Dinamani - கல்வி - http://www.dinamani.com/education/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2825365 கல்வி டிச. 31-க்குள் பள்ளி மாணவர்கள் அனைவருக்கும் ஆதார் அட்டை கட்டாயம் DIN DIN Wednesday, December 13, 2017 03:43 AM +0530 இம்மாதம் 31-ஆம் தேதிக்குள் தொடக்கக் கல்வியில் பயிலும் அனைத்து மாணவர்களுக்கும் ஆதார் புகைப்பட அடையாள அட்டை கட்டாயம் எடுக்கப்பட்டிருக்க வேண்டும் என தமிழக அரசின் பள்ளிக் கல்வித் துறை உத்தரவிட்டுள்ளது.
இதுகுறித்து பள்ளிக் கல்வித் துறையின் தொடக்கக் கல்வி இயக்குநர் கார்மேகம் பிறப்பித்த உத்தரவு: 
2017-18-ஆம் கல்வியாண்டில் தமிழ்நாடு அரசுப் பள்ளிக் கல்வித் துறை, தொடக்கக் கல்வி இயக்க கட்டுப்பாட்டில் உள்ள அனைத்து வகை பள்ளிகளில் பயிலும் மாணவர்களில் இதுவரை ஆதார் அட்டை எடுக்காதவர்களுக்கு ஒன்றிய அளவில் ஆதார் எடுப்பதற்கான பணிகளை உதவித் தொடக்கக் கல்வி அலுவலர்கள் விரைந்து முடிக்க வேண்டும். இப்பணிகள் டிசம்பர் 31-க்குள் முடிக்கப்பட வேண்டும்.
ஆதார் புகைப்பட அட்டை எடுக்கப்படாத மாணவர்களின் ஒட்டு மொத்த விவரங்களைப் பெற்று, ஆதார் எடுக்கும் முகமையினரிடம் செயல்திட்டத்தை வழங்கி, ஆதார் எடுக்கும் நாள்களில் அம்மையத்தில் கல்வித் துறையைச் சார்ந்த பொறுப்பான நபர் ஒருவரை நியமித்து அனைத்து மாணவர்களுக்கும் ஆதார் புகைப்பட அட்டை எடுக்கும் பணியை உதவித் தொடக்கக் கல்வி அலுவலர்கள் நடத்தி முடிக்க வேண்டும். 
ஆதார் அட்டை எடுக்க மாணவர்களை ஒரு இடத்தில் இருந்து வேறு இடத்துக்கு அழைத்துச் செல்லும் போது, பெற்றோர்களின் அனுமதியுடனும், பாதுகாப்பாகவும் அழைத்துச் செல்ல வேண்டும்.
இப்பணிகள் முடிவடைந்த நிலையில், ஏற்கெனவே ஆதார் எடுக்கப்பட்ட மாணவர்களினுடைய ஆதார் எண்ணிக்கை மேற்கண்ட தகவல் முறைமையில் பதிவேற்றம் செய்யும் பணியையும் மேற்கொள்ள வேண்டும். தற்போது ஆதார் புகைப்படம் எடுக்கும் மாணவர்களுக்கு ஆதார் எண் கிடைக்கப் பெற்றதும் அவ்விவரத்தையும் கல்வி மேலாண்மை தகவல் முறைமையில் பதிவேற்றம் செய்ய வேண்டும் என உத்தரவிடப்பட்டுள்ளது.
கல்வி மேலாண்மை தகவல் முறைமையில் அனைத்து மாணவர்களின் விவரங்கள் பதிவு முடிவடைந்த நிலையில், குறைந்த எண்ணிக்கையுள்ள மாணவர்கள் இருக்கும் பள்ளியில் அதிக எண்ணிக்கையில் பணியாற்றும் ஆசிரியர்கள் மாற்றப்படுதல், 20-க்கும் குறைந்த நிலையில் மாணவர்கள் எண்ணிக்கை உள்ள தொடக்கப் பள்ளிகளை அருகே இருக்கும் பள்ளிகளோடு இணைக்கும் நடவடிக்கை மேற்கொள்ளப்பட்டு, அரசு உதவி பெறும் பள்ளிகளில் இருக்கும் உபரி ஆசிரியர் பணியிடங்களைத் திரும்ப அரசிடம் ஒப்படைக்கு பணிகள் நடைபெறும் எனத் தெரிகிறது.
 

]]>
http://www.dinamani.com/education/2017/dec/13/டிச-31-க்குள்-பள்ளி-மாணவர்கள்-அனைவருக்கும்-ஆதார்-அட்டை-கட்டாயம்-2825365.html
2825251 கல்வி தொலைநிலைக் கல்வி நிறுவன தேர்வுகள்: நுழைவுச் சீட்டுகள் பதிவேற்றம் DIN DIN Wednesday, December 13, 2017 01:28 AM +0530 சென்னைப் பல்கலைக்கழக தொலைநிலைக் கல்வி நிறுவனம் சார்பில் டிசம்பர் மாதத் தேர்வுகள் அறிவிக்கப்பட்டுள்ளன. இதுகுறித்து பல்கலைக்கழகம் வெளியிட்ட செய்தி:
தொலைநிலைக் கல்வி நிறுவனம் சார்பில் வழங்கப்படும் இளநிலை, முதுநிலை பட்டப்படிப்புகளுக்கான டிசம்பர் மாதத் தேர்வுகள் வருகிற 16 -ஆம் தேதி தொடங்க உள்ளன. 
இந்தத் தேர்வுகள் அனைத்தும் வார இறுதி நாள்களான சனி, ஞாயிற்றுக்கிழமைகளில் மட்டும் நடத்தப்படும். பட்டயப் படிப்பு மற்றும் சான்றிதழ் படிப்புகளுக்கான தேர்வுகள் ஜனவரி 2 -ஆம் தேதி முதல் தொடங்க உள்ளன. 
இந்தத் தேர்வுகள் அனைத்து நாள்களும் நடத்தப்படும்.
இந்தத் தேர்வுகளுக்கான கால அட்டவணைகள், மாணவர்களுக்கான தேர்வறை நுழைவுச் சீட்டுகள் அனைத்தும் பல்கலைக்கழக இணையதளத்தில் www.unom.ac.in பதிவேற்றம் செய்யப்பட்டுள்ளன என அதில் தெரிவிக்கப்பட்டுள்ளது.

]]>
http://www.dinamani.com/education/2017/dec/13/தொலைநிலைக்-கல்வி-நிறுவன-தேர்வுகள்-நுழைவுச்-சீட்டுகள்-பதிவேற்றம்-2825251.html
2824988 கல்வி சிபிஎஸ்இ 10, 12-ம் வகுப்பு தேர்வுகளில் மதிப்பெண் முறை பின்பற்றப்படும்: சிபிஎஸ்இ அறிவிப்பு PTI PTI Tuesday, December 12, 2017 10:16 AM +0530 புதுதில்லி: சிபிஎஸ்இ பாடத்திட்டத்தில், வருகிற மார்ச் மாதம் நடக்கும் 10 மற்றும் 12-ஆம் வகுப்பு தேர்வுகளில் மதிப்பெண் முறை பின்பற்றப்படும் என்று மத்திய கல்வி வாரியம் (சிபிஎஸ்இ) நேற்று திங்கள்கிழமை அறிவித்துள்ளது.

சிபிஎஸ்இ பாடத்திட்டத்தில் தற்போது, கிரேட் முறை பின்பற்றப்படும் நிலையில், வருகிற 2018 ஆம் ஆண்டு மார்ச் மாதம் நடக்கும் 10 மற்றும் 12-ஆம் வகுப்பு தேர்வுகளில் மதிப்பெண் முறையே மீண்டும் பின்பற்றப்படும் என்று மத்திய கல்வி வாரியம் (சிபிஎஸ்இ) நேற்று திங்கள்கிழமை அறிவித்தது. மேலும், 10-ஆம் வகுப்புக்கு பொதுத்தேர்வு கட்டாயம் ஆவதாகவும் சிபிஎஸ்இ மீண்டும் தெரிவித்துள்ளது.

10-ஆம் வகுப்புக்கு கணிதம், அறிவியல், சமூக அறிவியல், ஆங்கிலம் (தகவல் தொடர்பு), ஆங்கிலம் (மொழி மற்றும் இலக்கியம்) ஆகிய பாடங்களுக்கும், 12-ஆம் வகுப்பு தேர்வில் கணக்கு பதிவியல், உயிரியல், வணிக கல்வி, வேதியியல், பொருளாதாரம், ஆங்கிலம், ஹிந்தி, கணிதம், இயற்பியல் ஆகிய பாடங்களுக்கும் மதிப்பெண் முறை பின்பற்றப்படும் என்று சிபிஎஸ்இ தெரிவித்துள்ளது.

மதிப்பெண் முறையை இணையதளத்தில் பார்த்து கொள்ளலாம் என்றும், தேர்வு கால அட்டவணை விரைவில் அறிவிக்கப்படும் என்றும் கூறியுள்ளது. 

மேலும், நாடு முழுவதும் 18 ஆயிரத்துக்கும் அதிகமான பள்ளிகள் சிபிஎஸ்இ உடன் இணைக்கப்பட்டுள்ளன. இதில்,10,678 பள்ளிகள் 12-ஆம் வகுப்பு தேர்வுக்கு பதிவு செய்துள்ளன. அதில், மாணவர்கள் 6,38,865 பேர், மாணவிகள் 4,60,026 பேர் என மொத்தம் 10,98,891 பேர் இந்த ஆண்டு தேர்வுக்கு விண்ணப்பித்துள்ளார்கள் பதிவு செய்துள்ளனர். 

கடந்த 2017-ஆம் ஆண்டுடன் ஒப்பிடுகையில், 2.82 சதவீதம் அதிகரித்துள்ளது. சுமார் 10,67,900 மாணவர்களில், 6,21,259 பேர் மாணவர்கள், 4,46,641 மேர் மாணவிகள் என தெரிவிக்கப்ட்டுள்ளது. 

]]>
new delhi, Central Board of Secondary Education (CBSE) , marking scheme , 10 and 12 examinations, re-introduced http://images.dinamani.com/uploads/user/imagelibrary/2017/3/10/w600X390/sslc_exam-15.jpg http://www.dinamani.com/education/2017/dec/12/cbse-notifies-marking-scheme-for-class-10-12-examinations--2824988.html
2822658 கல்வி புதுச்சேரியில் விதிமுறைகளை மீறி எம்.பி.பி.எஸ். சேர்ந்த 105 மாணவர்கள் நீக்கம்? DIN DIN Friday, December 8, 2017 10:45 AM +0530 புதுச்சேரி சென்டாக் சென்டாக் மூலம் தேர்வு செய்யப்பட்ட 56 மாணவர்களை தனியார் மருத்துவக் கல்லூரி மருத்துவமனை - ஆராய்ச்சி மையத்தில் இருந்து வெளியேற்றக் கூடாது என இந்திய மருத்துவக் கழகத்துக்கு புதுவை அரசு பரிந்துரைத்தது.  

இதுகுறித்து புதுவை மாநில நலவழித் துறை சார்பில் வியாழக்கிழமை வெளியிட்ட செய்திக் குறிப்பு:  

இந்திய மருத்துவக் கழகமானது புதுச்சேரியில் இயங்கி வரும் மூன்று சுயநிதி மருத்துவக் கல்லூரிகளில் பட்ட மருத்துவக் கல்விக் கட்டுப்பாட்டுச் சட்டம் 1997-இன்படி, 2017-18 ஆம் கல்வியாண்டில் மருத்துவப் பட்டப் படிப்பில் சேர்க்கப்பட்ட 105 மாணவர்களை விடுவிக்க கடந்த செப்டம்பர் மாதம் உத்தரவிட்டது.  

இந்திய மருத்துவக் கழகத்தின் இந்த வெளியேற்ற நடவடிக்கையானது, தனியார் மருத்துவக் கல்லூரிகளால் அளிக்கப்பட்ட பட்டியலில் உள்ள மாணவர்களின் பெயர்கள், சென்டாக் வழங்கிய பட்டியலில் இல்லாததன் அடிப்படையில் எடுக்கப்பட்டதாகும். 

இந்திய மருத்துவக் கழகத்தின் இந்த அறிவுறுத்தலை புதுவை பல்கலைக்கழகப் பதிவாளர் மற்றும் தமிழ்நாடு மாநில மருத்துவக் கழகத்தின் கவனத்துக்கு புதுவை அரசு தெரிவித்தது.  இந்திய மருத்துவக் கழகமானது மணக்குள விநாயகர் மருத்துவ கல்லூரியில் - 41, வெங்கடேஸ்வரா கல்லூரியில் - 38, பிம்ஸ் மருத்துவ கல்லூரியில் - 26 என 105 மாணவர்கள் வெளியேற வேண்டிய சூழல் ஏற்பட்டுள்ளது. ஸ்ரீ வெங்டேஸ்லரா மருத்துவக் கல்லூரி மருத்துவமனை - ஆராய்ச்சி மையத்தில் இருந்து சென்டாக் வழங்கிய 56 மாணவர்களை (55 அரசு ஒதுக்கீடு மற்றும் ஒரு நிர்வாக ஒதுக்கீடு) வெளியேற்றும்படி தவறுதலாகக் கூறியிருந்தது குறிப்பிடத்தக்கது.  

சென்டாக் வழங்கிய இந்த 56 மாணவர்கள் தொடர்பான நடவடிக்கையைத் திரும்பப் பெற வேண்டும் என்று இந்திய மருத்துவக் கழகத்தை புதுவை அரசு அணுகியுள்ளது. மேலும், இந்திய மருத்துவக் கழகத்திடம் இருந்து அடுத்த ஆணை (அ) கடிதம் வரும் வரை மாணவர்களை வெளியேற்றாமல் இருக்க அந்தத் தனியார் கல்லூரிக்கு புதுவை அரசு அறிவுறுத்தியுள்ளது.  

எனவே, இந்த 56 மாணவர்களும் அவர்களது பெற்றோர்களும் அச்சம் கொள்ளத் தேவையில்லை என்றும், இது தொடர்பாக வதந்திகள் பரப்பப்பட்டால் அதை நம்ப வேண்டாம் என்று கேட்டுக் கொண்டுள்ளது. 

இதுதொடர்பான மேலும் விவரங்களுக்கு புதுவை நலவழித் துறை இயக்குநரை தொடர்பு கொள்ளலாம் எனவும் தெரிவிக்கப்பட்டுள்ளது. 

மருத்துவ கழகத்தின் அதிரடி நடவடிக்கையால் புதுச்சேரி எம்.பி.பி.எஸ். மாணவர்கள் கலக்கம் அடைந்துள்ளனர்.

]]>
http://images.dinamani.com/uploads/user/imagelibrary/2017/12/8/w600X390/medical-stud.jpg http://www.dinamani.com/education/2017/dec/08/புதுச்சேரியில்-விதிமுறைகளை-மீறி-எம்பிபிஎஸ்-சேர்ந்த-105-மாணவர்கள்-நீக்கம்-2822658.html
2821588 கல்வி படிப்பு உதவித் தொகை தேர்வு நுழைவுச் சீட்டு நாளை முதல் பதிவிறக்கம் செய்யலாம் DIN DIN Thursday, December 7, 2017 02:25 AM +0530 தேசிய வருவாய் வழி-திறன் படிப்பு உதவித் தொகை திட்டத் தேர்வுக்கு விண்ணப்பித்துள்ள தேர்வர்களுக்கான தேர்வுக்கூட நுழைவுச் சீட்டுகளை தொடர்புடைய பள்ளியின் தலைமையாசிரியர்கள் வெள்ளிக்கிழமை (டிச.8) முதல் www.dge.tn.gov.in என்ற இணையதளம் மூலம் பதிவிறக்கம் செய்யலாம் என அரசுத் தேர்வுகள் இயக்ககம் அறிவித்துள்ளது. இது தொடர்பாக அரசுத் தேர்வுகள் இயக்குநர் வசுந்தராதேவி புதன்கிழமை வெளியிட்ட செய்தி:

தேசிய வருவாய் வழி-திறன் படிப்பு உதவி தொகை திட்டத் தேர்வு வரும் டிச. 16-ஆம் தேதி நடைபெறவுள்ளது. 
விண்ணப்பித்துள்ள தேர்வர்களுக்கான தேர்வுக்கூட நுழைவுச் சீட்டுகளைப் பள்ளிகளுக்கு ஏற்கெனவே வழங்கப்பட்டுள்ள USER ID மற்றும் PASSWORD-ஐ பயன்படுத்தி பள்ளியின் முதல்வர் அல்லது தலைமையாசிரியர் பதிவிறக்கம் செய்து மாணவர்களுக்கு வழங்கலாம்.

]]>
http://www.dinamani.com/education/2017/dec/07/படிப்பு-உதவித்-தொகை-தேர்வு-நுழைவுச்-சீட்டு-நாளை-முதல்-பதிவிறக்கம்-செய்யலாம்-2821588.html
2820951 கல்வி அரையாண்டுத் தேர்வுகள் நாளை தொடக்கம் DIN DIN Wednesday, December 6, 2017 01:12 AM +0530 தமிழக பள்ளிகளில் ஆறாம் வகுப்பு முதல் பிளஸ் 2 வரை படிக்கும் மாணவர்களுக்கு அரையாண்டுத் தேர்வுகள் வியாழக்கிழமை தொடங்கவுள்ளன.
தமிழகத்தில் செயல்பட்டு வரும் அரசு மற்றும் அரசு உதவி பெறும் பள்ளிகள், தனியார் பள்ளிகளில், இந்த ஆண்டுக்கான அரையாண்டுத் தேர்வு குறித்த அறிவிப்பை பள்ளிக் கல்வித் துறை கடந்த அக்டோபர் மாதம் வெளியிட்டது. மேலும், தேர்வுக்கான அட்டவணையும் வெளியிடப்பட்டது.
இந்த ஆண்டு முதல் பத்தாம் வகுப்பு, பிளஸ் 1 மற்றும் பிளஸ் 2 வகுப்புகளுக்கு மாநிலம் முழுவதும் ஒரே கேள்வித்தாள்கள் இடம்பெற உள்ளன. தற்போது கேள்வித்தாள்கள் அச்சிட்டு மாவட்டங்களுக்கு அனுப்பும் பணி நடைபெற்று வருகிறது. இதையடுத்து வியாழக்கிழமை (டிச. 7) அரையாண்டு தேர்வுகள் தொடங்குகின்றன. பிளஸ் 1, பிளஸ் 2 வகுப்புகளுக்கு டிசம்பர் 7 முதல் டிசம்பர் 23 -ஆம் தேதி வரையிலும், பத்தாம் வகுப்புக்கான தேர்வுகள் டிசம்பர் 11 முதல் டிசம்பர் 23 -ஆம் தேதி வரையிலும் நடைபெறவுள்ளன. அதற்கு பிறகு விடுமுறை அறிவிக்கப்படும்.
 

]]>
http://images.dinamani.com/uploads/user/imagelibrary/2017/6/6/w600X390/10th_exam.jpg http://www.dinamani.com/education/2017/dec/06/அரையாண்டுத்-தேர்வுகள்-நாளை-தொடக்கம்-2820951.html
2820558 கல்வி பிளஸ் 2 துணைத் தேர்வு: மறுமதிப்பீடு முடிவுகள் இன்று வெளியீடு DIN DIN Tuesday, December 5, 2017 07:53 AM +0530 பிளஸ் 2 துணைத் தேர்வுகளுக்கான மறுமதிப்பீடு முடிவுகள் செவ்வாய்க்கிழமை வெளியிடப்படவுள்ளது. 

இது குறித்து அரசுத் தேர்வுகள் இயக்ககம் வெளியிட்ட அறிவிப்பு:-
கடந்த செப்டம்பர் - அக்டோபர் மாதங்களில் பிளஸ் 2 துணைத்தேர்வு எழுதிய தேர்வர்களில் மறுகூட்டல், மறுமதிப்பீடு கோரி விண்ணப்பித்தவர்களில் மதிப்பெண் மாற்றம் உள்ள பதிவெண்கள் அடங்கிய பட்டியல் செவ்வாய்க்கிழமை பிற்பகல் 3 மணிக்கு மேல் www.tndge.in என்ற இணையதளத்தில் வெளியிடப்படும்.

மேலும், மதிப்பெண் மாற்றம் உள்ள தேர்வர்கள் தங்களுக்கான தாற்காலிக மதிப்பெண் சான்றிதழை www.dge.tn.nic.in என்ற இணையதளத்துக்குச் சென்று பதிவெண் மற்றும் பிறந்ததேதியை பதிவு செய்து பதிவிறக்கம் செய்து கொள்ளலாம். மதிப்பெண் சான்றிதழ் வழங்கும் தேதி பின்னர் தெரிவிக்கப்படும்.

]]>
http://images.dinamani.com/uploads/user/imagelibrary/2015/2/4/4/w600X390/tn_education.jpg http://www.dinamani.com/education/2017/dec/05/பிளஸ்-2-துணைத்-தேர்வு-மறுமதிப்பீடு-முடிவுகள்-இன்று-வெளியீடு-2820558.html
2820173 கல்வி 300 தனியார் பொறியியல் கல்லூரிகளில் வரும் கல்வி ஆண்டில் மாணவர்களை சேர்க்க தடை: ஏ.ஐ.சி.டி.இ DIN DIN Monday, December 4, 2017 11:22 AM +0530 நாடு முழுவதும் உள்ள 300 தனியார் பொறியியல் கல்லூரிகள் வரும் கல்வியாண்டில் புதிய மாணவர் சேர்க்கை நடத்த அகில இந்திய தொழில்நுட்ப கல்வி கவுன்சில் தடை விதித்துள்ளது. 

இந்தியாவில் 3 ஆயிரத்திற்கும் அதிகமான தனியார் பொறியியல் கல்லூரிகள் இயங்கி வருகின்றன. அவற்றில் 13.56 லட்சம் மாணவர்கள் பயின்று வருகின்றனர். அவற்றில் 800 கல்லூரிகளில் மாணவர்களின் சேர்க்கை 50 சதவீதத்திற்கும் குறைவாக உள்ளது. 

கடந்த சில வருடங்களாக பொறியியல் கல்லூரிகளில் மாணவர்கள் சேர்க்கை படிப்படியாக குறைந்து வருகிறது. என்ஜினீயரிங் படிப்பு மீதுள்ள மோகம் குறைந்ததால் கல்லூரிகளில் சேர ஆர்வம் காட்டவில்லை.

சிறந்த கட்டமைப்பு வசதிகள் கொண்ட கல்லூரிகளை மட்டும் மாணவர்கள் தேர்வு செய்து வருவதால் அடிப்படை கட்டமைப்பு வசதிகள் இல்லாத கல்லூரிகளை புறக்கணித்தனர். இதனால் அந்த கல்லூரிகளில் மாணவர்கள் சேராததால் தொடர்ந்து நடத்த முடியாத நிலை ஏற்பட்டுள்ளது.

கடந்த ஆண்டு 50 ஆயிரத்திற்கும் மேற்பட்ட பொறியியல் இடங்கள் நிரப்பப்படாமலேயே இருந்தன என்பது குறிப்பிடத்தக்கது. மாணவர்கள் சேர்கை இல்லாமலும் மிக குறைந்த எண்ணிக்கையில் சேர்ந்த மாணவர்களை வைத்துக்கொண்டு தொடர்ந்து கல்லூரிகளை நடத்த முடியாத நிலை ஏற்பட்டது.

இந்நிலையில், கடந்த 5 ஆண்டுகளில் தொடர்ச்சியாக 30 சதவீதத்திற்கும் குறைவான மாணவர் சேர்க்கை உள்ள தனியார் பொறியியல் கல்லூரிகளை விரைவில் மூடப்பட வேண்டும். அந்த கல்லூரிகளில் அடுத்த கல்வியாண்டிற்கான புதிய மாணவர்களை சேர்க்கையை உடனிடியாக நிறுத்த வேண்டும் என அனைத்திந்திய தொழில்நுட்ப கல்விக் கவுன்சில் (ஏ.ஐ.சி.டி.இ) அனுமதி அளித்துள்ளது.

மேலும் மாணவர் சேர்க்கை 30 சதவீதத்துக்கும் குறைவாக உள்ள 500 பொறியியல் கல்லூரிகளை கண்காணித்து வருவதாக மத்திய மனிதவள மேம்பாட்டுத்துறை அமைச்சக அதிகாரிகள் தெரிவித்துள்ளனர்.

மாணவர் சேர்க்கைக்கு தடைவிதிக்கப்பட்டுள்ள கல்லூரிகள் விரும்பினால், கலை மற்றும் அறிவியல் கல்லூரிகளாகவோ, தொழில்பயிற்சி கல்லூரிகளாகவோ மாறிக்கொள்ளலாம் என ஏ.ஐ.சி.டி.இ. கூறியுள்ளது. 

பொறியியல் கல்லூரிகளின் வங்கிக்கடன், முதலீட்டுத்தொகை ஆகியவற்றை கருத்தில் கொண்டு, கலை, அறிவியல் கல்லூரிகளாக மாற வாய்ப்பு அளிக்கப்படுவதாக ஏ.ஐ.சி.டி.இ. விளக்கமளித்துள்ளது.

]]>
New Delhi, HRD ministry, 300 private engineering colleges, stop operations, 2018-19 academic sessions, All India Council for Technical Education (AICTE) http://images.dinamani.com/uploads/user/imagelibrary/2017/12/4/w600X390/aicte.jpg http://www.dinamani.com/education/2017/dec/04/300-private-engineering-colleges-likely-to-be-asked-to-shut-operations-heres-why-2820173.html
2818723 கல்வி கல்வி உதவித்தொகை: புதுப்பித்தல் விண்ணப்பங்கள் வரவேற்பு DIN DIN Saturday, December 2, 2017 02:22 AM +0530 மத்திய அரசின் கல்வி உதவித்தொகையை பெறும் கல்லூரி மாணவர்களிடமிருந்து அதற்கான புதுப்பித்தல் விண்ணப்பங்கள் வரவேற்கப்படுகின்றன.
இதுகுறித்து மத்திய இடைநிலைக் கல்வி வாரியம் வெளியிட்ட செய்தி: மத்திய அரசு கல்வி உதவித்தொகைகளை கடந்த 2012, 2013, 2014 ஆகிய ஆண்டுகளிலிருந்து பெற்று வரும் கல்லூரி, பல்கலைக்கழக மாணவர்களிடமிருந்து, உதவித் தொகை புதுப்பித்தலுக்கான விண்ணப்பங்கள் வரவேற்கப்படுகின்றன. இதுதொடர்பான விவரங்களை ஆன் -லைனில் பதிவு செய்ய வரும் 15 -ஆம் தேதி (டிச.15) கடைசி நாளாகும். பூர்த்தி செய்த விண்ணப்பத்தைப் பதிவிறக்கம் செய்து சமர்ப்பிப்பதற்கு டிசம்பர் 31 -ஆம் தேதி கடைசி நாளாகும். மேலும் விவரங்களை ஜ்ஜ்ஜ்.ஸ்ரீக்ஷள்ங்.ய்ண்ஸ்ரீ.ண்ய் என்ற இணையதளத்தில் பெறலாம்.
 

]]>
http://www.dinamani.com/education/2017/dec/02/கல்வி-உதவித்தொகை-புதுப்பித்தல்-விண்ணப்பங்கள்-வரவேற்பு-2818723.html
2816811 கல்வி மீலாது நபி: சென்னைப் பல்கலை. தேர்வு ஒத்திவைப்பு DIN DIN Wednesday, November 29, 2017 01:43 AM +0530 மீலாது நபி விடுமுறை (டிசம்பர் 2) காரணமாக சென்னைப் பல்கலைக்கழகத் தேர்வுகள் வேறு தேதிக்கு மாற்றி வைக்கப்பட்டுள்ளன.
இது தொடர்பாக சென்னைப் பல்கலைக்கழகம் வெளியிட்ட செய்திக் குறிப்பு: 
மீலாது நபி பண்டிகையை முன்னிட்டு வரும் சனிக்கிழமை (டிச.2) விடுமுறை என தமிழக அரசு அறிவித்துள்ளது. எனவே, அன்றைய தினம் நடைபெற இருந்த பருவத் தேர்வுகள் அனைத்தும் டிசம்பர் 7-ஆம் தேதி நடத்தப்படும்.
 

]]>
http://www.dinamani.com/education/2017/nov/29/மீலாது-நபி-சென்னைப்-பல்கலை-தேர்வு-ஒத்திவைப்பு-2816811.html
2814328 கல்வி பொறியியல் மாணவர்களுக்கு மூன்று வார கட்டாய அறிமுகப் பயிற்சி: ஏஐசிடிஇ அறிவுறுத்தல்  DIN DIN Saturday, November 25, 2017 10:42 AM +0530 பொறியியல் முதலாம் ஆண்டு மாணவர்களுக்கு 3 வார கட்டாய அறிமுகப் பயிற்சி அளிக்கப்பட வேண்டும் . அதன் பிறகே, வழக்கமான வகுப்புகள் தொடங்கப்பட வேண்டும் என நாடு முழுவதும் உள்ள பொறியியல் கல்லூரிகளை அகில இந்திய தொழில்நுட்ப கவுன்சில் (ஏஐசிடிஇ) அறிவுறுத்தியுள்ளது.

நிறுவனங்களின் இன்றைய தேவையைப் பூர்த்தி செய்யும் வகையிலும், நாடு முழுவதும் ஒரே மாதிரியான கல்வித் திட்டம் நடைமுறையில் இருக்கும் வகையிலும் மாதிரி பொறியியல் கல்வித் திட்டத்தை ஏஐசிடிஇ உருவாக்கி வருகிறது. முதல்கட்டமாக பொறியியல் முதலாமாண்டு மாணவர்களுக்கான முதல் இரண்டு பருவங்களுக்கான கல்வித் திட்டத்தை முழுமையாக மாற்றியமைத்து, வெளியிட்டுள்ளது.

3 வார கட்டாய அறிமுகப் பயிற்சி: இதில் மாணவர்களுக்கான மூன்று வார கட்டாய அறிமுகப் பயிற்சி இடம்பெற்றுள்ளது. அதாவது, கல்லூரியில் புதிதாக நுழையும் மாணவர்கள் கல்லூரிச் சூழல், சக மாணவர்கள், ஆசிரியர்கள், தேர்வு செய்துள்ள துறை சார்ந்த விவரங்கள் குறித்த புரிதலை ஏற்படுத்தி, அச்சமற்ற தொடக்கத்தை மாணவர்களுக்கு ஏற்படுத்தித் தருவதே இந்தப் பயிற்சியின் நோக்கமாகும்.

பயிற்சியில் என்னென்ன இடம்பெறும்? அனைத்து மாணவர்களும் தினமும் காலை மற்றும் மாலையில் ஏதாவது ஒரு விளையாட்டைத் தேர்வு செய்து பயிற்சியில் ஈடுபடுவது. முன்னதாக காலை 6 மணிக்கு உடற்பயிற்சி அல்லது யோகாவில் ஈடுபடுவது.

ஒவ்வொரு நாளும், வண்ணம் தீட்டுதல், இசை, நடனம் போன்ற கலை நிகழ்ச்சிகளில் ஈடுபடுவது. ஒரு ஆசிரியர் , 20 மாணவர்கள் என்ற எண்ணிக்கையில் குழுக்களாகப் பிரித்து, குழு விவாதங்களில் ஈடுபட வைப்பது.
வாரத்துக்கு ஒருமுறை பிரபல நபர்களை சொற்பொழி ஆற்ற வைப்பது.
 
நகரின் முக்கிய இடங்கள், மருத்துவமனை அல்லது ஆதரவற்றோர் இல்லங்களுக்கு அழைத்துச் செல்வது.

மாணவர்கள் தேர்வு செய்துள்ள துறை சார்ந்த தகவல்கள், சமூகத்தில் அந்தத் துறையின் பயன் குறித்து எடுத்துரைப்பது போன்ற பல்வேறு பயிற்சிகள் இந்த மூன்று வார அறிமுகப் பயிற்சித் திட்டத்தில் இடம்பெற்றுள்ளன.

பயிற்சிக்குப் பிறகே வகுப்புகள்: இந்த மூன்று வார பயிற்சிக்குப் பிறகே, வழக்கமான வகுப்புகளை பொறியியல் கல்லூரிகள் தொடங்க வேண்டும். மேலும், இந்தப் பயிற்சியின் போது அமைக்கப்படும் 10 மாணவர்களுக்கு ஒரு முதுநிலை மாணவர் வழிகாட்டி மற்றும் 20 மாணவர்களுக்கு ஒரு ஆசிரியர் வழிகாட்டி என்ற அடிப்படையில் அமைக்கப்படும் குழுக்கள், மாணவர்களின் படிப்புக் காலமான 4 முதல் 5 ஆண்டுகள் வரை நீடிக்கச் செய்யவேண்டும்.

இதன் மூலம், படிப்புக் காலம் முழுவதும் கல்வி, நிதி, உளவியல் ரீதியிலான ஆலோசனைகளை தனது குழுவில் உள்ள மாணவர் வழிகாட்டியிடம் அல்லது ஆசிரியர் வழிகாட்டியிடம் மாணவர்கள் தயக்கமின்றி கேட்டு பயன் பெற முடியும் எனவும் ஏஐசிடிஇ மாதிரி கல்வித் திட்டத்தில் தெரிவிக்கப்பட்டுள்ளது. 

இப்போது 2 நாள்கள் மட்டுமே... அண்ணா பல்கலைக்கழகத்தைப் பொருத்தவரை, பொறியியல் படிப்பில் சேரும் மாணவர்களுக்கு 2 நாள்கள் மட்டுமே இந்த அறிமுகப் பயிற்சி வழங்கப்பட்டு வருகிறது. 

இதுகுறித்து பல்கலைக்கழக கல்வித் திட்டக் குழு இயக்குநர் கீதா கூறுகையில், இப்போது பொறியியல் படிப்புகளில் சேரும் மாணவர்களுக்கு 2 நாள்கள் மட்டுமே அறிமுகப் பயிற்சி வழங்கப்படுகிறது. மேலும், முதலாமாண்டு வகுப்புகள் ஏற்கெனவே தொடங்கப்பட்டு விட்டன. எனவே, நிகழாண்டு மாற்றம் கொண்டுவர முடியாது.

எனவே, ஏஐசிடிஇ வெளியிட்டுள்ள மாதிரி கல்வித் திட்டம் குறித்து பல்கலைக்கழக அதிகாரிகளுடன் ஆலோசித்து முடிவெடுக்கப்படும் என்றார்.
 

]]>
http://images.dinamani.com/uploads/user/imagelibrary/2014/8/3/1/w600X390/engineering.jpg http://www.dinamani.com/education/2017/nov/25/பொறியியல்-மாணவர்களுக்கு-மூன்று-வார-கட்டாய-அறிமுகப்-பயிற்சி-ஏஐசிடிஇ-அறிவுறுத்தல்-2814328.html
2814330 கல்வி சென்னை, கோவளம், பழவேற்காடு உள்ளிட்ட கடலோரப் பகுதிகளில் சுனாமி விழிப்புணர்வு ஒத்திகை DIN DIN Saturday, November 25, 2017 02:30 AM +0530 செங்கல்பட்டை அடுத்த கேளம்பாக்கம், கோவளம், கல்பாக்கத்தை அடுத்த பரமன்கேணி, பழவேற்காடு உள்ளிட்ட கடலோரப் பகுதிகளில் சுனாமி விழிப்புணர்வு ஒத்திகை பயிற்சி வெள்ளிக்கிழமை நடைபெற்றது. 
கேளம்பாக்கம், கோவளம், பரமன்கேணி ஆகிய கடலோரப் பகுதிகளில் சுனாமி விழிப்புணர்வு ஒத்திகை சார் ஆட்சியர்கள் தலைமையில் நடைபெற்றது. 
நிகழ்ச்சியில் காவல் துறை, கடலோர காவல் துறை, போக்குவரத்து, வருவாய், பொதுப்பணித் துறை, தீயணைப்பு, சுகாதாரத் துறை, கடற்படை, ஊரக வளர்ச்சித்துறை, செஞ்சிலுவை சங்கம், தன்னார்வலர் தொண்டு நிறுவனங்கள் மத்திய பேரிடர் மீட்பு படை உள்ளிட்ட பல்வேறு துறை அலுவலர்கள் கலந்துகொண்டு, சுனாமி உள்ளிட்ட பேரிடர் காலத்தில் மக்களை எவ்வாறு பாதுகாத்து முதலுதவி, மருத்துவ உதவிகள் செய்வது, கை, கால்களில் அடிபட்டால் சிகிச்சை அளிப்பது உள்ளிட்டவை குறித்து ஒத்திகை நடைபெற்றது.
கும்மிடிப்பூண்டியில்...: கும்மிடிப்பூண்டியை அடுத்த வல்லம்பேடு குப்பத்தில் நடத்தப்பட்ட ஒத்திகை பயிற்சிக்கு கும்மிடிப்பூண்டி வட்டாட்சியர் ஆர்.எஸ்.ராஜகோபால் தலைமை வகித்தார். 
நிகழ்வில் கும்மிடிப்பூண்டி டிஎஸ்பி ராஜன், கும்மிடிப்பூண்டி வட்டார வளர்ச்சி அலுவலர் தயாநிதி, கும்மிடிப்பூண்டி மண்டல துணை வட்டாட்சியர் தாமோதரன், ஆரம்பாக்கம் காவல் நிலைய ஆய்வாளர் முத்துராமலிங்கம், வருவாய் ஆய்வாளர் பாலாஜி முன்னிலை வகித்தனர். இதில் பல்வேறு துறைகளைச் சேர்ந்த 83 பேர் பங்கேற்றனர். 
தொடர்ந்து ஹைதராபாத்தில் உள்ள இந்திய பெருங்கடல் சுனாமி முன்னறிவிப்பு அமைப்பின் மூலம் சுனாமி தாக்கக்கூடும் என்ற எச்சரிக்கை திருவள்ளூர் மாவட்ட ஆட்சியருக்கு தெரிவிக்கப்பட்டது. இதையடுத்து, அவர் மூலம் பொன்னேரி கோட்டாட்சியருக்கு தகவல் தெரிவிக்கப்பட்டு, கும்மிடிப்பூண்டி வட்டாட்சியருக்கு தகவல் தெரிவிக்கப்பட்டது. தொடர்ந்து அவர் இதுகுறித்து அனைத்துத் துறை அதிகாரிகளுக்கும் தெரியப்படுத்தி மீட்பு மற்றும் பாதுகாப்பு குழுவினை வல்லம்பேடு குப்பம் பகுதிக்கு வரவழைத்தார். 
வல்லம்பேடு குப்பம் கிராமத்தில் மாவட்ட நிர்வாகத்தில் பேரிடர் மேலாண்மை பயிற்சி பெற்ற அப்பகுதியைச் சேர்ந்த 15 முதல் நிலை பொறுப்பாளர்கள் அக்கிராம மீனவர் கூட்டமைப்பு தலைவர் எல்லப்பன் தலைமையில் அனைத்துத் துறை அதிகாரிகளுடன் இணைந்து, பொதுமக்களுக்கு சுனாமி எச்சரிக்கை தந்து அவர்களை அங்கிருந்து அப்புறப்படுத்தும் பணியில் ஈடுபட்டனர். 
பொன்னேரியில்...: பொன்னேரி வட்டத்தில் கடலோரப் பகுதியான பழவேற்காடு, நக்கத்துறவில் நடத்தப்பட்ட ஒத்திகை நிகழ்ச்சியில், சுனாமி ஆழிப்பேரலை வருவது போல் எச்சரிக்கை விடுக்கப்பட்டது. இதனை தொடர்ந்து, அலாரம் ஒலிக்கப்பட்டது. பேரிடர் மீட்புக் குழுவினர் அங்கிருந்த உயரமான கட்டடங்களில் ஏறி, கொடியசைத்து கடலில் இருக்கும் படகுகளை உள்ளே செல்லுமாறு ஒலிப்பெருக்கியில் எச்சரித்தனர். 
மேலும் நக்கத்துறவு சென்ற வருவாய்த் துறையினர் அங்கிருந்த மக்களை பேருந்துகள் மூலம் பாதுகாப்பாக அழைத்துச் சென்று ஆண்டாள் மடத்தில் உள்ள அரசு சமுதாய நலக் கூடத்தில் தங்க வைத்தனர். மேலும் சுனாமியால் பாதிக்கப்பட்டவர்களை பேரிடர் மீட்புக் குழு மற்றும் தீயணைப்புத் துறையினர் கடற்கரை பகுதிக்கு சென்று மீட்டனர். 
மீட்கப்பட்டவர்களுக்கு உடனடியாக மருத்துவ சிகிச்சைகள் அளிப்பது உள்ளிட்ட பல்வேறு சுனாமி முன்னெச்சரிக்கை ஒத்திகைகள் நடத்தப்பட்டன. 
நிகழ்ச்சிகளில் தேசிய பேரிடர் மீட்பு துறையினர், வருவாய்த் துறையினர், சுகாதாரத் துறையினர், தீயணைப்புத் துறையினர், நெடுஞ்சாலைத் துறையினர், மின்சாரத் துறை, மீன்வளத் துறையைச் சேர்ந்த அதிகாரிகள் மற்றும் போலீஸார் பங்கேற்றனர்.



 

]]>
http://images.dinamani.com/uploads/user/imagelibrary/2017/11/25/w600X390/awarnes.JPG http://www.dinamani.com/education/2017/nov/25/சென்னை-கோவளம்-பழவேற்காடு-உள்ளிட்ட-கடலோரப்-பகுதிகளில்-சுனாமி-விழிப்புணர்வு-ஒத்திகை-2814330.html
2814321 கல்வி அண்ணா பல்கலை.யில் ஏ.சி. ரிப்பேர் இலவச பயிற்சி   DIN DIN Saturday, November 25, 2017 02:19 AM +0530 குளிரூட்டி (ஏ.சி.) இயந்திரம் பழுதுபார்த்தலுக்கான 6 மாத கால இலவச பயிற்சியை அண்ணா பல்கலைக்கழகம் அறிவித்துள்ளது. பல்கலைக்கழகத்தின் தொழில்முனைவோர் மேம்பாட்டு மையம் சார்பில் இந்தப் பயிற்சி வழங்கப்படுகிறது. 
இந்தப் பயிற்சியில் சேர விரும்புவோர் 8 -ஆம் வகுப்பில் தேர்ச்சி பெற்றிருக்க வேண்டும். நேர்முகத் தேர்வின் அடிப்படையில் 50 மாணவ, மாணவிகள் பயிற்சிக்குத் தேர்வு செய்யப்படுவர். 
இந்தப் பயிற்சிக்கு விண்ணப்பிக்க வரும் 27 -ஆம் தேதி கடைசி நாளாகும். மேலும் விவரங்களுக்கு பல்கலைக்கழக வளாகத்தில் அமைந்துள்ள தொழில்முனைவோர் மேம்பாட்டு மையத்தை அனுகலாம். தொடர்புக்கு: 044-2235 8601, 98404 67267.
 

