சிதரை பற்றிய ஆராய்ச்சியில் ஈடுபட்டு தனது ஆராய்ச்சி கட்டுரை சமர்ப்பித்துத் தற்போது அமெரிக்காவில் சின்சினாட்டி பல்கலைகழத்தில் தென்னிந்திய இசை பேராசிரியராக பணிபுரியும் Dr.Kanniks Kannikeswaran குறிப்பிடும் பொழுது, முத்துசுவாமி தீட்சிதரின் பன்னிரண்டு பாடல்களில் ஒன்று மேற்கத்திய இசையின் தாக்கத்தை உள்வாங்கியதாக அமைந்துள்ளது என்று குறிப்பிடுகிறார். மேற்கண்ட வரலாற்று உண்மைகள் ஒரு கலாச்சாரம் பிற கலாச்சார வடிவங்களை, சமுதாய கலாச்சார மாற்றங்களால் (Socio - cultural) தன்னுள் வாங்கிக் கொண்டது மட்டுமல்லாமல், சில நேரங்களில் மொழிமாற்றம் மட்டும் அமையப்பெற்று வளர்ந்துள்ளது என்பதை சான்றுகளுடன் நிரூபிக்கின்றது. இவ்வித வளர்ச்சியை (Plagiarism) “கருத்து திருட்டு”, என்று கருத இயலுமோ அல்லது “கலாச்சார பரிமாற்றம்”, என்று எண்ண முடியுமோ என்பது வரலாற்றை எந்தவித சாதி, மத பார்வை இன்றி பார்க்க இயல்வோர் மட்டுமே புரிந்து கொள்ள இயலும்.

இசை என்பது முன்னோர்களின் இசை ஆராய்ச்சியை மூலதனமாகக் கொண்டு அதன் வடிவங்களையோ, பண்புகளையோ தாக்கங்களாக உள்வாங்கிக் கொண்டு புதுமை படைத்து வளர்கிறது என்பதற்கு தியாகராஜ சுவாமிகளின் “நிந்தாஸ்துதி” ஒரு எடுத்துக்காட்டு. தியாகராஜ சுவாமிகளுக்கு முன்பாக வாழ்ந்த பாபநாசம் முதலியார் உருவாக்கின இசை வடிவம் “நிந்தா ஸ்துதி” ஆகும். கடவுளை நிந்திப்பது போல் புகழ்வது என்பது இதன் பொருளாகும். திருவாரூர் மூவருக்கு முன்பாக வாழ்ந்த “தமிழ் மூவர்” தமிழ் இசைக்கு ஆற்றிய பங்களிப்புகள் “கிருத்தி” உருவாகுவதற்கு ஒரு முக்கிய காரணமாகும். தமிழ் மூவர்களான முத்து தாண்டவர், மாரிமுத்து பிள்ளை மற்றும் அருணாச்சல கவிராயர் அவர்களது பங்களிப்புகளை பற்றிய முழுமையான தகவல்கள் இன்றும் வாய்வழி உண்மைகளாகவே வலம் வருகின்றன. எனவே ஒவ்வொரு புதிய படைப்பும் முந்தைய படைப்புகளால் உள்ளூக்கம் பெற்று உருவாகிறது என்பது திண்ணமாகிறது.

இசை என்பது ஒரு கலை மட்டுமே. ஆயினும், ஆதரவின் நிமித்தம் அதன் பரிணாம வளர்ச்சியில் கோவில்களைச் சார்ந்தோ அல்லது அரசவையைச் சார்ந்தோ, வளர்ந்து வந்திருக்கின்றது. இவ்வித வளர்ச்சி, இசையைக் கடவுளுக்கும் மனிதனுக்குமான தொடர்பினை வர்ணிப்பதற்கு மட்டும் உரியதாகவே முன்னெடுத்துக் காட்டி வந்து உள்ளது. இவ்வித மனப்பான்மையை முறியடிக்கும் வகையில் சூழலுக்கு தகுந்த முறையில் மொழிமாற்றம் கொண்டோ அல்லது மனித உறவுகளை வர்ணிக்கும் ஒரு கருவியாகவோ இசையை கையாண்டு, இசையை பொதுவுடமை ஆக்கியதில் தமிழ் திரைப்படத்துறையின் பங்களிப்பு இன்றியமையாதது. திரைப்படங்களில் பாடல்களின் வரிகளை திரைப்படத்தின் தலைப்பாகவோ அல்லது திரைப்பட தலைப்பை பாடல் வரிகளாகவோ மாற்றுதல் கருத்து திருட்டாக பார்க்கப் படுவது இல்லை. கர்நாடக சங்கீத வித்வான்களும் தங்கள் முன்னோர்களுடைய பாடல்களில் ஈர்ப்புக்கொண்டு உள்ளூக்கம் அடைந்து அவர்களது பாடல் வார்த்தைகளில் சிலவற்றை தேர்ந்தெடுத்து தங்களது பாடல்களில் பயன்படுத்தி இருக்கிறார்கள். இதனை கருத்து திருட்டு (Plagiarism) என்று கருத இயலாது.