]]>
http://www.dinamani.com/education/2017/nov/25/அண்ணா-பல்கலையில்-ஏசி-ரிப்பேர்-இலவச-பயிற்சி-2814321.html
2814273 கல்வி அண்ணா பல்கலை. தேர்வு ஒத்திவைப்பு DIN DIN Saturday, November 25, 2017 01:44 AM +0530 மீலாது நபி விடுமுறை காரணமாக, டிச. 2-இல் நடைபெற இருந்த பருவத் தேர்வை அண்ணா பல்கலைக்கழகம் வேறு தேதிக்கு மாற்றியுள்ளது.
இது தொடர்பாக பல்கலைக்கழகம் வெளியிட்ட அறிவிப்பு: இஸ்லாமியர்களின் மீலாது நபி பண்டிகையையொட்டி, டிச. 2-ஆம் தேதி விடுமுறை என தமிழக அரசு அறிவித்துள்ளது. எனவே, அன்றைய தினம் நடைபெற இருந்த இணைப்புக் கல்லூரி மாணவர்களுக்கான எழுத்துத் தேர்வுகள், டிச.5-ஆம் தேதிக்கு மாற்றி வைக்கப்படுகின்றன.
 

]]>
http://www.dinamani.com/education/2017/nov/25/அண்ணா-பல்கலை-தேர்வு-ஒத்திவைப்பு-2814273.html
2813623 கல்வி கலந்தாய்வில் முன்னுரிமை கோரி முதுநிலை மருத்துவ மாணவர்கள் போராட்டம் DIN DIN Friday, November 24, 2017 02:33 AM +0530 அரசு மருத்துவமனைகளில் காலியாக உள்ள முதுநிலை மருத்துவர்களுக்கான கலந்தாய்வில் முன்னுரிமை வழங்கக் கோரி சுகாதாரத் துறை அமைச்சர் விஜயபாஸ்கரை முதுநிலை மருத்துவ மாணவர்கள் வியாழக்கிழமை முற்றுகையிட்டனர்.
தமிழகத்தில் உள்ள அரசு மருத்துவமனைகளில் காலியாக உள்ள 500 முதுநிலை மருத்துவர்களுக்கான கலந்தாய்வு அண்மையில் நடைபெற்றது. இந்தப் பணியிடங்களில் முன்னுரிமை அளிக்கக் கோரி, அரசு மருத்துவக் கல்லூரிகளில் முதுநிலை மருத்துவப் படிப்பை இன்னும் 4 மாதங்களில் முடிக்க உள்ள மாணவர்கள் போராட்டத்தில் ஈடுபட்டு வருகின்றனர்.
உலக சர்க்கரை நோய் தின விழிப்புணர்வு நிகழ்ச்சியில் கலந்து கொள்ள சுகாதாரத் துறை அமைச்சர் சி.விஜயபாஸ்கர், முதன்மைச் செயலாளர் ஜெ.ராதாகிருஷ்ணன் ஆகியோர் ஸ்டான்லி அரசு மருத்துவமனைக்கு வியாழக்கிழமை வந்தனர். அப்போது அங்கு குழுமிய முதுநிலை மருத்துவ மாணவர்கள் தங்களது கலந்தாய்வு முன்னுரிமை கோரிக்கை குறித்து சுகாதாரத் துறை அமைச்சர் விஜயபாஸ்கரிடம் மனு அளித்து, எழுத்துப்பூர்வமாக உறுதி அளிக்கும்படி வலியுறுத்தினர். இதை அமைச்சர் விஜயபாஸ்கர் ஏற்க மறுத்துவிட்டார்.

 

]]>
http://images.dinamani.com/uploads/user/imagelibrary/2017/11/24/w600X390/medicak_student.JPG http://www.dinamani.com/education/2017/nov/24/கலந்தாய்வில்-முன்னுரிமை-கோரி-முதுநிலை-மருத்துவ-மாணவர்கள்-போராட்டம்-2813623.html
2813622 கல்வி பிரிக்ஸ் பல்கலைக்கழக தரவரிசைப் பட்டியல்: அண்ணா பல்கலை.க்கு 85-ஆம் இடம் DIN DIN Friday, November 24, 2017 02:31 AM +0530 பிரபல கியூ.எஸ். நிறுவனம் வெளியிட்டுள்ள பிரிக்ஸ் நாடுகள் பல்கலைக்கழகங்களின் தரவரிசைப் பட்டியலில் அண்ணா பல்கலைக்கழகம் 85-ஆவது இடம் பிடித்து அசத்தியுள்ளது. இந்தப் பட்டியலில் சென்னைப் பல்கலைக்கழகம் 171-180 வரையிலான இடத்தைப் பிடித்துள்ளது.
ஆராய்ச்சிக் கட்டுரைகள் வெளியீடு, புதிய கண்டுபிடிப்புகளுக்கான அறிவுசார் சொத்துரிமை, ஆராய்ச்சி ஊக்குவிப்பு என்பன உள்ளிட்ட பல்வேறு காரணிகளின் அடிப்படையில் உலகம் முழுவதும் உள்ள பல்கலைக்கழகங்களை ஆய்வு செய்து, தரவரிசைப் பட்டியலை கியூ.எஸ். நிறுவனம் ஒவ்வொரு ஆண்டும் வெளியிட்டு வருகிறது.
அந்த வகையில் 2018-ஆம் ஆண்டுக்கான உலக அளவிலான பல்கலைக்கழக தரவரிசைப் பட்டியலை கடந்த ஜூன் மாதம் வெளியிட்டது. இதில் முதல் 200 இடங்களில் தில்லி ஐஐடி, மும்பை ஐஐடி, பெங்களூரு ஐ.ஐ.எஸ்சி. ஆகிய 3 இந்திய கல்வி நிறுவனங்கள் இடம்பிடித்து அசத்தியிருந்தன.
இப்போது ஆசியா, அமெரிக்கா என பகுதி வாரியான பல்கலைக்கழக தரவரிசைப் பட்டியலை வெளியிட்டது. இதில் மும்பை ஐஐடி 34-ஆவது இடத்தையும், தில்லி ஐஐடி 41-ஆவது இடத்தையும், சென்னை ஐஐடி 48-ஆவது இடத்தையும் பிடித்து அசத்தின. அண்ணா பல்கலைக்கழகத்துக்கு 301-350 வரையிலான இடம் கிடைத்தது.
பிரிக்ஸ் நாடுகள் அளவில்...: இப்போது பிரேசில், ரஷ்யா, இந்தியா, சீனா, தென்னாப்பிரிக்கா ஆகிய நாடுகளை உள்ளடக்கிய பிரிக்ஸ் நாடுகள் அளவிலான சிறந்த பல்கலைக்கழகங்களுக்கான தரவரிசைப் பட்டியலை கியூ.எஸ். நிறுவனம் வெளியிட்டுள்ளது.
முதல் நான்கு இடங்களை...இதில் முதல் நான்கு இடங்களையும் சீன கல்வி நிறுவனங்கள் பிடித்துள்ளன. ஸிங்குவா பல்கலைக்கழகம், பெக்கிங் பல்கலைக்கழகம், ஃபுடான் பல்கலைக்கழகம், சீன அறிவியல் தொழில்நுட்ப பல்கலைக்கழகம் ஆகிய 4 சீன பல்கலைக்கழகங்கள் முதல் 4 இடங்களைப் பிடித்துள்ளன.
இதில் மும்பை ஐஐடி 9-ஆவது இடத்தைப் பிடித்து அசத்தியுள்ளது. பெங்களூரு ஐஐஎஸ்சி 10-ஆவது இடமும், தில்லி ஐஐடி 17-ஆவது இடமும், சென்னை ஐஐடி 18-ஆவது இடமும், கான்பூர் ஐஐடி 21-ஆவது இடமும், காரக்பூர் ஐஐடி 24-ஆவது இடமும், தில்லி பல்கலைக்கழகம் 41-ஆவது இடமும் பிடித்துள்ளன.
இந்தப் பட்டியலில் சென்னை அண்ணா பல்கலைக்கழகம் 85-ஆவது இடம் பிடித்துள்ளது. சென்னைப் பல்கலைக்கழகம் 171 முதல் 180 வரையிலான இடம் பிடித்துள்ளது.
மாணவர் வேலைவாய்ப்பில்...இது போன்று மாணவர்கள் வேலைவாய்ப்பைப் பெறும் திறன் அடிப்படையிலான உலக அளவிலான பல்கலைக்கழகத் தர வரிசைப் பட்டியலையும் கியூ.எஸ். நிறுவனம் வெளியிட்டுள்ளது.
இதில், அமெரிக்காவைச் சேர்ந்த ஸ்டான்ஃபோர்ட் பல்கலைக்கழகம், கலிஃபோர்னியா பல்கலைக்கழகம், ஹார்வார்ட் பல்கலைக்கழகம் ஆகியவை முதல் மூன்று இடங்களைப் பிடித்துள்ளன.
மும்பை ஐஐடி, தில்லி ஐஐடி இரண்டும் 191 முதல் 200 வரையிலான இடத்தைப் பிடித்துள்ளன. சென்னை ஐஐடி, தில்லி பல்கலைக்கழகம், மும்பை பல்கலைக்கழகம் ஆகியவை 201 முதல் 250 வரையிலான இடத்தைப் பிடித்துள்ளன. ஐஐடி காரக்பூர் 251 முதல் 300 வரையிலான ரேங்க் பெற்றுள்ளது. பெங்களூர் ஐஐஎஸ்சி, கான்பூர் ஐஐடி இரண்டும் 301 முதல் 500 வரையிலான இடத்தை மட்டுமே பிடித்துள்ளன.

]]>
http://images.dinamani.com/uploads/user/imagelibrary/2017/4/20/w600X390/annauniversity.jpg http://www.dinamani.com/education/2017/nov/24/பிரிக்ஸ்-பல்கலைக்கழக-தரவரிசைப்-பட்டியல்-அண்ணா-பல்கலைக்கு-85-ஆம்-இடம்-2813622.html
2813591 கல்வி தேர்வுத் தாள் திருத்தும் பணி: தவறிழைத்த 1,070 பேராசிரியர்கள் தகுதி நீக்கம்: அண்ணா பல்கலை. நடவடிக்கை DIN DIN Friday, November 24, 2017 01:33 AM +0530 தேர்வுத் தாள் திருத்தும் பணியில் தவறிழைத்த 1,070 பேராசிரியர்களை தகுதி நீக்கம் செய்து அண்ணா பல்கலைக்கழகம் உத்தரவு பிறப்பித்துள்ளது.
இதன் மூலம் இவர்கள் அடுத்த மூன்று ஆண்டுகளுக்குத் தேர்வுத் தாள் திருத்தும் பணியிலோ அல்லது கேள்வித் தாள் தயாரிக்கும் பணியிலோ ஈடுபட முடியாது.
தேர்வுத் தாள் மறு மதிப்பீட்டுக்கு விண்ணப்பிக்கும் பொறியியல் மாணவர்களின் எண்ணிக்கை ஆண்டுக்கு ஆண்டு அதிகரித்து வந்தது. இதற்காக பல்கலைக்கழகம் சார்பில் அதிக கட்டணம் வசூலிக்கப்படுகிறது. முதலில் தலா ரூ. 300 கட்டணம் செலுத்தி தேர்வுத்தாள் நகலை மாணவர்கள் பெற வேண்டும். பின்னர் ஒவ்வொரு தேர்வுத் தாள் மறுமதிப்பீடுக்கும் ரூ.400 வீதம் கட்டணம் செலுத்த வேண்டும். 
இவ்வாறு மறுமதிப்பீடுக்கு விண்ணப்பிக்கும் மாணவர்கள் பெரும்பாலானவர்களுக்கு, மதிப்பெண் மாறுதலில் தொடர்ச்சியாக மிகப் பெரிய வித்தியாசம் இருந்து வந்தது. இது மிகப் பெரிய சர்ச்சையை ஏற்படுத்தியது.
அதனைத் தொடர்ந்து, இது தொடர்பாக ஆய்வு செய்ய முடிவெடுத்த பல்கலைக்கழகம், 2017 ஏப்ரல், மே பருவத் தேர்வு முடிவுகள் குறித்து ஆய்வு செய்ய குழு அமைத்தது. 
இது குறித்துஅண்ணா பல்கலைக்கழக உயர்அதிகாரிஒருவர்கூறியது: இந்தக் குழு மேற்கொண்ட ஆய்வில், 1,070 பேராசிரியர்கள் தேர்வுத் தாள் திருத்தும் பணியில் முறையாக ஈடுபடாததும் அவர்கள் திருத்திய தேர்வுத் தாள்களில் மதிப்பெண் மாறுதலில் மிகப் பெரிய வித்தியாசம் இருப்பதும் கண்டுபிடிக்கப்பட்டது.
3 ஆண்டுகளுக்கு தடை: அதன்படி, 21 முதல் 30 மதிப்பெண்கள் வரை வித்தியாசம் வரும் வகையில் தேர்வுத் தாளை திருத்திய 433 பேராசிரியர்களுக்கு ஓராண்டும், 31 முதல் 40 மதிப்பெண்கள் வரை வித்தியாசம் வரும் வகையில் திருத்திய 364 பேராசிரியர்களுக்கு 2 ஆண்டுகளும், 40 மதிப்பெண்களுக்கு மேல் வித்தியாசம் வரும் வகையில் தேர்வுத் தாளைத் திருத்திய 273 பேராசிரியர்களுக்கு 3 ஆண்டுகளும் தடை விதிக்கப்பட்டுள்ளது. இந்த 1,070 பேராசிரியர்களும் இந்தத் தடைக் காலத்தில் தேர்வுத் தாள் திருத்தும் பணியிலோ அல்லது கேள்வித் தாள் தயாரிக்கும் பணியிலோ ஈடுபட முடியாது.
இந்தத் தவறுகளைக் குறைக்கும் வகையில் சில மாற்றங்களும் செய்யப்பட்டுள்ளன. இதுவரை 20 தேர்வுத்தாள் மதிப்பீட்டாளர்களுக்கு ஒரு தலைமை மதிப்பீட்டாளர் என்று இருந்ததை மாற்றி, இனி 10 மதிப்பீட்டாளர்களுக்கு ஒரு தலைமை மதிப்பீட்டாளர் நியமிக்கப்பட உள்ளார்.
அதுபோல, இதுவரை தலைமை மதிப்பீட்டாளருக்கு மட்டும் வழங்கப்பட்டு வந்த விடைப் பட்டியல், இனி ஒவ்வொரு மதிப்பீட்டாளருக்கும் வழங்கப்படும் என்றார்.
 

]]>
http://images.dinamani.com/uploads/user/imagelibrary/2016/6/17/4/w600X390/annauniversity.jpg http://www.dinamani.com/education/2017/nov/24/தேர்வுத்-தாள்-திருத்தும்-பணி-தவறிழைத்த-1070-பேராசிரியர்கள்-தகுதி-நீக்கம்-அண்ணா-பல்கலை-நடவடிக்கை-2813591.html
2813590 கல்வி சென்னை ஐஐடி வளாக தேர்வு: 50 -க்கும் மேற்பட்ட நிறுவனங்கள் பங்கேற்பு DIN DIN Friday, November 24, 2017 01:32 AM +0530 சென்னை ஐஐடியில் டிசம்பர் 1 -ஆம் தேதி தொடங்கவுள்ள வளாகத் தேர்வில் 50- க்கும் மேற்பட்ட நிறுவனங்கள் பங்கேற்க உள்ளன.
இதுதொடர்பாக சென்னை ஐஐடி நிர்வாகம் வெளியிட்டுள்ள செய்தி: சென்னை ஐஐடியில் முதல்கட்ட வளாகத் தேர்வு (வேலைவாய்ப்பு முகாம்) டிசம்பர் 1 -ஆம் தேதி முதல் டிசம்பர் 10 -ஆம் தேதி வரை நடத்தப்பட உள்ளது. இதில் 50 -க்கும் மேற்பட்ட நிறுவனங்கள் பங்கேற்று மாணவர்களைத் தேர்வு செய்ய உள்ளன.
வழக்கமாக இதில் பங்கேற்கக்கூடிய மைக்ரோசாப்ட், சேம்சங், மஹிந்திரா, இன்டெல், பஜாஜ், லார்சன் அண்ட் டூப்ரோ உள்ளிட்ட நிறுவனங்கள் இம்முறையும் வரவிருக்கின்றன. ஆப்பிள் நிறுவனம் முதல்முறையாக இந்த வளாகத் தேர்வில் பங்கேற்க உள்ளது. நிறுவனங்களின் எண்ணிக்கை அதிகரிப்பதால், வேலைவாய்ப்பைப் பெறும் மாணவர்களின் எண்ணிக்கையும் அதிகரிக்க வாய்ப்பு உள்ளது. வெவ்வேறு படிப்பு மற்றும் துறைகளைச் சார்ந்த சுமார் 1,100 -க்கும் மேற்பட்ட மாணவர்கள் வேலைவாய்ப்புகளுக்காக பதிவு செய்துள்ளனர் என அந்தச் செய்திக்குறிப்பில் 
தெரிவிக்கப்பட்டுள்ளது.
 

]]>
http://www.dinamani.com/education/2017/nov/24/சென்னை-ஐஐடி-வளாக-தேர்வு-50--க்கும்-மேற்பட்ட-நிறுவனங்கள்-பங்கேற்பு-2813590.html
2813589 கல்வி ஜே.இ.இ. முதல்நிலைத் தேர்வு: டிச.1 முதல் விண்ணப்பிக்கலாம் DIN DIN Friday, November 24, 2017 01:31 AM +0530 ஐஐடி, ஐஐஎஸ்சி போன்ற உயர் கல்வி நிறுவனங்களில் சேர்க்கை பெறுவதற்கான ஒருங்கிணைந்த நுழைவுத் தேர்வுக்கு (ஜே.இ.இ.) டிசம்பர் 1 -ஆம் தேதி முதல் ஆன்-லைனில் விண்ணப்பங்கள் வரவேற்கப்படுகின்றன.
ஜே.இ.இ. தேர்வு முதல்நிலை, முதன்மை நிலை (அட்வான்ஸ்டு) என இரண்டு கட்டங்களாக நடத்தப்பட்டு வருகிறது. முதல்நிலை தேர்வில் தகுதி பெறுபவர்களில் முதல் 1.5 லட்சம் பேர், அடுத்து நடத்தப்படும் முதன்மைத் தேர்வை எழுத அனுமதிக்கப்படுவர். இதில் தகுதி பெறுபவர்கள் நாடு முழுவதும் உள்ள ஐஐடி, ஐஐஎஸ்சி கல்வி நிறுவனங்களில் சேர்க்கை பெற முடியும். தற்போது 2018-ஆம் ஆண்டுக்கான முதல்நிலைத் தேர்வுக்கான அறிவிப்பும், தகவல் கையேடும் வெளியிடப்பட்டுள்ளது.
இதில் நேரடி எழுத்துத் தேர்வு 2018 ஏப்ரல் 8 -ஆம் தேதி நடத்தப்பட உள்ளது. அதைத்தொடர்ந்து ஆன்-லைன் தேர்வு ஏப்ரல் 15,16 ஆகிய தேதிகளில் நடத்தப்பட உள்ளன. இதில் பங்கேற்க www.jeemain.nic.in என்ற இணையதளத்தில் ஆன்-லைனில் டிசம்பர் 1 -ஆம் தேதி முதல் விண்ணப்பிக்கலாம். விண்ணப்பிக்க வரும் ஜனவரி 1 -ஆம் தேதி கடைசி நாளாகும்.

]]>
http://www.dinamani.com/education/2017/nov/24/ஜேஇஇ-முதல்நிலைத்-தேர்வு-டிச1-முதல்-விண்ணப்பிக்கலாம்-2813589.html
2813487 கல்வி பள்ளி நேரங்களில் மாணவர்களுக்கு ஏன் சிறப்பு பேருந்து இயக்கக் கூடாது? சென்னை உயர்நீதிமன்றம் கேள்வி DIN DIN Thursday, November 23, 2017 01:04 PM +0530 சென்னை: பள்ளி நேரங்களில் மாணவர்களுக்கு ஏன் சிறப்பு பேருந்து இயக்கக் கூடாது என சென்னை உயர்நீதிமன்றம் கேள்வி எழுப்பு உள்ளது. இதுகுறித்து தமிழக அரசு, போக்குவரத்துக் கழகம் நாளை பதிலளிக்க உயர்நீதிமன்றம் உத்தரவிட்டுள்ளது. 

அரசுப் பேருந்துகளில் மாணவர்கள் அதிக அளவில் தொங்கிக்கொண்டும், பேருந்து மேற்கூரையில் ஏறிக்கொண்டும் ஆபத்தான பயணம் செய்வது அதிகரித்து வருகிறது. இப்படி பயணம் செய்யும்போது மற்ற பயணிகளுக்கு சிரமம் ஏற்படுவதுடன், மாணவர்களும் விபத்தில் சிக்க நேரிடுகிறது என சென்னை உயர்நீதிமன்றத்தில் வழக்குரைஞர் ஜார்ஜ் வில்லியம்ஸ் ஒரு மனு தாக்கல் செய்தார். 

மாணவர்கள் பேருந்து மேற்கூரைகளில் பயணம் செய்தது மற்றும் படிக்கட்டில் தொங்கிகொண்டு பயணம் செய்த புகைப்படங்களை காட்டி அவர் மனு தாக்கல் செய்திருந்தார். 

இந்த மனு மீது சென்னை உயர்நீதிமன்ற தலைமை நீதிபதி அமர்வு முன்பு விசாரணை நடந்தது. விசாரணையை அடுத்து, பேருந்துகளில் படிக்கட்டுகளில் மாணவர்கள் தொங்கிக்கொண்டு பயணம் செய்வதை தடுக்கும் விதமாக பள்ளி நேரங்களில் மாணவர்களுக்கு ஏன் சிறப்பு பேருந்து இயக்கக் கூடாது? என உயர்நீதிமன்றம் கேள்வி எழுப்பியது. 

மேலும் இதுகுறித்து தமிழக அரசு மற்றும் மாநகர போக்குவரத்துக் கழகம் நாளை பதிலளிக்க உயர்நீதிமன்றம் உத்தரவிட்டு வழக்கை ஒத்திவைத்தது.

]]>
http://images.dinamani.com/uploads/user/imagelibrary/2017/9/4/w600X390/chennai_HC.jpg http://www.dinamani.com/education/2017/nov/23/பள்ளி-நேரங்களில்-மாணவர்களுக்கு-ஏன்-சிறப்பு-பேருந்து-இயக்கக்-கூடாது-சென்னை-உயர்நீதிமன்றம்-கேள்வி-2813487.html
2809947 கல்வி தேர்வில் முறைகேடு: தொலைநிலைக் கல்வி மாணவர்கள் 12 பேருக்கு 3 ஆண்டுகள் தடை: சென்னைப் பல்கலை. நடவடிக்கை DIN DIN Saturday, November 18, 2017 01:32 AM +0530 தேர்வில் முறைகேட்டில் ஈடுபட்ட சென்னைப் பல்கலைக்கழக தொலைநிலைக் கல்வி மாணவர்கள் 12 பேருக்கு 3 ஆண்டுகள் தேர்வெழுத தடை விதிக்கப்பட்டுள்ளது.
இதன் காரணமாக, இந்த மாணவர்கள் மூன்று ஆண்டுகளுக்குத் தேர்வு எழுத முடியாது என்பதோடு, வேறு எந்தக் கல்வி நிறுவனப் படிப்புகளிலும் சேர முடியாது என்பது குறிப்பிடத்தக்கது.
கடந்த 2015-ஆம் ஆண்டு நவம்பர் மாதம் நடைபெற்ற தொலைநிலைக் கல்வி நிறுவனத் தேர்வை ஹைதராபாத், மும்பை உள்ளிட்ட சில வெளி மாநிலத் தேர்வு மையங்களிலும், சென்னை தேர்வு மையங்களிலும் தேர்வெழுதிய மாணவர்கள் 50-க்கும் மேற்பட்டோர் முறைகேட்டில் ஈடுபட்டதாகப் பிடிபட்டனர்.
இது தொடர்பாக விசாரணை மேற்கொண்ட சென்னைப் பல்கலைக்கழகம், பிடிபட்ட மாணவர்கள் விசாரணைக் குழு முன்பாக ஆஜராகி விளக்கம் அளிக்க உத்தரவிட்டது. அவ்வாறு விளக்கமளித்தவர்களில் 16 பேர் குற்றச்சாட்டிலிருந்து விடுவிக்கப்பட்டனர். சிலர் மீது இப்போது நடவடிக்கை எடுக்கப்பட்டுள்ளது. 
மேலும் சிலர், இதுவரை விசாரணைக் குழு முன் ஆஜராகி விளக்கம் அளிக்காமல் இருந்து வருகின்றனர். இவர்களின் தேர்வு முடிவுகள் இரண்டு ஆண்டுகளாக நிறுத்திவைக்கப்பட்டுள்ளன.
இந்த நிலையில், பல்கலைக்கழகத்தில் வியாழக்கிழமை நடைபெற்ற ஆட்சிக் குழுவில், மீதமுள்ள பிடிபட்ட மாணவர்களுக்கு விசாரணைக் குழு முன் ஆஜராகி விளக்கம் அளிக்க மேலும் இரண்டு இறுதி வாய்புகள் அளிக்க முடிவு செய்யப்பட்டுள்ளது.
இது குறித்து சென்னைப் பல்கலைக்கழக துணைவேந்தர் துரைசாமி கூறியது: கடந்த 2015-ஆம் ஆண்டு தொலைநிலைக் கல்வி தேர்வில் முறைகேட்டில் ஈடுபட்ட இந்த மாணவர்களில் உரிய விளக்கம் அளித்த 16 பேர், குற்றச்சாட்டிலிருந்து ஏற்கெனவே விடுவிக்கப்பட்டனர்.
உரிய விளக்கம் அளிக்காத 12 மாணவர்களுக்கு 3 ஆண்டுகளுக்குத் தடை விதிக்கப்பட்டுள்ளது. இவர்கள் இந்த மூன்று ஆண்டுகளுக்கு தேர்வு எழுத முடியாது என்பதோடு, வேறு பல்கலைக்கழகப் படிப்புகளிலும் மூன்று ஆண்டுகளுக்குச் சேர முடியாது.
பிடிபட்டவர்களில் மேலும் சில மாணவர்கள், இதுவரை விசாரணைக் குழு முன்பு ஆஜராகி விளக்கம் அளிக்காமல் இருந்து வருகின்றனர். இவர்களுக்கு விளக்கம் அளிக்க இப்போது இறுதி வாய்ப்பு அளிக்கப்பட்டுள்ளது. இந்த வாய்ப்பையும் அவர்கள் பயன்படுத்திக் கொள்ளவில்லை எனில், அவர்கள் மீதும் நடவடிக்கை எடுக்கப்படும். 
மேலும், இந்தத் தேர்வு முறைகேடு நடந்த ஹைதராபாத், மும்பை போன்ற வெளி மாநில தேர்வு மையங்கள் மற்றும் பல்கலைக்கழக படிப்பு மையங்கள், பல்கலைக்கழக மானியக் குழு (யுஜிசி) அறிவுறுத்தலின்படி கடந்த ஆண்டே மூடப்பட்டுவிட்டன என்றார் அவர்.
 

]]>
http://www.dinamani.com/education/2017/nov/18/தேர்வில்-முறைகேடு-தொலைநிலைக்-கல்வி-மாணவர்கள்-12-பேருக்கு-3-ஆண்டுகள்-தடை-சென்னைப்-பல்கலை-நடவடிக்கை-2809947.html
2809362 கல்வி ஒன்று முதல் பிளஸ் 2 வரை வரைவுப் பாடத் திட்டம் தயார் DIN DIN Friday, November 17, 2017 02:26 AM +0530 தமிழகத்தில் ஒன்றாம் வகுப்பு முதல் பிளஸ் 2 வரை வரைவுப் பாடத் திட்டப் பணிகள் முழுவதுமாக முடிவடைந்துள்ளது.
மாறுபட்ட அறிவியல் தொழில்நுட்பச் சூழல், மாணவர்கள் சந்தித்து வரும் கல்வி சார்ந்த பல்வேறு சவால்களைக் கருத்தில் கொண்டு புதிய பாடத்திட்டம் மற்றும் பாடநூல்களை வடிவமைக்க தமிழக அரசு முடிவு செய்தது. இதையடுத்து உயர்நிலைக் குழு, கலைத் திட்டக் குழு என இரு குழுக்கள் தமிழக அரசின் சார்பில் அமைக்கப்பட்டு புதிய பாடத்திட்டப்பணிகள் கடந்த ஜூன் மாத இறுதியில் தொடங்கின. இப்பணிகள் தற்போது முழுவதுமாக முடிவடைந்துள்ள நிலையில் அடுத்த சில நாள்களில் வரைவு பாடத்திட்டம் வெளியிடப்படவுள்ளது. 
புதிய பாடத்திட்டத்தின் சிறப்பம்சங்கள் குறித்தும் மேற்கொள்ளப்பட்ட பணிகள் குறித்தும் மாநிலக் கல்வியியல் ஆராய்ச்சி மற்றும் நிறுவன அதிகாரிகள் கூறியது:
புதிய பாடத்திட்டத்தை வடிவமைக்க பல்வேறு மாநிலங்களிளின் பாடத்திட்டங்கள் ஆய்வு செய்யப்பட்டன. தமிழக அளவில் தேர்வு செய்யப்பட்ட ஆசிரியர்களுக்கு கருத்தரங்கம் நடத்தப்பட்டு ஆலோசனைகள் பெறப்பட்டன. இதற்கிடையே இரு குழுக்களும் 10 முறை கூடி பாடத்திட்டம் குறித்து விவாதித்தன. தற்போது சர்வதேச மற்றும் தேசிய அளவில் கல்வியில் சிறந்து விளங்கும் நிபுணர்களின் வழிகாட்டுதலுடன் தமிழ், ஆங்கிலம், கணிதம், உயிரியல் உள்பட 70-க்கும் மேற்பட்ட பாடங்களுக்கு வரைவுப் பாடத்திட்டம் தயாரிக்கப்பட்டுள்ளது. 
சிறப்பம்சங்கள்?: புதிய பாடத் திட்டத்தில் தொழிற்கல்வி, வேலைவாய்ப்பு, மொழித்திறன், பொது அறிவு, தொலைநோக்குப் பார்வை, கணக்கியல் நுணுக்கங்கள் போன்றவற்றுக்கு அதிக முக்கியத்துவம் அளிக்கப்பட்டுள்ளது. குறிப்பாக வகுப்பறைச் சூழல், கற்பித்தல் முறை, வினாக்களுக்கான மதிப்பெண் முறை ஆகியவற்றில் பல மாற்றங்கள் இருக்கும். அடுத்த சில நாள்களுக்குள் வரைவுப் பாடத்திட்டம் வெளியிடப்படும். 
இது குறித்துக் கருத்துக் கூற பொதுமக்கள், கல்வியாளர்கள், நிபுணர்களின் பார்வைக்கு வைக்கப்படும். மேலும் www.tnscert.org  என்ற வலைதளத்தில் பாட வாரியாக வெளியிடப்படும்.
பாடத்திட்டத்தில் விடுபட்ட அம்சங்கள், தவறுகள், கூடுதலாகச் சேர்க்கப்பட வேண்டிய விஷயங்கள் குறித்து கருத்து தெரிவிக்கலாம். அவை ஏற்கத் தகுந்ததாக இருக்கும் பட்சத்தில் உடனுக்குடன் பரிசீலிக்கப்படும். இந்தப் பணிகள் முடிவுற்றதும் டிசம்பர் மாதத்தில் புதிய பாடத் திட்டத்துக்கு ஏற்றவாறு பாடநூல்கள் எழுதும் பணி தொடங்கும். இதைத் தொடர்ந்து ஏற்கெனவே பள்ளிக் கல்வித் துறை அமைச்சர் அறிவுறுத்தியபடி தமிழகம் முழுவதும் உள்ள ஆசிரியர்களுக்கு பாடத் திட்டம் தொடர்பான பயிற்சிகள் அளிக்கப்படும். 
2,000 ஆசிரியர்களின் பங்களிப்பு: பயிற்சிக்குப் பின்னர் வரும் 2018-2019-ஆம் கல்வியாண்டில் முதல் கட்டமாக 1, 6, 9 மற்றும் பிளஸ் 1 வகுப்புகளுக்கு புதிய பாடத் திட்டத்தின் மூலம் கற்பித்தல் தொடங்கும். சுமார் 2,000-க்கும் மேற்பட்ட ஆசிரியர்கள், பேராசிரியர்கள், வல்லுநர்களின் உழைப்பில் உருவான புதிய பாடத் திட்டம் அனைவரது எதிர்பார்ப்புகளையும் பூர்த்தி செய்வதுடன், தமிழக மாணவர்களின் கல்வித் தரத்தை மேலும் உயர்த்தும் என்றனர்.

]]>
http://www.dinamani.com/education/2017/nov/17/ஒன்று-முதல்-பிளஸ்-2-வரை-வரைவுப்-பாடத்-திட்டம்-தயார்-2809362.html
2808545 கல்வி தொலைநிலைப் பட்டப் படிப்புகளிலும் விருப்பப் பாடத் தேர்வு முறை: சென்னைப் பல்கலை.யில் அடுத்த ஆண்டு முதல் அமல் DIN DIN Thursday, November 16, 2017 01:38 AM +0530 சென்னைப் பல்கலைக்கழக தொலை நிலைக் கல்வி நிறுவனம் சார்பில் வழங்கப்படும் பட்டப் படிப்புகளிலும் வரும் 2018-ஆம் ஆண்டு முதல் விருப்பப் பாடத் தேர்வு முறை (சி.பி.சி.எஸ்.---'சாய்ஸ் பேஸ்ட் கிரெடிட் சிஸ்டம்') அறிமுகம் செய்யப்பட உள்ளது.
அது மட்டுமின்றி, முறையான பட்டப் படிப்புகளுக்கு நடத்தப்படுவதுபோல, தொலைநிலைப் பட்டப் படிப்புக்கும் பருவத் தேர்வு முறை அறிமுகம் செய்யப்பட உள்ளது. 
மாறி வரும் காலச் சூழல், தொழில் நிறுவனங்களின் தேவை ஆகியவற்றின் அடிப்படையில் மாணவர்கள் தாங்கள் விரும்பிய பாடத்தைத் தாங்களாகவே தேர்வு செய்து கொள்ள வசதி செய்வதுதான் விருப்பப் பாடத் தேர்வு முறை.
ஒரு படிப்பின் அடிப்படைப் பாடங்களில் அல்லாமல், துணைப் பாடங்களில் தாங்கள் விரும்பும் வேறு துறை பாடத்தை மாணவர்கள் மாற்றித் தேர்வு செய்து படிக்க இந்த நடைமுறை வசதி செய்கிறது. பல்கலைக்கழக மானியக் குழு (யுஜிசி) அறிவுறுத்தலின் பேரில் சென்னைப் பல்கலைக்கழகம், பாரதியார் பல்கலைக்கழகம் போன்ற பல்வேறு பல்கலைக்கழகங்களில் இந்த முறை ஏற்கெனவே நடைமுறையில் உள்ளன.
அண்ணா பல்கலைக்கழகம் பல்கலைக்கழகத் துறைகளில் 2015-16 கல்வியாண்டு முதலும், இணைப்புக் கல்லூரிகளில் 2017-18 கல்வியாண்டு முதலும் இந்த நடைமுறையை அறிமுகம் செய்தது.
தொலைநிலைக் கல்வியில் முதன் முறை: இந்நிலையில், தொலைநிலை பட்டப் படிப்புகளில் முதன் முறையாக சி.பி.சி.எஸ். முறையை சென்னைப் பல்கலைக்கழகம் அறிமுகம் செய்ய உள்ளது.
இது குறித்து சென்னைப் பல்கலைக்கழக துணைவேந்தர் துரைசாமி கூறியது: 
சென்னைப் பல்கலைக்கழக தொலைநிலைக் கல்வி நிறுவனம் சார்பில் வழங்கப்படும் அனைத்துப் பட்டப் படிப்புகளிலும் 2018-19-ஆம் கல்வியாண்டு முதல் சி.பி.சி.எஸ். முறை அறிமுகம் செய்யப்பட உள்ளது. அதோடு பருவத் தேர்வு முறையும் அறிமுகம் செய்யப்பட உள்ளது.
இதன் காரணமாக முறையான பட்டப் படிப்புப் படிக்கும் மாணவர்களைப் போல, தொலைநிலைக் கல்வி மாணவர்களும் 6 மாதத்துக்கு ஒறு முறை பருவத் தேர்வை எழுத வேண்டும். 
இதற்கான புதிய வழிகாட்டுதல்களை உருவாக்கும் பணி நடைபெற்று வருகிறது. 2018 பிப்ரவரி மாதத்துக்குள் இந்தப் பணிகள் முடிக்கப்பட்டு, ஒப்புதலும் பெறப்பட்டுவிடும் என்றார்.
அனைத்துப் பல்கலைக்கழக த்தொலைநிலைக் கல்வி நிறுவனங்களிலும் விரைவில் சி.பி.சி.எஸ். முறை அறிமுகம் செய்யப்படும் என்பது குறிப்பிடத்தக்கது.
 

]]>
http://www.dinamani.com/education/2017/nov/16/தொலைநிலைப்-பட்டப்-படிப்புகளிலும்-விருப்பப்-பாடத்-தேர்வு-முறை-சென்னைப்-பல்கலையில்-அடுத்த-ஆண்டு-முதல-2808545.html
2805409 கல்வி 2018-இல் பொறியியல் கலந்தாய்வை ஆன்லைனில் நடத்த அண்ணா பல்கலைக்கழகத்துக்கு அரசு உத்தரவு!  DIN DIN Friday, November 10, 2017 02:36 PM +0530 சென்னை: பொறியியல் படிப்புகளுக்கான கலந்தாய்வு அடுத்த ஆண்டு (2018) முதல் ஆன்லைனில் நடத்தப்பட்டு சேர்க்கை நடத்தப்பட வேண்டும் என அண்ணா பல்கலைக் கழகத்துக்கு அதற்கான உத்தரவை தமிழக அரசு பிறப்பித்துள்ளது.

இது குறித்து அறிவிப்பு கடந்த 6-ஆம் தேதி அரசிதழில் வெளியிடப்பட்டுள்ளது. அதில் பொறியியல் படிப்புக்களான பி.இ, பி.டெக், பி.ஆர்க், எம்.இ., எம்.டெக், எம்.ஆர்க்., எம்.பிளான், உள்ளிட்ட பட்டபடிப்புகளுக்கு 2018-ஆம் ஆண்டு முதல் ஆன்லைனில் கலந்தாய்வு நடத்தி மாணவர் சேர்க்கை நடத்தப்பட வேண்டும். இது 3 ஆண்டுகளுக்கு பொருந்தும் என உத்தரவில் குறிப்பிடப்பட்டுள்ளது.

மேலும், ஆன்லைனில் கலந்தாய்வு நடத்துவதற்காக புதிய மறுசீரமைப்பு கமிட்டி அண்ணா பல்கலைக்கழக துணைவேந்தர் தலைமையில் அமைக்கப்பட்டுள்ளது.

இந்த கமிட்டியில் அண்ணா பல்கலைக்கழகம் எம்.ஐ.டி. வளாகத்தில் உள்ள தகவல் தொழில்நுட்பத் துறை பேராசிரியர் ரைமண்ட் உதரிராஜ் புதிய உறுப்பினராக சேர்க்கப்பட்டுள்ளார். இவர் ஆன்லைன் கலந்தாய்வு செயலாளராக இருப்பார். ஏற்கனவே, இப்பொறுப்பில் இந்துமதி இருந்து வந்தார் என்பது குறிப்பிடத்தக்கது. 

ஆன்லைனில் கலந்தாய்வு நடத்துவதற்கு வசதியாக மென்பொருளை வடிவமைக்கும் பணிகள் அண்ணா பல்கலைக்கழக பேராசிரியர் குழுவிடம் அளிக்கப்பட்டுள்ளது.

வெளியூர்களில் இருந்து பொறியியல் கலந்தாய்வுக்கு வருகை தரும் மாணவர்கள் மற்றும் பெற்றோர்களின் சிரமத்தை தவிர்க்க ஆன்லைன் கலந்தாய்வு நடத்தும்படி உயர் கல்வித்துறை அமைச்சருக்கு அண்ணா பல்கலைக்கழக பதிவாளர் கணேசன் கடிதம் எழுதியிருந்தது குறிப்பிடத்தக்கது.

]]>
http://images.dinamani.com/uploads/user/imagelibrary/2017/4/20/w600X390/annauniversity.jpg http://www.dinamani.com/education/2017/nov/10/government-order-to-next-year-the-engineer-counseling--annu-university-to-conduct-online-consultatio-2805409.html
2804951 கல்வி கைத்தறி-துணி நூல், சிறைத் துறை உயரதிகாரிகள் பதவி: டிஎன்பிஎஸ்சி பட்டியல் வெளியீடு DIN DIN Friday, November 10, 2017 03:45 AM +0530 கைத்தறி மற்றும் துணிநூல், சிறைத்துறை உயரதிகாரிகள் பதவிக்கு தேர்வு செய்யப்பட்டோர் பட்டியல் அரசுப் பணியாளர் தேர்வாணைய இணையதளத்தில் வெளியிடப்பட்டுள்ளது.
கைத்தறி மற்றும் துணிநூல் துறையில் உதவி இயக்குநர் பணியிடத்துக்கு கடந்த ஆகஸ்ட்டிலும், சிறை அலுவலர் பணியிடங்களுக்கு கடந்த ஆகஸ்ட், செப்டம்பர் ஆகிய மாதங்களிலும் எழுத்துத் தேர்வு நடைபெற்றது. 
இந்தத் தேர்வுகளின் மூலம் தெரிவு செய்யப்பட்டோரின் விவரங்கள் தேர்வாணைய இணையதளத்தில் (‌w‌w‌w.‌t‌n‌p‌s​c.‌g‌o‌v.‌i‌n)  வெளியிடப்பட்டுள்ளதாக அரசுப் பணியாளர் தேர்வாணையம் தெரிவித்துள்ளது.