“வார்த்தை திருட்டு” என்பது பழங்காலந்தொட்டே இசை வளர்ச்சியில் ஒரு பகுதியாக இசையின் மேல் கொண்ட ஈர்ப்பினால் நிகழ்ந்திருக்கின்றது என்பது வரலாற்று ஆய்வில் திண்ணமாகிறது. முத்துசுவாமி தீட்சிதர் ஐரோப்பிய இசையை தனது கடவுளின் பெயரில் மொழிமாற்றம் செய்து கீர்த்தனைகளை இயற்றியது தனது சகோதரர் பாலுசாமி தீட்சிதர் மேற்கத்திய இசையை வயலினில் கற்று அதன் பின்னர் அதை தென் இந்திய இசைக்கேற்ப தகவமைக்கவே என்று ஒரு வரலாற்றுக் குறிப்பு முன்வைக்கிறது. இக்கருத்தினை அடிப்படையாகக் கொண்டு ஆராய முற்பட்டால், இந்த வரலாற்று நிகழ்வு கலாச்சார வளர்ச்சிக்கான கருத்து பரிமாற்றமாகவே எடுத்துக் கொள்ளப்பட வேண்டுமே ஒழிய மேற்கத்திய இசையின் கருத்து திருட்டு (Plagiarism) என்ற பொருளில் எடுத்துக் கொள்ளப்பட வேண்டியதில்லை. இந்த நிகழ்வை ஆதாரமாகக் கொண்டு கருத்து திருட்டை நியாயப்படுத்துவது இந்த கட்டுரையின் நோக்கமன்று. ஒரு கலாச்சார வளர்ச்சி கலாச்சார பரிமாற்றமாக அல்லது “கருத்து திருட்டாக” பார்க்கப்படுவது அதன் காரணமான சூழ்நிலையையோ அல்லது மனப்பான்மையையோ வைத்தே தீர்மானிக்க வேண்டும்.

“சந்தப் புலவர்” என்று உலகமே பாராட்டும் 15 ஆம் நூற்றாண்டில் வாழ்ந்த அருணகிரிநாதர் அவருடைய பாடல்களில் “சலாம்” என்ற முகமதியரால் வழங்கப்படும் “வணக்கம்” என்ற பொருளை கொண்ட பதத்தை உபயோகப்படுத்தியுள்ளார். இதனையும் கருத்து திருட்டு என்று முகம்மதியர்கள் கூற இயலுமா?

ஆனால் இசை வடிவங்களை தாக்கங்களாக உள்வாங்கிக் கொண்டு ஒரு கலாச்சாரம் வளர்வதை “கருத்து திருட்டு” என்ற பெயரில் வடிவமைக்கப்பட்ட “தீவிரவாதம்” வழியாக மட்டுப்படுத்துவது என்பது ஒரு கலை வளர்ச்சிக்கு நாம் ஏற்படுத்தும் தடைக்கல் என்பதை ஒவ்வொருவரும் புரிந்து கொள்ள முற்பட வேண்டும். கிறித்துவர்களாலும், முகமதியர்களாலும் சாதி மத வேறுபாடின்றி தமிழ் இசை வளர்க்கப்பட்டது என்ற வரலாற்று உண்மை எல்லோரும் இந்த இசையின் பங்குதாரர்கள் என்பதை ஆணித்தரமாக நிரூபிக்கின்றது.

மேலும் 1888 – 1973-ல் வாழ்ந்த செட்டி பானுமூர்த்தி என்பவரால் சங்கராபரண ராகத்தில் “சாமானுலவரு” என்று துவங்கும் பாடல் 1966-ல் இயற்றப்பட்டது. இந்தப் பாடல் கிறித்துவ வேதாகமத்தில் சங்கீதம் 71:19ல் தேவனே உமக்கு நிகரானவர் யார்” என்ற வசனத்தை அடிப்படையாக கொண்டு எழுதப்பட்டது என்று ஒரு குறிப்பு உணர்த்துகிறது. தியாகராஜரின் கரகரப்பிரியாவில் அமைந்த “சாமானுமெவரு” என்ற பாடலோடு இந்தப் பாடல் ஒப்பிடப்பட்டு “கருத்து திருட்டு” (Plagiarism) என்று கூறுவது இந்த புனிதக் கலையை வளரவிடாமல் பிணைய கைதியாக்கி அழிக்க முற்படும் ஒரு வடிவமைக்கப்பட்ட தீவிரவாதமாவே (Structural Violence) கருதமுடியுமே ஒழிய இக்கலையை பாதுகாக்க எடுக்கப்பட்ட முயற்சியாக கருத முடியாது. ஒரு ஐரோப்பிய கிறித்தவ இசை வடிவத்தை அதன் ராகத்தோடு மொழிமாற்றம் செய்து, தனது கடவுளின் பெயரிட்டு பாடல்களை உருவாக்குவது கலாச்சார பரிமாற்றமாக பார்க்கப்பட இயலுமானால், “சாமானுமெவரு” என்ற பதத்தை மட்டும் உள்ளூக்கத்தினிமித்தம் பயன்படுத்தி, வேறு இராகத்தில் முற்றிலும் மாறுபட்ட வார்த்தைகளினால், 1966ல் உருவாக்கப்பட்ட பாடலை “கருத்து திருட்டு” (Plagiarism) என்று கூறுவது ஏற்கப்பட முடியாத ஒன்று.

கட்டுரையாளர்கள்:

முனைவர். பா. வில்சன்

சென்னைக் கிறிஸ்தவக் கல்லூரியில் வேதியியல் துறை தலைவராக பணியாற்றுகிறார் மற்றும் தமிழ் இசையில் ஈடுபாடு கொண்ட இசைக் கலைஞர்

திருமதி ஜாஸ்மின் வில்சன்

தமிழ் இசையில் முதுகலைப் பட்டம் பெற்று (MFA) இசை ஆசிரியராகவும், இசையியல் வல்லுனராகவும் செயல்பட்டு வருகிறார்.

]]>
'Plagiarism in karnatic music' controversy, கர்நாடக இசை, பரிணாம வளர்ச்சி, தமிழ் இசை, கலாசாரம் http://images.dinamani.com/uploads/user/imagelibrary/2018/9/12/w600X390/karnatic_music.jpg http://www.dinamani.com/editorial-articles/special-stories/2018/sep/12/கர்நாடக-இசையில்-கருத்துத்-திருட்டு-என்ற-பிரச்சாரமெல்லாம்-வடிவமைக்கப்பட்ட-தீவிரவாதம்-2998966.html
2998332 கட்டுரைகள் சிறப்புக் கட்டுரைகள் அன்றொரு நாள்... தினமணி பிறந்த கதை! கார்த்திகா வாசுதேவன் Wednesday, September 12, 2018 10:42 AM +0530  

இந்தியன் எக்ஸ்பிரஸ் இதழை வரதராஜ நாயுடுவிடம் இருந்து வாங்கியவரான சதானந்தம் இந்திய பத்திரிகை பதிப்புத் துறையில் முன்னோடி மட்டுமல்ல. ஒரு மேதாவியும் கூட. முதலாளியாக மாறிய
முதல் இந்தியப் பத்திரிகையாளர் அவர் தான். இந்தியன் எக்ஸ்பிரஸ் பத்திரிகைக்குத் துணையாகத் ‘தினமணி’ என்ற தமிழ் நாளிதழையும் இவர் தான் கொண்டு வந்தார். வந்த வேகத்தில் லாபகரமான இரு பத்திரிகைகளுக்குக் காரணகர்த்தாவாகிப் போன சதானந்தத்தின் செயல்வேகம் கண்டு தமிழகத்தில் இந்தியன் எக்ஸ்பிரஸின் ஸ்தாபகரான வரதராஜுலு நாயுடுவே ஒரு கணம் இன்ப அதிரிச்சியில் உறைந்து போயிருப்பார் என்று நம்பலாம்.

சதானந்தத்துக்கு பம்பாய் கர்மபூமியாக இருந்தாலும், அவருடைய மனதில் தனி இடத்தைப் பெற்றிருந்தது மெட்ராஸ். ஏனென்றால் அது அவருக்கு ஜன்ம பூமி.