]]>
http://www.dinamani.com/education/2017/nov/10/கைத்தறி-துணி-நூல்-சிறைத்-துறை-உயரதிகாரிகள்-பதவி-டிஎன்பிஎஸ்சி-பட்டியல்-வெளியீடு-2804951.html
2804921 கல்வி பணிபுரிபவர்களுக்கான எம்.பி.ஏ. படிப்பு: சென்னை ஐஐடி அறிமுகம் DIN DIN Friday, November 10, 2017 02:35 AM +0530 பணியில் இருப்பவர்களுக்கான இரண்டு ஆண்டு எம்.பி.ஏ. படிப்பை சென்னை ஐஐடி அறிமுகம் செய்துள்ளது.
இது தொடர்பாக சென்னை ஐஐடி வெளியிட்ட செய்தி: பணியில் இருப்பவர்கள் சேர்ந்து படிக்கும் வகையில் இரண்டு ஆண்டுகள் எம்.பி.ஏ. படிப்பு அறிமுகம் செய்யப்பட்டுள்ளது.
தொழில் நிறுவனங்களின் இன்றைய தேவையைப் பூர்த்தி செய்யக் கூடிய வகையிலும் டிஜிட்டல் பொருளாதாரம் எதிர்கால உற்பத்தித் துறை எதிர்பார்ப்புகளைப் பூர்த்தி செய்யக் கூடிய வகையிலும் இந்த எம்.பி.ஏ. படிப்பு வழங்கப்பட உள்ளது. 
வரும் ஜனவரி முதல் வகுப்புகள் தொடங்கப்படும். வார இறுதி நாள்களில் வகுப்புகள் நடத்தப்படும்.இப்படிப்பில் சேர்க்கை பெறுவதற்கான விண்ணப்பத்தைச் சமர்ப்பிக்க நவ.30 கடைசி நாளாகும்.
சேர்க்கை பெற விரும்பும் மாணவர்கள் ஏதாவது ஒரு பட்டப் படிப்பில் முதல் வகுப்பில் தேர்ச்சி பெற்றிருப்பதோடு தொழில்நிறுவனத்தில் மூன்று ஆண்டுகள் பணி அனுபவமும் பெற்றிருக்க வேண்டும். நுழைவுத் தேர்வு மூலம் சேர்க்கை நடத்தப்படும்.

]]>
http://www.dinamani.com/education/2017/nov/10/பணிபுரிபவர்களுக்கான-எம்பிஏ-படிப்பு-சென்னை-ஐஐடி-அறிமுகம்-2804921.html
2803687 கல்வி சென்னை மாவட்ட பள்ளிகளில் முன் அரையாண்டுத் தேர்வு ரத்து DIN DIN Wednesday, November 8, 2017 02:25 AM +0530 சென்னை மாவட்டப் பள்ளிகளில் பத்தாம் வகுப்பு, பிளஸ் 1, பிளஸ் 2 வகுப்புகளுக்கு நடைபெறவிருந்த முன் அரையாண்டுத் தேர்வு ரத்து செய்யப்பட்டுள்ளதாக மாவட்ட முதன்மைக் கல்வி அலுவலர் தெரிவித்துள்ளார்.
இது தொடர்பாக வெளியிட்ட சுற்றறிக்கை:
சென்னை மாவட்ட முதன்மைக் கல்வி அலுவலகத்தின் கீழ் செயல்பட்டு வரும் அனைத்துப் பள்ளிகளிலும் பத்தாம் வகுப்பு, பிளஸ் 1 மற்றும் பிளஸ் 2 வகுப்புகளில் பயிலும் மாணவர்களுக்கு சென்னை மாவட்டத் தேர்வுக் குழுவின் மூலம் தேர்வுகள் நடத்தப்பட்டு வருகின்றன. 
தொடர் மழையால் பள்ளிகளுக்கு விடுமுறை விடப்பட்டுள்ளதாலும் ஆசிரியப் பெருமக்கள் பாடங்களை முடிக்க முடியாத சூழ்நிலை ஏற்பட்டுள்ளதாலும் ஆசிரியர்களின் வேண்டுகோளுங்கிணங்க முன் அரையாண்டுத் தேர்வுகள் ரத்து செய்யப்படுகிறது.

]]>
http://www.dinamani.com/education/2017/nov/08/சென்னை-மாவட்ட-பள்ளிகளில்-முன்-அரையாண்டுத்-தேர்வு-ரத்து-2803687.html
2803037 கல்வி பள்ளிகளில் மேற்கொள்ளப்பட்ட முன்னெச்சரிக்கை நடவடிக்கைகளை உறுதி செய்ய வேண்டும் DIN DIN Tuesday, November 7, 2017 02:21 AM +0530 வடகிழக்குப் பருவமழை விடுமுறைக்குப் பிறகு பள்ளிகள் வழக்கம்போல் தொடங்கும்போது மாணவர்கள் நலன் கருதி மேற்கொள்ளப்பட்ட முன்னெச்சரிக்கை நடவடிக்கைகளை தலைமை ஆசிரியர்கள், ஆசிரியர்கள் உறுதி செய்ய வேண்டும் என ஆட்சியர் வெ.அன்புச் செல்வன் உத்தரவிட்டுள்ளார்.
இதுகுறித்து அவர் திங்கள்கிழமை வெளியிட்ட உத்தரவில் கூறியிருப்பதாவது: சென்னை மாவட்டத்தின் பல பகுதிகளில் கடந்த ஒரு வார காலமாக கனமழை பெய்து வருகிறது. 
இதன் காரணமாக பள்ளிகள் மற்றும் அவர்களது பெற்றோர் நலனைக் கருத்தில் கொண்டு மாவட்டத்தில் உள்ள பள்ளிகளுக்கு கடந்த அக்.31-ஆம் தேதி முதல் நவ.6-ஆம் தேதி வரை விடுமுறை அறிவிக்கப்பட்டது.
கடந்த நவ.1-ஆம் தேதி அனைத்துப் பள்ளித் தாளாளர்கள், முதல்வர்கள், தலைமை ஆசிரியர்கள் மற்றும் ஆசிரியர்கள் தங்களது பள்ளி வளாகங்களில் மழைநீர் தேங்காதவாறும் அவற்றுடன் கழிவுநீர் கலக்காதவாறும் நிரந்தர ஏற்பாடுகளைச் செய்ய வேண்டும் என அறிவுறுத்தப்பட்டது. 
மின்கசிவு-சுற்றுப்புறச் சூழல்...பள்ளிகள் அனைத்தும் வழக்கம்போல தொடங்கும்போது பள்ளி வளாகங்களில் மழைநீர் தேங்கவில்லை என்பதையும் பள்ளி மாணவர்களை நோய்த் தொற்று பாதிக்காத வகையில் சுற்றுப்புறச் சூழல் நன்றாக உள்ளது என்பதையும் பள்ளி வளாகம் மற்றும் வகுப்பறைகளில் மின்கசிவு இல்லை போன்ற முன்னெச்சரிக்கை நடவடிக்கைகளை பள்ளி தலைமையாசிரியர்கள், ஆசிரியர்கள் உறுதி செய்து கொள்ள வேண்டும்.
தொடர்புடைய மாவட்டக் கல்வி அதிகாரிகள் பள்ளிகளுக்கு நேரில் சென்று ஆய்வு செய்து சான்றளிக்குமாறு தெரிவிக்கப்படுகிறது. 
பள்ளி மாணவர்களின் பாதுகாப்பு மற்றும் நலனில் மிகுந்த அக்கறையுடனும், விழிப்புணர்வுடனும் செயல்பட வேண்டும்.

]]>
http://www.dinamani.com/education/2017/nov/07/பள்ளிகளில்-மேற்கொள்ளப்பட்ட-முன்னெச்சரிக்கை-நடவடிக்கைகளை-உறுதி-செய்ய-வேண்டும்-2803037.html
2803031 கல்வி ஆயுர்வேதம், ஹோமியோபதியில் முதுநிலை மருத்துவப் படிப்புகளைத் தொடங்க வலியுறுத்தல் DIN DIN Tuesday, November 7, 2017 02:17 AM +0530 தமிழக அரசு, சுயநிதிக் கல்லூரிகளில் ஆயுர்வேதம், ஹோமியோபதி முதுநிலை மருத்துவப் படிப்புகளை தொடங்க ஆவன செய்ய வேண்டும் என்று மத்திய ஹோமியோபதி கவுன்சில் தலைவர் டாக்டர் ராம்ஜிசிங் வலியுறுத்தினார்.
மேற்கு தாம்பரம் சாய்ராம் ஆயுர்வேதம்-சித்த மருத்துவம்-ஹோமியோபதி மருத்துவக் கல்லூரிகளின்
11-ஆவது பட்டமளிப்பு விழா சனிக்கிழமை நடைபெற்றது. இந்நிகழ்ச்சியில் 140 மாணவர்களுக்கு பட்டம் வழங்கி டாக்டர் ராம்ஜி சிங் மேலும் பேசியது:
தமிழகத்தில் ஆயுர்வேத, ஹோமியோபதி இளநிலை மருத்துவப் படிப்புகளை நிறைவு செய்த மாணவர்கள் முதுநிலை மருத்துவப்படிப்புகளுக்காக வெளிமாநிலங்களுக்குச் செல்லும் நிலை உள்ளது. எனவே முதுநிலை மருத்துவப் படிப்புகளைத் தொடங்க நடவடிக்கை எடுக்க வேண்டும்.
தரமான பாடத் திட்டங்கள்: பிரதமர் மோடியின் வழிகாட்டுதலின்படி புத்துணர்வு பெற்றுள்ள ஆயுஷ் அமைச்சகத்தின் கீழ் செயல்பட்டு வரும் ஹோமியோபதி மத்தியக் கவுன்சில் மூலம் நாடு முழுவதும் ஹோமியோபதி இளநிலை, முதுநிலை மருத்துவப் படிப்புகளுக்குத் தரமான பாடத் திட்டங்கள் வகுக்கப்பட்டுள்ளன. ஹோமியோபதி மருத்துவக் கல்லூரிகளின் தரத்தை மேம்படுத்தவும் நடவடிக்கை எடுக்கப்பட்டு வருகிறது.
சர்வதேச அளவிலான மருத்துவக் கல்வியை மாணவர்கள் பெறுவதற்கான ஆய்வு நடவடிக்கைகளை மத்திய ஹோமியோபதி கவுன்சிலின் கல்வி மேம்பாட்டுக் குழு மேற்கொண்டுள்ளது என்றார் டாக்டர் ராம்ஜி சிங்.
உலகம் போற்றும் ஆயுர்வேதம்: இந்நிகழ்ச்சியில் இந்திய மருத்துவ முறை மத்திய மருத்துவக் கவுன்சில் தலைவர் டாக்டர் வனிதா ஆர். முரளிகுமார் பேசுகையில், '' இங்கிலாந்து உள்ளிட்ட ஐரோப்பிய நாடுகளில் உள்ள 166 ஆயுர்வேத மருத்துவக் கல்லூரிகளில் அமெரிக்கா,ரஷியா,ஆஸ்திரேலிய நாடுகளைச் சேர்ந்த ஏராளமான அலோபதி மருத்துவர்கள் படித்து வருகின்றனர். எனவே, சர்வதேச மருத்துவ சமூகத்தின் கவனத்தை ஈர்த்துள்ள ஆயுர்வேத மருத்துவத் துறையில் மாணவர்கள் தங்களது அறிவாற்றலை மேம்படுத்தி ஆராய்ச்சி நடவடிக்கைகளில் கவனம் செலுத்த வேண்டும்'' என்றார் டாக்டர் வனிதா ஆர்.முரளிக்குமார்.
இந்நிகழ்ச்சியில் மத்திய ஹோமியோபதி கவுன்சில் உறுப்பினர் மிர்துள் குமார் சஹானி, சாய்ராம் கல்விக் குழுமங்களின் தலைமைச் செயல் அதிகாரி சாய்பிரகாஷ் லியோமுத்து, பொருளாளர் ஷர்மிளா ராஜா, தாளாளர் ஆர்.சதீஷ்குமார், மருத்துவக் கல்லூரி முதல்வர்கள் பி.சேரமன்னன், மதுக்குமார், ராமகிருஷ்ணாச்சார்யா உள்ளிட்டோர் பங்கேற்றனர்.
 

]]>
http://www.dinamani.com/education/2017/nov/07/ஆயுர்வேதம்-ஹோமியோபதியில்-முதுநிலை-மருத்துவப்-படிப்புகளைத்-தொடங்க-வலியுறுத்தல்-2803031.html
2803028 கல்வி குரூப் -2 தேர்வு: மாதிரி நேர்காணல் பயிற்சி நவ.10 -இல் தொடக்கம் DIN DIN Tuesday, November 7, 2017 02:17 AM +0530 குரூப் -2 தேர்வுக்கான மாதிரி நேர்காணல் பயிற்சி, சென்னை அண்ணா நகர் திருமங்கலத்திலுள்ள ஃபோக்கஸ் அகாதெமியில் வரும் வெள்ளிக்கிழமை (நவ.10) தொடங்க உள்ளது. 
இதுதொடர்பாக, அகாதெமி நிர்வாகம் வெளியிட்ட செய்திக்குறிப்பு:
துணை வணிகவரி அலுவலர், சார் பதிவாளர், நன்னடத்தை அலுவலர், உதவி வேலைவாய்ப்பு அலுவலர் உள்ளிட்ட 1,241 குரூப் - 2 பணியிடங்களுக்கான சான்றிதழ் சரிபார்ப்புப் பணியை தமிழ்நாடு அரசுப் பணியாளர் தேர்வாணையம் நடத்தி முடித்துள்ளது. இதனைத் தொடர்ந்து நடைபெற உள்ள நேர்முகத் தேர்வுக்கு தேர்வர்களைத் தயார்படுத்த ஃபோக்கஸ் அகாதெமி மாதிரி நேர்காணல் பயிற்சி வெள்ளிக்கிழமை (நவ.10) தொடங்க உள்ளது.
அரசுத் துறை உயரதிகாரிகள், துறை வல்லுநர்கள் கலந்து கொள்ளும் இந்தப் பயிற்சி வகுப்புகளில் சான்றிதழ் சரிபார்ப்புப் பணிக்கு அழைக்கப்பட்டுள்ள தேர்வர்கள் அனைவரும் கலந்து கொள்ளலாம். பயிற்சிக்கு கட்டணம் கிடையாது. 
தேர்வர்கள் அகாதெமிக்கு நேரில் வந்து தங்கள் பெயரினை முன்பதிவு செய்து கொள்ள வேண்டும். மேலும் விவரங்களுக்கு 82489 51454, 044-2615 5686 என்ற எண்களில் தொடர்பு கொள்ளலாம்.
 

]]>
http://www.dinamani.com/education/2017/nov/07/குரூப்--2-தேர்வு-மாதிரி-நேர்காணல்-பயிற்சி-நவ10--இல்-தொடக்கம்-2803028.html
2802950 கல்வி நவ. 25 பொறியியல் தேர்வுகள் டிச.4 -ஆம் தேதிக்கு ஒத்திவைப்பு DIN DIN Tuesday, November 7, 2017 01:28 AM +0530 பொறியியல் கல்லூரி மாணவர்களுக்கு வரும் 25 -ஆம் தேதி நடத்தப்பட இருந்த பருவத் தேர்வுகளை, டிசம்பர் 4 -ஆம் தேதிக்கு அண்ணா பல்கலைக்கழகம் ஒத்திவைத்துள்ளது.
சென்னை உள்ளிட்ட கடலோர மாவட்டங்களில் பெய்த கனமழை காரணமாக கடந்த வெள்ளிக்கிழமை (நவ.3) நடைபெற இருந்த தேர்வுகளை அண்ணா பல்கலைக்கழகம் ஒத்திவைத்தது. தற்போது இதற்கான மறு தேதி அறிவிக்கப்பட்டுள்ளது.
அதன்படி, நவம்பர் 3 -ஆம் தேதி நடைபெறவிருந்த தேர்வுகள், நவம்பர் 25 - ஆம் தேதியும், நவம்பர் 25 அன்று நடத்தப்பட இருந்தத் தேர்வுகள் அனைத்தும் டிசம்பர் 4 -ஆம் தேதியும் நடத்தப்படும் எனத் தெரிவிக்கப்பட்டுள்ளது.
 

]]>
http://www.dinamani.com/education/2017/nov/07/நவ-25-பொறியியல்-தேர்வுகள்-டிச4--ஆம்-தேதிக்கு-ஒத்திவைப்பு-2802950.html
2802359 கல்வி நெட் தேர்வு: 8 லட்சத்துக்கும் மேற்பட்டோர் பங்கேற்பு DIN DIN Monday, November 6, 2017 02:19 AM +0530 கல்லூரிப் பேராசிரியர் பணிக்கான தேசிய அளவிலான (நெட்) தகுதித் தேர்வை நாடு முழுவதும் 8 லட்சத்துக்கும் மேற்பட்டோர் ஞாயிற்றுக்கிழமை எழுதினர்.
கல்லூரிப் பேராசிரியர் பணிக்குத் தகுதி பெறுவதற்கும் மத்திய அரசின் ஆராய்ச்சி உதவித் தொகையைப் பெறுவதற்கும் தேசிய அளவிலான தகுதித் தேர்வு ஆண்டுக்கு இருமுறை நடத்தப்பட்டு வருகிறது. இத்தேர்வை மத்திய இடைநிலைக் கல்வி வாரியம் (சிபிஎஸ்இ) நடத்துகிறது. ஞாயிற்றுக்கிழமை நடத்தப்பட்ட தேர்வில் நாடு முழுவதிலும் இருந்து 8 லட்சத்துக்கும் மேற்பட்டோர் பங்கேற்றனர்.
இதுகுறித்து சி.பி.எஸ்.இ. வெளியிட்ட செய்தி:
நெட் தேர்வில் பங்கேற்க 9.30 லட்சம் பேர் விண்ணப்பித்திருந்தனர். நாடு முழுவதும் 91 நகரங்களில் 1,700 தேர்வு மையங்களில் இந்தத் தேர்வு ஞாயிற்றுக்கிழமை நடத்தப்பட்டது. விண்ணப்பித்தவர்களில் 75 சதவீதத்துக்கும் அதிகமானோர் தேர்வில் பங்கேற்றனர். தேர்வில் பங்கேற்ற மாற்றுத் திறனாளிகளுக்கு தாள்-1 மற்றும் தாள்-2 தேர்வுகளுக்கு கூடுதலாக 25 நிமிடங்களும், தாள்-3 தேர்வுக்கு கூடுதலாக 50 நிமிடங்களும் கால அவகாசம் அளிக்கப்பட்டது.

]]>
http://www.dinamani.com/education/2017/nov/06/நெட்-தேர்வு-8-லட்சத்துக்கும்-மேற்பட்டோர்-பங்கேற்பு-2802359.html
2801837 கல்வி பள்ளி மாணவர்களுக்கு டிச.15-இல் ஓவியப் போட்டி DIN DIN Sunday, November 5, 2017 04:37 AM +0530 மத்திய நீர்வளத் துறை அமைச்சகம் சார்பில் வரும் டிசம்பர் 15-ஆம் தேதி பள்ளி மாணவர்களுக்கான ஓவியப் போட்டி நடைபெறுகிறது.
இப்போட்டியில், 6, 7 மற்றும் 8-ஆம் வகுப்பில் படிக்கும் மாணவர்கள் பங்கேற்கலாம். 'நம் எதிர்கால தலைமுறையினரைக் காப்பாற்றுவதற்கு, அதிக கவனத்துடன் தண்ணீரை பயன்படுத்தவும்' என்ற தலைப்பில் இந்த ஓவியப் போட்டி நடைபெறவுள்ளது. மாநில மற்றும் தேசிய அளவில் போட்டிகள் நடைபெறும்.
கூடுதல் விவரங்களுக்கு 044- 24914334, 9600152202 ஆகிய எண்களைத் தொடர்பு கொள்ளலாம்.
 

]]>
http://www.dinamani.com/education/2017/nov/05/பள்ளி-மாணவர்களுக்கு-டிச15-இல்-ஓவியப்-போட்டி-2801837.html
2801752 கல்வி ஒத்திவைக்கப்பட்ட தேர்வுகள் நவ.25-இல் நடத்தப்படும் DIN DIN Sunday, November 5, 2017 01:05 AM +0530 மழை காரணமாக ஒத்திவைக்கப்பட்ட தேர்வுகள் நவ.25-இல் நடத்தப்படும் என அண்ணா பல்கலைக்கழகம் அறிவித்துள்ளது.
தொடர் மழை, சாலைகளில் மழை நீர் தேங்கியதன் காரணமாக வெள்ளிக்கிழமை (நவ.3) நடத்தப்படவிருந்த பருவத் தேர்வுகளை அண்ணா பல்கலைக் கழகம் ஒத்திவைத்தது. அன்றைய தினம் நடத்தப்படவிருந்த தேர்வுகள் அனைத்தும் நவ. 25-ஆம் தேதி நடத்தப்படும் என பல்கலைக் கழகம் அறிவித்துள்ளது.
 

]]>
http://www.dinamani.com/education/2017/nov/05/ஒத்திவைக்கப்பட்ட-தேர்வுகள்-நவ25-இல்-நடத்தப்படும்-2801752.html
2801137 கல்வி திறந்த நிலை பல்கலை. பி.எட். சேர்க்கை: நவ.30 கடைசி DIN DIN Saturday, November 4, 2017 01:24 AM +0530 தமிழ்நாடு திறந்த நிலைப் பல்கலைக்கழகத்தில் பி.எட். படிப்பில் சேர்க்கை பெறுவதற்கான தேதி நீட்டிக்கப்பட்டுள்ளது. 
அதன்படி வரும் நவம்பர் 30-ஆம் தேதி வரை இந்தப் படிப்பில் சேர்க்கை பெறலாம்.
பி.எட். (பொது) படிப்பில் சேர விரும்புபவர்கள் பட்டப் படிப்புடன், ஆசிரியர் கல்வி பட்டயப் படிப்பு முடித்து, ஆசிரியர் பயிற்சியையும் முடித்திருக்க வேண்டும். பி.எட். (சிறப்புக் கல்வி) சேர விரும்புபவர்கள் தமிழக அரசின் 2015 வழிகாட்டுதலின் அடிப்படையில் கல்வித் தகுதியைப் பெற்றிருக்க வேண்டும்.
இதற்கான விண்ணப்பம் மற்றும் விவரங்களை பல்கலைக்கழகத்தின் ஜ்ஜ்ஜ்.ற்ய்ர்ன்.ஹஸ்ரீ.ண்ய் இணையதளத்திலிருந்து பதிவிறக்கம் செய்து கொள்ளலாம். விவரங்களுக்கு 044 - 24306600, 24306617 ஆகிய தொலைபேசி எண்களைத் தொடர்பு கொள்ளலாம்.

]]>
http://www.dinamani.com/education/2017/nov/04/திறந்த-நிலை-பல்கலை-பிஎட்-சேர்க்கை-நவ30-கடைசி-2801137.html
2799335 கல்வி மூன்றாண்டு சட்டப்படிப்பு: நவ.6 முதல் இரண்டாம் கட்ட கலந்தாய்வு DIN DIN Wednesday, November 1, 2017 01:16 AM +0530 மூன்றாண்டு சட்டப் படிப்புக்கான இரண்டாம் கட்ட கலந்தாய்வு நவம்பர் 6 -ஆம் தேதி தொடங்கப்பட உள்ளது.
அரசு சட்டக் கல்லூரிகளில் உள்ள இளநிலை சட்டப்படிப்புகளில் மாணவர் சேர்க்கைக்கான ஒற்றைச் சாளர கலந்தாய்வை தமிழ்நாடு டாக்டர் அம்பேத்கர் சட்டப் பல்கலைக்கழகம் நடத்தி வருகிறது. 
இதில் 7 அரசு சட்டக் கல்லூரிகளில் வழங்கப்படும் மூன்றாண்டு எல்.எல்.பி. படிப்புக்கான மாணவர் சேர்க்கைக்கான முதல்கட்ட கலந்தாய்வு அக்டோபர் இரண்டாவது வாரத்தில் நடைபெற்றது. மொத்தம் 1,502 இடங்களைக் கொண்ட இந்தப் படிப்புக்கான முதல்கட்ட கலந்தாய்வின் முடிவில் 1,000 பேர் இடங்களைத் தேர்வு செய்து, கல்லூரி சேர்க்கைக் கடிதம் பெற்றுச் சென்றனர் . மீதமுள்ள 502 இடங்களுக்கான இரண்டாம் கட்ட கலந்தாய்வு நவம்பர் 6 -ஆம் தேதி தொடங்கி நவம்பர் 8 -ஆம் தேதி வரை நடத்தப்பட உள்ளது. இதற்கான கட்-ஆஃப் மதிப்பெண் , கலந்தாய்வு தேதி உள்ளிட்ட விவரங்கள் பல்கலைக்கழக இணையதளமான www.tndalu.ac.in-இல் வெளியிடப்பட்டுள்ளது.

]]>
http://www.dinamani.com/education/2017/nov/01/மூன்றாண்டு-சட்டப்படிப்பு-நவ6-முதல்-இரண்டாம்-கட்ட-கலந்தாய்வு-2799335.html
2795840 கல்வி தொலைநிலைக் கல்வியில் சேர அக்.31 கடைசி நாள் சென்னை. பல்கலை அறிவிப்பு DIN DIN Thursday, October 26, 2017 01:26 AM +0530 சென்னைப் பல்கலைக்கழக தொலைநிலைக் கல்வி நிறுவனத்தில் பல்வேறு படிப்புகளில் சேர்க்கை பெற அக்டோபர் 31 -ஆம் தேதி கடைசி நாள் எனப் பல்கலைக்கழகம் அறிவித்துள்ளது.
இதுதொடர்பாக வெளியிடப்பட்ட செய்திக்குறிப்பில் ,'தொலைநிலைக் கல்வி நிறுவனத்தில் வழங்கப்படும் இளநிலை, முதுநிலை பட்டப் படிப்பு, தொழிற்கல்வி, பட்டயப் படிப்புகள், சான்றிதழ் படிப்புகளில் சேர்க்கை பெற வரும் 31 -ஆம் தேதி கடைசி நாளாகும். 
விருப்பமுள்ள மாணவர்கள், மாணவர் சேர்க்கை மையம் மூலமாகவோ அல்லது இணையதளம் மூலமாகவோ சேர்க்கை பெறலாம்' என தெரிவிக்கப்பட்டுள்ளது.
 

]]>
http://www.dinamani.com/education/2017/oct/26/தொலைநிலைக்-கல்வியில்-சேர-அக்31-கடைசி-நாள்-சென்னை-பல்கலை-அறிவிப்பு-2795840.html
2788639 கல்வி கல்லூரிக்கு வராமலே வருகைப் பதிவு: விதிமீறலை ஊக்குவிக்கும் பல்கலைக்கழகம் DIN DIN Thursday, October 12, 2017 01:54 AM +0530 கல்லூரிகளுக்கு வராமலே மாணவர்களுக்கு வருகைப் பதிவை (அட்டென்டன்ஸ்) வழங்கும் வகையில், தவறான நடைமுறையை அண்ணாப் பல்கலைக்கழகமே ஊக்குவிப்பதாக பொறியியல் கல்லூரி பேராசிரியர்கள் புகார் தெரிவிக்கின்றனர்.
அகில இந்திய தொழில்நுட்ப கவுன்சில் (ஏஐசிடிஇ) விதிகளின்படி, 8 பருவங்களை (செமஸ்டர்) கொண்ட பி.இ. படிப்புகளில் ஒவ்வொரு பருவமும் 90 நாள்கள் அல்லது 450 மணி நேரம் வகுப்புகள் நடத்தப்பட வேண்டும். இந்த வகுப்புகள் முடிந்தவுடன் பருவத் தேர்வுகள் நடத்தப்படும். 
அவ்வாறு ஒவ்வொரு பருவத் தேர்வும் நடத்தப்படுவதற்கு முன்னதாக, மாணவர்களின் கல்லூரி வருகை விவரம், உள்மதிப்பீட்டுத் தேர்வு (இன்டர்னல்) மதிப்பெண் விவரங்களை சம்பந்தப்பட்ட பல்கலைக்கழகத்தின் இணையதளத்தில் பொறியியல் கல்லூரிகள் பதிவேற்றம் செய்ய வேண்டும். இந்த பதிவேற்றத்தை குறிப்பிட்ட நாள்கள் மட்டுமே மேற்கொள்ள முடியும்.
அதுபோல், இந்த ஆண்டு 3, 5, 7 -ஆம் பருவ வகுப்புகள் (வேலை நாள்) அக்டோபர் 21 -ஆம் தேதி முடிவடைகிறது. செய்முறைத் தேர்வுகள் அக்டோபர் 23 -ஆம் தேதி தொடங்கப்பட உள்ளன. ஆனால், மாணவர் வருகை குறித்த விவரங்களை சமர்பிப்பதற்கான இணையதள பகுதி அக்டோபர் 17 -ஆம் தேதி திறக்கப்பட்டு அக்டோபர் 20 -ஆம் தேதியே மூடபட்டுவிடும் என அண்ணா பல்கலைக்கழகம் அறிவித்துள்ளது. இதன் காரணமாக, அக்டோபர் 21 -ஆம் தேதி வரையிலான மாணவர் வருகையை, முன்கூட்டியே அக்டோபர் 20 -ஆம் தேதியே பதிவேற்றம் செய்யும் நிலை ஏற்பட்டுள்ளது என்கின்றனர் பேராசிரியர்கள்.
இதுகுறித்து தனியார் பொறியியல் கல்லூரி பேராசிரியர்கள் கூறியது:இந்த நடைமுறையை அண்ணா பல்கலைக்கழகம் தொடர்ந்து கடைப்பிடித்து வருகிறது. இம்முறை ஒரு நாள் முன்கூட்டி விவரங்களைச் சமர்ப்பிக்கிறோம். இதற்கு முன்னர் 4 முதல் 5 நாள்களுக்கு முன்கூட்டியே, மாணவர் வருகையை பதிவேற்றம் செய்யும் நிலை ஏற்பட்டிருக்கிறது.
பல்கலைக்கழகம் தொடர்ந்து இதுபோன்ற நடைமுறையைக் கடைப்பிடிப்பது தவறாகும். இதைப் பயன்படுத்தி, பல கல்லூரிகள், பல நாள்கள் கல்லூரிக்கு வராத மாணவர்களுக்கும் முழு வருகைப் பதிவை அளித்து வருகின்றன. இதனால், மாணவர்களும் கல்லூரிக்கு முறையாக வருவதில்லை. பொறியியல் கல்லூரியின் தரம் குறைவதற்கு இதுவும் முக்கியக் காரணம் என்றனர் அவர்கள்.
இதுகுறித்து அண்ணா பல்கலைக்கழக தேர்வுக் கட்டுப்பாட்டு அலுவலர் உமா கூறியது:
பருவ(செமஸ்டர்) வேலை நாள்கள் முடிவதற்கு ஒன்று அல்லது இரண்டு நாள்களுக்கு முன்னதாகவே, மாணவர் வருகை விவரங்களை கல்லூரிகள் சமர்பிக்கக் கோரும் நடைமுறையை பல ஆண்டுகளாக பல்கலைக்கழகம் கடைப்பிடித்து வருகிறது. மாணவர்களுக்கான தேர்வறை நுழைவுச் சீட்டு தயார் செய்வது உள்ளிட்ட பணிகளை மேற்கொள்வதற்காக இவ்வாறு முன்கூட்டியே விவரங்களை பெற வேண்டியிருக்கிறது என்றார் அவர்.
 

]]>
http://www.dinamani.com/education/2017/oct/12/கல்லூரிக்கு-வராமலே-வருகைப்-பதிவு-விதிமீறலை-ஊக்குவிக்கும்-பல்கலைக்கழகம்-2788639.html
2788638 கல்வி இந்திய முறை மருத்துவப் படிப்புகள்: 188 இடங்கள் நிரம்பின DIN DIN Thursday, October 12, 2017 01:53 AM +0530 சித்த மருத்துவம் உள்ளிட்ட இந்திய முறை மருத்துவப் படிப்புகளுக்கு புதன்கிழமை நடைபெற்ற கலந்தாய்வின் முடிவில் மொத்தம் 188 இடங்கள் நிரம்பின.
சித்த மருத்துவம், ஆயுர்வேதம், யுனானி, யோகா மற்றும் இயற்கை மருத்துவம், ஹோமியோபதி ஆகிய படிப்புகளுக்கான கலந்தாய்வு, சென்னை அரும்பாக்கம் இந்தியமுறை மருத்துவக் கல்லூரி வளாகத்தில் புதன்கிழமை தொடங்கியது. இந்தப் படிப்புகளுக்கு அரசு கல்லூரிகளில் 390 இடங்களும், தனியார் கல்லூரிகளில் 671 அரசு ஒதுக்கீட்டு இடங்களும் என மொத்தம் 1,061 இடங்கள் உள்ளன.
ராணுவ வீரர்களின் வாரிசுகள், மாற்றுத்திறனாளிகள் உள்ளிட்ட சிறப்புப் பிரிவினருக்கான கலந்தாய்வு முற்பகல் நடைபெற்றது. பிற்பகலில் பொதுப்பிரிவினருக்கான கலந்தாய்வு நடைபெற்றது.
முதல்நாள் கலந்தாய்வின் முடிவில் மொத்தம் 188 இடங்கள் நிரம்பின. மீதம் உள்ள 873 இடங்களுக்கு தொடர்ந்து வியாழக்கிழையும் கலந்தாய்வு நடைபெறும்.
 

]]>
http://www.dinamani.com/education/2017/oct/12/இந்திய-முறை-மருத்துவப்-படிப்புகள்-188-இடங்கள்-நிரம்பின-2788638.html
2788617 கல்வி செவிலியர் பட்டயப்படிப்பு: விண்ணப்பங்கள் வரவேற்பு DIN DIN Thursday, October 12, 2017 01:41 AM +0530 தமிழகத்தில் செவிலியர் பட்டயப் படிப்புக்கான விண்ணப்ப விநியோகம் புதன்கிழமை தொடங்கியது.
தமிழகத்தில் உள்ள 23 அரசு செவிலிய பட்டயப்படிப்பு கல்லூரிகளில் நிகழ் கல்வியாண்டுக்கான மாணவிகள் சேர்க்கைக்கு விண்ணப்பங்கள் விநியோகிக்கப்படுகின்றன. இந்தக் கல்லூரிகளில் சுமார் 2 ஆயிரம் இடங்கள் உள்ளன. தமிழகத்தில் உள்ள 22 அரசு மருத்துவக் கல்லூரிகள், காஞ்சிபுரம், கடலூர், ராமநாதபுரம், திண்டுக்கல், ஊட்டி, திருப்பூர், நாகை, விருதுநகர் ஆகிய 8 இடங்களில் உள்ள மாவட்ட தலைமை அரசு மருத்துவமனைகளிலும் வியாழக்கிழமை (அக்.12) முதல் விண்ணப்பங்கள் நேரடியாக விநியோகிக்கப்படும்.
இதுதவிர, www.tnhelath.org, www.tnmedicalselection.org ஆகிய இணையதளங்களில் புதன்கிழமையில் இருந்து விண்ணப்பங்ளைப் பதிவிறக்கம் செய்து கொள்ளலாம் என்று அறிவிக்கப்பட்டுள்ளது.
விண்ணப்பக் கட்டணம் ரூ. 300. தாழ்த்தப்பட்டோர், பழங்குடியின மாணவிகள் ஜாதிச் சான்றிதழின் இரண்டு நகல்களை சமர்ப்பித்து விண்ணப்பங்களை இலவசமாகப் பெற்றுக் கொள்ளலாம்.
விண்ணப்பங்களைப் பெற வரும் 21-ஆம் தேதி கடைசியாகும். பூர்த்தி செய்யப்பட்ட விண்ணப்பங்கள் 23 -ஆம் தேதிக்குள் மருத்துவக் கல்வி தேர்வுக் குழுவினருக்கு சென்று சேர வேண்டும். நவம்பர் முதல் வாரத்தில் தகுதிப்பட்டியல் வெளியிடப்பட்டு, இரண்டாம் வாரத்தில் கலந்தாய்வு நடைபெறும் என்று அதிகாரிகள் தெரிவித்தனர்.

]]>
http://www.dinamani.com/education/2017/oct/12/செவிலியர்-பட்டயப்படிப்பு-விண்ணப்பங்கள்-வரவேற்பு-2788617.html
2788551 கல்வி நெல்லையில் செவிலியர் பட்டயப் படிப்புக்கான விண்ணப்பம் விநியோகம் DIN DIN Thursday, October 12, 2017 12:42 AM +0530 திருநெல்வேலி அரசு மருத்துவக் கல்லூரி மருத்துவமனையில் செவிலியர் பட்டயப் படிப்புக்கான விண்ணப்பங்கள் விநியோகம் புதன்கிழமை தொடங்கியது.
அரசு மருத்துவக் கல்லூரிகளில் செவிலியர் பயிற்சிப் பள்ளி அமைந்துள்ள கல்லூரிகளில் 2017-18 ஆம் ஆண்டுக்கான செவிலியர் பட்டயப் படிப்புக்கான (டிப்ளமோ நர்சிங்) விண்ணப்பங்கள் விநியோகம் புதன்கிழமை தொடங்கும் என அறிவிக்கப்பட்டிருந்தது. அதன்படி திருநெல்வேலி அரசு மருத்துவக் கல்லூரி வளாகத்தில் விண்ணப்ப விநியோகத்தை கல்லூரி முதல்வர் சித்தி அத்திய முனவரா தொடங்கி வைத்து கூறியது: விண்ணப்பங்கள் ஞாயிறு மற்றும் அரசு விடுமுறை தினங்கள் தவிர மற்ற நாள்களில் இம் மாதம் 21 ஆம் தேதி வரை கல்லூரி வளாகத்தில் உள்ள நிர்வாக அலுவலக கட்டடத்தில் வழங்கப்படும். விண்ணப்பதாரர்கள் 31-12-2017 இல் குறைந்தபட்சமாக 17 வயது நிரம்பியவராகவும், அதிகபட்சமாக 35 வயது நிரம்பாதவராகவும் இருக்க வேண்டும். மேல்நிலைப் பள்ளிக் கல்விச் சான்றிதழ் தேர்வில் அல்லது அதற்கு இணையான தேர்வில் அனைத்துப் பாடங்களிலும் தேர்ச்சி பெற்றிருக்க வேண்டும்.
ஆதிதிராவிடர், அருந்ததியர், பழங்குடியின வகுப்பினர் விண்ணப்பங்களை எவ்வித கட்டணமும் செலுத்தாமல் பெறலாம். விண்ணப்ப மனுவுடன் சாதிச் சான்றிதழ் 2 நகல்கள் சமர்ப்பிக்க வேண்டும். இதர வகுப்பினர் கோரிக்கை மனுவுடன் ரூ.300 வரைவோலை சமர்ப்பிக்க வேண்டும். பூர்த்தி செய்யப்பட்ட விண்ணப்பங்களை செயலர், தேர்வுக்குழு, 162 ஈ.வெ.ரா. பெரியார் நெடுஞ்சாலை, கீழ்ப்பாக்கம், சென்னை-10 என்ற முகவரிக்கு 23 ஆம் தேதி மாலை 5 மணிக்குள் கிடைக்குமாறு அனுப்பி வைக்க வேண்டும்.
 

]]>
http://www.dinamani.com/education/2017/oct/12/நெல்லையில்-செவிலியர்-பட்டயப்-படிப்புக்கான-விண்ணப்பம்-விநியோகம்-2788551.html
2787809 கல்வி இந்திய மருத்துவ முறை படிப்புகளுக்கு நாளை கலந்தாய்வு DIN DIN Tuesday, October 10, 2017 10:54 AM +0530 சென்னை:  சித்த மருத்துவம், ஆயுர்வேத மருத்துவம் உள்ளிட்ட இந்தியமுறை மருத்துவப்  படிப்புகளுக்கு புதன்கிழமை (அக்.11) கலந்தாய்வு தொடங்க உள்ளது.

தமிழகத்தில் சித்தா, ஆயுர்வேதம், யுனானி, யோகா மற்றும் இயற்கை மருத்துவம், ஹோமியோபதி ஆகிய படிப்புகளுக்கான விண்ணப்ப விநியோகம் ஆகஸ்ட் 2}ஆம் தேதி முதல் 30-ஆம் தேதி வரை நடைபெற்றது. இதற்கு 6,938 பேர் விண்ணப்பித்துள்ளனர்.

இந்தப் படிப்புகளுக்கு 6 அரசு மருத்துவக் கல்லூரிகளில் 396 இடங்களும், 17}க்கும் மேற்பட்ட  தனியார் கல்லூரிகளில் 600 அரசு ஒதுக்கீட்டு இடங்களும் உள்ளன.
இந்தப் படிப்புகளுக்கான முதல் கட்ட கலந்தாய்வு சென்னை  அரும்பாக்கத்தில் உள்ள அறிஞர் அண்ணா அரசினர் இந்திய மருத்துவமனை வளாகத்தில் உள்ள  தேர்வுக்குழு அலுவலகத்தில்  புதன்கிழமை (அக்.11) நடைபெற உள்ளது.

காலை 9 மணி முதல்...: முதல் நாள் சிறப்புப் பிரிவினர் மற்றும் தரவரிசை 1 முதல் 520 வரை,  கட்-ஆஃப் மதிப்பெண்  198.50 முதல் 192.50 வரையுள்ள மாணவர்களுக்கு கலந்தாய்வு நடைபெறும். காலை 9 மணிக்கு  கலந்தாய்வு தொடங்கும் என்று அறிவிக்கப்பட்டுள்ளது.