அவருடைய தலைமையின் கீழ் ‘இந்தியன் எக்ஸ்பிரஸ்’ வர ஆரம்பித்து ஓராண்டு பூர்த்தியான சமயத்தில், அவருடைய மனது அதை வலுப்படுத்த என்ன செய்யலாம் என்று யோசித்துக் கொண்டே வந்தது. அப்போது தமிழ்ப் பத்திரிகை உலகம் எப்படி இருந்தது என்று ஊன்றிக் கவனித்த அவருக்குச் சிந்தனையில் ஒரு மின்னல் வெட்டுத் தோன்றியது. அவருடைய தகப்பனார் தமிழ் இலக்கியத்திலும் பத்திரிகைத் துறையிலும் முன்னோடியாக இருந்தார். அதனால் சதானந்தத்துக்குத் தமிழ் மீது ஒரு காதல் இயற்கையாகவே இருந்தது.

அப்போது சென்னை மாகாணத்தில் 4 தமிழ்ப் பத்திரிகைகள் இருந்தன. அவற்றில் மிகப் பழமை வாய்ந்ததாக இருந்த ‘சுதேசமித்திரன்’ மட்டுமே நன்கு வேரூன்றியிருந்தது. இந்திய தேசிய காங்கிரஸ், மெட்ராஸ், மெட்ராஸ் மகாஜன சபா, தி ஹிந்து ஆகிய 3 பெரிய ஸ்தாபனங்களை உருவாக்கிய ஜி.சுப்ரமணிய ஐயர்தான் 1882 - இல் ‘சுதேசமித்திர’ னையும் அச்சிடத் தொடங்கினார். 1878 -இல்  ‘தி ஹிந்து நாளிதழைத் தொடங்கிய சுப்ரமணிய ஐயர் சில காலம் அதன் ஆசிரியராகவும் இருந்தார். நாட்டின் எதிர்காலப் பொதுவாழ்வு என்பது மாநில மொழிகளையே சார்ந்திருக்கும் என்பதை உணர்ந்தார். தமிழ்
மொழியில் மறுமலர்ச்சியை ஏற்படுத்தச் ‘சுதேச மித்திரனை’ வாரப் பத்திரிகையாக அவர் தொடங்கினார். 1898 -இல் ஆங்கிலப் பத்திரிகையான ‘தி ஹிந்து’ வுடனான தொடர்பை முற்றிலும் விலக்கிக் கொண்டு, தன் முழு நேரத்தையும் சுதேசமித்திரனின் வளர்ச்சிக்குச் செலவிட்டார். 1899- இல் அதை அவர் தினசரியாக மாற்றியிருந்தார்.

1917 வரை போட்டியாளர் இல்லாமல் ‘சுதேசமித்திரன்’ கோலோச்சியது. 1917 -இல் திரு.வி.கல்யாண சுந்தர முதலியார் என்ற தமிழ் அறிஞரை ஆசிரியராகக் கொண்டு ‘தேச பக்தன்’  என்ற நாளிதழ் தொடங்கப்பட்டது. அவரும் அவருக்குப் பின் ஆசிரியராகப் பொறுப்பேற்ற வ. வே. சு ஐயரும் அப்பத்திரிகை வாயிலாகத் தமிழைப் பிரபலப்படுத்த முடிந்தது என்றாலும் 1921 - இல் ‘தேசபக்தன்’ நாளிதழ் பிரசுரமாவது நின்றது.

5 ஆண்டுகளுக்குப் பிறகு டாக்டர் பி.வரதராஜூலு நாயுடு, ‘தமிழ்நாடு’ பத்திரிகையைத் தினசரியாகக் கொண்டுவர ஆரம்பித்தார். பெரும்பாலான தமிழர்களால் எளிதில் புரிந்து கொள்ளும் வண்ணம்
எளிமையாகவும் நேரடியாகவும் செய்திகளைக் கூறும் விதத்தில் ‘தமிழ்நாடு’ இருந்தது. எனவே மக்களிடம் அமோக வரவேற்பைப் பெற்றது. இதனால் சுதேசமித்திரனுக்கு பலத்த போட்டியாகத் திகழ்ந்தது. 1930 இல் மகாத்மா காந்திக்கு எதிராக அப்பத்திரிகை திரும்பியதால் அது வாசக்ர்கள் மத்தியில் செல்வாக்கை இழந்தது. 

'தமிழ்நாடு’ பத்திரிகையின் கொள்கை பிடிக்காமல், சில காங்கிரஸ்காரர்கள் சேர்ந்து ’இந்தியன்’ என்ற பத்திரிகையை ஆரம்பித்தனர். ஆரம்பத்தில் நல்ல வரவேற்பை பெற்ற அந்தப் பத்திரிகை பிறகு வளர்ச்சி இல்லாமல் தேக்கநிலையை அடைந்தது. 