]]>
http://www.dinamani.com/education/2017/oct/10/இந்திய-மருத்துவ-முறை-படிப்புகளுக்கு-நாளை-கலந்தாய்வு-2787809.html
2785668 கல்வி தொலைநிலைக் கல்வி நிறுவன தேர்வு மறு மதிப்பீடு முடிவுகள் இன்று வெளியீடு DIN DIN Saturday, October 7, 2017 02:22 AM +0530 சென்னைப் பல்கலைக்கழக தொலைநிலைக் கல்வி நிறுவன 2017 ஜூன் தேர்வு மறு மதிப்பீடு முடிவுகள் சனிக்கிழமை (அக்.7) வெளியிடப்படும் என பல்கலைக்கழகம் அறிவித்துள்ளது.
மறு மதிப்பீடு முடிவுகளை தொலைநிலைக் கல்வி நிறுவன இணையதளத்தில் பார்த்துத் தெரிந்துகொள்ளலாம் எனத் தெரிவிக்கப்பட்டுள்ளது.

]]>
http://www.dinamani.com/education/2017/oct/07/தொலைநிலைக்-கல்வி-நிறுவன-தேர்வு-மறு-மதிப்பீடு-முடிவுகள்-இன்று-வெளியீடு-2785668.html
2785665 கல்வி தேசிய ஃபேஷன் டெக்னாலஜி: 250 பேருக்கு பட்டமளிப்பு DIN DIN Saturday, October 7, 2017 02:21 AM +0530 தேசிய ஃபேஷன் டெக்னாலஜி கல்வி நிறுவனத்தின் பட்டமளிப்பு விழாவில் இளநிலை மற்றும் முதுநிலைப் படிப்புகளில் மொத்தம் 250 பேருக்கு சென்னையில் வெள்ளிக்கிழமை (அக்.6) பட்டம் வழங்கப்பட்டது.
தேசிய ஃபேஷன் டெக்னாலஜி கல்வி நிறுவனம், முதன்மை வடிவமைப்பு நிறுவனமாக இருக்கிறது. இது, மத்திய ஜவளித் துறை அமைச்சகத்தின் கீழ் செயல்படுகிறது. இந்தியாவில் செயல்படும் ஃபேஷன் டெக்னாலஜி தொடர்பான சிறந்த கல்வி நிறுவனங்களில் ஒன்றாக சென்னையில் உள்ள தேசிய ஃபேஷன் டெக்னாலஜி கல்வி நிறுவனம் விளங்குகிறது.
இந்தக் கல்வி நிறுவனத்தின் 6-ஆவது பட்டமளிப்பு விழா, சென்னை தரமணியில் உள்ள தேசிய ஃபேஷன் டெக்னாலஜி நிறுவன அரங்கில் நடைபெற்றது. இதில் மக்களவை உறுப்பினர் வி.சத்தியபாமா, மாநிலங்களவை உறுப்பினர் கனிமொழி, தமிழக அரசு முதன்மைச் செயலர் பணீந்திர ரெட்டி, தேசிய ஃபேஷன் டெக்னாலஜி நிலையத்தின் இயக்குநர் அனிதா மனோகர் ஆகியோர் கலந்து கொண்டனர்.
நிகழ்ச்சியின்போது, முதுநிலை ஃபேஷன் மேலாண்மை படிப்பில் 35 பேருக்கும், முதுநிலை ஃபேஷன் தொழில்நுட்பப் படிப்பில் 19 பேருக்கும் பட்டம் வழங்கப்பட்டது. இளநிலைப் படிப்பு பொருத்தவரை, ஃபேஷன் வடிவமைப்பு படிப்பில் 32 பேருக்கும், அசஸ்சோரி வடிவமைப்பு படிப்பில் 27 பேருக்கும், தோல் வடிவமைப்பு படிப்பில் 28 பேருக்கும், பின்னலாடை வடிவமைப்பில் 27 பேருக்கும், ஜவுளி வடிவமைப்பு படிப்பில் 31 பேருக்கும், ஃபேஷன் தொடர்பு படிப்பில் 24 பேருக்கும், ஆடைத் தயாரிப்பு படிப்பில் 27 பேருக்கும் பட்டம் வழங்கப்பட்டது. இளநிலை மற்றும் முதுநிலை பட்டப் படிப்பில் 
மொத்தம் 250 பேருக்கு பட்டம் அளிக்கப்பட்டது.

]]>
http://www.dinamani.com/education/2017/oct/07/தேசிய-ஃபேஷன்-டெக்னாலஜி-250-பேருக்கு-பட்டமளிப்பு-2785665.html
2784395 கல்வி பட்டச் சான்றிதழ் தொலைந்தால் இனி எஃப்.ஐ.ஆர். தேவையில்லை: சென்னைப் பல்கலை. எம். மார்க் நெல்சன் DIN Thursday, October 5, 2017 10:44 AM +0530 பட்டச் சான்றிதழ் தொலைந்துவிட்டால், இரண்டாம்படி சான்றிதழை (டூப்ளிக்கேட் சர்ட்டிபிகேட்) பெற காவல்துறையிடம் முதல் தகவல் அறிக்கை (எஃப்.ஐ.ஆர்.) பதிவு செய்யத் தேவையில்லை என்ற புதிய நடைமுறையை சென்னைப் பல்கலைக்கழகம் கொண்டுவர உள்ளது. அதேசமயம், இந்த இரண்டாம் படி சான்றிதழைப் பெறுவதற்கான கட்டணத்தை ரூ. 1000 கூடுதலாக உயர்த்தவும் பல்கலைக்கழகம் முடிவு செய்துள்ளது.
சென்னைப் பல்கலைக்கழக விதிகளின்படி, பட்டச் சான்றிதழைத் தொலைத்துவிட்ட மாணவர்கள் இரண்டாம் படி பட்டச் சான்றிதழைப் பெற முதலில், போலீஸில் புகார் கொடுத்து எஃப்.ஐ.ஆர். பதிவு செய்ய வேண்டும். பின்னர், காவல்துறையிடமிருந்து தொலைந்துபோன சான்றிதழை கண்டுபிடிக்க இயலவில்லை என சான்று பெற்று பல்கலைக்கழகத்தில் சமர்ப்பிக்க வேண்டும். 
இந்த நடைமுறை காரணமாக, மாணவர்கள் அலைக்கழிக்கப்படுவதாகவும், காவல் துறையிடம் சான்றிதழைப் பெற கையூட்டு கொடுக்க வேண்டி இருப்பதாகவும் புகார்கள் எழுந்தன.
இந்த நிலையில், இதற்கும் விண்ணப்பிக்கும் முறையை எளிமைப்படுத்தும் வகையில், மாணவர்கள் இரண்டாம் படி சான்றிதழைப் பெற இனி போலீஸாரிடமிருந்து சான்றிதழ் பெறத் தேவையில்லை என்ற வகையில், புதிய நடைமுறை விரைவில் அமலுக்கு வர உள்ளது. இந்த புதிய நடைமுறைக்கு பல்கலைக்கழக ஆட்சிக் குழு ஒப்புதல் அளித்துள்ளது.
கட்டணம் பன்மடங்கு உயர்வு: அதேசமயம், இந்த இரண்டாம்படி சான்றிதழைப் பெறுவதற்கான கட்டணத்தை சென்னைப் பல்கலைக்கழகம் அதிரடியாக உயர்த்த முடிவு செய்துள்ளது. இதுவரை, படிப்பை முடித்து 5 ஆண்டுகள் வரை ஆனவர்கள், இரண்டாம் படி சான்றிதழைப் பெற ரூ. 2000 கட்டணம் செலுத்த வேண்டும். இதேபோல், 6 முதல் 10 ஆண்டுகளுக்கு முன்பு படிப்பை முடித்தவர்கள் ரூ. 3000 என்ற அளவிலும், 11 முதல் 15 ஆண்டுகளுக்கு முன்பு படிப்பை முடித்தவர்கள் ரூ. 4000, 16 முதல் 20 ஆண்டுகளுக்கு முன்பு படிப்பை முடித்தவர்கள் ரூ. 5000 , 21 முதல் 25 ஆண்டுகள் முன் படிப்பை முடித்தவர்கள் ரூ. 7,500 என்ற அளவிலும் கட்டணம் செலுத்த வேண்டும்.
ஆனால், தற்போது ஆட்சிக் குழு ஒப்புதல் அளித்துள்ள புதிய நடைமுறையின்படி 5 ஆண்டுகளுக்கு முன்பு வரை படிப்பை முடித்தவர்கள் ரூ. 3000 கட்டணம் செலுத்த வேண்டும். அதுபோல, 6 முதல் 10 ஆண்டுகளுக்கு முன்பு படிப்பை முடித்தவர்கள் ரூ. 4000, 11 முதல் 15 ஆண்டுகளுக்கு முன்பு படிப்பை முடித்தவர்கள் ரூ. 5000, 16 முதல் 20 ஆண்டுகளுக்கு முன்பு படிப்பை முடித்தவர்கள் ரூ. 8000 என்ற அளவில் கட்டணம் செலுத்த வேண்டும். அதே நேரம், 21 முதல் 50 ஆண்டுகளுக்கு முன்பு படிப்பை முடித்தவர்களுக்கான கட்டணம் ரூ. 30,000 என அதிரடியாக உயர்த்தப்பட்டிருக்கிறது.
இடம்பெயர்தல் சான்றிதழ் இனி தேவையில்லை
தமிழகத்தில் உள்ள ஒரு பல்கலைக்கழகத்தில் இளநிலைப் பட்டப்படிப்பு மேற்கொள்ளும் மாணவர், முதுநிலை பட்டப்படிப்பை தமிழகத்திலுள்ள வேறு பல்கலைக்கழகத்தில் படிக்கச் செல்வதற்கு, இடமாறுதல் சான்றிதழைப் பெற்றுச் சமர்ப்பிக்க வேண்டும். தமிழக மாணவர்களும், வெளி மாநில மாணவர்களும் இந்தச் சான்றிதழைச் சமர்ப்பித்தால் மட்டுமே, வேறு பல்கலைக்கழகங்களில் முதுநிலைப் படிப்பில் சேர்க்கை பெற முடியும்.
இந்த நடைமுறையில் இருந்து தமிழக மாணவர்களுக்கு மட்டும் விலக்கு அளிக்க, சென்னைப் பல்கலைக்கழகம் முடிவு செய்துள்ளது. இதற்கு பல்கலைக்கழக ஆட்சிக் குழுவும் ஒப்புதல் அளித்துள்ளது. இதன் மூலம், சென்னைப் பல்கலைக்கழகத்திலிருந்து தமிழகத்திலுள்ள வேறு பல்கலைக்கழகங்களுக்கோ அல்லது வேறு பல்கலைக்கழகங்களிலிருந்து சென்னைப் பல்கலைக்கழகத்துக்கோ மாற்றம் பெறும் மாணவர்கள் இடமாறுதல் சான்றிதழ் சமர்ப்பிக்கத் தேவையில்லை. இந்த நடைமுறை விரைவில் அமலுக்கு வர உள்ளது என சென்னைப் பல்கலைக்கழக பேராசிரியர்கள் கூறினர்.
 

]]>
http://images.dinamani.com/uploads/user/imagelibrary/2017/2/13/w600X390/madrasuniversity.jpg http://www.dinamani.com/education/2017/oct/05/பட்டச்-சான்றிதழ்-தொலைந்தால்-இனி-எஃப்ஐஆர்-தேவையில்லை-சென்னைப்-பல்கலை-2784395.html
2784416 கல்வி சென்னை பல்கலை.க்கு புதிய பதிவாளர் DIN DIN Thursday, October 5, 2017 01:21 AM +0530 சென்னைப் பல்கலைக்கழகத்துக்கு புதிய பதிவாளராக பேராசிரியர் ஆர்.ஸ்ரீநிவாசன் நியமிக்கப்பட்டுள்ளார். அவர் புதன்கிழமை பொறுப்பேற்றுக்கொண்டார்.
சென்னைப் பல்கலைக்கழகத்தின் பதிவாளராக இருந்த டேவிட் ஜவஹரின் பதவிக் காலம் கடந்த மார்ச் 6-ஆம் தேதியுடன் முடிவுக்கு வந்தது. அதன் பிறகு பொறுப்பு பதிவாளராக பல்கலைக்கழக உளவியல் துறைத் தலைவர் பேராசிரியர் எஸ். கருணாநிதி கடந்த மார்ச் 7-ஆம் தேதி முதல் நியமிக்கப்பட்டார். 
இதற்கிடையே புதிய பதிவாளரைத் தேர்வு செய்வதற்கான பணிகளையும் சென்னைப் பல்கலைக்கழகம் மேற்கொண்டது. அதன் இறுதிக் கட்டமாக, புதிய பதிவாளரைத் தேர்வு செய்வதற்கான தேர்வுக் குழுக் கூட்டம் பல்கலைக்கழகத்தில் செவ்வாய்க்கிழமை மாலை நடைபெற்றது. இதில், பல்கலைக்கழகத்தின் எகனாமெட்ரிக்ஸ் துறை பேராசிரியர் ஆர்.ஸ்ரீநிவாசன் புதிய பதிவாளராகத் தேர்வு செய்யப்பட்டார். 
தேர்வுக் குழுக் கூட்டத்தைத் தொடர்ந்து நடைபெற்ற பல்கலைக்கழக ஆட்சிக் குழுக் கூட்டத்தில் இதற்கான ஒப்புதலும் அளிக்கப்பட்டது. அதன் மூலம் பல்கலைக்கழகத்தின் புதிய பதிவாளராக அவர் நியமிக்கப்பட்டுள்ளார்.
இவர் தொடர்ந்து 3 ஆண்டுகளுக்கு இந்தப் பதவியை வகிப்பார். இவர் தமிழக அரசின் திட்டக் குழு உறுப்பினராகவும் பணியாற்றியவர் என்பது குறிப்பிடத்தக்கது.
 

]]>
http://images.dinamani.com/uploads/user/imagelibrary/2017/10/5/w600X390/srinivasan.jpg http://www.dinamani.com/education/2017/oct/05/சென்னை-பல்கலைக்கு-புதிய-பதிவாளர்-2784416.html
2784396 கல்வி சென்னைப் பல்கலை: தேர்வுக் கட்டுப்பாட்டாளராக தொடரும் எம். ஸ்ரீநிவாசன் DIN DIN Thursday, October 5, 2017 01:03 AM +0530 சென்னைப் பல்கலைக்கழகத்தில் காலியாக இருக்கும் பதிவாளர், தேர்வுக் கட்டுப்பாட்டாளர் பணியிடங்களுக்கு முழுநேர பதிவாளர், முழுநேர தேர்வுக் கட்டுப்பாட்டாளரைத் தேர்வு செய்வதற்கான தேர்வுக் குழு கூட்டம் செவ்வாய்க்கிழமை நடைபெற்றது. 
இதில், புதிய முழு நேர பதிவாளராக பல்கலைக்கழகத்தின் எகனாமெட்ரிக்ஸ் துறைப் பேராசிரியர் ஆர்.ஸ்ரீநிவாசன் தேர்வு செய்யப்பட்டார். 
ஆனால், தேர்வுக் கட்டுப்பாட்டாளர் பணியிடத்துக்கு தகுதியான நபர்கள் கிடைக்காததால், முழுநேர தேர்வுக் கட்டுப்பாட்டாளர் தேர்வு செய்யப்படவில்லை. இதன் காரணமாக, ஏற்கெனவே பணியிலிருக்கும் பொறுப்பு தேர்வுக் கட்டுப்பாட்டாளர் எம்.ஸ்ரீநிவாசன், அந்தப் பதவியில் தொடர்வார் எனப் பல்கலைக்கழக நிர்வாகிகள் தெரிவித்தனர்.
 

]]>
http://www.dinamani.com/education/2017/oct/05/சென்னைப்-பல்கலை-தேர்வுக்-கட்டுப்பாட்டாளராக-தொடரும்-எம்-ஸ்ரீநிவாசன்-2784396.html
2783825 கல்வி எம்.ஜி.ஆர்., நூற்றாண்டு விழா: மாணவர்களுக்கு கலைப் போட்டிகள்: தமிழக அரசு அறிவிப்பு DIN DIN Wednesday, October 4, 2017 01:34 AM +0530 முன்னாள் முதல்வர் எம்.ஜி.ஆரின் நூற்றாண்டு விழாவையொட்டி, பள்ளி மாணவ -மாணவிகளுக்கு கலைப் போட்டிகளை நடத்த தமிழக அரசு உத்தரவிட்டுள்ளது.
இதுகுறித்து, தமிழ் வளர்ச்சித் துறை செவ்வாய்க்கிழமை வெளியிட்ட அறிவிப்பு: எம்.ஜி.ஆர். நூற்றாண்டு விழாவையொட்டி, தமிழ் வளர்ச்சித் துறையின் தமிழ் மன்றம் சார்பில் மாநிலம் முழுவதும் வரும் 6 -ஆம் தேதி, 11, 12 -ஆம் வகுப்பு பயிலும் மாணவர்களுக்கு கவிதை, கட்டுரை, பேச்சுப் போட்டிகள் நடத்திப் பரிசுகள் வழங்கப்படவுள்ளன.
போட்டியில் கலந்துகொள்ளும் மாணவர்கள், அவர்கள் பயிலும் பள்ளி தலைமையாசிரியரிடம் உரிய படிவத்தில் பரிந்துரையை பெற்று, போட்டி நாளன்று அதனை மாவட்டத் தமிழ் வளர்ச்சித் துணை அல்லது உதவி இயக்குநர்களிடம் நேரில் அளிக்க வேண்டும். 
போட்டி விதிமுறைகள், விண்ணப்பப் படிவத்தை, தமிழ் வளர்ச்சித் துறையின் www.tamilvalarchithurai.org என்ற இணையதளத்தில் இலவசமாக பதிவிறக்கம் செய்து கொள்ளலாம். போட்டிக்கான தலைப்புகள் போட்டி தொடங்கும்போது அறிவிக்கப்பெறும். போட்டி முடிவுகள் அன்றே அறிவிக்கப்படும்.
ஒவ்வொரு போட்டியிலும் வெற்றி பெறும் மாணவர்களுக்கு முதல் பரிசாக ரூ. 10,000, இரண்டாம் பரிசாக ரூ. 7000, மூன்றாம் பரிசாக ரூ.5000 மற்றும் சான்றிதழ் வழங்கப்படும்.

]]>
http://www.dinamani.com/education/2017/oct/04/எம்ஜிஆர்-நூற்றாண்டு-விழா-மாணவர்களுக்கு-கலைப்-போட்டிகள்-தமிழக-அரசு-அறிவிப்பு-2783825.html
2783824 கல்வி இந்தியமுறை படிப்புகளுக்கு அக்.11-இல் கலந்தாய்வு DIN DIN Wednesday, October 4, 2017 01:33 AM +0530 சித்தா, ஆயுர்வேதம் உள்ளிட்ட இந்தியமுறை மருத்துவப் படிப்புகளில் மாணவர் சேர்க்கைக்கான கலந்தாய்வு அக்.11-ஆம் தேதி தொடங்க உள்ளது.
தமிழகத்தில் சித்தா, ஆயுர்வேதம், யுனானி, யோகா மற்றும் இயற்கை மருத்துவம், ஹோமியோபதி ஆகிய படிப்புகளுக்கான விண்ணப்ப விநியோகம் ஆக. 2-ஆம் தேதி முதல் 30-ஆம் தேதி வரை நடைபெற்றது. மொத்தம் 6,938 பேர் விண்ணப்பித்துள்ளனர்.
இந்தப் படிப்புகளுக்கு 6 அரசு மருத்துவக் கல்லூரிகளில் 396 இடங்களும், 22 தனியார் மருத்துவக் கல்லூரிகளில் 859 அரசு ஒதுக்கீட்டு இடங்களும் உள்ளன.
இந்தப் படிப்புகளுக்கான முதல் கட்ட கலந்தாய்வு அக். 11-ஆம் தேதி முதல் 14-ஆம் தேதி வரை சென்னை அரும்பாக்கத்தில் உள்ள அறிஞர் அண்ணா அரசினர் இந்திய மருத்துவமனை வளாகத்தில் உள்ள தேர்வுக்குழு அலுவலகத்தில் நடைபெற உள்ளது.
இது தொடர்பாக இந்திய மருத்துவம் மற்றும் ஹோமியோபதி ஆணையம் வெளியிட்ட செய்திக்குறிப்பு:
கலந்தாய்வில் பங்கேற்கத் தகுதியானவர்களுக்கு தனித்தனியே குறுஞ்செய்தி மற்றும் அழைப்புக் கடிதம் அனுப்பப்படும். 
குறுந்தகவலோ அழைப்புக்கடிதமோ கிடைக்கப்பெறாதவர்கள்,  www.tnhealth.org  என்ற சுகாதாரத் துறையின் இணையதளத்தில் உள்ள இணைப்பில் விண்ணப்பப் பதிவு எண் மற்றும் பிறந்த தேதியைக் குறிப்பிட்டு அக். 6-ஆம் தேதி காலை 11 மணி முதல் அழைப்புக் கடிதத்தைப் பதிவிறக்கம் செய்து கொள்ளலாம்.
மாணவர்கள் தங்களுக்கு உரிய கட்-ஆஃப் மதிப்பெண்ணுக்கு உரிய கலந்தாய்வு நாளில் அனைத்து அசல் சான்றிதழ்களுடன் அல்லது தற்சமயம் படித்து வரும் கல்லூரியில் இருந்து பெற்ற ஆளறிச் சான்றிதழுடன் கலந்தாய்வில் பங்கேற்கலாம்.
வரைவோலை: மேலும்  Director of Indian Medicine and Homoeopathy,  Chennai-106என்ற பெயருக்கு தேசிய மயமாக்கப்பட்ட வங்கியிலிருந்து அக். 3 அல்லது அதற்குப் பின்னரோ சென்னையில் மாற்றத்தக்க வகையில், கல்விக் கட்டணமாக ரூ.5 ஆயிரம், கலந்தாய்வுக் கட்டணமாக ரூ.500 என இரண்டு வரைவோலைகள் எடுத்து வர வேண்டும். 
கலந்தாய்வு ஒவ்வொரு நாளும் காலை 9 மணி மற்றும் பிற்பகல் 2 மணி என இரண்டு பிரிவுகளாக நடத்தப்படும்.
மேலும் விவரங்களுக்கு சுகாதாரத் துறை இணையதளத்தைப் பார்த்துத் தெரிந்துகொள்ளலாம் எனத் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2017/10/4/w600X390/list.PNG http://www.dinamani.com/education/2017/oct/04/இந்தியமுறை-படிப்புகளுக்கு-அக்11-இல்-கலந்தாய்வு-2783824.html
2781497 கல்வி இந்திய முறை மருத்துவப் படிப்புகளுக்கு கலந்தாய்வு எப்போது? DIN DIN Friday, September 29, 2017 02:21 AM +0530 இந்திய முறை மருத்துவப் படிப்புகளுக்கு அக்டோபர் இரண்டாம் வாரத்தில் கலந்தாய்வு நடைபெற உள்ளது.
தமிழகத்தில், சித்தா, ஆயுர்வேதம், யுனானி, யோகா மற்றும் இயற்கை மருத்துவம், ஹோமியோபதி ஆகிய இந்திய முறை மருத்துவப் படிப்புகளுக்கு அரசு மருத்துவக் கல்லூரிகளில் 396 இடங்களும், தனியார் மருத்துவக் கல்லூரிகளில் 859 அரசு ஒதுக்கீட்டு இடங்களும் உள்ளன. இந்தப் படிப்புகளுக்கு 6,938 பேர் விண்ணப்பித்துள்ளனர்.
தமிழகத்தில் மருத்துவம், பொறியியல், கால்நடை மருத்துவம் உள்ளிட்ட படிப்புகளுக்கான கலந்தாய்வு நிறைவு பெற்று வகுப்புகள் தொடங்கிய நிலையில், இந்தியமுறை மருத்துவப் படிப்புகளுக்கான கலந்தாய்வு இதுவரை நடைபெறவில்லை.
இதுதொடர்பாக இந்தியமுறை மருத்துவ தேர்வுக்குழு அதிகாரிகள் கூறியது:
விண்ணப்பங்கள் பரிசீலிக்கப்பட்டு, தகுதிப் பட்டியலும் தயாராக வைக்கப்பட்டுள்ளது. மத்திய அரசு கல்லூரிகளுக்கு வழங்கும் அனுமதி மற்றும் கலந்தாய்வு நடத்துவதற்கு தமிழக அரசின் அனுமதி ஆகியவற்றுக்காக காத்திருக்கிறோம். அனுமதி பெற்ற பின்னர் அக்டோபர் இரண்டாம் வாரத்தில் கலந்தாய்வு தொடங்கப்படும். சரியான கலந்தாய்வு தேதி குறித்த விவரம் பின்னர் அறிவிக்கப்படும் என்று தெரிவித்தனர்.

]]>
http://www.dinamani.com/education/2017/sep/29/இந்திய-முறை-மருத்துவப்-படிப்புகளுக்கு-கலந்தாய்வு-எப்போது-2781497.html
2781489 கல்வி பிளஸ் 1, பிளஸ் 2 பாடத் திட்டத்தை மாற்றும் பணிகள் நவம்பர் 15-க்குள் நிறைவடையும்: பள்ளிக் கல்வித் துறை அமைச்சர் தகவல் DIN DIN Friday, September 29, 2017 02:15 AM +0530 பிளஸ் 1, பிளஸ் 2 பாடத் திட்டத்தை மாற்றும் பணிகள் நவம்பர் 15-ஆம் தேதிக்குள் நிறைவடையும் என்று பள்ளிக் கல்வித் துறை அமைச்சர் கே.ஏ.செங்கோட்டையன் தெரிவித்துள்ளார்.
பள்ளிக் கல்வித் துறை சார்பில் ஈரோடு, திண்டல் வேளாளர் மகளிர் கல்லூரி வளாகத்தில் வியாழக்கிழமை நடைபெற்ற மாநில அளவிலான அறிவியல் நாடக விழாவை, பள்ளிக் கல்வித் துறை அமைச்சர் கே.ஏ.செங்கோட்டையன் தொடக்கிவைத்துப் பேசியதாவது:
முதல்வர் எடப்பாடி பழனிசாமி தலைமையிலான தமிழக அரசு, பள்ளி மாணவ, மாணவிகளுக்காக எண்ணற்ற திட்டங்களை சிறப்பாக செயல்படுத்தி வருகிறது. வேலைவாய்ப்பை உருவாக்கவும், மத்திய அரசு கொண்டு வருகிற அனைத்துத் தேர்வுகளையும் எதிர்கொள்ளும் வகையில் தொலைநோக்குப் பார்வையோடு 412 இடங்களில் பயிற்சி மையங்கள் அமைக்கப்படுவதற்கான பணிகள் விரைவில் தொடங்கப்படவுள்ளன. இனிவரும் கல்வி ஆண்டுகளில் கல்வித் துறையில் பல்வேறு மாற்றங்களை மாணவ, மாணவிகள் சந்திக்கவுள்ளனர். ஐ.ஏ.எஸ்., ஐ.பி.எஸ்., தேர்வுகளை எதிர்கொள்ளும் வகையில் மாணவ, மாணவிகள் தயார்படுத்தப்படுவர்.
மேலும், மாணவ, மாணவிகளுக்கு ஸ்மார்ட் அட்டை வழங்கப்படவுள்ளது. 244 பாடப் பிரிவுகளில் மாணவ, மாணவிகள் படிக்கும்போது சிறப்பான வேலைவாய்ப்பை உருவாக்கித் தருவதில் இந்த அரசு செயல்பட்டு வருகிறது. மனதில் எண்ணுகிற எண்ணங்களை வெளிப்படுத்தும் வகையில் ஆசிரியர்கள் மாணவ, மாணவிகளுக்கு நல்ல முறையில் கல்வியைக் கற்றுக் கொடுக்க வேண்டும். 
மாநில அளவிலான இந்த அறிவியல் நாடக விழாவில் கலந்துகொள்ள இருக்கும் 32 மாவட்டங்களைச் சேர்ந்த 256 மாணவ, மாணவிகள் சிறப்பாகத் தங்களது நடிப்புத் திறமையையும், சமூதாய சிந்தனையையும் நாடகங்களில் காண்பித்து பங்குபெற வேண்டும். 
விழாவில், இறுதியில் தேர்வு செய்யப்பட்ட 2 சிறந்த குழுக்கள் தென்னிந்திய அளவில் நடைபெறும் அறிவியல் நாடக விழாவில் பங்கேற்க வாய்ப்பளிக்கப்படும் என்றார். விழாவில், ஈரோடு மாநகர் மாவட்ட அதிமுக செயலர் கே.வி.இராமலிங்கம், மாவட்ட ஆட்சியர் எஸ்.பிரபாகர், ஈரோடு மக்களவைத் தொகுதி உறுப்பினர் செல்வகுமார சின்னையன், எம்.எல்.ஏ.க்கள் கே.எஸ்.தென்னரசு, ஈஸ்வரன் உள்ளிட்டோர் கலந்துகொண்டனர்.
முன்னதாக, அமைச்சர் செங்கோட்டையன் செய்தியாளர்களிடம் பேசுகையில், கல்வித் துறையில் மேற்கொள்ளப்பட்டு வரும் சிறப்பான திட்டங்களால் மற்ற மாநிலங்களுக்கு முன்னோடியாக தமிழகம் விளங்கும். பிளஸ் 1, பிளஸ் 2 பாடத் திட்டங்களை மாற்றும் பணிகள் நவம்பர் 15-ஆம் தேதிக்குள் நிறைவடைந்துவிடும். பாடத் திட்டங்களை மாற்றி அமைப்பதற்கான குழுவில் இஸ்ரோ விஞ்ஞானி மயில்சாமி, சிறந்த கல்வியாளர்கள் ஈடுபட்டுள்ளனர். 
பாடத் திட்டத்தில் மாற்றம் கொண்டு வரும்போது, அரசுப் பள்ளி ஆசிரியர்கள், பேராசிரியர்களின் குழந்தைகளையும் அரசுப் பள்ளியில் சேர்க்க முன்வரும் நிலை ஏற்படும். கிராமப்புறங்களில் பின் தங்கியுள்ள மாணவர்கள் நலனைக் கருத்தில் கொண்டு 31 சிபிஎஸ்சி பள்ளிகளுக்கு மட்டுமே அனுமதி வழங்கப்பட்டுள்ளது. 500-க்கும் மேற்பட்ட பள்ளிகளுக்கு வழங்கப்பட்டுள்ளதாகக் கூறுவது தவறான தகவல் என்றார்.

]]>
http://images.dinamani.com/uploads/user/imagelibrary/2017/8/13/w600X390/senkottaiyan.jpg http://www.dinamani.com/education/2017/sep/29/பிளஸ்-1-பிளஸ்-2-பாடத்-திட்டத்தை-மாற்றும்-பணிகள்-நவம்பர்-15-க்குள்-நிறைவடையும்-பள்ளிக்-கல்வித்-துறை-2781489.html
2781488 கல்வி ராஜஸ்தானி சங்கப் பொன்விழா : கல்வி உதவித்தொகை பெற ஏழை மாணவர்கள் விண்ணப்பிக்கலாம் DIN DIN Friday, September 29, 2017 02:12 AM +0530 ராஜஸ்தானி சங்கத்தின் (தமிழ்நாடு பிரிவு) பொன்விழாவையொட்டி நிகழாண்டில் கல்லூரிகளில் படிக்கும் ஏழை மாணவர்களுக்கு மொத்தம் ரூ.50 லட்சம் கல்வி உதவித்தொகை வழங்க முடிவு செய்யப்பட்டுள்ளது என அந்தச் சங்கம் தெரிவித்துள்ளது. 
இது குறித்து ராஜஸ்தானி சங்கத்தின் தலைவர் அசோக் குமார் மேத்தா, செயலர் ராஜேந்திரகுமார் உள்ளிட்டோர் சென்னையில் வியாழக்கிழமை (செப்.28) செய்தியாளர்களிடம் கூறியது: தமிழகத்தில் ராஜஸ்தானி சங்கம் கடந்த 1967-ஆம் ஆண்டு அப்போதைய முதல்வர் அண்ணாவால் தொடக்கி வைக்கப்பட்டது. இந்த ஆண்டின் பொன் விழா அக்டோபர் 1-ஆம் தேதி சென்னை கலைவாணர் அரங்கில் கொண்டாடப்படவுள்ளது. ராஜஸ்தானி சங்கத்தின் சார்பில் ஆண்டுதோறும் கல்லூரி மாணவர்கள் 1,200 பேருக்கு கல்வி உதவித்தொகையை வழங்கி வருகிறோம். இந்த உதவித் தொகை ஒரு பருவத்துக்கு மட்டுமல்லாமல் பட்டப்படிப்பு முடியும் வரை வழங்கப்படும். பொறியியல், கலை அறிவியல், மருத்துவம், சட்டம் உள்பட பல்வேறு துறைகளில் பயிலும் ஏழை மாணவர்கள் இதற்கு விண்ணப்பிக்கலாம். கல்விக்கான உதவிக்கான தொகை அந்தந்த மாணவர்கள் படிக்கும் கல்லூரிகளில் நேரடியாகச் செலுத்தப்படும். கடந்த ஆண்டில் ரூ.40 லட்சம் வழங்கப்பட்டது. பொன்விழாவை முன்னிட்டு இந்த ஆண்டு ரூ.50 லட்சம் வழங்க முடிவு செய்துள்ளோம். 
எப்படி விண்ணப்பிப்பது? தகுதியுள்ள மாணவர்கள் ராஜஸ்தானி சங்கம் தமிழ்நாடு பிரிவு, எண் 220, என்.எஸ்.சி. போஸ் சாலை, கோல்டன் காம்ப்ளக்ஸ், 4-ஆவது தளம், சௌகார்பேட்டை, சென்னை. தொலைபேசி எண்:- 044- 25392438 என்ற முகவரியில் விண்ணப்பிக்கலாம். அதேபோன்று கொடுக்கப்பட்டுள்ள தொலைபேசி எண்ணைத் தொடர்பு கொண்டும் மாணவர்கள் குறித்த விவரங்களைத் தெரிவிக்கலாம். 
மேலும் rajasthaniassn@gmail.com  என்ற மின்னஞ்சல் முகவரி  தொடர்பு கொள்ளலாம். ஏழை மாணவ, மாணவிகளுக்கு மட்டுமே உதவித் தொகைகள் வழங்கப்படும். 
இது தவிர, புற்றுநோயால் பாதிக்கப்பட்டவர்களுக்கு உதவிடும் வகையில் சென்னை அடையாறில் உள்ள தர்மசாலா கட்டடத்தை மேம்படுத்துதல், தமிழத்தில் உள்ள அனைத்து மாவட்டங்களிலும் 50 இடங்களில் கண்பரிசோதனை முகாம்களை நடத்துதல், தொழில், படிப்பு மற்றும் மருத்துவ வசதிக்காக சென்னைக்கு வரும் ராஜஸ்தான் மக்களுக்கு ராஜஸ்தான் பவன் கட்டுதல், கண்காட்சி போன்ற பல்வேறு திட்டங்கள் செயல்படுத்தப்படும் என அவர்கள் தெரிவித்தனர்.

]]>
http://www.dinamani.com/education/2017/sep/29/ராஜஸ்தானி-சங்கப்-பொன்விழா--கல்வி-உதவித்தொகை-பெற-ஏழை-மாணவர்கள்-விண்ணப்பிக்கலாம்-2781488.html
2781460 கல்வி பி.எல். சேர்க்கை : 53 மருத்துவர்கள் உள்பட10 ஆயிரம் பேர் விண்ணப்பம் DIN DIN Friday, September 29, 2017 01:27 AM +0530 மூன்றாண்டு (எல்எல்பி,) சட்டப் படிப்பு சேர்க்கைக்கு 53 மருத்துவர்கள் உள்பட 10,635 பேர் விண்ணப்பித்துள்ளனர். 
இளநிலை சட்டப்படிப்பு சேர்க்கையை தமிழ்நாடு டாக்டர் அம்பேத்கர் சட்டப் பல்கலைக்கழகம் நடத்தி வருகிறது. இதில், பல்கலைக்கழக வளாகத்தில் அமைந்துள்ள ஆற்றல்சார் பள்ளியில் வழங்கப்படும் 5 ஆண்டுகள் ஒருங்கிணைந்த ஹானர்ஸ் சட்டப்படிப்பு, 3 ஆண்டு ஹானர்ஸ் சட்டப்படிப்பு மற்றும் அரசு சட்டக்கல்லூரிகளில் வழங்கப்படும் 5 ஆண்டு ஒருங்கிணைந்த சட்டப்படிப்பு ஆகியவற்றுக்கான சேர்க்கை இதுவரை நடந்து முடிந்துள்ளது. 
இப்போது அரசு சட்டக்கல்லூரிகளில் வழங்கப்படும் 3 ஆண்டு சட்டப்படிப்புக்கான சேர்க்கை அக்டோபர் 9-ஆம் தேதி தொடங்கி அக்டோபர் 14-ம் தேதி வரை நடத்தப்பட உள்ளது. இதற்கு விண்ணப்பித்தவர்களுக்கான தரவரிசை பட்டியல் கட்- ஆப் மதிப்பெண்கள், கலந்தாய்வு தேதி உள்ளிட்ட விவரங்கள் பல்கலைக்கழக இணையதளத்தில் வெளியிடப்பட்டுள்ளன. 
53 மருத்துவர்கள்: இந்த 3 ஆண்டு சட்டப்படிப்புக்கு 53 மருத்துவர்கள், 1,364 பி.இ., பட்டதாரிகள், 8,654 இளநிலை பட்டதாரிகள் உள்பட 10,635 பேர் விண்ணப்பித்துள்ளனர். இது கடந்த ஆண்டை விட அதிகம் ஆகும். கடந்த 2016-17 ஆம் கல்வியாண்டில் 6,500 பேர் மட்டுமே இந்த 3 ஆண்டு எல்எல்பி படிப்புக்கு விண்ணப்பித்து இருந்தனர் என்பது குறிப்பிடத்தக்கது.
 

]]>
http://www.dinamani.com/education/2017/sep/29/பிஎல்-சேர்க்கை--53-மருத்துவர்கள்-உள்பட10-ஆயிரம்-பேர்-விண்ணப்பம்-2781460.html
2780704 கல்வி 98 வயதில் பொருளாதாரத்தில் முதுகலை பட்டம் பெற்று இளைஞர் சாதனை! ANI ANI Wednesday, September 27, 2017 12:27 PM +0530 பாட்னா: பிகார் மாநிலத்தைச் சேர்ந்த முதியவர் ஒருவர், தனது 98-வது வயதில் பொருளாதார பாடத்தில் முதுகலை பட்டம் பெற்று சாதனை படைத்துள்ளார்.

பிகார் மாநிலத்தைச் சேர்ந்த ராஜ்குமார் வைசியா என்பவர் கடந்த 1938-ஆம் ஆண்டு ஆக்ரா பல்கலைக்கழகத்தில் பொருளாதார பிரிவில் இளநிலை பட்டப்படிப்பை முடித்தார். பின்னர் குடும்ப சூழ்நிலை காரணமாக மேற்கொண்டு படிப்பை தொடரமுடியாமல் போனது. தனியார் நிறுவனம் ஒன்றில் மேலாளராக பணியாற்றிய ராஜ்குமார் 1980-ல் ஓய்வு பெற்றார்.
பொருளாதாரத்தில் முதுகலை பட்டம் பெற வேண்டும் என்பது அந்த இளைஞரின் நீண்ட நாள் கனவு, ஆசையாக இருந்துள்ளது. 

இதையடுத்து கடந்த 2015-ஆம் ஆண்டு, பாட்னாவில் உள்ள நாலந்தா திறந்தவெளி பல்கலைகழகத்தில் முதுகலை பட்டப்படிப்பில் சேர விண்ணப்பித்திருந்தார். அவரது விண்ணப்பத்தை அந்த பல்கலைகழகம் ஏற்றுக்கொண்டதையடுத்து அவரது குடும்பத்தினரின் ஆதரவோடு பட்டப்படிப்பில் சேர்ந்தார். 

அவர் தற்போது எம்.ஏ பொருளாதாரத்தில் இரண்டாம் வகுப்பில் தேர்ச்சி பெற்றுள்ளார் என நேற்று முறைப்படி அறிவிக்கப்பட்டு பட்டம் பெற்றுள்ளார். தனது 98-வது வயதில் முதுகலை பட்டப்படிப்பை முடித்து சாதனை படைத்த அந்த இளைஞர், வறுமை ஒழிப்பு குறித்து கவிதை எழுத இருப்பதாகக் கூறியுள்ளார்.

தள்ளாத வயதிலும், கல்வித்துறையில் ராஜ்குமார் வைசியா சாதனை படைத்திருப்பது அவரது குடும்பத்தினரை பெரும் மகிழ்ச்சியில் ஆழ்த்தியுள்ளது. தான் முதுகலை படிப்பதற்கு ஓய்வு பெற்ற கல்லூரி பேராசிரியர்களான தனது மகன், மருமளும் தான் காரணம் என பெருமையாக தெரிவித்தார். 

அதுமட்டுமின்றி இக்‍கால இளைஞர்களுக்‍கும் அவரது விடா முயற்சி பெரும் உந்துசக்‍தியாக அமைந்துள்ளது என்பதை மறுக்‍க இயலாது.