1933-ல் 'ஜெயபாரதி’ என்ற பெயரில், காலணா விலையில் 8 பக்கங்களுடன் ஒரு பத்திரிகை வெளியானது, இந்திய நிறுவனங்களிடம் மட்டுமே விளம்பரம் வாங்குவது, பிற நிறுவனங்களிடம் வாங்குவதில்லை என்ற கொள்கை காரணமாக அது வருமானம் இல்லாமல் தோல்வி கண்டது. 

1933-ல் நிலவிய இத்தகைய சூழலில்தான் தமிழ் பத்திரிகை உலகின் மீது சதானந்தத்தின் கண்கள் பதிந்தன. ஓரணா விலையில் மூன்று தினசரிகள், காலணா விலையில் ஒரு பத்திரிகை என்று 4 தமிழ் பத்திரிகைகள் மாலையில் வெளி வந்து கொண்டிருந்தன. 'ஃப்ரீ பிரஸ்’ செய்திகளுடன், அரையணா விலையில் தேசிய பத்திரிகை ஒன்றை தமிழில் கொண்டு வந்தால், நன்கு விற்பனையாகும் என்று சதானந்த் அப்போது நினைத்தார். இதன் விளைவாக 'தி இந்தியன் எக்ஸ்ப்ரஸ்’ நாளிதழில் பின்வரும் விளம்பரத்தை வெளியிட்டார். 

'பத்து ரூபாய் பரிசு!’

'புதிதாக வரவிருக்கும் தமிழ் தேசிய நாளிதழுக்கு நல்லதொரு பெயரைத் தெரிவிக்கும் வாசகருக்கு பத்து ரூபாய் பரிசு தரப்படும். அந்தப் பெயர் சுருக்கமாகவும், மனதில் தைப்பதாகவும் இருக்க வேண்டும். பரிசுக்குரிய பெயரைத் தேர்வு செய்வதில் ஆசிரியரின் முடிவே இறுதியானது. ஆகஸ்டு 10-க்குள் வாசகர்கள் பெயரை எழுதி அனுப்பலாம்.’ என்பதே அந்த விளம்பரம். 

ஒரு மாதத்திற்குப் பிறகு, பெயர் சூட்டும் போட்டி முடிவு 'இந்திய எக்ஸ்ப்ரஸில்’ மற்றொரு அறிவிப்பின் மூலம் தெரிவிக்கப்பட்டது.

பரிசு அறிவிப்பு!

'புதிய தமிழ்த் தேசிய நாளிதழுக்குத் தகுந்த பெயரைச் சூட்டுமாறு வாசகர்களைக் கேட்டிருந்தோம். அழைப்புக்கு ஏற்ப குவிந்த ஏராளமான பெயர்ளில், ’தினமணி’ என்ற பெயரை ஏற்கிறோம். இந்தப் பெயரை எழுதி அனுப்பிய இரண்டு வாசகர்களுக்கு 10 ரூபாய்ப் பரிசு பகிர்ந்து அளிக்கப்படுகிறது. 

1. திரு.டி.என் அஷயலிங்கம், 43, பரிபூர்ண வினாயக கோயில் தெரு, மயிலாப்பூர், மெட்ராஸ்.
2. திரு.எஸ்.சுவாமிநாதன், சவுரி விலாஸ், தியாகராய நகர், தேனாம்பேட்டை தபால் அலுவலகம்.

போட்டியில் வெற்றி பெற்றவர்களின் பெயர்கள் பிரசுரமான அதே நாளில், ’தேசிய தமிழ் தினசரி’ என்ற பெயரில் மற்றொரு விளம்பரம் 'இந்தியன் எக்ஸ்ப்ரஸில்’ பிரசுரமானது. இரண்டு நாட்களுக்குப் பிறகு, செப்டம்பர் 11-ம் தேதி பாரதியார் நினைவு நாளின் போது, தினமணி என்ற புதிய தேசிய தினசரி பிரசுரமாகும் என்ற முழு பக்க விளம்பரம் இந்தியன் எக்ஸ்ப்ரஸில் இடம்பெற்றது.

விளம்பரம் வருமாறு:

'பாரதியார் நினைவு நாளும் தினமணி தொடக்க நாளும் ஒன்றே. 11.9.1934.

பாரதியார் நீடூழி வாழ்க! தினமணி நீடூழி வாழ்க!’