]]>
Bihar, patna, 98-year-old man , Masters in Economics , Nalanda Open University (NOU)., MA (Economics), Raj Kumar Vaishya http://images.dinamani.com/uploads/user/imagelibrary/2017/9/27/w600X390/Raj-Kumar-Vaishyax.jpg http://www.dinamani.com/education/2017/sep/27/98-year-old-man-clears-ma-economics-exam-in-bihar-2780704.html
2780344 கல்வி கால்நடை மருத்துவப் படிப்புக்கான கலந்தாய்வு நிறைவு DIN DIN Wednesday, September 27, 2017 01:38 AM +0530 கால்நடை மருத்துவப் படிப்புகளுக்கு செவ்வாய்க்கிழமை நடைபெற்ற இரண்டாம் கட்ட கலந்தாய்வின் நிறைவில் காலியாக இருந்த 168 இடங்களும் நிரம்பின.
சென்னை, நாமக்கல், ஒரத்தநாடு, திருநெல்வேலி ஆகிய இடங்களில் உள்ள கால்நடை மருத்துவக் கல்லூரிகளில் சிறப்புப் பிரிவினரில் 4 இடங்கள், தொழிற்கல்வி படித்தவர்களுக்கான இடங்களில் 3 உள்பட மொத்தம் 168 இடங்கள் காலியாகின.
இரண்டாம் கட்ட கலந்தாய்வு: இந்த இடங்களுக்கான இரண்டாம் கட்டக் கலந்தாய்வு சென்னையில் செவ்வாய்க்கிழமை நடைபெற்றது. கலந்தாய்வுக்கு 590 மாணவர்கள் அழைக்கப்பட்டனர். 272 மாணவர்கள் கலந்தாய்வில் பங்கேற்றனர். கலந்தாய்வின் முடிவில் சிறப்புப் பிரிவினர், தொழிற்கல்வி படித்தோருக்கான இடங்கள் உள்பட அனைத்து இடங்களும் நிரம்பின.
கல்லூரி இடமாற்றம்: இதுதவிர, முதல்கட்ட கலந்தாய்வில் பங்கேற்று இடங்களைப் பெற்ற மாணவர்களுக்கான இடமாற்றக் கலந்தாய்வில் 54 மாணவர்கள் பங்கேற்றனர். அவர்களில் 51பேருக்கு கல்லூரி இடமாற்றம் வழங்கப்பட்டுள்ளது என்று பல்கலைக்கழக நிர்வாகம் தெரிவித்துள்ளது.
 

]]>
http://www.dinamani.com/education/2017/sep/27/கால்நடை-மருத்துவப்-படிப்புக்கான-கலந்தாய்வு-நிறைவு-2780344.html
2779684 கல்வி 744 மருத்துவர்கள் பணியிடங்கள்: விண்ணப்பிக்க அக்.10 கடைசி நாள் DIN DIN Tuesday, September 26, 2017 01:11 AM +0530 அரசு மருத்துவமனைகளில் 744 மருத்துவர்கள் பணியிடங்களுக்கு விண்ணப்பிக்க அக்டோபர் 10-ஆம் தேதி கடைசி நாள்.
இது தொடர்பாக தமிழக சுகாதாரத் துறை வெளியிட்டுள்ள செய்திக்குறிப்பு: தமிழ்நாடு மருத்துவப் பணியாளர் தேர்வு வாரியத்தின் மூலம் இதுவரை 10,790 மருத்துவர்கள் மற்றும் சிறப்பு மருத்துவர்கள், 9,706 செவிலியர்கள் உட்பட 23,571 பணியாளர்கள் இதுவரை தேர்வு செய்யப்பட்டு பணி நியமனம் செய்யப்பட்டுள்ளனர்.
தற்போது மயக்கவியல், உடற்கூறியல், உயிர் வேதியியல், தோல் நோய், காது, மூக்கு, தொண்டை பிரிவு, தடயவியல், பொது மருத்துவம் உள்ளிட்ட 19 துறைகளில் 744 மருத்துவர்கள் தேர்வு செய்து பணியமர்த்தப்பட உள்ளனர். இதற்கான அறிவிப்பு மருத்துவத் தேர்வு வாரியம் மூலம் செப். 20-ஆம் தேதி வெளியிடப்பட்டுள்ளது. விண்ணப்பங்களை அனுப்புவதற்கு அக்டோபர் 10-ஆம் தேதி கடைசி நாள்.
தகுதிவாய்ந்த மருத்துவர்கள் நேர்காணல் முறையில் தேர்வு செய்யப்பட உள்ளனர். முதுநிலைப் பட்டம் மற்றும் பட்டயப் படிப்பு மாணவர்கள் இந்த அரிய வாய்ப்பைக் பயன்படுத்திக் கொள்ள வேண்டும் என்று தெரிவிக்கப்பட்டுள்ளது. மேலும் விவரங்களுக்கு: ஜ்ஜ்ஜ் www.mrb.tn.gov.in

]]>
http://www.dinamani.com/education/2017/sep/26/744-மருத்துவர்கள்-பணியிடங்கள்-விண்ணப்பிக்க-அக்10-கடைசி-நாள்-2779684.html
2778036 கல்வி சி.பி.எஸ்.இ. பள்ளிகளில் என்.சி.இ.ஆர்.டி. புத்தகங்கள்: மத்திய அரசு, சி.பி.எஸ்.இ. நிர்வாகம் பரிசீலிக்க உத்தரவு DIN DIN Saturday, September 23, 2017 02:39 AM +0530 சி.பி.எஸ்.இ. பாடத்திட்டத்தைப் பின்பற்றும் தனியார் பள்ளிகள் என்.சி.இ.ஆர்.டி தயாரித்த பாடப் புத்தகங்களைப் பின்பற்ற வேண்டி, தொடரப்பட்ட வழக்கில், மத்திய அரசு, சிபிஎஸ்இ நிர்வாகம் 4 வாரங்களுக்குள் பரிசீலித்து நடவடிக்கை எடுக்க சென்னை உயர்நீதிமன்றம் உத்தரவிட்டது.
இது தொடர்பாக சென்னை உயர்நீதிமன்றத்தில் வழக்குரைஞர் புருஷோத்தமன் என்பவர் தாக்கல் செய்த மனு விவரம்:
சி.பி.எஸ்.இ. பாடத்திட்டத்தைப் பின்பற்றும் தனியார் பள்ளிகள் முதல் வகுப்பிலேயே எட்டு பாடங்களைப் பயிற்றுவிக்கின்றன. ஆனால், கேந்திரிய வித்யாலயா பள்ளிகளில் முதல் வகுப்பில் மூன்று பாடங்கள் மட்டுமே பயிற்றுவிக்கப்படுகின்றன. இப்பள்ளிகளில், தேசிய கல்வி ஆராய்ச்சி மற்றும் பயிற்சி கவுன்சில் (என்.சி.இ.ஆர்.டி) விதிப்படி தயாரிக்கப்பட்ட புத்தகங்களே பயன்படுத்தப்படுகின்றன. தனியார் பள்ளிகளில், பள்ளி நிர்வாகம் கொடுக்கும் புத்தகங்களை அதிக விலை கொடுத்து வாங்க வேண்டிய நிலை உள்ளது. 
ஒன்றாம் வகுப்பு படிக்கும் தனியார் பள்ளி மாணவர்கள் பொதிமூட்டை போல புத்தகங்களைச் சுமந்து செல்கின்றனர். இதனால் அவர்கள் மனதளவில் பெரிதும் பாதிக்கப்படுகின்றனர். பள்ளிப்பருவத்தில் அடியெடுத்து வைக்கும் குழந்தைகளுக்கு அதிக பாடங்களைத் திணிக்கக்கூடாது. எனவே, சி.பி.எஸ்.இ. பாடத்திட்டத்தைப் பின்பற்றும் தனியார் பள்ளிகளில் படிக்கும் மாணவர்களுக்கு தேசிய கல்வி ஆராய்ச்சி மற்றும் பயிற்சி கவுன்சில் விதிப்படி தயாரிக்கப்பட்ட புத்தகங்களை வழங்கி அதை கற்றுக்கொடுக்க உத்தரவிட வேண்டும் என அந்த மனுவில் கோரியிருந்தார்.
இம்மனு வெள்ளிக்கிழமை, நீதிபதி கிருபாகரன் முன் விசாரணைக்கு வந்தது. அப்போது நீதிபதி, 'பணம் சம்பாதிக்க வேண்டும் என்ற எண்ணத்தில் மூன்று வயதிலேயே குழந்தைகளை பெற்றோர்கள் பள்ளிக்கு அனுப்பி வைத்து ,அவர்களின் குழந்தைப் பருவத்தையே வீணடிக்கின்றனர். 
துள்ளிக் குதித்து விளையாட வேண்டிய குழந்தைகளின் முதுகில் பொதி மூட்டை போல புத்தகங்களை சுமக்க விடுவது அநியாயம்' என்றார். 
பின்னர், மனுதாரரின் கோரிக்கையை மத்திய அரசும், சி.பி.எஸ்.இ. நிர்வாகமும் 4 வாரங்களுக்குள் பரிசீலித்து உரிய முடிவு எடுக்க வேண்டும் என்று நீதிபதி உத்தரவிட்டார். 
 

]]>
http://www.dinamani.com/education/2017/sep/23/சிபிஎஸ்இ-பள்ளிகளில்-என்சிஇஆர்டி-புத்தகங்கள்-மத்திய-அரசு-சிபிஎஸ்இ-நிர்வாகம்-பரிசீலிக்க-2778036.html
2778028 கல்வி தமிழ்நாடு திறந்தநிலைப் பல்கலை.யில் பி.எட். படிப்புக்கு விண்ணப்பங்கள் வரவேற்பு DIN DIN Saturday, September 23, 2017 02:32 AM +0530 தமிழ்நாடு திறந்தநிலைப் பல்கலைக்கழகத்தில் பி.எட். (பொது) மற்றும் பி.எட். (சிறப்பு கல்வி) படிப்புகளில் சேர தகுதியுள்ளவர்கள் விண்ணப்பிக்கலாம் என அறிவிக்கப்பட்டுள்ளது. 
2018 -ஆம் ஆண்டு பி.எட். (பொது) மற்றும் பி.எட். (சிறப்பு கல்வி) படிப்புகளுக்கான விண்ணப்பப் படிவம், விளக்கக் கையேட்டை, தமிழ்நாடு திறந்தநிலைப் பல்கலைக்கழகம் வெளியிட்டுள்ளது.
விண்ணப்ப படிவம் மற்றும் விளக்கக் கையேட்டினை பல்கலைக்கழகத்தின் இணையதள முகவரியிலிருந்து www.tnou.ac.in  
பதிவிறக்கம் செய்து கொள்ளலாம். விண்ணப்பிப்பதற்கான கல்வித் தகுதி உள்ளிட்ட விவரங்களையும் அதில் பெறலாம். மேலும் விவரங்களுக்கு 044-2430 6600, 2430 6617 என்ற தொலைபேசி எண்களில் தொடர்பு கொள்ளலாம் என பல்கலைக்கழக நிர்வாகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது. 

]]>
http://www.dinamani.com/education/2017/sep/23/தமிழ்நாடு-திறந்தநிலைப்-பல்கலையில்-பிஎட்-படிப்புக்கு-விண்ணப்பங்கள்-வரவேற்பு-2778028.html
2776844 கல்வி துணை மருத்துவப் படிப்புகள்: 638 இடங்கள் நிரம்பின DIN DIN Thursday, September 21, 2017 03:23 AM +0530 துணை மருத்துவப் படிப்புகளில் பொதுப்பிரிவினருக்கான கலந்தாய்வில் புதன்கிழமை மொத்தம் 638 இடங்கள் நிரம்பின.
பி.எஸ்சி., நர்சிங் உள்ளிட்ட 9 துணை மருத்துவப் படிப்புகளுக்கான கலந்தாய்வு, சென்னை ஓமந்தூரார் பல்நோக்கு சிறப்பு மருத்துவமனையில் நடைபெற்று வருகிறது.
திங்கள்கிழமை நடைபெற்ற சிறப்புப் பிரிவினருக்கான கலந்தாய்வில் 18 அரசு இடங்கள் நிரப்பப்பட்டன. இதையடுத்து, பொதுப்பிரிவினருக்கான கலந்தாய்வு செவ்வாய்க்கிழமை முதல் தொடங்கியுள்ளது. இதில் பங்கேற்க 1,261 பேருக்கு அழைப்பு விடுக்கப்பட்டது. 638 பேர் கலந்தாய்வில் பங்கேற்றனர்.
பி.எஸ்சி., நர்சிங் 240, பி.பார்ம் 189, இளநிலை இயன்முறை மருத்துவம் (பிபிடி) 76 உள்பட மொத்தம் 638 இடங்கள் நிரம்பின. இவற்றில் 480 அரசு இடங்கள், 143 தனியார் கல்லூரிகளில் அரசு ஒதுக்கீட்டு இடங்களகும்..
பொதுப்பிரிவினருக்கான கலந்தாய்வின் முடிவில் 40 அரசு இடங்களும், தனியார் கல்லூரிகளில் 5,583 அரசு இடங்களும் காலியாக உள்ளன. தொடர்ந்து வியாழக்கிழமையும்(செப்.21) கலந்தாய்வு நடைபெறும் என்று அதிகாரிகள் தெரிவித்தனர்.
 

]]>
http://www.dinamani.com/education/2017/sep/21/துணை-மருத்துவப்-படிப்புகள்-638-இடங்கள்-நிரம்பின-2776844.html
2776843 கல்வி எஸ்.ஆர்.எம். பல்கலை.யில் கணித மாதிரிக் கண்காட்சி DIN DIN Thursday, September 21, 2017 03:22 AM +0530 சென்னை ராமாபுரம் எஸ்.ஆர்.எம். பல்கலைக்கழகத்தின் கணிதவியல் துறை சார்பில் மாதிரிக் கண்காட்சி போட்டி நடைபெற்றது.
அனைத்து பொறியியல் பிரிவுகளையும் சேர்ந்த 35 குழுவினர், கணிதக் கோட்பாடுகளின் அடிப்படையில் உருவாக்கப்பட்ட மாதிரி படைப்புகளுடன் போட்டியில் பங்கேற்றனர். நடுவர்களான சென்னை ஐ.ஐ.டி. உதவிப் பேராசிரியர்கள் ஆர்யகுமார் சந்த், செளமன் சர்க்கார் அனைத்து மாதிரிப் படைப்புகளையும் நேரில் ஆய்வு செய்தனர். அவற்றில் 3 சிறந்த மாதிரி படைப்புகளைத் தேர்வு செய்து பரிசுகளை வழங்கினர்.
பல்கலைக்கழக டீன் வி.சுப்பையா பாரதி, துணை முதல்வர்கள் கே.சி.உதயகுமார், ஜெ.ஜெகதீசன், துறைத் தலைவர் சகிலா சதீஷ், உதவிப் பேராசிரியர் ஜெ.விமாரோஸ்லின் உள்ளிட்டோர் பங்கேற்றனர்.
 

]]>
http://www.dinamani.com/education/2017/sep/21/எஸ்ஆர்எம்-பல்கலையில்-கணித-மாதிரிக்-கண்காட்சி-2776843.html
2776037 கல்வி மலேசியாவுக்கு ஒரு லட்சம் தமிழ் நூல்கள் வழங்க நடவடிக்கை: அமைச்சர் செங்கோட்டையன் DIN DIN Wednesday, September 20, 2017 01:17 AM +0530 மலேசியாவுக்கு தமிழ் நூல்கள், பாட நூல்கள் ஆகியவை ஒரு லட்சம் பிரதிகள் வழங்க ஆவன செய்யப்படும் என்று பள்ளிக் கல்வித் துறை அமைச்சர் கே.ஏ.செங்கோட்டையன் கூறினார்.
மலேசிய நாட்டின் கல்வி அமைச்சகமும், சென்னைப் பல்கலைக்கழகமும் இணைந்து -மலேசியாவில் தமிழ் கல்வி - 200-ஆம் ஆண்டு விழா என்ற கருத்தரங்கை சென்னையில் செவ்வாய்க்கிழமை நடத்தின. விழாவில் பள்ளிக் கல்வித் துறை அமைச்சர் செங்கோட்டையன் பேசியது:
மலேசியாவில் உள்ள தமிழர்களின் தீவிர முயற்சியின் காரணமாக அங்கு இன்று 525 தமிழ் பள்ளிகள் நடைபெற்று வருகின்றன. இங்கு படிக்கும் மாணவர்களுக்கு, 10 ஆயிரம் ஆசிரியர்கள் பயிற்சியளிக்கின்றனர்.
இன்றைய காலகட்டத்தில் மலேசியா போன்ற நாடுகளில் தமிழ் எவ்வாறு வளர்ந்திருக்கிறது, அதை வளர்க்க அங்குள்ள தமிழர்கள் எப்படிப்பட்ட முயற்சிகளை எடுக்கின்றனர் என்பதைப் பார்க்கும்போது மிகுந்த வியப்பாகவும், மகிழ்ச்சியாகவும் இருக்கிறது.
தமிழை வளர்க்க சிறந்த முறையில் முயற்சிகளை எடுத்து வரும் மலேசியத் தமிழர்களுக்கு ஊக்கம் அளிக்கும் வகையில் தேவையான அனைத்து உதவிகளையும், தமிழக அரசும், பள்ளிக் கல்வித் துறையும் செய்வதற்குத் தயாராக இருக்கிறது. இதன் ஒரு பகுதியாக, தமிழ் நூல்கள், பாட நூல்கள் ஆகியவை ஒரு லட்சம் பிரதிகள் மலேசியாவுக்கு வழங்கப்படும். அங்குள்ள மாணவர்களுக்கும், ஆசிரியர்களுக்கும் பயிற்சி அளிக்க இங்குள்ள திறமைமிக்க பேராசிரியர்களை அனுப்புவதற்கும் நடவடிக்கை எடுக்கப்படும் என்றார் அமைச்சர் செங்கோட்டையன்.
அமைச்சர் டி.ஜெயக்குமார்: தமிழ் 2 ஆயிரம் ஆண்டுகளுக்கு முன்பே உருவான மொழி என்று கூறுவது தவறு. கோடிக்கணக்கான ஆண்டுகளுக்கு முன்னரே தோன்றியது எனக் கூறுவதுதான் சரி. அப்படிப்பட்ட மொழியைக் காக்க மறைந்த முதல்வர்கள் எம்.ஜி.ஆர்., ஜெயலலிதா ஆகியோர் மிகச் சிறந்த முயற்சிகளை மேற்கொண்டனர்.
தமிழுக்கென்று தமிழகத்தில் முதன் முதலாக ஒரு பல்கலைக்கழகத்தை தஞ்சையில் எம்.ஜி.ஆர். உருவாக்கினார். மதுரையில் உலகத் தமிழ் மாநாட்டை நடத்தினார். தஞ்சையில் 8 -ஆவது உலகத் தமிழ் மாநாட்டை நடத்திய ஜெயலலிதா, இயல் - இசை - நாடகம் என்ற முத்தமிழோடு, அறிவியல் தமிழ் (கணினித் தமிழ்) என்ற நான்காவது தமிழை அறிமுகம் செய்து தமிழ் மொழி வளர்ச்சிக்கு வித்திட்டார் என்றார் அமைச்சர் ஜெயக்குமார்.
உயர் கல்வித் துறை அமைச்சர் கே.பி. அன்பழகன்: மலேசியா போன்ற வெளிநாடுகளில் உள்ள தமிழ் அமைப்புகள், சங்கங்களை ஊக்கப்படுத்தும் வகையில், ரூ. 5 லட்சம் பரிசுத் தொகை கொண்ட தமிழ்த் தாய் விருது வழங்கும் திட்டத்தை கடந்த 2012-ஆம் ஆண்டு முதல் தமிழக அரசு செயல்படுத்தி வருகிறது.
மதுரையில் உள்ள உலகத் தமிழ்ச் சங்கத்தை புதுப் பொலிவுடன் செயல்பட வைப்பதற்காக ரூ.100 கோடியை தமிழக அரசு ஒதுக்கியுள்ளது. 
மலேசியா, சிங்கப்பூர் போன்ற நாடுகளில் உள்ள மாணவர்கள் தமிழ் கற்பதில் உள்ள இடர்ப்பாடுகளைப் போக்கும் வகையில், உலகத் தமிழ்ச் சங்கம் சார்பில் அந்த இரு நாடுகளிலும் கருத்தரங்குகள், மாநாடுகள் நடத்த ரூ. 10 லட்சம் ஒதுக்கப்பட்டுள்ளது.
மலேசியாவோடு தமிழ் கல்விசார்ந்த புரிந்துணர்வு ஒப்பந்தங்களைச் செய்துகொள்ள தமிழக உயர் கல்வித் துறை எப்போதும் தயாராக உள்ளது. மேலும், உயர் கல்வி நிலையில் பட்டம், பட்டயப் படிப்புகளை தமிழக பல்கலைக்கழகங்களுடன் இணைந்து மலேசிய அரசு வழங்க முன்வந்தால், அதற்கான உதவிகளைச் செய்யவும் தமிழக அரசு தயாராக இருக்கிறது என்றார் அமைச்சர் கே.பி.அன்பழகன்.
மலேசிய சுகாதாரத் துறை அமைச்சர் எஸ்.சுப்பிரமணியன்: தமிழகத்தை அடுத்து, மலேசியாவில் மட்டும்தான் தமிழ் வாழ்த்து உள்ளது. உலகெங்கும் புலம்பெயர்ந்து வாழும் கோடிக்கணக்கான தமிழர்களுக்கு, உயிரூட்டக் கூடிய வகையிலும் அவர்களுக்கு அதிகாரத்தைக் கொடுக்கக் கூடிய வகையிலும் தமிழ் மொழிதான் இருக்கிறது என்பதை மலேசிய தமிழ்த் தாய் வாழ்த்து உணர்த்துகிறது. தமிழ் மொழி மீது எந்த அளவுக்கு பற்றையும், உணர்வையும் எந்த அளவுக்கு மலேசியத் தமிழர்கள் கொண்டுள்ளனர் என்பதற்கு இதுவே சிறந்த உதாரணம். மலேசிய அரசும், சிறந்த முறையில் உதவிகளைச் செய்து வருவதால் தமிழர்கள் அங்கு தமிழர்களாக, தமிழ் பண்பாட்டோடு 200 ஆண்டுகளாக வாழ்ந்து வருகின்றனர். மலேசிய நாட்டில் தமிழ் கல்வி 200 ஆண்டுகள் அடைந்த வளர்ச்சியை, தமிழகத்தில் உள்ள தமிழர்களோடு இணைந்து கொண்டாட வேண்டும் என்பதற்காகவே இங்கு விழா எடுக்கப்பட்டுள்ளது என்றார் அமைச்சர் எஸ்.சுப்பிரமணியன்.

]]>
http://images.dinamani.com/uploads/user/imagelibrary/2017/9/20/w600X390/jayakumar.PNG சென்னைப் பல்கலைக்கழகமும், மலேசியக் கல்வி அமைச்சகமும் இணைந்து செவ்வாய்க்கிழமை மலேசியாவில் தமிழ்க் கல்வி 200 -ஆவது ஆண்டு விழா கண்காட்சியைப் பார்வையிட்ட அமைச்சர்கள் டி.ஜெயக்குமார், http://www.dinamani.com/education/2017/sep/20/மலேசியாவுக்கு-ஒரு-லட்சம்-தமிழ்-நூல்கள்-வழங்க-நடவடிக்கை-அமைச்சர்-செங்கோட்டையன்-2776037.html
2776036 கல்வி போட்டித் தேர்வுக்கு 442 மையங்களில் விரைவில் பயிற்சி: அமைச்சர் செங்கோட்டையன் DIN DIN Wednesday, September 20, 2017 01:16 AM +0530 மத்திய அரசின் போட்டித் தேர்வுகளை தமிழக மாணவர்கள் திறம்பட எதிர்கொள்ளப் பயிற்சி அளிக்கும் வகையில் தமிழகம் முழுவதும் அமைக்கப்பட்டு வரும் 442 மையங்களில் செப்டம்பர் மாதமே பயிற்சிகள் தொடங்கப்படும் என பள்ளிக் கல்வித் துறை அமைச்சர் செங்கோட்டையன் கூறினார்.
சென்னை பல்கலைக்கழகத்தில் செவ்வாய்க்கிழமை நடைபெற்ற மலேசியாவில் தமிழ் கல்வி - 200-ஆம் ஆண்டு விழா கருத்தரங்கில் பங்கேற்று அவர் பேசியது:
மத்திய அரசின் பல்வேறு போட்டித் தேர்வுகளை தமிழக மாணவர்கள் திறம்பட எதிர்கொள்ள வைக்கும் வகையில் பல்வேறு நடவடிக்கைகளை தமிழக அரசு மேற்கொண்டு வருகிறது. இதற்காக தமிழகம் முழுவதும் 442 மையங்கள் அமைக்கப்பட்டு வருகின்றன. இந்த மையங்களில் இந்த மாதம் முதலே மாணவர்களுக்குப் பயிற்சிகள் அளிக்கப்படும். 
தமிழக மாணவர்களுக்கு வேலைவாய்ப்பு உத்தரவாதத்தை அளிக்கும் வகையில் மாநில பாடத் திட்டத்தை மாற்றியமைக்கும் பணிகள் நடைபெற்று வருகின்றன. 
மேலும், மாணவர்களின் வேலைவாய்ப்புத் திறனை மேம்படுத்தும் வகையிலும் புதிய திட்டம் ஒன்றை தமிழக அரசு கொண்டுவர உள்ளது. இதற்கான அறிவிப்பு இந்த மாத இறுதிக்குள் வெளியிடப்படும்.
 

]]>
http://www.dinamani.com/education/2017/sep/20/போட்டித்-தேர்வுக்கு-442-மையங்களில்-விரைவில்-பயிற்சி-அமைச்சர்-செங்கோட்டையன்-2776036.html
2776035 கல்வி துணை மருத்துவம்: பொதுப் பிரிவினருக்கு இன்று கலந்தாய்வு DIN DIN Wednesday, September 20, 2017 01:15 AM +0530 துணை மருத்துவப் படிப்புகளில் பொதுப் பிரிவினருக்கான கலந்தாய்வு சென்னையில் புதன்கிழமை (செப்.20) முதல் நடைபெற உள்ளது.
தமிழகத்தில் பி.எஸ்சி. நர்சிங், பி.பார்ம், பிஓடி (இயன்முறை மருத்துவம்), பி.எஸ்சி. கார்டியோ பல்மனரி பர்ஃபியூஷன் டெக்னாலஜி, பி.எஸ்சி. ரேடியா மற்றும் இமேஜிங் டெக்னாலஜி, பி.எஸ்சி. ரேடியோ தெரபி டெக்னாலஜி, பி.எஸ்சி. ஆப்டோமெட்ரி, இளநிலை ஆக்குபேஷனல் தெரப்பி, பிஏஎஸ்எல்பி (செவித்திறன், பேச்சு, மொழி நோய்க்குறியியல் பட்டப் படிப்பு) ஆகிய 9 துணை மருத்துவப் படிப்புகளுக்கான கலந்தாய்வு ஓமந்தூரார் பல்நோக்கு சிறப்பு மருத்துவமனையில் செவ்வாய்க்கிழமை தொடங்கியது.
மொத்த இடங்கள்: இந்தப் படிப்புகளுக்கு 16 அரசுக் கல்லூரிகளில் 538 இடங்களும், 159 தனியார் கல்லூரிகளில் 5,726 அரசு ஒதுக்கீட்டு இடங்களும் உள்ளன. முதல்நாளில் சிறப்புப் பிரிவினருக்கான கலந்தாய்வு நடைபெற்றது. சிறப்புப் பிரிவினரில் மாற்றுத்திறனாளிகளுக்கு 23 இடங்களும், முன்னாள் ராணுவ வீரர்களின் வாரிசுகளுக்கு 3 இடங்களும் உள்ளன.
செவ்வாய்க்கிழமை நடைபெற்ற கலந்தாய்வில் 35 பேர் பங்கேற்றனர். கலந்தாய்வின் முடிவில் முன்னாள் ராணுவ வீரர்களின் வாரிசுகளுக்கான 3 இடங்களும் நிரம்பின. மாற்றுத்திறனாளிகளுக்கான இடங்களில் 15 நிரம்பின. மீதமுள்ள 8 இடங்கள் பொதுப் பிரிவு கலந்தாய்வில் சேர்க்கப்படும்.
பொதுப் பிரிவினருக்கு இன்று கலந்தாய்வு: துணை மருத்துவப் படிப்புகளில் பொதுப் பிரிவினருக்கான கலந்தாய்வு புதன்கிழமை (செப்.20) முதல் தொடங்க உள்ளது. காலை 9 மணிக்கு தொடங்கி, மூன்று பிரிவுகளாக கலந்தாய்வு நடைபெறும். 
தொடர்ந்து செப்டம்பர் 21 முதல் 23, 25 முதல் 27, அக்டோபர் 4 முதல் 7 என மொத்தம் 12 நாள்கள் கலந்தாய்வு நடைபெற உள்ளது என்று மருத்துவக் கல்வி தேர்வுக் குழு அதிகாரிகள் தெரிவித்தனர்.

]]>
http://images.dinamani.com/uploads/user/imagelibrary/2017/9/20/w600X390/counseling.PNG கலந்தாய்வில் இடம் தேர்வு செய்யும் மாணவி. http://www.dinamani.com/education/2017/sep/20/துணை-மருத்துவம்-பொதுப்-பிரிவினருக்கு-இன்று-கலந்தாய்வு-2776035.html
2775465 கல்வி புதிய பாடத் திட்டத்துக்கான வரைவு நவம்பரில் வெளியிடப்படும் : அரசு தரப்பில் தகவல் DIN DIN Tuesday, September 19, 2017 02:50 AM +0530 புதிய பாடத் திட்டத்துக்கான வரைவு நவம்பர் மாதம் வெளியிடப்படும் என சென்னை உயர் நீதிமன்றத்தில் தமிழக அரசின் சார்பில் தெரிவிக்கப்பட்டுள்ளது.
தமிழகத்தில் சிபிஎஸ்இ பாடத்திட்டத்துக்கு இணையாக தரமான புதிய பாடத்திட்டத்தை தயாரிக்க பள்ளி கல்வித்துறை அமைச்சர் தலைமையில் உயர்நிலைக் குழுவும், கல்வியாளர்கள், அறிவியல் நிபுணர்கள் அடங்கிய பாடத் திட்டக் குழுவும் அமைக்கப்பட்டுள்ளது. இக்குழுவில் இடம் பெற்றுள்ள பள்ளி கல்வித் துறைச் செயலாளர் உதயச்சந்திரன் உள்ளிட்ட எந்த உறுப்பினர்களையும் நீக்க கூடாது என கோரி காஞ்சிபுரத்தைச் சேர்ந்த ராமலிங்கம் சென்னை உயர் நீதிமன்றத்தில் வழக்கு தொடர்ந்திருந்தார்.
இந்த வழக்கை விசாரித்த நீதிபதிஎன்.கிருபாகரன், பாடத்திட்டத்தை மாற்றியமைக்கும் பணியில் ஈடுபட்டுள்ள ஐஏஎஸ் அதிகாரியான உதயச்சந்திரன்உள்ளிட்ட எந்தக் குழு உறுப்பினர்களையும் நீக்கக் கூடாது என உத்தரவிட்டிருந்தார். இந்நிலையில் இந்த வழக்கு திங்கள்கிழமை மீண்டும் விசாரணைக்கு வந்தது. அப்போது பள்ளிக்கல்வித் துறையின் செயலாளராக இருந்த உதயச்சந்திரனை நீக்கிவிட்டு, பிரதீப்யாதவ் என்ற மூத்த ஐஏஎஸ் அதிகாரியை அத்துறையின் செயலாளராக நியமித்துள்ளதாக மனுதாரர் தரப்பில் குற்றம் சாட்டப்பட்டது.
அப்போது நீதிபதி என்.கிருபாகரன்,மாணவர்களின் கல்வி சம்பந்தப்பட்ட விஷயங்களில் அரசு தேவையில்லாமல் தலையிடக் கூடாது. உதயச்சந்திரனை மாற்றக்கூடாது என ஏற்கெனவே உத்தரவிட்டும் அவரை மாற்றியது ஏன் என அரசுக்கு கேள்வி எழுப்பினார். அப்போது பதிலளித்த கூடுதல் அரசு தலைமை வழக்குரைஞர், ஐஏஎஸ் அதிகாரி உதயச்சந்திரன் அத்துறையில் இருந்து நீக்கப்படவில்லை என்றும், அத்துறையின் முதன்மைச் செயலாளராக ஐஏஎஸ் அதிகாரி பிரதீப் யாதவ் நியமிக்கப்பட்டுள்ளார் என்றார். மேலும் புதிய பாடத்திட்டத்தைத் தயாரிக்கும் பணிகள் தீவிரமாக நடந்து வருகிறது. வருகின்ற நவம்பரில் புதிய பாடத்திட்டத்தின் வரைவு பாடத்திட்டம் வெளியிடப்பட உள்ளதாக தெரிவித்தார். 
இதனையடுத்து பள்ளிக் கல்வித் துறையில் இருந்து அதிகாரி உதயச்சந்திரன் நீக்கப்படவில்லை என்பதை மனுவாக தாக்கல் செய்ய அரசுக்கு உத்தரவிட்ட நீதிபதி, வழக்கின் விசாரணையை வரும் அக்டோபர் 5-ஆம் தேதிக்கு ஒத்திவைத்தார்.

]]>
http://www.dinamani.com/education/2017/sep/19/புதிய-பாடத்-திட்டத்துக்கான-வரைவு-நவம்பரில்-வெளியிடப்படும்--அரசு-தரப்பில்-தகவல்-2775465.html
2775464 கல்வி இன்று முதல் துணை மருத்துவ படிப்புகளுக்கு கலந்தாய்வு DIN DIN Tuesday, September 19, 2017 02:49 AM +0530 தமிழகத்தில் துணை மருத்துவப் படிப்புகளுக்கான கலந்தாய்வு செவ்வாய்க்கிழமை முதல் (செப்.19) தொடங்க உள்ளது.
பி.எஸ்சி. நர்சிங், பி.ஃபார்ம் உள்ளிட்ட 9 துணை மருத்துவப் படிப்புகளுக்கான கலந்தாய்வு சென்னை ஓமந்தூரார் பல்நோக்கு சிறப்பு மருத்துவமனையில் செப்டம்பர் 19-ஆம் தேதி தொடங்க உள்ளது. இந்தப் படிப்புகளுக்கு அரசு கல்லூரிகளில் 484 இடங்களும், தனியார் கல்லூரிகளில் 5,479 இடங்களும் உள்ளன.
முதல் நாளான செவ்வாய்க்கிழமை மாற்றுத்திறனாளிகள், முன்னாள் ராணுவ வீரர்களின் வாரிசுகள் ஆகியோருக்கான கலந்தாய்வு நடைபெறும். இந்தப் பிரிவில் மாற்றுத்திறனாளிகளுக்கு 5 சதவீத இடங்களும், முன்னாள் ராணுவ வீரர்களின் வாரிசுகளுக்கு பிஎஸ்சி நர்சிங், பி.ஃபார்ம், பி.பி.டி. (இயன்முறை மருத்துவம்) ஆகிய மூன்று படிப்புகளிலும் தலா ஓரிடம் ஒதுக்கப்பட்டுள்ளது. காலை 9 மணிக்கு கலந்தாய்வு தொடங்கும் என்று அதிகாரிகள் தெரிவித்தனர்.
 

]]>
http://www.dinamani.com/education/2017/sep/19/இன்று-முதல்-துணை-மருத்துவ-படிப்புகளுக்கு-கலந்தாய்வு-2775464.html
2775463 கல்வி யுனானி மருத்துவப் படிப்புக்கான உருது தேர்வில் 42 பேர் தேர்ச்சி DIN DIN Tuesday, September 19, 2017 02:37 AM +0530 யுனானி மருத்துவப் படிப்புகளில் சேருவதற்கான உருது மொழித் தேர்வில் 42 மாணவர்கள் தேர்ச்சி பெற்றுள்ளனர்.
சித்த மருத்துவம், ஆயுர்வேதம், யுனானி, யோகா- இயற்கை மருத்துவம், ஹோமியோபதி ஆகிய இந்திய முறை மருத்துவப் படிப்புகளுக்கான விண்ணப்ப விநியோகம் ஆக. 2 முதல் 30 -ஆம் தேதி வரை நடைபெற்றது.
பூர்த்தி செய்து சமர்ப்பிக்கப்பட்ட விண்ணப்பங்களைப் பரிசீலிக்கும் பணிகள் நடைபெற்று வருகின்றன. இதில் இளநிலை யுனானி மருத்துவப் படிப்புக்கு 23 இடங்கள் உள்ளன. யுனானி மருத்துவப் படிப்புக்கு உருது மொழி பயன்பாடு அவசியம் என்பதால், உருது மொழி தகுதித் தேர்வு செப். 17-ஆம் தேதி நடைபெற்றது. உருது மொழி கற்றதற்கான சான்றிதழ் சமர்ப்பிக்காதவர்களுக்கு இந்தத் தேர்வு நடைபெற்றது. இந்தத் தேர்வில் 42 பேர் தேர்ச்சி பெற்றுள்ளனர்.
தேர்ச்சி பெற்றவர்களின் பட்டியல் சுகாதாரத் துறையின் www.tnhealth.org  என்ற இணையதளத்தில் வெளியிடப்பட்டுள்ளது.
உருது தேர்வில் தேர்ச்சி பெற்றவர்களும், உருது மொழி படித்ததற்கான சான்றிதழ்களைச் சமர்ப்பித்தவர்களும் கலந்தாய்வில் பங்கேற்க வேண்டும். கலந்தாய்வின் அடிப்படையில் மட்டுமே இடங்கள் ஒதுக்கப்படும் என்று இந்திய மருத்துவம் மற்றும் ஹோமியோபதித் துறை தேர்வுக் குழு அதிகாரிகள் தெரிவித்தனர்.

]]>
http://www.dinamani.com/education/2017/sep/19/யுனானி-மருத்துவப்-படிப்புக்கான-உருது-தேர்வில்-42-பேர்-தேர்ச்சி-2775463.html
2772727 கல்வி மத்திய அரசு கல்வி உதவித் தொகைக்கு விண்ணப்பிக்க செப்.30 கடைசி நாள் DIN DIN Thursday, September 14, 2017 01:33 AM +0530 மத்திய அரசு கல்வி உதவித் தொகையைப் பெற விண்ணப்பிப்பதற்கான கால அவகாசம் செப். 30 -ஆம் தேதி வரை நீட்டிக்கப்பட்டுள்ளது.
பொருளாதாரத்தில் பின் தங்கிய மாணவர்கள் தடையின்றிக் கல்வி பெறும் வகையில், பல்வேறு கல்வி உதவித் தொகைத் திட்டங்களை மத்திய அரசு செயல்படுத்தி வருகிறது.
இதில் முதுநிலை பொறியியல் பட்டப் படிப்பை மேற்கொண்டு வரும் சிறுபான்மையினர் மாணவர்களுக்கான கல்வி உதவித் தொகை திட்டத்துக்கு விண்ணப்பிக்க செப். 30-ஆம் தேதி வரை கால அவகாசம் அளிக்கப்பட்டுள்ளது. இத்திட்டத்தின் கீழ் மாணவர்களுக்கு ஆண்டுக்கு ரூ. 25 ஆயிரம் கல்வி உதவித் தொகை வழங்கப்படும். விடுதியில் தங்கிப் படிக்கும் மாணவர்களுக்கு ஆண்டுக்கு ரூ. 30 ஆயிரமும் வழங்கப்படும்.
ஒன்றாம் வகுப்பு முதல் 10-ஆம் வகுப்பு வரைப் படிக்கும் பொருளாதாரத்தில் பின்தங்கிய பள்ளி மாணவர்களுக்கான கல்வி உதவித் தொகைத் திட்டத்துக்கும், பிளஸ் 1, பிளஸ் 2 மற்றும் ஐடிஐ-க்களில் படிக்கும் பொருளாதாரத்தில் பின்தங்கிய மாணவர்களுக்கான கல்வி உதவித் தொகை திட்டங்களுக்கும் விண்ணப்பிப்பதற்கான கால அவகாசம் செப். 30 ஆம் தேதி வரை நீட்டிக்கப்பட்டுள்ளது.
மாணவர்கள் தேசிய கல்வி உதவித் தொகை திட்ட இணையதளம் மூலம் இதற்கு விண்ணப்பிக்க வேண்டும் என்பது குறிப்பிடத்தக்கது.
 

]]>
http://www.dinamani.com/education/2017/sep/14/மத்திய-அரசு-கல்வி-உதவித்-தொகைக்கு-விண்ணப்பிக்க-செப்30-கடைசி-நாள்-2772727.html
2772075 கல்வி முதுநிலை யோகா படிப்புக்கு விண்ணப்பங்கள் வரவேற்பு DIN DIN Wednesday, September 13, 2017 02:22 AM +0530 முதுநிலை யோகா -இயற்கை மருத்துவப் படிப்புக்கு விண்ணப்பிக்கலாம் என்று இந்திய மருத்துவம் மற்றும் ஹோமியோபதி இயக்ககம் அறிவித்துள்ளது.
சென்னை அரும்பாக்கத்தில் உள்ள அரசு யோகா மருத்துவக் கல்லூரியில் இந்த படிப்புக்கு 15 இடங்கள் உள்ளன. 
இதற்கான விண்ணப்பங்களை www.tnhealth.org  என்ற இணையதளத்தில் பதிவிறக்கம் செய்து கொள்ளலாம். நேரடி விண்ணப்ப விநியோகம் கிடையாது. விண்ணப்பத்துக்கான கட்டணம் ரூ.3 ஆயிரம். தாழ்த்தப்பட்ட, பழங்குடியினருக்கு விண்ணப்பக் கட்டணம் கிடையாது. பூர்த்தி செய்யப்பட்ட விண்ணப்பங்கள் இயக்ககத்துக்கு சென்று சேர வேண்டிய கடைசி நாள் வரும் 28 -ஆம் தேதியாகும். 
இந்தப் படிப்புகளுக்கான நுழைவுத் தேர்வு அக்டோபர் 21 -ஆம் தேதி காலை 9.30 மணிக்கு, அரும்பாக்கம் அறிஞர் அண்ணா அரசு மருத்துவமனை வளாகத்தில் நடைபெறும். அன்றைய தினமே நுழைவுத்தேர்வுக்கான முடிவும் அறிவிக்கப்படும். அதைத்தொடர்ந்து கலந்தாய்வு நடத்தி இடங்கள் நிரப்பப்படும் என்று அறிவிக்கப்பட்டுள்ளது.