தினமணி முன்னணித் தேசியத் தமிழ் நாளிதழ். ஏனென்றால் அது எந்தக் கட்சியையும் சார்ந்தது அல்ல. சுயநல நோக்கம் எதுவுமில்லை. மக்களுக்குச் சொந்தமான ஒரே பத்திரிகை. 

அதன் செய்திகள் நேர்த்தியானவை, முழுமையானவை. இப்போதுள்ள செய்தி நிறுவனங்களின் செய்திகளையும், அயல்நாடுகளிலும் இந்தியாவிலும் உள்ள தனது விசேஷ நிருபர்களின் செய்திகளையும்
தாங்கி வருகிறது. 

சூடும், சுவையும் நிரம்பிய கட்டுரைகள் தகவல்களைக் கொண்டது. 'காந்தி’ பத்திரிகையின் ஆசிரியர் டி.எஸ்.சொக்கலிங்கம், 'சுதந்திரச் சங்கு’ பத்திரிகையின் முன்னாள் ஆசிரியர் எஸ்.சுப்ரமணியம் ஆகியோர் அதன் ஆசிரியர் பகுதிக்குப் பொறுப்பேற்றுள்ளனர். சேவை, உண்மை, சுதந்திரம் ஆகியவையே அதன் லட்சியங்கள். சாதி, மதம், இனம் என்ற பாகுபாடு பார்க்காமல் மக்களுக்காக பாடுபடும் லட்சியம் கொண்டது.

முக்கியமான எல்லா மையங்களுக்கும் ஏற்கனவே ஏஜெண்டுகள் நியமிக்கப்பட்டுவிட்டார்கள்: பெங்களூர், செங்கல்பட்டு, காஞ்சிவரம், விழுப்புரம், கடலூர், சிதம்பரம், கும்பகோணம், தஞ்சாவூர், திருச்சிராப்பள்ளி, மதுரை, திருநெல்வேலி, மன்னார்குடி, நாகப்பட்டினம், விருதுநகர், தென்காசி, வேலூர், கோயம்புத்தூர், திருப்பூர், திருச்சூர் மற்றும் பாலக்காடு.

இன்னும் ஒரு சில ஏஜெண்டுகளே தேவை:

விரும்புவோர் மேற்கொண்டு விவரம் அறிய, விற்பனைப் பிரிவு மேலாளர், தினமணி, 40 -42-ஏ, மூக்கர் நல்லமுத்துச் செட்டி தெரு, ஜார்ஜ் டவுண், மெட்ராஸ் என்ற முகவரியுடன் தொடர்பு கொள்ளவும்.
இதுதான் அந்த விளம்பரம்.

இதையடுத்து, 'தினமணி’ எப்படி இருக்க வேண்டும் என்று பல்வேறு தரப்பிலிருந்தும் ஆலோசனைகள் வந்து குவிந்தன. சில பாரம்பரியமானவை, சில மிகவும் நாகரிகமானவை.

'தினமணி’ என்ற பெயரே புதுமையானதாகவும், கவர்ச்சிகரமானதாகவும் ஒன்றுக்கும் மேற்பட்ட பொருளைத் தருவதாகவும் இருந்தது. 

கர்நாடக இசைப் பாடலில் 'தினமணி வம்ச’ என்று தொடங்கும் பாடல் சூரியனைப் போற்றும் பிரபலமான பாடலாகும். நேரடியாகப் பொருள் கொண்டால், அன்றாடம் ஆட்சியாளர்களைத் தட்டி எழுப்பும் மணி
(தின மணி) என்றும் கருதலாம். ஒரு தினசரிக்கு இது மிகவும் பொருத்தமல்லவா? 

இந்தப் பெயர் எளிதாகவும் இனிமையாகவும் சுருக்கமாகவும் இருக்கிறது. இப்படிப்பட்ட பெயரைச் சூட்டியதற்கு 10 ரூபாய்தானா பரிசு என்று நினைக்காதீர்கள். அந்தக் காலத்தில் இந்தத் தொகையைக் கொண்டு ஆண்டு சந்தாவே கட்டிவிடலாம். 

பெயரைத் தேர்வு செய்ய முடியாமல், இதை வாசகர்களின் பொறுப்புக்கு விடவில்லை, சதானந்தம். புதிய நாளிதழின் பெயர் சூட்டலிலிருந்து அனைத்து விஷயங்களிலும் வாசகர்களின் பங்கேற்பு நேரடியாக இருக்க வேண்டும் என்று அவர