]]>
http://www.dinamani.com/education/2017/sep/13/முதுநிலை-யோகா-படிப்புக்கு-விண்ணப்பங்கள்-வரவேற்பு-2772075.html
2769180 கல்வி கால்நடை மருத்துவ படிப்புகளுக்கு கூடுதலாக 100 இடங்கள்: இம்மாத இறுதியில் கலந்தாய்வு DIN DIN Friday, September 8, 2017 01:20 AM +0530 கால்நடை மருத்துவம் மற்றும் தொழில்நுட்பப் படிப்புகளுக்கு கூடுதலாக 100 இடங்களுக்கு அனுமதி கிடைத்துள்ளது. இரண்டாம் கட்ட கலந்தாய்வில் இந்த இடங்களுக்கும் சேர்த்து கலந்தாய்வு நடத்தப்படும் என திகாரிகள் தெரிவித்தனர்.
கால்நடை மருத்துவப் படிப்புகளுக்கான முதல்கட்ட கலந்தாய்வு ஜூலை 19 முதல் 21 -ஆம் வரை நடைபெற்றது. இதில் கால்நடை மருத்துவப் படிப்புக்கு 320, பால்வளம், உணவு பதப்படுத்தல், கோழியின உற்பத்தி ஆகிய தொழில்நுட்பப் படிப்புகளுக்கு தலா 20 என மொத்தம் 360 இடங்களுக்கு கலந்தாய்வு நடைபெற்றது. முதல்கட்ட கலந்தாய்வின் முடிவில் அனைத்து இடங்களும் நிரம்பின.
இரண்டாம் கட்ட கலந்தாய்வு, எம்.பி.பி.எஸ். மற்றும் பிடிஎஸ் கலந்தாய்வுக்கு பின்பு நடத்தத் தீர்மானிக்கப்பட்டது. 
55 இடங்கள்: இந்த நிலையில், முதல்கட்ட கலந்தாய்வில் பங்கேற்று இடங்களைப் பெற்றவர்களில் 55 பேர் கல்லூரிகளில் சேரவில்லை. எனவே, அந்த இடங்கள் காலியிடங்களாகக் கருதப்பட்டு இரண்டாம் கட்ட கலந்தாய்வில் சேர்க்கப்படும்.
கூடுதல் இடங்கள்: இதனிடையே, கூடுதல் இடங்கள் கோரி அனுப்பப்பட்ட திட்ட அறிக்கைக்கு தமிழக அரசு அனுமதி அளித்து, அரசாணை வெளியிட்டுள்ளது. அதன்படி கால்நடை மருத்துவப் படிப்புக்கு சென்னை, நெல்லை, ஒரத்தநாடு ஆகிய கல்லூரிகளில் தலா 20 என மொத்தம் 60 இடங்களுக்கும், உணவு பதப்படுத்துதல் தொழில்நுட்பப் படிப்புக்கு 20, கோழியின உற்பத்தி தொழில்நுட்பப் படிப்புக்கு 20 என மொத்தம் 100 இடங்களுக்கு அனுமதி கிடைத்துள்ளது.
இதுகுறித்து அதிகாரிகள் கூறியது: 
தமிழகத்தில் மருத்துவப் படிப்புகளுக்கான கலந்தாய்வு நிறைவு பெற்ற நிலையில், கால்நடை மருத்துவப் படிப்புகளுக்கான இரண்டாம் கட்ட கலந்தாய்வு செப்டம்பர் 4 -ஆவது வாரத்தில் நடைபெறும். அதற்கான அறிவிப்பு விரைவில் வெளியிடப்படும். கூடுதலாக அனுமதி கிடைத்துள்ள 100 இடங்களுக்கும் சேர்த்து அப்போது கலந்தாய்வு நடத்தப்படும் என்று அவர்கள் தெரிவித்தனர்.
 

]]>
http://www.dinamani.com/education/2017/sep/08/கால்நடை-மருத்துவ-படிப்புகளுக்கு-கூடுதலாக-100-இடங்கள்-இம்மாத-இறுதியில்-கலந்தாய்வு-2769180.html
2768546 கல்வி பல் மருத்துவக் கலந்தாய்வு நிறைவு DIN DIN Thursday, September 7, 2017 02:24 AM +0530 பல் மருத்துவ படிப்புக்கான 2-ஆம் கட்ட கலந்தாய்வு புதன்கிழமையுடன் நிறைவுபெற்றது.
தமிழகத்தில் எம்.பி.பி.எஸ். மற்றும் பிடிஎஸ் படிப்புகளுக்கான கலந்தாய்வு ஆக.24-ஆம் தேதி தொடங்கியது. எம்.பி.பி.எஸ். கலந்தாய்வு செப்.3-ஆம் தேதியுடன் முடிவடைந்தது. தொடர்ந்து செப்.4-ஆம் தேதி முதல், பல் மருத்துவப் படிப்புக்கான 2-ஆம் கட்ட கலந்தாய்வு நடைபெற்றது. புதன்கிழமையுடன் நிறைவுபெற்ற இந்தக் கலந்தாய்வின் முடிவில் அரசு பல் மருத்துவக்கல்லூரி மற்றும் தனியார் பல் மருத்துவக் கல்லூரிகளில் அரசு ஒதுக்கீட்டு இடங்கள் அனைத்தும் நிரம்பின. புதன்கிழமை மட்டும் 126 அரசு ஒதுக்கீட்டு இடங்கள், 99 நிர்வாக ஒதுக்கீட்டு இடங்கள் நிரப்பப்பட்டன. நடந்து முடிந்த கலந்தாய்வில் தற்போது 494 நிர்வாக ஒதுக்கீட்டு பல்மருத்துவ இடங்கள் மட்டும் காலியாக உள்ளன. இது தொடர்பாக மருத்துவக் கல்வி தேர்வுக்குழு செயலர் டாக்டர் ஜி.செல்வராஜ் கூறியது: எஞ்சியுள்ள நிர்வாக ஒதுக்கீட்டு இடங்கள் அந்தந்த கல்லூரிகளிடமே ஒப்படைக்கப்படும். அந்த இடங்களை நீட் தேர்வு மதிப்பெண் அடிப்படையில் அவர்கள் நிரப்பிக் கொள்ளலாம். கலந்தாய்வில் இடங்களைப் பெற்றவர்கள் வெள்ளிக்கிழமைக்குள்(செப்.8) கல்லூரியில் சென்று சேர வேண்டும் என்றார்.
 

]]>
http://www.dinamani.com/education/2017/sep/07/பல்-மருத்துவக்-கலந்தாய்வு-நிறைவு-2768546.html
2768545 கல்வி பத்தாம் வகுப்பு சிறப்பு துணைப் பொதுத் தேர்வு: நாளை முதல் அசல் மதிப்பெண் சான்றிதழ் DIN DIN Thursday, September 7, 2017 02:23 AM +0530 பத்தாம் வகுப்பு சிறப்புத் துணைப் பொதுத்தேர்வு எழுதிய மாணவர்களுக்கு அசல் மதிப்பெண் சான்றிதழ் மற்றும் ஒருங்கிணைக்கப்பட்ட மதிப்பெண் சான்றிதழ் வெள்ளிக்கிழமை (செப்.8) முதல் வழங்கப்படவுள்ளது.
இது குறித்து அரசுத் தேர்வுகள் இயக்குநர் தண்.வசுந்தரா தேவி புதன்கிழமை (செப்.6) வெளியிட்டுள்ள அறிவிப்பு:-
கடந்த ஜூன், ஜூலை மாதங்களில் நடைபெற்ற பத்தாம் வகுப்பு துணைப் பொதுத் தேர்வெழுதிய தேர்வர்களுக்கு ஜூலை 28-ஆம் தேதி முதல் தாற்காலிக மதிப்பெண் சான்றிதழை தேர்வர்கள் தாங்களே ஆன்-லைன் மூலம் பதிவிறக்கம் செய்து கொள்ள ஏற்பாடு செய்யப்பட்டது. நிரந்தர பதிவெண் (PRN) வழங்கப்பட்ட தேர்வர்கள் அவர்கள் தேர்ச்சி பெறாத பாடங்களை ஜூன், ஜூலை நடைபெற்ற சிறப்பு துணை பொதுத் தேர்வில் தேர்வெழுதி அனைத்துப் பாடங்களில் தேர்ச்சி பெற்றிருப்பின் ஒருங்கிணைக்கப்பட்ட அசல் மதிப்பெண் சான்றிதழ்கள் வழங்கப்படும். இதர தேர்வர்களுக்கு ஜூன், ஜூலை மாதங்களில் தேர்வெழுதிய பாடங்களுக்காந அசல் மதிப்பெண் சான்றிதழ்கள் (மறு கூட்டல் உள்பட) வழங்கப்படும். இந்தச் சான்றிதழை வெள்ளிக்கிழமை (செப்.8) முதல் தேர்வர்கள் அவர்கள் தேர்வு எழுதிய மையங்களிலேயே பெற்றுக் கொள்ளலாம். என அதில் கூறப்பட்டுள்ளது.
 

]]>
http://www.dinamani.com/education/2017/sep/07/பத்தாம்-வகுப்பு-சிறப்பு-துணைப்-பொதுத்-தேர்வு-நாளை-முதல்-அசல்-மதிப்பெண்-சான்றிதழ்-2768545.html
2768535 கல்வி ஜேம் -2018: விண்ணப்பிக்க அக்.10 கடைசி DIN DIN Thursday, September 7, 2017 01:42 AM +0530 ஐஐடி கல்வி நிறுவனங்களில் எம்.எஸ்சி. படிப்புகளில் சேருவதற்கான 'ஜேம்-2018' ஒருங்கிணைந்த தகுதித் தேர்வுக்கு விண்ணப்பிக்க அக்டோபர் 10 கடைசி நாளாகும்.
நாடு முழுவதும் உள்ள ஐஐடி கல்வி நிறுவனங்களில் வழங்கப்படும் இரண்டு ஆண்டுகள் எம்.எஸ்சி. முதுநிலை பட்டப் படிப்புகளிலும், பெங்களூருவில் உள்ள இந்திய அறிவியல் கழகத்தில் (ஐஐஎஸ்சி) வழங்கப்படும் ஒருங்கிணைந்த எம்.எஸ்சி., பிஎச்.டி. ஆராய்ச்சிப் படிப்பிலும் மாணவர் சேர்க்கை 'ஜேம்' தேர்வு மதிப்பெண் அடிப்படையிலேயே நடத்தப்படுகிறது.
2018-ஆம் ஆண்டுக்கான 'ஜேம்' தேர்வு அறிவிப்பு இப்போது வெளியிடப்பட்டுள்ளது. இந்த ஆன்-லைன் தேர்வை மும்பை ஐஐடி நடத்துகிறது. தேர்வானது 2018 பிப்ரவரி 11 ஆம் தேதி நடத்தப்பட உள்ளது. இதற்கான விண்ணப்பங்கள் இப்போது வரவேற்கப்பட்டுள்ளன. 
இதற்கு ஆன்-லைன் மூலம் மட்டுமே விண்ணப்பிக்க முடியும். விண்ணப்பிக்க அக்டோபர் 10 கடைசி நாளாகும். தமிழகத்தைப் பொருத்தவரை சென்னை, கோவை, திருச்சி, மதுரை, திருநெல்வேலி ஆகிய 5 மாவட்டங்களில் தேர்வு மையங்கள் அமைக்கப்பட உள்ளன.
மேலும் விவரங்களுக்கு  jam.iitb.ac.in என்ற இணையதளத்தைப் பார்த்துத் தெரிந்துகொள்ளலாம்.

]]>
http://www.dinamani.com/education/2017/sep/07/ஜேம்--2018-விண்ணப்பிக்க-அக்10-கடைசி-2768535.html
2768534 கல்வி எம்.பி.ஏ., எம்சிஏ தேர்வு முடிவுகள் இன்று வெளியீடு DIN DIN Thursday, September 7, 2017 01:42 AM +0530 சென்னைப் பல்கலைக்கழக தொலைநிலைக் கல்வி நிறுவனத்தின் சார்பில் கடந்த ஜூன் மாதம் நடத்தப்பட்ட எம்.பி.ஏ., எம்சிஏ, எம்.எஸ்சி.-ஐடி படிப்புகளுக்கான தேர்வு முடிவுகள் வியாழக்கிழமை (செப்.7) வெளியிடப்பட உள்ளன.
தேர்வு முடிவுகளை www.ideunom.ac.in என்ற இணையதளத்தில் பார்த்துத் தெரிந்துகொள்ளலாம்.
தகுதியுள்ள மாணவர்கள் தேர்வு மறுமதிப்பீட்டுக்கு விண்ணப்பிக்கலாம்.
அவ்வாறு விண்ணப்பிக்க விரும்பும் மாணவர்கள் செப்டம்பர் 9 ஆம் தேதி முதல் 18 ஆம் தேதி வரை, தாள் ஒன்றுக்கு ரூ. 1000 வீதம் கட்டணம் செலுத்தி ஆன்-லைனில் விண்ணப்பிக்க வேண்டும் என பல்கலைக்கழகம் அறிவித்துள்ளது.

]]>
http://www.dinamani.com/education/2017/sep/07/எம்பிஏ-எம்சிஏ-தேர்வு-முடிவுகள்-இன்று-வெளியீடு-2768534.html
2767965 கல்வி பள்ளிக் கல்விக்கு முக்கியத்துவம் அளிக்க வேண்டும்: விஐடி வேந்தர் ஜி.விசுவநாதன் DIN DIN Wednesday, September 6, 2017 03:35 AM +0530 பள்ளிக் கல்விக்கு முக்கியத்துவம் அளிக்க வேண்டும் என விஐடி பல்கலைக்கழக வேந்தர் ஜி.விசுவநாதன் வலியுறுத்தியுள்ளார்.
தமிழகக் கல்வி ஆராய்ச்சி வளர்ச்சி நிறுவனம் மற்றும் ஸ்ரீ கிருஷ்ணா ஸ்வீட்ஸ் இணைந்து ஆசிரியர் தின விழா, ஆசிரியர் செம்மல் விருது வழங்கும் விழா, 'காலச் சூழலில் கல்வி மாற்றங்கள்' என்ற நூல் வெளியீட்டு விழா சென்னை மயிலாப்பூரில் உள்ள சர்வபள்ளி டாக்டர் ராதாகிருஷ்ணன் வாழ்ந்த இல்லத்தில் செவ்வாய்க்கிழமை நடைபெற்றது.
இந்த விழாவில் விஐடி பல்கலைக்கழக வேந்தர் ஜி.விசுவநாதன் ஆசிரியர்களுக்கு செம்மல் விருதுகளை வழங்கிப் பேசியது: எந்த நாடு பள்ளிக் கல்விக்கு முக்கியத்துவம் அளிக்கிறதோ, அது வளர்ந்த நாடாக உருவெடுக்கிறது. 2009 -ஆம் ஆண்டு நடத்தப்பட்ட கணக்கெடுப்பில் உலக அளவில் 73 நாடுகளில் பள்ளிக் கல்விக்கு அதிக முக்கியத்துவம் அளிப்பதாகத் தெரிய வந்தது. அதில் இந்தியாவுக்கு 72-ஆவது இடம்.
யுனெஸ்கோ அமைப்பு 2010-ஆம் ஆண்டு நடத்திய கணக்கெடுப்பில் 122 நாடுகள் பள்ளிக் கல்விக்கு முக்கியத்துவம் அளித்து வருவது தெரியவந்தது.
இதில் இந்தியாவுக்கு 105-ஆவது இடம். ஃபின்லாந்து, தென்கொரிய நாடுகளே பள்ளிக் கல்விக்கு அதிக முக்கியத்துவம் கொடுத்து உலக அளவில் முதல் இரு இடங்களில் உள்ளன. உலக அளவில் கல்வியறிவு பெறாத மக்களின் சதவீதத்தில், 38 சதவீதம் பேர் இந்தியாவில் உள்ளனர். 
இதிலிருந்து நம் நாட்டில் பள்ளிக்கல்வியின் நிலையை நாம் நன்கு அறிந்து கொள்ள முடியும். கடந்த 70 ஆண்டுகளுக்கு முன்பே கல்வித் துறைக்கு மொத்த உள்நாட்டு உற்பத்தியில் 7 சதவீத நிதி ஒதுக்க வேண்டும். ஆனால் இன்றுவரை 3.8 சதவீத அளவுக்குத்தான் நிதி ஒதுக்கப்படுகிறது. தற்போது உள்ள கல்வி உரிமையில் நம்மை நாமே ஏமாற்றிக் கொண்டு வருகிறோம் என்றார் ஜி.விசுவநாதன். நீதிபதி ஆர்.சுரேஷ்குமார் பேசியது: சமூக அக்கறையுள்ளவர்களாக மாணவர்களை ஆசிரியர்கள் உருவாக்க வேண்டும். அரசு மற்றும் தனியார் பள்ளிகளுக்கு இடையேயான பாரபட்ச நிலையை மாற்ற வேண்டும். அதை ஆசிரியர்களால்தான் ஏற்படுத்த முடியும். இளம் வயதிலிருந்து மாணவர்களை ஒழுக்கம், தன்னடக்கம், பெரியோர்களை மதிப்பது போன்றவற்றைக் கற்றுத்தர வேண்டும். 
நீதி போதனைகளைக் கற்றுத் தருவதோடு மாணவர்களை அவ்வாறு கடைப்பிடிக்க தயார்படுத்த வேண்டும் என்றார். இதையடுத்து 'காலச் சூழலில் கல்வி மாற்றங்கள்' என்ற நூலை தமாகா ஆசிரியர் அணித் தலைவர்ஆர்.இராஜமோகன் வெளியிட பள்ளிக் கல்வித் துறை முன்னாள் இயக்குநர் ஆர்.சங்கர் பெற்றுக் கொண்டார். 
இந்த நிகழ்ச்சியில் கிருஷ்ணா ஸ்வீட்ஸ் உரிமையாளர் எம்.
முரளி, பொதுப் பள்ளிகளுக்கான மாநில மேடை பொதுச்செயலாளர் பிரின்ஸ் கஜேந்திரபாபு, தமிழகக் கல்வி ஆராய்ச்சி வளர்ச்சி நிறுவன ஊக்குநர் ப.முருகையன், இயக்குநர் கோ.பெரியண்ணன், பி.ரத்தினசபாபதி மற்றும் ஆசிரியர்கள், பள்ளி மாணவிகள் கலந்து கொண்டனர்.
 

]]>
http://images.dinamani.com/uploads/user/imagelibrary/2017/9/6/w600X390/vit.jpg சிறந்த ஆசிரியருக்கு செம்மல் விருது வழங்குகிறார் வி.ஐ.டி.பல்கலைக்கழக வேந்தர் ஜி.விசுவநாதன். உடன் (இடமிருந்து) பேராசிரியர் பி.ரத்தினசபாபதி, ஸ்ரீ கிருஷ்ணா ஸ்வீட்ஸ் உரிமையாளர் எம்.முரளி, http://www.dinamani.com/education/2017/sep/06/பள்ளிக்-கல்விக்கு-முக்கியத்துவம்-அளிக்க-வேண்டும்-விஐடி-வேந்தர்-ஜிவிசுவநாதன்-2767965.html
2767924 கல்வி விண்ணப்பிக்காதவர்களும் பிடிஎஸ் கலந்தாய்வில் பங்கேற்கலாம்: மருத்துவக் கல்வி இயக்ககம் அறிவிப்பு DIN DIN Wednesday, September 6, 2017 01:41 AM +0530 மருத்துவப் படிப்புகளுக்கு விண்ணப்பிக்காதவர்களும் பல் மருத்துவப் படிப்புகளுக்கான கலந்தாய்வில் பங்கேற்கலாம் என்று மருத்துவக் கல்வி இயக்ககம் அறிவித்துள்ளது.
தமிழகத்தில் நீட் தேர்வின் அடிப்படையில் மருத்துவம் (எம்.பி.பி.எஸ்.) மற்றும் பல் மருத்துவ (பிடிஎஸ்) படிப்புகளுக்கான கலந்தாய்வு ஆகஸ்ட் 24-ஆம் தேதி முதல் நடைபெற்று வருகிறது. அவற்றில் எம்.பி.பி.எஸ். படிப்புக்கான கலந்தாய்வு செப்டம்பர் 3-ஆம் தேதியுடன்நிறைவுபெற்றது. அதனையடுத்து முதலாண்டு எம்.பி.பி.எஸ். வகுப்புகள் திங்கள்கிழமை தொடங்கின.
தொடர்ந்து பிடிஎஸ் படிப்புக்கான கலந்தாய்வு நடைபெற்று வருகிறது. இந்நிலையில் முதல் கட்ட கலந்தாய்வின் முடிவில் தனியார் மருத்துவக் கல்லூரிகளில் உள்ள நிர்வாக ஒதுக்கீட்டு இடங்களில் 601 காலியாக உள்ளன. எனவே, இவற்றை நிரப்பும் வகையில் மருத்துவப் படிப்புக்கு விண்ணப்பிக்காதவர்களும் நேரடியாக கலந்தாய்வில் பங்கேற்கலாம் என்று அறிவிக்கப்பட்டுள்ளது.
இது தொடர்பாக மருத்துவக் கல்வி இயக்ககம் வெளியிட்டுள்ள அறிவிப்பு: ஏற்கெனவே நிர்வாக ஒதுக்கீட்டு இடங்களுக்கு விண்ணப்பித்து முதல் கட்ட கலந்தாய்வில் இடங்களைப் பெறாதோர், நீட் தேர்வில் தேர்ச்சி பெற்று ஆனால் மருத்துவப் படிப்புக்கு விண்ணபிக்காதோர் சென்னை ஓமந்தூரார் பல்நோக்கு சிறப்பு மருத்துவமனையில் நடைபெறும் கலந்தாய்வில் புதன்கிழமை (செப்.6) பிற்பகல் 2 மணியளவில் நேரடியாகக் கலந்து கொள்ளலாம்.
உரிய ஆவணங்களுடன் கலந்தாய்வு அரங்குக்கு வர வேண்டும். கலந்தாய்வில் பங்கேற்கும்போது ரூ.500-க்கு செயல்முறைக் கட்டணத்துக்கான வரைவோலையைச் சமர்ப்பிக்க வேண்டும். கலந்தாய்வில் பங்கேற்று இடம் கிடைக்கும் நிலையில், கல்விக் கட்டணத்துக்காக ரூ.1 லட்சத்துக்கான வரைவோலையை கலந்தாய்வில் சமர்ப்பிக்க வேண்டும்.
பங்கேற்கக் கூடாது: அகில இந்திய மருத்துவ இடங்களுக்கான இரண்டாம் கட்டக் கலந்தாய்வில் பங்கேற்று இடங்களைப் பெற்றவர்கள், இந்தக் கலந்தாய்வில் பங்கேற்க அனுமதிக்கப்பட மாட்டார்கள். உச்ச நீதிமன்ற உத்தரவுப்படி, அகில இந்திய இடங்களை காலி செய்யக் கூடாது என்று அறிவிப்பில் தெரிவிக்கப்பட்டுள்ளது.www.tnhealth.org www.tnmedicalselection.org ஆகிய இணையதளங்களில் வெளியிடப்பட்டுள்ளது.

]]>
http://www.dinamani.com/education/2017/sep/06/விண்ணப்பிக்காதவர்களும்-பிடிஎஸ்-கலந்தாய்வில்-பங்கேற்கலாம்-மருத்துவக்-கல்வி-இயக்ககம்-அறிவிப்பு-2767924.html
2767724 கல்வி 96 மருத்துவ மாணவர்கள் சேர்க்கையில் முறைகேடு? DIN DIN Tuesday, September 5, 2017 09:25 AM +0530
புதுச்சேரி: எம்பிபிஎஸ் பாடப்பிரிவு சேர்க்கையில் 96 பேர் முறைகேடாக சேர்க்கப்பட்டுள்ளனர் என அனைத்து சென்டாக் மாணவர் மற்றும் பெற்றோர் நலச்சங்கம் சஙகத் தலைவர் நாராயணசாமி புகார் கூறியுள்ளார்.

அவர் செய்தியாளர்களிடம் கூறியதாவது:
புதுச்சேரியில் உள்ள மூன்று மருத்துவக் கல்லூரிகளிலும் நான்காம் கட்ட கலந்தாய்வில் 96 இடங்கள் காலியாக இருந்ததற்கு மருத்துவ கல்லூரிகள்தான் காரணம். சென்டாக் மூலம் தேர்வான மாணவர்களிடம் நிர்ணயித்த கல்வி கட்டணத்தை விட அதிகம் செலுத்தினால்தான் மாணவர்களை மருத்துவம் படிக்க சேர்க்க முடியும் என்று கட்டாயப்படுத்தி மாணவர்களை சேர்க்க மறுத்து, 96 இடங்களை காலியாகும் சூழ்நிலையை உருவாக்கி நான்காம் கட்ட கலந்தாய்வில் சட்டத்துக்கு புறம்பாகவும், முறைகேடாகவும் அதிக பணம் வாங்கி கொண்டு மாணவர்களை சேர்த்துள்ளதாக சந்தேகம் வருகிறது.

355 மதிப்பெண்களுக்கு கீழ் மாணவர்களை சேர்க்க மருத்தவ கல்லூரி நிர்வாகங்கள் இந்திய மருத்துவக் கழகத்தில் முன் அனுமதி வாங்கி மாணவர்களை சேர்த்துள்ளதா என்று புதுச்சேரி அரசு சுகாதாரத் துறை கண்காணிக்க வேண்டும்.

ஆகவே, புதுவை அரசு 31-08-2017 அன்று மாலை வரை புதுவை மாநிலத்தில் உள்ள சிறுபான்மையினர், சுயநிதி மற்றும் அரசு மருத்துவக் கல்லூரிகளில் எத்தனை மாணவர்கள் சேர்ந்துள்ளனர் என்ற சேர்க்கை பட்டியல் வெளியிடவில்லை.

மேலும், புதுச்சேரி அரசு, சென்டாக் அனுப்பிய 355 மதிப்பெண்களுக்கு கீழ் மாணவர்களை சேர்க்க சிறப்பு அனுமதி பெற்று மாணவர்களை சேர்த்துள்ளனரா, என்பதை அரசு விரிவாக மாணவர்களுக்கு தெளிவுபடுத்த வேண்டும் என்று கேட்டுக் கொள்கிறோம். இல்லை என்றால் கல்லூரிகள் மூலமாக தேர்வான 96 மாணவர்களின் மருத்துவப் படிப்பு கேள்விக்குறியாகிவிடும்.

ஆகவே, புதுவை அரசு முறைகேடுகள் நடந்து மாணவர்களை சேர்த்திருந்தால் உடனடியாக இந்திய மருத்துவ கழகத்துக்கு புகார் அளிக்க வேண்டும் என்றார் நாராயணசாமி. செயலாளர் சி.ரவிச்சந்திரன், பொருளாளர் வி.வி.சி நாகாராஜன் ஆகியோர் உடனிருந்தனர்

]]>
http://www.dinamani.com/education/2017/sep/05/96-மருத்துவ-மாணவர்கள்-சேர்க்கையில்-முறைகேடு-2767724.html
2765790 கல்வி 'கேட்' தேர்வு: விண்ணப்பிக்க அக்டோபர் 5 கடைசி DIN DIN Saturday, September 2, 2017 02:36 AM +0530 முதுநிலை பொறியியல் படிப்புகள் சேர்க்கைக்காக அகில இந்திய அளவில் நடத்தப்படும் 'கேட்' - 2018 - நுழைவுத் தேர்வுக்கு விண்ணப்பிக்க அக்டோபர் 5 கடைசி தேதியாகும். 
நாடு முழுவதும் உள்ள ஐஐடி-க்கள், பொறியியல் - தொழில்நுட்ப கல்லூரிகள், பல்கலைக்கழகங்களில் வழங்கப்படும் முதுநிலை பொறியியல் படிப்புகளான எம்.இ., எம்.டெக்., எம்.சி.ஏ. உள்ளிட்ட படிப்புகளில் மாணவர் சேர்க்கை 'கேட்' நுழைவுத் தேர்வு அடிப்படையிலும், அந்தந்த மாநிலங்களில் நடத்தப்படும் மாநில அளவிலான நுழைவுத் தேர்வு அடிப்படையில் நடத்தப்பட்டு வருகிறது.
தமிழகத்தைப் பொருத்தவரை 'கேட்', 'டான்செட்' நுழைவுத் தேர்வு மதிப்பெண்களின் அடிப்படையில் சேர்க்கை நடத்தப்படுகிறது. அதுமட்டுமின்றி சில நிறுவனங்கள் 'கேட்' மதிப்பெண் அடிப்படையில் பணியாளர் தேர்வையும் நடத்துகின்றன.
இந்த தேர்வானது ஒவ்வொரு ஆண்டும் ஏதாவது ஒரு ஐஐடி மூலம் நடத்தப்பட்டு வருகிறது. 2018-ஆம் ஆண்டுக்கான நுழைவுத் தேர்வை குவாஹாட்டி ஐஐடி நடத்துகிறது.
தேர்வு எப்போது? இந்தத் தேர்வானது கணினி வழியில் மட்டுமே நடத்தப்படும். 2018 பிப்ரவரி 3, 4,10,11 ஆகிய நான்கு தேதிகளில் தேர்வானது நடத்தப்பட உள்ளது.
இதற்கு விண்ணப்பிப்பதற்கான கால அவகாசம் வெள்ளிக்கிழமை தொடங்கியுள்ளது. 
விண்ணப்பிக்க அக்டோபர் 5 கடைசித் தேதியாகும். மேலும் விவரங்களை  www.gate.iitg.ac.in என்ற இணையதளத்தைப் பார்த்துத் தெரிந்து கொள்ளலாம்.

]]>
http://www.dinamani.com/education/2017/sep/02/கேட்-தேர்வு-விண்ணப்பிக்க-அக்டோபர்-5-கடைசி-2765790.html
2765729 கல்வி தமிழகத்தைச் சேர்ந்த 25 அரசுப் பள்ளிகளுக்கு 'தூய்மைப் பள்ளி விருது': மத்திய அமைச்சர் ஜாவடேகர் வழங்கினார்  DIN DIN Saturday, September 2, 2017 01:13 AM +0530 தமிழகத்தைச் சேர்ந்த 25 அரசுப் பள்ளிகளுக்கு 'தூய்மைப் பள்ளி' விருதை தில்லியில் நடைபெற்ற விழாவில் மத்திய மனித வள மேம்பாட்டுத் துறை அமைச்சர் பிரகாஷ் ஜாவடேகர் வழங்கினார்.
தமிழக அரசின் 'விஷன் 2023'-இன்படி, மாநிலத்தில் உள்ள அனைத்துப் பள்ளிகளிலும் சுகாதாரமான சூழலை உருவாக்கி, 'முழு சுகாதார தமிழகம்' எனும் இலக்கை எட்டுவதற்குத் திட்டமிடப்பட்டுள்ளது. பள்ளிக் கழிவறைகளை கட்டுமானத்தோடு நிறுத்திவிடாமல் அவற்றை முறையாகப் பராமரிப்பதற்கு பணியாளர் மற்றும் பொருள் செலவை அரசே ஏற்று செயல்படுத்தி வருவதாக தமிழக அரசுத் தரப்பில் கூறப்படுகிறது.
இந்நிலையில், நாடு முழுவதும் 'தூய்மையான பாரதம் தூய்மையான பள்ளி' எனும் திட்டத்தின் கீழ், 'தூய்மைப் பள்ளி விருது'க்காக மாவட்ட, மாநில அளவில் பள்ளிகளைத் தேர்வு செய்யும் பணியை மத்திய அரசின் மனித வள மேம்பாட்டு அமைச்சகம் மேற்கொண்டது. இதில் 35 மாநில, யூனியன் பிரதேச அரசுகளால் 643 பள்ளிகள் தேர்வு செய்யப்பட்டன. இவற்றில் தேசிய விருதுக்கு 172 பள்ளிகள் தேர்வாகின. மேலும், அதிக அளவில் தூய்மைப் பள்ளிகளைக் கொண்ட முதல் மூன்று மாநிலங்கள் பட்டியலில் தமிழகம் இரண்டாவது இடத்தைப் பெற்றது.
இந்நிலையில், தேசிய அளவிலான 'தூய்மைப் பள்ளி விருது 2017- 18' வழங்கும் விழா தில்லியில் வெள்ளிக்கிழமை நடைபெற்றது. விழாவில் இந்த விருதை மத்திய மனித வள மேம்பாட்டுத் துறை அமைச்சர் பிரகாஷ் ஜாவடேகர் தமிழகத்துக்கு வழங்கினார். அதை தமிழக அரசு சார்பில் பள்ளிக் கல்வித் துறை அமைச்சர் கே.ஏ. செங்கோட்டையன் பெற்றுக் கொண்டார். மேலும், தமிழகத்தின் பல்வேறு மாவட்டங்களைச் சேர்ந்த 25 அரசுப் பள்ளிகளுக்கு தூய்மைப் பள்ளி விருதுகள் வழங்கப்பட்டன. இந்த விருதுகளை அப்பள்ளிகளின் தலைமையாசிரியர்களுடன் தலா ஒரு மாணவர் அல்லது மாணவி பெற்றுக் கொண்டனர்.
விழாவில் ஜாவடேகர் பேசுகையில், 'தூய்மைப் பள்ளி விருதுக்கான போட்டி அடுத்த ஆண்டு தனியார் பள்ளிகளுக்கும் கூட நடத்தப்படும். இந்தப் போட்டியில் நிகழாண்டு 2, 68,402 மத்திய, மாநில அரசுப் பள்ளிகள் தன்னார்வத்துடன் பங்கேற்றன. இதுவே புதிய இந்தியாவின் தொடக்கமாக உள்ளது. மேலும், மாணவர்கள் தூய்மைத் தூதுவர்களாக உள்ளனர். இவர்கள் பிரதமர் நரேந்திர மோடியின் 'தூய்மை இந்தியா' எனும் தொலைநோக்குப் பார்வைத் திட்டத் தை முன்னெடுத்துச் செல்வார்கள்' என்றார். 
மத்திய மனித வள மேம்பாட்டுத் துறை இணையமைச்சர் உபேந்திர குஷ்வாஹா, தமிழ்நாடு பள்ளிக் கல்வித் துறையின்முதன்மைச் செயலர் பிரதீப் யாதவ் உள்ளிட்டோர் விழாவில் பங்கேற்றனர்.
இந்த விருது குறித்து அமைச்சர் கே.ஏ. செங்கோட்டையன் செய்தியாளர்களிடம் கூறியதாவது: தமிழக முதல்வர் பழனிசாமி தலைமையின் கீழ் செயல்படும் அரசின் பள்ளிக் கல்வித் துறையானது பல்வேறு நிலைகளில் தமிழகம் ஒரு முன்னோடி மாநிலமாக திகழ்வதற்கான பணிகளை ஆற்றி வருகிறது. அதனடிப்படையில் மத்திய அரசின் விருதைப் பெறும் வகையில் தமிழகம் செயல்பட்டு வருகிறது. அதேவேளையில், பள்ளிகளில் அனைத்து கட்டமைப்பு வசதி, கழிப்பிடம், குடிநீர் வசதி அளிப்பதிலும் தமிழகம் சிறப்பான முறையில் உள்ளது.
மத்திய மனித வள மேம்பாட்டுத் துறை அமைச்சர் பிரகாஷ் ஜாவடேகரை வியாழக்கிழமை சந்தித்தேன். அப்போது, மத்திய இடைநிலைக் கல்வி திட்டத்துக்கு (ஆர்எம்எஸ்ஏ) நிதி வழங்குமாறு கடிதம் கொடுத்தேன். இதையடுத்து, உடனடியாக நிதியை வழங்க நடவடிக்கை எடுத்துள்ளார். இதற்காக அவருக்கு தமிழக முதல்வர் நன்றிக் கடிதமும் எழுதியுள்ளார். ஆகவே, தமிழக அரசு கேட்ட உடனேயே நிதியைத் தரும் அளவுக்கு தமிழகம் கல்வித் துறையில் சிறப்பான முறையில் பல்வேறு மாற்றங்களை உருவாக்கி வருகிறது என்றார் அமைச்சர் கே.ஏ. செங்கோட்டையன்.

]]>
http://images.dinamani.com/uploads/user/imagelibrary/2017/9/2/w600X390/jawdegar.jpg விழாவில் 'தூய்மை பள்ளி விருதை' தமிழக கல்வித் துறை அமைச்சர் கே.ஏ. செங்கோட்டையனிடம் வழங்கும் மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர், இணையமைச்சர் உபேந்திர குஷ்வாஹா. http://www.dinamani.com/education/2017/sep/02/தமிழகத்தைச்-சேர்ந்த-25-அரசுப்-பள்ளிகளுக்கு-தூய்மைப்-பள்ளி-விருது-மத்திய-அமைச்சர்-ஜாவடேகர்-வழங்கின-2765729.html
2765728 கல்வி இந்திய முறை படிப்புகளுக்கு 6,938 பேர் விண்ணப்பம் DIN DIN Saturday, September 2, 2017 01:11 AM +0530 தமிழகத்தில், இந்திய முறை மருத்துவப் படிப்புகளுக்கு மொத்தம் 6,938 பேர் விண்ணப்பித்துள்ளனர்.
தமிழகத்தில், சித்தா, ஆயுர்வேதம், யுனானி, ஹோமியோபதி, யோகா மற்றும் இயற்கை மருத்துவம் ஆகிய படிப்புகளுக்கான
விண்ணப்ப விநியோகம் ஆகஸ்ட் 2-ஆம் தேதி முதல் 30-ஆம் வரை நடைபெற்றது. பூர்த்தி செய்யப்பட்ட விண்ணப்பங்களைச் சமர்ப்பிப்பதற்கு ஆகஸ்ட் 31-ஆம் தேதி கடைசியாகும்.
இந்தப் படிப்புகளுக்கு ஆறு அரசு மருத்துவக் கல்லூரிகளில் 396 இடங்களும், 22 தனியார் மருத்துவக் கல்லுôரிகளில் 859 அரசு ஒதுக்கீட்டு இடங்களும் உள்ளன. 
இது தொடர்பாக அதிகாரிகள் கூறியது:
தமிழக மாணவர்கள் மட்டுமில்லாமல், கேரளம் உள்ளிட்ட அண்டை மாநிலத்தைச் சேர்ந்த மாணவர்களும் விண்ணப்பங்களைப் பெற்றுள்ளனர். இந்தப் படிப்புகளுக்கு 5,518 பேர் நேரடியாகவும், 1420 பேர் இணையதளத்தில் பதிவிறக்கம் செய்தும் என மொத்தம், 6,938 பேர் விண்ணப்பங்களைச் சமர்ப்பித்துள்ளனர்.
இதற்கான தரவரிசைப் பட்டியல் மற்றும் கலந்தாய்வு அக்டோபர் மாதத்தில் நடைபெறும். கலந்தாய்வு குறித்த அறிவிப்பு பின்னர் வெளியிடப்படும்.
 

]]>
http://www.dinamani.com/education/2017/sep/02/இந்திய-முறை-படிப்புகளுக்கு-6938-பேர்-விண்ணப்பம்-2765728.html
2765727 கல்வி எம்.பி.பி.எஸ்., பிடிஎஸ்: இன்று முதல் 2-ஆம் கட்ட கலந்தாய்வு DIN DIN Saturday, September 2, 2017 01:11 AM +0530 தமிழகத்தில் உள்ள அரசு மருத்துவக் கல்லூரி இடங்களுக்கான இரண்டாம் கட்ட கலந்தாய்வு சென்னையில் சனிக்கிழமை (செப்.2) தொடங்குகிறது.
தமிழகத்தில் மருத்துவம் (எம்.பி.பி.எஸ்.) மற்றும் பல் மருத்துவப் (பிடிஎஸ்) படிப்புகளுக்கான கலந்தாய்வு ஆகஸ்ட் 24-ஆம் தேதி தொடங்கியது. 30-ஆம் தேதி நிறைவுபெற்ற கலந்தாய்வின் முடிவில் தனியார் மருத்துவக் கல்லூரிகளில் 185 பிடிஎஸ் இடங்கள் நிரம்பாமல் உள்ளன.
இதனையடுத்து நிர்வாக ஒதுக்கீட்டு இடங்களுக்கான கலந்தாய்வு ஆகஸ்ட் 31-ஆம் தேதி தொடங்கியது. வெள்ளிக்கிழமை நடைபெற்ற இறுதிநாள் கலந்தாய்வில் 7 எம்.பி.பி.எஸ். இடங்களும், 33 பிடிஎஸ் இடங்களும் நிரம்பின. வெளிநாடு இந்திய மாணவர்களுக்கான ஒதுக்கீட்டில் 26 எம்.பி.பி.எஸ். இடங்களும், ஒரு பிடிஎஸ் இடமும் நிரம்பின.
நிர்வாக ஒதுக்கீட்டுக்கான கலந்தாய்வின் முடிவில் 5 எம்.பி.பி.எஸ். இடங்களும், 679 பிடிஎஸ் இடங்களும், வெளிநாடு வாழ் இந்தியர்களுக்கான ஒதுக்கீட்டில் 4 எம்.பி.பி.எஸ். இடங்களும் காலியாக உள்ளன.
2-ஆம் கட்ட கலந்தாய்வு: முதற்கட்ட கலந்தாய்வில் பூர்த்தி செய்யப்படாத அரசு மற்றும் தனியார் மருத்துவக் கல்லூரிகளில் உள்ள அரசு ஒதுக்கீட்டு இடங்களுக்கும், முதற்கட்ட கலந்தாய்வில் பங்கேற்று இடங்களைப் பெற்று மாணவர்கள் கல்லூரிகளில் சேராததால் கிடைக்கும் காலியிடங்களுக்கும், மறுஒதுக்கீட்டுக்கும் சனிக்கிழமை கலந்தாய்வு தொடங்க உள்ளது. 
சென்னை ஓமந்தூரார் பல்நோக்கு சிறப்பு மருத்துவமனையில் காலை 9 மணி முதல் மாலை 4 மணி வரை கலந்தாய்வு நடைபெற உள்ளது. 
இது தொடர்பாக அதிகாரிகள் கூறுகையில், மாணவர்கள் கல்லூரிகளில் சேராததால் கிடைக்கும் காலியிடங்களின் பட்டியல் தயாரிக்கும் பணி இதுவரை முடிவடையவில்லை. எனினும் திட்டமிட்டபடி சனிக்கிழமை கலந்தாய்வு நடைபெறும். கலந்தாய்வு நடைபெறும் நேரத்தில் காலியிடங்கள் குறித்த சரியான எண்ணிக்கை கணக்கிடப்பட்டு, பட்டியல் வெளியிடப்படும் என்று தெரிவித்தனர்.
 

]]>
http://www.dinamani.com/education/2017/sep/02/எம்பிபிஎஸ்-பிடிஎஸ்-இன்று-முதல்-2-ஆம்-கட்ட-கலந்தாய்வு-2765727.html
2765347 கல்வி ஆசிரியர் தின மாநில கட்டுரைப் போட்டி: மாணவர்கள், ஆசிரியர்கள் பங்கேற்க அழைப்பு DIN DIN Friday, September 1, 2017 03:33 AM +0530 ஆசிரியர் தினத்தையொட்டி, தமிழ்நாடு அறிவியல் இயக்கம் சார்பில் நடைபெறும் மாநில அளவிலான கட்டுரைப் போட்டியில் பள்ளி மாணவ, மாணவிகள், ஆசிரியர்கள் கலந்து கொள்ள அழைப்பு விடுக்கப்பட்டுள்ளது.
இதுகுறித்து தமிழ்நாடு அறிவியல் இயக்கத்தின் கெளரவத் தலைவர் ஆகாஷ் முத்துக்கிருஷ்ணன், தலைவர் கே.காத்தவராயன், செயலர் பி.கே.ராதாகிருஷ்ணன் ஆகியோர் வெளியிட்ட அறிக்கை:
தமிழ்நாடு அறிவியல் இயக்கம் சார்பில் ஆசிரியர் தினத்தையொட்டி ஆண்டுதோறும் மாநில அளவில் ஆசிரியர்கள், மாணவர்கள், பொதுமக்கள் பங்கேற்கும் கட்டுரைப் போட்டி நடத்தப்பட்டு வருகிறது.
அதன்படி, இந்த ஆண்டும் போட்டிகள் நடத்தப்படுகின்றன. பள்ளி மாணவர்களுக்கு கனவு ஆசிரியர் என்ற தலைப்பிலும், ஆசிரியர்களுக்கு என்னைச் செதுக்கிய புத்தகம் என்ற தலைப்பிலும், ஆர்வலர்கள் மற்றும் பொதுமக்களுக்கு எங்க ஊரு... எங்க பள்ளி என்ற தலைப்பிலும் போட்டிகள் நடத்தப்படுகின்றன.
கட்டுரைகள் அனைத்தும் ஏ4 தாளில் 3 பக்கம் மட்டும் இருக்க வேண்டும். 
கட்டுரைகள் கையால் எழுதப்பட்டிருந்தாலே போதும். மாணவர்கள், ஆசிரியர்கள் எழுதும் கட்டுரையின் முகப்பில் பெயர், பள்ளி (அ) கல்லூரியின் முகவரி, அஞ்சல் எண், தொடர்பு எண் ஆகியவற்றை தெளிவாகக் குறிப்பிட வேண்டும்.
இதேபோல, ஆர்வலர்கள் மற்றும் பொதுமக்கள் தங்களது கட்டுரையின் முகப்பில் பெயர், வசிப்பிட முகவரி, அஞ்சல் எண், தொடர்பு எண் ஆகியவற்றை தெளிவாகக் குறிப்பிட வேண்டும். ஒருவர் ஒரு படைப்பினை மட்டுமே அனுப்ப வேண்டும்.
படைப்புகள் அனைத்தும் புதிதாகவும், பங்கேற்பாளரின் சொந்த படைப்பாகவும் இருக்க வேண்டும். 
சிறந்த படைப்புகள் தமிழ்நாடு அறிவியல் இயக்கத்தின் வெளியீடுகளான விஞ்ஞான சிறகு, துளிர், விழுது உள்ளிட்ட இதழ்களில் பிரசுரம் செய்யப்படும். ஒவ்வொரு பிரிவிலும் மாவட்ட அளவில் சிறந்த 3 படைப்புகளுக்கு நினைவுப் பரிசுகள் வழங்கப்படும்.
படைப்புகள் அனைத்தையும், கே.காத்தவராயன், ஆசிரியர் தின போட்டி ஒருங்கிணைப்பாளர், 2-கம்மாளர் தெரு, புதுப்பாளையம் அஞ்சல், செங்கம் வட்டம், திருவண்ணாமலை 606 705- என்ற முகவரிக்கு செப்டம்பர் 10-ஆம் தேதிக்குள் அனுப்பி வைக்க வேண்டும். 
மேலும், விவரங்களுக்கு 9751124532 என்ற எண்ணில் தொடர்பு கொள்ளலாம் என்று தெரிவிக்கப்பட்டுள்ளது.
 

]]>
http://www.dinamani.com/education/2017/sep/01/ஆசிரியர்-தின-மாநில-கட்டுரைப்-போட்டி-மாணவர்கள்-ஆசிரியர்கள்-பங்கேற்க-அழைப்பு-2765347.html
2765222 கல்வி மருத்துவப் படிப்பு கலந்தாய்வு: நிர்வாக ஒதுக்கீட்டில் 340 இடங்கள் நிரம்பின DIN DIN Friday, September 1, 2017 01:27 AM +0530 மருத்துவ மாணவர் சேர்க்கையில் நிர்வாக ஒதுக்கீட்டுக்காக வியாழக்கிழமை நடைபெற்ற கலந்தாய்வில் 340 இடங்கள் நிரம்பின.
தமிழகத்தில் அரசு மற்றும் தனியார் மருத்துவக் கல்லூரிகளில் எம்பிபிஎஸ், பிடிஎஸ் படிப்புகளுக்கு உள்ள அரசு ஒதுக்கீட்டு இடங்களுக்கான முதற்கட்ட கலந்தாய்வு ஆகஸ்ட் 24 -ஆம் தேதி முதல் 30 -ஆம் தேதி வரை நடைபெற்றது. கலந்தாய்வின் முடிவில் தனியார் மருத்துவக் கல்லூரிகளில் உள்ள 185 அரசு ஒதுக்கீட்டு பிடிஎஸ் இடங்கள் நிரப்பப்படாமல் உள்ளன.
இந்நிலையில், தனியார் மருத்துவக் கல்லூரிகளில் உள்ள நிர்வாக ஒதுக்கீட்டு இடங்களுக்கான கலந்தாய்வு வியாழக்கிழமை தொடங்கியது. இதில், 10 தனியார் மருத்துவக் கல்லூரிகளில் 350 எம்.பி.பி.எஸ். இடங்களும், 18 பல் மருத்துவக் கல்லூரிகளில் 715 பிடிஎஸ் இடங்களும் இருந்தன.
கலந்தாய்வில் பங்கேற்க 6,478 பேர் அழைக்கப்பட்டனர். ஆனால் 505 பேர் மட்டுமே கலந்து கொண்டனர். கலந்தாய்வின் முடிவில் 337 எம்.பி.பி.எஸ். இடங்களும், 3 பிடிஎஸ் இடங்களும் என மொத்தம் 340 இடங்கள் நிரம்பின.
மீதமுள்ள 13 எம்.பி.பி.எஸ். இடங்களுக்கும், 712 பிடிஎஸ் இடங்களுக்கும் தொடர்ந்து வெள்ளிக்கிழமை (செப்.1) காலை 10 மணி முதல் கலந்தாய்வு நடைபெற உள்ளது.
வெள்ளிக்கிழமை மாலை 4 மணிக்கு வெளிநாடு வாழ் இந்திய மாணவர்கள் ஒதுக்கீட்டு இடங்களுக்கான கலந்தாய்வு நடைபெறும். இந்த ஒதுக்கீட்டுக்கு 31 எம்.பி.பி.எஸ். இடங்கள் உள்ளன. 
 

]]>
http://www.dinamani.com/education/2017/sep/01/மருத்துவப்-படிப்பு-கலந்தாய்வு-நிர்வாக-ஒதுக்கீட்டில்-340-இடங்கள்-நிரம்பின-2765222.html
2765210 கல்வி தமிழக பள்ளிக் கல்வித் துறைக்கு ரூ.2,248 கோடி நிதி தேவை: ஜாவடேகரிடம் கே.ஏ. செங்கோட்டையன் வலியுறுத்தல் DIN DIN Friday, September 1, 2017 01:19 AM +0530 தமிழக கல்வித் துறைக்கு மத்திய அரசு மூலம் வழங்கப்பட வேண்டிய ரூ.2,248 கோடியை விரைந்து அளிக்குமாறு அமைச்சர் ஜாவடேகரை நேரில் சந்தித்து மாநில பள்ளிக் கல்வித் துறை அமைச்சர் கே.ஏ.செங்கோட்டையன் கேட்டுக் கொண்டார்.
அரசுப் பள்ளிகளில் தூய்மையைப் பேணுவதற்காக தேசிய அளவில் சிறந்த மாநிலங்களைத் தேர்வு செய்து விருது வழங்கும் விழா தில்லியில் வெள்ளிக்கிழமை நடைபெறுகிறது. இதில் பங்கேற்பதற்காக தமிழக பள்ளிக் கல்வித் துறை அமைச்சர் கே.ஏ. செங்கோட்டையன் தில்லி வந்தார். 
மத்திய மனித வள மேம்பாட்டுத் துறை அமைச்சர் பிரகாஷ் ஜாவடேகரை அவரது அலுவலகத்தில் வியாழக்கிழமை மாலை அவர் சந்தித்துப் பேசினார். இச்சந்திப்பு குறித்து பின்னர் செய்தியாளர்களிடம் அமைச்சர் கே.ஏ. செங்கோட்டையன் கூறியதாவது:
பள்ளிகளில் கழிப்பிட பராமரிப்பு, தூய்மையைப் பேணுதல் ஆகியவற்றில் இந்திய அளவில் தமிழகத்திற்கு சிறந்த மாநிலத்திற்கான விருது (இரண்டாமிடம்) தில்லியில் நடைபெறும் விழாவில் வழங்கப்படவுள்ளது.
அந்த விழாவில் பங்கேற்க வந்துள்ளேன். மற்றபடி எந்த அரசியல் நோக்கத்திற்காகவும் தில்லி வரவில்லை. தமிழக கல்வித் துறைக்கான நிதியைப் பெறுவது தொடர்பாக மத்திய அமைச்சர் பிரகாஷ் ஜாவடேகரை சந்தித்துப் பேசினேன். 
அப்போது, தமிழக கல்வித் துறைக்கு மத்திய அரசிடமிருந்து வர வேண்டிய ரூ.2,248 கோடியை விரைந்து அளிக்குமாறு கேட்டுக் கொண்டேன். அந்த நிதியை ஒதுக்க முயற்சி செய்வதாக அமைச்சர் கூறினார்.
நீட் தேர்வு: இனி வரும் காலங்களிலும் 'நீட்' தேர்வில் இருந்து விலக்கு பெறுவதற்காக தமிழக அரசு பல்வேறு முயற்சிகளை தொடர்ந்து மேற்கொள்ளும். மேலும், 'நீட்' தேர்வை தமிழக மாணவர்கள் எதிர்கொள்ளும் வகையில் தேவையான நடவடிக்கைகள் பள்ளிக் கல்வித் துறை மூலம் எடுக்கப்பட்டு வருகின்றன. 
நாடு முழுவதும் நடத்தப்படும் 'நீட்' தேர்வு தொடர்பாக ஆராய்ந்து 54 ஆயிரம் கேள்விகளையும் அதற்கான விடைகளையும் மாணவர்களுக்கு அளிக்க ஏற்பாடு செய்து வருகிறோம். 
எதிர்காலத்தில் மாணவர்கள் எத்தகைய தேர்வையும் எதிர்கொள்ளும் வகையில் அவர்களைத் தயார்படுத்தும் பணிகளையும் மேற்கொண்டு வருகின்றோம் என்றார் செங்கோட்டையன். பேட்டியின் போது பள்ளிக் கல்வித் துறை முதன்மைச் செயலர் பிரதீப் யாதவ் உடனிருந்தார்.
நிர்மலா சீதாராமனுடன் சந்திப்பு: முன்னதாக, மத்திய வர்த்தகத் துறை இணையமைச்சர் நிர்மலா சீதாராமனை அமைச்சர் செங்கோட்டையன் சந்தித்துப் பேசினார். இதுகுறித்து செய்தியாளர்கள் கேள்வி எழுப்பியதற்கு, 'இது அரசியல் ரீதியிலான சந்திப்பு அல்ல. நிர்மலா சீதாராமன் தமிழகத்தைச் சேர்ந்தவர் என்ற முறையில் சந்தித்துப் பேசினேன். மற்றவர்கள் சந்திப்பு குறித்து அவர்களிடம்தான் கேட்க வேண்டும்' என்றார் அவர். 

]]>
http://images.dinamani.com/uploads/user/imagelibrary/2017/9/1/w600X390/senkotian.jpg தில்லியில் மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகரைச் சந்தித்த தமிழக கல்வித்துறை அமைச்சர் கே.ஏ. செங்கோட்டையன். http://www.dinamani.com/education/2017/sep/01/தமிழக-பள்ளிக்-கல்வித்-துறைக்கு-ரூ2248-கோடி-நிதி-தேவை-ஜாவடேகரிடம்-கேஏ-செங்கோட்டையன்-வலியுறுத்தல்-2765210.html
2765209 கல்வி எம்.பி.பி.எஸ்.: மாநில பாடத் திட்ட மாணவர்கள் 3,112 பேர் சேர்ந்தனர்: தமிழக அரசு தகவல் DIN DIN Friday, September 1, 2017 01:18 AM +0530 தமிழகத்தில் எம்.பி.பி.எஸ். கலந்தாய்வில் இதுவரை மாநில பாடத் திட்ட மாணவர்கள் 3,112 பேரும் சிபிஎஸ்இ இதரப் பாடத்திட்ட பாடத்திட்ட மாணவர்கள் 1,434 பேரும் சேர்ந்ததாக தமிழக அரசு தெரிவித்துள்ளது.
எச்சரிக்கை: போலி இருப்பிடச் சான்றிதழ் மூலம் தமிழகத்தில் மருத்துவ இடங்களைப் பெற்றது கண்டறியப்பட்டால் கடும் நடவடிக்கை எடுக்கப்படும் என்றும் தமிழக அரசு எச்சரித்துள்ளது. 
இது தொடர்பாக தமிழக சுகாதாரத் துறையின் சார்பில் வியாழக்கிழமை வெளியிடப்பட்ட அறிக்கை:
தமிழகத்தில் உள்ள அரசு மருத்துவக் கல்லூரிகளில் மருத்துவம் (எம்.பி.பி.எஸ்.) மற்றும் பல் மருத்துவ (பிடிஎஸ்) இடங்களுக்கான மாணவர்கள் சேர்க்கைக் கலந்தாய்வு வெளிப்படையாகவும், ஒளிவு மறைவின்றியும் தொடர்ந்து நடைபெற்று வருகிறது. 
3,532 இடங்களுக்கு...: தமிழகத்தில் அரசு மருத்துவக் கல்லூரிகளில் 2445 இடங்கள், சிதம்பரம் ராஜா முத்தையா மருத்துவக் கல்லூரியில் 127 இடங்கள், 11 தனியார் மருத்துவக் கல்லூரிகளால் அரசுக்கு ஒப்படைக்கப்பட்டுள்ள 859 இடங்கள், அகில இந்திய அளவில் கலந்தாய்வுக்குப் பின் மாநில அரசுக்கு திரும்ப ஒப்படைக்கப்பட்ட 101 இடங்கள் என மொத்தம் 3532 இடங்களுக்கும், 1,201 பல் மருத்துவ இடங்களுக்கும் இடஒதுக்கீடு முறையைப் பின்பற்றி ஆகஸ்ட் 24-ஆம் தேதி முதல் கலந்தாய்வு நடைபெற்று வருகிறது.
யாருக்கு எவ்வளவு இடங்கள்? இதுவரை, ஒதுக்கீடு செய்யப்பட்ட 4,546 இடங்களில், 3,112 இடங்கள் மாநிலப் பாடத்திட்டத்தில் படித்த மாணவர்களுக்கும், 1,434 இடங்கள் சிபிஎஸ்இ உள்ளிட்ட இதர பாடத் திட்டங்களில் படித்த மாணவர்களுக்கும் ஒதுக்கீடு செய்யப்பட்டுள்ளன. 
மாநில அரசு ஒதுக்கீட்டு இடங்களுக்கான தகுதிகளின்படியே கலந்தாய்வு நடைபெற்று வருகிறது. இந் நிலையில், பிற மாநில மாணவர்களுக்கு தமிழகத்தில் அதிக இடங்கள் ஒதுக்கப்பட்டுள்ளன என்றும் இரட்டை இருப்பிடச் சான்றிதழ் பெற்றுள்ளவர்களுக்கும் இடம் கிடைத்துள்ளது என்றும் செய்திகள் பரவி வருகின்றன.
மொத்தம் 4,546 மாணவர்களுக்கு...ஆகஸ்ட் 30-ஆம் தேதி தேதிவரை நடைபெற்ற கலந்தாய்வில், தமிழகத்தைச் சேர்ந்த தமிழகத்தில் படித்த 4,090 மாணவர்கள், தமிழகத்தைப் பூர்வீகமாகக் கொண்ட 428 மாணவர்கள் மற்றும் பிற மாநிலத்தைச் சேர்ந்த ஆனால் தமிழகத்தில் 8-ஆவது முதல் பிளஸ் 2 வரை 5 ஆண்டுகள் கல்வி பயின்ற 28 மாணவர்கள் என மொத்தம் 4,546 மாணவர்களுக்கு உரிய விதிமுறைகளின்படி ஒதுக்கீடு செய்யப்பட்டுள்ளது.
எழுத்துப்பூர்வ உறுதிமொழி: இருப்பிடச் சான்றிதழ் மற்றும் இதர குறைகள் குறித்து உரிய முறையில் விசாரணை செய்து தீர்ப்பதற்கு கூர்ந்தாய்வுக் குழு கலந்தாய்வு அரங்கிலேயே ஏற்படுத்தப்பட்டுள்ளது. மாணவர்கள் சமர்ப்பிக்கும் சான்றிதழ்களைச் சரி பார்த்த பிறகு, பிற மாநிலங்களில் இருப்பிடச் சான்றிதழ் பெறவில்லை என்றும் அகில இந்திய ஒதுக்கீட்டின் கீழோ, நிகர்நிலைப் பல்கலைக்கழகங்களிலோ அல்லது வேறு எந்த மாநிலத்திலோ மருத்துவப் படிப்புக்கான சேர்க்கையைப் பெறவில்லை, அவர்கள் கொடுத்துள்ள அனைத்து சான்றிதழ்களும் உண்மையானவை என்றும் உறுதிமொழி பெறப்படுகிறது.
கடும் நடவடிக்கை: நிகழ்கல்வியாண்டிலிருந்து தமிழகத்தைச் சேர்ந்த ஆனால் பிற மாநிலங்களில் படித்த மாணவர்கள் மற்றும் பிற மாநிலங்களிலிருந்து வந்து தமிழகத்தில் படித்த மாணவர்கள் ஆகிய இரு பிரிவினரும் கலந்தாய்வின்போது அளித்த இருப்பிடச் சான்றிதழ்கள் அனைத்தும், அந்தச் சான்றிதழ்கள் வழங்கப்பட்ட மாவட்டங்களுக்கு அனுப்பப்பட்டு, அந்தந்த மாவட்ட ஆட்சியர்களால் அவற்றின் உண்மைத் தன்மை சரி பார்க்கப்படும். 
இரட்டை இருப்பிடச் சான்றிதழைத் தடுக்க...இரட்டை இருப்பிடச் சான்றிதழ்களைத் தடுக்கும் வகையில் இத்தகைய மாணவர்கள் படித்த மாநிலங்களின் மருத்துவத் தேர்வுக் குழுவுக்கு விவரங்கள் அனுப்பி வைக்கப்பட்டு இதே மாணவர் அந்த மாநிலத்திலும் இடங்களுக்கு விண்ணப்பித்துள்ளார் என்பதும் கண்டறியப்படும். அவ்வாறு இரண்டு மாநிலங்களிலும் விண்ணப்பித்துள்ளது கண்டறியப்பட்டால் சேர்க்கை ரத்து செய்யப்பட்டு, தகுந்த மேல் நடவடிக்கை எடுக்கப்படும்.
 

]]>
http://www.dinamani.com/education/2017/sep/01/எம்பிபிஎஸ்-மாநில-பாடத்-திட்ட-மாணவர்கள்-3112-பேர்-சேர்ந்தனர்-தமிழக-அரசு-தகவல்-2765209.html
2764591 கல்வி எம்.பி.பி.எஸ்.: செப்.2 -இல் இரண்டாம் கட்ட கலந்தாய்வு DIN DIN Thursday, August 31, 2017 02:33 AM +0530 மருத்துவம் மற்றும் பல் மருத்துவ இடங்களுக்கான இரண்டாம் கட்ட கலந்தாய்வு செப்டம்பர் 2 -ஆம் தேதி (சனிக்கிழமை) தொடங்க உள்ளது.
தமிழகத்தில் மருத்துவ மாணவர் சேர்க்கைக்கான முதல்கட்ட கலந்தாய்வு ஆகஸ்ட் 24 -ஆம் தேதி தொடங்கியது. ஆகஸ்ட் 30 -ஆம் தேதி (புதன்கிழமை) அரசு இடங்களுக்கான கலந்தாய்வு நிறைவடைந்தது. ஆகஸ்ட் 31, செப்டம்பர் 1 ஆகிய தேதிகளில் தனியார் மருத்துவக் கல்லூரிகளில் உள்ள நிர்வாக ஒதுக்கீட்டு இடங்களுக்கு கலந்தாய்வு நடைபெற உள்ளது. அதன்படி 10 தனியார் மருத்துவக் கல்லூரிகளில் 350 எம்.பி.பி.எஸ். இடங்கள் நிர்வாக ஒதுக்கீட்டுக்கும், 31 இடங்கள் வெளிநாடு வாழ் இந்திய மாணவர்களுக்கும் உள்ளன. மேலும் 18 பல் மருத்துவக் கல்லூரிகளில் 715 இடங்கள் நிர்வாக ஒதுக்கீட்டின் கீழ் நிரப்பப்பட உள்ளது.
2 -ஆம் கட்ட கலந்தாய்வு: முதற்கட்ட கலந்தாய்வில் பங்கேற்று இடங்களைப் பெற்ற மாணவர்கள், குறிப்பிட்ட கல்லூரிகளில் சேருவதற்கு இரண்டு நாள்கள் மட்டுமே கால அவகாசம் கொடுக்கப்பட்டுள்ளது. குறிப்பிட்ட தினங்களுக்குள் சேராவிட்டால் அந்த இடங்கள் காலியிடங்களாக அறிவிக்கப்பட்டு, இரண்டாம்கட்ட கலந்தாய்வில் நிரப்பப்படும். அவ்வாறு சேராமல் காலியாகும் இடங்கள், முதல்கட்ட கலந்தாய்வில் நிரம்பாத இடங்கள், மறுஒதுக்கீடு ஆகியவற்றுக்கான கலந்தாய்வு செப்டம்பர் 2 மற்றும் 3 -ஆம் தேதி நடைபெறும் என்று மருத்துவக் கல்வி தேர்வுக் குழு அறிவித்துள்ளது.
 

]]>
http://www.dinamani.com/education/2017/aug/31/எம்பிபிஎஸ்-செப்2--இல்-இரண்டாம்-கட்ட-கலந்தாய்வு-2764591.html
2764590 கல்வி பத்தாம் வகுப்பு துணைத்தேர்வு தனித் தேர்வர்கள் நாளை முதல் விண்ணப்பிக்கலாம் DIN DIN Thursday, August 31, 2017 02:33 AM +0530 தமிழகத்தில், வரும் செப்டம்பர் மற்றும் அக்டோபர் மாதங்களில் நடைபெறவுள்ள பத்தாம் வகுப்பு துணைத் தேர்வுக்கு தனித் தேர்வர்கள் வெள்ளிக்கிழமை (செப்.1) முதல் விண்ணப்பிக்கலாம் என அரசுத் தேர்வுகள் துறை இயக்குநர் தண்.வசுந்தராதேவி தெரிவித்துள்ளார்.
தனித் தேர்வர்கள் தங்களது விண்ணப்பங்களை www.dge.tn. gov.in  என்ற இணையதளத்தில் வெளியிடப் பட்டு, கல்வி மாவட்ட வாரியாக அமைக்கப்பட்டுள்ள அரசுத்தேர்வு சேவை மையங்களுக்குச் சென்று வெள்ளிக்கிழமை (செப்.1) முதல் வியாழக்கிழமை (செப்.7) மாலை 5.45 மணி வரை ஆன்லைனில் விண்ணப்பிக்கலாம். 
தகுந்த இணைப்புகளுடன் பெறப்படாத விண்ணப்பங்கள் மற்றும் தபால் மூலம் அனுப்பப்படும் விண்ணப்பங்கள் எந்தவித முன்னறிவிப்புமின்றி கண்டிப்பாக நிராகரிக்கப்படும். 
சிறப்பு அனுமதித் திட்டம்: மேற்குறிப்பிட்ட தேதிகளில் விண்ணப்பிக்கத் தவறும் தேர்வர்கள் சிறப்பு அனுமதித் திட்டத்தில் செப்.11, 12 ஆகிய இரு தேதிகளில் ஆன்லைனில் விண்ணப்பிக்க வேண்டும். 
இந்தத் திட்டத்தின் கீழ் விண்ணப்பிக்கும் அனைத்து தனித் தேர்வர்களுக்கும் திருநெல்வேலி, மதுரை, திருச்சி, கோயம்புத்தூர், கடலூர், வேலூர் மற்றும் சென்னை ஆகிய மண்டல அலுவலகங்களின் தலைமையிடத்தில் மட்டுமே தேர்வு மையம் அமைக்கப்படும். 
தேர்வுக் கட்டணம்: தேர்வுக் கட்டணம் ரூ.125. இவற்றுடன் கூடுதலாக சிறப்பு அனுமதிக் கட்டணமாக ரூ.500 மற்றும் ஆன்லைன் பதிவுக் கட்டணமாக ரூ.50 என மொத்தம் ரூ.675 பணமாக மட்டுமே அரசுத் தேர்வு சேவை மையத்தில் செலுத்த வேண்டும்.
மேலும், தேர்வு முடிவுகள் வெளியிடப்படும் வரை தனித் தேர்வர்களுக்கு தேர்வெழுத வழங்கப்படும் அனுமதி தாற்காலிகமானது தான் எனவும் தனித் தேர்வர்களின் விண்ணப்பம் மற்றும் தகுதி குறித்து ஆய்வு செய்யப்பட்ட பின்னரே தேர்வு முடிவுகள் வெளியிடப்படும் எனவும் அறிவிக்கப்படுகிறது என அரசுத் தேர்வுகள் துறை இயக்குநர் வெளியிட்டுள்ள செய்திக்குறிப்பில் கூறப்பட்டுள்ளது.

]]>
http://www.dinamani.com/education/2017/aug/31/பத்தாம்-வகுப்பு-துணைத்தேர்வு-தனித்-தேர்வர்கள்-நாளை-முதல்-விண்ணப்பிக்கலாம்-2764590.html
2764529 கல்வி அரசு இடங்களுக்கான மருத்துவ கலந்தாய்வு நிறைவு: 185 இடங்கள் காலி DIN DIN Thursday, August 31, 2017 01:18 AM +0530 தமிழகத்தில் அரசு மருத்துவ இடங்களுக்கான முதல்கட்ட கலந்தாய்வின் முடிவில் 185 காலியிடங்கள் ஏற்பட்டுள்ளன.
நீட் தேர்வின் அடிப்படையில் தமிழகத்தில் மருத்துவம் (எம்பிபிஎஸ்) மற்றும் பல் மருத்துவ (பிடிஎஸ்) இடங்களுக்கு நடைபெற்று வந்த முதற்கட்ட கலந்தாய்வின் இறுதிநாளான புதன்கிழமை, தாழ்த்தப்பட்டோர் -பழங்குடியினர் ஒதுக்கீட்டுக்கான கலந்தாய்வு நடைபெற்றது. முந்தைய நாள்களில் அதிக இடங்கள் நிரம்பியதால், புதன்கிழமை 373 இடங்கள் மட்டுமே மீதம் இருந்தன. ஆனால் ஆயிரத்துக்கும் மேற்பட்ட மாணவர்கள் அழைக்கப்பட்டிருந்தனர். இதனால் ஆத்திரமடைந்த சில பெற்றோர் அதிகாரிகளிடம் வாக்குவாதத்தில் ஈடுபட்டனர்.
கலந்தாய்வு நிறைவு: புதன்கிழமை நடைபெற்ற கலந்தாய்வுக்கு 1,090 பேர் அழைக்கப்பட்டிருந்தனர். 698 பேர் கலந்தாய்வில் பங்கேற்றனர். கலந்தாய்வின் முடிவில் அரசு மருத்துவக் கல்லூரிகளில் 6 எம்.பி.பி.எஸ்., பல் மருத்துவக் கல்லூரிகளில் 7 இடங்களும் நிரம்பின. தனியார் மருத்துவக் கல்லூரிகளில் அரசு ஒதுக்கீட்டுக்கான 31 எம்.பி.பி.எஸ். இடங்கள், 144 பிடிஎஸ் இடங்களும் நிரம்பின. கலந்தாய்வின் முடிவில் மொத்தம் 188 இடங்கள் நிரப்பப்பட்டன. 
பட்டியல் அகற்றம்: மருத்துவக் கலந்தாய்வில் தேர்வு செய்யப்பட்டவர்களின் பட்டியல், கல்லூரிகளின் காலியிடங்கள் குறித்த பட்டியல் சுகாதாரத் துறை இணையதளத்தில் வெளியிடப்பட்டு வருகிறது. இந்நிலையில், அவற்றில் சில தினங்களில் நடைபெற்ற கலந்தாய்வுப் பட்டியல் அகற்றப்பட்டது என்று புகார் எழுந்தது. இதனையடுத்து, அந்தப் பட்டியல் மீண்டும் இணையதளங்களில் பதிவேற்றம் செய்யப்படும் என்று அதிகாரிகள் தெரிவித்தனர்.
இன்று நிர்வாக இடங்களுக்கு கலந்தாய்வு: ஐஆர்டி பெருந்துறை மருத்துவக் கல்லூரியில் உள்ள போக்குவரத்து ஊழியர்களின் வாரிசுகளுக்கான இடங்கள், தனியார் மருத்துவக் கல்லூரிகளில் உள்ள நிர்வாக ஒதுக்கீட்டு இடங்கள் ஆகியவற்றுக்கான கலந்தாய்வு வியாழக்கிழமை (ஆக.31) நடைபெற உள்ளது.

]]>
http://www.dinamani.com/education/2017/aug/31/அரசு-இடங்களுக்கான-மருத்துவ-கலந்தாய்வு-நிறைவு-185-இடங்கள்-காலி-2764529.html
2763895 கல்வி எம்பிபிஎஸ்: அரசு இடங்களுக்கான கலந்தாய்வு இன்று நிறைவு DIN DIN Wednesday, August 30, 2017 02:44 AM +0530 தமிழக மருத்துவக் கல்லூரிகளில் எம்பிபிஎஸ் அரசு இடங்களுக்கான முதல்கட்ட கலந்தாய்வு புதன்கிழமை (ஆக.30) நிறைவடைய உள்ளது. 
ஓமந்தூரார் பல்நோக்கு சிறப்பு மருத்துவமனை அரங்கில் புதன்கிழமை நடைபெறும் கலந்தாய்வில் தாழ்த்தப்பட்டோர் -பழங்குடியினருக்கான இடங்கள் ஒதுக்கப்படும்.
37 இடங்கள்: தமிழகத்தில் அரசு மருத்துவக் கல்லூரிகள், தனியார் மருத்துவக் கல்லூரிகளில் உள்ள மருத்துவம் (எம்.பி.பி.எஸ்.) மற்றும் பல் மருத்துவ (பிடிஎஸ்) படிப்புகளில், அரசு ஒதுக்கீட்டு இடங்களுக்கு சென்னை ஓமந்தூரார் பல்நோக்கு சிறப்பு மருத்துவமனையில் செவ்வாய்க்கிழமை நடைபெற்ற கலந்தாய்வின் முடிவில், அரசு மருத்துவக் கல்லூரிகளில் 6 மற்றும் தனியார் மருத்துவக் கல்லூரிகளில் 31 என மொத்தம் 37 எம்.பி.பி.எஸ் இடங்கள் காலியாக உள்ளன.
பல் மருத்துவ இடங்களைப் பொருத்தவரை அரசு கல்லூரிகளில் 6 இடங்களும், தனியார் மருத்துவக் கல்லூரிகளில் 329 இடங்களும் என மொத்தம் 335 பிடிஎஸ் இடங்கள் காலியாக உள்ளன.
இந்த இடங்களுக்கான கலந்தாய்வு புதன்கிழமை நடைபெற உள்ளது. இதில் தாழ்த்தப்பட்டோர், தாழ்த்தப்பட்டோர் (அருந்ததியர்), பழங்குடியினர் ஆகியோருக்கான கலந்தாய்வு நடைபெறும். 
தாழ்த்தப்பட்டோரில் ஜாதிவாரியான தரவரிசை 857 முதல் 1628 வரை, நீட் மதிப்பெண் 169 முதல் 137 வரை பெற்ற மாணவர்களும், தாழ்த்தப்பட்டோர் அருந்ததியரில் தரவரிசை 75 முதல் 332 வரை, நீட் மதிப்பெண் 169 முதல் 107 வரை பெற்றவர்கள் கலந்தாய்வில் பங்கேற்கலாம்.
பழங்குடியினரைப் பொருத்தவரை தரவரிசை 26 முதல் 76 வரை, நீட் மதிப்பெண் 169 முதல் 107 வரை பெற்றவர்கள் பங்கேற்கலாம்.
அரசு இடங்களுக்கான முதல்கட்ட கலந்தாய்வு புதன்கிழையுடன் நிறைவு பெறுகிறது. ஆகஸ்ட் 31 மற்றும் செப்டம்பர் 1 ஆகிய நாள்களில், தனியார் கல்லூரிகளின் நிர்வாக ஒதுக்கீட்டு இடங்களுக்கும், வெளிநாடு வாழ் இந்திய மாணவர்களுக்கான இடங்களுக்கும் கலந்தாய்வு நடைபெற உள்ளது.

]]>
http://www.dinamani.com/education/2017/aug/30/எம்பிபிஎஸ்-அரசு-இடங்களுக்கான-கலந்தாய்வு-இன்று-நிறைவு-2763895.html
2763828 கல்வி எம்.பி.பி.எஸ். கலந்தாய்வு அட்டவணையில் மாற்றம் DIN DIN Wednesday, August 30, 2017 01:01 AM +0530 தமிழகத்தில் நடைபெற்று வரும் எம்.பி.பி.எஸ்., பிடிஎஸ் கலந்தாய்வு அட்டவணையில் மாற்றம் செய்யப்பட்டுள்ளது.
தமிழகத்தில் மருத்துவ மாணவர் சேர்க்கைக்கான கலந்தாய்வு ஆகஸ்ட் 24-ஆம் தேதி தொடங்கி நடைபெற்று வருகிறது. தாழ்த்தப்பட்ட மற்றும் பழங்குடியினருக்கான கலந்தாய்வு புதன்கிழமை (ஆக.30) நடைபெற உள்ளது.
அதனையடுத்து தனியார் மருத்துவக் கல்லூரிகளில் நிர்வாக ஒதுக்கீட்டு இடங்களுக்கும் வெளிநாடு வாழ் இந்திய மாணவர்களுக்கான இடங்களுக்கும் வியாழக்கிழமை (ஆக.31) நடைபெறும் என்று அறிவிக்கப்பட்டது. தற்போது அந்த அட்டவணையில் மாற்றம் செய்யப்பட்டுள்ளது.
புதிய அட்டவணை: அதன்படி, ஆகஸ்ட் 31-ஆம் தேதி காலை 9 மணிக்கு ஐஆர்டி பெருந்துறை மருத்துவக் கல்லூரியில் போக்குவரத்து ஊழியர்களின் வாரிசு ஒதுக்கீட்டு இடங்களுக்கான கலந்தாய்வு நடைபெறும். காலை 10 மணி முதல் பிற்பகல் 2 மணி வரை தனியார் மருத்துவம் மற்றும் பல் மருத்துவக் கல்லூரிகளில் உள்ள நிர்வாக ஒதுக்கீட்டு இடங்களுக்கு கலந்தாய்வு நடைபெறும். தரவரிசை எண் 1 முதல் 6,043 வரை மற்றும் நீட் மதிப்பெண் 655 முதல் 217 வரை பெற்றுள்ள மாணவர்கள் இதில் பங்கேற்கலாம்.
செப்டம்பர் 1-ஆம் தேதி காலை 9 மணி முதல் மீண்டும் தனியார் மருத்துவக் கல்லூரிகளில் நிர்வாக ஒதுக்கீட்டு இடங்ளுக்கான கலந்தாய்வு நடைபெறும். தரவரிசை 6,044 முதல் 10,016, நீட் மதிப்பெண் 216 முதல் 166 வரை பெற்றுள்ள மாணவர்கள் இதில் பங்கேற்பர்.
மாலை 4 மணிக்கு தகுதியுள்ள வெளிநாடு வாழ் இந்திய மாணவர்கள் ஒதுக்கீட்டுக்கான கலந்தாய்வு நடைபெறும். கலந்தாய்வு அட்டவணை www.tnhealth.org www.tnmedicalselection.org ஆகிய இணையதளங்களில் வெளியிடப்பட்டுள்ளன.

]]>
http://www.dinamani.com/education/2017/aug/30/எம்பிபிஎஸ்-கலந்தாய்வு-அட்டவணையில்-மாற்றம்-2763828.html
2763827 கல்வி நீட் அடிப்படையில் எம்.பி.பி.எஸ். சேர்க்கை: அண்ணா பல்கலை.யிலிருந்து 95 பேர் மட்டுமே விலகினர் DIN DIN Wednesday, August 30, 2017 01:00 AM +0530 நீட் தேர்வு மதிப்பெண் அடிப்படையில் மருத்துவ மாணவர் சேர்க்கை நடைபெறுவதால், பி.இ. படிப்பை விட்டுச் செல்பவர்களின் எண்ணிக்கை எதிர்பார்த்ததைவிட வெகுவாகக் குறைந்திருப்பதாக அண்ணா பல்கலைக்கழக அதிகாரிகள் தெரிவித்தனர்.
அண்ணா பல்கலைக்கழக வளாகத்தில் அமைந்துள்ள கிண்டி பொறியியல் கல்லூரியில் இருந்து மட்டும் இதுவரை 95 மாணவ, மாணவிகள் மட்டும் படிப்பைக் கைவிட்டு எம்.பி.பி.எஸ். படிப்பில் சேர்ந்துள்ளனர். வழக்கமாக, எம்.பி.பி.எஸ். முதல் கட்ட கலந்தாய்வுக்கு பின்னரே, பி.இ. கலந்தாய்வு தொடங்கப்படும். ஆனால், நிகழாண்டில் நீட் தகுதித் தேர்வு சர்ச்சை முடிவுக்கு வருவதில்ஏற்பட்ட தாமதம் உள்ளிட்ட காரணங்களால், திட்டமிட்ட தேதியில் பி.இ. கலந்தாய்வு தொடங்க முடியாத நிலை ஏற்பட்டது.
தொடர் இழுபறியைத் தொடர்ந்து, முன்கூட்டியே ஜூலை 17-ஆம் தேதி பி.இ. கலந்தாய்வு தொடங்கப்பட்டு, ஆகஸ்ட் 11 ஆம் தேதி முடிக்கப்பட்டது.
இதற்கிடையே, பிளஸ் 2 மதிப்பெண் அடிப்படையில் எம்.பி.பி.எஸ். சேர்க்கை தமிழகத்தில் நடத்தப்பட்டால், அண்ணா பல்கலைக்கழகத்தில் 500 பி.இ. இடங்கள் உள்பட தமிழகம் முழுவதும் 1,000 பி.இ. காலியிடங்கள் ஏற்படும் வாய்ப்பு உருவானது.
ஒருவேளை 'நீட்' தேர்வு மதிப்பெண் அடிப்படையில் மருத்துவ மாணவர் சேர்க்கை நடத்தப்பட்டால் அண்ணா பல்கலைக்கழகத் துறைகளில் 200 இடங்கள் உள்பட தமிழகம் முழுவதும் 500-க்கும் அதிகமான பி.இ. இடங்கள் காலியாக வாய்ப்பு உள்ளது எனவும் அண்ணா பல்கலைக்கழக அதிகாரிகள் தெரிவித்திருந்தனர்.
இந்நிலையில், தமிழக அரசின் கோரிக்கையை ஏற்க மறுத்த உச்ச நீதிமன்றம், 'நீட்' அடிப்படையிலேயே மருத்துவ மாணவர் சேர்க்கை நடத்தப்பட வேண்டும் என உத்தரவிட்டது. அதனைத் தொடர்ந்து, தமிழகத்தில் ஆக.24-ஆம் தேதி முதல் மருத்துவ மாணவர் சேர்க்கை 'நீட்' மதிப்பெண் அடிப்படையில் நடத்தப்பட்டு வருகிறது. எம்.பி.பி.எஸ். கலந்தாய்வு வரும் செப். 1-ஆம் தேதியோடு எம்.பி.பி.எஸ். சேர்க்கை நிறைவுபெற உள்ள நிலையில், எதிர்பார்த்ததைவிட மிகக் குறைந்த எண்ணிக்கையிலான மாணவர்களே பொறியியல் படிப்பைக் கைவிட்டு, எம்.பி.பி.எஸ். சேர்ந்திருப்பதாக அண்ணா பல்கலைக்கழக அதிகாரிகள் தெரிவித்தனர்.
கடந்த 2016- ஆம் ஆண்டு அண்ணா பல்கலைக்கழக கிண்டி பொறியியல் கல்லூரியிலிருந்து 136 மாணவ, மாணவிகள்பி.இ. படிப்பைக் கைவிட்டு மருத்துவப் படிப்பில் சேர்ந்த நிலையில், இம்முறை 95 மாணவ, மாணவிகள் மட்டுமே கிண்டி பொறியியல் கல்லூரியிலிருந்து பி.இ. படிப்பைக் கைவிட்டுச் சென்றுள்ளனர். செப்டம்பர் 1-ஆம் தேதி வரை மருத்துவக் கலந்தாய்வு நடைபெற உள்ளதால், இந்த எண்ணிக்கை 130 வரை எட்டும் என எதிர்பார்ப்பதாக அண்ணா பல்கலைக்கழக அதிகாரிகள் தெரிவித்தனர்.
தமிழகம் முழுவதும் கணக்கிடும்போது, அதிகபட்சம் 300 மாணவர்கள் மட்டுமே பி.இ. படிப்பிலிருந்து எம்.பி.பி.எஸ். படிப்புக்கு மாறியிருக்க வாய்ப்புள்ளது எனவும் அவர்கள் தெரிவித்தனர்.

 

]]>
http://www.dinamani.com/education/2017/aug/30/நீட்-அடிப்படையில்-எம்பிபிஎஸ்-சேர்க்கை-அண்ணா-பல்கலையிலிருந்து-95-பேர்-மட்டுமே-விலகினர்-2763827.html
2761765 கல்வி எம்.பி.பி.எஸ். பொதுப்பிரிவு கலந்தாய்வு தொடக்கம்: தர வரிசையில் முதல் 26 இடங்களைப் பிடித்த மாணவர்கள் பங்கேற்கவில்லை DIN DIN Saturday, August 26, 2017 01:26 AM +0530 எம்.பி.பி.எஸ்., பிடிஎஸ் படிப்புகளுக்கான மாணவர் சேர்க்கையில் வெள்ளிக்கிழமை தொடங்கிய பொதுப்பிரிவினருக்கான கலந்தாய்வில் தரவரிசைப் பட்டியலில் முதல் 26 இடங்களைப் பெற்ற மாணவர்கள் பங்கேற்கவில்லை.
தமிழகத்தில் நீட் தேர்வின் அடிப்படையில் மருத்துவ மாணவர் சேர்க்கை ஆகஸ்ட் 24-ஆம் தேதி தொடங்கியது. முதல் நாள் சிறப்புப் பிரிவினருக்கு நடைபெற்ற கலந்தாய்வில் மொத்தம் உள்ள 131 இடங்களில் 14 இடங்கள் மட்டுமே நிரம்பின. 
பொதுப்பிரிவு கலந்தாய்வு: பொதுப்பிரிவினருக்கான கலந்தாய்வு வெள்ளிக்கிழமை சென்னை ஓமந்தூரார் பல்நோக்கு சிறப்பு மருத்துவமனையில் தொடங்கியது. கலந்தாய்வுக்கு 1,209 பேர் அழைக்கப்பட்டிருந்தனர். கலந்தாய்வில் முதல் 10 இடங்களைப் பிடித்த மாணவர்களுக்கு சுகாதாரத் துறைச் செயலர் ஜெ.ராதாகிருஷ்ணன் சேர்க்கைக் கடிதத்தை வழங்கினார்.
26 பேர் பங்கேற்கவில்லை: மருத்துவக் கல்வி இயக்ககம் வெளியிட்ட தரவரிசைப் பட்டியலில் முதல் 26 இடங்களைப் பெற்ற மாணவர்கள் யாரும் கலந்தாய்வில் பங்கேற்கவில்லை. 
இவர்கள் அகில இந்திய மருத்துவக் கலந்தாய்வில் பங்கேற்று இடங்களைப் பெற்றுவிட்டதாக அதிகாரிகள் தெரிவித்தனர். கலந்தாய்வில் முதலிடம் பெற்ற மாணவர், தர வரிசையில் 27-ஆவது இடத்தில் உள்ளார்.
8 சிபிஎஸ்இ மாணவர்கள்: கலந்தாய்வில் முதல் 10 இடங்களைப் பெற்ற மாணவர்களில் 8 பேர் சிபிஎஸ்இ பாடத்திட்ட மாணவர்கள், 2 பேர் மட்டுமே மாநிலப் பாடத்திட்ட மாணவர்கள். ஏ. ஆஷ்ஃபஹ் சுலைமான், ஏ.சம்யுக்தா, ஆருஷி அகர்வால், எம்.ஆதித்யா , காத்யாயனி கோஸ்வாமி, எம்.ஜான் நிர்மல், எம்.ஸ்வேதா, எஸ்.நித்திலா, சி.அரவிந்த், எம்.அழகப்பன் ஆகியோர் முதல் 10 இடங்களைப் பெற்றவர்கள். இவர்கள் அனைவரும் சென்னை மருத்துவக் கல்லூரியைத் தேர்ந்தெடுத்துள்ளனர்.
928 இடங்கள் நிறைவு: மாலை வரை நடைபெற்ற கலந்தாய்வில் 928 இடங்கள் நிரம்பின. செப்டம்பர் 4-ஆம் தேதிக்குள் முடிக்க வேண்டும் என்பதால் இரவு வரை கலந்தாய்வு நீட்டிக்கப்பட்டது. முதல்நாள் கலந்தாய்வுக்கு அழைக்கப்பட்டோரில் பெரும்பாலானோர் தவிர்க்காமல் இடங்களைத் தேர்வு செய்து வருவதாகவும் அதிகாரிகள் தெரிவித்தனர். கலந்தாய்வில் பங்கேற்கும் மாணவர்களில் கணிசமானோர் கடந்த ஆண்டுகளில் பிளஸ் 2 தேர்வு முடித்துவிட்டு, நீட் தேர்வுக்கு திட்டமிட்டுத் தயாராகி அதன் அடிப்படையில் இப்போது இடங்களைப் பெற்றுள்ளது குறிப்பிடத்தக்கது.
போலீஸ் பாதுகாப்பு: நீட் தேர்வு மதிப்பெண் அடிப்படையில் மாணவர் சேர்க்கைக்கான கலந்தாய்வு நடைபெற்று வருவதால் பாதிக்கப்பட்ட மாணவர்கள் யாரேனும் போராட்டம் நடத்தக்கூடும் என்பதால் ஓமந்தூரார் பல்நோக்கு சிறப்பு மருத்துவமனையில் பலத்த போலீஸ் பாதுகாப்பு போடப்பட்டுள்ளது. மருத்துவமனைக்குள் நுழைவோர் தீவிர விசாரணைக்குப் பின்னரே அனுமதிக்கப்படுகின்றனர்.
சனிக்கிழமை நடைபெறும் கலந்தாய்வுக்கு தரவரிசை 1,210 முதல் 2,673 வரை, நீட் மதிப்பெண் 367 முதல் 296 வரை பெற்ற 1,464 மாணவர்கள் அழைக்கப்பட்டுள்ளனர்.

 


 

]]>
http://images.dinamani.com/uploads/user/imagelibrary/2017/8/26/w600X390/mbbs.jpg மருத்துவப் படிப்புக்கான பொது கலந்தாய்வில் முதல் 10 இடங்களைப் பிடித்த மாணவர்களுக்கு சென்னை மருத்துவ கல்லூரியில் சேருவதற்கான அனுமதிக் கடிதத்தை வழங்குகிறார் சுகாதாரத்துறைச் செயலர் ஜெ. ராதாகிருஷ்ணன். http://www.dinamani.com/education/2017/aug/26/எம்பிபிஎஸ்-பொதுப்பிரிவு-கலந்தாய்வு-தொடக்கம்-தர-வரிசையில்-முதல்-26-இடங்களைப்-பிடித்த-மாணவர்கள்-ப-2761765.html
2761764 கல்வி மருத்துவ சேர்க்கைக்கு போலி இருப்பிடச் சான்றிதழ் மூலம் விண்ணப்பித்ததாக 9 புகார்கள்: சுகாதாரத் துறை செயலர் தகவல் DIN DIN Saturday, August 26, 2017 01:25 AM +0530 போலி இருப்பிடச் சான்றிதழ்களைச் சமர்ப்பித்து மருத்துவக் கலந்தாய்வுக்கு விண்ணப்பித்துள்ளதாக 9 புகார்கள் பெறப்பட்டுள்ளன என்று ஜெ.ராதாகிருஷ்ணன் கூறினார்.
தமிழகத்தில் முதன்முறையாக நீட் தேர்வு மதிப்பெண்ணின் அடிப்படையில் மருத்துவக் கலந்தாய்வு நடைபெறுவதாலும், அகில இந்திய ஒதுக்கீடு, நிகர்நிலைப் பல்கலைக்கழகங்கள் ஆகியவற்றுக்கான கலந்தாய்வு நிறைவு பெற்ற நிலையில் மிகவும் தாமதமாக மாநில இடங்களுக்கான கலந்தாய்வு தொடங்கியுள்ளதாலும் பல்வேறு குளறுபடிகளும், குழப்பங்களும் நிலவுகின்றன.
இதனால் கலந்தாய்வு நடைபெறும் அரங்கில் பல பெற்றோர்களும் மாணவர்களும் அதிகாரிகளிடம் வாக்குவாதம் செய்து வருகின்றனர். 
அகில இந்திய இடங்கள்: மத்திய அரசு நடத்தும் அகில இந்திய ஒதுக்கீட்டுக்கான முதற்கட்ட கலந்தாய்வில் பங்கேற்று இடங்களைப் பெற்ற மாணவர்கள் கலந்தாய்வு தாமதமாகத் தொடங்கியதாலேயே முன்னெச்சரிக்கையாக அகில இந்திய இடங்களைத் தேர்வு செய்ததாகவும், மாநிலக் கலந்தாய்வில் பங்கேற்று இடங்களைப் பெற அனுமதியளிக்க வேண்டும் என்றும் கோருகின்றனர். விதிகளின்படி, அகில இந்திய ஒதுக்கீட்டுக்கான முதல் மற்றும் இரண்டாம் கட்டக் கலந்தாய்வில் பங்கேற்று இடங்களைப் பெற்றிருந்தாலும், இடங்களைத் திரும்ப ஒப்படைக்க வேண்டிய கடைசித் தேதியான ஆகஸ்ட் 15-க்குள் ஒப்படைத்திருந்தால் தமிழகத்தில் நடைபெறும் கலந்தாய்வில் பங்கேற்கலாம்.
இது தொடர்பாக அதிகாரிகள் கூறுகையில், இங்கு வாக்குவாதத்தில் ஈடுபடும் மாணவர்கள், அகில இந்திய இடங்களைத் திரும்ப ஒப்படைக்கவில்லை. மேலும் அகில இந்திய இடங்களுக்கான கலந்தாய்வு நிறைவு பெற்றுவிட்டது. அவ்வாறு இருக்கும்பட்சத்தில் மாநில ஒதுக்கீட்டில் அவர்களுக்கு இடமளித்தால், அகில இந்திய இடங்களில் ஏற்படும் காலியிடங்களை மீண்டும் நிரப்ப இயலாது என்று மத்திய சுகாதார சேவைகள் இயக்ககம் தெரிவித்துள்ளது. எனவே, அகில இந்திய இடங்களை ஒப்படைக்காத மாணவர்கள் மாநில ஒதுக்கீட்டின் கீழ் மருத்துவ இடங்களைப் பெறுவதற்குத் தகுதியற்றவர்கள் என்று தெரிவித்தனர்.
நிகர்நிலைப் பல்கலைக்கழகங்களில் இடங்களைப் பெற்றவர்களும் தங்களுக்கு அரசு இடங்களுக்கான கலந்தாய்வில் பங்கேற்க வாய்ப்பளிக்க வேண்டும் என்று கோரிக்கை விடுத்தனர். விதிகளின்படி, நிகர்நிலைப் பல்கலைக்கழகங்களில் இடங்களைப் பெற்ற மாணவர்களும் கலந்தாய்வில் பங்கேற்க முடியாது.
போலி சான்றிதழ்: போலி இருப்பிடச் சான்றிதழ்களைச் சமர்ப்பித்து கலந்தாய்வில் பங்கேற்றுள்ளதாக 9 புகார்கள் பெறப்பட்டுள்ளன. கலந்தாய்வில் முதலிடத்தைப் பெற்ற மாணவரின் பெயரும் புகாரில் இடம் பெற்றுள்ளது. மேலும் புகார்கள் அளிக்கப்பட்ட மாணவர்கள் தமிழகத்தில் இருப்பிடச் சான்றிதழைப் பெற்று தமிழகத்திலும், பிற மாநிலத்தில் சான்றிதழைப் பெற்று அந்த மாநிலத்தில் நடைபெற்ற கலந்தாய்விலும் பங்கேற்றதாகவும் புகார் தெரிவிக்கப்பட்டுள்ளது. சிலர், வேறு மாநிலத்தவர்களாக இருந்து கொண்டு தமிழக இருப்பிடச் சான்றிதழ் பெற்றுள்ளதாகவும் கூறப்படுகிறது. தற்போது அளிக்கப்பட்டுள்ள 9 புகார்களிலும் கேரள மாநிலத்தில் இருப்பிடச் சான்றிதழ் பெற்றுள்ளதாக அதிகாரிகள் தெரிவிக்கின்றனர்.
இது தொடர்பாக சுகாதாரத் துறைச் செயலர் கூறுகையில், பெறப்பட்ட 9 புகார்களையும் ஆய்வு செய்து வருகிறோம். மகாராஷ்டிர மாநிலத்திலும் மருத்துவக் கலந்தாய்வில் இதே பிரச்னைகள் ஏற்பட்டுள்ளன. போலி சான்றிதழ் பெறப்பட்டது கண்டறியப்பட்டால், அவர்கள் மீது சட்டரீதியான நடவடிக்கை எடுக்கப்படும் என்றார்.

]]>
http://images.dinamani.com/uploads/user/imagelibrary/2017/5/17/w600X390/radhakrishnan.jpg http://www.dinamani.com/education/2017/aug/26/மருத்துவ-சேர்க்கைக்கு-போலி-இருப்பிடச்-சான்றிதழ்-மூலம்-விண்ணப்பித்ததாக-9-புகார்கள்-சுகாதாரத்-துறை-செ-2761764.html
2761763 கல்வி உயர் மருத்துவ படிப்புகளுக்கான 2-ஆம் கட்ட கலந்தாய்வுக்கு இடைக்காலத் தடை DIN DIN Saturday, August 26, 2017 01:24 AM +0530 நீதிமன்றம் இடைக்காலத் தடை விதித்துள்ளதால் உயர் சிறப்பு மருத்துவப் படிப்புகளுக்கான இரண்டாம் கட்ட கலந்தாய்வு ஒத்திவைக்கப்பட்டுள்ளது.
உயர் சிறப்பு மருத்துவப் படிப்புகளுக்கான (சூப்பர் ஸ்பெஷாலிட்டி) முதல் கட்ட கலந்தாய்வு ஆகஸ்ட் 12 முதல் 17 வரை நடைபெற்றது. அதற்கான முடிவுகள் ஆகஸ்ட் 18-ஆம் தேதி வெளியிடப்பட்டன.
இரண்டாம் கட்ட கலந்தாய்வுக்கான நடைமுறைகள் ஆகஸ்ட் 23-ஆம் தேதி தொடங்கும் என்று அறிவிக்கப்பட்டிருந்தது.
இந்நிலையில், இது தொடர்பாக மத்திய சுகாதார சேவைகள் இயக்ககம் வெள்ளிக்கிழமை வெளியிட்டுள்ள செய்திக்குறிப்பு: 
உயர் சிறப்பு மருத்துவக் கலந்தாய்வு தொடர்பான வழக்கில் ஹைதராபாத் உயர்நீதிமன்றம் இடைக்காலத் தடை விதித்துள்ளது. மத்திய சுகாதாரத் துறை அந்தத் தீர்ப்பை சட்ட ரீதியாக ஆய்வு செய்து வருகிறது. எனவே, இணையதளத்தில் நடைபெறவிருந்த இரண்டாம் கட்ட கலந்தாய்வு ஒத்திவைக்கப்பட்டுள்ளது. இது தொடர்பான இறுதி முடிவு வெளியானதும் கலந்தாய்வு குறித்த அறிவிப்பு www.mcc.nic.in என்ற இணையதளத்தில் வெளியிடப்படும்.

]]>
http://www.dinamani.com/education/2017/aug/26/உயர்-மருத்துவ-படிப்புகளுக்கான-2-ஆம்-கட்ட-கலந்தாய்வுக்கு-இடைக்காலத்-தடை-2761763.html
2761269 கல்வி சென்னைப் பல்கலை.யில் ஆன்லைன் மூலம் இசை, பரத நாட்டிய பட்டயப் படிப்புகள் DIN DIN Friday, August 25, 2017 02:37 AM +0530 அடுத்த ஆண்டு ஜனவரி முதல், சென்னைப் பல்கலைக்கழகத்தில் ஆன்லைன் மூலம் பட்டயப் படிப்புகள் தொடங்குவதற்கான பணிகள் நடைபெற்று வருவதாக பல்கலைக்கழகத்தின் துணைவேந்தர் பி.துரைசாமி கூறினார்.
சென்னைப் பல்கலைக்கழகத்தின் இந்திய இசைத் துறை மற்றும் ஸ்ரீ பார்த்தசாரதி சுவாமி சபா சார்பில், சர்வதேச இளைஞர் தினத்தை முன்னிட்டு, இளைஞர்கள் பங்கேற்ற இசைவிழா வியாழக்கிழமை நடைபெற்றது. இந்த விழாவில் சென்னைப் பல்கலைக்கழகத்தின் துணைவேந்தர் பி.துரைசாமி பேசியது:
ஆண்டுதோறும் ஆகஸ்ட் 12 -ஆம் தேதி சர்வதேச இளைஞர் தினம் கடைப்பிடிக்கப்படுகிறது. ஐக்கிய நாடுகள் சபை, இந்த ஆண்டுக்கான சர்வதேச இளைஞர் தினத்தை 'அமைதியை இளைஞர்கள் மூலம் பரப்புதல்' என்பதை கருப்பொருளாக கொண்டு கடைப்பிடிக்க அறிவுறுத்தியது.
அந்த அமைதியை இசை மூலமாக இளைஞர்களிடம் கொண்டு செல்ல இந்த இசைவிழா நடத்தப்படுகிறது. பல்வேறு சிறப்புகள் கொண்ட சென்னைப் பல்கலைக்கழகத்தின் இந்திய இசைத் துறை தனித்துவத்துடன் விளங்குகிறது. தற்கால வளர்ச்சிக்கேற்ப, இந்த துறையில் பல்வேறு நவீன வசதிகள் செய்யப்பட்டுள்ளன. அடுத்த ஆண்டு ஜனவரி மாதம் முதல், வெளிநாடுகளில் உள்ளவர்கள் இசை, பரதநாட்டியம் உள்ளிட்ட பாரம்பரிய கலைகளை கற்கும் வகையில், பட்டயப் படிப்புகளைத் தொடங்குவதற்கான பணிகள் நடைபெற்று வருகின்றன. இசைத் துறையில் சிறந்து விளங்கும் இசை கலைஞர்களை பல்கலைக்கழகத்தின் கெளரவ ஆசிரியர்களாக அழைக்கவும் திட்டமிடப்பட்டுள்ளது என்றார் அவர்.
இந்த விழாவில் பல்கலைக்கழக இசைத் துறைத் தலைவர் ராஜஸ்ரீ ஸ்ரீபதி, பார்த்தசாரதி சுவாமி சபாவின் செயலர் கிருஷ்ணமூர்த்தி உள்ளிட்டோர் பங்கேற்றனர்.

 

 

]]>
http://images.dinamani.com/uploads/user/imagelibrary/2017/8/25/w600X390/duraisamy.jpg சர்வதேச இளைஞர் தினத்தை முன்னிட்டு சென்னைப் பல்கலைக்கழகத்தின் இசைத் துறை, ஸ்ரீ பார்த்தசாரதி சுவாமி சபா சார்பில் வியாழக்கிழமை நடைபெற்ற இசை விழாவில் பேசுகிறார் துணைவேந்தர் பி.துரைசாமி. http://www.dinamani.com/education/2017/aug/25/சென்னைப்-பல்கலையில்-ஆன்லைன்-மூலம்-இசை-பரத-நாட்டிய-பட்டயப்-படிப்புகள்-2761269.html
2761268 கல்வி பள்ளிக் கல்வித் துறைக்கு முதன்மைச் செயலர் நியமனம்: ஐ.ஏ.எஸ். அதிகாரிகள் அதிரடி மாற்றம் DIN DIN Friday, August 25, 2017 02:36 AM +0530 பள்ளிக் கல்வித் துறையின் முதன்மைச் செயலாளராக பிரதீப் யாதவ் நியமிக்கப்பட்டுள்ளார். ஐ.ஏ.எஸ். அதிகாரிகள் அதிரடியாக மாற்றப்பட்டுள்ளனர்.
ஐ.ஏ.எஸ். அதிகாரிகள் மாற்றம் குறித்து தலைமைச் செயலாளர் கிரிஜா வைத்தியநாதன் வெளியிட்ட உத்தரவு (பழைய பதவி அடைப்புக்குறிக்குள்):-
1. பிரதீப் யாதவ்- பள்ளிக்கல்வித்துறை முதன்மைச் செயலாளர் (கூட்டுறவு, உணவு மற்றும் நுகர்வோர் பாதுகாப்புத்துறை முதன்மைச் செயலர்)
2. த. உதயச்சந்திரன்- பள்ளிக் கல்வித் துறைச் செயலாளராகப் பணியைத் தொடர்வார்-- பாடத் திட்ட மாற்றம் தொடர்பான பணிகளைக் கையாள்வார். இவர் முதன்மைச் செயலாளரான பிரதீப் யாதவின் முழுமையான கட்டுப்பாட்டின்கீழ் பணிபுரிவார்.
3. ராஜேந்திரகுமார்- தொழில் மற்றும் வர்த்தகத் துறை ஆணையாளர் மற்றும் இயக்குநர் (எல்காட் தலைவர் மற்றும் நிர்வாக இயக்குநர்).
4. குமார் ஜயந்த்- கூட்டுறவு, உணவு மற்றும் நுகர்வோர் பாதுகாப்புத்துறை முதன்மைச் செயலர் (தாட்கோ நிர்வாக இயக்குநர்).
5. எஸ்.பழனிசாமி- பேரூராட்சிகள் இயக்குநர் (கால்நடை, பால்வளம் மற்றும் மீன்வளத் துறை துணைச் செயலாளர்).
6. கே.கோபால்- கால்நடை, பால் மற்றும் மீன் வளத்துறை முதன்மைச் செயலாளர் (தமிழ்நாடு நுகர்பொருள் வாணிபக் கழக நிர்வாக இயக்குநர்)
7. அசோக் டோங்ரே- ஆதிதிராவிடர் மற்றும் பழங்குடியினர் நலத் துறை முதன்மைச் செயலாளர் (தமிழ்நாடு விளையாட்டு மேம்பாட்டு ஆணையத்தின் உறுப்பினர் செயலர்).
8. ராஜேந்திர ரத்னு- பேரிடர் மேலாண்மை ஆணையாளர் (பூம்புகார் கப்பல் கழக நிர்வாக இயக்குநர் மற்றும் தொழில்நுட்பக் கல்வி இயக்குநர்- பொறுப்பு).
9. ஆர்.பழனிசாமி- கனிம வளங்கள் துறை ஆணையராக உள்ள இவர் தொழில்நுட்ப கல்வி இயக்குநர் பொறுப்பைக் கூடுதலாகக் கவனிப்பார்.
10. ரோகிணி. ஆர் பாஜிபாஹரே- சேலம் மாவட்ட ஆட்சியர் (கூடுதல் ஆட்சியர், மதுரை).
11. வி.சம்பத்- சமூக பாதுகாப்பு திட்டங்கள் துறை இயக்குநர் (சேலம் மாவட்ட ஆட்சியர்).
12. ஜி.லதா- சிவகங்கை மாவட்ட ஆட்சியர் (பேரிடர் மேலாண்மை நிர்வாக இயக்குநர்)
13. எஸ்.மலர்விழி- உள்துறை மதுவிலக்கு மற்றும் ஆயத்தீர்வைத் துறை துணைச் செயலாளர் (சிவகங்கை மாவட்ட ஆட்சியர்).
14. பிரசாந்த் எம்.வாட்னரே- கடலூர் மாவட்ட ஆட்சியர் (திருவண்ணாமலை மாவட்ட ஆட்சியர்).
15. டி.பி.ராஜேஷ்- தொழில் மற்றும் வணிகத்துறை கூடுதல் ஆணையாளர் (கடலூர் மாவட்ட ஆட்சியர்).
16. கே.எஸ்.கந்தசாமி- திருவண்ணாமலை மாவட்ட ஆட்சியர் (பெருநகர சென்னை மாநகராட்சி துணை ஆணையாளர்- கல்வி).
17. ஆர்.சுடலைக்கண்ணன்- எல்காட் நிறுவனத்தின் தலைவர் மற்றும் நிர்வாக இயக்குநர் (காதி மற்றும் கிராம தொழில்கள் துறை முதன்மைச் செயல் அலுவலர்).
18. எம்.சுதா தேவி- தமிழ்நாடு நுகர்பொருள் வாணிபக் கழக நிர்வாக இயக்குநர் (சமூகப் பாதுகாப்பு திட்டங்கள் துறை இயக்குநர்).
19. ரீட்டா ஹரீஷ் தாக்கர்- தமிழ்நாடு விளையாட்டு மேம்பாட்டு ஆணைய உறுப்பினர் செயலர் (தொழில் மற்றும் வணிகத் துறை கூடுதல் ஆணையர்).
20. பி. அண்ணாமலை- பூம்புகார் கப்பல் கழகத் தலைவர் மற்றும் நிர்வாக இயக்குநர் (ஆதி திராவிடர் மற்றும் பழங்குடியினர் நலத் துறை முதன்மைச் செயலர்).

 

]]>
http://images.dinamani.com/uploads/user/imagelibrary/2017/8/25/w600X390/pradeepyadav.jpg http://www.dinamani.com/education/2017/aug/25/பள்ளிக்-கல்வித்-துறைக்கு-முதன்மைச்-செயலர்-நியமனம்-ஐஏஎஸ்-அதிகாரிகள்-அதிரடி-மாற்றம்-2761268.html
2761266 கல்வி பிளஸ் 2 சிறப்பு துணைத் தேர்வு: மறுகூட்டல் முடிவுகள் நாளை வெளியீடு DIN DIN Friday, August 25, 2017 02:35 AM +0530 பிளஸ் 2 சிறப்புத் தேர்வு எழுதியவர்களின் மறுகூட்டல் மற்றும் மறுமதிப்பீட்டுக்கு விண்ணப்பித்த மாணவர்களுக்கான தேர்வு முடிவுகள் இணையதளத்தில் சனிக்கிழமை (ஆக.26) வெளியிடப்படவுள்ளது.
இது குறித்து அரசுத் தேர்வுகள் துறை இயக்குநர் தண்.வசுந்தராதேவி வியாழக்கிழமை வெளியிட்ட செய்தி:-
தமிழகத்தில் கடந்த ஜூன், ஜூலை மாதங்களில் நடைபெற்ற பிளஸ் 2 சிறப்புத் துணைத் தேர்வை 51,144 மாணவர்கள் எழுதினர். இதில் மறுகூட்டல் மற்றும் மறுமதிப்பீடு கோரி விண்ணப்பித்த தேர்வர்களில் மதிப்பெண் மாற்றம் உள்ள மாணவர்களின் பட்டியல் scan.tndge.in என்ற இணையதளத்தில் சனிக்கிழமை (ஆக.26) வெளியிடப்படவுள்ளது. இந்தப் பட்டியலில் இல்லாத மாணவர்களுக்கான விடைத்தாள்களில் எந்தவித மதிப்பெண் மாற்றமும் இல்லை என தெரிவிக்கப்படுகிறது.
மதிப்பெண் மாற்றம் உள்ள தேர்வர்கள்  www.dge.tn.nic.in என்ற இணையதளத்தில் தங்களது பதிவெண் மற்றும் பிறந்ததேதி ஆகிய விவரங்களை சனிக்கிழமை (ஆக.26) பதிவு செய்து திருத்தப்பட்ட மதிப்பெண்கள் அடங்கிய புதிய தாற்காலிக மதிப்பெண் சான்றிதழ்களை பதிவிறக்கம் செய்துகொள்ளலாம் என அதில் கூறப்பட்டுள்ளது.

 

]]>
http://www.dinamani.com/education/2017/aug/25/பிளஸ்-2-சிறப்பு-துணைத்-தேர்வு-மறுகூட்டல்-முடிவுகள்-நாளை-வெளியீடு-2761266.html
2761214 கல்வி சட்டப் படிப்புக்கு விண்ணப்பித்தோர் எண்ணிக்கை இரு மடங்கு அதிகரிப்பு DIN DIN Friday, August 25, 2017 01:16 AM +0530 வயது உச்சவரம்பு நீக்கம் காரணமாக, மூன்றாண்டு சட்டப்படிப்புக்கு இந்த ஆண்டு 13,500 பேர் விண்ணப்பித்துள்ளனர். இது கடந்த ஆண்டுகளில் விண்ணப்பித்தவர்களைவிட இரு மடங்கு அதிகம் என சட்டப் பல்கலைக்கழக அதிகாரிகள் தெரிவித்தனர்.
சட்டப்படிப்புகளில் சேர வயது உச்ச வரம்பு நிர்ணயிக்கப்பட்டிருந்ததை எதிர்த்து ரிஷப் துகால் மற்றும் ஏஎன்ஆர் ஆகிய மனுதாரர்கள் சார்பில் உச்ச நீதிமன்றத்தில் மேல்முறையீடு செய்யப்பட்டது. இந்த மேல்முறையீட்டு மனுவை விசாரித்த உச்ச நீதிமன்றம், இந்திய பார் கவுன்சிலின் வயது உச்ச வரம்பு நிர்ணய உத்தரவுக்கு இடைக்காலத் தடை விதித்து, வழக்கு மீதான விசாரணையை ஒத்திவைத்தது.
இதன் காரணமாக, சட்டப் படிப்புககளில் சேர வயது உச்ச வரம்பு நிர்ணயம் செய்வது நாடு முழுவதும் ரத்தானது.
இதனடிப்படையில், தமிழகத்திலும் 2017-18 கல்வியாண்டுக்கான சட்டப் படிப்பு மாணவர் சேர்க்கை வயது உச்சவரம்பின்றி நடைபெற்று வருகிறது.
தமிழ்நாடு டாக்டர் அம்பேத்கர் சட்டப் பல்கலைக்கழகம் சார்பில் இதுவரை பல்கலைக்கழக வளாகத்தில் அமைந்துள்ள ஆற்றல்சார் பள்ளியில் வழங்கப்படும் 5 ஆண்டுகள் ஒருங்கிணைந்த ஹானர்ஸ் சட்டப் படிப்புகள், மூன்றாண்டு ஹானர்ஸ் சட்டப் படிப்புகள் மற்றும் அரசு சட்டக் கல்லூரிகளில் வழங்கப்படும் 5 ஆண்டு ஒருங்கிணைந்த சட்டப் படிப்பு ஆகியவற்றுக்கான சேர்க்கை நடத்தி முடிக்கப்பட்டுள்ளது.
அடுத்ததாக, 7 அரசு சட்டக் கல்லூரிகளில் வழங்கப்படும் மூன்றாண்டு சட்டப் படிப்புக்கான சேர்க்கை செப்டம்பர் 2 ஆவது வாரத்தில் நடத்தப்பட உள்ளது. இதற்கு 13,500 பேர் விண்ணப்பித்துள்ளனர்.
இதுகுறித்து சட்டப் பல்கலைக்கழக அதிகாரிகள் கூறுகையில், வயது உச்ச வரம்பு நீக்கம் காரணமாக, இதுவரை இல்லாத அளவுக்கு மிக அதிமானோர், மூன்றாண்டு சட்டப் படிப்புக்கு விண்ணப்பித்திருக்கின்றனர். கடந்த ஆண்டு 6 ஆயிரம் பேர் மட்டுமே விண்ணப்பித்திருந்தனர். தற்போது 13,500 மாணவ, மாணவிகள் விண்ணப்பித்திருக்கின்றனர் என்றனர்.

 

]]>
http://www.dinamani.com/education/2017/aug/25/சட்டப்-படிப்புக்கு-விண்ணப்பித்தோர்-எண்ணிக்கை-இரு-மடங்கு-அதிகரிப்பு-2761214.html
2760629 கல்வி 2,653 கூடுதல் மருத்துவ இடங்களுக்கான விண்ணப்பம் நிராகரிப்பு: ஜெ.ராதாகிருஷ்ணன் DIN DIN Thursday, August 24, 2017 01:24 AM +0530 தமிழக அரசு மருத்துவக் கல்லூரிகளில் 2,653 கூடுதல் இடங்களைப் பெறுவதற்கான விண்ணப்பம் நிராகரிக்கப்பட்டது என்று சுகாதாரத் துறைச் செயலர் ஜெ.ராதாகிருஷ்ணன் கூறினார்.
நீட் தேர்வுக்கு விலக்குப் பெறுவது தொடர்பான முயற்சிகள் மேற்கொள்ளப்பட்டபோது சிபிஎஸ்இ மாணவர்களுக்கும், மாநிலப் பாடத்திட்ட மாணவர்களுக்கும் சமமான வாய்ப்பு வழங்கும் வகையில் அரசு மருத்துவக் கல்லூரிகளில் 2,653 இடங்களைக் கூடுதலாக உருவாக்க அனுமதி அளிக்க வேண்டும் என்று இந்திய மருத்துவக் கவுன்சிலுக்கு தமிழக அரசு சார்பில் கோரிக்கை விடுக்கப்பட்டது. இதற்கான திட்ட அறிக்கையை துறைச் செயலர் ஜெ.ராதாகிருஷ்ணன் சமர்ப்பித்தார்.
அதன் தொடர்ச்சியாக தமிழகத்தில் உள்ள 22 அரசு மருத்துவக் கல்லூரிகள் மற்றும் அரசிடம் இடங்களைச் சமர்ப்பிக்கும் 12 தனியார் மருத்துவக் கல்லூரி முதல்வர்களுக்கும் மருத்துவக் கல்வி இயக்ககம் ஆகஸ்ட் 19-ஆம் தேதியிட்ட ஒரு கடிதத்தை அனுப்பியது. அதில் சென்னை மருத்துவக் கல்லூரி, ஸ்டான்லி மருத்துவக் கல்லூரியில் தலா 148 இடங்கள் வீதம் ஒவ்வொரு மருத்துவக் கல்லூரியிலும் அதிகரிக்க உத்தேசித்துள்ள இடங்கள் குறிப்பிடப்பட்டிருந்தது. இந்த இடங்களை அதிகரிப்பதற்கான உள்கட்டமைப்பு வசதிகள், பேராசிரியர்களின் எண்ணிக்கை உள்ளிட்ட சாத்தியக்கூறுகளை உடனடியாகத் தெரிவிக்க வேண்டும் என்று அதில் தெரிவிக்கப்பட்டிருந்தது.
இந்நிலையில், மருத்துவக் கல்லூரிகளில் உள்ள இடங்கள் அதிகரிக்கப்படாது என்று துறைச் செயலர் ஜெ.ராதாகிருஷ்ணன் தெரிவித்தார்.
இது தொடர்பாக அவர் மேலும் கூறியது: நீட் தேர்வில் இருந்து விலக்கு அளிக்கும் சட்டம் இயற்றுவதற்கு வாய்ப்பில்லை என்பதால் நீட் தேர்வின் அடிப்படையில் தமிழகத்தில் மாணவர் சேர்க்கை நடத்த உச்சநீதிமன்றம் உத்தரவிட்டது.
இதனால் கூடுதல் இடங்கள் உள்ளிட்ட மாணவர் சேர்க்கை தொடர்பான இதர கோரிக்கைகளும் நிராகரிக்கப்பட்டன என்றார்.

]]>
http://www.dinamani.com/education/2017/aug/24/2653-கூடுதல்-மருத்துவ-இடங்களுக்கான-விண்ணப்பம்-நிராகரிப்பு-ஜெராதாகிருஷ்ணன்-2760629.html
2760628 கல்வி 3,016 மாநிலப் பாடத் திட்ட மாணவர்கள் நீட் தேர்வில் தேர்ச்சி பெறவில்லை DIN DIN Thursday, August 24, 2017 01:23 AM +0530 மருத்துவப் படிப்புகளுக்கு விண்ணப்பித்த மாநிலப் பாடத்திட்ட மாணவர்களில் 3,016 பேர் நீட் தேர்வில் தேர்ச்சி பெறவில்லை.
மருத்துவப் படிப்புகளுக்கு விண்ணப்பித்தோரில், நீட் தேர்வில் அந்தந்த வகுப்பினரின் தேர்ச்சிக்காக சிபிஎஸ்இ நிர்ணயித்த 40 முதல் 50 சதவீதமான (Percentile)  மதிப்பெண்ணை, 2,805 மாநிலப் பாடத்திட்ட மாணவர்களும், 29 சிபிஎஸ்இ உள்ளிட்ட பிற பாடத்திட்ட மாணவர்களும் பெறவில்லை.
விண்ணப்பித்தவர்களில் 3,016 மாநிலப் பாடத்திட்ட மாணவர்களும், 63 பிற பாடத்திட்ட மாணவர்களும் நீட் தேர்வில் தேர்ச்சி பெறவில்லை.
நீட் தேர்வில் இருந்து விலக்கு கிடைத்துவிடும் என்ற நம்பிக்கையில் தேர்வை எழுதாத 211 மாநிலப் பாடத்திட்ட மாணவர்களும், 34 பிற மாநிலப்பாடத்திட்ட மாணவர்களும் மருத்துவப் படிப்புகளுக்கு விண்ணப்பித்துள்ளனர். மேற்கூறிய அனைத்து மாணவர்களும் கலந்தாய்வுக்கு அழைக்கப்படவில்லை. 393 மாணவர்கள் ஒன்றுக்கும் மேற்பட்ட விண்ணப்பங்களைச் சமர்ப்பித்துள்ளனர்.

 

]]>
http://www.dinamani.com/education/2017/aug/24/3016-மாநிலப்-பாடத்-திட்ட-மாணவர்கள்-நீட்-தேர்வில்-தேர்ச்சி-பெறவில்லை-2760628.html
2760627 கல்வி நீட் குழப்பத்தால் எம்.பி.பி.எஸ். இடம் கிடைக்காத மாணவர்களுக்கு உரிய ஆலோசனை: அரசுக்கு உயர் நீதிமன்றம் அறிவுரை DIN DIN Thursday, August 24, 2017 01:23 AM +0530 நீட் குழப்பத்தால் மருத்துவப் படிப்பில் இடம் கிடைக்காத கவலையில் மாணவர்கள் விபரீத முடிவுகளை எடுக்காத வகையில் அவர்களுக்கு உரிய ஆலோசனைகளை வழங்குமாறு தமிழக அரசுக்கு சென்னை உயர்நீதிமன்றம் அறிவுறுத்தியுள்ளது.
சென்னை உயர் நீதிமன்றத்தில் உடுமலைப்பேட்டையைச் சேர்ந்த எஸ்.கிருத்திகா என்ற மாணவி தாக்கல் செய்த மனுவில், 'நான் பிளஸ் 2 தேர்வில் 1,184 மதிப்பெண்களுடன் 199.25 கட்-ஆஃப் மதிப்பெண்ணும், நீட் தேர்வில் 154 மதிப்பெண்ணும் பெற்றுள்ளேன். எனவே, மருத்துவப் படிப்புக்கான கலந்தாய்வில் என்னை அனுமதிக்க அரசுக்கு உத்தரவிட வேண்டும்' என்று கோரியிருந்தார்.
இம்மனு நீதிபதி என்.கிருபாகரன் முன்பு விசாரணைக்கு வந்தபோது அவர் கூறியது:
மருத்துவ மாணவர் சேர்க்கை குறித்த முடிவை தகுந்த நேரத்தில் எடுக்காமல் மாணவர்களுக்கு ஏற்பட்ட அநீதிக்கு தமிழக அரசுதான் காரணம்.
பல்வேறு பாடத்திட்டங்களில் பயின்ற மாணவர்கள் நீட் தேர்வை எழுதும்போது, மத்திய இடைநிலைக் கல்வி வாரியம் (சிபிஎஸ்இ) தேர்வு நடத்துவதற்கு அனுமதி வழங்கியிருக்கக் கூடாது.
நீட் தேர்வு மதிப்பெண் அடிப்படையில் மருத்துவப் படிப்புக்கான கலந்தாய்வு நடைபெறும் போது, தனது மகளுக்கு மருத்துவப் படிப்பில் இடம் கிடைக்காமல் போகும் வாய்ப்பு உருவாகுமோ என்ற அச்சத்தில் பெற்றோர் தற்கொலை செய்து கொண்டதாக ஊடகங்களில் செய்திகள் வெளியாகி உள்ளன.
கடந்த 10 ஆண்டுகளாக பாடத்திட்டத்தை மாற்றாததும், கற்பிக்கும் முறையை மாற்றாததும், நீட் தேர்வை நடத்த சிபிஎஸ்இ-க்கு அனுமதி வழங்கியதும்தான் மாணவர்கள் நீட் தேர்வில் குறைந்த மதிப்பெண் பெற பிரதான காரணம்.
இவற்றால் மாணவர்கள், பெற்றோர் கனவு தகர்க்கப்பட்டுள்ளது. மருத்துவப் படிப்பில் இடம் கிடைக்காத கவலையில் மாணவர்கள் மற்றும் அவர்களின் பெற்றோர் தற்கொலை போன்ற தவறான முடிவுகளை எடுக்காமல் இருப்பதை உறுதிப்படுத்த தகுந்த ஆலோசனைகளை (கவுன்சிலிங்) தமிழக அரசு வழங்க வேண்டும் எனக்கூறிய நீதிபதி என்.கிருபாகரன், இந்த வழக்கில் விரிவான உத்தரவை புதன்கிழமை பிறப்பிப்பதாகத் தெரிவித்தார்.

 

]]>
http://www.dinamani.com/education/2017/aug/24/நீட்-குழப்பத்தால்-எம்பிபிஎஸ்-இடம்-கிடைக்காத-மாணவர்களுக்கு-உரிய-ஆலோசனை-அரசுக்கு-உயர்-நீதிமன்றம்-2760627.html